Text
ff. 1a–345b · 690 folio sides
- 1a
snga 'gyur rgyud 'bum rin po che'i rtogs brjod 'dzam gling tha grur khyab pa'i rgyan zhes bya ba bzhugs so//
- 1b
// rgyal rnams ye shes gzugs kyi 'jo sgeg ngo mtshar grub pa'i zhal sbyin can// 'bar dang 'jam rgyas chags pa'i brtul bzhugs shin tu shugs drag thugs rje'i byin// 'dren pa stong gi dbus na mngon mtho lhun grub rig 'dzin pad+ma'i zhabs// grong khyer gsum gyi 'jigs pa 'phrog kyin gangs can bstan 'gro'i gtsug na mdzes// gang zhig rten cing 'brel 'byung chos ni gcig dang du mar yong ye ma bzung dngos dang dngos med ngo bo nyid// mkhas bzhin shin tu rnam par mi rtog so sor rang gi rig bya nyid de spros pa nyer zhi chos kyi sku// mtha' gnyis dgra bcom nges pa lnga yi chos kyi rgyal srid chen pos 'byor pa kha sbyor bdun ldan longs spyod rdzogs// ma lus mi lus lus pa med gang rnam byang slad du sna
- 2a
tshogs sprul pa'i rjes su son pa der phyag 'tshal// grangs med gsum gyi tshogs gnyis par rtses mtshan dpe'i ngo mtshar bris pa'i gtam// blo mchog rnams kyi khyad par ma yin thug mtha' med pa'i chos nyid nas// rnam pa kun gyi mchog ldan gang las gzhan yang 'pho med shAkya'i tog/ bye ba phrag brgya'i zhing gi 'gror snang rin chen rnam gsum gtsug/ na spyon// 'khor ba myang 'das ka nas rnam dag stong chen ye shes phyag rgya'i dngos// lhun grub mtshan dper mnga' dbang rdzogs pa'i dang po'i sangs rgyas kun tu bzang // gang las du mar ma phye mi 'byed rigs brgya rigs lnga rigs kun bdag/ zhi dang khro bo'i rnam 'gyur mtha' klas tshom bu'i 'khor lo la phyag 'tshal// tshig dang yi ge'i spros pa kun bral
- 2b
rgyal thabs spyi blugs rig pa'i dbang // gsang bdag dpa' bo'i byin gyis thob las sde gsum 'bum phrag drug cu'i mdzod// thugs kyi dpal be'u bcud du 'dril las theg mchog ston pa dga' rab rje// 'das rjes thob pa'i paN grub rnam gsum gtsug tor dza lan+d+ha ra'i tog/ rgyal rigs gang zag 'bab ldan klung la bstan pa'i chu mgo'i rlabs phreng g.yo// rigs can lnga dang glegs bam dbang thob lung bstan rdo rje ku ku rA/ sangs rgyas gsang ba nA gardzu sogs dpal chen grub pa'i rig 'dzin brgyad// rnam gsum yo ga'i shing rta che rnams gtsug gi nor bu las gzhan gang // rdzogs pa chen po brjod du med pa'i 'pho chen ye shes rdo rje'i khams// rang dbang gyur las bcu drug ye shes bla ma'i sar gshegs bi ma la// gangs ri'i khrod na rdo rje'i lam la rnal du 'byor pa'i sa mkhan du// thob las 'ja' lus grub mtha' snyogs pa'i grags pa nam mkhar shong ba min// thub bstan sde snod shing rta'i srol 'byed klu sgrub thogs med phyogs kyi glang // 'grel mdzad dbyig gnyen 'phags pa lha dang chos kyi grags pa 'dzam gling rgyan// sgra can 'dzin dang dpa' bo chos skyong yon tan 'od ste chen po bzhi// zhi ba'i lha dang tsan+da go mi'i rnam dpyod rgyal bstan srog shing nyid// 'di na gangs can mun pa'i gling gi spun zla ra byas te shin tu
- 3a
/ yang // blo la gdung ba'i khur du lci la chos rgyal mes dpon gsum mnyam yang // thugs bskyed dpung pa btsan po'i 'khrul 'khor dam bca'i ri mo ma rmad pas// ljongs 'dir rgyal bstan shing rta'i kha lo drangs pa min nam khri srong rje// srid la nges 'byin sdom brtson yongs kyi skyed byed mkhan po zhi ba 'tsho// chos rab 'byed pa'i spyan mi 'dzum pa 'jig rten mig gcig be ro rje// rma gzhags la sogs skad gnyis smra dbang bstan pa'i gsal byed lo pa Na tshogs// grub brnyes dbang po bcu phrag gnyis dang lhag bcas lnga yi 'khor lor 'dud// rab 'byams shes byar srid do cog gi rin chen sna bdun mdun nas bdar khyod phyogs kyi glang por da gdod 'khrul// rgol ngan rtsod pas thal bar brlog la yan lag bzhi pa'i g.yul ngo bshams gang chos kyi grags par 'phyang mo nyug/ 'chad dang brtsom pa'i gser 'khor rtsibs stong thogs rdugs med par mkha' la song 'di dbyig gnyen 'am ni dpa' bo'i zhabs// shing rta'i lam srol mang bkur khri la rdo rje snying po'i rgyal rnga legs brdung kun mkhyen ngag gi dbang po rgyal// shes bya'i gnas la mi mkhyen bya ba gal te srid na sdang zhen ma yin mod la za ba'i rong zom zhabs// zung 'jug grub pas he ru ka yi brtan pa nyer 'phrog gzungs dang zad par gsad gso'i dbang phyug
- 3b
zur mes dpon// rgyud dang sde snod rgya mtshor spyod la 'gran gyi do med g.yung ston rje dang mnga' ris pa Na chen pad+ma dbang // so zur gnubs te snga 'gyur bstan pa'i babs so gsum las legs 'ong mkhas dang grub dbang kun la phyag btsal nas// 'di na sku gsum ston pas legs gsungs bstan pa'i ngo bo lung rtogs chos tshul ma lus lus pa med pa'i sgo// rnam gsum yo ga'i rgyud sder rdzogs pa btso sbyangs 'dzam bu chu bo'i gser zhun skal ba mchog gis bsgrub bya'i dngos// dam chos 'jig pa'i chu gter rum du bying gis dogs pas me tshogs spu gri'i 'khrul 'khor bzod pa'i snying stobs shugs// rang zhal ngoms pa'i ngo mtshar gtam gyi gzugs brnyan ston na su zhig ngag gi dbang phyug grub pa bden dpang spyon// de la 'di skad ces/ mi mjed 'di na mthu dbang dang dpal 'byor gyis shin tu snyems pa tshangs pa dang / dbang pos phyag byas shing / drang srong grub pa mchog gis kyang rab tu bstod cing bsngags/ lha dang lha min dri za grul bum mi'am ci klu mchog rnams kyis kyang mgo bos phyag byas pas/ srid zhi ma lus pa'i gtsug tor gyi rtse mor zhabs sen legs par bkod cing / dmigs pa med pa'i thugs rje chen po'i 'phrin las tshad med pa'i srid pa gsum gyi khams zhing gi rdul snyed dang 'tsham pa'i 'gro ba rnams kyi dri ma 'dris pa'i
- 4a
mdza' bshes su gyur pa ni rgyal ba bu ram shing pa nyid do// de nyid kyi legs par gsungs pa'i lung dang rtogs pa'i bstan pa rin po che'i grib bsil la ngal bso'i dbugs 'byin thob pa rnams 'phral yun gyi phan bde ma lus pa'i 'byung gnas gcig pur nges pa ni dam pa'i chos kho na'o// 'dir de nyid 'jig rten gyi sgron mar gsal ba'i dngos po nges par bstan pa la spyi don rnam pa dgu/ ston pa 'jig rten du byon tshul/ de'i bstan pa 'phags pa'i yul du su zhig gi bskyangs pa/ bstan pa de nyid bod du byon tshul/ de las snga 'gyur rdo rje theg pa'i bstan pa dang de 'dzin bye brag tu bshad pa/ bstan pa de dag gi nges 'byed gsal ba'i 'bras bu/ de la bya ba las kyi 'khor los zhabs tog ji ltar byas pa/ chos kyi rnam grangs de snyed kyi bzhugs tshul/ dge rtsa byang chub tu yongs su bsngo ba dang rnam grangs dgu yis ston to// de la dang po ni/ bdag cag gi ston pa 'dis dang por thugs bskyed pa nas bzung ste lam lnga'i 'khor lo mngon du mdzad nas 'dzam bu'i gling du mdzad pa bcu gnyis ston pa la mi mthun pa med de theg chen pa'i khyad par/ lang+kar gshegs pa las/ 'dod pa'i khams dang gzugs med du// sangs rgyas mngon par sangs mi rgya// gzugs kyi khams kyi 'og min du// 'dod chags bral khyod der sangs
- 4b
rgya// zhes pas lam lnga'i yon tan mngon du mdzad pa'i mthar sangs dngos 'og min du rgyas pas 'dzam gling gi mdzad pa bcu gnyis tshul bstan pa yin par 'dod cing / rten de la'ang skye 'phags kyi khyad par / yod pas lam lnga'i 'gros kyang de dang mthun par blta'o// sgyu 'phrul bla ma la sogs pa'i gsang sngags kha cig 'di dang rnam pa mtshungs pa la khyad par/ dka' spyad kyi tshe sku chu klung gi 'gram las mi g.yo bzhin du thugs rang snang don gyi 'og min du sangs rgyas rnams las 'od zer chen po'i dbang nod nas gshegs pa'i tshul de nyid las/ don grub dka' thub lus can la// phyogs bcu'i rgyal ba sprin bzhin du// 'dus pas longs spyod don gyi phyir// srod dang tho rangs dus nyid du// nyi zla za ba'i dbang byin nas// rol pa'i ka ra bstan pa yis// de bzhin de bzhin gshegs pa'o// zhes so// de ltar thun mong dang thun mong ma yin pa'i lugs de dag ni gdul bya'i ngo bo dgongs pa tsam du zad kyi/ nges pa'i don du 'di ni bsam par mi nus te/ chos kyi sku thog ma med pa'i dus nas gdod ma'i gnas su mngon par byang chub cing / de las g.yos pa med bzhin du longs spyod rdzogs pa dang / sprul pa'i sku tshad med pa gang 'dul gyi ngor 'char nub ltar snang ba'i tshul rdo rje'i gnas chen po rnams nas ston pa yin te yid
- 5a
bzhin rin po che bkod pa'i rgyud las/ kun gyi sngon rol sangs rgyas pa// rdo rje 'dzin rgyal gsang ba che/ bsam yas zhing du rnam par rol// grangs med snga phyi dus kun du// zhi dang khro tshul dpag med cing // rngon dang smad 'tshong la sogs gzugs// sna tshogs tshul gyi don mdzad kyang // da dung skal pa bzang po 'dir// 'dren pa stong du bsgyur mdzad cing // de bzhin sna tshogs tshul 'chang bas// dpag med 'gro ba'i don mdzad do// zhes so// de la 'dzam bu'i gling 'dir mdzad pa bcu gnyis kyi don mdzad pa'i tshul ni/ rgyud bla ma las/ chos kyi sku las ma g.yos par// sprul pa'i rang bzhin sna tshogs kyi/ skye ba mngon par skyes pa dang // dga' ldan gnas nas 'pho ba dang // lhums su 'jug dang bltams pa dang // bzo yi gnas la mkhas pa dang // btsun mo'i 'khor gyis rol pa dang // nges 'byung dka' ba spyod pa dang // byang chub snying por gshegs pa dang // bdud sde bcom dang rdzogs par ni// byang chub chos kyi 'khor lo dang // mya ngan 'da' bar ston mdzad rnams// yongs su ma dag zhing rnams su// srid pa ji srid gnas par ston// zhes pa las/ bdag cag gi ston pa 'di dga' ldan gyi lha'i gnas ris bzang po na lha'i bu dam pa tog dkar po zhes bya bar gyur nas/ lha rnams la chos ston cing de rnams dang thabs
- 5b
cig go/ de'i tshe 'khor gyi khyams su mar me mdzad kyi lung bstan bskul ba'i tshigs su bcad pa rol mo'i sgra las rang byung bas/ dam pa tog dkar chos kyi mngon par mtho ba'i khang bzang du khri rab tu bzang po la bzhugs nas/ 'dzam bu'i gling du skye ba 'dzin pa'i mdzad pa ston pa la/ gling dang / rigs dang / yab dang / yum dang / dus dang lnga'i khyad par gyis gzigs pa lnga la gzigs so// de ltar gzigs nas lha rnams la kho bo 'dzam+bu'i gling du lha mo sgyu 'phrul ma'i lhums su nying mtshams sbyar nas bdud rtsi zab mo ni mngon du byed/ rtog ge pa bco brgyad ni zil gyis gnon par byed/ 'gro ba mang po ni rnam par byang ba la 'god par byed pa'i gsung gi dbugs phyung nas/ bram ze'i rig byed kyi rjes su bstan pa'i glang po gzhon nu thal kar gyi rnam pas yum gso sbyong la gnas pa'i lhums su gshegs so// gshegs nas kyang lhums de ni lta na sdug pa/ srid pa'i 'du byed kyi rnam par dben pa/ rgyal sras rnams kyi nye bar spyad pa'i gzhal med khang du byin gyis brlabs nas lha mi khri khrag bye ba mang po la skye gnas yongs su sbyong ba'i chos ston to// der sa bcu'i nges pa mtshon pa'i zla ba bcu'i phung po ni rdzogs/ rnam pa nyi shus byang chub pa'i sku gser gyi gtan pa phyis pa lta bu 'jig rten gyi bsod nams lum+bi'i tshal gyis thob pa'i dus la
- 6a
/ babs te/ yum gyi rtsib ma'i sgo 'phar nas len pa med par rang byon to// de'i tshe rgyal rigs kyi bu spyi bo nas dbang bskur ba'am/ mi bskyod rdo rje la sogs pa'i sangs rgyas thams cad rang gi ngo bopor gyur pa rigs sad pa'i mtshon byed lha'i bu rnams ni nam mkha'i dbyings nas khrus kyi bya ba la gcig tu brtson/ bar snang gi lha dag ni bstod dbyangs kyis sri zhus rnam par g.yeng / tshangs pa dang brgya byin gyis gos zung gi reg pa 'phrod par byed/ byang chub sems dpa' btsas ma thag pa nas tshad med bzhi'i lam la phyogs pa la rings pa ston phyir phyogs bzhir gom pa bdun bdun 'dor ba'i shul na sa lhas phul ba'i pad+mo'i ge sar yang lham mer gsal lo zhes grags so// gang gi tshe lum+bi'i tshal du me tog rnams rang kha bye/ gcung dga' la sogs pa'i shAkya gzhon nu lnga brgya dang / sngags ldan la sogs pa bzhon pa'i mchog lnga brgya'ang btsas/ sa chen po 'di rab tu g.yos shing 'od zer gyi snang ba chen pos khyab pas/ khams kyi rgyal phran bzhi po dag rang rang la bu btsas pa'i rtags su rlom par byed do// de nas kun gyi bshes gnyen dang / srin bu go cha la sogs par yi ge dang / rtsis dang / zhang po bzang len las glang po'i gnyar zhon pa sogs sgyu rtsal gyi gnas mang po la mtha' gtugs pa'i nyams 'og tu chud par mdzad
- 6b
cing pho brang du bzhugs so// de'i tshe yab kyis lag na be con la sogs pa'i shAkya'i rigs gsum gyi bu mo btsun mor byin zhes bsgo ba la/ lha bdag cag gi rigs ni gyad kyi 'dzin stangs shes pa la yin gyi gzhan du ma yin no// der yang ngo gnag par gyur pa la gzhon nus smras pa/ 'jig rten gsum na 'phong dang sgyu rtsal gyi gnas la bdag la 'gran par spobs pa 'ga' yang med do/ zhes rdo thogs zhal gyis 'ches nas shAkya gtum po gzu lum can dag dang sgyu rtsal 'gran par dril sgrags nas grong khyer gyi phyi rol tu chas so// de'i tshe yangs pa can nas gzhon nu la 'bul du lhags pa'i glang po cher lha byin shin tu'ang phrag dog pa'i sems kyis thal mo bsnun pa tsam gyis mthus gsad do// de gcung dga' pos sgo khang nas phyir rol du stobs kyis bor ro// gnyis ka'i mthu sad phyir byang chub sems pa shing rta las ma babs bzhin du zhabs kyis mthe bos mjug ma nas bzung ste rab bdun 'das pa'i ljongs su dor ba la lhas bstod cing bsngags so// de nas ta la'i ljon pa dang / lcags kyi pha gu dang / sla nga rnams bdun bdun du brtsegs pa la nyag phran gyi sbyor bas gcod tshabs 'gran pa la zhugs pa na/ lhas byin gyis ni gsum/ gcung dga' bos lnga/ gzhon nus thams cad las phyir thal ba'i sa nas mda' chu khron pa skyes bya ba yan
- 7a
lag brgyad dang ldan pa'i chu mig kyang byung ngo // de bzhin du lang tsho'i stobs kyi skye la 'gran pa dang / glang po'i gnyar zhon pa dang / chu klung chen por ngang pa ltar gshegs pa la sogs sgyu rtsal bzhi'i gnas thams cad la byang chub sems dpa'i gyad kyi 'dzin stangs la sus kyang spobs par ma gyur to// 'jig rten mkhyen pa'i dbang po ni re zhig de dang ngang tshul mthun par 'jug pas skyes bu 'dul zhing / dbang po gzhan dbang du gyur pa'i kha na ma tho ba spangs phyir/ bud med kyi skyon lnga dang bral zhing / yon tan brgyad dang ldan pa sa 'tsho ma dang / grags 'dzin ma/ ri dgas skyes te rang rang la 'khor nyi khri nyi khri'i tshogs dang bcas btsun mo'i mchog drug khri khab tu bzhes nas 'dod yon gyi snang ba la sgyu ma lta bur longs spyod do// de ltar spyod pa'ang yang dag spong ba la rab tu zhugs nas srid pa'i kha lo chos su bsgyur ba ni/ sil snyan gyi sgra las sngon gyi smon lam gyi mthu rab tu sad par bskul bas/ 'dun pas shing rta'i kha lo ba byas te grong khyer gyi phyogs bzhir skyo sangs la gshegs pa na/ skye rga na 'chi'i mtshan nyid bzhi gzigs pas thugs rab tu skyo ste 'di skad du/ rga dang na dang 'chi 'gyur ba// gal te 'di gsum yod min na// bdag kyang shin tu yid 'ong ba'i// yul rnams la ni dga' bar byed// ces phun sum tshogs pa
- 7b
yang rtag pa ma yin pa/ 'gyur ba'i sdug bsngal dang 'grogs shing / khyab pa 'du byed kyis khyab pa/ sdug bsngal gyi sdug bsngal phyi bzhin 'breng ba'i chos nyid la shin tu'ang thugs byung nas nges par 'byung ba la dam bcas so// de'i tshe zas gtsang ma'i tshogs rnams ni gzhon nu rab tu 'byung gis dogs pa'i grong khyer gyi khor yug spyan pa ba dang mel tshes bsrung ba la brtson par byed pas gshegs su ma gter ba'i nub tha ma la/ yab la phyag gi ni btud/ tha tshig gi bcud de pha mas ma gnang ba'i mtha' gsal/ chibs sngags ldan gyi steng na rgyal chen bzhi'i srid zhu dang bcas ste nam mkha'i dbyings nas gshegs so// der mchod rten rnam dag gi drung du nyid kyi dbu skra nyid kyis dor te rab tu byung ba'i rtags ma yin pa dor/ sha na'i gos dang ngur smrig brjes nas gsol/ yangs pa can dang rgyal po'i khab tu rtog ge pa gdams ngag che bar grags pa ring 'phur dang lhag spyod gnyis las ci yang med pa dang / srid rtse'i ting 'dzin slob dpon gyi go 'phang de srid ni mngon du mdzad kyang / ting 'dzin dang kun tu spyod pa de dag ni srid pa'i nyes dmigs las grol ba'i lam ma yin par mkhyen nas chu klung chen po ne rany+dza na'i 'gram du lnga sde bzang po bcas lo dang po gnyis la 'bras nyag ma re/ bar pa gnyis la chu thigs pa re/ tha ma gnyis la ci
- 8a
yang ma gsol ba'i dka' thub kyi ting nge 'dzin lo drug bsten no// de'i tshe lha rnams kyis tshigs su bcad pas ni bskul/ phyogs bcu'i rgyal ba sras dang bcas pas ni lam dman pa las sad par byas nas byang chub snying por rab tu bskul lo// der ngal zhing dub pa'i mtha' bsal ba'i phyir rags pa'i kha zas la cung zad spyad pas lnga sde bzang po mi mos par gyur te wA rA Na sIr song ngo // de nas ma ga d+ha rdo rje'i gdan du bzhud pa'i lam la bram ze'i bu mo legs skyes mas pa men lnga brgya'i 'o ma nying khur bsings pas bsnyen bkur ba'i mod la/ sku lus gser gyi gtan pa phyis pa bzhin du gyur cing / de'i bsod nams chud mi 'dza' bar mdzad/ lam du rtswa 'tshong bkra shis las rma bya'i mgrin pa lta bur reg na 'jam pa'i rtsa phyag gang bzhes nas rdo rje'i gdan du byon/ sangs rgyas thams cad kyi byin brlabs las rang byung ba'i rdo rje'i gdan byang chub shing gi snying po can du rtswa'i gding ba la skyil mo krung bcas nas/ stan 'dir bdag gi lus 'di skam yang rung // pags pa rus pa'i tshogs rnams zhig kyang rung // bskal mang rnyed dka'i byang chub ma thob par// stan 'di las ni lus bskyod mi bya'o// zhes so// de ltar dam bca' brtan po'i srod kyi cha la bdud sde 'joms pa'i ting nge 'dzin la mnyam par bzhag nas/ bdud kyi
- 8b
gnas thams cad dkrogs shing spa bkong ba'i 'od zer gyi khyab par mdzad pas/ bdud sdig to can rngon pa'i cha byad du rdzu yin lhags nas ser skya'i grong ni lha sbyin gyis mnan pho brang bcom/ shAkya rnams ni kha btags/ khyod 'di na ci'i phyir 'dug/ lan du/ mngon par sangs rgyas pa'i slad du'o// bdud kyi smras pa/ mngon par rdzogs par 'tshang rgya ba ni tshogs dpag tu med pa bsags pa'i 'bras bu yin na/ khyod ni rgyal po'i bu skyid bder gnas pa tsam mo// byang chub sems pas lan du/ khyod kyi gtan pa med pa'i mchod sbyin gcig kho nas 'dod pa khams kyi dbang phyug thob na/ ngas bskal pa dpag tu med par tshogs gnyis rdzogs par byas pas ci'i phyir 'tshang mi rgya/ dga' rab dbang phyug mdzub mo gnyis sbrengs te gshung ba'i ngag/ ngas ni 'di na mchod sbyin gtan pa med// byas pa la ni khyod nyid dbang yin na/ khyod la 'di na dbang 'ga' yod min pas// smras kyang dbang med khyod ni ye pha ma yin// zhes zer ro// der byang chub sems dpas bsod nams brgya las grab pa'i phyag sa la bsnun nas/ sa 'di 'gro ba kun gyi gnas yin te// rgyu dang mi rgyu snyoms shing nye 'khon med// 'di ni bdag gi dpang ste bdag rdzun med// 'di la khyod ni bdag gi dpang byos shig/ ces gsungs ma thag tu sa'i lha mo brtan ma gser gtso ma lta/
- 9a
bu'i lus phyed sa las 'thon te/ rdul phra rab gcig bzung nas/ ngas sa'i dkyil 'khor chen po 'di 'di tsam gyi cha shas su bgrang bar nus kyis/ rigs kyi bu 'dis mgo dang yan lag byin pa ni bgrang bar mi nus pas mngon par rdzogs par sangs rgya ba'i dus la bab bo zhes brjod nas mi snang bar gyur pa dang / bdud sdig can shin tu skyengs shing yul yul por gyur nas rang gnas su song ngo // song nas kyang bdud kyi dmag bye ba dung phyur dag sbran nas sgyu ma lta bu'i blo mchog ma yin pa rnams 'jigs shing skyi bung bar byed pa'i g.yul bshams te lhags so// 'di ltar nyon mongs pa'i dgra bcom zhing nam mkha' lta bu'i sems kyi rang gi ngo bo nyid med par mthong ba dag la dpung dang bcas pa'i 'khrul 'khor gyis rdzi bar nus pa ma yin pas/ byang chub sems dpa' la khong khro ba dang rtun ngas pa'i rnam par rtog pa ni cang med do// byams pa chen po'i ting nge 'dzin la mnyam par bzhag pas/ mtshon cha 'phangs pa ni me tog gi char du bab mi snyan pa'i sgra skad ni bstod dbyangs kyi rang bzhin du gyur pas/ g.yon can dpung dang bcas pa 'dod pa'i dug sdong ni 'gyel/ mda' lnga'i me tog ni lhung / khengs pa'i brag ri ni nyil/ g.yul gyi rtul zhugs ni smad/ chu srin rgyal mtshan ni nub/ dran pa'i shing rta ni 'bros pa la rings pas
- 9b
mgo yang rmongs pa'i gnas su byer bar gyur to// slar yang rang gi bu mo bdun mdzes ma'i cha byad du bsgyur te chags pa'i zol gyis bslu bar brtsams nas pad dkar ma'i 'gyur ba ni rngom/ me na ka'i do shal ni 'phyang / legs rgyan ma'i ska rag ni 'ching / skra 'dres ma'i gdu bu ni 'khrol ba la sogs pa rab myos ma'i g.yo sgyu sum cu rtsa gnyis kyi zhags pa'i 'debs pa la brtson na yang / byang chub sems dpa' la ba / spu'i rtse mo g.yo ba'i skabs kyang med pas rgan mo bdun du byin gyis brlabs pas slar 'gyod de bzod par gsol bas sor chud du stsal lo// de nas mngon par byang chub pa'i dus la babs te/ dgung gi cha la bsam gtan bzhi pa'i ting nge 'dzin nyams 'og tu btsud/ thong rangs rgyal rnga brdung du nye ba na lha'i mig dang zag pa zad pa'i mngon shes bskyed de/ bden bzhi mthar phyin mas mngon par rdzogs par sangs rgyas pa na sa chen po 'di rab tu g.yos shing / dbu ma 'od gsal chos sku'i khang mdzes dam par gzung 'dzin dag bya'i khams rnams ma lus pa gnyis su med pa'i ye shes su byang chub pas/ 'jig rten na zla ba sgra gcan gyis bzung zhing / sgra gcan zin dang kun dga' bo yang btsas so// sangs rgyas pa'i zhag bdun phrag bdun pa la tshong dpon ga gon dang bzang skyong gis sbrang rtsi phul ba/ rgyal chen bzhis rin po che
- 10a
nas rdo ba'i bar gyi lhung bzed phul ba las/ rab byung gi cha ma yin pa dor te tha ma'i snod du bzhes nas shis par brjod pa gsungs/ bdud rtsi zab mo rtog ge'i spyod yul ma yin par ston pa'i slad du/ zab zhi spros bral 'od gsal 'dus ma byas// bdud rtsi lta bu'i chos zhig kho bos rnyed// su la bstan kyang go bar mi 'dug pas// mi smra nags 'dab nyid du gnas par bya// zhes gsungs te 'khor lo bskul ba'i bsod nams kyi khyad par la'ang dgongs pa mdzad do// der tshangs pas sngon gyi smon lam rjes su dran te de bzhin gshegs pa'i drung du 'ong nas/ smra ba'i nyi ma ci slad de ring btang snyoms bzhugs// dam pa'i chos kyi rnga bo che ni brdung du gsol// dam pa'i chos kyi dung ni rab tu 'bud du gsol// la sogs pa'i tshigs su bcad pas bskul te tsan+dan gyi phye mas gtor nas brgya byin kyang sbran pa'i slad du rang gi gnas su song ngo // song nas kyang slar brgya byin dang bcas te/ des nor bu rin po che phul nas/ zla ba nya ba gza' las thar pa ltar// thub pa khyod kyi thugs ni rnam par grol// g.yul las rnam par rgyal ba bzhengs su gsol// 'jig rten mun par shes rab 'od dbyung gsol// zhes zhus pas ma gnang / slar tshangs pas yang yang bskul na bsod nams kyi tshogs chen por dgongs pa rigs nas//
- 10b
gser gyi 'khor lo rtsibs stong dang ldan pa phul te sngon chad ma ga d+ha ra dri ma dang bcas pa'i chos kyi nongs pa'i mtshan nyid shes pa'i tshigs su bcad pas bskul bas 'khor lo bzhes te bka' stsal pa/ tshangs pa ma ga d+hA yi sems can gang // rna bar ldan zhing dad dang shes rab ldan/ mi 'tshe 'du shes rtag tu chos nyan pa// de dag la ni 'dud rtsi'i sgo dbye'o// zhes gsungs pa'i skad cig mar/ de bzhin gshegs pas chos kyi 'khor lo bskor bar gnang ngo zhes pa'i sgra 'og min gyi bar du zos te rang rang mnga' ba'i mchod pa'i tshogs dang bcas te lhags so// der bdud rtsi'i zab mo'i snod kyi dang por gyur pa ni/ gdul sla ba/ sbyong sla ba/ rnam par shes pa lkog tu ma gyur pa zhig la dgongs mod kyi/ de ni ring 'phur dang lhag spyod du mkhyen kyang 'tsho ba'i 'du byed las thal lo// 'di na sngon gyi smon lam rjes su dran pas lnga sde bzang po la gzigs te wA rA Na sIr gshegs pa na/ dge sbyong go'u ta ma lhod pa/ mang du za ba/ spong ba las nyams pa zhes sun phyung nas lnga sde rnams kyis mi 'dud pa'i khrims bcas so// der lam du bram ze nye bar 'tsho zhes bya ba ma brta sags shing bab col du smra ba de na re/ go ta ma khyod kyis su la tshangs par spyad// bka' stsal pa/ nga la mkhan po gang yang med// nga dang 'dra ba yod ma yin// nga ni gcig pur rdzogs
- 11a
/ sangs rgyas// bsil gyur zag pa zad pa yin// zhes pa la sogs pa'i dri lan rnam pa gsum stsal nas wA rA Na sIr byon pa na/ nyi ma'i 'od kyi rgyu skar la bya ba bzhin du lnga sde bzang po'i khrims su bcas pa rang zhig/ tshe dang ldan pa go ta ma dbang po ni gsal la pags pa yongs su dag na ye shes mthong ba'i khyad par mngon du mdzad dam zhes spyod yul mnyam par blta ba la/ khyod de bzhin gshegs pa la tshe dang ldan pa ma zer cig/ yun ring por mi bde bar gyur ta re/ ngas ni bdud rtsi thob bo// sangs rgyas so// thams cad mkhyen pa'o// zhes ldongs pa'i gnas gang yin pa mngon du gsal/ sa phyogs der rin po che'i khri stong byung ba'i 'das pa'i sangs rgyas gsum gyi khri la gus pas btud de bzhi pa'i steng du lham mer bzhugs pa'i mod la gzhan rnams snang ba med par gyur/ lnga sde bzang po lha brgyad khri dang bcas pa la mtha' gnyis spangs nas dbu ma'i lam gyi bden pa bzhi'i chos 'khor lan gsum du bzlos pa rnam pa bcu gnyis su bskor bas/ lnga sde bzang po rang byung gi bsnyen par rdzogs te/ 'jig rten na gdugs zla med pa'i dge slong gi dge 'dun chen por gyur zhing 'khor thams cad kyi bden pa mthong / de'ang 'dul ba'i sde snod tshul khrims kyi bslab pa gtso bor ston pa las brtsams te/ 'dul ba'i 'dul ba bcas
- 11b
pa dang rang bzhin gyi rnam par gzhag pa rnams dang / 'dul ba'i mdo sde ting nge 'dzin dang tshangs par mtshungs spyod rnal 'byor du bya ba'i rim pa/ 'dul ba'i mngon pa de dag gi rab dbye rgya cher bshad pa la sogs so// de nas gzhan phun sum tshogs pa bya rgod phung po'i ri la/ sha ri'i bu dang mod+gal gyi bu la sogs pa dgra bcom pa lnga stong tsam dang / skye dgu'i bdag mo la sogs pa dge slong ma lnga brgya tsam dang / mgon med zas sbyin dang dge bsnyen ma sa ga la sogs pa'i dge bsnyen pho mo'i tshogs dang / lha dang klu dang dri za la sogs pa rab tu mang po ste thun mong gi 'khor rnams pa bzhi/ thun mong ma yin pa'i 'khor sa chen po rab tu 'thob pa'i byang chub sems dpa' bzang skyong dang / rin chen 'byung ldan dang / drA ba sbyin la sogs pa rab tu mang po rnams la bka' bar pa mtshan nyid med pa'i chos kyi 'khor lo bskor ro// de'ang mdo sde'i sde snod gtso bor sems kyi bslab pa ston pa las/ mdo sde'i 'dul ba byang chub sems dpa'i sdom pa'i tshoms rnam par bzhag pa dang / mdo sde'i mdo sde zab cing rgya che ba'i ting nge 'dzin dang / mdo sde'i mngon pa sa dang lam dang gzungs dang ting nge 'dzin gyi rab tu dbye ba ji snyed pa dag go/ lha'i gnas dang klu'i gnas nges pa med par/ dge slong dang / dge slong ma dang / lha dang / klu dang / byang
- 12a
chub sems dpa' grangs med pa la bka' tha ma nges pa don gyi chos 'khor bskor te/ de'ang mngon pa'i sde snod lhag pa shes rab kyi bslab pa gtso bor ston pa las/ mngon pa'i 'dul ba tshegs chung zhing sla ba'i thabs kyi nyon mongs pa 'dul ba rnams dang / mngon pa'i mdo sde de kho na nyid la 'jug pa'i tshul/ mngon pa'i mngon pa phung po dang / khams dang / skye mched dang / dbang po dang / rnam par shes pa dang / de bzhin gshegs pa'i snying po'i khams rang bzhin gyi rnam par dag pa'i rab tu dbye ba cha dang bcas pa'o// de dag kyang mdo sde yon tan bkod pa las/ nga yis ci yang ma gsungs par// sems can rnams la khyab bdag snang // gang tshe rim gyis mngon 'dod pa// de dag kun la de bzhin te// dus gcig nyid du 'jug pa la// chos kyi rnam grangs rdzogs par snang // yid bzhin re ba rnams bskor bapaba'i// gsung gi che ba de nyid do// zhes dbang po'i rim pas 'khor lo gsum cig car du thos pa dang / rim gyis 'jug pa'i las can rnams la rim pas thos pa gsung sgra tshig rang mtshan las 'das pas khyad chos yin no// tshul 'dis ni rgyal ba'i 'phrin las tshad med pa'i chos kyi sgo dang / theg pa'i rnam grangs dang / gdul ba'i thabs tshul dang dus snga phyi la sogs pa bsam par mi nus pa'i go ba yang dag bslangs
- 12b
pa nyid do// de lta bu'i theg pa gsum dang bcas pa'i chos tshul rgya mtsho tshad med pas/ la la lam dang 'bras bu'i chos la bkod/ la la ni lha dang mi'i bde ba la bkod/ la la ni gnas skabs kyi 'jigs pa chen po las bsgral zhing skyabs/ mdor na cho 'phrul chen po la sogs pa'i 'phrin las kyi rol pa tshad med pas mthong ba dang / thos pa dang reg pa dang / dran pa yan chod kyi sems can thams cad la thar pa dang thams cad mkhyen pa'i sa bon gser 'gyur rtsi'i 'khrul 'khor lta bu ni btab/ dngos kyi gdul bya dri za rab dga' dang / kun tu rgyu rab bzang yan chod thabs la mkhas pa dang / thugs rje'i chen po'i mu khyud kyi ra ba'i khongs su chud par mdzad nas grong khyer rtswa can du tha ma'i mdzad pa la dgongs nas gshegs so// der mthong na mi mthun pa med pa'i sku ni ca co dang gzhar ma yin/ glal ba la sogs pa'i tha mal gyi chos yongs su spangs pa zhig la/ dpal gyi mgur las sbrid pa zhig thon pa skye dgu'i bdag mo'i rna bar gzon par gyur nas/ sangs rgyas bskal pa grangs med pa gsum du bzhugs par gyur cig ces smon lam btab pas/ sa bla pa nas 'og min gyi bar du 'grim pa bzhin du thon nas de dag kyang de bzhin du smon no// der skyes dgu'i bdag mo la khyod kyis ma legs pa byas/ bstan pa yun ring du gnas par
- 13a
gyur cig mi zer bar/ skyes bu le lo can mang po chos bsgrub pa'i gegs su gyur gsungs pas/ bzod par gsol ba'i slad du de dgra bcom ma lnga brgya dang bcas mya ngan las 'das so// de'i tshe mchog zung gis dmyal ba'i gnas bltar byon pa na/ mu stegs byed kyi slob dpon dang mkhan po rnams kyang las kyi 'bras bu la spyod do// rang gi grub pa'i mthas nongs pa'i tshul rjes su 'jug pa dag la'ang 'phrin du byas pa sngon la shA ri'i bus bsgyur ba sha mkhon med pas ma thos/ phyi nas mo gal gyi bus khyod cag gi slob dpon ni mnar med pa'i dmyal ba na nyam nyes par gyur nas 'phrin 'di ltar rdzangs so/ zhes smras pa na/ 'di 'u cag la smra bar ma zad mkhan po dang slob dpon la'ang smra bar byed pas choms shig ces sku lus 'dam bu bcom pa ltar brdungs so// der sha ri'i bus chos gos kyi grar gtums te khur nas grong khyer shing thag can du bskyal/ mi 'tsho bar shes nas grogs po 'chi ba thos par yang mi bya na/ mthong ba lta smos kyang ci dgos zhes dpal na lan+dar song nas de'i snga dro dgra bcom pa bzhi stong dang bcas mya ngan las 'das so// de'i phyi dro mo'u gal gyi bu dgra bcom pa bzhi brgya dang bcas mya ngan las 'das so// gzhan yang dgra bcom pa mang po bud shing zad pa'i me ltar mya ngan las 'das so// de nas
- 13b
sangs rgyas kyi bstan pa 'khor rnam bzhi dang bcas pa gnas brtan 'od srung chen po la gtad de/ sku'i stod g.yogs bsal nas/ dge slong dag de bzhin gshegs pa'i sku la ltos shig/ de bzhin gshegs pa la blta ba ni rnyed par dka' ste u dum wA ra bzhin no// dge slong dag cang ma smra zhig dang / 'di ltar 'dus byas thams cad ni 'jig pa'i chos can no// zhes nges par 'byung ba'i rgyus gdul bya le lo can chos la bskul nas shing sA la zung gcig gi sar dgongs pa yongs su mya ngan las 'das so// der 'od srung chen po klu yul nas byon/ gdung la gsol ba btab pas zhugs rang 'bar ste sku gdung gsil bur gyur/ rang rang gi skal ba'i khyad par dang 'tsham par cha brgyad du bgos pa mchod rten gyi snying por byas so// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling mtha' grur khyab pa'i rgyan ces bya ba las/ ston pa 'jig rten du byon tshul gleng ba'i rab tu byed pa ste dang po'o// // spyi don gnyis pa de'i bstan pa 'phags pa'i yul du rtsa ba ji ltar tshugs pa ni/ 'chad par 'gyur pa'i bstan skyong chen po rnams kyi bdag po'i rkyen las rgyu dang 'bras bu'i theg pa mtha' klas pa nyid/ sngon dang da lta phyi ma'i
- 14a
mur thug gi bar gnas shing 'phel bar mdzad pa ste/ de'i nges pa'ang / legs par gsungs pa'i bka' la bshad sgrub byed pa dang / de'i don ma nor ba 'chos skyob gnyis kyi don dang ldan par 'grel zhing / gzhan la 'doms pa'i 'phrin las tshad med pa'i dbang gis yin no// de skad du'ang / chos rnams thams cad bka' dang bstan bcos gnyis// legs par gsungs dang de yi dgongs 'grel pa// de yi dbang gis shAkya'i bstan pa 'di// 'jig rten khams 'dir yul ring gnas par gyur// zhes so// gang gi tshe rgyal tshab 'od srung chen po la ston pas bstan pa legs par gtad/ des kyang 'khor rnam pa bzhi bskyangs/ kun dga' bo'i sems kyi dri ma'i cha shas spro ba bdun dang bcas pas bsal/ bka'i bsdu ba dang por byas pa'i tshe lha dang mi'i 'jig rten thams cad ni bde/ rgyal po ma skyes dgrar grags pa yang sngon gyi bsod nams kyi 'bras bu la rang dbang du spyod/ ston pa'i bstan pa slob ma dang bcas pa la gcig tu gus pas phyi ma'i bsod nams la 'dun pa de'i tshe/ rgyal tshab 'od srung chen pos kyang kun dga' bo la bstan pa gtad nas ri bo bya gag rkang can du sku gdung mi 'jig par byin gyi brlabs nas mya ngan las 'das so// der skye bo thams cad kyang skyo ba rab tu bskul bar gyur te/ ston pa'i zhal mthong
- 14b
ba'i dge slong so so skye bo dag ni/ sangs rgyas bzhugs pa'i tshe bdag cag bag med par 'khyams pas khyad par ma thob po zhes yid 'byung bas ting nge 'dzin dang bslab pa'i gnas la shin tu brtson par byed// 'phags pa slob pa rnams kyang de bzhin no// ston pa'i zhal ma mthong ba'i dge slong gsar bu dag ni bdag cag ston pa'i zhal mthong ba las ni ring du gyur/ dngos su 'doms par byed pa'ang mthu chung gis// brtson pa rab tu ma bskyed na rnam par 'khyam par 'gyur ro snyam nas dge ba'i phyogs la sogs shin tu shin tu brtson pas/ 'bras bu thob pa nyin re bzhin yang 'phel bar gyur to zhes grags so// de'i tshe 'phags pa kun dga' bo dge slong gi dge bdun dang bcas pa 'od ma'i tshal la sogs par bzhugs nas/ skye bo'i tshogs mang po 'bras bu rnam pa bzhi la bkod pas 'phags pa kun dga' bo ni ston pa dang mtshungs pa'i nyan thos so zhes lha dang mi'i 'jig rten na sgrog par byed do// re zhig na sde dpon gyi bu sha na'i gos dang bcas btsas pa sha na'i gos can du grags pa 'phags pas rab tu byung bar bskul ba thos pa 'dzin pa'i rtse mor gyur pa la bstan pa gtad/ rim bzhin yongs su grags pa lung phran tshegs kyi bzhed pa bzhin legs mthong gi bar gyis gtad rabs bdun nam/ kha che ba rnams kyis 'dod pas
- 15a
brgyad/ lang+kar gshegs pa'i 'grel pa las de dang mi mthun par bshad cing / gtad rabs bdun ni ston pa'i bstan pa la bya ba brlabs po che 'gran zla spangs pa nyid do// gzhan yang na ro ta pas dpal dI paM ka ra la gtad pa yan chad kyi gtam du gyur pa dang phyi nas kyang ma ga d+ha'i paN+Di ta sa dbang bzang po dang dbang pos byin/ bram ze'i paN+Di ta b+ha Ta ga Ti gsum gyis byas pa'i rgya gar gyi gtam rgyud tha da pa dang / mkhas pa'i ngag bgros mang du bsnan pa dag las byung ba'i yi ge ngo mtshar gyi gtam du snang ba dag kyang yod mod kyis thams cad bri bar ma nus pas bstan pa'i rtsa lag chen por gyur pa de dag la da pa bla lhag tu bskyed par byas nas/ 'dir re zhig nyan thos kyi bstan pa la'ang phan pa rgya chen po btags/ khyad par du blo mchog rnams kyi spyod yul theg pa chen po'i gzhung lugs gsal bar mdzad cing / gang zhig sangs rgyas kyi bstan pa la dgra zlar chas pa'i 'od srung rdzogs byed kyi rjes 'brang rtog ge pa drug/ bram ze rgyus rgal la sogs pa'i gzhung 'dzin rjes sgrog pa drug/ rengs byed kyi bu lhag spyod la sogs pa'i rjes 'brang snyoms 'jug pa drug ste/ 'jig tshogs la lta ba sum brgya drug cu'i tsher ma rnon pos/ rdzogs pa'i sangs rgyal kyi bstan pa la 'bugs par brtsom pa'i snying stobs dang log pa'i blo gros ma rmongs
- 15b
pa gang dag/ me bzhin du gdon mi za bar bsreg bya za ba tshad ma'i rig pa dang / rlung bzhin du thogs rdugs spangs pa'i rdzu 'phrul gyis nus pa zad mi shes pa'i mthus spa bkong bar byed/ nyams smad par byas// tshar bcad par byas nas/ sangs rgyas kyi bstan pa la ston pa gnyis pa'i bya ba byas pas 'dzam bu'i gling gi rgyan drug dang / rmad byung gnyis/ chen pa bzhi zhes nyi ma dang zla ba ltar grags pa de dag gi rtogs pa brjod pas mdun bsus/ spyi dang bye brag gi bstan pa'i nyi mor byed pa dag gi rnam par thar pa cung zad kyang brjod pa'i lam du drang bar bya'o// de la re zhig gi dus na yul tsam+ba ar+Na zhes bya bar nyi ma'i rigs kyi rgyal po ni mi ta zhes bya ba 'byor pa'i dpal dang ldan pa zhig yod do// dus gzhan zhig na de tshong dpon gyi chung ma dang 'dus pa las sbrum par gyur cing / nam zhig rgyal po'i ma dus las yol ba'i mya ngan bsal pa'i nyin sbrum pa gang zhig btsa' bar byas pas/ bu'i ming mya ngan med ces bya bar btags so// de ni dpa' ba/ rtul phod pa/ sgyu rtsal drag cu dang / brtag pa brgyad la byang chub pa/ khro zhing gtum pas nyin mo'i dang po la gsod pa dang / 'ching ba dang / brdeg la sogs pa chad pas gcod pa'i bya ba rnams ma byas par rnam par shes pa rnal du mi phebs pas kha zas kyang za bar mi byed cing / sdig pa'i grogs po'i gzhan dbang las srog gi mchod sbyin la brtson
- 16a
par byed do// de re zhig na sngon gyi smon lam las dge ba'i bshes gnyen gyis zin pa'i dus la bab pa na/ dgra bcom pa grags pa slob mar bcas pa'i thugs rje dang rdzu 'phrul gyis sngar gyi spyod yul las shin tu ldog par gyur nas sangs rgyas kyi bstan pa la sri zhu 'gran zla med pas bka' bsdu ba gnyis pa'i tshe sbyin bdag tu gyur zhing / bstan pa'i phyogs su rgyal srid gtong ba la'ang 'jungs pa dang ser sna spangs pa de'i rgyud las byung ba rgyal po pad+ma chen po dang dus mnyam pa las thog 'phyi ba tsam na/ yul o Di bi shar rgyal po zla ba bsrung ba zhes bya ba byung ngo // de'i khyim du 'phags pa lag na ral gri chos gos gsum pa'i dngos po can du byon nas/ theg pa chen po'i chos 'ga' zhig bstan cing glegs bam zhig kyang bzhag pa 'di ni ston pa mya ngan las 'das pa'i phyir nas theg pa chen po'i bstan pa dbu brnyes pa'i dang po yin zhes grags so// 'di'i tshe bsdu ba gsum pa'i dus su snang zhing rim par lha dang klu dang / dri za dang / srin po'i yul la sogs pa nas 'phags pa dkon mchog brtsegs pa la sogs pa'i chos kyi rnam grangs mang po'i glegs bam yang byon/ byams pa dang rigs gsum sems dpa' la chos gsan pa'i theg pa chen po'i dge slong mdo sde mang po 'dzin pa/ blo gros thogs pa med pa/ rdzu 'phrul dang mngon shes
- 16b
mnga' ba/ bzod pa thob pa sha stag cig car tu byung bas snyan pa'i grags pa kun tu khyab pa na/ nyan thos pa rnams de'i spyod yul du ma gyur pas// theg pa chen po bka' ma yin no zhes bskur pa 'debs pa byung na'ang / nyi ma'i 'od kyis 'od gzhan la bya ba bzhin du nyan thos stong phrag mang po'i dbus na theg pa chen po pa re re tsam gnas kyang zil gyis mi non pa'o// de lta na'ang bsdu ba gsum pa'i dgongs don gyi gtso bor smos pa dge slong lha chen dang po'am/ bzang po don gcig ming gi rnam grangs su 'dod pa dang / lha chen shi ba'i phyi nas bzang po byung bar smra ba'ang yod de/ ji ltar yang / de ma byung ba phan tshad du// 'bras bu thob pa'ang nyin re bzhin 'phel bar byung la/ des bstan pa dkrugs pa phyin chad nas dge slong rnams rnal 'byor la mi brtson par rtsod pa'i don kho na sems par byed pas 'bras bu thob pa'ang shin tu nyung bas nyan thos pa'i bstan pa ni dar la ma smin pa dus de tsam nas yod cing / de dag gi theg chen pa'i phyogs la kha zer bar byed pas/ khyab brdal du med cing bag la nyal gyi tshul du yod do// gang gi tshe chen po bzhi'i ya gyal du gyur pa bram ze skra can 'dzin nam/ grub pa'i dbang phyug yongs kyi spyi mes slob dpo chen po sa ra ha 'dzam bu'i gling du bram ze'i rigs kyi lang tsho'i me tog yongs su bzung nas/ rig
- 17a
byed yan lag dang bcas pa dang / rig pa'i gnas chen po bco brgyad/ brtag pa brgyad la sogs pa gtsug lag rgya mtsho'i pha rol tu son nas bram ze'i khye'u lnga brgya la gsang tshig bslab pa na rdo rje rnal 'byor ma chang 'tshong ma'i rnam pas dam tshig gi bdud rtsi stsal ba rtog pa med par longs spyad do// der bram ze'i rigs las nyams so zhes grags pa ngan pa'i them skas la drangs te sma dbab par 'dod pa na slob dpon ni re zhig nas dpal gyi ri ga la bar gsang ba'i bdag pos ye shes kyi dkyil mkhor mngon sum du bstan nas/ lung legs par byin te dngos grub mchog gis shing rta la 'dzegs pa zhig pas/ bram ze rnams la chang sdug pa'i sbyor ba mdzad/ mtsho'i steng du rdo chen po 'phangs te/ gal te ngas 'thungs na ni bying shig/ khyod rnams kyis 'thungs na 'phyo bar gyur cig/ gsungs pas 'phyo bar gyur to// de nas rab tu byung ba ni bstan pa thams cad kyi rtsa ba'o snyam du shrI na len+d+rar byon/ 'phags pa gnas brtan pa'i sde las rab tu byung / dge slong gi dngos por bsgrubs nas sde snod gsum pa ches mchog tu gyur/ gnas de nyid du dam pa'i chos 'dul ba smra ba'i mkhan por gyur par grags na'ang / theg pa chen po'i mdo sde dar rgyas su gyur cing / bstan pa'i bya ba rgya chen po mdzad/ phyag rgya chen po'i thabs kyi nye rgyu ni spros pa med
- 17b
par rjes su bstan pas de'i rjes su bslob par bgyi'o// snyam nas rab byung ba'i brtul zhugs la zhen pa spangs/ mda' 'tshong gi bu mo dngos grub kyi rten du nye bar bzung / mda' bslangs pas gnas lugs kyi ngo bo brda' thabs kyis mtshon pa'i spyod par ngo 'phrod nas/ yul sna tshogs su mda' mkhan mchog gi cha lugs kyis spyod do// der rgyal po la sogs skye bo mtha' yas pas 'phyas pas/ kye lags pa ni bram ze ste// smyig mkhan mo dang lhan cig spyod// rigs dang rigs min ngas ma mthong // zhes pa la sogs do ha spyod pa'i rdo rje'i rgyang glu rol mor 'khrol bas/ rgyal po la sogs pa stong phrag lnga mngon sum pa'i gnas lugs la sbyar// rig pa 'dzin pa'i lus su gyur nas nam mkha' la 'gro zhing mthar mi snang bar gyur pas phyogs thams cad ni grags pas khyab/ 'gro ba mang po'i don mdzad nas sku lus spangs par sangs rgyas kyi zhing du bzhud par grags pa dang / rnam pa gcig tu yi dgas kyi don du rang gi pur sbyangs pa'i dud pas yi dgas kyi tshogs mang po lha'i 'jig rten du skye bar byin gyis brlabs/ ngo bo nyid phyag rgya chen po'i zhing du bzhud do zhes grags so// de nyid kyi slob ma'i gtso bor gyur cing ston pa drang srong chen pos lung du bstan pa'i rgyal tshab chen po ba/ 'dzam gling mdzes pa'i rgyan gyi rtse mo// dpal mgon 'phags
- 18a
/ pa klu sgrub ni/ shrI pad+ma ta'i shar phyogs grong khyer bsod nams dang ldan pa 'am/ yang na lho phyogs be d+ha'i yul du bram ze'i rigs su skye ba'i 'khri shing bzung / ltas mkhan rnams kyi ngag las dge slong brgya bram ze brgya phal pa brgya rnams la ston mo drangs na rim pas lo bdun/ zla ba bdun/ zhag bdun du 'tsho/ de las thabs med zer pas de bzhin du byas/ de rnams rdzogs su nye ba na/ pha mas ma bzod de yul 'khyam du btang ba dpal ldan rgyun ster gyi dri gtsang khang du sleb/ mkhan po dri ma med pa'i gzi brjid can dang gnyis 'chad pa'ang yod kyis/ phal cher mthun pa sgra gcan 'dzin las rab tu byung / rigs pa sngags kyi dngos grub byin pas ring por 'tsho ba'i brtan pa thob/ theg pa che chung gi sde snod mtha' dag dang / shes par bya ba'i gnas la mi mkhyen bya ba ni spangs/ rgyud sde mang po la dbang 'byor zhing bden pa'i don mngon sum du gzigs/ bsnyen par rdzogs nas dge slong dpal ldan zhes bya ba'i grags pa'i rgyal mtshan ni bzung / na len+d+ra'i mkhan por gyur nas dge slong gi dge 'dun bslab pa gsum gyi rgyan dang ldan pa rnams ni legs par bsngags shing / de las gcig shos su gyur pa dag kr-i kr-i'i rmi ltas la rang dbang du spyod pas dbang che bar yod pa gnas las bskal par mdzad pas stong phrag brgyad tsam
- 18b
byung bar grags/ bstan pa chos bzhin du bskyangs/ sngon 'phags pa nyer sbas kyis bstan pa skyong ba'i mjug tsam na bram ze mo dzaHsa zhes bya ba la bu gsum yod pa rang rang la skyabs tha dad pa las chung ba dge ba ni sangs rgyas la mos pas/ des rdo rje gdan gyi dri gtsang khang bzhengs/ rten byang chub chen po bzhengs pa'i bzo bo dang / rgyu tshogs rnams sta gon du byas nas zhag bdun gyi bar du su yang ma 'ong zhes bsgos nas nang du 'dug pa na/ drug pa'i nyin mas 'ongs te sgo brdungs so// zhag drug las ma song bas nang par sgo dbye'o byas pas/ ma na re/ nga do nub 'chi ba yin/ da lta sa'i steng na sangs rgyas mthong ba ni nga las med/ phyis gzhan gyis sku gzugs kyi rnam pa 'dra ba dang mi 'dra ba mi shes so zer bas sgo phye/ der bzo bo rnams ni mi snang ste lhas sprul par grags/ mas legs par brtags nas/ 'di ni rnam pa thams cad nas ston pa 'dra na/ 'od zer mi 'phro/ chos mi gsungs/ spyod lam gsum mi mdzad pas mi 'dra ba'i khyad par ro zer/ gzhan sangs rgyas dngos dang 'dra ba'i sku gzugs yin skad/ zhag bdun ma lon pas bzo'i khyad par cung zad ma grub pa zhabs g.yas pa'i mthe bong ngam/ dbu skra g.yas 'khyil/ na bza' dang ba spu sku la ma reg pa rnams 'dod phyogs tha dad par snang / de lta bu'i gtsug lag khang la srog chags
- 19a
kyi gnod pa bsrung ba'i phyir rdo rje'i dra mig gi ra bas skor ba dang / kha cig byang chub shing la glang po che'i gnod pa bsrung phyir du 'dod/ mu ge chen po lo bcu gnyis su byung ba na/ mkhan po ni sgrub par bzhugs pas skabs ma 'tshal bar dgongs/ ma ga d+hA'i yul rnams stong pa tsam byung yang / sems can gyi las su gzigs nas// gser 'gyur rtsi'i sbyor bas dge 'dun rnams 'tsho bas mi brel bar mdzad/ slob dpon bsgrub pa thon nas rgyu mtshan dris shing zhus pa na/ khyod kyis ma legs pa byas/ zas kyi char 'bebs pa'i nus pa nga la yod pa la/ khyod sems can la snying rje chung / byang chub sems dpa'i spyod pa dang 'gal/ sdig sbyang du gtsug lag khang brgya rtsa brgyad/ lha khang stong / mchod rten khri khrag bzhengs dgos gsungs/ de'i slad du gnod sbyin 'dzam+b+ha la las nor blangs/ ku ru ku l+la'i rig sngags grub pas klu rgyal 'jog po'i bu mo bkug pa na/ chos gsung ba'i grar bzang mo'i rnam pa can gnyis 'khor mang po dang bcas nas byung bas tsan+dan sa mchog gi dris dpag tshad tsam khyab pa byung / de'i rgyu dris pas/ nged ni 'jog po'i bu mo lags te mi grib bsrung pa'i slad du lus la tsan dan sa mchog gis bskus pa'o zer/ 'o na sgrol ma'i sku bzhengs pa'i slad du tsan dan yang sbyin cig/ gtsug lag khang bzhengs
- 19b
pa'i grogs kyang 'tshal lo gsungs pas/ pha la zla yi zer nas song / nang par byung nas/ slob dpon nyid yul du phebs na bka' bzhin byed/ gzhan mi nus so zer/ der don chen po gzigs nas gshegs te skal ba dang 'tsham pa'i chos kyi 'khor lo bskor/ stong phrag brgya dang yi ge nyung ngu la sogs pa spyan 'dren pa'i 'phrin las kyi snang ba rgya chen po mdzad/ dge slong bde byed ces bya bas bstan pa la rma srol gtod pa'i ched du byas pa rig pa'i rgyan zhes bya ba'i gzhung sh+lo ka stong phrag bcu gnyis can byung ba yang dngos stobs rigs pa'i shugs kyis tshar bcad/ nyan thos sen d+ha pa dag gis theg chen la rtsod pa'i gzhung mang po byung ba mi mngon pa'i rum du rgyas btab/ re zhig na dza Ta saM g+ha rar/ mu stegs kyi rgol ba lnga brgya tsam rtsod pas pham par byas te rang gi bstan pa la bcug/ slob dpon 'dis bzhengs pa'i chos rten gyis phyogs thams cad du khyab cing / lha khang yang mchog tu mang ba grub/ ri mang po gser ru bskur bar bzhed pa rje btsun mas ma 'ongs pa na rtsod par gyur par lung bstan pas ci bder bzhag/ de lta na'ang gser gyi 'byung khungs mang po byin gyis brlabs shing / rdo yang gser mdog tu gyur pa tsam yang yod skad/ gling gzhan dang mi ma yin gyi gnas su lo skor tsam 'gro don mdzad/ lam ka na byis pa mang po rtse ba las
- 20a
gcig rgyal por 'gyur ba lung bstan pa phyi nas rgyal po bde spyod ces bya bar grags/ 'di slob dpon la shin tu gus shing / gdams pa nod pa la brten nas bcud len dang gnod sbyin gyi mngag gzhug 'grub/ stobs bcu mnga' ba'i dgongs don dang gsal bar byed pa'i bstan bcos gyi rgyal po mang du bskrun pa ni nyi zla lta bur grags pa che zhing khyad par theg pa chen po nam mkha' ltar gsal bar mdzad/ phyis dpal gyi ri la lo nyis brgya tsam gnod sbyin mo'i 'khor dang bcas te sngags kyi spyod pas bzhugs/ rgyud sde tha dad pa dang / rig 'dzin rgya mtsho lta bu'i tshogs rjer bzhugs pas thun mong ba'i rnam thar gyi lo rgyus dpogs par mi nus te pad+ma gsung gi dkyil mkhor na slob dpon nA gardzu na zhes yongs su grags/ mdor na sde snod 'dzin pa'i dbus na gnas pa'i tshe rnam par thar pa brgyad/ sbyangs pa'i yon tan bcu gnyis la sogs pa'i rgyan gyis mdzes shing / sngags kyi brtul zhugs las grub pa chen po brgyad/ tshar gcod pa dang / rjes su 'dzin pa la sogs te thun mong dang / thon mong ma yin pa'i dngos grub thams cad rang dbang du gyur nas bde bar gshegs pa'i gzugs brnyan dang bstan pa bcas pa la sri zhu dang / ri mor byas pa'i tshul ni 'di la 'gran zlar 'os pa 'ga' yang yod par ma grags shing /
- 20b
mtshan bzang po so gnyis grub pa'i sku des lo brgya phrag drug gi bar du bstan pa legs par bskyangs/ mthar rgyal po bde spyod kyi bu rab nus zhes bya ba la/ rang gi mas gos bzang po srub med pa gcig byin pa na/ des 'di bdag gi rgyal srid 'dzin pa'i tshe gyon no// ma na re khyod kyis rgyal srid 'dzin pa mi 'ong ste/ yab dang slob dpon tshe'i bcud len stabs gcig tu grub pa yin pas slob dpon dang srog gcig go/ des na gcen po rnams kyang bu dang tsha bo'i bar rgyal srid 'dzin pa'i tshe gyon no/ ma na re khyod kyis rgyal srid 'dzin pa mi 'ong ste/ yab dang slob dpon che'i bcud len dang lta ba gcig tu grub pa yin pas slob dpon dang srog gcig go/ des na gcen po rnams kyang bu dang tsha bo'i bar rgyal srid ma thob par 'das zer bas/ de rgyal srid la 'dod pa'i gdung bas shin tu mi dga' bar gyur pa la/ ma na re/ 'o na thabs yod/ slob dpon byang chub sems dpa' yin pas dbu bslang na ster mchi/ bus kyang dpal gyi ri la slob dpon gyi drung du dbu bslang ba'i phyir 'ongs so// der slob dpon gyis ji ltar 'dod pa bzhin du chod cig par bsgo bas/ ral gri shin tu rno bas kyang chad par ma gyur nas/ sngon smyug ma bcad pa las skye ba bcad pa'i ltung byed kyi las yod par gzigs nas/ smyug ma'i shun lpags kyis breg par bsgos//
- 21a
des de bzhin du byas pas/ nga ni 'di nas bde ba can du 'gro/ phyi nas lus 'di la yang 'jug par 'gyur/ zhes pa'i sgra yang byung / bcud len grub pas slar 'grig gis dogs nas dbu dpag tshad mang po'i chod pa'i sar 'khyer bar brtsams pa na/ lam du gnod sbyin mos phrogs te dbu dang sku lus gnyis kar lha khang brtsigs/ sngar de gnyis kyi bar du dpag tshad bzhi tsam yod pa/ da lta rgyang grags ma longs tsam yod skad/ slob dpon 'di'i mdza' bshes su gyur pa bram ze mchog srid ces bya ba 'phags pa spyan ras gzigs las rigs sngags grub pa zhig byung ste/ des sgra pA Ni pa rdzogs par shes pa'i klu zhes bya ba rigs sngags kyi bkug te yi ge bris shing / 'grel pa brtsams pa dang / rgyal po'i bu mo dpyid ldan ma g.yo sgyus bslus pa sogs kyis 'phros don las skra ka la pa'i byung khungs snga sor grags pa las tha dad pa'i gtam ngo mtshar ba'ang yod do// slob dpon 'di'i slob mar gyur pa ni bsam gyis mi khyab mod kyi gsar ma'i phyogs la grub pa'i rnal 'byor du grags pa ni sha wa ri pa'o// 'dzam bu'i gling mdzes par byed pa'i rgyan gnyis pa/ Ar+ya de ba ni/ sngon gyi lo rgyus rnams las pad+mo'i dbus na skye ba'i ze'u 'bru 'dzum par grags na'ang / slob dpon zla ba grags pas sing+ga la'i rgyal po'i sras su bshad
- 21b
cing / gtam rgyud khungs ma dag la'ang de skad du gleng to// de la sing+ga la'i gling gi rgyal po pany+tsa shri ga zhes bya ba'i rigs su lang tsho'i myu gu gsar pa bzung / cher skyes nas rgyal tshab gyi sa la ni spro bar ma gyur te/ mkhan po he ma de wa las rab tu byung zhing bsnyen par rdzogs/ Ar+ya de ba zhes bya ba'i mtshan gyis grags pa'i zla 'od gsal bar byas/ sde snod gsum po chub par byas nas yul tha dad pa'i lha khang dang mchod rten dag blta ba'i phyir 'dzam bu'i gling kun tu byon/ slob dpon chen po klu sgrub kyis zhabs pad bsten te rgyal ba'i myu gu kun gyis 'jug par 'os pa'i rig pa'i gnas rnam lnga le lag dang bcas pa dang / phyi nang gi grub pa'i mtha' rgya mtsho lta bu'i pha rol tu son par mdzad// thob par bya ba'i dngos grub kyi gnas mang po'ang mngon du mdzad nas don gyi bstan pa'i bdag po nyid du bskos/ ri'i lha dang / shing gi lha sogs pa las yo byad blangs nas gtsug lag khang nyi shu rtsa bzhi bzhengs/ gnod sbyin mos 'tsho ba sbyar nas theg pa chen po'i chos gzhi re btsugs/ lho phyogs kyi rgyud rnams su shes rab rnam gsum gyi sgo nas sems can la phan pa rgya chen po mdzad pa las/ re zhig gi tshe/ shar phyogs na li na'i grong khyer khor ta zhes bya bar byung ba/ rang gi 'dod pa'i lha gtsug na zla ba bsgrubs pas phyogs thams cad las rgyal ba'i
- 22a
dngos grub kyi bsnyems pa/ bram ze thub dka' nag pos/ gang na sangs rgyas kyi bstan pa gnas pa'i yul dang yul phran thams cad du phyin nas rtsod pa'i rgol ba rtsub mos phal cher cang mi smra ba'i gnas la sbyar ro// sbyar nas kyang slar nga rgyal gyis me lce rnon po g.yos par gyur te/ dpal na len+d+ra zhes bya ba nang pa'i mkhas pa thams cad kyi bsti ba'i gnas ga la ba der song nas/ rang rang gi bstan pa rgyal ba'i ru mtshon du btsugs te rtsod pa'i shing rta 'dren par dus btab bo// der nang pa'i paN+Di ta rnams ni bag 'khums par gyur na'ang / slob dpon byon thub pa'i yun srid tsam du rtsod pa'i dus btab pa'i tshul byas so// der nag po chen po la gtor ma byas pas sprul pa'i bya rog cig byung ba'i mgul par slob dpon spyan 'dren pa'i 'phrin yig brdzangs te song ngo // des slob dpon la brda' 'phrod de rkang mgyogs kyi rdzas la brten nas spyod pa na lam du ljon pa'i lha mo zer te mu stegs kyi rigs las mngal chags ma gcig gi dngos grub kyi rdzas kyi don du dge slong mkhas pa'i mig dgos zhes blangs pas spyan yag cig de la byin no// der thun tshod gcig kho na la na len+dar phebs nas/ nam mu stegs kyis rgol ba lhags pa na/ de dag gi dpung gnyen du gyur pa sring mo paN+Di ta dang / ne tso dang / thod le ko re rnams/
- 22b
dge bsnyen spyi brtol can dang / byi la dang / mar nag gi bum pa rnams kyis brtul/ de'i tshe slob dpon la mig ya gcig pa zhes dpyas btags par smras pa la/ drag po mig gsum ldan yang de nyid mthong ba med/ brgya byin mig stong ldan yang de nyid mthong ba med/ Ar+ya de wa mig gcig po ni gang yin des/ srid pa gsum po ma lus pa yi de nyid mthong / zhes bya ba snga rgol 'joms pa'i gleng gzhir byas nas bsgrub pa dang / sun 'byin pa'i tshig gi me lce ni sbar/ rab tu 'bar/ shin tu 'bar bar gyur nas gzhung lugs ngan pa'i gtam gyi tshang tshing ni bsregs/ dbang phyug nyid de'i rgyud la 'jug pa'i brtan pa ni phrog/ 'bros par bya ba'i lam ni rigs sngags kyis bcad/ gdul bar bya ba'i dus la shin tu bab par gzigs nas/ gtsug lag khang du thabs la mkhas pa'i btson rar gzhug par byas so// der glegs bam rnams klags par rang nyid lung bstan pa'i mdo sde mthong nas sngar bstan pa la bya ba ma yin par byas pa la shin tu 'gyod/ sangs rgyas la dad pa ches cher 'phel bar gyur nas rab tu byung ste/ sde snod gsum 'dzin pa'i paN+Di ta chen po 'gran zlas dben pa nyid du byin gyis brlabs pa slob dpon chen po dpa' bo'i zhabs so// de lta bu'i slob dpon 'phags pas mthar yang lho phyogs kyi rgyud du gshegs nas
- 23a
sems can gyi don rgya chen po mdzad/ mtha' bral gyi don rgyas par ston pa dbu ma bzhi brgya pa la sogs mdo sngags kyi bstan bcos dpag tu med pa mdzad nas bstan pa la phan pa rgya cher btags// yul kany+tsi dang nye ba'i raM ga thA zhes bya bar dbang phyug phun sum tshogs pa'i dge slong sde snod gsum pa sgra gcan 'dzin bzang po la don gyi bstan pa gtad de mya ngan las 'das so// de la chen po bzhi'i ya gyal du gyur zhing ston pa mchog la bstod pa byed par lung gis bsngags pa slob dpon ma ti tsi tra'am/ dpa' bo ni/ grong khyer khor ta na tshong dpon gcig la bu mo bcu yod de/ thams cad kyang dkon mchog la dad pa dang ldan pa sha stag go/ tha chung gang yin pa bram ze longs spyod chen po sad+d+ha gu h+ya zhes bya ba'i khyim du song ba na bu zhig btsas pa'i ming nag po zhes btags so// pha ma la shin tu gus pas pha khol dang ma khol zhes kyang grags/ rig byed yan lag dang bcas pa la byang bar gyur/ ma sangs rgyas pa la dad pas nang pa'i grub mtha' la gzhug par 'dod kyang / pha'i dbang las phyi rol ba'i grub mtha' 'dzin par gyur/ sngags rgyud kyi sbyor ba dang / rtog ge la shin tu rno/ lha dbang phyug chen po bsgrub pas dngos su lung ston par byed cing dngos grub gsum byin/ des kyang rtsod pa las ma rgyal na dbang phyug rang nyid snying la
- 23b
'jug par mkhas 'ches so// der snyems pa shin tu 'phel te kA ma ru pa dang / ti ra hu ti dang / go ra dang / oM Di bi sha la sogs pa'i yul rnams su phyin nas sangs rgyas pa rnams rtsod pas pham par byas/ 'ga' zhig lta ba ngan pa la bkod/ kha cig gi mnga' zang phrogs/ la la mu stegs la phyag 'tshal du gzhug pa la sogs dma' dbab par byas so// der ma ni dkon mchog gsum la skyabs su song ba yin pas 'di snyam du/ gal te 'di nA len+dar song na rtsod pa'i khyu mchog rig sngags grub pa dag gis pham par byas te/ sangs rgyas pa'i lam la 'jug par 'gyur ro snyam nas/ bu nyon cig yul gzhan gyi sangs rgyas pa rnams ni rta'i rna ba'i sgra tsam/ ma ga d+ha'i sangs rgyas pa rnams ni rta'i lus dang mtshungs te/ gal te ma ga d+hA pa las rgyal bar ma gyur pa de srid du/ rgol ba'i grags pa thob par 'dod pa ni nyam chung ngo zhes brjod pas/ der ma ga d+har song ngo // song nas kyang rgol pa'i ru mtshon rnon po 'phyar ba gang / slob dpon 'phags pa'i phyogs las rnam par rgyal ba'i brtul zhugs kyi mtho rlung drag pos lhung bar byas pas/ nga rgyal gyi gdong pa shin tu smad par gyur nas chu bo gang+gA la lceb par rtsom mo// 'phags pas de las ldog pa'i gtam bshad ma thag pa nyid/ sde snod kyi glegs bam las sngon gyi smon lam btsan po stobs su gyur
- 24a
nas rang gi lta ba nor ba ni go/ rgyu 'bras la bskur pa btab pa'i 'gyod pas bcings te lce 'breg pa'i phyir spu gri bsrel ba la mngon du phyogs so// der rje btsun mas lung bstan te/ nang pa'i bstan pa la zhugs nas sangs rgyas la bstod pa mang du gyis shig/ las kyi sgrib pa ni byang bar 'gyur ro zhes gsungs pas/ de sde snod gsum 'dzin par gyur te/ bshags pa'i don du bsngags par 'os pa la bsngags pa'i bstod pa dang / brgya lnga bcu pa la sogs pa mang po'ang brtsams/ de'i tshe mu stegs byed dang / bram ze dag ni/ 'di ltar bram ze rnams kyi mchog rab tu gyur pa thub dka' nag po yang rang gi grub pa'i mtha' gyo mo dang gseg ma bzhin du bor nas/ sangs rgyas pa'i bstan pa la 'jug par byed na/ gdon mi za bar nang pa'i grub mtha' ya mtshan che'o// zhes rgyu de las mu stegs byed dang / bram ze'i tshogs re re nas stong lhag pa re dpal na len+da kho nar yang rab tu byung / des mdzad pa'i bstod pa rnams kyang sangs rgyas nyid kyis rjes su bstan pa'i byin rlabs las yul dang yul phran thams cad du khyab cing / tha na glu gar mkhan dang / bzhad ga mkhan yan chod kyis sgrog par byed pas skye bo thams cad kyi dad pa'i bsung zhim 'gugs par byed pa'i dri'i bzhon pa gcig tu gyur/ skyes bu chen po 'di ni bsod nams kyi
- 24b
mthu shin tu che bas nyin rer grong khyer du bsod bsnyoms kyi bya ba la gshegs na'ang zas kyi rnam pa dpag tu med pa dag 'byor bas/ bsam gtan pa nyis brgya lnga bcu dang / klog pa ba de'i grangs/ dge slong lnga brgya 'tsho bas brel ba med par byed cing / snyan par dngags pa las brtsom pa'i khyu mchog tu gyur pas bstan bcos kyi tshig don kyang shin tu bzang ste/ slob dpon chos kyi grags pa'ang mgu bar nus// bdag po'i rkyen de las de bzhin gshegs pa'i mdzad pa snyan dngags chen po la sbyar ba dang / de tsam gyis thob pa dang rtsod pa lhur len pa'i gnas tsam la bsngags pa ma yin par byang chub kyi sems sgom pa'i man ngag gnyis la sogs pa mchog tu gyur pa'i dgongs 'grel dang gzhung khyad du 'phags pa mang pos bstan pa'i bya ba rgya chen po byas/ sku che'i smad du gyur pa na/ rgyal po ka ni kas spyan 'dren pa'i pho nya bcug pa la lang tsho'i 'bras bu shin tu rga bas 'byon par ma gnang ste springs yig mdzad nas rgyal po de chos la bkod/ rang gi slob ma ye shes snyan pa zhes bya ba de rgyal po'i slob dpon du brdzangs/ mdo sde la sogs pa'i glegs bam dang gtam rgyud kyi yi ge'i rkyen la ma ltos par/ mkhan po dang slob dpon dag gis snyan nas snyan du brgyud pa'i sangs rgyas kyi skyes rabs bcu phrag bcu'i bdag nyid can pha rol du phyin pa bcu
- 25a
dang sbyar ste brtsom par bzhed nas/ sum bcu rtsa bzhi mdzad zin pa'i skabs/ skyes rabs kyi dang por stag mo lus sbyin gyi rten 'brel las sku tshe gzhan dbang du gyur pa'am/ byang chub spyod pa'i rnam thar la rang nyid kyang snying stobs kyi mthu tshad med pa brtas par gyur nas/ nags gseb tu stag mo phru gu 'brangs pa bkres pas nyen pa gzigs pas/ sku lus sbyin par brtsams pa na cung zad bag tsha ba'i rnam pas lhag par yang sangs rgyas la dad pa bskul ba'i pho nyar byas/ dang por sku lus las khrag phyung ste smon lam bdun cu pa bris shing stag rnams la'ang blud/ slar sku lus sbyin par btang bas skyes rabs so/ bzhi pa'i 'phro lus par grags/ 'dod pa gcig tu brtsam bya yongs su rdzogs mod de/ slob dpon stag gis zos nas ci zhig na dpe cha rnyed pa de las ma 'dus zer ba'ang snang ste/ lung gi rgyun ni yod pas de dag dpyad pa med par bzhag go/ slob dpon 'di theg pa chen po pa yin yang de kho na'i kha zin kyang ma mdzad/ kun la snyom par phan 'dogs pas nyan thos pa rnams kyang dad cing / nang pa kun gyi gtsug tu bkur ba'i grags pa shin tu che'o// 'di rgyal po zla ba sbas pa'i bu snying po thig le zhes bya ba yul go rar byung ba de dang thog mnyam par grags/ de'i tsha bo'i bu d+harma tsan+das rgyal srid skyong ba'i ched du ruSh+ka'i dmag
- 25b
gis ma ga d+ha pa bcom/ dpal na len+dar yang gnod pa chen po byung / d+harma tsan+da'i zhang po'i bur gyur pa rgyal po sangs rgyas phyogs kyi tshe rgya nag gi yul du mdo sde smra ba 'ga' zhig brdzangs/ stag gzigs kyi rgyal po'i steng du g.yul las rnam par rgyal ba'i ba dan 'phyar te nyi 'og dang / nub phyogs kyi rgyal khams phal cher la lung btang / sngar nyams par byas pa'i chos gzhi thams cad sor chud par byas nas bgrang gzhi bcu phrag bzhi tsam du bstan pa dar bar yod pa la/ na len+dar mu stegs can gyi slong mo ba gnyis lhags pa/ dge tshul gzu lums can dag gis bshal chus gtor/ sgo glegs kyi bar du btsir/ 'khyig tum po dag rbad pas/ de gnyis blo shin tu ma rungs par gyur nas/ gcig gis 'tsho ba sbyar/ gcig gis nyi ma bsgrub par dam bcas so// der sa'i rum du zhugs te lo dgu'i bar du bsgrubs kyang don ma grub nas phyir 'gro bar brtsams pas/ grogs po na re/ phyogs thams cad du mu ges nyam nga na/ ngas dkar ba de snyed kyis 'tsho ba sbyar bas khyod sngags ma grub par phyi rol du nam byung ba de'i tshe/ mgo gcod do zhes chu gri rnon po bsrel pas/ de 'jigs te slar yang lo gsum bsgrubs pas don grub ste sbyin bsreg gi sbyor ba brtsams/ bsregs thal las sngags bzlas te gtor ba tsam gyis me rang 'bar du gyur/ sangs rgyas
- 26a
/ pa'i chos gzhi bsten pa'i lha khang brgyad cu rtsa bzhi bsregs/ khyad par du theg pa chen po'i chos thams cad bzhugs pa'i dpal na len+d+ra'i lha khang chen po/ rat+na sa ga ra/ rat+na da d+hi/ rat+na raN+Da ka zhes bya ba gsum char tshig/ rat+na da d+hi zhes bya ba la dgu thog yod pas steng khang gi glegs bam 'ga' zhig las chu'i rgyun chen po babs te 'bar ba gang zhig mnal bar gyur pas glegs bam ma tshig pa 'ga' yang byung ba rigs pa 'dzin pa'i sde snod du grags/ mu stegs gnyis rgyal po'i chad pas 'jigs te byang phyogs ha sa ma zhes bya ba'i yul du bros kyang sdig pa'i mthus lus la me 'bar nas shi/ de bzhin du slob dpon klu sgrub lho phyogs kyi rgyud na 'gro don mdzad pa'i tshe kla klo'i chos lugs mgo brtsam shing / dpal gyi ri la bzhugs pa'i dus tsa na rgyal po ne ma tsan+d+ra'i blon po rgyal bshes zhes bya bas ngo logs brtsams te rgyal srid la rang dbang du byas/ na len+d+ra g+haN+De brdungs pa'i sgra la phaT DA ya zhes byung ba/ bram ze sgra mkhan rnams kyi mu stegs ngan pa rnams kyi klad pa 'gems zhes pa'i sgrar shes nas/ bram ze rgyal bshes la sogs pa mu stegs rnams kyi dmag byas/ yul dbus nas dza lan+na ra'i bar gyi gtsugs lag khang mang po zhugs la sbyangs/ dge slong mang du thos pa 'ga' yang bsad pa sogs/ mdor na klu sgrub yul dbus su bstan pa
- 26b
skyong ba yan chad lha khang bzhengs pa la sogs je mang du song bas yang 'phel dang / lho phyogs kyi rgyud na 'gro don mdzad pa tsam nas 'gribs pa'i thog ma brtsams pa ste/ dam pa'i chos mngon pa la dgra lan gsum byung nas theg pa chen po'i gsung rab spyi dang bye brag pa cha bco lngar btang ba'i cha dgu me'i gnod pas sbyangs/ cha bzhi dmag gi bya bas brlag/ cha gcig rang bzhin gyis nub pas/ cha gcig las ma lus par grags/ rgyu mtshan de tsam las kyang mdo rgyud sna tshogs pa'i dpe yul khol bu nas lhags pa'am/ bas mthar ltar mi mngon pa'i rig pa 'dzin pa dag gis rang gi rgyud dam/ yi ge'i srog tu bzung ba las bod yul la sogs par 'tshed pa'ang yod de/ phyis gtsug lag khang chung re'i chos kyi rnam grangs mthong ba dag gis rgya gar na de'i phyi mo yod med nges nges ltar sgrags nas dam pa'i chos spong bar zhugs pa la snying po med de/ de ni dam pa'i chos mngon pa la dgra byung ba'i tha snyad yod pas de ltar 'thad kyang rgyud la ma yin no snyam na/ dpung bzang gis zhus par/ gsang sngags mdo sde'i tshul du bshad kyi nyon// zhes pa rig pa 'dzin pa'i rgyud sde snod bzhi par bzhag pa des kyang shes par gyur la/ der ma ltos pa 'dir ni rat+na da d+hi zhes pa'i steng khang gi glegs bam las chu rgyun gyi mthus ma tshig pa nang rgyud sde lnga dang gsang ba
- 27a
'dus par 'dod pa de la cis ston/ lar gsang sngags byings che byung ba'i dus tshod 'di tsam na'o// zhes gtan tshigs kyis bsgrub par dka' na'ang / sngon theg pa chen po'i chos dar ba nas mi ring bar rig pa 'dzin pa 'bum phrag gcig dang / oM Ti ya na'i skye bo rnams rig pa 'dzin pa'i gnas thob pa phal mo che bla med kyi lam la bsten pa yin no// 'di ltar gsang ba'i bdag po la sogs pas skal pa dang ldan pa shin tu mang po la zhal cig car du bstan nas sngags kyi theg pa bshad/ de dag thams cad 'ja' lus su dengs pas rjes su gdams pa bzhag pa cher med la/ 'on kyang dga' rab rdo rje la sogs pas/ slob ma la tshig rgyud breng chags su gdams shing la la 'das rjes kyi tshul du gdams pas man ngag rdzogs pa chen po la sogs byung ngo // 'di ltar sngon gyi dam pa de dag ni shin tu skam zhing gsang ba bsrung ba la mkhas pas dngos grub ma thob kyi bar du sus kyang gsang sngags spyod pa yin par mi shes te/ dper na 'phags pa nA ga rdzun bzhin to// gang cho 'phrul chen po dang bcas mi snang bar gyur pa'am/ rdzu 'phrul gyi bkod pa chen po bshams pa de'i tshe/ a la la de ni sngags kyi spyod pa can to zhes slad nas rig par gyur pa sha stag go/ rgyu des slob dpon gyis slob ma la brgyud pa'i rim pa breng chags mngon tshan
- 27b
can du gdams pa'i gnas dus dang thog mnyam 'di lta'o zhes mtshan nyid dpag par nus pa kho na ma yin te/ ye shes kyi sku can yin pas 'das grongs kyis bsnyel ba mi mnga' yang / bltar mngon pa dang / mi mngon pa'i brtul zhugs ya ma zung la ma brnyes pa dag la/ dus bsgrig pa dang / brgyud thag nye 'gyang kho na bsam pa ni byis pa'i rnam rtog ste/ gang du chos de'i snod du gyur pa mchis na de'i thad kar rang zhal bstan te rjes su gdam pa'ang yod na yongs su grags pa'i gtam dang / de la der bsten gyi thog dang snga phyi sgrig pa sogs blo gros phur khung thug pa'o// de lta na'ang sa ra ha pa dang / kla sgrub yab sras dang / sha wa ri pa'i bar du brgyud pa nas brgyud par 'doms pa yang yod la/ de'i phyir rnal 'byor bla na med pa ni mngon tshan du spyod pa cher med kyang rang bzhin du sngon las ches dar bar gyur pas grub thob grags che ba rnams kyang dus 'di tsam nas byon la/ bya spyod kyi sngags rgyud rnams ni lo nyis brgya tsam gyi bar du mngon tshan du spyod par shin tu dar ro zhes grags so// 'dzam bu'i gling mdzes par byed pa'i rgyan gyi dam par gyur pa/ shing rta chen mo'i lam srol 'byed pa slob dpon thogs med dang / de'i gcung dbyig gnyen ni/ rgyal po sangs rgyas phyogs kyi bu zab mo'i phyogs zhes bya ba rgyal srid la gnas pa'i tshe/ dge slong sde
- 28a
snod gsum pa zhig nga rgyal gyi rnam par smin pa las bud med du skye ba bzung ba bram ze mo pra ka pa shi la zhes bya ba/ sngon gyi bag chags kyi dbang las bstan pa la dad cing blo gros rno ba/ byang chub kyi sems stobs che ba gcig yod pa de 'di snyam du/ kye ma bstan pa ni 'di ltar nyams dmas pa bdag cag ni bud med du gyur pas ci byar yod kyis/ lus las khye'u bskyed de/ de bstan pa la sri zhu bskyed du gzhug go snyam nas/ rgyal rigs dang 'dus pa las slob dpon thogs med dang / bram ze'i rigs dang 'dus pa las dbyig gnyen 'khrungs so// dang po ni blo rno ba'i cho ga rdzogs par byas nas/ cher bskyed pa na/ rig pa'i gnas bco brgyad ma nyid kyis bslabs te shin tu byang bar gyur to// bus rang gi rigs kyi chos 'dri ba na/ bu rigs kyi bya ba byed pa'i phyir bskyed pa ni ma yin te/ bstan pa la phan pa'i slad du bskyed pa yin no// rab tu byung nas blo sbyang bar 'os so// zhes gdams pa de la mnyan te bstan pa la zhugs/ bsnyen par rdzogs nas lo lnga'i bar du klog pa la brtson/ lo rer tshigs bcad 'bum 'bum gyi tshig don thams cad chub par byas/ sde snod gsum dang theg pa chen po'i mdo sde ni phal cher sla yang / sher phyin gyi mdo ni brjod bya ma zlos shing / ma 'dzings pa dag dka' ba'i gnas su gzigs/ de'i don du
- 28b
lhag pa'i lha bsgrub par dgongs/ ri bo bya rkang can du grags pa'i phug par 'phags pa byams pa bsgrubs pas lo gsum du rtags ci yang ma thob bo// der thugs mug nas phyir zon pa na/ brag ngos la bya tshang bcas pa gshog pa'i reg pas shin tu zad pa dag gzigs pas/ rang gi brtson 'grus nyam chung bar shes te slar ldog go/ yang lo gsum gyi mthar yang de bzhin du 'thon pa na/ chu thigs kyis brag zad pa gzigs pa las brtson 'grus bskul te yang lo gsum bsgrubs/ de las thon pa na/ rgan po zhig gis ras bal 'jam pos lcags 'phyis pa las khab du gyur pa snod khengs pa tsam bstan pas de'i rkyen gyis yang lo gsum ste/ khyon lo bcu gnyis su bsgrubs kyang ltas su gyur pa cang ma mthong bas skyo ba lhag par 'phel te phyir 'thon to// der khyi mo mi la zug cing / smad 'bus za ba zhig gzigs pas/ snying rje tshad med pa skyes/ 'bu rnams ma bsal na khyi 'di thar bar mi 'gyur la/ gal te bsal na 'bu rnams 'chi bar 'gyur snyam nas/ spu gri rnon pos rang gi brla'i sha nas phral te/ der 'bu gzhug go snyam nas/ spyan btsum pa'i mod la 'bu rnams blangs pa na/ phyag yul yul ba las cang ma rnyed/ de nyid du gzigs pa na sngar gyi shul na rje btsun byams pa mtshan dpe rab tu 'bar ba lham mer snang / der yus pa'i tshul gyis//
- 29a
kye ma yab gcig bdag gi skyabs/ ngal brgyas 'bad kyang 'bras ma mchis// ci phyir char sprin brgya mtsho'i dpung // gdung bas bsregs te skom tshad 'bebs// bdag gis de tsam du bsgrubs kyang zhal mi ston pa zhes spyan chab phyung pas/ lha yi rgyal pos char phab kyang // sa bon mi rung mi 'khrungs ltar// sangs rgyas rnams ni byon gyur kyang // skal ba med pas bzang mi myong // nga ni rtag tu khyod kyi mdun na gnas te las kyi sgrib pas ma mthong ngo // da lta'i snying rje chen po'i mthu ni de lta'o// da grong khyer gyi skye bo rnams la'ang ston par gyis shig dang / gsungs pa bzhin phrag par thogs nas bstan pas chang 'tshong mas khyi gu/ dbul pos zhabs mgo tsam mthong bar grags te gzhan du su la'ang mthong ba'i gnod kyis skal ba nyid do// da ci 'dod pa yin gsungs pa la/ theg pa chen po dar bar zhus pas/ nga'i chos gos la 'jus shig gsungs nas yud tsam la dga' ldan gyi gnas su khrid/ lha'i dro skad cig ste de mi'i zhag gis gzhal ba sogs/ bzhugs yun ring thung 'dod pa tha dad pa snang / theg pa chen po ma lus pa dang / byams pa'i chos lnga gsan pa na don tshan re re ting 'dzin gyi sgo mi 'dra ba re re thob/ yun ring por skad cig gis gshegs pa dang / na tshod la bgres rgud mi mnga' mtshan gyis rjes mthun pas sku la brgyan pa
- 29b
/ sogs sa thob pa'i yon tan khyad par can mang po mnga'/ mnal lam du yang rang don yid byed kyi blo med cing / ting nge 'dzin gyi sgo mtha' yas pa la spyod pa dang / 'jam pa/ dul ba/ des pa yang yin la/ grub pa'i mtha' dang spyod pa ngan pa tshar gcod pa sogs la lhag par rno ba zhig go/ de nas ma gang+gA'i yul gyi phyogs se lu pa na zhes bya ba'i nags su gtsugs lag khang mdzad de bzhugs nas tshul khrims phun sum tshogs zhing / mang du thos pa'i slob ma brgyad la theg pa chen po'i chos zab mo dag bstan pas/ thams cad kyang bzod pa thob cing rdzu 'phrul mngon par 'du byed pa mdo sde rgya mtsho'i pha rol tu son pa sha stag byung / der byams pa'i chos lnga yang yi ger bkod/ mngon pa kun las btus la sogs pa bstan bcos rgya chen po mdzad/ uSh+Ta pu ri zhes bya ba'i gtsug lag khang du rgyal po zab mo'i phyogs kyi sbyin bdag byas te phyogs bzhi'i dge slong thams cad 'dus par sde snod gsum dang / theg pa chen po'i mdo sde lnga brgya tsam bshad pas/ mdo sde'i gnas la blo gros byang zhing theg chen gyi rigs sad pa stong phrag las thal ba byung / mngon pa'i phyogs kyi bstan pa bar skabs su nus pa ltar gyur pa slar shin tu dar ba'i grags pa'i rgyal mtshan 'phyar/ de'i tshe rgyal po zab mo'i phyogs kyi bsams pa/ slob dpon 'di ni
- 30a
'phags pa yin zhing gzhan sems shes par grags na/ ji ltar yin bgam par bya'o zhes blon po rnams dang / bram ze'i tshogs dmangs dang bcas par bgros te/ sngags par 'os sam/ dma' dbab pa'i gnas gang yin pa tha tshig tu bkod nas pho brang gi 'khor 'khyams su slob dpon 'khor bcas spyan drangs/ phun sum tshogs pa'i bsod nams kyi bsnyen bskur/ ma he nag po sa dkar gyis bskus pa khyim phugs su sbas/ gser gyi bum pa mi gtsang bas gtams pa sbrang rtsis bkang ste ras kyi g.yogs pa can lag tu thogs nas/ khyim gyi phugs na ni gang / lag tu thogs pa ni ci zhes dris pas/ slob dpon ni tshig gi mngon pa shes pa tsam ma yin par/ ngor gyi mngon pa'i gnas la mthar phyin pa zhig pas lkog tu gyur pa de ni mngon du shes par mdzad do// slar yang lkog gyur shes pa ni zag pa dang bcas pa'i khams la'ang yod na/ sems kyi chos nyid shes sam mi shes snyam nas/ sher phyin gyi mdo'i tshig la dri ba gsum/ don la dri ba gsum ste drug yid kyis dris pa la/ lan thogs pa med par btab pas/ rgyal po dang skye bo'i tshogs thams cad ngo mtshar tu gyur to// slar rgyal po de chos kyis yang dag par btul nas theg pa chen po'i chos gzhi nyi shu rtsa lnga byed du bcug go/ de'i tshe gcung dbyig gnyen nyan thos pa'i phyogs su
- 30b
gnas pas/ theg pa chen po'i chos dang gang zag la the tshom za ba'i bsting tshig smra ba gsan nas thabs la mkhas pa dang thugs rje chen po'i 'phrin las rmad pas btul/ yul lho phyogs pa'i bram ze ba su nA ga zhes bya bas/ 'phags pa thogs med kyis/ rgyal ba ma pham pa las lung blangs nas theg pa chen po'i chos slar yang dar bar byed do zhes thos nas dge ba'i rtsa ba rgya chen po bskyed pa'i phyir spyan 'dren du 'ongs la/ gang dang lhan cig par gshegs par brtsam pa na de'i ma nad kyis btab bo zhes pa'i pho nya byung bas/ yul du myur bslab par 'dod pa'i gdung ba bskyed pa na/ slob dpon gyis/ bram ze 'dod na myur bar sleb par byed par byed do zhes dbugs phyung nas zla ba gsum gyi lam mthun tshod gnyis la bgrod par mdzad/ tshong dpon d+ha na rak+Shi ta zhes bya bas spyan drangs pa'i tshe yang de bzhin du mdzad nas yul kr-iSh+Ta ra dza dang / oM rgyan gnyis kar yun ring bzhugs shing theg pa chen po dar bar mdzad/ yul de gnyis kyi bar du mchod rten brgya phrag re dang lha khang nyi shu rtsa lnga bzhengs nas re re yang theg chen gyi chos gzhi re btsugs so// ma ga d+hA ra yang de ji bzhin pa mdzad/ lan cig mtha' 'khob kyi grong khyer a mo rgya dang nye bar rgyal phran zhig la chos ston pa'i tshe/ gar log gi dmag byung nas/ slob ma'i tshogs la bzod pa'i
- 31a
/ khur skyed cig par gdams/ thams cad kyi mnyam par bzhag pas/ mda' 'phangs pa rdul du song / dmag gi gtso bos slob dpon la ral gri bsnun pas kyang sku la gnod pa med cing / ral gri dum bu brgyar chag/ tshig rtsub kyi tsher ma rnon pos kun nas gzhar yang bzod pa'i go cha la nyams nyes med pas/ de dag kyang dad de phyag gi btud nas song ngo // gzhan gyi bsam pa mkhyen pa'i phyir chos ston pa thams cad slob mas gang mi shes shing the tshom gyi gnas su gyur pa de gsal bar bkral nas ston pa'i phyir/ slob dpon 'di las chos nyan pa la mi mkhas par gyur pa 'ga' yang med cing / sa dang lam gyi yon tan skyes pa yang stong phrag mang po byung / grub mtha' phyogs re tsam ma yin par sgo thams cad nas gsungs pas theg pa che chung gi slob mar gyur pa grangs med/ khyad par klu sgrub gyi tshe yang dge 'dun phal cher nyan thos kho na mang la/ bar du theg chen gyi chos shin tu dar bar gyur pa'i tshe yang de'i dge slong khri phrag tu longs pa ni med na/ slob dpon 'di'i dus dge slong theg pa chen po 'dzin pa khri phrag mang po byung bas theg chen gyi bstan pa'i bdag por grags/ sku tshe'i smad la na len+dar lo bcu gnyis tsam bzhugs/ dgun du gyur pa'i tshe nyin re bzhin mu stegs kyi rgol ba lhags pa la/ rigs pa sna tshogs kyi mtshon cha
- 31b
rnon pos de dag gi grub pa'i mtha' sun phyung bas/ mu stegs stong phrag tu nye ba'ang nang pa'i bstan pa la rab tu byung / gang na dge slong lta ba nyams pa dang / ma sdams pa dang / cho ga ma yin pa thams cad tshar bcad nas dge 'dun shin tu dag par mdzad/ theg pa chen po'i mngon pa ming tsam du gyur pa de mchog tu gsal bar mdzad nas rgyal po'i khab tu zhi ba'i grong khyer dam par gzims so// 'dzam gling mdzes pa'i rgyan slob dpon mkhas pa'i dbang phyug dbyig gnyen ni/ skye ba'i myu gu bzung ba nas blo rno ba'i cho ga byas shing / yi ge dang / brda sprod pa la sogs rig pa'i mthu sad pa'i bar ni gcen dang mtshungs la/ na len+d+har rab tu byung nas nyan thos kyi sde snod ma lus pa byang bar mdzad/ chos mngon pa dang / sde pa bco brgyad kyi grub pa'i mtha'/ rigs pa'i lam gyis shing rtar gyur pa gang yin pa de'i rtser son pa nyid du 'dzeg pa'i slad du kha cher slob dpon saM g+ha b+ha drar bsten/ bstan bcos bye brag tu bshad pa dang / gyes pa bcu brgyad kyi mdo sde dang 'dul ba'i gzhung mi 'dra ba'i khyad par mu stegs can drug po'i gzhung lugs dang / rtog ge'i gnas thams cad la mkhas par mdzad/ de nyid du'ang lo grangs 'ga' zhig tu rigs pa dang / mi rigs pa rnam par phye zhing nyan thos kyi sde snod smra ba'i dbang phyug dam par gyur/ slar ma ga d+har
- 32a
'byon par dgongs nas lam du gnod sbyin gdug pa dang / chom rkun gyis gnod pas nyams nyes pa med par brtol/ na len+dar 'phags pa thogs med kyis mdzad pa'i sa sde lnga'i glegs bam gzigs pa na/ thos pa'i lang tsho dar yang nyan thos kyi blo gros dkyil chung bas theg pa chen po thugs su ma chud/ rtog ge'i rig pa ni dag pa'i snang ba dang mdza' ba ma yin pas lhag pa'i lha la gsan pa'i gnas la the tshom gyi kun nas dkrigs te theg pa chen po'i chos dang gang zag la bsting pa'i tshig/ kye ma thogs med nags su lo// bcu gnyis bar du ting 'dzin bsgrubs// ting 'dzin ma grub glang chen gyi// rgyab khal lon pa'i grub mtha' brtsams// zhes smras pa gcen pos gsan te 'dul ba'i dus yin par dgongs/ rang gi slob ma gnyis mdo sde sa bcu pa dang / blo gros mi zad pa'i mdo so sor 'dzin du bcug nas/ srod kyi dus la ni blo gros mi zad pa zon/ zo rangs kyi dus na sa bcu pa thon zhig par gdams nas gcung gi drung du btang ngo // de gnyis kyis kyang de bzhin du byas pas/ dbyig gnyen gyis rtog pa bcug nas srod kyi tshe/ theg chen 'di rgyu la bzang ste/ 'bras bu la g.yel lam snyam du dgongs/ tho rangs sa bcu pa bton pas/ rgyu 'bras gnyis ka la bzang bar shes te de nyid du blo mchog dam par gyur//
- 32b
sngar bskur pa btab pa rjes su dran nas shin tu 'gyod de lce'i myu gu la/ spu gri'i reg pa brdeg par bzas pa na mdo 'don pa gnyis kyis/ ljags bcad pas ga la 'tshal/ sdig pa bshags pa'i thabs gcen gyis ston na 'phags pa'i drung du gshegs par 'tshal zhes bskul pas/ thogs med kyi drung du byon/ sku mched chos kyi bgro gleng mdzad pa na/ gcung spobs pa myur la/ gcen mchid lan bzang bar byung / gcen gyi gsung las/ khyod skye ba lnga brgyar paN+Di tar gyur pas shes rab rno la/ nga lhag pa'i lha la 'dri yin smra ba yin no gsungs pas/ de nyid bdag la'ang bstan du gsol zhus pa na/ rje btsun la 'dri yi gsung nas zhus pas/ byams pas 'di so so skye bo yin/ theg pa chen po la bskur pa btab pas tshe 'di la nga mi mthong / las sgrib zad pa'i thabs su theg chen gyi mdo la 'brel ba mang dag brtsoms/ gtsug tor rnam rgyal ma yid dam du gyis shig/ phyi ma'i dus na mjal bar gyur ro// zhes lung bstan pa'i bsnyad pas shin tu yid ches te/ nga yi pho bo klu dang 'dra// nga ni char sdod bya dang 'dra/ klu yi rgyal pos char phab kyang // bya yi mgrin par song ba med// ces smras do// de ltar sku mched bgro gleng mdzad pa nas 'di'i bar gyi lo rgyus rgya gar ba'i bgros tshad ma yin par dka' ba'i dgag sgrub kyang nges par mthong ste mkhas pa'i bya ba yin
- 33a
la/ 'dir ni re zhig bod 'dir sngon rabs su grags pa'i gtam dang mthun pa nyid du byas so// gcen la theg pa chen po'i mdo sde tshang bar gsan pa tsam gyis thugs su chud/ slob dpon gzhan la sngags kyi 'jug sgo'ang nos nas bzungs dang / rig sngags bzlas pas grub/ yang dag pa'i don thugs su chud cing ting nge 'dzin khyad par can yang mnga'/ rgyal ba'i bka' mi yul na bzhugs so 'tshal thugs la chud par grags pas ston pa mya ngan las 'das pa'i phyi nas slob dpon 'di nyid lta bu'i mang du zos pa med ces gleng / nyin re bzhin shes rab kyi pha rol tu phyin pa brgyad stong pa chu tshod gcig gam gnyis kho na'i yul la bton grub par mdzad pas bul mgyogs kyi mtha' mtshon ste/ nyan thos kyi sde snod gsum dang / theg pa chen po'i chos kyi rnam grangs shin tu mang po/ gzungs lnga brgya dang bcas pa lo dus su lan zhal 'don du mdzad pa'i tshe/ b+ha ga bi ha ra zhes bya bar zangs chen til mar gyis bkang pa'i rdzings bu'i nang du bzhugs nas nyin mtshan sbrel ma bco lngas tshar gcig 'don par nus/ de gdung phrag gi phug ron gcig gis thos pas thar pa'i sa bon thebs te tshe 'phos pa gang / slob dpon blo gros brtan par gyur na sku tshe'i slasmad kyi slob ma'i mchog rgol ngan tshar gcod cing / gzhung 'grel smra ba'i dbang phyug chen
- 33b
por gyur/ slob dpon dbyig gnyen theg pa chen po la zhugs pa de'i tshe nyan thos pa sogs mkhas pa lnga brgya tsam yang theg chen la zhugs/ thogs med sku 'das pa'i 'og tu dpal na len+d+ra'i mkhan po mdzad// bstan pa'i bya ba rlabs po che la g.yel ba med bzhin du nyin re bzhin chos spyod bcu rnam pa thams cad nas ma chag par mdzad cing / gzhan stong phrag re yang nyin rer chos spyod bcu tshang ba la sbyor ba dang / khyad par theg pa chen po'i mdo sde mi 'dra ba'i chos thun nyi shu re chag med du gsungs/ srod kyi dus su chos rnams kyi snying po bsdus te gal bzung ba dang / gzhung 'jug par mdzad cing / gung thun la khams cung zad gso ba'i ngang nas lhag pa'i lha las chos gsan par mdzad/ zo rang yang dag pa'i ting nge 'dzin la mnyam par 'jog/ snga phyir mu stegs can gyis rgol ba lnga brgya tsam lung rigs kyi 'khrul 'khor rnon pos 'thag par mdzad nas/ bram ze dang mu stegs byed stong phrag lnga tsam nang pa'i bstan pa la btsud/ 'khor lo dang po bstan pa'i gzhir bzung nas chos rnams ma lus pa'i mtshan nyid gtan la 'bebs pa mdzod rtsa ba rang 'grel dang bcas pa mdzad de/ kha cher 'dus bzang la rtsa ba bskur bas mnyes/ 'grel pa bskur bas rtsa ba sun 'byin par 'dug zhes ma mnyes zer ba'i lo rgyus kyang bod na grags/ 'khor
- 34a
lo bar pa'i dgongs 'grel chos thams cad rnam rig tsam du ston pa sher phyin gyi gzhung 'grel dang / 'khor lo tha ma nges don du bshad pa pra ka ra Na sde brgyad rang rkang dang bka' dang bstan bcos kyi 'grel pa mang du mdzad/ mtha' 'khob zag ring po rnams su'ang gshegs shing phal cher ma ga d+hA nyid du bzhugs nas theg pa chen po'i chos gzhi'ang brgya rtsa brgyad btsugs/ lan cig shar phyogs go ra'i yul du byon nas skye bo dpag tu med pa la mdo sde gsungs pas/ lhas me tog gi char pa gser du phab/ mu to ba re res kyang / gser gyi me tog bre bo che tsam re rnyed pa byung / yul der yang chos gzhi brgya rtsa brgyad btsugs/ oM Di bi shar bram ze ma k+Shi ka zhes bya bas spyan drangs/ theg chen gyi dge bdun stong phrag bcu gnyis la zla ba gsum du dus ston byas pas/ bram ze'i khyim du rin po che lnga'i 'byung khungs brdol/ rgyal po la sogs thams cad dad par byas nas der yang chos gzhi brgya rtsa brgyad btsugs/ lho phyogs la sogs pa'i yul gzhan mang por yang nyid kyis bka' bsgos nas btsugs pa'i chos gzhi rnams sdoms na de dang mnyam par yod ces grags/ de'i dbang las yul thams cad kyi theg pa chen po'i dge slong sdoms na drug khrir longs pa tsam yod pas bstan pa shin tu rgya che/ mdor na gang du bzhugs par mi ma yin
- 34b
gyis mchod pa dang / rin po che'i 'byung khungs brdol ba/ mngon shes kyi dge mi dge'i gnas gsal por ston pa/ nad rims dang 'byung ba'i gnod pa bden stobs brjod pas zhi nus pa/ rig sngags kyi mthus sku tshe la dbang thob pa la sogs mnga'/ mthar nyid dang lhan cig spyod pa'i dge slong tshul khrims dang ldan zhing mang du zos pa stong gis bskor nas bal yul du byon/ der yang chos gzhi dang dge 'dun mang po spel/ bal po ha du zhes pa rab byung gi cha byad la sdom khrims med pas chos gos dang bcas te zhing rmod pa gzigs pas/ ston pa'i bstan pa nyams so zhes thugs rab tu skyo nas/ gtsug tor rnam rgyal ma'i gzungs bzlog ste bton pas/ de nyid sku mya ngan las 'das/ slob dpon 'di dang bod kyi rgyal po lha tho tho ri gnyen btsan thog mnyam par grags so// chen po bzhi'i ya gyal slob dpon yon tan 'od ni/ rgyal po zab mo'i phyogs mi rtag par gyur nas/ nub phyogs ma ru'i yul du rgyal po shrI haR+sha zhes bya ba las dbang shin tu btsan pa zhig byung nas/ nub phyogs kyi rgyal khams la lung btang / de'i tshe na slob dpon yon tan 'od yul bcom rlag tu bram ze'i rigs kyi myu gu las lang tsho'i me tog gsal to// der rigs kyi chos rig byed yan lag dang bcas pa la legs par byang ba'i dus zhig na de nyid kyi gtsug lag khang du
- 35a
rab tu byung zhing bsnyen par rdzogs/ slob dpon chen po dbyig gnyen las sde snod gsum dang / theg pa chen po'i mdo sde du ma la sbyangs pa phul du phyin/ sde pa tha dad pa'i 'dul ba bstan bcos dang bcas pa mtha' dag la mkhyen pa'i spyan dang ldan/ rtag tu 'dul ba 'bum sde thugs la 'don par mdzad cing / lhan cig gnas pa'i dge slong stong phrag lnga yod pa'ang ma bsdams pa'i nyes byas phra mo tsam dang yang 'dza' bar mi byed cing / gal te byung srid na'ang phyir bcos kyi de ma thag tu sor chud par byed pas sngon gyi dgra bcom pa rnams kyi bstan pa skyong ba'i dus bzhin du yul bcom rlag gi gtsug lag khang a / gra pu ri zhes bya ba'i rgyan dam par mdzes pa nyid do// der tshul khrims rnam par dag pa'i bden pa ni mngon tshad med pa zhig pas kla klo'i grub mtha' 'dzin pa stong phrag bcu gnyis 'bar ba chen po me'i klong du re zhig rgyas 'debs par byed pa'i rgyal po las shugs can shrI haR+shas/ blon po ma tang ga ra dza chad pas bcad de mig phyung ba yang slob dpon 'di'i smon lam gyi bden pas sor chud par mdzad/ rgyal po de'i bla mar gyur pas nyin re bzhin longs spyod kyi 'du brgya chen po 'byor yang / gang zhig sbyangs pa'i yon tan bcu gnyis la gnas pa ni/ zas kyi gsum gos kyi gsum/ gnas khang gi lnga/ 'dug stangs kyi gcig ste/
- 35b
ston pas legs par bcas pa'i gnas las 'da' bar byed pa ma yin pas de ma thag dge ba'i grong khyer chen po ga la ba der dmigs pa med par rgyas 'debs par byed pa la sogs yon tan gzhal bar dka' ba zhig go/ 'dzam bu'i gling mdzes par byed pa'i rgyan gzhung byed pa po smra ba'i seng+ge phyogs kyi glang po ni/ rgyal rigs su smra ba'ang yod mod kyi 'dir rgya gar ba'i gtam gyi rjes su 'brangs nas/ lho phyogs kyi grong khyer sing+ga bak+ta ces bya ba ka ke'i yul dang nye bar bram ze'i rigs su 'khrungs/ phyi rol pa'i grub mtha' la legs par byang zhing nyan thos gnas ma bu'i sde pa'i mkhan por gyur pa glang po byin nam/ kha cig tu rgyal ba'i dbang po zhes bya ba las rab tu byung / theg dman gyi sde snod thams cad la mkhas par byas nas glang po byin pa la gdams ngag nod pas/ brjod du med pa'i bdag tshol ba bstan to// de rnam par brtags shing btsal bas yod pa'i phyogs dang 'gal ste/ nyin mo dkar khung thams cad bsal/ mtshan mo phyogs bzhir mar me btang / lus gcer bur phyung nas phyi nang kun tu yang yang lta bas brel ba ltar byed do// de grogs kyis mthong nas mkhan po la bsnyad pas mkhan pos de'i rgyu dris so// bdag ni blo rtul zhing dman pas mkhan pos bstan pa'i de nyid gang yin pa bdag gis ma mthong ste/ sgrib byed
- 36a
kyis sgribs so snyam nas blta ba'o// zhes don gyi mkhan po'i 'dod pa 'gog pa'i rig pa bstan pa des kyang go nas/ khros par gyur te/ kho bo'i grub mtha' la zur za ba khyod dengs shig ces skrod pa'i gnas ma yin pa yang bskrad do// 'di ltar dam pa rnams ni bag yod bsrung ba la mkhas pa yin pas/ de nyid du rigs pas sun dbyung bar nus mod kyang / slob dpon du gyur pas 'os ma yin par dpyad ste phyag btsal nas phyir dong ngo // re zhig nas na len+d+rar slob dpon chen po dbyig gnyen gyi drung du byon nas theg pa che chung gi sde snod rnam rig dang tshad ma la shin tu mkhas par gyur/ mdo lnga brgya tsam blor chud// sngags kyi dngos grub brnyes pa zhig las rig sngags nod ste bsgrubs pas 'phags pa 'jam dpal mngon sum du gzigs nas chos gsan/ oM Di bi sha zhes bya ba'i yul gyi nags tshal dben pa'i phyogs b+he ra si la zhes bya ba'i brag phug tu bsam gtan gyi brtul zhugs rtse gcig tu bsten to/ lo 'ga' zhig 'das pa na/ dpal na len+d+rar rang gi 'dod pa'i lha mngon sum du mthong ba'i rtog ge la byang ba dang bcas pa'i mu stegs kyi rgol ba brdzi bar mi nus pa dag lhags so// der nang pa rnams kyi rtsod pa'i ru mtshon sgreng bar rngo ma thogs nas/ slob dpon phyogs kyi glang po spyan drangs/ brgal ba dang / brtag pa dang / bsgrub
- 36b
pa dang / sun 'byin pa'i chu klung chen po bzhi rnam par 'khrug par gyur nas mu stegs can gyis 'dod pa'i gzhung snyems pa'i ca co dang bcas pa/ phyogs kyi glang po'i rigs par smra ba'i yan lag bdun gyis rnam par brdzis nas de dag sangs rgyas pa'i grub mtha'i phag tu yib par byed pa'i gnas la sbyar ro// der dge 'dun rnams la mdo sde du ma bshad cing chos mngon pa yang dar bar byas/ 'khor bar 'phyan pa'i rgyu'i gtso bo ma rig pas ldongs pa nyid drung nas 'byin pa'i gnyen po rnam 'byed kyi shes rab bskyes pa'i ched du tshad ma'i bstan bcos thor bu brgya rtsar longs pa yang brtsams/ nam zhig na rang gi blo gros thun mong ma yin pa'i lcags kyus drangs pa'i rtog ge'i tshul lugs de dag 'thor bu tshul du 'thor ba/ lus yongs su rdzogs pa'i dngos por rgyur pa'i bstan bcos tshad ma kun las btus su bya bar dgongs/ lho phyogs ri bo 'bigs byed dang nye ba'i bsti gnas de'i brag ngogs su mchod brjod dang / rtsoms pa'i dam bca' tshigs zu bcad pa/ tshad mar gyur pa 'gro la phan bzhed pa// ston pa bde gshegs skyob la phyag btsal nas// tshad ma bsgrub phyir rang gi gzhung kun las// btus te sna tshogs 'thor rnams 'dir gcig bya// zhes rdo thal gyis bris pas/ sa g.yo ba dang / 'od 'byin pa dang / sgra chen po grags par gyur/ der mu
- 37a
stegs kyi ston pa nag po thub rgyal zhes bya bas de'i ltas yin par shes nas/ slob dpon bsod snyoms la byon pa'i shul du 'ongs nas lan gnyis su bsubs so// gsum pa'i tshe slob dpon gyis / sngar bzhin bris nas mjug tu/ 'di ku re dang kyal ka'i phyir yin na dgos pa chen po yod pas ma dbyi zhig/ 'on te phrag dog gi dbang gis yin na blo la yod pa'i phyir bsub tu med do// gal te brtsod pa'i slad du yin na ni lus mngon du ston cig brtsod par bya'o// zhes bris pa na/ de mthong ste kho yang sdad do// der slob dpon bsod snyoms nas 'khor ba na/ bstan pa bya dgar bzhag ste/ brtsod pa'i las la zhugs pas/ mu stegs de lan mang po'i bar du pham par gyur nas/ da khyod sangs rgyas kyi bstan pa la zhugs dgos gsungs pa na/ kho khros te rig sngags kyi btab pa'i thal pa gtong bas/ slob dpon gyi yo byad phal cher 'tshig/ slob dpon yang 'tshig la khang du byung / der thugs skyo ste/ kye ma bdag gis mu stegs 'di gcig pu'i don yang bya bar ma nus na/ gzhan don rgya chen po ga la nus snyam/ zhi bde la mngon du dgongs nas thod le kor nam mkhar 'phangs pa'i yun la sems bskyed gtong bar dam bcas pa na/ de sa la ma lhung ba'i bar la 'phags pa 'jam dpal zhal bstan te/ bu kye ma khyed theg pa dman dang
- 37b
phrad pas blo gros ngan pa bskyed/ khyod kyis sangs rgyas ma thob par gyi dge ba'i bshes su nga 'gyur gyis/ mu stegs tshogs kyis khyod kyi bstan bcos 'di la gnod par nus min ste/ phyi ma'i dus su bstan bcos kun gyi mig gcig tu ni 'di 'gyur ro// zhes gsungs/ de slob dpon gyis kyang tshigs su bcad pas gsol ba btab ste/ bstan bcos chen po tshad ma kun las btus brtsams/ gzhan yang de'i rang 'grel dang / dmigs pa brtag pa rtsa 'grel la sogs pa bstan bcos kyi rim pa mang po mdzad/ re zhig na bro 'tshal bar gyur te grong khyer nas bsod snyoms spangs pa'i phyi na nags tshal gyi mthongs zhig tu bzhugs so// der cung zad mnal bar gyur te de'i lam du sangs rgyas mang po'i zhal mthong zhing ting 'dzin mang po thob/ lha rnams kyis me tog gi char phab/ glang po che'i tshogs kyis bsil ba'i grib ma la bsten cing yod pa na/ yul de'i rgyal po 'khor dang bcas pa skyo sangs la 'ongs pas mthong ba'i mod la rol mo'i sgra sgrags pas mnal sad/ khyod phyogs kyi glang po yin nam zhes 'dri ba la/ de ltar 'dogs gsungs/ rgyal po dad de zhabs la phyag byas/ de nas lho phyogs kyi rgyud du byon nas yul tha dad pa'i mu stegs kyi rgol ba phal cher rigs par smra bas tshar bcad pas rtsod pa'i khyu mchog chen por grags/ sngon
- 38a
/ gyi chos gzhi nyams pa thams cad sor chud par mdzad/ oM Di bi sha'i rgyal po'i blon po b+ha dra sa li ta zhes bya ba sangs rgyas kyi bstan pa la btsud/ bram ze des gtsug lag khang chen po bcu drug bzhengs pa re rer dge 'dun gyi sde chen po re btsugs/ bram ze de'i skyed mos tshal na nad thams cad gso nus pa muSh+Ti ri ta ka zhes bya ba a ru ra'i bye brag gi sdong po zhig/ skye bo mang po'i nyer tshor gyur pa skams par gyur pa la tshul khrims rnam par dag pa'i smon lam gyi bden pas sor chud par mdzad/ chos kyi rjes su bzung ba'i slob ma ni/ rig pa'i gnas thams cad la mkhas shing / kun las btus kyi 'grel pa byed po dpal ldan chos kyi grags pa'i yang slob dpon du gyur pa dbang phyug sde la sogs pa dpag tu med pa yod de/ phyi bzhin 'brang ba'i dge sbyong ni gcig kyang ma bzung / sngon ston pa'i drung na gnas pa'i nyan thos chen po de dag bzhin du 'dod pa chung zhing chog shes pas sbyangs pa'i yon tan bcu gnyis las nyams pa med par oM Di bi sha'i nags khrod zhig tu sku yongs su mya ngan las 'das so// slob dpon chen po 'di dang thog mnyam par/ dbyig gnyen gyi dngos slob btsun pa dge 'dun 'bangs dang 'phags pa rnam grol sde/ sku ched gnyis ka'i slob mar gyur pa slob dpon chos 'bangs sogs kyis kyang
- 38b
bstan pa'i bya ba mdzad/ de bzhin du sangs rgyas bskyangs dang / legs ldan 'byed gnyis snga phyir byon nas dbu ma ngo bo nyid med par smra ba'i gzhung btsugs/ shing rta'i srol 'byed gnyis kyi gzhung ni shin tu'ang tha dad ste/ thogs med kyi gzhung ni sems tsam kho na yin la/ 'phags pa klu sgrub kyi dbu ma'i lam du gyur pa ni kho bo cag gi 'di las gzhan du ma yin no zhes mtha' gzhan 'gog par mdzad pas theg pa chen po'ang 'di nas sde gnyis su gyes so// rmad du byung ba'i slob dpon chen po tsan+d+ra go mi ni/ dge slong sde snod gsum pa gcig rgyal po'i pho brang du dus ston gyi slong mor 'khyams pa bsod snyoms ma thob par sgo bas bskrad pa las/ kha zas bcas pa'i bkres pas nyen te tshe 'phos pa'i tshe/ phyi ma rgyal por gyur nas/ rab tu byung ba rnams zas kyis tshim par bya ba'i smon lam btab pas/ rgyal po shrI haR+sha'i bu rgyal po ngang tshul du skyes/ de rgyal srid la gnas pa'i tshe/ shar phyogs pa ren+dar 'phags pa spyan ras gzigs kyi zhal mthong ba'i paN+Di ta gcig/ mu stegs rgyang phan pa gcig dang rtsod par gyur nas de sun phyung bas/ mu stegs na re/ rtog ge'i rig pa ni blo gros rnam par brtag pa yin pas gang 'gran pa de rgyal ba'i chos can/ skye ba snga phyi yod pa'i rtags mngon sum du med pas mi 'dod zer ba na/ rgyal po dang
- 39a
/ bcas pa dbang por bzhag nas/ dpral bar mtshal gyi thig le btab/ kha nang du mu tig bcug ste skye ba mngon du ston pa'i phyir 'das shing / de'i phung po zangs kha sbyor du bcug nas rgyal pos rgyas 'debs par byas so// de rgyal rigs kyi paN+Di ta bi she pa ga zhes pa'i bur skye bar khas blangs pa bzhin de la khye'u mtshan dang ldan pa dpral bar mtshal dang kha ru mu tig yod pa byung ngo // rgyal pos sngar gyi phung po bltas pa na dpral ba'i mtshal yang byed/ mu tig gi bshul ha re 'dug/ der mu stegs kyang yid ches/ khye'u btsas ma thag nas ma la phyag byas te zla ba bcur 'o ma brgyal tam byas pas/ ltas ngan no snyam nas kha rog 'dug par gdams/ de nas lo bdun du cang ma smras pas yang lkugs par dogs so// der mu stegs can zhig gis/ snyan dngags shin tu dam par sangs rgyas pa'i grub mtha' 'gog pa'i don brtsams nas rgyal po dang mkhas pa'i tshogs la grims so// der yab paN+Di tas yun ring du brtags kyang brtsom pa po'i mu stegs de ni brda' sprod pa'i dbang phyug ces bya ba kun gyis thub par dka' ba yin pas sgra don ji bzhin pa ma 'tshal na/ lan gdab pa lta ci smos/ der yab phyi rol du song ba'i shul du tsan+da lo bdun pa des dka' ba med par lan btab tshigs su bcad pa dang / mtshan bus don kyang dkral te bzhag
- 39b
go/ de phas mthong ste khyim du su zhig lhags zhes 'dri ba na/ su yang ma byung ste bu lkugs pas lta zhing bris so smra/ phas bu la dris pa na ma'i gdong la lta zhing cang mi smra'o// mas bzlos shig byas pas/ 'di ni bdag gi ste rgol ba 'di bzlog pa la dka' ba med do zer/ nang par bu tsan+da dang mu stegs gnyis rtsod pas tsan+da go mi rgyal te bya dga' rgya chen po yang thob bo// de ltar sgra dang rtog ge la sogs pa rig gnas ni rang bzhin gyis shes pa zhig byung bas grags pa'i zla 'od kyang kun na gsal/ slob dpon blo gros brtan pa las mdo sde mngon pa'i sde snod phal mo che lan cig nyan pa tsam gyis mkhyen/ rig pa 'dzin pa mya ngan med bya ba las rigs sngags nod ste bsgrubs pas spyan ras gzigs dang / sgrol ma'i zhal mngon sum du gzigs/ mkhas pa'i dbang phyug chen por gyur te/ sman dpyad dang / sdeb sbyor dang / bzo'i gnas la bstan bcos mang du mdzad cing / khyad par sgra rig pa dang stobs su gyur nas gshad/ b+ha ren dra'i rgyal po'i bu mo ta' ra zhes bya ba bag mar blangs shing lhan cig gnas so// lan cig de'i g.yog mos twa ra zhes rje mo la bos pas/ yi dam dang mtshan mthun pa khyim thab tu mi rung bar dgongs nas yul gzhan du 'gro bar brtsams pa rgyal pos shes te/ nga'i bu mo dang lhan cig mi 'dug na gang+gA la bsgyur cig
- 40a
ces bsgyur ba na/ slob dpon gyi rje btsun mar gsol ba btab pas/ 'phags mas sprul pa yin zer gang+gA dang rgya mtsho phrad mtshams kyi gling zhig tu thon/ slob dpon der bzhugs pas gling ming tsan+dan dri par chags/ da lta'ang grong khyer bdun stong tsam shong ba yod skad/ der spyan ras gzigs dang / sgrol ma'i rdo sku bzhengs/ dang por nya pa'i tshogs kyis shes shing / rim gyis skye bo gzhan byung bas grong brdal du chags/ 'phags pas bskul ba bzhin go mi'i dge bsnyen mdzad pas tsan+da go mir grags/ de nas tshong pa rnams dang 'grogs te sing+ga la'i gling du byon yul der klu nad dar ba la 'phags pa seng+ge sgra'i lha khang bzhengs pas rang zhi/ bzo dang sman dpyad la sogs pa rig pa'i gnas mang po spel/ skye bo blun po rnams la phan pa rgya chen po btags/ yul bdag gnod sbyin las nor blangs te/ chos gzhi mang du btsugs/ theg pa chen po'i chos kyang cung zad bshad/ slar 'dzam bu'i gling gi lho phyogs kyi rgyud du byon/ bral ze mchog sred kyi lha khang na/ klu she Sha la rang gis sgra nyan pa'i bkod pa dang / klus byas pa'i pA Ni pa'i 'grel pa 'dug pa gzigs pas/ tshig nyung la don mang ba/ tshang la ma bzlos pa ni 'grel pa'i yod tan yin na/ klu ni rab tu rmongs te/ tshig mang ba/ don nyung ba/ zlos pa/ ma rdzogs pa zhes smad nas/ pA
- 40b
ni pa'i don 'grel tsan dra bya ka ra le lag dang bcas pa mdzad nas der/ nyung ngu rnams gsal yang dag rdzogs/ zhes klu la gzhur brtag pa'ang mdzad/ de'i tshe dpal na len+d+ra zhes gtsug lag rgya mtshos bsten pa'i kun dga' ra bar/ gang mu stegs can gyis rtsod pa la 'jigs pa'i brtul zhugs ma rmad pa de ni lcags ri'i phyi rol du chos 'chad la/ de las gzhan du gyur pa ni ma yin no// der slob dpon tsan+da go mi na len+d+har song ba na/ de'i tshe lho phyogs sa man+tar sku 'khrungs shing chung ngu nyid nas rig pa'i gnas pa'i gnas rgya mtsho'i pha mthar son pa/ de bzhin gshegs pa'i bstan pa la rab tu byung nas sde snod mtha' dag gi mdzod 'chang ba/ legs ldan 'byed kyi slob ma'i tshogs dang / sangs rgyas bskyangs kyi slob ma ka ma la bud+d+hi las shing rta chen mo klu sgrub kyis gzhung dang man ngag la legs par sbyangs nas mkhas pa'i dbang phyug chen por gyur la/ chos thams cad kyi bden par zhen pa sgyu ma dang rmi lam lta bu'i ngo bor rgyas thebs pas/ ri mor bris pa'i ba men las 'o ma bzhos te dge bdun rnams la 'o thug gis tshims par mdzad pa dang / snang ba'i bden 'dzin mnyam pa nyid du zhig pas rdo'i ka ba la phyag gis zang thal rtsig pa la thogs med du bzhud pa la sogs ting nge 'dzin grub pa'i yon tan du mas brgyan pa dpal ldan zla ba grags pa
- 41a
/ zhes snyan pa'i rol mo phyogs bral 'gro ba'i rna lung du dpyad pa de nyid/ dri gtsang khang chen po de'i mkhan por gyur nas phyi rol du chos 'chad cing yod pa'i tshe/ slob dpon tsan+d+ra go mi gdugs kyi yu ba la bzung nas de'i mdun na 'greng bur 'dug go/ rgya gar 'phags pa'i yul gang rtsod par 'dod pa ni 'greng bur gnas/ chos nyan pa ni gus pa'i tshul gyis so// rgyu des zla ba grags pa ni rtsod zlar dgongs nas/ yon tan ci shes dris pas/ sgra pA Ni pa dang / bstod pa brgya lnga bcu pa dang / mtshan yang dag par brjod pa gsum shes byas pas/ 'di khengs pa bskyungs pa ltar snang yang / sgra rig pa dang / mdo dang / sngags thams cad shes par mkhas blangs pas tsan+d+ra go mi'am snyam du dris pas/ de ltar grags gsung / 'o na mkhas pa chen po lags pas/ dge 'dun gyi bsu ba byed dgos/ re zhig phyir gshegs 'tshal gsungs pas/ bdag dge bsnyen pa la dge 'dun gyi bsu ba bya ba ga la 'thad gsungs/ 'di la thabs shig yod kyi shing rta'i steng du 'phags pa 'jam dpal bzhugs par bya'o// de la rnga yab g.yo ba cing byon cig/ 'jam dpal bsu ba byas pa'i rnam 'gyur ro gsungs nas/ shing rta gsum du byas pa'i dbus ma la 'phags pa'i sku dang / g.yas g.yon nas slob dpon rnam gnyis kyis rnga yab g.yob cing byon//
- 41b
mdun nas dge 'dun gyi tshogs bsu bar byon pa'i tshe/ tsan+d+ra go mi la 'jams dbyangs de sku dngos kyi snang bar gyur nas sho lo ka bzhi bcu pa'i bstod pa de mdzad pas/ 'jam dpal dbu yon mdzad de yon tan de tsam mnga' 'am gsungs/ ltad mo la 'ong ba'i skye bo'i tshogs mang pos kyang mthong nas de skad du smras pas rang sar lus te 'jam dbyangs dbu yon mar grags/ der tsan+d+ra go mi dad pa'i shugs rgyas pas shing rta'i kha lo ci dgar lus pa zla grags kyi sngon du song bas/ 'di ni nga rgyal can te rtsod par bya'o snyam du dgongs so// der tsan+da go mis thogs med kyi srol la brten te rnam rig gi phyogs bzung / zla grags kyis klu sgrub kyi lam srol la brten nas ngo bo nyid med par smra ba'i phyogs bzung nas/ lo bdun gyi bar du brgal brtag mdzad do// rtsod pa'i dus tsan+d+ra go mi la 'phags pa spyan ras gzigs kyis slob kyin yod pas zla ba grags pa re zhig pham pa ltar byung ba na/ 'di la rtsod pa slob pa zhig yod nges snyam/ 'phags pa rdo rje sku'i lha khang na tsan+d+ra go mi bzhugs kyin yod pa'i phyi bzhin song ste gzigs pas/ spyan ras gzigs kyi rdo skus tsan+da go mi la slob dpon gyis slob ma la bya ba bzhin du rig pa bslab pa mthong ngo // der 'phags pa nye ring ma mdzad ces gsungs pas/ chos slob bzhin pa'i phyag mdzub ke re lus pas
- 42a
/ 'phags pa mdzub ker mar grags/ rtsod pa shin tu yun ring bas ltad mor lhags pa'i grong pa khye'u pho mo tshun chad kyis phyogs tsam rig pa'i glu len pa byung zer/ mthar rtsod pa rang bzhin zhi nas zla / grags kyis spyan ras gzigs la gsol ba btab pas/ mnal lam du khyod ni 'jam dbyangs kyis byin gyis brlabs pas mi dgos mod kyi/ ngas tsan+d+ra go mi la cung zad byin gyis brlabs pa yin gsungs// gsang 'dus 'phags skor ba rnams la rang sa'i lo rgyus kyang snang / yang re zhig na dbul mo'i bu mo khyim thab tu 'gro ba'i chas med nas yul sna tshogs su slong mor 'khyams shing / mthar gyis tsan+d+ra go mir bslangs pas/ sku la gsol ba'i na bza' dang / brgyad stong pa'i glegs bam gcig las gzhan gang yang med pas/ dbul 'phongs la brtse ba'i thugs kyis logs bris kyi sgrol ma'i sku la gsol ba btab cing spyan chab phyung bas/ dngos su gyur te sku'i rgyan rin po che sna tshogs las grub pa rin thang spangs pa dag mgul nas phud de slob dpon la stsal ba de la byin to// der ri mo'i sku snyan rgyan med par song bas sgrol ma rgyan med mar grags shing / rgyan phud pa'i shul lam me yod skad/ dus der slob dpon zla ba grags pas mdzad pa'i bstan bcos kun tu bzang po zhes bya ba tshigs su bcad pa'i sgra mdo sdebs legs
- 42b
pa dag gzigs pas/ rang gi sgra mdo sdebs mi legs par mkhyen nas/ 'gro don mi 'byung ngo snyam ste dpe khron par bsgyur ba na/ rje btsun mas/ mkhas pa'i nga rgyal gyis byas pa'i bstan bcos ni phan thogs chung ngu 'gyur la/ khyod kyis ni gzhan phan gyi bsam pa bzang pos byas pa'i phyir sems can la phan par gyur pas dpe khron pa nas phyung zhig/ ces lung bstan pa ltar blangs zer/ kha cig/ kun tu bzang po dar che bar gyur pa na/ tsan+da go mis 'phags pa la bdag gis 'di dar bar gsol ba btab pas/ kun tu bzang po dar 'phro chad nas tsan+d+ra pa dar bar gyur to// der zla ba grags pa thugs chad nas bstan bcos khron pa la 'phangs pas khron pa'i ming tsan+da khron par chags zer/ lo rgyus 'di gnyis brjod bya dang rjod don thams cad tha dad pa rang rang gi rjes su 'jug pa dag gi 'dod pa min rung ste/ ji ltar yang khron pa de nas chu 'thung tshad shes rab che bar grags pa mdo mthun no// kun tu bzang po ni da lta ming tsam las mi snang la/ tsan+da pa ni phyi nang thams cad kyi slob par grags shing dar ba 'di'o// slob dpon 'dis sku dang / snyan dngags dang / mngon brjod dang / rtog ge dang / sman dpyad dang / bzo'i gnas brgya rtsa dang / skar rtsis la sogs pa'i bstan bcos kyang mang du brtsams shing / slob ma'i tshogs la'ang de kho na
- 43a
'chad pa'i tshe/ rje btsun mas/ phyi rol pa'i ngan pa drug dang 'dres pa'i bstan bcos la smra zhing / nang pa'i tshul gsum dang ldan pa'i gnas la legs par bsngags pa ni 'di lta ste/ sa bcu pa dang zla ba sgron ma dang // sdong pos brgyan pa dang ni lang dkar 'jug/ rgyal ba rnams kyi yul gyur klogs shig kye// sdeb sbyor ngan g.yo'i sbyor bas khyod la ci// zhes bskul bas/ thun mong ba'i rig pa'i gnas la brtson pa'i zhags pa lhod de/ rmad du byung ba'i mdo lnga po dag gzhan la 'doms shing / rang nyid kyang nyin rer zhal don du bgyid pa dang / de dag gi don bsdu'i bstan bcos kyang mdzad/ spyir bstod pa/ nang rig pa/ phyi rol gyi bstan bcos/ bzo'i gnas dang bcas pa re re nas brgya rtsa brgyad re/ phra mo ba bzhi brgya sum cu rtsa gnyis brtsams/ theg pa chen po'i bstan bcos byang chub sems dpa'i lam rim mtha' dag gi brjod don ljongs pa zhig mdzad pa 'gro lding dang / sing+ga la'i yul na dar/ gzhan yang sku gsum la 'jug pa dang / sdom pa nyi shu pa la sogs pa bstan bcos kyang shin tu mang / mthar po ta lar gshegs pa bzhin nas/ shrI d+ha na'i gling du byon pa na/ sngon klu she Sha'i bstan bcos la smad pa 'khon du bzung nas rgya mtsho'i rlabs kyi gru gzings la gnod pa dang / tsan+da go mi phyung zhig zer ba'i sgra byung bas//
- 43b
sgrol ma la gsol ba btab pa tsam gyis gtso 'khor lnga mkha' lding la chibs pa nam mkhar byon nas 'jigs pa las bsgral/ shrI d+ha nar bde bar son pas dpal ldan 'bras spungs kyi mchod rten la bsnyen bskur/ sgrol ma dang / spyan ras gzigs kyi lha khang so so nas brgya rtsa re bzhengs/ ri bo ta lar gshegs nas sku lus ma spangs par da lta yang bzhugs par grags/ re zhig na slob dpon ma rgyal rigs rin chen grags pa zhes bya ba dge slong las babs pa zhig sdig pa sna tshogs spyod pa gzigs nas slob springs 'di gdams pa po ta la nas tshogs pa'i tshogs la sku bskur bas/ de yang chos bzhin spyod par gyur to// chen po bzhi zhes grags pa'i ya gyal d+harma pA la'am chos skyong ni/ rgyal po seng+ge dang / b+ha ra shas rgyal srid skyong ba'i dus slob dpon tsan+da go mi sogs dus mnyam pa tsam na/ snyan ngag mkhan gyi rigs las lho/ phyogs kyi rgyud du 'khrungs/ dge bsnyen du gnas pa'i dus nas rigs kyi yon tan dang / phyi nang gi gzhung lugs phal mo che mkhyen/ slob dpon chos 'bangs las rab tu byung zhing 'dul ba nyan/ slar phyogs kyi glang po las sde snod yan lag dang bcas pa nyan pas mkhas pa'i dbang phyug chen por gyur/ mdo sde brgya rtsa brgyad zhal 'don du bgyid cing / rdo rje gdan du byon nas lhag pa'i lha rnams la bstod pa mang po
- 44a
mdzad/ 'phags pa nam mkha'i snying po bsgrubs pas byang chub shing rtse mo la byon pa gzigs/ de phyin chad nas rtag tu 'phags pa la chos nyan par nus shing / slob ma'i tshogs byang chub sems dpa'i rtsa lhung byung ba kun la'ang dngos sam/ rmi lam gang yang rung bar 'phags pa nam mkha'i snying po'i mdun du ltung ba bshags su 'jug nas/ rang nyid dge bdun dang bcas pa'i 'tsho ba'i yo byad kyang sbyin bdag la mi 'tshal bar nam mkha' mdzod las blang pas chog par grags/ zla ba grags pa'i rjes su dpal nA len+d+ra'i mkhan po mdzad/ mu stegs kyi rgol ba rnams khro rgyal dbyug pa rnon po'i mthus sdigs nas ngag gnod par byed pa zhig byung / dbu ma bzhi brgya pa rnam rig tu bkral ba'i 'grel pa la sogs pa bstan bcos kyang mdzad/ sku che'i mthar lho phyogs gser gling du byon/ bcud kyi len pa'i dngos grub nye bar bsgrubs te/ legs bris kyi gnas ga la bar bzhud de zhes grags so// rmad du byung ba'i skyes bu chen po slob dpon shAn+ta de ba'am zhi ba'i lha ni/ lho phyogs se raSh+Tar mi'i bdag po 'jam dpal go cha zhes bya ba'i sras su skye ba'i ljon shing bzung to// der ni bkur bar 'os pa'i gnas thams cad la gus pa'i shing rta brtan cing / 'phongs pa dang mgon med pa thams cad la brtse ba chen po dang ldan pas de tsam nas theg pa
- 44b
chen po'i rigs sad pa zhig go/ sngon gyi las 'phro'i mthus gzhon nu nas mnal lam na 'phags pa 'jam dpal zhal gzigs/ bstan bcos dang spu rtsal mang po mkhas par gyur/ re zhig na rgyal srid la dbang bskur ba'i khri bshams pa na/ rmi lam du 'phags pa 'jam dpal khri la bzhugs nas/ bu gcig 'di ni nga yi stan yin ste/ nga ni khyod kyi dge ba'i bshes gnyen yin// khyod dang nga gnyis stan gcig la 'dug pa// 'di ni rnam pa kun tu rigs ma yin// zhes 'phags pa 'jam dpal gyis chos kyi rgyal srid chen por dbang bskur ba'i don gyi gnang ba byin to// de bzhin du 'phags ma sgrol mas rang gi ma'i tshul bzung nas/ khrus kyi phyir chu tshan spyi bo nas blugs pas/ de'i tsha ba'i reg bya la dris pa na/ bu rgyal srid ni dmyal ba'i chu tshan mi bzad pa nyid de/ des khyod la dbang bskur bar nye'o// gsungs pas 'di snyam du/ kye ma rgyal srid ni dug gi sdong bu bzhin te/ thar pa dang thams cad mkhyen pa'i srog gi gshed ma nyid do// 'di ni shin tu mi rung ngo dgongs nas nang par rgyal bar bsko ba la nye ba'i nub mo bros so// der zhag nyi shu rtsa gcig tu phyin pa na skom pas gdungs te nags kyi rtsa ba'i chu mig la 'thung bar brtsams pa na/ bu mo zhig byung nas de ni dug gi chu ste btung bar mi 'os so// zhes ldog nas chu zhim po nags kyi phug na
