Text
ff. 1a–377b · 754 folio sides
- 1a
@/ rdo rje rigs kyi sgrub lugs/ khro bo pun d+ha rI ka'i tan+t+ra bzhugs so//
- 1b
rdo rje rigs kyi sgrub lugs/ khro bo pun d+ha rI ka'i tan+t+ra/ bcom ldan 'das dpal he ru ka la phyag 'tshal lo// he ru ka yi sgrub lugs 'di// phun sum tshogs pa bzhi ldan pas// gnas dang sa gzhi brtag par bya// 'jig rten sa bdag lha klu la// sa rin byin te sa bslang ngo // sa gzhi de yi phyi mtshams su// sa las byas pa'i mtho bzhi brtsig/ mthu chen rgyal po sde bzhi ru// spyan drangs byin gyis brlabs la gzhag/ de nas dam sri gnan par bya// sgo nas 'dom gang phyi rol du// mkha' 'dra'i hom khung khru gang ba// gru gsum pa la zlum por bri// dur khrod mnan pa'i thod pa la// nang du dam sri bris nas ni// dur khrod rkang gi phur bu la/ khro bo Ar+ya a tsa lar// bskyed nas sgrub pa po rnams kyis// dur khrod
- 2a
phur bu bzhi grangs la// phyogs nas 'dril zhing gdab pa'i tshul// bstan cing gnan pa'i las bya'o// dkyil 'khor bkra shis par bya'i phyir// bkra shis pa yis smon lam gdab// bsgrub pa che chung gang bsgrub pa// mtshan dang ldan pa'i b+han+da la// gsol byang bris la shar du gzhag/ bskyed pa'i sa bon 'byung ba lnga// dkyil 'khor bskyed cing bsgom par bya// de ltar dbang chen bskyed nas ni// gsal bar gyur pa de steng du// rin po che yi gzhal yas khang // ta la'i skyed shing cong cong dril// de nang dur khrod gzhal yas khang // rgya khyon dpag tu med pa'i nang // che mchog he ru ka dbu dgu// phyag nyi shu rtsa gcig/ spyan nyi shu rtsa bdun 'bar ba/ zhabs brgyad du gtams pa'o// hUM hUM/ de nas zhal zas
- 2b
la sogs la// zla ba'i dkyil 'khor gsal bar bskyed// de steng tshom bu'i dkyil 'khor bsgom// de ltar gsal bar bsgoms nas ni// dkyil 'khor de yi snga de nub/ byang chub mchog tu sems bskyed pa dang / spang skong klag pa dang // tsha tshwa gdab pa la sogs pa dge ba'i rtsa ba ci cher bskyed/ de nas maN+Dal ba'i ko ba tsam byas la/ mchod pa rnam pa lnga bshams la// dus gsum bde bar gshegs pa dang // 'phags pa dkon mchog gsum la mchod pa dang / mgon po yon tan gyi mgron rnams la mchod pa dang / khams gsum snying rje'i mgron rnams la sbyin pa dang / re ba bskang ba dang / sdig pa bshags pa dang / smon bcol bgyi'o// de yang gtor ma cha gsum rnams rim gyis mchod cing gtang bar bya/ gtor ma tha mal dmigs nas lan chags kyi bgegs su gyur pa rnams la bsngo/ de na sar sog g.yas pa la/ khrag gi yi ge bris nas ni/ gzhal yas sgo la gdags par bya/ de nas phur pa dar gyi cod pan can bcu mnga' gsol la/ phyogs mtshams su bzhag go/ de nas rdo rje gzhon nu dang bsrung ba'i 'khor lo'i las bya'o// tshon rtsi rnam pa lnga po yang / tshom bu lnga yi lha bkod cing / snying po lngas byin gyis brlab bo// gsang ba'i dkyil 'khor khru gang ba/ bdud rtsi lnga yi go ma yi/ dri chen dri chus skyang nul bya/ de na gzungs ma mtshan dang ldan pa
- 3a
gcig la/ las kyi rdo rje mor dbang bskur la/ thig skud 'phel du gzhug go/ de nas thig skud spyi bor bzhag la/ gnas lngar dpa' bo 'bru lnga dgod do// 'bru lnga spros bsdus pas/ sku gsung thugs yon tan phrin las lngar dbang bskur la/ ye shes lngar byin gyis brlab bo// mo ha ra ti dza zhes brjod pas/ yum kun tu bzang mor byin gyis brlab bo// de nas yab yum gyi mkha' rdo rje pad+mor byin gyis brlab bo// byang chub kyi sems 'od zhur gyur pas dkyil 'khor gyi thog tu dkar mer kyis gyur pa bsam mo// de nas dz+nyA na hUM zhes brjod pas gnam thig gdab/ badz+ra su tra ma ti kra ma hUM zhes brjod pas sa thig gdab// stegs bu 'dom gang gru bzhi la// dbus su zla gam zlum por bya// mtha' ma rdo rje'i ra bas bskor// sgo bzhi pa dang ldan par bya// de lta bu yi dkyil 'khor la// dbus su b+han+da mtshan ldan la// ya ba yum snying po bris la gzhag/ dbus kyi b+han+da'i mdun drang du// b+han+da shing lo'i 'dab ma la// ma brgyad snying po bris la gzhag b+han+da tshal bu bzhi la/ bsgrub pa'i gsang mtshan dang gsol byang bris la gzhag/ gzhan yang zhing chen gyi ras gos/ sha chen gyi lang ling / rgyan gyis brgyan par gzhag/ tshil chen gyi me mar la/ dur khrod kyi zhing ras kyis sdong bu byas la btang ngo // de nas lha bshos zla gam la
- 3b
rak+ta'i thig le dgu byas pa dang / dam rdzas tshang ba'i gtor ma la tshil chen gyi zhal khebs can dang // sgrub pa po rnams kyi mdun du b+han+da'i bzed phor dang / dmar gyi ar+g+ha dang bcas drang ngo // de nas sgrub pa po rnams kyi rak+ta'i thig le dang / zhag gi zo ris/ thal chen gyi tshom bu gdab bo// rtags dang mtshan mas btab nas rgyan spras te bzhugs so// de nas zhi khro'i las gzhung bzhin byas la/ lha re re la bsnyen pa brgya rtsa brgyad dbul lo// 'dzab rdzogs pa dang thugs dam bskul phrin las bcol lo// stong tshigs kyi mchod pa cho gas dbul/ yang na stong tshigs kyi mchod pa dang zhal zas mchod pa dbul/ yang bsnyen pa yang nyin mtshan gcig la drug stong bgrang / dgongs dang tho rangs gtor ma gtang / gtor ma slad ma yang de'i rjes su gtang / de lan re la yang mtshams bcad pa dang / zhi khro'i dkyil 'khor bskyed do// stan mi sbusdug/ gral mi bsnor/ langs pa'i tshe stan byin gyis brlab bo// de nas bsgrub pa phyin pa dang gtor ma tsho gsum du bcad de/ tsho gcig sbyin bsreg bya/ tsho gcig mkha' 'gro la bsrung / tsho gcig mi zad pa'i gter du sba/ de nas sgo dbye/ pra brtag sgrub pa rim pa nas dkyil 'khor du gzhug cing dbang bskur/ dngos grub bkra shis gsol la tshogs bya/ de nas dkyil 'khor bsdu/ slob dpon la yon 'bul/ nongs
- 4a
pa bzod par gsol/ de nas gtor ma cha gcig la tshangs pa brgya byin la bsngo/ mtshams klong ngo // rdo rje rigs kyi sgrub lugs khro bo puN+Da rI ka'i rgyud las/ zla gam gcig pa'i sgrub lugs te gcig pa'o// // de nas dpal he ru kas/ sku gsung thugs yon tan phrin las phyag rgya chen po dgu bsgrub pa'i phyir// zla gam dgu pa'i sgrub lugs 'di gsungs so// phun sum tshogs pa bzhir ldan nas// gnas dang sa gzhi brtag par bya// 'jig rten sa bdag lha klu la// sa rin bcal te sa bslang ngo // phyi nang sa yi mtshams rnams su// phyogs bzhi dag tu mtho bzhi gzug/ rgyal chen bzhi ru mnga' gsol lo// de nas shes rab mtshan dang ldan pa gcig thig skud 'khol du bcug/ dpa' bo 'bru lngas byin gyis brlab/ tsa ra d+ha ra hi zhes thig gdab/ 'khor lo rtsibs brgyad pa'i dbus su// zla gam dmar po kha byang du bstan pa bri/ rtsibs brgyad la zla gam re re kha nang du bstan pa bri// de'i phyi rim du rdo rje ra bas 'khor ba bri// sgo bzhi dang ldan par bri/ de'i phyi rim bskal pa'i me dpung 'bar ba bri/ dkyil 'khor dbus su b+han+da mtshan dang ldan pa la/ dpal chen yab yum bris la gzhag/ tshal bu brgyad la go'u ri ma brgyad bris la bzhag/ tshil chen gyis me mar dgu/ dbus dang phyogs mtshams su gzhag/ dkyil 'khor
- 4b
gyi rgyan rnams kyang tshul bzhin du dgod/ mchog phur dar gyi cod phan btags la gzhag/ he chen dgu'i dkyil 'khor du// dur khrod chen po dgu ni klong dgur gsal// mtshal gyi thig phran dgu dag ni// thig le chen po gsum gyi dang // de lta bu yi dkyil 'khor ni// 'du 'bral med pa'i ngang du rdzogs// rdzas dang mchod pa'i yo byad kyang // mtshan ma'i dngos po kun bral te// kun tu bzang po'i rol pa'o// zhes dpal he ru kas nyid la nyid thugs kyi klong brtol nas ngom mo// de lta bu yi dkyil 'khor du/ mchod pa bkram pa yang / lha bshos zla gam la rak+ta'i thig le dgu byas pa dang / dam rdzas tshang ba'i gtor ma dang / sgrub pa po re re'i mdun du b+han+da'i bzed phor dang / dmar gyi ar+g+ha drang ngo // sgrub pa po rnams la yang rak+ta'i thig le dang / zhag gi zo ris/ thal chen gyi mtshan ma btab la/ rgyan spras te bzhugs so// zhi khro'i dkyil 'khor gzhung bzhin bya/ lha re re la bsnyen pa drug stong drug stong dbul/ 'dzab rdzogs pa dang thugs dam bskul// phrin las bcol/ stong tshigs kyis mchod pa 'bul/ tshe la sogs pa dngos grub gsol/ dkyil 'khor bsdu/ dgong dang tho rangs gtor ma gtang / gtor ma slad ma yang drang / gtor ma tsho gsum du bcad la/ tshog gcig sprin bsreg bya/ tsho gcig la mkha' 'gro ma bskyang / tsho gcig mi
- 5a
zad gter du sba/ rgyal chen la bsrung ba'i gtang rag gtang bar bya/ rdo rje rigs kyi sgrub lugs khro bo puN+Da rI ka'i rgyud las/ zla gam dgu pa'i dkyil 'khor sgrub lugs te gnyis pa'o// // de nas bcom ldan 'das dpal rdo rje he ru kas sku gsung thugs yon tan phrin las kyi sgrub lugs gsungs nas/ zla gam bco brgyad pa'i sgrub lugs phrin las kyi go rim 'di gsungs so// phun sum tshogs pa bzhir ldan nas// rdzas dang sa gzhi brtag par bya// sa bdag rnams la sa rin gzhal// bslang dang spyad pa tshul bzhin bya// phyogs bzhi dag tu mtho bzhi btsug/ bsrung dang mtshams kyi las rnams bya// gzungs ma mtshan dang ldan pa la// byin gyis brlab cing thig skud 'khol du bcug/ tsa ra d+ha ra hi zhes thig gdab/ dbus zla gam dkar dmar kha sprod byas la bri/ 'khor lo rtsibs brgyad la zla gam kha sprod du bri// sgo bzhi dang ldan pa/ mtha' rdo rje'i ra bas bskor ba/ de'i phyi rim bskal pa'i me ris bskor ba bri// dbus su b+han+da mtshan dang ldan pa gcig la/ dpal chen po yab yum bri'o// shar du tshal bu la badz+ra he ru ka dang / yum badz+ra kro tI bris la gzhag/ lhor rat+na he ru ka bris la gzhag/ nub tu pad+ma he ru ka bris la gzhag/ byang du karma he ru ka yab yum bris la gzhag/ byang shar du b+han+da mtshan dang
- 5b
ldan pa la gsol byang bri la gzhag/ sgo bzhir dza bzhi bris la gzhag/ de nas shar lho'i 'khor lo la/ tshal bu la rak+Sha he ru ka yab yum bris la gzhag/ lho nub tu sa nu he ru ka yab yum bris la gzhag/ nub byang du gu h+ya he ru ka bris la gzhag/ byang shar du yak+Sha he ru ka yab yum bris la gzhag/ de nas mchog phur dar gyi cod pan can bcu/ khro bo bcur mnga' gsol nas mtshams gcad do// snang srid sgyu ma'i rang bzhin la// ye nas dag pa'i mchog phur 'dis// gdeng dang ldan pa'i sngags 'chang gis// byin chen dbab par mnga' gsol lo// yo byad dbang mdzad gzhan gyis mi thub rgyal// oM AHhUM/ skye la dbang mdzad bran tshul mi g.yo mgon// oM AHhUM/ tshe la dbang byed 'jigs byed gshin rje gshed// oM AHhUM/ chos la dbang mdzad ha ya g+h+r-i ba dpal// oM AHhUM/ las la dbang mdzad bdud rtsi kuN+Da li// oM AHhUM/ ye shes dbang mdzad khro rgyal dbyug sngon can// oM AHhUM/ sems la dbang mdzad khro bo 'dod pa'i rgyal// oM AHhUM/ rdzu 'phrul dbang mdzad 'jigs byed stobs po che// oM AHhUM/ skye bzhi mngon par rdzogs mdzad hUM ka ra// oM AHhUM/ smon lam dbang mdzad 'dam skyes kuN+Da li// oM AHhUM/ de nas dkyil 'khor 'dom gang gru bzhi la// dur khrod rdzas kyis chag chag gdab// bdud rtsi dri chen ye shes bcud ldan 'dis// de
- 6a
bzhin gsang mchog rigs kyi dngos bsgrub pa'i// bka' gsang bsgrub pa'i dkyil 'khor du// dam rdzas bdud rtsi 'bar ba'i chag chag 'debs// oM ma hA ba su maN+Da la hUM/ dam rdzas dag pa'i bdud rtsi dri chu 'dis// ye shes rang byung bdud rtsi bsgrub pa'i phyir// gsang ba'i bdud rtsi chen po'i chag chag 'debs/ ma hA sa ma ya ma ma ku ku la maN+Da la hUM/ bka' gsang rmad du byung ba'i dkyil 'khor 'dir// 'khor ba'i rgun gcod byang chub sems kyi ngang // mkha' dbyings rnam dag yum gyi gzhal yas su// rak+ta gsang ba'i dkyil 'khor chag chag 'debs// ma hA rak+ta maN+Da la hUM/ ro yi tshor stod rnam bzhi yis// dur khrod rdzas mchog ma nyams btsal// dur khrod ro yi snying khung du// seng lding phur pa sor brgyad gdab// Ar+ya a tsa la hUM/ oM AHhUM/ bya bas byin gyis brlabs la bzhag/ de nas dug gsum 'khor rang rgyud gcod pa'i bro brdung ngo // dur khrod gsang ba'i dkyil 'khor 'dir// dug gsum rabs rgyud gcod pa'i bro// skra gsung thugs su lhan gyis grub// dbang po 'bros pa'i sgo dgu ru// skra dgu bkod pa'i bro brdungs pas// ye shes dgu yi byin rlabs las// tshor zhing len pa'i rnam shes dgu// klong chen dgu ru lhun gyis grub// zhe sdang 'dus pa'i phung po la// hUM gi 'phro 'du 'khrugs pa la// mthing nag chen
- 6b
po 'jigs pa'i gzugs// klong chen dgu yi byin rlabs las// zhe sdang can dang dmyal ba'i gnas// dug gsum skye ba'i rgyun bcad nas// thig le chen po'i ngang du bsgral// sum b+ha ni sum b+ha nan/ gti mug 'dus pa'i phung po la// lta byed g.yas kyi phung po las// au gyi 'phro 'du 'khrugs pa las/ bud+d+ha khrag 'thung sprin phung bzhin// smug nag chen po 'jigs pa'i gzugs// gtum po rngam chen 'khrugs pa yis// gti mug can dang byol song gnas// stongs shing zad mdzad dbyings su bsgral// lta byed g.yon gyi dbang po la// AM gi 'phro 'du 'khrugs pa yis// pad+ma khrag 'thung sprin phung bzhin// dmar nag chen po 'jigs pa'i gzugs// gtum po rngam chen 'khrugs pa yis// 'dod chags can dang mi yi gnas// stongs shing zad mdzad dbyings su bsgral// snom byed dbang po g.yas pa la// swA yi 'phro 'du 'khrugs pa yis// rat+na khrag 'thung sprin phung bzhin// ser nag chen po 'jigs pa'i gzugs// gtum po rngam chen 'khrugs pa yis// nga rgyal can dang lha min gnas// stongs shing zad mdzad dbyings su bsgral// snom byed g.yon gyi dbang po la// hA yi 'phro 'du 'khrugs pa yis// karma khrag 'thung sprin phung bzhin// ljang nag chen po 'jigs pa'i gzugs// gtum po rngam chen 'khrugs pa yis// phrag dog can dang yi dwags
- 7a
rgyu// stongs shing zad mdzad dbyings su bsgral// nyan byed dbang po gnyis po la// hUM gi 'phro 'du 'khrugs pa yis// dbang phyug chen po 'jigs pa'i gzugs// gtum po rngam chen 'khrugs pa yis// zhe sdang can dang dmyal ba'i gnas// stongs shing zad mdzad dbyings su bsgral// sum b+ha ni sum b+ha hAM/ g+h+r-i h+na g+h+r-i h+na hAM/ g+h+r-i h+NA pa ya g+h+r-i h+NA pa ya hUM/ A na ya ho/ b+ha ga wAn bi d+ha rA dza s+pho Ta baM// 'jig rten drug gi phyogs bcu can// 'byung ba lnga yis bslad pa dang // nyon mongs lnga yis bcings pa rnams// stongs shing zad mdzad dbyings su bsgral// shAn+tiM ku ru a la la ho/ lho sgor gzi ldan yum byung ste/ dur khrod chen po'i gnas 'di ru// ye shes lnga yi klong dkyil du// gzi ldan yum gyi bro byung ngo // dug lnga dbyings su lhun gyis grub// dbang po lnga yi yul lnga la// yum chen lnga yis bro brdungs pas// sku lnga dbyings su lhun gyis grub// mno ba'i yul la bro byung ngo // bud+d+ha kro tI'i bro byung ngo // chags pa dbyings su sdud pa'i bro// gti mug gnas su dag pa'i bro// bro brdung byol song snying la brdung // gti mug gtso bo thal bar rlog/ byol song 'jig rten thams cad kun// dbyings su bsdu zhing klong du bsgral// mthong byed yul la bro byung ngo // pad+ma kro tI'i bro byung ngo // 'dod chags dbyings su dag pa'i bro// bro brdung mi yi snying la
- 7b
brdung // 'dod chags gtso bo thal bar rlog/ mi yi 'jig rten thams cad kun// dbyings su bsdu zhing klong du bsgral// nyan byed yul la bro byung ngo // rat+na kro tI'i bro byung ngo // nga rgyal dbyings su dag pa'i bro// bro brdung lha min snying la brdung // lha min gtso bo thal bar rlog/ lha min 'jig rten thams cad kun// dbyings su bsdu zhing klong du bsgral// snom byed yul la bro byung ngo // karma kro tI'i bro byung ngo // phrag dog gnas su dag pa'i bro// bro brdung yi dwags snying la brdung // phrag dog gtso bo thal bar rlog/ yi dwags 'jig rten thams cad kun// dbyings su bsdu zhing klong du bsgral// nyan byed yul du bro byung ngongo// badz+ra kro tI'i bro byung ngo // zhe sdang dbyings su dag pa'i bro// bro brdung dmyal ba'i snying la brdung // zhe sdang gtso bo thal bar rlog/ dmyal ba'i 'jig rten thams cad kun// dbyings su bsdu zhing klong du bsgral// kro ti shwa ra'i bde klong mkha' la 'dus// nub tu gsang ba'i he ru ka bzhi'i bro byung ste// nyan byed yul gyi dbang po la// gsang ba yab kyi bro byung ngo // rak+Sha he ru ka yi bro byung ngo // rdo rje lta bu'i ye shes kyis// bdud dang mu stegs dbang du sdud// tshor byed lce yi dbang po la// sa nu he ru'i bro byung ngo // 'da' dka' thugs kyi ye shes kyis// bdud dang mu stegs dbang du sdud// chags par byed pa'i gsang
- 8a
gnas la// gsang ba yab kyi bro byung ngo // g+hu h+ya he ru'i bro byung ngo // klong du gyur pa'i ye shes kyis// bdud dang mu stegs dbang du sdud// reg bya yul gyi dbang po la// gsang ba yab kyi khro byung ngongo// yak+ka he ru'i bro byung ngo // dbyings su sgrol ba'i ye shes kyis// bdud dang mu stegs dbang du sdud// oM sum b+ha ni sum b+ha hUM/ g+h+r-i hA g+h+r-i h+Na hUM/ g+h+r-i h+NA pa ya g+h+r-i h+NA pa ya hUM/ A na ya to/ b+ha ga wA na/ bid+yA rA dza hUM badz+ra s+pho Ta baM/ byang sgor gsang ba yum gyi phro byung ngo // nyan pa'i yul la bro phyung ngo / rak+Sha kro tI'i bro byung ngo // drod las skyes pa'i gnas bcom nas// skye bzhi phyag mas btab nas ni// phyag rgya bzhi yi ngang du rdzogs// tshor byed yul la bro byung ba// sa nu kro tI'i bro byung ngo // 'dod chags skye ba'i gnas bcom nas// skye bzhi phyag mas btab nas ni// phyag rgya bzhi yi ngang du rdzogs// skye gnas yul la bro byung ba// gu h+ya kro ti'i bro byung ngo // brdzus nas skyes pa'i gnas bcom nas// skye bzhi phyag mas btab nas ni// phyag rgya bzhi yi ngang du rdzogs// reg bya'i yul la bro byung ba// yak+Sha kro tI'i bro byung ngo // sprul te skye ba'i gnas bcom nas// skye bzhi phyag mas btab nas ni// phyag rgya bzhi yi ngang du rdzogs// gsang chen bzhi yi phyag rgya yis// btab pas thig le'i ngang du rdzogs// de nas byang shar mtshams su spro bar bya'o// thig skud
- 8b
bcu tshal gdab par bya// mgo lus yan lag lnga po la// mtshon bya lnga yis spro bar bya'o// de nas bskos gdab bo// bskos la spyan brang ngo // 'og min chos kyi pho brang nas// dgu klong 'bar ba'i bskos la spyon// dbang po dgu ni yab kyis bskos// de yi yul dgu yum gyis bskod// dpal chen 'khor tshogs bskos la spyon// de nas smon lam gdab// ho dgongs su gsol lo// stong gi rab 'byams 'jig rten gyis khams thams cad/ 'khor ba dang ngan song las thugs rjes bsgral/ sku gsung thugs su sbyar nas/ gdal ba chen po'i ngang du lhun gyis grub par gyur cig/ de nas byang shar mtshams su phung po bshig go/ ma traM gi dbang po lnga rigs lnga'i he ru ka'i rdzas su dbul/ dbus nas rang byung grub pa'i lha// sku mchog bud+d+ha he ru ka/ dur khrod chen po'i gnas mchog 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM bud+d+ha shrI he ru ka hUM/ shar nas rang byung grub pa'i lha// thugs mchog badz+ra he ru ka/ dur khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM badz+ra shrI he ru ka hUM/ lho nas rang byung grub pa'i lha// yon tan rat+na he ru ka/ dur
- 9a
khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM rat+na shrI he ru ka hUM/ nub nas rang byung grub pa'i lha// gsung mchog pad+ma he ru ka/ dur khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su ga sol// oM pad+ma shrI he ru ka hUM/ byang nas rang byung grub pa'i lha// phrin las karma he ru ka/ dur khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM karma shrI he ru ka hUM/ shar lho mtshams nas rang byung grub pa'i lha// phrin ltur ba yang las rak+Sha he ru ka/ dur khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM rak+kha shrI he ru ka hUM/ lho nub mtshams nas rang byung grub pa'i lha// sbyor dam chag kyang ba yak+ka he ru ka/ dur khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM yak+Sha shrI he ru ka hUM/ nub byang rang byung grub pa'i
- 9b
lha// gsang ba g+hu h+ya he ru ka/ dur khrod chen po'i gnas chen 'dir// ye shes 'bar ba'i klong dkyil du// dug gsum bsgral ba'i dkyil 'khor du// dgyes shing brtan par bzhugs su gsol// oM b+hu h+ya shrI he ru ka hUM/ byang shar rang byung grub pa'i lha// sgrol ba yak+Sha he ru ka/ ye shes 'bar ba'i klong dkyil du// dur khrod chen po'i gnas mchog 'dir// dug gsum bsgral ba'i dkyil 'khor du// dgyes shing brtan par bzhugs su gsol// oM yak+ka shrI he ru ka hUM/ dbus kyi yum chen mi phyed ma// gtso la brten pa'i bdag nyid ma// bud+d+ha kro d+hi shwa rI'i sku// dgyes pa chen po'i bdag nyid ni// dgyes shing brtan par bzhugs su gsol// shar gyi yum chen mi phyed ma// gtso la brten pa'i bdag nyid ma// badz+ra kro d+hI shwa rI stam// dgyes pa chen po'i stobs kyis ni// dgyes shing brtan par bzhugs su gsol// lho yi yum chen mi phyed ma// gtso la brten pa'i bdag nyid ma// rat+na kro d+hi shwa rI s+t+wam// dgyes pa chen po'i tshul gyis ni// dgyes shing brtan par bzhugs su gsol// nub kyi yum chen mi phyed ma// gtso la brten pa'i bdag nyid ma// pad+ma kro d+hi shwa rI s+thAm// dgyes pa chen po'i tshul gyis ni// dgyes shing brtan par bzhugs su gsol// byang gi yum chen mi phyed ma// gtso la brten pa'i bdag nyid ma// karma kro d+hi shwa rI staM/ dgyes pa chen
- 10a
po'i tshul gyis ni// dgyes shing brtan par bzhugs su gsol// shar lho'i yum chen mi phyed ma// gtso la brten pa'i bdag nyid ma// rak+Sha kro d+hI shwa rI s+t+waM/ dgyes pa chen po'i tshul gyis ni// dgyes shing brtan par bzhugs su gsol// lho nub yum chen mi phyed ma// gtso la brten pa'i bdag nyid ma// sa nu kro d+hI shwa rI s+t+waM/ dgyes pa chen po'i tshul gyis ni// dgyes shing brtan par bzhugs su gsol// nub byang yum chen mi phyed ma// gtso la brten pa'i bdag nyid ma// g+hu h+ya kro d+hi shwa rI s+t+waM// dgyes pa chen po'i tshul gyis ni// dgyes shing brtan par bzhugs su gsol// byang shar yum chen mi phyed ma// gtso la brten pa'i bdag nyid ma// yak+ka kro d+hi shwa rI s+t+waM// dgyes pa chen po'i tshul gyis ni// dgyes shing brtan par bzhugs su gsol// de nas b+han+da blangs la/ mtshan dang dbus gsol byang blangs la 'di skad do// 'phrul zhal yid bzhin phra men brgyad kyis klubs// rkang med mkha' la 'gro ba'i tog tog rkan sgra rdeb// sngon gyi skyes mchog sgrub pa'i rdzas yin te// su zhig dngos grub 'dod pa da lta nga las long // gang zhig bka' ltar mi byed dam la mi gnas na// 'di yi sgra thos gzugs nyid mthong bas kyang // lus ngag yid gsum mod la brlag par 'gyur// dkar po zang yag 'tsher ba ni// sngar bas 'das pa'i bcom ldan
- 10b
'das// chos kyi sku dang rab ldan zhing // 'gro ba'i don la de bzhin gshegs// rlon pa lcang lor ldan pa ni// da ltar bzhugs pa'i bcom ldan 'das// longs spyod rdzogs pa'i sku dang rab ldan zhing // da lta 'gro ba'i don la de bzhin gshegs// dmar po ra ri chags pa ni// slad nas 'byon pa'i bcom ldan 'das// sprul pa'i sku dang rab ldan zhing // 'gro ba'i don la de bzhin gshegs// zla gam gyi ni dbus su gzhag/ bskul ba'i rdo rje aM ku sha/ rta gdong dkar mo gshegs su gsol// bskul ba'i rdo rje pa shwa hUM// phag gdong sngon mo gshegs su gsol// skul ba'i rdo rje sgo Ta baM// sdom byed chen mo lcags sgrog ma// rmongs byed chen mo gshegs su gsol// skul ba'i rdo rje g+haN+De hoH// ljang gu thal byed g+haN+De hoH// thal byed ldang nag gshegs su gsol// 'di bzhi don gyis bgod// rdo rje dril bu rig pa 'dzin// rdo rje thabs kyi rang bzhin dang // dril bu shes rab rang bzhin ni// dkyil 'khor dbus su brtan par dgod// de nas mchod pa dgram pa ni// lha bshos zla gam la rak+ta'i thig le dgu byas la/ dam rdzas tshang ba'i gtor ma la tshil chen gyi zhal bka' drang ngo // de nas sgrub pa po kun gyi mdun du/ b+han+da'i bzed phor dang / dmar gyi ar+g+ha drang ngo // til chen gyi me mar dgu gtang / de nas sgrub pa po la rtags dang mtshan
- 11a
gdab ste/ zhag zhal ya blangs la/ don dam bcud kyi rgyas btab pas// kun tu 'od kyi sa mnan nas// dpal chen dgu dang mnyam par sbyor// thal chen gdug pa 'dul ba'i rgyan// sprul pa'i sku dang ldan pa yis// 'khor lo tshogs chen sa mnan nas// ma tshogs phra men tshogs dang sbyar/ ho// rak+ta thugs rje chags pa'i rgyan// pad+ma can gyi sa mnan nas// yum chen dgu dang mnyam par sbyor// nang mi dam par mdzad du gsol// rgyan spel te bzhugs su gsol// de nas brda' sgo dbye// dur khrod brgyad kyi gzhal yas khang // ye shes brgyad kyi sgo phye zhig/ mkha' dbyings dag pa'i gzhal yas khang // mi gnas ye shes chen po'i sgo phye zhig/ de nas dngos grub gsol te// skye shi med pa tshe yi dngos grub dang // 'du 'bral med pa gzungs kyi dngos grub dang // 'pho 'gyur med pa gnas kyi dngos grub ste// gsum 'di rnams dus 'dir stsal du gsol// de ltar dngos grub gsol nas// da ni dam bca' ste/ dur khrod gnas pa'i dpal chen he ru ka/ rtog mtha' rmongs pa'i 'byung po za byed cing // rngam pa'i tshul gyis srin pa'i tshul ston pa// mkha' mnyam dbyings nas nyams pa rdul tsam med// hUM thugs rje chen po'i ngang las ma 'da' zhig/ rgya mtsho chen po'i rlabs las ma 'khrugs shig/ dpal chen he ru khro rgyal yab yum
- 11b
rnams// nyon mongs 'khor ba'i sdug bsngal stongs par mdzod// hUM oM/ mi sring srid pa'i gnyen rnams dgrar gyur te// bdag gi lus 'di dum bu stong gtubs kyang // 'phags pa'i spyan sngar bdag gis dam bcas pa// sun par mi bgyid mgon khyod sku mi bslu// hUM/ de ltar dam bcas nas/ ting 'dzin rnam gsum rim gyis bsgoms nas/ zhi khro gzhung bzhin bskyed nas/ spyan drang phyag bya brtan par bzhugs su gsol/ lha re re la bsnyen pa stong rtsa brgyad dbul lo// 'dzab rdzogs nas stong tshigs kyi mchod pa 'bul/ thugs dam bskul zhing phrin las bcol ba dang / gtor ma dgong dang tho rangs btang / lhag ma yang rjes la drang bar bya'o// bsgrub pa 'di'i lugs kyis/ thub par bya ba'i dam tshig bdun bsrung ba dang / nyams su len pa'i bar chod lnga bzlog par bya'o// dam tshig la yang bsrung bar bya ba gsum dang / khyad par gyi dam tshig bzhi ste bdun bsrung ngo // bsrung bar bya ba'i dam tshig gsum ni/ rdo rje slob dpon yi dam gyi lha bzhin du dran par bya ba dang / bsgrub pa'i dus su rkyen cis bdas kyang / tshig gi mtshon mi shor bar bya ba dang / bsgrub pa'i dus su gnyid chang gi dbang du mi gtong ngo // khyad par gyi dam tshig gi bzhi ni/ srid pa pho bsgral nas dur khrod chen po'i dkyil 'khor du shes par bya ba dang / khams gsum
- 12a
dbang du bsdus nas dug gsum mchod par sbyar ba dang / de lta bu'i rdzas la blo la khu 'phrag med par dang du blangs pa'i dam tshig dang / de lta bu'i mdzad spyod ci mdzad kyang / ye chos nyid byang chub sems las ma g.yos par bya ba'i dam tshig dang bzhi'o// nyams len par chad bzhi bzlog ste// de yi 'dul skal chen mo ni// dgongs kyi ting 'dzin mi gsal na// sngon gyi nyams len chen mo ste// grib so sdud pa'i dbang mo che// rdzu 'phrul bya rog skad skyur ma// de yi 'dul skal chen mo ni/ kha dog nub ka'i dmar thag 'dra// ral pa sprin dmar 'khrigs pa bzhin// ral pa sprug pa'i sgra gseb nas// gza' rgod mig dmar char du 'bebs// a la la yi phyag mtshan ni// gnam lcags zhun ma'i khro chu bskol/ khros nas gnyen por rbad pa'i tshe/ khro chu khol ma'i sbyin zang 'bebs// srid pa'i gnam sa dkrugs pa skang // srin po'i 'jig rten rba la g.yeng // dam las 'das pa btso sreg byed/ khyod kyis phrin las skal phogs pa// dgong ka'i bar chad byed pa'i bdud// dgra bgegs thams cad thal bar rlogs// rak+Sha ru tra yA yak+Sha tshal pa khA hi/ ha na ha na hUM phaT/ srod la ting 'dzin mi gsal na// sngon gyi nyams len chen mo ste// phyogs skyong bu mo ma rungs ma// de yi 'dul skal chen mo ni// thogs med rlung ltar 'phyo ba yi// srid pa'i
- 12b
rgyal mo srog gi bdag/ srid bdag chen mo kun gyi rje// ye shes 'od stong 'bar ba'i rdzu 'phrul can/ khyed kyi phrin las skal phogs pa// srod la bar chad byed pa'i bdud// dgra bgegs thams cad thal bar rlogs/ rak+Sha ru tra yA yak+ta tshal pa khA hi/ ha na ha na hUM phaT/ nam phyed ting 'dzin mi gsal na// dkar mo phyogs kyi ma rungs ma// de yi 'dul skal chen mo ni// ral gri'i lus la rkang lag glog/ ral pa sem sprin 'khrigs pa 'dra// spyan ni nyi zla zhun ma la// sngags pas gdung bas bos pa'i tshe// mchi ma thu lum char du 'bebs// mchi ma thu lum thigs res kyang // dkar po'i bu phran ma lus kun// gzhob sgog rdog pas brdzis pa bzhin// gso glags med par dmyal thag gcod// rgyal ba'i ngag nyan dam tshig can/ khyod kyi phrin las skal phog pa// nam phyed par chad byed pa'i bdud// dgra bgegs thams cad thal bar rlog/ rak+Sha ru tra yA yak+ka tshal pa khA hi/ ha na ha na hUM phaT/ tho rangs ting 'dzin mi gsal na// tho rangs bar chad byed pa'i bdud// hor ston bu mo ma rungs ma// de yi 'dul skal chen mo ni// mgo ni seng ge'i mgo bo la// phur mo seng ge'i nga ro sgrogs// srid pa'i gnam sa grum pa skad// ral pa ser sprin 'khrigs pa bzhin/ khyod kyi phrin las skal thogs pa// tho rangs bar chad byed pa'i bdud// dgra
- 13a
bgegs thams cad thal bar rlogs// rak+Sha ru tra yA yak+ka tshal pa khA hi/ ha na ha na hUM phaT/ shar ka'i ting 'dzin mi gsal na// shar gyi zer la bar gcod ma// srab mda' zer la zhon pa mo// de yi 'dul skal chen mo ni// dung gi gdong la shel gyi lce// ral pa ser sprin 'khrigs pa 'dra// gnam lcags thog gi ser chen 'bebs/ khyod kyi phrin las dus la bab// shar ka'i zer la bar gcod pa'i// bdud dgra thams cad thal bar rlogs// rak+Sha ru tra yA yak+ka tshal pa khA hi/ ha na ha na hUM phaT/ nyams len lnga de ltar bzlog go/ bsgrub pa zhag du dam bcas pa'i phyed de nub/ gtor ma tsho gsum du bcad de/ tsho gcig sbyin bsreg bya/ tsho gcig la mkha' 'gro ma bskyang / tsho gcig mi zad pa'i gter du sba/ de nas he ru ka'i sbyin bsreg bya ste/ 'gro rnams ji ltar 'dul zhing gshegs mdzad pa// shes rab nam mkha'i bskal pas rgas rgud stongs/ gti mug tshul gyis gti mug 'joms mdzad pa// gti mug rdo rje bud+d+ha he ru kar// ye shes klong yangs 'khyil ba'i hom khung du// dam rdzas bdud rtsi 'bar ba'i sbyin bsreg bya// bud+d+ha he ru ka la mchod pa 'bul// mi gnas pa'i klong na dpal chen khrag 'thung bzhugs pa la sems can nyon mongs pa gti mug gi dbang gis 'khor ba'i mtha' la zhen pa thams cad bsdus te phul bas
- 13b
chos kyi dbyings kyi ye shes dang ldan par gyur to// ye shes rdo rjes nyon mongs 'khor ba 'joms// thabs 'dzin mtshon chas bskal pa'i dngos po 'jig/ zhe sdang tshul gyis zhe sdang 'joms mdzad pa'i// zhe sdang rdo rje badz+ra he ru kar// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// badz+ra he ru ka la mchod pa 'bul// mi gnas pa'i ye shes chen po'i klong na rig pa'i rgyal po badz+ra he ru ka bzhugs pa la sems can nyon mongs pa zhe sdang gi dbang gis 'khor ba'i mtha' la zhen pa thams cad bsdus te phul bas me long lta bu'i ye shes su gyur to// rin chen dbyings ltar re 'dod kun skong zhing // bdag la gnyis med chu yi bskal pas 'khru// nga rgyal tshul gyis nga rgyal 'joms mdzad pa// nga rgyal dpal chen rat+na he ru ka/ ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// rat+na he ru ka la mchod pa 'bul// mi gnas pa'i klong na dpal rat+na he ru ka bzhugs pa la sems can nyon mongs pa nga rgyal gyi dbang gis 'khor ba'i mtha' la zhen pa thams cad bsdus te phul bas mnyam pa nyid kyi ye shes su gyur to// 'khor ba'i 'dam nas pad ltar sku 'khrungs kyang // lhag mthong shes rab bskal pa'i me yis bsreg/ 'dod chags tshul gyis 'dod chags 'joms
- 14a
mdzad pa// 'dod chags dpal chen pad+ma he ru ka/ ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// pad+ma he ru ka la mchod pa 'bul// mi gnas pa'i ye shes chen po'i klong na rig pa'i rgyal po pad+ma he ru bzhugs pa la ma rtogs pa'i sems can nyon mongs pa 'dod chags kyi dbang gis 'khor ba'i zhen pa thams cad bsdus te phul bas so sor rtog pa'i ye shes dang ldan par gyur to// phrin las rgya mtshos 'gro ba'i don mdzad cing // shes bya thogs med bskal pa'i rlung gis bskyod// phrag dog tshul gyis phrag dog 'joms mdzad pa// phrag dog dpal chen karma he ru ka/ ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// karma he ru ka la mchod pa 'bul// mi gnas pa'i ye shes chen po'i klong na dpal karma he ru ka bzhug pa la sems can nyon mongs pa phrag dog gi dbang gis 'khor ba'i mtha' la zhen pa thams cad bsdus te phul bas bya ba nan tan ye shes su gyur to// de nas yum khrag 'thung gi dbang mo lnga la mchod pa 'bul te// thugs kyi longs spyod sna tshogs mi dmigs kyang // snying rje mthar phyin zhe sdang rnam par dag/ rtogs pa'i reg bya'i mchod pas mnyes mdzad pas// sra brtan khro bor dbang bsgyur khro mo'i rgyal// ye shes
- 14b
klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// badz+ra kro tI'i sku la mchod pa 'bul// mi gnas pa'i ye shes chen po'i klong na yum badz+ra kro tI bzhugs pa la sems can nyon mongs pa nam mkhas bslad pa thams cad bsdus te phul bas ye shes chen po'i ngang du thim mo// sku yi longs spyod sna tshogs mi dmigs kyang / shes rab mthar phyin gti mug rnam par dag/ phyag rgya sku yi mchod pas mnyes mdzad pa'i// chos la dbang bskur nam mkha'i khro mo'i rgyal// ye shes klong yangs 'khyil pa'i hom khung du// dam rdzas bdud rtsis 'bar ba'i sbyin bsreg 'di// bud+d+ha kro d+hI sku la mchod pa 'bul// mi gnas ye shes chen po'i klong na bud+d+ha kro ti shwa rI bzhugs pa la sems can nyon mongs pa sas bslad pa thams cad bsdus te phul bas ye shes chen por thim mo// yon tan longs spyod sna tshogs mi dmigs kyang // sbyin pa mthar phyin nga rgyal rnam par dag/ longs spyod dri yi mchod pas mnyes mdzad ma// mnyam nyid gnas la dbang bsgyur khro mo'i rgyal// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// rat+na kro tI'i sku la mchod pa 'bul// mi gnas pa'i ye shes chen po'i klong nas rat+na kro tI shwa rI bzhugs pa la sems can 'byung ba chus bslad pa thams cad bsdus te phul bas
- 15a
ye shes chen po'i ngang du thim mo// gsung gi longs spyod sna tshogs mi dmigs kyang // tshul khrims mthar phyin 'dod chags rnam par dag/ gsung rab sgra yi mchod pas mnyes mdzad pa// lhag mthong ye shes dbang bsgyur khro mo'i rgyal// ye shes klong yangs 'khyil pa'i hom khung du// dam rdzas bdud rtsi 'bar ba'i sprin bsreg 'di// pad+ma kro tI'i sku la mchod pa 'bul// mi gnas pa'i ye shes chen po'i klong na pad+ma kro tI shwa rI bzhugs pa la sems can nyon mongs pa mes bslad pa thams cad bsdus te phul bas ye shes chen por thim mo// phrin las longs spyod sna tshogs mi dmigs kyang // bzod pa mthar phyin phrag dog rnam par dag/ bzod pa dri yi mchod pas mnyes mdzad pa// thogs med las la dbang bsgyur khro mo'i rgyal// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// karma kro tI'i sku la mchod pa 'bul// mi gnas pa'i ye shes chen po'i klong na yum karma kro tI shwa rI bzhugs pa la sems can nyon mongs pa rlung gis bslad pa thams cad bsdus te phul bas ye shes chen po'i ngang du thim mo// mtshams kyi he ru ka bzhi la mchod pa 'bul te// sgra yi cha dang dngos po yis// bag chags rtog pa 'joms mdzad pa// ye shes dpal chen rak+Sha he ru ka/ g+ha na chen po'i tshul gyis spyan
- 15b
drangs nas// thugs rje chen po'i sbyor bas 'dod chags 'joms mdzad pa// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// rak+Sha he ru ka la mchod pa 'bul// bcom ldan rak+Sha he ru ka la snang srid phyin ci log tu bltas pa bsdus te phul bas 'khor ba thams cad bde ba chen po'i klong du thim par gyur to// myong byed rtog pa 'joms mdzad pa// dam tshig dpal chen sa nu he ru ka/ dgongs spyod thugs dam zab mo yis// rtsa ba nyams pa sor 'dzud pa// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// sa nu he ru ka la mchod pa 'bul// bcom ldan sa nu he ru ka la snang srid rtsa ba nyams pas 'khrul 'khor thams cad bsdus te phul bas/ dam tshig nyams pa thams cad bskang bar gyur to// mtshan ma'i skye gnas rtog pa 'joms mdzad pa// gsang ba g+hu h+ya dpal chen he ru ka/ nyon mongs skye gnas thams cad 'joms mdzad pa// bla med gsang gnas dpal chen he ru kar// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// g+hu h+ya he ru ka la 'chod pa 'bul// bcom ldan g+hu h+ya he ru ka la skye gnas kyi mtshan ma thams cad bsdus te phul bas/ 'khor ba'i rtod phur phyung nas lhun gyis grub pa'i dbyings
- 16a
su thim mo// reg bya'i rtog pa 'joms mdzad pa// bla med dpal chen yak+Sha he ru ka/ reg bya gzugs kyi rtog pa bcom nas ni// bde ba chen po'i dbyings su sgrol ba'i ngang // ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// yak+ka he ru ka la mchod pa 'bul// bcom ldan 'das yak+ka he ru ka la gzugs su snang ba'i reg bya thams cad bsdus te phul bas reg bya'i rnam par rtog pa thams cad gtan spangs nas skye shi dang rgas rgud med de chos kyi sku'i dngos grub thob bo// da ni gsang ba'i yum chen mo bzhi la mchod pa dbul te// sgra rnams rtog pa 'joms mdzad ma// rak+Sha khro mo nyid kyi sku// drod las skyes pa'i gnas rnams 'joms// skye bzhi dbyings su sgrol mdzad ma/ ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// rak+Sha kro tIti'i skra la mchod pa 'bul// yum rak+kha kro ti la sgra'i yul du snang ba thams cad bsdus te phul bas chos kyi gsung rnam par dag par gyur to// tshor byed yul rnams 'joms byed ma// sa nu kro ti shwa rI'i sku// chags pa'i sems can 'joms mdzad pa// skye shi phyags mas dbyings su 'debs// mkha' bzhi dbyings su rdzogs mdzad ma// ye shes klong yangs 'khyil pa'i hom khung du// dam rdzas bdud rtsi 'bar ba'i
- 16b
sbyin bsreg 'di// sa nu kro tI'i sku la mchod pa 'bul// yum sa nu kro ti la tshor ba'i yul du snang ba thams cad bsdus te phul bas zla gam gyi ljags rnam par dag pa'i dngos grub thob bo// skye gnas yul rnams 'joms mdzad ma// g+hu h+ya kro tI shwa rI'i sku// brdzus pa'i skye gnas thams cad 'joms mdzad ma// skye bzhi mkha' bzhir phyags mas 'debs// b+ha ga bzhi yi ngang du rdzogs// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// g+hu h+ya kro tI'i sku la mchod pa 'bul// yum g+hu h+ya kro ti shwa rI la skyes gnas yul du snang ba thams cad bsdus te phul bas mkha' bzhi'i klong du mngon par rdzogs par sangs rgyas par gyur to// reg bya'i yul rnams 'joms mdzad ma// yak+Sha kro ti shwa rA'i sku// sprul te skye ba'i gnas bcom nas// skye bzhi mkha' bzhir phyags mas 'debs// b+ha ga bzhi yi nga du rdzogs// ye shes klong yangs 'khyil pa'i hom khung du// dam rdzas bdud rtsi 'bar ba'i sbyin bsreg 'di// yak+kha kro ti'i sku la mchod pa phul// yum rak+Sha kro tI shwa rI la skyes gnas mtshan ma'i yul du snang ba thams cad bsdus te phul bas dus gsum 'gyur ba med pa'i sku thob par gyur to// don gyis mchod pa bsgom bzhi la dbul lo// de ltar tsho gcig la sbyin bsreg bya/ tsho gcig gzhal yas khang gi phyi rol du
- 17a
khyer te/ lhag ma'i gnas bdun bya/ gom pa bcu gsum bor zhing gnas re re byas shing las bcol lo// gom pa bdun cu rtsa gsum tsam du phyin pa dang / hom khung zla gam du brkos la/ dbang phyug ma nyi shu rtsa brgyad kyi sbyin bsreg bya/ de nas slar log nas/ b+han+da la rigs lnga'i mtshan byang bris pa slob dpon gyis blangs la/ dkyil 'khor gyi dbus su seng ge'i gdan la 'dug la/ slob mas ru lu gar gyi bros bskor la dngos grub gsol lo// dur khrod gsang ba mchog gi dkyil 'khor 'dir// bang rim dmar po dag la rten bcas shing // zla gam dmar po'i steng du dbang nod nas// me mar dgu pa dag la mdangs phyung nas// b+han+na mtshan ldan dag la tha tshig bsgos// sku gsung thugs kyi dngos grub rab 'byams rnams/ bdag cag bsgrub mchog rnams la stsal du gsol// oM ru lu ru lu hUM b+h+yo hUM/ dpon slob kun gyis bzlas/ de nas slob dpon gyis rim bzhin dbang bskur ro// bdag nyid dngos grub blang ba 'di skad do// dpal dang ldan pa'i b+han+d+ha mchog/ rang bzhin gnas pa'i lcang lo can// bdud rtsis bka' bas che mchog ste// thams cad dbang gi rang bzhin la// bdag nyid dbus su 'dug nas ni// rang bzhin rang byung ye shes lha rnams la// sku gsung thugs kyi dngos grub mchog/ phyi ma'i dus la mi bzhed par/ da lta/
- 17b
bdag la rtsal du gsol// zhes brjod la ngang la bdag nyid kyis dngos grub blang ngo // de nas slob ma rim bzhin du dbang bskur ro// slob ma rnams kyis kyang // dur khrod kyi me tog thal mo'i bar du bcug la/ 'di skad brjod do// dur khrod gsang ba mchog gi dkyil 'khor du// dur khrod rdzas kyi me tog bor nas kyang // sku gsung thugs kyi dngos grub stsal du gsol// de skad brjod nas dkyil 'khor la 'bul lo// de nas slob dpon gyis slob ma'i lag tu rdo rje byin nas/ dur khrod gsang ba mchog gi dkyil 'khor du// byang chub rdo rje'i lam la drangs nas ni// sku gsung thugs kyi dngos grub stsal du gsol// dkyil 'khor gyi dbus su bzhag la dbang bskur ro// ngang la me mar dang b+han+d+has dbang bskur ba 'di skad do// ye shes gnyis med 'khyil pa'i rgya// sna tshogs tshogs chen 'byung ba'i rgyu// skal ldan 'di la dbang chen bskur ba'i phyir// bdud rtsi mchog bsgrub dam rdzas ka pA la// gsang rdzogs thugs kyi dngos grub 'di la sbyin// badz+ra dzA yu dzA yu/ de nas sku lngas dbang bskur te 'di skad do// mthing nag gru gsum 'gyur med sku// rtag tu hUM chen klong na 'khyil ba'i sa// bde chen byang chub sems su mngon rdzogs pa// badz+ra he ru ka yi dbang bskur ro// chags pas mi gtang dbang gi rgyal po ste// byang chub gter ldan lnga dang rtag tu
- 18a
'khyil ba'i sa// 'khor ba ma lus mya ngan las 'das pa// pad+ma he ru ka yi dbang bskur ro// dkar bas chos nyid cir yang gsal ba'i sku// mkha' mnyam dbyings phyug brgyad dang rtag tu rol pa'i sa// srid pa'i chos la yid kyis dbang sgyur ba// bud+d+ha he ru ka yi dbang bskur ro// ser po yid bzhin yon tan rgyas pa'i sku// ri rab chen po spyi skor brgyad dang rol pa'i sa// 'dod dgu yid bzhin re ba skong mdzad pa// rat+na he ru ka yi dbang bskur ro// ljang gu phrin las sna tshogs cir yang 'gyur ba'i sku// bsnyen pas sbyangs pa'i gdan dang rol pa'i sa// 'gro ba ma lus byang chub 'di la bkod// karma he ru ka yi dbang bskur ro// badz+ra he ru ka yi che ba dag/ pad+ma he ru ka yi dbang 'du dang // bud+d+ha he ru ka yi dngos grub dang // rat+na he ru ka yi brtan pa dang // karma he ru ka yi byin rlabs dang // he ru ka lnga'i grub pa mi gyur bar gnas so// da ni gsang ba'i he ru ka bzhi'i dbang bskur te/ 'khor ba dbyings su sbyor bas dbang gi rgyal po ste// 'khor ba'i sems can ma chags klong du sbyor// chags med pad+ma bde chen 'khyil pa'i sa// rak+Sha he ru ka yi dbang bkur ro// thugs rjes mi bsnyel 'khor ba'i mtha' la dgongs// thugs dam gzugs kyis 'grel pas rtag tu dgongs// dam tshig rdzogs chen bla med 'khyil pa'i sa// sa nu he
- 18b
ru ka yi dbang bskur ro// gsang ba'i thugs rje gzungs kyi byin rlabs kyis// nyon mongs tha ba klong du brlan mdzad cing // gsang ba 'khyil ba bde chen yum gyi mkha'// g+hu h+ya he ru ka yi dbang bskur ro// nyon mongs 'khor ba ma lus rtsad gcod cing // thugs rjes ma lus bde chen dbyings su sgrol// drag shul rngams pas srin po tshar gcod de// don dam byang chub sems la gsal bar mdzad// yak+Sha he ru ka yi dbang bskur ro// de ltar rdo rje dbyings phyug ma ni che ba yab kyi mkha'// pad+ma'i dbyings phyug ma ni gsang ba yum gyi dbang // rin chen dbyings phyug ma ni yon tan rdzogs pa'i dbang // las kyi dbyings phyug ma ni phrin las rgya mtsho'i dbang // mkha' la dbyings phyug ma ni spyi 'byams rgyal mo'i dbang // dbyings phyag rgyal mo lnga yi dbang bskur ro// 'byung lngas bsdus pas kun gyi rgyal por 'gyur// rak+Sha kro tI chags med skyon bral dbang // sa nu kro ti dam tshig rdzogs pa'i dbang // g+hu h+ya kro ti skye shi med pa'i dbang // yak+Sha kro tI 'khor ba rtsad gcod dbang // gsang ba yum chen bzhi yis dbang bskur bas// 'du 'bral med pa'i klong du lhun gyis grub// de nas dang la b+han+d+has dbang bskur te// mtshan ma'i skyon bral b+han+d+ha'i rdzas mchog 'dis// skal ldan rnal 'byor 'di la dbang bskur bas// de bzhin gshegs pa'i dngos grub 'thob par
- 19a
'gyur// b+han+d+has dbang bskur bas chos skye ba med pa'i don rtogs nas// chos kyi dbyings kyi ye shes dang ldan par gyur cig/ de nas byang sems kyi dbang bskur te// skye med byang chub sems kyi rdzas mchog 'dis// skal ldan rnal 'byor 'di la dbang bskur bas// rdo rje rigs kyi dngos grub 'thob par 'gyur// byang chub sems kyi dbang bskur bas ma 'gags pa me long lta bu'i ye shes dang ldan par gyur cig/ de nas sha chen gyis dbang bskur te/ khams gsum bsgral ba'i rdzas mchog sha chen 'dis// skal ldan rnal 'byor 'di la dbang bskur bas// rin chen rigs mchog dngos grub 'thob par 'gyur/ ra// sha chen gyis dbang bskur bas rin po che'i rigs kyi dngos grub thob nas/ mnyam pa nyid kyi ye shes dang ldan par gyur cig/ de nas rak+tas dbang bskur te// gsang ba mchog gi rak+ta dam rdzas 'dis// skal ldan rnal 'byor 'di la dbang bskur bas// gsung mchog pad+ma rigs kyi dngos grub 'thob par 'gyur// pad+ma rak+Shas dbang bskur bas pad+ma'i rigs kyi dngos grub thob nas/ so sor rtog pa'i ye shes dang ldan par gyur cig/ de nas dri chus dbang bskur te/ las mchog grub pa'i rdzas mchog dri chu 'dis// skal ldan rnal 'byor 'di la dbang bskur bas// las kyi rigs kyi dngos grub 'thob par
- 19b
'gyur// dri chus dbang bskur bas las kyi rigs kyi dngos grub thob nas/ bya ba nan tan ye shes dang ldan par gyur cig/ grub pa'i rdzas dang yon tan la// dang du mi len blo chung na// 'di ni spang zhing dbyung bar bya// zhes bka' stsal to// de nas bkra shis las kyang pa'i rdzas dang / rdo rje'i tshe gsol bas 'dod pa'i yon tan dang ldan par gyur cig/ smon lam btab nas/ dkyil 'khor nas dbyung sgrub pa po rim pa nas dbang bskur ro// de nas las thams cad dngos grub du bya/ dngos grub dbang du bya ba ni// zla gam dbang gi lha bshos dang / spyan gzigs sna tshogs pas drangs te// dbang chen gyi dkyil 'khor bskyed/ dbang gi dngos grub ni/ zla gam gyi lha bshos la bstim mo// bshos kyang stabs la gsol lo// de nas grub pa phyin pa dang / slob dpon la yon dbul gtang rag gtong / de nas dkyil 'khor bsdu/ dkyil 'khor mtha' nas mi bsdu rgyu// snang srid 'khor ba'i sems can rnams// bde chen klong du dril ba'i don// da ni dkyil 'khor mtha' nas bsdu/ dkyil 'khor lha tshogs dbus kyi gtso bo'i thugs kar bsdu/ dbus kyi gtso bo phyag mtshan rdo rjer bsdu/ phyag mtshan rdo rje yi ge hUM la bsdu/ yi ge hUM ni skye shi med pa'i don/ mtha' yi pho brang dbus kyi 'khor lo'i lte bar bsdu// 'khor lo'i lte bar spros pa med pa'i ngang // spros med skye
- 20a
shi med pa bde ba chen po'i klong // da ni snang srid mtha' nas bsdu// snang srid mtha' nas mi bsdu rgyu// snang srid thams cad sangs rgyas rgyu// dug gsum sku gsung thugs su bsdu// nyon mongs lnga ni ye shes lnga ru bsdu// smad cing bshud pa'i dam rdzas bdud rtsi lnga ru bsdu// snang srid thams cad kun bzang klong du bsdu// phyi nang snod bcud thig le'i dbyings su bsdu// zhes bka' stsal to// de nas gter sbas te/ dur khrod gsang ba mchog gi dkyil 'khor du// sgrub mchog byang chub lam du zhugs pa'am// snang srid thams cad mi rtag dus byung na// zad med mi 'dzad gter gyis mdun nas bsu// skye shi med pa'i tshe dang 'phrad par shog/ dug gsum sku gsung thugs su gter du sbas// dug gsum rnam par dag pas 'khor gsum dang // sku gsum 'du 'bral med pa'i ngang du sba// 'gyur ba med pa thig le'i gter du sba// rdzogs pa chen po thig le bde chen klong // thig le bde chen klong du gter sbas pas// snang srid thams cad bde chen lam la dgod// lam gyi nang nas nye lam 'dir rdzogs pa// zabs kyi nang nas ma nor dam pa ste// zag med byang chub sems kyis gter sbas pas// dus gsum sangs rgyas sems can gnyis med de// mi 'dzad gter gyi dngos grub thob par 'gyur// zhes bka' stsal to// hUM dur khrod gsang ba
- 20b
mchog gi dkyil 'khor du// 'phrul zhal yid bzhin b+han+d+ha'i rdzas mchog dang // ma rig mun sel me mar dgu po dang // zla gam bco brgyad gsang ba'i gnas 'di ru// ngan song 'khor ba rnams kyang bsgral lags la// dus gsum rgyal ba rnams kyang mchod lags shing // dpal chen he ru ka yang bsgrubs lags te// ma sring rgya mtsho rnams kyang bsgrubs lags la// dngos grub byin rlabs mchog rnams blang lags shing // mi gnas ye shes thugs kyang bsgrubs lags kyis// dang po'i gnas mchog chos kyi dbyings su gshegs// de nas slob dpon gyis smon lam btab ste/ mi gnas ye shes chen po thugs kyi dkyil 'khor du// 'gyur ba med pa lhun gyis grub pa dang // rab 'byams rgyal ba'i bka' la dbang thob nas// 'gro ba yongs kyi dpal du 'gyur bar shog/ 'di lta bu yi man ngag lung ston pa'i// bka' drin che ba'i dge ba'i bshes gnyen dang // srog gi lu gu rgyud kyis sbrel pa rnams// 'og min lhun gyis grub pa'i gnas mchog tu// dus gsum 'du 'bral med par 'grogs pa dang // gsang ba chen po thugs kyi dkyil 'khor du// bla med sku gsung thugs su grub par shog/ de nas phur pa cod pan bkrol la// gtor ma gcig bshams la// rgyal chen dang phyogs skyong la bsngos la// mtshams glod lus bsrung / bzod par
- 21a
gsol/ rdo rje rigs kyi sgrub lugs khro bo puN+Da rI ka'i rgyud las/ zla gam bco brgyad pa'i dkyil 'khor sgrub lugs te gsum pa'o// // de nas bcom ldan 'das dpal he ru kas/ sku gsung thugs yon tan phrin las las phyung ste/ ma traM zhal gyi dkyil 'khor gyi sgrub lugs 'di gsungs so// phun sum tshogs par zhir ldan nas// rdzas dang sa gzhi brtag par bya// sa bdag rnams la sa rin gzhal// blang dang sbyang ba tshul bzhin bya// phyogs bzhi dag tu mtho bzhi brtsig/ bsrung dang mtshams kyi las rnams bya// mtshams kyi dus phur bu dar gyi cod pan btags la// oM badz+ra kro d+ha kI li kI la ya hUM phaT/ ban+d+ha ban+d+ha hUM phaT/ gardza gardza hUM phaT/ ha na ha na hUM phaT/ da ha da ha hUM phaT/ pa tsa pa tsa hUM phaT/ b+hin+da b+hin+da hUM phaT/ hu lu hu lu hUM phaT/ tiSh+Tha tiSh+Tha hUM phaT/ ts+tshin+da ts+tshin+da hUM phaT/ s+pho Ta s+pho Ta hUM phaT/ stegs bu 'dom gang sa bcu la gdab/ de nas ma traM mnan par bya ste/ ma traM bya ba'i sdig can khyod/ sngon yang dpal chen he ru kas// bsgral nas dur khrod chen por mdzad// da yang rnal 'byor dbang phyug gis// bsgral nas dkyil 'khor chen por mdzad// dzaHhUM baM hoHma hA shri he ru ka/ ma traM rA tra/ ha na ha na/ ha ha ha ha/ pra be sha ya hUM phaT/ bcom ldan 'das kyis bka' stsal pa/ mi g.yo phyag rgya chen po yis// rA tra chen po bsgral
- 21b
nas ni// mgo ni lho nub mtshams su bstan// rkang pa byang shar mtshams su bstan// ma traM mgo lus yan lag la// dkyil 'khor bcu gcig bri bar bya// dkyil du mthing nag gru gsum bya// yam shing dag gis brdzangs nas ni// sbyin sreg rnam gsum tshul bzhin bya// snying gar gru gsum sum brtsegs la// dkyil 'khor bang rim gsum pa bya// phur bu nyi shu rtsa bdun dgod// lte bar gru gsum mthing nag la// tshal bu dgu la kha T+wAM dgu// phur bu bcu dang sbags la gzhag/ steng 'og phyogs mtshams brgyad du gzhag/ gnas brgyad dag tu dkyil 'khor bri// bskal pa'i me ri 'bar bas bskor// gzhung bzhin rdzas kyang dgod par bya// b+han+d+ha mtshan dang ldan pa la// dpal chen yab yum mtshan bris te// bang rim dang po'i steg du gzhag/ bar ma me mar dgu po dgod// tha ma b+han+d+ha mtshan ldan bzhir// rigs bzhi yab yum dgod par bya// dkyil 'khor chen po brgyad po la// ma mo chen mo brgyad dgod do// dbus nas rang byung grub pa'i lha// thugs mchog badz+ra he ru ka/ dur khrod chen po'i gnas chen 'dir// ye shes 'bar ba'i klong dkyil du// ma traM bsnol ba'i gzhal yas la// dgyes shing brtan par bzhugs su gsol// shar nas rang byung grub pa'i lha// sku mchog bud+d+ha he ru ka/ dur khrod chen po'i gnas chen 'dir// ye shes 'bar ba'i klong
- 22a
dkyil du// ma traM bsnol ba'i gzhal yas la// dgyes shing brtan par bzhugs su gsol// lho nas rang byung grub pa'i lha// yon tan rat+na he ru ka/ dur khrod chen po'i gnas chen 'dir// ye shes 'bar ba'i klong dkyil du// ma traM bsnol ba'i gzhal yas la// dgyes shing brtan par bzhugs su gsol// nub nas rang byung grub pa'i lha// gsung mchog pad+ma he ru ka/ dur khrod chen po'i gnas chen 'dir// ye shes 'bar ba'i klong dkyil du// ma traM gi ni gzhal yas la// dgyes shing brtan par bzhugs su gsol// byang nas rang byung grub pa'i lha// phrin las karma he ru ka/ dur khrod chen po'i gnas chen 'dir// ye shes 'bar ba'i klong dkyil du// ma traM gi ni gzhal yas la// dgyes shing brtan par bzhugs su gsol// rgya gar yul nas grub pa mo// ma mo chen mo go rI'i gnas// dur khrod chen po'i gnas chen 'dir// 'di yi lag pa g.yas pa la// dgyes shing brtan par bzhugs su gsol// li yi yul nas grub pa mo// ma mo chen mo tso'u ra'i ma// dur khrod chen po'i dkyil 'khor 'dir// 'di yi lag pa g.yon pa la// dgyes shing brtan par bzhugs su gsol// bal po'i yul nas grub pa mo// ma mo chen mo pra mo ha// dur khrod chen po'i gnas chen 'dir// 'di yi rkang pa g.yon pa la// dgyes shing brtan par bzhugs
- 22b
su gsol// tho gar yul nas grub pa mo// ma mo chen mo be hA lI// dur khrod chen po'i dkyil 'khor 'dir// 'di yi rkang pa g.yas pa la// dgyes shing brtan par bzhugs su gsol// za hor yul nas grub pa mo// ma mo chen mo puk+ka sI// dur khrod chen po'i gnas chen 'dir// 'di yi dpral bar bzhugs su gsol// u rgyan yul nas grub pa mo// ma mo chen mo g+hasma rI// dur khrod chen po'i gnas chen 'dir// 'di yi mkhal ma g.yas pa la// dgyes shing brtan par bzhugs su gsol// sing ga'i yul nas grub pa mo// ma mo chen mo sma sha nI// dur khrod chen po'i gnas chen 'dir// 'di yi mkhal ma g.yon pa la// dgyes shing brtan par bzhugs su gsol// gling dgu'i yul nas grub pa mo// ma mo chen mo tsan+d+ra lI// dur khrod chen po'i gnas chen 'dir// 'di yi pho mtshan dkyil 'khor la// dgyes shing brtan par bzhugs su gsol// 'di yi dpung pa g.yas g.yon la// stag seng gnyis dang rgod kang gnyis// stod cing za ba'i tshul du gzhugs// brla ni g.yas dang g.yon pa la// wa sbyang gnyis dang bya rog 'ug/ stod cing za ba'i tshul du bzhugs// g.yas g.yon lag pa'i bo la gnyis la// lcags kyu zhags pa stod pa'i tshul// 'di yi rkang bo la g.yas g.yon la// lcags sgrog dril bu stod pa'i tshul// 'di yi 'khor lo'i sgal tshigs
- 23a
la// g.yag mgo can la sogs pa yi// dbang phyug nyi shu rtsa brgyad kyang // za zhing stod pa'i tshul du bzhugs// de nas rdzas dgram ste// lha bshos zla gam la/ rak+ta'i thig le dgu byas la// dam rdzas tshang ba'i gtor ma la// sprin chen gyi zhal khebs can spyan drang ngo // sgrub pa po'i mdun du b+han+d+ha'i bzed phor dang // dmar gyi ar+g+haM drang ngo // rdzas kyi dkyil 'khor sgrub lugs so// dkyil 'khor gru gsum sum brtseg la/ phur bu nyi shu rtsa bdun dgod// ma nor lhun grub dbyings kyi dang // rang bzhin lhun gyis grub pa'i klong // de las sems kyi 'bras bu bskyed// gdod nas ma skyes lhun gyis grub// de nas gzhal yas byang chub sems// de ni rgyu 'bras ma bkag chos// de nas phur bu byang chub sems// rgyu 'bras gnyis ka mya ngan 'das// de nas bdag gi byang chub sems// srid pa gsum la dbang bskur zhing // bcom ldan 'das dang skal pa gcig/ gsang ba byang chub sems su bstan/ khams gsum ye shes bskyed pa'i phyir// grub pa'i ye shes tshon gang ba// gsang ba sngags kyis btab nas ni// sku dang ldan par rab brgyan te/ khams gsum khro bos gang bar mdzad// mnyam nyid rig pa'i rtsal 'phang gis// bsgral nas hUM gi rang bzhin te// phung po chos sku thob par 'gyur// sku gsum rgyal ba'i sras su skye/ khams
- 23b
gsum kun gyi don byas nas// spros pas stong gsum lhun gyis grub// snang srid srog ste sangs rgyas thugs// sku gsung thugs kyi sa bon te// snang srid he ru ka yi thugs// thams cad rab tu brjid bsgral bas// de nas sems nyid mya ngan 'das/ khams gsum dur khrod khrag yin te// thugs rje chags pas bsgral phyir ru// snang srid gdar sha bcad nas kyang // spyod pa rnam pa bcu dang ldan// mdzad spyod thams cad kun bzang klong // thams cad yi ge hUM ni skal pa bzang // snang srid dbang du 'dus nas kyang // snang srid kun las 'das par bsgom// gzung 'dzin rnam gnyis gtan spangs nas// rig pa'i ye shes skad cig la// snang srid gnyis 'dzin rtogs pa rnams// bsad pa las kyang mya ngan 'das// snang srid mya ngan las 'das pas// kun bzang klong du ngang gis sbyor// srid pa gsum yang mya ngan 'das// snang srid 'khor ba'i skye rgyun bcad// byang chub sems kyi gol sa bcad// de ni byang chub sems kyi don// byang chub sems kyi phur bu 'di// dril bas 'khor ba rtsad nas bcad// snang srid phur bus thebs zhes bya// snang srid thig le'i ngang du rdzogs// lte ba gru gsum mthing nag la// zur la thod pa zhal gsum bri// gzhung bdun dgra sta brgyad kyang dgod// phur bu dgu dang kha T+wAM dgu// rtsang dmar drug cu rtsa brgyad
- 24a
dgod// dbus su rdo rje rgya gram mo// ske tshe sha khrag len cha rnams// dug dang bsres la gtor ma bya// thugs rje chen po'i zhi ba las// gdug pa'i las rnams gtan spangs te// shin tu gdug par gtum po la// zhi bas 'dul bar mi 'gyur te// shes rab thabs kyi sbyor ba yis/ khros pa'i sku mchog 'bar ba dang // sprul pa'i khro bo mang po yis// gdug byed ma lus btul nas ni// dug gsum rtsa ba bcad nas ni// gtan du 'pho ba'i las rnams bya// 'byung ba'i dgongs pa gtan 'pho'i las bya'o// de nas ting 'dzin rnam gsum bskyed// 'dzab dbul 'dzab them pa dang / dngos grub gsol/ phrin las bcol/ gtor ma dgong dang tho rangs gtang / sbyin sreg gzhung bzhin bya/ bsgrub pa mthar phyin pa dang // gtor ma gcig rgyal chen bzhi dang phyogs skyong ba bsngos la// gtang rag gtang // rdo rje rigs kyi sgrub lugs khro bo puN+Da rI ka'i rgyud las/ ma traM zhal gyi sgrub lugs te bzhi pa'o// // de nas dpal he ru kas sku gsung thugs yon tan phrin las dug gsum gyi dkyil 'khor bang rim gsum pa 'di gsungs so// phun sum tshogs pa bzhir ldan nas// gnas dang sa gzhi brtag par bya// 'jig rten sa bdag lha klu la// sa rin gzhal nas sa bslang ngo // sa gzhi de yi phyi rim du// tho bzhi dag kyang gzug
- 24b
par bya// spyan drangs byin gyis brlabs la bzhag/ bsrung dang mtshams kyi las rnams bya// byang chub mchog tu sems bskyed la// phyi yi spang skong gzhung bzhin bya// gzungs ma byin brlab thig skud bkal// rtsa ba'i dkyil 'khor chen po la// bsgrub lugs chen po bco brgyad do// yang dag thabs mchog rdzogs pa yis// sangs rgyas bde chen gcig pu nyid// 'bras bu'i bde chen kun 'dus pas// rnal 'byor zab mo sku gsum rdzogs// nges par brtags pa'i sa gzhi la// slob ma nges pa'i lung 'di bstan// ro yi sgrub thabs chen po ni// lung dang man ngag gtan tshigs so// blta ba 'di las ma 'das na// bsgrub pa rnams kyang de bzhin bsgrub// stegs bu 'dom gang gru bzhi la// bar ma mthing nag gru gsum pa// ya tha dmar nag zla gam mo// b+han+da mtshan dang ldan pa la// dpal chen he ru yab yum bris la bzhag/ tshom bu brgyad la go rI ma brgyad bris la bzhag/ tshil chen gyi me mar dgu btang / bar ma la sha chen dang zhing ras/ tha ma la phyag rgya bzhi dgod/ phur bu dar gyi cod pan can bcu khro bo bcu'i rdzas su dgod de/ thub par bya ba'i dam tshig dang / gtsang dang 'jigs pa'i brtul shugs can/ de dag goms nas nyams su blang // blo zhan shes rab chung bas ni// bsgrubs kyang 'grub par mi 'gyur te// phung byed gnyis ka bsreg byas
- 25a
nas// de bas gzhan du spel ba med// phun sum tshogs pa bzhir ldan nas// rdzas dang sa gzhi brtags nas ni// dkyil 'khor dmar nag gru bzhi la// dbus su 'khor lo rtsibs brgyad bya// de yi dbus su ro bzhag nas// snang mdzad sku ru bsgoms nas ni// de la rtsa ba'i sngags kyis gdab// rdzogs pa'i blta ba'i ngang du bzhugs// mtshan ma byung nas dngos grub blang // mtshan ma dka' na sgrog par bya// rdo rje rigs kyi sgrub lugs khro bo puN+Da rI ka'i rgyud las/ dug gsum bang rim gsum pa'i sgrub lugs te lnga pa'o// // de nas dpal he ru kas/ sku gsung thugs yon tan gyi sgo nas/ phrin las kyi sgrub pa zla gam drug cu rtsa brgyad pa'i sgrub lugs 'di gsungs so// phun sum tshogs pa bzhir ldan nas// gnas dang sa gzhi brtag par bya// sa bdag rnams la sa rin gzhal// bslang dang sbyang ba tshul bzhin bya// phyogs bzhi dag tu mtho bzhi btsug/ bsrung dang mtshams kyi las rnams bya// sdig sbyang byang chub sems kyang bskyed// phyi yi spang skong gzhung bzhin bya// dkyil 'khor 'dom gang gru bzhi la// gzungs ma byin brlabs thig skud bkal// dkyil 'khor chen po'i thig gdab bo// 'khor lo rtsibs brgyad mu khyud bcas// sgo bzhi dag dang ldan par bya// de yi phyi rim snam bu ni// dmar po sgo bzhi ldan par bya// de yi
- 25b
phyi rim me ri la// lag chu hA dang ldan par bya// dbus su dpal chen yab yum la// de yi phyi rim khrag 'thung yab yum mo// rtsibs la go rI ma brgyad dgod// rtsibs mtshan la sing ha ma brgyad dgod// sgo bzhi dag tu phyag rgya ma// de yi phyi rim dmar nag la// dbang phyug nyi shu rtsa brgyad dgod// de yi phyi rim lag chu hA/ khro bo chen po bcu rnams dgod// ba su ta yi rgyu 'phreng gis// dkyil 'khor chen po bskor bar bya// 'gebs pa'i g.yang gzhi chen po ni// bla re dag tu bri bar bya// dgu 'am drug cu rtsa brgyad dgod// de nas sgrub pa po rgyan bzhi dang dbang yang bskur ro// de lta bu yi dkyil 'khor la/ rdzas dgram pa ni// lha bshos zla gam la/ rak+ta'i thig le dgu byas pa dang / dam rdzas tshang ba'i gtor ma la/ sprin chen gyi zhal kheb can drang ngo // b+han+da'i bzed phor tshil chen gyi me mar/ dmar gyi ar+g+ha dang bcas pa dgram mo// de nas zhi ba'i dkyil 'khor bskyed/ 'dzab rdzogs pa dang / stong tshigs kyi mchod pa 'bul/ dngos grub gsol/ gtor ma dgong dang zo rangs gtong / slad ma yang drang / lha bskyed mchod pa dbul/ 'dzab grangs/ de nas bsgrub pa phyin pa dang / gtor ma tsho gsum du bcad la/ tsho gcig la sbyin sreg bya/ tsho gcig mi zad pa'i gter du sba/ de nas pra we shas sgo dbye dkyil 'khor nas byung / dbang bskur yon phul/
- 26a
gtang rag btang / de nas phyi rol du gtor ma cha gcig srung ma la mchod/ slar gshegs su gsol/ rdo rje rigs kyi sgrub lugs khra bo praN+Da re ka'i rgyud las/ zla gam drug cu rtsa brgyad pa ste drug pa'o// // de nas dpal he ru kas sku gsung thugs yon tan phrin las kyi sgo nas/ 'khor lo rtsibs brgyad gang bu gcig pa'i sgrub lugs 'di gsungs so// phun sum tshogs pa bzhir ldan nas// gnas dang sa gzhi brtag par bya// sa bdag lha klu thams cad la// sa rin bcal te sa bslang ngo // sbrang dang bsrung ba tshul bzhin bya// de nas bsgrub pa gzhung bzhin bya// dkyil 'khor 'khor lo rtsibs brgyad la// dur khrod chag chag rnam gsum bya// dbus su b+han+d+ha mtshan ldan gzhag/ shar du b+han+da zlum po gzhag/ lhor sul mangs gzhag/ nub tu zla gam gzhag/ byang du gru gsum gzhag/ dbus su dri chen/ shar du byang sems/ lhor sha chen/ nub tu pad+ma rak+ta/ byang du dri chu/ dbus su glang po che la sogs pa rmig pa kha brag/ shar du stag dang seng ge la sogs pa mche ba can/ lhor mi la sogs te rkang le ba// nub tu rta la sogs te rmig zlum/ byang du nam mkha' lding la sogs te 'dab chags/ dbus su ka ko la/ shar du ru ka/ lhor dzA ti pa la/ nub tu ti ki sham/ byang du lce pog dkar po/ dbus su a ru ra/ shar du ga bur/
- 26b
lhor gur gum/ nub tu li ga dur/ byang du rtsi bo che/ dbus su oM/ shar du hUM/ lhor swA/ nub tu AM/ byang du hA/ dbus su dpal chen po yab yum/ phyogs bzhir rigs bzhi yab yum/ b+han+da tshal bu brgyad la/ go'u rI la sogs brgyad kyi snying po bri la dgod/ til gyi mar me/ dur khrod kyi ro ras/ 'di skor yig nor phrin yod 'dra/ yum ni dus gsum gyi phye ma/ zla gsang dkar dmar rlung dkar lci/ nyung yang pany+tsa yan bcad do// mi phyed pa ni bdud gnas pa'i// thugs kyi dngos grub dam pa ni// re dogs med par dngos grub blang // de tshe 'bras bu gdams par bya// ma dag pa ni mtshams bcad do// las kyi gtsor ni bskang gso bya// sbrang dang btsag dang sbal pa dang // nan tan gyis ni brtson 'grus bya// the tshom med na nges par 'grub// ces bka' stsal pas shin tu rnal 'byor gyi dbang phyug chen po yi rangs te// bcom ldan 'das kyis gsungs pa la bstod pa// e ma'o sangs rgyas las byung ba'i/ byang chub bde chen nyid la rdzogs/ 'khor lo rtsibs brgyad gang bu gcig pa'o// dkyil 'khor 'khor lo rtsibs brgyad la/ sman dang 'o ma gnyis bsres te/ lcags kyi bar bu steng dang bcas/ de yi steng du mtshan ldan gzhag/ dar dkar dag gis kha bcad de/ gzungs thag dag gis btags la bsgrub/ rdo rje rigs kyi sgrub lugs khro bo puN+Da ri ka'i
- 27a
rgyud las/ 'khor lo rtsibs brgyad pa'i sgrub lugs te bdun pa'o// // de nas bcom ldan 'das he ru kas/ sku gsung thugs kyi dkyil 'khor nas/ bdud rtsi chen pos sgrub lugs pad+ma 'dab brgyad phye ma sbyang ba'i dkyil 'khor gyi sgrub lugs 'di gsungs so// phun sum tshogs pa bzhir ldan nas// gnas dang sa gzhi brtag par bya// sbrang dang blang ba tshul bzhin bya// de nas sgrub pa gzhung bzhin bya// bdud rtsi'i sgra las drangs nas// b+ha ga pad+ma ldan pa ru// thabs dang shes rab ldan pa ru// thams cad ye shes lnga ru 'grub// dkyil 'khor 'dom gang gru bzhi ru// dur khrod chag chag rnam gsum gdab// d+ha ra hi zhes brjod nas ni// pad+ma 'dab brgyad thig tu gdab// de nas pad+ma 'dab brgyad du byas la/ de'i phyi rim du zla gam dmar po sgo yod pa bri/ mtha' rdo rje'i ra bas bskor ba bri/ de nas rdzas dgram pa ni/ dkyil 'khor dbus su b+han+d+ha mtshan ldan sul med ces bya ste// srubs med pa gzhag shar du b+han+da sul 'greng zhes su ste/ tshangs pa'i skud pa can gzhag/ lhor b+han+d+ha sul mangs zhes bya ste// gtsug na 'bur bzhi yod pa gzhag/ nub tu b+han+d+ha zla gam zhes bya ste// gshong bu gnyis pa gzhag/ byang du rgya gram zhes bya ste// gshod bu bzhi pa gzhag/ dbus su byang chub sems/ shar du dri chen/ lhor sha chen/ nub
- 27b
tu pad+ma rak+ta/ byang du dri chu/ dbus su pa na se/ shar du a ru ra/ lhor smin pa a mra/ nub tu gu na ba ta/ byang du ne ba ta/ dbus su a ru ra/ shar du ga bur/ lhor rgun 'bru/ nub tu pa na se/ byang du na li ke ra/ dbus su ka ko la/ shar du du ru ka/ lhor dzA ti pha la/ nub tu ti ki sha ma/ byang du lce pog dkar po/ dbus su dzA ti pha la/ shar du ga phur/ lho ru ba lig/ nub tu li shi byang du kyi lce dkar po/ dbus su se'u 'bru/ shar du sug smel/ lhor li dong gra/ nub tu shing tsha/ byang du mu la/ dbus su tsong zhi/ shar du brag zhun/ lhor til zhun/ nub tu sbrang rgod/ byang du yung mar/ dbus su dzA ti pha la/ shar du ga bur/ lhor ba log/ nub tu li shi/ byang du kyi lce dkar po/ dbus su gangs chu/ shar du mtshe chu/ lhor 'bab chu/ nub tu 'dam chu/ byang du nag chu/ chu sna 'di skor 'dra min yang bas dpyad/ dbus su hUM/ shar du oM/ lhor swA/ nub tu AM/ byang du ha/ sman sna stong / dkyil 'khor gyi dbus su gzhag par bya/ sdong po yal ga me tog dang // lo ma 'bras bu shun pa dang // mi chen kla klo'i snying la sogs// gzhung bzhin 'byor pa de ni gzhag/ de nas bdud rtsi bsgrub pa ni// dbus su b+han+d+ha mtshan ldan la/ yab yum snying po bris la gzhag/ phyogs bzhi dag gi zla gam la// b+han+da mtshan dang ldan pa la// rigs bzhi'i snying po bri la gzhag/ de yi phyi rim zla gam
- 28a
la// tshal bu brgyad la ma brgyad bris// dkyil 'khor phyi rim bskor la gzhag/ dkyil 'khor chen po'i mtha' skor du// sha dang zhing gi ras ma gzhag/ zhal zas tshang ba'i gtor ma la// sprin chen gyi zhal khebs kyis bkab la drang ngo // b+han+d+ha'i bzed phor dmar gyis ar+g+ha drang ngo // dkyil 'khor gzhung bsrang ngo // chos sku ye nas dag pa la// sgyu mas bslad pa ma yin yang // rang rig byang chub sems kyi nga // dug lnga ye nas bdud rtsi lnga// rnam par dag pa'i 'bras bu ste// sku lnga ye shes lnga ru gsal// mu tig dkar po dri med dang // tsan dan smug po rma med dang // bse phor mtshan ldan srub med dang // rgya phor nang dmar gzhung ldan dang // bdud rtsi chen po'i don ldan dang // chos nyid chen po rang rtags dang // bde ba chen po rgyu gcig brgyad// de brgyad tshogs pas dpal dang ldan// bdud rtsi zhes ni de la bya// kun tu bzang mo yum gyi gzhal yas su// thabs dang shes rab ldan pa'i byin rlabs las// snod bcud bdud rtsi bye brag rab sbyangs te// thams cad ye shes lnga ru gyur nas kyang // 'bras bu'i sku gsung thugs su rab sgrub ste// skye shi med pa'i bdud rtsi chen por bya// de nas btag dang btsag par bya'o// de nas b+han+d+ha mtshan ldan la// btag pa tsag tshar nas blugs nas ni// dar dkar dag gis kha bcad de// gsang ba'i
- 28b
rgya yis btab nas ni// gzungs thag dag gis btags nas ni// dbus su btags la bskor bar bya// oM A hUM/ sarba pany+tsa a mr-i ta kuN+Da li hUM hrI thA/ oM dz+nyA na badz+ra hUM phaT/ bzlas shing bsgrub pas rtags rnams 'byung // rtags rnams myur du ma byung na// spogs dang sbyar ba'i las rnams bya// 'od dang du ba dri dang sgra// lha mo'i gzugs kyang ston par byed// de tshe dam tshig gzungs ldan pas// yi dam lha la mchod pa 'bul// nyi zla pad+ma'i gdan stengs su// b+han+da dpal dang ldan par bsgom/ b+han+da dpal dang ldan bsgoms pas/ chos nyid rnam par dag pa'i ngang / dang por lha la mchod byas pas// lha dang gnyis su med pa ste/ yi dam lha yi thugs dam bskang // lta ba rdo rje thig chen no// nam mkha' rdo rje mtha' yas par// 'khor lo rdo rje bskor bskul zhing // 'di ni pany+tsa a mr-i ta// lha la mchod pas thugs dam bskang // rnal 'byor mched la mchod byas pas// bzhi brgya rtsa bzhi'i nad bsal nas/ ngan song sbyong shing mtho ris thob// mi mthun bgegs la gtor byas pas// brag po gtum po'ang lhan ner 'gyur// oM AHhUM/ pany+tsa a mr-i ta kuN+Da li hUM hrI thA// de nas dngos grub gsol te// oM dpal ldan rdo rje sku 'chang ba// rdo rje me phyed sku dang ldan// deng bdag sangs rgyas sku 'dzin pas// byin gyis brlab pa'i gnas mdzod cig/ oM sarba ta thA ga
- 29a
Na ka ya brda sa b+hA la at+ma kaH/ ma dpal ldan rdo rje gsung 'chang ba// rdo rje ma byed gzung dang ldan// dang bdag sangs rgyas gsang 'angan pas// byin gyis brlab pa'i gnas mdzad cag sarba ta thA ga ta wA ka swa b+ha wa At+ma kony+dza haM// hUM dpal ldan rdo rje thugs 'chang ba// rdo rje'i mi phyed thugs dang ldan// deng 'dir sangs rgyas thugs 'dzin pas// byin gyis bslab pa'i gnas mdzod cig/ oM sarba ta thA ga ta ma hA tsit+ta badz+ra swa b+hA At+ma ko&haM// bdud rtsi'i sgra las drangs nas kyang // b+ha ga pad+ma ldan pa ru// thabs dang shes rab ldan pa yis// thams cad ye shes sku ru 'grub// las 'di'i lung gis bsgrub bya ba// mi spang ba dang dang du blang // spyad pa'i dam tshig bco lnga bsrung // de yang ma hA sa ma ya/ bzhi po rdzogs nas kun tu bzang // zhi rgyas dbang dang mngon spyod pa// mnan zlog dug ni gcig tu'o// de nas bdud rtsi grub pa dang // tsho gcig ye shes lha la 'bul// tsho gcig slob dpon sgrub pa po la 'bul// tsho gcig rnal 'byor yongs la drang // bdud rtsi byang chub sems kyi rang bzhin la// ye shes lnga ru sgrub pa 'di// tsho gcig ye shes lha la 'bul// ye shes lha la mi 'bul rgyu// sku gsung thugs kyi mnga' bdag lags// tsho gcig slob dpon yab la 'bul// slob dpon yab la mi 'bul rgyu// sgrub po rnams kyi mnga'
- 29b
bdag la// tsho gcig rnal 'byor yongs la drang // rnal 'byor yongs la mi 'dren rgyu// dngos grub yongs kyi skal pa lags// de nas bsgrub pa phyin pa dang // gtor ma tsho gsum du bcad la/ gcig sbyin sreg bya/ gcig gis mkha' 'gro ma bya skyong // gcig mi zad pa'i gter du sba/ pra be shas sgo dbye/ dbang bskur/ dkyil 'khor bsdu/ gtor ma cha gcig mgon po la gtang rag gtang // gats+tshas gshegs su gsol// bar chad med las dag tu bya/ gcig la gcig bzod par gsol/ bshags pa bya/ gtang rag gtang / rdo rje rigs kyi sgrub lugs khro bo puN+Da rI ka'i rgyud las/ sman phye ma sgrub lugs te brgyad pa'o// // de nas bcom ldan 'das dpal he ru kas/ sku gsung thugs kyi dkyil 'khor las/ bdud rtsi chen po'i sgrub lugs 'di gsungs so// phun sum tshogs pa bzhir ldan nas// gnas dang sa gzhi brtag par bya// bslang dang sbyang ba tshul bzhin bya// de nas sgrub pa gzhung bzhin bya// thams cad ye nas dag pa la// lo tog rnam pa gnyis su 'grub// thams cad 'byung ba lnga las skyes// thams cad tshang zhing dri med las// rnam rtog mi mthun so sor gyur// la la'i sman la la la'i dug/ sman du ma gyur gang yang med// dug tu ma gyur gang yang med// thams cad ma lus rgyu gcig las// mi mthun khyad par so
- 30a
sor snang // sus kyang ma byas su byed yod// rnam rtog zhags pas so sor bcings// lus gnas longs spyod sna tshogs dang // sdug bsngal 'khrul 'khor sna tshogs dang / khams gsum phyin rtsa log bzhi dang // nyon mongs sdug bsngal sbyong bar byed// rnam par thar pa lnga rdzogs te// sa bcur rdzogs te sangs rgyas byed// de phyir sman 'di rab tu bsgrub par bya// kun la phan pa sman yin pa// de phyir nga dang bdag ma 'dzin// gtsang dang sme ba'i blo rtog bor// thams cad mnyam pa nyid du spyod// rtsa ba byang chub sems nyid rdzogs// thabs kyi pha rol phyin pa spyod// snying rjes chud ma zos par gyis// bdud rtsi'i chos ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub sems// bdud rtsi'i las ni rnam rtog sbyong // bdag gi dpal tshogs 'gro don mdzod// sman gyi byin rlabs bsam mi khyab// ngan song skrangs shing bla med sgrol// gser 'gyur sman dang mun sel zhing // gzhan yang dgos pa sna tshogs 'grub// rkyen las gyur pa'i dug rnams dang // rtsa ba'i dug dang sbyar ba'i dug/ klu dug rgod gtong dug la sogs// thugs rje chen po'i byin rlabs kyis// dus rnams ma lus 'dul ba'i phyir// dkyil 'khor ma lus tshang bar bsgom// de nas dkyil 'khor dbyings su bstim// dang po dkyil 'khor
- 30b
bskyed pa ni// bdag nyid bdud rtsi 'khyil bar bsgom// sku mdog gangs la nyi shar 'dra// zla ba pad+ma'i gdan khri la// nyi ma stong gi dkyil 'khor ldan// lha dang lha mo'i tshogs kyi bdag/ khro bo khro mo'i dkyil 'khor bcas// gnas dang yul gyi phyag rgyar bcas// 'khor lo rtsibs brgyad mu khyud bcas// dbus su bdud rtsi 'khyil pa ste// shar du rdo rje sems dpa' nyid// lho ru rin chen 'byung ldan te// nub tu snang ba mtha' yas so// byang du don yod grub pa'o// thabs dang shes rab ldan par bsgom// phyag rgya rnams kyang gsal bar bsgom// snying po 'bru gcig gsal bar bzlas// de nas bdud rtsi'i phyag rgya ni// b+han+da yid bzhin 'bar ba ste// re ba yid bzhin skong bar byed// nyon mongs sdug bsngal sel bar byed// 'dod pa'i yon tan ldan par byed// dngos grub chen po bla med pa'o// bdud rtsi char bzhin 'bebs par byed// sgo bzhi phyag rgya bzhi dang ldan// a mr-i ta yi rgyu 'di ni// byang chub sems dang sha chen dang // dri chen dri chu mAM sar bcas// pad+ma rak+ta la sogs te// gzhan yang 'dod yon sna tshogs bcas// dbye ba'am yang na mi dbye bar// bdud rtsi nyid du byin gyis brlab// rtog pa'i bag chags sbyang ba'i phyir// gtsang sme med par bza' bar bya// dbyings su yang ni thim par bya// phyag rgya 'od zer 'bar bar bsgom// bzhi
- 31a
brgya rtsa bzhi'i nad bsal nas// dug gsum sdug bsngal med pa dang // bskal par yun ring gnas pa dang // dngos grub chen po 'thob 'gyur te// tshogs gnyis rdzogs zhes yang dag gsungs// de nas sman tsho gsum du bgo/ gtor mtsho gsum du bcad/ gcig mi zad gter du sba// gcig la sbyin bsreg bya/ gcig la mkha' 'gro ma bskyang / sgo dbye dbang bskur ro// dkyil 'khor bsdu/ bar chad med pa'i las drag tu bya/ gcig la gcig bzod par gsol/ bshags pa bya/ gtang rag gtang / rdo rje rigs kyi sgrub lugs khro bo puN+Da ra'i ka'i rgyud las/ bdud rtsi chen po'i dkyil 'khor sgrub lugs te dgu pa'o// // de nas dpal he ru kas/ sku gsung thugs kyi dkyil 'khor nas/ ting nge 'dzin gyi dkyil 'khor la tshe'i las 'di gsungs so// phun sum tshogs pa bzhir ldan nas// gnas dang sa gzhi brtag par bya// sbyang dang bslang ba tshul bzhin bya// bcom ldan tshe dpag med pa yi// thugs kar sems dpa'i hUM las ni// dbus su A dkyil bsam pa ni// bin dur gyur pas A yu'o// steng du baM las rdo rje yi// lu gu rgyud kyis rgya gram du// 'di ni A yu bcing ba'o// de nas A yu dgug pa ni// lag sor bsnol mar bkro byas la// IM badz+ra mu ka ta ho// 'di ni lan gsum brjod pa yis// 'jig rten
- 31b
bcings pa bkrol 'gyur te// A yu dbang du sbas pa ni// lha mo dkar mo lcags kyu can// mang pos de bkug bsam pa ni// A yu dgug pa'i cho ga'o// de nas A yu bsnan pa ni// nA sa gnyis nas hUM bsgril nas/ khyad par sems can mang po yi// tshe zad nad pa bder 'gyur te// shes rab thabs su 'brel ba yis// bo d+hi tsit+tas dbang bskur ro// A yu'i steng du mu tig bzhin/ khu 'phang dkar po 'dril ba bzhin// 'di ni A yu bsnan pa'o// hUM ni rnam bzhi bkod pa yi// yum gyi phyag rgyar gyur pa yi// thams cad ma lus mkha' 'gro yi// dbang bsdus tshe dbang phun sum tshogs// thugs kar tshon gang gzugs las ni// skud pas me tog dkar po gnyis// sngags bzlas brgya rtsa brgyad dbul bya// langs nas gzi mdangs 'khrungs par 'gyur// snga ma'i rgya gram nang du ni// gzugs 'gyur bos nas spyi nas su// bsnyen pa'i bum pas dbang bskur ro// gzugs can dkyil 'khor de dbus su// b+han+da dpal dang ldan par bsgom// zla gam dmar po'i steng du ni// tshe yi dngos grub gsol byang gzhag/ bcol ba'i dngos grub gsol ba gdab// rdo rje rigs kyi sgrub lugs khro bo puN+Da rI ka'i rgyud las/ ting nge 'dzin gyi tshe sgrub pa ste bcu pa'o// // de nas dpal he ru kas sku gsung thugs kyi dkyil 'khor nas gsang ba'i dkyil
- 32a
'khor la tshe sgrub pa 'di gsungs so// phun sum tshogs pa bzhir ldan pas// gnas dang sa gzhi brtag par bya// btsal dang bzung ba bslang ba dang // sa gzhi yongs su sbyang bar bya// dkyil 'khor 'dom gang gru bzhi brtsig/ tsa da dar hi zhes thig gdab// dkyil 'khor pad+ma 'dab brgyad la// dbus su zla gam gcig pa la// mtha' la rdo rje'i ra bas bskor// sgo bzhi pa dang ldan par bri// b+han+da mtshon dang ldan nang du// chang dang tshe 'bras kyis bkang ste// b+han+d+ha gcig la mgon po tshe dpag med yab yum bris te// b+han+d+ha kha sprod du byas te/ sgrub pa po yab yum gsang mtshan dang dngos grub ci gsol ba bris la gzungs thag gis btags la dbus su gzhag/ de yi phyi rim ste khyams la/ b+han+da tshal bu bzhi la/ yab yum bzhi bris la gzhag/ shar du dpal rdo rje sems dpa'/ lhor rin chen 'byung ldan/ nub tu rnam par snang mdzad yab yum/ byang du don yod grub pa yab yum/ sgo bzhir tshal bu bzhi la sgo ba bzhi bris la dgod/ til gyi me mar dgod/ de'i phyi rim du mda' dar sna can bzhi gzug/ rgyan cha rnams kyang dgod par bya'o// de'i phyi rim du phur bu dar gyi cod pan can bcu thams pa khro bo bcur mnga' gsol/ de nas mchod pa dgram pa ni/ lha bshos zla gam la/ rak+ta'i thig le dgu byas pa dang dam rdzas tshang ba'i
- 32b
gtor ma b+han+da'i bzed phor/ dmar gyi ar+g+ha drang ngo // mkha' 'gro ma'i khrus bya/ rtags dang mtshan mas gdab bo// rgyan spel te bzhugs so// rdzas kyi dkyil 'khor tshom bu lngar/ hUM nub phyogs pad+ma dbang gi dkyil 'khor nas// byams ldan mgon po tshe dpag med// thugs kyi dpal be'u zla gam ga'u nas// byang chub sems kyi A yu dmar po 'di// rtse gcig bdag cag sgrub pa'i tshe lags na// byin gyis brlabs shing bdag la tshe dbang stsol// phyag rgya'i tshogs chen ye shes gsang ba'i tshe// 'byung ba dang ni 'bras bu byang chub sems// tshom bu lnga yi dkyil 'khor nas// bde gshegs yab lnga gsang ba'i thugs// sha yi/ khams nas tshe nyams na// sa yi khams nas dgug par bya// dus gsum rgyal ba'i yum mchog sangs rgyas spyan// 'jig rten drug gi phyogs bcu nas// 'byung ba sa yi khams rnams kun// gsang ba'i tshe ru byin brlabs nas// sha yi gnas su bstim par bya/ khrag gi khams nas tshe nyams na// chu yi khams nas dgug par bya// dus gsum rgyal ba'i yum mchog mA ma ki// 'jig rten drug gi phyogs bcu nas// 'byung ba chu yi khams rnams kun// gsang ba'i tshe ru byin brlabs nas// khrag gi gnas su bstim par bya// drod kyi khams nas tshe nyams na// me yi khams nas dgug par bya// dus gsum rgyal ba'i yum mchog na
- 33a
bza' dkar// 'jig rten drug gi phyogs bcu nas// 'byung ba me yi khams rnams kun// gsang ba'i tshe ru byin brlabs nas// drod kyi gnas su bstim par bya// dbugs kyi khams nas tshe nyams na// rlung gi khams nas dgug par bya// dus gsum rgyal ba'i yum mchog dam tshig sgrol/ 'jig rten drug gi phyogs bcu nas// 'byung ba rlung gi khams rnams kun// gsang ba'i tshe ru byin brlabs nas// dbugs kyi gnas su bstim par bya// yid kyi khams nas tshe nyams na// nam mkha'i khams nas dgug par bya// dus gsum rgyal ba'i yum mchog kun tu bzang // 'jig rten drug gi phyogs bcu nas// 'byung ba nam mkha'i khams rnams kun// gsang ba'i tshe ru byin brlabs nas// yid kyi gnas su bstim par bya// 'jig rten drug gi phyogs bcu na// me chu sa rlung la sogs te// 'byung ba chen po lnga yi rang bzhin no// 'gro ba yongs kyi tshe la dbang mdzad ma// shar phyogs dkar mo shel gyi zhing khams nas// dkar mo mgyogs ma zhi byed 'od zer 'phro ba'i tshogs// tshe dang gzi byin dgug pa'i las mdzad ma// rdo rje'i tshe mchog dgug pa'i las mdzod cig/ lho phyogs bai DUr+ya yi zhing khams nas// sngon mo drag shul 'od zer 'phro ba'i tshogs// tshe dang ye shes dgug pa'i las mdzad ma// rdo rje'i tshe mchog dgug pa'i
- 33b
las mdzod cig/ nub phyogs pad+ma dbang gi zhing khams nas// dmar mo dbang sdud 'od zer 'phro ba'i tshogs// tshe dang ye shes dgug pa'i las mdzad ma// rdo rje'i tshe mchog dgug pa'i las mdzod cig/ byang phyogs in+d+ra nI la'i zhing khams nas// mgyogs byed ljang gu 'od zer 'phro ba'i tshogs// tshe dang ye shes dgug pa'i las mdzad ma// rdo rje'i tshe mchog dgug pa'i las mdzod cig/ ting nge 'dzin gyis bsdus nas ni// 'od du gyur te dkyil 'khor dbus su bstim// zhes brjod do// rnal 'byor byang chub sems kyi A yu dmar po 'di// chos nyid skye ba med pa'i dbyings su bsdu// de la phyag rgya bdun gyis gdab// dang por sku gsung thugs kyi rgya// gnyis pa rdo rje rgya gram rgya// gsum pa rta mchog dbang gi rgya// bzhi pa gser gyi zor ba'i rgya// lnga pa gar mkhan mchog gi rgya// drug pa zla gam dbang gi rgya// bdun pa chos nyid dbyings kyi rgya// chos nyid dbyings su tshe sbas pas// dus gsum rgyal ba'i sangs rgyas kyang // de la gzung zhing gtang du med// de lta bu'i bsgrub pa mthar phyin nas// gtor mtsho gsum du bcad la/ tshe gcig sbyin bsreg bya/ tsho gcig gis mkha' 'gro ma bskyang / tsho gcig mi zad gter du skra/ sgo dbye dbang bskur/ bkra shis dbul/ rdo rje rigs kyi sgrub lugs khro bo puN+Da rI ka'i rgyud las/ rdzas dang dkyil 'khor la tshe
- 34a
sgrub pa ste bcu gcig pa'o// // de nas dpal he ru kas/ sku gsung thugs kyi dkyil 'khor nas/ tshe'i khro bo'i sgrub lugs 'di gsungs so// phun sum tshogs pa bzhir ldan nas// gnas dang sa gzhi brtag pa dang // dbus kyi gtso bo dpal pad+ma he ru ka yab yum gyi snying po bri/ b+han+na gcig tshe skyems dang / tshe 'bras kyis bkang nas/ b+han+na kha sprod du byas la/ gzungs thag gis btags la/ dbus kyi gtso bo la mnga' gsol/ de'i phyi rim pad+ma'i lte khyams la/ b+han+d+ha tshal bu bzhi la/ gsang ba'i yum bzhi bris la gzhag/ bar du dpal rdo rje he ru ka bris la gzhag/ go'u rI puk+ka sI/ sing ha gr-i D+ha ma dang bzhi/ lhor rat+na he ru ka/ 'khor tso'u rI/ g+hasma rI byA g+h+ri ma/ kang ka ma dang bzhi/ nub tu b+hud+d+ha he ru ka/ 'khor pra mo ha/ sma sha ni/ sr-i gA la ma/ ka ka ma dang bzhi/ byang du dpal karma he ru ka/ be ta lI/ tsan+da lI/ shra na ma/ u l+yA ma dang bzhi/ rdzas la khro bo'i dkyil 'khor bskyed/ de nas tshe bskul dgug pa dang / tshe bsdu zhing gnas bya ba la sogs pa bya/ rdo rje rigs kyi sgrub lugs khro bo puN+Da rI ka'i rgyud las/ khro bo tshe sgrub pa ste bcu gnyis pa'o// // de nas dpal rdo rje he ru kas/ sku gsung thugs kyi dkyil 'khor nas/ phrin las kyi dkyil 'khor la tshe sgrub pa 'di gsungs so// phun sum tshogs pa bzhir ldan nas// gnas
- 34b
dang sa gzhi brtag par bya// sbyang dang bsrung dang bslang bar bya// ma traM he yi dkyil 'khor du// dbus su 'khor lo rtsibs brgyad pa// de dbus 'khor lo rtsibs brgyad dgod// drug cu rtsa brgyad don bsgoms nas// yig 'brus phyogs bcur gang bar gnas// b+h+rUM dzaHhUM baM hoHyis dgug/ sku gsung thugs kyi snying po'i mchog/ lus ngag sems la bstim par bya'o// de nyid dngos sam yid bzhin mchod// bum pa'i mchog ni bzang po yi// tshe gzhag gnas ni de yin te// yang nas yang du bkug byas nas// mngon sum smin par gyur pa dang // dbyings su yang ni sba bar bya// rdo rje cho gas bsrung ba yin// brtan zhing 'khor los brgyan par bya// snying por 'bru lnga nang du bstim// sangs rgyas ma lus thams cad kun// rgyal ba tshe dpag med par bsgom// sku mdog gangs ri 'tsher ba la// rgyan phreng sna tshogs rnams kyis brgyan// yid bzhin rin chen phreng ba dang // rin chen rgyan dang za ma tog/ gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med kyang khro bo ste// phyogs bcu nam mkha'i khams bkang nas// skra skad drag po brten nas ni// thams cad ma lus gdul bar bya// dbang du tshe dpag med pa bsgom// tshe bsnyen dang ni nye bsnyen dang // tshe bsgrub dang ni bsgrub chen
- 35a
dang // thabs dang shes rab 'byor pa yis// ci 'dod las rnams bsgrub par gsungs// tshe dbang mo ni rgyud 'phel lo// dkar mo mdog la 'od 'phro 'bar// phyag mtshan sna tshogs cir yang 'gyur// 'jig rten drug gi phyogs bcu na// gnas pa'i 'gro drug ma lus kun// phan pa'i tshe dbang 'dir sbyin no// de las lhag pa'i rgyud 'phel med// de yi bzlas pa'i chen po 'di// rnam gsum tshul gyis ma 'khrul bar// sngags bzlas cho ga rgyun ma gcad// oM hUM swA AM hUM baM b+h+rUM badz+ra A yu She hUM AHoM/ tshe rnams dbang du ma gyur na// bde gshegs lnga dang tshe dpag med// sku gsung thugs kyi gzungs kyis ni// phyogs bcu nam mkha'i khams bkang nas// phyag rgya tshogs chen sna tshogs kyis// 'jig rten phyogs bcu'i bdud bcom nas// 'gro lnga'i tshogs rnams dbang du bsdus// phyag rgya'i gshol la sogs pa yis// 'og gi 'jig rten khams dkrugs nas// gshin rje'i gnas nas tshe bkug ste// snying po lnga la bstim par bya// phyag rgya'i 'khor lo chen po yis// steng gi 'jig rten khams bskor te// dbang phyug lha chen la sogs dang // bar snang khams rnams rgyu ba las// nr-i'i tshe rab tu dgug par bya// 'khor lo'i dbus la bstims nas ni// de nas yi ge 'bru lnga ste// nr-i ni nam mkhar bstim par bya// oM oM oM/ badz+ra ka ba tsa rak+Sha haM//
- 35b
oM sarba thA ga ta badz+ra a b+hi tiSh+Tha swA hA/ phyag rgya srung ba'i cho ga ste// 'bru la yi ge 'bru gcig ste// 'bru gcig mi dmigs dbyings su thim// a yid bzhin bum pa rin po che// rgyan dang rin chen phreng bas brgyan// rin chen lnga dang sman lnga dang // 'bru lnga spos lnga yungs kar bcas// sngags mkhan rab ldan blo brtan pas// yan lag ma nyams sngags bzlas bsgom// rgyan cha lnga dang ldan byas nas// mchod yon rnam pa sna tshogs kyis// mnyes mchod dngos grub thob par 'gyur// de lta bu yi don rtogs nas// bsgrub pa zin nas/ gtor ma cha gsum du bcad nas/ tsho gcig sbyin bsreg bya/ tsho gcig gis mkha' 'gro/ bskyang / tsho gcig mi zad pa'i gter du s+tha/ pra dbye/ dbang bskur/ rdo rje rigs kyi sgrub lugs khro bo puN+Da rI ka'i rgyud las/ phrin las kyi dkyil 'khor la tshe sgrub pa ste bcu gsum pa'o// // de nas dpal he ru kas/ sku gsung thugs yon tan phrin las kyi sgo nas/ gsang ba chen po 'di gsungs so// ye shes chen po bde ba che// ye nas rnam dag kun bzang klong // rnam dag lam chen bsgral ba'i ngang // ma skyes pas na 'gag pa med// chen po lnga nyid bde chen klong // chen po lnga yi ngang nyid du// thams cad ma lus sangs rgyas so// thams cad thig le'i rang bzhin te// snang srid thams cad mya ngan 'das// thams cad hUM
- 36a
gi rang bzhin te// yi ge hUM yang dngos gzhi kun dang bral// ye nas dag pas bde chen byang chub sems// chen po lnga yi ngang du snang srid thams cad sbyor// thig le gcig gi ngang du sbyar bas dus gsum lhun gyis grub// rdo rje rigs kyi sgrub lugs khro bo puN+Da rI ka'i rgyud las/ spyir btang ba'i man ngag sgrub lugs te bcu bzhi pa'o// // de nas dpal he ru kas/ sku gsung thugs kyi dkyil 'khor nas/ bsgral ba'i lung 'di gsungs so// phun sum tshogs pa bzhir ldan nas// rdzas dang sa gzhi brtag par bya// sa bdag lha klu thams cad la// sa rin btsal te sa bslang ngo // sbyang dang bsrung ba tshul bzhin bya// de nas bsgrub pa gzhung bzhin bya'o// snang srid thams cad skye med dbyings su bsgral// yi ge b+h+rUM ni byang chub sems kyi dang / khrag dang rus pa sems dang dbugs la sogs// bsgral ba'i rgyu la dpa' pobopo 'bru lnga dgod/ khro chen bcu ni rngam pa'i stangs stabs can// de ltar bsgral na don gyi snying po yin// rdo rje rigs kyi sgrub lugs khro bo luN+Da rI ka'i rgyud las/ ta na bsgral ba'i lung gi sgrub lugs ste bco lnga pa'o// // de nas dpal he ru kas/ sku gsung thugs kyi dkyil 'khor nas// ga Na'i sgrub lugs 'di gsungs so// ma skyes dbyings su mi 'gag sbyar// kun tu bzang mo'i ngang du snang srid thams cad
- 36b
sbyor// pad+ma can dang dung can dang // bu mo mig rings zhes bya'o// zla gsang dkar dmar rlung dkar lci// ljon phran dang ni lcug phran dang // ri mo can dang sdong gcig ma// me rig dang ni rigs ngan mo// mtshams gcad byin brlab dbang bskur nas// de la sbyor ba'i cho ga ni// ting nge 'dzin gyis gsal bar bsgom// de nas tshom bu nyi shu rtsa lnga dgod// rdo rje rigs kyi sgrub lugs khro bo puN+Da rI ka'i rgyud las// ga Na chen po'i sgrub lugs te bcu drug pa'o// // de nas dpal he ru kas/ sku gsung thugs kyi dkyil 'khor nas/ ma traM bzhi bsnol gsang ba gter gyi sgrub lugs 'di gsungs so// phun sum tshogs pa bzhir ldan nas// rdzas dang sa gzhi brtag par bya// sa bdag lha klu thams cad la// sa rin gzhal nas sa bslang ngo // sbyang dang bsrung ba gzung bzhin bya// dkyil 'khor 'dom gang gru bzhi bya// gra yi stegs bu mkhyed re bya// de steng ma traM bzhi bsnol bya// mtha' ma rdo rje'i ra bas bskor// de yi phyi rim me ri dgod// de yi phyi rim thod pa bri// de yi phyi rim stegs bu la// me yi spu gri 'bar ba bri// de yi phyi rim sgo bzhi bri// de yi phyi rim sgo khyud la// zhing gi za ra tshags bri'o// de nas b+han+d+ha mtshan ldan la// dpal chen yab yum snying po bri/ tshal bu la ral pa can brgyad bri/ de'i phyi rim tshal bu la phra men ma brgyad bri/ tshal bu
- 37a
bzhi la sgo ma bzhi bri// thar pa gnas kyi dkyil 'khor du/ gdol ba 'byung po nga rgyal can// zhe sdang rnams kyis bslad pa'i rgyu// de yi dus gsum gzhig pa'i phyir// don gyi bsgrub pa chen po bshad// bgegs ni mi rtog sems las byung // ma dag rnam gsum rgyu yi rtsa ba yin// thugs rje 'byung ba bcom ldan 'das// sgrub pa don gyi dkyil 'khor rtsa ba yin// dug gsum bslad pa rnams kyi rtsa ba yin// dur khrod chen po'i gnas kyang yin// brjid ldan sku brnyes dpal chen he ru ka/ bdag gzhan 'joms pa'i ting 'dzin gyis// stong gsum ru tA'i khog sbubs su// dur khrod bdag po spyan drangs te// ma rig sbubs kyi kha phye nas// dug gsum 'byung ba'i sgo phye nas// rnam rtog gzung 'dzin mtshams bcad de// ngan song gsum du dug gsum gyi// nyon mongs sems can sdang byed pa// zhe sdang dang ni gti mug dang // nga rgyal phrag dog lnga po yang // che ba'i ye shes chen po yis// bsdus nas sems can nam mkha' che// bde ba sbyin pa'i mchod pa yis// ro mchog lnga dang mnyam sbyor bas// bde chen sbyin pa'i mchod pa che// sna tshogs bde bar bsgrub pa'i phyir// dam nyams mchod par bor ba bzhes/ khams gsum dra ba gzhom pa'i phyir/ khro bdag phyag rgyar bcas pa ni// mgyogs ma'i pho nyas bskul bar bya// mgo ni lho nub
- 37b
mtshams su bsgral// rkang pa byang shar mtshams su bsgral// yan lag gling bzhi'i yul du bsgral// lag pa g.yas pa'i dur khrod ni// rgya gar yul du bsgral bar bya// de yi bdag mo ko'u rI ma// mthing nag 'bar ba'i ral pa can// mche gtsigs rkan brdeb dur khrod sgrol// dur khrod lag pa g.yon pa ni// li yi yul du bsgral bar bya// de yi bdag mo tso'u rI ma// ser mo 'bar ba'i ral pa can// mche gtsigs rkan brdeb dur khrod sgrol// dur khrod rkang pa g.yas pa ni// bal po'i yul du bsgral bar bya// de yi bdag mo pra mo ha// dmar mo 'bar ba'i ral pa can// mche gtsigs rkan brdeb dur khrod sgrol// dur khrod rkang pa g.yon pa ni// tho gar yul du bsgral bar bya// de yi bdag mo be ta lI// nag mo 'bar ba'i ral pa can// mche gtsigs rkan brdeb dur khrod sgrol// dur khrod 'di yi mgo bo ni// za hor yul du bsgral bar bya// de yi bdag po puk+ka sI// dmar ser 'bar ba'i ral pa can// mche gtsigs rkan brdeb dur khrod sgrol// dur khrod mkhal ma g.yon pa ni// u rgyan yul du bsgral bar bya// de yi bdag mo g+hasma rI// dkar ljang 'bar ba'i ral pa can// mche gtsigs rkan brdeb dur khrod sgrol// dur khrod 'di yi pho mtshan ni// seng ge'i yul du bsgral bar bya// de yi bdag mo sma sha nI// mthing nag 'bar ba'i ral pa
- 38a
can// mche gtsigs rkan brdeb dur khrod sgrol// dur khrod mkhal ma g.yas pa ni// gling dgu'i yul du bsgral bar bya// de yi bdag mo tsaN+Da lI// ljang ser 'bar ba'i ral pa can// mche gtsigs rkan brdeb dur khrod sgrol// dur khrod dpung mgo g.yas g.yon ni// phra men stag dang seng ge'i rdzas// dur khrod brla ni g.yas dang g.yon// phra men wa sbyang bya rog 'ug/ pho nya'i rgyal mo de yi rdzas// dur khrod thar pa'i rkang lag bzhi// pho nya 'gug ma de bzhi'i rdzas// dur khrod bdag mo spyan drangs te// bgegs kyi rgyal po rU tra bsgral// bde ba chen po'i ngang yin no// de ni dur khrod dbang phyug ste// sangs rgyas sku ste ye shes yin// 'jam dpal rnon po'i mtshon cha yin// log rtog 'khor ba'i rgyun bcad do// oM ma hA shri he ru ka/ pany+tsa badz+ra ma hA kro d+ha hUM phaT// stong gsum rA tra'i khog sbubs la// za byed lnga dang 'jigs byed lnga// dur khrod gnas su bkod byas nas// rdzogs pa'i ting 'dzin dbyings su spro ba zhes bya/ khro bo dbu lnga hom lnga'i dkyil 'khor du/ khro bo khrag 'thung yam shing brdzangs pa la// ye shes lnga yi me sbar la// nyon mongs lnga yi rdzas bsregs pas// zhe sdang khro bo zhal gyi hom khung du// rdo rje khrag 'thung yam shing brdzangs pa la// me long lta bu'i me sbar la// zhe sdang rdzas rnams bsreg byas pas// rdo rje'i rigs kyang
- 38b
mnyes gyur nas// thugs kyi dngos grub stsal du gsol// gti mug khro bo zhal gyi hom khung du// bud+d+ha khrag 'thung yam shing brdzangs pa la// chos dbyings ye shes me sbar zhing // gti mug rdzas rnams bsregs byas pas// bde gshegs rnams kyang mnyes gyur nas// sku yi dngos grub stsal du gsol// nga rgyal khro bo zhal gyi gom khung du// rin chen khrag 'thung yam shing brdzangs pa la// mnyam pa'i ye shes me spasbar zhing // nga rgyal rdzas rnams bsreg byas pas// rin chen rigs kyang mnyes gyur nas// yon tan dngos grub stsal du gsol// 'dod chags khro bo zhal gyi hom khung du/ pad+ma khrag 'thung yam shing brdzangs pa la// rtog pa'i ye shes me sbar bas// 'dod chags rdzas rnams bsregs byas pas// pad+ma'i rigs kyang mnyes gyur nas// gsung gi dngos grub stsal du gsol// phrag dog khro bo zhal gyi hom khung du// karma khrag 'thung yam shing brdzangs pa la// nan tan ye shes me sbar bas// phrag dog rdzas rnams bsreg byas pas// las kyi rigs kyang mnyes gyur nas// phrin las dngos grub stsal du gsol// za byed khro bo'i hom khung du// phud dang lhag ma'i rdzas rnams bsregs/ khrag 'thung rak+Sha mnyes gyur nas// bstan pa srung ba'i dngos grub stsol// cho ga phyi ma gzhan dang mthun// rdo rje rigs kyi sgrub lugs khro bo paN+Da rI ka'i rgyud las//
- 39a
ma traM bzhi bsnol gsang ba gter gyi sgrub lugs te bco brgyad pa'o// // de nas dpal he ru kas/ sku gsung thugs kyi phrin las las// mchog bsgrub chen po 'di gsungs so// phun sum tshogs pa bzhir ldan nas// rdzas dang sa bzhi brtag par bya// sa bdag lha klu thams cad la// sa rin btsal te sa bslang ngo // sbyang dang bsrung ba tshul bzhin bya// de nas bsgrubs pa gzhung bzhin bya// sdig sbyang byang chub sems bskyed do// bshags sbyang spong skong tsha tsha gdab// chos kyi 'khor lo rab tu bskor// zhi rgyas sbyin bsreg tshul bzhin bya// rgyas par rab 'bring gzhung bzhin 'don// sbyin pa rgya chen dus bzhir bya// de nas bsgrubs pa gsung bzhin bya'o// dkyil 'khor 'dom gang gru bzhi bya// phyogs bzhir bris las dkyil 'khor bya// dbus su dkyil 'khor brtsegs ma bya// de dkyil zla gam brgyad du bya// phyogs bzhi dag ni me yis bskor// lnga yi phyi rim zod phreng bskor// de yi phyi rim me dpung bri// gru bzhi pa la sgo bzhi dgod// dbus su b+han+d+ha mtshan ldan la// yab yum snying po bris la gzhag/ de yi phyi rim zla gam la// ma mo phra men brgyad kyang tshul bzhin dgod// nag po la ni me ris bskor// ser po la ni thod pas bskor// dmar po la ni sha chen gzhag/ sgo la sgo ba yab yum ste// sgo khyud la ni dbang phyug
- 39b
ma// de nas sgrub pa pa'i mdun du// bcwa'i bzod par ra dang / dmar gyi ar+g+ha yang drang // zla ba'i phrin las gzhung bzhin bya// stong chags mchod pa gzung bzhin dpral// 'jigs byed bskal pa'i dbu 'khor du// ba byed lnga yi dkyil 'khor bcas// thod pa tshar gnyis bskal ba'i phyir// drad tshad gsum gyis gtan la dbab// dag pa gsum gyis bskal bar bya// mtshan bzang po ni yod pa rnams// da nyid bsgrub pa'i rgyu yin te// kha byed lnga 'i dkyil 'khor du// 'jigs byed lnga 'i cho 'phrul gyis// pra gu sgo lnga'i dkyil 'khor du// bdud rtsi lnga yi zil dngar gyis// pra gu lnga yi thig btab bo// nga ni bzed chags bkod de// dbus nas rang byung grub pa'i lha// thugs mchog bad+d+ha he ru ka/ rgud drug gnas su sgrol ba'i lha// dug gsum dbyings su sdud pa'i mchog/ thugs mchog rak+Sha he ru ka/ dbus kyi pho brang zlum po la// dgyes shing brtan par bzhugs su gsol// shar nas rang byang grub pa'i wa// sgra mchog badz+ra he ru ka/ rgyud drug gnas su grol ba'i sa// dug gsum dbyings su sdud pa'i mchog/ sku mchog ra he ru ka/ shar gyi dkyil 'khor chen po ru// dgyes shing brtan par bzhugs su gsol// lho nas rang byung grub pa'i wa// yon tan rat+na he ru ka/ rgud drug gnas su sgrol ba'i wa// dug gsum dbyings su sdud
- 40a
pa'i mchog/ yon tan rak+Sha he ru ka/ lho phyogs dkyil 'khor chen po ru// dgyes shing brtan par bzhugs su gsol// nub nas rang byung grub pa'i lha// gsung mchog pad+ma he ru ka/ rgyud drug gnas su sgrol ba'i lha// dug gsum dbyings su sdud pa'i mchog/ gsung mchog rak+Sha he ru ka/ nub kyi dkyil 'khor chen po ru// dgyes shing brtan par bzhugs su gsol// byang nas rang byung grub pa'i lha// phrin las karma he ru ka/ rgyud drug gnas su sgrol ba'i lha// dug gsum dbyings su sdud pa'i mchog/ las mchog rak+Sha he ru ka/ byang phyogs dkyil 'khor chen po ru// dgyes shing brtan par bzhugs su gsol// ma mo chen mo gtum khro'i gzugs// mthing nag rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ shar gyi 'khor lo'i rtsibs steng du// dgyes shing brtan par bzhugs su gsol// ma mo chen mo gtum khro'i gzugs// ser nag 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ lho yi 'khor lo'i rtsibs steng du// dgyes shing brtan par bzhugs su gsol// ma mo chen mo gtum khro'i gzugs// dmar nag 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i
- 40b
mchog/ nub kyi 'khor lo'i rtsibs steng du// dgyes shing brtan par bzhugs su gsol// ma mo chen mo gtum khro'i gzugs// ljang nag rak+ta'i ral pa can// rgyud drug gnas su sgrol ba'i lha// dug gsum da byings su sdud pa'i mchog/ byang gi 'khor lo'i rtsibs steng du// dgyes shing brtan par bzhugs su gsol// phra men mgyogs ma rngam pa'i gzugs// gser mdog seng ha rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ shar lho 'khor lo'i rtsibs steng du// dgyes shing brtan par bzhugs su gsol// phra men mgyogs ma rngam pa'i gzugs// dmar nag byA g+h+ra rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ shar lho 'khor lo'i rtsibs steng du// dgyes shing brtan par bzhugs su gsol// phra men mgyogs ma 'jigs pa'i gzugs// mthing nag shwa ma rak+ti'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ nub byang 'khor lo'i rtsibs steng du// dgyes shing brtan par bzhugs su gsol// phra men mgyogs ma rngams pa'i gzugs// dmar nag sr-i la rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ byang shar 'khor lo'i rtsibs steng
- 41a
du// dgyes shing brtan par bzhugs su gsol// ma mo chen mo gtum khro'i gzugs// dmar ser rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ shar gyi 'khor lo'i rtsibs steng du// dgyes shing brtan par bzhugs su gsol// ma mo chen mo gtum khro'i gzugs// dkar ldang 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ lho yi 'khor lo'i rtsibs steng du// dgyes shing brtan par bzhugs su gsol// ma mo chen mo gtum khro'i gzugs// mthing nag rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ nub kyi 'khor lo'i rtsibs steng du// dgyes shing brtan par bzhugs su gsol// ma mo chen mo gtum khro'i gzugs// ser nag rak+ta'i ral pa can/ rgyud drug gnas su sgrol ba'i lha// dug gsum dbyings su sdud pa'i mchog/ byang gi 'khor lo'i rtsibs steng du// dgyes shing brtan par bzhugs su gsol// phra men mgyogs ma rngam pa'i gzugs// dkar ser rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ shar lho'i 'khor ba'i rtsibs steng du// dgyes shing brtan par bzhugs su gsol// phra men mgyogs ma rngam pa'i
- 41b
gzugs// skya snar 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ lho nub 'khor lo'i rtsibs steng du// dgyes shing brtan par bzhugs su gsol// phra men chen mo gtum khro'i gzugs// mthing nag 'bar ba'i ral pa can/ rgyud drug gnas su sgrol ba'i lha// dug gsum dbyings su sdud pa'i mchog/ nub byang 'khor lo'i rtsibs steng du// dgyes shing brtan par bzhugs su gsol// phra men mgyogs ma rngam pa'i gzugs// sna tshogs rak+ta'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ byang shar 'khor lo'i rtsibs steng du/ dgyes shing brtan par zhugs su gsol// bskul ba rdo rje aM ku sha/ dkar ljang 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ dkyil 'khor chen po'i shar sgo ru// dgyes shing brtan par bzhugs su gsol// 'ching byed rdo rje pA sha hUM// ser nag 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ dkyil 'khor chen po'i lho sgo ru// dgyes shing brtan par bzhugs su gsol// sdom byed rdo rje sgo Ta baM// dmar nag 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i
- 42a
mchog/ dkyil 'khor chen po'i nub sgo ru// dgyes shing brtan par bzhugs su gsol// thal byed rdo rje g+haN+De hoH// ljang nag 'bar ba'i ral pa can// rgyud drug gnas su sgrol ba'i lha// dug gsum dbyings su sdud pa'i mchog/ dkyil 'khor chen po'i byang sgo ru// dgyes shing brtan par bzhugs su gsol/ khro bo chen po Ar+ya a tsa la// dbu gsum phyag drug rdo rje'i gshog pa can// dkar ldang rak+ta'i ral pa gyen du 'khyil// rin chen 'bar ba'i lte ba la// dgyes shing brtan par bzhugs su gsol/ khro bo chen po gshin rje gshed// dbu gsum phyag drug rdo rje'i gshog pa can// mthing nag rak+ta'i ral pa gyen du'akhyil// rin chen 'bar ba'i lte ba la// dgyes shing brtan par bzhugs su gsol/ khro bo chen po rta mchog dpal// dbu gsum phyag drug rdo rje'i gshog pa can// dmar nag rak+ta'i ral pa gyen du 'khyil// rin chen 'bar ba'i lte ba la// dgyes shing brtan par bzhugs su gsol/ khro bo chen po bdud rtsi 'khyil// dbu gsum phyag drug rdo rje'i gshog pa can// ljang nag rak+ta'i ral pa gyen du 'khyil// rin chen 'bar ba'i lte ba la// dgyes shing brtan par bzhugs su gsol// rdo rje chen mo snyems chen mo// dbu gcig phyag kyang gnyis pa ste// g.yas pa gtso bo'i sku la 'khril// g.yon pa b+han+da gtso la
- 42b
stob// rak+ta'i ral pa kham nag gyen du 'khyil// gtso la brten pa'i bdag nyid kyis// rin chen 'bar ba'i lte ba la// dgyes shing brtan par bzhugs su gsol// rdo rje dur khrod bdag chen mo// dbu gcig phyag kyang gnyis pa ste// g.yas pa gtso bo'i sku la 'khril// g.yon pa b+han+da gtso la stob// rak+ta'i ral pa kham nag gyen du 'khyil// gtso la brten pa'i bdag nyid kyis// rin chen 'bar ba'i lte ba la// dgyes shing brtan par bzhugs su gsol/ rdo rje khro mo gtum chen mo// dbu gcig phyag kyang gnyis pa ste// g.yas pa gtso bo'i sku la 'khril// g.yon pa b+han+d+ha gtso la stob// ral pa kham nag gyen du 'khyil// gtso la brten pa'i bdag nyid kyis// rin chen 'bar ba'i lte ba la// dgyes shing brtan par bzhugs su gsol// rdo rje khro mo sgra 'byin ma// dbu gcig phyag kyang gnyis pa ste// g.yas pa gtso bo'i sku la 'khril// g.yon pa b+han+d+ha gtso la stob// ral pa kham nag gyen du 'khyil// gtso la rten pa'i bdag nyid kyis// rin chen 'bar ba'i lte ba la// dgyes shing brtan par bzhugs su gsol// shar nas rang byung grub pa'i lha// sgrol ba rak+ka he ru ka/ mthing nag rak+ta'i ral pa can// sngon tshe bsnyen cing bsgrubs pa'i lha// sngon yang thugs dam dbyings su gcig/ zla gam dbang gi dkyil 'khor du// dgyes
- 43a
shing brtan par bzhugs su gsol// lho nas rang byung grub pa'i lha// dam tshig sa nu he ru ka/ ser ldang 'bar ba'i ral pa can// sngon tshe bsnyen cing bsgrub pa'i lha// sngon gyi thugs dam dbyings su gcig/ zla gam dbang gi dkyil 'khor du// dgyes shing brtan par bzhugs su gsol// nub nas rang byung grub pa'i lha// gsang ba g+hu h+ya he ru ka/ dmar nag 'bar ba'i ral pa can// sngon tshe ye nas bsnyen pa'i lha// sngon gyi thugs dam bdag dang gcig/ zla gam dbang gi gzhal yas su// dgyes shing brtan par bzhugs su gsol// byang nas rang byung grub pa'i lha// sbyor ba rak+Sha he ru ka/ ljang nag rak+ta'i ral pa can// sngon tshe ye nas bsnyen pa'i lha// sngon gyi thugs dam bdag dang gcig/ zla gam dbang gi gzhal yas su// dgyes shing brtan par bzhugs su gsol// yum bzhi yang dgod/ byang gi dkyil 'khor du dbang phyug nyi shu rtsa brgyad kyang dgod/ khyams zla gam du bri/ de nas dpal gyi sbyin bsreg bya/ de nas gtor ma tsho gsum du bcad la/ mchod pa bgyi/ phur pa dbyung / khrus bgyi/ gtor ma gcig byin gyis brlabs la/ rgyal po chen po bzhi mchod/ slar gshegs su gsol// de nas smon lam btab la yon dbul ba dang slad ma kun gzhan dang mthun/ rdo rje rigs kyi sgrub lugs khro bo puN+Da rI ka'i rgyud las/ sku
- 43b
gsung thugs kyi phrin las mchog bsgrub chen po ste bcu dgu pa'o// // de nas dpal he ru kas/ sku gsung thugs kyi dkyil 'khor nas/ lang ka'i dkyil 'khor ral pa can gyi sgrub lugs 'di gsu ngas so// phun gsum tshogs pa bzhir ldan nas// rdzas dang sa gzhi brtag par bya// sa bdag lha klu thams cad la// sa rin bcal te sa bslang ngo // sbrang dang bsrung ba tshul bzhin bya// sdig sbyang byang chub sems bskyed de// bshags sbyang spang skong tsha tsha gdab// de nas dkyil 'khor gzhung bzhin bya// lang ka'i khor sbubs bsgyel ba la// snying gar 'dom gang gru bzhi bya// dur khrod chag chag gsum gyis gdab// 'khor lo rtsibs brgyad thig tu gdab// dbus su rin chen zur brgyad bri// phyi rol pad+ma 'dab brgyad pa// de yi phyi rim me ri bya// de yi phyi rim rdo rje'i ra bas bskor// de yi phyi rim sgo bzhi bri// steng nas 'gegs pa'i g.yang gzhi/ 'og thar pa'i rkang lag/ bar b+han+da lcang lo can// phyi ma b+han+da'i bzed phor/ dmar gyi ar+g+ha/ rak+ta'i thig le dgu byas pa drang / de nas rdzas dgod/ dur khrod 'bar ba'i pho brang du/ lang ka'i khog sbubs su/ ral pa rnams sbyangs nas// rdzas dang bya ba gzhung bzhin bya// rak+ta 'joms pa'i pho nya ni// za byed lnga yi ral pa can// dbang mo lnga ni rdzas la dbang // mgyogs ma brgyad ni dur khrod
- 44a
'joms// gtum mo brgyad ni dbyings na rol/ khro bo brgyad ni rol pa mdzad// rak+ta 'bar ba'i ral pa can// srid pa nam mkha'i thun phyed na// dpal ldan ma mo las byed cing // rdzas la dbang byed mthu 'phrog pa// de nas khro bo'i 'dzab stong drang // stong tshigs mchod pa 'bul/ thugs dam bskul/ bzod par gsol/ dngos grub blang / dbang bskur/ pra dbye/ de nas gtor ma tsho gsum du gcad/ tsho gcig la sbyin bsreg la sogs bya/ de nas yon dbul/ gtang rag gtang / rdo rje rigs kyi sgrub lugs khro bo puN+Da rI ka'i rgyud las// lang ka'i dkyil 'khor ral pa can gyi sgrub lugs te nyi shu pa'o// // de nas dpal he ru kas/ sku gsung thugs yon tan phrin las kyi sgo nas/ bam bsgrub chen po zla gam brgyad cu rtsa gcig pa'i sgrub lugs 'di gsungs so// phun gsum tshogs pa bzhir ldan pas// rdzas dang sa bzhi brtag par bya// sa bdag lha klu thams cad la// sa rin btul te sa bslang ngo // sbrang dang bsrung ba tshul bzhin bya// sdig sbyang byang chub sems bskyed de// bshags sbrang spang skong tsha tshwa gdab// chos kyi 'khor lo rab tu bskor// bsgrub pa'i dkyil 'khor gzhung bzhin bya// dkyil 'khor 'dom gang gru bzhi la// dur khrod chag chag rnam gsum gdab// dbus su 'khor lo rtsibs brgyad thig tu
- 44b
gdab// dbus su thig bzhi btab la ling tshe dgu bya// dbus su zla gam dkar dmar gnyis/ phyogs mtshams su zla gam bri/ de'i phyir rim du kha nang du bstan pa bri/ de'i phyir rim du phyir bstan pa bri/ de'i phyir rim du bzhi nang du bstan pa bri// de'i phyir rim du zla gam bzhi kha nang du bstan pa bri/ de'i phyir rim du zla gam bcu kha phyir bstan pa bri/ de'i phyir rim du zla gam nyi shu rtsa drug kha phyir bstan pa bri/ de'i phyir rim du zla gam bzhi kha nang du bstan pa bri/ de nas rdzas dgod pa dang / las la bya ba kun 'phel sdud la ltos/ b+han+d+ha'i gzhal yas khang du/ lha gzhung bzhin bskyed/ b+h+rUM ye shes rdzogs pa'i dkyil 'khor du// dbang chen rgya gram zla gam gtams pa la// rdo rje ye shes mi phyed dgu 'bar ba// che ba dgu yi khyad par bye brag las// dpal chen dgu ni sku la rdzogs// yum chen dgu ni dbyings su rol// rdo rje dgu ni thugs la 'bar// hUM chen dgu ni klong na 'khyil// che ba dgu ni skad du rdzogs// b+han+d+ha dgu ni dpal gyi sku// zla gam dgu ni yum gyi dbyings// thig le dgu ni byang chub sems// me mar dgu ni ye shes dang // de ltar dgu dgu dgu byung ba// dgu klong 'bar ba gcig gi ngang // dgu bkag gcig phye thig le'i don// zhes brjod la spro bsdu bya/ de lta bu'i dkyil 'khor du mchod pa drang ba ni/ lha shos zla gam la//
- 45a
rak+ta'i thig le dgu byas pa dang / dam rdzas tshang ba'i gtor ma yang drang / slad ma yang 'phen bsdad la blta/ rdo rje rigs kyi sgrub lugs khro bo puN+Da rI ka'i rgyud las/ zla gam brgyad cu rtsa gcig pa'i bam bsgrub ste nyi shu rtsa gcig pa'o// // de nas dpal he ru kas/ sku gsung thugs kyi dkyil 'khor nas// mchog phran gi sgrub lugs 'di phyung ste gsungs so// phun gsum tshogs pa bzhir ldan nas// gnas dang sa bzhi brtag par bya// sa bdag lha klu thams cad la// sa rin bcal te sa bslang ngo // sbyang dang bsrung ba tshul bzhin bya// sdig sbyang byang chub sems bskyed de// bshags sbyang spang skoslong gzhung bzhin bya// dkyil 'khor 'dom gang gru bzhi la// dur khrod chag chag gdab par bya// dbus su zla gam gcig pa la// mtha' ma rdo rje'i ra bas bskor// gnas yul phyag rgya don gyi god// mchog phran de yi lus po ni// gtsang ma'i spos dang sman gyis bkra// lce yi dkyil du gzungs thag btags// man ngag lung ldan phyag tu dbul// bla mas ting 'dzin gsal bar bsgom// dkar dang ser po dmar dang ldang // so so'i rigs kyi kha dog bzhin// goms par byas ste nyams su blang // phyag mtshan snying po phra mo dang // brtan par gyur te mkha' la dgod// snying po phyag mtshan sku mdog/
- 45b
dang // so so'i rang bzhin cir bstan yang // byang chub sems ni lhun gyis grub// thams cad bde chen gcig gi ngang // zhes gsungs so// de lta bu'i dkyil 'khor du mchod pa dgram pa ni/ 'dzab drug stong drug la/ stong tshig kyis mchod pa 'bul/ nang par gtor ma btang / phud bcad la bzhag/ dkyil 'khor stong par mi gzhag/ re mos langs/ stan byin gyis brlab/ lus bsrung / skang tshogs pa dang / mtshams bcad/ de nas mchog phran de'i sha skams la/ de'i lo dus su bdud rtsi'i bsgrub pa bya/ rdo rje rigs kyi sgrub lugs khro bo puN+Da rI ka'i rgyud las// mchog phran gtsang ma'i sgrub lugs te rtsa gnyis pa'o// // rus pa thal chen du bsgrub/ rdo rje rigs kyi sgrub zabs/ khro bo puN+Da rI ka'i rgyud chen po rdzogs so// // dpal kun rig rnam par snang mdzad kyi zhal nas gsungs so// sdud po rdo rje sems dpas bsdus// las kyi bsgrub pa gzhung pad+ma sa b+ha bas bsrang / las mde'u chung hUM ka ras bsrang ba'o// / @#// rgya gar skad du/ ta thA ku la sa d+ha gu h+ya ag+ni tsaH tan+t+ra// bod skad du/ de bzhin rigs kyi sgrub thabs gsang ba me dpung thugs kyi rgyud/ dpal bde ba chen po la phyag 'tshal lo// 'di skad bshad pa'i dus gcig na/ stong gi stong chen po 'jig rten dpag tu med
- 46a
pa'i khams/ 'og min chos kyi dbyings kyi pho brang brdal ba chen po na/ 'khor rigs lnga'i rgyal ba sdud pa po rdo rje rnon po dang / chos de nyid bshad pa'i gnas kun gzhi'i pho brang na bzhugs so// de nas thugs thams cad mkhyen pa'i klong nas/ mya ngan chen po las 'das pa'i/ lta ba chen po'i gdeng du bka' stsal to// phyi nang snod bcud ma lus kyang // phyag rgya chen por rang snang zhing // de yang snang ba'i dkyil 'khor la// rang bzhin med las ye shes shar// mtshan ma med pa'i gzugs rnams kun// mtshan ma'i gzugs rnams kun la khyab// gzugs dang dngos por 'dzin snang ba// de ni sems kyi bye brag snang // rgyal ba'i dkyil 'khor ma lus kyang // rig pa rnam dag sems las byung // rang byung nyid kyang rgyal ba'i sku// chos sku byang chub sems su gsal// byang chub sems su rnam bshad pa// ma skyes pas na snying por bshad// mi spang 'dzin pas dbu ma'o// snang ba dag pas sems zhes bya'o// sems nyid mi 'gyur rdo rje ste// sems dpa' rdo rje ye shes don// thams cad ngo bo nyid kyis dag/ gdod nas ma bcos nyid la rdzogs// ye shes pha rol phyin pa'i tshul// theg pa thams cad 'dus pa'i rtse// theg le'i don las gang gol ba// de ni mu stegs rtag chad 'dra// chos rnams sgyu ma bzhin te snang la med// mi dmigs
- 46b
dmigs su med pas bya byed kun dang bral// skyon med rnam par dag pas byang chub sems// mi g.yo mi 'gyur bde ba chen po yi// gzod nas ma skyes thig le brdal ba che// chos rnams nam mkha'i ngo bo 'dra// med bzhin snang la snang bzhin stong // srid gsum 'gran zla med par dbang phyug che// bdag dang gzhan du mi snang bas// bdag nyid thig le chen po rdzogs// sems kyi khyad par nam mkha' la// re dogs med pas nyam mi nga // che'o che'o ye shes gter// thig le rang byung rtsol dang bral// kun bzang bdag nyid che ba'i lha// me chu sa rlung nam mkha' lnga// sangs rgyas nyid kyi dkyil 'khor mchog/ nga nyid byang chub sems kyi rgyan/ kun bzhi kun 'byung sa chen te// kun bzang che ba'i sku gsung thugs// thig le bla rje ye 'byams rmad du grags// ye shes thig le khams su khyab par rdzogs// sangs rgyas bdag nyid yin/ pa'i phyir// bdag nyid bdag gi rtag par bsgom// mtha' dbus kun kyang bdag gi thugs// bdag nyid bsgoms pas kun kyang bdag/ stong gsum nga yis nga yi dbang // sangs rgyas thams cad nga yi sras// 'jig rten thams cad nga yi zhing // sdug bsngal dbyings su gsad pas byang chub sems// nga yi ye dbang rdzogs pas go 'phangs rdzogs pa'i thugs// gsang chen gsang chen gsang ba de kho na
- 47a
nyid// gsang ba me dpung gi rgyud las/ man ngag lta ba'i le'u ste dang po'o// // ye shes gsang ba las byung ba// phyogs bcu'i sangs rgyas kun gyi thugs// rdo rje thogs med bsdus pa 'di// bcom ldan 'das kyis bshad du gsol// e ma ho// gsang ba rang byung thugs kyi mchog/ rang snang nyid kyang dbyer med lha yi lha// dang por ting 'dzin rnam gsum gyis// bsgom pa'i rim pa mchog tu gsal// dang por skye med rnam bshad sems kyi dbyings// me long lta bur rang shar te// gdod nas ma bcos de bzhin gshegs// gtan tshig chen pos rab tu gces// mi bsgrib dang ba'i dkyil 'khor du// thams cad nam mkha'i tshul du gnas// gsal ba dang 'dra go 'byed de// me long ye shes ngang nyid las// thams cad ma bsgrib kun tu snang // rgyu yis thams cad 'byung ba'i gnas// skye ba'i ngo bor rab tu snang // cho 'phrul chen po snang ba'i phyir// de nyid rgyu yi ting nge 'dzin te// gtan tshigs chen por rab tu gces// de ltar ting 'dzin gsal bsgom nas// yid kyi dkyil 'khor chen po la// yi ge a yi cho 'phrul bsgom// b+h+rUM bi shra bi shud+d+ha tsakra badz+ra rat+na raM/ stong gsum zla gam yum gyi gzhal yas su// dur khrod gzhal yas bskyed nas ni// bdag gi khyad par bskyed pa'i phyir// lha chen dbang phyug gdan du gting // dbus
- 47b
kyi gdan gyi khyad par ni// ma hA de ba sna bsnol kha// shar du dri za ni bsnol kha// lho ru gshin rje ni bsnol kha// nub tu klu chen ni bsnol kha// byang du gnod sbyin ni bsnol kha// dbang phyug lha yi gdan bting nas// dur khrod khro bo dbang phyug bskyed// yid kyi ting 'dzin khyad par las// yi ge hUM gi 'phro 'du bskyed// cho ga gsum gyi byin rlabs las// lnga bcu rtsa brgyad dbyings nas 'don// hUM hUM hUM/ hUM hUM/ ha ha ha ha// ha ha ha ha/ he he he he// he he he he// phaT phaT phaT phaT// b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo/ thugs rje rnam dag rgyal ba'i pho brang nas// bde gshegs khro bopo'i rgyal po spyan 'dren mchod// lha chen dbang phyugs gdan la bzhugs su gsol// de nas dur khrod chen po'i dkyil 'khor la// thabs kyi phyag rgya chen po mchog/ 'byung ba lnga yi cho 'phrul las// 'ur 'ur chem chem rab tu 'khrugs// dbus kyi khrag 'thung chen po ni// ma hA de ba'i gdan la bzhugs// smug nag 'jigs pa'i rgyan dang ldan// shar gyi khrag 'thung chen po ni// dri za bsnol ba'i gdan la bzhugs// mthing nag 'jigs pa'i rgyan dang ldan// lho yi khrag 'thung chen po ni// gshin rje bsnol ba'i gdan la bzhugs// sngo nag 'jigs pa'i rgyan dang ldan// nub kyi khrag 'thung chen po ni// klu men
- 48a
bsnol ba'i gdan la bzhugs// dmar nag 'jigs pa'i rgyun dang ldan// byang gi khrag 'thung chen po ni// gnod sbyin bsnol ba'i gdan la bzhugs// ljang nag 'jigs pa'i rgyan dang ldan/ bdag khrag 'thung rgyal po lnga// so so'i gdan la nga rgyal bskyed// dbus kyi za byed dbang mo ni// ma chags mdangs kyis gtso la 'khril// b+hud+d+ha kro d+hI shwa rI dza/ shar gyi za byed dbang mo ni// ma chags mdangs kyis gtso la 'khril// badz+ra kro d+hI shwa rI dza/ lho yi za byed dbang mo ni// ma chags mdangs kyis gtso la 'khril// rat+na kro d+hI shwa rI dza/ nub kyi za byed dbang mo ni// ma chags mdangs kyis gtso la 'khril// pad+ma kro d+hi shwa rI dza/ byang gi za byed dbang mo ni// ma chags mdangs kyis gtso la 'khril// karma kro d+hI shwa rI dza/ 'khril ba'i mchod chen mnyam sbyor bas// mkha' 'gro bcu drug dbyings nas bskyed// sngon mo dbyug to go'u rI dza// log rtog rdul du rlog pa'i dkyil 'khor du// bsnyen bsgrub dbang gi dngos grub stsol// ser mo mda' 'gengs tso rI dza// dbyings nas bskul ba'i dkyil 'khor nas// bsnyen bsgrub dbang gi dngos grub stsol// dmar mo chu srin pra mo hA// tshangs ma'i tshul gyis dbang mdzad ma// bsnyen bsgrub dbang gi dngos grub stsol// nag mo rdo rje be tA lI// sa dgu 'byongs pa'i rtags dang ldan// bsnyen bsgrub dbang gi
- 48b
dngos grub stsol// dmar ser rgyu zhags sdog 'phen pu ka si// dus gsum dbyings su 'dren pa'i dkyil 'khor du/ bsnyen bsgrub dbang gi dngos grub stsol// ljang nag khrag 'thung g+hasma rI// thugs rje chags pa'i dkyil 'khor du// bsnyen bsgrub dbang gi dngos grub stsol// mthing nag snying zan sma sha nI// tsit+ta thugs kyi dkyil 'khor du// bsnyen bsgrub dbang gi dngos grub stsol// dkar ser mgo gcod tsaN+Da lI// ya mtshan che ba'i dkyil 'khor du// bsnyen bsgrub dbang gi dngos grub stsol// seng gdong phra men za byed seng ge'i mgo/ mi 'jigs dbang po zil gnon dngos grub stsol// stag gdong dmar mo dpa' brtul stag gi mgo/ dpa' rtul 'jigs byed dngos grub stsol// dmar mo zhag chen wa mgo sring gA li// g.yeng med las mdzod dngos grub stsol// mthing nag rngams khro sha zan sbyang ki'i mgo/ sbyin byed rngam pa'i dngos grub stsol// dmar ser mkha' la rgyu ba'i bya rgod mgo/ skems byed kun tu slebs pa'i dngos grub stsol// dur khrod kun tu nyul byed dur bya'i mgo/ dur khrod tshogs kyi dngos grub stsol// nag mo bya rog rnam dag chos kyi sku// dug gsum skyon bral dngos grub stsol// sna tshogs spyan ldan 'ug pa'i mgo/ thugs rje rnam dag spyan gyi dngos grub stsol// dkyil 'khor de yi phyi rim na// dkar mo 'gugs pa rta yi mgo/ sngon mo
- 49a
phag mgo zhags pa can// dmar mo nyid zla lcags sgrog ma// ljang gu sbyang mgo drul bu ma// bka' nyan las byed dngos grub stsol// gzhan yang pho brang chen po na// dbang phyug mkha' 'gro nyi shu brgyad// dbang mdzad mthu yi dngos grub stsol// bsgrub pa'i dkyil 'khor bya ba'i phyir/ rdzas kyi khyad par bstan par bya// sgrub pa'i gnas rab dam pa ni// bkra shis rtags can dben pa'i ri bos bskor// gsang ba'i bsgrub zla gzungs ma de// dug rnams med cing dad pa che// zab mo thub pa'i yul la bsgrub// mtshams med phyir yang mtshams bcad de// 'byung po'i gtor ma btang nas kyang / sgrub pa nang gi don la zhugs// dkyil 'khor stegs bu btsigs nas ni// dmar dang dkar gyi thig gdab bo// dkyil 'khor 'dom gang gru bzhi la// rak+ta'i byang chub byugs nas kyang // de la par bu brko bar bya// rgyan gyis brgyan pa'i cho ga mdzes// steng 'og dar gyi pho brang dgod// de nas bsnyen pa gzhung bzhin bgrang // de ltar dkyil 'khor rdzogs nas kyang // ting 'dzin yang dag chen po dbab// gsang ba med dpung gi rgyud las/ sgrub pa'i gling bzhi'i le'u ste gnyis pa'o// // da ni bde ba rang byung bsgrub bshad de// ma spangs pas ni bsgrubs pa'i 'bras bu nyid// rang la rdzogs par shes na dngos grub
- 49b
mchog/ bsgrub med bsgrub na bsnyen bsgrub yin// rdzas dang yan lag gzhi la tshang // 'bad cing btsal ba med pa'i mchog/ bde chen lhun grub byang chub kun gyi gter// de las mtshon pa'i dga' bas tshig gi mtha' las 'das// mi rtog dmigs dang bral bas shes rab zab mo'i klong // dmigs pa snang bar shar phyir bsgrub pa'i dkyil 'khor brtsam// dkyil 'khor 'dom gang gru bzhi la// dbus su byin rlabs gnam thig gdab// dkyil 'khor yum gyi mkha' la thig btab pas// mi mngon rnam dag dbyings nas rgyal ba'i pho brang bskyed// thig gdab dkyil 'khor ri mo bri// dbus su zur brgyad rin chen tshal// a dang mAM gyi dbus su bzhag/ de nas dkyil 'khor rgyan gyis brgyan// mnyam pa sangs rgyas chen po la// sdug bsngal byang chub sems su snang / kun tu bzang po'i dbyings nyid du// bde ba'i yon tan gdod nas rdzogs// bdud rtsi'i dkyil 'khor chen po yang // rtsa ba chen po nyid du 'dus// ma chags rnam bshad bdag nyid chen po ste// bdud rtsi rigs lnga'i dkyil 'khor mchog/ bsnyen bsgrub yan lag ldan pa'i dkyil 'khor la// drod tshad las su rung ba'i dkyil 'khor bsdus// g+hu h+ya gsang chen thugs kyi klong // thugs chen thugs kyi bsgrub pa ste// kun bzang bde chen dbyings su 'dus// gsang ba med dpung gi rgyud
