Text
ff. 1a–380a · 757 folio sides
- 1a
slob dpon lta dbang blos mdzad pa'i rnam 'grel le'u gsum pa man gyi 'grel pa bzhugs so/ /
- 1b
tshad ma rnam 'grel gyi 'grel pa/ bam po bcu gnyis pa /slob dpon gyis tshad ma'i mtshan nyid kyi bstan bcos bshad pa'i rgyu rjes su dpag pa rnam par bzhag nas/ skabs su bab pa tshad ma zhes bya ba la sogs pas phyag 'tshal ba'i tshigs su bcad pa'i bshad pa mdzad par rtsom pa'o/ /tshad mar gyur pa zhes bya ba ni tshad mar 'khrungs pa'o/ /tshad ma dang 'dra bas na tshad ma ste bcom ldan 'das so/ /tshad ma'i ngo bo de ci zhig yin na gang gis de dang
- 2a
'dra bar dam bca' bar byed ce na/ tshad ma slu med can zhes pa zhes bya ba smos te/ bslu bar byed pas na bslu ba'o/ / shes pa gang la de yod pa de ni bslu ba can no/ /bslu ba yod pa ma yin pa can ni bslu ba med pa can te/ gang la bslu ba med pa zhes bya ba'i don to/ /mi bslu ba de yang don yongs su bcad nas 'jug pa na don gyi rang gi nus pa grub pas ji ltar 'dod pa'i don de lta bu'i ngo bo'i mi slu ba'i yul gyi chos dang/ de'i de lta bur gyur pa rtogs pa na shes pa'i mi bslu ba ni yul can gyi chos yin no/ /de gang la
- 2b
yod pa de ni bslu ba med pa can gyi shes pa'o/ /rjes su dpag pas don gyi rang gi ngo bo yongs su ma bcad pa'i phyir khyab pa med pas na de ni mi rigs so zhe na/ skyes bu ma bslus pas ni mi bslu ba ni mngon par 'dod pa'i don dang phrad par byed pa'i mtshan nyid can gyi mngon sum dang/ rjes su dpag par khyab par byed pa yin no/ /de nyid rnam par 'grel ba'i phyir/ don byed nus par gnas pa ni/ mi bslu ba yin te/ zhes bya ba smos te/ tshad mas yongs su nges pa'i don gyis sgrub par bya ba'i don byed par rtogs pa'o/ /ji ltar mngon sum gyis shes nas me bsreg pa dang/ 'tshed pa la sogs pa'i nus pa la 'jug pa de'i dro ba'i reg pa la sogs pa'i yul can gyi mngon sum dang ji ltar 'ga' zhig gi tshe me nyid la rnam pa mtshungs pa la sogs pa 'ga' zhig gis 'khrul pa du ma las me nges par byas pa'i rjes su dpag pa'i 'jug pa mi bslu ba yin
- 3a
no/ /mngon sum nyid la 'khrul pa'i rgyu sna tshogs pa nyid kyi bslu ba srid pa'i phyir de'i don gyi don byed pa'i yul can gyi tshad ma phyi ma 'jug pas tshad ma nyid du rtogs par bya'i/ rjes su dpag pa la ni ma yin no/ /de ltar de'i rang bzhin can nam/ 'bras bu'i rtags dngos po'i rang bzhin nyid dang/ dngos po'i 'bras bu nyid du nges pa ni rtags can gyi shes pa'i rgyu yin pas na/ de lta bur gyur pa'i dngos po med par rjes su dpag pa yod pa ma yin pa'i phyir/ phyis kyi tshad ma'i 'jug pa la bltos pa ma yin no/ /gzhan dag tu ni mngon sum dang der snang ba dag skye ba'i tshe khyad par nges pa med na de ni phyis kyi tshad ma 'jug pas mi bslu bar rig par bya'o// gal te phyis kyi mngon sum yang mngon sum snga ma dang khyad par med pa'i phyir/ dngos po la 'jug pa ma yin par the tshom za bas ma 'khrul bar nges par nus pa ma yin
- 3b
no zhe na/ ma yin te gnyis ka dngos po med par mi 'jug pa'i phyir ro/ /me med pa la me 'dzin pa can gyi 'jug par byed pa las/ 'jug pa'i sregs pa dang 'tshed pa la sogs pa'i yul can gyi phyis kyi shes pa skye ba ma yin te/ de ni dngos po'i rten can nyid yin pa'i phyir ro/ /skye na yang mi bslu ba kho na yin te/ ji ltar mngon bar 'dod pa bzhin du don byed pa thob pa'i phyir dang/ dngos po ni de tsam gyi rgyu nyid yin pa'i phyir ro/ /de ltar na phyi ma dngos po'i yul can nyid yin na/ snga ma de la mi bslu ba can yin no/ /gal te sngar bzung ba'i don phyis kyi tshad mas rtogs pa ma yin na/ de ji ltar na de'i yongs su bcad pa'i don byed pa'i yul can gang gis na/ de'i don byed pa de las mi slu ba'i de la tshad ma yin zhe na/ ma yin te tha snyad 'dogs pa po dag tha dad pa med par 'jug pa'i phyir tha snyad kyi rjes su 'brongs? nas /dus sde phyir 'byung ba can la gcig tu 'jug par brjod do/ /dngos su ni tha dad pa nyid yin no/ /de ltar na phyis kyi tshad ma'i yul gyi dngos po ni/ tshad ma snga ma'i yul med na med pa'i phyir de yang de'i yul can nyid yin no zhes nye bar brtags pa yin no/ /de bas na sngar dngos po 'grub pa'i phyir dang po nyid tshad ma yin te/ de las don byed pa la 'jug pa'i
- 4a
phyir ro/ /gang gi phyi rol gyi don med pa de'i tshad mas yongs su bcad pa'i don gyi yul ni tshad ma phyi ma de'i rgyu nyid yin par mi bslu ba ma yin gyi/ 'on kyang ji ltar 'dod pa'i don byed par snang ba can gyi shes brgyu nyid yin no/ /gang la de med pa de ni tshad ma ma yin pa de ltar na 'gal ba med do/ /phyi rol gyi don yod pa yin na yang de ltar snang ba can gyi shes ba sgye ba can nyid ni skyes bu'i don yin par de ltar na/ phyi rol gyi don yong ba dang/ cig shos smra ba dag gi don par mi slu ba la bye brag ci yang med do/ /mi slu ba de dang de nges pa gang yin pa de ni tshad ma yin pa'i phyir/ the tshom za ba'i shes pa la sogs pa ni tshad ma ma yin no/ /gal te skyes bu'i 'jug pa la yang gags yod pas/ tshad ma yang bslu ba srid pa'i phyir tshad ma ma yin no zhe na/ de ni chad mas nges par 'dod pa'i don dang phrad ba ni ma yin no/ /'o na ci yin zhe na/ de las mngon par 'dod ba nyid dang phrad pa yin no/ /'jug ba yod na tshad ma phreng par byed pa nyid yin pa da ltar na phrad bar nas ba tshad ma nyid yin gyi phrad pa nyid ni ma yin no/ /nus pa nyid 'di'i mi bslu ba yin no/ /nus ba nyid 'di'i mi slu ba yin par brjod pa'i phyir skyon yod pa ma yin no/ /gal te 'di ltar mi slu ba tshad ma nyid yin na/ de dang de sgra las byung ba
- 4b
la med pa'i phyir tshad mar mi 'gyur na yang 'dod pa des na/ khyab pa med pa'i mtshan nyid kyi skyon du 'gyur ro zhe na/ khyab pa med pa de ni ma yin no/ /de ltar na gang la 'di'i 'khrul ba rab tu ston ba de la tshad mar 'dod pa ma yin gyi/ 'on kyang /sgra 'byung yang/ bsam pa dag ni ston phyir ro/ /mi? slu bu yin te zhes bya ba rjes su 'jug go /skyes bu'i bsam pa ston bar byed pa de ltar na de ston pa'i phyir/ 'di ni tshad ma nyid yin no/ /'chang ba do'i byed ba zhes bya ba la sogs bas de nyid 'chang bar byed de/ 'chad pa po'i byed pa ste/ yang dag par 'dod pa dang brjod? bar 'dod pa zhes bya ba'i bar du'o/ /de'i yul gyi don gang yin pa rab tu gsal shing so sor snang ba'o/ /gang la zhe na/ rnam par rtog pa'i blo la'o/ /brjod par 'dod pa'i yul gyi don de la sgra 'di ni tshad ma nyid yin no/ /'chad pa po'i don der snang ba can gyi rnam par rtog pa sgra las rtogs par 'gyur te/ don de shes pa na 'di ni tshad ma nyid yin no zhes bya ba'i don to/ /don gyi de nyid rgyu can yin /tshad ma nyid kyang ma yin na/ gang gis na khab pa med pa'i mtshan nyid du 'gyur/ /gal te gang gis shes ras? 'jug par 'gyur ba'i don byed par mi slu ba de ni de la tshad ma nyid yin pa de'i tshe/ bum pa'i rnam bar rtog pa'i shes pa las/ bum pa la 'jug pa de'i don byed par mi slu bar 'gyur ba de ltar na/ de yang tshad mar 'gyur na mi 'dod pa de bas na mtshan nyid 'khrul pa yin no zhe na/ skyon de yod pa ma yin te/ bzung ba 'dzin phyir kun rdzob ni/ /mi 'dod 'di ltar bum pa dang/ /yod pa nyid dang/ grangs dang 'degs pa la sogs pa'i yul can gyi kun rdzob kyi shes pa ni tshad ma nyid du mi 'dod do/ /ci'i phyir zhe na/ bzung ba 'dzin pa'i rgyu'i phyir ro/ /de la dang por mthong ba nyid tshang ma nyid de 'jug bar? byed pa yin no/ /de'i mthu las 'byung ba can gyi rnam par rtog pa'i gsal ba ma ji ltar bzhin du yongs su bzung ba'i don gyi yul can/ dran
- 5a
bzhin du skye ba de ltar na des don byed pa sgrub par byed pa'i dngos po cung zad kyang shes pa med pa de bas na/ gang las shes nas 'jug par byed par 'gyur/ ci'i phyir de lta bu'i rnam pa can gyi shes pa nyid tshad mar 'dod kyi/ dbang po la sogS pa ma yin zhe na/ mi rung ba'i phyir ro/ /'di ltar tshad ma'i 'bras bu ni rnam pa gnyis te/ skyes bu'i don zhes bya ba chod pa dang/ khyad par can chod pa med pa'o/ /shes pas blang par bya ba'i don shes nas de sgrub par byed pa nan tan du byed pas mngon sum du byed pa'i mtshan nyid can gyi 'jug pa skyes bus thob par 'gyur ro/ /de bzhin du dor bar bya bshes nas de sgrub par byed pa nan tan tu mi byed pas/ de mngon sum du mi byed pa'i mtshan nyid can gyi 'jug pa thob par 'gyur te/ blo ni tshad ma nyid/ blang dang dor bya'i dngos po yi/ /'jug la de gtso nyid phyir dang/ blang bar bya ba dang dor bar bya ba'i dngos po'i dngos po'i yul can dang/ skyes bu'i don zhes bya ba can gyi 'jug pa de'i la /de gtso bo nyid kyi phyir te/ shes pa gtso bo nyid yin pa'i rgyu'i phyir /blo ni tshad ma nyid yin no/ /blo tshad ma nyid du 'dod pa ni dbang po la sogs pa yang 'jug pa'i rgyur 'gyur ro zhes bya ba'i rtogs pa dgag pa'i phyir ro/ /de ltar na dbang po la sogs pa yod pa'i skyes bu la 'jug pa'i yod pa ma yin no/ /de lta ma yin na de yod pa tsam gyis 'jug par thal ba'i phyir ro/ /'di ltar blang bar bya ba dang dong bar bya ba shes nas rtogs pa bo 'dis ji ltar rigs pa bzhin du bstan par 'gyur ro/ /gang las brtsams nas bsam pa sngon du gtong ba can gyi 'jug par byed pa dang po de ni 'dod pa'i don la 'jug pa'i rgyu yin no/ /de las gzhan du gyur ba de'i stobs las byung ba dang de'i yul can dag yin pa'i phyir
- 5b
di? nyid tshad ma yin no/ /tshad ma'i 'bras bu ma chod pa yang don rtogs pa yin no/ /de yang rgyu thams cad nye ba na yang gang las chos pa med par rtogs pa'i tha snyad thob pa de tshad ma yin no/ /mchod pa de yang yul dang 'dra pa las gzhan la yod pa ma yin no/ /des na blo ni nyams su myong ba'i bdag nyid du tha dad pa med du zin kyang de don so so la tha dad par byed pa yin no/ /de ltar na/ yul rnam can ni tha dad phyir/ /te zhes pa'i chos yin pa'i phyir/ /blo rtogs tha dad pa yin pas/ /te rgyu de'i phyir ro/ /de yod na te yul gyi rnam pa can yod na 'bras bu 'di yod phyir/ /blo ni tshad ma nyid yin no/ /gang yod pa nyid yin na gang 'gyur ba de ni de'i shin du sgrub par byed pa yin par rigs so/ /de yod na yang 'ga' zhig gi tshe 'bras bu med pa yin na ni/ bltos par bya ba gzhan 'di la yod do zhes rtogs par 'gyur ro/ /de'i tshe snga ma de nyid bltos par bya ba gzhan des chos pa'i phyir phul du byung ba can gyi byed pa nyid du mi 'gyur ro/ /de bas na byed pa nyid du ma yin no/ /dbang po la sogs pa yod pa yang bya ba med pa yin te/ yul dang 'dra bas chod pa'i phyir ro/ /'dra ba nyid yod na ni gdon mi za bar de rtogs te/ de'i de ni 'ga' zhig gis kyang chod pa ma yin no/ /shes pa'i ngo bo nyid yin pa'i phyir ro/ / gzhan la ltos pa med pa can gyi 'bras bu rnam par bzhag pa'i rten yin ba de ltar na/ 'bras bu rnam pa gnyi ga'i yang yul dang 'dra ba nyid rgyu yin no/ /de yang shes pa'i bdag nyid du gyur pa yin pa'i phyir/ shes pa nyid tshad ma yin no/ /brjod pa'i yul la tsh+d ma gzhan mi 'jug par brjod pa tshad ma nyid ma yin par ma gyur cig snyam pas/ tshad ma ornams rang nyid kyis tshad ma nyid yin gyis/ tshad ma gzhan gyi dbang gis ni ma yin no zhes
- 6a
gzhan smra ste /de dang de ma rigs so ci'i phyir zhe na/ 'di ltar de skad du brjod ba 'di'i don 'ga' zhig kyang mi rung ngo/ /de ltar na tshang ma rnams rang nyid kyis tshang ma nyid grub pa yin no zhes bya ba mngon bar bsal ba 'am/ /skye ba chang ma nyid yin bar brjod grang na/ grub pa ni rnam pa gnyis la mthong ste/ dper na sgra grub pa dang 'bral can grub ba zhes bya ba lta bu'o/ /re shig skye ba ma yin te skyes pa dang/ ma skyes pa'i gnas skabs dag la shes pa ni tshad ma nyid la byed pa po nyid ma yin pa'i phyir ro/ /ma skyes pa ni med pa yin te/ med pa'i bya ba mi rung pa'i phyir ro/ /skyes ba yin na yang nga'i bdag nyid yin pa'i phyir tshad ma nyid kyang de'i tshe skyes pa nyid yin no/ /de ltar na 'bras bu med pa'i phyir/ /gang gang las 'gyur zhing gang gis na tshang ma nyid rang las skyes bar 'gyur /dbang po la sogs pa don gzhan du gyur pa dag las shes pa tshad ma'i ngo bo can skye ba de ltar na/ rang las skye ba ma yin no/ /ci ste 'di ni tshad ma yin no zhes nges pa'i mtshan nyid can gyi tshad ma'i mngon par gsal ba rang las 'gyur ba de ltar na/ rang las grub pa yin pa de ni rigs pa nyid ma yin no/ /'di ltar tshad ma dang der snang ba dag skye ba'i dus na khyab par nges par bzung ba med de/ 'jig rten tshad ma dang cig shos dag la the tsom za ba mthong ba'i phyir ro/ /gal te tshad ma dang nyid las grub pa yin pa 'gyur na bstan bcos byed pa dag gis phan tshun 'gal ba can gyi tshad ma'i mtshan nyid byed par mi 'gyur ro/ /tshad ma skyes pa nyid na tshad ma dang/ tshad ma ma yin pa'i ngo bo'i rnam par dbye ba grub pa'i phyir mtshan nyid gcig pa can nyid byed bar 'gyur ro/ /gzhan yang bdag nyid tshad ma dang der snang pa'i ngo bo?
- 6b
yongs su gcod ba'i phyir/ 'ga' zhig 'ga' zhig la 'khrul pa ma yin no/ /de skad du brjod pa nges kyang mtshan nyid de ltar bya ba ma yin no/ /byed na rang nyid kyi brjod pa la gnod par byed do/ /ngo bo ngas gzhan gyis tshad ma rig par bya ba'i phyir mtshan nyid byed pa yin na de yang rigs pa ma yin no/ /'di'i rang gis rtogs pa dang 'gal ba yang yin no/ /ji ltar brjod pa'i log pa'i don can nyid kyi rgyu med pa kun nas bstan pas/ skyes bus ma byas pa nyid tshad ma nyid du grub par ston pa de ltar na 'ang las grub pa ma yin no/ /gzhan yang shes pa yod pa nyid kyis tshad ma nyid kyi nges pa 'dod pa nges shes pas/ rang gi ngo bor gi pa'i phyir rang rig pa 'dod par 'gyur ro/ /skyon de bsal bar 'dod pas shes pa gzhan las grub par 'dod pa na rang las grub pa ma yin no/ /ci ste de'i mtshan nyid gzhan gyis byas pa ma yin zhes sems na yang/ de ni 'dod pa nyid yin no/ /de ltar na gang gi rgyu las de lta bur gyur pa nyid du skyes pa de ni tshad ma gzhan nam gzhan gyi kyang 'di'i tshad ma nyid kyi rang bzhin byas pa ma yin no/ /'o na gal te khyed cag gi tshad ma nyid ji ltar grub pa yin zhe na/ kho bo cag gi ni/ rang las rang gi ngo bor rtogs/ /rang rig pa las tshad ma zhes bya ba'i shes pa de'i shes pa yod pa nyid grub pa yin gyis/ tshad ma nyid ni ma yin no/ /gal te shes pa yod pa nyid la tha dad pa med pa'i phyir tshad ma nyid kyang gzung ba nyid yin no zhe na/ mngon sum de ni char skye ba ma yin ba'i phyir/ de yang bzung ba nyid ni yin mod kyi/ 'on kyang bzung ba'i rnam pa gang yin pa dag la lang nges pa bskyed par byed pa de la/ 'jug par byed pa'i phyir tshad ma nyid du 'dod kyi/ gzhan du ni ma yin te/ mthong ba las khyad par med na yang/ rnam par
- 7a
gang don du gnyer ba dang/ goms pa dang skabs la sogs pa des pa'i rgyu yod na de nges pa yin gyis/ /gzhan chod pa ni ma yin no/ /des na shes pa yod pa nyid dmigs pa na/ tshad ma nyid bzung du zin kyang ma bzung ba dang 'dra ba yin te nges pa med ba'i phyir ro/ /'o na ji ltar tshad ma nyid nges par bya zhe na/ tha snyad kyis ni tshad ma nyid/ dus phyis 'byung pa can gyi don byed pa'i yul can gyi pa de'i tshe/ bstan bcos don med pa can yin pa'i phyir brtsam par bya ba ma yin par 'gyur ro/ /don med pa can ma yin te gang gi phyir/ bstan bcos rmongs pa bzlog byed yin/ 'jug par byed pa'i tshad ma'i mtshan nyid mi shes par 'jug pa na bslu ba srid pa'i phyir ro/ /'jug par 'dod bas 'jug pa las sngar tshad ma dang der snang ba dag gi mtshan nyid rtogs par bya ba yin no/ /de yang bdag nyid kyis mi rig pa gang yin ba de yang dag pa'i shes pa'i nye bar mtshon par gyur pa'i chos ston pa'i mtshan nyid can gyi bstan bcos las/ ji skad du bstan pa'i mtshan nyid kyis mi bslu ba rig par byas nas/ rnam pa 'ga' zhig gi 'jug par 'gyur ba'i phyir/ bstan bcos byed pa yin te/ rtogs pa po'i tshad ma dang/ cig shos mi shes pa ldog par byed pa yin pa de ltar na don med pa ma yin no/ /tshad ma rab tu grags pa nyid dang/ tha snyad kyang yin pa de ltar na/ bstan bcos ni cing yang mi rung ngo zhes smra ba gang yin ba de'i yang/ de skad du brjod pa nyid rigs pa nyid ma yin no/ /de ltar na tshad ma dag ni rab tu grags pa nyid ma yin te/ phan tshun 'gal ba'i mtshan nyid byed pas mkhas pa snyam sems pa dag gi yang log par
- 7b
rtogs pa mthong ba'i phyir ro/ /'jig rten ni smos kyang ci dgos so/ /de nyid kyi phyir tshad ma med pa sngon du song pa can gyi 'jug pa na 'di slu bar 'gyur ro/ /'ga' zhig gi tshe mi slu bar 'gyur ro/ /'ga' zhig gi tshe mi slu bar 'gyur ba gang yin pa de yang bya rog dang/ ta la'i tshul gyis yin pa de ltar na de ni cir yang mi rung ngo/ /de bas na de ltar tshad ma'i mtshan nyid mi slu ba cig gcig bshad do/ /mi shes don gyi gsal byed kyang/ /gzhan mtshan nyid gnyis pa yin no/ /rtogs pa po'i mi shes pa'i don gyi dngos po'i de kho na nyid kyi gsal bar byed pa ste/ mngon par gsal bar byed pa'i shes pa yang tshad ma yin no/ /don byed phar mi slu ba nyid kyi phyir de dang da rtog par bya'o/ /don smos pas ni zla ba gnyis la sogs par snang ba tshad ma nyid ma yin par bshad de/ mi shes ba de gzung du zin kyang de'i don ma yin ba'i phyir ro/ /gal te 'on ji ltar na ldog pa'i yul can gyis mi dmigs pa chang ma nyid yin zhe na/ ma yin te/ 'dir yang rang gi mtshan nyid med pa nyid du gsal bar byed pa'i phyir ro/ /don smos pas kyang dngos po'i yod pa dang med ba nyid kyi de kho na nyid yin par bzhed do/ /gal te don ma rtogs pa gsal bar byed pa tshad ma yin pa de'i tshe/ rang gi ngo bo rtogs 'og tu/ /spyi yi rnam par shes ba thob/ /rang gi mtshan nyid khong du chud pa las dus phyis spyi'i rnam par shes pa gang yin pa de mngon sum gyis ma bzung ba nyid kyi spyi yul nyid du bdag gir byed pa'i phyir/ de yang tshad ma nyid thob na mi 'dod do/ /de bsan mtshan nyid 'khrul pa yin no zhe na/ skyon de ni med de 'di ltar mngon sum gyi shes pas de dang de las log pa'i ngo bo can gyi sngon po la sogs pa'i yul la 'dzin pa ni/ ji ltar yongs su mthong ba'i khyad par gyi yul
- 8a
can nyid kyi dran pa'i shes pa skye bar 'gyur pa'i phyir /don ma rtogs par rtogs par byed pa po ma yin na gang gis na 'di tshad ma nyid yin pa'i phyir mtshan nyid 'khrul par 'gyur /ma rtogs pa spyi shes pa'i shes pas rtogs pa yang bla ste/ de lta na yang/ rang gi mtshan nyid mi shes pa/ shes pa gang yin zhes dgongs phyir ro/ /'khrul pa med pa kho na yin no/ /rang gi mtshan nyid ma rtogs pa rtogs pa'i yul can gyi shes pa gang yin pa de ni tshad ma yin ba de ltar na/ khyad par dang bcas pa'i mtshan nyid bshad pas spyi shes pa ni tshad ma ma yin no/ /gal te 'o na rjes su dpag pa tshad ma ma yin pa thob ste/ sgra'i rang bzhin gyi mi rtogs pa rtogs pa nyid mthong bshes pa'i phyir ro zhe na/ ma yin te thams cad las ldog pa'i sgra'i bdag nyid thun mong ma yin pa bzung du zin kyang /rnam pa gang la mngon sum nges nges pa la sogs pa rang gi 'bras bu skyed par byed pa de nyid tha snyad du rung ba bzung ba yin gyi/ gzhan ma yin pa de ltar na ma bzung ba nyid la 'jug pa'i phyir/ rjes su dpag pa ni tshad ma yin no zhes sngar bstan zin to/ /ci'i phyir rang gi mtshan nyid rtogs pa'i shes pa gang yin ba de tshad mar 'dod kyi gzhan ma yin zhe na/ rang gi mtshan nyid dpyad phyir ro/ /rang gi mtshan nyid kho na don gyi bya ba byed pa de ltar na de'i don du skyes bu rang gi mtshan nyid don byed pa'i rten 'dod pa yul de nyid la tshad mtshol bar byed kyi/ don byed pa ma yin ba'i yul gzhan la ni ma yin no/ /de lta bu'i rnam par grub pas don byed ba mi 'grub pa'i phyir ro/ /gal te don byed par mi nus pa med pa'i yul can gyi rjes su dpag pa ni tshad ma nyid ma yin bar thal bar 'gyur ro zhe na /'di la yang rang gi mtshan nyid ma rtogs pa la mi shes pir? don gyi yul can
- 8b
nyid yod pa'i phyir ro/ /rang gi mtshan nyid kho na med pa nyid du rtogs pa'i phyir ro/ /bum pa la sogs pa don gyi bya ba byed pa dgag par bya ba med pa nyid du rtogs pa'i phyir ram/ phyogs la sogs pa des dben pa'i yul de ltar nges dben pa'i ngo bor shes pa'i phyir/ don dam par mi dmigs par yang rang gi mtshan nyid kyi rten can nyid yin no/ /gang du nam mkha' la sogs pa rnam par gcod pa na phyi rol gyi dngos po'i rten med pa de la yang nam mkha' i rgyus steng pa de'i rnam par rtogs pa'i blo nyid rten yin ba de ltar na/ thams cad du dngos po la regs pa yin no/ /ji skad du bshad pa'i mtshan nyid dang mtshungs pa yin no/ /ji ltar mngon par 'dod pa bzhin du yin no/ /de bzhin bcom ldan tshad ma nyid/ /'di tshad ma dang yang ci zhig mtshungs na/ gang gis tshad ma dang 'dra bas tshad ma nyid yin /tshad ma'i mchan nyid rnam pa gnyis nyid dang mtshungs pa yin no/ /ji ltar mngon par 'dod pa bzhin du sgrub par bya ba'i don la mi bslu ba'i phyir dang/ mi shes pa'i don gsal bar byed pa'i phyir tshad ma nyid yin no/ /de ltar na bcom ldan 'das kyang nges par legs pa la sogs pa'i mchan nyid can gyi skyes bu'i don la mi bslu bar mdzad pa dang/ rtogs pa po'i skyes bu'i don bsgrub par bya ba mi shes pa ston par mdzad pa de'i phyir tshad ma nyid yin no/ /tshad ma nyid kyi chos mthun pa nyid can 'chad par 'gyur ba yang grub par byas nas dper byas pa yin no/ /gal te de ltar na tshad ma nyid la zhes bya bas chog mod kyi/ ci'i phyir gyur pa brjod ce na/ ma skyes pa ni bzlog ba'i phyir gyur rjod/ ma skyes pa rtag pa'i mtshan nyid ni yod pa ma yin no zhes/ ma skyes pa bzlog pa'i don du gyur pa brjod do/ /bcom ldan 'das kyis ye shes gang yin
- 9a
pa de dang da? ni skyes pa yin gyi/ ngo bo nyid kyis grub pa ni ma yin no/ /gang gis tshe skye ba yin pa de'i tshe yul dang dus dang rang bzhin gyi nges par mi rung ba'i phyir de ni glo bur bar rigs pa ma yin no zhes don gyis rang gi rgyu ston bar byed do/ / chad ma de ni bcom ldan 'das kyis/ /sgrub byed la bltos pa/ /sbyor ba ni gang gis sgrub par byed pa gang phyin ci log par de'i sgrub par byed ba dag 'chad par 'gyur ro/ /de'i sgrub par byed pa nan tan du byed pa las kyang tshad ma nyid yod par 'gyur ba de'i phyir/ bcom ldan 'das ni tshad ma nyid yin par rigs so/ /sbyor ba ni gang gis sgrub par byed pa gang phyin ci log par nan tan du byas pa des ni/ de thob par 'gyur te/ dper na nang pas nad med pa sgrub par byed pa phyin ci ma log pa nan tan du byas pa lta bu'o/ /bcom ldan 'das kyang tshad ma nyid kyi sgrub par byed pa phyin ci ma log ba nan tan mdzad pa can yin no zhes bya ba ni rang bzhin gyi gtan tshigs so/ /ma skyes pa rtag pa'i tshad ma nyid yod pa ma yin no zhes bya ba de gang las yin de ltar na nam mkha' la sogs ba khyab par byed pa nyid yin ba bzhin du dbang phyug nyid du mngon par 'dod pa'i ngo bo nyid kyis grub pa'i shes pa rtag pa nyid yin par 'gyur ro zhe na de ni ma yin te/ 'di ltar/ tshad ma rtag pa nyid yod min/ ci'i phyir zhe na/ dngos yod rtogs pa tshad phyir dang/ dngos po yang de yin la yod ba yang yin pas na dngos po yod pa'o/ /dngos po yod pa de rtogs pa ni shes pa'o/ /de nyid tshad ma nyid yin pa'i phyir ro/ /tshad ma'i yul gang yin pa de ni mi rtag pa nyid kyi phyir thams cad du yod pa ma yin pa de ltar na de'i yul gyi rtogs pa yang thams cad du 'gyur ba ma yin no/ /shes bya mi rtag pa nyid kyis/ tshad ma'i yul gyi don mi rtag pa nyid kyi rgyus de'i yul can gyi dngos po yod pa rtogs pa/ de ni mi rtan
- 9b
nyid phyir ro/ /tshad ma nyid rtog pa ma yin no/ sbyar ba ni yul can gyi shes pa gang yin pa'i yul yod pa ma yin na/ /de'i bdag nyid kyang yod par mi 'gyur te/ dper na ri bong gi ra mthong ba yul med pa can yin pa lta bu'o/ /dngos po'i sngo na med pa dang/ zhig nas med pa'i gnas skabs kyi mthong ba'i yul yang yod pa ma yin no zhes bya ba ni rgyu mi dmigs pa'o/ /shes pa gang mi rtogs pa'i yul can yin pa de ni bdag nyid kyang mi rtag pa yin te/ dper na lhas byin gyis mi mthong ba lta bu'o/ /mngon par 'dod pa'i skyes bu'i dngos po mi rtag pa mthong ba yang mi rtag pa'i yul can yin no zhes bya ba ni rang bzhin gyi gtan tshigs so/ /de ltar na 'gyur na/ mi rtog pa'i yul can gyi shes pa mi rtag pa nyid yin mod kyi/ 'on kyang shes pa de gang gis yin pa'i shes pa po de rtag ba yin no zhe na /de'i shes pa yang/ rim bzhin skye ba can dag ni/ shes pa po nyid du mngon par 'dod pa'o/ /rtag las skye mi rung phyir ro/ skye ba mi rung ba'i phan dog par byed pa ma yin pa de ltar na/ de dang 'brel pa can ma yin no/ /ci'i phyir rtag pa las kyang rim bzhin du shes pa mi skye zhe na/ 'di ltar rang bzhin gang gis rgyu yin pa de ni gcig la bltos pa yod ba'i phyir de tsam gyis 'byung ba'i ngang tshul can ni rim bzhin du 'gyur ba ma yin no/ /ci ste nus na yang lhan cig byed ba la bltos nas shol bar byed par 'gyur ba de ni mi rigs so/ /ci'i phyir zhe na/ bltos pa mi rung ba'i phyir ro/ /de gang gi phyir zhe na/ rnam 'gas phan 'dogs med phyir ro/ /rtag pa nyid kyi phyir gzhan dag gis khyad par du bya ba med pa la bltos pa ci zhig yod ces mang du bshad zin te/ /de bas na shes pa dang shes pa po dag la phan gdogs par bya ba dang/ phan 'dogs par byed pa'i ngo bo cung zad kyang med pa
- 10a
des na/ shes pa dang ldan pa ma yin no/ /sbyor ba na gang zhig gang dang lhan cig phan gdags par bya ba dang/ phan 'dogs par byed pa'i ngo bo med pa de ni de dang ldan pa nyid du tha snyad bya bar rigs pa ma yin te/ dper na gzhan 'ga' zhig 'ga' zhig dang 'brel pa med pha lta bu'o/ /dngos po'i de kho na nyid shes pa yang/ rtag pa mngon par 'dod pa'i dngos po dang lhan cig phan gdags par bya ba dang/ phan 'dogs par byed pa'i ngo bo yod? pha ma yin no zhes bya ba ni khyad par byed pa mi dmigs pa'o/ /de ltar ni 'gyur na rtag pa nyid ni ma yin mod kyi/ 'on kyang mi rtag pa ngo bo nyid kyis grub pa nyid tshad ma nyid dang/ dus thams cad du yod pa can du 'gyur ro zhe na /mi rtag na yang 'dod na tshad med can snyam du sems pa'i rjes su dpag pa'i tshad ma nyid med pa'i phyir/ yod pa'i tha snyad du mi rung ngo zhes bya ba'i don to/ /sbyor ba yang gang zhig yod par sprub? par byed pa'i tshad ma yod pa ma yin pa de ni de'i don yod pa rtogs pa dang ldan pas nges pa ma yin te/ dper na tshad ma med pa can gyi don can 'ga' zhig gi lta bu'o/ /mngon par 'dod ba'i skyes bu mi rtag pa ngo bo nyid kyis grub pa'i tshad ma nyid can la yang de yod pa'i sgrub par byed pa med de zhes bya ba ni/ yod pa'i tha snyad 'gog pa'i mi dmigs pa yin no/ /gal te khyed cag mngon par 'dod pa'i tshad mar gyur pa'i tshad ma nyid kyi sgrub par byed pa yang gang yin zhe na/ de'i tshad ma nyid kyi phyir bar byed pa nan tan du mdzad pa/ de'i phyir tshad ma nyid yin rigs shes bya bas bshad zin to/ /'o na 'di la yang sgrub par byed pa yod pa nyid yin te/ sngod nas 'jug pa'i phyir dang/ dbyibs kyi khyad par dang ldan ba nyid kyi phyir dang/ don byed par nus pa nyid kyi phyir lus dang gnas dang/
- 10b
byed pa dag ni phul du byung ba dang ldan pa'i blo can gyi skyes bu sngon tu song ba can yin no/ /des na gang zhig gang yod pa'i sgrub par byed pa'i tshad ma yod pa ma yin no zhes bya ba la sogs pa'i sbyor ba grub pa ma yin no/ /gang dang gang sdod nas bdag? ba de dang de ni phul du byung ba dang ldan pa'i blo can gyi skyes bus byin gyis rlabs sngon du song ba can yin te/ dper na ste'u la sogs pa lta bu'o/ /'jig rten gyi lus dang gnas dang byed pa dag kyang 'dug nas 'jug pa'i phyir /gang la log par rtog pa yod pa dag yin no/ /gang dbyibs kyi khyad par dang ldan pa de ni phul du byung ba dang ldan ba'i blo can gyi skyes bu sngon du so ba can yin te/ dper na gzhal yas khang la sogs pa lta bu'o/ /lus dang gnas la sogs pa dbyibs gyi khyad par dang ldan pa yin no/ /gang don byed par nus pa de ni/ phul du byung ba dang ldan pa'i blo can gyi skyes bus byin gyis rlabs pa sngon du song ba can don byed pa'i bdag nyid la 'jug pa yin te/ dper na dgra ste la sogs pa lta bu'o/ lus dang gnas dang byed bdag la yang la lar don byed par nus pa yod do/ /zhes bya ba ni sbyor ba yin no/ /de ni/ sngod 'jug dbyibs kyi khyad par dang/ don byed pa la sogs pa dag /'bras bu'i gtan tshigs nyid du mngon par 'dod pa'i sgrub par byed pa de dag la'o/ /sogs pa smos pas de dag sgrub par byed pa gzhan dag kyang ngo/ /'dod pa sgrub pa'am/ dngos sam brgyud pas phan gdags par bya ba dang /phan 'dogs par byed par gyur ba'i sems can thams cad kyi lngas dang gnas dang byed pa la sogs pa dag gi blo'i mtshan nyid can gyi sems dpa' i khyad par las mngon par grub pa'i phyir grub pa la sgrub pa yin no/ /ci ste de las gzhan pa'i phan 'dogs par byed pa la bltos pa med pa'i
- 11a
skyes bu gcig gi? khyad par gyi blos byin gyis brlabs pa sngon du song ba can nyid sgrub pa de'i tshe/ dpe ma grub pa yin te/ dpe sgrub par bya bas stong pa zhes bya ba'i don to/ /de lta bur gyur pa'i skyes bus byin gyis rlabs pa'i dbang gis ste'u la sogs pa'i 'jug pa 'am/ de bzhin du gzhal yas khang la sogs pa grub pa 'am/ de lta bur gyur pa'i skyes bus byin gyis rlabs pa'i dgra sta la sogs pa dag gi rang gi don byed pa ma mthong ngo/ /thams cad du dngos sam brgyad pas sems can du mnye bar sbyor ba'i phyir ro/ /nye bar sbyor ba dag la yang thams cad de nye bar spyir ba ni gcig pa na yang 'bras bu med pas/ yon tan gtso bor gyur pa nyid kyi nges pa med pa'i phyir/ yon tan gtso bor gyur pa'i khyod par med do/ /sdong nas 'jug pa'i phyir dang/ /don byed par nus pa'i phyir zhes bya ba'i gtan tshigs 'di dag ni/ yang na the tshom za ba yin te/ de lta bu'i rnam pa can gyi skyes bu de nyid kyis ma nges pa yang yin no/ /de lta bu'i rnam pa can gyi skyes pu gzhan gyis byin gyis rlabs pa de ni sdong cing /sdod nas lus la sogs pa dag la 'jug par byed na / thug pa med phar thal bar 'gyur ba'i phyir ro/ /de nyid kyi phyir de lta bu'i rnam pa can gyi skyes bus byin gyis rlabs pas don gyis bya ba byed pa ni ma yin no/ /de ni sdong nas 'jug par byed pa nyid kyang ma yin no zhes bya ba 'di yang rigs pa ma yin te/ de'i 'bras bu thams cad la cig car 'jug par thal bar 'gyur ba'i phyir ro/ /don byed pa yang ma yin te/ rang bzhin nyams pa'i phyir ro/ /gzhan yang ma grub pa dang khyab pa med pa'i phyir gtan tshigs ma nges pa nyid kyang yin no/ /ji ltar na khang bzangs dang/ steng khang dang/ sgo khang
- 11b