- 45a
rnal 'byor pa gcig 'dug pa'i drung du khrid do// de ni 'jam pa'i rdo rje yin te/ sa mkhan gyi bud med ni sgrol ma'o// der rnal 'byor pa de'i sku gsung thugs kyi rnam par thar pa dul zhing zab pa'i gnas la mos gus kyi lang tsho shin tu brtas par gyur nas rjes su 'dzin par zhus pas/ dbang bskur rjes su bstan pa byin pas ting nge 'dzin dang ye shes kyi sgo dpag tu med pa brnyes so// dus de snyed nas 'phags pa'i snang ba dang rtag tu 'grogs pas shing gi ral gri shubs dang bcas pa gcig bcangs te rtul zhugs kyi rgyu ba las/ rgyal po seng+ge lnga pa'i 'khor gyi nang du zhugs nas/ sgyu rtsal gyi gnas thams cad la shin tu mkhas shing blo gros chen por 'dug nas lha'i sku srung nyid du zhal 'ches so// der bzo'i gnas thams cad kyang dar bar mdzad/ rgyal srid chos bzhin du skyong du bcug pas/ blon po gzhan rnams kyis phrag dog byas te/ lha gzigs su gsol/ 'di ni g.yo can zhig ste/ ral gri yang shing las med na lha'i sku srung nus min brtag par bya'o zhes bcad nas/ rim bzhin thams cad kyi mtshon cha rgyal po'i spyan / sngar ston pa la zhugs pa na/ slob dpon gyis bdag gis ral gri ni blta bar mi bzod do// zhes gsungs kyang nan gyi bskul lo// 'o na mig ya gcig bkab la ltos shig gsungs nas dam tshig gi ral gri
- 45b
shubs nas phyung ma thag ral gri'i mthus rgyal po'i mig gcig shos sa la lhung ngo // rgyu de nyid kyi rgyal po 'khor dang bcas pa skrag par gyur te skyabs su song bas/ slar mig 'drul ba 'byar bar mdzad pas mchog tu dad / rnyed bkur gyis bsnyen nas bzhugs par gsol yang ma gnang ste rgyal srid chos bzhin bskyang ba dang / nang pa'i chos gzhi bcu phrag gnyis 'dzugs par dgongs nas yul dbus su byon/ dpal na len+d+ra go mi'i phyi ma mkhan po rgyal ba'i lha las rab tu byung / mtshan zhi ba ltar btags/ der paN+Di ta rnams dang lhan cig gnas pa las/ nang du 'phags pa 'jam dpal la chos gsan zhing ting nge 'dzin gyi sgo dpag tu med pa brnyes/ bslab pa kun nas btus dang / mdo kun nas btus legs par brtsams pas mkhas pa'i yang rtser son pa yin kyang / gzhan ngor kha zas kyang bro'o che lnga lnga gsol/ nyin mtshan du mnal zhing / thos bsam sgom gsum gang yang mi byed pa ltar b+hu su ku'i tshul du bzhugs pas/ dge 'dun rnams na re/ dad rdzas chud gsan par byed pa'i 'du shes gsul pa 'di bskrad par 'os so// de'i phyir na mdo re mos su bton la rang bud du 'gro bar bya'o zhes bgros nas/ cho 'phrul zla ba la gsung rang re mos kyi 'don pa'i skabs su 'byon par bskul lo// der slob dpon gyis kho bo cag gi ci yang mi
- 46a
shes so zhes lan 'ga' bcom spungs na'ang 'du bar byas pa'i dbus su khri chen po bshams so// de'i tshe slob dpon nyid byon te khri'i steng du bag tsha ba med par bzhugs nas/ mdo sngar byung ba zhig 'don nam/ 'on te sngar ma grags pa zhig 'don gsungasas pas/ thams cad kyang tshod pags pa la spro bar gyur nas sngar ma grags pa zhig 'don par bskul to// der byang chub sems dpa'i spyod pa la 'jug pa gsungs nas/ gang tshe dngos dang dngos min dag/ blo yi mdun na mi gnas pa// ces pa'i tshig mtshams nas nam mkha'i dbyings la je thor gshegs nas sku lus mi snang bar gyur na'ang / tshangs pa'i dbyangs dang bcas pa'i chos kyi sgra ni gzhung ma rdzogs kyi bar du rgyun ma chad pa gyur to// de'i tshe skyes bu dam pa 'di ni blo gros mi zad pa'o zhes mgrin gcig tu sgrog par byed cing / paN+Di ta gzungs thob pa rnams kyis blo la bzung ba na/ kha che ba rnams la sh+lo ka stong lhag pa zhig byung / mchod brjod rang gi blos sbyar/ yul dbus pa zer te shar pa rnams la sh+lo ka bdun brgya las ma byung ba/ bshags le dang / shes le chad par grags/ mchod brjod pa dbu ma'i de nyid lhan thabs su byas/ dbus pa rnams kyi mchod par brjod pa dang / rtsom pa'i dam bca' med pa/ rjes sngags kyi dbang du rtsis pa'i sh+lo ka stong gcig byung
- 46b
bas/ bzhugs tshogs kyi gnas la the tshom bkod par gyur to// de tri ling+ga'i cha grong khyer ka ling+gar gshegs nas de nyid du bzhugs zhes thos pas paN+Di ta gsum gyis song nas/ na len+dar 'byon par zhus pas ma gnang / rang rang gi bzung ba yi ger bkod pa'i lugs gsum po gang dag pa yin zhus pas yul dbus pa rnams kyis bzung ba ltar yin gsungs/ 'o na bslab pa kun las btus dang / mdo kun las btus blta bar gsungs pa gang yin zhus pas/ brang khang gi dkar khung na shin shun la paN+Di ta'i yi ge phra mos bris pa'i glegs bam yod pa longs gsungs/ yul de na nags tshal dang bcas pa'i gtsug lag zhig mchis par dge slong lnga brgya tsam dang lhan cig par bzhugs pa las nags tshal gyi ri dwags brang khang du 'ongs pa rnams rdzu 'phrul gyis dmigs pa med par rgyas btab pas/ slob dpon gyi brang khang du ri dgas rnams song ba mthong zhing / phyi byung ba ma mthong la/ ri dwags kyi tshogs kha bral ba'ang dge slong rnams kyis shes so// der dkar khung nas bltas pa na slob dpon sha gsol ba mthong nas/ dge 'dun rnams kyi rgol bar brtsams pa na/ ri dwags rnams slar gsos te nyams stobs dang ldan pa dag phyir byung nas nags gseb tu song ngo // slar rab tu byung ba'i rtags kyang bor te blang dor med pa'i spyod pa la
- 47a
gshegs pa'a'i tshe/ sgo drung zhig tu skye bo gcig gis 'khrud ma dor ba'i zegs ma slob dpon gyi zhabs la reg pas lcags bsregs la phog pa bzhin du khol par gyur pa de mthong ngo // ji zhig na ba ti bi ha ra'i rgyal po'i sa char mu stegs kyi paN+Di ta bde byed ces bya bas 'ongs nas phyi nang grub mtha' la brtsad cing mthu dang rdzu 'phrul 'gran par bskul pa na/ nang pa gzhan rnams bag ha tsha bar gyur to// der sngar gyis 'khrud ma'i bya ba mthong ba'i skye bo des dran nas nges par rtsod pa bzlog pa zhig des nus so snyam nas slob dpon gyi drung du phyin/ mu stegs dang nus pa 'gran par zhus pas zhal gyis bzhes pa bzhin du yul de'i rgyal po la'ang bsnyad do// rgyal pos skye bo mang po 'dus pa'i dbus su khri brtsigs nas phyi nang grub mtha' la rtsod du bcug pas slob dpon nyid rgyal lo// der mu stegs kyis nam mkha' la rdul tshon gyi dkyil 'khor chen po skad cig la bris pa na/ slob dpon gyis zad par rlung gi ting nge 'dzin la mnyam par bzhag pas dkyil 'khor dang mu stegs rnams 'thor rlung drag pos bskrad pa chu bo zhig chis pa'i pha rol du song ngo // der chos shin tu dar bar mdzad cing yul de la'ang mu stegs pham pa'i yul du ces skabs der grags kyang dus kyi stobs las da lta ming de skad du grags pa'i nges pa'ang med
- 47b
ces mkhas pa dag kyang gleng ngo // gzhan lta ba khyad par can 'dzin pa lnga brgya dang / mu to ba stong phrag la 'tsho ba sbyar/ 'khrug pa chen po'i 'thab zlar zhugs nas rdzu 'phrul gyis bsdams pa la sogs pa ngo mtshar can gyi mdzad pa'i gtam bdun zhes bgrang ba'ang yod kyi dgongs pa dang spyod yul gzhan las khyad par 'phags pa'i tshul/ paN+Di ta b+hU ti tsan+das/ rgyal ba'i bstan la bdag nyid che/ skyes bu mang po byon mod kyi// zhi ba'i lha yis mdzad pa 'dra'i// nyams dang dgongs pa can mi rnyed// ces gsung bzhin no// rig pa smra ba thams cad kyi gtsug tor gyi nor bur son zhing 'dzam bu'i gling mdzes pa'i rgyan drug las// gzhung 'grel par byed pa'i slob dpon chen po dpal ldan chos kyi grags pa ni/ lho phyogs rgya mtsho dang nye ba'i yat+pa la kAny+tsi na ga ra zhe'am/ phyi nang kun la grags pa tri ma la ya'i yul gyi ming gi bye brag las mkhas pa'i mdun sar rgyal dbang gtsug gi nor bu zhes bya bar rgyal po seng+ge lnga pa rgyal srid la gnas pa'i dus bram ze'i rigs su skye ba'i myu gu bzung zhes grag go/ chung ngu nas blo gros shin tu sgrim pas/ rigs kyi chos dang / yab mu stegs kun tu rgyu ro zan+ta zhes bya ba'i dbang las mu stegs can gyi grub pa'i mtha' ma lus pa la mkhas par sbyangs pas rtser son to// der bram ze rnams kyis lhag par yang
- 48a
bsngags pa'i skabs shig/ ston pa bden par gsungs pa'i grub pa'i mthar 'ga' zhig 'dren byed kyi lam du dong ba na/ rang gi ston pa ni skyon dang bcas shing / bstan bcos dag kyang rnam par grol ba'i lam mkhas phyir phyogs pa'i mtshang rig par gyur nas/ mos pa'i shing rta la dge bsnyen gyi cha lugs su 'dzegs so// bram ze rnams kyis de'i rgyus dris pa na/ bsngags par 'os gnas brjod pas/ de dag gi gnas nas bskrad do/ der yul dbus su slob dpon chos dbang las rab tu byung nas sde snod gsum la mkhas par byas/ mdo sde dang gzungs sngags sdom pa'ang lnga brgya thugs las 'don/ rtog ge'i bstan bcos gzhan mang po nyan yang tshims pa thob par ma gyur nas/ dpal phyogs kyi glang po'i slob ma dbang phyug sde las tshad ma kun las btus tshar gcig nyan pas slob dpon dang mnyam/ lan gnyis nyan pas phyogs kyi glang po dang mnyam pa byung / gsum pa'i tshe dbang phyug sdes kyang phyogs glang gi dgongs pa ma long pa'i 'khrul pa'i gnas ji bzhin par bzlas pas/ slob dpon shin tu mnyes te khyod ni phyogs kyi glang po dang gnyam mo// grub mtha' nor pa thams cad sun phyung la tshad ma kun las btus kyi 'grel pa'ang gyis shig par gnang ba thob bo// sngags kyi slob dpon ni 'dod pa tha dad kyang De gi pa 'thad par
- 48b
byed pa de las dbang bskur ba yang dag nod par nod de/ lhag pa'i lha sgrubs pas he ru kas mngon sum par zhal bstan/ ci 'dod gsung ba na/ phyogs thams cad las rnam par rgyal bar 'tshal lo// zhus pas bzhad sgra dang bcas mi snang bar gyur to// der bstod pa rgyun chags kyang mdzad/ re zhig na mu stegs can thams cad tshar bcad pa'i phyir gzhan gzhung gi grub mtha'i gsang tshig slob par bzhed nas// khol pa'i cha lugs su rdzus nas lho phyogs kyi rgyud thams cad du byon/ mu stegs kyi grub mtha' la su mkhas/ dris pas/ 'gran gyi do med gzhon nu rol pa yin zer/ chos 'byung snga ma tshor 'di zhang po yin par 'dod cing gzhon nu ma len zer ba sogs bka' mi btsan par grags/ mu stegs 'di dang / lha chen po'i rjes 'brang gnyis la sogs pas sangs rgyas bskyangs dang / legs ldan dang / phyogs kyi glang po'i slob ma mang po'i rtsod pas dma' phab nas mnga' thang dang longs spyod phrogs pa'i gtam rgyud yod do// de'i tshe gzhon nu rol pa de rgyal po las mnga' thang thob pa'i 'bras sA lus zhing phun sum tshogs pa dang / ba lang dang / ma he'i tshogs dang ldan zhing / bran pho mo lnga brgya re re dang / zho shas 'tsho ba'i 'khor dang bcas pa yod pas/ de'i g.yog tu bzhugs nas de thams cad kyis slob dpon gcig pus drin par mdzad
- 49a
pas mu stegs khyo shug gnyis shin tu mgu'o// khyod ci 'dod zer ba la/ grub mtha' nyan par 'tshal lo byas pas slob ma'i grar btsud/ gsang tshig bu dang chung ma la ma gtogs gzhan la mi ston pa 'ga' zhig yod pa de dang de mgu bar byas te khong du chud par byas pas/ grub mtha'i gnas thams cad shes/ gzhan tshul 'gog pa'i gnas ma lus pa nyams 'og tu chud pa'i mthar/ bram ze nor la sred pas yon ma byin na nyes par dpyad nas/ rang gi gla dngul pa Na lnga brgya bram ze rnams la byin/ gzhan tshul 'gog pa'i gnas ma lus pa nyams 'og tu chud pa'i mthar/ phyogs de'i gnod sbyin las kyang gser gyi dong rtse bdun stong blangs pa gzhon nu rol pa la byin nas de'i nub mo bros nas byon to/ der rgyal po du ma ri su zhes bya ba yod pa'i sar sgo yig btab te/ rtsod par 'dod pa su zhig zhes sgrags pas/ lta ba drug gi grub mtha' 'dzin pa lnga brgya tsam 'dus zla ba gsum gyi bar du rtsod pas/ thams cad las rnam par rgyal ba'i gdan phyar to// der rgyal po'i dbang gis mnga' bsgyur te/ kun kyang sangs rgyas kyi bstan pa la btsud/ longs spyod dang ldan pa lnga bcu tsam nang pa'i chos gzhi 'dzugs su bcug go/ gtam de bram ze gzhon nu rol pa'i snying gi tsher mar gyur nas rang nyid 'khor lnga brgya dang bcas pa rtsod pa'i phyir
- 49b
'ongs nas 'di skad du/ gal te kho bo rgyal na chos kyi grags pa'i srog ming gi lhag mar gyis shig/ chos kyi grags pa rgyal na ni bdag nyid la de kho na'o zhes rgyal po la bsgo ba na/ slob dpon gyis/ bdag gi rtsod pa nyams nyes par gyur na gsod dam/ brdeg gam/ 'ching ba ni rgyal po nyid shes kyi bdag rgyal na ni gzhon nu rol pa gsad du mi 'tshal te nang pa'i bstan pa la 'jug par bya'o zhes rtsod pa las/ gzhon nu rol pa'i thun mong ma yin pa'i dam bca' lnga brgya yod pa'i steng du/ slob dpon gyis sun 'byin pa'i rig pa'i rnam grangs brgya brgya'i chos mang pos rnam par btags pas/ gzhon nu rol pa 'khor lnga brgya dang bcas pa thal ba'i gyo ma la mngon par zhen pa'i rtul zhugs smad de/ sangs rgyas kyi bstan pa la gtso bos mchod cing / 'khor rnams kyang rab tu byung ngo // de bzhin du rtsod pa'i khyu mchog ka Na dA do ru sogs dang / 'bigs byed ri bo'i khong nas rgol ba'i ba spu gzing ba thams cad kyang mur 'dug pa'i gnas la sbyar ro// slar ba dra li zhes bya ba'i gnas su gshegs nas/ de na gnas pa'i mu stegs kyi tshogs la'ang rtsod pa'i dril sgrags pas/ phyogs las rnam par rgyal ba'i me 'od kyi mdun sar mu stegs me tog zas can nye bar nus pa ma yin pas ri dgas kyi dbus gcan gzan lhags pa bzhin du bros shing /
- 50a
'ga' zhig ni bag tsha ba'i me tog 'bul ba la mngon du phyogs so// yul der sngon gyi chos bzhi nyams pa thams cad kyang sor chud par mdzad/ nags tshal gyi dbus na bsam gtan nyid la gnas pa na/ dpal nA len+d+rar sam ga a tsar+ya zhes bya ba'i mu stegs zhig gis rtsod pa'i gtam gyi tsher ma rnon po mngags nas paN+Di ta rnams kyi rna gzon par byas pas/ lho phyogs nas slob dpon chos kyi grags pa spyan 'dren pa'i sta gon la brtson zhing / sang phod rtsa na rtsod par bya'o zhes dus kyi gtan tshigs bkod do// ji tsam na rgyal po rab gsal gyis bram ze dang mu stegs can mtha' dag wa ra Na ser bsdus te/ sa'i bdag po dang bcas pa'i dbang po'i mdun sar rtsod pa'i bya ba byed par mngon du phyogs pa na/ mu stegs na re/ nged rgyal na khyod rnams gang+gAl mchong ngam/ mu stegs la 'jug gdam pa gyis/ ci ste khyod rnams rgyal na ni kho bo cag gi srog gang+gA la 'dor bar byed pa'o// zhes bsgos nas/ rtsod pa'i g.yul ngo chen po bshams pa de'i tshe sa ma ga ra'i dam bca' ba dang / mkhas blang ba dang / bsgrub par bya ba'i grub pa'i mtha' gang yin pa de ni/ dpal chos kyi grags pa'i rigs pa rnon pos rgal ba dang brtag pa dang / sun byin pa dang / dgag par bya ba'i dpung gi tshogs yan lag bzhi pa'i 'khrul 'khor chen pos yang nas
- 50b
yang du nyams dmas par byas/ tshar gcad par byas/ dma' dbab par byas nas cang mi smra bar yul yul po'i gnas la bkod do// de'i tshe sam gar ni nga rgyal drag pos khong rnam par 'khrugs par gyur nas rang gi slob ma b+ha Da sha tsar+ya la dge sbyong mgo bregs 'di las rgyal ba'i snying stobs skyed cig/ ci ste ma rgyal yang rung ste/ kho bo cag ni khyod kyi bur skye ba bzung nas slar yang rtsod pa'i brtul zhugs kyis 'thab par bya'o zer zhing / slob dpon gyis bzlog kyang mnyan par chu bo gang+gA la lcebs te srog gi rgyu ba btang ngo // de'i slob ma sngon gyi rnam par dkar ba'i sa bon gyis bzung ba mang po zhig ni sangs rgyas pa'i grub mtha' la chud par nus la/ de las gcig shos su gyur pa rnams ni rtag chad tu smra ba'i gom pa bde blag tu 'dir bas thag ring po'i gnas su bros par gyur to// lo dus de rdzogs pa'i gnas skabs na ji ltar zer ba bzhin sam gar yang b+ha Ta'i bur skye ba blangs/ b+ha Ta a tsar+yas kyang slar yang lo gsum du rang gi 'dod pa'i lha mnyes par byas/ lo gsum du nang pa'i grub mtha' 'gog pa'i rig pa la bsams/ lo 'dun pa la yang sngar bzhin bstan pa dbang du btsugs nas rtsod rtsod pas/ dpal ldan chos kyi grags pa ni 'phrog byed dbang po gangs ldan gyi ri la chas pa bzhin sre/ mu stegs ngan pa'i grub mtha' rnam pa
- 51a
kun nas nyams nyes par byung ste/ ngo tsha'i dam tshig ni 'da' bar dka' ba zhig ste slob dpon gyis nan gyis bzlog kyang ma nyams par chu bo gang+gAr mchongs te shi'o// der smon las stobs su gyur pa'i bu sam gar a tsar+ya'i skye ba dang / de'i phu bo b+ha Ta a tsaR+Ya byi ma/ bram ze rang gi grub mtha' la mngon par zhen pa rnams ni shar phyogs kyi yul thag ring por bros/ bram ze gzu bor gnas pa lnga brgya tsam ni bstan pa la rab tu byung / lnga brgya tsam dkon mchog gsum la bla mar byed pa'i gnas su bkod/ de'i tshe ma ga d+ha'i bram ze gang zhes bya ba dang / bcom rlag gi gang ba bzang po zhes mnga' thang dang longs spyod che ba/ rang gi 'dod pa'i lhas byin gyi brlabs pas rtog ge'i rig pa la blo byang ba dag gis kyang yang nas yang du rtsod pa'i bya ba la 'ongs pa'ang / slob dpon gyis rigs par smra ba'i rtul zhugs kyi tshar bcad de nang pa'i grub mtha' la sbyar nas rang rang yul so sor chos gzhi lnga bcu yang btsugs/ phyogs thams cad las rnam par rgyal ba'i grags pa'i mu khyud kyis sa'i steng ma lus pa bskor/ ma gad+ha dang ne ba drang srong ma taM ga'i nags su yun ring du bsti bar mdzad nas rig sngags mang po grub par mdzad/ re zhig na ri bo 'bigs byed kyi khongs na rgyal po me tog gi bu me tog kun tu rgyas pa zhes bya ba/ grong khyer 'bum phrag
- 51b
bcu la dbang bsgyur zhing / 2longs spyod kyi khyad par lha dang mtshungs pa zhig yod pa'i sa'i char ljongs rgyu zhing gshegs/ ci zhig na rgyal po'i pho brang du brtol ba las rgyal pos khyod ni su zhig go zhes dris so// shes rab can ni phyogs kyi glang po ste/ tsan+da go mi brjod pa rnam par dag/ snyan dngags dpa' bo las byung sdeb sbyor mkhas// phyogs las rnam par rgyal ba nga min su// zhes gsungs pa na/ chos kyi grags pa yin nam dris pas/ de ltar grags gsungs/ der rgyal pos kyang gtsug lag khang mang du bzhengs nas chos kyi grags pa bzhugs par gsol/ rtog ge rab tu byed pa sde bdun gyi bstan bcos brtsams nas/ gal te chos kyi grags pa yi// smra ba'i nyin ma nub pa na// chos rnams gnyid log yang na shi/ chos ma yin dag da gdod longs// zhes pa'ang rgyal po'i sgo khang du yi ger bris/ yul der dge slong khri phrag tsam byung zhing bstan pa dar bar mdzad/ chos gzhi yang bcu phrag lnga btsugs// de nas mtha' 'khob gyi yul gu dzir thar byon nas/ mu stegs byed dang bram ze mang po rgyal bstan gyi shing rta la 'dzeg tu bcug/ go ta pu ri zhes bya ba'i lha khang bzhengs/ yul de na mu stegs shin tu mang bas slob dpon gyis brang khang la me sbar bas/ phyogs thams cad mes 'tshig pa na/ lha dang gsang sngags rjes su dran pas nam mkha'i lam
- 52a
la rdzu 'phrul gyis gshegs nas dpag tshad gcig tsam gyi sa'i cha na yod pa'i rgyal po'i pho brang dang nye bar byon/ ji zhig na nang pa'i bstan pa la dgra zla ra chas pa'i snying stobs sam sprad pa mu stegs sam gar a tsar+ya slar yang skye ba blangs pa de nyid na son nas/ skye ba snga ma las kyang blo rno zhing / rtsod pa'i gnas la byang chub pa/ bum pa'i steng na lha dbang phyug chen pos gzugs ston pa zhig byung / de lo bco lnga'am bcu drug par gyur pa'i tshe/ dpal chos kyi grags pa la rtsod pa'i rgyal rnga brdung par 'dod de/ wa ra Na seng song nas/ rgyal po maka bya Ni la bsgos shing phyogs thams cad du dril sgrags so// der slob dpon yang lho phyogs nas spyan drangs/ bram ze'i tshogs stong phrag lnga tsam dang bcas rgyal po la sogs pa'i skyes po dpag tu med pa dbang po la bkod nas/ bstan pa ni rgyal ba'i ru mtshon du btsugs/ rtsod pa'i 'khor lo shin tu ngar drags pa'i snod pa 'gran pa la zhugs so// zhugs nas kyang chos kyi grags pa'i rigs lung rgya mtsho ni nyin mor byed pa'i dpal dang 'grogs pas/ 'gal zlar byed pa'i bya rog dgra bopo rigs par smra ba'i gnas la shin tu ldong par gyur/ des srog gi lhag ma'ang bde bar 'tsho ba'i brtan pa phrogs te chu bo gang+gA'i dbus gal pa der lcebs so// slar bram ze gzu lum can de dag kyang rnam
- 52b
par dpyod pa'i sgro mthu brtas par gyur nas rang gi grub pa'i mtha' mur 'dug pa'i mtha' gang yin pa 'atsal nas mang po dag rab tu byung / mang po dag dge bsnyen gyi brtul zhugs 'dzin to// gzhan yang kha che'i yul nas bram ze rgya sid+ha dang ka ra dang / de ba sid+ha zhes bya ba ste bram ze'i slob dpon chen po gsum yang / dpal chos kyi grags pa'i mdun sar lhags nas drang khang po'i blo grub mtha' la rgal brtag byas pas/ chos kyi grags pa'i rigs par smra ba'i de nyid mthong bas nang pa la dad par gyur te/ skyabs su 'gro ba dang / bslab pa'i gnas lnga blangs/ grub mtha' nyan pas tshad ma sde bdun la/ blo gros rnam par byang phyogs kha che'i yul du song nas lugs srol de dar bar byas so// slar yang lho phyogs kyi rgyud du byon gang na sangs rgyas kyi bstan pa ma dar ba dang / nyams pa'i phyogs thams cad du 'gal rkyen du gyur pa rtsod pas tshar bcad/ rgyal blon la sogs pa khengs dregs can dag thugs rjes dbang du byas nas dge bdun gyi sde dang chos gzhi dpag tu med pa dar bar mdzad/ nyid kyis bzhengs pa'i lha khang brgya rtsa tsam dang / gzhan la bskul te bzhengs pa grangs las 'das/ slob dpon 'di thugs rje dang brtul zhugs kyi mthu kho nas sangs rgyas kyi bstan pa la bcug pa'i dge slong dang / dge bsnyen yan chad sdom na 'bum du
- 53a
nye ba tsam yod na'ang / phal cher mkhan slob gzhan la gtad nas phyi bzhin 'brang ba ni lnga las mang ba ma bzung zhes grags/ slob dpon nyid kyi sku tshe'i tha ma'i dus shig na/ yang sngar gyi sam gar a tsar+ya phyi ma'i bu ste rang nyid kyi skye ba bar pa'i phu bo'i bur skyes pa blangs/ sngon sbyangs kyi blo gros lhag par stobs su gyur pa/ rang gi 'dod pa'i lhas rjes su bzung bas mngon sum du rig pa slob cing / re 'ga' lus la yongs su zhugs nas sngon med pa'i gsang tshig ston pa zhig byung / de lo bcu gnyis lon pa tsam nas dpal chos kyi grags pa la rtsod par rings pa'i rnam par ston to// der bram ze rnams kyis rang nyid pham gyi dogs nas re zhig chos kyi grags pa pham par nus pa'ang dka'o// de bas gzhan la rtsod par gyis shig dang / des ni nges par rgyal ba'i grags pa thob par 'gyur ro// smras kyang / chos kyi grags pa tshar ma bcad pa de srid du rtsod pa'i grags pa nyam chung ngo zhes mnyan par de lho phyogs kyi rgyud du song ngo // song nas kyang gang rgyal ba de'i bstan pa la cig shos kyang 'jug par byas nas rtsod pa na// 'di na gang zhig de bzhin gshegs pas dri za rab dga' la bya ba bzhin du tshar bcad pa dang rjes su 'dzin pa'i dus la shin tu'ang bab nas/ mu stegs skye ba gsum pa'i dam bca'i ri mo bsub/ grub mtha'i
- 53b
ljon shing ni 'gyel/ khas blangs kyi tha tshig ni shor/ brgal ba'i ba dan ni lhung bar gyur nas slob dpon chos kyi grags pa'i lung rigs kyi sder mos rdzis shing rnam par 'thag par byas so// byas nas kyang de nyid du sangs rgyas kyi bstan pa thog mtha' bar gsum du dge ba'i khang mdzes dam par yongs su bcug nas bram ze dge bsnyen gyi spyod pa la gnas shing / rgyal ba'i bstan pa la bla mar bya ba gcig byung nas de nyid kyis bzhengs pa'i lha khang da lta'ang yod do zhes grags so// de lta bu sangs rgyas kyi bstan pa lhag par mdzad nas dus kyi mthar yul ka ling+gar gtsug lag khang bzhengs shing skye bo mang po chos la rab tu bkod nas gzugs sku'i bkod pa re zhig zhi ba'i grong khyer nyid du bsdus so// gdung dur khrod du zhugs la zhen pas me tog gi char chen po babs/ phyogs thams cad dri bzang po dang rol mos khyab pa zhag bdun du byung / gdung thams cad 'ching bu 'dra ba'i gong bu gcig tu 'dres pa la da lta'ang dus ston byed do// slob dpon 'di dang bod dpon rgyal srong btsan skam po dus mnyam par grags shing / de bzhin du grub pa'i rnal 'byor chen po la wa ba dang / in+d+ra b+hu ti bar pa dang / ku ku ra dza dang / slob dpon mtsho skyes rdo rje dang / la li ra badz+ra rnams 'ol spyi tsam du thog mnyam par byed la/ gzhan du snga phyi ci rigs pa'i
- 54a
dus tshod la/ snang zhing srid pa'i chos sogs bde ba chen po'i ye shes gcig gi rol mor rgyas thebs pas/ dang po'i sangs rgyas dang / rdo rje 'chang chen dang / rigs lnga'i sangs rgyas dang / rigs gsum sems dpa' dang / rdo rje rnal 'byor ma dang / rdo rje phag mo la sogs pa'i zhal mngon sum du mthong zhing / lung blangs pa las sku gsung thugs ye shes lha'i rol pa chen por smin/ rtsa rlung thig le rdo rje gsum du rnam par dag/ gtsang ba dang rme ba dang bar ma la sogs pa'i rnam par rtog pa mnyam pa chen por brdal/ rgyal rigs dang bram ze dang / rje rigs dang / dmangs dang / gdol pa dang / smig ma mkhan dang / g.yung mo dang / nya pa dang / rngon pa dang / bya shor ba la sogs pa'i rigs dang rigs min gyi 198chos kun rdzob kyi blos bgrod pa'i mtshan nyid la rtsis su gdab pa ni spangs/ phyi'i snang ba dang / nang gi shes bya'i chos bden na 'den par ro mnyam/ rdzun na rdzun par ro mnyam pas snang sems khyab brdal chen por 'dres pa'i rten cing 'brel bar byung ba ni sgyu ma'i bslu ba'am/ mig 'phrul gyis byed pas thabs 'tshal ba ma yin par rdzu 'phrul gyi rkang pa'i rtul zhugs la dbang 'byor pas/ chu la ngang pa bya ba dang / nam mkha' la mkha' lding bzhin bya ba dang / ri brag la thogs reg spangs pa dang / zad par gyi skye
- 54b
mched la dbang thob pas byung ba lnga la gzhan dbang du ma gyur pa dang / nyi zla btson du 'dzin pa dang / chu bo gyen la ldog pa dang / pha bong nam mkhar 'jog pa dang / tshe nyi zla dang mnyam pa dang / sku la bgres chung spangs pa dang / lus mi snang ba dang / nam mkha' dang sa 'og la spyod pa dang / gang la sdigs mdzub gtad pa tsam gyis rengs pa dang / lkugs pa dang / myos pa dang / rmongs pa dang / byer ba dang / 'gas pa dang / 'thor ba dang / gsad pa dang / gso ba la sogs pa'i rdzu 'phrul ya ma zung la dbang 'byor zhing / mu stegs can rtsod pas tshar gcod pa dang / nus pas spa bkong ba dang / log par lta ba dbang du byed pa dang / khengs dregs can zil gyi gnon pa dang / skal ba can rjes su 'dzin pa la sogs pa'i thugs rje dang / rdzu 'phrul gyi bkod pa zad mi shes pas rdo rje theg pa'i bstan pa'i ba dan dkar po bla na bsgreng ba'i grub pa'i dbang phyug gi tshogs brjod kyi mi lang ba byon mod kyi de las slob dpon rdo rje gdan pa'i tshogs kyi 'khor lo gcig kho na'i 'du ba'i rten 'brel las brgyad cu lhag bcas kyi 'khor lor yongs su grags pa rnams kyis mtshon/ de tsam gyis dngos po nges par bstan pas gus pa dang spro ba bskyed pa'i dgos pa dam pa'i lam la 'jug par nus pa'o// de bzhin gshegs pas legs par gsungs pa'i gsung
- 55a
// rab rgya mtsho sgog por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling za gru khyab pa'i rgyan zhes bya ba las/ 'phags pa'i yul du spyir grags pa'i bstan skyong chen po dag las rgyan drug mchog gnyis la sogs pa'i rnam thar smos pa'i rab tu byed pa ste gnyis pa'o// // gsum pa gangs ri'i khrod du rgyal bstan ji ltar byon pa'i rnam gzhag ni/ dag byed kyi gter chen po bris nas yul du rung ba'i gnas la rigs par mi byed pa la/ kha ba can du mtsho bri nas/ zhes pas gnod do// 'dir ri brag dang ljongs bde ba gnyis gang la yul du rung ba'i tha snyad kyi phyi ba mi 'gal bar byas nas yul dang mi la sogs pa gdod nas yod pa'am/ pu ti rgyal po ru dpung dang bcas pa ri kha ba ru bros pa las 'phel ba sogs skabs de dang der byung ba ji ltar yang bod kyi rgyal po rnams kyi rgyud ni/ rgya gar na shAkya chen po dang / li tsa byi dang / ri brag ste shAkya rigs gsum las/ 'jam dpal rtsa rgyud kyi bzhed pas li tsa byi'i rigs las mched pa zhig chu bo gang+ga las brgyud ri kha ba can gyi dbrag tu slebs/ re zhig na lha ri gyang mtho'i rtse nas gzigs pas/ yul yar klungs dge bcu'i dpal gyi mdzes par dpyad nas lha'i rol po'i rtse las btsan thang sgo bzhir 'thon/ dngos la
- 55b
khyod su zhig dris pas/ btsan po'o// gang nas byon btegs pas gnya' khri btsan po'o// de ltar btsan po 'od lde nas gnam gyi khri bdun/ bar gyi lteng gnyis/ sa'i legs drug/ lde brgyad/ btsan gsum pa'i bar chos srid bon lugs su bskyangs/ btsan bzhi pa lha tho tho ri gnyen btsan gyi dus na de bzhin bzhin gshegs pa'i lung bstan gyi bden pa'i rgyu mang stong gi 'gyur ba bsil ldan 'gro ba'i bsod nams kyi za ma tog tu lhung dus la bab ste/ pho brang yum bu bla sgang du za ma tog bkod pa dang / spang skong phyag rgya pa gser gyi mchod rten rnams nam mkha' las bab/ mtshan gnyen po gsang bar btags/ mchod pa byas pas rgyal po'i srid dang tshe rab tu 'phel/ dam pa chos kyi dbu brnyes par grags te glegs bam byung ba tsam mo// 'di'i tshe rgya gar nas sman pa pi byi dang / bi lha ma byon nas gso dpyad kyi bstan pa yang byung / la la nam mkha' las bab pa bon po'i gtam yin zer mod/ nam mkha' las bab tshad bon lugs yin na 'dren pa mchog glang chen thal dkar gyi rnam pas lhums su zhugs pa dang / grong khyer gsal ldan du lha las babs pa dang / in+d+ra b+hu ti'i pho brang gi nam mkha' la sangs rgyas 'khor dang bcas pa bzhud sogs rdzu 'phrul gyi bkod pa'ang / nges pa'i don du/ sangs rgyas yin/ chos yin/ dge 'dun yin/ po ti dang
- 56a
glegs bam gyi rang bzhin yin pa de yang bon lugs su thal bar gyur pas/ sangs rgyas kyi 'phrin las dang bstan pa'i babs lugs bsam gyi mi khyab pa'ang dran par bya'o// de nas rgyal rabs lnga pa gnam ri srong btsan la sras dbu'i gtsug na a mi de ba la sogs pa legs pa'i mtshan dang ldan pa la/ bzo dang / sgyu rtsal dang / rig pa'i gnas la mkhas shing thugs skam pas/ blon po rnams kyis rang gi mtshan nyid las srong btsan skam por mtshan gsol ba'i chos rgyal byon to// des rang gi sku ring la dam pa chos kyi srol btod pa'i slad du/ tho mi a nu'i bu 'khor dang bcas rgya gar du bsngags/ paN+Di ta lha rig pa'i seng+ge dang / bram ze li byin la yig rigs dang brda' sprod pa'i gzhung lugs la sbyangs pa mthar son/ rgya gar gyi phyi mo lnga bcu la 'phri bsnan gyi sgo nas bod yig sum cur mdzad/ 'phags yul brda' sprod kyi gzhung chen po brgyad dang grangs mtshungs su byas nas bod skad dang rjes su mthun pa'i brda' sprod kyi bstan bcos brgyad mdzad/ mdo sde dkon mchog sbyin pa bsgyur/ bstan pa'i srog yi ges bstan pa yin pas thug mtha' med pa'i bka' drin du gyur/ de las rgyal pos kyang bslabs te/ za ma tog bkod pa la sogs pa bsgyur/ yi ge drug ma dang / gshin rje'i gshed dang / chos skyong lha mgon la sogs pa'i chos
- 56b
mang du bstan/ rnal 'byor du bya ba'i gnas la slob tu bcug pas grub pa thob pa'ang mang du byung / bod srin mo gan rgyal gyi rnam par yod pa'i sa dgra'i gnyen por mtha' 'dul/ yang 'dul/ ru gnon gyi gtsug lag khang rnams btab/ thabs dang rdzu 'phrul gyi bkod pa 'jam klas pas jo shAkya rnam gnyis dang / lo ke shwa ra spyan drangs/ lha ldan sprul pa'i gtsug lag khang rten dang brten par bcas pa bzhengs/ mi chos gtsang ma bcu drug gi chos lugs legs par bcas/ rgya gar bal po rgya nag gsum nas slob dpon spyan drangs/ thon mi lo tsA byas nas dam pa'i chos kyang 'ga' zhig bsgyur nas bod mun pa'i gling dkar / por byas pa yin/ de nas rgyal rabs19lngan rje btsun brtan pa'i 'khor lo dang mi'i rdzu 'phrul dang rnam par rol pa lha gcan po khri srong lde'u btsan byon/ sku gzhon nu'i tshe zhang zhes bya ba'i blon po chos la mi dga' bas lha sa'i jo bo skyong rong du bskul/ gtsug lag khang du bshas ra byas/ rgyal po chos la shin tu dad pa la re zhig gzhan dbang gi tsher ma mi bsrun pas btab pa gang 'di ltar glang po che chung klu chen pos 'jug par brtsom pa na lang tsho'i ba gam chu'i phang pa na nub pa ltar snang yang / rang stobs kyi dpung pa btsan pos gdon mi za bar bde ba'i gnas bsgrub pa bzhin du/ thugs bskyed dang smon lam
- 57a
/ kyis dam bca'i ri mo bsrub tu med pa'i mthu mngon bdo bar gyur te/ chos blon chen po dang 'gos kyi blo gros sdig can bslu ba'i g.yo sna'i chom rkun du shar te ma zhang stod lungs su gson dur du bcug/ slob dpon ha shang gis lung bstan pa ltar/ dpa' gsal snang mkhan po zhi ba tsho spyan 'dren du btang / bde bar son nas bsam yas 'om bu tshal du mjal/ mkhan pos 'o skol gyis 'od srung gi bstan pa la bal po'i mchod rten bya rung kha shor du/ bod du dam pa'i chos dar bar smon lam btab pa de bsnyel tam gsungs pas/ btsan pos sgom yun thung bas ma 'tshal zhus/ der mkhan pos byin gyis brlabs te/ sngon gnas rjes su dran/ btsan po la dge ba bcu dang khams bco brgyad la sogs pa'i chos bshad pas bod kyi lha srin rnams khros/ 168 dmar po ri la thog rgyab/ 'phang thang gi pho brang chus khyer/ lo nyes dang rtsub 'gyur chen po byung bas/ sdig blon rnams kyis 'di chos pas lan/ a tsa ra rang yul du btang dgos zer/ btsan pos mkhan po la gser mang po phul nas lo rgyas bskrad pas/ bod kyi mi ma yin rnams mngags pa yin/ kho bo bal por 'gro o rgyan gyi slob dpon pad+ma sam b+ha wa zhes bya ba 'dzam bu'i gling na che ba zhig yod/ de ngas kyang spyan 'dren du gtong / btsan po rang yang de bzhin 'tshal gsungs
- 57b
pas pho nya lnga rdzangs/ slar sna snam rdo rje bdud 'joms la sogs pa lam du stabs myur pos mngags pa slob dpon gyis mkhyen nas/ mang yul gung thang du yud tsam la phebs nas mjal/ phyag rten gyi gser rnams nga'i snang ba gser du yod gsung nas mnga' ris phyogs su gtor/ slar bod du gser gyi 'dod pa dgu 'byung ba'i rten 'brel mdzad/ mang yul gyi ri bo dpal 'bar phan tshun brdzes/ nyi zla thang la phab// chu bo gyen la bzlog pa sogs rdzu 'phrul gyi bkod pa mtha' klas pa bstan/ lam du bstan ma bcu gnyis dang / gnyen chen thang lha la sogs pas mtho 'tsham par nus mthu'i zil 'og tu spa bkod / stod lung gzhong pa nas phyag mkhar gyis sgrub chu bton/ mnga' bdag rgyal pos bsu bar dregs rlom gyis kun tu rtog pa bag la nyal brtan pa gting nas dkrog par mdzad pa'i rjes shul kyang mngon sum tshad ma'o// de19nas rang gi yab mes ag tshoms kyis brtsigs pa'i pho brang brag dmar mgrin bzang du spyan drangs nas bzhugs/ rgyal po yid ched du bya phyir byis pa la rgyal chen rigs bzhi pa'i lha zhig phab pas/ des dmar po ri la thang lhas thog rgyab/ sham pos 'phang thang chu la bsgyur/ zhes sogs lha 'dre 'dis 'di byas thams cad bshad pas/ dpal sangs rgyas gnyis pa rdzu 'phrul gyi rkang pa bzhi la
- 58a
mchog zos pa'i rol pa rnam par bkod pa'i g.yul ngo ni bshams/ rnam par thar pa'i sgo stong pa nyid la sogs pa'i ti nge 'dzin gyi chos 'phrul zad mi shes pa'i nus mthus/ gzhan 'phrul dbang byed kyi bdag po'i byed las su gyur pa'i lha srin gdug pa can gyi gdug rtsub kyi 'thor rlung ni mnan/ nga rgyal gyi brag ri ni bsheg/ phrag dog gi me lce ni bsnyil/ srog gi snying po blangs te brtan pa dang bral bar byas pas/ gangs ri'i khrod nag phyogs kyi lha srin gdug pa'i tshang tshing 'khrigs pa'i gnas su'ang / rgyal ba'i bstan pa dkar 'jam du brdal ba 'di nyid gcig pu'i mthur shes par bya'o// der jo bo mang yul nas spyan drangs/ mkhan po yang slar sbron par byas/ slob dpon chen pos dpal gyi mgur las dregs pa zil gnon gyi tha tshig dang / nam mkha' la rdo rje'i gar 'gros kyis gzhi byin gyi brlabs/ mkhan po'i gsung bzhin o tan+ta pu ri'i gtsug lag khang la dpe byas/ slob dpon chen pos dregs pa can thams cad kyang las la bkol bas nyin mi yi brtsegs pa bas mtshan mi ma yin pas brtseg pa mtho bar byung ste/ chos 'khor dpal gyi bsam yas rgya khyon 'di tsam lo la grub/ mkhan slob gnyis kyis rab tu gnas pas dbu rtse'i lha rnams phyir rol du byon/ slob dpon gyis btsan po la rta mgrin gnang ba yang grub ste/
- 58b
'dzam bu'i gling du grags pa'i rta skad zon/ sba bzhin du 'di dag gsal bar ma bris pas de la khungs su 'chol ba dag kyang de lta mod/ bsam yas zhig gso snga phyi tha dad du gyang gseb las mi ma yin gyi rjes khru gang ba la sogs che chung ma nges pa mang po kun gyi mthun grub tu thon pas zang yig la sogs pa lo rgyus bye brag pa la nges pa lhag par du rnyed pa'i skabs byung ba yin/ de nas thams cad yod sgra'i sde'i lugs su sad mi bdun rab tu byung ste dam pa'i chos 'dul ba'i gzhi gting / rgya gar gyi paN+Di ta chen po bi ma la mi tra dang / sangs rgyas gsang ba dang / rnam dag seng+ge la sogs pa dang / bod kyi lo tsA ba pa gor bai ro dang / rma rin chen mchog dang / gnyags dz+nyA na ku ma ra dang / ka cog zhang gsum la sogs pa'i lo tsa ba brgya phrag bcur longs pa tsam gyis sde snod gsum dang / rgyud sde drug gam bzhi'i nges pa can/ de dag gi dgongs 'grel dang bcas pa'i chos mang po bsgyur zhing / shes rab rnam pa gsum gyis gtan la phab/ slob dpon chen pos bsam yas mchim phur sgrub sde chen po brgyad la sogs te rdo rje theg pa'i rgyu dang sgrub thabs mang du bsgyur zhing bstan nas rje 'bangs nyer lngar grags pas mtshon las can gyi skyes bu rnams rjes su bzung / yer pa dang mchims phur sgom grwa gtsugs pas nam mkha'i lam la gya gyur 'gro
- 59a
/ ba mang po byung / de dus kyi bstan pa dar ba lta bu rgya gar du'ang ma byung zhes jo bo de paM ka ra gsungs/ khri srong gi sras sa dan legs mjing yon tan te mu tig btsan pos yab mes kyi gtsug lag khang dang / lo pa Na thams cad la bsti stang phul du phyin pa mdzad/ rgyal sde skar chung rdo rje dbyings kyi lha khang bzhengs/ sngar ma 'gyur ba'i gsung rab kyang thogs zhig bsgyur/ bod 'bangs kun bde skyid kyi grib bsil la ngal gso ba'i dbugs 'byin chen po mdzad/ u rgyan sangs rgyas gnyis pa la mi phyed pa'i dad pa dang ldan pas zab rgyas kyi gdams pa mang pos rjes su bzung zhing gung zang la khar gshegs skyel mdzad pa la sogs pa'i zhal chems yig ge kyang snang / de'i sras/ gtsang ma/ lha rje/ lhun grub/ dar ma/ ral pa can dang lnga las/ 'phags chen lag na rdo rje'i sgyu 'phrul rnam par rol pa khri ral pa can gyis rgyal srid bzung / rgya bal gyi paN+Di ta mang po'ang spyan drangs/ nyi 'og gi mkhan po dzi na mi tra la sogs pa dang / lo tsA ba ka cog sogs gdan 'joms par byas/ sngar yab mes kyi dus bsgyur ba'i chos/ skyon/ bal yul/ rgya nag sogs skad du ma la brten nas bsgyur bas/ bod skad la 'jug dka' ba rang sor bzhag pa rnams yul dbus 'gyur 'chang gi rgya dpe dang bstun nas skad gsar bcad kyis gtan la phab//
- 59b
yab mes kyi gtsug lag khang la bsnyen bkur dang / bshad bsgrub kyi srol shin tu dar/ 'on cang rdo'i lha khang / rmang thog gsum rdo ba/ bar thog gsum so phag/ steng thog gsum shing las grub pa/ thog re re bzhin bya 'dab dang sgo dang / pha gu la sogs kyis rnam par mdzes shing / steng gi rgya phubs rlung gi 'khrul 'khor las gdugs pa ltar bskyod pa la sogs pa'i ngo mtshar gyi bkod pa mig 'phrul gyi dpe zlar byas pa bzhengs/ bstan pa la shin tu gus pas dge 'dun re la 'bangs mi khyim bdun bdun phul ba sogs mdor na bstan pa'i rtsa lag chen po// chos rgyal mes dpon rnam gsum zhes grags pa'i ba dan dkar pos srid rtse'i bsam gtan bdag kyang tshor ba la sogs pa'i nye bar len pa dri'i bzhon pa can dang 'grogs su bcug nas dad pa dang rjes su yi rang ba'i rnam rtog gi 'du 'god rgya chen po la 'god par nus pa'i 'phrin las can/ thugs bskyed kyi rtsa ba brling ba/ snying rje'i ba gam brjid pa/ dad pa'i gter mdzod phyug pa/ snying stobs kyi grwa zur rno ba/ gzhan phan gyi khyad nor 'dzom pa/ smon lam gyi srog shing brtan pa/ 'phrin las kyi lo 'dab rgyas pa/ phan bde'i grib bsil mang ba/ nyon mongs gi tsha gdung las skyob pa/ thar pa dang thams cad mkhyen pa'i 'bab stegs la bdag cag gangs can pa rnams gzhol bar byed/
- 60a
'bab par byed pa'i bdag nyid chen po 'di dag gi bka' drin la rnam pa thams cad nas bsam shing / de dag gis bstan pa'i srog shing gcig tu bkur pa'i chos dang gang zag gi gnas chud gzon pa'i kun slong gi don chen po dang ma 'grogs pa'i skyes bu dam pa rnams la'ang phyag bya bar 'os so// de ltar dgu kun gyi phan ba de'i skyed mos tshal/ log pa'i smon lam gyis rnam par rdzi ba'i sprin gyi dum bu glang dar ma 'u dum btsan rje blon gyi snying la yid kyi srub shing drag pos rab tu srub nas/ mnga' bdag ral pa can bkrongs/ lo paN 'du ba'i pad tshal bshig/ rab byung rnams rtags dang phral/ la la rngon par btsud/ gsung rab phal cher lha sa'i brag la sbas/ 'ga' zhig me dang chur sbyangs/ jo sha ka rnam gnyis kyang chu la sgyur ba'i gtam chos blon rnams kyi rna bar gzon par gyur te/ sku gzugs kyi lcid la bsnyad nas bye stong du sbas/ lha sa/ bsam yas/ ra mo che rnams kyi gtsug lag khang gi sgor zhal ba byas pa la rgyal po mgu ba'i slad du btsun pa chang 'thung ba'i cha byad bris/ rgyal ba'i bstan pa rin chen lo tog la ser bas bya ba bzhin du bsgrubs so// de lta na'ang ral ba'i thugs rje'i rol pa ni zad mi shes pas dpal oM rgyan sangs rgyas gnyis pa'i dngos slob/ ri brag la thogs reg spangs pa'i rnal 'byor gyi dbang phyug
- 60b
chen po// gsang ba'i bdag po lag na rdo rje'i ye shes sgyu ma'i rol pa lha lung dpal gyi rdo rjes zhu srin rgya mtshan gyi dpung pa bla na mtho ba'i rgyal po sdig can gyi snying lcags mdas rnam par bkas pas/ mda' la 'ju zhing / yang na lo gsum gyi sngas/ yang na lo gsum gyi phyis zhes pa'i ku co drag po 'don bzhin du dmyal ba mnar med pa'i grong khyer chen por chas so// skabs 'dir 'gos lo chen po'i de ba gter du/ bstan pa snrubs rjes bod kyi khyim pa rnams kyis kyang dkon mchog gsum la gus par byas pas/ lha sa dang bsam yas la sogs pa'i gtsug lag khang rnams ma zhig khyim dang ri sul na gnas pa'i sngags pa rten skya bor gyur pa de dag gis kyang rang nyid kyi bsgrub pa tshul bzhin du nyams su blangs/ bstan pa spyi la yang gus par byas pas mnga' bdag ral pa can yan chod du gyur pa'i bka' dang bstan bcos kyi po ti rnams legs par bsrungs pas/ sngon 'gyur pa phal cher da lta longs spyod du yod pa 'di yin la zhes gsungs/ ring min sras 'od srung dang / yum ldan cher son nas jo bo rnam gnyis khri la bzhugs su bcug/ gtsug lag khang la yang sri zhu mdzad mod de/ glang dar gyi bsod nams ma yin pa byed pas mnga' ris bgo bshar song / bod kyi rje'i gdung gis bod khams la dbang bskur ba'i rten 'brel gzhan du
- 61a
gyur to// re zhig na paN+Di ta smr-i ti dang / phra la ring ba bod du byon/ spyan 'dren pa po'i lo tsA ba sle ru rtse bya ba 'das pas paN+Di ta gnyis yul ring por 'khyams/ s+thi tis rta nag tu rdzi bo mdzad/ mthar gnyis kas khams la byon te s+thi ti smra ba'i sgo mtshon char grags pa'i bstan bcos kyang mdzad do// de nas bstan pa phyi dar byung ste/ dar mas bstan pa la snrubs dus dpal chu bo ri'i sgom gra na sgra shAkya dang / g.yo dge byung dang / gtsang ras gsal gsum gyi btsun pa ri dwags 'dod pa gzigs pas/ bstan pa bsgrubs pa'i tshul mkhyen nas nyin par yib cing / mtshan mo bshul du zhugs nas mnga' ris su bros// der yang bzhugs pa ma nus nas byang lam brgyud/ mdo smad sro gu lung du brtol/ smon lam gyi mthu tshad med pa'i bla chen dge ba rab gsal rab tu'ang byung ba'i mkhan slob gsum pos mdzad pa las bstan pa'i me ra pa mdo smad nas slang / de bzhin du ston nas pA la'i mtha' can rnam pa gsum las rim par gsos/ de'i phyi na 'phags pa'i yul 'bi kra ma la shi la'i gtsug lag khang gi paN+Di ta rgyal mtsho'i gtsug rgyan jo bo di paM ka ra dang / ma byon sangs rgyas gsum par grags pa kha che'i paN+Di ra shAkya shrI la sogs pa ljongs 'dir byon nas dam pa'i chos 'dul ba'i sde snod gtso bor gyur pa'i bstan pa rin po che'i ljon shing
- 61b
yal ga mang por brkyang ngo // de bzhin du rdo rje theg pa'i gnas la'ang mkhas pa dang grub pa brnyes pa'i skyes bu dam pa mang du byon pa kun kyang de bzhin gshegs pa'i 'phrin las kyi rol pa zad mi shes pa'i mthu las byung ba/ bstan pa'i lam srol la yang dag par zhugs pa/ dngos dang brgyud nas sems can la phan pa rgya chen po dang / thar pa dang thams cad mkhyen pa'i lam la bde blag tu dkri ba'i sa mkhan 'ba' zhig tu gyur pa'o// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling mtha' gru khyab pa'i rgyan zhes bya ba las/ gangs ri'i khrod du rgyal bstan ji lta byon pa'i rnam gzhag mdo tsam brjod pa'i rab tu byed pa ste gsum pa'o// // spyi don bzhi pa da ni de las lha btsan po khri srong lde btsan gyi dus na sprul pa'i lo paN chen po rnams kyis bsgyur zhing dar ba'i gsang sngags snga 'gyur gyi mtshan nyid gang yin bshad nas/ de'i bstan pa la bya ba byas shing rdo rje'i lam las dngos grub brnyes pa'i skyes bu dam pa rnams kyi rtogs pa brjod par bya ste/ de la ston pa mya ngan las 'da' khar/ nga yongs su mya ngan las 'das nas 'dul ba la snang / mdo sde la 'jug/ chos nyid dang mi 'gal na bka'
- 62a
yin par bzung zhes gsungs pa ltar/ bskyed pa ma hA yo ga tan+t+ra sde bco brgyad la sogs pa'i bskyed rdzogs zab mos rang rgyud kyi nyon mongs pa ma spangs gnas dag tu 'dul bas rdo rje theg pa'i 'dul ba la snang / lung a nu yo 11ga gsang chen dgongs pa 'dus pa la sogs pas sems kyi bslab pa'i mtshan nyid zab mo phung khams skye mched dbyings nas sangs rgyas par ston pas gsang ba sngags kyi mdo sde la 'jug/ man ngag rdzogs pa chen po ngo bo la skye 'gag med/ rang bzhin rtag chad bral/ mtshan nyid rnam pa thams cad mkhyen pa'i chos nyid dang mi 'gal zhing ye shes thugs phrad du ston pa mdo sku sems gsum gyi ngo bor gnas pa ste/ gang gi tshe bdag cag gi ston pa 'di dang po'i sangs rgyas kun tu bzang po'i mtshan gyi snyan pa'i byang chub tu mngon par rdzogs par sangs rgyas shing / chos nyid 'od gsal gyi zhing khams gang du sgrib pa mthar dag spangs pa'i yon tan gyi bkod pa zad mi shes pa'i 'og min ye shes rol pa'i rgyan nyid du bzhugs nas/ rdo rje 'chang rgya mtsho'i sku gsung thugs mi zad pa rgyan gyi 'khor lo'i rol pa bsam gyis mi khyab pa'i mnga' thang chen pos chos kyi sgron ma rnam par bkod de/ dus bzhi mnyam pa nyid de srid du so so'i skal pa ji lta ba bzhin du byang chub gsum gyi las dang 'bras bur dgod
- 62b
pa'i 'phrin las lhun lhun gyi grub pa ni 'di lta ste/ sku gsum rang rang la mtshan nyid gsum gyis/ chos sku'i ston pa dpal kun tu zang po// chos rang bzhin rdzogs pa chen po// 'khor ye shes rgya mtsho/ dus bsam gyis mi khyab pa/ gnas chos nyid don gyi 'og min no// longs spyod rdzogs pa sku'i ston pa rigs lnga'i sangs rgyas/ chos gsang sngags phyi nang / 'khor gsang ba'i bdag po dang 'jam dpal rnon po la sogs dbang po yul snang dag pa 'bras bu'i sems dpa'/ dus 'pho rgyur med pa/ gnas rang snang stug po bkod pa'i zhing khams so// sprul pa sku'i ston pa rdo rje 'chang dang thub pa drug chos theg pa che chung / 'khor sar gnas dang / so so'i skyes po dang / mkha' 'gro dang / rig pa 'dzin pa la sogs tha dad pa'i tshogs/ dus 'das dang ma 'ongs da ltar ma nges pa'o// gnas lha gnas kyi 'og min dang / dur khrod chen po dang / rdo rje btsun mo'i b+ha ga la sogs te gsang ba chen po'i 'og min/ 'gro ba drug so so'i gnas rigs tha dad pa'o// de dag kyang theg pa'i rnam grangs su bsdu ba'i sgo nas/ kun 'byung 'dren pa'i theg pa dang / dka' thub rig byed theg pa dang / dbang bsgyur thabs kyi theg pa'o// zhes sde snod gsum/ nang rgyud yo ga gsum ste rim pa dgur rdzogs pa nyid du bstan pa'ang / dpung bzang gis zhus par/ bye ba
- 63a
/ phrag gsum dang ni 'bum phrag lnga// rig 'dzin sde snod du ni rgyal bas gsung // zhes pas spyi btang dman pa gsum gyi theg spyi gzhir gyur pas sde snod bzhi pa'am/ dmigs bsal rig 'dzin rje snod nyag gcig tu bstan pa yin no// mdor bsdu na/ bskal pa dpag tu med pa nas da lha'i bar du kun tu bzang po/ rdo rje 'chang / rdo rje sems dpa' zhes bya ba gdod ma'i mgon pos gsungs pa thams cad// dus gang du 'khor gyi mkha' 'gro dang / grub pa mchog dang / rdo rje chos la sogs pas legs par bsdus shing / tshe la dbang ba'i mkha' 'gro ma grub pa can dag gis/ lha dang / klu dang / gnod sbyin dang / dri za'i yul la sogs pa nas/ 'dzam bu'i gling gi'ang o rgyan dang / za hor gyi gnas/ sham+b+ha la dang / sing+ga la/ lang+ka'i yul gyi ma la ya gnam lcags 'bar ba'i rtse/ 'og min dang dga' ldan dang ri rab kyi rtse ste lha gnas gsum du grags pa la sogs par mkha' 'gro mas bzung nas bzhugs pa dag/ slob dpon chen po pad+ma dang / klu sgrub dang / dga' rab dang / bi ma la la sogs pas ye shes dang / rdzu 'phrul gyi spyod yul kho nas spyan drangs te 'phags pa'i yul dang / bod yul du dar zhing de las grub pa thob pa mang po byung ba yin no// blo gros mthu chung ba dag/ shAkya thub pa nyid nang ltar rdo rje 'chang du bzhengs nas tshe lo
- 63b
brgya pa'i gnas skabs na gsungs pa 'ga' zhig yul dus de'i rig pa 'dzin pa dag la grags che ba tsam gtan tshigs su bzung nas/ de las gzhan pa'i rgud mo rgyud do snyam pa ni 'phags pa'i blo gros kyi phyogs tsam ma nye ba'i 'dod pa byin yin te/ rdzogs ldan dang po bya ba'i rgyud// ces dang / 'jam dpal sgyu 'phrul las/ 'das pa'i sangs rgyas rnams kyis gsungs// ma 'ongs84rnams kyang gsung 'gyur la// zhes dang / ye shes rol pa'i rgyud las/ thog ma'i rdo rje 'chang ba ngas// bskal pa kun gyi sngon rol nas// phyi ma'i mu mthar zug gyur pa// de srid bla med gsang ba'i chos// rmad byung rgyal po 'gro ba la// gsungs so gsung ngo gsung bar gyur// zhes pa'i rang bzhin la rmongs pa'o// de las sngags gsar ma'i brda' chad ni/ bcom ldan 'das kyi ri rab kyi zom/ oM rgyan gyi gnas/ dpal ldan 'bras spungs// ri bo bya rkang can/ 'og min la sogs par chags bral dang / longs spyod rdzogs pa'i rnam pa ci rigs pas gsungs pa dag ste/ rgyud sde bzhi'am/ sngar yang grags pa byams pa la sogs pa'i byang chub sems dpa' dang / mkha' 'gro ma dang / grub pa chen po dang / rigs gsum sems dpa' la sogs pas bsdus pa ste/ mtshan nyid ji ltar yin pa mdor bsdu na/ chos kyi dbyings rang bzhin gyi rnam par dag pa dang /
- 64a
de bzhin gshegs pa thams cad kyi gsang ba bsam gyis mi khyab pa'i thugs rje'i ye shes te/ rdo rje rtse mo las/ sngags rnams kun gyi mtshan nyid ni// sangs rgyas kun gyi thugs yin no// zhes so// 'di gnyis 'gyur gyi snga phyis dbye ba la/ nyon mongs pa dang / lta ba'i snyigs mar gyur pa dag gi sde tshan dang phyogs ris su dbye na 'chos kyang / gzu bor gyur pa dag dri ma med pa'i blo gros chen pos sde pa bco brgyad par bsdu zhes pas mtshon par byas te rags pa'i mtshan nyid cha phyed pa'i slad tsam du blta ba ste/ paN+Di ta sgra'i tsher ma yan chod dang / lo tsa ba rin chen bzang po man chod kyi 'gyur las btags pa'i phyir ro// don du nang lhags gsar mar grags pa'i rgyud sde'i khrod na bstan pa snga dar gyi tshe 'gyur ba'i rgyud kyang yod la/ da ni lnga brgya'i tha mar gyur pas 'phags pa'i yul gru'ang sdig to dang kla klo khengs na rang rang gi 'dod pas blang bar 'os pa'i rgyud gsar lha byon du ga la srid/ gal te na re zhig gi blo la the tshom za ba'i chos skad rnam pa thams cad pa can zhig kyang gsar ma'i sde tshan du 'jog dgos pas 'gro lding dang o rgyan gling du dengs shig/ de skad du/ slob dpon gsang phu bas/ bsam yas kyi dpe khang na/ rgya gar nas spyan drangs nas bod du ma 'gyur ba'i chos mang po yod/ nga la rdzu 'phrul ci yod na/ zab
- 64b
shos zhig bskur na/ bod kyi ston pa 'di kun nga la ji skad zer na/ 'di 'dra'i chos zhig gang nas byung / tshig legs te khungs la the tshom za zer nas/ sgro bskur byed cing log lta 'phel ba las mi 'ong / 'o skol bod kyi ston pa 'di tsho/ mi tshe bshad skabs re la bskyal nas/ mngon shes kyi sna rtse bag re mi sgrub par/ pho tshod 'od gtod pags kyis phyogs gcig tu kha chod rbad de bcad nas chos zab mo la sgro bskur btab nas/ ngan 'gro'i g.yang la 'gro ste/ rang re'i thos pa phyogs re ba res nga rgyal bas brlag pa yin/ zhes pa dang / de'i theg le bcu drug dang / gter gyi chos skad 'dis jo bo bka' gdams pa'i grub mtha'i snying po'ang gang du dengs par 'gyur/ de'i phyir sangs rgyas rnams kyi phrin las dang / thabs la mkhas pa'i gdul tshul dang / byin brlabs kyi cho 'phrul chen po bsam gyi mi khyab pa'i rang bzhin khong du chud pa ni// blo gros chen po ste/ gang dang gang du sku gsum gyi ston pa'i rol pa chen po dang / zhing khams dang / chos 'khor gyi mtshan nyid gang yang mi 'gal zhing / bsam gyis mi khyab pa'i don dran par bya'o// de la bzang po'i bskal pa 'dir thun mong ma yin pa'i gsang sngags 'byung ba'i gleng gzhir bstan pa'i btsas gsum gyi byin brlabs las/ grags chen gyi ston pa bcu gnyis su bstan nas mdo sngags kyi chos tshul ma lus
- 65a
shing lus pa med pa rgyal ba dgongs pa'i brgyud pa gcig tu tha ma dad pa'i rnam gzhag blo gros chen po'i spyod yul du byang chub pa'i rang bzhin kha bo'i bla ma kun mkhyen ngag gi dbang pos theg mchog rin po che'i mdzod las rgya cher bstan pa las shes par byos shig/ 'dir re zhig 'dzam bu'i gling 'di'i dbang du byas nas theg mchog snying po'i bstan pa mi yul du ji lta babs nas bod du byon pa'i rnam gzhag bshad par bya'o// de la theg pa'i rtse mo man ngag rdzogs pa chen po ni/ oM rgyan gyi yul d+ha na ko sha'i gling na rgyal po u pa ra dza'am/ d+har+m+ma a shwa dang / btsun mo snang gsal 'od ldan ma gnyis la sras mo mo las 'das pa'i dge 1 slong ma zhig yod ces grag go/ de gser gyi bye ma brdal ba'i rgya mtsho'i 'gram na bsam gtan byed pa'i tshe/ shel gyi skyes bu 'od dang ldan pa gcig gis shel bum dpa' bo 'bru lngas mtshan pas des bskur ba rmis/ g.yog mo mkha' 'gro'i mtshan dang ldan pa la bshad pas sprul pa'i sku 'byung ba'i rtags yin zer/ mi ring bar rdo rje sems dpa'i sprul pa lha'i bu sems lhag can zhes rdzogs pa chen po lha yul du dar byed pa de/ dge slong ma'i rus nas btsas/ pha med kyi bur gyur pas mnong ste thal khung du bor bas sgra dang 'od dang me tog gi char byung / zhag gsum gyi nang par ltas pas mnyam par 'dug nas
- 65b
khrus gsol ba na/ nam mkha' nas mkha' 'gros kyang mchod pa byas/ lo bdun lon pa'i tshe yum la paN+Di ta dang chos gtam bya ba gsol bas/ bu so ma rjes pas chos gtan mi 'od zer nas gnang ba ma byin// nan gyis gsol nas rgyal po u pa ra dza'i mchod gnas paN+Di ta lnga brgya dang rtsod pa byas pas sus kyang ma thub ste sprul pa'i skur bzung nas zhabs spyi bor blangs/ rgyal po rab tu dga' bas dga' rab rdo rjer mtshan btags/ byang phyogs nyi ma dang ma snang byed ces yi dgas drag po gnas pa'i ri la sum cu rtsa gnyis ting nge 'dzin mdzad pas sa g.yo ba dang mu stegs pham par byas so zhes pa'i sgra yang byung / de phyugs rdzis bsnyad pa las mu stegs kyi rgyal pos gshed ma btang yang / sku nyi zhur lha bur gyur pas gnod ma nus/ slar nam mkha'i lam la gya gyur gshegs pas dad ste sangs rgyas pa'i rjes su zhugs/ der sde snod kyi chos rgya mtsho lta bu dang / rdzogs pa chen po sho lo ka 'bum phrag drug cu rtsa bzhi gdod nas thugs la mchis pa de rdo rje sems dpa' zhag mngon sum du bstan nas 'od zer chen po'i dbang gi slob pa'i ye shes mngon sum du gsal ba'i tshul bstan/ tshig gi rgyud yi ger 'god pa'i gnang ba byin nas rdo rje dbyings dang yon tan mtha' yas pa'i mkha' 'gro ma la sogs pas glegs bam du bkod/ mkha' 'gro sems
- 66a
// ldan mas gzung ste mchod par byed cing / slob dpon nyid khyab 'jug gi bu mo gcer bu la chibs te dur khrod bsil ba'i tshal du byon nas mkha' 'gro rnams la chos ston to// de'i tshe ma ga d+ha rdo rje'i gdan gyi nub phyogs rim pa gnyis pa'i grong khyer du bram ze snying po grub pa'am 'jam dpal bshes gnyen zhes bya ba rig pa'i gnas lnga la mkhas pa zhig byon/ rnam thar bai ro'o 'dra 'bag la gsal zhing rgyal rigs gsal zhing rgyal rigs ltar bshad pa 'og tu'ang bri bar bya'o// de la 'jam dpal rnon pos lung bstan nas dga' rab rdo rje'i lung du brtol/ lo don lngar chos nyan/ mthar dga' rab rdo rje chu bo dan tig gi mgor 'od phung du yal ba'i tshe/ 'das rjes kyi glegs bam babs/ gzigs pa tsam gyis slob dpon dang rtogs pa mnyam par gyur nas/ rdzogs pa chen po 'bum phrag drug cu rtsa bzhi gnas pa sems kyi sde/ bya bral klong gi sde/ gnad don man ngag gi sde dang gsum du phye/ gnad las zab pa snying gi thig le'i skor la bshad rgyud dang / rnal 'byor rgyud gnyis su phye/ rnal 'byor rgyud mtshan bur btab/ bshad rgyu spel ba'i yul ma rnyed nas rdo rje gdan du gter la sbas/ nub phyogs kyi dur khrod chen po so sa gling du lo brgya dang rtsa dgur bzhugs so// de'i tshe rgya nag tu khyim bdag gi gsal las shrI sid+ha zhes bya ba rig
- 66b
gnas lnga la mkhas pa gcig byung / spyan ras gzigs kyis lung bstan nas 'jam dpal bshes gnyen gyi man ngag myur du rtogs pa'i slad du/ rab tu byung zhing gsang sngags mtha' dag sbyangs pas tshe'i rig 'dzin dang rdzu 'phrul yang grub/ der slar yang thugs rje chen pos bskul te 'jam dpal bshes gnyen lo nyer lnga bsten/ slob dpon 'od phung du yal ba'i dus 'das rjes shrI sid+ha'i phyag tu babs pas rtogs pa mnyam par song / de nas lo brgya nyer ldan 'jam dpal bshes gnyen phyi ma nub phyogs kyi pad+ma las rdzus te skyes pa slob dpon chen po pad+ma'i gsang sngags mang po'i 'byung khungs kyang yin/ 'dis ar+ya de ba la snying thig bstan pas 'od du yal zhing / sangs rgyas ye shes zhabs la rdzogs pa chen po ye shes spyi yi gzugs zhes phal pas mtshon rdzogs chen dang tha mi dad pa'i 'jam dpal zhal lung gi don bstan pa'ang bstan bcos rgyud kyi dngos po can rdzogs pa chen po'i grub mtha'i ngo bor gnas/ 'dis mtshon nas rgya gar gyi paN grub phal mo che zhig rdzogs pa chen po'i lta ba las dngos grub brnyes pa mang mod kyi/ man ngag gi rgyud 'di gzhung gis gsang zhing lu gu rgyud la sogs pa'i ming tsam brjod kyang dam tshig ma yin par bshad pas rgya gar na'ang tshig rgyud 'ba' zhig tu bka' rgya dam/ 'gro don kyang mkha' 'gro ma dang / mi ma
- 67a
/ yin gyi gnas kho na la che bar gsungs pas tha mal gyi gdul bya la khrom sgrags su gnang ba'ang med/ bye brag tu rgya gar gyi slob dpon rnams gsang ba bsrungs pa la thugs skam/ lha dang sngags kyi de nyid khyab brdal du mi ston pa'i dam tshig la shin tu gnas pas nam dngos grub chen po thob pa'i mtshan ma kun gyi spyod yul du mngon pa'i tshe kye ma de ni sngags la spyod pa'i rigs can no// zhes gleng zhing shes pa las/ bstan pa snyigs shing gsang sngags 'chal ba'i gnas skabs ltar/ gsang ba khrom du gyer zhing / rgyud dang man ngag rlung gis ded pa'i shing lo bzhin dpe 'khyams su byed pa med/ dper na mar pas ming tsam ma thos pa'i na ro mkha' spyod bal po pham mthing pa la grags zer pa bzhin no// 'di ltar bag chags kyi brgyud par ma bzhugs kyang mngon gyur ba/ paN chen shAkya shris slob dpon chen po la rdo rje phur pa dngos su thob pa dang / pha dam pas sangs rgyas gsang ba las yo ga'i gdams pa nos shing / rdzogs pa chen po'i lta ba'i grub mtha' 'dzin pa dang / zhang g.yu brag pa'i mchims phu bka' rgya mar/ slob dpon chen po dang / b+ho d+hi sa twa/ bi ma mi hra rnams la dngos su gsan pa'i rdzogs chen yod/ rje btsun mi la rdzogs chen nyan te lta ba rig thog tu mnyam par bzhag pas re zhig rten 'byor la 'chugs mod kyi
- 67b
mthar thug mar pa'i thabs lam gyi rgyu byas nas 'bras bu rdzogs pa chen po'i ka dag chos zad kyi klong du dngos grub brnyes pa yin te lta ba'i zhe phugs la ltos/ rnal 'byor gyi dbang phyug karma pak+ki dga' rab rdo rje'i slob ma tog rtse bar gyur nas rdzogs pa chen po'i rgyud 'bum phrag drug cu rtsa bzhi khong du chud pa'i sngon gnas rjes dran las dngos grub brnyes/ kun mkhyen rab byung rdo rjes rang gi mdzod pur bi ma la thim pa'i rkyen gyis snying thig khong du chud de dgongs gter byon/ mdo sngags gnyis ka la byang ba'i grub chen oM rgyan pa dang / yang dgon pa sogs 'khor 'das ro gcig tu shar ba de rnams kyang rdzogs pa chen po las dngos grub brnyes pa sha stag yin te/ bstan pa'i bab tshul gyi rten 'brel las de dag las rgya cher brgyud pa dang / brgyud par bzhugs pa ni rgyal ba rang byung rdo rje tsam las ma byung ba lta bus shes so// 'jam dpal bshes gnyen mi snang ba'i rjes shri sid+d+ha sa man ngag gi dpe phyungs/ thig le'i skor la phyi nang gsang ba yang gsang bla na med pa ste skor bzhi phye nas dang po gsum gter du sbas/ phyi ma zugs la gab pa mkha' 'gro'i lung gis skabs dbye zhing de nyid du sbas/ slob dpon nyid bsil sbyin dur khrod na dpa' bo dang mkha' 'gro'i tshogs rjer mdzes pa nyid do// de la bi ma mi kra dang / dz+nyA na su tras zhus te/
- 68a
/ dang po ni khyim bdag gi bu/ phyi ma ni gdol pa'i rigs las rab tu byung / gnyis ka'ang mkhas pa'i bya ba mthar phyin pas rdo rje gdan na paN+Di ta lnga brgya'i gtso bor gyur/ tshe sngon dpung zlar gyur pa'i rten 'brel las thugs shin tu bcugs/ re zhig na skyo sangs la byon pas nam mkhar rdo rje sems dpa'i zhal gzigs/ khyed gnyis skye ba lnga brgyar paN+Di tar gyur mod kyi 'bras bu ci yang ma thob/ gcig gi sangs rgya bar 'dod na rgya nag byang chub shing drung na song zhig par bskul/ bi ma la brtson 'grus che bas sngon la brtol/ rnal 'byor rgyud dang man ngag phyi nang gsang gsum gyis tshim nas log/ rjes la dz+nyA su tras byon bla ma'i byin brlabs kyis zla ba dgu'i lam nyin lam la bcad/ mdzes ma chu'i bum pa khyer bas bkra shis khri sgo'i lung bstan/ der brtol ba na slob dpon bsil sbyin dur khrod ni bzhugs so zhes mkha' 'gro mas lung bstan pa bzhin song / shrI sid+ha thod pa'i khang bu brtsegs pa na khyab 'jug gi bstan pa la rol pa'i drung du sleb/ phyag sor gsum gyen la bstan byung bas gdams pa lo gsum na thob par / de'i bar bla ma'i zhabs tog byas/ de nas lo dgur rnal rgyud dang phyi nang gsang gsum po gas na/ 'di la dpe zhig 'ong thang snyam pa slob dpon gyi dgongs te dpe rnams phyung nas gnang / ldog par chas pa
- 68b
na tshim mam gsungs tshim lags zhus pas/ gtad pa med gsungs pas gdams pa ma rdzogs par go/ slar gsol ba btab pas/ spros bcas bum pa'i dbang rdzogs par bskur/ gsang ba bla na med kyi man ngag lo gsum du gnang / glegs bam ni ma bstan te dus la babs pa'i tshe khyod la snang bar gyur ro// zhes lung bstan/ da ni gdams ngag kyang rdzogs par thob/ nyams su blang bzhin pas bla ma'i zhabs tog bya'o snyam pa na/ snod khyad par can du gzigs nas spros med kyi dbang rdzogs par gnang / lo gcig tu 'khor 'das ru shan 'byed pa'i spyod pa tshad du phyin par byas/ gdams pa dus gcig tu mi ston pa theg pa rgyal po 'di'i ring lugs yin pas/ slar shin tu spros med kyi dbang bskur bas gnas lugs yid dpyod la mi re ba'i nges shes khyad par can du skyes/ mtha' rab tu spros med kyi dbang rdzogs pa na rig pa tshad la phebs/ lo bcu drug gi bar du bla ma'i mdzad spyod lta zhing nyams su blang / de'i tshe slob dpon ni rtul zhugs kyi kun tu spyod pa rgya 'tsho'i gnas la zhugs te 'jigs su rung ba'i dur khrod rnams nyul/ 'byung bzhi zad par gyis sbrul bsgyur dang / phyogs las rnam rgyal gyi spyod pas mkha' 'gro dang / 'byung po dang / sha za'i dbus na bag tsha ba med par bzhugs zhes grag go/ der rgyal po dpal byin zhes bya ba
- 69a
dad spyan drangs pa na/ seng+ge dkar mo yan lag drug pa la bcibs te gshegs/ re zhig nas g.yo ba dang / sgra dang 'od chen po byung bas sku yal bar shes te dz+nyA na su tras gsol ba btab pas/ zhal chems gzer bu bdun pa phyag tu babs/ gsang ba'i man ngag rnams bkra shis khri sgo'i ka ba'i khong nas long la dur khrod pa sing gi nags su song zhig par lung bstan thob/ der sngon gyi lung bstan pa bzhin glegs bam rnams phyung / rdo rje gdan gyi shar phyogs nas ring por thal ba na dur khrod de yod sar byon nas mkha' 'gro ma rnams la chos ston cing bzhugs so// de'i tshe paN+Di ta grub pa'i rnal 'byor chen po bi ma la dur khrod du spyod pa la rgyu ba'i tshe/ mkha' 'gro ma dpal gyi blo gros zhes bya bas snga ma ni thun mong gi man ngag yin gyi/ yang gsang bla na med pa thugs la gang ba yod pas sing gi dur khrod du song zhig par bskul/ 'di ltar skyes bu dam pa rnams ni gdams pa dang ye shes thob pa'i gnas la shin tu gus pa ston pas/ rdzu 'phrul gyi kun tu spyod pa la gshegs te mnyam 'grogs dang yid gnyis spangs nas rjes su 'dzin par zhus pa na/ mdzod pu nas 'od zer bkye/ spyan gyen du ldog pa tsam gyi longs sku'i shing khams bstan pas dad pa shin tu thob/ spros bcos kyi dbang bskur ba'i mod la slob dpon bi ma la'i mdzod
- 69b
pubu'i sgo phye/ spros med kyi dbang bskur bas pa spu'i sgo nas 'od zer du byung / zla ba bcu 'khor 'das ru shan phye nas shin tu smos med kyi dbang bskur bas yon tan khyad par can skyes/ shangs kyi rtser yi ge a dkar po thig la khad pa byung / rab tu spros med kyi dbang bskur bas rig pa bzhi thog las rnam par grol/ 'di tsam na slob dpon gnyis ka dgung lo brgya dang gsum yin zhes grags/ brgya dang bcu gsum lon tshe dz+nyA na su tra 'ja' lus 'pho ba chen po'i skur gshegs nas 'das rjes bi ma la'i phyag tu babs pas slob dpon dang dgongs pa mnyam/ de nas bi ma las rgyal po d+harma pa la dang / yul ka ma ru'i rgyal po gnyis kyi mchod gnas lo nyi shu re mdzad/ slar rab tu snang byed ces bya bar spyod pa la gshegs nas mkha' 'gro ma'i tshogs dpag tu med pa dbang du bsdu bzhin par gsang ba man ngag gi dpe tshar gsum bris/ gcig o rgyan gyi yul gser gyi bye ma brdal ba'i gling du sbas/ gcig kha che'i mtha' khob rigs ngan gyi grong khyer dang nye ba'i brag skyibs su sbas/ gcig dur khrod de nyid du rgyas btab bo// spyir 'dzam bu'i gling na dur khrod chen po brgyad kyi dbus mkha' 'gro nges par 'du ba'i dur khrod brgya dang bcu gsum yod/ kun kyang mi ma yin gdug pa can dang / mkha' 'gro mas dbang byas pas gdug rtsub che//
- 70a
/ srog la bar gcod shin tu rtsub cing skyi g.ya' ba can/ oM rgyan dang / za hor dang / sham+b+ha la sogs 'dzam+ba gling gi grub pa'i gnas thams cad su slob dpon bi ma las spyod pa mdzad pas/ nye ba'i 'thung spyod tsa ri tra na'ang mu stegs kyi rnal 'byor pa btul ba'i zhabs rjes yod par grags/ slob dpon bi ma las 'dzam+bu'i gling gi grub pa'i gnas thams cad du slob dpon bi ma las spyod pa mdzad pas// slob dpon bi ma las dgung lo nyis brgyar nye ba'i tshe btsan po khri srong lde btsan gyis bod na bstan pa btsugs pa'i skabs su gyur/ btsan po nyid skye ba snga ma la rgya gar na dge slong a ba d+hA d+hi par gyur pa'i bag chags las rgyu 'bras bya rtsol las 'das pa'i theg pa rgya gar na bltar mi mngon par yod pa yang mkhyen/ khyad par nyang ting 'dzin bzang po zhes bya ba/ mnga' bdag gzhon nur btsa' ba'i bu rdzir gyur la/ phyis rab tu byung nas lo bdun du mnyam par gzhag pas ting nge 'dzin gyis 'tsho zhing / sha'i spyan gyis gling bzhi cig car du gzigs pas nyung ba na sha'i spyan can zhes grags pa des lung bstan cing bskul nas/ rgyal pos bi ma la rgya gar ma hA ra dza'i mchod gnas su bzhugs pa la gser gyi skyes bzang po dang bka' rtags mdzad nas lo tsA ba ska cog gnyis spyan 'dren du mngags/ bod gdul byar gzigs nas a tsa ra sa
- 70b
snying g.yog tu khrid nas byon/ rgya gar ba rnams kyi rmi lam dang chu tshod kyi rtsis 'khrug/ rtsi shing me tog rnams kyang bod du kha bstan/ mkha' 'gro ma rnams kyang phrag pa dog pas mkhas pa paN+Di tas 'bru'i chos khyer nas bod du song bas lan zer/ der bod the tshom bskyed pa'i rkang mgyogs pa btang nas phra men gyi ngan sngags mkhan po song ngo zhes bi ma la'i sngon du brtol nas dbyen chen po bcos pas paN+Di ta bsam yas su phebs kyang bod rnams the tshom skyes pas btsan po dang ma mjal/ spyir slob dpon 'di dga' rab rdo rje dang lan bdun mjal/ rdzogs pa chen po la grub pa shin tu brnyes pas/ 'khor 'das blos bcos shing rgyu 'bras las 'das par ston phyir dbu tshal du rnam snang gi sder tsho la phyag mdzad pas thal phung du song / slar la the tshom cher song bas dbu zhwa bkon cing phyag reg pa tsam gyis sngar bas gzi byin che bar byung / rtags rnal 'byor par yod pas phyi rol par dogs pa'i nyes pa sel phyir yin yang zer te ji ltar yang / rgyal blon yid ches ma gyur pas/ skyabs 'gro yan lag drug pa byas/ gsung ba ni mad/ rgyal po slar da ste rgyu 'bras kyi chos spyi dang / bye brag tu gnyigs dz+nyA nas lo tsa mdzad de sgyu 'phrul dang g.yu sgra dang bcas te sems sde phyi 'gyur bcu gsum du bsgyur/ man ngag snying thig rje blon gnyis sogs skal ba dang
- 71a
ldan pa 'ga' tsam la'ang lkog chos su gdams pa 'di 'thad pa kun mkhyen chen po bzhed/ chos 'di blo la chud pa dang / lha spyod zung 'brel du nyams su blangs nus shin tu dkon gzigs nas gsang ba snying thig bod yig tu byas nas mchims phu'i dge gong du sbas/ rgya dpe rnams phyi ma'i dus man ngag smad pa can 'ong par gzigs nas zhu dag gi ched du sbas pa tshul dag par byed cing rgya cher 'grel pa po kun mkhyen ngag gi dbang po bstan par mi'i rgyal mtshan du byon to// bi ma la snga phyi gnyis su byon par 'dod pa ni/ slob dpon 'di mdo sngags kyi chos rgya mtsho lta bu la mkhas pas so so thar pa'i rgya cher 'grel la sogs pa'i bstan bcos dgag par mi nus pa dag mchis pa/ rdzogs pa chen po phyogs gzhan du 'phul bar 'dod pa dag gis kun slong min na rung ste/ don la shes rab snying po'i rgya cher 'grel dang / rim gyis dang / cig car 'jug pa'i sgom don gnyis kyang slob dpon 'di mdzad cing / yer ba'i dkar chag las rab byung gi mkhan po mdzad pa'i lo rgyus bsnyad pa sogs rtags kyang gang yin bsgrub dka' la/ spyir 'phags pa'i gnas brtan bcu drug dang / jo bo a ti sha yang bshul lam la na bza' dkar po yin la/ bod de la khyim par 'dzin pa gsan pas bza' rjes nas phebs pa sogs rtags 'ba'
- 71b
zhig la nges pa kho na'ang yod dka'o// de ltar lo bcu gsum bod du bzhugs nas slar rgya nag ri bo rtse lngar gshegs/ sangs rgyas kyi bstan pa ji srid gnas kyi bar la gnas der 'pho ba chen po'i skur bzhugs/ lo brgya brgyan bod du sku'i bkod pa re bstan nas rdzogs pa chen po'i lha sgom nor bar bsal bar byed/ ma 'ongs pa na bstan pa'i btsas gsum 'jig rten gzhan du 'pho ba'i tshe rdo rje gdan du 'od sguskur dengs par gyur ro// a tsa ra sa snying mchims phur grongs pa la'ang ltas khyad par can byung nas bi ma la grongs par nor par byung ngo // de ltar bi ma la gshegs nas lo lnga bcu rtsa lnga na/ des man ngag rjes su gdams pa nyang ting 'dzin bzang po rgyud rnam par dag ste phung po zag med du gyur/ rdo rje legs pas khams su ser pa phab pa'i nas rnga mo'i khal rgyab brgya bkal byung ba la rdo rje 'phangs pas/ dam tshig dran te nas rnams las phral phul de la rgyu byas nas dbu ru zha'i lha khang bzhengs so// gdams pa rnams ke tshang ris gsum gyi sgo'i ka ba'i khong seng du sbas/ snyan rgyud srol mi nyams pa'i ched du 'bro rin chen 'bar ba la bshad/ nyang ba na chen po lha sa brag lha'i phug tu 'ja' lus 'pho ba chen po skur yal lo// man ngag snying gi thig le'i skabs kyi btam mo// rdzogs pa chen po sems phyogs su grags pa ni/ dus
- 72a
der bstan bcos bye brag bshad mdzod chen mo bsgyur ba'i rnam dpyod bsam gyi mi khyab pa gcig po'i gnas la'ang phyis rdog lo chen po blo ldan shes rab kyis/ be ro nam mkha'i mtha' dang mnyam/ / ska cog rnam gnyis nyi zla zung gcig 'dra// rin chen bzang po tho rang skar chen tsam// zhes sngags pa'i ba dan dkar por gzengs su mtho bar mdzad cing / sangs rgyas thams cad kyi gsung gi gsang ba bsam gyis mi khyab pa'i ye shes rdo rje/ mkhyen pa dang rdzu 'phrul dpag tu med pa'i sprul pa'i lo tsa be ro tsa na dang / gtsang legs grub gnyis btsan po'i thugs bskyed kyi shing rta las man dgag yid bzhin gyi nor du 'dren pa'i ded dpon dam par rgya gar 'phags pa'i yul la chas so// der be ro la lam du/ me dang / chu dang / dug dang / mtshon dang / khang pa sgrib pa dang / gcan phrad pas srog la rgol ba la sogs 'chi la thug pa'i ye 'brog chen po lnga cu rtsa bdun byung yang / la la ni dka' spyad spyad khur du bzod pa'i snying stobs kyis ldog/ la la ni snying rje chen po'i dbang gi bsal/ la la ni rdzu 'phrul gyi bkod pa zad mi shes pas sprul zhing bsgyur ba sogs byang chub sems dpa'i spyod pa rlabs po che las nyams pa med do// der slob dpon chen po shrI sid+ha'i rdzu 'phrul gyis bslu bar brtsam pa'i tshe/ bzang po'i mdun khang kyang sku lus
- 72b
kyi bkod pas mdzes par byas ma skyed dgra'i khyim na chos ston gsol/ kun tu rgyu'i srang na bsod snyoms byed/ 'tsho byed kyi tshal na 'khor rnams pa bzhi la chos ston/ sum cu rtsa gsum na lha rnams la chos ston pas mtshon par ke tshang chen rim pa dgu'i yang steng na dga' rab rdo rje la sogs pa bzhugs pa'i gnas su brtol to// 'di tshong dpon rin chen gtsug phud kyi khang brtsegs bcu pa'i yang thog na sangs rgyas rnams chos bgro ba dang / brtsegs dgu pa na sa bcu pa rnams gnas pa dang chos mtshungs pa'i gnas phal pa min par dpa' bo gtsug phreng 'chad pa ni rnam dpyod che/ der be ros gser rnams sa 'og tu bsrungs/ man ngag gi chos la su mkhas dris pas/ mkhas pa nyer lnga'i sras paN+Di ta stong gi slob dpon shrI sid+ha nyid yin zer/ chu len gyi rnal 'byor ma zhig byung bar phrin du mar rdzangs kyang lan ma byung / lan gcig be ros lta stangs byas pas de'i chu ban sa la 'byar/ de na re khyod kyang rdzu 'phrul can zhig ste bdag la'ang 'di lta bu zer nas rang gi brang phye te rdo rje dbyings kyi lha so bdun bdun bstan/ slar brda thabs kyi nang du rtol bar gyis/ brda' 'di la la na 'di ston gyi gsang tshig bslabs/ der skabs btsal nas nang du tsham tshom med par byon/ ke tshang 'og ma'i mkhas pa rnams phyag dang brda' lan gyis mnyes par
- 73a
/ byas/ nang par shrI sid+ha dang mjal/ gser gyi phyag rten dpag tu med pa phul/ rtsol med kyi theg pa gsung bar gsol ba btab pas/ chos kyi bka' rtsis gsal ba'i phyir do nub brtag gis gsung / nang par dus gsum gyi lung bstan dang rtsis rgyab btab nas da ni khyod la bstan par bya ste/ gsang ba ma bsrungs na man ngag 'di gang dgar spyad du med/ rgyal po'i chad pas 'u cag gsum ka'i srog la yod mchis/ des na paN+Di ta brgya la gser gyi phyag rten phul la rgyu 'bras kyi chos nyon/ de kho na gnyer bya'i gtso bo yin pa ltar gyis/ mtshan mo man ngag gis chos bstan gyis gsungs/ der bram ze shin tu btsan par yod pas dpyad mi bzod pa'i rten 'brel byas/ slob dpon gyis mtshan mo gsang ba gdams pa'i man ngag sems sde bco brgyad rnams dar dkar la ra dkar mo'i 'o mas bris/ dud pas bdugs na yi ge gsal ba'i thabs byas/ bam po mang po yud yud la tshar bar mdzad/ gtsang ris kyi mgon po ma tshang ba med pa dang / gsang sngags phyi nang gi srung ma thams cad lhags te bstan pa 'di bsrung ba'i chad tho blangs shing / shin tu gsang ba'i rgyas btab bo// de'i tshe gtsang ban legs grub man ngag de tsam gyis tshim/ rgyal po la ngo so 'dod nas sngon la dengs pa lam du gcan phrang pas bsad/ be ro tsa na snying
- 73b
stobs 'gran zla med pas da dung ma tshim par bzhugs pas slob dpon gyis na'am gsungs/ be ros mthong ste ma phrad rang sems na/ myang ste tshims rang sems na bya ba la sogs pa dang / lta ba phyogs ris med pa de// las dang rtog pa'i 'phrang la rdugs// spyod pa blang dor med pa de// 'dod rtsol gnyis kyi 'phrang la rdugs// lam la bgrod du med pa de// lung dang rig pa'i 'phrang la rdugs// rang byung ye shes chen po de// bag chags stug po'i 'phrang la rdugs// dus gsum sangs rgyas dgongs pa de// bying god gnyis kyi 'phrang la rdugs// 'bras bu sku gsum lhun grub de// brda' don phrad pa'i 'phrang la rdugs// rdzogs chen bya bral lhun grub de// brda' don bral ba'i phrang la rdugs// sangs rgyas spyod yul rang dbang de// spyi blugs tshang ba'i dbang la rdugs// cha la ser sde bco brgyad pos// 'phrang brgyad skyel ma ma gshogs pas// bdag nyid be ro tsa na pa// yul du 'gro ba'i 'phrang la rdugs// zhes gsungs/ 'di ni tshig tshon po bla na med par snang ste spyir sngags kyi rdo rje'i gnas chen po rnams dang / khyad par theg pa'i rgyal po 'di'i dgongs pa la mkhas su rlom pa'i rtog dpyod can rnams kyi sun 'byung blos gzhal na rgyu 'bras rnam pa 'gal ba ltar 'char ba'i mtshang dang / gol sa ma lus pa 'dis bstan to// der slob dpon shrI
- 74a
sid+d+has rgyud sde drug cu'i dbang dang man ngag byin/ 'bras bu rang chas su ston pa rgya mtsho'a'i klong la sogs pa bstan pas rtogs pa'i mthar phyin/ da dung mtshims pa ltar mdzad nas chad la bor bas// chos kyi dbyings la zad med kyang / de bzhin nyid la gcig shes na// ma lus de la yongs su rdzogs// de las yod na sid+d+hi kan// zhes gsungs nas gdams pa mig 'bras ltar btsal ba/ khong snying ltar btsa' ba/ srog ltar btsa' ba ste btsa' lugs gsum/ de bzhin du sbyin pa'i gnas bzhi/ mi sbyin pa'i gnas bzhi legs par gdams/ dga' rab rdo rje dang mjal ba'i lung bstan thob pas de nyid du btsal yang ma rnyed/ mkha' 'gro'i lung gi oM rgyan du song zhig par skabs dbye bas/ d+hu ma tha la'i dur khrod chen por/ slob dpon dga' rab rdo rje dang mjal nas rdzogs pa chen po 'bum phrag drug cu rtsa bzhi'i dngos grub thob cing slob dpon 'od phung du yal lo// bod 'dir bsam gyi mi khyab pa'i chos nyid blo na mi gnas pas tha mal gyi rtog dpyod kho nas chos kyi tshig don 'jal ba byung mod/ 'dir dga' rab rdo rje ke tshang dang po na bzhugs pa'i snyam na/ mchog gzigs kyi grub pa'i dbang phyug rnams la oM rgyan las 'og min yang lo zlas bcad pa'i yun na med de/ 'dir slob dpon be ro tsa nas gnas de nyid du rtogs grol dus mnyam gyi
- 74b
dngos grub chen po brnyes pas o rgyan gyi yul la dran pa nye bar bzhag nas gom pa gcig tsam yang 'phags pa'i gtan tshigs bsgrub par mi bya'o// dper na te lo pas nA ro pa rim pa mang po'i yang thog nas skyusgyur zer ba/ don la rde'u gcig gis steng nas kyang lhung ba med pa'i chos nyid rnal 'byor dbang po a nanas rang gi rnam thar na bkod pa bzhin no// de bzhin du gtan tshig la mngon par zhen pa'i blo chung gis shrIshrI sid+ha dang bai ro snga phyi 'gal ba'ang mthong srid kyi de dag ye shes sku can yin pa sku la 'das grongs mi mnga'/ las dag pas da lta'ang mjal du yod la/ ma taM gi pa klu sgrub kyi slob mar grags pa bzhin/ de gnyis snga phyi ring po ra ba'i dpe shes par bya'o// mtshan nyid 'di la blo gros tshad ma tA ra na zas/ sngon bod du byung ba'i lo rgyus rnams na/ dbang bskur zhing gdams pa dang rjes su gdams pa mtha' dag stsal zhes pa ni/ so so'i skyes po'i slob dpon gyis slob ma phal pa gcig la byed pa bzhin du// rdul tshon bzhengs/ dbang rdzas bsags/ cho ga 'don btang / nyin mo bsgrubs/ mtshan mo bskur/ dpe che sgrog pa dang / gzhung gi 'bru bshad mdzub khrid byed pa dang / 'dzin chos btang ba ma yin te/ slob dpon nag po skal ldan gyi gang zag de la/ sprul pa'i sku ye shes kyi mkha' 'gro ma des/ dgongs pa btad de thugs rgyud byin
- 75a
gyis brlabs pa tsam gyis/ skad cig de la ye shes khyad par can brnyes/ rgyud don ma lus pa thugs su chud/ bka'i gnang ba stsal ba tsam gyis sems can gyi don rgya cher spyod pa'i nus pa thob pa de ka dbang bskur ba dang / gdams ngag rjes gdams bla na med pa yin no// 'dis mtshon pa'i sngon gyi grub thob chen po rnams kyi rnam thar na/ gcig gi gcig la gdams tshul yod pa rnams/ phal cher de bzhin yin la/ rang cag bod 'di na go ba 'di tsam la yang mtha' gnyis gang rung gcig tu lhung bar snang ste/ blun po rnams dang / blun po'i rjes 'brangs mkhas 'dod yod pa phal cher zhig ni/ grub thob rnams la de ltar yin pa'i go ba rab rib cig shar ba rgyu mtshan du byas nas/ da lta'i bla ma dang / slob ma phal pa lam sna tsam yang ma zin pa rgan rgon rnams la yang grub thob kyi rigs 'gre 'gran 'dod byas te/ dbang bskur/ rgyud bshad/ man ngag thams cad rtsa bas bcad/ po ti mgo la 'jog pa dang / dgongs pa gtad pas chog pa sogs/ mi shes pa dang / ma lcogs pa la bzang bzang mo dang dpa' bo dpa' mo byed byed do// de rigs bla mas ma go/ dpon slob gnyis kar gyis ci yang mi shes pa la shes mdog byed pa las mi yong bar 'dug pa 'di chad pa'i mtha' yin yang / sngags gzhung dang cho ga la rtsis su byed pa
- 75b
rnams kyang / da lta las dang po pa gang byed pa'i rgya bkab ste/ 'phags pa dang / grub thob dang / sgrub pa po mchog rnams la'ang byed pa ni/ sgrigs bkod dam dam mo dang mkhas 'dod byas pas gti zug du song ste/ 'di ka la ltos pa'i rtag pa'i mtha' yin no// nges na las dang po pa la brgyud pa khungs la thug pa'i chos bka' ma chad pa zhig dgos/ cho ga lag len byang la ma nor ba zhig dgos/ bsnyen bsgrub la sogs pa tshad du phyin pa zhig dgos/ rang rang gi gzhung bshad the tshom chod nges/ blo rtse gtad mtshams yod nges zhig dgos/ man ngag rnams lag len du btab na thebs nges pa zhig dgos so// grub pa thob pa rnams kyi spyod yul ni gzhan ma yin pas/ de 'dra'i nges khrid med kyang / de la log lha dang the tshom mi bya/ gus pas gsol ba thob cig ces so// der rgya gar ba chos la phrag dog pas bai ros rkang mgyogs kyi gdams pa nyams 'og tu btsud/ rkang mgyogs kyi gtso bo la brngan pa byin pas rjes ma zin pa ltar byas/ bod du myur bar phebs/ btsan po la nyin mo rgya 'bras thun mong ba'i chos dang / mtsham mo rdzogs pa chen po lkog chos su gsungs/ de'i tshe rgya gar ba'i rmi ltas log rdo rje gdan gyi chos mdzod chen po'i rgya ru spros zhig pas chos ma tshang bar shes/ bod the tshom bskyed pa'i phra ma mkhan bcug/ btsun mo tshe spongab
- 76a
/ bzas be ro bslu bar ma tshugs pas sdig blon rnams slad/ rgya gar ba'i phra ma la snyad nas be ro khrims la sbyar bar gsol/ rgyal pos sprugs par zhal gyis bzhes nas kun rdzob tu sprang po chu la sbyangs 'bras slob dpon dbu rtse'i gdugs khang du ltar mi mngon par byas pa'ang dmar rgyan gyis shes nas bai ro tsha ba'i rong du bcug dgos pa byung / 'di dag gi gtam 'dra 'bag la sogs pa sbrang po chu la sbyangs/ slob dpon dbu rtse'i gdugs khang du ltar mi mngon par byas pa'ang dmar rgyan gyis shes nas bai ro tsha ba'i rong du bcug dgos pa byung / 'di dag gi gtam 'dra 'bag la sogs pa klong yangs la sogs pa tshig bam po nyi khri/ de dag kyang grub pa'i skyes bu rnams kyi phyag na bzhugs pa'i dbang du byas te tshang bar ma 'gyur ro// slar bai ros rgyal mo tshang ba'i rong du g.yu sgra snying po rjes su bzung / yul de smin par mdzad/ khams su'ang 'gro don mdzad/ rgya nag tu gshegs nas grub pa mchog dang mkha' 'gro ma rnams dang chos skad 'dres/ yar lam ye shes gsang ba la sogs pa'i rgyud la brtan pa rdo rje zam pa'i man ngag gis spangs mi pham mgon po rjes su bzung / de ni lo brgyad cu rtsa lngar lon pa gzhon nu'i dus chos ma grub/ rgas nas nye 'khor dang spyan yang sngags grub pa zhig ste/ rgas ches pas lung zungs ngan pa la sgom
- 76b
ma thag dang sgom rten bcas/ gdams pa yid la zin phyir tshul shing gtad/ slob dpon gyi lung bzhin nyams su blangs pas chos nyid gcer mthong du ngo 'phrod/ rtogs pa zod rgal du skyes pas rgas po dga' ches ste slob dpon gyi mgul par 'khyad nas zhag gcig tu ma btang / dngos grub brnyes pas lo brgya lhag bcas su thub/ des ngan lam byang chub rgyal mtshan la bshad nas rim rim par 'ja' lus grub pa sha stag byung ste/ 'og tu rdo rje zab pa'i rgyud rim la 'chad to// de ltar bai ros rim pa sngar bshad pa'i phyi ma li bza' shes rab sgron te/ 'dis bai ro li yul du spyan drangs/ mthar bal bo ba seng+ge nags su 'od kyi skur dengs zhes grag go/ gangs can pa rnams kyi skyabs dang / mgon dang / rten dang / dpung gnyen gcig pu ba u rgyan sangs rgyas gnyis pa las ji ltar brgyud pa ni/ spyir slob dpon nyid sku gsum gyi ston pa rgya mtsho'i ngo bo nyid yin pas brgyud pa breng chags kyi mtshan nyid la'ang ltos pa med de/ sku gsum gyi zhing khams rten brten par bcas pa rang gi mtshan nyid dang gnyis su med pas so// de las snang 'khrid tshul gyi sgo nas shrI sid+ha dang / 'jam dpal bshes gnyen sogs las gdams pa'i bka' babs rnyed pa'i tshul bstan/ bod du bi ma las man ngag snying tig dang / bai ros sems phyogs dar bar mdzad pas/ de dag
- 77a
phyi mthar 'chal zhing / gdams pa'i snying po dang bral ba'i tshe 'gro don che bar dgongs nas rang gi snying thig zho stod ti sgor mkha' 'gro ye shes mtsho rgyal la lkog chos su gdams/ mnga' bdag gi btsun mo 'brom gza' byang chub sman las 'khrungs pa lha lcam pad+ma gsal lo brgyad lon pa zhig tshe'i dus byas par yab rgyal po mya ngan gyi dub pa bsal ba'i phyir/ mchim phur lha lcam gyi phung po'i snying khar tshal gyi yi ge nr-i gcig bris/ ting nge 'dzin gyi lcags kyu rnon pos rnam shes bkug pas/ mig lta zhing smra shes par gyur pa'i tshe man ngag mkha' 'gro'i snying thig byin brlabs 'pho ba'i stobs kyis gdams nas skyes pa phyi ma'i chos skal du dbang bskur/ zab mo'i gter du btsas pa phyin chad pad+ma las 'brel rtsal gyis bton pas mkha' 'gro'i snying thig tu grags pa sogs gter las byon pa'i snying thig gnad ma 'khrul don tshang ba dag yin no// lung a nu yo ga ni/ mdo sde gdams ngag 'bogs pa'i rgyal po las/ 'dren pa'i theg pa gsum po dag/ bcom ldan nges par gsungs lags na// zhes pa'i lung 'dren gyi khungs/ bshad pa'i rgyud dgongs pa 'dus pa 'di ni/ 'dren pa'i theg pa rnam gsum la// gang dag nges par dkod lags na// mnyam pas blang dor med spyod cing // byang1chub gzhan nas mi 'tshol ba'i/ thabs
- 77b
mchog dbang gis mi lang ba'i// nges pa'i theg pa yod ma gsungs// zhes yod pa de yin par snang zhes 'gos lo gzhon nu dpal yang bzhed spyir 'dren pa'i theg pa zhes pa'i chos skad kho nas kyang mdo sde gdams ngag 'bogs pa de kun 'byung 'dren pa la sogs te rim pa dgu'i nges 'byed kyi rnams grangs su 'du ba'i phyir grub pa'i mtha' 'di la yid gnyis byed pa rnams rten dang brten bshad 'gal ba yin/ no// de la ston pa mya ngan las 'das nas re zhig na dgra bcom pa yang nyung ngur gyur cing / bstan pa nyams dmas pas mu stegs pa rnams kyis go ta ma'i bstan pa ni me shi ba'i dud pa bzhin no zhes kha zer bar byed pa'i tshe/ 'di ltar sbrul sku chu zla lta bu gcig 'das kyang / 'og min gyi longs sku zla ba dngos lta bu rtag pa rgyun gyi 'khor lor bzhugs pas/ sems can gyi mos pa dang skal pa'i chu snod dang 'tshams pa'i sprul pa dang / theg pa gang gis 'dul ba'i chos 'byung ba'i gnas yin pas/ mdo dgongs 'dus le'u bzhi par/ drag shul can zhes bya ba'i ri// dgon pa chen po'i gnas de ni// ye shes snying po can rnams kyi// theg chen gdams ngag 'byung ba'i gnas// zhes gsungs pa la bde mchog rdo rje'i mdo 'grel gyis za hor gyi yul dang nye bar bstan cing lang+ka'i yul du grags pa ri ma la ya gnam lcags yod pa'i rtser//
- 78a
rigs can dran ma lnga rang rang gi mngon shes dang rdzu 'phrul gyis 'dus/ gsung tshig nyi shu rtsa gsum bton pas/ sangs rgyas rnams kyi byin brlabs kyis bskul nas gsang ba bdag dngos su byon// sngon 'og min dga' ldan/ ri rab kyi rtse ste lha gnas gsum du grags pa'i theg pa bla na med pa/ rtsa ba'i rgyud kun 'dus rig pa dang / bshad pa'i rgyud dgongs pa 'dus pa gnyis bshad de srin po blo / gros thabs ldan gyis gser gyi glegs bum bai DUr+ya zhun mas bris/ dgongs pa'i rtsal bdun gyi nam mkha' la sbas pa'ang rgyal po dza las brgyud de dar ro// bskyed pa'i ba ma hA yo ga la rgyud sde dang / sgrub sde gnyis las dang po ni/ rgyal tshab rdo rje sems dpas rigs gsum sems dpa' la bshad/ de las 'jam dpal gyis lha grags ldan mchog sbyong / spyan ras gzigs kyi klu rgyal gr-ih+Na nag po/ lag na rdo rjes gnod sbyin skar mda' gsong / lang+ka mgrin bcus mi ma yin/ li tsa bi dri med du grags pas mi rnams la rig 'dzin pas brgyud de rang rang gi 'khor tshom bu 'bum sde dang bcas pa sangs rgyas/ de nas mi yul du sngon du dar ba ni/ gsang ba'i bdag pos rigs can lnga la chos 'khor bskor ba'i byin brlabs las/ lho phyogs za hor gyi yul du rgyal po dza zhes bya ba la sngon du ltas khyad par can gyi rmi lam bdun shar/
- 78b
phyag na rdo rje zla ba bdun/ bsgrubs pas pho brang gi yang thog tu glegs bam gyi char babs/ don mkhyen kyang gab par byas ste u pa ra dza sogs la dris pas brda' ma khrol/ dge slong ku ku ra dzas sgyu 'phrul dra ba'i le'u stong phrag brgya pa'i le'u gsum pa rdo rje sems dpa' zhal mthong gi le'ur rtogs/ rang gi zla ba bdun sgrubs pas grub ste/ 15lung bstan pa bzhin/ rgyal pos phyag na rdo rje zla ba bdun bsgrubs pas dngos su byon nas dbang bskur byin gyis brlabs/ tshig rnams li tsa byi dri med grags par zhus shig pa'i lung bstan thob pa ltar mnyan pas tan+ta sde bco brgyad byung / de la sde tshan gyis dbye bas/ sku'i rgyud gsum ni/ sangs rgyas mnyam sbyor/ glang po rab 'bog/ glang po mtsho zhugs/ gsung gi rgyud gsum ni/ zla gsang thig le/ gcig las 'phros pa/ du ma las 'phros pa/ thugs kyi gsum ni/ gsang ba 'dus pa/ ri bo brtsegs pa/ rtse gcig 'dus pa/ yon tan gyi gsum ni/ dpal mchog dang po/ bdud rtsi mchog dang po/ yid bzhin nor bu'i rgyud do// 'phrin las kyi gsum ni/ karma mA le/ sgrom ma 'bar ba/ ki la ya yig 'bru bcu gnyis so// spyi'i rgyud gsum ni/ sgyu 'phrul dra ba/ dam tshig bkod pa/ thabs kyi zhags pa ste bco brgyad do// rgyal po dza sras in+d+ra b+ho d+hi/ sid+ha ra dza/ u pa ra dza/ sras mo go ma de wi
- 79a
/ sogs kyi tshogs kyi dkyil 'khor bsgrubs pa tshom bu 'bum pa la sogs pa rig 'dzin gyi sa la gshegs pa'ang bsam gyi mi khyab/ breng chags kyi brgyud pa'ang / ku ku ra dza phyi ma/ ro langs bde ba'i dngos grub/ rdo rje bzhad pa/ za hor gyi mkhan po pra b+ha hasti/ sangs rgyas gsang ba bi ma la/ des rgya gar gyi paN+Di ta lnga brgya la bshad cing / bod du gnyigs dz+nyA na lo tsA byas te mdo dang sems phyogs bsgyur/ rma rin chen mchog gis mtshan nyid dang sgyu 'phrul bsgyur/ sgyu 'phrul de la'ang nang gses su dbye na/ rtsa rgyud gsang ba snying po/ rol pa mngon par brjod pa lha mo sgyu 'phrul/ dkyil 'khor ston pa sgyu 'phrul brgyad pa/ 'phrin las ston pa sgyu 'phrul bzhi bcu pa/ dbang gtso bor ston pa sgyu 'phrul bla ma/ yon tan mthar phyin pa ston pa sgyu 'phrul brgyad bcu pa/ sde snod yongs la khyab par ston pa sgyu 'phrul dra ba chen po/ dam tshig gtso bor ston pa sgyu 'phrul le lag ste sde brgyad/ sa lam ston pa ye shes snying po/ cig car ston pa rdo rje me long / thabs lam rim gyis ston pa rdo rje thal ba/ cig car ston pa rdo rje rgya mtsho ste bshad rgyud sde bzhi zhes bya'o// de las sde brgyad bi ma las rma rin chen/ des gtsug tu rin chen zhu nu dang gyer mchog gnyis/ de nyid la dar rje dpal grags dang zhang rgyal ba'i yon tan gnyis/ des dar rje la bka' yongs
- 79b
grags dang / zhang la bka' mchims phra mar grags te/ sU dra ma gtogs pa gnubs chen gyis gsan to// 'dus pa mdo ni/ rgyal po dza sras in+da b+ho d+hi dang / na ga b+ho d+hi/ gu h+ya bo d+hi la/ na ga b+ho d+hi klu ba su rigs drug gi lo dgur shod du mar ster/ in+d+ras phyi'i rgyal po ku ku ra dza/ des ro langs bde ba/ des rdo rje bzhad pa/ pra b+ha ta sti/ shAkya seng+ge/ shAkya pra b+ha/ shAkya mu tra gsum la bshad/ shAkya mu seng+ge sa d+ha na rak+Shi/ ta/ des d+harma b+ho d+hi dang ba su ra la brgyud pa'am/ yang d+ha na rak+Shi ta bru sha'i ru che btsan skyes kyis gdan drangs nas/ bru sha'i yul gyi khrom du bsgyur bar byas pas/ mos pa chung bas ma 'gyur bar bal yul du byon/ d+harma bo d+hi dang ba su d+ha ra la bshad/ de nas phyis bru sha'i yul du khrom bskur byas/ ru d+harma bo hi dang / ba su d+ha ra dang bru sha'i mkhan pos gnubs chen la bshad nas bod la byon to// de la po ti'i char babs ni gdams ngag rang nyid len pa'i phyogs yin zer ba byung mod/ rgyud rang gi ngo bo nas rtsod pa med pa'i mngon sum tshad ma ni sher phyin brgya lnga bcu pa'i 'grel pa nas gsung rab 'di'i lo rgyus shin tu zhib pa byung bas po dong pa chen pos rgyud sde spyi rnam du'ang bkod cing / mnyam sbyor gyi 'grel par yang de dang tshul 'dra ba gcig bshad pas dgag par mi bya'o// zhes gsungs la/ gzu bor gnas pa dag
- 80a
gis kyang de la bskur bzlos mdzad snang / spyir phyag na rdo rje'i byin brlabs kyi bla ma'i go chod mod/ gdams ngag rang nyid len pa'i nyes pa de rang rgud pa la yin nam/ sprul pa'i sku la yin/ dang po la yin na rgyal po dza'i khang stengs su glegs bam 'bab par byed pa'i thugs rjes rdzu 'phrul gyi mnga' dbang can de dag gis kyang rgyal po'i rgyud chud gzon pa ma mkhyen pa'o// phyi ma la yin na/ shAkya thub pas// nga la mkhan po med pa na/ nga ni rang byung dge slong yin// zhes gsungs shing don la gnas pas shAkya thub pa'ang rang gi bstan pa'i chom rkun pa nyid du khyed kyis smra bar shes so// po ti'i char de yang rig pas btags pa yin snyam na dpal nA len+d+ra'i gyang ris la mngon sum du bris pa lo tsA ba zu dga' rdor gyis kyang mthong ba'i phyir ro// de ltar rgyud sde de dag la slob dpon ku ku ra dza dang / in+d+ra bo d+hi dang / go ma de wi dang / pra b+ha hasti/ rdo rje bzhad pa la sogs rim par dgogs 'grel kyang dpag tu med pa byung ste gzhan las shes so// de dag ni rnam pa mang po sde tshan gyi bsdus pa las mdo sgyu sems gsum mam/ yo ga gsum gyi sgras spyir bsnyad pa yin no// // gnyis pa sgrub sde la bka' gter gyi phyogs gnyis las/ dang po ni/ sku'i rgyud gshed skor rnams ni slob dpon 'jam dpal bshes gnyen las byung ba gtso bor
- 80b
byung la/ de ni sing+ga la'i rgyal po gzhon nu dpal gyi gras khye'u dpal zhes bya ste/ rgyal srid la skyo nas lho phyogs be ta'i yul du bros/ sprul pa'i sku dga' rab rdo rje la rab tu byung zhing / rgud lung man ngag thams cad thugs la chud/ des 'jam dpal yi dam byas nas bsgrubs pas/ bum pa khol/ bris sku bzhad/ me tog 'khrungs pa byung bas de'i nub mo 'jam dpal zhal gzigs/ tshe la dbang ba'i dngos grub brnyes/ phyi nub yi ge 'khor lo tshogs chen gyis non/ 'jam dpal ya man+ta ka'i zhal mthong zhing dbang rgyud man ngag lung dang bcas pa bshad par rmis/ mnal sad tsa na sprul pa'i gshin rje mang po skor ba byed cing 'dug/ de thams cad kyi srog snying phul/ de'i tshe nam mkha' la sgra chen po grags pas paN+Di ta rnams the tshom skyes/ dga' rab rdo rje'i zhal nas/ 'di ni dge slong dpal bzang gis 'jam dpal grub pa'i rtags yin gsungs/ mtshan yang 'jam dpal bshes gnyen du btags/ nam mkha' las ri gnam lcags 'bar par song / de na rgyud sde la ma lus pa yod pa longs tshod la 'gro ba'i don gyis zhes byung / der gshen rje gshed kyi brtul bzhugs rol pa'i spyod pa bskyangs pas smyon pa brtul zhugs can du grags/ slob dpon shrI sid+ha'i rdzun na btsun pa sham thabs thod du bcings/ zong gshol phrag pa la bzung ba'i
- 81a
rmos mkhan du bstan/ shri sid+ha yid ma ches pas 'di ni dpal bshes gnyen ga la zhig ste de ni yang paN+Di ta'am/ yang na rnal 'byor pa'i cha byad du 'ong thang snyam nas bza' zhig blangs pas/ nga'i chung ma la slong zer/ de nas grong khyer du phyin nas slongs pas/ jo mos tshong 'dus nas byi'u 'chil pa bdun nyos/ de 'bras chag dang bsres nas drangs byung / nga dge slong yin pas mi rung byas pas rjes su yid rang zer lag mthil du bzhag/ phus btab pas tso dir gyis nam mkha' la dengs/ der khyim btsun byon nas/ 'di la bza' byin nam gsungs pas/ jo mo na re bza' byin kyang khong mi 'don par gda' gsungs pas/ gang zag 'ching ba can gsungs/ shrI sid+ha'i rdo rje sems dpa' sgyu 'phrul dra ba zhal 'don mdzad pas/ slob dpon gyi dang por mal las gzims bzhin du gsan/ de nas bzhengs ste gsan/ rdzogs pa dang don la lta ci tshig la'ang rmongs gsungs pas 'jam dpal bshes gnyen yin nam dgongs/ de zhin du grong khyer du grub pa'i spyod pa ya ma zung mang du bstan pas rgyal po'ang ngo mtshar skyes te rnal 'byor gyi dbang phyug chen por grags/ hi ma la ya zhes snang ba rang tshan pas bgrod par mi nus pa'i gnas der byon pas gnod sbyin gyi bu mo zangs kyi 'od 'phro ma sogs kyis 'byon du ma ster/ der bden pa'i tshig gis
- 81b
dkrol ba'i lcags kyi sdig pa 'jigs su rung ba zhig byung / de ni sprul par shes nas bsti stang byas pas bse'i sgrom bur song / de nas las bzhi tshang ba'i gser gyi glegs bam bai DUr+yas bris pa byung / gzigs pa tsam gyis thugs su chud nas mu stegs 'dul ba'i sngags rgod rnams bsgrubs te las la sbyar nas mu stegs kyi rgyal khams brlag par mdzad/ glegs bam dngos rdo rje gdan gyi byang du mi snang bar rgyas / gdab bo// de nyid la slob ma bsam gyi mi khyab mod kyi/ gtso bor gyur pa hUM ka ra'i lugs/ pad+ma'i 'byung gnas la brgyud/ d+ha na ta la man ngag gsung nas dar/ 'jam dpal bshes gnyen 'dir lo rgyus rnying pa thams cad la rgyal rigs gcig/ bram ze'i rigs gcig/ rdzus te skyes pa gcig ste gsum snang ba rang sa rang sar gsum ka 'thad la/ don la sprul pa sgyu ma lta bus 'dul ba'i ston pa yin te gdams ngag byung ba'i gleng gzhi/ rdo rje btsun mo'i ba ha ga dang skyon gyi gnas bzhin no// gshed skor rnams bod du gtso bor slob dpon sha n+ting gar+b+ha byon nas dar shing / 'dis bsam yas kyi rab tu gnas pa'ang byas so zhes grags pa snang ngo // gsung gi rgyud rta mgrin la sogs pa pad+ma'i rigs mchog dag ni dpal mgon klu sgrub las rim gyi pad+ma saM b+ha wa la brgyud pa ste/ slob dpon chen po 'di'i rnam par thar pa thun mong
- 82a
du grags pa dag las 'di ltar ma gsal snyam na/ sngags kyi rgyud sde phal mo che yang mdzad pa bcu gnyis kyi khong na ma gsal bas de dag kyang gzhan du 'phel bar gyur par// spyir gyi slob dpon de'i dus rgya gar na gdams ngag khyab brdal du dar ba lta ci smos/ theg pa chen po dar ba'i mgo brtsom pa la'ang nyan thos pa rnams kyis klu sgrub kyi theg pa chen por grags pa'i chos log bstan no zhes bskur pa btab pa'i phyir gdams ngag gi grub pa mchog rnams kyi yul du spyod pa las ming tsam yang mi mngon pa'i skabs so// thugs kyi rgyud yang dag/ dpal he ru ka ni/ don gyi sangs rgyas mnyam sbyor nyid du gnas pa slob dpon hUM ka ra las brgyud pa'i chos te/ 'di bal po'i yul du 'khrungs go leb zhes bya ba'i dbul por gyur pas rgya gar du byon nas rgyal po'i phyugs rdzi byas/ nags gseb tu phyugs 'tshor song ba na/ slob dpon ku ku ra dza sgom la bzhugs pa dang mjal/ shin tu dad ste phyag dang skor ba byas/ ma he'i 'o ma bzhos te drangs pas/ byis pa khyod kyis chos ma nus sam gsungs/ chos nus te rgyags med zhus pas/ brtson pas nus na grub pa yin gsungs nas rdo rje sems dpa' rgyan gcig pa'i sgom bzlas gnang / der phyugs 'tsho bzhin sgoms pas rdo rje sems dpa' grub ste/ lan cig brag la sgom pa'i tshe rgyal
- 82b
pos de'i zad ka na rdo rje sems dpa' 'od khyil le bzhugs pa mthong / dgongs khar song ba dang phyugs thams cad kyang der 'dus/ rdo rje sems dpas phyugs ded nas 'ong ba mthong / pho brang la nye bar song dus lha mi gsal du song / sgo rtsar slebs dus phyugs rdzi rang du snang bas rgyal po the tshom skyes/ nang par gos brjes nas phyugs rdzi'i phyi bzhin bltar phyin pas/ yang byis pa de rdo rje sems dpar dkrong de song / slar phyugs rdzi gtsang khang du bos/ deng phan chad ma shes pa bzod par mdzod la nga'i mchod gnas mdzod ces bsgos pas/ bdag la che ba'i yon tan ci yang med pas mi rung zer/ rgyal pos sngar gyi lo rgyus brjod pas/ ngas skye ba 'di la rgyal po gdul ba byar med/ phyi ma mngon par dga' ba'i zhing du mjal lo zer/ der rgyal po ngas yo byad sbyar gyi bsgrub pa la zhugs smras pa na/ byis pa slob dpon ku ku dza'i drung du song nas sgrub thabs dngos gzhi zhus pas/ sngar las 'phro yod pas lha ngo bstan pa yin/ ngas khyod 'dul ba'i dus la ma bab pas u ta ya'i grong khyer na slob dpon ro langs dor khrod la zang bde ba yod pas der song zhes lung bstan/ byis pas grong khyer der btsal bas/ slob pon grongs nas pur dur khrod du bskul zer/ slar log nas ku ku ra dza la zhus pas/ ro langs bsgrub pa'i man ngag gnang ste
- 83a
zhag nyer gcig la 'grub/ slob dpon langs te ro langs bde ba'i dngos grub ces grags so// der yan lag drug cu rtsa brgyad kyi dkyil mkhor bzhengs nas smin par byas/ dkyil mkhor gyi me tog hUM ka ra la babs pas gsang mtshan badz+ra hUM ka ra zhes grags/ der gdams pa ma lus pa rdzogs pa'i tshe slob dpon gyis/ dngos grub kyi rten du phyag rgya mtshan dang ldan pa zhig bzung la/ bse brag bya khrung gi tshal du bsgrub par song zhes bskul/ der hUM ka ras rigs ngan gyi grong khyer du byon nas btsal bas/ rgan rgon rang zag mkhan gnyis la bu mo mtshan dang ldan pa zhig 'dug/ 'di ni nga'i grub bde mor byin dgos pa byas pas/ bu mo khyod la mi bskur zer ster du ma 'dod/ rin 'jal bar byas nas yul gyi rgyal po la dbang po bcol bas/ gser mo dang mnyam pa dgos zer/ slar log nas slob dpon ro langs la lo rgyus brjod pas/ mi ro las gser du bsgrub pa'i man ngag gnang / dur khrod nas ro btsal te sbubs pas lo gcig gis grub/ der gser dang bu mo brjes te gnyis kas slob dpon ku ku rA dza'i drung du / byon nas gdams pa la mtha' gcod byas/ yo ga'i shing rta chen pos sangs rgyas gsang ba la'ang gtugs te sgro 'dogs bcad/ de bzhin du slob dpon gyi shAkya de ba la yang dag gi bsgrub lung man ngag zhus//
- 83b
bse brag bya khyung tshal du bsgrub pas/ dpal chen po'i zhal mngon sum du mthong / tshe la dbang ba'i rig 'dzin thob/ yum gyi ma ma ka'i dngos grub brnyes/ gzhan don du yang dag rtsa ba'i bsgrub pa mdzad/ 'dis rgya gar du slob dpon chen po pad+ma la gsungs shing / bod du byon nas dar ba yin no// rin po che'i rigs bdud rtsi yon tan ni/ rgyal rigs gang zag gsum las rim par brgyud de bdud rtsi'i dngos grub thob pas bskal par mi shigs pa'i tshe la mnga' dbang 'byor pa slob dpon bi ma la mi tra las byung ba yin te/ slob dpon de ni rgya gar nub phyogs kyi grong khyer glang po sgang zhes bya ba mi khyim 'bum tsho nyi shu rtsa dgu yod pa na/ khyim bdag bde ldan zhes bya ba dang / yum bdag nyid gsal rig ces bya ba'i sras su 'khrungs/ lo bdun slob ma'i grar zhugs pas sus kyang do med pa gcig byung bas rig pa che bar grags/ bstan pa la zhugs nas bshes gnyen mang du bsten/ rig pa'i gnas che ba re la slob ma gsum gsum du bsten te bco lnga la phrugs gcig tu bslabs pas lo nyer gcig pa la paN+Di ta'i gral du zon/ paN+Di ta rgya mtsho'i dbus na sgra skad mi 'dra ba sum brgya drug cu shes/ 'byung ba bzhi'i sgra dang / dud 'gro'i skad las kyang don 'char zhing 'chad par nus/ shes rab kyi pha rol du phyin pa'i bka' thams cad la
- 84a
/ zhal 'don mdzad cing / nang du de'i don mnyam gnas rdzogs pa chen po la dran pa nye bar gzhag pa de la/ bshad lung dang sgom lung nod pa'i slob dpon brgya dang drug cu yod pa'i nang nas slob dpon sangs rgyas gsang bas 'khor 'das kyi chos thams cad ye shes kyi bdud rtsi'i bcing grol med pa'i ngo bor sangs rgyas pa'i rgyud sde rnams bstan cing / khong du chud nas man ngag gi yi ge yang mang du mdzad de dar ro// don grub kyi rigs las 'phrin las phur pa ni/ slob dpon chen po pad+ma las byung ba'i man ngag ste/ bdag nyid chen po 'di'i rnam par thar pa ni mi nus mod kyi/ re zhig gdul bya ngor snang gi tshul 'jig rten na shin tu grags pa gsal ba yin pas 'dir 'god pa'ang ngal ba'i las 'du byed pa tsam mo// de lta na'ang mkhas pas lung rigs gtan tshigs mi 'gal bar sgrigs pa'ang ngo mtshar che zhing // las can gyi snang ngor rjes su gnang ba gter ma'i phyogs las byon pa la'ang 'thad pa dang / dgos pa dang / byin brlabs bsam gyis mi khyab pa 'dug pas/ dkon mchog brtsegs par/ 'od srung nga'am nga dang 'dra bas chos dang gang zag gi tshod bzung bar rung gis/ gzhan dag gis ni ma yin te log par ltung ba'i phyir ro// zhes gsungs par bsams te/ rtog ge'i rigs pa kho nas mtha' gcig tu sems pa dang /
- 84b
phrag dog dang / kun slong ngan pas bslad pa dag gi rjes su blo gros chen po su'ang mi 'jug pa nyid do// 'di ltar phur pa'i lo rgyus nyid las kyang rang lugs kyi rnam par thar pa yod mod kyi/ skabs kyi brjod don la/ slob dpon nyid phyag rgya chen po'i rig 'dzin sgrub par dgongs nas bal yul yang le shod kyi brag phug tu bal mo shAkya de was sgrub bde mo byas te/ dpal yang dag zla gam dgu pa'i dkyil mkhor zhal phye ste sgrub pas/ klu gyong po gnod sbyin rgod ma kha/ byi dur bar snang khams kyi glog ma sprin dang gsum gyis bar gcod byas/ nam mkha'i char bcad/ rtsi shing lo tog thams cad skams par byas pas/ bal po shi la many+dzu dang / bal mo kun zhig gnyis rgya gar gyi paN+Di ta las bar chad 'dul ba'i chos len du btang / paN+Di rnams kyis nA len+d+ra'i gtsug lag khang nas/ bi to ta ma la 'bum sde dang phur pa mi khur gnyis brdzangs/ yang le shod du phebs pa tsam gyis bar chad zhi/ bsgrubs pas zla ba gcig na rdo rje gzhon nu'i zhal gzigs/ slar yang phur sgrags ma'i sgrub pa mdzad/ dam can ma mo bcu gnyis kyi srog snying phul te dam la btags/ de'i tshe bi to ta ma la'i rgyud sde tshan bzhi bcu zhe brgyad dam/ sum cu so drug tu phye zhes grags/ der rgyud sde le lag dang bcas pa dbang chen po'i phrag pa na bzung / slob dpon nyid
- 85a
/ kyang gshegs pas/ yul tsha ba tsha shos su nub gcig gzim pa'i na cho 'phrul chen po byung / gzigs pas mdun na ne gu drung drung ba zhig 'dug/ der phyag rgyas bsdams/ lhung bzed du bcug/ sang chu mig byang chub ris su bro btab pa'i tshe kha phye bas bud med bzhin bzang ma bzhi 'dug/ su yin dris pas/ yul tsha ba tsha shos la dbang byed pa'i sa bdag mo bzhi yin nged cag sems can rnams kyi tshe srog la dbang ba'i bdag por slob dpon gyis dbang byin cig zer/ slob dpon gyis de ltar mi rung gsang sngags rdo rje phur pa bsgrub pa la bar du gcod pa'i dgra bgegs rnams kyi tshe srog la dbang byed par skur ro/ gsungs nas de ltar mdzad/ gsang ba'i mtshan rdo rje ya byin la sogs par btags/ de nas nA len+dar brtol/ paN+Di ta rnams la dpe snga ma gtad cing / rang gi man ngag tu phye ba rnams gzigs bcug pas// 'di dag ni lung dang mi 'gal la bsgrub pa'i cha rkyen du 'phags so gsungs nas rgyal mtshan gyi rtse la 'phyar/ der dur khrod so sa gling du mkha' 'gro ma bde ba'i 'khor lo las rdo rje phur pa'i dkyil mkhor du dbang thob pa slob dpon pra b+ha hasti la/ phur pa'i chos tshar bco brgyad gsan/ tshe dang / las dang / sa 'og gi rig 'dzin gsum grub/ bod kyi spyan 'dren pa'ang lhags pa mkhyen nas slar yang le shod du
- 85b
/ byon/ slob dpon gsum gsan 'dzom pa na/ bi ma las phur pa gdengs pas chu bo gyen la ldog/ bal po shi la many+dzus brag la phur pa btab/ slob dpon chen pos nags tshal la me shor ba'i sar sdigs pas tsacan dan gyi nags su song / de nas bsam yas su rgyal po la phur pa'i chos gsungs/ mkhar chen bza' mtsho rgyal ma/ cog ro bza' mchod gnas ma/ a tsar sa le gsum la mdun gyi nam mkhar dkyil 'khor sprul te/ dbang lha zhu'am bla mar zhu gsungs pas/ mkhar cher bzas bla ma/ cog ros lha la gdams/ sa les bla ma'i dgongs pa dang sbyar bar zhus pas/ rten 'brel gyi dbang las yang phur bdud rtsi gsum lcam lugs mi zab par grags/ mkhar chen bza' la rgyud dang man ngag snying por dril nas gnang ste sa le la'ang shod gsungs pas phur pa jo mo lugs zab pa yin no// spyir bod yul 'dir phur pa shin tu dar zhing de las dngos grub brnyes pa'ang bsam gyis mi khyab la/ gsar ma rnams ma dar gyi bar la bod du yi dam dang sngags kyi bstan pa'i srog kyang yang phur gyis bzung / brgyud pa byin gyis brlob par nus pa'i rigs sngags 'chang ba'i gdung dang / de las mkhas shing grub pa brnyes nas bstan pa'i chu mgo tha dad par shar ba'i skyes bu dam pa rnams kyang byung mod/ de lta na'ang / phal cher yongs su dris
- 86a
/ la sngangs// rtag tu gsar pa gsar pa 'tshol// zhes pa ltar/ dpal ye bzang rtse bas/ bod 'dir rdo rje phur pa'i sgrub pa shin tu dar la/ de la'ang kha zer ba dag yod mod kyi/ dus phyis chos rjes / skyabs shangs sreg shing nas slob dpon pad+ma dngos kyi phyag dpe'i rgya dpe rnyed nas 'gyur mdzad pas phal cher kha rogs te 'dug go/ zhes gsungs pa ltar sa pa Na gyis phur pa'i rgya dpe rnyed pas dgyes ches/ snam sbyar mnabs nas rgya dpe phyag tu bzung / bsu ba dang rol mo'i bye brag gis spyan drangs pas bod du byung ba'i chos su sgro 'dogs pa'i gzu bo mi gnas pa dag gi bzhin ras la mun pa'i byug pa byed pa'i skabs byung ba yin no// // gnyis pa/ bde 'dus gter ma'i lo rgyus ni/ 'og min chos kyi dbyings kyi pho brang na ston pa bcom ldan 'das chos sku kun tu bzang po nyid dgongs pa mnyam nyid bsal bzhag med pa'i ngang du bzhugs pa la/ yum kun tu bzang mos rdo rje'i dam tshig chen po'i glus bskul nas longs spyod rdzogs pa'i skur bzhengs te/ zhi ba rdo rje dbyings kyi dkyil 'khor rnam par 'phrul to// zhi ba'i gdul byar ma gyur pa rnams la khro bo che mchog he ru ka'i skur bzhengs nas khro bo'i dkyil mkhor bstan te dgongs pas brgyud pa dag/ rig 'dzin rnams la brda las brgyud de gtso bor gyur pa ston pa nyid byang
- 86b
chub sems dpa'i ngang tshul can rig 'dzin rdo rje chos kyis phyogs su bsdebs te glegs bam du snang bar mdzad do// der re zhig mi'i nang du skal bar gyur pa ma rnyed nas mkha' 'gro'i gtso mo las kyi dbang mo che la gtad rgyas brgyud/ mkha' 'gro mas bde gshegs 'dus pa'i spyi rgyud lnga dang / bye brag gi rgyud bcu rnams rin po che sna brgyad las byas pa'i sgrom bur stsal/ sgos rgyud rnams sgrom bu tha dad par bcug nas dur khrod bsil ba'i tshal gyi mchod rten bde byed brtsegs par rgyas btab bo// der dus la bab pa'i tshe nyin par thog ser 'bab cing / mtshan mo klog 'gyu ba la sogs pa'i cho 'phrul zad mi shes pa slob dpon brgyad kyis dgongs te thams cad nam mkhar byon nas/ dgongs pa gcig tu bsdus/ mchod rten chen po'i mdun du lhags nas mthun pa'i rdzas dang bden pa'i tshig gis bkrol/ gzhan don du dgongs pa'i brtul zhugs bskyed de dbang du bsdus pas/ gdugs bdun gyi nub mo mkha' 'gro ma las kyi dbang mo che mngon sum du byon nas mchod rten nas sgrom bu phyung ste/ che mchog gi bse sgrom bi ma la/ yang dag gi dngul sgrom hUM ka ra/ gshin rje'i lcags sgrom 'jam dpal bshes gnyen/ rta mgrin gyi zangs sgrom klu sgrub/ phur pa'i g.yu sgrom slob dpon pad+ma/ ma mo'i bse sgrom d+ha na saM skr-i/ mchod bstod kyi mchod sgom
- 87a
rom bu gu h+ya/ drag sngags kyi gzi sgrom shAn+ting gar+b+ha ste so sor bka' babs kyi nges pa gtad pas rang rang gi don la mkhas shing grub pa thob par gyur/ rin chen sna brgyad kyi sgrom dus der rgya ma ba krol ba/ phyis slob dpon pad+mar gtad pa nas bde gshegs yongs rdzogs tshom bu gcig tu sgrub pa'i rgyud dang man ngag byung / slar bod du btsan po khri srong lde'u btsan gyis gsol ba btab pa las/ bsam yas mchims phu'i bre gu dge'u ra las can gyi rje 'bangs brgyad la phyi nang gsang ba'i dbang dang man ngag rdzogs par byin/ de'i tshe gser srang bcu re las byas pa'i me tog so sor dor bas/ mnga' bdag nyid dbus kyi che mchog/ nam mkha'i snying po yang dag/ sangs rgyas ye shes gshin rje/ ngan lam mchog dbyangs rta mgrin/ mkhar chen bza' phur pa/ dpal gyi ye shes bla med he ru ka rlangs dpal seng dregs pa kun 'dul/ be ro tsa na stobs ldan nag po la babs pas lha so sos zhal gzigs/ mkhar chen bzas bla ma sangs rgyas thams cad 'dus pa'i ngo bor mthong / de dag mchog gi gdul bya yin pas dbang dus su rtogs pa brnyes/ bka' babs so sor bsgrubs pas btsan pos ting 'dzin khyad par can grub/ rtsa mdud grol bas shes rab phyogs med du rgyas nas bka' yang dag pa'i tshad ma zhes pa'i bstan bcos kyang
- 87b
mdzad/ sku tshe phyir bsrings/ nam mkha'i snying pos nyi zer la chibs shing brag la 'dam rdzab ltar mdzad/ sangs rgyas ye shes nam mkha' la bya ltar gshegs shing tshe'i rig 'dzin brnyes/ rgyal ba mchog dbyangs bskyed rim gyad du gyur pas dbu gtsug na rta mgo 'byin cing rta skad hi hir bsgrags/ mkhar chen bzas 'phags yul gyi grub thob dag gis kyang spyod yul du dogs pa'i gsad pa gso nus/ 'brog mi dpal yeyis ma mo las la dngos su 'khol/ rlangs dpal seng gis sde brgyad bran du 'khol/ bai ro tsa na ye shes kyi spyan dang ldan zhing rdzu 'phrul gyi bkod pa la mnga' brnyes pa sogs byung bas 'di dag la grub chen brgyad zhes grags/ 'di'i steng du slob dpon chen pos man ngag rjes su gdams pa las dngos grub chen po brnyes pa/ gnyags dz+nyA na ku mA ra dang / lha lung dpal gyi rdo rje la sogs pa nam mkha' la 'dab chags bzhin bya ba dang / chu bo la gar mkhan bzhin bya ba dang / mkha' spyod du 'od phung gis 'gro ba dang / gcan gzan gyi gnya' ba nas 'dzin pa dang / chu bo gyen la ldog pa dang / ro langs gser du bsgyur pa dang / lta stangs kyis g.yag rgod 'gugs pa dang / ri brag la thogs reg spangs pa dang / thog mang brag ri bsnyil ba dang / pha bong zan ltar gcod pa dang / nam mkha' la skyil mo krung bca' ba dang / bar snang