- 50a
las/ thugs kyi sgrub pa'i le'u ste gsum pa'o// // las kyi rgya mtsho lta ba'i mdzod bstan te// srid gsum thugs rje'i dbyings su bsgom/ khams gsum ye 'byams dkyil 'khor chen po la// stong gsum yum gyi klong 'byams la// rtsi shing nags tshal rgyan gyi dra ba ste// ri brag lha yi skur gsal mchog/ rang byung ye nas gsal ba'i dkyil 'khor du// 'chi med rdo rje'i sku gsung thugs// ma bris gdod nas gsal ba'i gnas// gsang ba'i pho brang rdzogs par bsgom// bsgrub pa chen po'i dus nyid du// zhi rgyas dbang gi rgyas btab la// lcags zangs dngul gyis sbyar bar bya// rgya mtsho las kyi rkang pa ru// 'byung ba lnga yis bsgrub par bya// 'bras bu lnga yi khu ba yang // bcud du gyur pas thams cad bsgrub// thams cad rang byung bdud rtsir 'khyil// byin pa lnga dang rgyas pa drug/ ma spangs ye nas kun tu bzang // de bas rgyal po rnal 'byor pa// don dam rnal 'byor sems kyi snying po ni// theg pa kun gyi rgyal po yin// 'di nyid rig pa'i rgyal po rang dbang rdzogs// stong gsum kun gzhi'i klong du 'dus// srid gsum sku gsung thugs su gsal// sems kyi rgyal po sangs rgyas la// sangs rgyas gzhan du btsal mi dgos// dmyal ba'i khams nyid bla med la// ye gsang thugs kyi sgrub pa ste// re dog rtsol dang bral bas
- 50b
bsgrub pa nyid// gsang ba me dpung gi rgyud las/ g+hu h+ya gsang mdzod kyi le'u ste bzhi pa'o// // de nas me dpung 'bar ba'i dkyil 'khor gyi dbyings 'byung ste// sgrub pa chen po brtsams pa'i phyir// gnas dang sa bzhi brtag nas ni// sgrub pa'i cho ga rgyas par byed// de nas dkyil 'khor brtsam pa ni// sgrub pa'i rgyal po dbang gi sa gzhi la// rdo rje rgya gram brag chen 'bar bas gtams// thugs rje yum gyi dkyil 'khor bsam pa'i phyir// thig skud rgyu ni man ngag bka' brgyud la// shes rab mtshan dang ldan pas bkal ba yi// thig skud byang chub sems dang ldan pas gdab// gnod byed bgegs bskrad drag pos mtsham bcad do// phaT/ na maHsa man+ta/ tad+ya ba ra sha nong pak+ka ku sha/ ku sha rak+Sha s+pha ra ya phaT/ rmad byung rol pa chen po'i ngang nyid kyis// gsang ba'i dkyil 'khor dbyings nas bskyed nas chag chag 'debs// ti ra baM rak+ta maN+Da la hUM/ skye med rnam bshad bdud rtsi'i mchog/ ye shes gsal don me long ye shes te// gsang ba'i tshom bu dgu yi dkyil 'khor dgod// stong gsum brdal ba yum gyi dkyil 'khor du// thugs rje 'gyur ba med pa'i thig gdab pas// srid pa'i pho brang rab 'byams dbyings su gsal// stong gsum sa gzhi yum gyi dkyil 'khor du// srid pa sku gsung thugs kyi thig gdab pas// rang
- 51a
byung 'byung ba lnga yi khyad par las// 'od kyi gzha' tshon ye shes lnga ru rdzogs// dag cing dri med 'bras bu lnga ru bsgom/ badz+ra dz+nyA na/ bud+d+ha dz+nyA na/ rat+na dz+nyA na/ pad+ma dz+nyA na/ karma dz+nyA na/ srid pa'i pho brang rgyal ba'i dkyil 'khor du// sems kyi kha dog rnams kyi bye brag dbye// mi zad rin chen lnga yi tshon du gsal// stong gsum 'jig rten khams rnams su// pho brang rang byung 'jigs pa'i gzugs// rtsi shing mang po'i tshogs rnams kyang // nga rgyal khro bo 'bar ba'i gzugs// 'jig rten khams kun dbang du sdud// drag po gzer gyi mtshams cad do// kI li kI la ya hUM/ 'bar ba'i dkyil 'khor chen po yang // dur khrod rgyan gyis chas su bzhugs// de nas rnal 'byor mang ba yis// drod tshad las rnams kun byas nas// mtha' ma dmod bcol bshag sbyang bya// gsang ba me dpung gi rgyud las/ dkyil 'khor las kyi dang po'i le'u ste lnga pa'o// // bcom ldan 'das dpal bde mchog chen po'i gtso la phyag 'tshal lo// za byed me yi rgyal po sbyin sreg gtso// mchod pa'i sprin bsreg bshad phyir me yi man ngag bstan// dur khrod dkyil 'khor brtsegs pa ste// zla gam dmar po dbang gi hom// stong gsum yum gyi gzhal yas brtsig/ zur gsum mthing nag drag po'i hom// dur khrod chen po'i klong dkyil brtsig/ zlum po zhi ba'i hom khung
- 51b
ste// ma skyes thig le chen por brtsig/ gru bzhi rgyas pa'i hom khung ste// 'jig rten dur khrod khyad par du// 'bar ba'i hom khung brtsig par bya// sa gzhi gzhal yas brtsig pa ru/ khro bo 'bar ba'i hom khung brtsig/ stong gsum stong gi dkyil 'khor du// 'byung ba lnga yi hom khung brtsig/ kun bzhi 'bar ba'i gzhal yas su// ye shes mchog gi hom khung brtsig/ kun tu bzang mo'i mkha' dbyings su// rtog pa chen po'i hom khung brtsig/ zla gam yum gyi mkha' la brtsig/ gru bzhi phran las bzhi ru brtsig/ gru gsum sku gsung thugs su brtsig/ zlum po thig le chen por brtsig/ hom lnga yang thog brtseg mar brtsig/ hom dgur yang thog dgu ru brtsig/ de rnams yang thog brtseg mar bya// dbus su dri chen lde gur sbyar// rnam par snang mdzad sku yi gtso// dbyings dang ye shes rgyas gdab bo// rdo rje sems dpa' thugs kyi gtso// me long ye shes rgyas gdab bo// rin chen 'byung ldan yon tan gtso// mnyam nyid ye shes rgyas gdab bo// snang ba mtha' yas gsung gi gtso// sor rtog ye shes rgyas gdab bo// don yod grub pa phrin las gtso// bya grub ye shes rgyas gdab bo// skye med rnam dag dbyings kyi hom khung du// log rtog mtshan ma med pa'i yam shing la// rtog pa ye shes 'od kyi me sbar bas// g.yo dang mi g.yo snod bcud kun bsreg
- 52a
te// kun mkhyen 'od gsal ye shes byang chub gter// ye shes klong yangs 'bar ba'i hom khung du// bde ba chen po'i sku la mchod pa 'bul// chos nyid spros pa med pa'i hom khung du// de yi yul du snang ba'i yam shing la// rtogs pa ye shes 'od kyi me sbar bas// ma rigs las kyi sdug bsngal bsregs pa ru// ye shes klong yangs 'khyil ba'i hom khung du// bde ba chen po'i sku la mchod pa 'bul// stong gsum brdal ba yum gyi hom khung du// srid gsum skye bar snang ba'i yam shing la// gnyis med rnam dag mchog gi me sbar te// ye shes klong yangs 'khyil ba'i hom khung du// bde ba chen po'i sku la mchod pa 'bul// snod kyi 'jig rten yum lnga'i mkha' klong hom khung du// bcud kyi 'jig rten bdag 'dzin yam shing la// rtogs pa gnyis med snying po'i me sbar te// ye shes klong yangs 'khyil ba'i hom khung du// bde ba chen po'i sku la mchod pa 'bul// ma skyes rnam dag dbyings kyi hom khung du// skye ba'i cho 'phrul mang po'i yam shing la// rtog pa ye shes 'od kyi me sbar nas// ye shes klong yangs 'khyil ba'i hom khung du// bde ba chen po'i sku la mchod pa 'bul// klong yang nam mkhar gsal ba'i hom khung du// srid pa chen po bzhi yi yam shing la/ rtogs pa ye shes 'od kyi me sbar nas// ye shes klong yangs 'khyil ba'i hom
- 52b
khung du// nam mkha'i dbang mo'i sku la mchod par 'bul/ thugs rjes 'degs byed sa yi hom khung du// srid gsum skye bar snang ba'i yam shing la// rtogs pa ye shes 'od kyi me sbar nas// ye shes klong yangs 'khyil ba'i hom khung du// rdo rje dpal mo'i sku la mchod par 'bul// thugs kyi ting 'dzin rgya mtsho'i hom khung du// sdug bsngal skyon gyis sbags pa'i yam shing la// rtogs pa ye shes 'od kyi me sbar nas// ye shes klong yangs 'khyil ba'i hom khung du// rin chen dbang mo'i sku la mchod par 'bul// thugs rje sreg sbyong me yi hom khung du// mtshan ma bud pa'i yam shing mang 'bul bas// rtogs pa ye shes 'od kyi me sbar nas// ye shes klong yangs 'khyil ba'i hom khung du/ pad+ma dbang mo'i sku la mchod pa 'bul/ thugs rje g.yo med rlung gi hom khung du// sdug bsngal bag chags bud pa'i yam shing la// rtogs pa ye shes 'od kyi me sbar nas// ye shes klong yangs 'khyil ba'i hom khung du// las kyi dbang mo'i sku la mchod par 'bul// thugs rje 'byung ba lnga yi hom khung du// srid pa'i sdug bsngal tshogs pa'i yam shing la// rtogs pa ye shes 'od kyi me sbar nas// ye shes klong yangs 'khyil ba'i hom khung du// 'dod pa'i dbang mo lnga yi sku la mchod par 'bul// b+ha ga yum gyi hom khung du// dam rdzas bdud rtsi'i yam shing la// rtogs pa ye shes 'od
- 53a
kyi me sbar nas// ye shes klong yangs 'khyil pa'i hom khung du// bde chen yab yum sku la mchod par 'bul// zla gam dmar po nam mkha'i hom khung du// rang byung rgyal po'i sku mchog bud+d+ha'i dpal// phung po gnas gyur bud+d+ha he ru la// dam rdzas bdud rtsi'i mchod pa 'di 'bul gyi// mi 'gyur sku yi dngos grub stsal du gsol// rang byung rgyal po'i thugs mchog he ru dpal// rnam shes gnas gyur dpal chen rdo rje la// dam rdzas bdud rtsi'i mchod pa 'di 'bul gyi// skye med thugs kyi dngos grub stsal du gsol// rang byung rgyal po yon tan rat+na dpal// tshor ba gnas gyur dpal chen rat+na la// dam rdzas bdud rtsi'i mchod pa 'di 'bul gyi// yon tan lhun grub dngos grub stsal du gsol// rang byung rgyal po'i gsung mchog pad+ma dpal// 'du shes gnas gyur pad+ma he ru la// dam rdzas bdud rtsi'i mchod pa 'di 'bul gyi// ma chags gsung gi dngos grub stsal du gsol// rang byung rgyal po phrin las karma dpal// 'du byed gnas gyur dpal chen karma la// dam rdzas bdud rtsi lnga yi mchod pa 'bul// las rnams rdzogs pa'i dngos grub stsal du gsol// thugs rje rnam dag rgyal po'i pho brang du// srid gsum dbang sdud sku yi sbyor ba mo// chags pa'i rgyal mo bud+d+ha kro d+hi la// dam rdzas bdud rtsi lnga yi mchod pa 'bul// gnyis med
- 53b
byang chub mchog gi dngos grub stsal du gsol// skye med rnam dag thugs kyi sbyor ba mo// chags pa'i thugs rjes khams gsum rgyas 'debs ma/ khrag 'thung zhe sdang badz+ra kro d+hi la// dam rdzas bdud rtsi lnga yi mchod pa 'bul// gnyis med byang chub mchog gi dngos grub stsal du gsol// mi zad rin chen lta bu'i gter mnga' zhing // yon tan dbang gis lo rtog rdul du rlog khrag 'thung rat+na badz+ra kro d+hi la// dam rdzas bdud rtsi lnga yi mchod pa 'bul// gnyis med byang chub mchog gi dngos grub stsal du gsol// ma chags pad+ma lta bu'i sku mnga' zhing // 'dod chags dbang gis khams gsum kun la sbyor// chags med sbyong mdzad pad+ma kro d+hi la// dam rdzas bdud rtsi lnga yi mchod pa 'bul// gnyis med byang chub mchog gi dngos grub stsal du gsol// las rnams rdzogs byed thugs rje ngad dang ldan// phrin las rdzogs pas rgyud drug rtsad nas gcod// thugs rje thabs ldan karma kro d+hi la// dam rdzas bdud rtsi lnga yi mchod pa 'bul// gnyis med byang chub mchog gi dngos grub sbrul du gsol// za byed sreg pa me yi hom khung du// chags pa'i yum du bcas pa'i sprin sreg gi/ chags lnga byang chub dbyings lngar lhun gyis grub// sbyin sreg lnga yi mchod pa 'di 'bul gyi// bdud rtsi mchog gi mchod pa dngos grub stsal du gsol// dam nyams dam skong mthu dang
- 54a
dngos grub stsol// sreg byed dur khrod me yi hom khung du// mkha' 'gro mgyogs ma bka' nyan brgyad rnams la// dam rdzas bdud rtsi mchog gi mchod pa 'bul// log rtog 'khor ba rdul du brlag slad du// dur khrod zhing gi dbyug pa phyag na bsnams// srid gsum sgrol mdzad sngon mo'i go'u rI ma// dam rdzas bdud rtsi mchog gi mchod pa 'bul// thugs rje thabs dang ldan pa'i sku mnga' ba// log rtog las kyi skyon rnams dbug slad du// thabs dang shes rab ldan pa'i mda' 'phen cing // dbyings kyi ngang las sbyor ba'i ser mo tso'u rI ma// dam rdzas bdud rtsi mchog gi mchod pa 'bul// 'khor ba mang po thugs rjes sgral slad du// mi nub chu srid rgyal mtshan phyag na bsnams// sangs rgyas rgyal srid gtso mdzad dmar mo pra mo he// dam rdzas bdud rtsi 'bar ba'i mchod pa 'bul// sa dgu 'joms pa'i rdo rje rtse dgu 'phyar// ru tratra sgrol mdzad ye shes dbyings la sbyor// nag mo 'jigs tshul ston mdzad bait+ta lI// dam rdzas bdud rtsi 'bar ba'i mchod pa 'bul// rgyud drug 'khor ba gnas nas drang slad du// dur khrod zhing gi rgyu zhags phyag na bsnams// chos kyi dbyings la sbyor ba'i dmar ser puk+ka sI// dam rdzas bdud rtsi 'bar ba'i mchod pa 'bul// ye shes lnga dang ldan par mdzad slad du// dbang po lngar ldan thod pa phyag na bsnams// ye shes
- 54b
lnga la sbyor ba'i rdo rjes dkrug/ thugs rje thabs mkhas sngo ljang g+hasma rI// dam rdzas bdud rtsi 'bar ba'i mchod pa 'bul// zhe sdang chen po gtan nas 'joms mdzad pa// zhing mchog tsit+ta dmar po tshems kyis 'dren// nga rgyal sems la sbyor ba'i mthing nag sma sha ni// dam rdzas bdud rtsi 'bar ba'i mchod pa 'bul// log rtog skyon rnams so sor bsgral slad du// thugs rje thabs kyis mgo lus so sor 'bral// ser sgrasku 'jigs pa'i tshul can tsaN+Da lI// dam rdzas bdud rtsi 'bar ba'i mchod pa 'bul// za byed 'bar ba'i me yi hom khung du// ma chen 'bar ma chen mo brgyad rnams la// dam rdzas bdud rtsi 'bar ba'i mchod pa 'bul// dur khrod sreg byed me yi hom khung du// rol pa'i phra men brgyad la mchod pa 'bul// za byed zhen pa dkar ser seng ge'i mgo/ mthu rtsal 'phrog mdzad rtsal 'phags seng ha ma// dmar mo mgo gcod dpa' brtul stag gi mgo/ 'chi bdag bdud kyi sde 'joms b+ha g+h+r-i ma// dmar mo khrag ldag srin mo wa yi mgo/ zhing chen khong nas 'dren byed sring gal ma// rus 'cha' mthing ga g.yeng ba'i spyang ki'i mgo/ gzugs phung 'jig mdzad khrag ldag shra na ma// gdeng tshad dkar por kun brlag bya rgod mgo// khong khrag rtsad nas 'byin pa'i gr-id+d+ha ma// dur khrod zhing za sna tshogs dur bya'i mgo/ nyon mongs tshe srog
- 55a
'phral ba'i kang ka ma// nag mo chol thog rnam dag bya rog mgo tshig gcig chad// u lU mun mthong sna tshogs 'ug pa'i mgo/ nyon mongs glo snying 'byin pa'i u lU mar// za byed sreg pa me yi hom khung du// dam rdzas bdud rtsi 'bar ba'i mchod pa 'bul// bla med sku gsung thugs kyi dngos grub stsol// dkar mo lcags kyu 'gugs pa rta yi mgo/ sngon mo zhags chen 'ching byed phag gi mgo/ dmar mo lcags sgrog sdom byed dom gyi mgo/ sngon mo dril thogs thal byed sbyang ki'i mgo/ thar pa'i sgo 'byed sgo ma bzhi rnams la// dam rdzas bdud rtsi mchog gi mchod pa 'bul// bla med sku gsung thugs kyi dngos grub stsol// za byed dur khrod me yi hom khung du// dmar mo mgo brnyan mi 'khrugs nyi shu brgyad// dam rdzas bdud rtsi 'bar ba'i mchod pa 'bul// dbang phyug mkha' 'gro nyi shu brgyad// la la smug nag tri shUl thogs pa g.yag gi mgo/ la la dmar skra rtse lnga thogs pa sbrul gyi mgo/ la la ser nag dbyug sdig 'byin pa gzig gi mgo/ la la dkar dmar rgyu zhags thogs pa sre mo'i mgo/ la la ser nag 'khor lo thogs pa pha wang mgo/ la la dmar skya dbyug to thogs pa dred kyi mgo/ la la dmar mo rgyu zhags thogs pa dom gyi mgo/ la la sngo nag rin chen bum pa thogs pa chu srin mgo/ la la sngo skya khog smad thogs pa
- 55b
sdig pa'i mgo/ la la ljang nag zangs gri thogs pa khwa yi mgo/ la la dmar nag rgyu zhags thogs pa wa yi mgo/ la la mthing nag snying thogs stag gi mgo/ la la dmar nag 'khor lo thogs pa bya rgod mgo/ la la dmar mo rdo rje thogs pa rta yi mgo/ la la dmar mo zangs gri thogs pa khyung gi mgo/ la la dmar ser khog smad thogs pa khyi yi mgo/ la la dkar dmar pad+ma zhags pa thogs pa pu shud mgo/ la la ljang ser ro thogs sha ba'i mgo/ la la dmar nag rde'u chung ral gri thogs pa sbrang ki'i mgo/ la la dmar ser gsal shing thogs pa sbyin gyi mgo/ la la nag mo mche zhags thogs pa phag gi mgo/ la la ljang nag rde'u chung thogs pa khra yi mgo/ la la ljang nag bam chen thogs pa glang gi mgo/ la la ljang nag bdud rtsi thogs pa rta yi mgo/ la la nag mo lcags kyu thogs pa khu byug mgo/ la la sngon mo rgyu zhags thogs pa ra yi mgo/ la la dmar mo lcags sgrog thogs pa seng ge'i mgo/ la la dmar nag dril chen thogs pa skye ka'i mgo/ dbang phyug mkha' 'gro nyi shu rtsa brgyad la// dam rdzas bdud rtsi lnga yi mchod pa 'bul// bla med sku gsung thugs kyi dngos grub stsal du gsol// gsang ba me dpung gi rgyud las// sbyin sreg gi le'u ste drug pa'o// // bcom ldan zhi phro 'bar ba'i tshogs// me dpung 'bar la phyag
- 56a
'tshal lo// rdzas dang sa gzhi brtags nas ni// ma dag pa ni mtshams bcad de// sgrub pa nang gi don la 'jug/ stong gsum me ris bskor ba'i dbus// srid pa'i ri bo bzhi yi bar// rgya mtsho chen po'i 'jing dkyil du// gsang ba'i sgrub pa chen po brtsam// phro bdag srin mo lnga 'dul dpal// gsang ba'i chas kyis rnam par brgyan// phyag na sreg pa'i me dpung bsnams// de nyid 'thor rlung rgyas pas 'ad// mtshams bcad bgegs kyi tshogs 'drogs nas// de nas sgrub gnas gnas rab stsal// de yi gnas rab dam pa ni// srid pa'i gzhal yas khang chen du// srid pa'i yum lnga gsal mchod nas// de yi pho brang dam pa ru// 'gro drug dpal gyi rgyas btab la// rtsi shing nags tshal rgyan du bkram// bskal pa'i me dpung 'khrugs dkyil du// srid pa'i 'du 'dzi med par bya/ khams gsum bgegs chen stong par brdzi// stong gsum DA tra dbyings su mnan// mtshams kyi rgyal po me yi khro bdag gis// srid pa'i mtshams ni de ltar bcad// gzugs kyi phung po 'dzam gling la// sdug bsngal bag chags rkyen gyi rnams// thugs rje me yis mtshams bcad pas// me yi rgyal po chen po bsgom// rnam shes khams kyi dkyil 'khor du// nyon mongs lnga las bde ba yang // rtog pa ye shes med phung rgyas/ khams gsum sreg pa'i
- 56b
dbang phyug gis// nyon mongs lnga mtshams bcad par bya// rtsi shing ri brag ma lus kyang // me dpung rgyal po khro bo'i sku// 'ur 'ur chem chem 'bar ba'i 'od// bskal pa sreg byed rgyal pos mtshams bcad do// raM kro d+ha raM/ ha la raM/ to sha ya raM/ raM raM/ raM ti shaM/ kro b+hi kha naM yo ga raM phaT/ gsang ba'i dkyil 'khor chen po ni// zlum po zla gam gru gsum ste// de yi dbus su 'byung ba lnga// de yi me dpung rgya gram dgod// de yi dkyil 'khor phyi rim la// thod pa rlon pa'i phreng chen dgod// de yi dkyil 'khor phyi rim yang // zhing gi bam rim phreng ba dgod// de yi phyi rim dkyil 'khor la// rdo rje rgya gram phreng ba dgod// de yi phyi rim dkyil 'khor la// snang ba chen po lnga ru dgod// mig nas me ri zhags pas drang // de yi phyi rim dkyil 'khor la// yi ge raM gyi phreng bas bsdom// yaM las rlung gi zhags pas drang // de yi phyi rim dkyil 'khor la// rdo rje rtse gcig phreng chen la// yi ge hUM gi zhags pas drang // de yi phyi rim dkyil 'khor la// rdo rje phreng chen phyogs med la// yi ge yaM gi zhags pas drang // de yi phyi rim dkyil 'khor la// gzi chen me mar kha dgu gtams// de yi phyi rim dkyil 'khor la// thod pa rak+tas bkang ba dgod// de yi phyi rim dkyil 'khor la// zla gam dgu yi dkyil 'khor dgod// de yi phyi rim dkyil 'khor
- 57a
la// ba su ta yi zhags pas drang // de yi phyi rim dkyil 'khor la// mtshon cha lnga yi gur dbub bo// de ltar dkyil 'khor gsal bkod nas// de la phyag rgya rdzogs par dgod// gsang ba me dpung gi rgyud las/ dkyil 'khor gsal bar bstan pa'i le'u ste bdun pa'o// // me dpung 'bar ba'i dkyil 'khor nas/ khro bo 'jigs byed spyan 'dren na// me dpung rab 'bar gdan la gshegs// hUM/ nam mkha'i gtos dang 'dra ba'i dkyil 'khor nas// 'jigs byed 'bar ba'i rgyal po gshegs su gsol// me ri 'bar ba'i dkyil 'khor nas// gsang ba'i dkyil 'khor rab bkod nas// zhing rkyang bkram pa'i gdan la bzhugs// srid pa'i ri bo dbus kyi dkyil// chen po lnga yi dur khrod klong // rgya mtsho gting dpag yangs pa'i nang // me dpung gsang ba'i gnas mchog tu// 'thor rlung rdo rje rgya gram gtams// chags pa'i rak+ta rba klong 'khrugs// zhing gi ri rab brtsegs pa'i sa// dur khrod keng rus ka bar brtseg/ dregs pa'i 'khor lo rtsibs dang ldan// thod rlon rnam gsum gzhal yas 'bar// kha bad lcang lo 'khyil pas brgyan// gnam lcags gzer chen dbyings su 'debs// dur khrod gzhal yas de nang du// dbang phyug chen po gdan du bting // u ma de wa sne bsnol khar// shar du dri za'i rgyal po
- 57b
man// lho ru gshin rje ya mAn ta// nub tu kla bdag sbrul mgo can// byang du gnod sbyin 'bod sgrogs mnan// dbang phyug lnga yi gdan steng du// zhing gi gdan chen re re gding // de steng nyi zla 'bar ba'i gdan// de yi dbus su khro bdag bsgom// yi ge 'bru tshogs 'od 'phros 'dus// cho ga gsum gyi byin rlabs las// me dpung khro bo phyag rgyar gsal// hUM kro d+hi shwa rI he ru ka pa la sha phaT// dbus kyi me dpung dkyil 'khor nas/ khro bdag b+hud+d+ha'i rgyal po'i sku// ser nag ral pas me dpung 'thor// 'bar ba'i gdan la spyan 'dren gshegs// shar gyi me dpung dkyil 'khor nas/ khro bo badz+ra he ru ka/ mthing nag ral pas me dpung 'thor// 'bar ba'i gdan la spyan 'dren gshegs// lho yi me dpung dkyil 'khor nas/ khro bdag rat+na rgyas pa'i sku// ser nag ral pa me dpung 'bar// 'bar ba'i gdan la spyan 'dren gshegs// nub kyi me dpung dkyil 'khor nas/ khro bdag pad+ma rgyas pa'i sgra// dmar nag nag pas me dpung 'thor// 'bar ba'i gdan la spyan 'dren gshegs// byang gi me dpung dkyil 'khor nas/ khro bdag las kyi rgyal po'i sku// ljang nag ral pa me dpung 'thor// 'bar ba'i gdan la spyan 'dren gshegs// dbyings kyi yum chen dpal 'bar ma/ khrag 'thung rgyal mo dpal gyi yum// me dpung gdan la spyan 'dren
- 58a
gshegs// bud+d+ha kro d+hi shwa rI s+t+waM// dbyings kyi yum chen dpal 'bar ma/ khrag 'thung rgyal mo dpal gyi yum// me dpung gdan la spyan 'dren gshegs// badz+ra kro d+hI shwa rI s+t+waM// dbyings kyi yum chen dpal 'bar ma/ khrag 'thung rgyal mo dpal gyi yum// me dpung gdan la spyan 'dren gshegs// rat+na kro d+hi shwa rI s+t+waM// dbyings kyi yum chen dpal 'bar ma/ khrag 'thung rgyal mo dpal gyi yum// me dpung gdan la spyan 'dren gshegs// pad+ma kro d+hI shwa rI s+t+waM// dbyings kyi yum chen dpal 'bar ma/ khrag 'thung rgyal mo dpal gyi yum// me dpung gdan la spyan gshegs// karma kro d+hI shwa rI staM// dbyings kyi yum chen dpal 'bar ma/ khrag 'thung rgyal mo dpal gyi yum// me dpung gdan la spyan 'dren gshegs// de ltar gsal ba'i dkyil 'khor du/ khrag 'thung rgyal mo me 'bar ma// go rI brgyad rnams spyan 'dren na// rol pa'i stabs kyis gshegs su @#// gsol// dur khrod chen po'i gnas brgyad nas// ye shes ma brgyad spyan 'dren na// me dpung rab 'bar gdan la gshegs// dur khrod gling gi mtha' shed nas// ya mtshan chen po bsil ba'i tshal// ye shes ma chen go rI ma// sngon mo dbyug thogs mche ba can// me dpung gdan la spyan 'dren gshegs// dur khrod gling gi mtha' shed nas// ye shes ma chen tso rI ma// ser mo
- 58b
mda' 'phen mche ba can// me dpung gdan la spyan 'dren gshegs// dur khrod gling gi mtha' shed nas// ye shes ma chen pra mo he// bdud rgyal chu srin rgyal mtshan phyar// me dpung gdan la spyan 'dren gshegs// dur khrod gling gi mtha' shed nas// ye shes ma chen be tA lI// mthing nag zhing za rdo rje 'phyar// me dpung gdan la spyan 'dren gshegs// dur khrod gling gi mtha' shed nas// ye shes ma chen puH/ snyisIsnyi// dkar ser rgyud zhags mche ba can// me dpung gdan la spyan 'dren gshegs// dur khrod gling gi mtha' shed nas// ye shes ma chen g+hasma rI// sngo ljang khrag 'thung mche ba can// me dpung gdan la spyan 'dren gshegs// dur khrod gling gi mtha' shed nas// ye shes ma chen sma sha nI// mthing nag snying zan mche ba can// me dpung gdan la spyan 'dren gshegs// dur khrod gling gi mtha' shed nas// ye shes ma chen tsan+da lI// ser skya mgo gcod mche ba can// me dpung gdan la spyan 'dren gshegs// badz+ra go rI ha ru lu b+h+yo dzaH/ badz+ra tsau rI ha ru lu b+h+yo dzaH/ badz+ra pra mo he ha ru lu b+h+yo dzaH/ badz+ra be tA lI ha ru lu b+h+yo dzaH/ badz+ra puk+ka sI ha ru lu b+h+yo dzaH/ badz+ra g+hasma rI ha ru lu b+h+yo dzaH/ badz+ra sma sha nI ha ru lu b+h+yo dzaH/ badz+ra tsiN+Da lI ha ru lu b+h+yo dzaH/ rgya gar yul gyi mtha' shed nas// phra men chen mo spyan 'dren na// dbu brnyan brgyad rnams spyan
- 59a
'dren gshegs su gsol// rgya gar yul gyi mtha' shed nas// za byed phra man ral pa can// ser mo rngam pa seng ge'i mgo// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// dmar mo stag mgo 'bru tshugs blta// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// nag mo wa mgo rkang ldag ma// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// mthing ga sbrang mo rus chen 'joms// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// dmar mo rgod mgo gri thogs ma// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// sngar mo dur bya zhing khur ma// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// nag mo bya rog rgyu tshil rol// me dpung gdan la spyan 'dren gshegs// rgya gar yul gyi mtha' shed nas// za byed phra men ral pa can// mthing ga 'ug mgo glo snying za// me dpung gdan la spyan 'dren gshegs// seng ha he b+h+yo ru lu badz+ra raM// bya g+h+r-i he b+h+yo ru lu badz+ra raM// sr-ing gal he b+h+yo ru lu badz+ra raM//
- 59b
shAshwa na he b+h+yo ru lu badz+ra raM// gr-id+d+ha he b+h+yo ru lu badz+ra raM// kang ka he b+h+yo ru lu badz+ra raM// ka ka he b+h+yo ru lu badz+ra raM// hu lu he b+h+yo ru lu badz+ra raM// dur khrod gling gi shar sgo nas/ khro gtum rta mgo ra la pa can// me dpung 'bar ba'i gdan la gshegs// dur khrod gling gi lho phyogs nas// sngon mo zhags 'phen phag gi mgo/ me dpung gdan la spyan 'dren gshegs// dur khrod gling gi nub sgo nas// dmar mo lcags sgrog sdom byed ma// me dpung gdan la spyan 'dren gshegs// dur khrod gling gi byang sgro nas/ khro gtum sbyang mgo ral pa can// ljang gu dril 'khrol rdul du rlog/ me dpung gdan la spyan 'dren gshegs// dza dza dza dza/ raM raM raM raM/ ri rab chen po'i b+hi rdom tu// dbang phyug chen mo spyan 'dren na// mi dpung rab 'bar gdan la gshegs// sdug nag khrag 'thung srin mo'i gzugs// zod rlon bkang ba phyag na bsnams// me dpung gdan la spyan 'dren gshegs// ser nag khrag 'thung tshangs pa'i gzugs// pad+ma 'dab brgyad phyag na bsnams// me dpung gdan la spyan 'dren gshegs// dkar ljang khrag 'thung lha yi gzugs// rdo rje tri shUl phyag na bsnams// me dpung 'bar ba'i gdan la gshegs// sngon mo khrag 'thung khyab 'jug gzugs// 'khor lo rtsibs brgyad phyag na bsnams// me dpung 'bar ba'i gdan la gshegs// dmar mo khrag 'thung
- 60a
gzhon nu'i gzugs// ye shes mdung thung phyag na bsnams// me dpung 'bar ba'i gdan la gshegs// dkar mo khrag 'thung brgya byin gzugs// in+d+ra rdo rje phyag na bsnams// me dpung 'bar ba'i gdan la gshegs// ser mo khrag 'thung rdo rje'i gzugs// b+han+na rak+ta phyag na bsnams// me dpung gdan la spyan 'dren gshegs// dmar mo khrag 'thung nyi ma'i gzugs// bdud rtsi bum pa phyag na bsnams// me dpung gdan la spyan 'dren gshegs// dkar mo khrag 'thung za ba'i gzugs// pun+da dkar mo phyag na bsnams// me dpung gdan la spyan 'dren gshegs// dkar mo khrag 'thung za ba'i gzugs// rdo rje b+han+d+ha phyag na bsnams// me dpung gdan la spyan 'dren gshegs// ljang gu khrag 'thung rdo rje'i gzugs// be con sngon mo phyag na bsnams// me dpung gdan la spyan 'dren gshegs// dmar po khrag 'thung srin mo'i gzugs// b+han+na rak+ta phyag na bsnams// me dpung gdan la spyan 'dren gshegs// ljang nag khrag 'thung za ba'i gzugs// rdo rje ba su phyag na bsnams// me dpung 'bar ba'i gdan la gshegs// dmar mo khrag 'thung 'jigs pa'i gzugs// rdo rje zangs gri phyag na bsnams// me dpung gdan la spyan 'dren gshegs// dkar mo khrag 'thung stobs bzang gzugs// rdo rje gshol mda' phyag na
- 60b
bsnams// me dpung gdan la spyan 'dren gshegs// ser mo khrag 'thung rdo rje'i gzugs// rdo rje spu gri phyag na bsnams// me dpung gdan la spyan 'dren gshegs// dmar mo khrag 'thung gzhon nu'i gzugs// ye shes mdung thung phyag na bsnams// me dpung 'bar ba'i gdan la gshegs// dkar mo khrag 'thung 'jigs pa'i gzugs// rdo rje bum pa phyag na bsnams// me dpung 'bar ba'i gdan la gshegs// ljang mo khrag 'thung 'jigs pa'i gzugs// ba dan ljang gu phyag na bsnams// me dpung gdan la spyan 'dren gshegs// sngon mo khrag 'thung glang gi mgo/ rdo rje b+han+da phyag na bsnams// me dpung gdan la spyan 'dren gshegs// dmar mo khrag 'thung 'jigs pa'i gzugs// rdo rje ral gri phyag na bsnams// me dpung gdan la spyan 'dren gshegs// dmar mo khrag 'thung me lha'i gzugs// rdo rje gsal shing phyag na bsnams// me dpung gdan la spyan 'dren gshegs// sku mdog smug nag phag gi gzugs// rdo rje zhags pa phyag na bsnams// me dpung 'bar ba'i gdan la gshegs// dmar mo khrag 'thung chu lha'i gzugs// rdo rje sbrul zhags phyag na bsnams// me dpung gdan la spyan 'dren gshegs// ri rab chen po'i shar phyogs nas// nag mo lcags kyu 'dren byed ma// me dpung gdan la spyan 'dren gshegs//
- 61a
ri rab chen po'i lho phyogs nas// ser mo ra mgo zhags pa ma// me dpung gdan la spyan 'dren gshegs// ri rab chen po'i nub phyogs nas// dmar mo sdom byed seng ge'i mgo/ me dpung gdan la spyan 'dren gshegs// ri rab chen po'i byang sgo nas// sna tshogs ljang gu dril 'khrol ma// me dpung 'bar ba'i dkyil 'khor du// spyan 'dren mchod stobs bsnyen pa 'bul// b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo// raM raM raM raM raM raM raM// raM raM raM raM raM raM raM// raM raM raM raM raM raM raM// raM raM raM raM raM raM raM// gdung ba'i tshul gyis dngos grub blang // de nas bdag nyid thig les @#// gdab// spyan drangs bzod gsol phrin las bcol// gsang ba me dpung gi rgyud las/ sgrub pa las rgya mtsho'i le'u ste brgyad pa'o// // rdo rje me dpung dkyil 'khor du// lcags kyu zhags pa tho ba gri// de yi phyi rim dkyil 'khor du// 'khor lo rtsibs brgyad rnon po la/ phra men sha za brgyad rnams dgod// bskal pa'i me ris 'khrigs pa bri// de yi phyi rol dkyil 'khor du// khrag gi rgya mtsho'i gzugs bris la// de yi zhabs su rus chen dgod// tha ma me ri dmar po dgod// dkyil 'khor de yi yang thog tu/ khro bdag me yi rgyal po bri// de ltar dkyil 'khor bris nas ni// sgrub pa
- 61b
chen po brtsam pa'i phyir// bgegs kyi rgyal po rU tra bsgral// de yi cho ga chen po bstan// thar lam gnas brtan dpal gyi dkyil 'khor du// 'byung po gtum po gdol pa can// mthar byed sgrub pa 'di la bsgrub// dug lnga gtan du 'bar ba 'di// mtshon cha lnga yis sbyang bar bya// de yi drag po'i gri thogs nas// shin tu bshungs te smre sngags 'don// thugs rje'i bdag po'i zhabs drung du// sgreng ba'i tshul gyis 'di skad gsol// 'bangs su mchi'o 'bangs su mchi// 'bangs su nan tan ma bgyis na// bdag cag rnams kyi mgo lus snying // dum bu brgyar ni gtub par 'gyur// rul myags zag nas nyams par byed// phung po khams dang skye mched rnams// rdo rje me dpung 'bar ba yis// rab tu bsregs shing rdul du rlogs// de phyir dpal chen zhabs drung du// bdag cag rnams ni skyabs su mchi// zhes smre sngags 'don no// de nas dpal chen me yi rgyal po yis// rngam pa'i skad gyis sdug bsngal sbyangs// rdo rje'i zhabs kyi 'og tu brdzis// 'gyur bzlog med par rab tu bsdus// bsgrub chen brtsam phyir ru tra bsgral// gtum khro gdug pa'i tshogs bcas gzhom pa'i phyir/ khams gsum sreg byed me dpung dpal gyi sku// 'jigs pa'i tsham rngams glog ltar 'gyu// bdud 'dul khro rgyal dpal chen he ru ka/ rU tra bsgral phyir che ba'i nga rgyal
- 62a
bskyed// 'dzam gling lho yi gling khams nas// dbang phyug bdud kyi bsgral thabs 'di// mgo ni lho nub mtshams su bstan// rkang pa byang shar mtshams su bstan// lag brkyang rkang brkyang pho brang bskyed// tho ba lcags kyu spu gri yis// dug gsum bsgral phyir 'jigs tshul bstan// bdud ma traM thal kha sngo skya la// lus po ri rab kyi gtos tsam de mgo lho nub mtha' thug pa med pa/ rkang pa byang shar mtha' thug pa med pa der bsgyel to// snying ni dur khrod bsil ba'i tshal// rgya gar yul nas grub pa mo// ma mo chen mo go rI ma// sngon mo dbyug to thod pas bsgyings// me dpung zla gam dkyil 'khor du// rol pa'i stabs kyis gshegs su gsol// lag pa g.yas ni li yul grub pa'i tshal// li yi yul du grub pa mo// ma mo chen mo tso rI ma// tso rI mda' 'gengs ral pas bsgyings// me dpung zla gam dkyil 'khor du// rol pa'i stabs kyis gshegs su gsol// lag g.yon bal yul grub pa'i tshal// ma mo chen mo pra mo he// pra mo chu srin rgyal mtshan bsnams// me dpung zla gam dkyil 'khor du// rol pa'i stabs kyis gshegs su gsol// rkang g.yas tho gar dur khrod tshal// tho gar yul nas grub pa mo// ma mo chen mo be tA lI// be tA byi za rdor 'phyar nag/ me dpung 'bar ba'i dkyil 'khor du// rol pa'i stabs kyis
- 62b
gshegs su gsol// rkang g.yon za hor grub pa'i tshal// ma mo chen mo puk+ka sI// dmar ser rgyu 'dren ral pa can// me dpung 'bar ba'i dkyil 'khor du// rol pa'i stabs kyis gshegs su gsol// lte ba o D+yan grub pa'i tshal// oM D+yan yul nas grub pa mo// ma mo chen mo g+hasma rI// g+hasma dung dmar khrag 'thung ldang // me dpung 'bar ba'i dkyil 'khor du// rol pa'i stabs kyis gshegs su gsol// pho mtshan sing+ga grub pa'i tshal// sing+ga'i yul nas grub pa mo// ma mo chen mo sma sha nI// sma sha mthing nag byis snying za// me dpung zla gam dkyil 'khor du// rol pa'i stabs kyis gshegs su gsol// mkhal ma dur khrod gling dgu'i tshal// gling dgu'i yul nas grub pa mo// ma mo chen po tsaN+Da lI// tsaN+Da ser skya mgo lus 'dral// me dpung zla gam dkyil 'khor du// rol pa'i stabs kyis gshegs su gsol// rU tra'i gzugs kyi phung po la// phra men dur khrod gnas grub pa'i// ma mo spyan 'dren gshegs su gsol// gru mo g.yas g.yon mkhrig mar bsnol// rkang pa g.yas g.yon gling mo bsnol// thar pa chen po'i gnas brgyad las// zla gam dmar po'i dkyil 'khor la// me dpung mang po'i phreng du bskor// sha za khrag 'thung mgo brnyan sogs// la la seng ge rngams pa'i tshogs// la la dpa' brtul stag gi tshogs// la la sgrol byed khrag ldag
- 63a
wa// la la rus 'joms rngam pa'i gzugs// la la lding tshogs bya rgod gzugs// la la dur bya zhing khur tshogs// la la rngam stabs bya rog gzugs// la la nang khrol 'joms pa 'ug pa'i gzugs// dur khrod me yi dkyil 'khor du// mgyogs tshogs phra men spyan 'dren na// rngams pa'i stabs kyis gshegs su gsol// shar sgo zla gam me dpung dkyil 'khor du// 'gugs pa'i rol tshogs spyan 'dren na// rngams pa'i stabs kyis gshegs su gsol// lho sgo zla gam me dpung dkyil 'khor du// 'ching ba'i rol tshogs spyan 'dren na// rngams pa'i stabs kyis gshegs su gsol// nub sgo zla gam me dpung dkyil 'khor du// sdom byed rol tshogs spyan 'dren na// rngams pa'i stabs kyis gshegs su gsol// byang sgo zla gam me dpung dkyil 'khor du// rlog byed rol tshogs spyan 'dren na// rngams pa'i stabs kyis shegs su gsol// sngo skra thal sku rA tra'i gzugs// gdol ba drag po mi bzad pa// gsod la 'jigs pa gzugs kyis sgol/ kha TaM 'bar ba'i phyag rgya yis// rol pa'i stabs kyis rA tra bsgral// 'dzam bu'i gling gi dkyil 'khor na// stong gsum thar pa rU tra'i gzugs// 'byung ba lnga yi cha las skyes// gzugs kyi phung po'i sdug bsngal 'di// sa me chu rlung nam mkha' lngas// 'thor byed chen pos dbyings su sbyor// zhe
- 63b
sdang 'dus pa'i phung po la// yi ge hUM gis bzhu btul nas// gnas 'gyur rdo rje sems dpa' gtso// sa gzhi yum gyi ngang du sbyor// de ltar rdzogs te mtha' yas mchog/ nyon mongs lnga yi phung po la// 'byung lnga gnas 'gyur thar pa'i sku// 'bar ba'i gnas su gsal bkod nas// phung po lnga gnas dkyil 'khor du// gnas 'gyur dbang mo lnga yi sku// srid pa'i ma lngas thugs rjes bsgral// ma traM gzugs kyi phung po ni// dur khrod me yi gnas brgyad dang // dur khrod phyed dang gsum du snang // mnyam gzhag phung po'i dkyil 'khor du// lnga bcu rtsa brgyad dbyings su gsal// lhag mthong las kyi dkyil 'khor du// thugs rjes rmad byung rol pa las// sbar ba'i las mchog chen po brtsam// gsang ba me dpung gi rgyud las/ bdud btul ba'i le'u ste dgu pa'o// // de nas las bzhi bsgrub pa'i phyir// dbus su dkyil 'khor zlum po bri// shar du zhi ba zlum po bri// drag po zur gsum lho ru bri// 'dod chags zla gam nub tu bri// rgyas pa chen po byang du bri// phung po lnga dang tshon lnga dang // sman lnga dang ni rdzas lnga dang // yum lnga dang ni rgyu yab lnga// zhib tu bsags la phrin las brtsam// de nas lha ting gsal ba dang / 'phro 'du gsal la phrin las bcol// rdzogs pa'i las ni rnam bzhi brtsam// de nas che ba'i nga rgyal bskyed// grub pa'i ting 'dzin
- 64a
brtson par bsgom// gsang ba me dpung gi rgyud las/ las rnam bzhi'i le'u ste bcu pa'o// // de nas bsgrub pa brtsam pa'i phyir// me yi dkyil 'khor bzhengs pa ni// dbu dag brtags pa'i gnas su brtsam// ma dag pa yi mtshams bcad brtag/ dngos grub gnas rab btsal bar bya// rtsi shing nags tshal rgyas pa'am// bkra shis dben pa'i sa phyogs su// bsgrub pa chen po brtsam pa'i phyir// de yi lag cha mchog tu bsngags// mtshon cha lnga dang rdzas lnga dang // sman lnga dang ni 'bras bu lnga/ khrag lnga dang ni 'o ma lnga// sha lnga chu lnga dug lnga dang // de yi blug snod dam pa ni// rus sbal mgo 'am zhal bu'am// sbrang rtsi bum mgo rgyal rigs mgo// dngul lam zangs phor gang yang rung // gang yang rung bar stsal te bsgrub// dbus su rin chen zur brgyad bri// shar du zlum po bris nas ni// rdo rje'i ra bas de la bskor// lho ru gru gsum brtsegs pa bri// me yi spu gri 'bar bas bskor// nub tu zla gam gcig pa bri// rdo rje rgya gram 'bar bas bskor// byang du gru bzhi rgyas pa bri// 'ja' tshon sna lngas de la bskor// de yi phyi rim dkyil 'khor du// thod pa'i phreng bas bskor bar bya// de yi phyi rim dkyil 'khor la// mar me dgu yang dri bar bya// de yi phyi rim dkyil 'khor du// zla gam bcu drug bris pa la// me dpung 'bar bas
- 64b
bskor ba bri// de yi phyi rim dkyil 'khor du// sgo bzhi zla gam bri bar bya// me yi phreng bas bskor bar bya// de yi phyi rim dkyil 'khor la// mtshon cha lnga yis bskor ba la// ba su ta yi rgyu phreng bri// de ltar bris pa'i dkyil 'khor dbus su ni// byang chub sems la spyan gyis bskor// yi ge hUM gis bzhu btul bya// shar du dri chen rdzas kyis bskor// yi ge oM gyis bzhu btul bya// lho ru sha chen rdzas kyis bskor// yi ge swA yis bzhu btul bya// nub tu rak+ta'i rdzas kyis bskor// yi ge AM gis bzhu btul bya// byang du dri chu'i rdzas kyis bskor// yi ge hA yis bzhu btul bya// rdzas lnga tshom bu lnga rdzogs nas// nye ba'i bsnyen pa zhag gcig bgrang // de nas rdzas kyi rtog pa sbyangs// tshom bu lnga yi 'od zer 'phro/ khro bo lnga yi sprul pa 'gyed// nye ba'i bsnyen pa de rdzogs nas// bsdus nas bdud rtsir btag btsag bya// 'phro 'du lnga yi dkyil 'khor du// dgu pa'i 'dzab kyis bsnyen pa bya// btags nas b+han+da'i nang du stsal// tshom bu lnga yi rgyas btab dbus su sgrub// grub rtags rnam lnga gang byung yang // dngos grub dbang bskur mchod pa 'bul// bder gshegs lha la gtang rag gtang // sgrub pa po yang bkra shis gsol// thub pa'i ting 'dzin rtse gcig bsgom// nan tan gyis ni mchog tu bsgrub// bsgrub pa'i 'bras bu chud mi za// gsang ba me
- 65a
dpung gi rgyud las/ bdud rtsi bsgrub pa'i le'u ste bcu gcig pa'o// // rngam pa'i thugs rje me yi dkyil 'khor du// dbang phyug chen po lha tshogs kun gyi rang bzhin te// 'dod spyod snying rjes brlan te rdzas lnga bsgrub// bcom ldan tshe yi lha la dngos grub slong // zhal bu bkra shis phra men bdud rtsi mchog gi sman stsal bar// 'bru lnga gsal bkod 'phros pa'i byin rlabs las// sbom po dbang mo'i rtse la hrIHbsgom ste// dug gsum skyon gsal bdud rtsi lnga yi dang // bsnyen pa nye bsnyen bsgrub pa dang // bsgrub pa chen po'i rab sgrub shing // bsnyen pa'i dngos grub stsal du gsol// gsang mchog pad+ma 'dab brgyad dkyil 'khor du// sgrub pa po yi dngos grub zla srog stsal du gsol// dbus kyi zhal bu mtshan ldan la// 'chi med bdud rtsi byang chub sems// nye ba'i bsnyen pas rab sbyangs te// bcom ldan dpal chen he ru 'i// gnyis med rol pa'i dngos grub stsol// shar gyi zhal bu dpal ldan du// 'chi med bdud rtsi dri chen sman// nye ba'i bsnyen pas rab skrangs te// bcom ldan dpal chen badz+ra he ru ka'i// gnyis med rol pa'i dngos grub stsol// lho yi zhal bu bkra shis la// 'chi med bdud rtsi sha chen sman// nye ba'i bsnyen pas rab sbyangs te// bcom ldan dpal chen rat+na he ru ka'i// gnyis med rol pa'i dngos grub stsol// nub
- 65b
kyi zhal bu dbang ldan la// 'chi med bdud rtsi rak+ta sman// nye ba'i bsnyen pas rab sbyangs te// bcom ldan dpal chen pad+ma he ru ka'i// gnyis med rol pa'i dngos grub stsol// byang gi zhal bu rtags ldan la// 'chi med bdud rtsi dri chu sman// nye ba'i bstan pas rab sbyangs te// bcom ldan dpal chen karma he ru ka'i// gnyis med rol pa'i dngos grub stsol// 'dzam bu bkra shis dkyil 'khor du// ma chen go rI brgyad tshogs la// nye bar bsgrubs pa'i dngos grub stsol// gsal ba'i me mar dgu bltams la// nye bar bsgrubs pa'i dngos grub stsol// rol pa'i phra men brgyad rnams la// nye bar bsgrubs pa'i dngos grub stsol// zla gam dmar po'i sgo bzhi la// 'joms pa'i khro mo brgyad rnams la// nye bar bsgrubs pa'i dngos grub stsol// phyi rol zla gam nyi shu rtsa brgyad la// dbang phyug mkha' 'gro nyi shu brgyad// dbang mdzad mthu yi dngos grub stsol// dus gsum rgyal ba khrag 'thung rol pa'i 'khor// phyag brnyan 'jig tshogs bka' yi dngos grub stsol// pho nya mngag pa'i dkyil 'khor nas// 'gugs pa las kyi dngos grub stsol// nye bar bsgrub pa'i dam tshig la// yi dam lha yi dngos grub stsol// mtho la bshags mchod stobs dngos grub stsol// byin rlabs dbang mchog bskur du gsol// nan tan mchog tu bskyed pa
- 66a
gsungs// lnga bcu rtsa brgyad dbyings kyi lha// bsdu ba'i gnas ni sku gsung thugs// sku gsung thugs ni rdo rje che// rdo rje lta bu'i dngos grub stsol// gsang ba me dpung gi rgyud las/ me dpung dngos grub kyi le'u ste bcu gnyis pa'o// // da ni sbyor ba rgyan gyi le'u 'byung ste// ga Na sbyor ba'i dkyil 'khor du// gsang mchog sbyor ba'i lung bstan te// mtshan ldan bkra shis gsang ba'i yum// smin khyug ring la lag sor phra// tshigs mdo zlum zhing phra zhes bshad// mig ni zur gsum gdong mdog phyed/ kha nas ut+pal ngad ldang zhing // lus la ga pur tsan dan dri// dri zhim mtshan ldan sked skabs phyed// skra 'jam nag po'i mthon mthing 'khyil// skad ni ngang pa gzhon nu'i skad// snyan par sgrogs shing mdzes tshul stabs dang ldan// 'di ni bkra shis mtshan ldan pa'i// mi mo mdzes pa'i blo gros yin// de la sbyor ba'i cho ga ni// yum gyi gzugs kyi phung po la// bde bar gshegs pa'i sa bon lnga// 'phro 'du lnga yi byin rlabs las// spyi bor zla ba'i dkyil 'khor la// oM ldan 'bar ba'i tshogs bcas bsgom// rgyas btab byin brlab dbang bskur nas// snang mdzad chen po'i sku mchog bsgom// snying ga'i nyi ma'i dkyil 'khor du// hUM ldan gsal ba'i tshogs su bsgom// rgyas btab byin brlab dbang skur nas// rdo rje sems dpa'i sku mchog
- 66b
bsgom// lte bar rin chen dkyil 'khor la// sna ldan gsal ba'i tshogs su bsgom// rgyas btab byin brlab dbang bskur nas// rin chen sems dpa'i sku mchog bsgom// ljags kyi pad+ma 'dabargyad la// oM ldan gsal ba'i tshogs su bsgom// rgyas btab byin brlabs dbang bskur nas// pad+ma sems dpa'i sku mchog bsgom// gsang gnas rgya gram dkyil 'khor du// hA ldan gsal ba'i tshogs su bsgom// rgyas btab byin brlab dbang bskur nas// las kyi sems dpa'i sku mchog bsgom// de ltar gsal bar rab bkod nas// yum gyi mkha' la me ri bsgom// de yi dbus kyi zla gam la// byang chub sems kyi spro bsdu bya// dbang bskur rgyal ba'i sku ru bsgom// de ltar gsal na sbyor ba'i mchog/ byang chub mchog tu de snang la// bsgrub pa'i dkyil 'khor thig chen 'debs// cho ga rdzogs nas dkyil 'khor dgod// rtogs pa'i ting 'dzin rtsa la 'phang can// de dag goms pas nyams su blangs// mi 'bral gzugs kyi ting 'dzin te// de ltar rtag tu sbyar ba dge/ gsang ba me dpung gis rgyud las/ sbyor ba'i le'u ste bcu gsum pa'o// // da ni thugs rje sgrol byed kyi le'u 'byung ste/ de bzhin gshegs pa'i phyag rgya che/ khrag 'thung rgyal po sbyor bcas la// mi phyed dad pas phyag 'tshal nas// de nas bsgrub pa'i dkyil 'khor
- 67a
brtsam// sgrub pa'i gnas rab dam pa ni// ri bo dben pa'i sa phyogs su// rdul rnams bsal nas mtshan brtag pa// rtsi shing 'dab rgyas klu yi gnas// gzugs rdo srin bag med pa'i sar// sa yi lha mo brtan ma la// sa gzhi bslangs la byin gyis brlab// bgegs bskrad mchod sbyin chen po dgyed// 'byung po'i gtor ma der btang nas// rdzogs pa'i las ni rnam bzhi brtsam// dbang rgyas zhi ba mngon spyod dang // man ngag zlog dang rdzogs las bya// phun sum tshogs pa bzhir ldan pas// de gzhung bsgrub pa chen po brtsams par bya// mgo la zhugs nas rgyab la dbyung / de nas bsgrub pa'i dkyil 'khor ni// 'khor lo rtsibs brgyad dbus su bri/ 'khor lo'i rtsibs la sbrul mgo bri// 'khor lo de yi phyi rim yang // thod pa'i phreng bas bskor bar bya// de yi phyi rim snam bu la// bskal pa'i me re'i klong du bri// de yi phyi rim snam bu la// sgo bzhi khro bo zla gam bri// de la me ri dmar pos bskor// de yi phyi rim snam bu la// de la zla gam nyi shu rtsa brgyad la// dbang phyug nyi shu rtsa brgyad dgod// bskal pa'i me ri 'bar bas bskor// de yi phyi rim mtshon chas bskor// de ltar dkyil 'khor gsal bkod nas/ khro bo bcu yis mtshams bcad la// rgyu ni thar pa'i lam du drang // de la dgra bgegs sgrib pa sbyangs// raM yaM khaM gis bsreg
- 67b
sbyang bya// ging chen slob ma dbang bskur la// mi bzad 'jigs pa'i chas kyis brgyan// de nas thar lam sgo phye nas// sgrol ba'i cho ga chen po bya// bsgral bar 'ba' zhig las kyi mchog/ thal lam rngam pa'i khro bo ste/ kha T+wAM mang po'i rngam tshul can// thugs rje gnas kyi sgo 'di phye// 'dod chags zhe sdang sna lnga la// lhag mthong thugs rje'i byin rlabs kyis// snang ba chen po lnga ru bsgral// rgyu mchog gzugs kyi phung po la// snod kyi 'jig rten rnal 'byor bsgom// thams cad che mchog phyag rgya che// nang khrol bcud kyi 'jig rten la// skal ldan las kyi ma mo bsgom// phyi nang gzugs kyi rten 'brel la// lnga bcu rtsa brgyad dgod par bya// rgyu yi phung po'i skye ba'i srid pa lnga// 'byung ba chen po lnga yis bskyed// de nas brten pa'i gzugs phung smin// phyag rgya chen por rang sgrol dpal// mi thar pa yi sgo bkag ste// dpa' bo 'bru lnga dbyings su dgod// thabs mkhas dpal gyi byin rlabs kyis// drag po'i las kyis bsgral bar bya// dug gsum rtsad nas gcad pa'i phyir// ye shes spu gri rnon pos bsnams// dur khrod rab 'byams klong dkyil nas// che mchog rgyal po gshegs su gsol// sgrol byed chen po'i dus la babs// mthar byed rngam pa'i dkyil 'khor du// dug gsum 'bar ba'i phung po bsgral// che'o che'o che mchog dpal// nga 'o nga 'o
- 68a
rgyal che// rang byung rgyal chen drug dbang rdzogs// thar pa gsum dang mnyam pa gsum// thugs rje dam tshig rmad po che// che mchog rgyal pos bsgral ba'o// lho yi 'dzam gling phung po la// srid pa gsum gyi phra bkod pa// thig le chen po'i klong du bsgral// gzugs kyi phung po rnam lnga yang // 'dod pa'i dbang mo lnga ru bsgral// rnam par shes pa tshogs brgyad kyang // ye shes chen po brgyad du bsgral// dregs pa'i sdug bsngal phung po yang // rtog med chos kyi rnam par bsgral// sdug bsngal las kyi rang bzhin yang // bde ba chen po'i klong du bsgral// phung po khams dang skye mched kyang // byang chub sems su bsgom par bya// de ltar rab tu rtogs pas gsungs// snying rje'i dam tshig chen por gsungs// spyad dang mi spyad dang du blang // bsgrub dang bsgom dang thugs rje yi// dam tshig chen po rmad po che// spyod pa'i dam tshig lhun mnyam la// mi 'da' bsrung ba chen por gsungs// yaM gis rnam shes sems sbar nas// hUM gis bsdus te mkha' la gzhag/ bde ba chen pa'i rtsal rdzogs pas// dus gsum 'gyur med dbang phyug sku// byang chub sems su bsgom par bya/ khams gsum thugs rje'i gdar sha bcad// skyes bu'i sems kyis nan tan bskyed// gsang ba me dpung gi rgyud las/ sgrol ba'i le'u ste bcu bzhi pa'o// // rdo rje zhing chen
- 68b
bsgrub 'dod pas// skye shing kun las 'das pa ni// mnyam nyid dag pa nyid du bsgom// khro chen bdud rtsi 'khyil ba yi// dzaHhUM baM hoHsa dgug byas nas// bdag dang khro bo gnyis med pa// ting 'dzin bstar te bsgom par bya'o// ting 'dzin gsal bar gyur pa dang // dur khrod zhing gi 'og tu gzhug/ lnga bcu rtsa brgyad tshogs bkod nas// goms pa'i shugs kyis bsgom par bya/ khro bo me yi dkyil 'khor bsgom// mngag pa'i pho nya phyogs bcur btang // thams cad ma lus dbang du sdud// tshom bu'i dkyil 'khor gsal bar gzhag/ pho nya mang pos sems bkug nas// ro la yang nas yang du gzhug/ mnar dang sems dang mdog smug 'byung // de nas ting 'dzin rtse gcig gis// lan grangs 'bum phrag mang du bzlas// bzlas nas ting 'dzin rnam gsum dang // rdo rje'i sngags ni rnam gsum la// de yi bar nas sngags 'byung ba// 'od zer bdun dang ldan par bya// nyen zhing bsnyen par gyur pa dang // bdud rtsi lnga yis bsdu bar bya// de nas yi ge 'bru bkod las// gsal zhing 'tsher bar bsgom par bya// yul dang dbang po mdzes pa'i tshul// yan lag lnga la rig lngar ldan/ rdo rje'i ting 'dzin gsal bar bsgom/ de nas ro de 'gul gyur nas// yan lag zhags pa'i phyag rgyas bsdam// nying lag rnams kyang gnas su gzhum// phyogs bzhi
- 69a
dag tu phyag rgya bsdam// de nas nub tu phyag rgyas bstan// rta mgrin dbang gi skur bsgoms shing // sngags ni 'bum phrag mang du bzlas// phyogs bcur 'phro zhing ro la bstim// de nas ro de drag 'gul na// rdo rje snying 'dzin gsal ba yis// mi g.yo bar ni bsgom par bya// de nas sbar spar byed pa dang // a nr-i pre du tri gang yin// rdo rje drag tu gdab par bya// phyag rgya'i kha nas hrIHbyung na// rdo rje'i ting 'dzin so yis bcad// rdo rje'i sngags bzlas khong du bstim// bdag dang gnyis su med par bsgom// de nas ro de langs pa dang // rdo rje byin nas dbang bskur ro// dam tshig chu yang blud par bya// las rnams thams cad byed du gzhug/ de ltar bsgrub pa'i ro mchog gis// thal ba thams cad sos par 'gyur// bsgrub pa'i sa ni dur khrod dang // ri brag gnyen po'i bgegs gnas dang // nags khrod stong pa tsher ma can// gnod sbyin srin po 'byung po'i gnas// de dag tu ni bsgrub par bya// dgu dang bcu gnyis bcu gsum mam// bcu bdun gyis ni nges par 'grub// phyi nang 'tsho ba'i yo byad rnams// sman rnams lnga yi zhing dang ni// 'bru rnams sna tshogs gter du bya// rtag tu lha tshogs mchod par bya// rgyun du mchod pa ma 'grub na// gsum dang lnga ru rgyun mi gcad/ kha zas rnams kyang thod par bza'// btung ba dag kyang de
- 69b
bzhin te/ 'dir chad skyon zhig byung 'dra// snying po 'od ldan rtag tu btang // rgyu ni tshim las byas pa'o// gong du thod pa'i nang du gzhug/ stong gsum zhing gi ras ma'o// snod ni dung chen srubs med de// lcang lo yod dam med kyang rung // de ba'i mda' yis ma phogs pa// mdog ser lus po che ba'o// rdo rje bsgrub pa'i bar gcad rnams// rtag tu mtshams ni bcad par bya// zhing gi rkang pa g.yas g.yon rnams// sbom po ma yin phra ba nyid// de la gnas pa'i sngags bzlas te// gdab pa'i sngags dang khro sngags kyis// lan ni 'bum du bzlas nas ni// lag pa g.yas g.yon thal sor la// khro bo bcu dang khro mo bcu// me dpung 'bar ba'i sku ru bsgom// de nas bdag dang gnyis med par// bsgrub pa rdo rjer bsgom par bya// 'du ba la ni ma gtogs par// phyogs mtshams kun tu mtshams kyang bcad// dngos grub ma thob par du ni// bsgom dang bzlas pa phyag rgya gsum// brtson 'grus sgra la me shor ltar// bar chad med par bsgrub par bya// de ltar bsgrub pa'i rigs mchog gis// lha srin sde brgyad bran du khol// 'dod khams lha rnams dbang du sdud// 'jig rten 'das dang 'jig rten rnams// yid bzhin du ni 'byung bar 'gyur// rdzu 'phrul chen po 'di dag ni// thob par nges par mngon du 'byung // de ma byung bar rab tu
- 70a
gsang // gsang ba me dpung gi rgyud las// ro langs bsgrub pa'i le'u ste bco lnga pa'o// // 'bar ba'i 'khor lo rtsibs brgyad la// rdo rje'i ra bas phyogs mtshams bskor// dbus su me dpung rgyal po ste// phyogs bzhi rigs bzhi gsal bkod nas// snod ni gsum pa shing lor ldan// dbus su bzhag ste bsgrub par bya// sku gcig rdo rje dril bur bsgom// de bzhin nyid du gyur pa dang // rdo rje rigs kyi gtso bo ni// dbu gsum phyag drug nyid du bsgom// gzhan yang khro bo gsum pa ni// cho 'phrul sna tshogs 'phro bar bsgom// blo dang shes rab che chung gis// rim pa bzhin du bsgom par bya// de ltar gsal bar gyur pas ni// nyi zla gza' skar dus gcig tu// rgya mtsho'i 'jing na snang ba ltar// de ltar goms stobs rigs 'dzin des// ji ltar 'dod pa bzhin du 'grub// mkhar la 'phyo dang rig 'dzin/ rnams// chu brag glog dang rlung mi g.yo// ri brag la sogs thogs med 'dzul// chu ru mi byed mes mi tshig/ dug dang mtshon gyis 'jig mi 'gyur// mi snang ba dang mang po sprul// gzhan yang ji ltar dmigs pa bzhin// gnyis po de la dbang yang bskur// dus dang chos la bsring thung dang // stong gsum nyung 'brur shong ba dang // yungs 'brus stong gsum bskyed pa dang // ji ltar dmigs pa bzhin du 'grub// sbrul dang
- 70b
gcan gzan gdug pa rnams/ khyi bzhin phyi na 'brang bar 'gyur// bdud dang mu stegs la sogs pas// tshugs par mi 'gyur bran bzhin byed// lus ma spangs par rig 'dzin 'thob// ye shes bsod nams longs spyod kyis// 'khor lo tshogs chen sa la 'god// thugs rje sprul pa'i byin rlabs kyis// so sor thar pa'i cha la 'god// sems can kun gyi don yang byed// las rnams thams cad kun byas te// skye 'chi med pa'i tshe yang 'thob// mtshan dang dpe byad kun gyis brgyan// bsod nams ye shes tshogs chen ldan// mthar phyin bya ba med par 'grub// 'brus bu mngon du 'grub par 'gyur// las ngan kun tu bskyed mi 'gyur// theg pa dman la ltung mi 'gyur// rig 'dzin grub pa thob par 'gyur// rdo rje phra mo'i ting nge 'dzin// 'od 'phro dbyings su slar bsdus nas// ye shes yi ge hUM gnas pa// mthing ga 'od zer gsal ba yi// 'od zer mang po 'phro bar bsgom// dbyings su yang ni slar la bstim// de las yi ge oM 'phros pas// 'dzin pa dpal gyi skur gyur te// rnal 'byor ma rnams ma bu yis// bdag nyid la ni mchod par 'gyur// lha mo'i tshogs dang rtse bar 'gyur// lha mo kun gyi bdag por 'gyur// sprul pa'i bud med mang po yis// 'ong na bsu zhing 'gro ba skyel// lha mo mang po'i dbus na 'dug/ dgyes pa'i mdangs kyis
- 71a
mgul 'khyud cing // pad+ma'i mchod pa 'bral bar 'gyur// gsang ba me dpung gi rgyud las/ rdo rje phra mo'i ting nge 'dzin dang rig 'dzin mang po bsgrub pa'i le'u ste bcu drug pa'o// // dkyil 'khor chen po de dbus su// rgyal po chen po nyid gnas de// bdag po'i ting 'dzin gsal rdzogs nas// thabs dang shes rab gnyis med pas// rdo rje pad+mar 'khyil pa las// rtse nas bstims shing dkyil 'khor spros// sgro zos yul gyi 'khor lo la// gsal ba'i thig le ngo bo nyid// rin chen gsal ba'i tshogs mchog las// rigs kyi dkyil 'khor tshogs bcas thim// gsang ba gsang chen gsang ba'i dbang // gsang ba kun la mnyam par bya// gsang ba kun gyi don rtogs nas// gzhan la mi smra don la gsal// gsang ba yum gyi 'khor lo la// gsal ba'i thig le ngo bo nyid// de bzhin rigs mchog chen po las// rigs kyi dkyil 'khor gsal 'phro thim// sku yi sras mchog chen po ste// sku yi rdo rje'i gsang thob nas// rgyal ba thams cad mnyes mchod la// rgyal ba'i sku rnams ston par 'gyur// g.yas g.yon thabs dang shes rab las// gsal ba'i ngo bo thig le nyid// rdo rje rigs kyi tshogs bcas bsam// de las rnal 'byor he ru gsal// las kyi dkyil 'khor gsal sgro thim// oM khyed ni rdo rje las yin
- 71b
gyi// sgrub pa'i las rnams kun byed cing // pho nya mang po spro bsdu kun// thub pa'i las rnams byed par 'gyur// smra byed yul gyi 'khor lo la// rdo rje smra ba'i tshogs mchog gsal// chos kyi 'khor lo gsal sgrosgo thim// sgra dbyangs bdud rtsi bla na med// yon tan gsum rnams brjod pa yis// dad ldan skyes mchog ngoms par byos// rab 'bring tha ma'i blo can rnams// dbang po tshims par byed pa'o// dran byed yul gyi 'khor lo ru// gsal ba'i thig le ngo bo nyid// rdo rje rigs kyi tshogs mchog ste// dus gsum rgyal ba'i bdag po ni// sku gsung thugs dang mi brjed gzungs// rgyal ba kun dang mnyam par sbyor// oM AHhUM swA ha/ phyogs bcu dus bzhi thams cad du// sku gsung thugs kyi rdo rje che// phyi nang gsang ba'i byed pa po// phyi nang gsang ba'i sbyin pa spyod// de nas 'jam dpal rnon po des// rgyan dang cha lugs kun bkrol te// spyi dpal mchog la mngon par gtor// gsang ba chen po btsan pa'i phyir// snying dang snying gi grogs mo de// spyi dpal mchog la yon du phul// dbu rgyan go cha phreng ba dang // go cha rgyal mtshan phyag rgya dang // gdug dang bum pa bza' btung dang // snying po lnga yi dbang bskur bas// de ring phan chad sku yi sras// ngan song gnas rnams stongs pa dang // tshe dang bsod nams phun gsum tshogs// 'khor los sgyur
- 72a
ba'i rgyal por 'gyur// phyogs bcu'i sangs rgyas thams cad la// gsang dbang 'di las mi mnga' bas// gsang ba'i dbang chen gsang ba'i bdag/ gsang ba mchog gi spyod pa 'di// 'jam dpal rnon po khyod la gtad// rnal 'byor kun la snying brtse'i phyir// nga yi spyod pa mtha' dag dang // sku yi byin rlabs chen po dag/ 'jam dpal rnon po khyod kyis bzung // deng nas 'jam dpal rnon po khyod// gsang ba kun gyi byed pa po// gsang ba'i gsang chen gsang ba bdag/ gsang ba sku yi rang bzhin te// gsang ba'i dpal du dbang bskur ro// gsang ba med dpung gi rgyud las// dbang bskur ba'i le'u ste bcu bdun pa'o// // da ni gsang ba me'i dkyil 'khor bsdu ba'i le'u 'byung ste// dur khrod me yi dkyil 'khor du// chags pa'i zla gam gdan dkyil du// me yi lag chu hA bskor ba// de la phyag rgya rdzas dang bcas// lha cha rdzogs par bkram pa ste// da ni dkyil 'khor mtha' nas bsdu// srid pa snod kyi 'jig rten la// gsang ba'i dkyil 'khor lnga rdzogs pa// sgyu ma lta bu'i tshul gyis kyang // bcud kyi 'jig rten dbyings su bsdu// bcud kyi 'jig rten ma lus kun// gnyis su med pa'i dbyings su bsdu// 'byung ba lnga ni yum gyi klong du bsdu// 'gro ba drug gi ngo bo yang // yul drug dbang po drug tu bsdu/ khams dang skye
- 72b
mched rnam grangs kyang // mi snang ba yi dbyings su bsdu// skye 'gro rtsi shing nags tshal yang // phyag rgya chen po'i dbyings su bsdu// dkyil 'khor lnga yi rdzas rnams kyang // 'khor gyi phyag rgya chen por bsdu// ba su ta yi rgyu 'dren yang // thugs rje rtog pa'i zhags pas bsdu// mchog gi phur pa chen po yang // rngam khro 'bar ba'i sku la bsdu// rak+ta yum gyi mkha' la bsdu// dri chen rnam par snang mdzad sku la bsdu// sha chen rin chen 'byung ldan sku la bsdu// dri chu don yod grub pa'i sku la bsdu// byang chub sems ni rdo rje sems dpa'i sku la bsdu// dkyil 'khor lnga yang yum lnga'i sku la bsdu// sku lnga ye shes lnga la bsdu// me yi lag chu hA ni sku gsung thugs su bsdu// me mar chen po dgu ni ye shes dgu ru bsdu// thod pa sku gsum dbyings su bsdu// dbang po lnga ni ye shes lnga ru bsdu// dam rdzas bdud rtsi chen por bsdu// mchod tshogs sbyin srid dpal gyi zhal du bsdu// dkyil 'khor gru bzhi phrin las rnam pa bzhi ru bsdu// bskal pa'i me ri ye shes 'phro bar bsdu// thod pa'i phreng ba ye shes klong du bsdu// rdo rje'i ra ba skye med sku ru bsdu// zla gam dmar po ye shes sku ru bsdu// dbyings kyi pho brang zlum po ni// kun gzhi chos nyid dbyings su bsdu// snod kyi 'jig rten bcud du bsdu// bcud kyi 'jig rten snying por bsdu// snying po chos kyi sku ru bsdu// chos sku byang chub sems su
- 73a
bsdu// byang chub sems ni spros dang bral// spros bral thig le chen por bsdu// byang chub sems ni thig le ste// thig le zlum po mya ngan 'das// kun gzhi spros bral dbyings su bsdu// rang gi sems ni chos nyid skye ba med pa'i dbyings su bsdu/ khro mchog me yi rgyal ba'i sku ni bsgrubs lags so// za byed nu ma can yang bsgrubs lags te// rngam pa'i sha za rnams kyang rbad lags so// dam rdzas gnyen po rnams kyang bsgrubs lags so// dngos grub gsang mchog rnams mang bsgrubs lags so// bsnyen bsgrub yan lag bzhi yang tshangs lags so// 'bras bu sku gsung thugs kyang bsgrubs lags so// skye med rdo rje'i sku yang bsgoms lags so// bzlas brjod bsnyen pa'i grangs kyang tshang lags so// byams pa'i ma srin rnams kyang gdung ba'i tshul gyis bos lags so// ting 'dzin rnams gsum khyad par yang // de bzhin nyid kyi dbyings su bsdus lags kyis// skye med chos kyi dbyings su gshegs su gsol// gsang ba med dpung gi rgyud las/ dkyil 'khor bsdu ba'i le'u ste bco brgyad pa'o// // da ni mi mdzad pa yi/ gter sba ste// thugs rje rang byung me yi sba thabs ni// snang srid me yi bye brag kun// snod kyi 'jig rten dbyings su sba// snod kyang bcud kyi dbyings su sba// snod bcud skye ba med par sba// srid pa'i za byed
- 73b
gzhal yas khang // rtsi shing thams cad rang byung ste// las kyi dbang mo'i dbyings rum du// 'thor byed rlung gi rgyal po sba// bya ba nan tan ye shes rgyas btab bo// pad+ma dbang mo'i dbyings rum du// sreg byed me yi rgyal po sba// so sor rtogs pa'i ye shes rgyas btab bo// rin chen dbang mo'i dbyings rum du// rlan byed chu yi rgyal po sba// mnyam pa nyid kyi ye shes rgyas btab bo// rdo rje dbang mo'i dbyings rum du// sra byed sa yi rgyal po sba// me long lta bu'i ye shes rgyas gdab bo// rdzas kyang dkyil 'khor dbyings su sba// phyag rgya sku yi dbyings su sba// sku ni chos kyi sku ru sba// sred pa 'byung ba lnga ru sba// sa chu me rlung 'byung ba bzhi// nam mkha' stong pa'i dbyings su sba// phyag rgya chen po'i rgya yis btab// sa bzhi yum gyi dbyings su sba// rdzas rnams byang chub sems su bsgom// sngags mkhan thabs mchog rgyal por bsgom// gnyis med gter du sba bar bya// nyon mongs rkyen gyi ngo bo lnga// ye shes lnga yi dbyings su sba// ma rig 'khrul pa'i log rtog kyang // mnyam snang chen po'i dbyings su sba// de ltar sbas pa'i dkyil 'khor tu// yab lnga yum lnga lag sbrel la// lu gu rgyud kyi bro brdung ngo // sum+b+ha ni yis steng du mnan// gsang ba me dpung gi rgyud las/ gter sba ba'i le'u ste bcu dgu pa'o// // dpal pad+ma chen po la phyag 'tshal lo// dang por
- 74a
bsgrub pa'i man ngag ni// rdzas dang sa gzhi brtag par bya// drod tshad rnam lngas gtan pa dbab// bdud rtsi chen po'i dkyil 'khor rdzogs// rang byung ye shes rdzogs par bsgrub// bsgrub pa chen po'i gnas gyur nas// rdo rje dbyings kyi klong du bsdu// rtsa ba brgyad dang yan lag stong // bsgrub pa dang ni bsgrub chen po// bsnyen pa dang ni nye bsnyen po// dam tshig chen po'i gnas chen po// bdud rtsi chen po'i drod tshad ni// 'byung ba lnga yi mtshan nyid do// bsgrub pa'i don gyi dkyil 'khor du// 'bras bu chen po'i dkyil 'khor rdzogs// las dang bya ba thams cad ni// mnyam nyid cho 'phrul dang du rdzogs// rdzas dang lag cha thams cad ni// skye shi med pa'i thugs la rdzogs// tshon gyi dkyil 'khor chen po yang // mi 'gyur ba yi sku la rdzogs// yig 'bru mang po bkod pa rnams// 'phro 'du med pa'i gsung la rdzogs// sngags tshig bzlas brjod mang po yang // 'bru brgyad bsnyen po'i don la rdzogs// lnga bcu rtsa lnga'i phyag rgya yang // phyag rgya chen po gsum du rdzogs// sku mdog phyag mtshan mang po rnams// sku gsum thugs kyi ngang du rdzogs// dur khrod spyod pa rnam gnyis kyang // spyod pa bral ba'i ngang du rdzogs// smod cing bshung ba'i rdzas mang yang // bdud rtsi chen po lnga la rdzogs// sdom pa'i rtsa ba yan lag kyang // sdom pa chen po gsum la
- 74b
rdzogs// sku gsung thugs kyi sdom pa yang // bsrung du med pa'i ngang du rdzogs// rbod gtong po nya mang po yang // cho 'phrul chen po'i sku la rdzogs// theg pa sde snod ji snyed kyang // theg pa chen po gsum du 'dus// theg pa chen po gsum po yang // rdzogs pa chen po'i theg par 'dus// brgyad khri bzhi stong rnam grangs kyang // gsang ba chen po nyid du 'dus// theg pa kun gyi lde mig ste// brgyad khri bzhi stong 'grol byed pa// gsang rgyud chen po 'di nyid do// gsang ba me dpung gi rgyud las/ bsgrub pa'i lde mig man ngag bkol ba'i le'u ste nyi shu pa'o// // bcom ldan 'das yongs su rdzogs pa'i sku la phyag 'tshal lo// gsang ba'i sgrub lugs chen po ni// brnag pa thugs kyi dkyil 'khor te// srid pa'i chos rnams sangs rgyas pas// 'khor ba'i gnas rnams phug gtib bo// bde ba chen po'i rtsal rdzogs pas// brnag pa rdzogs pa'i dkyil 'khor rdzogs// de nas rdzas kyi dkyil 'khor ni// dbus su yang thog zla gam ste// dkar dmar gnyis kyi rang bzhin no// dkyil 'khor de yi phyi rim du// me yis lag chu hA bskor nas// de la sgo bzhi rgyas par dgod// dbus su me dpung rgyal po ste// dbang gi dkyil 'khor bar ma la// rig pa'i rgyal po chen po bzhi// me dpung dbus na brjid par bzhugs// dbang gi yang thog tha ma la// gnas
- 75a
yul phyag rgya bcu drug kyang // me dpung dbus na rngam par dgod// sgo la mthar byed chen po brgyad// me dpung dbus na rol par dgod// dkyil 'khor chen po'i don rnams ni// gsang ba'i dkyil 'khor nyid la 'dus// phyi nang gsang ba[:]thams cad kyang // yang thog dkyil 'khor gsum la 'dus// phyi nang snod bcud ma[:]lus kyang // me ri[:]zlum po'i klong du 'dus// sku gsum thugs kyi ngang du 'dus// rgyud lnga rigs drug lam gnas kyang // gsang ba'i dkyil 'khor chen por rdzogs// zhes ston pas 'jam dpal rnon po la bka' stsal to// gsang ba me dpung gi rgyud las// gsang ba'i dkyil 'khor gyi le'u ste nyi shu rtsa gcig pa'o// // bcom ldan 'das bde ba chen po'i klong la phyag 'tshal lo// de nas ston pa kun tu bzang po yis// gsang ba me dpung thugs kyi tan+t+ra 'di/ 'jam dpal rnon po dang // rigs lnga'i sangs rgyas dang // gsang ba'i yum bzhi dang / 'khor byang chub sems dpa' dang / sems ma'i tshogs dang / gsang ba me dpung gi dkyil 'khor na/ sras mchog dam pa rigs kyi rgyal po ma lus pa rnams dang / tshangs pa dang / 'jog po dang / drang srong dang / lha rnams dang / mi'i byang chub sems dpa' li tsa bI dri ma med pa la sogs pa 'khor mang po rnams la mya ngan
- 75b
las 'das pa'i chos kyi klong nas bzhengs te bka' stsal to// zhal nas gsungs pa thams cad dang / theg pa rim pa dgu'i don ni gsang rgyud chen po 'dis bsdus la/ gsang rgyud chen po 'di'i don ni 'di ltar shes par gyis zhes bos nas gtad do// zhal nas gsungs pa thams cad dang // theg pa rnam grangs thams cad kyang // gsang rgyud chen po 'di la 'dus// 'di la brtson 'grus nan tan gyis// gsang rgyud 'di yi rang bzhin ni// yan lag drug rnams spros dang bral// rang byung thugs rjes gdal ba'i klong // dam tshig kun bzang sku gsung thugs// byang chub mngon sum rtogs nges pa'i// srid pa gsum gyi sku gsung thugs// stong gsum chos nyid dbyings su bsgom/ khams gsum byang chub sems su bsgom// yum lnga'i mkha' dbyings bde klong du// yab lnga don gyi rgyas gdab bo// thig le brtsegs pa'i klong // yang thog dgu brtsegs su// mar me dgu brtsegs kyang // srid pa snang ba ya// bo d+hi tsit+ta ya/ byang chub sems kyi rten/ dz+nyA na tsit+ta ya/ ye shes che ba'i rten/ ga'u dgu rgyud kyang / lung chen zab mo'i gsung // chu srin gre ba dgu brtsegs na/ nor bu rin chen 'bar ba sbas/ gson tshe shi nas 'grub pa'i klong / ta na bsgral ba'i gnas ni/ gar bya dam tshig klong / ga Na sbyor ba'i dam tshig ni/ bde bar bskor te sdud pa po
- 76a
rdo rje rnon po la gtad do// 'jam dpal rnon pos kyang // gsang ba med dpung gi dkyil 'khor gyi lha dang 'khor rgyal ba rgya mtsho rnams la 'di skad do// stong pa mun yang srid pa yongs kyi dpal// dus gsum bde bar gshegs pa rnams kyi thugs// dgongs pa mtha' dag rnams kyi brnag pa ste// byang chub ye shes thig le che// bde bar gshegs pa chen po ni// tshig dang yi ger mtshon du med// ston pa'i dgongs pa ni rgya mtsho chen po dang 'dra ste/ chos nyid kyi mtshan nyid stong zhes dmigs su med do// kun gzhi gting dpag med pa rgya mtsho chen po'i dbyings// sems kyi rang bzhin ji ltar 'od gsal bas// bde chen byang chub sems ni 'gyur med nam mkha' bzhin// chos dang byang chub sems ni bde ba kun la khyab// ces 'khor rnams la smras so// de nas 'khor rnams kyis legs so legs so// a la la ho zhes brjod nas rtogs te dbang po grol bar gyur to// de nas 'khor rnams kyis ston pa la 'di brjod do// thugs kyi dkyil 'khor lngar ldan zhing // snang srid thams cad yongs su gsal// 'khor ba'i rgyun rnams kun bkag nas// chos rnams ma lus sangs rgyas par// ston pas bstan pa nyid du rdzogs// zhes gsol to// bsngo ba med pa'i mchod pa/ 'dod pa lnga yi yon tan/ nam mkha'
- 76b
ltar kun la khyab par sprul te/ ston pa la mchod nas 'di skad gsol to// ji la'ang ma bkag chos kyi dbyings// blta ba khyung chen nam mkha' lding // spyod pa ma bkag rgya mtsho'i 'dzin// dam tshig ma bkag bsrung du med// bsgrub pa ma bkag yongs su rdzogs// phrin las ma bkag rgyun la rol// zhes ston pa la gsol to// ston pas rdo rje dbyings kyi 'khor rnams la gsang ba chen po byin pa// gsang ba chen po de kho na nyid// 'khor ba'i rgyud rten 'byung ba lnga// 'khor gnas bstan pa byang chub min// 'khor ba gnas su bsgral nas byang chub sems// sa chu me rlung 'byung ba lnga// byang chub sems kyi dkyil 'khor te// smon pa med pa'i yab lnga dang // chags pa med pa'i yum lnga dang // gsang ba'i gsang mchog byang chub sems// 'chi ba med pa'i srog kyang yin// gol ba med pa'i lam yang yin// re dogs med pa'i gnas kyang yin// lhun gyis grub pa'i lta ba yin// 'da' bar dka' ba'i dam tshig yin// che ba rang byung bcom ldan 'das// nyon thos rang rgyal theg chen ye nas rdzogs// rtogs pa'i rgyal po nang du shar// ma byung ma skyes snying po'i mchog/ lhun gyis grub pa'i thig le'i klong // spros med brjod bral pad+ma che// rang byung ye shes gzhal dang bral// chos rnams nam mkha'i rang bzhin 'dra// rdzogs chen bla med byang chub sems// chos
- 77a
nyid gsang ba'i don 'di ni// rna dbang brgud pa'i brnags pa ste// rtogs pa'i man ngag gter du bcang // zhes 'khor rgyal ba rgya mtsho rnams la gtad do// de nas sdud pa pos 'jam dpal la sogs pa/ gsang ba me dpung gi dkyil 'khor gyi lha rnams kyis/ thams cad me dpung gi rang bzhin du rtogs te/ rtogs pa phul lo// stong gsum ye brdal dkyil 'khor du// dur khrod chen po'i byang chub lung // rtogs chen mnyam sbyor thugs kyi mdzod// gsang bas mnyam pa'i snying po 'di// sangs rgyas gzhan nas spyan mi 'dren// nyid la kun rdzogs gzhan yas khang // dngos grub gzhan du mi slong ste// grub pa'i dkyil 'khor rang las shar// re smon med par ye nas gnas// gzhan du mi slong nyid la rdzogs// sa bcu khyad par rdzogs pa'i lung // yangs pa'i dkyil 'khor nyid la rdzogs// mnyam nyid ma skyes mya ngan 'das// zhes brjod do// shin tu ngams shing ngo mtshar skyes te// ston pa la rna dbang blags nas mnyan to// de nas ston pa kun tu bzang pos/ rigs lnga bde bar gshegs pa rnams dang / 'phags pa 'jam dpal la bka' stsal te/ byang chub sems dpa' mkhyen rab kyi bdag po khyed la da ngas chos 'di bsdus la bshad do// 'jam dpal rnon po/ chos 'di rgya che zhing zab pa yin te/ khyod kyis zin par gyis
- 77b
shig/ rtogs shig bsgrub pa chen po'i don 'di ni/ dper na me dang 'dra ste/ chung ngu'i rdul nas che ba'i ri rab kyang bsreg go/ theg pa chen po 'di ni nyi ma'i zer dang 'dra ste/ 'dzam bu gling dang / ri'i rgyal po rnams dang / kho ra kho yug dang / gangs rgyud dang / g.ya' ri bog ri dang / de'u la sogs pa thams cad gsal bar byed de/ blang dor dang dbye bsring du mi byed/ ston pa bdag gi thugs rje'i ngang / nyi ma 'dra ste dbri bkol med do// de bzhin du sems can rnams kyi rnam par shes pa yang de dang 'dra ste dbri bkol med do// mtshan ma dang mtshan ma med pa rnams la khyab ste gnas so// de bzhin du gsang ba'i rgyud chen po 'di yang kun la khyab ste/ rigs lnga'i sangs rgyas dang / rigs kyi yum lnga dang / 'khor gyi dkyil 'khor bsam gyi mi khyab pa la yang / nyi ma bzhan du shar ro// de nas bcom ldan 'das kyis/ 'khor tshangs pa dang / klu 'jog po dang / mi'i byang chub sems dpa' smad 'tshong ma bdag nyid/ khyi'i rgyal po ku ku rA dza la sogs pa rnams la/ nam mkha' bzhin du khyab ste/ srid pa gsum du brdal nas gsungs pa/ 'jam dpal stong gi 'jig rten gyi khams na sangs rgyas zhing gi rdul snyed la lus rdul snyed du byas na bu lam las ni// tan tra chen po 'di'i don rtogs pa bsod nams che'o// 'jam dpal dus gsum gyi
- 78a
sangs rgyas kyi zhing yongs su sbyong ba bas ni/ tan tra chen po'i 'di'i don thang gcig brtags pa bsod nams che'o// 'jam dpal gang+gA klung gi sangs rgyas dang byang chub sems dpa' rnams la phyag 'tshal zhing bkur ba bas ni/ tan tra chen po 'di'i sgrub pa la thang gcig zhugs pa bsod nams che'o// 'jam dpal bskal pa stong du 'gro ba'i don byas pa bas/ tan tra chen po 'di'i don la thang gcig zhugs pa bsod nams che'o// dmyal ba'i 'jig rten thams cad gnas ma 'gyur bar thar pa'i lam yin no// zhes gsungs te// bcom ldan 'das kyis lung zab mo 'di gsungs so// sems ni ma bcos mya ngan 'das// yul ni ma bsgrubs bde chen klong / kun bzang nam mkha'i mtshan nyid do// shrI many+dzu'i sems la gtad// bsrung du med pa'i dam tshig ste// dam tshig 'di las yongs ma 'das// bsgyur du med pa'i phyag rgya ste// phyag rgya 'di las gzhar ma 'bral// bsgrub tu med pa'i sgrub pa ste// sgrub pa 'di la yun du gnos// rdzogs chen bla med theg pa'i mchog/ a ti yo ga rdzogs pa'i lung // shrI many+dzu la gter du bzhag/ ces bka' stsal to// de nas bcom ldan 'das dang gsang rgyud chen po 'di la 'jam dpal gyis bstod pa/ nam mkha'i mtshan nyid kun stong ste// dngos po med pas nam mkha'i 'dra// bya
- 78b
ba med pas grol ba ste// man ngag mchog la phyag 'tshal lo// chu zla bzhin du dri bral bas// thams cad rtogs pa yongs su spangs// gzung 'dzin rnam gnyis rnam par dag/ skyon bral sku la phyag 'tshal lo// dus gsum thig le chen po'i ngang // lnga bzhi 'khor ba'i gnas las thar// bri ba med cing 'phel med pa// lhun rdzogs sku la phyag 'tshal lo// dus gsum sangs rgyas kun gyi dpal/ kham gsum thams cad 'dren pa'i mgon// rgyud drug gnas su sgrib pa sbyong // dpa' bo khyod la phyag 'tshal lo// zhes bstod do// phyi nang snod bcud kyi chos thams cad gsang ba'i dkyil 'khor chen por so so ma yin tha mi dad par gyur to// gsang ba me dpung gi rgyud las/ 'jam dpal la gtad pa me dpung gi le'u ste nyi shu rtsa gnyis pa'o// // rgyud kyi rgyal po bde ba chen po de bzhin rigs kyi sgrub thabs gsang ba me dpung gi rgyud rdzogs so// / @#// rgya gar skad du/ sarba pany+tsa a mr-i ta/ sa ra sid+d+hi ma hA du ka/ hr-i da yA na pa ra bid tA na aH/ bod skad du// thams cad bdud rtsi lnga'i rang bzhin/ dngos grub chen po nye ba'i snying po mchog bam po chen po brgyad pa/ dpal kun tu bzang po la phyag 'tshal lo// bcom ldan gsang ba mchog gi dkyil 'khor na// shin tu rnal 'byor dbang phyug tshogs// rgyal ba rgya mtsho
- 79a
'khor dang bcas// skal ldan rnams dang thabs cig bzhugs// gnas mchog yum gyi dkyil 'khor na// gnyis med lhun gyis gnas pa'i tshe// de tshe nyan thos dge 'dun dang // rang rgyal theg chen mdo sde dang // byang chub sems dpa'i dge 'dun dang // nyan thos dge 'dun chen po dang // dgra bcom ming yang med nang du// kun bzang thugs kyi dkyil 'khor nas// dgongs te 'di skad bstan pa'i lung // bshad cing 'grel ba'i dus gcig dang // 'di skad bstan pa'i dus gcig na// srid gsum ye nas bdud rtsi lnga// ma bcos ye nas rdzogs sangs rgyas// kun tu bzang po'i thugs dkyil nas// dus gsum srid gsum sku gsung thugs// ye nas bdud rtsi yin pa'i phyir// nges pa'i klong nas bka' stsal pa// zab mo'i klong nas phyung ste bstan// de nas bder gshegs thams cad dang // thabs cig bzhugs te dgongs pa ni// bla na med pa'i byang chub tu// ye shes mnyam nyid nyams rnyed nas// rdo rje gsang ba'i gral bkod de// kun gyi dam par 'di gsungs so// bka' yi dam pa mchog gi lung // nges par byung ste gsungs pa 'di'o// sgrub dang bsgrub par bya ba dang // 'bras bu thob par bya ba'i phyir// gsang sngags gsang ba'i man ngag 'di// bdud rtsi dam pa mchog gi lung // snying por bsdus pa'i nges par 'di// byang
- 79b
chub 'byung ba snying po mchog/ lta ba dang ni spyod pa dang // dam tshig bsgrub pa'i phrin las dang // nges par sgrub dang bsgrub bya'i phyir// zab mo bsdus pa'i lung 'di gsungs// bsam gyis mi khyab bstan pa dang // brgyad khri bzhi stong rnam grangs kyang // theg pa'i sgo ni gsum du gsungs// gsang nyid theg par bsdus dang bzhi// ldem por dgongs dang don dam yang // bkri ba'i don de sangs rgyas yin// rna brgyud bstan pas thugs brtol te// thig le chos skus khyab pa'i phyir// nges pa'i lung yang sangs rgyas so// sangs rgyas mnyam dang dbyings su 'gro// nges pa'i lung yang rnam gcig tu// gsang sngags gsang bas sangs rgyas te// byang chub sems 'di kun tu dag/ rdzogs pa'i ye shes bde chen nyid// ma lus mtha' dag nyid kyi brgya// ye nas bya med bya mi dgos// rgyu dang 'bras bu 'khrul pa'i sgra// mi rtog sbyong ba'i yul min no// de lta'i yul du rtog 'dzin gyis// 'khor ba'i rgya mtshor gyur pa yin// nges 'byung chos sku chen po la// b+ha gar ji bzhin bzhag pas na// byang chub nyid de ltung gnas med// bu gcig ma rtsol bde bar gnos// rgyud dang lung dang man ngag kyang // dmangs dang rje'u dang rgyal po'i tshul/ khyad par rtsal 'phang thag ring yang // gcig la gcig rten gcig gi ngang // dbyer med tshul gcig rang bzhin pas// cig
- 80a
te rnam grangs yongs kyis med// dbyer med ngang du rtogs pa la// bdud rtsi zhes ni de la bya'o// de bas sku gsung thugs kyi bdag/ sku dang rgyan dang 'khor lo yang / lung chen zab mo'i nang na gsal// lnga bzhin nang du 'khor ba yang // ye shes sangs rgyas de las med// dbyings su gyur pas mnyam gnas pas// ye nas sangs rgyas bde chen nyid// bdud rtsi zhes ni de la brjod// skye shi med pa'i dbyings su gyur// dbyings 'gyur dag mnyam lhun grub pas// lta ba 'di la gnas pa yi// rnal 'byor 'di ni skal ba bzang // ci spyad ci bsgoms ci bsgrub kyang // bdud rtsi nyid de sman gyi mchog/ bder gshegs nyid kyi thugs dam nyid// byin rlabs ngo mtshar rgya cher 'byung // rgyal ba rgya mtsho rnams kyis gsos// sangs rgyas bde chen nyid las byung // thams cad ma lus bdud rtsi 'di// spros med thig ler gnas pa las// mtha' yas sems can don gyi phyir// rang la mchod cing rang gis bza'// sgrub pa pos ni nan tan byos// zhes bcom ldan 'das dpal kun tu bzang pos// ye shes chen po'i thugs nas dgongs te bka' stsal pa'o// bdud rtsi chen po mchog gi lung las byang chub sems de kho na nyid lta bar bstan pa'i man ngag chen po gsang ba'i don dang po ste/ thugs kyi rgyal
- 80b
mtsho'i nang nas gsang ba'i mdzod chen po las bam po chen po brgyad pa'i dang po'o// rgya gar skad du// a pre ta ra sa ya na/ ta na dz+nyA ya/ pra shas+t+ra pra ma na shri kran pra shasta ya na mo/ bod skad du/ tshangs pa la sogs pa drang srong dang / lha dang klu dang mi'i byang chub sems dpa' rnams la phyag 'tshal lo// de nas tshangs pa'i gtso bo mchog/ dung gi thor tshugs khong seng can// tshangs pa kun gyi grol chen po dang // drang srong chen po ljang sngon dang // tsa ra ka dang nab so skyes// tha skar bu dang lha skabs dang // rgyun shes pa dang g.yon phyogs lha// thang la gnas dang me bzhin 'jug/ dka' gnyis spyod dang ka la yan// shing khyer dang ni ljang sngon bu// nyi ma zla ba klu ru bcas// shing gi lha mo 'od 'chang ma// sman gyi lha mo nor gyi rgyun// 'di kun 'khor dang bcas pa yis// kun bzang lha la phyag 'tshal nas// sman gyi dbang dang dam tshig mnos// drang srong rnams la rjes su gnang // de nas kun bzang bder gshegs kyis// sman gyi rgyal po bdud rtsi mchog/ nges pa'i lung 'di bka' stsal to// de nas thugs rje'i cho 'phrul gyis// sa rnams rab tu g.yos nas ni// stong gsum 'jig rten sa stengs su// thams cad sman chen ra sa yan// skye ba med las thams cad skyes// de ltar smin par byed pa yang // thugs rje rgya mtsho chen po
- 81a
las// thugs rje sprin ni khyab pa yis// sprin chen glog gi phreng ba can// yud tsam sgra dang bcas pa yis// sa stengs khengs par char phab nas// de nyid thugs rje snyoms pa'i mgon// chu yi phung po bdud rtsi yis// ma lus par ni ngoms par byas// bdud rtsi'i rgya mtsho thigs chen gyis// sa dang sman rnams kun gyi gsos// ri rab rtse dang ri sul dang // sman ljongs dang ni nags tshal dang // lcang lo can gyi 'khor kun du// sprin chen bdud rtsi char gyis brlan// chu de thams cad ro gcig ste// chu yi bcud las skyes pa ni// dpag bsam shing dang gel pa'i shing // ljon shing dang ni tsu'i ta'i shing // sa stengs khebs par skyes pa ste// bdud rtsir gyur te thams cad rgyas// sdong po dang ni sdong chen dang // rtsa ba sdong po shun lpags dang // snying po yal ga lo ma dang // 'dab ma me tog 'bras bur bcas// de bzhin 'bru yi rnams grangs kun// thams cad bsdus shing smin par mdzad// 'thungs na ngoms te rgyas par gyur// so so'i yul dang gnas dag dang // mdog dang ro dang dri dang mthu// gang gis sa bon de nyid las// de dag rang rang 'byin par byed// de bzhin srog chags thams cad kun// ra sa ya na'i rdzas la spyod// 'gro ba drug gi gsos su 'gyur// bdud rtsi sgo nas rnam par phye// 'jig rten mgon pos bka' stsal to// de nas byang
- 81b
chub sems dpa' sems dpa' chen po 'jam dpal rnon pos bsdus te bka' stsal pa/ lha dang klu dang drang srong dang / mi'i byang chub sems dpa'i dge bsnyen chen po dri ma med par grags pa lits+tsha bI la sogs pa la bdud rtsi ra sa ya na ta nan dz+nya ya 'di dag bstan no// dang por bsgrub pa'i yul dang gnas ni/ u hu si ti pa tsa zhes bya ste/ ba tri sa zhes kyang bya ba/ ri'i rgyal po gser mdog can gyi rtse mo rta rna ri zhes bya ba der/ ra sa ya na zhes bya ba drang srong rnams kyis bsgrubs so// de yang zang cig yud kyis 'grub// la la nyin zhag gcig gis 'grub// la la nyin zhag bdun gyis 'grub// mtha' ma nyi shu gcig gis 'grub// de la the tshom med pas 'grub// de dag kun gyi mtshan nyid ni// rtsa ba sdong bu yal ga dang // lo ma 'dab ma me tog dang // shun lpags 'bras bu snying por bcas// ro dang mthu dang mdog dang las// rtsa ba gcig la yan lag brgyad// yan lag brgyad las yon tan stong // 'di dag kun gyi yon tan yang // bzhi brgya rtsa bzhi'i nad sel zhing // bdud bzhi nges par 'joms par byed// sman gyi rgyal po bdud rtsi'i mchog/ bcom ldan 'das kyis bka' stsal to// drang srong chen po 'di kun kyang // mngon shes lnga dang ldan 'gyur zhing // rig pa'i gnas mchog bcwa brgyad shes// de nas sman ni bsgrub par
- 82a
bya// stegs bu khru gang ba gcig la// maN+Dal gtsang ma'i dris byugs la// de yi dbus su sman gyi mchog/ bdud rtsi tsong zi rnam gsum dang // ser skya ba las byung ba yi// 'o ma bre gang btsags nang du// a sho kan da'i phye ma dang // bsres nas bskol ba'i nang du gdab// lcags las byas pa'i snod du blugs// stegs bu'i dbus su bzhag nas ni// byin gyis brlabs pa'i sngags 'di dag/ stong ngam brgya ni rtsa brgyad bzlas// oM badz+ra a mr-i ta/ pa la lig/ pe la lig tsan da lig swA hA// dngos grub blang ba'i sngags 'di'o// a mr-i ta sid+d+hi byi tsurna ya swA hA/ pu tsa lha ha kan/ byin gyis brlab cing bza' ba yang // nyi ma'i gung la bza' bar bya// don dam thig le bden pa las// snying po med las snying po blang // rnam smin 'bras bu rig 'dzin 'grub// nad med lo brgya 'tsho bar byed// de nas drang srong nyi shu gcig/ grub pa'i rig 'dzin mchog tu gyur// de yi 'og tu drang srong mchog/ bcwa lnga yis ni bdud rtsi sman// ra sa ya na dam pa 'di// tshe yi rig 'dzin 'dod pa'i phyir// gzhon nu sred ces bya ba dang // 'dro ba skyob ces ni bya ba dang // rtsibs kyi mu khyud la sogs pas// chu bo gang gA'i 'gram du bsgrubs// lha rdzas dge ba a ru ra// rigs bdun sa la lhung ba ni// brgya byin bdud rtsi 'thung ba'i tshe// thigs pa bdun ni kha nas
- 82b
ltung // rlung gis khyer te sa las skyes// bdud rtsi'i gtso bor rab tu grags// rlung dang mkhris pa bad kan dang // 'dus pa'i nad dang dus kyi nad// dus min 'chi las thar bar byed// rlung mkhris bad kan 'di kun yang // gcig la'ang lnga lnga yod par bshad// de kun rab tu bsal ba'i phyir// phung po'i bdud dang nyon mongs bdud// lha bu bdud dang 'chi bdag bcom// bdud rtsi 'di yis sel bar byed// shar lho nub byang gang yang rung // brag phug stong pa yod pa las// bdud rtsi 'dzag pa'i khu ba ni// rin chen sna lnga 'byung ba'o// ming ni shi la mdza' du zhes// ra sa ya na bdud rtsi'i mchog/ a ru ra brgya rtsa brgyad dam// yang na nyi shu rtsa gcig gam// sul bu zlum por gyur bcos te// de dag rab tu btsos pa dang // lcags zangs 'khar ba'i snod nang du// bkang ste stegs bu gong ma yi// dbus su bdud rtsi sman de gzhag/ byin gyis brlab pa snga ma bzhin// 'od dang dri dang bro ba'ang med// rtags 'di rnams gsum gang byung yang // lag pa g.yon pa bkan te phyar// mthe bong srin lag mthil du dgug/ blangs te btung ba'i sngags 'di'o// au a mr-i ta si ti bi tsurna ya// lha ha kan zhes brjod do// de yi yon tan brjod mi lang // rdo rje brag dang 'drar 'gyur te// nad med rtag tu dar la bab// grub pa'i rig 'dzin dam par
- 83a
'gyur// srid pa chags nas srubs shing gis// bsrubs pa'i 'bras bu rin po che// me shel chu shel gnyis byung ba// de yang thabs dang shes rab ste// nyin mtshan gnyis la dbang byed pa'o// de nyid zung yang 'khor du bcas// de nas bdud rtsi zags pa ni// sa dman dag tu mi skye ste// a la be tas sar gal ba// lha dang dri za gnod sbyin dang // rin chen sna tshogs 'byung khungs gnas// legs ldan gangs ri gnyen gyi shod// ri brag chu klung bgegs gnas su// lhung nas babs te skyes pa ni// oM li ka dang bris rtsi ka/ nyi ma gzi brjid ldan pa'i chu// a la pe ta sar sra kal pa br-ik+Sha 'bru// de bzhin zla ba gzi ldan chu// de yi sa bon lhung ba ni// gser mdog bdud rtsi 'dra bar gsal// dmar ba mer blugs pus bus zer// gzugs bzang mdzes pa phun sum tshogs// tsher ma rno ba dpal dang ldan// bdud rtsi shing dang 'bras bur ldan// dug rnams 'joms shing slar yang zlog/ sna tshogs nad rnams sel bar byed// nyi ma'i 'od dang zla ba'i mdog/ ro yang rnam pa sna tshogs ldan// rak+ta'i gtso bor 'di sbyor cig/ tshangs pa tshe dang ldan par 'gyur// nyi ma zla ba'i dngos grub thob// ra sa ya na'i gtso bo yin// de nas drangs srong gzhon nu srid/ khyab 'jug spang gnyis bya ba yis// rwa yi gzhu thogs mi srun pa// lag
- 83b
na mtsho'i cha sna lnga thogs// de yis srid pa chags pa'i bcud// bdud rtsi rnam lnga bskus pa las/ kha nas thigs gnyis sa la lhung // de nas bdud rtsi dam pa'i mchog/ ra sa ya na phyi ma'i rgyu// bu mo bzang po gcig tu gyur// chu rlung gang gA'i bye ma la// yong de skye ba bstan pa ni// nyi'u shing ram nye'u zhes bya'o// 'gan ta ku le par pa ta// gnad pri ya ku ma ha go na sig ha ma kha// tsher ma yar lha mar lta ba'o// de la lha bran tshogs kun gyis// bskor zhing mchod pa byed pa yin// ston zla tha chung dpyid zla 'bring // nya yi tshe na btsal bar bya'o// btsal ba'i thabs ni 'di ltar ro// byis pa lo drug lo bdun pa// khrus byas dar ldan gos bskon nas// shar phyogs ngos su kha bltas te// lha phyag lan gsum byas nas ni// de dag rtsa nas dbyung ba'i sngags// ta d+ya thA sho hod ga te da re swA hA// phyag 'tshal bdud rtsi mchog khyod la// phyag 'tshal bdud rtsi las 'byung ba// stobs dang gzi brjid 'phel mdzad ma// rang 'byung ston pa'i bka' bzhin du// lha mo khyod ni dbang gyur cig khu ba ra sa ya na'i mchog/ dngos grub mchog tu nye ba khyod// tshe dang stobs ni bdag stsol cig/ ye shes thams cad gsal bar mdzod// shun lpags dang ni rgyus pa bsal// tho to bsnyil te slar la sba'o// snying po brdungs la khu ba yang // ras ni sar pa'i nang du btsir// bdag
- 84a
nyid lus kyang khrus byas te// dar ldan gos bzangs gyon nas ni// sman du bsgrub pa'i 'dzab la 'jug/ bsnyen dang 'dzab sgom byas nas ni// stong ngam 'bum mam ci nus bzlas// bza' ba'am yang na 'thung ba'i tshe// nyug chu ba yi 'o ma btung // yang na phye ma mchog tu bgam// bza' zhing btung ba'i sngags 'di'o// na ma dza ra a ga dza tu swA hA// zhag gam za ma re re yang // srang re'i cha nas bskyed de bza'// zos pa'i yon tan 'di rnams so// lus ngag yid gsum dbang po gsal// bdud rtsi 'di dag su 'thung ba// ji ltar lha rnams 'chi med ltar// klu rnams la ni sman bzhin no// shing rnams la ni chu bzhin no// me tog la ni zla ba bzhin// lo ni lnga brgya lon bar du// bcu drug mdog ni gzhon nu 'dra// nad med rtag tu dar la bab// stobs kyang glang po che dang 'dra// mngon shes lnga dang ldan par 'gyur// 'o ma dag dang btung ba 'am// mar khu 'am sbrang rtsi dag dang btung // zhag gcig zos na yon tan bcu// zhag bdun zos na yon tan brgya// nyi shu rtsa gcig zos na ni// brgya rtsa brgyad 'dis thob par 'gyur// bud med stong la khyad par sbyor// sa bon mi zad 'bras bu yang // bu por 'phel zhing dpal dang ldan// mi rnams kyis ni mi sod do// zla gcig zos na yon tan ni// ngo yang zla ba nye ba bzhin// gnod
- 84b
sbyin srin pos mi sod de// lha rnams kun dang mnyam par 'gyur// zag pa zad nas nam mkhar 'phur// rdo rje 'gros kyis nam mkhar 'gro// rigs 'dzin go 'phang 'dir thob bo// 'dres pa gang zag mi yi zas// zos na dngos grub mi thob nges/ zhes lung du bka' stsal to// de nas drang srong tra sha na// de nas drang srong trag sha na// rgyal po shes nyen can zhes bya// lha dang drang srong thams cad la// mchod sbyin rgya chen byas pa las// ma hA de ba lha chen po// kun gyi 'jug tu spyan drangs pas// lha chen drag po de khros te// lha chen de yi dpral ba las// mig gcig lhag par byung ba ste// lha dang drang srong thams cad la// rlung mkhris bad kan sna tshogs dang // de bzhin mi la rims nad dag/ rlung lha'i lag par bskur nas gtor// lha dang drang srong mang pos kyang // ma shes ma tshor myos par 'gyur// phye ma'i rgyal po 'dab ma 'di// sa stengs khyab par skyes pa la// drang srong rnams kyang mchod pa byed// lug mig me tog chen po 'di// ra sa ya na'i rgyal mo ste// ba yi 'o ma dag dang bskol// rngubs gcig 'thungs pas ba spu langs// rngubs gnyis 'thungs pa'i yon tan ni// rims nad thams cad byang bar byed// rngubs gsum 'thungs pa'i yon tan ni// mig rtsa dmar zhing mdog kyang gzhon// phyi ma grib mar bskams pa dang // ma to la yi khu bar
- 85a
sbyar// blud na dgra rnams myos par 'gyur// lha yis bsrungs kyang 'chi bar 'gyur// byin gyis brlabs pa'i sngags 'di'o// stong ngam brgya ni rtsa brgyad bzlas// oM so'u gri ba ha na ha na hUM/ ma ya ma ra ya/ tse ta ya tse ta ya su gri ba phaT/ bdud rtsi ra sa ya na'i gtso// shu dag dang ni ru rta dang // phye mar byas te su blud pa// rgyal po bud med dbang du 'gyur// 'gri ha 'gro lo ki dang sbyar// dgra la blud na rna ba 'on// lug mig grib mar bskams pa dang // su ti'i 'o mar sbyar ba ni// dgra la blud na 'chi bar 'gyur// lha chen drag pos bskyed pa 'di// 'jam dpal gzhon nus mkhyen pa las// lha dang drang srong gzhan mi shes// de skad ces bcom ldan 'das 'jam dpal gzhon nus/ mi mjed kyi bdag po lha tshangs pa dang / drang srong dang / klu'i rgyal po 'jog po dang / skal pa bzang po'i mi'i byang chub sems dpa' lits+tsha bI la sogs pa rnams la bka' stsal to// de yang tshe phyi ma 'am dus phyi mar mi sdod par/ skal pa bzang po'i 'bras bu mngon du thob pa dang / 'bras bu tshe 'dir nyid la smin to// de nas rtsi yi lha mo mchog/ ming ni grub pa'i blo gros ma// bu mo mu la zhes bya ba// de yi sa bon lhung ba ni// 'dzam gling shing gi nags las skyes// rak+ta zhes ni 'dir grags pa// ra sa ya na'i gtso mo ste// rtsa ba rak+ta mu la
- 85b
kha/ rtsa ba me tog 'bras bu rnams// mthun par zad par dmar ba ste// 'bras bu sran ma ma sha tsam// gyen du zug pa de brko ba// ston zla ra ba'i nya la brko'o// srid pa'i na dang nags las skyes// khrag gi nyungs ma zhes ni grags// rlon pa'i khu ba btsir ba dang // pad+ma'i rak+ta cha mnyam bsres// de dag bsgrub pa'i sngags 'di'o// oM na mo ra ga rak+ta/ mu la bu ne swA hA/ 'gro ba dbang byed dam pa yin// rtsi yi lha mos bka' stsal to// ming gis med du mi rung ngo // rgyal bu don grub bya ba de// mya ngan 'das pa'i sku gdung ni// sha ri ram zhes grags pa yin// de yi sa bon 'phel ba ni// 'dzam gling sa stengs khyab par skyes// ma hAha ni le zhes bya ba// ming ni tha skar rdo rje yin// me tog tha skar gzhon ni ste// snye ma zur gsum til gang 'dra// rdo rje brag kyang 'joms par nus// sha ri ram dang rus pa yi// sbyar ba'i 'phrad kyi dam par rung // ming gis med du mi rung ngo // de yi yon tan thams cad kyang // rus pa sra mkhregs rdo rjer 'gyur// phyag na rdo rje'i mthu yang mnyam// ra sa ya na'i mchog tu gsungs// de nas lha yi dbang po mchog/ brgya byin bu yi lag pa ru// gnod sbyin rgyal pos mda' brgyab pa// de yi dum bu lag sor yang // sa stengs khyab par skyes pa ni// li byi ce lag dbang po lag/ sdong bu yal ga mdzer pa med// me tog
- 86a
zur gsum mda' sgro 'dra// rtsa ba lag sor lnga pa ste// dbyar zla tha chungs nya la brko// bsgrub pa'i lag mthil g.yon du bzhag/ ra sa ya na thams cad kyi// dngos grub blang ba'i phyag rgya yin// de tshe med du mi rung ngo // mang du 'phel 'gyur bsgrub rdzas yin// lus la 'byung ba'i dri chen dang // bsgral ba'i dri chen yungs dkar gsum// cha mnyam 'thungs na dug rnams thub// 'chi byed dug ni sel ba'i phyir// bdud rtsi zhes ni de la bya'o// ming gis med du mi rung ngo // 'chi bdag bdud kyang des bcom mo// bu rna zhes bya'i rna ba yang // srin po pu rna'i rna ba ste// bsgral ba'i rna ba dag dang sbyar// rna ba'i mngon/ shes thob par byed// ming gis med du mi rung ngo // b+ha hu lu mig me tog dang // mkha' lding bya yi mig dang sbyar// A la big shang shang de'u// rma bya ngang pa ko ki la// 'di rnams bsgral ba'i mig dang sbyar// mig gi mngon shes der thob ste// stobs ldan gyi ni mig yin no// ming gis med du mi rung ro// tsitra ka dang snying zho sha/ thams cad gnod sbyin snying gi brla// bsgral ba'i tsit+ta dag dang sbyar// mngon shes lnga yi dngos grub thob// ming gis med du mi rung ngo // bud med gong bshad 'dra ba yi// klad pa go ro tsa na 'byung // de ni ban glang rigs can yin// bsgral ba'i klad pa thams cad dang // zang bal hA yi rtsa bar
- 86b
sbyar// mdangs kyi dngos grub des thob 'gyur// ha lce ki ya kha 'bar ma'i// lce yin pas na lce dang sbyar// dbang po lcags kyi dngos grub dang // spyan ras gzigs kyi dngos grub thob// ming gis med du mi rung ngo // srid pa'i bdag po tshangs pa'i gtso// ming ni mgon btsun phywa zhes bya'o// nal gyi bu ni dzi hA zhes// skad ma phyung gi lce zhes bya'o// skad phyung ba ni tshangs pa ste// skad ma phyung gi grubs par gcad// de dang sbyar ba'i 'phrad du ni// me tog rma lo kril kril te// ming ni ba ya sa ya'o// rtsa ba ma hA go na sig/ me tog gser gyi mdun zhu can// shar phyogs su ni kha lta ba// 'di'i kun ha l+ye ki ya ste// cha mnyam btags te phye mar bya// zla ba gza' yis zin pa'i tshe// yi dam lha la mchod bya zhing // phye ma rgya chad nang du gdab// thang gcig yud kyis 'grub pa ste// rta mgrin dbang gi dngos grub thob// bsgral ba'i lce ni thams cad dang // sbyar ba 'phrad kyi dam par rung // ming gis med du mi rung ngo // sna dang sna ma'i 'bras bur sbyar// tshangs pa'i gsung dbyangs sgrogs nus 'gyur// bsgral ba'i sna ni thams cad sbyar// ming gis med du mi rung ngo // dung dang 'brug rus gdung dang ni// bsgral ba'i rus pa thams cad sbyar// lus kyi rdo rje mngon shes thob// ming gis med du rung ngo // rgya mtsho dbu ba 'dus pa'i chu// sna tshogs chu
- 87a
dang gangs kyi chu// lan tshwa sna tshogs dri chu rnams// bsgral ba'i chu ni thams cad sbyar// rdo rje chu yi bdud rtsi ste// rtag tu 'gro ba'i don byed nus// ming gis med du mi rung ngo // dgongs pa'i don du sems can mtha' dag la snang ba dang / nus mthu'i yon tan gyis sems can kun la phan 'dogs par nus so// 'gro ba yongs kyi gsos mdzad par dgongs nas/ bcom ldan 'das dpal kun tu bzang pos ye shes kyi thugs nas dgongs nas mgur gyi bum par dril te/ ljags kyi dbang po la bkram ste/ zhal 'dzum pa mdzad nas/ mkhyen rab kyi dang po 'jam dpal rnon po dang / rdo rje chos la bka' stsal to// 'jam dpal gyis dkyil 'khor gyi sras mchog nye ba dang / tshangs pa dang drang srong dang / lha dang klu dang / mi'i byang chub sems dpa' ba ma la g+hir ti rnams la bka' stsal to// bdud rtsi chen po mchog gi lung gi sde las/ sman ra sa ya na bsgrub pa'i lung 'bum sde las btus pa/ bam po chen po gnyis pa// // / rgya gar skad du/ pradz+nyA b+ha ga ban ma hA rA dzA/ bod skad du/ bcom ldan 'das gnyis med kyi rgyal po chen po la phyag 'tshal lo// de nas spyod pa bstan te/ lung a nu yo ga pa rdzogs pa'i rnal 'byor du bstan te/ lta ba dang ni spyod pa dang // gzungs kyi mtshan nyid 'di gsungs
- 87b
so// de bzhin dam tshig chen po'ang bstan// las 'di lung gis bsgrub bya na// mi spong ba ni dang du blang // spyod pa dam tshig bco lnga bsrung // shes pa lnga dang bsrung ba gsum// stong rtsa brgyad du bsrungs pas ni// rtsa brgyad stong zhes de la bya'o// de yang ma hA sa ma ya// bzhi po rdzogs na kun tu bzang // zhi rgyas dbang dang mngon spyod dang // mnan bzlog drug ni gcig tu'o// dang la ga ni lung bshad de// khru tshad bzhi dang ldan pa ni// yon tan bcu gcig dang yang ldan// bzhin bzangs mig gi dkyus ring ba// stod smad phyed la rked pa phra// tshigs pa zlum la sor mo ring // yon tan 'od can bcu gcig lo// ye shes rigs can yin par bshad// bcu gsum rdo rje rigs su 'grub// bcu drug sngags pas 'grub nges pa'o// rin chen rigs mchog yin par bstan// nyi shu gcig pa pad+ma'i rigs// spyan ras gzigs dbang rta mchog 'grub// nyi shu rtsa lnga lon pas ni// thogs med byang chub sems kyang 'dren// thams cad las kyi rigs mchog 'grub// sum cu rtsa gcig phan chad kyis// sems phebs tshun chad kun du dge'o// yid du 'ong ba dam pa yin// bder gshegs rigs su 'grub par gshad// bde chen 'du 'bral med pa'i gzungs// de dag ma lus gang rnyed pa// lus kyang khrus byas gtsang mar bya'o// dri zhim tsan+dan go pan dang // dzA ti pha
- 88a
la ku ru tshe// ka ko la dang ga bur dang // a ka ru dang du ru ska// gi bang glang po'i spos rnams kyis// byugs nas rgyan dang phreng ba gdags// dar dang ras bal 'jam po dang // gos rgyan chas bklubs bskon nas ni// gser gyi rna cha gdub kor dang // do shal dpung rgyan se mo do// rin chen sna tshogs rgyan du gdags// ji bzhin bde ba'i stan dag la// g.yon phyogs su ni gzhag par bya// bsnyen pa dang ni nye bsnyen dang // bsgrub dang bsgrub chen bya ba ni// dkyil 'khor 'dom gang gru bzhi pa// 'phang du sor bzhi'i tshad du bya// rdo rje dri chus maN+Dal byugs// sha chen gu gul pog gis bdug/ dkyil 'khor de la bskor te 'dug/ g.yon du de phyi bzhag nas ni// b+ha ga de nyid byin gyis brlab// spyi bor oM dkar 'od ldan pa// lce la oM dmar dam pa bsam// snying gar zla dkyil hUM mthing ga/ lte bar sra sngon 'od ldan pa// rkang par ha ljang 'od ldan pa// ba las pad+ma'i dbyings su yang // gru gsum me 'od 'bar ba bsam// nyon mongs lnga rnams spang ba dang // sdug bsngal lnga ni tshar gcad phyir// lag g.yas gzhan gyis mi thub ma// g.yon pa ro langs chen mo ste// de yi kha la khro gnyer ma// ral pa gcig ma pad+ma la'o// gsang yum lnga dang khro mo bzhi// byin gyis brlabs te sngags bzlas pa// oM aMHhUM swA hA/ b+ha ga ban ni nyid
- 88b
kyi bka'// phyag rgya bzhi ru bdag gyur pas// gnyis su med par mnyam sbyar nas// lha yi bdud dam phung po'i bdud// nyon mongs bdud dang 'chi bdag bcom// phyag rgya chen po bzhi dang ldan// mkha' la sems phebs 'phros pa'i tshe// byang chub 'khor ba mya ngan 'das// gnyis su med pa'i sar phyin no// bcom ldan 'das kyis bka' stsal to// sangs rgyas sems can thams cad dang // mtshan mar btags pa thams cad kun// bde chen nyid las gzhan ma yin// bde chen nyid las gzhan pa'i chos// sangs rgyas nyid kyis mi mkhyen to// phyi nang ma lus snod bcud kyang // byang chub sems su rnam dag pas// skye med ye shes yum gyi dbyings// gnyis med bdud rtsi chen po ste// yab yum bde ba'i ngang du gsal// 'di ni snying po byang chub sems// bder gshegs kun gyis bka' stsal to// lus kun yongs su 'khyud pa yis// rdo rje pad+mar ldan byas nas// rang 'byung rnams ni bde mchog sems// phul bas myur du grub pa ni// oM/ ra ga pU dza ho// dngos grub blang zhing 'di brjod do// byang chub sems kyis dbang bskur te// dngos grub bsgrub pa la gzud do// bdud rtsi chen po mchog gi lung gi nang nas/ bsgrub pa chen po'i lung dang / gzungs kyi mtshan nyid dang / sbyor ba'i man ngag dang / gan bsgrub pa'i lung dang / byang chub
- 89a
kyi sems kyi yon tan dang / a pre ta grub pa'i lung ste/ bam po chen po gsum pa// / rgya gar skad du/ sta na ma hA da ra pany+tsa/ bod skad du/ 'bras bu chen po lnga bsgral ba'o// dpal chen khro rgyal 'khor dang bcas pa la phyag 'tshal lo// mi phyed dang bas phyag 'tshal na// de nas sta na'i lung bshad de// ye nas rgyu nyid dag pa las// nga dang bdag tu 'dzin pa yis/ khams gsum 'khor ba'i rgyu ru gyur/ khams gsum de dag bsgral ba'i zhing / A sa ma tsa la d+harma d+hA tu/ swa b+ha ba At+ma ko&haM/ raM yaM khaM ta tha phaT/ bcom ldan 'das kyis bka' stsal to// mi g.yo phyag rgya chen po'i ngang // dbang phyug chen po'i bsgral thabs ni// 'tsho ba'i bdag po'i tshe dang srog/ thugs rje'i ngang dang shes rab dang // thabs la mkhas pa'i byin brlabs kyis// 'gro ba thams cad sbyong bar mdzad// bdud dang gshin rje 'khor bcas kun// gnyis med phyag rgyar rol pa yis// dus la bab po sa ma ya// oM sarba pA pa kar he ha sa si stam/ traM ka ru ni hUM dza dza/ ma tang gi ni rnam shes de// nges par gzugs la phab nas ni// Ta ki zhal nas nub tu bstan// dbang du bsdu ba'i las mdzad kyis// sangs rgyas kun gyi byin gyis rlobs/ khams gsum ma lus bsgral ba'i zhing // sta na chen po bya ba'i phyir// bder gshegs mang po kun 'dus
- 89b
shing // byams dang snying rje ldan pa yis// nyon mongs 'khor ba'i rgya dral to// gnas kyi sgo 'di su yi bcad// sems kyi bdag po bcad dam ci// gzung 'dzin rkang pa bsnol ba yis// yul las 'das pa'i sgo phye shig zhes brjod de/ sgo dbye'o// ka ta ri ka na pra be sha/ g.yon pa'i zhabs kyis ru tra'i gzugs// gnas kyi sgo 'di bcad bzhin du// bde bar gshegs pa'i skyabs su gsol// shi ba'i sdug bsngal 'dir byung ngo // zhes lha chen po brgyad kyis dus gcig tu tshig de smras so// Ta ki brgyad kyis bka' stsal pa// dregs pa ma rungs lha chen khyod// sems kyi sgo kun da dbye yis// rdo rje 'bar ba'i spu gri yis// gnas kyi sgo kun des phye nas// sems kyi bdag pos gzung bar bya// ston pas gsungs pa/ skye ba'i rkyen gyis 'chi ba yin// sdig pa'i rkyen gyi bcoms pas 'chi// bdag kyang dngos por lta bas 'jig/ nga yi bstan pa 'di la gzud // 'on kyang 'chi ba'i sdug bsngal bral// gzugs 'dzin rkang lag yul las bzlas// pho mo bsnol te mnan pa yang // mgo ni lho nub mtshams su bstan// rkang pa byang shar mtshams su brkyang // Ta ka'i zhabs ni g.yas pa yis// ru tra ling ka'i steng du mnan// de ltar ling ga mnan byas nas// thar byed chen po'i 'gying stabs kyis// rngoms brjid chen pos 'di skad do// sa ma ya
- 90a
ka sha \u0f7fta dz+wa la hUM phaT/ zhes mnan no// ma hA de ba ru tra dza zhes pa dang / khams gsum nas 'byung sems can rnams// rdo rje skra yi khyad par gyis// 'od zer tshul du bsdus nas ni// de dag bdag gis gzugs la gzung // spro ba rdo rje thams cad kyis// sku dang ye shes mchog gis bya'o// thar pa'i lam 'byed dkyil 'khor 'dir// brod pa can rnams 'ong ba ltar// skal dang ldan pa rigs kyi bu// bde bar 'ongs pa legs te 'ongs// rnal 'byor dbang phyug chen po yis// rtse rgyal bstan pa'i gnas chen 'dir// bo d+hi tsit+ta'i dbyings nyid du/ khams gsum 'khor ba kun bsdu'o// chos nyid skye 'gag med pa la// bde bar gshegs dang 'gro ba zhes// dbyings su gcig pas gnyis su med// kun kyang ngo bo mnyam nyid de// thams cad snying po byang chub sems// ma skyes pas na 'gag pa 'jig/ bdag nyid med na mnyam pa'i sku// thugs rje chen po cir mi mdzad// ye nas de ltar gnas bzhin du// sems can ma rig rmongs pa'i blos// bdag dang bdag gir so sor 'dzin// rtag chad mtha' gnyis ma spangs te// nor pas btags pa'i phung po lnga// log rtog phyin ci log bzhis bcings// nyon mongs sdug bsngal rgyu bsags te// 'khor ba'i rgyud lnga kha brims pas// mya ngan mi 'da' yun rings te// phung po khams
- 90b
dang skye mched la// 'khrul pa'i bag chags bag la nyal// bde 'gro'i lam la bsgribs pa'i rnams// 'khor ba'i lam lnga rgyun gcad phyir// ngan song rnam par sbyong ba'o// ma tha ma za sarba pre ta ga ti he tuM huM phaT// pa tsa pa tsa sarba tir ya ga te he tuM huM phaT/ da ha da ha sarba na ra ga te he tuM huM phaT/ de ltar ngan song rnam sbyangs te// sdug bsngal gsum gyi sgo bcad phyir// raM yaM khaM zhes brjod la/ ye shes 'bar ba'i mes bsregs te// mtshan nyid med par stong par 'gyur// dus la bab pa'i sems can de// las la bab pa'i rnal 'byor pas// rdo rje dbyings kyi dkyil 'khor 'dir// thugs rje lcags kyus bkug nas ni// skal dang ldan pa'i rnam shes de// thugs rje chen po'i byin brlabs kyis// sku yi sprul pa phyogs bcur bkye// gsung gis sems can mtha' dag grol// thugs ni tshad med bzhi dang ldan// nyi zla gsal ba'i dkyil 'khor du// tshe dpag med par dbang bskur nas// yang dag nyid la yang dag sgrol// yang dag bsgral na bde chen thob// mi ldog sa la nges par phyin// phyin pa tsam gyis dbang thob nas// rgyal ba'i zhing khams dbyings nyid mthong // rgyu drug gnas su mi skye phyir// dpa' bo 'bru lngas lam lnga dgag/ oM aM hUM swA ha/ 'og min dga' ldan lha yul du// ye shes rlung gis btegs nas ni// sbyor ba'i lhums su phaT kyis
- 91a
'phang // a nri su tri pre du/ gang yang rung ba'i rnam shes de// gsang ba'i dbyings su hUM gis bsdu// skur bskyed ye shes skur spros te// dbyings dang ye shes lhun grub pas// sangs rgyas zhing sa rab 'byams dang // bder gshegs pho brang dkyil 'khor du// rdzu 'phrul zhabs dang ldan pa yis// 'phags pa'i lam du rlung zhugs nas// chos kyi 'khor lo skor zhing gshegs// 'jig rten lha yi gtso bo dang // nyan thos dgra bcom rang rgyal dang // sa bcu'i byang chub sems dpa' yis// 'jig rten 'das pa'i mchod pas mchod// stug pos brgyan pa'i sa 'das nas// pad+ma spyan gyi sa la bzhag/ 'chi ba med pa'i chos sku thob// stong gsum ma lus bton pa bas// 'bum gyi char yang mi phod de// rang sems ma bcos ye nas chub// skyes bu chen po rnal 'byor gyis// bsgral ba 'ba' zhing snying rje'i mchog/ de nas ma tra ru tra de bsgral te// sngon 'byung ba yi gleng gzhi dang // gtan tshigs su dgongs nas/ phyi rabs kyi sngags 'chang rnams yid ches par bya ba dang / dad pa can gyi rnal 'byor pa rnams drang ba'i phyir/ dur khrod chen po'i gnas brgyad dang / ma mo chen mo brgyad dang / rang 'byung gi mchod rten chen po brgyad/ 'di man chad gtan tshigs dang bcas te bstan to// gong du bsgral ba'i bsam rgyud ni 'og nas zhib tu bstan
- 91b
no// 'di yang bsnor te lung dkyus nas bstan no// bdud dang dbang phyug gshin rje de// thugs rje tshad med bzhis bsgral nas// ro yi nyal thabs gan rkyal te// 'dzam bu'i gling lo'i gling khams su// bor nas sa gzhi gyur pa ni// dur khrod chen po brgyad du gyur// mgo ni lho nub mtshams su bstan// rkang pa byang shar mtshams su bstan// lag pa gnyis ni g.yas g.yon brkyang // mgo dang lus snying yan lag kun// gnas kyi dur khrod chen po brgyad// de ni dpal chen bzhugs gnas yin// thugs rje chen po'i byin brlabs kyis// ro yi srung ma chen mo ni// ma mo chen mo brgyad bzhag go/ de yi gnas rten chen por yang // mchod rten chen po gzi byin can// rang 'byung re re bzhag pa yin// de ltar sa gzhi 'di kun yang // bkra shis ya mtshan thugs rje can// chos dang dngos grub 'byung ba'i gnas// cho 'phrul 'byung bar bka' stsal to// de yi lus snying ma ga ta// dur khrod chen po bsil ba'i tshal// ma mo chen mo ke'u ri gnas// mkhas shing snying stobs che ba'i sa'o// mchod rten ming ni bde byed rten// de yi mgo bo lho phyogs kyi// dur khrod chen po bzhag pa ni// sing ga yul gyi gling phran yin// ma mo chen mo tso'u ri gnas// mthong thos rnam pa'i 'phrul bag can// mchod rten ri bo ta la la// lag pa g.yas pa shar
- 92a
lho'i mtshams// dur khrod chen po bal yul yin// ma mo chen mo puk+ka si// lhag par zas kyi longs spyod che// mchod rten kha sho b+ha g+he kha'o// lag pa g.yon ni lho nub mtshams// dur khrod chen po sa la'i yul// ma mo chen mo be ta li// phyag na rdo rje dbang gi gnas// de na mthu dang dbang yang che// gyad yul chen po'i sa las ni// mchod rten ma la sa gan da// rkang pa g.yas pa byang shar mtshams// dur khrod chen po li yi yul// ma mo chen mo tsaN+Da li// lha mo shang ki ni zhes grags// chu dang me grub rdzul 'phrul can// mchod rten ming ni ge'u to shan// rkang pa g.yon pa nub byang mtshams// dur khrod chen po kha che'i yul// ma mo chen mo pra mo ha// bde skyisgyid ldan pa phun gsum tshogs// mchod rten ming ni ske ni ska// pho mtshan steng gi byang phyogs na// dur khrod chen po u rgyan yul// ma mo chen mo kas sma ri// 'byor pa'i longs spyod lnga dang ldan// dngos grub can yang de na mang // gzi yi mchod rten chen po ste// ming yang d+ha rma tsa kra'o// de yi nang grol thams cad kun// dur khrod chen po za hor yul// rgya mtsho'i sgo gling ma ha do// lang ka pu rangs srin po'i gnas// ma mo chen mo sma sha ni// mngon shes rdzu 'phrul bsam mi khyab// srin po srin mo sha za rnams// de dag kun la dbang sgyur zhing // rin chen nor dang dpag bsam
- 92b
shing // 'byor pa'i yo byad kun dang ldan// mchod rten bde byed gzhon nu'o// 'jig rten kun du bstan pa yi// dur khrod chen po'i gnas brgyad do// de ltar sta na'i dkyil 'khor 'dir// 'das pa'i dus na sngon 'byung ba'i// sangs rgyas kun gyis byin gyis brlabs// de ltar gyur pa'i 'dzam gling du// skye shi gnas pa'i yul yin pas// phyi rabs sngags kyi sgrub pa pos// 'jigs byed chen po khrag 'thung gi/ dus gsum rgyal ba'i bka' bzhin du// bskyed nas byin gyis brlabs pa ni// sngags mchog bdud rtsir bsgrub pa'i phyir// rgyu dang dam rdzas thams cad ni// sangs rgyas sgrub pa'i rgyu dang bzhi// dam tshig dam par bsrung ba'i rdzas// byin gyis brlab par bya ba'o// de nas 'jigs byed chen po'i dkyil 'khor bskyed de/ nges don gcig tu lam rgyud lnga ni 'bras bu chen po lnga yin te/ de dag thams cad 'jigs byed chen po'i dkyil 'khor gyis dus gcig tu bsgral ba'i phyir/ bdud yak+Sha ma hA ru tra zhes bya ba zhig/ dus der bsgral zhing gnas sbar ro// de la bdag nyid sku ni smug nag 'bar// phyag na mtshon cha sna tshogs bsnams// pradz+nyA ke sha tsi ta dza la hUM phaT/ ma nu da raM to sha phyung / u ma da ra ma badz+ra ma hA maM sa/ tra ma kha'i zhes bsgral te/ e h+ye hi ma ha ru tra/ sha tu ma ka ra/ badz+ra ni hUM phaT/ ma hA de baM ru tra hUM dza dzA zhes brjod
- 93a
de/ sta na dang g+ha na chen por byas/ rnam par shes pa byang chub sems su dbang bskur ro// de na sta na'i dkyil 'khor 'dir// dur khrod bdag po btul nas ni// 'khor bcas ma lus dbang du bsdus// 'jig rten gtso bo lha brgyad dang // srin mo brgyad dang bu mo brgyad// dbang phyug nyi shu rtsa brgyad kyis// 'di skad ces ni khas blangs te// mgrin gcig tu ni rab smras pa// ho rdo rje 'bar ba'i me dpung gis// bskal pa bas kyang sreg mdzad pa// 'jigs tshul rngam pa'i khyad par can// dbu mang rtsub pa'i tshig sgrogs shing // phyag ma 'jigs pa'i mtshon cha bsnams// zhi ba'i phyag stong spyan stong yang // 'jig rten khams kun spa gong na// khro gnyer phyag stong spyan stong gis// dpa' bo sgeg dang 'jigs su rung // rgod dang gshe dang 'jigs par byed// snying rje rngam dang zhi bar ston// 'bar ba'i tshogs chen sna tshogs can/ khams gsum lha chen thams cad dang // 'jig rten thal bar rlog mdzad pa// e ma ho che mchog he ru ka/ khro rgyal khyod la skyabs su mchi'o// thugs rje nan tan bdag cag gzung // gal te bka' bzhin ma bgyis na// bdag cag rnams kyi mgo lus snying // dum bu brgyar ni gtubs 'gyur bgyid// de phyir 'bar bas bdag ma gtang // zhes mthun par smras so// khams gsum thams cad bsgral ba'i
- 93b
zhing // rgyu drug gnas pa'i sems can rnams// bsdu ba'i sbyor bas kun bsdus nas// mi ldog dbyings su yang dag nyid// thig le chen pos dbang bskur te// zla gsang dbus na byang chub sems// rdzogs sangs rgyas la som nyid med// sha chen bshang gci khu ba khrag/ bde bshegs lnga yi sa bon te// rnam par dri chen snang bar mdzad// phyi rol chen po lnga dag la// nang gi rgyu 'bras ye nas dag/ mi bskyod byang chub sems nyid de// dmigs su med pas dag pa yin// maM sa rin chen 'byung ldan po// mnyam dang mi mnyam dbyer med do// snag pa rak+ta mtha' yas thugs// skye 'gag med de ye nas dag/ don yod dri chu las grub pa// dri med rgyu nas rnam par dag/ kun kyang gtsang zhing dri med pas// thams cad ma lus sangs rgyas lnga// lus pa med pas ye shes dang // ma bcos ye nas de nyid do// de phyir sman chen bcud kyi mchog/ bdud rtsi zhes ni de la bya'o// rtogs pa'i klong du su 'dris pa// mi zhes bya ba sangs rgyas yin// bcom ldan 'das ni gud na med// 'byung ba lnga las gyur pa'i rgyu// sprul pas rigs lnga'i sangs rgyas yin// rang gi lus la bsdu ba'i phyir// sku gsum rdo rje dbang thob 'gyur// de phyir bsgrub pa'i rdzas su gsungs// de skad ces sman spyod pa'i lung du bka' stsal to// bdud rtsi chen po mchog gi lung 'bum sder
- 94a
bzhugs pa'i nang nas/ lung ma num gan spyad pa bla na med pa bstan paH/ bam pa zan pa ban pa// / rgya gar skad du/ ku la paH badz+ra na ma/ zad skad du/ rigs lnga bde bar gshegs pa la phyag 'tshal lo// ma hA yo ga'i don du bsgrub pa'i thabs 'di bstan to// ri ni nyams dga' mdangs bzang ba'i// yid 'ong gnas su 'dug nas ni/ byin brlabs mtshams bcad brtan byas nas// dkyil 'khor 'dom gang gru bzhi pa// dri sna lnga yis maN+Dal bya'o// thig bzhi btab pas dkyil 'khor brgyad// maN+Dal brgyad pa'i gzhung bzhin bri// de yi rtse mo brgyad la yang // yid bzhin nor bu 'bar ba bri// de yi dbus su bsam pa yang // srid gsum b+han+d+ha bzang kong yug/ ye nas ma bcos rang 'byung snod// dpal dang ldan pa'i snod bzhag la// de yi nang du sngags pa'i sman// ye nas rang 'byung bdud rtsi lnga// sha chen bshang gcig khu ba khrag/ dag pa'i rgyu ste bdud rtsi'i dngos// stong las sbyar bas ye nas dag/ btag dang btsag dang gzhal ba yi// nyi zla gsal ba'i dkyil 'khor du// 'bru lnga ye shes 'phro 'du las// stong khams khyab par don byas te// bcud kyi dam pa kun bsdus nas// dus gsum sangs rgyas mchod pa'i phyir// bka' bzhin bstan pa'i dngos grub blang // mu tig dkar po dri med ltar// sgrub pa
- 94b
pos ni nan tan bya'o// 'gu ya lag pa'i phyag rgya yis// gzhung bzhin brtan nas 'phro 'du bya// de dbus klu bdag sa bon gyis// dngos grub dam pa blang bar bya// dgu pa'i sngags kyis btab nas ni// le lo med pa'i brtson 'grus kyis// bar chad med pa'i 'phro 'du bya'o// oM gyis ye shes 'od phyung zhing // AHyis mes bsregs thal bar 'gyur// hUM gis bdud rtsi rnam par dag/ gsal la 'byung 'jug lhan ne bos// rtags dang mtshan ma bdun gyis 'byung // 'od dang du ba dri dang sgra// lha mo'i gzugs kyang ston par 'gyur// mang du 'phel na bsgrub rdzas yin// de la ya mtshan bskyed mi bya// mtshan ma'i rtags dag ma byung na// bskang gso'i cho ga rgya bskyed cig/ spogs thags bsgyur la rtsal shugs dbyung // dam tshig chen po bskang ba'i phyir// bsgrub rdzas rnams kyang bstar nas gzhag/ de nas mchod cing dngos grub blang // slob ma la yang dbang bskur ro// bla ma lung ldan des kyang ni// tshigs su bcad pa 'di dag brjod do// gdod nas ma skyes rnam dag chos kyi dbyings// dag dang ma dag mi rtog rtog las 'das// snga ma 'das dang da ltar phyis 'byung ba// dus gsum gcig la sku bstan phyi bshol med// dngos grub sna tshogs rlabs chen 'bar ba can// su 'dod sbyin gyis da lta 'di la long // skal par sbrebs dang gti mug mun
- 95a
nag la// sprin mthongs nyi shar khud par dro ba bzhin// bdud rtsi rgyal po dbang chen 'di byin pas// rig 'dzin rgyal po gtso bo'i go 'phang thob// tshe dang skongs dang yid du 'ong // bgegs rnams zhi ba la sogs te// nad dang bral nas ci 'dod pa'i// yon tan rtsa brgyad 'di yis thob// zhes bka' stsal nas// de nas yang bcom ldan 'das rigs lnga bde bar gshegs pas bka' stsal to// bcom ldan 'das kyis lung 'di las// dbang bskur gnang ba gang yin pa// 'khor rnams kun gyis thob par shog/ zhes bka' stsal to// yang 'khor nye ba'i sras mchog dam pa 'jam dpal la sogs pas dbang mnos nas/ yang rigs lnga dang rigs rgya mtsho'i gtso bo la lung gi don zhus pa/ rtog pa dang mi rtog pa'i don ji ltar blta/ don gyi 'bras bu gang lags zhes gsol pa las// kun tu bzang po dang rigs lnga bde bar gshegs pas bka' stsal pa/ tshangs dang drang srong gtsang ma za// de dag grol bar ngas ma bshad// klu dang bram ze gtsang ma za// de dag grol bar ngas ma bshad// byol song rtsa mchog za ba yang // ji srid 'tsho/ ba'i bar du za// de dag grol bar ngas ma bshad// yang dag don gyi lung 'di nyon// rnal 'byor thabs dang ldan pas ni// chos sku gcig las tha dad pa'i// rigs lnga'i kha dog 'di bshad do// 'di ltar rtogs
- 95b
na grol zhes bshad// rang bzhin ye nas dag pa'i rdzas// mnyam pa'i dbyings su rab rtogs na// gnyis med don gyis zin pa yin// ji ltar dmigs pa bzhin du 'grub// dngos dang dngos med rtog pa'i mtshan// gtsang dang mi gtsang rtog pa'i mtshan// mkhas pas dbus la gnas mi 'gyur// ye shes sku lnga bstan pa'i phyir// byang chub sems ni dkar bas na// dri med dkar bas ye shes sku'o// rak+ta chags med dmar bas na// chags med rnam dag chos kyi sku'o// maM sa yid bzhin rin chen sngo// sna tshogs 'byung gnas mnyam nyid sku'o// rin chen gser mdog snang mdzad de// mngon 'byung sprul pa chos kyi sku'o// dri chu dag byed ljang gu'i mdog/ kun du don grub las rab sku'o// sku lnga lhun grub bdud rtsi 'di// so so'i lus la gnas pa yin// dri chen dri chu rak+ta dang // maM sa sems chu 'di rnams kun// sems can rtog pa bzlog pa'i phyir// gtso ru dang du blang bar bya'o// gtsang sme med par kun gyis spyod// 'di dag grol bar ngas bshad do// the tshoms med pas dngos grub thob// spyod pa'i skyes bu rnal 'byor pas// tshe 'di nyid la grub par 'gyur// ces bcom ldan 'das rigs lnga bde bar gshegs pas bka' stsal to// 'di yan chad ma hA yo ga'i don gyi lung dang sgrub thabs bdud rtsi chen po 'bum sde las btus pa'i/ bam po chen
- 96a
rdo lnga pa// / rgya gar skad du/ a pra ta kuN+Da li na ma bod skad du/ bdud rtsi 'brel pa la phyag 'tshal lo// bdud rtsi rgyal la phyag 'tshal nas// bdud rtsi sbyar ba'i thabs bstanaH/ de bzhin gshegs pa kun gyis bdud rtsi bsgrub pa'i dgongs pa la zhugs te/ de nas bdud rtsi rgyal po yis/ bdud rtsi sbyor ba'i thabs 'di bstan te bka' stsal to// dang por phun sum tshogs pa'i yul/ dga' zhing bar chad med pa'i gnas// btsal nas nyid kyi dbang du bya'o// de nas rang lus bsrung ba'i phyir// lag cha phun sum tshogs pa yis// bar chad byed pa'i dgra bgegs bzlog/ de nas bsgrub pa'i yo byad rnams// 'tshe ba zas kyi yo byad dang / bsgrub pa dam rdzas yo byad dang // rkyen zlog sman gyi yo byad dang // de ltar phun sum tshogs ldan nas// ji bzhin bde bar 'dug nas ni// sa gzhi rab tu sbyangs byas te// tshes grangs yar gyi brgyad la brtsam// snga dro'i dus nas dkyil 'khor bya// maN+Dal 'dom gang ba lnga bri// bsgrub pa chen po bya ba'i phyir// dri chen dri chu'i skyong nul bya'o// dur khrod thod pa lnga nang du// tshil chen me mar re re yang // me mar sdong bu lnga brgya bya'o// me mar lnga brgya gtams nas ni// de nas bsgrub pa brtsam bya zhing // rdzogs pa'i las ni rnam bzhi bya// zhi ba'i tshe na byang du blta'o// gA na'i tshe na nub tu
- 96b
blta'o// sta na chen po lho ru blta'o// rgyas pa'i tshe na shar du blta'o// yang na phrin las rnam pa bzhi// so so'i phyogs phyogs dag nas blta'o// de ltar 'dug stangs bstan nas ni// shar gyi dkyil 'khor steng du ni// bsgrub rdzas thams cad gzhag par bya'o// lho yi dkyil 'khor steng du ni// me mar lnga brgya smos pa bzhag/ nub gyi dkyil 'khor steng du ni// sgrub pa yab yum gnas par bya// byang gi dkyil 'khor steng du ni// rgyu mchog chen po gzhag par bya// dbus kyi dkyil 'khor steng du ni// bram ze bkra shis gtsang ma'i rigs// bkra shis thod pa gzhag par bya'o// yang na b+han+da dpal ldan rdzogs// zlum zhing 'khyil pa pad+ma 'dra// dbus na bu ga gcig yod pa// de yi nang du hrI zhes bri'o// de'i nang du blugs pa ni// snying po tshim byed bcud kyi mchog/ gtso bo lnga dang 'bras bu lnga// dri zhim bcud ldan thams cad kun// 'di dag rab tu bskyab pa'i phyir// mang po 'dus pa mthu byin tshe// yang na rtsa ba brgyad dang sbyar// go tsi hA dang leng leng hA// gi'u wang tsi'u tang ra sa yan// ga pur mu tig lan tshwa rnams// 'di rnams rtsa ba rgyad dang // yang na gtso bo lngar sbyar ba// a 'bras rgan 'brum pa na se// ger rmya a ru ra dang lnga// 'di ni nang gi 'bras bu lnga'o// sha lnga dag dang sgur ba yang // dbang po lnga yi gzugs dang sgrar// de yi phrang du
- 97a