la sogs pa'i khyad par dag gi rjes su 'jug pa can gyi dbyibs ci 'dra ba blo sngon du song ba can gyi mthong zhing/ gang mthong ba las de'i byed pa ma mthong du zin kyang byas pa'i blo 'gyur pa de dang 'dra bar gal te ri bo la sogs pa dag la 'gyur na/ der? 'gyur te gang las yod pa ma yin no/ /de skad du sdod nas 'jug pa la sogs pa dag la yang brjod par bya'o/ /byin rlob yod mang rjes 'jug can/ /bkod sogs ci 'bra ba grub pa/ /byin gyis rlob pa po yod na yod pa dang med na med pa gang la yod par? ni yod pa dang med pa'i rjes su 'jug pa can gyi bkod pa la sogs pa'o/ /sogs pa'i sgra smos pas ni sdod nas 'jug pa bzung ngo/ /bkod pa de las byin gyis rlob ba po'i khyad par gyi blo sngon du song ba can nyid/ rjes su dpog gang yin/ de ni rigs pa nyid yin no/ /dngos tha dad la dbyibs kyi khyad par la sogs pa tha dad pa la'o/ /skyes bu skyed pa po nyid du rab tu grub pa dbyibs kyi khyad par med pa ni tha dang med phyir ro/ /ji ltar tha dad pa med pa yin zhe na/ 'di ltar 'di yang dbyibs kyi sga'i brjod par bya ba yin no zhes sgra mtshungs pas so/ /de bzhin du sdod nas 'jug pa nyid la sogs pa'i sgra la yang brjod par bya'o/ /de 'dra ba'i sgra tsam du tha dad pa med pa'i phyir/ khyad par can gyi blo dang ldan pa sngon du song ba can nyid kyi/ rjes su dpog rigs pa ma yin no/ /ci dang 'dra ba zhe na/ rdzas sngon po las ma bzhin no/ /ji ltar mo las skye ba'i chos can rdzas sngon bo'i khyad par la? khyad par yongs su bor nas/ bskyed par bya ba dang skyed par byed pa'i ngo bo'i 'brel ba can ma mthong ba/ sngon po'i rdzas spyi las mi rtogs pa rigs ba ma yin no/ /de bzhin du 'di yang
- 12a
dbyibs? kyi khyad par ni skyes bu'i 'bras bu nyid du mthong ba de 'khor? nas sbyis rjes su dpog ba rigs pa ma yin no/ /de bas na spyi de 'dra ba skyes bu'i byed pas ma khyab pa de ltar na ma nges pa yin no/ /ci ste yang dbyibs kyi khyad par rang nyid rib? la sogs pa dag la gtan tshigs nye par sbyar smras pa/ de ma grub pa yin to/ skyes bu blo sngon du song pa can gyi nye bar sbyar ba de'i 'bras bu nyid du grub pa de ni ri bo la sogs pa dag la med pa'i phyir ro/ /khang bzangs la sogs pa'i khyad par dag gi rang gi byed brag dag la/ rjes su 'jug pa rten cing las gzhan pa dag las ldog pa gang mthong ba'i phyir byed pa ma mthong ba'i 'jig rten yang byas pa'i blor 'gyur ba gang yin pa de ni ri bo la sogs pa dag la yong pa ma yin no/ /de bzhin du sdong nas 'jug pa la sogs pa'i khyad par ste'u la sogs pa dag la yang yin pa de ltar na/ gtan tshigs rnams ma grub pa yin no/ /ji ltar na yin na bsgrub par bya ba'i rjes su 'gro ba'i dbyibs la sogS pa ci 'dra ba ngo? bor nas/ cung zad tsam chos mthun? pa nyid can gyis de nyid du sgro btags bas/ spyi 'brel pa med pa las gang gi rjes su dpog pa byed pa de'i tshe/ rdza mkhan gyis/ bum pa la sogs 'dzim pa yi/ /'gyur ba 'ga' zhig byed pa'i rgyu'i phyir/ grog mkhar yar des byas te/ rje mkhan gyis byas par grub par 'gyur ro/ /dper na grog mkhar yang 'jim pa'i 'gyur ba nyid yin pa'i phyir rdza mkhan gyis byas pa nyid yin te bum pa la sogs pa bzhin no/ /de yang 'dod pa ma yin/ /de bas na gzhan la yang grub par mi 'gyur ro/ /gal te spyi gtan tshigs la khyad par kun tu btags pa'i phyir/ /de ni 'bras bu dang mtshungs pa ma yin nam zhe na /
- 12b
de ni ma yin te/ 'di ltar byas pa nyid kyi spyi mi rtag pa nyid kyi spyis khyab pa nyid la 'bras bu dang mtshungs bar brtags pa yin no/ /bsgrub bya'i rjes 'gro phyir 'bras bu byas pa nyid/ cis kyang sgrub par byed pa yin no'o/ /ci byas pa nyid kyi gtan tshigs 'di sgra'i ngo bo can na ma/ 'on te bum pa'i ngo bo can du 'gyur grang na/ gal te bum pa'i yin nang ni sgra la yod pa ma yin pa'i phyir ma grub pa yin la sgra'i byas pa nyid gtan tshigs yin na/ dpe sgrub pa byed pas stong pa nyid yin ba de ltar na/ 'brel can ni tha dad phyir/ de ltar na brel pa can tha dang bas/ tha dad brjod skyon gang yin pa de ni 'bras mtshungs 'dod do/ /de ltar na 'dir bsgrub par bya pa'i rjes su 'gro ba khyad par can ma yin la dbyibs la sogs pa'i spyi ni yod pa ma yin no/ /de bas na ltag tshong ma yin na/ /des na spyi gtan tshigs yin na khyab pa med pa'i phyir/ the tshom za ba dang khyad par yin ? ni ma grub pa yin no/ /rigs kyi khyad par ni rigs kyi phyil? brag go /de la ji ltar khang bzang la sogs pa'i bye brag gi rjes su 'gro pa nyid kyi dbyibs la/ blo sngon du song ba can nyid kyi mthong zhing/ ri bo la sogs pa'i dbyibs la ni ma yin no/ /de lta bu'i rnam pa can gyi bsgrub bar bya bar/ rab grags pa de ni sgra'i sbyi ni mthong pa'i phyir ro/ /rigs kyi khyad par de yongs su btang nas/ rigs kyi spyi bzung ba'i phyir ji ltar de yang dbyibs kyi sgra'i brjod par bya ba yin ba de bzhin du/ de yang yin pa de ltar na sgrub byed mi rigs so/ /ci dang 'dra ba zhe na/ ngag la sogs go nyid phyir rwa? can bzhin/ go zhes bya ba'i sgra 'di ni dag la sogs la dag tu grags pa 'brel ba tsan yin pa de tsam gyis ni dag la sogs pa
- 13a
la ba lang nyid yin pa'i phyir zhes bya ba'i gtan tshigs kyis rang yod pa nyid sgrub pa ma yin pa lta bu'o/ /de ltar nar can nyid kyis ni khra mo la sogs pa'i rjes su 'gro ba khyad bar can gyi ba lang nyid la khyab pa yin no/ /? mo la sogs pa dag la rwa can nyid rigs kyi/ /dag la sogs pa la ni ma yin no/ /de ltar ni/ brjod par 'dod pa'i gzhan dbang phyir/ /sgra rnams gang la'ang med ma yin/ /thams cad la yod pa nyid yin no/ /de yod pas ni sgra yod pa tsam gyis don grub na ni'o/ /thams cad ni ji ltar mngom? par 'dod pa'o/ /dngos po 'am skyes bu thams cad kyi grub 'gyur ro/ /gal te sgra mi 'jug pa de ltar na yang gang gi tshe /'jug par 'gyur ba de nyid kyi tshe 'gyur ba de ltar na/ sgra yod ba'i phyir don grub na ji ltar mngon bar 'dod 'dod pa'i don grub bar 'gyur ro/ /de thams cad kyis ni gzhan gyis rab tu sbyar pa'i sgrub par byed pa dag ni ma grub pa nyid dang ma nges pa nyid bsgrubs pa yin no/ /ma grub pa sgrub pa'i don du sgra'i skyes rjes su dpag pa nyid ma yin par bstan ma thag pa de mi rtag la sogs phyir yang/ ser skra la sogs kyi blo dang bde ba la sogs pa ni/ sems med? sogs te sems med par bsgrub par bya ba/ ji ltar gtan tshigs ma grub pa nyid gyi phyir/ /sgrub par byed pa ma yin no zhes dpyad pa yin no/ /sogs pa'i sgras ni skye ba bzung do/ yang gi sgra ni rims pa gzhan du sgrar? te/ /shun lpags bshus pas 'chi ba'i phyir/ /shun lpags thams cad bshus na 'chi ba'i gtan tshigs kyi phyir/ shing rnams sems dang ldan pa yang do/
- 13b
mngon par 'dod pa'i don grub pa ma yin te/ gtan tshigs ma grub pa'i phyir ro/ /ci'i phyir ma rtag pa nyid kyang ma grub pa yin zhe na/ 'di ltar sangs rgyas pa la sogs pa rang gi rang bzhin las 'pho ba med pa'i rang bzhin can gyi nus pa'i mi rtag pa nyid mi 'dod pa'i phyir ro/ /? sbang gzhan gyis mngon par 'dod pa'i mi rtag pa'i don gtan tshigs nyid du brjod pa na/ /ci rigs par bdag dang gzhan la ma grub pa yin no/ /'bras bu der mtshungs pa'i ltag gcod kyang ma yin te/ mi rtag pa nyid kyi sgra'i brjod par bya ba'i don gyi spyi nyid ma grub ba'i phyir ro/ /de grub na ni 'gyur te/ dper na byas pa nyid la sogs pa lta bu'o/ /ji ltar grub pa ma yin pa de ltar yang/ tshad dam rnam par nges pa las khong du chud bar bya'o/ /shing rnams la rnam par shes pa dang/ dbang po dang/ tshe 'gagS pa'i mtshon nyid can 'chi ba yang grub pa ma yin no/ /'chi ba'i sgra 'jug pa tsam gyis sems dang ldan pa yang ma yin te/ mar dang 'bru mar dang shing kun la sogs pha dag la yang 'chi ba'i sgra 'jug tu zin? kyang sems med pa'i phyir ro/ /shing dag la skyabs pa'i don can gyi 'chi ba'i sgra brjod du zin kyang sha skam la sogs pa la 'jug ba'i phyir/ /skams pa ni ma des nyid yin no/ /mi 'jug na yang khyab pa med pa'i phyir the tshom za bar byed pa nyid yin no/ /dngos rang bzhin/ gtan tshigs su grub min la/ ji skad du bshad pa'i ma grub pa brjod pa'i mtshan nyid can gyi rigs pa 'di yin no/ /sbyir dngos po'i rang gi ngo bo gtan tshigs su grub na/ /ji ltar byas pa'i 'brel pa can tha dang pa'i rten gyis khyad par du gyur pa gang yin ba de ni gnod pa
- 14a
can min te/ nyes par byed pa ma yin no/ /gang gi tshe zhe na/ khyad par ma grub na yang ngo/ /de ltar na bsgrub par bya ba'i chos can gyi rang gi ngo bo grub na yang khyad par gnod pa can ma yin no/ /sgra'i nam mkha' rten yin bzhin/ /dper na gnag rdzi mo'i bar la rab tu grags pa'i chos can sgra la/ nam mkha' i yon tan nyid la sogs pa ma grub du zin kyang gtan tshigs byas pa nyid la sogs pa chas can sgra la ma grub bar 'dren par byed pa ma yin no/ /de pas na 'di ltar gang la sgra tsam grub pa yin mod kyi/ sgrub par bya ba'i chos rjes su 'gro ba'i don ni ma yin no/ /de ni sgra la gtan tshigs ma grub pa ma yin no/ /gang la don ni grub la/ sgra ma yin ba de la yang ji ltar 'gyur zhe na/ de la sgra ma grub kyang dngos po ni grub na/ dngos por gyur pa'i rtags grub pa yin na/ ji ltar mngon par 'dod pa'i sgrub par 'dod pa'i don 'grub par 'gyur ro/ /ci dang 'dra bar zhe na /dper na/ 'ug pa pa las sangs rgyas pas/ lus sogs sgrub byed bshad pa bzhin/ dper na bye brag pa la sangs rgyas pas rdul phra rab ni lus can yin pa'i phyir mi rtag ste bum pa la sogs pa bzhin no zhes byas pa lta bu'o/ /de las lus can gyi sgra sangs rgyas pa la reg bya dang ldan par grags kyi/ bye brag pa la ni ma yin no/ /'di'i yang rdzas thams cad du 'gro ba ma yin pa'i tshang ni lus can yin la/ de yang sangs rgyas pa la ma grub pa yin te/ sangs rgyas ba ni tshad ces bya ba cung zad kyang mi 'dong na/ gang gis na de la yang lus can gyi sgra? khas len par 'gyur /de bas na 'di ltar gnyi ga gang gis yang phan tshun mngon par 'dod ba'i
- 14b
yul la sgra ma grub pa yin gyi don ni ma yin te/ gnyi gas rdul phra rab dang bum pa dag la rag bya khas blangs pa'i phyir/ /grub par byed pa nyid yin no/ /de bas na dngos po de nyid 'khrul la sogs yin na'o/ /sogs pa smos pas ni ma grub pa dang 'gal ba bzung ngo/ /sgra ni 'khrul pa med na yang/ /sgra 'khrul pa med du zin kyang/ sgrub byed skyon ldan shes bya ste/ /sgra 'khrul pa med pa tsam gyis 'grub pa ma yin no/ /de ci'i phyir zhe na/ dngos las dngos po grub phyir ro/ /dngos po nyid na rig lus pa yod pa'i phyir dngos bo'i go bar byed ba yin gyi sgra ni ma yin no/ /dper na khra mo 'am/ glang po che'i phru gu'i khyad bar/ glang phrug rwa can ba lang nyid/ /lag can nyid phyir zhes sgrub byed/ /'gro ba'i phyir ram lag pa dang 'brel pa nyid kyi phyir zhes bya ba ni gtan tshigs kyi don to/ /ba lang gi sgra la sogs pa'i brjod par bya ba nyid grags pa brjod par 'dod ba ma yin pa'am// ba lang gi rigs ma glang po che'i rigs kyang brjod par bya ba ma yin no/ /de ltar na yang grags pas nges pa nyid kyi phyir ba lang dang glang po'i sgra ni de'i rigs la 'khrul pa ma yin no/ /brjod par 'dod ba'i don yang 'khrul par byed do/ /don de brjod par 'dod pas sgra sbyong bar byed ba'i 'khrul pa med pa can yin na 'ang/ de la sgra ni gtan tshigs ma yin no/ /'o na ci yin zhe na/ don nyid do/ /de yang 'khrul pa yin pa'i phyir da? 'dra ba'i /brjod par 'dod pa la gtan tshigs ma yin no/ /brjod par 'dod pa'i don yang yod pa yin na /de ltar na yang ba lang gi sgra dang/ glang po'i sgra ni skyes bu la yod pa ma yin zhing 'di 'dod ba yang ma yin no/ /de ni tshig la/ /mkhas pa med pa'i phyir
- 15a
de skad du brjod na yang/ de ni de'i brjod par byed pa'i grags pa ma yin pa'i phyir sgra ni 'khrul pa med pa nyid yin no/ /de bas na 'di ltar brjod par 'dod ba'i skyes bu'i blo sngon du song ba can nyid kyi sgrub par byed pa dag ni skyon dang ldan pa yin no/ /gang zhig gang yod pa sgrub par byed pa'i tshang ma yod pa ma yin no zhes bya ba la sogs pa'i sbyor ba la grub pa nyid yin no/ /gzhan yang dbang phyug ni ril gyi rgyu yin no zhes bya ba'i di ni dad pas? go bar bya ba yin no/ /de ltar ni ji ltar rang bzhin gang gis 'bras bu'i rgyu yin ba'i dus na/ dbang phyug ces bya ba'i dngos de rgyu yin par 'dod pa'o/ /rang bzhin de nyid kyis de ltar de nyid gang gi tshe/ rgyu min byed ba po'i gnas skabs ma yin pa de'i tshe/ byed pa bo'i rang bzhin las 'phongs pa med pa'i phyir/ de ni khyad par gang gis rgyur 'dod la/ /rgyu ma yin bar mi 'dod/ byed pa por mngon par 'dod pa'i gnas skabs kyang byed pa po nyid ma yin te/ byed pa po ma yin ba'i rang bzhin du khyad par med pa'i phyir ro/ zhes bya ba'i don to/ /sbyor ba yang gang dang gang byed pa ? po ma yin bar mi 'dod/ byed pa por mngon par 'dod pa'i gnas skabs kyang byed pa po nyid ma de nyid byed pa po'i gnas skabs ma yin pa lta bu'o/ /dbang phyug gi byed pa po'i nyid du mngon par 'dod pa'i skabs kyang byed pa po ma yin pa'i gnas skabs las khyad par du bya ba ma yin zhes bya ba ni/ khyab par byed pa mi dmigs pa'o/ /ci ste yang byed pa po ma yin pa'i rang bzhin las khyad par can gyi rang bzhin du gyur pa'i bya ba'i phul du byung ba med par 'bras bu 'ga' zhig gi dbang phyug byed pa po nyid yin par rtogs pa de'i
- 15b
tshe/ mtshon cha dang 'brel pa las nag pa'i rma dang/ rma de sman dang 'brel pa las 'drubs pa yin na'o/ /rma? mi byed pa'i phyir dang 'drubs pa'i phyir byed ba nyid du/ 'brel med sdong dum ci yi phyir/ /rgyu nyid du mi rtogs mi byed ji lta ldong? dum rma byed pa dang/ 'drubs ba'i byed pa po yin no zhes bya rtog pa de ltar dbang phyug kyang mi 'gyur ro/ /sbyor ba ni gang zhig 'bras bu gang gi khyad par skyed pa na/ de mi skyed pa'i gnas skabs las khyad par can gyi rang bzhin du gyur pa'i bya ba'i phul du byung ba yod pa ma yin ba de ni de'i byed pa po ma yin te/ dper na mtshon cha dang sman gyi 'brel bas nag ba'i rma dang 'drubs pa'i gnas skabs las rang bzhin du gyur ba'i bya ba'i phul du byung ba can ma thob ba'i sdong dum ni de dag gi byed pa po ma yin pa lta bu'o/ /dbang phyug kyang dngos po rnams kyi 'bras bu'i bye brag skyed ba na/ mi skyed ba'i gnas skabs las khyad par can gyi rang bzhin gyis bya ba'i phul du byung ba dang bral ba yin no zhes bya ba'i de ni khyab bar byed pa mi dmigs pa'o/ /ma grub pa yang ma yin te gang gi phyir /rang bzhin khyad par med par ni/ byed par yang ni mi rung ngo/ /snga ma'i rang bzhin las rang bzhin gzhan skyed ba med pa gang yin pa de ni bya ba phul du byung ba dang ldan pa nyid kyang yod pa ma yin te/ dper na ri bong gi rwa la sogs pa lta bu yin pa'i phyir/ gang las ma grub pa yin/ gzhan yang dbang phyug/ rtag la ldog pa nyid med phyir/ / nus pa nyid kyang rtogs par dka' / /ril byed pa ni khong du chung par dka' ba yin no/ /dngos po la yod pa tsam gyis rgyu nyid ma yin gyi 'on kyang/ dper na 'di ni 'di yod na 'gyur la/ des gzhan pa'i nus pa
- 16a
de'i rgyu dag yod du zin kyang de med na med par 'gyur ba'i phyir/ de ltar na the tshom med bar de'i 'bras bu nyid du bstan par 'gyur ba de'i tshe/ de'i rgyur grub par 'gyur ro/ /'di 'dra ba'i ldog pa ni rtag pa nyid kyi phyir dbang phyug la yod pa ma yin pa de ltar na/ dngos po rnams la de'i rjes su 'gro ba dang/ ldog pa'i rjes su byed pa grub pa med pa'i phyir ji ltar na rgyu yin/ sbyor ba ni gang zhig gang dang lhan cig rgyu dang 'bras bu'i dngos bo'i sgrub par byed pa'i rjes su 'gro ba dang ldog ba'i rjes su byed pa grub pa med pa de ni de'i 'bras bu ma yin te/ dper na 'bigs byed dang gangs can lta bu'o/ /dbang phyug la yang ril dang rgyu dang 'bras bu'i ngo bo sgrub bar byed pa'i rjes su 'gro ba dang ldog pa'i rjes su byed pa grub pa yod pa ma yin no zhes bya ba ni khyab par byed pa mi dmigs pa'o/ /ma grub pa yang ma yin te/ rtag pa nyid kyi phyir dbang phyug gi ldog pa ma grub pa'i phyir dang/ 'bras bu yang de log par na ldog ba med pa'i phyir ro/ /de'i phyir ji ltar yongs su mthong ba'i rgyu sa bon la sogs pa dag yod pa na/ gdon mi za bar myu gu la sogs pa de tsam gyi rgyu can 'byung ba mthong bas/ de las bzlog pa dbang phyug? la sogs ba'i rgyu la bltos pa can las khas blang bar mi bya'o/ /de lta ma yin na rgyur mngon par 'dod pa gang dag yod na/ 'bras bu gang yin pa yod pa nyid du 'gyur na/ nus pa mthong ba can gyi rgyu de dag las gzhan dus pa mthong ba med pa can rtog par byed pa na/ de rgyu de nyid du ste/ ci ltar yongs su mthong ba bzhin du 'byung ba'i dang tshul can gyi 'bras bu de'i rgyu nyid du 'bras bu thams cad la rgyu rnams thug pa med par 'gyur/ nus pa ma mthong ba
- 16b
can gcig po de brtags par bya ba ma yin gyi/ gzhan dang gzhan yang yin ba de ltar na thug pa med par 'gyur ro/ /gal te sa la sogs pa dag ljang bu mi skyed pa'i gnas skabs las khyad par can gyi rang bzhin skyed pa med pa de lta na myu gu'i rgyu ngag yin no/ /des na gang zhig 'bras bu gang gi khyad par skyed ba na zhes bya ba la sogs pa'i sbyor ba la ma nges pa yin no zhe na/ de ni ma nges pa ma yin te/ 'di ltar sa la sogs pa thams cad ni myu gu thams cad kyi rgyu ma yin no/ /'on ci yin zhe na/ 'ga' zhig 'ga' zhig kho na'i yin no/ /myu gu skyed las la sogs pa de/ rang bzhin yongs su gyur nas ni/ /sngar skyed par byed pa po ma yin pa'i rang bzhin las khyad par can skyed par byed pa'i rang bzhin skyed pa nyid na rgyu yin no/ /gang la zha na myu gu skyed la'o/ /gal te sa la sogs pa phul du byung ba skyes na mthong bar 'gyur na/ ma mthong ba ji ltar yid ches par bya ba yin zhe na/ sa la sogs pa de legs par byas pa na/ de'i khyad par mthong phyir ro/ /de'i skyed par bya ba'i 'bras bu'i khyad par mthong ba'i phyir ro/ /zhing gnyis smos pa dag ni nang nas gcig thong lcags lhag pas mngon par 'dus byas pas 'bras bu mang? du mthong ngo// de ltar ma yin na rgyu khyad par can ma yin pa las 'bras bu yang mtshungs pa mthong bar 'gyur na khyad par yang snad ngo/ /de yang blo bur ba rigs pa ma yin pa'i phyir/ rang bzhin phul du byung ba skyed pa yod pa nyid yin pa de ltar na mngas pa ma yin no/ /tshad ma rnam 'grel gyi 'grel pa// //bam po bcu gsum pa/ /ji ltar zhes bya ba la sogs pas yang ma nges ba'i dogs pa gsu ba yin te/ gal te ji ltar yul dbang po'i/ /tshogs ba khyad
- 17a
med blo rgyu yin/ /ji ltar dbang po dang yul dag so sor khyad par med par lhan cig par na yang de dag gzugs nyid yin pa de ltar na yang rnam par shes pa'i rgyu 'gyur ro zhe na/ de ltar dbang phyug la sogs pa 'di yang rgyur 'gyur ro zhe na de ltar min no/ /ci'i phyir zhe na/ dbang po dang yul tshogs pa/ de la'ang khyad par yod phyir ro/ /dbang po la sogs pa gang zhig byed pa bo ma yin pa de las gzhen nyid byed pa bo'i tha mar gyur pa gzhan gang yin ba rnam par shes pa'i rgyur 'gyur ro/ /ci'i phyir zhe na/ so so so sor nus med rnams/ /rgyur mngon par 'dod pa'i dngos po rnams 'bras bu'i dus su/ rang bzhin phul du byung med pa na/ sngar byed pa po ma yin pa'i rang bzhin las tha dad pa ma yin du byung ba ma skyes pa na'o/ /de dag gi tshogs pa yod na yang nus med 'gyur 'bras bu skyed pa'o/ /de ltar na phyis kyang de dang de dag nus pa med pa'i phyir de dag las 'bras bu mi 'gyur ro/ /de ltar mi 'gyur mod kyi 'on kyang phul du byung ba skyed pas nus pa rnams mi skyed pa de na di ltar lin? te/ 'on kyang lhan cig ba dag gis ldan par skyed par byed cing/ ldan ba las 'bras bu 'byung ba yin no zhe na/ de dang de ni rigs pa ma yin te/ ji ltar de dag gis 'bras bu skyed par mi nus pa de ltar ldan pa skyed par yang ngo/ /so sor nus pa med pa rnams ni lhan cig pa na yang nus pa med ba nyid yin no/ /nus pa yod na yang sdang ci'i phyir skyed par mi byed gal te de skyed ba'i las med pa'i phyir ro/ /zhe na/ ldan pa skyed par byed ba'i las de nyid ci'i phyir mi byed/ de'i rgyu 'phen pa la sogs pa yang brgal cing brtag pa mchungs pa yin ba de ltar na/ /tshigs su zin
- 17b
kyang nus ba med par 'gyur na/ tshogs pa rnams la cus pa yong ba ma yin no/ /de phyir phul du byung grub pa yin/ /yul dang dbang po dag gi'o/ /sbyor ba ni gang zhig byed ba dang gang zhig mi byed ba de gnyis ni tha dad ba'i rang bzhin can yin te/ dper na nas kyi myu gu'i byed pa po dang byed pa po ma yin pa nas dang sa lu lta bu'o/ /rnam par shes pa skyed pa dang mi skyed ba dag gi dbang po dang yul gyi gnas skabs dag dang/ byed ba po dang byed pa po ma yin ba'i rang bzhin can yi? zhes bya ba ni rang bzhin 'gal ba dmigs ba'o/ /gang gi phyir de ltar yin ba/ de phyir so sor gang nus med/ /'bras bu 'ga' zhig la'o/ /phyis tshogs la yon tan srid 'gyur ba'i/ /'bras bu mi skyed ba'i gnas skabs las khyad par can gyi rang bzhin du gyur ba'i bya ba'i mtshan nyid can gyi'o/ /mngon par 'dod pa'i 'bras bu de'i de dag rgyu yin dbang phyug sogs/ /ma yin khyad par med phyir ro/ /bshad? ? las bzlog pa'i mchan nyid can gyi'o/ /sogs pa smos pa ji tsam brtan pa'i bdag nyid can rgyu nyid du 'dod pa de dag ni rgyu ma yin no zhes phyir bstan pa'i phyir ma nges pa ma yin no/ /de bas na rtag pa nyid tshad? ma ma? yin zhing/ mi rtag pa nyid yin na yang de dang ldan ba yod pa ma yin no/ /zhes bya ba de ltar gnas so/ /tshad ma zhes bya ba la sogs pas gang zhig gang gi sgrub par byed ba byin ci ma log par nan tan du byed pa zhes bya ba la sogs pa'i sbyor ba la ma grub bar dogs pa bsu ba yin te/ tshad ma zhes bya ba yang ci la brjod cen/ lkog gyur don shes yin te/ dbang po las 'das pa'i don mthong ba'o/ /gal te tshad ma de 'dra ba/ /
- 18a
de sgrub byed cung zad yod par 'gyur ba de'i tshe/ de nan tan du byas ba las skyes bu 'ga' zhig gis tshad ma nyid kyang thob par 'gyur na/ /'di ltar tshad ma nyid kyi sgrub bar byed pa nyid yod pa ma yin no/ /med pa'i phyir tshad ma nyid kyi sgrub par byed pa de 'ga' zhig gis kyang/ nan tan byed pa yod pa ma yin no/ /bcom ldan 'das kyis kyang tshad ma nyid kyi phyin ci ma log pa can gyi sgrub bar byed pa nan tan du mdzad pa yin no zhes bya ba'i gtan tshigs ma grub pa yin no/ /zhes rgyal dpog pa la sogs pa rab tu brjod do zhes bya ba ni phyogs snga ma'o/ /sbyor ba yang skyes bu gang zhig gang gis sgrub par byed pa med ba de ni/ de thob pa'i phyir de sgrub par byed pa nan tan du byed nus pa ma yin te/ dper na ri rab thob bar byed pa'i sgrub par byed pa med pa can gyi rkad? zhal de'i sgrub bar byed ba nan tan du byed pa med pa lta bu'o/ /skyes bu thams cad la yang tshad ma nyid kyi sgrub par byed pa yod pa ma yin no zhes bya ba ni khyab par byed pa 'gal ba dmigs pa yin no/ /des bshad ces bya ba la sogs pas ni 'gog par byed do/ /lkog tu gyur ba'i don thams cad kyi yul can gyi shes pa ni tshad ma nyid du mi 'dod kyi/ 'on kyang rtogs ba bos skyes bu'i don nan tan du bya ba'i yul can gyi ye shes dang/ nan tan du bya ba'i yul nyid la de mkhyen pa can ston par mdzad pa dang 'jug par mdzad pa na tshad mar gyur pa yin no/ de lta ma yin na dngos sam brgyud pas nye bar mkho ba ma yin pa ston pa na bslu ba nyid du 'gyur ba'i phyir/ nan tan du bya ba'i yul can tshad ma nyid ma yin no/ /sgrub pa po rtog pa dang ldan pas ston pa'i ye shes
- 18b
gzhan du dpyod par mi byed do/ /de ltar na de bshad nan tan bya ba'i phyir/ /skyes bu shes ldan la la tshol bar byed/ /shes ldan de nyid kyi bstan pa de thob nas nan tan du bya ba'i phyir/ /yul de la ye shes can? mtsho la bar byed kyi/ dogs pa med pa nyid kyis ni ma yin no/ /rtog pa dang ldan pa gang zhig gang gis bshad pa nan tan du byed par mi 'dod pa de ni/ de'i yul can gyi shes ba tshol bar mi byed pa'am/ /tshol bar byed na rtog pa dang ldan pa ma yin no/ /sbyor ba ni gang zhig gang gis bshad pa nan tan du bya ba'i phyir/ mi 'dod pa rtog pa sngon du gtong ba can nges de'i yul can gyi shes pa tshol bar mi byed de/ dper na bdag nyid nad yod pa can ma yin pa nad med pas sman pa'i shes pa tshol bar mi byed pa lta bu'o/ /skyes bu 'di yang 'chad pa pos bshad pa nan tan du bya ba'i phyir mi 'dod de zhes bya ba ni rgyu ni dmigs pa'o/ /de bas na nan tan du byed pa 'dod pa dag gis 'ga' zhig gi ye shes btsal bar bya ba yin no/ /des bshad pa nan tan du byed pa dag gis kyang ci'i phyir ye shes btsal bar bya zhe na/ mi shes ston par byed pa las/ /'khrul par dogs pa can rnams kyis/ sdug bsngal gang zhi bar bya ba'i phyir/ de dang rjes su mthun pa ston pa po gang las bstan pa 'dod ba gang yin ba de dag ni de'i yul can gyi ye shes de yod dam med ces tshol bar 'gyur ro/ /mi shes pa nyid ston par ma byed cig snyam pas mi shes pa ston par byed pa yod na/ 'khrul par dogs pas na 'dis ni nan tan du bya ba ma yin pa nyid bstan par 'gyur ro/ /zhes bya bar 'khrul par dogs pa dang ldan pa'i sgrub pa po rnams kyis so/ /
- 19a
gang gi phyir rang gi sdug bsngal zhi bar byed pa'i thabs ston par mdzod pa'i ye shes btsal bar bya ba yin pa/ de phyir de yi sgrub bya ru/ /gyur pa'i ye shes rnam dpyad bya'o/ /kho bo cag gis tshang ma nyid du bshad ba'i bcom ldan 'das 'di 'khor ba'i sdug bsngal zhi bar byed pa'i thabs su gyur pa'i ye shes dpyad par bya ba yin gyi/ bsgrub par bya ba'i yul can ma yin pa ni ma yin no zhes bya ba ni dam bca' ba'o/ /de ltar na skyes bu'i ngon gyi yul can gyi tshad ma nyid 'dod do zhes bstan pa/ /nye bar mkho ba ma yin pa'i don la yang tshad ma nyid du 'gyur pa'am/ /mi 'gyur yang bla ste/ de la kho bos dpyad pa nyid ma byas na yang rigs pa ma yin no/ /de ltar na nge? zhig gang gis kho bo don du gnyer ba de la ye shes phyin ci ma log pa yin mod kyi/ 'on kyang mngon par 'dod pa'i yul la khas blangs par bya ba'i tshad ma nyid ston par mdzad pa po/ /de'i srid grangs ni yongs su mkhyen pa/ bdag cag gi ste/ kho bo'i gang la nyer mkho min/ /skyes bu'i don 'ga' zhig la nye bar mkho ba ma yin no zhes bya ba ni dam bca' ba gnyis pa'o/ /sbyor ba yang gang zhig sdug bsngal gang giS gdungs pa na rtog pa sngon du gtong pa can des/ sdug bsngal de rab tu zhi ba'i thabs mkhyen pa gzhan gyi ye shes btsal bar bya ba yin gyi/ de la nye bar mkho ba can ma yin pa'i ye shes ni ma yin te/ dper na tsha bas rab tu gdungs pa'i nad pas tsha ba rab tu zhi ba'i thabs shes pa'i shes pa btsal par bya ba yin gyi/ gzhan ma yin pa lta bu'o/ /skyes bu 'di yang 'khor ba'i sdug bsngal gyis
- 19b
gzir ba yin no zhes bya ba ni rang bzhin gyi gtan tshigs so/ /bsgrub par bya ba gnyis pa la bltos nas ni khyab par byed pa 'gal ba dmigs pa'o/ /yul gang la chod ma gnyis gang yin ba de ni/ /blang dang dor bya'i zhes bya ba la sogs pas ston par byed do/ /dor bya'i de kho na nyid thabs dang bcas par gi? mdzad pa zhes bya ba ni/ sdug bsngal dang kun 'byung shes pa dang/ blang bya'i de kho na nyid kyi thabs dang bcas pa rig mdzad pa zhes bya ba 'dis ni 'gog pa dang lam gyi shes pa bstan to/ /de ltar na yang dag pa'i skyes bu'i don sgrub par byed pa bden pa bzhi rig pa gang de/ de 'dra ba'i tshad ma nyid du 'dod kyi/ nye bar mkho ba ma yin pa thams cad rig par mdzad pa yang/ tshad mar 'dod pa ma yin no/ /de bas na gal te de 'dra ba'i tshad ma nyid kyi sgrub par byed pa med pa bsgrub par bya ba de'i tshe/ 'chad par 'gyur ba'i tshul gyis de 'dra ba'i sgrub par byed pa yod pa de ltar na/ gtan tshigs ma grub pa nyid ma yin no/ /ci ste lkog tu gyur pa'i don thams cad kyi yul can gyi yin pa de'i tshe the tshom za ba'i ma grub pa yin te/ de'i sgrub par byed pa yod du zin kyang zhes bya ba'i dbang du byas ba'i phyir ro/ /yod pa la yang gnod pa can cung zad kyang yod pa ma yin na/ gang gis na med do zhes bya ba'i des par bya pas 'dod pa 'grub par 'gyur/ kho bo ni de 'dra ba'i rnam pa can gyi tshad ma mi 'dod kyi/ 'on kyang skyes bu'i don shes pa yin te/ de tsam nyid kyis mngon par 'dod pa'i don grub
- 20a
pa'i phyir ro/ /de bas na skyes bu'i don shes pa 'dis ring por mthong ba'am/ mthong ba med kyang rung ste/ nan tan du bya ba'i de nyid 'dod pa mthong ba de tsam ni gzung bar bya ba'i tshig dang ba bsten par bya ba yin te/ nye bar mkho ba ma yin pa dbang po las 'das pa'i don mthong ba la sogs pa dang ldan pa'i phyir ni ma yin no/ /gal te skyes bu'i don shes pa tshad ma nyid du 'dod pa ma yin gyi 'on kyang thag ring bor mthong ba can tshad ma nyid yin no zhe na/ de'i tshe skyes bu'i don shes pa'i mkhas pa thag ring por mthong ba ma yin pa can dag dor la/ grol bar 'dod pa tshur shog /thag ring por mthong ba can gyi bya rgod sten bar gyis/ gal te thag ring bar mthong ba can gyis chad ma nyid thong ba de ltar na/ thag ring por mthong ba can gyi phag dang/ dud 'gro'i rigs mkha' la rgyu ba dang/ gzhan gyi sems kyi rjes su 'brang ba mkha' 'gro ma la sogs pa sten par bya'o/ /de bas na la lar? dbang? po las 'das pa'i ngon mthong ba la sogs pa dang ldan pa yod pa ni/ skyes bu'i don shes pa nyid kyi sgrub par byed pa la med na yang gnod pa can ma yin no/ /de bas na dbang po las 'das pa'i don mthong ba la sogs pa med du zin kyang/ skyes? bu'i don shes pa nyid kyi sgo nas tshad ma nyid du 'dod kyi don thamS cad shes pas ni ma yin no/ /gang gi phyir bcom ldan 'das bdag nyid kyis kyang chos kyi 'khor lo la sogs pa dag la bden pa thugs su chud pa nyid kyi phyir/ bdag nyid thams cad mkhyen par zhal gyis
- 20b
bzhes pa yin no/ /tshad ma de 'dra ba nyid 'dod mod kyi/ de'i sgrub par byed pa yang ci zhig yin/ /gang 'di 'grub par rjod ce na tshad ma de'i/ sgrub byed thugs rje phan btags pa'i lan la sogs pa la bltos pa med pa can/ sems can thams cad la snyoms pa shin tu sdug bsngal dang bral bar 'dod pa'i rnam pa can zhe sdang med pa ni thugs rje yin te/ de ni sgrub bas byed pa'o/ /thugs rje de 'dra ba de nyid gang las skyes shing gang gis ni de 'dra ba'i tshad ma nyid kyi sgrub bar byed pa gzhan med bar 'gyur zhe na/ goms las thugs rje zhes bya ba de yin no/ /yon tan la chags pa las sam/ sems can gyi khyad par las sam/ gzhan gyi don la 'jug pa gzhan dag gi byed pa las sam/ de bsnyen pa las sam/ bdag nyid 'dod pa las goms par byas nas/ shi nas kyang sngon goms par byas pa'i dbang gis 'jug par 'dod pa dang de'i bsam pa dang lhan cig ldan par 'gyur te/ ngan song la sogs par 'gro ba gags byed pa med pa de'i tshe goms par byas shing de ltar yang dang yang goms par byas pa de'i bdag nyid du gyur pa'i thugs rje gang yin ba de 'dra ba mthar phyin pa ldog pa med par 'gyur ro/ /ldog pa med pa yang/ rnam par mtshe med yang dag don/ /rang bzhin nyid ni bzlog ba yis/ zhes bya ba la sogs pa'i skabs su bshad zin to/ / de ltar mi 'gyur na/ gal te blo ni lus rten phyir/ /goms pa grub pa med ce na/ ngon gzhan nyid yin na blo ni lus kyi yon tan yin pa de ltar na lus brten pa yin te/ dper na ras kyi dkar po dang bur ram?