- 88a
nas 'dab chags 'dzin pa dang / phur pa gdengs chad srog gi rgyu ba 'gags pa la sogs ltar mngon pa'i rdzu 'phrul ya ma zung dang / nang ting nge 'dzin gyi dgongs pa tshad du phyin pas/ mi brjed pa'i gzungs/ mngon par shes pa drug/ rgyun gyi ting nge 'dzin/ g.yung drung lta bu'i lus la sogs ste dngos grub rnam pa gnyis kyi go 'phang la rkang stegs 'jog pa bcu bdun bsnan pas rjes 'bangs nyi shu rtsa lngar grags pa yin no// dpal 'dzin gyis/ 'jig rten mchod bstod dkyil mkhor du// bod kyi lha 'dre 'dzud lugs kyis// gzhan du 'byung po zad dam ci// zhes kha zer ba byas mod/ de dag ye shes kyi 'khor yin/ pas dregs pa can 'khor du mi rung zer na/ dpal ldan 'bras spungs rgyu dkar gyi dkyil mkhor la'ang nyes pa de yod pas so// yang bod kyi lha 'dre'i ming snang lugs kyi bod du byas so zer na ni/ gzungs gra lngar yul so so'i gnod sbyin mang du bkod pa de yang nor bar gyur la/ spyir rtog ge'i rig pas gzhal na'ang 'jig rten gyi khams na ming 'dra ba dang rus 'dra ji snyed yod/ phyin ci log 'dis phung po gsum pa'i sangs rgya grar/ sred med bu sogs 'dzud lugs kyis// gzhan du 'dren pa zad dam ci// zhes tshangs pa dang chu lha dang / sred med bu la sogs pa dngos bstan du smra bar 'gyur bas shin tu tha chad pa'i tshig
- 88b
go khyad par rgyud kyi gleng gzhi ma mthong zhing / sangs rgyas kyi 'phrin las rlabs po che'i tshul khong du ma chud/ chos nyid bsam gyis mi khyab pa'i gnas la lta ba'i skal pa ni chad/ bem po'ang rul nas snang ba ko ler shar ba'i gtan tshigs kyis rang gi tshig chad par bya ba rgya gar nas byung ba'i rgyud la bod kyi lha 'dre mi rung bar bstan pa'i shugs kyis rgya gar nyid kyi lha 'dre byung srid na 'gal ba med par don gyi song bas/ gang du ston pas gsang sngags gsungs pa'i gnas dang mtshan nyid sogs kyi go bar rab rib tsam yang ma chags pa nyid do// 'dir 'jig rten mchod bstod kyi rgyud las/ bcom ldan 'das 'bar ba chen po'i skur bzhengs tshul bstan pa'i rjes/ 'jig rten gyi khams kyi dregs pa can lha'i tshogs dang / bdud dang / gshin rje dang / srin po dang / gnod sbyin dang / gza' dang / klu dang / rgyal po dang / ging dang / ma mo chen mo rnams dang / DAk+ki'i tshogs dang / ru tra dang / mu stegs dang / srog gi bdag po dang / nor gyi bdag po dang / che'i bdag po dang / srid pa'i bdag po dang / gzhan yang 'jig rten gyi khams thams cad dang / dur khrod chen po dang / 'dzam bu'i gling mtha' 'khob kyi sa dang / ri'i rgyal po dang / ri phra mo dang / rgya mtsho dang / chu phran dang / yongs su 'du ba'i shing dang / nags tshal chen po dang /
- 89a
gnas phra mo bsam gyis mi khyab pa dag na gnas pa'i 'jig rten gyi dregs pa can pho dang mo'i rnam par 'dug pa dang / gtso bo dang 'khor gyi khyad par du gyur pa dang / bran dang g.yog gi tshogs dang bcas pa dag rang rang gi gnas nas myur du sngangs shing skrag la 'jigs pa dang / yang ba'i sems dang / dul ba'i sems kyis thon te/ bcom ldan 'das de'i spyan sngar rlung drag po'i shugs kyis rab tu bskyod pa'i shing bal gyi 'dab ma bzhin du rang dbang med par lhags par gyur te/ zhes ston pa bcom ldan 'das gsang ba'i bdag po dpal he ru kas gang du rang snang gi 'og min sprul pa'i gnas der 'jig rten khams kyi dregs pa can thams cad dbang du bsdus/ srog snying blangs/ 'khor gyi rol par mdzad pa'i phyir/ 'jig rten gyi khams zhes pas spyir bsdus pa la/ 'dzam+bu'i gling zhes pas bye brag gis bsdus pa'i khongs su bod ces bya ba'i yul phran ko le ba 'di yod pa ba lang rdzi bo yan chad kyis kyang shes par 'gyur ro// rgyud sde'i gnas chen po 'di dag gzigs nas g.yung ston rdo rje dpal bas mdo sngags kyi sangs rgyas la khyad par che zhing / sngags kyi ston pas gdul bya nag phyogs pa 'dul nus par bshad pa'ang don 'di lta bu la dgongs/ de bzhin du blo gros bsam gyis mi khyab pa 'gos lo gzhon nus/ lha chen
- 89b
po 'di rnams kyang sangs rgyas mthong ba/ rang rang gi gsang sngags kyi gsang tshig dang bcas shing / des 'jig rten la phan 'dogs pa sha stag yin/ zhes gsungs pa'ang don 'dir gnas la/ gzhan du bod kyi lha 'dres sangs rgyas mthong ba'i tshul ston pa med/ sham+b+ha la sogs pa nag phyogs su bris pa'ang yod de gnas skabs kyi gtam tsam mo// de bzhin du dpal 'dzin gyis gsar ma'i rgyud 'grel 'di tsam zhig 'gyur ba la/ za na rdzogs pa chen po zhes pa'i ming tsam yang med ces rang mtshang rang gis ston pa nyid te/ 'jam dpal zhal lung las/ rdzogs pa chen po ye shes spyi gzugs can// zhes dang / ye shes zhabs kyis sgrub thabs kun tu bzang por yang rdzogs pa chen po zhes bshad pas rgod 'gyod la sogs pa'i sgrib pa lnga char nyams su myong bar byas so// lar rtog dpyod 'di ni blo gros phur khung thug pa yin te/ gcig la gcig ltos kyi lung bstan pa med pas chos ma yin par 'gro na/ mdo sde rnams nas/ gsang sngags spyi'i mtshan nyid dang ming tsam yang ma bstan pas de thams cad kyang rdzun par 'gyur ro// de bzhin du gzu bar mi gnas pa'i rdzun gtam dang / drang don gyi phyogs la 'chol ba dang / ri bong gi chal brag cha lta bur zlo ba la sogs pa'i phyogs kyang bsal bar bya ste/ de la btsan po khri srong lde btsan gyi thugs bskyed bla
- 90a
/ na med pas gangs can pa rnams kyi bsod nams dam pa'i bgo skal du/ bskal pa dang po chags pa nas da lta'i bar du bcom ldan 'das dpal kun tu bzang po'i byin brlabs las/ 'og min gyi gnas su drug pa rdo rje 'chang du rnam par 'phrul te/ gsang ba 'dzin pa rnams la gsang sngags rdo rje theg pa'i chos kyi 'khor lo rgya mtsho'i rdul gyis kyang mtha' mi dpogs par gsungs pa nyid/ rigs gsum sems dpa' la sogs pas lha dang / klu dang / gnod sbyin la sogs pa'i yul du snang bar mdzad cing / mkha' 'gro dang / grub thob rig pa 'dzin pa du mas bzung ste gnas pa dag kyang bod 'dir byon mod kyi/ de dag la 'jam dpal gang de bzhin gshegs pas gsungs pa'i bka' la la ni bzang bar 'du shes/ la la ni ngan par 'du shes pa ni chos spong ba'o// zhes gsungs ltar sngon gyi sprul pa'i lo pa Na chen po rnams la phyag bya ba dang / rjes su yi rang ba lta ci smos/ rgya gar na med pa dang / bod du bcos pa sogs kyi bsting tshigs mang du smras nas/ zos pa nyung zhing rmongs pa'i phyogs la mngon par zhen pa rnams kyang ngan 'gro'i lam la 'khrid par rtsom pa'i nyes spyod chen po 'di srong par dka' bas btang snyoms las bslang bar bya'o// de la rgya gar na med pa kho nas rgyud yang dag pa ma yin pa'i gtan tshigs mi 'grub ste/
- 90b
rgya gar gyi rgyud rnams kyang / lha dang klu dang / gnod sbyin dang / mkha' 'gro ma'i gnas dang / khyad par du 'dzam bu'i gling gi za hor dang / sham+b+ha la dang / sing+ga la dang / ma la ya dang / oM rgyan la sogs pa mkha' 'gro'i gnas chen po dag nas slob dpon dga' rab rdo rje dang / klu sgrub snying po dang / pad+ma 'byung gnas dang / sa ra ha pa dang / bi ma la mi tra la sogs pas spyan drangs te byon pa yin no// gal te bzhugs pa dag kyang yod srid de khyod kyi lan re tsam phyin pas mthong mi nus te/ nyams chung bod kyi rgyal khams tsam na yod pa'i glegs bam gyi rnam grangs kyang shul rings kyi sgron pos kha tshon mi chod na/ sngon gyi sprul pa'i lo paN chen po rnams ltar rdzu 'phrul gyi bkod pas yul nyer bzhi la sogs pa mkha' 'gro'i gsang mdzod la bgrod nus pa ni phyis kyi lo tsa bas ma byung / rgyu mtshan des jo bo a ti shas kyang rgya gar gyi slob dpon nag po pa de tshe 'phos pa 'di kho na yin te/ kho bos 'di dang chos gtam ga na nus gsung ba'i rong zom chos kyi bzang po'i zhal nas/ sngon pa gor bai ro tsa na dang / rma rin chen mchog/ gnyigs dz+nyA na ku ma ra/ ka cog rnam gnyis la sogs sprul pa'i lo tsAs bsgyur pa'i chos yin la/ da lta'i lo tsA ba dgu ba la yul du bsdad/ dbyar tshad pas 'jigs nas mang yul du don/ sngon gyi mkhas pa'i 'gyur la rang
- 91a
/ bzo bcos ma sna tshogs byas pa dang mi 'dra/ mkhas pa paN+Di ta'i khyad kyang / pad+ma 'byung gnas dang / bi ma la mi tra/ bo d+hi sa twa/ sangs rgyas gsang ba la sogs pa rig 'dzin gyi sa la bzhugs pa'i byang chub sems dpa' gdan drangs pa'i chos yin la/ da lha'i paN+Di ta lto ma phyid bod du gser 'tshol du 'ongs pa'i bzang sbrang kha cig dang mi 'dra'o// zhes gsungs pa ltar bod la bstan pa phyi dar gyi skabs shig tsa na rgya gar la blo gros cung zad rno la gser zong rnyed pa'i rkang pa yang ba thams cad kyi deng sang khams pa gnas skor la kha lus pa bzhin lhags 'gro ba zhig kyang byung / bsam pa sbyor ba thams cad nas sangs rgyas kyi bstan pa snying la bcags pa yin na de yang rjes su yi rang ste 'di ltar ngan smras byed pa phal mo che bod du rang gi bla ma dang / bshes gnyen la sogs pa dang nyon mongs pa'i dbang gi 'gras nas lhags pa mang / rgyu mtshan des mdo sngags kyi chos rang sa'i gnas gcig la phan thog pa dang ltar snang yang / don rgya che ba'i 'phrin las bsam gyis mi khyab pa la bskur pa btab pas chos chos su ma song bdud kyi las su gyur pa yin/ lar chos ni tshig la rton don la mi rton pa yin pas 'gyur gyi rnam cha rig pas dpyas su bzod pa 'ga' tsam byung srid na'ang mu stegs pa tshig la grim pa dang / zhing pa so/
- 91b
nams la grim pa lta bu las dgos pa lhag po med de/ dus 'khor 'grel chen las/ yul gyi skad dang zur chags sgra las kyang // rnal 'byor ldan pas don ni 'dzin byed de// chu la 'o ma nges par zhugs pa de// ngang pas rab tu phyung nas 'thung bar byed// don dam de nyid yul la rtag tu ni// chen po rnams la tshig la rton pa min// yul gyi ming rnams kyis ni don shes na// bstan bcos smra rnams kyis ni ci zhig bya// zhes bshad pas so// sngar bod la bstan pa'i gzugs brnyan tsam yang med pas chos skad tsam slob pa la'ang blo mthu chung ngur gyur pa'i dus byin pa'i sprul pa'i lo paN gyi bsgyur 'thor ba bsdus/ bcus pa bsrangs/ gzhi gtan la phab/ lam nyams 'og tu btsud tshar bas rang gi blo gros de'i rnon mar song pa 'di tshor/ de'i phyir kun mkhyen rong pas/ sangs rgyas kyi bstan pa gra ma nyams pa'i dus su/ sprul pa'i lo tsa bas bka' 'gyur ba med par gtan la phab nas/ shes bya'i dngos po'i 'dug tshul 'bebs shing / de rtogs par byed pa'i thabs du mas brgyan pa'i chos dang / dus da lha'i lo tsa rdzun po che sngon gyi 'gyur la bcom ma sna tshogs byas nas/ 'gyur nga bzang / khungs pa btsun zer nas/ sangs rgyas kyi bka' dang bla ma'i gsung la rang chod byas nas/ mi res chos re bcos/ gcig skyon gcig la 'gel/ pha'i chos la
- 92a
bu'i dpe mi btub pa'i chos dang mi 'dra zhes gsungs pa 'di shin tu'ang mang / lar bod ma yin/ rdzus ma yin byas pa thams can la rim par bstan pa snga dar gyi rgya dpe rnyed nas rdzun phugs rdib pa sha stag yin te/ de la dang por khyed cag gis rgya gar du phyin nas ma mthong ma thos pa de/ nged cag gi stan thog gcig tu mthong zhing thos pa 'di bsod nams che ste/ 'gos lo thams cad gzigs pa'i phyag tu byung ba'i gsang rnying rgya dpe'i ras ma'ang mthong / bsod nams kyi mngon par mtho ba rgyal ba rgyal po se chen lta bu'i dregs rloms kyang brtul zhugs kyi zil gyis non pa mkhas grub chen po oM rgyan pa rang byung dpal gyis/ bod kyi lo tsA ba kha cig rgya gar na rnying ma bsgyur rgyu mi 'dug zer/ de la phyag lo tsa ba bdag rang gi dbang zhus kyi bla ma yin yang / rgya gar na rnying ma'i bsgyur rgyu mi 'dug zer/ de 'dra khong rang blo chung gi gtam yin/ lo tsA ba rgya gar shar phyogs su yun re las ma phyin par rgya gar na gang yod kyi cha ci yod/ de las bod na gang yod kyi cha yang mi chod/ spyir yang rgya gar tsha khungs che bas/ rgya gar gyi dpe rnams rul ba mang / sangs rgyas kyi bka' la tshad bzung med pa la/ bod kyi lo tsa ba rnams kyi de'i khung ci chod/ des nub phyogs u rgyan gyi yul la phyin pa yang / mu mtha' mchod/ de yang dang po'i rgya dpe
- 92b
rnams/ dus phyis bal po na mang ba yin/ de nas bal po b+he ha ra'i gtsug lag khang zhig na/ rnying ma'i rgyud rnam grangs rang yang bsam gyi mi khyab par bzhugs 'dug/ ngas bod kyi rnying ma rnams la ngas rnying ma'i rgya dpe dang paN+Di ta tshur 'gug khyed rang rnams mang yul grong du 'dengs/ ngas lo tsA ba byas te ma grub/ da 'gyur rnying ma'i 'gyur da rung bya ru yod pa la/ yang ye shes par 'dod pa 'ga' zhig na re/ rnying ma'i dgongs pa 'dus pa bod kyi sngags rgan chos bcos pa yin min dag zer/ de 'dra yang 'os su mi 'gro ba'i gtam yin/ shes na de 'dra ba'i chos rang re chos yang 'chos dang / de las legs rgyu ni sangs rgyas kyi bka' la'ang med/ ces so// de bzhin du nub pa yang shin tu mang ste/ 'di ltar btsan po khri srong lde btsan dang dus mnyam pa tsam du grags pa rgyal po d+harma pA la'i tshe'i smad tsam na/ rdo rje gdan gyi lha khang zhig na he ru ka'i sku dngul las byas pa sgra tshad mtho bo zhig dang / gsang sngags kyi glegs bam mang rab gcig yod pa sing+ga gling pa sogs nyan thos san+ne pa 'ga' zhig gis 'di dag ni bdud kyis byas pa'o zhes/ sku gzugs dum bur bgos nas rang rang gi rnyed pa byas glegs bam rnams me la bsregs/ de bzhin du b+haM ga la'i yul nas bi kra ma shi lar mchod pa'i phyir du 'gro ba mang po'ang blo sgyur nas/ de dag ni theg chen
- 93a
zhes bya ba lta ba log par spyod pa yin pas/ yang dag pa'i chos spyod pa nged rnams la byin cig ces smras nas rnyed pa 'tshol ba sogs byas pa rgyal pos zos nas chad pa byung ngo zhes rgya gtam tshad mar gyur pa dag la grags// de bzhin du 'gro ba'i mgon pos/ 'gro lding gi gling na sngon bstan pa rnal ma med pa las/ slob dpon pad+ma 'byung gnas kyis dang por btsugs/ mar me mdzad bzang pos kyang byon/ de nas brtsams te brgya tsam gyi bar du ma ga d+ha dang / oM rgyan dang / kha che la sogs pa'i rdo rje 'dzin pa mang po byon te/ sngags kyi theg pa lhag par rgyas par mdzad/ sngon rgyal po d+harma pA la'i skabs su sbas te/ rgya / gar du nub pa'i rgyud kyi rigs dang / oM Ti ya na nas spyan drangs pa'i rigs kyi rgyud gar na med pa mang du yod/ zhes bstan/ 'di dag ni shes rab phyogs re ba'i blo mig rnam par dag cing / 'phags pa'i yul gyi dngos gnas dang / gtam rgyud la 'dres nas rang bzhin srong por brjod pa la bsnyel ba spangs pa'i seng+ge chen po yin no// de bzhin du jo bo'i rnam thar na/ yang jo bo'i thugs dgongs la/ mi yul du bzhugs pa'i gsang sngags yang las mkhas pa med snyam pa'i thugs rgyal mnga' ba la/ phyis bod du byon nas pe dkar gling gi dkor mdzod gcig sgo phye nas rgya dpe gzigs pas/ jo bos de gong du ma gsan ma
- 93b
gzigs pa mang po bzhugs 'dug na/ theg pa chen po gdams ngag 'di la mi shes pa med snyam/ Dak+ki mas kyang nam mkha' nas gzhal yas khang dpag tu med pa bstan pa yin pa la/ 'di rnams mi gda'/ theg pa chen po'i gsang sngags 'di la mtha' yod yod mi 'dra gsung thugs rgyal chag/ bod kyi rgyal po la rjes su yi rang ba mang po phul/ bod du bstan pa dar ba 'dra ba rgya gar du yang ma byung ba 'dra gsung zhes dang / slob dpon pad+ma rdo rje 'chang gnyis pa de'i drin la rgya gar na yongs su ma grags pa'i mkha' 'gro'i gsang mdzod mang po bskur nas bsam yas pa dkar gyi dkor mdzod na bzhugs so// zhes pa 'di la cis bsnyon/ de ltar mi 'dug dang / ma dag zer ba'i rdzun gtam gcig gis blo 'drogs/ mkhas su re ba'i rtog dpyod can rnams kyang phra ma snga btsan la yi dam du ma bzung na rang nyid kyang sde tshan de las gyur gyi dogs nas yang dag pa'i mdo dang / rgyud lung mang po la bskur pa 'debs/ sngon du bskur ba'i gzhung lugs chen po gcig la rang gi rig pas btags pa'i skyon 'gel nus na de la rjes 'brangs dang bcas pas ngo mtshar du byed cing / mkhas pa'i gral du rjes su yi rang bsgom pa 'di dus ring mo zhig nas snang ste/ dge bshes lo tsa ba bod na bzhugs pa'i tshe chos spyod thams cad kyi rgyud bya ba de dge tshul
- 94a
/ khyung grags bya bas byas pa yin zer nas rdzun mar byed pa/ rgya gar du jo bo gdan 'dren la lhags pa'i tshe/ bi ka ma la'i dge bdun rnams nyan bshad byed cing snang / de la gdams pa bdud rtsi'i snying po bya ba yang 'dug pa slar lo tsA bas bod du bsgyur bas chos su song / de bzhin du bgrang gis mi lang ba yod/ sngon gyi dus su byung ba dag bcos ma yin na/ rtsom gzhi gang la byas/ de ltar na phyis byung ba rnams de bas kyang bcos ma yin/ rtsom gzhi sngon ma la byas shing / don sngon pas bzang du ma song / tshig mi 'dra ba dang mang nyung las med pa gsang ba 'dus pa'i rgyud lta bus mtshon no// 'gos lha btsas chos rje zur pa'i sku drung nas gzhan gyur pas dang por gsang ba'i snying po// phyis nas snga 'gyur gyi chos rgya mtsho lta bu la ma yin ma 'gyur zhes kha zer ba byas mod kyi/ skyon bzhi'i 'gal spong la sogs pa zur pa'i rjes 'brangs rnams kyis rgyud kyi bshad pa rgya mtsho lta bu'i zhar chos su'ang rgol ngan rtsod pas thal bar rlog pa'i brtul zhugs bzung nas spobs pa lan med du btang bas 'dir ma bkod la/ gsang snying bod dmar dbyen bcos pa'i rdzun phugs bcom ldan rig ral/ paN chen shAkya shrI/ thar lo chen po/ 'gos lo gzhon nu dpal la sogs pa'i spyan sngar rgya dpe dngos po kho nas rtib cing / chos kyi rang ngo nas ni mu
- 94b
stegs byed sam ga a tsar+yas/ dpal ldan chos kyi grags pa la rgol ba bzhin du rang nyid kyi skye ba nas skye bar brgyud kyang / dge slong lha chen pos brtul zhugs kyis bstan pa'i dbyen tsam du 'gyur srid kyi/ de las bsam pa mthar thug pa'i lam du ma song ngo // mkhas pa chen po bu ni gzhon nu'i tshe rnying ma'i chos dang yang dam tshig gi 'brel te/ tha snyad la blo gros bsam gyis mi khyab pas rang gi bla ma mkhas pa'i dbang phyug chen po nyi ma rgyal mtshan lta bu'i rnam dpyod la'ang tshad mar mi byed pas rnying mar btang snyoms/ gsar ma'i phyogs mang po yang rdzus mar gzigs mod kyi/ slob dpon sangs rgyas gsang bas ha cang thos pa mang po yang bdud kyi las so gsungs pa de min na bstan pa'i byi dor chen po nyid do// 'on kyang si tu thams cad mkhyen pa dge ba'i blo gros zhes spongs pa bsam gyi ma khyab pa des tshal ba bka' 'gyur gyi zhu dag la bu ston smyon par byas mod/ de'i bka' 'gyur khrod na ni mdo spu sems gsum gyi rgyud sde tshan tshang ma re dang / bstan srung gi skor kyang mchis gda' ba la sbyin pa'i bdag po'ang blo gros bsam gyis mi khyab pas gshung bar dka' ba'am/ gdod nas tshad ma ma yin pa'i gtan tshigs la nges pa 'drongs na ni byi dor mkhan por dmigs kyi bsal bas de dag kyang 'jog mi thang te snang ngo // spyir yongs grags su
- 95a
de lta mod kyi/ sgra chad pas mdzad pa'i rnam thar la dpyad na/ snga 'gyur la rus zhen dang / lta ba'i chos skad kyang de rjes zlo zhing / mes po'i yi dam la nyams bzhes mdzad pas gu ru mtshan brgyad zhal gzigs nas lung bstan thob tshul sogs dngos bstan yin na rgyud 'bum la dpyad zhus sogs gzhan snang dang bstun pa'i drang bden du nges so// yang gser mdog can pas gser gyi thur mar dpal 'dzin yi rdzun gtam 'phro don du byas pas des gang zag blo gros gsar bu rnams la the tshom du ma bskyed cing / blun po phyogs lhung can rnams kyi rgyab brten du 'khyer ba byung mod kyi de la ni dpyad par bya ba zhig ste/ chos rje skal bzang rgya mtsho gser thur las brtsams pa'i dogs gcod kyi lan nges don rab gsal zhes btags par/ gser mdog can pas kho bo cag gi 'bel gtam rnam par nges pa'i yi ge dkyus min ni/ gsar rnying la chos yin min gyi rnam dbye byas pa lta ci smos/ rnying ma zhes pa'i tshig tsam yang byung ba med kyi steng du/ dri ba dang lan gnyis ka'i nang na/ 'gos lo tsA ba sogs kyi chos log dri ma can du bgrangs pa'i rnam grangs mang po de dag de ltar du 'thad na ha cang thal bar 'gyur pa'i klan ka dag bkod nas zhes dang / grub mtha' la ma zhugs pa'i skye bo dag gis/ dpal 'dzin gyis smras pa'i tshig de dag
- 95b
kha bton du byas pa na/ grub mtha' smra bar khas 'che ba'i smra ba po dag kyang / la la dag rtog dpyod ma btang bar gang thos su dbyangs su gyer ba'am/ smra ba po kha cig ni 'ga' dang 'ga' la phra ma bgyid pa'i bsam pa kho na sngon du btang nas/ gzhung rtsa ba na ci yod mi rtogs par 'bel gtam gyi tshig kho na la sbyor 'byin byed pa dag yod par snang ngo // zhes 'gos dang dpal 'dzin gyis byas pa'i ngag bgros rlabs po che ha chang thal bar bshad cing / rang gi 'dod pa'i snying po'i mthar zug pa la dpyad pa ma zhugs bzhin du 'bel gtam na yams su byas pa bshad bya'i rtsa bar 'khrul pa rnams kyi nongs pa yin no zhes pas gser thur gyi rnying ma la bskur pa btab po zer ba'i 'dod pa bkag nas/ 'di skad du spyir rnying ma chos ma yin par khas len du nus pa dag yod na/ de'i tshe de ltar 'dod pa des ska cog zhang gsum gyis bskur ba'i sde snod gsum gyi chos rnams dang / bya ba dang / spyod pa dang / rnal 'byor gyi rgyud/ lo chen rin chen bzang po ma byon gong du 'gyur ba thams cad chos ma yin pa nyid du khas len dgos par 'gyur ro// bye brag tu gsang sngags bla med kyi rgyud rnying ma chos ma yin par khas len nus pa dag yod na/ dpal gsang ba 'dus pa dang / zla gsang thig le dang / sangs rgyas mnyam sbyor rnams chos ma yin pa nyid du khas
- 96a
/ len dgos par 'gyur te/ de gsum rnying ma'i lugs kyi tan+t+ra sde bco brgyad du grags pa de'i gtso bor gyur pa dang / rtsa ba de gsum la brten nas bod du rnying mar grags pa'i chos mang dag cig byung bar sngon gyi chen po dag gi 'chad pa'i phyir/ bye brag tu yang phur chos ma yin par khas len pa dag yod na/ de'i rgyud kyi rgya dpe dang / lo tsa ba tshad ldan gyis bsgyur ba sogs kyi gtan tshig las rnam pa dag tu grub zin pa dang / khyad par rnying ma'i rgyud du grags pa gzhan dang gzhan rnams rgyud 'bum gyi dkar chag tu 'debs par mi mdzad pa'i chen po de dag gis kyang yang dag dang phur pa rtsod med du grub zin pa'i phyir/ dper na ral gri dang / bu ston rin po che'i chos 'byung las bshad pa bzhin no// zhes gzhan gyi 'dod pa'ang zhar byung na yams su bkod do// lar chos kyang bdag gir byed pa po'i gzi byin la ltos nas yang dag dang cig shos su bsgrub shes pa'i dpyod ldan de 'dra la lnga pa chen pos/ bsgrub sde brgyad po lha sngags rgyud man ngag smin grol gyi gnad mtha' dag phyogs mtshungs pa kho nar yod pas che mchog gshin rje sogs gzhan rnams ma dag na yang phur gnyis sker du dag don med pas/ grub mtha'i phyogs khyer gyi zhe sdang pa kho nas dag cing / yang phur gnyis sa skya ba'i yab chos su song zhing dus der bod chol kha
- 96b
gsum gyi bdag pos sa skya ba yin pa'i ngos 'dzin kho na yin par gsal bas rtsod yig gi nang zing gnag rdzi rgan po yan chod kyi mthong bar gsal por bstan pa gor ma chag/ dbu ru dpal 'dzin sngags brgyad rnying ma yin par rang gi slob dpon dang 'gras pa'i le lan du dgag pa tshigs bcad lcug spel ma brtsams pa zhe sdang gi ngan smras las lung rigs rnam dag cher mi 'dug/ ces gsungs pa ni shin tu'ang med/ gser mdog can pa rang gis bzhed pa ni 'di skad du/ bstan pa 'di'i bdag po ston pa thub pa'i dbang pos/ chags bral gyi gzugs kyis sam 'khor lo bsgyur ba'i gzugs kyis gsungs kyang rung ste/ ston pa gcig pu de nyid kyi lha dang sngags kyi rim pa kho na nyams su blangs pa las grub pa brnyes pa'i slob dpon pad+ma 'byung gnas dang / de'i slob ma rim pa gnyis la brtan pa thob nas grub pa'i sa brnyes pa de dag gis bod du dam pa'i chos dar ba la gegs su gyur pa'i lha 'dre gdug pa can 'dul ba dang / rdo rje theg pa'i snod du gyur pa rnams ni rig 'dzin gyi sa la 'god pa'i phyir du/ gang dang 'tshams pa'i lha dang / sngags dang / lta ba'i rim pa rnams gsungs pa dang / de'i don slob mas tshul bzhin nyams su blangs pa dang / de las grub pa'i sa brnyes pa'i rig pa 'dzin pa mang du byon pa dang / de dang mthun pa'i snyan brgyud
- 97a
dang dgongs pa yi ger bkod pa la brten nas rnying mar grags pa'i chos rnam par dag pa 'di nyid byung ba yin la/ 'di dag la'ang yang dag par na bstan bcos kyi mtshan nyid tshang ba yin te/ ji skad du/ gang zhig rgya ba'i bstan pa 'ba' zhig gis// dbang byas rnam g.yeng med yid can gyis bshad// ces sogs kyi mtshan nyid de tshang ba'i phyir slob dpon pad+mas gsungs pa'i bstan bcos ni sangs rgyas kyi bka' dang khyad par yod par ma yin te/ thar pa thob pa'i lam dang rjes mthun pa// de yang drang srong bka' bzhin spyi bor blangs// zhes gsungs pa'i phyir ro// zhes snang bas 'di dag ni gzu bor gyur pa'i shes bya rig pas gzhal ba'i gtan tshigs su shes/ yang kha cig gis/ da lha'i phyag rgya chen po dang // rgya nag lugs kyi rdzogs chen gnyis// zhes gshis la bya ba dang bral ba'i grub mtha' blor ma chud nas kun rdzob tsam du'ang thabs kyi cha yal bar dor ro snyam pas rdzogs chen rgya lugs ma 'chos pa ni gzugs brnyan spangs pa'i grib ma'o// rang gzhung sems sde'i rgyud chen po rdo la gser zhun du/ bde gshegs ma lus yum du gyur pas rgyal ba kun gyi lam gcig pu// tshul khrims la sogs pha rol phyin lam spyod pa rgya mtsho'i gzhir gyur pa// zhes grub mtha'i 'cha' lugs chen po 'di yod pas kun rdzob bden pa ji ltar
- 97b
'gog/ de ltar na'ang 'og mar dgongs te gsungs pa 'dir bden gnyis dbyer med chen por rnam par dag pa'i tshul/ sems sde phyir 'gyur las// so so thar pa'i sdom pa dang // byang sems tshul khrims rgya chen pos// ma lus kun sgrar yul du gnas// de dag theg pa'i khyad par mchog/ sangs rgyas kun gyis dgongs mdzad de// skrod pa thabs bcas gsang ba'i tshul// de ltar pha rol phyin sgom pa// sngags kyi theg pa grangs med rnams// bstan pa so sor snang ba'i tshul// ma lus kun 'dus rnam par dag/ ces dang // rang bzhin med pa'i ngang du phyin drug rdzogs pa'i tshul yang // sems phyogs rin po che rgyas pa'i rgyud las// dbyer med mnyam par gnas pas sbyin pa'o// rang bzhin med par shes pas pha rol phyin pa yin// chos sku rang bzhin gos pa med pa las// ngo bo rang bzhin dag pa tshul khrims te// gang gis nos pa tshul khrims pha rol phyin// chos nyid rang bzhin gdod nas zhi ba las// rang bzhin khong khro med pa bzod pa ste// dbyer med gnyis su med pas pha rol phyin pa'o// skye med gdod nas rang bzhin kun la khyab// don thob le lo med pa brtson pa ste// kun khyab dbyer med gnas pas pha rol phyin// chos nyid gdod nas rang bzhin rnam dag pas// rtog med mnyam nyid gnas pas bsam gtan te// rang bzhin
- 98a
yengs pa med pas pha rol phyin// chos kyi sku yi rang bzhin de nyid la// thams cad de bzhin nyid la gnas pas shes rab ste// rang bzhin de ltar rtogs pas pha rol phyin/ chos kyi sku yi rang bzhin don rtogs na// pha rol phyin pa thams cad yongs su rdzogs pa ste// rdzogs pa chen po 'od la gang gnas pa// 'di bsgoms thams cad yongs su bsgoms pa'o// zhes so// rgyu mtshan de la dmigs nas 'phags pa lhas/ tshul khrims las ni nyams sla yis// lha las de ltar ma yin no// zhes pa 'dis don dam par zabs spyod pa'i phyogs las shes rab lta ba'i cha kho na gtso che bar ston pa 'di phyag rdzogs pa tsam ma zad mdo lugs shing rta chen po'i dgongs pa la'ang yod par gsal/ sems phyogs dag nas kyang gshis la bya ba dang bral ba gtso bor ston pas lta ba rig thog tu mnyam par 'jog pa'i tshe/ chos nyid khas len dang bral ba// rang bzhin yid byed dang bral ba// thob bya re dogs las 'das pa// spyod pa blang dor med pa ni grub pa'i mtha' chen po 'di'i ngo bo'i brjod bya mthar zug pas tshig gi lam du de las ci zhig sgrags// gzhan du chos nyid ni bsam gyis mi khyab pa yin la/ tshig ni rtog dpyod kyi ngo bor gnas pa'i phyir de nyid gcig tu 'dza' ba ma yin pas/ skyes bu'i blo stobs kyi rang rang gi 'dod pa bsgrub pa'i phyogs ji snyed
- 98b
pa 'di byung la/ ji lta ba ni sangs rgyas rnams dang / byang chub sems dpa' mchog gzigs rnams kyi rgyud la rang bzhin gyi yod pa'o// de ltar yod pas/ rdog lo chen po nas jo zhal yan chod kyi klog pa zos bsam pa mkhas pa dag dang / gangs ri'i khrod kyi bsam gtan pa 'khrul med kun gyi yi ge na don 'di yod pas so// de'i phyir sangs rgyas ni gnyis su mi gsungs pa yin pas shing rta chen po gnyis kyi dgongs pa'i mthar thug pa'ang 'dir gnas nges pa yin no// de lta na'ang re zhig dbu ma'i gzhung las/ tha snyad la ni ma brten par// dam pa'i don ni rtogs mi srid// ces pas rtog dpyod kyi mtha' la bkar/ dgag bsgrub kyi rdzong la bskor ba byas pas rang gi ye shes rang la lkog tu gyur nas slu ba'i ring / rang bzhin rdzogs pa chen po 'dug stangs gsum gyis rdo rje'i lus la gnad du bsnun pa dang / rig pa thod rgal gyi ngang du ye shes dbab pa dang / rig pa'i rtsal dbang gis chos nyid mngon du bstan pa'i gnad kyis lam khyad gnam sa lta bur yod pa yin no// yang blang dor med pa lta ba yin gyi spyod par ci 'gro zer mod// / kho bo cag ni chos kyang rdzogs pa chen po/ gang zag kyang rdzogs pa chen po// lta spyod mnyam pa ris med du khas blang ba'i dbang du bgyid na/ rnam shes kyi don blang dor kyang yod pa thabs la bskur pa ma btab/
- 99a
ye shes kyi don bzung 'dzin med pas thabs la re ba mi 'tshol/ de'i phyir byang chub kyi sems kun byed rgyal po ni rgyu 'bras gnyis su med pa'i ngo bo bsgrub bya ste/ gangs ri'i khrod na 'di la skrag par gyur nas/ gzhi dus su kun rdzob tshad mas ma grub na rgyu 'bras la bskur pa btab/ lam gyi dus na ci yang yid la mi byed pa ha shang gi lta ba yin/ 'bras bu'i dus sangs rgyas kyi ye shes la kun rdzob mi snang na thams cad mkhyen pa nas bud zer to// kho bo cag ni kun rdzob 'khrul snang yin pas tshad ma'i gtan tshigs 'gal/ yid byed rnam rtog yin pas mnyam bzhag tu ci yang mi bsgom/ sangs rgyas nas ma rig pa shes bya la mi srid na kun rdzob gang la snang / de la 'khor lo tha ma dang / dbu ma la 'jug pa rtsa 'grel gyi dgongs pa mthar thug pa yin na gshis kyi bzhugs tshul gtso bor 'don pa'i grub pa'i mtha' rdzogs pa chen po phyogs gzhan du 'phral ba'i don po gang / rdzogs chen pas mi dge bcu dang / mtshams med lnga la rnam pa'i cha nas kyang bsgrub byar byed pa med/ de bzhin gshegs pas legs par gsungs pa'i gnas gzhan yal bar 'dod pa'ang med/ gang dang gang du gdul bya las ngan pa lta ba gzhan dbang can/ bde gshegs bka' 'das kyi rtsa ltung la nyam mi nga ba'i spyod pa rlabs po che chos ltar 'chos pa dag
- 99b
mthong nas sngags log sun 'byin du smras pa yin zer na/ de lta bu gsar rnying gang gi khrod du'ang mchi bas gang zag sun 'byin du smra bar 'os kyis/ sngags log bsun 'byin du sgra rten dang brten pa rdzas 'gal ba'i phyir ro// yang rgyud las sbyor sgrol la sogs pa'i tshig zin dngos bstan byung bas sngags log yin zer na/ de spyir gsang sngags kyi chos la 'tshal to cog chud gsan cing / khyad par rang nyid kha ton du bgyid pa'i gsang 'dus rtsa rgyud le'u bcu drug par/ khyod kyis srog chags gsad par bya// rdzun gyi tshig kyang smra bar bya// ma byin par yang khyod kyis longs// bud med dag kyang bsten par bya// rdo rje'i lam ni 'di dag gis// sems can thams cad bskul bar bya// zhes pa 'di la dgongs pa lung ston ltar ma yin pas mngon gyur nyid du spyad de/ drag shul gyi sbyor ba brtsams pa dang / rdzun gyi ngag smra ba dang / tshong la sogs pa'i thabs kyis gzhan nor brku ba dang / 'khor ba ma stongs kyi bar du cho 'brang gi phreng ba star la rgyu ba'i 'dun pa can gsar ma'i khrod na'ang ji tsam yod/ 'di ltar khyim pa 'dod yon gyi ro la brkam chags can dag la ltos nas/ snga ma bram ze la sogs te gtsang sbra'i brtul zhugs la mngon zhe na brtas pa'i byed pa rgyu mthun las/ tshe 'dir 'bag btsog la sogs pa yang ba blta zhing / dbang po las
- 100a
su ma gyur pa'am/ rang bzhin gyi 'khrigs pa'i chos bstan pa la spro bzhan pa dag gis thos pa dang bsam pa dang / sgom pa'i shes rab 'gog cing / rdor dkar dang / bkru shal dang / chung ma med pa tsam tshul khrims kyi phung por bltas nas/ g.yul gyi bya ba dang / rgyal po'i zhal lce ba dang / dpya bsdud pa dang / so nam gyi 'du 'gro dang / sho gam gyi las dang 'gran zlar gyur pa'i phun sum tshogs pa gzhom pa dang / 'bangs su gyur pa dag la srog dang nor gyi chad pa sbyin pa sogs la tsham tshom med par 'jug pa dag yod na/ de dag la lnga brgya'i tha mar gyur pas bstan pa gshis kyi snyigs pa'i skyo ba mi sgom par 'dul log sun 'byin du su zhig gis smra bar nus/ brjod pa de la tsher ma chags par gyur srid na chos kyi dbyings ci yang ma yin pa'i klong ni dgag bsgrub med pa nyid de mi 'tshal lo// yang theg pa'i gdags gzhi la kha zer na/ dpung bzang gi zhus par gsang sngags mdo sde'i tshul du bshad kyi nyon/ zhes dang / rnam 'joms su/ mdo sde 'di yi gzi brjid kyis// zhes lan gnyis smos pa'ang rgyud las gzhan du 'phel to// mdo sngags thams cad rig 'dzin gyi sde snod du bsdus nas gsungs pa rim pa dgu'i rnam gzhag la klan ka byas mod/ don gyi sangs rgyas pa'i grub mtha' yongs rdzogs mtshan nyid/ de la mi gnas
- 100b
pa'i dgag bya ci zhig yod/ thams cad theg par mi rung zer ba lang kar gshegs pa las/ ji srid sems kyi 'jug pa'i bar// theg pa'i mtha' la thug pa med// ces pa'i go don gang gis len// yang lta/ ba la khyad par byas pas so zer mod/ de la blta ba'i them skas gtsugs pa gang du bshad/ sgom pa'i rim pa la lta ba'i brda' chad tsam bzhugs pa byung na'ang / lta ba yin na sgom pa yin pas ma khyab la/ sgom pa'i klong na lta ba yod pas khyab pa'i phyir mchog gzigs rnams la lha sgom du ma ro gcig go/ yang mdo sngags gnyis lta ba'i sgo nas khyad par med pa la zer mod/ bzhugs tshul la de bzhin nyid de sgom tshul la khyad par shin tu yod do// dbyings dag mnyam rang bzhin gyi rnam par dag pa'i 'od gsal rang gnas chen po bcos sgyur med pa'i ye shes dang / blos bkod nas rtag chad kyi mtha' bsal zhing sems byung blang dor gyi go na gnas pa gnyis/ gdod nas rang bzhin gyis grub pa'i spros bral dang / rtsol bas byas pa'i khyad par ches che ba yod pas/ shin tu rnal 'byor du bzhag pa yin no// de skad du in+d+ra b+hU tis/ bla ma'i khyad par dang snod dang / cho ga dang / las dang / dam tshig dang / sgom pa'i lta ba dang / spyod pa'i khyad par gyis 'phags so zhes pas gsal lo// ngo bo'i cha nas bsgrub kyang / pad+ma rtse mo las// dri med
- 101a
dbyings kyi rang bzhin ni// sku gsum ye shes bzhi dang bcas// gang tshe dag pa de nyid du// rang gsal sngon du 'char ba dang // 'dra ba lam du byed pa la// 'bras bu'i theg par yang dag brjod// ces dbyings ngo bo nyid kyi 'bras bu dam par ye nas bzhugs pa'i mtshan nyid shes nas/ de kho na nyid la bslabs pa'am/ bskyed rdzogs la ltos nas glo bur gyi dri ma dang 'dza' bar mi byed pa'i gnad khyad par can yod do// de'i phyir ye shes la theg pa'i nges brjod byung ba mi 'gal gyi steng du gzhung lugs spyir dgongs par gnas pa yin te/ sher phyin rab rtsal rnam gnon gyis zhus pa las/ sangs rgyas kyi ye shes ni theg pa chen po'o// zhes pa la ci bsnyon/ rgyu mtshan des spros bral gyi lta ba'ang ye shes nyid la sa lam gyi rnam gzhag thams cad rdzogs dgos pa dang / mi slob pa'i lam 'bras bus yin pa'ang lam gyi rtse mor bzhag pa'i phyir ro// de la 'di skad ces bya ste/ bdag cag gi bla ma dam pa rang dang gzhan gyis grub pa'i mtha' rgya mtsho'i pha rol tu son pa dpal bsam yas pa kun mkhyen ngag gi dbang pos/ theg pa rnams kyi grangs ni mtha' gcig tu ma nges te/ dbye bsdud dpag tu med pa byar yod cing / sngon gyi rdo rje 'chang dang / grub pa chen po brnyes pa'i slob dpon mkhas pa dag gis mdzad pa'i phyir ro// blo chung zhing
- 101b
shes rab kyi mig rgyang thung ba dag gcig tu zhen nas/ theg pa'i grangs dang / grub mtha'i rnam grangs bsam gyis mi khyab pa'i rnam gzhag la dngangs zhing mi bden to zhes smra ba ni/ ba glang la sogs pa ma he dag bdag cag dud 'gro rnams ni rwa dang bcas pa'i phyir/ mi dang lha rnams kyang rwa can kho na'o zhes 'dzin pa bzhin no// de bas na theg pa'i tshul rnams ni/ ming tshig dang don gyi rnam grangs mtha' yas shing // lam bgrod tshul dang sa dang ting nge 'dzin gyi 'jog tshal dpag tu med de/ thams cad mkhyen pa ni gang yang mkhyen cing gsungs pa'i phyir/ lam bgrod du yod pa dang med pa dang / rtsol ba dang bcas pa dang / rtsol ba med pa dang / tshe gcig gis grol ba dang / bskal pas grol ba la sogs pa nas/ grub pa'i rnam gzhag gang la dga' zhing mos pa'i bsam pa dang mthun pa'i chos gsungs te/ chos tshul rgya mtsho rnams la dang ngas shing skrag pas log par lta ba rnams dor nas/ don du gnyer bas 'jug par bya ba ni gdams ngag dam pa'o// zhes so// de tsam gyi phyin ci log gi klan ka nyams brtas par mi 'gyur te/ gzhan du 'gos kyi ni gsang ba snying po la skyon bzhir bkod cing / khyad par rgya gar na ma grags zer ba kho na shes byed du byas pa dang / dpal 'dzin gyis tshig don la nor ba'i gtan tshigs bkod pa dag ni phal cher
- 102a
sdom gsum rab dbye la rtog dpyod byas pa'i rgan gyi lad mo byis pas ltar bas/ rab dbye'i don ni rnying ma la brtag dpyad mdzad pa cha shas las med pas de'i lan ni gong du brjod ma zag pa nyid de/ tshig don gyi nor ba phal cher ni gsar ma smra ba kho na la yin/ de'ang don gyi de ltar 'thad na gangs can pa rnams sangs rgyas kyi bstan pa'i nang nas bzhengs shig yang chag dang / pho brang zhi ba 'od dang / lha bla mas mdzad par grags pa dang / rdog gi gzer ma ra mgor btags pa rnams la ni// gang zag 'di zhes bya bas byas pa'i 'di ni chos log dri ma can yin zhes/ chos kyis tshig don la nor ba 'di yod kyi gtan tshigs med par dbang yod dang smyon tam kho nas lung sgrags pa 'ba' zhig go/ de ltar khyi sogs za'i rjes su 'brangs nas 'di la nor ba dang 'khrul pa yod ces sgro 'dogs nus na rang nyid kyang mkhas pa'i gral du son par gyur snyam nas kha zer ba dag gzhan yang byung mod de/ de dag la 'di skad ces smra'o// 'di ltar ston pa bde bar gshegs pas gsung rab don bzang po/ tshig 'bru bzang po/ ma 'dres pa/ yongs su rdzogs pa dag ni byang chub sems dpa' sa bcu pas kyang bsdu bar mi nus na/ gzhan mkhas pa dang / grub pa dang / btsun pa dag gis spyod yul du ga la zhig go/ rgyu mtshan des gsang ba 'dus pa'i
- 102b
'grel par slob dpon mtsho skyes kyi/ slob dpon phal cher 'di skad brjod// dpal ldan 'dus pa mdangs chen gyis// rgyud kyi sdud par byed pa po// dpa' bo 'jig rten dbang phyug zer// bla ma'i zhabs kyi bka' drin gyis// dpal ldan 'dus pa'i bsdud pa po// gzhan dag yod pa ma yin zhes// bdag nyid 'ba' zhig smra bar byed// rgyud mdzad pa po ni thugs rdo rje// zhes gsung ba po sangs rgyas nyid kyis bsdud par bzhed pa'i phyir/ sangs rgyas kyis 'og min du gsungs pa'i rgyud bod rang du ni 'byung mi srid par khas len zhing gal te byung mi srid par khas len cing gal te byung srid na'ang bstan bcos rgyud kyi dngos po can du byed pa mkhas par grags pa rnams kyis dpyad mod/ kho bo cag de las gzhan du gyur pa'i go ba bsam gyi mi khyab pa gcig yod de gsang sgrog gi nyes pa chen po 'byung srid pas 'dir dbu ma'i lam du bzhag nas/ snga 'gyur gyi rgyud 'di rnams la lo pan chen po rnams zhal 'dzom/ rgya gar du dka' ba spyad/ grub pa'i gnas dang mkha' 'gro'i gsang mdzod rnams nas blangs pa'i gtan tshigs dpyad pa gsum gyi srang la gzhal nas bkod pa de ltar yin mod/ gal te khyod cag gi 'dod pa sor bzhag ste bod du byas par byed na de la'ang bdag cag spro ba lhag par skyes par bya ste/ bcom ldan 'das kun tu bzang po'i khyad
- 103a
du bzang po'i khyad du 'phags pa'i gsang ba chen po mchog dang thun mong gi dngos grub la nges par mi bslu shing / shin tu lkog gyur gyi gnas mngon du gsal ba sa bcu'i dbang phyug dag gis kyang spyod yul du ma yin pa'i rgyud chen po de dag slob dpon chen po bi ma la dang bai ro tsa na dang / rma rin chen mchog dang / gnyags dz+nyA na ku ma ra rnams kyis mdzad pa'i phyir de dag rig pa 'dzin pa'am/ sa mthon po la gnas pa tsam gyi yon tan las kyang 'phags ston pa kun tu bzang po'am/ rdo rje 'chang ngam/ rgyal tshab rigs lnga la sogs par mngon sum du song zhing / mkhan slob chos gsum gyi thugs rje'i zla zer gyis bskrun pa'i dpal bsam yas mi 'gyur lhun gyis grub pa'i gtsug lag khang 'di yang nges pa don gyi 'og min chen por grub bo// ci'i phyir na rje btsun byams pa'i chos lnga dang / dus kyi 'khor lo'i bsdus pa'i rgyud dang / de'i 'grel pa dri med 'od la sogs pa bzhin no// de bzhin du bdag po'i rkyen las dbye na/ bcom ldan 'das kyi zhal nas gsungs pa dang / byin gyis brlabs pa dang / rjes su gnang ba'i bka' gsum du yod pa las/ dang po ni/ 'og min la sogs par gsungs pa rnams te/ gnyis pa ni skus byin gyis brlabs pa'i bka' rdo rje snying po'i spyi bor phyag bzhag nas byin gyis brlabs pas/
- 103b
mdo sde sa bcu pa'i chad pa'i spobs pa skyes/ rnam par grol ba'i zla ba dris pa lta bu'o// gsung gi byin gyis brlabs pa'i bka' ni/ 'jam dpal la ma skyes dgra'i 'gyod pa sol cig ces bka' stsal pas/ 'jam dpal gyis ma skyes dgra'i 'gyod pa bsal ba'i mdo byung ba lta bu'o// thugs kyi byin gyis brlabs pa'i bka' ni bcom ldan 'das zab mo snang ba'i ting nge 'dzin la bzhugs nas/ shA ri'i bu dang / spyan ras gzigs la byin gyis brlabs pas/ shes rab snying po gsungs pa lta bu'o// yon tan dang 'phrin las kyi byin gyis brlabs pa ni/ bshad sbyar las/ ston pa 'di yi byin brlabs kyis// bya'am shing bu rde'u dang // pad+ma dag pa dang dpag bsam shing // rnga bo che las byung ba yang / rgyal bas byin gyis brlabs pa'i phyir// de dag bka' zhes bya bar 'dod// ces gsungs pa'i phyir ro// gsum pa ni// pad+ma dkar po las/ kun dga' bo nga yongs su mya ngan las 'das pa'i 'og tu bsdu bar byed pa'i tshe/ 'di skad bdag gis zos pa'i dus gcig na zhes pas gleng bslang la/ bar du mtshams sbyar ba'i tshe/ mthar bcom ldan 'das kyis gsungs pa la mngon par bstod do// zhes bya ba'i bar gyis bsdus shig gsungs pas mtshon no// mchog dang thun mong gi dngos grub la mi bslu ba cis shes na/ rgyud sde 'di dag nyams su blangs pa
- 104a
/ las bod 'dir 'ja' lus 'pho ba chen po'i sku brnyes pa ji snyed byung ba dang / zur che chung la sogs gsad gso nus pa'i grub thob ji snyed byung ba dang / rong zom chos kyi bzang po dang / rgyal ba klong chen pa sogs rgyan drug mchog gnyis lta bu'i 'phags pa'i blo gros dang ldan pa ji ltar byung gi shes la/ de bzhin du thun mong la bai ro tsA nas bskur ba'i sman dpyad kyi rgyud sde bzhi pos shin tu lkog gyur gyi don la mi bslu bas 'gro ba nad pa'i tshogs la dbugs 'byin chen po ster ba dang / snga 'gyur gyi drag sngags rgya mtshos bstan pa la 'tshe ba'i mi dang mi ma yin sde dang bcas pa brlag par byas pa dang / nad dang / mtshon dang / mu ge dang / 'jig pa chen po'i tshogs las skyob cing / de bzhin du char dbab pa dang / gnod mdzes dbang po'i bca' ka la brten nas 'jig rten gyi 'byor pa rgyas pa la sogs mdor na dbang du bya ba dang / zhi ba dang / rgyas pa dang / drag shul gyi las gang dang gang la'ang nus pa'i gzugs brnyan lkog tu ma gyur pa mngon sum tshad ma yin na/ sangs rgyas ni 'jig rten la phan pa 'ba' zhig pas de'i bka' mngon mtho dang nges legs kyi gnas la gzhan dbang du gyur pa'i phyogs gang du 'phul/ 'di ltar sprul pa'i sku dang chos tshul rgya mtsho ni sngon tshe/ lo brgya pa la sogs pa'i gnas skabs rab byung ste/ de
- 104b
las gzhan du ma yin no bsam par mi bya ste/ sangs rgyas ni rtag par bzhugs shing gdul bya'i don mdzad pas/ des mngon mdo dang rgyud lam grags pa gsal bar byed pa'ang srid pas/ theg pa dang grub mtha'i rnam gzhag bsam gyis mi khyab pa dag gsang ba zab mo la rmongs pa'i rtog dpyod kyi gzhal bya dang ma mthun kyang / sangs rgyas ni thams cad mkhyen cing gang yang gsung ba yin pas gang zhig thar pa'i las lam du 'jug cing 'khor ba spong ba thams cad ston pa sangs rgyas kyi grub pa'i mtha' yin par nges so// 'di ltar tshig don la nor 'khrul yod med sangs rgyas kyi bka' dang cha mi phyed pa tsam du 'khrul nas dpyad mi bzod pa de srid kyi grub pa'i mtha' bzang po// mchog dang thun mong gi dngos grub la mi bslu ba'i mngon sum tshad ma kyang bcos ma dang rdzun mar yid gnyis byed na/ rang gi rnam par shes pa'ang rang las shin tu lkog tu gyur pa tshad ma nyid kyi phyir/ so so rig bzhi sa dgu pa// ma thob de srid chos kun gyi// nges tshig shes min de yi phyir// zhes pa la dpyad nas rang gi dbang po dang skal ba'i snang ngor bka' ma yin pa ltar mthong srid na'ang / bsdud pa las/ rgyal ba'i nyan thos gang dag ji snyid chos ston dang // 'chad dang rig pa dag dang ldan par brjod pa dang // mchog 'phags bde ba byed dang de yi/
- 105a
'bras thob pa// de dag kun kyang de bzhin gshegs pa'i skyes bu'i mthu// ci phyir zhes na rgyal ba'i chos tshul gang bstan pa// de la mi mchog slob mar gyur pas sngon bslabs shing // mngon sum byas nas bslab pa ji bzhin ston byed pa// sangs rgyas mthus byed rang gi stobs kyi mthus ma yin// zhes dang / rgyud bla mar/ khams gsum dag ni nyon mongs spong byed gsungs// zhi ba'i yon tan brjod par / mdzad pa gang // de ni drang srong gsung yin ldog pa gzhan// zhes pa la dran pa nye bar 'jog dgos te/ de ltar ma bzhag na chos dang gang zag la bskur pa btab pa'i sgrib pa ni shin tu tshad med pa'i phyir ro// de skad du rgyud bla ma las/ 'phags pa bskur dang des gsungs chos la brnyas pa gang // de kun rmongs pa'i mngon zhe na brtas byas nyon mongs yin// de na zhen lha'i dri can de la blo mi sbyar// zhes so// mtshan nyid des rgyud bla ma'i 'grel par/ sprin mthongs mkha' la nyi bzhin 'dir khyod phyogs gcig blo gros can// blo mig dag pa'i 'phags rnams kyis kyang thams cad mthong ma lags// zhes sangs rgyas pa'i chos khams rgya mtsho ni de bzhin gshegs pa nyid las gzhan blo mig dag pa'i 'phags pa rnams kyis kyang spyod yul ma yin na/ gangs ri'i khrod tsam na mthong ba rgya che ba'am/ mkhas par grags pa dag gis chos
- 105b
tshul rgya mtsho lta bu la blang dor bya ba nus pa ma yin pas/ legs par mthong ba'i blo mig zum pa dang / drang don gyi cho nge 'don pa dang phyogs zhen gyi rnam gzhag bskyang ba dang / phrag dog gi che ba brdar ba dang / rnyed pa'i lus stobs ngoms pa dag gis bskur pa btab pa dag la yid ches su bzung nas log par lta ba ni sgrib pa tshad med pas/ mkhas shing gzu bor gyur pa dag gis srog gi slad du'ang sdig pa de lta bu la 'jug par mi brtson te/ dpal 'dzin bzhin du mthong ba'i chos la mnar med pa'i dmyal bar 'gro ba'i phyir ro// 'di ltar grub mtha' la ma zhugs pa dag gis mtshams med pa lnga byas pa'ang zab mo'i don la bsam pas nam zhig thar pa'i skabs yod na/ chos spangs pas de lta ma yin te/ rgyud bla ma las/ blo dman phyir dang dkar po'i chos dpal la lo ka'i nga rgyal la brten phyir// dam chos spong ba'i sgrib pa dag phyir drang don de nyid 'dzin pa'i phyir// rnyed la brkam phyir lta ba'i dbang phyir chos sun 'byin pa bsten pa'i phyir// chos 'dzin pa bsring phyir mos pa dman phyir dgra bcom rnams kyis chos spong byed// ji ltar zab mo'i chos nyams de bzhin mkhas pa rnams kyang me dang ni// mi bzad sbrul dug gshed ma dang ni thog la'ang shin tu 'jigs mi bya// me sbrul dgra dang rdo rje'i sems ni srog dang bral ba tsam byed de// der
- 106a
las mnar med rnams kyis 'gro ba shin tu 'jigs par 'gro mi 'gyur// gang zhig gang yang sdig grogs bsten pas sangs rgyas ngan sems ldan gyur dang // pha ma dgra bcom gsod gang bya ba min byed mchog tshogs 'byed pa'i me// de yang chos nyid nges par bsams pas myur du de las thar 'gyur gyi// gang zhig yid ni chos la sdang ba de la thar pa ga na yod// ces so de bzhin du sems can gyi mos pa dang bsam pa tha dad pas/ 'gro ba'i skad ni bsam yas par// bde gshegs gsung gi de snyed ston// thugs las nges med gzugs byung ba// zhes gang zag dang / chos kyang sna tshogs su snang bas don byed pa'i / phyir 'di ni log pa'o// 'di ni bcos ma'o// zhes sgro bskur gyi stangs bcod pa ni brnag par dka' ba'i las yin no// 'dir klog pa dag/ bsregs bcad brdar ba'i gser bzhin du// legs par brtags la nga yi bka'// blang bar bya yi gus phyir min// zhes pa'i la rgya bsten mod/ de ni rang rang gi glo bar zhen pa gcig yi dam du bzung nas chos kyi rnams grangs rlabs po che la yin min gyi rig pa 'phel ba'i don ma yin gyi gang zhig don du gnyer bya'i chos de slob dus tshig don gyi rim pa la bsam byung gi shes rab rnam par dag pas brdar bya ba'i dgongs pa yin gyi/ dkon mchog brtsegs par 'od srung nga'am nga
- 106b
dang 'dra bas chos dang gang zag gi tshod bzung bar rung gis/ gzhan dag gi ni ma yin te log par ltung ba'i phyir ro zhes pa'i don la bsam mo// rgyu mtshan de lta bus blo gros kyi 'dun khang mdzes par byas pa 'gos lo gzhon nu dpal gyis 'phags pa'i yul du sde pa bco brgyad bkar bsdu zhes pa lta bus gangs ri'i khrod kyi bstan pa ji snyed pa rang rang gi 'thad pa bzhin phyogs lhung med pa'i gnas su bsdus nas chos spong gi las las ldog par mdzad pa ni rnam par thar pa bsam gyis mi khyab mod/ de bzhin du thub pa'i dbang pos/ rgan pa'am ni gzhon pa'ang rung // gang las chos ni rnams shes pa// de la gus pas phyag byas te// bram ze gtsang mas me la bzhin// zhes dang / byas pa shes shing byas pa dran// byas pa drin du bzo ba yi// mi la dpal mgon nye bar gnas/ zhes pa ltar/ gong ma lnga pas rang gi thugs bskyed pa'i ngos nas gangs ri'i khrod kyi bstan pa mtha' dag la ri mor mdzad cing / chos rgyal mes dpon rnam gsum gyis btsugs pa'i bstan pa la sri zhu dang bsti stang bla lhag tu mdzad pas snga 'gyur rdo rje theg pa'i phyogs la'ang rgyu mtshan shes nas rjes su zhugs pa'i gtan tshigs dang / log par smra ba dag la dgag bsgrub gyi bgyi ba lhur blangs nas rgyud 'bum rin po che gzengs su gtod pa'i tshul gang gi gsan yig
- 107a
/ glegs bam/ bam po'i shog grangs brgya go lnga nas nyis brgya zam pa'i bar gyis legs par rtogs par 'gyur la/ mdor bsdu na gser mdog can pas/ rnying ma'i chos kun 'phags yul nas// bskur bar 'bad pas bsgrub mi dgos// slob dpon sprul pa'i sku nyid kyis// gsungs pa nyid du grub pas mchog 'phags pa'i yul nas phyis 'gyur ba'i// sngags dang brda skad ma mthun kyang // mchog dang thun mong grub pa la// mi slu grub phyir de tshad ma// dper na yul chen so so nas// grub pa mchog rnams kyis blangs pa'i// chos kyang glegs bam so so las// 'phags pa'i yul du bsgyur ba min// rdo rje sems dpas gnang thob pa'i// bka'i bsdu ba po nyid kyis// yum khams so so'i skad nyid du// bshad pas chog par gsungs pa yin// rnying ma'i chos lugs 'phags yul nas// 'gyur bar nges rnams sgrub mi dgos// ma nges pa rnams bstan bcos su// bsgrubs las grub par gyur 'di yang // gang 'di'i rnam rtog rang bzo'i lam// rnyed nas 'phyan par gyur min gyi// bod kyi yul du sngon byon pa'i// chen po rnams kyis der bshad pa'o// zhes dang / 'gos lo chen po'i de ba ther du// spyir na dar mas bstan pa snrubs nas lo bdun cu lhag cig gi bar du dbus gtsang na rab tu byung ba ni gcig kyang med/ rnying ma ba'i
- 107b
sngags 'chang mang du yod pa rnams kyis yul so sor sgrub par khyad par can gyis bkra shis par mdzad cing / khyim pa rnams kyis kyang de dag la dad cing zas gos sogs kyis mnyes par byas/ bum dbang tsam re blangs shing / rgyud rim gyis smin pa la brten nas/ klu mes la sogs pa'i dbus gtsang mi drug gam brgyad du grags pa rnams byon pa'i tshe/ yul dang yul rnams su gtsug lag khang dang dge bdun gyi sde grangs med pa 'phel sngon rgyal blon gyi dus su 'gyur ba'i bka' bstan bcos rnams la nyams par longs spyod pas chog pa byung / mkhas pa dang grub pa'i skyes bu mang du byung ba phal cher yang / rnying ma pa'i grub thob brgyud pa las byung ba yin/ zhes 'doms par mdzad pa bzhin no// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling mtha' grur khyab pa'i rgyan ces bya ba las/ gangs ri'i khrod na bstan pa ji ltar byon pa las brtsam ste btsan po khri srong lde btsan gyi dus na gsang sngags nang gi rgyud rnams byung ba'i gtam gsal bar smras pa'i rab tu byed pa ste bzhi pa'o// // da ni snga 'gyur rdo rje theg pa las/ dngos grub brnyes shing gang la bshad sgrub kyi bya ba byed pa'i skyes bu dam pa ji ltar
- 108a
/ byon gyi rnam gzhag brjod par bya'o// de la sems phyogs kyi shing rta chen po slob dpon bai ro tsa na las ji ltar brgyud pa ni/ slob dpon de ni yul nyang chab dang gtsang chab 'dzom pa'i 'gram snye mo bye mkhar ram/ yang na byis pa'i dus kyi zhabs rjes yod pas gtsang zangs dkar zhes pa'i grong dang nye bar 'khrungs so// zer te phyogs gnyis yod/ dgung lo brgyad pa'i skabs su nag mo ri dang / brag po che gnyis su nyi zer la zhon nas phan tshun du 'gro zhing brda' skad dang chos kyi rim pa rtsol med du mkhyen par byung bas sprul pa'i skur yongs su grags/ de nyid btsan pos bsam yas su spyon par byas nas 'phags pa'i yul du dka' ba bcu drug spyad de man ngag gi chos blangs/ dang por rgyal po la gsungs/ de nas tsha ba rong du bcugs pas/ rgyal rong brag lha mgon po'i dgon par g.yu sgra snying po la gsungs/ de nas tsha rong stag rtse mkhar du gsang ston ye shes bla ma la gsungs/ de nas stong khung rong gi brag dmar dgon rdzong du spangs sangs rgyas mgon po la gsungs/ de nas dbus su gnyigs dang li bza' shes rab sgron mar gsungs te rim pa lngar grags/ de las gnyags kyi sog po dpal gyi ye shes/ gra dpal gyi snying po/ lha lung dpal gyi rdo rje/ 'o bran dpal gyi gzhon nu sogs las rim par brgyud pa'i lugs
- 108b
gcig/ yang sog pos sangs rgyas ye shes la sogs te rim par brgyud pa'i lugs gcig/ yang rtsangs sha ka rdor gyis spangs rak+Shi ta la/ des yar zi dar ma shes rab/ des zer mo dge slong ma/ des mar pa shes rab 'od/ des lha rje la bka' drin nod du 'ongs pa dang / nad drag po gcig byung ba/ shangs kyi lang za ston pa dar ma bsod nams kyi bcos pas/ de'i drin lan du rdo rje me long dang / lam rnams bkod dang / zab mo'i dbang gi man ngag dang / mdo'i 'grel pa lung bstan rdo rje sogs bi ma las brgyud pa'i gdams pa dang / sems phyogs ma lus pa gnang ngo // de las gsang bdag sgro phug par brgyud pa de byung ba yin no// slob dpon bai ro tsA nas spangs sangs rgyas mgon po la brgyud de 'ja' lus sha stag byung ba'i lo rgyus ni/ spangs rgan po'i slob ma ngan lam byang chub rgyal mtshan yin/ de ni yul dbu ru ngan lam ral gsum pa dge slong lo drug cu rtsa bdun lon pa zhig gis rgyal mo stag rtse mkhar du byon/ spangs mi pham mgon po la gdams pa zhus pas gnang ste/ da yul du ma 'gro/ wa seng+ge brag la bsgom gsungs/ slob dpon gyi bka' bzhin nyan te der byon nas sgoms pas lo brgya dang bdun cu rtsa gnyis lon pa'i tshe phung po lhag med du gshegs// de la slob ma za dam rin chen dbyig bya ba mdo khams stod pa zhig byung / des
- 109a
ngan lam la gdams pa zhu/ brag de nyid du bla ma dang 'bral ba med par sgom bzhin bzhugs pas/ lo brgya dang bzhi cu zhe bzhi lon pa'i tshe phung po lhag med du gshegs// de la yar klung phyogs nas khung 'gyur gsal ba'i mchog ces bya ba'i slob ma rten dge slong yin pa/ lo lnga cu rtsa bdun lon pa gcig byung / za dam rin chen gyis gdams ngag gnang bas yul du log pa'i bsam pa spangs/ wa seng+ge brag nyid du bzhugs nas sgom pas khung 'gyur gsal lo brgya dang bcu bdun lon pa'i tshe/ phung po lhag med du gshegs/ de ltar slob dpon gsum ka wa seng+ge brag ces bya bar sbrul gyi lo gcig rting la gcig sku na bun nam 'ja' tshon yal ba bzhin du gshegs so// de la slob ma byang chub grags zhes bya ba/ yul nyang g.yu 'brug stod pa rten dge slong lo bzhi bcu rtsa gnyis lon pa zhig byung khung 'gyur gsal ba la gdams pa zhus nas yar log/ bsam yas mchims phur sgom gyin bzhugs tsa na/ dbu ru zhwa'i nyang shes rab 'byung gnas zhes bya ba dge slong bgres po gcig bzhugs 'dug pa dang mjal/ khong na re bsnyen par rdzogs nas lo nga rgan yang gdams pa khyed che bar 'dug/ rjes su bzung 'tshal zhus pas/ myang byang chub grags kyi khong la gdams pa rnams byin/ phug po che dang yang rdzong du bzhugs//
- 109b
rang gi slob ma dang yang slob dag la 'byung bzhi zad par gyi sbrul bskur bstan/ mthar rang nyid gtsang rgya mnye du kha'i phung po ri bo che la da lta rang 'dug pa'i 'phro la ri zur na yar sku lus sbyin chad pa bzhin du phung po lhag med du gshegs so// der nyung shes rab 'byung gnas kyi mchims phu dpal gyi nags khrod/ sgrags kyi yang rdzong phug po che rnams su bzhugs/ der rdzogs pa chen po rang snang ris med kyi dgongs pa mngon du shar nas/ phug po che lha ri'i rtse mo la yod pa'i shug pa rkang gcig par na bza' dang / phreng ba dang / ka pa li rnams gzar nas/ sku nam mkha' la 'ja' tshon dengs pa bzhin song ngo // de/ la slob ma yul lo mo ba// rus sba yin pa gcig byung bas slob dpon bsgom du grags/ de rang gi yul na yod pa'i tshe 'khrug pa yod pas/ yum na re/ bu 'di sring mo drug gi ming po gcig po yin/ slob dpon shes rab 'byung gnas la 'chol/ ma shi ba rang gi chog zer lo bcu drug pa zhag nyang la bcol nas yod tsa na/ sngar gyi nyang byang chub grags pa de phug po che dang / yang rdzong dang / mchims phu rnams su sha ba gcig khrid nas 'byon pas/ nyang sha ba can zhes kyang grags/ phug po cher phyi ma'i res byon tsa na/ ngas khyod gnyis la ltas mo gcig bstan gyis ltos shig gsungs/ der slob dpon sher 'byung dang / skra sgom
- 110a
gnyis kyi g.yas g.yon nas bltas tsa na/ slob dpon dbus na yod pa de mi snang bar song / der ngo mtshar skyes nas yod tsa na/ rlung tshub 'tshub khru gang ba gcig tu gyur nas par skyil tshur skyil byas/ de mer song / de'ang chu gtor gtong ba'i mkhar gzhong gcig tu 'phos nas chur ldem gyi song / des tshub gcig gi ngang la slob dpon rang du krong gi song / de ltar 'byung bzhi zad par gyi skye mched la dbang bsgyur nas 'di skad du/ 'byung ba'i snyigs ma dngas nas dngas ma ma yal ba'i bar du de ltar 'ong ba yin/ shes rab kyi sgom rgyu med pa'i don mthong yang / brda' la yengs pa med par bskyangs na de ltar du rang dbang thob pa la tshegs med/ ma yengs par skyongs pa gal che ba yin gsungs/ de nas re zhig na spa sgom gyi bal bu'i nags la shing 'bru bar phyin pas/ khong rang gi 'dzag spyil me dmar bran bran 'dug pa mthong / slob dpon ni me mi 'bud me shor ba yin snyam pa ltar phyin pas 'dzag spyil sngar bzhin las me mi snang / slob dpon la de ci tsug yin dris pas/ ngas me'i ting nge 'dzin la mnyam par gzhag pa yin// ngaba'i bla ma byang chub drag pa de mi dran nam gsungs/ yang skabs shig slob dpon gyi bzhugs sar chu ltem me 'dug pa mthong / mthar slob dpon gyis/ nga mi 'dug na lha ri'i rtse mo la ltos shig gsungs/ re zhig
- 110b
na slob dpon ma byung nas ri la skyo seng la bzhud pa yin gyi/ sang dgong 'byon du 'ong snyoms can yang ma byon/ bltar phyin tsa na/ na bza' dang / dbu zhwa dang / b+ho d+hi tsi'i phreng ba la sogs pa shug pa la gzar// slob dpon phung po lhag med du gshegs so// 'di ni rang bzhin rdzogs pa chen po la nam mkha' dang mkha' 'gro'i 'chi lugs/ me dpung dang rig 'dzin gyi 'chi lugs zhes pa'i ya gyal gcig yin no// sra sgom lo nyi shu rtsa bzhi lon tsa na nyang shes 'byung gis gdams pa btab pa yin/ sba sgom 'di rten dge bsnyen du bzhugs/ mtshan ye shes byang chub tu grags/ rtogs pa khyad par can mnga'/ rdo la 'dam rdzab ltar mdzad/ brag la sku'i par 'debs/ dgung lo dgu bcu rtsa brgyad lon pa'i tshe sku sbyang ba med par gshegs/ jo mo gang mos phyi rol gyi mi rnams la pur mjal ma gtang bar mchod khang du pur me la sbyangs pas/ 'od rdza ma tsam zhig nam mkha' la 'gro ba phyi rol gyi mi kun gyis mthong / shul du gdung rus gcig kyang ma byung ngo // de'i slob ma ni 'dzeng ste/ yum mtshar dgu skyid de zhes bya ba yar klung zang chung ba'i ma rdojordo yin/ thang chung btsad po'i bu che bas phab nas 'dzeng 'khrungs/ lo bcu drug lon pa'i dus/ 'grul zla kha shas dang bcas dol gyi gdong snar tshong la phyin tsa na// dol gyi 'tsher chung na mi mang po 'phungs
- 111a
/ 'dug/ bltar phyin pas dam pa rgya gar dang mjal/ zla ba bcu bzhi dam pa'i phyag phyir 'brengs/ gtsang gi gnas gzhi bzangs can du sleb tsa na/ dam pas snam bu gcig gnang nas/ khong nga thung 'dug pas khyod rang yul du log/ dgas po nas kham bu khyer la shog/ dol du 'gro ba'i zla bo 'dug go gsungs/ der 'dzeng gi lam du zhugs pa na/ dam pa tshur 'breng gi byon/ 'dzeng gi ldan pa gnyis nas 'jus te/ ci yang ma yin gnas gyur pa// gnas gyur pa la gnyis 'dzin med// ces gsungs nas mgo thug lan gnyis rgyab pas/ sems hang nge ba la shes pa bkra gsal ba zhig byung / kha nang na chu khyil le snang / de ni dam pas byin gyis brlabs/ rdo rje zam pa dang mjal ba'i lung bstan par 'dug ste/ dus phyis las mgo gsungs/ dam pas rten 'brel 'ga' tsam dang / sngags kyi gnad mang du gnang / rgya ro tshal mar yi ge drug pa'i gdams ngag gnang nas sgrub pas byin brlabs chen po byung / yang chu bo chen po 'di'i shar phyogs na tsan dan gyi nags yod/ de na khyod kyi bla ma yod gsungs nas lung bstan/ de nas dbus su byon/ a khung dpal 'bal la khrag 'thung dang dpe dkar/ gnubs shang po che la kri ya dang kha 'bar ma'i gtor chen zhus/ khong gis gtsang du ba ri bal 'bul ba bskyed du btang bas/
- 111b
ba ri la'ang 'jam dpal dang khyung sgrub zhus/ dge bshes sgo la snga 'gyur rigs zhus/ de nas sum cu rtsa lnga lon pa'i tshe ngam shod rgyus lcang tshigs su byon/ phug po che'i la kha na dge bshes btsan kha bo che rgya gar nas byon ma thag pa zhig jo mo bas spyan drangs nas chos dang bza' dang ltad mo yod zer/ nang par snga bar byon tsa na/ bud med cig na re/ khrab nas lam zur 'di nas yar phyin na/ slob dpon sba sgom bya ba lto ster ba la yang pa zhig yod zer/ phyin pas rnal 'byor pa tsho gcig gis kyang sleb nas tsha ba drangs/ phye zangs kyis khyim bu re yang gtong gi 'dug de tshor byin zin nas/ de na gsar bu gcig kyang 'dug gsungs nas chu bum pa gang lan du bcug/ chu gtor mdzad nas phug chung zu rar khrid/ tshod ma ke ru phor pa gang byin/ de nub kyang bza' byin nas brag rtsa zhig tu nyal/ nang par 'gro dgos sems tsa na/ yang lho byin nas nga'i nye gnas btsun chung gcig yod pa zo zang du gser len du song ba char ches pas ma byung / shing zhig 'brus gsungs/ der nags khrod nas shing khur che ba gcig bsgyel bas/ skra sgom mnyes nas phyag rgya chen po brda'i man ngag dang / rdzogs pa chen po skor bdun rang chas bya ba bshad/ der nye gnas kyang byung / nged ma sleb pas slob dpon 'o brgya la sems tsa na khyed kyi go bcad 'dug pa da dung zhag
- 112a
'ga' tsam bzhugs zer/ yang yar klung lan cig bskor nas byung / der sba sgom gang zag khyad par can du shes nas yul du ma phyin pa 'on dang zangs ri yan chad du bsod snyoms byas/ skye gcig nyos/ nas skye dang bcas pa slob dpon sba sgom la phul bas/ khyod kyis nga'i g.yog byas pa yin pas des rung / 'di la khyod rang gi rgyags gyis/ nga la man ngag rdo rje zam pa zhes bya ba skad cig ma'i don rtogs nas tshe gcig la phung po lhag med du sangs rgya ba'i rgyud pa breng ma chad pa gcig yod/ de gong phan chad su la'ang ma smras pa yin/ da khyod la sbyin no gsungs/ nas nan gyis phul bas 'di slob dpon rang la bsngags pa yin/ gdams ngag thugs la gdags par zhu rgyags snyed de 'ong byas pa/ phyag g.yon pas spyi bo nas bzung g.yas pa ltag khung nas tab tab byed cing / 'or che dam tshig can du 'dug/ gdams ngag gis phan thogs par gda' gsungs/ der lo chung gi sngags pa gcig la gshin rje dmar po'i sgrub thabs shig byin pas/ sran nas khal brgyad byung / 'o ma dang phrum du srung skyob zhag re tsam du byas pas chos rgyags ldang ba rnyed/ der rdo rje zam pa'i byin brlabs zhus pa la tshogs kyi yo byad ma tshogs pa'i ngang / slob dpon gyis byin brlabs da lta bya/ phyi nas par chad 'ong gsungs/ gangs par du grogs po
- 112b
gcig la ser ma gcig bcol ba'i rin slong du phyin pas/ ma dzo'i sham thabs gcig thob/ de'i rnam pa tshe phral nas btsongs/ chang phud dang / gtor ma nas bre lnga rnams la brten nas/ mar me'i dod nyos par bya'o gsungs nas grol lam dbang bzhi rdzogs par bskur/ gdams ngag ma lus pa gnang / phyi nas kyang byin brlabs lan bzhi tsam zhus/ nas dang gser la sogs pa'i 'bul ba lan lnga bskul/ re zhig na// snang ba 'di kun rdzun pa'i chos can yin gsungs nas/ chu rdo gcig la phyag 'phyar gyis rgyab pas gru mo yan chad thim gyi song / yang sku lus phyir bshigs mdzad pas brag la 'dam gyi thal nas rjes wa le byung // phug chung stod nas sta sangs kyi bzhugs pas gdul bya mang po bkug/ jo mo'i mchod khang phug pa'i shing yin gsungs/ de lta bu'i slob dpon las rdo rje zam pa'i skor ma lus pa thob cing gzhan yang jo bo pha rol tu phyin pa'i lam rkyang khug sogs kyang thob/ de bzhin du yu mo las sbyor drug khams pa lung pa la thun brgyad ma/ sne'u zur pa'i slob ma la dmigs pa skor gsum/ shod bu lo tsa ba la 'grel chung / dge bshes grol sgom la na ro'i thabs lam zhus shing / rdo rje zam pa phar la bshad/ snyun gdangs la sgron sbrul dang rgyab sha/ rdza bor la bdud rtsi thigs gsum/ ri khrod du rlung chung la rnal rgyud tshigs la gsum/ rlung dam
- 113a
/ chen po la do ha'i man ngag/ lab sgron la gcod yul/ rgyal ba sgo ston la sde skor bdun pa/ gnubs shangs chen las ba ri ba'i kri ya'i chos bco lnga/ ding ri kun dga' las gdams pa sna tshogs sogs thob pa shin tu mang / dwags po lha rje la chos drug dang skyes sbyor zhus/ rtogs pa nyams bsdur bas shin tu mnyes/ spyan snga rnal 'byor gyi gra sa ru spyod pa byas pa brtul zhugs can du grags/ grogs mched kyang a tsa ra stag sham can dang / bla ma dbu 'dren pa dang / bla ma thud kha 'bar/ bla ma dred 'byor/ zhang 'gro smon pa la sogs de tsa na'i rnal 'byor gyi dbang po sha stag dang 'grogs/ gtsang du gcer bu lo lnga byas/ gzhan yang snang ba la thog rjes shin tu che bas dgun 'khyag pa'i rum/ dbyar chu bo'i gzhung / ma nges pa'i g.yang rong zab mor mchod pa dang / mgo brdeb pa dang / mtshon brdeg pa la sogs te spyod pa mtshar po che ma byas bya ba med pas dpa' bo 'dzed chung ngu grags/ so mang btsan la phyag rgya chen po btab pas 'khrul snang ye shes su gnas 'gyur/ ri khrod klung chung ba dang / dngul mo rgya le lcam la yi ge bzhi pa dag rdzogs chen btab pas 'khrul zhig chen por gyur te mthar phung lhag med du dengs/ de bzhin du ma jo dad pa can dang / khams pa snying rus can zhig la rdo rje zam pa bstan pas/ ma jo mo na kha
- 113b
zer mo'i mtsho dang / khams pa kong po mtsho rdzong du nam mkha' dang mkha' 'gro 'chi lugs kyi phung po lhag med du song / ras pa bsgom stag/ sho ras/ rgya ras/ rlung ras sogs la gdams pa btab pa tsam gyis bde drod 'bar/ de bzhin du chos nyid bstan pa tsam gyis rtog grol du song ba shin tu mang / 'dzed d+harmA b+ho d+hi nyid kyi gsung nas kyang / nga'i gam du lo tsA ba yang bzhi tsam byung / rab byung dang / ston chen dang / sgom pa/ sgom ma yus po che rang mthong can mang zhig byung / tshul bzhin nyams su len pa a cang che ste/ dwags por nyams len e na re byed pa'i nyi ma bcu gcig tsam/ dang por 'chi dus thebs pa/ 'chi khar gnad gcod med pa/ ro la 'ja' zug par byung ba yin/ nga'i gdams pa 'di la bal ma bal las byed pa dang / pha ma sri'u gso ba 'dra ba'i nyams len lo lnga drug gcig byas na/ phung po lhag med du song nas shul du mi'i lus po mi yong nges gsungs/ rdzu 'phrul gyi bkod pa rgya mtsho lta bu la dbang 'byor bas res sku lus 'ja' ru 'khyil/ res zhabs sa la mi reg par gshegs/ snang sems ro gcig tu 'dres pas zag ring po'i sa yang yud tsam la 'khor/ gzhan sems shes pa la sogs pa'i mngon pa shes pa thogs med mnga' bas/ ma 'ongs pa thams cad lung ston/ lha'i mig dag pas jo sras ma rdo rje skyid bu nam
- 114a
phyed na gnyid log pa rgya mthongs nas mar rbab tu 'chor la khad pa gzigs/ snang ba la nyin mtshan med pas nub mo sbur ma'i khrod du rgya khab lhung ba bde blag tu mthong ba sogs yod/ phyi res gtsang du lo bdun bzhugs nas nas slar phug po cher byon pas/ slob dpon sgra sgom gyis/ nam mkha' 'di khong du chud par gyis/ de rten med du rtogs na sgom med kyi gzer chen thebs pa yin gsungs pas/ nges shes gting nas 'drongs/ de nas dwags po gzhu ru bla ma zhal gdams la gu ru zhi ba sde skor bdun pa'i gdams pa zhus/ de'i lha zur dgon par brda' bzhi lo gsum bskyangs pas chos thams cad la byan chud/ spros bral gyi dgongs pa nam mkha' lta bur song / lar dka' thub la shin tu bkod pas/ phug po cher rdo rje zam pa zhus nas bdud rtsi'i dka' thub mdzad pas rim gyis rdzi bar ma nus/ gnubs shangs po che'i drung du bla ma'i bran gyis dka' thub byas pas gar byin du bla mas thugs la 'dogs/ dam pa rgya gar gyi drung du rtog dpyod kyi dka' thub byas pas chos thams cad la rang byan chud/ skyed khung du phur pa'i bzlas pa la dka' thub byas pas 'jig rten gyi lha 'dre ci smras nyan/ jo bo bka' gdams pa'i sa ru zhi dul gyi dka' thub byas pas gar phyin du gzhan gyis byams/ yi ge bzhi la mi sdod pa gsum gyi dka' thub byas
- 114b
pas bde drod 'bar nas gcer bu lo lnga byas/ de la nges shes skyes nas phag mo mngon byung la sgrub pa'i dka' thub byas pas 'gur mo'i nub phyogs su rje btsun ma'i zhal gzigs/ brda' mang po gnang / gnubs yul rong du rmi lam du sbyangs pas snang ba thams cad rmi lam du shes/ gzho stong ti sgro'i shes phug tu khro bo bdud rtsi 'khyil ba'i zhal mthong / mi ma yin gcig gis bsnyen bskur cher byas/ btsun gzugs gcig nam mkha' la 'phur nas phar 'gro tshur 'gro byed pa mthong / btsal bas ma rnyed mi yin min ma shes gsungs/ dwags po gzhu ru ra a dzi sgrubs pas nyi ma dro khar zhal gzigs/ dam bsre byed snyam tsa na jo mo phyal lo byon nas/ bud med can zer nas 'od gcig tu yal/ lha zur du bcud len gyi bsgrub pa byas pas tshe dpag med zhal mthong / chos mang po'i rnam gzhag rgyud la shar/ oM dkar brag tu sgrub pa mdzad pas bde mchog yab yum zhal gzigs/ lan gcig 'gro snying 'dod pa zhig byung nas/ mon 'gar grong mo che'i mdun du byon/ chu'i rdzing mo zhig la thub chod byas mchongs pas/ 'khyags pa chag nas chur bying / skyengs pa'i rnam rtog cig shar tsa na/ chu la rlangs pa nam mkha' mi mthong ba tsam byung / mi rnams ngo mtshar skyes dgun grang bdo ba la chu de tsam tshugs pa/ lcags bsregs chu la btsud pa 'dra ba
- 115a
phyung zer/ rang la 'khyags pa'i snang ba ni byung gsungs/ yang lan gcig jo mo dang gnyis kyi shing 'thur phyin pa shing khur che ba gcig rnyed/ de khur nas mtha' chen po zhig gi khar sleb pa dang / 'di ni rmi lam du 'dug snyam nas mchongs pas bya babs pa bzhin du song / jo mo na re bla ma khyed mi ma yin zhig 'dug/ dam pa rgya gar dran zer/ de yan du gdams pa mang du ma 'phel/ grong cho ga mdzad cing gsang spyod bskyangs/ de nas zag ring nas slob ma mang du byung nas 'phel/ re zhig na bal bu dor la spyan drangs/ gdams ngag gsungs pas/ nyi ma snga dro dang po la 'ja'i gdugs dang re mig mang po byung / chos thon nas ri logs la skyo sangs la byon/ 'ja' de bla ma grongs pa'i rtags mi dga' ba min nam zhus pas/ nga'i bla ma sba sgom gyis/ 'bar ston shes rab grags spun gnyis la gdams pa 'di gnang ba'i dus kyang ngam shod lung pa dang / phug po che'i ri logs khengs pa tsam byung ba yin/ gdams pa 'di la rtags 'di 'ong gsungs/ yang bla ma 'di 'dzin na bzhugs pa'i dus su/ slob ma jo sras 'dzeng gi drung du byon pas/ mchod rten rtsa'i gad rtsa gcig na bzhugs 'dug/ de nas dbyen khang du phyin tsa na bla ma 'dzed ni ma mthong / 'od phub tsam zhig 'dug/ rtsar nye tsa na 'od de mi 'dug nas de ci tsug lags zhus pas//
- 115b
mnyam par gzhag pa'i rtags yin mi la ma sgra gsungs/ yang a dzo dngos grub la mdze byung bas/ ngas bzlas grogs byas pas mdze ni ma gsos/ ngas phyag na rdo rje'i zhal mthong dgod bro gsung de ltar chos tshul gzhan la grags pa'i ro snyoms dang / chos drug dang / gcod yul dang / rim pa lnga la sogs pa'i gdams pa'i don gyi thob bya gang yin pa nyams 'og tu chud pa'i 'dzeng sgom d+harmA b+ho d+hi 'di dgung lo brgya dang gnyis lon pa'i dus zhig snang ba ltar bstan pas/ 'khor rnams kyi bla ma grongs kyi dog tsa na/ zhal nas mdang rmi lam bzang nga mi 'chi rgya'i po ra'i steng na 'dug pa la nyi zla gnyis shar byung / rus pa'i spyil po mang po'i steng na bud med mang po 'dug pas/ bla ma 'dzeng khyod lo bzhin shog zer ba gcig rmis gsungs/ yang re zhig na/ ngas lo mang po lon te nga rang la'ang tig po bshad rgyu med gsung / de ni rtog dpyod la 'dzin pa dag pas nang du dgongs pa zad sar 'khrol ba'i rtags yin no// de'i 'khor rnams kyis dge rtsa gcig mdzad par zhus pas/ 'dus byas kyi dge rtsal thugs mi gtod/ bcud len zhig mdzad par zhus pas kyang / bcud len byas na lo bcu tsam tshe bsreng nus/ dus ngan gyi tshe ring ba la dgos pa med gsungs/ gzhan la skyo ba yang dag bskul nas sku gshegs/ spur sbyangs pas nam mkha'
- 116a
'jas gang / mchod rten dang ring bsrel yang mang du byon no/ 'di ni tshogs pa bskyangs pas snyigs ma 'ja' lus su ma dengs kyang / don gyi ka dag chos zad kyi sa la mya ngan las 'das pa'i rtags mtha' dag tshang zhing snyan brgyud rdo rje zam pa'i dar rgyas kyang 'di'i ring nas che bar byung ste dngos gyi slob ma yang / slob dpon kun bzang dang / 'dzeng jo sras dang / btsan thang pa nyang d+harma sid+d+hi dang / slob dpon gser lung pa dang / bla ma du ma du rdo rje rgyal mtshan dang / gzigs ye shes dbang po dang / g.yag ston zla ba 'od zer la sogs mang du byon no// dgung lo yang brgya dang bcu bdun lon tshe gshegs pa yin/ 'di jo 'brom dang / phya ba chos kyi seng ge dang / rje btsun mi la dpon slob dang snga phyir thog mnyam pa tsam yin no// de la 'dzed jo sras ni/ sngags pa'i rigs la btsas pas chung ngu nas yig rtsis la sbyangs/ 'ol kha'i lha bris pa la sgyu 'phrul la sogs rnying ma dang / dgyes rdor dang mtshan brjod zhus/ der slob dpon lha bris pas 'das kar/ ngas gzhung chen po 'di tsam shes kyang 'chi khar phan pa a ro thun bdun las ma byung / khyod kyang gzhung ma bslab par gdams ngag kho na la nan tan gyis/ dwags po na khyod rang gi bla ma 'dzed bya ba zhig yod 'dug pa der song zhes lung bstan/ gang bar du rdzogs chen lhun
- 116b
grub mkhan slob dpon zem gyi sar dbyar dgun thog drug sdad kyang thugs la ma btags/ gdams ngag gis spros pa mchod nas slob dpon 'dzeng la dpal lung du rdo rje zam pa tshar gsum zhus/ byin brlabs mdzad nas/ khyed rang re zhig gtsang la song la gzhung slob/ gtsang nas 'khor tsa na a mi dgon pa gcig kyang sngogs gyis gsungs/ der gdam pa mi gnang bar dgongs nas/ gzhan sus shes dris pas/ gra phyi'i jo sras zhang la skyabs bya bas shes gsungs/ de la zhu bar sems tsan khong grongs/ yang dwags po rang du log nas 'dzeng la zhus pas kyang ma gnang / slob ma gcig la zhu bsam nas/ sho sgyum du slob dpon ngu'i spyan sngar phyin tsa na/ re ba tsam bcos nas 'dir mi 'ong da dung dwags por song la zhus gsungs/ yang dwags por byon nas zhus pas/ cis kyang 'dod na gdams pa la nan tan byed dgos pa yin gsungs nas rdzogs par gnang dbyar dgun thog 'ga' slob dpon gyi drung du bsdad/ lo drug tsam lon nas phran tshegs rnams kyang rdzogs gzhan la byin brlabs mdzad pa'i las slob kyang byas/ thod pa'i slob ma rog po dga' dang / ma jo zlo ba la sogs pa lnga cu rtsa bzhis rdo rje zam pa zhus pas jo sras kyi shod/ khyed tshos nyon gsungs nas slob dpon gyis khri kha nas gsungs/ dpon slob gnyis lo ngo bco brgyad tsam
- 117a
du 'grogs/ gdams ngag gi bka' phog nas brgyud 'dzin du bskos so// de ltar 'dzed d+harmA b+ho d+hi dang jo sras 'dzeng chung smyon pa gnyis ka'i slob ma slob dpon kun bzang yin te/ de ni khu bo pa dza dbus pa phag mo grub pa'i slob ma sgom chen bzang po zhig yin/ ma zi gza' des chog bya ba ma jo smyon ma bsam 'grub bya ba la chos thos pa gnyis ka la rmi lam gyi bltas bzang po dang bcas te 'khrungs/ lo brgyad dgu la slob dpon kor ston ra dza la slob gnyer cung zad re byas/ bco lnga lon pa'i tshe khong grongs nas slob dpon du'i gam du lo lnga tsam zhi zhing sdad nas zhabs tog 'grub tshad byas/ gser lung dgon par slob dpon du'i sar jo sras 'dzeng dang mjal nas/ 'dzeng gi gsang bsgrub dang phag mo mngon 'byung zhus/ rdo rje zam pa lhag ma lus par dbu snang ba zhes pa'i nub kyi re la slob dpon gnyis ka la rmi lam bzang po rmis/ der 'dzeng chung bas khrid nas 'dzed d+harmA b+ho d+hi dang mjal ba'i tshe/ bco lnga'i zla ba'i rub na skar ma gnyis thim pa rmis/ 'dzeng chen po la rdo rje zam pa tshar gcig zhus/ de nas 'dzed jo sras sbrang rings su spyan drangs nas rdo rje zam pa tshar bdun zhus/ dgas por gun thog bzhi phyin/ rdo rje zam pa tshar phyed pa gcig dang bcu bzhi thob/ jo sras dang lo brgyad 'grogs nas rdo rje zam pa tshar bdun zhus/ phyi
- 117b
nas sho ru tshar gnyis/ gser lung du tshar gcig/ gzhan la gsung 'phror mjal ba dang dril pas 'dzed mes dpon gnyis la rdo rje zam pa tshar sum cu rtsa lnga thob/ gnyis ka'i gdams pa bka' babs nas gzhung bshad che chung gnyis kyang mdzad do// 'di la sras sbrul sku 'od 'bar seng+ge bya ba byung // de ni blo rno ba/ shes rab phun sum tshogs pa zhig ste/ lo bcu bzhi pa la rdo rje zam pa gsungs/ des rgyud 'dzin jo mgon la gnang / des bya med tshul rin la gnang ngo // yang 'dzeng gi yar klungs btsan zang pa nyang d+harmA sid+d+hi la rdo rje zam pa bshad pas byin brlabs zhugs/ rtogs pa thod rgal du skyes/ dur khrod dgon par bzhugs te 'gro don rgya chen po mdzad/ mthar dgung lo don bdun pa la gshegs/ 'di nas brgyud pa'i gzhung bshad kyang yod do// de'i slob ma badz+ra pA Ni/ de'i slob ma bla ma lta'o// yang 'dzeng gis gser lung ba la bshad/ des slob don rang grol/ des sras po chos rin la bshad do// yang 'dzing mtshan la bshad/ des du ston dad pa brtson 'grus/ de'i slob ma zhig gis byas pa'i gzhung bshad kyang yod/ yang 'dzed / gi gzigs ye shes dbang po// des mkhan po la kha ba/ des slob dpon mgon skya ba/ des slob dpon gi ri ba/ des so ston pa la bshad de so ston gyi gzhung bshad kyang snang ngo // yang 'dzeng gis sbrang ring ston
- 118a
pa zla ba 'od zer/ des klog ston dge 'dun skyabs/ 'di nas brgyud pa'i gzhung bshad kyang yod/ yang sbrang ring g.yag ston gyis lo brgya la nye ba la thub/ des 'o na nag stod pa gla ru ban de la bshad nas kyang dar/ yang 'dzing gis skye tshe ye shes dbang phyug la bshad des gzigs ye shes dbang po// des mkhan chen ngur pa/ des ston badz+re shwa ra/ des mkhan chen bsod nams rgyal mtshan/ des mkhan chen shes rab rgya mtshan/ des mkhan chen gzhon nu shes rab/ des slob dpon gzhon nu grags pa/ des mkhan chen sangs rgyas bzang po// des bla ma brtson 'grus dbang phyug/ des mtha' bzhi grags pa rin chen/ des slob shAkya rgyal po/ 'di sku gzhon nu'i tshe khrab la khar rab tu byung / lo dus la bstan par rdzogs/ mdzod dang 'dul ba la byang bas skor lung du gra skor mdzad/ thugs dam 'phel bar bzhugs pa la/ sku na ha cang mtho bas spyan mi gsal yang gzhan gyis spyan tshab byas te rjes su brjod nas gsung ba sogs thugs bskyed shin tu che/ dgung lo brgyar nye bar bzhugs nas gshegs pa'i rjes thugs las ring bsrel zad pa med par byon pa byung / 'dis 'gos lo gzhon nu dpal la gsungs pa yin no// rdo rje zam pa'i lo rgyus bshad zin to// // da ni man ngag sde'i shing rta chen po slob dpon bi ma la las
- 118b
brgyud pa'i snying tig gi lo rgyus bshad par bya ste/ de la bdag gzhi'i ming la brten nas yang ti dang spyi ti la sogs pa 'gog mod/ gnad las gnad du bsdus pa ming du mi 'grub na/ 'dul ba'i 'dul ba dang / 'dul ba'i mngon pa dang / 'dul ba'i mdo sde la sogs pa dang / de bzhin du chos skad gzhan stong pa dang / stong pa chen po dang / shin tu stong pa dang // rab tu stong pa la sogs pa'ang nyams nyes par byas so// 'di ni rnam pa'i tshig kho na la rtog cing don la rton pa mi bsam pa ste/ stong pa stong du bgrod med pas stong pa nyid stong pa nyid ces bya ba mi 'thad do zer ba lta bu'o// de bzhin du gdung chen lngar dang po'i sangs rgyas kyi rnam par gzhag cing / dngos su'ang grub na/ sha ru ram gcig po'i skad dod la phug gtugs pa ma yin te/ saM skr-i ta'i skad kho nas bshad pa ni/ drang don dang / dus kyi 'khor lo ltar skad chen po bco brgyad kyis bshad pa la nges don yin pa mkhas pa rnams la grags pa'i phyir ro// de bas na snga 'gyur gyi rgyud rnams la ni/ mkha' 'gro dang mi ma yin gyi brda' skad la sogs rnam grangs bsam gyis mi khyab bo// 'dir tig la tig du byas pa'ang ji skad du/ tig ni shes rab ming du smra/ zhes brda' snying du mi 'gal la/ lar dbang po rab kyi rgyud la sogs pa'i mtshan smos pa kho nas don shes pa'i
- 119a
dgongs pa 'jog pa'i phyir 'di dag la 'thad pa ma grub na/ la sha'i gur khang nang du 'gal 'brel gyi mig mangs ris la brtse bar bya'o// de la cang ting 'dzin bzang ba de phung po lhag med du dengs nas lo brgyad lon cing nyang mi dar ma dang dus mtshungs pa dbu ru gzho'i ljang ma dge mchog gi bu gnas brtan ldang ma ba lhun grub rgyal mtshan zhes bya ba/ ngo bo bi ma la'i sprul par grags kyang rnam par shes pa lkog tu gyur pa rnams la gnas brtan dkyus ma'i ngang tshul du snang ba zhig la rdo rje legs pas lung bstan nas sngar sbas pa'i gter rnams phyung / sbas blo gros la tshig rgyud kyang mnyan nas chos nyid yid spyod du ma lus par nyams su blangs/ man ngag rnyed nas bco lnga pa la bshad rgyud bzhag pa'i snod 'tshol du byon pa na/ nyang stod nas lce btsun seng ge dbang phyug ces bya ba rnyed/ de la gdams pa rim pa bdun du btab/ de dang nye bar kha rag sgom chung la'ang btab pas khong yang des grol/ lce btsun la dpe rnams dag par bris la khri'i zla ba la stsol cig gsungs/ phyi zhig lce btsun gyis 'bul ba shin tu mang po dang bcas byon pas snyed thang du mal gro'i nyang bka' gdams pa bya ba dang phrad/ des ldang ma gshegs pa'i gtam bshad pas/ 'bul ba rnams gnas gzhi zhig 'dug pa'i dge 'dun rnams la phul/ nyang bka'
- 119b
gdams pa na re/ ldang ma de gnas brtan yin pa tsam las gang zag bzang por sngar sus kyang ma rtogs/ sku gshegs pa'i dus nam mkha' 'jas khengs/ sku gdung dang ring bsrel dpag tu med pa byon pas thams cad ngo mtshar zhing 'gyod pa skyes gda'/ khyed kyang 'bul ba 'di tsam khyer lugs kyis gdams ngag khyad par can yod mchis pas bdag la stsol cig zhus pas gdams pa byin/ des gzho'i ti sgo brag la lo gnyis sgoms nas phung po lhag med du song ba yin no// de la lce btsun chen po ni/ yul nyang rong gnyan tsho'i lce thub pa'i dbang po zhes bya ba'i bu gzhon nu nas chos mang po la thos pa'i pha rol tu son pa zhig yin/ gnas brtan ldang ma ba dang ri gzar rgod po lung du mjal/ kha rag tu gdams pa gsung ba'i dus btab de rdzogs par thob/ slob dpon gshegs nas gting dpe rnying pa rnams lang 'gro chad pa stag 'dra'i chu mig gi rtsa dang 'u yug dang / dzal gyi phu ster kha gsum du sbas/ 'u yug nas shangs man chod kyi ri rgyud rnams la 'pho zhing sgom pa'i tshe/ rmi lam na a tsa ra gcig byung nas/ bdag ni bi ma mi hra mkhas pa ste// skal ldan snying po yang bcud don 'dod na// mchims phu brag dmar dge gong yar 'debs la// gsang ba snyig tig snying dang 'dra ba yod// de dag khyer la'u yug phyi gong du// sus kyang mthong ba
- 120a
med par lo bdun sgom// zag bcas phung po snang ba ma yin no// zhes gsung ba thob nas mchims phur byon/ bud med dung so 'khor ma g.yu'i smin ma can zhig gis dpe rnams byin/ slar 'u yug phyi gong rdza'i ra bar bzhugs pas bi ma la dngos su byon/ zla ba phyed du dbang khrid gdams pa rdzogs par gnang nas slob dpon bi ma la rgya nag tu gshegs/ de nas lce btsun gyis lo bdun sgoms pas phung po lhag med grub/ sprul pa'i zhang ston la gdams ngag rdzogs par byin nas/ lo brgya dang nyi shu rtsa lngan nam mkha' la 'ja' 'od kyi phung po gcig tu gshegs so// gter sbas pa'i lo sum cu na rong snar mda'i lce sgom nag pos kha shas bton nas rang nyams longs shing / gzhan mang po la'ang bshad/ de bzhin du lang gro 'chad pa lhag nas shangs pa ras pa zhes bya bas kyang bton nas dar rgyas byung zhes grags// de la zhang ston ni/ yul yar 'brog do nang du 'khrungs/ mtshan bkra shis rdo rje zhes bya ste/ lo bcu gcig par bla ma lce sgom la gdams pa mang du zhus/ de nas nyi shu rtsa gcig gi bar mkhas grub kyi bla ma mang du bsten nas/ sde snod gsum dang rgyud sde gsar rnying gi phyogs thams cad la sbyangs pas mkhyen rab kyi pad+mo rgyas/ nag stod khu yul na yod pa'i tshe/ nam mkha' las bla ma dang / thugs rje chen po sgrol ma la sogs pa'i
- 120b
zhal mthong zhing lung bstan thob/ rdo rje legs pa mi dkar zhwa dkar can du byas pas dngos grub byin gyis 'dod zer nas khrid/ nyang smad pa tshab du lha gsol ba mang pos bza' btung byin pas dngos grub de la zer ram snyam tsa na/ mi dkar des dngos grub gzhan du yod kyi 'dod zer 'od kyi lam sna byas nas byon/ khang stong zhig tu nyal bas 'dir mi rung zer/ brag phug gcig tu byon tsa na kha stong 'gyil/ kho'i sbrul pas bza' btung yang byin/ 'o yug mda' na 'khrug chen po yod pa yang rdo rje legs pas sgrig nas dmag gis ma mthong / der brag seng ge 'dra ba'i rtser sleb tsa na kho stor/ phyir log go snyam na'ang ma thar/ ma phyed pa'i ngang la bltas tsa na brag phug kha byang bstan gyi sgo rtsas 'gags pa mthong / de brus pas dang por sbrul dang sbal pa shig shig snang / de nas kha byang rnyed dus mi dkar des sgron me bteg byung bas/ dar gcig na gdong dang skad shin tu mi bsrun pa zhig byung / khos brda' sbyar bas/ ngas a lce bas kyang zer ba'i mod/ e ka tsa ti spyan gcig khral tu khol bas/ mche ba gtsigs shing bltar mi bzod pa tsam du byung / khos 'di ni lung bstan pa de 'o byas pas/ tshogs 'khor brgya rtsa brgyad thong / lo gsum du su la'ang ma bshad zer/ brag phug gi sgo rtsa nas g.yu gnyis rnyed pa las rgyu byas/ tshogs 'khor brgya rtsa brgyad
- 121a
/ btang / lo nyi shu rtsa lnga la dbus su byon/ mchims phu nas bi ma la'i chos gter yang thon/ dngos dang zhal mjal nas rjes gnang thob/ slar shangs rta nag du byon pa'i za mkhar lce btsun chen po dang mjal/ gsang ba snying tig gi gdams pa rdzogs par thob/ sku na mthon por song nas rgyud 'dzin gyi slad du sras nyi 'bum bskrun ngas tshogs pa ma bskyangs na phung po lhag med 'ong ba yin gsungs/ lus shin tu sbyangs pa byang chub gyi yan lag la dbang thob pas res 'ga' rgyal ba rigs lngar gsal/ sku lus la grib ma gtan mi mnga'/ rdzogs pa chen po chos gsung dus 'ja' gur 'khyil ba sogs ngo mtshar gyi / lhaltas mang po yod/ dgung lo bdun cu don gcig pa me mo phag gi lo sa ga zla ba'i nyer gnyis pa shar phyogs nam mkha' las sgra chen po lan bdun sgrags shing sa chen po 'di lan gsum g.yos/ 'ja' dang / 'od dang / sil snyan gyi sgra dang / dri zhim gyi ngad la sogs pa gdod ma'i sa la mngon par byang chub pa'i rtags ma lus pa bstan te gshegs so// de'i phyi nub pur sbyangs pas gdung chen lnga dang / ring bsrel kha dog lnga pa sku lnga'i rgyal tshab du bzhag/ me tog gi char dang 'ja'i gur la sogs pas 'gro ba mang po dad pa'i gnas la sbyar zhing rang bzhin gyi bsam gtan la gnas pa byung ngo // de'i slob ma sras nyi 'bum ste//
- 121b
yum rgyal mo g.yang de'i lhums su zhugs pa'i dus nyi ma mang po dus gcig la shar byung bas/ yab kyi sems can gyi ma rig pa'i mun pa bsal bar lung bstan nas nyi ma 'bum du btags/ lo lnga nas rim par yab las gsang ba snying tig gi dbang khrid gdams pa nyams 'og tu chud par mdzad/ dgung lo bcu pa la che sar ston dus rgyud bcu bdun la bshad pa mdzad pas bu slob kun ngo mtshar skye ba byung / lo nyi shu bar du bsgrub pa kho na la nan tan mdzad de nas rjes thob sgyu ma lta bu'i ting 'dzin dang 'grogs nas rdog rgyal rtse'i sar gsar ma'i rgyud man ngag dang bcas pa la gsan pa mdzad/ nyi shu rtsa gnyis pa la jo mo rgya gar dngos grub kyi rten du bzung / nyi shu rtsa bdun la 'khon grags pa rgyal mtshan dang / bla ma stag so ba bsten nas rgyud gsum gdams ngag dang bcas pa dang / bde mchog mal gro lugs mkhyen par mdzad/ kha rag gi 'brug ston grags pa la bde mchog dang / rje btsun mar lugs/ ye shes mgon po sogs zhus/ zhang g.yu brag pa dang gzhung gi rdog rdo rje seng ge la sogs te mkhas grub kyi bla ma mang po bsten nas mdo rgyud du ma la thos bsam phyogs med mdzad/ tshig don chen mo zhes bya ba'i bstan bcos kyang mdzad de dgung lo lnga cu rtsa drug la gshegs/ pur sbyangs pas gdung rigs lnga byon/ 'ja' tshon gyi gur phub/
- 122a
/ cho 'phrul zla ba la khug chos me tog skyes pa sogs byung ngo // 'di sgra thal 'gyur nas phyag rdor gyi sprul pa badz+ra pa lar lung bstan pa la ngos 'dzin par grags so// de'i slob ma gu ru jo 'ber ni gcung po zla ba 'bum gyi sras yin/ lo bdun man chad lkugs pa 'dra bar yod pa la/ brgyad nas shes rab me ltar 'bar/ bco brgyad kyi bar du khu bo nyi 'bum dang 'grogs/ gsang ba bla med kyi dbang khrid gdams pa dang bcas rdzogs par mdzad cing rgyud kyi bshad pa la thob pas sgro 'dogs gcod pa dang / man ngag gi don la sgom pa nyams su blang ba la brtson/ bcu dgu nas nyi shu'i bar sa sku lo tsA ba la rgyud gsum man ngag dang bcas pa dang / bde mchog mal gro lugs nyan/ dbu tshad la sogs pa'i rig pa'ang khong du chud par byas/ de bzhin du khro phu lo tsA ba las mi tra dzo ki'i gdams pa dang / chu mig pa las tshad ma bsdus pa/ bal po grags 'bum las do ha dang phyag chen kha 'thor sogs mkhas grub du ma las sde snod dang rgyud lung mang po lo sum cu rtsa drug tshun mnyan pas rig pa rno zhing zos pa shin tu mang bar grags/ bsgrub pa mdzad res yi dam gyi lha zhal mthong ba yin te thugs sgom pas mi gsung / lha sar jo bo la mchod pa phul dus 'od kyi thig le'i khong nas 'phags pa lag na pad+ma dang / rdo rje 'dzin pa zhal
- 122b
gzigs/ zo rengs shig tshe dpag med kyi zhal mthong bas/ nged cag la tshe'i rgyud med kyang kho bo legs par byung ba de'i byin rlabs yin gsungs/ de ltar tshad med pa'i mkhyen rab dang thugs rje'i mnga' bdag gis 'gro ba 'dren pa'i ded dpon du gyur nas drug cu pa la gshegs/ zhag bdun du 'ja'i dra bas 'brel/ sku gdung la oM AHhUM dang ring bsrel mang po byon to// de'i slob ma 'khrul zhig seng ge rgyal ba yin te/ g.yo ru gra'i bu so gad phreng gi grong du nyi ma rtse shar la 'ja'i gur phub cing 'khrungs/ lo dgu nas rigs sad de dag sdang dang mos gus dpag med shar/ bcu pa'i tshe snang ba 'di rmi lam lta bu sgyu ma lta bu la sra zhing 'thas 'thas 'dra ba mi bden snyam pa dang / bcu gnyis pa la 'khor ba la skyo ba tshad med pa skyes nas chos 'ba' zhig las gzhan gang gis kyang mi phan par nges shes rnyed/ bcu gsum gyi zo rengs nyi zla dus gcig la shar ba'i rmi lam sad dus/ 'phags pa thugs rje chen po'i zhal mthong / tshe gcig gis grol ba snying tig gi don sgoms shig gsungs/ de nas bzung snying rje phyogs med du rgyas/ 'gro ba kun la bu gcig pa'i 'du shes shar/ rkyen re la brten nas gzhan la mtho 'grogs dang khyad gsod mi byed pa'i dam bca' byas/ lus kyi srin bu dag snying rje chen pos mi 'dor zhing / long sbrang dang dman pa kho na la
- 123a
byams pa sogs theg pa chen po'i rigs sad pa'i rtags khyad par can mnga'/ bco brgyad la snang ba bden med du rtogs pas smyon pa khro langs pa lta bur song ste/ pha mas lha gsol ba'i yo byad gsar pa gtor zhing / pho gdon rgyal po mchod/ mo gdon bsen mo mchod/ ces byas pas/ khyod 'dra ba'i bu skye ba zer 'thab/ nyi shu la mkhan po lde'u skang pa dang / slob dpon bkras skrang pa las rab tu byung / nyi shu rtsa lnga lon tshe sri zhal gyi seng+ge rgyab tu byon/ seng+ge rgyab pa bar pa las tshal pa'i chos bskor/ bla ma tsa ri pa las seng+ge 'dzing bsnol/ ral pa dri me 'od/ lha ri dpal/ gzhon nu 'bum/ ton char/ byang yon/ jo sras su grags pa rnams la gsang sngags gsar rnying / zhi byed/ gcod yul/ phyag chen mang du nyan/ khyad par thugs rje chen po'i lung bstan bzhin gu ru dzo 'bel las rdzogs pa chen po thos pas rtogs pa thod / rgal du skyes/ khro bo ma la sogs pa'i ri khrod dang lung stong rnams su lo mang po'i bar du bsgrub pa kho na la gzhol bas dgongs pa ka dag gi sar gshegs/ skal ldan mang po smin grol la bkod nas/ drug cu rtsa bzhi pa la theg pa mchog gi 'bras bu thob pa rtags khyad par can rnams mngon du bstan nas gshegs so// de'i slob ma grub chen me long rdo rje ni/ sgrags kyi phur rnal 'byor pa bsam ye'i sras su btsas/ lo
- 123b
dgu na grub thob za lung pa dang / mkhan po se lung pa las rab tu byung / de dus gshin pa'i dge rtsar yum rgyas 'bring bsdus gsum kho na sgrogs pas lo bcu drug pa'i dus sgrags kyi phu'i zhogs steng bya bar brgyad stong brgya rtsar mdzad pas gnas lugs kyi don rtogs/ zangs tshor sgoms pas nyams 'bar zhing mngon shes phra mo'ang shar/ de nas phyogs med du 'grims te/ mtshur phu'i ngo bo ras pa sogs bla ma mang po bsten/ sha 'ug stag sgo dang / mkhar chu la sogs pa'i gnas chen mang por byon/ nas bre gang gi zla ba gcig dang zhag nyi shu'i 'tsho ba byas pa sogs dka' thub la shin tu bzod pa zhig yin/ dka' ba spyad pa'ang bsam gyis mi khyab/ lo bco brgyad pa'i tshe seng+ge rgyal ba sangs rgyas dpon po mjal nas man ngag snying tig thob/ de man ngag gis 'tshengs bsam pa'i spobs pa skyes te sgoms pas sngon 'gro'i dus rang nas zhag drug tu rdo rje sems dpa'i zhal nyin mtshan med par mthong / dngos gzhi'i dus brgyud pa'i bla ma rnams rmi lam du mjal nas byin gyis brlobs/ nyi shu rtsa gsum par sangs rgyas ras pa la rdo rje phag mo la sogs pa'i gter chos du ma gsan nas sgrubs pas/ rdo rje phag mo mngon sum du mjal/ brag la gsang rdor bsnun pa thim gyis song / rta mgrin/ sgrol ma/ spyan ras gzigs/ slob dpon chen po/ kun tu
- 124a
/ bzang po/ rdo rje sems dpa'/ bi ma la/ za lung pa/ sangs rgyas ras pa/ 'gro mgo ba phag gru rnams zhal gzigs/ dung lung du mkha' 'gro'i sgra shin tu snyan pas skyes rgyun chod pa'i lung bstan/ ka ba can du phag mo dmar mo dang / grub thob za lung pa nam mkha'i klong du mjal/ ngar chung na bzhugs pa'i tshe rmi lam na phag mo gtso 'khor lnga mthong / der man la sad tsa na/ 'od kyi phag mo dngos su gzigs/ skyabs gnas rdzong du rdo rje sems dpa' rmi lam du rdzogs pa chen po'i dbang bskur/ spyir bla ma mang po bsten cing khyad 'phags kyi bla ma bcu gsum bzhugs/ bka' drin 'gran zla bral ba grub thob za lung pa/ mtshur phu'i ngo bo ras pa/ 'khrul zhig seng ge rgyal ba las snying po'i don rnyed pa yin/ 'di brtul zhugs shin tu che bas zhig po'i spyod pa blang dor med pas gsang ba sngags kyi dam tshig la sgra ji bzhin par spyod nus/ rgod phrug nam mkha' la lding ba mthong bas rig pa brtul zhugs kyi ngar thogs nas nam mkha'i lam la 'gro ba dang / brag la 'dam lta byed pa byung / mkhan pa ljongs dang / mkhan pa gling dang / seng+ge rdzong dang / mkhar chu rnams su bsgrub pa'i rgyal mtshan btsugs shing 'gro don mdzad/ tshe tshad sum bcu rtsa bdun yin pa la/ slob dpon kun dga' zhes pa'i skal ldan zhig gis gsol ba thebs pas/ dgung lo drug
- 124b
cu rtsa gcig pa la dur khrod la khar gshegs pa'i tshe 'og chen po sgra dang bcas pa nub phyogs su yul pa kun gyis mthong / pur gyi rnam pa sbyang dus/ nam mkha'i lam nas pur khang la 'od lnga'i snam bu bskyang ba sogs ngo mtshar ba'i lhas dpag tu med pa byung zhing / sku lnga thob pa'i rtags kyi gdung yang rgyud las ji skad bshad pa bzhin byon to// 'di grub thob u rgyan pa dang dus mtshungs/ oM rgyan pa bcu phrag lhag bcas kyi skyes la sku tshe yang ring ngo // me long ba'i slob ma ni rig 'dzin ku ma ra dza ste/ g.yo ru 'on par gsar rdzing kha zhes bya ba'i grong rdal du 'khrungs/ thar pa brgyan du btags/ chung ngu nas dad pa dang snying rje dang shes rab la sogs te 'phags pa'i nor gyi khyad chos mang po mnga' bas klog yig ma bslabs par mkhyen/ lo bdun pa la kong po 'or shod mtho stengs dgon pa'i bla ma dgyes rdor pa las/ kye rdo rje dang / bde mchog gi dbang zhus/ lo dgu pa'i tshe mkhan po gtsang ba las yongs rdzogs kyi dge bsnyen blangs/ spyan ras gzigs 'khor ba dong sbugs kyi chos skor la sbyangs/ bcu gnyis pa la phag mo gru'i mkhan po yer ba pa dang slob dpon mnga' ris pa las rab tu byung / mtshan gzhon nu rgyal por btags/ 'dul ba bslangs/ rin po che grags ye pa las lo lnga'i bar du na ro chos drug la sogs pa dang / mtshar stengs pa las
- 125a
/ brtag gnyis nyan/ dben sangs she las bzo rig pa bslabs/ yi ge drug pa bzlas pas shel gyi khang bu zhig na thugs rje chen po zhal 'dzum pa mthong / khyung nag shag dar las rnying ma'i rgyud lung man ngag mang du zhus/ ngang phug tu me long rdo rje dang mjal/ phyag rgya chen po'i khrid zhus pas sems cer mthong du ngo 'phrod/ de nas grub chen pa mon gyi mkha' 'gro gling la gshegs pa'i phyag phyi la byon/ rdo rje phag mo'i chos skor sogs zhus nas bsnyen par mdzad pas/ tshes bcu'i nub cig oM rgyan pad+ma dang mjal/ e ma rigs kyi bu/ rtag tu chos gyis shig gsungs/ de nas mtshur phur byon nas gnyen ras dang dar ma mgon po las karma pa'i chos skor rnams zhus/ de nas la stod ding ri dang / spud trar byon pas/ grub chen oM rgyan pa dang / rje karma pa rang byung rdo rje dgung lo bdun pa rab tu byung ma thag pa dang mjal/ oM rgyan pa las gdams pa mang du nod/ de nas lo 'ga' na oM rgyan pas gnyen ras las snying tig zhus pa'i zla la tshang bar thob/ rgya sman pa nam mkha' rdo rje las gsang skor gnad kyi ngo spros dang / skal ldan pa chos kyi seng+ge la gsang ba gnas kyi me long sogs rdzogs chen gsang skor zhus/ slar mkhar chu grub chen me long rdo rje gsar ba snying tig dbang khrid gdams pa dang bcas pa legs par thob/ 'bul rgyu gzhan
- 125b
med pa lus ngag gi zhabs tog dang / dbyar ril po gnyis su ri mo mdzad/ khal bzhi bzhi gnang ba'i gnyis gnyis kyi shog bu nyos mtshan mo dpe rnams bris/ phyed pos mar me dang gsol mdzad pas// dka' thub kyi mthus shig nad drag po gcig byang / byin brlabs dad pa'i rjes su 'brang bas thugs dam yang khyad par can 'khrungs/ bla ma mnyes nas 'gro don gyis shig pa'i rjes su gnang ba thob/ dbang gral du bla ma'i dbu'i bar snang la mgon po phyag bzhi pa dang / sgo'i zad na e ka dza ti mthing mdog dbyug dang sbrang mo bsnams pa bongs nyis thog tsam pa/ phyi ngos na las kyi ma mo khrag bcus nas 'thung ba rnams mthong / lo brgyad du bla ma 'du 'bral med par bsten/ oM rgyan gyi sgrub gnas smyug tshal spug tu dgun thog cig bzhugs pas rdo rje phag mo'i zhal gzigs/ de nas shes rab phyogs med du rgyas/ re zhig yar klung mtshar stengs kyi ri khrod btab nas bzhugs/ de nas bla ma 'da' bar mkhyen nas mkhar chur byon tsa na/ bla ma'i sras gnyis sa skyugs su 'dzom/ slar log nyi shu lnga'i dus mchod btsugs/ rtswa ri la byon pas krig mo lha'i ne gsing gi rdo sku la 'ja' tshon sna lnga zug pa sogs byung / de nas mtshur phur chos rjes gdan drangs te snying tig gi gdams pa rnams phul/ shangs su byon nas lce sgom nag po'i rgyud pa
- 126a
slob dpon sgom pa la gsang skor snyan rgyud rnams dang bsam gtan mig gi sgron ma zhus/ ding ri sna dmar du dpon po byang sgrub la yang dgon pa'i ri chos rnams nyan/ oM rgyan pa rang byung dpal dang yang mjal/ mar lam bla ma bkra lung pa la gshin rje dgra nag la sogs pa zhus/ slob dpon ye mgon la sogs pa bshes gnyen mang dag las gsang skor dang / rgod tshang ba'i khrid kyi skor/ a ro'i khrid mo che don skor la sogs pa bod na grags pa che ba'i rdzogs rim phal mo che khong du chud/ chos phyir dka' spyad bzod pas rtswa ri gsar ma bgrod nas rnying ma'i g.yu mtsho 'gram du gcig pur zla ba brgyad bzhugs// cho 'phrul chen po byung ba gshis thog tu ro snyoms pa gzhi bdag dbang du 'dus nas khang par gdan drangs bsnyen bkur byas/ dzam b+ha las nor bu byin/ mtsho nang du 'od lnga'i lbu ba sel po tsam gcig thim 'gro ba gzigs/ thugs nges 'byung dang skyo shas kyis rgyud rlan pas dus rtag tu sham po la sogs gangs khrod dang lung stong 'ba' zhig tu lhags skyob tsam la brten nas bzhugs pas slob ma'i tshogs mang po 'khor ba mtha' can du mdzad/ sprul pa'i skur gdon mi za ba karma pa rang byung rdo rje dang / rgyal ba klong chen pa gnyis rdzogs pa chen po'i slob ma'i gtso bor gyur pas bstan pa 'di spel ba'i 'phrin las la mu mthar ma
- 126b
son/ de skad du 'bri gung pa chos rgyal rin chen phun tshogs kyis/ chos 'di'i bstan pa'i bdag po kun mkhyen klong chen pa yin/ rgyal ba rang byung rdo rje'i dus 'phrin las rgya che zhes gsung pas mtshon no// byang chub sems dpa'i spyod pa la shin tu goms pas snying rje chen po'i dbang gis grong dang yul 'khor mang po dag la'ang thabs la mkhas pas thar pa'i sa bon 'debs pa kho na lhur mdzad cing / kong po nas e la thug gi bar 'jigs pas nyen pa'i lam phrang la 'gro ba dag gi dbugs 'byin pa dang / ri dwags dang nya la sogs pa'i sems can nyam chung ba de dag la thugs shin tu brtse bas bdog pa la 'phang sems med pas ri rgya dang / lam rgya dang / chu rgyal la sogs pa mdzad nas bde 'jam la bkod/ gang du bzhugs pa'i lung pa dang / yul grong thams cad kyi sad ser yams nad la sogs pa zhi bar mdzad cing phan pa 'ba' zhig lhur len/ snying tig gi gdams pa rdzogs rim gzhan dang ma 'dres par rang skad kyi grub mtha' slang ste 'chad nus pa dang / shangs la rme ba a'i ri mo can mnga' ba dang / sngags bdag gza' dang dam can rnams kyi bka' la nyan cing mi dang mi lab pa bzhin du yod pa dang / mngon par shes pas gdul bya'i bsam pa mkhyen nas 'dul lugs mkhas pa dang / gzhan rgyud byin gyis rlob
- 127a
nus pa dang / rjes su bzung ba'i skal ldan kun la 'das dus rtags khyad par can 'byung ba sogs slob dpon bi ma la'i sku'i bkod par grags shing thal 'gyur las dge slong dpal ldan zhes lung bstan to// de ltar don gyi 'gro don bsam gyis mi khyab pa'i ngang nas bdun cu rtsa brgyad pa chu mo lug gi lo'i ston zla 'bring po'i nyi shu lnga la sgra dang 'od dang / gur khyim la sogs pa'i rtags ngo mtshar ba dang bcas sku gshegs pas/ nye gnas sgom dar la sogs pa drung na yod pa rnams kyis mos gus chen pos gdung bskyed pas slar bzhengs te skyil mo krung bcas/ zhal 'dzum pa'i ngang nas khyed rnams mya ngan ma byed/ nga shi ba min gsungs nas gdams ngag dang zhal ta ci rigs pa byon/ zhag bcu gsum sku tshe slar la bsrings/ der tshes bdun gyi nyin gshegs pa'i phyir ji ltar bgyi/ bla ma kun mkhyen pa gdan 'dren nam zhus pas/ khong 'o brgyal du ma 'jug/ da bzod chos kyi zhun mthar mchod pa yod na der song / kha ta mang po snga nas byas zin cal col ma sgra gsungs/ drang srong tsog pu'i 'dug stangs dang / chos sku'i gzigs stangs kyi ngang las zhal 'dzum par mdzad de/ tshes brgyad kyi tho rengs kha na gdod ma'i grong khyer ga la ba der gshegs so// nyi shu lnga la pur bzhu bas dbu thod ril por byon pa'i nang na rigs lnga'i
- 127b
tshom dkyil dang / snyan gong g.yas na rje btsun ma mthing ga tshon gang ba/ gdung rigs lnga dang / ring srel la sogs pa byon cing 'ja'i gur gyi 'khor ra khor yug tu dkrigs so// de la rgyal ba'i dbang po karma pa rang byung rdo rje ni/ 'phags pa spyan ras gzigs 'jig rten du dngos su byon pa ste/ chos kyi dbyings nas ye shes kyi mkha' 'gro ma rnams kyis rdo rje'i glus bskul nas sems can rnams la tshad med pa'i snying rjes gzigs te stod lung du rgan rgon gnyis kyi bu shi ba'i ro la grong 'jug gi rnam pas gshegs tsa na/ shi mi gson la blta ba ltas ngan yin zer nas mig khab kyis gtsags/ dal 'byor gyi chos brgyad tshang pa'i lus las gzhan du gyur pas slar 'phos te/ rnal 'byor pho mo gnyis kyi bur srid pa bzung / sngon gnas rjes su dran pa la sgrib byed skra'i rtse mo tsam yang med pas mngal gyi dri mas gtan nas ma gos pa rgya gar na shAkya thub pa dang / bod du skyes bu chen po 'di las med par grags/ rgya bod gnyis kar sangs rgyas kyi bstan pa'i srol shing gcig pur bzhugs/ bsam yas mchims phug dang g.ya' ma lung sogs nas tshe chu'i gter bzhes nas gong ma rgyal po'i tshe bsrings/ bi ma la mi Ta rang gi mdzod pur thim pa gzigs pa'i mod la snying tig gi dgongs pa ji lta ba bzhin mngon du gyur/ 'on kyang gsang sngags bla ma la
- 128a
// bsten pa'i mig ltos tsam ston pa'i slad du gcom bsnyungs nas rig 'dzin ku ma ra dza las gsang ba snying tig gi man ngag yongs su rdzogs pa gsan/ 'di ni slob dpon chen po pad+ma las brgyud pa zhig 'ong thang dgongs pa'i tshe slob dpon sangs rgyas gnyis pa zhal gzigs/ man ngag snying tig dngos su thob kyang tshig rgyud la nan tan du bya ba'i phyir sho'i rgyal sras legs ldan pa spyan drangs nas rtswa ri dgon gsar du rdzogs par gas na/ slar slob ma rnams la rtsal du ston nas gsungs/ bka' las chos 'di lta bu nub tu 'phangs pas g.yung ston rdo rje dpal gyi gtsang ye rgyal pas khams kong ye shes rgyal mtshan pas hor dang rgya nag/ sbrul sku bas dbus su dar bar gyis zhes sman lung pa shAkya gzhon nu sogs la rjes su gdams/ sa la gnas pa'i byang sems kyi/ rgya mtsho'i bar du spel par byed/ ces pa de yin par grags/ kun tu bzang po thugs kyi klong na rang gsal te dgongs pa'i gter mdzod chen po la dbang bsgyur nas karma snying tig ces grags pa'i gdams pa yang byung / 'di dag kyang bstan pa'i chu mgo gcig yin no// rgyal ba gnyis pa dpal bsam yas pa kun mkhyen ngag gi dbang po'am/ klong chen rab 'byams ni/ g.yo ru gra'i cha stod grong du ngan lam btsan po 'od kyi dkyil 'khor can zhes bya ba ma smad
- 128b
pa'i rigs kyi yon tan can no// rus ni rog ste sad mi bdun gyi nang tshan dz+nyA na in+da rak+Shi ta'am/ bod skad du ye shes dbang po bsrungs pa slob dpon chen po'i dngos slob dge slong rgyal ba mchog dbyangs dang gdung gcig pa'i rabs nyer lnga pa/ mes po lha bsrung zhes bdud rtsi'i bcud len grub pas lo brgya dang lngar 'tsho ba de'i sras slob dpon bstan pa srung zhes rig gnas dang / sngags kyi rnal 'byor la rang byan / chud pa zhig/ 'brom ston rin po che rgyal ba'i 'byung gnas kyi gdung las byon pa 'brom bza' ma bsod nams rgyan zhes bya ba dang 'dus pa las skye ba'i myu gu bzung ngo // de'i tshe yum la seng ge chen po gcig gi dpral pa na nyi ma'i 'od zer 'bar bas srod pa gsum lhag ger gsal ba zhig rang nyid la thim par rmis so// de nas rab byung lnga pa'i phur bu sa sgre dbo zla'i tshes bcu'i nyin mngal gyi chu 'dzin las rnam par grol/ gzhon nu don grub la lha'i dbang pos bya ba bzhin du nam gru re ma tis ngas bsrungs pa yin zhes lag tu blangs/ slar yum la gtad nas mi snang bar song / 'di ltar byang chub sems dpa' ni 'phags pa'i nor gyis gdod nas phyug pas dad pa dang / snying rje la sogs pa'i yon tan sgrib med du gsal/ lo lnga nas bris klog legs par mkhyen/ yab las bka' brgyad bde 'dus/ phur pa/ rta mgrin/ bla ma'i
- 129a
las gzhung sogs bsgrub 'phrin mang du gsan/ sman rtsis la sogs pa'i rig pa'ang khong du chud/ dgu pa'i steng du nyi khri dang brgyad stong brgya tshar bton pas lhag med du thugs la 'dzul/ bcu gnyis pa'i tshe bsam yas pa mkhan po bsam grub rin chen dang / slob dpon kun dga' 'od zer las rab byung gi dngos po brnyes/ mtshan tshul khrims blo gros su grags/ dam pa'i chos 'dul ba la legs par sbyangs pas lo bcu bzhi par bshad pa'i ba dan bzung chog pa byung / bcu drug par slob dpon bkra shis rin chen las lam 'bras dang / chos drug gnyis/ phag mo chos drug/ bde mchog dril bu ba/ phyag rdor 'khor chen la sogs pa'i dbang khrid gdams pa mang du nyan/ slob dpon dbang yis ston tshul khro phu pa la sogs par/ bya spyod/ rnal 'byor/ rdo rje gur/ mkha' 'gro rgya mtsho/ sangs rgyas thod pa/ rdo rje phreng ba/ dus kyi 'khor lo la sogs pa'i sngags rgyud mang po dang / rin po che za lung pa sogs la zhang tshal ba'i gdams skor/ rgod tshang ba'i lam khrid/ gcod yul/ zhi byed snga phyi bar gsum la sogs pa mang du nyan/ bcu dgu par gangs ri'i khrod na tshad ma smra ba'i rig grwa chen po rdog legs pa'i shes rab kyis legs pa bskrun pa'i gnas gsar phu ni'u thog gi ma la ya'i nags klung chen por zhugs nas gling stod
- 129b
gdan rabs bco lnga pa slob dpon btsan dgon pa dang / gdan rabs bcu drug pa bla brang ba chos dpal rgyal mtshan gnyis las/ byams pa'i chos lnga/ tshad ma sde bdun par phyin/ dbu ma la sogs mtshan nyid theg pa'i lung rig gi pad+ma'i rtsa ma mngar por gyur pa dag lo drug gi bar du lhag ma ma lus par zos pas blo gros chen po'i lus kyi stobs lhag par rgyas/ dbang lo blo gros brtan pa las mdo ting 'dzin rgyal po la sogs pa'i zab chos mdo lnga/ shes rab snying po rgya cher 'grel pas mtshon pa'i lung phran mang po sogs nang pa'i gzhung / sgra dang snyan dngags dang sdeb sbyor dang / zlos gar la sogs pa phyi rol pa dang thun mong du gyur pa'i gnas thams cad la zos bsam mthar phyin pa'i rnam gzhag ring por bskyang / shes rab kyi lha 'jam pa'i dbyangs/ mtsho ldan ma/ mi g.yo ba/ phag dkar rnams la bsgrub pa mdzad pas kun kyang zhal gzigs/ khyad par sgra dbyangs lha mos phyag mthil du bzhag nas gling bzhi ri rab dang bcas pa zhag bdun du bstan cing lung bstan thob/ lhag pa'i lha de dag gis kyang thogs pa med pa'i blo gros kyi dngos grub chen po'i gnas gang yin pa'i dra ba dang dra ba phyed pa'i 'phyang 'phrul dang / rin po che'i tog gi rnam par dpyangs pas/ brgal ba dang brtag pa dang / rigs pa'i thal 'gyur gyi sgra chen
- 130a
/ pos sa 'di g.yo ba tsam du gyur nas/ rgol ba ngan pa'i khyu mchog rwa gcig pa'i brtul zhugs 'dzin pa rnams bsgrub pa dang / sun 'byin pa'i rkang pa mchog gis rnam pa rdzi ba dang / rnam par 'thag pa dang / rnam par nyams nyes par byas nas cang mi smra ba'i gnas la bkod pas bsam yas lung mang po'am/ klong chen rab 'byams zhes pa'i mtshan gyi rnga bo che mkha' 'gro ba dang mi ma yin gyi gnas su'ang grags pa gsal ba nyid do// de ltar lung dang rig pa'i gnas rgya chen po la mi 'jigs pa'i nyams brtas par gyur na'ang / 'di ltar skyes bu chen po rnams ni rnam par grol pa'i lam la gang nye ba'i phyogs la 'jug pa brtsom ste/ phyogs dang phyogs bral gyi gnas su lhags nas byang chub sems dpa' rtag tu ngu'i rnam par thar pa la yid gzhungs pas/ bla ma dang dge ba'i bshes gnyen du ma las mdo dang / rgyud dang / man ngag mang du zhus nas zos pa dang bsam pa'i blo gros cher bskyed/ gangs ri'i khrod na gzhung lugs dang man ngag mang du gnas pa la phyogs dang ris su bcas pa spangs te/ bung ba gzhon nus sbrang rtsi'i snying po la bya ba bzhin du/ dan bag pa slob dpon gzhon nu don grub/ myos mthing ma ba/ sangs rgyas grags sogs bla ma bzhi la mdo sgyu sems gsum rnying ma rgyud 'bum gyis gtsos mang dag gsan pas sngar 'gyur
- 130b
rdo rje theg pa'i grub pa'i mtha' chen po gcig tu 'jug pa'i rten 'brel shar/ phyis gsang ba'i snying po la snying tig dang mthun pa'i TI ka phyogs bcu mun sel nyi zla'i sprin gyi snang ba zhes bya ba dang / spyi'i khog 'bubs gnyis mdzad/ gsang snying 'grel pa spar khang kyi lugs ltar 'chad pa mi legs kyi/ rong zom kyi lugs ltar legs pa yin zhes gsungs/ lar g.yung 'brel dang bcas 'di gsum rang bshad sgoms che bar snang / slob dpon gzhon rgyal la sogs par dbu ma tshig 'jug la sogs 'phags skor rnams tshang ba dang / gzhon rdor la spyod 'jug dang bslab btus la sogs pa/ jo bo'i yi dam skor/ sbyor drug chos drug/ mkhan po las khro phu ba'i skor/ kha rag chos skor/ sgrub thabs rgya mtsho/ chos 'byung brgya rtsa/ 'dul ba lung la sogs shin tu mang ba/ rje rang byung rdo rje las/ sbyor drug gegs sel dang bcas pa/ nA ro/ chos drug/ sku gsum ngo sprod// rgyal ba rgya mtsho/ spyan ras gzigs rgyal po lugs/ gsang 'dus/ sam+b+ha Ti/ ma hA ma ya/ gshin rje gshed dmar nag sogs chos bka' rgya chen po slob dpon dbang tshul las sbyor drug dang / bsnyen bsgrub/ rlung skor la sogs pa mang po/ sa skya pa bla ma dam pa las/ sems bskyed chen mo dang / lam 'bras sogs sa skye ba'i chos zab dgu gsan cing / 'di la gzhi lam 'bras bu