dgos pa yang // mig dang rna ba sna dang lce// gtso bo tsit+ta nyid dang lnga'o// shing tog rgun 'brum ka ko la// a 'bras pa na bum sha lnga'o// dri ni chen po sna lnga dang // cha yi grangs dang mnyam ste sbyar// na ka ge sar shing tsha dang // sug smel gan+d+ha pa tra dang // kun du ru dang dri sna lnga'o// yang na dri yi rgyal po lnga// rgya spos dzA ti pha la dang // ga bur tsan+da li shi lnga'o// de bzhin spos lnga'i dam pa yang // a ka ru dang du ru ska// pog dang sbrang rtsi lce pog dang // gser dngul zangs lcags g.yu dang lnga// bdar ram zhib tu btags te blugs// 'di dag rab tu mnyam zhing sogs// 'di dag sbyar zhing btag pa'i sngags// oM a mr-i ta mu sa la/ gra he ha na ha na hUM phaT/ 'di rnams sbyar ba'i bdud rtsi mchog/ dngos grub 'bras bu nges thob bo// 'bras bu rnam lnga bsgral ba'i phyir// byang gi phyogs kyi dkyil 'khor du// me lce gla gli snying la sogs// gsang ba'i brda tshig dag gis ni// de dag rab tu sba zhing bsgrub// phyogs bzhi dbus dang lnga ru gzhag/ rgyu mchog chen po khrus byas nas// mngon spyod mngon spyod ya mtshan gyi// 'jig byed 'jigs byed chen po yi// e yi dkyil 'khor sum brtsegs kyi// steng du bzhag nas dbang bskur ro// de nas dpal chen he ru ka/ dur khrod bdag po chen po ni// che mchog shin tu mi bzad
- 97b
pa// dbu mang phyag cha rtsub pa bsnams// smug nag sku ni 'bar ba can// zhal ni nyi shu rtsa gcig ste// phyag kyang bzhi bcu rtsa gnyis so// oM badz+ra ma hA shr-i he ru ka/ raM dza la hUM/ gsang ba'i yum yang yab dang mthun// ma hA kro d+hI shwa ri/ oM sarba thA ga ta mu drA a b+hi shiny+tsa hUM/ zhes yum dbang bskur nas/ gzhan yang rigs dang mthun pa ru// phyogs bzhi dag tu dgod par bya'o// de yang tshul bzhin byin gyis brlab// e h+ye hi ma hA ru tra hUM phaT/ sarbe da a a zhes brjod pas/ tsit+ta drang ngo // yang nas yang du sbar byas te// dug gsum rtsa ba der gcad do// rgyu 'bras mthun zhing sbyar ba yang // yangs shing rgyud la goms pa dang // chos sku zhi ba'i ting 'dzin yod// yon tan brgyad dang ldan pa la// nges pa'i don dbang thos par bya'o// 'byung ba bzhi las skyed pa'i yum// tshul bzhi dag dang ldan pa'am// yang na mtshan bzang sum cu ni// lus la rdzogs par yod pa la// zla gsang dkar dmar rlung dkar lci// de bzhin sring mo rnal 'byor ma// btsal nas bsgrub pa chen po bya'o// 'o ma spos chus mgo lus bkru// dkyil 'khor nang du gzhag par bya// 'dzags pa'i dus su sbyar ba yi/ khrag chen po ni sems dang bcas// ra sa ya na'i gtso bor bya'o// bdud rtsi dam pa'i snod bstan pa// kun byed thams cad za ba yis// slob ma dpa' brtul gtsang sbra
- 98a
can// skyon drug rnam par spangs pa yi// mi phyed pa ni dgu dang ldan// dam tshig thams cad ma mnyams shing // srog lus bu dang chung ma dang // rin chen sna tshogs 'bul byed pa// sring mo shin tu brgyan pa yang // slob dpon bla ma de la dbul// de ltar 'bul ba'i slob ma'i mchog/ yud yang pany+tsa yan chad kyis// rab tu 'bru ni gdams pas bya'o// thugs kyi dngos grub dam pa 'di// rang byung nga yis bstan pa'i phyir// re ba med pas blang bar bya// ma dag pa ni mtshams gcad do// las kyi gtsor ni bskang ba dang // sbrang dang mtshams dang gsal bar bya'o// nyi zla pad+ma yang dag gnas// bdag nyid dpa' bo 'bru lnga yis// gnas lnga dag tu bsam par bya'o// dngos grub rab 'bring tha ma gsum// ma thob par du mi gtang zhing // gtang na bar chad chen po 'gyur// gsang sngags bdud rtsi yon tan 'di// sad pa'i phyir yang bsgrub dgos na// mkhas pas bden pa'i don shes nas// don la the tshom ci ste za// zhes the tshom bcad la/ dngos grub blang pa'i sngags 'di'o// a hoHsu kha d+harma ka ya ni/ a mr-i ta sid+d+ha hrIHzhes dngos grub blang ngo // gnas lnga dag tu bsam pa yang // spyi gtsug dbus su zla ba ste// der ni oM dkar 'od ldan pa// 'od zer lnga ni 'phros pa las// slar 'dus snang mdzad gtso bo ste// rtag pa'i phyag rgya
- 98b
bcings pa'o// lce la hri dmar 'od 'phros pas// slar 'dus mtha' yas chos kyi gsung // mnyam pa'i phyag rgyar gnas pa'o// snying gar yi ge hUM mthing ga/ 'od zer lnga ni 'phro ba'o// slar 'dus mi 'khrugs sems dpa' ste// phyag gnyis rdo rje dril bu bsnams// yang na bdud 'dul sa gnon no// lte bar yi ge sta ser po// 'od zer lnga ni 'phro ba las// slar 'dus rin chen dam pa'i gtso// phyag rgya yid bzhin sbyin pa'o// gsang bar yi ge ha ljang gu// 'od zer sna lnga 'phro ba las// slar 'dus don yod grub pa ste// zhi ba'i phyag rgyar mnyam rdzogs pa'o// rigs lnga gtogs pa 'di kun yang // rang 'byung gi ni dkyil 'khor yin// de ltar 'od zer lnga lnga yis// nyi shu rtsa lnga'i 'phro 'du las/ khams gsum 'gro ba'i don byas nas// slar 'dus sman lnga nyid la bsdu// sman nyid phyag rgyar gsal 'bar nas// 'od zer sna lnga slar 'dus nas// phyag mtshan so sor gsal 'gyur te// gser gyi 'khor lo zur brgyad las// dri chen bdud rtsi zhu ba'o// hUM las rdo rje rtse lnga pa// 'bar nas byang chub sems su zhu// swA las rin chen 'od 'bar te// ma maM sa bdud rtsir zhu'o// hriHlas 'od zer sna tshogs pa'o// pad+ma rak+ta thig ler zhu'o// ha ljang 'od 'phro sna tshogs pas// dag pa'i dri chu bdud rtsir zhu'o// de ltar 'phro 'du bya ba yang // goms pas yang nas
- 99a
yang du bya'o// de nas bdud rtsi rnam lnga la// bsam pa'i yi ge dam pa lnga// oM hUM swA hrI A/ rtsa ba'i yi ge lnga po yang // 'od zer 'phro ba snga ma bzhin// de nas 'dzab bsgom bzlas pa'i sngags// dgu pa 'di ni 'dzab du drang // oM badz+ra tsit+ta sa ma ya hUM thA/ de la bdud rtsi'i phyag rgya ni// lag pa g.yon pa'i dpung pa brkyang // mthe bong srin lag mthil du dgug/ rdo rje mtshon gang bcas pa dang // 'dzub mo gung mo mthe'u chung brkyang // sbyar te lag pa'i mthil gyis ni// bdud rtsi snod kyi steng du gnon// de nas bdud rtsi byin gyis brlab// ting 'dzin me dang 'dra ba las// bzlas brjod rlung dang 'dra ba yis// glal dang lud pas bar mi gcad// de nas bdud rtsi byin gyis brlab// badz+ra a mr-i ta oM AHhUM hri thA// 'di ni rtsa ba'i dkyil 'khor lnga'o// dzaHhUM baM so// ma hA a mr-i ra A be sha soH/ zhes bcom ldan 'das bdud rtsi rgyal pos bka' stsal to// bdud rtsi dam pa mchog gi lung las 'bras bu chen po lnga bsgral ba'i lung nges pa dang / de bsgral nas de sman du sbyar ba'i thabs bstan pa'i bdud rtsi chen po sa ma ya 'bum sde las/ bam po chen po drug pa// rgya gar skad du/ a mr-i ta ka la shi sid+d+hi/ bod skad du/ bdud rtsi bum pa'i lung / dpal bdud rtsi bde ba chen po la phyag 'tshal lo// phan byed mgon la phyag
- 99b
'tshal nas// bsgrub pa'i yul dang gnas bstan te// shar lho nub byang phyogs bzhi'i ri// drang srong chen po'i bsgrub lugs dang // phra men ma yi sbyar lugs dang // rtsi sman 'khrungs pa'i yul khams dang // shing dang nags kyi lha mo'i gnas// ri bor sman ljongs tsan+dan gnas// bzhugs pa'i gnas su bsgrub par bya'o// dug rnams bdud rtsir sbyar ba'i thabs// rtsa ba dang ni yan lag bcas// ra sa ya na la sogs rdzas// tshang bar bsogs nas bsgrub par bya'o// ri bor nags 'dab chu ngogs sam// brag phug stong pa thibs po'am// bsgrub pa'i gnas mchog der bya'i phyir// sa gzhi rab tu brtag par bya// mnyam zhing snum pa'i sa snag can// zug rdo srin brag med pa dang // tshwa sgo sa dang ba tsha med// ma grugs ma gas mnyam po la// bsgrub pa'i gnas mchog der bya'o// rang 'byung khro bo chen po bcus// phyogs mtshams phur pas btab nas ni// gnas dang sa gzhi dag par sbyang // oM badz+ra kI la ya ma hA kro d+ha huM hU~M phaT phaT/ gardza gardza huM phaT/ ha na ha na huM phaT/ da ha da ha huM phaT/ pa tsa pa tsa huM phaT/ b+han+d+ha b+han+na huM phaT/ hu lu hu lu huM phaT/ tiSh+Tha tiSh+Tha huM phaT/ tshin+da tshin+da huM phaT/ b+hin+na b+hin+na huM phaT/ s+pho Ta ya s+pho Ta ya huM phaT/ phyogs bcu dag tu mtshams bcad do// sa bzhi rab tu sbyangs nas ni// dkyil 'khor 'dom gang gru bzhi bya// dri sna lnga dang
- 100a
rak+ta yis// byugs pa'i maN+Dal bzang du bya'o// ba su ta yi rgyu phreng gis// theg ni bcu drug char yang gdab// de la thig le bcu drug gam// yang na phyag mtshan bcu drug dgod// de'i dbus su bzhag pa'i snod ni// thod pa ma gas ma chag pa// yang na rus sbal mgo yang rung // dkyil 'khor de yi dbus su bzhag/ bdud rtsi sna grangs brgya rtsa brgyad// btags te thod pa'i nang du dgang // 'khor lo lte ba'i dbus su gzhag/ phyogs bzhi mtshams brgyad rnams su yang // snod ni bzhi 'am brgyad bzhag la// rigs dang kha dog mthun pa'i dar// b+han+d+ha lnga yi kha nas dgab// yang na bum pa'i mgul chings bya'o// ra sa ya na la sogs rdzas// ji snyed 'byor pas ma lus kun// dkyil 'khor de la bskor te bzhag/ de bzhin dar dkar mthing yol gyis// dkyil 'khor 'khor bar rab bskor nas// dkyil 'khor gra bar mda' bzhi gzugs// me long bzhi dang rat+na bzhi// ral gri bzhi dang phur pa brgyad// dkyil 'khor 'khor bar bskor te bzhag/ ting nge 'dzin rnam gsum rim bzhin bsgom// rgyu yi ting 'dzin 'bras bu las// de nyid byang chub sems su 'gyur// 'byung lnga yum gyi dkyil 'khor dag/ byang chub sems las rim bzhin skyed// raM yaM khaM su bruM/ nam mkha'i dbyings dang mnyam pa yi// gzhal yas gsal bar gyur par
- 100b
bsgom// dbus su byang chub sems chen po// shar du rdo rje dri chen che// lho ru maM sa sha sna tshogs// nub tu pad+ma rak+ta'i tshogs// byang du dri chu sna tshogs te// 'di rnams rim bzhin bkod pa la// gtso bos sbyor ba tshul bzhin bgyis nas/ me long yu ba can gyi steng du/ byang chub kyi sems blangs te/ dbus kyi snod blangs la/ kha shar phyogs su bltas te/ byang chub sems kyis g.yab cing dbyangs 'di brjod do// byang chub sems 'di'i ye shes rang bzhin te// dri med rnam dag char bzhin bab pa las// 'gro ba kun skyed yid bzhin nor bu'i tshul// gdod nas dag pas bdud rtsi'i rang bzhin la// gnyis med sbyor bas rdo rje'i rigs chen 'grub// me long ye shes de nyid yin par bshad ces brjod de/ dbus kyi b+han+da'i nang du/ shel phor bzhag la/ byang chub sems thams cad dang / gdung dang go ro tsa na la sogs pa kun bsdus la blugs so// 'gul yang lag gi phyag rgya yis// de yi steng du bzhag nas ni// sgrub pa po kun kha shar phyogs su bltas te/ byang chub kyi sems kyis g.yab cing / sngags 'di brgyad rtsa brgyad bzlas so// oM A hU~M badz+ra sa twa hUM/ sarba e shud+d+he/ a mr-i ta su kha ma hA yo ga hUM/ tsit+ta hUM oM AHhUM/ ak+Sho b+h+yaHd+he Sha ra ti sa ma ya s+t+waM zhes brjod nas/ dbus su blugs la gzhag go/ lho phyogs su kha bltas te/ ma hA maM sa'i snod blangs
- 101a
la 'di skad brjod do// sems can rnams ni gnas la chags// nor bas bdag nyid gtsang mar 'dzin// don gyis sun ni ma phyung na// bsod nams thams cad dang bral ba'i// yi dwags skam zag chad pa yang // bdag lus gtor bar mi phod na// lha la sogs pa'i bsod nams kyis// lus can rnams la smos ci dgos// de bas 'di kun sun 'byung zhing // rang 'byung bdud rtsi bstan pa'i phyir// lhas kyang lha yi bdag nyid bza'// mi la sogs pa de bzhin du// rnal 'byor pas kyang spyad cing bza'// 'di ltar bdag gzhan mi 'byed pas// blang dor med par grol ba yis// mnyam pa nyid kyi don mthong na// thams cad mnyam nyid ye shes sku// bder gshegs rin chen rigs mchog 'grub// oM AHhUM ma hA maM sa/ sa ma ya ra ho haM/ rany+dza ra ti sa ma ya s+t+waM zhes brjod de/ rin po che'i rigs yab yum spyan drang zhing brgya rtsa brgyad brjod de/ ma hA maM sa dang / sha sna tshogs bstabs shing lhor bzhag go// kha nub phyogs su bltas te/ rak+ta sna tshogs kyi snod blangs la 'di skad brjod do// rA ga rak+ta pad+ma 'byung // smad pa mi gtsang rdzas 'di dag/ chags yul bde ba'i gnas yin te/ pad+ma rigs kyi dam tshig 'grub// so sor rtogs pa'i ye shes yin zhes brjod cing / nub phyogs kyi snod kyi nang du blugs la bzhag/ oM AHhUM ma hA
- 101b
pad+ma rak+ta mu la/ a mr-i tA b+ha rA ga ra ti/ sa ma ya huM su kha hriHzhes brjod de nub phyogs su bzhag go/ kha byang phyogs su bltas te dri chu'i snod blangs nas 'di skad brjod do// kun 'byung zag pa gur gum chu// rdo rje dri yi chu yin te// chu las ma byung gang yang med// las kyi rigs kyi dam tshig dang // nan tan ye shes mchog kyang 'grub/ oM AHhUM a mo g+ha sid+d+hi/ badz+ra ra ti sa ma ya s+t+waM zhes brjod de byang phyogs su gzhag go/ shar gyi snod dang dri chen blangs te 'di skad brjod do// smad pa mi gtsang snyigs ma 'di// rtog pa de nyid snyigs ma yin// tshe mchog 'dzin pa'i bdud rtsi ste// gdod nas dag pa'i rang bzhin pas// bde bshegs kun gyi thugs dam nyid// gnyis med sku ru sbyor bas na// chos dbyings ye shes dam tshig 'grub// oM bai ro tsa na mo ha ra ti sa ma ya s+t+waM/ ma hA yo ga a ti s+pha ra Na ba lin+ta/ a mr-i ta u tsi tha a d+hi tiSh+Tha oM zhes brjod do// de nas sbubs pa po kun gyis thal mo sbyar te/ dbus kyi snod yum gyis blangs te 'di skad brjod do// ye shes snying po can rnams kyi// sangs rgyas kun gyi chos nyid 'di// snying po chos kyi don las 'byung // byang chub spyod pa'i gnas 'dir yin// smad par bya'i rdzas lnga po// gcig la yon tan lnga lnga 'am// gcig la'ang yon tan gsum du dbye// dam tshig rtsa ba bco lnga yin// yan lag nyi
- 102a
shu rtsa brgyad do// snod bcud dbus su 'dus nas ni// bcu drug por yang bstan par bya'o// thabs dang shes rab ldan pa las// sems dpa' sems ma'i tshogs su blta'o// rtsa ba brgyad dang yan lag brgyad// rdzas ni sems dpa' bcu drug ste// snod dbyings sems ma bcu drug yin// 'khor lo rtsibs ni bcu drug kyang // rang bzhin mi gnyis dbyings gcig pas// phyag rgya thig le ldan par bsgom// sum cu rtsa gnyis mtshan ldan pa// dpe byad bzang po brgyad cus brgyan// rdo rje dbyings kyi dkyil 'khor rdzogs// rgyu yang gsang la 'bras bu'ang gsang // rdo rje dbyings kyi dkyil 'khor la// mdzod ldan dpal gyi phyag rgya dang / kha 'byed rdo rje'i phyag rgya ni// 'khor lo rtsibs kyi dbus su gzhag/ bdud rtsi lnga dang rtsa ba brgyad// mig dang rna ba sna dang lce// mtshan dang rnam shes yul dang bcas// 'dus la ma byas rdo rje ste// dgongs pa 'dus pas rdo rjer bshad// rdo rje sems dpar rab sbyar nas// rdo rje sems dpa' nyid du 'gyur// oM AHhUM sarba pany+tsa a mr-i ta badz+ra satwa hUM zhes brjod de/ bdud rtsi rnam lnga byin gyis brlab cing bskul lo// de nas yang rtsa ba brgyad dang yan lag stong du 'dus shing sbyar ba dang skul ba'i tshig 'di brjod do// de nas yang snod stong par rgun chang dang / sbrang chang dang / rgya chang dang / bu ram chang
- 102b
dang / 'bras chang dang / chang sna tshogs sbreng zhing 'di skad brjod do/ 'bru rnams la yang chang med de/ chu la chang gi rang bzhin med// mkhas pas 'bru dang chur sbyar na// mnyam pa nyid kyi chang du 'gyur// chang byin gyis brlab pa'i sngags/ oM a mr-i ta dza gad pra ba swA hA/ oM dzi ba swA ha/ sman chang du blugs la/ dkrugs pa'i sngags/ mu sa la mu sa la/ ro mchog go 'phang thob par 'gyur// mi gtsang ba la'ang gtsang ba med// man ngag can gyi grub pa pos// mkhas pas gnyis med sbyar bas na// mnyam pa nyid kyi don thob 'gyur// kro d+hI shwa ri sho d+ha ya saM sho d+ha ya/ yang 'o ma sna tshogs sbreng zhing 'di skad brjod do// rta dang mi la sogs pa yi// ji ltar 'o mar gyur pa la// mkhas ldan chen pos rab sbyar na// yon tan zho dang mar ltar snang // de bzhin rdzas rnams bskur bas na// mnyam nyid yon tan mar ltar 'grub/ ces brjod de// byang chub sems kyi snod du sbreng du sbreng ngo // de nas rin po che sna tshogs bdar zhing 'di skad brjod do// dper na gser dang rin chen ltar// gcig tu bsreg dang so sor gnas// so sor gnas kyang rang rang gi kha dog mtshan nyid so sor gsal// rin chen yon tan de 'dra yang // bsdus nas yon tan rmad du 'gyur// de bas gnyis spras mdzes par snang // de bzhin rdzas kyi yon tan yang // rang gi yon tan rin chen
- 103a
snang // gnyis med mnyam par sbyar bas na// bla med yon tan rmad du 'gyur// thams cad gcig tu bsdus pa'o// de nas bdud rtsi ra sa ya na sna tshogs bsdus te/ snod stong par chu sna tshogs sbreng zhing 'di brjod do// chu rnams sna tshogs tha dad pa// rgya mtshor phyin na lan tshwa'i ro// de dag thams cad bsdus pa'i dpal// rgya mtsho tsam du rlabs che la// chos kyi dbyings su ro gcig go/ 'byung ba lnga yi thugs rje las// sman dang bdud rtsi rnam lnga po// 'gro ba yongs kyi gsos mdzad pa// thugs rje byin gyis brlab pa'o// dngos po med las dngos grub blang // byang chub sems kyi sprin yin pas// ji ltar dmigs pa bzhin du 'grub par 'gyur/ de skad ces brjod de/ sman lag tu blangs nas/ ngos ngos nas sman che ba'i yon tan brjod do// rang byung gdod nas dag pa yi// rtsa brgyad stong las sbyar ba'i sman// ra sa ya na la sogs rdzas// rtsa ba 'bum phrag yangs pa'i bcud// gnyis med bde chen las 'byung ba'i// byang chub sems ni rdo rje ste// sha chen mchod pa rin po che// zas mchog tshe yi dri chen po// pad+ma me tog yang dag ldan// rdo rje chu ste bdud rtsi mchog/ ga pur shel gyi spos phor bri// rin chen me ltar 'bar ba'i tshogs// yon tan 'bum phrag yangs pa'i bcud// rigs lnga dam tshig lnga yi dngos// ye shes lnga rdzogs grub pa'i
- 103b
rdzas// rgyud lnga sems can kun sgrol ba'i// dug lnga sel ba'i thabs mchog ste// thams cad rnal 'byor bdud rtsi che// ma lus 'dus pa'i thig le ste// sangs rgyas kun dang mnyam sbyor phyir// gcig tu dpa' bo ro rnams dang // gnyis su med par mnyam sbyar nas/ dus gsum sangs rgyas thams cad dang // rgyal ba rgya mtsho rnams la mchod// zhes brjod do// de nas shes rab yum rnams kyis/ sman lag tu bzhag la// yang bkra shis pa/ don la dam pa 'di brjod do// ngo mtshar rmad du byung ba'i chos// nam mkha' dang ni mnyam pa'i gnas// rnam par mi rtog snang ba las// kun rdzob tsam du bstan pa mtshar// zhes brjod do// sman snod bcud chas par lag tu blangs la yum gyi gtso bo la bdud rtsi phul te/ gtso bos blangs te phyag rgya chen por bskur zhing bsgom mo// de nas bsgrub pa po'i gtso bos dpa' chas su zhugs te/ ba yang nyo ba ti dang // ba yang shang gi ra dang / na ra si ra dang / thal chen gyi thig les brgyan te/ sro tsa aM dza na dang / dgug cing g.yab pa'i dam rdzas/ mchog gi hasta dang / brta sha ri la dang / shun chen gyi 'breng ba/ 'dre brdab pa'i lcag dang / rkang gi gling bu bud cing ku sha'i glu blang / mchog gi tshar ma dang / shun chen gyi g.yang gzhi bting la/ gu gul gyi mgo ma yeng gis bskus la/ rak+ta'i thig le dgu byas te/ mtshon re
- 104a
re'i steng du ta krid brgyad gzhag go/ b+ha g+h+ra tshar ma'i g.yang gzhi ta kis gyon la/ mdung la ba dan phyar nas thogs te/ dkyil 'khor yang 'khor lo rtsibs brgyad/ dbus su zla gam dmar po gcig bris nas/ de'i steng du sman spungs la/ sgrub pa po yab yum yang sbyor ba tshul bzhin du bgyi/ lha mo bcu drug gi bsnyen pa brgya rtsa brgyad yan chad gdon no// de nas byin dbab cing / dbab pa'i phyag rgya yang bya'o// g.yab mo'i brda la sogs te brda sna tshogs dang / thabs kyi rdo rje badz+ra sha rI raM la sogs pa dang / yang na mchog gi lag pa g.yon gyis/ sman dgug cing g.yab cing / 'khar gzhong gi nang du bsres te btsags la sman b+han+d+ha'i nang du blugs la/ rdo rjes dkrug cing glu dang gar dang rnga dang / dam pa'i tshig gis bstod do// spos kyis bdug cing gar gyi bro thags dang / rdo rje 'gros kyis dkyil 'khor du/ bdud rtsi dbus su bzhag la bskor ro// de nas ngos ngos nas kyang che ba'i yon tan brjod do// yang zhi ba'i lha'i dkyil 'khor yang // rigs so so'i yig 'bru kun sman la bstim zhing 'di brjod do// oM a mr-i ta sarba ma hA yo ga hUM/ oM badz+ra sarba sa ma ya hUM/ oM ma hA sarba a mr-i ta ma hA su kha hrIH/ oM sarba e shud+d+he/ kro d+hi shwa ri/ sarba shod+ha ya/ oM AHhUM badz+ra a mr-i ta hUM hrIHtha zhes rab tu yang bzlas so// de nas hom dang sbyin sreg
- 104b
dang / me'i phud kyang nang du blugs so// de nas sems sbyang ba'i sman/ leng leng hA dang shel ga bur dang / snying zho sha dang / mkhal ma zho sha dang / gla gor zho sha dang / shu dag ku be ra dang / shu dag pra me dang / shu dag nab se dang / ra sa ya na dang / ra sa ya na ta na dza ya dang / khrus mkhan ut+pa la'i thig les brgyan la/ gdod sman bsre zhing sbyar nas/ dkrugs la b+han d+ha ra stsal te/ b+han d+ha gnyis kha sbyar la/ dar gyis bcings la/ mtshams su rgyas btab la/ gzod dkyil 'khor zla gam gyi dbus su gzhag go/ sngags dgu pa 'dzab du drang ngo // 'di mgo mjug tu tshogs kyi mchod pa bar mi bcad/ mdzad pa bcu gnyis kyi 'phro 'du yang bya/ sman pa sgrub pa'i don dang / sbyar thabs bstan pa'i lung dang / las kyi rim pa'i skul tshig dang / yo byad du byas pa'i rnams bdud rtsi chen po mchog gi lung las bdud rtsi bum pa'i lung gi bam po bdud rtsi 'bum sde las 'byung ba'i don// bam po chen po bdun pa// rgya gar skad du/ b+ha ga bAn many+dzu shrI ti g+h+nA na maHsid+d+haM/ bod skad du/ bcom ldan 'das 'jam dpal rnon po la phyag 'tshal lo// de nas bcom ldan 'das dpal nyid sku rdo rje lta bu byang chub kyi dgongs pa nyid la bzhugs pa la/ bcom ldan 'das byang chub kyi sems rdo rje kun tu bzang po ni/ dus gsum 'du 'bral med pa'i/ yum gyi tshal
- 105a
chen po na dgongs pa chos kyi dbyings zhi ba chen po la bzhugs so// rigs lnga bde bar gshegs pa rnams kyang / gsang ba'i yum bzhi dang / 'khor byang chub sems dpa'i tshogs dang / sems ma'i tshogs/ rdo rje dbyings kyi dkyil 'khor na/ sras mchog dam pa nye ba'i 'khor/ rigs kyi rgyal po ma lus pa rnams dang / tshangs pa chen po rnams dang / drang srong chen po dang / lha dang klu dang / lits+tsha bI la sogs pa'i mi rnams kun la dpal kun tu bzang pos bka' stsal pa/ nan tan gyis ni brtson 'grus bskyed/ the tshom med na nges par 'grub// bdud rtsi chen po rnam lnga 'di// spyad cing bcangs pa'i yon tan dang // rang bzhin dang ni ngo bo dang // mthu dang byin gyis brlabs kyis 'grub// mi brjed rgyun gyi ting nge 'dzin// nges par bsgrub pa'i yon tan ni// nges pa'i man ngag gsum du bstan zhes bka' stsal nas// sdud pa po chos kyi don/ 'jam dpal rnon po la gtad do// de nas 'phags pa 'jam dpal gyis/ rdo rje dbyings kyi dkyil 'khor gyi lha 'khor tshogs rgya mtsho dang bcas pa rnams la 'di skad brjod do// e ma hoHsangs rgyas kun tu bzang // gsang chen thig le nyid la rdzogs// ma rig mun sel ye shes sgron// dpa' bo khyod la skyabs su mchi'o// rang 'byung dri med bdud rtsi 'di// sangs rgyas kun gyis bsngags pa'i
- 105b
mchog/ mi shes dri ma kun bcom nas// nges pa'i dbyings la 'god mdzad pa// gnyis med gus pas phyag 'tshal lo// snang mdzad rdo rje rgyal sman dang // mi bskyod nyi ma snang mtha' yas// don yod bdud rtsi 'khyil pa la// dgyes shing gus pas phyag 'tshal lo// dbyings phyug yum gyi tshogs rnams la// dga' ba'i yid kyis 'dud phyag 'tshal// lag na rdo rje rgyal po dang // kun bzang blo glos chen po dang // don rab sa snying la sogs la// rab tu gus pas phyag 'tshal lo// nam mkha'i 'jig rten dbang po dang // 'gro ba 'dzin mchog dam pa la// gnyis med gus pas phyag 'tshal lo// dag la rang bzhin dri med sku// tshul bzhin phreng ba dbyangs dang gar// spyod mchog dga' sdug phyag 'tshal lo// bdug pa me tog mar me ho// gzugs mchog mnyes mdzad lha mo la// mos pas 'dud cing phyag 'tshal lo// rig byed tshogs kyi bdag po mchog/ rdo rje srin po 'dul mdzad pa/ khro rgyal yab yum 'khor bcas la// gus pas bstod de phyag 'tshal lo// de nas 'khor rgyal ba rgya mtsho dang bcas pa rnams kyis legs so legs so// a la la hoHzhes brjod nas gnang ngo // de nas dbang byin te/ 'phags pa byang chub sems dpa' sems dpa' chen po khyod kyis/ thams cad bdud rtsi'i rang bzhin la/ mkhyen rab dang pos kun gyi mchod pa chen po
- 106a
mdzad do// de yang nyid kyis nyid la mchod de/ 'di man chad ye shes kyi lha rnams kyis ting nge 'dzin byang chub kyi sems bdud rtsi chen por thim nas/ mnyam pa nyid kyi dbyings la mi snang bar byas nas/ ma hA su kha la sbas te bzhugs pa las/ de nas bcom ldan 'das dpal kun tu bzang po dang / rigs lnga bde bar gshegs pa rnams kyis 'phags pa 'jam dpal la bka' stsal pa/ byang chub sems dpa'i mkhyen rab kyi dang po khyod la/ da nged kyi chos 'di bsdus te bshad do// 'jam dpal rdo rje chos 'di lta ste// e ma hoHgsang ba las byung ba'i// ma rig mun sel sgron ma'i mchog/ dpa' bo khyod la skyabs su mchi'o// nan tan gyi ni brtson 'grus byos// zhes pa dang / 'jam dpal bdud rtsi 'di'i chos kyi don ni/ dper na me dang 'dra ste/ chung ste rdul tsam nas che ste srid pa'i ri bo yang sreg go/ de bzhin du bdud rtsi 'di ni dper na nyi ma dang 'dra ste/ nyi ma'i 'od zer chen po ni 'dzam bu gling du thog ma nyid du ri'i rgyal po chen po brgyad la snang bar byed do// de'i 'og tu kho ra khor yug tu snang bar byed do// de'i 'og tu ri bopo che rnams la snang bar byed do// de'i 'og tu ri nag po rnams la snang bar byed do// de'i 'og tu gangs ri mthon po rnams la snang bar byed do// de'i 'og tu 'dzam bu gling 'dir sa phyogs dma' ba rnams la
- 106b
snang bar byed do// nyi ma'i 'od zer chen po de la/ blang dor med de mi rtog mi sems so// rnam par yang mi rtog mi sems so// rdo rje chos dang 'jam dpal nyi ma'i 'od rnams ni/ dbri bskol med do// de bzhin du sems can gyi rnam par shes pa la yang / de dang 'dra ste dbri bskol med do// phye ba dang bskyed pa dang / bskyungs pa yang med do// de bzhin du chos bdud rtsi 'di yang bsam gyis mi khyab pa'i dbyings su bstan pa yin pa'i phyir/ bdud rtsi chen po 'di dbu las bsam gyis mi khyab pa bstan zhes smos pa yin no// de bzhin du chos bdud rtsi chen pa'i lung 'di yang ma skyes mi 'gag mi rtog pas// mtshan dang mtshan ma med pa dang // mi gnas pa la rnam par khyab ste gnas so// de bzhin du chos bdud rtsi chen po 'di yang nyi ma'i 'od zer dang 'dra bar kun la khyab par gnas te/ skal ldan rigs lngas 'byung ba lnga la khyab cing / 'byung ba lnga nyid rigs kyi yum lnga'i tshal chen po ste/ yum lnga dang yab lnga yang gdod nas dag ste/ nyi ma'i 'od bzhin du shar ro// de nas bcom ldan 'das kyis 'khor rgyal ba rgya mtsho rnams la bshad do// de nas bcom ldan 'das kyis 'khor rgyal ba rgya mtsho rnams la khyab bo// de nas srid pa'i 'jig rten du mi mjed kyi bdag po tshangs pa'i lha rnams dang klu rnams la khyab bo// de nas mi'i byang
- 107a
chub sems dpa' rnams dang rim pas nam mkha'i nyi ma bzhin khyab cing shar ba ste/ thugs rje'i bdud rtsi 'di yang srid pa gsum du nyi ma bzhin du shar bar bya ste/ 'jam dpal stong gsum gyis stong chen po'i 'jigs rten gyi khams na/ sangs rgyas kyi zhing phra rab snyed la bsam gyis mi khyab pa'i lus phul bas ni/ bdud rtsi chen po 'di lus la bcangs pa bsod nams che'o// 'jam dpal dus gsum gyi sangs rgyas kyi zhing yongs su sbyang ba bas ni/ bdud rtsi 'di lus kyi mgul du btags pa 'bum gyi char yang mi phod do// 'jam dpal bskal pa gang+gA'i klung gi bye ma snyed kyi sangs rgyas rnams la spyi bos bkur zhing phyag bya ba'i don ni/ bdud rtsi chen po 'di spyi bo la bkur ba'i yon tan ni/ sangs rgyas thams cad bkur ba yin no// 'jam dpal bskal pa stong gi bar du sems can gyi don bya ba bas ni/ bdud rtsi chen po 'dis lan cig gis 'gro ba'i don byas pas/ dmyal khams brgyad kyi 'jig rten yang thar pa'i lam du 'dren pa yin no// zhes gsungs pa dang / de nas bcom ldan 'das kyis tshigs su bcad de bka' stsal pa/ bdud rtsi chen po'i rang bzhin ni/ kha dog dbyibs dang mtshan ma med// 'gog pa med cing dbye ba'ang med// rtsa ba med cing rten pa'ang med// bdud rtsi che la brjod pa 'ang
- 107b
med// nyon mongs dug dang bdud bzhi bcom// dri med dag pa'i byang chub sems// nges don de la 'dud par byos// de nas bcom ldan 'das dang dam pa'i chos bdud rtsi'i lung 'di la 'phags pa 'jam dpal gyis slar la lan gsum du bstod pa/ nam mkha'i mtshan nyid sangs rgyas te// mtshan nyid med pas nam mkha' 'dra'o// bya ba med pas grol ba ste// bdud rtsi mchog la phyag 'tshal lo// chu zla bzhin du dri bral bas// thams cad rtog pa yongs su spangs// bdag tu 'dzin med rnam par dag/ bdud rtsi rgyal la phyag 'tshal lo// dus gsum chos kyi dbyings dang mnyam// bdud dang ngan song gsum las thar// len pa med cing gtong ba'ang med// dri med dag pa'i byang chub sems// bdud rtsi mchog la phyag 'tshal lo// dus gsum sangs rgyas bskyed pa'i rgyu// khams gsum sems can 'dren pa'i dpal// 'gro ba drug gi sgrib sbyong ba// bdud rtsi rgyal la phyag 'tshal lo// de skad ces gsol nas/ phyi nang gi snod bcud ril sman ra sa ya na dang / bdud rtsir gnas so zhes lung dang man ngag dag tu bsdus te bka' stsal pa'o// bdud rtsi chen po mchog gi lung / lung gi rgyal po chen po rtog pa'i mchog las 'khor lo bskor ba'i nang nas lung gi bam po chen po brgyad pa'i 'grel pa chen po'i don/ bam po chen
- 108a
kha brgyad pa rdzogs so// / ra bdud rtsi 'jam po las thar gas pam cag pa ma lam thas bshad cing / maHbrdzun kum ras btur ba'o// dza rnga yang dbang ga lag rna // @// rgya gar skad du/ sarba baN+Da sa pre ta swa b+hA ba/ bod skad du/ thams cad bdud rtsi lnga'i rang bzhin/ bcom ldan 'das dpal kun tu bzang po la phyag 'tshal lo// 'a skad bdag gis thos pa'i dus gcig na/ bcom ldan 'das gsang ba mchog gi dkyil 'khor na/ shin tu rnal 'byor gyi dbang phyug chen po dang thabs cig tu bzhugs te/ nyan thos dang rang sangs rgyas dang / theg pa chen po'i mdo sde'i rgyal po byang chub sems dpa' dang / dgra bcom pa'i nyan thos kyi dge 'dun chen po dag ming yang mi grag pa'i nang du/ gsang sngags kyi snying po bdud rtsi'i mchog tu bya ba'i blta ba dang / spyod pa dang bsgrub pa 'di gsungs so// bsam gyis mi zab bstan pa dang // brgyad khri bzhi stong rnam grangs kyang // theg par ga nas gsum du 'dus// gsang gnyis theg par 'dus dang bzhi// bram por dgongs dang don dam pang // bkri ba'i don de sangs rgyas yin// rna chud ston pas thugs brtul te// nges pa'i lung yang sangs rgyas la/ sangs rgyas mnyam dang dbyings su 'gro// byang chub
- 108b
sems 'di kun tu bzang // rdzogs pa'i ye shes bde chen nyid// mi rtog spyod pa'i yul ma yin// ma lus mtha' dag nyid kyi rgya// ye nas bya med bya mi dgos// rgyu dang 'bras bu 'khrul pa'i sgra// byang chub 'dod pa ltung ba'i gnas// bsgrub cing ma btsal bde bar gnas// rgyud dang lung dang man ngag kyang // dmangs dang rje'u dang rgyal po'i tshul/ khyad par rtsal 'phang thag ring yang // gcig la gcig brten gcig gi nga // gcig ste rnam pa yongs kyis med// de bas sku gsung thugs kyi bdag/ sku dang rgyan dang 'khor lo yang // lung chen zab mo'i nang nas gsal// lnga bzhi nang du 'khor ba yang // ye shes sangs rgyas de las med// blta ba 'di la gnas pa ni// rnal 'byor 'di ni skal ba bzang // ci spyad ci bsgom ci bsgrubs kyang // bdud rtsi nyid de sman gyi mchog/ bde gshegs kun gyi thugs dam nyid// rgyal ba rgya mtsho/ rnams kyis gsos// sangs rgyas bde chen nyid las byung // mtha' yas sems can don gyi phyir// rang la mchod cing rang gis bza'// sgrub pa pos ni nan tan bya// zhes bka' stsal to// blta ba'i gnas skabs rdzogs so// // bcom ldan 'das bde ba chen po la phyag 'tshal lo// las 'di lung gi bsgrub bya na// mi spang ba dang dang du blang // spyad pa'i dam tshig bco lnga bsrung // de yang ma hA sa ma ya// bzhi po
- 109a
rdzogs na kun tu bzang // zhi rgyas dbang dang mngon spyod dang // mnan bzlog drug ni gcig tu'o// dpa la ga Na'i lung bshad ste// b+ha ga bAn ni nyid kyi bka'o// lha yi bdud dang phung po'i bdud// nyon mongs bdud dang 'chi bdag bcom// phyag rgya chen po bzhi dang ldan// byang chub 'khor ba mya ngan 'das// bcom ldan 'das kyis bka' stsal to// sangs rgyas sems can thams cad dang // mtshan mar btags pa thams cad kun// bde chen nyid las gzhan ma yin// bde chen nyid las gzhan pa'i chos// sangs rgyas nyid kyis mi brnyes so// phyi nang ma lus snod bcud kyang // yab yum bde ba'i ngang du gsal// 'di ni snying po byang chub lung // de nas ta na bshad par bya// khams gsum thams cad bsgral ba'i phyir// ma skyes pas na 'gag pa 'jig/ bdag nyid med na mnyam pa'i lung // thugs rje chen pos cir mi mdzad// yang dag nyid la yang dag sgrol// yang dag bsgral na bde chen thob// stong gsum ma lus bton pa las// 'bum gyis char yang mi phod do// skyes bu chen po rnal 'byor gyis// bsgral ba 'ba' zhig snying rje mchog/ mi ldog dbyings su yang dag yid// thig le chen por dbang bskur te// zla gsang dbus na byang chub sems// rdzogs sangs rgyas la som nyi med// dri chen rnam par snang bar mdzad// mi ba
- 109b
skyospyod byang chub sems dpa' nyid// mAM sa rin chen 'byung ldan che// rak+ta snang ba mtha' yas gsungs// dri chu don yod las grub bo// thams cad ma lus sangs rgyas lnga// lus pa med pa ye shes lnga// ma bcos ye nas de nyid do// de phyir sman chen bcud kyi mchog/ bdud rtsi zhes ni de la bya// rtog pa'i klungs su su 'dris pa// mi zhes bya ba sangs rgyas yin// bcom ldan 'das ni gud na med// ces bka' stsal to// spyod pa'i skabs rdzogs so// // rigs lnga bde bar gshegs pa la phyag 'tshal lo// byin rlabs dbab pa bstan par bya// yid 'ong gnas su 'dug nas ni// bya ba med pa'i lam 'di bsgrub// maN+Dal brgyad pa'i gzhung bzhin du// dpal dang ldan pa'i snod gzhag ste// stong las 'byor pa ye nas dag/ btag dang btsag dag gcal ba yis// nyi zla gsal ba'i dkyil 'khor du// 'bru lnga ye shes 'phro 'du las// stong khams khyab par don byas te// bcud kyi snying po kun bsdus nas// dus gsum sangs rgyas mchod pa'i phyir// mu tig dkar po dri med ltar// sgrub pa pos ni nan tan du// gu h+ya lag gi phyag rgya ni// gzhung bzhin bstan nas 'phro 'du bya// de dbus klu bdag sa bon gyis// dngos grub dam pa blang bar bya// dgu pa'i sngags kyis btab nas ni// le lo med pa'i brtson 'grus kyis// bar chad med pa'i 'phro 'du
- 110a
bya// gsal la 'byung 'jug lhan ne'o// rtags dang mtshan ma bdun gyis 'byung // 'od dang du ba dri dang sgra// lha mo'i gzugs kyang sten par byed// mang du 'phel na 'grub rtags yin// de la ya mtshan bskyed mi bya// mtshan ma de dag ma byung na// bskang gso cho ga rgya cher bya// spogs thabs bsgyur nas rtsal shugs dbyung // rdzas rnams kyang ni bstar bar bya// de nas mchod cing dngos grub blang // slob ma la yang dbang bskur ro// tshe dang skongs dang yid du 'ong // nad dang bral dang ci 'dod dang // bgegs rnams zhi ba la sogs pa'i// yon tan brgya rtsa brgyad rnams 'di yis thob// snying po tshim byed bcud kyi mchog/ gtso bo lnga dang 'bras bu lnga// 'di dag rab tu bskyab pa'i phyir// dri zhim bcud ldan thams cad kun// mang po 'dus pa'i mthu byin che// yangs shing rgyud la goms pa dang // slob ma dpa' brtul gtsang sgra can// zla gsang dkar dmar rlung dkar lci// nyung yang pany+tsa yan chad kyi// mi phyed pa yi bdun gnas pa'i// thugs kyi dngos grub dam pa 'di// re ba med pas blang bar bya// 'di tshe 'bru ni brtag par bya// ma dag pa ni mtshams gcad do// las kyi gtsor ni bskang gso dang // sbyang dang mtshams dang bsal ba yis// nan tan gyis ni brtson 'grus bskyed// the tshoms med na nges par 'grub// ces bka' stsal
- 110b
nas/ shin tu rnal 'byor gyi dbang phyugs chen po kun yi rangs te bcom ldan 'das kyis gsungs pa la mngon par bstod do// e ma ho gsang ba las byung ba'i// byang chub bde chen nyid la rdzogs// ma rig mun sel ye shes sgron// dpa' bo khyod la skyabs su mchi// zhes bsgrub pa'i skabs rdzogs so// // shin tu rnal 'byor dbang phyug chen po'i sgrub pa/ bdud rtsi mchog gi lung / dum bu gsum pa'i rgyud ces bya ba rdzogs so// @#/ rgya gar skad du/ a mr-i ta rat+na g+hu h+ya dz+nyA na tsakra tan+t+ra/ bod skad du/ bdud rtsi rin po che ye shes gsang ba'i 'khor lo'i rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal yang dag par rdzogs pa'i sangs rgyas longs spyod rdzogs pa'i sku rnam pa thams cad mkhyen pa'i ye shes dang ldan pa'i kun tu bzang po de/ dbyings rnam par dag pa'i b+ha gar rtag tu bzhugs so// de'i gnas kyang b+ha ga yangs pa'i bcud dang ldan pa'i bdud rtsi'i b+ha ga zhes mkha' dbyings rin po che'i gzhal yas khang / rgya dang tshad las 'das pa/ gru bzhi dang sgo bzhir 'dug pa/ rta babs dang them skas dang ldan pa/ dra ba dang dra phyed la sogs pa ka ba brgyad dang / gdung bcu drug gis bris pa/ sna tshogs pa'i gzugs dang // sna
- 111a
tshogs pa'i dbyibs dang / sna tshogs pa'i rgyan la sogs pas brgyan pa dang / nyid las mi gzhan pa'i 'khor sman lha'i rgyal po de bzhin gshegs pa dpal thogs pa med pa sman gyi lha rnams kyi rgyal po dang / gzhan yang de bzhin gshegs pa sman gyi bla bai DUr+ya 'od kyi rgyal po dang / gzhan yang steng gi phyogs na sman gyi lha mo grags mo rgyal dang / 'og gi phyogs na sman gyi lha mo 'phel byed ma dang / shar phyogs na sman gyi lha mo grags dbyangs ma dang / lho phyogs na shing gi lha mo 'od 'chang ma dang / nub phyogs nas dri'i lha mo a byin snying po ma dang / byang phyogs na rtse'i lha mo grub pa'i blo gros ma la sogs pa'i sman dang / rtsi dang dri dang shing dang nags tshal la sogs pa'i lha rnams dang / gzhan yang de rnams kyi dbang po dang / de bzhin du ye nas yin pa'i lha rnams de bzhin gshegs pa dpal rnam par snang mdzad dang / rdo rje sems dpa' dang / rin chen 'bar dang / 'od kun tu snang ba dang / don yod grub pa rnams kyi yum dang 'khor dang / gzhan yang go'u rI la sogs pa'i 'khor dang / gzhan yang seng gdong la sogs pa'i 'khor dang / gzhan yang sgo bzhi'i gtso mo dbang phyugs ma dang / gzhan yang lha dang drang srong dang / klu dang / bram ze dang / mi dang / mi'i dge bsnyen dang / gzhan yang tshangs pa nye 'khor 'dun na gnas la
- 111b
sogs pa'i 'khor mang pos yongs su bskor nas thabs cig tu bzhugs so// de nas mchod pa'i lha mo rnams kyis bcom ldan 'das dpal kun tu bzang po la 'di skad ces gsol to// nam mkha'i mthong nas 'od byung ba// thugs rje sprin mthong nyi shar 'dra// mun par sgron me btegs pa bzhin// 'gro ba yongs la snang bar mdzod// ces gsol to// de nas bcom ldan 'das de bdud rtsi'i gling zhes bya ba'i ting nge 'dzin la snyoms par zhugs nas/ dpal kun tu bzang po de zhal gsum phyag drug pa'i tshul dang ldan par bzhengs so// de nas bcom ldan 'das dpal kun tu bzang po des/ phyogs bzhi mtshams brgyad steng 'og tu bltas sam gzigs pas sems can nyon mongs pa'i nad kyis gdung pa la gzigs te// de la bcud kyi gling gi 'od zer dang 'od du bcas pa stong gsum gyi stong chen po'i 'jig rten gyi khams gang bar 'phros so// 'phros pas sems cad thams cad la bdud rtsi gling gi 'tsho ba'i sman du gyur nas/ sems can thams cad nyon mongs pa las thar nas/ bde ba'i sa la gnas par gyur to// de nas ston pa kun tu bzang po des 'di skad ces bka' stsal to// nyon mongs sems can gso ba'i phyir// bcud kyi gling gi sman nyid kyis// grol lam bde ba'i sa thob nas// yang dag ye shes thob par 'gyur// zhes gsungs
- 112a
so// bdud rtsi rin ze che ye shes gsang ba'i 'khor lo las/ gling gzhi'i le'u ste dang po'o// // de nas yang ston pa dpal kun tu bzang po des 'di skad ces bka' stsal to// ci ltar bdud rtsir gyur pa la// dbye dang rab tu dbye ba dang // de bzhin nges par dbye ba'o// zhes gsungs pas/ bcom ldan 'das rdo rje chos kyi 'di skad ces zhus so// e ma ho sangs rgyas bcom ldan 'das// ma mthong ba dang rmongs pa la// dbye ba'i don ni rnam pa gsum// de bzhin yan lag rnam dbye 'tshal// zhes gsol to// bcom ldan 'das kyis bka' stsal pa/ de yi don gyi dbye ba yang // nyon gcig de bzhin rdo rje chos// dang po la ni gnyis yod de// de bzhin gnyis pa lnga ru bshad// de bzhin gsum pa de bzhin gsum// zhes bka' stsal to// de nas rdo rje chos kyis 'di skad ces gsol to// e ma ho sangs rgyas bcom ldan 'das// yan lag don ni de lags na// rgyas pa'i don ni gang gsungs pa// de yang de bzhin gshegs pas gsung // zhes gsol to// de nas yang bka' stsal pa/ dang po'i don ni gnyis yin te// gnyis pa'i dang po gang yin pa// de bzhin 'dres dang ma 'dres gnyis// de bzhin gnyis pa drug po ni// de bzhin ye shes drug pa'o// gnyis pa lnga pa'i don bshad ni// lnga pa'i gnyis pa gang yin na// chos nyid dang ni
- 112b
ye shes so// de bzhin lnga pa'i gsum pa ni// dang po dngos gzhi rnam pa lnga// de bzhin rtse smad thams cad dang // de ltar mtshon pa'i bdud rtsi'o// de bzhin gsum pa'i gsum pa yang // mtshon pa dang ni mtshon byed dang // de bzhin mtshon pa byed pa'o// bdud rtsi rin po che ye shes gsang ba'i 'khor lo las/ bdud rtsi'i dbye ba'i le'u ste gnyis pa'o// // de nas yang bdud rtsi nges pa'i tshig bka' stsal to// ci ltar bdud rtsir gyur pa la// nges dang rab tu nges pa dang // de bzhin yang dag nges pa'o// de ltar nges pa'i don bstan pa// kun gyis dang du blang bar bya'o// spros pa yang dag mtha' las 'das// bdud rtsi zhes ni de la bya'o// rnam mthar gsum dang ldan pa yis// yang dag don la bdud rtsi zhes// dpa' bo chen pos de skad gsungs// 'khor ba bdud dang 'dra ba la// chos nyid bden pa'i rtsi btang bas// bdud rtsi/ zhes ni de la bya// kun rdzob sgyu ma'i dpe brgyad la// ye shes chen po'i rtse btang bas// bdud rtsi zhes ni de la bya// phung po lnga ni bdud yin te// rgyal ba rigs lnga'i rtsi btang bas// bdud rtsi zhes ni de la bya// de bzhin mig la sogs pa yin// skye mched rnams ni bdud yin te// sems dpa' sems ma'i rtsi btang bas// bdud rtsi zhes ni de la bya// 'byung ba lnga ni bdud yin te// de bzhin yum lnga'i rtsi btang
- 113a
bas// bdud rtsi zhes ni de la bya// gzugs la sogs pa'i yul rnams la// de bzhin dmigs pa bdud yin te// der 'dzin med pa'i rtsi btang bas// bdud rtsi zhes ni de la bya// de bzhin 'khor ba'i bag chags la// thugs rje chen po'i rtsi btang bas// bdud rtsi zhes ni de la bya// de phyir a ni mnyam gnas te// mr-i ni thams cad bdud yin pas// de yi rtsi ni ta zhes bya// de bzhin a ni dri yin te// mr-i ni thams cad sman yin no// de bzhin ta ni rtsi ru bshad// a ni thams cad rgya yin te// mr-i ni thams cad 'bras yin te// de la ta ni thabs su gsungs// a ni chos nyid yang dag ste// mr-i ni ye shes chen po'o// ta ni yongs su dag pa'o// de bzhin rgyu 'bras thams cad la// bdud rtsi zhes ni nga yis smras// bdud kyi rtsi ni chos nyid yin// de la bdud rtsi zhes bya'o// bdud kyi rtsi ni ye shes yin// de la bdud rtsi/ zhes bya'o// bdud kyi rtsi ni sbyin pa yin// de la bdud rtsi zhes su gsungs// bdud kyi rtsi ni shes rab yin// bdud kyi rtsi ni bzod pa yin// bdud kyi rtsi ni bsam gtan yin// bdud kyi rtsi brtson 'grus yin// bdud kyi rtsi ni tshul khrims yin// bdud kyi rtsi ni stobs yin te// bdud kyi rtsi ye shes yin// de la bdud rtsi zhes bya'o// bdud kyi rtsi ni dad pa yin// bdud kyi rtsi ni sems bskyed yin// bdud kyi rtsi ni
- 113b
tshad med yin// bdud kyi rtsi ni bsdu ba yin// bdud kyi rtsi ni phrin las yin// bdud kyi rtsi ni dge ba yin// bdud kyi rtsi ni dkyil 'khor yin// de la sogs te mtha' yas mchog/ thams cad thams cad bdud rtsi zhes// nga dang nga yis bstan pa dang // gzhan dang gzhan gyis bstan pa dang // 'das dang ma byon thams cad dang // de bzhin rgyal sras kun gyis gsungs// zhes bka' stsal to// bdud rtsi rin po che ye shes gsang ba'i 'khor lo'i rgyud las/ nges pa'i tshig bstan pa'i le'u ste gsum pa'o// // de nas don 'di nyid kyi dgongs pa bstan nam/ gsungs sam/ bka' stsal to// de nas yang rdo rje chos kyis 'di skad ces bka' gsol to// e ma ho ngo mtshar rmad kyi chos// e ma ngo mtshar rmad kyi lam// e ma ho ngo mtshar rmad kyi mthu// zhes gsol to// bcom ldan 'das kyis gsungs pa/ nyon cig nyon cig rdo rje chos// ma mthong chos la ngo mtshar skyes// gzhan las skyes pa ma yin te// sa dang lam gyi rim pa dang // de bzhin mthar phyin 'bras bu la// ngo mtshar skyes pa'i 'bras bu ni// nges dang drang ba'i sangs rgyas so// de la rim pa 'di lta ste// thos bsam yongs la sems bskyed pa'i// slob dpon dag la zhu phul te// snum la 'jam pa'i sa gzhi la// sa yi cho ga legs par bya// sa chog dgra rnams med pa ru// sta gon
- 114a
la sogs gzhung bzhin bya// mang nyung med pa'i 'bru bsdams la// dam tshig srang gis gzhal la gzhag/ gnas kyi them pa'i phyi rol du// sa 'am thal ba 'jam po la// rgya gram 'gros kyis rgya yang gdab// de ru sbyin gtor gtang ba ni// tshogs kyi lam du bstan pa yin// sems bskyed sems dang tshad med rnams// sbyor ba'i lam du gzhag pa yin// gcig dang du ma ma yin par// re re dag tu sangs rgyas la// dam tshig rtsa ba 'bum pa ste// dam pa rigs brgya zhes bya ba// rnam par mi rtogs ye shes kyis// mthong ba'i lam du sangs rgyas so// de nas rigs su rnam phye ba// gzhal yas khang ni rnam pa lnga// bdud rtsi bsgrub pa'i snod yin par// rtsa ba skyobs su chas pa la// rigs dang rigs su rnam dbye ba// mtshan ma med pa'i ye shes kyis// gnyis pa dag nas rab brtsis nas// sa ni brgyad pa zhes bya ste// snying po sngags kyis btab nas su// de nyid rigs lnga'i sangs rgyas so// dgu pa dag nas bzung nas ni// sangs rgyas sa la sangs rgyas pa// snying po sngags 'di btab nas kyang // sangs rgyas sa yi ye shes kyis// rdo rje sems dpa'i rang bzhin gyi// gsang chen rigs gcig ces bya ba// rdo rje sems dpar mngon sangs rgyas// bdud rtsi 'khyil pa'i dkyil 'khor la// bdud rtsi thig le mang byas la// yab yum gnyis su byin
- 114b
brlabs te// ta na ga Na zab mo'i mdzad spyod bya// rnal 'byor ma rnams brgyan byas la// dri dang spos dang rgyan gyis brgyan// 'khor los sgyur ba'i 'dug stangs kyis// pho mo gnyis ni rkang bsnol te// lcags las byas pa'i gtan gtun la// spos dang ga bur chus bkrus la// gtsang ma nyid du byas pa la// pad+ma'i mkha' la rdo rje tho bas brdung // las dang nyon mongs bag chags mA ra ya// shes bya'i sgrib pa thams cad gtan nas dbyung // de yis mkhyen pa'i ye shes mthong bar nges// sman dang rtsi dang dri rnams de ltar sangs rgyas te// phung po khams dang skye mched gzhi'i sangs rgyas// de nas btag dang btsag pa'i las byas pas// rgya mtsho thigs pa'i grangs su bgrang ba dang // ri bo'i rdul la sogs pa'i dngos po rnams// dus de nyid du rdo rje'i 'dzin pa'i sa thob ste// mkhyen pa'i ye shes che mchog he ru ka/ dag pa'i bdud rtsi nyid du rab sbyar nas// ye shes bdud rtsi 'khyil dang rab tu dbab// yab yum gsang ba'i mkha' la rab bsgril nas// btab pa'i sngags dang phyag rgyas rab gzhom ste// dag pa'i snod du mu tig dkar po'i dri med ltar// dkar la 'tsher dang snum la 'dril ba ltar// thams cad ma lus gsos su gyur pa ste// de 'thung skal dang ldan pa'i rnal 'byor pas// de nyid pho brang so so'i 'gor bzhag ste// las dang ldan pa'i dbang
- 115a
rnams bskur bar bya// de yi yon tan dpag med bsam mi lang // mgul lam spyi bor rab btags na// de bzhin yon tan che bar nges// bu pho khye'u 'ong zhes tshe yi rig 'dzin 'grub// mkhyen rab kun la mchod cing tshangs pa'i dngos grub blangs// drin lan lan gyis blan phyir zhi khro'i lha tshogs dang // de yi bka' sdod byed pa'i mkha' 'gro sman gyi srung ma la// pho brang kha phye bdud rtsi a mr-i ta sa// bsgrub pa'i 'dzab rdzogs rting la de bzhin bya// zhes gsungs so// bdud rtsi rin po che ye shes gsang ba'i 'khor lo'i rgyud las/ sa lam dang 'bras bu yon tan bstan pa'i le'u ste bzhi pa'o// // de nas yang slob dpon dang slob ma dang mched kyi mtshan nyid bstan pa/ yang rdo rje chos kyis 'di skad ces bka' stsal to// kye kye sangs rgyas bcom ldan 'das// rgyal rigs rje'u rigs bram ze'i rigs// de bzhin dmangs rigs gdol pa'i rigs// mtshan dang ldan pa'i slob dpon ni// grangs su du tsam gzhug pa lags// zhes gsol to// de nas yang bcom ldan 'das kyis bka' stsal pa/ ma 'ongs don du rdo rje chos// tshad dang mi ldan dgag pa'i phyir// slob dpon tshad rnams ngas bshad kyi/ khyod kyis legs par nyan par byos// shes rab lung gi slob dpon dang // dam tshig dbang gi slob dpon
- 115b
dang // man ngag bka' yi slob dpon dang // tshe srog 'dzin pa'i slob dpon dang // kun gyi dpon du gyur pa rnams// ma mthong ba yang de bzhin no// de nas yang 'di skad ces gsungs so// shes rab lung gi slob dpon ni// bka' yi sde snod dag la mkhas// mdo sde zhes ni rab grags te// de nyid slob dpon 'os su bzang // dam tshig dbang gi slob dpon ni// gang dag dbang bskur byed pa'i tshe// dkon mchog gsum ni lus la 'jug/ gsang ba dang ni gsang chen dang // ye shes snying po bzhi pa rnams// gang gis shes pa slob dpon bzang // man ngag bka' yi slob dpon ni// rgyud rnams kun gyi don la mkhas// phra ma dbyen gyi mi tshugs shing // slob dpon dag la brnyas mi 'jug/ de nyid slob dpon 'os su bzang // tshe srog 'dzin pa'i slob dpon ni// phyi nang med pa'i las la mkhas// nad pa sri'u 'don byed pa// sngags dang phyag rgya ting 'dzin gsum// gang gis shes pa slob dpon bzang // kun gyi slob dpon gyur pa ni// bla ma'i bla ma bla med ste// bu dang tsha bo yang tsha dang // de ltar de bzhin byed pa ni/ kun dpon chen po yin/ par bzang // de nas slob dpon thams cad kyis// gcugs dang phra ma smra mi bya// slob dpon dag la smra mi bya// ma mthong ba'am rmongs pa la// gsang ba'i man ngag bstan mi bya// dkon mchog gsum la
- 116a
bkur bar bya// yon tan brgyad dang ldan pa yis// slob dpon chen po yin par grags// zhes gsungs so// de nas yang rdo rje chos kyis yang gsol pa// e ma ho sangs rgyas bcom ldan 'das// phun sum tshogs pa'i gleng gzhi ltar// 'brel pa'i phyir na slob ma rnams// ci ltar lags pa bka' stsol cig/ ces gsol to// de nas bcom ldan 'das kyis bka' stsal pa// theg pa'i yang rtse dag la mkhas// slob dpon sangs rgyas bzhin du bkur// mig 'bras bzhin du gces par 'dzin// dus gsum gyi ni mgon po la// shin tu gces dang yid 'thad 'bul// rig pa'i gnas mchog dag la mkhas// mang po mi smra zhe mi gcod// blo yangs shes rab zug pa ni// rgyal po'i rigs kyi slob ma yin// gsang sngags mna' la dam por 'dzin// shes rab snying rjer ldan pa dang // rgyud kyi don la nges par brtson// ser sna mi byed gtang bar phod// rtsa bas rtse mo mi gcod pa// ma nyams pa ni bdun dang ldan// de ni rje'u rigs slob ma'o// bram ze gtsang ma khrus la dga'// glen pa'i brtul zhugs 'dag pa yis// gar mkhan mchog gi gar byas pa'i// mi 'gyur 'jam pas gtan la 'bebs// bram ze'i rigs kyi slob ma'o// ma hA yo ga'i tshul gyis su// gtsang sme med par kun tu spyod// bzang ngan med par thams
- 116b
cad za// bzang sdug med par thams cad sbyor// mi sdug 'jigs pa'i cha byad can// rang lus srog dang nor dang dbyig/ bla ma mnyes phyir 'bul bar byed// gting dpag dka' phyir rdzun du smra// mchod pa'i phyir ni ma byin len// nyon mongs dug lnga rang dgar spyod// gdol pa'i rigs kyi slob ma yin// de nas yang rdo rje chos kyi theg pa phyogs ris med pa'i phyir// 'di zhus so// kye kye sangs rgyas bcom ldan 'das// mtha' yas mu med sems can la// thugs rje chen pos bskyab pa'i phyir// mched kyi mtshan nyid bstan du gsol// zhes gsol to// bcom ldan 'das kyis bka' stsal pa// sems can mtha' yas mu med phyir// thugs rje chen po snyoms nas byung // 'brel ba'i mched dang ma 'brel mched// phyi yi mched dang nang gi mched// gsang ba'i mched dang rang bzhin mched// de bzhin thugs rje chen po'i mched// mched du snang ba thams cad la// dbye bas la mi mdzad mtshan nyid do// zhes gsungs so// bdud rtsi rin po che ye shes gsang ba'i 'khor lo las/ mtshan nyid sde gsum bstan pa'i le'u ste lnga pa'o// // de nas yang bcom ldan 'das bdud rtsi 'byung ba zhes bya ba'i ting nge 'dzin la snyoms par zhugs nas/ 'di skad ces bka' stsal to/ phyi dang nang dang gsang ba dang // de bzhin rang bzhin
- 117a
bdud rtsi rnams// bshad kyis rdo rje chos la bshad// ra sA ya na phyi yi sman// dam rdzas snga ni nang gi sman// rlung lnga rnam dag gsang ba'i sman// sku dang ye shes mthar thug sman// bsam gyis mi khyab brjod las 'das// rtsa ba brgyad dang yan lag stong // thams cad ma 'dus gcig kyang med// de yi phyir na bdud rtsi zhes// bsam mi khyab kyis de skad gsungs// zhes gsungs so// de nas yang 'di skad ces gsungs so// man ngag rgyud lung gal po'i snying brus nas// zag zog rta dang glang po nor gyis bslus/ khe dang grags pas rin chen 'dam du bsgrubs// tsha grang dmyal ba'i yul du yun ring zhugs// dper na rgyal mtshan rin chen nor bu la// so so'i yon tan rmad du 'byung na yang // mching bu'i phung po bzhin du ya mtshan mi brjod pa// tsha grangs dmyal ba'i yul du yun ring zhugs// gser la sogs pa'i yon tan de dra yang // ngan pa'i dug chus gser la zong ma byas// tsan+dan sdong po drangs pa rtsad nas phyung // de bzhin dmyal ba'i yul du yun ring bzhugs// zhing rab gshin la 'bru rnams sna tshogs btab// til dang nyung dkar snum ltar snang mod kyang // bra bo'i sog ma bzhin du yon tan med// tsha grang dmyal ba'i gnas su de bzhin skye// de nas yang 'di gsungs so// bu bzhin gces pas sems kyis yongs su bcas// rtog
- 117b
pa'i skyon med rlung khar gser ltar lci// bzang ngan med kyang so sor yongs su byas// de yang yun ring de bzhin gnas par 'gyur// rin chen gling la phyin nas rin chen phung po btsal// rnyed nas so sor phyes te gces pas mchog tu bzung // dung dang man shel bzhin du dang du blang // kaR+sha pa Ni bzhin du so sor gzhag/ de yang de dang 'dra ste nyung bar 'gyur// yon tan brgya dang ldan pa'i snod can slob ma la// dad pa snyen bsring byas pas ci yang med par 'gyur// de yang de dang 'dra ste yun rings bsreg dang bsgrib// rdzun dang phra ma dbyen gtsug spangs pa yis// bu yi nang nas snying rje gser dang 'dra ba la// dbyen gtsug smod la dga' ba'i slob pa des// slob dpon slob ma mched dang dbyen gtsug phral// nyes pa'i skyon gyis sems can dmyal bar skye// zhes gsungs so// bdud rtsi rin po che ye shes gsang ba'i 'khor lo las// bdud rtsi'i dbye ba dang slob dpon slob ma khyad par gyi dam tshig bstan pa'i le'u ste drug pa'o// // de nas yang bdud rtsi nges par 'byung ba'i lung bstan te// de yang bdud rtsi ye shes 'byung ba zhes bya ba'i ting nge 'dzin la snyoms par zhugs nas/ 'di gsungs so// bdud rtsi 'byung ba'i rgyu ni yab yum mkha'// bdud rtsi bsgrub pa'i snod ni ka pA la// bdud rtsi'i las ni rnam rtog sbyongs// bdud rtsi'i don ni skye
- 118a
'chi med// chos kyi dbyings kyi don rtogs dang // bdud rtsi chen po rang rtogs drug/ 'di drug rtogs na mngon sangs rgyas// lta ba ngo mtshar rmad kyi chos// mngon par 'dus byas 'dus ma byas// me long lta bu'i ye shes kyis// zhe sdang 'khor ba rtsad nas chod// ma spangs 'bras bu rdo rje sems// mnyam pa nyid kyi ye shes kyis// nyon mongs nga rgyal gtan nas 'joms// ma spangs 'bras bu rin chen 'byung // so sor rtog pa'i ye shes kyis// 'dod chags 'khor ba rtsad nas gcod// ma spangs 'bras bu snang mtha' yas// bya ba nan tan ye shes kyis// nyon mongs phrag dog rtsad nas gcod// ma spangs 'bras bu don yod grub// chos kyi dbyings kyi ye shes kyis// gti mug 'khor ba rtsad nas gcod// ma spangs 'bras bu rnam snang mdzad// rang byung chen po'i ye shes kyis// rgyun gyi nyon mongs rtsad nas gcod// ma spangs 'bras bu he ru ka/ ye shes dbu ni nyi shu gcig/ 'bar ba'i phyag ni bzhi bcu gnyis// brtan pa'i zhabs ni rnam pa brgyad// sbyor ba'i dkyil 'khor rnam pa bdun// de yis 'gro ba'i don la spyod// ces gsungs so// bdud rtsi rin po che ye shes gsang ba'i 'khor lo las/ bdud rtsi ji ltar yin pa dang de'i 'bras bu bstan pa'i le'u ste bdun pa'o// // de nas yang bdud rtsi'i sbyor ba zhes bya ba'i ting
- 118b
nge 'dzin la snyoms par zhugs nas/ 'di gsungs so// nyon cig bdud rtsi rdo rje chos// bdud rtsi'i lus ni 'chang 'dod na// btag btsag las ni zin pa dang // nang dang phyi yi dngos po kun// bdud rtsi'i lus kyi rang bzhin te// thams cad sbyar ba'i dbus nyid du// zho sha gsum gyi phye ma gzhag/ de yi nang gi rnam pa la// skad dang mi mthun rnam pa ste// spyi yi spos ni thams cad gzhag/ de yi nang gi rnam pa la// tsha ba gsum nyid sbyar ba gzhag/ de yi nang gi rnam pa la// gu gur la sogs rnam pa lnga// de yi nang gi rnam pa la// dzA ti pha la btab pa gzhag/ de yi nang du ga pur te// dri yi rgyal po nang nas dgye// 'od dang du ba dri ba dri dang sgra// phun sum tshogs par 'byung bar 'gyur// zhes gsungs so// de nas yang 'di gsungs so// zhal bu ka pA la yi mtshan gsol ba// ye shes lnga ldan zhal bu ka pA la// 'bar ba'i sgra yi bu ga gnyis dang ldan// mtha' gnyis mi 'dor phyi na dbus su bzhag/ sku gsum lhun grub rdo rje ka pA la// 'bar ba'i skud pa tshangs pa'i dkyil na yod// lhag nas sna tshor yongs 'du sa brtol 'dra// zhe sdang ma spangs phyir na shar du dgod par bya// yid bzhin gter ltar rdo rje ka pA la// rin chen dbyibs la dgos 'dod 'byung ba de// dpag bsam shing bu bu ga gnyis dang ldan// nga rgyal ma spangs lho yi phyogs su gzhag/ khams
- 119a
gsum yongs sgrol rdo rje ka pA la// thams cad dbang du sdud pas dum bu gcig pa ste// dbyings dang ye shes tha dad dbyer med phyir// 'dod chags ma spangs nub kyi phyogs su gzhag/ cho 'phrul rtags 'byin rdo rje ka pA la// las bzhi mthar ru phyin pas b+han+d+ha sul bzhi pa// drag po'i las la shes pas rgya gram bzhin du 'dug/ phrag dog ma spangs byang gi phyogs su gzhag/ ye shes lnga dang ldan pas phyogs bzhi dbus dang lnga// bde bar gshegs pa rigs lnga'i pho brang yin par grags// de ru mAM sa gshang gci khu ba khrag/ skyobs dang rtsa bar sbyar te gzhag par bya// de nas yang b+han+d+ha'i skyobs 'di gsungs so// mi 'gyur g.yung drung rdo rje ka pA la// mchod rten dbyibs su 'dug pa bkra shis sgo mang ste// mtshan dang ldan pas b+han+da ye shes skyobs// mi shigs mdzod ldan rdo rje ka pA la// rtsal gsum rdzogs pa seng ge'i thod pa ste// thams cad ma lus zil gyis gnon pa ste// stobs ldan ye shes shar lho mtshams su gzhag/ srid pa yongs sgrol rdo rje ka pA la// srin po da sha grI btul glang po che// dmag dpung khar 'gyed khyu mchog rin po che// stobs ldan ye shes lho nub mtshams su gzhag/ dug gsum gtan spug rdo rje ka pA la// lha chen ma hA de ba bsgral ba'i thod pa ste// 'jig rten nang na che btsan bkra shis rtags// ye shes chen po nub
- 119b
byang mtshams su gzhag/ mtshan ma spros bral rdo rje ka pA la// mi chen lang ka'i gzugs kyi phung po ste// le tsa ku re'i thod pa dngos grub rdzas// gtum chen ye shes byang shar mtshams su gzhag/ gzhan yang de bzhin gru chad la// sgrub pa po yi bkra shis rdzas// yongs su rdzogs ldan rdo rje ka pA la// lcug phran 'phel byed ye shes gsang ba'i rdzas// shar gyi gru la de bzhin gzhag par bya// bkra shis mtshan ldan rdo rje ka pA la// ga pur gangs zhun dkar po 'joms pa yis// dmigs su ma phye ris su gzhon pa yis// ye shes gsang ba'i thod pa lho yi gru// mi 'gyur sra mkhregs rdo rje ka pA la// ma dma' ma shi lcug phran sdong po 'dra// de ni b+han+d+ha yang dag bkra shis te// ye shes gsang ba'i thod pa nub kyi gru// A yuHdpal ldan rdo rje ka pA la// mkhas pa mang po'i gzungs ma byas pa yi// dbang bskur dbang dang ldan pa'i thod pa de// ye shes gsang ba'i thod pa byang gi gru// gzhan yang ye shes thod pa bzhi// sgo bzhi dag tu gzhag par bya// zhes gsungs so// bdud rtsi rin po che ye shes gsang ba'i 'khor lo las/ bdud rtsi 'byung ba'i rgyu la sogs pa dang / b+han+d+ha'i mtshan nyid bstan pa'i le'u ste brgyad pa'o// // de nas yang bcom ldan 'das thams cad dbang gi ting nge 'dzin la snyoms par zhugs pa la rdo rje chos kyis 'di skad ces gsol
- 120a
ba btab bo// kye kye sangs rgyas bcom ldan 'das// rnam pa dang ni dad pa dang // dang ba dang ni dam tshig gis// ma smin pa la smin par mdzod// ma grol ba la grol bar mdzod// dbugs ma 'byi na pa dbugs 'byin mdzod// dbang dang ldan ni gsang sngags mchog/ ces gsol to// de nas bcom ldan 'das kyis 'di skad ces bka' stsal to// dus la bab na rdo rje chos// dbang dang ldan pa'i dam tshig gis// nus pa mthu dang ldan par 'gyur// 'khor lo rtsibs brgyad sgo rim gnyis// dbus kyi 'khor lo'i gdan steng du// ye shes gsang ba'i stan bting nas// nub kyi dkyil 'khor lnga pa la// dbus su pad+ma 'dab brgyad bri// slob ma 'bru dang go rim gyis// de nyid dag tu snum pa gzhag/ de nas maN+Dal dbus su ni// rdo rje slob dpon rnal 'byor gyis// pho brang pang du thogs nas kyang // nub phyogs dag tu kha bltas te// gzhug dang me tog dor ba dang // bstan pa dang ni gsol ba gdab// de la phan dang nus pa'i dbang // ci ltar 'tshams pa bzhin du bskur// slob mas ci ltar gsol pa ni// byang chub rdo rjes sangs rgyas la// ci ltar mchod chen bgyis pa ltar// bdag kyang rab tu bsgral ba'i phyir// nam mkha'i rdo rje bdag la stsol// zhes gsol ba btab bo// de nas rdo rje slob dpon gyis// dbang dang bstan par bya ba
- 120b
ni// skal ldan rnal 'byor rigs kyi bu// sems dpa' chen po bskyed pa'i phyir// da lta nyid nas sems bskyed nas// bu khyod dga' ba ci la dga'/ zhes pa'o// yang rdo rje slob mas gsol pa// bdag ni skal ldan bde chen la// rab dgyes dag la bdag dga' ste// bla med byang chub thob bya'i phyir// skal ba bzang la bdag dga'o// zhes pas me tog dor ba yang // dur khrod gsang ba mchog gi dkyil 'khor 'dir// gsang mchog rdzas kyi me tog dor nas kyang // sku gsung thugs kyi dngos grub rab 'byams rnams// skal ldan rnal 'byor bdag la stsal du gsol// pra ti gr-i h+Na hUM gis dor ba bya// dge slong khrims dang ldan pa yi// gsang bar bsngags pa'i dog pa la/ kha tshar ma nyams ras dag gi// yol bas bcad pa dbye bar bya// de yang pra be sha phaT/ mig dbye ba'i sngags yin no// snyan pa'i dbyangs 'di blang ba yis// me tog lha ru bcas pa rnams// slob ma'i spyi bor gzhag par bya'o// dur khrod gsang ba mchog gi dkyil 'khor 'dir// byang chub rdo rje'i lam la drangs nas kyang // sku gsung thugs kyi dngos grub rab 'byams rnams// skal ldan rnal 'byor khyed la sbyin par bya// chos kyi phyag rgya snying la gnas bya zhing // spyi nas snying gar chu bo'i rgyun bzhin 'bab// gsang ba'i me tog dam pa gsum du bor// de nas phan dang
- 121a
nus pa dbang rnams rnal 'byor pa la gdams pa gtad// pho brang pang du blangs la slob ma'i spyi bor gzhag/ gnyis su med pa bum pa'i dbang yang bskur bar bya// sems bskyed mang po sngon du 'gro bar bya// dbyangs tshig don dang ldan pa rna bar bsgrag/ gdod nas ma skyes rnam dag chos kyi dbyings// dag dang ma dag mi rtog ngang la gnas// dus gsum gcig tu phyi bshol med// dngos grub sna tshogs rlabs chen bar ma chad// su 'dod sbyin gyis da lta nga las long // bskal par bsgribs dang gti mug mun pa la// sprin mthong nyi shar khud par dro ba bzhin// bdud rtsi'i rgyal po'i dbang chen 'di byin pas// rig 'dzin rgyal po'i gtso bo'i go 'phang 'thob// tshe dang bskang dang yid du 'ong // bgegs rnams zhi ba la sogs te// nad dang bral nas ci 'dod pa// yon tan rtsa brgyad 'dis 'thob bo// de nas bdud rtsi bum pa'i dbang // spyi bo la sogs thig le lnga// sku lnga ye shes 'phro 'du'i don// lce steng du yang gzhag par bya// 'phros pas gzhal yas khang du 'gyur// nang du dpa' bo 'bru lnga las// phyag mtshan lnga dang sku lngar 'gyur// 'phro 'du las kyi sbyor ba las// mu tig dkar po dri med bzhin// bum pa'i nang du gang bar bsam// 'od 'phros rgyal ba'i thugs dam bskul// ye shes chu rgyun gnyis med
- 121b
bstim// dbyangs tshig blang ba 'di lta ste// hoHyi ge phyag mtshan 'phro 'du las// yab yum bcu yi sku ru gsal// gnyis su med pa'i sbyor ba las// byang chub sems kyi char chen phob// bum pa mgo yi thog tu gzhag/ oM AHhUM/ bud+d+ha ma hA shrI he ru ka bud+d+ha kro d+hi shwa rI a b+hi Shiny+tsa hUM/ badz+ra shrI he ru ka badz+ra kro d+hi shwa rI a b+hi Shiny+tsa hUM/ rat+na shrI he ru ka rat+na kro d+hI shwa rI a b+hi Shiny+tsa swA/ pad+ma shri he ru ka pad+ma kro d+hi shwa rI a b+hi Shiny+tsa AM// karma shrI he ru ka karma kro d+hI shwa rI a b+hi Shiny+tsa ha/ bdud rtsi bum pa'i dbang bskur bas// phung po lnga yi dri ma dag/ slob dpon gnang ba bsgrag par bya// oM AHhUM sarba pany+tsa a mr-i ta b+hud+d+ha bai ro tsa na a b+hi Shiny+tsa hUM hrIHtha/ oM AHhUM sarba pany+tsa a mr-i ta a mi d+he wa hrIHa b+hi Shiny+tsa hUM hrIHtha/ oM AHhUM sarba pany+tsa a mr-i ta ak+Sho b+hu a b+hi Shiny+tsa hUM hrIHtha/ oM AHhUM sarba pany+tsa a mr-i ta rat+na saM b+ha wa a b+hi Shiny+tsa hUM hrIHtha/ oM AHhUM sarba pany+tsa a mr-i ta a mo g+ha sid+d+hi a b+hi Shiny+tsa hUM hrIHtha/ de ltar phyag rgyas rgyas btab nas// rgyu la nan tan byas pa'o// de nas spyi bo snying ga dang // lce steng gsum du thig le bya// 'od zer 'phro 'du'i sbyor ba yis// byang chub sems kyi gzhal yas khang // snying gi dkyil du gsal bar bya// de ru yi ge 'bru gsum las// so so'i phyag mtshan 'phro 'du las// so sos sku yi sbyor ba mdzad// byang chub sems kyi 'od zer gyis// sku gsung thugs su
- 122a
nan tan bya// hUM dpa' bo 'bru gsum byin rlabs kyis// rigs gsum sangs rgyas sku ru gsal// byang chub sems kyi 'od zer gyis// sku gsung thugs kyi rdo rjer thim// oM na maHsarba ta thA ga ta ka ya badz+ra swa b+hA wa At+ma ko&haM/ oM na maHsarba ra thA ga ta wA ka badz+ra swa b+hA wa At+ma ko&haM/ oM na maHsarba ta thA ga ta tsit+ta badz+ra swa b+hA wa At+ma ko&haM/ sku gsung thugs kyi dbang thob nas// slob dpon dag gi gnang ba bsgrag/ de nas ye shes lnga dbang bskur// gnas lnga dag tu thig le bya// 'phro 'du las kyi sbyor ba las// ye shes lnga yi byin rlabs kyis// dkyil 'khor thams cad dbang bskur ro// oM ma hA shu n+ya tA dz+nyA na badz+ra swa b+hA wa At+ma ko&haM/ oM ma hA a daR+sha dz+nyA na badz+ra swa b+hA wa At+ma ko&haM// oM ma hA t+ya be k+Sha na dz+nyA na badz+ra swa b+hA wa At+ma ko&haM/ oM ma hA sa ma tA dz+nyA na badz+ra swa b+hA wa At+ma ko&haM/ oM ma hA kr-i t+ya nuSh+TA na dz+nyA na badz+ra swa b+ha la at+ma kauT+TahaM/ de nas rdo rje slob dpon gyis// ye shes lnga yi gnang ba bsgrag/ de nas cod pan phyag rgya'i dbang // oM sarba ta thA ga ta ma hA kA ya badz+ra swa b+hA wa at+ma ko&haM/ oM sarba ta thA ga ta ma hA la ka badz+ra sa b+hAb+ha wa At+ma kony+dzahaM/ oM na maHsarba ta thA ga ta ma hA tsit+ta badz+ra swa b+ha wa At+ma ko&haM/ tsaka li yi dbang yin te// de yi rgyal mtshan rtse mor gyur// de ltar yongs su shes par bya// thun mong kho na'i dbang yin
- 122b
no// mtshams med lnga yang 'dren par 'gyur// de nas blta zhing nyan pa'i dbang bskur te// ka ya sid+d+hi IM/ wa ka sid+d+hi AH/ tsit+ta sid+d+hi hUM/ lce thog tu thig le bya// de bzhin rna bar thig le bya/ 'phro 'du las kyi sbyor ba las// rin po che yi gzhal yas khang // thig le rgyu las tAM du gyur// de las so so'i sku ru gsal// sbyor mdzad byang chub sems su zhu// rin chen rigs mchog spyan drangs te// rna ba gnyis su zhugs par bsam// rdo rje slob dpon dpal ldan gyis// de yi gnang ba bsgrag par bya// de nas bsgrub pa'i dbang bskur te// snying gar thig le gcig byas te// de las 'od 'phros gzhal yas khang // me tog phog pa'i lha de yi// snying po phyag 'tshal sku ru gsal// sbyor mdzad byang chub sems su zhu// 'phro 'du las kyi sbyor ba las// ye shes sems dpa' spyan drang bzhugs// de la gnang ba bsgrag par bya// de nas phrin las dbang bskur te// lag pa'i mthil du thig le bya// de las 'od 'phros gzhal yas khang // de ru snying po phyag 'tshan las// don yod grub pa yab yum gsal// sbyor mdzad byang chub sems su zhu// 'phro 'du las kyis sbyor ba las// las kyi rigs kyi lha tshogs rnams// spyan drang bzhugs su gsol ba las// lag pa gnyis la thim par bsam// de nas gnang ba bsgrag par bya// de nas 'chad pa'i dbang bskur te// lce
- 123a
la thig le byang chub sems// de las 'od 'phros gzhal yas khang // de ru snying po phyag mtshan las// snang ba mtha' yas yab yum gsal// sbyor mdzad byang chub sems su zhu// 'phro 'du las kyi sbyor ba las// pad+ma'i rigs mchog spyan drangs nas// lce yi steng du gzhag par bya// de las gnang ba bsgrag par bya// spyi bo'i gtsug tu thig le bya// 'od zer 'phros pas gzhal yas khang // dpa' bo 'bru lnga'i sbyor ba las// phyag mtshan las ni so so'i sku// rgyal ba rigs lnga'i ye shes te// chos nyid gnyis su med par sbyor// byang chub sems kyi 'od zer las// rgyal ba yab yum spyan drang spyi bor bstim// de la gnang ba bsgrag par bya// de nas gsang ba'i dbang bskur te// byang chub sems kyi dbang yin pas// rig ma'i mtshan nyid brtag pa dang // brtul zhugs can gyis rdo rje'i dbang // rdo rje la ni rdo rje dbang // shes rab shes dbang mchog ni// phyag rgya mo la gnas bcas nas// pho brang gzungs mar byin gyis brlab// yang na dngos po kho na la// de la gnang ba bsgrags par bya// dpa' bo nga dang 'dra ba yis// dbang gi rtags dang btags par bya// de la yon 'bul slob ma ni// shes rab dang ni snying rje dang // dad pa dang ni brtson 'grus dang // sbyin pa dang ni bsam gtan dang // gces pa dang ni yid 'thad dang // shin tu snying nye
- 123b
yon gyi mchog/ 'di brgyad yon gyi mchog yin no// bdud rtsi rin po che ye shes gsang ba'i 'khor lo las/ dbang dang yon tan bstan pa'i le'u ste dgu pa'o// // de nas yang bdud rtsi'i phrad dang skyob bstan par bya ste/ rdzogs pa gsum gyi ting nge 'dzin la snyoms par zhugs nas bzhengs so// de la rdo rje chos kyis 'di skad ces gsol to// e ma ho sangs rgyas bcom ldan 'das// rdzogs sangs rgyas kyis bka' stsal cig/ ces gsol pa dang / bcom ldan 'das kyis bka' stsal pa/ e ma ho chos la ngo mtshar che// rdzogs pa'i chos la ngo mtshar che// skye ba med las ngo mtshar che// skyes pa nyid na ngo mtshar che// zhes gsungs so// de nas yang rdo rje chos kyis 'di skad ces gsol to// e ma ho sangs rgyas bcom ldan 'das// rdzas las sangs rgyas ngo mtshar che// bcom ldan 'das kyis bshad du gsol// bcom ldan 'das kyis bka' stsal pa// mAM sa bshang gci khu ba khrag/ ye nas sangs rgyas rnam pa lnga// rigs lnga'i sangs rgyas de la bya// de nas yang bcom ldan gyis 'di skad ces gsungs so// rgyu mchog chen po 'bras bu lnga// ye shes sangs rgyas lnga yi gdan// bdud rtsi lnga yi 'brang du che// bsgral ba'i lce la sogs pa'o// de nas bcom ldan 'das kyis 'di skad kyis gsungs so// a ru ra la sogs pa'i sman// ga
- 124a
pur tsan+dan dri la sogs// gla rtsi dur byed rtsi yi mchog/ bdud rtsi lnga yi skyobs yin pas// gsang ba mchog gis bsag par bya// gzhan yang spos chen lnga la sogs// ci rigs rdzas rnams thams cad bsag/ ces gsungs so// bdud rtsi rin po che ye shes gsang ba'i 'khor lo las/ bdud rtsi'i phrad dang skyobs bstan pa'i le'u ste bcu pa'o// // de nas yang don dam pa'i bdud rtsi bstan par bya ste/ de bzhin gshegs pa thams cad kyi dbyings zhes bya ba'i ting nge 'dzin la snyoms par zhugs nas/ don gyi blta ba 'di rdo rje chos kyis zhus pa/ kye kye sangs rgyas bcom ldan 'das// sangs rgyas zhes ni gang yin pa// bdag cag rnams la bstan du gsol// zhes zhus pa dang // bcom ldan 'das kyis bka' stsal pa// tshangs dang dra srong mu stegs dang // nyan thos dgra bcom rang rgyal dang // klu dang bram zes gtsang ma za// de dag rtog pa zlog pa'i phyir// bdud rtsi lnga dang sha lnga dang // gzhan yang mi bzad pa yi rdzas// mi gtsang ba la gtsang bar bzlog/ de dag gtsang mar bzlog pa ni// chos kyi sku yi don rtogs na// de dag thams cad gtsang ma za// bdud rtsi zhes ni de la bya// bdud rtsi zhes ni bya ba yang // snang ba med na bdud rtsi yin// lhag gis rtogs na bdud rtsi yin// mnyam par mthong na bdud rtsi yin// mthong ba med
- 124b
na bdud rtsi yin// bsgom du med na bdud rtsi yin// tshig las 'das na bdud rtsi yin// dmigs pa thams cad bdud rtsi yin// dug lnga thams cad bdud rtsi yin// phung po khams dang skye mched rnams// bdud rtsi'i dngos po yang dag go/ chos nyid la yang chos nyid med// de bas chos nyid bdud rtsi yin// sems nyid la yang sems nyid med// de bas sems nyid bdud rtsi yin// ye shes la yang ye shes med// de bas shes bdud rtsi yin// skye ba med las skye ba med// skyes pa nyid na skye ba med// de bas skye med bdud rtsi yin// 'gag pa nyid na 'gag pa med// 'gag pa med na bdud rtsi yin// 'ong ba med dang 'gro med pa// bdud rtsi de las gzhan med pas// tha snyad 'dogs na bdud rtsi min// de bas dngos po dngos med na// spros pa'i mtha' dang bral ba ste// bdud rtsi zhes ni de la bya// de la tshangs dang drang srong sogs// de la klu dang bram ze ltos// de la nyan thos rang rgyal ltos// de la rtag chad mur zug ltos// zhes gsungs so// bdud rtsi rin po che ye shes gsang ba'i 'khor lo las/ don dam pa'i bdud rtsi bstan pa'i le'u ste bcu gcig pa'o// // de nas yang bdud rtsi rin po che ye shes gsang ba'i 'khor lo zhes bya ba'i ting nge 'dzin la snyoms par zhugs nas/ 'di gsungs so// yang dag par gsungs so// rkyang bu dang ni
- 125a
reng bu dang // lde dgu dang ni khrol bu dang / phye ma dang ni go bu dang // mig sman dang ni tsi li dang // nyi ma dang ni zla ba dang // de bzhin sdong po lcug phran dang // sa la skyes pa'i bdud rtsi la// kun tu bzang po'i byin rlabs kyis// 'byung ba bzhi ni bdud rtsi bzhi// yab yum mkha' ni bdud rtsi'i lam// ka pA la ni bdud rtsi'i snod// mAM sa bshang gci khu ba khrag/ dag pa'i rgyu ste bdud rtsi'i gtso// la la gtso bo gcig las grub// la la gtso bo gnyis las grub// la la gtso bo gsum las grub// la la gtso bo bzhi las grub// la la gtso bo lnga las grub// la la bskal pa gcig gis 'grub// la la bskal pa gnyis kyis 'grub// la la bskal pa gsum gyis 'grub// la la bskal pa bzhi la rdzogs// la la thang cig yud kyis 'grub// la la nyin zhag gcig gis 'grub// la la zla ba bdun gyis 'grub// la la lo dgu dag gis 'grub// la la tshe lo gcig gi 'grub// la la lus dang sbyar bas 'grub// la la ngag dang sbyor bas 'grub// la la sems dang sbyar bas 'grub// la la kun tshogs sgo nas 'grub// ces gsungs so// bdud rtsi rin po che ye shes gsang ba'i 'khor lo las/ bsgrub pa'i rim pa dus dang bcas pa bstan pa'i le'u ste bcu gnyis pa'o// // de nas yang gsang ba'i rim pa bstan par bya ste// gsang
- 125b
ba'i ting nge 'dzin la snyoms pa zhugs nas/ sku gsung thugs kyi rdo rje las gsang ba'i snying po 'di 'thon to// oM AHhUM/ a mo g+ha sid+d+hi a mr-i ta badz+ra ra ti sa ma ya s+t+waM/ bdud rtsi las kyi sngags so// oM AHhUM ma hA pad+ma rak+ta mU la a mr-i ta rA ga pa ti sa ma ya s+t+waM/ sa ma ya hUM/ sa ma ya su kha hrIH/ bdud rtsi pad+ma'i las kyi sngags so// oM AHhUM/ badz+ra sa twa hUM sarba e ho shud d+he/ a mr-i ta su kha ma hA yo ga hUM/ tsit+ta hUM/ oM AHhUM/ ak+Sho b+hA dwe Sha ra ti sa ma ya s+t+waM/ rdo rje bdud rtsi'i sngags so// oM AHhUM/ be ro tsa na mo ha ra ti sa ma ya stAM/ ma hA yo ga a d+hi ba ta na/ ba li ta a mr-i te uts+tshet+ta a d+hi tiSh+Tha s+t+waM/ au// bdud rtsi 'khor lo'i sngags so// oM AHhUM ma hA sa ma ya ma hA a mr-i ta/ ro ho haM rat+na ra ti sa ma ya s+t+waM/ rin chen bdud rtsi'i sngags so// oM AHhUM sarba pany+tsa a mr-i ta/ ra sA ya na ta na dza ya/ gu h+ya sid+d+hi hUM hrIHtha/ gsang ba'i sngags thams cad do// IM badz+ra a mr-i ta hUM hrIHtha/ rgyal ba thams cad spyi'i sngags so// au A mr-i ta dza gad pra be sha sA ha/ dza gad thams cad spyi'i byin gyis rlobs pa'i sngags so// AM kro d+hi shwa rI sho d+ha ya/ 'o ma sems can thams cad kyi skyobs kyi sngags so// oM AHhUM sarba pany+tsa a mr-i ta rat+na tsit+ta tsit+ta hUM hrIHtha/ gser la sogs pa sbyang ba'i sngags so// oM te na hUM IM te na hUM/ te te hUM/ bi d+ha na kro d+hi shwa rI sa ma ya hUM/ gon nan la sbrel ba'i
- 126a
sngags so// oM dza b+ha swA hA// chang gi sngags lhag ma dang bcas pa'o// oM kro d+hI shA rI sho d+ha ya/ mA ma kis sbyang ba'i sngags so// oM sarba pany+tsa a mr-i ta badz+ra tsit+ta sa ma ya hUM/ rdo rje sems dpa' sangs rgyas kun gyi snying po'o// au a mr-i ta ha na ha na/ mkha' dbyings rnam par dag pa'i sngags so// au a mr-i ta shud+d+he sho d+ha ya tsa ka lan b+han+na b+han+ma/ rtog pa ngan pa btsag pa'i sngags so// mu sa la mu sa la/ kun spyod pa'i sngags so// oM a mr-i ta sarba ma hA yo ga hUM/ oM badz+ra sa ma ya hUM// oM ma hA sarba pany+tsa a mr-i ta ma hA su kha hrIH/ sarba e ho shud+d+he A~M kro d+hi shwa rI sarba sho d+ha ya/ oM AHhUM badz+ra a mr-i ta hUM hrIHtha/ zhi ba spyi'i sngags so// oM AHhUM badz+ra a mr-i ta hUM hrIHtha/ phye ma khro bos sbyang ba'i sngags so// oM AHhUM sarba pany+tsa a mr-i ta kun Da li hUM hrIHtha/ ye shes mkha' la bskyil ba'i sngags so// oM AHhUM me pra be sha ya pheM pheM hUM hrIHtha/ mu tig dkar po dri ma med pa'i sngags gang ga klung gi chu bo bzhin du 'babs so// zhes sku gsung thugs rje las phyung ngo // yang gsang thugs las phyung ngo // bsnyen pa'i rtags ni byung ba dang / grub pa po yis dngos grub blang // oM ma hA shrI he ru ka a ho su kha d+harma kA ya ni/ a mr-i te sid+d+hi hUM hrIHtha// de nas dngos grub blang bar bya// de yis gnyis med don dam mthong // tshe yi rig 'dzin smos ci dgos// sku gsung thugs su
- 126b
bdag sbyor bas// sku gsung thugs kyi dngos grub 'thob// de yis ye shes chen po mthong // sems dpa' yid dang rnam par shes// thos bsam bsgom la rag las pas// glegs bam mthong bas shes snyam blun// de bas nan tan bya bar shes// ri bong can yang gsal bya'i phyir// shes pa nye ltar gsal bar blta// zhes gsungs so// bdud rtsi rin po che ye shes gsang ba'i 'khor lo las/ rig pa'i rgyal po dang de/ yongs su shes par bya ba'i dngos po bstan pa'i le'u ste bcu gsum pa'o// // de nas yang gnas kyi dbyibs brtags pa'i ting nge 'dzin la snyoms par zhugs nas/ 'di yang dag par gsungs so// snang ba ye shes gsum gyis bsreg/ zung du 'jug pas ye shes mthong // nam mkha'i khams kyi dkyil 'khor du// sa gzhi yongs su brtag byas la// de bzhin cho ga legs par bya// sa yi ro rnams med pa dang // las dang bya bas gnas khang brtsig/ legs par zhal gyis phyin pa dang // rnam pa sna tshogs dri yis byug/ de nas dbang bskur gnang ba'i yul// rnal 'byor mi mang mi nyung ba sog/ yo byed rdzas rnams 'tshogs par bya// de nas dam sri'i las byas te// sngon du sbyin pa rgya cher btang // de nas 'byung po thams cad bskrad// phyogs skyong dag la sprin gtor gtang // brngan pa bskangs nas phyi mtshams bcad// dam
- 127a
pa rnams kyis dam sri mnan// dkyil 'khor gru bzhi lam pa la// khru bzhi'i tshad la khru gang dpangs// spos dang ga pur 'o ma dang // dri sna lnga yis chag chag gdab// rak+ta'i thig le lnga byas la// steng du bdud rtsi rnam pa lnga// so so'i rigs dang mthun par gzhag/ de la bshad pa'i cho ga bya// de nas maN+Dal skyang nul bya// ma trang khog pa kha phyes la// gzhal yas khang du byin gyis brlab// thig rnams legs par btab pa dang // 'khor lo rtsibs bzhi khyams dang ldan// de bzhin sgo dang lcags ri la// lha rnams legs par tshad dang ldan// shar du tshogs pa'i dkyil 'khor te// me long lta bu'i ye shes yin// lho ru bsdu ba'i dkyil 'khor la// mnyam pa nyid kyi ye shes yin// nub tu sbyor ba'i dkyil 'khor te// so sor rtogs pa'i ye shes yin// byang du sgrol ba'i dkyil 'khor te// bya ba nan tan ye shes yin// de ltar dbus dang ye shes lnga// zhi ba'i dkyil 'khor mngon sangs rgyas// dbus nas brtsam ste lha rnams kyis// snying po phyag rgya gang yang rung // dbus su rin chen khri btsug ste// sman gyi pho brang sbrang ste bzhag/ rgyal po la sogs mdun mdun du// sman gyi rig 'dzin bskang ba'i phyir// bzed phor re dang ar+g+ha re// de bzhin phyogs bzhir bkram par bya// mchod pa dus drug de bzhin bya// phyi nang snod bcud rnam
- 127b
par dag/ shU n+ya ta yi sngags brjod las// yang dag sa la nges phyin te// de bzhin nyid kyi ting 'dzin gsal// de nas rgyas par mi shes pas// tshad med bzhi yis mngon phyung ste// kun la khyab par snang bas na// kun tu snang ba'i ting 'dzin gsal// de las rgyu yi sa bon te// shin tu dkar zhing 'od 'phros pas// de las bskyed pa'i a dkar po// de las thams cad bskyed pa'i phyir// rgyu yi sa bon nges par 'byung // 'byung ba lnga dang gzhal yas khang // rim pa bzhin du de las 'byung // nam mkha'i khams kyi dbus gnas par// rtsa ba'i dkyil 'khor de bzhin te// rgyal ba thams cad bskyed pa'o// zhes gsungs so// bdud rtsi rin po che ye shes gsang ba'i 'khor lo las/ dbyings kyi dkyil 'khor bstan pa'i le'u ste bcu bzhi pa'o// // zhi ba rtsa ba'i maN+Da la// ris pa'i rgyal po 'di gsungs so// yang dag par gsungs so// sku gsung thugs rdo rje las phung ngo // hUM badz+ra d+h+r-ika/ mu d+ha tI shwa ri/ au dzi na dzi ka/ la dwe Sha ra ti/ sA ran+da d+h+r-ika/ mr-i mo ha ra ti// mAM a ro li ka/ bAM rA ga ra ti/ ha pra dz+nyA d+h+ri ka/ taM badz+ra ra ti/ k+Shi hi rA dzA ya/ hUM lA s+ye sa ma ya stAM/ traM A gar+b+ha ya/ traM mA le sa ma ya ho// hr-i ha hUM pad+ma pA da ma/ hI girti rA go&haM/ dzi ku ru pA Na/ aM nirti rA ga yA mi/ me d+ha rA ya swA hA/ dzaHd+hU pe pra we sha/ b+hI nisma raM b+ha ya sA hA/ hUM puSh+pe a be
- 128a
sha ya/ nA sa ra dzA ya swA hA/ ba de ba mu ga re/ rba thA a ra ga ya swA hA/ ha k+Shar+tha tsaH/ rbAn+na hwA badz+ra tsan+ta // a a a badz+ra b+hadra sa maN+Da ma/ a mran kr-i swA hA/ ma mran d+ha swA hA/ na mu na b+hU swA hA/ ne pre swA hA/ oM mu ne k+ShaM swA hA/ oM mu ne ye swA hA/ hUM ya mAn ta krita phaT/ oM ma hA badz+ra d+ha ra ma hA kro tI shwa rI dza la ni hUM phaT/ hUM big+h+nAM nAn ta kr-ita phaT/ oM rat+na d+ha ra ma hA kro ti shwa rI dza la ni hUM phaT/ oM pad+man+ta kr-iH phaT/ oM ma hA pad+ma d+ha ra ma hA kro tI shwa rI dza la ni hUM phaT/ hUM pra dz+nyAn+ta kr-i ta phaT/ AM karma d+ha ra ma hA kro tI shwa rI dza la ni hUM phaT/ de bzhin gshegs pa thams cad kyi sku'i rig pa'o// de nas yang phyag mtshan bka' stsal to// de dag rnams kyi phyag rgya ni// 'debs pa'i phyir na phyag rgya che// rgyu la 'bras bus rgyas 'debs pas// de kho na nyid las sku bskyed do// phyag rgya las ni sku ru gsal// de phyir rdo rje dril bu dang // 'khor lo dang ni dril bu dang // rin po che dang dril bu dang // pad+ma dang ni dril bu dang // ral gri dang ni dril bu dang // gzhan yang rin po che dang myu gu dang // me long ral gri phreng ba pad+ma dkar po dang // klu shing spos med rdo rje dang // gar gyi lag pa chos kyi 'khor lo me tog/ rin po che yi snye ma dang // mar me ut+pal dri chab bo// de dang de dag thams cad ni bskyed pa'i phyag rgya'o// gnyis pa mnyam par gzhag pa'i phyag rgya
- 128b
ni// pi wang go cha gseg par dang // po ti sgom bu me chu nr-i mgo gdengs pa'o// lcags kyu rdo rje zhags pa dang // thod sbrul lcags sgrog rdo rje rgya gram dang // dril bur gyur pa de rnams so// zhes gsungs so// bdud rtsi rin po che ye shes gsang ba'i 'khor lo las/ rig pa dang rig ma'i rgyu bstan pa'i le'u ste bco lnga pa'o// // de nas rdo rje dpung rnam par bzlog pa zhes bya ba'i ting nge 'dzin la snyoms par zhugs te khro bo'i dkyil 'khor 'di rigs pa dang bcas nas/ mngon pa'i ting nge 'dzin du 'du mdzad pa 'di ched du brjod do// a yi phyag rgya hUM du gsal// hUM las thugs las rdo rje 'bar// de las che mchog phyag rgyar gsal// oM badz+ra ma hA shrI he ru ka raM dza la hUM/ de yang dbu nyi shu rtsa gcig phyag bzhi bcu rtsa gnyis gsal ba'o// de nas yang 'di gsungs so// de bzhin nyid kyi dbyings las ni/ khro mo dbang phyug mngon phyung ba// kro ti shwa rI gnam zhal ma// gsang ba'i yum yang yab dang mthun// oM badz+ra ma ha shrI he ru ka/ dbu dgu phyag kyang bco brgyad ste// dang po rdo rje dril bu bsnams// lhag ma brgyad gnyis de bzhin bsnams// de nas yang 'di gsungs so// hUM las rdo rje paM las pad+ma/ sa ma ya ho// sa ma ya s+t+waM/ ra ho haM/ rA ga yA mi/ oM sarba ta thA ga ta a nu rA ga Na badz+ra swa b+ha wa At+ma ko&haM/ oM sarba thA ga ta pU dza
- 129a
badz+ra swa b+hA wa At+ma ko&haM/ mchod pa'i sngags sbyor ba'i tshig go/ de las gsal ba'i byang chub sems// yang dag par ni byang chub sems// byang chub sems las ye shes gsal// de las hUM hUM hUM sems kyis zhu// oM badz+ra kro ta bi dza ya hUM/ ha na ha na hUM phaT/ oM badz+ra kro ta ni la dan+d+ha hUM/ da ha da ha hUM phaT/ oM badz+ra kro ta ya mAn+ta ka hUM/ pa tsa pa tsa hUM phaT/ oM badz+ra kro ta Ar+ya a tsa la hUM/ b+han+d+ha b+han+d+ha hUM phaT/ oM badz+ra kro ta ha ya g+h+ri wa hUM/ hu lu hu lu hUM phaT/ oM badz+ra kro ta a pa ra dzi ta hUM/ tiSh+Tha tiSh+Tha hUM phaT/ oM badz+ra kro ta hUM ka ra hUM/ gardza gardza hUM phaT/ oM badz+ra kro ta ma hA ba la hUM/ s+pho Ta s+pho Ta hUM phaT/ ta kr-ita chen po brgyad du gsal lo// de nas yang 'di dag thugs las phyung ngo // oM bud+d+ha shrI he ru ka hUM phaT/ oM rat+na shrI he ra ka hUM phaT/ oM pad+ma shrI he ru ka hUM phaT/ oM karma shrI he ru ka hUM phaT/ oM badz+ra shrI he ru ka hUM phaT/ byol song gi gtso bopo brgyad mnan pa'o// sku dang ye shes gsal ba las// ta kr-ita brgyad dang rigs kyi gtso/ kun kyang zhal gcig phyag gnyis pa// de steng rigs bzhi he ru ka/ dpal ni khrag 'thung chen po dang // rin po che pad+ma dang // las su gyur te khro rgyal bzhi// dbu gsum phyag drug zhabs bzhir mnan// de steng badz+ra he ru ka/ dbu gsum phyag drug zhabs bzhi yis// rigs bzhi khrag 'thung dbu rnams mnan// de steng khro mo gnam
- 129b
zhal ma// dbu dgu phyag kyang bco brgyad ste// zhabs brgyad rdo rje khrag 'thung mnan// dpal chen che mchog he ru ka/ khro mo smin mtshams zhabs kyis brdzis// ye shes sems dpa' yab yum gsal// zhes gsungs so// de nas yang 'di gsungs so// de nas byin rlabs dbang bskur te// ye shes lnga ru dbang bskur bas// ye shes lnga yi dbang thob pa'o// de yis gnyis med ye shes mthong // zhes gsungs so// bdud rtsi rin po che ye shes gsang ba'i 'khor lo las/ rigs dang sngags dang dkyil 'khor gsal bar bskyed pa'i rim pa ste le'u bcu drug pa'o// // de nas yang don thabs ma nor ba 'di lta bu gsungs so// ye shes klong gi ting nge 'dzin zhes bya ba la snyoms par bzhugs nas/ hUM dad pa dang ni dam tshig gis// tshur gshegs tshur gshegs he ru ka/ sngon gyi dam tshig chen po yis/ khrag 'thung 'khor bcas gshegs su gsol// 'chi med bdud rtsi'i dkyil 'khor nas// dpal 'bar che mchog he ru ka/ rgod dang gshe dang za byed pa// 'jigs pa'i tshul gyis gshegs su gsol// e ma ho che mchog he ru chos kun sku la rdzogs pa chos kyi sku// rdo rje che mchog phyag 'tshal he ru ka/ chos nyid mkha' la longs spyod rdzogs pa'i sku// dbyar gyi char sprin gtibs pa lta bu'i gzugs// chu rlabs lta bur brjid pa'i
- 130a
zhal gdangs shing // nyi ma bum gyi 'od zer brdal ba bzhin// theg chen dgu dang 'khor ba'i chos rnams kun// phyag rgya gcig tu bkod nas rdzogs pa'i sku// sku gsum lhun grub chos sku 'od stong 'bar// dbu skra kham nag ral pa'i cod pan can// klu rgyal 'bum gyis bklubs shing mchod pa 'bul// rdo rje'i gsung gis ljags sgra brdab pas kyang // hUM dang phaT kyi sgra skad 'jigs par sgrogs// theg chen don dam gsang sngags sgrog pa'i tshe// 'bar ba'i smin ma mun rub glog ltar 'khyug/ spyan dmar bzlog pas sdang mig nyi ltar 'bar// 'bar ba'i shangs nas bskal pa'i 'tshubs nag 'khyil// rdo rje'i thog dang gnam lcags ser chen 'bebs// rno dpal mche ba zang yag gtsigs pa ni// nyon mongs log lha'i tshogs la rngams shing 'khrugs// thod rus sha dang rkang rus 'bu dang rnag/ za byed rngam pa'i zhal du chem chem gsol// sbrul gdug ko rlon la sogs gdug pa'i rgyan// rngam pa'i sku la shin tu brjid par brgyan// za byed rngams dang 'jigs byed mang po'i tshogs// 'bar ba'i phyag mtshan sprul pa pho nyar mdzad// 'bar pabapa kun dang thar ba'i chos rnams ni// dpa' bo chen po'i gdan du brjid cing rol// 'gran gyi zla med che btsan cig pu nyid// gsang mchog 'bar ba'i sku la phyag 'tshal bstod// ces gsungs so// bdud rtsi
- 130b
rin po che ye shes gsang ba'i 'khor lo las/ spyan drangs pa'i thabs dang stod pa'i le'u ste bcu bdun pa'o// // de nas yang dpa' bo gcig tshugs kyi sgrub pa yang dag par gsungs so// dpa' bo chen po zhes bya ba'i ting nge 'dzin la snyoms par zhugs nas 'di gsungs so// kye kye sangs rgyas bcom ldan 'das// dus gsum bzhugs pa'i bcom ldan 'das/ khams gsum sgrol ba'i bcom ldan 'das// dug gsum 'joms pa'i bcom ldan 'das// sku gsung lhun grub bcom ldan 'das// mnyam nyid gter ldan bcom ldan 'das// mgon po kun la phyag 'tshal lo// mgon po kun la skyabs pa'i chos// kun gyi snang ba'i dam chos 'di// nga dang nga yis bstan pas bshad// sems dpa' yang dag thugs la sems// nam mkha'i khams kyi dkyil 'khor du// sangs rgyas dkyil 'khor rdzogs pa'i phyir// sor bzhi pa yi dkyil 'khor la// ga prar tsan+dan chag chag gdab// dri sna lnga yi thig le bya// de ru dung gi snod bzhag ste// nang du btsod kyi 'o ma dang // dpa' bo gcig tshugs gzhag par bya// oM yA mre ta ra sA ya na AHhUM hrIHtha/ zhes pas sbyang / bye ba sa ya song ba dang // skya rengs shar ba'i tshe na bza'// de ltar dngos grub rab blangs la// nyis brgya nyi shu rtsa lnga thub// de ltar ci bder zos na ni// tshe yi rig
- 131a
'dzin thob par nges// shin tu bde ba'i lus thob nas// ri rab khong seng lam byas te// dga' ldan rnams kyi bu mo spyod// chags pa bde ba'i nyams myong nas// rnam par mi rtogs la gnas// sa gnas ye shes skye 'gyur nas// rdo rje 'dzin pa'i sa thob ste// bdud rtsi'i rgyal po de 'gyur ro// de la gshegs par tul mi mnga'// rnam par mi rtog sa thob nas// 'gro ba'i don la gshegs par bya// sa ya 'bum pa des gsungs 'gyur// zhes gsungs so// bdud rtsi rin po che ye shes gsang ba'i 'khor lo las/ dpa' bo gcig tshugs bsgrub pa'i le'u ste bco brgyad pa'o// // de nas yang phan gdags pa'i thabs don ma nor ba 'di gsungs so// byams pa chen po'i ting nge 'dzin la snyoms par zhugs nas gnas pa la/ rdo rje chos kyis 'di skad zhus pa// kye rgyal ba rgyal ba thugs la mnga'// rgyal ba rgyal ba don la mnga'// thugs rje mya ngan 'das 'og tu// mya ngan mi 'da' thugs rje'i ngang // mtha' yas sems can thams cad la// na ba dang ni tsha ba dang // skom pa dang ni bkres pa dang // de bzhin sdug dang bsngal ba dang // skye ba dang ni rga ba dang // bar ma do yis sems can 'byung // gzu bo chen po gzu mdzod la// 'tsho byed sman pas sman gyis gsos/ zhes gsol pas/ de la bcom ldan 'das bde ba chen
- 131b
po de thugs kyi dkyil 'khor nas bzhengs te yongs su gsungs pa/ skye rga na 'chi'i sdug bsngal la// gzu bor skul ba rdo rje chos// sman par skul ba rdo rje chos// legs par zhus pa lan gyi mchog/ nga yi yid las byung ba 'di// nyon cig nyon cig rdo rje chos// sdug bsngal dag gi mtshan nyid ni// ci ltar rna bar chu song ba// chu gzhan dag gis 'byin byed pa// ci ltar chu yis tshig pa la// chu gzhan dag gis bgrang bar bya// ji ltar chu yis 'khyags pa la// chu gzhan dag gis bgrang bar bya// ji ltar chu yis za ba la// chu gzhan dag gis dbyung bar bya// ci ltar me yis tshig pa la// me gzhan dag gis 'gro bar bya// ci ltar me yis gdungs pa la// me gzhan dag gis dbyung bar bya// me yis mi btang me yis bskam// me la me btang me yis bsreg/ ces gsungs so// de nas yang 'di gsungs so// nad pa dag la na ba gces// tsha ba dag la tsha ba gces// skom pa dag la skom pa gces// bkres pa dag la bkres pa gces// sdug pa dag la bsngal ba gces// bsngal ba dag la sdug pa gces// skye ba dag la rgas pa gces// rgas pa dag la skye ba gces// dpe ni rgyal po me bzhin no// de nas yang 'di gsungs so// stag mo sdig pa'i sbyor ba yis// ag+ni las rnams the tshom med// rnal 'byor mched pa gang dag gis// shi ba'i ro la de byas
- 132a
na// ba sbrang dag gi rgyal khams bsreg/ dper na stag mo'i me bzhin no// de nas yang 'di gsungs so// mdor na chos rnams thams cad ni// byis pa'i rtsed mo ci bzhin te// brag cha dag la byis pa ltar// de bzhin sgyu ma'i chos rnams ni// brtag na dngos po gang yang med// gnyid log rang la dbang byas na// rgas po ma ning byis pa dang // de bzhin dge slong shes rab dbang // dper na dge slong klu bzhin no// de nas yang 'di gsungs so// rnal 'byor thams cad sgom pa las// chos sku gcig la tha dad pa// sa dang lam gyi rim pa yi// nyi ring 'tsho mtha'i gru bzhin no// dper na dngul chu'i gser tshol 'dra// de nas yang 'di gsungs so// lus dang ngag dang sems dang gsum// mdung khrims bzhin du yongs su bstan// gcig 'gyel gnyis 'gyel gcig mi srong // lus ngag yid gsum 'dam bu 'dra// dpe ni slob dpon slob ma bzhin// gcig gis sdig byas mnyam por bsreg/ de nas yang 'di gsungs so// lta ba spyod pa dam tshig gsum// gcig la gcig brten yongs kyis tshad// gcig ma tshang bar gcig mi tshang // gcig gis gcig la ma brten na// dmangs dang rje dang rgyal po 'dra// dper na gser gling rgyal khams 'dra// de nas yang 'di gsungs so// sman dang dri dang rtsi dang gsum// gcig gis gcig sbyar
- 132b
bdud rtsi ste// gcig la gcig brten sman gyi mchog/ 'dus nas sman du rab sbyar na// rtsi yi mchog ni dar ya kan// dpe ni kha che'i gur gum 'dra// zhes gsungs so// bdud rtsi rin po che ye shes gsang ba'i 'khor lo las/ khams gsum gyi sems can skye ba la sogs pa'i sdug bsngal bsal ba'i thabs bstan pa'i le'u ste bcu dgu pa'o// // de nas yang brtag pa'i rgyal po phyi ma 'di yongs su bshad do// de nas yang dbang bskur dam pa zhes bya ba'i ting nge 'dzin la snyoms par zhugs nas/ 'di yongs su yang dag par gsungs so// sman gyi lha mo nor gyi rgyun// dri yi lha mo dri chab ma// rtsi yi lha mo grub pa mo// shing gi lha mo 'od 'chang ma// lha mo khyod la stsal ba ni// byis pa lo brgyad gtsang ma yis// shar phyogs dag la kha bltas te// go zu dkar po gon nas ni// dar dkar dag gis sham thabs bya// chu gtsang dag gis bkrus nas ni// lha phyag phog gsum btsal nas ni// sman dang rtsi dang dri gsum btsal// rdo rje chos kyis yang zhus pa// ston pa bcom ldan mgon po dang // sman dang rtsi yi lha mo dang // shing dang nags kyi lha mo la// bud+d+ha ya yis phyag btsal nas// bdud rtsi dngos ni gang la bgyi// bdud rtsi'i las ni gang la bgyi// bdud rtsi'i dbye ba gang la bgyi// bcom ldan 'das kyis bshad du gsol// lha mo rnams kyis
- 133a
bstan du gsol// zhes gsol to// bcom ldan 'das kyis bka' stsal pa/ sman dang rtsi yi lha mo dang // shing dang nags kyi lha mo dang // bstan pa dang ni ston pa dang // rang dang gzhan gyi skye bo dang // da lta nga dang nga yis la// zhu ba dag la gnang bar bya// nyan pa dag la snyan par smra// sems dpa' dag la bsam gtan sbyin// gtong ba dag la sbyin pa bslab// las rnams kun gyi sngon rol du// sems bskyed pa ni bstan pa'i mchog/ nga dang nga yis bstan pa la/ khyod kyis zhus pa nga yis bshad// bshad pa yang dag chos kyi mchog/ bdud rtsi dngos ni chos nyid lags// bdud rtsi'i las ni phrin las lags// bdud rtsi'i don ni skye shi med// bdud rtsi'i dbye ba bden pa gnyis// sems bskyed sems can don la sems// gzhan don byed dang rnam gnyis so// zhes gsungs so// de nas yang rdo rje chos kyis zhus pa// e ma bdud rtsi'i mgon po khyod// legs mthong gang yin 'dir phyag yin// mchod pa gang yin dga' ba yin// bdud rtsi'i nges don bshad du gsol// zhes zhus pa las// bcom ldan 'das kyis bka' stsal pa// nyon cig nyon cig rdo rje chos// gsang ba sngags kyi dam pa ste// sgyu ma'i mtshan nyid nges pa'i don// spros pa'i mtha' rgya nges pa'i don// lhangs kyis rtogs pa nges pa'i don// bsam du med pa
- 133b
nges pa'i don// bsgom du med pa nges pa'i don// brjod las 'das pa nges pa'i don// tshig las 'das pa nges pa'i don// snang ba med pa nges pa'i don// bcos su med pa nges pa'i don// thig le chen po nges pa'i don// dbyings kyi dbyings nyid nges pa'i don// mthong ba med pa'i nges pa'i don/ zhes gsungs so// de nas yang rdo rje chos kyis zhus pa// e ma ho bcom ldan mgon po dpal// rten gyi sangs rgyas bstan pa dang // lung gis sangs rgyas bstan pa dang // sems kyi sangs rgyas bstan pa dang // rang bzhin sangs rgyas bstan du gsol// zhes gsol to// de nas bcom ldan 'das kyis bka' stsal pa// rten gyi sangs rgyas 'byung ba che// lung gi sangs rgyas bden pa'i mchog/ sems kyi sangs rgyas nam mkha' che// rang bzhin sangs rgyas yongs la khyab// ces bka' stsal to// de nas bcom ldan 'das la rdo rje chos kyi yang zhus/ kye kye sangs rgyas bcom ldan 'das// rten gyi sangs rgyas rdzogs pa'i mchog/ rgyu ba rlung dang gnas pa rtsa// de bzhin 'babs pa byang chub sems// de la sogs pa'i sangs rgyas rnams// gang lags ci lags bstan du gsol// zhes gsol to// de nas yang bcom ldan 'das kyis bka' stsal pa/ sems dpa' sems dpa' rdo rje chos// 'byung ba lnga la brten pa'i lus// bdud rtsi lnga yi dwangs ma
- 134a
ni// rtsa ba rlung nyid yin par bshad// brtan par byed pas bdud rtsi'o// de nyid snod kyi drangs ma yin// dge 'phel ma dang rnam rten dang // rnam rtog dang ni yongs 'dus so// de yi 'bras bu bstan pa ni// ga pur mu tig shel lta bu// de la ma tshang gcig kyang med// bdud rtsi zhes kyang de la bya// gzhan yang bdud rtsi gang yin pa// sems nyid rnam par dag pa la// bdud rtsi zhes ni de la bya// bdud rtsi rnyed nas bdud rtsi 'tshol// bdud rtsi gzhan du ma 'tshol cig/ ces gsungs so// bdud rtsi rin po che ye shes gsang ba'i 'khor lo las/ bdud rtsi nges pa'i lung bstan pa'i le'u ste nyi shu pa'o// // de nas yang bdud rtsi ldang thang gi rim pa bstan pa la/ bdud rtsi 'byung ba zhes bya ba'i ting nge 'dzin la snyoms par zhugs nas/ shin tu mnal ba la/ yang rdo rje chos kyis bcom ldan 'das la zhus pa/ bcom ldan 'das bdud rtsi zhes bya ba'i don 'di la ldang ba'i thabs du tsam mchis// bcom ldan 'das kyis bdag la sogs pa'i rtog pa bsal du gsol// gzhan la phan 'dogs pa'i don bshad du gsol/ nyid kyi dngos po la mkhyen pa'i ye shes dam pa bskyed pa'i phyir// lung stsal du gsol zhes zhus pa la/ bcom ldan 'das kyis lung stsal pa/ rdo rje chos yang dang yang dag par na/ bdud rtsi ni rnam pa gsum ste/ sangs
- 134b
rgyas bdud rtsi dang / chos bdud rtsi dang / dge 'dun bdud rtsi dang rnam pa gsum mo// de gsum gyi mtshan nyid bstan pa ni// ldang thang zhes 'das pa'i sangs rgyas mar me mdzad dang / da ltar dang bcas pa'i bstan pa dang / dam pa'i skye bu rnams dang / ma byon pa'i sangs rgyas che ge mo la sogs pas kyang bdud rtsi ni rnam pa gsum las ma gsungs so// zhes gsungs so// de nas rdo rje chos kyi bcom ldan 'das la yang dag par 'di skad ces gsol to// bcom ldan 'das 'di ci'i phyir na ldang thang yin gang las btags nas ldang ba yin/ su la dgos nas ldang ba yin/ 'bras bu ci ltar smin pas ldang zhes gsol to/ bcom ldan 'das kyis bka' stsal pa/ rdo rje chos khyod legs so legs so legs par yid la zung zhig/ rgyud dang 'bras bu thabs dang rnam pa gsum dang 'brel pas ldang bas ldang ba'o// gdags pa'i cha ni rnam pa drug/ tshangs dang drang srong klu rnams dang // nyan thos dgra bcom rang rgyal dang // tha ma mu stegs mur thug la// dgongs pa'i dgongs pa bstan pa yin// 'bras bu sangs rgyas rin po che// dgos 'dod re ba 'byung ba'i rgyu// yang dag par ni chos kyi sku// de las sangs rgyas gzhan med pas// gzhan las sangs rgyas 'dod pa ni// tshig la brten nas drang ba'i don// ming dang mtshan du grags pa dang // brda dang skad
- 135a
du grags pa dang // tshig dang yi ger grags pa kun// dper na rgyal po brnyan ma 'dra// chos kyi sku las ma gtogs pa// sangs rgyas 'dogs pa'i gsang mchog des// ri bo can dang 'grogs 'grogs kyang // de yi de nyid mthong mi 'gyur// zhes gsungs so// de nas yang rdo rje chos kyis bcom ldan 'das la 'di skad ces yang dag par gsol te/ mkhyen pa'i sangs rgyas bcom ldan 'das// bcud len bdud rtsi bsgrub 'dod na// gnas ni ji lta bu zhig btsal// rten ni gang lta bu la bgyi// bcom ldan 'das yang dag par bka' stsol dang zhes gsol to// de nas yang gsang ba'i mdzod kyi bka' stsal pa// sems dpa' chen po yang dag par nyan par byos shig/ rgyal rigs dang ni bram ze'i rigs// gdol pa mo yang dang du blang // bcu gnyis bco lnga nyi shu gnyis/ sum cu rtsa gcig man chad du// legs par brtag byas khrus byas la// dri rtsi kun gyis byug par bya// dkyil 'khor khru gang sor bzhi la// bdud rtsi lnga yis legs byug la// le'u tshe lnga yi thig btab la// pho brang rigs dang mthun pa lnga// go rim bzhin du tshon gyis dgod// sman lnga bum pa'i snying po ste// phyag rgya'am ni snying po dgod// go'u ri brgyad dang sgo mar bcas// lha grangs bzhin du bum pa dgod// legs par bdud rtsir gyur pa dang // bu mo'i mgo la
- 135b
bzhag par bya// dkon mchog gsum gyi mtshan brjod la// dkyil 'khor thams cad rgyas par bsam// rang nyid rnal 'byor byin brlabs la// sha dang chang gis bu mo gso// bdag kyang ran par bza' btung bya// de yis khu ba 'phel bar 'gyur// seng ge'i sbyor ba rab byas te// 'khrigs pa rdo rje gtun gyis blta// khu ba 'phel ba btung bar bya// til gyi mar khus lus po mnye// de ni dang po'i sbyor ba'o// de nas yang dag bsam gtan bya// gang yang rung ba'i zas zos la// gang yang rung ba'i bsam gtan bya// de ltar yin la byas pas ni// lha dang mnyam pa'i tshe ru 'gyur// de ni bskyed pa'i rim pa ste// rdzogs pa'i rim pa 'dod pa la// skas kyi rim pa lta bu gsungs// bdud rtsi'i dkyil 'khor rnam mang yang // byang chub sems kyi dung khang na// ga pur dkar po'i rgyun 'bab pa// dbang gi rim pas byin rlabs pa// bu mo dag gi mkha' la dbab// de yang dang po dga' ba'i gnas// mu tig dkar po shel gyi rgyun// ba yi thag pa tsam zhig dbab// longs spyod rdzogs pa'i bdud rtsi yis// chos kyi 'khor lo zhes bya ba// chos dang mthun par 'khor lo ste// byang chub sems kyi bstim gnas pa// sprul pa'i 'khor lo dga' ba'i gnas// bdud rtsi'i khang pa yang dag ste// dga' ba dang po dga' ba yin// de nas gnyis pa dga' ba yis// ngal gso/
- 136a
ba yi dga' ba ste// gsum pa bum pa'i dga' ba po// bzhi pa byang chub dga' ba ste// bral ma thag gi bdud rtsi'o// bdud rtsi zhes su bshad pa'ang // tshul lam thabs kyis gzhag par bya// de la bdud rtsi lnga tshang bas// bdud kyi lan gyi bdud rtsi'o// lus kyi bde ba nyams myang bas// sems kyi bde ba thob par 'gyur// de ltar bde ba nyams myong nas// rnam par dben pa gsum la gnas// dben pa gsum gyi sa thob na// dbugs ni thig le nyid la gnas// sems kyis sems la bltas pas na// thig le 'od las 'gro drug gsal// a nr-i pre du lhag mar bcas// yang dag par na sa le'o// zhes gsungs so// bdud rtsi rin po che ye shes gsang ba'i 'khor lo las/ bskyed rdzogs gnyis zung du bstan pa'i le'u ste nyer gcig pa'o// // de nas yang dbugs 'byin pa zhes bya ba'i ting nge 'dzin la snyoms par zhugs nas 'di gsungs so// sangs rgyas sems can mnyam pa'i phyir// sku gcig pa la tha dad med// de yang sems can rnams kyi dbugs// phung po lnga ni sangs rgyas lnga// de yang sems can rnams kyi dbugs// 'byung ba lnga nyid rigs kyi yum// de yang sems can rnams kyi dbugs// rnam par shes pa sems dpa'i tshogs// de yang sems can rnams kyi dbugs// dam rdzas rnam lnga sangs rgyas lnga// de
- 136b
yang sems can rnams kyi dbugs// sha lnga sangs rgyas lnga yi gdan// de yang sems can rang bzhin yin// de yang sems can rnams kyi dbugs// snod kyi 'jig rten gzhal yas te// sems can thams cad sangs rgyas pas// de yang sems can rnams kyi dbugs// zhes gsungs so// de la rdo rje chos kyi 'di skad zhus te/ kye kye ston pa bcom ldan 'das// thugs rje che la thabs mkhas pas// rdzogs dang rdzogs pa chen po yi// don thabs ma nor bka' stsal pa// bdag cag rnams ni ngo mtshar che// e ma'o ngo mtshar sman gyi chos// de ni rang bzhin rdzogs pa ste// thabs kyi rdzogs pa bka' stsal 'tshal// zhes yongs su zhus so// de nas yang bcom ldan 'das dpal kun tu bzang po gnas lung stobs zhes bya ba'i ting nge 'dzin la snyoms par zhugs nas/ thabs kyi rdzogs pa 'di bka' stsal to// mkhyen pa thabs kyi rdzogs pa ni// rtsa dang 'khor lo byang chub sems// lpags pa'i mtha' na mi gnas te// gnas pa rnams kyi dug lnga'i rgyu// phyi rol de la mi brtan te// bdud rtsi rnam lnga gnas pa la// g.yas dang g.yon dang dbus kyi rtsa// de la sogs pa'i rtsa rnams kun// bdud rtsi lnga yis gang bar gnas// de yi rten byed rlung lnga ste// yi ge phyed pa nyid dang drug/ de yis bdud rtsi 'phel bar byed// mAM sa bshang gci khu ba khrag/ dag par
- 137a
gyur te bdud rtsi lnga// ye nas bder gshegs lnga yi dang // bdud rtsi zhes ni de la bya// zhes gsungs so// de nas yang bsgrub pa rnams bstan par bya ste/ de yang gang dag sha rnams ston pa la// des kyang sha rnams bstan par bya// gang dag gser rnams ston pa la// des kyang gser rnams bstan par bya// gang dag rdzas rnams ston pa la// des kyang rdzas rnams bstan par bya// rgyu mchog lnga yi rna ba dang // lce la sogs pa rnam lnga la// rin chen sna lnga tshang bya'i phyir// 'bras bu lnga la rtsa ba lnga// rtsa ba lnga la rin chen lnga// de bsgrub 'grub pas ci bsam 'grub// ces gsungs pas/ rdzas kyi rnam pa 'bras bu lnga// bsgral ba'i lce la sogs pa lnga// rin po che rnam pa lngar sgrub pa gsungs so// de nas yang ro rjes su bsgrub pa gsungs te/ maN+Dal 'dom gang gru bzhi la// bdud rtsi sman gyis chag chag gdab// byang chub sems kyi thig le bya// phrin las rnam bzhi'i phur pa la// byin brlab dbang bskur byas la gzhag/ gshin rje gshed kyi nga rgyal gyis// gang nas ro de 'ongs pa dang // 'gyings pa'i stabs kyi bro yang brdung // dkyil 'khor kha ru bzhag nas ni// phrin las rnam bzhi'i phur pa gdab// de yi las dang nyon mongs la// drag po phur pas brlag par bya// bdag gi tshe dang bsod nams dang // rnal 'byor gzhan gyi
- 137b
bsod nams la// de la btab pas rgyas par bya// dgra bgegs gang yin mi srun pa// gdab pas thams cad dbang du 'du// rims nad thams cad gcad pa dang // bgegs rnams thams cad gzhom pa'i phyir// zhi ba'i phur pas zhi bar bya// hUM sangs rgyas kun gyi sku gsung thugs// gti mug bde gshegs 'khor dang bcas// 'jig rten khams ni rab 'byams na// shin tu rmongs pa'i sems can rnams// zhi ba chen po'i thugs rje yis// zhi bar ma gyur gang yang med// zhi mdzad lha la phyag 'tshal lo// shIn+tiM ku ru swA hA/ hUM sangs rgyas kun gyi sku gsungs thugs// nga rgyal rin chen 'khor bcas rnams// 'jig rten khams ni rab 'byams na// dregs pa'i sems can ma lus kun// tshe dbang dngos grub rgyas mdzad pa'i// rgyas par ma gyur gang yang med// rgyas mdzad lha la phyag 'tshal lo// puSh+TiM ku ru swA hA/ hUM sangs rgyas kun gyi sku gsung thugs// 'dod chags pad+ma 'khor bcas rnams// 'jig rten khams ni rab 'byams na// shin tu chags pa'i sems can rnams// yud tsam gyis ni dbang bsdus nas// dbang du ma gyur gang yang med// dbang mdzad lha la phyag 'tshal lo// bshang ku ru swA hA/ hUM sangs rgyas kun gyi sku gsung thugs// zhe sdang rdo rje 'khor dang bcas// 'jig rten khams ni rab 'byams na// shin tu gdug pa'i sems can
- 138a
rnams// yud tsam gyis ni bsdus btub nas// rdul du ma brlag gang yang med// brlag mdzad lha la phyag 'tshal lo// sum b+ha ni su b+ha hUM/ gr-ih+Na gr-ih+Na hUM// gr-i h+NA pa ya gr-i h+NA pa ya hUM/ A na ya ho/ b+ha ga wAn/ bid+ya rA dza/ na sha ya staM b+ha ya/ ya ma dam sri staM b+ha ya hUM phaT/ ces rdzas kyis bsgrub pa'o// bdud rtsi rin po che ye shes gsang ba'i 'khor lo las/ dbugs dbyung ba dang rdzogs pa'i rim pa dang / ro bsgrub par bstan pa'i le'u ste nyer gnyis pa'o// // de nas yang ston pa kun tu bzang po des/ 'khor dang yongs kyi rnal 'byor pa la gdams pa dang / gtad pa 'di yongs su gsungs pa/ 'khor thams cad la yang bzhad pa'i tshul gyis bltas nas 'di skad ces gsungs so// ngas bstan pa'i gnang ba'i bdud rtsi 'di/ bcud kyi gdeng rnam pa gsum gyis/ sems can thams cad la lus rnam par dben pa dang / ngag rnam par dben pa dang / sems rnam par dben pa dang / yang dag pa'i mtha' la sku dang ye shes 'byung bar byos shig/ 'di la ma mos gang dag la/ brag phug kha byang tu bltas pa bzhin du/ thugs rje chen po 'di 'byung bar mi 'gyur ro// 'di la mi mos pa gang dag la/ bdud rtsi'i bum pa yang mgo la reg pa'i gnas med do// 'di la mi mos pa gang dag la/ gsang ba'i don la 'di dag
- 138b
tshig tsam yang thos par mi 'gyur ro// 'di la mi mos pa gang dag bstan pa gang dag la gnas pa'i rnal 'byor dang rjes su rnal 'byor dang / shin tu rnal 'byor gyi don gang yang thob par mi 'gyur ro// 'di la mi mos pa gang dag la tshe rabs gang du yang tha na mu stegs kyi chos kyang thos par mi 'gyur/ yid la yang mi byed/ mtha' 'khob rgyal po ngan pa'i rgyal khams kyi blon po'i tshul can du skye'o// 'di la nyan pa dang / ston pa dang / yid la byed pa dang / 'bri ba dang / 'chang ba dang / snyan par smra ba dang / nges pa'i don du byed pa dang / bla mar byed pa dang / bkur bstir byed pa// don gtan la phebs pa rnams ni/ sangs rgyas mthong ba yang yin/ chos gsang ba'i rnal 'byor mthong ba yang yin/ theg pa chen po'i dge 'dun dang / phung po dang / khams dang / skye mched dang / lha dang lha mo'i dkyil 'khor yid la byed pa mthong ba yin no// gzhan yang sa dang lam la mkhas pa yang / 'di kho na'i yon tan yin no// 'di yid la byed pa rnams ni/ sangs rgyas yid la byed pa'o// chos yid la byed pa'o// dge 'dun yid la byed pa'o// de ltar yid la byed pa gsang ba dang // gsang chen dang ye shes snying po'i don nyams su blangs nas/ tshe 'di nyid la sa dang // bden pa'i lam yang mthong / gnyis su med pa'i sa thob/ ma phyin pa'i ye shes dang ldan par
- 139a
'gyur ro// gzhan yangs ngas bstan pa'i chos phran gsum tshogs pa 'di/ sems can yongs la smin par gyis shig/ 'dis dbang bskur bar gyis shig/ 'dis dbugs 'byin par gyis shig/ 'dis ma dad pa rnams dad par gyis shig/ 'di khyed rnams la yongs su gtad do// bcang ba dang / bstan pa dang / bsgrub pa dang / bri ba dang / bklag pa dang / blta ba rnams legs par byos shig/ nga ni mya ngan 'das 'og tu// lho phyogs b+he ta'i yul shed du// byams ldan mgon po glu zhes 'byung // de yis bstan pa dam pa gzung // bdud rtsi bcud kyi gdeng rnam pa gsum las/ bam po khri pa'i nang nas snying po'i rgyud rin po'i che gsang ba'i 'khor lo zhes bya ba// rnam 'byor ma chen mo'i phyogs gsang chen thig le'i rgyud gtad nas ston pa nyid mi snang bar gyur to// 'khor rnams kyis kyang pus mo g.yas pa'i lha ngas la btsugs te bcom ldan 'das kyis gsungs pa la mngon par bstod do// bdud rtsi rin po che gsang ba 'khor lo'i rgyud rdzogs so// // rgya gar mkhas pa bi ma la mu dra dang / zhus chen gyi lo tsa zhang dzA nas gtan la phab pa'o// phyis ska ba dpal rtsegs la sogs pas yongs su gtan la phab pa'o// @#/ rgya gar skad du/ ma hA a mr-i ta tsakra dza la tan+t+ra nA ma/ bod skad du/ bdud rtsi chen po
- 139b
'khor lo 'bar ba'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po chen po/ dus gsum gyi sangs rgyas thams cad kyi mnga' bdag chen po de ni/ chos kyi dbyings rnam par dag pa'i klong chen po 'og min gyi gnas ma bkod par snang ba zhes bya bar/ 'di ltar sa bcu pa'i dus gsum gyi rnal 'byor gyi dbang phyug chen po rnams dang / lus kyi khams dgu 'dus pa'i dngas ma bdud rtsi chen po ye nas sangs rgyas pa'i don la so so ma yin tha mi dad cing dbyer med par bzhugs so// de nas rdo rje snying po rang gi gdan las bzhengs nas/ seng ge'i 'gro stangs kyis bcom ldan 'das dpal kun tu bzang po'i spyan sngar mchis nas/ glang po che'i lha stangs kyis sangs rgyas thams cad kyi spyi mes chen po'i zhal du bltas te// chos thams cad nam mkha'i rang bzhin can las dran pa sna tshogs nam mkha'i sprin bzhin du snang bar yang mkhyen nas chos nyid skye ba med cing 'gag pa med par shar ba'i phyir/ bdud rtsi chen po rnam par rtog pa'i blo las rab tu 'das pa'i don 'di zhu bar mdzad pa'i phyir/ 'di skad ces gsol ba 'debs so// kye ma ho chos sku nam mkha'i rang bzhin la// 'khor ba sprin gyis rab bsgribs pas// rlung sems dran pa'i
- 140a
rnam rtog langs// bla ma'i thugs kyi dpal be'u nas// man ngag sgron me dran med shar// chos nyid skye ba med pa'i don// bdud rtsi chen po chos kyi sku// rnam rtog blo las rab 'das pa// skal ngan sems can 'dul ba'i phyir// 'og min rnal 'byor dbang phyug dang // rnam dag sa thob drang srong dang // rjes su 'jug 'gyur ma 'ongs pa'i// don du bdud rtsi sgrub pa yi// dam chos 'khor lo bskor du gsol// zhes gsol ba rab tu btab bo// de nas bcom ldan 'das dpal kun tu bzang po chen po chos kyi sku dri ma med pa'i dgongs pa las skabs phye nas/ sku yid bzhin du 'byung ba'i nor bu rin po che 'bar ba lta bus// 'khor gyi tshogs thams cad la rab tu gzigs nas/ 'di skad ces gsungs so// khams gsum 'khor bar sdug bsngal dug chen la// mya ngan 'das pa bdud rtsi'i sman sbyar bas// don dam kun bzang dbyer med lhun grub chos// rigs drug sems can kun la rang gnas pa// lus khams bdud rtsi chen po mchog gi chos// gsang ba bas kyang tshes gsang rab tu gsang // yang gsang rmad byung chos kyi sgrub pa 'di// dran pa rnam rtog sems nyid tshogs brgyad la// dran med lus khams bdud rtsi sman sbyar nas// yi dam lha sku'i bdud rtsi skye ba med// zhen snang 'khor ba'i blo las rab 'das nas// mchog dang thun mong
- 140b
sgrub pa kun gyi gzhi// rmad byung bdud rtsi chos kyi 'khor lo 'di// khyed rnams tshogs la rab tu bskor bya yi// dad pa'i theg pas rdo rje bla ma zung // brtson 'grus la gor skyen pos sman rnams btsal// shes rab mig rnon man ngag mthong bar bya// las dang skal bar ldan pa'i rnal 'byor pas// dpa' bo dpa' mo mched dang lcam dral la// phyi rabs don du bshad kyis legs par nyon// ces gsungs so// bdud rtsi chen po 'khor lo 'bar ba'i rgyud las/ gling gzhi dang gleng bslang ba'i le'u ste dang po'o// // de nas bcom ldan 'das kyis bsgrub pa'i gzhi phun sum tshogs pa 'di gsungs so// phyi dang nang dang gsang ba dang // gsang chen rab gsang de kho na// sgrub pa kun gyi gzhi yin pas// ston 'khor gnas dus sgrub pa'i rdzas// ston pa chos kyi mdzod 'dzin pa// rgyud lung man ngag rab shes bya// rgyu 'bras theg pa kun la mkhas// mngon du byung dang rna bar brgyud// thugs la brnag pa kho 'dug pa// zab dang rgya che'i dgongs pa rnams// ma lus lus pa med pa'i chos// theg pa rab rgyas yongs shes bya// thun mong khyad par 'khor ldan pa'i// nyan thos rang rgyal byang chub sems// 'dod yon lnga spang ma yin dang // kri ya u pa yo ga dang // bdud rtsi dka' thub spang ba yin// rgyal thebs ging dang las mkhan dang // pad+ma tsan+dan lta bu
- 141a
yi// bung ba dug sbrul ltar gnas pa// rab tu dad pas bsgrub pa nyid// ma ltar byams shing sring ltar gdung // jo mos skyong la bran ltar las// gzungs ma rab tu ldan pa yang // 'khor gyi dam par rab gsungs pas// rdo rje 'chang gi gral du 'khod// dang por bsgrub pa'i gnas btsal ba// bdud rtsi dam pa bsgrub pa'i gnas// gtsang zhing gzhol ba drang srong gnas// dur khrod ma mo mkha' 'gro'i gnas// rtsi sman nags tshal sman gyis gsungs// khro bo srin po rab gnas yul// chu bo'i ngogs sam brag phug gam// rab tu dben par gnas pa yang // brtag dang bslang dang gzung ba dang // rin bcal ba dang bskrad pa dang // sbrang dang bskor zhing byin gyis brlab// dgon par brtsigs sam dkyil 'khor bya// ston nam dpyid sos sman btsal bya// yang na dus ni bzhi po la// rtsa ba lo ma me tog gsum// 'bras bu bzhi yang btsal bar bya// bsgrub pa bya ba'i dus shis pa// tshes brgyad dag la 'du bar bya// nang du dkyil 'khor bri ba yang // gang yin snga dro'i dus na shis// bsgrub pa gdon par bya ba yang // bco lnga dag la rab tu tshar// dngos grub blang bar bya ba yang // tho rangs sam ni nyi ma byed// dus 'di rab tu shes 'gyur nas// de las 'gal bar mi bya'o// 'tsho ba zas kyi yo byad kyang // nyis lngab sum ldapa dag tu bya// cha
- 141b
gsum dag tu rab gnas pa// dang po dkon mchog 'phags pa mchod// bar du tshogs kyi 'khor lo bya// tha ma gtang rag sbyin par dgye// bar chad rkyen yang rab bzlog phyir// go mtshon mda' gzhur rab bsags te// yungs kar dang ni gu gul gyis// bgegs rnams 'bros par byed pa dang // nad khams gang la yod 'gyur ba// sman dang dpyad kyang rab ldan pa// mchod rdzas mchod pa rnam lnga dang // rdzas brgyad rin chen sna bdun nyid// gtor ma rak+ta bdud rtsi dang // rol mo rnga gling dung dang bcas// me long mda' dang tshon skud dang // rgyal mtshan bla bre gdugs dang bcas// a 'bras rgun 'bru pa na se// na li ke ra a ga ru// ga pur cu gang a ru ra// dza ti tsan+dan dmar po dang // gur gum la stsogs tshang bar byed// yid kyi rnam par shes pa ni// chos dang sems su 'dres 'gyur shes// kun bzang yab yum rang bzhin pas// ston pa'i dam par rab rtogs bya// nyon mongs lnga ni rigs lnga nyid// che bas rab tu khengs pas na// nga rgyal chen po bdun dang ldan// rten 'brel bcu gnyis snang ba yang // thabs mkhas rgyal sras sems dpar bshad// 'byung ba lnga nyid gzungs ma yum// rang lus dag pa'i zhing khams na// kun gzhi'i gnas chen chos kyi dbyings// lta bas chos rnam rtogs pa'i dus// ting 'dzin bsgom bsgrub rdzas
- 142a
la spyod// rig 'dzin sangs rgyas 'grub pa'i dus// dus chen 'di dang rab ldan bya// shes rab dang ni ting 'dzin nam// rnal 'byor pa yi sgrub rdzas yin// thabs kyi rdo rje chen po ni// gsang ba'i ston par rab tu shar// shes rab pad+ma yum gyi 'khor// yab yum brda sprod thun mong 'khor// rdo rje pad+ma bzhugs pa'i gnas// gsang ba chen por rab gnas pa// sgron mar rab tu 'byongs pa'i dus// mtshan ldan gzungs ma rnyed dus nyid// kun rdzob byang sems dkar dmar rdzas// don dam bde ba bzhi dang ldan// gsang chen bstan pas lta ba rtogs// rang gnas ting nge 'dzin gyis 'joms// sgrol ging dag gis sgrol bar nus// spor ging dag gis spor bar nus// gsang ba'i dkyil 'khor chen po ru// drag po gru gsum 'bar ba'o// nang du gnas sbyang 'byongs pa dang // zhing bcu gnas su khugs pa'i dus// mi dang glang po rta dang ni// bya khyi 'byor pa'i rdzas lnga ldan// rab gsang ston pa zhes bya ba// blta bas rab tu rtogs par byas// ting nge 'dzin gyi 'khor dang ldan// bying rgod gnyis las rab tu grol// spyod pa'i gnas la 'dug byas nas// mnyam gzhag rjes spyod 'brel bar shog/ mchog dang thun mong 'bras bu ni// thob pa dus zhes bya ba yin// bla ma'i gdams ngag rdzas la spyod// rdzas 'di gzhan las khyad par
- 142b
'phags// de kho na nyid rab bshad bya// kun bzang bla ma tha dad med// yum dang kun tu bzang mo mnyam// rigs lnga bla ma'i 'khor du gcig/ chos kyi dbyings dang 'og min gnas// bsgrub pa'i yul khams dbye ba med// 'di ltar gang shes dus kyi mchog/ dus rnams nang nas khyad par che// 'khor ba 'das par grub pa'i rdzas// kun bzang 'khor bar snang ba kun// don dam mya ngan 'das par sgrub// ces gsungs so// bdud rtsi chen po 'khor lo 'bar ba'i rgyud las bsgrub pa'i gzhi phun sum tshogs pa bstan pa'i le'u ste gnyis pa'o// // de nas bcom ldan 'das kyis sngon du bya ba'i rim pa 'di dag gsungs so// phyi nang bshags bskang mtshams bcad nas// dkyil 'khor byas la byin gyis brlab// chos kyi sbyin pa gtang ba'i phyir// shar du shes rab pha rol phyin// lho ru rgyas pa bkra shis byed// 'phags pa snang brgyad gdon par bya// bdud kyi bar chad zhi ba'i phyir// nub tu tog kyang bklag par bya// 'gyod tshangs par gcod spa bkong zhing // byang gi phyogs su gdon par bya// shes rab pha rol phyin ma'i sku// zhal gcig gser mdog seng ge'i khri// dang po chos 'chad mnyam par gzhag/ tha ma rdo rje gleg bam 'dzin// phyogs bcu'i sangs rgyas sras dang bcas// nang du yang dag mchod par bya// rnam par snang
- 143a
mdzad snang mtha' yas// rdo rje sems dpa' gtso bo gsum// sangs rgyas spyan dad mA ma ki// gos dkar mo ni yum du gnas// 'jam dbyangs spyan gzigs rdo rje can// bdag po gsum ni sras su 'khrungs// gshin rje gshed dang rta mgrin dpal// bdud rtsi 'khyil pa khro bo yis// rnon po rtse mo kI la ya// pho nya gsum dang rab ldan pas// dkon mchog gsum dang dpal mgon rnams// bgegs rigs 'gro drug la sogs pa// gtor ma mchod pas bskang bar bya'o// gnas dang nye ba'i gnas dang ni// zhing dang nye ba'i zhing gnas pa// tshan+da nye ba'i tshan+da dang // dur khrod nye ba'i dur khrod sogs// ma mo mkha' 'gro lha srin rnams// rab tu bskang bar byas nas ni// tsha tsha gdab dang 'gyod tshangs dang // srog chags tshe yang bskyab par bya// sku bzhi dpal brgyad tshang ba yi// shar phyogs su ni yul 'khor srung // lhor ni rgyal po 'phags skyes po// nub phyogs su ni spyan mi bzang // byang ni rnas thos bu bkod nas// phyi mtshams tho yis gcad par bya// mi g.yo mgon pos dam sri gnan// phyi yi bar chad gshin rjes bsrung // nang gi dngos grub 'phrog pa rnams// bdud rtsi 'khyil pas bsrung byas na// bar gyi mtshams yang gcad par bya// mi dge bcu po bsrung ba'i phyir// phyogs skyong bcu la phur pa gdab// dug lnga'i mtshon
- 143b
chas kun 'joms phyir// mtshon cha 'bar ba'i dra ba dang // ra ba gur gyis bsrung ba bya// lus ngag yid la bdag 'dzin pa'i// rA tra rnam pa gsum po yang // blta spyod gnyis kyi mnan byas nas// sgo srung dur khrod bdag pos bya// de nas byin gyis rlobs pa yang // dbang bskur chen po'i ting 'dzin gyis// gnas khang byin gyis rlabs pa yang // snod kyi 'jig rten khang pa na// bcud kyi sems can sna tshogs bzhugs// srid gsum bdud rtsi rnam lngar bsal// phyag rgya chen po'i ting 'dzin gyis// rnal 'byor byin gyis rlabs par bya// lus ngag yid gsum sku gsung thugs// spyod lam rnam bzhi lha skur gsal// 'byung ba bcud len ting 'dzin gyis// chad rlabs dza gad byin gyis brlab par bya// bsreg sbyang stong pa gzhal yas khang // mi bskyod dbyings phyug 'od du zhu// mA ma kI yis bcud bsdus nas// cha gzhi dag tu 'gro bar bya// yid bzhin nor bu'i ting 'dzin gyis// rdzas dang yo byad byin gyis brlab// yid bzhin nor bu rin po che// dpag bsam 'das pa'i shing chen dang // bum pa bzang po 'dod 'jo'i ba// ji ltar dmigs par 'byung bar snang // sa yi lha mo brtan ma nyid// ser mo phyogs gnyis bum pa bsnams// phag gi khri la yang dag gnas// klu gnyen sa bdag 'khor dang bcas// de la sa ni rab bslang
- 144a