- 21a
gyi mngar ba lta bu'o/ /yang na lus kyi 'bras bu nyid yin pa'i phyir lus la brten pa yin te/ dper na sgron ma la 'od lta bu'o/ /ngon gzhan ma yin na yang lus kyi bdag nyid du gyur pa'i nus pa yin ba de ltar na blo ni lus la brten pa nyid kyi phyir yon tan can gyi lus sam/ 'bras bu nyid nus par 'dod pa zhig na/ /blo'i mtshan nyid can gyis chos sam/ 'bras bu 'am nus pa med pas/ skye ba dang 'chi ba'i rgyun med pa'i phyir/ skye ba'i rgyun mang po dag tu gang las goms pa yin zhe na/ skye ba dang 'chi ba'i rgyun med pa'i phyir/ goms pa med do/ zhes de skad du brjod pa de yang rigs pa ma yin no/ de ltar na di skad du brjod pa 'di ni 'byung ba dag rgyun 'chad pa nyid mi 'dod na gang gis na de ltar 'gyur/ 'on kyang sa dang chu dang me dang rlung gi mtshan nyid can gyi 'byung ba chen po zhes bya ba'i sems pa can nyid yongs su gyur pa dag ni sems can gyi tha snyad la brtan pa yin no/ /'gal ba'i rgyan las mngon par gsal ba ma yin pa'i sems pa can de dag kyang gnyid log pa dang/ myos pa dang rgyal ba la sogs pa'i gnas skabs bzhin du rnam pa gzhan du gyur cing/ yang rkyen ji lta ba bzhin du bya ba'i sems pa can dag sad pa'i gnas bzhin du yongs su gyur par 'gyur ba dang/ yongs su gyur pa 'thob bo/ /ji ltar goms pa nyid kyis yongs su gyur pa dag kyang gnyid kyis log pa dang sad pa bzhin du 'dus byas pa'i khyad bar dang ldan par 'gyur ba de ltar na 'khor ba'i rgyun dang goms pa khyad par du bsgrubs pa yin no/ /ci ste
- 21b
bar du sems 'chad pa las de ltar rtog pa de bzhin du gzhan la yang de lta bu'i rnam pa can gyi rgyun chad pa yod pa kho na yin te/ dper na 'du shes med pa'i snyoms par 'jug pa la zhugs pa'am/ legs par gnyid log pa la sogs pa'i gnas skabs lta bu'o/ /dus de srid du blo med pa yin gyi thams cad kyi thams cad du rgyun chad pa ni ma yin no/ /yang rkyen ji lta ba bzhin du blo skye ba nyid yin pa de ltar na mtshungs pa yin no/ /de ltar ma yin ba ni bla ste de ltan yang khas blangs nas brjod par bya ste/ goms pa ma grub pa min no/ /de ci'i phyir zhe na/ rten ni bkag phyir ro/ /don gzhan nyid ma yin pa'i phyogs la ni 'byung ba dag nyid yin pa de ltar na sems la de med pa'i phyir phyis 'gog par 'gyur ro/ /ltag pa yon tan gyi phyogs sam/ 'bras bu'i phyogs la yang blo'i rten lus ma yin na gang las de zhig pa na/ blo med pa'i phyir goms pa med par 'gyur/ /gang gi tshe bya ba'i sems can 'byung ba sems can du bgrang ba de dag rnam pa gzhan du gyur ba dag la 'chi ba'i tha snyad du byed pa de'i tshe/ dbugs 'byung ba dang rdzub pa dang/ dbang po dang blo rnams gtan nas rgyun chad pa dag la yang rkyen ji lta ba bzhin bu skye ba yin nam/ /'on te 'jug pa mi gsal ba can yin pas gnyid mthug pos brgyal ba'i gnas skabs las sar pa bzhin du mtshams sbyor ba yin bar 'gyur grang na/ gal te shin tu rgyun 'chad pa de'i tshe/ lus 'byung ba'i bdag nyid can du gnas pa na yang/ blo la sogspa ldog pa dang phyis 'jug pa'i phyir 'byung ba'i bdag nyid
- 22a
can gyi lus las tha dad pa yin no/ /sbyor ba ni gang zhig gang gnas pa na ldog pa de ni de las tha dad pa yin te/ dper na chu gnas pa na me log pa lta bu'o/ /lus zhes bya ba'i 'byung ba'i bdag nyid can gnas ba na yang/ dbugs 'byung ba dang rdub pa dang dbang po dang blo log pa yin no zhes bya ba ni rang bzhin gyi gtan tshigs so/ /gang zhig gang sngar gnas pa na sngar de na med la phyis 'gyur ba de ni de las shin tu tha dad pa yin te/ dper na sngar sngon ma med pa phyis byas pa yin pa lta bu'o/ /'byung ba'i bdag nyid can sngon yod pa na yang/ de na dbugs 'byung ba dang rngub pa med cing phyis 'gyur ro/ /zhes bya ba ni rang bzhin gyi gtan tshigs nyid yin no/ /ci ste 'jug pa mi gsal ba de'i tshe sems can rgyun 'chad pa nyid ma yin te/ dper na gson po'i gnas skabs na gnyid mthug po la sogs pa'i gnas skabs kyi 'jug pa mi gsal ba lta bu'o/ /yang rkyen ji lta ba bzhin du bya ba 'jug pa can du 'gyur ro/ /de tsam gyis ni shin tu rgyun 'chad pa ma yin no/ /de bzhin du 'dir yang 'gyur ba'i phyir 'gal ba med pa nyid do/ /ci ste sems la sogs pa shin du rgyun chad pa 'am ? 'jug pa mi gsal ba nyid ma yin mod kyi/ 'on kyang nus pa'i de bor gnas pa yin pa de'i tshe/ nus pa gang yin ba de ci sems las gzhan nyid dam/ 'on te sems nyid yin grang na/ gzhan nyid yin pa ni nus pa nyid yod pa yin te/ sems nyid ni ma yin te gzhan yod pa na gzhan yod pa ma yin no/ /
- 22b
gzhan yang nus zhes bya ba ni dngos po rgyur gyur pa dag gi 'bras bu 'grub par byed pa'i rang bzhin nyid ni de'i ngo bo tsam shes par 'dod pa la/ de ltar brdar byas pa'i sgras 'di ni 'di'i nus pa yin no zhes brjod pa yin te/ myos par byed ba'i myos pa'i myos pa'i nus pa bzhin no zhes brjod pa yin te/ myos par byed pa'i myos pa'i nus pa bzhin no/ /de bas na nus pa ni rgyu las gzhan du cung zad kyang med kyi rgyu nyid yin pa de ltar na/ sems nyid kyi rgyu yod pa yin no zhes bshad do/ /de yang rgyu dang 'bras bu'i dngos par dpyad par bya'o/ /gal te de ltar ni yin na ji ltar na sa bon gyi nus pa zhes tha snyad du byed ce na/ de la yang nus pa zhes bya ba ni sa bon gyi myu gu skyed par rung ba nyid kyi bdag nyid du gyur pa brjod pa yin no/ /'di'i nus pa zhes bya ba tha dad par 'brel pa'i ngang tshul can gyi tha snyad gang yin pa de ni myu gu skyed ba'i rang bzhin gsal bar bya ba'i phyir/ /ji ltar 'di'i nus pa 'di'i yin no zhes bya bar tha snyad du byed? pa yin no/ /de ltar nus pa ni rgyu nyid yin zhing sems nyid kyi 'bras bur 'gyur ro/ /ci ste gzhan nyid ma yin pa de'i che sems nyid yod pa nyid yin pa de ltar na/ rgyun chad pa nyid ma yin na de yang mi 'dod do/ /de bas na 'dis dbugs 'byung ba la sogs pa shin du rgyun chad pa zhes bya ba dang/ phyis 'byung ba'i bdag nyid yan gar ba gyur pa las yang dbugs 'byung ba la sogs pa yong pa yin no/ /zhe brjod par bya'o/ /de'i tshe yang skye ba yongs su len pa na/ skye ba'i dus na 'o/ /rang gi rigs la
- 23a
bltos? med can/ /ris mthun ba'i rgyu la bltos pa med pa can dag gi 'byung rdub? dbang po blo dag ni/ yan gang ba'i lus ? skye ba mi rigs so/ /ci'i phyir zhe na/ thal 'gyur phyir rdo dang chu la sogS pa dag la yang thal bar 'gyur ba'i phyir ro/ /gal te 'byung ba tsam yan gang ba las sems nyid mngon par gsal bar 'gyur na/ de ltar yang ma yin te/ rdo la sogs pa dag la yang dbugs dbyung ba dang/ rdub pa dang/ sems dang ldan par 'gyur ba dang/ rtog dpyod dang ldan par 'gyur ro/ /de bas na lus yan gar pa las ni ma yin gyi/ de las tha dad pa'i ris mthun pa'i rgyu las zhes bya bar khong du chud par bya ste/ dper na da ltar ba'i lta bu'o/ /nyid mtshams sbyor nus ldan dbang po la sogs pa rang gi rigs la bltos pa dang bcas pa/ mthong ba yang yin pa de las nying mtshams sbyor pa'i rgyu gzhan lhag pa ci zhig yod par 'gyur/ ma 'ongs pa'i skye ba yongs su len pa na/ gang med pa yin/ rgyu gar gis na yang dbang po la sogs pa mtshams sbyor ldan med yin te/ phyis kyang dbugs 'byung ba dang rdub pa la sogs pa dag gis mtshams sbyor ba kho na yin no/ /tshogs pa gegs byed pa med pa'i rgyu can nyid kyi phyir ro/ /zhes bya bar dgongs so/ /sbyor ba yang gang ? gang yod na rgyu dang bral ba ma yin bde ni mi 'gyur ba nyid ma yin te/ dper na myu gu rang gi bdag nyid thob par bya ba la rgyu dang ma bral ba can yin pa lta bu'o/ /'tsho? ba las dus phyis dbang po la sogs pa'i bda nyid kyi ngo bo la yang/ rgyu dang
- 23b
bral ba yod pa ma yin no/ /zhes bya ba ni khyab par byed pa 'gal ba dmigs pa'o/ /ma grub pa yang ma yin te lus yan gar pa las skyen thal bar 'gyur ba'i phyir dang/ ris mthun pa'i rgyu can nyid yod ba nyid du grub pa'i phyir ro/ /lus yan gar ba las dbang po la sogs pa skye na thal bar 'gyur ro/ /zhes bshad pa gang yin pa de ni yod pa ma yin no/ /de ltar na 'byung ba 'ga' zhig rnam pa 'ga' zhig ltar gyur nges? sems nyid rtsom pa yin gyis rnam pa thams cad du ni ma yin pa de ltar na/ rdo dang chu la sogs pa'i bdag nyid can gyi 'byung ba dag sems rtsom pa dang/ 'ga' ba' i rang bzhin du gyur par gnas pa dag yin pas na rgyu med pa nyid kyi phyir sems nyin ma yin no/ /sbyor ba ni gang la gang gi sa bon yod pa ma yin pa de ni de las skye ba ma yin te/ dper na chu bzung bar bya ba lta bu'o/ /rdo dang chu la sogs pa dag la yang sems nyid la sogs pa gzhan du gyur pa'i sa bon yod pa ma yin no zhes bya ba ni khyab par byed pa ni dmigs ba'o/ /gang la zhes bya ba la sogs pas gtan tshigs ma grub pa brjod par byed de yan lag /gang la drod gsher las skyes ba'i/ /skye bo skyed par mi 'gyur pa'i/ /sa sogs cha ste yan lag de 'gal zhig yod pa ma yin te/ thams cad nyid las 'gyur ro/ /de phyir kun sa bon bdag yin/ de ltar na ma grub pa yin no/ /dgongs pa ni gang gi tshe sa la sogs pa'i cha thams cad las skye bo skye ba de'i tshe/ sa la sogs pa de dag ji ltar yongs su mthong ba bzhin du mtshungs
- 24a
pa'i rgyu can yin pa'i phyir/ /ji ltar yan lag gcig srog chags nyid du gyur pa de ltar thams cad la yang khyab par med pas srog chags nyid du 'gyur ba de ltar na/ 'gro ba thams cad cig car srog chags kyi rang bzhin du 'gyur te/ mngon bar gsal ba ma yin pa'i sems ba can gyi 'byung ba gzhan 'ga' zhig tu mi 'gyur ro/ /gal te ma yin na gcig kyang mi 'gyur ro zhes bya ba 'di yin no/ /gal te khyed cag la yang skyon de mtshungs zhe na/ de ni ma yin te/ kho bos la? sogs pa yan gar ba las srog chags rnams 'byung bar mi 'dod kyi/ 'on kyang rgyu ma mthong du zin kyang dbugs 'byung rdub la sogs pa yod pa de ltar na/ gang la de yod pa de la skye bo skye'i gzhan la ma yin ba'i phyir ro/ /de ltar na 'gyur na ji ltar sa'i khams khyad par can ma yin pa bzhus pa las/ cung zad gser du 'gyur zhing/ cung zad dri mar 'gyur ba de bzhin du sa la sogS pa khyad par can ma yin pa las/ cung zad srog chags dang/ gzhan ni 'byung ba yan gar ba nyid du 'gyur ro zhe na/ de ni 'dir yang mtshung pa yin no/ /de ltar na sa'i khams khyad par med pa can ci'i thams cad gser du mi 'gyur la/ gang gis na gzhan dri mar 'gyur te de la de ltar 'gyur ro/ /de la mngon par mi gsal ba'i ngo bo can rdul phra mo 'ga' zhig gser gyi bdag nyid can gang yin pa bzhus pa na/ gser gyi mdog gsal bar byed par 'gyur ba dang/ de'i tha snyad kyang thob par 'gyur la/ de las gzhan pa dag gi re
- 24b
bzlog pa nyid du 'gyur ba de ltar na rigs pa mthong ba yin no/ /de bzhin du 'di la yang srog chags dang/ srog chags ma yin pa'i ngo bo ni/ /srog chags dang srog chags ma yin pa'i bdag nyid can gyis 'byung ba'i ngo bo tha dad pa nyid yin pa de ltar na/ 'khor bar 'khor ba'i sems can grub pa yin no/ /ci ste ji ltar tshogs pa mtshungs pa can lcags su gyur pa'i rang bzhin can du khyad par med pa'i lhang tshar bzhus pa na rims gyis lcags su 'gyur gyi/ cig car ma yin pa da ltar sa la sogs pa nye bar len pa'i rgyu can du mtshungs pa dag /gyur pa'i rgyu can du mtshungs pa dag rim bzhin du srog chags nyid thob par 'gyur ro zhe na/ de ltar ni ma yin te/ 'di ltar lhang tsher bzhus pa ngal? yang yan lag gang dag la/ mi? shin tu mang po zhugs pa de dag nyid lcags su 'gyur ro/ /me shin du mang po yang rlung dang rjes su 'brel pa can yin pa'i phyir rim bzhin du lcags su 'gyur ro/ /de ltar ma yin na rlung mtshungs pas spang ba'i me'i khyad par dang 'dres pa rim bzhin ma yin bar yang ngo/ /khyad par can ma yin pa'i rang bzhin mthong ba tsam gyur ba'i rkyen gyi sa la sogs pa la de rigs pa ma yin no/ /ci ste ji ltar chu de'i yan lag rgyu mtshungs pa can gang yin pa 'ga' zhig ni srog chags kyi 'bras bu byed? la?/ gzhan dag ni ma yin no zhes de ltar rtog na/ de ni ma yin nye rang bzhin la sogs pa khyad par med pa'i phyir/ chu yongs su btsags nas bzhag par 'gyur ba/ ji ltar yongs su mthong ba'i rten la sogs pa
- 25a
rgyu mtshungs pa can gang yin pa de ni thams cad srog chags kyi rang bzhin du 'gyur ba 'am/ cung zad kyang ma yin no/ /gzhan ma mthong ba'i rgyu 'ga' zhig kyang mi 'dod na gang gis na thams cad mi 'gyur de ltar na gang de ni cir yang mi rung ngo/ /gang yang ci ltar ngar ba la sogs pa'i rten la sogs pa mtshungs pa la/ steng nyid na srid ma srid pa yin gyi/ thams cad la ma yin no/ /de lta bur gyur pa'i yan lag 'ga' zhig la yang skye bo 'gyur gyi/ thams cad dg la ma yin no zhes rtog na de yang 'thad pa ma yin no/ /'di ltar sris ma ni rigs mthun pa'i dar ba'i yan lag la brten pa dang rigs mthun pa'i rten pa'i rlung dang drod la sogs pa rgyu 'og na med pa'i phyir/ mi 'gyur ba de ltar chu la sogs pa ni ma yin te/ steng dang bar dang 'og gi cha dag la srog chags ngag yod pa'i phyir ro/ /chur khyad par med na yang lhag ma srog chags dang ldan pa srog chags kyi rang bzhin du gyur pa de ltar na/ nye bar bkod pa mtshungs pa ma yin no/ /de phyir dbang sogs rang rigs la/ /ltos med rnams ni/ sogs pa'i sgras dbugs dbyung rdub dang blo dag bzung ngo/ /sa dang chu dang me dang rlung yan gar ba dag las 'byung yin na khas len na'o/ /ji ltar gcig ni gyur pa yin/ sa la sogs pa'i yan lag srog chags nyid du gyur pa de ltar de las lhag pa kun gyur par 'gyur ro/ /ci'i phyir zhe na/ khyad par med phyir ro/ nye bar len pa'i rgyu can nyid du mtshungs ba'i phyir dang/ gyur pa'i rgyu can nyid du
- 25b
mtshungs pa'i phyir ro/ /zhes bya ba'i don to/ /'gyur ba yang ma yin no/ /de bas na gang la ma mthong ba'i rgyu yod ba de nyid la srog chags yod kyi/ thams cad la ma yin pa'i phyir/ 'byung ba 'ga' zhig ni sems can du bgrod ba yin la/ gzhan ni sems can du bgrang ba ma yin pa de ltar 'thang ngo/ /de bas na de ltar nang? la 'ongs pa rdzogs par byas nas/ dbang po zhes bya ba la sogs pas rten 'gog pa'i skabs dang sbyar ba yin te/ de la phyogs gsum po'i nang nas nus pa'i phyogs la blo'i rten lus ma yin pa/ de ltar na nus pa zhes bya ba gzhan cung zad ni yod pa ma yin no/ /'o na ci yin zhe na/ rang dang rjes su mthun pa'i 'bras bu 'grub par nus pa'i ngo bo nyid yin no zhes de bstan zin to/ /des na 'byung ba ngag nyid nus pa yin pa de ltar na/ gang gang gi rten yin/ gzhan yang myos pa'i nus pa dang/ sems nyid kyi nus ba ci zhig mtshungs na/ gang gis na dpe de nyid du gzung ba nyid yin/ de la myos pa zhes bya ba'i 'bras bu don gzhan du gyur pa skyes bu'i chos yin zhing/ de'i nus pa ni 'bras bu de byed pa'i ngang tshul can gyi chad nyid yin gyi/ sems nyid kyi 'bras bu cung zad kyang ma yin na/ gang la bltos nas de nus pa zhes bya ba'i brjod de/ ci ste sems nyid kyi rgyud gyur pa'i nus pa yod pa de'i tshe/ myos pa dang 'dra bar sems nyid 'byung ba las don gzhan nyid du gyur pa nyid kyis yon tan gyi phyogs sam/ 'bras bu'i phyogs yin pa de ltar na nus pa'i phyogs ma yin no/ /ci ste 'byung ba rnams kyi sems nyid kyi bdag nyid can
- 26a
nus ba yin pa de'i che/ 'byung ba dag la de dag lus bci zhig yod na/ gang gis na 'byung ba rnams kyi sems nyid nus pa yin zhes tha snyad du byed de ltar ni 'gyur na/ ji ltar sgra byas pa nyid kyi bdag nyid du gyur pa tha snyad du byed pa de ltar 'byung ba rnams nyid de ltar nus pa yin par tha snyad du byed ba yin no zhe na/ ma yin te/ byas pa nyid kyi sgra nyid kyis ni chos gzhan spong ba'i sbo nas de tsam shes par 'dod pa la/ de'i rang bzhin brjod ba'i phyir ro/ /de ltar 'gyur ba rnams la sems nyid ces bya ba'i rang bzhin du brjod ba ma yin te/ de'i blo tha dad pas gzung par bya ba nyid yin ba'i phyir ro/ /de ltar na nus pa dang ldan ba'i rnam par rtog ba ni ma yin no zhes bya ba 'di yang 'og nas dgag par bya ba'o zhes bya bar bshad zin to/ /don gzhan gyi phyogs yon tan la sogs pa'i ngo bo yin na/ blo'i ci lus rten du 'gyur na/ dbang po dang bcas par 'gyur ba 'am/ /sgra dang sen mo la sogs pa'i mtshan nyid can dbang po med pa can du 'gyur grang na/ re zhig dbang po med pa can ni 'dod pa ma yin te/ shi pa'i lus kyi skra dang sen mo la sogs pa dag la yang sems nyid yod par thal bar 'gyur ba'i phyir ro/ /de'i phyir dbang po dang bcas pa can kho na yin no/ /da ni mig la sogs pa'i dbang po'i bdag nyid can nyid kyis lnga yin te/ mig la sogs pa'i dbang po dang lus kyi ming can de dag ni yid kyi blo'i rten ma yin no/ /ci'i phyir zhe na/ mig la sogs ba'i dbang rnams re? re? la/ rkyen ji lta ba bzhin du
- 26b
gnod na yang/ mig la sogs pa'i rnam par rig pa de dag la gnod pa yod pa ci 'dra ba yid blo'i gnod pa yod pa ma yin/ gsal ba dang mi gsal ba la sogs pa ldog ba'i mchan nyid can no/ /mig la gnod ba na yid gdud ba la sogs ba'i mtshan nyid can gang yin ba de yang bu sogs dang/ 'brel ba can gyi dbang po la gnod pa na yang/ yid kyi blo yod pa de ltar na/ rnam par rtog ba'i shes pa ni mig la sogs pa'i 'gyur ba'i rjes su byed ba'i dang tshul can ma yin pa'i phyir de la brten pa ma yin no/ /sbyor ba ni gang mig 'gyur ba'i rjes su mi byed pa de ni mig la brten par byed pa ma yin te/ dper na rna ba'i rnam par shes pa lta bu'o/ /des par rtog pa'i shes pa yang mig gi 'gyur ba'i rjes su byed pa ma yin no/ /zhes bya ba ni khyab bar byed ba ma dmigs ba'o/ /de bzhin du lus kyi dbang po la gnod na yang yid kyi blo'i yod pa yin no zhes bya ba'i bar du/ phyogs kyi chos spo ba byas nas rna ba'i dbang po la sogs pa brten yin pa bkag pa yid brjod par bya'o/ /'dis kyang yid kyi rnam par shes pa mig pa la sogs pa'i rten can ma yin te/ mig la sogs ba'i shes pa dang 'dra bar de'i don rtogs pa med pa'i phyir ro/ /yid las byung ba'i shes pa ni mig gi rnam par shes pa bzhin du gzugs gsal por snang ba can gyi rtogs pa ma yin ba'i phyir la brten pa ma yin no/ /de bzhin du lhag ma rnams la yang brjod par bya'o/ /gzhan yang rnam par rtog ba'i shes par 'gyur ba'i rjes su mi byed ba'i phyir/ dbang po dang bcas pa can gyi lus gyi chos ma yin
- 27a
pa 'ba' zhig tu ma zad kyi/ 'on kyang lus dbang po dang bcas pa can nyid kyi yid kyi shes pa rten yin no/ /ci'i phyir zhe na/ 'di ltar yid kyi blo 'di 'jig na ni/ rnam par 'gyur ba'am/ rnam par 'jig pa na mig la sogs pa/ de dag gi 'jig pa dag kyang rnam par 'gyur ba'am zhig pa dag kyang mthong bar 'gyur ro/ /'dod pa dang mya ngan dang 'jigs pa la sogs bas yid la gnod ba na mig la sogs ba la gnod pa mthong ba dang/ dga' ba la sogs pas yid bde ba can gyi sems dang ldan pa can gyi yongs su rgyas ba mthong ba'i phyir ro/ /de ltar na dbang po rnams ni yid kyi ban pa dang gnod pa'i rjes su byed pa can yin pa'i phyir/ de la brten pa nyid du rig pa yin no/ /ji ltar dbang po yod na yod ba'i ngang tshul can nyid ni/ yid kyi blo'i rten yin pa de ltar yid yod na yod pa'i ngang tshul nyid kyang dbang po rnams la yod pa yin ba'i phyir/ de ci'i phyir rten ma yin gzhan yang tshor ba med pa la sogs pa'i dus na lus dbang po la sogs pa med na yang blo yod pa nyid yin la/ de med pa na dbang po rnams mi mthong ba de ltar na lus kyi rgyu ni yid kho na yin pa'i phyir blo'i rten lus ma yin na/ gang gis na lus zhig pa na zhig pa'i phyir goms ba med par 'gyur/ gang gi phyir yid kyi rgyu lus ma yin gyi de'i rgya yin/ de'i phyir blo gnas pa'i rten 'ga' zhig rigs mthun pa'o/ /de yang blo nyid la rten pa yin gyi lus la ni ma yin no/ /de nyid kyi dbang bo rnams ni rgyu
- 27b
mtshan yin/ rgyu de'i phyir yid kyi blo las dbang po yin gyi/ de dag las yid kyi blo ni ma yin no zhes bya ba ni mjug bsdu ba'o/ /gang gi phyir dbang po ma lus ba dang re re la gnod na yang yid kyi blo la gnod pa med pa de'i phyir dbang po rnams rten ma yin no/ /dbang po thams cad log pas yid kyi shes pa ldog tu zin kyang de'i rten du rtog pa ni mi rung ngo/ /de ltar na rten la gnod pa'i rjes su byed pa gang yin pa de ni rten pa'i chos yin no// de ltar ma yin na ni de log tu zin kyang ldog pa nyid du mi 'gyur ba de ltar na gang las rten gyi ngo bo yin/ dbang po rnams kyang yid kyi rnam bar shes pa'i rjes su byed pa'i phyir de ni rten yin no/ /yid kyi blo de'i yang dbang po dang bcas pa can gyi lus las gzhan rten ma yin zhing/ glo bur ba yang ma yin pa'i phyir/ phyis kyi blo de 'grub par nus pa'i mtshan nyid can bag chags kyi ngo bo can las kyi ming can gyi blo snga ma ni rten yin no zhes bya bar gnas so/ /de'i phyir bdag tu 'dzin la sogs pa dang ldan pa can gyi skye ba yongs su len pa'i dus na dbang po la sogs pa'i/ /ci 'dra'i 'phen byed yod gyur na/ phyis kyang 'chi ba'i gnas skabs na yang de dang 'dra bar 'gyur/ rgyu thams cad ma tshang ba med pa'i phyir de 'dra ba'i 'phen bar byed pa nyid du 'gyur ro/ /de ltar gegs byed pa med pa can gyi rgyu'i ngo bo'i tshogs pa can gyi yang srid ba gzhan du nyid mtshams sbyor ba gang gi bzlog ba nyid du nus/ sbyor ba ni gang zhig gang gi rgyu'i ngo bo'i gnas skabs ma tshang ba med pa de ni de'i byed pa yin te/ dper na dbang po rnams kyi sngar gyi gnas skabs kyi blo de nyid lta bu'o/ /byis?