- 131a
/ gsum gyi rnam par gzhag pa'i zhu yig rin po che gser gyi mchod sdong zhes bya ba'ang phul ba snang / zhi byed rgyud pa rma so kaM gsum du grags pa'i slob rgyud shug gseb ri pa gzhon rdor las/ do ha skor gsum/ ri chos skor gsum/ rten 'brel brgya rtsa la sogs mdor na gangs ri'i khrod na grags pa'i grub pa'i mtha' phal mo che thugs su chud cing / 'chad rtsod rtsom gsum la thogs pa med pa'i thugs rab skyes/ tha snyad kyi rig pa/ mdo sngags kyi gzhung lugs/ man ngag gi skor sogs gang la'ang rang byan chud par mdzad do// 'di ltar skyes bu chen po rnams ni/ thos bsam gyi mtha' sgrub pas nyams 'og tu btsud nas rnam pa thams cad mkhyen pa'i ye shes kyi 'bab stegs nyid du mdzad de/ de la rnam pa kun tu 'khol ba'i rang bzhin la thugs skyo shas dang nges 'byung tshad med pas sngon gyis sangs rgyas dang byang chub sems dpa' thams cad kyi bsngags pa'i gnas nags khrod dang / bas mtha' 'ba' zhig don du gnyer ba'i dgongs pa gtod pa'i tshe/ bcom ldan 'das kyis nges par 'byung ba'i rkyen bzhi gzigs pa bzhin du/ gra sa der khams pa'i gra pa dag gis gzu bor mi gnas pa'i spyod pa ngan pas thugs nges par 'byung ste bya bral gyi kun tu spyod pas gshegs par nye ba'i tshe/ mkhan slob rnams skyes bu dam pa 'di'i rnam
- 131b
dpyod la dkon pa'i 'du shes bzod par dka' bas nan gyis bshol btab na'ang / sems can gyi bsod nams las gzhan don rlabs po che'i 'phrin las kyi 'jug pa dus las ma yol bas bshol ma thebs par chas tsa na/ rdog lo chen po'i gdung rten rtsar dge 'dun dpyod ldan pa zhig dang phrad/ khong gis kyang bshol btab cing skyo ba'i rnam pa ston pa la gnas tshul rnams bshad pas/ khong yang khams pa'i tshogs la 'khun par byed cing / da cis kyang gshegs na rang re la rtsom pa ni thogs rdug med/ khams pa rnams la ngan smras zhig 'jog par 'tshal zhes bskul bas/ ku re'i tshul du shog bu bre kha gcig la shong zang bris pa khong gi khyer nas chos ra'i khri la sbyar ba khams pa rnams kyis rig ste mthong du ma ster/ ka ling yul du srin po rgyu ba bzhin/ zhes pa la sogs pa ka tha sum cu pa 'di rgyal khams kun tu dar ro// de nas nges pa med pa'i gnas su 'khyams/ zhing sgrub pa 'ba' zhig lhur mdzad pa las rgya ma'i cog la pra phug tu zla ba lnga mun pa'i rnal 'byor la bzhugs pa'i tshe/ sil snyan gyi sgra glu dbyangs dang bcas pa zhig gsan pas/ de la blta ba'i snang ba shar tsan bud med lo bcu drug pa za 'og gi 'jol ber dang gser g.yu'i rgyan gyis spras shing / bse khrab dril bus brgyan pa'i rta la bcibs pa gdong gser gyi dra bas g.yogs pa
- 132a
// zhig dang mjal/ de'i thu ba nas 'jus te 'phags ma rjes su 'dzin pa zhu zhes btud pas/ rin po che'i dbu rgyan cig 'dug pa phud nas kun mkhyen pa'i dbu la bkon/ deng nas dus rtags tu byin gyi rlob cing dngos grub sbyin no gsungs/ bde gsal mi rtog pa'i ting 'dzin la yun ring por 'byams/ man ngag rdzogs pa chen po'i chos dang mjal ba'i rten 'brel bsgrigs/ de nas nyi shu rtsa dgu par bsam yas su phebs pa'i dpyid sos bla ma dam pa ku ma ra dza yar stod sgyum gyi phu na bzhugs pa la gtad de byon pas/ lam du g.yag sde pa Na chen dang mjal nas/ rje drung karma pa'i drung na deng zhes bskul na'ang mnyan par lhags/ yar stod sgyum gyi phu na rig 'dzin pa slob ma'i tshogs cha ther lhag skyobs bdun cu tsam dang / bcas pa bzhugs pa dang mjal/ mdang lha'i bya yin zer ba'i bya ya mtshan can zhig la bya bran mang po'i tshogs dang bcas byung nas nga'i dpe cha rnams phyogs mtshams thams cad du khyer song bar rmis pas rgyud pa 'dzin pa gcig 'ong gsungs nas shin tu mnyes/ der chos khra 'degs rgyu med pas thugs la skyo ba dpag tu med pa 'khrungs/ chos khral la 'thogs nas bla ma'i drung nas 'gro dgos pa nga las med pas nyin par 'gro ba ngo tsha/ sang nam ldang tsa na lung pa 'di'i mda' la slebs par 'gro dgos dgongs
- 132b
tsan bla ma'i mngon mkhyen gyis dgongs nas 'di'i chos khral nang nas 'debs pa yin pas ma gcor zhes gra pa gnyis kyi bsgyur byung bas dga' ches/ rig 'dzin pa de slob ma'i tshogs la skyo ba skul phyir gzhi mi 'dzin pas lo de'i dpyid sos lung stongs gcig nas gcig tu 'pho skus lan dgu mdzad pas/ gzhi re zin dus 'pho dgos pa 'dra des rang la na bza' dang bza' btung gnyis ka med/ nam zla dang gangs rtsa yul shin tu grang bas lung sems la ngal dub dpag tu med pa byung / phye bre gsum dang dngul chu ril bu ril ma tsam nyi shu rtsa gcig las med pas des zla ba gnyis kyi 'tsho ba byas/ kha ba babs dus 'bog gi dod skye gcig yod pa de'i nang du zhugs nas gos stan gnyis ka'i go bcad pa sogs chos phyir dka' ba spyad pa bsam gyis mi khyab/ lo der rdzogs pa chen po gsang ba snying tig gi dbang khrid gdams pa dang bcas pa thob cing sgoms phyi lo de dbang gong ma dang / rdzogs chen sde gsum gyi rgyud lung man ngag bstan srung dang bcas pa bum pa gang byor gnang nas bstan pa'i rgyal tshab tu dbugs 'byin mdzad/ lo drug gi bar du bsgrub pa'i dam bca' phul/ sum cu rtsa gcig pa la snying phu'i shug gseb tu snying tig gi sgo nas skal ldan du ma la smin grol mdzad/ rnal 'byor pa 'od zer go chas dka' spyad chen po
- 133a
mkha' 'gro snying thig gi dpe btsal ba gzigs phul ba dang mtshungs par/ gzims lam du shan pa srog sgrub mas glegs bam gtad/ sang phod sum cu rtsa gnyis par mchims phra'i ri mo can du bsgrub pa la zhugs dus/ skal ldan gyi rnal 'byor pho mo brgyad la snying tig gi gdams pa btab/ spros bcas kyi dbang gi dus byin phab pas/ rnal 'byor ma gcig la sngags srung ma mngon sum du bab ste 'khrab byung bas/ slob ma rnams kyis zil ma bzod par/ bla ma'i zhal nas 'dir mkha' 'gro babs pa yin pas a'u rtsi/ nga snang sems ro gcig tu rtogs pa'i rnal 'byor pa yin par chad mi 'ong gsungs/ de rnal 'byor mas bla ma la phyag byas/ dkyil 'khor la ltas nas rma bya ma 'dzem pa ga re zer/ yid kyi bsam pa yin gsungs pas/ brda'i chos la yid kyi ga na 'od zer/ yang bum pa'i stegs kyi many+dzi dor te bum pa gsum sbrel nas bzhag/ cho ga'i rnam gzhag zhib mo mdzad dus/ thal mo sbyar te legs so brjod/ rigs kyi yi go'i sa mtha' chad nas rig tu bos pa la/ min min rigs zer ba yin zhes dang / sngags bzlas dus nga'i lad mo gyis zer nas mkha' 'gro'i skad du 'brel la ma 'brel ba'i gdangs snyan po byas/ dngos gzhi'i skabs su/ blo sgom dang bral na dga' ba la/ blo sgom dang bral na a re sbrid/ ces don
- 133b
gyi lha sgom yi dpyod dang bral ba'i glu blangs/ mchod pa ngan pa la 'di mi sto zer/ mchod dbyangs snyan po byas/ tshogs kyi dus bla ma la bdud rtsi drangs dus/ 'di mkha' 'gro'i dam rdzas yin pas cis kyang brten dgos zer lhag med du drangs/ de'i tshe slob ma'i tshogs kyang nyams 'ur nas glu len bro brdung / tha mal gyi gnyid las 'das pa'i 'od gsal rtse gcig tu shar/ dpa' bo dang / mkha' 'gro dang / chos skyong / sna tshogs pa'i gzus brnyan mngon sum du mthong nas/ bud med nag mo gcig gis phye phud nyams zer ba dang / dam can pa mi dkar por bstan nas nga'i gtor ma la dmar rgyan chad zer ba dang / jo bo mdangs lha mi dkar rta dkar can du 'ong nas gtor ma 'dod pa la dmar gtor sbyin pas ma 'dod pa dang / mkha' 'gro'i tshogs kyis bla ma la gdugs 'bubs pa dang / skor ba byed pa dang hUM dang phaT la sogs pa'i sgradrag po dang / zug chem chen po sogs che 'phrul bsam gyis mi khyab pa byung bas/ rnal 'byor pa gcig gis do nub gnams ngo log pa 'dug/ sha dum khrag dum byed las che zer nas skrag pa sogs byung / bzhin du'o de gung rgyal dang gnyen chen thang lha dang / sman mo mched bdun la sogs gtor ma len du 'ongs/ rdo rje phag po sku mdog mthing ka rin po che dang rus pas brgyan pa mngon sum du byon nas dris pas//
- 134a
do nub dus gnyen pas las can gyi slob ma nyul du 'ongs/ bla ma dam pa sku khams bzang zer/ da lo sku chags bdo bas ji ltar mchis dris pas/ mkha' 'gro mas/ sangs rgyas kyi rnam 'phrul la bar chad ga na 'ongs/ gdul bya la dgongs pa yin/ bi ma la bod yul du byon pa mi shes sam zer/ da ci tsam bzhugs dris pas/ lug lo phyi ma'i bar bzhugs/ de nas gdul bya dang bstun pa'i nges pa med zer/ 'o na nga bla ma ku ma rA dzas gzhan don la bskul ba 'di bla ma la khyed kyis bskul lam dris/ 'o'o de ka de ka zer dus/ ngas gcig por bsgrubs nas 'ong lus sgrub bam/ gzhan don byas na sems can la phan thogs 'ong ngam/ lo ji tsam thub dris pas/ 'od lus 'grub kyang sems can la phan 'dogs dgos/ gzhan don 'ur 'ur/ da lo nas sum cu thub zer/ nga la bka' srung ji ltar yod dris pas/ mang mang bla ma'i thams cad khyed la yod/ khyad par rdo rje g.yu sgron ma zer/ de bzhin du 'gro don lho nub phyogs na yod/ tshe phyi ma 'di bas kyang 'gro don che zer/ 'o na mkha' 'gro snying tig nas bshad pa de yin nam/ dbang khrid gdab tu rung ngam dris pas/ 'o de ka de ka ma nor ma nor/ chos kyi bdag po khyed rang yin pa los los zer/ yang mi rnams kyis zog par 'dzin du ming 'ong ngam dris pas/ mi'i kha la gtad pa ci
- 134b
yod/ skal ldan rnams kho mos bsdud/ skal med sangs rgyas la'ang bskur ba 'debs zer/ snying tig gi chos bka' rdo rje g.yu sgron ma'i gnas su 'byed dam dris pas/ 'di na mkha' 'gro rang bzhin gyis 'du bas 'dir 'byed dgos zer/ bum zang gi gter kha'i lung yang gsal bar bshad/ slob dpon chen po dang mjal lam dris pas/ lung gsum gyi phu/ ri gsum gyi mda'/ brag chung nge ba kha nub tu blta ba'i g.yas zur du mjal zer/ bi ma la dang nam mjal dris pas/ mjal zin 'dug pa la zer ro// ngas rtogs pa'i lta ba 'di snying tig gi dgongs pa'i mthar zug gam dris pas/ mthar zug pa la nor 'khrul med zer/ slob dpon rin rdor gyis spang skang pa rin chen rdo rje ga na bzhugs dris pas/ bla ma la mdzub mo btsugs nas 'di na bzhugs 'dug pa zer/ der bla mas/ khong skye ba de'i 'og tu bum thang du skye ba la nga ga na yin gsungs pas/ de ka ltar skye ba min/ bar du longs sku zhing nyul dgos pa de slob dpon rin chen rdo rjes gter zon rjes lo 'ga' yar song nas bsgrub pa mdzad na rang don du 'od gsal longs sku'i rtsal sbyongs dang / gzhan la phan pa rgya chen po 'ong ba la/ ma song bas sku tshe mthar ma phyin/ da lta khyed du skyes dus 'od gsal gyi snang ba lam du khyer ba 'di ni longs sku'i zhing khams dar gcig nyul ba de
- 135a
/ yin zer/ ngas phung po lhag med e 'grub dris pas/ gcig pur bsgom na da lta 'grub/ gzhan don mdzad pas bar dor grol/ sprul pas bum zang du skye ba blangs gzhan don byas/ de'ang nub phyogs o rgyan gyi yul du gshegs nas sangs rgya ba'i tshul ston gsungs/ yang ngas snying tig gi phan thogs bi ma la dang / mkha' 'gro'i gnyis gang che dris pas/ gnyis kas phan thogs/ bi ma la rgya che lo brgya/ mkha' 'gro'i snying tig lo lnga brgyar gnas/ da nas mgo rtsom pa yin zer/ der bla ma yang thugs nyams 'ur nas sku bzhengs te rdo rje'i glu/ tshe 'di yang bde ste phyi ma skyid// bar do rang ngo shes pas bde// da ni bde ba'i bde bar 'gro/ glu mchod par 'bul lo dkon mchog gsum// thugs dgyes par mdzod cig mkha' 'gro'i tshogs// zhes pa'i mtha' can de gnang / da dung mkha' 'gro'i snang ba bsam gyis mi khyab pa mthong zhing de thams cad mthar bla ma la thim/ bla ma yang res longs skur gnas 'gyur ba sogs mthong / der nyer brgyad kyi nyin zhig/ lho nub mtshams nas slob dpon chen po sku mdog dkar gsal za 'og gi ber dang / sha ba'i gnyen zhu can 'khor dpag tu med pas bskor ba byon te bla mar thim pa mthong / de'i nub mkha' 'gro ma rus pa'i rgyan can nam mkha' la bun bun 'gro bas bla mar mchod pa byed cing /
- 135b
bud med smug nag gsum bro khrab pa dang / nged yong yod bde chen gyi gnas nas yong // las can gyi slob ma nyul du 'ongs// dam tshig gi gtsang sbra blta ru 'ongs// 'gro don mdzod cig rigs kyi bu/ zer ba dang / yang nang mchod mdzad pa'i dus slob dpon chen po'i g.yas na bi ma la/ g.yon na rdo rje phag mo/ mdun na mkha' 'gro ma mang po mi rkang 'bud/ rgyab na sngags pa mang po 'tshams/ mkha' 'gro ma gser gyi go zhub can mang pos glu gar byed cing bskor ba'i dbus na bla ma bzhengs nas// dga' bo skyid do rnal 'byor kun// dus do nub 'og min dag pa'i zhing // rang lus zhi khro'i pho brang na// stong gsal rgyal ba'i dkyil 'khor rgyas// sangs rgyas phyi na med de nang na yod// ces dang / sems gcig pur gnas pa'i bsam gtan pa// ye gcig la mi 'dzin gang bder thong // sems 'phro yang stong la gnas kyang stong // gang shar ye shes kyi rol pa yin// zhes pa la sogs rdo rje glu bzhengs/ de dus rdo rje g.yu sgron ma dkar mo mched bdun dang bcas pa byon nas nga'i gnas su gshegs pa zhu zer/ bla mas nga khyed kyi gnas su rgyun du sdod dgos gsungs pas/ rgyun du bzhugs na dga' ste dgun stod las mi bzhugs pa 'dra zer/ khyod nga la ci'i phyir 'gro dris pas/ gu ru'i dam 'og tu chud pas gter gyi phyi la 'brang zer/
- 136a
der chos ni pha gir yod/ 'dod mkhan ni shi/ 'dir ci byed byas pas/ chos pha gi na yod kyang don 'di na yod/ khyed tshe 'phos kyang skal ldan tshe ma 'phos pas yod pa yin zer/ bka' srung rnams lung bstan cing / 'di shin tu gnyan pas sku tshe la bar chad 'ong nyen yod/ khrid thebs nyung dga' zer/ nga'i gter shog rnams e yod dris pas/ sib sib nged rnams kyi yid bskul ba yin mod zer/ yang ngas khyed la dbu rur dngos grub byin pa mi dran nam zer/ sngar cog la'i brag phug gi de dran nas rdo rje g.yu sgron ma e yin byas pas/ min min rdo rje phag mo yin ngo ma shes sam zer/ 'di ni 'jig rten pa'i gzugs kyis 'phrin las byas pa dang 'das pa'i gzugs kyis mchog gi dngos grub ster ba'i rnam pa cha phyed dgos pa'o// 'di nas thig le gtso bor bshad nas dbang gsum rten can du bskur ba ji ltar lags dris pas/ des chags can lam du 'jug pa la dgos pa yin/ chags bral la yid rig tsam gyis chog gsungs/ ngo sprod kyi skabs su/ rtog pa skye med du 'jog pa dang / blo rtsis med du 'jog pa gang yin dris pas/ rtog pa la brtan pos ci byed/ ye grol klong yangs chen por ngo spyod cig zer/ 'o na snying tig 'di bshad mi mang po ni snang na ngas bshad ci dgos/ lung byed pa karma pa dang / rin chen gling pa
- 136b
sogs pa'ang 'dug pas so byas pas/ bshad tshul de dag la nged mi mgu/ lung dang rdza la'ang yod de/ des gar chog/ bdag po re yod pa de dgos pa yin mod zer ro// rin chen gling pa'i gter kha dris pas yin pa la yin/ dag rgyu med med zer/ ngas khyed ma bsgoms par grub pa'i rgyu dris pas/ nga la sgom pa'i lha 'dug gam/ bzlas pa'i sngags 'dug gam/ mchod pa'i yul 'dug gam/ rnal 'byor pa dam tshig dang rtogs par ldan pa kun la nga rgyun du yod pa mi shes sam/ khyod dang tshe rabs thams cad du 'du 'bral med zer/ mchims phur lha lcam gyi nor yod pa de ci 'dra zhig 'dug dris pas/ brag lha bshos 'dra ba rtse mo med pa gcig na 'dug/ da dung dus la ma bab zer/ bi ma la'i gter ji tsam na 'don dris pas/ da nas lo bco lnga na sngags pa dkar po gcig gis bton nas dar bar byed/ zab pa bod bzhi khyed rang gi lag na 'ong bar 'dug zer/ der zla ba chos pa'i tshes bcu gcig la rnal 'byor pa 'od zer go cha dpe len du btang nas lam du 'ong dus/ 'ja' tshon gyi dpe la zug cing 'khor ba dang / khyad par zung mkhar mda'i mchod rten gyi nye logs phyug po brag ces bya bar slebs pa'i mtshan mo ri mo can nas 'di'i bar 'ja' tshon kha dog sna lngas 'brel ba rnal 'byor pa pho mo kun gyis mthong ngo // der tshogs
- 137a
'khor skongs la sogs pa mdzad nas man ngag mkha' 'gro'i snying tig gi chos sgo phye/ mtshan mo'i 'od gsal gyi snang ba las chos sku'i dgongs pa ka dag gi dbyings su 'khyil tshul/ de'i rtsal snang longs skur 'char lugs/ phyir gsal las sprul pa'i sku 'gyid cing / rigs drug gi 'char tshul sogs 'od gsal gyi chos skad skra'o che dang / rtsis po che dag gis kyang phyogs mi mtshon pa'i ngo bo'i bzhugs tshul chen po gang yin pa bla ma yi dam mkha' 'gro'i tshogs kyi thugs rgyud la mngon du gsal bar byin gyis brlabs shing / mkha' 'gro mas ngo spyod cer mthong du mdzad/ de'i tshe man ngag mkha' 'gro'i yang tig gi yig cha mdzad dus slob dpon rin po che thugs bsgrub kyi cha lugs su byon/ g.yas na mtsho rgyal dang / g.yon na g.yu sgron mas tshig dpyod pa rnal 'byor ma mkha' 'gro'i mtshan rtags tshang ba gcig gis kyang mthong / khyad par du ye shes mtsho rgyal nyin zhag drug gi bar du dngos su byon nas mkha' 'gro'i snying tig brda don dpe gsum gyi ngo spyod gtad rgya dang bcas mdzad pas dmigs pa dang / ngo spyod lugs dang / brjod pa'i tshul ngo mtshar can snga na ma grags shing / yi ge na mi gsal ba mang po thugs la rang rdol du byon pas gangs ri'i khrod na gzhan snying thig gi yi ge zab mor grags pa ji snyed la'ang / kun tu bzang po
- 137b
gnyis pas chos kyi 'khor lo bskor ba'i dgongs gter rgya mtsho'i rdo rje'i gnas 'di na gsal ba'i zab gnad kyi cha shas kyang ma gos pa nyid du mthong bas/ yig cha 'di la ma brten pa gang zhig ri mo'i mar me dang mtshungs pa nyid du rigs par byas nas bstan pa 'di la gces spras su bya bar 'os/ 'di ltar gdams pa'i sa bon phal cher gnas 'dir byung yang gtan la 'bebs pa gangs ri thod dkar du mdzad pas sbyar byang la de ltar thebs pa yin no// lar chos 'di mkha' 'gro'i snying khrag lta bur gyur la gnas 'di'ang byin brlabs che bas rtsa ba gsum dang mkha' 'gro'i 'du ba zad mi shes pa dang rma bya'i gdugs rin po che'i tog gis mtshan pa bla ma'i dbu steng na bzung ba mthong ba dang / dkyil mkhor gyi thig mdzad dus thig sna bud med dmar mos 'dzin pa dang / re kha dgram pa'i tshe bud med gser g.yu'i lan tshar can gyis 'bri rogs byed pa dang / dbang gong ma'i dus slob ma bdun tsam tshogs pa la/ shangs khrag glo bur du byung nas/ bla ma'i gsung gis dbang 'di la gsum las mi chud pa la grangs thal bas len/ khyed bzhi phyir dengs gsungs pas dbang khang la 'ja' tshon zugs pa dang / nam grub re ma tis mngon sum du 'ongs nas nga la gtar ma mi ster ba e yin/ ngas bka' las yun ring rab byas zer nas rang nyid gtso
- 138a
'khor rnams kyi mngon rtogs gsal bar bshad cing / gter gyi lung bstan dang cho 'phrul chen po bstan pas/ nga nang 'od gsal gyi gter kha phye ba la// brag gser ka'i gter gyi dgos pa med// gter yod kyang chog la med kyang cho ga/ skal ldan yin kyang cho ga la min kyang chog/ chos zad blo zad kyi rnal 'byor la/ khyed gter srung gi yus che 'tshong mi dgos/ zhes gsungs/ rgyab chos dang rin po che gsang ba'i ngo spros mdzad pa'i tshe/ ye shes mtsho rgyal gyi bum pa bsnams nas dbang bskur ba mthong bas thams cad 'ur langs phyag 'tshol zer ba byung / bar do dang 'od gsal zung 'jug gi ngo sprod mdzad dus/ mkha' 'gro ma rnams mnyes/ nga'i chos 'di la mi las mi ma yin gtsigs che zhing don gnyer dang 'dun pa che bar 'dug khyed rang tsho sems la zhog gsungs/ 'od gsal ye shes kyi ngo spyod mdzad/ pa'i tshe bar snang thams cad mkha' 'gros gang nas thal mo sbyar/ nub mo sngags srung ma babs nas gar byed pa la/ bla mas kho bo snying tig de ltar du ston pa yin/ khyed bka' srung dang mkha' 'gro rnams e dga' gsungs pas/ gu ru dang ye shes mtsho rgyal de bzhin gsungs/ gzhan de ltar shes pa ga na yod ngo mtshar che/ spyir mkha' 'gro thams cad dga'/ lhag par oM rgyan rdzong na gsol ba 'debs pa gcig/
- 138b
mnyes nas gda' zer/ de nas skyes bu chen po byung nas oM rgyan rdzong du 'byon par bskul/ khyed la slob ma 'gro don nus pa sum cu 'ong / de'i nang nas kyang sems can la phan pa che ba bcu gcig 'ong / khyad par can dgu yod / khyed tsho bla ma 'di dang 'phrad pas 'tshengs pa yin zer/ chos skyong gi gtad rgya byed dus/ shan pa srog sgrub mas nga'i sgrub thabs mi klog pa zhu zer ba'ang byung / de ltar mkha' 'gro snying tig gi dbang khrid thams cad rdzogs pa'i nub/ kha seng nas mkha' 'gro ma rnams kyis dngos grub byin pa yin/ do nub bos kyang e yong lha yi chang la chu rgyob cig gsungs/ yod tshad btsags pas rdza chung gang byung / des cho ga las che zhus pas/ des mi ldang da dung chu rgyob la cho ga gsungs/ de bzhin byas pas btsags tshad chang du byung nas der tshogs pa thams cad bzi ba tsam song bas/ dngos po sbrul bsgyur bya ba de ltar yin gsungs/ de nas g.yu sgron mas kyang nga'i gnas su gshegs pa zhu zhes bskul nas zhal gyis bzhes tsa na/ shin tu dga' ba'i tshul gyis kho mo sngon la 'gro zer/ der nam gru babs nas bla ma mi gshegs par zhu zer/ khyed mi ma yin rnams la ngas chos de 'dra bshad kyang ma go/ dga' mi dga' blo'i cho 'phrul yin/ nga gang yong sar 'ongs pas cho ga gsungs nas ting nge 'dzin gyi dbang bskur cig mdzad
- 139a
/ pas thugs la btags zer/ kha sang gar dengs dris pas/ 'brog tu ru sdud cig la phyin zer/ de dus phyugs nad mang po byung bar grags/ de nas rnal 'byor pho mo rnams kyis kyang rang rang gi gos dang rin po che'i maN+Dal phul/ bsgrub pa'i dam bca' byas pas/ nga'i chos 'di la gtong phod dang bsgrub pa'i dam bca' brtson pa mang po yong gsungs/ yang 'od gsal sbubs 'jug gi gdams pa gsungs nas/ nga'i man ngag 'di dag 'dzam bu'i gling na dkon pa yin/ snod kyis 'chun na 'od lus myur du 'grub po gsungs/ bsam yas mchims phu nas phyag phebs phyug po brag tu tshogs 'khor mdzad// g.yu sgron mas bsu ba'i rnam pa yang byas/ de nas shug gseb tu gdan drangs du rnal 'byor ma gcig la mkha' 'gro babs nas bla ma o rgyan rdzong du gshegs par zhu zer/ de nas gangs ri thod dka' o rgyan rdzong 'od zer sprin gyi skyes mo'i tshal du phebs/ rnal 'byor pa 'od zer go chas gsol ba btab nas mkha' 'gro yang tig gtan la phab/ de'i tshe nam mkha' 'jas khengs/ mkha' 'gro'i snang ba dang chos 'phrul zad mi shes pa kun gyi mthun grub tu byung / de dag gi bar skabs ci rigs par bla ma'i drung du'ang gdams ngag gi zhun thar bcad/ gang du bzhugs par bsgrub pa'i rgyal mtshan gtsugs nas bla ma mnyes par byas//
- 139b
'di nang la chags zhen med cing 'khor 'das la re dogs su 'dzin pa dag pas dgon gnas dang gzhi 'dzin pa'i 'du 'god ma mdzad/ bla ma'i drung du 'khor gsum yongs su dag pa'i 'bul ba lan lnga// 'bul mo che gnyis dang / bdun rnam dag gis mchod/ zla ba byung ngo cog gi tshes bcu rnam gnyis dang / brgyad mchod bzung nas dpa' bo dang mkha' 'gro rnams tshogs gtor rgya chen pos mnyes par mdzad// gnas 'dir 'od gsal thod rgal gyi gseb lam las rig pa tshad phebs kyi grong khyer ga la pa der byon te rgyun gyi rnal 'byor lhums su zhugs/ yi dam gyi lha dpag tu med pa zhal mjal/ khyad par slob dpon bi ma la'i zhal gzigs nas/ nga'i snying tig 'di don bsdus go sla'i nying khu zhig bsdebs/ ku ma ra dza'i skye ba da lta'i slob ma gzhon nu sangs rgyas la ston/ de nas kyang sna la a yig gis mtshan pa'i gzhon nu'i ming can bdun 'byung bas chos 'di 'dzin spel byed par lung bstan pas yang tig yid bzhin nor bu chos sde sum cu rtsa lnga par gdams/ sa mo yos kyi lor kho bo cag la'ang mchims phu nags kyi dur khrod chen por mngon sum pa'i zhal lan gsum du bstan cing gsol ba drag po btab pa las/ mi dang mi zlo ba lta bu'i gsung gis dbugs 'byin chen po thob/ shing rta chen mo la sogs pa'i man ngag gab pa thams ca
- 140a
'dis gsal ba yin gsungs nas glegs bam zhig lag tu sprad/ man ngag dang byin brlabs kyi rjes su gdams pa thams cad stsal bas chos nyid kyi dran pa mkha' ltar dag/ chos tshul rgya mtsho dang khyad par kun mkhyen bla ma nyid kyi gzhung lugs dang man ngag thams cad la go ba cung zad rnyed pa 'di byung / rten 'brel de las gsungs pa 'di dag gcig tu tshogs pa'ang dkon pa'i gnas skabs su ring mo nyid nas gyur pa la/ sde dge btsad po'i khab tu par gyi sgo 'phar phye ma thag pa'ang gnas der son pas lung rgyun gso ba'i rten 'brel chen po dang / ring min mchims phu/ kong po/ g.yo ru rnams nas kyang kun mkhyen chen po'i phyag dpe yin zhes yang tig yid bzhin nor bu tshar gsum bskur nas 'phrod pa rgyal ba gnyis pa de'i 'phrin las kyi byas pa yin par blta'o// de bzhin du bi ma las dbu ru zhwa'i phyogs su sdigs mdzub gtad nas zhig gsos par lung bstan pa ltar/ de nyid du byon nas zhig gsos mdzad pa'i tshe/ mnan pa'i thod pa mang po nam mkha' la 'phar ba ting nge 'dzin gyi ngang las sdigs mdzub gtad pa tsam gyis bkug/ dbu rtse'i rgyab nas lha khang gso ba'i thebs/ gser dgu rtse gang bcus/ dam can pa byis pa g.yu rna can du sprul nas// nyin bzhin bzo bo'i grogs byas/ rdo ring chen po gnyis 'gyil
- 140b
ba thabs dang dpung gang gis kyang bslang ma nus par/ chos skyong la gtor ma byon/ bden tshig brjod/ thugs 'ur pa'i tshul gyi sku chos brdabs pas mod la slong nus pa byung / thod pa sna tshogs na dam sri mnan yod pa'i bca' ka zhig pa rnams sor btsud de slar yang de nyid du rgyas 'debs par brtsams pa na/ 'thor rlung drag po g.yos/ sa rdo'i char babs pas mi rnams kyang bros/ thod pa rnams 'phar nas phan tshun brdabs/ che shos zhig dam sre'i 'phrul gyis nam mkha' la yar ba drag shul rab tu 'bar ba'i ting nge 'dzin dang lta stangs kyis bkug nas zhabs kyi 'og tu btsud pas/ gsal ba gyad du gyur pa'i rtags gu ru drag po'i skur gzhan gyis dngos su mthong / slar thod pa rnams phra men mchod rten gyi zhabs su mnan/ rab gnas dus sku'i bkod pa du ma ngo mtshar bar bstan/ thub pa/ byams pa/ gnas brtan bcu drug rnams zhal 'dzum lhag lhag ston pa dang / byams pas phyag mdzub dengs nas/ khyod kyi skye ba'i mthar pad+ma brtsegs pa'i zhing du de bzhin gshegs pa ri rab mar me'i rgyal mtshan du 'tshang rgya'o zhes pa'i lung bstan thob/ dbus stod skyid chu'i 'gram phan tshun gnyis kar chos nyan mang du tshogs pa la gsang ba bla na med pa'i khrid btab/ tshogs pa rnams la tshogs kyi 'khor lo rgya chen po yang yang gnang / gsang phu'i
- 141a
chos grwa la'ang snga phyir gnang sbyin bzang po mdzad/ gong po ri'i zad nas gdong 'jigs su rung ba zhig gzigs/ 'jig rten la mi dge ba dang / sa phag gi rtsod pa 'ong ba mkhyen nas mon bum thang du phebs/ bstan pa'i snang ba nyung bas shin tu gdul dka' ba'i gnas der yang gdul zhing rgya che/ tshogs pa mang po 'du ba'i dge 'dun gyi sde btsugs te thar pa gling du btags/ slob dpon sangs rgyas kun dga' bsko 'ja' gnang / snga 'gyur spyi dang rdzogs chen gyi 'phrin las spel/ gsang sngags rang gar spyod pa dag la mig ltos bstan pa'i ched byar nas gter ston gyi dngos slob sho'i rgyal sras legs pa las mkha' 'gro'i snying tig gi tshig rgyud gsan/ lha sar byon nas jo bo mjal dus mdzod spu nas 'od zer byung ste nyid kyi smin mtshams su thim par bya rgod phung po dang / li yul rnams su paN+Di tar skye ba blang pa dran// gnas 'dir dge 'dun mang pos bsu ba gser sgreng gis bsus/ lha sa dang ra mo che'i bar du chos khri brtsigs pa'i steng nas sems bskyed chen mo sogs chos 'khor rgya chen po bskor/ khengs pa'i bla can mang pos dngos dang brgyud nas nyams sad byed pa mtha' dag lung dang rigs pa'i chom pos rnams par btags nas nged shes skye ba'i dad pa la bkod pas kun mkhyen chos rje zhes pa'i mtshan gyi rna lung dpyangs/
- 141b
yang lan gcig jo bo mjal dus sku las gser btso ma lta bu'i 'od 'phro ba dang / dbu'i steng nas sangs rgyas rab bdun/ sman lha/ bde dgyes/ spyan ras gzigs nam mkha' rgyal po// rgyal ba rgya mtsho dang / bstan srung gi tshogs du ma gzigs/ 'dis mtshon pa'i dus dang dus ma yin par/ slob dpon chen po/ gu ru drag po/ dam pa rigs brgya/ bsgrub chen bka' brgyad la sogs pa sangs rgyas byang sems til gyi gang bu ltar zhal gzigs nas bstan bcos brtsam par bskul zhing bka'i gnang ba thob pas/ dgongs pa kun tu bzang po'i klong na rnam pa thams cad mkhyen pa'i chos nyid las g.yo ba med pa'i ngang nas rjes la thob pa'i ye shes sangs rgyas rnams kyi thugs rje dang 'grogs nas rgyal ba bden par smra ba'i bka' dang tha dad du med pas byin gyis brlobs pa'i bka'am/ 'chos skyob gnyis kyi yon tan rgya mtshos bsrungs pa'i bstan bcos gang zhig sems kyi glang po sems byung dang rtog tshogs mtha' yas pa'i khur gyis dub nas 'khor ba rgya mtsho'i rum na 'jug par rtsom pa dag/ bde ba chen po'i tsan+dan ldon pa'i grib bsil la ngal gso'i dbugs 'byin chen po ster ba'i chos tshul/ rtsa ba ngal gso skor gsum/ bsdus don 'phreng ba rnam gsum/ rgyas 'grel shing rta rnam gsum/ don khrid rnam gsum/ spyi don legs bshad rgya
- 142a
/ mtsho/ dkar chag pad+ma stong ldan te chos sde bcu bzhi/ log par smra ba'i phyi rol pa dag/ rang gi gtan tshigs la mchog tu zhen pa'i 'jigs tshogs la lta ba sum brgya drug cu'i ri dwags mi bsrun pa rnams kyi mtshang gting nas drus ste/ grub mtha' ngan pa'i spyi bor brgal ba dang / brtag pa dang / sun 'byin pa'i sder mo rnon po bsnun nas cang mi smra ba dang yul yul po'i gnas la 'god pa sngon du 'gro bas/ ston pa 'jig rten gsum gyi mig gcig pu'i grub pa'i mtha' theg pa gsum gyi khang bzang chen por/ bla na med pa'i theg pa'i khyad par gyi yid bzhin nor bu tog gi blo gros de bzhin gshegs pa rnams kyi sku gsung thugs mi zad pa rgyan gyi 'khor lo'i mdzod khang dam par zad mi shes pa'i skor la/ yid bzhin mdzod rtsa ba le'u nyer gnyis pa/ 'grel chen pad+ma dkar po/ khrid yig rdo rje snying po ste ma bu gsum/ gnad las snying por phyung ba man ngag rin po che'i mdzod/ klong sde shas cher ston pa chos dbyings rin po che'i mdzod rtsa ba le'u bcu gsum pa/ 'grel pa chos dbyings gsal ba ste sde tshan gnyis/ theg pa mtha' dag gi don gsal ba grub mtha' rin po che'i mdzod le'u brgyad pa/ ku ma rA dza'i dgongs rdzogs su brtsams par grags pa rgyud bcu bdun dang / man ngag brgya bcu dgu'i don 'grel brjod bya shin tu rgya che ba theg
- 142b
mchog mdzod rim khang nyi shu rtsa lnga pa'i bdag nyid can/ de'i gnad don bsdus pa tshig don rin po che'i mdzod rdo rje gnas bcu gcig pa/ sems klong man ngag gsum ka'i snying po'i mthar thug gnas lugs rin po che'i mdzod rtsa ba le'u lnga pa/ Ti ka dang bcas pa ste mdzod bdun gyi bdag nyid can phal mo che gnas 'di nyid du byung / spyir sngags bdag gza' dang / dam can gsum las la bran bzhin du 'khol zhing bka' nyan pas/ mdzod 'di dag rtsom pa'i tshe gangs rir khyab 'jug chen pos snag tsha mnyed bcug pa nye gnas pas mngon sum du mthong / de ltar bshad pa dang don gyi snying po'i sgrub pa kho na la dben pa 'ba' zhig tu bzhugs pa'i bsgrub gnas kyang bsam yas mchims phu/ oM rgyan rdzong / lha ring brag/ gra phu/ shug gseb/ gangs ri'i thod dkar/ gzhu stod ti sgo/ yer pa/ yar lha shaM po/ bum zang / skyam bu dpal gyi dge sdings/ gong po ri'i gla ba lung // kong po rtsa gong gi phu rnams las phal cher gangs ri nyid du gtan chags/ lho 'brog/ dbu g.yor/ lho mon gyi yul mtha' dag tu khrid nyan stong phrag tshogs pa lan mang du byung zhing / de dag la'ang thugs bskyed shin tu che bas/ chos khral mi len/ dad rdzas chud mi gson/ slob ma'i bya ba 'ba' zhig don du gnyer ba la log bsgrub dang skyo ngal bzod/ tshogs kyi 'khor
- 143a
// lo rgya chen pos bsti stang du bya ba dang / gzhan rgyud kyi bsam pa mkhyen nas thabs la mkhas pa'i gdul tshul dpag tu med pa la sogs mdor na rang don spangs rtogs phun sum tshogs pa'i go 'phang brnyes/ 'dod pa gtan nas zad pa la sogs pa'i 'phrin las bsam gyis mi khyab pas gdul bya smin grol la 'god pa'i rnam par thar pa gang yin pa ni skyes bu chen po 'dis lag len la btab pa ste/ 'bri gung sgom pa kun rin rang srid kyi dregs pas myos te dmag 'khrugs g.yo bar brtsams pa la/ slob dpon chen po'i lung bstan du/ 'bri zhes bya ba'i sa phyogs suHkun dga'i ming can bdud kyi buHlus la mtshon cha'i ri mo yodaHshi nas dmyal bar skye bar 'gyur/ lho yi phyogs nas 'jam dbyangs kyi sprul pa gcig gis 'dul bar byed/ zhes pa'i lung bstan de sgom pa kun rin gyis dkar po rnam par 'phel bapaba'i sa bon gyis mthong nas rang gi lus la ltas par rgyab ngos su sha mtshan ral gri 'dra ba gcig byung / de rang nyid du gdon mi za bar shes nas dbus gtsang 'dir 'khrug pa chen po gcig byed bsam kyang / dmyal bar 'gro na byed don chung bsam nas brnag par bka' ba'i las la bshol btab/ phyogs kun tu dril bsgrags nas 'jam dpal gyi sprul pa btsal bas/ mkhas pa kun zhal 'cham par da lta bod ru
- 143b
bzhin bsam yas pa las mkhyen rab che ba mi bzhugs zhes sgrags pas/ 'jam dpal gyi sprul par nges shes rnyed de spyan drangs nas gtsug gi nor bur byas pas 'gro ba gang dang gang dag gi gnas skabs dang mthar thug gi las mi bsrun pa'i rgyu rkyen 'bras bu dang bcas pa drung nas 'byin par mdzad/ dus de tsam na dbus gtsang 'dir dregs rlom gyi sgra'i cod pa Na gzhan la ston par dka' ba si'i tu byang chub rgyal mtshan gyis 'bri gung pa'i bla ma yin zhes mi mthun par blta ba la/ tshad med pa'i thugs rje chen po'i 'phrin las dang / mkhas pa dang grub pa'i rnam thar bzang po bud+d+ha shrI'i rna lung du dpyangs pas mtshams sbyar te bod shing sgo can pa'i rgyal po seng+ge rkang pa brgyad pa'i spyi bor yang zhabs sen legs par bkod/ de bzhin du dbus stod khri dpon si tu shAkya bzang po/ yar 'brog khri dpon rdo rje rgyal mtshan la sogs pa'i mi chen du mas kyang srid zhu byas/ de dag la sogs te dad pa can gyis byin pa'i rdzas kyang slob dpon nA ga rdzu na'i rnam thar bzung nas gnas min du cung zad tsam yang chud mi gzon par dkon mchog gsum la bsti stang bla lhag tu mdzad/ yo byad chos phyogs su bsngos zin pa rnams rang gi rdzas su 'du mi shes pa phyogs gzhan gang du'ang 'byams mi srid/ bsnyen bkur dkon mchog la dgos pa yin gyi sdig can la mi
- 144a
rung gsungs nas mi chen la stan dang bkur sti mi mdzad/ tshogs gsog yon bdag gis bya ba yin gyi mchod yon go log pa ma bzang gsungs/ 'bul ba chen po gang phul yang de sngo bas rgyas 'debs pa las gdab lan mi yod/ 'gro ba nyam chung ba la thugs lhag par brtse bas snyoms chung dang sprang pos ci drangs kyang zhim zhim ltar gsol nas/ mdo 'don pa dang bsngo ba nan gyis gsungs/ de lta bu'i mdzad pa dpag par dka' bas mthong ba'i chos la rjes su bzung ba dag lta ci smos/ rang bzhin gyi mthong ba dang / thos pa dang / reg pa dang / gnod pa byed pa'ang bde ba'i gnas su 'brel zhing / byang / grol gyi sa bon thebs par mdzad nas lnga bcu rtsa drug bzhes pa chu mo yos kyi lor/ skal ldan mang po la smin grol gyi go 'phang ster ba'i skabs shig rgyal sras bzod pa la sna shog sngogs shig gsung nas zhal chetshechems dri ma med pa'i 'od du/ 'khor ba'i rang bzhin snga nas shes zin te// 'jig rten chos la snying po med pa'i phyir// da ni mi rtag sgyu ma'i lus 'dor nas// gcig tu phan pa'i gdams ngag bshad kyi nyon// zhes pa la sogs pas sna drangs nas/ thugs rje mnga' ba'i mgon po pad+ma'i zhal// dbugs 'byin mdzad pa de yi deng bzung bas// 'gro ba'i dus bab mgron po lam zhugs bzhin// 'chi bas dga'
- 144b
ba'i rnyed pa legs grub pa// rgya mtshor don yongs grub pa'i tshong pa dang // g.yul las rnam par rgyal ba'i lha dbang dang // bsam gtam grub pa'i bde bas ches lhag go/ da ni mi sdod pad+ma las 'brel rtsal// 'chi med bde chen btsan sa 'dzin du 'gro/ zhes pa la sogs kyi zhal chems bstan pas rgyal sras bzod pa na re/ de ltar mi gsung ba zhu zhes mchi ma blags pas/ 'dul byas 'jig pa las brtsams pa'i chos mang po gsungs/ slar bsam yas su gdan 'dren byung bas chos kyi 'khor lo bskor bzhin du rgya ma dang bsam yas brgyud mchims phu dpal gyi nags khrod du phebs/ de yi chos kun sgyu ma lta bu dang // skye ba skyed mo'i tshal 'gro ltar rtogs nas// zhes pa de skyes bu chen po 'di nyams 'og tu btsud pas/ gnas 'di ni rgya gar gyi dur khrod bsil ba'i tshal dang mtshungs pa yin/ gzhan du skye ba las 'dir 'chi ba dga'/ nga'i sgra lus gog po 'di 'dir 'jog pa yin gsungs nas bsnyung ba'i tshul bstan kyang da dung chos mtshams rgyun ma chad/ der 'o brgyal du bsam te re zhig chos mtshams 'jog par zhus pas chos 'di rdzogs pa zhig byed bsam pa yin te gsungs/ de nas rgyal zla'i tshes bcu drug gi nyin dpa' bo mkha' 'gro rnams mchod gtor rgya chen pos mnyes par mdzad cing / slob ma'i tshogs la spyir yang
- 145a
'dus byas la snying po med pas chos 'ba' zhig don du gnyer/ lhag par khregs chod dang zod rgal gyi nyams len gnad du bsnun/ mgo ba'i skabs byung na yang tig yid bzhin nor bu 'di bsam 'phel nor bu dang 'dra bas lta rtog zhib mor gyis lam sgoms dang / chos nyid zad pa'i sa la mya ngan las 'da' bar 'gyur ro zhes gdams/ de nas tshes bco brgyad kyi nyin mchod pa gcig shom la khyod rang rnams dge sbyor la dengs gsungs/ sku drung na 'dug par zhus pas/ 'o na nga'i sgyu lus gog po 'di 'dor ba yin pas ca com byed par mnyam bzhag gi ngang la sdod gsungs/ sku gdung rin po che chos sku'i bzhugs stangs kyi bzhag nas/ dgongs pa gdod ma'i dbyings su mnal ba na/ sa chen po 'di yang yid khong du chud par gyur nas/ ldeg rab tu ldeg pa la sogs pa'i zol gyis lus brteg cing g.yo bar gyur la/ 'ur rab tu 'ur ba la sogs pa'i zol gyis cho nge 'don pa la zhugs so// gdung zhag nyer lnga bzhag pas bstan la dga' ba'i lha rnams 'ja' 'od kyi gur phub/ me tog gi char phab/ dgongs pa chos nyid du grol bas 'byung ba chen po bzhi 'ang dus bzhi gtan tshigs 'dzin pa'i brtan pa bral nas/ rgyal dang chos 'phrul gyi zla ba gnyis kar sa dros 'khyags pa zhu/ se ba'i lo ma rgyas pa byung / gdung mchod pa'i zhing du
- 145b
byin za'i khang par spyan drangs pa'i tshe'ang sa g.yos/ sgra chen po lan bdun grags/ zhugs la zhen pa na sku gsung thugs rdo rje gsum gyi ngo bor byang chub pa'i rtags thugs ljags spyan gsum ka skal ldan gyi slob ma'i phang par byon/ sku lnga dang ye shes lnga'i thob bya ma lus pa mngon du mdzad pas gdung chen lnga dang / ring bsrel phra mo bgrang las 'das pa byung / ring bsrel gong bu che ba dag nas brgya stong grags med du 'phel ba rtsod pa dang bral zhing / sku gdung ma nyams pa phran bu bzung ba dag la'ang da lta'i bar du steng gdon gyi gnod pas brdzi bar mi nus pa sogs mngon sum tshad ma'o// skyes bu chen po 'di'i gsung rab ni rgyal ba'i bka' dang khyad par med pa yin pas nges brjod rtogs sla ba'i phyir rnam grangs bkod na/ thun mong phyi'i bstan bcos khyad par nang gi bstan bcos/ nges don gsang ba'i bstan bcos te skor tsho/ gsum/ de dag la'ang nang gses kyi dang po la rig gnas kyi dang po la rig gnas kyi skor/ gtam gyi tshogs/ bstod pa'i tshogs dang gsum/ gnyis pa la rgyu dang 'bras bu'i theg pa gnyis/ gsum pa la zab gsang rgyud sde'i dgongs 'grel dang / khyad par bla na med pa 'od gsal rdo rje'i snying po'i gdams skor ro// dang po rig gnas kyi skor la yig sdebs kyi sbyor ba dpag bsam snye ma che chung gnyis// don
- 146a
bsdus/ sgra'i mtshams sbyor rab gsal zla ba/ sdeb sbyor nyi ma'i shing rta/ lci yang gi gnas rin po che'i lde mig/ mngon brjod me tog 'khri shing / snyan dngags kyi bstan bcos me tog kun tu rgyas pa'i skyed mo'i tshal/ dper brjod klu shing gi me tog gnyis ka spel pa tshangs pa'i gsung dbyangs te sde tshan bcu/ gnyis pa gtam gyi tshogs la/ mi'am ci kun tu dga' ba'i bzlos gar/ po Ta la kun tu dga' baba'i gtam/ gzhon nu zhi ba'i rtogs brjod me tog gi chun po/ blo gsal ri bong gi rtogs brjod/ nags tshal kun tu dga' ba'i gtam/ nags kyi gtam pad+ma dkar po/ gangs ri'i rgyan kun tu bzang po/ ku mu ta'i 'khri shing ste nags kyi gtam lnga/ slob dpon/ rab byung / skye bo/ mkhas blun/ bshes gnyen/ chos dang chos min brtag pa'i rab byed drug sogs chos sde bzhi bcu rtsa lnga/ gsum pa bstod tshogs la/ rgyal ba sras bcas kyi tshogs dang / 'jig rten pa'i lha chen po rnams dang / ri dang / rgya mtsho/ sgrub gnas/ bsam yas/ gsang bu'i chos gra sogs gtsug lag khang dang chos sde rnams la bstod pa'i tshogs bzhi cu rtsa gsum mo// gnyis pa khyad par nang gi bstan bcos skor las/ dang po rgyu mtshan nyid kyi theg pa'i skor la/ byams chos lnga'i spyi don gyi 'grel pa/ sa lam gyi rnam gzhag rin po che'i them skas rtsa 'grel
- 146b
dang bcas pa/ mngon rtogs rgyan gyi lus rnam gzhag gi gsal byed rgyan gyi snang ba 'dul ba kA ri ka'i gsal byed 'od kyi snye ma/ dbu ma thal 'gyur gyi gnas gsal ba rab tu mi gnas pa'i don bsdus// bslab bya rgyal sras lam bzang sogs legs bshad rgya che ba'i chos sde nyi shu rtsa gsum/ gnyis pa 'bras bu sngags kyi skor la/ chos spyod thams cad kyi mngon par rtogs pa rgyud kyi bshad 'grel byang chub ljon shing / rgyud sde spyi don bshad rdo rje 'byung ba/ dam tshig gsum bkod kyi rnams bshad nyi ma'i 'od zer/ sgrub phrin skor la'ang gnas brtan bcu drug gi cho ga gzhan phan nor bu/ sgrol ma maN+Dal bzhi pa'i cho ga bde legs kun byung / sman bla'i cho ga yon tan phreng rdzogs/ spyod rgud sgrub thabs zla ba'i nor bu/ rnam snang sgrub thabs ngan song kun sbyong / kun rig rtsa ba'i dkyil 'khor du slob ma 'jug cing dbang bskur cha ga/ mi 'khrugs pa'i sgrub thabs sdug bsngal kun sbyong / shAka thub sgrub thabs 'od zer kun 'byung / byams pa'i bsgrub thabs pad+ma brtsegs pa/ gzhan yang 'jam dpal/ dbyangs can ma/ phag mo/ mi g.yo ba/ dzam+b+ha la/ de dag rnams las dkar ser dmar sngo nag sogs so so'i sgrub thabs/ dkar po skor gsum/ 'od zer can/ nor rgyun ma/ aM gu li/ dug sel can rnam rgyal sogs dang / dbang phyug khyab 'jug
- 147a
/ sogs 'jig rten pa'i sde/ gzhan bya spyod rnal 'byor bla med gsar rnying thams cad kyi rtsa gsum chos srung nor lha bcas/ rgyal ba sras bcas kyi sgrub thabs skor chos sde brgyad cu rtsa lnga/ gsum pa denges don gsang ba'i bstan bcos la/ dang po zab gsang rgyud sde'i dgongs bcud rdzogs rim skor la/ bde mchog rim lnga'i don snying po'i yang zhun/ gsang 'dus rim lnga'i zab don 'od gsal 'khor lo// sbyor drug bsdus don de nyid 'dus pa/ lam 'bras bsdus don rim gnyis 'khor lo// chos drug snying po 'od gsal rnam sbyong sogs chos sde nyi shu lhag tsam/ gnyis pa 'od gsal rdo rje snying po'i skor la/ ngal gso skor gsum dang / mdzod chen bdun bcas pa'i sde tshan sngar bshad zin la/ bi ma la'i snying tig zab pa bod bzhi dang man ngag brgya bcu dgu brjod bya'i rgya che bas 'thor ba bsdus pa lta bu bla ma yang tig gam/ yang zab yid bzhin nor bu/ skye ba snga ma la mkha' 'gro'i snying tig brjid byed tshig gi gter la dbang ba/ da re mchims phur brjod bya'i don la dbang bsgyur nas rgyas par bkral ba'i zab cing rgya che bshog sku/ yang zab rnams shog 'dra/ shin tu yang zab rnams shog ser te skor gsum du phab pa'i mkha' 'gro yang tig/ gnyis ka'i don rgyas par bkral ba zang mo yang tig/ snyan rgyud thig le gsang skor
- 147b
dang / snying tig rnams gsum gsum du bsdus pa'i chos kyi rnam grangs bcu phrag bzhi lhag bcas te/ kun dril bas sde tshan brgya phrag gnyis dang drug cu rtsa gsum tsam mo// de dag kyang mdo tsam smos pa ste/ gzhan du chos 'byung rin po che'i gter mdzod ces bya ba dang / chos spyod lam gyi rim pa dang / shi gson gyi bsngo ba rin chen phreng ba dang / rgyu la khams 'dus pa me tog phreng ldan dang / rkyen la khams 'dus pa ka tha sum cu/ rgyu rkyen gnyis kha la khams 'dus pa dus la mngon par skyo ba'i rabs la sogs pa dngos kyi lag tu'ang dor bar gyur la/ dus de dag tu bsdu ba'i brtson 'grus nyungs pa'am/ mkhas rmongs kyi bstan bcos la bye brag mi phyed pa'i shugs kyis nub pa'ang shin tu mang ba yod mchis te gsung rab kyi dkar chags rin po che'i mdzod khang zhes bya ba la shes par bya ba ni phyi mtha' 'di'i gtan tshig tsam mo// babs lugs chen mor sgra mkhas dpal 'dzin du lung bstan pa la sngon gyi bla ma rnams kyi ngos 'dzin par 'dug ste/ go rim gyi nges pa ltar na blo gros mchog tu ngos bzung na 'thad la/ ku ma ra dza dang gnyis kyi bar la lo brgya brgya'i gtan tshigs mi 'grub snyam du'ang dogs par mi bya ste/ lo brgya ni spyir bstan pa 'di yid dpyod dang 'dres pa'i tshe de'i gsal byed re 'byon pa la dgongs kyi/ gzhan du ni
- 148a
gnas skabs de dang de'i gdul bya'i rten 'brel kho na la ltos nas sprul pa sgyu ma lta bus don mdzad pa'i phyir ro// don la kun tu bzang po 'jig rten du byon nas chos kyi 'khor lo bskor ba yin pas 'di'i gsung rab tshig bzhi pa yan chad la'ang gces sgras su bya ba yin no// de skad du thub pa'i dbang pos/ gang las chos ni rnam shes pa// de la gus pas phyag bya ste// zhes pas/ 'dzam gling mdzes pa'i rgyan drug mchog gnyis dang // thugs rje lung rtogs mnyam pa'i mthu mnga' yang // nags khrod dam par sbas pa'i brtul zhugs kyis// 'khor 'das chos skur rdzogs pa klong chen pa dri med 'od zer zhabs la gsol ba 'debs// zhes bdag cag ni rnam pa kun tu gsol ba 'debs pa lags so// de la gsung gi bdud rtsi'i myang ba las byung ba'i slob ma'i gtso bo dag smos pa ni/ zhogs thar gling pa mkhas grub bde legs rgya mtsho/ mkhas grub chos kyi grags pa/ mkhas grub khyab gad la lhun grub ste grags pa thob pa'i mkhas grub gsum/ mdo khams pa 'dan sgom chos kyi grags pa/ rgyal sras bzod pa/ bla ma dpal mgon po/ gu ru ye shes rab 'byams/ gzhon nu sangs rgyas te thugs kyi sras lnga/ sbrul sku dpal 'byor rgya mtsho/ slob dpon sangs rgyas kun dga'/ slob dpon blo gros bzang po/ stag mgo bya bral chos rje ste/
- 148b
bstan pa spel ba'i bshes gnyen bzhi/ gzhan yang sne gdong gong ma dang mtshams sbyor ba'i sangs rgyas dpal rin dang / grags pa dpal/ glu mkhan bsod nams seng+ge la sogs bstan 'dzin gyi bshes gnyen du ma byung / phyis chos rgyal 'bri gung pa rin chen phun tshogs la zhal bstan cing / rang gi sras sbrul sku zla zhes dbu gtsug rta mgos mtshan par ston pa de'i skye ba yin par lung bstan/ dbu zhwa bskon te byin gyis brlabs pa las dngos kyi slob mar gyur te gsung rab rnams la 'dzin skyong spel ba'i gces sgras dpag tu med pa mdzad/ de las bdag cag gi gdod nas grub pa'i rigs kyi cod pan pad+ma'i rgyal tshab shan+ta pu ri pa'am/ gter chen shes rab 'od zer la brgyud/ dpal ri theg pa mchog gi gling 'di bskrun nas bstan pa'i sbyin bdag zhabs drung 'phyong rgyas pa las sems nyid ngal gso rtsa 'grel par du bsgrub par bskul/ bstan pa 'di la bshad sgrub byed dgos par gdams pas don gyi brgyud 'dzin yin pa yang khas 'che'o// yang ring brgyad ni/ mkhas grub bde legs nas/ stag mgo bya bral sogs rom par las 'phro gling par brgyud chos rgyal rin chen phun tshogs la bka' babs pa'o// shin tu nye brgyud ni/ ma tang gi pa klu sgrub kyi slob mar gyur pa bzhin bdag cag gi zhal mngon sum mthong bas brgyud pa gzhan la re ba mi
- 149a
/ che'o// man ngag snying gi thig le'i skabs kyi gtam bshad zin to// // da ni mdo sku sems gsum gyi bstan pa spyi'i babs tshul las/ gangs ri'i khrod 'dir snga 'gyur rdo rje theg pa'i bstan pa dang por gnyags la babs/ bar du gnubs la babs/ tha mar zur la babs zhes 'chad pa'i dang po slob dpon gnyags dz+nyA na ku mA ra ni/ yul yar klung shel pa'am 'phyong rgyas/ rus las ming du chags pa / gnyigs rtag sgra lha snang dang / sru bza' sgron skyid gnyis kyi sras su byung / mgrin pa na rme ba'i rdo rje rgya gram yod/ mtshan rgyal ba'i blo gros su btags/ mkhan po b+ho d+hi sa twa las rab tu byung zhing bsnyen par rdzogs/ mdo sngags kyi chos mang po'i 'gyur byed spobs pa bsam gyis mi khyab pa yin/ slob dpon chen po dang / bi ma la dang / bai ro dang / g.yu sgra snying po kun la bsten pas bka'i chu bo bzhi 'dus pa yin/ dkyus bshad gzhung gi chu bo 'grel thig stong thun dang bcas pa/ snyan brgyad gdams ngag gi chu bo gnad yig dmar khrid dang bcas pa/ byin brlabs dbang gi chu bo bskur thabs ngo sprod dang bcas pa/ phyag bzhes 'phrin bsgrub kyi chu bo bstan srung drag sngags dang bcas pa'o// de la slob dpon chen pos bdud rtsi yon tan gyi dkyil 'khor du smin par mdzad pas yar klung shel gyi brag phug rdo ba skam po'i khong
- 149b
nas grub chu bton/ 'di las brgyud pa'i sgyu 'phrul kyang yod dgos te/ gtso bor phur pa las mngon rtags brnyes pa yin/ btsan po khri srong gshegs pa'i phyi zhig na/ btsun mo tshe spong bza' bsam sbyor mo bsrun pas lo pa Na phal cher dbu 'phang smad/ gnyags dz+nyA na ku mA ras yar 'brog tu bzhugs pa la/ rang gi pha spun gnyags dge ston dgrar langs te 'di mu stegs kyi sngags mkhan yin no zer g.yo can gyi kha smras byas/ bse zhos byug pa'i b+han+d+ha nang dmar ba yod pa de/ brkus nas skye bo blun por gyur pa dag la ston cing / d+har+b+ba'i nang gri rtse drus nas 'di ni zag zog gi las so zhes dbyen 'chos/ skye bo rnams the tshom sel paba'i ched du/ gang du bzhugs sar rin po che'i rnyed pa sprul pas mi rnams kyis rdzu 'phrul du shes nas kho'i ngag la yid mi gtod kyang / da dung bya ba mang po bsags nas skul la bsngo ba'i thabs sna tshogs byed pa mkhyen nas gshegs/ kong po mchi mas yul gyi phu na phebs tsa na/ lung stong shig na ra ma bdun 'gro zhing 'dug/ g.yog po glang mig 'og btsan bya bar 'di ded cig gsungs pas kho na re/ ra la bdag po yod mchis 'dis ci 'tshal zhus pas/ lung stong kyi ra la bdag po ga na 'ong ded cig gsungs/ der bdag po mchims bya rog gi shes te rkun khag phab/ ra ma bdun 'jal dgos zer/ bdun 'jal spras tsa na/ da
- 150a
dung mchim par dben pa bshig/ lcags kyi zo ba bzung nas 'dod du byung / gnyigs kyi bros nas gtsug lag khang gi nang du chud/ sgo bcad pas thems pa la tho ba brdeg cing btsun chung gi mgo la rde'u thebs zer/ der yang bzhugs su ma ster bas/ dbus su gtad de byon tsa na/ 'gro sras chung bya ba sha ba gcig ded nas byung ba dang 'phrad/ kho'i rta 'grogs sha ba shor bas/ khong yang khros te bsad du byung ba la 'bros pa'i mdun pa zhig gtad pas khos ma mthong nas thar/ dus de tsa na lha sras mu ne btsan po yum dmar rgyan gyi dug gis bkrongs pa'i 'das kyi tshogs dbur slob dpon bi ma la rgya nag nas rdzu 'phrul gyis gshegs pa dang mjal/ gser phye long mo gang phul bas/ lo tsA ba dpon g.yog sgyid dam gsungs/ yar 'brog gang du skyid bgyi ru// dge la ston gyis ma ster ro// mchims yul gting du skyid bgyi ru// bya rog dmyal bas ma ster ro// bod yul dbus su skyid bgyi ru// 'gro sras chung gis ma ster ro// zhes zhus pas/ lo tsA bar bsnyad nas bstan pa la shin tu gnod par dgongs nas/ phur pa phun sum tshogs pa dang sham sngon gnyis thugs nas 'phyang ste bshad/ lho brag g.yar chu sna'i brag phug tu lo pa Na lhan gcig pas seng phur nyi shu rtsa gcig la bsten nas bsgrub pas phur bu phan tshun 'khrol ba tsam du
- 150b
grub/ der gnyigs kyi ting nge 'dzin gyi ngang nas phur bu gdeng te bya rog la'o byas pas/ stong khams kyi bya rog thams cad tshogs byung / slar mchims bya rog la'o zhes bsgril bas// mchims nas bya rog zung zhig byung / gnyags khros nas bya rog gcig la dengs pas mod la shi'o// der bi ma las mngon spyod kyi mthus bsad pa grub kyis/ da chos nyid kyi mthus gso ba e 'grub/ gsos shig gsungs pas/ slob dpon dza lan d+ha ri pa dang slob ma nag po spyod pa bzhin gnyags kyi slong ma nus/ bi ma las bye ma gcig btab pa'i mod la bya rog gsos te dengs par gyur to// rtogs pas bdag ma bsgral bar/ drag shul gyi las brtsoms pa grub kyang nyes pa che'o gsung nas gnas lung gi cho ga mdzad/ der mchims lha g.yag dkar du rdzus nas byung ba sngun la sgral/ de nas mchims bya rog bla spyang rab 'bring tha gsum/ bran dang khol po/ 'og rta/ sgo khyi/ snag gi gnyen mtshan dang bcas pa phur pa gdengs chog gi mthus bsgral nas rabs bcad/ de nas pa spyan gnyigs dge ston la btab pas 'di ltar drag po mthu'i las ni rnam pa zhe sdang rdo rje'i rten 'brel la lhag par ltos dgos pa zhig la/ slob dpon bi ma la'i thugs rjes gnyigs la snying rje chen po'ang skyes/ dgongs pa chos nyid du gyur pas ye ma thebs/ der slob dpon bi ma las
- 151a
'dir grogs mngon spyod kyi mtshan dang ldan pa zhig rnyed na thebs gsung bas 'tshol du byon/ dus de tsa na mgar byed pa po la sog por 'bod pas/ sog po beg rtse zhes bya ba khro bo'i dbyibs su yod pa zhig rnyed/ de'i gzugs mgo bo rgya mdud du 'gril zhing ro smad zur gsum pa'i rnam par shar ba la sogs pa'i mtshan rtags thams cad tshang par gzigs/ gnyags kyi kho'i phyi na mar byon/ kho mgar byed pa'i sbud pa 'bud grogs mdzad kyin rgyu/ mtshan nyid kyi chos bshad pas kho'i rna lam du ma byung / kri yog sde gsum bshad pas re dga' tsam nyan cing gzhan tho ba chems chems brdung skad dang / nang rgyud sde gsum bshad kyin lcags kyi lcug ma snyod pa rnams khyur mid byas pas/ kho ya mtshan skyes te 'di lta bu'i rdzu 'phrul ci las byung zer/ da lta bshad pa'i chos de nyams su blangs pa las byung smras pas/ kho shin tu dad ste lag cha thams cad phul nas slob mar byas/ lha dpal gyi ye shes su ming spos/ de bzhin du 'o bran dpal gyi gzhon nu yang / phur pa bsgrub pa'i mtshan ldan du shes nas dpon slob gsum kas bsgrub pas/ de dge ston gyis tshor te gsod du 'gro ba'i sta gon rtsom pa na/ gzhan dag gis ban+der brnyas pa mi rung zer nas bshol btab kyang ma nyan/ nang par 'gro rgyu'i nub bud med mang pos mtha' skor
- 151b
nas mgo bcad par rmis/ de chung ma la bshad pas nan gyis bshol btab kyang mnyan par rta la zhon nas song ba na/ bya chen po zhig phur byung nas rta 'grogs sha khams khrag thigs su gyur te srung mas dngos su bsgral bar grags/ der sog po dpal gyi ye shes snying bton nas slob dpon la phul bas/ sdig pa ci yang mi bya zhing // dge ba phun sum tshogs par spyad// rang gi sems ni yongs su gdul// sems can thams cad bde gyur cig gsungs/ mdor na skyobs pa'i lha bya khrar sprul pa dang / bla sbyang / bran khol/ 'og rta/ sgo khyi/ gnyen mtshams tshun chad bsgral zhing rabs bcad/ de bzhin du 'gro sras chung ni zang la rta khyu 'tsho ba'i rnam par shes pa'ang bkug te gdab las kyis tshar bcad/ 'gro lha sbyang ki sngon por byas pa dang / bla sbyang bran khol thams cad sngar bzhin kha dag par byas/ de'ang gnyigs lo chen po 'di sangs rgyas dngos dang mtshungs pa'i paN grub rnams la bsten pas/ sgra tshad mtshan nyid/ sngags phyi nang kun la mkhyen pa shin tu che bar grags/ lo tsA ba chen por bstan nas dam pa'i chos mang po bsgyur/ mdo sgyu sems gsum ka'i bstan pa'i mnga' bdag tu gyur cing nyan bshad kyi sgo nas slob ma khyad par can bskrun pas bka' drin bsam gyis mi khyab/ mthar snyan brgyud rdo rje zam pa dang / man ngag sde las dngos
- 152a
/ grub chen po brnyes te stong gsal 'od kyi phung por gshegs so// de la slob ma'i gtso bo ni/ phur pa mkhan po dag dpal brgyad de 'dren pa yod de/ 'dir sog po dpal gyi ye shes/ gra dpal gyi snying po/ lha lung dpal gyi rdo rje/ 'o bran dpal gyi gzhon nu/ snyan dpal dbyangs/ 'tshur nag ye shes dpal/ u pa de gsal/ thang bzang dpal gyi rdo rje/ dgyes 'phags pa shes rab/ b+hu su ku mchog rnams te/ dpon rgyud rnams las kyang 'phrin las rgya cher byung ngo // sog po dpal gyi ye shes ni yul yar 'brog pa yin/ slob dpon chen po'i dus nas dngos grub brnyes tshar ba gcig thun mong pa'i snang ngor mgar gyi tshul du bzhugs/ gnyags lo chen po de mkhyen pa shin tu che bas slob dpon rnams las kyang rang nyid mkhas snyam pa lan gsum skyes pas srog la babs pa'i do gal tshar gsum byung bar grags/ de la rgyu 'bras mi bslu ba'i bden pa las bdag gir mdzad pa'i tshul ston pa la bab pa'i skabs zhig na/ gnyags la sku dgra lan gsum du langs pa'i res gcig yul nya 'khor gyi gnyigs dam ras spun gyi mi sha' khon du byas nas slob dpon btson du bzung / sog po dpal ye de don la grub pa'i spyod pa 'ba' zhig yin gyi rnam par gcan gzan gyi gnya' nas 'dzin pa sogs brtul phod par ston pas/ skabs 'dir bla
- 152b
ma'i phyir du lus srog 'dor ba'i rdo rje'i dam tshig snyan po la 'tshal bas brtson bsrung ba gnyid bkum/ slob dpon btson dong nas spyan drangs pa sogs sku dgra lan gsum brtul zhing thugs lan gsum bzung bas rdo rje phur pa'i dkyil mkhor mngon sum par sprul nas rjes su bzung ba 'di tsam don la gnas so// des gnubs chen la rjes su gdams pa'o// de la snga 'gyur gyi bstan pa bar du gnubs la bab te/ gnubs chen sangs rgyas ye shes rin po che 'di/ btsan po khri srong lde btsan nas/ khri bkra shis brtsegs pa dpal gyi bar ci rigs par byung bar 'dod pa dang / yang ral pa can gyi dus su byung nas/ khri bkra shis brtsegs pa'i bar bzhugs par 'dod pa dang / yang snga ma btsan po khri srong lde'u btsan dang / phyi ma ral pa can gyi dus na byung ngo // zhes gtan tshig sna tshogs yod de/ rgya bo cher/ rgya gar mkhas pa bi ma mi tra dang / oM rgyan mkhan po pad+ma 'byung gnas dang / bal po'i mkhas pa ba su d+ha ra dang / bod kyi mkhas pa dz+nyA na ku mA ras/ bdag la gnang ba'i man ngag 'di rnams yin/ zhes pas btsan po khri srong gi dus na byung bar rtsod pa med la/ sku che'i tshad brgya dang bcu gsum la gtan tshig sgrigs nas byon pa'i dus phyir bsring ba dang / rus gnubs dang / yul sgrags la gzugs brnyan gnyis par bcos pas snga phyi gnyis
- 153a
par byung te snying po med do// 'dir ni gnubs kyi ban chung sangs rgyas ngas/ lo ni brgya dang sum cur lon/ zhes phyi mtha'i tha tshig min par skabs kyi 'phros don la'ang byung bas tshe'i rig pa 'dzin pa brnyes nas mnga' bdag dpal 'khor btsan gyi bar du bzhugs par snang ngo // de la yab gnubs rig pa gsal ba'i dbang phyug dang / yum mchims mo bkra shis 'tsho zhes bya ba'i bur btsas/ mtshan rdo rje khri gtsug tu grags/ lo bdun par 'o bran dpal gyi gzhon nu las bri klog sbyangs/ mkhan po b+ho d+hi sa twa las rab tu byung / slob dpon ba su d+ha ra bsam yas su byon pa dang mjal nas gser srang gsum gyi 'bul ba byas te man ngag 'ga' zhig thos/ slob dpon 'byon khar slar ba la yul du shog ces pa'i rjes su mnang ba thob pas rgya bal la 'gro ba'i blo chung ngu nas skyes/ spyir rgya gar la lan bdun byon pa'i snga res dang po lo bcu gsum pa yin zhes zer/ slob dpon chen po pad+ma'i zhabs las bsgrub chen bka' brgyad kyi dkyil 'khor du dbang bskur thob cing dngos grub brnyes/ re zhig na yul gzhis btsongs pa'i rin gser zho lnga bcu byung ba bsnams te rgya bal la gtad de byon/ slob dpon ba su d+ha ra las rgyud dang man ngag mang du thos/ des mdo lung gi mkhan po chos rgyal skyong dang / drag sngags kyi mnga' bdag rom bu
- 153b
gu h+ya'ang lung bstan/ rgya gar dang / bal po dang / grub sha'i yul na gnas pa'i mkhas pa mang zhig bsten/ rgya gar du mkhan po chos rgyal skyong las mdo lung 'ga' zhig dang / khyad par bru sha'i mkhan po che btsan skyes las mdo dgongs pa 'dus pa yongs su rdzogs pa mkhyen par mdzad/ bsam yas su lo tsA ba chen po'i grar bzhugs shing dam pa'i chos kyang bsgyur/ dben pa 'ba' zhig bsten dgongs pa la spyir dus 'di tsam na rgyal khrims zhig cing / phyogs ris kyi 'khrug pa dar ba'i skabs su gyur pa gnubs chen yab sras la 'o rgyal chen po byung / khyad par sku tshe snga ma la rgya gar du shan pa ma ru tse bya bar 'khrungs nas sems can gyi mdzad pa'i drag po'i gdul zhing lhag ma ma lus par rdzogs par mdzad pa dang / bod 'dir bon sras kyi bstan pa nyams par byed pas mtshon snga phyir bstan pa la gnod byed mang du byung ba de dag drag sngags kyi tshar bcad nas bstan pa bsrung ba'i phyir/ rgyal ba'i 'phrin las kyi bskul ba/ rnam pa'i rkyen yul pa'i khengs log snga phyi bar gsum du byung nas rigs kyi sras gnyis bkrongs pas/ ji skad du// nyon mongs bod yul dbus su langs// 'tsho ba'i zas rnams 'bangs kyis phral// zhes dang / bdag 'dra gnubs kyi ban chung yang // snying nas chos bzhin bya sems skyes// zhe sdang dgra bos byed ma
- 154a
// ster// sangs rgyas bstan pa bsrung ba'i phyir// zhe sdang de ma thag tu bskyed// dkar po'i che ba 'don bsam nas// ngan sngags yig sna sna tshogs bslabs// zhes pa ltar rgya bal gyi yul nas gshed skor rgya mtsho'i drag sngags rnams spyan drangs pa yin te/ bla ma bcu gcig zhabs nas btegs// 'on kyang mkhas pa bzhi la gtugs// slob dpon dpal gyi seng+ge dang // rgya gar khrag 'thung nag po dang // phung byed shan+ting gar+b+ha dang // bal po ba su d+ha ra bzhi// mkhas pa bzhi yi thugs brtol nas// zangs pa'i man ngag thugs la btags// zhes dang / de dag kyang gnad du bsdus pa bal po'i slob dpon nyid las byung ste/ 'di skad du/ slob dpon bal po'i rgyal po yi yang le shod kyi brag phug tu// gnubs kyi ban chung 'dir shog gsungs// bam chen ro'i dbang bskur nas// lha ru 'jam dpal tshe bdag gtad// ces pas mtshon no// de ltar slob dpon 'di rgya gar du 'byon pa'i res shig rdo rje gdan la tshogs gsog mdzad pas/ nam mkha'i klong nas gser gyi rdo rje rtse dgu pa zhig rang gi zad khru gang gi sar byung ste lan gnyis su ma zin/ gsum pa'i tshe phyag g.yas pa'i mtheb srin gyi bar du chags pa'i mod la phyag na rdo rje dngos kyi skur gyur/ dbang bskur byin gyis brlabs/ sangs rgyas ye shes su ming gi cod paN dpyangs/ dbang
- 154b
rtags su rdo rje rtse dgu pa 'bral med du 'chang ba da lta rong byams chen gyi thugs ka na yod par grags/ rgya bal gyi ru mtshams rdo rje rtse lnga'i brag phug tu slob dpon pad+ma las kyang gdams pa nod pa la sogs rgyud dang man ngag mang po thugs su chud/ dur khrod dang / mtsho gling dang / mi ma yin drag po rgya ba'i gnas su bsgrub par mdzad pas/ 'jam dpal ya man+ta ka la sogs te yi dam gyi lha dpag tu med pa'i zhal gzigs/ klu dang / gnod sbyin dang / dri za dang / yi dwags drag po dag dang yang gtam bgro zhing mchod par byed/ nus pa shin tu che bas lha srin kun gyis stangs phul/ dur khrod phu lung nag por e ka dza Tis zhal bstan/ bram ze mo'i thod pa dngos grub kyi rdzas su byin/ pad+ma gar gyi dbang phyug gis mon nag kha khra'i thod pa'ang dam tshig gi rjes su sprad/ mngon shes dang rdzu 'phrul thogs pa med par grub/ bod yul dbus kyi gnas sgrags kyi yang rdzong du bsgrub gnas kyi mthil mdzad/ de bzhin du zhugs gi rdo rje sgrom bur zla ba dgus sems nyid btsan sa zin/ gtsang gi phung po ri bo che dang / g.yung gi rdza lhung mo sogs zhabs kyis bcags/ drug cu re gcig par sgrags su khengs log byung bas gshin rje'i gshed kyi drag sngags rnon pos grong khyer mang po brlag par mdzad/ de skad du/ bdag 'dra sangs rgyas ye shes
- 155a
/ kyis// sgrub khang la ma'i mkhar la byas/ sgrags la nag po'i rtse mo ru// nye 'byed rlung gi 'khor lo bskor// sgrags kyi grong khyer sum bcu rtsa bdun brlag/ ces byung ngo // slar gnubs yul grong du bros/ der yang bzhugs su ma ster bas snye mo bye mkhan bzung / gnas der yang dmag gi chom pos skor zhing sku srog la bsngo bar nyen pa na/ mkhar gyi rtse nas lha 'dre gnyen po dbang du gsol/ tshigs su bcad pa'i bden pa brdar/ chos gos brdabs pas dam can chos skyong rnams mngon sum par byung ste/ bdag cag gi mthu rtsal gyis ri rab thal bar rlog nyi zla cha lang rde ba/ gnam sa bla log bsgyur nus kyang tshe/ rabs snga ma'i lan chags brdol bas sngon chad grogs byed dus ma ster/ da ni bka' bzhin 'tshal lo zer bas/ chos gos kyi cha ga nas seng sdeng gi phur bu bton/ dam can rnams kyi srog snying drangs dmag mi yod pa'i ri logs la 'dril zhing sdigs pas/ ri las med dpung chen po byung ste dmag rnams thams cad bsregs shing brlag par byas/ slar rab tu 'gyod nas bsam gtan mig gi sgron ma sdig sbyong du mdzad par grags/ sku dgra thul rjes lo gsum gyi bar la dbul zhing phongs/ sog po dpal gyi ye shes la sems phyogs dang sgyu 'phrul la sogs pa gsan/ sgrags yang rdzong du de kho na nyid kyi ting nge 'dzin la gzhol/
- 155b
mnga' bdag ral pa can gyis bar yan chod du rgya gar dang bod kyi bar du 'byon bzhud kyi ngang du yod pa la/ dar mas bstan pa bsgrubs pa thugs kyis ma bzod nas slar yang drag sngags spu gri reg chos mang po tshags su btsud nas mngon spyod kyi thugs rjes/ mtshams sbyar bar dgongs pa la/ sdig spyod rgyal po lha lung dpal gyi rdo rjes sbrul zin pas drag sngags 'chol gyi dogs nas gter du sbas/ mdo spu sems gsum gyi bstan pa'i rgyun slob ma'i tshogs la mi nub par spel nas mthar rang bzhin rdzogs pa chen po'i lam nas lhun grub 'od kyi phung por mya ngan las 'das so// 'di la rgyud 'dzin gyi slob bu sras kyi dam pa gcig/ thugs zin gyi sras bzhi dang lngar byung ba las// / sras kyi dam pa yon tan rgya mtsho ni skyes pa snga ma lab sras su 'brel/ 'dir gnubs khu lung du btsas/ skye ba snga ma'i phu bo rgya gar d+ha na d+ha las gnod sbyin ma'i rkang mgyogs bsgrub nas kyang gshog pa bcag pas ma nus/ slar rkang mgyogs cig shos bsgrub pas khos thu ba'i nang du d+ha na d+ha la khur nas mtshan gang gcig khu lung yon tan rgya mtsho'i rtsar bskyal/ der yon tan rgya mtsho'i skye ba snga ma rang gi gcung por yur pa la rjes su brtse bas dbang bskur/ yon bdag la thun mong gi dngos grub byin pas mi rabs bdun tshun chad dar bar grags/ yon
- 156a
@/ tan rgya mtsho la bsgrub gnas grong du mi rung gsungs nas mkhar gdong yon ma'i bcu rum lta bu'i sa gnad bstan te bstan srung gshin rje dmar nag dang / ma gshin gyi skor sogs byin nas rgya gar du gshegs/ der yon tan rgya mtsho lo sum cu lon pa'i tshe khyim la 'khyams pa slob dpon sangs rgyas ye shes snar gyi shug la nag por bzhugs pa dang mjal pas/ rus gcig pa dang skal pa can du dgongs nas chos skor bcug ste rjes su bzung / lta ba gang dril/ gab pa mngon du phyung / gsang ba khong lho ltar byung / star kha gegs sel gyi tshul te bzhig bshad pas gdams ngag thams cad rdzogs par grags/ 'di la'ang khengs log byung ste gshed ma brgyas skor ba'i tshe yang 'bar ba lta stangs kyi rdzu 'phrul mngon sum du 'grub pas/ spyan g.yas pa nas me 'bar/ g.yon pa nas chu 'grub par sprul pas klags lta ba'i skabs ma rnyed par rang rang gi lag cha 'chor ba'i ngag du 'gro dgos pa byung / spyir yi dag mang po'i zhal gzigs/ dam can bran du 'khol/ chos nyid kyi bden pa mngon du gyur pas dngos grub chen po gnyis ka brnyes pa zhig yin te rnam thar rgyas pa yi ge'i lam du 'dren par ma nus pas so lugs kyi yig cha sogs las shes so// thugs zin gyi sras bzhi ni/ so ye shes dbang phyug la lta ba skad dril te bshad/ pa gor blon
- 156b
chen 'phags la gzhung 'grel Ti ka dang sbyar nas bshad/ dan yon tan mchog la star kha gegs sel gyi tshul du bshad/ sru legs pa'i sgron ma la tshig sdeb sbyor legs par bshad/ bzhi ka tshang ba ni yon tan rgya mtsho yin no// 'di la sras ye shes rgya mtsho dang / pad+ma dbang rgyal gnyis byung / ye shes rgya mtsho'i sras lha rje hUM chung / 'dis rje btsun mi la la drag sngags bstan pas mthu chen gyi grags pa thon pa de byung // yon tan rgya mtsho yab sras kyi slob ma nyang shes rab mchog/ 'di bskyed rdzogs gsum ka la mkhas par grags shing dog la gshongs kyi gtsug lag khang yang bzhengs/ ha'o sgrol gyi brag la sgrub pa mdzad pa'i tshe// rdo rje phur pa'i dkyil 'khor zhal gzigs/ brag la rdo rje brgyab pas 'jim pa la byas pa bzhin thim gyis song ba sogs grub pa brnyes pa'i lo rgyus mang du yod/ de'i slob ma chos lung nyung shes rab 'byung gnas yin/ bla ma'i thugs zin zhing / bskyed rdzogs gsum ka la mkhas pa'i grags pa thob/ de dag las brgyud pa phal mo cher rong lugs sam/ rus las btags te nyang lugs kyang zer ro// yang so ye shes dbang phyug gi slob ma ngan thung byang chub rgyal mtshan/ kong btsun shes rab ye shes/ ra thur shes rab tshul khrims te gsum ka yin gyi breng chags su mi 'dren zhes 'gos gzhon nu bzhed/ yon tan rgya mtsho
- 157a
yab sras dang / so ye dbang gnyis ka'i slob ma myang shes rab mchog/ de'i slob ma ye shes byung gnas/ de'i slob ma lha rje zur po che ste/ zur po che ni stong tshab 'phags pa rin po che la'ang thug pas/ gnubs chen dang zur po che'i bar na bla ma gcig yod pa yin no// da ni tha ma zur la babs pa'i rnam gzhag bshad par bya ste/ de la zur po che shAkya 'byung gnas kyi bstan pa phyi dar la snga 'gyur gyi bstan pa'i rtsa ba btsugs/ zur chung pa shes rab grags kyi yal gar brkyang / zur shAkya seng+ges lo 'bras rgyas par mdzad pas zur med dpon rnam gsum zhes grags la/ spyir zur zhes bya ba'i gdung 'di dang por rgya gar nas lhags pa zhig ste/ 'phags pa'i yul du 'od gsal du 'od gsal lha dbang gzhon nu gtsug tor can/ de'i sras man+ta cang zhu can/ de'i sras mdo khams su byung ba zur rgyal ba gsum grags/ de'i sras zur bshes gnyen stag sgra can/ de'i sras zur rin chen rgya mtsho/ de'i sras mtsho bzang mig po che/ de ba sngon du lha rje zur po che 'di'i sras su 'chad cing / gzhan du a tsa ra'i sras su 'dod kyang / 'dir zur pa'i rabs nyi shu rtsa bdun gyi yi ge zhig mthong ba de nyid btsan par gyis te mig po che la zur a tsa ra/ zur kha can lag can zur bzang shes rab 'byung gnas te sras gsum
- 157b
byung ba tha chung shes 'byung gi sras lha rje zur po che/ zur ston bla ma/ zur sgom rdo rje 'byung gnas/ zur sgom chung dang bzhir byung la/ che ba a tsa ras rgya gar la byon pa'i sras nyi ma'i snying po/ slar bod du byon nas thag lung par bzhugs pa'i sras zur thag pa sgom chen/ de'i sras zur chung shes rab grags pa yin zhes smra'o// de la lha rje zur po che ni dpal chen po 'jig rten na mngon sum du byon pa yin te/ yul mdo khams kyi sa cha yar rdzong ngam g.yar mo zhes bya bar/ yum yon bdag mo bde ba lcam zhes bya ba'i sras su 'khrungs/ lhums su zhugs pa'i tshe yab kyi mnal lam du gser gyi 'khor lo rtsibs stong pa phyag tu byung ba dang / 'phags pa spyan ras gzigs yum la thim pa sogs byung bas sprul pa'i skur shes nas mtshan shAkya 'byung gnas su btags/ yab las bri klog mkhyen par mdzad/ sgyu 'phrul gyi skor dang man ngag phran tshitshegs zhus/ bla chen dgongs pa rab gsal las tshigs gsum rim nod kyi lo dus bsnyen par rdzogs/ 'di sprul pa'i skur 'dug pas mtshan spo mi dgos gsungs/ mes po rin chen rgya mtsho'i drung nas mtshan nyid sde gsum/ kri ya rnam 'joms/ rnam snang rgyud/ dpal mchog dang po rnams dang / gsang sngags nang gi man ngag thabs lam la sogs pa'ang mkhas par mkhyen/ de yang gsungs nas/ rtsa rlung rta ru zhon//
- 158a
/ gtum mo gos su gyon/ gdams ngag skyo grogs su khrid/ dad pas sna drangs te mdo khams kyi sa cha brgal nas 'dam gyi phyogs su nye bar sleb ces gsungs pa ltar/ khams nas 'dam du sleb pa'i tshe lam cha ma 'tshal ba la sprin gseb nas lha'i bu gnyis kyis bstan te/ dbus phyogs su brtol/ yar klung nag mo/ lung du kri ya la bsgrub pa mdzad pa'i tshe/ theg pa chen po gsang ba bla na med pa'i rigs sad de/ spong len rtsol byas kyi lam 'di ni 'ching ba'i rgyur 'dug/ tshegs chung ba la bya bslab gsang sngags bla med kyi lam zhig dang mjal bar shog dgongs pa'i nub/ nags tshal can gyi ri la sgoms zer ba zhig byung / der gtsang po la lam rgyus bcol nas gtsang la gtad de byon/ gsang sngags kyi chos la mkhas grub brnyes pa su yod dris pas/ nags tshal gsum sgril bya ba na yod zer/ der sngar gyi rmi lam dran nas byon/ dge gong lce sha ka mchog la bdud rtsi sman sgrub la sogs pa zhus/ spyir zur chen bla ma mang du bzhugs te/ khyad par du chos lung gi nyang ye shes 'byung gnas las zur pa'i me tog phog pa'i chos skusgyu 'phrul dang sems phyogs rnyed pa yin/ tho gar nam mkha' sde la mdo dang gsang sngags/ rdzogs chen man ngag dang bcas pa/ yul gsar gi gnyen nag dbang drag dang / lce shAkya rgyal mtshan la gsang dbang
- 158b
dang thabs lam/ myang stod kyi 'bre khro chung la ka dag dang lhun grub/ sgyu 'phrul lam rim/ mchims phu'i rog shAka 'byung dang ldan ma shes tshul yang dag/ zhu ston bsod nams shAkya la mdo yongs rdzogs/ stong tshab byang chub/ rgya ston blo gros/ bka' sdod ye shes snying po rnams la'ang mdo lung / dbang bsgrub/ rgyud 'grel 'phrin las dang bcas pa gsan zhing / bla ma de dag kyang rta la sogs pa'i bdog dgu'i 'bul ba dang / 'khor gsum yongs dag gi mchod pas mnyes par byas pa 'ba' zhig go/ tshul de lta bus mkhas pa mang po'i man ngag blangs/ dgongs pa nyams 'og tu chud/ sde snod dang / rgyud sde'i grub mtha' la mkhas shing byang chub par byas nas/ rtsa rgyud dang bshad rgyud sdebs/ rtsa ba dang 'grel pa sdebs/ rgyud dang sgrub thabs su sdebs/ sgrub thabs cho ga yig la sogs par sdebs nas lag len du thebs par byas// nags tshal can gyi ri la dpal yang dag gi bsgrub pa kho na la gcig tu gzhol bas bskyed rdzogs bzlas gsum gyi gdengs chen po stobs su gyur/ mgrin pa longs spyod kyi 'khor lo'i rtsa mdud grol nas shes rab phyogs med du rgyas/ slob ma mang du 'dus pa la mdo dang sgyu 'phrul gyi 'chad nyan kyang mdzad/ rgyun du g.yeng ba'i las thams cad rnams par spangs/ che thabs dang 'du 'dzi bshig/ byang chub phyi dus la mi
- 159a
re ba da lta nyid kho nar mngon du mdzad pa'i brtson 'grus drag po rgyud la bsten nas bsgrub pas re zhig na gtor len du rnal 'byor pa'i rnam pa can zhig byung / de la cung zad byin pas khos ril por thob/ rtsig pa'i drung na phar 'gro ba dang / zur po che 'di snyan pa dang yon tan mnga' ba zhig 'dug ste/ rog shAka 'byung ni rgyun gtor tsam yang mi 'dug zer/ de nye gnas kyis zos nas bla ma la zhus pas bos shog gsungs/ 'bod du phyin pas phug gcig na ka pA la nas zan 'bru la za zhing snang / 'deng ngo byas kyang yong mnyan par rog shaka 'byung mchims phun tshe la dbang thob nas yod pa yin/ zur po che la chos len mi thong gyis shig zer/ rkang pa sa la ma reg par song / der bzang sgom shes rab rgyal po dri'u'i khal dang bcas chos len du btang bas/ bsam yas su slebs te dris tsa na su la'ang bshad rgyu mi gda'/ slar rgan mo zhig gis de dang po tsan mchims phra'i ri 'di la yod pa yin zer/ rdzi'u gcig gis/ ri 'di la yod yod 'dra/ skabs re tsa na rnga dang / ru lu'i sgra ngas kyang zos zer/ der bzang skom gyis rtsa phang phung yod pa zhig tu khal phog/ dad gus kyi gsol ba btab pas/ sgra chen po dang bcas brag phug gi sgo dang de mthong / der mos gus chen po dang bcas phug par thal gyi song bas/ gsang ba'i sgrol ging
- 159b
bco brgyad kyi 'du bar 'ong ba 'di sgrol zhig zer/ der bla ma rog gis 'di las can yin pas mi rung gsungs/ lo rgyus zhus pas/ nga rog shAka 'byung / slob ma zur shAka 'byung / mtshams sbyor shes rab rgyal po/ rten 'brel bzang gsungs/ der bzang sgom la sangs rgyas mnyam sbyor/ yang dag gi bdag gzhan dkyil 'khor bcu gnyis/ yang phur sgrags ma la sogs pa'i dkyil 'khor drug cu rtsa gnyis kyi dbang bskur/ dpe dang bka' lung rjes su gdams pa thams cad thob te bsam yas rgal bar sleb pa'i dus/ khal gyi steng na khye'u dar gyi ber thod can zhig mthong bas slar log te dris pas/ tshangs pa dung thod can 'go ba yin gsungs nas gsol ka'ang gnang / slar gdams pa bla ma zur chen la gsang ba'i ngang nas phul/ dpon slob kun gyi sgom sgrub lo du mar mdzad cing 'chad nyan bskyangs pas 'gro phan che bar byung na'ang / zur chen po dben pa 'ba' zhig la thugs gtod pas 'di yang dge sbyor gyi g.yeng bar 'dug pas bo dong mnga' bdag brag la 'gro gsungs te der gcig pur sgom sgrub la zhugs tsa na/ bu slob rnams kyang rjes su 'breng byung bas/ khyod rnams pa'i rtsar yod don byang chub thob pa la re ba yin na sgom grub min pa gzhan gang gis kyang phan mi thogs/ 'jig rten gyi g.yeng ba rgyab tu gzhog la sgrub pa la
- 160a
/ 'bungs/ nga yang sgrub pa kho na byed gsungs te dpon slob kun so sor bsgrub pa mdzad/ de nas re zhig na mkha' 'gro'i lung gis sa smad la phebs na 'gro don che bar bskul bas/ rta nag gi lung par byon/ 'ug pa'i tshang yod pa'i brag phug kha shar bstan gcig tu yang dag lha dgu'i bsgrub pa mdzad pas/ dpal chen po yang dag lha dgu'i zhal mngon gsum du mthong / de ltar bzhugs gnas kyi ming las bla ma 'ug pa lung pa zhes kun tu grags/ der sgrub rgyags kyang dkon zhing / 'byon pa'i lung bstan kyang byung nas smad phyogs su ljongs rku bar chas pa'i gzhi bdag ze re ze btsan bya bas gzugs bstan te bzhugs par zhus pa na/ nga la gnas gzhan du 'gro ba'i lung bstan yang byung / rgyags kyang med pas 'gro gsungs pas/ dpon slob rnams kyi 'tsho ba dang gos 'bul/ ci kyang bzhugs par zhu zhus pas/ re zhig bzhugs par zhal bzhes/ rta nag gi phyug po zhig la nad drag po byung nas/ mo lung la tshogs gtor thong / bla ma 'ug pa lung pa la byin brlabs zhus zer bas/ nad pas bla ma'i drung du phyin pas zhal mthong ba tsam gyis bder song / byin rlabs zhus/ tshogs 'khor byas ma thag tu nad las grol/ de bzhin du nad gdon gyis mnar tshad la byin brlabs dpag tu med pa byung bas skye bo rnams dad ste sku bsod chen po
- 160b
skyes/ bla ma'i dgongs pa la/ thun mong gi bsod nams 'di mchog bsgrub pa'i bar chad chen po yin/ ri bo dgu 'dus la sgom du 'gro dgongs nas gshegs tsa na/ gzhi bdag des sgrub rgyags ni phul yod cis kyang bzhugs par zhu zer bas/ khyod kyi 'tsho ba 'di gzhi dag po zhig kyang dka'/ 'du 'god kyi g.yeng bar 'gyur bas de lan 'gro gsungs pas khong gdong mchi mas gang nas cis kyang mi bzhugs na bdag la'ang thugs rjes dgongs 'tshal zhus na srog snying phul/ bla mas dge bsnyen gyi sdom pa phog nas bstan pa bsrung bar bsgos/ mar lam jo mo sna dmar kyang dam la bzhag/ de nas g.yas ru thag tu byon/ zur chung pa la nga la ri bo dgu 'dus su sgom zer ba'i lung bstan byung ba de brag rgya bo 'di yin par 'dug gsungs nas dpon slob thams cad bsgrub pa la bzhugs so// de'i tshe lha rje zur po che la slob ma rtse mo bzhi rtse lkog dang lnga/ sgom chen brgya rtsa brgyad yod pa'i rtse mo bzhi ni/ lha dgongs kyi rtse mor gyur pa zur chung shes rab grags/ sgyu 'phrul gyi bshad pa'i rtse mo gyur pa mi nyag khyung grags/ mkhyen brgya'i rtse mor gyur pa zhang 'gos chung / sgom sgrub rtse mor gyur pa bzang sgom shes rab rgyal po// rtse lkog ni chos kyi steng du pho za'i rtse mor gyur pa rtsags bla ma'o// yang rtse lkog brgyad du 'dren pa'ang yod do// de bzhin du gru
- 161a
/ sgom sba 'gying / yul sgom nag mo/ lce sgom shAkya rgyal/ zur sgom rdor 'byung / g.yu sgom rdo 'bar/ sba sgom bsod nams snying po la sogs te sgom chen brgya rtsa brgyad yod do// de thams cad kyang nam mkha' la 'gro ba sogs rdzu 'phrul thob pa 'ba' zhig du grags/ de nas re zhig na bla ma'i drung du bud med gsum byung nas/ g.yas ru shangs kyi mda' shangs chu'i shar na lung pa dbyibs zla gam/ phu na brag snying 'dra ba/ mda' na zang ma tram bsgral ba'i pags pa lta bu/ ri dbyibs glang po che'i sna 'dra ba la brag seng+ge ya thod lta bu/ rdza gsum nas chu gsum 'bab pa sku gsum gyi don rnyed pa zhig yod kyi der sgom na skye ba 'di nyid la 'tshang rgya zhing / 'gro don yis ring bar 'gyur ro zhes lung byin pas/ zur chung pa la brag rgya bo sgrub gnas kyi pha phyogs su mdzad/ bla ma 'khor dang bcas pa mar byon/ sa dmigs mkhyen nas zhang mo yon tan rgyan gyis sbyin bdag byas/ des phul ba'i phug par bla mas bzhugs/ zur chung pa sogs sgom chen brgya lhag tsam yod pa lung pa'i phu mda' thams cad du spyil po dang / brag skyibs dang / lcags skyobs la brten nas bsgrub pa mdzad/ yul mi tsho bdun gyis zhabs tog byas shing yon bdag gi rtsa ba sram pa bon grong par byas/ bla ma sangs rgyas dngos su 'dzin to// der lo mang por sgrub pa mdzad//
- 161b
zhi ba zhe gnyis dang khrag 'thung lnga bcu'i zhal mthong / khyad par du yang dag gi lha tshogs mi dang phrad pa bzhin gzigs nas gsung gleng mdzad/ go ri brgyad la sogs pa bran du 'khol/ mi ma yin rnams kyis las gang bcol nyan pa byung / der bla ma'i zhal nas/ ngas 'ug pa lung gi sa rdo ri brag thams cad zhi khro'i lha tshogs su mthong / khyad par dben ser mo'i lho ri 'di rgyal ba rigs lngar rgun du mthong bas zhi ba'i lha khang bzhengs gsungs te sta gon mdzad/ sa'i dpyad gzigs nas sa dgra ngan pa dag bcos/ lho ri sdig nag zur du rgyugs pa 'dra ba'i rwa dbrag tu zur po che dpal chen po'i skur bzhengs nas zhabs g.yas pa bzhag sar zhabs rjes kyang byung / der he ru ka'i sku 'bum phrag yod pa'i mchod rten dang / phyogs bzhi dbus dang lngar rtse mo bzhi dang rtse lkog lngas mchod rten re yang bzhengs/ klu dung skyong gnas pa'i chu mig la zangs bkab nas kha bcad/ de'i steng du gtsug lag khang gi rmang bting / che chung nyang stod rtsis kyi lha khang dang mnyam pa byed rgyu la rdo bzo bas cung zad bskum zer/ de bzhin du bzo bo phal cher bsod nams ma yin pa 'du byed pa la spro bas/ shing thams cad khod mi snyoms shing / ring thung du gnas pa la sogs phyag rdzas bron pa'i thabs 'ba' zhig byas kyang / 'di ltar byang chub sems dpa' gtong ba la
- 162a
goms pa'i snying stobs pa ser sna dang 'jur bu'i rnam rtog gis rdzi bar nus pa ma yin pas nor rdzas la rmi lam dang sgyu ma lta bur gzigs/ ka chen ya gcig bregs thal te ma skyob pa/ zhabs kyi sgril bas ring thung snyom pa'i grub rtags bstan/ de la rdo rje'i rtags sbyar nas yod/ de bzhin du ka ba skyog por gyur pa rnams zhabs kyi sgril bas mda' ltar 'khrongs pa dang / log bsgrub bzod pa sogs tshad med pa'i thugs rje dang nus pa mthong bas/ bzo pa rnams slar 'gyod pa chen po skyes/ lha khang tshar ba'i shing lhag rnams la brtsigs pa med par ka ba bzhis btegs pa'i sgo khang khyad 'phags zhig byas par 'gyod tshangs rgya phug zhes grags la de slar mgon khang du mdzad do// de ltar gtsug lag khang dbu rtse ka ba bzhi pa rnam snang kun tu zhal gyi gtso byas pa'i zhi ba'i lha tshogs/ 'khyams stod ka ba brgyad kyi sar / sgo srung rta bdud gnyis/ glo 'bur lho byang gnyis na yum chen mo dang / mar me mdzad la mchod lha bzhi bzhis bskor ba/ mgon khang na legs ldan/ dpal ldan lha mo/ tshangs pa dang / brgya byin rnams 'bur skur byas/ 'khyams stod ka ba brgyad kyi sar bla ma brgyud pa'i gyang ris/ sgor khang la pad+ma brgya ldan la sogs pa'i dkyil mkhor nyi shu rtsa gsum/ 'khyams smad ka ba nyi shu'i sar sangs rgyas stong rtsa/ phyogs
- 162b
bcu'i sangs rgyas tshe dpag med la nye sras kyis bskor ba/ sangs rgyas rabs bdun/ mdzad pa bcu gnyis/ byang chub sems dpa' chos 'phags/ sgrol ma 'jigs pa brgyad skyob/ rigs gsum mgon po/ ma la ya'i zhing bkod/ srid pa'i tsakra la sogs pa gyang ris su mdzad/ de ltar skya bzo grub nas/ da ni nga'i lha khang thang ka yan chod gser gyis byug pa yin/ gser 'gro'i ri tshugs po las 'don gsungs nas dgongs pa mdzad pas/ nam phyed na gzhi bdag btsan de rta pa nag po gcig tu byas nas byung / zur po che la phyag dang bskor ba byas nas lha khang gi thang ka yan chod gser du byugs na/ nged kyi gser 'dzad pas/ lha'i sku rnams khyab nges zhig 'bul zer bas/ de bzhin du mdzad/ rab tu gnas pa'i tshe rgyal ba zur che chung gis kun rig rnam snang gi dbu gtsug nas zhugs thugs kar thon/ thugs ka nas zhugs dbu gtsug tu thon pa la sogs rdzu 'phrul gyi bkod pa zad mi shes pa bstan pas bzo bo rnams snying zag pa nas dad par gyur te/ bla ma'i lha khang ri rab tsam la// mchod rten gyi 'degs byed zer/ bsam yas mchod rten sngon po la dpe byas bkra shis sgo mang lha khang gi byang phyogs su dad bzhengs kyis phul/ bla ma'i mtshan gdan sa la chags pas dpal 'ug bya lung zhes yongs su grags/ lha rje zur po che'i ring la dbu
- 163a
/ brnyes/ zur chung pas srol gtod/ zur shAkya seng+ge dar rgyas su mdzad zer ba de gdan rabs 'dis snga 'gyur rdo rje theg pa'i bstan pa la bya ba rlabs po che mdzad pa'i rnam gzhag yin no// de nas 'chad nyan la sogs pa'i 'gro don rgya chen po mdzad/ re shig na dpon slob kun gyi yang dben ser mor yang dag gi lo bsgrub mdzad pas mar zad de mchod me ma byung bas/ chu mig zhag bdun du mar khur byin gyis brlab nas mar khu 'dzad med blangs chog pa byung / der thog mar 'chad nyan pa rnams bshad pa la gtso bor 'don pas dang po tsa na 'phrin las shes pa nyung ste/ khong rnams chos rar bgro gleng byed pa'i tshe 'phrin las shes shing bgro gleng med pa dag mi shes pa'i phyogs su phul bas/ rgyun gtor ldan gcig tu gtong ba'i tshe 'phrin las shes pa tshos gyer du ma nyan/ der bla ma'i zhal nas/ gang la mthar phyin pa gcig gi grol ba yin/ gcig gis gcig la khyad gsod mi rung / theg pa dgu'i grub mtha' rang sa na yod kyi/ theg pa'i kha 'dzin pa ma yin/ gsungs pas thams cad la don gyi go ba khyad par can skyes nas zhi dul du gnas pa byung / de'i dus su bla ma'i zhal nas/ slob ma rtse mo bzhi la/ lam nyams su len pa la gang gal che/ khyed bzhi po go ba re bzhog gsung pa la/ zur chung pas/ sngar bzhin gyi bag chags tshan
- 163b
po che 'di/ ma sgoms na mi 'dzad pa zhig 'dug pas/ nyams len la blo zag chod pa gal che/ phral gyi sgrib pa dri ma 'dra ba 'di/ da lta nas dag dgos pa 'dug pas/ nang dang nub tu dge sbyor byed pa gal che/ ji srid gnas lugs mngon du ma gyur gyi bar du bsod nams kyi tshogs bsag dgos pa 'dug pas/ dge ba phra zhing phra ba la brtson pa gal che zhus/ de bzhin du gzhan gsum pos kyang rang sa'i go ba re zhus pas/ bla ma mnyes nas/ dam pa'i lha chos byed pa la// lam lta sgom spyod pa gsum du gda'// lta ba zhes ming du btags pa de// lha rgyu byung na lta ba min// lta rgyu med pa'i don la blta// chos nyid brjod med lam du khyer// zhes pa la sogs pa lta sgom spyod pa'i lam khyer gyi mgur gsungs pas slob ma kun mos pa mchog tu 'phel/ de nas bla ma zur po ches 'ug pa lung du tshogs pa bskyangs shing rgyud kyi bshad gra dang sgom gra chen po mdzad/ zur chung pas yang dben sngon mor yang dag gi bsgrub pa mdzad cing bzhugs tsa na/ shangs kyi sgrub khang gdong la rgyu'i he ru ka zhal gcig phyag gnyis pa krong nger 'dug pa gzigs/ sgrub pa thon nas bla mar lo rgyus zhus pas/ bla ma'i zhal nas zur chung pa dpal chen po la grub pa thob pa yin/ nga la rig 'dzin nam mkha'i snying pos kyang he ru ka'i sku bzhengs na bod 'bangs la gnod pa'i gdon mthu bo
- 164a
/ che zul zhing 'gro don 'byung ba'i lung bstan kyang yod pas/ de'i slad du 'gro zhes gsungs/ nye gnas la/ 'o cag lha khang bzhengs pa'i yo byad sngogs shig nged tshos sa 'dul bya yi gsungs/ brag seng ge'i ya thod kyi khar bzhugs/ gtor ma bshams/ bla ma dpal chen po'i ting nge 'dzin la bzhugs nas stangs stabs mdzad pa'i tshe/ sangs rgyas mthong ba'i skal ba dang ldan pa rnams kyis mngon sum pa'i skur mthong ba byung / de nas 'gram rdo slang ba'i dus zur chung pa sku lus sgeg cing zhal ro ngan pa la brnyas nas/ gzhan kun gyis 'gram rdo chen po re bzhag gi na/ da zur chung pas gyad rdo gcig 'jog zang zhes zur za bar byas pas/ zur chung pa na re/ dpon slob gra pa rnams spobs pa smad cing gzu bor gyur pa dag mos par gyur to// der nag phyogs kyi lha 'dre byed pa mi bsrun pas lha khang brtsig pa'i 'gal rkyen dang mtho 'tshams pa'ang zur chung pas gyad rdo bzhag pa phyin chad nas zhi bar grags/ shing sgrigs ran pa'i tshe ka ba bzhi sgrog por byung ba bla ma'i zhal nas 'di zur chung pas srongs shig gsungs pas/ rlung khug pa gcig gi ngang la dgye ba dang gug pa'i rten 'brel cig mdzad nas mda' bzhin du bsrangs/ thog phub zin pa tsam la/ ngas lha bzo ba bkug pas khugs yong gi 'dug gsung / zhag gnyis pa la lha bzo shes pa
- 164b
'ga' zhig chos zhu ru byung / ma mkhyen pa ltar mdzad nas/ khyed rnams yon tan mkhan gyi rigs sam gsungs/ bdag cag rnams ni lha bzo mkhan te sku drung du chos zhur bcar ba lags zhus pas/ rten 'brel bzang / ci 'dod pa'i chos kyang 'ong / dus kyi snyigs ma la 'gro don chen po 'ong bas dpal chen po'i sku bzhengs pa yin/ khyod rnams kyis de bzhin du 'tshal zhes gsungs pas/ khong rnams kyang dang pa shin tu ston par gyur nas dpal yang dag gi bum dbang sngon la bskur/ de nas de bzhin gshegs pa'i gdung ring bsrel dang / bram ze skye ba bdun pa'i sha/ dur khrod brgyad kyis rdo chu shing / rin po che'i rigs/ rgya bod rig 'dzin gyis bsgrubs pa'i chos sman rnams bsres pa'i lde gu sta gon byas/ sku'i tshad ji tsam bgyi zhus pas/ thog spangs dang bstun par gnang / der 'bras bu'i he ru ka zhal gsum phyag drug pa mtshar ba dang / rngom pa dang / bzhad pa ci lta bu zhig byung yang / bla mas zhal mthong ba ltar ma byung bas sbyor cig gsungs/ lan mang po bsgyur dgos pa byung / re zhig na/ nga 'dra ba zhig shes sam gsungs/ shes mchis zhus pas/ do nub gsol ba thob la/ sang nga la lta ru shog gsungs/ sang zur chung pa dang bcas lha bzo rnams kyis drung du phyin pas/ nye gnas don yod rdo rje la gtor tshogs shoms gsungs/ yang dag
- 165a
/ gi las gzhung bsrangs/ tshogs 'khor mdzad nas da ltos shig gsungs te ljang stangs mdzad pa'i mod la he ru ka dngos su gyur nas/ dbu sprin dang na bun gyi mtshams na lhag ge ba/ zhabs g.yas 'ug pa lung gi he ru ka'i brag gdong dang / g.yon btsan po sbur khang gi ri rtser bzhag pa/ zhal gcig phyag gnyis/ mche ba gtsigs shing ljags 'dril ba/ rdo rje'i gshog pas bar snang gang ba/ 'jigs shing rngam pa gcig mthong ba dang / lha bzo ba rnams zil ma bzod par dran med du brgya la/ brgya la sangs tsa na dgongs pa glod nas bla ma zhal 'dzum lhag ge 'dug/ da shes sam gsungs/ zhal gcig phyag gnyis pa'i sku gcig gsal ba mthong / de nas gang yang dran pa med par song bas/ de bzhengs rgyu zhal gsum phyag drug pa zhig bstan par zhus pas/ de yang zab ste/ gdul bya'i dbang gis zhal gcig phyag gnyis 'byon/ zhes gsungs nas de ltar bzhengs pa'i tshe/ lte ba man chad snga ma mthong bas mtshon par nus la/ yan chad da dung skyor cig gsungs nas lan grangs mang por bsgyur dgos pa byung bas/ zhal nas khyed tsho sgrib pa ma dag pa yin/ 'jim pa legs par sbyor la 'dir zhog/ chu mig pha gi nga'i bdud rtsi ka pa la gang gtor ba las byung ba'i sgrub chu yin pas khrus gyis/ lha khang gi phyi la skor ba lan bdun skor la
- 165b
shog/ de bar du nang 'dir su yang ma 'ong / ngas dpal chen po la gsol ba 'debs pa yin gsungs/ khong rnams de ltar byed pa'i ring la nang na 'phros dir dir 'dug khrus dang skor ba tshar nas nang du phyin tsa na/ sku drung na su yang med/ bla ma dgongs pa la bzhugs/ 'byin pa rnams zad/ dpal chen po lte ba yan chod rang byon du shar 'dug pas/ bu slob dang lha bzo ba kun ngo mtshar dpag tu med pa skyes/ phyag 'tshal bzhin du bla ma rang gi 'dir ltar mkhyen pa la/ kha sang nas mi mdzad pa// bdag tshor ba gam pa lags mod zhus pas/ nga nyid lta bu'i gang zag las// nga nyid lta bu'i rten cig 'byung // snyigs ma'i dus su 'gro ba 'dren// nad dang gdon gyi gnyen por 'gyur// sngar yang he ru ka nyid la brten nas he ru ka nyid byung ba yin la/ da yang he ru ka nyid la thim par 'gyur ro// zhes ma 'ongs pa'ang bstan no// sngon dus na byon pa'i grub pa'i slob dpon chen po 'di dag ni gsang ba bsrung ba la thugs shin tu skam pas/ 'di ltar mi'i 'du tshogs mang po 'ong sar gsang bsgrub ltar bzhengs pa shin tu gnyen pas mi btub gsungs/ khro mo brgyad po rgyud lugs ltar bzhengs shig gsungs nas bzhengs/ g.yas phyogs kyi gyang ris la sgyu 'phrul zhi ba/ g.yon phyogs la 'bar ba khro bo'i lha tshogs/ bdun du mdo yongs rdzogs/ steng du
- 166a
dkyil 'khor gsum dang / sgo khang ngos la dpal mgon ma hA ka la drag po gshin rje ltar bsgrub pa/ sta gzhon mon pa sde brgyad dang bcas pa bris/ de nas rab tu gnas pa'i dus la bab ste/ chang ma su la 'chol/ sha gang nas 'tsho la sogs rab ston gyi nyer sngogs bya ba na/ nye gnas na re/ bzo bapa dag/ las byed/ mgron po'i skyongs dar mang pas dngos po phal cher zad pa/ da 'bul ba skrag pa dang yon bdag gi sar g.yar spyi'ang byed dgos pas rab gnas dal gyis gnang bar gsol bas/ zur chung pa na re/ rab gnas dus la byed/ chang gi nas btsal bas mi lang / rdza mas kyang mi khom/ de bas chang ma klu la 'chol/ sha rnyed pa'ang dka'/ rnyed kyang rin ma 'khyongs/ sram pa bon grong pa'i glang la sha rgyu byed/ rtsam pa mi ma yin pa la 'degs bskul bas chog/ de ltar byas na mi ldang ba gang yang gsungs/ der bla ma zur po ches/ nas khal stong gi chang las mi 'gro khyod rang nas bre drug tshos/ mi'i mdun na rab gnas kyi chang tshos mang po yod pa ltar gyis/ zur chung pas klu mo khug cig gsungs/ de nas ya zad brag gdong gi brag la gnas pa'i klu bdud kyi sring mo de zur chung pas dgongs pa mdzad de bkug pas sbrul phra mo gcig byung / lta stangs mdzad pas/ bud med dkar mo gcig tu song / der zur po ches/ nga'i lha khang rab
- 166b
gnas kyi chang ma byed dgos gsungs pas/ nged gtsang ma klu'i rigs grib la sdang / skyur la 'dzem/ bla ma'i gzi byin yang mi bzod pas chang 'gro mi thon/ nga'i ming po la 'chol pa zhu/ rkyen gang dgos 'bul zer/ der bla mas 'o na zur chung pa ming po 'gugs sam/ byin gyis brlab gsungs pas/ bdag gi 'gugs par 'tshal zer nas lta stangs mdzad pas/ sdig par rtsa rtsi bu tsam zhig byung / ting nge 'dzin gyis gzigs pas gzugs mngon sum du bstan byung / der chang ma byed pa bsgos pas/ bdag lha 'dre'i rigs su gtogs pas bya dga' dang sems 'dzin du ma dgos/ chang ma byed du mi khom yang / bla ma'i bka' bcog par mi nus zer/ der khong gnyis kyi srog snying blangs/ dam la bzhag/ gnang nyin yong bas grabs mdzod/ nged klu'i rigs grib la brdar bas gtsang zhing sdod sa btsan pa'i thabs zhu zer/ der bla ma zur po ches/ ngas byin gyis brlabs kyis gsungs/ ma them bu gsum pa spos chus bkrus/ bdud dang klu brten pa'i mthun rdzas kyang 'du byas/ nas bre drug gi glum rnams blugs/ kha nas dkar gtsang mas bkang / der klu bdud ming sring gnyis bcug kha bla ma'i na bza' phod kas bcad/ phu dang nas chu blug tu rung bar byas/ rdo rje'i mdud rgya byas pas klus phyogs kyi chang rnams kyi bcud bsdus te chang la 'dzad pa
- 167a
ma byung / der nye gnas kyi chang gi ldang mchi/ rtsam pa ji ltar byed zhus pas/ pad snod mang po g.yor zhig gsungs/ der bla mas gtor ma gcig mdzad/ pad bu'i snod rnams su rtsam pa khyor ba re thob la zhog gsungs/ de ltar byas pas sang nyin snod thams cad rtsam pas khengs/ yang bla ma'i zhal nas gra pa gcig sram pa bon grong pa'i sar dengs la/ nged rab gnas byed pa'i chang gi sbrang ma mang po shing nags la pho btang 'di 'phangs/ glang rnams spang ma za bar thong gyis gsungs/ de bzhin byas pas glang mang po bskur byung / bla ma'i gsung gis zur chung pas sgrol lam gso gsungs pas/ bdag bla ma'i bka' bzhin sgrub par zhu zhus pas/ zur po ches dgongs pa mdzad de thun re 'phangs pas glang thams cad nyal gyi shi/ pags pa bshus/ rus pa ma bcag/ lha tshigs ma bral bar gyis/ nang gi don snod rnams kyang rang sor zhog/ phyi sha rnams bregs shig gsungs pas/ nye gnas skrag ste/ 'di pa dpon slob sdig rgyal du 'dug/ glang la spang ma ster gsungs nas thams cad bsad/ da glang 'don mi byung na ji ltar byed snyam nas blo shin tu 'tshubs ma'i ngang nas rab gnas kyi sha ston byas/ ston mo grub nas glang 'don mi byung / nye gnas rtab rtab por gyur pa dang / bla ma'i gsung gis khong tsho la'ang bza' ba byin/ zur chung pas
- 167b
glang bdag po la sprod cig gsungs/ der zur chung pas pags pa'i khud du rus pa rnams grel/ nang rol rnams kyang btsud/ na bza' bkab/ se gol cig gtogs pa'i mod la glang rnams 'dar phri li li langs byung / rgan mo gcig gi sha 'dra ba'i tshe rus rtsi phrad pa byung bas/ phyi glang de la rtsi ba gyol byung skad/ gsad gso'i rdzu 'phrul de lta bu mdzad pas der tshogs tshad thams cad shin tu dad par gyur/ bla ma zur chen yang mnyes pa'i ngang nas dpal chen po la gzigs te/ 'gro ba'i don chen po mdzad 'tshal gsungs pas/ sku gar dgu'i rnam par rol zhing / he he/ smos ci 'tshal/ gsungs pas dang po rngams zhal du yod pa la/ de nas bzhad zhal du gyur pa yin no// da nged rang rnams yang dag gi lo sgrub byed pa yin gsungs/ nye gnas na re cha rkyen gyis mi ldang zer/ zur chung pas/ chang mi ldang na klu bdud skor bas chog/ sha dang tsam pa yang bag tsam mchis/ rnal 'byor dam tshig ma nyams na/ 'tsho ba snang srid lha 'dres sbyor/ gzhi bdag gi 'bul ba'ang 'ong bas lo bsgrub mdzad pa dga' zer/ der rnal 'byor pho mo brgya tsam tshogs/ sgrub pa po rnams la chang ka pA la re dang / zan bya dang ma'i sgo nga tsam re/ sha dam tshig gi bza' ba rtsam drongs shig gsungs te lo bsgrub mdzad/ der bla ma'i zhal nas khyed tsho mi bzhi dgongs pa 'gran
- 168a
pa yin gsungs pas/ thams cad kyi mnyam par bzhag pa na/ gsum po la g.yo 'gul med pa'i dgongs pa ri bo lta bu rkyen gyis dkrog mi nus pa byung / zur chung pa ris med mnyam pa chen po'i gnas la byon pas lta ba mtho ba mtshon phyir shing rta la gang tsam 'phags nas gda' skad/ yang bla ma'i zhal nas/ da zur chung pa'i ru lu'i bzlas pa la phyi nas nyon cig gsungs/ rnal 'byor ma gcig gis phyi/ nas nyan pas/ sngar bas chung ngu ma song / ri zur gcig 'das nas nyan pas kyang chung ngu ma song bas/ der bla ma'i gsung gis/ khyed rnams mched grogs mnyam por yin yang / zur chung pa'i grib ma la'ang 'gom du mi rung gsungs nas gzengs bstod do// de nas bsgrub pa thon pa dang / dpon slob rnams grogs po'i sum mdor byon/ bla ma thugs nyams 'ur nas brag rdo rje'i gtan pa bya ba'i steng du ru lu'i bro brdung mdzad pa/ zhabs kyi long bu man chod 'dam la rgyab pa bzhin song / zur chung pas nga'i bla ma sangs rgyas dngos su 'dug pas zhabs spyi bor len pa yin zer zhabs rjes la dbu gtugs pas ral pa'i thor tshugs snyan cha dang bcas pa'i rjes lham mer byung / der bzang sgom sher rgyal na re/ bla ma khu dpon gnyis kyi grub rtags khyad du 'phags/ 'di la mi phyugs kyi rdog pa bzhag na bsod nams ma yin
- 168b
par gyur nye zer nas/ lag sor lnga gyad stobs po che lnga grul nas brag rdo rje'i gtan pa gyen du slang nas bzhag/ yang zhang mgos chung ba dang / mi nyag khyung grags gnyis kyi/ 'di brten pa nged la babs zer nas/ gyad stobs po che mang pos bskul bar yang ma nus pa'i pha bong re blang nas g.yas g.yon nas brten te rtsa ba brtan par byas pa da lta mngon sum na yod do// de nas 'ug pa lung du 'bras bu'i dpal chen po bzheng bar bzhed nas/ slob ma thams cad kyang phar dengs shig gsungs pas/ zur chung ba bla ma'i phyag phyi snyogs par 'ong gi zer nam mkha' la phur nas brag rgya por gshegs/ gra pa rnams ko ba brgyud nas song / klu bdud ming sring gnyis na re bdag cag ko ba la mi grib can dang 'grog par mi rung bas/ rabs la 'khrid par 'tshal zhes zhus pas/ bla mas de bzhin rung gsungs/ der nye gnas la rdza ma bskur bas ljid bya sgro las yang ba byung / chu khar phebs pa dang nye gnas la khyod rang nga la 'jus/ the tshom med par shog gsungs pas/ kho'i sems las su ma rung nas chu la bsgyur ba min nam sems/ de mkhyen nas/ da khyod nga'i phyir mi mthar 'dug/ ko ba bskor la shog/ ngas sngon la 'gro yi gsungs bla ma zhabs chu la mi reg par gshegs so// nye gnas kyi ko sar phyin pas/ ko ba pha rir thal/ der skrag yun
- 169a
ring ba dang kha skom nas chang btsags/ yog tshad 'thungs pas rnam rtog la/ chang btsos nas lo gcig dang zla ba bzhi song / 'di tsam yong ba bla mas rdza ma'i nang du ci bcug pa yin snyam nas rdza ma'i rgya bshig pas/ sbrul dkar nag gnya' shing tsam pa gnyis mdud pa shig se grol nas nam mkha' la dengs/ shul du sdig sbal tsong mo la sogs pa 'dug pa dag kyang tshag sgra 'ur sgra dang bcas nam mkha' la song ma zag spang ma sngo hrul le sing po sgyur sing nge song / der spang ma rnams pho rdza ma khur phyin pas chu thon pa dang rdza ma'ang chag/ der bla ma'i bka' las rten 'brel 'phrugs 'og gdong gi klu bdud ming sring gnyis phyir mthon na/ 'ug pa lung du dgon pa bod tsam na che ba chags/ sram pa grub khang yang dar rgyas che la sa mi gnyen pa zhig 'ong ste/ da rdza ma chu lhor thon pas gnas bzhi dang sde dgon 'ga' zhig chags par 'gyur zhes gsungs/ klu bdud ming srid sram pa bsgrub khang gi bka' bsrung la bskos/ rten 'brel des 'bras bu'i dpal chen po yang ma grub bo/ de nas bshad gra dang sgom grwa rgya chen po byung / de'i tshe nya ri nam ma g.yung drung bkra shis bza' mi gnyis bu tsha med la nor gyi 'byor pa yod pa/ chos 'khor bya ba 'dod nas yul mi dang nye du kun bsags te slob dpon gang bzang dris pas/ la la sngags pa/ la la
- 169b
btsun pa/ la la bon po zer kha ma 'cham pas khyed rang gang mos la gyis shig pa'i gros btab/ mo na re/ nga'i yo byad kyis 'dengs pas gsum ka byed zer/ der sngags pa 'ug pa lung pa/ bon po la ke rtse ba/ btsun pa chu mig ring mo ba rnams gdan drangs so// mchod gnas gsum po 'dus nas khang stabs su brtsig pa'i gros byed pas lha'i gtso bo la ma mthun/ sngags pas rdo rje sems dpa' la byed zer/ btsun pas shAkya thub pa la byed zer/ bon pos gshen rabs mi bo la byed zer bas/ lha khang so sor brtsig tu chad/ lha rje 'ug pa lung pas sgrol phug pas dma' ba gcig tu bon po dang sdebs nas brtsigs pas/ bon po na re/ gdong lha bzhengs pa'i tshe bzhengs pa'i tshe yang / khyed kyi lhas gtso bo byas na nga'i lhas 'khor/ nga'i lhas gtso bo byas na nga'i lhas 'khor/ nga'i lhas gtso bo byas na khyed kyi lhas 'khor du byed dgos zer bas de gnyis gang yang legs pa zhig mi 'ong bar 'dug dgongs nas lha khang de bon po la byin/ sgro ston pas sgro phug ces bya ba'i gnas phur te der lha khang brtsigs so// de'i tshe yon bdag gnyen sde gsum na re/ lha khang la rgya phebs sus khel ba la me tog sdud zer ba la/ sngags pa dang bon pos khel/ btsun pas ma khel lo// der sngags bon gnyis lo re mos su bsdud pas/ btsun pa na re bdag cag
- 170a
/ la'ang slong re zhu zer/ lo gcig sbyin pas/ de phyin chad gsum ka lo res bsdad du song / sgro phug gi gtsug lag khang der dus gsum sangs rgyas kyi gtso byas pa'i lha khang che chung brgyad/ 'khyams stod ka ba nyi shu dang / 'khyams smad ka ba drug cu'i sar yod/ gnas 'dir chos gra chen po tshugs/ de yang thag gi rgya bor yang dag gi bsgrub pa'i skabs yin par yang grags shing rgyal ba zur po che la sku bsod shin tu rgyas pa'i skabs zhig na/ 'brog mi lo tsa la paN+Di ta rdzong pa'i gser ma ldang nas khyed kyi gser mang po khyer shog/ ngas gdams pa zab mo sbyin no zer/ 'di ltar skyes bu chen po rnams ni gzhan la phan 'dogs pa'i dam bca'i rtsa brtan cing / sdong po bkod pa las/ rigs kyi bu khyed kyi dge ba'i rtsa gcig la chags par ma byed cig/ chos kyi sgo gcig dang / spyod pa gcig yongs su rdzogs pas chog par ma 'dzin cig/ de ci'i phyir na/ rigs kyi bu byang chub sems dpa' ni dge ba'i rtsa ba tshad med pa yongs su bsdu bar bya dgos so// zhes pas byang chub sems dpa'i bsdu ba'i dngos po bzhi'i spyod pa ma tshang ba med pa rang gir bya ba'i slad du/ karma pak+kis mtshur phu'i gtsug lag khang gi rgya phubs 'dam cog rtse la nas mthong ba tsam gyi srid du ba gam par mdzad pa bzhin/ rgyal ba zur po ches dgongs pa can gyi slad du/
- 170b
sgrosgo phug gi lha ri gdong dang / thag gi yang gdong gnyis sbubs su bcug pa'i gser 'bum re byed/ de gnyis kyi bar lcags zag gis sbrel lo gsungs pa dang / gra pa rnams na re/ 'o na bdag cag gis yang 'thad du zangs sder re dang / dril bu re/ lcags nag re 'bul lo zhes dam bcas/ de'i g.yer chen po byung nas gzhis bdag gnyis kyang blo 'drogs par gyur te/ gser ri mchin pa tsam zhig zhu rten du phul nas gser 'bul mi mdzad pa'i zhu ba byas/ gser gyi gter kha phul nas srog chags kyi gzugs ma byung bar longs shis zer/ khung bu gcig nas gser shin tu mang bar byung ba'i mthar gser sbal pa 'dra ba zhig byung ba dang 'phro bcad/ myu gu lung du lo tsA ba la gser srang brgya'i 'thus byas/ ston gyi dus su ber thog tu tshar ma 'khur ba sogs gus pa'i spyod lam kyang mdzad/ rgyud gsum cha lag dang / gur la shin tu mkhas par byang chub mod kyi/ bla ma chen po'i bka' drin gyis/ a po'i sems phyogs nor du thal zhes gsar 'gyur gyi chos la ro myangs pas/ slar yang rang gi sems phyogs yid bzhin rin chen lta bu'i nor du thal zhes nges shes lhag par skyes pa'i gsung byon to// lar phag mo gru pas lam 'bras gsan pa'i phyir dgas po snyi ba rin po che la thug pa nad bur byed pa dang / gangs ri'i khrod tsam na dkon pa'i dge
- 171a
slong rdo rje 'dzin pa grub thob rnal 'byor gyi dbang po lha rje zur po che rang srid kyi phyogs la ma thob snyam pa'i kun slong gi gdon chen pos/ bde gshegs rgyal po pa/ 'brom ston rgyal ba'i 'byung gnas/ bla ma zhang rin po che ston pa byang 'bar rnams sde snod gsum gyi dgrar blta ba'i cho nge 'don pa ni rang nyid kyi mgo na tsha ba 'tshal ba'i spyi rtol chen po'o// de ltar sgro phug gi gtsang khang 'byongs tsam pa drug cu re gcig pa'i tshe lam lnga'i yon tan mthar phyin nas lhun grub rig 'dzin gyi sa la gnas pa'i skyes bu chen po sprul pa'i skur rtsod pa mod pa de ni rags lus drangs mar gnas 'gyur pa'i dgongs pa gtad de/ brag rgya bo nas zur chung pa bos shig gsungs/ byon pa dang nga'i gdan sa 'di zur chung pa la gtod pa yin/ slob ma'i tshogs la chos kyi phan 'dogs dgos pas blo dang 'tsham par sbyor/ ngas skyong ba bzhin skyongs/ slob ma rnams kyis kyang zur chung pa 'di dpal chen po'i sku gsung thugs kyi dngos grub thob pa yin pas nga bas 'di lhag/ ci mdzad legs par ltos/ gsum ma bcag sku'i grib ma dang zhabs rjes na bza' tsam la'ang ma 'gong / ngas bskyangs pa bzhin skyong ba yod pas mos gus phun sum tshogs pa gyis shig gsungs/ de nas sram pa sgrub khang du gshegs/ lan cig nye gnas la da nang tsha ba snga se
- 171b
gyis gsungs/ der nyi ma shar ba dang sku mdun du phyin pas/ bla ma gzim mal na sku tshags mdzad cing 'dug/ da lta nas sku tshags mdzad pa gar gshegs pa yin zhus pas/ nga ni bde chen gyi zhing du 'gro/ dpal chen nga dang dbyer med pas// yi dam lha la gsol ba thob// ces gsungs nas rdo rje dril bu khrol le'i ngang la sku 'od kyi rang bzhin du gyur te/ dpal chen po'i thugs kar thim mo// de'i dus su khams pa'i 'bul skyes yod pa dang 'grig pas/ lam du bla ma dang mjal/ khams pa'i snang ba byin gyis brlabs nas sprul pa'i gzhal yas khang du 'bral ba'ang ba zhes/ bsngo ba mdzad/ slar khams pa gnyis log pa las sad pa bzhin du ci yang mi gda' bas/ the tshom gyi ngang nas phyin tsa na lam du bla ma dpal chen po'i thugs kar thim mo zhes thos so// de lta bu'i dpal chen po'i byin brlabs shin tu che bas slan chad kyang sku gnyer la/ rgya ston sha ka ye la bsu bgyis zhes gsung byon/ bsra ba byas can/ rgya ston de ba dkar mo zhig la bcibs/ sbyang zhwa zhig gsol nas byung ste/ dpal chen po'i sgra mdun du 'od dkar po gcig tu gyur te g.yon skor lan gsum byas nas sku la dngos su thim pa dkon gnyer ma dze don ldan zhes bya bas mngon sum par mthong / de bzhin du mtshan ldan zur mo 'od 'bum bya ba'ang sku la thim par
- 172a
grags so// rtse mo bzhi'i nang nas kyang glang po'i nang na khyu mchog lta bu bde gshegs rgya po pa'am/ zur chung shes rab grags pa ni/ sngags 'chang 'ug pa lung pa'i gdung gi phyi mo yin te/ de la yab thag pa sgom chen res 'ga' ldom bu'i tshul du'ang yod pa'i bur g.yas ru gtsang gi sa'i char ma jo shes rab skyid la ngo mtshar ba'i ltas khyad par ba dang bcas btsas/ lo bdun par bri klog dang / dgu la zhi khro'i 'phrin las gyer shes pa byung / bcu gsum lon pa'i skabs gcig na gzims mal na phyag dpe gzigs shing yod tsa na/ jo mo zhig yod pa rgyugs byung ste zhing la shwa log shor 'dug go khyod nyal bas chog gam zer ba la/ smad gos gsar pa zhig yod pa gyon rung chu brgal nas/ khyim gyi chu bkag gyin yod tsa na/ mo na re ngas dka' las byas pa'i gos rjes bcangs kyang mi byed par chud 'dzad zhes rgol du byung / kho bo mi 'phangs par gos 'phangs na de na yod do zhes sgyur bas mo khros te nga la brnyas pa yin zer nas rang yul du bros/ zur chung pa 'khor ba la skyo ba skye drag na gdung khung na mo'i zhud lus pa de khyer/ rjes la skad btang bas/ mo yar shog ces 'bod du re nas tshom mer bsdad pa la zhud gtad de/ pho nor pho mo nor mo bya ba yin pas zhud khyer cig smras pas/ mo yid chad nas yul du song / der zur chung
- 172b
pas pha la gros ma dris/ ma la rgyags ma blangs/ grogs kyi ngo ma ltas par spyang slog zhig yod pa khyer nas zur po che la gtad de byon pas/ lam du rta nag gi 'brog pa g.yu dang zangs 'khyer ba gnyis dang / shangs pa khrab khyer rnams sdebs su byung ste byon/ der zur chung par sbyang slog las 'bul rgyu med/ gzhan gsum po'i phyag rten phul bas/ bla ma'i zhal nas/ khong rnams 'khor ba la blo ldog ma ldog lta bas spang zan dang lo thug re drongs gsungs pas/ 'brog pa gnyis po zar ma 'dod/ shangs pas cung zad zos/ zur chung pas lhag med zos pas/ gla ma'i zhal nas spyang slog dang khrab gnyis zhog/ g.yu dang zangs bdag po la gtod gsungs pas/ 'brog pa ma dga' ste phyag rten klog pa 'u cag la chos mi slob pa'i rtags yin zer nas song / rten 'brel de las zur pa'i chos la gshe ba de byung / der zur chung pa la khyod kyi rus pa ci yin gsungs pas/ bla ma dang rus gcig par brjod na 'gran par song dogs nas/ zur chung chung zhig lags byas pas bla dwags su de ltar thogs/ de las can du mkhyen nas slob gnyer byed du bcug pas blo gros kyi spobs pa mchog tu gyur pa zhig byung / dang po shin tu dbul bas bla mas gtor ma btang bdag blangs nas zan chang bya bzhin gsol ba na/ gra pa gzhan gtsos/ kho chang gi kha sbyar dri tshil
- 173a
le sdod/ chang bla ma la'ang mi 'dren/ mched grogs la'ang mi ster zhus pas/ bla mas de ring zur chung pa shing zus shog gsungs/ shul du zur chung ba'i spyil bu g.yeng du bcug pas/ bem po zhig gi 'og na zan chang ka pa la gang las gzhan ci yang med/ der bla mas zur chung pa 'tsho ba chad pa na rang re'i thabs la shog gsungs pas/ nga bla ma'i dkor la 'bag ri zer dka' spyad 'ba' zhig khur bzod par mdzad/ nyin gcig bla mas bse phor phul dgu shong pa zhig bsnams nas khyod la skom ster rgyu e yod gsungs/ zan chang zhus pas snod do gsol/ da dung khyer shog gsungs nas gsol/ da e 'dug gsungs pas bre gang tsam gda' zhus pas/ da mi yod par 'dug/ yod na khyod la bsod nams bod tsam na che ba 'ong ste/ 'on kyang bsnyen bkur gyi rten 'brel las bsod nams chen po'i 'od gsungs/ der nas khal gsum gnang nas 'di zad pa dang yo byad mi thogs pa yod gsungs/ der zur chung pas thos pa dang bsam pa dang sgom pa'i gnas gang yin pa la phrug gcig tu nyin dang mtshan med par brtson pa bskyed pas// sprul pa'i sku yin pas mkhyen rab kyi klong rdol/ nyams rtogs bsam gyis mi khyab pa 'khrungs kyang dpe cha tsam 'dri ba'i yo byad kyang rngo ma thogs par yod tsa na/ lha rje zur po che lo pan gyi khang sngon bya ba na jo mo
- 173b
g.yu mo bya ba'i sgom ma phyug mo ma smad gnyis yod pas/ khyod rang 'di'i steng du sdod gsungs/ nga khyim zab mi byed zhus pas/ 'du shes ma chung / ston pas gnang ba dang bkag pa'i mtshams ngas shes/ khong gnyis kyi yo byad la spyad nas dbang zhus/ dpe bris/ chos thams cad lhag ma ma lus par nyan pas chog pa yin/ des khong gnyis kyang tshogs rdzogs/ khyod rang gi don yang grub pa de dga' mod gsungs/ der gsung bzhin nyan pas 'dod pa thams cad rdzogs pa dang / yang gsung gis/ da khyod der ma sdad dpe che la sogs pa mchod pa'i yo byad rim gyi skyol la nga'i 'dir shog gsungs/ de ltar byas pas cad mchis sam/ khong gnyis kyang drin che zhus pas/ blo ma chung / khyod kyis 'gro ba'i don nus pa zhig 'ong bar 'dug/ snyigs ma'i dus 'dir sangs rgyas kyi bstan pa dar bar byas nas 'gro ba mang po don byed dgos pa yin/ khong gnyis kyi drin las du'ang de che/ 'di la gab pas rang don gzhan don gang yang mi 'grub gsungs/ der ji skad gsung ba bzhin nyan pas bla ma'i dgongs pa ji bzhin du longs/ skabs shig na rjes bzhugs pa'i sgo rtsa na mchod rten gcig yod pa la zur chung pa skor ba byed cing 'dug pa gzigs/ zhabs sa la mi reg par khru gang tsam nas sgo ra ra gda'/ bla ma'i thugs la sprul pa'i sku zhig yin nyan
- 174a
'dug pas ngo mtshar che snyam du dgongs shing dgyes so// de bzhin du zur chung pa phyogs gzhan na 'byon bzhud kyi lung stong bye ma'i gseb tu tshad pas shin tu gdungs pa la zhal skyems 'dren pa byung ba dang / ri stong gi rtse mo la sgom du gshegs pas sku bkres pa la zhal zas 'dren pa sogs gang 'dod pa'i thugs dgongs 'bad med grub pa byung bas/ da ni ngas 'gro ba'i don byas kyang 'grub dgongs pa'i tshe// bla ma'i zhal nas kyang / da khyod kyi bshad pa gyis gsungs/ der mdo dgongs 'dus gsungs pas dus shig la dpe 'grims sum brgya byung / de'i tshe zur chung pa la bla mas bsngags pa chen po mdzad pas/ bla mas dpon po'i dbu 'phangs gtod ces cung zad mi gus pa'i rnam pa byed pa byung / bla ma la skur pa byas na bsod nams ma yin pa chen por mkhyen nas/ nam zhig e dmar rdo rje spo zhes bya bar dpon slob thams cad chos 'khor la byin tsa na/ srang kha cig na khyi mo ma smad ro smad la 'bu zhugs pa zhig 'dug/ bla ma zur chen gyi reg pa tsam mdzad/ zur chung pas khyi mo ma smad bsad/ 'bu zhal du gsol bas// gzhan rnams na re/ zur chung pa zer pa'i sgro spyod mkhan 'di 'dra 'chad nyan du bskos/ 'o skol ba sbyin bdag rnams kyang mos pa ldog gda' zer/ bla ma'i zhal nas khyi rnams ngan song du 'gro ba ngas kyang shes te