nas// bsgrub pa'i dkyil 'khor chag zag gdab// ba shes dam tshig theg gdab la// ka ba brgyad dang 'bar ma brgyad// pad+ma brgyad dang rin chen brgyad// bzhin babs brgyad ldan pa// rdul tshon byin gyis brlabs nas bri// de la lha yi sku yang dgod// ces gsungs so// bdud rtsi chen po 'khor lo 'bar ba'i rgyud las// bsgrub pa'i sngon du 'gro ba'i las rim bstan pa'i le'u ste gsum pa'o// // de nas bcom ldan 'das kyis bsgrub par bya ba lha'i sku phyag rgya chen po 'di gsungs so// phyag rgya chen po lha yi sku// las kyi phyag rgya yum dang 'khril// dam tshig phyag rgya sbyor bar bya// chos kyi phyag rgya lha rnams bskyed// rang sems yi ge gsung du gsol// pha ma'i cha shas thugs mtshan nyid// 'byung chen lnga las sku rdzogs pas// cho ga rnam pa gsum las bskyed// rnam shes phung po rdo rje sems// g.yas mthing g.yon dmar dbus ma dkar// rdo rje 'khor lo rin po che// pad+ma ral gri dril bu bcas// gzugs ni snang mdzad gser gyi mdog/ mthing ga dmar po'i dbu gsum pa// 'khor lo rdo rje rin chen dang // dril bu pad+ma ral gri 'dzin// tshor ba dkon mchog dpal ni mthing // dkar dang dmar ba phyag drug pa// rin chen rdo rje 'khor lo dang // dril bu pad+ma ral gri 'dzin// 'du shes 'od dpag med
- 144b
pa'i sku// dkar dang sngo dang bye ru'i mdog/ pad+ma rdo rje 'khor lo dang // dril bu rin chen ral gri bsnams// 'du byed don yon grub pa'i sku// dkar dmar ljang gu zhal gsum pa// ral gri rdo rje 'khor lo dang // dril bu rin chen pad+ma g.yon// dbyings phyug ma dang sangs rgyas spyan// mA ma kI dang gos dkar sgrol// rigs lnga bdud rtsi lngar gnas shing // yum lngas sha lnga sbyong mdzad pa// khams dgu 'dus pa'i dngas ma nyid// phung po lnga dang 'byung ba lnga// sangs rgyas rigs ma yum dang 'khril// sa yi snying po sgeg mo dkar// rin chen smyu gu me long 'dzin// nam mkha'i snying po mA le mthing // ral gri rin chen 'phreng ba 'dren// spyan ras gzigs dang klu ma dmar// pad+ma dkar po pi wang 'dren// phyag na rdo rje gar mkhan ldang // rdo rje rtse lnga gar mdzad bskur// rnam shes bzhi dang yum bzhi yis// blo dang dngos po bsreg nas ni// byang chub sems dpa'i lha mo gnas// nang du yang dag spro ba'o// byams pa spos ma dkar mo la// klu shing 'dug spos ga pur bsnams// sgrib pa sel dang me tog mthing // chos kyi 'khor lo me tog phreng // kun bzang mar me dmar mo gsal// rin chen snye ma snang gsal 'bar// 'jam dpal dri chab ma ni ldang // ut+pal dung phor dri chab mthing // dbang po bzhi dang de yul bzhi// phyi yi snang ba dag dang
- 145a
'brel// byang chub sems dpa'i rigs ma rnams// yul sems gnyis su med par byed// kun bzang yab yum mnyam bzhag mthing // lha dbang brtson 'grus pi wang bsnams// lha min bsam gtan go cha dang // mi dbang tshul khrims gseg par nyid// byol song shes rab po ti 'dzin// yi dwags sbyin pa rin chen sgrom// dmyal ba bzod pa me dang chu// gshin rje mi g.yo lcags kyu dkar// rnam rgyal rdo rje zhags pa ser// rta mgrin sbrul zhags lcags sgrog dmar// bdud rtsi rgya gram dril bu ldang // bla ma rdo rje 'dzin pa la// rgyu yi dus nas dbang thob pas// bum pa mi bskyod chu yi dbang // cod pan bdud rgyal rin 'byung la// rdo rje bdud 'joms snang mtha' yas// dril bu chos sgra don yon grub// ming ni rnam par snang mdzad do// lam dus rigs lngar dbang bskur bya// zab mo'i dbang gsum thob pa'i phyir// sku gsung thugs su byin gyis brlab// rdo rje dbyings kyi dkyil 'khor du// bdud rtsi khrol bu bsgrub par bya// thun mong dam pa rigs brgya yis// rang gi rtog tshogs lha ru sbyang // rtsa yi dbyibs ni lha skur gsal// sngags kyi yi ge gsung du sgrogs// khams kyi bdud rtsi zas su za// snying po rlung ni thugs la spro// bsgrub pa'i dam pa rigs brgya yis// sman gyi rtog pa bzlog byas nas// thams cad lha yi sku ru
- 145b
gsal// sprul pa'i sku ru sangs rgyas so// gsung gi bsgrub pa byas pa yang // de nyid rigs lngar yan lag gnas// lhar 'dzin tha dad so so dang // sman gyi dngos po rang rgyud par// 'dzin pa'i rtog pa bzlog byas nas// rigs lnga ye shes lnga ru sgrub// longs spyod rdzogs skur sangs rgyas pa'o// dran pa sna tshogs snang ba yang // snod bcud dam pa rigs brgyar sbyang // de nyid dran med rigs lngar 'dus// snod bcud rigs su dbye ba med// de phyir gsang chen rigs gcig bsgom// rigs lnga ye shes tha dad du// 'dzin pa'i rtogs pa bzlog byas nas// gnyis med chos skur sangs rgyas pas// dran med ngang du rigs gcig gnas// gnyis med chos kyi dbyings su thim// btag tsag mi rtog bdud rtsi che// gzung 'dzin skye ba med par bsgral// phye ma gong bu gcig pa yis// thams cad 'khor 'das dbyer med cing // bdud rtsi chen por ro gcig pas// blo snang snang ba las 'das so// a mra skyong ba'i bu mo ste// shing gi lha mo 'od ldang ma// dug 'joms sman gyi bsgrub pa bya// rgya spos ni lo pa la dang // ldod ros pa glang mkhris pa dang // tsan+dan dkar po spang spos dang // sha mo sa dang sha sing ra// ka ra ka ta ba la ka/ ru rta rnams ni cha mnyam ste// zhib btags dar tshags dag la btsag/ dkyil 'khor zlum po maN+Dal ste// ga'u kha sbyar nang
- 146a
du blug/ gzungs thag btags nas dar khang dbub// shing gi lha mo 'od 'chang ma'i// sngags 'dis rab tu gdab par bya'o// oM AHhUM sarba pany+tsa a mr-i ta badz+ra lA s+ye hUM/ kalpa br-ik+Sha de bI pra b+ha/ na mo b+ha ga ba te tu da tra yA/ ha ra bi ShA na ha ra/ bi Sha ni mu swA hA/ shing gi lha mo 'od 'chang ma// rdo rje lA s+ye'i sprul pa ste// sku mdog dkar la 'od zer 'bar// phyag na shing gi bum pa bsnams// shing tog kun gyi srung ma ste// shing gi lha mor phyag 'tshal lo// sman 'di chu yis phul byas nas// khong du btung bar bya ba dang // yang na snar yang blug par bya// lus la bskus par byas pa na// sbyar ba'i dug ni sna tshogs pa// gang yang rung bar 'gyur ba ste// dug go cog rnams med par byed// sems can mche ba dug can rnams// so yi gdug pas zin pa yang // de dag med par byed pa dang // phol mig dang ni 'bras nad dang // me dpal la stsogs sel byed cing // gzhan gyi ngan du byas pa yi// dug gis mi tshugs zhi bar byed// nyes sdig byang bar byed pa ste// bram ze'i sngags gyis gnon byas pa// de dag las kyang thar par 'gyur// mgon po gnod gnas bu mo ste// sman gyi lha mo nor gyi rgyun// yo byad nor gyi bsgrub pa ni// dben pa'i gnas su rab gnas nas// srog chags med pa'i sa gtsang ma// bzang zhing snum pa rab btsal
- 146b
nas// maN+Dal zlum po legs byas nas// gur gum gi wang dzA ti dang // spos dang sbyar nas byug pa ni// ba yi sna lnga dag gis bya// tsan+dan dkar po'i chu sbyar la// sngags ring brgya rtsa brgyad bzlas nas// lag pa g.yon pas maN+Dal dbul// srin lag g.yon pas chos 'byung bri// de steng lha mo bsam pa ni// sman gyi lha mo nor rgyun ma// zhal gcig phyag ni gnyis pa la// sku mdog btso ma gser gyi mdog/ dzam bu nA da'i gser 'od 'dra// g.yas pa'i phyag na bsnams pa ni// shing thog bI dza pU ra bsnams// g.yon na 'bru yi snye ma bsnams// rin po che yi rgyan gyis brgyan// bzhengs nas bzhugs pa'i zhabs gnyis 'og/ rin po che yi bum pa ni// cung zhig yo bar rnam par mnan// gsang ba'i sngags 'dis sku yang bskyed// oM sdud du sdud du/ ma ma ku ne ku ne na swA ha/ sman gyi lha mo nor gyi dbyibs// rdo rje mA le'i sprul pa ste// sku mdog sngo sangs 'od zer 'bar// phyag na gter gyi bum pa bsnams// sman dang gter gyi srung ma ste// sman gyi lha mor phyag 'tshal lo// rtsa ba'i gsang sngags 'di la ni// bsnyen pa 'bum tsho sum 'bum bzlas// mo bri ba su ni d+ha na k+She tre swA hA// maN+Dal 'bral zhing bsgrub pa yis// sngags ring phreng ba dpal dang ldan// 'dod pa thams cad rab sgrub pa// gsang sngags rgyal po 'di dag bzlas// mo na mo rat+na tras
- 147a
ya/ tad+ya tha/ g+ha ta ma dze ba sa rak+Sha ni/ pha la ha ti b+ha sun d+he/ d+hi wang ka ri shAn+ti ka ri/ b+ha ya na sa ni sarba duSh+TAn/ b+han dza b+ha na dza/ dze b+ha dze b+ha/ a mr-i ta uSh+Ta be/ ku ru ku ru/ ma ma kar+ya swA hA// mi snying rab tu sprul pa'i sngags so// rab tu gsang ba'i dam pa 'di// oM badz+ra mA le bai DUr+ya de bI ba su d+ha ra/ 'gul 'gul/ ma ma hring hring / ma kha shi mi snying 'gul/ mi 'gram chog/ hring hring sdus sdus/ ma ma ni baM swA hA/ pho mo dbang du bya ba ni/ gsang sngags rig pa dam pa'o// A kaR+Sha ya hAM hrIH/ srid pa'i mo chags thams cad kun// dbang du byed pa'i gsang sngags so// A kaR+Sha ya hUM dza dza/ srid pa pho ru gyur pa kun// dbang du bya ba'i gsang sngags so// lha mo nyid kyi rig pa ni// bcom ldan 'das la rab phul lo// rtsi yi lha mo blo gros ma// rigs rgyud srid kyi bsgrub pa ni// sngags pa blo ldan dben dga' bas// gnas su btsal bar bya ba yang // rtsi sman 'khrungs pa'i yul khams te// nub tu kha bltas rtsi rnams skyes// der ni bsgrub pa'i maN+Dal yang // rab tu zlum por bya ba'o// yang na rigs rgyud gang spel ba'i// gnas su bsgrub pa rab tu bya// ba bla ba yi chu nang du// zhag gsum bar du spangs byas la// sngags de zhal gsum bar du gdag/ de nas ba chu 'thungs pa nas// mngal chags pa yi gdams pa
- 147b
yin// yang ni lan tshwa rnams lnga dang // ka ra dkar dang sbrang rtsi dang // mar dang ldan pas bud med la// zla mtshan byung nas sngags khrus byas// gang la blud par byas pa de// mo gsham yin yang bu skye 'gyur// yang ni rab tu bshad par bya// pa to la yi rtsa ba dang // ka ra gnyis la re re la// zho ni gnyis gnyis zho bzhi po// chu grang sbyar la sngags btab blud// mo gsham bu yang skye bar 'gyur// yang ni yungs kar ldong ros dang // pi pi ling ni rtsa ba dang // shing mngar dang ni pi pi ling // g+hi hang rnams ni lhan cig btags// byin na srid kyang 'phel bar 'gyur// yang ni nA ga ge sar dang // kha lung dang ni ba la dang // sbrang rtsi rnams ni cha mnyam par// kun la zho ni gnyis gnyis te// phye ma dag tu legs btags nas// 'o ma dang ni lhan cig tu// zla mtshan byung nas zhag gsum du// gsang sngags btab nas de 'thungs te// de dag zhu ba'i tshod tsam nas// 'o ma dang bcas zan phyin na// nges par mo gsham bu yang skye// yang ni a sho kan+ta yis// rtsa ba ma rul ma sums pa// 'o ma srang ni nyi shu brgyad// bskol te mar dang lhan cig blud// bud med mngal yang 'dzin par 'gyur// yang ni ka tsa ma ti dang // pu shel tse dang pil ba dang // yungs kar dang ni ru rta dang // gla sgang dang ni bu ram rnams// lhan cig bsres nas sbyar ba yang // zhun
- 148a
mar dang ni lhan cig tu// zla mtshan rgyu ba'i dus su ni// zhag bdun sngags bzlas btung ba dang // zla ba dag kyang re re la// zhag grangs gsum gsum btung bar bya// de nas zhag gsum bsdad pa dang // de nas yang ni zhag bdun 'thungs// gang 'thung bud med de yi ni// mngal gyis bu ni myur du len// 'di la the tshom med pa'o// yang ni gla gor zho sha dang // na ga ge sar sa bon gnyis// phye ma sbrang rtsis sbrus byas la// 'o ma dang ni sbyar la blud// zas su 'bras kyi zan dang ni// 'o ma lhan cig zos pa na// bud med mo gsham yin gyur kyang // de la bu ni skye bar 'gyur// de dag la ni gdab pa'i sngags// srid spel mas ni 'di gsungs nas// bcom ldan 'das las 'gro don du// rang gi rig pa phul ba'o// oM badz+ra gir+t+ti na mo a d+hid shu ka ra/ ta ri d+ha ba ki bi ti swA hA// na sa sha tsha 'di zhes bya ba las skye bar gyur cig swA hA/ sngags 'di lan 'bum bzlas pa na// des ni rab tu 'grub par 'gyur// dmu bya phug ron snying dang mig/ go ro tsa na lce dang khrag/ dngul rdo rnams su sbyang byas la// sngags 'di zhag grangs nyi shu gcig/ btab na bud med dbang du 'gyur// oM na ya na ma no ha ri/ ni ni mo de pa swA hA/ lang tang tse dang bye rug pa// a pa marga til dang ni// yungs kar btags nas til mar sbyar// bud med b+ha gar
- 148b
rab bskus nas// rab tu dam 'gyur sngags 'di gdab// oM na mo sha tsa ya/ tsi ri bi si bi si ni ni/ che ge mo zhes bya ba bdag gi dbang du gyur cig swA hA// mon sran gre'u dang gzi ma dang // 'bu srin gsum po cha mnyam ste// bskol ba gang gis 'thung ba yis// mi de'i rdo rje rtag tu 'greng // gti ni gnyid par mi 'gyur ro// b+hi ha ti yi 'bras bu dang // bal po se'u gi shun pa dang // go phye rnams ni nyungs mar bskol// rdo rje bskus shing mnyes pa na// ji ltar 'dod pa bzhin du ni// sbom zhing che bar 'gyur ba'o// ba dang ra yi 'o ma dang // rdo rje'i 'o ma rnams sbyar ba// rkang pa gnyis la bskus pa na// 'dod pa bsten par byas kyang ni// sa bon 'byung bar mi 'gyur ro// byi ba'i gzhang dang til mar dang // bye'u sa rta ka yi ni// sha khu de rnams sbyar byas pa// mo mtshan bskus par gyur pa ni// b+ha ga kha che chung bar 'gyur// de dag rig sngags bshad pa ni// lha mo dag gis rig pa phul// oM gi ri hi ri tsi ri// A A shu ma sha ni swA hA/ sngags 'di lan bdun bzlas byas nas// b+ha ga la ni bsku bar bya'o// rtsi yi lha mo blo gros ma// lha mo ra ti'i sprul pa ste// sku mdog dmar gsal 'od zer 'bar// phyag na bdud rtsi'i bum pa bsnams// rtsi dang sman gyi srung ma ste// rtsi yi lha mor phyag 'tshal lo// nags kyi lha mo rma bya'i mdongs// gnod pa
- 149a
srung ba'i bsgrub pa ni// sngags pa gzhan la phan 'dod dam// yang na rang nyid bsrung bar bya// mi yi rus pa sgra dang ni// lha la phul ba'i me tog dang // shin kun dang ni tsan+dan dang // 'bru sug dang shu dag dang // skyu ru ra dang tsa rod dang // a ru ra dang mu ra dang // ak+ta lang yang k+Sha mu ra spang spos dang // g+hi ha ti dang rnam gnyis dang // dzA ti pha la yungs kar dang // rma bya'i mkhris pa ras bal dang // sre mo'i klad pa khyi rus dang // byi la'i brun dang glang po'i brun// ba glang lci ba thang shing dang // a pa marga sgog skya dang // shra ba Na dang 'bras gang dang // bud ta go shing go lo min// pha la ta ka po so 'cha'// de rnams lhan cig sbyar ba yis// rdzas de ga'u blugs nas ni// sngags 'di brjod par bya'o// oM badz+ra ni ra ti de ba na na mo b+ha ga ba te/ ru tra ya tad+ya thA/ ha ra ha ra/ tu ru tu ru/ ta la ta la/ ni mi le sarba gra ha nA sha ni/ badz+ra pA Ni ha ra ha ra/ mu tra be ta ni swA hA/ sngags 'di lan bdun bzlas pa yi// rdzas kyi dud pas bdug pa na// grib gnos smyo byed brjed byed gdon// gnod sbyin gdon la sogs pa yis// rnam pa sna tshogs gdod zin pa// gdon rnams med par byed pa ste// lkugs pa rmi lam ngan pa dang // gang dag bkra ni mi shis pa// thams cad rab tu zhi bar byed// nags kyi lha mo rma bya'i mdongs// rdo rje nI ra ti'i sbrul
- 149b
pa ste// sku mdog ljang ser 'od zer 'bar// phyag na dri spos rma bya bsnams// dri spos kun gyi srung ma ste// nags kyi lha mor phyag 'tshal lo// gsad pa dur khrod mkha' 'gro ma// bsgrub par bya ba'i las dag ni// gang dag sangs rgyas bstan pa 'jig/ dkon mchog dbu 'phang smod par byed// rnal 'byor dbang phyug chen po rnams// dam chos 'khor lo rmad byung la// bar du gcod pa bsgral ba'i phyir// dur khrod gnas sam chu gling ngam// ma mo'i gnas sam lha chen gnas// lam gyi bzhi mdo gtsug lag khang // de la sogs pa'i gnas phyin nas// 'brub khung khru gang gru gsum ste// dur sol khrag bsres dmar nag bya// de yi kha la gtor ma gzhag/ 'og tu ling+ga bcas te gzhug/ gri lag g.yas pa'i mchog phu gdab// tshon skur btags te 'od zer spro// dus gnyen rnams la gtor ma btang // mtshan ma byung nas phyogs su 'phang // 'gro 'dug byed tshe gtor ma bzung // zas phud sngags kyis dang po dbul// gtor ma'i gong du phur pa gdab// bsnyen pa'i dus su snying pos gdab// bsgrub pa'i dus su bsad pas gdab// ling ro/ gtubs te gtor mar gtang // phyi ma brje zhing bsgyur ba bya// bdag nyid bsam par bya ba ni// shing gi lha mo 'od 'chang ma'i// sprul pa mkha' 'gro rgyas 'debs ma// sman gyi lha mo nor rgyun ma'i// sprul pa'i
- 150a
mkha' 'gro rmongs byed ma// rtse yi lha mo blo gros ma'i// sprul pa mkha' 'gro za byed ma// nags kyi lha mo rma bya'i mgrin// sprul pa'i mkha' 'gro tshe 'phel ma// gsang ba'i mkha' 'gro bzhi rtsi ni// las mkhan bdag nyid bsgom pa ni// sku mdog nag mo ral pa can// g.yas na gri gug bsnams pa la// g.yon na b+han+da 'dzin pa'o// sku stod dar ras khra bos brgyan// dpung pa gnyis kyang de bzhin no// lha mo sku mdog de bzhin du// bdag nyid kyang ni bsgom par bya// mon pa mon mo bud med dang // rab byung la sogs cho 'phrul mang // 'od dang dri la sogs pa 'ong // 'od long ltag nyan smra ba 'byung // mkha' 'gro g.yon bskor sngags kyi dgod// bdag nyid gos nag re ba gon// stod g.yogs dar ras khra bos brgyan// dmod gzug shags kyang gdab par bya// gtor bskul bcol ba drag tu nyams pa bshags na bu mo ni// bdun bsags zas byin me tog gtor// tshig mthol mgo la bshags pa bya// bdag gi mgo la 'jog tu gzhug/ mthun pa'i dngos grub stsol zhes brjod// smra bcad dkyil 'khor gzhan mi bstan// rtsa ba yan lag dam tshig ni// nyi shu rtsa brgyad tshul bzhin bsrung // bdud rtsi sman gyi mchod pa bya// oM na ni na ni ma hA kA li/ g+ha re g+ha re/ bu la mi dzi ma ra li/ sa da na sa da na//
- 150b
po d+hi ka d+hi/ ke ra ke ra ka pa d+ha/ bo d+hi che ge mo ke ra ma gaM b+ha/ pi bi du gi kha daM da pra/ bsnyen pa 'bram dang bye ba bzlas// rtag tu mchod par bya ba yin// d+ha ki ni d+ha d+h+yaM d+he d+hi d+hA/ rak+Shi ni raM ra ru raM ru ra/ la ki ni laM laM luM lo luM laM/ ka ki ni ki kuM ko kuM ka pa ka ni saM siM suM saM su swA hA/ ha ki ni haM hi hUM he hu haM/ gong ma'i rtsa sngags re re la/ sngags 'di re re gdags par bya// sri mo badz+ra no ti sta kI la ya ki la ya// sa ma ya b+he sa/ gtso mo sman gyi srung ma bzhi// sprul pa gsang ba'i yum yang bzhi// las mkhan mkha' 'gro rnam pa drug/ 'byung lnga dbang bsgyur tshe bdag mo// sngags brjod phur pa gtsugs pa yis// phur bu sku ni re rer gyur// krong krong 'byin zhing bzhugs par bsam mo// sa yi mkha' 'gros gzugs phung 'jig/ chu yi mkha' 'gro tshor ba 'joms// me yi mkha' 'gros 'du shes bsreg/ rlung gi mkha' 'gros 'du byed sdud// nam mkha'i mkha' 'gros srog rlung spor// tshe bdag mos ni gnas nas 'byin// nyams pa gang dag zhing du bsgral// skye ba med pa'i sa la gnas// maN+Dal brgyad pa'i dkyil 'khor du// bcu drug 'khor los mtha' bskor nas// sku gsung thugs ldan ka pA lar// sha rI ram dang nya rI ram// cu gang dang ni ga pur dang // thal kar rdo rje la sogs pa'o// yon tan rdzogs ldan ga pA lar// chang gi rnam pa mang po
- 151a
blug/ yid bzhin gter ldan ka pA lar// snying zho sha dang mkhal zho sha/ gla gor zho sha tsi tra ka/ ka ko la sogs sbyar ba'i sman// bkra shis mtshan ldan ka pa lar// rin chen sna tshogs bdar ba gzhag/ khams gsum yongs bsgral ka pA lar// pad+ma rak+ta sbyar ba'i sman// tsan+dan smug po li shi dang // skyu ru ra dang star bu dang // rgun 'bru la sogs sbyar ba'o// mi 'gyur sa mkhregs ka pA lar// 'o ma sna tshogs sbyar ba blug/ cho 'phrul rtags 'byin ka pA lar// bdud rtsi dri chu brag zhun dang // cong zhi dang ni gur gum dang // lce pog dkar po la sogs so// mtshan ma spros bral ka pA lar// sna tshogs chu rnams blug par bya// ye shes rnam lnga'i ka pA lar// dri chen dag dang sbyar ba'i sman// dzA ti pha la a ru ra// a ga ru dang du ru ka/ gla rtsi dag dang sbyar ba'i sman// dri chen dbus la byang sems shar// mAM sa lho la rak+ta/ nub// dri chu byang ste rtsa ba lnga// shar lho chang la lho nub tu// rin chen nub byang 'o ma yin// byang shar chu ni sna tshogs gzhag/ de bzhin dar gyi mthil yol gyis// dkyil 'khor phyogs bzhi 'khor bar bri// mda' bzhi dang ni dar sna bzhi// tshon skud sna lnga phur pa brgyad// maN+Dal de yi rgyan du dgong // rnal 'byor mched dang lcam dral la// dza gad phyag tu bzhag nas kyang // las dang bya ba bskos la gdab// rang re'i phrin
- 151b
las ci nus bya'o// snod rnams sems ma bcu drug bsgom// sgeg mo dang ni spos me ma// lcags kyu ma dang rdo rje sgrol// shar gyi rtsibs la yang dag gnas// phreng ba ma dang me tog ma// zhags pa ma dang rin chen spyan// lho yi rtsibs la yang dag gnas// pi wang ma dang mar me ma// lcags sgrog ma dang gsal bkra ma// nub gyi rtsibs la yang dag gnas// gar mkhan ma dang dri chab ma// dril 'khrol ma dang rdo rje'i 'bebs// byang gi rtsibs la yang dag gnas// bcud rnams sems dpa' bcu drug bsgom// der ni tsa ka li yang dgod// rdo rje sems dpa' rdo rje bsnams// rdo rje rgyal po lcags kyu 'dzin// rdo rje chags pa mda' gzhu 'gengs// rdo rje legs pa se gol sgrol// shar gyi rdo rje'i rigs su grags// rdo rje rin chen rin po che// rdo rje gzi brjid nyi ma bsnams// rdo rje rgyal mtshan rin chen tog/ rdo rje bzhad pa so phreng 'dren// lho yi rin chen rigs su grags// rdo rje chos ni pad+ma bsdams// rdo rje rnon po ral gri 'dzin// rdo rje 'khor lo 'khor lo nyid// rdo rje smra ba lce yang 'dzin// nub phyogs pad+ma rigs su grags// rdo rje las ni rgya gram bsnams// rdo rje srung ba go cha 'dzin// rdo rje gnod sbyin mche ba 'chang // rdo rje khu tshur khu tshur nyid// byang gi sems dpa' las kyi rigs// so so'i sku rnams gdod par bya// snod bcud dbyings su
- 152a
sangs rgyas yin// dbus na rnam par snang mdzad che// sangs rgyas spyan dang gnyis su med// shar na rdo rje mi bskyod pa// shar lhor dbyings phyug ma nyid de// lho na rin 'byung dkon mchog dpal// lho nub mA ma kI zhes bya// nub na snang ba mtha' yas la// nub byang na bza' dkar mo nyid// byang na don yod grub pa la// byang shar dam tshig sgrol ma nyid// dbus kyi ling tshe dgu po la// rigs lnga yab yum sku rnams dgod// chos sku dri ma med pa las// de bzhin nyid du rnam par gnas// longs sku ye shes sgyu ma las// kun tu snang ba'i ting nge 'dzin// sbrul sku sems can don mdzad phyir// rgyu las sangs rgyas sku yang bskyed// snod kyi 'jig rten 'byung ba lnga// yul lnga b+ha ga bde ba'i dbyings// ma bsgribs yongs su 'od gsal bas// gzhal yas khang pa gdan dang bcas// bdag 'dzin phung po lnga sogs pa// lha sku phyag rgya chen por bsgom// 'og min gnas nas spyan drangs nas// bzhugs su gsol nas phyag 'tshal te// phyi dang nang dang gsang ba dang // de kho na yi mchod pa dbul// bstod cing thugs dam bskul byas nas// snod kyi 'jig rten gzhal yas khang // bcud kyi 'gro ba lha yi sku// 'byung bzhi las skyes rtsi shing dang // nags tshal ma lus snang ba rnams// thams cad sman chen ra sA yan// dgun gyi dus na rtsa ba'i
- 152b
sman// dpyid ni lo ma 'dab mar skyes// dbyar ni me tog mdangs dang ldan// ston ni 'bras bu smin pa ste// snang ba'i dus na stong nyid pas// gnyis med chos kyi dbyings su thim// zhes gsungs so// bdud rtsi chen po 'khor lo 'bar ba'i rgyud las/ sman khrol bur bsgrub pa'i le'u ste bzhi pa'o// // de nas bcom ldan 'das kyis sman btag btsag phye ma sgrub pa 'di gsungs so// sbyor sgrol ma mo bcu drug gis// btag btsag sbal la sbyar te gzhug/ gang zhig sbyor bas sbyang ba ni// mar me gso dang tshangs pa'i thog/ rtsa dang srub shing thig le dang // gcig gnyis bzhi dang man ngag dgu// srin po ru tra k+Sha gnas la// me rlung drag pos bskyod byas na// lte ba'i AM yig bdud rtsi 'bab// mar me gso bar bya ba'o// me rlung rab tu g.yos pa yis// spyi bo'i haM yig bdud rtsi 'bebs// tshangs pa'i thog ces bya ba nyid// dbugs nyid phyir la ldang pa na// g.yas kyi ro ma nyi ma me// dbugs ni nang du 'jug la ni// g.yon gyi rkyang ma zla ba chu// rlung nyid khong du gnas pa na// dbus kyi kun 'dar ma nyid ni// pad+ma chu shing til mar dang // rgya skyegs sdong chen la gnas pa'i// phra zhing drang la gsal zhing dmar// rtsa yi rnal 'byor bsgom par bya'o// dbus ma kun 'dar srog shing la// ro rkyang srub thag bsrubs byas pas// lte lkog
- 153a
khrag gi thig le 'bar// srub shing 'khor lo zhes bya'o// snying gar nyi zla kha sbyor nas// lte ba'i dpa' bo 'ba' zhig la// gsang gnas bde ba'i thig le dang // mdzod sgra skra dkar sa bon bzhi// rlung dang bstun la nyams su blang // thig le'i rnal 'byor bsgom pa'o// bshang sgor rlung la sum mdor me// lte ba sprul pa'i dkyil 'khor du// phyi skor drug cu rtsa bzhi ste// nang skor 'dab ma brgyad pa la// sde tshan bco brgyad g.yas su bskor// lte ba phra ba'i a yig dmar// rlung gis me bus a las me// rab tu 'bar bar bsgom par bya// 'khor lo gcig la brten pa'o// lte ba dang ni snying ga gnyis// snying ga'i dkyil 'khor 'dab brgyad la// thur bstan sngon po hUM ni dbus// a haM shin tu cha phra bas// kun 'dar ma la zung du 'brel// byang sems dkar dmar rab tu 'dzag/ rlung yang rim gyis kha sbyar ba// 'khor lo gnyis la brten pa'o// lte ba sprul pa'i dkyil 'khor du// 'dab ma drug cu rtsa bzhi la// A li g.yon bskor kA li g.yas// ha dang Sha yig rnam par spang // nang bskor sde tshan brgyad kyang dmar// snying ga chos kyi dkyil 'khor du// 'dab brgyad yig 'bru gnag cing 'tsher// phyogs bzhi yab la mtshams bzhi yum// dbus na hUM yig gnas pa'o// mgrin pa longs spyod dkyil 'khor du// 'dab ma bcu drug lte ba
- 153b
aM// yi ge dmar po gyin du lta// spyi bo bde chen dkyil 'khor du// 'dab ma sum cu rtsa gnyis la// A li bcu drug g.yon du bskor// ka nas ta sogs bcu drug g.yas// haM yig zur bstan yi ge dmar// g.yas kyi ro ma'i nang song bas// yig 'bru ma lus rnam par bsreg/ haM zhu g.yon pa rkyang mar babs// rim pas gsal btab lte bar la 'babs// 'khor lo bzhi la brten nas bsgom// rkang mthil raM las long bu me// brla yi rtsa chen gsang gnas 'dzom// rno myur drag cing rtsub la tsha// thig le 'thab mo 'thab pa dang // 'khor lo nang du 'grim pa dang // me 'bar che ru 'bar ba dang // thams cad me ru 'bar ba nyid// man ngag gnad kyis zin par bya// lam sbyangs blta ba rkyang pa dang // drod ni byung rgyal dag tu btang // thun grangs tshad med yod par sbyar// yid kyi 'jug yul rab brtags la// khams kyi tshad kyang rab tu gzung // yum la sbyor ba byas nas ni// rang byung ye shes rnam pa bzhi// nyon mongs rnam par rtog pa dang // snrel zhi gsal zhing yang ba yis// gsang ba'i dbang bskur bya ba dang // sbyar ba'i byang sems sman du blag/ sgrol bas spang ba bya ba ni// ri rab rtse na lha gnas ni// yi ge a dkar longs spyod ldan// lha min su ni ser po ste// 'thab rtsod ri rab khong seng gnas// gling bzhi mi rnams gnas
- 154a
gyur pas// nr-i yig sngon por gnas pa'o// phyi yi rgya mtsho dud 'gro gnas// du ni dud khar gnas pa'o// grong khyer ser skyar yi dwags gnas// pri yig dmar po gnas pa nyid// rdo rje gdan gyi gdan 'og na// dmyal ba tri yig nag por gnas// raM yaM khaM las byung ba yis// bkres skom sdug bsngal raM gyis bsreg/ glen lkugs yaM gyis mtshan nyid med// tsha grang khaM gyis rnam par bkrus// 'bru lnga rigs lnga'i skur gyur nas// bsgral nas chos nyid ngang du sbar// phung po bdud rtsir rab sbyar bya// dkar mo dang ni rkun mo dang // rmongs mo dang ni thal byed ma// spos mo dang ni gtum byed dang // sme sha can dang ma tshogs dang // seng stag sbyang ki wa mo'i gdong // bzhad dang ka ka bya rog dang // 'ug gdong ma mo bcu drug sbrang // shar du lta ba yangs pas btul// lho ru bsgom pa gsal bas btsag/ nub tu spyod pa zhib pas sbal// byang du 'bras bu mthar phyin sbyar// pho mo thod pa kha sbyar nas// dar gyis bcings nas bzhugs su gsol// zhes gsungs so// bdud rtsi chen po 'khor lo 'bar ba'i rgyud las sman phye ma btag btsag gi le'u ste lnga pa'o// // de nas bcom ldan 'das kyi bdud rtsi gong bu gcig pa'i sman sbyar bar bya ba 'di dag yongs su gsungs so// sku dang gsung dang thugs dang ni// yon tan phrin las rnam
- 154b
pa lnga// stong gsum khro bo sku gdung 'bar// rta mgrin dbang dang mkha' mnyam klong // 'chi med rdo rje'i dkyil 'khor rnams// sku yi dkyil 'khor lhun gyis grub// chos nyid yongs su rgya chad med// de phyir lte ba zlum por gnas// tshogs brgyad yul las ma rmongs gcod// de rtag ka ba mchog brgyad ldan// nyon mongs g.yul gcod 'khor lo brgyad// yon tan zad med rin po che// ye shes bzhi ldan sgo bzhir shar// nyan thos rang rgyal byang chub sems// mu tig a sma gar+b+ha dang // rin po che yi gdan khri 'bar// rigs gsum rigs bzhi rigs lnga nyid// rtse gcig rtse lnga rtse dgu grag/ nyi zla dbang phyug pho mo dang // byol song gtso bo brgyad steng na// rnam par rgyal ba dbyug sngon can// gshin rje gshed dang mi g.yo mgon// rta mgrin 'dod pa'i rgyal po dang // bdud rtsi 'khyil pa rnam rgyal khams// stong gsum khro bo'i dkyil 'khor gyis// phyogs bcu'i bdud btul mtshams bcad pa// phye ma btags btsag khrol bu dang // gong bu gcig pa kun la khyab// shar na bud+d+ha he ru ka/ lho na rin chen khrag mthung nyid// nub na pad+ma khros pa'i sku// byang na las kyi khro rgyal che// dbus steng badz+ra he ru ka/ sku gdung 'bar ba'i dkyil 'khor rnams// 'byung lnga'i skal pa rnam sbyang zhing // dug lnga ye shes rnam lnga 'bar// sa yi rlung ni zad kar
- 155a
gnas// me ni gyen 'bar zur du chu// rlung ni gsegs la 'gro ba dang // nam mkha' rgyu ba med pas na// srog dang rtsol ba'i rang bzhin can// rlung lnga la ni yang dag gnas// mkha' mnyam klong gi dkyil 'khor ni/ khro mo gnam zhal dbu dgu ma// bco brgyad phyag dang yang dag ldan// zhabs kyang rnam pa brgyad du gnas// lha rnams bskyed dang sbyor ba dang // dbang bskur sbyin sreg la sogs pa// yum 'dir rab tu sgrub par byed// de phyir mkha' klong rnam par dag/ rta mgrin dbang gi dkyil 'khor du// rta mgrin gsang ba'i yum dang bcas// hUM chen stobs chen steng 'og gnas// bcom ldan rta yi rgyal po ni// mtshams kyi dus na nub na gnas// nyu le bzlog na bdag gi sku// nam mkha' bar snang gnas la bzhugs// 'gro 'dul sman gyi pho brang bzhugs// bzlas pa dgu yi phyag rgya nyid// phye ma gnam zhal b+ha ga na// dngos grub zla gam dkyil 'khor steng // dbang bskur las kyi slob dpon nyid// khrol bu rus sbal khog pa la// mdzad pa'i las yang de bzhin mdzad// 'chi med rdo rje'i dkyil 'khos du// che mchog ma mo dgongs pa ni// dbu dgu phyag kyang bco brgyad gnas// che mchog bdud rtsi sman la dgongs// phyag na phra men mkha' 'gro dang // shugs 'gro ma mo 'bar ma rnams// che mchog chos nyid dgongs pa ni// sangs
- 155b
rgyas bzhi bcu rtsa gnyis bsnams// dbu ni nyi shu rtsa gcig la// sangs rgyas bdun gsum nyi shu gcig/ phyag kyang bzhi bcu rtsa gnyis so// zhabs brgyad rab tu rnam par bzhugs// ljags las sa nu he ru ka/ dkyil 'khor bdun brtsegs rnam par gsal// sbyor ba brgyad ni 'ju 'dul gyis// lus dang ngag dang yid dang gsum// sku gsung thugs su rnam par sbyang // 'byung ba lnga yi thugs rje las// maN+Dal brgyad pa'i gzhung bzhin du// dpal dang ldan pa'i snod bzhag ste// stong las sbyar ba ye nas dag/ nyi zla gsal ba'i dkyil 'khor du// 'bru dgu ye shes 'phro 'du las// stong khams khyab pa'i don byas nas// dus gsum rgyal ba mchod pa'i phyir// mu tig dkar po dri med ltar// sgrub pa pos ni nan tan bya'o// bdag nyid che mchog skur gnas pas// tsit+ta 'bar ba'i gzhal yas khang // ye shes sems dpa' tshon gang ba// thugs kar rin chen zur brgyad las// yig 'bru thugs mtshan 'od du 'phros// 'gro ba 'dul ba'i thugs kar thim// thugs nyid 'gro ba'i don la bskul// zhe sdang rgyu 'bras rtsad nas bcad// slar 'dus bdud rtsi sman la thim// mu tig dkar po dri med ltar// sgrub pa pos kyang nan tan bya'o// bdag nyid che mchog skur 'gyur te// ljags kyi pad+ma'i gdan steng du// pad+ma sems dpa' tshon gang ba// pad+ma'i
- 156a
yig 'bru gsung la thim// khro bo gsung gi dbyig tu gyur// gsung nyid 'gro ba'i don la bskul// 'dod chags sgra 'bras rtsad na bcad// slar nyid bdud rtsi sman la thim// sman nyid bdud rtsi 'od du zhu// pad+ma rak+ta dri med ltar// sgrub pa pos ni nan tan bya// bdag nyid che mchog he ru ka/ dung khang zla ba'i gdan steng du// bde gshegs sems dpa'i tshon gang la// 'khor lo'i yig 'bru sku la thim// sku nyid 'gro ba'i don la bskul// gti mug rgyu 'bras rtsad nas bcad// slar 'dus bdud rtsi sman la thim// sman nyid byang chub sems su zhu// btso ma zhi gar brub pa ltar// sgrub pa pos ni nan tan bya'o// oM AHhUM badz+ra a mr-i ta hUM hrIHtha/ 'gro 'dul sku dang sku gdung zhabs su sbyor// sku gdung dbu dang mkha' mnyam zhabs su sbyor// badz+ra he ru'i dbu dang b+ha gar sbyor// mkha' mnyam dbu dang tshe mchog zhabs su sbyar// mkha' mnyam dbus zhal che mchog gsang bar sbyor// che mchog phyag dang phyag mtshan zhe gnyis sbyor// sa nu ye shes thabs dang shes rab sbyor// rta mgrin gsang ba'i yum bzhi gnyis med sbyor// sbyor mtshams brgyad na bdud rtsi'i pho brang brgyad// sbyor ba brgyad brtsegs nges pa de la rdzogs// oM AHhUM badz+ra a mr-i ta hUM hrIHtha/ rang byung rtsa ba che mchog gsal ba yi// thugs kar nyi dkyil rdo rje 'bru dgu bskor// 'phro 'du rang
- 156b
bzhin med la bzlas brjod rlung // gu h+ya phyag rgyas par chad dbang mi gtang // oM AHhUM badz+ra a mr-i ta hUM hrIHtha/ bzlas bskul gsung yig bdud rtsi mkha' las bab// mkha' nas shangs bra gsang ba'i gsung dang 'dres// gsung nyid byang sems dkar dmar gnyis su 'phros// rta mgrin sbyor mtshams thams cad dbang du sdud// oM AHhUM badz+ra a mr-i ta hUM hrIHtha// mtheb srin rta mgrin yab yum sbyor mtshams nas// 'od 'phros pho brang rta mgrin yab yum gyi// thugs kar phog pas skal tshigs rta brgyud de// byang sems dkar dmar bdud rtsi nyid du gyur// oM AHhUM badz+ra a mr-i ta hUM hrIHtha// de las 'od 'phros rta mgrin thugs kar thim// thugs kyi dbyings su byang sems dkar dmar 'khyil// oM AHhUM badz+ra a mr-i ta hUM hrIHtha// de las 'od zer kha dog lnga ru 'phros// sku gdung 'bar ba'i thugs kyi dbyig tu 'khyil// oM AHhUM badz+ra a mr-i ta hUM hrIHtha// de nas 'od 'dus me long has btab tshul// badz+ra he ru'i thugs kyi dbyig tu 'khyil// oM AHhUM badz+ra a mr-i ta hUM hrIHza// de nas 'od dkar srog zag lam mas 'phros// dbu yi gtsug tu mkha' mnyam b+ha gar 'khyil// oM AHhUM badz+ra a mr-i ta hUM hrIHtha// de nas 'od zer gyen du thugs nas ljags// gsang ba'i lam zhugs thugs kar 'od dmar 'khyil// oM AHhUM badz+ra a mr-i ta hUM hrIHtha// de nas phyag brgyud
- 157a
@phyag mtshan thugs nas 'phros// gtsug gi rta mgrin yab yum thugs kar 'khyil// oM AHhUM badz+ra a mr-i ta hUM hrIHtha// de nas mar spros pho brang steng du bab// rta mgrin skal brgyud yum mkhar bdud rtsi 'khyil// oM AHhUM badz+ra a mr-i ta hUM hrIHtha// de 'od gzungs thag rdo rje lu gu rgyud// khong seng nas brgyud rnal 'byor thugs bdun rgyas// oM AHhUM badz+ra a mr-i ta hUM hrIHtha// rang byung brgyud nas gzungs thag brgyud yig 'phros// rta mgrin yab yum sbyor ba'i mkha' la 'khyil// oM AHhUM badz+ra a mr-i ta hUM hrIHtha// de las 'od 'phros sa nu'i mkha' gsang thim// sa nu yab yum sbyor mtshams mkha' la 'khyil// oM AHhUM badz+ra a mr-i ta hUM hrIHtha// de las 'od 'phros thugs las phyag mtshan 'phros// phyag dang phyag mtshan sbyor byas slar la 'khyil// oM AHhUM badz+ra a mr-i ta hUM hrIHtha// de nas mar babs zhabs brgyad dag nas brgyud// dbu zhabs sbyor byas byang chub sems su 'khyil// oM AHhUM badz+ra a mr-i ta hUM hrIHtha// zhabs brgyad byang sems gsang lam zhugs nas ni// gsang ba zhabs kyi sbyor byas ljags la 'khyil// oM AHhUM badz+ra a mr-i ta hUM hrIHtha// de nas mar babs pad+ma'i b+ha gar 'dus// smin mtshams b+ha gar sbyor byas dbu la 'khyil// oM AHhUM badz+ra a mr-i ta hUM hrIHtha// de nas mkha' mnyam zhabs brgyud sku gdung dbu// dbu dang
- 157b
zhabs kyi spyod byas dbu la 'khyil// oM AHhUM badz+ra a mr-i ta hUM hrIHtha// sku gdung so so'i sgal brgyud zhabs la bab// ta kr-ita dbu dang sbyor byas thugs kar 'khyil// oM AHhUM badz+ra a mr-i ta hUM hrIHtha// khro bcu'i 'od 'dus rta mgrin gsang bar zhugs// yum gyi mkhar 'phros pho brang bdud rtsir 'khyil// oM AHhUM badz+ra a mr-i ta hUM hrIHtha// de nas bdag nyid rang byung lha las 'phros// sbyor ba brgyad kyis sgrib dag chos skur gsal// oM AHhUM badz+ra a mr-i ta hUM hrIHtha// bdag nyid bdun brtsegs gsal ba'i che mchog gi/ thugs kar 'bru gsum brtsegs par dgu pas bskor// lce steng du yang de bzhin gsal ba ni// lhums su zhugs pa zhes ni de la bya// bzlas pas bskul te ljags steng yig 'bru rnams// mgur lam byung nas thugs ka'i 'bru la thim// bzlas pas bskul te yi ge phreng ba nyid// gzungs thag bskyon pa lhums nas bltams pa'i tshul// rtsa ba'i bdun brtsegs che mchog spyi gtsug gi// rta mgrin zugs phog dgu pas bskor ba las// sbyor mtshams mkha' la 'bru gsal byang sems bstim// brgya byin gyis blangs sku khrus gsol ba'i tshul// rta mgrin nyid kyi thugs las yig 'bru 'phros// che mchog thugs kar rdo rje dgu pas bskor// de nas rim rgyud rnam rgyal rigs lnga ste// bdun thugs yid gsal gom bdun bor ba'i tshul// rigs
- 158a
lnga'i thugs nas dgu pa phyogs bcur 'phros// 'khor 'das kun tu til gong bzhin du khyab// bzlas pas bskul te 'phags mchod 'gro don byas// 'khor 'das yig 'brur gyur pa rol rtsed tshul// yig 'bru slar 'dus thugs kar thim gyur te// sgal tshig rta brgyud gsang ba'i lam nas byung // rang byung sbyor mtshams byang sems yig 'bru gnyis// bdud rtsi byang sems zhu ba khab bzhes tshul// de nas gyen du skal tshigs rta brgyud de// thugs kar thim nas yig 'bru 'od du zhu// gzungs zag nas brgyud rta mgrin thugs kar zhu// rim par che mchog dgyes bstar longs spyod tshul// de nas sku gsum yab yum mkha' la 'phros// char gyi rgyun bzhin babs pa rab byung tshul// snod kyi 'jig rten yum gyi mkha' nang du// dug rnams bdud rtsi gyur pas dka' thub tshul// de nas slar 'dus phyogs bcu'i khro bo sa// bdun brtsegs 'khor bcas bdun brtsegs ngang du zhu// 'phro 'dus rang byung rtsa ba gnyi ga la// mgal me lta bur bskor ba chos 'khor tshul// snod bcud bdud rtsir gyur pas skye shi med// dug lnga bdud rtsi gyur pas bdud btul tshul// de ltar bdag gzhan don rdzogs bzhi mthar phyin// spang blang zhen rtog med pas sangs rgyas tshul// sku gsung thugs dang yon tan phrin las lnga// sku lnga ye shes sku gdung bgos
- 158b
pa'i tshul// oM AHhUM badz+ra a mr-i ta hUM hrIHtha// bdud rtsi byang chub sems ni gnyis med chos kyi sku yi tshul// byin rlabs bde gshegs longs spyod rdzogs pa'i sku// sbrul sku'i mdzad pa bcu gnyis mthar phyin nas// slar 'dus bdud rtsi bum pa'i lung la thim// gnyis med bde chen byang chub sems su 'khyil// dus gsum bde gshegs gnyis med byang chub sems// bdag nyid rang bzhin dkyil 'khor mkha' la thim// thabs dang shes rab byang chub sems su 'phros// thig le byang chub sems kyi ngang du 'khyil// mdzad pa bcu gnyis thig le 'gro don mdzad// thugs ni bdud rtsi chen po'i ngang du zhu// byang chub sems ni rdo rje sems dpa'i sku// me long lta bu'i ye shes dkar la 'khyil// dri chen bdud rtsi gser mdog rnam snang mdzad// chos kyi dbyings su mngon par sangs rgyas nas// sha chen in+d+ra nI la rin chen 'byung // mnyam pa nyid kyi ye shes chen por gsal// pad+ma rak+ta snang ba mtha' yas nyid// so sor kun tu rtog pa'i ye shes shar// dri chu don yod grub pa ljang gu'i mdog/ bya ba grub pa'i ye shes chen po gsal// bdud rtsi ye shes chen por rang shar bas// snod bcud thams cad dbyings su ye shes shar// de las ma gtogs snod bcud gud nas med// rtogs pa'i klong na sangs rgyas dgongs pa gsal// so
- 159a
so'i mkha' la bdud rtsi dbab par bya// rus sbal 'gros kyis dbab par bya ba yang // rtsa yi dkyil 'khor nang du dbab par bya// lus khams bdud rtsi chen po'i bcud gnas pa// sngags kyi yi ges byin gyis rab brlabs nas// snying po rlung gis bskul la dbab par bya// oM AHhUM sarba pany+tsa a mr-i ta me pra be sha ya pheM pheM pheM/ dkyil 'khor rnams su bdud rtsi bskyil ba yang // rtsa nas dkyil 'khor bzhi yi rdzing chen du// srog shing gsum gyis bcud la bor byas nas// lus khams bdud rtsi chen po gnas su bsgyel// gsang ba'i sngags kyi byin gyis rab brlabs nas// snying po rlung gi gnas su bskyil bar bya// srog gi rlung gis nang du rab bsgril te// rtsol ba'i rlung gis phyi nas nang du bsdus// sa yi rlung gis mig g.yo brtan par 'dzin// chu ni zhi gnas bdud rtsi rdzing du 'khyil// me yi rlung ni lhag mthong gnas su 'dzin// rlung gi rlung ni rdo rje rgya gram brtan// yon tan bdud rtsi grub pa'i rtags shar ba// byang chub sems kyi 'od ni rdo rje'i rtags// dri chen dri ni rnam par snang mdzad la// mAM sa 'phel ba rin chen 'byung ldan gtso// rak+ta'i sgra ni snang ba mtha' yas nyid// dri chu'i du ba don yod grub pa'i rtags// dam rdzas lnga 'dus lha mo'i gzugs kyang stan// 'od ni rnam pa gnyis las grub pa'i sku// nyi zla skar ma 'ja' tshon
- 159b
dang // 'phro 'du me stag yud tsam zer// snang ba tsha tsha mar me'i 'od// bar chod 'od ni rnam pa gsum du snang // smug nag ma mo skya 'od rgyal po dang // ljang dmar klu gnyen sa bdag 'byung po kun// 'od kyi dngos grub bstim nas len thob pa// 'bras bu lhun gyis grub pa'i rig 'dzin thob// bar chad nyams gyi phyag rgyas rang don sad// byung na bsrung zhing bzlog par bya'o// dri ni zhim gyur dngos grub rdzas la bsdu// tshe la dbang ba'i rig 'dzin 'grub par 'gyur// bse dri brag srin dri tre tri ti yang bar du gcod// sad pa bzhi yi bar chad bsrung bar bya// mang du 'phel ba dngos grub tha ma nyid// nan tan byas na tshe yi/ dngos grub 'grub// grub pa'i sgra dang bar chad grub sgra gnyis// go dang mi go go ba'i sgra dgu 'byung // sangs rgyas chos dang dge 'dun dang // mngon shes byang sems bdud bzhi 'pham// pha rol phrin las phyir mi ldog/ dngos grub blangs shes bstim par bya// mi go 'byung ba rnga sgra sogs// gang yang dngos grub blang ba ni// phyag rgya chen po'i rig 'dzin 'grub// du ba'i rtags ni rnam pa bdun// rdo rje 'khor lo rin chen dbyibs// pad+ma ral gri lcags kyu dang // mchod rten dbyibs 'byung hUM gis rngub// phyag rgya chen po rig 'dzin 'grub// lha mo lha dang bar chad gzugs// bar chad gzugs mdzes dri mi zhim// lha mo mchod rten
- 160a
lta bu dang // lha mo dngos dang rig 'dzin 'grub// bdud rtsi chen po'i phrin las brtsam pa yang // bar chad bsrung dang ma grub spogs pa dang // dngos grub blang dang dbang rnams bskur ba dang // yon tan 'bras bu las mthar phyin par byed// bar chad bdud rnams rab tu bsal ba yang // dang po lam la 'jug pa rnams// 'jig rten mi chos par gcod bsrung // lam la zhugs par gyur pa rnams// phyi rol bdud kyi bar chad bsrung // lam drug cung zad brtan gyur na// bdud stobs 'phel ba'i bar gcod bsrung // sems brtan lam du gyur pa na// ting nge 'dzin gyi bar gcod bsrung // sad pa bzhi yis bsrung bar bya'o// nyams kyi sad dang ting 'dzin sad// sngags dang lha grub sad pa yis// bar gcod bsrung bar bya'o// rdzas kyis spo tha dang ting 'dzin sngags// rtsal shugs phyung nas 'bad par bya// thun mong dngos grub grub chen brgyad// mchog gis sku gsum sa la 'gro// slob ma'i tshogs rnams ma lus la// nus pa'i dbang lnga bskur ba yang // bum pa rdo dril cod pan ming // bdud rtsi bum pa spyir bzhag bskur// zab mo'i dbang gsum bskur ba yang // bdud rtsi'i rdzas ni lce la bstim// gsang dbang shes rab ye shes dang // bde ba chen po'i man ngag sbyin// tshe 'dir nad med 'byor pa 'phel// mkha'
- 160b
'gro mchod pa'i mthu las byung // phyi mar ting 'dzin sa thob pa// drang srong mnyes pa'i mthu las byung // mthar thug sangs rgyas 'bras thob pa// sku dang gsung dang thugs dang gsum// mi zad rgyan gyi 'khor lo 'grub// sangs rgyas mchod pa'i mthu las byung // bdud rtsi chen po'i phrin las mchog/ nyan thos rang rgyal byang sems kyis// 'bum gyi char yang mi nye bas// shin tu brtson pas 'bad par bya'o// bdud rtsi chen po'i 'khor lo 'bar ba'i rgyud las/ bdud rtsi gong bu gcig pa'i le'u ste drug pa'o// // de nas rdo rje snying po la sogs 'khor rnams kyis bcom ldan 'das la bskor ba byas nas brjod pa/ bcom ldan 'das ni kun mkhyen mdzod// chos sku dri med snying po las// gzugs sku gnyis su snang bar mdzod// sa bcu'i byang chub sems dpa' rnams// longs spyod rdzogs pa'i skur snang ba// shes bya'i dri ma dag par mdzad// 'gro drug sems can thams cad la// sbrul sku'i mdzad pa mthar phyin pas// las dang nyon mongs sgrib pa sbyong // 'bras bu sangs rgyas sa la 'dren// sku gsum don ldan che ba'i lha// ston pa khyod la phyag 'tshal 'dud// bdud rtsi chen po'i bsgrub pa'i rgyu// snod kyi 'jig rten zhing khams su// bcud kyi sems can 'khor ba rnams// shing rta'i 'khor lo lta bur 'khor// snod las byung ba skyobs pa'i
- 161a
sman// bcud las byung ba rtsa ba'i sman// bdud rtsi chen po rab 'bar bas// 'khor lo 'bar ba'i rgyud chen 'di// bdag cag rnams kyis nges bzung nas// lha mis 'dzin par bsgrub par bya// zhes rjes su yi rang ngo // bdud rtsi chen po 'khor lo 'bar ba'i rgyud las yongs su gtad cing bzung nas rjes su yi rang bar bstan par bstan pa'i le'u ste bdun pa'o// // bdud rtsi chen po 'khor lo 'bar ba'i rgyud rdzogs so// // rgya gar gyi mkhan po bi ma la mi tra dang bod kyi lo ts+tsha ba gnyag dz+nyA na ku mA ras bskur ba'o// // @#// rgya gar skad du// sarba pany+tsa a mr-i ta b+hA ba rat+na mA la tan+t+ra nA ma/ bod skad du/ thams cad bdud rtsi lnga'i rang bzhin// rin po che phreng ba'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po bdud rtsi bde ba chen po nyid/ gnas mchog yum gyi b+ha ga chos kyi dbyings chen po na/ nyan thos rang rgyal theg dman ming yang med pa'i nang na/ rang byung bdud rtsi chen po'i lus kyi khams rnam par dag pa rnams dang / thabs cig tu bzhugs so// de nas rnal 'byor gyi dbang phyug chen pos 'di skad ces gsol to// sems can ma lus thams can la// lus khams bdud
- 161b
rtsis kun khyab kyang // rang gi rnam rtog sgrib byas pas// rang byung bdud rtsi'i don ma rtogs// de nyid rdo rje 'chang gral du// phyag rgya chen po'i mchog gi ni// dngos grub dam pa thob bya'i phyir// phun sum tshogs pa rnam lnga yis// dkyil 'khor chen po rnam gsum du// bsnyen bsgrub rnam pa bzhi dag gis// phrin las drug po mthar phyin nas// dngos grub gnyis su 'dus pa yis// lta ba thig ler la bzla ba'i// rang byung bdud rtsi bshad du gsol// zhes zhus so// de nas bcom ldan 'das 'khor 'das kyi chos rje btsan dam pas srid pa gsum gyi sems can rnams las kyi dbang gis grol bar byed pa/ lus kyi khams bdud rtsir sgrub pa'i thabs dam pa 'di gsungs so// lta ba dang ni spyod pa dang // sgrub pa'i lung la rab brtson pas// ston pa yum dang 'khor du bcas// gnas dang yo byad dus tshigs dang // phyi nang gsang ba'i dkyil 'khor du// bsnyen pa nye bsnyen bsgrub dang bsgrub// lta ba dang ni spyod pa dang // dam tshig bsgrub dang nges par bsgrub// phrin las bsgrub bya de dag don// phrin las dngos grub blta ba rnams// mu tig rin chen phreng ba ltar// las kyi rgyud 'di bshad kyi nyon// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ gleng gzhi dang gleng bslang ba'i le'u ste dang
- 162a
po'o// // de nas bcom ldan 'das kyis chos thams cad bsgrub par bya ba phun sum tshogs pa lnga gsungs so// ston pa chos kyi mnga' bdag rdzogs// mang zhing rgya che 'brel pa'i rgyud// gzung bar bde ba bsgrub pa'i lung // gnad du ston cing la bzla 'ang // de phyir phyi nang rgyud la mkhas// mnyam nyid don la blo gzhol bas// re dogs med la lha srung nye// bgegs thub bar chad mi 'gyur bas// phrin las mthar phyin kun gyis bkur// ya ga phra mas mi tshugs pa// bka' yi bla ma ston pas ni// nges shes skyed pa rgyud 'di yin// brgyud pa kun bzang las byung ba// lus ngag yid la byin gyis brlabs// dngos dang las 'phro skal ldan rnams// gang dang gang mdzad rtogs pa skye// ston pa 'di ni dang po bzung // sa yi yum ni dung can ma// rig pa sra ba byed pa nyid// skad gdangs che la rus pa rags// lus ni yas su bag tsam 'khyil// chu ni ri dwags can zhes bya// gsher bar byed pa chu yin pas// lus smad sbom la stod phra bas// ri dwags chos dang ldan par brtag/ me ni pad+ma can yin de// mdog gsal 'gro ba me yi las// yan lag phra 'jam bung ba 'du// pad+ma lta bur rab gnas pa'o// rlung ni ban glang can du bshad// g.yo bas thig le myur du 'bebs// yan lag thung la sha lus gel// bung ba'i
- 162b
tshogs ni sdang ba'o// pad+ma b+ha ga gcig la yang // 'byung ba bzhi po tshang 'gyur yang // las bzhi rlung dang sbyar ba'i yum// yab dang mthun par phyogs dbus gnas// bdud rtsi bsgrub pa'i snod bstan pa// bka' brgyud dang ba'i dad pas nyan// brtson 'grus yid ches dad pas bsgrub// sman rdzas 'dod pa'i dad pas tshol// skyon bral yon tan phun sum tshogs// mi phyed dgu ldan skyon drug spangs// rgyal thebs dang ni las mkhan dag/ ging dang mchod bsham la sogs pa// 'bru bsdams rab tu btsal bar bya// de min par gcod 'byung ba'i rgyu// gnas dang yul ni 'di lta ste// shar ri drang srong sgom chen bzhugs// lho na/ dpal mo sbyor ba byed// nub na rtsi dang sman rnams skyes// byang na shing nags lha mo gnas// de dbus nyams dga' gnas kyi mchog/ brag phug ri bo nags kyi khrod// bsgrub pa'i gnas kyang de ltar bya// yang na shin tu nyams dga' ba// bar chad med pa mchog tu btsal// de nas yo byad btsal ba yang // sgrub rdzas bzang po b+han+da ru// phyi nang sman rnams btsal bar bya// zhing mchog gtsang ma skyes bdun ro// rnyed nas sgrub rdzas bya ba'o// sgrub pa'i rol mo mchod pa dang // phyi nang gsang ba de kho na// sha dang chang 'bru gos rgyan rnams// 'dab tu bsog la cha gsum bgo/ sman dang phur pa gu gul dang // go mtshon lha min thub
- 163a
ltar bsrel// tshes grangs rgyal dang bkra shis dag/ yar ngo'i brgyad la 'jug par bya'o// dkyil 'khor chen po gang 'bri yang // snga dro'i dus na shis pa bri// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ bsgrub pa'i gzhi phun sum tshogs pa rnam pa lnga bstan pa ste le'u gnyis pa'o// // de nas bcom ldan 'das kyi dkyil 'khor chen po rnam pa gsum po 'di gsungs/ rtsa ba sman gyi dkyil 'khor ni// sdong po dang ni shun pa dang // yal ga dang ni lo ma dang // snying po dang ni 'bras bu dang // 'dab ma dang ni me tog rnams// phyi yi rtsa ba rnam pa brgyad// nyan thos rang rgyal byang sems gsum// 'dul ba mdo sde mngon par gnas// kri ya u pa yo ga ni// rigs gsum rigs bzhi rigs lngar gnas// rnal 'byor chen po nang pa ni// zhi khro lha brgya'i sgrub byed can// rjes su rnal 'byor lung gi chos// bdud rtsi nang gi rtsa ba brgyad// dri chen byang sems mAM sa dang // rak+ta dri chu rnam pa lnga// mngon pa phyi yi rtsa ba bzhi// sbas pa nang gi rtsa ba bzhi// brgyad tshan lnga yi rang bzhin can// gsang ba'i rtsa ba rnam pa brgyad// kun gzhi dkar nag bag chags las// bsags pas 'khor ba mya ngan 'das// nyon mongs yid ni rnam pa lnga// gti mug mun pa sel bar byed// zhe sdang me yang
- 163b
rab bsad nas// nga rgyal ri bo bsnyil byas te// 'dod chags chu bo rgyun bcad pas// phrag dog rlung yang rab zhi bas// yid kyi rnam par shes pa yis// phyi nang yongs la khyab par byas// sgo lnga dbang pos phyi nang sbyar// de nyid kho na'i rtsa ba brgyad// phyi yi sman gyi dkyil 'khor che// bdag nyid rang byung dkyil 'khor ni// dri chen gser mdog rnam snang mdzad// dzam bu na da'i gser 'od 'dra// byang sems mi bskyod rdo rje sems// puN+Da rI ka lta bur dkar// mAM sa rin chen 'byung ldan gtso// in+d+ra nI la'i mdog dang mtshungs// rak+ta snang ba mtha' yas gtso// pad+ma rA ga lta bur dmar// dri chu rta mchog don yod grub// rin chen mar gad lta bur ldang // glang po sha yi dam tshig gis// sangs rgyas spyan du yang dag gnas// mi yi sha ni dbyings phyug ma// rta sha mA ma kI zhes bya// de bzhin pa glang gos dkar ma// bya khyi'i sha ni sgron mar bshad// rigs lnga yab yum 'di rnams kyang // sems can lus khams bdud rtsir gnas// de phyir nang gi dkyil 'khor che// ye shes dkyil 'khor rab bshad bya// shar phyogs mngon par dga' ba na// mi bskyod rdo rje dbyings phyug ma// lho phyogs dpal dang ldan pa na// dkon mchog dpal dang mA ma kI// nub phyogs bde ba chen po na// tshe dpag med dang gos dkar mo// byang phyogs rnam dag bkod pa na// rta
- 164a
mchog dam tshig sgrol ma gnas// dbus phyogs byang chub snying po na// rnam par snang mdzad sangs rgyas spyan// chos nyid rtsa dang ye shes rtsa// yon tan rang rgyud las dang bcas// dbus dang dngas ma sa chu me// rlung dang nam mkha' gnas pa yis// snying ga chos kyi dkyil 'khor che// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ phyi nang snod bcud ma lus pa'i chos thams cad bdud rtsi chen po'i da la gsum du bstan pa'i le'u ste gsum pa'o// // de nas yang bcom ldan 'das kyis bsgrub par bya ba'i thabs kyi rim pa 'di gsungs so// lta ba spyod pa dam tshig dang // sgrub dang nges par sgrub pa dang // phrin las bsgrub par bya ba dang // bdud rtsi dam pa'i 'dir 'dus so// rnal 'byor lta ba lta 'dod na// ma skyes pa yi rang nyid las// ma 'gag pa yi rang bzhin shar// gnyis su med pa'i bdag nyid yin// sna tshogs rtog pa cir snang yang // thig le byang chub sems su shar// nges pa don gyi kun gzhi las// ye shes sgyu ma'i sangs rgyas snang // sbyor ba don gyi kun gzhi las// log rtog sgyu ma'i sems can snang // sna tshogs sogs pa'i kun gzhi las// 'khor ba dang ni mya ngan 'das// sku dang lus dang gsung dang ngag/ ye shes bag chags gnyis snang rnams// byang chub sems
- 164b
ni kun gzhi nyid// de nyid chos kyi skur gnas pas// 'khor 'das sangs rgyas chos nyid dang // byang chub sems ni phyag rgya che// snang ba sku dang grag pa gsung // dran rtog thugs kyi phyag rgyar 'bar// byang sems phyag rgya chen po ni// btsal ba med pa'i ngang du gnas// snang srid ma lus chos kyi sku// bde chen b+ha ga'i klong nas byung // rang rig byang chub sems la gnas// gang bltas byang chub sems nyid la// gol sa ltung sa med pa'i ngang // 'khor bar snang ba byang chub sems// de yang ma rig mun pas bsgribs// de bsal mya ngan 'das pa nyid// rtsol ba med pa'i rang bzhin la// 'khor 'das gnyis med byang chub sems// ma skyes pa las ma 'gags shar// gnyis su med pa'i rang bzhin bstan// blta ba nyid med chos kyi don// blo dang dngos po 'dres pa'i phyir// snod bcud thig le chen por gnas// gdod nas rnam par dag pa ni// blta ba bdag nyid chen po yin// ma rtog pa la bdud yin yang // rtog pa'i ye shes rtsi sbyar bas// lus ngag sems kyis ci spyad cing // ci bsgrub bsgom pa ma lus kun// thams cad bdud rtsi sman chen nyid// de las ma gtogs gzhan du ni// bdud rtsi btsal yang mi rnyed phyir// dngos grub bdag nyid chen po yin// snang ba yul ni bdud rtsi'i snod// srid pa bcud ni sman gyi rdzas// dbang sgyur lha yi bdag nyid
- 165a
shes// byin rlabs ngo mtshar bsam mi khyab// yon tan bdag nyid chen po yin// spros dang bral ba chos kyi sku// thig le chen pos kun la khyab// lus pa med par ye nas khyab// khyab dang ma khyab med pa'i dbyings// 'dres pa med par kun gnas pas// khams gsum ma lus chos kyi sku// bde chen nyid las gzhan ma yin// rang bzhin bdag nyid chen po yin// srid pa gsum dang khams gsum dang // 'gro ba sems can ma lus pa// bdud rtsi chen por ye gnas la// rang gis rang la mchod byas nas// rang nyid dngos grub blangs te bza'// 'gro don bdag nyid chen po yin// zhes gsungs so// thams cad bdud rtsi chen po lnga'i rang bzhin rin po che phreng ba'i rgyud las/ bdud rtsi chen po 'khor 'das blta bar bstan pa'i le'u ste bzhi pa'o// // de nas bcom ldan 'das kyis spyod pa 'di dag gsungs so// sbyor ba'i spyod pas bde ba 'bar// sgrol ba'i spyod pas log lta dag/ sbyor sgrol bdud rtsi chen po yis// pho mo mngon par sangs rgyas lam// de nas sgrub pa'i grogs mo mchog/ gzungs ma ma sring skyed cing gdung // 'dod chags byang chub chen por 'bar// khyed la nga yis rab bshad bya// skye bas dag pa'i rig ma ni// pad+ma chos dang rab ldan ma// mdog gsal yid 'ong yan lag rgyas// yon tan
- 165b
tshogs dang rab tu ldan// ri dwags can gyi yum bshad na// ro stod nu ma mkhrang ba dang // ro smad sha ni rgyas pa de// sked pa phra zhing 'gros yang dal// de yi lta stangs bstan pa yang // skyes pa mthong na mig mi 'dzum// dbugs dang dri yang gla rtsi bro// ri dwags gla ba 'dra bar bshad// glang po can zhes bya ba'i yum// lus sha che la yan lag zung // stobs che mig chung sna bshal ring // rdul dbyung tshe na dri yang zhim// khog shed che la mdzangs pa ste// khyad par bung ba'i tshogs rnams ldang // dung can ma yi gzungs ma ni// rus pa rags la sha 'jam dkar// lus kyi stobs ni che la myur// lte bar ri mo byung ba ni// dung chen g.yas su 'khyil pa 'dra// skad kyi gdangs yang che zhing ring // dung gi chos dang rab ldan pas// ri mo can zhes ming du grags// ri mo can gyi rig ma ni// mdog ni dmar la sha yang chung // de yi lte ba'i steng na yar// ri mo 'greng bu gsum yod pa// smin mtshams mdzod spu'i bu ga na// ri mo 'greng bu gcig kyang yod// mgo yi mur gong mtha' gnyis na// dar thod lta bu'i ri mo yod// tshogs rnams thams cad ring ba dang // de ni khyad par dag tu bsngags// sna tshogs can gyi sbyor yum ni// bzhi ka'i yon tan ldan pa'am// gsum mam gnyis kyi yon tan ldan// sbyangs pas dag pa'i bu mo ni// thos bsam dang ni
- 166a
bslab pa yis// rgyud yang yongs su dag par bya// dbang gis dag par bya ba yang // phyi nang dbang yang bskur bar bya// rnal 'byor rang bzhin dag par bya// phyi dang nang gi khrus byas nas// gser dngul rgyan dang rab ldan pa// spyi gtsug 'khor lo rna rgyan dang // mgul pa phyag zhabs gdugs 'khor dang // gos dang dar gyis legs par brgyan// nub kyi dkyil 'khor zla gam la// slob dpon ji bzhin stan bder gnas// g.yon gyi phyogs su rab gnas bya// yid 'ong 'dzum pa'i mdangs kyis blta// yab yum lus ngag mnyam pa ni// yi dam lha yi phyag rgyar bsgom// gsang ba'i sngags kyang bzlas par bya// bdag gi sems dang lha yi thugs// sgom par yab dang yum dag gis// tha dad med par rab gyur nas// lus dang ngag sems rab mnyam pa// rnal 'byor dpa' bo dpa' mo yin// mnyam pas sbrul skur byin brlabs te// yi dam lha nyid sbrul pa'i sku// byin rlabs mnyam par byed gyur pa// mkha' gsang bsnol mar byin gyi brlab// yab kyi gzungs ma'i mkha' byin brlab// mi dmigs stong pa'i ngang las AH// pad+ma dmar po 'dab brgyad pa// ze'u a yis byin brlabs sam// yum gyis yab kyi rdo rje ni// mi dmigs stong pa'i ngang las hUM// rdo rje sngon po rtse lnga pa// lte ba hUM
- 166b
gis mtshan pa yi// de yi bu gar bsam bya ba// dmar nag gyen la mgo bstan phaT// nor bu oM gyi byin brlabs pas// swa las rin po che yi tog/ byin rlabs mnyam par gyur pa na// longs spyod rdzogs pa'i skur byin brlab// 'dod pa mnyam par gyur pa ni// bdag nyid rig ma la brten nas// lha skyes ye shes mngon byas te// mtha' drug rdzogs pa'i byang chub 'dod// rig ma'ang bdag la brten byas nas// de bzhin byang chub 'dod par mnyam// de ltar 'dod pa mnyam gyur nas// chos kyi sku ru byin gyis brlab// yab yum sbyor ba'i tshul bstan pa// dang por byang sems dbab pa ni// rten ni yongs su dag pa ste// nye ring ran par rab bzhag la// de yi gzugs sgra dri ro brtag/ 'dod chags me 'bar thig le dbab// bde ba la ni bsgom par bya// bskrad pa'i mtha' bsrung gsang thub bya// de bzhin lus gnas ci rigs par// rig bcing bde ba bsgom par bya// bsgom nyams ci skyes byung rgyal bskyang // de ltar thig le dbab cing sel// spel zhing gzung bar bya ba dang // gzung zhing rim gyis bzlog pa'o// skad cig mar ni dang po la// bde ba'i ye shes zhes bya ba// bsnyen pa'i man ngag yin par gsungs// pol+la ka ko mnyam sbyar zhing // 'dod chags me 'bar thig le dbab// bde ba bsgom zhing bskrad pa'i mtha'// blta ba'i 'gyur
- 167a
bas srung bar bya// gsang thub dam tshig la gnas pa// skad cig ma ni gnyis pa la// mchog bde'i ye shes zhes bya ba// nye ba'i bsnyen par bshad pa yin// bsnyen pa nye ba'i bsnyen pa gnyis// thig le 'bab cing bde shugs che// thig le 'bar ba'i drod ces bya// de nas rdo rjes pad+ma bsrub// bde ba mi rtog ldan 'gyur te// dbab cing bde ba mi rtog bsgom// bskrad pa'i mtha' bsrung gsang bar bya// skad cig ma yang gsum pa la// bde bral ye shes zhes bya ste// thig le g.yo ba'i drod ces bya// thig gi gzung yang bka' yang bsgyur// steng rlung rnam par 'gog pa yi// 'gyur ba rnam drug thig le bsrung // lus kyi spyod lam brten byas nas// lag g.yas nyi ma g.yon pa zla// pus mo gnyis la bsnol mar dgag/ hUM thung hUM ring bdun du dgu// g.yas g.yon dag tu gsum gsum ste// 'bud pa gsum dang rngub pa gsum// 'khor ba dag tu sbyar bar bya// nyi ma dag ni gsum pa la// sba ba sbubs su nub par 'gyur// srin po'i lam ni cung zad bsdam// gung mdzub gnyis ni drag tu gzhi ba// mig gnyis steng du bskrad par bya// 'dis ni thig le 'dzin par 'gyur// yang na hal hal drag tu brjod// lus kyi 'khrul 'khor gzhan yang bya// 'dis kyang thig le 'dzin par 'gyur// glang chen tig gis lte ba dang // stag mo'i
- 167b
rdur gyis snying ga nyid// gcan gzan skyugs kyis mgrin pa'o// wa ltar snom pas spyi gtsug tu// rim pas gyen la drang bar bya// 'di ni shin tu gsang ba'o// rnam grol phyag rgyas lus la dgram// de las mi mkhas bzhi 'byung ste// dbab pa'i las la mi mkhas na// thig le myur du nyams par byed// gzung ba la ni ma mkhas na// bde la yun yang thung ba yin// bzlog pa'i las la ma mkhas na// de ni chu dang bsdongs pa yin// dgram pa dag la ma mkhas na// des ni nad du 'gyur ba'o// de yi gnyen po mkhas pa bzhi// dbab la mkhas pa rus sbal 'gros// gzungs mkhas lus ngag 'gyur ba bya// bzlog mkhas dud 'gro'i 'gyur ba bzhi// khyad par bya ba bdag la mkhas pa yis// de ni rnam grol phyag rgya bya// rlung gi skye rags bcings pa dang // zhags pa 'phang dang gtun shing bskor// bu chung lta bu'i spyod pa bya// bsrung ba dka' bar gyur pa na/ skad cig bzhi par bsrung bar bya// de dus rtags rnams 'byung ba ni// srin lam bem bem lci bar byed// rtsub rtsub byed cing dri chen dang // dri chu yang ni res mi thon// res dga' mi thong byed pa dang // skra rtsa zed zed byed pa dang // g.yal dang mchil ma 'byung bar byed// de dag ci rigs byung ba'i tshe// de ni thig le zin pa yin// bsgrub pa zhes ni de la bya// rten ni yongs su dag pa yis// gzungs ma
- 168a
dag la sgra bsnyad nas// rtsa sna btsal ba'i sbyor ba yi// byin brlab gsum po sngon song bas// phyag rgya bzhi dang ldan 'gyur bas// yab yum sbyor ba'i tshul bstan pa// rdo rje dang ni pad+ma gnyis// gnyis thig le rnam pa gnyis// rlung gnyis kha sbyor gyur pa las// bde dang stong pa zung chud cing // bde ba ngos bzung bral ba yi// ting nge 'dzin yang skye ba ste// ting 'dzin bskyang zhing bskrad mtha' bsrung // gsang yang thub par bya ba yin// 'gyur ba drug gis bsrung ba ni// rgya mtsho ri rab dag la skam// gling bzhi dbang du bsdu ba dang // ro 'dzin rang gi gnas su sbyar// dbang po'i mchog kyang steng du bzhag/ ngag stobs hUM drag ring bar bgrang // ting 'dzin hUM phaT mda' gzhu 'phangs// skad cig ma ni bzhi pa la// lhan cig skyes pa'i bde ba ni// thig le brtan pa'i drod ces bya// gdon gyis 'dzag na sngags sa bsrung // bag chags 'dzag na gnyen po brten// nad gzhis 'dzag na drod sman sbyar// rmi lam 'dzag na blta bas bsrung // phyi nang thams cad bde ba yi// lhag cig gi skyes pa'i ye shes la// go rim ltos pa'i bde ba bzhi// skad cig bzhi la snang ba de// rnam pa sna tshogs skad cig dang // rnam par nyid dang rnam par smin// mtshan nyid bral ba'i skad cig yin// phyis nas ltos pa'i bde ba bzhi// lus kyi khol bur
- 168b
skye ba dang // lus rnams phal cher skye ba dang // lus kun thams cad khyab par skye// snang ba'i dngos po bde bar 'char// nang gi gnas la ltos pa bzhi// spyi bo nas ni mgrin pa dang // mgrin pa nas ni snying gar bde// snying ga lte ba'i bar du ni// lte ba gsang gnas bar du'o// spang bya ltos pa'i bde ba ni// gzung 'dzin rnam rtog rags rim 'gog/ bdag gi rnam rtog rang rim 'gog/ phyag rgya'i rnam rtog 'gog pa dang // bde ba gsum po'i rnam rtog 'gog/ rang gi ngo bo ltos pa ni// bde ba'i nyams myong chung ba dang // bde ba che bar 'bar ba dang // bde ba mi rtog pa dang ldan// bde ba stong pa gnyis med do// bde ba'i ye shes bcu drug gis// byang chub sems kyi rang bzhin du// lta ba rnam par dag pa bstan// sangs rgyas sems can ma lus kun// yab yum bde ba chen po yis// ngang du thams cad 'dus pa ni// yum gyi b+ha ga'i gzhal yas nas// khams gsum sems can thams cad dang // bde gshegs sku dang gsung dang thugs// mi bzad rgyan gyi 'khor lo gnas// gsang ba'i mchod pa dbul ba ni// rdo rje pad+ma mnyam bzhag nas// thig le ba spu bu ga nas// phyi yi snang ba lha mo bzhi// nang gi bde ba sgeg sogs bzhi// gsang ba'i lha mo rnam pa bzhi// sgo ba bzhi yi lha mo rnams// bde ba'i ye shes bcu drug mchod// bde ba rlung
- 169a
gi gtum mo yis// rlung gi gzhu la me yi mda'// byang sems haM gi 'phen la brdeg/ myur du ye shes 'chang bar 'gyur// sbyar ba'i sbyor ba med pa'o// yab yum rol pa'i byang chub sems// slob ma'i kha la bcug pa ni// gsang ba'i dbang yang bskur ba yin// dkyil 'khor bzhi las byung ba yis// bde ba'i ye shes rnam pa bzhi// rnal 'byor ming srid bsgom pa ni// shes rab ye shes dbang yang bskur// g.yas pa ro ma gzung ba la// g.yon gyi rkyang ma 'dzin pa de// dbus ma kun 'dar gzung 'dzin spangs// srog shing gsum gyi rba rlabs laM// g.yas g.yon dbus la bsgom pa ni// bde ba chen po'i dbang bskur yin// 'dzag pa'i dus su sbyar ba yis// lus khams bdud rtsi dkar dmar yang // bdud rtsi bsgrub pa'i rdzas mchog de// sman gyi nang du blug par bya// zhes ston pas gsungs so// thams cad bdud rtsi chen po lnga'i rang bzhin rin po che phreng ba'i rgyud las/ gsang ba'i yum gzungs ma mtshan dang ldan pa la/ sbyor ba'i bsnyen bsgrub bzhi bstan pa'i le'u ste lnga pa'o// / nas bcom ldan 'das kyis bsgral ba'i spyod pa 'di dag gsungs so// rnal 'byor dbang phyug chen po yis// khams gsum ma lus bsgral ba yang // ma trang bsgral pa chen po ste// rA tra thar pa nag po dang // de
- 169b
yi g.yog po dan phag gnyis// slob dpon thub dka' gzhon nu la// rnal 'byor lam la zhugs pa yis// thar pa khams gsum 'khor bar zags// dan phag rdo rje gnod sbyin 'dul// thub dka' rdo rje sems dpa' nyid// sangs rgyas rnams ni bka' bgros nas// khams gsum bdag po 'dul bar byed// de nas 'jigs byed he ru ka/ dpa' bo sgeg po 'jigs su rung // rgod cing gshe la rngam pa dang // ngo mtshar snying rje zhi ba'i gar// 'bar ba chen po yum dang 'khril// thugs rje'i sprul pa bsam mi khyab// stong gsum ma lus khro bos bkang // kun kyang phyag rgya bzhi ldan sku// dbang phyug chen po la sogs pa// khams gsum gnas pa'i gdug pa can// khro bo 'chol ba'i dkyil 'khor gyis// thams cad ma lus dbang du bsdus// ma tang gi ni rnams shes yang // nges par rang gir gzugs la phab// ta ki'i zhabs ni g.yas pa yis// rA tra'i ling+ga steng du mnan// thar pa'i lam 'dod skal ldan rnams// gsang ba'i dkyil 'khor g.yo ba lta// ngan song gsum gyi sgo bcad kyi// skal dang ldan pa 'dir shog cig/ ston pas gsungs pa'i dam pa'i chos// gzung 'dzin log par blta ba yis// khams gsum 'khor ba'i gnas su ltung // skye med chos nyid rtogs na bde// gzung 'dzin mdud pa dgrol bya'i phyir// bdud bzhi zhabs kyis mnan pa
- 170a
yang // sa yi dkyil 'khor bzhi yi khyon// bdag po rkang pa'i mthil gyis mnan// gnas kyi sgo 'di bdag bcad pas// bde gshegs thugs rjes gzung du gsol// ma hA de ba stobs bzang dang // khyab 'jug gtogs 'dod dga' byed dang // bi nA ya ka biSh+Ta dang // gsod byed brgyad la smras pa ni// dregs pa'i gzung 'dzin ngas gzhom phyir// rdo rje gri gug chen po yis// log rtog dra ba dbyung bar bya// zhen pa'i zag pa ngas bcad do// mthar byed brjid pas sdig pa bcom// khams gsum 'khor byed rtsa ba drangs// gnas kyi sgo 'di dbye ba yang // ro ma rkyang ma kun 'dar ma// rnam thar gsum gyi rang bzhin te// nyi zla gza' yi zin pa ltar// gzung 'dzin gnyis med mya ngan 'das// thar pa'i lam la gzud par bya// sgo 'di thams cad 'khor bas na// 'khor ba'i dra ba rgyun bcad do// bcom ldan bde gshegs mchog gi sku// khams gsum dag la bsdu bar bya// de ltar sgrol ba'i dkyil 'khor 'dir// bdag cag 'khor dang bcas pa rnams// dpa' bo chen po'i sku la bdud// thugs rje dgongs nas bskyab tu gsol// de nas de lus dur khrod gnas// rgya gar yul na bsil ba'i tshal// bde byed mchod rten shir sha'i shing // bal yul ya ma bya tri kha// bya khri kha shor ka ran tsa// sing ga'i yul na sku la rdzogs// ri po
- 170b
ta la tsu ta'i shing // tho gar yul na gsang chen la// mchod rten mgo mang shing ral rta// kha che'i yul na he chen rol// ka ni shir bar ka ba ti// za hor khu yug klong dgu na// bde byed gzhon du ka kol shing // li yul 'jig rten mngon par rdzogs// go de shan dang shing pa ta// bkra shis ya mtshan 'byung ba'i gnas// 'bras bu chen po lnga bsgral phyir// byang gi dkyil 'khor steng du bzhag/ mi che gla gli 'phyo ba yang // shar lho nub byang dbus su bzhag/ nges don gcig tu bstan pa dang // rgyud lngar 'khor ba bsgral bar bya// de nas 'jigs byed sku bskyed la// dkyil 'khor gru gsum steng du bzhag/ gnas sbyong ting 'dzin bsgom par bya// lan gsum dang po 'dod khams sbyang // dang po rang gnas sbyong ba yang // lha yi sa bon a dkar po// de la rlung sems mnyam 'dus na// lha yi nyams ni sems la 'char// rang nyid lha yin snyam byed 'byung // gar ni lus la 'char ba de// me tog phreng sogs brgyan pa dang // sngags kyang dag la 'char ba dang // saM skr-i ta yi skad yang brjod// mthong snang yul la 'char ba ni// rnam par rgyal ba'i khang bzang mthong // rang nyid lha yi gtso bor mthong // gzhan rnams lha yis 'khor du mthong // bag chags rmi lam 'char ba yang // de dag ci rigs rmi lam 'byung // lha min su yig ser po
- 171a
la// nyams ni khro zhing tshig pa za// gar ni mtshon cha sna tshogs thogs// sngags kyang rgyob sod du ma 'byung // mthong snang ri rab khong seng na// lha ma yin gyi 'thab rtsod dang // bdag gzhan der yang khrid pa mthong // bag chags ci rigs rmi lam rmi// mi la nr-i yig sngon po ste// mi nyams 'jig rten chos la dga'// gar ni yul dang cha lugs 'gyur// sngags ni so so'i yul gyi skad// mthong snang gling bzhi gling phran mthong // bdag dang gzhan yang der khrid mthong // mi rigs mi mthun du ma mthong // rmi lam de dag ci rigs rmi// lha dang lha min mi dang gsum// 'dod khams mtho ris gnas gsum ste// dge ba bcu yi lam las 'byung // de dag mchog 'bring tha ma yin// dud 'gro du yig dud ka de// nyams ni dud 'gro sngar bas blun// gar du ba glang spyod lam 'gyur// sngags kyang dud 'gro du ma'i skad// mthong snang phyi yi rgya mtsho mthong // byol song chu srin la sogs pa// bdag gzhan de ru khrid pa 'byung // de dag ci rigs rmi lam rmi// yi dwags pre yig dmar po la// nyams kyang bkres dang bsgom pa dang // gar ni lus che yan lag phra// sngags kyang pre ta ngan skad smra// mthong snang grong khyer ser skya mthong // yi dwags bkres dag bsgom pa dang // bdag dang gzhan yang der khrid mthong // rmi lam bag chags de dag
- 171b
rmi// dmyal ba'i tri yig nag po de// sems nyams tsha grang sdug bsngal 'byung // lus gar gsum btab gdung zhing tel// sngags kyang dag tu kyi hud sogs// mthong snang lcags kyi khang sgom 'bar// dmyal ba tsha grang can sogs mthong // bdag gzhan der yang khrid par mthong // rmi lam de dag ci rigs rmi// de dag ngan song gnas gsum de// mi dge bcu yi lam gnas pas// 'dod khams tha ma'i gnas su ltung // mchog 'bring tha ma'i las yin no// gnas sbyong bzhi bcu rtsa gnyis so// rnal 'byor gang gis 'byongs pa des// mtshan nyid sna tshogs 'char ba'i nyams// rang bzhin rang bzhin stong pa dang // ngo bo zung du 'jug pa dang // rim pa yin min nyams skye bas// phyi nang srin bu spong ba dang // ngan song mi 'gro gdeng thob de// mtho ris gnas su 'gro bas na// phyir mi ldog pa'i sar gnas pas// byang chub sems dpa'i ming yang thob// drod rnams byung rgyal bskyang bar bya// gzugs khams bsam gtan oM du gnas// rtog pa dang ni bcas pa dang // dpyod pa dag dang bcas pa yi// shes rab bzab mo'i ting nge 'dzin// dga' ba bcas shing gnas pa dang // bde bar bcas pa'i ting nge 'dzin// bde bral 'ga' tsam ting nge 'dzin// btang snyoms yongs dag ting nge 'dzin// rim pa yin min skye ba nas// drod kyang byung
- 172a
rgyal bsrung bar bya// gzugs med skye mched mu bzhi'i nyams// shes rab a la rlung sems 'dus// chos rnams thams cad nam mkha' tsam// rang gi rnam par shes pa tsam// yod med las kyang 'das pa las// ci yang med par nyams skye bas// de yang rim pa yin min skye// tshad med bzhi la gnas byas nas// tshangs gnas gzugs khams skye ba dang // mi g.yo stong pa yid la byed// gzugs med skye mched mu bzhir gnas// mya ngan 'das pa'i grong khyer mchog/ snying po'i a las rlung sems 'dus// spang bya gzung 'dzin rnam rtog sdang // thob bya chos sku bde chen thob// zung 'jug hUM la rlung sems 'dus// rang byung ye shes chen po yi// ting 'dzin rgyud la skye ba ni// lus ni yang la sems ni gsal// dper na nam mkha' sprin med 'dra// 'khor 'das nyams myong skyes pa na// sgrol ba tshad dang ldan pa yin// chos nyid skye 'gag bral ba la// ma rtogs 'khor dang mya ngan 'das// rtogs na rang bzhin lus ngag sems// 'khor 'das rdzogs par shes pa bya// dus la bab pa'i sems can de// drod tshad gnas sbrang 'byongs pa yis// rnal 'byor dbang phyug chen po yis// gang yin rnam shes dgug par bya// thar pa'i lam 'byed gsang ba yi// dkyil 'khor chen po khyod shog ces// rgyu drug gnas pa'i gdul bya/
- 172b
rnams// ngan song gsum po sbyang bar bya// oM na mo b+ha wa ti sarba dur ga ti pa ri sho d+ha ni// rA dzA ya/ ta thA ga tA ya ar+ha te/ samyak+saM bud+d+hA ya/ tad+ya thA/ oM sho d+ha ne sho d+ha ne/ sarba pA paM bi sho d+ha ne/ shud+d+he bi shud+d+he sarba a ba ra Na bi sho d+ha ne swA hA/ oM badz+ra shrI he ru ka a nr-i su tri pre du dza/ pa tsa pa tsa sar+b+ba ti ra ya ka te he tu hUM phaT/ ma tha ma tha sar+b+ba pre tha ga te he tu hUM phaT/ da ha da ha sar+b+ba na ra ga te he tu hUM phaT/ de nas ngan song gnas sbyangs nas// sdug bsngal gsum gyi sgo yang dgag/ raM yaM khaM/ gang yang rung ba'i sems can de// yab yum hUM las lhar skyed de// 'og min gnas su 'phang ba yis// rgyal ba'i sras su skyes pa la// rnam shes rig pa chos kyi skur// byang chub sems kyi dbang bskur bas// sangs rgyas chos kyi dbyings bzhugs pa'i// zhabs drung ye shes rlung gis bgrod// bsam yas zhing khams dpag med na// chos kyi 'khor lo rab bskor nyan// sa bcu gnas pa'i sems dpa' sogs// 'jig rten 'das pa'i mchod pa 'bul// sdug po bkod dang kun tu 'od// 'khor lo pad+ma can la gnas// yang dag nyid la yang dag bsgral// chos sku dri ma med pa thob// dri chen rnam par snang mdzad nyid// byang chub sems ni mi bskyod pa// mAM sa dkon mchog dpal yin te// rak+ta snang mtha' tshe dpag med// dri chu don rab grub pa nyid// bsgral ba rdzas kyi bdud
- 173a
rtsi ni// thugs rje chen po rtsi yin pas// ma rig dug yang sel bar byed// thams cad bdud rtsi lnga'i rang bzhin// rin po che phreng ba'i rgyud las bsgral ba'i le'u ste drug pa'o// // de nas bcom ldan 'das kyis dam tshig 'di gsungs so// dug lnga mi spang ye shes lnga// dam rdzas lnga ni dang du blang // ngag brlang rdzun sgrol ma byin sbyor// phung sogs rigs lngar shes par bya// yan lag dam tshig nyi shu la// sku gsung thugs dang yon tan las// re re la yang lnga lnga ste// de yang lnga lngar dbye bar bya// de nyid thabs dang shes rab gnyis// bsgrub par bya ba rigs lnga nyid// rtsa ba sku gsung thugs dang bcas// dam tshig stong dang rtsa brgyad bsrung // bum dbang gsang ba'i dbang bskur zhing // shes rab ye shes bde chen dbang // dam tshig bsrung bar bya ba yang // rnam grangs rab tu phye nas bsrung // mnyam bzhag rjes spyod bzung ba dang // bsrung dang mi 'bral dam tshig yin// gang zhig bum pa'i dbang thob pas// bskyed pa'i rim pa bsgom byas la// snang stong zung 'jug blta ba dang // bdud rtsi lnga yi ril bu bza'// dam tshig nyi shu rtsa brgyad bsrung // rdo rje dril bu mi 'bral 'chang // phyi ba dag dang mthun pa yod// rnal 'byor gsang ba'i dbang thob na// rtsa rlung tsaN+Da lI yang bsgom// rang byung ye shes zhes bya ba// nyon
- 173b
mongs rnam par rtog pa dang // smin spel yang bzhi gsal zhing yang ba yi// stong gsal zas su bza' bar bya// rang byung rlung dang 'gal bar bsrung // zhi drag gang rung mi 'bral lo// shes rab ye shes dbang thob pas// mnyam bzhag dkyil 'khor 'khor lo che// rjes spyod lhan skyes bcu drug la// bsrung ba thig le 'dzag pa drug/ dngos sam ye shes phyag rgya la// mi 'bral dang du blang ba nyid// bde ba chen po'i dbang thob/ pas// rdo rje rba rlabs rnam gsum bsgom// shin tu rnam dag de kho na// rgyu mthun pas ni sgra dkar 'joms// 'gro ba rnams kyi yid 'ong 'gyur// rnam par smin pas stobs ster byed// mngon par shes pa cung zad 'char// skyes bu byed pas rnam par 'phel// 'jig rten ro rnams longs spyod nus// dri med pas ni 'chi med 'gyur// rdzu 'phrul cung zad ston pa'o// bde chen bde stong bza' bar bya// shes bya'i sgrib pa bsrung ba dang // pad can phyag rgya mi 'bral zhing // mi nyams bsrung ba'i tshul yang bzhi// tshul bzhin rgyud la bskyed pas bsrung // rnam grangs rjes dran mi nyams bsrung // nyams myong ci skyes mi nyams bsrung // pha la gus pas khyad par can// nyams par 'gyur pas rnam pa gnyis// srid pa'i sdug bsngal 'dren pa yi// dam tshig nyi shu rtsa brgyad po// thog mar bum dbang dam bcas so// lam gol ring du 'khor
- 174a
ba yi// zab mo dbang gsum dam tshig de// nyams na las sbyor dngos grub ring // nyams na bskang ba'i las bshad pa// dam tshig thams cad nyams gyur na// rdo rje mkha' 'gro bla ma la// phyi yi 'dod yon rnam lnga dang // nang gi gzungs ma mtshan ldan dbul// mnyam bzhag dam tshig nyams pa na// ye shes mkha' 'gro longs sku nyid// 'og min gnas nas spyan drangs la// lta ba tshad du bskyal par bya// rjes spyod dam tshig nyams pa na// ma mo mkha' 'gro sbrul sku la// bsgom pa zab mo'i bsam gtan dang // blta ba tshad du bskul bar bya// lhag ma'i dam tshig nyams pa la// sha za mkha' 'gro'i tshogs rnams la// gtor ma gtang zhing lhag mas mchod// dam tshig mkha' 'gro rdo rje'i spun// tshogs kyi 'khor lo rgya chen bya// zhes gsungs so// thams cad bdud rtsi lnga'i rang bzhin rin po che phreng ba'i rgyud las// gsang ba'i sngags kyi dam tshig bstan pa ste le'u bdun pa'o// // de nas bcom ldan 'das kyis sgrub pa 'di gsungs so// bsnyen pa'i dam tshig la gnas pas// byang chub mchog 'di rnyed par 'gyur// nye ba'i bsnyen pa'i dam tshig gis// dam tshig rab tu brtan par byed// sgrub pa mchog la rab gnas na// dngos grub shin tu nye ba dang // bsgrub chen dam tshig rdzogs byang chub// mchog dang thun
- 174b
mong thob gyur pa// ye shes rdo rje dag gis bya// shin tu don du gnyer ba'o// gang zhig bsnyen pa byed 'dod na// bsgrub pa'i yul yang brtag par bya// mnyam zhing snum pa'i sa phyogs la// ro rnams rab tu gral bar bya// btsal nas blang bar bya ba yang // 'jig rten sa bdag lha klu la// rtsod pa zhi bar bya ba'i phyir// sa rin btsal te sa blang ngo // rang byung gnas kyi dkyil 'khor 'di// las dang bya ba ting nge 'dzin// sngags dang phyag rgyas sbyang bar bya// rko dus lto 'phye shes par bya// yid 'ong gnas su 'dug gnas su// bskrad cing byin gyis brlabs pa'o// sbyang dang sgrib pa bsal ba'i phyir// phyi yi bshags pas dag par bya// bskang ba dang ni lus ngag yid// bag chags dag pa bya phyir bshags// mtshams dang bgegs rnams bsrung bya na// bgegs rigs rnams la gtor ma gtong // rgyal po bzhi la gnyer yang gtad// ma trang gnan par bya ba dang // khro bcu srung ba'i 'khor lo bsgom// ma dag pa ni mtshams gcad phyir// dam sri mnan cing sgo byang gdags// nye ba'i bsnyen pa bya ba yang // dkyil 'khor rab tu gru bzhir bya// bdud rtsi rnam pa lnga byugs nas// rak+ta dmar gyi chag chag gdab// ras bal pad+ma'i snal ma dang // ba su ta yi rgyu ma dang // dam tshig skud pa gsum sgril lam// ye shes thig skud chen po yis// rdo
- 175a
rje grogs dang ldan byas nas// mkhas ldan chen po yab yum gyis// rdo rje thig yang gdab par bya'o// ting 'dzin bar chad skyon yin yang // gzugs brnyan rdul tshon dam tshig ste// de phyir dam tshig tshul shes bya// shar gyi dkyil 'khor steng du ni// sgrub rdzas thams cad spungs la bzhag/ lhor ni mchod pa'i tshogs mchog ste// nub tu yab yum sbyor ldan la// byang du rgyu mchog bsgral bar bya// de nas bsre bsnan bya ba yang // ma 'dres pa dang bsre bar bya// 'dres pa rnams la dam tshig bsnan// de phyir chag nyams skong ba'o// las bzhi skos la gdab pa yang // zhi rgyas dbang dang mngon spyod la// zhi ba'i tshe na shar na gnas// rgyas pa lho la dbang ni nub// byang du drag po lhun 'grub dbus// sa chu me rlung rgyu dus bya// zhi ba'i cha lugs rgyan dang bcas// khro bo dur khrod rdzas kyis brgyan// de nas sgrub pa brtsams pa yang // zhi khro'i phrin las gzhung bsrang la// sgrol sbyor nang gi dam rdzas dang // phyi yi rdzas su bya ba yang // sman gyi rtsa ba tshang gyur nas// sgrub pa chen po byed pa'i tshe// rab tu bsgrim nas bsgrub par bya// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ bsgrub pa'i le'u ste brgyad pa'o// // de nas bcom ldan 'das kyi bsgrub par bya ba sman gyi rtsa ba 'di dag
- 175b
gsungs so// de nas tshangs pa la sogs pa'i// rigs 'dzin rnams kyis rab zhus pa// nang gi rtsa ba bdud rtsi ste// de ni sgrol dad sbyor las byung // phyi yi rtsa ba sman nyid de// ji ltar gnas pa bshad du gsol// drang srong rnams la kun bzang gis// nges par rab tu gsungs pa ni// bcud kyi dam pa sman gyi mchog/ khyed la bshad kyis legs par nyon// de yang thugs rje'i byin brlabs las// 'byung ba gzhi las skyes pa'i sman// sa dang chu dang me dang rlung // sman rnams ma lus skyed pa'o// de bzhin srog chags thams cad kun// sman rnams kun la spyod pa ste// 'chi gsos rkyen dang ngan gsos sman// de phyir bdud rtsi sman gyi mchog/ sems can sangs rgyas sgrub pa'i rdzas// rnal 'byor dngos grub thob par byed// chu yi bcud la kun spyod bzhin// de bzhin 'byung lnga sman gyi bcud// ro dang nus mthu ldan par grub// thams cad srid pas chags pa'o// de dag kun gyi yon tan yang // rtsa ba brgyad ldan ro dang mdog/ mthu dang las dang rang bzhin dang // nus pa du mar ldan pa yin// sman gyi rgyal po ro rnams ldan// lha rdzas dge ba a ru ra// rigs 'di rnam pa bdun ldan pa// tshangs pa kun 'gro chen pos bsgrubs// shar lho nub byang brag phug nang // yum bzhi'i rak+ta zags pa ni// sman gyi rgyal po brag zhun mchog/ drang srong nabs so ldang
- 176a
sngon bsgrubs// srid pa chags pa'i nyi zla'i chu// star bu rgun 'bru rnam pa gnyis// de ni tsa ra ka yis bsgrubs// de nas drang srong bdud rtsir bkrus// Sha nas thigs gnyis lhung ba dang // ramanye ba dang nye shing ba// drang drong nabs so skyes kyis bsgrubs// de nas drang srong drag sha sna// lha chen khros pa'i lug mig pa// drang srong tha skar bu yis bsgrubs// de nas rtsi yi lha mo ni// rak+ta zags pa'i rtsa ba de// drang srong chen po lhas skyabs bsgrubs// rgyal bu don grub sku gdung las// grub pa tha skar rdo rje dang // drang srong rgyun shes khyod nyid bsgrubs// de nas lha yi lag pa lhungs// dbang po lag pa zhes bya ba// drang srong g.yon phyogs lha yang bsgrubs// pur+Na'i rna ba a shra ka/ drang srong zang la gnas yang bsgrubs// b+ha hu lug mig chen po yang // drang srong me bzhi 'jug gis bsgrub// tsi tra ka dang la ba'i snying // gtso bo snying ni zho sha ste// drang srong rkang gnyis spyod yang bsgrubs// bud med ser mo ban glang can// me tog ha dmar klad pa rnams// drang srong ka ya na ka las yang yis bsgrubs// ha lce ki ya de pa dang // ste ba u dum+bA ra yang // drang srong shing khyer chen pos bsgrubs// srid pa'i bdag po'i nal bu'i lce// drang srong ldang sngon bu yis bsgrubs// me tog sma lo kril kril ni// drang srong nyi ma'i bu yis
- 176b
bsgrubs// rtsa ba ma hA mgo na srig/ do ba zla ba'i bu yis bsgrubs// dung dang 'brug rus rtsa la sogs// rin po che dang go te sha na bsgrubs// rgya mtsho chu la sogs pa rnams// klu yi drang srong 'jog pos bsgrubs// 'di dag ston pa'i thugs rje yis// sa steng khyab par skyes pa yis// tha mal sman du sbyar ba yang // nad ni bzhi brgya rtsa bzhi sel// bcud len sman du bsgrubs pa yis// tshe yi dngos grub thob par byed// yon tan brjod las 'das pa yang // sman rnams kun las byung ba'o// de bzhin skye bo rnam par spyod// thams cad bdud rtsi chen po lnga'i rang bzhin/ rin po che phreng ba'i rgyud las/ sman sgrub pa'i le'u ste dgu pa'o// / de nas bcom ldan 'das kyis bdud rtsi chen po phye ma sgrub pa 'di gsungs so// de nas gzugs brnyan dkyil 'khor yang // thig bzhi btab pas le'u tshe dgu// 'khor lo brgyad dang pad+ma brgyad// sgo dang sgo khyud ldan par bya// de la yig 'bru gsal bkod nas// rang sngags srog dang ldan par bya// phyogs bzhi mtshams brgyad dbus su yang // b+han+d+ha dgu sbyar rab tu bya// ting 'dzin gsum las byung ba yi// dam pa rigs brgya bsgom par bya// spyan drangs phyag 'tshal mchod pa 'bul// bstod nas 'dzab bzlas dngos grub blang // lha la 'ju 'dul rdzogs rim bsdu// de nas bcom ldan
- 177a
'das kyis de dag gi gsang sngags 'di gsungs so// oM shUn+ya tA dz+nyA na badz+ra swa b+hA wa At+ma kon+daH// oM d+harma d+hA tu swa b+hA wa At+ma ko&H/ oM dz+nyA na sa twa ya/ e maN+Dal e/ yaM karma ya/ baM ma ma ki ri ba/ suM su me ru suM/ laM gar+b+he laM/ raM dza la raM/ b+h+yAM bi shwa bi shud+d+hi b+h+yAM/ baM pad+ma maN+Da la paM/ ma sUr+ya maN+Da la maM/ a tsan+da maN+Da la a/ hUM badz+ra d+h+r-i ga muM d+hA tI shwa rI/ au dzi na dzi ka/ lAM b+he Sha ra ti/ swa rat+na d+h+r-i ka/ mAM mo ha ra ti/ aM A ro li ka/ b+hai rA ga ra ti/ ha pra dz+nyA d+h+r-ika/ taM badz+ra ra ti/ hAM k+ShI hi ra tsa ya/ hUM lA s+ye sa ma ya stAM/ traM A gar+N+Na ya/ traM mA le sa ma stAM/ hr-i ha hUM pad+ma pAd ma/ hr-i gi ti ra ko&haM/ dzal+lI ku ru pA Na hri/ aM ni ra ti rA ga ya mi/ me d+hA ra ne/ dza d+hu pe pra be sha/ b+hI nisma raM b+hA ya/ hUM puSh+pe A be sha/ sa rA dzA ya/ baM dI pa su ga rI/ muM shrI aM rA gA ya/ ho gan+d+he tsit+ta ho/ oM mu ne kr-i swA hA/ oM mu ne tuM swA hA/ oM mu ne suM swA hA/ oM mu ne dr-i swA ha/ oM mu nek+ShaM swA hA/ oM mu ne ye swA hA/ hUM hUM badz+ra tsit+ta hUM/ a a badz+rI b+ha drA sa man+ta A/ hUM ya mAn+ta kr-ita phaT/ oM badz+ra d+ha ro ma hA kro ti shwa rI dza la ni hUM phaT/ oM big+h+nAM ta kr-ita phaT/ oM rat+na d+ha ra ma hA kro ti sha rI dza la ni hUM phaT/ oM pad+man+ta kr-ita phaT/ oM pad+ma d+ha ra ma hA kro tI shwa rI dza la ni hUM phaT/ hUM pra dz+nyAn+ta kr-ita phaT/ hUM karma d+ha ra ma hA kro tI shwa rI dza la ni hUM phaT/ thod pa mtshan ldan nang du ni// bkra shis rus sbal khog pa'i nang // de yi nang
- 177b
du gtso bo lnga// rgyal po lta bur rab tu che// rgyud lnga'i 'bras bu rnam pa lnga// blon po lta bur gnas pa la// dri zhim bcud ldan kun skyongs pa// mang po 'dul bas mthu byin ldan// yang na rtsa ba rnam pa brgyad// phyi dang nang du sbyar ba yin// phyi yi dbang po rnam pa lnga// sha lnga dag dang sbyar ba dang // de yi 'phrad du bya ba yang // nang gi dbang po rnam pa lnga// shing thog la sogs rnam pa lnga// phyi yi bcud du bya ba dang // dri ni chen po sbyor ba dag/ rnam pa lnga yang shes par bya// yang na rgyal po dri lnga yang // de yi skyabs su sbyar ba'o// de bzhin a ka ru la sogs// spos lnga dag dang sbyar ba dang // gser dngul la sogs rin chen lnga// yon tan dpag tu med pa dang // sna tshogs ra sa ya na'i rdzas// ma lus lus pa med par bsags// rigs mthun dar gyis b+han+ma dgab// yang na gnod sbyin nor rdzas bcings// de nas rdo rje dbyings kyi ni// dkyil 'khor rnam pa gcig tu na// dbus kyi dkyil 'khor dbus dag tu// rigs lnga ling tshe dgu la bzhugs// rang sems par do yi ge hUM// gsung gi cho gar rab gnas nas// pha ma'i cha shas rdo rje sogs// thugs kyi cho ga chen por gnas// chen po lnga las skur grub pas// yongs su rdzogs par yang dag gsal// oM badz+ra ak+Sho b+hu hUM/ badz+ra d+ha tI shwa rI hUM/ oM bud+d+ha bai ro tsa na oM/ bud+d+ha lo tsa na oM/ badz+ra rat+na saM
- 178a
b+ha ba traM/ badz+ra rat+na sa gi traM/ badz+ra pad+ma a mi ta b+ha rbi/ badz+ra ban+da ra ba rbi/ badz+ra a mo g+ha sid+d+hi ha/ mo badz+ra sa ma ya tA rA \u0f7f// bde gshegs rdo rje rin chen dang // pad+ma las de rigs lngar bcas// dbyings phyug spyan dang mA ma ki// gos dkar mo dang sgrol ma dang // rigs lnga yab yum 'di dag kyang // 'dod pa'i dngos grub ster bar byed// hUM badz+ra satwa hUM/ badz+ra lA s+ya hUM/ badz+ra rA dza hUM/ badz+ra d+hAd+ha be hUM/ badz+ra rA ga hUM/ badz+ra aM ku sha ya hUM/ badz+ra sA d+hA hUM/ badz+ra ti sha tA ra hUM/ rdo rje sems dpa' rdo rje 'dzin// rdo rje rgyal po lcags kyu 'dren// rdo rje chags pa mda' gzhu 'gengs// rdo rje legs pa se gol dkrol// sgeg mo 'gying bag spos me ma// lcags kyu ma dang rdo rje sgrol// shar gyi 'khor lo'i rtsibs la gnas// rdo rje rigs su rnam par grags// badz+ra rat+na tAM/ badz+ra mA le trAM/ badz+ra sUr+ya tAM/ badz+ra puSh+pe tAM/ badz+ra ke tutAM/ badz+ra pA sha tAM/ badz+ra ha sa tAM/ badz+ra rat+na ne tra tAM/ rdo rje rin chen nor bu 'dzin// rdo rje gzi brjid nyi ma bsnams// rdo rje rgyal mtshan rin chen tog/ rdo rje bzhad pa so 'phreng bgrangs// phreng ba ma dang me tog mam// zhags pa ma dang rin chen spyan// rin chen rigs kyi sems dpa' ste// lho yi rtsibs bzhi dag la gnas// badz+ra d+harma hri/ badz+ra gI ra ti hri/ badz+ra tik+Sh+Na hri/ badz+ra A lo ke hri/ badz+ra tsakra hri/ badz+ra s+pho Ta hri/ badz+ra b+ha
- 178b
Sha hri/ badz+ra rA ga ra ti hri/ rdo rje chos ni pad+ma 'dzin/ rdo rje rnon por ral gri bsnams// rdo rje 'khor lo 'khor lo bskor// rdo rje smra ba lce yang bsnams// pi wang ma dang mar me ma// lcags sgrog ma dag gsal bkra ma// nub phyogs 'khor lo'i rtsibs bzhi la// pad+ma rigs kyi sems dpa' gnas// badz+ra karma ha/ badz+ra nI ra ti hri/ badz+ra rak+Sha ha/ badz+ra gar+b+he a/ badz+ra yak+Sha ha/ badz+ra g+haN+De ha/ badz+ra sa na d+hi ha/ badz+ra ra ti ha/ rdo rje las ni rgya gram bsnams// rdo rje bsrung ba go cha 'dzin// rdo rje gnod sbyin mche ba 'chang // rdo rje khu tshur khu tshur nyid// gar mkhan ma dang dri chab ma// dril khrol rdo rje 'bebs ma ste// las kyi rigs kyi sems dpa' rnams// byang phyogs rtsibs bzhi dag la gnas// sems dpa' sems ma bcu drug ni// mtshan bzang sum cu rtsa gnyis yin// thabs shes dbu rgyan rigs lnga ni// dpe byad bzang po brgyad cur gnas// badz+ra Ar+ya te dza teng dza/ badz+ra a mu khe hUM/ badz+ra lo ka baM/ badz+ra b+hasmi ba la yab tu ho// lcags kyu shar la zhags pa lho// lcags sgrog nub la dril bu byang // sgo bzhi dag la rab tu gnas// rdo rje dbyings kyi dkyil 'khor ro// rgyu yi dbang ni bla mas bskur// lam du rang nyid dbang blang ba// bum dbang ye shes rnam pa lnga// zab mo'i dbang gsum sku gsum thugs// oM ma hA shU n+ya na badz+ra swa b+ha wa At+ma kony+dzahaM/ oM
- 179a
ma hA A daR+sha dz+nyA na badz+ra swa b+ha wa At+ma kony+dzahaM/ oM ma hA sa ma tA dz+nyA na badz+ra swa b+ha wa At+ma kony+dza haM/ oM ma hA pra t+ya bek+Sha Na dz+nyA na badz+ra swa b+hA wa At+ma ko& haM/ oM mahA kr-i tA nuSh+TA na dz+nyA na badz+ra swa b+ha wa At+ma ko& haM/ oM sarba ta thA ga ta kA ya badz+ra swa b+hA wa At+ma ko&haM/ oM sarba ta thA ga ta wA ka badz+ra swa b+hA wa At+ma ko&haM/ oM sarba ta thA ga ta tsit+ta badz+ra swa b+hA wa At+ma ko&haM/ 'og min chos dbyings pho brang nas// rgyal ba gang bzhugs 'khor dang bcas// bla med lha dang lha mo yi// grub pa'i byin rlab bsam mi khyab// sems dpa' brgyad dang sems ma brgyad// de bzhin sbrul sku thub drug dang // mthu chen khro bo khro mor bcas// bde ba chen pos yongs brgyan te// rdo rje sems gtso mdzes mdzad ma// brtse phyir gnas 'dir gshegs su gsol// e h+ye hi ma hA b+ha ga wan/ ma hA ka ru Ni ka dr-i sha ho/ sa ma ya ho// sa ma ya s+t+waM/ dpa' bo chen po mthu ldan pa// bdag la byin gyi brlabs mdzad cing // bdag gi lhag pa'i bsam pa rnams// grub par byin gyi brlab tu gsol// chos sku nam mkha' bzhin du dbyer med kyang // gzugs sku 'ja' mtshon bzhin du so sor gsal// thabs dang shes rab mchog la mnga' brnyes pa'i// rigs lnga bde bar gshegs la phyag 'tshal lo// mdzes pa'i sku mchog sems can sgrol la mkhas// ngo mtshar pho brang de bzhin
- 179b
gshegs pa'i yum// shes rab thabs kyis gtso la mnyes mdzad ma// rigs kyi yum gyur rnams la phyag 'tshal lo// bsod nams tshogs chen yongs su rdzogs pa la// 'gro drug 'gro ba ma lus smin bya'i phyir// dpe byad mtshan gyis yongs su brgyan pa yi// sems dpa' sems ma'i tshogs la phyag 'tshal lo// yid chos rnam dag kun bzang yab yum dang // 'gro don rdzogs mdzad sbrul sku thub pa la// rab tu dngas pas phyag 'tshal lo// 'jigs tshul rngam pa khyad par gyis// gdug byed thal bar rlog mdzad pa// bdud bzhi dpung bcas 'joms byed pa// sgo ba yab yum brgyad la phyag 'tshal lo// a ti pu ho// pra ti ts+tsha ho/ a la la ho/ rang byung gdod nas dag pa yi// lus khams bdud rtsi chen po 'dis// rdo rje dbyings kyi dkyil 'khor la// dam tshig mchog gi mchod pa bzhes// snang stong rdo rje chos dbyings las// ye shes sgyu ma'i sku mnga' ba// rgyal ba sangs rgyas sras dang bcas// rab tu dang bas bstod phyag 'tshal// chos nyid mnyam pa'i ngo bo la// ma rtogs rtog pa gsal bar bya// de nas bzlas pa bya ba yang // rdo rje bzlas par yang dag bshad// oM AHhUM sarba pany+tsa a mr-i ta ra sa ya na ta na dz+nyA na gu ya sid+d+hi hUM hrIHtha/ spyi bo bde chen dkyil 'khor nas// sangs rgyas rnam par snang mdzad la// thub drug kun bzang yab yum
- 180a
dang // gshin rje'i gshed po yab yum las// sku yi dam pa rigs brgya spro// don mdzad sman la rab tu thim// mgrin pa longs spyod dkyil 'khor nas// snang ba mtha' yas gos dkar mo// spyan ras gzigs dang glu ma dang // kun tu bzang po mar me ma// rta mgrin yab yum bcas pa la// gsung gi dam pa rigs brgya spro// snying ga chos kyi dkyil 'khor nas// mi bskyod rdo rje sems dpa' yum// sa yi snying po sgeg mo dang // byams pa spos ma byang chub sems// shes rab mthar byed yab yum la// thugs kyi dam pa rigs brgya spro// lte ba sprul pa'i dkyil 'khor nas// rin chen 'byung ldan yab yum la// nam mkha'i snying po phreng ba ma// sgrib sel me tog ma dang bcas// yon tan dam pa rigs brgya spro// don mdzad slar 'dus sman la thim// gsang ba'i me rlung dkyil 'khor nas// don grub sgrol ma sku la 'khril// phyag na rdo rje gar mkhan ma// 'jam dpal dri chab bsgo bar bcas// las kyi dam pa rig brgya las// gsang sngags rlung gi rta la 'phro// snod kyi b+han+na yum gyi mkha'// bcud kyi sman nyid lhar gsal bas// snod bcud dam pa rigs brgyar gnas// gnyis su rtsa brgyad stong zhes bya// don dam spros med thig le las// kun bzang dngos grub blang bar bya// oM a mr-i ta sid+d+hi ha ha kan// rnam smin 'bras
- 180b
bu rigs 'dzin 'gyur// nyi zla lta bu'i tshe yang 'dzin// bdag nyid kun bzang yab yum gyi// gnas lnga'i rigs mi lnga brgya dang // snod bcud dam rdzas lhar gnas pa'i// rigs lnga'i rigs ni lnga brgya nyid// stong la 'dzab kyis bzhu btul nas// bdud rtsi sbrul skur sangs rgyas so// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ dam pa rigs brgya'i le'u ste bcu pa'o// // de nas bcom ldan 'das kyis bdud rtsi rigs lngar sangs rgyas pa 'di gsungs so// mi shigs mdzod ldan ka pA la// dbus su yang dag gzhag par bya// sku gsum lhun grub ka pA la// shar gyi zhing khams rdo rje'i rigs// yid bzhin gter ldan ka pA la// lho nas 'byor pa rgyas par byed// khams gsum dbang sdud ka pA la// nub na mtha' yas bsod nams sdud// cho 'phrul rtags 'byin ka pa la// byang na las rab rdzogs pa ni// gzugs brnyan dkyil 'khor g.yas dag tu// snod bsdus dbang du bsdu bar bya'o// dbus su byang sems dri chen shar// mAM sa lho la rak+ta nub// dri chu byang ste byang chub sems// lus khams bdud rtsi chen por gnas// rang bzhin gsum las bdag nyid lha// bde chen oM la longs spyod AH// chos mdzod hUM yig sprul par swA// gsang dbang yi ge ha gnas te// rlung lnga 'byung
- 181a
ba'i 'dra 'dun// don mdzad gzung gi mdzad pa ste// slar 'dus sman la zam pa na// da nyid rgyal ba rigs lnga'i sgra// gsung dang phyag mtshan slar rdzogs gsal// rang rig chashas can lnga// de nas 'phro 'du bya ba yang // spyir ni rtsa ba'i gsang sngags mchog/ oM AHhUM swA hA/ dz+nyA na badz+ra tsit+ta a mr-i Sha sa ma ya swA hA/ de nas sbyor ba byas pa yis// byang chub sems ni sbyar ba bya// oM AHhUM badz+ra satwa hUM// sarba e'u shud+d+he a mr-i ta su kha ma hA yo ga hAM tsit+ta hUM/ ak+Sho b+hA rA Sha ra tri sa ma ya s+t+waM/ lho ru kha bltas mAM sa byang // sna tshogs bsgral ba'i sha rnams nyid// oM AHhUM rat+na saM b+ha ba ma hA mAM sa ma ya/ ma hA sa ma ya rA goH haM/ rat+na ra ti sa ma ya s+t+waM/ nub nas pad+ma rak+ta la// snang ba za' yas sngags kyis sbyang // oM AHhUM pad+ma a mi ta b+ha/ rak+ta mU la a mr-i ta// rA ga ra ti sa ma ya staM/ byang nas dri chu'i snod blang la// don yod grub pa rta mchog sngags// oM AHhUM a mo g+ha sid+d+hi a mr-i ta kuN+Da li/ badz+ra ra ti sa ma ya s+t+waM/ dbus snod dri chen rnam snang gis// sbyang bar bya ba gsang ba'i sngags// oM AHhUM bud+d+ha be ro tsa na ma hA yo ga a ti s+pha ra Na/ ba lin a ti sta u ti sta oM/ mo ha ra ti sa ma ya badz+ra ra ti sa ma ya s+t+waM/ bdud rtsi rnam lngar byin phab nas// ye shes rnam pa lnga yang gsal// de nas 'bru bcud chang rnams la// gsang ba'i sngags kyis sbyang bar
- 181b
bya// oM a mr-ita badz+ra gad pra ba ta swA hA/ oM te na hUM/ te te hUM/ bi ta saM sho d+ha ya/ kro tishwa rI sA hA/ 'o ma sna tshogs sbreng bya zhing // de yi bcud kyang mar ltar sbyang // oM AHhUM a mr-ita bi tha saM sho d+ha ya hUM hrIHtha/ rin chen sna tshogs brdar byas nas// yon tan dpag tu med pa'o// oM AHhUM sarba pany+tsa a mr-ita rat+na tsit+ta hUM hrIHtha/ chu rnams sna tshogs tha dad pa// lan tshwa'i ro ltar sbyang bar bya// oM AHhUM sarba pany+tsa a mr-i ta pa ni kuN+Da li hUM hrIHtha/ bdud rtsi rnam pa lnga po ni// rang gi lus kyi khams yin pas// phung po lnga nyid gso mdzad cing // rigs dang ye shes 'ju 'dul bya'o// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ de nyid rigs lnga'i le'u ste bcu gcig pa'o// // de nas bcom ldan 'das kyis bdud rtsi chos kyi skur sangs rgyas pa'i dgongs pa 'di gsungs so// dbus kyi pho brang chen po ru// bdud rtsi chen po'i snod bzhag pa// byang chub sems kyi chu bo la// 'khor 'das chos rnams 'dus pa ltar// mdor na sangs rgyas lnga rnams ni// rdo rje sems dpa' nyid la 'dus// byang chub sems ni rdo rje ste// ting 'dzin gsal bas lha yi sku// 'og min gnas nas spyan drangs nas// gnyis med sku la gnas par bya// de nas 'dzab dgongs bzlas pa yang // gsung ni rlung gi sgra la gnas// de rgyus
- 182a
srog shing rnam pa gsum// ldang 'jug gnas pas sgra rnams sgrogs// oM AHhUM sarba pany+tsa a mr-i ta badz+ra satwa hUM/ mtshan don bsnyen pa rdzogs nas ni// dngos grub dag kyang blang bar bya'o// mi bskyod rdo rje sems dpa' nyid// sangs rgyas kun gyi thugs la gnas// ji snyed bsam yas bdud rtsi rnams// byang chub sems su rnam par zhu// thams cad bdud rtsi lnga'i rang bzhin/ rin po che phreng ba'i rgyud las// sman phye ma sbyang pa gsang chen rigs gcig gi le'u ste bcu gnyis pa'o// // de nas bcom ldan 'das kyis khrol bu la dngos grub blang ba 'di gsungs so// de nas zhi ba'i lha tshogs rnams// rigs rnams so so'i yig 'bru yang // bdud rtsi chen po sman la bstim// gsang ba'i sngags kyis rab tu bya'o// oM a mr-i ta sarba sa ma yo ga hUM/ badz+ra sa ma ya hUM/ ma hA sarba a mr-i ta ma hA su kha hri/ oM sarba bi shud+d+he/ oM kro tI shwa rI/ sarba sho d+ha ya/ oM AHhUM badz+ra a mr-i ta hUM/ gsang sngags rgyal po mchog 'di yang // rab tu bzlas par bya ba nyid// de nas rdo rje dbyings kyi ni// lha tshogs mang por gnas pa kun// sangs rgyas dang ni rig ma yum// byang chub sems dpa' lha mo dang // sprul pa sgo ba rnams la bstod// sman pa'i che ba yon tan brjod// ngo mtshar chen po rab bskyed bya// slob ma kun gyi spyir bzhag de// lus khams bdud rtsi chen po
- 182b
'di// khams dgu 'dus pa'i dngas ma nyid// dus gsum sangs rgyas mchod pa dang // rang nyid bsgom zhing bsgrub par bya// sangs rgyas kun gyis rab tu bsngags// mchog gi dngos grub sku gsum 'grub// thun mong grub chen brgyad la sogs// ma lus 'di yis 'grub pas na// dngos grub dam pa blang bar bya// sbrul sku sangs rgyas mdzad pa rdzogs// longs sku rgyal ba rigs lnga nyid// lhag pa chen po chos kyi sku// sku gsum sman nyid sangs rgyas pas// de phyir 'ju 'dul dgongs pa yang // las rnams gzhugs la bya bar ni// kun bzang rdo rje sems dpas gsungs// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ sman khrol bu la dngos grub blang ba'i le'u ste bcu gsum pa'o// // de nas bcom ldan 'das kyis zhi khro mtshams sbyor ba 'di gsungs so// sgrub pa'i ging rnams chas su zhugs// glang po'i go ba thang ba nyid// tshul khrims zhing lpags chos gos dang // stag gi pags pa'i sham thabs can// de nas tsar ma'i zhing lpags la// ta kr-ita dkyil 'khor bris nas ni// ye shes snying po'i gnas bzhugs pa'i// byang chub sems dpa'i spyod pa'i chos// rtsa brgyad yan lag stong sbyar ba// rtog pa'i mtshan ma sngags kyis dag/ oM a mri ta kuN+Da li ha na ha na hUM phaT/ da ha da ha hUM
- 183a
phaT/ bca pa tsa hUM phaT/ rang bzhin rnam pa gsum po yang // dbyer med bdud rtsi cad la 'khyil// rang bzhin dkyil 'khor spyan drang yang // bdud rtsi nyid la thim par gyur// sha chen la sogs bdud rtsi lnga// rnam rtog dbyings su dag pa'o// oM AHhUM sarba pany+tsa a mr-i ta kuN+Da li hAM hrIHtha/ de nas btsag par bya ba ni// mtshan ma dag par byed pa ste// ho pa ya bi shud+d+he sA hA// de nas bsre bar bya ba ni// 'dres shing shin tu bsres pa'o// a mr-i ta mu sa la mu sa la swA hA/ de nas sbyar ba'i bya ba ni// rab tu dri mdog rdzogs ldan par bya// ka ma la kun+da li hUM hrI tha/ de nas gzhal zhing tshad brtags te// sbyin bsregs me phrang sman du blug/ ha ya gri ba hUM// pad+ma ta kr-ita hUM/ hu lu hu lu hri/ kuN+Da li hri/ de nas b+han+d+ha kha sbyar nas// dar gyis gril la rgyas btab de// tshon skud bcings nas bum par dril// zla gam dbang sdud gnas su gzhug/ ces gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ btags btsag mtshams sbyor ba'i le'u ste bcu bzhi pa'o// // de nas bcom ldan 'das kyis sgrub pa chen po sman pho brang bum pa'i sgrub pa 'di gsungs so// pho brang de la byin brlabs nas// mtshams bcad bar chad med par bstan// de nas dkyil 'khor rtsigs pa ni// 'dom gang gru bzhi
- 183b
legs byas la// dri sna lnga yi maN+Dal la// chag chag bdud rtsis rab byugs shing // thig gis rab tu gdab pa yang // cha chen cha brang snyoms la phyed// tshon rnams byin gyis brlabs nas ni// le'u tshe brgyad la 'khor lo brgyad// rin chen brgyad la sgo bzhir ldan// dur khrod brgyad kyis yongs su bskor// de dbus pho brang bum pa'i snod// bcud ldan dbus kyi zla gam nyid// mda' dang ral gri phur pa yang // dar dang bcas pas brgyan du bskor// glu dang gar dang stabs bcas pas// sangs rgyas rig 'dzin byin dbab bya// bdud rtsi dbus bzhag mtha' bskor nas// phyogs bzhi nas ni yon tan brjod// ma dag pa la mtshams bcad nas// las kyi gtsor ni bskang bshags byas// de bzhin nyid dang kun tu snang // rgyu las byung ba'i dkyil 'khor ni// 'byung ba lnga yi rim pa nyid// hUM dang e yaM raM dang ra// baM kaM bruM las byung ba ni// gzhal yas phyi nang med pa de// dur khrod khang pa rab tu bsgom// rdo rje brag chen bco brgyad gdan// e steng che mchog he ru ka/ dbu ni nyi shu rtsa gcig la// dus gsum sangs rgyas dbu la bzhugs// phyag ni bzhi bcu rtsa gnyis la// phyag mtshan bzhi bcu rtsa gnyis bsnams// yum ni dbu dgu bco brgyad phyag/ oM ma hA shrI he ru ka raM dza la raM/ ma hA kro d+hi shwa rI s+t+waM/ gzhan yang rigs bzhi he ru ka/ badz+ra khrag 'thung rnam
- 184a
pa lnga// badz+ra shrI he ru ka/ bud+d+ha shrI he ru ka/ rat+na shrI he ru ka/ pad+ma shrI he ru ka/ karma shrI he ru ka/ stong gsum khro bos rab bkang nas// khro bo gnas su yang dag bzhugs// oM badz+ra ma hA kro d+ha hUM ka ra hUM/ badz+ra ma hA kro d+ha bi dza ya hUM/ badz+ra ma hA kro d+ha ni la daN+Da hUM/ badz+ra ma ha kro d+ha ya mAn ta ka hUM/ badz+ra ma hA kro d+ha Ar+ya a tsa la hUM/ badz+ra ma hA kro d+ha ha ya grI ba hUM/ badz+ra ma hA kro d+ha a pa ra dzi ta hUM/ badz+ra ma hA kro d+ha a mr-i ta kuN+Da li hAM/ badz+ra ma hA kro d+ha tre lo kya bi dza ya hUM/ badz+ra ma hA kro d+ha ma hA ba la hUM/ rta mgrin bdud rtsi 'khyil ba dang // ye shes sems dpa' sa nur gsal// hri pad+mAn+ta kr-ita ha ya grI ba hriH/ dzaHhUM baM hoH/ a pre ta kuN+Da li hUM dza/ hUM dz+nyA na satwa hA/ hUM sa ma ya sa twa hA/ de nas tshul bzhin dbang yang bskur// sgra gsung thugs su byin gyis brlabs// oM sarba ta thA ga ta mu dra a b+hi Shiny+tsa hA/ oM ka ya wAka tsin+ta oM yadz+dza/ shes dkyil 'khor chen po yang // chos kyi dbyings nas spyan yang drangs// dzaHhUM baM hoH/ ma hA shrI he ru ka pad+man+ta kr-ita ha ya grI ba hUM dza/ dzaHhUM baM hoH/ A kaR+Sha ya hUM dza/ nam mkha'i mtha' mnyam ma lus pa// bdud rtsir gnas la kun phyag 'tshal// a ti pu ho/ pra tIts+tsha ho/ a la la ho/ rim bzhin che mchog khro mkhar du// go rim bzhin du bzhugs su gsol// ka ya wA ka tsit+ta sa ma ya lhan// phyi dang nang dang gsang ba
- 184b
dang // de kho na yi mchod pa 'bul// sku dang gsung thugs yon tan las// che ba rnams kyi sgo nas bstod// dngos grub ye shes gang yin pa// 'dod pa'i don la smon lam gdab// nyi zla gsal ba'i dkyil 'khor nas// 'byung lnga'i 'phro 'dus bsdu bar bya// gu ya lag pa'i phyag rgya yis// rta mgrin dpa' bo gsal bar bya// de nas bzlas pa bya ba ni// byang sems bdud rtsi'i rang bzhin ni// rnam par mi rtogs chos kyi sku// zhe sdang longs spyod rdzogs pa'i sku// chos kyi dbyings kyi ye shes kyis// zhe sdang byang sems dag bya'i phyir// sbrul sku'i yi ge 'bru dgu yis// bcu gnyis tshul du rnam par dag/ oM ni sku yi rang bzhin te// ji snyed snang ba'i chos rnams kun// chos kyi sku las ma g.yos pas// lhums su zhugs pa'i tshul dang sbyar// AHni gsung gi rang bzhin te// skye ba med las skye ba'i tshul// ting 'dzin rnam gsum tshul yin pas// lhums nas bltam pa'i tshul dang sbyar// hUM ni thugs kyi rang bzhin te// khams gsum sems can thams can la// thugs kyis 'gro ba'i don mdzad pas// gzhon nu rol rtsed mdzad pa'i tshul// sa ni yum gyi rang bzhin te// bder gshegs rgyal ba'i ye shes lha// thams cad bskyed pa'i gzhi yin pas// khab tu bzhes pa'i tshul dang sbyar// rba ni rlung gi rang bzhin te// thams cad bskyod pa'i mthur ldan
- 185a
pas// 'khor ba mya ngan 'das par bskyod// khab nas rab tu byung ba'i tshul// panya ni chu yi rang bzhin te// byang chub sems kyi chu chen po// thams cad rlan zhing snum par byed// dka' thub mdzad pa'i tshul yin no// tsa ni me yi rang bzhin te// ye shes chen po'i me long gis// nyon mongs thams cad sreg byed pas// bdud rnams brtul ba'i tshul dang sbyar// a ni byang chub sems kyi ngang // 'gro drug sems can thams cad kun// skye med dbyings su rnam dag pas// sangs rgyas pa yi tshul dang sbyar// mr-i ni dug gsum rtsad bcad ste// lus ngag yid gsum thams cad kun// sku gsung thugs su rab ldan pas// cho 'phrul chen po bstan pa'i tshul// ta ni 'gro ba so so la// bstan pa'i don gsung gnyis med bka'// theg pa chen po'i chos ston pas// chos kyi 'khor lo bskor ba'o// hrIHni thams cad dbang du sdud// thugs rje'i 'od zer thams cad kun// slar la bsdus te mi dmigs pas// mi gnas mya ngan 'das pa'o// tha ni tha tshig chen po ste// khams gsum srid gsum thams cad la// thugs rjes kun la khyab pas nas// sku gdung bgos pa'i tshul dang sbyar// sbrul skus de ltar don mdzad nas// nyon mongs byang chub sems su dag/ sems nyid ye shes ngang du gsal// mi gnas ye shes chen po'i ngang // bya bral bdud
- 185b
rtsi klong phyag bdud// oM AHhUM sarba pany+tsa a mr-i ta hUM hrIHtha// oM las 'od byung a yis spel// hUM gi bdud rtsi rnam dag bskyil// oM AHhUM sarba pany+tsa a mr-i ta kuN+Da li hUM hrIHtha// rtags dang mtshan ma 'byung ba ni// byang sems 'od dang dri chen dri// mAM sa'i 'phel ba rak+ta'i sgra// dri chu'i du ba 'byung ba de// spyi 'dus lha mo'i gzugs su ston// rtags med nyams chag bskang ba dang // spogs pa sgrub thabs bsgyur la bya// thang gcig yud tsam nyin zhag gcig/ bdud nam nyi shu rtsa gcig de// phyi ma'i dus la mi ltos par// tshe 'dir 'bras bu thob par byed// de nas bdud rtsi dbab pa yang // sngags dang phyag rgya gting 'dzin dbab// oM me pra be sha ya pheM pheM/ de nas zla gam dkyil 'khor du// klu bdag rgyal pos dbang du bya// oM AHhUM sarba pany+tsa a mr-i ta pad+man+ta kri ta ha ya grI ba e ka dza ti hu lu hu lu A yuR+She tsa a// de nas mtshan don bsnyen pa dbul// sngags kyi rgyal po 'di dag bzlas// oM sarba pany+tsa a mr-i ta many+dzu shrI bya ba lo ki te hUM hrIHtha/ oM ma ha gu ya sid+d+hi hrIHtha/ de nas lha tshogs thams cad la// gus pas gsol ba gdab par bya// slob ma dkyil 'khor 'jug pa yi// sngon nas slob dpon rig pas 'jug/ phyi ni rA sa ya na'i dbang // khrol bu bsgrub pa'i dus su bskul// nang ni bdud rtsi bum pa'i dbang // gsang ba'i dgongs pa smin par byed// oM AHhUM
- 186a
sarba pany+tsa a mr-i ta/ ka la sha a b+hi Shiny+tsa hUM/ gsang ba thabs dang shes rab dbang // sbyor ba'i dus su bskur bar bya// dngos grub rab ni sangs rgyas te// phyag rgya chen po mchog thob bo// 'bring ni rig 'dzin go 'phang thob// tha ma tshe dang mngon shes 'byung // oM AHhUM sarba pany+tsa a mr-i ta/ a ho su kha d+harma ka ya ni/ a mr-i ta sid+d+hi hrIHskye med na ro thig le'i gdangs// sku de dang po rten med gsung // gre 'byung gdangs yang thig les spras// kun gyi sems la yang dag gnas// sa rlung chu me nam mkha'i gnas// skye med skye mtshon so lce sbyar// sngags rnams kun gyi rtsa bar shar// klad du che ba rgyal po 'dra// chos skus kun la khyab par gnas// bdud rtsi chen po su 'chang ba// rigs lnga nyid la gnas pa de// mkha' 'gro kun dang 'grogs pa dang // yon tan brjod las 'da' ba'o// thams cad ma lus bdud rtsi rang byung rang za rang la thim// ril bor 'dzin pa'i bsam gtan yang // rjes su gzhig nas chos skur grol// mtha' yas sems can don gyi phyir// rgyal bas gsung phyir de don bsngo// dus dang gnas skabs ma lus pa// rang la gnas pa'i bdud rtsi la// rnal 'byor pa yis 'bral mi bya// chu bo rgyun gyi ting 'dzin gnas// lus dang grib ma ji lta bar// rnal 'byor lus khams bdud rtsi sbyar// zhes gsungs
- 186b
so/ thams cad bdud rtsi lnga'i rang bzhin/ rin po che phreng ba'i rgyud las/ sgrub pa po sman phye ma dngos kyi le'u ste bco lnga pa'o// // de nas bcom ldan 'das kyis blta ba bdud rtsi chen por la bzla ba 'di gsungs so// lus kyi khams dgu 'dus pa yi// bdud rtsi chen po'i rang bzhin yang // spros med chos skur gnas pa las// ma rtogs 'gro ba rnams su shar// rtogs na rdzogs sangs rgyas pa rnams// gzhi las 'bras bu'i bdud rtsi la// su zhig rnam par gang gis 'byed// nam mkha'i ngang gis 'byung ba la// 'byung bar phye yang nam mkhar gcig/ rang bzhin chos sku chen po yin// rnal 'byor don du gnyer ba rnams// bdud rtsi lnga la rlung sems 'dus// nyams ni sems la 'char bar byed// sngags kyang ngag tu 'bru lnga la// gar ni lus la rigs lngar 'byung // mthong snang yul 'di bdud rtsi lnga// bag chags rmi lam rmi ba rnams// bdud rtsi lnga ni dang po'i nyams// bar du rigs lnga longs spyod rdzogs// tha ma ye shes rnam pa lnga// khams kyi 'dug lugs rnam gsum gyi// dang po bar dang za ma yin// sgoms shig rnal 'byor dbang phyug rnams// zhes gsungs so// thams cad bdud rtsi chen po lnga'i rang bzhin/ rin po che phreng ba'i rgyud las/ mjug lta ba thig le chen por la bzla ba'i le'u ste bcu drug pa'o// // de nas
- 187a
bcom ldan 'das la 'khor rnams kyis/ bdud rtsi chen pos mchod nas/ 'di skad ces gsol ba 'debs shing bsngags pa chen po brjod do// lta bas zag bcad rgya mtsho zab// de phyir dngos por thag bcad pas// tha mar la bzla ngo mtshar che// gsang ba chen po khyod phyag 'tshal// spyod pas la dor dam tshig bsrungs// de phyir dam tshig dang por gsungs// bar du sgrol dang sbyor ba yis// bdag/ gzhan spyod pa khyod phyag 'tshal// bsgrub pas nyams su blangs pa ni// bsnyen pa phun sum tshogs pa nas// sa cho ga bshags pa mtshams rnams bcad// nye bsnyen dkyil 'khor sta gon rdzas// bsre bsnan las bskos gdab pa dang // rgyan btags phrin las gzhung bsrang ba// nang gi dam rdzas sbyor sgrol dang // phyi yi dam rdzas rtsi sman btsal// bsgrub pa khrol bu rnam pa gsum// rigs brgya rigs gcig rigs lngar bsgrub// phye ma btags btsag zhi khro spel// sgrub chen che mchog bum pa'i lung // sgrub pa nyams len khyod phyag 'tshal// zhes rjes su yi rangs nas/ ston 'khor chos kyi sku dri ma med pa'i ngang du thim mo// thams cad bdud rtsi lnga'i rang bzhin/ rin po che phreng ba'i rgyud las/ rjes su yi rangs pa'i le'u ste bcu bdun pa'o// // bdud rtsi gsung gi rgyud rin po che'i phreng ba rdzogs so// // rgya gar gyi paN+Di ta bi ma
- 187b
la mi tra dang / bod kyi lo tsA ba gnyigs dz+nyA na ku mA ras bskur ro// // @#/ rgya gar skad du/ a mr-i ta ma hA su kha tan+t+ra nA ma/ bod skad du/ bdud rtsi bde ba chen po'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku gsung thugs rdo rje/ yon tan phrin las ma lus lus pa med pa'i bdag nyid/ khams gsum pa'i sems can gyi de kho na nyid dang dbyer med pa/ 'di ltar sangs rgyas thams cad kyi sku gsung thugs rdo rje/ rdo rje snying po'i btsun mo'i b+ha ga la/ srid gsum pa'i bud med dang dbyer med pa'i bde stong chen po/ lhan cig skyes pa'i ye shes kyi rol pa chen po la yang dag par bzhugs pa/ de nyid gyi sras rigs lnga'i bde bar gshegs pa yum dang bcas pa dang / de dag gi sras phyi nang gi byang chub sems dpa' yab dang yum dang ldan pa dang / khams gsum pa'i rigs drug 'dul ba'i ston par gyur pa sprul pa'i sku thub pa chen po drug kyang mchod rten chen po brgyad kyi mdzad pa spro ba dang / gdug pa 'dul ba'i khro bo yab yum dang bcas pa bzhugs so// sangs rgyas dang / yul dang / byang chub sems dpa' dang / gzungs ma dang / sprul pa dang / khro bo dang / rig mar bcas pa rnams kyang / lus
- 188a
kyi khams dgu 'dus pa'i dngas ma chen po/ bdud rtsi chen po gsang ba bas kyang ches gsang ba/ yang gsang rmad du byung ba/ snying po las kyang snying po/ 'khor ba bdud kyi dug can la/ mya ngan 'das pa mgon po ye shes kyi rtsi gtong bar byed pa'i bdag nyid/ lus kyi khams bdud rtsi chen po'i dgongs pa la tha mi dad par spyod pa'o// de nas bcom ldan 'das dpal kun tu bzang po yang dag par rdzogs pa'i sangs rgyas dpal bde ba chen pos khyab pa de nyid ting nge 'dzin gyi cho 'phrul mdzad pa ni ting nge 'dzin gyi rgyal po seng ge rnam par bsgyings pa'i ting nge 'dzin la bzhugs so// rdzu 'phrul gyi cho 'phrul mdzad pa ni/ gnas spyod pa'i rdzu 'phrul dang / byin gyis brlab pa'i rdzu 'phrul mdzad do// chos gnang ba'i cho 'phrul ni/ 'khor sdud pa dang / chos rnams snang bar bskul pa mdzad do// de nas 'khor gyi nang nas rdo rje chos kyis/ bcom ldan 'das kyi rtsar seng ge'i 'gro stangs kyis dong nas/ zhabs spyi bor bzhag ste glang po che'i lha stangs kyis bltas nas/ khams gsum gyi ston pa 'khor 'das kyi bdag po la 'di skad ces zhus so// ho ma lus skur snang nam mkha' lta bu'i sku// nyi ma'i snying po bzhin du rab gsal ba// stong nyid shes rab thabs kyi snying rje can// stong nyid snying rje'i snying po khyod bzhengs la// lus khams bdud
- 188b
rtsi'i lus la ji ltar gnas// bgrod byed gom pa lam du ji ltar bsgrub// bdag gzhan dngos grub dbang gi 'bras bu gang // 'gro la phan phyir khyod kyis da ltar gsungs// zhes gsungs so// de nas bcom ldan 'das kyis bshad par zhal gyi bzhes pa 'di gsungs so// ye nas bdud rtsi lus gnas gzhi// de nyid nyams len bgrod pa lam// nar son mthar phyin 'bras bu nyid// lus la rten 'brel rab bsgrigs nas// tshang mas gtan la phab nas ni// 'khor ba mya ngan 'da' bya'i phyir// dgongs pa brda' yis rab bshad pas// 'gro ba'i don du rab nyon cig/ ces longs spyod rdzogs pa'i skus dgongs pa brdas bshad do// bdud rtsi bde ba chen po'i rgyud las// gleng gzhi dang gleng bslang ba'i le'u ste dang po'o// // de nas bcom ldan 'das yang dag par rdzogs pa'i sangs rgyas kyis/ gzhi dngos po gshis kyi gnas lugs 'di 'gro ba'i ched du gsungs so// kye ho 'khor 'das dbyer med chen po 'di// bcing med grol med rig pa nyid// thams cad kun bsang sngar shar// dbyer med bdud rtsi chen por gnas// ma rig las dang nyon mongs kyis// khams gsum 'khor bar snang ba ni// thog ma tha ma med dus na// snod bcud 'khor ba 'khrul par snang // ma rig pa nyid ye shes la// las nyid bde bar rang snang bas// ye
- 189a
shes mnga' bdag rigs lnga nyid// dus gsum sangs rgyas mes po yin// sems can lus la bdud rtsi gnas// rang byung bdud rtsi chen po ni// byang chub sems ni rgyu yi rtsa// bcu tshan gsum gyi steng du gnyis// de ni gnyis 'dus kun bzang gzugs// don dam gzugs kyi bdag nyid do// de yi gtso bo gsum gsum ni// shes rab ting 'dzin la la na// thabs kyi rang bzhin ra sa na// de kho na nyid gnyis med gzugs// a bad+hA ti chos 'byung gnas// dkyil 'khor de la rab gnas pa// mi bskyod rgyu ba la la nA// rak+ta rgyu ba ra sa nA// a ba d+ha tI byang sems rgyu// 'khor 'das chos rnams thams cad ni// phra mo phra mo'i rang bzhin can// de ni la la nA zhes bya// chos rnams thams cad brjod du med// de yi rang bzhin ra sa na// dbyer med pa yi bdag nyid ni// a ba d+hA tI zhes bya'o// rtsa ni sum cu rtsa gnyis kyi/ gnas dang de bzhin ming bstan pa// rkang pa g.yon pa'i mthe bong na// de yi rang bzhin med pa'i phyir// ming ni a b+hi da zhes so// rkang pa dag gi byin pa ni// nam mkha'i khams kyi rang bzhin phyir// de ming su k+Sha ma rU pA// brla ni g.yon pa dag na yang // 'dod pa lnga yi bdag nyid phyir// bdud rtsi di byA rgyu zhing gnas// gsang ba'i g.yon na de kho na// dmigs pa'i shes rab byed pa'i phyir// lus khams bA mA ru
- 189b
zhes so// lte ba phyag rgya chen po dang // rgyu mthun dag gis pa mi ni// snying ga lte ba'i g.yon pa na// 'khor ba dang ni mya ngan 'das// kha sbyar gzugs phyir kAr+m+ma dzA// nu ma g.yon na gnas pa ni// bde chen sgom pa b+ha ba ki/ mgrin pa g.yon na gnas pa ni// dri ma med byed she ga'o// lag mthil g.yon na dang po btsogs// dus byed pa ni doSh+Ta'o// ma mchu dag la gnas pa yang // bde chen 'bebs pa'i Sh+Ta'o// mkhur tshos g.yon na gnas pa ni// rnam pa blta ba mA ta rA// mig g.yon bde ba chen pos ni// 'khru ba dag gis sarba rI// rna ba g.yon pa'i rtsa na yang // rlung rab shes pa shrI ta da// ldan pa dag ni g.yon pa na// ma skyes phyir ni uSh+mA Na'o// spyi gtsug rdo rje 'dzin pa'o// mos dang dga' byed la la na// spyi bo spros pa dang bral phyir// a ba d+ha ti zhes bya gnas// spyi bo'i gtsug ni g.yas pa na// mya ngan dga' phyir ra sa na// blta ba dag na gnas pa dang // sku sogs bdag gi sra ba NA// ldan pa g.yas na mi bskyod pa// bdag nyid kr-iSh+Ta bar+N+Na'o// rna baM g.yas pa'i rtsa ba na// thams cad rjes 'gro sa ma n+ta// mig g.yas byed pa'i bdag nyid du/ gyur phyir he tu da yi ka/ mkhur tshos g.yas na dpa' bo yi// dga' ba bral ba'i yo ga'o// ya mchu dag la gnas pa yang // thams cad 'gro ma pre ma Ni// mgrin pa g.yas ma thog ma yi// rang bzhin med
- 190a
phyir sid+d+ha'o// lag mthil g.yas sgeg tshogs pa yi// ro byed phyir na pA ba ki// nu ma g.yas na lus 'bral ster// thob byed sum na gnas so// snying ga'i g.yas na sku gsung thugs// bdag nyid yin phyir tr-i pr-id+d+ha// lte ba'i g.yas na 'dod pas ni// dga' ba'i phyir na ka mi ni// chos 'byung g.yas na sangs rgyas rnams// gnas pa'i phyir na ge hA'o// brla g.yas thams cad bde chen pos// khyab byed tsaN+Da At+ma'o// byin pa g.yas na bgegs rnams ni// med byed ka t+ya ya nI'o// mthe bong g.yas na sdug bsngal rnams// mi 'jug ma dA ri ka'o// de ltar rtsa ni sum cu gnyis// lus gnas lugs dang lugs las bzlog/ rtsa ni de dag rnal 'byor pa'i// dngos po yongs su gyur pa'o// lus la stsogs pa rang bzhin bcings// bde ba chen pos yongs su 'gyur// khams kyi bdag nyid rgyu ba la// tshes grangs bzhin du phur pas btab// dur khrod mkha' 'gro'i mthu ru 'gyur// grang bzhin bde ba bsgoms pas ni// tsaN+Da lI yi gnas brtags pa// bde ba 'dzin pa'i bsgom du 'byung // a la sogs pa'i A li dang // ka la sogs pa'i kA li dang // rdo rje dang ni pad+ma dang // thabs dang de ni shes rab dang // bde chen longs spyod chos dang sbrul// dpa' bo'i dga' ba mchog tu dga'// bral lo lhan cig skyes pa dang // sku dang gsung
- 190b
dang thugs rnams so// e baM ma yA'i yi ge bzhi// e ni chos kyi 'byung gnas dang // stong pa nyid dang dga' ba dang // lha mos sangs rgyas spyan ma'o// baM ni chu dang mtshan ma med// mchog tu dga' ba mA ma ki// ma ni ma dang smon pa med// dpa' bo dga' ba gos dkar mo// yA rlung mngon par 'dus ma byas// lhan cig skyes dga' sgrol ma yin// lte ba sprul pa'i dkyil 'khor na// 'dab ma drug cu rtsa bzhi la// ka li sum cu rtsa gnyis ni// lugs dang lugs las bzlog pas na// yi ge drug cu rtsa bzhi'o// pad+ma 'dab ma bzhi pa ste// re rer ka la sogs pa bzhi// stong pa bcu drug yi ge ni// rnam par dag pas sangs rgyas pa// rang gi ngo bo yongs gyur pas// 'dab ma drug cu rtsa bzhi pa'i// rnam pa chos kyi 'byung gnas 'khor// snying ga chos kyi dkyil 'khor na// 'dab brgyad yi ge brgyad gnas pa// a ka tsa Ta ta pa ya// sha yi sde tshan dang po rnams// 'byung ba 'byung ba las gyur pa// phra mo la ni phra mo'i gzugs// pad+ma 'dab ma brgyad pa'o// mgrin pa longs spyod dkyil 'khor na// 'dab ma bcu drug gnas pa la// A li bcu drug gnas pa de// stong pa bcu drug rnam par gnas// lo yang bcu drug lon pa yi// shes rab longs spyod rnam pa'o// de phyir 'dab ma bcu drug pa// longs spyod dkyil 'khor zhes bya'o// spyi bo bde ba chen po