- 28a
kyang blo ni dbang po'i rgyu'i ngo pa'i gnas skabs ma tshang ba med pa yin no zhes bya ba ni rang bzhin gyi gtan tshigs so/ gang zhig gnas skabs gang la skyed ba'i rgyud yod pa de ni skyed pa'i rgyun chad pa ma yin te/ blo de nyid kyi ma'i gnas skabs lta bu'o// tha ma'i gnas skabs kyi blo la yang skyed pa'i rgyu yod pa yin no zhes bya ba ni khyab par byed pa 'gal ba dmigs pa'o/ /ma grub pa yang ma yin te/ blo sngon du byung ba las kyis mngon bar 'du byas ba ni ji srid bdag dang bdag gir 'dzin pa'i chos rnams yid par gyur pa/ gnod ba med par 'jug pa can de dag thams cad phyis 'byung ba can la yod ba'i phyir ma grub pa ci zhig yod/ /gal te dbang po rnams ni rnam par shes pa la brten pa nyid kyi yin gyi de yang de la brten pa ma yin no zhes sgrub bar byed pas lus dang sems dag ni/ phan tshun rjes su byed ba can nyid yin no zhes bya ba'i grub pa'i mthas rjes su dpag pa la gnod par 'gyur ro zhe na/ ma yin te dgongs pa mi shes ba'i phyir ro/ /lus kyis dngos su yid kyi 'gyur ba cung zhig byed pa de ltar na rten du bshad pa ma yin na/ /'o na ci yin zhe na lus la rten ba'i yul dag gis phan 'dogs par byed pa'am/ gzhan dag gis lus kyi rnam par shes pa la gnod ba'am phan btags pa dag ni de ma thag pa'i rkyen gyi sgo nas yid kyi shes pa la gnod pa'am/ phan 'dogs par byed par 'gyur de shes pa yis nyer byed phyir/ /lus kyi rnam par shes pas yid kyi rnam par shes pa phan gdags par bya ba yin ba'i
- 28b
rgyu'i phyir/ /bcom ldan 'das kyis yid ni lus la brten par bshad/ /de tsam gyis na de'i rnam par shes pa lus nyid la rten pa ma yin no/ /de ltar na yul gyi sgo nas kyang dbang po'i shes pa 'gyur ba na/ yid rnam par 'gyur med kyi de yang de rten ma yin no/ /gang yang de la rten nas 'jug pa de ni de la phan 'dogs pa dang/ gnos pa dngos su rjes su byed do/ /dper na dbang pa'i shes pa bzhin no/ /de bltar na yid kyi blo'i lus rten ma yin no/ / ci ste dbang po med par blo med ba'i byir de dag ni rten nyid du 'gyur ro nges par 'dzin pa de'i tshe/ ji ltar dbang po med blo min/ /de ltar blo de med par ni/ dbang po de rnams kyang mthong ba'i phyir/ dbang po rnams 'ba' zhig blo'i rgyur mi 'gyur te/ blo yang de dag gi rgyur 'gyur ro/ /khyod kyi rten sgrub bar byed pa'i rnam par nye ba dgod pa/ de ltar na yang phan tshun rgyu nyid yin par sngar skye ba yongs su len pa na grub pa yin no/ /gal te ma yin no zhe na/ blo dang dbang po dag las gcig kyang rgyu mtshan med par 'jug pa mi rung ste/ glo bur ba nyid du thal bar 'gyur ba'i phyir ro/ /de bas na ji ltar sngar phan tshun rgyu nyid yin pa de phyir/ phan tshun rgyu nyid yin ba'i gtan tshigs kyi phyir/ de bzhin du phyis kyang shi ba'i 'og tu dbang po rnam par shes pa phan tshun rgyu can du 'gyur ro/ /dbang bo las rnam par shes pa dang rnam par shes pa yang dbang po zhes bya ba mtshad ba med ni rgyun mi 'chad pa nyid yin no/ /gzhan yang gang gi tshe lus yid kyi blo dang dbang bo rnams dang/ dbugs 'byung rdub dag gi rten yin pa de'i che skad cig ma re rer 'jig pa'i dang tshul can ma yin pa'i
- 29a
lus las thams cad du dbang po dang rnam par shes pa la sogs pa de rnams yod pa ma yin no/ /ci'i phyir zhe na/ 'di ltar rim can min las/ ji skad du bshad pa'i lus las rim can go rims bzhin du 'byung ba'i dang tshul can gyi 'bras bu yid kyi rnam par shes pa med pa yin no/ /de ltar rten gyi rim pa'am yul gyi rim pa las rim pa dang ldan pa'i yid kyi rnam par shes ba 'gyur grang na/ re zhig yul gyi rim pa las ma yin te/ yul med du zin kyang yod pa'i phyir ro/ /de ltar na yul thag nye ba nyid la bltos pa med pa can gyi rnam par rtog pa'i rnam par shes pa skye bar 'gyur ro/ /lus dbang po dang bcas pa can nye bar len pa'i rgyu lhag par gyur pa yin te/ gzhan mi 'dod pa'i phyir dang ma mthong ba'i phyir ro/ /de yang go rim can ma yin pa de ltar na/ de yod na 'gyur ba'i ngang tshul can yid kyi blo thams cad cig car 'jug par 'gyur ba'i phyir/ go rims can ma yin pa las shes bgo rims dang ldan pa yod pa ma yin te/ go rims dang ldan pa'i 'bras bu'i ngo bo ni rgyu'i go rim gyi byas pa nyid kyi phyir ro/ /de ma yin na rgyu med ba can nyid du thal ba'i phyir dang/ gzhan la yang thal bar 'gyur ba'i phyir ro/ /gang yang rtag pa go rim bzhin du byed pa'i ngang tshul can du 'dod pa de'i yang lhan cig byed pa cung zhig la bltos nas/ go rim bzhin du 'gyur ba'i dang tshul can byed ba de ltar na/ 'bras bu'i go rim bzhin du 'byung bar 'gyur na yang/ rgol ba 'di nyid kyi yang ma yin te bltos par bya ba gzhan mi 'dod pa'i phyir ro/ /'gyur ba med bar
- 29b
khyad par can min/ lus 'di la bltos pa yod pa'ang ma yin no/ /de ltar na ji ltar go rim dang ldan ba'i 'bras bu yin/ ci ste skyon 'dir ma gyur cig snyam pas blo go rim dang ldan pa la bltos nas byed pa ltar na/ go rims byed? pa de nyid yin na de'i tshe go rims dang ldan pa'i blos rjes su bzung ba'i go rims med pa'i bdag nyid can gyi lus las blo 'gyur bar 'dod na/ blo yang nges bar blo'i rgyu yin ba de ltar na/ blo thams cad blo'i rgyu yin ba'i phyir blo'i rgyu thog ma med pa can du 'gyur ro/ /de yang 'di ltar lus las rim bzhin blo 'gyur na/ lus de'ang rim pa gsal bar 'gyur byed/ rjes su dpog bar byed do/ /ji ltar zhe na blo skad cig ma skad cig re re la phan 'dogs par khyed pa na rnam pa gzhan du skyes ba'i phyir ro/ /de ltar na lus dang dbang po dang blo'i tshogs ni skad cig re re la gzhan yin pa dang ltar na/ skad cig snga ma snga ma ni/ /'gog pa thob pa skad cig re re sdud med de'i/ skye bar 'dod pa'i tshogs kyi rgyur 'gyur ro/ /gang gi phyir tshogs pa'i gnas skabs gcig gi tshe/ snga ma phyi ma'i rgyur mthong ba'i gtan tshigs de'i phyir na/ snga ma snga ma phyi ma'i rgyu yin par/ thams cad du ni mthong bar 'gyur/ phyis kyang 'chi ba'i 'og tu nyid mtshams sbyor bar yang nus pa yin te/ phyis kyang ma chod ba med pa'i phyir ro/ /rgyu mtshan cis kyang srid par nyid mtshams sbyor ba med cing/ gang gis na chad par 'gyur/ rgyu mtshan gnod pa can gyi tshad ma yod do/ /de yang gang zhe na smras pa/ lam po che'i skyes bu la sogs pa'i sems ni 'chi ba'i sems nyid yin pa'i phyir sems gzhan dang mtshams sbyor ba ma yin te/ skyes bu dgra bcom par?
- 30a
'dod pa'i 'chi ba'i sems bzhin no/ /mi dmigs pa ni dgag pa'i dbang du byed ba'i phyir de ni 'gal ba dmigs pa ltar bcos pa yin no/ /tha ma'i sems zhes bya ba la sogs pas ma nges pa yin bar ston te tha ma'i sems te/ 'chi ba'i sems ni sems gzhan dang/ mtshams sbyor ba la 'gal ci yod/ /bsgrub bar bya ba dang sgrub par byed ba dag la 'gal ba rnams gnyi ga yang yod pa ma yin no zhes ston bar byed do/ / de ltar na 'chi ba'i sems nyid yin ba dang/ mtshams sbyor bar nus par 'gyur ba'i phyir yang bar bya ba yin no/ /dgra bcom sems gang yin de yang/ /dpe nyid du brjod pa ni/ gang las mtshams sbyor med bar 'dod/ /tshad ma ci grub na gang gis na dbang? 'gyur te/ dpe ni bsgrub par bya ba'i chos nyid la the tshom za ba yin no zhes bya ba'i don to/ /de ltar ni 'gyur na de ni khyod kyi grub pa'i mdza' yin pa de ltar na grub ba'i mdza' las grags pa de'i phyir de dag? di? nyid du brjod par bya ba yin no zhe na/ de ni rigs pa ma yin te/ 'di ltar tshad mas ma grub don can gyi/ /grub mdza' rjes su rtogs sam ci/ /'dzin tam mi 'dzin to/ /grub ba'i mdza' glo bur du bzung ba las kyang dngos po rnams de bzhin gyi ngo bo ma yin na/ gang gis na des grub mdza' dpe'i sgrub par byed par 'gyur/ /gal te bstan par bya ba'i grub ba'i mdza' dpe nyid du brjod par byang de zhe na/ ma yin te bstan bar bya ba mi shes pa la yang tshad mas ma mthong ba ma grub pa nyid yin no/ /de rtogs ba'i dor byas nas gzhan gyi khas blangs ba sems gzhan nyid mtshams sbyor ba yang
- 30b
ci'i phyir rjes su mi 'dzin te/ gal te de rgyu bral yin na/ /de ltar ni 'gyur na/ sgyes bu dgra bcom bar 'dod pa'i 'chi ba'i sems dang/ gzhan gyi rgyur grub pa dbugs 'byung ba dang rdub? ba dag 'chi ba'i dus na med cing rten du gyur pa'i dbang po rnams kyang de ltar na/ de rgyu dang bral ba'i phyir nyid mtshams sbyor bar mi 'dod do zhe'o/ /sbyor ba de gang zhig gang gis 'bras bu yin pa de ni de med na mi 'gyur te/ dper na sa bon la sogs pa med pa'i myu gu la sogs pa lta bu'o/ /yid kyi rnam par shes pa yang dbugs 'byung ba dang rdub pa dang/ dbang po rnams kyi 'bras bu yin no zhes bya ba ni khyab bar byed pa 'gal ba dmigs ba'o/ /yang na rgyu dang bral ba can gang yin pa de ni yod par mi 'gyur te/ dper na rgyu dang bral ba can gyi myu gu la sogs pa lta bu'o/ /yid kyi rnam par shes pa tha ma'i gnas skabs kyang rgyu med pa can yin no zhes bya ba ni khyab par byed pa 'gal ba dmigs pa'o/ /gang de ni dgra bcom ba'i sems dpe nyid du brjod pa nyid mtshams sbyor ba med pa la sgrub par byed par smras ba/ de nyid 'dir lam po che'i skyes bu'i 'chi ba'i sems nyid mtshams sbyor ba byed pa la cis mi brjod/ gang gis na 'chi ba'i sems nyid yin pa'i phyir zhes bya ba go bar byed ba ma yin ba'i rtags brjod/ gal te thams cad la khyad par med bar sgrub par byed pa yin par 'gyur zhe na/ de ltar na yang gtan tshigs 'di ni ma grub pa nyid yin te/ 'di ltar dbugs 'byung ba dang rdub pa dag las yid kyis blo ma yin zhes 'gog bar 'gyur ba nyid kyi phyir ro/ /yid kyi
- 31a
rnam par shes pa lus las 'gyur na dbang po dang bcas pa'am/ /dbang po med pa can las 'gyur gang na re zhig /dbang po bcas las yid shes min no/ /ci'i phyir zhe na// de blo bzhin 'dzin thob phyir ro/ /gal te ji ltar mig gi rnam par shes pa la sogs pa/ mig gi dbang po la sogs pa'i rten gyis bskyed ba na/ gzugs la sogs pa la gsal por snang ba can yin pa de ltar na yid kyi shes pa yang de'i 'bras bu yin na 'gyur te/ gcig gi phyir snang ba mi gsal ba yin no/ /dbang po re re'i 'gyur ba dang/ nyams pa dag la yang yod pa'i phyir dbang po re re las ma yin no/ /tshogs pa kun tu 'gyur grang na/ kun las kyang ni ma yin te/ dbang po kun las so/ /kyang gi sgras ni dbang po gcig med na yang 'di med bar thal bar 'gyur ba'i phyir te/ lhan cig byed pa gcig med na myu gu la sogs pa mi 'byung ba bzhin no/ /ci'i phyir zhe na/ shes skyed nus pa tha dad phyir ro/ /de skad dug la te dbang po'i 'bras bus yid kyi rnam par shes par 'gyur ba de'i tshe/ de ni don thams cad 'dzin par de ltar na/ rten dbang po gcig gis bskyed bas yul thams cad kyi tha snyad yongs su rdzogs pa'i phyir/ dbang po gzhan rnams don med par 'gyur ro/ /de dag kyang don thams cad 'dzin pa can gyi shes pa gcig skyed bar byed pa ma yin pa de ltar na/ dbang po du ma yin te dbang po de dag gi rang gi yul la shes pa skyed par byed ba'i nus pa tha dad pa yang mthong ngo zhes bstan bar 'gyur ro/ /ci ste 'gyur na yang rnam par rtog ba'i shes pa de cig nyid
- 31b
yin pa ni sla ste/ gzhan rnams ni med pa yin no zhe na de'i che/ de thams cad kyi yul can yin pa'i phyir/ de'i blo dang 'dra bar 'dzin pa thob par 'gyur ro/ /gzhan yang dbang po mchod pa la sogs ba la bltos pa dang bcas pas rang gi rnam par shes pa skyed bar byed cing yid kyi rnam par shes pa de la bltos pa med pa srog chags thams cad kyi rang rig pa yang skye bar 'gyur bas na/ ji ltar na de'i 'bras bu yin te ma yin no/ /de ltar na de dbang po dang bcas pa can las ma yin no/ /dbang po med pa can gzhan las kyang min no/ /ci'i phyir zhe na/ sems nyid med phyir sku dang sen mo'i rtse mo la sogs pa ni sems med pa yin na/ gang gis na de dag la blor 'gyur/ de rgyu nyid yin na yang lus las 'bos pa rnams kyang blo'i rgyu nyid du 'chi ba'i lus kyang ngo/ /sbyor ba ni gang sems med pa de ni yid kyi rnam par shes ba'i rten ma yin te/ dper na dri ma la sogs pa lta bu'o/ /dbang po med pa can gyi lus gyi yan lag kyang sems med pa yin no zhes bya ba ni khyab bar byed pa 'gal ba dmigs pa'o/ /de ltar ni 'gyur na/ gal te yid kyi blo'i lus rten du mi 'gyur ba de'i tshe/ 'brel pa med pa'i phyir ba lang dang rta bzhin du so sor 'gyur zhing lhan cig gnas bar mi 'gyur ro/ /lhan cig gnas pa'i phyir yang rten zhes bya'o/ /sbyor ba ni gang zhig gang dang lhan cig gnas par nges par dag ni phan tshun rten dang brten ba'i ngo bo yin te/ /dper na sgron ma dang 'od dam ras dang dkar po nyid lta bu'o/ /dbang po dang bcas pa can gyi lus dang yid kyi rnam par shes pa dag la yang lhan cig gnas pa'i nges
- 32a
pa yod pa yin no zhes bya ba ni rang bzhin gyi gtan tshigs yin par sems so/ /rgyu tha dang med pa zhes bya ba la sogs pa ma nges pa nyid ston par byed do/ /rten dang rten pa'i dngos po yin ba'i phyir lhan cig gnas pa ni ma yin no/ /'on ci yin zhe na/ rgyu tha dang med dbang po dang bcas pa can gyi lus dang yid kyi rnam par shes pa'i rgyun dag gi rgyu min dang gzugs kyi 'ben par byed pa'i sngon gyi las ni tha mi dang ba yin te / de las lhan cig gnas pa yin no/ /ci dang 'dra bar zhe na/ dbang bzhin ste dper na dbang po rnams lhan cig gnas par mi 'gyur gyi/ rten dang rten pa'i dngos po yin pa'i phyir lhan cig gnas pa ni ma yin no/ / 'o na ci yin zhe na/ rgyu tha dang med dbang po dang bcas pa can gyi lus dang yid kyi rnam par shes pa'i rgyun dag gi rgyu ming dang gzugs kyi 'phen bar byed ba'i sngon gyi las ni tha mi dad pa yin te/ de las lhan cig gnas pa yin no /ci dang 'dra bar zhe na/ dbang bzhin te dper na dbang po rnams lhan cig gnas par mi 'gyur gyi/ rten dang brten pa'i dngos po ni med pa lta bu'o/ /gzugs dang ro bzhin te/ gzugs dang ro tshogs pa cig la dag lus pa dag ni lhan cig gnas ba yin pa dang/ phan tshun rten dang brten pa'i dngos po ma yin no/ /gcig 'gyur ba na yang gzhan 'gyur ba med pa'i phyir/ mnga' na lhan cig gnas pa can gyi tshe/ ma dag dang rten dang brten pa'i dngos po ma yin no/ /de ltar ni 'gyur na dbang po la sogs pa dag la lhan cig gnas pa nges pa can ma yin pa de ltar na/ rten dang brten pa'i dngos po ma yin no zhe na/ de ni
- 32b
gzhan la yang mtshungs te/ dbang po dang bcas pa can gyi lus med par yang gzugs med pa'i khams na yang yid kyi rnam par shes pa yod pa'i phyir ro /de ltar na 'di la yang dbang po'i 'gyur ba dang/ ma tshang ba dag yod du yin? kyang yid kyi rnam par shes pa yod pa'i phyir gtan tshigs 'di ma grub pa yin no/ /ci ste yang gang zhig gang 'gyur ba na rnam par 'gyur ba de ni de la brten pa yin te dper na mig 'gyur ba na mig gi rnam par shes pa rnam par 'gyur ba lta bu'o/ /dbang po dang bcas bcan gyi lus 'gyur ba na yang/ yid kyi rnam par shes pa rnam par 'gyur ba yin no zhes bya ba ni rang bzhin gyi gtan tshigs su brjod do/ /de yang gtan tshigs ma grub pa yin no/ /ci'i phyir zhe na/ 'di ltar kho bo cag gis dngos su 'di phan gdags par bya ba nyid ma yin no zhes bshad zin to/ /phan 'dogs bar byed pa zhes bya ba nyid kyis ni rten ma yin ba de ltar na des pa yang yin no/ /de ltar na don gyi sgo nas kyang shes par 'gyur ba mthong ba yin te/ dper na gzhan gyi khrag mthong ba las kyang brgyal ba lta bu yin na gzhan gyi khrag kyang rten ma yin no/ /so btang ba las skyes pa'i yon tan me las byung ba'i chos pa las skyes ba'i yon tan lta bu yin pas na de yang brten ba ma yin pa de ltar na ma nges pa nyid yin no// //tshang ma rnam 'grel gyi 'grel ba bam po bcu bzhi pa/ de ltar na dngos su dbang po dang bcas pa can lus kyis blo ngan gdags par bya ba ma yin ba grub pa'i phyir ma yin no/ /gzhan yang rnam pa 'ga' zhig gis phan gdags bar bya ba de
- 33a
tsam gyi phan 'dogs par byed pa po phan gdags par bya ba 'grub bar byed pa ma yin na gang gis na lus ldog par blo log par 'gyur te 'gyur ro/ /de ltar na re zhig rgyu de ni 'bras bu de'i gang zhig yod nyid phan 'dogs byed ces bya ba 'dis rgyu las sngar grub pa'am/ /de dang lhan cig 'byung ba'i dang tshul can ni 'bras bu ma yin no/ /'o na ci yin zhe na/ rgyu yod pa nyid nye ba las sngar yod pa nyid ma grub pa can gyi yod pa nyid nye bar 'jog pa ni 'bras bu nyid yin gyi/ dus snga ma can dang lhan cig 'byung ba'i ngang tshul can gyi yod pa nyid ni ma yin te/ grub pa ni 'bras bu nyid ma yin pa'i phyir ro/ /de ltar na tha dang ba dang tha dang ba med pa'i rgyu can dag ni rgyu dang 'bras bu'i mtshan nyid kyi phyi yin no/ /des na phan 'dogs par byed pa nyid yin na yang tha dad ba'i rgyun ldogs pa'i rgyun gzhan phan gdags bar bya ba rang gi nye bar len pa la bltos pas 'jug pa can yang rgyun chad pa nyid ma yin te dper na mkhan pos phan btags pa byas ba'i slob ma/ mkhan po med pa na med pa ma yin pa lta bu'o/ /'on kyang/ gang zhig yod nyid phan 'dogs byed/ /rtag tu de ni rjes 'jug phyir/ /phan 'dogs par byed pa gang zhig bdag nyid thag nye ba na yod na/ 'bras bu nye bar 'jog par byed ba'i phyir ro zhes bya ba'i don to/ /de ni nye bar len ba'i rgyur gyur pa'i khyad par bstan to/ /de 'dra ba de rgyu yin yang bdag nyid ldog pas 'bras bu ldog par byed pa yin gyi rgyu tsam ma yin no/ /gang gis rgyu'i sdar
- 33b
dang lhan cig 'byung ba'i dang tshul can ni 'bras bu nyid ma yin gyi phyis 'byung ba'i dang tshul can yin pa de bas na de nyid kyis don 'di gsal bar byed ba'i rgyu mtshan gyi bdun pa brjod pa yin te/ dper na ci'i phyir 'di'i yang rgyas 'di yin zhes dris pa na/ 'di ltar 'di yod pa na 'di 'byung ngo zhes bya ba lta bu'o/ /de de ltar na bdun pa 'dis rgyu snga ma yod ba dang/ 'di 'byung ngo zhes bya ba'i dang po pas 'bras bu phyis yod pa bstan pa yin no/ /de las skyes pas shes bya ba rgyu'i lnga pas snga na yod pa nyid dang/ 'di skye zhes bya ba'i dang po pas phyis yod par bstan pa yin no/ /de lta ma yin na lhan cig 'byung ba can dag gi nang nas/ ci'i phyir gcig ni rgyu yin la/ gzhan ni 'bras bu yin zhes dris pa na/ 'di ltar 'di yod na 'di 'byung ngo zhes bya ba'i rgyu dang 'bras bu'i tha snyad kyi rgyu mtshan bstan pas/ phul du byung ba ci zhig bstan par 'gyur zhing/ gang gis na rtogs pa pos rgyu dang 'bras bu dag gi mtshan nyid 'chol ba med par rtogs par 'gyur/ de bas na 'di skad du gang dag lhan cig 'byung ba yang ma yin no zhes bshad do/ /de ltar na rgyu dang 'bras bu 'di yin no zhes bya ba'i nges pa med do/ /gang la phan tshun rgyu nyid du lhan cig 'byung ba dag tu nges pa med pa de la yang gang kho nas gcig rgyu nyid yin pa na de nyid 'bras bu nyid ma yin te 'gal ba'i phyir ro/ /de bas na rnam grangs gang gis rgyu'i tha snyad du byed pa de ston bas ji ltar de dag gis mtshan nyid phan tshun 'chol ba med par de ltar brjod pa na/ de yod
- 34a
na yod pa can nyid 'chad pa kho na rten yin no/ /des kyang lhan cig yod pa tsam las lhag pa cung zad kyang bstan pa med pa de ltar na de lta bu'i tha snyad ni don cung zad rnam par 'byed pa ma yin no/ /de skad du ston pa na kho bos ni don gyi khyad par bstan pa nyid yin te/ dper na 'bras bu 'byung ba'i chos can? yod na/ de skyed par nus ba'i rgyu nyid snga ma yod pa ni bdun pa dang/ lnga bas bstan pa dang/ de yod na gyis yod pa'i 'bras bu nyid ni dang po bas bstan to /de ltar na rgyu dang 'bras bu nyid ma 'tshal ba yin no/ /rjes su ? ba'i nges pa de 'dra ba dag ni mngal la sogs pa rtag tu lus dnag sems la yod pa ma yin te/ 'di la sngar lus dmigs pa yod na phyis sems dmigs pa med pa'i phyir ro/ /ldog pa des pa yod pa yang ma yin no/ /de ltar na re zhig bdag nyid kyi lus log par rang gi blo log bar shes par nus bas yin te thams cad du bdag nyid med pa'i phyir ro/ /gzhan gyi lus log bas kyang de dang 'brel ba can gyi blo log par shes par 'gyur ba yang bla ste de yang yod pa ma yin te de'i blo dmigs pa'i mtshan nyid kyi gyur ba med pa nyid kyis lus log tu zin kyang blo log pa la the tshom za ba'i phyir ro/ /de ltar ni 'gyur na gal te 'gyur na ci'i phyir lus de la rang gi 'bras bu rtsom par mi byed/ rnam? pa med na yod pa ma yin no zhe na/ de ni rigs pa ma yin no/ /de ltar na gal te de dang 'brel ba can dus der grub bar 'gyur ba de'i chod la rtsom par 'gyur na/ /'di ltar na de'i rjes su 'gro ba dang ldog pa nges med phas/ lus rten ma yin ba'i phyir te
- 34b
de med pa na de gzhan la 'jug pa bkag pa nyid med pa de ltar na/ ji ltar 'chi ba'i lus la de 'bras bu rtsom pa yin/ lus dang 'brel pa can nyid yin na yang blo yod pa tsam nyid kyis ni smra ba dang byed pa la soD ba'i 'bras bu mi ? 'bras bu med pa'i phyir rgyu med par nges pa nyid med pa de ltar na ldog pa des pa ma yin no/ /de ltar na rjes su 'gro ba dang ldog pa ma grub pa'i phyir ro/ /blo ni lus la brten pa can ma yin pa'i phyir/ gang zhig gang gi 'bras bu yin pa zhes bya ba la sogs pa'i sbyor ba la ma grub pa nyid yin no/ /lus la brten pa'i sgo nas/ 'ga' zhig tshen sems rgyun gyi/ lus phan 'dogs byed pa'ang yin bla ste/ de ltar na yang de'i nye bar len ba'i rgyu nyid du ma grub pa'i lus ldog bas sems kyi rgyun chad pa ma yin no/ /ci dang 'dra bar zhe na/ bum pa sogs las ni me sogs las ni me sogs bzhin/ zhes bya ba smos te/ dbor na bum pa la sogs pa la me la sogs pa 'ga' zhig gi tshe phan 'dogs par byed ba na/ 'ga' zhig gi tshe phan 'dogs par byed pa de tsam gyi/ me la sogs pa ldog pa na bum la sogs pa ldog pa ma yin pa lta bu'o/ /gtan tshigs de ltar na ma des pa nyid kyang yin no/ /gzhan yang gal te blo'i rgyu las yin pa de'i tshe shi ba'i gnas skabs kyi rgyur gyur ba'i/ lus la gnas pa yin na sems de'i 'bras bu ldog med thal bar 'gyur phyir ro/ /sbyor ba ni gang zhig gang gi rgyu can yin pa de ni de ma lus ba yod na 'gyur ba/ ma lus par gnas pa na ldog pa mi 'gyur te/ dper na rang gi rgyu ma lus pa yod ba'am
- 35a
gnas pa na sbron ma gnas ba 'am ldog pa med pa lta bu'o/ /sems kyang lus kyi rgyu can yin no zhes bya ba ni rang bzhin gyi gtan tshigs so/ /bsgrub par bya ba gnyis pa la bltos nas khyab par byed pa 'gal ba dmigs pa'o/ /yang na gang zhig gang gi tshe rgyu tshogs pa can yin pa de ni de'i tshe yod par 'gyur te/ dper na 'ga' zhig gi tshe rgyu chogs pa can gyi myu gu yod ba lta bu'o/ /shi ba'i gnas skabs kyi lus gnas pa yod pa na yang rgyu tshogs pa can yin no zhes bya ba ni rang bzhin gyi gtan tshigs so/ /gtan tshigs snga ma ni gson po'i lus sems kyi rgyu yin zhing/ de yod na 'gyur ro zhes bya ba ni grub pa la sgrub pa yin no/ /gal te shi ba'i lus kyi 'bras bu yin no zhes bya ba rang bzhin gyi gtan tshigs kyi don yin pa de'i tshe yang de'i rgyu ma yin pa de ltar na de ma grub pa yin no/ /de ltar na dbugs 'byung ba dang rdub pa dag ni sems kyi mngon bar gsal bar byed ba dag yin na/ de dag ni shi ba'i lus la yod pa ma yin ba'i gtan tshigs de nyid kyi phyir gnyis pa yang ma grub pa yin no zhes gzhan dag sems so/ /gal te sems nyid dbugs 'byung rdub kyi 'bras bu grub na/ de ltar ni 'gyur mod kyi/ 'di ltar ji ltar sems ni lus kyi 'bras bu nyid du ma grub pa de ltar dbugs 'byung rdub dag gi 'bras bu nyid kyang ngo/ /gzhan yang bdag nyid kyi mngon par 'dod pa'i 'thad pas sems nyid kyi dbugs 'byung rdub dag yod pa'i phyir dang/ sems la rag las pas de dag 'jug pa de ltar na dbang 'gyur phyir/ de las 'byung rdub de ma yin/ sems de las 'byung rdub dag yin gyi de
- 35b
dag las sems de ni ma yin no/ /sbyor ba gang zhig sems gyi dbang gis rang gi ngo bor 'jug pa dang/ ldog pa de ni sems nyid las 'gyur te/ /dper na 'dod pa sngon du song ba can gyi lag pa'i brkyang bskum lta bu'o/ /dbugs 'byung rdu ba dag kyang sems kyi 'dod pa'i dbang gis 'jug pa dang ldog pa yin no zhes bya ba ni rang bzhin gyi gtan tshigs so/ /ma grub pa yang ma yin te/ 'di ltar rlung 'byin pa dang 'dren pa ni/ 'bad rtsol med par gang las yin/ /rlung 'byin pa dang 'dren pa dag las gzhan du dbugs 'byung ba dang rdub ba nyid gzhan 'ga' zhig kyang yod pa ma yin no/ /nang du 'jug pa'i rlung skyes bu'i byed pas phyi rol du 'byin pa ni 'byung ba'i 'o/ /phyi rol du 'jug pa nang du 'dren ba na rdub pa'o/ /de dag kyang blo'i mtshan nyid can gyi 'bad rtsol med par mi 'gyur ba dang/ de yod na 'gyur ba de ltar na blo sngon du song ba can yin no/ /sbyor ba ni rlung 'byin pa dang 'dren pa gang yin pa de ni skyes bu'i 'bad rtsol sngon du song ba can yin te/ dper na skyes bu'i byed pas spud pa'i rlung 'byin pa dang 'dren pa lta bu'o/ /dbugs 'byung ba dang rdub pa yang rlung 'byin pa dang 'dren pa yin no / zhes bya ba ni rang bzhin gyi gtan tshigs so/ /de ltar ni 'gyur na 'bad rtsol gyi dbang gis bum pa la sogs pa gnas nas gnas gzhan du bkyel ba dang len par byed ba yin par 'gyur ba/ de sngon du song ba can gyi bum pa ma yin pa de ltar na/ /gang zhig sems nyid kyi dbang gis shes bya'i sbyor ba lam nges pa yin no zhe na ma yin te/ de la yang bkyel ba dang len par byed ba 'bad rtsol nyid las 'gyur ro/ /rang gi ngo bo ni rang
- 36a
nye bar len ba'i rkyen las 'gyur ba yin pa de ltar na/ skyes bu'i 'bang? rtsol las bum pa la sogs pa'i ngo bo grub pa ma yin no/ /dbugs 'byung ba dang rdub pa dag gi ngo bo nyid kyang 'bad rtsol las 'byung ba yin no/ /'ga' zhig gi tshe 'dod pa med pa na skyes bus de'i ngo bo nyid bzlog pa med pa de'i phyir nges pa yod pa yin no/ /de nyid kyi phyir rang gi ngo bo zhes bya ba smos so/ /gzhan yang dbugs 'byung ba dang rdub pa 'di yod par rab tu grags pa can gyi sems nyid dmigs pa'i rgyu la gsal bar byed ba zhes brjod do/ /dper na bum pa'i mar me lta bu 'am/ yang na 'jug par byed pa'i phyir yin grang na/ de la yod par grags pa can gyi sems nyid dmigs pa'i rgyu ni ma yin te sngar 'jug pa khas len na yod pa nyid du khas blangs par thal bar 'gyur ba'i phyir ro/ /gal te de dag gis sems 'jug pa thob pa'i mtshan nyid can gyi mngon par gsal ba yin ba de'i tshe/ dbugs 'byung ba dang rdub pa dag gis 'phel ba dang 'grib pa dag gis sems kyang 'phel ba dang 'grib po dag tu 'gyur ro/ /de nyid bstan pa'i phyir/ de dag phul byung 'grib ba las/ /phul byung 'grib pa 'thob par 'gyur/ /'di ltar dbugs 'byung ba dang rdub pa de dag 'phel ba dang 'grib pa las sems nyid 'phel ba dang 'grib bar 'gyur ro/ /sbyor ba ni gang zhig gang gis phul du byung ba dang 'grib ba dag tu mi 'gyur ba de ni 'jug pa thob pa'i mtshan nyid can gyi gsal bya de'i gsal byed ma yin te/ dper na shing yul du byung ba dang 'grib pa dag gis rgya mtsho chen po phul du byung ba dang 'grib pa dang rjes su
- 36b
bsgrubs pa med pa shing gis gsal bar bya ba ma yin pa lta bu'o/ /sems kyi phul du byung ba dang 'grib pa yang dbugs 'byung ba dang rdub pa dag gi phul du byung ba dang 'gri ba dag gis 'gyur ba ma yin no zhes bya ba ni khyab bar byed pa 'gal ba dmigs pa'o/ /gzhan yang de dag thal bar mtshungs na yang ji ltar shi ba'i gnas skabs kyi lus gnas pa las sems de ci'i phyir mi 'gyur zhes rgol ba de ltar dbugs 'byung rdub dag kyang ci'i phyir ldog par 'gyur/ gang gis na de med pa'i phyir sems med pa yin/ sems rgyu yin na mtshungs ma yin/ de ltar ni 'gyur ba gang gi yang lus ni sems kyi rgyu ma yin mong kyi 'on kyang sems nyid yin pa de ltar na/ sems kyi rgyu sems nyid yin par khas len ba na blo rgyun mi 'chad ba nyid yin pas na ci'i phyir lus gnas pa de med par 'gyur zhe na/ rjes su 'jug par byed pa nyid kyi rgyu ma yin na gang gis gnas pa'i dus nges pa yin pa de ltar na/ de phan chad rab tu 'jug pa ma yin pa'i phyir mtshungs pa ma yin no/ /gal te sdong bu la sogs bzhin/ /gang gi tshe sgron ma la sogs pa'i rgyu sdong bu la sogs gis gnas pa'i dus nges pa yin pa de ltar na/ de phan chad rab tu 'jug pa ma yin pa'i phyir mtshungs pa ma yin no/ /gal te sdong bu la sogs bzhin/ /gang gi tshe sgron ma la sogs pa'i rgyu sdong bu la sogs pa'i rgyu sdong bu la sogs pa mi mthun par byas par 'gyur ba de'i tshe/ /sgron ma la sogs pa'i rgyu ma yin pa de bzhin du rlung dang 'khris pa la sogs pa'i/ /nyes bas nus med lus rgyu min/ /dbugs 'byung rdub
- 37a
dang sems dag gi ma yin no/ /de na gang zhig gang rgyu tshogs pa can yin pa zhes bya ba la sogs pa'i sbyor ba la ma grub pa yin bar 'dod pa de'i tshe/ shi ba'i lus la nyes pa nyams 'gyur tshe/ /rims dang drug la sogs pa'i nyes pa log pa na yang lus ma tshed? ba med ba can nyid yin pa de ltar na sems yod pas/ phyir yod skye ba dag tu 'gyur na mi 'gyur ro/ /de bas na nyes pa med na yang med pa'i phyir nyes pa thag nye ba tsam gyis sems kyi 'jug pa dgags byed pa ma yin no/ /sbyor ba ni gang zhig pa na yang mi 'gyur ba de ni de thag nye ba tsam la rag las pas 'jug pa can du mi 'gyur te/ dper na bus pa med na yang me ldog pa med pa lta bu'o/ /rims dang dug la sogs pas 'chi ba'i sems kyang nyes ba 'khrugs pa'i ngo bo can gyi nad med pa na yang mi 'gyur ro zhes bya ba ni khyab bar byed pa 'gal ba dmigs pa'o/ /gal te shing 'gyur ba'i rgyu me na ldog na yang/ mes byas pa'i shing 'gyur ba sol ba la sogs pa'i mtshan nyid can yang shing gi ngo bo thag pa ma yin pa de ltar na shing gi 'gyur ba mi ldog bzhin/ /sems 'gyur ba'i rgyur rims la sogs pa log na yang/ shi ba'i lus kyi gnas skabs na sems ldog pa ni med can/ de ltar na 'des ni 'das ma thag pa'i gtan tshigs ma nges pa nyid du drogs pa yin no/ /ma yin gso sbyor yong phyir ro/ /zhes bya bas ni lan 'debs par byed do/ /skyon de yong ba ma yin te/ gso ba'i sbyor ba yod pa'i phyir ro/ /dgongs pa ni gal te shing gis 'gyur ba dang 'dra bar rims la sogs pas
- 37b
byam pa'i lus kyi 'gyur ba shing du ldog pa med bar 'gyur ba de'i tshe/ ji ltar mes shing gi 'gyur ba cung zad byas su zin kyang ldog pa med pa de ltar rim la sogs pa dag gis nyung zad byas pa yang ldog par mi 'gyur ba de lta na? ni/ rims la sogs pa'i gso ba byed par mi 'gyur na/ gso ba yang byed pa de'i phyir rims la sogs pa ni yang mi 'byung ba can gyi 'gyur ba rtsom pa nyid ma yin no zhes bya ba 'di yin no/ /don 'di nyid ni yang ma 'byung phyir zhes bya ba la sogs pas ston par byed de/ yang mi 'byung phyir la la la?/ rnam par 'gyur ba bya ba la/ /'gyur ba cung zad skyed par byed/ /cung zhig bzlog pa yin phyir dper/ /shing ngang gser la me lta bu'o/ /dper na shing 'gyur bar byas pa la 'gyur ba'i rgyu ma yin blta bu'o/ /'gyur ba cung zad skyed pa bzlog pa ste/ yang 'byung ba yin pa'i phyir gser gyi 'byung ba'i rgyu me nyid yin ba lta bu'o/ /de ltar na gser zhu bar gyur kyang yang sra bar 'gyur ro/ /dang po'i chung yang ldog pa min/ /phyir ldog rung ba 'gyur byas gang/ /de ni yang 'gyur ba ma yin te mes byas pa'i shing gi 'gyur ba dang po'i tshig ba tsam gyi mtshan nyid can gyi 'gyur ba chung yang phyir mi 'gyur ba yin no/ /phyi log tu rung ba 'gyur bar byas pa gang yin pa'i chung na yang 'gyur ba de ni yang 'byung ba yin te/ snga ma'i rang bzhin du 'gyur ro/ /ci dang 'dra bar zhe na gser gyi sra ba nyid yin no/ /sbyor ba ni gang zhig gang la 'gyur ba byas pa gso bar byed pa de ni de la yang mi 'byung bar 'gyur ba rtsom par 'gyur ba ma yin te/ dper na
- 38a
gser la me lta bu'o/ /lus la rims la sogs pas byas pa'i 'gyur ba yang gso bar byed do zhes bya ba ni khyad par byed pa 'og la ba dmigs pa'o/ /gang zhig gang la yang byung ba can gyi 'gyur brtsom pa gang yin pa de ni de la rang dang 'brel pa'i dus tsam du 'byung ba can gyis 'gyur brtsom pa yin te/ dper na gser la ma nyid lta bu'o/ /lus la nad kyang yang 'byung ba can gyi 'gyur ba rtsom pa yin no zhes bya ba ni rang bzhin gyi gtan tshigs so/ /gal te yang mi 'byung bar 'gyur ba rtsom pa ma yin pa sgrub par byed pa ni grub pa la sgrub par byed pa yin te/ gzhan du gyur pa ni yang 'byung ba'i phyir ro zhe na/ ma yin te khyad par med pa'i phyir ro/ /'byung ba'i rang bzhin tsam las yang 'gyur ba'i dang tshul can de nyid kyi tshe yod pa 'am/ 'ga' zhig gi tshe yang ma yin no/ /'byung ba'i bdag nyid kyi rang bzhin las ma 'phos pa'i gyur pa'i khyad par ni mi rung ba'i phyir ro/ /gal te 'di ltar des byas pa'i 'gyur ba chung ba'i phyir log tu dud? ba de yin ba ltar na/ yang 'byung? ba'i 'gyur ba rtsom par byed pas thams cad phyir log tu rung ba de'i tshe/ nang 'ga' zhig gso bar bya ba ma yin pa nyid med pa thob bar 'gyur ro zhe na/ da ni de lteng? yin mod kyi 'on kyang cung zad gso ba min pa'i nyas ba'i rigs brjod cing bstan pa gang yin pa de yang dag byed nyid dga' phyir ram/ nyes pa yod pa'i rgyu bcud kyis len la sogs pa rnyed dka' ba nyid kyi rgyu'i phyir ro/ /tshe zad phyir te/ sngon? byas pa'i las gyi nus pa yongs su