- 174b
sgrol ma nus pa yin/ khong gi sgrol ba ngo mtshar che gsungs/ der zur chung pas lta stangs shig mdzad pas/ khyi ro rnams mchod pa'i lha mor gyur/ 'bu rnams skyugs pas nam mkha' la co dir dir song / der zur chen pos/ da khyed rnams ngo mtshar skyes sam gsungs pas/ mig 'phrul du gda' zer/ der shangs chu rgyas pa dang thug pas zur chen gyis chu pha rir ka pA la rdzu 'phrul gyis bsgyur nas/ 'di sus longs pa la nga'i bshad gra 'bogs pa yin gsungs pas/ rtse mo gzhan gsum pos kyang len ma nus/ zur chung pas zhabs chu la ma reg par byon nas blangs so// yang rlung gi nus pa 'gran par bskul bas/ rtse mo bzhi la sogs pa'i ston sgom gzhan rnams kyis kyang zhabs sa la ma reg par 'gro nus par byung yang / zur chung pas ta la gang tsam gyi nam mkha' la 'phags te sram pa sgrub khang du sngon la brtol bas rtse mo gzhan gsum yang nges shes rnyed/ bla mas ci gsung gi bka' bsgrubs pas zhabs tog kyang mthar phyin to// re zhig na zur chung pa la gnas kyi lung bstan rim pa gsum du byung ste stong nyid rtogs pa'i rnal 'byor pa de la ched du 'dzin pa ma yin pas 'khrul snang gi sde tshan du dor mod/ mtha' rus pa'i rgyan gyis spras pa'i bu mo lo bcu drug pa Da ma ru dang gar stabs sgyur ba lnga byung nas ming po khyod ri bo dgu 'dus la sgoms na
- 175a
don gnyis grub bo zer zhing brag rgya bo la mdzub mo gtad pas/ ri bo dgu 'dus/ chu mig dgu 'dus/ ne'u gseng dgu 'dus pas theg pa rim pa dgu rdzogs pa'i rtags su mkhyen/ brag rgya ba de bcom ldan 'das dpal chen po la go rI ma brgyad kyis skor ba 'dra ba yin pas 'di la sgrub pa byas na sgrub thag nye la byin rlabs che/ lar 'khor ba sdug bsngal gyi rang bzhin yin pas 'jig rten gyi 'khri ba chad dgos/ phyi ma'i don bsgrub pa la 'du 'dzi dang khe grags kyi mi phan/ mi'i ngo bsrung ba 'di 'phral du bya dka' la phugs snying po med pa yin pas nga gcig pur sgom pa yin gsungs nas gra pa rnams go mchod mi gsum la gtad nas/ chos 'chad nyan gyi bstan pa khyed rnams kyis skyongs shig ces brag rgya bo la gshegs so// der byon nas sgrub pa kho na la bzhugs pas gzhi bdag gi ljongs cho 'phrul shin tu che bar byung ste/ 'di ltar grub pa'i khyu mchog chen po dag ni rmi lam dang mngon sum rdzun pa'i ngang du ro gcig pas nub gcig mnal lam du/ brag rgya bo'i rtser mi nag po zhig byung nas zhabs gnyis bsdus te klad la skor te bskur byung bas/ thag gi mdo'i thang chen po gcig tu brdabs pa rmis/ sad tsa na thang dkyil na dngos su 'dug pas yar 'dzeg dgos pa byung ste cho 'phrul chen po lam 'joms par bzhugs/ yang sdig
- 175b
pa rtsid bu tsam gyis sgrub khang khengs pas rgyu 'bras zlo ba'i rtogs pa mngon du gyur nas/ sdig pa'i rwa gnyis nas 'jus te phyi mar gshag pa dang chabs cig/ sdig pa mi dge so sor bshags/ zhes don la mi rton tshig la rton pa'i ku re mdzad de sgyur pas thams cad rnam par snang mdzad du gyur nas nam mkha' la dengs/ yang lan cig grog mo'i dmag drangs byung bas/ nye gnas la tsong ge khyer shog gsungs tsong gis brdungs pas/ nye gnas na re sdig pa la dgongs mdzod zhes khrel bltas pas/ khyod de la mi dad na 'di ltar bya yi gsungs nas grog mo zhal du btab gin phra mdzad pas/ thams cad rdo rje sems dpar krong krogrong gyur te nam mkha' la song bas nye gnas shin tu dad/ gsad gso'i rdzu 'phrul bsam gyi mi khyab pas gzhi bdag ming srid gsum dam la btags te dngos su gzugs bstan nas zhabs spyi bor blangs// brag la phur pa btab pa'i grub chu da lta'ang yod/ der gsang ba sgyu 'phrul las byung ba'i phyag rgya bsam gtan gyi bsgrub pa mdzad pas/ rdo rje sems dpa'i zhal gzigs/ zag gi lung pa rdo rje sems dpas khengs pa byung / snang ba zad par gyi skye mched brnyes pas sku me dang / chu dang / rlung dang / sa tshub tu 'gro ba dang / cir snang thams cad rdo rje sems dpa'i rang bzhin du bkra lam lam gsal ba byung te bzang
- 176a
rtog gi mthu brtas pa yin/ yang dag par gtad med snyam du dgongs/ der snang sems chos nyid gsum ro gcig tu 'dres nas dgongs pa zad pa'i sa la sgrol te sa rdo ri brag thams cad la thogs pa med pa dang / nam mkha' la bya lta bur 'gro ba sogs 'byung ba lnga rang dbang thob pa byung / da zla ba gcig na slob ma snod ldan zhig 'ong gsung re zhig na mtshan nyid pa'i dge bshes sgra dge mthong bya ba thag tu chos 'khor la byung / khong gi gra pa blo rno pa gcig zur chung la rtsod pa byed du btang bas/ khos ka ba la mdzub mo gtad nas ka ba chos can byas pas/ ka ba chos can/ ka ba chos can khyod 'jig rten rang rgyud pa'i 'khrul ngor ka ba rang rgyud du snang yang / nga rdzogs pa chen po rang snang ris med kyi don la ka ba grub pa mi gda' gsung nas/ phyag yug yug mdzad pas ka ba la chag thogs med par song / kho ngo mtshar skyes nas smra ma nus/ dad pa lhag par thob nas slob mar byas pa ma thogs byang 'bar ro/ 'di rdo'i ka ba yin/ chag dum da lta'ang yod zer ba dngos por zhen pa dag gi 'dod pa min na rang ngo / de la slob ma ka ba bzhi/ gdung ma brgyad/ phyam bcu drug/ dral ma sum cu rtsa gnyis/ sgom chen mi gnyis/ yus po che mi gcig/ dkyus ma gnyis/ sta gur mi gnyis/ go mchod gsum la sogs pa mang du byon te/ ka ba bzhi po ni//
- 176b
dang po dge bshes khyung po grags se'i gra pa mtshan nyid pa chen po blo gros shin tu rno ba yin/ bde gshegs rgya bo ba dang / dge bshes khyung po gnyis myang ror yon bdag gcig gis gdan drangs te 'dzom pa'i dus/ khyung pos khong bzhi po btang nas/ zur chung pa bya ba'i chos log mkhan 'di sun phyung la shog/ ces bsgos pas bzhi pos lha rje'i spyan sngar phyin tsa na/ zur chung pa thul pa phyi nang ldog nas bzhes te 'dug/ der gcig gis/ pags pa phyi nang klog pa'i gos 'di gang gi chos lugs yin zer/ pags pa dang po nas 'di ltar yod pas phyi nang ma ldog/ phyi nang 'jol pa khyed rang gi chos yin mod gsungs// gcig gis 'o na chos gtam bya'o smras pas/ chos kyi ngo bo brjod med mtha' bral la chos gtam ga na yod gsungs/ der skyo ston gyis dris pa/ 'o na khyed rdzogs pa chen po pa'i lugs kyi sgom la gtso bor byed pa lags sam byas pas/ da dmigs pa gang la gtad 'dug gsungs/ 'o na mi sgom pa lags sam byas pas/ nga gang la yengs 'dug gsungs pas spobs pa len med du song / yang glan ston shag bzang gi dris pas/ khyed gsang ba sgyu 'phrul pa'i lugs kyis snang ba thams cad lha dang lha mor 'dod pa lags sam byas pas/ yul bem po rang rgyud du snang ba'i mngon sum gyi tshad ma sus 'gegs gsungs/ 'o na mi
- 177a
'dod pa e yin byas pas/ sems can gyi ma dag pa'i 'khrul snang rang rgyud pa sbyong phyir/ mdo rgyud kyi dgongs pa dang 'gal bar sus nus gsungs pas/ khong bzhi'i brgal brtag gi rig pa rnon po'i tshig gi tshogs/ don gyi mthu che ba'i lan sgra gcan gyi lag pa lta bus rnam par bkab cing / snying rje chen po'i gzhan dbang gi sder mos rdzis pas/ 'di ltar las 'phro sad pa'i gang zag ni slob dpon dpa' bo 'phags pa lha'i gdul zhing du gyur pa lta bu ste/ 'di skad du/ kye ma theg pa chen po'i don phyin ci ma log par rtogs pa/ rigs pa dang grol ba'i spobs pa dang ldan pa 'di lta bu'i bshes gnyen ni rnyed par dka'o// 'on kyang da lta dngos su phyin na slob dpon mi dgyes su 'ong bas/ sang phod thabs kyi rtog gi ngan pa'i slob dpon dang bral bar byas la/ rnal 'byor gyi dbang phyug srid pa'i dra ba gcod pa'i mtshon cha rnon po'i dpal dang 'grogs par bgyi ba la gdon mi za ba'i dam bca' lhur len to zhes mna' thos bcad nas dengs so// de ltar dengs pa'ang me tog zas can pad+ma'i tshal la bya ba bzhin du sang phod las 'phro dang smon lam bzang po'i gshog pa rmang ste bde gshegs rgya bo pa'i chos gra ma la ya'i nags klung chen por lhags pa las ka ba bzhi byung ba yin no// der khong bzhi pos khyung po'i drung du phyin tsa na/ khyed tshos
- 177b
zur chung pa sun phyung ngam zer/ sun pa mi gda' byas pas/ phrag dog gi mthor rlung drag pos yid rnal du me phebs pa tsam du gyur nas zur chung pa 'dra ba'i lta ba ngan can/ skye bo thams cad log pa'i lam du 'khrid pa'i 'di gsad na sangs rgyas nges zer ro// de zur pa'i gra pa dag gi thos nas snyan du gsol bas/ rgyud rang bzhin gyis grol ba'i byang chub sems dpa' la khong khro ba'i rnam par rtog pa med pas cad mi gsungs pas lan gtab/ nang par chos khri'i kha na bzhad kyi na 'dug/ bla ma ci la dgyes zhus pas/ chos bya ba nga'i theg pa chen po gsang sngags 'di yin par 'dug/ sgrol ba la brten nas sangs rgyas par 'dod pa 'di gsang sngags kyi lugs yin/ mtshan nyid pa la med snyam tsa na/ zur chung ba lta bu gsad na sangs rgya gsungs nas khyung po grags se lta bu'i mtshan nyid pa chen po yang blo phug nga'i chos la gtod pa 'dug pas/ nga dga' ba zhig byung gsung skad/ de la sems phyogs kyi ka ba gung bu'i skyo ston shag yis/ mdo'i ka ba kyang lung gi yang kheng bla ma/ sgyu 'phrul gyi ka ba chu bar gyi glan shAkya bzang po/ phrin bsgrub kyi ka ba nag mo ri'i gda' tig jo shAka go/ yang ma thogs byang 'bar dang rgyud pa lnga zhes kyang grags/ gdung brgyad ni ma thogs pa/ skyo ston chos seng / glan shAkya byang chub/ rtsags shA ka ring / gnubs ston bag ma/
- 178a
/ dbus pa sa zor/ shu ston zla grags/ rtse phron byang dpal dang brgyad do// yang 'a la gzi chen/ nal rna snying po/ ram ston rgyal ba gsum drangs pa'ang yod/ sgom chen mi gnyis ni/ 'ba' sgom dig ma dang / bon bsgom mdo ba'o// yus po che ni las stod kyi zi ston bsod rgyal lo// sta gu mi gnyis ni/ zhang ston sngags se dang / khyung po grags se'o// phyam dral la sogs te dkyus ma'i ming smos ma 'tshal lo// go mchod mi gsum ni/ mgo bya tsha/ mig chung dbang seng / 'gos chung dbang nge gsum mo/ de la bla ma zur chung pa brag rgya bor lo nyi shu rtsa bzhi sgrub pa thun gcig la bzhugs nas 'ja' lus su gshegs pa'i dgongs gtad yod pa la sku mtshams thon dgos pa'i rkyen gnyis byung bas/ lo ril po bcu gsum dang ngo gcig ste bcu bzhi bzhugs/ 'di'i skabs shig na nye gnas kyi kyang skul la bcar du med par rgyun ring bar bzhugs/ re zhig na dud pa dang ldab ldib tsam yang ma byung sku la sbran pa mi mnga' 'am bltar phyin tsa na/ zhal dang shangs la sdom thag breng nge 'dug/ bla ma grongs snyam nas du shor bas dgongs pa grol// bla ma'i zhal nas nga de ga'i ngang la bzhag na mgo la thod pa mi 'gel ba zhig yong ba yin ste/ da skye ba gcig len par 'dug gsungs/ de sa skya lo chen yin zer/ 'di ni chos nyid cig car du zad pa nas phung
- 178b
po rdul phran du ma dengs tsam pa'i lam rtags su snang / yang nang gcig/ tsha ba'i sta gon gyis shig da res lo ma'i tshod ma bya'o gsungs/ nye gnas kyi chu ma khol ba la bla mas tshod ma bsnams byung / ngas 'ug pa lung 'khor nas khyod chu mi khol ba ci yin gsungs/ ku re yin nam zhus pas/ zur po ches gnang ba'i gsor ras zhig yod pa nye gnas la gnang bas/ kho yid lhag par ches/ nga'i bla ma rlung sems la rang dbang thob nges yin snyam pa'i mos gus skyes so// de la dgon pa nas 'byon pa'i rkyen gcig ni/ go ma chod mi gsum gyi bstan pa ma 'khyongs te/ 'go bya tshas thabs lam gyi rgyab tu ma rgyud dgos zer 'gos khug pa'i tsar song / mig chung dbang seng na re/ dkyil 'khor phyir 'don pa la rgyab tu yo ga dgos zer nas sum pa ye 'bar gyi rtsar song / 'gos chung dbang nges gzhi lam gyi grub mtha'i rgyab tu tshad ma dgos zer spang ka dar chung ba'i tsar song ngo // de dag ni gsang ba snying po la lam thabs grol gnyis ka yod de ma rgyud kyi mtshan nyid ma phyed/ dkyil 'khor rang sa nas zon pa la mig ltag khung du 'chus/ tshad ma tshig gi grub mtha' yin te gzhi lam thog tu mi phebs pa ma go/ rgyu des go ma chod mi gsum gyi bshad gra ma 'khyongs pas sku mtshams las thon dgos pa byung / rkyen gcig ni/ sgo phug lha khang gi mjug skyongs dang /
- 179a
rab gnas ma grub tsam la rgyal ba zur po che skye ba ma spangs par zung 'jug gi grub mtha' stsogs par bzhengs nas nga'i lag rjes 'di khyod kyi skyongs shig ces bla ma'i bka' byung nas byon pa yin no// de ltar bde gshegs zur chung pa phrin las rgyas pa'i dus na/ bod kyi sngags pa tshogs tshad kyis phyag mo byed pa dang / gral gong du 'gro ba med pas/ 'gos lo tsA bas gzhan rnams la phyag mi 'tshal ba dang / gral zhabs su mi bsgrig pa'i khrims bcas mod/ nam zhig shangs su ston mo chen po zhig la thams cad 'tshogs pa na/ zur chung pa gral 'go na bzhugs pa'i spyan sngar 'gos kyis slebs/ de'i tshe 'di ltar tshig la mkhas shing nyon mongs la grims pa'i bshes gnyen chen po dag gis dgongs pa sangs rgyas dang mnyam pa'i rnal 'byor gyi dbang po dag gi zil bzod pa ma yin pas/ lnga sde bzang po'i nang khrims bzhin rang dbang brtan pa bral ba'i 'du byed tab tab por gyur nas phyag mi byed pa'i dam bca'i ri mo rjes shul tsam yang med par zubs/ yan lag lnga'i 'khri shing sa la 'byar ba bzhin du gyur pas kun kyang phyag byed pa la mngon du song phyogs so// der ston mo dgyes tsa na gzhan dag na re/ zur chung pa la phyag mi byed pa'i dam bca' rang res mdzad pa la sngon la nyid kyi mdzad pa ci yin dris pas/ kho'i drung du phyin
- 179b
tsa na bcom ldan 'das dpal chen po'am de 'di ka yin par 'dug snyam pa la/ mi yin pa'i 'du shes ma skyes gsungs skad/ lar rdzu 'phrul shin tu che bas nyi zer la byon bzhud par grags te/ 'ug pa lung du snga chos/ sgro phug tu gung chos/ brag rgya bor dgongs chos te 'gyang kha shin tu che sar nyi ma re la chos thun gsum re 'chad/ de bzhin du lha ze mor mkha' 'gro ma rnams bro brdungs mdzad pa gzigs pas rkyen byas mkha' 'gro las la bkol nas mchod khang ka ba bdun dang / khyad 'phags gnyis te dgus btegs pa zhig bzhengs pas mkha' 'gro lha khang du grags/ sangs rgyas bzhi bcu rtsa gnyis dang / bka' srung legs ldan lde gur bzhengs/ dkyil mkhor rgyas bsdus gnyis logs la bris/ rab tu gnas pa'i tshe legs ldan gyi sku la phu dung gi lcags brab cing sangs rgyas kyi bstan pa e bsrung gsungs pas dbu gug gug pa byung / dkon mchog gi dbu 'phangs e gtod gsungs pas chu lteb lteb pa byung / de bzhin du dpal chen po/ zhal gzigs pa'i zhabs g.yon bzhag sar yang dag gi lha khang bzhengs/ ma thogs byang 'bar gyi / lha khang la shing gnyan khrag tu 'dzag pa gcod du rtsal nas lha khang 'byongs/ shing phud bla ma la phul ba'i tshe gzhi bdag phreng bas spen ma'i ka ba gcig lus nas gtsang por drangs pa rnga mo phrang du zhag lnga chu la
- 180a
byings nas ma zon/ der slob ma gnyis btang nas brag la dkar gtor 'di spungs/ mtsho la dmar gtor 'di rgyob la bla ma zur chung pa'i shing da lta skyal na skyol zhig/ ces sdigs su bcug pas/ chu bdag skrag nas phral du thon pa sogs lha 'dres bka' la nyan/ de lta bu'i che ba'i yon tan gyis brgyan pa'i lha rje zur chung pa de sku mya ngan las 'da' bar nye ba'i tshe/ bu slob rnams kyi rigs sras bskrun par gsol ba btab pas gsang bdag lag na rdo rje yum gyi lhums su mngon byang lnga'i ting nge 'dzin gyis spyan drangs pa zur shAkya seng+ge mtshan dpe'i ngo mtshar gsal bar byas/ zhal gyi gdams pa brgyad cu par grags pa/ ri'i bu gyis/ hrul po'i gos gyon/ mi zhim pa'i zas zo/ dgra gnya' rengs su thong / zhing tha rengs su zhog/ blo thag chos la chod/ ces pa la sogs pa gsungs nas drug cu rtsa gcig bzhes pa'i shing phopo stag la brag rgya bor 'od dang sgra dang sa g.yo ba dang bcas 'og min rdo rje bkod pa'i grong khyer du gshegs so// de la bod 'dir dpal gsang ba'i snying po'i bshad pa'i chu mgo lta bur gyur pa gsang bdag sgo phug pa chen po'am/ zur shAkya seng+ge ni/ jo sras mo mda' mo gtsug tor lcam zhes bya ba slob mar gyur pa zhig yod pa des mngal du sprul pa'i sku 'dzin nus par dgongs nas/ de nyid kyi ming po ka ba bzhi'i gral
- 180b
mda' tig chos shA ka la/ khyod kyi sring mo 'di bdag gir rung ngam zhes gsungs pas/ mda' tig na re/ bka' bzhin 'tshal zhes de'i lag pa na rdo rje dril bu bzhag ste 'di gzhan la ma brgyud par bla ma'i phyag du phul zhig par bsgos pas rten 'brel chen po 'grig/ de khab tu bzhes pas gra pa'i tshogs kyang sdang zhing 'don par brtsams pa na/ skyo ston shA ka ye na re/ 'di'i srin lag la bstan pa'i gtso bo gcig 'dug par rmis pas/ rigs sras 'dra mthong na bstan par phan srid kyi zhog gsungs/ de bzhin du ka ba gzhan rnams la'ang sangs rgyas kyi sku dang / gser gyi rdo rje sogs jo mo la thim par rmis pas bzhag go/ de la rdorngog lo chen po bcu drug pa shing pho stag la sgro phug pa sku bltams/ der bla ma'i zhal nas nga'i bu 'di lhums su 'jug pa'i tshe phyag na rdo rje thim pa'i mtshan ma yod pas 'gro ba la phan pa zhig 'ongs gsungs nas/ mtshan shAkya seng+ger btags/ yab gyi spong dag byas nas ci yang med pa dang thug pas yum na re/ kha ning nas bu skye ba ni thugs la mnga'/ rkan mar tsam yang mi 'jog pa zer ba la/ khong la bsod nams yod na ngas ma bzhag kyang 'ong / de med na bzhag kyang mi phan gsung khang thog na bzhugs tsa na/ btsun ma phyug mo zhig gis nas rgyab mang po dang / mar phon cher phul/ mdo khams nas 'bul skyes lhags pas/ 'di
- 181a
la bsod nams kyang 'ong / 'gro ba la'ang phan gsungs/ zla ba brgyad na yab gshegs pas/ yum dang zhang pos bskyangs nas mda' phur lo bco lnga bzhugs/ de nas chu bar du glan shAkya bzang po'i drung du byon nas gsang ba sgyu 'phrul dang / sked lung du yang mkhyen gyi sar yang byon nas chos gsan/ dgung lo bcu dgu pa la che 'don mdzad pas 'phrin las shin tu rgyas te bslab gnyer g.yel ba byung / der skabs btsal na gong bur skyo'i rtsar lo gcig byon/ de nas slar 'phrin las cher rgyas te gzhan du bzhud pa'i skabs ma byung / bla ma mkhas grub kyi tshogs tshur spyan drangs nas slob gnyer rdzogs par mdzad// khyad par ka ba bzhi las yab chos mdo sgyu sems gsum rgyud man ngag 'phrin bsgrub phyag bzhes dbang dang bcas pa yongs su rdzogs par gsan cing khyad par du zhang po mda' tig las mdo'i skor zhib par brnyes/ glan shAkya byang chub las rdzogs chen skor lugs/ lha rje shangs nag las rdzogs chen rgud pa tha ma sogs mdor na bla ma mang po las thos bsam gyi sgro 'dogs chod par mdzad/ rang gi grub mtha' gsan pa'i bla ma de dag la'ang yum rgyas 'bring bsdus gsum gyi sna drangs pa'i 'bul ba rgya chen pos thugs zin par mdzad/ nya ri sgro phug tu bsgrub pa yun ring du mdzad pas bskyed rdzogs kyi gnas la man ngag gi
- 181b
rgyud nas gsungs pa'i gzer bzhi thebs/ yi dam lha'i sku gsung thugs dang tha dad med par 'dres pas sku gzhon nu nas gzi byin shin tu che ste thams cad zil gyis gnon nus/ re zhig na dam pa sangs rgyas ding ri na bzhugs pas dpon slob lngas mjal du byon/ phebs rgyu'i nyin dam pa'i zhal nas de ring phyag na rdo rje'i sprul pa 'byon pa yod kyi bsu ba gyis gsungs/ dar gdugs la sogs bshams pas// nyi ma rgas su cha tsa na sngags pa dpon slob lnga byung / gzhan su yang mi gda' zhus pas/ de ka la bsu ba gyis gsungs/ der lha rje sgro phug pas dam pa la mngon mkhyen e 'dug lha yi gsungs na slob ma zhig nyid du rdzur bcug nas sngon la btang / kho rang phyi na zhabs 'bring pa ltar byas pas/ dam pas sgro phug pa'i mgul na lnga pa yod pa la gzigs nas/ phyag sna lba ba can gyi drongs/ dpon slob gom log pa bzang gsungs pas mos gus chen po thob/ chos kyi bdud rtsi'ang nod/ dam pa'i zhal nas sgro phug pa la 'di bstan pa'i spyi dpal chen por 'gyur zhes dbugs 'byin mdzad/ yang re zhig na phyag rdor gyi bris sku byed pa'i bri bkod kyi tshe/ lha bris pa la khyed rang 'di 'dra ba zhig bris zhes phyag na rdo rje sku dngos su bstan pa la sogs rgyu mtshan du ma'i sgo nas dpal gsang ba'i bdag po byang phyogs kyi rgyud 'dir gsang sngags
- 182a
kyi bstan pa la rgyas par mdzad pa la byon no zhes grags/ spyir gdul bya'i tshogs dpag tu med la/ khyad par slob ma dge ba'i bshes gnyen chen po gras 'dzin cing bstan pa skyong ba gdugs thogs pa stong thon pas ring mo'i mthar yang 'phrin las bsam gyis mi khyab/ sgro phug tu chos gsungs pa'i dus shig chos khri rgyab yol med pa gcig la bzhugs te mtha' skor thams cad gra pas bskor nas yod pa la/ phyogs thams cad du zhal thal le bar byung bas rdo rje sems dpa' sgyu 'phrul dra ba'i dkyil 'khor gyi bdag po'i zhal sbyin mngon sum par yid ches shing sprul pa'i skur rtsod pa med par grags/ dbyar chos dgun chos kyi dus phyogs re na mar dpe 'grims lnga brgya tsam re dang / ston chos dang dpyid chos kyi dus gsum brgya tsam yod cing / spyir khri phrag tu thal ba byung bas/ chos ra'i gos bde dog la'ang gser zho re'i mjal len byed pa'i dar rgyas byung / mkhyen brtse nus pa gsum gyi yon tan phun sum tshogs shing dpal gsang ba'i snying po de kho na nyid nges pa'i rgyud don la rang byan chud pa tsam gyi chos spyan thob pas gsang bdag sgro phug pa'i bshad srol dus da lta'i bar du ldab ldib byed pa 'di byung zhing nyi zla ltar grags pa yin no// de la thugs zin gyi slob ma bcu gnyis byung ste/ nag po bzhi/ ston pa bzhi/ mes bzhi
- 182b
las/ nag po bzhi ni/ lce ston rgya nag/ zur nag 'khor lo/ myang nag mdo po/ mda' nag gtsug tor dbang phyug go/ ston bzhi ni/ nye ston chos seng / rgya ston rdo rje mgon po/ zhang ston/ rgya ston bzhi'o// mes bzhi ni/ rtsangs pa yi ston/ g.yu ston hor po/ spang ston lcags kyu/ dbus pa chos seng ngo / 'dren tshul 'di zur stod lugs su grags la/ smad lugs su de las tha dad pa'ang yod/ de ltar sprul pa'i sku gsang bdag sgro phug pa chen po de nyid tha ma'i mdzad pa ston par babs pa'i tshe/ ston pa bzhi la khyed chos tshogs 'khor gyi cha rkyen 'dra khyer la shog/ ngas kyang sngogs kyi gsungs/ ston pa bzhis gsung bzhin du bsgrub pa dang / sgro phug gi ltag lha ri gdong gi rtser byon nas tshogs 'khor rgya chen po mdzad/ gsung gi gsang ba mang po rjes su bstan nas/ khyed rnams pa med pa la mya ngan ma byed cig/ ngas da res lus ma spangs pa phyin na rig 'dzin gyi sa la 'gro ba yin/ des khyed rnams la shul du'ang bkra shis/ mi rgyud dang bstan pa 'phel ba zhig 'od gsungs nas/ dpal gyi mgur la rdo rje glu zhig bzhengs/ nam mkha' la je mtho je mthor 'phags kyi na mgur re bzhengs nas mthar mi mngon pa'i sar gshegs pa dang / ston pa bzhi snying phyung ba lta bu'i sdug bsngal gyi mnar nas/ cho nges btab/ 'gre ldog byas/ mtshan nas bos pas bya
- 183a
babs pa bzhin du byon/ khyed rnams de ltar mi byed pa yin te/ ngas gong du kha ta ni legs par bcug/ de la mi nyan par/ da nga'i mi rgyud la bkra shis pa bag mi 'ong gsungs/ de nas phyi lo drug cu rtsa gcig pa shing pho stag la 'og min tshogs chen 'dus pa'i grong khyer du gshegs so// pur sbyong ba'i tshe sngags pa gzhon mdzes gcig gis rta dang bzang gcig la dug gi sgra rang gug ngo mtshar can gtad pa zhig phul/ de 'di nas byung dang 'dir song sus kyang ngo shes pa ma byung bas lhas 'degs skul bar grags/ de bzhin du btsan dang / ma mo dang klu rnams kyis kyang 'degs skyal te/ mi la med pa'i nor sna bzhi byung ba yin no// 'di sa skya kun dga' snying po las lo bco brgyad kyi bgres pas dgas po lha rje dang / phag mo gru pa/ bla ma zhang / jo sras 'dzed sogs dag thog rags pa tsam mnyam mo// yang bi ma la'i slob / ma rong chu tshan gyi dge slong ma sgre mo/ de'i slob ma lho phrag bya ze'i mar pa shes rab 'od/ de'i slob ma shangs lta bu'i lang ston dar ma bsod nams/ de'i slob ma lha rje hor po ste sgro phug pa yin pas bi ma la dang gnyis kyi bar la gsum las med do// de la sgro phug pa'i slob ma lce ston rgya nag ni 'khrungs sa myang stod pa yin/ mtshan nyid kyi gra sa na phu bo gnyis slob gnyer la yod pa'i sar rgyags skyel du byon/ zhar nyan
- 183b
byas pas khong gnyis kyi ched du sbyangs pa las lhag pa byung / der rgya nag na re/ khyed gnyis kyi lo gsum nyan kyang go ba ci yang mi 'dug/ ngas nyan na go ba 'dug byas pas/ phu bo gnyis na re/ nged gnyis la de las ma byung / chos sus shes kyang 'dra yi khyod kyi go na khyod rang nyon/ nged kyi rgyags skyel byed zer pas/ der lha rje rgya nag gis bzhugs nas khyung po grags sel phar phyin/ 'ban la mngon pa/ stag pa kha che la dbu tshad/ 'gar bsod yis la'ang gtugs ste lo dgur nyan pas mkhas pa'i pha rol tu son/ sum cu pa'i tshe gsang bdag sgro phug pa la sngags gsan du byon nas lo bcu gcig bzhugs te/ lo gsum gyi bar rdojo sras myang stod pa gsung ba tsam las/ spyan sngar gsung gleng zhib pa tsam byung / skabs shig na rgya brtson seng dpon g.yog dang lha rje chos 'khor stabs cig tu 'dzom pa'i tshe/ rgya brtson dpon g.yog gi rtsod pa btsugs pas/ lha rje rgya nag gi khong rnams sun phyung / nga rgyal bcag pas mnyes te thugs la 'dogs par byung ba'i khar/ sras rdo btsun rdo rje grags blo kha phye bas rab tu dgyes nas/ bskyed rdzogs gsum gyi gzhung gdams ngag dang / khyad par gyi man ngag yig chung dang bcas pa gnang bas lha rje lha khang pa zur tsho gzhan las chos kha tshang zhing man ngag zab pa yin/ bzhi cu tham pa la gshegs tshul mdzad/ de phyi lo sgro
- 184a
phug pa gshegs/ myang stod kyi rgya tsang skor la bdud rtsi myang smad sgro dar seng la rnam 'joms dang phur pa rtsa ba sor bzhag lugs/ gzhan yang sgyid lugs la sogs phur pa lugs la sogs phur pa lugs tha dad pa dang / dam pa spor mang la rdzogs chen spor lugs/ jo mo myang mo la rdzogs chen khams lugs a ro'i thugs bcud/ de bzhin du rdzogs chen bram ze'i skor dang ke tshang ma sogs thos pa shin tu mang bas sngags dang / mtshan nyid/ rgyud dang sgrub thabs thams cad kyi bdag por gyur/ sman bsgrub mdzad pa'i tshe sman gyi pho brang las lha mo mngon sum thon nas dkyil 'khor la bskor ba lan gsum byas te thim par kun gyis mthong / gzhan don rgya chen po mdzad nas lnga cu rtsa drug pa la gshegs so// 'di'i dpon po bla ma chen po yon tan gzungs ni/ me pho rta la 'khrungs/ bcu gcig nas slob gnyer mdzad/ lo bcu gsum khu bo dang 'grogs nas bskyed rdzogs gsum gyi rgyud lung man ngag kun la slob gnyer rdzogs/ nyi shu rtsa bzhi bzhes pa'i tshe khu bo rgya nag pa sku gshegs nas gdan sa mdzad/ dbus pa ston shA ka dang / dbus pa zhig po sogs las the tshom gyi dras thag bcad nas rang gzhan gyi don mdzad pa yin no// dbus ston shA ka gam dam pa se skrag pa ni/ gzad kyi gcer pa wang thung rgyud yin/ sgro phug pa'i gra sar yi ge
- 184b
'drir byon pa la dad pa thob nas slob gnyer byas/ lha rje rgya nag gshegs tshul mdzad pa'i phyir 'breng du gshegs nas rgyud dang mdams ngag thams cad rdzogs/ sgom bsgrub 'ba' zhig bya bar bsam te byang ri la dgon pa 'tshol du byon pas/ yol ba brag la dam pa yol chung pa brag brko ba dang mjal/ 'dir dgon pa mdzad pa lags sam byas pas yin zer/ 'di min pa byas mi gda' 'am byas pas/ pha ngos na se ba kha skrag can zhig na 'dug ste/ de bas 'di btsan pas 'dir byed zer/ der dam pa ston shAka gi brag seb kha skrag skyes pa der byon tsa na/ chu mig 'gram na zan rdog 'ga' zhig rnyed pas bzang ltas su bzung / der bzhugs te sgom sgrub mdzad pas rtogs pa khyad par can skyes/ lha 'dre bka' la nyan/ gdul bya mang po'i don nus pa byung ste dam pa se skrag pa zhes grags so// dbus pa zhig po ni/ yar klung byas pa yin/ rje sgrog phrag pa'i gdan sar yig mkhan chos la chud pa zhig ste/ lha rje rgya nag gi phyi la 'brengs/ bskyed rdzogs gsum ka la 'byongs par byas/ yul la che 'don la 'gro snyam tsa na/ de'i cha rkyen gdugs dang / dung dang / mchod cha sogs dgos par sems nas de dag 'don pa'i phyir bal yul du byon/ lam du bsam pa langs chos de tsam shes kyang nyams su blangs rgyu zhig mi 'dug/ da lta shi na cis
- 185a
kyang mi phan gdams ngag kho na la blo gtod dgos par 'dug snyam nas slar log bla ma'i spyan sngar phyin nas zhus pas/ snyan brgyad rin po che'i gdams ngag gnang / de la nyams len mdzad kyi na / byon pas/ mang yul gung thang du brtol tsa na rdzogs pa chen po'i ye shes brjod du med pa zhag bdun du shar/ der bal po nas mchod cha blangs/ mang yul gung zang du lhags tsa na/ tshad pa phyi na 'brengs nas ba sbyasnang / da mi dga' ba e yin snyam nas blo thag bcad/ ka ca rnams grong du bzhag/ ri la byon nas nyams su blangs pas sa rdo ri brag thams cad la thogs pa med pa byung / sngar gyi bsam pa de dag dgos med 'ba' zhig tu shes nas che 'don gyi ka tsa thams cad dgar bsgyur/ many+dzi dang ting bdun cha gcig yod pa de mthong ba dang bla ma'i drin dran te nga la dgongs pa 'di 'dra 'char ba yang bla ma'i thugs rje yin pas 'di tsam zhig bla ma la 'bul dgos snyam khyer phyin pas/ 'dod pa zad pas de yang lam du sgyur 'dod pa byung ste/ yang bla ma'i drin bsam ste byon lha khang du sleb tsa na bla ma'i drung du bsgyur nas/ ting khyod kyis nga ji tsam zhig bcings gsungs skad/ der ri 'ba' zhig la bzhugs nas nyams len mdzad pas/ chos thams cad blo la 'char ba dang / snang ba bden med du bun long song bas rbab kyis ma tshugs/ g.yas ru'i
- 185b
pa gor phur bzhugs pa'i tshe gzims mal gyi steng du thog byung yang ma gnod/ gzhan gyi thog byung ngam zhus pas/ thog gam de byung gsung / ma gnod dam zhus pas/ sgra grag stong dbyer med yin/ thog la rang bzhin ga la yod gsungs te rnal 'byor gyi dbang phyug chen por bzhugs/ sgom sgrub 'ba' zhig gi ngang nas mtshams 'og tu gra sa lo bco brgyad bskyangs/ dgung lo bdun cu pa la gshegs so// dam pa'i skyes bu 'di la slob ma/ zhig po bdud rtsi/ ston pa bla skyabs/ dbus pa jo bsod/ snying ston nyi ma rdo rje la sogs pa gzhung lugs la mkhas pa mang du byung du byung / gzhan yang la stod kyi mes ston mgon po dang / dpyal kun dga' rdo rje la sogs pas kyang zhabs la gtugs so// thugs kyi sras zhig po bdud rtsi ni/ yab med kyi ring nas mkhas pa dang / grub pa'i dpa' bo rgyud mar byung ba las 'di'i yab rgyas dwags chung ste/ dwags po brgya ras kyi phyi na 'breng bas dwags chung par grags/ des lho brag tu byin nas/ lho stong phur mong skad bya ba'i dgon par 'gro don mdzad cing bzhugs pa la/ gzad pa'i yon bdag rnams kyis gdan drangs/ gzad kyi lha gdong dgon pa dang / 'ug skad dgon pa la sogs pa phul nas bzhugs/ bu slob mang du 'phel/ de la jo mo wang mo bya ba zhig yod pa dang / gnyis kyi bur gzad kyi lha gdong
- 186a
dgon par btsas/ zhib ma'i nang du nyal ba la 'ja' tshon zug/ dgung lo gnyis tsam lon pa'i tshe yab la rmi lam ngo mtshar ba byung nas/ nga dang 'chi ba 'dug/ shi nas kyang rigs 'dzin gyis sa la 'gro bar 'dug/ bu 'dis kyang gzhan la phan thogs par 'dug gsungs te gshegs/ zhig po rin po che 'dir cher skyes pa dang snying rje shin tu che bas gos bcos pa thams cad mes 'bar kyang ma nyan par lam zan pa nyam zag cig yod pa la byin/ der mo ma rnon po zhig na re/ khyod kyi bu 'di ci 'dra zhig 'ong / 'di la 'jig rten gyi lha 'dre thams cad tshogs nas bskor ba byed cing mchod pa 'dug zer/ ston ka gcig 'ong 'don tsa na/ ma na re mi thams cad 'ong 'don pa la gtor ma gtong gi 'dug/ glen pa khyod kyang chu gtor 'dra zong / rang re yang 'ong 'don pa yin byas pas/ 'od 'don sar byis pa de song nas/ gzad lung pa'i lha 'dre tsho/ myang nag 'ol po'i lha 'dre tsho/ sprang po 'u lu'i rgyal nag da nang du su'i sar yang ma 'gro bar/ rgan mo wang mo'i 'od 'don gyi yod pas 'di'i 'ong las khyer zer nas thor thor byas pas/ a ma khros nas phyar gyin 'dug/ der zhing re bzhi bya bar lo nan tan legs na'ang bzhi bcu las mi thon pa zhig la/ de'i lo snye ma ha cang med pa la khal lnga bcu thal ba byung bas 'di sprul
- 186b
pa ci yin nyen 'dug zer nas/ zhang po dam pa se sbags pa'i rtsar slob gnyer la btang / lo gsum gyi ring la rdzogs chen rong lugs sgang dril gab phyung sogs legs par thos/ bla ma gshegs khar mig mchi mas 'gag nas dran pa tsam ma byung gsungs/ bcu drug pa la skyil khar lha khang pa yon tan gzungs kyi zhabs la gtugs/ lo mang du bzhugs nas bskyed rdzogs gsum ka la blo gros byang bar mdzad/ nyams len gyi gtso bo dang 'chad nyan thams cad sems phyogs la mdzad de zhal gyis kyang sems phyogs kho na sgrub pa yin gsungs/ kun byed rgyal po dang mdo bcu la sogs pa sems kyi phyogs kyi rgyud sde chen po nyi shu rtsa bzhi gsan/ rtsa ba sems sde'i skor la/ skor lugs/ rong lugs/ khams lugs la sogs pa bshad srol mi gcig pa bcu bzhi gsan/ rong lugs kyi sgom yig chen po rnams las/ rnal 'byor rig pa'i nyi ma/ bsam gtan mig gi sgron ma/ bsam gtan snying gi nyi ma/ gdar sha dang gzer bu/ zhu len dar khung gdangs/ rdo rje sems dpa'i zhu len sogs sgom yig phal mo che thos/ snyan rgyud kyi skor la/ skor rong khams gsum ka'i gdams pa dang / bram ze'i skor gyi snyan brgyud/ ke tshang dang rdzong phrang snyan brgyud klong la sogs pa bsam gyi mi khyabs pa zhig gsan te/ rdzogs chen gyi skor la thos bsam gyi sgo
- 187a
'dogs lhag par chad pa yin/ dgung lo bcu drug la bshad pa mdzad de skor lugs kyi stong thun gsungs pas mkhas pa'i thog chod der lha rje gnubs sman bya ba na re/ dbus pa'i jo sras khyod nga'i rta khyung phrug kha che dang 'dra ba 'dug zer/ nas khal bcu gcig gi phyogs byas skad/ bla ma lha khang pa'i drung du lo bcu bzhi bzhugs/ bar skabs kun tu zhang po'i gdan sa se skrag tu'ang bzhugs te sgom bsgrub dang bshad pa bag re mdzad/ slob gnyer tshar ba dang yab kyi slob ma bla 'dos bya ba zhig gis gdan drangs te gzad du byon nas 'ug skad dgon pa bzung / gtsang du se skrag dang / dam pa se skrag pa'i sgom ma rnal 'byor ma shA ka gnyen la sogs pa bzhis/ nged kyi se skrag la mi thar par 'dug pas ri skab 'dir la ngal gso zhig byed zer nas brtsigs pa'i chos sdings kyang bzung / zhang tshal ba'i slob ma gtsang sgom hrul leb bya bas zhig po'i spyan sngar bla ma zhang gi lo rgyus bshad pas dad par gyur nas gdan drangs/ chos 'khor gtsugs/ chos 'brel ma zhus kyang rgyud byin gyis brlobs pa'i bla ma yin gsungs nas/ mos gus dang zhabs tog che bar mdzad/ bla ma zhang gis khyod kyi dgon pa 'di chu shing 'dzom pa mi 'dug ste/ 'du ba che zhing 'gro ba la phan pa zhig 'ong bas chos sdings su thogs gsungs/ der mi rnams
- 187b
na re/ chos lha khang pa la nyan/ zhabs tog tshal pa la byed zer ba la/ bla ma lha khang pa de phrag dog rtsa ba nas zhi bas nas khal nyi shu tsam dang sha mar kha yar skur te/ khyod bla ma bzang po gdan drangs nas chos 'khor 'dzugs pa la ngas kyang 'thud byed dgos pa yin te/ de las ma 'byor gsungs pas/ rmongs pa dag gi kha smras 'phro chad/ nga rang yang bla ma rnying pa la mos gus gsar pa skyes gsungs/ 'phrin las dus la bab pas gdul bya dpag tu med pa 'dul/ 'gro ba'i don rgya chen po mdzad/ bla ma la shin tu gus pas mnyes pa gsum gyi gzhung srong zhing sku mdun nas 'byon tshad la zhabs spyi bor ma blangs par 'gro ma myong gsungs/ gser gyi rgyas 'bring bsdus gsum la sogs te mdo rgyas tshar bcu bdun gyi sna drangs pa'i chos dang zang zing gi zhabs tog bsam gyi mi khyabs pa mdzad/ byin rlabs zhugs pas dgongs pa ji lta ba bzhin du longs/ rtogs grol dus mnyam du song nas sa rdo ri brag thams cad thogs med du 'gro nus pa dang / mi ma yin gyis bskor ba byed pa byung / mngon par shes pa mnga' ba'i lo rgyus mang du yod// gzad phu'i da lung dgon pa bzhugs pa'i tshe sku pha bong la thim pa dang / srin po rir rgyang la thogs med du gshegs pa sogs rdzu 'phrul du ma mnga'/ gangs ri'i khrod 'di'i yul dang phyogs thams cad du byon
- 188a
nas 'gro ba mang po thar pa'i lam la bkod/ bstan pa'i bya ba la sku gsung thugs kyi rten bzhengs pa dang / zhig pa gso ba dang / gzhan gyis bzhengs pa la yo byad gtong ba sogs pha rol tu phyin pa drug ka'i don nyams su len shes/ rgya gar nas byon pa'i lo pa Na mkhas pa thams cad kyi zhabs tog mdzad/ sde snod 'dzin pa'i bshes gnyen chen po rnams kyi zhabs nas 'degs/ rtag par 'jig rten gyi bya ba la blo mi 'jug par sgom sgrub kho na mdzad/ sems can dbul zhing phongs pa kun gyi sbyin bdag mdzad pas theg pa chen po'i rigs lhag par sad pa yin/ rgyu des rgya dkar nag dang bal po la sogs pa'i skye bo skad rigs mi gcig pa kun kyang 'du/ ma ga d+ha rdo rje'i gdan la zhabs tog lan gsum/ 'dzam bu gling gi rgyan gcig pu dze shA ka rnam gnyis la sri zhu lan bzhi/ rdo rags lan bzhi mdzad/ rjes su 'phrin las skyong ba'i dge ba'i bshes gnyen kyang bgrang gi mi lang ba byung ste gangs khrod 'dir rtsod med du grags pa'i skyes bu chen po zhig yin no// de lta bu'i mdzad pa phun sum tshogs pas dngos dang brgyud nas gzhan la sman pa sha stag mdzad de/ lha sa'i rdo rags phyi ma mdzad pa'i gshegs skyems kyi dus las 'phro ngan pa'i 'khor kha cig gis chang 'thab byas pas thugs skyo ba'i gsung byon te lnga bcu rtsa drug bzhes pa sa
- 188b
mo lug gi lor gsang phu'i rgya ra gad logs kyi dgon par sku gshegs/ sbur chab la bkal nas zad 'ug skad dgon par zla ba bzhi bzhugs/ de nas btsan po dang / dpon skya slob ma'i tshogs kyi gdan sar bsam nas bzhengs pa'i gzad thang skya'i gtsug lag khang du gdan drangs pa'i tshe sa rab tu g.yos shing / yon chab las pad+ma'i sdong bu skye ba sogs ltas ngo mtshar ba byung / nang par spur sbyangs pas sgra dang / 'od dang / 'ja' tshon dang / mchod rten yig 'bru la sogs pa dpag tu med par byon to// gtsug lag khang de ni da lta rjes tsam du snang ngo // zhig po la slob ma mang yang thugs sras su gyur pa ni/ rta ston jo yeyis/ ma hA lhun po/ mkhas pa jo nam/ dbus pa jo bsod/ bzang ston hor grags/ gnyer ston bla ma dang drug las// gtso bor gyur pa rta ston jo yes ni/ yab rta ston jo 'bum zhes bya ba g.yo Na ru stod kyi bdag po 'khor 'bangs dang yul gzhi gzhis 'dzom pa zhig yod/ de 'khor ba la skyo ba skyes nas g.yogs bzhi khrid de bros/ lha rje glan nya tsha ba'i thugs sras gnyis chu bo ri pa'i spyan sngar byon/ dpon g.yogs lnga kas stabs gcig tu chos sgor zhugs/ sngags rnying ma spyi dang / khyad par rdzogs chen skor lugs gzhung gdams ngag dang bcas pa la shin tu byang chub/ phag mo gru pa'i spyan sngar lam 'bras dang phyag chen/
- 189a
dbur stod bla ma mtshar ston la phyag chen skang lugs kyi do ha/ zangs ri 'gro ras las rang chung ba'i chos skor nang ston mgon po la sna 'joms dang phur pa sogs mdor na bla ma mang po las chos ris med gsan pa yin te/ gnyos chu bo ri pa dang / phag mo grub pa rtsa ba'i bla mar 'dzin/ chu bo ri la bsgrub pa mdzad pas gdul bya mang du 'dus de la sras rta ston jo yes 'di chu mo lugs la bltams/ de nas lo bzhi pa la gcung po jo bsod btsas/ 'dis chung ngu nas zhig po'i drung du byon thugs la btags/ jo yes kyi lo bcu gnyis par bla ma dmar ston la bde mchog dang phyag rdor bdud rtsi thig pa'i skor zhus/ gzhung ring la bsnyen pa lo gnyis mdzad/ yab dang lhan du bde mchog gi dbang brgya rtsa brgyad zhus/ kha rag ston snying gi sar sgyu 'phrul lo gnyis nyan/ bla ma rtsa kas dang se dur lung pa gnyis la rdzogs chen// skor lcags gzhung gdams pa dang bcas pa zhus/ dgung lo bcu drug par rdo rje sems dpa' nam mkha' che la bshad pa mdzad/ bcu drug gi gsham na ngam shod smad du byon/ yab kyi slob ma rje btsun zhang la phyag rgya chen po sgang lugs gsan/ zangs ri rgya ras las lo re ras chung ba'i chos skor/ dgyes rdor mes lugs/ 'jam dpal gsang ldan/ bde mchog lnga yi pa dang / mtsho skyes rdo rje'i sgrub thabs/ lam
- 189b
'bras zhang lugs zhi byed lugs gsum ka sogs mdor na sa rnying ris med la thos pa shin tu che ba yin/ re zhig na nang ston jo 'khyams la phur pa gsan nas chu bo rir bsgrub pa mdzad/ lo nyer lnga pa'i tshe// zhig po'i drung na byon pa yin/ dang po chos zhus pa'i rtog pa med de/ chos kyang nga rang mkhas/ gdams ngag kyang nga rang che/ khong snyan pa dang grags pa che bar 'dug pa dang / gcung po'i bla ma yin pas mjal phrad kyi rnam pa zhig bya snyam nas byon pas/ zhig po bdud rtsi 'ug skad dgon pa na bzhugs pa dang mjal/ zhal mthong ba tsam gyi gus pa dbang med du skyes/ nang par log 'gro tsa na sku drung du 'ong bas thugs kyi bzung bar zhu zhus pas/ khyed mos bsam gsungs/ shin tu mos pa thob zhus pas/ 'o na las 'phro yod pa yin da lta nas sdod/ 'khor ba'i mtshan nyid la rtag pa med na phyis ji ltar 'ong cha med gsungs/ da res cha rkyen med byas pas/ 'dir 'ong ba la rgyags phye 'khur ba su yang med/ khyod gcig pu la cha rkyen ci 'tshal gsungs/ der lo bdun gyi bar du zhag gcig kyang ma bral bar bstan/ mnyes pa gsum gyi sri zhu byas/ kun byed rgyal po ma bu gsum skor/ bshad rgyud mdo bcu/ 'khor ba rtsad gcod kyi rgyud la bshad rgyud sde bzhi// rtsa 'grel rgyab chos man ngag dang bcas pa/ rtsa ba bco brgyad kyi bshad srol la zab pa
- 190a
gzhung dang / gab pa mngon phung man ngag sgom sdebs su bshad pa/ de'i sgom 'grel snying gi nyi ma drug/ yang snying rig pa'i nyi ma drug snyan brgyad sgo ba nag po'i skor/ sgom yig chen mo/ rig / mig sgron/ gdar[:]sha[:]gzer bu[:]rnams dang / gdams pa[:]snyan[:]brgyud skor la/ skor lugs rong lugs khams lugs kyi[:]gdams ngag lag khrid dang bcas pa la nan tan cher mdzad/ gsung gi chu rgyun legs par 'thung bas/ byin brlabs cig car du zhugs/ rtogs pa zod rgal du skyes pas 'jig rten gyi sgro skur la nyam mi nga / tshul 'chos med pa'i spyod pa skyong / bla ma la shin tu gus/ ci gsung dang du 'degs pas dgongs pa gcig tu dris te/ bla ma ci mnyes byed pa ci bsam 'grub par gyur cig gsung ba lan gsum thob/ spyir bla ma thams cad la zhabs tog ma grub pa med/ khyad par zhig po la yul gzhis thams cad btsongs nas spong dag byas pa'i chos 'khor lan bzhi btsugs/ snga phyi bsdom pas rta bzang po kho na'ang bdun cu rtsa bzhi phul zhes grags/ gdams pa'i gsung sgros thams cad yi ger bkod pas rjes 'brang la drin che/ chos zhu ba'i spros pa chod nas nags khrod dam/ ri su gnyen po mi skad bya skad mi grags pa zhig tu 'dir song dang 'dir yod med pa zhig bya dgos snyam pa'i snying stobs bsam
- 190b
gyis mi khyab pas dpe cha rnams kyang yig chung zin bris 'ba' zhig tu byas te/ bla ma slob dpon gyi gdan sa'i bya ba bkal bas gsung bcog ma phod/ 'on kyang bla ma'i zhabs tog 'ba' zhig byas pas sgrib pa tshan po che dag/ ting nge 'dzin kyang gong 'phel du song bas ri khrod 'grims pa las chos che ba gsungs/ de'i rgyu mtshan yang / thang skra'i thugs rje chen po bzhengs pa'i tshe zu mkhar du zang bzhus kyi las zla ba bco brgyad byas pas rtogs pa khyad par can skyes/ slob dpon sbrul sku'i chib pa pho drag btsad pos khyer ba'i tshe/ rdor thebs phu'i snang gsal brag la chos skyong sgrub pas mgon po'i zhal gzigs/ stod lung su bsod snyoms la byon tshe rmi lam du bla ma dang mjal bas sdug bsngal rang sangs la song / de nas bzung sdug bsngal rang rgyud la skye ma myong gsungs/ gdan sa'i bya ba dang / zhig po'i 'phrin las bsgrub pa'i phyir/ rgyal khams kun tu 'gro don rgya chen po dang / lha sa'i jo shAka rnam gnyis la zhabs tog lo drug mdzad de/ drug bcu rtsa brgyad pa lcags po stag gi lo o rgyan pa'i 'khrungs lo la gshegs shing / sku gdung dang ring bsrel mang por byon to// 'di'i gcung po jo bsod ni/ sku na chung ngu nas zhig po'i drung du byon/ thugs la btags nas sems phyogs rdzogs par gnang / khyod chos la nan tan byed pa zhig 'dug pas
- 191a
nga'i bla ma'i rtsar song zhig gsungs nas/ lha khang pa chen po la gtad/ mdo sku sems gsum rdzogs par thob/ mkhas pa'i phul du phyin pa zhig byung ste sum cu rtsa gcig pa la mya ngan las 'das pas 'phrin las ha cang smin to// rta ston gzi brjid ni/ sangs rgyas dpon ston gyi slob ma yin/ mkhas pa chen por gyur pas gsang ba'i snying po la Tik+ka rgyas par mdzad/ brgyud pa 'di'i lo rgyus phal mo che yang 'dis mdzad snang / 'on kyang g.yung ston pa'i khog dbub dang gcung mi gcig par yod/ 'di yan chos du sgyu 'phrul dang sems phyogs mtha' dag la mkhas par grags/ yang g.yung 'grel du 'phros don mang du smos pa'i gtsang ba byi ston dang / sgong dri ngas pa nye ston chos kyi seng+ge gnyis kyang gsang bdag sgro phug pa'i slob ma yin/ de gnyis kas gtsang nag 'od 'bar la gsungs/ des mes ston mgon po/ des bla ma srong / des pak+Shi shag 'od de/ 'di zur pa'i gdung yin/ skye ba snga phyi thal ler dran pa'i zung dbang chen 'od po zhes grub pa'i dbang po de la sras mo lnga yod de/ sras med nas gdung ba yod pa'i tshe/ paN chen shAkya shrI shing pho byi ba'i lo la phro phur gdan drangs pa'i phyi na dbang chen 'od bos 'ug pa lung du'ang spyan drangs/ der pa Na chen gyis 'ug pa lung 'di gsang sngags kyi gnas yon tan du mas brgyan par
- 191b
'dug/ byang ngos rigs lnga'i rang bzhin du snang / bya ri dwags la sogs pa 'di dag kyang 'phags pa'i sprul par 'dug/ rabs re la gsang sngags kyi chos sgra sgrog pa re 'byung bas ring po ma yin par khyed la sras gnyis 'byung bas de la nga'i ming las gras pa thogs shig/ bstan pa dang 'gro ba la phan pa 'ong gsungs/ de nas de bzhin du byung bas/ sras che ba la shAkya mgon dang / chung ba la shAkya 'od ces btags// gcen 'di yang ngo mtshar can byung / gcung shAkya 'od ni chung ngu nas mngon shes rdol thabs su smra zhing chos thams cad brda'i sgo nas ston shes pa'i brtul zhugs can zhig byung / rgyal khams gong pa bla mar bsten nas yab chos mtha' dag gas na/ bar do mngon sum du gzigs pas gzhan gyi gnas lung byed sar byon nas khyed kyi gshin po gshed dang ma phrol/ byang chub sems kyi ma zin pa'i cho ga la don med do gsungs nas gnas lung skyar dgos pa byung / nyin gcig nga la 'gyod pa byung gsungs/ ci lags zhus pas/ nga rig 'dzin gyi tshogs gral du rtag par chud pa la/ pho bo shAkya mgon la tshig rtsub shor bas de'i nub mo nas dam nyams yin zer rig 'dzin gyi gral du ma tshud gsungs nas bshags pa mdzad/ mi nyag g+ha ras la nye ba dgra ru langs nas bod na mthu su che dris pas/ shAkya 'od po che zer ba thos nas cha rkyen mang po bskur
- 192a
te/ zla ba brgyad kyi sa cha nas kyang mthu zhu bar btang byung ba la/ nga la mthu med/ nga'i 'khar ba 'di dgos na khyer gsungs nas yig lan kyang ma mdzad/ bang chen gyis lo rgyus brjod pas/ g+ha ras khros te nga'i dngos po bzung nas gdams ngag mi ster ba zer/ phyag 'khar brdabs pas/ de'i khong nas rdo rje legs pa lha bzhi'i skor thon/ kho dga' te sgrub pas/ pha mtshan mang po rtsa ba nas chad// de'i sdig sbyongs dge rtsa la lha khang dang / mchod rten bzhengs/ drin lan du 'bul ba mang po khyer nas mi nyag g+ha ra nyid kyang byon/ zur shAkya 'od dang mjal/ gsang snying la sogs pa'i chos mang po nyams su len cing / gnyis ka sdebs nas/ lho brag mkhar chur byon kho mthing lha khang dang / skra gro la sogs pa'i gnas su sgom zhing bzhugs tsa na/ mnga' bdag nyang yab sras dang mjal/ bka' brgyad bde 'dus la sogs te nyang lugs phal cher zhus/ rang gnas su phebs/ slar g+ha ras na re/ bla ma bka' drin che/ nged hor yul du 'gro bas mi gcig btong ba zhu/ drin len zhabs tog byed zer nas gshegs/ de'i tshe hor yul na nub bo a ri b+ho gas rgyal sa bzung nas rgyal po se chen gan rgyal srid thob ste dmag 'khrug g.yo ba'i skabs su yod/ mi nyag g+ha ras la se chen gan gyis bod la mthu bya ba yod zer nas khyed shes sam
- 192b
dris/ g+ha ras na re shes/ gsad pa dang / bskrad pa dang / 'gugs pa gsum gang bya gsungs/ der se chen gyi las kyis shi ba dang 'bring na gsad pa the tshom che/ 'gro 'dod pa dang thug na bskrad pa yid gnyis za/ nga'i skar 'dir dgra bo khugs na yong 'dod pa kho la med nges yin pas khug cig zer/ der bla ma 'phags pa rin po che dpang por bzhag nas/ g+ha ras kyi rlung 'khor gyi sbyor ba brtsams pas/ nu bo a ri b+ho ga bstan pa bral nas byung / da dung yid ches nas mtsho 'di dang / zang 'di'i dkyil du thog phob cig zer/ g+ha ras kyi de dang der thog phab pas yid ches/ sngags pa rnams la skrag par gyur nas bya dga' chen po byas/ 'di sa tshal gyi slob ma gshin rje la nus pa thob pa zhig yin zer te/ de'ang yin mod drag sngags kyi sbyor ba mthar thug pa zur pa las rnyed pa yin/ der pak+ki sha ka 'od kyi ston pa rA hu bya ba zhig bsngags pas/ g+ha ras dang mjal/ gnang sbyin bzang po byin/ mnga' bdag nyang gi gter yig kha byang na gtsang gi sa'i cha brag rdo rje tshe brten na tshe chu'i gter yod par bshad pa de/ ston pa rA hu la bskur nas bla ma shAka 'od la 'bul du bcug/ de dang stabs gcig par se chen gan gyi lung / shAkya 'od po dang / shAkya mgon po la zlo ba/ rim gro gang dgos kyi sa la tshe chu thon la nged bskur/ de'i yon tan byung mod/
- 193a
khyed rnams kyi sgyid sdug ngas shes pa yin/ gtor phye'i bsres la dngul bre gcig yod/ bya ba'i gser yig byung / der rim gro chen po byas/ gong ma non ches/ gser yig pa dang zung bas 'o brgyal ba tsam byung ste/ sgyu 'phrul gyi brgyud pa la sgra 'od zer gsum ma'i gsol 'debs mdzad pa'i nub mo gter sgo'i lung bstan gsal po thob/ de nas zur shAkya 'od/ gu ru khyud grags/ dben chen shAka bzang / gser yig pa a ga yan rnams 'dzom/ khrom gter du byas pa la/ gter sgo la spu gri reg chod kyi 'khor lo 'khor nas 'dzul ma nus/ der zur shAkya 'od kyi gzu dpang gsol/ gter bdag mchod pas spu gri rang mal du sdad nas thams cad ngo mtshar/ gter khung nas sol ba g.yengs pa'i dkyil na sbal pa kha mig deng deng / lag pa gdeng ba mthong ba'i mod la rlung gi 'khrul 'khor byung nas thams cad ha las/ der bla mas rak+Sha'i phreng bas mnan nas/ bden pa brdar bas rlung gi 'khrul 'khor kyang zhi/ chu dar gyi khebs bsal bas zangs kyi ga'u gsum sgrags kyi nang du pho thod mo thod kha sbyar ba'i nang na thog sngas pas reg ma thag rdul du bun long 'gro ba'i dar zab mo mang pos dril ba'i rta phag zhal sbyor/ rdor sems yab yum/ sgrub thabs kyi shog ril bcu gsum gyi dbus na tshe chu'i snod mu men gyi bum pa snag
- 193b
bum che shos tsam pa byung bas thams cad ngo mtshar skyes/ phud bla mas bzhes nas dgung lo brgya thub rgyu la/ ljags thog nas zur mas phri bas rten 'brel 'phrugs/ de tshe mang por dril nas gnyid mi log pa'i brtson pas rgya nag du khyer/ rgyal po se chen gan gyi gsol bas lo brgya 'tsho bar grags/ de'i bya dgar dbus gtsang na yod pa'i sngags pa thams cad khral dmag las thar du bcug pa'i 'ja' sa longs/ gong ma'i bla ma rnams dang byas pa mnyam pa'i phyir pak+kir btags/ tshe chu'i yon du sban hor dud zhe lnga'i sa phul/ mes 'grel gyi ri la dgon pa chen po 'debs par bzhed pa la/ klu'i grong khyer chen po yod pas klu'i zhu ba phul/ rgya rgan gyi thad mtshor yod pa sa tshab tu phul ba klu'i cho 'phrul gyis rkams su bcug nas der sngags sde chen po btab/ mkha' rdo rje brag lte ba la sgrub pa rtse gcig tu mdzad nas drug cu rtsa gsum par gshegs/ spur la reg pas mdze nad gsos pa byung ngo // 'di'i slob ma rta nag bdud 'dul/ des mda' shAkya 'phel/ de la zur byams pa seng+ge gsan te/ 'di'i yab la zur nyi ma seng+ge zhes bya ste mes po pak+ki'i sras yin/ khro phur rab tu byung / khro lo byams pa dpal gyis mtshan gsol/ yon tan du ma dang ldan/ khyad par byang chub sems kyi rtsa ba brtan pas hor dmag gi dus mi chen sam+b+ha ras gser mang po phul ba la/
- 194a
bdag gser mi 'dod/ mi 'jigs pa'i sbyin pa 'tshal bar zhu byas nas 'gro ba mang po srog skyobs/ khro phu'i 'bum chen rtsig dus chu shin tu dkon pa la mthu rtsal gyi char rgun chen po phabs/ stod hor gyis sa skya ming med du btong bar brtsams dus/ gong ma mchod yon gyi lung dang / dpon chen kun gzhon gyi bca' hu byung ba ltar/ drag po mngon spyod gyi nus pas dmag khri tsho gsum gangs dbrag tu srog gi rgyu ba dgag pas sa bstan la'ang byas pa lhag par che/ bar dga' lha khang sogs sku gsung thugs kyi rten dang brten pa bskrun pas mtshon bstan 'gro'i don la 'phrin las rlabs che ba de'i sras yin// de la zur byams pa seng+ge 'di/ theg pa chen po'i rigs sad pas byis pa'i dus nas snying rje che ba zhig yod/ gzhan gyi sems can la 'tshe ba byed pa gzigs na thugs la khur chen po byung / khro phur rab tu byung nas mtshan yang de ltar thogs/ mtshan nyid kyi rig pa dang / khro phu pa'i chos lugs mkhas par mkhyen nas dgung lo bcu bzhi la bshad pa mdzad pas mkhas pa'i grags pa thob nges pa yin/ g.yung ston rdo rje dpal bas kyang kho bo'i bla ma zur thams cad mkhyen pa zhes gsungs/ khro phu'i chos khri la bzhugs nas gra pa rnams la mngon pa gsung pas thog chod/ dgung lo bco lnga la 'ug bya lung du mda' shAkya 'phel las gsang
- 194b
snying gsan sbyangs mdzad pa mkhas pa'i dbang por gyur/ bcu bdun la rgyud kyi rnam gzhag mdzad nas chos gzhi bzung / bcu dgu la lce ston sgrub pa 'bum la sgyu 'phrul lam rim dang / rdzogs chen gsan pas rtogs pa thod rgal du skyes/ nyi shu la la stod nas b+ha ston gzi brjid spyan drangs nas/ sgyu 'phrul zur lugs kyi phan nus zab gsum gyi dbang dang / dgongs 'dus rtsa rlung skor zhus/ zu lung pa grub thob bshes gnyen la mdo dbang dang / se lugs kyi zhi khro rgyas 'bring bsdus gsum gsan/ thar lo nyi ma rgyal mtshan las sgra tshad/ khro phu'i slob dpon dpal mchog las rdo rje 'phreng bas mtshon pa'i gsar ma rgya chen po/ bsam sdings grub pa dpal las lam 'bras/ bla ma yon tan mgon las phyag rdor dang rnam 'joms/ dpon dpal chen mgon las bstan srung dang / sman rtsis g.yul rgyal/ shangs pa shal 'bum las gshin rje dmar nag dang / klong sde'i skor la sogs te mdor na bla ma mang po las rig gnas phyi nang / sde snod/ rgyud sde mtha' yas pa zhig gsan zhing / rtsa ba chod par sbyangs nas gtso bo thugs dam 'ba' zhig la bzhugs/ yi dam mang po'i zhal gzigs/ sku mdun na sus slebs pa yin yang snang ba rang sar 'gyur nas/ nges 'byung dang dad pa// snying rje rang dbang med par skye ba zhig yod par grags/ lar skyes bu dam
- 195a
pa 'di la bon po zhig gi zas ngan sbyar bas dgung lo nyi shu rtsa bdun las ma bzhugs te mkhyen brtse nus gsum gyi yon tan dpag par dka' bas sprul pa'i skur yid ches so// de la slob ma'i tshogs bsam gyi mi khyab cing / sgyu 'phrul lam rim/ gsang ba'i snying po/ 'grel pa spar khab/ mdo dang bcas pa tshad du rdzogs pa'i bshes gnyen gzhan phan rgya cher spyod cing grags pa thob pa rang yang bcu drug tsam yod pa las/ gtso bor gyur pa ni snga tshar gyi thu bo g.yung ston rdo rje dpal/ phyi tshar gyi mthu bo rta nag sgrol ma pa bsam 'grub rdo rje'o// de la g.yung ston pa ni/ gdung rus glan/ shing pho spri'u'i lor skye ba'i myu gu 'tshong 'dus su bzung / sku gzhon nu nas mkhyen pa phun sum tshogs/ spyir mtshan nyid thams cad mkhyen cing khyad par mngon pa kun las btus la mkhas/ sngags gsar rnying thams cad la blo mthu shin tu che/ khyad par karma pa rang byung rdo rje'i sras kyi dam par gyur cing / zur byams pa seng+ge las mdo sgyu sems gsum gyi man ngag rdzogs par phyogs 'di la'ang smra ba'i dbang phyug chen por gyur/ gsang ba'i snying po la Tik+ka gsal byed me long mdzad de bshad rlabs gzhan las che/ zur byams pa seng+ges shangs pa shAka 'bum las bshad skor gsan pa'i phyag phyir 'breng nas slabs/ 'khrul 'khor las sbyor sogs la
- 195b
shin tu mkhas shing mthu che bas/ slar zur byams pa seng+ge'i sku tshe la bar du gcod pa'i lha khu dpon po la gshin rje'i 'khor lo bskor nas mi nor zhing khang dang bcas pa gtsang po la sbyangs te rmeg med du btang dus/ bla ma'i sgra dgra 'thul ba kho bo bcom// zhes pa'i tshig bcad kyang mdzad/ sku gzhon dus gong ma'i lung gis rgya nag tu byon/ sngar 'jig rten gyi khams na ma grags pa tsam gyi mdos gtor zhig mdzad/ yul gru 'ga' zhig la zan pa chen po byung bas/ gong ma'i lung gis bsngags te char 'bebs mdzad pas nus pa mngon sum du thon/ gong ma dgyes te bya dga' chen po byin pa'i nom pa dang bcas bod du phebs/ dngos po rnams ngo shes dang grogs mched su la'ang ma byin par yum gyi don du bla ma dang dge 'dun la phul/ bu ston rin po che'i yang slob mar gyur nas dus kyi 'khor lo la shin tu mkhas/ rgod sgros chu'i grod pa dum bur bcas kyang chu mi 'bo ba dang / lcags bsregs la sha rjen gyis reg kyang mi tshig pa/ rtsig pa la rdo drug sbyor gyis zhal ba byas pas rtsig pa brag chen la 'gyur la sogs pa'i rten 'brel mang po mkhyen/ gtso bor kar+m+ma pa rang byung rdo rje'i dbugs 'byin chen po'i man ngag spyi dang khyad par rdzogs pa chen po la nyams bzhes mdzad/ rgya cher rol pa las bshad pa'i gter chen po brgyad thob pas/ legs
- 196a
par bshad pa'i sems can thams cad tshim par byed pa spobs pa'i gter chen po yongs su grol nas/ mdo sngags kyi sangs rgyas la khyad par phye ba'i bstan bcos mdzad pa g.yag sde pa Na chen gyi gzigs/ shin tu dad nas dpon slob bco lnga byon te zhabs la gtugs/ sku tshe'i smad la tshogs pa chos lung pa las bsnyen par rdzogs/ mtshan rdo rje 'bum zhes pa rdo rje dpal du bskur/ mon pa gro dang / phung po ri bo che/ ra dum bram la sogs par bzhugs shing bshad pas kyang gzhan la phan pa rgya chen po mdzad/ brgyad cu rtsa gnyis pa shing mo sbrul gyi lor zhi bar gshegs so// rta nag sgrol ma ba bsam 'grub rdo rje ni/ sngags rnying ma las dngos grub brnyes pa rim can gyi sras su rta nag gnas gsar du 'khrungs/ zur byams pa seng+ge las gsan rgya chen po mdzad cing khyad par sgyu 'phrul la mchog tu mkhas/ glan nya tshal pa bsod nams mgon po las sgyu 'phrul gyi dbang nod/ mkhyen pa dang 'phrin las dpag par dka' ba yin te dben pa 'ba' zhig la thugs gtod/ byams pa seng+ger rdzogs pa chen po snying thig la thugs dam rtse gcig tu mdzad pas/ rig pa tshad la phebs te sangs rgyas kyi zhing khams rgya mtsho dang mnyam pa nyid du spyod/ yang dben pa'i zur shAkya 'byung gnas dang / 'ug pa lung pa'i bla ma seng+ge pa gnyis chung chung nas sku
- 196b
drung du bzhag nas legs par bskyangs pas bla ma'i dam tshig la gcig tu gus shing / zur rgyud la bka' drin che/ shangs pa kun mkhyen zhes grags pa bla na gsal ba de'ang byis pa'i dus na bla ma 'dis dbang mang po bskur zhing byin gyis brlabs pas mkhas pa chen por gyur pa sogs byin brlabs bsam gyis mi khyab/ dgung lo brgyad cu rtsa gnyis pa me pho 'brug gi lor gshegs khar sras la/ nga bde ba can du 'gro khyod kyi kyang nga'i lo dang mnyam pa thub/ de nas bde ba can du shog ces gsungs nas gshegs/ de la zur rgyud dang / sras rgyud gnyis las/ zur rgyud ni/ zur ha ma shAkya 'byung gnas te/ 'di'i yab zur bzang po dpal zhes bya ba'i ring la gong ma bu yan thu gan gyi lung dang gnang sbyin blangs/ slar gong ma'i lung gis rgya nag tu 'byon dgos pa byung / dang po gong na rgyal po'i rim gro par gyur la mthu rtsal dang nus pa shin tu che bas lo nyes las skyobs pa dang / mdos zer thog ser la sogs pas ngo log choms nus/ khyad par rgyal po'i pho brang ta'i tu'i gi nam mkhar mi mthun pa'i mtshan ma sprin nag po sdig pa'i gzugs can byung ba sus kyang bshig ma nus pa'i tshe/ rgyal po'i lung gis skabs dbye nas ma mo khang phab gyi mdos dar khang bco brgyad kyis bcings pa btang / gtor 'tshams mdzad pas sprin nag 'thor ba sogs
- 197a
mtha' 'khob gyi yul du dam pa'i chos kyi che ba lan mang du bton pas gong ma dad de/ yang dag lha dgu'i dbang dang tshe dbang zhus/ dngul gyi tham ka dang / dngul bre bcu gsum/ phong kha phyed nyis brgya 'debs pa'i gos dar gyi 'bul ba phul/ pho brang ta'i tur sngags sde btsugs/ de'i dus kyi las bzhi'i phur pa pho brang na yod par grags/ de ltar zang zing gi rdzas 'byor pa las rtsa rgyud gsang snying / 'grel pa sbar khab/ gsang sngags lam rim/ man ngag dgu pa la sogs pa'i snga 'gyur gyi chos sde nyi shu rtsa brgyad bar du bsgrubs/ so so nas stong phrag re btab ste gra pa la bkye/ rgyud 'bum bzhengs pa'i cha rkyen mang po bskur ba sogs bstan pa la phan pa rgya che/ slar rgyal po bu yan zur rlung gi nad la tshad pa'i bcos byas nas gshegs/ 'di dus sa skya dang zur tsho rnams grub mtha'i snying po gcig pas 'dris shin tu zab pa yin/ rgyu des zur byams pa seng+ge gshegs pa'i lo rgyus sa skur skul bas/ de ma legs zur bzang po dpal rgya nag nas bos shig gsungs/ gzhan rnams kyang bgros nas nye gnas 'jam dbyangs gdan 'dren du btang / des rgya nag tu brtol ba'i tshe tshad pa'i nad kyis spang nas 'grongs la khang yod de/ mkha' 'gro chos skyong gi byin gyis brlabs nas cung drag pa'i mgo bstan/ de'i tshe nyid kyi gzigs
- 197b
snang la rgyal po bu yan thu dang mjal nas khyod bod du 'byon na gnang sbyin ji ltar sbyin zhes gsung pa la lan zhib tu zhus pas/ ci yang ma byin par 'dug gsungs nas yal/ de'i lo rgyus dpon mo za'u las thos te khyod mthong bas gong ma dran zer nas mchi ma phyung / slar dngul bre bcu byin/ rdo rje sems dpa'i sku rgya nag li ma dang / chos skyong lcam dral gyi 'tshams sku bzhengs pa gdan drangs nas bod la byon pa'i tshe/ mgon pos bod la zhal gzigs nas gom pa bdun 'phags pas/ bse 'bag gom bdun mar grags/ bod du byon nas bstan pa'i bya ba la rgyud 'bum bzhengs/ chos skyong bran du 'khol/ ma 'ongs pa mngon gsum du lung ston/ slar yang gong ma'i lung gis rgya nag tu gshegs dgos pa byung ba'i tshe/ 'byon par mi spro bas/ rgyal po'i pho nya the mur dar dang / g+ha ra la dngul bre sogs pa byin te slog kyang rgyal po'i chad pa 'od zer 'gro ma 'dod/ der rang dbang thams cad bde ba yin/ gzhan dbang thams cad sdug bsngal yin/ zhes pa la sogs pa'i zhal gdams mdzad nas rgya nag tu gshegs/ spyir dgung lo sum bcu so brgyad las ma bzhugs pa de'i sras yin/ de la zur ham shag 'byung 'dis chung ngu nas yab mes kyi chos la sbyangs shing las sad pas/ rang lo lnga par yab rgya yul du gshegs pa'i bsu ba mi chen
- 198a
dang / bcas pa'i dbus su rtsa rgyud la bshad pa tho re long mdzad pas thams cad ha las/ dgung lo bdun pa nas bshad gra bskyangs/ bla ma kun spangs par dge tshul dang / chos rje bsod nams grags pa las bsnyen par rdzogs pa'i tshe mtshan shAkya 'byung gnas su grags/ zur pa pak+ki'i sras zur shAkya seng+ge zhes bya ba go lug rgyal po'i lung dang / gnang byin gser bre chen srang drug cu ma bzhi/ dngul dkar bre chen nyi shu/ gos phyi nang nyis brgya rnams thob cing / dpon mi the'u sogs pas kyang bdog pa brgya cher byin pas zur pa'i bstan srid la phan pa rgya chen btags la/ khyad par rgyal ba zur po che'i sku chos kyi dum bu bzhugs pa'i 'jam dbyangs kyi gser sku shin tu ngo mtshar ba bzhengs nas dpal 'ug bya lung gi rten gtso bor mnga' gsol/ bshad gra dang sgom grwa'i tshugs kha chen po zin par byas/ bdog pa la 'phang pa med pas bstan pa'i rim gro lhur len/ mthong na mi mthun pa med pa'i gzi byin gyis/ hor gyi mi chen the mur dar kyang dad par gyur nas tshe dbang zhu ba la sogs pa'i dbang ston nus pa'i sems dpa' chen po'i nga tshul la gnas pa de dang / sa bzang lo chen/ rgyal ba g.yung / 'jam dbyangs bsam 'grub rdo rje/ sa skya ba'i gdung brgyud/ zur pa'i dbu che grags pa che ba rnams kyis mtshon/ bod dbus
- 198b
gtsang gi mkhas btsun bzang gsum thams cad la gtugs nas mtshan nyid sde gsum/ gsang sngags gsar rnying thams cad kyi gzhung dang man ngag la legs par sbyangs/ khyad par du mngon rtogs rgyan/ spyod 'jug/ dus kyi 'khor lo/ kun byed rgyal po/ sgyu 'phrul lam rim/ gsang ba snying po/ 'grel pa sbar khab rnams la nan tan du sbyangs pas mkhas grub chen por grags/ dus phyis mdo dbang zur lugs kyi bstan pa'i bdag po 'di kho na yin/ sgrol chen bsam rdor las mdo dbang gsan pa'i tshe/ rgya bod kyi na bza'/ zab chas/ nas khal lnga bcu sogs kyis sna drangs pa'i 'bul ba byas te lung lag len phyag bzhes thams cad mtha' chod par mdzad/ gtad rgya kho na'i don du'ang gos yug chen dang gser gyi 'bul bas mnyes par mdzad/ shAkya thub pa dang / he ru ka rigs lnga gzigs snang du shin tu gsal ba gzigs/ 'dus pa mdo'i lha zem/ gtad rgya'i 'grel pa sogs mang du mdzad/ mdo spu sems gsum gyi bstan pa la bya ba rgya chen po mdzad cing / sgrol ma ba'i sras sangs rgyas rin chen dang / gnyal ba bde legs pa la sogs te bstan pa'i gsal byed du gyur ba'i slob ma mang dag bskrun nas dgung lo sum cu so brgyad pa la gshegs/ gnyal ba bde legs kyi cho ga khrigs kyang yod do// yang sgom chen po'i sras
- 199a
brgyud ltar byas na/ sras sangs rgyas rin chen rgyal mtshan dpal bzang po zhes grags pa de nyid yab kyi lnga bcu rtsa drug pa lcags pho stag la gnas gsar du 'khrungs/ mi rnams kyi khyed kyi sras 'dis phan ni mi thogs/ de tsam gyi gtsigs kyi ci bya zer bas/ 'gro ba la phan thogs pa zhig 'od gsungs/ dgung lo drug pa la gsang ba snying po'i rgyud thugs su chud/ zur shAka 'byung ba'i spyan sngar byon/ nga'i / bla ma'i sras zhes gces par bskyangs pas rgyud bzung ba de bsnyel/ yang lo brgyad lon pa na bsgyur te bzung / cho ga 'phrin rnams yab kyis bslabs pas lo bcu bzhi par gzhan la dbang bskur ba'i slob dpon pher ba byung / yab las sgyu 'phrul gyi chos skor rnams thugs su chud par mdzad/ da nga rab tu byung nas mtshan nyid kyang sbyongs/ gsar ma'i rgyud sde'ang slob pa yin zhus pas/ re zhig mi rung / bzod rab tu byung bas mchog gsungs/ der mi ci zhig bdag gir bzung bas sras kha shas 'khrungs/ dge bsnyen gyi rten la bslab sbyongs rdzogs par mdzad nas slar chos 'khor sgad du tshig rdzogs mdzad/ sku shin tu btsun par bzhugs/ sgyu 'phrul la mkhas par gyur pas dgung lo bzhi bcu skor la gsang ba snying po la Tik+ka che ba zhig dang lam rnam bkod la'ang rnam bshad chen po zhig mdzad/ de bzhin du 'phrin las shar ba brgyad las//
- 199b
khro bo la mngon par rtogs pa rgyas pa dang / gnas lung la'ang cho ga rgyas pa zhig mdzad/ yab dang thugs sras mthun pa rdo rje sogs las man ngag mang du mnyan cing nyams su bstar dgung lo bdun cu pa la 'gos lo ye bzang rtse ba rjes su bzung ste/ 'di ltar sgyu 'phrul zhi khro'i dbang dang / sgyu 'phrul gyi tshe dbang / dong dkrugs kyi dbang / tshe bdag dang / yang dag ma gcig dbang / rna bo ba'i lugs kyi rta mgrin dang / zla rgyal ma'i lugs kyi rjes gnang / phur pa'i lugs kyi dbang drag po'i rjes gnang dang bcas pa/ sems sde bco brgyad kyi rig pa'i rtsal dbang / gsang snying rgyud 'grel pa dang bcas pa'i bshad pa/ lam rnam par bkod pa'i Tik+ka nyid kyi mdzad pa'i thog nas bshad pa rgyas pa/ gzhan sgyu 'phrul gyi khog gzhung bzhi bcu la sogs pa'i gzhung chung bzhi bcu tsam/ mdo dgongs pa 'dus pa dang / de'i rtsa ba'i rgyud kun 'dus dang / gnubs chen gyi mdo 'grel mun pa'i go cha/ sgyu 'phrul brgyad cu pa dang bla ma gnyis/ yang dag rtsa ba'i lung rnams kyang gnang / snying thizig spros bcas la sogs pa'i dbang bzhi dang / me long bas mdzad pa'i yi ge'i steng nas khrid yig/ rdzogs chen a ro'i man ngag kyang khrod du mdzad/ de bzhin du byang sems ye rgyal ba nas brgyud pa'i thugs rje chen po'i dmar khrid kyang gnang ste/ rgyu mtshan de la
- 200a
brten nas 'gos lo ye bzang rtse bas/ gsang sngags snying ma zhes grags pa'i phyogs la lhag par mos pa thob cing / chos spong ba'i sgrib pas ma sbags tsam mo// zhes thos pa'i pha rol tu son pa'i mthar zug don dang ldan par song ba yin zhes nges par brten pa'i tha tshig go/ de ltar chos rje sangs rgyas rin chen ches pas bdun cu rtsa gnyis pa lcags mo glang gi lo la dbus su phebs/ gong ma ri'i bsam gtan gling du dbang grags pa rgyal mtshan gyi zhabs nas bteg/ 'dus pa mdo la sogs pa'i dbang mang po dang / gsang snying la sogs pa'i bshad pa dang / lung mang po byin/ brgyad cu rtsa gnyis pa lcags mo phag gi lo la gtsang du sku gshegs/ zur chung pa 'khrungs nas dus 'di yan chad la lo bzhi brgya dang bcu bdun song // yang sgro phug pa chen po'i slob brgyad 'phyong rgyas rgya sman pa sangs rgyas grags zhes bya ba ni/ rus gnyal yul rgyu sman stag rtse sar 'khrungs/ gzhon nu'i dus 'dzam b+ha la bsgrubs pas zhing chung zhig yod pa de'ang chus khyer/ bya bral la byon pas spu ku dor phyug po mdzes khyer ba zhig gi ro khur mi ma byung bar 'dug/ snying rje drag po skyes te rtog med mdzad nas ro las byas pas mal 'gram nas gser mang po byung / de dzam b+ha lhas dngos grub byin par 'dug/ slar log te gra phyi khang dmar du khyung po khro bor thug
- 200b
khong yang dag bsgrub pa'i phyag phyis bsgrub pa mdzad pas/ yang dag mar me dgu pa'i zhal gzigs/ de nas gtsang du byon gsang bdag sgro phug pa'i slob ma bya chen po'i dpon po zhig la mdo dang sgyu 'phrul la sogs pa'i gsan pa mdzad/ der phyug po zhig gi nas khal brgya tham pa phul/ cha rkyen gyi mi thogs par byung bas sgro phug pa'i slob ma myang nag mdo bo/ de'i slob ma lha rje mda' seng+ge la'ang sgyu 'phrul nyan/ mkhas pa chen por gyur nas/ rang yul du rdo zo thel btab/ gnyal ba zhig po'i slob ma rgya 'ching ru bas kyang rdo thog pa'i zhabs la gtugs te zos pa mang du mdzad khyad par du 'di la slob ma mkhas shing grub pa'i dpa' bo skyi chos kyi seng+ge bya ba zhig byung / des gong ma se chen gyi spyan sngar byon pas/ rgyal pos nus pa brtag pa'i phyir thub chod mdzad de mchod rten gyi nang du bcug nas sgo brtsigs te lo gcig bzhag/ lo dus na kha phye ste bltas pas/ rdo rje phur bu'i skur gyur 'dug pas ngo mtshar chen po skyes/ rdo thog pa la dang rings chen mo la sogs pa'i dngos po tshan cher gnang / 'ja' sas bcad pa'i dgon gzhis kyang mang du yod de dar rgyas shin tu che bar byas/ da lta ni ming du grags pa'i rjes shul tsam ste bstan pa'i 'phel 'grib 'di yang skyo ba bskul ba'i rang bzhin no// spyi chos kyi seng+ge slob ma ni/ sman lung pa
- 201a
/ shAkya 'od de/ 'di ni 'phyong po khe ru'i myang ston chen por sras lnga byung ba yar klung mchod sngar grags pa'i che shos yin/ yul yar klung dgon pa sman lung yin pas de skad du grags/ tshigs gnyis pa chos ldan pa'i gdan sa da lta chos ldan zhes pa'i dgon rol 'di ga yin/ mtshan dngos mgon po rdo rje zhes bya ste grub pa shin tu brnyes pas kyang la sku rgyab gtad pa'i rjes thim gyi song ba da lta'ang yod/ sngar 'dir chos grwa chen po chags par snang te rgyud 'bum gyi ras ma'ang shin tu mang par mthong / sman bsgrub mdzad pas yul 'di sdig pa dang grog sbur kyang dkon pa yin zhes thos/ srung ma shin tu nus pa che bas da lta dgon shul kyang bsrung bar snang te lha 'dre rnams dam tshig la shin tu gnas pa zhig go/ tshig 'og la gsum pa skal ldan pa/ dur khrod pa/ dbang rgyal ba zhes grags/ de las 'dir tshig dang por sman lung pa shAkya 'od kyi spyi chos kyi seng+ge las mdo sgyu 'phrul rnams legs par bslabs/ phyis glan shAkya 'od po'i sras glan mkhas pa bsod rgyal la'ang gsan nas/ gsang ba snying po'i khog dbub dang / Tik+ka rgyud don rnams nges pa la sogs pa yig cha mang du mdzad/ 'di'i slob ma dwags po'i sangs rgyas gong la ba yin/ de la dwags po nyid du slob ma gnyal la sogs pa mang du thon zhing / gtso bor gon gyi bdag po'i bla mar
- 201b
gyur nas khams su shin tu dar bar gyur to// yang sman lung pa la dpon shAkya 'bum pas gsang ba snying po'i bshad pa mkhas par bslabs/ de la mkhas grub chos dpal yab sras gnyis kyis kyang gsang snying gi bshad pa legs par nod/ sman lung pa'i brgyud pa de dag ni gter kha gong 'og la'ang gnas dus der chos kyi bdag por gyur pa zhig go/ skyi chos kyi seng+ge gdan sa brgya ye shes mgon pos kyang skyi dang glan chos rgyal gnyis ka la gtugs nas mdo dang sgyu 'phrul mkhas par mkhyen/ de'i dpon po rdo rje rgyal mtshan zhes bya ba gzhon nu la gsang phur byon nas tshad ma rnam nges mkhas par sbyangs/ de nas phu bo rgya / ye shes mgon po las mdo dang sgyu 'phrul legs par bslabs nas/ 'grel pa par khab gzhung du byas pa'i Tik+ka/ dbang gi cho ga la sogs pa mdzad/ des rang gi dpon po bla ma tshul rgyal ba la gsungs/ de la ri gdong pa shes rab rgyal mtshan gyis gsan/ 'di dwags por bskur ba dpon g.yog dang sngags pa rnams la bshad pas re zhig na dwags po'i phyogs na'ang dar ba yod zer/ sher rgyal gyi slob ma zhang mkhar ba bsod nams bzang po/ de'i slob ma slob dpon bkra shis rgya mtsho/ 'di la rdo rje rgyal mtshan pa'i snying Ti ka gi thog nas bshad lung dang / phur pa lha nag la sogs pa 'gos gzhon nus gsan to// yang
- 202a
/ khams lugs su grags pa ni/ spyir gsang ba snying po'i rgya cher 'grel pa slob dpon nyi 'od seng+ges mdzad pa yang khams nas byung zhing / be ro tsa na las brgyud pa'i bshad rgyun yin par shes la/ khyad par sgro phug pa'i slob brgyad ka thog pa ni/ zur gsang bdag shAkya seng+ge'i slob ma gtsang ston 'gro ba'i mgon po/ zhes bya ba mkhas grub chen po zhig byon te/ de'i slob ma ka dam pa bde gshegs sam/ shes rab seng+ge bya ba'i ring la bstan pa'i chu mgo brnyes pa yin/ mtshan gzhan du spobs pa mtha' yas kyang bya ste/ 'di phag mo gru pa dang yum spun du gyur la 'khrungs yul yang gcig pa kho na yin/ sngon rab la kri ko'i bu mo bdun gyi dang po dang / gnas bstan b+ha ra d+ha dza/ phal chen pa'i gnas brtan mu stegs kyi mkhas pa phyis nang par gyur pa/ wa ra Na sir chos rgyal/ lo tsa ba rma rin chen mchog la sogs skye ba du mar dran/ bye brag tu thal ma thag pa'i skyes par bal po b+ha dan+ta bya ba'i rnal 'byor ba zhig mi nyag rgyal po'i bla mar gyur/ dad ches nas de'i dbu'i byad phreng ba'i mdo 'dzin la brgyud par mi nyag gi yul thams cad du bkar btags/ re zhig na phyi'i rgya mtsho gzigs su byon pas/ rgya mtsho'i 'gram du phru ma btab de bzhugs pa'i tshe dus min gyi brlabs 'khrugs nas mya ngan las 'da' bar bskul slar gdung rgyal pos spyan drangs te
- 202b
mchod par byed pa dang / rgya gar nub phyogs kyi ri brag chen por drang srong ga ga ti bya ba'i drung du ne tsor gyur nas rig sngags bslabs te nus pa can du yod pa'i tshe/ shar ngos na dkar po'i phyogs kyi klu gcig dang / nub ngos na nag po'i rigs kyi klu stobs can zhig pa las/ nag po'i rigs kyis dkar po'i phyogs la dmag drangs nas nam mkha' thog ser dang sprin nag gis khyab/ sa gzhi sbal sbrul la sogs pa'i srog chags kyis bkang nas byung ba'i tshe/ klu dkar pos ne tso la skyabs su song ngo // der ne tso'i rig sngags kyi nag po'i stobs pham par byas pas dkar po'i stobs rgyas nas rgyal khams kyi 'bru bcud 'phel bar byas pa dang / rgya gar du mu stegs zhi ba pa rtsod pas/ tshar bcad cing slob dpon zhi ba'i lhar gyur nas paN+Da ta'i dbus su spyod 'jug gsungs pa sogs skye ba mang po dran/ sngon rgyal por gyur pa'i tshe blon po gcig gis dbyen byas pas lce gcod du bcug pas da ltar ngag mi bde ba yin gsungs zhing las 'bras la rtsigs shin tu che ba de dang / yang 'khrungs yul las ming chags pa rin po che gtsang ston pa zhes mi sgyiskyed pa'i zhing rtag par gzigs shing lung bstan thob pa/ lo tsA ba ye shes mchog dang / rgya gar phyag na la sogs pa'i sngon gnas rjes su dran zhing / chos skyong bran ltar khol ba zhig dang por grogs mched la/
- 203a
phyi nas dpon slob tu gyur pa de las brgyud nas mdo dang sgyu 'phrul gyi bshad pa ka thog tu 'phel to// de la 'bri chu'i 'gram sbom por dang nye bar mi ma yin gdug pa can mngon sum du skye 'gro la 'tshe ba zhig pha wang la gnas bcas nas yod de/ de 'dul ba'i dus la bab nas pha bong chos gos kyis bcings/ gtsang ston gyis khrid/ ka dam pas 'phreng lcags gis bdas te thag ring por bskyal bas pha bong la phyag 'phreng gi rjes shin tu gsal ba da lta mngon sum par yod/ de nas sa yul yi ge ka 'dra ba'i thog tu dgon gnas bcas pas ka thog tu grags/ gzhi 'dul ba'i tshul khrims kyis bzung bas dgon pa gtsang zhing dag/ spyod 'jug la sogs spyod phyogs dar bas theg pa chen po'i lam srol du tshud/ sngags dang mtshan nyid gnyis ka dar zhing khyad par mdo sgyu sems gsum gyi bstan pa'i rtsa ba gnas pa yin// phag mo grub pas kyang dag snang mtha' yas pa gzigs nas chos mang du gsan/ de'i slob ma spyan snga byams pa 'bum ni slob dpon dza lan+ta ri pa'i slob ma spyod chang dbang po yin ste/ 'phags pa'i yul nas so/ ma dzo ki zhes bya ba thun mong gi dngos grub thob pa zhig bod du 'byon khar/ mi tra dzo ki'i zhal nas/ khyod bod du 'gro na yul ka thog bya bar slob dpon shan+ta de ba dang / badz+ra pa Ni bod du skye ba bzung ba'i gdan sa
- 203b
na ka tsA pa chen po yod kyi de la phyag bgyis/ zhes dpon slob gnyis ka'i lung bstan pa zhabs la gtugs/ rnal 'byor gyi dbang phyug chen po karma pakris kyang 'di las rab tu byung zhing man ngag rdzogs pa chen po'i bka' thams cad gsan/ de bzhin du pak+ki dang 'phags pa gnyis ka'i bla mar gyur pa tsa ti spyan sngar mang phu ba bsod nams 'bum la sogs pa mkhas shing grub pa brnyes pa sha stag byung zhing / dgon pa 'dir gra pa khri tsho bco brgyad 'du ba'i skabs byung bas dar rgyas shin tu che/ gu ru chos dbang gi slob ma grub thob ma Ni rin chen zhes pa'ang 'di nyid yin zer ste brtag/ rnying ma rgyud 'bum gser bris su gnas pa sogs mdo khams kyi phyogs la snga 'gyur bstan pa'i rtsa lag chen por gyur cing / da lta'ang bka' gter gnyis ka'i srol shin tu dar ba yod dam snyam mo// yang rog shes rab 'od las kyang mdo sgyu'i bshad bka' shin tu dar ba byung ste/ shes rab 'od 'dis dang por rog ston btsan po las so// lugs kyi mdo dang sgyu 'phrul dang sems phyogs gsan/ lhab dris ma gong pa las mdo dang sgyu 'phrul skyo lugs/ lhab kyi zur chos pa slob dpon yam shud dngos grub las mdo dang / sgyu 'phrul zur lugs/ yang sgro phug pa'i slob ma gnubs ston/ des kha rag snying po/ des yam shud/ yang kha rag snying pos sras pad+ma 'bar/ des
- 204a
/ rog shes rab/ yang so dar ma seng+ge las sgyu 'phrul mtshan mang zhes sngar mtshan bus Tik+ka 'chad pa'i srol yod pa de gsan/ yang chu bar gyi glan shAkya bzang po las brgyud pa dang / lha rje nya ri ba'i slob ma nyang nag mdo bo las brgyud pa ste/ mdor nas bla ma 'dis lugs tha dad pa mang po gsan cing / sgyu 'phrul gzhi lam 'bras gsum gyi stong thun dang / lam rnam bkod kyi Tik+ka brtsams/ des ste mdo thams cad gzigs pa zhes grags par bshad cing / des kyang snying TI ka dang / lam rnam bkod la mtshan bu zhib par mdzad/ rog gi gdung brgyud rnams la'ang dbang dang rgyud kyi bshad pa shin tu dar ba byung ngo // de bzhin du gtsang stod mang dkar du yang stod zer pa zhes grags pa rim par byung nas bshad sgrub legs par mdzad/ des la stod lho byang thams cad du'ang me mched pa bzhin gyur pas/ du me ston 'byung gnas 'od ces pa dang / snang ston seng+ge 'od ces pa dang / byang tar la mo pa yon tan dbang phyug ces bya ba la sogs pa'i bshad pa yang tho re long yod pa/ gzhan yang dan bag tu'ang sgyu 'phrul gyi bshad pa rim par byung bas rgyal ba klong chen pas der gsan pa mdzad cing / mdor na zur med dpon gsum las slob ma'i rnam grangs ji ltar mched pa shar gyi btags pa dang / de dag las mched
- 204b
pa'ang grangs med pas gang gi ring la dar rgyas su mdzad pa gsang bdag sgro phug pa chen po de gangs ri'i khrod na gsang ba'i bdag po sngags kyi bstan pa spel ba'i slad du byon to zhes de'ang grags pa don dang ldan no// dus phyis ni gdul bya rdzogs pa ltar 'gyur nas ston gyi chu bran bzhin du bltar mi mngon pa la phyogs pa'i tshe/ gnubs chen sangs rgyas ye shes kyi smon lam phrag par bzung ba gnyis dar rgyas chos sdings pa 'phrin las lhun grub yab sras kyi sngags rnying ma'i dge 'dun 'dus pa'i sde dbus rgyud la chags pa snga ba dpal ri theg pa chen po'i gling du yun ring por gtan chags/ thams cad mkhyen pa pradz+nyA ras smi'i gdung / rgyal sras rin po che'i slob mar gyur pa bshes gnyen rin chen dar rgyas la'ang bka' gter gyi phyogs mang du gsan/ khyad par du gong rA lo tsA ba gzhan phan rdo rje la sogs pa'i bla ma mkhas grub du ma'i zhabs la'ang gtugs nas snyan brgyud dang / gdams pa'i srol kha zin/ sras kyi dam pa 'gyur med rdo rje dang / lo tsA ba ngag dbang chos dpal gnyis las/ gter ston smin grol gling pa zhes grags pa'i ba dan phyogs kyi bu mo'i rna lung du dpyangs pa de'i thugs bskyed dang smon pa'i las shugs gong ma lnga pa chen po'i thugs rje'i grib bsil la dbugs 'byin thob pa'i bdag po'i rkyen dang
- 205a
'grogs nas/ dge 'dun 'du ba'i pad tshal bskrun/ dam pa'i chos 'dul ba la legs par gnas pas gzhi gsum gyi cho ga lag len du 'debs pa dang chabs cig mdo sku sems gsum gyi bstan pa'i 'ba' stegs bcas/ snga 'gyur bka' ma'i rgyud sde'i dkyil 'khor chen po phal cher bshad sgrub kyi rgyun btsugs/ de dag gi cho ga'i khrid rim mang du mdzad/ khyad par du lo tsA ba d+harma shrI'i mkhyen rab kyi chu gter las gsang ba snying po'i rgyud la zur pa'i bshad srol gyi 'grel pa zhal lung dang dgongs rgyan gnyis/ 'dul ba mdo'i dbang gi cho ga'i khrid lag len la 'debs bde ba/ mnga' ris pa Na chen rin po che'i sdom pa gsum gyi rnam par nges pa'i bstan bcos kyi Tik+ka sogs mdzad pas bstan pa'i bya ba la gcig tu ngo mtshar che'o// de dag las bdag cag gis rin po che zang 'brog pa pad+ma rig 'dzin dbang po las glan lugs kyi yig cha'i steng nas 'dul ba mdo/ grub dbang shrI na tha la sgyu 'phrul rtsa rgyud kyi steng nas bshad lung skrag ma/ sprul pa'i sku rin po che bstan 'dzin lhun grub las sems phyogs la sogs te rgyud 'bum rin po che ma tshang med pa'i lung nod cing / de dag gi go don dang rtogs pa'i dngos grub ma lus pa rgyal ba'i dbang po klong chen rab 'byams kyi byin brlabs dang / gsung rab kho na las rnyed pa yin
- 205b
no// da ni gangs ri'i khrod tsam na phul du byung ba'i paN+Di ta chen por grags pa rong pa chos kyi bzang po'i gtam brjod pa la dran pa nye bar bzhag par bya ste/ de la rong ba na dpal gyi rin po che'i sras/ rong ba na rin chen tshul khrims zhes bya ba des rgyu'i dus kyi mngon byang lnga'i cho ga byas pa las/ phyogs kyi glang po'i shes rab/ dbyig gnyen zhabs kyi thos pa/ tsan+d+ra go mi'i brjod pa/ chos kyi grags pa'i brgal brtag/ slob dpon dpa' bo'i rtsom pa ste phun sum tshogs pa lnga'i ngo bor byang chub pa'i skye ba'i myu gu gtsang smad ru lag gi sa'i cha snar lung rong du bzung ngo / de ni bstan pa snga dar gyi zhabs su slob dpon s+thi ti dz+nyA na kirti zhes bya ba'i paN+Di ta zhig byon nas mdo khams kyi sa'i char rgyud 'ga' zhig gi 'gyur yang bcos/ tha na mtshan brjod kyi 'grel pa la sogs pa gsang sngags kyi 'grel pa dang / 'jam dpal gsang ldan la sogs pa'i sgrub thabs mang po bsgyur/ sgra'i bstan bcos 'ga' zhig kyang mdzad nas mya ngan las 'das pa gang gi de ma zag pa'i sku'i skye ba yin par grags/ bka' 'gyur mdo mang gi lung rgyun la smri ti dang breng chags su 'dren pa dpyad gzhir snang / yang a tsa ra phra la ring mo zhes bya ba'i paN+Di ta zhig khams su byon/ gsang ba 'dus pa'i rgya cher 'grel pa la sogs bsgyur bshad mdzad nas 'das pa de nyid kyi
- 206a
skye ba yin par yang grags/ sku gzhon nu nas lhun gyi grub pa'i shes rab chen po mnga' ba nyang smad du 'gar ston tshul khrims bzang po las gsan pa mdzad/ yab kyi rgyags bsgyel du byon pas/ mched grogs dag na re/ khyod kyi bu 'di blo dred/ tho co che bas nged cag kyang bsrun par byed na da res 'khrid par 'thad ces zer/ yab kyi slob dpon la khong rnams de skad mchid na 'khrid par bya'am zhus pas// 'gar ston chen pos/ de skad ma zer/ chos thams cad khos go nas yod pa yin gsungs skad/ lo bcu gcig pa la mtshan nyid gsan/ chos dbang la byis pa'i brtse sar yang slob dpon gyi gsung tshad shar re 'ong bas/ chos thams cad tshar re gsan pa kho nas tshig gcig kyang ma nor bar thugs su chus pas 'jam dpal gyi sprul par grags/ bcu gsum lon pa'i tshe gsan pa rdzogs pa dang 'dra bar byung zhing shes bya thams cad la ma rmongs pa byung / nyid kyi zhal nas kyang / bdag thos pa chung ba yang ma yin te/ chos thams cad ma thos pa med do// thos pa che ba yang ma yin te chos thams cad tshar re las ma dgos so gsung skad/ skyes bu chen po 'di ni shes rab myur la zab pa/ rgya che la dri ma dang bral ba'i spobs pa mchog tu dge bas mdo rgyud dam bstan bcos la sogs pa'i rgya gzhung brling po sngar ma gzigs pa mtha'
- 206b
dag tshar re re'am/ gnyis tshun chad gzigs pas tshig dang don gyi cha ma lus pa thams cad thugs la zin cing mi brjed pa'i bzung thob par grags pas/ thog ma nyid nas ha cang ma 'bad par saM skr-i ta dang / skad rigs kyi bye brag gzhan mang po la'ang ma rmongs shing / phyi nang gi rig pa'i gnas dang gtsug lag thams cad la thogs pa med pa'i blo gros kyi tsher ma rno bas/ bod kyi skad nyid la'ang 'di ni don 'di tsam la 'jug go zhes ston pa'i khyad par phra mo'ang gzhan las ches lhag/ tshad ma'i bstan bcos dang / rig byed kyi bstan bcos dang / don du 'gyur ba'i tshigs bcad dang / snyan dngags la sogs pa'ang dbyug pa can gyi gzhung kho na la ma ltos par rig pa de ston pa'i gzhung lugs rgya chen po mang po'i don mkhyen pa yin/ byis pa'i dus a tsa ra 'dug tshad la dgyes shing de dag dang brda 'phrod pas bi brti'i pu ti la brtag pa tsam gyi mkhyen pa la tshegs ma byung / tha na dud 'gro'i brda dang skad kyi rim pa'ang mkhyen par grags/ sgra sgo la sogs pa'i 'grel pa dang bstan bcos kyang mang du mdzad/ blo gros kyi mthu bsam gyi mi khyab pas spyir chos la mos pa'i rnam pa dang / chos kyi gang zag dang / khyad par du rdo rje theg pa la zhugs shing / gsang sngags kyi las dang dngos grub bsgrub par 'dod pa dag la phan gdags pa'i dgongs pa zam
- 207a
mo mnga' bas/ phyi cig ma log pa'i gdams pas nan tan du 'doms zhing phan thog par mdzad/ mngon par shes pa'i cha dang ldan zhing sems can 'dul ba'i dus dang gnas skabs mkhyen pas// 'gro ba phal pa blo bsgyur zhing / chos la gnas pa rnams de'i 'gal zlar gyur pa las bzlog pa'i phyir/ 'byar zhing 'grig pa'i bstan bcos zhal sgo'i chu skyes las byung ste phan 'dogs pa la rtag tu skyo ba mi mnga'/ chos kyi blo ma bsgyur ba'i skye bo tha mal pa dag la ser sna spangs nas bdog pa gtong ba dang / log bsgrub bzod pas snying rje'i yul du mdzad nas zhi bde la 'god/ sdom pa'i gnas dang thugs dam la nor bu rin po che dang srog gi dbang po ltar gces spras mdzad cing gzhan yang de la 'god/ dam pa'i chos rtsom pa na glegs bam bsdu zhing gzigs pa la sogs pa'i rtog dpyod kyi sgro 'dogs mi dgos par/ chos kyi tshig don la thogs rdugs med par 'jug pa'i spobs pa'i gter chen po brgyad grol zhing bstan bcos rnams kyang don bzang po/ tshig 'bru bzang po/ brjod pa ma 'dres pa sha stag 'byung bas/ ston pa drang srong chen po'i gsung gi gsang ba dang rjes su mthun pa'i phyir gzhan mkhas par grags pa gang gis kyang rtsod mi nus shing / des mdzad pa'i gsang sngags kyi man ngag rnams la slob pa'i rgyud du byung ba'i gang
- 207b
zag/ lung ma thob kyang yi ge las byung ba bzhin sbyar ba las byin brlabs ma byung ba med ces grags pas bde bar gshegs pa'i sprul pa nyid du'ang gleng / gnas lnga rig pa'i paN+Di ta mngon par shes pa lnga dang ldan pa jo bo a ti sha dang bdag nyid chen po 'di mjal ba'i tshe/ jo bo'i zhal nas/ rgya gar gyi A tsar+ya nag po spyod pa ba de nyid tshe 'phos pa jo bo 'di kho na yin te/ kho bos 'di dang chos gtam bya ba ga la thub ces rtsod med du grags par gsungs/ spyir gtam du'ang / 'dul ba tshur ston dbyig ge mkhas/ cho ga sgrigs bzangs kyi ye grags mkhas// sgra dang tshad ma rong pa mkhas// thams cad 'joms pa a po rang // chos grags rang zer skad/ spyir bla ma mang po las mdo sngags so so'i brgyud pa'i breng chags 'thud pa tsam yod mod kyi/ khyad par du snga 'gyur rdo rje theg pa'i chos bskor las/ slob dpon chen po pad+ma'i gdams pa rnams ni sna nam rdo rje bdud 'joms/ mkhar chen dpal gyi dbang phyug gam a tsA ra dpal me tog/ sgo rdo rje gzhon nu/ zhang zhung yon tan grags/ rong ban yon tan rin chen/ rong ban tshul khrims rin chen las nyid kyi gsan to// bai ro tsa na'i man ngag rnams/ bai ros g.yu sgra// des bla chen dgongs pa gsal/ des grum shing glag can/ des gnubs dpa' brtan/ des ya zi bon ston/ des kun mkhyen
- 208a
rong zom la bshad de sems sde'i brgyud pa gcig go/ yang klong zang sgron mar a ro ye shes 'byung gnas zhes bya ba'i grub pa'i skyes bu zhig byung ste/ de la rgya gar bdun brgyud dang / rgya'i slob dpon bdun brgyud kyi gdams pa mnga' zhing / des cog ro zang dkar mdzod khur dang / ya zi bon ston/ des nyid la'o// 'di la rdzogs chen khams lugs zhes zer/ yang bi ma las nyang ting 'dzin bzang po la gsungs pa dang / bi ma las rma rin chen mchog dang / gnyags dz+nyA na ku ma ra la gsungs pa'i man ngag kyang / gnyis kas khu byang chub 'od khyung po dbyig 'od la brgyud nas rim gyis rong zom la mnga' bas / gsang sngags snga 'gyur gyi bstan pa'i bdag po 'gran zla spangs pa zhig ste 'di nyid la'ang bstan pa'i chu mgo gcig gnas so// gsang snying 'grel pa rong lugs kyi mgo na// dkon mchog gsum gyi rang bzhin byang chub sems// zhes yod pas dkon cog 'grel zhes ming du thogs la/ kun mkhyen chen po'i 'grel pa phyogs bcu mun sel theg rgyal gyi lugs su bkra zhing zhal gsal/ kun mkhyen rong pa'i 'grel pa 'di byings che bar bkral bas sgrom che zhing kha dam par snang ste/ bod 'grel gyi gtso bo 'di nyid yin par shes na blo gros la nus pa chen po ster ba yin no// de'ang sku gzhon nu'i tshe/ mdo ston seng+ge bya ba las snga
- 208b
'gyur gsan pa'i tshe/ re zhig na mnal lam du/ gsang ba snying pos zan byas/ sangs rgyas mnyam sbyor gyis tshod ma byas nas gsol gyin 'dug pa rmis/ de slob dpon la brjod pas/ shin tu ngo mtshar che/ chos de khong du chud pa'i rtags yin khyod kyi 'grel pa re gyis gsungs skad/ der bla ma dgongs pa rdzogs par bya ba'i phyir/ bslab pa rin po che gsum la brten pa'i man ngag gsum mdzad de/ lhag pa tshul khrims kyi bslab pa'i don gyi nges brjod dam tshig mdo rgyas/ lhag pa ting nge 'dzin gyi bslab pa ston pa 'grel pa tshul bzhi yan lag bco lnga pa/ lhag pa shes rab kyi bslab pa ston pa rdzogs pa chen po'i lha sgom man ngag mnyam sbyor gyi 'grel pa/ de bzhin du ngan song sbyong rgyud 'jigs byed la sogs pa'i 'grel pa dang man ngag mang po/ de dag gi nang nas kyang theg pa chen po'i tshul la 'jug pa'i bstan bcos la sogs pa gzhung gting zab la go don slong che ba brjod kyi mi langs pa dang / mdor na mdo sde dang / rgyud sde dang / bstan bcos kyi bye brag la thugs su mi chud pa bya ba shes bya la srid par ma gyur pas thams cad mkhyen pa'i gnas la rang gir mdzad de/ tha na 'jig rten pa'i zhing las dang / phyugs skyong ba dang / dkar shes ji ltar bsgrub pa tshun chad kyi bstan bcos kyang mdzad pas/ dus de'i tshe bod ru bzhi'i mkhas pa thams
- 209a
cad kyi dang por rtsod pa'i bya ba la lhags pa'ang / slar slob dpon chos kyi grags pa'i brtul zhugs kyi gang dang gang gi spobs pa'i 'khri shing nyams nyes par byas nas nga rgyal gyi gdengs ka la rkyang nul bya ba'i skabs byung ba yin ste/ 'di ltar yab kyi yang khyed bla ma/ mar pa do pa/ 'u yug pa mda' ston/ mdo'i khyung po hUM snying / se khrom rgya mtsho 'bar/ mtshams ston go cha/ pang ka dar chung / 'gos lhas btsas/ rgya rgyal tshul la sogs pa'i mkhas pa thams cad kyis bod du skyes pa'i gang zag gis bstan bcos 'di tsam rtsom pa zhes dpyad gdags/ sun 'byin pa'i rig pa bsam te/ khyu mchog rwa brdar ba la / phyogs pa bzhin du skyes bu chen po de'i gam du song song ba na/ lung gi 'thad pa dang / rig pas dpyad bzod pa dang / gtan tshigs dang bla ma'i nye bar bstan pa dang mi 'gal zhing / sgra skyon dang / don skyon la sogs kyi 'gal zla'i phyogs thams cad rnam par spangs pa'i mkhyen rab kyi spobs pas tshar bcad/ bstan bcos re mthong zhing / de'i don la ro myang bas thams cad ngo mtshar skye nas bsti stang du mdzad/ ri mo mdzad/ bla mar mdzad pa sha stag yin zhes grags/ de skad du go rub lo tsA ba dge slong chos kyi shes rab ces bya ba thos pa mang po'i gzungs 'dzin pa de nyid kyis kyang dang por dpyad gdags/ bar du bla ma
- 209b
rong pas mdzad pa'i theg pa chen po'i tshul la 'jug pa'i po ti gzigs pas gus pa chen po skyes/ tha mar zang zing mang pos bsnyen bskur ste mi 'chab par byas nas/ rjes su bzung bar gsol ba btab/ 'jam dpal gsang ba'i rgyud la sogs pa'i chos mang du gsan/ gsang rgyud kyi skabs na mar pa paN+Di ta'i chen po'i zhal nas/ 'o skol la da lta rgya dpe yod par gyur na 'di ltar 'gro ba yin te/ rgya dpe med pas da lta bcos su med gsungs pa la/ go rub lo tsA bas de blo la bzungs te/ phyis jo bo kriSh+Ta zhes bya ba'i paN+Di ta las rgya dpe byung nas de la mnyan pas/ rong pa paN+Di ta'i gsung bzhin byung nas shin tu mos par thob par gyur te/ kriSh+Na pa las byung ba'i rgya dpe gcig rong pa nyid la phul nas slar yang gsan skad/ de gzhin du mar pa chos kyi dbang phyug la sogs pa'i lo tsA ba dang / mkhas par grags pa'i blo rtsal can mang pos kyang zhabs la btud/ rgya gar gyi mkhan po many+dza shrI warma dang / many+dza shri dz+nyA na dang / u pa ya shrI mi tra dang / bud+d+ha a ka ra ba dra dang / de pA ka ra tsaN+Da dang / par me shwa ra dang / a mo g+ha badz+ra la sogs pa paN+Di ta mang po bstan nas/ de dag gi lo tsa ba mdzad de/ rdo rje 'jigs byed dang / gshin rje dgra rgyud dang / 'jam dpal sngags don dang / bde mchog rtsa rgyud la sogs pa mang du bsgyur/ 'gyur shin tu
- 210a
/ bzang bas gsar 'gyur gyi dper 'os/ rgya gar gyi paN+Di ta kun na re/ d+harma b+ha dra khyod chos mang po rtsom la 'gro ba rnams skyobs shig khyod kyi yon tan gzhan lta zhog/ sgra tshad kyi lugs 'di'i gsum cha tsam las mi shes pas kyang rgya gar na chos rtsom pa yin na/ khyod ci'i phyir mi rtsom zhes gsung skad/ de lta bu'i yon tan phun gsum tshogs pa dang ldan yang / bcom bskyungs pa dang / khengs pa snyol ba lhur mdzad pas/ rgyal ba klong chen pas rgya 'grel las mngon par 'phags pa'i brjod pa'i rang nyid kyi 'grel pa bzang po dkon mchog 'grel lta bu'i bsham du'ang / mkhas dang 'phags chen rnams kyis mdzad pa'i gzhung la'ang // sgro skur dpya bar byed na bdag gzhung cis mi smod/ ces 'phags chen lag na rdo rjes bsdus pa'i rgyud la'ang mun pas sprul pa'i shes rab kyi gzhung brtag byed pa yod na/ bdag gis 'brel pa smos ci 'tshal zhes slob dpon zhi ba lha'i rnam par thar pa bskyangs nas ngang gi dge ba byang chub sems dpa'i spyod pa can du ston/ grub pa'i rnam thar la gzhal na/ brag chen gzar po me long lta bu'i ngos la'ang rdzu 'phrul gyi spyod pas gshegs pa dang brag la phur pa 'debs pa dang / nam mkha' la 'phur pa dang / bod kyi lha 'dre phal mo che'i gnas dang spyod pa thugs su chud pa'i mngon par mkhyen pa mnga' ba
- 210b
sogs mang du yod mod kyi/ 'di lta bu lta ba mchog tu gyur cing so so yang dag rig bzhi'i sa thob pa dag la skye bo phal pa yid brtan par byed pa'i mngon rtags kyi na pa yi ge lam du 'dren pa ngo mtshar ba ma yin nam/ de ltar sprul pa'i skur rtsod pa med pa'i paN+Di ta chen po de la gnas skabs de tsam byon pa'i mkhas pa thams cad kyi mngon par bstod cing spyi bor btud par gyur la dgung lo brgya dang bcu dgu bzhugs te sku la bsnun pa med pa'i ngang nas gshegs par grags/ bod gangs can gyi rgyud 'dir 'di dang mnyam pa'i mkhas pa ni su yang ma byung zhes 'gos lo chen pos kyang sngags shing yongs su grags pa'o// rjes su slob pa la sras rgyud dang slob rgyud gnyis las/ dang po ni/ sras gzi brjid 'bar/ 'bum 'bar gnyis las sras brgyud yun ring po'i bar byung bar kun kyang rdo rje phur pa las dngos grub brnyes pa sha stag yin/ slob brgyad ni/ go rub lo tsA ba dang / mar pa do pa/ 'gos lo la sogs pa'i lo tsA ba chen po bcu bdun/ g.yag rdo rje'i 'dzin pa la sogs te/ grub thob chen po sum cu rtsa lnga/ ma gcig zha ma'i ming po rje 'khun bu pa la sogs pa sgom chen rnal 'byor gyi dbang po brgya brgyad bcu/ yol dge bsnyen rdo rje dbang phyug dang / yang khyed bla ma la sogs pa gdugs thogs pa lnga brgya la sogs pa'o// de ltar sngon rabs
- 211a
pa rnams kyi yi dam kyi gtso bo yang phur kho na bzung ba yin pas yang dag gi skor des shes la/ rdo rje phur pa ji ltar dar ba'i gtam cung zad brjod de/ de la rig 'dzin gyi slob dpon o rgyan gyi mkhan po pad+ma saM b+ha wa'i zhabs la brgyud de/ phur pa rgyal po lugs su grags pa dang / jo mo lugs dang / lcam lugs dang / yang sna nam mam rong lugs dang / lha nag dang / lha khra ste sku mdog las grags pa sogs rnam grangs tha dad mod/ de dag kyang ngo bo gcig la man ngag gi ldog cha dang / bka' babs kyi khyad par las de dang der grags pa'o// de la dang po ni bsam yas 'byings nas/ slob dpon chen pos btsan po khri srong lde btsan dang / jo mi mkhar chen bza' spyan 'dren pa mi gsum la gnang bas de skad du grags// jo mo lugs ni/ slob dpon gshegs khar nyung la bsdus pa phur pa rtsa ba'i dum bu stod las byang chub bsgrub pa dang / smad las dmod pa lam khyer bcud du dril ba 'di jo mo mkhar chen bza' la gsungs/ des lho phyogs mon kha sna rings seng+ge rdzong gi brag phug tu mtshan ma rdzas kyi dkyil 'khor zhal phye nas bsgrub pas zhag nyer gcig na phur bu thams cad bzhad cing / 'od 'phro ba dang / 'phar g.yo byed pa byung / der jo mo'i dgongs pa la/ phur pa grub na gdab las bya/ zer pa yin te dngos la gdab pa'i
- 211b
yul du gyur pa ni med/ 'on kyang pha mes kyi za 'dre la gdab po snyam du dgongs nas bsnyen phur dril bas/ phur pa nam mkha' la deng de song / pha yul gyi khang lhag na pha mes kyi za 'drer gyur pa zhig gnas pa'i rten skyer ba'i phung po'i steng du babs nas/ skyer phung tshig/ za 'dre mnyam pa nyid gyi klong du bsgral/ slar phur pa de jo mo'i dpon brgyud rnams kyi bcangs/ gdengs pa tsam gyi chog pa byung bas/ mkhar chen bza' 'dre 'dul gyi brgyud par grags/ jo mos rang gi ming po mkhar chen dpal gyi dbang phyug la bshad nas rim par dar ro// lcam lugs su grags pa ni/ cog ro bzas slob dpon dngos la thug kyang / dbang bla ma la ma zhus yi dam la zhus pas yi dam slob dpon gyi thugs kar bsdus te dbang skal chad/ slar jo mo mtsho rgyal la rjes su gnang nas jo mos cog ro bza' la gdams pa las brgyud pa'o// yang sna nam lugs su grags pa ni rong zom chen po las brgyud pa'i lugs kho na ste brgyud pa sngar bshad ma zag pas shes la/ 'dir kha cig tu/ rong zom chen po'i mes po rong ba na yon tan rin chen nam/ dpal gyi rin chen des slob dpon chen po dngos la zug/ dgung lo sum brgya 'tsho zhes zer/ de'i sras rong pa paN+Di ta'i yab rin chen tshul khrims kyis kyang lo phyed nyis brgyar bzhugs pa las brgyud pas/ rong lugs
- 212a
/ zhes bshad pa yin par shes so// phur pa lha nag tu grags pa ni/ oM rgyan yab yum nas 'bre a tsa ra sa le/ lang lab byang chub rdo rje rim par/ yar 'brog pa gu rub yang dag ces bya bas phur pa mya ngan las 'das pa'i rgyud la brten nas lha thams cad nag por mdzad pas de ltar grags la/ 'di la 'bre a tsa ra sa le byas na lang lab gyi bar dang de gnyis phyi thag ring bas brgyad pa ltag mi 'phrod/ 'bre a tsA ra bu ru zhes bya bas che'i grub pa thob pa yin zhes zer ba'ang 'dug ste/ ming gi khyad par du byas kyang 'gal ba ni chung mod/ 'on kyang bla ma 'phags pa rin po che la smad las sgrol dbang gi rgyun ma rnyed nas/ sbrang po la 'dug kyang zhu'i zhes btsal bas/ mtsho rgyal gyi dngos slob a tsA ra nu ru bya ba tshe'i rig 'dzin thob pa zhig bsil ba'i tshal la sogs pa'i gnas nges med du rgyu ba la yod zer ba zos/ der glo / bo lo tsA ba la gser mang po bskur nas sgrol dbang gi rgyun thob pa yin ces zer to// sa phur du grags pa ni/ slob dpon chen po pad+ma'i zhabs kyi slob ma mkhan klu yi dbang po las rim par brgyud de/ chos dang rigs brgyud gnyis ka zam ma chad pa sa smra pa rnams la grags pas de skad du grags pa'o// yang phur pa gsang ba'i rgyud la brten pa phur pa phun sum tshogs pa dang / gsang ba'i rgyud drug dang / ki lA ya tan+ta
- 212b
bcu gnyis nas bsdus pa gsham sngon can gyi skor gnyigs las brgyud tshul sngar bshad zin to// de lta bu'i yi dam las mngon rtags brnyes pa ni bsam gyi mi khyab pa zhig byung bas thams cad bsnyad par mi nus la/ khyad par du gyur pa lang lab byang chub rdo rje zhes bya ba de gzhon nus nas pha ma dang bral/ pha mtshan rnams kyis rje btsun mi la la ji ltar bya ba bzhin du shin tu nyams thag par bcos pas/ 'bre a tsa res thugs kyi ma bzod nas phur pa'i ngag las gnad zab pa'i skor byin te sgrub pa byas nas pa spun rnams btsabs bcad/ de la grags pa chen po 'phel na'ang sngon gyi sbyor 'bras dbul bas khong rang lug rdzi byed cing yod tsa na/ dge bshes ra lo tsA ba de mnga' thang dang 'byor pa shin tu rgyas/ bod kyi bla dpon che dgus dbang med du 'dus dgos pa yin/ de ltar ma bgyis na khong gis gshin rje'i drag sngags kyis sgrol bar grags/ de la dum pa rgya zhang khrom gyi gshin rje'i skor rdza'i zom gang gter nas phyung ste/ tshe bdag sdig pa snying 'dzings la sogs pa phyed tsam las ma bshus pa rnams/ ra lo'i sngun du son pas/ rang nyid kyi bshad skor la lhan thabs su byas/ de la rgya gar gyi khungs dang 'gyur bcos/ de bzhin du bum thang gi gter kha mang po'i khrod nas kyang / mthu gtad ser gsum rnam sras dzam lha/ tshogs bdag la
- 213a
/ sogs pa man ngag zab dgu byung bas gsar 'gyur gyi gshin rje'i las mtha' mang la myur bar song / mar pa'i sras dar ma mdo sde la sogs pa byang chub sems dpa' bcu gsum dang / gnyen lo tsA ba sogs rang mnyam gyi lo tsA ba bcu gsum bsgral ba'i sngags mkhan de/ 'khor re'i sar chos 'khor la byon pas lang lab gyi phyag ma btsal/ mi blun po gcig yin dgongs pa la/ slar lang lab gyi mtshan nyid thos nas/ 'o na kho la do nub kyi tshe las med kyi skur zer/ drag shul gyi las brtsams pas/ dgug 'dren gyi bden brdar dang po'i tshe khong dpon slob la rtsang phur gyi char bab nas/ tho phyi'i gra pa rnams smasmras/ bar pa la phyogs bcu khro bo'i dkyil 'khor za gsod dang bcas pa'i lcags phur gyi char babs/ tha ma'i tshe me dpung dang 'ur sgras gang ste nam mkha' la bltas pas/ lcags bsregs lta bu'i rdo rje gzhon nu ri do chad pa tsam pa rwa lo'i thog tu brngams brngams 'cha' 'cha' ltar 'dug pas skrag par gyur te/ bzod gsol byas/ phyag dang 'bul bas bsnyen bskur/ gshin rje mkhan po phur la rdugs zer ba de nas byung / phur pa'i stod las dngos grub brnyes pa mang du byung ste/ smad las la rtsal shugs 'di las thon pa ma byung bar grags/ de la slob ma'i gtso bor gyur pa sna nam shes rab tshul khrims/ mong dgu'i kyi gyang
- 213b
bsgyel/ rong gi sgang phur bu mgo/ 'u yug rol po'i nyang nag go/ de la kyi gyang bsgyel ni/ kyi ban byang chub rin chen bya ba'i khang zhing dang nor rnams pa spun gyis phrogs/ skyo ba shin tu 'phel te lab la phur pa zhus pas zla ba dgur lha bsnyen gyis/ de nas bse lcags shel gsum la zla ba gnyis sgrubs shig/ don grub po gsungs/ de ltar byas pas nus pa tshad du phyin/ gyang gi drung na mi mang po nyi ma lde zhing 'dug pa la bltas pas/ thams cad dgra ru ma gyur pa mi 'dug nas/ phur pa gyang la sdigs pas gyang 'gyel thams cad phyi ma'i lam du bkod pas gyi gyang bsgyel du grags pas mtshon nus pa can sha stag byung ste yi ger brir ma lang / lar phur pa 'di nus pa mchog tu che bar grags pas/ slob dpon chen pos tsan dan gyi nags la me shor ba la gdengs pas nags sor chud/ bi ma las gang+gA gyen du 'phyur ba la gdengs pas gang+gA yan man du chad/ bal po shrI la many+dzus brag mkhar gong can la gdengs pas brag ri dum bur snyil/ jo mo mkhar chen gzas sbyang ki'i sbab la 'dril/ me nu rgyal ba'i snying pos bya rog gis phreng ba khyer ba la sdigs pas bya rog zang la lhung / lo dpal gyi blo gros kyis dmag gi sba khyim la thebs pas mon dmag cham la phab/ de la sogs te dgra bgegs gnyis la thebs pas cho 'phrul stobs po che gang gi kyang rdzi
- 214a
bar ma nus/ nang du nyon mongs dug lnga la thebs pas mchog gi dngos grub thob pa dpag tu med pa byung ngo // yang gter ma'i phyogs rang bzos ma smad pa'ang shin tu mang mod de/ mngon rtags gsal ba slob dpon chen pos btsan po la dbang rgyud gdams pa dang bcas gnang nas/ rta mgrin yang gsang gi chos bskor dang lhan cig yer pa se pa lung gi brag la gter du gtams pa/ grub pa'i dbang phyuphyag 'dar phya ru pas jo mo nags rgyal gyi phug pa gong mar bsgrub pa mdzad pas slob dpon chen po dang dngos su mjal/ yer pa zla ba phug tu bsgrub shig gsungs pas de bzhin du mdzad/ der nang re bzhin slob dpon chen po nyi zer la chibs nas phebs te chos gsungs/ nub re bzhin srin po 'dul du 'gro zhes nyi zer la bcibs te bzhud/ de'i tshe yer pa'i se ba lung nas mtshan ma rdzas kyi phur pa gter nas phyung / lha sa'i tshong 'dus su phebs pa na/ rlung 'tshub chen pos khrom 'thor ba byung / de nas gtsang du byon tsa na/ sa pa Na skyid grong du byon pa dang gnas khang gcig tu 'dzom/ 'dar phyar zhal 'chos pas oM badz+ra kyi li kyi lA ya zhes bgrangs pas/ sa paN gyis/ de ma dag/ badz+ra ki li ki lA zer ba yin gsungs/ der 'dar phyar thugs yus nas/ sngags ma dag kyang 'di bzhin byed pa yin gsungs nas brag la phur
- 214b
pa tham tha ma brgyab pas 'byin pa la bya ba byas pa bzhin song / slar phur pa tshur la bcus kyin then pas dpal nas cung zad gas/ der sa paN gyis grub thob tu shes nas// nga mu stegs pa dang rtsod du 'gro bas de'i rim gror 'byon dgos gsungs/ rung gsungs nas lhan cig tu byon/ sgyid grong du phebs pa na/ rgya gar gyi lugs bzhin bstan pa gang rgyal ba'i ru mtshon du btsugs/ sa pa Na dang 'phrog byed dga' bo gnyis nyi ma bcu gsum gyi bar rtsod pa'i g.yul ngo la zhugs pas/ mthar sa pa Na rtsod pa las rgyal yang / grub rtags 'gran zer 'phrog byed dga' bo nang pa'i bstan pa la 'jug tu mnyan der mu stegs des ras pa rgyab tu sgyur/ lag pa gshog pa ltar brkyang ste nam mkha' la 'phur bas/ sa pa na brdugs pa ltar gyur te badz+ra kyi li kyi la rgyugs shog ces 'dar phyar bos/ der rnal 'byor kyi dbang phyug chen pos mu stegs kyi grib ma'i snying gar/ oM badz+ra kyi li kyi lA ya hUM phaT/ ces phur pa btab pas/ mu stegs pa bya la rdo btags pa bzhin du sa la lhungs/ de nas sa paN gyi rtsod pa las rgyal ba'i dpa' rtags su 'phrog byed dga' bo rab tu ma byung bar khrid byon pa na/ slob dpon chen pos bod la mu stegs bsrung bar bka' bsgos pas bstan ma bcu gnyis kyi chad pas bcad de skyi grong dang bod kyi so mtshams su mu stegs de kha
- 215a
nas khrag skyugs nas lnga pa'i lam du btang / lar phyi rol pa'i mtha' 'dzin pa tsam bod la bltar mi mngon par lhags srid kyi/ sangs rgyas kyi bstan pa la dngos kyi rgol ba byed nus pa'i blo stobs can mi 'ong ba yin/ 'dis mus srad du byon nas gtsug lag khang gi rten gtsor phur pa 'di bzhag/ slar rim gyis gyur nas da lta ser phur mjal zhes zer ba'i rgyan du byung ngo // da ni gter kha gong 'og gis gtam bshad par bya ste/ rgya cher rol pa las/ brjed pa med pa dran pa'i gter dang / blo gros rab tu 'byed pas blo gros kyi gter dang / mdo sde thams cad kyi rnam nges khong du chud pas rtogs pa'i gter dang / thos pa thams cad kun tu 'dzin pas gzugs kyi gter dang / legs par bshad pas sems can thams cad tshim par byed pas spobs pa'i gter dang / dam pa'i chos yongs su bsrung bas chos kyi gter dang / dkon mchog gsum gyi rigs rgyun mi gcod pas byang chub kyi sems dang / mi skye ba'i chos la grub pa thob pas sgrub pa'i gter te/ gter chen po brgyad thob par 'gyur ro// zhes bshad pa'i gnas gang yin pa de gdod nas sprul pa'i sku byang chub pa'i ye shes dam pa'i spyod yul du gyur la/ rnam pa tsam du yang rang don du mchog gi dngos grub chen po'i go 'phangs la 'dzegs te/ gsad gso dang / rdzu
- 215b
'phrul gyi yan lag rgya mtsho lta bu la dbang 'byor pas rnal 'byor gyi dbang phyug chen po'i sa la bzhugs shing / gzhan don du bstan pa'i bya ba bla na ma mchis pa dang / sems can gyi khams dang rgya mtsho lta bu 'dul ba'i thabs la mkhas par ston pa ni/ sprul pa'i sku chen po 'di dag tu yid ches so// de la kha cig gis gter zer ba'i phyogs thams cad la sgro skur byed pa ni lce la zong gshol lnga brgyas rmo ba'i las yin no// gter du btags pa rnam pa thams cad pa'i cha la ni kho bo cag gis kyang dgag bsgrub gnyis bya ba yin ste/ rgyan las/ mi rig pa yi gzugs la'ang mi rigs na// the tshom za ba'i chos la smos ci 'tshal// zhes dang / rang sa na/ dge ba yin na bzang po ste// sdig pa byed pa'ang sdig lta'o// zhes de dang de'i 'bras bu mi 'chol ba'i phyir ro// 'on te rnam pa thams cad nas rdzas 'gal ba mthong ba'i chos su gtan la phebs pa byung yang des rnying ma'i bstan pa thams cad nyams nyes par mi lta ste/ dper na dge slong lha chen po dang / sde snod 'dzin pa gzhon nu sde bdud kyi khebs nas de bzhin gshegs pa'i gsung rab chud gsan pa lta bu'o// des na chos ma yin pa chos su rdzus pa'am/ gter ma yin pa gter mar rdzus pa de ka sde tshan gcig tu 'jog par 'os kyi/ gsang sngags kyi rgud sde chen po'i brjod bya dang brjod don ma nor
- 216a
zhing / 'bras bu grub pa la bslu ba med pa 'di dag la/ sa chos dang / rdo chos zhes skur pa byed pa ni bdud kyi las su 'gyur te/ bcom ldan 'das kyi bdag bstod gzhan la smod pa'i byang chub sems dpa' ni/ bdud kyi yongs su bslad cing blo chung rig par bya// zhes gsungs pa'i phyir ro// de la lha btsan po khri srong lde btsan slar yang rang gi man ngag spel ba'i slad du byon pa mnga' bdag nying nyi ma 'od zer ni/ yul lho brag gtam shul zhes bya bar/ yab nyang ston chos 'khor dang / yum pad+ma bde rtsal gyi sras su shing pho 'brug gi lo la bltams/ sku gzhon nu nas ngo mtshar bsam gyi mi khyab cing / mkha' 'gro ma rigs bzhi/ rje btsun sgrol ma/ thugs rje chen po/ slob dpon pad+ma la sogs pa'i zhal gzigs shing chos la bskul/ rang gi yab las gsan pa mang po mdzad/ dgung lo bcu gsum pa la thugs rje chen po dang phur pa grub ste 'dzod phu'i brag la phyag zhabs kyi rjes dang / zangs kyi phur pas rta skad mngon sum du 'tsher ba byung / ye shes kyi mkha' 'gro mas brag rdo rje rtse lnga 'dra bar song zhig ces smra bo'i ri lung bstan/ 'dul 'dzin rgyal sras khams bu yang le/ gu ru khro bo sogs las gsar snying gi chos mang po/ khyad par grub thob dngos grub las spyan ras gzigs dang / bka' brgyad bka' ma'i dbang lung yongs su
- 216b
rdzogs/ spra bo'i ri la bsgrub pa mdzad kyin yod tsan bu ltos shig bya ba'i sgra zhig byung / bltas tsa na rnal 'byor rus pa'i rgyan can zhig 'dug/ nang du bos nas tsha ba drangs pas de na re/ nga ni nam mkha'i rnal 'byor pa// dbang phyug rdo rje bya ba yin// bu khyod las dang skal ba ldan// pad+ma dbang dang lung gi skyobs// gsang sngags zab mo'i chos rnams kun// da lta mkha' 'gro'i lag na yod// gsol ba thob la myur du ngas// zhes kha byang yang byang gnad yig gsum gtad de 'ja' ltar yal/ gra pa mngon shes dang ra shag gter ston gyis kyang kha byang skad/ khyad par mkha' 'gro'i ye shes mtsho rgyal gyi sprul pas stag sgom chos gter gyi gang ba gtad pas mkha' 'gro'i bsgrub skor sogs man ngag mang po byung / kho mthing gi gnas yig lha'i phyag 'dzub chad pa tshong pas khyer ste phul ba las/ sgrom sku sgrom smug gnyis nas bde gshegs 'dus pa rgyal po'i bla dpe dang / rta mgrin bka' srung gi skor gyis mtshon te chos gter dang byin brlabs kyi rten dpag tu med pa byon/ bde gshegs 'dus pa'i sman bsgrub mdzad pas sman gyi lha mos a ru ra rlon pa phul/ ye shes mtsho rgyal dang dngos su mjal nas dngos grub ci 'dod gsungs pa la/ chos 'dod zhus pas mkha' 'gro lung bstan gyi bskor dang zhu lan brgya rtsa'i dpe gtad/ dur khrod bsil
- 217a