- 191a
yis// dkyil 'khor 'dab ma sum cu gnyis// skyes bu chen po'i mtshan rnams ni// rnam dag 'dab ma sum cu gnyis// ji ltar 'khor lo bzhir bshad pa// skad cig ma yang rnam pa bzhi// rnam pa du mar rnam par smin// rnam par 'joms dang rnam mtshan ni// nyon mongs rnams la bden pa bzhi// sdug bsngal dang ni kun 'byung dang // lam dang 'gog pa'i bden pa yang // rgyu yi theg pa rnams la snang // de kho na nyid bzhir snang ba// bdag sngags lha dang ye shes kyi// kho na nyid bzhir snang ba yang // gsang sngags phyi ba thabs rgyud la// dga' ba bzhi ru snang ba ni// dga' ba mchog tu dga' ba dang // dpa' bo dga' ba lhan cig skyes// ma hA a nu dag la snang // sde ba bzhi ru snang ba ni// gnas brtan pa yi sde pa dang // thams cad yod par smra ba dang // legs dpon pa yi bde ba dang // dge 'dun phal chen sde pa'o// de ltar skad cig dang ni bde ba dang // de kho na nyid bye brag dang // sde pa'i dngos po chung ngu dang // 'bring dang chen po la sogs pa'i// bye brag gnas gzhir rnam par gnas// zla ba g.yon la nyi ma g.yas// A li phra mo kA li rags// saM krAn+ti yang bcu drug ni// me Sha dang ni pr-i Sha dang // me thun na dang kar ka dang // sing ha dang ni ka n+yA dang // tu la dang ni pr-i ts+tsha dang // d+ha nu dang ni ma ka ra/ kum+ma dang
- 191b
ni mI na dang // tsan+da d+ha ra sur+ya d+har// ti la ka dang A ka sha/ saM krAn+ti ni bcu drug rags// khu ba g.yon nas dkar po dang // g.yas nas bskor ba'i bye brag gis// gnas kyang bcu drug ldog pa yi// rim pas sa/ krAn+ti bshad de// nyi ma dang po mthe bong a// gnyis par A ni byin pa na// baR+Ya la gsum pa i zhes bya// I ni bzhi pa gsang ba na// lte ba na yang lnga pa u// drug pa A ni snying ga na// nu ma na ni bdun pa raM// brgyad pa r-I ni mgrin pa na// lag mthil na ni dgu pa li// bcu pa la ni mkhur tshos l-I// e ni mig la bcu gcig la// snang ba'i rtsa ni bcu gnyis e// bcu gsum o ni dpral ba na// oM ni spyi bor bcu bzhi pa// g.yas dang g.yon gyi dbus na yang // yongs su gang ba'i aM dang AH// de dang de ltar khu ba yi// rnam pa phra mo la sogs pa// rim gyis rgyu bar byed pa'o// bdun pa de dag dril nas bstan pa la// de la gsum de grangs bzung ba dang // dbyug gu drug cu rtsa bzhi dang // dus kyi cha dang ldan pa dang // skar ma nyi shu rtsa brgyad dang // nyi ma bco lnga gza' dgu dang // saM krAn+ti yang bcu gnyis kyis// dus kyi cha yang gzung bar bya// nyin mo dang ni mtshan mo la// dbyug gu'i grangs ni drug cu ste// bzhi ni 'phel dang 'grib pa'o// de ltar gzung bar byas pa na// dus dang dbyug gu drug ci bzhi// thabs dang shes rab kun rdzob
- 192a
dang // kun rdzob med pa'i bye brag gis// ji ltar bstan pa'i gnas su ni// saM krAn+ti yang bcu drug po// rnam par dag pa khu ba yi// bye brag rgyu ba gzung ba ste// dbyug gu'i grangs ni de dag ni// gnas pa sum cu rtsa gnyis so// de dag thams cad 'khor lo bzhir// legs par gzung bar bya ba ste// bzhi po de yang lte ba nas// tsaN+Da lI ni 'bar ba yis// phyag rgya chen po'i bdag nyid 'gyur// nyi ma phyed la dbugs kyi grangs// de yang lnga stong bzhi brgya'o// nyi ma gcig la dbugs kyi grangs// de yang khri dang brgyad brgya'o// chu tshod gcig la dbyug gu'i grangs// sum brgya dang ni drug cu'o// de ltar dbugs kyi grangs brtsis na// nyin mtshan gnyis la dbugs kyi grangs// nyi khri chig stong drug brgya'o// grangs kyi de nyid shes bya zhing // dus ni nges par gzung bar bya// chu tshod dbyug gu drug cu bzhi// dus dang dbugs kyi mtshan nyid ni// nges par gtan la dbab pa ni// yum la sbyar la bdud rtsi dbab// dgra bgegs gnas bstab bsgral bar bya// phyi yi bdud rtsi gnas pa ni// 'byung ba bzhi las skyes pa rnams// snod kyi 'jig rten chen po na// mu la daN+Da gel ba dang // da la puSh+pa balka dang // pha la hr-i da rnam pa brgyad// nA ka sa chu me rlung las// rigs ni rnam pa lngar yang 'khrungs// nad rnams ma lus sel bar byed// na ba gso
- 192b
zhing shi ba slong // de phyir bdud rtsi zhes bya'o// zhes gsungs so// bdud rtsi bde ba chen po'i rgyud las/ lus khams bdud rtsi rang la gnas par rgyu'i le'u ste gnyis pa'o// // de nas bcom ldan 'das kyis lam gyi bdud rtsi lam gyi bdud rtsi chen po sgrub pa 'di dag gsungs so// ston pa rgyud lung man ngag shes// lta spyod sgom 'bras ldan pa la// gzugs kyi dkyil 'khor 'byung bzhi yum// 'khor rnams lnga las nyung ba min// yo byad rdzas dang nad khams gso// phyi nang sman rnams tshang bar bsog/ dben zhing nyams dga' ba yi gnas// chu shing rab tu 'dzom par gnas// ston dpyid brgyad dang snga dro yi// dus la thams cad 'du bar bya// bgegs gtor rgyal chen mnga' gsol nas// dam sri mnan pa sgo byang gdags// khro bcu phyogs skyong phur pas gdab// ma traM khog pa'i gzhal yas khang // mtshon cha dra ba gur la sogs// 'gros dang stangs stabs bsrung bar bya// blang zhing brtags nas skyon bsal nas// sbyang zhing bsrung ba'i sa blangs la// dkyil 'khor 'dom gang khru gang ba// bdud rtsi lnga yis chag chag gdab// ba su ta yi thig skud kyis// ling tshe dgu pa shin tu zlum// bcu drug 'khor los mtha' bskor cing // gru chad par khyams sgo dang bcas// sgo rgyan rdo rje me dpung 'bar// rdul tshon sna lnga rab sbyar nas// dpa' bo 'bru
- 193a
sngas byin brlabs te// de nas phyag rgya dgod par bya// rdo rje dbus la 'khor lo shar// shar lho spyan dri rin chen lho// lho nub rdo rje pad+ma nub// nub byang pad+ma rgya gram byang // byang shar ut+pal ling tshe dgu// bcu drug rtsibs la bri ba yang // shar du rdo rje lcags kyu dang // mda' gzhu se gol bri bar bya// lho ru rin chen nyi ma dang // rgyal mtshan tog dang so phreng bri// nub tu pad+ma ral gri dang // 'khor lo lce yang bri bar bya// byang du rgya gram go cha dang // 'tshe ba khu tshur bri bar bya// rtsibs mtshan phyag rgya dgod pa ni// shar du me long bdug spos dang // lcags kyu dang ni 'od zer 'bar// lho ru phreng ba me tog dang // zhags pa spyan yang bri ba'o// nub tu pi wang mar me dang // lcags sgrog rab tu 'bar ba'o// byang du phur bu dri chab dang // dril bu rab tu 'bebs pa'o// shar sgor tho ba lcags kyu bri// lho ru be con zhags pa dang // nub tu thod sbrul lcags sgrog bri// byang du rgya gram dril bu bri// mda' dar ral gri me long dang // tshon skud phur pa brgyad brgyad bskor// de la snod ni bcu drug dgod// dbus ni ye shes lnga ldan pa// shar du sku gsung thugs ldan te// lho ru yid bzhin gter ldan la// nub tu khams gsum yongs sgrol nyid// byang du cho 'phrul rtags 'byin no// mi 'gyur g.yung drung thod pa dbus// shar lho mi shigs
- 193b
mdzod ldan la// lho ru srid pa phongs sgrol te// nub byang dug gsum gtan sprugs nyid// byang shar mtshan ma spros bral lo// gru chad bzhi la dgod pa yang // yon tan rdzogs ldan shar lho'i grur// bkra shis mtshan ldan lho nub grur// mi 'gyur sra mkhregs nub byang grur// A yu dpal ldan byang shar grur// sgo bzhir pad can pad+ma'i rigs// dung can ma ni rdo rje'i rigs// rin chen rigs ni ba glang can// ri mo can ni las kyi rigs// rigs mthun b+han+na dgod par bya// de yi nang du blug pa'i sman// byang sems dkar dmar dri chen dang // pad+ma rak+ta mAM sa dang // dri chu nang gi rtsa ba lnga// ma hA de ba'i byang sems tshang // rdo dreg drang srong dri chen dang // lha yi mAM sa dbang po lag/ ram bu srin mo'i rak+ta dang // cong zhi khyab 'jug chu dang lnga// phyi yi rtsa ba lnga zhes bya// ga pur dang ni cu gang dang // a ru ra dang sukle dang // dza ti snying ni zho sha dang // mon cha ra dang li shi dang // gur gum mon lcam ka ko la// sman gyi rtsa ba rnam pa lnga/ mi lce yang grub thabs rnams su bza' skad yin par bshad// mi che gla gli snying lnga ni// mi las gyur pa rnam lnga yang // sbal pa spre'u dred mo dang // phyi ba tsha ni mes po yin// mche ba can las gyur pa lnga// stag dang seng ge sbrang ki dang // khyi dang dom ni lnga yin no// rmig pa kha brag gyur pa lnga// g.yag dang sha ba glang po che// ba glang phag dang lnga yin/
- 194a
no// rmig zlum rnam pa lnga snang ba// rta dang rnga mo dre'u dang // bong bu rkyang dang rnam pa lnga// gshog pa can las 'gyur pa lnga// rma bya khrung dang shang shang rte'u// bya wang dkar mo khyim bya dkar// de sogs klad pa dri chen sha/ khrag dang chu rnams bsgral rdzas ni// nyi shu rtsa lnga bsog par bya// mi sha glang po rta dang ni// ba glang bya khyi sha rnams blug/ ting 'dzin gsum las byung ba yi// 'byung lnga yum gyi b+ha ga ru// gzhal yas gdan dang bcas pa'i steng // mi bskyod kun tu bzang mo dang // rnam par snang mdzad sangs rgyas spyan// rin chen 'byung dang mA ma kI// snang ba mtha' yas na bza' dkar// don yod grub pa dam tshig sgrol// rdo rje sems dpa' sgeg mo dang // rdo rje rgyal po spos me dang // rdo rje chags pa lcags kyu ma// rdo rje legs pa sgrol ma 'od// rdo rje rin chen phreng ba ma// rdo rje gzi brjid me tog ma// rdo rje rgyal mtshan zhags pa ma// rdo rje bzhad pa rin chen spyan// rdo rje chos dang pi wang ma// rdo rje rnon po mar me ma// rdo rje 'khor lo lcags sgrog ma// rdo rje smra ba gsal bkra ma// rdo rje las dang gar mkhan ma// bsrung ba dri chab ma// rdo rje gnod sbyin dril 'khrol ma// rdo rje khu tshur 'bebs ma'o// stobs po che dang lcags kyu ma// gshin rje gshed dang zhags pas 'ching // rta mgrin lcags sgrog sdom pa mo// bdud rtsi
- 194b
'khyil pa dril bu 'bebs// dam pa rigs brgya mtshon dpe'i ched// dgongs pas lha dang sman ngo sprad// rtog pa sbrul skur sbyang bar bya// gsang ba'i sngags kyi yan lag sbyang // oM AHhUM sarba pany+tsa a mr-i ta ra sA ya na ta na dza ya g+hu h+ya sid+d+hi hUM hrIHtha/ sngon gyi sangs rgyas gar la dgyes// nam mkha'i khams kun gar gyis bkang // dus gsum sangs rgyas gar la dgyes// sa gzhi kun kyang gar gyis bkang // do nub sangs rgyas gar la dgyes// gzhal yas 'di yang gar gyi bkang // gar gyi mchod pa bla na med// g.yas kyi se gol ta la ho// g.yon gyi thal mo bsham la brgya// ta la bsham pa bstan byas nas// smin mtshams dag tu thal sbyar bas// nam ni dag la btab bya'o// 'di ni 'byung med ye shes yin// phyag rgya yin par dpa' bos bshad// phyag rgya'i mchod pa sna tshogs yin// gzung 'dzin rdo rje brtan pa'i sa// me long ye shes rdo rje'i sku// rdo rje bdud 'dul phyag rgya 'dzin// phyag 'tshal rdo rje mi 'khrug la'o// snang stong rdo rje nam mkha'i dbyings// chos dbyings ye shes rnam dag sku// rdo rje mchog gi phyag rgya 'dzin// phyag 'tshal rdo rje rnam snang la'o// rdo rje rin chen 'bar ba'i me// mnyam pa nyid kyi ye shes sku// rdo rje mchog sbyin phyag rgya 'dzin// phyag 'tshal rdo rje rin chen 'byung la'o// mtha' yas rdo rje chos kyis sku// kun rtog ye shes rdo rje'i
- 195a
sku// rdo rje ting 'dzin phyag rgya 'dzin// phyag 'tshal rdo rje mtha' yas la'o// don grub rdo rje bskyod mdzad rlung // nan tan ye shes rdo rje'i sku// rdo rje skyabs sbyin phyag rgya 'dzin// phyag 'tshal rdo rje don grub la'o// rdo rje sems dpa' yang dag gsungs// rdo rje bdud rtsi bla na med// chos rje chos kyi dbyings bsgrags pas// las rab rdo rje byed par 'gyur// rdo rje gsang ba chen mo ni// rdo rje sangs rgyas lo tsa na// thams cad kun gyi bdag nyid ma// phyag 'tshal rdo rje yum khyod la'o// rdo rje chen mo rin chen ma// ri mo can de mA ma ki/ rin chen dbyings ma dam tshig mchog/ phyag 'tshal rdo rje kun mchog la'o// rdo rje mdzes sdug pad+ma can// man+da ra ba rab dgyes ma// dgyes par mdzad pa dam tshig bskong // phyag 'tshal rdo rje mdzes sdug la'o// rdo rje khro mo 'bul ba che// sa ma d+ha ra dam tshig skong // thams cad dgyes shing mnyes mdzad pa// phyag 'tshal rdo rje sgrol ma la'o// shin tu 'bigs pas rdo rje ste// mchog gi sbyor bas lcags kyu'o// phra bar 'bigs pa mda' yin la// mgu pas dga' bar byed pa'o// spro bas rin po che ru bshad// nyi ma'i dkyil 'khor gzi brjid 'bar// bsgreng bas rgyal mtshan rjes su bshad// bzhad pas bzhad pa zhes su grags// 'dod chags dag pas pad+ma ste// nyon mongs dgra bcom ral gri'o// dkyil
- 195b
'khor tshul du 'khor ba'o// tshig tu brjod pas smra ba'o// sna tshogs las ni rdo rje ste// mi tshugs sbyor bas go cha yin// 'jigs par byed pas mche ba ste// bcings pa'i phyir na khu tshur ro// rdo rje 'gyings ma 'joms pa ste// rdo rje phreng ba'i yon tan 'byung // rdo rje sgra dbyangs don mchog bzang // rdo rje rol mdzad rol pa che// rdo rje sdug pa 'dod pa che// rdo rje mdzes sdug pad+ma can// rdo rje mar me snang mdzad ma// rdo rje dri chab dag par byed// bde ba rgyas 'debs yum gyi phyag rgyar gsal// bde ba za byed dkyil 'khor phrin las mdzad// bde ba rmongs byed gnyis su med pa'i don// bde ba tshe 'phel skye shi med pa'i don// thugs rje'i lcags kyus thugs kyi rgyud bskul zhing // byams pa'i zhags pas gnas nas spyan drangs nas// dka' yi gnas thob pho nya lcags sgrog ma// dril bus gsungs rab rgya mtsho'i sgra sgrogs ma// stobs chen rtse gsum dug gsum 'jom// gshin rje mi g.yo log lta sol// rta mgrin thod sbrul klu dug sel// bdud rtsi rgya gram phrin las mdzad// bskyod ma lcags kyu thugs dam bskul// sdom ma zhags pas gnas nas bskyod// sdud ma lcags sgrog gzhu mdzad ma// 'bar ma dril dkrol dgyes mdzad ma// phyag rgya gar gyi mchod par bzhes// dam skongs mthu dbang dngos grub stsol// sems ma bcu drug g.yon
- 196a
pa nas// lus kyi rtsa la rab tu gnas// sems dpa' bcu drug g.yas pa nas// lus kyi bdud rtsi gnas btsal nas// gyen 'gro thur du 'bebs par byed// rigs lnga yab yum 'khor lo bzhi// bsdam bya yin pas sdom par bya// nang gi phyag rgya dpa' bos bshad// ces gsungs so// bdud rtsi bde ba chen po'i rgyud las/ lam gyi bdud rtsi bsgrub pa las/ dam pa rigs brgya'i le'u ste gsum pa'o// // de nas bcom ldan 'das kyis sprul pa longs skur thim pa'i lam bdud rtsi bsgrub pa 'di dag 'gro ba'i don du gsungs so// bum pa rig pa'i dbang lnga dang // gsang dbang bde ba tsaN+Da lI// shes rab ye shes dkyil 'khor bzhi// bde chen srog shing rnam gsum las// dbang thob rnal 'byor chen po yis// lus khams bdud rtsi bsgrub par bya// dkyil 'khor ling tshe dgu pa zlum// gru chad par khyams sgo dang bcas// rta babs rdo rje me dpung 'bar// mkhas pas mtshon gyis bris nas ni// rigs kyi b+han+da rnam pa lnga// phyogs bzhi dbus dang lngar bkod nas// bdud rtsi byang sems rtsa ba brgyad// dri chen snang mdzad rtsa brgyad dang // sha chen rtsa brgyad dkon mchog dpal// pad+ma rak+ta rtsa brgyad snang mtha' yas// dri chu'i rtsa brgyad don yod grub// rigs lnga phye nas snod du blugs// byang sems dkar la 'tshor ba'i
- 196b
hUM// zhu nas rdo rje sems dpa'i sku// oM AHhUM badz+ra sa twa hUM/ sarba e ho shud+d+he/ a mr-i ta su kha hrIH/ ma hA yo ga tsit+ta hUM/ oM AHhUM/ a b+hu dA Sha ra ti sa ma ya s+t+waM/ dri chen 'khor lor oM gser mdog/ zhu nas rnam par snang mdzad sku// oM bi ro tsa na mo ha ra ti sa ma ya s+t+waM/ ma hA yo ga A d+hi pa ta na ba len te/ a mr-i ta/ u tsit+ta a d+hi tiSh+Tha au/ sha chen tAM yig ser po las// zhu nas rin 'byung dkon mchog dpal// oM AHhUM rat+na saM b+ha ba rat+na ra ti sa ma ya s+t+waM/ pad+ma rak+ta AM dmar las// zhu nas snang ba mtha' yas sku// oM AHhUM/ ma hA pad+ma rak+ta mu la/ a mi de ba rA ga ra ti sa ma ya hUM/ sa ma ya s+t+waM/ hrIHsu kha ho/ dri chu ljang gu yi ge hA/ zhu nas don yod grub pa'i sku/ oM AHhUM/ a mo g+ha sid+d+hi/ badz+ra sid+d+hi sa ma ya s+t+waM/ rnam par snang mdzad chos kyi sku// chos kyi dbyings kyi ye shes gyur// mi bskyod sems dpa' rdo rje'i sku// me long ye shes dag cing gsal// rin chen 'byung ldan longs spyod sku// mnyam pa nyid kyi ye shes yin// snang ba mtha' yas mngon byang sku// so sor rtog pa'i ye shes nyid// don yod grub pa sprul pa'i sku// bya ba grub pa'i ye shes gnas// de nyid rigs lnga zhes bya bas// sku lnga ye shes lngar dgongs pas// sku dang ye shes longs sku ru// gsal gdab dgongs pas longs sku bsgrub// 'og rlung bskyod pa bya ba yang // lus kyi rba rlabs
- 197a
bsgom par bya// mgrin pa zhi dang drag po yis// ngag gi rba rlabs bsgom par bya// pad+ma can nam dngos ni rab// ye shes phyag rgya la brten 'bring // ting 'dzin sems kyi rba rlabs rlog/ dang po thabs rgyud dag par bya// shes rab rgyud kyang dag par bya// gnyis rgyud dang por dag par bya// yab yum lus ngag mnyam pa dang // 'dod pa mnyam par gyur pa yis// thabs dang shes rab snyoms zhugs pas// yab yum khams kyi dngas ma nyid// mchog gi ze ba'i gnas su byon// thig le 'od 'phros rnam par 'gyur// g.yas kyi ro ma lte bar byon// nam langs nyi ma shar ba dang // gle ba bus pa lta bur ni// yal yal sangs sangs ltar ltar btang // ro ma snying gar chos gsum ldan// ro ma chos gsum mgrin par ldan// rna ba g.yas nas 'od zer 'phros// lhag pa lha yi dkyil 'khor spro// sems can rgyud las dbang bzhi bskur// de dag lhag pa'i lhar yang byas// gnyis bsres bdud rtsi'i bcud du gyur// tshangs pa'i bu ga'i sbyor zhugs nas// spyi bo chos gsum ldan par dran// mgrin pa'i gnas su byon pa yis// nyi ma stong gi gzi brjid ldan// snying gar kha dog lnga gyur pa// rtsa dag lte ba'i lam nas byung // de ni yum gyi mkha' la gnas// g.yas pa bzung ba'i rba rlabs rengs// rnam thar mtshan ma med pa'i sgo// de bzhin
- 197b
ye shes su langs so// bla ma dbang po thams cad la// bla ma ni dpal rdo rje snying po he ru ka yin la dbang po ni sangs rgyas dpag tu med pa'i tshogs te/ dus gsum gyi slob dpon la yang 'gal ba med do// de yang blta ba dang / dam tshig/ dbang / man ngag gi brgyud pa gsum dang bral ba ni bla ma ma yin par shes par bya'o// mnyes shing tshogs kyis gus mchod cing // 'dir dpal rdo rje snying por rang rang gi sgrib pa 'dag cing tshogs su gyur pa'i phyir dang / bla ma mnyes par bya ba'i phyir dang // ru tra'i tshogs rnams kyi bla ma dam pa dpal he ru ka la sku gsum thugs dang zhing mnyes par bya ba'i phyir/ lus dang rgyan dang lag cha dang 'khor tshogs ma lus par gus pas mchod pa mang po phul zhing // lus dang yo byad kun btang la// de bzhin du dbang dang man ngag thos par 'dod pas kyang rang gi lus bran du gzhug pa la sogs 'khor gsum yongs su dag pas mnyes par byas pas dbang dang man ngag 'thob pa'o// ru tras lus gdan du phul zod sgyogs bstabs so// dkyil 'khor gsum du gzhug par bya// rang gi snying po byang chub/ bla mas mngon du yid ches par bstan pa ni ma nga bzhin pa'i dkyil 'khor ro// sangs rgyas kun gyi sku gsung thugs kya nga ba bstan pa ni rang bzhin ldan gyis grub pa'i dkyil 'khor/ de gnyis rigs pa ma byung ma thos pa la 'jug pa ni rtsa ba byang chub kyi dkyil 'bar ro// dam pa gsum ldan rnal 'byor la'o// rgyal ba kun gyi sku gsung thugs thabs chen pos bzhag cing phog pas sems nyid nam mkha' ltar yid la byed cing 'jug pa med pa ni/ rnal 'byor dam pa'o// des rA tra dkyil 'khor du gzhug cing bla ma la yon dbul bar bsten pa'o// gang dang gang
- 198a
dad snang ba yang // chos kyi dbyings kyi ngang du 'dus// bcud rnams mang por snang 'gyur yang // chos kyi sku yi ngang du 'dus// snod bcud ma lus thig le che// mdor na sangs rgyas lha rnams ni// rdo rje sems dpa' nyid du 'dus// sems dpa' sangs rgyas kun gyi gtso// rdo rje dril bu yang dag 'dzin// chos lnga rab tu mdzes par brgyan// oM sarba pany+tsa a mr-i ta badz+ra tsit+ta hUM hrIHtha/ gsang tshan rigs gcig zhes bya ba// chos sku thig le nyag gcig yin// dgongs pas rdo rje sems dpa' gsal gdab// nang gi dgongs pas dus rnams su// rdo rje sems dpa' rgyun du bsgom// lam la bar chad yod srid na// sbrang dang goms pa la sbyar ba'i// 'pho bas rnam pa skad cig ma// rdo rje gsang lam chen po ru// man ngag cig char lam bgrod bya// rlung sbrang gang yang rung ba yis// nyi ma dang po srog rtsol rlung // khug pa bcu bdun thun bzhir nges// de bzhin nyi ma re re la// khug pa re re spel byas la// nyi shu rtsa gcig bar du sbyangs// nyi ma tha ma srog rtsol la// khug pa sum cu rtsa bdun 'gyur// nyi ma dang po gcig phri nas// de bzhin nyi ma re re bri// zhag grangs nyi shu rtsa gcig na// de yang sngar gyi tshad bzhin 'gyur// zhag kyang bzhi bcu rtsa gnyis su// rlung sbyangs rgyu ba gsal ba dang // rnam par nges pa 'byung ba'o// deng nas
- 198b
goms par bya ba nyid// sgra dang yi ge rnam pa gnyis// lus la sogs pa gnad phab la// hig kyang nyi shu rtsa gcig grangs// nyer gcig pa yang gso bar bya// yi ge goms par bya ba yang // phyi dang nang gi yi ge nyid// bshad pa'i sgo la sogs pa ru// gsang ba sgo dgu'i gnad dgu la// rkyang pa bzhi dang sba ba bzhi// yi ge ma bu'i sbyor ba yis// ngan song mtho ris gnas sgo dgag/ nang du dkyil 'khor rnam pa bzhi// rim pa yi ge bsten par bsam// g.yas dang g.yon pa'i srog shing la// A li bcu drug gyen bltas dmar// kA li dkar po thur la bltas// spel ma dag tu bkod pa bsgom// g.yas g.yon rnam pa gnyis bkag ste// rtsol ba'i dus nas mas gsal gdab// srog dus yas nas gsal gdab bya// thun bzhi zhag bdun bsgom pa'o// las sbyar bde 'gro 'gro gzhan dang // gling 'gro gzhan dang phyag rgya che// bde 'gro nges par 'chi ba'i tshe// tsog pur lus kyi phyi sgo rnams// yi ge bkag la mig sogs las// gang don sgo ni stong par gzhag/ snying gar rlung zla'i steng du hUM// tig gis nyer gcig mgrin par drangs// tha mar 'dod pa'i sgo nas 'phang // sgo yi drin 'brel de nyid kyis// bde 'gro de dang de sgrar 'grub// grong gzhan rgyal po'i bu sogs pa'i// rma med ma rul na tshod dang // rjes su mthun pa'i ro rten
- 199a
blang // khrus byas gu gul dud pas bdug/ lhar bskyed gnas gsum bsrung ba dang // nub kyang dang por srung 'khor mtshams// gnyis par rten de gnas dben gzhag/ dam tshig sha za mkha' 'gro sogs// tshogs kyi mchod pas mnyes par bya// nyin zhag gsum pa dag la ni// rang rlung ting 'dzin shugs btags la// nye ring tshod ni zin byas te// ci rigs par ni lus gnad phab// phyi sgo yi ge'i sbyor bas bkag/ sna yi sgo gnyis stong par gzhag/ sngar sbyangs rtsol ba'i rlung gis ni// sems rten snying ga la gnas pa'i// hUM las bye nas sna g.yas byung // rten gyi sna bug g.yon par bcug/ de yi snying gar hUM bzhag ste// srog rlung ci bder 'od du gzhug/ de ltar yang nas yang byas pas// de yis rten la rtags 'byung ste// snying ga spyi bor drod kyang 'byung // de nas lus ni thams cad khyab// mig 'byed 'dzum sgra la sogs 'byung // sems gcig dag gis rten gnyis ni// gzung ba'i dus zhes bya ba ste// de nas drag por byed pa ni// hig ni nyer gcig mgrin par drangs// rtsa gcig sna bug g.yas phyung ste// rten gyi g.yon nas zhugs nas ni// snying gar zhugs par bsam pa'o// zhi bas byed na rtsol ba nyid// sems rten mgrin pa'i bar du drangs// phul sogs tha ma sna g.yon bton// rten gyi g.yon bcug snying gar gzhag/ srog
- 199b
'jug pa dang bral bar bya// nges par las la sbyar te 'grub// de nas drin lan bsab pa'i phyir// rnying pa'i rten de ngang gis sbyangs// gsar pas 'gro don spyod sogs bya// gling dang skye gnas gzhan sbyor ba'o// lus sogs gnas la zab byas nas// phyi sgo thams cad yi ges dgag/ dri chen stu po'i lam// dri chu'i lam du spr-i ser po// lte ba s+t+waM sngon po la// mdzod pur b+h+rUM sngon dkar po// lce rtsar zla ba suM dkar po// sna la zla ba yuM sngon mo// yuM dmar zla ba rna ba gnyis// mig gnyis hUM sngon re re la// spyi gtsug khyung ni kha dog dkar// dmyal ba byol song 'dod khams gzugs// gzugs khams yi dwags gnod sbyin dang // grub pa'i lha mi mi rgyal gnas// tshangs sgo 'ba' zhig stong par bzhag/ snying gar rlung dang zla stengs su// sems rten mthing nag hUM bsam la// mgrin par nyer gcig hUM gis drangs// rtsa gcig gnad gsum 'dres tshul gyis// tshangs pa'i sgo nas 'phangs byas nas// rang nyid mngon par 'dod pa yi// bde ba can la sogs pa yi// gling dang skye gnas la sogs par// brdzus skyes dag tu 'dod pa na// ut+pal pad+ma la sogs pa'i// snying po las ni brdzus nas skyes// mngal skye 'dod na bram ze dang // rgyal po la sogs btsun mo yi// mngal de yid kyi yul de ru// 'phangs nas mda' gzhu sgrogs dang ni// 'khrul 'khor
- 200a
bzhin du 'grub par 'gyur// zhes gsungs so// bdud rtsi bde ba chen po'i rgyud las/ lam gyi bdud rtsi sgrub pa las gsang chen rigs gcig pa'i le'u ste lnga pa'o// // de nas bcom ldan 'das kyis lam gyi bdud rtsi phye ma yongs su btag pa 'di gsungs so// shun chen steng du tshags ma gding // rak+ta'i dkyil 'khor rtsibs brgyad dbus// zla gam dmar por sman spungs nas// dbyibs kyi b+ha ga shes rab stong // thabs kyi rdo rje snying rje nyid// mthar byed brgyad kyis rnam par brtag/ sman dang rtogs pa dgra bgegs dang // mtshan ma dbyings su dag par bya// oM AHhUM sarba pany+tsa a mr-i ta ha na ha na hUM phaT/ da ha da ha hUM phaT/ pa tsa pa tsa hUM phaT/ b+han+d+ha b+han+d+ha hUM phaT/ hu lu hu lu hUM phaT/ tiSh+Tha tiSh+Tha hUM phaT/ ts+tshin+na ts+tshin+da hUM phaT/ bin+d+ha bin+d+ha hUM phaT/ shar gyi dkyil 'khor zlum po ru// rdzas rnams gtun bus gtun tu btags// dbyings kyi rin chen gzhong pa ru// rig pa ye shes tshags ma yis// lho yi dkyil 'khor gru bzhi ru// mchod rdzas me mar lnga brgya sogs// mchod cing sman rnams btsag par bya// dar tshangs seng rgod nyid la bya// oM AHhUM sarba pany+tsa a mr-i ta sa ma ya sid+d+hi pha la hUM hrIHtha/ nub kyi dkyil 'khor zla gam du// yab yum sbyor ba byas pa ni// phyi dang nang dang gsang ba dang // de kho na yis sbyor ba bzhis// byang sems 'o/
- 200b
ma sna tshogs sbrengs// mar gyi bcud dang 'dra bar gnas// oM AHhUM sarba pany+tsa a mr-i ta ho sa ma ya bi shud+d+he hUM hrIHtha/ rgya mtsho la sogs 'byung ba yi// chu rnams tha dad ro gcig sbrengs// oM AHhUM sarba pany+tsa a mr-i ta sa ni sid+d+hi hUM hrIHtha/ gser dngul zangs lcags la sogs pa// rin chen sna lnga brdar ba bya// oM AHhUM sarba pany+tsa a mri ta rat+na b+he Sha dza sid+d+hi hUM hrIHtha/ sbrang chang bur chang la sogs pa'i// chang rnams ma lus sbreng bar bya// oM badz+ra kro ti shwa ri sho d+ha ya/ sho d+ha ya saM sho d+ha ya oM te na hUM hrIHtha/ byang gi dkyil 'khor gru gsum du// zhing bcu bsgral ba'i sha khrag la// sbyin sreg byas la me yi phud// sman gyi nang du blug par bya// oM sarba pany+tsa a mr-i ta raM dza la ag+ne sid+d+hi sa ma ya hUM hrIHtha/ oM a b+hi tsar+ya phaT/ oM ba shaM kA ru hrIHoM puSh+TiM ku ru swA/ oM shIn+taM ku ru hA/ rang byung zhal bu kha sbyar nas// rta mgrin dpal gyis rgyas btab ste// pho brang srang la gzhal byas nas// dkyil 'khor dbus gzhug gzungs zag gdags// rigs lnga'i phyag rgyas dbang bskur nas// rta mgrin bdud rtsi 'khyil pas bsrung // sman gyi lha mo spyan yang drang // drang srong rnams kyi rtog pa bsal// gu gul phyi nang gsang ba yi// dud pas bdug la spyan drang zhing // gong gis bgegs rnams bskrad par bya// oM hUM sarba pany+tsa a mr-i ta ha ya grI ba a mr-i ta kuN+Da li r-i Shi ga Na sid+d+hi de bI tsa
- 201a
ri pha la sid+d+hi pany+tsa ku la kA ya wAka tsiSh+Tha hUM/ mtshan ma'i rtog sbyong dgongs pa yis// mtshan ma thams cad dag par bya'o// zhes gsungs so// bdud rtsi bde ba chen po'i rgyud las// lam gyi bdud rtsi bsgrub pa las/ phye ma btag btsag pa'i le'u ste drug pa'o// // de nas bcom ldan 'das kyis bdud rtsi gang bu gcig pa'i dkyil 'khor sgrub pa 'di dag 'gro ba'i ched du gsungs so// thig bzhi btab pa'i dkyil 'khor du// dbus su zla gam gru gsum mo// 'khor lo rtsibs brgyad mu khyud bcas// gru bzhi sgo dang rta babs ldan// mdun du dpa' bo bdud rtsi snod// mchod pa rdzas dang bcas pa dang // chos sku de bzhin nyid las ni// longs sku 'byung ba kun tu snang // sbrul sku rgyu yi ting 'dzin ni// 'byung ba lnga dag yum lnga'i klong // nam mkha'i rlung dang khrag mtsho 'khyil// keng rus ri rab me dpung 'bar// dur khrod brgyad kyis yongs bskor ba'i// bde gshegs khang pa rab tu bzang // mu tig asma gar+b+ha dang // nor bu mtshan nyid theg pa gsum// rdo rje rtse gcig rtse gsum lnga// kri yog gsang sngags phyi pa gsum// pad+ma kha sbyor nyi shu bzhi// gnas dang nye ba'i gnas dang ni// zhing dang nye ba'i zhing dag dang // 'du sa nye ba'i 'du sa ste// tshan+do nye ba'i tshan+do nyid// dur khrod nye ba'i dur khrod du// dbang phyug pho mo nyi shu bzhi// kha sbyar ma
- 201b
hA yo ga yin// byol song gtso bo chen po brgyad// 'bar ba'i gdan rnams rnam par mdzes// stong gsum khro bo'i dkyil 'khor du// mthar byed khro bo'i rnam pa brgyad// sku gsum 'bar ba'i dkyil 'khor du// he ru ka ni dgu klong 'bar// mkha' mnyam klong gi dkyil 'khor du// khro mo gnas zhal yum dang gnas// 'chi med rdo rje'i dkyil 'khor du// dpal 'bar che mchog he ru ka/ sku gsung thugs su byin brlab pa'i// dgongs pas byin yang dbab par bya// dkyil 'khor bdud rtsis dgang ba dang // sbyor ba brgyad kyi 'ju 'dul bya// de nas 'dzab dgongs bzlas pa'i sngags// dgu pa 'di ni 'dzab du grags// oM badz+ra tsit+ta sa ma ya hUM hrIH/ gsang sngags rgyal po yang gsang ba// sangs rgyas kun gyi thugs mchog las// gsang ba 'di ni rab byung nas// mdzad pa bcu gnyis 'phro 'du bya// oM AHhUM sarba pany+tsa a mr-i ta hUM hrIHtha/ chos sku'i ngang las bzhugs pa ni// lhums su gshegs pa'i ngo bo'i tshul// ting nge 'dzin yang rnam gsum gyis// sku bskyed pas na bltams pa'i tshul// 'phro 'dus 'gro ba'i don mdzad pa// gzhon nu rol pa mdzad pa'i tshul// g.yon gyi phyogs su yum bskyed pas// khab bzhis mnga' dbang che ba'i tshul// thabs dang shes rab gnyis med pas// dbyer med rab byung thar pa'i tshul// thabs dang
- 202a
shes rab bskyod pa ni// de ni dka' thub mdzad pa'i tshul// yab yum lhan cig dgyes par rol// sku nyams bstar ba sangs rgyas tshul// phyag rgya rnam pa bzhi ldan pas// bdud bzhi bcom pas bdud btul tshul// byang sems dkar dmar 'od 'phros pas// cho 'phrul bstan pas cho 'phrul tshul// 'gro la thig pa'i chos sgrogs pas// chos kyi 'khor lo bskor ba'i tshul// slar la 'dus nas mi dmigs pas// mya ngan las ni 'das pa'i tshul// thugs rje kun la khyab bstan pas// de ni sku gdung bgos pa'i tshul// oM AHhUM badz+ra tsit+ta hUM hrIHtha/ dang po ston pa'i thugs rje yis// sa steng sman babs lhums su gshegs// de nas sa steng skyes pa ni// de ni lhums nas bltams pa ste// de nas sdong bur gyur pa ni// gzhon nu rol rtsed mdzad pa'o// de nas yal ga 'phel ba ni// yum ni khab tu bzhes pa'o// sman rnams brko zhing bregs pa ni// ston pa rab tu 'byung ba'o// bskams shing snod du bsrel ba ni// chu 'gram dka' thub mdzad pa'o// khrol bu tshom bu lngar phyed pas// rigs lngar sangs ni rgyas pa'o// nus mthus nad dang bdud sde bzhi// btul bas bdud ni btul ba'o// shes rgyud 'gro ba'i nyon mongs bcom// chos kyi 'khor lo bskor ba'o// dri ro sgra 'od du ba sogs// 'byung bas cho 'phrul bstan pa'o// sman rnams
- 202b
btags dang btsags pas na// sku ni mya ngan 'das pa'i tshul// bdud rtsi rim par bgos pa ni// sku gdung rim par bgos pa'i tshul// oM AHhUM badz+ra a mr-i ta hUM hrIHtha/ de la drod rtags 'byung ba ni// byang chub sems las 'od 'byung zhing // dri chen dag la dri 'ong zhing // sha chen mang du 'phel ba dang // rak+ta la ni dud pa 'thul// dri chus sgra ni sgrogs pa dang // lus khams bdud rtsi lnga 'dus pas// lha mo'i gzugs kyang ston par byed// de dus dbab dang bskyil ba'o// dgongs pas mtshan mar bstan par bya'o// 'chi med rdo rje'i dkyil 'khor du// bde chen dkyil 'khor haM la dbab// mkha' mnyam klong gi dkyil 'khor du// longs spyod dkyil 'khor aM las dbab// sku gdung 'bar ba'i dkyil 'khor du// chos kyi dkyil 'khor hUM las dbab// stong gsum khro bo'i dkyil 'khor du// sprul pa'i dkyil 'khor a las dbab// oM AHhUM sarba pany+tsa a mr-i ta me pra be sha ya pheM pho pe/ srog shing gsum gyi mdud pa la// bdud rtsi rab tu bsgril bar bya// la la na dang ra sa nA// dkyil 'khor bzhi yi nang du bskyil// nyi ma zla ba rnam pa gnyis// gzung dang 'dzin pa 'khor ba'i rtsa// dbyings dang ye shes bdud rtsir bsgril// a ba d+hU ti gzung 'dzin spang // gnyis med chos sku chen por bskyil// bde chen longs spyod chos dang sprul// rang gi
- 203a
gnas su bsgril bar bya// lhan cig skyes pa bde stong 'khyil// oM AHhUM sarba pany+tsa a mr-i ta kuN+Da li hUM hrIHtha/ de nas dkyil 'khor lha rnams kyi// phyag rgya rab tu bshad par bya// phyag rgya'i ngo bo lha yi sku// phyag rgya dag dang bcas pa'o// nges tshig rgyas ni 'debs par byed// gdab par bya ba rnal 'byor lus// 'debs par byed pa lha skur btab// bar chad las ni bsrung ba'o// dbye ba rnam pa'i dpe bshad pa// ji ltar 'khor los bsgyur ba yi// rgyal po'i phyag gi rgyas btab pas// lam gyi 'jigs pa ma lus rnams// nges par bsrung zhing sel 'gyur ltar// de bzhin tha mal lus nyid la// lha yi rgyas btab gyur pa gang // 'khor ba'i 'jigs pa dag las grol// dbye ba rnam pa bzhir gnas pa// phyag rgya chen po lha yi sku// dam tshig phyag rgya yum dang 'khril// las kyi mkha' gsang 'phro 'du byed// chos kyi la pa 'khor ba 'dren// phyag rgu zhes ni rgyal bas gsungs// hUM mdzad rdo rje tri shA la// rnam rgyal 'khor lo kha TaM ga/ dbyug sngon me dpal dbyug pa bsnams// gshin rje thod dbyug dgra sta dang // mi g.yo ral gri zhags pa la// rta mgrin dbyug to sbrul zhags bsnams// gzhan gyis mi thub lcags kyu zhags pa dang // bdud rtsi rgya gram dril bu la// khams gsum 'khor lo ne'u le bsnams// stobs chen thod pa zhags
- 203b
pa ste// gzugs brnyan dkyil 'khor dag la bris// bde gshegs khrag 'thung phyag rgya ni// 'khor lo dgra sta zhags pa g.yas// b+han+d+ha rnge'u chung kha T+wAM g.yon// rdo rje khrag 'thung chen po ni// rdo rje zhing dbyug kha T+wAM g.yas// b+han+na zhing chen rgyu zhags g.yon// rin chen khrag 'thung chen po ni// rin chen gshol dang gtun shing g.yas// b+han+na dgra sta rnge'u chung g.yon// pad+ma khrag 'thung chen po ni// pad+ma rnge'u chung ral gri g.yas// b+han+d+ha kha T+wAM thod phreng g.yon// las kyi khrag 'thung chen po ni// ral gri zhags pa rde'u chung g.yas// b+han+d+ha rnge'u chung dril bu g.yon// khro bo rak+Sha he ru ka/ dang po gri gug thod pa dang // bar ma rdo rje dril bu ste// tha ma kha T+wAM rnge'u chung g.yon// khro rgyal dam tshig he ru ka/ dang po gri gug thod pa la// bar ma rin chen dril bu ste// tha ma be con cang te'u bsnams// khro mchog yak+ka he ru ka/ dang po gri gug thod pa la// bar ma pad+ma dril bu ste// tha ma dgra stA Da ma ru// khro chen rak+Sha he ru ka/ dang po gri gug thod pa la// bar pa rgya gram dril bu nyid// tha ma ral gri rde'u chung bsnams// gzugs brnyan dkyil 'khor gnas su bri// dkyil 'khor rdul tshon chen po la// lha yi phyag rgyas rgyas btab pas// byin brlabs bar chad dag las grol// dus bzhi dus drug nyu le ma// bzlog cing bsrung bar byed pa'o// blta ba'i don gyis bsrung ba ni// khro bo
- 204a
dpal ldan he ru ka/ 'bar ba'i gar dgu rab tu khro// sgeg pa dpa' ba 'jigs su rung // rgod dang gshe dang rngam pa dang // snying rje ngo mtshar zhi ba nyid// dbang phyug chen po 'dod chags sgeg/ min ba su ka ra dpal// khyab 'jug 'jigs pa'i gzugs su sprul// sku yi gar gyi 'dul bar byed// gzhon nu smin drug rta gad dgod// tshogs kyi bdag po gzhan la gshe/ sgra gcan nyi zla mid pas rngam// gsung gi gar gyis 'dul bar byed// brgya byin snying rje'i sems kyi skyong // klu chen 'dre ldog ngo mtshar che// me lhas bsregs nas 'jig rten zhi// de dag thugs kyi gar gyis 'dul// nyams ni sems la shar bas thugs// sngags ni ngag du shar bas gsung // gar ni lus la 'chang bas sku// mthong snang yul la shar bas khro// bag chags rmi lam rnal 'byor ston// bcud ni rtogs pa bdag gi dpal// snod ni thugs rje gzhan gyi dpal// sbyor ba bdag la rtog pa dang // sgrol bas gzhan la thugs rjes skyong ba dang // zhi gnas bdag tu rtog pa zhi// lhag mthong gzhan rig rnam par rtogs// chos sku rig pa nang na gsal// gzugs sku thugs rje phyi la 'char// snang stong yul la dgyes pa ho// bde stong lus la chags pas ru// rig stong sems kyi mdzad pas ka/ chos sku yul la dgyes pas he// longs spyod rdzogs skur
- 204b
chags pas ru// sbrul skus mdzad pa mthar phyin ka/ 'di ltar snang srid 'khor 'das rnams// dpal ldan he ru ka ru gnas// zhes gsungs so// bdud rtsi bde ba chen po'i rgyud las/ lam gyi bdud rtsi gong bu bsgrub pa ste le'u bdun pa'o// // de nas bcom ldan 'das kyis 'bras bu'i bdud rtsi 'di dag 'gro ba'i ched du gsungs so// de nas dngos grub dkyil 'khor mchog/ zla gam sgo ni shar du bstan// rdo rje nyi ma nub nas ni// skya rengs 'char ba'i bar du bsgrub// dngos grub rdzas rnams rab tu bsog/ tshe dang gal dang zla rgyas dang // zla phrum 'jam des kun du rgyug/ bran mo g.yo can sgur po bsog/ bdud rtsi 'khyil pa khro bo che// g.yas dkar g.yon dmar dbus ma ldang // rgya gram bsil byed ral gri g.yas/ 'ad tha ba tshan men cad daH6/ zod khrag zo ba kha T+wAM g.yon// oM AHhUM sarba pany+tsa a mr-i ta kuN+Da li a hUM su kha d+ha ka ya sid+d+hi pha la a la la ho/ thun mong grub chen brgyad dang ni// sna tshogs las rnams grub pa dang // mchog gi rig pa 'dzin pa dang // sku gsung dngos grub rgya chen blang // de nas dbang gi dkyil 'khor mchog/ dbang stegs zla gam sgo dang bcas// rta mgrin g.yas dkar g.yon sngo ba// rta mgo ljang zhur le brgan rdog/ kha T+wAM lcags kyu ral gri g.yas// thod pa mdung dang zhags pa g.yon// mi pham ma dang ral
- 205a
pa gcig/ khro gnyer ma dang ro langs ma// thams cad dbang du 'dus nas ni// slob ma snod dang ldan rnams la// bdud rtsi mchog dbang rab tu sbyor// bum pa cod pan rdo rje dril// ming dang rig pa'i dbang lnga po// dam pa rigs brgya'i dbang du bsgyur// nyan dang 'chad dang bsgom pa dang // phrin las rdo rje slob dpon dbang // de nyid rigs lnga'i dbang du bskur// gsang dbang bde ba chen po dang // shes rab ye shes gsang dbang gsum// dngos grub len pa'i dbang du bskur// khro bcu khrag 'thung klong dgu ni// bdud rtsi bsgrub pa'i dbang du bskur// bdud rtsi bum pa'i dbang chen ni// bdud rtsi mchog gi dbang du bskur// oM AHhUM sarba pany+tsa a mr-i ta a b+hi Shiny+tsA maM/ a b+hi Shi ka te sa ma ya shrI he ru ka/ zhes gsungs so// bdud rtsi bde ba chen po'i rgyud las/ dngos grub bdud rtsi 'khyil pas bsrung ba dang // dbang rta mgrin gyi dbang du bya ba ste 'bras bu'i le'u ste brgyad pa'o// // de nas bcom ldan 'das kyis bdud rtsi bde ba chen po'i gzhi lam 'bras bu'i don bsdus pa 'di gsungs so// de nas rten 'brel sgrig pa'i gzhi// rdo rje lus kyi mtshan nyid la// lus khams bdud rtsi lngar gnas pa// sku ni dam pa rigs brgya la// gsung ni de nyid rigs lnga ste// thugs ni gsang chen rigs gcig gnas// de ltar
- 205b
shes pas btag btsag gnyis// dbyer med gong bu gcig par gnas// rten 'brel thog mtha' bar bsten pa// thog ma kun gzhi rgyud gnas pa// lus ni thabs kyi rgyu nyid la// mtshan ldan mo la sbyor ba ni// byang chub sems kyi bdud rtsi nyid// zhing bcu gnas nas sgrol ba ni// bsgral ba'i bdud rtsi chen po lnga// tha ma gnas 'gyur 'bras bu ste// sku bzhir mngon par sangs rgyas 'grub// rten 'brel nyid ni gang yin na// tshogs dang sbyor lam zhes bya ba// 'khor lo 'cham pa 'jig rten lam// bsgom dang mthong ba mthar phyin pa// 'khor lo bskor ba 'das pa'i lam// lam lnga yongs su rdzogs par 'gyur// lam bzhi las ni gang yin na// nyan thos mos pa chung ba dang // rang rgyal dmigs pa phra ba dang // byang chub sems dpa' dag dang ni// 'di ni byang chub chen po ste// thabs kyi gsang sngags khyad par 'phags// tshad ma bzhi ni gang yin pa// dang po'i lo rgyus tshad mar bshad// rten 'brel dpe mtshon mngon bya'i don// phyi nang bdud rtsi chen po bsgrub// rten cing 'brel ba du zhig gis// lam ni yongs su rdzogs par byed// rten 'brel bdun gyi gsang sngags kyi// rgyu lam 'bras bu rdzogs par byed// kun bzang rdo rje sems sogs pa'i// zhal nas byin gyis brlabs nas ni// dgongs pas 'khor du gang gsungs pa// bde gshegs
- 206a
bka' yi tshad ma yin// rgyal ba'i rig 'dzin gang zag rnams// gang nas gang du rgyun gyur cing // gsang ba zugs la gnas pa ni// bla ma'i man ngag tshad ma yin// dbang po za ma 'bring dang mchog/ thos bsam bsgom par rab sbyar nas// rang gi nyams su gang myong ba// rtogs pa rang rig tshad ma yin// phyi nang dngos po ma lus kun// sngon 'byung rjes 'jug la sogs pa'i// gtan tshigs byung khungs bcas pa rnams// dngos po lo rgyus tshad ma yin// drang srong chen po tshangs pa dang // ljang sngon dang ni tsa ra ka/ nab so skyes dang tha skar bu// lha skyabs dang ni rgyun shes dang // g.yon phyogs lha dang thang la gnas// me bzhi 'jug dang rkang gnyis spyod// ka ya na dang shing khyed dang // ljang sngon bu dang nyi ma dang // zla ba dang ni drang srong klu// gzhon nu sprin dang gzhon nu srid// 'dro bskyong dang ni rin po che// go'u ta ma dang mngon shes can// shing gi lha mo 'od 'chang ma// sman gyi lha mo nor gyi rgyun// rtsi yi grub pa'i blo gros ma// nags kyi lha mo rma bya'i mgrin// 'di dag rnams la kun bzang gis// rten 'brel sman gyi sgrub pa bshad// a ru ra ni rnam pa bdun// rnam par rgyal dang gsum gyis bsgribs// gso byed dang ni bdud rtsi dang // 'jig byed dang ni 'phel byed dang // skem byed dang ni bdun yin no// rnam par rgyal
- 206b
ba'i a ru ra// maN+Dal steng du bzhag nas ni// bdud rtsi lnga dang rab sbyar nas// rdo rje sems dpar rab bsgoms te// gsang sngags bzlas par gyur pa na// tshe la dbang ba'i rig 'dzin 'grub// oM badz+ra ak+Sho/ b+hubyA a mr-i ta badz+ra A yu She hUM a/ a ru ra ni gsum gyis bsgribs// bu ram sbyar ba'i ri lu la// rnam par snang mdzad bsgoms nas ni// nas re gnyis gnyis rtag zos na// mi de nad kun med par 'gyur// gsang ba'i sngags 'dis bsgrub par bya// au bai ro tsa na a na ha ri tA kI dzi na dzi ka/ ro ga pra sha ma na swA hA/ a ru ra ni gso byed yang // ser skya ba yi mar dang sbyar// zos na tshe ring nad med 'gyur// rin chen 'byung ldan rab bsgoms nas// gsang ba'i sngags kyi rab tu gdags// oM rat+na sam+b+ha ba a na ha ri ta kI rat+na d+h+r-i ka/ ro ga pra shA ma na swA hA/ a ru ra ni bdud rtsi yang // bu ram sbrang rtsi gsum po dang // cha mnyam zos na bcud len 'byung // snang ba mtha' yas rab bsgoms nas// zos na yid gzhungs drod skyed cing // stobs kyang ldan zhing rgas kyang sra// lus kyang dag pa nyid du 'gyur// oM a mr-i ta d+he ba e na ha ri ta ki a ro li ka/ A yur+dz+dza na tshe b+h+yAM/ a ru ra ni 'jigs byed ni// rlung nad la ni rgyam tshar sbyar// mkhris pa la ni pi pi ling // bad kan la ni sbrang rtsir sbyar// ma zhu ba la lga dang sbyar// rlung skran
- 207a
rgyam tshwa mar dang sbyar// bad kan ma zhu lga dang tsha// skrangs pa'i nad la ba gcin sbyar// mdze nad sha kra can la ni// tsi tra ka dang dar bar sbyar// nad rnams kun la mar du btso// sangs rgyas don yod grub pa bsgom// oM a mo g+ha sid+d+hi a na ha ri tA ka pradz+nyA d+h+r-ika/ ro ga pra sha ma na swA hA/ a ru ra ni 'phel byed ni// rgu drus dom mkhris sbyar nas ni// sangs rgyas kun tu bzang po bsgom/ oM badz+ra tsit+ta khrag nyag ram swA ha/ rma la btab na phan 'gyur te// sha khrag mi zad par yang byed// rma rnams 'brub par byed pas na// mchog tu mtshon dpal 'joms pa'o// a ru ra ni skem byed kyang // gu gu'i shing kun ga pur dang // gla rtsi ba bla ldong ros dang // mu zi shu dag sgog par sbyar// bu chung lus la btags gyur na// gdon rnams bsrung zhing nad rnams gso// kun tu bzang mor rab tu bsgom// ma dang bu la bsrung ba gdags// oM badz+ra b+ha dra sa man+ta pu tra rak+Sha ga s+ya ya swA ha/ star bu'i cho ga bstan pa ni// grang dro snyoms pa'i dus bzang nas// dang po zho ni phyed dang gnyis// de nas nyi ma re re zhing // zho ni phyed dang gnyis gnyis skye// srang ni phyed dang gnyis 'thung na// zla ba gcig tu 'o ma dang // sbyar 'thungs zas gzhan ma bzos na// tshe dang stobs brtan gzugs bzang ste// mdangs dang lang tsho bcud len 'gyur// dbyings phyug ma
- 207b
ni bsgom par bya// oM d+hA tI shwa rI A yuHpha la b+h+yAM/ bdud rtsi dam pa nye shing pa// shun gsal nang gi snying po phyung // brdungs nas gtsang ma'i ras la btsag/ sbrang rtsi 'o ma sbyar ba ni// zhag re srang re bskyed byas nas// zhag brgyad 'thung ngam zla gcig bza'// de 'og pa 'or 'bras btsos bza'// nad kyi 'chi med bcud len yin// sangs rgyas spyan ni bsgom par bya// oM bud+d+ha lo tsa na A yu She hUM A/ dbang po lag pa zhes bya ba// mar dang 'o ma bu ram sbyar// sna ma tshig par me la bskol// mA ma kI ni bsgoms la bza'// oM mo ha ra ti A yu She hUM a// tshe ring bsam pa 'phel ba dang // lus yang sha yang mkhregs par 'gyur// brag zhun 'grungs pa'i khu ba'i nang // gur gum bu ram sbrang rtsi dang // a ba sbyar nas lcags kyi snod// sna ma tshig par mes bskol nas// ril bu gos dkar bsgoms la bza'// nad med tshe dang lang tsho ldan// oM rA ga ra ti A yu She hUM a// cong zi dang ni bu ram dang // sbrang rtsi ka ra 'o ma dag/ mar dag sbyar nas lcags kyi snod// sna ma tshig par legs bskol nas// zla ba gcig tu bza' ba mang // dam ga sgrol mar bsgoms la bza'// nad med tshe ring bcud len 'gyur// oM badz+ra ra ti badz+ra A yu She hUM a// sman ni gnod sel zhes bya ba// tsan+dan dkar po pa ti ba// a ru ra dang gur gum dang // puN+Da rI ka
- 208a
spang spos dang // chu srin sder mo shing tsha rnams// sna re cha ni bzhi bzhi dang // ru rta ut+pal sug sme gsum// sna re cha yang lnga lnga dang // ba le ka ni brgyad brgyad kyang // skar ma rgyal gyi nyin par la// char pa'i chus sbrus sngags btab sbyar// dpral ba dag la bskus pa na// lha klu gnod sbyin srin po dang // lha min 'byung po zhi bar byed// dug nad can la chu dang sbyar// khong du 'thung na dug kun sel// mtshon gyis rmas pa'i rma byung na// rma khar bskus pas 'tsho bar byed// sdom dang sdig pa byi ba dang // dug sbrul gcan gzan gdug pa can// gang dag zin pa'i mi de yis// thigs pa gsum ni sna ru blug/ mig bskus 'thung dang rma khar blug/ bdug pas zin pa'i dug las thar// rtag tu lag tu bcangs pa na// gdon rnams thams cad thub pa dang // don rnams thams cad 'grub par 'gyur// de yi rig sngags 'di dag la'ang // sems dpa' bcu drug gang mos sam// sems ma bcu drug gang mos la// skyes pas sems dpar sgom dang gus// bud med yin na sems mar bsgom// mchod dang bstod dang mtshan thos bya// yang na yon tan dran byas la// sngags 'dis sman la gdab par bya// oM tad+ya thA ke she ke she bi mA ge pra la ma ba ma/ hi li hi li/ na mo bud+d+ha ya sid+d+han+ta man+ta pA da swA hA/ zhes ni sangs rgyas rnams
- 208b
kyis gsungs// zhes gsungs so// bdud rtsi bde ba chen po'i rgyud las/ rten 'brel tshad ma gtan la phab pa'i sman bdud rtsi ra sA ya na las sman thun mong bcud len dang rig 'dzin sgrub pa'i le'u ste dgu pa'o// // de nas 'khor du 'dus pa rnams kyis/ bcom ldan 'das la 'di skad ces bstod do// mi dmigs spros bral mnyam pa'i chos nyid las// thugs rje'i mdzad pa sems can don mdzad pa// shes rab stong nyid thabs kyi snying rje chen po las// snod kyi 'jig rten sman rnams bsgrub pa bcud len gyis// thun mong rig 'dzin lus kyi nad rnams 'joms// lus khams bdud rtsi bcud 'thung phung po'i nang / sangs rgyas rang zhal mthong byed dkyil 'khor lus// 'khor 'das don ston sku la rab tu bstod// ces mgrin gcig tu rab tu bstod do// de nas bcom ldan 'das kyis 'di skad ces gtad do// bdud rtsi chen po mchog gi chos// dus gsum sangs rgyas mchod pa'i sems// lus ngag yid kyi dri ma dag/ ma mo mkha' 'gro mchod pa yis// mthu dang rtsal gyi dngos grub thob// byang chub sems dpa' mchod pa yis// nad med tshe yi rig 'dzin thob// phyogs bcu'i rnal 'byor mchod pa yis// dam tshig nyams skong dngos grub 'byung // snod bcud bdud rtsi gtan la 'bebs// ma 'ongs bsgrub pa'i man ngag
- 209a
du// byed rnams tshogs kyis zang la sbal// zhes gsungs so// bdud rtsi bde pa chen pa'i rgud las// rgud yongs su gtad cing bstan pa mi nub par bstan pa rtsa le'u bcu pa'o// // bdud rtsi bde ba cheb po'i rgyud rdzogs so// // rgya gar gyi paN+Di ta bi ma la mi tra dang / bod kyi lo tsA ba gtags dz+nyA nas bsgyur ba'o// / @#/ rgya gar skad du/ sarba a mr-i ta bany+tsa b+ha ba dza ngan ni pha la rat+na pra b+ho ta ma dz+wa la tan+da/ bod skad du/ thams cad bdud rtsi lnga'i rang bzhin du 'khrungs shing skye bar byed pa'i 'bras bu rin po che 'od ltar 'bar ba'i rgyud/ bcom ldan 'das gsang ba mchog gi bdag po/ rdo rje khros pa'i sku gsung thugs bdud rtsi blang dor med pa'i mdzad spyod de nyid dgongs pa la phyag 'tshal lo// 'di skad thams cad bdud rtsi sman du shes pa'i dus gcig na/ bcom ldan 'das dpal rdo rje gzhon nu/ rigs dang ye shes kun gyi bdag po/ byi dang nang dang mthar zug kun gyis kyang // bdud rtsi sman gyi rang bzhin dngos mdzad pa/ gdul bya gdug pa can dug lnga dang nad bzhi brgya rtsa bzhis gzir ba rnams la sman gyi mchog tu bzhugs pa/ mtha' dang dbus med pa phyogs dang ris med pa/ thams cad bdud rtsi'i pho brang chen po'i gzhal yas khang na/ zhi ba'i lha tshogs bdud rtsi mchog nyid bdud
- 209b
rtsi'i bdag nyid yum bdud rtsi 'bebs ma/ rigs lnga ni bdud rtsi skyil ba/ khro bo bcu ni bdud rtsi srung ba/ lha dang klu dang tshangs pa rnams ni bdud rtsi 'thung ba'i 'khor grangs med pa bsam gyi mi khyab brjod kyi mi lang ba zhing gi rdul tsam gyis bskor ste bzhugs so// de lta bu'i 'khor gyi nang nas dpal phyag na rdo rje rang gi stan las langs nas zhu ba'i spobs pa dang ldan par bzhugs so// bdud rtsi rin po che ji ltar 'khrungs pa'i rgyud ces bya ba las gling gzhi'i le'u ste dang po'o// // de nas yang rdo rje khros pa des sa la gnas pa dang / sa la spyod pa dang / lam rim par bsgrub pa dang / tshangs pa dang / lha dang / klu dang / gza' dang skar ma dang / gnod sbyin dang / lha dang lha ma srin sde brgyad dang / nam gru dang / ro langs dang / mkha' 'gro ma dang / mi dang dud 'gro dang / dmyal ba dang / yi dwags dang / 'byung ba lnga dang / rtsi shing dang / nags tshal thams cad rdzu 'phrul spyan gyis gzigs nas/ thams cad bdud rtsi'i rang bzhin du mkhyen to// de nas phyag na rdo rje rang gi stan las langs nas/ bcom ldan 'das la lan gsum du bskor zhing brkyang phyag 'tshal nas bskor ba mdzad de/ rdo rje khros pa la zhus pa/ thams cad bdud rtsi'i rang bzhin la// dug ces 'byung ba ci yi phyir// skye shi 'byung ba ci yi rgyu// 'di dag gson ji ltar
- 210a
lags// gdul ba'i thabs ni ji ltar bgyi// zhes zhus pas/ rdo rje khros pas bka' stsal pa/ thams cad ye nas bdud rtsi la// dug ces bya ba ga la yod// rang gi sbyor ba log mod kyi// ha la nag po rma bya'i gsos// chu dang mar sbyar snying rlung sman// dug tu 'dzin pa sbyor ba'i skyon// grang ba can la ga pur rnams// sbyor ba log na 'chi bar nus// chu yis gsos na sman mar dug/ de bzhin bdud rtsi thams cad dang // sbyor ba log na kun kyang dug/ mkhas pas sman du shes gyur na// 'jig rten gsum du grag pa la// dug ces bya ba'i ming yang med// thams cad sman du gyur pa la// mkhas pas sbyor ba rig par bya// skye rga na 'chi'i chu bo la// 'khor ba'i sa bon rtsub mo rnams// sdug bsngal lam gyi rgyun du chags// rtsa ba bdud bzhi mchod na// skye 'chi 'di las thar dus med// de dag gso ba rnam bzhi ste// skye ba gson bsod nams tshogs// skye ba rnam bzhi kun dka' yin// na ba gso ba sman gyis gso// de la bzhi brgya rtsa bzhi yin// rgas pa gson zas kyis gso// yang na rlung rnams zad pa yin// 'chi ba gson bdud rtsi bsgrub// tshe yi rig 'dzin thob pa yin// gdul ba'i thabs ni sku gsung thugs// cho 'phrul zad mi shes pas 'dul// zhes bka' stsal pas/ yang phyag na rdo rjes zhus pa/ 'jig rten khams ni rab
- 210b
'byams na// shin tu log pa'i sems can rnams// sman zhes bya ba'i ming med pas// bdud rtsi rnams kyang sgrib pas bsgribs// lus kyang bzhi brgya rtsa bzhis nyen// ngag kyang de yi rjes su 'brel// 'du ba'i dbang po de yis su// sems kyi skye shi thag mchod// shin tu rmugs pa'i sems can la// gdul thabs sprul pa mdzad par rigs// zhes zhus pas/ rdo rje khros pas dka' stsal pa/ thams cad bdud rtsi'i ting nge 'dzin la snyoms par zhugs te sprul pa mdzad pa/ sa bcu'i byang chub sems dpa' la// sku ni rnam par snang mdzad tshul// brgyad pa'i sa la rigs gsum mgon// tshangs rig rnams la lha chen gzugs// lha rnams kun la brgya byin te// lha min rnams la thags bzang ris// gza' skar rnams la khyab 'jug gzugs// klu rnams kun la 'jog po ste// dmyal ba rnams la gshed po ste// sgrib pa rnams la kha 'bar ma// dud 'gro rnams la seng ge'i tshul// mi rnams kun gyi 'jig rten du// shAkya thub pa'i tshul bstan nas// la la khyim pa lta bu'i tshul// la lar khab nas rab tu 'byung // la lar dka' thub dka' ba spyod// la lar byang chub shing dbang drung // la lar bdud bzhi 'dul bar ston// la lar mya ngan 'das tshul ston// la lar sku gdung ring bsrel ston// la lar chos kyi glegs bam ston// zhes thams cad
- 211a
bdud rtsi sman gyi rang bzhin du btul lo// bdud rtsi rin po che 'khrungs pa'i rgyan zhes bya ba las/ gleng slong ba'i le'u ste gnyis pa'o// // de nas yang phyag na rdo rje stan las langs te/ rdo rje khros pa la zhus pa/ de tshe 'gro drug sems can rnams// bdud rtsi'i don gyi zul lags te// 'jig rten bkod pa'i sa shed na// rA tra nag po ma thul ba// thugs rje'i bdag pos gdul bar rigs// thugs rje'i bdag po bde gshegs te// rtsa ba sdong po yal ga shun lpags dang // ngar ba lo ma me tog 'bras bur bcas// sems can rnams kyi gsos su byin brlabs pas// khyed kyi bsten pa 'di la gzud // bzhi brgya bzhi'i nad dang bral// skye 'chi bya ba'i ming yang med// ces bka' stsal pas/ ru tra nag po des saM gol lan gcig brdabs nas/ khams gsum srid gsum pa yi yul// 'gro drug sems can nga yi bas/ shing nags tshal nga yi gsos// sa phyogs 'dir ni khyod ci gtogs// zer nas kho ma nyan no// bdud rtsi rin po che ji ltar 'khrungs pa'i rgyan zhes bya ba las ma dad pa gdul ba'i le'u ste gsum pa'o// // de nas rdo rje 'dzin pas zhus pa// log pa'i rA tra chen po de// rgyu dang rkyen ni ci las byung // rigs dang sde ni gang du gtogs// 'bras bu smin pa ci zhig lags// btul na yon tan
- 211b
tsam thob// ma btul ba yi skyon ni ci// bka' stsal pa/ rgyu ni gzung 'dzin smon lam rgyu// rkyen ni chags sdang spyod la zhen// rigs ni 'khor ba'i rigs can te// sde ni 'byung po gdol par gtogs// sems la dug gsum rgyun bcangs nas// 'khor ba'i lo 'dab rgyas pa yis// sems can sman du ma shes par// 'jig rten khams kun dug tu spyad// 'bras bu rU tra chen por smin// btul ba'i yon tan dpag las 'das// dug gsum rtsad gcod 'khor dong sprugs// 'khor ba chos nyid chen por 'gyur// sems dang rdo rje sems dpar gnas// khog pa dur khrod brgyad du gyur// phung po bdud rtsi sman du 'khrungs// dug ces bya ba'i ming yang med// srid pa gsum gyi 'jig rten yang // rA sa ya na sman du 'gyur// thams cad bdud rtsi byang chub sems// ma gtul ba yi skyon bstan pa// lha dang mi yi srid brlag nas// kha lo log par bsgyur nas ni// lus la 'khor ba'i gter chags pas// sman zhes bya ba ming yang med// 'jig rten gsum yang dug tu spyod// de bas mngon par 'du mdzad nas// thugs rje chen pos gzigs par rigs// zhes gsungs so// bdud rtsi rin po che 'khrungs pa'i rgyan zhes bya ba las 'bras bu gtan la phab pa'i le'u ste bzhi pa'o// // de nas yang bka' bgros pa ni/ rdo rje 'dzin pas bka' bgros
- 212a
pa// rang sems bdud rtsi'i rang bzhin la// dug ces bya ba'i ming med de// shin tu 'khrul pa'i dug tu bzung // de bas mngon par 'du mdzad rigs// zhes bgros so// de bzhin gshegs pa'i rigs kyis bgros pa/ phung po ye nas bdud rtsi la// dug tu gzung bas skye shi byung // de bas mngon par 'du mdzad rigs// zhes bgros so// rin chen rigs kyis bgros pa/ 'du shes bdud rtsi'i rang bzhin la// sbyor ba 'khrugs pas dug tu 'gyur// de la mngon par 'du mdzad rigs// zhes bgros so// pad+ma rigs kyis bgros pa/ 'du shes bdud rtsi'i rang bzhin la// 'dzin pa log pas dug tu 'khrul// de la mngon par 'du mdzad rigs// zhes bgros so// las kyis rigs kyis bgros pa// 'jig rten gsum gyi rA tra 'di// las kyis 'jig rten khams 'dir byung // drag po rang dag 'thub tshod kyis// srid pa gsum gyi bdag por smin// 'jig rten khams kun 'jig par byed// tshangs pa lha dang klu dang mi// gnod sprin gza' dang rgyu skar dang // sman gyi drang srong yin mod kyang // kho yi 'khor du bsdus nas ni// srid pa 'jig rten snang srid kun// dug tu spyod pa'i rA trar gyur// lha mo klu mo mkha' 'gro ma// rtsi dang nags tshal sman rnams kyi// ye nas lha mo yin pa la// slas dang byi mo bran mor bsdus// nad dang rims kyi
- 212b
rkyargyal pa bskur// bzhi brgya rtsa bzhi shin tu 'khrugs// nad kyi bdag mor mnga' yang bskur// gtsang rigs mgon po bdun cu dang // bai shra ba dang dzaM b+ha la// bdud dang gshin rje mu stegs dang // rgyal po btsan dang 'byung po'i tshogs// kha rlangs bsam sbyor dug tu bsgyur// bzhi brgya rtsa bzhi'i nad kyis 'gengs// thams cad bdud rtsi sman chen la// drang srong tsam du bzhag pa yi// gdug pa'i ru tra drag pos sgrol// zhes bgros so// bdud rtsi rin po che 'khrungs pa'i rgyan zhes bya ba las bde bar gshegs pa bka' bgros pa'i le'u ste lnga pa'o// // de ltar bgros nas bde bar gshegs pa thams cad dgongs pa gcig tu bsdus nas/ rA tra chen po de'i tshul dang bstun pa'i phyir na/ de bzhin nyid kyi ting nge 'dzin chos thams cad spros pa dang bral bas mtha' dang dbus med par khyab po// kun tu snang ba'i ting nge 'dzin nyon mongs pa dug gsum dang dug lnga dang / bzhi brgya rtsa bzhi'i nyen pa rnams la/ thugs rje nam mkha' lta bu gcig gis khyab par mdzad do// thams cad sems kyi rang bzhin dug lnga 'joms pa'i rang bzhin yi ge hUM du gnas so// de lta bu'i yi ge las 'od 'phros te// e zhes pa'i sgra las nam mkha'i rang bzhin go 'byed pa'i bdud rtsir shar ro// yaM zhes pa las bskul bskyod thogs med rlung gi bdud rtsir shar ro// raM zhes
- 213a
pa las sreg par byed pa me'i bdud rtsir shar ro// 'ju ba dang smin par byed pa'i rkyen byas so// khaM zhes pa las chu'i bdud rtsi chen po rlan cing gsher ba gcig tu gyur to// kun mkha' bskyed cing sgeg pa'i las byed do// su zhes pas thams cad pa'i bdud rtsir gyur te/ thams cad bskyed pa dang skye ba'i gzhi byed do// laM zhes pas spyir sdud pa'i bdud rtsi shar ro// de ltar 'byung ba lnga shar ba'i bdud rtsi'i rang bzhin gyis shar ba de nam mkha'i bdud rtsis go 'byed/ sa yis gzhi stsal/ byang chub sems kyi byin gyi brlabs kyi sa bon btab/ chu yis rlan stsal/ me yis drod stsal/ rlung gis bskyod par byas/ de bzhin du rtsa ba brgyad lo ma dang bcas par smin no// rten 'brel bcu gnyis la brten te 'jig rten gyi/ khams thams cad bdud rtsi chen po'i gzhal yas las dug gi snang ba ming yang med par 'gyur ro// de'i tshe de'i dus na bdud rtsi blang dor med pa la dgongs nas khros pas cho 'phrul mdzad de/ 'jig rten gyi khams thams cad khro bo 'chol pas mer gyis bkang ngo // tsham rngams drag pos 'dir zhing brdzi ba'i tshul mdzad// khro mo bcus bdud rtsi 'phro ba'i phrin las mdzad/ khro bo bcus ni ye shes kyi bdud rtsi bsrungs/ rigs kyi yum lngas ni/ ye shes kyi bdud rtsi bskyil/ rigs kyi sras lngas bdud rtsi 'bebs so// mche gshog nyi
- 213b
shus bdud rtsi 'gugs/ dbu dgu phyag bco brgyad pa ni bdud rtsi'i ngo bor bzhugs/ dbu la bud+d+ha bzhi bcu rtsa bzhi ni dug bzhi bcu rtsa bzhir bsgyur zhing bdud rtsi'i mchog tu bzhugs so// shin tu brjid che zhing che mchog dbu dgu ru brtsegs te thams cad bdud rtsi'i ngang du shar ro// bdud rtsi'i ngang du shar bas rU tra des lan ljon pa dang spobs pa'i glags ma rnyed do// rus sbal rgyar zhugs pa bzhin gnas so// thugs rje chen po'i lcags kyus gzung ste/ ra tri rU tra ra ka sha'i sgra bsgrags pas rA tra nag po de na re ye shes khyod kyis gzung ba la nyam thag pa ma yin te nga'i gnas 'khor gzi brjid la ltos dang zhes zer ro// der dpal chen pos kho'i 'khor la gzigs pas gnas 'khor de'i phyi rol na ma dang chung ma bu mo bran mo'i tshogs bsam gyis mi khyab pa gzigs nas dbang du bsdus te sbyor ba mdzad nas/ thams cad dbang du bsdus nas thams cad bdud rtsi sman gyi lha mor bzhag go/ gdug pa can gyi chags stag dang dom dang mgo can gyi tshogs bsam gyis mi khyab pa yang dbang du bsdus te bsgral la khad pa tsam du mdzad do// gzhal yas khang gi gnas 'khor phyi rol na/ byang chub sems kyi rang bzhin go ro tsa na dang kau rus bsam gyi mi khyab pa rnams/ gsang ba byang chub sems las bdud rtsir sprul te/ zhal du rol lo// mi
- 214a
gtsang ba'i 'dam rdzabs sna tshogs yod pa de dag ni/ dri chen las bdud rtsi sna tshogs su sprul te zhal du rol lo// gnas 'khor de na rnag dang chu ser gyi zham chu bsam gyi mi khyab pa gcig gnas pa de rnams dri chu las bdud rtsi sna tshogs su sprul te rol lo// gnas 'khor de na rak+ta'i rgya mtsho 'khyil pa rnams pad+ma rak+ta las bdud rtsir zhal du rol lo// der rA tra gzi brjid nyams so// nyams pa de la gdab pa'i sngags drug gi 'khor lo drug rdzogs par bskor nas/ mig gnyis par snang la khams su bsgyur bas/ nyi zla gsal ba thob bo// kho'i longs spyod kyi rgyan du dur khrod chas brgyad la sogs pa phyogs der gnas/ de yang ye shes kyi phur pas btab nas bsgral lo// ga go thad zed ni zhal du gsol/ bde ba'i lto ru ming de gnas so// yan lag dang ba spu kha cig ni ye shes kyi me dpung gis bsregs nas sku dang gsung du gnas so// lus kyi yan lag rnams bshigs te 'jig rten gyi khams khyab par gtor ro// lam phyin ci ma log par gnas so// snying brgya rtsa brgyad tshangs pa'i gnas su brgyud pas tshangs pa'i tshe dang ldan par gyur to// glo ba lha'i yul du bsgyur bas lha longs spyod dang blo tshad du ldan no// lce gnod sbyin yul du bsgyur bas gnod sbyin mthu stobs che bar gyur to// mig gnyis par snang khams su bsgyur
- 214b
bas nyi zla gnyis kyi gsal ba thob bo// rkang pa 'byung po'i yul du bsgyur bas 'byung po khyab che'o// mgo srin po'i yul du bsgyur bas/ srin po gdon che zhing sha za ba'i las byed do// lag pa g.yas pa shar lho'i gling du bsgyur bas bzo mkhas shing sgyu ma'i gling du gnas so// lag pa g.yon pa bdud kyi gling du bsgyur bas/ bdud stobs dang ldan no// pho mtshan sgra mi snyan du bsgyur bas/ tshe lo stong las mi 'gyur ro// snying 'dzam bu gling gi yul ma ga d+har bsgyur bas/ sbrul sku'i zhabs kyis bcag pa dang / slad nas byon pa'i snying stobs che/ lte ba klu yi yul du bsgyur bas/ srid pa'i ma tha tsam byed pa'i gtan tshigs byung / slad ma lus kyi bye brag rnams// 'jig rten khams kun khyab pa ru// thams cad bdud rtsi sman du sprul// phyag gis drangs nas btsir nas ni// rU tra chen po snam du bton// shin tu rU tra 'gyod pa skyes// ngu zhing 'gyod pas bshags par byas// bdud rtsi chen po'i don gnyis byas// lhag ma'i lus kyang gdan du phul// sems ni rdo rje sems dpar brtags// 'jig rten khams 'di khyab pa ru// bdag gi rnam shes sman du shog/ ces dmod bor bas lus bshig tshad sman du gyur nas/ dpyid rtsa ba'i sman/ dbyar sdong po'i sman/ ston me tog dang 'bras bu snying po'i sman dgun shun lpags dang thang chu nyil ba'i sman/ rang rang gi rtsa ba
- 215a
brgyad la yon tan stong dang ldan zhing 'jig rten khams su sa las gnas so// bdud rtsi rin po che 'khrungs pa'i rgyan zhes bya ba las/ rA tra bsgral nas lus 'jig rten du gyur pa'i le'u ste drug pa'o// // de nas yang rdo rje 'dzin pas rang gi stan langs nas rdo rje khros pa la/ e ma ho rdo rje khros pa'i gtso// sangs rgyas yab gyur dam pa'i bdag/ bdud rtsi nyid la phyag 'tshal bstod// dbu la sangs rgyas bzhi bcus brgyan// bdud rtsi mchog la phyag 'tshal bstod// che mchog dbu ru brtsegs nas bzhugs// bdud rtsi 'bebs la phyag 'tshal bstod// gdug pa slad kyis tshar bcad nas// 'jig rten khams kun bdud rtsir 'khrungs// sman pa'i mchog la phyag 'tshal bstod// thams cad sman du bsgyur ba de// bdag cag 'khor bcas ngo mtshar che// thugs rje chos kyi char sprin gyis// steng dang 'og med 'jig rten gsum// ri rab rtse dang ri sul dang // thams cad khyab pa'i thugs rje yis// bdud rtsi'i char chen dbab tu gsol// zhes zhus pas/ rdo rje khros pa'i rgyal pos bdud rtsi'i drod nam mkha'i rlan bzhin du g.yos// bdud rtsi sbed par byed pa'i sprin mgo ni phyogs ris med par gtibs// bdud rtsi'i skye gnas sa dang gangs dang ri brag klung shong dang // brag sul nam mkha' chu dang ri khyud dang // rtsi thog rang
- 215b
bzhin drod ni g.yo mdzad pa// rang bzhin 'brug dang glog sgra yang // bdud rtsi'i char chen 'bebs pa'i rkyen// thugs rje chos kyi char sprin gyis// phyogs ris med par khyab par babs// me yis bdud rtsi drod phab nas// smin pa 'byung ba 'di lta ste// rtsa ba sdong po yal ga rnams// rU tra'i lus las skyes par mdzad// bdud rtsi rin po che 'khrungs pa'i rgyan zhes bya ba las/ rU tra'i lus bshigs nas bdud rtsi sa bon du btab pa la thugs rje'i char sprin phab pa'i le'u ste bdun pa'o// // de nas rdo rje gzhon nu yi// rA tra chen po bsgral ba'i tshe// srog pa rtsa yi khrag yar bas// rgya mtsho klu yi yul du yar// rtsa ba dmyal ba'i yul du zug/ sdug bsngal sel ba'i sman brgyad byung // tsha ba brgyad dang grang ba brgyad// chos kyi rgyal po'i lag na spyod// sdong po klu yi yul du zug/ bdud rtsi shu dag dkar po byung // rtsa rgyus kun la phan pa'i sman// shin tu skrangs pa'i lums la 'jibs// bcangs na klu yi kha rlangs 'jil// klu yi drang srong bcu pos spyod// ngar ba bar snang khams na 'phyo// bdud rtsi chen po zang kar babs// skar ma'i drang srong bcu gnyis spyod// yan lag lha min yul du skyes// stobs dang ldan pa'i bdud rtsi babs// gza' yi drang srong brgyad rnams spyod// 'dab ma gzhong thogs lha la sgrib// zas dang ldan pa'i bdud rtsi 'khrungs// 'bras
- 216a
bu sum cu rtsa gsum gyi// lha yi yul kun khyab par 'khrungs// de yi snying por gyur pa ni// 'bras bu sman mchog a ru ra// lha yi dbang po brgya byin dang // nye dbang sum cu rtsa gnyis ni// sman mchog de la skyod pa yin// sman de zos pa'i nus pa yis// 'chi ba med pa'i g.yung drung thob// lha rnams bsod nams che zhes bya// lha rnams kun kyang ngo mtshar nas// shing la bskor ba lan gsum byas// ngos ngos dag nas ming yang btags// shar gyi lha yis ming btags la// rtsa ba rtse mo tshun chad la// dpag tshad khri tsho bcu bdun bcas// sems can kun la bzhon par 'dug/ ming yang dpag tshad bzhon shing zhes// shar gyi lha rnams kun gyis btags// rtsa ba sdong po yon tan stong // yon tan de bzhin 'byung bas na// byang na gnas pa'i lha rnams kyi// kha le stong 'byams zhes su btags// ri rab chen po'i dkyil rjol nas// nub na gnas pa'i lha rnams kyi// yongs 'du sa brtol zhes su 'dogs// 'dzam bu gling gi dbus shed na// lha rnams kun gyis bkra shis gsol// tshe ring longs spyod 'phel 'gyur bas// 'di ni lha yi bsod nams yin// shing chen byams ldan zhes su btags// shing gi yal ga dum bu kun// byis pa kun gyi rtse rgyur pas// skad cig yud la lus bong rdzogs// shing bu bil ba zhes su grags// bkra shis
- 216b
chos rnams 'byung ba'i rgyu// 'bras bu sman chen a ru ra// 'chi ba med pa a rur btags// med kyang chags pas ra ru btags// rigs ni rnam pa bcu ru gyes// ngo mtshar ldan pa'i a ru ra// snying gi dkyil dang 'dra ba gcig/ tshangs pa'i yul du gyes te song // tshangs pa kun grol chen pos zos// tshe yi rig 'dzin chen po thob// tshangs pa'i drang srong brgyad rnams dang // bu dang tsha bo yang tshar bcas// tshangs pa'i drang srong bu rnams kyis// 'chi ba med pa'i dngos grub thob// sman de zos pa'i nus pa yis// tshe lo 'bum dang khri ru 'gyur// gcig ni dga' ldan gnas na spyod// dga' bar ldan pa'i a ru ra// dbyibs ni rin po che ru 'dug/ rgyal ba byams pa'i byin gyi brlabs// sbyar na 'chi ba'i nad kun sel// blo rnams rno ba'i yon tan thob// gcig ni lha yi yul du spyod// dpag tu med pa'i a ru ra// che chung tshad ni pi ni kha// stod dang sman dag phra bar 'dug/ sul bu dag kyang med pa la// dkar ser mdog kyang gting na 'tsher// 'jam dpal rnon pos byin gyis brlabs// bzhag pa tsam gyis nad rnams sel// lha rigs lha bu'i mi rnams sam// bsod nams can la sbyar ba las// gzhan gyis de ni thub pa med// gcig ni gnod sbyin yul du 'khrungs// stobs dang ldan zhing gcu thabs can// kha dog dag kyang nag por gnas// che
- 217a
chung tshad ni bca' ca'i stod// rtse mo rdo rje'i dbyibs su 'dug/ phyag na rdo rjes dbang bskur bas// mthu dang stobs su ldan pa yin// bgegs kyis spyod pa'i nad la gtang // gcig ni gza' yi yul du yar// dbyibs ni rwa yi dbyibs su 'dug/ che chung tshad ni sbyangs dang mnyam// bai DUr+ya yis byin gyis brlabs// drag shul spyod pa'i nad la gtang // gza' yi drang srong brgyad rnams spyod// gcig ni ri bdun kha la babs// srid pa gzhom pa'i a ru ra// dbyibs ni zla ba'i dbyibs su 'dug/ ser la dmar ba nyi ma'i mdog/ sul bu phyogs gcig dag nas skye// phra zhing mang bas nyi zer 'dra// 'od kyi rgyal pos byin gyis brlabs// che chung tshad ni ldab dri tsam// grang bas nyan pa rnams la sbyar// gcig ni klu yi yul du babs// 'joms par byed pa'i a ru ra// sul bu shin tu phra la zhib// sul bu dmar zhing logs rnams dkar// gyen du gas pa'i ser ga can// che chung tshad ni nag pi tsam// spyan ras gzigs kyis byin gyis brlabs// rma mi grang bdun kha ru babs// rlung dang bad kan dkar po'i sbran// gcig ni gtsug 'dzin yul du babs// shin tu che zhing pags pa mthug/ ya yo med cing zlum la 'dril// che chung tshad ni di 'bi ta// grub pa'i blo gros byin gyis brlabs// sha rnams rab tu skam pa dang // rlung dang rgas par gyur
- 217b
pa yi// sha tshil me ltar 'bar bar byed// gzhon nur 'gro la the tshom med// gcig ni gtsang ma'i gnas su babs// dbyibs ni sgo nga'i dbyibs su gnas// sul bu med cing yu ba can// che chung lug pho'i long ga tsam// lha mo sgrol mas byin gyis brlabs// 'jam chos kun la rab tu bsngags// de ltar 'jig rten dgu po ru// zos pas tshe lo khri 'bum thub// bsgrubs pas rkyen med dngos grub thob// bzhi brgya rtsa bzhi'i nad rnams kun// 'jig rten dgu ru ldang ma nus// shin tu ngo mtshar gyur nas ni// 'di ni tshad med shing gi sman// rtsa ba dmyal ba'i yul na yod// rtsa ba bcad pas sdong ma 'gyel// klu yi bsod nams yin par nges// sdong po bcad pas ngar ma chags// lha min gza' skar bsod nams yin// ngar pa bcad pas yal ma bskams// drang srong brgyad kyi bsod nams yin// yal ga bcad pas 'dab ma yongs ma nyil// gzhong thogs lha yis bsod nams yin// lha ma yin gyi ral gri yis// lha rnams kun la zhe sdang langs// 'bras bu 'dab ma'i mtshams su bcad// lha yi bsod nams ma bri bas// 'bras bu bar snang khams su smin// me tog u dum wa ra yang // bdun gyi mtha' ma bskor nas gnas// snga ma bas kyang mdangs dang ldan// me tog u dum wa ra la// lha rnams kun gyis bltas gyur pas// spyan gyi dngos grub
- 218a
chen po thob// rig pas lus kyi nad rnams byang // zos pas tshe yi rig 'dzin thob// lha rnams kun gyi ngo mtshar thob// ltung ba'i dpag bsam ljon shing 'di// lha yi bsod nams las las grub// klu dang dmyal ba gza' skar gyis// bcad de thung bar mi 'gyur la// bzhog ste phra bar ma gyur la// lha ma yin ni zhe sdang gis// lo ma phral yang 'bras bu smin// ya mtshan me tog gting nas skyes// 'di yi ngo mtshar che tshod la// shing la lha gcig mi bdog gam// sman la srung ma mi bdog gam// zhes nam mkha' la bltas te nam mkha' la dmod pa bor ro// de nas cung zhig lon pa dang // lha rnams bsod nams che ba dang // mdun gyi nam mkha' dag las ni// 'di lta bu yi sgra rnams byung // e ma ho// ngo mtshar che ba'i shing dang sman// skyes pa rU tra'i srog rtsa yin// ma chod pa ni rA tra'i mthu// me tog lha yi bsod mas yin// 'bras bu smin pa kun gyi gsos// 'dis ni lha mo rim par 'byung // zhes bya ba'i sgra byung nas/ mdun gyi nam mkha' na srin po kro d+hi shA rI zhes bya ba bdud dang rA tra'i chung ma de byung nas/ bdag gi gtso bo dpag bsam gyi shing du skyes nas 'dug go/ shin tu gdung ba'i sems kyis ni// shing la hril gyi 'khril nas 'dug/ 'od ni dpag tshad gcig dang chas// shing gi lha mo 'od 'chang mar// lha rnams kun
- 218b
gyis ming yang btags// shin tu dung ba'i mchi ma ni// thang la thigs gcig lhung ba las// ga bur dmar rtsa can gcig 'khrungs// byang chub sems kyi skyobs yin te// dkar la dmar rtsa chags pa zhig/ bltas na gting rnams shin tu 'tsher// dri yang bro mo dag tu mnam// khrag gis mig rnams long la phan// shin tu chags pa skyes pa las// mngal gyi g.ya' chu thigs gcig 'thigs// lha rnams kun la ngo tsha nas// tsan+dan shing gi sdong bu yis// g.ya' chu blangs te sa la bsgyur// 'dzam bu'i gling gi dbus su skyes// bdud rtsig pur zhes su grags// de yang shel gyi pog phor dri// mkhregs shing dkar la mdangs ldan// dri yang lha mo'i mngal du mnams// tsha ba'i nad rnams phyogs med la// shin tu bsil ba'i bdud rtsi yin// yab kyi byang sems lhag ma gcig/ shin tu chags pas g.yos pa'i rtsad// lha mos chu gcig gtang ba las// dri chu sna la lug ste byung // lha rnams kun la ngo tsha nas// dung chen sgyogs kyi lhums kyis bcus// rgya mtsho'i nang du sib kyis po// bdud rtsi mu tig dag tu smin// rgya mtsho'i mtha' kun khyab par smin// chu las chu thigs sngon po 'khrungs// mu tig dkar po dri ma med// nyi ma'i 'od bas shin tu 'tsher// zla ba'i bkrag pas shin tu dkar// rus pa chags pa kun gyi gsos// stobs kyang zla ba nya ba
- 219a
bzhin// sems rnams gso bar shin tu shis// byang chub sems kyi gtso bo yin// chu las chu thigs byung ba ni// nyi ma'i zer gyis phogs pa ni// nam mkha'i thigs pa 'jigs pa 'dra// kha dog 'od ni ut+pa la// dri ma med cing bkrag mdangs ldan// skyobs chen bdun gyis rab brgyan nas// chu rnams spags sa kun la phab// sa dang chu ru 'dres pa las// mu man theg rgyu'i rdo ru smin/ kha sngo sa yi mdog tu gnas// snum gyis phog na bkrag kyang gsal// skyobs chen drug gis khrid gyur na// glang rnams na ba'i sman du 'gro// de nas lha rnams mdun mar 'dus// 'u cag bdud rtsi'i rgyal po 'dus// rma rnams byung yang sos gyur bas// lha ma yin la dmag drangs zer// lha yi g.yul ngo chen po bzlog/ lha min rnams la dmag drangs pas// lha yi g.yul ngo rab tu rgyal// shing gi lha mo 'od 'chang ma// zhal nas sman mchog a bar gsol// lho ru bltas te 'dzum gcig shor// sman mchog a ru ra gcig ni// lho yi 'dzam bu'i gling du yar// der skyes rgyal po bsod nams can// dza zhes bya ba'i khang steng du// dro kha gcig la babs te byung // tsit+ta pi ta bya ba'i shing // ya mtshan can la 'khrungs te byung // ming yang rnam par rgyal bar bya// che chung g+ho ra'i b+han+d+ha tsam// dbyibs ni bum pa'i dbyibs su 'dug/ dkar dang ser dang dmar ba'i
- 219b
bkrag/ spri yi bar na nag po yod// bdas pa'i shun ni sngon po ldang // zur gyis tsha ba'i nad rnams sel// skyibs kyi grang ba'i nad rnams sel// sha yis rlung gi nad rnams sel// pags pas rma rnams dag kyang 'tsho// dri yis 'dus pa kun kyang sel// bzhi brgya rtsa bzhi'i nad rnams la// btang na mi phan gcig kyang med// sbyor ba kun kyang 'jil ba'i sman// rgyal po dza zhes bya ba des// gsol pas tshe lo khri khrag thub// sul bu brgya dang bco lnga gnas// ro res na ba bzhi bzhi sel// bzhi brgya rtsa bzhi'i gnyen po la// bcu gcig rgas pa gso ba'i sman// lha mo rnams kyis bskor ba bgyis// chos skyong mgon pos srung ma bgyis// shAkya thub pas byin gyis brlabs// byang chub sems dpa' bkra shis gsol// mi rnams kun gyis ngo mtshar brjod// bcom ldan shAkya thub pa yis// bsam gtan mdzad pa'i shar phyogs su kha ni shar du bltas nas skyes// lha rdzas dge ba a ru ra// lha srid sde brgyad kun gyis ni// bkra shis ngo mtshar kun gyis gsol// gza' chen khyab 'jug skyug pa bdun// lha rdzas de yi mgul du lug/ rigs bdun sa la lhung ste smin// lha rdzas dge ba a ru ra// rigs bdun sa la lhung ba ni// brgya byin bdud rtsi 'thung ba'i tshe// thigs pa bdun ni sa la lhung // rlung gis khyer te sa la skyes// bdud rtsi'i gtso bor rab
- 220a
tu grags// dngos su a ru'i 'bras bu ste// rigs ni rnam pa bdun yod de// rnam par rgyal ba dang / gsum bsgribs dang / gsod byed dang / 'jigs byed dang / rtsi byed dang / skyes byed dang / gser 'dra dang bdun te/ de dag gi yon tan ni/ rlung dang mkhris pa bad kan dang // dus kyi nad dang 'dus pa'i nad// dus min 'chi las thar bar byed// ces smos te/ a ru ra la yang ro rnam pa lngas sel bar byed pa ni/ shun lpags bskabs rlung nad sel// rus pa mngar bas mkhris pa sel/ nang tsha bas bad kan sel/ dbus skur bas chu ser sel/ de kun spyir 'dus pas 'dus nad sel/ rang bzhin nus mthu de 'dra na// man ngag can gyis bsgrub gyur na// byin rlabs ya mtshan chen por 'gyur// tshong dpon bu mo nor bzang ma// nor bu rin chen yon du phul// bkra shis mchog tu 'di brjod do// 'dzam gling rgyal po bsod nams can// ma brlan mkha' las byung ba yi// bzhi brgya rtsa bzhi'i gnyen po 'di// bdag gi dang du blang bar bya// zhes phyag tu bzhes pas/ mi rnams kun gyis 'jig rten du/ sman gyi lha mo nor gyi rgyun zhes su grags// u dum 'bar ba bdun po la// ya mtshan che ba'i bya bdun chags// snying po za ba rma bya byung // sman gyi bya yin dug rnams za// lha mo kun kyang rma bya'i mgrin// nags kyi lha mo zhes su
- 220b
grags// gegs dang kun ta kun ti gdang // bzang mo rma bya bkra shis 'gro// khyung la sogs te lding ba'i bya// sman las gyur pas dug rnams thub// spyir yang mkha' lding bya rnams kun// shin tu tsha ba'i stobs dang ldan// dpag tshad dag gis gar khyab pa// mthu dang drang srong rnams kyis ni// gza' dang skar ma brtsi zhing sbyar// zhes gsungs so// bdud rtsi rin po che 'khrungs pa'i rgyan zhes bya ba las/ rA tra'i srog pa rtsa las dpag bsam gyi shing bu ji ltar skyes pa dang lha mo gsum gyi byung tshul dang a ru ra'i le'u ste brgyad pa'o// // rU tra chen po bsgral ba yi// srog chags bsad pa'i khrag rjes kun// kro d+hi ma yis 'bas kyis bsdus// thu ba g.yas su bcug gnas khyer// lha rnams rol mo byed par mnyan// yengs pas thu ba'i mgul nas shor// nga yi sgra la nyan pa de// ba yin ma rung zer na brang gcig brdungs// 'dzam bu gling gi nub tu skyes// rtsa rnams 'jam pa'i phyogs su 'khrungs// nub tu kha bltas kun tu skyes// dbyibs ni a ru dang 'dra ste// sul bu med cing ba btso'i mdog/ yu ba can ni nad klong yin// shin tu sbyar la kha ba'i ro// ming yang bi tsa gyi rtse bya// zlum zhing 'khyil ba sman gyi mchog/ ro yang sgyur zhing mdangs dang ldan// khrag rnams zags pa kun la gtang // 'bras bu gsum du sbyar gyur na// sha rnams skye zhing tshil rnams
- 221a
rgyas// ha cang mang na lci bar byed// mkhas pas sman gyi cha snyoms nas// a ru ra dang gsum sbyar nas// gcig rkyang gtang ba ma yin no// de yi ming yang skyu ru ra zhes btags// a mr-i ta ni kun la dgod// sman rnams kun gyi nus pa slong // btogs nas zhag gsum bar du ni// gcan gzan spu yis byibs te bzhag/ phyi shun rang gis 'byed 'don na// drod tshad dus la babs pa yin// grib ma spangs la me nyer bskam// ha cang tsha bar gyur na ni// nus pa cung zhig 'dzag pa yin// grang sar phyin te bskam par bya// sbyor ba gang dang gang rgyug pa// sum cu tham pa'i cha gcig gtang // bung ni gtso bos mjal ba yin// sman tshad dag tu sbyor gyur na// phul gang phan chad chu yis ni// nyen par byas pa ma yin no// gam phye dag la gtong 'gyur na// ran la mdzes pa'i chang du spang // drod kyis zhag gcig 'bug la gtang // gal te zangs thal byung ba na// mi tsha de yi cha gcig dang // kha mo phabs la sbyar te gtang // de yis khrag gi zil ba rnams// bdud rtsir ba me men bur skyes// spang rnams rgyas pa'i sa ru 'khrungs// phal cher sa la 'khrungs mod kyang // rtsa ba phra la sdong po 'khyog/ 'dab ma ra yi rna ba 'dra// ngar pa smug la me tog dkar// 'bras bu ske tshe 'dra mod kyang // kha gting med par mngar ba'i ro// bad
- 221b
kan smug po'i gnyen po yin// 'khru dang skyugs pa gcod byed cing // sman rnams kun gyi phabs su 'gyur// kha bsil zhu rjes cung zhig tsha// rig pa can gyi bya rnams za// mi rnams kun gyis zos gyur na// khong gi nad rnams khad kyis 'byang // mnan nas zos na nus pa 'byung // phabs su byas nas kun la 'jug/ gcig ni ki ni pi tses bya// mkha' lding gong mo kun gyis tshor// rtsa ba lo ma ram pu 'dra// 'bras bu 'byung bar mi 'gyur ro// rtsa ba brkos te sman byas na// khong nad rnam pa kun la byams// sbyar nas sman rnams langs pa'i sman// khrag zags pa la rab tu bsngags// rA tra'i so ni yar ba las// shing chen ma gi ta ru skyes// mu le gram shing mgul du skyes// de las sa steng khyab pa la// dpya ru bdud rtsi cu gang byung // mdog ni dkar la dri ro med// gro sogs 'dra ste shin tu sgron/ 96/ shin tu bsil te glo la 'jug/ rA tra'i ba spu yar ba las// bdud rtsi chen po ba le ka/ phra mnyen sna lam lag sngogs 'dra// dkar ser mdog dang mdam gyi dri// ston pa rab tu byung sar skyes// kun la rab tu snyoms pa'i sman// rA tra'i lte khrag yar ba las// tsan dan smug po dag tu 'khrungs// shin tu smug cing dri yang ldang // kha bsil gting yang tsha ba bskyed// bgegs rnams kun gyi gnyen po yin// khrag gi nad dang lte ba mgul// pho
- 222a
brang kun la cung zhig phan// rA tra'i sgra yi sgra tshoms gcig/ sa yi steng du yar ba las// gar+b+ha b+ha dra'i sman du 'khrungs// dbyibs dang gzugs ni ma nges te// shing gi yal ga dag dang 'dra// nad rnams rtsa ru zhugs la phan// mchin khrag de yi steng du yar// bdud rtsi gur gum zhes su grags// sman mchog de yi me tog ni// kha che'i rgyal khams kun tu skyes// ston pas khab ni bzhes pa'i sar// dmar rtsa ldum bu rtsa ru skyes/ kha ba'i ro ldan mchin pa'i sman// mig ni rgud pa kun la phan// de las gyes pa'i yal ga yang // sman mchog bdud rtsi a ba bya// rtsub pa brag ri'i sked la 'khrungs// ldum bu smug po rtsa yi dbyibs// rtsi thog mar dang sbyar gyur na// de yi nus pas mig nad sel// rA tra'i rlig 'bras yar ba las// bdud rtsi de yi steng du babs// snga skya'i mdog ste mi mgo'i gzugs// ming ni dza ti pha la bya// dri yang bzang zhing stobs dang ldan// rlung nad kun la rab tu bsngags// gal te 'gyangs par gyur na yang // dri dang stobs kyis nad 'jil nus// sbyor ba dag tu gyur pa na// me dang chu yi nyen mi bya// kun la snyoms pa bdud rtsi yin// snying rlung kun la rab tu bsngags// kha ru tsha dang cha snyoms nas// rtsi thog mar gyis sna khrid na// zos pa tsam gyis snying rlung rnams// nges par ming yang med par 'gyur// rA tra'i mdzub
- 222b
mo yar ba las// kha brag lam gsum mdo chen dang // gas gle brag gi sne la 'khrungs// bdud rtsi chen po ka ko la// 'dab ma rin chen phyir slog 'dra// snying po re'u thul phyir slog 'dra// mgu pa shin tu dra ba la// yan lag shin tu mang bar gnas// 'bras bu rA tra'i mdzub mo 'dra// zhu rjes grang ba kun la snyoms// ston zla 'bring po'i nya la brda// grib ma dag la bskams te gtang // rA tra'i mchan khung dri ma ni// rgya gar bal po'i mtshams su yar// thang ga sa brag gle dag dang // ru rtsub dag gi shing du 'khrungs// bdud rtsi chen po sug smel yin// rtsa ba ngan zhing shin tu phra// snying po phra zhing 'dab ma leb// 'dab rtse zur gsum rtse mo rno// me tog dmar rtsa 'bras bu rtsub// dbyibs kyang gru gsum dkyil du sbom// ston zla tha chung tshes brgyad la// brngas nas zhag gcig ras kyis byib// nyi ma'i 'od la bskams te gtang // tsan+dan me la bsros gyur na// grang ba kun gyi sman du bshad// ma smin pa la brdas gyur na// tsha ba kun gyi sman yin no// dus gsum brngas par gyur na ni// tsha grang kun la snyoms pa yin// rtsa rtse'i khra yis khrid gyur na// drod nad kun gyi snying po yin// ru tra'i mtsher khrag yar ba las// bdud rtsi chen po li shi 'khrungs// khrag gi gzer bu zhes su grags// dro zhing zhi rjes rab tu tsha// mtsher pa'i nad la rab tu
- 223a
bsngags// bdud rtsi rin po che 'khrungs pa'i rgyun zhes bya ba las/ ru tra chen po bsgral ba las yar rjes khrag gi le'u ste dgu pa'o// // bcom ldan rdo rje gzhon nu yis// rA tra chen po bsgral ba'i tshe// de yis mkhris pa yar ba las// thigs pa bdun du rab tu yar// gcig ni sa yi bdud rtsir yar// zhes pa'i ming du grags// chu bo chen po'i mgul du byung // na bun rmugs pa'i dkyil du gnas// nag mtshur dag gis mdangs phyung na// nyi ma'i 'od dang ldan par 'gyur// rin po che yi gtso bo ste// skye rgyud mi 'phel 'dod pa na// lha rtsa 'tsher pa'i bdud rtsi yin// gcig ni bdud rtsi skyer par 'khrungs// sa phyogs nges pa med par skye// gdug pa'i tsher ma kha lngas brgyan// sa smug mchin pa 'dra ba'i ri// shin tu nag pa'i dkyil na brko// sbyor ba legs par gyur na ni// mig nad rims nad bal nad dang // dug nad kun la rab tu bsngags// steng du 'thon pa drug gcig tsha// sa 'og sdong po bsil ba ste// phyi dang nang la bya ba min// bar shun sor mo dag dang sbyar// dbyar zla gsum la nad rnams slong // ston zla gsum la mkhris pa ldog/ dgun zla 'bring po dag dang ni// dpyid zla 'bring po dag la brko// sha mkhris smin pa'i dus min no// thigs pa gcig ni yar ba las// skyer ni kha 'da' dag tu
- 223b
'khrungs// lo ma kyog por gnas pa las// ngar ba'i tshogs kyang kyog por gnas// me tog dmar smug gzhu sku'o// zla// pha rgan rtsub mo'i sa la 'khrungs// ston zla dgun zla'i mtshams su skye// grib ma dag la rab tu bskam// shin tu bsil ba'i thang du shis// thigs pa gcig ni yar ba las// bdud rtsi chen po tig ta byung // rtsi shing 'dres pa'i gseb dag dang // rdo bran mang ba'i ri la 'khrungs// 'dab ma pha wang rna ba 'dra// sdong po cung zad phra ba la// ngar pa lcag gu de bzhin phra// me tog zlum zhing bu gu phra// ston zla tha chung mar ngo la// brngas te dbyangs la gdags par bya// snga phyi shor na nus pa med// kha ba'i ro la myong na gdong // nad rnams 'khyogs pa'i go 'byed yin// zas rnams kun gyi lde mig yin// shin tu gdeng ba'i sman zhes bya'o// thigs pa gcig ni yar ba las// ji lta gser gyi shing du skyes// kha dog skyed pa 'dra mod kyang // sro ma bi kar lta bur skye// ri mo mgul klog 'dra ba skyes// pra rtsi gtang ba'i mdog dang ldan// lo ma chung zhing rtsa ba sdom// shin tu dro ba'i brag la 'khrungs// khrag gis sbyar bar gyur pa dang // bal nad dag gi bdud rtsi yin// thigs pa gcig ni yar ba las// bdud rtsi chen po dga' ru skyes// rtsa ba shin tu phra ba las// lo ma ne le'i gshogs pa 'dra// ngar ba sbu gu me tog phra// g.ya' dang gangs
- 224a
kyi mtshams su 'khrungs// ston zla tha chung dus su brda// lo ma mar dkar rtswa dang bcas// chu dang bsres te zang du gtang // bad kan nyid kyi bdud rtsi yin// zas su zos na yi ga 'byed// gal te dul bar gyur ba na// bad mkhris bcas te ldog par 'gyur// gdul ba'i thabs ni chu lud de// gla ba sha ba'i ril mas dgab// lo gnyis bar du brngas shing bsgyur// lo gsum lon nas 'dab ma brda// rtsa ba ngar ba ma yin no// lo ma legs par brda te skam// shin tu zhib par btags nas ni// tshos par btso ba rab tu gces// zas rnams 'khrem pa'i bdud rtsi yin// 'du ba kun la rab tu byams// thigs pa gcig ni yar ba las// bdud rtsi chen po muny+dzar 'khrungs// 'khrungs pa gangs kyi ljongs su 'khrungs// snying po nag la me tog dkar// lo ma spre'u'i gzhug ma 'dra// dgun zla ra ba'i stod la brda// zhag gsum bar du sbal la bsub// ngar ba ral ba'i chu yis bran// legs par snod du bsag gyur na// zhu mkhan lta bu'i dri 'byung ste// chu dang mar du sbyar gyur na// tsha ba'i nad rnams kun la phan// bdud rtsi rin po che 'khrungs pa'i rgyan zhes bya ba las/ rU tra chen po bsgral ba las drag bsil mkhris pa'i le'u ste bcu pa'o// // de nas rA tra chen po de'i// bcud kyi chu brgyad byung ba
- 224b
las// sems kyi bcud ni klad pa de// tshan pa bdun du yar te song // klad pa'i phyi rgya yar ba las// man dar rgya dar ldib shor 'khrungs// spang dang na thang mtshams su yang // nyi lcabs tshul du 'khrungs pa yin// btags te snam bur byas gyur na// rma yi chings dang yan lag chings// thun mong sman gyi skyobs su byung // klad khrag thigs gcig yar ba las// smug po sbal rgyab khrag sha'i mdog/ bcag na zur can zhib na 'bol// g.ya' spang byi ba'i rdo ru 'khrungs// kha mo'i chang gis khrid gyur na// klad pa nyams pa'i bdud rtsi yin// kla dkar thigs gcig yar ba las// gangs dang chu 'thabs bar du 'khrungs// mdog dkar mkhregs shing btags na 'jam// phyi nas bi tsis khrid gyur na// rus pa dum bu stong song yang // 'byar bar 'di la the tshom med// klad pa mtha' nas yar ba las// de yang rnam pa gnyis su yar// gcig ni mtsho 'gram pa la yar// shin tu 'bol ba'i sa la yar// bdud rtsi chen po 'brug rus te// che chung pho 'dom gsum gyi tshad// nya phyis lta bu'i kha dog la// srab mo shun lpags brtsegs mar gnas// ma he'i ko ba lta bu'i tshul// zhi ba btags rtsi dmar dag dang sbyar// nu zho 'thung ba'i byis pa la// rus pa sra mkhregs lcags su 'gyur// ji ltar rgas kyang shed mi 'chor// rgas pa rang yang 'ong ba
- 225a
dka'// klag ste bud med gzhon nu la// btsod kyi khrag dang sbyar te gtad// byis pa bu mo skye mi srid// rkyen gyis rus pa chag gyur na// btang na lta ba 'chor mi srid// yang na na tshas gang zin pa// zhib tu btags te snum dang bsres// bsku mnye byas par gyur na ni// lus zungs dag kyang 'chor mi srid// rU tra'i 'gram pa'i rus pa ni// gcig ni sa la yar ba las// rgya mtsho chen po'i sne las 'khrungs// lteng chu phra mo'i nang du 'khrungs// sems can br-ish+tsi ka ru 'khrungs// btags te zhig dkar brngos gyur te// klad pa rgya dang sbyar gyur nas// mar dkar dag gis khrid gyur na// skra rnams nyal gyis byi gyur la// shin tu 'jam zhing la ba yi// skra rnams skye la the tshom med// ba spu gso ba'i bdud rtsi yin// klad pa'i dkyil nas yar ba las// rgya mtsho'i gting gi dung du 'khrungs// de yang rigs ni gsum du 'khrungs// g.yas su 'khyil ba'i dus byung ba// ko shi kas byin gyis brlabs// pho dung mo dung gnyis byung ba// klu rgyal 'jog pos byin gyis brlabs// btags te seng ge'i zho dang sbyar// skyu ru ra yis phabs byas te// zhag gsum bar du mnan byas te// brgyad cu lon pa'i rgan po yang // so ni gting nas med gyur bar// lo bcu lon pa'i byis pa bzhin// bkrag dang bcas nas so rnams skye// gzhon par 'gro/
- 225b
la the tshom med// gal te seng ge'i zho med na// btsod dang kyang yang nam klungs la sogs pa yi// ri dwags sum cu rtsa gcig zho// rtswa ma zas pa'i rgod kyi bu// de yi glo dang 'bri mar dang // a ru ra dang sbyar gyur na// rgas pa gzhon la the tshom med// klu yi lus dang ldan par 'gyur// klad pa'i khrag rtsa yar ba las// rgya mtsho dngas pa'i gting du 'khrungs// sa yi dngas ma mtshal du 'khrungs// zhag bdun bar du btags byas nas// sgo nga'i rtsa dang cong zhi sbyar// lha ba 'tsho ba'i bdud rtsi yin// klad pa'i rtsa chen yar ba las// rgya shugs 'od zer dag tu skyes// brag med spang med rtsub pa'i ri// gting na grang ba yod la 'khrungs// shun lpags mngar zhing 'bras bu sgyur// lo ma thang chu mngar la 'khyil// de yi pags pa bshus gyur nas// chu yi nang du cung zhig spang // stobs ni du ba bzhin du 'ong // shin tu bsgrubs nas 'thung gyur na// lhu dum rus pa chags pa rnams// tsha ba'i nad rnams langs gyur na// bsil bas rab tu 'jil bar 'gyur// de las gyes pa'i yal ga yang // gcan gzan stag gis khyer de song // nags tshal kun gyi gseb tu skyes// mang yang stag pa dkar po bya// de yi grang thang btang gyur na// bsil bar nus pa'i bdud rtsi yin// bdud rtsi rin po che 'khrungs pa'i rgyan zhes bya ba'i rgyud las/ rA tra chen po bsgral ba las sems
- 226a
bcud klad pa'i le'u ste bcu gcig pa'o// / de nas rdo rje gzhon nu yis// rA tra snams nas bton pa'i tshe// mchi ma gsum ni sa la shor// mig 'bras nag po'i mchi ma las// gnod sbyin rgod ma kha ru skyes// dpyid nas ston gyi bar du ni// g+ho ra rta ru rdzus te sdod// rta yang rang rang gsum tsam na// bdud kyi bud med ral pa can// mi rnams za ba dpal gyi gzis// nam mkha'i mthong nas phyag rgya bsdams// mchi ma sa la brul ba yis// kha ser spang gi steng du skyes// spang gi rgyan du rnam par grags// rtsa ba phra zhing lo ma phra// ut+pa la yi mdog can de// rul lam bam sum ma khyer bar// dgun zla ra ba'i stod la brda// mig rnams gso ba'i sman du gtang // rU tra'i mig sprin dkar po las// mchi ma thigs gcig sa la yar// spang dang shing gi bar du 'khrungs// spang rgyan dkar po bdud rtsi yin// ka ra dkar dang sbyar byas nas// grangs pa'i thang du 'thung gyur na// dpag tshad gsum du grag pa yi// mgrin pa bde ba'i bdud rtsi yin// mig sprin dmar po'i mchi ma las// nags kyi gseb tu yar ba las// rgya shug glang ma'i mgul du 'khrungs// rtsa ba phra zhing lo ma phra// 'i tshad ni mtho gang skyes// phyi ljang nang dag smug po la// ming yang u mu ta ru grags// mig la rkyen gyis bslad pa la// go snyod dag gis
- 226b
sna khrid nas// mar dkar dag dang cung zhig sbyar// lto ru za bar bya ba'am// rkang mthil lag mthil spyi bo ru// lums kyi thabs su dus byas na// mig ni tsha la sogs pa rnams// 'bras bu zhar bar gyur pa ni// gsal bar 'gyur te the tshom med// bdud rtsi rin po che 'khrungs pa'i rgyud las/ rU tra chen po bsgral ba las mig bcud mchi ma'i le'u ste bcu gnyis pa'o// // de nas rdo rje gzhon nu yis// lha yi snyan dbang 'thob bya'i phyir// rA tra'i rna ba yar ba las// cha ni bcu gcig yar nas song // gcig ni tshangs pa'i yul du yar// ya mtshan 'phrul gyi me tog skyes// sangs rgyas chos rnams 'chad pa thos// gcig ni dga' ldan gnas su yar// u dum wa ra'i me tog 'khrungs// tshangs pa'i gsung dbyangs drug cu thob// gcig ni lha yi yul du yar// byams pa'i bstan bcos kun kyang thos// gcig ni gnod sbyin yul du yar// bai DAR+Ya yi me tog 'khrungs// phyag na rdo rje'i rigs sngags thos// gcig ni ri bdun kha la yar// me tog rgya bye smug por 'khrungs// 'khor lo mtshon cha'i sgra yang thos// gcig ni klu yi yul du yar// rin chen me tog lta bur 'khrungs// lnga ni 'dzam bu gling du yar// gcig ni brag spang bar du 'khrungs// bdud rtsi chen po tshe yi bya// lus rnams rengs par gyur pa dang // rma rnams dengs par 'gyur pa
- 227a
yi// bdud rtsi yin te lums gyi sman// thigs gnyis sa la yar ba las// srin po khros pa'i ri la 'khrungs// bdud rtsi chen po hong len yin// sdong po brul bas rtsa ba chung // lo ma seng ge'i rna ba 'dra// rtsa ba'i spug la sul bu yod// ro mchog kha bar gyur pa la// kun rgyug bden pa'i bdud rtsi yin// thigs gsum sa la yar ba las// sa phyogs nges med kun tu 'khrungs// rtsa ba phra bar gyur pa la// 'dab ma lug gi rna ba 'dra// snying po thang gang ma sems can bzhin// ming yang rtag gu la dkar skyes// dbyar zla tha chung smad la brngas// mar dang sbyar nas zos na 'tsho// cung zhig tshas rkyen gyur na// yi ga 'gags pa'i bdud rtsi yin// bdungs te lums su byas gyur na// rma rnams rengs pa kun kyang 'tsho// thigs bzhi sa la yar ba las// gangs stongs bal po'i mgul du 'khrungs// ldum bu re ral zhes su grags// lo ma phu la yal ga med// khams ser spang ni mi mtho ste// dug nad gso ba'i bdud rtsi yin// thigs lnga sa la yar ba las// mtsho dang g.ya' yi mgul du 'khrungs// bdud rtsi 'ug pa re ral yin// rtsa ba lo ma shin tu ngan// shun pa 'ug pa'i phod dang mtshungs// sha dug gso ba'i bdud rtsi yin// drod rnams bral bar ma gyur na// shi ba sos par the tshom med// bdud rtsi rin po che'i rgyan zhes bya ba'i
- 227b
rgyud las rna bcud rna spabs kyi le'u ste bcu gsum pa'o// // de nas rdo rje gzhon nu yis// sna yi dngos grub 'thob bya'i phyir// snabs ni gsum du yar ba las// thang gcig brag dang chu la yar// chu la yar bas chu shel 'khrungs// bzung na yod la blta na med// bye ma ka ras sna khrid na// glo ba'i nad kyi bdud rtsi yin// brag la yar bas cong zhi byung // sram gyi mchin pa dag dang sbyar// rang gi lus kyi dri ma rnams// zas la sbyar te btab byas na// bu mo gzhon nu la sogs pa// lha mo klu mo mdangs can rnams// snying sdug shin tu dang chags nas// 'gugs par byed pa'i bdud rtsi yin// gcig ni sa la yar ba las// lce pog dkar po dag tu skyes// rtsa ba phra zhing me tog phra// lo ma de dag de bzhin phra// ro tshor dri yang mi zhim ste// nad log bying ba'i bdud rtsi yin// gcig ni mtsho gting mgul du yar// ston zla dgun zla mtshams su 'khrungs// shel tsha me tsha sman tsha dang // lce myang tsha dang zi ra'i tsha// rgyam tsha shing tsha thal tsha dang // ra tsha dang ni kha ru tsha// nad rnams 'dril bar gyur pa dang // skran rnams rengs dang ma zhu dang // mngar ba'i zas kyis ro 'don zhing // gnas su bstims pa'i bdud rtsi yin// bdud rtsi rin po che 'khrungs pa'i rgyan zhes bya ba'i rgyud las/ rA tra chen po bsgral ba las sna bcud snabs kyi le'u ste bcu
- 228a
bzhi pa'o// // dpal chen rdo rje gzhon nu yis// rA tra chen po bsgral ba'i tshe// smra ba'i seng ges dbang bskur te// lce bcud mchil ma'i bdud rtsir gyur// zigs pa bzhi ru yar ba las// khrag dang mchil mar 'dres pa las// gnod sbyin chen po kha 'bar byung // shAkya thub pa'i gam du phyin// rang gi lce bcad phul ba las// bdud rtsi chen po gser ba byung // mi bde rtsub pa'i sa ru 'khrungs// rtsa ba 'dril zhing ngar pa shar// shing mdog spug la me tog dkar// 'bras bu dmar ba'i mdog tu 'khrungs// rtsa ba sbyar la mngar ba'i sman// bad kan la sogs nad rnams la// cung zhig phan par byed mod kyang // bsdus nas khu ba btang gyur na// chu ser gtan nas 'dod pa'i sman// thigs gnyis sa la yar ba las// dpal 'bar chen mo khro mo byung // bcom ldan 'das kyi spyan sngar phyin// lce bcad na du phul ba las// bdud rtsi chen po dro bar skes// rtsa ba 'dri la la ngar ba sgom// 'dab ma rnga mo'i rna ba 'dra// me tog lce 'dra gser gyi mdog/ mi smra ba kun smra bar byed// dig pa gso ba'i bdud rtsi yin// bad kan dag la cung zad gnod// thigs gcig sa la lhung ba las// yi dwags kha 'bar ma ru byung // shA kya thub pa'i spyan sngar phyin// lce bcad yon du phul ba las// bdud rtsi rma lo kril kril
- 228b
byung // shing phran skyes pa'i ma ru 'khrungs// rtsa ba 'dril zhing ngar ba 'khril// me tog sngo zhing lce yi dbyibs// shin tu bsil ba'i sman yin te// sbyar lag gtang ba ma yin te// zos pa tsam gyis nad rnams 'tsho// thigs gcig lha yi yul du yar// bya ni ngang mo gcig tu skyes// mi yi yul du chags te byung // bu drug bdun tsam skyes pa las// lha yi bya gcig 'dir byung ste// mi rnams kun gyis 'dzi btags// ngang mo lha yi yul du phur// bu brug kun la sman bzhag pa// hag ces gre ba dag nas bton// spu gnag thal ba'i mdog 'dra la// che chung skye tshe'i tshad du byung // ngang mo de yis dmod bor bas// nga yi lha zas 'bru chung 'di// bu rnams kun gyi gsos su shog/ rdo mi dgos te btags mi dgos// ldum bu ljang bu zos pas chog/ btsos na lha yi ldum bu yin// btsos te skams par gyur na ni// la za ba'i bdud rtsi yin// btang na dug gi sbyor ba rnams// mu stegs bus ni tshugs mi 'gyur// 'byung ba kha cig 'ju bar byed// ro mngar zhu rjes med par bstan// bdud rtsi rin po che 'khrungs pa'i rgyan zhes bya ba'i rgyud las// lce bcud mchil ma'i le'u ste bco lnga pa'o// // bcom ldan rdo rje gzhon bu yis// rA tra chen po bsgral ba'i tshe// shin tu bred nas rdul gcig byung // yar ni thigs pa gsum du yar// skra yi rtse nas rdul
- 229a
byung bas// sa phyogs sa spo dag tu 'khrungs// bdud rtsi chen po rdul dngul lam/ rdo byung // chu mdog dkar sngo'i mdangs dang ldan// a ru ra yi snan sbyar rnams// khong du bza' bar byed pa'i dus// lus kyi dri ma bkrus gyur te// phyi yi yul du byugs gyur na// phung po mi 'jigs bdud rtsi yin// shi ba'i ro la bkrus gyur na// sems de khug par mi 'gyur kyang // lus kyi gzi byin mi 'chor bar// bskal pa ma zhig bar du ni// phung po brtan pa'i bdud rtsi yin// mtshan khung spu yi rdul gcig ni// shing chen shug pa'i steng du yar// shing gi 'bras bur gyur ba la// 'dab ma dbyar skyes dgun ni skams// 'bru yi zan la mnan gyur na// phabs su gyur pa'i bdud rtsi yin// nad la bdud rtsi'i bcud bton na// sems kyi rtsal shugs bskyed pa dang // rlung nad kun gyi bdud rtsi yin// shing chen de yi 'bras bu yang // lo gcig pa spu'i tshul du 'khrungs// lums su bgyis na nad rnams 'tsho// lo gnyis ma smin sgo ril 'dra// gsher dug kun gyi sna 'dren yin// lo gsum lon nas smin pa yang // rA tra'i rdul nag 'dra ba gcig/ ro mngar zang chu'i bag dang ldan// brdungs te chu la sbyar gyur na// chu ba rengs dang yan lag rengs// rlung dang chu ser bsdongs la phan// pho mtshan spu las rdul byung ba// bye ma mu tra'i sgang la
- 229b
yar// bdud rtsi g+ha na pa tir 'khrungs// rtsa ba rtsub rtsing 'dab ma rtsub// 'bras bu rtsub ste ra mgo 'dra// cung zhig ma smin pa la brda// yang na dus de nyid du'am// nyi mas legs par bskams la ni// gdus pa'i khu bar gyur na ni// rlung dang chu ser kun gyi sman// bdud rtsi rin po che 'khrungs pa'i rgyan zhes bya ba'i rgyud las/ ba spu'i bcud rdul gyi le'u ste bcu drug pa'o// // dpal chen rdo rje gzhon nu yis// rU tra chen po bsgral ba'i tshe// khrag gi bcud ni mchin pa las// thigs pa bdun du yar gnas song // gcig ni rin chen zangs rdor 'khrungs// shin tu brdar bar gyur na yang // dud 'gro ra lug rnga mo yi// mig la ling thog byung ba'i sman// thigs gnyis sa la yar ba las// bdud rtsi g+ha na a mr-i ta// brag dmar mo mtshan 'dra ba'i shod// sa phyogs shin tu 'jam par 'khrungs// rtsa ba'i ring zhing dar ba shar// grangs med me tog ser la smug/ 'bras bu khrag gi thigs pa bzhin// mo nad gso ba'i bdud rtsi yin// thigs gsum sa la yar ba las// ga ru Ta yi shing du 'khrungs// zang chu dmar ser kha ba'i ro// de yang mo nad gso ba'i sman// thigs pa bzhi ru yar ba las// smug ldem a gad ba ru'i shing // 'bras bu che zhing snying po bsil// smug skra zil bur gyur pa de// nad rnams kun la byams par
- 230a
'khrungs// mchin pa'i nad la rab tu bsngags// thigs lnga rdo la yar ba las// bdud rtsi chen po mug chen byung // g.ya' dang bye ma 'dres sar 'khrungs// rma rnams kun gyi rtsi ru 'khrungs// mchin pa'i rtsa g.yas yar ba las// bdud rtsi chen po la rtog ni// sti la 'bol ba'i sa ru 'khrungs// lo ma 'bad cing rtsa ba ring // skur la mngar ba'i ro dang ldan// kha dog dmar zhing lcug phran 'dra// rtsa nad tsha bas zin pa dang // glo dang mchin la tshad zhugs na// gtan nas 'byin pa'i bdud rtsi yin// mchin pa'i rtsa g.yon yar ba las// bdud rtsi chen po ma nur skyes// rtsa ba dmar zhing 'dab ma lte ba// rtse la spu yi tsher ma yod// me tog spug la zur du gug/ de yang rtsa yi sman yin no// bdud rtsi rin po che chen po 'khrungs pa'i rgyud las/ khrag bcud mchin pa'i le'u ste bcu bdun pa'o// // bcom ldan rdo rje gzhon nu sa// rA tra chen po bskal ba'i tshe// rtsa bcud chu ba yar ba las// de yang thigs pa bzhi ru yar// gcig ni gangs kyi stongs su yar// bdud rtsi chen po la chu ba// mngar la zhim pa'i ro dang ldan// rtsa ba ser zhing rtsa mtshams dkar// dar ba smug cing 'dab ma shog/ snying po 'bras bu med pa'i rtsi// btsos te zas su zos gyur na// bad kan gnyis ka ming yang med// thigs pa lung pa'i srol du babs// bdud rtsi chen
- 230b
po chu chung ba// rdza mo lung pa'i dkyil du 'khrungs// 'dab ma chung zhing dar ba smug/ 'bras bu bra po'i zan bcangs 'dra// ro ni skyur la cung zhig 'phrigs// bcos ste zos par gyur na yang // ban kan smug po gtan nas len// thigs gcig sa la yar ba las// sra brtan brag gi sked la 'khrungs// 'dab ma ngar ba gong bzhin te// snying po pi wang lta bu ste// ro ni sgyur la gdang bar ston// btsos ste zos par gyur na/ yang // bad kan dkar po ming yang med// sol bur zos par gyur na yang // bad kan dag la cung zhig phaT// gong gi ro dang mi ldan zhing // sa phyogs dro sar skyes gyur na// de la bdud rtsi sman mi 'byung // thigs gcig sa la yar ba las// ri klung chen po'i 'dabs su skyes// bdud rtsi chen po ldum bu skyes// dbyibs rnams chu ba 'dra mod kyang // ro ni cung zhig spre la kha// pho la dgos pa ma yin te// mo rnams kun la nal ba'i sman// bdud rtsi rin po che 'khrungs pa'i rgyud las/ rtsa bcud chu ba'i le'u ste bco brgyad pa'o// // bcom ldan rdo rje khros pa yis// rU tra chen po bsgral ba'i tshe// de yi glo ba bshegs pa las// thigs brgyad sa la yar ba las// tsan+dan dkar po'i bdud rtsi yin// 'khrungs ni nags tshal dbyibs su 'khrungs// rtsa ba zab cing ngar ba bshan// 'dab ma dag kyang sprin bzhin gyi// dkar
- 231a
zhing mdog ste chung zhing sob// de yang rigs ni gsum du gnas// gdang ba'i dri dang mngar ba'i dri// cung zhig tsha ba'i dri dang gsum// gdang ba'i dri ni gsher la 'khrungs// tsha ba'i dri ni shing dag zad pa'i ze la 'khrungs// rkyen gyis ral dang lcags kyis lte ba// ci rigs rim pa dang sbyar nas// glo rnams gso ba'i bdud rtsi yin// mngar la gyur pa'i tsan+dan la// 'dab chags bya yi tshang bcas na// bsil bar 'gyur te byar mi 'gyur// gal te bya yis mi 'tshal nas// mnyam 'dra shing dang mtshungs pa la// bsil ba'i chu yis bran nas ni// gzhan gyi zil pa zhu gyur kyang // de yi zil pa zhu mi srid// gal te mi yis tshol gyur na// mnyam 'dre'i shing gnyis bsreg pa rab// 'tshig dang mi 'tshig shin tu gsal// thigs gcig sa la yar ba las// mtshan pa gsum du gyes te song // shing chu gtong dang ltengs ka'i mtshams// sa ma brag gi gseb tu yar// shing gi chu las byung ba ni// ka ra smug po'i rgyu ru 'khrungs// rlung gis btab pa'i glo la phan// ltengs ka'i bar nas byung ba ni// ka ra dkar po'i rgyu ru byung // dug gis zin pa la sogs dang // tsha ba'i nad rnams kun la btang // tsha ba'i glo la rab tu phan// sa ma brag la yar ba ni// shin tu dkar la rtsub par 'khrungs// bye ma ka ra zhes su grags// de la rigs kyang gsum yod
- 231b
de// brag ting sa ting shel ting gsum// brag ting kha ba bzhin du sob// sa ting mdog kyang cung zhig smug/ shel ting zla ba nya ba bzhin// brag ting rus pa tsha la gtang // sa ting sha rnams tsha la gtang // shel ting bya ba'i bsil ba de// ga pur lta bus thob pa min// skyobs kyis khrid na tsha mi nus// ston ka'i zla ba nya dang mtshungs// shel ting btsal ba'i thabs bstan pa// chu rnams rab tu bskor ba la// shel ting btab par gyur na ni// khol shi chu grang tshad du 'gyur// chu yis btsal ba'i man ngag yin// me yi blta bar gyur na ni// ji tsam brngos kyang mdog mi ldog/ rlung gis blta bar gyur na ni// lcags kyi rdo dang bsres te 'phyar// snyigs mar las na shel ting yin// mnyam par 'dug na brag ting yin// sna la khyer na sa ting yin// thigs pa gcig ni yar ba las// g.ya' dang gangs kyi ljongs su 'khrungs// g.ya' yi bdud rtsi zla ba'i 'od// sro lo phung po bdun gyis bskor// ri rnams gzhan yang mtshan gyis 'gengs// lung mdo sru ba yi sa bcad// lha shing sur bu'i zur du skyes// skad 'don chu yi ral pa bzhin// brtag la la chu ba yis bskor// brag dang 'khan pa sngo yang 'khrungs// mthong ba'i ri rnams shin tu 'jam// rtsa ba dag kyang bdun du gyes// rtsa ba'i lkugs pa cung zhig dmar// lo 'dab sro lo dkar dang 'dra// me tog ti//
- 232a
pas dkar ser 'byung // zhag bdun bar la skye mi 'khrungs// tshan dang sro lo gzhan rnams kyis// khru gang pa la nye mi nus// ston zla 'bring po'i smad na btsal// cung zhig me tog ma rnyed na// me dang chu yis gong bzhin btsal// gal te cis kyang ma rnyed na// rkyang bu sha ba'i gdos su gzhug/ glo la gri brgyab su bar btang // sems can de yis rnyed par 'gyur// yang na 'di yis btsal bar bya// rgod kyi bye phrug sti la bzung // gtod de glo la thur ma brdeg/ pha dang ma yis btsal ba blta// de yis rnyed par gyur nas ni// rtsa ba brko ba ma yin te// lo ma dag gis lo brgya 'tsho// thigs gtsig sa la yar ba las// srib ri'i logs dang brag la 'khrungs// bdud rtsi chen po bal bu bya// rtsa ba 'dril zhing ngar ba shar// 'dab ma cung zhig gzhung bu can// dri yang zhim zhing ro yang bsgyur// 'dab ma 'dril zhing ngar ba bsgoms// sdong po rab tu bsil ba de// tshan dang sbyar ba glo yi sman// 'di yang tshan zhes yongs su grags// thigs gcig sa la yar ba las// spang nags gnyis kyi bar du 'khrungs// rtsa ba 'dril zhing 'dab ma leb// bdud rtsi chen po si lu kha// kha mngar zas dang sbyar byas nas// de yang cung zhig glo la phan// thigs gcig sa la yar ba las// klung shod nye ba'i sa ru 'khrungs// bdud rtsi chen po 'bri mog yin// rtsa
- 232b
ba 'dril la 'dab ma khrad// dpyid zla tha chung smad la brko// mar dkar ka ra dag dang sbyar// de yang glo yi sman du bshad// thigs gcig sa la yar ba las// 'bru rnams skye ba'i sa ru 'khrungs// bdud rtsi ba thag ces kyang bya// de yang rigs gnyis dag tu 'khrungs// gsher sar 'khrungs dang skam sar 'khrungs// gsher sar 'khrungs dag ldibs rdib dag yin// skam sar 'khrungs dag skyabs dag yin// btsos te rtag tu zos gyur na// glo nad phyis kyang mi 'byung la// bad kan dag gi gnyen po yin// glo yis ol gong yar ba las// sra brtan brag gi sked dag dang // sa la yang ni de bzhin 'khrungs// ra sgog g.ya' sgog dag tu 'khrungs// g.ya' sgog ces su bstan pa la// shin tu ring la snum pa gcig/ ro yang shin tu mngar zhing zhim// glo nad tsha grang thams cad kyi// sngon du 'gro ba'i sman yin te// ston zla ra ba 'bring po gnyis// rtag tu lto ru zos byas na// lo bcu lon pa tshun chad du// glo nad bya ba 'byung mi srid// bdud rtsi rin po che 'khrungs pa'i rgyud las/ bdud rtsi glo ba'i le'u ste bcu dgu pa'o// // de nas khrag 'thung rgyal po yis// rU tra chen po bsgral ba'i tshe// snying lpags shun pa bshus yar bas// ming ni pa tsi shing du byung // brag ldebs 'dra ba'i sa la 'khrungs// rtsa ba khrad cig snying po ring // 'bras bu gong mo'i
- 233a
snying 'dra 'khrungs// ro lce cung zhig yang ba las// tsit+ta zla khrom zhes su grags// rtsi mar dag dang sbyar gyur na// sems mi dga' ba'i sman du gsungs// rA tra'i mkhal ma yar ba las// ri min thang min 'dabs su 'khrungs// 'dzin med ye ni shing du skyes// rtsa ba bzang la ngar pa rags// lo ma rgyas shing me tog dmar// snying po dag kyang zlum zhing che// ma sha dmigs mi zhes su grags// khang gi nad rnams 'khrugs pa dang // mkhal ma'i rtsa rnams kun la phan// ru tra'i chu ni yar ba las// brag dang spang gi bar du 'khrungs// phal cher bye ma'i grog las skyes// shing dang kha ri dmar po 'khrungs// 'dab ma phra zhing ngar pa 'khyog/ kha ni sho sha zhes su grags// mchu nad phal pa dpal ba kun la phan// rA tra'i rmen bu yar ba las// ri min thang min rtsub par 'khrungs// rtsa ba ngar pa shin tu rgyas// lo ma chu shing me tog sluspug/ gla gor zho sha zhes su grags// snod rnams 'gying zhing na pa'i sman// rU tra'i mcher pa yar ba las// thigs pa gsum du yar ba ni// rdo yi phyogs su 'khrungs pa las// gcig ni pha lam cho lo ris// bgegs chen gzir ba'i stobs dang ldan// rdo sman dag tu cung zhig khro 'gro yang // gcig ni khab len ljang gur 'khrungs// lcags 'du pa yis stobs dang ldan// mcher khrag 'khrugs pa'i bdud rtsi
- 233b
yin// gcig ni bal po'i yul du 'khrungs// mnyen la snum pa'i rdo ru 'khrungs// rgyal ba rnams kyi sku yi rgyu// kha ru tsha dang sbyar gyur na// spo ba dag la cung zhig phan// btags nas dug tu byas gyur na// khrag ro rnying pa 'byin par byed// gsar pa dag la cung zhig gnod// bsregs te shing kun gtang gyur na// so yi srin bu 'don par nus// btags te phye mar byas gyur na// me cho dag gis cung dben nas// brngos te dugs su bdug gyur na// mkhal ma mkhris pa gtan nas 'don// bdud rtsi rin po che 'khrungs pa'i rgyud las/ snod phra lgang pa'i le'u ste nyi shu pa'o// // bcom ldan rdo rje gzhon nu yis// rA tra chen po bsgral ba'i tshe// de yis gsang mdzod yar ba las// thigs pa bcu gcig sa la lhung // thigs gcig sa la yar ba las// bdud rtsi kun tu rgyug tu gyur// 'ji chung gi ni mgul dag dang // mu zi nag po yod sar 'khrungs// kun rnams 'ju ba'i bdud rtsi ste// khyad par glo ba'i nad la bsngags// thigs pa sa la yar ba las// mtsho rdzib ma yi mgul du 'khrungs// bdud rtsi chen po 'bri mi ta// nu zho skams pa kun gyi sman// thigs gsum sa la yar ba las// chu 'bab pa yi mgul du 'khrungs// shing chung ki na yod pa yis// bdud rtsi chen po thal tshas bya// mes tshig kun gyi sman du gsungs// thigs bzhi sa la yar ba
- 234a
@las// gangs dang mtsho yi mtshams su 'khrungs// bdud rtsi chen po rgyam tshas bya// chu nad gso ba'i bdud rtsi yin// thigs drug sa la yar ba las// rgya mtsho chas bus 'gram dag tu 'khrungs// sdig pa ka ka ri tu byung // de yang chu nad gso ba'i sman// gzugs ni sdig pa'i dbyibs 'dra la/ kha dog dkar zhing sha srul med// ro ni sgre zhing cung zhig 'dam// shin tu legs par skams gyur na// yan lag nad dang chu yi sman// thigs pa bdun pa yar ba las// dbyar chu dgun skams lteng kar 'khrungs// sa phyogs dro zhing sa dri can// dbyibs ni zhing mnga' 'dra mod kyang // kha dog gong ma de dang mtshungs// ro ni kha la ro gzhug mngar// srid gis stod pa 'dug pa dang // chu la bran pa gong bzhin no// thigs brgyad sa la yar ba las// bal bu ta la'i mgul du 'khrungs// ming yang ma gi ta zhes bya// spos kyi glang po zhes kyang bya// che chung tshad ni lug tsam la// ske ring rna ba shin tu srab// rmig pa rno zhing rkang lag bzhi// dus gcig mchong zhing 'gro bar byed// mo la mi gnas pho la 'khrungs// lte skor chu yi mtshams nas byung // phyi ni 'dril zhing nang na sob// che chung skyes pa dar ma'i lce// dri le 'di zhes bya ba ni// dpag gis mi lang yon tan 'byung // ro gyang pa yi thabs kyi med// shin tu 'khris nas mi zhim mo// rtsi zhes bya ba'i ming yang
- 234b
'dogs// rA tra'i spre ni mthar thug las// byang chub sems dpa'i sgra yin pas// dri yis 'phags pa mchod gyur na// yi dam lha yi lung ston 'gyur// man ngag can gyi bsgrub gyur na// lha mo'i gzugs kyang ston par gyur// 'dzam gling dri yis 'gengs par ni// the tshom rdul tsam mi za'o// rU tra chen po'i spre yin pas// dri chu rnams kyi mchog tu gsungs// lus la bcangs par gyur na ni// rA tra chen po'i dri snams nas// klu chen brgyad kyi sbyor ba yang // yud tsam gcig kyang rtsom mi nus// gdug pa can gyi mthu yin pas// sbrul dang sbrang bu tre ma dang // tre ma bu ga la sogs kyis// mi rnams za ru 'ong mod kyang // mnam pa tsam gyis mgo 'gas shing // tshor ba tsam gyis ldan par 'gyur// gzhan yang lus la bcangs gyur na// rU tra chen po'i dri mnam nas// ma mo mkha' 'gro rnams kyang ni// bsgrub pa bzhin du dri la 'khor// bzhi brgya rtsa bzhi'i nad la yang // stobs kyi mthu rnams yod mod kyang // lhag par dri chu bsdams pa dang // lgang pa rdo yis 'gags pa rnams// chu sman bcu yis skyobs byas na// sol ba'i sdong po dri ba la// lcags kyi tho bas brgyab par bzhin// gzhan yang yon tan sna tshogs dang // 'di ru brjod par mi lang kyang // dri chen brgyad pa'i nang nas bshad// thigs pa dgu pa yar ba las// tsan+dan nags tshal dbyings su
- 235a
'khrungs// shing ni pi la la zhes bya// tsan+dan 'od dang 'dzom pa 'byung // ming yang ma ta la bya'o// de yang dkar nag gnyis su byung // dkar po la yi zang chu 'dra// nag po rtsa rtse'i 'dab ma 'dra// mnam pa'i dri yang zhim pa la// bsreg pa'i dri yang shin tu gdang // de yi yon tan brgya dang ldan// ye shes lha yi thugs dam rgyud bskul zhing // sras mchog kI la ya ni brnag pa'i las la 'dzud// dam can mkha' 'gro ma ni mngag pa'i las la 'dzud// dgra bo sdang ba lha dang nye zag bcad// bgegs kyi grong khyer cho nges chen po 'debs// spos dang du ba kun gyi mchog chen byed// ma mo'i rims nad bal yams thams cad dang // bgegs las phyung ba'i nad dang 'byung pos rkyen pa la// du ba gtang ba tsam gyi 'jil bar byed// bzhi brgya rtsa bzhi rnams kyi nad la rgyug mod kyang // lhag par chu ser nag po gtan nas 'don// lums su byas na spangs shing 'bur ba 'jil// thigs pa bcu pa yar ba las// snga sngo ko mo'i shing du 'khrungs// chu yi phur mo lta bur gnas// chu bur lta bur brtsegs pa ste// stan gyi ki zhe sa su grags// lum pa'i rtsa dang sbyar gyur na// mi'am dud gro gang rung gi/ chad nas has pa'i bdud rtsi yin// gal te mnam nas za ma nus// bu ram dkar po dag dang sbyar// 'phong nas bcug pa'i 'tsho bar
- 235b
'gyur// chu nad can gyis rtag tu bza'// thigs pa bcu gcig yar ba las// rgya mtsho chab kyi nang du 'khrungs// chu yi nang nas skyes pa yi// tse na rtse mo dag tu 'khrungs// rtag tu zas su zos gyur na// chu rdo ba shig pa'i bdud rtsi yin// glang po'i rtsa las gyur pa yin// dbyibs kyang pho mtshan tshul du gnas// 'jam zhing snying yang mgo la yod// nyal rdo chu yi nang du sdod// de zos chu rdo 'jig par 'gyur// bdud rtsi'i rgyal por ngas bshad do// bdud rtsi rin po che 'khrungs pa'i rgyud las/ chu snod lgang ba'i le'u ste nyer gcig pa'o// // dpal chen rdo rje gzhon nu yis// rA tra chen po bsgral ba'i tshe// de yi pho mtshan yar ba las// be ta gsang mtshan gsang mdzad de// be ta'i 'bras bu bzhi ru yar// gcig ni byi tshe shing gi mgul du 'khrungs// lo ma rtsub cing dar ba mkhrang // sha ba'i rlig pa 'dra mod kyang // spu can khong stong snying po med// bdud rtsi chen po a 'bras yin// chu dang mkhal ma rlig pa sgang // rtsa rnams cung zhig 'khrugs pa dang // 'gags pa gso ba'i bdud rtsi yin// thig pa gnyis pa yar ba las// 'jam byed byis pa'i shing du 'khrungs// pags pa rlon zhing 'dab ma rlog/ snying po sbu gu can du 'khrungs// 'bras bu g.yu sgong lta bu la// nus pa gong dang 'dra bar bshad// bdud rtsi chen po 'jam 'bras yin// gsum pa sa la yar
- 236a
@ba las// nags tshal zag chen gling du 'khrungs// tsu ta'i shing las skyes pas na// bdud rtsi chen po sa 'bras yin// gnag la 'dril zhing ze mo kyong // nus pa gong dang de bzhin 'dra// bzhi pa sa la yar ba las// brag bar sa 'jam gling la 'khrungs// rtsa ba ldem la ngar ba ldem// sbu bu can la 'dab ma srab// byin po mkhregs la kha tshe gsum// bdud rtsi po ni so 'cha' yin// skyug pa 'dren pa kun gyi sman// de yi gsang mtshan yar ba las// tshan pa lnga ru gyes te song // gnyis ni snang ldan shing la babs// gcig ni dog mo'i sa la babs// snang ldan shing la babs pa ni// mtshan ma'i pags pa yar ba yin// pags pa'i phyi shun yar ba las// lte ba rgyun gcad ces su byung // tshar chung yod pa'i sa ru 'khrungs// shing tshad gzhan gyi tho lus su// sngo dang bcas te skye mi nus// rtse mo khrad cing rtsa ba gyad// 'dab ma dag kyang cung zhig sgyur// sems can bya ma byi yang za// gcig ni sngo med gram pa'i gling // sngo rnams skye ba'i mi 'gyur zhing // sa phyogs rtsub pa'i gnas su 'khrungs// de ni rabs chad nag po'i shing // nag la khrad cing 'bras bu nag/ shing ni de ltar gnyis dang ni// bya ma byi yi spu dang gsum// rin chen gser dang bzhi sbyar na// sems can mos pa mi mthun pas// skye ba mngal gyi sgo 'gegs yin// bdud rtsi chen po
- 236b
yin par bshad// pho mtshan phyi shun yar ba'i rtags// 'bras bu med pa de ltar 'byung // pho mtshan nang shun yar ba las// mchil pang byed de la babs// nam mkha'i bdud rtsi za ba'i phyir// gangs kyi ljongs na de bzhin gnas// nam mkha'i bdud rtsi thigs gsum byung // da byid kyis ni 'thungs pa las// khar tshad 'thungs pa'i de ring sbyar// bcu drug nyin mo mi la bsnun// de nas rtsi thog ma rgyas par// mo yi lus la gnas par nges// bdud rtsi thigs gsum babs pa de// gzhan gyis tshor bar mi 'gyur te// mchil pa dag dad de bzhin 'thungs// da byid mchil pa de nyid sha/ sems can skyes rgyud 'phel ba yi// pho mtshan nang sha yin pa'i rtags// chu ba 'greng dang 'bras bu'i gsos// sems can 'khor bar chags pa la// skye rgyud 'phel ba'i bdud rtsi yin// dog mo sa la babs pa de// snyi sa klung shod dag tu 'khrungs// rtsa ba pho mtshan shi ba'i tshul// lo ma gcin gyi rjes 'dra ste// dri yang mdze yi spre ru mnam// ro yang mngar la spre ru kha// bdud rtsi chen po lta ba bya// rlung dang chu ser 'dul ba'i sman// de yi gsang mdzod yar ba las// de yang thigs pa gsum du yar// thigs gcig sa la yar ba las// bsil lam gling gi steng du 'khrungs// mdog smug tshor ma phra ba las// me tog dkar dang ser pos brgyan// klu yi bdud rtsi gra ma bya// klu
- 237a
rnams kun gyi sman gyi mchog/ 'dre nad kun gyi sman gyi mchog/ dbang bskur byed na so shing bya// sbyin sreg byed na shing bu bya// lums su byed na pags pa bzhar// sman du byed na me tog la// gsang mdzod rkub rlig bar gyi chu ba yar// bsod nams can gyi khang rtsar 'khrungs// rtsa ba sti zhing ngar pa smug/ btab na skye zhing 'bras bu ngan// bdud rtsi chen po gur shing byung // de yang pho mo gnyis su srid// pho skyes ser la mo skyes smug/ dus su bzhu bar gyur na yang // pho skyes steng la mo skyes 'og/ pho ni lu gu'i tshan bu 'dra// mo ni grang chang skyo ma bzhin// sbyin sreg byed na mchod pa'i rdzas// bzhi brgya rtsa bzhi'i nad la yang // pho skyes phyogs dag kun du rgyug/ mo skyes cung zhig tsha bar gnas// nad rnams kun la cung zhig 'gyengs// pho skyes 'ju ba'i bdud rtsi yin// gtso bo yin par ngas ma bshad// snam log g.yas g.yon yar ba las// rgyal po'i khang bzang lta bu 'khrungs// bdud rtsi chen po shing kun yin// shing yang tshan che lu ma bzhir// lte lta nu yi skyugs pa bzhag/ dri yang 'tshub cing dri gzhug kha// pho skyes dkar la mo skyes nag/ ri bong gla ba'i ril ma 'dra// ya ma dkar nag gnyis dang ni// tsha rlung grang rlung gnyis kyi bskal pa las// pho mtshan yar bas de ltar byung // bdud rtsi rin po che 'khrungs pa'i rgyud las/ gsang