- 38b
zad pa'i mtshan nyid can yin pa'i phyir gso bar bya ba ma yin par brjod do/ /de ltar na las kyi nus pa las skad cig ma phyi ma phyi ma mtshams sbyor ba'i mtshan nyid can du gnas pa yin no/ /de'i nus pa zad pas rgyu med pa'i phyir skad cig ma phyi ma mtshams sbyor ba med pa'i mtshan nyid can 'jigs pa de ltar na gso ba yod na yang gso bar bya ba nyid ma yin par brjod do/ /gang gi yang lhan cig byed pa'i rgyu cung zhig kyang ma mthong pa med cing gang gi nus pa yongs su zad pa las sems mi gnas par 'gyur ba de'i rlung dang 'khris pa'i mtshan nyid can gyis nyes ba 'ga' zhig 'gyur ba'i rgyu yin pas/ nyes pa ni 'ba' zhig 'gyur ba'i rgyu yin na de'i gnyen po rten pa na/ gso bya med pa ma yin no/ /de ni nyes bar mtshon pa tsam yin te/ nyes pa mtshungs pa gnyen po brtan pa can dag las/ gcig ni yun ring po gzhan yun mi ring ba gnas nad med pa thob par 'gyur ba de ltar na/ ji lta bu la sogs pas ni khyad par du mi 'gyur ro/ /rgyu ma mthong ba na de dag las gcig la de 'dra ba'i rnam pa can gyi las yod pa gang gis sdug bsngal nyams su myong nas rang bzhin du gnas pa thob par 'gyur ba de ltar na kha na ma tho ba med do/ /de ltar phyi rol gyi dngos po rnams kyang sems can rnams la phan pa dang/ gnod pa sgrub par byed pa'i las kyi bdag po nyid las/ la? gal? ba dang 'grib pa dang/ de bzhin du 'jig pa la sogs pa'i rgyu mtshungs pa dag la yang rgyun yun ring thung bu gnas pa dang 'jig pa
- 39a
dang mi 'jig pa la sogs pa la yang khong du chud bar bya'o/ /gang yang rgyu mthong ba de'i tshe/ shi ba'i lus la yang dug sogs ldog phyir ram sogs pa'i sgra smos pas rigs la sogs pa ldog pa'o// de'i sos zin bcad pa las kyang lus la khyab pa'i dug skyes bu shi ba'i sos zin ba'i gnas gang yin bar yang 'dus par 'gyur ba de bcad pa na skyes bu 'tsho bar 'gyur ro/ /skyes bu gnyis ka yang sbrul gcig gis bzung ba dag gi sos zin pa mtshungs par bcad pa las kyang ji ltar gcig 'chi ba de ltar gzhan yang 'gyur ro/ /kyang gi sgras ni gnyen po la sogs pa'i sbyor ba las kyang ngo/ /'gyur ba'i rgyu dang bral bas na// de'i slar yang 'tsho mi 'gyur/ /de yang 'tsho bar 'gyur ro zhes bya ba'i don to/ /kho bo'i ni 'gyur ba'i rgyu mtshan pa dang de'i gnyen po mtshungs kyang las zad pa'i phyir/ gzung ba gcig nyid 'chi bar 'gyur te/ de nyid la de shes pas dus su bzung ba zhes ston par byed do/ /de ltar mi 'gyur na gal te dus gzhan du 'tsho ba'i phyir mi 'dod pa ma yin no/ zhe na/ 'di la ji ltar yongs su mthong ba'i rgyu tshogs pas de las gzhan la bltos ba med ba'i phyir de nyid ki tshe ci'i phyir ma'i tsho zhes bshad pa yin no/ /gal te 'tsho ba ni gyur pa la bltos pa yin no zhe na/ ma yin te de nyid ni gyur pa mi rung ba'i phyir zhes bshad zin to/ /chos can las chos tha dad pa'i phyir ram/ tha dad na yang gyur ba la ma yin no/ /gzhan yang gyur pa yang bltos pa med pa'i phyir/ ci'i phyir thams cad nyid du mi 'gyur rtag pa'i ngo bo ni 'ga' zhig gi tshe yang bltos pa med pa yin no
- 39b
zhes bshad zin to/ /rang bzhin yod pa tsam du gyur pa ni dus gzhan la sdod pa med pa yin no/ /ci ste nad la sogs pa dag gi mtshang bar byas pa can gyi lus las mngon par gsal pa ma yin ba de'i tshe/ rtag tu mngon par mi gsal ba 'am/ de nyid kyi khyad par med pa'i phyir gyur pa ba? dang gsal ba yin no/ /gzhan yang gad de gyur pa dang snga ma de nyid yin nam 'on te gzhan yin/ gzhan nyid yin na ni sngon ma'i rang bzhin btang bas 'byung ba rnams rgyun chad par 'gyur ro/ /gzhan nyid ma yin na ni de nyid du gnas pa 'byung ba rnams cung zhig kyang skyes pa med pa de ltar na khyad par med pa yin no/ /gzhan nyid yin na de kho na nyid gzhan du yang 'gyur la chos ni de dang 'brel par yang 'thad par dka' ba yin te zhar la 'ongs pas chog go /de bas na sems gzhan dang nying mtshams sbyor ba med pa ni rgyu ma tshad ba'i phyir ro/ /'byung ba rnams rgyu nyid yin pa dang sems dang lhan cig gnas ba'i phyir dang/ de yod na yod pa can nyid yin pa'i phyir mi rigs so zhes bstan zin to/ /gzhan yang phan 'dogs par byed pa zhes bya ba de log pas phan gdags par bya ba rgyun chad pa nyid ma yin no/ /'o na ci yin zhe na nye bar len par 'gyur ba nyid log par ldog pa nyid yin no/ /de la nye bar len pa dang nye bar len pa can dag gi chos ni nyer len 'gyur ba med par ni/ nyer len can gyi 'gyur ba dag ? /byed par mi nus pa gang yin pa 'di yin mod kyi 'on kyang nye bar len pa can 'gyur bar bya ba'i phyir 'dod pa gang yin pa des/ de'i nye bar len pa'i 'gyur ba thob pa nyid kyis
- 40a
de 'gyur bar byed kyi/ rnam pa gzhan du ma yin no/ /ci dang 'dra bar zhe na/ dper 'dzib? 'gyur ba med ba bum sogs bzhin/ /bum pa la sogs pa'i dbyibs su bkod pa can 'dzi ba'i bdag nyid can gyi bum pa la sogs pa'i nye bar len par gyur pa/ 'gyur ba med par bum pa la sogs pa'i 'gyur ba byed par mi nus pa lta buAm/ dper na 'od kyi nye bar len par gyur pa sgron ma nus pa med bar ma byas par 'od rnams gzhan du byed par mi nus pa lta bu'o/ /sbyor ba ni gang zhig gang gi nye bar len pa yin te/ 'gyur ba med par de'i 'gyur ba byed par mi nus te/ dper na 'jig pa 'gyur ba med par bum pa'am sgron ma 'gyur ba med par 'od lta bu'o/ /lus kyang sems kyi nye bar len pa yin no zhes bya ba ni khyab par byed pa 'gal ba dmigs pa'o/ /sbrul la sogs pas kyang mar me nus pa med par byas pa nyid kyis 'od mi gsal bar byed pa de ltar na/ dpe sgrub par bya ba dang bral ba nyid ma yin no/ /de ltar ni 'gyur na chu la sogs pa'i 'gyur ba las sa lu? la sogs pa 'gyur ba 'byung mod kyi/ chu la sogs pa nye bar len pa ma yin pa de ltar na ma nges pa yin no zhe na/ de la chu la sogs nye bar lhan cig byed pa phan 'dogs par byed pa 'byung pa 'am/ yongs su nyams pa las de'i bya ba kha dog la sogs pa'i? khyad par 'byung ba'am ldog par 'gyur na rgyun nyid skye ba 'am 'chad pa ma yin no/ /me la sogs pa dag gis ni nye bar len pa 'joms par byed pa de ltar na rgyun chad pa yin pa'i phyir ma nges pa ma yin no/ /de bas na/ dngos gang 'gyur ba med par ni/
- 40b
dngos po gang zhig rnam 'gyur ba/ /dngos po de rnam par 'gyur ba de'i nyer len mi rigs so/ /ci? dang 'dra bar zhe na/ ba lang ba men pa la sogs bzhin/ ba lang nyid 'gyur ba med par pa ba men la sogs pa 'gyur ba de ltar ? ba med la sogs pa dag gi ba lang nye par len ba ma yin ba lta bu'o/ /sogs pa smos pas ni gang zhig gang 'gyur ba med bar 'gyur bar byas ba de ni de'i nye bar len ba ma yin te/ dper na tshul sogs pa 'gyur ba med par mi 'gyur bar byas ba can gyi chu nye bar len pa ma yin pa lta bu'o/ /sems dang lus kyang de bzhin no/ /'dod bar bya ba ma yin pa spyod pa la sogs pas yid mi bde ba la sogs pa'i mtshan nyid can gyi 'gyur ba skyed pa yin no/ /sbyor ba ni gang zhig gang 'gyur ba med par 'gyur pa thob par nus pa can de ni de'i nye bar len pa'i rgya can ma yin te/ dper na chu la sogs pa 'gyur ba skye ba can lta bu'o/ /yid kyi rnam par shes bar yang lus 'gyur ba med par 'gyur ba skyed par nus ba can yin no zhes bya ba ni khyab par byed pa 'gal? ba dmigs ba yin no/ /de ltar ni 'gyur na gang dag lhan cig gnas par des pa da dag ni nyi bar len pa dang nye bar len ba can yin te/ /dper na sgron ma dang 'od lta bu'o// lus dang sems dag la yang lhan cig gnas pa'i nges pa yod do zhes bya ba ni rang bzhin gyi gtan tshigs ltar 'tshos? pa ste/ tshad ma'i lam yin par sems so/ /de ni rgyu tha dad med lhan cig gnas zhes bya ba der/ dbang po bzhin dang gzugs sa dang ro bzhin no/ /'byung ba bzhin dang tshe ma bzhin du ma nges pa yang bshad zin to/ /'dir skad? ma nges pa nyid yin te/ de rgyu can 'bras skyed pa
- 41a
ni/ lus kyi rgyu can nur nur po la sogs pa'i ming can phyi ma phyi ma'i lus kyi gnas skabs kyi mtshan nyid can gyi 'bras bu skyed pa'i yid kyi rnam par shes pa lhan cig byed pa yin no/ /de med par lus snga ma snga ma dbang bo dang bcas pa phyi ma phyi ma de 'dra ba'i mtshams sbyor ba mi nus pa ltar na/ lhan cig byed phyir lus dang yid kyi rnam par shes pa dag lhan cig gnas pa yin te/ yid kyi rnam par zhes pa'i lus nye bar len pa ma yin pa'i phyir ro/ /ci dang 'dra bar zhe na/ me dang zangs ma'i zhu nyid de bzhin dper na zangs ma zhu ba nyid kyi zangs ma nyid nye bar len pa yin pa de lta na yang zhu ba'i skabs na me lhan cig byed pa nyid yin pas na ma nges pa yin no/ /gal te lhan cig gnas pa'i nges pa thams cad du yod pa ma yin pa'i phyir me ni nye bar len pa nyid ma yin no zhe na/ lus dang sems dag la yang de skad du sngar bshad zin te/ da de ltar na lus dang sems dag la rten dang brten ba can gyi ngo bo yod pa ma yin no/ /'dis kyang sems nyid dam yon tan dang sbyi la sogs pa gzhan gyi rten nyid yod pa ma yin te/ yod med dang rten med phyir ro/ /yod pa 'am med pa'i 'ga' zhig rten du 'gyur grang na/ re zhig yod ba'i rten du 'gyur ba ma yin te/ rang gi ngo bo grub pa'i phyir 'ga' zhig gi rang bzhin de ni rten du mngon par 'dod pas bya ba nyid ma yin pas na cung zad kyang mi byed pa ni rten ma yin no/ /sbyor ba ni gang zhig gang la cung zad kyang mi byed pa ni de ni de'i rten ma yin te/ 'bigs byed kyis gangs can lta bu'o/ /rten du mngon par 'dod pa'i dngos po yang/ bdag nyid thams cad grub pa'i ngo bo la cung zad kyang mi byed do/
- 41b
zhes bya ba ni khyab par? byed pa 'gal ba dmigs pa'o/ /med pa'i yang rten ma yin te de yang rang gi rgyu las skye ba yin? gyi gzhan zhig rten du 'gyur ba ni ma yin no/ /sbyor ba ni gang med pa de la brten pa'i sgo nas 'ga' zhig rten du gyur pa ma yin te dper na ri bong gi rwa lta bu'o/ /ngo bo ma grub pa yang med pa yin no zhes bya ba ni khyab par byed pa 'gal ba dmigs pa'o/ /gal te ma yin rten yod ba/ /gnas pa'i rgyu ni yin zhe na/ /rten du mngon par 'dod bcung zad mi byed pa ni ma yin te/ yod pa nyid du grub pa can gyi dngos po yod na yang de ni gnas ba byed pa'i phyir ro/ /des na snga ma ma grub pa yin zhing gzhan ni grub ba sgrub par byed pa yin te/ khas ma blangs pa'i phyir ro/ /de ni rten ma yin te gnas pa byed ba'i phyir ro/ /de ltar na re zhig gnas par byed pas gnas par bya ba'i ngo bo byas pa ma yin te/ grub pa'i phyir ro/ /gnas pa byed pa de yang de las don gzhan nam/ don gzhan ma yin pa zhes bya ba'i rtog pa gang du 'gyur grang na/ don gzhan nyid ma yin na ming? gnas pa 'di'i/ gnas pa po las tha dad med pa'i/ rgyu'i phyir gnas pa po'i bdag nyid gnas pa yin no/ /de yang byas pas yin ba de ltar na cung zad kyang mi byed pa'i phyir rten ma yin no/ /tha dad na yang gnas pa ba las gnas pa don tha dad ba'i ngo bo yin na/ de rgyu yin gnas pa de'i gnas par byed par mngon par 'dod pa skyed par byed pa yin pa de ltar na/ gnas par byed pa des gnas pa bo nyid du mngon par 'dod ba'i dngos po ci zhig byas te ? cung zad kyang byas pa med pa'i phyir/ rnam pa gnyis kas kyang cung zad kyang? mi byed pa nyid yin no/ /de'i 'brel ba can? gyi gnas par byed pa yin no zhes
- 42a
bya ba dang/ de phan 'dogs par byed ba nyid du rtogs pa yang rigs pa ma yin te/ gnas par byed pa dang 'dra bar gnas pa can gyi gnas pa'i rten nyid ma grub pa'i phyir ro/ /gzhan yang gal te gnas par byed pa las dngos po'i gnas pa yin pa de'i tshe/ gnas pa po rtag pa yin te/ 'jig pa med par thal bar 'gyur/ gnas par byed pa 'byung ba rnams yod pas sems nyid ldog pa med pa'i phyir ro/ /blo gzhan dang gzhan 'jug pa dang ldog pa'i phyir 'byung ba rnams gnas par byed pa ma yin no/ /bye brag pa'i bum pa la sogs pa'i rdzas kyi yang gnas par byed pa yod pa'i phyir ro/ /sngo bsangs la sogs pa'i mtshan nyid can so btang ba las skyes pa'i yon tan phyi ma phyi ma ldog pa med par 'gyur ro/ /gal te de 'jig rgyu las 'dod/ /de ltar ni 'gyur na gnas par byed pas gnas par bya ba gnas par byed med? kyi/ 'on kyang 'jig pa'i rgyu dang phrad nas 'jig pa yin zhe na/ de'i tshe de la'ang? thal ba mtshungs pa len/ de ni 'jig pa'i rgyu las yang mi? mtshungs pa yin te/ ci dngos po las 'jig pa don gzhan du gyur pa 'jig pa'i rgyus byed dam?/ 'on te dngos po nyid yin/ dngos po byed pa ni ma yin te grub zin pa'i phyir ro/ /gzhan la byed na dngos po la cung zad kyang ma yin pa de ltar na/ de'i gnas skabs can nyid yin pa'i phyir gang las 'jig pa yin te/ 'jig pa'i rgyu ni cung zad kyang mi byed pa nyid yin no/ /gzhan yang gal te 'jig pa'i rgyus yod pa na dngos po 'jig par 'gyur gyi/ gzhan gyi tshe ma yin pa de'i tshe/
- 42b
gnas ba'i rgyus kyang ci zhig bya/ gnas pa'i rgyur rtogs cing yang mi rung ngo/ /de ltar 'di ltar gal te 'jig pa'i rgyu'i nus pa 'joms par byed pa las 'di'i gnas pa'i byed pa'i nus par 'gyur ro/ /de ltar ma yin na 'jig pa'i rgyu med pa na/ de las 'jig pa'i chos can de bdag nyid 'dzeg? par mi 'gyur ba de ltar na gnas pa'i rgyus ci zhig bya/ /de ltar mi 'gyur na/ ji srid 'jig rgyu ma phrad par gnas yin no/ /ji srid 'jig pa'i rgyu dang ma phrad ba de srid du ngo bo nyid kyis 'jig pa'i rang bzhin 'di gnas par byed pa med par mi gnas pa de ltar na/ dus de srid du gnas par byed pas yongs su bzung bas gnas ba po gnas pa yin no zhe na/ 'jig pa dngos chos nyid 'gyur na/ ngo bo nyid kyis 'jig pa'i bdag nyid can de ni 'jig par byed pa med par gnas pa ma yin no/ /de'i tshe 'jig pa ni dngos po'i rang bzhin du 'gyur ro/ /de lta yin na 'jig pa 'di la gnod med can/ 'di la gnod pa yod pa ma yin no zhes bya bar tshig rnam par sbyor ro/ /dngos po'i rang bzhin rnam pa gzhan du bya bar mi nus pa de ltar na/ rang bzhin nyid kyis 'jig par 'gyur ro/ /rnam pa gzhan byed pa na yang/ gnas par byed pas bdag nyid 'jig pa'i chos can de 'jig par 'gyur zhig/? gzhan skyed pa de ltar na de de'i ji ltar na gnas pa ba byed pa yin/ /rang bzhin las gzhan nyid ma yin na yang/ de ni 'jig pa'i bdag nyid can de'i rang bzhin yin na gnas pa med pa'i phyir na gnas rgyus ci zhig bya/ nus pa med ba brtags pas so/ /gal te dper na chu sogs kyi/ /rten bzhin zhe na de ltar ni 'gyur na yod pa nyid du grub pa can gyi chu las
- 43a
sogs pa ni rten pa dang/ snod la sogs pa ni rten gyi ming can yin te/ dper na 'di'i rten dang brten pa'i dngos po yin pa de bzhin du 'dir rten gyi dngos por zhe na/ 'di la'ang mtshungs pa 'di la'ang snod la sogs pa rten du mngon par 'dod pa ci zhig byed pa rten yin no/ zhes bya ba snga ma de thams cad 'dir yang bzla bar bya ba yin no/ /gal te rten dang brten pa'i tha snyad mthong ba ji ltar na ston par nus she na/ gnas pa byed pa'i phyir snod la sogs pa rten ni ma yin no/ /'o na ci yin zhe na dngos po rnams skad cig re re la ngo bo nyid kyis 'jig par 'gyur te/ yul gzhan dang gzhan du 'byung ba'i chos can gyi dngos po rnams skad cig re rer 'jig pa yin na ni dngos rgyun de ltar skye ba'i/ rten dang mtshungs pa'i yul du skyes pa'i snod la sogs pa rgyu nyid yin pa'i gtan tshigs kyi phyir/ snod la sogs pa de rten yin/ /de ltar yin na rigs ma yin/ /gal te de lta bur gyur pa'i rgyun skye ba'i rgyu nyid du rten mi 'dod de/ /'o na ci yin zhe na/ gnas pa'i rgyu nyid du 'dod pa de'i tshe rten nyid yin pa mi rung ngo/ /gzhan yang ngo bo nyid kyis 'gro ba'i chos can/ 'pho bo yi ni gegs byed phyir/ /snod la sogs la chu la sogs kyi ni rten gyur na yang/ 'pho ba med pa'i chos can/ 'gro ba med can yon tan spyi/ /las rnams rten gyis ci zhig dgos/ /gang gis na de dag rten pa nyid du rtog par 'gyur/ /rten dang brten pa'i dngos po dgag pa bshad ma thag pa des ni tha mi dad par grub pa dag gi rten dang brten pa'i dngos po'i mtshan nyid can/ 'phrod pa 'du ba dang/ bdag la
- 43b
sogs pa 'phrod pa 'du ba can rgyu dang/ 'di ni 'di la yod kyi gzhan la ma yin no zhes rigs la sogs pa rnam gzhan nyid /sogs pa smos pa ni chos can 'di la chos 'di gnas pa dang 'byung ba rnams la brten nas sems nyid gnas pa 'am/ 'byung ba las gyur pa'i gzugs zhes bya ba de lta bu la sogs pa gang cung zad rten gyi sgo nas gnas pa yin no zhes brjod pa gang yin pa de thams cad bsal ba yin pa dang? gi par bya'o/ /ci'i phyir zhe na/ rten med phyir na ste/ 'ga' zhig gis 'ga' zhig rten yin pa mi rung ba'i phyir ro/ /tha snyad pa'i dag ni rten gyi sgo nas yin pa'i phyir/ 'ga' zhig kyang 'ga' zhig la brten nas gnas pa yin no/ /gal te zhes bya ba la sogs pas bshad zin pa'i don bsdus nas ston pa yin no/ /gal te gzhan las dngos 'jig na/ /de'i tshe ji srid 'jig pa'i rgyu nye bar mi gnas pa de srid du dngos po de bdag nyid rjes su 'jug pa de ltar na/ de'i cung zad kyang mi byed pa'i gnas rgyus ci zhig bya/ dngos po de gzhan med par 'jig na yang/ 'jig pa'i rgyu thag nye bar med par dngos po rang nyid 'jig pa'i bdag nyid can yin pa de ltar na/ gnas pa'i rgyu rnams nus med yin/ /de gnas par bya ba'i phyir gnas par byed ba 'dod pa de'i tshe/ rang bzhin ldog pa med pa nyid kyi phyir gnas par byed pa yod na yang/ de nyid kyi 'jig par 'gyur ba yin pa de ltar na/ gnas pa'i rgyu rnams nus pa med pa yin pa'i phyir gnas pa'i rgyus ci zhig bya/ gzhan yang dngos po gang zhig rten bcas zhes bya ba ste/ thams cad gnas ldan dang skye ba can zhes bya ba dngos po 'ga' zhig skye ba dang ldan pa gang yin pa de ni/ kun rten bcas yin par 'dod pa des na de zhig
- 44a
bdag la brten pa'i bde ba la sogs pa'i gang dag yin pa'i rten rtag pa de dag ni rtag tu gnas par byed pa dang ma bral pa'i phyir 'jig pa med pa nyid yin no/ /gang dag gis yang mi rtag pa nyid rten yin na de'i yang gzhan dang/ de'i yang gzhan cha yin pa de ltar na/ rdul phra rab rtag pa'i bang du brten yin pa'i phyir rtag tu gnas pa nyid du 'gyur ro/ /gang gi phyir sems la sogs pa 'byung ba'i chos rnams kyang 'byung ba rnams kyi rang bzhin 'jig pa med pa'i phyir gnas pa de ltar na 'jig pa med pa nyid yin pa de'i phyir dngos po thams cad ni 'ga' zhig gi tshe na'ang 'jig pa yin/ dngos po 'ga' zhig gang yin pa de'i ngo bo nyid kyis 'jig pa'i dang tshul can gyi rang bzhin nam/ ma yin pa yin grang/ gal te rang 'jig dang tshul bdag yin na/ de'i tshe rang bzhin bzlog pa med pa nyid kyi phyir/ de nyid kyis 'jig par bya ba nyid yin pa de ltar na/ de'i gnas byed gzhan gang yin/ dngos po dag la te rang 'jig dang tshul bdag min na de'i tsha bdag nyid gnas pa yin pa de ltar na/ de'i gnas byed gzhan gang yin// de ltar na rnam pa gnyi ga ltar na yang rten grub pa ma yin no/ /'dis kyang las dang sems dag nye bar len pa dang/ nye bar len pa can gyi dngos po ma yin te 'ji ltar lus kyi phul byung 'grib pa ste/ /lus kyi yon tan 'phel ba dang 'grib pa med par yang/ blo'i byed pa'i khyad par gyis/ /yid kyi rnam par shes pa'i byed pa'i khyad par gyis de'i yon tan 'phel pa dang/ 'grib bdag gis shes rab la sogs phul
- 44b
'byung dang/ 'grib pa dag tuAng 'gyur ba yin/ sogs pa smos pas ni byams pa dang snying rje dang/ 'dod chags dang bral ba dang/ skyo ba dang skyo ba med pa dang/ 'dod chags dang/ zhe sdang dang/ gtsi mug dang/ dran pa dang/ yid gzhungs phal sogs pa dag kyang ngo/ /lus kyi byed pa'i khyad par gyis 'phel ba dang 'grib pa la bltos pa med par blo'i byed pa'i khyad par gyis 'phel ba dang 'grib pa'i sgo nas shes rab la sogs pa'i phul du byung ba dang 'grib pa nyams su myong ba'i chos gang yin pa/ 'di ni mar me'i 'od la sogs/ brten pa rnams la yod ma yin no/ /'o na ci yin zhe na/ sgron ma la sogs pa'i byed pa 'phel ba dang 'grib pa dag nyid kyis sgron ma la sogs pa de dag gi nye bar len pa can 'od la sogs pa dag gi phul du byung ba dang phul du byung ba ma yin pa nyams su myong bar 'gyur gyi/ de la bltos pa med pa'i don byed pas 'phel ba dang 'grib pa'i rjes su 'brang ba can ni ma yin no/ /sbyor ba ni gang zhig byed pa'i khyad par gyis 'phel ba dang 'grib pa dag gis bltos pa med pa'i byed pa'i khyad par gyis 'phel ba dang/ 'grib pa can de la bltos par med par phul du byung ba dang 'grib pa nyams su myong pa gang yin pa de ni de'i nye bar len pa'i rgyu can dang/ de las gzhan pa'i nye bar len pa'i rgyu can du 'gyur ba ma yin te/ dper na sgron ma'i byed pa'i khyad par gyis 'phel pa dang 'grib pa dag gis bltos pa med pa'i myu gu byed pa'i khyad par gyis 'phel ba dang 'grib pa de la bltos pa med par sgron ma'i 'od kyis phul du byung ba dang 'grib pa nyams su myong ba lta bu'o/ /blo'i byed pa'i khyed bde gyis 'phel ba dang 'grib pa dag gis bltos la med pa'i kyi byed pa'i khyad par gyis 'phel ba dang 'grib pa de la bltos pa med par/
- 45a
shes rab la sogs pa'i phul du byung ba dang 'grib pa nyams su myong bar 'gyur ro zhes bya ba ni rang bzhin gyi gtan tshigs so/ /bsgrub par bya ba gnyis pa las bltos nas 'gal bas khyab pa dmigs pa yin no// lus de las kyang brgyud pas shes rab la sogs pa 'di'i phul du byung ba'i khyad par 'byung bar 'gyur gyi/ sems phan 'dogs byed min la min/ /sems la phan 'dogs par byed pa nyid kyi sgo nas shes rab la sogs pa la lus ban 'dogs par byed par 'gyur ro/ /'dis ni blo'i byed pa'i khyad par gyis 'phel ba dang 'grib pa'i phyir ro/ /bltos pa med pa'i lus kyi byed pa'i khyad par gyis 'phel ba dang 'grib pa de la bltos pa med pa nyid ni shes rab la sogs pa'i gtan tshigs kyi don du sgrub pa yin no/ /gal te blo'i byed pa'i khyad par gyis 'phel ba dang 'grib pa med par lus yan gar las kyang 'dod chags la sogs pa 'phel ba'i rgyu mtshan mthong ste/ 'di ltar lus rgyas par 'gyur pa de'i tshe/ 'dod chags 'phel bar 'gyur zhing gdung ba las zhe sdang 'gyur ba de ltar na gtan tshigs ma nges pha kho ni bzhin no zhe na/ de ni ma yin te 'di ltar rgyus sogs 'dod chags la sogs pa phal/ sogs pa dang po smos pas ni gdung ba las so /ci rigs par de na 'ga' zhig tshe na bde sdug skye/ 'dod chags 'phel ba na bde ba las skye ba'o/ /zhe sdang 'phel ba ni sdug bsngal las skye'o// 'ga' zhig cha zhes bya ba smos pas lus la sogs ba rgyas pa las gdon mi za bar 'dod chags la sogs pa ma yin te/ /'di ltar de yod pa zin kyang skyes bu'i ngo bo nyid kyis 'dod chags la sogs pa ma yin
- 45b
te/ 'di ltar de yod ma zin kyang skyes bu'i ngo bo nyid kyis 'dod chags la sogs pa chung ba 'am/ so sor rtog pa dang tshul can gyis 'dod chags la sogs pa phul du byung ba med pa de shes par byed do/ /gang gi tshe rgyas pa la sogs pa yod na zhes bya ba'i tha snyad du byed pa de'i tshe yang dngos su ma yin te/ 'di ltar lus rgyas su zin kyang ji srid skyes bu yid bde bar mi 'gyur ba de srid du/ 'dod chags de dang rjes su 'brel bar mi 'gyur zhing/ de bzhin du zhe sdang yang ji srid yid mi bde ba med par yang ngo/ /yid bde ba dang yid mi bde ba de yang bde ba dang sdug bsngal gyi sgo nas yin no/ /bde ba dang sdug bsngal de dag kyang khams ni snyoms pa las byung ba yin no/ /sogs pa smos pas ni khams mi snyoms pa la sogs pa las so/ /nang gi don reg bya'i khyad par gang yin ba nye ba de'i phyir ci rigs par bde ba dang sdug bsngal gyi khyad par yin no/ /'di skad du khams snyoms pa dang/ snyoms pa las nang gi reg bya'i khyad par rtogs par byed pa pos ci rigs par rang gi yul gyis reg bya'i rnam par shes pa la phan 'dogs par byed pa dang gnod par byed pa gang yin pa des/ de ma thag pa'i rkyen gyi ngo bos phyis kyi rnam par rtog pa'i blo la phan 'dogs par byed pa dang gnod pa byed do zhes bstan par 'gyur ro/ /de las 'dod chags dang zhe sdang nyid yin pa de ltar na/ brgyus pas lus las 'dod chags la sogs pa 'phel ba yin no// de bzhin du bcud kyis len pa dang yid gzhungs par byed pa sogs pa'i nye bar sbyor ba la sogs pa las dran dang yid gzhungs pa la sogs pa'i yon tan yin par rtogs par bya'o/ /des na yul lam dbang po'i shes pa'i
- 46a
rten gyi dbang po las de'i shes pa phan 'dogs pa dang gnod pa byed pa'i sgo nas kyang de 'dra ba'i 'dod chags la sogs pa'i gnas pa thob pa de ltar na/ /de tsam gyis de dag gi yul nye bar len pa ma yin zhing/ / de bzhin du dbang po dang lus ma yin pa'i phyir ma nges pa ma yin no/ /bshad ma thog pa des ni 'dus pa la sogs las sogs pa smos pas ni sbyar ba'i dug la sogs pa'i nye bar sbyor ba las so/ /dran pha nyams sogS Fbshad pa yin/ /dper na de dag gis lus dngos su 'gyur ba'i rgyu ma yin ba lta bu'o/ /sogs pa smos ba ni rmongs pa dang/ dran pa rnam par g.yeng ba la sogs pa bzung ngo/ /ci'i phyir zhe na/ yid kyi blos ni 'gyur bar Fbyed phyir ro/ /ni ni gang gi phyir ro/ /ci 'dra ba zhig ce na/ nad don khyad par las skyes pa'i/ nang gi don reg bya'i khyad par las skyes ba'i blo ni nye bar mtshon pa tsam yin te/ dbang po yang de'i rnam par shes pa'i rten yin par bzung ngo// rten des kyang reg bya'i rnam bar shes bar 'gyur bar byed de/ de'i sgo nas yid kyi rnam par shes pa yang 'gyur bar byed do/ /zhes bya ba'i don to/ /nges par 'dus pa la sogs pa las gdon mi za bar 'byung bar yang ma yin no/ /rgyud bas kyang phan 'dogs par byed pa de tsam gyis phan gdogs par bya ba de'i nye bar len pa ma yin te/ don gyi sgo nas kyang de ltar yid rnam par 'gyur ba'i phyir ro/ /ji ltar zhe na /dper rgyud la la'i phul byung las/ /bsam pa med pa can gyi sems kyi rgyud la/ rtag nyid dag ni khrag la sogs/ /thos pa dang ni mthong pa las/ /stag thos ba'i? rgyu las so// sogs pa smos pas ni bu la sogs pa shi
- 46b
ba thos pa las/ rmongs pa la sogs 'byung 'gyur bzhin/ /sogs ba'i sgra smos pas ni rnam par g.yeng ba dang shi ba la sogs pa bzung ngo/ /de ltar na rgyud kyi bye brag 'ga' zhig la khrag la sogs pa mthong ba las kyang ngo// sogs pa smos pas ni gzhan yang 'jigs su rung ba'i gnas la sogs pa mthong ba las 'jigs pa las brgyal ba dang/ spu zing zhes bya ba la sogs pa 'byung ba bzhin no/ /de tsam gyis ni phyi rol gyi don nges par blo'i nye bar len pa ma yin te/ don gyi 'gyur ba de lta bur 'gyur ba'i rjes su mi 'jug pas blo ni de'i rjes su mi byed ba'i phyir ro/ /ji ltar blo snga ma snga ma la blo nges par rjes su 'jug pa de ltar lus 'dus byas pa ma yin no/ /de phyir rigs mthun pa'i rnam par rtog pa'i rnam shes pa gang zhig 'dus byas par/ /nges par shes su 'jug pa yi/ sems ni de med pa'i byung yin/ /de med mi 'byung ba nyid yin ba de phyir sems de ni sems la rten pa'o/ /rigs mthun pa'i sems nyid 'di'i nye bar len pa yin gyi/ lus nye bar len pa 'am dngos su lhan cig byed pa'i rgyu ma yin no/ /nges bar des? 'dus byas pa'i yang rjes su 'jug pa ma yin te /dper na dbang po'i shes pa de nyid kyi yul gyi rjes su 'jug pa lta bu'o/ /sbyor ba ni gang zhig gang 'dus byas pa'i rjes su nges par 'jug pa de ni/ de med na mi 'byung ba'am de la brten pa yin te/ dper na 'od ni sgron ma legs par byas pa'i rjes su nges par 'jug pa lta bu'o/ /de ma thag ba'i sems kyang sems snga ma legs par byas ba'i rjes su nges bar 'jug pa yin no zhes bya ba ni rang bzhin gyi gtan tshigs so/ /gang zhig 'dus byas
- 47a
pa'i rjes su gang nges par mi 'jug pa de ni de'i dngos su nye bar len pa'i rgyu 'am/ lhan cig byed byed ba'i rgyu ma yin te/ dper na gangs can 'bigs byed legs par byas pa'i rjes su nges par mi 'jug pa lta bu'o// yid kyi rnam par shes pa yang lus 'dus byas pa'i rjes su nges par 'jug pa ma yin no zhes bya ba ni bsgrub par bya ba gnyis pa la bltos nas kyang 'gal bas khyab pa dmigs pa yin no/ /gang gi phyir dngos su lus nye bar len pa'i rgyu ma yin ba de'i phyir cig byed pa'i rgyu ma yin pa de'i phyir de log bas blo'i rgyun chad ba ma yin no/ /sbyor ba ni gang zhig gang gi rgyud gnas pa'i phyir dngos su nye ba'i rgyu 'am lhan cig byed ba'i rgyu ma yin pa de ni log pa na nges par de log pa ma yin te/ dper na ba lang dang ba men lta bu'o/ /yid kyi rnam par shes pa'i rgyud kyi yang lus ni dngos su nye bar len pa'i rgyu 'am/ lhan cig byed pa'i rgyu ma yin no zhes bya ba ni khyab bar byed pa 'gal ba dmigs ba'o/ /gzhan yang ci sems nyid nus pa'am/ yon tan nam 'bras bu gang yin pa de lus las don gzhan du gyur pa'am 'on te lus nyid yin grang na /don gzhan nyid yin na ni lus la brten pa ma yin no zhes lan mang du bshad zin to/ /tha dad pa nyid ma yin ba de'i tshe/ ji ltar thos sogs 'dus byas pa/ / sogs pa'i sgra smos pas ni bzo'i las kyi man ngag nan tan du byed pa 'dus pa la sogs pa bzung ngo/ /byas ba sems te 'dus gcig gi tshe sems nges par ma bzung ba yang sems de nyid la dus su 'dus byas pa rkyen ji ltar ba bzhin du mngon par gsal bar 'gyur ro/ /thos pa la sogs pa 'dus byas pa las blo'i phul du 'byung ba dag 'dus byas pa de nyid las dus gzhan du yon tan mngon par gsal ba/ de ltar lus la'ang yon tan 'gyur/ ci'i phyir zhe na/ tha dad pa med pa'i rgyu'i phyir ro//
- 47b
sbyor ba ni gang zhig gang rang bzhin du gyur pa de 'dus byas pa na/ de 'dus byas par 'gyur te /dper na sems 'dus byas na sems de nyid 'dus byas pa lta bu'o/ /lus kyang sems kyi rang bzhin du gyur pa yin no zhes bya ba ni rang bzhin gtan tshigs so/ /'gyur ba yang ma yin pa de bas na 'dus byas pa na yang /'dus byas pa skye ba med pa'i phyir de ni de'i rang bzhin du gyur pa ni ma yin no/ /bzlog pa ni gang zhig 'dus byas pa na yang /gang 'dus byas par 'gyur ba ma yin de ni de'i rang bzhin du gyur pa ma yin te/ dper na snam bu 'dus byas pas bum pa 'dus byas pa ma yin ba ni snam bu'i bdag nyid ma yin ba lta bu'o/ /thos pa la sogs pa'i 'dus byas pas yid kyi rnam par shes pa 'dus byas pa na yang lus kyi 'dus byas pa'i yon tan ma yin no zhes bya ba ni khyab par byed pa mi dmigs pa'o/ /ma grub pa yang ma yin te lus kyi yon tan snang ba nyid las 'dus pa byed pa dang mngon par gsal ba'i dus dag gi thos pa la sogs pa 'dus byas pa'i lus kyi yon tan nye bar mtshon pa med ba'i phyir ro/ /gang gi phyir de lta yin ba de'i phyir /sems can gzhan gyi bkri min pa/ dbang phyug la sogs pa la rag las pa med ba'i srog chags gang yin pa 'dri ni /dman pa'i gnas ni yongs su len/ /mngal gyi gnas yongs su len pa ste /mngon par chags pa sngon du bod ba'i zhen pas shes bya ba'i don to/ /'dis ni yongs su len pa dang bcas pa'i rgyu bstan to/ /bdag la chags pa dang ldan ba'i/ /srog chags rnams kyi bde ba thob par 'dod ba dang/ sdug bsngal dor bar 'dod pa zhes bya ba ni tshad ma'i 'bras bu'o// //tshad ma rnam 'grel gyi 'grel pa/ /bam po bco lnga ba'o/ /sbyor ba yang gang zhig sems can gzhan gyi bkri bar bya ba ma yin pa dman pa'i gnas yongs su shes pa de ni bdag la chags pa dang ldan
- 48a
pas sdug bsngal dang bde ba dor ba dang /thob bar 'dod pa sngon du song ba can yin te/ dper na sbrang bu dag mi gtsang ba'i gnas yongs su len pa 'am /'dod chags can dag bud med kyi ro'i lus la sogs pa yongs su len pa lta bu'o/ / sems can gzhan gyis bkri ba ma yin pa yang dman ba'i gnas yongs su len pa ste /srog chags rnams mngal la sogs pa'i gnas yongs su len to zhes bya ba ni 'bras bu'i gtan tshigs so/ /skyes bu gnyid log pa las ltung ba 'am bag med par mi gtsang ba dang g.yang sa la sogs pa'i gnas su ltung de bdag nyid 'dod ba dang /gnas de len pa dang /mngon par dga' bsam yin ba de ltar na 'dis ma nges pa yin par dogs par ma gyur cig snyam ba de nyid kyi phyir// yongs su len ba'i sgras mngon par chags pa bstan pa yin no/ /ma grub pa yang ma yin te /sngar dbang phyug gsal ba'i phyir /ci'i phyir gzhan gyis bkri ba nyid yin gang gi phyir sman pa'i gnas la mngon par chags pa ni sdug bsngal la bde ba'i blo'i mtshan nyid can yin bde ltar na /sdug bsngal te mngal la sogs pa'i gnas la/ phyin ci log blo dang/ de ni bde ba yin no zhes bya ba de'i rgyu can te/ sdug bsngal dang bde ba dang dor ba dang thos ba'i mtshan nyid can no/ /sred pa ni skye ba'i kun nas 'ching ba'i rgyu sred ba'i sgo nas bdag tu chags pa yang phangs pa nyid yin no/ /des ni lung gi don ston par byed pa yin te/ srog chags gang gis yang sred ba dang phyin ci log pa'i blo med pa yin te/ bdag tu mngon par zhen pa spangs ba'i phyir ro/ /rgyu med pa'i phyir de'i skye ba mi 'thob bo/ /de'i tshe 'khor ba las grol bar 'gyur ro/ /de ltar ni 'gyur mod kyi /gal te 'gro 'ong ma mthong na /sems can skye ba yongs su len par byed pa'i dang tshul can du mngon par 'dod pa 'di'i 'di?