/ ba'i tshal du mngon sum par khrid nas der slob dpon chen po dang mjal/ bu tshangs pa lha'i me tog sleb bam gsungs nas keng rus kyi khri la bzhag/ sgrub chen dgus bka' brgyad spyi dang bye brag gi dbang thams cad rdzogs par gnang / yi dam gyi lha dang gnyis su med par gyur nas chos skyong bran du khol/ 'phrin las nam mkha'i mtha' dang mnyam par song bas dus de tsa na gsang sngags 'chang ba'i gzugs su gnas pa gnyis lam du 'dris med pa la'ang khyod cag gter kha gong 'og gang gi lugs yin zhes 'dri ba byung / bstan pa'i bya ba dang rdzu 'phrul gyi nus pa bsam gyi mi khyab ste rnam thar grags pa che bas 'di tsam gyi mtshon par nus/ slob ma ni/ gnyos grags rgyal/ zhig po bdud rtsi/ sras mi bskyod rdo rje/ sman 'on pa/ se ston khri mchog ste bka' babs kyi bu lnga/ sras chung ba mnga' bdag 'gro mgon nam mkha' dpal ni smin grol yongs rdzogs kyi bka' babs gtad pa'i bstan pa'i bdag po yin/ dgung lo re dgu pa shing pho byi ba'i lo la rdzu 'phrul gyi bkod pa rgya chen po dang / khyad par thugs ka nas hri yig dkar po zhig bde ba can du gshegs par bstan te sku'i bkod pa bsdus/ slar sku'i sprul pa rgya gar shar phyogs su bkod pa sna tshogs ston pa'i rnal 'byor pa gcig/ gsung gi sprul pa gu ru chos kyi dbang
- 217b
phyug/ thugs kyi sprul pa yul nyer bzhi la spyod pa'i rnal 'byor pa gcig ste gsum cig car du byung ba lung bstan/ lo tsA ba chag gi gdung gzhu bas me sbar ba ma nus/ slar ston pa mchog gi sku gdung bzhin me rang byung du 'bar/ de las 'ja' tshon byung ba nub phyogs su zug/ gdung khang na khye'u gzhon nu rus pa dang rin po che'i rgyan can ha ri ni sa sgrog pa 'kha' 'gro ma mang po'i 'khor dang bcas pa kun gyi mthong / lha sa'i bcu gcig zhal gyi thugs ka dang gdung khang gnyis 'ja' dkar pos tal mar 'brel ba byung / de bzhin gshegs pa thams cad kyi sku gsung thugs mi zad pa rgyan gyi 'khor lo'i yon tan grub pa'i rtags su/ thugs ljags dang dbu skra la zhugs kyis za bar ma nus shing / rten dang ring srel mtha' yas par byon to// de nas sras 'gro dgon yab kyi dgongs pa rdzogs pa'i bya ba la zhugs ste/ sku'i rten rigs gsum sems dpa' mi tshad dang mnyam pa ni pa la'i yul du bskrun nas spyan drangs/ gsung gi rten du mdo mang dang rgyud 'bum gser bris ma/ thugs kyi rten du sku 'bum mthong grol chen mo bzhengs/ rab tu gnas pa la kha che'i bsod snyoms pa chen po ma hA paN+Di ta shakya shrI spyan drangs nas chos 'khor yang btsugs/ sras 'gro ba'i mgon po nyid kyis gtsug phud phul/ 'on kyang 'phrin las 'di ka che gsungs nas rab
- 218a
tu 'byung bar ma gnang / gser ka To rar blug pa'i 'bul ba dang zhabs tog gya nom pas bsti stang du byas// slar paN+Di ta gshegs nas kyang lho brag dang mon yul gyi 'du ba mang pos gser gyi 'bul ba rgya chen po byung ba rnams khro phur 'bul du byon pas/ paN+Di ta na re/ mchod gnas rang gnas su ldog nas kyang 'bul ba slar bsgyel ba jo sras mi bzang gsung nas mnyes tshor chen po mdzad skad/ sras 'gro mgon nyid spyan ras gzigs kyi sprul par lung brtan/ rdzu 'phrul shin tu che bas dgongs rdzogs su dmigs nas sham po'i mdun gyi rdo rnams nam mkha' la lug khyu bzhin du ded/ gzhan gyi snang ngor gang nas byung cha med par skyi chu'i 'gram du rdo skya cha ge chags pa la jo bo'i chu rags mdzad/ sngar rdo rnams rigs ma nor ba yod zer/ bal ris kyi zang ka thog tshad ma brgya dang brgyad kyang bzhengs/ mthu rtsal dang nus pa shin tu che shing chos skyong bran du khol bas/ thog ser la sogs pas sku dgrar gyur pa dag zla dus la mi ltos par nyi ma'i snga phyi la btsan thabs su brlag par mdzad pa sogs kyi lo rgyus du ma yod/ thugs rje bsam gyi mi khyab pas gu ru chos dbang sogs sprul pa'i sku'i slob ma yang mang du byung / 'di'i sras mnga' bdag blo ldan 'jam dpal gyi sprul pa dang / de'i sras mnga' bdag bdud 'dul phyag
- 218b
rdor gyi sprul pa ste/ nyang rin po che'i gdung rgyud la rigs gsum mgon po'i sprul pa byung bar lung bstan pa yin no// chos kyi brgyud pa la'ang sras brgyad dang slob brgyad gnyis ka'i lugs yod do// gter kha 'og mar grags pa'i bdag nyid chen po gu ru chos kyi dbang phyug gi gdung ni/ bstan pa snga dar gyi tshe bon gnya' rengs bya bas btsan po khri srong la thog phab ste bkrongs par khas blangs pa na/ slob dpon pad+ma dang / bi ma la/ bai ro gsum ka'i slob mar gyur pa spang rje btsan khrom bya ba'i sngags pa nus pa can zhig gis/ bon pos thog mnga' lnga dus gcig la phab pa sdigs 'dzub kyis blangs te bon po'i grong la rang gshed du btang nas brlags par byas/ btsan pos de la bya dga' chen po mdzad/ de la sras spang rig 'dzin snying po zhes bya ba zhig byung ste/ des yang 'dul gyi lha khang bzhi'i mchod gnyer mdzad/ lo bskor re la mchod pa la byon pa las kho mthing du byon pa'i tshe la yag rdza bar gyi dpon chen spras pas nor gzhis mang du phul/ tshe snga ma'i yul yin gsungs nas bdag gir mdzad/ de'i sras kun mkhyen shes rab rgyal po nas mkhyen ldan nus pa can par ma chad du byung ba'i spang ston grub pa'i snying po zhes bya ba des bla ma sangs rgyas sti sgom la bdag tshangs par spyod par zhus pas/ dge slong gi sde brgya las byang chub sems dpa'
- 219a
/ gcig 'gro don che bas byang chub sems dpa'i gdung ma bcad gsungs/ der khyim na bzhugs pa'i tshe mkha' 'gro gar gyi dbang mo la jo mo gyis shig zer ba'i lung bstan byung / slar nam mkha' la gya gyur 'gro ba'i grub thob gyi brgyud pa dkar bza' mgon skyid yin par shes nas bdag gir bzung ba las/ lhums su zhugs pa'i tshe nyi zla kha sbyor spyi bor thim pa dang / lhums nas skye med kyi yi ge'i sgra yang yang sgrog pa dang / mda' dar gtad de tshigs su bcad pa sogs rtags khyad par can byung / spre'u lo dpyid ra'i bco lnga'i nyi shar la bltams/ mtshan brjod gser ma zhig bris pa zhig yod pa'i tshig mtshams la rten 'brel brtags pas/ chos kyi dbang phyug chos kyi rgyal// bya ba dang thugs nas mtshan der btags/ mig mthong mkhan dag gis kyang lha 'dres mchod par 'dug ces zer/ yab kyis 'bri gung 'jig rten mgon po la phur pa rtsa brgyud nyan pa'i tshe/ khyod kyi bu tha chung zhig la chos slob shig/ des 'phrin las 'byung ngo zhes kyang gsungs/ de bzhin du ma la ka ba can pa na re/ dge bshes lho pa kho de mda' lnga dang gzhu gcig tshags gyis dang / dgra bo'i snying la 'phog pa'i mda' gcig 'ong zhes gsungs/ zhang rin po ches kyang dge bshes lho chung pa khyod kyi bu ngas bya'am/ ku re yin khyod la nga 'dra ba'i bu gcig 'ong
- 219b
gsung pa sogs lung bstan mang po thob/ lo bzhi nas yab las bris klog bslabs/ sgra sgo mtshon cha/ rig klag sde lnga/ bi brta chen mo sogs sgra'i bstan bcos bcu gsum/ skye bo gso thig sogs lugs kyi bstan bcos bcu/ nag rtsis dang / sman dpyad bka' gter rgyal rabs sde bdun/ lde rgyud chen po'i sgrung 'bum sogs glu gar gyi bstan bcos brgya dang bzhi/ bon gyi gzhung chen bdun bcu don lnga mdos gzhung chen po brgya phrag/ gsang sngags phyi nang gi thig rtsa mang po/ phur pa'i skor pod chen bzhi la sogs pa zos pa mang po mdzad/ bcu la gsar ma'i phyag rdor lugs drug gsan te bsgrub pas bum chu khol/ gshin rje gshed dang phur pa la bsnyen pa tshad du bskyal/ bcu gcig pa la sgyu 'phrul gyi dbang rgyud man ngag thams cad rdzogs/ bcu gnyis pa la ka ka ni gra lnga/ sgrub thabs brgya rtsa sogs mkhyen par mdzad cing yid brgya'i bsgrub pa mdzad/ bcu gsum la yang dag dang ma gshin/ thugs rje chen po lugs dang rta mgrin la sogs gsar rnying mang po gsan cing bsgrubs/ bcu gsum pa'i dus nyams snang la jo mo sgrol mas shel mkhar zhig gi rtse khrid pas rdo rje sems dpa' dang mjal/ de nas mkha' 'gro ma gdong bzhi pa zhig 'dug pa'i mdun zhal dkar po nas/ sangs rgyas bstan pa khyod kyi bzung // g.yas zhal ser po
- 220a
/ nas/ dam chos dar ba khyod kyi bgyis// rgyab zhal dmar po nas/ dge 'dun dbu 'phangs khyod kyi gtod// g.yo zhal sngon po nas dus ngan gdul dka' khyod kyi thul// zer nas mda' dkar po sgro lnga pa gcig gtad/ dgung lo bcu bzhi par ti se gro gyang sar bar/ tshad ma dang / mngon pa kun las btus/ spyod 'jug/ dgyes rdor la sogs pa'i gzhung chen po dang / phyag rdzogs zhi byed chos drug la sogs pa'i man ngag nyan/ mtha' skor ba las dbu ma bden chung / mtshur ston yab sras la a ti'i skor sogs mdo sngags gsar snying gi bshad sgrub/ yab las zhi byed phyag rdzogs gcod yul/ gdam ngag ngo sprod// bstan srung drag sngags mtha' dag nyan cing nyams 'og tu chud par mdzad/ bcu bdun pa la mnga' bdag 'gro mgon dang mjal te nyang rin po che nyi ma 'od zer gyi gter chos mtha' yas pa'i bdag por gyur// bco brgyad pa'i tshe sa pa Na la gnas gzhi dang sgang por sems bskyed dang / gyang gsar du chos 'brel/ lha lung gi mchod rten rtsar rab gnas thob/ de nub man la lam rgya nag ri bo rtse lngar me tog u dum wa ra 'tshol du phyin pas/ ut+pal sngon po'i steng nas 'phags pa 'jam dpal gyis/ dz+nyA na kA ya d+harma tu/ chos kyi dbang phyug nga yin no// nga ni khyod kyi sems rtog go/ sems rtog ni chos kyi sgo mo bsam gyi mi khyab
- 220b
pa'o// chos sgo bsam gyi mi khyab pa'i don ni rang byung gi ye shes thig le nyag gcig go/ chos sgo brgyad khri bzhi stong gi don khyod la bshad zin gyi de'i don la dpyod cig/ ces gsungs pa'i mod la rnal sad pas chos thams cad thob pa'i nges shes rnyed/ yul gra/ mngon pa la mchog tu mkhas pas gra pa mngon shes su grags pa'i sde snod 'dzin pa chen po gter ston rnal 'byor gyi dbang po des bsam yas nas bton pa'i kha byang rim par brgyud pa dgung lo bcu gsum pa'i tshe phyag tu byung / bar der kha byang de la brten nas blun po gzu lums can mang pos 'don par brtsams pa la la shi/ la la thog ser gyis byer dgos pa byung / kha byang de nang du bzhag na cho 'phrul gyi mi tshugs/ lam phrang dang / bzhi mdo dang / chu'i dkyil dang / chu 'og la sogs pa bsgyur kyang / 'byung ba'i gnod pas mi gshegs/ bzung du'ang ma btub pas brlag shog ser po zhes ming thogs/ yab na re/ thams cad brlag pa'i brlag shog ser po des ci zhig bya/ khyod 'chi ba nyo ba e yin gsungs nas 'phrog te phyogs gzhan du sbas/ de slar dgung lo nyer gnyis pa 'dir brkus nas rtogs ldan gcod yul ba zhig dang 'grogs/ de la brten nas gnam skad can nas yang blangs/ rim par bla rdzogs thugs gsum gyi mtshon pa'i gter kha chen po bco brgyad la dbang
- 221a
bsgyur/ de dag kyang skal ldan gyi skye bo'i sngun na ngo mtshar chen po'i snang ba dang 'grogs nas blangs pa dang / phal cher gter bdag la tha tshig bsgrags/ gzhan las dang skal ba ldan pa mnga' gzhug tu byas nas rtsod pa med par byung ba 'ba' zhig go/ de yab kyi tshor nas khyod kyi gter zon zer ba thon pa rang ci zhig khyer shog gsungs/ zangs sgrom gtad pa na dkar chag klog dang gsung / klaglags pas/ sangs rgyas mnyam sbyor gyi rgyud gcig shes kun grol lam de klog dang gsungs/ rgyud kyi mgo nas klags pas/ da go go des chog khyod la sngar gros sna ma thung pa btab pa yin/ phyis gyod kha bsnan kyang tshig ro las mi yod/ da gter des 'phung 'tshengs gang yin yang zin/ dus gsum mkhyen pa u rgyan chen po'i bka' rtsod med du 'dug/ zab kyang khyod kyi chos la dang re ma dgos/ nga'i 'dun ma lo bzhi bcu'i bar du ru bzhi'i bla ma mkhas grub thams cad kyi dgongs pa blangs/ spros pa chod/ 'khor 'das kyi gzhi rtsa sems nyid gcig pu 'di'i steng du bzlos zin/ da khyod nga'i kha la nyan par song na bla rdzogs thugs gsum 'di'i mgo ci thon gyis/ de min pa'i mthu ngan sngags/ sgyogs dang / dpag chen/ zan dang chos 'phrul/ bzo sna kya kyog rnams chos 'di mgo ma thon par kha'i zur la'ang ma 'don/ shes
- 221b
shes mang la mthar thon med pa 'di mthar sbrang por 'gro ba yin/ spyir gter chos la nga gnag pa ga la yin/ sangs rgyas kyi mdo rgyud kun nas gter lung gsungs/ rig 'dzin gyi gong ma'i phyag len yin te/ sngar yang gter ston blo chung res chos la dag ma thon par/ zhogs khyer dang ngo so byas nas 'gro don rlabs po che ma grub rgya zhang khrom gyi ngan sngags sngon la spel bas 'gro don gyi rdugs/ sku tsha sman pas sman dpyad byas pas chos kyi 'gro don g.yel/ ra shag gter ston gyis mdos chog byas pas phyis mdos mkhan du song / bon po drag rtsal gyi sngon la pe har bsgrubs pas mthu mkhan las ma byung / de 'dra la zad pa med/ rgyal ba gong mas gzhan don la dmigs kyang gter ston tshos rtsa ba'i chos kyi gzhung ma spongs par 'phrin las kha khyer du btang bas go mchod du song / chos byas na chos skyong zhor la yod/ mthu yang ma bsgrub par 'ong ba yin/ de chos skyong rang gi dam bca' yin pas so// blo rtsa ba rtsub ma mang bar bla rdzogs thugs gsum gyi nyams len 'bungs shig/ mnga' bdag nyang yab sras mis 'khur ba 'di khos thugs rje chen po bsgrubs pas byung ba yin/ gter ston gyi ma rdugs tsam de kho yin/ ngas lo drug gi gong nas 'gro byas pa'i dus tshod de da zla ba gnyis tsam nas slebs yong / mi tshos gter rdzu yin zer yong ste rtog pa
- 222a
/ de mi dgos/ nga yan chod kyi spang mi rabs bcu gsum song ste nang gi grub rtags ma byung ba med/ nga yang zhan shos min tsam 'ong gsung skad/ der mnga' bdag 'gro mgon gyi gter gyi nyam nga tshe gsungs nas gzigs pas mchog tu mnyes/ lung bstan las hor dmag byung tshul yod pa slob dpon gyi mtha' skor la bas mthong nas/ hor da lta yul na med pa la zer bskur pa btab pas/ thugs chad nas gdams pa slar sba bar sems pa na/ bu mo gnyis kyi rta dkar gshog pa can la skyong nas rnga yab dpal rir khrid/ oM rgyan chen pos gsang ba yongs rdzogs kyi rdzogs par bskur nas/ lam gyi lam mchog gzhan don yin// 'di la sgyid lug su skyes pa// de yi byang chub rgyang zag ring // zhes sogs zhal gdams bslab byas dbugs phyung / gnas 'dir ma zhen cig zhen na skye ba 'pho ba'i nyen yod gsungs pa'i mod la 'od phub lta bus bteg de skad cig la slebs/ shing pho byi ba'i lo hor dor tog gi dmag slebs pas ma 'ongs pa mngon sum du gtan la phebs/ btsan po khri srong lde btsan gyi phyi ma lha'i bu 'od mtha' yas su skyes pa nas rim par mnga' bdag nyang gi bar skyes pa bcu gsum thal ler dran slob ma'i dam pa bal yul yam bu pa b+ha ro gtsug 'dzin zhes bya ba zhig yod de/ de nyid bod du gser 'tshol ba'i phyir
- 222b
'ong pa la mkha' 'gros lung bstan te gu ru nyid dang mjal/ zhag bdun gyi bar du bla ma u rgyan dngos su mthong / gsung thos pa tsam gyi rtogs pa shar/ nub gcig dbang mdzad pa'i tshe khyod kyi cir mthong gsungs/ yi dam dngos su mthong zhus pas/ 'o na tshogs gtor gzhan na 'bul sa med gsungs nas rna ba'i sha bubs phyed la sogs pa'i tshogs rdzas rnams skad cig gi bzhes/ yang nga cir mthong gsungs// sangs rgyas dngos su gda' lags zhus pas/ 'o na dbang bskur bya'o gsungs nas mchod rdzas bsdus/ dkyil 'khor shig/ shul tu bro brdungs/ blang dor med pa'i spyod pa dang / rdo rje dam tshig chen po'i gnas la skrag par mi 'gyur ba'i las can gyi slob ma'i khams dang bsam pa mkhyen na rdo rje lus kyi dkyil mkhor chen po rnam par snang mdzad dri chen gyis lha rnams kyi sgo nas phyung ste dbang bskur bas/ b+ha ro la lus sbrul shon dor ba lta bu'i nyams shar/ de bzhin du rdo rje gsang ba'i myur lam nas dri chu don yod grub pa rtse thog tu blud pas zag med bde ba chen po'i ye shes thol rgal du 'bar/ snying khar phyag mdzub btsugs nas/ nga bya ba 'di ngos zung zhig gsungs pas yul gyi 'dzin pa bun long nger zhig/ nga mthong don la ma yengs shig de la sgom rgyu spu tsam med// gsungs pas rdzogs chen bya bral ris med kyi rtogs pa lhag ger
- 223a
shar/ nges shes khyad par can du skyes nas da ni dus gsum sangs rgyas byon kyang dbang zhu snyam pa mi gda'/ rgya gar du 'gro ba'i spros pa dang pa yang chod zhus pas/ 'khor ba mi 'khyam pa'i sangs rgyas byung na mu stegs pa yin/ khyod rgya gar du song la bla ma rnyed na bla ma 'tshol/ slob ma rnyed na slob ma 'tshol zhes gsungs/ zhal ta 'di don 'di shin tu bzang por snang / lar bal po b+ha ro 'di las sad pa'i gang zag dad pa shin tu che bas gu ru'i sta zur la khro bo'i spyan mnga' ba dang / mkha' 'gro dang chos skyong la sogs snang ba dag pa 'ba' zhig tu mthong / lan gcig mngon spyod 'di dag la rtags thon pa mchis sam zhus pas/ lag len don thog tu phebs te ma Ni 'dren nas da sgrub ma khom gsungs/ der bal pos sgrol ba'i nus pa ston par zhus pas/ ri bong zhig nye ba'i sar 'gro ba la/ sa la ri bong gi gzugs gcig bris/ khab la sngags lan bdun bgrangs te gzugs brnyan la btab pas ri bong thur la ril li li 'dri la/ da sgrib pa sbyangs dgos long shog gsungs nas btags grol btags te tshogs gtong dang bsngo bas rjes su bzung / de 'dra ba mi la byung na 'jigs zhus pas/ mi dang 'phyi ba 'dra gsungs nas 'phyi ba'i gzugs brnyan la sngar bzhin mdzad pas 'phyi khung nas ro byung / byas na 'di 'dra 'ong steng sems
- 223b
can la gnod pas su la'ang mi ster/ dgra la'ang 'tshang rgya ba'i mthu las gzhan mi byed/ 'di pa dud 'gro song bas gnas sbar ba yin/ gzhan mi lus thob pa ni shin tu dka'/ srog bcad pa'i sdig pa ni mtha' yas/ gcig shi bas mi chog de'i nye 'khor thams cad sdug bsngal ba yin/ dgra la'ang mthu mi byed kyi steng du slar la snying rje bskyed dgos pa yin gsungs nas byang chub sems dpa'i spyod phyogs lhag par dang du len/ rang don du mthu dang mngon spyod mi mdzad pa'i dam bca' shin tu brtan pa yin te/ thugs rje yul la 'jug pa'i cha nas ngan song gsum yang thugs rjes bsgral/ zhes pa ste gu ru chen po 'dis mngon du mdzad de/ las kyi lus dug lnga'i phung po can de bsad/ rnam par shes pa chos nyid kyi klong du gsod nas 'khor ba mtha' can du mdzad pas gsad gso'i nang nas kyang ngo mtshar che ba zhig yin/ bal po b+ha ro/ ldog par gser zho drug cu thams pa phul nas rgya bal du ldog pa la bar chad med pa'ang zhu byas pas/ gser phyed phye dang sbyin bsreg mdzad/ ser sna'i bdud pa rtsa ba nas grol/ lar 'di dkon mchog yod par yid ches par ston pa'i mdzad pa ngo mtshar can yin te gtong ba legs pa rnams kyi kyang dkon mchog la dmigs nas rdzas dngos med gtong ba la rnam pa'i cha nas yid gnyis yod pa ltar mi ston yang don
- 224a
dngos por snang ba'i dge ba'i phyogs la dga' bar byed pa 'di ka cung zad blo la 'phri chags pa yin/ der b+ha ro la sbyin bsreg gi thal ba 'phangs sems ma byed par chu la sbyongs/ lam du zas ster ba zhig 'ong / de bdag gir gyis shig gsungs pa ltar byas pas bu mo gcig gis nyung ma zhig byin/ de gu ru la phul bas ras khong la tshos shig gsungs/ re zhig na de shar gyur nas ro mngar la shum pa gcig nga/ da khyod kyis don des grub/ nga'i yon tan thun mong ma yin pa mthong ba de gzhan la ma shod cig gsungs/ slar b+ha ro rgu gar du 'gro ma la skyel thung mdzad pas yang gser zho gsum phul/ der gu ru'i zhal nas/ me la bsreg pas mkha' 'gro mnyes na/ chu la gtor na de bas kyang dgyes mchi gsungs nas gser de chu la gtor/ sras kyi dam par gyur pa pad+ma dbang chen dang / mngal du 'khrungs pa'i nyi ma 'od zer la sogs sras brgyad dang / snod ldan gyi bu dgu la sogs pa'i smin grol du mdzad/ chu zhal mgur gsum la sogs pa'i bla chen dang mi chen pos zhabs la gtugs/ gtso bor ma Ni 'ba' zhig gis 'phrin las mdzad de bod yul thams cad la thar pa'i sa bon rgya chen po btab/ khyad par grub thob ma Ni rin chen zhes bya ba las khams su thugs rje chen po'i 'phrin las rgya cher 'phel/ brgya byin dang nyi zla'i lha'i
- 224b
bus kyang mchod bstod byas/ bod kyi lha 'dre thams cad kyi bla mar bkur zhing snyan grags kyi 'jig rten g.yogs/ 'gro ba'i bsod nams bsog pa'i zhing du/ tshong 'dus 'gur mo'i lha khang dang / bsam grub bde ba chen po'i lha khang gnyis kyang mdzad/ la yag gu ru lha khang du gtso bor gdan sa mdzad/ lha sa'i jo shA ka dang mtshungs pa tsam gyi byin brlabs can du grags pa'i rten gtso'i snang brnyan dang por 'phags pa klu sgrub kyi ri tang zung nas spyan drangs/ bar du slob dpon chen pos sna bstod sa zam yang dben nas phyung ste/ ha bo'i gangs la rgyas btab pa 'di dgung lo nga bdun pas 'gro ba'i don mdzad nas mdzad pa brtul bar nye ba'i tshe/ kho bo chos kyi dbang phyug la// sems can rnam rtog tha dad gyis// la la chos dbang bde na dga'// la la chos dbang bde yi dogs// zhes dang / chos dbang sems nyid re dogs bral// chos dbang sems la zug rngu med// bde na dga' tsho dgyes par mdzod// chos dbang zug rngu spangs pa med// sdug na dga' tsho dgyes par mdzod// chos dbang sems la skye shi med// shi yi dogs tsho dgyes par mdzod// chos dbang sems nyid chos dbyings shi// ma shi dogs tsho dgyes par mdzod// chos dbang sems nyid 'pho 'gyur med// rtag tu re tsho dgyes par mdzod// chos dbang sems la rang bzhin
- 225a
med// rtag gi dogs tsho dgyes par mdzod// ces re dogs rtsa ba nas zad pa'i rnal 'byor gyi dbang po chen por bzhugs/ rang gi bzhengs pa'i lha khang 'bad pa don ldan du 'gyur ba'i phyir zhabs tog dgos par gdams shing / gtsug lag nyams rkyen bu yis byas kyang thon// lha khang zhabs rtogs sprang pos byas kyang khur// zhes dang / kun bzang bde chen chos dbyings gzhal yas su// sgyu ma'i skyes bu chos dbang da ni bsdud// ci phyir lus 'di gdul bya rdzogs rdzogs 'dra// las ngan zad pa'i rtags kyang lus la smin// rmi lam mi gzugs chos dbang yal nas 'gro// dpon slob kun 'dus nor bu'i tshong len rmis// nga dang 'brel tshad bde chen thob pa'i rtags// zhes dang / bdag gi sha rus sran tshad yung 'bru re// lhor song thams cad lam 'gro bde chen 'gro// zhes pa la sogs pa'i zhal gyi gdams pas dbugs dbyung nas dgung lo nga dgu pa la pad+ma 'od kyi pho brang chen por gshegs so// da ni bka' gter gyi bstan pa la dngos bsam brgyud nas bka' drin bsam gyi mi khyab cing / spangs pa dang rtogs pa'i yon tan zad mi shes pa mnga' ba paN chen rin po che rjes 'brang dang bcas pa'i gtam brjod par bya ste/ skyes bu dam pa 'di ni yul mnga' ris glo bo ma thang gi sa'i char/ yab mar pa lo tsa'i skye ba lha rigs grub pa'i dbang po 'jam dbyangs rin chen rgyal mtshan zhes grub pa'i dbang phyug thang stong rgyal po la sogs te mkhas grub kyi bla ma mang po'i
- 225b
zhabs la thug cing / bka' gter gyi bstan pa rgya mtsho'i mnga' bdag tu gyur pa de dang / yum 'phro lcam khrom pa rgyan gyi sras su me mo lug gi lo la sku bltams/ mtshan pad+ma dbang rgyal du btags/ dgung lo brgyad pa la rten dge bsnyen du mdzad/ yab la byang chub tu sems bskyed pa'i sdom pas sbyangs nas/ 'jam dpal mtshan brjod/ sgyu 'phrul zhi khro/ yang dag me dgu/ sems phyogs la sogs gsan pa rgya chen po mdzad/ bcu gcig par rtsa rgyud gsang snying / slob dpon sgeg pa'i rdo rje'i 'grel pa/ g.yung TI ka kha dmar can/ sum ston gyi Tik+ka la sogs pa phal cher zhig zla ba bdun gyis khong du chud/ dgongs 'dus la sogs pa'i mdo'i gnas kyang byang bar byas/ bcu gnyis pa'i tshe mkhas pa mang po'i dbus su gzhung dkyus kyi bshad pa mdzad/ bla ma gsang 'dus dang / sgyu 'phrul zhi khro/ rta mgrin la sogs par bsnyen bsgrub mthar phyin/ lha mo dud sol mas zhal yang yang bstan/ grub mtshan gyi thog mar zhing la sha log chen po zhig byung ba la phur pa gdengs pa tsam gyi nam mkha' la thog so bdun tsam 'khyil zhing bzlog/ de bzhin du gtor chen 'phangs pa'i tshe sa steng nas khru gang tsam 'phags pa yang byung / sme brtsegs kyi sgom bzlas mdzad pas arbaM dzaMdzidzaM rbaM gyi sgra sgrog pa bzhin par mthong / dgung lo bcu bzhi nas bka' brgyad dang ma gshin la sogs pa'i sgrub 'phrin mang du bslabs shing zlas bsgom gyi la zlos/ de nas lo bdun gyi bar du gcod yul dang ro snyoms mdzad/
- 226a
bye ma dang / chu rdel me tog la sogs pa'i bcud len kho nas dka' spyad kyi phreng la bshar/ them spangs kyi dam bca' lo gsum/ ngag bcad kyi dam bca' lo gsum/ sha khrag gi zas la shin tu sdang zhing / sbyang gnas dang / gso sbyong la sogs mang du mdzad pas spyan ras gzigs lan bdun du gzigs/ lo gcig tu bla ma gsang 'dus kyi gdams ngag la nan tan mdzad/ spyir bla ma mkhas grub mang po las mdo sngags chos kyi bdud rtsi ngoms pa med par 'thungs shing / khyad par du yab las mdo dbang dang / phur pa/ bsgrub chen bka' brgyad la nan chags chen po mdzad/ grub pa brnyes pa'i rnam thar yang / gsungs las/ brag dmar gyi mtsho la ro snyoms byas// mun nags kyi chu la rdog pas rdzis// lha lung gi brag la mkha' ltar lding // ba gam can brag la byi ltar 'dzul// mgo bo can brag gi logs la rgyurmugs// grogs sher seng dang sher dpal rgyal bzang gsum// byang rgyal dang bla ma rin seng ba// skyes pho mo 'ga' grub thob grub thob zer// deng grub thob kyi go ba nga mi len// chos nyams blangs kyi nyams snang thob tsam yin// don 'pho 'gyur bral ba ma rtogs na// lus sgyu ma'i cho 'phrul bya byis ston// zhes grub rtags kyi mthar thug rtogs pa la ngos 'dzin/ bcu bdun gyi lo la dam bca' brgyad mdzad de/ dge
- 226b
'dun la mthong phyag byed pa dang / pha yul du zhag bdun las mi bzhugs pa dang / dben pa 'ba' zhig la blo gtod pa dang rgyal po'i sgo khang lan gsum las mi 'grim pa dang / tshong khe dang gral mgo mi 'dzin pa dang / ro mchog dang dbu gtso mi byed pa dang / 'tsho ba bsod snyoms la bsten pa dang / bsgrub pa dang thos bsam 'ba' zhig byed pa rnams so// slob dpon nor bstan bzang po las yang yang du bsnyen nas 'dul ba dang / mdo sde'i skor dang / jo bo bka' gdams/ nA ro mkha' spyod ma snyan brgyud bsam gyi mi khyab pa dang bcas pa zhus/ sgyid grong du 'phags pa wa ti mjal bas gsung byon/ sku tshe snga ma'i sngon gnas mang po rjes su dran/ dgung lo bcu dgu par pha yul du yig drug gi 'gro don mdzad/ nyi shu la byams chos lnga/ phar phyin tshad ma/ dbu ma rtsa she/ bzhi brgya pa dang / bslab btus/ spyod 'jug/ dngos brgyad don bdun cu sogs gzhung lugs chen po brgya phrag gcig khong du chud/ nyer gcig pa la 'jam dbyangs chos skyong dang / sdom brtson tshul khrims dpal la sogs par gshed dmar la sogs pa'i dbang bsgrub gdams pa gsan zhing bsgrubs pas zhag bdun na gshed dmar dngos su mthong / nyi shu rtsa gnyis par yab kyi drung du snga 'gyur bka' gter la zhun thar legs par spyad/ bka' brgyad kyi bsgrub pa
- 227a
mdzad pas bdud rtsi khol/ mar me chung ngu zhig gi zhag gsum thub/ de'i tshe yab kyi gzigs snang nyid kyi tshigs su bcad pa/ bu khyod tshe la bar chad ma byung na// 'jig rten 'di ni chos kyi 'khor los sgyusbyar// mdang gsum dkyil 'khor mtha' la kun bskor nas// bla ma zur chen rdog ston chen po dang // rje btsun grags pa 'phags pa rin po che// nam mkha'i snying po bsod nams bla ma dang // 'gro mgon myang dang ras chung rdor grags dang // rgyal sras dbang chen glo bo yab sras dang // chag lo chos dpal khro phug lo tsa dang // nag tsho lo tsa kun mkhyen mus srad pa// mkhas grub bsod bzang grub chen dmar zhabs dang // dam pa sangs rgyas bai ro bi ma la// oM rgyan yab yum rgyal po khri srong dang // ma gcig lab sgron zhang la ras chen pa/ khams pa sga lo rgya gar paN chen rnams// gcig la gcig blta 'dzum zhing pa la// kun kyang nga ni pad+ma dbang rgyal yin// smra zhing thams cad khyod la thim nas song // zhes pa ltar yin/ nyer gsum pa la glo bo lo tsA bar lam 'bras tshogs bshad dang / slob bshad gnyis/ nyer bzhi pa'i tshe yang tshar gcig bsgyur/ nyer lnga pa'i tshe/ bsam 'grub gling du glo bo mkhan chen bsod nams lhun grub gyi mkhan po/ chos rje dkon cog skyabs kyi slob dpon/ de bzhin du gsang ston pa/ grib tshod pa/ grogs
- 227b
dan pa/ dad pa'i dge slong nyi shu rtsa lnga dang bcas pa'i dbus su/ bu lugs kyi las cho ga gzhir bzhag la/ nam bsod dang / 'phags pa rin po che'i las chog gi bshad sbyar dang bcas tshigs gsum gyi bsnyen par rdzogs pa'i dngos por bsgrubs/ mkhan slob de rnams las chos kyang mang du nyan/ nyer drug pa la shel gyi ri bo 'brug sgra la sogs pa'i dben par/ chos gos gsum dang / glegs bam/ 'khar bsil/ lhung bzed las gzhan pa'i yo byad thams cad spangs te sgo gcig pa'i brtul zhugs bzung / ston pas bcas pa'i gnang bkag dang / sbyangs pa'i yon tan bcu gnyis la sgra ji bzhin par gnas pa ni skyes bu chen po 'di dang / kong po rgod tshang ba sna tshogs rang grol gyi rnam par thar pa mthong ba'i chos la gnas nges par shes/ gzhan du mi la ras pa la sogs te rtags dang cho ga ma byas pa'ang ji snyed cig yod srid kyi de dag la bstan pa la dga' ba'i lha rnams dang lhan gcig rjes su yi rang bar byas so// slar ljongs rgyu ba'i brtul zhugs kyi mnga' ris kyi gnas brtan rnams kyang mjal/ theg pa chen po'i bslab par bya ba'i gnas las 'da' ba ma yin pas chos kyi sbyin pa'ang ci rigs su rtsal/ glo bo mkhan chen las/ dgra gdong / 'jigs byed/ gshed dmar gsang ba 'das pa la sogs pa'ang mang du gsan/ mkhan po de
- 228a
dang / gu ge pa Na chen rnam rgyal dpal bzang / 'jam dbyangs blo gros dpal/ mgon rnams la sgra dang / tshad ma/ brtag gnyis kyi bshad pa/ gsang sngags kyi dbang dang man ngag kyang mang du nyan// spu rang dang / ti se/ 'khor chags la sogs pa'i gnas brtan 'khor nas slar glo bor byon/ drang srong gter ston shAkya bzang po las byang gter mang du gsan/ mdor na bde kyi gsang gsum/ ma gshin phur pa/ bka' brgyad gsang snying / yang phur rta gsum/ rdo rje gur/ gsang 'dus zhabs lugs/ bde mchog lhan skyes/ klu na ga dril gsum/ bong zhal can/ dpal mgon zhal gsum/ dus 'khor 'grel chen/ phyag rdor brgyad skor/ u tsa ya/ ras chung snyan brgyud/ phyag chen sbyor drug/ oM rgyan bsnyen bsgrub/ yang dgon pa'i ri chos/ nyang gter yongs rdzogs/ rdo rje 'phreng ba la sogs te gsar rnying bka' gter bstan bcos/ man ngag gi yi ge rnam pa thams cad la dA ri dra'i brtul zhugs kho nas chos skyugs sogs kyi ngal ba dang du blangs te/ skyes rabs las/ me tshogs spu gri'i so yang brgal nas ni// 'chi thar thug gi bar du dam chos btsal// zhes pa ni skyes bu dam pa 'dis phyag len la btab pa yin/ gsar rnying gi rgyud sde chen po de dag la'ang bsnyen pa ma song ba med pas/ ding sang snga 'gyur ba tshos bka' brgyad dang //
- 228b
gsar ma ba rdo rje 'phreng ba tsam gyis bsnyen pa rdzogs pa'ang dkon pa'i dngos por gyur na/ 'di lta bu a la la/ dam pa'i chos 'tshol zhing bya bar sgo gcig pa'i brtul zhugs kyi bal yul shing khun/ bya rung kha shor/ bal po pham mthing / yam bu'i tshal/ yang le shod la sogs pa thams cad du gshegs shing de dag tu bal bod kyi bla ma mang po bsten/ gnas rten dang thugs dam 'ba' zhig mdzad/ dag pa'i snang ba mtha' klas par shar/ yi dam dang chos skyong mang po'i zhal gzigs/ mkha' 'gro mas slob dpon a b+hu ka ra'i skye bar lung bstan/ lo chen dkon mchog skyabs kyi rdo rje 'phreng ba'i dbang la dogs cha mdzad pas/ mtshan lam na 'khor lo sdom pa'i dkyil 'khor gyi gtso bo pa Na chen pad+ma dbang rgyal gyi mdzad cing 'dug pa'i sgo 'dug pa'i sgo drung nas mkha' 'gro mas khong ka nas ma btang bas slar 'gyod de gnang / zhar la lam 'dras gsar ma'ang thob/ so brgyad pa nas gsar rnying ris med pa'i chos kyi 'khor lo rgya chen po bskor/ de nas dbus gtsang gi phyogs la gsar rnying gi chos rgyud nyams pa dag gso ba'i thugs bskyed bla na med pas/ yab dang glo bo'i sde bdag kun la gnang ba zhus/ rim bzhin zang zang brag/ bkra bzang / byang ngam rim rnams brgyud de byon/ bde grol du mes ston nam mkha' rgyal mtshan dang //
- 229a
/ sngags 'chang shAkya bzang po gnyis mjal/ de nas bcud legs ldan kyang lhan cig pas dbus la byon/ chos tshigs sprul pa'i rdo rje gdan lha sa'i gtsug lag khang dzo sha ka rnam gnyis kyi gtsos pa'i rten brten pa rnams mjal/ rdog chos dang / zhi byed la thugs 'dun drag po yod pas rje btsun ma dang / dpal lha'i sprul pas skor lam du 'grogs nas lung bstan/ gung thang du phyag mchod mdzad/ gzhung sbre shing du rdog bsod nams bstan 'dzin la rdog dkyil rnams legs par nod/ gra thang du zha lu lo chen chos skyong bzang po las gshed dmar skor sogs gsan/ bsam yas su byon pas sngon btsan po khri srong lde btsan du gyur pa'i bag chags du ma sad/ bar khang du bde gshegs 'dus pa'i dkyil 'khor bzhengs nas bsgrub chos dang smon lam mdzad/ lho brag gu ru la sogs pa chos kyi bdud rtsi mang du bkye/ kaHthog pa chos rje bsod nams rgyal mtshan sogs bshes gnyen mang dag dang chos skyes 'bul re mdzad/ phreng po u rgyan chos rdzong du kong chen nam mkha' dpal ldan la bla ma dgongs 'dus gsan/ yang rdzong dang mchims phur thugs dam mdzad pas rtsa ba gsum gyi lha tshogs mang po'i zhal gzigs/ chos dbang gi gdung rabs brgyad pas lho brag tu spyan drangs nas/ mkhar chur/ bsam 'grub bde chen/ lha bro dang / smra
- 229b
bo cog/ gro po lung pa la sogs par byon/ mnga' bdag myang la oM rgyan chen pos lung bstan pa bzhin/ pa Na chen 'di chos brgyud nyams pa gso bar gsungs pa'i bden pa'i rnga bo che sgrog pa'i dus la babs te/ myang gi gdung sgang zur sogs la rang lugs kyi bshad nyan rgya chen po mdzad/ sdig can 'ba' zhig la gnas spor mdzad pas 'ja' 'od kyi snang bkang / zho stong dang btsan gro sogs su bsgrub chen bde gshegs 'dus pa'i sman bsgrub dang skye bdun gyi 'gro don mdzad// spyir skyes bu chen po 'di chos la gnas 'jog shin tu che zhing khyad par sngon gyi smon lam las bde gshegs 'dus pas don gnyer chen po dang ldan pas rang gi yab rje la sogs par bka' brgyad bde gshegs 'dus pa tshar nyi shu rtsa lnga gsan pa'i phyi ma khungs btsun zhing yid rton par nus pa de lho brag dgon dkar zhes pa 'dir re bral thogs pa med pa'i rje rigs nam mkha'i rnal 'byor las rnyed pas gsan yig tu'ang bsngags pa chen po mdzad cing / dgongs pa mthar thug pa rdzogs pa'i tha tshig kyang gsal/ slar zhe drug par bsam yas su byon nas bka' 'dus phyi ma rig 'dzin yongs 'dus kyi chos skor rnams rnam snang gsang sgom nas spyan drangs/ snye mor dgongs 'dus kyi bsgrub chen btsugs/ phung po ri bo cher bde 'dus la 'chad nyan mdzad/ ngor dang gser
- 230a
/ mdog can du dge tshul slong gi las chog mang du mdzad/ gzhan yang chos 'chad nyan la sogs pa'i 'gro phan rgya chen po mdzad de rtsu bo ri brgyad/ brag rdo rje zhes pa 'dir zhag cig gtan chags pas sku tshe'i rten 'brel 'grig/ brag chen phur pa zhes pa'i dpyad pa'i las bskyed rdzogs kyi bstan pa zin pa'i brda don dgongs pa bzhin/ sngon phreng po bdar zhing rgyas pa'i dus bdag cag gi bstan pa'i chu mgo chen po kun gzigs phreng po gter chen shes rab 'od zer ti shir bskur nas gnas 'dir yun ring por dgon par bcas nas gtan chags/ gsung rab mang po'i sbyar byang du'ang thub bstan rdo rje brag tu sbyar ba'o zhes ming gi mnga' gsol/ 'di nyid mdzad pa brtul bar nye ba'i tshe paN chen nyid kyi de ma zag pa'i skye ba byang bdag bkra shis stobs rgyal dbus su byon nas dgon gnas 'dir rje btsun pra dz+nyA'i zhabs dang mjal bar dgongs pa la/ pra dz+nyA'i zhabs 'phyong rgyas stag rtser bzhugs pa 'grig/ bdag po thugs dungs pas dang por gzim mal mjal bas yun du bzhugs pa'i rten 'brel gzhan du song / paN chen rin po che'i dus nas nye bar gnas pa'i cog sgrar chung ngu zhig yod pa bdag chen gyi dus stobs su gyur nas e waM cog skar du grags pa 'dir chags pa las thub bstan rdo rje brag ces pa'i dge 'dun
- 230b
'dus pa'i sde 'phel/ sras rig 'dzin ngag gi dbang po'i sprul pa'i sku pad+ma 'phrin las rigs kyi cod paN du mdzes pa la/ gong ma lnga pa chen po'i bsti stang gis gzengs bstod pas byang gter gtso bor gyur pa'i dar rgyas bla lhag tu 'phel/ sprul pa'i sku rin po che 'di nyid kyang sman lung pa blo mchog rdo rje las brgyud de 'dus pa mdo la gsan bsam mdzad/ sems sde bco brgyad kyi lhag pa'i mdo dbang gi yid cha'ang mdzad snang ngo // de nas pa Na chen rin po che nyid phal cher bsam yas dbu tshal du gtan chags/ byams pa gling du zu btsun bsod nams rnam rgyal las sangs rgyas mnyam sbyor gsan cing / phar zab chos mkha' 'gro snying tig gi dbang khrid ma lus pa phul nas thugs yid gcig tu 'dres/ 'o na smon thang du'ang sku mched lhan gcig pas yun ring bar bzhugs/ gcung rig 'dzin legs ldan pa de lugs gnyis ka'i pho sgo yangs pas 'bri gung pa rin chen phun tshogs bsam yas su gdan drangs nas dpon slob gsum kas bsam yas kyi rab gnas bsgyur te bod khams yun du bde ba'i rten 'brel sgrigs/ 'di nas bzung chos rgyal rin chen phun tshogs kyang sras kyi dam par gyur pas rgyal dbang pad+ma'i ring lugs la rten 'brel chen por gyur/ spyir skyes bu 'di nyid ni gnas lnga rig pa'i paN+Di ta chen po/ mdo sngags
- 231a
/ gsar rnying ris med pa'i bstan pa yongs rdzogs kyi dge ba'i bshes gnyen chen po/ gzhon pa dang 'jol ber la sogs pa'i chos brgyad yongs su spangs pas shAkya thub pa'i rjes zhugs bsod snyoms pa chen po/ zhen log dang bka' spyad khur du bzod pas bya btang rnal 'byor chen po/ rig pa dang grol ba'i spobs pa bsam gyi mi khyab pas byang chub sems dpa'i dge 'dun chen po des dngos kyi lam nas bstan pa dang sems can gyi don bla na med pa mdzad cing / snga 'gyur rgyud 'bum rin po che'i skor tsho 'byed pa'ang rnam dpyod 'di kho na che zhing / lung gi rgyun la'ang bka' drin bsam gyis mi khyab/ tshig nyung la don shin tu mang ba sdom pa gsum gyi rnam par nges pa'i bstan bcos la sogs te rnam grangs mtha' yas pa dag gi brgyud nas bstan 'gro'i don bla na mtho ba'i cho ga mdzad de 'on mon thang nas zangs mdog dpal gyi ri bor gshegs so// de nyid kyi rjes su bslab pa 'bri khung pa chos rgyal rin chen phun tshogs ni/ dbus stod 'bri gung sku gnyer sgang zhes bya bar rigs kyi mngon par mtho ba sku ra'i gdung du sku bltams/ dgung lo brgyad kyi steng du phag mo grur spyan snga rin po che chos kyi grags pa las rab tu byung / bcu gsum par rtses dag dang bsam gtan gling du bzhugs pa'i dus dkar po kun grags pas khra 'brug
- 231b
gis zhig gso mdzad pa'i rab gnas la spyan drangs pas/ mthong na mi mthun pa med pa'i sku'i byin gyis skye bo kun gyi snying la ngoms pa med pa'i dad pa byin/ sngo sangs kyi lam nas lha rnams kyis me tog gi char phab/ mdo sngags dang gzhung lugs mtha' yas pa'i gsan pa phul du phyin/ yangs pa can dang / klu shod/ dbus stod gyi gzhu stod ti sgro sogs pa'i gnas nges med kun tu bsgrub pa mdzad/ snang sems mnyam pa nyid du 'dris pas rdo ba la phyag mdzub kyi rjes shin tu gsal ba byung / re zhig na ti sgor bzhugs pa'i tshe rgya gar gyi paN+Di ta badz+ra na tha dpon slob bcu gcig byon nas b+hu rlung dza bi ra'i man ngag phul/ nub gcig mnal lam nas mkha' la phur te byon pas/ rin po che sna tshogs bcal du bkram pa'i dbus na rdzing bu me tog gis bkra bar sngags pa skra'i rtse mo la spyan ras gzigs/ sked pa thams cad rta mgrin// rtsa bar rdo rje phag mo'i rnam par 'dug pa zhig khrus byed par gzigs nas de la ngo mtshar skyes rtsa na/ bud med mdzes shing yid du 'ong ba zhig gis/ 'di'i sgra dang khyod kyi sgra mtshungs pa yin/ khyod kyi rtag par smra bregs pas lha tshogs 'di rnams spangs pa'i nyes pa byung zhing 'byung 'khrugs kyi nad mang / da lus kyang dkar chas su bsgyur na rten 'brel thams cad nga rang gi shes zer/ der de bzhin du mdzad pas mar me'i
- 232a
kong bu chung ngu zhig gis zhag 'gar 'tsho sogs rten 'brel zab mo'i sgo 'phar phye/ re zhig na yangs pa can du byon pas gter gyi kha byang byung nas/ gu ru rin po che'i thugs kyi yang bcud dam chos dgongs pa yang zab/ dung shog dkar po dang / gser shog ser po/ mchong shog smug po/ g.yu shog ldang skya/ lcags shog nag po'i shog ser ngo mtshar can gyi phyi mor gnas pa/ dpon slob bzhis nam gung stabs su gshegs nas ti sgro'i tshogs khang chen mo nas spyan drangs/ gnas de nyid du bdun phrag gcig tu sku mtshams la bzhugs pa na/ tshes bcu'i nub bud med lnga byung nas/ do nub gu ru rin po che tshogs kyi 'khor lo mdzad kyin yod pas 'dengs zer zangs mdog dpal rir khrid/ slob dpon chen po gu ru rta phag yab yum kyi rnam par bzhengs nas bzhugs pa gcig mjal bas/ 'di ni yid dam du 'dug/ sngon du bla ma la phyag bya dgos pas gu ru rin po che gang na bzhugs mnyam pa'i tshe/ rta phag gi zhal nas bla ma sangs rgyas bla ma chos// de bzhin bla ma dge 'dun ste// kun byed rgyal po bla ma'i sku// bla ma dpal chen he ru kaH/ zhes gsungs shing sku lus gar gyi rnam 'gyur shig shig 'dug/ dpa' bo dang mkha' 'gro'i tshogs kyis kyang rdo rje'i glu dang gar mdzad pas snang ba gtad med ha phyad de lus/ der bud med lngas rin po
- 232b
che tha dad pa las grub pa'i rigs lnga'i phyag rgya re byin/ gu ru rin po che'i zhal nas/ rin po che sna tshogs kyi phyag rgya de mi 'bul lam gsungs pas/ bu mo lnga pos bdag cag ni las dang smon lam gyi stabs su mchis lags te/ khong da dung 'ching ba dam pos dkris/ rten 'brel la 'grig pas 'bul rgyu cang gda'am zhus so// ma hA gu ru'i zhal nas/ nam mkha'i pad+mo zhes lan gsum du gsungs pas/ snying grang stong pa gcig byung / der gdan khri dpag tu med pa la rig 'dzin gyi tshogs rnams bzhugs pa'i dbus der/ khri rkang 'bol brtsegs bcas pa'i steng na snam phrug mon dar sogs las byas pa'i gos dang / rgyal po'i la thod gcig 'dug pa rang gi yin par dgongs te yin pas/ der bzhugs pa na thams cad dgyes par ston zhing / ga na tsa kra'i 'du ba rgya chen po dang bcas rtsa ba gsum gyi gzhung sangs nas dbang bskur// man ngag rjes su gdams pa thams cad stsal/ der rgyal po'i cha byad du byas pa'i slob dpon cig byon te/ dgyes dgyes ltar 'dug khyed su yin dris pas/ bdag ni sngon bod yul du khyod kyi pha yin mod/ khri srong lde'u btsan no// snyigs dus gdul byar mnga' ris pa Na chen du bstan kyang / na ning slob ma dam nyams kyi grib 'phog nas sprul pa bsdus te da lta ma hA gu ru'i zhabs drung na yod pa yin gsungs pas/ pha
- 233a
dang bu phrad pa'i dga' ba zod rgal du skyes nas rab tu btud/ zhabs la 'changs/ mchi ma phyung zhing gsol ba btab pas/ bslab bya dang zhal gdams shin tu mang bar gnang / gu ru'i drung du khrid nas byin brlabs zhus bcug pas da ci'i rta phag ma yin par sangs rgyas pad+ma'i sku dngos su mthong zhal ta dang man ngag shin tu mang bar gsungs pa'i mthar badz+ra rat+na pad+ma karma bud+d+ha Dak+ki dzaHzhes gsungs pas sngon gyi bud med lnga byung ste phyag nas khrid/ der 'di gar sdod pa gsungs pa zhig yin na dga' ba la snyam/ skyo ba'i ngang nas ti sgro'i tshogs khang chen mor phebs/ dus 'di tsam na gsar rnying bka' gter ris med pa'i bdag por gyur/ khyad par gter kha gong 'og dang / bka' brgyad lugs dgu/ snying tig ya bzhi la rtsal du bton pa'i 'phrin las rgya che/ mkha' 'gro snying tig la khrid yig kyang mdzad/ grub mtha'i khog dbub tshul kyang / kho bo'i rdo rje slob dpon mnga' ris pa Na chen rin po che'i mkhyen rab la mtha' med/ de'i bka' las rnying ma lugs mthun zhig byed na bka' mas khog dbub/ gter ma'i man ngag gis brgyan pa zhig dgos zhes gsungs pa de sras kyi dam pa rje btsun shel rab 'od zer la rjes su gdams/ lar 'bri gung 'jig rten mgon po nas phur pa rtsa rgyud 'chad pa sogs gsar rnying la ris su gcod pa
- 233b
bkar ma btags te snga 'gyur gyi bshad srol med pas/ spyod ldan du grags pa dge slong sangs rgyas rdo rje snyan 'bul du/ khyed u rgyan pad+ma'i rgyal tshab chen po yin/ phyogs kyi chos zhu ba rnams kyang rnying ma kho na la gtad nas lhags pa mang / chos gsungs pa'i tshe da dung bka' brgyud pa'i chos skad dang 'dres par gda' bas/ sngags rnying ma la mdo sgyu sems gsum gyi bshad srol thun mong ma yin par yod cing / de la kun mkhyen klong chen pa'i bka' 'bum nyi ma shar ba lta bu'i 'grel pa yod pa de kho na'i lugs bzhin thugs rje che dgos zhes snyan 'degs phul ba thugs la shin tu bzhugs pas rgyal ba klong chen pa'i gzhung la dgongs pa lhag par bde/ spyir skyes bu dam pa 'di mkhas grub chen po'i gnas la bzhugs pas spyod 'jug la sogs rgya gzhung chen po dag gi dgongs pa 'chad pa'i tshe'ang bshad tshul gzhan las khyad du 'phags pas blo gsal mang du thos pa dag gis kyang khengs pa bde blag tu dbrog nus pa zhig yin/ 'bri gung pa srid sde che zhing / khyad par 'di dus bod shing sgo can pa'i rgyal po'i chos gnas kyi dam par gyur gdan sa thel gyi khri mdzad pa'i skabs nas slob ma'i tshogs ni dbus gtsang ru bzhi/ mnga' ris la dwags/ mdo khams/ hor yul la sogs par kun tu khyab pa bsnos kyi mi ldang la/ tshogs pa rgya mtsho'i
- 234a
dbus su dgongs gcig la sogs pa gsungs pa'i tshe nga'i ral pa'i khrod na nga dang mnyam pa'i rgyal tshab gcig sbas nas yod ces gsung ba ni bdag cag gi rigs kyi bdag por gdod nas grub pa rje btsun pra dz+nyA'i zhabs yin la/ rigs chos gnyis ka'i sras su gyur ba rgyal po gtsug lag 'dzin gyi skye ba chos rgyal phun tshogs/ de'i sras su rang nyid de ma thag pa'i sprul pa'i skur bzung ba chos kyi grags pas kyang gong mas srol btod pa'i grub pa'i mtha' gang yin pa lhag par rgyas par mdzad pas bka' rgyud rin po che'i ljon shing la/ snga 'gyur gyi 'bras bu chags nas pa chos dgongs pa yang zab la rgyun gyi rnal 'byor du byed cing / bka' brgyad kyi bsgrub dbang chen mo'i srol kha la sogs pa thams cad da lta'ang ma nyams pas dpal du 'bar ro zhes zos so// da ni slob dpon bai ro tsA na slar yang rigs grol gyi sprul pa'i sgyu 'phrul la chags pa kun mkhyen shes rab 'od zer gyi gtam bshad par bya ste/ bdag nyid chen po 'di ni byang ngam chen gyi sa'i char khri bsam gnyis kyi cho 'brang las sa pho stag lo chu stod zla ba'i tshes bcur mngal gyi pad+mo las grol/ lhums su zhugs pa'i tshe skyes bu shel gyi kha dog can rin po che'i do shal dang ldan pa zhig gis shel bum bdud rtsis gang ba yum gyi spyi bo nas bstim pa rmis/ tshes bcu byung
- 234b
res sgra zhim la 'ja' zug pa dang / dri zhim po'i ngad pa rgyun du byung / gzhon nu rol rtsed kyi tshe na'ang / bcos min gyi nges 'byung dang / dad pa'i snang ba rgya chen po/ myur la zab pa'i shes rab la sogs te byang chub sems dpa'i ngang tshul gyi lhag par phyug pa zhig ste/ 'jam dpal dbyangs dang / gshed dmar dang / gnyen mgon rnams kyis zhal bstan pa phyung ba 'bri gung pas g.yag sde'i pa Na chen gyi bag chags su ngos 'dzin mdzad/ khyad par du rin chen phun tshogs chos kyi rgyal po ji lta ba zhig gi zhal nas/ khyod kyi snying ga na a gcig yod pa da lta ston ma ran zhes phyag mdzub btsugs pas brjod mi shes pa'i nyams shar/ rjes su sku'i bkod pa de kho nar snang zhes gsungs/ ru skor de la hor gyi rgyab dus bu chung 'phrog par brtsams te zhags pas btab pa na lhag pa'i lhas sgrib par gzigs te bros pas thar/ de nas 'grog gi phur bzhugs/ byis pa'i dbus na chos gsungs pa dang / mdo rgyud kyi tshig tshon po cal col du 'don pa dang / lhag par gzhon nu gshed ma bye ba des chu ba na gang gya can la khyer nas bzung ste dza khang du bskul ba dang / rgan pa dag gis sgo bcad nas phyir thon pa na/ sgo ma phye bar thal byung du phyir thon pa sogs byung / khyad par theg pa chen po'i rigs sad pas sems can nyams chung ba dag la bzod du med
- 235a
pa'i snying rje dang / zhang pos 'thab pa'i gal la ci snyam pas ka tsa ster ba sogs phal pa'i kun tu spyod pa las rgyang ring / dgung lo brgyad pa'i tshe e waM gling smad dang nyin sdings gnyis ka'i slob dpon brtan mkhas kyi yon tan rdzogs pa tshul khrims 'od zer las dge bsnyen du mdzad/ mchod gral gyi lha phal cher ngos 'dzin mdzad pas 'di shes rab thod rgal ba zhig byung zhes mtshan shes rab 'od zer du btags/ gser mdog can pa'i slob ma'i mchog paN chen rdor rgyal ba las rab tu byung / de nas klog pa zos bsam gyi grar zhugs nas/ dga' ldan khri pa'i zhal snga nas bstan dar la zam mo lta ba dang / rgya chen spyod pa'i sems bskyed lugs srol gnyis/ bslab btus/ spyod 'jug/ mdo sde kun las btus/ byang sa/ sdom pa nyi shu pa/ klu sgrub lugs kyi don dam sems bskyed sogs nyan zhing klu sgrub kyi gzhung la nan tan ngos/ mtshan nyid kyi gzhung la lo drug gi bar du nyin mtshan med par sbyangs/ slob dpon gnyis po las/ byams chos lnga/ sa sde lnga/ sdom rnam gnyis/ dbu ma rigs tshogs/ gtam tshogs/ bstod tshogs/ byang chub sems 'grel/ rim lnga rnams dang / dge ldan pa'i mdo'i lam rim gnyis/ sngags rim chen mo la sogs te rgya bod kyi gzhung 'grel mang du nyan/ lam gyi 'gros la go don phun sum tshogs pa
- 235b
skyes kyang 'khor ba'i sa bon drungs nas 'byin pa lta ba rnam par dag pa kho na yin/ de la dgag bzhag gi 'dod pa mang pas ngo bo ma 'khrul pa gang yin shes dka'/ sangs rgyas kyi lta ba zab mo ston pa la klu sgrub lung bstan/ de'i dgongs 'grel tshad ma zla ba grags pa yin/ des kyang sangs rgyas bskyangs la brten nas rtogs pa yin pas/ 'grel pa bu d+hA pa li ta la bslab gnyer gting thug pa zhig byas pas/ deng sang lta ba'i gnas tshul gleng ba rnams la kho bo mgu po rang mi 'ong zhes gsungs/ sa dge gnyis char la mkhas pa'i slob dpon zhig yod pa la lugs gnyis ka'i sbyangs pa mthar son/ khyad par gsang ba 'dus pa la tsong kha ba chen po'i yig cha'i steng nas dgongs pa ji bzhin du longs/ rdor rgyal ba las dgyes rdor lha dgu/ lam 'bras lugs lnga/ rnam 'grel bcu gcig dang bcas pa/ gur rtags ma gsum lung TI ka bshad pa dang bcas pa/ dus 'khor yongs rdzogs/ lam rim pa gnyis kyi khrid/ bla ma dam pa'i Tik+ka'i steng nas gzabs bshad rnams dogs pa'i mtha' bcad nas nyan pas/ slob dpon des/ dge bshes shes rab 'od zer 'dis chos kyi gnas la bkar nas dri shes par 'dug ces 'chad pa la bsnyengs pa bral ba dag kyang blo gros la grim cha ster dgos pa byung rin po che rdor rgyal ba de las spyir mdo sngags kyi
- 236a
gzhung 'grel da lta 'chad nyan yod pa mtha' dag de bzhin du gser mdog can pa dang / sa skya bka' 'bum yongs rdzogs nyan nas/ zin thun bsgyur ba'ang mdzad/ lhag par gser mdog can pa'i yig cha la mchog tu 'dris shing grub mtha'ang 'dzin/ skyes bu dam pa 'di g.yag sde pa Na chen gyi de ma thag pa'i skye ba yin pas sku gzhon nu nas gsal snang shin tu che zhing khyad par paN chen de la slob dpon chen pos seng gdong ma'i gdams pa/ pu tir longs pa zhig stsal ba rang nyams su bstar/ gzhan blor ma chun dogs nas myang ngan las 'da' khar e waM rdo spyi la rgyas btab pa dus 'dir phyag tu son mod/ 'brug pa rin po che pad+ma dkar po'ang gsal snang zhig la the tshom skyes pas/ phyin chad/ de ni a khu mtshan nyid pa'i khrod du phyin pas len par 'dug ces gsungs pa bzhin rten 'brel gzhan dbang du song / gra sa de dang / thal 'gyur gyi mgrin rnga ldir ba'i rigs gra gang dang gang du rtsod pa'i g.yul ngo la lhags pas blo gros bsam gyi mi khyab par song te/ bod 'grel rnams kyang rgya yan du bzhag/ rgyan drug mchog gnyis kyi gzhung 'grel kho na la brten nas/ brgal ba dang / brtag pa dang / rigs pa gsum gyi lha'i rnga chen po kun nas kun tu yongs su brdungs pas/ gling smad slob dpon na re/ khyed slob gsar pa lta bu yin
- 236b
kyang 'di lta bu'i rnam dpyod kham che/ kun mkhyen rong pa la bo dong pa'i dge bshes shig gis/ ci mkhyen zhus pas/ kho bos par phyin shes gsungs/ 'o na 'dul ba la e gnang zhus pas/ de los shes par phyin gyi spyod pa yin gsungs/ yang dbu tshad dris pas/ de bzhin du dbu ma la blta ba/ tshad ma la rigs lam yin gsungs pa ltar/ khyed kyi dbu phar la brten nas bstan pa'i sgrom 'tsho la lugs/ de la rigs lam gyi grub mtha' 'cha' lugs la dpags na/ dge bshes zer na 'di la zer zhes tshogs pa'i khrod rang du bsngags pa brjod pas de phyin nas dge bshes shes rab 'od zer zhes grags/ rtog ge'i rigs pa la tsher ma lta bu'i blo gros mnga' yang / 'di lta skyes bu mchog tu gyur pa rnams ni de tsam la brten nas grags pa dang rnyed pa bsgrub pa'i sta gon rtsom pa ma yin pas/ skyo shas dang nges 'byung drag pos rgyud brlan nas sgrub pa nan tan gyi 'khor lo yid la sems shing / de'i ngang tshul slob dpon zhi ba lha dang jo bo rje'i rnam thar la snying zag pa nas smon zhing dad pa'i skabs zhig na/ 'bri gung pa rin chen phun tshogs lha rgyud la theg pa'i e waM dang ha cang mi ring ba'i sa thang skyar skar phab pa gzigs su byon pas/ skar gra tshang sum brgya tsam la spyi chos su spyod 'jug gsungs pa dang thug/ she le'i don dam blo yi spyod yul min// zhes
- 237a
pa nas sho lo ka gsum la jo 'grel gtso bor ston/ 'grel pa grags che ba khar yar na yams su byas/ rigs lam gyi sbyor bas kyang brgyan/ bka' brgyud pa'i nyams len dang yang bstun kyin bshad pa yams pa zhig gsungs pa mthong bas/ rje btsun dam pa 'di'i thugs rje'i chos kun gyis snying la btab/ zang zing gi nye bar dpyad pa sle mo'i khud na shong pa tsam yod pa khang thog nas bskur/ chas par brtsams pa na/ grogs mched sman dpyad shes pa zhig yod pas re zhig bkag/ 'di dus dgung lo bco brgyad pa yin/ lar skyes bu dam pa'i snying stobs dang smon lam gyi mthu ni gzhan dbang gi rdzi bar nus pa ma yin pas srab med pa'i seng+ge nam mkha' la 'phyo ba bzhin du gra sa bsgyur/ grogs mched spangs/ dkor la rkam chags bye ba btang nas/ nges don ston pa'i bla ma dang / dben pa 'ba' zhig yid la bsam nas ri dgas rgya nang nas shor ba bzhin du bros/ 'phan yul du phebs pa dang 'bri gung yang ri ba'i rtogs ldan gal ba sogs dge 'dun bzhi bcu tsam bsod snyems la byon pa dang 'grogs/ dus de tsa na 'bri gung ba lugs gnyis ka nas rnam dpyod che zhing / thel gyi khri thog tu bzhugs nas spyan snga chos kyi grags pa'i spyan ltos sgrigs srol legs pa dang / bla dpon gyi 'khor rgya mtsho'i dbus na lha sras 'bri
- 237b
gung pa rin chen phun tshogs mthong na mi mthun pa med pa'i zhal sbyin can de'i phyag 'bul la lhags pas/ mtshan nyid pa'i haM thul yul bud/ mi phyed pa'i dad pa gting nas g.yos/ spyan chab lhug par shor// mtshan nyid pa'i rig lam dgag bsgrub kho na'i a 'thas sbrul gyi shun pa bzhin du dor/ tshe 'di phyi kun gyi blo gtad zhu snyam pa byung gsungs/ re zhig na thos bsam gyi dri med zhib tu gnang / lar bka' brgyud pa 'di la 'jig rten gyi dpal 'byor yod kyang chos kyi 'jug sgo 'gag dam zhing mi ltos legs pas/ slob gsar pa rnams cog gra'i sgrigs srol dam por 'jug pa la/ rje'i zhal nas/ chos khrims par/ e waM pa'i dge bshes 'di yon tan can zhig 'dug/ sgrigs lam 'jur phebs kyang / rang gi bsags sbyangs yin dgongs nas zla ba gsum gyi bar du nan tan mdzad/ 'khor lo sdom pa dril bu lha lnga'i dbang / phyag chen lhan gcig skyes sbyor gyi khrid/ bka' brgyud gser 'phreng dgongs gcig/ lnga ldan gyi khrid rnams gsan/ dam gcig gi gcod yul la 'dris par byas tshe blos btang gi bya btang phyogs bral ba zhig byed dgongs nas snyan du gsol ba na/ khyed gang du'ang ma 'byon par 'di gar bzhugs/ gcod la'ang nged 'dris che ba yin gsungs nas thugs kyi re ba bkang / dpon slob gnyis lan mang por mdo sngags dang /
- 238a
khyad par gsar rnying gi lugs so so'i dgongs pa 'grel tshul don la rton mi rton gyi 'bel gtam dri med mang po mdzad pas/ gcig la gcig zugs ches/ dge bshes kyi ming ma nor zhes rnam pa kun tu bsngags shing / bkur mthong chen pos gzengs bstod kyang snyoms chung kho na lhur len/ der 'bri gung pa'i dgongs par/ 'di 'dra ba'i gang zag mkhyen pa rlabs che shing / bya ba btang ba/ phral tshugs kha bzang ba sogs gang la dpags kyang ngo mtshar che snyam du dgongs pa'i tshe/ slob dpon chen po'i lung bstan byung / lan cig khyed mdo sngags/ gang la brda bstan pa tsam gyi khong du chud pa dang bcas/ kho bo'i 'khrul snang la lo chen bai ro tsA nas byin gyis brlabs pa'i gang zag gsang sngags snga 'gyur la chos kyi bag chags che ba zhig tu sems pas/ khyed slob dpon pad+ma la e dad gsungs/ slob dpon pad+ma sangs rgyas dngos kyi 'du shes byis pa'i dus nas yod/ gang zag phal la rtog pa chung zhing de'i stobs kyi chos gang la'ang 'dris chung zhus pas/ 'o na gsol ba thob mdzod/ sku'i snang ba dang lung ston pa thag chod gsungs/ yang ri skar pa'i chos khrims mdzad dus bstan pa la phyag bzhes shin tu che bas/ legs par gsung ba'i dam pa'i chos 'dul ba'i bca' khrims la sus kyang 'da' bar mi nus/ lan gcig rje 'bri
- 238b
gung pa'i gsung gis/ dge bshes kyi sang tshogs khrod du dgongs gcig la bshad pa byed dgos gsungs/ sngar de 'dra ba'i bshad srol mi 'dug kyang / dgos pa'i slad yin/ bla ma'i bka' ldog tu mi rung snyam nas sang tshogs dbus su zhabs drung tshogs dbu la byon/ thel gyi mkhan slob chos sgo ba dang / rdor 'dzin slob chung / yang ri skar pa dang bcas pa'i tshogs pa rgya mtsho'i dbus su/ lnga ldan la rtsa bar byas/ rdo rje'i gsung brgya lnga cu pa chos tshoms su bcad/ dgongs gcig lugs gsum gyi grub mtha'i rkang bzung / mdo sngags kyi chos 'khor bstan pa yongs rdzogs kyi tshul du bshad/ skabs don tshor/ sa paN gyi bkag pa rnams rang stobs kyi sgrub byed rnam par dag pa dang bcas bshad pas thams cad snga na med pa'i ngo mtshar skyes/ sang sku drung na bcar bas/ dbu la phyag gi byil zhing / ngas spyan snga chos kyi grags pa dang / mnga' ris pa Na chen gyi legs bshad slob ma kun la bshad pa yin yang / phal cher bas dgongs gcig 'bri gung pa kho na'i chos skad rang tshan par gleng ba skad byed/ de 'dra byas na don gyis ston pa'i bka' dang mi mthun par 'gro khyed kyi bshad pa des lnga ldan mdo sngags gnyis ka'i nyams len gyi rtsa bar song / dgongs gcig de'i rgyan chos pa la sa lugs pa'i phyogs snga spangs pa'i dgag bsgrub
- 239a
gnas thog tu 'gro ba byung bas snying tshim/ de bzhin re nas kyang byas pa yin/ re ba las lhag gsungs/ 'di la yig cha zhig kyang mdzad snang te khams pa'i gra pa zhig gis zin bris khyer bas rgyun chad/ der bka' brgyad lugs srol chen po dgu/ bdud rtsi sman bsgrub gyi phyag bzhes/ rnying ma bka' gter gyi gshin rje rigs lnga/ dgongs pa yang zab/ mkha' 'gro snying tig brgyud pa gzhan las che 'phags pa/ byang gter mdzod lnga/ pad gling chos skor rnams dang / 'bri gung phyogs kyi bka' brgyud bka' 'bum/ karma bka' brgyud kyi bka' 'bum la sogs pa'i dbang khrid lung gi bshad sbyar mang po gsan/ khyad par snga 'gyur gyi grub mtha'i gzhung bsrangs tshul/ kho bo'i rdo rje slob dpon mnga' ris pa Na chen rin po che de'i mkhyen rab la mtha' med/ de'i bka' las/ rnying ma lugs mthun zhig byed na gsang sngags snga 'gyur rang gi bstan pa'i babs la/ bka' gter zung gcig yin pas/ bka' ma ni/ mdo sku sems gsum la snga 'gyur bka' babs kyi chu bo bzhi'i sgo nas bshad rgyun rnam par dag pa bzhin bshad pa lag / len dang bcas pa bka' ma ltar byed dgos/ chos kyi zab gnad rnams brgyud pa dang chos la sel med cing mkha' 'gro'i kha rlangs tshil le bde gter ma yin pas gter chos tshad ldan ltar byed dgos/ de ltar
- 239b
byas na rnying ma lugs dang mthun pa zhig yong phebs byung bas/ khyed rang yang nyan 'dod na kho bos de rnams thos pas bshad chog/ brjed gso tsam du'ang 'gro gsung nas/ bskyed pa ma hA yo ga tan+t+ra bco brgyad kyi rtsa ba sgyu 'phrul gsang ba snying po la 'grel pa phyogs bcu mun sel gyi lugs gtso bor bton/ lung a nu ya ga mdo dgongs pa 'dus pa mdo 'grel chen mo'i dgongs pa dang / rdzogs pa chen po a ti yo ga kun byed rgyal po la sogs pa'i man ngag dngos stobs kyi 'grel pas bkral nas bshad/ de bzhin du gsar rnying gnyis ka'i rgyud 'bum/ rgyal ba klong chen pa'i ngal gso skor gsum/ mdzod bdun/ snying tig ya bzhi/ zab mo yang tig/ rgyud bcu bdun/ bi ma la'i Tik+ka dang bcas pa/ man ngag brgya bcu dgu rnams gsan/ khyad par dpe khang du ched kyi bzhugs nas so so'i yig cha la bsam byung gi shes rab rnam par dag pas dpyad pa na/ chos kyi zab gnas rnams rnying ma kho na la snang zhing / khyad par snying tig la yod par nges shes gting nas 'drongs/ dpon slob gnyis ka bstan pa yongs rdzogs kyi bshes gnyen chen por gyur pas mdo phyogs dang gsar ma'i mkhas pa rnams kyi yig cha gang legs kyi dpyad pa la zhugs pa na/ sangs rgyas kyi bstan pa'i snying po rdo rje'i theg pa dang mthun pa'i chos 'khor ni 'khor lo gsum pa
- 240a
yin/ der rgyu'i rgyud bde bar gshegs pa'i snying por grags pa de gsal por bstan/ dgongs pa de 'brel ba la/ rje rang byung rdo rje/ karma pa chos grags rgya mtsho/ spyan snga chos kyi grags pa/ kun mkhyen klong chen pa rnams shin tu mkhas shing mthun pas de kho na'i grub mtha'i la yid brtan par gyis shig gsungs/ kun mkhyen bla ma 'di nyid pa Na chen gser mdog can pa'i grub mtha' la mchog tu 'dris shing nges pa'i shes pa brtan pas skabs 'dir dpyad pa zhugs pa na/ kun mkhyen ngag gi dbang po shA ka mchog pa gnyis grub mtha'i ngos 'dzin snying po gcig tu mthus pa la nges pa gting nas 'drongs pa yin gsungs/ don gyi'ang de ltar yin pa'i 'thad pa ni/ kun mkhyen chen pos rdzogs pa chen po'i lta ba'i mthar thug dbu ma thal 'gyur ba dang mtshungs par zhal gyis bzhes pa yin/ sems phyogs kyi lta ba khas len dang bral ba la sogs chos bzhi po 'di gser mdog can pas ji bzhin par mkhas len te/ ji skad du/ deng sang gangs can na lugs de thos na snying 'gas nas srog 'dor bar byed pa dag mang na/ de dag dang dgag bsgrub kyi bgyi ba gzengs bstod nas lhur len pa mdzod cig kho bo cag ni chos bzhi po de ltar du mkhas len pa la sngon nyid nas spobs par gyur to// de yang lta sgom spyod 'bras gsum po de ni
- 240b
glu sgrub dang thogs med gnyis ka'i shing rta'i srol mthar thug mthun/ zhes dang / de bzhin du tshig gis brjod pa tsam du rang rang gi grub pa'i mtha' la lta ba mchog 'dzin gyi mngon rlom sgom pa tsam las/ don de dag gang yang mi 'dod kha'i lta ba ya ma zung gsar byung bag yangs su smra ba dag gis 'dod pa'i gting dpyis phyin pa dgongs nas 'di skad du/ deng sang gangs can gyi klog pa ba dag ni/ gsar ma/ las kyang che gsar mar gyur ba'i grub pa mtha' dag glo ba la zhen cing byang bar byas nas/ tshig gi brjod pa la kho bo cag ni rdzogs pa chen po'am/ phyag rgya pa'am/ bka' gdams pa'am/ sa sku pa yin no zhes smra ba dag mang ba'i phyir ro// zhes gsungs pas so// de nas skyes bu dam pa 'di kha che'i paN+Di ta shAkya shrIs/ bod btsun rnams kyi 'dul ba nas bshad pa'i rab tu byung de mi 'ong bar 'dug/ rjes btsun mi la des rtags dang cho ga byas na rab tu byung ba mtshan nyid pa zhig 'ong ba 'dug gsungs pa des thugs drangs/ grub pa'i mtshan ma zhig ma rnyed bar la/ 'jig rten chos brgyad la dor/ gang dben gyi gnyen khrod du sbyangs pa'i yon tan bcu gnyis la gnas bzhin pas mchog gi dngos grub bsgrub par dgongs/ chos gos gsum dang / lhung bzed/ zhal skyogs tsam las yo byas ci yang ma bzung / 'tsho ba bsod snyoms kyang g.yeng ba'i rgyur dgongs
- 241a
/ nas/ gdams pa gang gi mnog chos su mdzad nas lo gsum 'di'i ring stan thog gcig tu bsgrub pas/ mngon rtags bsam gyi mi khyab pa shar/ ting 'dzin gyi sgo mtha' yas pa brnyes/ de nas dgon gnas kyi bka' bkod ji lta bu phebs kyang / rnam g.yeng gi dbang du gyur dogs nas rang rang sar dgongs pa seng nas gnas gang dben dang / dben pa 'ba' zhig du lo brgyad bzhugs/ de'i tshe 'di lta bu'i gang zag 'thon po la zhugs pa dag ni chos kyi gter la longs spyod pa mdo sde zab mo'i dgongs pa yin pas dgung lo sum cu pa'i tshe/ mkha' 'gro ma mon mi'i cha lugs can zhig gis/ khyod kyi bslab pas bcings pa'i bya btang 'di nyams re dga'/ 'di 'thung dang zer nas chang bse phor gang byin/ rten 'brel de las me mo lug gi lo'i chu stod zla ba'i tshes bcu'i nyin 'od dkar po zhig gis rkyen las thig le chen po'i dbus su slob dpon chen po pad+ma rgyal po'i cha lugs su zhal gzigs/ rjes su gdams pa'i gsung gi dbugs dbyung bas grog ri rin chen spungs pa nas pad+ma'i zhal gdams grol zhing dgongs pa rang grol gyi gter shog dzam+bu'i chu bo'i shing shun kha dog ljang skya mtshon gyi mi bshigs pa kha shad dang / sku gsung thugs rten gyi mtshon pa'i zab gter rgya mtsho la mnga' dbang bsgyur/ khyad par lha sa'i gter
- 241b
'byin pa la dgongs pa zhus pas/ 'bri gung pa'i slob ma bla ma gtsang nas dang bcas grags su rdzong dar gnang / lha sa'i sku gnyer gyi rnying ma pas gter bton yongs zhes zon bag byas kyang thugs dam gsol 'debs tshugs pa'i mod la sku gnyer rnams ra ro tha ma'i gnas su song / nor bu stag sha d+he ba/ bsam yas kyi me'i gnod pa bsrung ba'i dug shog gsum/ de bzhin gshegs pa'i ring srel/ mtsho rgyal gyi tshechoms/ lo rgyus shog ser/ myong grol a rgya can/ snod pad+ma rA ga'i dpyad pa rnams dang / khyad par bdud rtsi 'khyil ba'i khug nas chos rgyal gyi sku 'don par brtsams pa na gter bdag ming po klu rje chu srin gyi mgo can sa 'og nas mngon sum du thon/ gnyen po'i rdo rje yod pa mgo thog tu bzhag nas/ slob dpon gyi dam tshig rjes su dran par gyis shig/ gsungs pas rang sar thim/ de'i 'jigs zil gyi gnyid du g.yur ba rnams skad shor/ bla ma gtsang gnas kyi dngos su mthong / bstan skyong ma shin tu 'go bas lam du dri'i skad dang zug chom yang yang byung / der 'bri gung rin po che yang dbu skra bsil te spyan 'dren la phebs/ na bza' phyag bris ma 'dod gsol can de phul/ shog ser rnams dpon slob lhan cig pas phab pa sogs/ 'di lta bu'i gter gyi rnams grangs dang / nges shes 'drongs pa gzhan du ma gyur pa lta bu
- 242a
yin ste gter byung lo rgyus kyi shes so// de nas zings pa ste mgor gter bsgrub la bzhugs pa'i tshe/ nub gcig snang ba thams cad sku tal le ba'i ngang / bud med gcig na re/ do nub slob dpon chen po tshes bcu gnang gi yod/ khyod rang chang 'di 'thung / sha 'di nal byi'i dur khrod na bram ze skye ba bdun pa'i sha 'dug pas tshogs shar blangs pa yin gsol dang nus pa tshad med/ nam mkha' la 'phur yang thub zer/ chang de 'thungs/ sha de dmar tsar re 'dug pas yid khri gseb gcig gis ngang nas zos pas/ de na re/ khyed rnal 'byor pa 'dra po min/ da ste slob dpon mjal su 'dod zer ba'i mod la sha'i nus pas nam mkha'i lam la gya gyur khrid nas zangs mdog dpal ri'i bkod pa srin po'i yul gling dang bcas pa ngo mtshar can gzigs/ slob dpon yab yum gu ru bde ba chen po'i rnam pas dbang bskur/ rjes su gdams/ zhal gdams dang bslab bya mdzad/ zla ba gcig gi yul du bzhugs pa'i snang ba byung / da ste sngon gyi smon lam gyi dbang las bod yul gyi gdul bya rnams dran par gyis zhes mkha' 'gro ma rnams kyi bskul bas/ rmi lam sad pa bzhin song / sngar thos bsam gyi dpyad pa gzhi byas pa'i go myong rtogs pa'i thog tu 'byor pas bstod pa snyan pa'i sgra dbyangs lha'i rol mor grags pa 'di mdzad//
- 242b
de nas bya ba las kyi 'phor lo la zhugs ste/ rje 'di pa snying po'i sgrub pa 'ba' zhig thugs la gtad na'ang / kun mkhyen chen po'i rong lugs zings pa stag mgo'i bla mar dam tshig la bkar nas bsko bzhag gnang bas/ der chos kyi char phab/ re zhig na skar mangs bsam yas su phyag phebs pa las phreng por dgongs 'dus kyi chos bdag nyi ma rgyal mtshan las dpon slob gnyis kas dgongs 'dus dang / gter phran po bcu gnyis tsam gsan phreng po bas nan gyi zhus pa'i ngor bsam yas dang phreng po gnyis kar rgyal tshab tu mnga' gsol/ bar skabs nas khra 'brug gi jo mo sgrol ma la bud med kyi rgyan gsol pas rab gnas nyams slar bskur bar pradz+nyA'i zhabs ched du stsal yang sde srid kyis bkag/ des rten 'brel log te slob dpon nang gshegs pa'i chings la 'bri gung pas gshegs dus 'phyong rgyas zhabs drung hor bsod pa'ang dad pa shin tu thob/ rje 'bri gung pas dam pa 'di'i bsngags pa brjod de mchod yon gyi lung bstan dpag par dka' ba'i yon tan gyi blo phrogs nas dkar po pa bstan 'dzin nor bu'ang slob mar gyur/ de nyid ring po ma lon pa gshegs skabs/ bsam yas gtsug lag khang sde dang bcas pa rje btsun 'di la gnyer du gtad pas/ lo gsum gyi bar gtsug lag khang gi zhabs tog/ bar skor zhig gsos/
- 243a
'bras pa'i gru shan gso ba dang / dkar me'i 'du 'god la sogs pa'ang bdag gi bzhes/ chos rje mnga' bdag sku mched sogs 'dus pa phyed gnyis brgya tsam la lhan cig skyes sbyor gyi khrid dang / / rgyab chos su mdo 'dzangs blun/ dgongs pa nges 'grel sogs stsal/ mchog ldan mgon po'i sras rgyal sras bstan pa'i 'byung gnas/ me long rdo rje'i gdung brgyud/ mdo sngags gling pa/ khyad par du gsang phu'i chos rje ston tshag pa zhes dus de tsa na dge ba'i bshes gnyen rig pa che bar grags pa de rnams la grol thig gi chos 'khor bskor bas/ dam pa 'di sngon 'gro'i skabs su mdo'i bshad pa/ dngos gzhi'i skabs su rgyud sde'i bshad pa/ khyad par gter chos 'di ga'i rang skad rgyud sde chen po'i grub pa'i mtha' la gnas pa de'i go don bslangs nas bshad pas/ ston tshag pa chen po na re/ da lta mdo sngags la kho bos las sbyangs stobs che ba med snyam pa yin te/ skye ba brgyud nas sbyangs pa dang mi 'dra ba 'dug/ rje btsun dam pa pradz+nyA rasmi kham rang che gsungs/ de phyin nas ting nge 'dzin kho na la dril/ de'i snyan pas sa skya bdag po ma chen pas kyang 'chi med sku gsum 'dus pa'i skor gsan zhing thugs yid 'dres/ de bzhin du bya rgod gshogs su sde 'khrugs chen po sus kyang mi 'dums pa byung ba'ang blang dor ston pa'i lung bstan gyis zhi
- 243b
bas pa Na chen 'bum phrag gsum pa'i sprul pa'i skur yid ches/ rtse gdongs pa sku mched rnams kyis kyang dbang chos mang du gsan/ de nas rje 'bri gung pa zas ngan gyi sbyor bas snun pa na/ dam pa 'di la thugs shin tu rtse bas zhal gdams mang du gnang de sku la ste thabs kyi ngang nas zhing khams 'phos/ phyis 'bri gung phyogs kyi gdung brgyud nas gtsos bu chen thams cad 'dir 'dus/ dgongs pa yang zab ming tsam du 'gro nye'i srog 'thud/ thub bstan rdo rje brag tu lo gsum gyi bcad rgyar bzhugs dus/ slob dpon chen po pad+ma rgyal po'i cha lugs seng+ge la bcibs pa zhig zhal gzigs deng sang 'di na lta ba ma 'khrul pa'i khyad par 'byed shes pa khyod las med pas de'i gnas gsal bar ston cig gsungs pas bden gnyis gsal sgron zhes tshig nyung la don che bar de mdzad/ 'bri gung pa'i dgongs rdzogs su mdo sngags kyi smon lam zhes bstan pa thams cad ma 'dres yongs su rdzogs pa'i gsung rab tshig don bzang po de'ang mdzad/ slar zhabs drung hor bsod nams dar rgyas kyi 'phyongs rgyas su spyan drangs/ pha dang bu phrad pa lta bu'i dgyes pa chen pos ti shir bskur/ grol tig la sogs te zab mo'i gdams pas rjes su bzung / mi 'gyur kun dga' dpal bzang dang / sbrul sku zla ba/ zhig po gar gyi dbang phyug sogs dang yang thugs yid
- 244a
gcig tu 'dres shing chos kyi skyes rgya chen pos phan tshun ngoms res mdzad/ byang bdag po bkra shis stobs rgyal dang yang mjal bas thugs shin tu ches/ re zhig na phreng por sku snang ba zhig byung bas rkyen byas/ shan+ta pu ri'i zhing khams phyi mchod rten la nang gzhal med khang / mkha' 'gro'i grong khyer 'bum tsho gsum gyis bskor/ gzhal yas khang gi khri 'phang 'thon po la dpal po chen po thod pa'i dum bu rtsal na tshod bco lnga pa/ sku mdog sngo sangs shangs zhur dkar po/ dar rin po che brgyan pa/ dpa' bo dang / mkha' 'gro dang / rab byung dang / byang chub sems dpa'i tshogs dpag tu med pa'i mkhor la theg pa sna tshogs kyi chos 'khor bskor ba gcig gzigs shing / ma 'ongs pa na dam pa nyid de'i thugs kar sprul pa bsdu ba lung bstan thob/ des skye ba'i mtha' yang chod/ skye ba snga phyi'i gdul bya'i go mthud chog pa byung gsungs/ karma pa dbang phyug rdo rje phreng por phebs pa dang mjal dag snang mtha' yas pa gzigs/ 'bel gtam mdzad pas thugs lhag par che/ dge bshes rin po che de mkhyen rab bsam gyi mi khyab zer ba de bden par 'dug zhes 'phros don la'ang bsngags pa mdzad/ sprul pa'i sku dkon mchog yan lag dang mjal dus/ drung ram rdza mon pas gsar rnying gi rgyud la dogs gleng mang po mdzad pa la/ lan gab la
- 244b
dbyings che ba 'ba' zhig gi rgyas btab pas/ dza gral grol nas zhabs drung sprul pa'i sku'i gsung nas drung ram par/ gang zag khyad par can de la so sor skye bos rgol ba byas na ljon pa mi nus pa de 'dra 'ong zhes gsung skad/ 'brug pa rin po che chos kyi spyan ldan pad+ma dkar po dang snga phyir mjal/ sa pan gyi dgongs gtad dbu ma rang rgyud par 'dug pa dang / dge 'dun pa'i sku lus phyi ldang nang ldang sogs kyi 'bel gtam zhi ba rgyas su gnang / thugs yid gcig tu 'dres/ lan cig sprul pa'i sku khyed lta bu rtog ge'i chos la dgyes pa mi 'gab/ da steng snying po'i chos kyi 'phel rgya kho na la dgongs pa gtod dgos tshul zhus pas thugs la shin tu bzhugs/ grol thig gis chos kyi bdag por gyur zhing chos skor phal cher gsan pa yin/ 'brug pa rin po che nyid kyi rnam thar du'ang / phreng po nas gter ston dge bshes rin po che dang mjal/ thugs kha shin tu nye chas byung / phyi res shig gang gi slob ma rin po che lha rtse ba la lnga ldan gyi khrid stsal/ tshe ring pho brang dang sdig stengs rnams su/ 'phyong rgyas zhabs drung / bde chen gling pa/ sbrul sku mdo sngags/ rgyal sras rin po che rnams la grol theg dang / mkha' 'gro snying tig/ dgongs pa yang zab rnams kyi bshad sgrub mdzad/ grol dbang la mi stong phrag bdun bdun tshogs pa sha stag dang / me tog gi char
- 245a
'ja' 'od la sogs pa'ang byung / mdo khar du sde pa sku rgyal bas 'dad kyi gral dbur gdan drangs/ rat+na'i gdung rgyud chos rje nor bu pa zhal ngo / las 'phro gling pa'i sku skyes/ lho mon gyi mi khri tsho gsum tsam la chos dang dam rdzas kyi 'brel ba dang sangs rgyas kyi mtshan sgrog pa sogs kyi 'gro don mdzad/ gnas der dgon pa 'debs par zhus pa zhal gyi ma bzhes/ 'phyong rgyas su dbus dwags kyi dmag tshan po ches rgol bar lhags pa/ gshin rje nag po sum sgril gyi dmag bzlog dang bsam yas dpon blon bran du bkol nas bzlog pa mdzad/ sde pa yar rgyab nas sku 'bring ba nyid lo chen bai ros dus kyi tsha rong rgyal mo'i skye ba yin pas mchod yon du 'brel zhing / dbang khrid gdams pa rjes su bzung / mi chen gyi sprin bdag gcig la thugs nang gtsang / spang chung dgon gsar ma lag dang bcas pa'ang phul/ 'di dus ma grub kyis phyogs phul nas dar rgyas chos sdings pa la bka' skyon phog/ dgon gnas dam pa 'di la tha tshig tu bkar nas phul na'ang gzhan la gnod pa rmi lam tsam du'ang thugs la mi dgongs shing / rang dbang dpal gyis chog shes la mnyes pas/ sbrul sku gsung sbrul rang la 'jigs pa dgos zhes nan zhu mdzad pas de dag kyang drin du gzo zhing dad pas yar byon lha khang du 'bul ba dang bcas mjal du byon//
- 245b
bka' 'drin zla med par brtsi/ sne'u gdong gong ma/ mkhar thog khro bo mkhar/ bkra shis rtse/ dpal grong sogs su'ang gdan drangs zhing bsnyen bkur/ chos rje snang gsal skang pa dang / mdo khams/ go 'jo// ka thog/ nyag re/ cong zhi/ rgyal rong sogs nas byon pa'i bla ma rnams so sor smin grol gyi gdams pas tshim par mdzad/ lar skyes bu chen po 'di dben pa 'ba' zhig la mnyes pas gang du yun ring ba tsam gtan chags pa de dag der yang sku mtshams gtso bor 'don/ rnam pa kun tu snga dgongs kyi thugs dam la che gnyen dang thugs brel ci lta bus kyang gseng mi nus/ nyin gung gi cha la'ang bstan 'gror sman pa'i bya ba las kyi 'khor lo de dang de stabs gcig tu mdzad de thugs dam kho na'i ngang du bzhugs pa las gdul bya'i snang ba dag pa rgyu mtshan du mdzad pa'i bag g.yangs su lar mi bzhugs/ slob ma'i bya ba la thugs bskyed shin tu che bas 'o rgyal ji lta byung yang de dang de'i re ba 'phral 'phral du bskong ba las/ zhu sna ma 'phros pa dang chos skyugs kyi ngangal gra tshogs gsog pa rgyal ba'i rnam mthar mi skyong / che gnyen su 'dra'i 'thad du'ang rten 'brel sgrigs phyogs dang lung bstan sogs la bsnyad pa'i ngo dga' dang phye 'thor mdzad pa mi srid/ mkhas pa dang grub pa'i ngo nas dpyod ldan thams cad kyi rjes su yi rang bar mngon
- 246a
par bstod cing / bla dpon che gnyen mang po'i ti shir gyur kyang khengs pa dang dregs pa'i gzi byin rngom pa mi mdzad/ 'phral sku la bcang ste yul ring du bsdad kyang thugs kyi gting mi lon zhing gnang spyod log pa'i the tshom tsam yang mi mnga'/ rnam thar gsol 'debs las/ grol byed rlung sems rtsa dang thig le'i gnad/ zhugs gnas thim gsum dbu ma'i lam dag pas// ro rkyang mdud grol sa bcu rim gyis bgrod// tha mas gtsug tor mchog grub gsol ba 'debs// zhes rdo rje'i gnas chen po'i nye rgyu'i lam gnad du song bas sku na mthon por song nas kyang / sku la gnyer bag dang skra dkar med cing gzhon sha chags/ nang gi rtsa mdud grol bas chos kyi tshig don zab cing gting dpag dka' ba'i gnas 'grel pa la snying po med gzhan rgyud kyi bsam pa mkhyen pas ma 'ongs mngon sum du lung ston pa dang / 'ga' dang 'gas nyams pa'i slad du brtag pa zhus pa'ang mngon sum du gtan la phebs pa dang / tshogs pa 'joms che sar/ khyed rang rnams kyi sku tshe'i smad la glo bur gyi rgyal po stobs can zhig gis dbus gtsang thams cad dbang bsgyur ba 'ong / de nas rim par sems can gyi bde skyid dman pa yin/ zhes sde srid gtsang ba'i las don rgyug pa dang / de bzhin du sde pa 'phyong rgyas pa nyid srid la thal bar dbyug pa
- 246b
dang / sog po gu shri'i dmag gis dbus gtsang khams gsum sogs mi rabs mang po'i rjes kyi gter lung thig khegs pa lnga pa chen pos kyang rnam thar la 'dren pas mdzad/ de bzhin du drag po mngon spyod kyi las gdeng du gyur pas 'phyong rgyas pa'i gdung la dam sri rgyal bur rdzus pa gdong phyed la sha lpags bral ba zhig byung ba rang byung ba rang gter gshin rje'i sgrub pa mdzad pas bdun phrag gnyis la rnam shes dengs su bcug pa sogs brjod kyi ga na ldang / lar 'phyong rgyas zhabs drung hor bsod pa de lha sras dpal gyi 'byung gnas kyi skye bar lung gis zin cing dad stobs bsam gyi mi khyab pas gsang sngags rnying ma'i dge 'dun gyi sde zhig 'dzugs par nan gyis bskul yang / lnga brgya'i tha mar gyur pas gra sa gra tshang gi gnas dag kyang sbyor ba lhod por gyur pa'i nyes dmigs gzigs nas zhal gyi ma bzhes pa'i thog tu gshegs/ de'i sras hor bsod nams stobs rgyas kyi yab kyi dgongs pa rdzogs slad dang / rang gi bzhed pa stabs gcig pas nan ltar gsol ba btab pa la brten nas 'phyong rgyas dpal ri theg pa chen po'i gling 'di gsar du btab/ spyi rdzas dang mchod gzhis gtsug lag khang gi 'du 'god thams cad zhabs drung 'phyong rgyas pa rang gi bla nas sbyar/ sdig steng rin chen ngag dbang 'od zer mkhan por bskos nas dam
- 247a
/ pa'i chos 'dul ba la legs par gnas pa'i dpya khrims dang / gzhi gsum gyi cho ga'i phyag len la gnas pas phyi ru 'dul ba'i kun tu spyod pa nyams su bstar zhing / nang du gsang sngags rdo rje theg pa'i smin grol rab 'byams las/ grub mtha'i gzhung rgyal ba klong chen pa'i shing rta chen mo rtsa 'grel gyi slong zhing / nyams len gter kha gong 'og dang / yab sras gnyis kyi gter chos/ snying thig ya bzhi bla ma dgongs 'dus la sogs pas gzhung srong bar bstan nas rim gyis snga 'gyur bka' ma'i rgyud sde'i lam srol chen po ston par bzhes kyang / sde dpon phan tshun mi 'dza' ba'i kun slong gis gsol ba'i snang gzhis lo gcig gi khong du zhi bar brnal bas bstan pa mtha' rgyas kyi rten 'brel la cung zad gzhar/ de lta na'ang don gyi theg pa rim dgu'i grub mtha'i rnam bzhag du dpyis phyin pa rgyal ba klong chen pa'i gzhung gi slong zhing / rnal 'byor du bya ba'i gan la yo ga gsum ka'i zab cing rgya che ba'i ngo bo ma 'khrul zhing mi bslu ba gter kha gong 'og bla ma dgongs 'dus 'grel pa'i thig le la sogs pa dang / rig pa rang shar gyi rgyud don la bye brag tu 'jug pa dgongs pa yang zab rnams mdo sgyu sems gsum ka'i rgyud sde la don gyi ston pa sangs rgyas pad+ma'i ring lugs ma nor ba zhes bya'o// zhabs drung 'phyong rgyas pas sems nyid ngal
- 247b
bso rtsa 'grel sbar gyi sgo phye ba'i gtam la'ang / 'gro ba lha dang bcas pa'i ston pa dpal kun tu bzang po de nyid kyis rang gis bdud rtsi brnyes pa'i go 'phang la gdul bya rnams dngos sam brgyud pas/ dkri bar bzhed nas/ rgyu dang 'bras bu'i theg pa ji snyed gcig gsungs pa de thams cad kyi don snying por dril ba ni mdo sngags thams cad gang zag gcig 'tshang rgya ba'i lam gyi lus yongs su rdzogs par ston pa'i bstan bcos 'di nyid kun mkhyen ngag gi dbang pos ched du spel bar mdzad pas/ spyir rgyal ba'i bstan pa la zhugs so cog dang / khyad par snga 'gyur bar khas che ba rnams kyis bskyed rim tshig rkyang tsam dang // rdzogs rim sna re'i nyams myong cung zad kyis yid tshim par byas na/ de dag lam ltar snang dang yang dag pa yin min kyang mi shes shing / rgyal rang gi rgyud la myong ba rnal ma zhig skyes na'ang lkugs pa'i rmi lam ltar gzhan la 'doms pa'i mthu med pa dag gis gsar rnying gi bstan pa mtha' dag nyams dmas pa la mkhas shing grub pa rnams kyis 'khu zhing gshung ba dang / gal te mdo sngags kyi gzhung lugs rgya chen po la slob pa ni snyigs ma lnga bdo ba'i dus 'dir gshis kyi dka' ba la dgongs nas 'di ni mdo brgyad dang rgya zhung rtsod pa dang bral ba rnams kyi lung ji ltar bkral bas/ blo gros dang ldan pa dag gis sam rkang
- 248a
tshugs pa'i rtog dpyod kyi mig zhib mos go ba'i gting phyin par bltas tshe/ dpyad pa yongs su rdzogs pas na lam gyi rim pa 'di nyid la nges pa gting nas 'grongs shing / de'i tshul la gnad du bsnun nas nyams su blangs nas rgyal ba sras dang bcas pa dgyes pa'i 'phrugs med kyi myur la ngo mtshar rmad du byung ba yin zhes/ rje btsun dam pa pradz+nyA rasmi'i gsung gi gsang bas lan cig ma gsan par bsnyad pa la brten nas/ chos bzhin du skyong ba mi'i dbang po bsod nams stobs kyi rgyal pos/ nyid kyi yab rje'i dgongs pa bkang ba dang / snga 'gyur gyi bstan pa rin po che 'phel rgyas kyi phyir/ 'khor lo/ gsum la lhur byed pa'i dge 'dun gyi sde gtsugs shing / de dag gi 'tsho ba blangs nas sbyong ba dang / smin grol lam gyi cha lag tshes bcu chen mo'i phyag bzhes kyi srol/ de dag gi chos sogs gzhan gyi blos dpag par dka' ba'i rgyun dang / bstan bcos 'di nyid kyi glegs bam grangs med du 'char ba'i phyir bar du bzhengs te bstan pa'i btsas su bzhag pa yin la zhes so// rgyu des sems nyid ngal gso rtsa 'grel dang / gsang ba'i snying po/ 'grel pa phyogs bcu mun sel sogs blo ma 'doms par byed pa'i rgyun da lta'i bar du'ang gnas pa tsam mo// de ltar dgon gnas bskrun te yun ring ma song ba las/ de bzhin
- 248b
gshegs pa la bdud sdig to can gyis bskul ba bzhin du sku mya ngan las 'da' bar bzhes nas rjes 'jug rnams la zhal thems su/ nged kyi phung po 'di sa 'bul zhig tu bzhag na mthar nor bu dbyig tu 'gyur cing / bod 'bangs bde ba dang mtha' dmag bzlog pa'i rten 'brel yod de dus dbang gis cir 'gyur cha med/ de bas dum bur byas te yar rgyab gtsang po'i chu la spungs na kong po rgyal yan chod kyi sems can la phan te mi nus/ dus kyi dbang las bstan pa 'phel rgyas yod ba gshis kyi dka'/ dge 'dun rnams rang rang gi bstan pa sgo drung nas ma nub par gyis la dge bem re gyon/ gtso bo thos bsam sgom pa la 'bad 'bungs thon/ phral bya ba gang thangs rang gyis/ dka' thug 'dis da la rten chud 'dza' bas 'tsho ba gyi na tsam re bstan/ sdom pa gsum la nyes ltung gi dri mas ma gos par brtson 'grus drag po 'bad// gnyen pos rkyen thub pa dang / dad pas khams gsos pa dang / 'gro rnams pha mar shes pa'i nyams len la 'brangs/ nga dang phrad par 'dod pa rnams grol tig dgongs pa rang grol dang / be bum gyi man ngag rnams la nyams len mdzod/ ces gdams/ dag pa'i gsal snang dpag tu med pa gzigs/ khyad par nyin gcig dus kyi 'khor lo'i mngon dkyil rdzogs par gnang nas dbang mdzad pas/ dge slong 'bri
- 249a
gung pa na re/ lo dus na gnang ba e yin zhus pas/ de 'dra byed pa med/ cho ga bzung yang ma myong / de ring byang sham+b+ha la'i snang ba mu mtha' med par shar nas skyes po'i tshogs mang pos gsol ba 'debs pa la de ltar byas pa yin/ lar zhing khams mang por dbang dang byin brlabs bgrangs las 'das pa byas pa'i snang ba dang / gsal snang 'ba' zhig las snang ba rang tshan par 'char gyi mi 'dug/ de res kyi nad 'di sdig sgrib dag pa 'dra gsungs/ yang kun gyi mthong sar byis pa gcig byung / ci lags zhus pas/ chu bar nas nga phrad pa la byon pa yin/ 'bri gung a phyi dang / bstan skyong ma sogs bod kyi lha 'dre che dgu ngos phrad pa la byon gyi 'dug/ lha 'dre rnams phyi thag ring bas sdug bsngal chen po 'dug gsungs/ de nas chu sbrel hor zla drug pa'i tshes bcu'i nyin dgongs pa 'pho bar bzhed pa la/ gnyags dz+nyA na ku ma ra'i sprul par lung gis zin pa rgyal sras karma kun bzang yum sras sogs kyi mya ngan las mi 'da' bar gsol ba btab pas/ sangs rgyas kyi sku tshe'i 'du byed ni btang / 'tsho ba'i 'du byed ni bsrings pa bzhin du 'o na zhag gsum bsdad do gsungs nas tshes bcu gsum gyi snga zhogs kun gyi mthong bar nam mkha'i dbyings nas 'ja' tshon chen po sna lnga'i dra bas sbrel/ sa chen po 'di yang mya ngan gyis gdungs pa'i
- 249b
cho de'i sgra 'ur gyi 'don/ skyes bu chen po 'jig rten du mi bzhugs pa la yid rab tu skyo nas/ 'dir zhing g.yo ba'i sgra chen po dang bcas/ dpal ri pad+ma 'od kyi nub phyogs/ bde ba chen po shan+ta pu ri'i grong khyer ga na ba der dpal po chen po thod pa'i dum bu rtsal gyi thugs kar thim par gyur to// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgud 'bum rin po che'i rtogs pa brjod pa 'dzam gling za grur khyab pa'i rgyan zhes bya ba las/ rdo rje theg pa snga 'gyur gyi phyogs la mkhas pa dang / grub pa brnyes pa'i skyes bu bsam gyi mi khyab pa zhig byon pa las/ mdo sgyu sems gsum gyi bstan pa la bshad sgrub kyi sgo nas bya ba mdzad pa grags che ba dag gtso bor smon pa'i skabs te/ rab tu byed pa lnga pa'o// spyi don drug pa ched du bya ba dam pa'i chos kyi rnam par bzhag pa la/ chos kyi sgra 'jug pa'i yul spyir bshad pa dang / de las dam pa'i chos bye brag tu bshad pa'o// dang po la'ang gnyis las/ sgra'i don gyi bshad pa ni/ legs par sbyar pa'i skad du d+harma zhes byung ste/ de ni Tud+d+hiny+tsa 'dzin pa la'o zhes bya ba'i byings las skyes pa'i phyir 'dzin byed kyi don la 'jug go/ gang 'dzin na/ shes bya thams cad pa'i rang dang spyi'i mtshan nyid rnams 'dzin pas gzugs nas rnam
- 250a
pa thams cad mkhyen pa'i rang rang gi mtshan nyid gang yin pa de dang der 'dzin par byed pa ste/ 'di ltar gzugs kyi mtshan nyid gzugs su rung bar 'dzin par byed nas rnam pa thams cad mkhyen pa'i mtshan nyid chos thams cad mngon sum du byed do// zhes bya ba lta bu'i bar gyis mtshan nyid thams cad 'dzin par byed do// de bzhin du 'dus byas kyi mtshan nyid mi rtag par 'dzin pa nas/ zag pa dang bcas pa thams cad ni sdug bsngal bas/ chos thams cad ni bdag med pa/ myang ngan las 'das pa ni zhi ba'o// zhes bya ba lta bu'i mtshan nyid thams cad 'dzin par byed pas na/ chos zhes bya ba'i nges tshig ni 'dzin par byed pa'i don du bzung ngo // gnyis pa dbye ba ni/ rnam bshad rigs pa las/ chos ni shes bya lam dang ni// mya ngan 'das dang yid kyi yul// bsod nams tshe dang gsung rab dang // 'byung 'gyur sa dang chos lugs la'o// zhes de lta bu'i sgra 'jug pa'i yul rnam pa bcur bstan pa'o// ji ltar 'jug na shes bya la 'jug pa ni/ dper na chos gang la 'dus byas sam 'dus ma byas zhes bya ba lta bu ste shes bya'i chos su gtogs pa rnam pa thams cad pa la mkhas par bya ba nas/ chos lugs la 'jug pa lugs kyi chos dang rigs chos yul chos dang rigs chos zhes bya ba lta bu gang yin pa de dang de'i rjes su mthun
- 250b
bya ba nyid kyi bar sngon gyi mkhas pa rnams kyis bkral ba bzhin no// gnyis pa dam pa'i chos kyi rang bzhin bye brag tu bshad pa la/ mtshan nyid dang / sgra don dang / rab tu dbye ba gsum mo// dang po mtshan nyid ni/ rnam bshad rigs pa'i bcu po de las/ bsod nams dang / lam dang / mya ngan las 'das pa gsum brjod bya'i don nyid du bzung nas/ gsung rab ni brjod bya'i tshig tu byas pa dam pa'i chos/ gang la dmigs nas srid pa'i sdug bsngal rgyu dang bcas pa mthar 'byin par byed pa'i thabs su gyur pa gang yin pa'o// de la'ang brjod bya dang rjod byed kyi mtshan nyid la ltos nas lung dang rtogs pa'i dam chos gnyis su gnas pa ste/ mdzod las/ ston pa'i dam chos rnam gnyis ni// lung dang rtogs pa'i bdag nyid do// zhes so// de la lung gi chos ni rtogs pa'i don la 'jug par byed pa brjod pa phun sum tshogs pa'i dam chos te/ de la'ang 'jig rten pa'i mngon brjod dang / 'jig rten las 'das pa'i mngon brjod ming gi rnam pa tha dad du dbye ba'ang byung ste/ snga ma ni brtag pa brgyad la sogs pa'i gtam sna tshogs pa ste 'khor ba dang chos mthun pas de skad ces bya ste/ shes rab brgya pa las/ mi yi chos lugs legs spyad na// lha yul bgrod pa thag mi ring // lha dang mi yi them skas la// 'dzegs na thar pa gam na yod// ces pa ltar//
- 251a
dngos su mngon par mtho ba'i rgyu'i gtso bo las ma smos kyang / brgyud nas rtogs pa'i chos la 'jug pa'i dbang gis so// phyi ma ni gsung rab yan lag bcu gnyis te/ chos nyid rtogs par byed pa'i rgyu mthun nam/ chos dbyings rtogs par byed pa'i rgyu mthun las byung bas de skad ces bya ste/ mya ngan las 'das pa'i mdo las// chu bo chen po rgya mtshor bab/ 'bab/ gzhol ba de bzhin du/ chos thams cad mya ngan las 'das par bab/ 'bab/ gzhol zhes gsungs so// de'i 'bras bu rtogs pa'i dam pa'i chos de la'ang / gang 'dod chags dang bral bar gyur pa dang / gang gis 'dod chags dang bral bar byed pa'i mtshan nyid kyi dbye ba rnam pa gnyis su gnas te/ mgon po byams pas/ gang zhig gang gis chags bral ba// bden gnyis mtshan nyid can de dngos// chags bral nyid kyi 'gog pa dang // lam gyi bden pa dag gis bsdus// zhes 'gog pa'i bden pa'i dam pa'i chos dang / lam gyi bden pa'i chos rnam pa gnyis phan tshun 'bras bu dang / bya ba'i rang bzhin du gnas pa'o// gnyis pa sgra don spyir bshad pa ni/ legs par sbyar ba'i skad du sarba d+harma zhes 'byung ba gangs can pa'i skad la dam pa'i chos zhes bya ste/ de la dam pa ni/ ston pa bden par gsung ba yin la/ chos ni des gsung ba yin pa'i phyir dam pa'i chos zhes
- 251b
pa'o// gzhi mthun par smra na dam pa ni mchog tu gyur pa yin la chos kyang de'i rang bzhin yin pas so// bye brag tu bshad na/ su b+hA Shi ta zhes pa legs par gsungs pa ste/ ji lta bus legs par gsungs na/ tshig dang don phyin ci ma log par yang dag par gsungs pa'i phyir mdo las bcom ldan 'das kyi chos legs par gsungs pa/ yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyi rang gi rig par bya'o// zhes mya ngan las 'das pa'i go 'phang dam par sbyor bas yang dag par gsungs pa/ de'i don ji bzhin par mthong bas yang dag par mthong ba/ nyon mongs pa bag la nyal gyi gnyen por gyur pas nad med pa dus thams cad du bya sla ba'am/ yongs su nyams pa med pa'i phyir dus chad pa med pa/ sdug bsngal gyi rgya mtsho las nges par 'byung ba nye bar gtod pa'i phyir nye bar gtod pa/ drang srong chen po rgyas pa dang grog mkhar ba la sogs pas byas pa'i gzhung mthar thug snying po med pa de dag dang thun mong ma yin pas 'di mthong ba la don yod pa/ rtog sa brtag pa mi nus pa'i phyir mkhas pa rnams kyi rang gi rig par bya'o/ de dag gi don yang bdag cag gi ston pa'i lugs kyi sems can gyi khams 'dod chags bdo ba dang / zhe sdang bdo ba dang / gti mug
- 252a
bdo ba dang / nga rgyal bdo ba dang / phra dog bdo ba dang / thams cad bdo ba rnams 'dul ba'i thabs dang yon tan yang dag par bstan pa kho na yin ste/ phyi rol pa dag gi 'dul ba ni nyes par bstan pa nyid kyis legs par gsungs pa ma yin pa dang / rdzogs pa'i byang chub tu 'gro bar mi 'gyur ba nyid kyis nges par 'byung ba ma yin pa dang / 'dul ba dang mi ldan pa nyid kyis mthun pa ma yin pa dang / ston pa de bzhin gshegs pa la sogs pa ma yin pa nyid kyis brten pa med pa'o// de'i phyir/ bcom ldan 'das kyi legs par gsungs pa'i chos 'dul ba ni legs par bstan pa/ nges par byung ba/ rdzogs pa'i byang chub tu 'gro bar byed pa/ mi mthun pa med cing 'dus pa dang ldan pa/ rten pa yod pa zhes khyad par gyi chos bgrangs pa yin no// de las gzhan du gyur pa dag gi ni slob dpon dbyig gnyen gyis/ tshig 'bru bzang min don bzang min// grol dang rigs pa'i thabs ma yin// snga ma phyi ma 'gal ba yin// de bzhin bsdu ba bzhi dang ni// bstan pa bzhi dag spangs pa dang // ston pa'ang ston pa'i mtshan nyid med// de ltar gzhan gyi bstan bcos dang // slong ma bstan pa skyon can yin// zhes pas gang gi ston pa'i ston pa dang / des bstan pa'i chos kyi yon tan gzhan las khyad par phye ba'o// gsum pa rab tu dbye ba
- 252b
la lnga ste/ brjod bya dang / rjod byed dang / gnyen po dang / gdul bya dang / bdag rkyen gyi sgo so so nas dbye ba'o// dang po brjod bya'i sgo nas dbye na/ bden pa gnyis ste/ rtsa sher las/ sangs rgyas rnams kyi / chos bstan pa// bden pa gnyis la yang dag bstan// zhes so// de nyid kyang mdor bsdus na/ drang nges kyi ngo bor gnas pa yin te/ 'phags pa blo gros mi zad pas bstan par/ kun rdzob sgrub pa ston pa ni drang pa'i don to// don dam sgrub pa ston pa ni nges pa'i don to// zhes so// gnyis pa rjod bya'i kyi sgo nas dbye na gsung rab yan lag bcu gnyis te/ brgyad stong 'grel pa snying po mchog las/ mdo sde dbyangs bsnyad lung bstan dang // tshig bcad ched brjod gleng gzhi dang // rtogs brjod de lta bu byung dang // skyes rabs shin tu rgyas pa dang // rmad byung gtan la dbab pa'i sde// gsung rab yan lag bcu gnyis so// zhes pas mdo'i sde ni tshigs bcad lcug gi mdo mdor smos nas/ rnam par bzhag sla ba dang / bshad sla ba dang / gzung sla ba dang / chos la gus pas tshogs rdzogs par byed pa dang / chos nyid myur du rtogs par 'gyur ba dang / sangs rgyas la shes nas dad pa thob pa dang / chos dang dge bdun la shes nas dad pa thob pa dang / mthong ba'i chos la bde bar gnas pa'i mchog la reg pa dang / 'bel gtan gyi gtan la
- 253a
'bebs pas dam pa rnams kyi sems mgu bar byed pa dang / mkhas pa mkhas pa zhes bya ba'i grangs su 'gro ba'i phan yon bcu gzigs nas mdor gsungs pa'o// dbyangs kyi bsnyad pa'i sde ni/ bshad bya de nyid kyi bar dang mtha' ma dag tu tshigs su bcad pa'i dbyangs kyis bsnyad pa'am/ brtag par bya ba'i gnas gzhan da dung yod pas drang ba'i don du gsung ba'i mdo sde gang yin pa'o// lung du bstan pa'i sde ni/ 'das pa dang ma 'ongs pa la sogs byung dang 'byung 'gyur rnams lung du ston pa gtso bor smos pa'am/ dgongs pa rnam par phye nas lung ston par byed pa nges pa'i don du gsung ba gang yin pa rnams so// tshigs su bcad pa'i sde ni/ gang zhig rkang pa gnyis pa'am gsum pa la sogs te rkang pa drug pa'i bar du tshigs su bcad par sdebs nas gsungs pa gang yin pa rnams so// ched du brjod pa'i sde / gzhan gyis zhu ba la ma ltos par bstan pa gnas pa 'ba' zhig gi phyir/ bcom ldan 'das nang du yang dag 'jog las bzhengs te dge slong gi dge 'dun rnams la ched du brjod pa 'di ched du brjod do zhes pa lta bu'o// gleng gzhi'i sde ni/ 'ga' dang 'ga' la ched du gsungs pa'am/ gzhi 'di dang / skabs 'di dang / byung ba 'di'i tshe bslab pa 'di ltar bcas pa lta bu la bya ste/ sgra sbyor bam po gnyis pa las//
- 253b
mdo sde dang 'dul ba la sogs pa thog ma ci las byung glengs te bshad pa dang / zhes pa la sogs pas mtshon to// rtogs pa brjod pa'i sde ni/ nyan pa pos don dpyis phyin par go zhing mtshan nyid rtogs par bya ba'i phyir sngon rabs kyi gtam rgyud gzhan la brtsams pa'i dpes chos kyi don gsal bar ston pa rnams so// skyes pa rabs kyi sde ni/ bcom ldan 'das kyi sngon byang chub sems dpa'i spyod pa rgya mtsho la zhugs pa'i tshe/ gang dang gang du skye ba'i myu gu bzung ba dang / dka' thub kyi spyod pa ci dang ci mdzad pa ston pa rnams so// shin tu rgyas pa'i sde ni/ skyes bu chen po'i lam byang chub sems dpa'i sde snod kyi sa dang pha rol tu phyin pa la sogs pa shin tu rgya che ba dang / zab pa'i rnam pa ston pa rnams so// rmad du byung ba'i sde ni/ gang las nyan thos dang byang chub sems dpa' dang / rdzogs pa'i sangs rgyas kyi mkhyen pa dang rdzu 'phrul dang / byin brlabs la sogs pa ngo mtshar rmad du byung ba ston pa'i chos rnams so// gtan la dbab pa'i sde ni/ chos thams cad rang dang spyi'i mtshan nyid kyis gtan la 'bebs pa'i sgo nas mdo sde la sogs pa'i don yang dag par bstan pa rnams so// gsum pa gnyen po'i sgo nas dbye na sde snod gsum te/ spyi'i nges tshig dang / so so'i rang bzhin dang / sde snod gsum du 'jog pa'i rgyu mtshan no// dang po ni//
- 254a
legs sbyar gyi skad pi Ta ka zhes 'byung ngo // de nyid bsgyur na gong bu'am/ bsdus pa'i don la 'jug ste/ shes par bya ba'i chos sam/ bslab par bya ba'i chos thams cad brjod bya 'di nyid du bsdus pa'i phyir sde snod de/ dper na grong khyer ma ga d+ha'i bre bo che'i nang du/ bre'u chung mang po 'dus pa'am/ chud pa'i don gyis snod du ming gis 'grub pa ltar/ sde snod gsum po 'dir gsung rab yan lag bcu gnyis kyi don dang tshig gi tshogs ma 'dus pa med pas sde snod ces bya'o// de skad du rten dang brten pa la sbyar na/ slob dpon thogs med kyis/ yang na phung po dang / khams dang skye mched kyi chos nas sku dang ye shes la sogs pa'i bar gyi shes par bya ba'i don thams cad 'dus pas de'i phyir sde snod ces bya'o// zhes gsungs so// ji ltar bsdu na/ dang po lnga nyan thos kyi mdo sde'i sde snod dang / bar pa gsum nyan thos kyi 'dul ba ste/ de'i yang gleng gzhi'i sde ni ltung ba bslab bya dang bcas pa ston pa'i phyir na gtso bo'i tshul dang / rtogs pa brjod pa'i sde dang / de lta bu byung ba'i sde ni de'i grogs su gyur pa yin pas 'khor gyi tshul du 'dod pa'o// tha ma bzhi las/ skyes pa rabs kyi sdes byang chub sems dpa'i 'dul ba'i sde snod kyi 'khor dang / shin tu rgyas pa dang rmad du byung ba gnyis kyi byang chub sems dpa'i mdo sde'i sde snod dang /
- 254b
gtan la dbab pa'i sde ni nyan thos dang byang chub sems dpa' gnyis ka'i thun mong du gyur pa chos mngon pa'i sde snod du bzhag pa yin la/ rang sangs rgyas la ni sde snod logs su gyur pa med de nyan thos kyi sde snod la dmigs pa yin no// gnyis pa so so'i rang bzhin la// mtshan nyid dang / mtshan gzhi dang / nges pa'i tshig gsum las dang po mdo sde'i sde snod kyi mtshan nyid ni/ lhag pa sems kyi bslab pa brjod bya'i gtso bor gyur pa'i gsung rab kyi rigs su gtogs pa'o// gnyis pa mtshan gzhi ni/ sher phyin stong phrag brgya pa la sogs pa rnams so// gsum pa nges tshig ni/ legs par sbyar ba'i skad du sU tra zhes bod skad du mdor smos pa ste/ mdo sde rgyan las/ gnas rnams dang ni mtshan nyid dang // chos don smos phyir mdo yin no// zhes pa ltar/ sa yul gang du bshad pa dang // gang gis bshad pa dang / gang gis phyir gsungs pa dang / smos pa'i phyir gnas dang / bden pa gnyis kyi mtshan nyid smos pa'i phyir mtshan nyid dang / phung po dang / khams dang / skye mched dang / rten cing 'brel bar 'byung ba la sogs pa smos pa'i phyir chos dang / de rnams kyi dgongs pa'i don smos pa'i phyir don te thams cad tshogs pa'i tshul du gsungs pa'i phyir mdo zhes bya la/ de dag ston par byed pa'i gsung rab kyi tshogs su gyur pa'i phyir sde zhes bya ba yin/
- 255a
no// gnyis pa mngon pa'i sde snod la'ang gsum/ dang po mtshan nyid ni/ lhag pa shes rab kyi bslab pa brjod bya'i gtso bor smos pa'i rigs su gtogs pa'o// gnyis pa mtshan gzhi ni/ mngon pa sde bdun la sogs pa rnams so// gsum pa nges tshig ni/ legs par sbyar ba'i skad du a b+hi zhes 'byung ste/ a b+hi mu khya zhes mngon du phyogs pa dang / a b+hi k+Sha na zhes pa yang yang dang / a b+hi b+hu zhes pa zil gnon dang / a b+hi sa ma ya zhes pa rtogs pa ste/ rgyan las/ mngon du phyir dang yang yang dang // zil gnon rtogs phyir mngon pa'i chos// zhes pas zhi ba dam pa myang 'das la mngon du phyogs pa'i chos byang phyogs dang mthun pa dang / rnam par thar pa'i sgo la sogs pa ston pas mngon du ba dang / phung po khams dang skye mched la sogs pa'i chos re re la'ang bstan du yod pa dang / bstan du med pa la sogs pa'i bye brag mang po yang dang yang du ston pa'i phyir yang yang dang / brtsad pa dang brtsad bya'i gzhi la sogs pa smra ba la rnam par nges pas phas rgol zil gyis gnon pa'i phyir zil gnon dang / ji snyed pa'i mdo sde'i shes bya'i don nor ba med par rtogs pa'i rgyur 'gyur ba'i phyir rtogs pa sde rnam pa bzhi po de dag gi don la 'jug pa'i sde snod yin no// gsum pa 'dul ba'i sde snod la'ang dang po mtshan nyid ni/ lhag pa tshul
- 255b
khrims kyi bslab pa brjod bya'i gtso bor gyur pa'i gsung rab kyi rigs su gtogs pa'o// gnyis pa mtshan gzhi ni lung sde bzhi la sogs pa'o// gsum pa nges tshig ni 'dul ba la legs par sbyar ba'i skad du bi na ya zhes pa 'byung gi/ bi brti rnam par ltung ba dang // bi ni sh+tsa ya rnam par nges pa ste/ rgyan las/ ltung dang 'byung dang ldang ba dang // nges par 'byung ba gang zag dang // bcas pa dang ni rab dbye dang // rnam par nges phyir 'dul ba nyid// ces ltung ba phas pham pa dang / dge 'dun lhag ma dang / nyes pa sbom po dang / ltung byed dang / so sor bshags pa ste ltung ba rigs lnga'o// de dag gang las 'byung ba'i rgyu ni/ thogs med kyis/ ltung ba 'byung ba'i sgo ni mi shes pa la sogs bzhir bshad do// ltung ba las sdang ba'i thabs ni/ phyin chad mi bya ba'i sdom sems kyi ldang ba'o// ltung ba las nges par 'byung ba'i thabs ni// so sor bshags pa la sogs de'i gnyen po bdun ston pas nges par 'byung ba ste/ chos rnam pa bzhi ston pas 'dul ba yin la/ gzhan yang gang la brten nas bslab pa'i tshig bca' ba'i gang zag dang / gang ga gi nyes pa gsol nas ston pas dge 'dun la bslab pa bcas pa dang / de mdor bstan pa las rab tu dbye ba dang / ltung ba dang ltung ba ma yin pa rnam par nges pa ste rnam grangs bzhir 'byung ba'i phyir yang
- 256a
'dul ba yin no// gsum pa sde snod gsum du 'jog pa'i rgyu mtshan ni/ rgyu rnam pa dgu ste/ 'di ltar spang bya gsum yin pa dang / bslab bya gsum yin pa dang / shes bya gsum yin pa'o// dang po spang bya nyon mongs pa gsum gyi snying por sde snod gsum du bzhag pa ni/ 'di ltar nye ba'i nyon mongs pa the tshom gyi snying por mdo sde'i sde snod rnam par bzhag ste/ mdo sde gang las phung khams skye mched dang / rten cing 'brel 'byung dang / sa dang pha rol tu phyin pa'i don gang la yid gnyis su gyur pa de la gdon mi za bar bya ba'i ched du bshad do// 'dod pa bsod snyoms kyi mtha' dang / ngal zhing dub pa'i mtha' gnyis la sbyor ba'i gnyen por 'dul ba'i sde snod rnam par bzhag ste/ tshegs dang rtsol bas byas shing / srid pas kun nas spangs pa'i gsog 'jog kha na ma tho ba bkag pa 'dod pa'i bsod snyoms kyi mtha' spong ba dang / nges par 'byung ba'i tshul khrims yang dag pa dang ldan pa'i dge slong gis kha na ma tho ba ma yin pa'i yongs su sbyang pa lhag par rnyed nas kha zas ro brgya pa dang / khang brtsigs mig lnga brgya pa'ang zhen med du spyod par gnang ba ngal zhing dub pa'i mtha' spong bar ston pa te/ bcom ldan 'das kyi dge slong tshul khrims dang ldan pa dang / yon tan dang ldan pa la ni ngas kha zas ro brgya dang ldan pa dang / gos 'bum ri
- 256b
ba yang gnang ngo zhes pas so// rang gi lta ba la mchog tu 'dzin pa'i gnyen por mngon pa'i sde snod rnam par bzhag ste/ chos thams cad kyi ma mo gang gis shes bya ma lus pa'i rang dang spyi'i mtshan nyid phyin ci ma log par gtan la phab nas rgya cher ston pa'i phyir ro// gnyis pa bslab par bya ba rnam par byang ba'i lam gsum gyi dbang gi sde snod gsum du rnam par bzhag ste/ 'di ltar rjod byed gsum po de dag gis brjod bya bslab pa gsum ci rigs par bstan pa ni/ mdo sde'i sde snod kyis ni theg pa che chung gnyis ka'i bslab pa gsum gyi gnas rgyas par dbye ba'i sgo nas gdul bya rnams don de la yang dag par sbyor ro// 'dul ba'i sde snod kyi ni so sor thar pa'i sdom pa'i bslab bya la slob pa'i tshul rgya cher bstan pa'i sgo nas gdul bya rnams kyi rgyud la tshul khrims kyi phung pos yongs su 'doms par byed pa dang / de las 'da' ba ma yin pas 'gyod pa dang bral ba la sogs pa rim gyis sems rtse gcig pa thob pa'i phyir lhag pa'i tshul khrims kyi bslab pa dang / lhag pa'i sems kyi bslab pa la yang dag par sbyor bar byed do// chos mngon pa'i sde snod kyi ni gang brjod par bya ba'i mtshan nyid ma 'khrul par rgya cher bstan pa'i sgo nas chos rab tu 'byed par byed pa'i blo gros dri ma spangs pa sgrub pa'i phyir lhag pa'i shes rab kyi bslab
- 257a
pa la yang dag par sbyor bar byed do// mdor bsdu na/ dbyig gnyen gyis/ mdo sdes ni bslab pa gsum bshad do// 'dul bas ni bslab pa tshul khrims dang lhag pa'i sems bsgrub pa yin te/ tshul khrims dang ldan pa ni 'gyod pa med pa la sogs pa'i rim gyis ting nge 'dzin 'thob pa'i phyir ro// chos mngon pas lhag pa'i shes rab sgrub pa yin te/ don phyin ci ma log par ston pa'i phyir ro// zhes bshad do// gsum pa shes par bya ba gsum ni/ chos don bshad pa dang / chos don sgrub pa dang / chos don 'bel gtam gyi gtan la 'bebs pa'i dbang gi sde snod gsum du rnam par bzhag pa ste/ 'di ltar mdo sde'i sde snod kyis ni rjod byed ming tshig yi ge'i mtshan nyid kyi chos dang brjod bya phung po dang khams la sogs pa'i mtshan nyid kyi don nam/ mtho ris 'grub byed kyi rgyu dge ba bcu'i las la sogs pa'i chos dang / mya ngan las 'das pa 'grub par byed pa'i rgyu byang chub phyogs kyi chos sum cu rtsa bdun la sogs pa'i don brjod pa'i sgo nas tshig don la blo byang bar byed do// 'dul ba'i sde snod kyis ni 'dod chags la sogs pa'i nyon mongs pa rnams la mi sdug pa'i 'du shes dgu sgom pa la sogs pa'i sgo nas nyon mongs pa 'dul ba la mchog tu spro bas na/ gang du tshogs pa'i chos kyi rjod byed dang / de dag gi brjod don mngon sum
- 257b
du byed pa'o// mngon pa'i sde snod kyi ni chos rnams kyi mtshan nyid shin tu dpyad bzod par bsgrub nas chos dang don rnams gzhan du mi 'khrul pa nyid du legs par 'dom par byed do// de skad du'ang thos pa mang po dbyig gnyen gyis/ mdo sdes ni chos dang don bshad do// 'dul bas ni chos dang don bsgrub pa ste/ nyon mongs pa 'dul ba la rab tu brtson pas de gnyis rtogs pa'i phyir ro// chos mngon pas ni/ 'bel ba'i gtam rnam par gtan la dbab pa la mkhas pa zhes bshad do// de lta bu'i sde snod gsum gyi chos de dag las byung ba'i shes rab kyi rnam par grol bar byed do// ji ltar grol na/ thos pa'i shes rab kyi chos kyi dbyings dag mnyam chen po la rgyu mthun gyi bag chags 'jog/ bsam pa'i shes rab kyi de dang de'i don spyi'i tshul du rtogs par byed/ sgom pa'i shes rab gyi thos bsam gyi don rtse gcig tu yid la sbyor bas lhag mthong gi rgyu zhi gnas kyi ting nge 'dzin rgyud la skyed par byed/ des sems kyi nyon mongs pa zhi bar byed cing / lhag mthong gi chos nyid don dam pa'i bden pa yang dag pa ji lta ba bzhin rtogs nas rnam par / grol bar byed de/ mdo sde'i rgyan las/ mdo dang chos mngon 'dul ba dang // mdor na don ni rnam bzhir 'dod// blo dang ldan pas de shes na// rnam pa thams cad mkhyen pa thob// ces so// bzhi pa gdul bya'i
- 258a
sgo nas dbye ba ni/ sde snod bzhir spro ba dang / gnyis su bsdu ba'ang yod pas mtha' gcig tu mi gnas te/ dang po'i dbang gis sde snod bzhir byed na/ mtshan gzhi ni rig pa 'dzin pa sngags kyi sde snod ces bya'o// de la slob dpon a b+ha yA ka ras ni bslab pa gsum ka ston pas sde snod gsum ka'o zhes dang / slob dpon shAn+ti pas zab mo'i don bsdus nas ston pas mdo sde'i sde snod yin no zhes gsungs la/ rdo rje rnam par 'joms pa dang / mdo dgongs pa 'dus pa'i mtshan gzhi'i dbang du byas kyang dngos bstan nyid du grub mod/ 'dir slob dpon ar+ya de bas rig pa 'dzin pa'i sde snod do zhes logs su bya ba sde snod bzhi par phye ba'i rjes su 'brangs pa yin te/ dag pa'i gdul bya la gsungs pa'i don gyi dang / thabs mang ba dang / dka' ba nyung ba dang / dbang po rnon po'i slad du gsungs pa'i phyir ro// de skad du lung gang gis ston na/ mdo sde gdams ngag 'bogs pa'i rgyal po las// 'dren pa'i theg pa gsum po dag/ bcom ldan nges par gsungs lags na// rgyu 'bras lhun grub du spyod cing // sangs rgyas gzhan nas mi 'tshol ba'i// nges pa'i theg pa cis ma gsungs// zhes dang / rgyu la mos dang rgyu chos kyi// 'khor lo rab tu bskor byas na// rdo rje theg pa'i nyel ma zhig/ ma 'ongs dus na 'byung bar 'gyur// ces bstan
- 258b
pa'i phyir ro// yang gnyis su bsdu ba'i dbang du byas na/ rgyan las/ gnyis kyang rung zhes pas gdul bya'i gang zag la ltos nas sde snod gnyis su bzhag pa ste/ nyan thos kyi sde snod dang / byang chub sems dpa'i sde snod do// de la nyan thos kyi sde snod ni/ gdul bya blo dman pa/ lam rgya chung ngu la mos pa'i don du'o// byang chub sems dpa'i sde snod ni/ gang zag blo mchog tu gyur pa lam rgya chen po la mos pa'i don du'o// de gnyis kyi khyad par yang / sde snod kyi dbang du byas na/ theg pa dman pa'i lugs kyi gsung rab yan lag bcu gnyis dang / bstan bcos mngon pa sde bdun la sogs pa nyan thos kyi sde snod yin la/ de dag la ma grags pa'i shes rab kyi pha rol tu phyin pa dang / phal po che la sogs pa rgyas pa'i sde snod rnams ni byang chub sems dpa'i sde snod de/ phyi ma'i khyad par gyi chos ni lang+kar gshegs pa las/ chos lnga dag dang rang bzhin gsum// rnam par shes pa brgyad nyid dang // bdag med gnyis kyi dngos por ni/ theg pa chen po mtha' dag 'dus// zhes so// yang lam dang 'bras bu'i dbang du byas na/ mgon po byams pas/ dmigs pa che ba nyid dang ni// de bzhin sgrub pa gnyis dag dang // ye shes brtson 'grus brtsom pa dang // thabs la mkhas pa gyur pa dang // yang dag grub pa chen po dang // sangs rgyas phrin las chen po
- 259a
ste// chen po bdun dang ldan pa'i phyir// theg chen zhes ni nges par brjod// ces so// de lta bu'i khyad par gyi 'phags pa'i theg pa chen po de la dbye na/ gdul bya dbang po rtul po rgyu lam du byed pa la mos pa'i ngor rgyu pha rol tu phyin pa dang / dbang po rnon po 'bras bu lam du byed pa la mos pa'i ngor gsang sngags rdo rje'i theg pa gnyis su gsungs pa ste/ mdo dgongs pa 'dus pa las/ 'dren pa'i theg pa rnam gsum la// gang dag rim par bkod lags na// mnyam pas blang dor med spyod cing // byang chub gzhan nas mi 'tshol ba'i// thabs mchog dpag tu mi lang ba// nges pa'i theg pa yod ma gsungs// zhes so// de dag las 'dir gsang sngags rdo rje'i theg pa bye brag tu bshad pa la don gnyis te/ rgyu'i theg pa las gang gi 'phags pa dang / khyad par can gyi gsang sngags nyid bstan pa'o// dang po la gnyis te/ grub mtha' smra ba spyi'i 'dod pas mdor bstan pa dang / rgyal ba gnyis pa kun mkhyen ngag gi dbang po'i bzhed pas rgyas par bshad pa'o// dang po ni theg pa dman pa las mchog tu gyur pa'i theg pa chen po'i nang nas gzhi mi spong bar lam du byed pa'i thabs kyi khyad par 'phags pa/ dka' ba med par gzhan don du bla med pa'i byang chub myur du 'grub pa'i thabs su gyur pa gang yin pa ste/ tshul gsum pa'i sgron me'i
- 259b
lung yongs su grags pas ma smos so// gnyis pa ni/ mtshan nyid du lta ba stong nyid spros bral brjod pa'i lam du tshig gi mtshon pa tsam ste/ gdod ma nas bden gnyis dbyer med lha dang sngags kyi rang bzhin du ma rtogs la/ sngags su kun rdzob kyang med la snang ba sprul pa tsam du lhar dag par sbyor zhing / don dam dbyings dang ye shes gdod nas lhun grub ngo bo nyid med pa'i ngang du rtogs pa ste/ sgyu 'phrul lam rim las/ don dam kun rdzob dbyer med par// mnyam pa'i dkyil 'khor chen po ru// zhes so// spyod pa'ang mtshan nyid ni blang dor dang bcas pa ste/ sngags su snang stong sgyu ma'i rang bzhin lha dang gzhal yas khang gi ngang las/ tshogs kyi 'du bas lha mchod pa dang / chos nyid mthun pa dang / nyon mongs pa dag pa la sogs pas 'phags so// ting nge 'dzin la'ang mtshan nyid du zhi gnas la 'jog pa dang / lhag mthong la dpyad pa sogs sems 'dzin gyi dka' bas 'bad dgos pa nyid sngags su mtshan bcas bskyed pa'i rim pas bsod nams kyi tshogs rdzogs shing spros pa zhi nas/ mtshan med rdzogs pa'i rim pas ye shes kyi tshogs la skrod cing rtsa rlung gi gnad gtsun pa tsam gyis chos nyid ma 'khrul ba myur du ston pas 'phags so// rgyu'ang mtshan nyid du bskyed bya skyed byed kyi kun rdzob la ltos te/ sngags su dag bya rang gnas kyi ye
- 260a
shes blang dor med par btsan thabs su ngo spyod nas bsgoms pas don dam rtogs pa'i gnad kyis 'phags so// lam yang mtshan nyid du/ tshogs gnyis la mnyam rjes res 'jog tu gyur pas bskal pa'i grangs kyi bgrod bya nyid/ sngags su rang bzhin dbyer med ye shes ma 'khrul ba'i lam la zhugs nas myur du bgrod pas 'phags so// 'bras bu'ang mtshan nyid du phyi dus su gdengs 'cha'/ sngags la da lta lhun grub rang gnas su 'dod pas 'phags so// de bzhin du mtshan nyid na spang gnyen rim pa can gyi bcu gcig/ sngags su 'bras bu rnam dag chen po gsum/ dus la dgongs pa lung ston las/ shin tu grangs med bskal pa ru// sangs rgyas rnams kyi gang mkhyen pa// sngags pa rnams kyi dus gcig tu// tshig gcig rdzogs pa'i byang chub thob// ces so// longs spyod la mtshan nyid du dka' thub spyod la// sngags ni rdo rje bkod par/ longs spyod 'dod yon rnam pa lnga// thabs ldan sngags la grogs kyi mchog/ ces so// rnal 'byor la'ang / mtshan nyid du/ mnyam bzhag nam mkha' dang / rjes thob sgyu mar lam byed dmigs pa dang bcas te/ sngags la bsam 'das lhun grub chen por lam du byed pa dang / rang gzhan gyi don bya ba la'ang / mtshan nyid du thabs bsam gyi mi khyab pa'i sgo nyung la/ sngags las char dbab