- 237b
mdzod pho mtshan gyi le'u ste rtsa gnyis pa'o// // bcom ldan rdo rje gzhon nu yis// rA tra chen po bsgral ba las// de yi lce chung yar ba las// 'dzam bu gling gi byang du 'khrungs// mu le drung shing zhes pa byung // yan lag nying lag shin tu rgyas// de la 'bras bu lnga byung ste// gcig ni mkha' lding bya rgod za// grang nad 'ju ba'i bdud rtsi yod// gcig ni gshog rgyas ne les za// slo yis dug rnams byas gyur na// shing gis phog pa'i rma rnams 'tsho// shing gi nyes pa 'tsho bar 'gyur// gcig ni mkha' lding bgegs la babs// spun rnams 'ju ba'i bdud rtsi yod// gcig ni rtsal chen glag la babs// khrag skran 'ju ba'i bdud rtsi yod// kun la 'ju sman yod mod kyang // klad pa gre ba glo ba dang // mkhal ma mchin pa dag la bshad// lag pa'i rtsa chen yar ba las// de yang g.yas g.yon gnyis su yar// bdud rtsi chen po seng lding shing // smug po rtsa smug phyi nas yar// de yang pho mo gnyis su gnas// pho skyes sro ma ka ru la// sro ma thur la bstan te byung // mdangs dang gting nas dum gcig nag/ mo skyes sro ma sbu gu la// kha dog mdangs kyang cung zhig gser// kha yang gyen la bstan nas byung // pho skyes snying lung snying po yin// mo skyes chu ser tshos mdze'i sman// bla rtsa g.yas g.yon yar ba las// stag pa dkar po'i spags su
- 238a
'khrungs// stag pa shun lpags bsil ba'i sman// slag ni khrag zags pa la gtang // klad pa'i rtsa gnyis yar ba las// shug pa glang ma pho mor 'khrungs// shug pa dag gi 'dab ma yang // dug dang bdud rtsi kun la rgyug/ glang ma lcang ma ngar ba yang // skyobs dang byang bu 'jam pa'i rtsi// chag dang tshigs byung 'jam pa'i rtsi// bzo dbyibs legs par thon na ni// rkyen gyis chags pa'i bdud rtsi yin// mtshan rtsa g.yas g.yon yar ba las// phu dang mda' yi phyogs su 'khrungs// phu skyes pho yi gya rta bya// mda' skyes mo yi 'om bu bya// yun gcig nus gcig ro yang gcig/ dmar shal 'brum pa can gyi shing // ro mgo kha la ro rtsa mngar// chu ser bad kan smug po'i sman// mkhal ma'i rtsa gnyis yar ba las// brag dang ri sul khyab par 'khrungs// bdud rtsi chen po smyug ma 'khrungs// de yang pho mo gnyis byung ste// pho ni sbom zhing tshigs zag ring // mo ni phral zeg tshigs zag nye// 'dab ma zo ba'i tshul du gnas// pho ni pho yi mkhal gyi sman// mo ni mo nad kun la gtang // ol gong rtsa chen yar ba las// byin gyi brlabs pa'i sa ru babs// rtsa ba cung zhig spog pa dang // 'dab ma'i sgra yang cung zhig spun// mo yi ra gnyer 'dra mod kyang // bungs dang chas te skye mod kyang // sha rnams lci bar gyur pa la// yar bar gyur te gdon mi za// sman
- 238b
rnams nad la 'dred gyur kyang // 'di yis khrid na phigs par 'gyur// kha ru tshwa dang sbyar gyur na// rlung rnams ming yang med par 'gyur// 'o ma dag dang sbyar gyur na// rlung gis gtogs pa'i nad la phan// re tsha mur na gdang zhing tsha// zhu rjes skyobs pa'i phyogs su 'grab// rA tra ol gong pa yi shing // rlig rtsa g.yas g.yon yar ba las// rtsa gcig chu yis mgul du 'khrungs// bdud rtsi shing rtsa pho mor byung // chung zhing khrad de sba ma'i tshul// pho skyes sa kha mo skyes smug/ kun la 'jug pa'i bdud rtsi bshad// rna rtsa g.yas g.yon yar ba las// rna rtsa pho mo gnyis su skyes// rna ba lta bu'i ri la 'khrungs// sku ma pho yi shing du 'khrungs// lo ma ngar pa'i mtshams na ni// rnying pa'i ldum bu dmar rtsa gcig/ shin tu bsil bar gyur pa yin// smin ma'i rtsa gnyis yar ba las// rtsa med brag med bye sar 'khrungs// 'dab ma grog ma'i sked 'dra la/ me tog ser po bkrag med 'byung // snying po yug chos g.yag gi tshul// lug gi ra bzhin skyes pa de// 'gyang na ro ni tsha ru bro// ra tsha zhes su grags pa yin// chu ba 'ju ba'i bdud rtsi yin// bdud rtsi rin po che 'khrungs pa'i rgyud las/ rtsa ba shing gi le'u ste nyi shu gsum pa'o// // bcom ldan rdo rje gzhon nu yis// rU tra chen po bsgral ba'i tshe// rA tra rus pa'i mchi ma dang / kha chu sna chu pho mtshan chu// bzhi
- 239a
char dus gcig brubs pa las// gcig ni bdud rtsi sman chur 'khrungs// sa rtsub brag gi mgul du 'khrungs// dri yang chung zhing 'dab pa las// mnyam gnyis gzhan las cung zhig lci// 'thungs na bad kan 'joms pa'i sman// pho mtshan chu chen yar ba las// gting 'khyil ma dros mtsho ru 'khyil// de yi dkyil du dug pa'i ri// pho mtshan lta bu'i dbyibs 'dra la// dzam bu br-i k+Sha'i shing du 'khrungs// rA tra dregs pas ngar chu lug/ bar du bya yi chu ru lug/ sgong nga dgu yi thang du lug/ kyi ni thang chung gsang ba dang // mo ni thang chung rno ba yis// gtan tshigs dang po de nas byung // rwa gnyis gyen du btegs pa ni// lha yi bdud rtsi chen po yin// sa la 'byung bas lug rur 'khrungs// lums su byas na lci ba'i nad// zhag gsum lon nas sel bar byed// mo ru byas na rmug pa babs// nad pa sman pa bzhi bdag la// lha yis 'gro ba spyod mi spyod// rig pa de ru shar du byung // rA de cung zhig bsregs byas nas// ha cang tshig min grang ba min// kha ru tsha dang sbyar gyur na// pho log na bar gyur na yang // skad cig ma yis 'tsho bar 'gyur// de yi bal dgun tha chung brda// de yang gsum du gsungs pa las// gcig la rdzu thig thi gu'i mo// dgra dang grogs dang gnyen stobs rnams// rig pa de las 'byung zhing babs// gcig ni gos su byas
- 239b
gyur ram// stan du bting nas mal g.yogs na// bal sbrus chen po zhes bya ste// grang ba'i nad med nyams bder 'gyur// shing bal be'u 'phrug dar zab rnams// dro bar gyur yang nad skyed dug/ de yi skyobs su 'gro bar yang // 'dab chags sgo dang gcan gzan spu// stag spu dom spu ma gtogs pa// thams cad de yi skyobs su bshad// dom spu mig gi sman yin te// stag spu de bzhin chu ser sman// grang bas na ba ma gtogs ni// gzhan dag rnams la bkag pa med// gcig ni bar phying dkar por bsring // de yang gsum du gnas pa las// zha ru byas te gyon gyur na// tsha ba can rnams grang bar nus// grang ba can la phyi drod bskyed// de yang snyoms pa'i bdud rtsi yin// chu ser lug pa'i rna rnams la// chur bcug de yis dkri bar bya// chu ser nag po 'jil ba dang // dum bu phyed de snum du btso// rlung nad rnams kyi rtsa sgo bsrung // des na lus kyi bdud rtsi yin// dbyibs la nges pa med par gtub// sgo nga bag phye dag dang sprad// gong du skrangs la bcings gyur na// 'bur ba'i nad rnams 'phags mi nus// de yang bal gyi bdud rtsi yin// mgo yi lce dang klad pa dang // 'bri mar dag dang sbyar gyur na// brgyungs pa dag kyang de bzhin gtad// kha ru tshwa yis kha tshar gdab// klad pa legs par chos nas ni// chu skams 'o mas bslad cing
- 240a
btso// srog pa rtsal nad zhugs dang // mgo 'khor lus kyi cha 'khom na// zhag bdun zos na 'tsho ba'i sman// chu 'thung ra sha zos gyur na// de la nus pa mi 'byung ngo // de yi glo dang rtsa yi khrag/ rma gsar dag pa glan 'gyur zhing // de yi pags rlon dag gis dkris// re 'jam bdud rtsi zhes kyang bya// bdud rtsi lnga yi skyobs btang na// reg pa kun kyang 'tsho bar 'gyur// de yi klad pa cung zad dang // rgya dar bsregs pa'i thal ba rnams// khrag med khrag tu 'gugs pa yin// de yi sogs pa g.yas g.yon ni// rA tra'i 'khor gyis byin gyis brlabs// nad pa'i khangs dur sa dang // 'tsho dang mi 'tsho'i mngon shes 'byung // dung skyong ma yi byin rlabs kyis// me sman smra bas bsregs gyur na// nad pa bgegs kyis bskyod ma bskyod// nyi ma'i 'od pas gsal bar 'gyur// sog pa ltas kyis sha yin pas// sman pa bzang bar bshad pa las// de yi lag 'og rtsibs ma yang // nad pas zos na nad rnams kyang // gcan gzan zos pa'i sha byung na// rtsibs ma bdud kyi thag pa yin// gcig kyang za bar mi bya'o// mchin sog lha yi mchin pa yin// bzang ngan ltas kun de la blta// sha bcud snying dang rus bcud rkang // khrag bcud mchin dang rgyu bcud zhag/ lha mo'i 'phrin byed dbang thun bsgyel// rig pa'i ltas kun babs pa las// bdud
- 240b
rtsi gcig kyang ma babs so// nad pa 'tsho dang snga phyi rnams// rig pa snod can de la dri// mkhas te shes par gyur na ni// rtsa chu gnyis kyi do yang min// nad pa klad pa chag gyur na// de bzhin lug gi mgo la yang // rus pa steng 'og de la brtag/ de bzhin snod la nyen langs na// snod kyi mtshan nyid phyes te brtags// rig pa'i gnas gzhi brtag gyur na// la phyi bzang ngan kun kyang mthong // phyi ma sha rnams kun kyang rgyu// glo long bdud rtsi yin mod kyi// ril ma phan chad sman yin no// sha yi sbyor ba gong dang mtshungs// gal te rlung nad che ba la// gsar du gtang dang rting du gtang // sbyar la gtang dang gsum du 'dus// gsar du gtong bar gyur na yang // sha dang rus pa khrag dang gsum// tshil dang mar rnying dag gis bsres// mi tsha drod kyi de bzhin brgyan// nas rjen phye yis kha blangs nas// grod pa dag tu blugs gyur nas// g.yam sngon pa yi steng du gzhag/ rdza ma du ba med pa'i bar// 'od kyi kha ring tshos par btso// nar phyin char yang gtang gin bzang // shes pa rgyal po'i thugs ka nas// tshangs pa lta bya dkar po byung // gshin rje nag po'i thugs ka nas// sha zan mchu dmar nag po'i bya// khros nas sgo nga dgu ru byung // sgong gsum gnam la 'dril te song // gnam la bdud rtsi thigs gsum ni// pho rog bya rog khwa dang
- 241a
gsum// snying rje ldan pa'i rtags yin te// bsad pa'i sha rnams mi za bar// ser bu shin tu rjud par yod// de yi snying dang mdza' ba'i sman// bsil ba'i skyobs ni bdun yod na// shin tu brjod pa mi yong zhing // snying rlung dag gi gnyen po yin// tshe gsum dran byed the tshom med// pho rog srog gcod shin tu tsho// srog pa rtsa yi khrag dang ni// 'bru gsum a ru ra dang sbyar// rtsi mar dag gis sna khrid na// bar gcod cis kyang mi tshugs so// lo stong thub la the tshom med// kha ta nag rung skad kyang che// sha dang rus pa a bar sbyar// mig 'bras klad pas tsho byas te// mar dkar dag gis sna khrid na// mig sman kun gyi gtso bo yin// sa yi 'og tu sbas pa yi// gter mthong ba la the tshom med// sgong gsum bar du yar ba las// khra dang 'ug pa hor pa gsum// 'ug pa'i sha yis kun kyang 'jigs// hor pa'i sha yis kun kyang 'ju/ khra yis drod rnams kun kyang snyoms// 'ug pa'i klad pa hor pa'i brang / khra yi bshul sha dag la yod// sgong gsum sa la yar ba las// gcig ni kha ru ma rdol zhabs su lug/ lug pas shin tu sleb par lug/ lug ces bya ba'i sems can 'byung // sgo nga drod ni ma yal bar// dro la lug pas drod kyi sman// de yang phyi yi mngon pa drug/ sha yi gdeng yib shin tu dro// thong tsher grang ba'i sgo rnams
- 241b
sel// tshe sug kun kyang de dang mtshungs// khrag dang nang khrol dag la yang // 'tsho bar byed pa'i sman med do// cung zhig 'bras kyi phub ma ru// zla ba gnyis su bcud blangs na// kha gting med par drod tu 'gyur// rlung nad can gyi gnyen po ste// rma can dag gis cung mi thub// shing gi sgrom bur bzhag gyur na// dug ro can gyi de med pa// rma can rnams la sol bu brdzangs// de yang gang zhig rlon gyur na// chu ser skye ba'i rgyu yin no// ha cang tshos par mi bya zhing // zhag po bgrangs te btang bar 'byung // phyi skams nang ma g.yos la gtang // btsos bsgral gnyis po de bzhin no// bsgral ba'i dus dang dgun zla gsum// ston zla bsgral na khrag nad skyed// dpyid zla gsum la bad kan slong // dbyar zla mkhris pa de bzhin te// tshil bu rgyas pa'i dus su ni// nad rnams gzhan gyi ro mi ldang // de phyin tshon nam yang bzang // sgo nga gcig ni zur la yar// ra zhes bya ba'i sems can byung // ngad pas spu yang cung zhig rtsub// khengs pas ra yi gnyer ma mang // zur dang brag la 'dzegs pa dga'// rtsa rtse 'thog cing rtse yang g.yab// shin tu bsil ba'i bdud rtsi yang // glo ba klad pa mchin par yod// 'o ma ka ras mchin brgyangs na// me yi rtse yang 'chi bar bshad// chu grang dag la mchin bgrang na// mi tshangs mngal ba bkub nas
- 242a
ni// gab pa la sogs tsha ba'i nad// dus der mod la 'jil bar nus// klad pa dag ni btsos gyur nas// mar dkar dag dang sbyar gyur na// tsha ba'i rlung rnams rab tu 'jil// mar rnying dag la rlung ldang na// dus der mig rtsa 'debs par byed// sgong gcig sa yi phag tu yi ba// zhag gcig lon nas gzod gcig rnyed// ming yang phag pa zhes su btags// sa dang 'dres pa'i mtshan nyid kyis// zhes kha gtsang sme rab tu chung // phag na 'dug pa'i gtan tshigs kyis// sa yi khron dag sna yis rog/ shin tu grang ba'i spu yang rtsub// mche ba can te rma yang 'jig/ sha rnams gzhun te rlung mi thub// mgo dang sna yang lhog pa'i sman// klad pa skrangs nad kun gyi lums// spu yi gzhob dang slo yi lums// nya dang sbrul dang sbal pa dang // sa bdag gzugs su ston pa yang // kho yi zas su byed pa'i phyir// sna yis skrangs nad kun kyang thub// mche bas ldog pa'i gnyen po 'ong // 'bru dang grogs ma sbyar ba za// lhog pa de 'dra brdzus te 'byung // de phyir mgo bcu klad pa yang // sha rus tshil dang bcas te gtang // ru lu za za'i skad 'don nas// ma mo gnyen gyi lhog pa thub// kho rang sngags pa yin pa'i phyir// spu yi lcags kyi thur ma yis// bdud dang gshin rje'i lhog pa thub// mig ni dpral ba'i 'dzin sa lte// 'byung po bgegs kyi lhog
- 242b
pa thub// de phyir sha rgod sman gyi mchog/ shin tu skrangs nas byung ba'i 'jibs// phyi sha bad kan gtan nas 'don// nang khrol kun dang khrag tshil gyis// mkhris pa khrag gi ming yang med// rnam rtog 'joms pa'i bdud rtsi pa// gang gis skyobs pa ma yin te// gcig pus thub pa'i sman yin no// khrag zags pa dang rgas pa dang // rims nad drag la gtang mi bya// dar la babs pa'i mi rnams la// gang la gtang yang nyes pa med// lus zhes bya ba'i ming yang btags// de yang rnam pa gsum yin te// rlung nad kun la mchog tu bsngags// rnying par gtang ba'i mtshan nyid ni// sha dang rus pa mgo bo rnams// bcud blangs shing gi sgrosgom du gzhug/ lo gcig lon nas sha gtang na// sha rlug rlog pa'i rlung la phan// lo gnyis lon nas rus pa gtang // lhag mig lhog pa'i rlung la gtang // rlung dang srin bu bsdongs la phan// lo bzhi lon nas mgo gtang na// ya ma dkar nag 'joms par nus// lo lnga lon par gyur nas ni// smyo ba'i rlung nad kun la phan// lo drug lon nas 'thibs pa sel// lo bdun lon nas shed chung ba// che bar 'gyur te the tshom med// brgyad nas nus pa zad ces bya// sha yi sbyor bar 'gyur na ni// bud med sha dang bsres te btso// mdze nad dag la rab tu bsngags// lo brgyad 'das kyi mar ni rnying pa dang // ma phrad gzhon gyi sha
- 243a
dang rus par bcas// lug gi mjug rus med pa de bzhin brdung // lug gi pags pas grol te zla gcig bskal du gzhug/ shin tu tshos par byas te khu ba de la bstim// chang gsar thigs gcig blugs te btsos gyur na// sbod de kha ru tshwa yis rab brgyan na// snying rlung brjed byed smyo byed rtsa ba gting nas 'don// phag pa'i sha tshil dag dang sbyar gyur zhing // dong gra dag gi spod byas gsar par gyur na bad kan sman// rnga bran sha dang gnyis su med par brdung // ka ra dkar po'i spyod kyis brgyan par gyur// shin tu btsos dang mdzo zho mngal dang sprad// rma rnams tshad skyes rnag rnams gcod pa'i sman// lo gsum lon pa'i lug ru dang // rgod g.yag sar gyi sha tshil shin tu tsho// lug gi khog par blugs te bkab byas te// tsha ba gsum gyi sbod dang kha ru tshwa// 'bri mar cung zhig dag dang sbyar/ kha ches lums su byas te chang gis btso// nar phyin chang gis btung chu byas gyur na// lcags kyi rdo rnams khong na yod kyang 'ju// gal te sman mar dag gi gsos byed na// grang ba dag la sbyar na sha rnying gtang // dpyid dang dbyar ston sha de gtang ba min// snyoms par 'dod na 'phral sha gtang // dpyid dang dbyar gyi sha yang gsar mi gtang // dpyid dang dbyar ni rnga bran sha yis gso// lug gi sha ni zla drug yin te zla drug bzang po
- 243b
min// mig chu sna chu gnyis po yang // gong du 'khrungs pa de dang mtshungs// bdud rtsi rin po che 'khrungs pa'i rgyud las/ rA tra chen po bsgral ba'i chu bzhi 'drub pa las/ pho mtshan dri chu'i le'u ste nyi shu rtsa bzhi pa'o// // bcom ldan rdo rje gzhon nu'i sa// rA tra chen po bsgral ba'i tshe// de yis dreg pa yar ba las// byang gi rtsa mar 'khrungs so// ra la gzhu byung drang srong thogs// mi rnams 'jig rten mda' yis su// sha las drod byung grang ba 'joms// ston zla tha chung dpyid zla chung // dus ni pho la yod mod kyang // brgal nas mo la bdud rtsi 'byung // pho mo 'khor bar gnas mod kyang // ded sha dag la sman mi 'byung // 'dril na nams kyang legs par bshad// rU tra chen po'i dregs yin pas// de nas rdul gyis phyis gyur na// dreg pa zhu bzhin rtul bas yal// 'dril bas dreg pa zhu 'gyur te// rkang dpyi gnyis kyi bar nas ni// grang ba 'joms pa'i sman yod de// dpral ba'i ka ba dag la yang // me ro rnying dang 'da' sman dang // tshig pa byed pa'i sman yod do// rU tra'i ba spu yar ba las// rkyang dang rngas dang gtsos su 'khrungs// rkyang zhes bya ba'i sman rnams ni// zho la rtsal rdzogs sa la bro// bya yi zos pas dus tshod mkhas// gtsos zhes bya ba'i snying khrag la// srid tshol ba yi bdud rtsi babs// bu mor skye ba'i bud med
- 244a
dang // sha ma ma byin pa la gtang // rngas zhes bya ba'i spun mo de// klad pa 'gyur ba'i tshil bu la// mgo srin sel ba'i sman yod do// ru tra'i rkang sor yar ba las// rta rkyang rnga mo ba men sha/ mdza dang bong bu gnyen dang ni// gna' dgo gnyis te bcu byung ngo // rta ni chu ser tshabs re'i sman// mchin pa dag la yod pa yin// tshon brang gi ldebs la gnas// rkyang ni chu ser skrangs pa'i sman// rnga mo dreg la sman pa'i sha/ ba men sha 'u gso ba'i sman// rme sha la dug gso ba'i sman// mdzo ni shin tu snyoms pa ste// bong bu tshabs ro dag la phan// rnga mo kun la snyoms pa'i sman// gnyan sha gna' dgo snyoms par gsungs// rA tra'i rkang sor yin pa'i phyir// rta mgyogs rkyang grims rnga mo ske// ba men rwa dang rme sha'i gzugs// mdzo yi rtsal dang bong bu'i skad// gnyen gyi bang dang gna' ba'i 'dzegs// khyad par spyod pa'i yon tan ri// rA tra'i rkang pa yin pas byung // ru tra'i lce las gyes pa ni// kom pa'i ko ba rgya yi sha/ shin tu 'jam zhing snyoms pa'i sman// rA tra de yi mthu las ni// lhag pa'i yon tan re re yod// rgya yi dar ni rin po che// dgo ba'i thul ba chu bas mnyen// kom pa'i gnya' bas sa gzhi rlog/ de ltar mi rnams don du byung // rU tra'i mche ba bcu bzhi la// mche ba re re bton pa las// smad dang ngan skyugs bcas nas
- 244b
byung // 'o ma bsil la tshil bu drod// sha rus sris rnams cha snyoms phan// de yi ngan skyug chu srin yin// mi dreg phyugs dreg dom dang gsum// sha tshil grang ba'i gnyen po la// skrangs dang rengs pa thams cad 'ju// mkhris pa de bzhin rma yi sman// dom gyi brang ze snying la yod// de rtags spu ni ka rur 'byung // mi dreg nu ma'i dkyil na yod// de rtags nu ma spus mi 'gegs// phyugs dreg brla yi sul na yod// de phyir brla la sro mi chags// sgra dang sgre dang byi la gsum// de ltar gsum ni ngan skyugs yin// stag dang gzig dang gung dang gsum// bad kan 'joms pa'i sman yin no// lkog rgal skran dang mes tshig dang // gzhan ma cis kyang mi 'tsho ba'i// ma rnying dag la mkhris pas phan// sram dang gyi sram chu byi gsum// de ltar gsum ni ngan skyugs yin// stag gi 'gram pa dag la yod// de rtags 'dzum phran dag tu byung // gzig gi sgra sul dag na yod// de rtags sgra yang thig ler byung // gung gi bshul sha dag la yod// de rtags mjug ma'i sgra yang 'tsher// sbrang ki 'phar ba wa dang khyi// sbrang ki bshul sha dro ba'i sman// 'phar ba snga dro gsod na rkang pa g.yas// dgongs mo gsod na dmigs la babs// nub mo snying la de bzhin te// bdud rtsi 'phar bas 'phar ma yin// rma rnams dros par gyur pa dang // mo tshad langs par gyur pa'i sman// khyi
- 245a
yi lce yang rma yi sman// wa yang glo la phan pa'i sman// sa byas spo dkar bra ba byi// de ltar bzhi ni ngan skyugs yin// sgra dang spre dang byi la gsum// grang ba 'joms pa'i bdud rtsi yin// g.yi yi rna ba gsa' yi mjug/ smre yi nu ma gsum la ni// ma dgug pa yi sman yang yod// chu lug chu rta ra rgod gsum// de ltar gsum ni ngan skyugs yin// ra rgod bsil te rma rnams 'joms// sog brag dag la ce spyang byung // khrag rengs kun kyang 'ju bar bshad// de yi ngan skyugs kha sha yin// rU tra'i lag sor gyes pa las// gcig ni mo rnams kun la babs// ma phrad zhon gyi sha rus rnams// rlung gi bdud rtsi yin par bshad// 'phyi ba'i tshil bu dgun zla gsum// rlung dang mig gi bdud rtsi yin// rtsangs pa'i sha yang dreg la phan// sbal pa de bzhin lkog ma'i sman// de rnams lag pa g.yon pa yin// g.yas pa 'jig rten mkha' la sgyur// gcig la babs pa yod ma yin// gzhan yang sems can tha dad pa'i// mthun pa'i bdud rtsi yod mod kyang // rU tra'i bdud rtsi babs pa med// shar re sman re smos pa yang // rang re'i sha dang stobs kyi sha/ bsil ba'i skyabs kyang bsil bas bya// tsha ba'i skyabs kyang de bzhin bya// snyoms pa ci rigs pa yis bya// gal te 'khrugs par gyur na ni// rA tra'i babs lugs nor ba yis// kho yi mthu dpal
- 245b
byin rlabs kyis// nad rnams rengs nas 'khrugs par 'gyur// dpon med tho tsho sgra la brten// shes rgyud med pa'i khong dregs mkhan// nad rnams 'khrugs pa'i dka' ba med// gdams med dug tu sbyor ba de// rgyus med mthong ba'i skyon yin pas// rdo rje dmyal bar de 'gro ste// nad rnams 'khrugs pas mi chog ste// rU tra chen po'i bka' chad 'byung // sha sman de dag kun kyang ni// rA tra'i sprul pa ma yin te// kho yi bdud rtsi babs pa yin// nor bas log pa'i lam du 'gro// rdo rje phur pa bdud rtsi ji ltar 'khrungs pa'i rgyud las/ rA tra'i lus bshig sha sman gyi le'u ste nyi shu rtsa lnga pa'o// // de nas rU tra'i dpag bsam shing // shing gi dkyil du srin gcig byung // srin bu de yi kha chu las// srin de zhag tu khyil gyis chags// de yang dngul sgor dkar po smin// de las dngul sha ru bcu byung // skyo nas shing gi kha la rtse// bdud kyi byol kha log pa yin// skyo nas bdud rtsi thigs pa 'thungs// mtho ris gnas bcu'i bdud rtsi'i rtags// rwa bcu gnam la 'gengs pa yang // mi yi tshe srog gcod pa 'dzin// ltogs na shing gi 'bras bu za// mi yi yul du 'khor ba'i rtags// rwa bcu dung gi ka ra yod// lha yi sprul pas don byed rtags// dbyar zla 'go pa rwa bcu sgyur// lha yis byin gyis brlabs pa'i rtags// pags pa gnyen la mtshon
- 246a
rtse drug/ bdud kyis dbang bsgyur byas pa'i rtags// sa la rdung na phyi ba 'gum// sha la bdud rtsi babs pa'i rtags// rlubs su rul dang dug tu yod// mo la byin gyis ma brlabs pas// rwa med yul mo sman med do// srin gyi bu las skyes pa'i phyir// mjug ma'i steng na srin sman yod// ston zla tha chung nyi shu bdun// lhag pa'i bdud rtsi gsum yod do// dgun zla byung nas mo la 'jug/ mo yi mngal du zhag bdun gnas// dpyid zla tha chung nyi shu bdun// 'dzi klad gnyis kyi bar na gnas// de nas gzhung pa dag la zhe na// zhag grangs rtsi yin nu bar zhes// dang po shing gi srin rgod yin// de ltar rang mig yin pa la// srin la ma phan ci yang med// byung ba'i dus na phyir la log/ rwa ni lha yi srin sman byed// lha yis gzung bas gzung rtags su// ru bcu yod de brdung mi shes// rwa gsum gdus pa'i khu ba de// rgyal ba dge 'dun dge bshes sman// rmig pa lce ni bdud kyi sman// bdud kyis khyer ba'i khyer rtags su// tshil bu rgyas pa'i dus na du// drag shul srin log kun la gtang // mkhris pa klu yi sman du khyer// klu yi khyer ba'i rtags su ni// mkhris pa gzugs med rgyu mar zug/ mkhris rten khrag gi mchin pa ni// ston zla tha chung dgun zla la// zas kyi srin log rnams la gtad// de nas lha mo phrin las mdzad// char ni zim zim dus
- 246b
su babs// gangs kyi ljongs su babs pa las// lhog pas g.ya' sman zla tsher zis// g.ya' sman skyugs sdang kha chu las// sro lo phung po bdun du byung // skyes pa'i 'dab ma la sogs pa// gangs sman de dang 'dra mod kyang // cung zhig klad pa me tog med// yon tan gangs sman sum gnyis dang // bsil ba'i sgo nas 'dra bar bshad// bal bu sur bu'i tsha ru gshegs// kha chu bcad dang thigs pa yar// tsha bsil bdud rtsi'i sman byung ste// de yang yon tan bzhi ru shes// co do tsha la sdong po bsil// ru bas lha min phrin las skyong // ngar bas dgra lha'i bla shing byed// sur bu shin tu tsha gyur te// lha dang klu yi bdud rtsi yin// rtsa ba lo ma med par tsha// de nas brag gi sked la gshegs// brag sman mkhan bu ne le chu// de yang bsil te glo yi sman// de nas lung gi mdo ru gshegs// chu ngan thigs gcig yar ba las// sru sru sru 'dra mkhan dmar gsum// grang ba tsha ba skyed pa'i sman// de yang mi yul spyi ting byon// kha chu gnam la yar ba las// lums kyi bdud rtsi chen por babs// she'u pho la sman mi 'khrungs// sge'u'i dus na bad kan skye// skom bu snga res snyoms pa'i sman/ kha ru gnyis la sman yod de// phongs nas sha brun bdun du yar// gnyis ni a ba du ru ka/ gnyis ni spang spos g.ya' spos gnyis// gnyis ni brag spos rgod spos gnyis// blug la
- 247a
rgya spos bre gang byung // de dang lha mi phrin lam 'byor// de yi rjes ni bdun du bor// mi yul rjes las sa gro byung // nags kyi rjes las sba ma byung // na yi rjes las thul pa byung // g.ya' yis rjes las ro zang byung // brag gi rjes las glang po byung // spang gi rjes las byang ba byung // chu ru nyal bas sha bal byung // shing srin sha ba'i le'u ste nyi shu rtsa drug pa'o// // de ltar rU tra chen po de'i lus sman du bshigs nas 'jig rten gyi khams su khengs pa de nyid/ sems rdo rje sems dpar gnas thob cing sangs rgyas/ 'khor rnams phyi rabs kyi tshogs kyang ngo // yang 'khor rnams sangs rgyas kyi bstan pa bsrung ngo ngo// 'jig rten gyi khams na sman min pa'i ming yang mi grag go/ de nas 'jam dpal rnon pos rang gi stan las langs te/ bskor ba lan stong byas nas kyang / phyag lan stong 'tshal nas mchod pa du mas mchod nas 'di skad ces bstod do// e ma bde gshegs kun gyi sku// grags tshad rmad byung ngo mtshar che// e ma bde gshegs kun gyi gsung // sman gyi sbyor ba ngo mtshar che// e ma bde gshegs kun gyi thugs// sgrub pa'i lha spyod ngo mtshar che// e ma bde gshegs yon tan che// drang srong rig pa bco brgyad mkhyen// e ma bde gshegs phrin las che// rU tra'i mthu da pa la sman du che// rA tra sman du gyur pa bzhin// bdag cag
- 247b
rnams kyang sman du gyur// rU tra sangs rgyas sa thob bzhin// bdag cag rnams kyang sa la zhog/ ces 'khor na gnas pa'i byang chub sems dpa' rnams dang / drang srong rnams kyis gsol ba btab pas/ der bcom ldan 'das kyi gsol ba btab pa mkhyen nas/ 'jam dpal gyi phyag g.yas su log rtog thams cad 'joms pa'i ral gri gcig gtad de/ sems sbar te bdud rtsi sman du gyur par dbang bskur ro// de nas bcom ldan 'das kyi dbang thob nas 'jam dpal gyis rang lus bshigs nas bdud rtsi sman du sprul/ de nas lha'i gnas thams cad bdud rtsi sman gyi gang ngo // de nas brgya byin la babs/ de nas ded dpon la babs/ de nas gzhon nu sred la babs/ de nas li tsA bi dri ma med pa la babs so// de nas 'jam dpal kyi ral gri phyag na rdo rje la gtad do// yang lus gong bzhin bsgral te/ gnod sbyin gyi yul thams cad bdud rtsis bkang ngo // de nas gnod sbyin lag na rdo rje la babs so// de nas nab so skyes la babs so// de la sogs pa drang srong bco lnga la babs so// mi'i gnas su pa khol la babs so// de nas 'jam dpal gyi ral gri de/ spyan ras gzigs la gtad nas las bshigs nas/ klu'i yul du sman dang bdud rtsis bkang ngo // de nas dga' bo la sogs pa// drang srong bcu gsum la babs
- 248a
so// mi'i gnas su klu sgrub snying po la babs so// de bzhin du lha dang klu dang / tshangs pa dang / gza' dang / skar ma dang / gnod sbyin dang / lha ma srin sde brgyad dang / nam gru dang / mkha' 'gro dang / ro langs dang / mi dang dud 'gro dang / dmyal ba dang / yi dwags la sogs pa kun la ral gri de gtad de/ lus bshigs nas/ 'tsho ba rnams mchod par phul te sman du mdzad de 'di skad ces dmod por ro// bdag cag rnams ni bdud rtsi'i mchog ma nor pa yis bsgrubs lags na/ gal te dam log blta nor na/ ru tra gcig tu skyes par shog/ dpal gyi thugs rje 'byung bar shog/ bdag cag rnams ni bsgral bar shog/ bsgral nas dpal chen gsol bar shog/ yan lag sman du 'khrungs par shog khog pa gdan du 'ding bar shog/ sems ni rdo rje sems dpar shog ces dmod bor zhing ldan ne lhang nger kun kyang bsgrub cing gnas so// drang srong rnams kyi yul na/ tsa ra ka bam po 'bum sde gcig bzhugs pa las/ rA tra sman gyi le'u brtul zhugs drag po'i bam po drug pa las/ drang srong phyis 'byung gi le'u ste nyi shu rtsa bdun pa'o// // de ltar 'og min chos dbyings kyi pho brang nas/ don phyin ci ma log par grags so// mdzad spyod spa bkod pa'i bam po dang / khyad par srog rtsa'i bam po dang / snang bcud brgyad kyi bam po dang /
- 248b
dngas pa rtsa'i bam po dang / dngas ma snod kyi bam po dang / yan lag sha'i bam po dang / lam ring drang srong gi bam po dang bdun no// 'og min chos kyi dbyings kyi pho brang du/ dpal chen rdo rje gzhon nus mdzad spyod brgyad las/ zhi ba'i mdzad spyod sems can 'dul// khro bo'i mdzad spyod rU tra 'dul// ta na skye shi med pas gnas lung ston// ga Na bcing grol med pas mo rnams sbyor// mthun 'jug chos kyi sgo mo brgyad khri bzhi stong ston// mi 'gyur chos nyid rol pa'i lta ba ston// thugs rje'i gsos kyi thams cad sman du 'khrungs pa las// 'og min thugs rje'i gsos kyis mdzad pa las/ bdud rtsi rin po che 'khrungs pa'i rgyan zhes bya ba 'og min du grags pa rdzogs so// // lha yul du grags par yang 'gro'o// mi yul du grags par yang rgyud kha cig bzhugs so// rgya gar gyi mkhan po bi ma la mi tra dang / gnyags dz+nyA nas bsgyur ba'o// //
- 249a
rgya gar skad du a pre ta karma sa su dra tan+da nA ma/ bod skad du/ bdud rtsi las rgya mtsho'i rgyud ces bya ba/ dpal kun tu bzang po la phyag 'tshal lo// 'di skad bdag gis zos pa'i dus gcig na/ bcom ldan 'das dpal kun tu bzang pos/ gnas mchog chos nyid ma skyes pa'i klong nas/ 'khor chos nyid la chos nyid bdud rtsi chen po 'di bshad de/ dus gsum 'dus ma byas pa'i dus na/ dpal kun tu bzang po'i thugs las rdo rje sems dpa' phyung nas/ thal mo sbyar nas lan gsum bskor nas/ bdud rtsi chen po las rgya mtsho'i rgyud 'di zhus so// lta ba rgya mtsho ji ltar blta// spyod pa rgya mtsho ji ltar spyad// bsgrub pa rgya mtsho ji ltar bsgrub// sbyor ba rgya mtsho ji ltar sbyar// bsgral ba'i phrin las ji ltar bsgral// bdud rtsi sman chen gang du bsgrub// dam tshig bsrung ba ji ltar bsrung // phrin las rgya mtsho'i las rnams kun// lung dang man ngag rnam pa du// kun tu bzang pos bshad du gsol/ kun tu bzang pos bka' stsal pa// rdo rje sems dpa' khyod nyon cig/ gnas mchog yum gyi dkyil 'khor na// gnyis med lhun gyis gnas pa'i tshe// de tshe nyan thos dge 'dun dang // byang chub sems dpa'i dge 'dun dang // dgra bcom ming yang med nang du// sku gsung thugs kyi dkyil 'khor na// srid gsum
- 249b
sems can dug chen lnga// sku lnga ye shes lnga dang ldan// rang bzhin med par spyad byas pas// stong gsum b+han+d+ha bzang 'khor du// zhe sdang lta bu'i dug chen la// me long lta bu'i ye shes kyis// rang bzhin med par sbyar byas pas// bdud rtsi zhes nas de la bya// shar phyogs sku gsum gzhal yas su// bde bar gshegs pa'i pho brang du// gti mug lta bu'i dug chen la// stong pa nyid kyi rtsis sbyongs pas// bdud rtsi zhes nas de la bya// lho phyogs thub med gzhal yas su// rin chen rigs kyi pho brang du// nga rgyal lta bu'i dug chen la// mnyam pa nyid kyi ye shes kyis// gnyis su med par rab sbyongs pas// bdud rtsi zhes ni de la bya// nub phyogs dpag med gzhal yas su// pad+ma rigs kyi pho brang du// 'dod chags lta bu'i dug chen la// so sor rtogs pa'i rtsis sbyangs pas// bdud rtsi zhes ni de la bya// byang phyogs mtha' med gzhal yas su// las kyi rigs kyi pho brang du// phrag dog lta bu'i dug chen la// bya ba nan tan rtsis sbyangs pas// bdud rtsi zhes ni de la bya// don gyi bdud rtsi ma bcos so// rtog pa'i bdud rtsi sangs rgyas pa'o// rdzas kyi bdud rtsi lhun gyis grub// kun tu bzang po'i thugs dkyil nas// dus gsum srid gsum sku gsung thugs// ye nas bdud rtsi yin pa'i phyir// nges pa'i lung nas bka' stsal te// zab mo'i klong nas phyung ste/
- 250a
bstan// de nas bde gshegs thams cad dang // thabs gcig bzhugs pa'i dgongs pa ni// bla na med pa'i byang chub tu// ye shes mnyam pa'i nyams rnyed nas// rdo rje gsang ba'i gral thob ste// kun gyi dam pa 'di gsungs so// sgrub dang bsgrub par bya ba dang // 'bras bu thob par bya ba'i phyir// gsang sngags gsang ba'i man ngag ni// bdud rtsi dam pa mchog gi lung // snying por bsdus pa'i nges pa yi// byang chub 'byung ba'i snying po mchog/ lta ba dang ni nges tshig la// bsam gyi mi khyab bstan pa dang // brgyad khri bzhi stong rnam grangs kyang // theg pa'i sgo ni gsum du 'dus// gsang nyid yi ger bsdu dang bzhi// ldem por dgongs dang don dam yang // dkri pa'i don te sangs rgyas yin// rna brgyud bstan par thugs brtol te// thig le chos skus khyab pa'i phyir// nges pa'i lung yang sangs rgyas so// sangs rgyas mnyam dang dbyings su grol// gsang sngags gsang bas sangs rgyas te// byang chub sems 'di kun tu dag/ rdzogs pa'i ye shes bde chen nyid// ma lus mtha' dag nyid kyi rgya// ye nas bya med bya mi dgos// rgyu dang 'bras bu 'khrul pa'i sgra// mi rtog sbyang ba'i yul ma yin// de lta bu yi rtag 'dzin gyis// 'khor ba'i rgya mtshor gyur pa yin// nges par 'byung ba chen po la// bdag 'dzin med bzhin bzhag pas na// byang
- 250b
chub sems nyid ltung gnas med// bu gcig ma btsal bde bar gnas so// rgyud dang lung dang man ngag gsum// dmangs dang rje dang rgyal po'i tshul// khyad par rtsal 'phags thag ring yang // gcig la gcig gi ngang nyid du// dbyer med tshul gyi rang bzhin pas// gcig ste rnam pa yongs kyis med// bdud rtsi zhes ni de la bya// de bas sku gsung thugs kyi rgya// sku dang rgyan dang 'khor lo yang // lung chen zab mo'i nang na gsal// lnga bzhi'i nang du 'khor ba yang // ye shes sangs rgyas de las med// dbyings su gyur nas mnyam gnas pas// ye nas sangs rgyas bde chen nyid// bdud rtsi zhes ni de la brjod// skyi mchi med par dbyings su gyur// dbyings gyur dag mnyam lhun grub pas// lta ba 'di la gnas pa yi// rnal 'byor 'di ni skal pa bzang // ci spyad ci bsgom ci bsgrubs kyang // bdud rtsi yin te sman gyi mchog/ bde bar gshegs pa'i thugs dam nyid// byin brlabs ngo mtshar rgya chen 'byung // rgyal ba rgya mtsho rnams kyi gsos// sangs rgyas bde chen nyid las 'byung // thams cad ma lus bdud rtsi 'di// spros med thig ler gnas pa la// mtha' yas sems can don gyi phyir// rang la mchod cing rang gis bza'// sgrub pa pos ni nan tan bya// zhes bcom ldan 'das dpal kun tu bzang pos/ ye shes chen po'i thugs yang dag pa
- 251a
nas dgongs te/ bdud rtsi las rgya mtsho 'di gsungs so// bdud rtsi las rgya mtsho las lta ba'i le'u ste dang po'o// // de nas yang bde bar gshegs pa kun tu bzang po la/ rdo rje sems dpas gsol pa/ kun tu bzang po bdud rtsi'i spyod pa ji ltar spyod// bdud rtsi gnas ni gang nas skye// bdud rtsi'i rgyu ni ci la bgyi// bdud rtsi'i snod ni ji lta bu// bdud rtsi'i yum ni gang la bya// rgyal thebs karma ji lta bu// bdud rtsi'i yo byad du zhig 'tshal// kun tu bzang pos bka' stsal pa// spyod pa'i yo byad rnam pa gsum// kun tu bzang po'i gnas mchog ni// sems nyid dag pa kun tu bzang // nam mkha'i mtha' ltar dpag tu med// phrag dog dag pa dam tshig sgrol// yaM las rdo rje rlung nag 'tshubs// 'dod chags dag pas mA ma kI// khaM las bdud rtsi'i chu bo'i rgyun// gti mug dag pas sangs rgyas spyan// pha las gser gyi sa gzhi mdzes// nga rgyal dag pas ri rab la// laM las gser gyi ri rab 'bar// gling dang gling phran ri bo dang // thang dang mtsho dang chu bo dang // chu mig 'bab chu lteng ka dang // g.ya' dang gangs dang nags dang spang // na dang thang dang 'dam las skyes// 'byung ba lnga yi gzhal yas su// ri bo dpag bsam shing bu la// bdud rtsi sman gyi shing skyes pa// rtsa ba sdong po shun lpags dang // thang chu snying po yal ga dang // lo
- 251b
ma me tog 'bras bu dgu// yal ga brgyad po phyogs mtshams brgyad// dbus kyi shing bu rdo rje'i rigs// sdong po tsher ma can gyi rigs// rdo rje rigs kyi sman yin no// shar gyi shing bu bde gshegs rigs// lo shun ring la 'jam pa'i shing // de bzhin gshegs pa'i sman yin no// lho yi phyogs su shing skyes pa// kho lag rgyas pa 'bras bu'i shing // rin chen rigs kyi sman yin no// nub kyi phyogs su shing skyes pa// me tog rgyas pa sdong po sbom// pad+ma rigs kyi sman yin no// byang gi phyogs su shing skyes pa// thung la sbom zhing sgra sprod ma// las kyi rigs kyi sman yin no// rtswa dang me tog 'bras bu rnams// kun la dgu dgu yod par bshad// rtsa ba sdong po shun pa dang // snying po yal ga thang chu dang // 'dab ma me tog 'bras bu bcas// mi dang byol song rtsi shing dang // 'byung ba lnga yi bsdus pa'i sman// kha dog dkar po rdo rje rigs// ser po bde bar gshegs pa'i rigs// sngon po rin po che yi rigs// dmar po pad+ma'i rigs yin no// kha dog sna tshogs las kyi rigs// sman du ma gyur gang yang med// bdud rtsi las rgya mtsho las// bdud rtsi gnas nas skye ba'i le'u ste gnyis pa'o// // 'dod chags zhe sdang gti mug dang // nga rgyal phrag dog rnam pa lnga// mAM sa rin chen rak+ta dang // dri chu bdud rtsi byang chub sems// 'bras bu lnga dang
- 252a
b+haN+Da lnga// snying po lnga dang dam rdzas lnga// mo ser po/ hUM dkar po/ AHdmar po/ sna mthing ga/ ha ljang gu/ sgra lnga ye shes lnga dang ldan// 'phro dus lnga yi sbyor ba yis// dug lnga stongs shing rab gsal bas// ye shes lnga yi dbyings su 'gyur// bdud rtsi'i rgyu ni byang chub sems// bdud rtsi'i snod ni yum gyi mkha'// bdud rtsi'i rgyu ni yab kyi klong // stong gsum b+han+d+ha 'khor yug tu// b+h+rUM gyi 'phro du chen po las// dur khrod chen po'i gzhal yas khang // ye shes lnga ldan rdo rje ka pA la// sku gsum lhun grub rdo rje ka pA la// yid bzhin re bskor rdo rje ka pA la// yon tan tshogs chen rdo rje ka pA la// bkra shis mtshan ldan rdo rje ka pA la// mi 'gyur mtshan ldan rdo rje ka pA la// mi shigs mdzod ldan rdo rje ka pA la// cho 'phrul rgyud 'byung rdo rje ka pA la// srid pa yongs sgrol rdo rje ka pA la// khams gsum dbang sdud rdo rje ka pA la// dug gsum gtan sbugs rdo rje ka pA la// mtshan ma'i skyon bral rdo rje ka pA la// zhal bu ka pA la yi mtshan gsol pa// 'phrul bzhad yid bzhin phra men rgyan gyis brgyan// rkang med mkha' la 'gro ba'i rdo rje thog thog rkan sgra can// nga ni sngon gyi sgrub pa po yi rdzas yin te// su zhig dngos grub 'dod pa de las long // gang gi bka' ltar mi byed dam la mi gnas pa// nga yi gzugs tsam mthong bas mod la tshig pa
- 252b
dang // sgra skad zos pa mod la brlag par 'gyur// dkar po zangs yag 'tsher ba ni// snga rabs 'das pa'i sangs rgyas bcom ldan 'das// chos kyi sku dang rab ldan zhing // 'gro ba'i don la de bzhin gshegs// rlon pa lcang lor 'khyil ba ni// da ltar bzhugs pa'i sangs rgyas bcom ldan 'das// longs spyod rdzogs pa'i sku dang rab ldan zhing // 'gro ba'i don la de bzhin gshegs// dmar po ra ri 'tsho ba ni// slad kyis 'byon pa'i sangs rgyas bcom ldan 'das// sprul pa'i sku dang rab ldan zhing // 'gro ba'i don la de bzhin gshegs// thabs kyi snying po rin chen dpal gyi mgur// pho brang rtags dang ldan pas snod bcud rgyan du che// sprul pa'i lcang lo kha bad can// dbang po sna lnga snod bcud rgyan du che// mi gnas bdud rtsi bzhugs pa'i rgyan du che// bdud rtsi sman chen khrol bu bzhag/ de ni bdud rtsi rnam lnga so// bdud rtsi las rgya mtsho las/ snod bcud yongs rdzogs kyi le'u ste gsum pa'o// // bdud rtsi de yi slob dpon ni// kun gyis bya ba ma yin te// lta ba gnyis su med par blta// byang chub sems kyi don rtogs pas// gsang ba'i don dang mi 'gal zhing // thabs la mkhas pa'i snod yin pas// dbang rim par brtsegs te rdo rje rgyal po bka' rab 'byams kyi dbang thob nas dam la gnas shing dam tshig bsrung ba
- 253a
dang / theg pa chen po'i don la mkhas pa dang / phrin las kyi go rim la mkhas pa dang / ting nge 'dzin ma nor ba'i tshul dgu ste/ dgongs pa blta ba'i tshul/ gar ye shes kyi tshul/ phyag rgya sku'i tshul/ sngags gsung gi tshul/ snying po thugs kyi tshul/ mchod pa yon tan gyi tshul/ glu phrin las kyi tshul/ dkyil 'khor zhi ba'i tshul/ stangs thabs khro bo'i tshul/ tshig dang 'brel pa dang / gong 'og ma 'chol bde la me tog gtor la/ rdo rje slob dpon dpal dang ldan/ 'phags pa rnams dang bde gshegs rnams kyi sku gsung lung // rna bar rgyud pa'i man ngag 'chad// sku gsung thugs kyang rdo rjer 'gyur// bdud rtsi'i rgyal por mnga' gsol lo// bdud rtsi las rgya mtsho las/ slob dpon gyi yon tan bstan pa'i le'u ste bzhi pa'o// // bdud rtsi'i yum ni ji lta bu/ gtso bo'i dgongs pa bzhin byed nus pa dang / gzhung dgu dang ldan te/ tshul shes pa/ shong che ba/ nog thub pa/ gsang sgo thub pa/ dam la gnas pa/ dad pas mos pa dang gdams pa spyad pa dang / rtog pa chung ba mtshan gyis brgyan pa/ sems bzung ba/ dgu dang ldan pa las ma gtogs pa/ dad med dang / rnyed dang / btsan dang / sngon 'dris pa dang / mtshan ngan dang / gsang 'dzag ma yin no// bkra shis mtshan ldan rdo rje'i yum// mig dkyus ring la lag sor phra// tshigs mig zlum la
- 253b
phra zhing bshad/ kha nas ut+pal ngad ldan zhing // lus la ga pur tsan+dan dri// dri zhim ngad ldan sked skabs phyed// skra 'jam nag la mthon mthing g.yas su 'khyil// so dkar thags dam rnyil ni dkar dmar phyed// mig gi dkyus ring zar ma'i me tog 'dra// dpral ba'i dbyes che skra mtshams zla gam bzhin// sna yi thur mdog me tog pad+ma 'dra// lus drang sked ring byang chub sems ma'i tshul// nu ma skyed sra sha dkar tshags su dam// khong dal 'gro na gom pa 'jab pa bzhin// grags pa'i skad kyang ngang pa gzhon nu ltar// snyan par smra zhing mdzes tshul stabs dang ldan// bdud rtsi'i yum du mnga' gsol lo// bdud rtsi'i karma rgyal thebs ji lta bu// dper na rgyal po'i bka' blon pos bsrungs pa dang 'dra bar// dgongs spyod kyi don la tha mi dad par de nyid dang mtshungs pa la/ gzhan 'dren pa'i thabs la mkhas pa dang / slob dpon gyi sku bsnyel ba'i thun spo ba dang / snyoms pa la sogs pa la bar ma chad par bsgrub par bya ba dang // slob dpon gyi zhal tshab tu gzhan la chos ston pa la mkhas pa'o// dgongs pa'i don ldan phrin las thabs lam las// lta ba'i don ldan man ngag gting nas 'char// sku gsung thugs kyi phrin las rdzogs par mdzad// gsang sngags bdud rtsi'i don mchog ljags la bkram// gsang ba'i dkyil 'khor chen
- 254a
por bka' gsol dang // rgyal thebs karma'i don rnams bstan pa'o// bdud rtsi'i yo byad rnam pa lnga// yo byad rnam pa lnga po la// thams cad ma rdzogs gang yang med// bdud rtsi las rgya mtsho las/ spyod pa rgyas pa'i le'u ste lnga pa'o// // bsgrub pa rgya mtsho ji ltar bsgrub pa ni// bsgrub pa rnam pa lnga la/ sku gsung thugs yon tan phrin las rnam pa lnga las/ dkyil 'khor dang / sman dgod pa dang / mtshams gcad pa dang / byin gyis brlab pa dang / gzhung bsrang ba dang / lnga ni yon tan no// dam pa rigs brgya ni sku'i bsnyen pa'o// de nyid rigs lnga ni gsung gi bsnyen pa'o// btag btsag ni phrin las kyi bsnyen pa'o// sman dgod pa ni yon tan gyi bsnyen pa'o// gsang chen rigs gcig ni thugs kyi bsnyen pa'o// bsgrub pa rnam pa lnga la phun sum tshogs pa ni bdun/ lung chen po gsum/ ting nge 'dzin bcu tham pa/ skabs sbyor chen po bdun/ drod tshad gsum gsal bka'i dkyil 'khor dang bdun no// phun sum tshogs pa bdun la/ dang po gnas phun sum tshogs pa ni/ ting 'dzin mdangs bzang nyams dga' ba// me tog 'bras bur ldan pa'i ri// dga' zhing yid du 'ong ba'i gnas// yid 'ong gnas su 'dug nas su// byin brlab mtshams gcad brtan byas nas// sa ni gzung zhing byin gyis brlab// de dang der ni sa sbyang
- 254b
ste// chos nyid gdal ba'i nam mkha' la// ye shes lnga yi 'byung chen brtseg/ kun gzhi gdal ba'i nam mkha' la// bskyed pa'i 'byung chen rnam lnga brtseg/ b+h+rUM las rin chen gzhal yas khang // mtha' dang dbus med kun tu khyab// ta la'i skye shing tsong tsong dril// zla gam dmar po dbang gi rgya// b+h+yAM kha ta li byi b+h+yAM/ gzhal yas phun sum tshogs pa'o// thig yul gcad ska bas dag tu// rgyal ba bzhugs pa'i pho brang der// dkyil 'khor 'dom gang gru bzhi bya// dri sna lnga yi maN+Dal bya// thig bzhi btab pas le'u tshe dgu// dbus su dpag bsam shing bu la// phyogs bzhi mtshams bzhi ka ba brgyad// shar phyogs maN+Dal brgyad pa ste// zhi ba chen po rdo rje'i rigs// lho ru rin chen zur brgyad bris// rgyas pa chen po rin chen rigs// nub tu pad+ma 'dab brgyad bri// dbang mchog chen po pad+ma'i rigs// byang du 'khor lo rtsibs brgyad bri// phrin las chen po las kyi rigs// mtshams su rin chen 'bar ba'i rigs// grwa bzhi'i bar du bri bar bya// dkyil 'khor dgu po gzhung bzhin bri// de yi dbus su bsam pa yang // srid gsum b+han d+ha bzang rkong yug/ ye nas ma bcos rang byung snod// dpal dang ldan pa'i snod gzhag la// de yi nang du blug pa'i sman// ye shes rang byung bdud rtsi lnga// de yan chad ni gnas gnas phun sum tshogs pa'o// yo
- 255a
byad phun sum tshogs pa ni// gsang ba'i don la 'jug bya'i phyir// gsang ba'i las kyi sngon rol du// sdig spyad byang chub sems bskyed de// spang skong bklag cing cha gsum btang // bstan pa srung ba'i mgon po la// sbyin mchod bsrung ba'i las chen bcol// gzhan yang las kyi phyi rol du// mgon po gnas pa'i rten bzhir mnga' gsol lo// ri rab gling gzhi'i phyogs phyogs nas// rdo rje gsang bdag dbang gi mthus// 'jig rten skyong ba'i tha tshig can// mthu chen rgyal po sde bzhi rnams// so so'i bgegs rigs 'dul la mkhas// chos skyong longs spyod rdzogs pa'i sku// phrin las rnam bzhi mthar phyin pas// rigs bzhi'i kha dog so sor gsal// rang rtags lha yi phyag mtshan thogs// dkyil 'khor skyong ba'i rdzu 'phrul can// bdag cag rnal 'byor rtsal 'byor bas// rang rang 'khor rnams thub par mdzod// bsgrub pa'i rtsal ni mthar phyung zhig/ rkyen kyi bar gcod bsal ba dang // gsang ba'i man ngag spyad pa'i phyir// ya ma dam sri gnan par bya// lho nub tu ya ma dam sri'i gzugs bris la mnan no// dur khrod chen po'i gnas dag tu// rnal 'byor gsang ba'i mig gcor zhing // dngos grub chu la rdul 'jug bzhin// khro mo mi g.yo kun 'dus nas// gsad cing mnan pa'i las byas te// ri rab chen po'i rmang du
- 255b
mnan// ya ma rA dza'i zas su sbyin// chu srin 'bar ba'i kha ru btsang // 'khor lo 'bar ba'i phyag rgyas mnan// bdun rgyud rigs kyang brlag 'gyur nas// nam yang gtang bar mi bya ste// byang chub sems ni skyes na btang // Ar+ya a tsa la ban+d+ha ban+d+ha hUM/ de nas sgo byang gdags te/ gshin rje chos kyi rgyal po'i 'bur ram 'dra 'bag gam/ ri mo ma he la bcibs par byas la 'di skad brjod do// gsang chen lhun grub pho brang nas// las kyi gshin rje'i bdag po la// bcom ldan chos rjes bka' stsal ltar// de bzhin rig 'dzin sgrub pa pos// bka' gsang gzhung chen 'di bsgrub cing // yang dag don la nges 'jug na// 'di dag nor bu rin chen te// 'di la stod cing bar gcod pa// lha srin sde brgyad 'byung po kun// khyod kyi 'khor dang g.yog yin pas// rnam par smin pas chos shod la// gsang ba mchog gi rnal 'byor pas// bla med 'bras bu ma thob par// sa 'di tshun chad ma btang zhig/ dpal chen mi pham bka' ma 'da'// bdag cag ye nas gnyis med do// de tsam don gyi dbyings su gcig/ phyi 'khor skyong ba'i mu ran la// rdo rje yal gam thob par mdzod// badz+ra ya ma rA dza sa ma ya s+t+waM/ de nas 'bar ba'i blta bas dkyil 'khor bskor zhing 'di skad do// hUM stong gsum stong gi 'jig rten na// skye 'gro rtsi shing nags tshal dang // yod
- 256a
mthong snang grag ji snyed pa// khro mig 'bar bas phyir bltas te// 'gying bag tshul du brjid pa yis// 'bar ba'i rdo rje sbar nas ni// kun kyang 'bar ba khrag 'thung ste// rngams pa gtum chen gshe rtag 'bar// dur khrod chen por lhun gyis grub// rak+sha yak+ka he ru ka/ rak+Sha kro d+hi dza la kha/ ha la ha la tiSh+Tha phaT/ khro bo rol pa'i stangs stabs dang // ma mo'i rngams tshul gyis phra men lhag ma'i dkyil 'khor bskor la/ hUM 'bar ba'i phyag rgya chen po las/ mig las 'bar ba'i phreng ba 'dis// dmigs pa dngos su sbyang nas ni// 'bar ba drag po'i yi ge las// sreg pa'i dpal chen dgu ru gtams// rdo rje me yi ri bo la// lhun po 'bar ba'i rtse brgyad las// 'bar ba'i rtse brgyad bskyil nas kyang // dpal chen rdo rje'i 'aka' sdod nas// shin tu mi bzad 'bar ba yi// gtum chen ha la rngams pa'i gzugs// lha chen khyab 'jug pags bshus nas// zhing chen g.yang gzhin bzar man pas// gshin rje ma trang 'bar ba'i me// ro dbyug chen po lag na 'phyar// phra men dgu khri mang po dag/ 'bar ba'i tshog ni 'thibs zag chad// gang la ci 'dul der ston pa// tsit+ta 'bar ba'i me phreng gis// do shal mgur chu phreng bas sbrengs// bskal pa'i me dpung 'bar ba'i klong // srid pa'i rtse mor 'bar zhing 'phro// nam mkha'i khams kun me
- 256b
dpung gtibs// rdo rje 'khor lo me lce 'thor/ dur khrod dgon pa sa phyogs dag/ me yi ri bo 'bar ba la// me yi yi dwags ma gtogs pas// gang yang gnas par mi phod do// steng gi me lce 'bar ba ni// 'og gi phyogs su 'phro zhing 'khrugs// 'og gi me lce 'bar ba yang // gyen du 'khyil zhing steng du thul// 'ur chem 'ur chem 'thab cing 'khrug/ dur khrod me ni smug nag 'bar// zhe sdang 'joms pas 'thing nag 'tshubs// nga rgyal dregs pas ser nag 'bar// 'dod chags skem pas dmar nag 'phro// phrag dog skem pas ljang nag 'khrugs// gti mug sel bas smug nag 'khyil// 'bar chen rlung gi 'khor los gtams// dza la dza la ma d+ha la ha la ha la raM/ de nas yo byad tsho gsum du phyed// gcig ni dkon mchog phud du spyad/ gnyis pa rnal 'byor tshogs su bsngo// gsum pa 'gro ba yongs la bsngo// dkon mchog rnal 'byor gnyis po la// sngags dang phyag rgyas byin gyis brlab// dbus kyi bdud rtsi dri chen la// oM gyi 'phro 'du chen po las// zhu nas phyag mtshan 'khor lo 'bar// dag pas bdud rtsi chen por zhu// shar gyi byang chub sems chen las// yi ge hUM gi 'phro 'du las// zhu nas phyag mtshan rdo rje 'bar// byang chub sems ni bdud rtsir zhu// lho yi bdud rtsi sha chen las// yi ge swA yi 'phro 'du las// zhu nas phyag mtshan rin chen
- 257a
'bar// mAM sa sha chen bdud rtsir zhu// nub kyi pad+ma rak+ta las// yi ge AM gyi 'phro 'du las// zhu nas phyag mtshan pad+ma 'bar// pad+ma rak+ta thig ler zhu// byang gi bdud rtsi dri chu las// yi ge hA yi 'phro 'du las// zhu nas phyag mtshan rgya gram 'bar// dag pas bdud rtsi chen por zhu// badz+ra lA s+ye hUM/ badz+ra mA le trAM/ badz+ra girti hrIH/ badz+ra nIrti AM// rdo rje bkra shis gzungs mchog 'dren pa'i dpal// rdo rje can gyi byin stobs kyis// skal ldan can gyi zas su bya// skal med rnams kyi dug tu 'gyur// dper na sbrul la 'o ma bzhin// oM a mr-i ta kuN+Da li/ smug zil lha mo gnyen gsal ma// rlan rnams bdud rtsi bsgyur mdzad ma// bdud rtsi'i chu rgyun dngos grub 'dzin// rang gnyer las skal chu rgyun 'bebs// shing gi lha mo gdong bzhi ma// shing lo 'dab las bdud rtsi bsgyur// 'bru tog sna tshogs dngos grub 'dzin// rang gnyer las skal 'bras bu bskyed// lha mo sra brtan dbang bsgyur ma// khu ba bcud las bdud rtsir bskur// bdud rtsi zhu chen dngos grub 'dzin// rang gnyer las skal brtan par byed// rdo rje lha mo shel mdog ma// nyi zer bdud rtsi bsgyur byed ma// gsal ba mdangs kyi dngos grub 'dzin// rang gnyer las skal gzi byin bskyed// lha mo khro gnyer sngo sangs ma// dur khrod rdzas la bdud rtsir bsgyur// sha chen sna tshogs dngos
- 257b
grub 'dzin// rang gnyer las skal byin 'bebs ma// rtsi yi lha mo tshims byed ma// rtsi tog bdud rtsir bsgyur byed ma// rtsi mchog kun gyi dngos grub 'dzin// rang gnyer las skal tshims byed ma// sman gyi lha mo nor gyi rgyun// dug rnams bdud rtsir bsgyur mdzad ma// bdud rtsi sman gyi dngos grub 'dzin// rang gnyer las skal nad rnams 'joms// rigs kyi lha mo 'di kun gyis// longs spyod bdud rtsi byin gyis brlabs// rat+na saM b+ha wa ga ga na khaM swA hA/ yo byad byin gyis brlabs nas/ 'khor byin gyis brlab pa'i ting nge 'dzin ni/ dge slong pha dang dge slong ma ye nas lha dang lha mor byin gyis brlabs te/ spyi bor oM ser po/ mgrin par AM dmar po/ snying gar hUM dkar po/ lte bar sna mthing ga/ rkang mthil du hA ljang gu/ spyi bor zla ba'i dkyil 'khor la// oM ldan 'bar ba'i tshogs bcas bsgom// rgyas btab byin brlabs dbang bskur nas// rnam par snang mdzad sku mchog bsgom// snying gar nyi ma'i dkyil 'khor la// hUM ldan 'bar ba'i tshogs su bsgom// rgyas btab byin brlabs dbang bskur nas// rdo rje sems dpa'i sku mchog bsgom// lte bar rin chen dkyil 'khor la// sna ldan 'bar ba'i tshogs bcas bsgom// rgas btab byin brlabs dbang bskur nas// rin chen 'byung ldan sku mchog bsgom// lce dbus pad+ma'i dkyil
- 258a
'khor du// aM ldan 'bar ba'i dkyil 'khor bsgom// rgyas btab byin brlabs dbang bskur nas// snang ba mtha' yas sku mchog bsgom// gsang gnas rgya gram dkyil 'khor du// hA ldan 'bar ba'i tshogs bcas bsgom// rgyas btab byin brlabs dbang bskur nas// las kyi sems dpa'i sku mchog bsgom// 'khor lo byin gyis brlabs pa'o// de nas dur khrod kyi chag chag gdab pa 'di skad do// bdud rtsi dri chen ye shes lngar ldan pas// de bzhin gshegs pa'i gsang mchog bsgrub pa'i phyir// bka' gsang rmad du byung ba'i dkyil 'khor du// dam rdzas bdud rtsi dri chen chag chag 'debs// ma hA ba su ta ma d+ha la hUM/ bka' gsang rmad du byung ba'i dkyil 'khor chen po ru// dam rdzas bdud rtsi dri chu 'dis// ye shes rang byung bsgrub pa'i phyir// gsang ba'i dkyil 'khor chags chags 'debs// ma hA sa ma ya mA ma kI ku ru ma d+ha la hUM/ bka' gsang rmad du byung ba'i dkyil 'khor chen po ru// 'khor ba'i rgyun gcod byang chub sems kyi ngang // mkha' dbyings rnam dag yum gyi gzhal yas su// rak+ta gsang ba'i chag chag 'debs// ma hA rak+ta dz+wa la hUM/ dur khrod gsang ba mchog gi dkyil 'khor du// thugs rje rmad byung bsgrub pa'i phyir// dur khrod bsgral ba'i rdzas mchog sha chen gyis// gsang ba'i dkyil 'khor 'di la chag chag
- 258b
'debs// ma hA mAM sa ma d+ha la hUM/ dur khrod gsang ba mchog gi dkyil 'khor du// bdud rtsi chen po ye shes dri chab 'dis// gsang ba'i dkyil 'khor 'di la chag chag 'debs// dz+nyA na maN+Da la hUM/ dur khrod chen po bdud rtsi'i dkyil 'khor du// chags pa rak+ta'i chus byugs pas// 'khor ba dbang bsdud khrag gi go ma ye// tsakra d+ha ra hrIH/ de nas thig gdab pa ni/ rang bzhin gyi thig dang rgyu phreng gi thig go/ rdo rje sems dpa' bsdus pa na// rin chen rdo rje bla na med// rdo rje chos kyi glu blangs pas// las kyi rdo rje byed 'gyur gyi// lag pa'i 'khor lo'i gzhal yas su// gsang ba'i thig le'i ngo bo nyid// hUM gi phyag rgya'i tshogs bcas la// las kyi rdo rje gsal 'phro thim// khyed ni rdo rje las yin gyis// las rnams ma lus kun byos shig/ yum gyis thig snyod la/ bka' dang mthun pa'i dge gnas su// gsang ba'i bdag chen pad+ma gar gyi yum// dur khrod bdag po rU tra'i tshogs bsgral te// rgyu phreng chag dang bcas pa'i thig 'debs kyis// thabs dang shes rab 'du 'bras med pa yis// chags pas dbang sdud 'khor ba zil gyi gnon// kun bzang yum gyi mkha' la thig 'debs so// e ka dza ti ral gcig ma// gsang ba mkha' dbyings dag pa ru// gar gyi dbang phyug bde chen po// byang chub sems kyi thig gdab pas// ma hA kro tI shwa
- 259a
rI dur khrod gnas nyul ma// b+ha ga hri ti mkha' la char 'babs ma// sa nu ba ga lo tog 'bras bur smin// me za brag gyon rgya mtsho'i gting nas rol// ye shes chu rgun bdud rtsi chen po 'dis// gsang ba'i dkyil 'khor 'di la thig thob dang // stong gsum khrag gi rgya mtsho las// rak+ta dmar gyi thig le dang // rak+ta dmar gyi thig gdab pas// khams gsum ma lus dbang du sdud// stong gsum keng rus ri rab las// byang chub sems kyi thig le'i ngang // byang chub sems kyi thig gdab pas// mi 'gyur ye nas rdo rje'i rigs// khams gsum dug lnga'i dkyil 'khor la// bdud rtsi rnam lnga'i thig le gcig/ bdud rtsi rnam lnga'i thig gdab pas// dug lnga ye nas ye shes lnga// shar gyi phyogs kyi dkyil 'khor du// bdud rtsi byang sems thig gdab pas// rdo rje'i rigs su lhun gyis grub// lho yi phyogs kyi dkyil 'khor du// bdud rtsi mAM sa'i thig gdab pas// rin chen rigs su lhun gyis grub// nub kyi phyogs kyi dkyil 'khor du// pad+ma rak+ta'i thig gdab pas// pad+ma'i rigs su lhun gyis grub// byang gi phyogs kyi dkyil 'khor du// bdud rtsi dri chu'i thig gdab pas// las kyi rigs su lhun gyis grub// dbus kyi pho brang zlum po la// bdud rtsi dri chen thig gdab pas// pho brang gzhal yas lhun gyis grub// rgyal ba
- 259b
rnams kyi bzhugs gnas rten// ma ti tsa kra na hUM/ sta shi kra ma hUM/ gnam thig rin po che'i ka gdung du gyur la/ sa thig rin po che'i brtsigs par bsgom mo// sa tshon dgye ste dkar ser dmar ldang mthing la sogs/ so so'i mdog 'dra'i rigs kyi dkyil 'khor du/ bder gshegs gdan gyi sa bon dgod ces bya'o// de nas b+han+da lnga dgod de/ dbus su b+han+ta sul med ces bya dum bu gcig pa dgod/ rus sbal gyi thod pa yod na bzang // de la oM na mas+tharba ta thA ga ta sarba pany+tsa a mr-i tha/ shrI ma hA su kha hrIH// sngags de bris la gzhag go/ shar du b+han+na sul 'grengs zhes bya ste/ tshangs pa'i skud pa can dgod/ lhor b+han+ma sul mang zhes bya ste/ dpag bsam shing lo can dgod/ nub tu sul mang zla gam can zhes bya ste/ gshong bu tre la dgod// byang du b+han+na sul rgya gram can zhes bya ste/ gshong bu bzhi pa dgod/ de nas b+han+ta'i nang du gtso bo lnga dgod de dbus su byang chub sems/ shar du dri chen/ lhor sha chen/ nub tu rak+ta/ byang du dri chu/ 'bras bu lnga dgod pa ni/ dbus su a ru zhes pa/ a ho su kha zhes bya ba/ glang po che la sogs pa rmig pa kha brag gi sha gzhag/ shar du pa na zhes bya ba ste/ stag dang seng ge la sogs pa sder chags thams cad kyi sha gzhag/ lhor rgun 'brum zhes bya ba ste rta la sogs pa'i rmig zlum thams cad kyi sha gzhag/ nub tu na
- 260a
li ke ra zhes bya ba ste/ rma bya dang / rgod dang / khrung dang / re dang / glag la sogs pa gshog can thams cad kyi sha gzhag/ byang du sman pa'i a 'bras zhes bya ste/ mi dang / shang shang te'u la sogs pa gdong pa can thams cad kyi sha gzhag/ de nas snying po lnga la byang chub sems sbyong ba hUM dkar po/ shar gyi bdud rtsi sbyong ba oM ser po/ lho'i bdud rtsi sbyong ba sna mthing ga/ nub kyi bdud rtsi sbyong ba AM dmar po/ byang gi bdud rtsi sbyong ba ha ljang gu/ de rnams sman lnga dbus su/ ka ko la/ shar du du ru ka/ lhor dzA ti pha la/ nub tu khar dri zhim/ byang du lce pog dkar po/ sman nye ba lnga la/ dbus su a ru ra/ shar du ga pur/ lhor gur gum/ nub tu rtsi bo che/ byang du pho lugs/ sman gtso lnga la/ a 'bras/ rgun 'brum/ pa na se/ ge rgyas/ a ga ru dang lnga'o// 'bras bu'i gtso bo lnga la/ mi sdom pa dang / rta dkar po dang / glang po che dang / khyi dkar po dang / shang shang te'u dang / dbang po lnga la/ mig dang / rna ba dang / sna dang / lce dang / snying dang lnga'o// phrad lnga la/ trag rak+Sha/ rgun 'brum/ ka ko la/ sug smel/ ba le ka dang lnga'o/ dri'i rgyal po lnga la/ na ga ge sar/ shing tshwa/ sug smel/ gan+d+ha pa tra/ tsan+dan dkar po'o/ dri'i blon po lnga la/ rgya spos/ dzA ti pha la/ ga pur/ tsan+dan/ li shi dang lnga'o// spos lnga la/ a ga ru/ du ru ka
- 260b
pog/ sbrang rtsi/ lce pog dang lnga'o// nad lnga la phan pa ni/ tsha ba thams cad bad ka na/ kha ba thams cad mkhris pa la/ sgyur ba thams cad 'dus pa la/ lan tshwa ba thams cad rlung la/ tha dad pa thams cad 'dus pa chen po la/ skyob lnga la byang chub sems kyi skyob la/ ga pur/ g+hi hang / tsi hang / gdung sha ri raM/ thal kar rdo rje/ nyung dkar/ tsa na ka/ shug ku be ra pra ma lany+dza/ go ro tsa na/ bud med kyi 'o ma/ rkang tshil bu la gzhungs pa/ khyi'i 'o ma/ 'bri'i 'o ma/ ba'i 'o ma/ rta'i 'o ma/ thar nu'i 'o ma/ khur mangs kyi 'o ma/ sha ru'i sbyin/ kun la srang re yod par stsal/ mig gi mngon shes 'thob pa'o// dri chen gyi skyob la/ dzA ti pha la/ ka ko la/ a ru ra/ a 'bras shing tshwa/ rgya spos/ sbrang rtsi/ mkhal ma zho sha/ snying zho sha/ mchin pa zho sha/ gla gor zho sha/ bu shing zho sha/ 'bras bu lnga/ bsgral ba'i snying dang kun la cha mnyam srang re'o// mngon par shes pa lnga yang 'grub po// mAM sa sha chen skyob la/ sug smel/ gan+d+ha pa tra/ 'bu sha/ li shi/ sna ma'i 'bras bu/ 'bras bu lnga/ bsgral ba'i rna ba dang sbyar te/ kun la cha mnyam srang re'o// rna ba'i mngon par shes pa thob par 'gyur// rak+ta'i skyob la/ tsan+dan dmar po smug po// nA ga ge sar/ nA ga bus pa/ leng leng ha/ khrag gi nyung ma/ yab kyi khrag/ 'bras bu lnga bsgral ba'i snying gi rak+ta/ rtsa ba'i rak+ta
- 261a
mu la rak+ta/ tsan+dan dmar po/ 'bras bu lnga bsgral ba'i sna kun la cha mnyam srang re'o// sna'i mngon shes 'thob par 'gyur// dri chu'i skyob lnga la/ a ru ra/ li ga dur med du mi rung / du ru ka/ ka ka/ shing tog rgun 'bru/ thang ba la/ shu mo za/ a lce ka la/ khyi lce/ bya rog gi lce/ 'ug pa'i lce/ ngang pa'i lce/ 'bras bu lnga bsgral ba'i lce/ kun la cha mnyam srang re'o// lce'i mngon par shes pa'o// gzhan yang kha dog lnga/ dkar ba rdo rje'i rigs/ ser po de bzhin gshegs pa'i rigs/ sngon po rin po che'i rigs/ dmar po pad+ma'i rigs/ kha dog sna tshogs pa las kyi rigs/ ro lnga la kha ba de bzhin gshegs pa'i rigs/ mngar ba rdo rje'i rigs/ tsha ba pad+ma'i rigs/ ro tha dad pa las kyi rigs/ gnod sbyin lag byi tshe lag/ dbang po lag ra sA ya na'i lag/ sor mo lnga tshang ba ni sgrub pa po'i lag pa gdab bo// a ru ra/ ba ru ra/ skyu ru ra/ nya'i mig/ sbrul gyi mkhris pa/ gu gul thal chen/ spos lnga/ pog lnga/ snying po lnga/ rin po che lnga/ sman lnga/ phab lnga la/ rgya phab/ mon phab/ byang phab/ bod phab/ sngon sgrub pa'i phab/ chang lnga la/ 'bras chang / rgun chang / sbrang chang / nas chang / til chang / chu brgyad la/ rgya mtsho'i chu/ gtsang po'i chu/ gangs kyi chu/ klu yod pa'i chu/ chu mig gi chu/ khron pa'i chu/ ston zla ra ba'i
- 261b
nya char gyi chu/ gnam dang lcags chu til sna gsum/ bdud rtsi las rgya mtsho las/ bdud rtsi rnam pa lnga bsag pa'i le'u ste drug pa'o// // 'dis dkyil 'khor dgod par bya ba rnam pa gnyis su shes par byas te/ khrol bu dang phyi ma gnyis/ khrol bu bsgrub pa la rnam pa bzhi/ yon tan brjod nas sman dgod pa dang / rtsa ba'i lha dam pa rigs brgya dgod pa'o// dbus kyi ka ba brgyad steng na// b+han+ta me long blangs nas ni// shar gyi phyogs su kha bltas la// byang chub sems ni ye shes rang bzhin te// dri med rang bzhin char bzhin 'bebs pa las// 'gro ba kun bskyed yid bzhin nor bu'i tshul// gdod nas dag pa bdud rtsi'i rang bzhin la// gnyis med sbyor bas bdud rtsi'i rigs mchog 'grub// me long lta bu'i ye shes de nyid yin// dbus kyi b+han+d+ha'i nang du shel phor bzhag la/ byang chub sems dpa' thams cad dang / gdung go ro tsa na la sogs te/ dbus kyi snod du blugs la/ gu ya lag gi phyag rgya bcas la/ de'i steng du bzhag la sngags 'di brgya rtsa brgyad bzlas so// oM aHhUM badz+ra satwa hUM/ sarba e shud+d+he a mr-i ta su kha ma hA yo gats+tsha/ tsit+ta hUM oM AHhUM ak+Sho sho b+hu de Sha ra ti sa ma ya stam/ zhes brjod dbus su gzhag go/ byang chub sems kyi b+ha d+hA'i nang du hUM bsams te/ phyogs bcur 'phros te babs pas/ srid pa gsum gyi byang chub sems
- 262a
dang / srog gi zungs kyi bcud dang / rtsi shing nags tshal gyi dngas ma la phog pas dbang bskur/ slar yang de bzhin du bsdus pa ni/ dper na bung bas me tog gzhib pa bzhin// b+han+d+ha'i nang du byang chub sems su bsdus shing / yang byang chub sems yum gyi mkha' nang nas slar blangs te// dbus kyi b+han+d+ha'i nang du bstim mo// snod kyi nang nas 'od 'phros pas/ 'gro ba'i don mdzad sangs rgyas kyi mdzad pa bcu gnyis mdzad nas/ slar rdo rje sems dpa'i sku tshon gang bar gyur nas dbus su bzhugs so// de nas dri chen kyi snod kyi steng du oM ser po bsams te/ phyogs bcur 'od du 'phros pas stong khams thams cad kha dog ser por gyur/ tshe dang lus kyi dngos grub la dbang bsgyur zhing 'dus pa dang / gser gyi 'khor lo til 'bru tsam gyis dbus kyi snod la til gyi gong bu bzhin du gang bar bsam/ de ltar gsal ba las gser gyi 'khor lo las 'od 'phros pa las/ 'jig rten na yod pa'i dri chen dang bdud rtsi'i bcud bsdus nas rnams par snang mdzad sku tshon gang bar gyur te bzhugs so// maN+Dal brgyad pa'i thog nas dri chen gyi snod blangs la/ sgrub pa po kun kha shar du bltas la dri chen gyis g.yab cing 'di skad do// smad pa mi gtsang snyigs ma 'di// rtogs pa de nyid snyegs ma yin// tshe mchog 'dzin pa'i bdud rtsi 'di// gdod
- 262b
nas dag pa'i rang bzhin pas// bde gshegs rigs kyi thugs dam nyid// gnyis med sku ru sbyor bas na// chos dbyings ye shes dam tshig 'grub// longs spyod rdzogs sku rnam snang mdzad// thams cad de bzhin gshegs par gyur// oM bai ro tsa na mo ha ra ti sa ma ya stam/ ma hA yo ga a d+hi tiSh+Tha/ sa ra ba la ni te au a mr-i ta tsit+ta a d+hi tiSh+Tha au/ zhes brjod do// shar gyi b+han+na sul 'grengs la bla ma grub pa can gyi dri chen dang / drang srong chen po la sogs pa'i dri chen brgya rtsa brgyad tshang bar dgod do// de nas lho'i b+han+d+ha'i nang du swA sngon po bsams te/ de las 'od 'phros pas stong khams khyab par don mdzad nas/ slar 'dus te mAM sar gyur pa dang / mAM sa las 'od 'phros pas/ phyogs bcur khyab nas 'gro ba'i don byas/ mdzad pa bcu gnyis rdzogs nas/ slar rin po che zur brgyad pa tshon gang bas til gyi gang bu bzhin gang nas bzhugs pa la 'od du 'phros pa las 'gro ba thams cad kyi yul dang phung po dang / gnas dang gzi brjid dang / reg bya bsdus nas rin chen 'byung ldan gyi sku mtshon gang bar gyur nas lhor bzhugs so// de nas mAM sa'i snod blangs la sgrub pa po kun kha lhor bltas la sha chen gyis g.yab cing 'di skad do// sems can rnams ni gnas la chags// nor bas bdag nyid btsang bar 'dzin// don gyi sun ni ma byung na// bsod
- 263a
nams thams cad dang bral ba'i// yi dwags skam zag chad pa yang // bdag lus gtong ni mi phod na// lha la sogs pa'i bsod nams kyis// lus can rnams lta ci zhig smos// de bas 'di kun sun dbyung phyir// rang byung bdud rtsi bstan pa yin// lhas kyang lha yi bdud rtsi bza'// mi la sogs pas de bzhin du// rnal 'byor pas kyang spyad cing bza'// 'di ltar bdag gzhan mi 'byed pas// blang dor med par grol bar gyis// mnyam pa nyid kyi don mthong na// thams cad mnyam nyid ye shes sku// bde gshegs rin chen rigs mchog 'grub// mnyam nyid ye shes yin par bshad// oM AHhUM ma hA mAM sa ma ya ra ho haM/ rat+na ra ti sa ma yA s+t+waM/ zhes brjod pas/ lho phyogs rin chen zur brgyad kyi thog nas/ b+han+da sul mong du 'bras bu chen po lnga bsgral ba'i sha chen brgya rtsa brgyad dgod do// de nas nub phyogs kyi pad+ma 'dab brgyad kyi thog nas rak+ta'i b+han+d+ha'i nang du AHdmar po gcig bsams la// AHlas 'od 'phros slar 'dus pa las pad+ma rak+tar gyur/ rak+ta las 'od du 'phros te stong khams khyab pas 'jig rten srid pa'i ngar 'dzin pa rak+tar chags pa ril dbang bskur te slar 'dus pa las/ pad+ma rak+tas bsdus pa'i snang srid kyi bkrag dang gzi mdangs kun bsdus nas/ mdzad pa bcu gnyis byas nas slar 'dus pa dang / snang ba
- 263b
mtha' yas kyi sku tshon gang ba 'od dmar po 'bar zhing nub tu bzhugs par bsam mo// rak+ta'i snod blangs la sgrub pa po kun kha nub tu bltas la rak+tas g.yab cing 'di skad do// rA ga rak+ta pad+ma 'byung // smad pa mi gtsang rdzas 'di dag/ chags yul bde ba'i gnas yin no// pad+ma rigs kyi dam pa 'grub// so sor rtog pa'i ye shes yin// zhes brjod cing nub kyi phyogs kyi snod bzhag la/ oM AHhUM ma hA pad+ma rak+ta mU la a mr-i de ba ra ga rA ti sa ma ya hUM/ sa ma ya stam/ su la ho zhes brjod do// nub kyi b+han+ta su la zla kham du ma hA rak+ta dang / mU la rak+ta dang / pad+ma rak+ta dang / rak+ta brgya rtsa brgyad dgod do// de nas byang phyogs kyi 'khor lo rtsibs brgyad steng nas/ dri chu'i b+han+d+ha la hA ljang gu bsam zhing / hA las 'od 'phros slar 'dus pa las dri chur gyur/ dri chu las 'od 'phros pas stong khams khyab par dri chus bkrus te/ dbang bskur nas slar 'dus pa dang / rdo rje rgya gram ljang gu tshan gang bas til gyi gang bu bzhin gang ngo // de las 'od 'phros pas snang srid kyi chu dang / 'gro ba rigs drug ril gyi chu bsdus nas mdzad pa bcu gnyis mdzad do// slar 'dus pa dang don yod grub pa'i sku tshon gang ba gcig tu gyur nas/ byang phyogs kyi snod du bzhugs par bsams la/ de nas dri chu'i snod blangs la sgrub pa po kun kha byang phyogs su bltas la 'di skad do// kun
- 264a
'byung zag pa kung ku ma// rdo rje dri yi chu yin te// chu las ma byung gang yang med// las kyi rigs kyi dam tshig dang // nan tan ye shes mchog kyang 'grub// oM AHhUM sarba khaM hUM a mo g+ha sid+d+hi badz+rar ti badz+ra sa ma ya s+t+waM/ zhes brjod de byang phyogs su gzhag go/ de nas gra bzhir nor bu'i rin po che bzhi'i thog tu gser phor dngul phor zangs phor lcags phor dung phor bkod la/ sgrub pa po kun thal mo sbyar la/ dbus kyi snod yab yum gyis blangs la 'di skad do// hUM ye shes snying po can rnams kyi// sangs rgyas kun gyi chos nyid 'di// snying po chos kyi don las byung // byang chub spyod pa'i gnas 'di yin// smad par bya ba'i rdzas lnga po// kun la yon tan lnga lngar bshad// gcig la'ang yon tan gsum du dbye// dam tshig rtsa ba bco lnga yin// yang na nyi shu rtsa brgyad do// snod bcud dbus su bsdus nas ni// bcu drug por yang bstan par bya// thabs dang shes rab ldan pa lnga// sems dpa' sems ma'i tshogs su blta// 'dus byas pa yi rdo rje ste// dgongs pa 'dus pa sems dpar bshad// rdo rje sems dpar rab sbyangs nas// rdo rje sems dpa' nyid du 'gyur// oM sarba a mr-i ta sarba e ho shud+d+he/ sarba satwa sa man+ta sarba pany+tsa a mr-i ta kuN+Da li tha/ gtso lnga'i skul tshig go/ da ni yan lag dgod par bya ste/ b+han+da lnga bkod pa'i phyi rol du/ rin
- 264b
chen 'bar ba'i dkyil 'khor la// gser phor dngul phor dung phor shel phor du// 'o ma blugs la 'di skad do// ji ltar 'o mar gyur pa la// mkhas ldan chen pos rab sbyangs nas// yon tan zho dang mar ltar snang // de ni rdzas kyi rnam pa kun// mnyam nyid zho dang mar ltar 'grub// shar lho mtshams su dgod/ de nas sman sna tshogs shar lho mtshams su dgod de 'di skad do// sman gyi rnam pa tha dad pas// so so'i yon tan cher snang de// rtsa ba brgyad dang yan lag stong // sdug bsngal nad kyi gsos su che// bzhi brgya rtsa bzhi'i nad sel ni// lhun gyis grub pas bdud rtsir 'gyur// shar lho rin po che 'bar ba'i steng du dgod do// de nas lho nub mtshams su rin po che sna tshogs dgod/ dper na gser dang rin chen ltar// so sor gnas kyang rang rang gi kha dog mtshan nyid so sor gsal// rin chen yon tan de 'dra yang // bsdus na yon tan rmad du 'gyur// de bas gnyis spras mdzes par snang // de bzhin rdzas kyi rnam pa kun// rang rang yon tan cir snang yang // gnyis med mnyam par sbyar bas na// bla med yon tan rmad du 'gyur// lho nub rin chen 'bar ba'i steng du dgod do// de nas nub byang mtshams su 'bru sna tshogs dgod pa 'di skad do// sa gzhi rin chen gter ldan pas// skyes pa'i 'bru mchog dam pa las// bsgrubs na bdud rtsi sman
- 265a
du 'gyur// zhes nub byang gi rin po che 'bar ba la dgod de/ byang shar mtshams su chu sna tshogs dgod pa 'di skad do// 'byung ba lnga yi byin rlabs las// chu rnams sna tshogs tha dad kyang // rgya mtshor phyin nas lan tshwa'i ro// 'byung ba'i khams rnams tha dad la// thams cad dag pas chos kyi dbyings// de bas thams cad bsdus pa'i dpal// rgya mtsho tsam du rlabs che la// chos kyi dbyings su ro gcig go/ zhes byang shar gyi rin po che la dgod/ rgya mtsho chu dang gangs kyi chu dang tsong zi'i chu dang brag zhun rdo'i chu la sogs pa brgya rtsa brgyad dgod do// mkhris pa mtha' dag kyang dgod do// de ni sman yon tan dang bcas pa'o// 'di nas mar la dkyil 'khor gyi lha brgyad dgod do// shar gyi maN+Dal brgyad la/ a k+Sho b+h+ya/ bai ro tsa na/ rat+na sam+b+ha wa/ a mi d+he ba/ a mo g+ha sid+d+hi/ d+hA tI shwa ra/ du d+hA le tsa ni/ mA ma kI/ pAN+Da ra ba sa na/ sa ma ya tA rA/ badz+ra satwa hUM/ badz+ra rA dza/ badz+ra rA ga/ badz+ra sA d+hu/ badz+ra rat+na/ badz+ra sUr+ya/ badz+ra ke tu/ badz+ra ha sa/ badz+ra d+harma/ badz+ra tik+Sh+Na/ badz+ra tsakra/ badz+ra b+hA Sha/ badz+ra karma/ badz+ra rak+Sha/ badz+ra yak+Sha/ badz+ra muSh+Ti/ shar phyogs kyi lha nyi shu rtsa lnga'o// hi bu tsa drug re 'dug pa dpyang sA rat+na d+h+r-i ka/ mAM mo ha ra ti/ hUM badz+ra d+h+r-i ka/ muM d+ha tI shwa rI/ oM dzi na dzi ka/ laM dwe Sha ra ti/ AM A ro li ka/ pAM rA ga ra ti/ ha pradz+nyA d+h+r-i ka/ tAM badz+ra ra ti/ rat+na sa
- 265b
tA/ rat+na rA dza/ rat+na rA ga/ rat+na swa d+hA/ rat+na rat+na/ rat+na sAr+ya/ rat+na ke tu/ rat+na ha sa/ rat+na d+harma/ rat+na tik+Sh+Na/ rat+na tsakra/ rat+na b+hA Sha/ rat+na karma/ rat+na rak+Sha/ rat+na yak+Sha/ rat+na muSh+Ti/ lho'i lha nyi shu rtsa lnga'o// AM A ro li ka/ pAM rA ga ra ti/ hUM badz+ra d+h+r-ika/ muM d+hA tI shwa rI/ sA rat+na d+h+r-ika/ mAM mo ha ra ti/ oM dzi na dzi ka/ laM dwe Sha ra ti/ hA pradz+nyA d+h+r-ika/ tAM badz+ra ra ti/ pad+ma sa twa/ pad+ma rA dza/ pad+ma rA ga/ pad+ma sA d+hu/ pad+ma rat+na/ pad+ma su r+ya/ pad+ma ke tu/ pad+ma ha sa/ pad+ma d+harma/ pad+ma tik+Sh+Na/ pad+ma tsakra/ pad+ma b+hA Sha/ pad+ma karma/ pad+ma rak+Sha/ pad+ma yak+Sha/ pad+ma muSh+Ti/ nub kyi lha nyi shu rtsa lnga'o// ha pradz+nyA d+h+r-ika/ tAM badz+ra ra ti/ hUM badz+ra d+h+r-ika/ mA d+hA tI shwa rI/ sA rany+dza d+h+r-ika/ mAM mo ha ra ti/ IM A ro li ka/ pAM rA ga ra ti/ oM dzi na dzi ka/ la dwe Sha ra ti/ karma sa tA/ karma rA dza/ karma rA ga/ karma sA d+hu/ karma rat+na/ karma sUr+ya/ karma ke tu/ karma ha sa/ karma d+harmA/ karma tik+ta/ karma tsakra/ karma b+hA Sha/ karma karma/ karma rak+Sha/ karma yak+Sha/ karma muSh+Ti/ byang gi lha nyi shu rtsa lnga'o// shar du nyi shu rtsa lnga hUM las skyed// lho yi nyi shu rtsa lnga tAM las bskyed// nub kyi nyi shu rtsa lnga AM las bskyed// byang du nyi shu rtsa lnga hA las bskyed// spyir dam pa rigs brgya sku'i bsnyen pa'o// de ltar lha brgya bkod nas tshig tu 'di skad do// rnam par mi rtog chos kyi sku// zhe sdang longs spyod rdzogs pa'i sku// sbrul skus cir yang don mdzad pa// rdo rje
- 266a
sems dpa' 'khor dang bcas// dbus su b+han+da zlum po ru// byang chub sems las sbyar ba'i sman// rdo rje rigs kyi thugs dam bskod// sems dpa' 'khor bcas gshegs nas kyang // bdud rtsi 'di la byin gyis rlobs// oM AHhUM ak+Sho b+hu d+hA tI shwa rI sa ma ya stam/ zhes brgya rtsa brgyad bzlas la g.yab/ de nas lho yi b+han+da blangs la/ lhor kha bltas la 'di skad do// rnam par mi rtog chos kyi sku// nga rgyal longs spyod rdzogs pa'i sku// sbrul skus cir yang don mdzad pa// rin chen sems dpa' 'khor dang bcas// lho phyogs b+han+na sul mar du// mAM sa las ni sbyar ba'i sman// rin chen rigs kyi thugs dam bskor // 'byung ldan 'khor bcas gshegs nas kyang // bdud rtsi 'di la byib gyis rlobs// oM AHhUM swA rat+na d+h+r-i ka/ mAM mo ha ra ti sa ma ya stam/ zhes brgya rtsa brgyad bzlas so// nub kyi b+han+da blangs nas 'di skad do// rnam par mi rtog chos kyi sku// 'dod chags longs spyod rdzogs pa'i sku// sbrul skus cir yang don mdzad pa// snang ba mtha' yas 'khor dang bcas// nub phyogs b+han+da zla gam du// rak+ta las ni sbyar ba'i sman// pad+ma rigs kyi thugs dam bskang // mtha' yas 'khor bcas gshegs nas kyang // bdud rtsi 'di la byin gyis rlobs// oM AHhUM AM a ro li ka/ pAM rA ga ra ti sa ma ya stam/ brgya rtsa brgyad bzlas
- 266b
so// byang gi b+han+na blangs la 'di skad do// rnam par mi rtog chos kyi sku// phrag dog longs spyod rdzogs pa'i sku// sbrul skus cir yang don mdzad pa// don yod grub pa 'khor dang bcas// byang phyogs b+han+ta'i gzhal yas su// dri chu las ni sbyar ba'i sman// las kyi rigs kyi thugs dam bskang // don grub 'khor bcas gshegs nas kyang // bdud rtsi 'di la byin gyis rlobs// oM AHhUM hA pradz+nyA d+h+r-i ka/ badz+ra karma ra ti sa ma ya stam/ de nas shar gyi snod blangs la 'di skad do// rnam par mi rtog chos kyi sku// gti mug longs spyod rdzogs pa'i sku// sbrul skur cir yang don mdzad pa// rnam par snang mdzad 'khor dang bcas// shar phyogs b+han+da sul med du// dri chen las ni sbyar ba'i sman// bde gshegs rigs kyi thugs dam bskang // snang mdzad 'khor bcas gshegs nas kyang // bdud rtsi 'di la byin gyis rlobs// oM AHhUM dzi na dzi ka/ lAM dwe Sha ra ti sa ma ya s+thAm/ brgya rtsa brgyad bzlas so// dang por bzhugs gral dgod gral du// dur khrod pho brang lhun gyis grub// gsang ba'i bzhugs gnas dam pa 'dir// nyi zla pad+ma'i gdan steng du// rnal 'byor dgos shing bzhugs du gsol// gsang ba'i las rnams bya ba'i phyir// phrin las brgyad kyis mtshams bcad do// slob dpon mnga' gsol las ka bsgo// gsar du 'jug pa mchis na
- 267a
yang // phrin g.yog mna' dbang bshags pa bgyi// de ni bkod pa rgyan gyi dkyil 'khor ro// bdud rtsi las rgya mtsho las/ yon tan sgrub pa'i le'u ste bdun pa'o// // yan lag stong gi sman dgod pa// 'byung ba lnga yi thugs rje las// sman lnga bdud rtsir rnam par dag/ 'gro ba yongs kyi gsos mdzad par// thugs rje chen por byin gyis brlabs// dngos med dngos grub blang phyir du// ye shes lnga yi rjes su dgram// sman gyi srung mas rtog bsal te// srid gsum ye nas bdud rtsi lnga// byang chub sems ni kun tu dag/ rdzogs pa'i ye shes bde chen nyid// ma lus mtha' dag grub pa'i rgya// ye nas bya med bya mi dgos// rgyu dang 'bras bu 'khrul pa'i sgra// ra sA ya na'i srung ma rnams// sum cu rtsa gsum gnas mchog nas// tshangs pa dung gi thor tshugs can// spyan gsum srid pa gsum la gzigs// phyag bzhi phreng ba gun+d+he sbyin// bdud rtsi sman las dngos grub thob// bdud rtsi 'di la byin gyis rlobs// tshangs pa kun grol chen po ni// dkar po dung mdog sgra yang sgrogs// bdud rtsi'i 'di la byin gyis brlobs// drang srong ldang sngon rA hu la/ tsa ra ka dang nab so skyes// gza' dang skar ma'i rig 'dzin yin// tha skar bu dang lha skyabs ni// dri za lha yi rig 'dzin yin// rgyun shes dang ni g.yon phyogs lha// chu yi lha yi rig 'dzin
- 267b
yin// thang la skyes dang me bzhin 'jug/ me yi lha yi rig 'dzin yin// rkang gnyis spyod dang ka ya na// dka' thub spyod pa'i rigs 'dzin yin// shing khyer dang ni rig 'dzin rnams// bdud rtsi sman la byin gyis rlobs// dge bsnyen li tsA dri ma med// mi yi rig 'dzin chen po yin// klu yi rgyal po 'jog po ni// byol song rnams kyi rig 'dzin yin// shing gi lha mo 'od 'chang ma// sman gyi lha mo nor gyi rgyun// grub pa'i lha mo blo gros ma// rtsi yi lha mo nad sel ma// rig 'dzin lha mo mched bzhi yang // bdud rtsi sman la byin gyis rlobs// phyag rgya bzhi'i bdud rtsi la dgug cing spyan drang ngo // dzaHhUM baM hoH/ a mr-i ta A be sha ho// byas la spyan drang ngo // de nas byin dbab pa'i sngags la// oM ma hA sarba pany+tsa a mr-i ta su kha hri pheM pheM/ nam mkha'i mtha' dang mnyam pa'i dkyil 'khor nas// bya ba yang brjod/ de nas dam pa rigs brgya'i bsnyen pas sbyang bar bya ste/ bde bar gshegs pa re re la bsnyen pa brgya rtsa brgyad brgyad phul nas/ de'i 'od zer 'phro 'dus sman thams cad sman gyi dngos po dang bral nas sbyang ba ni/ dam pa'i rigs brgya'i bsnyen pa zhes bya'o// de ni sku'i bsnyen pa'o// de nas gsung gi bsnyen pa de nyid rigs lnga'i bsnyen pas sbyangs te/ shar gyi lha nyi shu rtsa lnga yang mi bskyod pa la 'dus/ lho'i nyi shu rtsa lnga rin chen 'byung ldan la 'dus/ nub
- 268a
kyi nyi shu rtsa lnga 'od dpag med la 'dus/ byang gi nyi shu rtsa lnga don yod grub pa la 'dus/ spyir lha brgya zam pa lngar 'dus pas/ de nyid rigs lnga'i bsnyen pas sbyang bar bya ste/ de yang dbus kyi rdo rje rigs kyi bdud rtsi sbyang bar bya ste/ 'di skad do// dbus kyi b+han+d+ha'i gzhal yas su// byang chub sems kyi sman sbyar bas// hUM gi 'phro 'du'i sbyor ba las// lhag mthong chen po'i ye shes kyis// zhe sdang chen po'i bdud bcom nas// slar 'dus b+han+d+ha'i gzhal yas su// mi bskyod rdo rje yab yum bsgom// hUM dz+nyA na badz+ra sA ra Na dzaH// zhes 'bum bzlas pa'i dus su/ dbus kyi b+han+d+ha nas byang chub sems la sogs te rdo rje rigs kyi bdud rtsi thams cad sman gyi dngos po dang bral nas/ hUM gi tshogs su 'phro zhing nam mkha' gang ba'i dus na 'jig rten drug gi phyogs bcu na ma rtogs pa'i sems can nyon mong zhe sdang gi dbang gis// 'khor ba'i mtha' la zhen pa thams cad stongs shing zad par bsgral nas/ slar dbus kyi b+han+d+ha la chi li li 'dus pa la/ rdo rje sems dpa' yab yum gyi phyag rgyar srog zin par gyur to// des ni nyon mongs pa zhe sdang bdud bcom nas/ thugs rdo rje lta bu byang chub sems kyi rtsi/ me long lta bu'i ye shes kyi rtsis sleb pas/ 'bras bu rdo rje sems dpa' yab yum kyi sku phyag rgya chen por srog zin par gyur to// de nas de
- 268b
bzhin gshegs pa'i rigs kyi bdud rtsi sbyang bar bya ste/ 'di skad do// shar gyi b+han+ta'i gzhal yas su// dri chen bdud rtsi'i sman sbyar te// oM gyi 'phro 'du gsal ba las// chos nyid dag pa'i ye shes kyis// 'jig rten drug gi phyogs bcu na// gti mug chen po'i lam gnas pa// stongs shing zad par rab bsgral te// slar 'dus b+han+d+ha'i gzhal yas su// rnam par snang mdzad yab yum bsgom// oM dz+nyA na badz+ra swa ra Na dzaH// zhes khri dang 'bum bzlas pa'i dus na/ shar gyi b+han+d+ha'i gzhal yas su/ bdud rtsi dri chen la sogs pa dang de bzhin gshegs pa'i rigs kyi bdud rtsi thams cad kyi dngos po dang / mtshan ma de dag dang bral nas/ yi ge oM gyi tshogs su 'phro zhing nam mkha' gang ba'i dus na/ 'jig rten drug gi phyogs bcu na ma rtogs pa'i sems can nyon mongs pa gti mug gi dbang gis 'khor ba'i mtha' la zhen pa thams cad stongs shing zad par bsgral nas/ slar b+han+d+ha'i gzhal yas khang du 'dus nas/ thams cad oM gyi rang bzhin du gyur nas/ slar tshi li li b+han+da'i nang du 'dus pa las/ rnam par snang mdzad yab yum gyi phyag rgyar srog zin par gyur to// de nas lho'i b+han+da nas rin po che'i rigs kyi sman sbyang bar bya ste/ 'di skad do// lho yi b+han+ta'i gzhal yas su// sha chen bdud rtsi'i sman sbyar bas// swA yi 'phro 'du'i sbyor ba
- 269a
las// mnyam nyid chen po'i ye shes kyis// 'jig rten drug gi phyogs bcu na// nga rgyal chen po'i lam gnas pa// stongs shing zad par rab bsgral nas// slar 'dus b+han+da'i gzhal yas su// rin chen 'byung ldan yab yum bsgom// sA dz+nyA na s+pha ra Na dzaH// zhes khri dang 'bum bzlas pa'i dus na/ lho'i b+han+da'i gzhal yas khang na/ sha chen la sogs te rin po che'i bdud rtsi thams cad sman gyi dngos po dang bral nas/ yi ge sna'i tshogs su 'phro zhing nam mkha' gang ba'i dus na/ 'jig rten drug gi phyogs bcu na ma rtogs pa'i sems can nga rgyal gyi dbang gis 'khor ba'i mtha' la zhen pa thams cad zad cing stongs par bsgral nas/ slar lho'i b+han+d+har tshi li li 'dus pas/ rin chen 'byung ldan yab yum gyi phyag rgya srog zin par gyur to// da ni pad+ma rigs kyi bdud rtsi sbyang bar bya ste// 'di skad do// nub phyogs b+han+d+ha'i gzhal yas rak+ta'i bdud rtsi'i sman sbyar bas// AM gyi 'phro 'du'i sbyor ba las// so sor rtog pa'i ye shes kyis// 'jig rten drag gi phyogs bcu na// 'dod chags chen po'i lam gnas pa// stongs shing zad par rab bsgral nas// slar 'dus b+han+na'i gzhal yas su// snang ba mtha' yas yab yum bsgom// zhes dbyangs dang skul tshig brjod// AM dz+nyA na badz+ra s+pha ra Na dzaH/ zhes bzlas pa'i dus na nub phyogs kyi b+han+na'i gzhal
- 269b
yas khang na/ pad+ma rak+ta la sogs te pad+ma rigs kyi bdud rtsi thams cad sman gyi dngos po dang bral nas/ AM gyi tshogs su 'phro zhing nam mkha' gang ba'i dus na/ 'jig rten drug gi phyogs bcu na ma rtogs pa'i sems can nyon mongs pa 'dod chags kyi dbang gis 'khor ba'i mtha' la zhen pa thams cad stongs shing zad par bsgral nas/ slar nub kyi b+han+d+ha'i gzhal yas su 'dus pa las/ snang ba mtha' yas yab yum gyi phyag rgyar srog zin par gyur to// de nas las kyi rigs kyi bdud rtsi sbyang bar bya ste/ 'di skad do// byang phyogs b+han+d+ha'i gzhal yas su// dri chu'i bdud rtsi'i sman sbyar bas// hA yi 'phro 'du'i sbyor ba las// bya ba nan tan ye shes kyis// 'jig rten drug gi phyogs bcu na// phrag dog chen po'i lam gnas pa// stongs shing zad par rab bsgral nas// slar 'dus b+han+da'i gzhal yas su// don yod grub pa yab yum bsgom// hA dz+nyA na badz+ra s+pha ra Na dzaH/ zhes khri 'bum bzlas pa'i dus na/ byang gi b+han+d+ha'i gzhal yas khang na rdo rje dri chu la sogs pa las kyi rigs kyi bdud rtsi thams cad sman gyi dngos po dang bral nas/ yi ge hahA'i tshogs su 'phro zhing nam mkha' gang ba'i dus na/ 'jig rten drug gi phyogs bcu na ma rtogs pa'i sems can nyon mongs pa phrag dog gis dbang gis 'khor ba'i mtha' la zhen pa thams cad zad cing stongs
- 270a
par bsgral nas/ slar tshi li li byang gi b+han+d+har 'dus pa las/ don yod grub pa yab yum gyi phyag rgyar srog zin par gyur to// 'jig rten drug gi phyogs bcun yang ma rtogs pa'i sems can 'khor ba rgyu dang 'bras bur bcas pa nyon mongs pa lnga'i bdud kyis zin pa/ dug gsum gyi nad kyis gdungs pa/ 'khor ba ngan song gi gnas su gtan shi ba thams cad la ye shes chen po lngas ni sbyangs la/ thugs rje byang chub kyi sems kyi rtsis slebs/ 'bras bu sku gsung thugs kyi srog 'dzin mdzad pa'i phyir na bdud rtsi ste/ bdud bcom rtsir gyur 'bras bu sku gsung thugs zhes bya ba'o// oM AHhUM swA hA/ dz+nyA na badz+ra s+pha ra Na dzaH/ oM AHhUM swA hA/ badz+ra a mr-i ta hUM hrIHthaH/ de nyid rigs lnga'i spyi sngags so// gsang ba mchog gi las gzhung bsrang la/ las rnams rgyas 'bring gang mdzad pa'i snying po gdon te/ lha bdud rtsir bsgyur ba'i sngags la/ oM AHhUM badz+ra sa ta a mr-i ta kuN+Da li hrIHtha/ shar phyogs nas/ oM AHhUM bai ro tsa na ya a mr-i ta kuN+Da li hrIHtha/ lho phyogs nas/ oM AHhUM rat+na sa twa a mr-i ta kuN+Da la hrIHtha/ nub phyogs nas/ oM AHhUM pad+ma sa twa a mr-i ta kuN+Da li hrIHtha/ byang phyogs nas/ oM AHhUM karma sa twa a mr-i ta kuN+Da li hrIHtha/ yum rnams kyi g.yon phyogs nas/ oM AHhUM d+hA tI shwa rI a mr-i ta kuN+Da li hrIHtha/ zhes pa la sogs pa
- 270b
stong stong thon pa dang / srid gsum b+han+da bzang 'khor yug/ 'bru lnga ye shes 'phro 'du las// stong khams khyab par don byas nas// bcud kyi dam pa kun bsdus nas// gnyis med ye shes lngar sbyor zhing // dkyil 'khor dam pa rigs brgya yang // de nyid rigs lnga'i sku ru 'dus// de nyid rig pa lha'i dkyil 'khor yang // gsang chen rigs gcig sku la bsdu// b+han+da lnga ni yum lngar 'dus// yum lnga chos kyi dbyings su 'dus// oM AHhUM sarba pany+tsa a mr-i ta ra sA ya na ta na g+ha Na gu h+ya sid+d+hi hUM hrIHtha/ rdzogs nas dngos grub rim gyis blang // b+han+d+ha ni spros pa med pa yum gyi b+ha ga pad+ma'i gzhas yas khang na/ bdud rtsi'i bye brag dngos po dang bral nas/ byang chub kyi sems ye shes dpa' bo 'bru lngar gyur nas/ phar 'phros pas 'jig rten drug gi phyogs bcu na/ nyon mongs pa lnga la zhen pa thams cad stongs shing zad par bsgral nas/ slar 'dus pa las ye shes lnga rang bzhin lhun gyis grub par bsgom/ de nyid rigs lnga'i bsnyen pa gsung gi bsnyen pa'o// kun tu bzang po thugs zhi ba'i bsnyen pa'o// bdud rtsi las rgya mtsho las/ bdud rtsi khrol bu'i le'u ste brgyad pa'o// // de nas khrol bu'i dkyil 'khor bsdus nas/ tsan+dan dmar po'i dri chab la khro mo dbyings phyug ma'i sngags kyis gdab/ oM ma hA kro d+hI shwa rI sarba dra byaM hUM tha/ mtshan ma'i
- 271a
rnam rtog bag chags sbyang // btag dang btsag dang gzhal ba las// shun chen gzhi ni bting ba la// rak+ta'i thig le bcu bris la// dar dang za 'og lhod du gding // nyi zla 'bar ba'i gtan pa bcu// khro mo bcu yi gtun khung du// khro bo bcu yi rdo rjes brdung // sgra 'byin ma yi gtun khung du// nyon mongs lnga yi dug chen la// steng phyogs srung ba'i hUM ka ras// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por gyur// dus gsum rgyal ba rgya mtshos gsol// hUM dz+nyA na badz+ra bin+da dzaH/ gardza gardza hUM/ rdo rje snyems ma'i gtun khung du// nyon mong lnga yi dug chen la// shar phyogs srung ba'i rnam rgyal gyis// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por gyur// dus sum rgal ba rgya mtshos gsol// hUM dz+nyA na badz+ra bin+da dzaH/ ha na ha na hUM/ dur khrod bdag mo'i gtun khung du// nyon mongs lnga yi dug chen la// lho phyogs srang ba'i gshed po yis// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por gyur// dus gsum rgyal ba rgya mtshos gsol// hUM dz+nyA na bin+da dzaH/ pa tsa pa tsa hUM/ rdo rje gtum mo'i
- 271b
gtun khung du// nyon mongs lnga yi dug chen la// nub phyogs srung ba'i rta mgrin gyis// ye shes lnga yi tho bas brdung // stong khams khyab par don byas nas// bcud kyi dam pa kun bsdus te// 'chi med bdud rtsi chen por gyur// dus gsum rgyal ba rgya mtshos gsol// hUM dz+nyA na bin+d+hi dzaH/ hu lu hu hUM/ rlung 'byin ma yi gtun khung du// nyon mongs lnga yi dug chen la// byang srung bdud rtsi 'khyil ba yis// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por gyur// dus gsum rgyal ba rgya mtshos gsol// hUM dz+nyA na bin+da dzaH/ tshin+da tshin+da hUM phaT/ rdo rje sder mo'i gtun khung du// nyon mongs lnga yis dug chen la// shar lho srung ba'i dbyug sngon gyis// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen po gyur// dus gsum rgyal ba rgya mtshos gsol// hUM dz+nyA na bin+da dzaH// ha na ha na hUM/ gtun khung ma yi mkha' dbyings su// nyon mongs lnga yi dug chen la// lho nub bsrung ba'i ma g.yo bas// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por 'gyur// dus gsum rgyal ba rgya mtshos gsol// hUM dz+nyA na bin+da dzaH// ban+d+ha ban+d+ha hUM/
- 272a
gsod byed ma yi gtun khung du// nyon mongs lnga yi dug chen la// nub byang gzhan gyis mi thub pas// ye shes lnga yi zo bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por gyur// dus gsum rgyal ba rgya mtshos gsol// hUM dz+nyA na bin+da dzaH/ tiSh+Tha tiSh+Tha hUM/ mda' bsnyems ma yi gtun khung du// nyon mongs lnga yi dug chen la// byang shar srung ba'i khams gsum rgyal// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por gyur// dus gsum rgyal ba rgya mtshos gsol// hUM dz+nyA bin+du dzaH// b+hin+da b+hin+da hUM phaT/ skul byed ma yi gtun khung du// nyon mongs lnga yi dug chen la// 'og phyogs srung ba'i stobs po ches// ye shes lnga yi tho bas brdung // stong khams khyab par don byas te// bcud kyi dam pa kun bsdus nas// 'chi med bdud rtsi chen por sbyor// dus gsum rgyal ba rgya mtshos gsol// hUM dz+nyA na bin+da dzaH// sgo Ta sgo Ta hUM/ khro bo chen po bcus khro mo bcu'i b+ha gar/ bdud rtsi 'chi ba med pa'i byang chub sems su lhun gyis grub par brdung par bsam mo// chos kyi dbyings kyi gtun khung chen po ru// sku gsung thugs kyi rdo rje tho bas brdung // snod bcud bdud rtsi'i bye brag sna tshogs kun// 'bras bu byang chub
- 272b
sems su rab tu sbyar// hUM dz+nyA na bin+d+ha zhes rtog pa bsal lo// bdud rtsi las rgya mtsho las/ bdud rtsi phrin las kyi bsgrub pa btags pa'i las kyi le'u ste dgu pa'o// // de nas btsag ste dar tshags dang la tshachags kyis btsag ste/ bse gzhong ngam zangs gzhong ngam/ 'khar gzhong du yum dang the tshom med pa'i bya rog mas btsag dang zab kyis brgyan la yab yum thabs dang shes rab kyis sbrel zhing btsag go/ 'di skad do// e ma ho kun tu bzang mo yi// thugs las byung ba'i gsang chen 'di// sngon byung sangs rgyas thams cad kyis// bsgrubs pa'i 'bras bur byin gyis brlabs de// 'bras bu bde chen byang chub sems// ye nas grub pa'i bdud rtsi ra sA yan// 'chi med bdud rtsi'i rang bzhin te// rang byung gdod nas dag pa yi// rtsa brgyad stong las sbyar ba'i sman// ra swa ya na la sogs rdzas// rtsa ba 'bum phrag yangs pa'i bcud// gnyis med bde chen las byung ba// byang chub sems ni rdo rje ste// sha chen mchod pa rin po che// pad+ma me tog yang dag ldan// zas mchog tshe yi dri chen po// rdo rje'i chu ste bdud rtsi'i mchog/ ga pur shel gyi pog phor dri// rin chen me ltar 'bar ba'i tshogs// yon tan 'bum phrag yangs pa'i gter// rig 'dzin dam tshig lnga yi dngos// ye shes lnga rdzogs grub pa'i rdzas// rgyud drug sems can kun sgrol
- 273a
phyir// dug lnga sel ba'i thabs mchog ste// thams cad bdud rtsi'i rnal 'byor gyis// ma lus 'dus pa'i thig le 'di// sangs rgyas kun dang mnyam sbyor phyir// gcig tu dpa' bo'i ro rnams dang // gnyis su med par mnyam sbyar nas// dus gsum rgyal ba thams cad dang // rgyal ba rgya mtsho rnams la mchod// thabs dang shes rab ldan pa yis// 'khrul pa'i bag chags dag bya'i phyir// thabs dang shes rab 'brel bas gcig/ oM AHhUM sarba pany+tsa a mr-i ta dz+nyA na badz+ra saM sho d+ha ya hUM hrIHtha/ btsag pa'i sngags so// oM AHhUM sarba pany+tsa a mr-i ta mu sa la mu sa la/ ha na ha na hUM hriHtha/ bsre zhing sbal ba'i sngags so// de nas btsal te/ mi bskyod byang chub sems nyid btsal// lhag mthong chen po'i bre yis btsal// yo gal med pa'i srang la btsal// 'gyur ba med pa'i khal du blang // rgyal ba rgya mtsho rnams kyis gsol// dz+nyA na badz+ra ho sa ma ya hUM/ rnam par snang mdzad dri chen 'jal// me long ye shes bre yis mjal// yo gal med pa'i srang la 'jal// 'gyur ba med pa'i khal du blang // rgyal ba rgya mtsho rnams kyis gsol// dz+nyA na badz+ra ho sa ma ya hUM/ rin chen 'byung ldan sha chen 'jal// mnyam nyid ye shes bre yis 'jal// yo gal med pa'i srang la 'jal// 'gyur ba med pa'i khal du blang // rgyal ba rgya mtsho rnams kyis
- 273b
gsol// dz+nyA badz+ra ho sa ma ya hUM/ mtha' yas pad+ma rak+ta 'jal// so sor rtogs pa'i bre yis 'jal// yo gal med pa'i sang la 'jal// 'gyur ba med pa'i khal du blang // rgyal ba rgya mtsho rnams kyis gsol// dz+nyA na badz+ra ho sa ma ya hUM/ don yod grub pa dri chu gur gum 'jal// bya ba nan tan bre yis 'jal// yo gal med pa'i srang la 'jal// 'gyur ba med pa'i khal du blang // rgyal ba rgya mtsho rnams kyis gsol// dz+nyA na badz+ra ho sa ma ya hUM// sku gsung thugs kyi rgya yis gdab// gcig pa dpal chen he ru'i rgya// gnyis pa yab yum gnyis med rgya// gsum pa sku gsung thugs kyi rgya// bzhi pa ye shes bzhi yi rgya// lnga pa rigs lnga lha yi rgya// drug pa thub pa drug gi rgya// bdun pa ma mo bdun gyi rgya// brgyad pa go rI brgyad kyi rgya// dgu pa he ru klong dgu'i rgya// bcu pa khro bo bcu yi rgya// gu h+ya lag gi phyag rgya gdab// ras bal ba su ta yi gzungs thag gis// b+han+d+ha yas phub pa ni gnam yin te// mas bkab pa ni sa yin la// kha khyer du snang ba ni rab yin la// dum bu bzhir snang ba ni 'dzam bu gling bzhi yin la/ dum bu gsum du snang ba ni srid pa gsum yin/ gzhal yas khang nang na bdud rtsi rnam pa lngas khengs pa ni/ mu tig dkar po dri ma med pa la lhas gnad du med pa/ mnan pa thams cad bdud rtsis khengs pa/ 'dres brkur med pa/ brkus
- 274a
pa thams cad bdud rtsis khengs pa/ dper na mtsho'i nang na nya sbal bzhin no// gzungs zag gi phyogs bzhi nas bskor ba ni/ dbus rgya mtsho chen po las chu bo chen po bzhi 'bab pa/ shar seng ge'i kha nas 'bab pa/ lho rta sngon gyi kha nas 'bab pa/ nub rma bya'i kha nas 'bab pa/ byang shang shang gi kha nas 'bab pa/ chu bo bzhi 'dom nas dbus kyi pho brang rgya mtsho chen po las 'bab pa ni/ glang po che'i kha nas 'bab pa dang / glang po che'i ya rkan rta mgrin/ ma rkan gsang ba'i yum bzhi/ de yab yum thabs dang shes rab las/ lhag pa'i byang sems dkar lhung lhung byung bar bsgom mo// de yan chad phrin las kyi sgrub pa'o// bdud rtsi las rgya mtsho las/ khro bo stobs po che btag btsag btsal ba'i le'u ste bcu pa'o// // de nas gnas mchog gsang ba ru// dkyil 'khor lnga po rim par bri// dbus su 'khor lo rtsibs brgyad bri// phyi rim pad+ma 'dab ma brgyad// de'i phyir rim rin po che zur brgyad// de'i phyi rim ka ba mchog brgyad// de yi phyi rim maN+Dal bri// gru chad sgo khyams rdzogs par bri// dar gyi khang bu klubs pas brgyan// me tog phreng bas phyogs bzhir bskor// bdud rtsi'i pho brang bzhengs su gsol// phrin las dbab rnams rim par bskur// byin chen dbang cing yon tan brjod// dgu pa'i sngags kyis gdab pa
- 274b
ni// phyi nang gsang ba gsum gyi sngags// sarba pany+tsa a mr-i ta kuN+Da li tha// sa ra ni sa yi snying po'i don// wa ni nam mkha'i snying po'i don// panya ni sgrib pa rnam par sel// tsa ni byams pa me tri yin// a ni kun tu bzang po'o// mr-i ni 'jam dpal gzhon nu'o// ta ni spyan ras gzigs dbang ngo // kuN+Da sangs rgyas kun tu bzang // li ni phyag na rdo rje ste// tha ni spyan ras gzigs dbang ngo // gtso bo kun bzang rab tu gsungs// phyi yi dgu pa'i sngags zhes bya// nang du 'jam dpal gshin rje gshed// spyan ras gzigs dang rta mgrin rgyal// phyag na rdo rje bdud rtsi 'khyil// kun tu bzang po dbyug pa sngon// sa yi snying po rnam par rgyal// sgrib pa rnam sel stobs po che// byams pa mai tri mi g.yo mgon// nam mkha'i snying po Ta ki rA dza// che mchog he ru ka dang dgu'o// nang gi dgu pa zhes de la bya'o// gsang ba'i dgu pa ni/ sar ni sa yi rang bzhin no// wa ni chu yi rang bzhin no// panya ni rlung gi rang bzhin no// tsa ni me yi rang bzhin no// a ni nam mkha'i rang bzhin no// mr-i bdud rtsi chen po// ta dam tshig chen po// kuN+Da li ni 'khyil pa/ tha ni sreg dang 'joms pa'o// gsang ba'i sngags ni rnam pa dgu// dgu pa zhes ni de la bya// le lo med pa'i brtson 'grus kyis// bar chad med pa'i 'phro 'du bzlas// de yang 'phro 'du bya ba'i thabs ni/ ting 'dzin
- 275a
rnam gsum rim bzhin bsgom// rgyu yi ting 'dzin 'bras bu las// de nyid byang chub sems su gyur// 'byung ba lnga yum dkyil 'khor dag/ byang chub sems las rim bzhin bskyed// e yaM khaM suM b+h+rUM raM/ de bzhin nyid kyi ting nge 'dzin ni/ chos nyid stong pa'i nam mkha' las// brag cha'i tshul du sgra 'di 'byung ngo // mi gnas mi rtog bsam dang bral// ma chags bral bas yul las 'das// cir yang mi 'byung cir ma yin// rang bzhin brjod dang bral ba'i sgra// zhes byung bas chos thams cad nam mkha'i rang bzhin du gsal lo// de nas kun tu snang ba'i ting nge 'dzin la snyoms par zhugs te 'di skad do// yongs la khyab pa nyi ma'i 'od// snying rje byang chub sems yin te// rnam rtog mun pa sel bar snang // yid bzhin rin chen 'bar ba'i 'od// ces sgra byung bas chos thams cad byang chub kyi 'od zer du gsal bar gyur to// de nas rgyu'i ting nge 'dzin la snyoms par zhugs te 'di skad do// a ni ma chags yi ge'i mdzod// cho 'phrul rtog pa 'byung ba'i sgra// nyon mongs skyon bral zla ba'i mdog/ cho 'phrul sna tshogs 'byung ba'i rgyu// zhes sgra byung bas chos thams cad cho 'phrul gyi rang bzhin du gnas par gyur to// de nas yum chen mo nam mkha'i dbyings phyug ma'i ting nge 'dzin la snyoms par zhugs te 'di skad do// a ni e yi rang
- 275b
bzhin te// a las e byung mkha' khyab la// mi 'gyur thogs med nam mkha'i dbyings// mtha' dbus med par kun tu gdal// zhes byung bas nam mkha' kun tu bzang mo'i rang bzhin du gsal lo// de nas rlung dam tshig sgrol ma'i ting nge 'dzin la snyoms par zhugs te 'di skad do// a yi ye shes byin brlabs las// rlung gi snying po yaM du shar// thams cad bde ba'i stobs dang ldan// rang bzhin g.yo zhing thogs med 'phyo// zhes byung bas rlung gi dkyil 'khor du gsal bar gyur to// de nas yum mA ma ki'i byin brlabs las sgra 'di 'byung ngo // rgyu yi snying po'i 'od zer las// chu yi snying po 'od zer shar// nam mkha'i mtha' ltar mnyam pa'o// chu yi rgya mtsho thams cad rgyas par gyur// zhes sgra byung bas thams cad mA ma kI'i byin brlabs las sgra 'di 'byung ngo // de nas yang rdo rje 'bar ba ting nge 'dzin la snyoms par zhugs nas sgra 'di 'byung ngo // mi dmigs pa las sna tshogs par// snang ba'i cho 'phrul 'di byung bas// rnal 'byor sa bcu rdzogs pa'i don// lhun gyis grub pas bde ba che// zhes sgra byung bas sa bcu rim gyis 'dul ba'i bye brag zugs su chud par gyur to// de nas rdo rje 'bar ba ri bo'i ting nge 'dzin la snyoms par zhugs nas 'di skad do// rnam rtog shes rab mkha' klong nas// rdo rje 'bar ba'i ri bo shar// rgya che
- 276a
gting zab gnam 'phang gcod// rtog pa'i ri bo 'joms par byed// ces sgra byung bas rdo rje'i ri bos nyon mongs thams cad 'joms par byed do// de nas gzhal yas khang yum gyi mkhar byin gyis brlabs pa zhes bya ba'i ting nge 'dzin la snyoms par zhugs so// b+ha ga gsang ba'i 'od zer las// bde gshegs bzhugs pa'i gzhal yas khang // nam mkha'i mtha' ltar dpag tu med// dus gsum rgyal ba rgya mtsho'i dbyings// zhes brjod pas gzhal yas khang dpag tu med par bsam mo// de nas me 'bar bas bsreg pa zhes bya ba'i ting nge 'dzin la snyoms par zhugs so// a yi byin brlabs ye shes las// cho 'phrul me yi snying po shar// 'bar ba gsal byed ye shes 'phro// dngos po kun zad me klong tshul// zhes brjod pas/ gzhal yas khang phyi nang gi mtshan ma'i rtog pa thams cad me ri 'bar bas bsreg par bsam mo// de'i nang du che mchog gi sgra bskyed pa 'di skad do// e ma ho// chos kun thams cad sgra la rdzogs pas chos kyi sku// rdo rje che mchog phyag 'tshal he ru ka/ chos nyid mkha' la skar tshogs rgyas pa'i sku// dbyar gyi char sprin lta bur gtibs pa'i sku// chu brlabs lta bur brjid pa'i zhal gdangs shing // nyi ma 'bum gyi 'od zer brdal ba bzhin// theg chen 'khor ba'i chos rnams kun// phyag rgya gcig tu
- 276b
rdzogs pa'i sku// chos sku lhun grub chos sku rang rtogs 'bar// dbu skra kham nag ral pa'i cod pan can// klu rgyal 'bum gyi bklubs shing mchod pa 'bul// rdo rje gsung gi sngags sgra brdab pas kyang // hUM dang phaT kyi sgra skad 'jigs par ston// theg chen don dang gsang sngags sgrogs pa'i tshig/ 'bar ba'i smin ma mun rum glog ltar 'gyu// spyan dmar bzlog pa'i sdang mig nyi ltar 'bar// 'bar ba'i klong nas bskal pa'i 'tshubs nag 'khyil// hUM dang phaT kyi sgra skad 'jigs par sgrogs// rdo rje thog dang gnam lcags ser ba 'bebs// rno dpal mche ba zang yag gtsigs pa yis// nyon mongs log par blta ba'i tshogs la rngams shing 'khrugs// thod rus sha khrag rkang rus brul dang rnag/ za byed rngams pa'i zhal du chem chem gsol// sbrul gdug ko rlon la sogs 'jigs pa'i rgyan// rngams pa'i sku la shin tu brjid par brgyan// za byed rngams dang 'jigs byed mang po'i tshogs// 'bar ba'i phyag mtshan sprul pa'i pho nya mdzad// 'khor ba kun dang thar pa'i chos rnams ni// dpa' bo chen po'i gdan du brjid cing rol// phyi nang snod bcud sku la rdzogs pas na// 'gran gyi zla med che btsan gcig pu nyid// gsang mchog 'bar ba'i sku la phyag 'tshal lo// oM AHhUM sarba pany+tsa a mr-i ta ra sa sid+d+hi ma hA su kha hr-i da ya pa ra bi d+ha na A kra ma Na
- 277a
hri thA/ oM AHhUM sarba pany+tsa mr-i ta ra sA ya na ta na dz+nyA hUM hrIHtha/ oM AHhUM sarba pany+tsa a mr-i ta badz+ra satwa hUM hrIHtha/ oM AHhUM sarba pany+tsa a mr-i ta ta ya prI wa hrIH/ b+han+d+ha b+han+ma hUM hrItha/ oM AhUM sarba pany+tsa a mr-i ta ka ma la kuN+Da li sid+d+hi sid+d+hi hUM hrIHtha/ oM AHhUM sarba pany+tsa a mr-i ta many+dzu shrIHbya ba lo ki te hUM hrIHtha/ oM AHhUM sarba pany+tsa a mr-i ta shrI b+ha ga wAn hUM ha ho/ oM AHhUM sarba pany+tsa a mr-i ta ra sa sid+d+hi ma hA su kha hr-i da yaM pha ra bi d+ha na A kra ma Na hrIHtha/ oM AHhUM sarba pany+tsa a mr-i ta ni thams cad bdud rtsi ma gyur ba med pa'o// ra sA ya na ni phyir swa ya na rigs lnga yab yum sangs rgyas/ nang ra swa ya na ni phung po lnga rigs lnga'i sangs rgyas/ de gnyis kyis bskyed pa'i khams dang / skye mched sems dpa' dang / sems ma rdo rje dbyings kyi dkyil 'khor du sangs rgyas/ de lta bu'i de na rig cing rtogs dka' bas na/ ra sA ya na ta na dza ya/ hUM ni bdud rtsir ma gyur pa med pa'o// hrIHni rta mgrin/ tha ni 'di ltar snang ba thams cad bdud rtsi lnga'i rang bzhin du ma gyur pa med pa'o// yang na 'khor ba stongs pa'o// oM ni sku/ AHni gsung / hUM ni thugs/ hUM sarba pany+tsa a mr-i ta kuN+Da li na thams cad bdag la 'khyil pa'o// bdag thams cad la 'khyil pa ni/ spros pa med pa'i chos nyid byang chub sems/ rang rig pa'i ye shes rdo rje dang 'dra ba'am/ rang byung gi ye shes nam mkha' dang
- 277b
'dra ba ste// lhangs kyis rtogs pa de thams cad la 'khyil pa'o// thams cad bdag la 'khyil pa'o// phyi 'byung ba lngar sangs rgyas// nang lha dang lha mo sems dpa' dang sems mar sangs rgyas so// de kho na thams cad bdag la 'khyil pa'o// oM AHhUM sarba pany+tsa a mr-i ta ha ya grI wa hrIH/ pad+ma pad+ma hrIH/ hu lu hu lu hrIH/ b+han+d+ha b+han+na hrIH/ hUM hrIHtha/ hrIHni 'di ltar snang ba thams cad/ rta mgrin du ma gyur pa gang yang med pa'o// hu lu ni bdud dang srin po dang gnod sbyin la sogs pa ma btang zhig pa'o// b+han+d+ha ni mgo nas choms shig pa'o// hUM rang byung gi byang chub sems de kho na lhangs kyis rtogs pa'o// tha ni thams cad bdud rtsir ma gyur ba med pa'o// oM AHhUM sarba pany+tsa a mr-i ta badz+ra satwa hUM hrIHtha ni 'di ltar snang ba thams cad rdo rje sems dpar ma gyur pa gang yang med pa'o// oM AHhUM sarba pany+tsa a mr-i ta ka ma la kuN+Da li sid+d+hi sid+d+hi hUM hrIHtha ni dkyil 'khor yang yin la yul yang yin pa'i dngos grub pa'o// oM AHhUM sarba pany+tsa a mr-i ta many+dzu shi byA ba lo ki te hUM hrIHtha ni 'jam dpal te 'di ltar snang ba thams cad bdud rtsi rnam pa lngar ma gyur pa gang yang med pa'o// las de khyod la gtad kyis 'gro ba sems can gyi don mdzod cig pa'o// oM AHhUM sarba pany+tsa a mr-i ta shrI b+ha ga wAn hUM a ho ni chos nyid byang chub sems a'i rang bzhin du ma gyur pa med
- 278a
pa'o// zhes 'das pa'i sangs rgyas zhal bdun nas kyang sngags bdun bzlas so// slad kyis 'byon pa'i sangs rgyas zhal bdun nas kyang sngags gong ma bdun bzlas so// da ltar bzhugs pa'i sangs rgyas kyi zhal bdun nas kyang sngags gong ma bdun bzlas so// che mchog he ru ka ni dus gsum gyi sangs rgyas yin no// 'das pa bdun/ da ltar bdun/ slad kyis 'byon pa'i sangs rgyas bdun no// dbu nyi shu rtsa gcig gi zhal nas sngags bdun bzlas pas/ byang chub sems dpa' nye ba'i sras brgyad/ khro bo bcu/ go rI ma brgyad/ phra men ma brgyad kyi gsang sngags mang po'i skyon rnams ni 'bras bu bsgrub zag ring bar 'gyur bas/ 'bru dgu pa'i gsang sngags zhig zhu zhes chos 'khor lan bcu gsum du bskor te zhus pa 'di skad do// nam mkha'i don gyi glegs bam la// skar tshogs rig pa'i yi ge bris// 'byung chen zhi yi sgra bsgrags nas// gsangs sngags mchod pa rgyun mi 'chad// gsang sngags chos kyi 'khor lo bskor// stong gsum b+han+da bzang kong du// srid gsum sems can dug chen la// dus gsum rgyal ba'i rtsi sbyar bas// bdud rtsi'i mchod pa rgyun mi 'chad// bdud rtsi chos kyi 'khor lo bskor// 'khor ba rgya mtsho'i spyod pa la// mchod pa rgya mtsho'i gter yin te// srid pa'i rgya mtsho mtha' yas kun// kun kyang mchod pa rgyun
- 278b
mi 'chad// bzlas brjod chos kyi 'khor lo bskor// 'khor ba shes rab yum nyid la// snying rje thabs kyi rgyal po yis// 'du 'bral med par rab sbyar na// thams cad rgyal ba'i rdzas su bskyed// rnal 'byor pa yis mchod pa rgyun mi 'chad// rnal 'byor pa yis chos kyi 'khor lo bskor// 'khor ba bsgral ba'i zhing 'di dag/ ye shes 'bar ba'i mtshon chen gyis// rang bzhin med par bsgral byas nas// mnyam nyid chos sku chen por ston// sgrol ba'i mchod pa rgyun mi 'chad// sgrol ba chos kyi 'khor lo bskor// 'dod khams rmang gi ri rab la// gzugs khams bang rim khri 'phang brtan// gzugs med bum rten bum par bcas// sku gdung mchod rten rgyun mi 'chad// sku gdung chos kyi 'khor lo bskor// 'jug pa'i yan lag rmang gzhi'i rten// 'khor lo tshogs chen khri 'bang rten// yan lag dang po bum rten bcas// lcang lo cod pan phreng bas brgyan// sku gdung chos kyi 'khor lo bskor// gtsang ma'i rgyu las byas pa yis// yid 'ong rnam pa mchod pa la// rkyen gyi rnal 'byor sna tshogs kyis// brgyan te bsgrub pa'i sprin phung rnams// mnyes pa bskang phyir sku la 'bul// sri zhu'i mchod pa rgyun mi 'chad// sri zhu'i chos kyi 'khor lo bskor// phyi 'khor skyong ba'i mgon po la// 'dod yon lnga la sogs pa yi// yid bzhin yo byad rkyen dag bcas// yon
- 279a
tan cha la smon lam mchod// mnyes nas skong ba'i stabs su 'gyur// yon tan mchod pa rgyun mi 'chad// yon tan chos kyi 'khor lo bskor// khams gsum snying rje'i gnas dag na// yo byad sbyin sogs chen po las// 'dod pa'i bsam pa rab sbyar na// dgu pa bstan pas stobs su 'gyur// snying rje'i mchod pa rgyun mi 'chad// rnying rje chos kyi 'khor lo bskor// gegs su gyur pa'i bgegs rigs la// mnyam pa'i don gyis sun mi dbyung // dmigs kyi kha zas sna tshogs pas// bgegs rnams mgu nas thams cad kyang // lan chags thal ba'i 'khor lo bskor// des 'khor gyi byang chub sems dpa' dang sems ma dang / khro bo dang khro mos gsang sngags zab mo thams cad kyi bdud rtsi lnga'i yang snying / lung bdag la bstan du gsol// bde bar gshegs pas lung bdag la bstan du gsol// de skad ces gsol pa dang // che mchog he rus bka' stsal pa/ dus gsum gyi sangs rgyas dang / nga'i 'khor sems dpa' dang / sems ma dang / khro bo dang khro mo dang / dri za dang / drang srong dang / gshin rje dang / srin po dang / klu dang / rlung lha dang / gnod sbyin dang / 'byung po dang / 'gro ba rigs drug gi sems can rnams nyon cig/ oM AHhUM sarba pany+tsa a mr-i ta kuN+Da li hrIHtha/ 'di ni sangs rgyas thams cad kyi yang snying yin/ sman thams
- 279b
cad rtsa ba dang / sdong po dang / yal ga dang / snying po dang / shun lpags dang / thang chu dang / 'dab ma dang / me tog dang / 'bras bu dang / dgu po 'di la yi ge 'bru dgus sbyang ngo // de la yang sbyang lugs rnam pa gsum ste/ rgyu nas sbyang ba dang / rkyen gyis sbyang ba dang / 'bras bu nas sbyang ba'o// de la rgyu nas sbyang ba ni bcom ldan 'das gsang ba mchog gi bdag po'i zhabs kyi gdan khri yan chad nas dbu'i gtsug tor na chad du rdzogs par mthong ngo // nam mkha' stong pa ni dbu'i gtsug gtor dge ba bcu/ de yang 'khor ba 'dod pa'i khams na chags pa khrag gi rgya mtshor rdzogs/ 'khor ba gzugs khams zhing chen sa gzhi brtan par rdzogs par mthong ngo // keng rus la gzugs med pa'i khams rdzogs par mthong ngo // ri rab kyi kha mu tig gi btsal dang // asma gar+b+ha dang / nor bu rin po che 'bar ba ni/ nyan thos rang sangs rgyas dang / byang chub sems dpa' rnams sku la rdzogs par mthong ngo // nor bu rin po che'i steng na rdo rje rtse gsum dang / rtse lnga dang / rdo rje'i brag gtams pa ni/ kri ya dang / u pa ya dang / yo ga rnams rdzogs par mthong ngo // rdo rje brag chen gyi steng na pad+ma kha dog dmar por gnas pa ni/ ma hA yo ga rdzogs par mthong ngo // pad+ma'i steng na nyi ma nyi shu rtsa bzhi dang / zla ba nyi shu rtsa bzhi kha sbyar du bkod pa la/ dbang phyug pho nyi
- 280a
shu rtsa bzhi dang / mo nyi shu rtsa bzhi rdzogs par mthong ngo // dbang phyug pho mo'i steng na byol song gi gtso chen po brgyad la/ dpa' brtul stag dang mi 'jigs seng ge dang gdug pa gzig dang / gtum pa dom dang / stobs glang po che dang / brjid pa'i ma he dang / 'dzin pa'i chu srin dang / zhe sdang sbrul rnams ni rig 'dzin rnams nyon mongs dang // zhes bya'i sgrib pa sbyang ba'i phyir/ rig 'dzin rnams yongs su rdzogs par mthong ngo // gzhal yas khang chen po nam mkha'i rig 'dzin du phyogs chad par gyur pa ni// yum kun tu bzang mor rdzogs par mthong ngo // me dpung chen po dgu yongs su 'bar ba/ ye shes dgu yongs su rdzogs par mthong ngo // zhabs brgyad la gsang ba'i yum bzhi dang / sgo ma bzhi yongs su rdzogs par mthong ngo // dur khrod bco brgyad ni ma mo bco brgyad rdzogs par mthong ngo // phyag bzhi bcu rtsa gnyis ni phra men ma bcu dbyug par 'phyar ba'i lag na/ khyung bcu 'bar ba'i kha nas mtshon cha sna tshogs 'phro ba phra thabs bcu dbyug par 'phyar ba'i lag na/ seng ge kha glal ba'i kha nas ral gri brgyad 'phro ba/ sgrol byed chen po'i lag nas stag mche ba gtsigs pa'i kha nas rdo rje sna tshogs 'phro ba/ sgrol ging mo dgu'i kha nas mi mgo brgyad rdo rje lu gu rgyud kyis btags nas glad la bskor ba/ khro bo bzhi'i lag nas
- 280b
med dpung chen pos thu lum du bsregs pa/ phyag bzhi bcu rtsa gnyis su gsal lo// zhal nyi shu rtsa gcig ni sangs rgyas bzhi bcu rtsa gcig tu gsal lo// dbu nyi shu rtsa gcig g.yas kyi dbu bdun gyi spyi gtsug ni sangs rgyas kyi sku re re byung ba'i dbu la 'khor lo re re 'od zer dang bcas par 'bar ba/ dbus kyi dbu bdun la dbu rgyan sangs rgyas kyi sku re re byung ba la/ rin po che'i mchod rten re re gsal lo// g.yon pa'i dbu bdun las sangs rgyas kyi sku re re byung ba la/ nor bu rin po che bdun gsal ba/ 'khor lo dang mchod rten dang / rin po che de dag gi lte ba dang / rtse mo las rgyal mtshan chen po bcu 'bar ba ni/ rgyal byed lcags kyi rgyal mtshan dang / gdul bya sha ba'i rgyal mtshan dang / gcan gzan gzig gi rgyal mtshan dang // sprul pa rdo rje'i rgyal mtshan dang / rin po che sbrul nag gi rgyal mtshan dang / dpa' bo stag gi rgyal mtshan dang / gzi mdangs mi'i rgyal mtshan dang / dmar gsal khrag gi rgyal mtshan dang / rtsal chen seng ge'i rgyal mtshan dang / gtum pa dom gyi rgyal mtshan te de rnams kyi rtse mo gcig tu 'dus te/ gser gyi tog stong gcig tu 'bar ba'o// dbu nyi shu rtsa gcig dang / rgyal mtshan chen po bcu dang / dbu yi gtsug tor rgyal mtshan gyi tog stong ni/ rdzogs pa chen po'i rnal 'byor nyid du gsal bar mthong ngo // spyan
- 281a
'bar ba drug cu rtsa bzhi ni/ khrag 'thung drug cur gsal lo// ljags kyi dbang po la sa nu he ru ka yab yum bsgom// che mchog thugs nas b+h+rUM las gzhal yas khang / nang b+han+ta 'bar ba'i gzhal yas khang / gnam sa gnyis kyi gzhal yas su bdud rtsis khengs pa/ bdud rtsi'i rgya mtsho chen po chu bran bzhi 'bab pa/ bdud rtsi'i chu bran bzhi ni gzungs thag bzhi yin/ bzhi gcig tu 'dus pa glang po che'i kha nas 'bab pa/ glang po che'i ya rkan la rta mgrin/ ma rkan gsang ba'i yum bzhi/ yab yum thabs dang shes rab las byang chub sems dkar me re 'bab pa las/ bdud rtsi shar seng ge'i kha nas 'bab pa/ lho rta sngon gyi kha nas 'bab pa/ nub rma bya'i kha nas 'bab pa/ byang shang shang te'u'i kha nas 'bab pa/ sems can de lnga'i kha nas rigs kyi yum lnga/ de la dbus kyi gnam zhal dbu dgu phyag bco brgyad zhabs bzhi dang ldan par bsgom mo// che mchog gi zhabs brgyad kyis khro mo'i dbu brgyad mnan pa/ dbus kyi gnam gzhal gyen du bltas pa'i zhal na/ che mchog gsang ba'i rdo rje phyed nub par bsgom mo// khro mo gnam zhal gyi zhabs bzhis rigs bzhi he ru ka bzhi'i phrag dog nas mnan pa/ gnam zhal gyi gsang ba'i b+ha gar dbus badz+ra he ru ka yi smin mtshams yan chad nub par bsgom mo// che mchog gi
- 281b
lhag pa'i byang chub sems ni khro mo gnam zhal ma la thim/ gnam zhal gyi byang chub sems badz+ra he ru ka'i dbu la thim/ de'i byang sems rigs bzhi he ru ka la thim/ rigs bzhi'i byang sems ni yum la thim/ yum bzhi'i byang sems ni sems can bzhi'i kha nas chu 'bab pa la thim/ chu bo chen po byang chub sems kyi bdud rtsir gyur to// de ni rgyu nas sbyang ba'o// rkyen gyis sbyar ba ni sngags dang phyag rgyas sbyang ste/ oM AHhUM sarba pany+tsa a mr-i ta kuN+Da li hrIHtha/ oM ni 'das pa'i sangs rgyas te// oM las ye shes 'od byung zhing // oM gyi mes bsreg thal bar brlag/ da ltar bzhugs pa rnams kyis gsung // hUM ni bdud rtsi rnam par dag/ slad kyi 'byon pa'i sangs rgyas yin// sar ni sa yi snying po yin// zad pa med pa bdud rtsi'i mchog/ pa ni nam mkha'i snying po yin// thams cad bdud rtsi chen por bstan// panya ni sgrib pa rnam pa sel// bdud rtsi rnam lnga mngon sangs rgyas// tsa ni byams pa me tri yin// bdud rtsi'i las ni bag chags sreg/ a ni kun tu bzang po ste// bdud rtsi'i don ni skye shi med// mr-i ni 'jam dpal gzhon nu ste// bdud rtsi'i las ni rnam rtog sbyong // ta ni spyan ras gzigs dbang phyug/ bdud rtsi'i don ni byang chub sems// kuN+Da che mchog he ru ka/ bdud rtsi'i ngang ni mnyam pa nyid// li ni phyag na rdo rje ste// bdud rtsi
- 282a
nyid ni bag chags sbyong // hrI ni rta mchog chen po ste// bdud rtsi'i dngos grub chen po 'thob// dgu pa'i steng du oM AhUM/ hrI mnan pas ni bcu gsum mo// sngags bcu gsum po 'di 'das pa'i sangs rgyas rnams kyis kyang gsungs/ da ltar dang ma byon pas kyang gsung bar 'gyur ro// sems dpa' dang sems ma dang khro bo khro mo rnams kyis kyang gsungs so// gnas yul gyi ma mo rnams kyis kyang gsungs so// lha ma srin sde brgyad kyis kyang yang snying yig 'bru bcu gsum pa 'di gsungs so// dgu pa la yig 'bru bcu gsum pa dang / bcu gnyis hrIHrta mgrin las mkhan pa dang bcu gsum mo// bdud rtsi las rgya mtsho las/ thugs kyi bsnyen pa'i le'u ste bcu gcig pa'o// // gsang chen rigs gcig pa'i bsnyen pa'o// 'bras bu sbyang ba ni/ 'dzab dbul ba dang / thugs dbang bskur ba dang / dngos grub blang ba dang / bshags pa bya ba dang / tshogs kyi 'khor lo bskor ba dang / bar gcod kyi bgegs bskrad pa dang / smon lam gdab pa ni/ phyi ma'i 'bras bu thob phyir 'di gsungs so// bsnyen bsgrub kyi 'dzab grangs pa ni/ dang po ci mdzad ci spyod kyang // sku gsung thugs kyi dgongs pa mdzad// oM AHhUM sarba pany+tsa a mr-i ta ra sa sid+d+hi ma hA su kha hr-i da yan/ pa ra bid+ha na/ A kra ma Na hri tha/ oM ni
- 282b
sangs rgyas sku'i mchog thob pa'o// AHni sangs rgyas gsung gi lam du gyur pa'o// hUM ni sangs rgyas thugs kyi ye shes so// gnyis pa ra sA ya na khrol bu'i bsnyen pa la/ oM AHhUM sarba pany+tsa a mr-i ta ra sA ya na ta na dza ya hUM hrIHtha/ oM gyis ye shes 'od 'byung zhing // AHyis mes bsregs thal bar brlag/ hUM gi bdud rtsi nyid du zhu zhes bya'o// gsum pa rtsa ba dgu'i sngags 'byung ste/ oM AHhUM sarba pany+tsa a mr-i ta badz+ra satwa hUM hrIHtha/ oM ni sku ma skyes pa'o// AHni gsung smon pa med pa'o// hUM ni thugs mtshan ma med pa'o// bzhi pa rta mgrin dbang gi dkyil 'khor 'byung ste/ oM AHhUM sarba pany+tsa a mr-i ta ha ya grI wa hrIH/ hu lu hu lu hrIH// pad+ma pad+ma hrIH/ b+han+da b+han+d+ha hrIHtha/ oM gyis sku mchog yon tan du 'gyur ba'o// AHyis gsung mchog yongs su gyur pa'o// hUM gis thugs mchog ye shes su gyur pa'o// lnga pa la bdud rtsi bum pa'i lung bdud rtsi 'khyil pa 'byung ste/ oM AHhUM sarba pany+tsa a mr-i ta ka ma la kuN+Da li sid+d+hi sid+d+hi hUM hrIHtha/ oM ni bdud rtsi chos kyi sku las bdud rtsi'i yon tan du 'bul ba'o// A ni bdud rtsi chos kyi gsung las bdud rtsi yon tan du 'dzag pa'o// hUM ni bdud rtsi thugs las bdud rtsi ye shes su 'char ba'o// drug pa las rdo rje dbyings kyi dkyil 'khor 'byung ste/ oM AHhUM sarba pany+tsa a mr-i ta many+dzu shrI byA ba lo ki te hUM tha hrIHtha/ 'jam dpal gyi
- 283a
bdud rtsi'i gong bu las rdo rje dbyings kyi dkyil 'khor gyi lha ru bzhengs gsol bya ste/ bya ba lo ki zhes pa ni lha dang sgrub pa po kun so sor zhal 'dzum pa mdzad pa la bya'o// oM ni sku'i kun tu bzang po blta bas mchog mi shes pa'o// AHni gsung kun tu bzang po dad pas 'dun pa bskyed pa'o// hUM ni thugs kun tu bzang po bdud rtsi'i don thugs su chud pas 'chi 'pho dang 'gyur ba'i dus med pa'o// bdun pa la gsang ba mchog gi dkyil 'khor la/ oM AHhUM sarba pany+tsa a mr-i ta shrI b+ha ga wAn hUM a ho// oM ni sangs rgyas sku'i mchog tu gyur pa'o// A ni sangs rgyas gsung gi lam du gyur pa'o// hUM ni sangs rgyas thugs kyi ye shes su gyur pa'o// 'das pa'i sku mchog 'thob pa yang bdud rtsi 'di yin no// da ltar gyi gsung lam du gyur pa yang 'di yin no// ma byon pa'i thugs rig pa ye shes mdzad pa yang bdud rtsi 'di yin no// hrIHni thams cad kyi sgor zhugs pa'o// che mchog he ru ka'i dbu la dus gsum gyi sangs rgyas bdun gsum nyi shu rtsa gcig bzhugs pa'i sngags so// bdud rtsi las rgya mtsho las/ 'bras bu'i sbyang ba'i le'u ste bcu gnyis pa'o// // thugs dam bskul ba 'di skad do// oM AHhUM sarba pany+tsa a mr-i ta kuN+Da li hrIHtha/ zhes 'dzab par ma chad par drang ngo // oM las ye shes 'od byung zhing // AHyis mes bsregs thal
- 283b
bar brlag/ hUM gis bdud rtsi rnam par dag/ sarba thams cad bdud rtsir bstan// pany+tsas rnam lngar mngon sangs rgyas// a ni skye med chos kyi sku// mr-i yis dug gsum rtsa ba gcod// tas ni 'khor ba stongs par byed// oM ldan dkar la 'tsher ba'i 'phro 'du dang // AHldan dmar la dang ba'i byin brlabs kyis// hUM ldan snum la 'dril ba'i bdud rtsi pany+tsa a mr-i ta/ ma skyes kun tu bzang po yab kyi mkha'// mi dmigs kun tu bzang mo yum gyi dbyings// yab yum dbyer med pas ni byang chub sems// byang chub sems kyang rin chen gzhal yas khang // skye shi med par skyon yon rtog pa bsgral zhes bya// 'du 'bral med par rtogs na gnyis med sbyor zhes bya// bstod pa ni/ e ma ho sangs rgyas kun tu bzang // gsang chen thig le nyid la rdzogs// ma rig mun sel ye shes sgron// dpa' bo khyod la skyabs su mchi// rang byung bdud rtsi dri med 'di// sangs rgyas kun gyi bsngags pa'i mchog/ mi shes dri ma kun bcom nas// nges pa'i dbyings la 'god mdzad pa// gnyis med gus pas phyag 'tshal lo// snang mdzad rdo rje rgyal spyan dang // mi bskyod nyi ma snang mtha' yas// don yod bdud rtsi 'khyil pa la// dgyes shing gus pas phyag 'tshal lo// thams cad kun la snyoms zhugs pa// dbyings phyug yum gyi tshogs rnams la// dga' ba'i yid kyis gus phyag
- 284a