- 48b
nas ma 'ongs par 'gro ba mi mthong ba dang/ snga ma'i gnas las mngal gyi gnas su 'gro ba mi mthong ba de ltar na /ji ltar na 'di 'ga' zhig las 'ongs nas mngal gyi gnas yongs su len pa yin te/ sbyor ba ni 'ga' zhig gi 'gro ba dang 'ong ba mi mthong ba de ni 'ga' zhig las 'ongs nas 'ga' zhig tu gnas pa ma yin te/ dper na 'gro ba dang 'ongs ba ma mthong ba can gyi mo sham gyi bu lta bu'o/ /srog chags 'di'i mngal la sogs par 'gro ba dang 'ong ba ma mthong ngo zhes bya ba ni/ khyab par byed pa mi dmigs pa yin par sems so/ /khyod kyis dbang po mi gsal ba'i rgyu'i phyir mi mthong ba yin no/ /ci dang 'dra bar zhe na /dper na mig mi gsal can kyi skyes bus du ba chung du mi dmigs bzhin/ /dper na mig nyams pa can gyis du ba cha phra ba nges par mi 'dzin pa de dang 'dra ba de ltar na 'dis ni spang bar bya ba dmigs pa'i mtshan nyid kyir gyur pa ma yin pa ma mthong du zin kyang /med par ma grub ba'i phyir ma nges pa bstan pa yin no/ /ci ste gzhan dag gis kyang ma mthong ba de ltar na gtan tshigs kyi don de ni ma grub ba yin te/ de ltar na 'ga' zhig gis mthong ba nyid du 'gyur ro/ /'ga' zhig gis phra ba dang dri la sogs pa nye bar mtshon pa med pa me rnams grogs sbur la sogs pa sna'i dbang po gsal ba can rnams kyis dmigs pa de ltar na /rang gi mthong ba ldog pa tsam gnod ba can ma yin pa'i phyir spang bar bya ba ma yin no/ /yod pa'i tha snyad la rjes su dbag pa yang bshad zin to/ /de ltar ni 'gyur na/ srog chags lus dang ldan par 'jug pa lus kyi rnam pa dang ldan pa ji ltar na sgrib bar byed ba ma yin/ sbyor ba ni gang dang gang lus dang ldan pa nyid du khas len de ni lus gzhan la sgrib par byed ba nyid du 'dod bar bya ste /dper na snam bu dang bum pa lta bu'o/ /khyod kyi sngar gyi lus kyang
- 49a
lus can nyid du 'dod pa yin no zhes bya ba ni rang bzhin gyi gtan tshigs yin par sems so/ /'dir gtan tshigs 'dis ni ma nges pa yin no/ /de ltar na rdzas 'ga' lus can dag yin yang/ srab pa nyid de dang ba nyid kyi rgyu'i phyir/ / gzugs can gzhan la lar thogs can min par mthong ngo/ /ci dang 'dra bar zhe na/ chu bzhin te bum pa la sogs pa lus can la chu lus can yin du zin kyang 'dzag pa nyid yin no/ /gser dang dngul chu bzhin /dngul chu lus can yin du zin kyang gsor gyi rjes su 'jug pa lta bu'o/ /nyi ma'i 'od zer gyis kyang shel phigs dang shing la 'jug par byed pa de ltar na ma nges pa yin no/ /ma mthong phyir na med nyid min/ /de ltar ma mthong ba zhes bya ba mi snang ba tsam las kyang med pa nyid du 'gyur ba 'am yin pa de ltar na spang bar bya ba ma yin no/ /gzhan yang lus sems kyi nye bar len par 'dod pa gang yin ba de ni gcig gam du mar 'gyur grang na /re zhig gcig ma yin no/ /de ci'i phyir zhe na/ lag sogs g.yon thams cad dag/ lus kyang g.yo ba thob phyir te/ /tha dad pa med pa'i phyir ro/ /de'i gcig g.yo ba dang mi g.yo ba mi rigs te/ gcig pa nyid nyams pa'i phyir ro/ /sbyor ba ni gang zhig gang las tha dad pa med pa de ni de g.yo ba na g.yo ba yin te dper na rang gi ngo bo nyid lta bu'o/ /rkang pa la sogs pa yang lag pa dang tha dad pa med pa'i bdag nyid can yin no zhes bya ba ni rang bzhin gyi gtan tshigs so/ /de ltar yang ma yin te de las bzlog pa ni gang zhig gang g.yo ba na mi g.yo ba yin te dper na rang gi ngo bo mi dad pa ma yin te/ dper na lhas byin 'gro ba ni/ mchod sbyin 'dug pa lta bu'o/ /rkang pa la sogs pa yang lag pa g.yol na mi g.yo ba zhes bya ba ni khyab par byed pa mi dmigs pa'o/ /'gal ba can gyi las ni gcig la mi
- 49b
rung phyir gcig la 'gal ba'i las ni mi rigs so zhes bya ba'i don to/ /dper na g.yas dang g.yon gyi lag pa gnyis po dag ni yul tha dad par 'gro bar rung ba ma yin pa lta bu ste/ lag ba g.yas pa lho phyogs su 'gro ba na /g.yon pa yang de bzhin du 'gyur ro zhes bya ba'i don to/ /de ltar yang ma yin te gang gi phyir tha dad par 'gro ba de'i phyir gcig nyid yin par mi rigs so/ /de ltar mi 'gyur na/ yan lag g.yo ba yin gyi/ yan lag can ma yin pa de ltar na/ thal ba'i gtan tshigs ma grub cing zlog pa ni grub pa la sgrub pa yin no zhe na /gzhan tu tha dad grub par 'gyur /de na yan lag dang yan lag can tha dad pa nyid du 'gyur ro/ /sbyor ba ni gang zhig gang g.yo ba na bdag nyid mi g.yo ba de ni de las tha dad bar 'gyur te/ dper na chu g.yo ba na snod mi g.yo ba lta bu'o/ /yan lag can yang yan lag rnams g.yo ba na mi g.yo bo zhes bya ba ni rang bzhin gyi gtan tshigs so/ /'di nyid bzlog pa ni gang zhig gang las ldan pa can gyi yul tha dad pa can ma yin ba de ni de g.yo ba na yang mi g.yo ba yod pa ma yin te /dper na lag pa de nyid kyi rang gi ngo bo? lta bu'o/ /lus kyang lag pa las ldan pa can gyi yul tha dad pa can ma yin no zhes bya ba ni khyab par byed pa mi dmigs pa'o/ /gcig sgrib pa na ste phyogs cig sgribs na lhag ma thams cad dag/ bsgribs par 'gyur te tha dad pa med pa'i phyir ro/ /sbyor ba ni gang zhig gang kho na yin pa de ni bsgribs pa na bsgribs pa yin te/ dper na de nyid kyi rang gi ngo bo lta bu'o/ /ma bsgribs pa yang bsgribs pa nyid yin no zhes bya ba ni rang bzhin gyi gtan tshigs so/ /bsgribs pa yang ba yin pa de bas na tha dad pa yin no/ /bzlog pa na gang zhig gang bsgribs pa na ma bsgribs pa de ni de nyid ma yin te dper na ba lang bsgribs pa na rta ma bsgribs pa lta bu'o/ /rkang pa yang lag pa bsgribs pa yin no zhes bya ba na khyab par byed pa mi dmigs
- 50a
pa'o/ /de ltar ni 'gyur mod kyi yan lag bsgribs pa na yan lag can ma yin no zhe na /de'i tshe na bsgribs na ji ltar sngar de mthong ba de ltar phyogs cig bsgribs su zin kyang mthong bar 'gyur ro/ /sbyor ba ni gang dang gang rgyu tshogs pa gags byed pa med pa can yin ba de'i skye ba yod pa yin te/ dper na rgyu tshogs gags byed pa med pa can gyi myu gu la sogs pa lta bu'o/ /yan lag can gyi yul can gyi mthong ba la yang rgyu tshogs pa gags byed pa med pa can yod do zhes bya ba ni rang bzhin gyi gtan tshigs so/ /gal te gang gis yan lag 'dzin pa'i thabs mthong ba can de la sgribs pa na mthong ba med pa'i phyir ma grub pa yin no zhe na/ ma yin te yan lag thams cad mthong ba mi srid pas na/ 'phrod pa 'du ba mthong ba med pa can de nyid mthong bar khas len pa'i phyir ro/ /gzhan yang phyogs gcig tshon gyis bsgyur ba na/ phyogs thams cad bsgyur ba thob par 'gyur ro/ /de la tha dad pa yod ba ni ma yin na/ gang gis na cung zhig bsgyur ba dang cung zhig ma yin/ sbyor ba ni gang zhig gang kho na yin pa de ni de bsgyur ba na bsgyur ba nyid yin te/ dper na tshon gyis bsgyur ba'i rang gi ngo bo lta bu'o/ /ma bsgyur ba yang bsgyur ba nyid yin no zhes bya ba ni rang bzhin gyis gtan tshigs so/ /bsgyur ba yang ma yin pa de bas na bzlog pa ni gang zhig gang bsgyur ba na ma bsgyur ba de ni de las tha dad pa yin na/ dper na la ba bsgyur ba na snam bu ma bsgyur ba lta bu'o/ /phyogs gnyis pa yang phyogs gcig bsgyur ba na bsgyur ba ma yin no zhes bya ba ni khyab par byed pa mi dmigs pa'o/ /gzhan yang bsgyur ba ma rtogs 'gyur/ /bsgyur ba'i phyogs dang ma bsgyur ba'i phyog? bas dang 'dra bar mthong bar 'gyur te tha
- 50b
dad pa ma byung ba'i phyir ro/ /sbyor ba ni gang zhig gang kho na yin pa de ni de ma sgyur ba na ma bsgyur ba yin te/ dper na ma bsgyur ba'i rang gi ngo bo lta bu'o/ /bsgyur bar mngon par 'dod pa yang ma bsgyur ba kho na yin no zhes bya ba ni rang bzhin gyi gtan tshigs so// lus dang bum pa la sogs pa'i de phyir tshogs pa gcig yod min /bshad ma thag ba'i rgyu'i phyir ro zhes bya ba ni mjug bsdu ba'o/ /gal te rdul gnyis pa la sogs pa'i rims kyis brtsams pa'i yan lag can gcig yod pa yin ba de'i tshe/ du ma nyid yin na yang khas len na yang ji ltar rdul phra rab rnams kyi gnas skabs da sngar dbang po la sogs pa yin na/ phyis kyang de nyid yin pa de ltar na/ sngar bzhin khyad par med pa'i phyir/ /dbang po las 'das pa nyid du 'gyur ro// phra phyir de rdul phra mo gang yin pa de dang de dag ji ltar sngar bzhin pa de ltar tshogs su zin kyang/ dbang po las 'das pa nyid yin no/ /de ltar na mi rtogs pa sde 'ga' zhig gis kyang mthong ba thob par mi 'gyur ro/ /sbyor ba ni gang zhig dbang po las 'das pa'i ngo bor khyad par med pa de'i dbang po las h'das pa yin te/ dper na rdul phran rnams kyi sngar gyi gnas skabs lta bu'o/ /phyis 'byung ba'i gnas skabs mthong bar mngon par 'dod pa yang/ dbang po las 'das pa'i ngo bor khyad par med pa yin no zhes bya ba ni rang bzhin gyi gtan tshigs so/ /rdul phran gang yin ba de dag ni dbang po las 'das pa te gnas skabs snga ma rdul phran dag lta bu'o// phyis kyang rdul phran yin no zhes bya ba ni rang bzhin gyi gtan tshigs nyid yin no/ /gang dang gang dbyer mi nus shing snga ma'i ngo bo las 'pho ba med pa can yin ba de ni lhan cig pa yin du zin kyang mi nus pa nyid yin te/ dper na long bas nyi ma mthong ba la dbyer mi nus shing /lhan cig tu zi
- 51a
kyang mi nus pa yin pa lta bu'o/ /phyis kyi rdul phra rab rnams kyang dbang po'i rnam par shes pa tha dad pa skyed par mi nus shing /sngar gyi ngo bo las 'phos pa med pa can yin no zhes bya ba ni rang bzhin gyi gtan tshigs so/ /khyad med mi 'grub ces bya ba 'dis ni gtan tshigs snga ma dang phyi ma ma 'grub pa ston par byed pa/ de ltar na de'i gnas skabs de ni snang ba dang nus pa skye ba gzhan nyid yin te /gang la 'jig rten bum pa la sogs pa'i tha snyad 'jug par 'gyur ba'o/ /rdul phra rab dbang po las 'das pa gang yin pa de dag nyid kyang phyis ma yin gyi/ 'on kyang de dag la brten nas khyad par can gzhan nyid skye bar 'gyur ro/ /khyad par can de rnams dbang pos bzung yin de phyir te /dbang pos bzung bar bya ba nyid yin pa'i phyir /rdul phran min te gtan tshigs gnyis pa yang ma grub pa yin no/ /de'i tshe rdul phran de dag tha snyad kyi yul ma yin no/ /'o na ci yin zhe na/ lus la sogs pa'i tha snyad du bya bdag yin te/ ji ltar snam bu'i gnas skabs can gyi snal ma rnams la snal ma zhes mi brjod kyi/ /'on kyang snam bu zhes bya ba yin pa de ltar na lus la sogs pa'i gnas skabs can gyi rdul phran rnams la yang rdul phran gyi tha snyad du mi byed pa yin no/ /bshad ma thag pa mi snang ba nyid spong ba/ de ni sgrib byed la sogs rnams/ sogs pas ni thogs pa la sogs pa bzung ngo/ /med pa rnams kyang 'di ltar gal te rdzas gcig mi 'dod pa de'i tshe ji ltar de dag gi snga ma'i gnas skabs kyi rdul phra rab kyi ngo bo sgrib par mi byed pa dang thogs ba mi byed pa de ltar phyis kyi yang khyad par med pa'i phyir sgrib par byed pa ma yin pa dang /thogs par byed par mi 'gyur ba de ltar na gsal ba yin no/ /de ltar na snga ma las mtshan nyid mi 'dra
- 51b
bar skyes pa gzhan gang yin pa de nyid ni de ltar byed pa'i phyir /rdzas su rtog pa rigs pa ma yin no/ /gzhan yang gal te rdzas med par ma mthong bde lta na ni/ gser la dngul chu la sogs 'dres par gyur pa na /rdul phra rab kyi chod pa'i ji ltar snang bar 'gyur/ de la rigs mi mthun pa'i rdul phra rab phrad pa nyid yin pa de ltar na rdzas brtsom pa nyid ma yin te/ rigs mi mthun pa phrad de tshogs pa'i rdul phra rab rnams kyi rdzas rtsom pa'i phyir ro/ /de med pa'i phyir 'dres pa de ji ltar snang bar 'gyur rdzas med par yang snang ba de ltar na rtog pa de don med pa can yin no/ /sogs pa smos pas ni 'o ma dang chu la sogs pa gzhan 'dres pa yang bzung ngo/ /rngo tshan la sogs ji ltar snang/ /ji ltar me'i rdul phra rab rnams dang/ shing rang rdo la sogs pa'i rdul phra rab rnams phan tshun 'dres par gyur pa de ltar na rigs mi mthun pa la rdzas rtsom pa med pa'i phyir/ rdzas med pas ma mthong ba nyid 'gyur ro/ /gang dbyer mi nus pa zhes bya ba'i sbyor ba la yang/ khyed kyi 'dod pas ma nges pa yin te gang dbyer mi nus shing ngo bo las 'pho ba med pa can yin pa de ni lhan cig pa yin du zin kyang /nus pa med par 'dod pa de'i tshe /dbang sogs so sor nus med rnams/ /mig dang gzugs dang snang ba dang yid la byed pa bdag nyid kyi ngo bo las 'pho ba med pa de dag rnams kyi phyis kyang rtogs pa dag ste/ shes pa bskyed pa ji ltar yin no/ /de ltar gyur pa yang ma yin na 'dod do/ /bden te lhan cig pa yin du zin kyang de dag nyid yin mod kyi 'on kyang de dag gis ldan pa skyed par byed do/ /de bas na gal te de dag ldan las shes pa de yin gyi de dag las ma yin no zhe na/ de zhig ldan pa la yin ba yang bla ste/ da ltar na yang dbang po la sogs pa yang de'i tshe byed pa po nyid du 'dod pa yin no/ /de rnams kyi byed pa po nyid
- 52a
sngar yod pa ma yin pa nyid yin na /de gang las yin par 'dod na yang ma nges ba nyid yin no/ /gzhan yang 'dir thal mtshungs/ ji ltar de dag shes pa skyed pa'i phyir sngar nus pa med pa de ltar phyis kyang ma yin pa de ltar na/ ldan pa skyed na yang de dag ji ltar na byed pa po yin/ 'dod pa yang yin pa de ltar na lan nyid ma yin no// kho bo yi ni tshogs pa mchod pa la sogs pa dang ldan pa can gzhan nyid yin pa gang yin pa de ni nus pa yin pa de ltar na kha na ma tho ba med do/ gal te gser dang dngul chu yi/ /ldan pa snang ba yin zhe na/ gser dang dngul chu la sogs pa 'dres par snang ba gang yin pa'i rdzas ni yod pa ma yin mod kyi/ 'on kyang rigs mi mthun ba'i rdul phran la brten pa'i ldan pa snang ba 'di ltar na mi snang ba yin no zhe na /gang las mi mthong ba na rten rtogs/ /rdul phra rab de dag rang gi ngo bor mi snang ba yin no/ ma mthong ba de dag la brten ba'i ldan pa gang yin pa de ni rten ma mthong ba can dbang po las 'das pa nyid kyang yin pa de ltar na /ji ltar de mthong ba yin ji ltar na/ ro gzugs la sogs ldan pa 'gal/ /ji ltar btung ba la sogs pa rdzas sna tshogs dang ldan pa'i mtshan nyid can gyi ldan pa ni btung ba la sogs pa'i ming can gyi yon tan yin na/ yon tan rnams kyang yon tan la med pa yin ba'i phyir/ /ji ltar na de'i ro dang gzugs la sogs pa ldan pa yin /sogs pa'i sgra smos pas ni dri dang reg bya la sogs pa bzung ngo/ /rdul phran rnams kyi gzugs la sogs pa gang yin ba de rnams rigs mi 'dra bas chos ba'i phyir ro/ /'bras bu rtsom pa can ma yin pa'i phyir bdag nyid kyang dbang po las 'das pa yin pa de ltar na/ gzugs la sogs pa 'dzin pa ma yin na/ 'jig rten na brdung? ba gzugs bcad pa dang
- 52b
btung ba zhim po zhes bya ba'i tha snyad kyang mthong ngo/ /de ltar ni 'gyur mod kyi gal te nyer btags pas 'dod na /rdul phran rnams tshogs pa 'dus pa gang yin pa de dag nyid la ldan pa yang 'du ba yin pa de ltar na don gcig la 'phrod pa 'du ba'i phyir ldan pa nye bar btags nas ro? la sogs pa rdul phra rab kyi chos rnams brtan pa yin te/ dper na btung ba rnams bzang po zhes bya ba lta bu'o/ /de la dngos su gzugs la sogs pa'i ldan pa yang yod pa ma yin no/ /gal te de ltar yin na de'i tshe/ blo yi tha dad yong bla ste/ ji ltar 'o ma la sogs pa la rigs mi mthun pa dang 'dres ba med par dngos kyi ro la sogs pa rtogs pa de ltar btung pa la sogs pa la zhim po la sogs pa'i blor ma gyur te/ nye bar btags pa tsam las dngos po de lta bu'i ngo bo can du mi 'gyur ro/ /sbyor ba ni gang dag dngos dang nye bar btags pa de'i chos can yin pa de dag ni de'i rgyu mtshan can gyi shes pa mtshungs pa'i yul dag ma yin te/ khra mo dang zhur bu bdag ni ba lang gi shes pa mtshungs pa'i yul dag ma yin pa lta bu'o/ /'o ma drang btung ba la yang dngos dang nye bar btags pa ro la sogs pa dang ldan pa can yin no/ /zhes bya ba ni khyab par byed pa 'gal ba dmigs pa'o/ /de ltar yang ma yin te/ srog chags thams cad la ro la sogs pa'i ngo bo yang dgra par rig pa'i ngo bo can gyi rtogs bar yod par 'gyur ba de ltar na/ 'dir bshad pa 'di sa ci zhig bya ste gang de ni cir yang mi rung ngo/ /gzhan yang gal te don gcig la 'phred pa 'du ba las de'i chos nye bar btags nas/ tha snyad byed pa yin na/ ji ltar mdar ba'i ring zhes bya ba'i tha snyad ji ltar yin/ khyed la ring ba nyid ma yin te/ 'di ltar bya rnams la brgyus pa ldan pa'i mtshan
- 53a
nyid can nam/ grangs kyi mtshan nyid can gyi 'du ba gang yin ba de ni bdag nyid yon tan nyid yin pa'i phyir ring po'i tshad kyi ming can gyi yon tan yod pa ma yin zhing /gang la 'du ba dang ldan pa nyid bya rnams la yang ma yin na/ ji ltar na mngar pa'i ring po zhes bya bas nye bar btags pas kyang ston par 'gyur/ /de bas na don gcig la 'du ba la don chos nye bar btags pas kyang tha snyad du bya ba'i rtogs pa legs pa ma yin no/ /gang la rdzas med pa de la yang gal te ldan pa las snang ba la sogs par rtogs pa de'i tshe de nyid gzhan la yang yod ba de ltar na/ gzhan yang yan lag can rtogs bas ci zhig bya/ gzhan yang /de ldan rang gi ngo bo nyid/ rdzas kyi ngo bo tha dad pa dang /brjod pa dag las tha dad par grangs ldan las la sogs pa yi/ snang bar gyur pa'i ngo bo 'ang blo la mi snang ngo/ /sogs pa smos pas ni rnam par phye ba dang/ gzhan nyid dang gzhan ma yin ba dang spyi la sogs pa bzung ngo/ /de ltar na grangs dang ldan pa rdzas dang sgra las tha dad pa ma yin no rdzas nyid kyang yod pa ma yin mod kyi/ 'on kyang re zhig khas blangs nas de skad du bshad do/ /de bas na gzugs la sogs pa nyid dang sgra 'ba' zhig yin gyi grangs la sogs pa cung zad kyang yod pa ma yin no/ /sbyor ba ni gang zhig gang med par rang gi ngo bo'i blo la mi snang ba de ni de las tha dad pa med pa 'am/ /don gzhan du gyur pa ma yin te/ dper na gzugs med bar mo shes gyi bu'i ngo bo'i gzugs sam/ gzugs de nyid kyi bdag nyid mi snang ba lta bu'o/ /grangs dang ldan ba dang rnam par phye ba dang/ gzhan nyid dang/ spyi dang las las dang rdzas la sogs pa yang gzugs la sogs pa med par blo la mi snang ngo zhes bya ba
- 53b
ni rang bzhin gyi gtan tshigs so/ /bsgrub par bya ba gnyis pa la bltos nas ni khyab par byed pa 'gal ba dmigs pa'o/ /gal te de bas na gzugs la sogs pa med par brjod pa las gzhan du grangs la sogs pa yod pa ma yin pa de'i che/ bum pa dang gcig dang yang dag par ldan pa dang /chen po dang 'gro ba zhes bya ba de lta bu la sogs pa'i tha snyad rnam grangs su 'gyur zhing/ shes pa yang gcig gi yul can du gyur pa yin pa de yang mi 'gyur ro/ /de'i phyir shes pa la sogs pa de dag ni don tha dad pa'i yul can yin ba de ltar na bum pa la sogs pa dag las grangs la sogs pa don gzhan nyid yin no/ /sbyor ba ni gang zhig gang las shes pa khyad par can gyi yul du gyur pa de ni de ltar don gzhan yin te/ dper na ba lang dang rta lta bu'o/ /grangs dang ldan pa la sogs pa yang rdzas las shes pa khyad par can gyi yul du gyur pa yin no/ /zhes bya ba ni rang bzhin gyi gtan tshigs yin bar sems so/ /dngos po tha dad ces bya ba la sogs bas ma des par ston par byed do/ /grangs la sogs pa'i yul can gyi sgra dang shes brtags don can te/ sgro btags pa'i spyod yul can dag yin no zhes bya ba'i don to/ /gang gis brtags pa'i don can yin zhe na/ rnam par rtog pas te/ rnam par rtog ba'i rnam par shes pas so/ /ci 'dra bas she na /dngos po tha dad rjes 'breng ba'i/ /sdud pa la sogs pa'i ldog pa'i yul can gyis so/ /des ni de ltar kun tu rtog pa'i rgyu mtshan bstan to/ /ci dang 'dra bar zhe na/ dper yon tan la sogs bzhin te/ dper na gzugs la sogs pa dag la gcig dang yang dag par ldan pa zhes bya ba la sogs pa'i shes pa dang sgra 'jug pa lta bu'o/ /de la yon tan du bgrang ba'i
- 54a
grangs la sogs ba ma yin te/ yon tan rnams la yon tan nyid med pa'i phyir ro/ /'jig dang ma skyes bzhin/ dper na 'jig pa gcig dang gnyis dang mang po dag ces skabs 'gar brjod pa lta bu'o/ /ma skyes pa rnams la yang dper na gcig dang gnyis dang du ma dag tu 'gyur ro zhes bya ba lta bu'o/ /de ltar na 'jig pa dang ma skyes ba cung zad kyang yod pa ma yin pa'i phyir ma nges pa yin no/ /gal te nyer btags 'dir 'dod na /gal te yon tan dag la gcig la sogs pa'i tha snyad nye bar btags pha las 'jug pa yin no zhe na /de'i tshe yon tan rnams la nye bar btags pa/ de rgyu can 'dod gang yin pa/ /nye bar btags pa yang rgyu med pa can du 'gyur ba ma yin no/ /de ltar nye btags pa'i rgyu ni shes pa dang brjod pa dag ni 'jug pa'o rten yin par 'dod pa gang yin pa'i nye bar btags pa'i rten/ de nyid dngos rnams thams cad la/ sgra dang shes ba de dag gi rgyu cis mi 'dod/ gang gis na grangs la sogs rtogs par 'gyur/ de ltar ni 'gyur mod kyi/ gal te kun la nyer btags min/ /gtso bo yod na nye bar btags par 'gyur gyi /thams cad la nye bar btags pa ma yin no/ /de lta ma yin na gtso bo med ba'i phyir nye bar btags pa yang mi 'gyur ro/ /sbyor ba ni nye bar btags pa gang yin pa de ni/ gtso bo la sten pa yin te/ dper na khur bu la ba lang nyid nye bar btags pa lta bu'o/ /yon tan rnams la yang grangs la sogs pa'i tha snyad 'jug pa yang nye bar btags ba yin no zhes bya ba ni rang bzhin gyi gtan tshigs so/ /gang dang chos mthun pa nyid can la sogs pas yon tan rnams la nye bar btags pa las grangs la sogs pa'i tha snyad 'jug pa'i gtso'i mtshan nyid ci zhig yin zhes dris pa la/ smras pa
- 54b
gtso bo tha dad? khyad par can? /dngos po gang la tha dad pa'i chos grangs la sogs pa yod pa de ni tha dad pa'i khyad par can te/ gtso bo? zhe na gzhan ni gtso bo ma yin no/ /gal te de 'dra ba gtso bo? mtshan nyid yin ba de'i tshe/ tha dad pa'i khyad par can gtso bo yin no zhes bya ba nyid kyang gang las yin / de 'dra ba'i gtso bo rang gi rnam par rtog pas sbyar ba 'dod par bya ba ma yin no/ /'o na ci yin zhe na/ dper na 'jig rten la grags pa'i rko ? lo la sogs pa dang ldan pa'i ba lang nyid kyi rim pa la 'jug pa can gyi shes pa'i yul 'di ni gtso bo yin la cung zad chos mthun pa las khur bu ba las nye bar btags pa yin yon tan rnams la grangs la sogs pa'i tha snyad 'jug pa ni de 'dra ba'i nye bar btags pa ma yin pa de ltar na gtan tshigs ma grub pa nyid yin no// gzhugs cig dang bum pa gcig ces bya ba'i shes pa la 'jig rten gyi rtogs pa tha dad pa yod pa ma yin no/ /de ltar ni 'gyur mod kyi /gal te tha dad med pa la/ /tha dad med don can zhe na/ /gal te grangs la sogs pa tha dad pa'i chos dang ldan pa can gyi sgra la sogs pa mi 'dod kyi/ /'on kyang tha dad pa med pa de'i tshe tha dad pa med pa de la grangs la sogs pa brjod pa'i sgra 'jug pa gang yin pa de rnams don tha dad pa med pa can te/ rnam grangs nyid thob par 'gyur ro/ / de ltar na ji ltar ba lang zhes brjod pa na/ shes pa 'gyur ba de ltar gcig dang chen po dang 'gro ba zhes bya ba de lta bu la sogs pa'i sgra rnams la yang shes pa 'gyur ba yin na de yang mi 'gyur ro/ /de bas na don tha dad pa'i rgyu can yin no/ /sbyor ba ni sgra gang dag don gcig gis yul can yin pa 'am/ don tha dad pa'i rgyu mtshan can du mi 'gyur ba de dag ni rnam grangs yin pa'am don tha dad pa'i yul can ma yin te/ dper na dbang po dang brgya byin dang phu ran? d+ha ra zhes
- 55a
bya ba lta bu'o/ /gcig dang chen po dang yang dag bar ldan ba dang/ 'gro ba dang/ ba lang zhes bya ba'i sgra yang don gcig pa can yin pa 'am don tha dad pa'i rgyu mtshan can du mi 'gyur ro zhes bya ba ni rang bzhin gyi gtan tshigs dang /bsgrub par bya ba gnyis pa la bltos pas khyab par byed pa mi dmigs pa yin par sems so/ /rnam grangs kyang ma yin pa de bas na/ rnam grangs nyid ma yin ba'i phyir sgra de dag ni don tha dad pa'i yul can yin te/ bum pa dang snam bu la sogs pa'i sgra bzhin no zhes bya ba'i thal ba bzlog par 'gyur ba yin no/ /gtan tshigs ma nges pa yin te de ltar na don gzhan min rgyu can yin yang/ yon tan dkar la sogs la grangs la sogs/ ldan pa can sgra rnam grangs min/ dper na gcig dang dkar po dang yang dag par ldan pa dang /rnam par phye ba la sogs pa zhes bya ba'i sgrwa rnam grangs ma yin bar 'dod pa lta bu'o/ /yon tan dag la yang brjod par bya ba grangs la sogs pa'i yon tan de tha dad pa yod ba ma yin te de ltar na/ thal ba dang thal ba bzlog pa la ma yangs pa yin te/ /gal te de la'ang don gzhan na/ de ltar ni 'gyur na/ yon tan dag la yang grangs la sogs pa dang ldan pa can gyi sgra rnams kyi grangs la sogs ba'i don gzhan gyi rgyu mtshan yod pa de ltar na / ma nges pa ma yin no zhe na/ de'i tshe yon tan rdzas ni khyad med 'gyur/ /las dang ldan pa dang yon tan dang ldan ba dang/ 'phrad pa 'du ba can gyi rgyu zhes bya ba'i rdzas kyi mtshan nyid 'chol bar 'gyur ro/ /gang gi tshe yon tan dag la yang ldan pa la sogs ba'i yon tan dang las yod cing yon tan dag la yon tan dang las 'phrod pa 'du ba'i phyir/ 'phrod pa 'du ba can gyi rgyu nyid yod pa de ltar rdzas dang yon tan dag gi mtshan nyid 'chol bar 'gyur na de mi 'dod do/
- 55b
gzhan yang ba lang la sogs pa grangs la sogs pa brjod pa'i sgra tha dad pa ni/ tha dad pa'i yul can nyid do/ /ci'i phyir zhe na/ ldog pa'i khyad par phyir te/ sdug pa la sogs pa rnam par gcod pa'i khyad par gyi phyir ro/ /de ltar na thal bar bsgrub pa yang ma grub pa nyid dang /bzlog pa ni grub pa la sgrub pa yin no/ /grangs la sogs pa yang ldan pa can gyi sgra rnams grangs ma yin pa nyid yin par 'gyur te don gzhan min don can/ yin yang las rdzas min sgra bzhin/ dper na las ma yin ba'i sgra dang rdzas ma yin ba'i sgra ldog pa'i sgo nas 'di las nyid ma yin zhing /rdzas nyid ma yin no zhes tha dad du byed mod kyi /de dag don gzhan du 'gyur pa ma yin ba de ltar gzhan dag la yang yin ba lta bu'o/ /'dis ni ldog pa tha dad pa'i phyir don can nyid kyis ma grub pa la sogs pa dang ma nges pa nyid kyi gzhung btsugs pa yin no/ /gal te ldan ba la sogs ba don gzhan ma yin pa de'i tshe/ tha dad par brjod par byed pa'i drug pas tha dad du byed pa mi 'gyur te/ dper na 'di'i gcig nyid ces bya ba la sogs pa lta bu yin na yang 'gyur ba de'i phyir don gzhan yin no/ /sbyor ba ni gang zhig gang las tha dad par bstan pa de ni de las don gzhan yin te/ dper na /khyab bar med pa'i phyir gtan tshigs 'di ni ma nges pa nyid sogs pa yang bum pa la sogs pa las tha dad bas bstan pa yin no zhes bya ba ni rang bzhin gyi gtan tshigs yin par sems so/ / khyab par med pa'i phyir gtan tshigs 'di ni ma nges pa nyid yin no/ /de ltar ni 'gyur mod kyi khyad par nyid yin te/ 'bras bu tha dad pa mthong ba'i phyir ro/ /sbyor ba ni gang 'bras bu tha dad pa yod pa de la rgyu tha dad pas/ 'gyur ba yang yin te dper na bum pa dang snam bu la sogs pa 'bras bu tha dad pa ni rgyu tha dad pa yin pa lta