- 260b
pas mu ge gcod pa dang / rnal 'byor grub pas zas skom nor bu la sogs pa'i char 'bebs pa dang / dbang du byed pa dang / nad 'khrug zhi ba la sogs pas yul 'khor dang grong khyer tsam bkra shis par byed pa'o// dgos pa'ang / mtshan nyid du rgyu las 'bras bu bskyed pa tsam las med la/ sngags su thugs kyi gsang ba lam du byed pa dang / de bzhin du gsung dang sku yang lam du byed pas dang / bya dka' ba med pa ste/ snga 'gyur rta mchog dregs pa dbang 'dus kyi rgyud las/ 'bras bu'i theg chen gsang sngags 'di/ khyad par 'gyur phyir khyad par che// thabs mang dka' ba med pa dang // dbang po rnon po'i mchog gyur dang // don gcig phyir na'ang ma rmongs pas// sngags kyi theg pa khyad par 'phags// 'bras bu nyid du lam shes pas// tshe lus gcig la rdzogs sangs rgyas// zhes so// tshogs gsog gi khyad par la'ang // mtshan nyid du phar phyin drug la sogs spyod pa dag pa tsam ste/ sngags su snang srid sangs rgyas kyi zhing du dag pa dang / nyon mongs pa dang / 'dod yon gyi tshogs mchod pa'i phyag rgyar shes pa la sogs te khyad par rnam pa bco lnga 'phags pa'i tshul mgon po rdo rje 'chang gis/ nyan thos la sogs theg chung la// man ngag yod pa ma yin te// lta ba spyod pa sems bzung dang // rgyu dang lam dang 'bras bu sa// dus dang /
- 261a
longs spyod rnal 'byor dang // bdag gzhan don dang dgos pa dang // ngal dub mtha' spangs tshegs chung dang // tshogs bsags pa yi khyad par dang / khyad par rnam pa bco lnga yis// rig 'dzin theg pa khyad par 'phags// zhes dang / ye shes grub pa las/ rgyu yi theg pa chen po las// sku gsung thugs kyi lam rnams kyi// gsang ba che las gsang sngags mchog/ rab tu 'phags par rig par bya// zhes pa ni sku gsung thugs gsang ba bsam gyi mi khyab pa'i gnas bla na med pas 'phags pa nyid kyi chings chen po bstan pa yin no// gnyis pa gsang sngags kyi rnam par bzhag pa la gnyis te/ spyir bstan pa dang / bye brag tu bshad pa'o// dang po gsang sngags kyi spyi'i rang bzhin la bzhi/ mtshan gzhi/ mtshan nyid/ sgra don/ ming gi rnam grangs so// dang po ni/ gdod nas rang bzhin gyi 'od du gsal ba'i bdag nyid sku dang ye shes 'du 'bral med pa'i chos nyid la/ lam gyi bya bas sbyang gzhi/ sbyang bya/ sbyong byed/ sbyangs 'bras bzhir gnas te/ dbyings bde gshegs snying po 'od du gsal ba'i chos nyid ni sbyang gzhi yin la/ glo bur gyi sgrib pa las dang nyon mongs pa 'khor ba'i chos kun gzhi tshogs brgyad dang bcas pa ni sbyang bya ste/ de'ang bag chags sna tshogs pa'i kun gzhi ni 'khor ba'i rtsa ba yin pas ldog la/ bzhugs tshul
- 261b
gshis kyi kun gzhi ni ngo bo mi ldog kyang / tha snyad du btags pa'i kun gzhi'i ming gis cha de log nas chos kyi dbyings kyi ye shes zhes bya bar gnas 'gyur ba'o// de bzhin du rnam shes gzhan rnams ldog pa'i cha las me long ye shes la sogs pa'i lhag ma bzhi 'char ba yin no// smin grol gyi lam rgya mtsho lta bus ye shes kyi yon tan gsar du 'thob pa ni sbyong byed kyi chos so// de ltar sbyangs pas/ dbyings la sgrib byed kyi rnam pa thams cad dag nas khams byang chub tu gyur te sku dang ye shes kyi bdag nyid can mngon du gsal nas don gnyis mthar phyin pa ni sbyangs pa'i 'bras bu yin no// de skad du gsang ba sgrub pa las// dbyings la bral ba dag thob 'bras// gsang sngags rnam pa bzhir bshad do// zhes so// gnyis pa ni/ dbyings rang bzhin gyi dag cing ma 'gags pa rjod byed thugs rdo rje'i gsang ba chen po ste/ rdo rje rtse mo las/ sngags rnams kun gyi mtshan nyid ni// sangs rgyas kun gyi thugs yin te// chos kyi snying po sgrub byed pas// chos kyi dbyings dang yang dag ldan// zhes so// gsum pa la gnyis/ sgra don spyir bshad pa dang / rgyud kyi nges tshig bye brag tu bshad pa'o// dang po ni/ legs sbyar gyi skad du man+ta zhes 'byung bas gsang sngags sam sngags zhes bya ste/ de'ang yi ge bsnan dgos kyi sgra las drangs na ma na yi tra dang / tra ya
- 262a
skyob pa'o// yid dang nyon mongs pa'i phyogs ye shes su bskur bas bdag tu lta ba la sogs te mi mthun pa'i phyogs las skyob cing rgyal bar byed pa'i don te/ gsang ba 'dus pa'i rgyud phyi ma las// yid de man zhes bya bar bshad// tra ni skyob par byed pa'i don// 'jig rten spyod las rnam grol ba// zhes so// gnyis pa ni/ skad bye brag tu rtogs par byed pa 'bring po las/ tan+ta pra nan+na khAr zhes pas rgyun chags pa'i ming du bshad de/ rdo rje rtse mo las kyang / rgyud ni rgyun chags zhes bya ste// 'khor ba rgyud du 'dod pa ste// mya ngan 'das pa rgyud phyi ma// zhes pas brjod bya don gyi dbang du rgyu dang / thabs dang / 'bras bu'i gnas skabs thams cad du 'brel zhing rgyun chags pa gnyis su med pa'i ye shes so// bzhi pa ni/ rig pa 'dzin pa'i sde snod dam/ gsang sngags kyi theg pa/ rdo rje'i theg pa// 'bras bu'i theg pa zhes mtshan gyi rnam grangs su nges pa ste/ nyon mongs pa la sogs spang bya gnas su dag pa dang / bsgrub bya thob pa'i thabs la ched du bsngags pa ste/ rig pa mchog las/ dag thob yang dag sbyor ba la// mchog tu bsngags pas sngags zhes brjod// ces so// gnyis pa bye brag tu bshad pa la gnyis/ phyi 'gyur gsar ma'i rnam bzhag dang / snga 'gyur rnying ma'i rnam bzhag go/ dang po ni/ gzhan du rgya cher bkral bas
- 262b
'dir dngos kyis ma bshad la/ 'on kyang phyi ma'i shugs las rtogs par 'gyur ro// gnyis pa gsang sngags rnying ma'i rnam par bzhag pa la/ rnam dbye spyir bstan pa dang / gsang sngags bye brag tu bshad pa gnyis las/ dang po ni/ theg pa'i rim pa dang sbyar na dgu ste/ sgyu 'phrul rtsa rgyud las/ 'dul ba mdo sde chos mngon dang // dam tshig bsgrub dang grub pa dang // sku dang gsung dang thugs kyi rgyud/ ces rgyu'i theg pa gsum dang / 'bras bu'i theg pa drug tu ston pas chos kyi 'khor lo bskor to cog thams cad bsdus te bstan pa yin no// de yang zhib brtsegs kyi dbang du na sgra thal 'gyur las/ gsungs tshul dgongs pa gsum dang bcas// gnyen po bsdu dang dbang po'i don// tshig rnams bsdus te snang bar byas// de ma yin pa brjod pa'i tshig/ dus gsum rgyal bas gsungs pa med// ces pas gnyen po la dgongs te gsungs pa chos kyi phung po stong phrag brgyad cu rtsa bzhi/ bsdu ba la dgongs te gsungs pa zab cing rgya che ba rdo rje theg pa/ dbang po la dgongs te gsungs pa 'jig rten pa'i theg pa gnyis dang / 'das pa'i gsum ste de dag gi mdo don 'khor 'das ma lus pa theg pa nyid kyi rim pa'i khang pa la dkri ba'i rnam par bzhag pa mtha' yas pa yod de re zhig yi ge nyung ngu'i phrag pa la 'dren par ma bzod do// gnyis pa
- 263a
/ gsang sngags kyi rang bzhin bye brag tu bshad pa la gnyis/ phyi thub pa rgyud kyi theg pa dang / nang thabs kyi rgyud kyi theg pa'o// dang po ni/ gtsang sbra la gnas shing sgo gsum gyi bya ba dang byed pa gtso bor 'don pas sbrul sku'i theg pa chung ngu gsum dang chos mthun pa'i phyir/ phyi thub pa zhes bstan la/ gsang sngags kyi khongs su gtogs pa'i chos chen por gyur pa gzhi dang / lam dang 'bras bu'i rnam gzhag zam ma chad pas rgyud du bzhag pa yin no// dbye na gsum/ kri ya/ u pa/ yo ga'o// dang po la'ang sgra don/ grub mtha'/ lam/ 'bras bu dang bcas pa bzhis ston pa las/ dang po sgra don ni/ kr-i ya ste lus ngag gi bya ba gtso bor byed pa'i don la tan+t+ra ste rgud sde 'brel ba can du byung ba'i don to// gnyis pa grub mtha' ni/ kun rdzob 'khrul par snang ba 'di dag ni sbyang bya'i dri ma/ don dam ma 'khrul pa'i dbyings kyi rang bzhin sbrang gzhi bden pa dbyer med la 'jug pa'i ngo bo rtogs bya'i gzhir byas nas dbyings rang bzhin gyis dag pa'i lha khas len to// gsum pa lam la/ snang cha kun rdzob pa thams cad lha drug gi rang bzhin du shes pas/ yi dam gyi lha ye shes sems dpa' rje dang / bdag dam tshig sems dpa' khol gyi tshul du bsgrub cing / don dam par skyes pa'i chos nyid 'od gsal ba la 'jug go/ lha drug ni snang tsam lha'i sku sgyu
- 263b
mar gsal bas gcig dang du ma'i mtha' la mi gnas/ gsung yig 'bru lha'i sgrar gsal bas grag stong bzlas pa'i 'khor lo/ thugs phyag mtshan la dmigs pas dran bsam ting nge 'dzin gyi lhar gsal/ 'phro 'du sku mdog tu gsal bas 'od kyi lhar grol/ gsal ba bzhugs tshul gyi lha gdan khri cha lugs su gsal bas gzhal yas khang du grol/ grol ba ye shes kyi lha snang srid chos skur gsal bas spang bya ye shes grol/ mdor na yul drug la mngon par zhen pa drug sbyong zhing / snang ba gzugs kyi lha la sogs pa drug tu shes pas nyon mongs pa sbyong bar byed do// bzhi pa ni/ gnas skabs su lta ba dang ting nge 'dzin gyi yon tan gong nas gong du 'gro la/ mthar zug mi tshe bcu drug na lha dang gnyis su med par sangs rgyas par 'dod de/ rdo rje lhun po las/ gang dag sngags pa bskal bzang che// gtsang sbra dag pas dag brtson pa// de tshe bcu drug skye ba na// rnam grol ye shes mchog la reg/ ces so// de'ang lus kyi bya ba khrus chen po gsum/ phra mo'i khrus dang bcas pa dang / gos gsum brje ba dang / zas gsum za ba dang / sbyang bar gnas pa dang / gtsang sbra dang / dka' thub dang / 'dug stangs kyi khyad par dang / phyag rgya 'ching ba la sogs pa'i sgo nas/ ngag gi bya ba bzlas brjod gtso bor bya ba dang / sems kyi gnad bdag bran dang / lha
- 264a
rje dpon du blta ba'i sgo nas sgrub pa'o// de dag gi rgyud sde'i rnam grangs kyang / bstan pa snga dar gyi tshe paN+Di ta mkhan po zhi ba 'tsho dang / slob dpon pad+ma 'byung gnas dang / bi ma la mi tra la sogs pa dang / lo tsA ba bai ro tsa na dang / gnyags dz+nyA na ku ma ra dang / rma rin chen mchog dang / a tsar+ya ye shes dbyangs la sogs pas phyi nang gi rgyud sde mang du bsgyur ba la/ dang po bya rgyud kr-i ya'i rgyud drug la/ rig sngags thams cad kyi khog 'bubs pa dpung pa bzang po'i rgyud/ rig sngags thams cad kyi dbang bskur ba lag na rdo rje dbang bskur ba'i rgyud/ rig sngags thams cad kyi gsang ba ston pa rig pa mchog gi rgyud/ rig sngags thams cad kyi 'dul ba bstan pa su si ti ka ra legs par grub pa'i rgyud/ rig sngags thams cad kyi 'phrin las ston pa khams gsum rnam par rgyal ba'i rgyud/ rig sngags thams cad kyi dgongs pa ston pa bsam gtan phyi ma'i rgyud do// bye brag gi rgyud la rigs gsum gyi spyan ras gzigs kyi skor la/ pad+ma rtse mo sngags kyi rgyud/ pad+ma cod pan gyi rgyud/ cho ga sngags kyi rgyud/ yid bzhin nor bu'i rgyud/ a mo g+ha pA sha'i rgyud/ gnod sbyin gar mkhan gyi rgyud/ kha 'bar ma dbugs dbyung ba'i rgyud/ nam mkha'i mdzod kyi rgyud la sogs pa'o// 'jam dpal gyi skor la// 'jam dpal ye shes sems dpa' dri
- 264b
ma med pa'i rgyud/ 'jam dpal rnon po sgrib pa med pa'i rgyud/ 'jam dpal dra ba spyod pa'i rgyud/ bstod pa glur blangs pa'i rgyud la sogs pa'o// phyag na rdo rje'i skor la/ phyag na rdo rje dbang bskur ba'i rgyud/ rdo rje sa 'og gi rgyud/ drag po gsum 'dul gyi rgyud/ rdo rje be con gyi rgyud/ rdo rje rnon po'i rgyud la sogs pa'o// las phran tshegs kyi rgyud la/ gzungs gra lnga dang / 'od zer can dang / rnam par rgyal ma dang / mdzod spu nor bu la sogs pa'i gzungs phran dpag tu med pa'o// gnyis pa spyod pa'i rgyud ni u pa ya tan+ta zhes sgra don grub ste/ spyod pa kri ya ltar gtsang sgra dag par spyod cing / rnal du 'byor pa yo ga'i lugs su spyod pas ma ning gi theg pa zhes kyang bya ste/ gzhi lam 'bras bu'i grub pa'i mtha' rnal 'byor rgyud du rigs gcig par ston to// sgom pa lha'i rnam 'byor ni/ rang dam tshig pa'i mdun du lha ye shes sems dpa' spun nam grogs ltar sgom pas skye ba bdun tshun chad du dngos grub thob pa'o// rgyud sde'i nges 'byed la/ rnam snang mngon byang / me glang 'bar ba/ dbang bskur ba'i rgyud/ rnam par mi rtog pa'i rgyud la sogs pa'o// gsum pa rnal 'byor gyi rgyud ni/ yo ga tan+t+ra zhes sgra don grub ste/ spyir lus ngag gi bya ba gtso bor mi ston la/ sems kyi bya ba gtso bor ston pa ste/ de'ang kun rdzob tu lha'i dkyil 'khor yongs su rdzogs
- 265a
pa'am/ dpal mchog gcig pu nyid la/ rang nyid dam tshig sems dpa' la lha ye shes sems dpa' 'og min nam rang bzhin gyi gnas nas spyan drangs pa bstim ste/ 'phro 'du 'od kyi dra ba la sems bzung nas/ rjes la ye shes pa gshegs par byed do// brtul zhugs des mi tshe gsum na grol ba'o// dbye na mngon byang lnga la brten nas ting nge 'dzin gtso bor byed pa dang / cho ga zhib mo dang thor bu'i las gtso bor byed pa'i lugs gnyis so// rgyud sde'i nges 'byed la/ rdo rje dbyings rtsa ba'i rgyud stong phrag lnga pa le lag dang bcas pa/ pa sha kA ra rdo rje rtse mo'i rgyud/ pad+ma ka ra dpal mchog dang po'i rgyud/ sa muts+tsha rtogs pa bsdus pa'i rgyud de gzhung chen po bzhi/ mu la tan+ta ngan song sbyong ba/ dpal mchog bsdus pa la sogs pa'o// phyi rgyud sde gsum ni dbang po 'bring po tshe rabs kyi grol ba bsgrub pa'o// gnyis pa nang pa thabs kyi rgyud gsum ni/ gsang ba 'dus pa las/ dka' thub sdom pa mi zad pa// bsgrub kyang grub par mi 'gyur te// 'dod pa'i yon tan thams cad la// brten nas dngos grub thob par 'gyur// ces pa ltar/ dbang phyug brgyad ldan gyi bde ba chen po'i ye shes te/ phyi bas spang byar byas pa thams cad nang pas blang dor med par spyod nus pa'i phyir thabs kyi theg pa zhes bya ste/ 'khor lo sdom pa las/ phra zhing pa
- 265b
la phra bar nus pa dang // spyod pa nus dang bdag nyid chen po dang // dga' mgur byed dang thams cad dbang du 'gyur// ci 'dod byed dang dbang phyug don brgyad do// zhes pas spyir bstan la/ bye brag gi nges 'byed rang rang gi thad kar yod do// de'ang zhe sdang shas che zhing rtog pa mang ba la snang ba thabs kyi rang bzhin pa'i rgyud ma hA yo ga bstan la/ 'dod chags shas che zhing rtog pa nyung ba la stong pa de kho na nyid kyi rdzogs rim shes rab ma'i rgyud a nu yo ga bshad cing / gti mug shas che zhing bya rtsol can la gnyis su med pa'i rang bzhin a ti yo ga gsungs pa'o// nang rgyud de gsum ni spyi tshan du chos rnams ma lus pa'i gzhi dang / lam dang / 'bras bu'i bdag nyid du gnas pa ste/ seng+ge rtsal rdzogs las/ bskyed pa ma hA yo ga ni chos thams cad kyi gzhi lta bu'o// lung a nu yo ga ni chos thams cad kyi lam lta bu'o// rdzogs pa a ti yo ga ni chos thams cad kyi 'bras bu lta bu'o// zhes so// de la dang po ma hA yo ga la gsum/ ngo bo/ dbye ba/ rgyud kyi nges 'byed do// dang po ni/ ma hA yo ga tan+t+ra ste rnal 'byor chen po thabs kyi rgyud du grags so// ji ltar na snang zhing srid pas bsdus so cog thams cad lha'i rten dang brten par gsal zhing / phung khams skye mched lha'i rang bzhin du dag pas/ rlung lnga'i khams bde gsal mi rtog pa'i ye shes
- 266a
gnyis med lam du byas pas tshe 'dir grol bar 'dod pa'o// dbye na gsum/ gzhi lam 'bras bu gtso bor 'dod pa dang // zabs lam sgrub pa gtso bor 'dod pa dang // sna tshogs lam gyur gtso bopor 'dod pa'o// dang po ni// rang bzhin gzhi'i rgyud sems nyid 'od gsal ba de mtshon byed ming tshig yi ger snang bas rtogs par byed nas/ smin grol lam gyi bskyed rdzogs las gcig tu mi g.yo ba'i drod kyis yon tan gong nas gong mar sbyar te 'bras bu rang byung gi ye shes bsgrub pa'o// gnyis pa ni/ dkyil 'khor lnga gang rung gi bsgrub pa la brten nas rtogs pa dang ting nge 'dzin rjes la skye ba'i phyir bsgrubs pa las dngos grub 'dod de/ sgyu 'phrul dra ba sku'i dkyil 'khor lam du byed pa dang / pad+ma sgyu 'phrul dra ba gsung / thugs khrag 'thung / yon tan rin po che/ 'phrin las kyi dkyil 'khor sgyu 'phrul dra ba bsgrub pa lam du byed pa ste/ lam bsgrubs pas 'bras bu zhor la 'dod pa'o// gsum pa ni/ rgyud dang / sgrub pa gnyis las/ rgyud la bskyed rdzogs rim can dang / cig car du 'dod pa gnyis kyi 'bras bu bsgrubs nas gzhi lam zhor la 'dod pa'o// bsgrub pa la gnyis las/ so ta no pi ka sems kyi rol par thams cad shes nas bsgrub pa dang / maN+Dal no pi ka dkyil 'khor du 'jug pa tshogs gtso bor byas te bsgrub
- 266b
pa'o// gsum pa rgyud kyi nges 'byed ni/ rtsa ba'i rgyud dpal gsang ba 'dus pa nam mkha' dang mnyam pa'i rgyud/ ri rab zom rgya mtsho dang mnyam pa'i rgyud/ ye shes rgyas pa sa gzhi dang mnyam pa'i rgyud do// man ngag gi rgyud la/ bar chad bsrung ba gzi ldan 'bar ba mtshams kyi rgyud/ rngom byed me ltar 'bar ba'i rgyud/ za byed rol ba sbyin sreg gi rgyud/ stobs po che yongs su sgrol ba'i rgyud/ zla gsang nag po'i rgyud/ zhi ba lha rgyud la sogs pa'o// gnyis pa lung a nu yo ga la gsum/ ngo bo/ dbye ba/ nges 'byed do// dang po ni/ a nu yo ga tan+ta ste dbyings bde chen rnal 'byor gyi rgyud chen por grags so// de la snod bcud lha'i rang bzhin du dbyings nas sangs rgyas par ston pas bskyed thabs kyi cha shas chung zhing / rdzogs pa rtsa thig rlung gi lam la rnal du 'byor pas bde gsal mi rtog pa'i ye shes lam du byed pas tshe 'dir grol bar 'dod do// gnyis pa ni/ lung dang mdo gnyis las/ lung la bstan pa'i lung dbyings rang bzhin gyi rnam par dag pa dang / ye shes 'od du gsal ba'i bdag nyid do// brjod pa'i lung tshig gi tshogs dang tha snyad las nges par byed pa'o// mdo la gzhi lam gyi grub mtha' dbyings su smra ba dang / de las bde stong dbyings dang ye shes kyi rim pa cig car du 'dod pa dang / rim gyi 'dod pa dang / thod rgal du 'dod pa dang /
- 267a
mthar chags su 'dod pa la sogs pas mtshan nyid don gyi nges pa thams cad gcig tu tshogs par ston pa'i phyir mdo yin no// gsum pa nges 'byed ni// sgyu 'phrul gzhi lam gyi ngo bo ye shes rngam glog/ phur bu thal 'byin gyis don gyi nges pa mtshon pa// dur khrod khu byug rol pas ye shes thod rgal du smra ba/ phyag rgya dbyer med du smra ba kun 'dus rig pa/ mngon rtogs rang gsal du smra ba dbyings dang ye shes lhun mnyam du 'dod pa sangs rgyas thams cad kyi dgongs pa 'dus pa/ sems dang ye shes 'byed pa yi ge rnam bzhag ste sngags kyi mdo drug dang / rtsa ba'i rgyud la thig le 'dus pa'i rgyud/ sgyu ma chen po'i rgyud/ zla gsang thig le'i rgyud/ rdo rje gdan bzhi'i rgyud do// gdams pa man ngag gi rgyud la/ sku yi rgyud me ltar 'bar ba/ gsung gi rgyud dbang chen 'dus pa/ thugs kyi rgyud puN+Da rI ka/ yon tan gyi rgyud lha mo gsang ba/ phrin las kyi rgyud rig 'dzin 'dus pa/ rig sngags spyi'i rgyud sgrub pa he ru ka'i tan+t+ra/ bye brag gi sgrub pa la/ 'jam dpal sku'i rgyud zla gsang nag po// pad+ma gsung gi rgyud rta mchog rol pa/ yang dag thugs kyi rgyud he ru ka gal po che/ phur pa phrin las kyi rgyud kyi byi to ma la 'bul ste/ bdud rtsi yon tan gyi rgyud bdud rtsi rol pa che chung / ma mo rbod gtong gi rgyud ma mo kun 'dus so// sgrub pa sde drug las
- 267b
kha tshar gyi rgyud la/ phrin las kha skong ba chos nyid gtor ma'i rgyud/ las rgya mtsho ji ltar bya ba karma mA le phrin las kyi rgyud/ bsod nams dang ye shes kyi tshogs kyi rgyud che chung / mchod pa mi zad pa'i gter du byin gyis brlabs pa nam mkha' mdzod kyi rgyud/ sgrol ba gnas su dag pa stobs po che yongs su sgrol ba'i rgyud/ sbyor ba gnas su dag pa thig le klong gi rgyud/ brtul zhugs drag pos kun tu spyod pa glang po che rab 'bog gi rgyud/ las gzhi mthar phyin pa za byed rol pa sbyin bsreg gi rgyud/ las thams cad kyi sngon du 'gro ba gtor rgyud che chung / bka'i 'khor lhag mas bskangs nas las la bskul ba dpal 'bar khro mo'i rgyud/ gdug pa can gzir gnan gyis tshar bcad pa zhing bcur rol pa'i rgyud la sogs pa'o// 'di dag gtso che chung gi sgo nas skabs 'dir bzhag pa las/ rang bzhin du bskyed rdzogs gnyis kar rtogs pa'i man ngag gis rgyud du bdag cag gi bla ma dam pa pad+ma las grol bzhed do// gsum pa rdzogs pa chen po a ti yo ga la gnyis/ 'og ma las khyad par 'phags tshul dang / grub pa'i mtha' bye brag tu bstan pa'o// dang po ni/ lhun po'i rtse nas ri phran mthong ba bzhin du 'og ma thams cad zil gyis gnon pa'i theg pa yin te/ gdod nas rang bzhin gyi rnam par dag pa'i ye shes chen po'i ngo bo'i bzhugs tshul la
- 268a
bcos bskur gyi grub mthas ma smad pas rten dang brten bshad mi 'gal ba dang / 'og ma rnams su rnal ma'i don la bcol med rtsol sgrub kyi blang dor byas pas rang bzhin gyi 'od gsal ba'am/ rang bzhin gyi rnam par dag pa zhes sangs rgyas kyi gsung rab rgya mtshor bzhag pa de rang bzhin gyi ngo bo las gnas 'gyur te/ rgya mtsho chen po rang sa na zhi zhi mal mal du grol nas yod pa/ gnas skabs las byung ba'i dus kyi chad pas 'khyags rum du bsdams pa lta bu ste/ rtog dpyod kyi rkyen gyis dri ma ma 'gyur la ye shes 'gyur bas chu'i byed las su mi btub pa lta bus 'og ma rnams kyi grub mtha' la gnod byed 'jug ste/ rdo rje'i gnas chen po 'di ni gshis kyi bzhugs tshul lam du byed pa'i phyir ro// 'dir kha cig de lta na khams kyi dri ma blang dor gyis sbyangs nas sangs rgyas mi 'dod pas tha mal dang khyad par ci yod// des ni thabs dang so sor rtog pa'i shes rab gnyis ka'ang spangs pa zhig go snyam na/ thabs la skur pa btab pa med de/ rdo la gser zhun du/ tshul khrims la sogs pha rol phyin lam spyod pa rgya mtsho'i gzhir gyur pa/ zhes dang / rtog dpyod kyi ye shes la re ba'ang ma yin pas/ 'di ltar rang byung gi ye shes rdzogs pa chen po la sangs rgyas kyi che ba'i yon tan lhun grub tu yod pas sku gsum rang chas su gnas
- 268b
pa logs na btsal mi dgos te/ byang chub kyi sems kun byed rgyal po las/ chos kyi sku ni byang chub sems// byang chub sems las chos kyi sku// rdul tsam sus kyang bcos su med// des na sangs rgyas sems las med// longs spyod rdzogs sku byang chub sems// byang chub sems las longs spyod sku// sems las byung ba'i gzugs rnams la// longs spyod rdzogs la sku gzhan med// sprul pa'i sku ni byang chub sems// byang chub sems kyi sprul pa las// 'gro don mdzad pa gzhan na med// dus gsum sangs rgyas thams cad kyang // byang chub sems las gzhan med de// zhes pas blang dor gyi gnas bcos ma'i chos su bstan la/ ma bcos pa nyid ngo bo'i don mthar thug la ma nor ba yin pa'i tshul/ de nyid las/ sems ni ji bzhin pa yi dngos po ste// chos rnams thams cad de bzhin nyid du 'grub// ji bzhin pa la 'chos par ma byed cig/ ngo bo nyid las gzhan du ma sgrubs shig/ btsal na rgyan pas dbyings la rnyed mi 'gyur// ces so// de'i phyir rtog dpyod kyi ting 'dzin la shes rab gyi dpyad bzod pa'i 'thad pa bzang bzang mo byung srid na'ang de nyid brjod bya'i ngo bor mi gnas te/ don dam pa'i bden pa ni rjod byed kyi phyogs tsam las mi mtshon pa'i phyir ro// de skad du kun tu bzang po che ba la rang gnas pa'i rgyud las//
- 269a
rtogs pa med pa'i sngon rol na// sangs rgyas bya ba'i ming yang med// rtogs pa ye nas che ba yin// don 'di ston pas 'di yin no// mkhas pa mi gtso rtogs pa gtso// mkhas pa'i tshig ni zan pa yin// rtogs pa chos nyid klong na 'phyo// bshad pa mi gtso sgom pa gtso// bshad pa'i tshig ni bshad ra mkhan// sgom pa lha dang gnyis su med// sgrub pa bas kyang rtogs pa ring // rtogs pa gdeng du ma chud na// sgrub pas rtogs pa'i rgyun la bsgrub// ces bshad do// gnyis pa grub pa'i mtha' la dbye na gsum ste/ bkod pa chen po las/ yid can rnams la sems kyi sde// nam mkha' can la klong gi sde// rim rtsol bral la man ngag go/ zhes pas 'dir spang bya'i mtha' las grol bas stong pa nyid stong pa nyid du ston pa sems kyi sde/ gnyen po'i mtha' las grol bas 'dus ma byas stong pa nyid du ston pa klong gi sde/ gnyis ka'i mtha' las grol bas rang gi mtshan nyid stong pa nyid du ston pa man ngag gi sde ste 'gag rnam pa gsum du dril shes la de lta na'ang gtso che chung gi smos pa las ngo bo'i cha la sems sdes gsal ba ma spangs// klong sdes stong pa ma spangs/ man ngag sde lhun grub rang gsal chen po ste/ grub mtha'i 'cha' lugs 'di ngos zin na sems sdes 'khor 'das rgyas 'debs pa dang / klong sdes 'khor 'das dang la rdzogs pa dang /
- 269b
man ngag sdes yin tshul gnad thog tu sprod pa gsum gyis don gtan la phebs pa yin te/ brjod bya'i sgo nas sems kyi sde la rjod byed kyi rgyud sh+lo ka 'bum phrag nyi shu rtsa gnyis gsungs pa rnams/ chos nyid la brjod du med pa'i klong / lta ba la yin pa med pa'i klong / spyod pa la min pa med pa'i klong ste/ rnam pa gsum du bsdu la/ de'ang bam po stong phrag drug dang sum brgyar gnas pa nyid/ gnas pa gzhi thog tu phebs pa'i 'phyong dang / snang ba rang sar grol ba'i 'phyong dang / ngo mnyam tha dad med pa'i 'phyong dang gsum du bsdu ste/ chos nyid la 'phrugs pa med pa'i gzer bu lnga bcu/ yul sems la lta ba'i gnad lnga brgya dang bcu gcig/ snang sems cig car du shan 'byed pa'i gnad khri phrag gnyis/ lta ba thod rgal du bzla ba khri phrag lnga/ sgom yod rtog pa gcod pa'i gnad stong phrag gcig tu dbye ba rnams ming thogs kyi rgyud stong phrag gcig dang gsum gyi grangs su bzhugs pa la/ sems kyi phyogs 'dzin pa/ sems kyi gnad 'dzin pa/ sems kyi gdeng 'dzin pa gsum du 'du ba yin no// de bzhin du klong gi sde rnams bsdu na dgur 'du ste/ lta ba la 'pho 'gyur med pa'i klong / sgom pa la yin min med pa'i klong / 'bras bu re dogs med pa'i klong / ngo bo la grub bsal med pa'i klong / rang bzhin la 'gag pa med pa'i klong / mtshan nyid la snang
- 270a
sems grol ba'i klong / dbyings la 'pho 'gyur med pa'i klong / rol pa la rang shar chen po'i klong / lhun mnyam la ye grol cog gzhag gi klong ngo // de dag kyang bsdu na gsum du 'du ste/ lhun grub yangs pa chen po'i klong // rang gsal bya rtsol med pa'i klong / ma byas ye nas grub pa'i klong ste/ de dag gi tshul rgyas par ston pa'i rgyud stong phrag gsum gyi ming gi bsdus pa rnams la/ le'u khri phrag gcig dang tshig stong / sh+lo ka 'bum phrag drug cu rtsa bzhi yod pa rnams la bzla ba khri phrag brgyad du 'dus la/ de'ang shan 'byed khri phrag gnyis su 'dus/ de'ang gags dgu brgyar 'dus te gnad stong phrag gnyis/ gzer bu lnga bcu dang bcas pa thams cad byas grol/ bzhag grol/ cer grol gyi phyogs gsum du 'dus pa'o// snying po'i mthar thug rdzogs pa chen po man ngag gi sde skor ni/ phyi nang gsang ba bla med bzhi'i ngo bor gnas pa la/ rjod byed kyi rgyud mtshan so so ba khri phrag gnyis dang bcu gnyis/ le'u stong phrag sum cu rtsa lnga/ sh+lo ka 'bum phrag drug cu rtsa bzhi/ gnad stong phrag lnga/ 'phyong chen po brgyad/ gzer bu brgya dang brgyad cu/ 'gags stong phrag dgu brgya/ shan 'byed khri phrag bdun/ la bzla ba 'bum phrag phyed dang gnyis te brjod bya nam mkha'i mtha' dang mnyam par bka' stsal pa ni mthar phyin man ngag gi sde'o// de ltar man ngag gi
- 270b
sde gsum po'ang klong gsum du 'dus te/ rol pa 'gag pa med pa'i klong / blo la ma grol ba med pa'i klong / ngo bo la bzang ngan med pa'i klong ngo // de dag kyang man ngag gi snying po gnad dkrol ba dang / 'gags bsdams pa dang / ngo sprad pa dang // mngon sum rang gnad la dbab pa dang bzhir 'dus pa yin no// da ni de dag las bod du 'gyur ba'i grags che ba che long tsam zhig sde tshan gyi rnam pas smos te/ dang po sems sde'i rgyud la sems mad bco brgyad du grags pa'i snga 'gyur lnga ni/ rig pa'i khu byug/ rtsal chen sprugs pa/ khrung chen lding ba/ rdo la gser zhun/ mi nub pa'i rgyal mtshan lnga po bai ro tsA nas bsgyur ba'o// phyi 'gyur bcu gsum ni/ rtse mo byung rgyal/ nam mkha'i rgyal po/ bde ba 'khrul bkod/ rdzogs pa spyi chings/ byang chub sems tig/ bde ba rab 'byams/ srog gi 'khor lo/ thig le drug pa/ rdzogs pa spyi spyod/ yid bzhin nor bu/ kun 'dus rig pa/ rje btsan dam pa/ sgom pa don grub ste bcu gsum po bi ma la dang / ku ma ra/ g.yu sgra gsum gyis bsgyur ba sems med bco brgyad du grags/ de dag gi steng du bai ros sngar bsgyur ba'i kun byed rgyal po/ rmad byung / mdo bcu gsum pa rnams bsdoms pas sems sde nyer gcig go/ lung bam po bco brgyad rnams ming gi rnam grangs la 'dra yang / la la snga phyi dang sgyur
- 271a
byed mi 'dra'o// klong sde'i rgyud la/ 'khor ba dong sprugs/ rin chen gsang ba'i rgyud/ bya rtsol med pa'i rgyud/ nam mkha' klong yangs kyi rgyud pa la sogs gcig go/ man ngag gi rgyud ni/ pad+ma klong gsal/ pad+ma dbang rgyal/ yid bzhin tog gi rgyud la sogs pa khri phrag lnga stong phrag gcig khyad par du sangs rgyas mnyam sbyor/ thig le skor gyi snying po'i rgyud lnga stong sum brgya/ sgra thal 'gyur la sogs te gsang chen nges pa'i rgyud bcu bdun/ khros ma dang bcas pa bco brgyad/ gsang ba spyod pa sa bon gyi rgyud las 'phros te byon pa rnams so// gsum ka'i thun mong du gyur pa rdzogs pa chen po spyi'i rgyud ni// sems nyid bya rtsol las 'das pa nam mkha' che'i rgyud dang / de nyid nyams su blang ba nam mkha' che phyi ma'i rgyud/ de nyid yongs su rdzogs pa'i 'bras bu nam mkha' che phyi ma phyi ma'i rgyud yongs su 'gro ba/ sems nyid 'pho 'gyur med pa chos nyid rgyal po'i rgyud/ sems nyid thig le nyag gcig tu ston pa byang chub kyi sems thig le'i rgyud/ sems nyid rang byung gi ye shes su bstan pa ye shes thig le'i rgyud/ sems nyid thams cad kyi rtsa bar bstan pa man ngag phreng ba'i rgyud/ sems nyid kun khyab chen por bstan pa gsang ba rgyal po'i rgyud/ sems nyid rang rig tu bstan pa ye shes dam pa'i rgyud/ sems nyid kun tu bzang
- 271b
po'i rol par ston pa nam mkha' dbyings rnam dag gi rgyud/ sems nyid kun gyi snying po ston pa man ngag snying po'i rgyud/ sems nyid rang rig tu yid ches pa snying po gsang ba'i rgyud/ sems nyid kun gyi rtsa ba nam mkha' che rtsa ba can gyi rgyud/ sems nyid gcig tu 'dus pa nyag gcig dgongs pa'i rgyud/ sems nyid ji bzhin par gzhag pa bsam gtan chen po'i rgyud/ sems nyid rgyun chags su goms pa bsam gtan rgyun chags kyi rgyud/ sems nyid thams cad du gsungs pa sgo mang mdo'i rgyud/ sems nyid dbang dang sbyar ba nam mkha' che dbang gi rgyud/ sems nyid sgra tshig las 'das pa nam mkha' che yi ge med pa'i rgyud/ sems nyid gdod ma'i gnas su bstan pa nam mkha' che gzhi'i rgyud/ sems nyid 'od gsal du bstan pa rin chen 'bar ba'i rgyud/ sems nyid yon tan lhun grub tu bstan pa rin chen phreng ba'i rgyud// sems nyid khams gsum la gsal ba khams gsum sgron ma'i rgyud/ sems nyid spang blang las 'das par ston pa nges pa snying po'i rgyud/ sems nyid 'pho 'gyur med par ston pa rdo rje gsang ba'i rgyud/ sems nyid ye nas sangs rgyas par ston pa ye sangs rgyas pa'i rgyud sde nyi shu rtsa lnga dang / lung bam po bco brgyad la/ thams cad byang chub kyi sems las byung ba rig pa'i khu byug/ rtsol sgrub zil gyis gnon pa rtsal chen
- 272a
/ sprugs pa/ sems nyid dbyings su rdzogs pa khyung chen rdzogs pa/ chos nyid ye gnas kyi sgom pa rdo la gser zhun/ sems nyid lhun grub kyi lta ba mi nub rgyal mtshan/ sems nyid ye nas stong pa rmad byung rgyal po/ sems nyid chos skur bstan pa ye shes dam pa/ sems nyid thig ler bstan pa yang tig rgyal po/ sems nyid skye shi med par ston pa srog gi 'khor lo/ sems nyid 'dod dgu 'byung bar ston pa yid bzhin nor bu/ sems nyid mnyam rdzogs chen por ston pa thig le kun 'dus/ sems nyid theg pa kun rdzogs su ston pa nam mkha' che rgyal po/ sems nyid kun gyi yang rtser ston pa rtse mo byung rgyal/ sems nyid ye bde spros bral du ston pa bde ba rab 'byams/ sems nyid nyon mongs med cing zag med du ston pa bde ba phra bkod/ sems nyid 'khor 'das kyi gzhi 'dus par bstan pa gter chen yongs rdzogs// sems nyid theg pa kun gyi spyi chings su bstan pa lhun rdzogs spyi chings/ sems nyid rgya chad dang phyogs lhung med par ston pa nam mkha' mtha' dbus kyi rgyud rnams so// de tsam ni rgyud kyi sde tshan ngos zin pa'i slad du ste/ rang bzhin du na de bzhin gshegs pa'i gsung ni rnam pa thams cad pa zab cing gting dpag dka' ba yin pas thogs pa med pa'i blo gros dang / skal ba mchog tu gyur pa rnams kyi tshig dang don gyi
- 272b
'brel bkod nas sde tshan de dang der snang ba'o// yan man gnyis kar rtogs pa'am/ dpal bsam yas pas/ rdo rje sems dpa' sgyu 'phrul dra ba snying thig gi lugs su bkral ba bzhin gzhung don rgya chen po yang man ngag 'ba' zhig tu 'char zhing / man ngag zab mo'ang gzhung lugs kyi sa bon du 'char ba'ang yod de/ skyes bu'i blo stobs kyi khyad par dang / sangs rgyas rnams kyi gsung gi gsang ba bla na med pa'i yon tan yin par blta'o// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling tha grur khyab pa'i rgyan zhes bya ba las/ mtshan nyid nges pa'i slad du bstan bya dam pa'i chos kyi rnam pa spyi dang bye brag pa mdo tsam smos pa'i rab tu byed pa ste skabs drug pa'o// // spyi don bdun pa bstan pa gnas pa'i ched du rgyud kyi rdo rje'i gnas chen po yi ge srog tu ji ltar btsa' bar byas pa'i gtam brjod pa la gnyis/ gang las 'byung ba rig pa'i yon tan la ltos pa'i rnam par gzhag pa dang / bdag por gyur pa'i rkyen gang las bya ba las kyi 'khor lo ji 'du byas pa'o// dang po ni/ mdo sde rgyan las/ rig pa'i gnas lnga dag la brtson par ma byas na// 'phags pa'i dam pa thams cad mkhyen pa ga la thob// ces pa ltar//
- 273a
rnam pa thams cad mkhyen pa'i go 'phang don du gnyer ba la sbyor ba lhag par byang chub sems dpa' rnams kyis bslab par bya ba'i gnas dam par gyur pa ni/ rig pa'i gnas chen po rnam pa lnga'am/ bcur grags pa yin te/ 'di ltar nang rig pa dang / rgyu rig pa dang / sgra rig pa dang / gso ba rig pa dang / bzo'i las kyi gnas rig pa'o// de'i ngos 'dzin ni rgyan gyi 'grel par/ de la de bzhin gshegs pa'i gsung rab yan lag bcu gnyis la mkhas pa ni nang rig pa zhes bya'o// mngon sum dang rjes su dpag pa'i tshad mas zin pa'i tarka'i gzhung la mkhas pa ni rgyu rig pa zhes bya'o// sgra'i gtsug lag bya'i ka ra la mkhas pa ni sgra rig pa zhes bya'o// rlung dang bad kan la sogs pa nad gso ba'i gtsug lag la mkhas pa ni gso ba rig pa zhes bya'o// glu dang gar dang spos la sogs pa'i gtsug lag la mkhas pa ni bzo'i las kyi gnas rig pa zhes bya'o// zhes bshad pa'i khong du rig pa'i gnas chung ba lnga dang / mdo las rig pa'i gnas bco brgyad du gsungs pa'ang 'du ba yin no// de la nang rig pas ni/ bdag nyid 'phags pa'i lam gyi de kho na nyid kyi mtshan nyid gang yin pa phyin ci ma log par shes par byed do// rgyu rig pa dang / sgra rig pas ni gtsug lag de gnyis shes par rlom pa'i mu stegs bye dag tshar gcod par byed
- 273b
do// gso ba rig pas ni nad kyi btab pa'i 'gro ba gang zhig bde bar gnas pa'i sa la dbugs 'byin ster bar byed do// bzo'i las kyi gnas rig pas ni longs spyod 'dod pa rnams ni rjes su bzung zhing phan gdags par byed do// rang bzhin bye brag tu bshad na/ snga ma'i 'phror/ de bas gzhan rnams tshar bcad rjes su bzung phyir dang // rang nyid kun shes bya phyir de la de brtson bya// zhes pas kyi rgol ba ngan pa tshar gcod pa'i gtsug lag gnyis/ gzhan rjes su bzung ba'i gtsug lag gnyis/ rang nyid kyi kun tu shes par bya ba'i gtsug lag gcig ste lnga las/ 'dir bar pa gnyis kyi sde tshan bzo rig pa'i bye brag gi yon tan skabs btsal nas bshad par 'os te/ 'di ltar gnas skabs su bstan pa dang sems can gyi phan ba de'i rtsa lag chen por gyur cing / brgyud nas rnam pa thams cad mkhyen pa thams cad mkhyen pa'i gzugs kyi sku mtshan dang dpe byad kyi bdag nyid dam pa'i go 'phang gi rgyud 'gro la/ skabs de dang der yang rig pa de'i sgyu rtsal la byang chub pas mkhas pa'i go sa la dbang ba dang / sha thang ba med pa'i longs spyod kyi 'byor pa dang / 'jig rten la mdun 'jog gya nom pa'i yul du bsngags pa dang / longs spyod kyi sgo nas gzhan la phan gdags par bya ba dang / de nyid mngon du gyur nas de bzhin gshegs pa'i
- 274a
/ gzugs dang gzugs brnyan nas sprul pa tha ma pa'i bar gyi rnam pas 'gro ba rgya mtsho'i nyer 'tshor 'gyur ba'i dgos pa dang bcas pas yid drangs te tshul 'di la 'jug par bya ste/ de skad du rgyan gyi 'grel pa las/ bzo'i gnas kyi rig pa byang chub sems dpa' 'tshol bar byed do// ci'i phyir zhe na/ tshegs chung ngus sha thang med par longs spyod bsgrub par bya ba dang / longs spyod dang ldan zhing bzo'i gnas la mkhas pas 'jig rten pa rnams kyis bkur ba bya ba dang / longs spyod kyi sgo nas 'jig rten pa rnams la phan par bya ba'i phyir 'tshol bar byed do zhes dang / bsod nams kyi stobs kyi rtogs pa brjod pa las/ de bas na bzo 'ba' zhig mi rnams kyis nyams su sman pa yin te/ bzo ni rigs dman par skyes su zin yang rgyal po rnams dang / blon po rnams dang / bram ze dang / khyim bdag rnams kyis gdon mi za bar bkur to// sna tshogs las can lha rnams dang // mi rnams kyis kyang legs par bkur// de bzhin ma rabs bzo yi phyir// mi dang lha rnams kyis kyang bkur// zhes lha'i bzo bo bi shwa karma lha'i dbang po la sogs pa 'jig rten na che bar rlom pa dag gis kyang bkur zhing / btsan po khri srong lde btsan gyis ar+ya pA lo'i gling du sprul pa'i bzo bo la bya dga'i sta gon rgya chen po bshams pa lta bu ste/ rig pa des 'jig
- 274b
rten na phan pa rgya chen po grub pa'i phyir rgyal sras rnams kyi bslab par bya ba'i gnas su'ang bstan pa yin no// 'di la dbye na gtso bo dang / phal pa gnyis las/ dang po ni/ de bzhin gshegs pa'i sku gsung thugs kyi rten gsum mo// dang po sku gzugs la'ang de bzhin gshegs pa dang / nyan thos dang / rang sangs rgyas la sogs pa'i tshad bshad pa dang / de'i rnam pa bshad pa'o// dang po tshad ni/ dus kyi 'khor lo dang / sdom 'byung dang / bslab btus la sogs pa mdo rgyud bstan bcos du ma las/ rgyal ba'i sku gzugs thal mo bcu pa dang / rgyal sras rnams kyi / mtho bcu zhan pa dang / rgyal yum sogs kyi zhal tshad dgu pa dang / bde gshegs khros pa rnams gdong brgyad pa dang / mi'u thung gi lus tshad mtho drug pa la sogs pa'o// de dag kyang chu zheng gab pa'i slad du bzo bo'i blo gros la tshad kyi mthu byin pa yin te/ de las gzhan du sprul pa'i bzo bos byas pa sogs la nges pa de ltar kho na gnas pa'i shes byed med de/ cha tshad ni bzo nyes 'gog pa'i slad du gsungs pa'i phyir ro// gnyis pa rnam pa ni/ mngon rtogs rgyan las/ mtshan ni sum cu rtsa gnyis dang // dpe byad brgyad cu'i bdag nyid 'di// theg chen nye bar longs spyod phyir// thub pa'i longs spyod rdzogs skur bzhed// ces pa dang / khro bor gyur pa rnams la/ he ru ga la
- 275a
por/ sgeg pa dpal ba 'jigs su rung // zhes sku'i rnam 'gyur gsum bshad pa la sogs pas mtshon no// gnyis pa gsung gi rten ni lung gi chos kyi phung po ste/ de la'ang chos kyi phung po'i tshad dang / de nyid gang las grub pa'i rgyu bstan pa'o// dang po ni/ gsung sgra tshig rang mtshan pa las 'das pa gdul bya'i blo la byin brlabs kyi tshig tu snang ba la mu dang mtha' yod par mi 'tshal te/ gdul bya so so'i dbang po'i rim pa dang 'tshams par bzung ba'i 'dod pa tha dad pa yod de/ 'di ltar kha che ye shes rdo rje la sogs pas sh+lo ka stong phrag gcig la chos kyi phung por byed de/ sa sde las/ gnas brtan kun dga' bos chos kyi phung po brgyad khri bzhi stong gang dang gang bzung ba rnams ni/ sde snod gsum po 'di dag yin ste/ chos kyi phung po gcig gi tshad ji tsam yin zhe na/ grangs brgya phrag bcu ni chos kyi phung po gcig ste zhes 'dod la/ mngon pa sde bdun gyi ya gyal chos kyi phung po zhes bya ba shA ri'i bus bsdus par 'dod pa'i gzhung gang la sh+lo ka stong phrag drug tu longs pa de nyid chos kyi phung po'i tshad du byas pa dang / dbu ma pa chos kyi bshes gnyen gyis/ de la chos phung gcig gi tshad ji tsam zhe na/ de gcig la tshig le'ur byas pa stong nyid do// tshigs su bcad pa re re la'ang yig 'bru sum cu rtsa gnyis nyid do// zhes 'dod pa dang / na
- 275b
ga b+ho d+hi la sogs pa ni/ chos gang zhig gi ming tshig lha'i gos ltar srab pa'i gro ga'am ta lar/ skra'i rtse mo'i cha shas kyi mtha' rgyags med par bris pa glang po che'i dar ma'i khur du bzod pa'am/ theg pa chen po kha cig gi 'dod pas glang po che rab brtan zhes bya ba mtha' skor la dpag tshad bdun yod pa'i lus tshad kyi khur du bkal bar 'os pa'i bar snag tshas bris pa de tsam la chos kyi phung por 'dod pa sogs yod de/ mdzod las/ kha cig bstan bcos tshad ces zer// phung po la sogs gtam re'ang yin// zhes pas/ de dag kyang nyon mong pa re re'i gnyen por re re ston pa la mang nyung gi dbang gis bzhag pa'i tshad yin gyis// grangs der 'chad pa'i tshad ma yin pas/ gnyen por rdzogs pa'i dbang gis bzhag pa nyid legs par bzung gis/ snga ma'i 'phror/ spyod pa rnams kyi gnyen por ni// chos kyi phung po mthun par gsungs// zhes pas so// rgyud sde'i tshad ni/ rtog pa'i rgyud dang / bya ba'i rgyud dang / gnyis ka'i rgyud dang / rnal 'byor gyi rgyud rnams kyi ming la rim pa bzhin du stong phrag bzhi dang / bzhi dang / brgyad dang / drug dang / stong phrag bcu gnyis rnams te sum khri bzhi stong du ye shes rdo rje kun las btud pa las bshad cing / rnal 'byor ma'i rgyud kyi grangs ni der ma gsungs so// yang sdom 'byung las/ rnam 'byor rgyud rnams kyi tshad// bye
- 276a
ba phrag drug tu nges// de bzhin rnal 'byor ma rgyud grangs// bye ba phrag ni bcu drug grangs// de bzhin pha ral phyin pa'i grangs// sa ya dang ni dung phyur lnga// theg chen las gzhan ma sde rnams// dung phyur phrag brgyad gsungs pa yin// zhes tshigs su bcad pa'i nges brjod tsam ma yin par mdo rgyud tha dad pa'i ming gi rnam grangs kho na yin pas bsam gyi mi khyab bo// de lta bu'i lung gi chos de dag ming dang tshig tu tshogs nas glegs bam du byas pa la legs par sbyar ba'i skad du pusta ka/ zhes bya la/ rgyud kyi dbang du byas na 'og min du byang chub sems dpa' rnams kyi chos kyi longs spyod rjod byed sgra'i rgyud mtshan nyid pa gang / 'dir blo la gnas pa'i 'bras bu'am/ de nyid rgyud la bskyed pa'i grogs su de bzhin gshegs pas legs par gsungs pa nas brtsams te glegs bam du bris pa'i bar ni mtshan rtags kyi sgra rgyud nyid du bzung ste/ gzhan du mdzod las/ chos kyi phung po brgyad khri dag/ gang rnams thub pas gsungs de dag/ tshig gam ming yin de dag ni// gzugs sam 'du byed dag tu 'dus// zhes bshad do// gnyis pa de nyid gang la brten nas grub pa'i rgyu ni yi ge ste/ de la yi ge'i ngo bo dang / nges tshig dang / dbyibs sam rnam pa gsum las/ dang po ni slob dpon tsan+da go mis yi ge'i mdor/ gnas dang / byed pa dang / rtsol
- 276b
ba rnams las yi ge rnams skye'o// zhes pa ltar/ yid las brjod par 'dod pa'i rlung g.yos pas de'i skye ba'i gnas dang byed pa lhan cig tu 'phrad pa las yi ge'i gdangs 'ga' zhig 'byung ste/ rnam 'grel las/ yi ge kun slong shes pa las// skye la shes pa sgra skye'o// zhes so// gnyis pa ni/ legs par sbyar ba'i skad du a k+Sha ra zhes 'byung ba ni mi 'gyur ba'i don te/ yul gyi bye brag tha dad par gyur kyang dbyangs dang gsal byed rnams ni de las gzhan du mi 'gyur ro// yang b+hany+dzan zhes pa ni gsal byed de/ yi ge 'dus nas brjod bya'i don gang yin pa de gsal bar byed pas so// gsum pa ni// rgya cher rol pa las// tshangs pa'i yi ge dang / a roSh+Ta'i yi ge dang / pad+ma snying po'i yi ge dang / ang+ga'i yi ge dang / mang+ga'i yi ge dang / yul ma ga d+ha'i yi ge dang / bkra shis pa'i yi ge dang / sor mo pa'i yi ge dang / sha ka nas yi ge dang / ya ba na'i yi ge dang / bag le ba'i yi ge dang / sa ru sha'i yi ge dang / 'gro lding ba'i yi ge dang / kir ta'i yi ge dang / lho phyogs pa'i yi ge dang / drag shul can gyi yi ge dang / grangs kyi yi ge dang / spyi'u tshugs pa'i yi ge dang / rjes su mthun pa'i yi ge dang / bru sha'i yi ge dang / ka sha'i yi ge dang / rgya'i yi ge dang / phu na'i yi ge dang / hu na'i yi ge dang / yi ge 'bring dang / rgyal bar bris pa'i yi ge dang / rgyal
- 277a
gyi yi ge dang / lha'i yi ge dang / klu'i yi ge dang / gnod sbyin gyi yi ge dang / dri za'i yi ge dang / mi'am ci'i yi ge dang / lto 'phye chen po'i yi ge dang / lha ma yin gyi yi ge dang / nam mkha' lding gi yi ge dang / ri dwags kyi 'khor lo'i yi ge dang / khwa skad shes pa'i yi ge dang / sa bla'i lha'i yi ge dang / bar snang gi lha'i yi ge dang / nub kyi ba glang spyod kyi yi ge dang / byang gi sgra mi snyan gyi yi ge dang / shar gyi lus 'phags po'i yi ge dang / gdeg pa'i yi ge dang / gzhag pa'i yi ge dang / bsnan pa'i yi ge dang / rgya mtsho'i yi ge dang / rdo rje'i yi ge dang / spring yig dang / lan gyi yi ge dang / rnam 'thor gyi yi ge dang / rings med kyi yi ge dang / bstan bcos bskor ba'i yi ge dang / rtsis bskor ba'i yi ge dang / gdeg pa skor ba'i yi ge dang / gzhag pa bskor ba'i yi ge dang / rkang pas bris pa'i yi ge dang / tshig lan gnyis su gdab pa'i tshig gi mtshams kyi yi ge dang / tshig gi mtshams bcur rgyud pa'i yi ge dang / bla thabs su bsnan pa'i yi ge dang / sgra thams cad kun tu sdud pa'i yi ge dang / rig pa dang mthun pa'i yi ge dang / rnam par 'dres pa'i yi ge dang / drang srong gi dka' thub spyad pa'i yi ge dang / lha'i nges pa'i yi ge dang / sa blta ba'i yi ge dang / nam mkha' blta ba'i yi ge dang / sman thams cad kyi rgyu mthun pa'i yi ge dang / snying
- 277b
po thams cad kun tu sdud pa'i yi ge dang / 'byung po thams cad kyi sgra sdud pa'i yi ge ste/ zhes yi ge'i rig kyi bye brag drug cu rtsa bzhi'o// brjod pa ni 'grel chen dri ma med pa'i 'od mdor bsdus bzhi pa las/ bsdud par byed pa po dag gis theg pa gsum glegs bam la bris te de bzhin gshegs pa'i nges pas sde snod gsum la ma ga d+ha'i skad kyis bris so// mdo sde ni sin d+hA'i skad kyis so// pha rol tu phyin pa'i tshul dang / sngags kyi tshul ni legs par sbyar ba'i skad kyis so// rgyud dang rgyud gzhan dag ni legs par sbyar ba'i skad dang / tha mal ba'i skad dang / zur chag gi skad dang / legs par sbyar ba ma yin par ri khrod la sogs pa kla klo'i skad kyis te/ de lta bu la sogs pa thams cad mkhyen pas bstan pa'i chos rnams bsdud par byed pa po dag gis bris so// de bzhin du bod kyi yul du theg pa gsum bod kyi skad kyis bris te/ rgya nag tu rgya nag gi skad kyis so// rgya nag chen por rgya nag chen po'i skad kyis so// par si ka'i yul du par si ka'i skad kyis so// chu bo si ta'i byang du tsam pa ka'i yul gyi skad dang / spre'u'i yul gyi skad dang / gser zhes bya ba'i yul gyi skad kyis so// zhes bshad do// don 'dis gsang ba sngags kyi gzhung la legs sbyar gyi skad kho nas gtan tshigs dang / nges par 'chol ba'i rnam shes phyogs gcig pa ba
- 278a
rnams kyi 'dod pa'ang gzhan du byas so// yang gzhung 'dis rtog dpyod can dag la yid gnyis mang po byin nas bod kyi yul du bstan pa med kyi gong nas bsdu ba byas pa'i gtan tshigs rjes su dpag ste/ gang du bsdu ba byed pa'i dus tsam nas bod la yi ge yod par dogs pa dang / yang bsdud po rnams kyi theg pa gsum bod skad kyis bri bar lung bstan pa yin zhes rjod byed da lta ba phyi ma'i lung ston du sgrub dgos pa'ang byung na/ snga 'gyur gyi rgyud la sprul pa'i lo pa Na chen po dag gis don 'gyur gtso bor smos nas yul dus kyi skad dang lugs kyi rjes su mthun par bkral ba la klan ka bya ba'i skabs kyang bye ma'i tshangs pa bzhin du zhig par gyur te/ dper na bod kyi sngon nas rgya nag tu bstan pa byung zhing / rgya'i paN+Da ta ha shang ma hA ya na la sogs pa skabs der bod du chos sngon la bskur ba dang rjes su mthun par/ skad gnyis shan sbyar gyi dus ha shang 'bar ba'i skad du/ zhes pa lta bu'ang skad nyams 'gyur gyi bye brag tu mdzad pa shes dgos la/ de bzhin du 'gyur ba med pa'i don la rdo rje'am/ g.yung drung gnyis ka mi 'gal ba nyid du bltas nas/ dus skabs der ring lugs sngon nas dar ba gang la zhen pa'i brda skad des sbyong sla ba dang / gdul sla ba'i slad du chos skad de dang mthun par byas pa dag kyang yod na/ bon gyi
- 278b
gzhung du g.yung drung sems dpa' sems dpa' chen po zhes 'byung ba de/ sdang zhen gyi yul du glo ba la zhen nas g.yung drung gi ming tsam smos par de dang de'i lugs su yid gnyis byed pa sogs ni/ gsung rab kyi dgongs pa'i don la rton mi rton gyi khyad par ma bsams pas nongs pa yin no// 'di ltar blo mchog rnams kyi dpyad bzod na/ sangs rgyas kyi byin brlabs las 'gro ba so so'i skad du gsung dbyangs yan lag drug cu ltar snang bas don mdzad kyang / don la sgra tshig rang mtshan pa ma yin ste/ gdul bya'i mos pa dang / sangs rgyas kyi byin brlabs dang / dus su tshogs pa'i rkyen gsum 'dzom pa las/ dus snga phyi med pa nyid du gdul bya'i rigs khams dang mthun par chos kyang tha dad par ston pa yin te/ mdo ting nge 'dzin gyi rgyal po las/ 'jig rten phan pa khyod kyi gsung gcig las// mos pa tha dad bzhin du sgra 'byung ste/ rgyal bas bdag la ston nyams so sor sems// gang gi slad du khyod kyi 'dzum mdzad ston// zhes pa'i gnas bsam gyi mi khyab pa 'di khong du chud pa ni don la mkhas pa zhes bya'o// de yi phyir bka' lung 'grel par byed pa'i byang chub sems dpa' de dag kyang blo gros kyi mthu bsam gyis mi khyab cing / sgyur byed kyi lo paN sprul pa'i sku rnams kyang sangs rgyas kyi byin brlabs kyi spobs pa'i gter mdzod grol ba 'ba'
- 279a
zhig yin pas/ 'jig rten na rgyal po'i ngag bgros blon pos bskur ba la mkhas pa tsam mam/ yi ge'i las 'du byed pa dag gis bshus nas bkab pa lta bu'i rnam par rtog pas chos kyi tshig don yod do cog gi cha la rig pa bsgre ba gcig pu'i mthar yang ma lhung bar bya'o// de ltar brjod bya de rnams kyi srog gzugs sam ngo bos bstan pa ni/ bzo rig pa'i yan lag yi ge'i 'du byed 'di yin te/ 'di ltar 'phags pa'i yul gyi yi ge'i rgyun mang po dag bod du mched pa tsam yod mod kyi/ mtha' 'khob kyi skad la sgra ji bzhin du bri bar nus pa ma yin pas mkhan po thon mi sam+bo Ta'i blo gros kyi rgya yig lnga bcu tham pa/ bod yig sum cu'i sder gtan la phab cing / de dang mthun pa'i gzugs brnyan gyi yi ge'ang gsal bar mdzad pas/ bod dang bod chen por gtogs pa'i yul dang / ljongs dang / grong khyer dang / rdal dang / gtsug lag khang dang / rgyal po'i khab kyi grong khyer la sogs pa dar rgus su gyur pa'i yi ge rdza ba chen po dang / rdza ba chung dang / 'bru chen dang / 'bru chung dang / gshar ma dang / dkyus yig la sogs pa yongs su grags pa dag dang / 'phags pa'i yul gyi yi ge la dpe byas pa'am/ min yang rung ste bod 'dir rang gi blo gros kyis gzugs brnyan du btsas pa dag kyang mtha' mi 'tshal ba zhig byung yang /
- 279b
gsung rab dgongs 'grel dang bcas pa'i srog bstan par nus shing / gzugs kyi rnam pa kho na la'ang byin brlabs kyi khyad par rang bzhin gyi zhugs pa ni rdza chen 'di kho na ste/ de la'ang li lugs dang / ldan lugs sogs srol tha dad pa las/ bzo'i gnas kyi rig pa 'di la nye bar mkho ba'i mtshan nyid bzad mgo la 'don pa la sogs gdon pa bcu/ snag lam zlum la sgros chags pa la sogs te gces so brgyad de bco brgyad/ de bzhin du thag zlum gris bcad 'dra ba'i mgo dang / thugs kar rdor 'dzin gyi dpung pa dang / gsegs sbyor thung rno zags mchu dang / rgya khab slang 'dra'i yar then dang / sgo lcags rkang 'dra'i mar 'then dang / nya mig 'dra ba'i mig bu ste/ de bzhin du re re la/ rab dang / 'bring dang / tha ma ste gsum gsum du phye ba'i chos nyi shu rtsa gcig dang / mtho dman med pa la sogs pa rna ru'i chos gsum/ stod smad phyed pa la sogs te 'greng bu'i chos gnyis/ zlum 'grel 'khyug pa ste gi gu'i chos gsum/ gsum 'grel ldan pa ste zhabs kyu'i chos gsum/ rta sbrel ba sogs ra btags kyi chos gnyis/ 'khyug snyoms sogs ya btags kyi chos gsum ste bu chos bcu drug dang / gzugs dkyus su ma gol ba/ dkyus tshang nas ma yar ba/ de nyid shan phyed pa ste/ spyi'i chos gsum sgo dang bcas pa ste rags par chos bzhi bcu'i
- 280a
mtshan nyid dang / zhib par so so'i thig gis cha dbye ba dang bcas pa ste/ de dag gi srol 'byed chen po zon mi sam b+ho Ta'i yi ge'i rgyun 'dzin pa rnams kyi mchog tu gyur pa skab dpal rtsegs kyi lugs/ khyung po g.yu khris thig ris su btab pa la/ mkhas pa rong pos lhan thabs kyis dag pa sbar ba'ang yod de/ de dag la bzo gnas 'dzin pa phal cher rnam dbye 'byed pa'i blo gros gsal ba nyung 'ang / rags pa tsam du phyi'i sha dang nang gi dkar zhes gzugs kyi mtshan nyid 'ol spyi tsam 'dzin pa la gcig tu rtog pa gsal bas yi ge'i gzugs brnyan dang / bris sku gnyis po mna' bo'i dus las kyang bar skabs tsam du nyams 'gyur gsal zhing / lhag par yi ge'i bzo gnas ni thod rgal ba re re tsam da lta'ang 'byung bzhin pa bod 'dir bstan pa gnas pa kho na'i byin brlabs su nges so// gsum pa thugs kyi rten ni/ spyir 'phags pa'i bden pa gzigs pa rnams kyi ngo na khams gsum po 'di dag kyang de bzhin gshegs pa'i rnam pa thams cad pa'i mchod rten du bzhag pa yod de/ rdo rje bkod pa las/ 'dod khams dbang gi ri bo la// gzugs khams bang rim khri 'phang can// gzugs med bum rten bum par bcas// sku gdung chen po rgyun du gnas// zhes dang / 'dir tshad dang rnam par ltar gzhag pa la
- 280b
nyan thos dang / rang sangs rgyas dang / theg pa chen po'i mchod rten gsum du grags pa ste/ de'ang nyan thos kyi mchod rten chos gos bzhi bltab kyi steng du lhung bzed kha sgrub pa la 'khar bsil btsugs pa lta bu'o// rang sangs rgyas kyi mchod rten ni rmang gru bzhi'i steng du ngos gru bzhi zlum po bang rim bcu gnyis pa 'khor lo rtsibs brgyad pa'i rnam pa can no// theg pa chen po'i mchod rten ni lhung bzed kha sbub pa lta bu bim+ba'i zlum po dang / khang bu lta bu dang / rgyal mtshan lta bu'i mchod rten brgyad la sogs par klu sgrub zhabs kyis bshad cing / de ltar ston pa'i khungs 'dul ba lung las/ shA ri'i bu'i gdung gi gleng gzhi byas nas nyan rang sangs rgyas gsum gyi mchod rten la 'bras bu'i grangs kyi gdugs tha dad par bzhag pa dang / de bzhin du dus kyi 'khor lo nas mgul pa thung ba dang / 'grel pa dri med nas mgrin ring ste rnam pa gzhan du bshad pa dang / bdud rtsi mchog nas sngags rgud kyi gleng gzhi dang mthun par bzhugs pa'i gnas kyi bye brag dang / spyir bsod nams dam pa'i nyer 'tshor/ pad+ma spungs pa nas rim par de bzhin gshegs pa'i mchod rten brgyad kyi mtshan nyid bstan pa grags che zhing / nges pa'i don du bde bar gshegs pa'i rnam pa thams cad pa'i mchod rten la byang chub phyogs kyi chos rnams ma lus pa'i dag pa sbyor
- 281a
bas na thugs kyi rten du 'jog pa yin no// gnyis pa bzo gnas phal pa ni/ bod tsha ris mi btsun pas skye bo phal cher gyi nyams su bstar ba ste/ ngo mtshar ma yin yang mdo sde las bzo gnas bco brgyad du phye bas/ 'di ltar tshang ba dang / rdza mkhan dang / phreng ba mkhan dang / tshang tshing dang / phyugs btsong ba dang / 'dreg mkhan dang / 'bru mar 'tshir ba dang / mgar ba dang / shing mkhan dang / phywa mkhan dang / thag pa dang / ko pags mkhan dang / rgyal chen pa dang / btso blag mkhan dang / smyig ma mkhan dang / srog las pa dang / gdol pa mkhan dang / shing rta mkhan te rnam grangs bco brgyad/ gzhan yang rin po che brtag pa/ sa gzhi brtag pa/ gos brtag pa/ ljon shing brtag pa/ rta brtag pa/ glang po che brtag pa/ skyes pa brtag pa/ bud med brtag pa brtag pa brgyad/ de bzhin du sgyu rtsal gyi gnas drug cu rtsa bzhi ni// ji skad du/ rol mo'i mtshan nyid sgyu ma dang // 'gyed stobs dang ni me tog las// dmag rnams kyis ni bdag nyid shes// g.yos su bya bar rnam par nges// tshong dang nor ni bsgyur ba dang // rgyan dang lag rtsis bcud kyi len// 'khrul 'khor sbyor dang dri ba dang / 'phongs dpyad dang ni tshom sbyor sgra// yi ge dang ni khwa skad dang / rang rang bzo dang mtshon rnams brtag/ gcod thabs dang ni sog le dang // phub rnams
- 281b
bskor bar byed pa dang // song dang 'ong ba shes pa dang // gzhi yi mtshan nyid shes pa dang // mdun dang rdo rje brtag pa dang // thabs kyi tshor ba'i mtshan nyid dang // zug rngu 'byin dang mig 'phrul dang // b+ha ra ta yi bstan bcos shes// bcing dang khang pa brtsegs ma dang // de bzhin gos kyi 'phang ba dang // yan lag mnye dang mo 'debs dang // de bzhin chu yi kun 'dzin dang // dung gi sgra dang sdeb sbyor dang / grong rdal dag ni glog 'dra dang // mtshan mo chom rkun shes pa dang // sgra dang sa rtog byed pa dang / skye ba bud med rta dang ni// glang po'i mtshan nyid gar slob dang / 'byung po dag ni gso ba dang // zangs ma 'khar ba gser dag dang // shing dang dung dang shes pa dang // ri mo mtshon dang gos dag gi/ las rnams de dag go rim bzhin// skar ma'i gtan tshigs shes pa dang / mtshan mo shes pa nyid dang yang // nges pa'i tshig gi gzhung rnams kyis// sgyu rtsal drug cu rtsa bzhir dran// zhes dang / de'i khyad par gzhan pa snyan dngags me long las bzor gtogs pa sum cu/ rol mo'i bye brag bco brgyad/ glu dbyangs kyi nges pa bdun/ gar gyi nyams dgu ste drug cu rtsa bzhir byed pa las/ bzor gtogs pa sum cu ni/ sgyu rtsa la/ yi ge/ lag rtsis/ grangs can/ rtsis/ 'dzin stangs/ thor tshugs/ gom stabs/ lcags kyus bsgyur thabs/ ra la
- 282a
/ gri'i thabs/ zhags pa gdab pa/ mda' bo che 'phen thabs/ 'phong gi slob dpon/ mdun du bsnur ba/ phyir bsnur ba/ gcad pa/ dral ba/ dbug pa/ rgyang nas 'phog pa/ sgra grag par 'phog pa/ gnad du 'phog pa/ mi 'chor bar 'phog pa/ tshabs che ba ste gnas lnga dang / mchongs pa/ gyad kyi 'dzin stangs/ bang / rkyal/ rgal ba/ glang po che'i gnyar zhon pa/ rta la zhon pa/ shing rta'i thabs/ mda' gzhu 'gyed stabs so// rol mo'i bye brag bco brgyad ni/ gar mkhan nam bro mkhan/ gar ram bro/ rnga bo che/ rdza rnga/ rnga/ rdza rnga chen po/ 'khar rnga/ pi wang rgyud gcig pa/ rdza rnga kha gcig pa/ lcags kyi sil khrol/ khar dkrol/ pi wang / rgyud gsum pa/ Da mu kun+da/ sil snyan/ glu dbyangs/ pheb rdob pa/ rol mo'i sgra/ pi wang / gling bu'o// glu dbyangs kyi nges pa bdun ni/ ji skad du/ 'khor nyan khyu mchog dri 'dzin dang // drug skyes par ma blo gsal te// lnga pa zhes bya dbyangs bdun no// zhes dang po nas rim bzhin/ glang po'i skra lta bu dang / khyu mchog pa glang lta bu dang / ra skad lta bu dang / zla ba sgra gcan lta bu dang / khrung khrung sgrog pa lta bu dang / rta skad lta bu dang / me tog dus kyi rma bya sgrog pa bzhin no// gar stabs dgu ni/ sgeg pa dang / dpa' ba dang / mi sdug pa dang / drag shul can dang / bzhad gad dang / 'jigs su rung ba
- 282b
dang / snying rje ba dang / rngam pa dang / zhi ba ste dgu rnams so// de bzhin du dus kyi 'khor lo bsdud rgyud las/ mi sdug pa dang / drag shul can dang / bzhad gad dang / 'jigs su rung ba dang snying rje ba dang / rngam pa dang / zhi ba ste dgu rnams so// de bzhin du dus kyi 'khor lo bsdud rgyud las/ g.yul du pham pa'i dgra bo dag ni gal te phra la rdzong gi nang du zhugs par gyur pa na/ phyi rol du ni 'khrul 'khor bya ste rgyun chad med par me mda' rab tu 'bebs pa dang / ral gri la sogs gcod pa'i 'khrul 'khor dag dang sa gzhi'i gnas la gur dang go ni dbye ba yis// de yi rdzong ni phye mar byas te nyin zhag cung zad dag gis gdug pa de ni bsgrub par bya/ zhes 'khrul 'khor gyi bzo gnas/ zang rdzong gzhig pa rdo'i 'khrul 'khor/ chu rdzong 'joms pa gru'i 'khrul 'khor/ ri rdzong 'joms pa me'i 'khrul 'khor/ ral gri 'khor ba gri gug gi 'khrul 'khor/ rtse mo 'byed pa rlung gi 'khrul 'khor/ rtsig pa 'jig pa gur gyi 'khrul 'khor/ go cha 'jig pa lcags mda'i 'khrul 'khor rnams dang / rang phyogs bsrung bar ral gri'i 'khrul 'khor/ rgyal rigs 'thab pa shing rta'i chad// ltad mo la 'gro ba'i don du khang bzang gi mtshan nyid/ dga' ston gyi don du phyogs kyi mtshan nyid/ ldum rwa gso ba'i don du chu 'dren pa'i 'khrul 'khor la sogs pa phas rgol
- 283a
/ cham la 'bebs pa'i gnad de/ mdor na lus kyi bzo dang / ngag gi bzo dang / yid kyi bzo ste rnam pa gsum gyi khong du mi 'du ba ni gang yang med do// gnyis pa gcig tu rnam par dkar ba'i bya ba las kyi 'khor lo ji ltar brtsams pa ni/ mdo sde sa bcu pa las/ sa dang po la gnas pa'i byang chub sems dpa' rnams ni phal cher 'dzam bu'i gling gi dbang por gyur cing / dbang phyug chen po la dbang rab tu thob pa dang / chos rjes su bsrung ba dang / gtong ba chen pos sems can rnams sdud pa'i gtso bor gyur cing / sems can rnams kyi ser sna'i dri ma bzlog pa la mkhas pa yin/ gtong ba chen po rtsom pa la yongs su dub par mi 'gyur ba yin no// sbyin pa dang / snyan par smra ba dang / don spyod pa dang / don mthun pas las gang ci rtsom yang rung ste/ de thams cad sangs rgyas yid la bya ba dang / dge 'dun yid la bya ba dang / byang chub sems dpa' yid la bya ba dang / rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur ro zhes pa ltar/ sngon gyi tshe 'phags pa'i yul du rgyal po mya ngan med kyi rgyal srid dge 'dun la byin pa la sogs te bstan pa'i slad du sri zhu ji ltar byas pa
- 283b
dang / gangs ri'i khrod 'dir rgyal sras rigs gsum mgon po'i ye shes kyi rnam par 'phrul pa chos rgyal mes dpon rnam gsum la sogs bslad pa med pa'i rigs dang / yan lag mchog gi gzugs dang / lang tsho gsal ba'i dpal dang / dpa' ba dang / nges pa dang / brtul phod pa dang / brdzi ba med pa'i stobs dang / gzhom du med pa'i dpung pa dang / bri ba med pa'i mnga' zang dang / nor gyi rnam pa mtha' yas pa dang / gzhon pa dang / rkang bran dang / skye dgu mang po'i spyi bo na rkang btegs 'cha' ba dang / yul dang / ljongs dang / grong rdal dang / grong khyer chen po'i kho ra khor yug dang / rdzong chen po dang / khang bu brtsegs pa'i pho brang mig stong pa la dbang byed pa'i bdag por gyur kyang / 'di skad du/ klu sgrub zhabs kyis/ gzhon yang rgan pa'i nye bar zhi la dga'// mkhas par gyur kyang shes pa'i nga rgyal med// gzi brjid che yang bzod cing nges pa'i ngang // je mthor phyin yang nga rgyal dregs pa med// ces dang / bshes spring du/ ser sna g.yo sgyu chags dang snyom las dang // mngon pa'i nga rgyal 'dod chags zhe sdang dang // rigs dang gzugs dang thos pa lang tsho dang // dbang zang che bas rgyags pa dgra bzhin gzigs// zhes pa ltar/ khyim na gnas pa'i ltar snang gi bde ba ni bzang po ma yin pa/ thar pa med pa/ skye 'chi'i
- 284a
bar lag can/ 'byor rgud re mos pa/ 'khor ba dang ngan song gi rgyu la brten cing 'bras bu la longs spyod pa'i rang bzhin du bcom ldan 'das kyi yang nas yang du gsungs pa'i nyes dmigs mang po bstan pa rjes su dran pa'i nges 'byung gi thur ma rnon pos/ bsod nams ma yin pa la zhen cing rgyu 'bras kyi mtshan nyid la ldongs par gyur pa'i 'ching ba dam po yongs su 'dral bar byed pa'i spro ba la zhugs pa sha stag go/ ji ltar zhugs na/ mdza' bshes la springs par/ dge ba'i bshes gnyen bsten pa tshangs par spyod/ yongs su rdzogs par thub pas gsung de'i phyir/ skyes bu dam pa bsten bgyi dam pa la/ brten nas rab tu mang pos zhi ba thob// ces gsungs pa ltar thar pa dang rnam mkhyen gyi rgyu 'bras de yang skyes bu dam pa dge ba'i bshes gnyen 'ba' zhig gis bdag po'i rkyen la ltos shing rag las par mkhyen nas// rgya gar chos kyi 'byung gnas chen po nas paN+Di ta sprul pa'i sku mchog thos pa mang po'i pha rol tu son zhing / mdo sngags rig pa'i gnas gang la'ang ma rmongs pa bsam gyi mi khyab pa zhig spyan drangs/ srog dang / nor gyi dngos po ci yang mi sems pa'i gnas su nye bar bsdogs nas dka' bas btsal zhing / dkon pas bsgrubs pa'i rgyal bstan yid bzhin nor bu rin po che'i rtsa lag gcig tu gyur ba'i mdo dang sngags kyi
- 284b
dam pa'i chos dpag tu med par bsgyur ba'ang / ji skad du sgra sbyor bam po gnyis par gsang sngags kyi rgyun rnams gzhung gis gsang bar bya ba yin ste/ snod du ma gyur pa rnams bshad cing bstan du'ang mi rung la/ bar du bskur zhing spyod par gnang gis kyang / ldem po'i ngag tu bshad pa ma khrol nas/ sgra ji bzhin du 'dzin cing log par spyod pa dag kyang 'byung / sngags kyi rgyud kyi nang nas thu zhing bod skad du bsgyur ba dag kyang 'byung zhes bdas kyi/ phyin chad gzungs sngags dang / bla nas bka' stsal te bsgyur du bcug pa ma gtogs pa/ sngags kyi rgyud dang / sngags kyi tshig 'thu zhing bsgyur du mi snang ngo // zhes theg pa chen po gsang sngags ni gdul bya thun mong ba'i spyod yul du ma yin pas/ btsan po khri srong nyid kyi dus nas gsang ba chen po'i sbubs su bskyil ba nyid/ slar yang rta'i lo la lha sras khri lde srong btsan 'on cang do na bzhugs te sde snod gsum la sogs pa'i gsung rab sngon 'gyur rnams skad gsar bcad kyis gtan la phab pa'i tshe'ang sngags rgyud rnams gsang ba bsrung ba'i dam tshig tu bkas bcad pas glegs bam du mar ma 'phel la/ sngar yab mes kyi dus chos kyi skad bod la ma grags pa las ming du btags pa dag/ byA kA ra na'i lugs dang mi mthun pa dang / 'jal dka' ba rnams tshig gis so sor ma phral ba dag sgra'i
- 285a
lugs btsan par bgyis pa dang / don gyi lugs btsan par bgyis pa'i dag zer gyis kyang ma phog pas legs sbar kho na'i skad kyis dbang du 'jug pa dang / mi 'jug pa'ang ci rigs su yod cing / bka' dang dgongs 'brel phyogs su sgrig pa la snga ba dka' chag 'phang thang ma dang / ldan dkar ma gnyis su gsang sngags nang gi rgyud rnams ches cher gnyen pas re zhig 'dir 'god par ma nus zhes yo ga/ gsum gyi rgyud rnams gzhung gis gsang bar byas so// rgyu de rnams kyi chos la zhus pa dang g.yel ba'i skabs su ma byung bas byin rlabs ma nyams shing / gang dang gang gis tshul bzhin nyams su blangs pa thams cad grub thob kyi dngos po 'ba' zhig tu bsgrub nus pa byung ba ni sngar gyi gtan tshigs rnams kyis shes par 'gyur la/ phyi mtha'i dus na chos la mi rton bdag po la rton pa dag gis snga 'gyur rtsod pa can du byed bzhin du/ yang phur ngo mtshar can du sgom pa'i rnam par rtog pa mnyam pa nyid kyi ngang du bzhag nas/ rnying rgyud tshang ma 'dril bar ma nus pas phyogs re'i khur gyi duHkha lhod par bkrol ba tshal pa bka' 'gyur las yo ga gsum ka'i rgyud gtso bsdus te nges pa 'dren pa'i slad du bkod mod/ de las gzhan du sde mtshan logs su bzhugs bzhin pa'ang dus kyi rgud pa dang / kla klo tu ru Sh+ka'i spun zlar gyur pa dag gis rgyal
- 285b
ba'i bstan pa phyogs bral chen po ris su gcod pa'i do zlar lhags nas nyams nyes par byas pas glegs bam gyi rgyun nyung ngur gyur pa des/ ston pa bcom ldan 'das de bzhin gshegs pa'i gdul ba tshad med pa'i phrin las chud gsan cing / sngon gyi rgyal blon byang chub sems dpa' dang / lo paN sprul pa'i sku mchog rnams kyi bsam gyis mi khyab pa'i thugs bskyed dang / phyag rjes kyi rim pa la zug rngu'i rma phyung ba de blo la gdung bar lci nas bgyi ba 'di brtsams pa yin no// de la bdag cag ni rigs dang / gzugs dang / thos pa dang / lang tshos dregs pa ma yin pa/ 'byor pa nyung ba/ mthu chung ba/ bgyi ba mang po lhur mi len pa/ nags khrod dben pa na gnas pa/ tshong dang / so nam dang / gzhan ngo srung ba la sogs pa'i 'du 'god rgya chen po rmi lam du'ang mi sems par nam sgyu ma'i lus rten phung po'i 'du byed dang bcas pa 'jig rten pha rol pa'i gnas su 'khrid par 'gyur ba'i nges par 'byung ba kho na yid la rgyun chags pas dkon mchog gsum la skyabs su 'gro zhing / yid mnyam pa nyid kyi klong na re ba dang dogs pa'i gnas la cha mi 'tshal bar gnas pa zhig la/ la la zhig gis bdog pa'i rnam pa dbyig gi dngos po'am/ 'bru'i cha shas sam/ bza' ba dang bca' ba'am/ bgo ba dang / rgyan gyi bye brag gam/ tha na khab dang srad bu'i rnam pa
- 286a
tsam 'byor par gyur na'ang / de la rang gi phyogs bsrung ba dang / dpal dang 'byor pa'i 'du 'god rtsom pa dang / 'ga' dang 'ga' la do zla'i gnas su blta ba la sogs pa'i rnam par rtog pa yid kyi yul du'ang 'jug pa ma yin pas/ rnga bo che'i mdor/ nor ni dgra dang chom rkun sogs mang dang // rgyal po me dang mdza' bshes dang // nye du mi mdza' bgo skal spyod mang gis/ sdig par spyod pa yis ni 'dzad par 'gyur/ zhes gsungs pa'i tshul de la sems shing / ji ltar nus pa'i sgo nas/ 'di ni dkon mchog gi phyogs su mchod par phul ba'am/ bkren pa dang / phongs pa dang / nyams zag pa dang / mgon med pa dang / nad pa dang / srog gi 'jigs pas skrag pa la sogs pa'i snying rje'i yul du gyur pa dag gi nye tshor byas na rung gi/ re zhig bya ba de dang de'i rgyu rkyen tshogs par ma gyur pa de srid du bdag ni 'di'i gnyer du bskos pa tsam yin gyis/ dngos po 'di'i bdag por gyur pa ni kho bo cag nam du'ang ma yin no snyam du yid la lhan skyes su 'char bas dkor gyi nus pa slar la 'phel ba'i brtul zhugs kyang nyams dmas par 'gyur ro snyam du sems la/ 'dun pa de'i rgyu dang / 'byor pa nyung ngur gyur pa'i bdag po'i rkyen las kyang / bod kyi rdo rje'i gdan chen po gyur pa'i gtsug lag khang dag la/ stong mchod kyi rim pa lan bcu phrag
- 286b
tsam dang / gser bsil ma'i me tog gtor ba dang / zhal gser gyis byug pas bsku ba dang / rgyal bas bka' 'gyur ro cog gi gsung sgrogs dang sku gsung thugs kyi rten bzhengs kyi rim pa cung zad dang / 'gro ba mang po'i srog bslu ba'i dam bca' rgyun mi chad par bzung ba dang / sgrub gnas rnams su me mchod dang tshogs bskongs la sogs pa yang nas yang du bgyid pa la sogs pa thar pa cha mthun gyi dge bar 'gyur ba'ang rjes la thob pa'i ye shes dang 'brel bar spyad la/ khyad par chos yang dag par sdud pa'i mdo las/ byang chub sems dpa' rnams kyi gtong ba ni rnam pa gsum ste/ gtong ba dang / gtong ba chen po dang / shin tu gtong ba'o// de la gtong ba gang zhe na/ bza' ba dang / btung ba dang / bzhon pa dang / gos dang / mar me dang / spos dang / rgyan la sogs pa gang sems can la la phan par 'gyur ba ma gtogs pa mi sbyin pa'ang yin yin pa de ni gtong ba'o// gtong ba chen po ni/ 'di lta ste/ chung ma dang / bu dang / bu mo dang / yid du 'ong ba'i bran dang / khyim dang / rgyal srid rnams yongs su gtong ba ni gtong ba chen po'o// shin tu gtong ba gang zhe na/ lag pa dang / rkang pa dang / rna ba dang / sna dang / sha dang rus pa dang / pags pa dang / mig dang / lce dang / mgo rus dang / rkang la sogs pa gtong ba ste/ 'di ni
- 287a
byang chub sems dpa'i shin tu gtong ba zhes bya'o// zhes gsungs pa las/ 'dir phyi ma gnyis smon pa'i yul du bya ste/ dang po'i gnas la sbyin pa'i mdo las/ bcom ldan 'das kyi dge slong rnams la bka' stsal pa/ dge slong dag mkhas pa rnams kyi rnam pa sum cu rtsa bdun sbyin par byin no// sum cu rtsa bdun gang zhe na/ ser sna rnam par spang ba'i phyir dad pas sbyin pa byin no// dus su sbyin pa byin no// de bzhin gshegs pas gnang ba'i rung ba'i dngos po gsum yongs su dag pas sbyin pa byin no// sems kyi 'khrug pa'i skyon thams cad spang ba'i phyir bsti stang du byas nas sbyin pa byin no// snying po med pa'i lus las snying po blang ba'i phyir rang gi lag nas sbyin pa byin no// zhes pa la sogs pas rgya cher bstan pa bzhin/ 'phral gyi bza' ba dang / btung ba'i nye bar spyad pa tshun chad gcig tu rnam par dka' ba'i bgyi ba 'di'i phyogs su nye bar bsdogs pa'i dam bca' bzang po yid kyi cho gar yang dag pa nyid du bcas so// de las ji ltar bsgrubs pa'i yul ni/ lha gcig di baM ka ra'i don gyi rtogs pa rjod pa'i glegs bam las mkha' 'gro ma rnams kyi rdo rje'i mgur/ shar rdo rje gdan gyi byang phyogs na// gnas pu rgyal bod ces bya ba yod// ri mthon po gnam gyi ka ba yod// mtsho dma' mo g.yu yi maN+Dal yod// gangs dkar po shel gyi
- 287b
mchod rten yod// spang ser gyi lhun po yod// dri zhim po sman gyi bdug spos yod// tshon bkra ba gser gyi me tog yod/ dbyar bkra ba g.yu yi me tog yod// kye gangs ri'i mgon po spyan ras gzigs// gnas mchog de na khyod kyi zhing khams yod// zhing de na khyod kyi gdul bya yod// ces bsngags pa bzhin/ ri kha ba can na stod la mnga' ris skor gsum/ bar na dbus gtsang ru bzhi/ smad ma mdo khams sgang drug yod pa'i nang tshan las/ gangs ri'i khrod kyi rdo rje gdan chen po lha ldan sprul pa'i gtsug lag khang chen po nas mthar byed kyi phyogs su gdugs gsum gyi bde bar phyin pa'i sa/ dge bcu'i dpal gyis mngon par phyug pa'i yul yar mo klung gi chu lha'i phyogs kyi yan lag/ g.yo ru'i khra 'brug gi gtsug lag khang dang ha cang ring ba ma yin pa bkra shis srong btsan bang so'i dbang po'i phyogs/ skye bo rnams chos kyi snang ba shas nyung zhing / zho shas 'tsho ba/ 'byor pa ma yin pa/ phyogs dang phyogs mtshams grong khyer stong pas gang zhing / dge ba bsgrub pa la phan pa dang gnod pa'i phyogs gnyis ka spangs pa'i mtha' 'khob khol bu par yang dben pa 'ba' zhig gi yon tan bsams te phra bzung nas byang chub shing gi nags khrod tshe ring ljongs zhes bya ba'i bas mtha' chen po/ kho bo cag yon mchod kyis re zhig la rten dang brten pa'i gnas mig
- 288a
'phrul lta bur rnam par 'du byas pa'i dri gtsang khang mthong na mi mthun pa med pa'i rten gyi gzi byin dang 'grogs pa pad+ma 'od gling thar pa chen po'i grong khyer zhes bya ba rna lung du dpyangs nas phyogs dang phyogs bral nas 'brel pa can dag chos kyi 'du ba la lhags shing / rdo rje theg pa'i bshad sgrub kyi sgra yang cung zad sgrogs pa// de las gzhan du skye bo phal pa rnams kyi bltar mi mngon zhing / snying zag pa nas 'khor ba la nges par 'byung ba'i yid kyis shing rtas bsam gtan gyi khang bu'i nang du lang tsho'i 'du byed rnam par drangs nas/ 'gyu ba'i lam gyi sgo yang rtsig pa'i ra ba dang 'jim pa'i zhal zhal gyis 'thas par byas pa'i drang srong du mas bsten pa'i gnas shig yod do// de na srid pa 'dir skye ba'i myu gu bzung ma thag pa nas sangs rgyas kyi bstan pa'i lam srol la yang dag par zhugs shing / thos pa mang po dang / blo gros rgya chen po'i gnas su 'jug pa brtsam pa ma yin yang / dad pa dang / brtson 'grus dang / snying rje dang / nges par 'byung bas yid drangs te bsgrub pa 'ba' zhig lhur byed pa'i gnas la rang bzhin gyis bag chags gsal ba'i rig pa 'dzin pa mkhyen brtse'i 'od zer ram/ oM rgyan gyi slob dpon chen pos/ rang byung rdo rje 'jigs med gling par ming gi gcod paN dpyangs shing / gzhan du klong chen nam mkha'i rnal
- 288b
'byor des kyang bod pa de nyid kyi rnam par rtog pa la sngon gyi tshe rang nyid kyi yab tu gyur pa rgyal po kri kri'i rmi ltas kyi mtshan nyid bcu thams pa'i don la rtog pa shar te/ 'di skad du sangs rgyas 'od srung chen pos/ rgyal po chen po ma 'jigs shig/ rgyu 'di las khyod rgyal srid las nyams pa dang / srog gi bar chad du mi 'gyur gyi ma 'jigs shig/ de ci'i phyir na/ rgyal po chen po gang khyod kyis glang po che skar khung nas byung ba las mjug ma thogs pa mthong ba de ci'i snga ltas she na/ ma 'ongs pa na skye dgu'i tshe lo brgya thub pa'i dus na/ shAkya thub pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas 'byung bar 'gyur te de'i nyan thos dag rang gi skye bo gnyen bshes rgya chen po spangs nas rab tu byung ste/ de ltar rab tu byung nas gtsug lag khang la khyim gyi 'du shes skye bar 'gyur cing / de nas ser sna kun tu brten cing lan mang du byas pas lus zhig ste shi ba'i 'og tu ngan song ngan 'gro rnams su ltung zhing skye bar 'gyur ba de'i snga ltas yin no// rgyal po chen po khyod kyis skom pa ma yin pa rnams kyi phyi bzhin du khron pa gda' ba rmi lam du mthong ba de ci'i snga ltas she na/ de yi nyan thos dag bram ze dang khyim bdag rnams la chos ston pa de dag nyan par mi 'dod cing gnas par 'gyur ba de'i snga ltas so// rgyal po chen po
- 289a
khyod kyi phye bre gang dang mu tig bre gang brje ba rmi lam du mthong ba de ci'i snga ltas she na/ de'i nyan thos phye tshol ba'i phyir dbang po dang stobs dang byang chub kyi yan lag la sogs pa'i rin po yang dag par gsal bar byed de/ de'i snga ltas so// rgyal po chen po khyod kyi tsan dan shing tha mal par 'tshong ba rmi lam du mthong ba de ci'i snga ltas she na/ de'i nyan thos dag lus ma bsgoms pa 'byung bar 'gyur cing / tshul khrims ma bsgoms pa dang / sems ma bsgoms pa dang / shes rab ma bsgoms pa dang 'byung bar 'gyur la/ lus ma bsgoms pa dang / tshul khrims ma bsgoms pa dang / sems ma bsgoms pa dang / shes rab ma bsgoms pas mu stegs kyi bstan pa 'dzin cing / sangs rgyas kyi gsung rab dang mnyam par byed par 'gyur te/ de'i snga ltas so// rgyal po chen po khyod kyi kun dga' ra ba me tog dang 'bras bu phun sum tshogs pa dag ma byin par len pas phrogs pa rmi lam du mthong ba de ci'i snga ltas she na/ de'i nyan thos khyim la brten te dge bdun gyi me tog dang 'bras bu btsongs shing btsongs te bzung nas 'tsho ba'i phyir sems pa dag 'byung bar 'gyur te/ de ni de'i snga ltas so// rgyal po chen po gang khyod kyi glang po chung ngus spos kyi glang po chen po skrag par byed pa rmi lam du mthong ba de ci'i snga ltas she na/ de'i nyan thos tshul
- 289b
khrims 'chal pa sdig pa'i chos can dag 'byung bar 'gyur te/ des gang dag dge slong tshul khrims dang ldan pa/ yon tan dang ldan pa/ des shing dge ba de dag bskrad nas gnas gzhan na gnas par 'gyur te/ de ni de'i snga ltas so// rgyal po chen po khyod kyis spre'u mi gtsang bas 'bags pa gzhan la bskus pa rmis pa de ci'i snga ltas she na/ de'i nyan thos sdig pa'i chos can tshul khrims 'chal ba de dag gis dge slong tshul khrims dang ldan pa/ yon tan dang ldan pa/ des shing dge ba'i chos can dag la mi bden pa'i skyon 'gal bar 'gyur te/ de'i snga ltas so// rgyal po chen po khyod kyis spre'u rgyal por dbang bskur ba rmis pa de ci'i snga ltas she na/ de'i dus na ma ning yang rgyal po byed par 'gyur te/ de'i snga ltas so// rgyal po chen po khyod kyis snam bu gcig mi bco brgyad kyi bgos la snam bu yang de bzhin du gnas pa rmi lam du mthong ba de ci'i snga ltas she na/ de'i bstan pa khag bco brgyad du gyes par gyur la/ rnam par grol ba'i snam bu ni ral mi 'gyur te/ de'i snga ltas so// rgyal po chen po khyod kyis gang skye bo phal po che'i tshogs 'dus shing tshig ngan brjod de chad pa dang / gnod pa byed pa rmi lam du mthong ba de ci'i snga ltas she na/ de'i bstan pa lo stong du gnas shing ngan par smra ba dang / chad pa byed pas nub par 'gyur te zhes pa des yid la gdung ba
- 290a
lhag par skyes nas de bzhin gshegs pa'i bstan pa la dkon pa'i 'du shes bla lhag tu bskyed cing / gang na chos kyi snang ba nyung ba dang / gang zhig chos kyi rnam grangs dkon pa de dag la 'di lta bu ni bstan pa'i khur dang / mnga' ris dang longs spyod chen po'i gnas la rang dbang du byed pa dag gis kyang ci mi snyam na/ bdag cag ni mthu chung ngur gyur pas sems la brnag pa'i khur du bskur bar 'os pa ma yin no snyam pa'i zhum pa lhag par spang ste/ blo gros dang brtun pa chung ngur gyur pa dag gis brdzi bar mi nus pa'i dam bca'i ri mo bsrub tu med pa bris nas bgyi ba 'di brtsams pa yin no// de la dus kyi nges pa ni/ bdag cag gi ston pa shing mo glang la sku bltams pa'i gtan tshigs jo bo di paM ka ra'i lugs su byed pa ni/ 'gos lo gzhon nus stod lung pa jo bo tshul khrims kyi 'dod par 'jog pa dang / kasmi ra'i paN+Di tashAkya shrI la sogs pa rgya ba la kha che ba mang po dag me mo sbrul gyi lo la sku bltams par byed pa ni/ nyan thos sen+na pa rnams kyi ston pa'i 'das lo nub re bzhin brtsi ba'i rgyun ma ga d+ha'i byang chub chen po'i sku gzugs tsan+dan gyi lde gu las rang byung du 'khrungs pa'i dus la 'khrul bar 'jog pa dang / 'dod pa gzhan du sa 'brug gi lo la sku bltams par byed pa sogs rnam pa shin tu mang po gyur pa dag las/ 'dir dus
- 290b
kyi 'khor lo phyi nang gzhan gsum gyi gnas la blo mthu che zhing / dus tshigs rtag pa'i 'gros can dang / gsung rab kyi lung don rgya mtshor 'gal ba ma yin par spyod pa pad dkar zhal lung gi rjes 'brang legs par bshad pa bai DUr dkar po'i bstan bcos kyi gzhung lam la gzhon nu'i dus na gom pa legs par dor ba'i rjes su dpags te/ bdag cag gi ston pa drag po lcags spre'ur sa ga zla ba'i bzang po gnyis par gyur pa tshes bdun gyi zla skar rgyal la bab pa'i nyin sku bltams nas waR+Sha ste rang skyob bam lo grangs nyi stong bdun brgya sum cu so gcig/ shing pho spre'ur 'od mtshan stong 'bar chu skyes gzhon nu ma mas bstan pa sangs rgyas gnyis pa mtsho skyes rdo rje'i grags par gsal nas nyis stong drug brgya bzhi bcu zhe bdun/ phur bu sa sbrel gsang ba'i bdag pos ri ma la ya gnam lcags 'bar ba'i rtser rigs can lnga la gsang ba mchog gi chos 'khor bskor zhing za hor rgyal po lung bstan rdo rje'i pho brang rtse na tan+t+ra bco brgyad char du babs nas nyis stong drug brgya nyi shu rtsa gsum/ khro bo shing glang rdo rje sems dpa' gzhon nu'i nga tshul 'dzam bu'i gling na dgyes bzhin rtsen pa dga' rab rdo rje 'khrungs nas nyis stong sum brgya dang bdun/ rnam gnon lcags 'brug rdo rje'i sku brnyes 'jam pa'i gzhon nu'i spun zlar gyur pa paN+Di ta chen po
- 291a
/ dri med bshes gnyen 'khrungs nas tshig stong bdun brgya lnga bcu rtsa gcig/ lcags po stag la bsam yas bzhengs nas tshig stong nyi shu rtsa gcig rnams sngon du 'das shing / rang nyid kyi so bzhi pa chu pho rta'i lo la pad+ma 'od gling byang chub shing gi nags khrod bsten nas 'dor byed bcu pa'i lo/ de bzhin gshegs pa'i bstan pa'i gnas tshad las/ 'dod pa gzhan sa pho 'brug la sku bltams/ me mo phag la mya ngan las 'das pa'i dbang gis na/ 'bras bu'i dus gsum dang / sgrub pa'i dus gsum ste stong dang / lung gi dus gsum las mngon pa'i dus kyi lnga brgya phrag gcig ni 'das/ mdo sde'i dus kyi lnga brgya phrag gcig las kyang bzhi brgya dang bzhi ste/ sdom pas sum stong dgu brgya bzhir 'das la/ de'i lhag mar gyur pa brgya phrag gcig dang drug/ 'dul ba'i dus kyi lnga brgya phrag gcig dang / rtags tsam 'dzin pa'i dus kyi lnga brgya phrag gcig te/ phyi ma ni bstan par mi thebs/ phyin chad bstan pa rnal ma'i lhag ma brgya dang dgu bcu go drug yod pa rab byung bcu gsum pa'i nang tshan lcags mo yos kyi lor sta gon ma tshang ba med pa dang / shog las kyi rim pa nyams su bstar/ de'i tshe gtsang nyang stod sa'i thig le brgya mkhar rtse'i nye 'dabs nas mthu stobs kyi dbang po rwa lo'i gdung du gyur pa ya rabs dra ma'i ngang tshul dang ldan zhing / rang bzhin
- 291b
bzang ba/ blo gros gya nom pa/ bdag cag la'ang ring mo nyid nas/ gus pa dang / dad pa 'ba' zhig lhur byed cing zab mo'i chos kyi lam nas yang dag par 'brel ba zhabs drung yang stengs pa drang srong rgan po'i nga tshul can des/ rang gi zhabs 'bring du gyur pa dngos la'ang chos kyi bdud rtsi mang du 'thungs shing mos pa'i shing rta dge ba'i drung yig blo gsal dbang po de bsgo ba gang yang med par 'degs 'jogs gis rkang pa'i khyogs la brten nas phyogs 'dir lcags su bcug pas/ dkon mchog gsum gyi thugs rje'i gnas la sgrib pa med cing / rdo rje'i chos skyong rnams kyis g.yel ba med pa'i phrin las la chags thogs spangs pa nyid du nges shes lhag par rnyed cing gzab bris rnams 'bri ba'i dbu brtsams so// de la 'di lta ste/ bya dka' ba dang / rgyu 'gro mod pa dang / dus bul ba la blo 'tshob pa ni bya ba'i las de phun sum tshogs pa ma yin par 'chos pa'i gdon chen po bltar mi mngon pa zhig ste/ de'i phyir bya ba dang bya ba ma yin pa'i gnas la blo gros kyi mthu sad par byed pa'i grogs su gyur pa ni 'jig rten na'ang shin tu dkon pa nyid na dngos cag kho na la lta ci smos te/ bstan pa'i slad du rang gi sgo gsum rdul phran du brlag pa la'ang cang mi sems pa'i skyo ngal khur du bzod par byas te/ las kyi 'du 'god dang / zhu dag gi dbang po
- 292a
dang / bzo gnas kyi kha ta la sogs te thams cad rang nyid kho na'i phang pa na bzung dgos pa nyid las/ dang por gzab bris rnams dbu shog gcig pa nas lnga pa la sogs pa'i bar du/ gser dang / dngul dang / zangs dang / g.yu sbyangs bsres pa'i mthing dang / mtshal ste rin po sna lnga'i bri gzhi in+d+ra nI la ltar sngo ba dang / bung ba bzhin du gnag pa dang / pad+ma rA ga ltar dmar ba dang / ma rgad ltar ldang ba dang / gser btso ma'i kha dog du rngom pa'i shog bu rnams la bya ba tha dad pa mang po bsogs shing / de dag rgyu rkyen ma tshogs pa'am/ thal bar gyur pa las yang nas yang du chud gson par gyur pa la spro bzhan pa med pa'i nan tan gyis mthar son par byas te gzab bris rnams lo 'di kho na la tshags su chud par byas so// re zhig na ston gyi rgyal mo yang bltar mi mngon par phyogs pa'i tshe dpal gyi ri bo dam pa nas dge 'dun 'dus pa'i tshogs rje sprul pa'i sku rin po che gtso bor gyur pa'i dge 'dun nyi shu rtsa lnga skor dang / 'di kha'i grwa rigs slob mar gyur pa gtso che ba dag 'dus pa la sgrub chen bka' brgyad bde gshegs 'dus pa'i dbang mo che bskur ba'i rjes thog tu/ snga dro'i char tshom bu yongs rdzogs 'dus pa'i dkyil 'khor chen po bsgrub cing mchod pa dang / bdag 'jug blang ba dang / tshogs kyi 'khor los dgyes
- 292b
pa bskyed nas lhag pa'i lha dang mkha' 'gro'i tshogs la rgyud chen zab pa shin tu bka' gnyen pa dag bri ba la skabs dbye ba'i gnang ba yang dag par zhus/ phyi dro'i cha la bab pa na rdo rje'i chos skyong rnams la mchod pa'i sprin rgya chen po bshams te/ nyin zhag bdun gyi bar du dpon slob tshang mas gyer dang / 'gyur/ khugs/ sbom/ phra/ 'degs/ 'jog ste yon tan drug tshang ba'i dbyangs dang / drag dal skabs phyed pa'i rnga'i chings dang / snyan 'gyur rdzogs pa'i rol mo'i bye brag dang / mkha' 'gro 'bod pa'i rkang gling dang / dung dang / dung chen po dang / rgya gling dang / gling bu dang / rgyud mangs la sogs pa'i spros pa la brten nas bskang gso'i cho ga shin tu rgyas par bstar nas/ thugs dam bskongs shing / sdud pa las/ rin chen chos kyang dkon la rtag tu 'tshe ba mang // zhes pa ltar/ rang gi sems dge ba'i rgyud la ngang gi gnas pas 'dod pa'i don bsgrub pa la dgra zlar chas pa'i bslu byed kyi mda' rnon po me tog mde'u can/ rnam pa shin tu rtsub mo ma yin yang nus pa shin tu rtsub mor gyur pa des/ zabs du ma'i sgo nas glags ba ba'i 'jug pa rtsom pa de bslu brid kyi gom pa gya gyur 'dor bzhin du 'ong ba'i skabs gcod par gnyer du gtad cing / bka' bsgos pas de de bzhin du bsgrub pa'i dge mtshan gyi ru mtshon rnon po phyogs dang
- 293a
phyogs bral du 'phyar ba'i ltad mo'ang 'dren byed kyi lam du byin par gyur to// de nas gcig tu rnam par dkar ba'i las kyi dngos gzhi rtsom pa la gzhon nur gyur pa'i gsar bu'i lo yang chas par gyur te/ 'di ltar 'phags pa'i yul du skad rigs rnam pa bzhi las saM skr-i ta'i skad du nan+ta/ stod 'grel las bod skad du dga' ba'i sgra bzang po dang ldan pa/ shar phyogs kyi grong khyer chen po ma hA tsi na'i khab tu zhing shin/ 'byung ba dang khams kyi bye brag las byung ba'i nges brjod ma smos/ ljongs 'dir dbang zang dang bstun pas chu pho 'brug gi lor 'bod pa'i res la 'khor ba'i drang srong chen po dang / chu tshod la spyod pa'i rgyu skar gyi lha mo ste/ de gnyis phrad pa'i 'phrod dang sbyor ba/ byed pa ste yan lag lngas bsdus pa la/ legs ldan gza' lnga'i gdong tshugs dang / du ba dang / sol ba dang / 'khyud pa'i dpyad ma yin pa la sogs pa/ cho ga zhib mos kun rdzob tsam du brtags nas/ dge ba dang legs pa'i phyogs 'ba' zhig la dpal du ster ba'i mthu dang 'grogs pa/ sngon bdag gi ston pas dpal ldan 'bras spangs su gnyis med rgyud kyi rgyal po gsungs pa'i dus kyi rgyal pos bsu bar nye zhing / mdzad bcu rgya gzhung ma'i 'dod pas sku bltams pa'i dus tshod kyi bsgyel mar byas pa nag pa zla ba'i dga' ba dang po'i nyin/ bzo'i gnas
- 293b
kyi rig pa la goms pa'i skyes bu bcu phrag gnyis su ldang ba dag mdun du bdar nas rgyud kyi rdo rje'i gnas chen po dag ni so so'i skye bo tha mal pa'i rnam shes can la ye gsang chen po'i bdag nyid du bzhugs na'ang / gsang sgrog gis nyes pa rnam pa tsam du 'gog pa'i slad du sangs rgyas thams cad kyi gsung gi gsang ba 'dzin pa chen po byang chub sems dpa' lag na rdo rje'i rig pa gtad pas sngon bsus// bzo bo dang lag char gyur pa thams cad bskyed rdzogs kyi rnam pa dang 'brel ba'i rig sngags zab mos byin gyis brlabs/ gtsang 'ug bya lung nas kun spangs grags rgyal gyis bzhengs pa'i rgyud 'bum rags rim/ gong lo gzhan phan rdo rjes bzhengs pa gtsang sog gis dus kong por bshugs te zag la 'brog na bzhugs pa/ snga 'gyur rgyud 'bum rin po che'i dpe lung gnyis ka'i rgyun la gcig tu bka' drin ldan pa rat+na gling pa yab sras kyis bzhengs pa'i lhun grub pho brang gi rgyud 'bum rnams dpe lung gnyis ka'i rtsa bar gyur la/ spyir lhun grub pho brang pa la sogs te bla ma gong ma dag gis gsan yig sogs las gter rgyud mang pos kha bskang pas bod chung bzhi bcur thal ba sogs kyi ka tha snang yang / bka' dgongs la sogs pa'i rgyud mang po ni chos sde dpe'i sde tshan du dpe lung gnyis ka'i rgyun zam ma chad par 'byung bas
- 294a
phyogs 'dir dri ba'i dgos pa lhag po'ang mi snang / 'dir ni ldang ma lhun rgyal dang / gter kha gong 'og gi chos sde nas s+thi ti la sogs pa'i chos kyi bzhugs tshul la nges par gces shing / gzhung don rmad du byung ba 'ba' zhig ma gtogs/ gtso bor bka' nas bkar brgyud pa rnams phyogs gcig tu bzhugs pa'i sde tshan gtso bor 'du byed pa las rgyal dbang lnga pa'i gsan yig dang / smin gling gi rgyud 'bum phyogs mthun pa byung bas chos kyi bzhugs tshul de bzhin du byas/ rgyud so so'i phyogs gtogs kyi ngos 'dzin la yo ga gsum ka'i skabs bzhed tshul mi 'dra ba mang du byung ba ni/ gzhung gi ngo bos gsal bar ston pa dag gang zag gi blo mthus nyams nyes pa ma yin pa'i phyir na/ rgyal ba gnyis pa kun mkhyen ngag gi dbang po'i grub mtha' mdzod kyi dgongs pa ma 'khrul zhing ma 'dzings pa sngon du bshad nas 'phros don la sangs rgyas kyi gsung rnam pa thams cad pa yin pa'i rgyu mtshan gong du bkod pa bzhin yin min gnyis kar rtogs pa'i rgyud kyang yod pas don la mi 'gal mod/ chos 'byung rnying pa kha cig dang / mnga' ris pa Na chen la sogs pa'i gsan yig la dpyad na dpe lung gnyis ka'i rgyun nub pa'ang 'ga' zhig mchis pa las/ 'dir smin gling gi rgyud 'bum pod chen nyi shu rtsa gsum pa phyi mor bzung / der yang rgyud
- 294b
bcu bdun gyi sde tshan 'ga' zhig la rtog dpyod med par grangs yig btab pa'i rgyun 'byams nas le grangs yin min nor ba sogs kyi gol 'phrug slar yig dkyus su shor ba re mang 'dug pa zhus dag gi dus tshor bas ma phyi la mchan bus btab cing 'di la bsgyur bris byas/ sde tshan rnams la'ang dang por phyog sgrigs zhig yod tshod la/ phyi mo 'dir pod kha snyoms phyir 'dir bris zhes gya tshoms su brgal ba'ang mang du 'dug pa slar phyogs sdebs su gang 'grigs bgyis te gtan la phab/ la la 'thol ba las dbyung / yi ge pa'i lhad skyon dang / zhu dag mkhan gyi dpyod tshul nor ba dang / bri nor byung bas shin tu brtag dka' ba mang du mchis pa rnams las po ti gnyis gsum tsam ma gtogs phal cher rang nyid kyi mig lam du dong bas 'byin 'jug gang shes byas/ sngags rnams ni sngags btu la sogs pa dang tshad mas 'gal bar shes pa rnams bcos shing / cis kyang the tshom dang bral bar nus pa dag/ pi sha tsi dang / a wa b+haM sha dang / pra kri ti ka'i shin tu gsang ba dang / kla klo'i skad la sogs pa yod par shes nas bcos nas bcos su mi btub pa rnams phyi mo dang mthun pa tsam rgyu mtshan du byas nas sor bzhag pa nyid nyes dmigs chung ba'i gnas su byas te/ so so rig bzhi sa dgu pa// mtho ba de srid chos kun gyis// nges tshig shes min de
- 295a
yi phyir// mtha' dag sdeb sbyor su yis shes// zhes pa 'di shin tu gzu bor gyur pa yin/ de las gzhan du zhu byed kyi dbang po grags su gyur pa yang spyir blo gros gsal ba khyad par dngos kyi bsam pa dang mthun pa'i don gnyer yod pa zhig dgos par snang ste/ sems can mos pa tha dad pas// de yi 'gro 'di sna tshogs byas// zhes pa ltar rang dbang du 'gyur ba'ang dka' bar snang bas so// chos kyi bzhugs tshul la theg pa rim 'dzegs dang / yas 'bab gnyis las/ mchog dman gyi khyad par sogs gang nas kyang yas 'bab 'di dpyad bzod pa yin zhing lhag par 'dzam bu'i gling 'dir theg rtse shin tu rnal 'byor gyis rgyud pa'i chu mgo rgyal ba ma rgyal ba las rgyal ba'i rnam par 'phrul par gdon mi za ba sprul pa'i sku dga' rab rdo rje nyid/ yum gyi pad+mo'i ge sar las rdo rje sems dpa' nam mkha' che zhal 'don du mdzad cing byon pa'i rten 'brel las rigs kyi sgo nas dbye ba'i 'dod pa gzhan bzhag ste rdo rje sems dpa' nam mkha' che bram ze rgyas pa'i rgyud dang por bzhag nas bri ba'i dbu brtsams so// de la byang chub sems dpa'i spyod pa la 'jug pa las/ gzhan la gzhan bskul 'debs mkhas shing // ma bcol phan par byed pa'i ngag/ gus pas spyi bor blang bgyi ste// rtag tu kun gyi sgron mer 'gyur// zhes pa ltar/ yi
- 295b
ge'i las 'du byed pa rnams la bsgo ba'i ngag 'di skad du/ spyir de bzhin gshegs pa'i sku gsung thugs kyi rten ni bsod nams dam pa'i 'jug ngogs/ dkar po rnam par 'phel ba/ nag po'i phyogs dang mdza' ba ma yin pa/ thar pa dang thams cad mkhyen pa'i nye rgyu yang dag pa/ su zhig gi bya ba'i las de la sgo gsum gyi phan pa'i sbyor ba dang / zang zing gi 'brel ba/ tha na rjes su yi rangs pa'i rnam par rtog pa gcig la'ang bsod nams dpag par dka' ba yin na/ 'di ltar de nyid skyed byed kyi rgyu'i gtso bo bzo rig pa'i gnas la goms pa khyed cag ni skyes bu gang zhig dpa' ba dang / mdzangs pa dang / brtul phod pa'i yon tan yod dam med kyang rung ste/ lcug phran gzhon nu'i spun zlar gyur pa'i sor mo'i 'du 'god cig kho nas spyi gu'i 'khri shing ha cang dam pa dang lhod pa'i phyogs gnyis ka spangs pa'i zlos gar byed pa pos/ sangs rgyas rnams kyi gsung gi gsang ba bsam gyi khyab pa phyi mo'i ngos nas par gyi btab pa med par ta la la byon te gcig las du ma/ du ma las mtha' yas par 'phel ba'i ngo mtshar 'di rgyal bstan yid bzhin gyi nor bu srid mtha'i bar du mi nyams pa'i srog shing chen po yin pas/ gang khyod cag la brjed par 'os/ ri mor 'os/ bsti stang du 'os par bdag nyid kyi blta bar bya yis/ 'di ltar rnam par
- 296a
shes pa las su mi rung ba ni sems can gyi khams tshad med pa'i chos nyid yin pas/ ldab ldib kyi ngag dang / de'i rjes su sems gzhan nas gzhan du gyi nar 'phyan pas na yi ge'i lam du brjod pa ma yin pa 'dren par 'gyur bas dbang po las su rung bar mdzod cig/ 'di skad du bshes spring las/ rgod dang 'gyod dang gnod sems rmugs pa dang // gnyid dang 'dod la 'dun pa the tshom ste// sgrib pa lnga po 'di dag dge ba'i nor// 'phrog pa'i chom rkun lags par mkhyen par mdzod// ces pas so// de bzhin du bri ba ha cang myur po'ang yi ge'i lus kyi 'khri shing dpe byad mi rdzogs par byed cing / 'gyel ba dang / bub pa dang / mig 'dzum pa dang / srin bu'i rjes su gyur nas gdon pa bcu dang / gces so brgyad dang / chos nyi shu'i mtshan nyid las nyams par byed pas dus kyi chad pa lhag pa med kyis/ brtsams pa gang zhig sgros gtsang ba'i slad du bag phebs par mdzod cig/ ces brjod pa'i dri bsung bla na mngar bas de dag gis rna lung mdzes par byas pa ni/ mgon po klu sgrub gyis/ rgyal bas snying la 'bab dang bden pa dang // log par smra ldan skyes bu rnams la ni// sbrang rtsi me tog mi gtsang lta bu'i tshig/ rnam gsum bka'i stsal de las tha ma spang // zhes pas so// de yang glegs bam gyi dbu khang g.yas g.yon gser gyi gra shin
- 296b
tu mdzes pa'i nang du/ bcom ldan 'das dpal gdod ma'i sangs rgyas ye shes mchog gi rgyal po stangs dpyal dang / rigs rnams kun gyi spyi mes dkyil 'khor rgya mtsho'i bdag nyid drug pa rdo rje 'chang chen po/ rgyal tshab rigs lnga'i sangs rgyas/ rigs gsum sems dpa'/ dga' rab rdo rje la sogs te theg pa mchog gi shing rta/ rgyal po dza la sogs te tan+t+ra bco brgyad kyi mnga' bdag/ dpal mgon klu sgrub la sogs ste sgrub sde brgyad kyi rig 'dzin te/ rnam gsum yo ga'i bstan pa la dngos dang brgyud nas bka' drin chen por gyur pa'i dgongs pa brda snyan brgyud kyi bla ma'i tshogs gces bsdus dang / ma mgon gnyis bcas snang brnyan lnga bcu tham pa 'jam gnyen pir gyi rtse nas sman mkhyen mkhas pa'i rus tshugs dang / chos dbyings pa'i nyams 'gyur gyi dngos po 'dus byas pa ri mo'i lam du 'dren pa la chags thog spangs pa'i mig 'phrul mkhan/ kho bo cag gi grub pa'i mtha' la zos pa mang zhing / rnam pa kun tu rim pa gnyis kyi rnal 'byor la lam du byed pa wa gin+da d+harma kirtis bstan pa'i zhabs tog tu bgyi bar 'os pa 'di dang / dpal oM rgyan chos kyi rgyal po'i rnam thar shel brag ma'i zang chen dgu/ bzo rtsed shin tu gzab pa dang bcas pa dus 'di tsam la grub par bgyis nas/ phyin chad kun tu bzang po'i go 'phang dang / bzo
- 297a
gnas kyi rig pa brje ba la nam yang mi brtson pa'i dam bca'i srog shing brtan par yang byas so// de ltas gzab bris kyi yi ge dang / dbu lha'i byed las pa gnyis ka rang gi slob ma'i cha nas thon te gzhan dbang la ma ltos pa'i rgyus phun sum tshogs pa grub bo// de la dam pa'i chos ni thog mar dge ba/ bar du dge ba/ tha mar dge ba zhes brjod bya don gyi cha la khyad par bzang po de lta bu yod na/ chos kyi slad du ji ltar bya ba'i 'dus byas kyi dge ba'i tshogs la'ang don de thun mong du gyur pa yin pas/ sangs rgyas pa'i chos ni yang dag par na klu sgrub zhabs kyis/ 'jig rten mkhyen pa rnyed dang mi rnyed dang / bde dang mi bde snyan dang mi snyan dang // bstod smad ces bgyi 'jig rten chos brgyad po// bdag gi yid yul min par mgo snyoms mdzad// ces pa ltar/ lo ka'i chos rnam pa brgyad kyi bsgrub pa'i dge ba ni bzang po ma yin gyi/ spyir 'jig rten na rgyal po dang / mi dpon la sogs te rang rang gi mnga' ris la spyod pa phal mo che'i dge ba'i rtsa ba ni/ rgyud nas gzhan la khral bzhag pa dang / 'u lag nyag gcig bdas nas bya ba ma yin pa gcig tu rnam par dkar ba'i bgyi bar sems pa la/ slob dpon dpa' bos/ sbyin bdag stobs ldan khyab 'jug slong ba po// rta yi mchod sbyin dus na sa chen byin// 'bras bus bcings pa nyid ni thob
- 297b
par 'gyur// chu 'bras 'chol ba 'di la su zhig smon// zhes pa ltar/ phyogs gshed du rang la grags pa bskyed pa'i dge ba'i las phul du phyin pa ltar snang yang / de'i rgyu gzhan gyi longs spyod las phri ba dang // brdeg pa dang / 'tshog pa dang / 'ching ba la sogs pa'i sgo nas mnar spyod kyi duHkha thog tu 'bebs pa dang / bzo bo dag kyang 'khun cing bshung ba'i ngang nas bya ba'i las su byed pa dag la rgyal ba dgyes pa'i rgyu 'bras su mi 'grub pa nyid do// de'i phyir cha tshad kyi rab tu byed pa las/ kun nas lhag bsam rab dkar lus/ khrel yod ngo tsha'i gos rgyan ldan// dad dang gtong phod mchod tshogs kyis// lha dang bzo bo dbyer med mchod// ces pa ltar/ bzo gnas kyi rig pa 'chang ba rnams bkur ba'i yul du byas nas bza' ltung gis skyo ba dang 'khun pa med pa'i gnas su mchod cing / khyad par thog mtha' bar gsum la ston mo chen po re dang / ston rgyab kyi 'gyed/ der ma ltos pa'i yul du kyi ltad mo la lhags pa dang / nye rig bya ba la sogs rnam pa gzhan du mas skyo ba seng ba'i skabs phye nas/ 'di ltar skye bo ma bsdams pa dang / 'dod pa'i yon tan la rkam chags can dag ni/ bza' ba dang / bca' ba dang / khyad par myos par byed pa'i btung ba 'ba' zhig yid kyi cho gar byed cing / rtsed 'jo dang / bzhad gad dang / glu gzhon gyi
- 298a
gnas la 'chi med bdag po'i go 'phang brnyes pa lta bu'i dga' ba sgom pa dang chabs cig bsam gtan bzhi pa'i lha rgan gyi spyan zla ra da lta nyid du phyin par 'gyur bas na/ skye bo g.yer por gyur pa dag gis spyod par byed pa'i gnas pho rtsal sna dgu zhes mtheb kyis sha non pa dang / rkyal gyis chu chen brgal ba dang / yang rtsal bya la 'gran pa ste lus kyi rtsal gsum/ lo rgyus kyis dge thon pa dang / gtam gyis bzhad gad thon pa dang / gshegs kyis pha rol gnon pa ste ngag gi rtsal gsum/ mdzangs la blo 'gyu ba dang / dpa' la sran tshugs pa/ kha gsal zhing gting mi rtogs pa ste yid kyi rtsa la gsum/ de bzhin du pho rtsed sna dgu zhes/ gtam yig rtsis gsum/ mda' rdo chongs gsum/ bang skyal shed gsum gyi gnas gang la byang ba'i phyogs la spobs pa'i 'khri shing bskyed du bcug nas shan phyed pa'i dga' ston du gtong khul dga' ma'i sor rtses byas pa'i dar dang / re khA'i rnam pa cir yang byas pa'ang byin to// tshul de lta bu'i don du gnyer bya lhur blang nas bya ba'i las mthar ma phyin pa de srid du rdo rje'i chos skyong rnams skong gso dang mchod pa'i sprin gyi mnyes par byas pa'i phrin las dang / bla na mngon par mtho ba'i mchog gsum rgyal ba rgya mtsho'i tshogs kyi dbyings nas thugs rje'i spyan ras kyi brtson pa'i rgyus/ gzhan 'phrul dbang
- 298b
byed kyi bdag po mthu dang rdzu 'phrul bsam gyi mi khyab pa de ni rang bzhin gyi yid khong du chud pa dang / rang gi bstan pa la spro bar mi 'gyur ba dang / rtag tu spyad par bya ba'i 'dod yon la spro ba zhan pa dang / rang gi gnas su yid du mi 'ong ba'i sgra chen po byung bar gyur nas/ 'di snyam du/ kye ma bdag la slad ma'i dus 'di na sngon chad ma yin pa'i yid la rtsub 'gyur gyi tsher ma rnon po'i zug rngu mi zad pa ster ba 'di ni su zhig gi mthu yin/ 'dod pa'i khams 'di na bdag la do zlar 'os pa ni 'ga' yang yod pa ma yin na/ deng bdag la 'khon pa'i rgyu med par sdang zhing / nam zhig kho bo cag gi gnas kyang stongs par bgyid pa la spro ba chen po'i shing rta la zhon pa'i dge ba can su zhig sa'i steng na mchis pa gyur snyam nas yid rtab rtab por gyur te phyogs dang phyogs mtshams su bltas so// der rnal 'byor gyi dbang po 'jigs med gling pa'i lhag pa'i bsam pa gcig tu dkar ba'i mthu las byung bar shes nas/ de la mtho 'tsham pa'i bya ba brtsam pa la gcig tu spro ba brtas par gyur na'ang / dkon mchog rin chen rnam pa gsum lha dang bcas pa'i byin rlabs dang / smon lam gyi stobs chen po dbrog par nus pa'i mthu dman par gyur nas/ slar yang 'di snyam du/ 'on te da ni bdag gi bslu bar byed pa'i me tog gi mda' rnon po byed las rnam pa lnga'i
- 299a
bar du zad mi shes pa'i lag cha de nye bar bsdogs la/ dngos sam/ de'i grogs dan du gyur pa'i dge ba'i sems kyi rgyun lam de ni 'bem du bca' ba'i gnas su bltas nas gnad las 'chor ba med par phog pa'i brtun pa bskyed par bya na/ ji tsam nas de'i sems dge ba'i rjes su zhugs pa de yid gnyis bral ba'i shing rta las gzhol te 'phyang mo nyug gis lcug phran la gzhon pa'am min na'ang rung ste gtong ba'i phyogs la spro ba lhag par zhan pa zhig tu gyur nas bya ba de gnas ma yin pa nyid du 'phen par byed pa'i nus pa ster ba la gdon mi za'o snyam nas phrag dog dang gya glu'i gom pa 'dor bzhin du lhags pa na/ phyogs bcu'i de bzhin gshegs pa thams cad kyi dbyings nas gzigs pa tshad med pa'i thugs rje'i phyag gis kho ra khor yug las mi 'da' bar yongs su bsrungs/ zhi ba dang bde legs chen por mdzad do// de bzhin du rtag tu brten cing sgrub pa'i lha srung rnams dang / dkar po'i phyogs la rang bzhin gyi dga' ba'i lha thams cad kyis bdud dang / bdud kyi rigs su gyur pa rnams dang / gnod sbyin dang / srin po dang / 'byung po dang / ro langs dang / yi dwags dang / sha za dang / smyo byed dang / rjed byed dang / ma mo dang / srul po dang / lus srul po dang / lha ma yin dang / grib gnon dang / sha za la sogs
- 299b
te legs pa'i phyogs la sdang ba dang / sdang ba'i sems dang ldan pa/ gdug pa'i sems dang ldan pa/ drag shul gyi sems dang ldan pa thams cad phrag dog dang / bslu brid kyi zhags pa 'debs shing rgyu ba'i skabs bcad pas dus ma yin par 'chi ba dang / 'thab mo dang / rtsod pa 'gyed pa dang / nad kyi rigs chen po bzhi dang / de'i 'khor na gnas pa dang / nye bar 'tshe ba dang / gdon thams cad dkon mchog gsum gyi bden pa'i mthu chen po dang / srung ma'i dbang po dag gis rdzu 'phrul chen po dang / gzi brjid chen po'i srung ba dag gis yongs su bsrungs nas/ skyob pa dang / sba ba dang / gang la 'os pa'i 'phrin las kyi rol pa de dang der chags thogs med pas zhi ba dang bde legs chen por 'gyur ba'i stong grogs dang dpung gnyen ni ci yang byas so// rgyu des dngos gzhi'i las rgyun zla ba gsum dang phyogs su gyur pa gcig ste zhag bco lnga'i khongs su bde bar grub bo// de ltar grub nas byas pa shes shing drin du gzo ba'i phyir yon gyi rim pa ji ltar bstabs pa ni/ rab tu gnas pa'i rgyud las/ rgyan rnams ma lus pa yis ni// phyi nas bzo bo rnams la mchod// gang dag de la grogs byed pa/ gzhan dag kyang ni mchod par bya// zhes bzo gnas dam pa la goms pa rnams ni mdun 'jog gya nom par bsti stang du bya ba'i yul du
- 300a
/ gsungs pa ltar/ bza' lhung sder ma la sogs pa ston mo'i rnam grangs rgya chen pos mdun bsus nas/ yon thob gyi 'char gzhi grags pa skam po'i bza' ba ni bod rer dngul srang brgyad du / grags pa phal cher rin thang gi ming du gyur nas lag tu 'bab pa nyung zad du 'gyur ba gzhung lugs kyi rtsis gzhi bzhag/ dngul ngo thog dang de 'phros dngos po spras gtsang yul thang gis bcad nas por rer srang lnga re'i rtsis dma' mthar byas pa slar thog tu 'bab nges gtan tshigs su bzung / de las gzhan du rang rang gi byas byung rnam dbye la dpags pa'i bya dga' sgos su byin pa'i dngos po'i rnam grangs/ gser dang / dngul dang / mu tig phon pa dang / g.yu dang / byu ru dang / spos shel dang / mu tig gi sog ske la sogs pa'i pho rgyan gyi bye brag/ a sgor dang / gtsug g.yu/ phreng ba dang / dung skor dang / tshigs rgyan la sogs pa mo rgyan gyi rnams grangs/ gos phyi dang / dza/ dar zab kyi bye brag/ ras zung dang / ras ya ba dang / snam phrug gi rigs byed tshos ma dang / dkar po gyur pa dang / bgo ba dang / gyon pa rigs bye brag mtha' mi 'tshal ba/ la sgo'i shog bu dum bur byas pa dang / 'bru dkar la sogs mdor na rgyud nas sdig par 'gyur ba srog chags kyi yon la sogs pa ched du spangs nas rang rang gi mos par 'tshams
- 300b
pa'i dbyig gi rnam pa gya nom pas mgu bar byas shing / tshig tsam du'ang drin du gzo ba'i brjod pas yid rab tu dang bar byas te dar dang bsrung ba'i mdud pa dam rdzas kyi 'brel ba dang bcas btang ngo // zhar la zhal 'debs kyi rnam pa ji ltar byung ba bshad par bya ste/ dpal chu bo ri nas lcags zam sprul pa'i sku rin po ches bzang rnga sbag/ 'bru khal nyi shu tham pa/ dpal ri sprul pa'i sku rin po ches 'bru ru'i khal bcu gsum/ gra tshang spyi so nas 'bru khal bcu gsum/ gnyer tshang nas rnga sbyor gnyis/ chang bum pa gnyis/ byings la gsol gro'i sder ma/ ngos cag bzo pa dang bcas par legs dar/ rnal 'byor spyod pa rdo rje klong yangs kyis bzang gos tshos gnyis ma kha phyed dag brgyad/ mgo snam tshal kha kha gang / sag lham 'ja' chen ma/ stug khrog ra ma lug gi tshags ldan/ gos ser por shubs/ rgya gri shubs bcas/ sog zhwa 'ja' med/ ther dkar dmar bubs gsum/ snam dkar bubs lnga/ chung rngu sba gcig/ rag ldir gcig/ phor pa gcig/ rngus dmar kha gang / gos ser kha gang / dngul srang nyi shu tham pa/ mar do gcig la 'degs khal brgyad/ kha btags che ba gnyis rnams/ pha lha rje drung rdo rje snying pos/ shog bu dum pa nyi shu rtsa gsum/ stag spang lnga bcu skor/ mtshal phon che ba/ gser shog stong bam/ zhal khebs kha shas/
- 301a
gcung rje btsun ma chos sgron dbang mo'i dge rdzongs su spos shel/ rgyal ba chos mdzad 'jigs med rdo rjes/ chos kyi na bzar 'os pa'i ras ser khra yug bcu drug/ glegs thag lhas ma bcu drug/ snag tsha zom chung brgyad/ a thi gcig/ rags rtsibs nas chos drung gi byu ru legs pa gcig/ 'brug pa bla mas glegs thag lhas ma nyi shu rtsa lnga/ rgyang rtse zhabs drung yang stangs pas rab brtan kha shog dum pa gcig/ gzhi ka g.yu drung 'khyil tshal nas/ shog las kyi gro zhib tshang ma/ sngo shog bzo ba'i rams/ sman par kha bzhi/ thog mtha' bar gsum gyi ston mo gzab rgyas/ chang rgyugs dang / bzo ba'i rgya ri nar ma/ lcam nyi zla dpal 'dzom nas gser btul bod kha lnga zam zo kha brgyad/ gyon pa cha tshang / zhol khang nas kyis lam shog pod lnga ldengs pa/ snag tsha zom chung gang / zhol khang chos drung dpon g.yog nas gser zho re re dang / dza sbyor/ gsol gro/ lha ldan rgyal byed gling pas phag shog dum pa bcu/ dpyod ldan dbang po wa gin+das snam dkar spra phrug bubs gnyis/ a thi tha mar/ chung rngu sbag/ gzan dmar kha gsar/ 'brog brag mda' sgom chen pa kun bzang dbang phyug gis dngul srang gsum/ snam dkar spu phrug legs pa/ mar khal gcig/ sha khog gcig/ gro ma bre gsum/ lo re zhe 'o lcam yid bzhin dbang mos TaM kha bcu/
- 301b
rtag ru nang sa bstan 'dzin dbang phyug gis TaM kha bcu dang kha btags/ ka chu ba sgom ma pad+ma chos 'dzom gyis TaM kha brgyad/ gtsang ba ngag dbang 'gyur med kyis TaM kha lnga/ gtsang gangs ru grub chen ngag dbang dpal 'bar gyis 'bras do gnyis/ sgom ma chos sgron gyi si TaM kha bzhi dang kha btags/ bsam yas pa chos dpal gyis TaM kha dang 'jam dmar/ zhol nang rdzong pas rnga sbyor gnyis/ gsol gro/ sder ka/ yol go/ 'grim pa/ tshang mar legs dar/ kho bo cag gi pha ma'i khyim nas bzo ston nyin 'khyongs/ bzo bo las byed yongs rdzogs la dkar spro rgyas pa/ chang bum gsum/ kun la mgrin dar/ blo bzang bsod nams kyi bzang gos spus legs kyi zhal khebs bzhi/ mgon snga bas zhabs tog nyin 'khyongs/ gsol gro/ ngos dang dbu byings la mgrin dar/ yol go 'grim pa/ bzang gos zhal khebs gnyis/ mthong shag pas dza sbyor/ yol go 'grim pa/ gcung kun bzang phun tshogs kyis bzo ston nyin 'khyongs/ ston rgyab tha sbab/ bzang gos kha gang / dkar sgro gzab rgyas rnams te/ de ltar zhal 'debs rnams ni rjes su yi rang ba'i dge ba 'phel ba'i phyir phra zhib tu bkod la/ rten bzhengs 'di'i kha phyogs su rgyu song gi dngos po bsdoms na dngul srang bzhi brgya lnga bcur thal tsam song bar snang ste/ spyir rnam par dkar ba'i las la gtong
- 302a
ba dang / skyo ngal khur du bzod pa bya ba'i gtso bo yin na/ de la byas yus tshong ba lta bu rgyu 'bras la nges pa ma rnyed pa'i gtam tu 'gyur cing / khyad par oM rgyan chos kyi rgyal pos/ gzhan la bsgrags dang 'dod pa skyes// zhes dge ba 'dzad pa'i rgyu bzhir gsungs pas/ phra zhib kyi gtam du gleng ba'i skabs bcad nas/ de ma thag pa'i bya ba la rab gnas ji ltar byas pa brjod par 'os kyi/ de la rab gnas kyi mtshan nyid ni/ rten dam tshig pa la/ ting nge 'dzin gyi cho ga zab mos rang bzhin gyi gnas nas sangs rgyas rnams kyi ye shes sems dpa' spyan drangs te bzhugs su bcug pas dge zhing bkra shis pa'i las thams cad 'byung ba'i gzhir sgrub pa nyid yin no// sgra don ni legs sbyar skad du su pra tiSh+Tha ste/ legs par rab tu gnas pa'am/ nye bsgyur gyi dbang du pra ti'i sgras/ legs par so sor gnas pa zhes pa nyid du'ang 'grub ste/ gang bstim bya'i rten dang / gang zhig stim byed kyi ye shes sems dpa' gnyis dbyer med du legs par rab tu gnas pa la sogs te skra don gyi rnam pa tha dad pa nyid du 'char ro// dgos pa ni/ sangs rgyas rnams chos sku spros pa dang bral ba'i ngang du bzhugs bzhin pa de las gzhan du g.yo bar ma 'gyur ba'i ye shes rang tshan pa spyan drangs nas rab tu gnas par bgyir med na'ang // tha snyad tsam
- 302b
du skye bo dad pa can rnams mchod pa'i 'os su 'gyur ba dang / de la brten nas bsod nams rgya chen po 'phel zhing 'jig rten gyi khams su dge legs phun sum tshogs pa 'byung ba bya ba'i phyir rab tu gnas pa bgyir yod par bstan te rab gnas kyi rgyud mdor bsdus las/ sangs rgyas kun ni rab tu bzhugs// rab tu gnas pa ga na'ang med// kun tu mkha' ltar gnas pa la// gcig shos kyis ni rab tu brtag/ 'jig rten kun rdzob la brten nas// rab tu gnas pa rab tu brtags/ zhes so// don des rab tu gnas bya gnas byed kyi dbyings la don gyis gzhal nas 'dir 'jig rten ni kun rdzob la brten pa'i phyir de dang rjes su mthun par rab tu gnas pa'ang nges par gces pa'i tshul rab tu gnas pa'i rgyud las/ gang du sku gzugs rdzogs pa la// byin ma brlabs pas ring gnas na// de la bkra shis mi 'byung zhing / ji srid mchod pa der mi 'os// zhes dang / rab gnas ma byas gzugs brnyan la// gang gis mchod cing phyag byed pa// dam tshig bral zhing sngags dman pas// sbyin bsreg thal ba 'bras med mtshungs// zhes dang / de yang cho ga yang dag pa la brten nas brtsam dgos pa'i tshul/ de nyid las/ cho ga bdag nyid nus pa yis// brtag pa las gsungs tshul legs pa// des byas bsod nams che ba
- 303a