'tshal// lag na rdo rje rgyal po dang // kun bzang blo gros chen po dang // don rabs sa snying la sogs pa// rab tu gus pas phyag 'tshal lo// nam mkha'i 'jig rten dbang phyug dang // 'gro ba'i 'dzin mchog dam pa la// gnyis med gus pas phyag 'tshal lo// ngag la rang bzhin dri ma med// khu tshur 'dzin phreng dbyangs dang gar// spyod mchog dga' sdug phyag 'tshal lo// bdug pa me tog mar me dri// gzugs mchog mnyes mdzad lha mo la// mos pas btud cing phyag 'tshal lo// rig byed tshogs kyi bdag po mchog/ rdo rje srid pa 'dul mdzad pa// khro rgyal yab yum 'khor bcas la// gus pas bstod de phyag 'tshal lo// bdud rtsi las rgya mtsho las/ thugs dam bskul ba dang bstod pa'i le'u ste bcu gsum pa'o// // de nas dngos grub blang ngo // hUM mnyam nyid gdod nas ma skyes gnyis med phyir// rtsal dang stsol bar mi dmigs kyang // rig dang ma rig sgyu ma'i khyad par la// rtogs pa'i khyad par mnyam par ma gyur te// rgyal ba'i dgongs spyod dbang du ma 'dus pas// mkhyen rab ting 'dzin dngos grub stsal du gsol// chags pa'i nad kyis gdungs pa'i gcong rnying la// bdud dang srin po zhe sdang glo bur gyis// tshe srog rgyu ba'i lus la bar gcod pa// che mchog mnga' chen tsham rngams gzi byin gyis// bdud dang mu
- 284b
stegs zil gyis gnan pa'i phyir// rdzu 'phrul mthu yi dngos grub stsal du gsol// bag chags rkyen gyis bsgribs pa'i rmongs pa la// gdung ba'i bdud rtsi mnyam pa'i char phab kyang // brlan pa'i shes rab blo/ dang ma ldan par// mngon shes drug gi dngos grub stsal du gsol// rgyud drug rim gyis drang ba'i don slad du// khams gsum srid gsum ma lus bsgral ba'i phyir// bdud rtsi dngos grub bdag gi lus 'dzin na// yon tan mchog gi dngos grub stsal du gsol// hUM dregs pas myos pa'i bar snang lha bran dang // che bas 'gyengs pa'i mkha' 'gro ma mo'i tshogs// rdo rje gshog pas zil gyis gnan pa'i phyir// thogs med mkha' la 'phur ba'i dngos grub stsol// blang dor med pa'i don la thugs brtse'i phyir// so so'i blo dang ji ltar 'thad pa bzhin// mthun 'jug rtags kyis 'gro ba 'dul lags na// pra se na yi yo ga'i dngos grub stsol// dug gsum nad kyi gdungs pa'i gcong rnying la// 'tsho byed thabs kyi rgyal po'i rtsi btang nas// skye shi med pa'i dngos grub chen po de// bdud rtsi'i rdzas la brten te stsal du gsol// bdud rtsi bsgrub pa'i zhag grangs da nang tshang // bdud rtsi bsgrub pa'i 'dzab kyang da nang rdzogs// bdud rtsi bsgrub pa'i yo byad da nang bas// sku gsung thugs kyi dngos grub stsal du gsol// hUM nam mkha'i mtha' dang
- 285a
mnyam pa'i sku mnga' bas// yon tan lhun grub dngos grub stsal du gsol// cho 'phrul mthar phyin 'dren pa'i sku mnga' bas// phrin las mthar phyin thugs rje'i dngos grub stsol// ye shes thugs rje khyab pa'i sku mnga' bas// 'chi med thugs kyi dngos grub stsal du gsol// bdud rtsi las rgya mtsho las/ dngos grub blang ba'i le'u ste bcu bzhi pa'o// // de nas bshags pa bya ba dang // chos kyi 'khor lo/ bskor ba dang // bar gcod kyi bgegs bskrad pa dang / smon lam gdab pa dang / de yan chad sgrub pa rgya mtsho'i le'u'o// de nas sman gyi bum pa blang la 'di skad do// gdod nas ma skyes rnam dag chos kyi dbyings// dag dag ma dag mi rtog rtog las 'das// dus gsum gcig la skur bstan phyi shol med// dngos grub sna tshogs rlabs chen 'bar ba can// su 'dod sbyin gyis da lta nga las long // bskal par sgrib dang mun nag mun sel de// sprin mthongs nyi shar khud par dro ba bzhin// bdud rtsi rgyal po'i dbang chen 'di phyin pas// rig 'dzin gtso bo'i go 'phang thob par shog/ oM AHhUM sarba pany+tsa a mr-i ta be ro tsa na a b+hi Shiny+tsa hUM hrIHtha/ oM AHhUM sarba pany+tsa a mr-i ta a k+Sho b+h+ye a b+hi Shiny+tsa hUM hrIHtha/ oM AHhUM sarba pany+tsa a mr-i ta rat+na saM b+ha wa a b+hi Shiny+tsa hUM hrIHtha/ oM AHhUM sarba pany+tsa a mr-i ta a mi de ba a b+hi Shiny+tsa hUM hrIHtha/ AHhUM sarba pany+tsa
- 285b
a mr-i ta a mo g+ha sid+d+hi a b+hi Shiny+tsa hUM hrIHtha/ oM AHhUM sarba pany+tsa a mr-i ta bud+d+ha ma hA shrI he ru ka bud+d+ha kro d+hi shwa rI a b+hi Shiny+tsa hUM hrIHtha/ oM AHhUM sarba pany+tsa a mr-i ta badz+ra shrI he ru ka badz+ra kro d+hI shwa rI a b+hi Shiny+tsa hUM hrIHtha/ oM AHhUM sarba pany+tsa a mr-i ta rat+na shrI he ru ka rat+na kro d+hi shwa rI a b+hi Shiny+tsa hUM hrIHtha/ oM AHhUM sarba pany+tsa a mr-i ta pad+ma shrI he ru ka pad+ma kro d+hi shwa rI a b+hi Shiny+tsa hUM hrIHtha/ oM AHhUM sarba pany+tsa a mr-i ta karma shrI he ru ka karma kro d+hi shwa rI a b+hi Shiny+tsa hUM hrIHtha// zhes dbang bskur ro// tshe dang skong dang yid du 'ong // bgegs rnams zhi ba la sogs te// nad med dpal dang ci 'dod pa'i// yon tan rtsa brgyad 'dis 'thob bo// oM AHhUM swA ha/ A yuHpa la gu h+ya sid+d+hi swA hA/ tshe yi snying po rgyud gsum po// srog gi snying po gzhal yas khang // sku gsum sku ste sku la thim// gsung gsum gsung ste gsung la thim// thugs gsum thugs te thugs la thim// byang chub sems la rab tu thim// zhes brjod pas dbang bskur ro// sgrol ba rgya mtsho ji ltar bya la yang don rnam pa lnga ste/ dang po bsgral ba'i rgyu dang / bsgral ba'i dgongs pa dang / bsgral ba'i phrin las dang / thugs dam skul ba dang / zhal du bstab pa dang lnga'o// de la bsgral ba'i rgyu la rnam pa lnga ste/ gang bsgral ba dang / gang gis bsgral ba dang / gang du bsgral ba dang / don ci'i phyir bsgral ba dang / ma bsgral ba'i skyon dang
- 286a
lnga'o// gang bsgral ba la'ang glang po che dang / seng ge dang / rta dang / mi dang / rma bya dang lnga bsgral ba/ gang gi bsgral na/ thabs la mkhas pa'i skyes bu chen pos lha'i dkyil 'khor dang gnyis su med par bsgral lo// gang du bsgral na/ 'og min chos kyi dbyings kyi pho brang yum gyi mkha' ru bsgral lo// don ched ci'i phyir na/ mnar med par ltung bar nges pas/ de mtho ris su gdon pa'i ched du thugs rjes gzung la bsgral lo// ma bsgral ba'i skyon ni rdo rje theg pa'i bka' bcag cing / rnal 'byor gyi chos spyod nus pas/ rgyal khams phung ba'i skyon yod do// de la bsgral ba'i dgongs pa ni/ bdud rtsi phung po khams dang skye mched lha dang lha mo'i dkyil 'khor du gsal bar byas la/ dkyil 'khor chen por bkug la/ 'khor ba zhe bcad rgya gad byas la/ zhe sdang dbang gis dmyal bar skyes// gtso bsreg sdug bsngal bsam mi khyab// dpal chen he ru'i bka' la nyon// me chen 'bar ba'i 'obs las brgol la shog/ mtshon cha spu gri'i so la 'dzeg la shog/ phrag dog dbang gis yi dgas skyes// bkres skom sdug bsngal bsam mi khyab// dpal chen he ru'i bka' nyon la// yi dwags gnas nas bros la shog/ bkres skom gnas nas mchongs nas shog/ gti mug dbang gis byol song gnas su skyes// dpal chen he ru'i bka'
- 286b
nyon la// byol song gnas nas bros la shog/ 'o na glen gti mug gnas nas mchongs la shog/ mtho ris thar pa'i gnas yod kyis// skye shi med pa'i sa yod kyis// 'khor ba 'di la ma chags shig/ skye rga na 'chi'i sdug bsngal gtan bor la// skye ba rnam bzhi'i lus la ma chags shig/ mtho ris thar pa'i gnas su da 'deng gyis// ngan song gsum gyi gnas la ma chags shig/ ye shes lnga yi gnas su da gdeng gyis// nyon mongs dug lnga 'di la ma chags shig/ sku gsung thugs kyi sa la da gdeng gyis// lus ngag yid gsum sa la ma chags shig/ mig dbye ba dang mtshams gcad pa bya'o// raM yaM khaM/ bsreg gtor bkrus pas tshul bzhin byas la/ phung po spyod pa la yang gsum ste/ rgyu las sbyang ba dang / rkyen gyis sbyang ba dang / 'bras bur sbyang ba'o// dang por pho nyas dgug pa dang / ngan song gsum nas drang ba dang / mig dbye ba dang / bar gcod bsal ba'i phyir/ mtshams gcad pa dang / bsreg sbyang raM yaM khaM gis rgyu'i gnas sbyang ba'o// rkyen gyi sbyang ba sku gsung thugs gsum gyi gnas sbyang ba ni 'di skad do// e mcho 'phrul 'od 'phros pas// yi ge phreng ba'i tshogs byung de// yi ge yan lag ye shes las// sangs rgyas sku yi sa bon 'byung // dpag tu med pa'i rgyal po rnams// sku gsung thugs las sprul pa'i tshogs// phyag rgya sna
- 287a
tshogs mdzes par snang // de nas yi ge'i rang bzhin ni// rgyal ba'i sku nyid yin par bshad// a ni thugs kyi sa bon te// ka la sogs pa dang po lnga// mgur gyi gsang ba'i rang bzhin yin// ka kha ga g+ha nga / gnyis pa tsa la sogs pa lnga// zla gam ljags kyi rang bzhin yin// tsa tsha dza dz+ha nya/ gsum pa ta la sogs pa bcu// ljags kyi rtse mo'i rang bzhin yin// ta tha da d+ha na/ bzhi pa pa la sogs pa lnga// zhal gyi sgo nas 'byung bar bshad// pa pha ba b+ha ma// lnga pa ya la sogs pa yi// bcu tshan gnyis kyi yi ge dag/ sku las 'phros par rab tu bshad// ya ra la wa sha Sha sa ha k+Sha/ i I/ u U/ e ai/ o o// a a yod pa yin nam/ zhal gyi 'khor lo'i 'od zer las// sgrib pa sel ba'i yig 'bru ha// gsang ba mkha' yi 'od zer las// cho 'phrul 'byung ba'i yig 'bru k+Sha// sku yi khru tshad lte ba las// 'dod pa 'byung ba'i yig 'bru sa// thugs kyi dpal be'u chen po las// mtshan ma dag pa'i yig 'bru Sha// phyag gi 'khor lo'i 'od zer las// cho 'phrul ston pa'i yig 'bru sha/ skyes bu chen po'i dpung pa las// rtog pa 'joms pa'i yig 'bru la// skyes bu chen po'i lha zur las// 'dod chags sreg pa'i yig 'bru ra// skyes bu chen po'i dku skabs las// gti mug sreg pa'i yig 'bru wa// skyes bu chen po'i byin pa las// 'khor ba
- 287b
gnon pa'i yig 'bru ya// skyes bu chen po'i spyan gnyis las// rang bzhin yi ge e gnyis shar// skyes bu chen po'i snyen gnyis las// rang bzhin yi ge u gnyis shar// skyes bu chen po'i shangs gnyis las// rang bzhin yi ge oM gnyis shar// skyes bu chen po'i tshems gnyis las// rang bzhin yi ge i gnyis shar// skyes bu chen po'i snyan gnyis las// rgyal ba'i sa bon oM gnyis shar// skyes bu chen po'i yig 'bru rnams// gsung yig 'bru/ thugs phyag mtshan/ sku phyag rgya de rnams kyis gnas sbyang ngo // 'od zer chen po'i 'phro 'du yis// so sor rang re'i sgrib pa bsreg/ sgrib pa bsregs pas 'od du gyur// 'od kyang mi dmigs chos kyi dbyings// dbyings las yi ge a byung ba// a ni skyes med de bzhin nyid// Tha ni rdo rje rtse lnga pa// rnam shes rdo rje sems dpa'i sku// Ta las 'khor lo rtsibs brgyad pa// phung po rnam par snang mdzad sku// ra las rin chen zur brgyad pa// tshor ba yon tan rin chen 'byung ldan// D+ha las pad+ma 'dab brgyad de// 'du shes snang ba mtha' yas gsung // Na las ral gri 'bar ba ste// phrin las don yod grub pa'i sku// tha las kun tu bzang mo ste// 'byung ba nam mkha' sems nyid yin// ta ni sangs rgyas spyan yin te// 'byung ba dag pas sa yang yin// da ni rin chen sems ma ste// 'byung ba dag pas drod kyang
- 288a
yin// d+ha ni chos kyi sems ma yin// 'byung ba dag pas mA ma kI// na ni las kyi sems ma ste// 'byung ba dag pa dam tshig sgrol// ka ni spyan gyi myu gu ste// rnam par shes pa'i snying po yin// kha ni snyan gyi ral gri yin// rnam shes nam mkha'i snying po yin// ga ni shangs kyi pad+ma ste// rnam shes spyan ras gzigs dbang yin// g+ha ni ljags kyi rdo rje ste// rnam shes phyag na rdo rje yin// nga ni lus kyi 'du shes te// be con 'bar ba gshin rje gshed// tsa ni spyan ma yum 'gyings te// yul rnams dag pa lA s+ye ma// tsha ni snyan gyi phreng ba ste// yul rnams dag pas mar me ste// dz+nya ni shangs kyi pi wang ste// yul rnams dag pas gi rti ma// dza ni ljags kyi gar bsgyur te// yul rnams dag pas ni rti ma// nya ni yid kyi tri shUl te// yan lag g.yo ba stobs po che// pa ni ngag gi 'gugs 'dren te// rnam shes byams pa me tri yin// pha ni yid kyi snyigs ma ste// rnam shes dag pas kun tu bzang // pa ni lus kyi ral gri ste// rnam shes dag pas sgrib pa sel// b+ha ni ngag gi ut+pal te// rnam shes dag pas 'jam dpal yin// ma ni yid kyi thod dbyug ste// khros pa'i rgyal po rta mgrin dpal// ya ni d+hA pe gdug spos ma// wa ni puSh+pe me tog ma// ra ni A lo ke mar me ma// la ni gan+d+he dri chab ma// yul dus 'dus pa lha mo brgyad// oM ni bdud rtsi 'khyil pa
- 288b
ste// yan lag bzhi la khro mo bzhi// Sha ni rta pa med pa ste// sha ni chad pa med pa yin// sa ni bdag tu med pa yin// ha ni mtshan ma med pa ste// a ni kun tu bzang mo la// k+Sha ni kun tu bzang po yin// i gnyis lha dang lha min te// u gnyis mi dang byol song yin// e gnyis yi dwags dmyal ba yin// mthong yod snang grag thams cad kyang // yi ge'i tshogs su mngon sangs rgyas// yi ger ma gyur gang yang med// chos nyid snying po nyi ma la// 'od zer yig 'bru'i tshogs su 'bar// chos nyid nam mkha' lta bu la// yig 'brus lha tshogs skar bkra ltar// dus gsum rgyal ba'i dkyil 'khor rdzogs// nyi ma 'bar ba'i 'od zer la// 'od zer 'bar ba'i phyag mtshan 'bar// rdo rje'i snying po sa bon zhes// rdo rje rigs kyi zhing du grags// nyi ma'i 'od zer 'phros pa las// yig 'bru 'od kyi oM 'phros pas// de bzhin rigs kyi zhing du grags// nyi ma'i 'od zer 'bar ba las// yig 'bru 'od kyi sna 'phros pas// rin chen snying po sa bon te// rin chen rigs kyi zhing du grags// nyi ma'i 'od zer 'phros pa las// 'od zer yi ge AM du 'bar// pad+ma rigs kyi zhing du grags// sna tshogs yi ge'i 'od 'phros pas// cho 'phrul yi ge hA gsal te// sna tshogs snying po sa bon yin// las kyi rigs kyi zhing du grags// nyon mongs sems can sa bon
- 289a
te// rgyal ba'i zhing la btab byas pas// 'bras bu smin pa'i sras su 'khrungs// yi dam lha yi dpal brjid che// kun tu bzang po'i so nam byed// rdo rje sems dpa' rtse zla byed// lA s+ye dkar mos phyag tshangs byed// zhing khams kun tu ston par shog/ de nas yi ge'i tshogs a la thim/ hUM la thim yang hUM zhes brjod/ rlung gi dkyil 'khor gyis btegs nas 'og min rgyal ba yab yum gyi sbyor mtshams su 'phang pa 'di skad do// rigs drug bskyed pa'i phung po la// dpa' bo'i yi ge phra bkod pas// rnam shes hUM du bsdus nas kyang // zla ba'i dkyil 'khor steng bzhag nas// 'og min gnas mchog dam pa na// gtso bopo lnga dang gtso mo lnga// phaT kyi phrin las chen po yis// sbyar ba'i hUM du 'phangs byas pas// rgyal ba'i sras por de 'gyur ro// thugs kar thims pas sku yi dbyig/ rdo rje'i lam byung yum gyi mkha'// rgyal ba'i sras por de 'gyur ro// yongs la dbang bskur rgyal ba'i mchog/ gang la ma chags spros dang bral// spang len med pa'i dkyil 'khor du// 'du 'bral med pa'i dbang bskur ro// bdag dang sems can thams cad kyi// ston par ye shes lngas dbang bskur ro// de nas thugs dam bskang ba dang / rtog pa sbyang ba dang / phrin las rnams bya ba ni rkyen gyis sbyang pa'o// phung po de sman sgrub chen pos lus dbul te/ 'bras bu
- 289b
lnga la dbus su a ko su go zhes bya ba/ glang po che'i sha la sogs pa rmig pa kha brag gi sha bzhag la 'di skad do// glang po rin chen 'degs pa'i stobs dang ldan// bsgom pa'i sran chen yon tan brgya dang ldan// rdo rje rigs kyi thugs dam bskang ba'i phyir// gzungs ma yum gyi sha 'di shes par gyis// oM AHko su kha swA hA/ a las 'od 'phros steng khams bsreg sbyang nas/ slar sha la 'dus pas sha 'od du gyur nas med cing mi dmigs par bsam pa ni/ rdo rje rigs kyi thugs dam bskang ba'o// shar du stag dang seng ge la sogs pa sder chags thams cad kyi sha bzhag pa 'di skad do// rtsal chen gzugs bzang dgos pa lus la tshang // grags pa'i skad kyis srid gsum zil gyis gnon// yon tan brgyad ldan mthu stobs phun sum tshogs// de bzhin gshegs pa'i thugs dam bskang ba'i phyir// gzungs ma yum gyi sha 'di shes par gyis// oM pa na se a mr-i ta hUM tha/ bsgom pa gong bzhin no// mi dang shang shang te'u sogs gdong pa can gyi sha shar lhor dgod pa/ skyes bu shes rig dgos pa lus la tshang // thugs rjes bsgral ba'i dam tshig chen po 'di// bzhi brgya rtsa bzhi'i nad sel mdze rnams thub// rin chen rigs kyi thugs dam skang ba'i phyir// gzungs ma yum gyi sha 'di shes par gyis// aM smin pa a hUM/ bsgom pa gong bzhin dang / nub
- 290a
tu rta la sogs pa rmig zlum thams cad kyi sha dgod pa ni 'di skad do// dgos pa'i don ldan brtson 'grus shugs 'chang ba// pha rol phyin pa rta mchog rmig zlum ni// yon tan brgyad ldan zla rno shes rab gsal// pad+ma rigs kyi thugs dam bskang ba'i phyir// gzungs ma yum gyi sha 'di shes par gyis// oM ma hA mAM sa hUM a mr-i ta hUM tha/ byang du rgod dang khyung dang re dang glag la sogs pa gshog pa can gyi sha dgod pa 'di skad do// thogs med nam 'phang gcod cing srid pa zil gyis gnon// gshog pa rlung du bsdus pas 'dzam bu gling bzhi bskor// bzhi brgya rtsa bzhi'i nad sel byings rmugs bsal// las kyi rigs kyi thugs dam bskang ba'i phyir// gzungs ma yum gyi sha 'di shes par gyis// oM na le ge a mr-i ta hUM// dbang po gsal byed spyan lnga rnam par dag/ stong khams gsal byed rnam shes bsgral ba'i mig/ sa yi snying por thugs dam bskang ba dang // lA s+ye dkar mo dgyes pa bskyed pa'i phyir// gzungs ma yum gyi sha 'di shes par gyis// oM badz+ra tsak+Shu hUM zhes brjod pas/ mig las hUM 'phro zhing 'dus pas/ stong khams thams cad kyi spyan 'ub kyis 'dus pas/ mig gi dbang po la thim pas/ mig nyid sa'i snying po dang / lA s+ye dkar mor gyur to// k+Shi hi rA dza mA le hUM/ zhes de bzhin du brgyad ka la sbyor/ gnas pa'i sgra thos dgos pa'i
- 290b
tshig gnas pa// me sgra chu sgra rlung sgra gang yin pa// rna ba'i dbang pos rnam par shes rig skye// yon tan brgyad ldan thos pa rgya mtsho sogs// phyag na rdo rje'i thugs dam bskang ba dang // ni rti sngon mo dgyes par bskyed pa'i phyir// gzungs ma de bIs sgra 'di shes par gyis// dzi ku ru pa NA nirti hUM/ sna yi dbang pos snom pa'i dri shes nas// bsreg pa btsos dang rlangs dang du ba dang // spos dang sman dang zhal zas rlangs pa'i sna// yon tan brgyad ldan sna yi rnam shes 'di// nam mkha'i snying po'i thugs dam bskang ba dang // mA le sngon mo dgyes pa bskyed pa'i phyir// gzungs ma yum gyi sna 'di shes par gyis// trAM A gar+b+ha mA le hUM/ 'di skor zlos dang 'khrugs nyams shig 'dug kyang bsngar gzhi ma rnyed// lce yi rnam shes ro mchog brgya dang ldan// kha dang mngar dang ro mchog sgyur dang rtsub// yon tan brgya ldan lce yi rnam shes 'di// spyan ras gzigs dbang thugs dam bskang ba dang // gIrti dmar po dgyes pa bskyed pa'i phyir// gzungs ma yum gyi lce ni shes par gyis// hri pad+ma ban+d+ha ma gI rti ra go& haM/ lce brgyad pas stong gsum tsam bsdus pas zhal gyi dkyil 'khor rgyas par bsam mo// lus kyi rnam shes dro 'jam reg bsil 'di// sdug dang mdzes dang yid 'ong gzugs// yon tan brgyad ldan gzugs phung 'di// sgrib pa rnam sel thugs dam bskang ba dang // d+ha pe
- 291a
dkar mo dgyes pa bskyed pa'i phyir// gzungs ma yum gyi lus 'di shes par gyis// ol gong blang la/ oM la gong thal byed ngag gi rnam shes 'di// cig par 'gyur zhing sgra sgrogs tshangs pa'i gsung // yon tan brgya ldan ngag gi rnam shes 'di// byams pa me tri'i thugs dam bskang ba dang // puSh+pe sngon mo dgyes pa bskyed pa'i phyir// gzungs ma yum gyi ol gong shes par gyis// me d+ha ra Ni a mr-i ta hUM/ snying blang la 'di skad do// yid kyi rnam shes byang chub 'di// yod med rtag chad mtshan mar yongs mi 'dzin// yon tan brgyad ldan tsit+ta dam rdzas 'di// kun tu bzang po'i thugs dam bskang ba dang // A lo ke/ mar mo dgyes pa bskyed pa'i phyir// gzungs ma yum gyi sman 'di shes par gyis// sa rA dza a mr-i ta hUM/ srog pa rtsa blang la/ shes pa'i don 'dzin log pa'i lam yang 'gog/ nga rgyal de'u gcod don dam dbyings su sdud// yon tan brgyad ldan rin chen srog pa rtsa// 'jam dpal gzhon nu'i thugs dam bskang ba dang // gan+d+he ljang gu dgyes pa bskyed pa'i phyir// gzungs ma yum gyi srog rtsa shes par gyis// many+dzu shrI a mr-i ta hUM/ nya bzhi rtsol bzhi sgo ba yab yum du bkod de/ bsgral ba'i nya sha bcud kyi nying khu 'di// yon tan brgyad ldan spel ba'i dam rdzas 'di// sgo ba bzhi yi thugs dam bskang ba dang // gzung ma yum bzhis sman
- 291b
'di shes par gyis// ma hA sa ma a mr-i ta hUM/ mAM sa las 'od 'phros stong khams bsreg spang nas/ slar 'dus nas nya bzhi la thim pas/ nya bzhi yang mi dmigs pa 'od kyi rang bzhin du gyur pa ni/ sgo ba bzhi'i thugs dam bskang pa'o// de nas rtsos bzhi blangs la 'di skad do// rgyu mchog bsgral ba'i rdzas mchog rtsos bzhi 'di// sha yi snying po rus pa'i bcud chen 'di// yon tan brgyad ldan sgrub rdzas chen po di/ sgo ma yum bzhi'i thugs dam bskang ba'i phyir// gzungs ma yum gyi tsos bzhi shes par gyis// dzaHhUM baM hoH/ a mr-i ta hUM/ de nas rus pa'i mdud drug blang la// 'khrul mig mdog 'dzin yan lag 'bur chen drug/ gzungs kyi yon tan phun sum tshogs pa ste// thub pa drug gi thugs dam bskang ba dang // gzungs ma yum gyi rus pa shes par gyis// i u e las 'od 'phros pas stong khams bsreg spang nas// slar 'dus pas 'phags mchog 'gro drug gi sgrib pa sbyangs/ 'od du zhu nas mi dmigs pa ni thub pa drug gi thugs dam bskang ba'o// bdud rtsi las rgya mtsho las/ sgrol ba rgya mtsho le'u ste bco lnga pa'o// // de nas ga Na sbyar ba'i yum// rgyal rigs ma dang rje'u rigs ma// pad+ma can dang dung can ma// mi rtog can dang rnam lnga'o// de la sbyor ba don bya ba// gsang ba'i mchod pa 'bul ba dang // slob
- 292a
mar dbang ni bskur ba dang // bde bas sangs rgyas sgrub pa dang // 'di rnams rigs ma dag la brten// sbyong bas dag par bya ba yang // dbang bskur chos bshad min pa yin// dam tshig ma nyams bsrung bar bya// theg chen chos la gzung bar bya// yab dang yum gnyis mnyam par yang // lus kyi bskyed rim zung 'jug bsgom// ngag gis rdo rje'i bzlas pa bya// sems nyid rdzogs pa'i rim pa nyid// yab ni yum la rab brten pas// rdzogs pa'i sangs rgyas rab sgrub byed// yum yang yab la brten byas nas// yang dag sangs rgyas thob par 'dod// bsnyen pa rig ma'i gzugs dang sgra// dri sogs las ni rab brtags nas// bde ba sbar zhing sbyang par bya// sbyor ba la ni bsnyen pa de// chos gos rgyan dang rab ldan zhing / kha yi dri yang rab tu bskyed// nye ba'i bsnyen pas rab sbyor ba// dung gi phur pas dab pa dang // zangs kyi mdog gis gzung bar bya// ljags kyang rab tu brkyang byas nas// 'dod pa'i bstan bcos mtha' dag gis// bde bar rab tu bskyod byas nas// nye ba dag tu bsnyen par bya// de ni bde ba bskyed pa'o// bsgrub pa bya ba'i rim pa ni// dbyings kyi pad+ma gzhal yas khang // dbyibs ni yi ge a dang mtshungs// gzugs med skye mched mu bzhi la// gzugs khams bsam gtan oM dang
- 292b
bcas// 'dod khams rigs drug sa bon dang // bde gshegs sku gsung thugs gnas pa// mi zad rgyan gyi 'khor lo nyid// yab kyi ye shes rdo rje ni// dgos 'dod byung ba'i nor bu ste// yid bzhin rin chen bzhin du 'bar// rdo rje pad+mar rab bsrubs pas// bde ba sgrub par byed pa nyid// bsgrub pa chen po zhes bya ba// thig le byang chub sems chen no// bde dang stong pa dbyer med cing // yab yum gnyis med zung du 'jug/ dper na glang gnyis gshib pa yis// zhing gi bya ba byed pa rmod// de bzhin mthun 'gyur ye shes ni// rab dga'i tshul du skye bar 'gyur// rnam pa sna tshogs skad cig dang // rnam par smin dang rnam pa nyid// mtshan nyid dang ni bral ba'o// skad cig bzhi dang bsnyen bsgrub bzhi// dang po reg pa sra bas sa// sangs rgyas spyan gyi rtags su 'gyur// gsher ba chu ni mA ma kI// dro bas me ni gos dkar mo// yang ba rlung nyid dam tshig sgrol// nam mkha'i khams ni kun bzang ma// yum bzhi bde bas bsnyen bsgrub bzhi// spos kyi lha mo 'gugs pa dang // me tog mas ni sdom pa de// mar me gsal bar gyur nas ni// dri chab bdud rtsi rab 'thor ba// phyi yi lha mo'i bsnyen bsgrub bzhi// bde bas sgeg pas bde ba dang // mi brjed gzungs 'dzin 'di bral ma// glu len dbyangs ni mchog bde ma// gar ma lhan cig skyes pa
- 293a
nyid// nang gi lha mo'i bsnyen bsgrub bzhi// thig le g.yo dang 'byung ba dang // 'bebs dang brtan por drod 'byung bas// rus sbal 'gros dang rnam par grol// mkhas pa'i man ngag bla mas ster// mi mkhas chu dang bsdod sogs pas// dbab dang gzung dang zlog pa dang // lus la khyab par dgram pa rnams// rnal 'byor sbyor ma goms pa yis// 'og klu dag la brten nas ni// gsang ba'i sems lnga skye bar 'gyur// g.yo ldang gnas 'jug rdzogs par byed// sems lnga brten pa'i rnal 'byor pas// sbyor ba 'di ni brtsam par bya// gsang ba'i mchod pa 'bul 'dod na// b+ha ga la ni ling+ga gzhag/ mchod pa'i lha mo spro ba'am// thig le khu bas mkha' bkang nas// rgyal srid rin chen sna bdun sogs// yang na bkra shis rdzas brgyad sogs// bde gshegs mchod pa mang po rnams// nam mkha'i khams kun gang bar mchod// las kyi sbyin sreg bya ba yang // gsang ba'i sems dang rab ldan pas// b+ha ga zlum po sna tshogs mdud// byang sems zhi ba gti mug rgyun// gru bzhi phyi yi khyams nang du// dga' ba'i sems kyi thig le 'bar// thig le'i mdog kyang gser du snang // skye gnas zla gam chen po ru// chags pa'i sems kyi rab sbyar nas// thig le pad+ma rA ga'i mdangs// khA kha mu kha bya rog gdong // khros pa'i sems kyi rab
- 293b
sbyar na// thig le mthing nag khro bo'i tshogs// drag pos thas cad bsgral bar bya// 'dis ni las bzhi yum gyi mkha'// lhun gyi grub par rab tu gnas// mnan dad zlog pa yum gyis bsgrub// phrin las bzhi dang mnan zlog nyid// dug gi las rnams lhun gyis grub// slob ma rnams la dbang bskur na// rtsa gnas dkyil 'khor chen po ru// thig le khams kyi bdud rtsi nyid// yi ge sngags kyi snying po bzlas// snying po rlung gis rab bskul nas// mtshungs rgyu slob ma nyid la gnas// mtshungs rgyu rang la mi gnas na// pra sran 'bras su yongs mi 'gyur// bde ba'i ye shes rol mo ni// lte lkog yi ge k+Sha gnas pa// srin po rA tra'i sa bon gyis/ khams kyi bdud rtsi zhu byas nas// 'bar zhing rab tu 'dzag pa ni// dper na mar gyi thigs pa yis// mar me gso ba lta bur 'gyur// bla ma yab yum rol pa yi// thig le khu ba chen po ni// slob ma'i lce la rab gzhag nas// gsang ba'i dbang mchog sbyin par bya// 'di yang skabs kyi nyan dang 'chad// bsgom bsgrub phrin las bya ba dang // rdo rje rgyal por dbang bskur na// gsang dbang 'di la rab brten nas// nus pa'i dbang lnga thob par 'gyur// de nas shes rab ye shes dbang // yab yum bde ba'i rol pa bzhi// spyi bo bde chen 'khor lo ni// dkyil 'khor sum bcu rtsa gnyis nas// 'bab pa'i thig le bde
- 294a
ba yin// mgrin pa longs spyod dkyil 'khor nas// bcu drug bdud rtsi'i rgun yang 'dzag/ snying ga chos kyi dkyil 'khor nas// brgyad pa'i dkyil 'khor rab tu rdzogs// lte ba sprul pa'i dkyil 'khor nas// drug cu rtsa bzhi'i thig le 'dzag par gyur// bde ba dang ni mchog tu bde// bral ba'i bde ba lhan cig skyes// bde ba bzhi yi gdams ngag ni// yab yum slob ma gnyis la gtad// yid ni nang du brtan par gzung // rang rdzas thig le phyir thon nas// sangs rgyas byang chub sems dpa' mchod// rang yang dngos grub rab blang bya// de ni bde ba chen po yi// dbang yang rab tu bskur bya na// g.yas kyi ro ma nyi ma me// g.yon gyi rkyang ma zla ba chu// dbus kyi kun 'dar gzung 'dzin spang // srog shing rnam pa 'di gsum yang // rdo rje rba brlabs lam bzhis bya// gzung ba 'dzin pa'i rba brlabs dang // gzung 'dzin spangs pa'i rba brlabs gsum// sangs rgyas byang chub bsgrub byed pas// gnas nas spro zhing gnas su bstim// sangs rgyas go 'phang thob par 'gyur// bdud rtsi las rgya mtsho las/ sbyor ba rgya mtsho ji ltar sbyar ba'i le'u ste bcu drug pa'o// // de nas kun tu bzang po la rdo rje sems dpas gsol pa/ lta ba rgya mtsho ji ltar blta// 'bras bu sangs rgyas ji ltar rgya// kun tu bzang pos bka' stsal pa// lta ba rgya mtsho
- 294b
'di ltar ltos// 'bras bu sangs rgyas 'di ltar rgyas// bdud rtsi'i las ni khyod la gtad// lta ba man ngag gi le'u 'di bshad// phung po khams dang skye mched dag/ ye nas sangs rgyas yin pa'i phyir// kun rdzob tsam gyis mtshan ma ru// chos sku mtshan mar rgya ba de// ye shes rang gnas rol pa yin// phyi nang snod bcud ma lus kyang // kun tu bzang po dbyings kyi rgyan// kun bzang yab yum rol pa las// phyi nang ma lus sangs rgyas so// mtha' la thug pa med pas dbyings la bri ba med// dbyings la 'gyur ba med pas chos skur 'gyur ba med// don dam dbyings su rtogs pas bltas dgu de ltar gsal// thams cad sems su rtogs pas gang bsgrub lhun gyis 'grub// rnam rtog ming yang med pas gang bsgral gcig mi blta// thabs mkhas rol pa yin pas 'khor ba'i skyon ma gos// thugs rje byang chub yin pas thar pa bde/ chen thob// kun gyi bdud rtsi yin pas lha rnams rang bzhin 'khol// bde chen rgyal po yin pas 'khor ba'i rje bo yin// thabs mkhas bdag las byung ba kun gyi bdag po yin// nga rgyal gdeng du che bas 'gro drug thabs kyi 'dul// thug chom 'brug sgras khams gsum yongs su ldir// thugs rje byams ldan nyi ma'i 'od bzhin 'char// mi rtog gnyen pos thabs kyi rgyal po byung // 'khor ba'i gnyen por rang byung sangs
- 295a
rgyas te// bdag dang sems can thams cad chos skur gcig/ rnam rtog thams cad gnyen por don rtogs na// lha dang 'du 'bral bya ba gzhan na med// 'khor ba mya ngan 'das pa'i don rtogs na// dgra bgegs bsgral zhing tshar gcad bya mi dgos// ye 'byams ya mtshan klong gi dbang rdzogs na// nga rgyal rtags kyi phyag rgyas bsgrub mi dgos// phrin las bya btsal spyod pa ye 'das na// bsgom bsgrub dkyil 'khor bya ba'i ming yang med// 'di ltar man ngag rtogs pa'i gdeng gyur na// bsgrub na'ang skyon med ma bsgrubs btsal ba med// bsam du med pa chos sku nam mkha' 'dra// bsgom du med de rang byung klong nas shar// bde 'byams dbyings phyug yum gyi rgyal mo yin// ma 'gags ci bder yan bkyes yab kyi mkha'// sems la gang yang mi rtog rang byung sku// thabs nyid ma 'gags rang byung ma bcos sku// don la gang yang mi rtog chos kyi sku// chos kyi sku la skye 'chi g.yos pa med// 'pho 'gyur med pa'i klong la btsal zhing bsgrub pa med// ye shes byang chub sems su bdag rtog na// 'du 'dzi byis pa'i rtse mo ci/ zhig bya// mi 'da' klong gi dam tshig bsrung med na// bde sdug 'khor ba mya ngan ci la spyad// thabs mkhas rol pa'i ting 'dzin shar ba la// phung po che chad bsgom bsgrub ci la spyad// phyi nang snod bcud thig ler
- 295b
sangs rgyas na// gzhan nas sgrol zhing smon pa gcig kyang med// bdud rtsi las rgya mtsho las/ lta ba rgya mtsho'i le'u ste bcu bdun pa'o// // 'bras bu ji ltar sangs rgyas pa 'di skad do// snod kyi 'jig rten mas bkab yum gyi dbyings// bcud kyi 'jig rten yas bkab yab kyi mkha'// yab yum mkha' dbyings ye shes rol pa las// bde chen byang chub sems su sangs rgyas so// phung po khams dang skye mched ma lus pa// lha dang lha mo'i dkyil 'khor ye nas yin// yin pa'i don la rig pa gsal bkod nas// bde chen byang chub sems su sangs rgyas so// sems dang ye shes dbyer med don gcig pas// sems kyi ye shes sems kyis kun rtogs na// bde chen byang chub sems su sangs rgyas so// 'khor ba'i rgyu nyid thar pa'i lam gyi skas// sdug bsngal rgyu gnyis chos nyid byang chub sems// ma spang lhun gyis grub par don rtogs na// bde chen byang chub sems su sangs rgyas so// chos nyid kun tu bzang mo'i rig pa la// 'khor ba dang ni mya ngan 'das par mnyam// sangs rgyas sems can sems nyid gcig tu mnyam// rtogs dang ma rtogs sgyu ma'i ngang du mnyam// rig dang ma rig chos kyi sku ru mnyam// mnyam pa'i rgyal po'i don la ma yengs na// bde chen byang chub sems su sangs rgyas so// nyon mongs sdug bsngal ye shes lnga ru
- 296a
snang // 'byung ba lnga po chos kyi dbyings su mnyam// dbyings dang ye shes 'brel pa'i don rig na// bde chen byang chub sems su sangs rgyas so// ye shes lha dang ma mo mkha' 'gro dang // pho nya la sogs mang po'i don brjod kyang // bdag gi byin brlabs mang por snang ba las// gzhan nas grub cing 'byung ba ci yang med// bdag snang bdag 'khor kun tu bdag yin te// bdag nyid g.yos na phyi nang snod bcud g.yos// kun gyi che btsan 'gran gyi do med pas// yongs kyi thog med bde 'byam rgyal po la// bde chen byang chub sems su sangs rgyas so// bdud rtsi las rgya mtsho las/ ye nas 'bras bu sangs rgyas yin pa'i le'u ste bco brgyad pa'o// // de nas kun tu bzang pos rdo rje sems dpa' la rgyud yongs su gzung bar gtad pa 'di skad do// gsang thub bka' rten nges pa dang // bden par smra zhing yid mi 'gyur// des ni rgyud ni yongs su gzung bar bya'o// brtan zhing shugs 'chang brtson 'grus che// drang zhing sems 'jam g.yo sgyu med// des ni rgyud 'di gzung bar bya'o// mdzangs shing shes pa gsal ba dang // brtags shing bya ba ma nor ba// des ni rgyud 'di gzung bar bya// zungs thub rtag thub khong yongs shing // le lo bar chad skyon bsal ba// des ni rgyud 'di gzung bar bya'o// spyod pa thogs chags med pa
- 296b
dang // dam tshig spang len med par bsrung // des ni rgyud 'di gzung bar bya// nyan cing sgrub la brtson pa dang // 'du 'dzi dbang du mi gtang ba// des ni rgyud 'di gzung bar bya'o// rang shing nor thub zo thub pas// yongs la mi gnod tshul bsrung bas// rgyud 'di yongs su gzung bar bya// lung med rkyang bar mi gtong zhing // slob dpon rig pa'i gting bru ba// des ni rgyud 'di gzung bar bya'o// rang shes mu cor mi byed cing // brtags shing las rnams brtson byed pa// rgyud 'di yongs su gzung bar bya// rtag par sman dang mi 'bral zhing // rdzas dang lag cha gsang thogs pas// rgyud 'di yongs su gzung bar bya'o// dad pas skyo nga la mi byed cing // skyo rkyen tshor bas mi byed pas// rgyud 'di yongs su gzung bar bya'o// dbang bskur gnang ba lnga thob cing // go rtogs shes pa phyogs 'byams pas// rgyud 'di yongs su gzung bar bya'o// brtag na bla ma'i lung yod la// bsnyen na nus pa'i mthu yod pas// des ni rgud 'di gzung bar bya'o// bdud rtsi las rgya mtsho las/ rgud yongs su gzung bar bya ba'i le'u ste bcu dgu pa'o// // ston pa kun tu bzang po la gsol pa/ snod dang mi ldan pas gzung du mi rung lags sam zhes gsol pas/ kun tu bzang pos bka' stsal pa/ snod dang mi ldan pas man ngag snang 'tshong byed
- 297a
pa dang / chos dpe 'tshong bar byed pa dang / man ngag zang thal du smra ba dang / lta ba la gdeng med pa dang / spyod pas ma zin pa dang / sgrub pa'i gzhung ma tshugs pa dang / zo co dang / ra bo sha byed pa dang / rang chen dang / nga bo dang / ngoms skyen byed pas rgyun 'di bcangs kyang seng ge'i 'o ma dang 'dra ste/ bdag phung gzhan brlag/ snying 'gas/ mdze dang nad kyi bskal pa 'byung / 'bras bu mnar med par skye ba'o// de bas gsang ste/ sems kyi gter du sbas te/ dkyil 'khor gsum gyi thig ler gcig tu la bzla'o// bdud rtsi las rgya mtsho las/ snod min la gsang ba'i le'u ste nyi shu pa'o// // bdud rtsilas rgya mtsho'i rgyud ces bya ba rdzogs so// // rgya gar gyi paN+Di ta bi ma la mi tra dang bod kyi lo tsA ba gcags dz+nyA na ku ma ras bskur ba'o// zung 'di yang dpe gcig pa las bsngas gzhi sa cad//
- 297b
rgya gar skad du sarba pany+tsa a mr-i ta b+hA ba ma hA sid+d+hi u pa hr-i da yot+ta ma// bod skad du/ thams cad bdud rtsi lnga'i rang bzhin dngos grub chen po nye ba'i snying po'i mchog/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po/ kun rig chos kyi rje dpal chen po shrI he ru ka s+thi ra ma ti de gsang ba mchog gi dkyil 'khor na/ rigs lnga'i 'khor tshogs rgya mtsho dang bcas pa dang / lha dang klu dang mi'i rig 'dzin rnams dang thabs cig tu bzhugs te/ nyan thos dang / byang chub sems dpa'i dge 'dun ni ming yang mi grag pa'i nang du/ gsang sngags kyi snying po// bdud rtsi'i mchog bcud du bya ba'i lta ba dang / man ngag bsgom pa dang / bsgrub pa dam tshig rnams bsdus te gsungs so// dngos grub chen po nye ba'i snying po'i rgyud las/ gling gzhi'i le'u ste dang po'o// // de nas byang chub sems dpa' phyag na rdo rje dang / 'jam dpal gzhon nus bcom ldan 'das dpal kun tu bzang po la phyag 'tshal nas/ gsang sngags snying po lta ba'i don// bla na med pa bstan du gsol// de skad ces ni gsol pa dang // bcom ldan 'das ni kun bzang gis// lta ba rgya mtsho'i nang nas kyang // gsang sngags gsang ba'i snying po gcig/ lta ba bla na med pa
- 298a
bstan// brgyad khri bzhi stong bsam yas kyang // sde snod gsum dang theg pa dgu// rdzogs chen a ti yo gar 'dus// a ti yo ga'i lta ba ni// lta ba kun dang bral ba yi// yang dag don la lta ba de// kun bral ci yang ma spangs pa// rdzogs pa chen po'i lta ba yin// snang dang srid pas bsdus pa dang // 'byung ba lnga la sogs pa kun// nam mkha' bzhin te kun la khyab// nam mkha' ye nas 'gyur ba med// dus gsum sangs rgyas thams cad dang // mtha' yas sems can ma lus kun// sems su 'dus shing sems su khyab// sems la ye nas skye shi med// phyi nang snod bcud ma lus dang // mtshan mar snang ba thams cad kun// chos kyi dbyings su 'dus shing khyab// dbyings las 'gyur ba ye nas med// dbang po spyod yul gyur pa dang // gzugs su snang ba thams cad kun// ye shes sku yi phyag rgyar snang // sku ni ye nas skye 'jig med// sems can skad dang skra la sogs// bde gshegs ma lus gsung dag kyang // bya bas ma bsgrubs rang byung gsung // gsung la mtshan ma ye nas med// sems can 'khrul pa'i blo dag kyang // rig pa rnyed pa'i bde gshegs kun// byang chub sems su ro gcig pas// sems la ye nas smod du med// sku dang rgyan dang 'khor lo yang // lung chen zab mo'i nang na gsal// rigs bzhi'i nang du
- 298b
'khor ba yang // ye nas sangs rgyas de las med// med ces bya ba stong pa las// stong pa nyid du rnam dag pa// chos kyi sku zhes de la bya// de la gzung zhig gdags su med// byang chub sems 'di kun tu dag/ rdzogs pa'i ye shes bde chen nyid// ma lus mtha' dag nyid kyi rgya// ye nas byar med bya mi dgos// dngos grub chen po nye ba'i snying po rgyud las/ lta ba rgya mtsho'i le'u ste gnyis pa'o// // de nas yang byang chub sems dpa' phyag na rdo rje dang 'jam dpal gzhon nus bcom ldan 'das kun rig chos kyi rje la phyag btsal nas/ gsang sngags snying po man ngag don// bla na med pa bstan du gsol// de skad ces ni gsol pa dang // bcom ldan kun rig chos kyi rje// man ngag rgya mtsho'i nang nas kyang // gsang sngags gsang ba'i man ngag gcig/ man ngag bla na med pa bstan// sems nyid sangs rgyas yin pa la// sangs rgyas gzhan nas btsal du med// sangs rgyas ye nas ma byung bas// dus gsum rtag tu 'gyur ba med// sems nyid gdod nas ma byung bas// dus gsum rtag tu 'gyur ba med// sems nyid rgyu las ma skyes pas// 'byung ba lnga la rag ma lus// sems nyid mngon du mi snang bas// dngos po kun gyi don dang bral// sems la mtha' dbus med pa yis// phyogs dang ris su gdags pa med// sems la kha dog ma gyur
- 299a
pas// tshig tu gdags pa'i rten dang bral// sems la mun pas mi bsgrib pas// ye nas snang ba rang la gnas// sems kyi rig pa'i spyan yin pas// thams cad ma gzigs gcig kyang med// sems nyid nam mkha'i rang bzhin las// phyi nang snod bcud kun la khyab// sems nyid ye nas sangs rgyas pas// thams cad kun gyi ston pa yin// snying po rig pa'i snying po bas// 'khor ba'i nad kyi sman du che// sems nyid b+ha ga'i klong yangs pas// thams cad 'byung ba'i skyed mos tshal// sems la skyon gyis ma gos pas// rig pa kun gzhi'i gnas su dag/ sems la skye shi med pa yi// chos sku mi 'gyur rdo rje'i sku// de phyir nor bu rin po che// bcang bar bde la 'khur bar yang // sba bar sla la dkor du che// sems las man ngag rgya mtsho 'byung // thams cad ma lus sems yin te// sems la snang zhing sems kyis byas// sems la dngos po med pa las// sems su gsal zhing sems su shes// de phyir gnyis med shes pa gces// gnyis med shes pa klong gyur na// bdud rtsi zhes ni de la bya'o// dngos grub chen po nye/ ba'i snying po'i rgyud las/ man ngag rgya mtsho'i le'u ste gsum pa'o// // de nas byang chub sems dpa' phyag na rdo rje dang / 'jam dpal gzhon nus bcom ldan 'das bde ba chen po la phyag btsal nas/
- 299b
gsang sngags snying po bde ba'i don// bla na med pa bstan du gsol// de skad ces ni gsol pa dang // bcom ldan 'das ni bde chen pos// bsgom pa rgya mtsho'i nang nas kyang // gsang sngags gsang ba'i bsgom pa gcig/ bsgom pa bla na med pa bstan// bsgom pa bsam gyis mi khyab grangs las 'das// bsam gtan byang chub don la gang 'jug pa// bsgom mo snyam pa'i nad kyis zin ta re// ston pas bstan pa'i lung la mtha' dpyod pa// mtshan ma'i rnam rtog dran du gyur ta re// bde gshegs yul ni tshig gi mtshon du med// sangs rgyas yul du bltas pa 'khrul pa'i lam// bsgom du med pa'i lta ba la// yengs pa med pa'i blo gcig gzhag/ snang ba med pa'i chos nyid la// ma btsal bzhag na bsgom pa yin// de dang der ni rnam btsal na// de las de bzhin mi 'byung ste// skye ba med pa'i dbyings nyid la// 'chi ba med pa'i blo gzhag pa// 'du 'bral med pa'i rang bzhin la// btang snyoms chen po'i blo gzhag ste// chags sdang med pa'i bde byams pa// spang len med pa'i shes rab gzhag/ gzhi rtsa med pa'i blo yangs su// khyab brdal po'i ye shes gzhag/ ye nas rang byung chen po la// brjed pa med pa'i ting 'dzin gzhag/ thogs pa med pa'i dbyings nyid la// dmigs pa med pa'i don gcig gzhag/ yul du snang ba yum gyi klong // rig
- 300a
par snang ba yab kyi mkha'// mkha' klong gnyis su thams cad chub// de la dpe yis mtshon du med// de la tshig gis mtshon du med// de phyir dus gsum sangs rgyas kyis// btsal yang rgyal bas mi rnyed de// bde gshegs kun gyis gzigs pa dkon// dngos grub nye ba'i snying po'i rgyud las/ bsgom pa rgya mtsho'i le'u ste bzhi pa'o// // de nas byang chub sems dpa' phyag na rdo rje dang 'jam dpal gzhon nus bcom ldan 'das dpal he ru ka la phyag btsal nas/ gsang sngags snying po bsgrub pa'i don// dngos grub shin tu nye ba'i thabs// tshig don gsal bar bya ba dang // ma nor rim pa bstan du gsol// de skad ces ni gsol pa dang // bcom ldan 'das dpal he ru kas// bsgrub pa rgya mtsho'i nang nas kyang // dngos grub shin tu nye ba'i thabs// rim par sbyar te bshad par bya'o// snang srid thams cad chos sku thig le'i ngang // snod bcud ma lus bdud rtsir gnas bzhin du// 'gro ba'i rnam par rtog pa'i bag chags kyis// bskal pa rgya mtshor 'khor zhing 'khyams pa rnams// yang dag nges pa'i don la gzud pa dang // theg chen byang chub don la dgod pa'i phyir// dus gsum bde gshegs rgyal ba rgya mtsho las// ra swa ya na'i rig 'dzin srung ma rnams// gnyis med byang chub sems la gcig pa'i phyir// gsang mchog
- 300b
bdud rtsi chen po'i sgrub thabs bshad// dang po dngos grub bsgrub pa'i gzhi// bla ma dbang thob gdeng ldan la// dbang dang dam tshig tshul bzhin blang // tshul rig goms pa'i rnal 'byor pas// phun sum tshogs pa lnga ldan pas// bsod nams tshogs ni ci nus bsags// mgron rnams rim par mchod pa dang // mgon po gnas pa'i rten gzhi la// mchod de phyi mtshams bsrung bar bcol// de nas phyi rol 'dom gang du/ ya ma dam sri bkug la mnan// sgo la chos kyi rgyal po bri// mchod de bar mtshams bsrung bar bcol// dur khrod bdag po ma traM ni// thal ba dag las gzugs byas la// bdag nyid che mchog smug nag 'bar// bzhi bcu rtsa gnyis phyag mtshan nas// phra men 'bar ba gsal ba yi// dur khrod bdag po bkug nas bsad// sbar dang gzhal yas khang sgo bsrung // ci rigs pa yi phrin las bya// yid 'ong gnas su de dmigs la// byin brlab mtshams gcad bsre bsnan bya/ dngos grub chen po nye ba'i snying po'i rgyud las/ bsgrub pa la 'jug pa'i le'u ste lnga pa'o// // de nas yang dag bshad bya ste// dkyil 'khor 'dom gang gru bzhi la// bdud rtsi lnga yi skyang nul bya// bdag dang gsang yum shes rab mas// thig gi cho ga brtsam pa ni// maN+Dal brgyad pa'i thig tu gdab/ ye shes lnga yi tshon gyis dgab// rang byung gdod
- 301a
nas dag pa yi// rtsa brgyad stong las sbyar ba'i sman// ra sA ya na la sogs rdzas// rigs lnga dam tshig lnga yi dngos// ye shes lnga rdzogs grub pa'i rdzas// snod dang bcud du bcas pa rnams// dkyil 'khor chen po'i gnas su dgod// snang ba chen po shar bar dgram// dkyil 'khor rgyan rdzas khrims pa dang // rnal 'byor pho mor rtags btab ste// so so'i gral la 'khod nas ni// bsgrub pa tshul bzhin bya ba la// khrol bu btag btsag phye ma dang // gong bu lde gu skyo ma dang // ril bu byas te mtha' ru dbyung // dngos grub chen po nye ba'i snying po'i rgyud las/ bsgrub pa tshul bzhin du bya ba'i le'u ste drug pa'o// // de nas yang dag bshad bya ba// ra sA ya na ta na dza ya la// drang srong tshe yi sgrub lugs 'di// mkhas pas rig pa rdzogs pa dang // phyag rgya bzhi ldan bdud bzhi bcom// dug gsum gsad de g.yang sa bcad// tshe la dbang ba'i rnal 'byor de// lam lnga sa bcu mthar dbyung phyir// phyi nang sman rdzas bsags shing dbye// dngos grub rdzas kyi dkyil 'khor du// rnal 'byor dbang phyug chen po yis// dam pa de nyid gsang chen gyi// rigs brgya rigs lnga rigs gcig gis// rgyud drug sems can kun sgrol phyir// sbyang ba dam pa mchog tu bya// sbyor sgrol don rtogs mchod pa yis// rgyal ba mnyes pa mchog tu
- 301b
bya// kun gyis mthun par bsgom bya ba// de bzhin nyid dang kun tu snang // rgyu yi ting 'dzin 'bras bu las// 'byung lnga gzhal yas gdan steng du// zhi ba'i dus su rdo rje sems// bzhi bcu rtsa gnyis dkyil 'khor bskyed// ye shes dkyil 'khor spyan drang mchod// tshangs dang drang srong la sogs rnams// spyan drang rtog pa bzlog byas te// rol mo glu dbyangs mang pos bstim// sman rnams lha ru mos bskyed nas// 'od zer 'phro 'du'i sbyor ba dang // ra sA ya na'i sngags kyi sbyangs// rim gyis dkyil 'khor bsdus nas ni// de nyid rigs lnga'i dkyil 'khor gsal// dpa' bo 'bru lnga'i sngags kyis sbyangs// ye shes dkyil 'khor dbab bya ste// rta mgrin phyag rgya bcings nas ni// rdo rje sems dpa' nyid du bsdu// rdo rje sems dpa'i sngags kyis sbyangs// sbyor ba'i cho ga brtsam par bya// lha mo bcu drug bsnyen pas sbyar// de ltar khrol bu 'byongs pa dang // dbang dang dngos grub bsdu bar bya'o// dngos grub chen po nye ba'i snying po'i rgyud las/ sman khrol bu bsgrub pa'i le'u ste bdun pa'o// // de nas yang dag bshad bya ste// dkyil 'khor chen po'i shar phyogs su// rnal 'byor pho mo mtshan mas gdab// mtshams ni drag tu gcad par bya// thabs dang shes rab zung ya bzhi// 'bar ba'i dkyil 'khor gsal bya ba// che mchog phyag mang bsnams pa
- 302a
ni// bzhi bcu rtsa gnyis lha rnams gsal// khro bo yab yum 'khor dang bcas// gtan gtun thabs dang shes rab gnas// sman rnams ha na'i sngags kyis btab// lho yi phyogs su btsag bya ste// phye ma dar tshags nang nas dbyung // ho sa ma ya'i sngags kyis btsag/ phye ma'i mchog tu gyur pa dang // gsang ba mchog gi dkyil 'khor bri// khro bdag badz+ra he ru ka/ lnga bcu rtsa brgyad dkyil 'khor gsal// yi ge dgu yi sngags kyis sbyang // 'bras bu lnga bsgral bdud rtsi dang // nub kyi phyogs su sbal bya ste// bkra shis yum gyis dbyangs blangs nas// mu sa la yi sngags kyis sbal// las bzhi'i hom bya med par sbyar/ ye shes bdud rtsi dbab bya zhing // 'jig rten bdud rtsi bsdu byas la// b+han+d+ha kha sbyar nang du gzhug/ rta mgrin rgyas gdab dar gyis gril// bdud rtsi gong bur byas nas ni// maN+Dal bdun par mnga' gsol te// byin brlabs dbang bskur brtan byas la// rdo rje'i gzungs thag skyed la gdags// glu dang gar gyis dga' ba bskyed// dngos grub chen po nye ba'i snying po'i rgyud las/ sman btag btsag phye ma gong bu'i le'u ste brgyad pa'o// // de nas yang dag bshad bya ste// bsgrub mchog shar du kha bltas la// zla gam dmar po rtsibs brgyad la// bdud rtsi'i gong bu la dmigs nas// de bzhin kun snang rgya
- 302b
las ni// sems kyi dkyil 'khor chags gyur te// lha brgyad gdan la he ru ka/ khro bdag chen po'i lus gzugs te// dgu dgu phyag kyang bco brgyad la// gsang ba'i yum yang yab dang mthun// gnyis su med pa'i byang sems la// sprul pa khro bo'i tshogs byung ste// 'jig rten dregs pa btul nas ni// slar 'dus phyogs bcu khro bor gyur// de steng rigs lnga he ru ka/ de steng khro mo gnam zhal ma// gsang ba'i mkha' la dngos grub rdzas// rta mchog gsang ba'i yum dang bcas// khro mo'i steng du he ru ka/ dbu dgu phyag kyang bco brgyad de// zhabs kyang rnam pa brgyad du bgrad// dbu ma'i ljags steng ye shes sems// dang po rdo rje dung chen dkrug/ g.yas 'og sems dpa' brgyad gsal te// g.yon 'og na yang sems ma brgyad// ting 'dzin de ltar gsal ba dang // ye shes dkyil 'khor spyan drangs te// mchod pa la sogs ci rigs bya// phyag rgya chen po bzhi dang ldan// 'jigs pa'i bdud bzhi chom pa dang // gsang ba'i dgra gsum gsod pa yi// dkyil 'khor bdun dang sbyor ba brgyad// rdo rje pad+ma ga pur ldan// mkha' la sems phebs 'phros pa'i tshe// byang chub 'khor ba mya ngan 'das// dzi b+hu na dA'i gser ltar bstim// oM AHhUM sarba pany+tsa a mr-i ta hUM hrIHtha/ gu h+ya lag gi phyag rgya yis// gzhung bzhin brtan nas 'phro 'du bya// ga bu dgu ru 'phro
- 303a
'du yis// 'gro drug g.yang sa gcod pa dang // mdzad pa bcu gnyis mtha' ru dbyung // stong tshigs mchod bstod bskul dbyangs dang // bskang bshags mtshams las drag po yis// bar chad byed pa'i mnyam len zlog/ sbyor sgrol mchod par bar mi gcad// bying rgod g.yeng ba'i dbang mi gtang // nan tan gyis ni brtson 'grus bya// rol mo glu bro mang po yis// sman gyi rig 'dzin srung ma bsku la// phrin las bcol zhing byin brlab bya// rtags chen bdun po byung ba na// bdud rtsi dbab cing bskyil bar bya// ha ya grI bas rtag tu bsrung // dngos grub chen po thob bya'i phyir// 'dus pa'i rnal 'byor ma lus kyis// dad pa'i sems kyis yon phul nas// dngos grub thob phyir gsol ba gdab// bdud rtsi'i pho brang chen po ni// bla ma'i phyag tu bzhes nas ni// skul tshig dbyangs dang ldan pa yis// phyi nang gsang dbang rim par bskur// dngos grub chen po nye ba'i snying po'i rgyud las/ bdud rtsi gong bu gcig pa sgrub pa'i le'u ste dgu pa'o// // de nas yang dag bshad bya ste// bdud rtsi rgya dgrol phye mar gzhi ba// bkra shis mtshan ldan ka pA la// gcig tu dpa' bo'i ro rnams dang // gnyis su med par mnyam sbyar nas// mtshams gcad dkyil 'khor rdzogs bskyed de// ye shes dkyil 'khor spyan drang mchod// dngos grub
- 303b
'dod par gsol ba gdab// stong tshigs dbul bcas 'dzab bzlas te// mchod de mtshams gcad dngos grub blang // dngos grub chen po nye ba'i snying po'i rgyud las/ bdud rtsi skyo ma sgrub pa'i le'u ste bcu pa'o// // de nas yang dag bshad bya ste// bdag dang shes rab gsang yum las// gnyis med sbyor ba'i byang sems las// bdud rtsi phye mar sbyar byas la// bkra shis mtshan ldan ka pA lar// lde gu byas te maN+Dal steng // yab yum mkha' la bzhag nas ni// rigs lnga'i phyag rgyas sbyang bcas pas// ye shes bdud rtsi dbab byas te// gu h+ya lag gi phyag rgya yis// rnal 'byor pho mo ma lus pa'i// spyi bo lde steng snying ga dag/ yan lag kun tu thig le bya// rigs lnga'i tshom bu'i dbang bskur ro// dngos grub chen po nye ba'i snying po'i rgyud las/ bdud rtsi lde gu sgrub pa'i le'u ste bcu gcig pa'o// // de nas yang dag bshad bya ste// me long g.ya' dag gnyis bsags te// mtshan dgu ldan pa'i shes rab mas// me long g.ya' dag gong ma de// rnal 'byor pho mo kun la bstan// me long gcig tu sbrang rtsi dang // bdud rtsi phye mar sbyar byas la// ril bu sran ma ma Sha tsam// rnal 'byor ril bu gsum gsum ste// lus ngag yid la re re gzhag/ a zhes bya ba'i man ngag gis// thig le byang chub sems lung bstan// lam lnga mthar phyin
- 304a
sems don te// thig le byang chub sems su brten// pha rol phyin drug sogs pa ste// rdzogs pa a ti'i dgongs par bstan// 'da' kha ma yi man ngag ste// mnyam pa chen po thig le ni// srog nyid rlung gi rang bzhin te// phyi nang 'gro ba'i rlung dang ni// yid kyi rnam shes bsres byas nas// phyi nang gnyis las gzhan du ni// mi 'gro ba yi thig le nyid// rdzogs pa chen po'i man ngag yin// dngos grub chen po de la bya'o// dngos grub chen po nye ba'i snying po'i rgyud las/ bdud rtsi ril bu bya ba'i byang chub sems thig le sgrub pa'i le'u ste bcu gnyis pa'o// // de nas yang dag bshad bya ste// bdud rtsi bdud rtsi zhes bya ba// dug lnga sman du bsgyur ba ste// sman lnga ye shes sgrub thabs 'di// rnal 'byor dngos grub dbang thob phyir// nges par nan tur bskyed de gnang // drug pa'i rtags mthong dbang bskur te// dngos grub thabs dang 'dzab bzlas dang // mkha' 'gro bskyang dag sbyin sreg dang // gter sba dge bsngo dkyil 'khor bsdu// yon dbul gtang rag mtshams glod nas// thig le'i don dang ldan pa yis// lta ba'i man ngag bsgom pa yis// gdeng ldan zhag gsum gnas bsrungs te// de las spyod lam shes par bya// dngos grub chen po nye ba'i snying po'i rgyud las/ las kyi lhag ma bstan pa'i le'u ste bcu gsum
- 304b
pa'o// // de nas yang byang chub sems dpa' phyag na rdo rje dang / 'jam dpal gzhon nus bcom ldan 'das s+thi ra ma ti la phyag 'tshal nas/ gsag sngags snying po dam tshig don// bla na med pa bstan du gsol// de skad ces ni gsol pa dang // bcom ldan sgri ra ma ti yi// dam tshig rgya mtsho'i nang nas kyang // 'bum sder bstan pa lnga ru bstan// bde gshegs rigs kyi dam tshig ni// 'khor lo bskor zhing dug lnga rtsad gcod pa'o// rdo rje rigs kyi dam tshig ni// phur bus gdab cing bsgral ba'i phrin las kyis// dug lnga dbang du sdud pa'o// rin chen rigs kyi dam tshig ni// gtor mas dug lnga 'joms byed pa'o// pad+ma rigs kyi dam tshig ni// sbyor bas dug lnga dag byed pa'o// las kyi rigs kyi dam tshig ni// hom gyis dug lnga sreg byas pa'o// rigs lnga dril te dug lnga sman du bsgyur ba'o// yang na 'di ltar shes par bya// gzugs dang nam mkhar sku la sogs// rnam snang yab yum bde gshegs lha'o// tshor ba chu dang yon tan sogs// 'byung ldan yab yum rin chen lha'o// 'du shes me dang gsung la sogs// snang ba mtha' yas yab yum lha'o// 'du byed rlung dang phrin las sogs// don yod yab yum 'khor gyi lha'o// rnam shes sa dang thugs la sogs// mi 'khrugs yab yum 'khor gyi lha'o// gzhan yang bsrung bar bya ba ni// rtsa
- 305a
ba sku gsung thugs dang ni// mi spang ba dang dang du blang // spyad pa'i dam tshig bco lnga bsrung // de yang ma hA sa ma ya// bzhi pa rdzogs pa kun tu bzang // kun bzang man ngag shes gyur na// dam tshig thams cad de ru rdzogs// ma bsrungs pa ni gcig kyang med// ces gsungs so// dngos grub chen po nye ba'i snying po'i rgyud las/ dam tshig bstan pa'i le'u ste bcu bzhi pa'o// // de nas yang byang chub sems dpa' phyag na rdo rje dang / 'jam dpal gzhon nu dang / lha dang klu dang / mi'i rig 'dzin 'bum phrag gis/ bcom ldan 'das dpal kun tu bzang po/ kun rig chos kyi rje dpal bde ba chen po shrI he ru ka s+thispri ra ma ti ting nge 'dzin gyi rgyal po la bstod pa/ e ma sangs rgyas kun tu bzang // gsang chen thig le nyid la rdzogs// ma rig mun sel ye shes sgron// dpa' bo khyod la phyag 'tshal bstod// ces bstod mngon par bstod do// de nas kun yi rang ste/ gsang sngags bla na med pa'i don thugs su chud nas/ zhabs spyi bos blangs shing rang rang gi sa la gshegs so// lha dang mi rnams kyis bka' rgyud dam pa sgri bos blangs shing tshom bu'i dkyil 'khor dam par/ dngos grub nye bar bsgrub pa las 'bras bu sangs rgyas kyi sa la gshegs so// dngos grub chen po nye ba'i snying po'i rgyud las/ gzhug bstod pa dang / gtad
- 305b
pa'i le'u ste bco lnga pa'o// // dngos grub nye ba'i snying po'i rgyud rdzogs so// // dngos grub mchog mnyes ya mtshan chen po'i bka'// thabs chen bla na med pa gsang sngags 'bras bu'i chos// kun gyi thun mong ma yin man ngag rgyud// tshig de rim pa sla yang don nyid rtogs par dka'// bka' rgyud dam pa'i man ngag bla med 'di lta bu// bdag 'dra bi ma la yi man ngag dam pa 'di yin te// dri med zla shar yi dam chos su gtad kyis thub par chongs// dri med zla shar yi dam man ngag dam pa 'di// yang dbang gter la gtad kyis bdud rtsi ste// legs pa'i sgron me'i yi dam nar mar gtad// sa ma ya kha tha ma/ rgud dum bu gsum pa/ lung bam po brgyad pa/ man ngag dngos grub nye ba'i snying po'i rgyud gsum ni sru legs pa'i sgron ma la gtad do// //
- 306a
rgya gar skad du/ ma hA a mr-i ta d+harma tA gu h+ya tan+t+ra nA ma/ bod skad du/ bdud rtsi chen po chos nyid gsang ba'i rgyud ces bya ba/ bcom ldan 'das kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das sangs rgyas thams cad kyi ngo bo nyid kyi sku gsung thugs yon tan phrin las ma lus pa'i bdag po de ni/ rnal 'byor gyi dbang phyug chen po rnams dang / rdo rje yid bzhin nor bu'i btsun mo'i b+ha ga la snyoms par zhugs nas/ khams gsum pa'i sems can ma lus pa'i phung khams bdud rtsi chen por rang byung ba'i ting nge 'dzin la snyoms par bzhugs so// de nas rdo rje chos rang gi gdan las bzhengs nas/ 'di skad ces gsol ba gdab bo// gtsang ma'i zas la spyod pa yi// lha dang bram ze klu dang bcas// rang skal 'bru sogs za ba yi// gling bzhi sems can mi dang bcas// las ngan skyugs pa spyod pa yi// dud 'gro yi dwags dmyal bar bcas// rang byung bdud rtsi ma rtogs pa'i// mtshan nyid sde gsum kri yog gsum// las ngan 'gro ba 'dul ba dang // skal ngan theg pa drang ba'i phyir// rang byung bdud rtsi chen po'i don// chos kyi 'khor lo bskor du gsol// zhes zhus pas rang gi gdan la bzhugs so// de nas bcom ldan 'das kyis seng ge rnam par bsgyings pa zhes bya ba'i ting nge 'dzin
- 306b
la snyoms par zhugs nas 'khor dkyil 'khor la spyan gyi lta stangs kyis gzigs nas/ 'di skad ces gsungs so// sems can nyon mongs snang ba la// rtsa ba dug gsum las byung ba'i// nyon mongs rnam par shar ba lnga// brgyad khri bzhi stong rnam grangs snang // rnal 'byor nyams kyi snang ba la// mtshan nyid phyi bas ma rtogs kyang // bdud rtsi rnam pa lnga po las// khams kyi 'du lugs gsum du snang // bde bar gshegs pa dus gsum gyi// sangs rgyas rnams la sku gsung thugs// mi zad rgyan gyi 'khor lor snang // snang ba gsum las byung ba yi// rang byung bdud rtsi sgrub pa'i thabs// khyed la bshad kyi legs par nyon// sems can nyon mongs snang ba la// rdul tshon dkyil 'khor chen po ru// rig 'dzin sman bsgrub bshad par bya// rnal 'byor nyams kyi snang ba la// phung po dag la brten byas pa'i// rang byung 'dud rtsi bsgrub par bshad// bde bar gshegs pa'i snang ba la// rigs brgya rigs lnga rigs gcig dang // bdud rtsi gong bu che mchog gi/ ye shes lha yi dkyil 'khor bshad// lta ba thams cad gdeng du bya// spyod pa'i la yang rab dor nas// bsgrub pas nyams su blangs nas ni// dam tshig zhing sa gshin po la// bsnyen bsgrub sa bon rab btab nas// rim pa dbang gis bgrod byas pas// 'bras bu lo thog smin par
- 307a
byas// rab 'bring tha ma'i rnal 'byor pa// las dang skal par rab ldan pas// bsgrubs na kun gyis 'grub par 'gyur// bdud rtsi yon tan bsgrub pa 'di// ma 'ongs rnal 'byor grol phyir bshad// ces gsungs so// bdud rtsi chen po chos nyid gsang ba'i rgyud las/ gleng gzhi dang gleng bslang ba'i le'u ste dang po'o// // de nas bcom ldan 'das kyis bsgrub pa thams cad kyi gzhi phun sum gas pa 'di gsungs so// ston pa blo yangs khu 'phrig chung // phyi nang rgyud la mkhas par skrangs// bde gshegs thugs kyi nying khu rtogs// mi 'gyur spyod lam mkha' ltar yangs// dgyes pa skong pa yum gyi rigs// mchod stobs gsang ba'i phyag tshangs pa// bla ma'i thugs dang 'thad pa dang // rdul phyag phyi nang mtshams mkhan dang // nyung yang lnga la sogs pa yi// yab yum thabs dang shes rab ldan// mched lcam rdo rje lu gu rgyud// gdung bzhi rang gi mig ltar 'phangs// skye bo ya ga can dag dang // mi nag nyan thos skal med spang // dben zhing nyams dga' spags pa'i gnas// rtsi sman shing dang nags tshal dag/ btsal nas bsgrub pa rtsam par bya// sa bdag 'khor dang bcas pa la// rgyan dang bcas pa'i gtor ma gtang // bslang dang sbrang dang byin gyis brlab// zla ba ston zla 'bring po dang // dpyid zla 'bring po dag la
- 307b
bya// tshes grangs yar gyi brgyad la brtsam// bsod nams tshogs kyang rdzogs par 'gyur// bco lnga'i dus la dngos grub blang // zla rgyas ye shes tshogs chen rdzogs// 'tsho ba zas dang dug 'joms sman// mchod pa'i rdzas dang sgrub pa'i rdzas// 'phags pa mchod cing gtor ma gtang // mgron bzhi mnyes par bya phyir ro// sbyin sreg tsha tshas sgrib pa sbyong // bsod nams bskyed cing bsrung ba'i phyir// bgegs rigs stong phrag brgyad cu la// gtor ma gser skyems gtang bar bya// phyogs bzhir tho bzhi btsugs nas kyang // rgyal po chen po sde bzhi la// phyi mtshams bcad pa'i phrin las bcol// spyan drang phyag 'tshal mchod pa 'bul// phrin las bcol la gsol byang gdags// phur pa dar kyi cod pan can// khro bo bcu ru byin brlabs nas// phyogs bzhi mtshams dang steng 'og bcur// rim pa bzhin du gnas par bya// dur khrod gnas rnams rang bsrung bar// dam sri mi g.yo mgon pos mnan// bar chad dngos grub bsrung don du// sgo byang bdud rtsi gshin rje'i gshed// ma traM lta dpyod gnan pa'i phyir// dpal chen khrag 'thung 'bar bapabs bsgral// lha dang dkyil 'khor slob ma rnams// sta gon la ni gnas pa'i phyir// ma 'dres pa yi mchod phye la// zhi khro dkyil 'khor mchod byas nas// mnyen nas mkha' 'gro dpang por gzhag/ de nas sman
- 308a
gyi rdzas mchog gis// dam tshig bsnan zhing bskur bar bya// de nas sngags pas thod pa'i nang // dam chu byin gyis brlab par bya// ra ba dra ba gur bcas pas// de lus bar chad bskrad par byed// yol nang rdo rje zam pa la// slob ma dag kyang drang bar bya// mtha' yas sems ni rab rmongs pas// theg pa chen por des sems bskyed// rdo rje slob dpon bla ma la// byin gyis rlob par zhus nas ni// bla mas bu rnams lus ngag yid// sku gsung thugs su byin gyis brlab// yi dam lha mchog mi spang phyir// lus ngag dang bas phyag 'tshal nas// tshe rabs thog ma med pa nas// bsags pa'i nyes pa bshags par bya// ma rig mun pa mdongs pa yi// spyan yang dbye bar zhu ba zhus// slob dpon gyis ni gnang nas ni// de nas spyan drang dbye bar bya// mthong ba'i yi dam pra brtag pa// lha la me tog rab gtor 'bul// bla mas me tog lhar bcas pa// slob ma dag la bstim par bya// lha la bdud rtsi la sogs pa// mchod pas kyang ni rab tu mchod// rtsa ba yan lag bcas pa yi// dam tshig sdom pa dpog par bya// 'dres pa'i chos dang ma 'dres pa// dam tshig gnyis su med par bsre// bskal par srog la bab gyur kyang // mi gtong bsrung bar dam yang bdar// rang gi yi dam gang yin lha// bla ma la yang 'bog par
- 308b
zhus// gnang byas sku mdog phyag mtshan bcas// phyag rgya chen por 'bog par bya// slob ma las dang skal ldan rnams// sku gsung thugs kyi dngos grub sbyin// de la phreng ba rab gtad nas// 'dzab kyi snying po 'dren du gzhug/ sngags kyi rdo rje'i gral chen las// rim pa yang dag gnas par bya// slob ma dam par gyur pa rnams// bla ma rin chen lta bu la// dza ga gtang rag rab tu gtang // dkyil 'khor 'dom gang gru bzhi pa// 'phang du chag gang yod par bya// dang po dag par bya ba'i phyir// bdud rtsi lnga yi chag chag gdab// oM sarba pany+tsa a mr-i ta ma d+ha la hUM/ de nas byin dang ldan pa'i phyir// nang gi dam rdzas chag chag gdab// oM gu h+ya a kra ma ma d+ha la hUM/ mkhas pa rdo rje slob dpon gyis// ba su ta yi rgyu zhags la// gzung ma'i lag tu byin brlabs nas// gsang ba'i dkyil 'khor thig gdab pa// lhag pa byang chub sems kyi thig/ yum gyi mkha' la bde stong 'khyil// rig pa ye shes lnga yi thig/ srad bu ye shes lnga dang ldan// mtshon pa gzugs brnyan rdul tshon thig/ cha chen cha phran rnam par dbye// oM ma hA d+ha tu dz+nyA na gu h+ya a kra ma ma d+ha la hUM/ mtha' gnyis ma spros kun nas zlum// chos dbyings skye med gru bzhir rgyas// tshad med sgo dang rab ldan pa'o// ling tshe dgu yi dkyil 'khor der// snod ni bzhi 'am brgyad gzhag la// cha yi grangs
- 309a
dang mnyam ste bgo/ zhes gsungs so// bdud rtsi chen po chos nyid gsang ba'i rgyud las/ sta gon du bya ba'i le'u ste gnyis pa'o// // de nas bcom ldan 'das kyis/ sman ra sa ya na sgrub thabs 'di gsungs so// shu ti ya bak+Sha ra dang // ru ta shing mngar pi pi ling // kyi lce ba dang cha bsnyams ste// phye ma ga'u kha sbyar nang // bcug nas gzungs thag btag byas nas// sngags 'di brgya rtsa brgyad bzlas so// oM ka li ka li ma ha ka li/ man pa sho ni d+ha b+ho dza ni/ ha na shu la tri shu le na/ bdag gi nad zhi nas tshe ring bar gyur cig swA hA/ phye ma chu drod sbyar 'thungs na// rlung las gyur pa'i zug gzer dang // skran dang khrag 'khru na ba dang // dbugs mi bde dang snying na dang // myos dang dron chung lto spos pa/ kha zas mi 'ju khong mi bde// srin bu'i nad dang cham pa dang // shu ba thor bu g.yen pa dang // dregs nad mi ser khrag rgyas dang // lkog ma skangs dang chu so'i nad// mchin pa dang ni mtsher pa dang // klad pa gzhogs phyed na ba dang // mig gi nad do cog rnams sel// skabs su bstan pas de ltar 'grub// rtag tu gtang bar gyur pa na// spyi zer skra yang skye bar byed// skra nag gyur cing bzhin yang mdzes// skra dkar gnyer ma med pa ste// rgas sra tshe yang ring bar 'gyur// bcud len ra sA ya nar 'gyur// bcom ldan bdud
- 309b
rtsi rgyal po yis// phye ma sman gyi rgyal po 'di// bram ze gzhon nu'i sprin la gsungs// de nas srin bu'i snang ba de// ba sbu ba yi rtsa ba dang // a ru ra dang sle tres dang // skyer pa'i rtsa ba cha bsnyams bskol// bzhi cha lus pa'i nang du ni// gu gul mnyes te bsags pa yi/ khu ba sngags kyis btab 'thung na// 'or dang skya sbab dmu rdzings nad// bad kan las gyur pa yi nad// skrangs pa'i nad rnams sel ba ste// nam tshong yan lag nad la phan// oM hUM pri hUM shu k+She phu swA hA/ sngags de btab nas chu sbyar blud// sdud cing ma zhu'i nad zhi byed// bcom ldan 'das kyi khu ba'i sman// bsgrub pa'i man ngag cho ga 'di// drang srong rin po che la bshad/ kha ru tsha dang go snyod dang // na le sham dang sha kha ra// sbrang rtsi sbyar ba'i lde gu sbyin// skyugs pa'i nad rnams zhi bar byed// shing tsha sug smel skyu ru dang // bca' sga tsan+dan ma nu dang // dzi tsan ti dang gla skang dang // ba la dang ni ha sti rnams// cha bsnyam ka ra brgyad 'gyur gyi// lde gu byin na skyigs bu'i nad// dbugs mi bde ba zhi bar byed// sngags 'di btabs nas sman la bsgrub// gro ba la bris mgul du btags// skyugs pa'i nad rnams zhi bar byed// oM he ru ka dza li ti ta dze he hUM phaT swA hA/ bcom ldan 'das kyis drang srong ni// go'u ta ma la bshad pa yin// lde gu bsgrub pa'i cho ga'o// byi tang ka yi sa bon/
- 310a
dang // skyu ru ra dang a ru ra// 'bras bu gsum la srang re ste// dur byid srang gsum phye ma ni// bur srang bcu gnyis bskol nang du// ril bu grangs ni sum cu bya// sum cu zla ba re re bza'// mdze nad sha bkra dbugs mi bde// lud pa dmu rdzings gzhong 'brum dang // gcin nad mtsher nad 'thor bu'i nad// skran nad rnams la bshal gyis 'joms// a ru ra dang bu ram dang // cha bskam sbrang rtsi sbyar ba yis// 'khru bar byed de bcud len bsngags// oM mo tsa ni bi ma k+Sha ni sid+d+hi ka ra ka ra/ phu ru phu ru phu ru swA hA/ bcom ldan 'das kyis bkru ba'i sman// drang srong gzhon nu sred la bshad// ri lu sman gyi sgrub pa'o// tshwa ba gsum dang ser po gnyis// nas tshig sbrus pa'i thal pa dang // ba ru ra yi shing rtsa dang // byi sha la dang tsi tra ka/ ka ra bI ra rgyam tshwa dang // khyim gyi dud pa yungs kar dang // arga'i lo ma bca' sga dang // pha la ta ka mu zi dang // ldong ros dang ni shrI khaN+Da// ba la so ma ra dza rnams// cha bsnyam phye ma zhib bar btags// ba yi gcin dang sbyar bskus nas// srog chags lu gur rag ri'i dug/ srin bu'i dug dag ma rungs rma// za khu'i nad dang me dpal dang // mtshan par rdol dang 'bras kyi nad// mdzod nad bco brgyad dag la yang // bskus pa tsam gyis nus pa ni// shing la thog gis brgyab pa 'dra// oM a mr-i ta ro/
- 310b
ga pra shA ma na ye swA ha/ bcom ldan 'das kyis drang srong mchog/ 'gro skyabs la ni byug pa bshad// ba glang rwa dang shing kun dang // sbrul gyi pags pa po so cha// ras bal sa bon mi yi skra// nas kyi phub ma br-i ha ti// ser po rnam gnyis na le sham// rma bya'i sgo dang shun pa dang // lha la phul ba'i me tog dang // ba la ser mo lhan cig sbyar// yan lag drug cu dud pa 'di// gang la bdud par gyur pa la// rims nad thams cad med pa dang // yi dwags grul bum lus srul po// sha za gnod sbyin srin po rnams// gdon gyis zin pa grol bar byed// oM na maHtsaN+Da kro d+ha ya kun d+ha kun d+ha/ mu kun d+ha kun d+ha/ tsan+na bu ta sa ma ye swA hA/ bcom ldan 'das kyis drang srong ni// rtsibs kyi mu khyud 'dzin pa la// dud pas srung ba'i cho ga'o// dngul rdo lcags rdo brags zhun rnams// mar dang sbyar nas byin gyur na// bud med pad+ma rak+ta ni// dus min 'byung ba sel bar byed// oM na mo lo hi ha ra sing ga la ya/ ma ti ga ra dzaH/ ya ri ya ri naM/ ru ti bi/ br-i baM/ pra ba ga k+Sha mi/ tu ru tu ru/ la g+ha la g+hA/ ti li ti li/ tse li tsi li/ mi li mi li swA hA/ sngags 'di skad pa dmar po la// bzlas te mdud pa gsum bor la// rkang pa g.yas pa'i mthe bong bcing // zla mtshan dus min 'byung la phan// shing gi lha mo 'od 'chang mas// sems can rnam pa'i don du gsungs// bcom
- 311a
ldan 'das la rig pa phul// rgya skyegs shing gi sa bon dang // shal ma li yi me tog gnyis// lhan cig 'thung na bu 'gags sel// ri bong khrag dang rta khrag blud// bu yang bde bar 'byung bar 'gyur// oM na mo ru tra a pa na na ma tri na to pa ti rngam pa rngam pa ba ni mu tsa/ in tri ya ga tra ni/ bi sha ba lha b+ha pa ru/ gar po ni 'di zhes bya ba la swA hA/ sngags 'di skud pa dkar po la// nyi shu rtsa gcig bzlas byas nas// mdud pa nyi shu rtsa gcig bor// bud med bu 'gags mgul du gdags// bu yang bde bar 'byung bar 'gyur// sman gyi lha mo nor rgyun mas// rang gi rig pa bcom ldan la// sems can don du phul ba ni// sbrul gyi pags pa rgya ru dang // khyi yi mtshan ma khong du gtang // skyes pa'i ling+ga'i tshod ma gtang // sngags 'di gro ga dag la bri// gang gi spyi bor btags pa yis// bu yang myur du 'byung bar 'gyur// bu ga kyang ni de bzhin 'byung // oM ka sa bi ka sa ma ha ka sa swA ha/ rtsi yi lha mo grub pa yi/ blo gros mas ni bcom ldan la// rang gi rig pa 'gro don phul// bud med zla mtshan dang ldan zhing // khrus byed pa yi dus su ni// glang gcin srang ni sum cu gnyis// til mar srang brgyad bskol byas pa'i// mar lus pa de byin pa na// mo gsham bu yang btsa' bar 'gyur// ma he'i mar gsar srang gsum dang // ra chu sbyar nas bud
- 311b
med blud// bu med pa yang skye bar 'gyur// a shwa kan+na bskol ba yi// khu ba dar ba mar yang bskol// ma lus pa de bud med ni// zla mtshan ldan pa'i dus 'thung nas// de yi 'og tu sbyor ba bya// de kyang bu yang 'dzin par 'gyur// rgya skyegs lo ma bsdus pa dang // rta khrag sbyar te blud pa na// len stong bar du mngal 'dzin 'gyur// oM shaM khaM ni shud+d+he phu swA hA/ nags kyi lha mo rma bya'i mgrin// rang gi rig pa dam pa 'di// bcom ldan 'das la phul ba'o// zhes gsungs so// bdud rtsi chen po chos nyid gsang ba'i rgyud las/ sems can nyon mongs pa'i snang ba la/ sman ra sA ya na brgyud pa'i bsgrub pa ste le'u gsum pa'o// // de nas bcom ldan 'das kyis rang byung bdud rtsi chen po sgrub pa las/ rnal 'byor dbang phyug chen po rnams la/ rnal 'byor pa nyams kyi snang ba ston pa zhes bya ba 'di dag ched du brjod de gsungs so// dkyil 'khor le'u tshe dgu pa la// rtsibs ni bcu drug bkod byas nas// bar khyams sgo bzhi bcas pa la// rta babs rdo rje me ri bcas// rtsa ba 'bras bu sdong po dang // yu ba shun lpags lo ma dang // me tog snying por bcas pa ni// phyi yi rtsa ba brgyad du skyes// lus por pags pa yan lag dang // rtsa ba me tog 'bras bu dang // snying po lo ma rnam pa brgyad// mchog chen mi lus gcig la tshang // 'bras
- 312a
bu rnam lnga bsgral ba yi// dbang po rnam lnga'i bcud lnga dang // sems bcud go ro tsa na lnga// mAM sa'i bcud ni tshil bu lnga// chu bcud dri chu rnam pa lnga// rus pa'i bcud kyang rkang mar lnga// lus po snying dang khrag gi khrag/ gsang ba'i rtsa ba rnam pa brgyad// yab kyi rgyu bzhi gnas pa dag/ yum gyi gnas bzhi gsang ba'o// kun gzhi byang chub sems las ni// ma g.yos bzhin du 'bras bu ni// rnam par shes pa'i tshogs brgyad gsal// de ni don dam rtsa ba yin// dkyil 'khor dbus su gzhag pa'i rdzas// ye shes lnga ldan ka pA lar// yab yum drang srong rgyu bsgral zhing // rang shi phag nya phug ron brgyad// a bar ji ta du ru ka/ dkar nag dbus su gzhag pa'i rdzas// de yi shar du gzhag pa yang // sku gsung thugs ldan ka pA lar// klad gzhung be ra sha rta ri la// mchin snod b+ha ga rgyud kyi lam// ga pur cu gang thal kar gdung // dkyil 'khor de yi lho phyogs su// yid bzhin gter ldan ka pA lar// lce snying mkha' ma gzhang dang bzhi// ka bzhi phyi nang gsang ba brgyud// tsa tri ka ko gA gong snying // rtsa ba stobs dang bcas par gnas// nub du dam rdzas dgod pa ni/ khams gsum yongs sgrol ka pA lar// rgyu lnga yab yum bya bar rigs// tsan+dan li shi rgun 'brum lngar// byang gi phyogs su dgod pa ni// cho 'phrul rtags 'byin ka pA
- 312b
lar// rgyud lnga'i mkhris pa yab yum chu// 'o ga brag cong gur gum lce// rgyu ni rang las byung ba lnga// rnam grangs cha yang mthun pa lnga// rigs ni rnam par nges pa lnga// 'bras bu gzhan du mi 'gyur lnga// gzhi las rtsa ba lnga gyur pas// b+han+da lnga yi nang du stsal// 'bras bu chen po lnga bskul ba// a ka ru ni dbus su ste// pa na se ni shar nyid la// lho ru a 'bras zhes bya ste// nub tu rgun 'bru gzhag par bya// byang du na le dge rgyas so// de la sogs pa tshogs tshad de// yan lag stong du bsag par bya// dbus su mi 'gyur g.yung drung lha// shar lho mi shigs mdzod ldan te// lho nub srid pa yongs sgrol la// nub byang dug gsum gtan spug ste// byang shar mtshan ma spros bral ma// de lnga'i nang du blugs pa'i sman// rgyu lnga bya ka bam dang bcas// cu gang 'dam bu gi hang dbus// lug min le'u mig gdung bzhi shar// rna lce sha sna lho ru bsog/ sa rtsi shing dang me tog nub// de bzhin srog dang gnam chu sogs// byang du chu rnams thams cad do// shar lho mtshams kyi gru chad la// yon tan tshogs rdzogs ka pA lar// dza gad gar chad sna tshogs nyid// lho nub mtshams kyi gru chad la// 'o ma sna tshogs sbyar ba yang // bkra shis mtshan ldan ka pA lar// nub byang mtshams kyi gru chad la// mi 'gyur sra mkhregs ka pA lar// rin chen sna tshogs bdar ba dang // byang shar
- 313a
mtshams kyi gru chad la// A yu dpal ldan ka pA lar// sna tshogs chu rnams gzhag par bya// sgo bzhir yum chen dung chen ni// shar du dung can rdo rje'i rigs// lho ru ban glang rin po che// nub tu pad can pad+ma'i rigs// las rigs byang du ri mo can// brag zhun bdun dag lug mig gsum// a ru ra ni rigs kyang bdun// dbang po lag pa rnam pa gsum// shing thog thams cad tshang bar bya// sman gyi rig 'dzin tshangs pa sogs// drang srong rnams ni spyan drangs la// gtsang ma za ba'i sems can rnams// rtog bzlog yang dag lta la gzung // rigs rnams so sor bkod byas nas// lha mo bzhi yi byin gyis brlab// rigs lnga'i sngags kyis brtan par byas// phyogs bzhi dbus dang lngar gzhag go/ sman rnams ma lus thams cad kyang // rang bzhin gnyis su med pas na// rigs rnams tha dad ma yin pas// dbye ba med par dgod par bya// dkyil 'khor rgyan rnams dgod pa ni// dar gyi yol ba rigs lnga'i rgyan// tshon skud rigs kyi yum lnga la// nang gi sems dpa' mda' dang ni// me long nang gi sems ma ste// ral gri phyi yi sems dpa' la// dar sna phyi yi sems ma nyid// phur pa bsgo ba yab yum brgyad// bzed phor la sogs b+han+da dang // mchod rdzas rnams kyis rab mdzes shing // brda sgo dbye la brda phyag
- 313b
'tshal// mchod pa byin dbab gu gul bdug/ de nas rdo rje slob dpon gyis// dza gad b+han+da 'bar ba de// dpa' bo 'bru lnga lus khams kyi// bdud rtsi lnga ru byin gyis brlab// las rnams bskos la gdab pa yang // slob dpon ston pa'i sgron mar gdab// yum ni kun tu bzang mo la// rgyal po rdo rje rin chen dang // pad+ma las kyi rigs su bya// yum bzhi yangs pa'i spyan chen dang // rin chen pad+ma las su bya// rgyal thebs bzhi yang rigs bzhir gnas// ye shes spyan dang dus tshod dro// phyi dang nang gi mtshams mkhan dang // 'dzin ging stob ging sgrol ging dang // gsang ba'i phyag tshangs phud zas rgyan// mched lcam bya rog mnga' gsol bya// rnal 'byor dbang phyug chen po la// dpal gyi chas brgyad mnga' gsol nas// 'khor gyi mched dang lcam dral la// khrag zhag thal ba'i rtags btab pas// dpa' bo dpa' mor 'gyur pa yin// chas dang mi ldan rtags med na// ma mo mkha' 'gro dam can gyis// bsgrub mchog yin par ngo mi shes// de nas bcom ldan 'das kyis 'khor rnams la 'di skad ces bka' stsal to// bdud rtsi phye ma bsgrub pa yi// rnal 'byor dkyil 'khor rnam pa gsum// khrol bu'i bsnyen pas dag par sprad// btag btsag gzhal ba lugs bzhin byed// gong bur byas te dbus su gzhag/ dkyil 'khor chen por mnga'
- 314a
gsol lo// dam pa rig brgyas sbyangs byas nas// rnam snang mi bskyod mtha' yas dang // rin 'byung las dang yum du bcas// sems dpa' rgyal po chags pa legs// rin brjid rgyal mtshan bzhad pa dang // chos dang rnon po 'khor lo sgra// las srung gnod sbyin khu tshur dang // dbyangs can mA ma gos dkar sgrol// sgeg mo spos dang lcags kyu thub// phreng ba me tog zhags pa khro// glu dang mar me lcags sgrog ro// gar dang dri chab dril bu za// stobs dang gshin rje rta mgrin bdud// 'gugs 'ching sdom dang dgyes pa bskyed// spyan drangs mchod bstod bdud rtsir bzhu// lha tshogs mang pos byin gyis brlabs// oM AHhUM sarba pany+tsa a mr-i ta ra swa ya na ta na dza ya gu h+ya sid+d+hi hUM hrIHtha/ ye shes lnga dang sku gsung thugs// thams cad bdud rtsi chen por gnas// de nyid rigs ni rnam pa lnga// bdud rtsi rnam pa lnga yi nang // dpa' 'bru lnga bsam par bya// tsit+ta'i dkyil 'khor snod du gsal// khams kyi bdud rtsi lha yi ska// oM hUM AM swa ha rnams sngags/ rlung gis sgo zhing bsdu ba dang // lus khams bdud rtsi srog rtsol bskon/ oM AHhUM swa ha/ dkar dmar ser dang mthing ga ljang // bdud rtsi rnam pa lnga po las// gsung gi yig 'bru sbyangs nas ni// phyag mtshan sku dang ye shes lnga// spros pas sgrib sbyangs thugs dam bskul// 'dud pas dug bcom
- 314b
bdud rtsir gsal// rigs lnga sangs rgyas 'khor dang bcas// bstod nas mnyes par rab sbyang ngo // oM AHhUM sarba pany+tsa a mr-i ta badz+ra a k+Sho b+h+yaH/ muM d+hA hI shwa rI tiSh+Tha sa ma ya hUM hrIHtha/ zhes byang chub sems su sbyang ngongo// oM AHhUM sarba pany+tsa a mr-i ta b+had+d+ha bai ro tsa na oM laM dwe Sha ra ti sa ma ya s+t+waM hUM hrIHtha/ zhes bdud rtsi dri chen sbyang ba'o// oM AHhUM sarba pany+tsa a mr-i ta rat+na saM b+ha ba tAM// maM mo ha ra ti sa ma ya s+t+waM/ hUM hrIHtha zhes ma hA mAM sa sbyang ngo // oM AHhUM sarba pany+tsa a mr-i ta a mi d+he wa hrIH/ pyaM rA ga ra ti sa ma ya s+t+waM/ hUM hrIHtha zhes pad+ma rak+ta sbyang ngo // oM AHhUM sarba pany+tsa a mr-i ta a mo g+ha sid+d+hi a/ tAM badz+ra ra ti sa ma ya s+t+waM hUM hrIHtha/ zhes dri chu sbrang bar bya'o// rnam snang chos kyi dbyings nyid de// rdo rje ye shes me long las// rin chen mnyam pa nyid yin te// pad+ma so sor kun tu rtogs// las rab bya ba grub pa nyid// ye shes lnga yi 'dzab dbyangs bstod// de nas gsang chen rigs gcig ni// chos rnams thugs su 'dus pas nas// snang srid 'khor 'das byang chub sems// lha rnams thugs su 'dus pas nas// rdo rje sems dpa' nyid du brtags// rigs rnams thams cad dbyer med pas// rdo rje sems dpa'i ting 'dzin gyis// gsang sngags dgu pa 'dzab tu bzlas// nyams ni sems la 'char ba yin// gar ni lus la 'char ba ste// sngags kyang ngag tu 'char
- 315a
ba la// mthong snang yul la rab tu 'char// bag chags dag ni rmi lam rmi// oM badz+ra tsit+ta sa ma ya hUM hrIHtha// snying po 'bum du bzlas par bya// yang na brgya rtsa brgyad du bzlas// de nas sman rnams ma lus pa// rtags ldan che ba'i yon tan yang // rnal 'byor kun gyis ngos ngos nas// dbyangs dang bcas par brjod par bya// rtsa ba'i dkyil 'khor thams cad kun// ma lus dbus su rab bsdus nas// g.yang gzhi che chung bsnol ma'i khar// rtsibs brgyad zla gam dmar po la// gtan gtun thabs dang shes rab kyi// rnam rtog mtshan ma thams cad kun// sman dang rdzas su 'thag par bya'o// nyon mongs pa yi rtog pa dang // sdang dgra gnod bgegs btag par bya// dar 'dzin rnam par rtog pa rnams// mtshan ma med pa'i ngang du btags// oM AHhUM sarba pany+tsa a mr-i ta ta na ha na hUM/ da ha da ha hUM/ pa tsa pa tsa hUM/ ban+d+ha ban+d+ha hUM/ hu lu hu lu hUM/ tiSh+Tha tiSh+Tha hUM/ ts+tshin+da ts+tshin+d+ra hUM hrIHtha/ 'khar gzhong rin chen gzhong pa ru// thabs kyis snying rje chen po blugs// shes rab stong pa'i tshags ma la// thabs shes spyod pa zhing mos btsag/ oM AHhUM sarba pany+tsa a mr-i ta ka ma la kun+na li/ b+han+d+ha sid+d+hi hUM hrIHtha/ bsgom pa'i don ldan bsre ba yang // chang dang 'o ma rin chen chu// sbrengs nas sha rta ril gyis dkrug/ yab kyis blugs la yum gyis bsres// oM AHhUM sarba
- 315b
pany+tsa a mr-i ta krod+d+hi shwa rI saM sho d+ha ya hUM hrIH/ zhes chang sna tshogs pas sbyang ngo // oM AHhUM sarba pany+tsa a mr-i ta baM daM saM sho d+ha ya hUM hrIHtha/ zhes 'o ma sna tshogs sbrengs shing gon ban du bsre ba'o// oM AHhUM sarba pany+tsa a mr-i ta rat+na tsi te hUM hrIHtha/ zhes rin po che sna tshogs bdar la blug go/ oM AHhUM sarba pany+tsa a mr-i ta bi shud+d+ha kun+da li hUM hrIHtha/ zhes chu sna tshogs pas sbreng ngo // 'bras bu sku dang ye shes su// thams cad ro gcig gyur pas nas// yab yum pad+ma rdo rje'i mkhar// gnyis med gcig tu sbrel bar bya// oM AHhUM sarba pany+tsa a mr-i ta mu sa la mu sa la oM hUM tha/ zhes gnyis su med par spang bar bya'o// de nas gong bur rab byas nas// dar ras gtsang ma'i nad du dril// phyogs bzhi mtshams ni brgyad du yang // rta mgrin phyag rgya rgya gram gdab// oM AHhUM sarba pany+tsa a mr-i ta ha ya gri wa lu hu lu hUM hrIHtha/ de ltar rgyas btab tshad gzhag phyir// legs par srang la gzhal bar bya// oM AHhUM sarba pany+tsa a mr-i ta ho pa ya bi shud+d+he hU~M hrIHtha/ thabs dang shes rab pho mo yi// thod pa kha sbyar bar du stsal// rigs lnga rdzogs pa'i sangs rgyas bzhugs// spos kyi rgyal po'i dud pa bdug/ zhi ba las ni khro bor gyur// dur khrod chen po'i gnas su bya// longs spyod sha khrag tshogs su rol// khro bo dur khrod gnas la dgyes// dur khrod tshon gyis rab bris pa// dbus nas le'u tshe dgu pa
- 316a
la// gdan la pad+ma 'dab ma brgyad// 'khor lo rtsibs brgyad rtsi mo la// nor bu rin chen zur brgyad bri// mu khyud par khyams sgo bzhi pa// rta babs mchod rten brgyad dang ldan// 'degs pa'i stongs ldan ka ba brgyad// yul la ma rmongs rtsibs brgyad dang // gdan la skyon med pad+ma brgyad// yon tan mi zad rin chen brgyad// mtha' gnyis ma spros mu khyud zlum// ye shes gru chad brdal khyab khyams// mchod rnams rten gyur mchod rten brgyad// dur khrod brgyad kyis mtha' bskor bas// gsang ba mchog gi dkyil 'khor yin// bdud rtsi bum pa yum dang ni// bla mas phyag tu bzhes nas ni// mtshams bcad khro bor ba gu ra// srung ba'i 'khor lo rab tu bsgom// dbus kyi gtso bo mnga' gsol te// dur khrod gnas na bzhugs nas ni// 'gro ba'i don yang rab mdzad par// dgyes par bzhugs su gsol bya'o// oM AHhUM sarba pany+tsa a mr-i ta ma hA shI he ru ka/ ma hA krod+d+hi shwa rI s+t+waM/ sa ma ya tiSh+Tha lhan/ skor ba lan gsum bskor byas nas// rdo rje'i bro ni shar du brdung // rin chen lho la pad+ma nub// las kyi bro ni byang nyid do// de nas mtshams bcad bsrung ba dang // mchod pa byin gyis brlab par bya// lus ngag yid kyi nyes byas sbyangs// brda sgo brda phyag byin chen dbab// gdod nas ma skyes rnam dag chos nyid ni// cir yang mi
- 316b
dmigs stong pa'i rang bzhin te// blang dor med pa'i don la ma g.yos par// mnyam pa chen po'i ngang du bsgom par bya// oM ma hA shU n+ya tA dz+nyA na swa b+hA wa At+ma ko&haM/ chos rnams thams cad gdod nas dag pa la// sems kyi rang bzhin kun la khyab par brdal// thams cad 'byung ba'i ye shes chen po ste// sems dang ye shes kun la cir yang snang // oM d+harma d+hA tu swa b+ha wa At+ma ko&haM// byang chub sems ni hUM gi rang bzhin te// hUM nyid gdod nas dag pa'i sku ru gsal// mngon gsum gyur pa thams cad 'byung ba'i rgyu// gsang chen yum lnga gsang mchog dkyil 'khor gsal// e yaM raM ra baM ko b+h+rUM/ e las ye shes nam mkha'i dkyil 'khor ni// dngos dang mtshan nyid thams cad mi dmigs pa// chos kun ye nas dag pa'i ngang nyid ni// mtha' dang dbus med nam mkha'i mtha' dang mnyam// e A ka shaM maN+Dal hUM/ yaM las ye shes 'thor rlung chen po ni// bag chags sdug bsngal ye shes rlung gis bskyod// de las dbyings phyug dbyings su mnyam sbyar nas// yaM las rlung gi dkyil 'khor bskyed par bya// yaM karma rak+Sha hUM/ raM las me yi dkyil 'khor chen po ni// dngos po snang ba'i bag chags sdug bsngal bsreg/ rin chen dbyings phyug mkha' dang mnyam sbyar nas// raM las me yi dkyil 'khor bskyed par bya// raM dz+wa la maN+Dal hUM/ ra las ye
- 317a
shes khrag gi dkyil 'khor ni// 'dod chags 'khor ba'i sdug bsngal gtan sbyangs te// pad+ma dbyings phyug mkha' dag mnyam sbyar nas// ra las rak+ta'i dkyil 'khor bskyed par bya// ra rak+ta maN+Dal hUM/ baM las zhing chen gtams pa'i sa gzhi ni// zad med gter chen rdo rje rgya gram gtams// sangs rgyas dbyings phyug mkha' dang mnyam sbyar nas// baM las zhing chen sa gzhi bskyed par bya// baM ti ra maN+Dal hUM/ kun tu bzang mo yum gyi mkha' klong nas// mi 'gyur mi shigs rdo rje brtan pa'i sku// srid gsum 'degs byed bya ra nan tan te// ye shes bzhir gyur rang bzhin kun la khyab// rak+ta'i rgya mtsho yum gyi mkha' klong nas// thams cad skyed byed yum gyi byang chub sems// dus gsum 'du 'bral med par chags pa'i klong // rang bzhin rnam dag pad+ma rA ga'i klong // kai rus ri rab rdo rje brag stengs na// dregs pa bsgral nas zhe sdang phung po bshig/ chags med rak+ta'i dkyil 'khor rang byung ba// bcom ldan dpal chen yab yum bzhugs pa'i gnas// b+h+rUM las bskyed pa 'bar ba'i gzhal yas khang // phyogs bcu kun tu rgya yongs ma chad pa'i// phyi dang nang med ye shes gsal ba'i ngang // rang bzhin lhun gyis grub pa'i bzhugs gnas so// oM gu ya a kra ma d+ha laM hUM/ gu ya gsang chen byang chub sems kyi thig/ rang bzhin rnam par
- 317b
dag pa'i dkyil 'khor la// gnyis med byang chub sems kyi thig btab pas// maN+Dal brgyad pa mtha' dbus med par gsal// mtha' gnyis ma spros lte ba zlum po la// lte dbus thig bzhi btab pas le'u tshe dgu// dbus su dbang chen zla gam dmar po la// 'jigs byed mthing nag gru gsum 'bar bas brgyan// chags med pad+ma 'dab brgyad brdal ba la// ye shes brgyad spros 'khor lo rtsibs brgyad pa// rin chen zur brgyad yon tan sna tshogs 'phro// mi 'gyur mi shigs rdo rje'i ra bas bskor// 'bar 'phro thugs rje'i 'od zer mang po 'khrugs// ye shes bzhi ldan gru chad bzhi yis brgyan// 'bar ba chen po'i bar khyams rab tu mdzes// ye shes sgo bzhi rta babs brgyad dang ldan// b+han+da skam rlon mang po'i rtsigs pa la// gnam lcags ngur mo 'bar ba'i gzer gyis btab// zhing chen pho mo bsnol ba'i ka gdung la// zhing phran mang po gtams pa'i gral phyam btang // zhing chen g.yang gzhi bla re 'phan gdug dang // b+han+d+ha'i pho long sbrul nag chun po dang // nyi zla gza' skar mang po'i tshogs kyis brgyan// khams gsum kun tu gsang ba'i dkyil 'khor khyab// b+h+rUM gu ya maN+Da la b+h+rUM/ nor bu mu tig gcal du legs par bkram// asma gar b+ha'i 'od kyis phyogs bcur 'phrigs// nor bu rin po che yi brag tu gtams// rdo rje rtse gcig rtse gsum rtse lnga
- 318a
dang // ma ni shes rab 'du bral med pa'i ngang // dbyings kyi thugs rjes mtha' dbus med par khyab// nyi ma'i maN+Dal gdan gyi khyad par ni// snang ba ma 'gags yongs la khyab par bsgom// ma sUr+ya maN+Da la hUM/ a ni ma skyes thabs kyi rang bzhin te// rig pa byang chub sems kyi thig le che// zla ba'i dkyil 'khor mnyam par rab snang ba// mtha' dbus med par gdod nas dag par bsgom// a tsan+da maN+Da la hUM/ baM ni chags med pad+ma dmar po'i mdog/ 'dod chags thams cad dbang bsdus yum gyi mkha'// pad+ma'i ge sar chos kyi dbu 'phang nas// ji ltar 'byung bar 'gyur ba'i maN+Dal bsgom// paM pad+ma maN+Da la hUM/ hUM s+pha ra na phaT/ saM ha ra Na hUM/ badz+ra shrI he ru ka badz+ra kA ya/ badz+ra krod+hi shwa rI s+t+waM/ bcom ldan dpal chen che mchog he ru ka/ sku mdog mthing ga 'jigs byed rgyan gyis brgyan// zhal gcig phyag gnyis rdo rje b+han d+harAr dkrug/ zhabs gnyis brkyang bskum nyi zla'i gdan la bzhugs// oM AHhUM sarba ta thA ga ta kA ya badz+ra swa b+ha wa At+ma ko&haM/ sarba ta thA ga ta wAka badz+ra swa b+ha wa At+ma ko&haM/ sarba ta thA ga tA tsit+ta badz+ra swa b+ha wa At+ma ko&haM/ sarba ta tha ga rat+na gu ya badz+ra swa b+hA wa At+ma ko&haM/ sarba ta tha ga ta kA ya badz+ra swa b+hA wa At+ma ko&haM/ byol song gtso bo brgyad kyi gdan steng na// 'jigs byed chen po khro bo chen po bcu// hUM chen sngo skya rdo rje nyi
- 318b
zla bsnams// rnam par rgyal ba rdo rje sti ra dkar// dbyug pa ljang sngon dbyug to me lha 'dzin// gshin rje mthing nag rin chen grul bum bsnams// mi g.yo smug nag ral gri srin po thogs// rta mgrin dmar po sbrul zhags khyung chen gshog/ mi thub dmar skya ba dan rlung lha 'dzin// bdud rtsi ljang nag rgya gram gnod sbyin bsnams// khams gsum ser ljang ne'u le bgegs chen bzung // stobs chen dud ka thong gshol gtun shing bsnams// badz+ra ma hA kro d+ha hUM kA ra hUM/ badz+ra ma hA kro d+ha bi dza ya hUM/ badz+ra ma hA kro d+ha ni la daN+Da hUM/ badz+ra ma hA kro d+ha ya mAn+ta ka hUM/ badz+ra krod+ha Ar+ya a tsa la hUM/ badz+ra ma hA kro d+ha ha ya grI ba hUM/ badz+ra ma hA kro d+ha a pa rA dzi ta hUM/ badz+ra ma hA kro d+ha a mr-i ta kuN+Da li hUM/ badz+ra ma hA kro d+ha trai lo kya bi dza ya hUM/ badz+ra ma hA kro d+ha ma hA ba la hUM/ oM bud+d+ha shrI he ru ka/ badz+ra shrI he ru ka/ rat+na shrI he ru ka/ pad+ma shrI he ru ka/ karma shrI he ru ka/ bi shwa sa nu shrI he ru ka/ gu h+ya sa ma ya shrI he ru ka/ yak+ka shrI he ru ka rak+Sha sh+mi he ru ka/ rang byung khro rgyal bcu yi dbu stengs su// khrag 'thung chen po klong dgu he ru ka/ ye shes chen po dgu rnams lhun grub pa// bcom ldan khrag 'thung bud+d+ha chen po ni// dbu gsum g.yas ser g.yon dmar dbus ma smug/ phyag drug 'khor lo dgra sta zhags pa g.yas// b+han+da rnge'u chung kha T+wAM g.yon na bsnams// bcom ldan khrag 'thung
- 319a
rdo rje chen po ni// dbu gsum g.yas dkar g.yon dmar mthing nag sku// phyag drug rdo rje kha TaM sti ra g.yas// dung dmar rgyu zhags zhing chen khyung gi khra// bcom ldan khrag 'thung rin chen chen po ni// dbu gsum sngo nag ser dang dmar ba'i zhal// rin chen gshol dang gtun shing dbyug thog g.yas// b+han+da dgra sta gtun shing rnge'u chung g.yon// bcom ldan pad+ma khrag 'thung chen po ni// dbu gsum dmar nag sngo dang ldang dkar zhal// g.yas pa pad+ma rde'u chung spu gri bsnams// b+han+d+ha kha T+wAM thod phreng g.yon pa na// bcom ldan las rab khrag 'thung chen po ni// dbu gsum ldang nag dmar ser dkar ba'i zhal// rgya gram ral gri zhags pa rde'u chung g.yas// b+han+d+ha rde'u chung dril bu kha T+wAM dbyug/ bcom ldan khrag 'thung sna tshogs chen po ni// zhal gsum dkar po g.yas mthing g.yon pa dkar// phyag drug gri gug rdo rje kha T+wAM g.yas// thod pa dril bu rje'u chung g.yon na bsnams// bcom ldan khrag 'thung gsang ba chen po ni// zhal gsum g.yas dkar g.yon dmar dbus ma ser// gri gug rin chen be con g.yas pa na// thod pa dril bu cang te'u g.yon na bsnams// bcom ldan khrag 'thung gnod sbyin chen po ni// zhal gsum dmar po g.yas mthing g.yon pa sngo// gri gug pad+ma dgra sta g.yas pa na// thod pa dril bu DA ma ru ni g.yon// bcom
- 319b
ldan khrag 'thung srin po chen po ni// zhal gsum ljang gu g.yas dkar g.yon dmar ba// gri gug rgya gram ral gri g.yas pa na// thod pa dril bu rde'u chung g.yon pa na// mi gnas ye shes chen po'i klong dkyil du// sku gdung 'bar ba'i dkyil 'khor lhun gyis grub// muM phaT krod+d+hi shwa rI sa ma ya s+t+waM// ye shes khrag 'thung dgu yi dbu steng du// mkha' mnyam klong gi dkyil 'khor gnam zhal ma// dbu dgu phyag kyang bco brgyad zhabs kyang brgyad// g.yas g.yon dang po rdo rje dung dmar dgug cing gsol// g.yas brgyad ko ri chos nyid bdud rtsir sbyor// g.yon brgyad phra men 'khor ba bdud rtsir sbyor// b+ha ga'i klong du rdo rje'i smin mtshams nub// ye shes dgu rnams dbyings kyi b+ha gar thim// hUM badz+ra ma hA shrI he ru ka hUM ma hA dza la raM// gsang ba yum gyi dbu steng gnas bzhugs pa// 'chi med rdo rje che mchog he ru ka/ dbu ni nyi shu rtsa gcig 'bar// mar me'i rgyal po rin chen gtsug phud dang // tshe dpag med dang rnam par gzigs pa dang // rin chen mang dang gtsug tor shAkya thub// gser phye dri bral snang ba dpag med dang // nyi ma'i dkyil 'khor spobs pa brtsegs pa dang // seng ge 'bum gzigs seng ge rnam par rol// yon tan kun 'od ri yi rgyal po dang // byams pa kun gzigs kun nas 'od zer dang // dpal brtsegs rgyal po rdo rje rnam
- 320a
par gnon// rnam dag sku dang sA la'i rgyal po bzhugs// 'khor la mchod rten rin chen rgyal mtshan bcu// bzhi bcu rtsa gnyis phyag mtshan bsnams pa ni// sangs rgyas bzhi bcu rtsa gnyis bdud rtsi mchod// zhabs brgyad rdo rje yum gyi b+ha gar 'jib// gnam zhal bdud rtsi 'o ma bcud kyis 'bebs// dkyil 'khor bar khyams drang srong nyi shu gcig/ sgo bzhi lha mo sman gyi srung ma bzhi// klu bdag rta mgrin me rlung zod pa ste// mi thub ro langs za byed rgyas 'debs ma// steng 'og hUM dang stobs chen khro bo bsrungs// bdud rtsi sman gyi pho brang srung mar bzhugs// ye shes dkyil 'khor spyan drangs bzhugs su gsol// phyag mtshan bdud rtsi rak+ta gtor ma 'bul// thugs dam bskul bstod gsang ba'i glu dbyangs blangs// rol mo'i sgra dang dri stabs gar gyis brjid// 'og min chos kyi dbyings kyi pho brang nas// chos sku skye ba med pa'i dbyings nyid las// longs sku ye shes sgyu ma'i skur snang ba// bdud rtsi yon tan lha tshogs spyan 'dren pa// dus gsum sangs rgyas sku yi rgyan du bzhugs// ma mo mkha' 'gro phyag mtshan sprul pa 'gyed// 'bar ba'i gar dgus gdul bya so sor 'dul// che mchog he ru spyan 'dren gshegs su gsol// spyan gyi lta stangs mkha' 'gro dbang du sdud// gnas yul ma mo phyag mtshan pho nya mdzad// b+ha ga bde
- 320b
stong klong nas khrag 'thung 'chang // khro mo dbyings phyug spyan 'dren gshegs su gsol// sku ni klong dgu khrag 'thung 'bar ba'i sku// gsung gi sgra dbyangs rmad byung gsang sngags 'chang // thugs ni ye shes chen po gsal ba'i ngang // dgu klong he ru ka rnams gshegs su gsol// bdud rtsi sman gyi pho brang rta mgrin sku// gsang ba'i yum bzhi'i mkha' la sbyor ba mdzad// hUM mdzad stobs chen me rlung las kyis sbyor// rta mgrin dbang gi dkyil 'khor gshegs su gsol// mi dge bcu smin phyogs skyong rnam par 'dul// dge bcu mtho ris thar pa'i lam yang ston// rang byung dkyil 'khor ma lus srung mdzad pa'i// mthar phyin khro rgyal rnams kyang gshegs su gsol// oM e h+ye hi b+ha ga wAn/ ma hA ka ru ka Ni ka dzaHhUM baM hoH/ byol song gtso bo brgyad kyi khri steng du// stong gsum khro bo'i dkyil 'khor bzhugs su gsol// ta kr-ita khro bo brgyad kyi dbu steng du// sku gdung 'bar ba'i dkyil 'khor bzhugs su gsol// klong dgu he ru ka yi dbu steng du// mkha' mnyam klong gi dkyil 'khor bzhugs su gsol// khro mo dbyings phyug ma yi dbu steng du// 'chi med rdo rje dkyil 'khor bzhugs su gsol// oM ma hA maN+Da la kA ya bA ka tsit+ta tiSh+Tha lhan/ dur khrod gsang ba mchog gi dkyil 'khor du// bdud rtsi sman gyi dkyil 'khor 'khor lo'i lha// khro rgyal bgegs dpung
- 321a
'joms la phyag 'tshal lo// khrag 'thung ye shes klong dgu phyag 'tshal lo// mkha' spyod dbang sdud yum la phyag 'tshal lo// 'chi med rdo rje'i sku la phyag 'tshal lo// a ti pu ho// pra tits+tsha ho// a la la ho/ khrag 'thung rgyal po gar la dgyes// g.yas su thabs gsum bskyod byas pas// zhe sdang rtsad bcad thugs mchog sgrol// g.yon du thabs gsum bskyod byas pas// 'dod chags rtsa bcad gsung mchog sgrol// dbus su thabs gsum bskyod byas pas// gti mug rtsad bcad sku mchog sgrol// g.yas g.yon thabs dang shes rab ste// sbyar bas phyag rgya 'byung ba'i rgyu// khro bdag chen po'i phyag rgya ni// smug nag cir yang 'gyur ba'i sku// nyi shu rtsa gcig dbu dang ldan// bzhi bcu rtsa gnyis phyag mtshan ni// g.yas g.yon dang po'i phyag gnyis ni// kun bzang thabs dang shes rab bsnams// de 'og g.yas g.yon bcu po rigs lnga thabs dang shes rab bsnams// de 'og g.yas g.yon bcu po ni// nang gi sems dpa' yab yum bsnams// de 'og g.yas g.yon brgyad po ni// nang gi sems dpa' yab yum bsnams// de 'og g.yas g.yon brgyad po ni// phyi yi sems dpa' yab yum bsnams// de 'og g.yas g.yon brgyad po na// rnam thar sgo ba yab yum bsnams// de 'og g.yas g.yon drug po na// rigs drug 'dul byed thub
- 321b
drug bsnams// zhabs brgyad khro mo'i dbu brgyad mnan// gsang yum thabs dang shes rab sbyor// gnam zhal khro mo'i phyag rgya ni// sku mdog smug nag dbu dgu la// bco brgyad phyag ni dang po na// rdo rje dung dmar dkrug cing gsol// g.yas brgyad ko rI ma brgyad bsnams// g.yon brgyad phra men ma brgyad bsnams// zhabs brgyad khrag 'thung dpung steng brdzis// phyag rgya'i mchod pa bzhes su gsol// badz+ra he ru ka yi phyag rgya ni// g.yas dkar g.yon dmar dbus mthing zhal// rdo rje zhing dbyug kha T+wAM g.yas// b+han+d+ha zhing chen rgyu zhags khra// b+hud+d+ha he ru ka yi phyag rgya ni// dkar ser dmar sngo dbus smug zhal// 'khor lo dgra sta zhags pa g.yas// b+han+da rnge'u chung kha T+wAM g.yon// rat+na he ru ka yi phyag rgya ni// g.yas ser g.yon dmar dbus ma ser// rin chen gshol dbyug gtun shing g.yas// b+han+da dgra sta gtun shing g.yon// pad+ma he ru'i phyag rgya ni// dkar sngo sngo ljang dbus ma dmar// pad+ma rnge'u chung ral gri g.yas// b+han+d+ha kha T+wAM gser thod phreng // karma he ru ka yi phyag rgya ni// dkar dmar ser dkar ljang nag dbus// rgya gram ral gri zhags pa rnga// b+han+ta thod rnga kha T+wAM dril// bi shwa sa nu he ru ka/ g.yas mthing dbus dkar g.yon pa dmar// gri khug rdo rje kha T+wAM g.yas// thod pa dril bu rde'u chung g.yon// dam tshig bsrung ba'i he ru ka/ g.yas dkar
- 322a
g.yon dmar dbus ma ser// gri gug rin chen be con g.yas// thod pa dril bu cang te'u g.yon// gnod sbyin khrag 'thung phyag rgya ni// g.yas mthing g.yon sngo dbus ma dmar// gri gug pad+ma dgra sta g.yas// thod pa 'dril bu DA ma ru// srin po khrag 'thung phyag rgya ni// g.yas ser g.yon dmar dbus ma ldang // gri gug rgya gram ral gri g.yas// thod pa dril bu rde'u chung g.yon// 'bar ba'i gdan la bzhengs nas kyang // phyag rgya gar gyi mchod pa bzhes// hUM mdzad sngo sku 'bar ba la// rdo rje rtse mo 'khor lo'i mtshon// g.yon pa nyi zla'i rkang pa gzung // rnam par rgyal ba sku mdog dkar// rdo rje g.yas la ti ra g.yon// dbyug pa sngon po ljang sngon sku// g.yas kyi dbyug to me dpung 'bar// g.yon pa me lha'i rkang pa bzung // gshin rje mthing nag rin chen dbyug/ g.yon pa grul bum rkang pa bzung // mi g.yo smug nag ral gri g.yas// g.yon pa srin po dbyug pa 'chang // rta mgrin dmar po byi ru'i mdangs// g.yas pa ri rab ti ra sbrul gyis dkris// g.yon pa khyung chen gshog pa rdeb// gzhan gyis mi thub dmar skya'i mdog/ g.yas pa rlung g.yab mi mgos brgyan// g.yon pa rlung lha'i zhabs nas bzung // bdud rtsi ljang nag rgya gram g.yas// g.yon pa gnod sbyin dbyug to 'phyar// khams gsum rnam rgyal ser ljang gu// ne'u
- 322b
le g.yas pa bgegs chen g.yon// 'bar ba'i gdan la bzhengs nas kyang // phyag rgya gar gyi mchod pa bzhes// rang byung gdod nas rnam par dag/ dam rdzas bdud rtsi chen po ni// 'chi med dkyil 'khor che mchog dang // mkha' mnyam dkyil 'khor gnam zhal ma// sku gdung dkyil 'khor dgu klong nas// mthar byed dkyil 'khor khro rgyal bcu// bdud rtsi'i dkyil 'khor rta mgrin dbang // mchod par 'bul lo kha raM khA hi/ dam rdzas bdud rtsi lnga sbyar ba'i// yid bzhin rin chen ka pA la// 'bru gsum 'thung bas sku gsung thugs// mi zad rgyan gyi dngos grub thob// oM AHhUM kA ya bA ka tsit+ta sid+d+hi hUM/ a ho su kha d+harma kA ya sid+d+hi hUM/ de nas bcom ldan che mchog he ru ka la/ rigs 'dzin rnams kyis bstod pa/ dur khrod 'bar ba klong gi dkyil 'khor nas// shin tu mi bzad 'bar ba'i skur ston cing // yang sangs rgyas pa'i che mchog he ru ka/ sku mdog mthing nag chos nyid mi 'gyur rtags// nyi shu rtsa gcig sa rnams lhun gyis grub// khro rgyal ye shes dbu ni stobs po che// dang po rab tu dga' ba'i sa dang sbyor// bdud 'dul ye shes dbu ni khams gsum rgyal// gnyis pa dri ma med pa'i sa dang sbyor// rtog 'joms ye shes dbu ni bdud rtsi 'khyil// gsum pa 'od du 'phro ba'i sa dang sbyor// sbrul sku ye shes dbu ni gzhan mi thub// bzhi pa 'od
- 323a
byed pa yi sa dang sbyor// zil gnon ye shes dbu ni rta mgrin dpal// lnga pa sbyang bar dka' ba'i sa dang sbyor// rnam dag ye shes dbu ni mi g.yo mgon// drug pa klong du gyur pa'i sa dang sbyor// thabs mkhas thugs rje'i dbu ni gshin rje'i gshed// bdun pa ring du song ba'i sa dang sbyor// rtogs ldan ye shes dbu ni dbyug sngon can// brgyad pa mi g.yo ba yi sa dang sbyor// mkhyen gsal ye shes dbu ni rnam par rgyal// dgu pa legs pa'i blo gros sa dang sbyor// brjid gnon ye shes dbu ni hUM ka ra// bcu pa chos kyi sprin gyi sa dang sbyor// mngon sangs ye shes yak+ka he ru ka/ bcu gcig kun tu 'od kyi sa dang sbyor// kun mkhyen ye shes bi shra he ru ka/ ma chags pad+ma can gyi sa dang sbyor// byams mgon ye shes sa nu he ru ka/ yi ge 'khor lo tshogs chen sa dang sbyor// rngam brjid ye shes rak+Sha he ru ka/ skye med rdo rje dzin gyi sa dang sbyor// dpa' brjid ye shes karma he ru ka/ rnam dag stag po bkod pa'i sa dang sgor// skon sel ye shes pad+ma he ru ka/ chags med 'thug po bkod pa'i sa dang spong // sgrib sel ye shes rat+na he ru ka/ mtshan rdzogs rdo rje 'chang gi sa dang sbyor// 'bar 'phro ye shes b+hur+d+ha he ru ka/ chos nyid bde ba chen po'i sa dang sbyor// rtogs ldan ye shes badz+ra he ru ka/ ma spangs ye shes bla ma'i sa dang sbyor// lhun
- 323b
rdzogs ye shes dpal chen he ru ka/ kun bzang dbye ba med pa'i sa dang sbyor// za byed chos ni chos mchog he ru ka/ lhun grub yongs su rdzogs pa'i sa dang sbyor// ye shes tshogs chen rdzogs la phyag 'tshal bstod// yang gsang rgyas pa'i che mchog he ru ka/ bzhi bcu rtsa gnyis phyag mtshan mngon sangs rgyas// bzhi bcu rtsa gnyis g.yas kyi dang po na// byed pa yid bzhin kun bzang rdo rje bsnams// bzhi bcu rtsa gnyis g.yon gyi dang po ni// kun bzang bya ba mnyam gzhag pad+ma 'phro// bzhi bcu rtsa gnyis g.yas kyi dang 'og na// rnam par snang mdzad chos kyi 'khor lo bsnams// bzhi bcu rtsa gnyis g.yon gyi 'og ma na// skyed mdzad sangs rgyas spyan ni thor tshugs bsnams// bzhi bcu rtsa gnyis g.yas kyi gsum pa na// rdo rje sems dpa' mi bskyod rdo rje bsnams// bzhi bcu rtsa gnyis g.yon gyi gsum pa na// kun tu bzang po mthar stong dril bu bsnams// bzhi bcu rtsa gnyis g.yas kyi bzhi pa na// rin chen 'byung ldan mchod sbyin re skong bsnams// bzhi bcu rtsa gnyis g.yon gyi bzhi pa na// mA ma kI ni sdud byed rdo rje bsnams// bzhi bcu rtsa gnyis g.yas kyi lnga pa na// snang ba mtha' yas dbang sdus pad+ma bsnams// bzhi bcu rtsa gnyis g.yon gyi lnga pa na// gos dkar mo ni sreg byed zhun mar bsnams// bzhi bcu rtsa gnyis g.yas kyi drug pa na// don
- 324a
yod grub pa rdo rje rgya gram bsnams// bzhi bcu rtsa gnyis g.yon gyi drug pa na// dam tshig sgrol ma skyong mdzad ut+pal bsdams// bzhi bcu rtsa gnyis g.yas kyi bdun pa na// sa yi snying po rin chen chu gu bsnams// bzhi bcu rtsa gnyis g.yon gyi bdun pa na// lA s+ya dkar mo me long rgya gram bsnams// bzhi bcu rtsa gnyis g.yas kyi brgyad pa na// nam mkha'i snying po gcod byed ral gri bsnams// bzhi bcu rtsa gnyis g.yon gyi brgyad pa na// mA le sngon mo rin chen phreng ba bsnams// bzhi bcu rtsa gnyis g.yas kyi dgu pa na// spyan ras gzigs dbang ma chags pad+ma bsnams// bzhi bcu rtsa gnyis g.yon gyi dgu pa na// girti dmar po pi wang rgyud mangs bsnams// bzhi bcu rtsa gnyis g.yas kyi bcu pa na// phyag na rdo rje 'joms byed rdo rje bsnams// bzhi bcu rtsa gnyis g.yon gyi bcu pa na// ni rti ljang gu gar gyi cod pan bsnams// bzhi bcu rtsa gnyis g.yas kyi bcu gcig na// byams pa chen po bdud rtsi gun+d+he bsnams// bzhi bcu rtsa gnyis g.yon gyi bcu gcig na// bdug pa'i sprin 'phro mas ni spos me bsnams// bzhi bcu rtsa gnyis g.yas kyi bcu gnyis na// sgrib pa rnam sel klu shing lo ma bsnams// bzhi bcu rtsa gnyis g.yon gyi bcu gnyis na// dga' ba'i mdangs ldan mas ni me tog bsnams// bzhi bcu rtsa gnyis g.yas kyi bcu
- 324b
gsum na// kun tu bzang po rin chen snye ma bsnams// bzhi bcu rtsa gnyis g.yon gyi bcu gsum na// gsal ba'i 'od ldan mas ni zhu mar bsnams// bzhi bcu rtsa gnyis g.yas kyi bcu bzhin// 'jam dpal gzhon nu ut+pal mthing ga bsnams// bzhi bcu rtsa gnyis g.yon gyi bcu bzhin// rtog bral dgyes mdzad mas ni dri chab bsnams// bzhi bcu rtsa gnyis g.yas kyi bco ldan// bgegs chen mthar byed rdung byed tho ba bsnams// bzhi bcu rtsa gnyis g.yon gyi bco lngan// thugs dam skul byed ma ni lcags kyu bsnams// bzhi bcu rtsa gnyis g.yas kyi bcu drug na// gshin rje mthar byed tshogs kyi dbyug to/ bsnams// bzhi bcu rtsa gnyis g.yon gyi bcu drug na// gnas nas skyod mdzad ma ni zhags pa bsnams// bzhi bcu rtsa gnyis g.yas kyi bcu bdun na// pad+ma mthar byed dgug pa'i sbrul zhags bsnams// bzhi bcu rtsa gnyis g.yon gyi bcu bdun na// rtog bral zhugs mdzad ma ni lcags sgrog bsnams// bzhi bcu rtsa gnyis g.yas kyi bco brgyad na// shes rab mthar byed gcod mdzad ral gri bsnams// bzhi bcu rtsa gnyis g.yon gyi bco brgyad na// tshangs pa'i gsung sgrog ma ni dril bu bsnams// bzhi bcu rtsa gnyis g.yas kyi bcu dgu na// lha yi thub pa pi wang rgyud 'dren bsnams// bzhi bcu rtsa gnyis g.yon gyi bcu dgu
- 325a
na// byol song thub pa 'chad pa'i po ti bsnams// bzhi bcu rtsa gnyis g.yas kyi nyi shu na// lha min thub pa zags bzang go cha bsnams// bzhi bcu rtsa gnyis g.yon gyi nyi shu na// yi dwags thub pa rin chen sgrom bu bsnams// bzhi bcu rtsa gnyis g.yas kyi tha ma na// mi yi thub pa gsel byed par bu bsnams// bzhi bcu rtsa gnyis g.yon gyi tha ma na// dmyal ba'i thub pa me chu bsil drod bsnams// thabs dang shes rab gnyis su med pa las// dbyings la ye shes tshe la mnga' brnyes pa'i// bdud rtsi 'khyil ba'i sku la phyag 'tshal stod// hUM/ yang sangs rgyas pa'i che mchog he ru ka/ ting 'dzin zhabs brgyad khro mo'i dbu brgyad mnan// rig pa yum la sbyar ba'i dbyings la sbyor// zhabs brgyad g.yas kyi dang po bgrad pa ni// thig le chen po'i ting 'dzin chen po dang // chags pa med pas mchog gi dbyings dang sbyor// zhabs brgyad g.yas kyi gnyis pa bgrad pas ni// bde ba chen po'i ting 'dzin chen po dang // klong du gyur pa chos kyi dbyings dang sbyor// zhabs brgyad g.yas kyi gsum pa bgrad pas ni// rdo rje lta ba'i ting 'dzin chen po dang // 'gyur ba med pa chos kyi dbyings dang sbyor// zhabs brgyad g.yas kyi tha ma bgrad pas ni// thams cad 'byung ba'i ting 'dzin chen po dang // zag pa med pa'i chos kyi dbyings dang sbyor// zhabs
- 325b
brgyad g.yon gyi dang po bgrad pas ni// chags pa med pa'i ting 'dzin chen po dang // ye nas dag pa'i chos kyi dbyings dang sbyor// zhabs brgyad g.yon gyi gnyis pa bgrad pas ni// 'da' bar dka' ba'i ting 'dzin chen po ni// gtong ba med pa'i chos kyi dbyings dang sbyor// zhabs brgyad g.yon gyi gsum pa bgrad pas ni// dmigs pa med pa'i ting 'dzin chen po ni// rang bzhin med pa'i chos kyi dbyings dang sbyor// zhabs brgyad g.yon gyi tha mas bgrad pas ni// skye shi med pa'i ting 'dzin chen po dang // 'du 'bral med pa'i chos kyi dbyings dang sbyor// gsang ba'i zhal du rdo rje phyed nub pas// kun tu bzang mo'i ting 'dzin chen po dang // khyab gdal chen po'i chos kyi dbyings dang sbyor// kun tu bzang mo'i byang sems thig ler zhu// 'chi med rdo rje'i dkyil 'khor de min nam// che mchog he ru ka la phyag 'tshal stod// 'jigs byed chen po'i 'bar ba'i zhabs 'og nas// shin tu rngam pa'i khro mo gnam zhal ma// sku mdog dud kha sna tshogs cir yang bston// dbu dgu chos dbyings ye shes dgu dang sbyor// stong pa bco brgyad phyag ni rtag chad sgrol// klong dgu'i zhabs ni khrag 'thung dgu dang rol// zhabs brgyad g.yas kyi dang po gdengs pa ni// spang ba med pa'i b+ha ga chen po dang // thig le chen po byang chub sems dang
- 326a
sbyor// zhabs brgyad g.yas kyi gnyis pa gdengs pa ni// klong chen dgu pa'i gsang ba'i b+ha ga dang // bde ba chen po byang chub sems dang sbyor// zhabs brgyad g.yas kyi gsum pa gdengs pa ni// 'gyur ba med pa'i gsang ba'i b+ha ga dang // rdo rje lta bu'i byang chub sems dang sbyor// zhabs brgyad g.yas kyi tha ma gdengs pa ni// zad pa med pa'i gsang ba'i b+ha ga dang // thams cad 'byung ba'i byang chub sems dang sbyor// zhabs brgyad g.yon gyi dang po gdengs pa ni// gdod nas dag pa'i gsang ba'i b+ha ga la// chags pa med pa'i byang chub sems dang sbyor// zhabs brgyad g.yon gyi gnyis pa gdengs pa ni// stong pa chen po gsang ba'i b+ha ga dang // 'da' bar dka' ba'i byang chub sems dang sbyor// zhabs brgyad g.yon gyi gsum pa gdengs pa ni// rang bzhin med pa'i gsang ba'i b+ha ga dang // dmigs pa med pa'i byang chub sems dang sbyor// zhabs brgyad g.yon gyi tha ma gdengs pa ni// 'du 'bral med pa gsang ba'i b+ha ga dang // skye shi med pa'i byang chub sems dang sbyor// gsang ba b+ha ga pad+ma'i klong dkyil na// gsang ba'i rdo rje gsang ba'i dbyings su nub// brdal khyab chen po gsang ba'i yum/ lhun gyis grub pa'i byang chub sems dang sbyor// bde ba byang chub sems ni thig ler zhu// mkha' mnyam klong gi dkyil
- 326b
'khor de min nam// sa nu kro ti rgyal la phyag 'tshal bstod// shin tu 'bar ba'i khro mo'i zhabs 'og nas// khrag 'thung chen po klong dgu he ru ka/ dbu gsum phyag drug zhabs bzhi brkyang bskum mnan// 'jig rten dregs pa'i khyo shug dbang phyug dang // mya ngan 'das pa'i khro bcu zhabs kyis gnon// thugs kyi gdung 'tsho ba badz+ra he ru ka/ rdo rje dbying phyug mkha' klong dag pa na// thabs dang shes rab 'du 'bral yongs kyis med// byang chub sems ni dngul zhun rin po che// me long lta bu'i ye shes de min nam// rdo rje lta bu'i sku la phyag 'tshal bstod// sku yi gdung 'tsho ba bud+d+ha he ru ka/ mkha' la dbyings phyug mkha' klong dag pas na// thabs dang shes rab 'du 'bral yongs kyis med// byang chub sems ni gser mdog rin po che// chos kyi dbyings kyi ye shes de min nam// 'byung gnas chen po'i sku la phyag 'tshal bstod// yon tan gdung 'tsho ba rat+na he ru ka/ rin chen dbyings phyug mkha' klong dag pas na// thabs dang shes rab 'du 'bral yongs kyis med// byang chub sems ni bai DUR+Ya yi mdog/ mnyam pa nyid kyi ye shes de min/ nam// longs spyod rdzogs pa'i sku la phyag 'tshal bstod// gsung gi gdung 'tsho ba pad+ma he ru ka/ pad+ma dbyings phyug mkha' klong dag pas na// thabs dang shes rab 'du 'bral yongs kyi med// byang chub sems ni
- 327a
pad+ma rA ga'i mdog/ so sor rtog pa'i ye shes de min nam// mngon par byang chub sku la phyag 'tshal bstod// phrin las gdung 'tsho ba karma he ru ka/ las kyi dbyings phyug mkha' klong dag pas na// thabs dang shes rab 'dul 'bral yongs kyis med// byang chub sems ni in+d+ra nI la'i mdog/ bya ba nan tan ye shes de min nam// sprul pa mthar phyin sku la phyag 'tshal bstod// rnam shes mthar phyin bi shwa he ru ka/ bde ba zag byed mkha' klong dag pas na// thabs dang shes rab 'du 'bral yongs kyis med// 'da' dka' thugs kyi ye shes de min nam// dmigs med chos kyi sku la phyag 'tshal bstod// gnod sel mthar phyin dam tshig he ru ka/ bde ba tshe 'phel mkha' klong dag pas na// thabs dang shes rab 'du 'bral yongs kyis med// dbyings su 'gro ba'i ye shes de min nam// ngo bo nyid kyi sku la phyag 'tshal bstod// sbyor ba mthar phyin yak+Sha he ru ka/ bde ba rgyas 'debs mkha' klong dag pas na// thabs dang shes rab 'du 'bral yongs kyis med// klong du gyur pa'i ye shes de min nam// bde ba chen po'i sku la phyag 'tshal bstod/ sgrol ba mthar phyin rak+Sha he ru ka/ bde ba rmongs byed mkha' klong dag pas na// thabs dang shes rab 'du 'bral yongs kyis med// stong pa nyid kyi ye shes de min nam// lhun gyis grub pa'i sku la
- 327b
phyag 'tshal bstod// sku gdung 'bar ba'i dkyil 'khor de min nam// klong dgu he ru ka la phyag 'tshal bstod// sku gdung 'bar ba'i khro bo'i zhabs 'og nas// hUM mdzad 'dod chags rgyal po nyi zla 'dul// rnam rgyal ma byin len pa'i dri za 'dul// dbyug sngon me lha log par lta ba 'dul// gshin rje srog gcod grul bum 'chi bdag 'dul// mi g.yo ngag 'tshal smra ba'i srin po 'dul// rta mgrin phra ma skyel ba'i klu rnams 'dul// mi thub rdzun du smra ba'i rlung lha 'dul// bdud rtsi tshig rtsub smra ba'i gnod sbyin 'dul// khams gsum gnod sems can gyi bgegs rnams 'dul// stobs chen brnab sems can gyi sa bdag 'dul// mthar byed khro rgyal bcu po de min nam// stong gsum khro bo'i sku la phyag 'tshal bstod// yang sangs rgyas pa'i che mchog he ru ka/ mi gnas mya ngan 'das pa'i klong na bzhugs// 'jigs byed chen po 'bar ba'i cha lugs ni// dbu skra kham nag gyen du 'khyil pa ni// srid pa gsum las rnam par rgyal bas na// 'bras bu sku gsung thugs ni lhun gyis grub// smin mtshams khro gnyer glog stong 'gyu ba ni// ma rig rmongs pa'i 'khor ba'i mun khung du// thugs rje chen po ye shes glog 'gyu ba'o// 'bar ba'i spyan ba grad byams mgon ye re gzigs// g.yas kyi rtsa gcig sdang mig zhe la gnan// 'khor ba'i sdug bsngal zhe la
- 328a
mnan te gzigs// g.yon gyi rtsa gcig zung mig bzlog ste gzigs// ngan song gsum gyi sdug bsngal phyags mas 'debs// dbus kyi rtsa gcig dbus su ye re gzigs// 'gyur med chos kyi dbyings las ma g.yos pa'o// shangs nas bskal pa'i rlung dmar ldang bas ni// 'khor ba'i g.yul las rgyal te mya ngan 'das// gsal la ma chags ye shes nyi zla'i snyan// nyon mongs tsha bas gdung ba'i sdug bsngal bsal// sgra nyid rang bzhin med de sgra mthar stong // rngam pa'i zhal gdangs dbyings kyi zhal hom du// khams gsum 'khor ba'i sdug bsngal ril mid mdzad// ting 'dzin rno dpal mche ba zang yag gtsigs// skye shi rtsad gcod mya ngan 'das par sbyor// le brgan ljags kyis thog dag bu yug 'bebs// rgyu drug 'khor ba'i skam glog thugs rje'i sbubs// ba spu thu lum rtse la me 'bar te// rtsa nas khrag 'bab khol mar 'khrugs pa la// ma tshogs 'bum gyi rgyal mo gnas pa'o// rdo rje sder mo lcags kyu 'dzings pa yis// skye dgu rtsad gcod theg dgu'i sa la bkod// rin chen gshog pa 'jig rten yogs par bkab// rigs 'dzin mang po sku yi dpung gnyen mdzad/ hUM/ yang sangs rgyas pa'i che mchog he ru ka/ dur khrod chen po 'bar ba'i klong na bzhugs// sku stod tshangs pa'i g.yang gzhi gsol ba ni// 'khor ba zhing
- 328b
gi log rtog tshar bcad nas// 'bras bu longs spyod rdzogs pa'i sku ni brnyes pa'o// sku smad stag gi sham thabs gsol ba ni// dpa' bo chen po chas su zhugs pa'i rtags// phrin las rnam bzhis 'gro don mthar phyin pa'i// 'bras bu sprul pa chen po'i sku brnyes pa'o// glang chen ko rlon na bza' gsol ba ni// chos kyi dbyings kyi ngang las ma g.yos par// 'bar ba'i gar dgus cir yang thogs med pas// 'bras bu chos kyi sku nyid brnyes pa'o// zod pa mang pos sku la brgyan pa ni// dus gsum sangs rgyas bsnyen bkur 'bul ba'i phyir// gti mug rmongs pa'i mun pa kun bsal nas// 'bras bu ngo bo nyid kyi sku brnyes pa'o// sbrul nag stong gi chun pos brgyan pa ni// gdug pa'i klu rigs dbang du kun bsdus nas// zhe sdang 'khor ba rtsad nas bcad nas kyang // 'bras bu rdo rje lta bu'i sku brnyes pa'o// pro d+ha yang / kro tha an dza thal chen tshom bus brgyan// don dam gnyis med nges pa'i don rtogs pas// phrag dog sa yi drungs nas phyung nas ni// 'bras bu bde ba chen po'i sku brnyes pa'o// khrag dang zhag gi thig les brgyan pa ni// ma mo mkha' 'gro 'bangs su 'khol byas nas// 'dod chags khrag gi rgya mtsho skems nas kyang // 'dod chags 'khrugs pa drungs nas phyung nas ni// 'bras bu mngon par byang chub sku brnyes pa'o// bskal pa'i me
- 329a
dpung klong na bzhugs pa ni// don dam gnyis med dbyings su rtogs pa'i phyir// ye shes lnga ldan sku gsum lhun gyis grub// nga rgyal drag po'i phung po bcom nas ni// 'bras bu ye shes chen po'i sku brnyes pa'o// mdzad pa sangs rgyas sku la phyag 'tshal bstod// bdud rtsi nyid ni rigs yum gyis// legs par phyogs nas 'dud byas nas// gtso bo la ni mnga' gsol bya// rigs lnga rtsa ba'i dkyil 'khor nyid// bdag nyid che mchog thugs ka nas// rin chen smug po'i gzhal yas khang // thugs kyi bsnyen pa rdo rje sems// gsung gi bsnyen pa snang mtha' yas// thugs bsnyen b+hud+ha he ru ka/ sku dang gsung dang thugs bsgom pa// bsnyen pa nye bsnyen bsnyen pa che// phyogs bzhi gzungs thag bla mas gzung // g.yon kyang mtheb srin rdo rje gzungs// g.yas pa'i phreng ba rgya la gtad// g.yo 'gul med par bgrang bar bya// 'dzab ni dbyangs kyis bstod byas nas// dgu pa'i dbyangs la bzlas pa bya// oM AHhUM sarba pany+tsa a mr-i ta hUM hrIHtha// sku gsung thugs kyis 'phro 'du yis// lus ngag yid gsum sgrib dag nas// yum gyi mkha' la bsgrub pa bya// yul gyi mkha' nas phyir spros pas// snod bcud bdud rtsi slar 'dus nas// nye ba'i bsnyen pa byas nas ni// bdag rdzas dag pa sgrub chen thim// zhes gsungs so// bdud rtsi chen po
- 329b
chos nyid gsang ba'i rgyud las/ che mchog rtsa ba sbyang ba ste le'u bzhi pa'o// // de nas bcom ldan 'das kyis 'gro ba'i don du 'di gsungs so// sbyor sgrol gnyis kyis mchod pa yis// rgyal ba mnyes shing thugs dam bskang // bar gcod byed pa'i nyams len la// dus tshod shes shing bzlog par bya// rak+ka rA tra yak+ka tshal pa ha na ha na hUM phaT/ bsgrub kyang rtags med stor ba na// a nr-i su tri pre du dza// rigs drug srog drang bo brdung bskor// dus tshod gang la stor ba dgug/ oM AHhUM sarba pany+tsa a mr-i ta ha ya grI wa hu lu hu lu b+han+d+ha b+han+na A yuHShe hUM hrIHtha// srod gung 'jing dang tho rangs dros// dus der stor na btsal byas la// dgug 'dren drag tu byas nas ni// 'dzab bgrang che ba'i yon tan brjod// slob dpon dgug pa'i 'dzab bgrang zhing // rgyal po bzhi yis khro bo bzhi// dkyil 'khor lnga la 'dzab bskul bya// bar bar dag tu bshags pa bya// dgu pa'i 'dzab ni bgrang nas ni// che ba'i yon tan brjod par bya// oM las ye shes 'od byung zhing // AHyis mes bsregs thal bar rlog/ hUM gis bdud rtsi rnam par dag/ sarba sa thams cad dbang du sdud// pany+tsas rnam lnga mngon sangs rgyas// a ni skye med chos kyi dbyings// mr-i ni bdud rtsi rnam par dag/ tas ni 'khor ba stongs par byed// hUM ni thugs kyi sa bon te// hriHni bag chags dbang du
- 330a
sdud// tha ni skye shi med pa'o// rtags kyang 'od dud 'phel sgra dri// ya mtshan byung yang bskyod mi bya// de nas bdud rtsi bskyil bar bya// so so'i mkha' la bskyil ba'i sngags// oM AHhUM sarba pany+tsa a mr-i ta kuN+Da li hUM hrIHtha/ shing dang sman dang rtsi dang nags// sman gyi srung ma bskul bar bya// de nas bdud rtsi dbab pa yang // lha mo brgyad kyi dur khrod sbyang // oM AHhUM sarba pany+tsa a mr-i ta me pra be sha ya pheM pheM hUM hrIHtha/ de nas bdud rtsi dbang du bya// oM AHhUM sarba pany+tsa a mr-i ta ha ya grI wa hrIH/ ru lu ru lu hrIH/ pad+ma pad+ma hrIH/ b+han+d+ha b+han+d+ha hUM hrIHtha/ rdo rje 'khor lo rin chen dang // pad+ma las kyi dbang du bya// rtags dang mtshan ma bstan pa dang // dkyil 'khor zhugs pa'i lha rnams la// 'dzab dang snying po rkang thon dbul// stong tshigs mchod pa 'bul nas ni// de tshe myur du dngos grub blang // oM AHhUM sarba pany+tsa a mr-i ta many+dzu shrI b+ha ba lo ki te/ sid+d+hi sid+d+hi hUM hrIHtha/ rig 'dzin rta mgrin che mchog dang // mkha' mnyam sku gdung 'byung lnga yum// bdud rtsi dbang chen kun 'dus nas// che mchog sku gsung thugs yon las// dngos grub dkyil 'khor zhal bsgyur nas// mtshan ma rdzas la blang bar bya'o// oM AHhUM sarba pany+tsa a mr-i ta A yuHpha la gu h+ye sid+d+hi hUM hrIHtha// oM bo d+hi tsit+ta ka ya wAka tsit+ta sa ma ya s+t+waM/ slob dpon rig pa'i me tog dor// sman gyi dkyil 'khor
- 330b
bdag la bstim// rgyal po bla ma mnga' gsol la// mched kyis phreng ba dbul ba dang // slob ma 'jug cing zhu dbang nod// pho brang spyir bzhag dbang bskur la// tshe yi dbang yang bskur bar bya// thob dang mi thob rnam par brtag/ oM AHhUM sarba pany+tsa a mr-i ta a b+hi Shiny+tsa hUM hrIHtha/ oM AHhUM swA hA/ A yuHtha la gu h+ya a b+hi Shiny+tsa hUM/ phung po khams dang skye mched kyang // ye nas sangs rgyas dgongs pa yin// rang rig sems su rtogs gyur na// spyod yul gang bltas rang sems gsal// rtog pa lha ru shes gyur na// lha dang 'du 'bral ye nas med// rnam rtog chos nyid gsal gyur na// dgra bgegs tshar bcad bya mi dgos// ye 'byams klong gi dbang rdzogs na// rtags kyi phyag rgya bsgrub mi dgos// phrin las bya btsal ye 'das na// bsgom bsgrub 'bad rtsol ming yang med// 'di ltar rtogs pa'i gdeng gyur na// bsgrubs kyang skyon med 'gal ba med// ma bsgrubs skyon med lhun gyis grub// bsam med chos sku nam mkha' 'dra// bsgom med rang byung klong nas shar// ye nas byang chub sems rtogs na// 'du 'dzi byis rtsed ci zhig bya// thabs mkhas rol pa'i ting 'dzin la// tshe chad sgom sgrub ci zhig bya// snod bcud thig ler sangs rgyas na// gzhan nas btsal zhing smon pa med// rtogs pa klong du sus 'dril ba// mi zhes bya ba sangs rgyas yin//
- 331a