- 56a
bu'o/ /bum pa dang yang dag par ldan pa dang/ bum pa'i ldan pa zhes bya ba sgra? tha dad pa'i mtshan nyid can gyi 'bras bu tha dad pa yang mthong ngo zhes bya ba ni rang bzhin gyi gtan tshigs yin par sems so/ /gcig kyang 'bras bu du ma can nyid yin ba'i phyir /'bras bu tha dad las rgyu tha dad pa zhes bya ba yang ma des pa yin no/ /gzhan yang de ldan gyi bum pa la sogs pa'i rdzas so/ /grangs sogs ni chos so/ /dngos po brjod pa'i sgra rnams kyis/ /chos brjod byed ba'i tha dang bzhin/ / brjod pa gang yin de dag kyang/ /chos gzhan khyad par byed ba yin/ /chos gzhan rnam bar gcod par byed pa yin no/ /de bas na de tsam shes par 'dod pa la/ chos tsam zhig shes par 'dod pa la/ gzhan ma lus pa can thos pa/ sgra gang la chos gzhan gyi khyad par spong ba yod pa zhes bya bar chig rnam par sbyor ro/ /khyad par gzhan spong ba can zhes bya ba'i don to/ /chos brjod par byed ba'i thos pa de/ /tha dang chos bzhin brjod byed de/ /de tsam gyis kyang dngos su tha dad pa nyid ni ma yin no/ /dper na la lar sor mo'i ldan bzhin te/ sor mo'i ldan pa zhes bya ba'i chos la lar de tsam shes par 'dod pa la khyad par gzhan spong ba'i sgra'i sgo nas ston par byed pa lta bu'o/ /sgra ni chos can brjod par grags yin/ dper na sor mo ldan bzhin no/ /khyad par thams cad ni spong min phyir/ sor mo khyad par mi spong ba can ston par byed do/ /de ltar na rtogs pa po'i rjes su byed pas chos gzhan spong ba dang mi spang ba'i rgyu mtshan 'ga' zhig yin pa de ltar na/ don gcig rjod kyang don dam par rnam pa gnyi ga dag gis tha dad par rtogs pa'i phyir/ sgra 'di la don gyi khyad par yod pa ma yin no/ /don gyi khyad par med na yang ci'i phyir tha dad pa bzhin du ston par byed ce na/ 'di ltar de ltar brda ni byas
- 56b
can yin /de ltar brdze? byas pa can nyid yin pa'i phyir zhes bya ba'i don to/ /brda'i rgyu mtshan can chos gzhan spong ba dag yin no/ zhes bya ba ni sngar dpyad pa zin pa nyid kyi phyir rgyas par ma bshad do/ /de ltar re zhig chos tsam shes par 'dod pa la gnas skabs kyi khyad par brjod par byed pa chos gzhan spong ba can gyi sgra 'jug par 'gyur ro/ /tshogs pa rjod par byed ba yang/ gzugs sogs nus pa'i khyad par rnams/ spong ba'i sgo nas 'jug par 'gyur ro/ / gzugs la sogs pa'i nus pa'i rnam pa gnyis te/ spyi'i ni dper na bum pa'i dbyibs can dag chu la sogs pa 'dzin pa la sogs pa'i 'bras bu byed pa'i nus pa lta bu'o/ /so sor nges pa'i ni dper na mig gi rnam par shes pa la sogs pa'i 'bras bu byed ba'i nus pa lta bu'o/ /bum po la sogs pa'i dbyibs can rnams la so sor nges pa de'i nus pa spangs nas/ bum pa'i sgra ni 'jug par 'gyur ro/ /gang du zhe na/ de 'bras mtshungs pa'i/ rgyu min ba'i ni rnam gcod la/ rdzas du ma yod na yang gzugs la sogs pa de dag gis chu la sogs ba 'dzin pa la sogs pa'i 'bras bu gcig gang yin pa de'i rgyu ma yin ba shing la sogs pa gang yin pa de bzlog ba'i phyir 'jug par 'gyur ro/ / ci'i phyir zhe na/ 'bras bu gcig byed par nus par bstan pa'i phyir/ de ltar brdar byas pa nyid kyi phyir ro/ /gzugs la sogs pa mang po ngag la yang/ nus pa gcig yod pa de brjod par 'dod pa la/ brda'i rjes su byed pas bum pa zhes bya ba'i tshig gcig la 'gal ba yod pa ma yin no/ /gang gi phyir tshogs pa brjod par byed pa gzugs la sogs pa so sor nges pa'i nus pa'i khyad par can spong ba 'di yin pa'i rgyu de'i phyir bum pa gzugs zhes pa/ gzhi gcig
- 57a
pa can sgra ma yin/ don spong brjod pa can dang gzhi mthun pa med pa'i phyir ro/ /shing zhes bya ba rigs brjod ba'i sgra yang de'i khyad par mi spong ba'i sgo nas 'jug par 'gyur ba de ltar na/ shing sha pa shing yin no zhes bya bar 'gyur ro// rigs dang tshogs pa rjod byed pa'i/ /khyad par 'di yang 'dod pa yin/ /spong ba dang mi spong ba'i mtshan nyid can gyi khyad par 'di yang 'dod pa yin na/ rigs dang tshogs brjod byed pa'i zhes bya ba la/ gzugs la sogs pa'i tshogs can la bltos nas bum ba zhes bya ba la tshogs pa brjod par byed pa yin no/ /des gzugs la sogs pa'i so sor nges pa'i nus pa spong ba'i phyir de rjod par byed pa'i sgra rnams dang/ lhan cig gzhi mthun pa med do/ /bum pa brjod pa de yang tshogs pa'i khyad par la bltos nas rigs brjod pa yin no/ /des tshogs pa'i khyad par rnams mi spong bas de dag dang lhan cig gzhi mthun pa nyid du 'gyur te/ gser ram dngul gyi bum pa lta bu'o/ /sogs ba'i sgra ni rnam pa gnyis te/ tshogs pa du ma la 'jug pa can dang/ /gcig la 'jug pa can no/ /du ma la 'jug pa can ni bum pa dang shing la sogs pa'i sgra'o/ /gcig la 'jug pa can ni 'bigs byed la sogs pa'i sgra'o/ /rang gi tshogs pa can la bltos nas tshogs pa'i sgra des ni de spong ba yin no/ /tshogs ba'i khyad par de nyid la bltos nas rigs kyi sgra yin pa des ni tshogs ba'i khyad par de spong bar mi byed pa de ltar na/ de brjod par byed pa rnams dang/ lhan cig gzhi mthun pa nyid yin no/ /rigs dang tshogs pa'i sgra nyid ni rnam pa de lta bu dag yin no/ /'ga' zhig ni rigs kyi sgra kho na yin te/ dper na tshogs pa'i bdag nyid can ma yin pa'i rdzas la 'jug pa can gzugs dang bde ba la sogs pa'i sgra
- 57b
dag lta bu'o/ /de bzhin du grangs la sogs pa'i sgra ni gzugs la sogs pa'i tshogs pa la 'jug pa can dag yin no/ /'ga' zhig ni yul gyi khyad par la bltos nas gnyi ga'i ngo bo'i khyad par yin no/ /gal te 'di ltar bum pa la sogs pa'i sgras brjod bar bya ba la gzugs la sogs pa 'ga' zhig yin pa de'i tshe/ rdzas med pa'i phyir bum pa'am snam bu'i gzugs la sogs pa'i zhes bya bar tha dad par rjod pa'i tha snyad med par 'gyur ro zhe na/ ma yin te de ltar brdar byas pa nyid kyi phyir ro/ /de ltar sgra nges par sbyor ba gang yin pa de dag de ltar rjod par byed pa yin pa de ltar na/ tha dad pa med du zin kyang de bzhin du tha snyad du byed bar 'gyur ro/ /'on kyang dgos pa la bltos pa med pa mi 'gyur ro zhe na/ de yang yod pa nyid yin te/ bum pa yin ni gzugs sogs shes/ /tha snyad byed pa la /de'i spyi nye bar byas can yin/ bum pa'i spyi nye bar byas ba'i bye brag de'i nus ba'i khyad par gang la yod ba zhes bya bar tshig rnam par sbyar ro// de'i nus khyad par te/ gzugs la sogs pa de dag gi so sor nges pa'i nus pa'i? khyad par ci 'dra ba ston par byed do/ /bum pa la sogs pa gsal ba'i khyad par la yod pa can gzugs la sogs pa mig gi rnam par shes pa la sogs pa 'bras bu so sor nges pa can gyi bdag nyid bum ba'i khyad par gyi sgra rnam par gcod par byed de/ /chu 'dzin pa la sogs pa'i khyad par can gyi rang bzhin ston par byed ces bya ba'i don to/ /phyogs 'dis gzhan la'ang brjod par bya/ dper na tsan dan gyi dri zhes bya ba 'di la yang can dan zhes bya ba'i rdzas cung zad kyang dri la sogs pa las tha dad pa ma yin pa lta bu'o/ /'o na ci yin zhe na/ dri du ma'i bdag nyid can las tsan dan gyi rang bzhin gyi dri gang yin ba de la de ltar
- 58a
ston par 'gyur ro/ /de dag ni rgyas par sngar spyi dpyod ba'i skabs su dpyad zin pa de ltar na 'dir ma brjod do/ /zhar la 'ongs pa rdzogs so/ /de ltar na lus gcig yod pa ni ma yin zhes bya ba 'dir gnas so/ /rdul phra mos du mar 'gyur na/ 'di la yang rdul phran rnams tshogs pa rnams sems nyid la nus pa nyid nam/ gang yang re re yin bar 'gyur grang na/ gal te re zhig lus kyi yan lag ma lus pa rnams rgyu nyid yin pa de'i che/ ma lus rgyu nyid yin na yang/ lus yan lag gcig dang bral ba na/ sna bcad pa la sogs pas sems nyid min? zhes bya ba ni thal bar 'gyur ba'o/ /sbyor ba ni gang zhig ma lus pa gang dag gi 'bras bu yin pa de ni /de dag las gcig med pas mi 'gyur te dper na gzugs dang mig gi 'bras bu mig gi rnam par shes pa dang/ sa bon dang sa la sogs pa'i 'bras bu myur gu'i rdzas lta bu'o/ /yid kyi rnam par shes pa yang lus kyi rdul phra rab rnams tshogs ba'i 'bras bu yin no zhes bya ba ni khyad par byed ba 'gal ba dmigs pa'o/ /de dag las gcig med na yang 'gyur de bas de'i phyir ma lus bde dag gi 'bras bu ma yin no/ /thal ba bzlog pa ni gang dang du ma dag las gcig med na yang 'gyur ba de ni de dag ma lus pa'i 'bras bu ma yin te/ dper na 'khor lo la sogs ba med na yang snam bu 'gyur ba ni 'khor lo dang rdza mkhan la sogs pa ma lus pa'i 'bras bu ma yin de lta bu'o/ /yid kyi rnam par shes pa yang lus kyi rdul phra rab dag gi nang nas gcig med na yang skye bar 'gyur ro zhes bya ba ni khyad par byed pa 'gal ba dmigs pa'o// ci ste rdul phra rab ? nus pa nyid yin pa de'i tshe/ re re 'ang nus pa nyid yin na/ cig car mang po 'byung bar 'gyur/ /dus gcig la rdul phra rab re re rnam par shes pa mang po dag skyed par 'gyur ro/ /sbyor ba ni gang dag 'bras bu gang la re re nus pa yo dang
- 58b
de dag ni 'bras bu de byed par 'gyur te/ dper na sa bon mang pa dag so sor ljang bu la nus pa yod pa lta bu'o/ /lus kyi rdul phra rab re re la yang yid kyi rnam par shes pa'i nus pa yin no zhes bya ba ni rang bzhin gyi gtan tshigs so/ /de ltar ni mi 'gyur te yang rdul phra rab rer nus pa nyid yin pa de ltar na yang rnam par shes pa gcig nyid la nus pa yod pa yin gyi mang po dag la yang ma yin no zhe na/ de ni ma yin te mang po dag la yang rim gyis nus pa nyid khas len pa'i phyir ro/ /rim gyis ma yin bar byed de byed pa'am/ phyis kyi ma yin te khyad bar mod pa'i phyir ro/ /de ltar go rims bzhin du 'gyur ba can gnas skabs gzhan dag kyang ngo/ /de ltar ni 'gyur mod kyi dbugs 'byung ba dang rdub pa dag nges par byed ba yin te /dbugs 'byung ba 'am rdubs pa gcig gis sems gcig nyid mngon par gsal bar byed ba da ltar na/ cig car rnam par shes pa mang po 'gyur ba ma yin no zhe na/ de ni 'byung rdub dag ni nges byed min/ /ci'i phyir zhe na/ dbugs 'byung ba dang rdub ba dag kyang du ma nyid du mtshungs nyid phyir/ /ji ltar lus yan lag du ma can nyid yin bas rnam par shes pa mang po cig car skyed bar 'gyur ba de ltar dbugs 'byung ba dang rdub pa dag kyang tha dad bar 'gyur ba'i phyir nges pa nyid med do/ /ci ste nyes pa der ma gyur cig snyad pas dbugs 'byung ba la sogs pa rdzas gcig yin bas rtogs par byed na/ de yang yod pa ma yin te/ lus gyi rnam par shes pas cha 'dzin pa la sogs pa'i phyir ro/ /de ltar dbugs 'byung rdub dag gam/ lus kyang gcig nyid yin par khas len na yang mang gsal 'gyur cig car de las 'byung ba can gyi yid kyi rnam par shes pa skye bar 'gyur ro/ /ci'i phyir zhe na/ de rgyu yid kyi rnam par shes pa'i rgyus lus dag dbugs 'byung ba la sogs pa rtag
- 59a
tu nye phyir ro/ /rgyu ma tshad pa med pa thag nye ba can gang yin ba de ni 'gyur ba nyid yin pa de ltar na/ lus dang dbugs 'byung rdub kyi 'bras bu nyid kyi yid kyi rnam pa ni rgyu ma tshad ba med pa nye can yin ba'i phyir/ cig car skye bar 'gyur bas na/ de'i gnas skabs can gyi nyes pa yin no/ /gal te du ma rgyu min zhes de ltar ni 'gyur mod kyi/ dbugs 'byung ba dang rdub pa dang lus ni du ma nyid yin na yang shes pa gcig nyid la nus pa nyid yin gyi mang po dag la ma yin no zhe na/ de ni/ khyad par med phyir rim las kyang min /dgongs pa ni dbugs 'byung ba dang rdub pa de dag dang/ lus kyi bdag nyid phyis rnam par shes ba'i rgyu gang yin pa sdar yang de nyid yin pa de ltar na khyad par med pa'i phyir rgyu rim gyi bdag nyid can ma yin pa las 'bras bu rnam par shes pa rim pa can ma yin te/ sngar nyid cig car rnam par shes pa thams cad skyed par 'gyur ro zhes bya ba 'di yin no/ /sbyor ba ni gang zhig gang skyed bar byed pa'i rang bzhin las khyad par med ba'i ngo bo can yin pa de ni de'i skyed bar byed pa yin te/ dper na gnas skabs phyi ma'i khyad par ni/ mngon bar 'dod pa'i 'bras bu skyed bar byed ba'i rang bzhin las khyad par med ba'i ngo bo can yin pa de'i 'bras bu skyed bar byed pa lta bu'o/ /snga ma'i gnas skabs kyi khyad par yang de'i 'bras bu'i khyad par skyed par byed pa nyid du mngon bar 'dod ba'i gnas skabs phyi ma'i khyad par gyi dngos po las khyad bar med ba'i rang bzhin can yin zhes bya ba ni rang bzhin gyi gtan tshigs so/ /rgyu go rim med pa las kyang go rim dang ldan par gyur pa la bltos nas 'bras bu go rims dang ldan pa zhes bya ba yang rigs pa ma yin no/ /de ltar na 'byung ba rnams kyi 'gyur ba'i rgyu mtshan gyi bdag nyid go rim
- 59b
med pa can nyid yin pa de ltar na/ gyur ba dag kyang go rim dang ldan bar mi 'gyur ro/ /sbyong ba ni gang zhig gang gi go rim med pa can gyi rgyu yin pa de ni rim bzhin du 'byung ba mn yin te/ dper na gyur pa'i gnas skabs kyi khyad par gcig gi lta bu'o/ /de las gzhan pa'i gyur pa'i gnas skabs kyi khyad par rnams kyi yang go rim med pa can gyi rgyu 'byung ba rnams kyi rang bzhin no zhes bya ba ni khyad par byed pa 'gal ba dmigs pa'o/ /rgyu'i chos thams cad la 'bras bu'i chos rjes su byed pa ma yin pa de ltar na rgyu go rim med pa can las 'bras bu go rim dang ldan pa zhes bya ba yang gtam las 'byung ba yin no/ /de ltar na 'bras bu ni chos thams cad kyi rjes su byed pa ni mi smra'i/ /'on kyang re zhig 'bras bu thams cad rgyu yod pa dang med pa'i rjes su byed pa ni bya ba yin no/ /de lta ma yin na 'bras bu'i chos las 'das pa'i phyir te/ 'bras bu nyid du mi 'gyur ro/ /de ltar na yang ma yin pa de bas na gal? te sems kyi rgyu lus la sogs pa sngar yang nus pa nyid yin pa de'i tshe/ rgyu tshogs pa gags byed pa med pa can de las 'byung ba'i dang tshul can dag tu rnam par shes par 'gyur ba can nyid yin te/ sbyor ba ni gang zhig gang gi tshe/ rgyu ma lus pa'i nus pa thag nye ba can yin pa de ni de'i tshe 'gyur te/ dper na myu gu rgyu ma lus pa'i nus pa thag nye ba can yin pa lta bu'o/ /rim bzhin du 'byung ba'i dang tshul can du 'dod pa gyur ba'i gnas skabs kyi khyad par dang yid kyi rnam par shes pa la sogs pa yang/ sngar yang rgyu ma lus pa'i nus pa nye ba can yin no zhes bya ba ni rang bzhin gyi gtan tshigs so/ /ci ste de la nus pa lus pa yod na yang 'bras bu de mi 'gyur ba de'i tshe/ de ni de'i 'bras bu nyid du 'gyru ba ma yin no/ /sbyor ba ni gang zhig gang la nus pa ma lus pa yod
- 60a
na yang mi 'gyur ba de ni dra'i 'bras bu ? yin te/ dper na ba lang? ni rta'i lta bu'o/ /phyis skyed par byed bar khyad par med par 'byung ba'i bdag nyid kyi rgyu'i nus pa ma lus pa sngar yod na yang/ phyis 'byung ba can gyi rnam par shes pa la sogs pa'i 'bras bu mi 'gyur ro zhes bya ba ni khyad par byed pa mi dmigs pa'o/ /dbugs 'byung ba'am rdub pa gcig gis sems gcig nyid mngon par gsal bar byed par smras pa gang yin pa de yang yod pa nyid ma yin no/ /de ltar na dbugs 'byung ba gcig gi dus na'ang/ don du ma 'dzin phyir blo du ma 'byung ba ldog par 'gyur ro/ /dbugs 'byung ba dang rdub ba de las des pa min no/ /de lar ni 'gyur na de'i tshe blo go rim dang ldan pa mang po ni med kyi/ 'on kyang de ltar go rim dang ldan pa'i byed pa can gcig yin no zhe na/ de ltar na ni blo gcig gis don du ma shes pa khas len pa len pa yin na yang/ blo'i byed pa thams cad cig car 'gyur gyi rim gyis ni ma yin no/ /de ltar na 'gal ba med phyir te/ ji ltar gcig gi rgyu mtshan blo yin pa de ltar de las phyis kyi yang de nyid yin pa'i phyir/ cig car byed par 'gyur ro 'gal te ma yin no zhen rim gyis kyang byed par mi 'gyur/ de la khyad par med phyir ro/ /snga ma'i rang bzhin la khyad par med pa'i phyir nges pa yin no/ /di skad bshad ba'i skyon gyis dbugs 'byung ba gcig gi rnam par shes pa du ma'i rgyu ma yin gyi/ 'on kyang gal te 'byung ba mang skad cig/ rang rigs min pa'i dus can dag/ gang gi tshe dbugs 'byung ba gcig yin pa de'i cho gzhan ma yin no/ /de 'dra ba de rnams kyis rim bzhin du 'byung ba can mang po skad cig ma sems de 'dra ba dag nyid kyi/ rgyu nyid yin par rtog pa na/ /de'i tshe go rim ldan pa'i rgyu med par dbugs 'byung ba dang/ de dag rim ldan ji ltar 'gyur/ /dbugs 'byung ba de dag gi lus go rim med pa can
- 60b
rgyur 'dod do/ /ngo bos na go'i ma med pa can las dbugs 'byung ba go rim dang ldan pa ma yin no/ ci'i phyir de dag las kyang rnam par shes pa go rim dang ldan pa 'byung bar 'gyur/ de ltar na 'di rtogs pa nyid ma yin no/ /ci ste nyes ba de 'chab pa'i phyir dbugs 'byung ba la sogs pa ni lus kyi rgyu can du mi 'dod do/ /'o na ci yin zhe na/ dbugs 'byung ba snga ma snga ma'i rgyu can yin no/ /de lta yin pa de'i tshe yang/ rang rigs snga ma'i rgyu can yin/ /dbugs 'byung ba la sogs pa dag yin par rtag na/ mngal la sogs par dbyugs 'byung ba gang yin pa ste/ dang po 'byung bar mi 'gyru ro/ /de ci'i phyir zhe na/ 'di ltar de rgyu de 'dra yin ma yin/ dang po gang yin pa de'i rgyu 'gyur ba dbugs 'byung ba rigs mthun pa gzhan yod pa ma yin no zhes bya ba'i don to/ /khas blangs nas kyang brjod par bya ste/ de'i rgyu yod na yang dbugs 'byung ba rigs mthun pa/ du ma nyid du des skad cig ma gcig la gdon mi za bar mang po nyid du 'gyur ro// ci'i phyir zhe na/ tha dang yul can phyir ro/ /yul tha dad pa gzhan dang ldan ba'i phyir te/ dbugs 'byung ba ni yan lag du ma'i bdag nyid can yin te/ khyud la sogs pa dang 'dra'o zhes bya bar dgongs so/ /de bas na yul sna tshogs pa dang ldan pa dang nyid ni tha dad pa yin no/ /gang dang gang yul sna tshogs pa dang ldan pa can de ni sna tshogs pa yin te/ dper na til mang po lta bu'o/ /dbugs 'byung ba skad cig ma yang yul sma tshogs pa dang ldan pa can yin no zhes bya ba ni rang bzhin gyi gtan tshigs so/ /de bas na dmugs 'byung ba
- 61a
yan lag re re nus pa sna tshogs pa nyid yin na/ de dag las de phyir blo ni cig car skye /gsal bar byed ba sna tshogs pa nyid kyi phyir ro/ /gal te dbugs 'byung ba du ma'ang gcig dus can /yin la sems cig rgyu yin na cig car mang bor 'byung bar 'gyur ba ma yin no/ /de'i che ma lus pa shes ba gcig la nus pa nyid yin ba'i phyir ro/ /dbugs 'byung ba'i yan lag gcig ma tshang na'ang/ rnam par shes ba mi 'gyur ro/ /gang la zhe na dal bar ni/ 'byung ba can sogs la'o/ /sogs pa smos bas ni dbugs 'byung ba chad ba can dang/ dbugs mi 'byung ba can bzung ngo/ /dbugs 'byung ba'i yan lag dang/ lus kyi rdul phra rab de dang de dag ni 'bras bu rnam par shes pa gcig la nye bar sbyor ba tha dad par brjod bar bya ste/ dper na mig la sogs pa du ma'i 'bras bu gcig nyid yin du zin kyang/ rnam par shes pa'i yid la byed pa las nyams su myong ba'i bdag nyid dang yul las der snang ba dang dbang po la yul so sor nges bar thob pa lta bu'o/ /de lta ma yin na gcig kho na nye bar sbyor bar byed na mi gzhan don med bar 'gyur ro/ /nye bar sbyor ba nyid yod du zin kyang phan gdags bar bya ba'i rang bzhin gyi khyad par bstan par bya ba yin te/ dper na kho bos bstan ba lta bu'o/ /de lta ma yin na rgyu tha dad pas 'bras bu tha dad par mi 'gyur ro// //tshad ma rnam 'grel gyi 'grel pa/ bam po bcu drug pa /ci ste ji ltar yod rgyu yin/ /de ltar ni 'gyur mod kyi/ dbugs 'byung ba ring ba can la sogs pa ji srid 'gyur ba gang yin pa de dag rgyu yin pa de'i tshe/ shes pa la yang khyad bar 'gyur/ /gang gi tshe skyes bu'i dbugs lhag pa 'byung ba de'i tshe/ rnam par shes pa gsal bar 'gyur zhing dbugs mi 'byung ba
- 61b
can gyi mi 'gyur ro/ /de ltar ma yin na gang zhig gang gi tha dad las/ tha dad min te de 'bras min /gal te dbugs 'byung ba'i 'bras bu sems nyid yin bde'i che/ 'di dbugs 'byung ba gsal ba dang mi gsal ba'i rjes su byed bar 'gyur na/ rjes su mi byed pa de bas ? ni 'bras bu ma yin no/ /sbyor ba ni gang gi gsal ba dang mi gsal ba la sogs pa'i khyad bar gyis /gang zhig gal ba dang mi gsal ba la sogs ba'i khyad par du mi 'gyur ba de ni de'i 'bras bu ma yin te /dper na ma gsal ba dang mi gsal pa la sogs pa'i khyad bar nyams su myong ba can gyi mo gsham gyi bu ni me'i 'bras bu ma yin pa lte bu'o/ /yid kyi rnam par shes pa yang dbugs 'byung ba dang rdub ba dag gsal ba dang mi gsal ba'i khyad par gyis gsal dang mi gsal ba la sogs pa ma yin no zhes bya ba ni khyad par byed pa mi dmigs pa'o/ /de ltar na 'gyur na rnam par shes pa lda ma mi gsal du zin kyang yul gsal ba las phyis gyi shes pa gsal bar 'gyur ba des na/ sngar gyi rnam par shes ba'i rjes su byed ba med pa de'i phyir ma nges pa yin no zhe na/ de ni ma yin te sngar gyi shes pa dang yul gsal bar 'gyur ba ci 'dra ba de 'dra ba med pa'i phyir ched tsam nyid kyis rjes su byed bar byas ba yin no/ /gal te khyod cag gi yang ci'i phyir cig car shes pa mi 'byung zhe na/ de ni ma yin te kho bo'i lus sam dbugs 'byung ba dag ni yid kyi nye bar len ba'i rgyu ma yin na gang gis na de ltar 'gyur/ 'on kyang rigs mthun pa'i sems snga ma snga ma yin no/ /des na rnam shes nus pa des ba'i phyir/ sems gcig ni sems gcig gi rgyu yin pa de ltar na rigs mtshungs ba'i rnam par shes pa cig car ma yin pa'i phyir mtshungs pa ma yin no/ /sems snga ma snga ma rgyu yin pa de nyid kyang gang las shin /don gzhan chags pa la sems yod na/ zhes bya ba smos te/ sngon po la
- 62a
sogs pa'i don gang yin pa dang mi mthun pa'i phyir bzung ba ma yin no zhes brjod pa de las don gzhan bzung bar gyur ba ni ser po la sogs ba'i yul yin no/ /de la chags pa ni yul de nyid la yang dang skye ba'o/ /de dang bral ba ni yul gzhan la shes ba skye ba'i rgyu'i ngo bo dang bral ba'i gnas skabs so/ /yid la byed ba'i ming can snga ma de 'dra ba'i rnam par shes pa de yod na de las phyis 'byung bas /don gzhan 'dzin pa med phyir/ /yul gzhan rtogs pa med phyir ro/ /de ni nye bar mtshon pa tsam yin te/ sems snga ma snga ma rnyog ba dang dad ba la sogs pa dang ldan pa dag yin na/ phyis kyi yang rjes su mthun bas de bzhin du 'gyur ba de ltar na/ blo ni gzhan sngon du song ba can nyid yin no/ /sbyor ba ni gang zhig gang dang mi mthun ba yod na mi 'byung ba dang/ yang rjes su mthun pa yod na 'byung ba de ni de'i rgyu dang 'bras bu yin te/ dper na sa bon la sogs pa mi mthun pa dang mthun pa nyid yod na skye ba dang mi skye ba'i myu gu dag ni sa bon la sogs pa'i 'bras bu yin pa lta gu'o/ /phyis kyi shes pa yang snga ma'i shes ba mi mthun pa dang mthun pa dag las skye ba dang mi skye par gyur ro zhes bya ba ni rang bzhin gyi gtan tshigs so/ /mngal la sogs bar gal te lus las lan cig blo skye zhing ste/ blo cig cad skye ba ma yin na'o/ /phyis ni ste de la sas 'og tu rang rigs las nges par 'gyur na'o/ /gal te blo snga ma sngar res blo phyi ma phyi ma nyid skyed bar byed pa de ltar na/ lus las cig car sems mang po nyid ma yin no zhe na/ de ni ma yin te 'di ltar lus kyi nus pa ni blo skyed bar byed ba las /ci'i phyir na ldog pa yin rang bzhin gang gis lus ni blo snga ma gcig gi skyed par byed ba'i rang bzhin de dang /de ni phyis kyang ma bral ba nyid kyin pa de ltar na blo gzhan dag gzhan skyed bar 'gyur ba'i phyir ci'i phyir blo skyed ba de'i byed pa ldog ba can yin/ sbyor ba ni gang zhig gang skyed bar
- 62b
byed ba'i rang bzhin dang ma bral bar gnas ba de ni de skyed par byed ba nyid yin te /dper na myu gu'i rgyu tshogs ba'i gnas skabs tha ma ni myu gu skyed bar byed ba nyid yin pa lta bu'o/ /lus bdag nyid gcig pa can phyis kyang yid kyi rnam par shes pa skyed par byed ba'i rang bzhin dang ma bral ba yin no zhes bya ba ni rang bzhin gyi gtan tshigs so/ /phyis kyang bskyed par byed pa ma yin ba de'i phyir phyi ma bzhin du bdag nyid des sngar yang bskyed bar byed ba ma yin te/ khyad par med pa'i phyir ro/ /sbyor ba ni gang dang gang skyed bar byed ba' ma yin pa'i gnas kyi rang bzhin du khyad par med pa? de ni skyed par byed pa ma yin te/ dper na phyis skyed par byed pa ma yin pa'i lus de nyid ni yid kyi rnam par shes ba'i bskyed bar byed ba nyid ma yin pa lta bu'o/ /skyed bar byed bar mngon par 'dod ba'i gnas skabs kyi lus kyang skyed bar mi byed pa'i tha ma'i gnas skabs gyi rang bzhin las khyad par med pa yin no zhes bya ba ni rang bzhin gyi gtan tshigs nyid yin no/ /gal te lus ni sems kyi rten ma yin te/ dbang po dang bcas pa'i lus ni shi ba'i gnas skabs su ldog pa na/ rten med phyir na phyis kyang sems 'ga' zhig /lus la bltos ba gnas 'gyur zhe na/ gal te de'i rgyu 'jug thob phyir/ /lus tha ma'i nyid mtshams sbyor ba'i lus skyed ba'i phyir ro/ /sems rgyud gnas pa'i rgyu gang yin pa da ni blo phyi ma phyi ma nyid mtshams spong bar nus pa blo snga ma snga ma'i ngo bo'i las yin no/ /yan lag ste lhan cig byed pa'i rgyur mi 'gyur na /de'i tshe sems 'ga' zhig gnas par 'gyur te/ dper na gzugs med pa'i khams su skyes ba'i srog chags lta bu'o/ /gang gi che lus tho ma lus phyi ma dang nyid mtshams sbyor ba'i phyir blo ldan byed ba'i rgyu nyid du yang 'gyur ba de'i tshe lhan cig byed pa yin ba'i phyir lhan cig gnas pa de ltar na 'gal ba med do/ /yang 'jig rten pha rol gyi lus