yin// zhes sogs rgya cher gsungs so// de la mdo'i phyogs nas rab gnas kyi cho ga mtshan nyid pa ma bstan kyang / 'dul ba las gaN+DI'i rab gnas bshad pa dang / snam sbyar byin gyis brlobs pa sogs don la rab gnas kyi ngo bor 'grub pas sku gsung thugs kyi rten gsar bu'ang / bkur bsti dang bcas khri thog tu spyan drangs nas/ mchod pa 'bul ba dang / gso sbyong blangs te so thar gyi mdo klog pa dang / 'dul ba lung gi bkra shis tshigs su bcad pa brjod nas me tog 'thor ba sogs la tha snyad du gdags su rung ba'o// 'dir lag len la rgyud sde so so'i rab gnas kyi rim pa grub pa'i slob dpon rnams kyis mdzad pa'i cho ga ji snyed cig yod pa las/ rang lugs sangs rgyas gnyis pa pad+ma 'byung gnas kyi rgyud sde zab mo'i man ngag gnas su bsdus pa gter kha chen po'i ring lugs las byung ba nyams su bstar ba yin te/ de la rab tu gnas bya'i slob dpon yang / rgyud sde phal cher las de nyid bcu shes pa'i slob dpon gtso bor bshad cing / dus kyi 'khor lo las/ de'i steng du/ de nyid bcu ni yongs shes pa// gsum las dge slong mchog yin te// 'bring ni dge tshul nyid du brjod// khyim na gnas pa tha ma yin// zhes de nyid bcu shes pa'i steng du bstan pa la gus pa bskyed pa'i phyir rtags can gyi mtshan nyid kyang
- 303b
nges par bshad mod kyi/ don du ni de nyid las/ sa thob ma gtogs khyim pa ni// rgyal po'i bla mar mi bya ste// zhes pas sa thob ni ye shes kyi rgan pa yin pas rtags kho na la ltos pa med par bstan pa bzhin// rang lugs la'ang / bsnyen rdzogs rtags ldan rnal 'byor pas// gzigs pa tsam gyi rab gnas chags// zhes don dam par/ rab tu gnas bya'i ye shes gang yin pa de nyid rab tu gnas pa po'i gang zag gi shes rgyud dang rdzas 'gal ba ma yin pa zhig dgos te/ de med na rgyus med sa mkhan la zhugs pa bzhin du/ gzhug pa pos gang gzhug bya'i ye shes de'i chos nyid cha mi chos bzhin du/ dge slong rdo rje 'dzin pa'i chos gos gsum gyi ting nge 'dzin la snyems pa'am/ cho ga dang gyer dbyangs kho na'i 'du ba rgya chen pos rten la gzhug bya'i ye shes de snang ba rang mtshan pa'i phyogs gshed nas spyan 'dren par 'dod pa ni// rtags ji lta bu yin yang bem po'i rnam pa sbyong ba'i rab gnas tsam mo// rgyu des ye shes kyi de kho na nyid rtogs pa gtso bor gal che ba bzhag pa yin no// de bzhin du rab gnas shis par byed pa'i gza' dang / / skar ma dang / byed pa dang / sbyor ba la sogs te spyi dang bye brag pa'i dus bzang po la nges par gces pa yang rgyud las bstan pa bzhin tshogs par byas/ de'ang nyi ma byang dang bltas pa yi// dkar po'i phyogs ni
- 304a
bzang po la// zhes pas rnam pa gcig tu lho phyogs ni gshin rje'i skyes bu mi bzad pas bsrungs pa'i rgyas pa'i las la bsngags pa ma yin zhing / byang phyogs ni gnod sbyin gyi bdag po rnam thos kyi / bu la sogs pas rang dbang du byas pa'i gnas yin pas/ rab gnas la sogs te rgyas pa'i las la mchog tu bsngags par bshad na'ang / kri yas muts+tsha las/ mchu dang dbo yi zla ba de bzhin nges par sa ga snrosnon dang chu stod zla ba dang // mgo ste de srid 'di rnams dge ba gcig pus 'bras bu ster ba'i zla ba drug tu gsungs// zhes pa la sogs te gzhan dang gzhan dag nas kyang bgrod pa gcig pa'i phyogs la ltos dgos pa'ang ma bshad pas/ 'dir las ji srid na mthar son par gyur pa chu stod zla ba'i gza' tshes phun sum tshogs pa'i nyin/ dkyil 'khor dang 'brel ba'i yo byad dang / sprin sreg dang 'brel ba'i yo byad dang / rab tu gnas pa kho na la 'brel ba'i khrus dang / mnga' dbul gyi rdzas spri dang bye brag pa rnams nyer sngogs sngon du btang nas rang nyid kyi dad pa'i rten du dngul srang nyis brgya'i rtsa bas ma smad par bsgrubs pa'i dpal oM rgyan chos kyi rgyal po'i rnam thar shel brag ma'i thang chen rnams dang / rgyud 'bum rin po che stabs gcig tu/ rab tu gnas byar byas pa phun sum tshogs pa'i dus tshod gang gi nyin zhag
- 304b
dang po la bdag cag dpon slob bco lnga skor gyis sgrub chen bka' bde gshegs 'dus pa'i dkyil 'khor gyi cho ga dang 'brel bar/ 'dzam bu'i gling du nyi ma shar dros kyi dus ga la bar/ spyan dbye bya ba yan chad yang dag par grub par gyis shing / nangs par gyi snga dro dang po la dam tshig gi 'khor lo chen po'i grong khyer du smyon par gsol ba'i mos gus kyis snyan khung srab mor bgyis nas/ rten gyi ye shes pa rnams nam mkha'i dbyings pa mtha' mi 'tshal ba'i klong du/ sems ma rdo rje ma'i rgyas bteg ste bzhugs su gsol/ dam tshig gi rten rnams gtsug tor 'khor los bskur ba'i dbyings su srung bar byed pa'i mtshon bya dar gyis dgab par bya ba yan chad grub par gyis so// de lta bu'i sta gon gyi nyin nyi ma dro 'jam la bab pa'i tshe pad+ma 'od gling thar pa chen po'i grong khyer gang gi nam mkha'i dbyings la dbang po'i gzhu tshon sna ma tshang ba med pa byed pa pos kyang ma byas/ sgyu mas sprul pa'ang ma yin/ rnam par mdzes pa dang / rnam par bkrag pa dang / rnam par 'tsher ba la sogs pa'i ngo mtshar gsar pa'i dpal yon byis pa so so'i skye bo dag la 'dod sred kyi chom rkun du shar nas/ lag pa'i 'du byed rtab rtab por 'degs pas rtsom pa tsam gyis ra ba'am mu khyud gsar pa rim pa gnyis kyi gur khyim du gsal ba nyid sgo btags kyi gtam brjod
- 305a
pa'i lam du drangs pa tsam ma yin pa kun gyi mthong ba'i chos la gnas pa dang / de bzhin du ngag la dpal ldan daN+Di'i tshig gi rgyu ba chags pas rab tu btags pa dang / phul du byung ba'i legs bris kyi lam tha gru kun nas yangs par dkar phyogs la mngon pa'i 'dun pa'i lha rnams ni shin tu rangs par gyur pa'i bsam pa dang / gsang ba sngags kyi rgyud sde zab mo'i cho ga'i yan lag mthong zhing rjes su dran nas 'di snyam du/ bcom ldan 'das chos dbyings gzhon nu bum pa'i sku'i klong nas cir yang sprul pa'i sku dang / longs spyod rdzogs pa'i sku dang / dmigs med chos kyi sku dang / mi 'gyur rdo rje'i sku dang / mngon par byang chub pa'i sku dang ye shes kyi bdag nyid chen po'i rang bzhin gang yin pa rnams/ zhing khams gzhan du spyan ras gzigs pa dus las yol bar gyur te deng gi dam tshig sems dpa' la 'jug pa'i slad du/ skye ba med pa'i klong na gsal/ 'gag pa med pa'i klong na 'phyo/ rtag pa med pa'i ngang la phra/ chad pa med pa'i gshis la mnyam/ 'ong ba med pa'i klong na brjid/ 'gro ba med pa'i ngang la bzhugs bzhin pa'ang / nam mkha'i dbyings su rdo rje'i dam tshig chen po'i phyag rgyas bcings pa 'di ni de ring gi nyin zhag tsam las gzhan rnam pa gang du'ang skabs ma yin no snyam du sems shing dad pa'i snang ba chab mi 'tshal
- 305b
bas mngon par sprul pa sngo sangs sprin gyi phreng ba dum bur ldang ba dag kyang / dper na sgyu ma mkhan mkhas pa'i cho 'phrul bzhin du/ nam mkha'i lding gi rnam pa dang / cang shes gzhon nu'i rnam pa dang / shing rta'i rnam pa dang / glang po che'i rnam pa dang / grong khyer chen po'i rnam pa dang / gzhon nu lang tsho ma'i rnam pa dang / khang bu brtsegs pa brgya phrag gi rnam pa rnams dang / skyed mos tshal dang / gdugs dang / bla bre dang / dra ba dang / dra ba phyed pa dang / lnga ldi dang / ba dan dang / rgyal mtshan dang / kun dga' ra ba'i rnam pa la sogs par sprul nas/ pha rol du 'gro ba dang / tshur rol du 'ong ba dang / rang sa na lding ba dang / dga' ba dang / brtse ba dang / dga' mgur spyod pa dang / ji tsam na de dag gi rum las/ lha'i me tog man+da ra ba dang / pun+da ri ka dang / ni loR+Ya la'i 'dab ma lta bu'i sbrang char zim bu dag kyang dus ma yin par 'bebs pa dang / dus yin ma par nges su 'jug pa'i ngo mtshar cir yang 'char bas/ skye bo rnams kyi yid tshim pa chen po'i dga' ston dang / rnam par shes pa gzhan dbang du gyur ba'i zhags pa dam pos 'ching ba tsam du gyur cing / res 'ga' ni sprin nag po dang / 'thor rlung drag po ma yin par byung ba rang bzhin gyi bag phebs par byed pa'i lho sprin nags tshal stug po'i spun zlar gyur pa dag gis rum nas ha cang myur
- 306a
/ ba dang / ha cang rtsub mo ma yin pa'i dbyar gyi rnga gsang skabs phyed pa nyid sgra lhang lgang ba'i dbyangs su dal bur ldir bas/ ston gyi 'bras bus gcig tu gdungs pa'i rma bya gzhon nu'i tshogs la dga' ba'i dngos po brgya phrag mang pos kyang phyogs mi mtshon par byed pa dang / lha'i bu nyi ma'ang ba lang spyod kyi mun pa dang / sgra mi snyan gyi longs spyod la ci yang mi sems par lho 'dzam bu'i gling kho na yid la sems shing / dus sbyor bcu gnyis kyi tArka la phyug pa la spro bar gyur nas rta bdun gyi shing rta la'ang 'khun par byed pas/ go la'i rlung gi 'khrul 'khor bshig par rtsom pa dang / de bzhin du sa'i lha mo bstan ma ni rdzogs pa'i sangs rgyas dang de'i bstan pa la shin tu dad pas rang gi lus thams cad gser dang / dngul dang / g.yu dang / byu ru dang / mu tig dang / bai DUr+ya dang / nor bu mthon ka dang / ke ke ru la sogs pa lha dang mi'i rin po che sna tshogs pa'i 'byung gnas su byin gyis rlob cing / ri dang / klu dang / zang dang / nags tshal dang / skyed mos tshal dang / zhing sa gshin po la sogs par de dang de'i yon tan bskyed par byed pa la 'dun cing / 'gro ba rnams kyi srog gis dbang po dang lus kyi zungs ring mo'i mthar yang bskyed bsring bar byed pa'i 'tsho ba'i bcud len dam par byed pa sogs snod bcud la dge mtshan rgya chen
- 306b
po ster ba'i bya ba la gcig tu brel bas bkra shis pa'i cho ga dbyangs su len pa 'di ni rgyal ba'i bstan pa la gus pa bskyed pa kho na'i mthu gcig por rig par bya'o// de lta bu'i dge mtshan gyi snang ba brgya phrag la ngoms pa med par spyod bzhin par sang gi nyin par dngos gzhi'i bya ba/ dkyil 'khor bsgrub pa dang / bdag nyid 'jug pa dang / rten sbyong ba dang / bkru zhing phyi ba dang / ring bsrel gzhug cing gsol ba gdab pa dang / rten bskyed pa dang / spyan drangs pa dang / dgug cing rgyas gdab pa dang / de la gdan gsum tshang ba'i lhas dbang bskur ba dang / dbang gi bsregs blug dang / mchod cing bstod pa dang / spyan dbye ba dang / gsol ba btab pa dang / mnga' dbul bya ba dang / gnas bya'i lha rnams zab tu spyan drangs nas rgyas pa'i sbyin sreg bya ba ste dngos gzhi'i rim pa/ gtor ma sbyin pa dang / chos skyong bsgo ba dang / dkyil 'khor mchod pa dang / dngos grub blang ba dang / nongs pa bshags pa dang / zhi ba'i sbyin sreg dang / gshegs su gsol ba dang / yon bdag bsgo ba dang / shis pa brjod pa dang / bsngo ba bya ba dang / smon lam gdab pa dang / dga' ston bya ba dang / slar yang shis pa brjod pa dang / mjug don bya ba la sogs pa sbyor dngos rjes gsum gyi cho ga tshang zhing ma 'khrul ba dang / don dam pa'i rab gnas gang la
- 307a
rab tu gnas bya/ gang gis rab tu gnas byed/ gnyis ka rnam par mi rtog pa ste chos nyid bsam gyis mi khyab pa'i dgongs spyod dang mnyam pa nyid du bsres nas rten gyi ye shes pa rnams rdo rje'i chos bdun ldan gyi rang bzhin du bskal pa'i bar gang la gnyis su med pa'i phyag rgya dngos po med pa'i ngo bo nyid kyi phyag rgyas btab cing rdo rje'i glu dang gar yang byas so// de lta bu'i cho ga zab mo la brten nas rab tu gnas shing / legs par gsungs pa'i bca' ga rdzogs pa'i sku gsung thugs kyi rten ni gang du bzhugs pa'i sa phyogs sam/ yul khams de dang der/ de bzhin gshegs pa sras dang bcas pa'i byin brlabs kyis rtag tu bsrung zhing / byur dang skal ba ngan pa'i phyogs mi mthun pa thams cad rang bzhin gyis dengs par 'gyur la/ 'jig rten dang 'jig rten las 'das pa'i bde legs dang dpal gyi mngon par mtho ba ni chos nyid yin no// de las khyad par du 'dir glegs bam gyi de kho na nyid cung zad brjod na/ rdo rje phur pa gsang ba'i rgyud las/ glegs shing thabs dang shes rab la// shog bu theg pas sa gzhi ste// zhi gnas lhag mthong zhing gi rgyags// dbyangs dang ye shes don rgyags gnyis// skyug gu rig pa'i ye shes te// byang chub sems rtag snag tsha yin// yi ge gsum gyi phyag rgya bri// byed pa po ni dam tshig
- 307b
can// legs shing tshad dang ldan byas nas// sngags mkhan dam tshig blo can gyis// dus gsum bzhugs pa thams cad kyi// gsung gi de nyid byin bsdus nas// glegs bam nyid la bstim par bya'o// de nyid 'jig rten ma stongs par// gnas par byas te zhal bsros la// de don bsgrags pa'i char phab pas// nyis grol bde gshegs gsung brnyes te// glegs bam de nyid dus gsum gyi// mchod pa'i rten du bzhugs su gsol// zhes pa dang / phan yon gyi sgo nas gzhal na nam mkha'i mtha' dang mnyam pa'i rgyud chen po las/ rin chen sna bdun la sogs la// rgyal ba kun gyi rang bzhin gyis// ma lus bsdus pa'i ngo bo nyid// sku gsung thugs nyid bris pa yin// de bas rgyal ba kun bris pa'i// che ba'i yon tan bsam mi khyab// ces sangs rgyas thams cad kyi don dam pa'i sku gsung thugs kyi gsang ba bsam gyis mi khyab pa ni rgyud 'di dag gi brjod byar gnas pa'i phyir/ rna rgyud bzung bas de'i yon tan ma lus pa bzung bar 'gyur la/ rgyu de las gsung gi rten kho na mchog tu bshad pa dang / de bzhin du bris shing bzung ba'i phan / yon yang / de nyid las/ gro ga shing shun la sogs la// gsang ba'i rgyud 'dir rab bris nas// rin chen khri la legs bzhag ste// gus pas mchod cing rab bzung nas// ji srid gnas par bsam pa
- 308a
yis// dga' ba'i bsam pas 'dzin byed na// sangs rgyas thams cad bzung ba yin// zhes so// mdor na de bzhin gshegs pa'i chos kyi rnam grangs re re tsam glegs bam du bris shing bzung ba'i phan yon la'ang / byang chub sems dpa' byams pas 'di ltar du dam bcas so// bcom ldan 'das slad ma'i tshe slad ma'i dus lnga brgya pa tha mal dam pa'i chos 'jig pa'i dus la bab cing / sangs rgyas kyi byang chub 'jig par 'gyur ba 'jig pa chen pos 'jig pa'i dus la bab pa na bdag gis chos kyi rnam grangs 'di skyes bu dam pa de dag la rab tu bstan par bgyi'o// de dag la gzi byin stsal bar bgyi'o// yul gang na mdo sde 'di 'dzin pa de lta bu dag gnas pa'i yul der bdag gis dus ma lags pa'i ser ba dang / dgung char dang / mu ge dang / bro nad yang ba dang / mi ngas dang / yams kyi nad dang / 'go ba'i nad dang / gnod pa dang / 'khrug pa thams cad rab tu zhi bar bgyi'o// yul gang na chos kyi rnams grangs 'di 'chang ba dang / glegs bam du bgyis pa'am/ rgyal mtshan gyi rtse mor btags pa la mchod pa bgyid pa'i yul der bdag gis byin gyis brlabs kyis pha rol gyi dmag tshogs thams cad dang / chom rkun dang / srin po dang / mkha' 'gro ma'i yang ba thams cad rab tu zhi bar 'gyur ro// gang dag na chos smra ba
- 308b
'di lta bu dag dang / mdo sde'i 'di 'chang ba'i yul der bdag gi lo tog dang / nor dang / 'bru dang / me tog dang / lo ma dang / 'bras bu thams cad phun su tshogs pa dang / bde ba thams cad 'byung bar byin gyis brlab par bgyi'o zhes dang / gser 'od dam pa mdo sde'i dbang po'i rgyal po las/ btsun pa bcom ldan 'das nam mi'i rgyal pos gser 'od dam pa mdo sde'i dbang po'i rgyal po 'di mnyan te thos nas/ mdo'i sde'i dbang po 'di 'dzin pa'i dge slong de dag phyir rgol ba thams cad las kun tu bsrung bar bgyid/ yongs su skyob pa dang / yongs su 'dzin pa dang / yongs su skyong bar bgyid na/ btsun pa bcom ldan 'das bdag cag rgyal po chen po bzhis/ mi'i rgyal po de'i yul thams cad na gnas pa'i sems can rnams kun tu bsrung bar bgyi/ yongs su bskyab pa dang / yongs su bzung ba dang / yongs su bskyang ba dang / zhi ba dang bde legs su 'gyur bar bgyi'o// zhes gsungs pas mtshon la/ lhag par sangs rgyas 'jig rten na mngon sum par bzhugs pa'i dus de la mchod par byas shing / de'i bstan pa la rjes su yi rangs pa'i sri zhu byas pa dang / deng sang snyigs ma lnga bdo ba/ 'gro ba'i rgyud la rang bzhin gyis gzhan 'phrul dbang byed kyi bdag po'i bslu brid kyi gnas mal chen po bltar mi mngon par bcas
- 309a
shing / 'dod chags bdo ba/ zhe sdang bdo ba/ gti mug bdo ba/ nga rgyal bdo ba/ phrag dog dog bdo pa/ kun kyang cha mnyam par bdo bas gra zur rnol/ bsod nams ma yin pa kho na la gcig tu spro zhing 'jug pa mang ba'i dus 'dir de bzhin gshegs pa'i sku gsung thugs kyi rten la bsti stang du bya ba dang / bla mar bya ba dang / ri mor bya ba dang / brjed par bya ba la sogs pas sri zhu bskyed pa gnyis// bsod nams cha mnyam par thob pa'i tshul me tog brtsegs pa'i gzungs las/ gang gis de bzhin gshegs par dgra bcom pa yang dag par rdzogs pa'i sangs rgyas la lo gcig gam lo brgya'am lo stong yang rung ste/ bde ba'i yo byad thams cad kyis bsnyen bkur byas pa dang / de bzhin gshegs pa yongs su mya ngan las 'das nas rten rnams la me tog 'ga' 'bul lam chu snyim pa gang 'thor ram/ byug pa'i thig le 'dri'am/ me tog gi nyal nyil phyag gam/ byug pa 'bul lam/ spos 'bul lam/ 'dug spos 'bul lam/ mar me 'bul lam phul nas dga' ba'i sems kyis gom pa'i stabs 'ga' bor te/ sangs rgyas bcom ldan 'das la phyag 'tshal lo zhes smra ba de dag ni/ seng ge rnam par brtse ba bskal pa brgya'am/ bskal ba stong du'am/ bskal pa brgya phrag stong du yang ngan 'gro log par lhung ba'i gnas su 'gro bar
- 309b
'gyur ba de ni gnas med do// zhes pas dkar po rnam par 'phel ba'i bsod nams kyi shing rta la 'dzegs par spro ba rnams/ deng de bzhin gshegs pa dngos kyi snang ba med pas tshogs kyi zhing rgya chung ngur gyur ro snyam pa spangs nas/ sku gsung thugs kyi rten 'di dag la rim gro chen po bskyed cing / bye brag tu gsung gi rten ni slob dpon seng ge bzang po'i yum gyi 'grel pa las/ gtso bor chos kyi sku'i de bzhin gshegs pa nyid shes rab kyi pha rol tu phyin pa nyid yin no// de bas na de ston par byed pa'i rgyal ba'i yul la mchod na thams cad mkhyen pa'i ye shes kyi chos kyi sku la mchod pa'i phyir bsod nams mang du skye ba yin no// zhes dri ma med pa'i gsung rab rnams las yang nas yang du gsung ba'i don la yid rton par byas te/ mchod pa dang / 'dri ba dang / klog pa dang / 'chad pa dang / kha bton byed pa dang / 'chang zhing phu dud du bya ba sogs la bsod nams tshad med pa nyid du 'phel ste/ 'di ltar chos spyod bcu'i yan lag phal mo che'ang gsung rab 'bri ba la sogs pa'i phyogs 'dir ltos shing gnas pa yin te/ rdo rje phur pa 'jig rten snang byed kyi rgyud las/ yi ge 'dri mchod sbyin pa dang // nyan dang 'dzin dang klog pa dang // 'chad dang kha bton byed pa dang // de sems pa dang sgom pa dag/ de bzhin gshegs pa'i ngo bo nyid// bla
- 310a
med byang chub thob par 'gyur// gang zhig 'di la mos gyur pa// rgyal ba rnams kyis bsngags pa yi// yon tan thams cad 'byung bar 'gyur// ces gsungs pa'i phyir ro// da ni gsang rgyud rgya mtsho gnyug mar gnas pa'i gtsug lag khang du smyon par byas pa'i gtam ni/ dus tshod de nas zhag gi phung po drug tu 'das pa/ sngon gyi tshe grong khyer chen po mnyan yod du bdag cag gi ston pa spangs rtogs bsam gyis mi khyab pa/ gnas dang gnas ma yin pa mkhyen pa la sogs te stobs bcu/ chos thams cad mngon par rdzogs par byang chub pa la sogs te mi 'jigs pa bzhi/ de bzhin gshegs pa la 'khrul pa dang ca cotso med pa la sogs te sangs rgyas kyi chos ma 'dres pa bco brgyad/ chos thams cad bdag med pa yin na sems can rnams bdag med par ma mos pa de'i phyir sems can rnams la de bzhin gshegs pa'i thugs rje chen po skye ba la sogs pa'i thugs rje'i mtshan sum cu rtsa gnyis/ gus par nyan pa rnams la sems snyoms pa la sogs te dran pa nye bar gzhag pa bzhi/ de bzhin gshegs pa'i sgra'i phrin las kyi spyod pa yongs su dag pa la sogs te bsrung ba med pa bzhi/ chos so sor yang dag par rig pa la sogs te rnam pa tha dad pa bzhi/ lha'i mig la sogs kyi mngon par shes pa drug/ de'i gnas skabs las
- 310b
byung ba'i rdzu 'phrul gyi yan lag cho 'phrul chen po gsum/ dbu gtsug tor dang ldan pa la sogs te mtshan bzang po sum cu rtsa gnyis/ sen mo zangs kyi kha dog tu gyur pa sogs dpe byad brgyad cu'i yon tan rnams kyi mnga' bdag chen po/ lha dang bcas pa'i 'jig rten kun gyi mchod pa'i gnas chen po de lta bu la log sred kyi rnam par rtogs pas srin bu'i 'od kyis nyi zla'i snang ba 'gog par sems pa'i gtum po gzu lums can mu stegs byed kyi ston pa drug 'khor dang bcas pas 'gran zlar byas pa ni/ bdag cag gi ston pa 'di ni thugs rje bsam gyi mi khyab cing / sems can 'dul ba'i thabs la mkhas pa yin pas phyir/ rgyu 'di las gnas skabs de dang da lta phyi ma'i mur thug gi bar 'gro ba rnams kyi bsod nams rgya mtsho'i 'jug ngogs dam par dus byin gyis brlabs te/ dge ba'i rtsa ba nyung ngu yang mang por byed pa'i dgos pa rgya chen po gzigs nas cho 'phrul 'gran par zhal gyis bzhes so// de ltar bzhes nas cho 'phrul gyi 'dun khang mngon par sprul te/ 'byung rtsis pa rnams kyi dpyid zla tha chung / gso dpyad kyi rgyud las/ dpyid zla gsum ni shing rtsi kha 'bus dus// rta pa dbo dang nag pas nam tshod 'dzin// zhes pa ltar dpyid zla ra bar grags pa rgyu skar gyi lha mo rta pas nye bar byed pa cho 'phrul chen po'i tshes gcig la ko sa la'i
- 311a
/ rgyal po gsal rgyal gyis mchod cing / tshems shing 'od srung byin gyi bu mo'i pang bar btsugs pa las/ skad cig nyid la rgya khyon dang yal ga'i kho lag rdzogs pa'i dpal du 'bar zhing / chos kyi sgra sgrogs pa'i dus kyi nyin nas brtsams/ phyogs gcig gi dus tshod la yol ba ma byin gyi bar/ ston pa drug 'khor brgyad khri dang bcas pa dag gis zag par bcas pa'i rdzu 'phrul gyi nye bar len pa'i 'khri shing sa chen po 'di'i 'og tu yibs pa la gdon mi za ba'i gnas skabs ni byin/ cang mi smra ba dang / yul yul po'i brtul zhugs gsar bu la ni bkod/ rdo thogs pa med pa'i bzhin ras la sor ma'i par gyi 'debs pa tsam gyi sgrib byed dam pos 'gebs su bcug pa de bzhin gshegs pa'i cho 'phrul chen po'i rol pa zad mi shes pa las/ phyi rol du yul nyi shu rtsa bzhir mkha' 'gro ma rnams 'du ba'i cho ga rgya chen pos brel zhing / nang rdo rje'i lus la rgyud sde zab mo nas bshad pa'i rtsa rlung sems gsum gyi 'du ba rten dang brten par 'dzom pa'i ngo mtshar rgya mtsho la'ang spyod/ sangs rgyas gnyis pa slob dpon chen po'i yang dus kyi mchod pa'i nges pa chen po/ khyad par ston mchog rdzogs pa'i sangs rgyas 'jig rten skyong ba bzhis mchod cing mtshan dpe'i ngo mtshar rgyal chen ris bzhi gnas nas 'og min la thug gi bar gyi bla'i mchod sdong
- 311b
por bzhengs nas/ gnyen 'jam yid du 'ong ba la sogs te dbyangs kyi yan lag drug cu'i rgyan gyi mdzes pa'i chos kyi rnga bo che brdungs pa'i dus/ dkar po'i phyogs kyi rdzogs pa gnyis pa'am/ gral tshes bcu pa'i ngo mtshar mchog gi snang ba 'bum phrag du mar 'dzag pa'i nyin/ rang cag gi gras nas ston pa mchog gi rjes su zhugs pa'i rab tu byung ba gzhon nu'i ngang tshul ba/ 'jig rten gsum na thos par dka' ba'i ngur smrig rgyal mtshan can bcu phrag gnyis kyi phrag pa na rgyud 'bum rin po che ma tshang ba med pa yongs su bzung zhing / 'chi ba med pa'i gos bzang kha dog sna tshogs pa gcal du bkram pa'i rten khebs kyi ni lhab lhub tu byas/ spos kyi bdug pa dang / phye ma phur ma dang / gdugs dang / rgyal mtshan dang / ba dan la sogs pa'i bsti stang gis mdun bsus/ bsod nams dam pa'i yul la sri zhu 'di ni rang cag gi'ang khur du bkal bar 'os pa nyid de/ rkang pa'i 'du 'god nyams nyes shing lang tsho'i stobs las yol ba'i phyir dang / 'jig rten dang yang mthun par 'jug pas bdag cag rnams kyang cang shes bzang po rgyan gyi spras pa'i steng na 'dzegs te/ lo ka'i chos rnam pa tha dad pa brgyad po'ang nang du 'dod pa zad pa'i chos nyid can la gdod nas rmi lam dang sgyu ma'i rang bzhin du mchis pa de nyams 'og tu btsud nas/ 'di ltar
- 312a
/ dkon mchog gsum gyi phyogs dad pa'am/ rjes su yi rangs pas tha na gom pa bdun gyi bar du bsu bsgyel byas pa la'ang bsod nams dpag tu med pa thob pa'i phyir zhabs 'bring gi tshul du bsti stang byas so// tshul de lta bus dpal oM rgyan chos kyi rgyal po/ gang gis gtam lha'i zhu lan du grags pa gu ru chos kyi dbang phyug gi dus gsum ma bsgribs par gsal bar ston pa'i lung bstan las/ bang so dmar po'i shar ram lho yi phyogs// lha babs mchod rten dgon sde 'cha' yang srid// ces/ rdo rje'i lung gis gsal bar bstan pa bzhin/ snga 'gyur rdo rje theg pa'i ring lugs 'dzin pa skar tshogs lta bu'i dbus na mdo sngags kyi gzhung lugs rgya mtsho lta bu'i pha rol tu son pa kun mkhyen ngag gi dbang po/ rong pa chos kyi bzang po/ mnga' ris ma hA paN+Di ta/ kun mkhyen shes rab 'od zer te/ rnam pa bzhi po 'di la do zlar 'os pa snga na ma byung ba'i ya gyal/ don dam par rgyal ba'i dbang po mtsho skyes rdo rje'i rgyal tshab chen po/ rnam par snang mdzad bai ro tsa na/ mkhas grub khyung po rnal 'byor/ rdog lo blo ldan shes rab/ g.yu brag pa 'gro ba'i mgon po/ dpal chen chos kyi ye shes/ bya 'dul ba 'dzin pa/ g.yag sde ma hA paN+Di ta/ paN chen 'bum phrag gsum pa la sogs te thugs rje yang sbrul gyi skyes rabs u dum wa ra'i 'khri shing la
- 312b
brten nas mkhyen rab byang chub bar du 'phel bar byas pa'i mngon sum tshad ma/ kun mkhyen bla ma shan+da pu ri pas mngon par bskrun pa'i gdan sa chen po/ ltar snang srid pa'i phun tshogs rgya chen pos brel ba'i snyengs pa la gcig tu 'jug pa mi brtson yang / nang rdo rje'i lam la rnal 'byor pa'i gang zag dam pa mang po rgyud mar byon to zhes yongs su grags pa shri pad+ma ma hA yA na ste/ dpal ri theg pa chen po'i gling gi nye 'dabs su smyon pa na/ sin+d+hu wa ra'i rgya mtsho chen po dpa' rlabs kyi lce zhags nam mkha'i mthongs su 'phyo ba snyam phyed pa'i dge 'dun ngang pa'i rgyal po shin tu dul ba bzhin du gom pa dal gyis 'dor ba dag mu tig bstar la rgyus pa lta bu'i phreng bar bkod pa'i phang par/ chos dung dkar po g.yas su 'khyil ba dang / gdugs dang / rgyal mtshan dang / ba dan dang / phye ma phur ma dang / 'phan rtse gsum pa dang / rin po che'i rnga yab dang / bsil g.yab gdung ba sel ba dang / rnga bo che dang / rdza rnga dang / rnga phran dang / rnga chen dang / pi wang rgyud gcig pa dang / rdza rnga kha gcig pa dang / lcags kyi sil khrol dang / 'khar ba'i sil khrol dang / pi wang rgyud gsum pa dang / rnga ku mun+da dang / sil snyan glu dbyangs dang bstan pa dang / pheb rdob dang / dung chen dang / rgya gling la sogs pa phal mo che ni mngon sum pa'i chos la gnas/ la la ni
- 313a
ting 'dzin gyi cho gar byas pa'i mdun bsu'i bkod pa rgya chen po dang bcas te phebs pa na/ gang dang nye ba'i phyogs ga la bar grong dang grong khyer sbrang rtsi'i bza' ba gsog pa'i bang mdzod la 'gran pa dag yod pa'i skye bo'i tshogs khrom du 'khyil ba dag kyang / dad pa dang rjes su yi rangs pa'i cho ga yid la sems bzhin du lhags te rten dang kho bo cag la mig mi 'dzums par blta zhing mgo bos gtug par byed do// der gtsug lag khang gi tha gru rnam par yangs pa'i 'dzum/ rgyal ba'i bka' 'gyur ro 'tshal dang / dgongs 'grel bstan 'gyur rin po che'i dbus na lham mer gsal ba'i mdun du/ 'di ltar shin tu 'dza' bar gyur pa'i pho nu'am/ bskyed par byed pa dang / skye ba'i lam ster dang / skye ba'i myu gu gsum phan tshun phyogs phyogs su dbral bar gyur pa slar gcig tu tshogs pa bzhin/ gangs ri'i khrod na rgyal gsung den par smra ba yid la gnyis su 'dzin pa'i dbyen gyis tha dad du phyogs nas yun de srid cig mdza' bar ma gyur pa/ deng ljon pa'i lang mtsho mig mangs ris su bris pa'i kun dga' rwa ba gcig gi nang du mnyam pa nyid du 'dres par gyur pas/ lha dang bcas pa'i 'jig rten thams cad kho bo cag gi bsod nams dam pa'i do ra yangs par/ khyod gcig kho na'i smon lam gsar pa'i rgyang glu'i rol mo snyan par 'khrol
- 313b
bas ring mo'i dus nas phyogs 'dir bos pa'i mgron gyi dam pa 'di ni e ma ma la zhes da dir dbyangs su sgrog pa'i dga' ba brgya phrag gi snang bas brtson par byed pa mthong ngo // de ma thag tu bdag nyid dge 'dun 'dus pa'i gral dbus na rdo rje'i slob dpon gyi brtul zhugs nyid du gnas pas phyir 'brang gi bgegs rnams rgya mtsho chen po'i pha mtha' la deng su bcug khrus kyi bya ba dang / spyan 'dren pa dang / mchod pa 'bul ba dang / lhag par gnas pa'i me tog sil mas phyogs kun gtor ba'i rjes la/ kho bo cag gis dkon mchog gsum gyi yon tan la rjes su bsngags pa dang / cho 'phrul chen mo'i dus la khyad par brjod pa'i nges pa cung zad kyis sna drangs/ bkra shis pa'i rdzas brgyad kyi bshad pa'i stong thun re'i mtshams su dge 'dun 'dus pa'i tshogs kyis mthun par gyur pa'i tshig kA la ping+ka'i gdangs su bsgyur zhing / shishes pa brjod pa'i yan lag ma tshang ba med pas de ring gi nyin la mtha' rgyas su byas/ sang gi nangs par nas gdugs gnyis kyi bar la dkon mchog gsum la mchod pa'i sprin gyi rol pa rnam par bkod cing / dge 'dun rnams la sri zhu chen pos bsnyen bkur nas/ rgyud 'bum rin po che'i yi ge'i dngos po sgra tshig rang mtshan par snang ba'i gsung sgrogs dang / rjes 'brel du rtsa ba gsum gyi lha tshogs la tshogs kyi 'khor
- 314a
/ lo rgya chen po dang / rdo rje chos skyong rnams la gtang rag gis mchod pas mnyes par byas shing / dge 'dun rnams la nyin snga mar bsod nams kha btags re dang / phyi mar TaM kha re'i phyag 'gyed// mthar bsngo ba smon lam gyis rgyas 'debs pa yan chad gyi sbyor dngos rjes gsum mthar phyin pa yin no// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling tha grur khyab pa'i rgyan zhes bya ba las/ ched du brjod pa bya ba las kyi 'khor lor ji ltar brtsams pa'i gtam brjod pa ste skabs bdun pa'o// // da ni yid bzhin gyi nor bu lta bu'i nang rgyud rin po che yo ga gsum rjes 'brangs bstan srung dang bcas pa'i chos kyi bzhugs byang dang / lo pa Na so so'i 'gyur byang / le'u grangs sogs kyi rnam bzhag zhib mor bshad par bya ste// ka pa la/ rdo rje sems dpa' nam mkha' che bram ze rgyas pa'i rgyud le'u bcu drug pa// byang chub kyi sems rmad du byung ba le'u zhe gnyis pa/ shrI sid+ha dang / bai ro tsa na'i 'gyur/ byang chub gyi sems bsgom pa yi ge med pa'i rgyud skabs bcu pa 'gyur gong 'dra/ chos thams cad sems nyid ye shes kyi rgyud dngos grub rang byung du spyod pa dbang bskur ba/ rna brgyud zam pa le
- 314b
grangs med pa skal ldan gyi bcud chos rdzogs so zhes pa'i mtha' can/ rdzogs pa chen po chos nyid byang chub kyi sems thig le rgya mtsho gnas la 'jug pa zhes bya ba'i rgyud le'u bcu pa/ bI ma la dang g.yu sgra'i 'gyur// byang chub sems kyi man ngag rin chen phreng ba'am bang mdzod 'phrul gyi lde mig le'u re gcig pa// man ngag thams cad kyi sdom mam/ man ngag spyi'i rgya mdud ces bya ba le'u grangs med pa/ yang 'byed 'phrul gyi lde mig bcu bzhi pa/ bang mdzod 'phrul gyi me long le'u bcu pa gnubs chen gyi man ngag gter rgyud/ thag ring du 'gro ba nam mkha' dang mnyam pa'i rgyud le'u nyer lnga pa/ le'u'i ming ston pa 'khor lo rdo rje zhes bya ba le'u grangs bzhi pa/ dz+nyA na gar+b+ha dang / bai ro tsA na'i 'gyur// byang sems rin chen 'khor lo zhes bya ba'i rgyud le'u bcu pa// rdo rje sems dpa' nam mkha' che rgyas pa zhes bya ba pha rgyud le'u bcu gcig pa/ yang nam mkha' che rgyas pa zhes bya ba rnal 'byor ma rgyud le'u bcu gsum pa/ bI ma la dang dpal brtsegs kyi 'gyur/ byang chub kyi sems nya mo bag la nyal le'u drug pa/ byang chub kyi sems rmad du byung ba'am/ chos chen po rmad du byung ba le'u nyi shu pa/ rdzogs pa chen po chos nyid byang chub kyi sems rin po che bkod pa rnam par dbye ba'i rgyud le'u lnga pa/ shi len+d+ra mi tra dang / 'jing gsal 'bar gyi 'gyur/ byang
- 315a
// chub kyi sems rmad du byung ba le'u bcu gcig pa phyi ma ta ma nyid dang gsum bzhugs pa zab mo po ri'i lha khang du bu gnyis lus so zhes pa/ rdo rje sems dpa' nam mkha' che gsang ba snying po rnal ma don gyi rgyud le'u bcu gnyis pa// gsang sngags lam mchog 'dus pa'i rgyud le'u lnga pa// shrI sid+ha dang / rdo rje yang dbang gter gyi 'gyur// thugs kyi rgyud rin po che spungs pa'i rgyan le'u lnga pa/ gsang ba spyi rgyud le'u nyer lnga pa/ dri med bshes gnyen dang / gnyigs dz+nyA na'i 'gyur/ rin chen rgyas pa chen po'i rgyud le'u re gcig pa rnams so// kha pa la/ byang chub kyi sems kun byed rgyal po lta ba nam mkha' ltar mtha' dbus med pa'i rgyud le'u brgyad cu rtsa bzhi pa/ shrI sid+ha ka la pa dang / bai ro tsa na'i 'gyur/ chos thams cad rdzogs pa chen po byang chub sems su 'dus pa'i mdo le'u'i nges brjod yod pa la kha grangs med pa'i mjug bstan pa yongs su gtad pa'i le'u'o zhes pas rdzogs pa/ la zlo gsang ba'i 'khor lo zhes bya ba'i rgyud le'u'i dngos bstan rjes 'brel rdzogs so'i mtha' can thebs bcu gcig yod pa/ chos thams cad rdzogs pa chen po 'khor ba rtsad nas gcod pa nam mkha' dang mnyam pa yi ge med pa'i rgyud le'u bcu gsum pa mtha' can/ shrI sid+ha dang / bai ro'i 'gyur/ rdzogs pa chen po 'khor ba rtsad nas
- 315b
gcod pa rgya mtsho dang mnyam pa rnyog pa med pa'i rgyud le'u dngos bstan bdun rdzogs so'i mtha' can 'gyur gong 'dra/ rdzogs pa chen po 'khor ba rtsad nas gcod pa nyi zla dang mnyam pa dri ma med pa'i rgyud le'u dngos bstan bcu gcig rdzogs so'i mtha' can/ 'gyur gong 'dra/ rin po che dang mnyam pa skye ba med pa'i rgyud le'u dngos bstan bcu bzhi rdzogs so'i mtha' can/ 'gyur gong 'dra/ sems sgom don drug/ man ngag rtsal chen/ byang sems khyung chen rnams dum bu re/ rdo rje sems dpa' nam mkha' che le'u yod grangs med rdzogs so'i mtha' can/ 'gyur gong 'dra/ 'dir gsan yig snga phyi dang go bstan gyi yig chung zhig yod/ byang chub kyi sems rmad du byung ba sogs rgyud chung phyi 'gyur bcu gsum/ byang chub kyi sems rtsal spug le'u dgu pa/ shrI sid+ha dang / bai ro'i 'gyur/ byang sems khyung chen mgor de nas bcom ldan 'das dpal rdo rje sems dpa' la sogs pa rnams zhes yod pa le'u bcu pa/ 'gyur gong 'dra/ nam mkha' che rgyas pa yi ge med pa'i rgyud le'u brgyad pa/ byang chub sems sgom rdo la gser zhun le'u med/ yang byang chub sems sgom 'jam dpal bshes gnyen phyi ma'i man ngag/ rdzogs pa chen po ye shes bdun byung gi rgyud le'u brgyad pa mgor bkra shis dpal zhes yod pa/ rig pa'i khu byug le'u bdun pa/ shrI sid+ha dang / bai ro'i 'gyur/ byang sems
- 316a
/ bkra shis mi 'gyur ba gsal bar gnas pa'i rgyud le'u bcu pa bi ma la dang / g.yu sgra'i 'gyur/ rgyud kyi rgyal po gser gyi rus sbal rtsa ba'i rgyud ces bya ba le'u sum cu tham pa/ bai ro'i 'gyur/ rin po che snang byed kyi rgyud le'u bcu dgu pa/ byang sems rma bya 'jing bsnol le'u drug pa/ yang rma bya 'jing bsnol mtha'i mun sel chen mo zhes bya ba le'u lnga pa/ rdzogs pa chen po lta ba ye shes gting rdzogs le'u nyi shu rtsa bdun pa/ a tsa ra dran pa'i ye shes kyi bod yul du bsnams pa/ byang chub kyi sems sgom pa'i rgyud gsham na theg pa'i snying po rdzogs so'i mtha' can le'u bcu gcig rnams so// rtog pa la/ klong chen rab 'byams rgyal po'i rgyud le'u bzhi bcu rtsa bdun pa/ kun tu bzang po nam mkha' che rtsa ba bsdus pa'i rgyud le'u bcu bdun/ shrI sid+ha dang / bai ro'i 'gyur/ byang chub kyi sems kun tu bzang po rig pa rang gi rtsal shar ba'i rgyud le'u bcu bzhi pa// rdo rje sems dpa' nam mkha'i mtha' dang mnyam pa'i rgyud chen po le'u nyi shu rtsa bdun pa/ shrI sid+ha dang / bai ro'i 'gyur/ rdo rje sems dpa' nam mkha' che kun tu bzang po gsang ba'i snying po rgyud kyi mdo le'u nyi shu rtsa drug pa/ 'gyur gong 'dra/ ye shes gsang ba zhes bya ba'i rgyud le'u bcu gnyis pa/ byang chub kyi sems ye shes rdzogs pa'i rgyud le'u bcu pa/ 'gyur gong 'dra/ rdzogs pa
- 316b
chen po byang chub sems kun la 'jug pa rnam dag ston pa'i rgyud le'u lnga pa/ bI ma la dang / g.yu sgra'i 'gyur/ byang chub kyi sems rdo rje 'od 'phro ba'i rgyud dam/ byang sems rje btsan dam pa'ang zer ba le'u bcu gnyis/ shrI sid+ha dang / bai ro'i 'gyur/ rin po che 'phags lam bkod pa'i rgyud le'u bcu pa/ 'gyur gong 'dra/ rdor rje sems dpa' nam mkha'i mtha' dang mnyam pa'i rgyud le'u nyi shu rtsa bdun pa/ 'gyur gong 'dra/ 'di'i le'u yar 'gro mar 'gro byas pa brtag dpyad kyi mtshan bu bkod yod da dung brtag/ gong gi le'u grangs nyi shu rtsa bdun pa'i mu nas 'thud pa le'u drug cu rtsa bzhi pa/ gzhung tshad bam po bcu gcig gi nges pa can 'gyur gong 'dra/ rin po che gdams ngag sna tshogs 'khor lo'i rgyud le'u bzhi pa/ de'i rgyud phyi ma le'u bcu drug pa/ rin po che 'khor lo zhes bya ba'i rgyud le'u brgyad pa/ ye shes gsang ba sgron ma'i rin po che man ngag gi rgyud le'u bcu drug pa/ shrI sid+ha dang bai ro'i 'gyur ro// nga pa la/ rin po che srid pa bar do snang ba'i rgud le'u bcu drug pa/ 'jam dpal gyi bshad rgud rin po che'i phreng ba le'u dgu pa/ bI ma la dang / gnyags kyi 'gyur/ 'jam dpal dgongs pa 'dus pa le'u drug pa mtha' can/ sku gsum gyi snang ba gsal bar ngo sprod pa'i rgyud le'u bdun pa/ dur khrod phung po 'bar ba le'u bcu gcig pa/ rdo rje yang rtse'i rgyud le'u nyer
- 317a
/ gcig pa/ rdo rje yang tog snying po'i rgyud le'u bco lnga pa// snying po rdo rje rin po che thams cad gcig pa'i rgyud le'u nyer gsum pa/ dam tshig bkod pa sa gzhi'i rgyud le'u grangs gsum pa/ 'byung po kun 'dus rgyud le'u so gnyis pa/ rdo rje gsang ba rin po che dbyig gi sgrol ma shes rab chen mo'i mdo zhes bya ba'i rgyud skad 'gyur bzhi pa/ lha ma yin g.yul ngo bzlog pa'i rgyud le'u sum cu tham pa// ro sreg thal ba nag po'i rgyud le'u drug pa/ yang 'jig rten gyi phrin las sprod pa bsod nams chen po rdzogs pa shes rab chen po'i rgyud dam/ thal ba nag po'i rgyud le'u bcu drug pa/ lha rgyud rin chen spungs pa le'u so gsum pa/ lha rgyud rin chen dbang gi 'khor lo zhes bya ba le'u bcu gsum pa/ thig le kun gsal chen po le'u dgu cu rtsa bdun pa/ dpal ldan seng ge 'od can dang / bai ro tsA na'i 'gyur/ ye shes mar me'i rgyud le'u gsum pa/ rdo rje sems dpa'i dgongs pa tshig gsum gyi rgyud le'u gsum pa/ man ngag snying dgongs le'u bcu bzhi pa// thig le kun 'dus chen po'i rgyud le'u bcu gnyis pa sku'i rgyud pad+ma 'khyil pa le'u nyi shu rtsa gcig pa// rdo rje rtse mo 'dus pa'i rgyud le'u bcu tham pa/ bI ma la dang / ska cog gsum ka'i 'gyur/ ye shes bla ma chen po'i rgyud le'u bdun pa mtha' can/ byang sems rgyal mtshan rtse mo rgyud le'u lnga
- 317b
pa/ rdo rje srin po rno ba rdo rje mchu can gyi rgyud dam/ 'khor ba dong sbugs chen po'i rgyud le'u bdun pa/ rdzogs chen thig le gsang ba'i nges rgyud le'u med// thig le gsang ba'i brda rgyud le'u bcu dgu pa rnams so// tsa pa la/ rdzogs pa rang byung le'u nyi shu rtsa bzhi pa/ rig pa rang shar chen po'i rgyud le'u brgyad cu gya drug pa/ sgra thal 'gyur le'u lnga pa rjes 'brang bcas/ rig pa rang grol chen po'i rgyud le'u bcu tham pa/ bkra shis mdzes ldan rgyud le'u lnga pa rnams so// cha pa la/ seng ge rtsal rdzogs rgud le'u bcu gsum pa/ bI ma la'i rang 'gyur/ nor bu phra bkod pa'i rgyud le'u nyi shu rtsa bzhi pa/ mu tig 'phreng ba le'u brgyad pa/ yi ge med pa gsang ba'i rgyud le'u drug pa/ rdo rje sems dpa' snying gi me long rgyud le'u brgyad pa/ kun tu bzang po thugs kyi me long le'u bzhi pa/ nyi zla kha sbyor rgyud le'u bzhi pa/ ngo spyod smras pa'i rgyud le'u gsum pa ni/ bI ma la dang / ska ba dpal rtsegs kyi 'gyur/ sku gdung 'bar ba le'u gsum pa/ 'gyur gong 'dra/ rin po che spungs pa le'u lnga pa/ 'gyur gong 'dra/ sgron ma 'bar ba le'u bzhi pa/ klong drug pa le'u drug/ klong gsal 'bar ma nyi ma'i rgyud le'u brgya dang bcu gsum/ mkha' 'gro kun gyi snying thig klong gsal le'u zhes bya ba phyi ma'i rgyud 'thud pa'i le'u grangs brgya dang bzhi bcu zhe gnyis rnams so// dza pa
- 318a
@/ la/ snang srid kha sbyor bdud rtsi'i thigs pa 'khor ba thog mtha' gcod pa'i rgyud le'u brgya dang bcu zam pa/ slob dpon chen po dang / ska ba dpal brtsegs 'gyur/ rin po che bcud kyi yang snying thog mtha' dras zag gcod pa'i rgyud le'u bcu tham pa mtha' can/ yang spros pa gcod pa sde lnga'i rgyud le'u bcu bzhi pa/ pad+ma sam+b+ha wa dang / ska ba dpal brtsegs kyi 'gyur/ rin po che bdud rtsi bcud thigs rgyud le'u bco lnga pa/ 'gyur gong 'dra/ rin po che snang gsal spu gri 'bar bas 'khrul snang thams cad rtsad nas gcod pa nam mkha' dang mnyam pa'i rgyud le'u sum cu so lnga pa/ 'gyur gong 'dra/ rin po che spyi gnad skyon sel thig le kun gsal rgyud le'u dgu pa/ gter snying rin chen spungs pa'i rgyud le'u dgu pa/ thig le ye shes bcud spungs sgron ma 'od 'bar gyi rgyud le'u bcu bdun/ 'gyur gong 'dra/ bdud rtsi bcud thigs sgron ma brtsegs pa'i rgyud le'u nyi shu rtsa gnyis/ 'gyur gong 'dra/ snying po bcud spungs nam mkha' klong yangs le'u nyi shu tham pa/ 'gyur gong 'dra/ thugs kyi yang snying dgongs bcud 'dus pa nyi zla 'bar ba'i rgyud le'u bcu gsum/ 'gyur gong 'dra/ sangs rgyas kun gyi dgongs pa'i bcud bsdus ri bo brtsegs pa'i rgyud le'u nyi shu rtsa gcig/ dri med ka dag gi rgyud rin chen gsal ba chen po zhes bya ba le'u bcu tham pa/
- 318b
rgyud thams cad kyi rgyal po nyi zla snying po 'od 'bar ba bdud rtsi rgya mtshor 'khyil ba'i rgyud le'u brgyad cu gya gcig/ 'gyur gong 'dra/ skye med ka dag zang ka le'u bcu zam pa/ spros bral don gsal chen po'i rgyud le'u brgya dang nyi shu rtsa gsum/ rgud thams cad kyi rtse rgyal nam mkha' 'bar ba'i rgyud le'u sum cu so dgu pa/ shrI rat+na badz+ra dang / he ru ka'i 'gyur/ rgyud thams cad kyi spyi phud nyi zla bkod pa'i rgyud le'u bco lnga pa/ slob dpon pad+ma dang / dpal brtsegs kyi 'gyur/ nam mkha' 'brug sgrogs thog bab klong 'dus spyi rgyal rgya mdud kyi rgyud le'u bcu tham pa/ lta ba la shan chen po rin po che sgron ma'i rtsa ba'i rgyud le'u bcu bzhi/ gnyis ka 'gyur gong 'dra/ rtsa rlung thig le'i rgyud le'u bdun pa/ lta ba la thal chen po'i rgyud/ snang byed spu gri'i rgyud/ 'bras bu ye grol chen po'i rgyud/ srog gi 'khor lo'i rgyud bcas so sor rdzogs mtha' yod pa/ rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud nyi shu rtsa bzhi mtha' can/ 'gyur gong 'dra// nya pa la/ rdzogs pa chen po nges don 'dus pa le'u brgyad cu gya gcig/ bI ma la dang / a tsar+ya dran pa'i ye shes kyi 'gyur/ rdzogs chen rin po che 'khor ba rtsad gcod kyi rgyud le'u nyi shu rtsa bzhi/ rdzogs pa chen po lta ba'i yang snying nam mkha' klong yangs kyi rgyud le'u lnga bcu nga gsum/
- 319a
'gyur gong 'dra/ rdzogs pa chen po dgongs pa bka' bgros kyi rgyud le'u drug cu re lnga pa/ 'gyur gong 'dra/ po ti se ru mthing shog can zer/ rdzogs pa chen po shin tu rnal 'byor sangs rgyas thams cad 'byung ba rang byung bde ba 'khor lo'i rgyud le'u drug bcu re drug pa mtha' can gser gyi sgril shing can zer/ 'gyur gong 'dra/ rdzogs pa chen po nges don 'dus pa'i yang snying kun tu bzang po ye shes klong gi rgyud le'u sum cu so bdun/ 'gyur gong 'dra/ rdzogs pa chen po rmad byung don gyi snying po rang byung bde ba'i 'khor lo'i rgyud le'u nyi shu rtsa bdun/ bI ma la dang / gnyigs kyi 'gyur/ rdzogs pa chen po nges don rig pa'i gsung rang byung bde ba 'khor lo'i rgyud le'u sum cu so gsum/ rdzogs pa chen po lta ba thams cad kyi snying po'i rgyud le'u nyer brgyad/ 'gyur gong 'dra bu tshal du bsgyur ba/ rdzogs pa chen po kun tu bzang po ye shes gsal bar ston pa'i rgyud le'u bcu gnyis pa/ rdzogs pa chen po kun tu bzang po ye shes gsal bar ston pa'i rgyud phyi ma le'u bzhi pa/ rdzogs pa chen po kun tu bzang po ye shes gsal bar ston pa'i rgyud phyi ma'i phyi ma le'u bzhi pa/ rdzogs pa chen po kun tu bzang po ye shes gsal bar ston pa phyi ma gsang ba'i rgyud le'u bzhi pa/ shrI sid+ha dang / rdo rje yang dbang gter gyi 'gyur/ ye shes 'khor lo'i rgyud le'u
- 319b
bdun/ rdzogs pa chen po ye shes 'khor lo gsang ba thugs kyi rgyud le'u bcu dgu/ 'jam dpal 'dus pa'i rgyud le'u bcu drug/ spyan ras gzigs ting 'dzin rtse gcig gi rgyud le'u bcu gsum/ rdzogs pa chen po ma rig mun pa sel bar byed pa lta ba ye shes gting rdzogs rgyud le'u bzhi bcu zhe gcig/ bI ma la dang / a tsar+ya dran pa ye shes kyi 'gyur dngul gyi sgril shing can rnams so// ta pa la/ chos thams cad kyi don bstan pa rdzogs chen thig le nyag gcig ye nas bya rtsal bral ba'am/ klong chen rab 'byams kyi rgyud le'u lnga bcu nga gsum/ rdzogs pa chen po nges don thams cad 'dus pa ye shes nam mkha' dang mnyam pa'i rgyud le'u nyis brgya dang bcu gnyis/ byang chub kyi sems lung rnal 'byor chen po'i rgyud dam/ sems lung chen po'i mdo le'u bzhi bcu zam pa// za ba la/ de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo 'am/ sangs rgyas thams cad kyi dgongs pa 'dus pa'i mdo le'u bdun cu don lnga/ rgya gar gyi mkhan po d+harmA b+ho d+hi dang / ring lugs pa chen po/ dA na rak+Shi ta dang / zhu chen gyi lo tsA ba che bcan skyes kyis bru sha'i yul du khrom bsgyur mdzad pa/ de bzhin gshegs pa thams cad kyi thugs gsang ba'i ye shes don gyi snying
- 320a
/ zo khA za rdo rje'i rigs kun 'dus rig pa'i mdo le'u sum cu so drug/ pad+ma sam+ba wa dang be ro'i 'gyur/ dur khrod khu byug rol pa le'u bcu bzhi rnams so// da pa la/ kun tu bzang po che ba la rang gnas pa'i rgyud le'u sum cu so gcig/ dbang bskur rgyal po'i rgyud le'u bcu tham pa/ rgyud kyi rgyal po ting 'dzin mchog gi rgyud le'u bcu gcig/ 'phrin las kyi rgyal po skabs sbyor bdun pa'i rgyud le'u bdun mtha' can/ spyod pa thams cad kyi rgyal po brtson pa don ldan gyi rgyud le'u drug/ dam tshig bkod pa'i rgyud le'u sum cu so bzhi/ zhi ba lha rgyud chen po le'u dgu pa/ rgya gar gyi mkhan po pra satwa dang / lo tsA pad+ma ru ce'i 'gyur/ chos nyid zhi ba'i lha rgyud le'u med/ bI ma la dang / gnyigs kyi 'gyur/ khro bo lha rgyud le'u bdun pa/ pra satwa dang / pad+ma ru tse'i 'gyur/ khro bo lha rgyud kyi rtog pa chen po le'u med/ thugs rje chen po'i gtor ma'am gtor rgyud chen mo le'u bzhi bcu zhe bzhi/ pad+ma sam+b+ha dang / bI ma la/ nam snying gsum gyi 'gyur/ phyis pa su d+ha ra dang / gnubs chen gyis kyang zhu btugs byas pa/ rnal 'byor nam mkha'i tshogs rgyud chen mo le'u brgyad pa dang / phyi ma'i rgyud mu sbrel gyi bco lnga/ gnubs kyis skad gsar bcad kyi bcos zer ba yod/ dpal 'bar khro mo'i rgyud le'u med pa/ rak+ta dmar gyi rgyud le'u bco lnga zer ba/ gro lod
- 320b
rtsal gyi 'gyur/ rdo rje dur mo'i tan+t+ra zhes bya ba le'u lnga pa/ sbyin sreg gi le'u dang po dang tha ma/ khro bo'i sbyin sreg gi le'u dang po dang tha ma/ mchod 'bul gyi le'u dang po/ bstod pa'i le'u gnyis pa/ 'gugs 'dren gyi le'u dang po/ phur bu'i le'u gnyis pa/ gtor ma'i le'u gsum pa/ bshig bral gtor ma'i le'u bzhi pa/ gtub pa'i le'u lnga pa nas le'u dgu/ yang hom rgyud le'u gnyis pa'i mthar rdo rje sems dpa' zhal gdangs kyi mo rgyud rdzogs so'i mtha' can/ sku gdung 'bar ba tsA dang dang mchod rten gyi rgyud le'u dgu pa/ hUM mdzad chen po'i rgyud le'u bcu gcig/ rdo rje gro lo dang / lo tsA zhang drung gi 'gyur/ zla gsang chen po'i rgyud le'u nyi shu rtsa lnga/ rin chen me lha zhi bar gyur pa 'bar pa'i rgyud le'u nyi shu rtsa drug rnams so// ma pa la/ dpal zla gsang nag po'i rgyud le'u bdun cu don lnga pa rtsa ba'i rgyud chen po rdzogs so mtha' can/ lo tsa ba chen po gsum gyi lan grangs gsum gyis lan grangs gsum du bcos shing lan grangs gsum du gtan la phab pa/ yang zla gsang nag po'i rgyud le'u bdun cu don bzhi/ ngan sngags kyis rgyud ces bya ba rdzogs so'i mtha' can/ 'jam dpal bshes gnyen gyid tshang pa klu gnod bse'i ka ba la sbas pa/ dz+nyA na gar+b+has rnyed nam mkha'i snying po la rgyud do// yang zla gsang nag po'i rgyud le'u lnga bcu
- 321a
// brgyad/ slob dpon ba su d+ha ra dang / snrubs chen sangs rgyas ye shes kyi bskur ba/ yang zla gsang drag sngags nag po bshan pa spu gri'i rgyud le'u dgu cu go bdun/ bal po ba su d+ha ra dang gnubs chen gyis bsgyur ba/ yang drag sngags zla gsang nag po'i rgyud le'u nyi shu rtsa lnga/ bab lugs rim bzhin yod pa gnubs chen gyi man ngag/ 'jam dpal dmar po'i sngags rgyud kyi rgyal po le'u bcu pa/ shan+ti gar+b+ha dang / gnubs chen gyi 'gyur/ gnod sbyin ma ru rtse ro langs gsang ba'i rgyud le'u brgyad mtha' can gnubs kyi man ngag drag po'i sngags rgod pad+ma dbang rgyal gyi bka' zhes pa/ 'jam dpal ma ru rtse'i sngags rgyud bstan pa le'u bcu bdun/ yang dregs pa pho mo 'dus pa'i las rgyud le'u bcu bdun/ rdo rje gter gzhan rtsal la gtad pa// tsa pa la/ 'phags pa 'jam dpal gyi dri ma med pa'i gsang rgyud le'u nyer drug/ 'jam dpal gshin rje gshed nag po chen po gsang ba'i rgyud le'u sum cu so gsum/ slob dpon ma hA na bi ku ta pa ta'i 'gyur/ khro bo rnam par rgyal ba'i rgyud phyi ma'i yang phyi ma zhes bya ba le'u nyer gnyis// dpal tshe bdag nag po'i 'phrin las kyi dgongs pa thams cad rdzogs pa'i rgyud chen po le'u sum cu tham pa/ lha yul du grags pa zhes zer/ 'jam dpal gshin rje sdig pa snying 'dzing le'u bcu bzhi/ bal po ba
- 321b
sud+ha ra dang gnubs chen gyi 'gyur/ gshin rje gshed kyi gsang rgyud le'u brgyad/ gnubs pad+ma dbang rgyal gyi thugs dam/ 'jam dpal gshin rje'i rgyal po sdig pa stobs chen gyi rgyud le'u nyer gcig/ bal po ba su d+ha ra dang / rdo rje khri gtsug gis 'gyur/ 'phags pa 'jam dpal las bzhi 'khor lo gsang ba'i rgyud le'u bcu gsum/ bskur le gcig bcas bcu bzhi yod/ gshin rje nag po gsang ba de kho na nyid kyi rgyud kha thun le'u brgyad/ rgyal po dza la babs pa las rim par brgyud gnubs chen gyi man ngag/ gshin rje nag po kha thun gsang ba'i de kho na nyid phyi ma'i rgyud zhes bya ba le'u lnga pa ba su d+ha ra dang / gnubs chen gyi man ngag/ tshe bdag nag po drag sngags mngon du phyur ba'i rgyud kyi rgyal po le'u nyer gcig/ 'jam dpal khro bo snying gzer gsang ba'i rgyud skabs lnga pa/ gnubs chen gyi 'gyur/ drag po phung byed kyi rgyud le'u nyer gcig/ sngags kyi de kho na nyid bshad pa'i le'u brgyad/ ngan sngags gtsug gi rgyud phyi ma'i phyi ma rdzogs so'i mtha' can/ 'jig rten gsum gyi bshad pa dregs rgyud le'u brgyad/ de bzhin gshegs pa thams cad kyi dgongs pa khro bo 'dus pa'i rgyud le'u dgu/ bal po ba su d+ha ra dang / rdo rje yang dbang gter gyi 'gyur/ gshin rje nag po chu thigs sngon mo'i rgyud le'u bco brgyad/ gshin rje nag po ngan sngags phyir
- 322a
/ bzlog pa'i rgyud le'u bdun pa/ chu thigs sngon mo'i rgyud phyi ma yin/ gnubs chen gyi 'gyur/ 'phags pa 'jam dpal mched bzhi'i sngags rgyud le'u dgu pa rtsa ba'i rgyud/ 'jam dpal ma ru'i rtse'i rgyud phyi ma le'u bdun rdzogs mtha' can/ dpal gshin rje nag po'i me rlung sbyin thang 'khrugs pa'i rgyud le'u lnga bcu nga gsum rnams so// tsha pa la/ rta mchog rol pa'i rgyud le'u nyis brgya dang brgyad/ rak+Shi sid+d+hi dang / lce ku ku ra dza'i 'gyur/ dbang rgyas rta mchog rol pa le'u drug cu tham pa/ pad+ma dbang chen dregs pa srung bzlog yon tan gyi rgyud le'u dgu pa/ pad+ma sam b+ha wa dang / kha che a nan+ta'i 'gyur/ pad+ma dbang chen dregs pa dbang sdud kyi rgyud le'u bcu gsum/ 'gyur gong 'dra/ pad+ma dbang chen 'dus pa'i rgyud chen po le'u sum cu so lnga/ rgya gar ba rak+Shi sid+d+hi dang / bod ku ku ra dza'i 'gyur/ phyis gnubs chen gyis kyang zhus pa/ dbang chen 'dus pa'i tan+t+ra las/ mgo nan rtsis mgos le'u bcu gcig la bro'i le'u nang gses su phye ba drug gcig tu byas pa bsnan pas le'u bcu gnyis par song ba/ yang le'u brgyad gcig tu byas pa bsnan pas le'u bcu gsum du song / de nas mu mthud le'u drug cu re gnyis rdzogs mtha' can/ pad+ma dbang chen dregs pa gzan la 'bebs pa'i rgyud le'u bcu gnyis pa/ pad+ma 'byung gnas dang / kha che a
- 322b
nan+ta'i 'gyur/ pad+ma dbang chen dregs pa gnad 'bebs kyi rgyud le'u bcu gcig/ 'gyur gong 'dra rnams so// dza pa la/ de bzhin gshegs pa thams cad kyi dgongs pa lung bstan pa dbang chen 'dus pa'i rgyud le'u nyi shu rtsa bzhi/ paN+Di ta pad+ma 'byung gnas dang / lo tsa sra sang shi dang / ngan lam rgyal ba mchog dbyangs/ cog ro rnams kyi 'gyur/ rdog ma le brgan gyi le'u bcu bdun/ slob dpon chen po pad+ma'i zhabs/ kha che a nan+ta dang / be ro'i 'gyur/ rta mgrin las rgyud le'u bcu gcig/ slob dpon pad+ma dang / rgyal ba mchog dbyangs kyi 'gyur/ rta mgrin gsang rgyud le'u nyi shu rtsa lnga/ pad+ma dbang chen dregs pa tshar gcod kyi rgyud le'u nyer dgu/ slob dpon chen po'i rang 'gyur/ pad+ma dbang chen yang gsang khros pa'i rgyud le'u bcu gsum/ bai ro tsa nas mnga' bdag rgyal po la sprad pa/ dpal rta mgrin gsang ba 'phrin las kyi rgyud ces bya ba le'u nyer gnyis/ oM rgyan sangs rgyas gnyis pas/ khri srong lde'u btsan dang / rgyal ba mchog dbyangs la gdams pa/ phyir mi bzlog pa sdom can rta mgrin gyi rgyud le'u drug/ pad+ma dbang chen gyi rgyud rdzogs so'i mtha' can/ klu 'dul ba'i rgyud le'u sum cu so bdun/ rdo rje sems dpa'i yi ge brgya pa dbang mchog rgyal po'i rgyud le'u nyer brgyad/ oM rgyan chen po dang / nam mkha'i snying po'i 'gyur/ rdo rje sems
- 323a
@/ dpa' yi ge brgya pa'i rgyud le'u nyi shu rtsa bdun/ badz+ra pA Nis bsdus te sbrul sku pad+ma 'byung gnas la gtad pa/ pad+ma'i zhabs dang / nam snying 'gyur/ rdo rje sems dpa' yi ge brgya pa dbang bskur rgyal po'i rgyud le'u nyer gcig/ he ru ka gal po le'u 'am brtag pa nyer gsum/ pad+ma sam+b+ha was bal po ba su d+ha ra la gnang / des gnubs chen la'o// he ru ka'i thugs kyi rgyud gal po le'u dgu/ pad+ma sam b+ha wa dang / nam snying 'gyur/ dpal he ru ka gal po le'u bcu drug khro bo puN+Da ri ka'i rgyud le'u nyer gnyis/ rdo rje sems dpas bsdus/ slob dpon pad+mas gzhung bsrangs pa rnams so// wa pa la/ dpal khrag 'thung he ru ka 'dus pa'i rgyud chen po le'u sum cu so gnyis 'di he ru ka gal po dur khrod mngon par 'byung ba'i rgyud kyang zer/ pad+ma sam+b+ha wa dang / bai ro'i 'gyur/ 'jig rten las 'das pa'i mdo zhes bya ba'i rgyud le'u bcu gcig/ pad+ma sam b+ha wa dang / nam snying 'gyur/ de bzhin rigs kyi sgrub thabs gsang ba me dpung thugs kyi rgyud le'u nyer gnyis/ bdud rtsi rin po che ye shes gsang ba'i 'khor lo'i rgyud le'u nyer gnyis mtha' can/ bI ma la dang / zhang dz+nyA nas gtan la phab/ phyis ka ba dpal brtsegs kyis bcos/ bdud rtsi rin po che 'khrungs pa'i le'u nyer bdun/ 'og min du grags pa/ bI ma dang gnyigs kyi 'gyur//
- 323b
bdud rtsi bam brgyad bam po chen po brgyad pa rdzogs mtha' can/ thams cad bdud rtsi'i rang bzhin bdud rtsi bum pa dum bu gsum pa'i rgyud bu chung / bdud rtsi 'khor lo 'bar ba'i rgyud le'u bdun/ bI ma la dang / gnyigs kyi 'gyur/ bdud rtsi rin po che 'phreng ba'i rgyud le'u bdun/ 'gyur gong 'dra/ bdud rtsi bde ba chen po'i rgyud le'u bcu tham pa/ 'gyur gong 'dra/ dngos grub chen po nye ba'i snying po'i rgyud le'u bco lnga bI ma la nas brgyud pa/ bdud rtsi las rgya mtsho'i rgyud le'u nyi shu zam pa/ bI ma la dang / gnyags 'gyur/ bdud rtsi chen po chos nyid gsang ba'i rgyud le'u drug/ 'gyur gong 'dra/ bdud rtsi 'khyil pa 'chi med che'i rgyud le'u bcu bzhi/ bI ma la dang / lo tsa 'jing mchims gsal 'bar gyi 'gyur/ bdud rtsi ye shes 'od ldan gyi rgyud le'u lnga bcu nga dgu/ mnga' bdag nyang ral gyi gter ma rnams so// zha pa la/ phur pa / rtsa rgyud rdo rje khros pa le'u bcu bdun/ slob dpon chen po dang / ngam 'bres les mchims pu dge gong du bsgyur ba/ phur pa rtsa dum pad+ma sam b+ha wa dang / lce ku ku rA tsa/ brang ti dza ya rak+Shi ta gsum gyi 'gyur/ slar yang dpal bsam yas gtsug lag khang du rgyal po'i bla dpe dang / mu tig pa ma gong nas byon pa'i gter dpe gnyis bla ma khyung po khro 'bar gyis bstun pas 'gyur gcig tu mthun pa/ rdo rje khros pa phur pa
- 324a
/ rtsa ba'i rgyud kyi bshad pa le'u bcu gsum/ rgya gar kha che'i yul dur khrod b+hi sa ka'i mchod rten rtsar/ rje btsun rdo rje sems ma dang / lo tsa 'gar shes rab 'byung gnas kyi 'gyur/ slad rje btsun ma de nyid dang / lo tsA ba 'brong ston rgyal bas bcos te gtan la phab/ rdo rje phur pa gsang ba'i rtsa ba rnal 'byor chen po yang dag gi rgyud le'u nyi shu zam pa/ pad+ma sam+b+ha wa dang / lo tsA ba brang ti dza ya rak+Shi ta'i 'gyur/ de bzhin gshegs pa chen po rdo rje phur pa'i rgyud dam bshad pa'i rgyud le'u bzhi bcu zhe bzhi/ 'phrin las phun sum tshogs pa'i rgyud dam/ kar+m+ma ku ru'i rgyud le'u bco lnga/ bI ma la dang gnyigs kyi 'gyur/ rma rin chen mchog gi skad gsar bcad kyis gtugs pa/ phur pa las kyi rgyud dam 'phrin las kyi rgyud le'u bcu bzhi/ oM rgyan mkha' 'gro'i gling nas slob dpon pad+mas bsnams pa rong zom gzhon blo'i 'gyur/ rdo rje phu ra pa chen po gtor ma'i rgyud le'u brgyad/ phur bu za byed yak+ka 'bar ba'i rgyud le'u bcu gcig/ rdo rje phur bu chos thams cad mya ngan las 'das pa'i rgyud le'u nyer brgyad/ slob dpon b+ha shi ta'i 'gyur/ sku dang ye shes thams cad 'dus pa sangs rgyas mdud pa'i rgyud le'u bco lnga/ dz+nyA na gar+b+ha dang bai ro'i 'gyur/ rgyud kyi rgyal po khro bo hUM ka ra'i rgyud le'u lnga/ khro bo rnam rgyal rgyud le'u bdun/ dbyug sngon rgyud le'u lnga/
- 324b
gshin rje gshed rgyud le'u bzhi/ mi g.yo ba'i rgyud le'u lnga/ khro bo rta mgrin rgyud le'u drug khro bo gzhan gyis mi thub rgyud le'u lnga/ bdud rtsi 'khyil ba'i rgyud le'u drug khams gsum rnam rgyal gyi rgyud le'u bdun// stobs po che'i rgyud le'u lnga rnams/ dpal rdo rje phur pa me long gsal ba'i spu gri reg chod 'khor lo'i rgyud le'u bdun/ rgyud kyi rgyal po dpal 'jig rten snang byed ces bya ba le'u nyer bdun/ dz+nyA na gar+b+ha dang / bai ro'i 'gyur/ slar ka cog zhang gsum gyis kyang zhus/ rgyud kyi rgyal po rdo rje 'phreng ba zhes bya ba le'u bcu drug/ dz+nyA na gar+b+ha dang / be ro'i 'gyur/ phyis skad gsar bcad kyi bcos pa rnams so// za ba la/ phur pa rdo rje bkod pa rnal 'byor chen po'i rgyud le'u bco lnga/ rgya gar gyi mkhan po shrI dz+nyA nas bsgyur ba las/ yang pad+ma thod phreng rtsal dang / lo tsA ba dpal gyi ye shes kyis kyang bskur ba/ sangs rgyas thams cad kyi ye shes rtse mo'i rgyud kyi rgyal po chen po le'u lnga bcu nga gnyis/ rdo rje phur pa chos thams cad kyi gsang ba'i don gyi rgyud le'u lnga/ sbas pa zab mo mdung rtse'i rgyud le'u dgu/ dz+nyA na gar+b+ha dang bai ro'i 'gyur/ bse sgom dmar po'i rgyud le'u bzhi/ lha sras lcam sring la slob dpon chen pos gnang ba/ shwa na dkar nag gi rgyud le'u bzhi/ rdo rje phur pa 'phrin las kyi 'khor lo gab pa gsang ba'i rgyud le'u bcu gnyis/ gu ru pad+ma dang /
- 325a
/ gnyigs kyi 'gyur/ rdo rje 'bar ba gsang ba'i rgyud chung / dz+nyA na gar+b+ha dang / be ro'i 'gyur/ yang rdo rje 'bar ba'i rgyud le'u bcu bdun/ bam po bzhi pa 'gyur gong 'dra la phyis skad gsar bcad kyis bcos/ phur pa gsang ba'i dgongs rgyud chen po le'u brgyad cu gya gnyis/ slob dpon chen po pad+ma thod phreng dang / lo tsa ba mang yul gyi lce ku ku rA dza dang / brang ti dza ya rak+Shi ta'i 'gyur/ rdo rje phur pa zhe sdang yongs su dag pa'i rgyud le'u nyer gnyis/ phur bu 'bum sde nang nas phyung ba rgya gar gyi slob dpon kA ma ru par 'khrungs pa'i nag po'i zhabs dang / lo tsa ba shrI b+ha la kun tra d+ha na de bas yul dbus 'gyur 'od ma'i tshal du slad kyi bsgyur cing gtan la phab pa/ rdo rje phur pa gsang ba gdams ngag can gyi rgyud le'u bco brgyad/ phur pa bcu gnyis 'byung ba'i rgyud chung ngu bstan pa le'u bcu gnyis/ slob dpon bI ma la dang / gzhags dz+nyA na ku mA ra'i 'gyur/ rdo rje phur pa bcu gnyis kyi rgyud le'u bcu gnyis/ rdo rje phur pa gsang ba'i rgyud le'u bzhi bcu zhe bzhi/ lce ku ku rA dza dang / brang ti dza rak+Shi ta'i 'gyur/ rdo rje phur pa gsang ba'i sngags rgyud 'byung po kun 'dul le'u bcu drug/ slob dpon chen pos bi to ta ma la 'bum sde'i tan+t+ra las phyung ba bdud 'dul sngags pa gling du lce dz+nyA na ku ku rA dang / brang ti dza rak+Shi tas bsgyur te mkhar chen
- 325b
bza' la gtad pa/ rdo rje phur pa mdung rtse dmar po'i rgyud le'u bcu dgu rnams so// 'a pa la/ yum gzungs ma'i dngos grub chen mo'i rgyud le'u lnga bcu nga gsum/ ma mo srid pa'i rgyud lung gi rgyud phyi mar rdzogs so'i mtha' can/ ma mo srid pa zla gsang thig le'i rgyud le'u bcu gnyis/ paN+Di ta gu h+ya gsang ba dang / 'brog mi dpal ye'i 'gyur/ ma mo lam rgyud lung las le'u bcu bzhi/ 'gyur gong 'dra// ma mo thams cad kyi las rgyud lung zhes bya ba le'u bcu drug/ srid pa mtsho bzhi'i rgyud le'u nyer gnyis/ mgor bcom ldan 'das dpal kun tu bzang po la phyag mtshal lo// zhes pa le'u brgyad/ ma mo 'dus pa'i tan+t+ra rdzogs so'i mtha' can/ 'gor dpal khrag 'thung gi rgyal po dang / yum rig pa'i rgyal mo la phyag 'tshal lo// zhes pa le'u dgu pa'i mthar srid pa rgyud lung gi rgyud phyi ma kha 'bar nag po las rgya mtsho'i rgyud ces bya ba rdzogs mtha' can/ las kyi mkha' 'gro ma de kho na nyid gsum du 'dus pa zhes bya ba'i rgyud gleng gzhi'i le'u dang / las kyi mkha' 'gro ma'i rgyud chen rdzogs gso'i mtha' can rgya gar ba shan+ti gar+b+ha dang / lo tsa ba lce bkra shis kyis bskur ba/ ma mo 'bum tig gi rgyud le'u bzhi cu zhe brgyad/ rtsa ba'i rgyud rdzogs so'i mtha' can/ de nas mu 'thud ma mo byang chub kyi sems gsang ba'i rgyud le'u brgya dang zhe
- 326a
gnyis/ mgor bcom ldan 'das rdo rje he ru ka'i rgyal po la phyag 'tshal lo// sngon 'das pa'i dus ma byung ba'i sngon rol na zhes yod pa le'u sum cu so gnyis/ gnubs nam mkha'i snying po'i 'gyur// mgor bcom ldan 'das dpal kun tu bzang po la phyag 'tshal lo/ zhes yod pa le'u bcu gnyis/ byang skor gyi rgyud phyi ma rdzogs gso'i mtha' can/ lha mo nag mo'i sngags rgyud le'u bcu gcig/ de'i rgyud phyi ma mgor/ de nas byang chub sems dpa' phyag na rdo rje dang zhes yod pa le'u bcu gnyis/ dbyings gsang ba'i 'khor lo'i rgyud le'u dgu/ phra men sbyang ki las kyi rgyal po'i rgyud le'u nyi shu rtsa bzhi/ phra men sbyang rgyal gyi rgyud rdzogs mtha' can/ snying thig bskor ba'i rgyud 'ug pa'i gdong can zhes bya ba le'u nyi shu zam pa/ mkha' 'gro me lce 'bar ma'i rgyud le'u nyer gnyis pa snga 'gyur la mkha' 'gro ma chen mo sdom pa'i ka ma la'i zhal snga nas dang / cog ro klu'i rgyal mtshan gyi 'gyur ba rnams so// ya pa la/ dpal sngags kyi srung ma e ka dza Ti'i rgyud le'u dgu cu go drug d+ha na saM skr-i ta dang / 'brog mi dpal ye'i 'gyur/ e ka dza Ti sbas pa nag mo'i rgyud le'u lnga/ e ka dza Ti za byed sbyang rgyal nag mo'i rgyud le'u sum cu so gnyis/ de wa tsan+da la bai ros zhus/ 'phags pa he sdud 'bar ma'i rgyud le'u bcu gcig/ dpal lha mo nag mo'i thugs kyi
- 326b
srog sgrub gsang ba'i rgyud le'u bco brgyad/ bdud bya rog mgo brtsegs gsang ba sgrol byed kyi rgyal po ki kang rog ti'i rgyud le'u bco lnga/ 'phags pa lha mo rdo rje nag mo dbang phyug ces bya ba sngags kyi rgyud kyi rgyal po le'u bco lnga/ mgor de nas byang chub sems dpa' sems dpa' chen po lag na rdo rjes mngon rdzogs rgyal po la 'di skad ces yod pa'i rdo rje nag mo dbang phyug ma phyi ma'i rgyud le'u bcu gnyis/ nag mo sngags kyi rgyud phyi ma'i phyi ma le'u bdun pa rdo rje gdan nas byung zer ba lha mo dpon g.yog gnyis ka'i rgyud yin/ lha 'dre stong gi dra ba'i rgyud le'u lnga bcu nga gsum/ srid pa'i bem dngos bstan le'u bzhi bcu tham pa dang / rjes 'brel skabs nyi shu rtsa grangs skor gyi rdzogs pa rnams so// ra pa la/ dpal mgon nag po dur khrod mngon par rol pa mtshon cha 'khor lo'i rgyud le'u sum cu so drug/ bram ze gsal ba'i rgyal ba'i rgyan dang / bal po'i rgyal po ba su d+ha ras bsgyur ba/ dpal nag po chen po sku gsung thugs khros pa'i rgyud le'u bco brgyad/ dpal mgon nag po gsang ba snying gi 'khor lo rtog pa bco lnga/ gnubs chen gyi bsgyur gyi bsgyur ba/ dpal nag po chen po me lce phreng ba'i rgyud le'u bzhi bcu zhe lnga/ rgya mkhan d+ha na saM skaM dang / pa gor bai ro'i 'gyur/ dpal nag po chen po'i rgyud dur khrod nag po zhes bya ba le'u bcu gnyis/
- 327a
/ man ngag brtsegs pa gri gug gi rgyud dam ma hA ka la'i rgyud le'u nyer gcig/ rje btsun shan+ti b+ha dras zhus pa la/ dge slong tshul khrims rgyal bas 'gyur pa/ dpal nag po chen po drag po'i brtag pa dur khrod chen po'i rgyud le'u bcu zam pa/ sna nam bla mas bskur zhus gtan la phab/ nag po chen po las mgon bya rog gdong gi rgyud le'u bco lnga/ nag po chen po gzugs can gcer bu'i rgyud le'u bcu gnyis/ rnal 'byor dbang phyug chen mo ral gcig ma'i rgyud le'u bcu bzhi/ ral gcig ma chos kyi bdag mo spu gri ya ma'i rgyud le'u nyi shu rtsa lnga/ rgya gar gyi slob dpon dA na shI la dang / bod kyi slob dpon dge slong yang gter gyi zhus te gtan la phab pa ste/ spyir rgyud kyi sde tshan nam/ chos kyi rnam grangs bzhi brgyar ldang ba'i bzhugs tshogs dang bcas pa'i mthar/ rgyud 'bum rin po che'i rtogs pa brjod pa 'dzam gling za grur khyab pa'i rgyan gyis rnam par mdzes pa'o// de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam/ snga 'gyur rgyud 'bum rin po che'i rtogs pa brjod pa 'dzam gling tha grur khyab pa'i rgyan ces bya ba las/ chos kyi bzhugs byang smos pa'i rab tu byed pa ste/ skabs brgyad pa'o// // spyi don dgu pa 'bad pa don ldan du bya phyir yongs su bsngo ba la
- 327b
gsum/ rnam gzhag spyir bshad pa dang / rang bzhin bye brag tu bshad pa/ skabs la bab pa'i bsngo ba'o// dang po la'ang gsum/ mtshan nyid/ sgra don/ dgos pa'o// dang po ni/ zag pa bcas pa'am/ de las ldog pa ste bden pa gnyis kyi bsdus pa'i dge ba'i rtsa ba mngon par 'du bgyis pa thams cad bla na med pa'i byang chub chen po'i lam du yongs su bsgyur ba'i thabs kyi mthar phyin pa gang yin pa ste/ dper na gser gyi dngos po rin po che'i rang bzhin du gdod nas gnas pa nyid de/ de nyid bzo bo'i byed las kyi sgo nas sku gsung thugs kyi rten du ma bsgrubs na bsod nams dam pa'i yul du mi 'gyur ba lta bu'o// de skad du mngon rtogs rgyan las/ yongs su bsngo ba khyad par can// de yi byed pa mchog yin no// zhes so// gnyis pa ni legs sbyar gyi skad du/ pa ri Na ta zhes yongs su bsgyur ba'am/ spel ba la 'jug ste/ dge ba'i rtsa ba thams cad thabs la mkhas pas byang chub chen po'i lam du bsgyur ba'am/ de'i bar ma dor chud gson par mi 'gyur ba'i stobs dang ldan pa nyid du spel bar byed pa'i tha tshig can te/ tha snyad gzhan dang mi 'dres pa'i ched yongs su bsngo ba zhes don 'gyur du byas pa'o// gsum pa ni/ dge ba'i rtsa ba thams cad yongs su bsngo bas rgyas 'debs par byed pa 'di nang pa sangs rgyas pa'i khyad par gyi chos bla na
- 328a
med pa/ mu stegs byed kyi gzhung dang / bstan bcos gzhan la ma grags pa zhig yin te/ khyad 'phags bstod pa las kyang / bsod nams byas pa'i tshogs 'di ni// sems can rnams la yongs bsngo ba// bcom ldan khyed kyis gang gsungs pa// de bzhin bstan bcos las ma bshad// ces so// de'i phyir dgos 'brel ldan pa sangs rgyas pa'i grub mthar rjes su slob cing / zhi ba dam pa'i grong khyer du mya ngan las 'das par 'dod pa rnams kyis/ gang zhig bsags pa'i bsod nams kyi phung po thams cad mya ngan las 'das pa'i go 'phang dam par bsngo bas rgyas thebs pa ni shin tu gces pa ste/ 'di ltar dge ba'i rtsa ba nyung ngu'ang dang por sems bskyed kyis zin pa/ bar du dmigs pa med pa/ mthar bsngo bas rgyas thebs pa gsum 'dzom na/ nam zhig byang chub kyi snying po la ma thug gi bar du bar ma dor chud mi 'ja' pa dang / bsam gyis mi khyab par 'phel bar 'gyur ba dang / byang chub kyi rgyur smin pa la sogs pa'i dgos pa dpag tu med cing / thar pa dang thams cad mkhyen pa'i lam dang yongs su 'brel ba'i 'brel ba can yin te/ 'di ltar chu'i thigs pa gcig rgya mtsho chen po'i nang du dor bar gyur pa de'i rgyun ni bskal pa'i bar du zad mi shes pas mtshon no// de skad du blo gros rgya mtshos zhus par/ ji ltar
- 328b
chu thigs rgya mtsho che nang lhung // rgya mtsho ma zad bar du de mi zad// de bzhin byang chub yongs bsngo'i dge ba yang // byang chub ma thob bar du de mi 'dzad/ ces pa dang tshul mthun pa blo gros mi zad pa'i mdor yang 'byung ba yin no// de lta bu'i bsngo ba dang ma ldan na bar ma dor chud 'dza' bar gyur te/ mos pas spyod pa'i dge ba phal cher don med du 'gro ba mang ba ni/ dge sems tsam gyi 'phen pas gnas skabs su bde 'gror phyin yang / de tsam gyis zad par gyur pa'am/ yongs su zad par ma gyur na'ang bsod nams kyi stobs phra mor gyur nas/ phyis 'bras bu 'byin pa'i mthu chung ngur 'gyur ba dang // na pa la/ dpal gsang ba'i snying po de kho na nyid nges pa le'u nyi shu rtsa gnyis/ bI ma la dang / gnyags dz+nyA na ku mA ra/ rma rin chen mchog gi bsgyur cing zhus/ 'di la sangs rgyas gsang ba dang / bai ro'i snga 'gyur/ pad+ma dang / gnyigs kyi bar 'gyur/ bI ma la dang / rma gnyigs gnyis kyi phyi 'gyur gsum las 'di phyi ma yin/ de gsum ka lo pa Na bsdebs pa'i gzhi 'gyur/ phyis thar lo nyi ma rgyal mtshan gyi 'gyur dang / 'gos lo'i 'gyur gnyis ni paN+Di ta med pas rtsal 'gyur/ de'i steng du le'u nyer gsum dang / nyer bzhi nyis brgya dpe rnyed pa ltar thar los mdzad/ slar brgyad pa dang mthun pa 'gos los tshong dus su 'gyur bcos mdzad
- 329a
/ do/ dpal gsang ba'i snying po'i rgyud phyi mtha' le'u lnga pa/ dz+nyA na gar+b+ha dang / be ro'i 'gyur/ sgyu 'phrul brgyad cu pa le'u brgya cu zam pa rdzogs mtha' can/ mgor dpal rdo rje sems dpa' la phyag tshal lo/ zhes pa'i le'u'i stod cha rnams med pa sum cu so gsum nas bgrangs pa le'u dngos sum cu so drug stong phrag brgya pa rdzogs so mtha' can gyi phyi ma'i phyi ma bam po phyed pa zhes yod pa/ dri med bshes gnyen dang / mkhan po ye shes gzhon nu'i 'gyur/ gsang ba'i snying po de kho na nyid nges pa le'u 'di'i le'u 'khrugs par snang bas slar brtag bzhi bcu zhe drug/ mgor de bzhin gshegs pa dgyes pa chen pos zhes yod pa le'u sum cu so gsum/ le lag ces bya ba dam tshig tu ston pa'i rgyud rdzogs so'i mtha' can/ gsang ba'i snying po de kho na nyid nges pa zhes bya ba'i sgyu 'phrul brgyad pa le'u brgyad/ sgyu 'phrul bla ma le'u bcu gsum/ lha mo sgyu 'phrul dra ba le'u bcu gnyis mtha' can/ 'jam pa'i sgyu 'phrul dra ba mtshan brjod snga 'gyur le'u bcu bzhi rnams so// pa pa la/ sgyu 'phrul dra ba me long rtsa ba'i rgyud ces bya ba bshad pa rtog pa'i rgyal po rdzogs so'i mtha' can le'u med kyi mgo drangs/ sgyu 'phrul me long le'u bcu gsum/ bI ma la dang / dz+nyA na ku ma ra'i 'gyur/ sgyu 'phrul dra ba ye shes snying po'i rgyud le'u bcu gsum/ sgyu 'phrul thal ba'i rgyud
- 329b
le'u nyi shu rtsa drug/ 'gyur gong 'dra/ sgyu 'phrul rgya mtsho le'u nyi shu rtsa gnyis 'gyur gong 'dra/ rdo rje gsang ba'i snying po rtsa ba'i rgyud de kho na nyid nges pa'am le'u'i nges brjod la rgyud kyi rgyal po sgyu 'phrul dra ba zhes bya ba'i le'u sum cu so gsum/ sgyu 'phrul rol pa chen po le'u bcu gsum/ bI ma la dang / gnyigs kyi 'gyur/ rgud kyi rgyal po sgyu 'phrul dra ba theg pa chen po'i yang chen po'i tshul zhes bya ba le'u bcu tham pa/ gsang ba'i snying po de kho na nyid nges pa khro bo chen po'i stobs dum gcig/ yang khro bo chen po'i stobs kyi rnal sbyor dbang phyug sgrub pa zhes rdzogs so'i mtha' can/ bI ma la dang / bai ro'i 'gyur/ sgyu 'phrul dra ba snying po bkod pa'i le'u brgyad rnams so// pha pa la/ sangs rgyas mnyam sbyor ram sgyu ma bde mchog le'u bcu tham pa/ rgya gar gyi mkhan po badz+ra ha s+ya dang / lo tsA ba rma rin chen mchog gi 'gyur/ sangs rgyas mnyam sbyor la rtog pa nyi shu rtsa gnyis kyi 'gyur yod ces pa phyogs gcig tu bsdus pa rtog pa bcu pa'i rgyud 'di yin/ rgyud phyi ma rtog pa bdun pa yod/ phyi ma'i phyi ma rtog pa bsdus pa'i rgyud yod pa dang / mthun gyi rgyud rdo rje gdan bzhi'i rgyud yin no// yang rgyud kyi rgyal po sangs rgyas mnyam sbyor sdud pa'i rgyud dam pa/ le'u bcu zam pa/ gu h+ya gsang ba dang / lo tsA ba 'brog mi dpal ye'i 'gyur/ yang sangs rgyas
- 330a
/ mnyam sbyor mkha' 'gro ma sgyu ma bde mchog gi rgyud phyi ma'i yang phyi ma le'u nyer gnyis par rdzogs mtha' dang / dngos bstan le'u nyi shu rtsa gsum yod/ rgyud 'dir stod cha'i le'u bcu yan med pa bco brgyad pa nas bgrangs pa zhig byung ba phyi ma'i skyon nam/ rgya dpe ma tshang phyogs gzhan la dpyad par bya'o// mgor dpal rdo rje sems dpal la phyag 'tshal lo// zhes yod pa'i dngos bstan zla gsang thig le ye shes kyi dbang bskur ba le'u med kyang / bar du ye shes kyi dkyil mkhor dang po rdzogs so zhes yod cing / de kha'i 'phro nas le'u med zla gsang thig le zhes bya ba'i rgyud kyi rgyal po mchog tu gsang ba yongs su rdzogs so mtha' can/ pad+ma sam b+ha wa dang / ban+de dpal brtsegs kyi 'gyur la/ phyis kha che'i paN+Di ta te dza de ba dang / lo tsA ba 'phags pa shes rab kyi skad gsar bcad kyi bcos pa/ dpal gsang ba 'dus pa le'u bcu bdun/ bi ma la dang dpal brtsegs kyi 'gyur/ slar yang shrad+d+ha ka ra barma rin chen bzang pos bsgyur cing gtan la phab pa/ yang rgyud phyi ma le'u bco brgyad/ dad byed go cha dang / rin bzang gi 'gyur// phyis 'gos lo gzhon nu dpal gyi rgya dpe la gzigs nas dag bcos mdzad pa/ rgyud kyi rgyal po chen po las kyi phreng ba'am/ kar+m+ma mA le le'u dgu/ d+harma shrI pra g+ha dza dang / ar+ya bI ma la sogs pa'i paN+Di ta dang /
- 330b
rat+na a gras bsgyur cing gtan la phab pa/ ye shes rngam pa glog gi 'khor lo le'u bcu bdun/ dri med bshes gnyen dang / bod kyi lo tsA ba cog ro klu'i rgyal mtshan gyi 'gyur/ bi shra mi tra dang / bai ro'i 'gyur byang 'khod pa yang snang ngo // ba pa la/ rta mchog rol pa le'u sum cu so gnyis/ dpal snying rje rol pa'i rgyud dam he ru kaHrol pa le'u bcu tham pa/ bid+ya ka ra sing+ga dang / bi sha mi tra dang / lo tsA khu byin btsun pa'i 'gyur/ slar bal po shrig+ni tis mang yul byams sprin du skad gsar pas bcos/ 'di la da dung 'gyur byang mang po yod/ bdud rtsi rol pa rim par phye ba rgyas pa/ bI ma la dang gnyigs 'gyur/ phur pa bcu gnyis kyi rgyud ces bya ba'i mdo le'u nyi shu rtsa bzhi/ glang po rab 'bog gi rgyud le'u nyer brgyad/ bi shra mi tra dang / 'jing bsal 'bar 'gyur/ 'di la rgyud gsum yod pas 'di bshad rgyud yin/ 'phags pa thabs kyi zhags pa pad+mo phreng ba'i don bsdus pa zhes bya ba'i rgyud le'u zhe gnyis/ dri med bshags rgyud le'u bcu drug/ bI ma la dang / gnyigs kyi 'gyur/ gzi ldan 'bar ba mtshams kyi rgyud le'u med khro bo bcu'i smon lam gyi mtha' can rnams so// yul dam par gyur pa la khong khro ba la sogs sdig pa'i las mi bzad pa re res phu gtugs par 'gyur te/ dbu ma 'jug par/ spyad dang dngos dang yongs su zad pa na// phyin chad
- 331a
de las longs spyod 'byung mi 'gyur// ces dang / spyod 'jug las kyang / bskal pa stong du bsags pa yi// sbyin dang bde gshegs mchod la sogs// legs spyad gang yin de kun kyang / khong khro gcig gis 'joms par byed/ ces so// de'i phyir bsngo tshul yang rnam pa thams cad mkhyen pa kho na'i phyogs nyid du mi bsam na gyi nar 'phyan pa'i tshul/ li tsA bIs zhus pa'i mdo las/ mang po yang nyung ngur reg par bya ste// kun mkhyen du ma bsngos pa'i phyir ro// zhes so// 'di ltar dam pa gsum gyi zin pa ni thar pa cha mthun gyi dge ba yin la/ ma zin na bsod nams cha mthun zhes bya ste 'bras bu dman par 'o gyur ba yin no// gnyis pa rang bzhin bye brag tu bshad pa la gsum/ gang zhig bsngo bya bsod nams kyi khyad par/ gang du bsngo ba yul gyi khyad par/ ji ltar bsngo ba lam gyi khyad par ro// dang po ni/ dug gsum med pa'i sems kyis kun nas blangs pa'i sgo gsum gyi dge ba'i rtsa ba gang yin pa ste/ rin chen 'phreng ba las/ ma chags zhe sdang gti mug med// des bskyed las ni dge ba'o// zhes pa'o// de nyid kyang bsod nams bya ba'i dngos po'i sgo nas dbye na/ sbyin pa las byung ba dang / tshul khrims las byung ba dang / sgom pa las byung ba'i bsod nams bya ba'i dngos po ste gsum du 'gyur ba las/ deng 'dir skabs su bab pa ni
- 331b
sbyin pa las byung ba'i bsod nams bya ba'i dngos po ste/ de la dbye na/ zang zing mi 'jigs chos dang byams// sbyin pa rnam bzhi rtag tu sbyin// zhes pa las dang po gtso bor gyur pa ste/ ji ltar sbyin na/ 'di skad du/ dus su sbyin dang 'gyod pa med pa dang // yid 'ong sbyin dang rnam smin mi re ba// zhes gsungs pa'i mtshan nyid bzhi tshang bas sangs rgyas kyi rgyur bsngo bar mi rung ba med la/ spyir legs byas kyi phung po 'di'i khong du sbyin pa bzhi ka'i rnam gzhag tshang bar smos su yod pa'ang yin no// gzhan yang shin tu rgyas pa'i sde snod dang / bsdus pa tshigs su bcad pa/ phung po gsum pa la sogs pa'i dgongs pa bzhin phyogs bcu'i 'jig rten gyi khams na stong gsum gyi stong chen po'i 'jig rten grangs med pa yod de/ de dag tu dus gsum du gshegs shing byon pa'i sangs rgyas bcom ldan 'das rnams kyis dang por byang chub mchog tu thugs bskyed pa nas/ mthar mngon par rdzogs par sangs rgyas pa dang / pha rol tu phyin pa drug las brtsams pa'i dge ba'i rtsa ba dang / byang chub sems dpa' dang / rang sangs rgyas dang / nyan thos slob pa dang / mi slob pa dang / sangs rgyas rnams kyi rjes su bstan pa thob pa'i lha mi la sogs pas zag bcas dang zag med kyi dge ba'i rtsa ba gang dag bskrun pa rnams kyang blo gros chen pos yongs su bsngo bya
- 332a
nyid de/ phal po che las kyang / phyogs bcu'i 'jig rten dag na gang yod pa'i// dge ba de dag yang yang sgrub pas na// 'gro ba kun la phan dang bde sems kyis// ye shes mkhas pa de dag yongs su bsngo// zhes pas bstan no// gnyis pa ni/ dge ba'i rtsa ba de dag kyang sangs rgyas kyi sa kho nar bsngo ba'i yul du dmigs pa las/ gzhan mi mjed kyi bdag po tshangs pa dang / brgya byin dang / stong 'khor los sbyar ba'i rgyal po dang / khams kyi rgyal phran dang / 'khor dang longs spyod phun sum tshogs pa'i bde 'bras kyi slad du bsngo bar bya ba ni bzang po ma yin te/ de dag ni gnas skabs kyi bde ba can 'khor ba'i rgyu la brten pa/ sdug bsngal gyi 'bras bu las ma brgal ba yin la/ dge ba ni gtan gyi 'dun ma kho na'i slad du bsags pa yin pas so// 'di ltar gtan gyi 'dun ma de'ang rang nyid gcig pu sdug bsngal dang la ba tsam du sems pa nyan thos kyi sa'am/ rang sangs rgyas kyi sar yongs su bsngo ba yang ma yin te/ de dag ni rang don gyi zhi bde 'ba' zhig lhar byed pas/ gzhan don du rdzogs pa'i byang chub thob pa'i gnas la gegs su byed pa'i phyir ro// de'i phyir bsngo ba mtshan nyid pa ni/ rgyal ba'i yum las/ dge ba'i rtsa ba thams cad rnam pa thams cad mkhyen pa nyid ma gtogs pa nyan thos kyi sa'am/ rang sangs rgyas kyi
- 332b
sar yongs su bsngor mi 'jug pa yin no// zhes gsungs pas so// gsum pa la gnyis/ ji ltar bsngo ba'i mi mthun pa'i phyogs spong ba dang / mthun pa'i phyogs bsgrub pa'o// dang po ni/ gang du bsod nams byas pa la bsngo ba byas pa'i dam bca' brtan por gyur kyang 'khor gsum du mtshan mar 'dzin pa'i 'du shes can la dmigs pa med pa'i shes rab kyis ma zin pa'i dug bcas kyi bsngo ba kha na ma tho ba 'byung ste/ brgyad stong pa las/ dmigs pa'i 'du shes can la yongs su bsngo ba med do// de ci'i phyir zhe na/ dmigs pa ni dug dang bcas pa'o// zhes so// de'i phyir dngos po dang / bsam pa dang / yul gsum la// bden bden por zhen cing chags pa ni 'khor gsum rnam par rtog pa shes bya'i sgrib pa yin te/ mgon po byams pas/ 'khor gsum rnam par rtog pa gang // de ni shes bya'i sgrib par 'dod// ces so// gnyis pa ni/ thabs byang chub kyi sems dang / shes rab bdag med pa'i lta bas zin pa'i ngang nas yongs su bsngo ba ni bzang po bzhi dang ldan pa'i bsngo ba yin te/ de skad du/ dmigs pa bzang dang ston pa dang // thabs bzang ba dang nges 'byung dang // spyod pa bzang po bdag nyid kyis// yang dag smon lam yin par bshad// ces pa ltar ro// de la thabs ni byang chub kyi sems dam pas zin pa ste/ ji ltar bsgrub
- 333a
pa'i dge ba thams cad kyang nam mkha'i mtha' dang mnyam pa'i sems can thams cad dang thun mong du byas nas rnam mkhyen dam pa'i go 'phang don du gnyer ba'i 'dun pa dang ma bral ba ste/ zhi ba lhas/ dngos sam yang na rgyud kyang rung // sems can don las gzhan mi spyad// sems can kho na'i don gyi phyir// thams cad byang chub phyir bsngo'o// zhes so// de lta bu'i byang chub sems kyis yongs su zin pa'i bsod nams kyi 'bras bu ni nam yang zad mi shes la/ rang bzhin gyis 'phel bar 'gyur ba'i phyir dge ba gzhan thams cad las mchog tu gyur pa yin te/ spyod 'jug las/ dge ba gzhan kun chu shing bzhin du ni// 'bras bu spyad pas zad par 'gyur ba nyid// byang chub sems kyi ljon shing rtag par yang // 'bras bur byin pas mi zad 'phel bar 'gyur/ ces dang / sems can gyi khams tshad med pa la dmigs pas bsod nams kyang tshad med pa'i tshul/ rin chen 'phreng ba las/ sems can khams ni tshad med la// phan 'dod de ni de 'dra'o// zhes so// de kun kyang shes rab bdag med pa'i lta bas zin pas mnyam bzhag gi ngo na 'khor gsum rnam par mi rtog la/ rjes thob tu sgyu ma dang rmi lam lta bu'i chos nyid shes pa'i bsngo ba ni/ byang chub kyi lam ma nor ba nyid du 'gyur ba yin te/ sdud pa las/ gal te 'di
- 333b
ltar chos 'di 'gags shing zad pa dang / gang du yongs su bsngo ba de yang zad pa dang / chos kyi chos la nam yang mi bsngo shes gyur na/ de ltar rab tu shes pas yongs su bsngos pa yin/ zhes gsungs shing // tshul de lta bus bsngo ba'ang / spyod 'jug las/ sangs rgyas byang chub sems dpa' dag/ kun tu thogs med gzigs pa ldan// de dag kun gyi spyan snga na// bdag ni rtag par gnas so zhes// zhes pas rgyu 'bras mi 'chol zhing bslu ba med pa'i bden dbang phyogs gshed nas spyan 'dren pa dang bcas pa'i ngal ba la ma ltos pa nyid kyi phyir/ phyogs bcu dang mur gtugs pa med pa'i zhing khams rab 'byams rgya mtshon 'tsho zhing bzhes pa'i bcom ldan 'das sras dang slob mar bcas pa rnams dus gsum sgrib g.yogs dang bral bar bzhugs pa'i spyan sngar/ ji ltar bsngos pa'i 'bras bu de de bzhin du 'grub pa'i mthun 'gyur zhu ba yin no// de'ang 'di ltar las bzhi 'khor lo'i rgyud phyi ma las/ dus ngan tha ma byung ba'i tshe// lha mo'i nang na 'od zer can// 'phags pa'i nang na 'jam dpal nyid// 'di gnyis ma rtogs dngos grub gzhan// rig 'dzin kun la ma yin no// zhes pa ltar/ thugs rje dang 'phrin las chen po'i ba gam bla na mtho zhing / theg pa chen po'i chos tshul rgya mtsho'i mtshan nyid gang yin pa ma 'dres gsal ba'i blo gros
- 334a
la gdon mi za ba'i mkhyen rab kyi tsher ma rnon po dang 'grogs pa byang chub sems dpa' sems dpa' chen po 'jam dpal gzhon nur gyur pa dang / gzhon nu nor bzang gi khyu mchog lta bu'i bshes gnyen dam pa mang du bsten pa thams cad kyi nang na tshangs pa'i gnas pa bzhi'i mi mthun phyogs las rnam par grol ba'i byang chub spyod pa'i dbang po 'phags pa kun tu bzang po'i rjes su slob cing / rjes su bsgrub pa'i 'dun pa dang bcas te/ da ltar gyi legs par byas pa'i phung po dang 'grogs nas 'das pa dang ma 'ongs pa'i cha la byed par 'gyur ba yang sems can thams cad kyi don du bla na med pa'i byang chub kho na la gcig tu 'dun pas yongs su bsngo bar bya ste/ 'di la 'dod pa kha cig gis/ rgyu dge ba sngon song ni bsngo ba/ de las ldog pa ni smon lam zhes rnam dbye byed kyang phung po gsum pa la sogs te yongs su grags pa dang tshad mas 'gal bas/ da lta nas rgyu dge rtsa sngon du song ba'am min yang rung ste/ 'khor gsum mi dmigs pa'i shes rab kyis zin pa bsngo ba/ der ma ltos pa la smon lam zhes tha snyad du btags nas bsngo bar bya ba'i dus la gtan tshigs med par byas na legs par 'gyur gyis/ de ltar du bsngo ba'i tshig gi brjod pa la'ang mdo sde dran pa nyer gzhag las/ dam pa'i chos shin tu gsal bar byed pa'i snyan
- 334b
dngags bya'o// de las mya ngan las 'das pa'i mthar thug par 'gyur ro// ngal ba 'bras bu dang bcas par 'gyur ro// gzhan dag gis de rab tu bsngags par gyur ro// lus zhig nas shi ba'i 'og tu'ang lha rnams su skye bar 'gyur ro// zhes gsungs pa ltar/ saMskr-i ta'i skad du ka bi ste/ gangs ri'i khrod na snyan dngags su grags pa sngon gyi slob dpon rA ma sharma la sogs pa'i gzhung gi don 'phags pa'i yul gyi gnas lnga rig par smra ba'i paN+Di ta daN+Di 'am/ dbyug pa can zhes bya ste ming gi mngon par brjod pas grub mtha' cig shos la zhugs pa yin yang rung ste/ rgud nas rnam pa thams cad mkhyen pa'i khams la nye bar rgyu ba'i snying po can gyi rig pa'i yan lag khyad par can la ma rmongs pa de 'di skad du/ bstan bcos snga ma rnams bsdus shing // sbyor ba rnams kyang nyer mtshon te// ji ltar nus bzhin bdag gis ni// snyan dngags rnams kyi mtshan nyid bya// ces ka byA daR+sha zhes pa'i gzhung rgyas bsdus 'tshams par bsdus shing / dper brjod kyi mtshon par byas pa nyid gangs ri'i khrod 'dir bslab tu rung ba'i srol shin tu dar bar gyur pa'i rjes su 'dun pa phyogs pa yin te/ rgyu gang gis na/ de nyid kyis/ mkhas pas yang dag rab sbyar ba'i// ngag ni ngag gi 'dod 'jor bshad// ces dang / de skad du/ rgyal po lang tshos dregs gyur
- 335a
kyang // rgyan med pa na skye bos gleng // de phyir snyan dngags mi ldan pa'i// bstan bcos phal la brtsi ba med// ces pas so// de'i phyir yul lho phyogs pa'i paN+Di ta nag mo'i kho la lhag pa'i lhas dngos grub byin pa bzhin/ 'dir rang bzhin rdzogs pa chen po shes rab rang byung gi sgron ma'i gdangs 'gags pa med pa'i rtsal snang ni rnam pa thams cad mkhyen pa'i rten cing 'brel bar 'byung ba'i chos dang phyogs kun nas nye bar gyur pa yin pas brjod pa'i tshig kyang skal ba ngan pa'i grong khyer du mi 'jug pa ni/ 'di lta ste/ oM swa sti pradz+nyA b+h+ya/ dpal gyi yon tan dam pa'i 'byung gnas lhun grub zhi ba gangs chen mtsho// mtha' dang bral ba'i mu khyud gsar pa kun gsal lam gyi rjes song ba// yang srid med pa'i chos rnams ma lus gzhol 'gro'i gdong gi ri mo bzhin// brtan pa bral ba'i ngang tshul 'di ni sangs rgyas rnams kyi khyad par chos/ de nyid thob byed mthong dang sgom lam rno dpal mtshon gyi gdengs ka can// gnyis su bgyi dang kun tu rtog pa'i dra ba gcod byed bden pa'i gsung // zhi gyur chags bral dam pa'i chos ni so so yang dag rig bzhi'i dngos// kun rdzob mtshan ma'i cho ga ma lus 'gog byed khyod las gzhan yod min/ rtag chad smra la khro ba spangs pa'i sdang zhen mi bzad gtsug phud ldan// rig dang grol
- 335b
ba'i blo gros gter gyi ral pa'i len bu g.yo ba'ang // mtshams sprin gsar pas bla rnams bsgribs te dul ba'i ngang tshul lhur byed pa// bstan pa rgya mtsho'i rtsa lag gcig gyur rin chen gsum la skyabs su mchi// 'gro khams byang grol sa bon bskyed bsring stan tshig dpyid kyi rgyang glu'i sgras// dge tshogs byang chub mU gur smin byed shin tu rnam bkra'i 'og pag can// legs byas s+tha sdug tshon gyis bsdebs pa'i sgro gshog zlum por g.yo ba'i gar// mu mtha' med pa'i sbrul bskur 'di ni srid dang zhi ba'i grong na mdzes/ rigs can gsum gyi gdul bya'i rnam rtog gang+gA'i klung gi bye ma snyed// theg pa gsum gyi chos kyi 'khor lo'i za ma tog tu rgyas btab nas// skyes bu gsum gyi lam las dbugs 'byin thob pa'i sa mkhan su zhig na// sku gsum ston pa mchog gi ngo bo rdo rje gdan pa sa 'tsho'i bdag phyogs bcu rab 'byams mtha' med rol pa lha yi rdzing ring rab song ba// de de'i rdul gcig ji snyed zhing khams brgya tshar bkod pa'i khyon// byon dang 'byon gyur 'tsho zhing bzhes pa'i mngon shes drug ldan sangs rgyas dang // dbang bcu ldan pa'i sems dpa' rnams kyi 'di ni brjod pa don ldan mdzod// gang zhig ston gyi zla ba'i spyan zla bsod nams dam pa'i mi khyud nang // gnas skabs mthar zug bsngo bya'i
- 336a
smon pa ri dwags gzhon nu'i lang tsho can// sras bcas rgyal ba'i bden dbang sprin lam snyan dngags dam pa'i shing rtar brten// de la dbyangs gcig kho na'i nges pas mthun 'gyur rol mo dar dir sgroga'akhor ba rgya 'tshor skye ba'i 'khri shing btsugs pa'i rnam grangs de snyed kun// gzhan dbang nyid du yong yem ma bzung gya gyu'i mtshon gyis ma gzhar ba'i// gcig tu rnam par dkar ba'i las lam byung dang 'byung 'gyur thams cad kyang // legs par byas pa'i rnam dkar 'di dang gnyis su ma yin 'dza' bar byed// 'di na bsod nams bdun gyi bdun pa'i sngon na da la 'gro khyung sngon skyes// dge ba'i chos rnams ma lus bsdud byed yan lag bdun gyi shing rta la// nyes byas ma lus skams par byas pa'i khur gyi dub gang ngal gso bar// dbugs 'byin thob ces gtam du gleng ba 'di yang brjod pa don dang ldan// / phyag 'os rnams kyi spyan sngar mchis pa'i lang tsho'i 'khri shing gzhon nu ma// lha chen 'phrul dgar mngon du rdzu ba'i nyams dang 'gyur ba zad mi shes// kun tu bzang po'i ting 'dzin sgyu ma ri mo mkhan gyi blo gros la// mi mjed 'di yang snod du chung zhes gya nom mchod sprin spro ba brel/ 13/ zho 'thung rus pa'i mtshon gyi 'bigs par ma nus shing // gang+ga'i klung rgyun yongs kyi nye reg ngal byed pa'i//
- 336b
bcas dang rang bzhin kha na ma tho'i sgrib byed 'dis// thar pa nyams byas deng 'dir stobs bzhi'i cho gas smad/ 11/ lhag pa'i bsam pa ga bur thigs pa 'dzag pa des// srid zhi'i dge tshogs kun la zhen pa'i mthu yod na// 'dun pa gcig gi gzhan gyi legs byas dbrog nus pa// rjes su yi rangs sgom pa'i pha mtha' su yis bgrang / 18/ spangs rtogs yon tan ltar mi mngon pa de srid dben par rab bsngags mod// rgyal rnams theg dman mchog tu 'dzin min zhi bar gzhol lta ga la zhig/ bdun phrag bdun du spro ba zhan pa bskul ba'i bsod nams 'phel phyir na// 'dir yang tshangs dang dbang po'i rjes su chos 'khor bskul la skyo ba med/ 13/ gang zhig sems can yal bar 'dor ba'i brtul zhugs yod yer ma bzung bzhin// mya ngan 'da' ba chos sku'i mtshan nyid ston la rab tu dgongs pa'i phyir// de las gzhan du rnam par 'khyams pa'i 'gro ba dag la slar gzigs nas// bzhugs su gsol ba 'debs par byed dang bdag nyid gros su mthun pa yin/ 84/ 'di na zhing bsam sbyor ba dag pa'i dbyig 'dzin khyon// lha yi 'khri shing man+da ra ba'i yongs bsngo ni// yon tan mi zad dpal gyi dum bu'i lang tsho can// rnam pa kun nas thams cad gzigs pa'i 'bras bur smin/ 1/ ring mo nyid nas snga 'gyur bstan pa dga' bas
- 337a
brgyan// 'dod chags zam pas 'gegs par rtsom pa'i bde blag can// gang gis yid la zug rngu'i tshor ba ster byed pa'i// las dang de yi rtogs pa brjod 'di don ldan yin/ 1/ gang zhig legs byas yi ge'i 'dzum gyis bsus pa de yi bzhin ras la// gcig tu dga' ba'i chom rkun chen pos gdon mi za bar btab pa'i yid// gtong la goms dang las kyi 'brel ba don ldan nyid du gang gis na// snyan dngags dam pa'i sras bu 'di yi lan brgyar 'tshems pa'i grogs su byed/ 17/ g.yo sku'i gtam dang kyal pa'i tshig ni ji tsam 'bad kyang gzhan dbang can// de nyid spangs las drang song ngag gi mtshon cha rnon po brdar ba dang // rigs sngags grub pa'i gtsug tor can gyi bden pa'i nyi ma 'od po ches// de ring bdag gis ji ltar smon pa'i snying po khur du lci bar mdzod/ 18/ phyogs bcu'i bde gshegs sras dang slob mar bcas pa yis// theg pa gang las byang chub ste mar rab song dang // so so skye bo'i kun gzhi'i khams la bcas rang gi/ rnam par dkar ba'i sa bon de las longs spyod 'byung mi 'gyur// ces dang / spyod 'jug las kyang / bskal pa stong du bsags pa yi// sbyin dang bde gshegs mchod la sogs// legs spyad gang yin de kun kyang / khong khro gcig gis 'joms par byed/ ces so// de'i phyir bsngo tshul yang
- 337b
rnam pa thams cad mkhyen pa kho na'i phyogs nyid du mi bsam na gyi nar 'phyan pa'i tshul/ li tsA bIs zhus pa'i mdo las/ mang po yang nyung ngur reg par bya ste// kun mkhyen du ma bsngos pa'i phyir ro// zhes so// 'di ltar dam pa gsum gyi zin pa ni thar pa cha mthun gyi dge ba yin la/ ma zin na bsod nams cha mthun zhes bya ste 'bras bu dman par 'gyur ba yin no// gnyis pa rang bzhin bye brag tu bshad pa la gsum/ gang zhig bsngo bya bsod nams kyi khyad par/ gang du bsngo ba yul gyi khyad par/ ji ltar bsngo ba lam gyi khyad par ro// dang po ni/ dug gsum med pa'i sems kyis kun nas blangs pa'i sgo gsum gyi dge ba'i rtsa ba gang yin pa ste/ ji snyed yod pa kun/ 14/ deng 'dir rjes su yi rangs 'dzum rlabs mu tig gsar pa'i do shal ni// ched du bya ba yongs bsngo'i cho gar rab tu mkhas 'di'i mgul pa ru// mngon par mdzes byas de yi blo gros kun tu bzang po'i 'dun khang nang // yon tan thams cad rnam par byang ba'i chos las gzhan du 'phel mi srid/ 83/ 'dus byas dge la mchog tu rlom pa'i bden zhe na dbang po'i mtshon cha ni// bsil gyur zhi ba byang chub dam pas reg byar nam yang bzung ba med// chos nyid chen po spros pa nyer zhi rab tu mi gnas mya ngan las// 'da' ba'i go 'phang gdod ma'i 'bras bur ster la nem
- 338a
nur yongs su spangs/ 81/ 'gro ba lam rab nyams pa'i yid ni zhi byed pa// thub pa'i lung rtogs bstan pa rin chen sa mos phreng // skyes bu gsum mam rim pa dgu yi gzhal med khang // skyes dgu'i bsod nams nyer 'tsho'i bla na brtan gyur cig/ zab dang rgya cher gting mthas ma gtugs bde gshegs bka'// ma rtogs g.yang dang log rtogs sems kyi rno dpal mtshon// 'phyang mo nyug gi 'khyogs la 'degs pa'i dam bca'i ris// 'chos skyob dam pa'i yon tan chen pos bsub de rmad/ 83/ 'di na gangs ldan ri bo'i do shal gsar pa'i 'dzum// rgyal ba'i ring lugs sa yi gdu bur bzhad byed pa'i// 'phrin las mi zad zla bzhin ma yi dpe byad gzugs// char ldan dus kyi mdzes pa rngom la gcig tu smon/ 84/ rtsa ba sbom na kun tu don yod so sor thar pa'i bslab gzhi ste// bri ba med pa'i dge tshogs yan lag rgyal sras spyod pa'i 'dam ma brgya// ro bcud 'bras bu'i yon tan ma smad gsang chen nyid du g.yur za ba'i// thar pa rgya mtsho'i sa mkhan ljon pa kun kyang rtsa ba brtan la dga'/ 85/ rig pa'i yon tan 'chi ba med pa'i skyed mos tshal// rgya cher gzhung gi dgos pa bsdu ba'i sgra don gnas// mtshams su sbyor dang brgal zhing brtag pa'i 'dren byed stong // rab bgrad rmongs chen mun pa bsal bas deng mdzes
- 338b
shog8/ rgyal bas bden gsungs par phyin lam gyi gzhal bya'i khyon// 'jal byed tshad ma'i gom pa gsum gyi rab gnon la// chos kyi grags pa'i blo gros mchog gi tha gu'i lho// log par smra ba'i stobs ldan gnya' na brjid gyur cig27/ nyams dang 'gyur ba stong du rdzogs pa'i nags khrod nas// sgra don rgyan gyi legs bris sgro ldan gtsug lag gzhung // bcad lcug spel ma'i legs bshad dbyangs su 'tsher ba ni// mang thos sems ldan rlung gi shing rtar mdzes gyur cig88/ gur gum rgyas pa'i nags tshal bung bas gang ba yang // 'di yi dpe zlar 'os pa ma yin tshul khrims kyi// bsung zhim phyogs kyi pha mthar song ba'i dge 'dun sdes// bslab pa gsum gyi brang khang dog por byed la smon/ 8/ shin tu myur ba rdo rje'i lam gyi them skas la// bskyed dang rdzogs pa'i gom stabs gcig gis bgrod pa'i mthu// tshad mas ma yin ngo bo nyid gsum grub pa'i mtha'// sku gsum 'bras bu'i snye ma sbom por g.yur za shog23/ grong khyer ma yi bde bas mtshon min 'phur 'gro'i theg pa mchog gi zil// bzod par ma nus brtan g.yo'i khams kyang rang mtshan 'dzin pa'i mthu smad nas// snang srid ma lus bde chen zhing du 'ja' dang 'od skur dengs pa'i gtam// sngon rabs rnams la yongs su grags pa da dung mthong ba'i chos la gnas//
- 339a
31/ theg pa gsum gyi brjod bya'i dngos po bde gshegs snying po'i ba dan can// lung dang rtogs pa'i ko tu b+ha yi tog gi blo gros rnam par mdzes// de nyid gang du rtsa ba brtan las 'jig rten kun tu bde legs kyi// 'dzum zhal man+da ra ba'i 'dab brgya grol 'di rgyu 'bras bslu med yin/ 28/ de 'dra'i mthu ni bden pa gang gis rjes 'gro na// 'di dang gzhan gyi ljongs kyi thig le'i dbyig 'dzin khyon// rdzogs ldan gzhon nu'i dga' ston 'bod la chas pa'i 'dzum// thags bzang tshems kyi so zho ngom la brel ba bzhin/ 33/ dus su yid 'ong rlung gi shing rta'i bla re bres// ut+pa la yi spun zlar gyur pa'i char zim nyid// sprin gyi lcug ma gad mor dgod las kha'i zegs ma// sa gzhi margad zhun mas dbyug pa'i byed por bskos/ 20/ lo 'dab rgyas pa'i nags tshal stug po'i gur khyim kun// bza' ldan 'bras bu'i tog gis rnam mdzes 'phyang 'phrul ni// rlung g.yab gsar pa'i ba dan nyid du lhun grub pa// 'di ni 'jig rten gdung ba 'phrog slad smyon par bskul/ 2// rtsa ljang myu gu'i 'dab ma brgya phrag brtsegs pa'i zol// dpyid kyi pho nyar mngon du brdzu ba de yi lus// me tog gsar pa'i do shal rgyan du byed pa dang // lhan cig phun sum tshogs pa'i 'bras bu g.yur za ldem/ 35/ gang la 'gal byed do zla ra chas pa'i 'byung
- 339b
po'i gdon// tsha grang 'byung ba gshed du sdeb pa sbyin zang gi/ chom pos rnam par 'thag la dga' bar byed pa'i sems// skye dgu rnams la byams par byed du gnas 'gyur shog27/ gang zhig gdengs ka rab tu g.yo ba'i lto 'gro rnams// rangs pa ma yin kun rtog nyid dang mi mdza' bas// nyal 'gro'i bu mo chab sgra snyan pa'i gling bu bsgyur// ri klungs nags tshal phan tshun 'chol ba med la smon/ 38/ mthong ba'i chos la 'jig rten gang du bde sdug las// mig 'phrul bzhin du sbyin par nus pa'i rgyal po dag/ srid pa las kyi bskos pa'i dpya dang mnga' ris la// chog shes thob pa'i rgyal srid chos bzhin skyong gyur cig/ 2 'khor los bskur rgyal g.yul gyi 'jigs dang 'grogs pa min/ khams kyi rgyal phran brlang spyod smin ma bcu pa'i mtshon// rnon por brdar las bde skyid ri bo'i ngos gzar pa'i// 'khrug brtsod ming gi lhag mar zhi la nam yang smon/ 56/ gang du mtho ris bde la srid pa'i lus can rnams// 'jig rten yang dag lta la rab gzhol phan tshun mdza'// mnar gyis dogs pa'i rgya las lus sems dbugs dbyungs dang // dga' ba brgya yis mgron du bkug pa'i glu len shog5/ de las snyigs ma'i rang stobs ngo tsha'i gdong smad nas// brku dang 'phrog dang g.yo sku'i kun rtog brtan pa bral// bdag tu bzung dang nags
- 340a
kyi ri dwags la sogs pa// mnar spyod 'tshe ba'i blo ngan rtsa ba rul gyur cig8/ tsha grang 'du ba dgra gshed gyur las zug rngu'i mtshon// spu gri ngar ma'i dpal la ma chags nyer 'tsho'i lus// ring cing ldang ba'i stobs nyams pha rol 'jig rten du// 'gro la 'jigs shing glal ba'i chad pa phyir dengs shig53/ rak+ta'i rlangs pa na bun 'phyur ba'i btung ba la// gcig tu dga' bas myos pa'i sdang mig zur gsum pas// gzhan gyi srog la rnam par blta ba'i srin po dang / yi dwags 'byung po'i tshogs kyi rgyud la'ang byang chub sems gnas shog56/ gang zhig mgo nyal spu gris dbyung dang bla yi gos// gang gi don du yin pa'i cho ga rab bsams nas// gnyis su med par gsung ba'i bstan pa rtags tsam gyis// 'dzin pa'i chos la nam yang spro ba zhan gyur cig6/ mkhas rnams blo gros pad+ma'i rdzing bu gsar pa ni// yang dag lta ba'i ngang mos rnam rtsen chos tshul kun// rang bzhin ma 'dres khong na rngom las bslab pa'i gnas// gcig dang bdag lta mchog tu 'dzin la'ang rang mi byed/ 6des shing dul bar smra ba'i ngang tshul yang mthong bas// 'jig rten kun kyang bstan la rab dad lha dang ni// lha min grul bum mi'am ci la sogs pa yang // de la dga' bas bde skyid mgron por 'bod la smon/ 6/ nyer len phung po'i bde bas
- 340b
mtshon min stong nyid bde gshegs snying po'i khams// lkog gyur chom po'i gzhan dbang nyid du yod yer bzung 'di mngon sum du// g.yo ba'i ba dan gang las 'ongs na ming tshig yi ger 'dzum pa'i bzhin// lang tsho ma yi dpal stug dang 'grogs rgyud kyi rgyal po'i 'phrin las yin/ 58/ snyan par grags pa rgya mtsho'i ska rags phra rgyan du// smon lam gsar pa'i mu khyud la brten 'khri shing ni// gus pa'i yid kyi cho gar bkod las nyan dang 'dzin// 'di dang klog dang yid la sems pas gang gyur cig6/ mkha' spyod ming yang grong khyer ma lus rgyud kyi dngos po 'dis mdzes nas// lhas rtsen gnas dang rmi lam med yul dang pa'i shing rta mchod sbyin dgra// 'jug pa bcu pa khrung khrung 'joms dang mche ba gcig pa'i grong khyer kyang // gsang sngags 'di yis gdul bar bya ba'i 'phrin las gsar pas snang byed shog 84/ lhun po'i dpal dang pad+ma'i rtsa lag ga bur 'dzag/ 'jig rten snod kyi ji srid bzung ba de srid ni// rgyud kyi rgyal po'i rin thang nyams kyis dogs pa'i dpal// nub pa'i chos la ngo tsha byed bzhin gnas gyur cig6/ bdag kyang byang chub snying po srid du thub bstan la// rgyu mtshan shes pa'i dad pas rab 'jug bslab pa'i gnas// srog gi zungs su dam bcar brten nas shes bya dang // gzhung lugs man ngag rin
- 341a
chen sgrol mar rnam 'byed shog68/ phyin drug lang tsho'i byang chub ste ma g.yur za ba// bsdu ba'i dngos po bzhi yi byed pos sems can la// rtag tu 'gyed gang me tog gzhu yi ma bkugs pa'i// 'phrin las srid bsgrub gzhon nu'i nyag phran rjes 'gror smon/ 63/ rang gzhan 'tsho ba srog gi rgyan ni gzhan dbang can// gang las des byung gsar pa'i myu gu nags la dga'// rdzogs pa chen po'i yon tan ma smad sprin gyi sgeg/ phung po 'ja' 'am rdul phran bzhin du dengs gyur cig6/ gnas skabs don gnyis mchog gi khang mdzes srog gi zungs// 'tsho ba'i stangs 'dzin rdo rje'i khams kyi rin thang la// nyams pa med pas mthar byed dgra bo'i 'dren byed kyang // sa la lhung nas rgya mtsho'i 'og tu yib la smon/ 6/ su zhig gang la skyabs su 'gro ba'i thal mo ni// spyi bo'i tog tu mdzes pa tsam nas ye shes kyis// gzigs pa'i dpag bsam brtse ba mchog gi 'bras bu can// rin chen gsum gyi grib bsel bstil chas gyur cig66/ grong khyer ma yis 'dod sred bzhin du phyogs ris bral ba byams pa'i sems// snying rje'i sgyu rtsal bcu phrag drug la lhag pa'i phyag rgya bzhi yis bcings// dga' ba kho na mgron por 'bod kyang 'di de dran pa'i ltung byed min// btang snyoms grong na kun dang mi 'dzar med pa'i cho ga
- 341b
yid byed shog66/ de las bsam pa tha shal nyid kyi mya ngam zang // rnam par 'khyams pa'i 'gro ba ma lus gnyid sad de// gzhan don bsgrub la bsnyel ba med pa'i byang chub sems// theg pa chen po ri yi rna ba'i khur bzod shog68/ snyog pa'i cha shas kun gyi ma bslad tshul khrims gsum// rang gi rin thang nyams kyis dogs la skrag byed cing // byang chub mal las slong ba dbugs 'byin snyam pa'i grong // dog por byed pas dbul ba ming gi mthar byed smon/ 59/ gang zhig brlang por spyod la 'dun des gshe dang brdeg/ bcing dang mtshang 'bru'i chos la rab tu mi 'jed pa'i// bzod pa dam pa'i ngang tshul ma smad 'dzum pa'i rlabs// rus pa'i ge sar khong nas rgod la spro gyur cig50/ dkar po'i las la sdig sems rtsub mo'i me tog mdas// dbug par mi nus gzhan don sbyor ba'i go cha la// nyin dang mtshan mor dbye ba'i gnas skabs yod min zhes/ brtun pa bskyed la 'gro 'di'i dbu rmog btsan par shog5/ kun gzhi'i mun nag dbrog tu chas pa'i de bzhin nyid// kun gsal bsam gtan shar gyi thig le gsar pa'i 'dzum// kun rtog 'og 'gyu'i mig sman mdog dang mi mdza' bas// kun tu bzang po'i gya nom ye shes gter spyod shog58/ bden gnyis chos la rnam par dpyod pa'i shes rab mtshon// zug rngu bskyed pa'i
- 342a
bem chos dpal dang mi ldan yang // rno ba rab kyi rtse mor phyin las sgrib gnyis dngos// gcod pa'i brtul zhugs 'jam dpal gzhon nu'i rjes 'gror smon/ 53/ gang du byang chub sems kyi myu gu'i sna tshogs tshal// phyin drug lang tsho man+da ra ba'i 'khri shing las// lam mchog lnga dang sa yi khyad par bcu gcig gis// thub dbang yon tan rgya mtsho'i bgrod pa 'gog tu med/ 54/ de las dran pa nyer bar gzhag sogs rnam byang chos// bai DUr dkar po tog gi blo gros grags pa'i mdzum// 'gro khams bde gshegs snying po'i rgyal mtshan rtser phyin nas// 'khor ba'i rgya mtsho stong pa'i gnas skabs mthong gyur cig / sgom pa'i lam na'ang rnam pa thams cad mkhyen pa yis// dpal gyi dum bu lkog gyur chen po'i gzhan dbang can// so so yang dag rig pa'i chos kyi mig grung pos// mthong ba'i ngo mtshar ltad mo'i dga' ston la spyod shog5/ de las sangs rgyas rnams kyi 'od zer chen po'i dbang // bskur thob med pa'i chos nyid rgyud la rab zhugs nas// dag pa gnyis ldan mtshan dpe'i lang tshor ma smad pas// gzhan don rlabs po che yi shing rtar bzhon gyur cig27/ mi sdug nyams kyi bzhin ras 'dzum pos der ma bltas// smin ma yon po'i lta stangs gcig kyang ma bsgyur bar// byams pa'i zhal sbyin mthong na mi mthun med pa
- 342b
de// brtse dga'i 'khri shing g.yul las rgyal ba'i ba dan yin/ 8/ gang du sgrib gnyis seng ge mo'i bu las grol bas// kun khyab grong khyer 'og min chen por khyad par gyi// mtshan dpe'i ngo mtshar longs spyod rdzogs skur rtag gsal nas// dag pa'i gdul bya sa bcu'i dbang phyug dpal du shog/ 5/ chos kyi dbyings sogs ye shes lnga yi ngo bo'i sku// gnas dang gnas min mkhyen pa la sogs stobs bcu dang // mi 'jigs yon tan ma 'dres so sor 'char ba'i gzhi// nang gsal chen po chos sku'i bzhugs tshul mthong gyur cig56/ sku gsum grong khyer gzhal du med pa'i khyad par chos// bsam gyi mi khyab yon tan yangs pa'i do ra der// rnam shes ye shes khams su sbyangs pa'i btso sbyangs gser// rtsibs stong ldan pa'i chos kyi 'khor lor lhun grub shog/ deng nas 'khor ba srid kyi ring la las kyi lus// nam yang ma yin rnam 'phrul sna tshogs bzlos pa'i gar// gzhan phan 'ba' zhig sna tshogs shing rta'i spyan zla can// 'gro 'di'i bsod nams snod dang 'tsham par rtag 'char shog58/ 'di ltar smon dang yongs bsngo gsar pa'i bsod nams stobs// lhun po'i dpal ltar che ba'i gtam tsam grags mod kyi// zhing bsam dngos dang 'khor gsum rnam dag dge chen du// gsungs pa de yi pha mtha' mthong ba su yang med/ 53/ nga las nus
- 343a
'gyur smon lam gang las grub pa'i rten// rnam par gzigs pas sran rdog bdun la dgongs pa dang // snyim pa gang ba'i bye ma gtor las mya ngan med// bsod nams stobs kyi mngon par mtho ba de yi phyir/ 9/ rgyu dang 'bras bu bslu ba med pa'i 'phrin yig gi/ bden pa 'di ni bsod nams cha mthun rtsa lag tu// 'gyur ba med na zhing bsam dngos po dag pa'i stobs// thar pa cha mthun nyid du nam yang bskur mi srid/ 9/ ngag gi nus pa'i chu klung shin tu dar drag pa// sdang zhen phyogs su dpa' rlabs 'phyur zhing rgyug pa'i mthu// dmod pa grub pa'i drang srong phal la yod gyur na// brjod pa kun tu bzang po'i rjes 'gro slar grims shig5/ gang zhig tshe dang las dang yo byad mos pa dang // smon lam rdzu 'phrul skyes pa'i stobs dang chos dang sems// ye shes che ste dbang bcu thob pa'i sems dpa' rnams// de ring smon pa'i mthun 'gyur slad du bzhengs shig kye/ 57/ sprin lam mtha' la mu khyud bris pa'i ra ba dang // grib ma'i gzhon par nam mkha'i nor bu mdza' byed cing // 'gro ba bslu la rin chen rnam gsum chas pa'i rdzun// smra na 'jig tshogs chos la lha de'i phrag dog yin/ 58/ de phyir srid pa sla log gyur kyang g.yung drung bzhin// 'gyur ba med pa'i yi dam brtan po'i cho ga ni// gdod nas snying gi dbus su zhugs pa'i
- 343b
tam bu ra// mchog gsum bden pa bslu ba med pa'i dbyangs su sgrog5/ n+ya gro d+ha ltar mchu zheng gab pa'i skyes bu chen po'i sku mchog mthong na mi mthun med// 'phro 'du 'od kyi pho nyas rab dkrigs bltar mi mngon pa'i gtsug tor nor bu'i 'od chags 'dzum// mtshar sdug pad+mo bzhu ba'i rdul gyi phyag zhabs mthil du lan brgyar byugs pa'i ri mo ni// 'khor lo'i mtshan mar dpal du 'bar ba'i grags pa snyan po'i bkra shis gang zhig deng 'dir spyon/ 80/ yan lag drug cur 'khyil ba'i dpal gyi mgur// brgyad khri bzhi stong nyon mongs nad gso'i sman// zab dang rgya che'i skye ba lnga pa'i dung // dge ba gsum gyi bkra shis dbyangs su len/ 8// 'gro 'dir ye shes gzigs pa'i slad du dus gsum ma 'dres gzugs brnyan 'dzin yang mkha' bzhin shin tu rnam mi rtog/ zab zhi spros bral dpal gyi be'ur chos don rgya mtsho ji lta ji snyed legs 'doms ngo bo nyid kyi thugs// 'phags pa'i blo gros ldan pa dag kyang don 'di dpyod la ba spu'i 'khri shing dus ma yin par g.yo byed pa'i// mi zad rgyan gyi 'khor lo'i rtsibs 'dis skye dgu thams can rnam pa kun tu bkra shis dpal gyis phyug par shog88/ gang dag phyogs bcu'i rnam par 'dren// kun kyang byang chub sems gnyis kyi// rtsa ba brtan las 'bras bu'i mchog/ smon lam mthu yis rang gir
- 344a
mdzad/ 83/ smon lam pa mthar son pa kun// 'khor ba srid du sems can don// dpag bsam shing dang rin chen ltar// 'byung ba'ang de'i mthu las gzhan min/ 80/ 'di na byang chub snying po'i mngal// 'dzin 'dod gnyis gnyis spyod pa 'ga'// dge ba'i chu gter la dga' nas// smon lam 'dag gshog rmyang ba yod/ 8// dran pa'i snye ma gzhon nu yang // mthong chos tshangs dang dbang po'i bzhin// yid la sred cing phyi ma yi// bde 'bras slad du cis mi smon/ 8/ rgya che'i gtong ba srid pa 'di'i// 'tsho rtsis slad du deng ma lags// grags pa'i brag ca rang dbang du// bgyid pa'i 'khri shing btsugs pa'ang min/ 85/ mngon mtho'i 'byor ba dpag yas kyi/ khengs pa'i ri dbang bang rim can// de na brten pa'i gnod sbyin dang // bdag nyid gros su'ang ma mthun no/ 88/ gnas skabs smon lam shing rta la// bzhon par byas pa lta bu yis// srog dbang 'tsho ba'i nyer spyad la// rnam dkar 'di ni 'bem du bcas/ 8// legs byas gang las brtsams pa yi// rtogs brjod ral gri rna lung du// 'phos pa'i gdengs ka 'di 'dzin na// dpung gi khyu mchog gzhon nu bzhin/ 20/ ma rtogs log rtogs phyogs rtogs kyis// gom pa nyams pa'i g.yang sa ru// gya gyur 'dor byed mi bsrun yang // bgrod pa cig car nyid du 'gog
- 344b
9/ bstan dang dam pa'i drin yid kyi/ cho gar byas pa'i 'dren byed zung // ched du gnyer ba med par yang // rdzing bur khrus la 'jug pa bzhin/ 90/ de de drin du gzo ba dang // gsang sngags chos kyi bdud rtsi mchog/ yod bzhin spangs pa'i 'gro ba la// snying rje 'khrungs pa'i lhag bsam yin/ 23/ de phyir dben par zhi bde'i gnyid// sad pa'i cho gar rab brtson pas// rjes la thob pa'i ye shes kyang // smon pa'i ga/ bur rdul du 'dzag20/ gang zhig 'di la'ang bsod nams kyi// sa bon rgyun chags dge ba de'i// myu gu byang chub ste ma ru// 'khrungs gyur de srid smon lam gyis/ 70/ mos pa'i phra rab rdul brtsegs las// nor gyi blos gros gter ldan bzhin// bsil gyur byang grol chen po'i dngos// smon lam mthu las der snang ngo / 90/ grags pa'i spring yig mu khyud zhabs ldan ma'i// rna lung nyid du dpyad par 'os pa'i ngag/ thos pa ma bgyis bdag lha'i spyod yul du// 'gal ba nyid de chos nyid mngon sum mthu/ 26/ sprin gyi so can gangs ri'i la zod kyi// gdengs kas mdzes pa'i ljongs 'dir mtsho ldan mas// mgrin par 'khyud las 'khyog tshig sgra mkhas dgu/ smra bar mi brtson nyams snang gong 'phel drin/ 28/ sde gsum gnas lugs brjod pa bral ba yang // longs spyod 'khor lo'i rtsa mdud tam bu ra'i// rgyud dang gnyis med
- 345a
zhugs pas snang ba'i yul// sku dang ye shes rig pa tshad la phebs/ 9/ brjod pa thams cad spangs pa'i pha rol na// sa lam 'bras bu'i chos kyi gtam 'di'ang rdzun// chos su cog pa blo yis btags pa'i phyir// zad pa'i chos la ngo mtshar chen po gnas/ 170/ legs byas gtam gyi 'gyur ba rngam pa'i slad// legs myos ma yi lang tsho yi ge ru// legs par brdzus nas bkrus pa'i mkhur tshos 'dis// legs bris bu mo'i dpal la phrag dog byas/ 16// rab snyan tshig gi man+dar ba'i bzhin// 'dod pa'i smin ma bcu la rtag dga' ba/ khong nas lan brgyar 'dzum pa'i me na ka/ smon lam rgyang glu len la chas pa bzhin/ 168/ bgrang du mi bzod bskal pa rgya mtsho'i phra rab rdul gyi gser ldan ma'i// bla mar bya ba byang chub mchog gi spyod pa dam pa'i myu gu ni// rnam pa thams cad mkhyen pa'i dpal du legs par 'bar ba'i bstan pa mchog/ 'gro 'di'i bsod nams rin chen 'byung gnas nyid du brtan pa'i bkra shis shog170/ de bzhin gshegs pas legs par gsungs pa'i gsung rab rgya mtsho'i snying por gyur pa rig pa 'dzin pa'i sde snod dam// snga 'gyur rgyud 'bum rin po che'i rtogs pa brjod pa 'dzam gling tha grur khyab pa'i rgyan zhes bya ba las/ yongs su bsngo ba dang / smon lam dam pa'i khyad par las 'bad pa don
- 345b
ldan du bgyis pa'i rab tu byed pa ste/ skabs dgu pa yA na'i grangs kyi bdag nyid can rdzogs so// // rgya gar nub phyogs pa'i paN+Di nya chen po nang rig pa'i de nyid khyad par du sba ba dri med pa zhes gnyen dang / dpal mo rgyan gyi slob dpon chen pa sangs rgyas kun dngos pad+ma'i zhabs kyi thugs rje'i zla zer snying la zhugs pas sngon gyi bag chags du ma la rang dbang du byed cing / rang bzhin theg mchog snying po'i lam nas rig pa phyogs yan du grol ba'i rdzogs chen pa rang byung rdo rje'i mkhyen brtse'i 'od zer ram/ klong chen nam mkha'i rnal 'byor 'jigs med gling pa'i sdes/ thar pa chen po'i grong khyer pad+ma 'od gling du rgud 'bum rin po che gsar du bstan pa'i de ma thag pa las dbu brtsams nas bri bar 'du byed pa na/ 'brel bar ldan pa'i dpyod ldan dran pa'i dbang po kun dang / bye brag tu lha rigs rgyal po'i khab tu mi dbang mkhas pa'i dbang po/ lha 'jigs med dpa' bo 'chi med bstan pa'i rdo rje'i gsung gis kyang myur du grub par bskul lo// gang las 'phags pa'i khyad nor yid kyi cho gar byed pa'ang brtson 'grus kyi pha rol tu phyin pa'i 'du 'god la dran pa nye bar 'jog pa'i yon tan stobs su gyur nas// ston gsum rtsi thog dang 'bras bu smin pa'i tshe legs par sbyar ba'i yi ge pa ni/ sbas yul pad+ma dkar po'i rong sgo 'dzin par/ 'phrog byed gtam du gleng ba'i gangs ldan gyi ri bo dang / ma he'i rgyal mtshan gyi gnas la rang dbang du bgyid pa'i rje'u rigs kyi slob ma rgyal ba chos mdzad 'jigs med rdo rjes mdzad pa'o//