bcom ldan 'das kyang gud na med// brtan g.yo'i dkyil 'khor phyag rgya rdzogs// rtog 'dzin sgra mtha' ting 'dzin sngags// 'di ltar spyod pa'i rnal 'byor ni// 'khor 'das yongs rdzogs brdal ba'i sa// sku lnga dbyer med dgongs pa yin// kun bzang thugs kyi nying khu yin// rgyun du bsgoms shing bsgrub byas nas// si h+la 'byongs na sems dag yus// mthong snang rmi lam gang du yang // stong gsum nyi mas gang bar mthong // ga pur zla bas gang ba ste// mAM sa dur khrod gnas chen na// khrag 'thung bzhugs par gsal ba dang // rak+ta khrag dang dri chur bcas// bde gshegs rigs lngar mthong bar 'gyur// sa ni dri chen chu la thim// chu ni dri chu me la thim// me ni rak+ta rlung la thim// rlung ni sha chen nam mkhar thim// nam mkha' byang sems chos kyi sku// bdud rtsi sna lngar sangs rgyas so// sku ni yi dam bla ma mched// gsung ni snying po phyag rgya bzhi// thugs ni gsang ba'i man ngag yin// brdzun smra ngag brlang sbyor dang sgrol// bdud rtsi lnga ni dang du blang // nyon mongs mi spang ye shes yin// rigs lngar shes na kun bsgrub pas// rdo rje rgyal pos rgya bcag la// slob dpon 'dzab bzlas kha phye nas// yum gyi ya mtshan che bar brjod// bdud rtsi pho brang nas dbyung ngo // lhag ma bskyang nas gtor ma gtang // gter du sgra dang sbyin bsreg
- 331b
bya// mkha' 'gro skyong la las zla bzlas// gtor ma mthar du dbyung bar bya// lhag chad bshags te dag par bya// tshig gis mched zla ngan pa bshags// gcig la gcig ni tshang bar bya// dkyil 'khor bsdus la ye shes gshegs// rang yul zhig dag bcas pa dang // bu dang chung ma la sogs te// rang lus phul la yon gyis bslu// ci 'byor bla ma mnyes par bya// de ltar bsgoms shing bsgrub pa yis// sku yi gsang ba bsam mi khyab// chos sku dri ma med pa thob// sku ni thams cad de las 'byung // gzugs sku gnyis su snang ba'o// gsung gi gsang ba bsam mi khyab// brjod med don gyi gsung dang ldan// gsung ni thams cad de las byung // gsung dbyangs yan lag drug cur sgrogs// thugs kyi gsang ba bsam mi khyab// skye med dgongs pa dbyings na gsal// thugs ni thams cad de las byung // ye shes rnam grangs bsam las 'das// sku dang gsung dang thugs dang gsum// mi zad rgyan gyi 'khor lo gsal// rtags su dbu yi gtsug tor brtan// rigs lnga'i sangs rgyas bdud rtsi nyid// rang zhal rang gi lus la mthong // rtsa dbyings dung chen g.yas su 'khyil// lus khams bdud rtsi spyi gtsug 'thon// gsang ba'i ring bsrel chen por gnas// rlung gi 'od zer tshangs bug 'phro// zhes gsungs so// bdud rtsi
- 332a
chen po chos nyid gsang ba'i rgyud las/ 'bras bu mthar phyin pa'i le'u ste lnga pa'o// // de nas 'khor rnams kyis ston pa la mchod pa mang pos mchod nas 'di skad brjod cing bstod do// phun sum tshogs pas gzhi bcas nas// cho ga lnga yi las gzhung bsrang // dkyil 'khor gsum gyis rtog pa sbyangs// gces pa bzhi yis mtha' bsdus nas// 'khor 'das bdud rtsir sbyor mdzad pa// ston pa khyed la phyag 'tshal lo// phyi yi sman bsgrub chen po yis// sems can nyon mongs snang ba sbyang // nang gi bdud rtsi bsgrub pa yis// rnal 'byor nyams kyi snang ba shar// 'bras bu bde gshegs snang ba la// mi zad rgyun gyi 'khor lor grub// snang ba gsum gyi rgyun chad pa// ston pa bde gshegs khyod phyag 'tshal// zhes bstod nas 'khor rnams ston pas gsungs pa la rjes su yi rangs par gyur to// de nas ston 'khor rnams chos kyi dbyings su thim nas/ gsang ba'i rgyud chen po 'di u rgyan gyi yul du dpal du ba lta bu'i mchod rten gyi nang du bzhugs so// de nas gsang ba'i bdag po 'gro ba la spros te/ bdud rtsi chen po chos nyid gsang ba'i rgyud las rjes su yi rang ba'i le'u ste drug pa'o// // bdud rtsi chen po chos nyid gsang ba'i rgyud rdzogs so// // rgya gar gyi mkhan po bi ma la mi tra
- 332b
dang / bod kyi lo tsA ba gnyags dz+nyA na ku ma ras bskur ba'o// / @#/ rgya gar skad du/ a mr-i ta kuN+Da li a ma ra A yuHtan+t+ra nA ma/ bod skad du/ bdud rtsi 'khyil pa 'chi med tshe'i rgyud ces bya ba/ bcom ldan 'das yang dag par rdzogs pa'i sangs rgyas tshe dpag tu med pa la phyag 'tshal lo// 'di skad bdag gis thos pa'i dus gcig na/ bcom ldan 'das yang dag par rdzogs pa'i sangs rgyas tshe dang ye shes dpag tu med pa sku dang bsod nams kyi tshogs thams cad la longs spyod pa'i bdag po chen po de ni bcom ldan 'das de bzhin gshegs pa thams cad kyi sku dang / gsung dang / thugs rdo rje snying po rdo rje btsun mo'i pad+ma la bzhugs so// de nyid la sogs pa rigs lnga'i sangs rgyas rnams dang dus gsum gyi de bzhin gshegs pa rnams dang / sa bcu'i byang chub sems dpa' sems dpa' chen po la sogs pa rnams dang / thabs cig tu bzhugs so// de'i tshe de'i dus na/ byang chub sems dpa' sems dpa' chen po rdo rje chos rang gi stan las bzhengs nas khams gsum gyi sems can ma lus pa rnams la thugs rje chen pos gzigs te/ 'di skad ces gsol ba 'debs so// bcom ldan mgon po tshe dpag med// srid pa gsum gyi sems can rnams// tshe ni nyams byed rgyu dang rkyen// tshe nyams gyur pa'i rtags
- 333a
dang ni// tshe chog mkhan po'i mtshan nyid dang // tshe yi cho ga bya zabs rnams// bcom ldan 'das kyis bshad du gsol// zhes zhus pa dang / de nas bcom ldan 'das kyis bka' stsal pa/ dam can yi chad sngags pas sems dkrugs pa dang // zhe sdang drag po'i rbod stong babs pa dang // rtsa ba sku gsung thugs kyi dam nyams dang // gnas med gnas bcas gyur pa 'di rnams ni// tshe srog nyams par byed pa'i rgyu yin no// tshe yar dbugs sngangs bgegs kyi dbang du gyur// tshe srog nyams par byed pa'i rkyen yin no// 'khar la khro zhing ngu skad 'byin pa dang // bzhin 'gyur spyod lam 'chal bar gyur par spyod// slob dpon 'tsho byed dus las g.yel ba dang // kha zas dag kyang yi gar mi 'ong rnams// 'gro ba gang la 'di dang ldan gyur na// de ni tshe nyams pa yi rtags yin no// tshe chog byed pa'i slob dpon mtshan nyid gsum// ting 'dzin phra mo las su rung ba dang // rgyud kyi don la mkhas shing dbang thob pa// mthu byin che zhing dam can nye ba gsum// 'di gsum gang gis bkug kyang khug par 'gyur// mi mchog bla ma de la tshe bsrung zhu// tshe mchog bya ba'i thabs kyi rim pa ni// bcud len sman gyis tshe rnams bsring ba dang // yi dam sngags kyis tshe sogs 'gugs pa dang // bza' btung longs spyod tshe yi cho ga
- 333b
dang // longs spyod tshogs kyi tshe bsgrub chen po dang // gsang ba dag pa'i rdzas la tshe bsgrub cing // mkha' dbyings dag pa'i yum la tshe bsgrub bya// 'di rnams gang gis tshe srog nyams pa 'tsho// zhes gsungs so// bdud rtsi 'khyil ba 'chi med tshe'i rgyud las/ gleng gzhi dang gleng bslang ba'i le'u ste dang po'o// // de nas bcom ldan 'das kyis tshe nyams par byed pa'i rgyu rkyen 'di gsungs so// phyi dang nang dang gsang ba'i dam can rnams// lo dang zla bar mchod pa'i dam bca' rnams// pra ti ha na dus kyi mchod pa chag/ chos skyong srung ma ma lus yi chad nas// cho 'phrul mi sdug ston pas yid kyang dngangs// dkon mchog sri zhu 'khor dang bcas pa dang // yon tan mgron gyi dpal ldan mgon po dang // lan chags snyogs pa'i bgegs rigs sde brgyad dang // snying rje'i mgron gyur rigs drug sems can la// mchod sbyin ma btang bsrung ma ma dgyes pas// rang sems 'khrul pas lus ngag sems nad ldang // dge 'dun rnam gnyis longs spyod srog la rgol// dam can srung ma lha srin ma lus rnams// bsgral ba'i zhing min de la rbad byas pas// dus min 'chi bar byed pa'i bar chad yin// yi dam rang gi srog ltar khur ba dang // lus ngag yid kyis bla ma mchod zhabs 'degs// sngags dang phyag rgya bar du mi gcod cing // gsang
- 334a
ba'i man ngag snod ngan mi spel la// sbyor sgrol la sogs spyad par bya ba dang // bdud rtsi rnam lnga dang du len byed cing // nyon mongs ye shes ye nas mi spangs te// rigs lnga bsgrub par dam bcas de rnams dor// de dag tshe srog nyams par byed pas na// 'di bzhin skyes bus ma byed rnal 'byor tshogs// zhes gsungs so// bdud rtsi 'khyil pa 'chi med tshe'i rgyud las/ tshe nyams par byed pa'i rgyu bstan pa'i le'u ste gnyis pa'o// // de nas bcom ldan 'das kyis tshe nyams pa'i rtags 'di gsungs so// gang zhig bgegs kyi dbang du gyur pas ni// pha mas bsdus pa'i spyan zla sring mo dang // lus las chad pa'i bu dang bu mo dang // srid pas 'brel ba'i bud med gzungs ma dang // dus kyis bsdus pa'i pha tshan mes po sogs// lus ngag yid kyi khro bar byed pa dang // sngon las mi shes sngon las rjod byed cing // de lhaltalha'i spyod pa cung zad dka' bar blta// phyi ma gar skye 'bras bu mi shes par// da lta'i lus 'di 'dor bar sdug skad 'byin// lus kyi mdog nyams dngas ma bros pa dang // byad kyi bzhin 'gyur bkrag mdangs shor nas ni// ngag gis tshig ngan smra la dga' bar byed// lus kyi spyod lam dran pa mi gsal te// 'du ba'i nad kyis lus la zin pa na// 'tsho byed sman pa dus su mi khugs shing // bla ma bsod nams che ba
- 334b
gzhan du shor// lus kyi stobs med kha zas yid mi 'ong // pho ba'i me drod nyams pas 'ju stobs zhan// zhes gsungs so// bdud rtsi 'khyil pa 'chi med che'i rgyud las/ tshe nyams pa'i rtags bstan pa'i le'u ste gsum pa'o// // de nas bcom ldan 'das kyis tshe mchog byed pa'i slob dpon gyi mtshan nyid bstan pa 'di gsungs so// yi dam gsal zhing bsnyen pa thengs pa yis// drod rtags phra mo'i nus pa ston pa dang // dmigs med de bzhin nyid la blo gtad pas// stong nyid phra mo rgyud la shar ba dang // rgyud don thugs la gsal bar mkhyen pa yis// cho ga'i yan lag kun la mkhas pa dang // bum dbang lus la thob pas byin dang ldan// lus kyi rtsa rnams bskyed rim lha skur shes// gsang dbang ngag la bskur bas sngags dang ldan// bzlas pa'i thabs la shin tu gus pa dang // shes rab yo byad yid la gnas pa yis// khams kyi bdud rtsi lhan skyes ye shes myong // bde chen dbang gi snying po rlung la goms// gzungs ma'i mkha' nas byang sems rang la sdud// lus ngag yid rnams dag phyir dbang rnams thob// dbang rdzogs rgyud mkhyen yan lag ldan pa yis// mthu dang byin brlabs ngang gis che ba yin// nyi ma gang du shar bar mun pa sel// yon tan de ldan dam can srung ma nye// 'di ldan bla ma'i mtshan nyid yod pa de// phyi
- 335a
mi bla mas sgro 'dogs yongs su gcod// nang gi bla mas rang byung ye shes shar// gsang ba'i bla mas lhan cig skyes pa ston// de nyid bla ma'i chos rnams shin tu dag/ 'di yis tshe rnams khrag par the tshom bral// gang nyams skyes bus brtson 'grus rab bskyed nas// bla ma 'di la tshe chog myur du zhus// zhes gsungs so// bdud rtsi 'khyil pa 'chi med tshe'i rgyud las/ tshe chog byed pa'i mkhan po bla ma bstan pa'i le'u ste bzhi pa'o// // de nas bcom ldan 'das kyis bcud len sman gyis tshe bsring ba gsungs so// gang zhig bcud len sman gyis tshe rnams bsring // shing gi 'bras bu dag la bstan pa dang // rdo yi bcud la bsten nas blang bya dang // rtsi yi rtsa ba rnams su sbyar ba dang // sha yi rigs kyis ro rnams sra bya zhing // sa yi zhags rnams zas su za byed cing // chu yi rigs rnams skom du btung bar bya// 'byung ba'i ro rnams ldan pa a ru ra// nus pa'i bcud ldan sman mchog pa ru ra// tsha ba'i nad sel grang 'joms s+pha ru ra// rgya ma lnga bcu chu yi nang du spang // khu ba btsag nas 'bri mar bzang po dang / mchu dang bcas nas bsdus pa yi// sman mar bsten pas skra dkar gnyer ma med pa dang // tshe ring lus ni shin tu bde bar byed// 'du ba'i nad kyis mi 'jig tshe yang brtan// 'bras bu gsum gyi bcud len mi
- 335b
rnams spyod// cong zhi me yis bzhus pa'i phye ma dang // brag zhun chu yis bzhur ba'i khu ba dang // bu ram sbyar la rtag tu zas su bza'// nad rnams 'joms shing rgas kha shin tu sra// ram nye nye shing ra shag rtsa ba dang // ka shra kan d+hi rtsa ba gze ma dang // l+ya ba'i rtsa ba rnams ni cha bsnyams te// mar dang 'o ma chur sbyar tshogs par bya// mar gyis bcud 'phel 'o mas sna ring ngo // chu yis sna mi tshig ste khong tshos so// dkrugs pas 'ju sla mkhas pas sbyar bar bya// rtsa ba lnga yi sman mar nad rnams sel// rgas sra lus kyi nyams stobs bcud mdangs 'phel// tshe srog brtan par byed de nyams su blang // da bying rtsangs pa sbal pa mchil pa'i sha/ sbrul gyi sha dang dbang po lag pa dang // bu ram sbrang rtsi cong zhi rab sbyar zos// rgas pa ro sra lus kyi zungs rnams rgyas// mig rno gzhon pa'i lus dang 'dra bar byed// tshe cho ga yin phyir dang du blang bar bya// sa yi zhag rnams zas su za byed na// dang po sa bdag klu gnyen med sa nas// sbyin la bzang zhing snum pa'i sa rigs nas// gtor ma byin la yi dwags sogs la bslang // bdag por snang ba rnams la zhu bar bya// chang ngam chu la sbyar te btung ba yang // khro bo dkar po ral gri thod pa 'dzin// bsgom nas bdud rtsir byin brlab bza' bar bya// log na bul tog sa zhag bsres la bza'// chang zhim
- 336a
lho ru btung bar bya ba yin// sa yi lha mo tshe yi bdag mo yi// bsgrub pa'i man ngag tshe yi cho gar bsrung // chu yi rigs rnams skom du btung ba yin// dang po nas gdus tsha ba btung bar bya// kham log byung na bu ram mur bar bya// de nas tsha med pa yi chu bzang la// bskol grang byas te mang du 'thung ba yis// srin gyi rigs rnams phyi ru 'thon pa dang // kham log byung na rus khu bzang po gtang // 'byongs par gyur nas rtag tu chu grang btung // 'dis ni sa bdag klu gnyen ma lus pa'i// tshe yi bar chad sel bar byed pa yin// chu goms bzang po rnal 'byor pa yis bya// de la bcud len rigs kyi sngags 'di gsungs// oM A mi de wa hrIH/ sarba pany+tsa a mr-i ta hUM hrIH/ A yudz+nyA na puN+ye swA hA/ bdud rtsir 'khyil pa 'chi med tshe'i rgyud las/ bcud len sman gyis tshe bsring ba'i le'u ste lnga pa'o// // de nas bcom ldan 'das kyis yi dam sngags kyis tshe srog 'gugs pa 'di gsungs so// tshe srog brtan pa'i yi dam sngags bsgrub 'di// tshe bsring nad sel rgyal po yin par gsungs// dang po tshe srog rten byed stong nyid las// tshe dpag med pa mdog dkar rang nyid bsam// g.yas pa sa gnon g.yon pa mnyam bzhag steng // tshe yi bum pa rab tu bzhag pa la// yi ge nr-i ni tshe yi rang bzhin can// 'od 'phros bkug nas rang la bstim par
- 336b
bya// na mo b+ha ga wA te/ a pa ri mi ta A yur dz+nyA na su bi niSh+Tit+ta te dzo rA dzA ya/ ta thA ga ta ya/ a ra ha ti samyak+saM bud+d+ha ya/ tad+ya thA/ AM sarba saM ska ra pa ri shud+d+ha d+harma te ga ga na sa mud ga te/ swa b+ha wa bi shud+d+he ma hA na ya pa ri wA re swA ha/ zhag re la ni brgya rtsa bzlas// tshe srog bar chad med par 'gyur// tshe ring nad sel thugs dam ni// nangs par nyi ma shar ba'i dus// shar gyi phyogs su bltas la// nam mkha' zla ba'i dkyil 'khor la// tshe dpag med pa mdog dkar zhing // phyag gi bdud rtsi lhung bzed nas// 'chi med bdud rtsi 'gro sbyin btang // gsil byed kha bcad skyil krung bzhugs// bdag gis mchod de gsol ba gdab// hUM shar phyogs mngon par dga' ba na// tshe dang ye shes bdag po khyed// bdud rtsi'i lhung bzed kha phyed nas// gsil byed 'bar ba rin chen nas// bden pa bzhi rtogs chu bo phob// bdag la tshe dbang bskur du gsol// tshe dang bsod nams rgyas par mdzod// dus 'dir bdag la bdud rtsi phob// ces pa sna yi rlung gis ni// bdud rtsi gsil byed las drangs nas// bdag la 'bebs pa'i gsang sngags 'di// brgya dang rtsa brgyad bzlas par bya'o// hUM su so sa ra ha ka rir sha re hUM phaT/ 'du ba bzhi yi nad rnams dang // bgegs rigs stong phrag brgyad cu'i gdon// thams cad ma lus sel bar byed// de phyir
- 337a
rang gi dri chu ni// khyor bar blugs la sngags btab btung // oM a ma ra Na dzI wan ti swA ha/ zhes gsungs so// bdud rtsi 'khyil pa 'chi med tshe'i rgyud las/ yi dam sngags kyis tshe brtan pa'i le'u ste drug pa'o// // de nas bcom ldan 'das kyis bza' btung longs spyod che'i cho ga 'di gsungs so// nyin gcig pa dang gzhan gyis kha skongs la// bza' btung longs spyod tshe chog yin// nyin gcig pa yi tshe yi cho ga'i gzhung // pad+ma 'dab brgyad dkyil 'khor bzhengs su gsol// tshe bum byin brlabs mtshams bcad cing // tshe skyems bltam zhing tshe 'bras bstsal// dkyil 'khor dbus su bzhugs su gsol// b+h+rUM las bum pa gzhal yas khang // ma las nyi ma'i dkyil 'khor dang // a las zla ba'i dkyil 'khor bsgom// a yig 'phro 'dus snga brjod la// bcom ldan mgon po tshe dpag med// zhal gsum ga ni drag pa ste// g.yas dkar g.yon sngo dbus dmar ba// pad+ma rdo rje rin chen g.yas// dril bu 'khor lo ral gri g.yon// thugs kar hriHdmar rta mgrin skra// zhal gsum phyag drag skra mdog dmar// g.yas g.yon rdo rje pad+ma bsnams// mtha' gnyis mda' gzhu rnam par 'dzin// dkar la dmar dang sngo ba'i zhal// khams gsum dbang du bsdus pa'o// b+h+rUM badz+ra pad+ma bi shra b+h+yAM/ ma sUr+ya maN+Da la b+h+rUM/ a
- 337b
tsan+d+ra maN+Dal a/ paM pad+ma maN+Dal paM/ s+pha ra Na phaT/ saM ha ra Na hUM/ tiSh+Tha badz+ra/ oM AHhUM/ yum chen gos dkar sku la 'khril// de bzhin rdo rje rin chen dang // las mchog yum chen pad+ma la// pho nya bzhi dang sgo ma bzhi// zhing khams sgo la bsgom par bya// tshe bskyed pa la rnam pa gnyis// zhi ba ye shes tshe dang ni// rol pa khro bo'i tshe bskyed do// tshe 'gugs pa la rnam pa gnyis// 'byung ba chen po lnga yi tshe// 'bras bu byang chub sems kyi tshe// bstim pa lus kyi gnas lnga ru// sku gsung thugs dang yon tan dang // phrin las lnga yis tshe bstim mo// hUM nub phyogs pad+ma dbang gi zhing khams na// bcom ldan mgon po gsung mchog tshe dpag med// thugs kyi zla gam shel gyi ga'u nas// byang chub sems kyi tshe mchog A yu dmar po ni// rtse gcig bdag gis bsgrub pa'i tshe lags na// byin gyis brlobs shing tshe yi dngos grub stsal du gsol// oM b+h+yAM b+hud+d+ha A yu She hUM a/ hUM b+h+rUM badz+ra A yu She hUM a/ swa b+h+yAM rat+na A yu She hUM a/ AM b+h+rUM pad+ma A yu She hUM a/ hA b+h+yAM karma A yu She hUM A/ hUM pad+ma ge sar stong ldan pa'i// dbus kyi rA ga dmar po 'od kyi dkyil 'khor nas// bcom ldan sku mchog mgon po rnam snang mdzad// thugs ka'i dpal be'u zla gsang ga'u nas// oM dkar gsal ba'i 'phro 'du las// chos kyi dbyings kyi ye shes kyis// 'jig rten drug gi phyogs
- 338a
bcu nas// gti mug chen po'i dug bcom ste// gu h+ya gsang ba'i byang chub sems// rdo rje'i tshe ru rab tu bsgom// hUM b+h+rUM bud+d+ha A yu She hUM aH/ hUM pad+ma ge sar stong ldan pa'i// shar phyogs ye shes chen po'i dkyil 'khor nas// bcom ldan thugs mchog mgon po rdo rje sems// thugs ka'i dpal be'u zla gsang ga'u nas// hUM sngon gsal ba'i 'phro 'du las// me long lta bu'i ye shes kyis// 'jig rten drug gi phyogs bcu nas// zhe sdang chen po'i dug bcom ste// gu h+ya gsang ba'i byang chub sems// rdo rje'i tshe ru rab tu bsgom// hUM b+h+rUM badz+ra A yu She hUM AH// hUM pad+ma ge sar stong ldan pa'i// lho phyogs ye shes chen po'i dkyil 'khor nas// bcom ldan yon tan mgon po rin chen 'byung // thugs ka'i dpal be'u zla gsang ga'u nas// swA ser gsal ba'i 'phro 'dul las// mnyam pa nyid kyi ye shes kyis// 'jig rten drug gi phyogs bcu nas// nga rgyal chen po dug bcom ste// gu h+ya gsang ba'i byang chub sems// rdo rje'i tshe ru rab tu bsgom// swa b+h+rUM rat+na A yu She hUM a/ hUM pad+ma ge sar stong ldan pa'i// nub phyogs ye shes chen po'i dkyil 'khor nas// bcom ldan gsung mchog mgon po tshe dpag med// thugs ka'i dpal be'u zla gsang ga'u nas// AM dmar gsal ba'i 'phro 'du las// so sor rtog pa'i ye shes kyis// 'jig rten drug gi phyogs
- 338b
bcu nas// 'dod chags chen po'i dug bcom ste// gu h+ya gsang ba'i byang chub sems// rdo rje'i tshe ru rab tu bsgom// AM b+h+rUM pad+ma A yu She hUM a/ hUM pad+ma ge sar stong ldan pa'i// byang phyogs ye shes chen po'i dkyil 'khor nas// bcom ldan phrin las mgon po don yod grub// thugs ka'i dpal be'u zla gsang ga'u nas// hA ljang gsal ba'i 'phro 'du las// bya ba nan tan ye shes kyis// 'jig rten drug gi phyogs bcu nas// phrag dog chen po'i dug bcom ste// gu h+ya gsang ba'i byang chub sems// rdo rje'i tshe ru rab tu bsgom// hA b+h+rUM karma A yu She hUM A/ hUM 'byung ba sha yi khams nas tshe nyams na// sa yi khams nas dgug par bya// dus gsum rgyal ba'i yum mchog sangs rgyas spyan// 'jig rten drug gi phyogs bcu nas// 'byung ba sa yi khams rnams kun// gsang ba'i tshe ru byin brlabs nas// sha yi khams su bstim par bya// lAM b+h+rUM badz+ra A yu She hUM A/ hUM 'byung ba khrag gi khams nas tshe nyams na// chu yi khams nas dgug par bya// dus gsum rgyal ba'i yum mchog mA ma ki// 'jig rten drug gi phyogs bcu nas// 'byung ba chu yi khams rnams kun// gsang ba'i tshe ru byin brlabs nas// khrag gi khams su bstim par bya// mAM b+h+rUM rat+na A yu She hUM a/ hUM 'byung ba drod kyi khams nas tshe nyams na// me yi khams nas dgug par bya// dus
- 339a
gsum rgyal ba'i yum mchog na bza' dkar// 'jig rten drug gi phyogs bcu nas// 'byung ba me yi khams rnams kun// gsang ba'i tshe ru byin brlabs nas// drod kyi khams su bstims par bya// pAM b+h+rUM pad+ma A yu She hUM a/ hUM 'byung ba dbugs kyi khams nas tshe nyams na// rlung gi khams nas dgug par bya// dus gsum rgyal ba'i yum mchog dam tshig sgrol// 'jig rten drug gi phyogs bcu nas// 'byung ba rlung gi khams rnams kun// gsang ba'i tshe ru byin brlabs nas// dbugs kyi khams su bstim par bya// tAM b+h+rUM karma A yu She hUM a/ hUM rnams shes yid kyi khams nas tshe nyams na// nam mkha'i khams nas dgug par bya// dus gsum rgyal ba'i yum mchog kun tu bzang // 'jig rten drug gi phyogs bcu nas// 'byung ba nam mkha'i khams rnams kun// gsang ba'i tshe ru byin brlabs te// sems kyi khams su bstim par bya// mAM b+h+rUM b+hAd+d+ha A yu She hUM a/ hUM shar phyogs dkar mo shel gyi zhing khams nas// dkar mo mgyogs ma zhi byed 'od 'phro'i tshogs// phyag na tshe yi g.yab dar dkar po bsnams// tshe dang ye shes 'gugs pa'i las mdzad ma// dpal dang gzi brjid 'dren pa'i las mdzod cig/ shar phyogs dri za'i lag nas tshe drongs la// rdo rje'i tshe mchog 'gugs pa'i las mdzod cig/ badz+ra A yu She aM ku sha dza/
- 339b
hUM lho phyogs bai DUr+ya yi zhing khams nas// sngon mo mgyogs ma zhi byed 'od 'phro'i tshogs// phyag na tshe yi g.yab dar sngon po bsnams// tshe dang ye shes 'gugs pa'i las mdzad ma// dpal dang gzi brjid 'dren pa'i las mdzod cig/ lho phyogs gshin rje'i lag nas tshe drongs la// rin chen tshe mchog 'gugs pa'i las mdzod cig/ rat+na A yu She pA sha hUM/ hUM nub phyogs pad+ma rA ga'i zhing khams nas// dmar mo mgyogs ma dbang byed 'od 'phro'i tshogs// phyag na tshe yi g.yab dar dmar po bsnams// tshe dang ye shes 'gugs pa'i las mdzad ma// dpal dang gzi brjid 'dren pa'i las mdzod cig/ nub phyogs klu dbang lag nas tshe drongs la// pad+ma'i tshe mchog 'gugs pa'i las mdzod cig/ pad+ma A yu She s+pho Ta baM/ hUM byang phyogs in+d+ra nI la'i zhing khams nas// ljang gu mgyogs ma drag byed 'od 'phro'i tshogs// phyag na tshe yi g.yab dar ljang gu bsnams// tshe dang ye shes 'gugs pa'i las mdzad ma// dpal dang gzi brjid 'dren pa'i las mdzod cig/ byang phyogs gnod sbyin lag nas tshe drongs la// las kyi tshe mchog 'gugs pa'i las mdzod cig/ karma A yu She g+haN+De hoH/ hUM khams gsum gnas na tshe 'gugs ma// rdo rje lha mo lcags kyu ma// ga pur shel gyi mdog 'dra ba// phyag na tshe yi bum pa bsnams// gcig las bye ba 'bum du sprul// yang
- 340a
sbrul lha mo mang po yis// drongs shig rdo rje'i tshe drongs shig/ khaN+Da ro hI dza dzaH/ hUM srid gsum gnas nas tshe 'gugs ma// rin chen lha mo zhags pa ma// bai DUr+ya yi mdog 'dra ma// phyag na rin chen bum pa bsnasdams// gcig las bye ba 'bum du sbrul// yang sbrul lha mo mang po yis// drongs shig rin chen tshe drongs shig/ du si ni hUM hUM/ hUM stong gsum gnas nas tshe 'gugs ma// pad+ma'i lha mo lcags sgrog ma// pad+ma rA ga'i mdog 'dra ma/ phyag na pad+ma'i bum pa bsnams// gcig las bye ba 'bum du sbrul// yang sbrul lha mo mang po yis// drongs shig pad+ma'i tshe drongs shig/ d+hak+ki ni baM baM/ hUM 'jig rten gsum na tshe 'gugags ma// las kyi lha mo dril bu ma// in+d+ra nI la'i mdog 'dra ma// phyag na zla ba'i dril bu bsnams// gcig las bye ba 'bum du sbrul// yang sbrul lha mo mang po yis// drongs shig las kyi tshe drongs shig/ sa ma ya ho hoH/ oM badz+ra aM ku sha dzaH/ badz+ra pA sha hUM/ badz+ra s+pho Ta baM/ badz+ra g+haN+De hoH/ hUM chos las mnga' mdzad pad+ma'i rgyal// gcig nas dbang bskur bcom ldan 'das// phung po lnga yi tshe nyams na// phyag rgya chen po yab kyi khug/ 'byung ba lnga yi tshe nyams na// shes rab lha mo yum gyi khug/ khams dang skye mched tshe nyams na// byang chub sems dpa'i 'khor gyis khug/ hUM rdo rje khyung gi gshog rlabs la// rgya mtsho chen
- 340b
po'i gting nas dkrugs// gnam lcags thog gi char phob la// srid pa'i ri bo rmang nas shig/ rdo rje mtshon cha'i char phob la// bar chod 'byung po rdul du rlog/ dzaHhUM baM hoH/ tIg+na muk+ta badz+ra A yu She A/ de nas tshe bum lag tu gtad// hUM nam mkha'i khams nas ma gcig tshe 'dzin ma// de bzhin rigs kyi yum ste tshe 'dzin ma// sku mdog btso ma gser gyi mdog 'dra ma// phyag na gser gyi bum pa bsnams// yon bdag che dang bdud rtsis bltams nas kyang // 'khor lo rtsibs brgyad 'bar ba'i rgyas 'debs shing // tshe 'di bcol lo tshe dang srog gnyis brtan// tshe zungs srog skyobs dbang bskur byin gyis rlobs// d+ha tI shwa ri che b+h+rUMb+h+rUM/ hUM shar gyi phyogs nas ma gcig tshe 'dzin ma// rdo rje rigs kyi yum ste sangs rgyas spyan// sku mdog ga pur shel gyi mdog 'dra ma// phyag na rin chen shel dkar bum pa bsnams// yon bdag tshe dang bdud rtsis bltams nas kyang // rdo rje rtse lnga 'bar ba'i rgyas 'debs shing // tshe 'di bcol lo tshe dang srog gnyis brtan// tshe zungs srog skyobs dbang bskur byin gyis rlobs// dri Sha ra ti tshe b+h+rUM/ hUM lho yi phyogs nas ma gcig tshe 'dzin ma// rin chen rigs kyi yum ste mA ma ki// sku mdog bai DUr+ya yi mdog 'dra ma// phyag na bai DUr+ya yi bum pa bsnams// yon bdag tshe dang bdud rtsi bltams nas kyang // rin chen zur
- 341a
brgyad 'bar ba'i rgyas 'debs shing // tshe 'di bcol lo tshe dang srog gnyis brtan// tshe zungs srog skyobs dbang bskur byin gyis rlobs// mo ha ra ti tshe b+h+rUM/ hUM nub kyi phyogs nas ma gcig tshe 'dzin ma// pad+ma rigs kyi yum ste na bza' dkar// sku mdog pad+ma rA ga'i mdog 'dra ma// phyag na pad+ma rA ga'i bum pa bsnams// yon bdag tshe dang bdud rtsis bltams nas kyang // pad+ma 'dab brgyad 'bar ba'i rgyas 'debs shing // tshe 'di bcol lo tshe dang srog 'di brtan// tshe zungs srog skyobs dbang bskur byin gyis rlobs// rA ga ra ti tshe b+h+rUM/ hUM byang gi phyogs nas ma gcig tshe 'dzin ma// las kyi rigs kyi yum ste dam tshig sgrol// sku mdog in+d+ra nI la'i mdog 'dra ma// phyag na in+d+ra nI la'i bum pa bsnams// yon bdag tshe dang bdud rtsis bltams nas kyang // rdo rje rgya gram 'bar ba'i rgyas 'debs shing // tshe 'di bcol lo tshe dang srog 'di brtan// tshe zungs srog skyobs dbang bskur byin gyis rlobs// taM badz+ra rA ti tshe b+h+rUM/ hUM spyi gtsug zla ba'i dkyil 'khor nas// bcom ldan rnam par snang mdzad bzhugs// kun bzang mo dang gnyis med pa'i// de yi mthu dang byin rlabs kyis// tshe 'di rab tu brtan gyur cig/ dbang yang rab tu thob gyur cig/ srog kyang rab tu brtan 'gyur cig/ tshe dbang phun sum tshogs gyur cig/ AM pad+ma a
- 341b
b+hi Shiny+tsa AM/ hUM thugs kar nyi ma'i dkyil 'khor na// bcom ldan rdo rje sems dpa' bzhugs// sangs rgyas spyan dang gnyis su med// de yi mthu dang byin rlabs kyis// tshe 'di rab tu brtan gyur cig/ dbang yang rab tu thob gyur cig/ srog kyang rab tu brtan gyur cig/ tshe dbang phun sum tshogs gyur cig/ hUM badz+ra a b+hi Shiny+tsa hUM/ hUM lte ba rin chen zur brgyad la// bcom ldan rin chen 'byung ldan bzhugs// mA ma kI/ dang gnyis su med// de yi mthu dang byin rlabs kyis// tshe 'di rab tu brtan gyur cig/ dbang yang rab tu thob gyur cig/ srog kyang rab tu brtan gyur cig/ tshe dbang phun sum tshogs gyur cig/ swA rat+na a b+hi Shiny+tsa tAM/ gsang ba rdo rje ral gri la// bcom ldan don yod grub pa bzhugs// dam tshig sgrol dang gnyis su med// de yi mthu dang byin rlabs kyis// tshe 'di rab tu brtan gyur cig/ dbang yang rab tu thob gyur cig/ srog kyang rab tu brtan 'gyur cig/ tshe dbang phun sum tshogs gyur cig/ ha karma a b+hi Shiny+tsa A/ hUM bskyed pas mi nub rgyal mtshan te// bcings pas 'bral med lu gu rgyud// brtan pas mi g.yo ri rab lhun po ste// spros pa med pas khams gsum bkrag dang ldan// skal ldan tshe yi dngos grub stsal du gsol// mi nub rgyal mtshan tshe ni spyi bo'i gtsug tu bstim// ljags steng pad+ma'i tshe ni zhal gyi nang du bstim// skye
- 342a
shi med pa'i tshe ni thugs kyi dkyil du bstim// 'chi med rdo rje'i tshe ni khog pa'i dbugs la bstim// 'du 'bral med pa'i tshe ni lte ba'i dkyil du bstim// mi 'gyur g.yung drung tshe ni dpral ba'i dbyings su bstim// mi ldog rdo rje tshe ni rkang pa'i mthil du bstim// tshe 'di sa la nyams na zan la bstim// chu la nyams na chang la bstim// rdo la nyams na snod la bstim// me la nyams na drod la bstim// shing la nyams na mda' la bstim// rus la nyams na mde'u la bstim// rlung la nyams na sgro la bstim// mdangs la nyams na dar la bstim// skyug ma sku yi phyag rgya dang sring la// mda' ltong gsung gi phyag rgyar dbang stod cig/ mde'u tshe thugs kyi phyag rgyar ngar thob cig/ 'chi med tshe yi dngos grub stsal du gsol// oM ru ru s+phu ru dza la tiSh+Tha sid+d+ha lo tsa nA sarba ar+tha sA d+ha na badz+ra A yu She hUM A// hUM gcig pa rtse gcig thugs kyi rgya// gnyis pa thabs dang shes rab rgya// gsum pa sku gsung thugs kyi rgya// bzhi pa gar mkhan mchog gi rgya// lnga pa ye shes lnga yi rgya// drug pa rta mchog dbang gi rgya// bdun pa chos kyi dbyings kyi rgya// chos kyi dbyings su tshe sbas pas// dus gsum sangs rgyas dgrar langs kyang // de la gzung zhing brtag tu med// de la gsad cing gzung du med// de la dbri zhing bskol du med// gzugs med lha mo bzhi yi rgyas
- 342b
'debs so// 'di la tshe yi dpal bskyed do// 'di la srog gi mdangs gsol lo// tshe dbang gsol cig srog kyang thob// dbang chen skur la byin phob cig/ A yur+dz+dza na b+h+yAM b+h+yAM/ de nas smon lam gdab pa ni// na mo/ dus gsum rgyal ba kun gyi dbang bskur ba'i// bcom ldan mgon po tshe dpag med// sku gsung thugs kyi byin brlabs bum pa 'di// rin chen gzhal yas khang la grub par shog/ rgyal ba yab yum rnams kyis byin gyis brlabs pa yi// ye shes lnga yi byin brlabs tshe bum 'di// skye med sku gsung thugs su grub par shog/ bkra shis lha mo rnams kyis byin brlabs pas// bkra shis rdzas brgyad dngos su tshang bar shog/ thugs kyi dpal be'u lta bur byin brlabs pas// skye med ye shes lta bur grub par shog/ phyag mtshan rdo rje lta bur byin brlabs pas// 'chi med rdo rje lta bur grub par shog/ bla med sku gsung thugs su byin brlabs pas// mi 'gyur g.yung drung lta bur thob par shog/ skye med byang chub sems su byin brlabs pas// mi nub rgyal mtshan lta bur 'grub par shog/ tshe bum gzhal yas khang du byin brlabs pas// bde chen gzhal yas khang du grub par shog/ phyag rgya chen po rnams kyis byin brlabs pas// ye shes lha tshogs phyag rgyar gsal bar shog/ tshe 'bras rdo rje'i snying por byin brlabs pas// 'gyur ba med
- 343a
par lhun gyis grub par shog/ dge ba'i bshes gnyen rnams kyis byin brlabs pas// ye shes lha rnams mthu dang ldan par shog/ khams gsum 'gro ba'i phrin las rdzogs mdzad pa'i// 'bras bu sku gsung thugs su grub par shog/ 'byung ba ye shes lnga ru byin brlabs pas// 'du 'bral med par lhun gyis grub par shog/ tshe bum gang zhig rgyas pa bzhin// bdag cag rgyu sbyor yon bdag gi/ tshe dang bsod nams dbang thang dang // longs spyod rgyas shing gang gyur cig/ tshe bum dbang bskur byin brlabs pas// bdag cag rgyu 'byor lus ngag yid// bde gshegs sku gsung thugs su grub par shog/ 'bras bu gnyen dang bran 'khor rnams// pho mo tshe ring nad med shog/ bum pa 'di yi longs spyod rnams// spyad nas zad cing stongs pa bzhin// rgyu 'byor yon gyi bdag po yi// tshe dang bsod nams dbang thang la// gnod byed bapabar du gcod pa yi// bgegs dang log 'dren zad stongs shog/ oM A yur+dz+dza na bin+da b+h+raM ru ru s+phu ru dza la tiSh+Tha sid+d+hi lo tsa na/ sarba ar+tha sA d+ha ni tshe b+h+yAM ga yu b+h+rUM g.yu tshe b+hA/ badz+ra A yu She hUM a/ zhes gsungs so// bdud rtsi 'khyil pa 'chi med tshe'i rgyud las/ tshe'i cho ga nyin gcig pa'i bya thabs kyi le'u ste bdun pa'o// // de nas yang bcom ldan 'das kyis/ kha skong che'i cho ga 'di gsungs so// snod bzang nang du tshe 'bras
- 343b
bzang po dang // tshe chang bltam nas tshe yi bar chod bsrung // lus sems mnyam bzhag rig pa'i rnal 'byor la// de bzhin kun tu snang dang rgyu yi gsum// 'phro 'dus b+h+rUM las gzhal yas khang // pad+ma 'dab bzhi sgo dang bcas// rin chen khri dang rma bya nyi zla pad// sngags las bskyed pa'i snang mtha' mdog dmar ba// g.yas pa pad+ma'i sdong po thugs kar 'dzin// g.yon pa pad+ma'i sdong po sku la brten// thugs kyi dpal be'u sngags dang bcas// ma chags mkha' dbyings dag pa'i yum dang 'khril// thugs kar rgya gram nyi zla'i ga'u nang // nr-i dang A yuHgsang ba'i sngags dang ldan// oM shAn+ta tAdz+nyA na A/ oM d+harma ni a/ oM tsit+ta hrIHb+hUM rat+na b+h+rUM/ oM badz+ra d+harma hrIH/ Ad+ya nud pa na na/ mAM mo ha ra ti dza/ badz+ra d+harma hrI/ nr-i A yur+d+ha na bi na du b+h+yAM/ hUM bcom ldan mgon po byams ldan tshe dpag med// mkha' dang mnyam pa'i sku mnga' ba// mnyam nyid sku mchog de la phyag 'tshal lo// gsung rab dam pa spros dang bral// yi ge med cing sgra spangs pa// mnyam nyid gsung mchog de la phyag 'tshal lo// yang dag rdo rje'i thugs 'chang ba// tshe dpag med kyi dngos grub stsol mdzad pa// mnyam nyid thugs mchog de la phyag 'tshal lo// de nas bdag gzhan tshe nyams kyis// yi ge'i sprul pa btang byas nas// ri rab rtse na gnas pa yi// lha yi bu yi tshe tshad ni// brgya khri bzhi stong thub
- 344a
pa'i tshe// rgya mtsho'i gting na gnas pa'i tshe// dmyal ba'i klad rgyas sbas pa'i tshe// gling bzhi mi yi tshe rnams kun// a nr-i su tri pre dus tshe phrogs nas// mug ta ho yis dral byas nas// dz+nyA na tsakras kha phyes nas// A kaR+Sha ya bzlas brjod pas// lcags kyu ma yis drangs nas ni// a bi sha saM ha ra Na hUM/ zhes brjod cing gtso bo byang chub sems// badz+ra s+pho Ta baM gyis bcings// oM b+ha ga wA ti ru ru s+phu ru dza la tiSh+Tha sid+d+hi lo tsa nA/ sarba ar+tha sA d+ha na swA hA/ bcom ldan mgon po tshe dpag med// mkha' dang mnyam pa'i sku mnga' ba// mnyam nyid sku la phyag 'tshal lo// mkha' dang mnyam pa'i tshe gsol cig/ bcom ldan mgon po tshe dpag med// sgrib pa'i dri ma phyir bsal te// rdo rje gsung ba gsang ba'i tshe// rdzogs pa'i gsung la phyag 'tshal lo// mkha' dang mnyam pa'i tshe gsol cig/ bcom ldan mgon po tshe dpag med// sgrib pa'i dri ma phyir bsal te// rdo rje thugs te thugs 'chang ba// rdzogs pa'i thugs la phyag 'tshal lo// mkha' dang mnyam pa'i tshe gsol cig/ oM A yur+dz+dza na tshe b+h+rUM/ rdo rje chos ni gtsor gzung ba'i// hrIH las 'od 'phros 'og min gnas// yum ni a ra mA ma kI// mgon po dmar ser zhal gcig pa// phyag bzhi g.yas kyi dang po na// a k+Sho man d+ha ri bsnams te// g.yon pa'i phyag ni skyabs sbyin te// mtha'
- 344b
gnyis bdud rtsi'i bum pa bsnams// mthe bong phrag nas bdud rtsi 'dzag/ yum ni zhal gcig phyag gnyis pa// g.yas kyi lcags kyus tshe drongs te// g.yon gyi bum pa'i nang du bsags// shar phyogs zla 'od zhing khams nas// dkar mo spyan phrag rigs kyi yum// phyag na tshe dar dkar po bsnams// 'gro ba yongs kyi tshe la mnga' mdzad ma// rdo rje tshe mchog dgugs pa'i las mdzod cig/ lho phyogs rin chen zhing khams nas// ser mo spyan phrag rigs kyi yum// phyag na tshe dar ser po bsnams// 'gro ba yongs kyi tshe la mnga' mdzad ma// rdo rje tshe mchog 'gugs pas las mdzod cig/ nub phyogs pad+ma'i zhing khams nas// dmar mo spyan phrag rigs kyi yum// phyag na tshe dar dmar po bsnams// 'gro ba yongs kyi tshe la mnga' mdzad ma// rdo rje tshe mchog 'gugs pa'i las mdzod cig/ byang phyogs las kyi zhing khams nas// ljang gu spyan phrag rigs kyi yum// phyag na tshe dar ljang gu bsnams// 'gro ba yongs kyi tshe yi las mdzad ma// rdo rje tshe mchog 'gugs pa'i las mdzod cig/ pho nyas tshe rnams drongs nas ni// yab yum thugs la bstim par bya// sa ma ya ho/ sa ma ya s+t+waM/ rA go&haM/ rA ga yA mi/ mkha' nas 'od zer 'phros pa yis// ri rab rtse nas gling gzhi'i gnas// rgya mtsho'i gting na gnas pa sogs// slar 'dus yum
- 345a
gyi b+ha gar thim// gyen du drangs la bdag lus rgyas// oM praN+ye praH/ ma hA praH/ a y+ra praH/ a pa ra mai ta ya prar+d+ha na sam+b+ha ra pa \u0f7fte swA hA// ma b+h+yA/ D+hAb+d+ha/ trab+h+yAM/ d+h+waM b+d+ha/ hAb+h+yAM/ badz+ra ya mra Shats+tshaH/ hUM ri rab rtse nas mthu bstan zhing // lha klu gnod sbyin rdul phab ste// 'byung ba rnams la mnga' mdzad ma// sgeg mo de ni yid 'phrog ma// zang gcig yud tsam dgongs paM ni// pad+ma'i gdan la gzhal yas khang // gtso bo rnams la mchod pa'i phyir// dga' ba'i mdangs kyis gshegs su gsol// nyi 'od dkar po'i gzhal yas nas// mthing ga spyan phrag rigs kyi yum// rdo rje chen mo yid 'phrog ma// gtso bo rnams la mchod pa'i phyir// rdo rje 'khor dang gshegs su gsol// bai DUr sngon po'i zhing khams nas// mthing ga spyan phrag rigs kyi yum// rin chen gtso mo yid 'phrog ma// gtso bo rnams la mchod pa'i phyir// rin chen 'khor bcas gshegs su gsol// pad+ma dmar po'i dkyil 'khor nas// dmar mo spyan phrag rigs kyi yum// thang gcig yud tsam mngags nas kyang // pad+ma'i gdan la gzhal yas khang // mun dza ling ga ral ga can// gtso bo rnams la mchod pa'i phyir// 'dul skal bzhin du gshegs su gsol// zla 'od ljang gu'i dkyil 'khor nas// ljang gu spyan phrag rigs kyi yum// thang gcig yud tsam mngags
- 345b
nas kyang // pad+ma'i gdan la gzhal yas khang // mun dza ling gi ral ga can// gtso bo rnams la mchod pa'i phyir// tshe yi lha mo gshegs su gsol// oM b+h+rUM A yur+dz+dza na a bin+d+ha b+h+yAM dz+nyA na a ba lo ki te/ sa man+ta s+pha ra Na/ rasmi b+ha wa ti/ A yur+d+ha na/ du ru du ru hr-i da ya hUM b+h+yAM/ oM b+h+yAM/ hUM b+h+yAM/ tAM b+h+yAM/ hrI b+h+yAM/ hA b+h+yAM/ nr-i b+h+yAM/ rdo rje tshe mchog 'gugs pa'i pho nya ni// ye shes skar ltar 'khrugs pa'i dkyil 'khor nas// thugs rje lcags klu'i 'od zer 'phros pa yis// shar phyogs dri za'i 'jig rten mgon mdzod cig/ sku lus dmar po brgya byin bzhugs pa la// lag pa lcags kyu dmar po thogs pa ni// brgya byin 'khor bcas lag nas tshe khu gcig/ in+d+ra ya tshe b+h+yAM b+h+yAM/ drang srong me lha'i lag nas tshe 'gugs ma// rdo rje shang lang lag na 'phyar ba'i mchog kha dog dmar ser las ni tshe khug cig/ hriHag+na ye b+h+yAM b+h+yAM/ grul bum 'jig rten gshin rje'i bdud sprul nas// dpa'i mgyogs shugs kyis rgyugs pa'i pho nya ni// sngon mo mgyogs ldan rin chen zhags pa ma// gdug pa gshin rje'i lag nas tshe drongs shig/ ya ma yau tshe b+h+rUM b+h+rUM/ srin po gdan 'bral lag nas tshe 'gugs ma// sku mdog ser skya nyi ma bu don rigs// rdo rje cod pan mang po gshibs nas ni// srin po khang bu rdul du 'joms pa'i tshe// dbyar gyi sprin phung 'khrigs pa'i khro gnyer 'dra// zhes sdang srin
- 346a
po'i lag nas tshe khrag cig/ ni ri ti ye tshe b+h+rUM b+h+rUM/ nub phyogs klu yi 'jig rten rab 'byams nas// 'gro ba'i tshe srog sdud ma klu yi rigs// kha dog me ltar 'bar ba'i mdog can ni// thugs rjes klog byed mkhor lo bsnams pa ni// klu yi gnas nas tshe drongs pho nya tshe mchog ma// nA ga ba ru Na ye tshe b+h+rUM b+h+rUM// rlung lha phyogs skyong la gnas tshe 'gugs ma// khro mo sku mdog sngo skya thal ba'i mdog/ rdo rje rgyal mtshan lag na 'phyar ba'i mchog/ rlung lha'i khyim ni rdul du brlag nas kyang // rlung lha 'khor bcas lag nas tshe drongs shig/ bA ya be tshe b+h+rUM b+h+rUM/ byang phyogs gnod sbyin lag nas tshe 'gugs ma// kha dog ljang gu 'bar ba'i sku mdog la// ral gri ut+pal 'dra drangs nas kyang // gnod sbyin 'khor bcas lag nas tshe drongs shig/ ku be rA ba tshe b+h+rUM b+h+rUM/ bgegs kyi rgyal po'i lag nas tshe 'gugs ma// mdog ldan sna tshogs kha dog ljang gu'i rigs// dbu mang spyan can rdzu 'phrul gdug pa'i phyag/ rin chen mtshon cha sna tshogs dril nas ni// bgegs kyi khyim rnams thal bar brlag nas kyang // bi nA ya ga'i lag nas tshe khug cig/ bi nA ya kA nAn tshe b+h+rUM b+h+rUM/ nyi zla gza' skar lag nas tshe 'gugs ma// kha dog dmar ldang nyi zla'i 'khor lo 'phen// nyi ma'i khyim dang zla ba'i gnas rnams dang // nyi zla gza' skar lag nas tshe khug cig/ sUr+ya tsan+da
- 346b
ya tshe b+h+yAM b+h+yAM/ sa 'og sa 'dzin lag nas tshe 'gugs ma// ye shes ting 'dzin lhag pa'i spu gri yis// phyag mtshan spu gri bsnams pas tshe khug cig/ nA ga pra we shA ya tshe b+h+yAM b+h+yAM/ muk+ta ho yis bshig pas rdo rje gyur// rdo rje nyi zla rgya gram gyis// nr-i la bstim nas sba bar bya'o// oM pad+man+ta kr-i ta h+ya grI wa e ka dza ti hu lu hu lu hUM b+h+yo hUM/ ta kr-ita dmar po zhal gcig phyag gnyis pa// karma rgya gram bsnams nas yum dang 'khril// a ka tsa ti kha T+wAM thod pa bsnams// thugs kar tshe dbang bsdus nas bsrung ba yis// stong pa'i dbyings su tshe sbas nas// chos kyi dbyings nas ye shes gsal// zhes gsungs so// bdud rtsi 'khyil pa 'chi med tshe'i rgyud las/ tshe gzhan gyi kha skong gi le'u ste brgyad pa'o// // de nas bcom ldan 'das kyis tshe'i cho ga kun la 'gro ba 'di gsungs so// tshe bsgrub kha bskang nyin cig pa'am// gang yang rung ba'i bya ba ni// bum pa chang bkang tshe zan bca'// mda' dar dmar po me long thogs// rigs lnga so so'i snying po'am// spyi bsdus bgrangs la tshe bum bstim// de nas tshe ni dgug par bya// oM puN+ye pu N+ye/ ma hA puN+ye/ a pa ri mi ta A yur+dz+dza na/ sam+b+ha ro pa tsi ta swA hA/ hUM bcom ldan mgon po tshe dpag med// sgrib pa'i dri ma ma lus sel// mkha' dang mnyam pa'i sku mnga' ba// mnyam nyid sku la phyag 'tshal lo// bcom ldan
- 347a
mgon po tshe dpag med// gsung mchog rnam par dag pa'i gsung // mnyam nyid gsung la phyag 'tshal lo// bcom ldan mgon po tshe dpag med// thugs mchog rnam par mi rtog thugs// mkha' dang mnyam pa'i thugs mnga' ba// mnyam nyid thugs la phyag 'tshal lo// oM b+hu dz+wa lo tsa na A yu She oM/ badz+ra lo tsa nA yu She hUM/ rat+na lo tsa na a yu She swa/ pad+ma lo tsa na A yu She hrIH/ karma lo tsa na A yu She a/ hUM nam mkha'i dbyings phyug ma ni ye nas rnam par dag/ rdo rje dbyings phyug ma ni ye nas skye shi med// rin chen dbyings phyug ma ni dgos 'dod re ba skongs// pad+ma dbyings phyug ma ni 'dzin med chags dang bral// las kyi dbyings phyug ma ni mngon spyod phrin las mdzod// dbyings phyug chen mo lnga rnams kyis// rdo rje tshe yi dngos grub stsol// oM badz+ra A yu She a/ hUM shar gyi phyogs nas tshe 'gugs ma// gsang ba'i lha mo rgyas 'debs ma// rigs kyi lha mo sangs rgyas spyan// phyag rgya'i lha mo lA s+ya ma// mchod pa'i lha mo d+ha pe ma// 'gugs pa'i lha mo lcags kyu ma// tshe bdag chen mo khyed rnams kyis// shar phyogs dri za'i lag nas tshe drongs la// shar lho me lha'i lag nas dpal skyobs shig/ badz+ra aM ku sha dzaH/ lho yi phyogs nas tshe 'gugs ma// gsang ba'i lha mo za byed ma// rigs kyi lha mo mA ma kI/ phyag rgya'i lha mo mA le ma// mchod pa'i lha
- 347b
mo puSh+pe ma// 'ching ba'i lha mo zhags pa ma// tshe bdag chen mo khyed rnams kyis// lho phyogs gshin rje'i lag na tshe drongs shig/ lho nub srin po'i lag nas dpal skyobs shig/ rat+na pA sha hUM/ nub kyi phyogs nas tshe 'gugs ma// gsang ba'i lha mo tshe 'phel ma// rigs kyi lha mo gos dkar mo// phyag rgya'i lha mo gIrti ma// mchod pa'i lha mo A lo ke// sdom pa'i lha mo lcags sgog ma// tshe bdag chen mo khyed rnams kyis// nub phyogs klu dbang lag nas tshe drongs la// nub byang rlung lha'i lag nas dpal skyobs shig/ pad+ma s+pho Ta baM/ byang gi phyogs nas tshe 'gugs ma// gsang ba'i lha mo rmongs byed ma// rigs kyi lha mo dam tshig sgrol// phyag rgya'i lha mo nI rti ma// mchod pa'i lha mo g+han+de ma// 'bebs pa'i lha mo dril bu ma// tshe bdag chen mo khyed rnams kyis// byang phyogs gnod sbyin lag nas tshe drongs la// byang shar dbang ldan lag nas dpal skyobs shig/ karma g+haN+De ho/ de nas tshe gzhan du yar ba dang / 'thor ba dang / ldeg pa rnams bkug nas bum par bstim pa ni/ hUM A yur+d+ha na tshe yi mchog/ sa la nyams na gser la bsdu// chu la nyams na chang la bsdu// shing la nyams na mar la bsdu// rtsi la nyams na sbrang la bsdu// 'bru la nyams na til la bsdu// 'bru sna snying po sna lnga yis// sna lnga dag tu byin gyis rlobs// rnal 'byor tshe la bar chad
- 348a
med// rdo rje tshe yi dbang bskur te// ji snyed sangs rgyas thams cad kyi// nam mkha' gsang ba gsum las byung // nam mkha'i rigs kyi dbang bskur bas// dbang bskur chen po dam pa sbyin// oM b+hud+d+ha kA la sha oM/ bud+d+ha lo can a b+hi Shiny+tsa oM/ ji snyed sangs rgyas thams cad kyis// rdo rje gsang ba gsum las byung // rdo rje rigs kyi dbang bskur bas// dbang bskur chen po dam pa sbyin// hUM badz+ra kA la sha hUM/ badz+ra lo tsa na a b+hi Shiny+tsa hUM/ ji snyed sangs rgyas thams cad kyi// rin chen gsang ba gsum las byung // rin chen rigs kyi dbang bskur bas// dbang bskur chen po dam pa sbyin// sA rat+na kA la sha swa/ rat+na lo tsa na a b+hi Shiny+tsa tAM/ ji snyed sangs rgyas thams cad kyi// pad+ma gsang ba gsum las byung // pad+ma rigs kyi dbang bskur bas// dbang mchog chen po dam pa sbyin// aM pad+ma ka la sha hri/ pad+ma lo tsa na a b+hi Shiny+tsa hri/ dzi snyed sangs rgyas thams cad kyi// las rab gsang ba gsum las byung // las kyi rigs kyi dbang bskur bas// dbang mchog chen po dam pa sbyin// ha karma ka la sha/ ha karma lo tsa na a b+hi Shiny+tsa a/ zhes gsungs so// bdud rtsi 'khyil pa 'chi med tshe'i rgyud las/ tshe bsgrub chen po byed rung / kha skong byed rung / tshe chog nyin gcig pa byed rung / gang dgos su bstan pa'i le'u ste dgu pa'o// // de nas bcom ldan 'das
- 348b
kyis longs spyod tshogs kyi sgrub pa 'di gsungs so// longs spyod bsgrub pa'i gzhi chen ni// gsang ba dag pa'i dkyil 'khor yin// longs spyod rgyu rtags phun sum tshogs// dkyil 'khor tshe bcas bkod pa dang // gzhal yas khang dang tshe bskyed dang // spyan drang dang ni bstim pa dang // tshe yi rang bzhin 'gugs pa'i thabs// tshe bcings bzlas brjod tshe brlan dang // dbang bskur sdom dang sba bar bya// dam bca' dor na bgegs dbang 'gyur// dgra dbang 'gyur dang mkha' 'gros gtses// rbod gtong khar bab dus min 'gro// tshe nyams pa yi rgyu ru bshad// gzi brjid me dang lus nyams bral// mdog skya bya ba dor ba dang // yid mi bde dang brjid stobs med// tshe nyams pa yi rtags su bshad// ston pa rgyu dang man ngag mkhas// gnas ni bkra shis nyams kyang dga'// yum dang karma ging gi 'khor// yo byad rdzas rnams tshogs pa dang // bkra shis dus la 'jug par bya// phyi mtshams dang ni phyi bshags dang // nang mtshams dang ni kha skong bya// dam sri mnan dang sgo byang gdags// ma traM mnan cing rdo rje'i 'gros// mtshon cha khro bo khrag 'thung rol// bdag gi tshe yi sngon 'gror bshad// dkyil 'khor thig bzhi ling tshe dgu// pad+ma 'dab brgyad gru chad bzhi// sgo dang bcas pa bri bar bya// dbus su shel gyi bum par ni// dmar ser
- 349a
ba yi 'o ma dang // cong zhi dkar po rnam gsum dang // dkar dang mngar gsum 'chi med sman// byang chub sems sogs gzhag par bya// mu ge sel ba'i 'bru lnga dang // 'du ba sel ba'i sman lnga dang // nor gyi dbyig ldan rin chen lnga// snying po lnga dang dri lnga bshams// tshe 'bras rgya gram rgyas btab nas// mda' dang bcas pa bzhag pa ni// lha yi grangs dang mnyam par bya// mchod pa mang pos yongs su bskor// rtags gdab las ni bskos la gdab// rtags dang byin dbab bskang ba la// ting 'dzin gsum las byung ba yi// 'byung ba rim brtsegs gzhal yas gdan// dbus su tshe dpag med pa yab yum gnyis// phyogs bzhir rigs kyi yum bzhi la// mtshams su gsang ba'i yum bzhi nyid// pad+ma brgyad la lha mo brgyad// sgo bzhi sgo ma bkod nas ni// spyan drangs pa yi rim pa bya// tshe yi rang bzhin yum gyi mkha'// rdo rje rgya gram nyi zla'i steng // rgya gram lte ba nr-i bcas pa// A yu na bin du b+h+rUM// shin tu gsal bar shes par bya'o// hUM pad+ma stong ldan dbus kyi pho brang nas// bcom ldan gsung mchog mgon po che dpag med// thugs ka'i dpal be'u zla gsang ga'u nas// rnal 'byor byang chub sems kyi A yuHdmar po 'di// rtse gcig bdag gis bsgrubs pa'i tshe lags kyi// bdag la byin gyis rlobs shing gshegs su
- 349b
gsol// shar phyogs mngon par dga' ba'i zhing khams nas// rdo rje rigs kyi yum chen dbyings phyug ma// lho phyogs dpal dang ldan pa'i zhing khams nas// rin chen rigs kyi yum chen mA ma kI// nub phyogs bde ba can gyi zhing khams nas// pad+ma rigs kyi yum chen na bza' dkar// byang phyogs rnam dag bkod pa'i zhing khams nas// las kyi rigs kyi yum chen dam tshig sgrol// dbus phyogs byang chub snying po'i zhing khams nas// de bzhin rigs kyi yum chen sangs rgyas spyan// bde ba rgyas 'debs reg pa sra ba'i sa// bde ba tshe 'phel de ni gsher ba'i chu// bde ba za byed de ni dro ba'i me// bde ba rmongs byed de ni g.yo ba'i rlung // thig le nam mkha' bde stong 'bebs mdzad ma// rdo rje tshe yi dngos grub stsal du gsol// rdo rje sgeg mo dga' ba'i ye shes rol// rin chen phreng ba ma ni mchog dga' nyid// pad+ma klu len dga' bral ye shes sbyong // las kyi karma lhan skyes ye shes spyod// rdo rje bdug pa ma ni thig le g.yo// rin chen me tog ma ni thig le 'bar// pad+ma mar me ma ni thig le'i 'bebs// las kyi dri chab ma ni thig le brten// byams pa'i lcags kyu mas ni zhi bas 'gugs// snying rje zhags pa mas ni rgyas pas 'ching // dga' ba'i lcags sgrog mas ni dbang du sdud// btang snyoms dril bu mas ni drag pos 'bebs// lha mo nyi shu'i thugs kyi
- 350a
dpal be'u nas// rnal 'byor byang chub sems kyi A yuHdmar po 'di// rtse gcig bdag gi bsgrubs pa'i tshe lags kyi// bdag la byin gyis rlobs shing gshegs su gsol// A yur+d+ha na sa ma ya dza/ dzaHhUM baM hoH/ bcom ldan mgon po snang mtha' tshe dpag med// sku mdog dmar po gzi brjid 'bar// phyag mtshan pad+ma 'dab brgyad bsnams// phyag mtshan pad+ma 'dab brgyad kyis// phyogs bcu nam mkha' gang ba'i bgegs bcom nas// bcom ldan deng 'dir tshe yi dngos grub stsol// 'gro ba yongs kyi tshe la mnga' mdzad kyang // 'gro ba yongs kyi tshe ni mi 'gugs kyis// bdag cag rnal 'byor mched lcam 'khor bcas kyi// tshe la nyams pa mchis na gso ru gsol// tshe la yo ba mchis na bsrang du gsol// tshe la ya rab mchis na dgug tu gsol// tshe la chad pa mchis na rdo rje'i mdud pa mdzad du gsol// shar phyogs dri za'i lag nas tshe khug la// shar lho'i me lha'i lag nas drod phyung zhig/ lho phyogs gshin rje'i lag nas srog skyobs la// lho nub srin po'i lag nas sha rnams khug/ nub phyogs klu yi lag nas dpal phrog la// nub byang rlung lha'i lag nas dbugs phrog cig/ byang phyogs gnod sbyin lag nas longs spyod khug/ byang shar dbang ldan lag nas zungs khrag drongs// steng phyogs nyi zla'i lag nas mdangs phrog
- 350b
la// 'og phyogs sa bdag lag nas gzi brjid khug/ lha dbang brgya byin lag nas srog khug la// ma yams dmu srin lag nas tshe drongs shig/ btsan 'dre btsun 'dre'i lag nas longs spyod khug/ the'u rang 'gong po'i lag nas srog skyobs shig/ yul bdag ma srin la gnas dpal khug cig/ tshe khug srog skyobs bcol pa'i phrin las mdzod// oM A yur+dz+dza na tshe b+h+yAM/ sra byed sa la dbang byed sangs rgyas spyan// mnyen sdusdosdud chu la dbang byed mA ma ki// sreg byed me yi kun spyod gos dkar mo// g.yo byed rlung gi 'gugs byed dam tshig sgrol// kun shongs go 'byed nam mkha'i dbyings phyug ma// rdo rje sgeg mo bde ba'i nyams la spyod// rin chen phreng ba bde ba mi brjed 'dzin// pad+ma dbyangs mkhan bde ba'i nyams la rol// las kyi gar mkhan bde ba'i 'bebs pa'o// bde ba rgyas 'debs zhi ba'i nyams dang ldan// bde ba tshe 'phel rgyas las brjid par ldan// bde ba za byed rang gi lus la 'bar// bde ba rmongs byed rnam par rtog pa 'joms// byang chub sesam kyi dud pa'i sprin du 'khrigs// rin chen 'dzes pa'i me tog yab la 'bul// mar me 'od gsal yab yum 'du 'bral med// thig le bdud rtsi yum gyi b+ha gar 'bebs// lcags kyus drang pas nyams ni sems la 'char// zhags pas bcings pas bde ba lus la
- 351a
'bar// lcags sgrog sdom pas mthong snang lus la skyes// dril bus sgeg pas gsung ni sngags su 'char// las bzhi'i phrin las bag chags sems la smin// tshe la dbang mdzad lha mo nyi shu yis// tshe khug tshe drongs gsang ba'i phrin las mdzod// oM badz+ra mug ta ho/ shar gyi phyogs nas tshe 'dren srog 'gugs ma// byams pa'i rang bzhin lcags kyu ma// phyag g.yas zla ba'i dkyil 'khor bsnams// sku mdog dkar po 'od dang ldan// phyag g.yon nyi ma'i dkyil 'khor bsnams// puSh+pa rA ga'i 'od zer 'phro// phyag g.yas zla ba'i dkyil steng na// thabs kyi tshe 'dzin bum pa bsnams// phyag g.yon nyi ma'i dkyil steng na// shes rab 'gugs pa'i lcags kyus 'dren// 'gro kun tshe la mnga' brnyes ma// tshe khug srog skyobs gsang ba'i phrin las mdzod// badz+ra ang+ku sha dza/ lho yi phyogs nas srog skyobs tshe 'gugs ma// snying rje'i rang bzhin lha mo zhags pa ma// sku mdog sngon mo 'bar ba la// in+d+ra ni la'i 'od zer 'phro// phyag g.yas zla ba'i gzhal yas nas// shes rab tshe yi bum pa bsnams// phyag g.yon nyi ma'i dkyil 'khor sa// thabs kyi tshe 'ching zhags pa bsnams// 'gro kun tshe srog sdud mdzad ma// rnal 'byor tshe yi las mdzod cig/ pA sha hUM/ nub kyi phyogs nas srog skyobs tshe 'gugs ma// dga' bas dbang mdzad lha mo
- 351b
lcags sgrog ma// sku mdog dmar po 'bar ba la// pad+ma 'bar ba'i 'od zer 'phro// phyag g.yas zla ba'i dkyil 'khor nas// shes rab stong pa'i tshe 'dzin ma// phyag g.yon nyi ma'i dkyil steng na// thabs kyi lcags sgrog snying rje can// khams gsum tshe srog mnga' mdzad ma// rnal 'byor tshe la longs spyod kun// khug cig drongs shig brtan par mdzod// sgo Ta baM/ byang gi phyogs nas srog skyobs tshe 'gugs ma// btang snyoms rang bzhin lha mo dril bu ma// sku mdog ljang gu 'bar ba la// ma ra ka ta'i 'od 'phro ma// phyag g.yas zla ba'i dkyil 'khor na// kun gyi tshe 'dzin bum pa bsnams// phyag g.yon nyi ma'i dkyil 'khor na// kun gyi tshe dgyes dril bu 'khrol// 'gro kun tshe la mnga' mdzad kyang // 'gro kun tshe ni mi 'gugs kyang // rnal 'byor bdag cag 'khor bcas kyi// tshe khug srog skyob phrin las mdzod// g+haN+De hoH// 'phro 'du 'od kyis bkug byas nas// ma lus bum pa'i bcud la bsdu// de nas rdo rje'i tshe bcings pa// badz+ra s+pho Ta baM zhes pas// nyi zla ga'u rdo rje'i 'dzin// lcags sgro dag gis bcing bar bya// rang nyid lhar gsal sna bug nas// rlung gi 'od kyi 'phro 'du bya// oM badz+ra A yu She hUM A/ de bas 'gro drug thams cad kyi// tshe dang gzi brjid kun phrogs nas// za ma tog tu bsdus nas ni// tshe yi rigs 'dzin rnams la
- 352a
bstim// dpa' bo 'bru lnga gsal ba yis// tshe yi dbang ni bskur bar gyur// oM phung po lha yi dkyil 'khor du// rgyal ba rigs lnga'i rang bzhin las// 'byung lnga yum gyi gzugs su bcas// khyod la bskur bas tshe yi dbang // rdo rje tshe dbang thob gyur cig/ ka la sha bak+Sha a b+hi Shiny+tsa/ oMHhUMHtraMHhrIHaHnr-iH/ de nas slob ma'i snying ga'i nr-i la tshe bstim ste// rang lus gzi brjid 'bar te 'od dang ldan// khams kyi bdud rtsi rgyas par gyur// tshe yi rang bzhin yi ge nr-i// skye mched a ru rab tu gnas// cis kyang mi tshugs mi shigs pa'i// stong pa'i go cha bla na med// chos kyi dbyings su sbas nas ni// sangs rgyas kyis kyang mi gzigs so// de nas gtor ma gtang bar bya// lhag chad kha bskangs nas/ spyod lam legs par gnas par bya'o// bdud rtsi 'khyil pa 'chi med tshe'i rgyud las/ tshe bsgrubs pa chen po'i le'u ste bcu pa'o// // de nas bcom ldan 'das kyis/ gsang ba dag pa'i dkyil 'khor du tshe bsgrub pa 'di gsungs so// bde ba'i gnas su dkyil 'khor ni// 'khor lo rtsibs brgyad gru chad sgo// dbus na mgon po che dpag med// shar na mi bskyod lhor rin 'byung // nub na snang mtha' byang don grub// sa yi snying po rdo rje sems// nam mkha'i snying po rin chen sems// spyan ras gzigs ni pad+ma sems// las kyi sems
- 352b
dpa' phyag rdor yin// sgo bzhi gshin rje stobs chen dang // rta mgrin bdud rtsi 'khyil pa gnas// tshe bum chang dang tshe 'bras bca'// mda' dang dar bcas mchod rdzas rnams// dkyil 'khor du ni mdzes par bsham// bde gshegs bskyed cig spyan drangs bstim// mchod nas tshe yi dngos grub bsgrub// oM ru ru s+phu ru dza la tiSh+Tha sid+d+hi lo tsa ni sarba sA ar+tha d+ha na A yur+N+Na na bin du b+h+yAM/ a pa ri mi ta tshe b+h+yAM/ hUM dbus kyi mgon po tshe dpag med// yab yum thugs kyi ga'u nas// A yuHdmar po rang byung nas// don grub thugs rgyud rang bzhin bkug/ rdzas la bstim zhing bsgrub par bya// byang phyogs nub phyogs pad+ma dbang gi dkyil 'khor nas// bcom ldan byams mgon tshe dpag med// thugs kyi dkyil 'khor zla gsang ga'u nas// byang chub sems kyi A yuHdmar po 'di// rtse gcig dbang gis bsgrubs pa'i tshe lags na// byin gyis brlabs shing bdag la dngos grub stsol// rigs kyi rgyal ba yab yum rnams// tshul mchog 'di yis shes par bya// tshe yi pho nya btang nas kyang // srid gsum gnas nas tshe srog ni// yi ge nr-i ru bsdus byas nas// byang sems bde ba chen po yi/ kun gzhi'i rnam par shes pa nyid// A yuHdmar po shes par bya// skye ba med pa'i sems nyid 'di// 'chi med rdo rje zhes bya ste// mi 'gyur g.yung drung ye brdal che// mi
- 353a
nub ye shes rgyal mtshan yin// de lta bu yi dngos grub ni// rnal 'byor bdag gis blang bar bya// mched dang lcam dral slob ma rnams// tshe yi bum pas dbang bskur nas// tshe yi rang bzhin gnas shes pa// dpa' bo 'bru lngas dbang bstim bya// mkha' 'gro chos skyong gtor ma gtang // gter sba dge sngo dkyil 'khor bsdu// zhes gsungs so// bdud rtsi 'khyil pa 'chi med tshe'i rgyud las/ gsang ba dag pa'i dkyil 'khor du tshe bsgrub pa'i le'u ste bcu gcig pa'o// // de nas bcom ldan 'das kyis/ gsang ba dag pa'i rdzas la tshe bsgrub pa 'di gsungs so// bkra shis dag pa'i rdzas btsal te// mdo sde zangs gzhong 'khar sder du// kr-i ya nya phyis dung chos la// ma hA skye ba bdun pa'i ro// bya rgod rkang gi sbubs bltas te// zhun chen mar mer gzugs bdun pa// skra kham shel mig dpral dbyibs che// sme bdun ba spu zang thal byung // dung so 'khor bar yod pa yis// tshe skyems tshe 'bras gzungs thag bzung // snod ni gzhal yas khang gyur nas// tshe skyems sid+d+ha lo tsa ni// ljang ser gzhal gcig phyag bzhi ma// tshe dar gri gug g.yas pa na// bdud rtsi bum pa rgya gram g.yon// de yi mkha' dbyings tshe dpag med// dmar po gzhal gcig phyag bzhi pa// rin chen phreng ba za ma tog/ shel phreng ne'u le'i rkyal pa g.yon// de 'khor
- 353b
rigs kyi yum chen lnga// rigs mdog yum chen lnga ni phyag mtshan rigs// mig la rgyas 'debs lcags kyu dkar// rna bar rmongs byed zhags pa sngo// sna la tshe 'phel lcags sgrog dmar// lce la za byed dril bu ljang // tshe bsrung pad+ma kun+na li// dmar po pad+ma rgya gram bsnams// A yuHtshe b+h+yAM dz+nyA na tshe b+h+yAM bin du b+h+yAM/ a pa ra mi ta tshe b+h+yAM/ chag pa'i rdo rje bdag nyid che// pad+ma rgyal po kun d+ha li// sprul pa'i khro bo grangs med pas// tshe la gnod pa'i bgegs rnams kun// de yi gzugs bcom pha rol du// song zhing tshe la gnod byed bskrad// b+han+na Ta Sha phaT/ tshe la dbang bskur bstim pa dang // sbas nas rgyas btab smon lam gdab// thod pa longs spyod gter du bcangs// sha rnams su yis zos pas ni// thun mong dngos grub thob par 'gyur// bdud rtsi 'khyil pa 'chi med che'i rgyud las/ gsang ba dag pa'i rdzas las/ tshe bsgrub pa'i le'u ste bcu gnyis pa'o// // de nas bcom ldan 'das kyis/ mkha' dbyings rnam par dag pa'i yum la tshe bsgrub pa'i cho ga 'di gsungs so// dben pa'i gnas su phyin nas ni// pad+ma can nam dung can nam// ba glang 'dra'am ri dwags 'dra// mtshan dang ldan pa'i gzungs ma la// dpa' bo 'bru lnga lus la bkod// rigs lnga ye shes lngar byin brlabs// yab yum mkha' gsang bsnol bas ni// rdo rje pad+mar
- 354a
byin brlabs nas// bde mchog bde bral bde ba dang // lhan skyes khu ba 'phro 'du las// hrIHlas rta mgrin khro bo dmar// zhal gsum pa la phyag drug pa// sngags 'chang rgyal po gang gnas pa// phyag rgya'i bdag nyid de la gnas// phyag rgya chen po'i dkyil 'khor na// sma sha nag mo don snying za// de yi yang gsang thugs dkyil nas// gsung gi rgyal po rta mchog dpal// phyag mtshan phyag na 'brug drug bsnams// 'brug dkar 'brug sngon 'brug ldang dang // 'brug ser 'brug dmar 'brug nag bsnams// 'brug gi kha nas glog 'byin cing // glog gi kha nas thog 'bebs la// gnod sbyin dmar po'i klad pa 'gems// de yis sems kyi dal bsnams nas// drongs shig drongs shig tshe drongs shig/ rdo rje tshe yi dngos grub stsol// oM A yur+N+Na na tshe b+h+yAM/ dga' ba bzhi dang ldan pa yi// bsnyen bsgrub rnam bzhi bsgrub pa yis// khu ba 'thung na nad med cing // de yi tshe yang lha dang mnyam// dbang gi mchog tu de 'gyur ro// sgrub pa po yi thugs gnas bstim// zhes gsungs so// bdud rtsi 'khyil pa 'chi med tshe'i rgyud las/ gsang ba mkha' dbyings la tshe bsgrub pa'i le'u ste bcu gsum pa'o// // de nas byang chub sems dpa' sems dpa' chen po rdo rje chos kyis/ mchod pa de kho na nyid kyis mchod nas/ 'di skad ces gsol
- 354b
to// sangs rgyas bde ba chen po'i thugs// 'gro ba kun la kun gzhi yid// rnal 'byor A yu'i tshe rnams bsgrub// dam rdzas byang sems dkar dmar len// 'di yi tshe dang srog brten nas// mgon po khyed la rjes yi rang // zhes gsol to// de nas bcom ldan 'das kyis 'di gsungs so// 'gyur med tshe yi dngos grub rgyud// rdo rje chos kyis zung la mkha' 'gros srungs// chos kyi spyan ldan spyod pas 'gro don mdzad// mi nub bstan pa rgyas par khyed kyis spyod// ces gsungs so// ston pa dang 'khor rnams chos nyid kyi ngang du thim ste chos skur bzhugs so// bdud rtsi 'khyil pa 'chi med tshe'i rgyud las/ rgyud gtad pa'i le'u ste bcu bzhi pa'o// bdud rtsi 'khyil pa 'chi med tshe'i rgyud ces bya ba rdzogs so// // rgya gar gyi mkhan po paN+Di ta bi ma la mi tra la/ bod kyi lo ts+tsha ba mjing gsal 'bar gyi zhus te bsgyur nas gtan la phab pa'o// / rgya gar skad du/ bud+d+ha a mr-i ta dz+nyA na pra b+ha bAn tan+ta na ma/ bod skad du/ sangs rgyas thams cad kyi bdud rtsi ye shes 'od ldan gyi rgyud ces bya ba/ b+ha ga bAn rA dza a mr-i ta na ma/ bcom ldan 'das
- 355a
bdud rtsi'i rgyal po la phyag 'tshal lo// 'di skad bdag gis thos pa dus gcig na/ bcom ldan 'das bdud rtsi'i rgyal po dang / kun tu bzang mo gnyis ri rab kyi rtse mo la bdud rtsi rol pa'i ting nge 'dzin la snyoms par bzhugs so// de'i tshe bcom ldan 'das bdud rtsi'i rgyal po yab yum gyi thugs ka nas/ 'od zer rnam pa lnga yang phyogs bcur 'phros pa las rigs lnga khrag 'thung yab yum dang / khro bo khro mo dang / sems dpa' sems ma dang / dpa' bo dpa' mo dang / rigs gsum mgon po dang / lha klu gnod sbyin dri za dang / tshangs pa khyab 'jug ma hA de ba la sogs pa 'dus shing 'khod de/ ye shes sprin phung 'khrigs nas/ bdud rtsi'i char phab pas/ ri rab kyi bang rim la sogs pa/ 'jig rten du bdud rtsi bcud dang ldan pa zhes bya ba/ rtsa ba gro ma'am sran nag spangs pa 'dra ba/ tshig ring tshi ba dang / ro kha la dngas pa/ mngar la tsha zhing bde ba/ me tog lnga dang ldan zhing / bdud rtsi'i zil pa chags pa nub mo 'od dang ldan pa 'khrungs te/ 'dus pa'i 'khor rnams kyis zos pas/ kun kyang bde bas brgyal te bog go/ sa yang rab tu g.yos so// kun tu rab tu yos so// kun gyi byang sems dkar dmar 'phel shing bo ba las/ sa bcud dang / chu bcud/ me bcud/ rlung bcud/ nam mkha'i bcud/ rdo bcud/ sngo bcud/
- 355b
ldum bu'i bcud/ lnga ldan bcud/ spos bcud/ shing bcud/ sha bcud la sogs pa/ srid pa'i bcud thams cad rgyas shing 'khrungs par gyur te/ 'di rnams kyi bcud khong du song ba la brten nas bde ba rgyas te/ 'gro ba mi la sogs pa dpag tu med pa 'phel lo// rdo rje'i rigs rnams kyis zhi ba'i las rnams grub cing me long ye shes la mnga' brnyes so// rin chen rigs rnams kyis// rgyas pa'i phrin las grub cing // mnyam nyid ye shes la mnga' brnyes so// pad+ma'i rigs rnams kyis/ dbang gi phrin las grub cing / so sor rtogs pa'i ye shes la mnga' brnyes so// las kyi rigs rnams kyis/ drag po'i phrin las grub cing / bya ba grub pa'i ye shes la mnga' brnyes so// bud+d+ha'i rigs rnams kyis/ lhun gyis grub pa'i phrin las thams cad grub cing / chos kyi dbyings kyi ye shes la mnga' brnyes so// thugs rje chen pos ye shes la mnga' brnyes so// phyag na rdo rjes nus mthu la mnga' brnyes so// 'jam dpal shes rab la mnga' brnyes so// lha klu gnod sbyin dri za rnams kyis longs spyod la mnga' brnyes so// tshangs pa khyab 'jug ma hA de ba/ srid pa gsum la mnga' brnyes shing / sa chu me rlung nags kyi lha la sogs pa bdag byas so// sangs rgyas kyi bdud rtsi ye shes 'od ldan rgyud las/ gleng gzhi'i le'u ste dang po'o// // de nas gsang bdag rdo rje
- 356a
'dzin// gus pas phyag 'tshal thal mo sbyar// bcom ldan 'das la 'di skad gsol// 'gro ba'i mgon po bcom ldan 'das// ting nge 'dzin las rab bzhengs shig/ e ma e ma ting 'dzin lngas// bdud rtsi ye shes 'od zer can// 'di yi rgyu rkyen 'od zer ci// smin byed dbang gi 'od zer skur// dam tshig sdom pa gang ltar bsrung // brtag cing bsdu ba nam tsam yin// 'di mthus rtsal ni gang gang gdon// bcud kyi len lugs ji ltar bgyid// 'di dus lha ni gang gang bsgom// lha bsgom spyod 'bras ji ltar 'chad// zhi rgyas dbang drag dgug bskrad mnan// gzir la sogs pa'i las sogs dang // 'chang zhing gtad pa ji ltar bgyi// 'dus pa'i 'khor la gsung du gsol// sangs rgyas kyi bdud rtsi ye shes 'od ldan rgyud las/ zhus pa'i le'u ste gnyis pa'o// // de nas bcom ldan 'das bdud rtsi'i rgyal pos zhal gyi 'dzum pa rab tu bstan nas// 'dus pa'i 'khor la bka' stsal pa/ legs so legs so gsang ba'i bdag/ khyed kyi zhus pa shin tu legs// chos nyid nam mkha' skye med las// nga yi 'od zer rnam lngar shar// rigs lnga bzhi khro yab yum dang // sems dpa' sems ma rigs gsum mgon// dpa' bo dpa' mo thams cad dang // lha klu gnod sbyin dri za'i tshogs// tshangs pa khyab 'jug ma hA de
- 356b
ba// 'khor 'das ma lus thams cad kun// nga yi ting 'dzin sprul pa yin// ngas bshad ma nor yid la bzung // bdud rtsi ye shes 'od zil can// 'di rgyu kun bzang byang chub sems// rgyu rkyen yab yum bde stong rtsal// drod gsher byin brlabs 'dus las skyes// 'di yi yon tan thos pas myong // rdo rje zhi ba me long nyid// rin chen rgyas pa mnyam nyid do// pad+ma dbang dang so sor rtogs// las kyis drag po'i bya ba 'grub// bud+d+has kun 'grub chos dbyings thob// zhi khro yi dam lha zhal mthong // snying rje nus mthus shes rab skyed// dpa' bo dpa' mo 'du zhing sdud// lha klu gnod sbyin dri za dang // tshangs pa khyab 'jug ma hA de// dbang bsgyur las kun ci bcol byed// rkang mgyogs mig sman mngon shes 'grub// sgo ltar yang zhing rlung ltar mgyogs// gyad stobs ldan zhing lo stong thub// kun yid 'phrog cing DA ki 'du// bde ba rgyas shing lan brgya nus// zas nor 'du zhing zhen chags bral// rang rig rtogs nas zag pa zad// mi snang chos dbyings ngang du gnas// tha mal sems can phal pa dang // dud 'gro rnams kyis zos gyur kyang // bcud 'phel lus rgyas tshe ring zhing // srid 'phel mdangs ldan rma la bzang // spu legs sha rgyas 'o ma che// rigs mdangs bde bas mchog la skyed// ye shes 'od ldan rgyud las/ gnas lugs rgyu rkyen
- 357a
yon tan gyi le'u ste gsum pa'o// // de nas yang dag bshad bya ba// ye shes 'od ldan dbang bskur ni// bla ma mtshan nyid ldan pa la// yid 'ong dben pa'i gnas nyid du// zhen log dang brtson ldan pa yis// dbang bskur bcud len gdams ngag zhu// dus ni tshes grangs bzang po la// thabs shes su ra 'dzom byas te// stegs bu mda' gang gru bzhi'i mkhar// dkar ser dmar ldang dbus mthing ga'i// pad 'dab bzhi pa tshom bu lnga// gtor tshogs mar me me tog spos// thod rnga dril bu mi rkang gling // gsur chen dud pa a mr-i ta// bla ma dpa' bo dpa' mos bskor// oM AHhUM me long la bri'o// bum thod bdud rtsi 'bru gsum don// skal dang ldan la dbang bskur bya// ston pa bcom ldan thugs rje'i bdag/ 'gro ba smin cing grol la dgod// dug lnga'i nad 'joms bdud rtsi'i rgyal// ye shes 'od ldan dbang bskur stsol// lan gsum zhu ba phul dus su// rol mo'i sgra sgrog rig pa bskul// 'dar 'phar 'khrab cing mi rtog skye// byin rlabs dag snang rgya cher 'chad// khrus bum slob ma'i mgo thog gzhag/ snod bcud gzhal yas lha yi tshogs// skal ldan bu la dbang bskur bas// lus kyi dri ma dag gyur nas// sangs rgyas sku dang mnyam par shog/ ka ya a b+hi Shiny+tsa au/ de nas thod pa'i bdud rtsi
- 357b
sbyin// dug gsum sangs rgyas ting 'dzin bcud// skal ldan bu la dbang bskur bas// ngag gi dri ma dag gyur nas// sangs rgyas gsung dang mnyam par shog/ wAka a b+hi Shiny+tsa AH/ de nas me long a hUM bstan// skra gsung thugs ldan rang rig gis// skal dang ldan la dbang bskur bas// sems kyi dri ma dag gyur nas// sangs rgyas thugs dang mnyam par shog/ tsit+ta a b+hi Shiny+tsa hUM/ de nas A lo ke bstan la// gsal gyur rig stong kun la khyab// skal dang ldan la dbang bskur bas// lus ngag yid gsum dag gyur nas// sangs rgyas thugs dgongs ldan par shog/ kA ya wA ka tsit+ta A lo ke ma hA d+harma kA ya a b+hi Shiny+tsa oM AHhUM/ ye shes 'od ldan rgyud las/ dbang bskur ba'i le'u ste bzhi pa'o// // de nas yang dag bshad bya ba// ye shes 'od ldan dam tshig ni// lus ngag yid gsum mi dge sdom// dme yugs mdze pho'i zas gos spang // dur khrod rgyu zhing bcu len bya// me dang nyi ma yun mi ring // lus lha ngag sngags sems nyid blta// mnga' gsol bstod pa nyams glu len// chags sdang long gtam smra ba spang // sgyid sdug 'khrul rtog rjes bcad la// ci yang mi dmigs don la bzhag/ ye shes 'od ldan rgyud las/ dam tshig gi le'u ste lnga pa'o// // de nas yang dag bshad bya ba// ye shes 'od ldan brtags shing btu// dus ni
- 358a
dbyar smad ston ser kha// bde gshegs gsung bsgrags DA ki gnas// grub thob zhabs bcags gnyen pa'i sa// nyi logs yid 'ongs pad+ma skye// tshig ring tshi can snum 'od ldan// sems can sbrang bu phra mo sdud// rtsa ba sran nag gro ma 'dra// ring thung mtho gang chags gang lhag/ me tog lnga ldan shas cher dkar// dus gsum sangs rgyas ting 'dzin bcud// bde ba mchog las 'khrungs pa yin// 'di dang su 'phrad skal dang ldan// nya dang gnam stong tshes brgyad dang // tshes bcu nyer gnyis nyer lnga dang // khye'u bu mo gzhon yid 'ong // khrus byas rgyan brtags rnams kyis btu// yang na dge sbyong rnal 'byor pa// khrims gtsang byams ldan rtogs ldan btu// oM si li si li pad+ma si li swA ha/ ma rul ma sums grib bskam bya// ye shes 'od ldan rgyud las/ brtags shing btu ba'i le'u ste drug pa'o// // de nas yang dag bshad bya ba// rtsa ba'i bcud mchog 'od ldan dang // de nyid rtsal 'don sa na se// srin nad sel zhing byang sems 'phel// sngo yi bcud mchog 'od dang ldan// de nyid rtsal 'don bu ram gyis// rlung kha gnon cing lus shed skye// me tog bcud mchog 'od ldan dang // de nyid rtsal 'don sbrang rtsi yis// lus zungs skyed cing dbang po gsal// rtsi yi bcud mchog 'od ldan dang // de nyid rtsal 'don rtsi mar gyis// grang ba
- 358b
sel zhing lus sha yang // 'bru yi bcud mchog 'od ldan dang // de nyid rtsal 'don 'bras nas chang // nyams myong 'ur cing bde gsal 'char// drod gsher bcud mchog 'od dang ldan// de nyid rtsal 'don til yungs mar// rus bcud 'phel zhing snum bag ldan// pho yi bcud mchog 'od ldan dang // de nyid rtsal 'don byang sems dkar// pho gdon 'dul zhing pho dbang sdud// mo yi bcud mchog 'od ldan dang // de nyid rtsal 'don rak+ta dmar// mo gdon 'dul zhing mo dbang sdud// zas kyi bcud mchog 'od ldan dang // de nyid rtsal 'don dri chen gyis// mdze nad 'joms shing zas dbang sdud// chu yi bcud mchog 'od ldan dang // de nyid rtsal 'don dri chu yis// nad rims bsrung zhing dam grib sel// sha yi bcud mchog 'od ldan dang // de nyid rtsal 'don sha chen gyis// skya spos smyo sel mdangs ldan bde// nus pa'i bcud mchog 'od ldan dang // de nyid rtsal 'don gu gul brgyad// sde brgyad dngangs shing sreg par byed// yang ni ye shes 'od ldan gyis// sa yi bcud kyi rtsal 'don na// rgya tshwa rgyam tshwa kha ru tshwa// zas ma zhu rnams sel bar byed// chu yi bcud kyi rtsal 'don na// nya yi klad pa sram sha brun// skom ma zhu rnams sel bar byed// me yi bcud kyis rtsal 'don na// lga dang drod sman tsi tra ka/ pho ba'i me drod nyams pa sel// rlung gi bcud
- 359a
kyis rtsal 'don na// srid bu rgya tshil gong mo'i sha/ grang ba sel zhing stobs chen 'phel// nam mkha'i bcud kyi rtsal 'don na// snying dang yid mthun gnas grogs bstan// mi rtog bde gsal nyams myong 'char// rdo yi bcud kyis rtsal 'don na// cong zhi brag zhun mu zi ser// bad mkhris gdon sel tshe bcud 'phel// sngo yi bcud kyis rtsal 'don na// lcam pa te ku lang ka skyes// grang bas chu bsdoms 'khrul ba sel// ldum gyi bcud kyis rtsal 'don na// ram nye nye shing dbang po lag/ thig le sha rgyas grang rlung sel// sbod kyi bcud kyis rtsal 'don na// lung tang pi ling go stod dang // mig skyon sel zhing bde ba 'phel// shing gi bcud kyi rtsal 'don na// sug sme dza ti a ru ra// stobs chen sha rgyas rlung nad sel// sha yi bcud kyis rtsal 'don na// da bying brag rtsangs sbrul ser sha/ khu 'phel mdangs ldan stobs kyis sel// tshangs pa khyab 'jug ma hA de ltar 'gyur// ye shes 'od ldan rgyud las/ rtsal 'don gyi le'u ste bdun pa'o// // de nas yang dag bshad bya ba// ye shes 'od ldan bcud len 'di// phye ma khaN+Da gnyis yin te// nyung phye mang la khaN+Da bya// 'od ldan ma rul ma sums pa// shing bcud a ru ra dang ni// bstun la zhib brdungs 'bri mar sbrang // sbyar te zla ba drug zos na// tshe dbang rig 'dzin
- 359b
lo stong thub// 'od ldan sngo bcud lcam 'bru phye// sbrang dang sbyar zos chu 'gags sel// 'od ldan phul gang kar bam brgyad// sbrang rtsi bu ram de dag 'dra// ldum bcud dbang lag 'od ldan mnyam// zhi ba btags 'o ma bre gsum la// bsdu bas bre dor song la gdab// zla phyed bar du lto stong la// zos na sha rgyas rgas pa med// khong nad byang zhing nyams shed skye// lus yang rta bas mgyogs par 'gyur// 'od ldan ldum bcud dbang po lag/ ka ra ba mar 'o bre gsum// phul bzhir bsdu bar legs btab ste// zos na mdog bzang dran yid gzhung // 'od ldan ldum bcud dbang po lag/ dur byid sbyar zos dug zos 'khru// 'od ldan ldum bcud dbang po lag/ 'o mar bsdus la shing bcud ni// a ru ra dang sa yi bcud// rgya tshwa rgyam tshwa kha ru tshwa// sha bcud da byid bcud btab nyid// zla phyed zos na lus stobs ldan// rgas med DA ki brgya la nus// 'od ldan sngo bcud 'o ma 'dzin// rdo bcud khab len tsong zhi ni// 'o mar btab ste zos gyur na// thig le 'phel zhing nad rnams sel// 'gro ba kun gyi yid 'phrog 'gyur// 'od ldan rdzo bcud kyi lce dkar// me tog tshe tse'i bye phul gang // a ru ra bzhi gar bam lnga// klu bdud rdo rje ma gi ta// legs sbyar tho rangs dri chus 'phul// zla gcig song na mdze yang sos// 'od ldan spos bcud go stod
- 360a
dang // phag tshil sbyar la rkang rgyud byug/ gtsug tu 'bri mar bzang bskus te// zo rangs theg mos so rgyag brad// de yis mig mnye dri chus bkru// lo gnyis tsam byas mig rib sel// 'od ldan a sho a d+ha dang // ba yi mar srang phyed sbyar za// lus kyi sha rgyas thig le 'phel// ram nye'i phye ma bre gsum la// shing bcud a ru ra ni gsum// yang na 'om bu'i rtsa ba nyid// btab ste ram nye tshos par btsos// grib bskams byas te 'od ldan dang // sa bcud me bcud rdo bcud rnams// zhi ba btags thus mgo gsum gsum 'gams// lus yang nad sel bcud 'phel rgyas// 'od ldan sngo bcud na ge sar// ra dkar ba mar 'o ma sbyar// zla mtshan mched nas zhag gcig na// gtang na srid pa bu phor 'gyur// 'od ldan ga pur gur gum mtshal// shing mngar phu ron brun btags te// sbrang rtsi dang sbyar ling+gar byug/ spyad na sti 'bril mi phod// 'od ldan lug ru me tog ni// grib skams byas pa zhib btags la// ra'am ba yi 'o mar ni// btab ste lto stong 'thungs gyur na// lus bcud 'phel te lan stong nus// 'od ldan sgog gcig lha skya dang // phag tshil sbyar te rdo rje la// byug ste spyad na bud med brtsi// ye shes 'od ldan rgyud las/ phye ma'i le'u ste brgyad pa'o// // de nas yang dag bshad bya ba// 'od ldan ram nye nye
- 360b
shing ba// lta ba rdo rgyus khaN+Da shis// mang nyung 'di yi tshod kyis shes// 'od ldan phye ma bre gang tsam// chu bre gsum la btab ste gdu// bre gang song tshe gzhur la 'don// yang chu bre tsam blug la gdu// bre gang tsam so/ gzhur bar bya// yang gcig chu bre gsum blug ste// bre gang song tshe gzhu ba yi// snyigs ma pho la dngas ma gsum// gdu bas bre gang song ba la// bdud rtsi dri chen mar khu dang // dri chu gdu ba'i khaN+Da sogs// byang sems dkar dmar glang chen sha/ khyi sha rta sha rma bya'i sha/ rdo bcud gsum gdu khaN+Da dang // ram nye nye shing lcam pa yi// ston ser rtsa ba'i khaN+Da dang // sa bcud gsum dang chu bcud gsum// me bcud gsum dang rlung bcud gsum// sngo bcud gnyis dang ldum bcud gcig/ spos bcud gsum dang shing bcud gsum// sha bcud gsum dang a ba drug/ bur sbrang ka ra sbrang rtsir sbyar// ma tshig bskur ba'i ri lu ni// rang gi mtheb rdog tsam byas la// stegs bu mda' gang gru bzhi'i khar// pad+ma 'dab brgyad dbus dang dgu// me tog b+han+da dgu lnga gcig/ gtor ma mar me de dang 'dra// ri lu b+han+d+har blugs byas te/ dar gyi gur phub zhi khro bskyed// zhag bdun snying po 'di la 'bad// oM AHhUM bo d+hi tsit+ta ma hA su kha dz+nyA na d+ha tu A/ oM ru lu ru lu hUM b+h+yo hUM/ ka ya wAka tsit+ta/ a mr-i ta sid+d+hi hUM/ 'od ldan sgra dang du ba dri// thon
- 361a
nas zla ba drug tu ni// dang po zhag re ril bu gsum// de nas gnyis gnyis tha ma gcig/ za zhing ru lu yan chod bzlas// 'chi med tshe yi dngos grub thob// rgas med byis pa lo brgyad 'dra// ma mo mkha' 'gro dbang du sdud// sems can su yis myong gyur kyang // ngan song gsum khegs byang chub thob// chos byed rnams kyis smos ci dgos// 'od ldan bdud rtsi mar khu dang // dngul chu rdo bcud brag zhun dang // sbrang rtsi sbyar te ri lu ni// mtheb rdog tsam re zla drug tu// zos na tshe ni nyi zla mnyam// zas dang bsres na lo drug dgos// 'od ldan ldum bu nye shing pa'i// khaN+Da sbrang rtsir sbyar zos na// grang rlung nad sel mig skyon sel// skra dkar gnyer med thig le 'phel// 'od ldan ldum bcud dbang po lag/ nye shing shing mngar gla rtsi sbrang // yang na 'o ma dag dang sbyar// zos na stobs dang gzi mdangs ldan// dug dang sbrul gyis 'jigs par skyobs// sha dkar kun gyi yid du 'ong // skra dkar gnyer ma med par 'gyur// 'od ldan bdud rtsi mar khu dang // nye shing khaN+Da 'o mar sbyar// zla ba gcig tu zos gyur na// gnod sbyin srin pos mi thub po// zla ba gsum zos tshangs par mnyam// skyes pa zil gnon glang chen stobs// bud med thams cad dbang du 'du// 'od ldan ldum bcud ram nye ba'i// khaN+Da bdud rtsi mar khu dang // a ba go snyod
- 361b
lug mig pa// sbrul sngon mgo dang sbrang rtsi sbyar// zla gcig zos na mig gsal zhing // thig le 'phel te gzhon nur 'gyur// 'od ldan ram nye nye shing ba'i// khaN+Da dbang lag phyed kar bur// sha bcud gsum dang rlung bcud gsum// 'o mar btab ste zla ba gcig/ zos na sha rgyas be'u skye// lkogs pas bud nad pa spu 'byi// lto 'khru lus yang rkang mgyogs 'grub// zhag gcig zos na yon tan bcu// zhag bcu zos na yon tan rgyas// nyer gcig zos na mis mi thub// zla gcig zos na gnod sbyin sdud// zla ba gnyis kyis lha dbang sdud// zla ba gsum gyis zag pa zad// zla ba bzhi yis rdo rjer 'gyur// zla ba lnga yi rig 'dzin thob// nye shing rtsa ba gtun du brdung // ras la btsir ba'i skom btungs na// nam mkha' dag la 'phur bar nus// DA ki stong gi dpa' bor 'gyur// rdo bcud cong zhi'i chu nang du// shing bcud a ru gser mdog rgya// zla phyed bar du spangs nas ni// ga bur sbrang rtsis zhag bdun spang // phyung la zla gcig nas dkyil byib// 'od ldan bcas te nyin re bzhin// re re zos na lo brgya thub// stobs dang rdzu 'phrul dpag med 'byung // 'od ldan nas zan klad pa dang // bu ram ba mar 'o mar sbyar// zos na pho mo kun la phan// 'od ldan bu ram zla mtshan sbyar// bud med zos na zla mtshan 'gags// lus rgyas ting 'dzin gsal
- 362a
bar 'gyur// bkrag dang gzi mdangs che bar 'gyur// 'od ldan rang gi thig le ni// ra yi 'o mar btab ste gdu// ba yi mar dang sbyar zos nas// gnam stong dus su rkang mthil byug/ DA ki bsten kyang thig le ni// 'chor bar mi 'gyur bde ba 'phel// 'od ldan byi la'i gzhang ring mar// byi'u ba ra'i sha khur sbyar// rdo rje la byug spyad na dam// 'od ldan ga bur gla rtsi dang // shing tsha bud med nu zhor sbyar// byug nas spyad na che zhing bde// 'od ldan khug chos spang rgyan dang // shang shang dmar po kha zum rnams// bya pho 'tshal lu'i og sha ni// sbyar te bud med la btang na// pad+ma sdom zhing rdo rje yis// phred par mi 'gyur slar dam mo// ug chos spang rgyan shang shang rnams// kha bye bya pho 'tshal lu yi// ze ba dang sbyar chang la btab// bud med 'thung na pad kha byed// 'od ldan ldum bcud dbang lag dang // ram nye nye shing kha len// bud med zos te pho nyid la// lcags khu byin na bde ba 'du// pho yi mo la byas kyang 'grub// sha dkar nyams 'phel ting 'dzin gsal// gzhan yang yang dag bshad bya ba// 'od ldan lhu ba'i khaN+Da yis// sha yi bcud rnams 'phel bar byed// ram nye'i khaN+Das rus bcud 'phel// nye shing khaN+Da sa chu bcud sdud// sa shug khaN+Da sa grang ba sel// 'dam bu'i khaN+Da sa mig la phan// gze ma'i khaN+Das grang ba
- 362b
sel// me tog khaN+Das dbang po gsal// lug mur khaN+Da sa gnyid yar phebs// nyungs ma'i khaN+Das dug 'dred spong // 'um ser khaN+Das sha dug 'joms// tig ta'i khaN+Da sa mkhris nad 'joms// lga skya'i khaN+Das stod khrag sel// pi li'i khaN+Da sa mchin tshad sel// sbrang rtsi'i khaN+Da sa rus dug 'joms// o la stong khaN+Da sa dang ga 'byed// lung thang khaN+Da sa lus bcud 'phel// ra mgo'i khaN+Da sa ya ma sel// gol mangs khaN+Da sa mgo gcod sel// mig mang khaN+Das mig gsal rno// 'od ldan bsil bas drod rnon shis// 'phel 'bebs rig pa'i mda' yis bsnun// ye shes 'od ldan rgyud las/ khaN+Da'i le'u ste dgu pa'o// // de nas yang dag bshad bya ba// ye shes 'od ldan lha bsgom ni// bla ma dkon mchog gsum yin te// bskal stong sangs rgyas bla ma phul// bla ma lha dang dbyer med de// rang gi spyi bo snying ga ru// rgun chad med par bsgom par bya// mchog dang mthun mongs ci bsam 'grub// oM AHhUM/ gu ru gu ru gu ru/ de nas yang dag bshad bya ba// ye shes 'od ldan lha bsgoms na// rang nyid che mchog he ru ka/ zhal gcig phyag gnyis sku mdog mthing // rdo rje dril bu yum dang bcas// dur khrod chas brgyad rus pas brgyan// pad+ma nyi zla ti ra la// me dpung 'bar ba'i klong bzhugs bsgom// thugs kar zhi ba'i lha tshogs ni// bzhi bcu rtsa gnyis
- 363a
bsgom par bya// dbu la khrag 'thung lha tshogs ni// lnga bcu rtsa brgyad bsgom par bya// phyi mchod nang mchod dbul byas te// gsang mchod yab yum kha sbyar la// ril bu zhal bcug snying po bzlas// oM AHhUM bo d+hi tsit+ta ma hA su kha dz+nyA na d+hA tu A/ oM ru lu ru lu hUM b+h+yo hAM/ de nyid rgyun du bzlas pa bya// 'ja' 'od lha skra ring bsrel 'byung // gnan pa 'don par bya ba ni// bcom ldan rdo rje sems dpa' bsgom// oM AHhUM badz+ra sa twa a/ oM hUM trAM hrIHa/ badz+ra pA Ni hUM phaT/ de nyid 'bum du bzlas pa yis// ri rab kyis kyang non mi 'gyur// bcings pa dag ni 'gro byed na// pad+ma he ru ka ru bsgom// oM AHhUM kA ya bA ka tsit+ta khrol khrol/ sa ma ya pra be sha ya phaT/ gsang sngags 'bum du bzlas gyur na// klu yi rgyal pos bcings pa'ang khrol// bsdam pa dag ni bcang gyur na// bdag nyid mi g.yo mgon por bsgom// oM AHhUM tsaN+Da ma ha ro Sha Na s+pho Ta ya hUM d+h+r-i ka kha D+ha hUM phaT/ ban+d+ha tra tha phaT/ de yang 'bum du bzlas pa na// gza' bdud bsdams kyang dum bur chod// bdag nyid dag la dbang bskur na// rgyal ba rigs lnga dbu la bsgom// oM AHhUM/ oM hUM swA AM hA a b+hi ShIny+tsa ka ya wA ka tsit+ta hUM/ 'bum bzlas 'jig rten dbang du 'gyur// bzlas pa sngags kyi mthu skyed na// nus mtha'i bdag nyid phyag rdor bsgom// oM AHhUM badz+ra pA Ni tik+Sha
- 363b
a mu ka mA ra ya phaT/ 'bum bzlas sangs rgyas gang gA'i klung // bye ma snyed kyis byin gyis rlob par 'gyur// gsang sngags bzlas pa'i dpal gson// snying rje bdag po thugs rje che// khros pa rta mgrin nyid du bsgom// oM AHhUM bud+d+ha ni ni sa swA ha/ phu tsit+ta rbad ni sa s+pho Ta sha sbal rno sbal ti swA hA// 'bum bzlas bskal pa'i me ltar 'gyur// so la ngar 'dogs 'jam dpal khros// gshin rje'i gshed po bsgom par bya// oM a hUM/ rak+Sha nag po dgra bo'i srog rtsa rgud rgud/ 'od ldan skyer ba'i par shun la// gsang sngags 'bum bzlas so la byug/ gang la bya ba thogs pa med// mchu mthus thams cad gsod byed na// mgon po ma mo sngags srung bsgom// oM AHhUM/ kuM bruM ni sha ra ya bruM/ 'od ldan mu zi nag po la// 'bum bzlas mchu la bskur na ni// sngags rgyab dgra bo thams cad 'chi// lci la spu gri gdags pa ni// rang nyid khyab 'jug chen por bsgom// oM AHhUM/ oM khrag rtsa chud/ rtsa khrag rgud/ snying la rbud/ mA ra ya khaM/ 'od ldan bre gu gser thig la/ 'bum bzlas lce la byugs gyur na// gsang sngags thams cad thogs pa med// byin rlabs dngos grub mkha' 'gro lnga// bud+d+ha DA ki ni/ badz+ra DA ki ni/ rat+na DA ki ni/ pad+ma DA ki ni/ karma DA ki nI/ srog gi snying po yi ge lnga// hUM ha ri ni sa/ bar chod sel mdzad dpa' bo lnga// bud+d+ha he ru ka/ badz+ra he ru
- 364a
ka/ rat+na he ru ka/ pad+ma he ru ka/ karma he ru ka/ gsang ba srog gi snying po lnga// hUM ra tsa hri ya/ sde brgyad lha klu gnod sbyin dri// de ba rat+na/ na ga rat+na/ yak+Sha rat+na/ gan+d+harba rat+na/ srid pa tshangs pa khyab 'jug ma hA de/ lo ka de ba ma hA tri ni/ g+he tra b+hi tra b+ha sar/ a me rat+na/ ba su d+ha rI ma tre/ ye shes 'od ldan rgyud las/ lha bsgom pa'i le'u ste bcu pa'o// // de nas yang dag bshad bya ba// ye shes 'od ldan lta ba ni// stong nyid rtogs pas nam mkha' 'dra// ye shes 'od ldan sgom pa ni// rang rig gsal bas nyi zla 'dra// ye shes 'od ldan spyod pa ni// dgag bsgrub med pas rlung dang 'dra// ye shes 'od ldan 'bras bu ni// don gnyis 'grub pas nor bu 'dra// zla drug bcud len byas gyur na// de ltar 'char 'gyur the tshom med// ye shes 'od ldan rgyud las/ lha sgom spyod 'bras kyi le'u ste bcu gcig pa'o// // de nas yang dag bshad bya ba// ye shes 'od ldan zhi rgyas dbang // drag dgug skad mnan gzir la sogs// phrin las ma lus las mtha' ni// gong sgrub lha dang sbyin bsreg bstun// ril bu dbul zhing rtsa sngags la// sham bu 'di ltar btags la dbul// zhi ba shAn+ti ku ru swA hA/ rgyas pa puSh+Ti ku ru swA hA/ dbang la pa shaM ku ru stA ha// drag po la mA ra ya mA ra ya/ 'gugs pa la dzaHdzaH/ dngos grub
- 364b
'gugs pa la sid+d+hi hUM dzaH// sid+d+hi hUM dzaH/ skrod pa dz+ha dz+ha/ gnon pa la dza hUM dzaHhUM/ gzir ba la hUM phaT hUM phaT/ ye shes 'od ldan rgyud las/ zhi rgyas dbang drag dgug bskrad mnan gzir kyi le'u ste bcu gnyis pa'o// // de nas yang dag bshad bya ba// bcud len sngags kyis tshe bsring ba// rtsa ba lnga dang 'bras bu gsum// 'od ldan bur sbrang ka ra dang // 'bri mar ba mar mdzo mar sbyar// rang nyid lha yi spyi bor tshe/ dpag med// skyil krung mnyam gzhag sku mdog dmar// bum nang tshe chu'i bdud rtsi bab// sgrib dag 'od lnga'i gong bur bsam// zla drug bcud blangs tshe sngags 'di// oM AHhUM a ma ra Ni dzI wan ti swA hA/ tho rangs brgya rtsa bzlas pa na// 'chi med tshe yi dngos grub thob// ye shes 'od ldan rgyud las/ tshe sgrub kyi le'u ste bcu gsum pa'o// // de nas yang dag bshad bya ba// bcud len sngags kyi srung bzlog ni// brgyad dang nyer gnyis dgu stong la// nam srod nam mkha' mtha' bteg dus// skyabs song lha yi nga rgyal gyis// 'od ldan bdud rtsi'i mar khu bsten// yungs kar khral skam rdo phye la// stong tsho re bzlas phyogs med gtor// oM AHhUM/ na maHsarba bud+d+ha ya/ na maHa pra ti ha ta shA sa na/ na maHha tha na/ oM kha kha khA hi khA hi// hUM hUM dza la ya/ dza la ya/ tiSh+Tha tiSh+Tha ya/ hUM hUM phaT phaT bzlog/ sarba big nAn mA ra ya hUM phaT
- 365a
swA hA/ hUM b+ha ra ya/ lo ka b+ha ra ya/ lo ka b+ha sha yA/ ha hUM bzlog ya ya/ dgra bo che ge mo mA ra ya hUM phaT/ ji lta bu yang bzlog cing bsrung // ye shes 'od ldan rgyud las/ bsrung bzlog gi le'u ste bcu bzhi pa'o// // de nas yang dag bshad bya ba// bcud len sngags kyis mi nor zas// dgug cing bsdu 'dod 'di ltar bsgrub// stegs bu pad+ma 'dab bzhi'i khar// dkar dmar brgyan pa'i gtor ma gsum// zas 'bru byang sems dkar dmar bsham// ngag bcad zhag gsum sngags 'di bzlas// oM A hUM ha ri ni sa/ tse me tse me tse me hUM/ rmi ltas na chung bu mo 'byung // de nas bzhi nas pho bzhin rmi// de nas tho rangs mi smra bar// lce sos bzhar la tshwa dang sbyar// 'od ldan bsres la zhag bdun spang // sngags bzlas zos zin dbang du 'gyur// ye shes 'od ldan rgyud las// mi nor zas gsum dgug pa'i le'u ste bco lnga pa'o// // de nas yang dag bshad bya ba// bcud len sngags kyis lha rgyal blon// dmangs dang bud med na chung sdud// 'od ldan thabs shes byang sems gnyis// skyon med tsan dan dkar dmar gnyis// ga pur gur gum gla rtsir sbyar// sngags 'di khri tsho gcig tu bzlas// oM AHhUM/ b+ha tsa ya swA hA/ tha oM ba ra tsa ra ha ri ni sa/ kuM kuM rmi ma swA hA/ de nas las sbyor rdzas sran tsam// gong sngags sham bur
- 365b
'di nyid gdags// che ge mo ba shaM ku ru swA hA/ nyer gcig bzlas nas thig le ni// dpral bar byug phyin bstan tshad 'du// ye shes 'od ldan rgyud las/ lha rgyal blon 'bangs sdud pa'i le'u ste bcu drug pa'o// // de nas yang dag bshad bya ba// bcud len sngags kyis lag bskul sgrub// rang nyid ri khrod lha mo ni// sku mdog dmar mo yid 'ong sgom// 'od ldan gi'u haM lnga brgya bzlas// rang gi smin phrag thig le bya// gang la bltas pa'i mi rnams dad cing 'du// oM AHhUM/ na mo b+ha ga ba te uSh+NI Sha ya/ d+ha re d+ha ra na ti swA hA/ mig rtsi dag la brgya rtsa bzlas// mig la byug na gong ltar 'gyur// chu khyor gang la bdun btab btung // zas skom ma btsal bar ni rnyed// lag g.yon gos kyi mtha' gzung ste// nyer gcig bzlas te khrom gseb 'gro// tshig btsan shags 'gyed rgyal bar 'gyur// lam du 'gro na chom rkun 'ching // ye shes 'od ldan rgyud las/ lag sbrul gyi le'u ste bcu bdun pa'o// // de nas yang dag bshad bya ba// bcud len sngags kyis kha bsgyur ni// 'od ldan mtshal bsres dpral ba ru// yi ge hrIHbris phyin gyur na// gang 'dod nor dang 'phrod par 'gyur// og mar za bris zas dang 'phrad// lag mthil ma bris mtshon mi phog/ lha bris rim nad thub par 'gyur// snying gar gnam bris 'jigs brgyad
- 366a
bsrung // ye shes 'od ldan rgyud las/ kha sbyar gyi le'u ste bco brgyad pa'o// // de nas yang dag bshad bya ba// bcud len sngags kyis chur mi 'bying // mes mi tshig cing rlung mi 'khyer// mtshon gyis mi phed phog mi 'gyur// mis mi mthong zhing rkang mgyogs 'grub// bya rog 'ug mig bdun bdun gnyis// rten 'brel snying pos byin brlab bya// skar ma rgyal gyi nyi ma la// 'od ldan bcas pa lcags dkris gsum// bsdams pa kha ru bcug pa sngags// stong tsho bzlas pas gong rnams 'grub// oM AHhUM/ gu ma gu ma thibs thibs swA hA/ yang gcig gsang sngags rgyal po 'di// pha bong rdo la stong tsho gsum// phag pa'i khrag la khri tsho gsum// me mar sol bar 'bum tsho gsum// 'od ldan dang sbyar smin mtshams su// thig le byas pa mis mi mthong // oM AHhUM/ d+hor thibs thibs mun ti swA hA/ ye shes 'od ldan rgyud las/ 'byung ba mes mi tshugs shing / sgrib shing gi le'u ste bcu dgu pa'o// // de nas yang dag bshad bya ba// bcud len sngags kyis rkang mgyogs bsgrub// 'od ldan rje rigs grir bsad thal// mi mkhris dang sbyar ra dkar gyi// 'o mas sbrus te sngags khri bzlas// oM AHhUM/ na mo pu ru Sha ya/ sen ta ye ni/ sma ra sma ra/ sa ma ya/ ne tri ne tra ya swA ha/ oM b+h+rUM ma ta ya swA hA// rang gi dpral
- 366b
bar thig le bya// rta lam nyin dgu gcig la phyin// 'gro dus yang yang bzlas pas mgyogs// rdzas med kyang ni sngags kyis 'grub// ye shes 'od ldan rgyud las rkang mgyogs kyi le'u ste nyi shu pa'o// // de nas yang dag bshad bya ba// bcud len sngags kyis 'chi ba gso// 'od ldan til mar mi zhun la// gsang sngags brgya bzlas rna bar blug/ oM AHhUM/ a nu ta ra hUM/ shi ba nyid kyang slong bar 'gyur// ye shes 'od ldan rgyud las/ shi ba gso ba'i le'u ste nyer gcig pa'o// // de nas yang dag bshad bya ba// bcud len sngags kyis 'pho ba ni// 'od ldan khab len rdo dang ni// mgron bu bu ma rgya tshwa sbyar// spyi bor sgra bzhar byugs nas ni// rig pa rdo rje hUM bcas de// oM AHhUM/ hi ka brjod pas tshangs bu btol// nam mkha' 'od phung dkyil du 'phang // sangs rgyas sa thob 'ja' tshon byung // ye shes 'od ldan rgyud las/ 'pho ba'i le'u ste nyer gnyis pa'o// // de nas yang dag bshad bya ba// bcud len sngags kyis legs nyes gsal// 'od ldan ril bu khar bcug la// rin chen snod du chu khyor gang // sngags 'di lan stong btab btungs nas// skyabs song stong gsal gnyid log na// rmi lam ngag tu ci yang ston// oM AHhUM/ tad+ya thA/ mu tsi ni swA hA/ mu khe se swA hA/ mo ha ni swA hA/ bun+ti ri swA hA/ ye shes
- 367a
'od ldan rgyud las/ legs nyes gsal ba'i le'u ste nyer gsum pa'o// // de nas yang dag bshad bya ba// bcud len sngags kyis lha 'dre mthong // 'od ldan rje rigs grir bsad mkhris// rus bsregs thal ba gsum sbyar la// gsang sngags 'di ni 'bum tsho gsum// oM AHhUM/ pa me pa de swA hA/ spyi bo dpral ba mdzod spu dang // mig gnyis sna la byugs byas na// mi dang mi ma yin gyis ni// mi mthong sgrib cing phar mthong 'gyur// ye shes 'od ldan rgyud las/ lha 'dre blta ba'i le'u ste nyer bzhi pa'o// // de nas yang dag bshad bya ba// bcud len sngags kyis sgra skad 'don// 'od ldan byang sems dkar dmar gsum// rin po che dang sbyar ba yis// rnga 'am DA ma ru la ni// mkhas pas bris nas dkrol gyur na// sgra skad thos pa tsam gyis ni// mkha' 'gro 'du zhing sangs rgyas thob// oM AHhUM/ d+ha ra d+ha ra/ d+hi ri d+hi ri/ bu na ma ni swA hA/ ye shes 'od ldan rgyud las/ sgra skad 'gro don gyi le'u ste nyer lnga pa'o// // de nas yang dag bshad bya ba// bcud len sngags kyi zhabs rjen 'ong // rkang pa dri chus bkrus byas la// 'od ldan tsha ba gsum dang ni// mar nag nang du btab la byug/ lo gcig bar du lham mi dgos// yang na 'od ldan sgog gcig dang // sgo nga'i gser thig sbyar te byug/ oM AHhUM/ ha ri ni sa/ raM raM//
- 367b
brgya rtsa re yis zhabs rjen nus// btsan dug ka ra drod sman tsha// sbyar nas byugs na drod 'bar 'gyur// ye shes 'od ldan rgyud las/ zhabs rjen gyi le'u ste nyer drug pa'o// // de nas yang dag bshad bya ba// bcud len sngags kyis hom gtor 'bar// shing sha mo ni srab bzhogs la// 'od ldan byugs pa mar nag btso// de nyid gtor ma hom la btsugs// chang phud gtor bas me 'bar 'ong // oM AHhUM/ ha ri ni sa/ ag+ni raM raM/ yang na bya mo nag mo yi// sgo nga mar nag nang du btsos// 'od ldan rgya skyegs rams dang tshwa// nyungs sregs spos dang spra bal bsregs// rag phye de rnams zhib btags la// gtor ma hom bcugs byugs byas te// chang phud bul tog btab la gtor// hom dang gtor ma spyi la yang // me 'bar 'dod na de ltar bya// ye shes 'od ldan rgyud las/ hom gtor me 'bar gyi le'u ste nyer bdun pa'o// // de nas yang dag bshad bya ba// bcud len sngags kyis nad rims bsrung // 'od ldan mon nyung ser po dang // chu dag dkar po bong nga nag/ bdud rtsi mar khu dang sbyar la// cha bsnyams rigs gsum tshogs pa bskyed// sngags 'di stong tsho gsum bzlas gdab// oM AHhUM/ thim tha ra ni ma ti sa/ dun ti dza la raM pa ye swA hA/ mi phyugs gang la btab tshad thub// ye shes 'od ldan rgyud las/ rims nad
- 368a
bsrung ba'i le'u ste nyer brgyad pa'o// // de nas yang dag bshad bya ba// bcud len sngags kyis dug bsrung ba// 'od ldan nyung zhi'i mar phul gang // bong nga dmar po dpa' bo ser// a ru ra ni gser mdog gsum// zhi ba btags gong gi mar khur btab// lto stong dag la 'thung byas nas// sngags 'di brgya bzlas gser dngul bris// rab gnas byas te mgrin par gdags// oM AHhUM/ kyi hu na ga tsan du/ hA hA b+hi sha ma ra hi b+hi sha ma ra hi ho/ ma hi dug kha yi d+ho shi na tam b+hi na swA hA/ dug rigs kun gyis tshugs mi 'gyur// de nas sha dug sel byed pa// 'od ldan ldum bu re ral dang // 'om bu se rgod bar shun rnams// nyung ma'i phye ma ka ra sbyar// sngags 'di stong gis sos par 'gyur// oM AHhUM/ yas shor yas shor ye swA hA/ btsan dug dbyung na 'di ltar bya// 'od ldan bong nga dkar po dang // pi ling rgya tsha ka ra rnams// sbyar la sngags stong bzlas byin sos// oM AHhUM/ krug le hri/ ye shes 'od ldan rgyud las/ dug bsrung ba'i le'u ste nyer dgu pa'o// // de nas yang dag bshad bya ba// bcud len sngags kyis rma 'bras gso// 'od ldan dres thag rul pa dang // sug pa bdud rtsi bsregs pa rnams// mar gsar bsres la sngags mang bzlas// byugs na rus 'dzer 'thon cing sos// oM AHhUM/ se phur na se phur na//
- 368b
nad seng nad seng / oM tsir tsir rig rig/ mugs mugs swA hA/ ma sos bar du stong tsho dus bzhir gdags// ye shes 'od ldan rgyud las/ 'bras gso ba'i le'u ste sum cu pa'o// // de nas yang dag bshad bya ba// bcud len sngags kyis skran lcen gso// 'od ldan tsha sna tshogs tshad dang // tsi tra ka rnams bsres btags te// chang skol dag la sngags stong bzlas// lto stong btung las 'khrul 'khor bya// oM AHhUM/ tir long mun shel phaT swA hA/ skran len 'thon par the tshom med// ye shes 'od ldan rgyud las/ skran len 'don pa'i le'u ste so gcig pa'o// // de nas yang dag bshad bya ba// bcud len sngags kyis chu bsdam 'grol// 'od ldan lcam pa'i thang btang zhing // sngags 'di dang po spyi bor gdab// oM AHhUM/ phi pi li bi phi pis pis swA hA/ de nas skyes rgyab bud med bdun// brgya tsho re nas thu thu bya// mi phyugs rta bong khyad par med// ye shes 'od ldan rgyud las/ chu bsdams dgrol ba'i le'u ste so gnyis pa'o// // de nas yang dag bshad bya ba// bcud len sngags kyis mes tshig gso// 'od ldan spang rtsi ngo bo dang // bdud rtsi mar khu gsum bsres byug/ sngags 'di sum rgya tsam re gdab// oM AHhUM/ me ri dmar po gsod/ lcags ri nag po sod/ chu ri sngon po sod/ zhi zhi gram gram swA hA/ tshabs che stong tsho bcu bzlas
- 369a
te/ pus mi gdab par zu zu bya// de 'phral sos par 'gyur te the tshom med// ye shes 'od ldan rgyud las/ mes tshig gso ba'i le'u ste so gsum pa'o// // de nas yang dag bshad bya ba/ bcud len sngags kyis rgyu gzer bsrung // 'od ldan byang blta'i sgyu ma nyid// zhi ba btags ril bu sran chung tsam// byas te sngags 'di stong du btab// oM AHhUM/ 'dzang re dza ba re nad ngan rgyu gzer la swA ha/ lto/ stong dag la sus zos thub// ye shes 'od ldan rgyud las/ rgyu gzer bsrung ba'i le'u ste so bzhi pa'o// // de nas yang dag bshad bya ba// bcud len sngags kyis nad kun thub// 'od ldan bdud rtsi mar khu dang // dri chen dri chung sngags 'di bsgrub// nad rims bsrung ba'i snying po rnams// gur gum g+hi hang gla rtsi dang // rgya snag dag gis bris byas te// rten 'brel snying pos rab gnas bya// bsrung bya'i mgul du btags pa na// rims nad mgo nad bal nad gzer// rgyu nad 'brum nag gag lkog glo// rgya nad cong 'gyel ltag 'gyel rnams// de yi phyogs su nye mi nus// sngags stong chu blug nad byung sos// oM AHhUM/ hab rtsi hab rtsi zu zu hUM sad/ ku la rang shis sad/ bu ka dzu ya sad/ sad kre ka ru sad/ drug chom drug gshog drug g.yas/ dmigs pa lcags kyi gzong drug dbugs kyin dbug kyin sad/ mo ro sad/ gyi ni
- 369b
sad/ le ber sad/ kyin sad ku ru sad kyin sad sad sad/ dam di de phreng de phreng / tang ku la tang ku la/ dmar po la / rug rug tshir tshir/ srog gi snying po la rbad rbad rgud rbud swA hA/ nad rnams thub cing sos par 'gyur// ye shes 'od ldan rgyud las/ nad bsrung ba'i le'u ste so lnga pa'o// // de nas yang dag bshad bya ba// bcud len sngags kyis 'brum nag bsrung // dkar chen rgya thel rtsegs pa bsrung // 'od ldan gi hang gla rtsi dang // btsan dug thar nu re lcag pa// shu dag gu gul mu zi nag/ shing kun rgya snag a ru ra// ra khrag sran nag re re la// sngags 'di brgya rtsa brgyad bzlas te gdags// oM AHhUM/ badz+ra ka ru na brang te/ tig tig/ trar brag shig/ ta thA ga ta ya/ tsa le he/ duM hUM phaT/ sarba byA d+hi ro ga shaM ku ru hUM phaT// rdzas rnams smin mtshams spyi gtsug dang // mgrin khung snying ga rkang lag mthil// byugs pas sa bdag klu gzhan dang // lhog pa 'brum zor rgyu gzer thub// bal nad mig ser mkhris sngags thub// ye shes 'od ldan rgyud las/ 'brum zor bsrung ba'i le'u ste so drug pa'o// // de nas yang dag bshad bya ba// bcud len sngags kyis lhogs pa bsrung zhing bsad// 'od ldan bong nag sngags bzlas gdags// oM AHhUM/ ra na ma tsha b+ha sa hi/ ti ti ni/ b+he ba ka la/ thi ri
- 370a
haM thaM/ phaT phaT phaT/ sngags chu blud pas lkog byung sos// ye shes 'od ldan rgud las/ ldog pa gso ba'i le'u ste so bdun pa'o// // de nas yang dag bshad bya ba// bcud len sngags kyis rma khrag gso// 'od ldan bdud rtsi brgya phrag dang // khrag zhun dri chu sbyar la byug/ sngags stong btab pas sos par 'gyur// oM AHhUM/ a na le/ bi na le/ rbal chod khrag chod swA hA/ yang na 'di nyid sum brgyas 'tsho// oM AHhUM/ ti li sod/ ni li sod/ tha ti sod/ rma yi snying po sod swA ha/ de nas rtsa byer na sum brgyas sos// oM AHhUM/ rtsa khris nad swA hA/ de nas klad pa na ba la/ oM AHhUM/ klad khris nad swA hA/ de nas rus pa gas pa gso ba la/ oM AHhUM/ rus thes nad swA ha/ de nas chu ser khyim na gdab/ oM AHhUM/ chu sil sil/ nan swA hA/ phyi ru log na sngags 'di bzlas// oM AHhUM/ ka lag khris nang sha swA hA/ ral gri mda' rdo thams cad thub// 'od ldan gser gyi a hUM gdags// oM AHhUM/ dzi dzi lug snying dzi/ lug snying raM swA hA/ lus la mde'u lus pa 'don// 'od ldan yu mo med 'byin bslan// oM AHhUM/ khrim tri ni swA hA/ ltolho stong btab pas 'thon par 'gyur// ye shes 'od ldan rgyud las/ mgo rma gso zhing mda' rdo bsrung zhing / mde'u 'don pa'i le'u ste so brgyad pa'o// // de nas yang dag bshad bya ba// bcud len sngags
- 370b
kyis srin lang gso// 'od ldan dA 'brum thad phrom la// sngags 'di brgya stong bzlas byas te// bu ram sbyar la ri lu ni// 'ji ba tsam byas gro thang 'phul// oM AHhUM/ rtsa ga ti rtsog ti/ snying la ru de song swA ha/ sngags chus kyang ni sos par 'gyur// ye shes 'od ldan rgyud las/ srin lang gso ba'i le'u ste so dgu pa'o// // de nas yang dag bshad bya ba// bcud len sngags kyis shu ba gso// 'od ldan bdud rtsi mar khu dang // wa brun zhib btags mar rnying sbyar// sngags 'di stong btab byugs nyi bsreg/ oM AHhUM/ thor bu raM me sod/ mgo che mgo chung sod/ chu nag khyil la sod/ bram ze nag po sod swA hA/ shu ba ji lta bu yang 'tsho// ye shes 'od ldan rgyud las/ shu ba gso ba'i le'u ste bzhi bcu pa'o// // de nas yang dag bshad bya ba// bcud len sngags kyis khyi rma gso// chu bre gang la sngags 'di ni// sum brgya btab la rma bkrus te// oM AHhUM/ ha gtsag skyis sbyi do swA hA/ me long g.yas phyis khyi spu blan// 'od ldan bdud rtsi mar khu yi// ril lu lhor gtong rma mi dkri kha mi bsrung zhing na na brab// ye shes 'od ldan rgyud las/ khyis gzung gso ba'i le'u ste zhe gcig pa'o// // de nas yang dag bshad bya ba// bcud len sngags kyis khyi mi 'ong // 'od ldan yungs dkar byi la'i brun// zan bsres sngags brgya btab te byin// oM AHhUM//
- 371a
ku ku ra tsa rkang skyugs/ rkang skyugs/ kha thaM kha thaM/ oM badz+ra skor rna chum/ sna chum chum/ ku ku ra tsa khe thaM khaM thaM swA hA/ khyi bzang ser ge 'dra yang chings// ye shes 'od ldan rgyud las/ khyi'i kha chings kyi le'u ste zhe gnyis pa'o// // de nas yang dag bshad bya ba// bcud len sngags kyis dzag chings ni// bla ma yi dam mkha' 'gro la// ba liM phul nas gsol ba gdags// rang nyid ltar gsal 'od ldan la// sngags brgya bzlas la gdong la byug/ oM A hAM/ na mo b+ha ga wA te/ ar+ha te samya kaM bud+d+ha ya/ tad+ya thA/ d+hu ru d+hu ru/ pa ra staM b+ha ya/ mo ha ma g+ha ha ni swA hA/ dzag pa rnams ni skye rengs 'gyur// ye shes 'od ldan rgyud las/ jag chings kyi le'u ste zhe gsum pa'o// // de nas yang dag bshad bya ba// bcud len sngags kyis nu rlig gso// 'od ldan bdud rtsi mar khu la// sngags 'di stong bzlas byugs na sos// au AHhUM/ gal te na phus/ a ya na phus/ hUM chang gi li phus/ ma ra pa ni phus/ phu sA ha/ skangs pa gzhan nyid la yang phan// ye shes 'od ldan rgyud las/ nu rlig gso ba'i le'u ste zhe bzhi pa'o// // de nas yang dag bshad bya ba// bcud len sngags kyis phru gu 'byin// mi la 'od ldan mar sbyar te// byugs la zan nam chang sngags byin// oM AHhUM/ swA dza dza/ thel thel/ phyig phyig/ 'ur 'ur//
- 371b
de le ge/ de le ge/ lung lung ge/ khe b+ha ra na ha ra swA ha/ kha b+ha ra na ha ra swA hA/ de yis phru gu 'byin par 'gyur// sha ma ma 'thon na yang de bzhin bya// ye shes 'od ldan rgyud las/ phru gu sha ma 'byin pa'i le'u ste zhe lnga pa'o// // de nas yang dag bshad bya ba// bcud len sngags kyi 'bru chang zhim// 'od ldan btsan dug gu gul dang // ba gla rta bon mu zi sgog/ sbrang brun shing kun chu dag nag/ bdud rtsi la cha khyi brun gzhob// me khar bzhag la 'tshod zangs dug/ oM AHhUM/ ya ma rA dza du tri phu tri/ gnod byed 'byung po mA ra ya phaT/ gu gul brgyad dang sngags nus kyis// sde brgyad kha 'ching gdon rnams thub// de nas zab gzugs sngags rdzas tshos// 'tshod pa'i nang du mar phye gdab// 'og tu dkar gong mes bsregs dmar// de steng raM dmar bsgom pa'i sngags// chu 'bru blug la brgya rtsa gdab// oM A hUM/ ha ri ni sa raM raM/ lhag lhag/ shig shig swA hA/ de nas re bas kha bcad btso// gos med ldang bar 'dod pa na// 'od ldan tshi gu phul gang la// sngags 'di brgya bzlas chu skol blug/ chang tshos shul der gos leb gcig/ lang par gyis shig mkha' 'gro ma// oM AHhUM/ ri ni sa ma nan dz+hi wan ti ye swA hA/ chang zhim mang ma mdog 'don na// 'od ldan kyi ba sar skye tshe// phabs dang bsres nas sngags bzlas gdab// oM AHhUM/ ha ri ni sa/ su ra
- 372a
bal ni swA hA/ chang 'thungs kyang mi bzi ba la/ 'bras chang nas chang sum chang phye// cong zhi dza ti a ru ra// shing tsha sug sme ka ko la// zhi ba btags lto stong zur mgo re// 'gams la sngags stong bzlas btung na// oM AHhUM/ tad+ya thA/ ru lu ru lu/ bi ri sarba phaT do ping swA hA/ dang po 'thung mkhas shin tu gces// ye shes 'od ldan rgyud las/ chang bsrungs sngags tshos cer chang mi bzi bar bya ba'i thabs kyi le'u ste zhe drug pa'o// // de nas yang dag bshad bya ba// bcud len sngags kyis zho bsrung ni// 'od ldan yungs kar sngags brgya bzlas// 'o zo bskol dang gnon skrag gdab// oM AHhUM/ tir ti ka sarba pre te srog d+ha ru chod// 'o zho la rak+Sha rak+Sha/ ye shes 'od ldan rgyud las/ zho bsrung ba'i le'u ste zhe bdun pa'o// // de nas yang dag bshad bya ba// bcud len sngags kyis 'bru phyugs 'phel// skar ma bre yi par la// lcags kyi byi ba'i gzugs nang du// 'od ldan rta phyugs snying po la// gong sngags khri tsho gcig bzlas nas// 'brog dang ra bar sbas na 'phel// ye shes 'od ldan rgyud las/ 'bru phyugs 'phel bar byed pa'i le'u ste zhe brgyad pa'o// // de nas yang dag bshad bya ba// bcud len sngags kyis ci bsam 'grub// b+han+na rin chen ga'u ru// 'od ldan rin chen 'bru sna lnga// khye'u bu mo'i byang sems
- 372b
dang // bzang sman a ka ru sbyar ba'i// ri lu bcug la mkhas pas ni// gnod sbyin chu dbang mtshan brgya rtsa// nyin brgya mtshan brgya bzlas nas ni// ri lu gcig tsam bdud rtsir bcas// rang gis zos par 'gyur na yang // me chu nad rims dgra gcan bsrung // dus min 'chi slu ci bsam 'grub// oM AHhUM/ tad+ya thA/ na mo rat+na tra yA ya/ na mo ma Ni b+ha dra ya ma hA yak+Sha se na pa ta ye/ oM hring trang shak+Sha dz+nya hrI hrI di ba bya rad ne'u b+ha/ b+ha ri sha ya/ a d+hi ba ta d+he ba yak+Sha sa ma ya/ ma nu sma ra tri hUM phaT swA ha/ 'di ni yid bzhin nor bu'o// ye shes 'od ldan rgyud las/ ci bsam 'grub pa'i le'u ste zhe dgu pa'o// // de nas yang dag bshad bya ba// bcud len sngags kyis lci ba dang // spur nag por ri byi ba sbrang // sha sgo byi'u la sogs pa// sngags 'di rdzas la btab byugs gtor// oM AHhUM/ rtsog gi ta ta li/ rtsog skye log li ma hA lo sha li// a la ta la tsa la ye swA ha/ 'od ldan nyung ser gzhi mo'i rtse// g.yer ma skyer 'bru mon bu rnams// phye byas mar rnying dang sbyar la// sngags brgya bzlas te lus la byugs// lji ba bsrung par the tshom med// 'od ldan chu dang mu zi'i chu// rtsig rmang gtor na sbur nag thub// 'od ldan gtsang kha'i bye ma la// sngags bzlas gtor na bong ri dang // byi bshad go byi'u thub// 'od ldan zhang zhung mar bsres byug/ dug sbrang lus la so/
- 373a
'debs thub// ye shes 'od ldan rgyud las/ lji ba sbyar nag bong ri dang / byi ba sha dgo sbrang bu bye'u bsrung ba'i le'u ste lnga bcu pa'o// // de nas yang dag bshad bya ba// bcud len sngags kyis shig sel ba// zan gtor sha chen shig dang bcas// kha 'bar sngags kyis lan chags la// bsngos la gtang ste bden pa bdar// 'od ldan brag zhun brag dreg dang // gla rtsi mu zi bya rgod spos// re lcags dud bal mi zhun sbyar// yang na mar nag sbyar ba la// sngags 'di brgya bzlas lus la byug/ oM AHhUM/ kho la tsa kra sarba ma duM ta ye swA hA/ zla ba re la lan re byug/ lan chags shig ni 'ong mi 'gyur// ye shes 'od ldan rgyud las/ shig sel ba'i le'u ste nga gcig pa'o// // de nas yang dag bshad bya ba// bcud len sngags kyis zhing lud bya// 'od ldan mi brun phug ron brun// lug mur se rul 'ba' cha phabs// bud med chus spang zhag gsum bsnyal// sa bon mar nag sgrol byas la// sngags 'di stong bzlas zhing la gdab// oM AHhUM/ d+ha ti rat+na dzaM b+ha ma hA si ti hUM/ rtsa ba zug la than sran che// mig nad mi 'ong nas ldog che// 'gyur rkyen bongs ni che bar 'gyur// ye shes 'od ldan rgyud las/ zhing gi le'u ste nga gnyis pa'o// // de nas yang dag bshad bya ba// bcud len sngags kyis zhing 'bu bsrung // 'od ldan
- 373b
yungs kar byi ba'i brun// dud pa chu btab sa bon spang // yang na ljang bu'i dus su gtor// sngags 'di khri tsho gcig tu bzlas// oM AHhUM/ e he e he/ me he me he/ g+hu hUM g+hu hUM phaT swA hA/ zhing la 'bu srin 'ong mi da// ye shes 'od ldan rgyud las// zhing las 'bu srin bsrung ba'i le'u ste nga gsum pa'o// // de nas yang dag bshad bya ba// bcud len sngags kyis ser ba bsrung // 'od ldan thal chen yungs kar dang // sde brgyad gtor ma sngags 'bum bzlas// oM AHhUM/ na mo b+ha ga te/ shAkya mu na ye/ tA thA ga ta ya/ pu tsa pu tse/ sa ma ya pu tse/ a ka ru pu tse/ sa ma ya ba la ya ni swA hA// byung dus nye bar bzlog par 'gyur// ye shes 'od ldan rgyud las/ ser ba bsrung ba'i le'u ste nga bzhi pa'o// // de nas yang dag bshad bya ba// bcud len sngags kyis sad bsrung na// klu dang lha 'dre gtor mas mchod// zangs sam rdza ni dmar po ru// 'od ldan chu dang 'o ma 'bru// blug ste nam mkha' rgya che'i sar// chu bsros rlangs pa 'thon par bya// mi spos sngags la gsung mi gcad// sprin nyid ma 'dus bar du bzlas// oM AHhUM/ e thum ril bsdus sna ti ra baM swA hA/ sprin 'dus sad nyid thub par 'gyur// ye shes 'od ldan rgyud las/ sad bsrung pa'i le'u ste nga lnga pa'o// // de nas yang dag bshad bya ba// bcud len sngags kyis dgra bo
- 374a
ni// lkugs su gzhug pa'i las 'di bya// gro ga'am shog shog dag la ming rus bris// lkugs pa'i thod par bcug nas kyang // ming rus lcags phur dag la ni// 'od ldan gri khrag byugs shing gdab// oM AHhUM/ kA la rU pa che ge mo dzaM b+ha ya hUM phaT/ zhag gsum dag gis lkugs par 'gyur// ye shes 'od ldan rgyud las/ dgra bo lkugs su gzhug pa'i le'u ste nga drug pa'o// // de nas yang dag bshad bya ba// bcud len sngags kyis bsad bzlog na// maN+Dal mda' gang gru gsum par// gri khrag ra khrag chag chag gdab// de steng thod par dmar gtor bsham// de steng dgra bo'i ling+ga ni// 'od ldan gri khrag bag phye bsres// gzugs bya snying gar ming rus gzhug/ kha sbub bzhag ste yungs thun brab// bod rbad bsad gsum dril ba yi// srog gi spu gri 'di la 'bad// oM AHhUM/ khyi kha le nag mo sod// srog ma tri sod/ snying kha la saM ya ma sod/ rtso ba ri la lu sod/ ga ya sod/ ni ra ya sod/ rak+Sho tsit+ta rbud che ge mo mA ra ya/ mA ra ya/ zhag bdun cho 'phrul bcu bzhis srog/ mgo bcad ro dang dmar g.yos dang // bud med 'od dang mi nag rmis// de dus ling+ga gtor ma dang // mi sha bcas pa'i sbyin bsreg bya// 'dis ni dgra bo 'chi bar 'gyur// cho 'phrul dag ni ches pa na// bya ni ngang ser sha tshil bsreg/ ye shes 'od
- 374b
ldan rgud las/ dgra bo bsad bzlog gi le'u ste nga bdun pa'o// // de nas yang dag bshad bya ba// bcud len sngags kyis rdo ser phab/ rang nyid a tsa ra ru bsgom// 'od ldan lung gsum rdo la ni// sngags 'di zhag gsum bar du bsgrub// oM AHhUM/ ha sa kra ma ri phog phog/ hu ra ya hu ra ya// rdo phob rdo phob/ pra mo rdo hu ra hur// ha ra ti dz+nya na raM/ rdo ra dzo taM ya ya/ grub rtags rang mdun gsegs ma sib sib 'ong / 'bebs dus 'bru sna lnga nyid la// sngags 'di brgya rtsa lan gsum bzlas// de nyid gnam du gtor bas pheb// ye shes 'od ldan rgyud las/ rdo ser 'bebs pa'i le'u ste nga brgyad pa'o// // de nas yang dag bshad bya ba// dus gsum sangs rgyas thams cad kyi// bdud rtsi ye shes 'od ldan rgyud// gus pas bris la spyi bor gdags// mchog dang mthun mong dngos grub 'byung // rgyu dang 'od ldan me tog mthing // phyag na rdo rje khyod la gtad// thugs kyi rigs kyi bu la sbyin// rgyud dang 'od ldan me tog dkar// thugs rje chen po khyed la gtad// gsung gi rigs kyi bu la sbyin// rgyu dang 'od ldan me tog ser// 'jam dpal gzhon nu khyed la gtad// sku yi rigs kyi bu la sbyin// rgyu dang 'od ldan me tog lnga// mkha' 'gro gsang yum lnga la gtad// mchog dang thun mong sgrub la byin// ye shes 'od ldan rgyud las//
- 375a
bcang zhing gtad pa'i le'u ste nga dgu pa'o// // bcom ldan 'das sangs rgyas kyi bdud rtsi ye shes 'od ldan rgud las/ le'u nga dgu pa gsungs pa la/ DA ki sde lngas bstod pa/ e ma bcom ldan bdud rtsi'i rgyal// oM AhUM/ oM ni sku yi snying po yis// snang mdzad bcud du byin gyis brlabs// lus la bde ba rgyas par mdzad// bcom ldan sku la phyag 'tshal bstod// oM A hUM/ AHni gsung gi snying po yis// thos tshad gsung gi byin gyis brlabs// ngag la nus pa skyed par mdzad// bcom ldan gsung la phyag 'tshal bstod// au AHhAM/ hAM ni[:]thugs kyi snying po yis// dran tshad bcud du byin gyis brlabs// sems la rtogs pa 'char bar mdzad// bcom ldan thugs la phyag 'tshal bstod// sangs rgyas kyi bdud rtsi ye shes 'od ldan rgyud las// DA ki sde lngas sku gsung thugs kyi sgo nas bstod pa'i le'u ste drug cu pa rdzogs so// // sngags kyi srung mas srungs shig/ mA ra ya/ 'di'i brgyud pa ni/ u rgyan pad+mas/ 'od ldan rgyud 'di dang po/ kho mthing lha khang gi rnam snang sku rgyab tu sbas so// de nas mnga' bdag nyanying ral gyis gdan drangs so// des sras mi bskyod rdo rje la gnang / des sangs rgyas mnyam med 'od po ral pa la gnang / des grub thob mun sel la gnang / des grub thob drin chen rin po che la gnang /
- 375b
des sman ston chos 'phel la gnang / des dge slong bsod nams grags pa la gnang ngo // rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thigs pa shar// srog gi sgo ru shar ba dang // snying gi sgo ru bsgom par bya// snying rjes bsgral ba'i dam tshig ni// gsad cing gnan pa ma yin te// phung po rdo rje gtams byas nas// rnam par shes pa rdo rjer bsgom// oM badz+ra ki li ki li ya/ sarba big+h+nAn baM hUM hUM phaT/ rdo rje gzhon nu rig 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par 'dzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag gyur cig/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin brlabs 'dir gsol cig/ oM badz+ra kro d+ha hUM kA ra hUM/ gar+b+ha gar+b+ha hUM phaT/ khro bo chen po hUM kA ra dang / yum rdo rje sgra 'byin ma/ sprul pa'i phra men ma phag gi mgo can dang / snyigs bu'i mgo can no// oM badz+ra kro d+ha bi dza ya hUM/ ha na ha na hUM phaT/ khro bo chen po rnam par rgyal ba dang / yum rdo rje rnam snyems ma/ sprul pa'i phra men ma stag gi mgo can dang / bya rgod kyi mgo can no// oM badz+ra kro d+ha nI la daN+Da hUM/ da ha da ha
- 376a
hUM phaT/ khro bo chen po dbyug pa sngon po dang / yum rdo rje sder mo/ sprul pa'i phra men ma g.yag gi mgo can dang / bya rog gi mgo can no// oM badz+ra kro d+ha ya mAn+ta ka hUM/ pa tsa pa tsa hUM phaT/ khro bo chen po gshin rje gshed po dang / yum dur khrod kyi bdag mo/ sprul pa'i phran men ma sha ba'i mgo can dang / 'ug pa'i mgo can no// oM badz+ra kro d+ha Ar+ya a tsa la hUM/ ban+d+ha ban+d+ha hUM phaT/ khro bo chen po mi g.yo mgon po dang / yum rdo rje gtun khung ma/ sprul pa'i phra men ma gzig gi mgo can dang / khwa'i mgo can no// oM badz+ra kro d+ha ha ya grI ba hUM/ hu lu hu lu hUM phaT/ khro bo chen po rta mgrin dang / yum rdo rje gtum mo/ sprul pa'i phra men ma byi la'i mgo can dang / pu shud kyi mgo can no// oM badz+ra kro d+ha a pa rA dzi ta hUM/ tiSh+Tha tiSh+Tha hUM phaT/ khro bo chen po dpal ldan gzhan gyis mi thub pa dang / yum rdo rje mda' snyems ma/ sprul pa'i phra men ma sbrang ki'i mgo can dang / khra'i mgo can no// oM badz+ra kro d+ha a mr-i ta kuN+Da li hUM/ tshin+da tshin+da hUM phaT/ khro bo chen po bdud rtsi 'khyil pa dang / yum rdo rje rlung 'byin ma/ sprul pa'i phra men ma seng ge'i mgo can dang / pha wang gi mgo can no// oM badz+ra kro d+ha trai lo kya bi dza ya hUM/ bin+d+ha bin+d+ha hUM phaT/ khro bo chen po khams sum rnam par rgyal ba dang / yum rdo rje gsod byed ma/ sprul pa'i phra men ma dred kyi mgo can dang / zer mo'i mgo can
- 376b
no// oM badz+ra kro d+ha ma hA ba la hUM/ s+pho Ta s+pho Ta hUM phaT/ khro bo chen po stobs po che dang / yum rdo rje bskyod byed ma/ sprul pa'i phra men ma dred kyi mgo can dang / byi ba'i mgo can la sogs pa rnams kyis gtams pa'o// srid pa'i phur bu bsgrub pa dang // dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang // rtags dang mtshan ma bstan pa dang // kI la ya yi dngos grub gsol// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shwa na mu kha'i dus la bab// bdag nyid chen po'i dus la bab// khyed kyi phrin las dus la bab// sa bdag chen mo'i dus la bab// mthu rtsal dbyung ba'i dus la bab// byang chub mchog tu sems bskyed cing // dus gsum rgyal ba'i gdung 'tshob pa// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa rnams// khro bo chen po'i byin brlabs kyis// yud tsam gyis ni 'dir bkug nas// mngon spyod tshul bzhin bsgral ba dang // lus ngag rdul du bshig nas kyang // sdug bsngal nyams su myong bar mdzod// oM laM hUM laM/ staM b+ha ya na na/ mo ha ga ya b+ha ga bAn/ shi kri bi kri/ shrI badz+ra hUM ka ra hUM hUM phaT phaT/ badz+ra ki li ki li ya/ dzaHhUM baM hoH/ sarba bi g+h+nA na/ oM badz+ra ki
- 377a
li ki la ya hUM hUM phaT phaT/ badz+ra hUM ka ra hUM phaT/ hUM ka ra hUM AH/ dngos grub bar chad byed pa'i bgegs// gdug cing sdang sems ldan pa rnams// zung zhig rgyob cig rnam par chings// gtogs shig grogs dang bral bar gyis// rengs par khug la smrar chug cig/ phob cig rnam par gzir bar gyis// nga yi dbang du gyur nas kyang // bsgo ba'i bka' rnams nyan par gyis// hUM pa ra bi d+hA na hUM phaT/ tshin+da tshin+da hUM phaT/ bin+d+ha bin+d+ha hUM phaT/ gr-ih+Na gr-ih+Na hUM phaT/ ha na ha na hUM phaT/ ban+d+ha ban+d+ha hUM phaT/ ta thA ya ta thA ya hUM phaT/ ha sa ya/ ra na ha ta na hUM phaT/ shi krin a na ya hUM phaT/ dza lA pa ya dz+wa lA pa ya hUM phaT/ A be sha ya A be sha ya hUM phaT/ bid+d+ha ya bid+d+ha ya hUM phaT/ bran dang pho nya bka' nyan tshogs// khyod kyi dam tshig dus la bab// sngon chad ji bzhin dam bcas pa'i// mngon spyod phrin las myur du mdzod// ha na ha na badz+ra/ da ha da ha badz+ra/ pa tsa pa tsa badz+ra/ ma za ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka ye/ dza ye bi dza ye ya/ a dzi te a pa rA dzi ta ya/ ma ra se n+yi pra marda nA ya hUM phaT/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// hUM ma ma pa shi ku
- 377b
ru/ ma tha ma// nya ya ka ra/ i nan da sti/ ma ma karma shri krang ka ra ya/ gdug cing sdang sems ldan pa yi// lha'am 'on te bdud kyang rung // nga la bar chad byed pa rnams// mthu dang rdzu 'phrul med par byos// sarba A na ya hUM phaT/ ta thA ya ta thA ya hUM phaT/ rdungs shig rdo rje 'bar ba'i gtun// bka' las 'da' byed sdig can rnams// rdo rje me dpal snying sregs nas// lus ngag rdul phran bzhin du rlogs// khro mo 'bar ba'i gtun khung du// rdo rje tho bas brdungs byas nas// lha yang rung ste bsgral bar bya/ kha zam/ kha tham/ kha tham/ hUM hUM hUM/ phaT phaT phaT/ badz+ra yak+Sha kro d+ha khA hi/ khA hi/ khA hi/ hi hi hi/ ha ha ha/ hUM hUM hUM/ phaT phaT phaT/ chos nyid kyi bden pa'o// gsang sngags kyi byin gyis brlabs so// sangs rgyas kyi mthu'o// a b+hi tsAr+ya'i dus la bab pa'i brnag pa de kho na la'o// ki li ki la ya nyi shu rtsa gcig bzlas// bcwa brgyad/ dkar nag gi mtshams su'o// hUM hUM// phaT phaT/ tsam bzlas so// rdzogs so//