- 63a
kyi rgyu gang gang yin/ gang gi 'jug pa thob ba'i phyir /sems gnas pa'i rgya lhan cig byed ba'i rgyen nyid du bstan ce na/ tshe 'di nyid kyi skye mched lnga /tshe 'di nyid kyi dbang po lnga'i ngo bo can bte lus kyi tha ma ni lus gzhan skye ba'i rgyu yin no/ /ci ste yang de'i yan lag dang lus kyi rgyu nyid ni bkag pa la ni sems gnas pa'i rgyus de'i lus kyi 'jug pa thob pa'i phyir/ lhan cig byed ba'i rgyu'i ngo bo bkag ba dang/ tshe 'di nyid kyi skye mched lnga lus phyi ma'i rgyu nyid yin pa bkag pa la de ma mthong ngo zhes bya ? mi dmigs pa gtan tshigs nyid du brjod ba de dang de'i yan lag ngo bo dang /de'i rgyu nyid dmigs pa'i mtshan nyid kyis ma gyur ba nyid kyi phyir/ /ma mthong ba tsam gyi mi dmigs pa ni /nges byed yin par rab tu bshad mtshan nyid bcad ba'i skabs su ma nges par brjod pa de ltar nag? bar byed ba ma yin no/ /dbang sogs kyang ni lhag ldan yin/ /de'i yan lag dang rgyu'i ngo bo bkag pa nyid ni mig gi dbang po nyid yin pa'i phyir mig gi dbang po tha ma dbang po phyi ma'i nying mtshams sbyor ba ma yin te mig gi dbang bo snga ma snga ma bzhin no/ /de bzhin du sems nyid yin pa'i phyir tha ma'i sems ni lus phyi ma skyed ba la lhan cig byed ba'i rgyu ma yin te sems snga ma bzhin no/ /sogs pas smos pas ni de lta bu'i/ /rigs can lag pa dang ldan pa nyid la sogs pa bzung ngo/ /mi mthun ba'i phyogs la ma mthong ba tsam gyis khyab pa med pa med ba'i phyir/ sgrub par byed pa lhag ma dang ldan pa ni ma nges pa yin no zhes bya ba'i tha tshig go /de ltar na re zhig yod pa 'gal ba med do/ /'di las tha ma'i skye mtshan? lnga rgyu 'ba' zhig nyid du lus gzhan skyed pa yod pas bshad pa ma yin gyi /'di ltar 'di nyid kyi dbang po snga ma'i rang gigs la/ dbang po phyi ma dag la yang nus pa dag ni
- 63b
mthong? ba? yin no/ /sbyor ba ni gang skye mched lnga yin pa de ni phyis skye mched lnga nyid mtshams sbyor ba can du yod pa yin te/ dper na snga ma'i skye mched lnga'i/ skad cig ma lta bu'o/ /tha ma'i skye mched lnga yang skye mched lnga yin no zhes bya ba ni rang bzhin gyi gtan tshigs so/ /'ga' zhig gi tshe nyid mtshams sbyor ba yod pa de ltar na/ sgrub bar byed pa la ma khyab pa ma yin te/ gcig du nyid mtshams skyor ba med pa spangs pa'i phyir ro/ /de ltar ni 'gyur na skye mched lnga'i rang bzhin tha dad pa med bas na/ dbang bo snga ma dag ni dbang po phyi ma dag gi rgyu nyid ma yin pa de ltar na dpe la chos can ma grub ba yin no zhe na/ de ni yod pa ma yin te/ 'di ltar gzhan gzhan gyi skye ba dag kyang grub ba yin/ dbang po rnams kyi dang ba dang rnyog pa la sogs pa'i 'gyur ba mthong ba'i phyir ro/ /skad cig ma re rer 'jig ba sgrub bar byed ba'i 'thad pa gnas gnas du bshad pa dag gis kyang gzhan dang gzhan gyi skye ba ste /dbang po gzhan dang gzhan gyi skye ba grub pa yin no/ /de las gzhan ba'i dngos po'i yang yin pa de ltar na /rang bzhin rnam pa gzhan nyid la rgyu bstan pa ni ma spros so/ /sbyor ba yang gang rang bzhin du gyur pa'i tha dad ba'i gnas skabs kyi khyad par can yin ba de dngos su phan tshun shin tu tha dad ba yin te/ sa dang chu la sogs ba'i 'byung ba dag lta bu'o/ /rang gyur ba re re la snga phyir gyur ba'i gnas skabs tha dad pa can gyi skye mched lnga yang rang bzhin du gyur ba'i tho dad ba'i gnas skabs kyi khyad bar yin no/ zhes bya ba ni rang bzhin gyi gtan tshigs so/ /de bas na dpe la chos can ma grub pa ma yin no/ /gal te lus las de skye na/ rigs mthun ba'i dbang po dag las phyis kyis dbang pho rnams skye ba ma yin no/ /'o na ci yin zhes lus las dbang po de dag skye bar 'dod do/ /dbang po dag gi rgyu mtshan dbang po las tha dad pa'i
- 64a
lus gang yin pa de yang yod pa ma yin gyi/ 'on kyang dbang po can ma yin par 'gyur grang na/ de ltar na yang shi ba'i lus las kyang dbang po skye ba bzlog pa med pa nyid du 'gyur ro/ /snga ma bzhin du thal bar 'gyur/ dbang po du ma cig car thal bar 'gyur zhing/ snga ma bzhin te lus sems skyed bar byed ba yin na /mang gsal 'gyur rtag tu de rgyu nye phyir ro zhes bshad ba'i skyon gang yin pa de dbang po skyed ba la yang 'gyur ro/ /gzhan dag la yang ci rigs bar skyon brjdo par bya'o/ /gal te sems las kyang lus rgyu nyid du mi rung ba'i phyir lhag mar gyur ba sems las dbang po skye ba yin na zhes 'dod ba de'i tshe/ sems de las skye mched lnga'i bdag nyid can gyi lus gzhan dag kyang skye bar 'gyur/ ji ltar tshe 'di nyid kyis skye mched lnga rgyu yin no zhes bya ba'i kho? bo cag gi 'ching bas ci zhig bya/ gang gi phyir bus sems kyi bar len par gyur ba ma yin par bsgrubs pa/ de phyir lus kyi 'byung ba'i rgyu dang bral ba'i phyir/ so so'i skye bo dang dgra bcom par 'dod ba'i skyes bu dang 'brel ba can gyi/ sems tha ma nyid thams cad kyi mtshams mi sbyong min zhes bya ba la/ rgyu dang bral phyir bya ba 'dis gtan tshig sa ma grub ba bstan to/ /des na dang 'dra ba'i 'chi ba'i sems nyid yin pa'i phyir zhes bya ba la sogs pa lhag mar gyur ba/ sgrub byed lhag ldan yin par 'dod/ sems gzhan nyid mtshams sbyor ba la/ /gnod pa can nyid yod pa ma yin no/ /ji ltar lus tha dad ba la gnas ba nyid kyi phyir 'jig rten gzhan du mngon par 'dod ba'i lus la gnas pa can gyi sems ni sems gzhan dang nyid mtshams sbyor ba ma yin te/ skyes bu gzhan gyi sems bzhin no zhes brjod pa gang yin pa de yang/ de ? ba'i nyid mtshams sbyor ba dang lus tha dad ba la gnas 'gal ba med ba'i phyir lhag ma dang ldan pa yin par 'dod do/
- 64b
lus ngag ni rang bzhin tha dad pa tsam gyis nyid mtshams mi sbyor ba yin te/ sa bon dang myu gu ngag rang bzhin tha dad kyang mtshams sbyor ba'i phyir ro/ /de bas na rgyud tha dad ba'i lus la gnas ba can nyid mtshams sbyor bar mi 'gyur ba de yang grub ba ma yin te/ skye ba thams cad la skye mtshan lda'i khyed par dang ni sems can du btags pa gcig gi rten nyid yon pas su ma la mi 'jug pa'i phyir ro/ /gnas skabs so so tha dad pas tha dad pa'i lus la gnas pa nyid mtshams sbyor ba'i phyir ma nges pa yin no/ /lus la gnas pa bkag ba'i phyir ma grub pa yin no/ /dbang po'i rnam par shes pa de'i ? gyis bskyed ba yang skyon yod pa ma yin no/ /'di ltar de dag ni rten pa'i ngo bo ma yin te/ sems dang sems las byung ba dag ni yul la mi gnas ba'i phyir ro/ /de las skyes ba yang gnas pa yin na skyes bu gzhan gyi lus yul du gyur ba las kyang skye ba'i phyir/ /de la gnas pa'i sems ni gzhan la mtshams sbyor ba'i phyir ma des pa yin no/ /gal te dbang po 'gyur ba ni 'gyur ba'i phyir dang po dang 'dra bar yul la gnas pa ma yin no zhe na/ ma yin te/ yul gyi 'gyur bas kyang snang ba tha dad ba'i phyir 'di gtan tshigs ma yin do/ /sgrub bar byed pa yang lus rten yin pa gsal ba la sogs bas bshad zin pa de ltar na/ skye ba dang 'chi ba'i rgyun grub pa de ltar na snying rje la sogs ba'i yid kyi yon tan rnams goms pa yid pa dang/ shin tu goms pa yod pa na de'i bdag nyid du gyur pa 'gal ba yod pa ma yin no/ /sbyor ba ni yid kyi yon tan gang yin pa de dag ni shin tu goms pa yang na/ skyes bu shin du de'i bdag nyid du 'gyur ba thob par 'gyur te/ dper na gtsang sbra can thod pa can du gyur phan? yid 'byung ba med pa lta bu'o/ /snying rje chen pos ji skad du bshad pa'i mtshan nyid can yang yid kyi yon tan yin no zhes bya ba ni rang bzhin gyi gtan tshigs so/ /gang
- 65a
dang gang yid kyi yon tan goms ba las khyad par can du 'gyur bar ni rim bzhin du shin tu goms pa las skyes bu de'i bdag nyid du 'gyur te/ dper na gtsang sbra spyod pa thod ba can de nyid yid 'byung ba med pa lta bu'o/ /skyes bu rnams kyi snying rje chen po yang goms pa las khyad par can du 'gyur zhes bya ba ni rang bzhin gyi gtan tshigs so/ /gal te goms pas zhes bya ba la sogs pas ma nges ba'i dogs pa bsu ba yin te/ goms bas khyad par yod pa yin na yang rang bzhin las 'das te/ rigs mi mthun pa las 'das pa rang gi dang gis 'jug ba'i mtshan nyid can snying rje la sogs ba'i bdag nyid du 'gyur ba yin no/ /ci dang 'dra bar she na/ mchod bzhin te dper na shin tu legs bar goms bar byas pa can gyi sems mchod ba na/ yul cung zad cig gnod par byed kyi /dpag tshad dam rgyar grags phyed dam/ rgyang grags sam lhag ba ma yin pa lta bu'o/ /chu'i dro bzhin du ste chu'i dro ba ches shin tu gyur pa na yang dus yun ring po nas kyang 'bar ba nyid du mi 'gyur ba lta bu'o/ /de ltar na rang bzhin las mi 'das pa'i phyir ma nges pa yin ni zhe na/ gal te des byas phan yang zhes bya ba la sogs pas khyad par dang bcas pa'i gtan tshigs bstan ba'i sgo nas ma des ba'i lan 'debs bar byed do/ /gal te goms pa gang yin pa 'ga' zhig gis gang ? 'ga' zhig la khyad par gang yin pa de byas pa ni yang yang bya ba'i phyir/ 'bad rtsol ? yang bltas yin te dper na mchod ba nyid sdar 'bad rtsol las thob ba yang 'bad rtsol la bltos pa med par skyes bu rang gi dang gis mi 'gyur ba lta bu'o/ /dper na chu'i dra ba nyid med skyes par byed pa de la bltos pa med pa ma yin pa lta bu'o/ /gal te khyad par te brtan min ? can 'gyur dper ni chu'i dro ba nyid thob bar khyar pa'i rang bzhin zad pa nyid lta bu'o/ /de'i tshe phyi ma'i khyad bar
- 65b
nyid ni mi 'phel na/ rnam par gnas pa nyid 'phel bar 'gyur ro zhes bya ba'i don to/ /rang bzhin dag ni de 'dra mi ni/ /gang rang gi dang gis 'jug pa ma yin te/ dper na 'dod chags la sogs pa lta bu'o/ /gang zhig yang bya ba'i phyir 'bad rtsol la bltos pa ji skad du bshad ba'i phul du byung ba rnam par gnas pa 'phel ba can/ de sbyor nus can te/ sngar byas pa'i phul du byung ba skyed ba nyid la nus pa zad ba can gyi/ sgrub byed rnams nus pa med pa nyid phyir ro/ /gang la zhe na/ khyad bar phyi ma dag la ni ste khyad par phyi ma phul du byung ba byed ba la nus pa med pa nyid kyi phyir ro/ /rtag tu rten rnams med phyir ro/ /mi brtan ba'i rgyu nyid kyi phyir ro/ /sngar 'byung ba de'i khyad par 'phel ba yin na'ang/ cung zhig tsam 'phel ba yin gyi yang rang bzhin min phyir te de nyid rang gi dang gis 'jug pa med pa nyid kyi phyir de yang 'bad rtsol gyis bsgrub par bya ba yin te/ dper na mchog ba dang chu dro ba nyid ces bya ba de 'dra ba'i phul du byung ba shin tu 'phel ba med pa lta bu'o/ /gang gi tshe 'ga' zhig byas pa yin na ste/ phul du byung ba byas pa yin na 'jug pa'i phyir yang 'bad rtsol la bltos ma 'gyur/ de'i tshe yang phul du byung ba bsgrub pa de las phyis kyi gang yin ba de ni/ rtsol gzhan khyad par byed par 'gyur/ phyi ma la nus pa mi zad pa can du 'gyur ro/ /rten brten pa nyid du gyur ba na khyad par phyi ma byed par 'gyur ro/ /de ltar ma yin no 'phags pa nyan thos rgyu rgyun? chad pa can rnams de'i bdag nyid du gyur ba gang yin/ 'jig rten la phan par bzhed pa rnams kyi rgyud rgyun bcad bas kyang rten mi brtan pa nyid ma yin no/ /dus gcig cig tshe 'ga' zhig brtse ba la sogs pa'i khyad par gyi sbyor ba thob nas yang sbyor ba la bltos ba dang bcas pas 'jug pa ma yin gyi/ 'on kyang khyad bar thob pa gang yin pa de ni 'bad rtsol med par
- 66a
'jug pa yin no/ /des na/ sems la brtse sogs goms skyes pa/ /rang gi dang gis 'jug 'gyur ro/ /sogs pa smos bas ni dga' ? ba? ded? btang snyoms la sogs pa bzung ngo/ /ci dang 'dra bar zhe na/ me la sogs pa shing dag dang/ /dngul chu dang ni gser sogs bzhin/ /dper na mes shing la byas pa'i chos pa las byung ba'i yon tan ji tsam bcan gang yin pa de dang de/ yang de'i ngo bo'i phyi ma la bltos pa med pa de lta bu de ni gags byed pa med na/ thams cad thal bar gyur gyi bar du phyi ma phyi ma lhag bar byed ba yin no/ /yang dper na kha sbyod du bzhu ba la sogs pas gser rnam par dag pa'i mtshan nyid can gyi byang ba'i yon tan de ni kha sbyar gnyis pa bzhu ba la bltos pa med pa lta bu'o/ /de ltar na kha sbyar du bzhu ba phyi ma phyi ma ni gzhan dang gzhan gyi byed pa yin pas na/ /rim bzhin du sbyor bar byed do zhes bya ba ni rnam par sbyad ba'i mthar phyin pa'o/ /de bzhin du dngul chu'i sbyor ba dang spyod ba la sogs pa'i bar du 'dzin pa zhes bya ba ni mthar phyin pa'o/ /sogs pa smos pas de lta bu'i rigs can zangs ma la sogs pa gzhan dag la yang rtogs par bya'o/ /'dis ni dpe bstan pa yin no/ /gang gi phyir brtse ba la sogs pa goms pa las skyes shing 'byung ba'i yon tan yang sbyor ba la bltos pa can ma yin pa dang/ rten brtan pa can yin pa de'i phyir de'i rnams skyes yon tan de ni rang bzhin nyid du 'gyur te/ 'bad? rtsol la bltos ba med par? de dang gi deng gis 'jug pa de'i tshe yang /de las 'bad rtsol phyi ma dang/ phyi ma khyad par byed pa yin no/ /'bad rtsol snga ma snga ma las 'bad rtsol phyi ma phyi ma'i sbyor ba gang yin pa de ni/ khyad par phyi ma phyi ma mthar phyin pa'i bar du byed pa yin no/ /sbyor ba ni gang zhig bstan pa'i rten can gyi chos yin pa dang gang ji lta ba bzhin du skyes pa yang 'bad rtsol la bltos pa med pa
- 66b
ni goms pa las shin du mthar thug par 'gro ba yin te/ dper na shing la sogs pa la tshos pa las skyes pa'i gzugs la sogs pa lta bu'o/ /skyes bu rnams kyi snying rje chen po shin tu goms pa yod pa can yang brtan pa'i rten can yin pa dang/ khyad par skyes pa yang 'bad rtsol la bltos pa med par yod pa yin no zhes bya ba ni rang bzhin gyi gtan tshigs so/ /de ltar khyad par dang bcas pa nyid yin pa'i phyir gtan tshigs ma nges pa ma yin no/ /gang phyir brtse ba la sogs blo/ /rigs mtshungs sa bon snga ma laS 'phel pa can te/ brtse ba la sogs pa gang la rigs mtshungs pa'i rgyu las 'phel zhing khyad par du gyur pa yod pa ni zhes bya bar tshig rnam par sbyar ro/ /gang gi phyir rigs mtshungs pa'i sa bon snga ma snga ma goms pa'i nye bar len pa'i rgyu la bltos nas rtsol ba la sogs ba'i blo rgyu tshogs pa yod na 'thob par 'gyur ro zhes bya ba ni rang bzhin gyi gtan tshigs so/ /ji ltar de 'dra ba'i brtse ba la sogs pa'i blo de dag ni/ goms yod yin na gnas gang las/ khyad par du rnam par gnas pa can te/ shin tu 'phel ba nyid ces bya ba'i don to/ /des ni tshad ma'i 'bras bu bstan to/ /sbyor ba yang gang dang gang rigs mtshungs pa'i sa bon snga ma las 'phel ba can yin pa de dag ni gegs byed pa'i mtshan nyid can nam/ sgyu ma tshang ba'i bar chad med na shin du 'phel ba'i chos can nam/ 'phel? ba tshad nges pa can ma yin te dper na 'bru la sogs pa lta bu'o/ /brtse ba la sogs pa yang rigs mtshungs pa'i sa bon las 'phel bcan yin no zhes bya ba ni rang bzhin gyi gtan tshigs so/ /bsgrub bar bya ba gnyis pa la bltos nas khyab par byed pa 'gal ba dmigs pa'o/ /de ltar zhes bya ba la sogs pa bshad pa las rnam par bzlog pas ni mchongs ba la sogs pa'i phul du byung ba'i
- 67a
'phel ba med pa'i rgyun 'chad pa yin no/ /ji ltar brtse ba la sogs pa snga ma snga ma la brten nas brtse ba la sogs pa phyi ma phyi ma 'gyur ba/ de ltar mchongs nyid las mchongs pa min no/ /'o na ci yin zhe na/ lus kyi stobs dang/ 'bad rtsol dag las yin zhing/ de dag kyang nus pa nges pa can yin la/ de rgyu stobs dang 'bad rtsol gyi/ de dag gi nus pa nges pa nyid kyi phyir 'bras bu/ mchongs pa nges pa'i bdag nyid yin gyi 'phel ba ma yin no/ /gal te stobs dang 'bad rtsol dag las mchongs pa yin gyi/ rang gi rigs las 'jug bcan ni ma yin te/ 'di ltar goms pa'i dus phyis skyes bu'i sa ji tsam mtshor pa yin gyi mchongs pa yin pa de ltar sngar yang ci'i phyir mi 'gyur zhe na/ de ni skyes bu'o/ /dang por ni goms pa las sngar ro/ /phyis bzhin du mchongs min te/ bad kan la sogs pas lus mi mthun phyir te/ lci ba nyid kyi rgyu'i phyir ro/ /phyis kyang rtsol bas rim gyi mi mthun pa/ bsal na lus lci ba med ba na lus kyi stobs nges pa yin/ ji srid bgrod par bya ba nyid yin par phyin pa yin gyi/ lhag bar ma yin pa de ltar na 'di las ring du song ba ma yin pa zhes bya ba la kha na ma tho ba yod pa ma yin no/ /yid kyi yon tan goms pa yod na de'i bdag nyid du yod bar bsgrub par bya ba yin no/ /skyes bu thams cad brtse ba la sogs pa goms pa la sbyor ba yang ma yin no/ /'o na ci yin zhe na/ brtse rang sa bon las byung can/ /gal te mi mthun phyogs kyis te/ /brtse ba la sogs pa dang 'gal ba'i chos dag gis so// ci 'dra ba zhig ce na/ rang sa bon 'byung can no/ /gang la rang gi sa bon gyi rab tu phye ba'i skye ba'i skye ba yod pa zhes bya bar tshig rnam par sbyar ro/ /de dag gis snying rje la gnod pa med pa de'i tshe yang dang yang goms ba na sems la de bdag nyid
- 67b
thob 'gyur ro/ /ci'i phyir de ltar 'gyur zhe na/ de ltar snying rje la sogs pa goms pa snga ma dang snga ma rtsa ba yin no/ /gang gi zhe na brtse ba dang/ chags bral blo sogs gzhan dag gis ste/ khyad par can gzhan gyi'o/ /sogs pa smos pas ni yid kyi yon tan gzhan yang bzung ngo/ /brtse ba la sogs pa ci 'dra ba zhig gi zhe na/ sems chos kyi'o/ /de la yang yid kyi chos snga ma snga ma goms pas byas pa 'bad rtsol la bltos pa med pa can phyis kyi brtse ba la sogs pa skye ba tsam gyi rgyu ni ma yin gyi 'on kyang bsal ba'i rtsa ba yin te/ khyad par phyi ma phyi ma byed pa'i rgyu yin no zhes bya ba'i don to/ /sbyer ba yang sngar thob pa'i khyad par 'bad rtsol med par 'jug pa yid pa de'i gnas skabs can gyi yid kyi chos goms pa gang yin ba de yang de las khyad par lhag pa byed pa can yin te dper na sngar byas ba'i yid kyi chos kyi khyad par goms pa lta bu'o/ /brtse ba la gzhan dag kyang ji lta ba bzhin du thob pa'i khyad par 'bad rtsol med par 'jug pa yod pa de'i gnas skabs can gyi yid kyi chos de goms pa yin no zhes bya ba ni rang bzhin gyi gtan tshigs so/ /de de ltar na ji ltar du bshad pa'i/ goms las brtsi bas bdag nyid de/ shin tu sems can sdug bsngal las yongs su skyab par byed pa bzhed pa ste/ rgyu'i gnas skabs brnyed pa yin no/ /zhes bya ba'i don to/ /ci dang 'dra bar zhe na/ chad bral chad dang mi gtsang bzhin/ /dper na grol ba rnams kyi bde ba dang sdug bsngal dag la skyo ba dang skyo ba med pa'i mtshan nyid can gyi chags pa dang bral ba'i bdag nyid thob pa lta bu'o/ /dper na 'dod chagS la sogs pa tshas? shin du goms pa can gyi 'dod chags la sogs pa rang gi ngang gis 'jug pa de bzhin no/ /dper na mi gtsang ba la smod pa'i mtshan nyid can mi gtsang bde goms pa can la rang gi dang gis 'jug pa de dang 'dra ba brtse ba
- 68a
yang goms pa las rang gi ngang gis 'jug pa'i ngang tshul can du 'gyur ro/ /sgrub byed thugs rje goms pa zhes bya pa nas brtsams te/ chags bral chags dang mi gtsang ba zhi na zhes bya ba'i bar 'dis ni 'gro la phan bar bzhed pa nyid bshad pa yin no// brtse ldan zhes bya ba la sogs pas ston pa nyid 'chad par byed de brtse ldan te/ rgyu'i gnas skabs na yod pa'i dang tshul can gyi brtse pas byang chub sems dpa' sems can gzhan gyi sdug bsngal gyis sdug bsngal bar gyur pa brtse ba goms pa gyur pas de dag gi sdug bsngal nye bar zhi ba don du gnyer ba can gyi sdug bsngal spang phyir de rab tu zhi ba'i/ thabs rnams la ni mngon sbyor mdzad/ /nyid nyid kyi sdug bsngal rab tu zhi ba dang rjes su mthun pa'i lam rtogs par byed pa zhes bya pa'i don to/ /gal te brtse ba dang ldan pa sems can gyi sdug bsngal rab tu zhi ba'i thabs nyid/ sems can rnams la ston par mdzad pa nyid yin na/ ci'i phyir skabs su ma bab pa ston ce na/ de ni skabs su ma bab pa ston pa ma yin te/ nyid nyid kyi sdug bsngal rab tu zhi ba'i thabs rtsom pa gang yin pa 'di nyid/ gzhan gyi don dang rjes su mthun pa yin no/ /de lta yin na thabs don gang yin pa de'i rgyu gang yin nan tan du byas pa las/ de'i thabs las byung ba'i don de gdul bya de dag gis thob par 'gyur ro/ /gzhan gyi don la 'jug pa'i skyes bu gang la thabs las byung ba dang de'i rgyu de dad de lkog tu gyur pa de ni/ thabs byung de rgyu lkog gyur can no/ /sems can bstan par bya ba la de 'chad pa ste/ thabs las byung ba dang/ de'i rgyu phyin ci ma log par bstan par mdzad pa dka' ba yin te lam mi shes pas phyin ci ma log pa'i lam ston pa'i skabs med pa'i phyir ro zhig/ rtogs pa dang ldan pa nyid nyid sems can rnams la de nyid dang de'i rgyu ji ltar gnas pa bzhin du 'chad bar
- 68b
bzhed pas mngon sum du mdzad pa yin no/ /sbyor ba ni gang rtog pa sngon du gtong ba can gzhan la gang thob par byed pa'i thabs phyin ci ma log pa ston par bzhed pa de ni thob bar bya ba dang/ de'i thabs nyid mngon sum du mdzad bar bzhed pa yin te/ dper na 'ba' stegs kyi phyir skyes bu chu bo brgal ba la phyin ci ma log par ston par 'dod pa lta bu'o/ /thugs rje'i bdag nyid can rtogs pa sngon du gtong ba can yang/ sems can rnams la sdug bsngal ldog pa thob par byed pa dang/ de'i thabs phyin ci ma log par ston par bzhed par yin no zhes bya ba ni rang bzhin gyi gtan tshigs so/ /brtse ba dang ldan pa de'i sdug bsngal bcom pa'i phyir sbyor ba gang yin zhe na/ lung dang rigs pas zhes bya ba la sogs pa smos te/ re zhig lung dang po de la dmigs nas de bstan pa'am/ sgrub pa rnam par dpyod pa yin gyi rigs pa nyid kyis 'ga' zhig gi tshe 'jug par 'gyur ba de ltar na lung smos pa yin no/ /de lta ma yin na gang las 'di rnam par dpyod pa nye bar mkho ba can nyid yin/ rigs pas rnam par dpyod pa ste/ rnam par 'tshol bas spang bar bya ba sdug bsngal de'i rgyu de rtog par mdzad do/ /skye ba'i mtshan nyid can gyi sdug bsngal 'di'i rgyu ni gang yin/ gang nye bar bcom pa las 'di bsal bar bya ba yin zhe na/ de de ltar na rgyu tsam yongs su dbyad pa las 'di rgyu med pa can du mi 'gyur bar mkhyen nas rgyu bkag pas de'i 'bras bu bcom bar nus so zhes bya bar thugs su tshud ba yin no/ /de lta ma yin na rgyu med pa can gyi rang dbang can bcom pa gang yin sdug bsngal gyi rgyu'i ngo bor shes par bya ba/ de mi rtag sogs ngo bo yang de las dus phyis ci 'di rtag pa yin nam 'on te ma yin/ rtag pa nyid yin na rtag pa nyid la byed pa po nyid med pa de ltar na/ rgyu med pa can nyid yin pa'i phyir sdug bsngal gcad par mi nus pa can nyid du 'gyur ro//
- 69a
brtag par byed pa bo nyid yin na yang ma tshang ba med pa can/ de'i 'bras bu rgyun chad pa'i chos can yin pa de ltar na bsal bar nus pa ma yin na zhes brtag par mdzad do/ /sogs pa smos pas ni rgyu de'i mtshan nyid dang 'phel ba'i rgyu brtags pa mdzad pa yin te/ de yang 'gal ba bsgrubs pas de bsal ba'i phyir ro/ /gang gi brtag pa mdzad ce na/ sdug bsngal nyid kyi khyad bar gyis/ /sdug bsngal de'i chos re 'ga' 'byung ba la sogs gang yin pa de dag gis/ rgyu'i rang bzhin ji ltar sdug bsngal cung zad 'di ni res 'ga' 'jug pa yin pa de ltar na/ rgyu med pa can ma yin te/ rtag tu yod pa dang med pr thal ba'i phyir ro/ /res 'ga' bar 'gyur ba de'i phyir/ rgyu nges 'ga' ba yin no zhes rtog par mdzad do/ /sbyor ba ni gang zhig res 'ba' ba yin pa de ni rgyu nges 'ga' ba can yin te/ dper na myu gu la sogs pa lta bu'o/ /sdug bsngal gyi khyad par 'di yang res 'ga' ba yin no zhes bya ba ni rang bzhin gyi gtan tshigs so/ /rtag pa nyid kyang 'di'i rgyu mi 'gyur ro zhes bya ba'i sbyor ba 'di brjod par bya ste/ rgyu rtag ba nyid la yang nges 'ga' nyid 'byung ba nyid la sogs ba mi rung ba'i phyir ro/ /de bzhin du rnam pa gzhan dag gis kyang rgyu yod pa dang/ de'i rang bzhin yongs su brtags pa mdzad do// ci'i phyir rgyu dang de'i rang bzhin la rtag pa mdzad ce na/ gang phyir de ltar sdug bsngal gyi rgyu gnas pa/ 'bras ldog gzigs pa med phyir ro/ /sdug bsngal bzlog par mdzad par bzhed pas so/ /gang ldog pa ma gzigs pa yin zhe na/ 'bras bu ? 'o/ /gang gis gang gsal bar 'dod pa de'i rgyu dang de'? rang bzhin shes ba med pas de med par ma byas par de bsal bar mi nus te/ dper na 'od kyi rgyu ldog sgron ma med par ma byas pa'i 'od lta bu'o/ /sdug bsngal bzlog par 'dod pas de'i
- 69b
rgyu ji ltar bzhin du rtogs par bya'o/ /sbyor ba ni rgyu bzlog pa med pa can gang yin pa de ni bzlog par bya bar nus pa ma yin te/ dper na rgyu ldog pa med pa can gyi nad lta bu'o/ /sdug bsngal yang rgyu ldog pa med pa can yin no zhes bya ba ni khyad par byed pa 'gal ba dmigS pa'o/ /gzhan yang gang gis gang bzlog par 'dod pa nges de'i rgyu dang rang bzhin shes nas/ de bzlog pa la 'bad rtsol byed pa yin te/ dper na skyes bus nad bzlog par bya ba 'dod pa lta bu'o/ /grol par 'dod pa 'di yang sdug bsngal bzlog par byed par 'dod pa yin no zhes bya ba ni rang bzhin gyi gtan tshigs so/ /gang gi phyir sdug bsngal bzlog par 'dod pas de'i rgyu ldog par bya ba yin no/ /de lta ma yin na sdug bsngal bzlog par mi nus pa de'i phyir/ sdug bsngal de rgyu bcom phyir de yi ni/ /mi mthun phyogs la ste sdug bsngal gyi rgyu dang 'gal ba'ang gang goms pa las sdug bsngal gyi rgyu ldog pa yin no zhes brtag pa mdzad pa'o/ /de lta ma yin na gzhan gang gis rgyu de med par byed pa yin zhes dpyad par bya ba yin no/ /sbyor pa ni gang gis gang skad bar 'dod pa des de'i gnod pa can dpyad par bya ba yin te/ dper na nyes pa rnams 'khrugs pa spong bar 'dod pas nyes pa'i gnyen po'i phyogs su gyur pa'i smad dpyad par bya ba yin pa lta bu'o/ /grol bar 'dod pa 'di yang sdug bsngal gyi rgyu spong bar 'dod pa yin no zhes bya ba ni rang bzhin gyi gtan tshigs/ /sdug bsngal gyi rgyu dang 'gal ba'i chos gang yin pa de yang gad las shes shing/ gang nan tan du byas pa las sdug bsngal gyi rgyu ldog pa yin zhe na/ de'i mi mthun phyogs kyang nges 'gyur zhes bya ba smos te/ sdug bsngal gyi rgyu dang 'gal ba'i chos kyang shes par 'gyur te/ sdug bsngal gyi rgyu'i ngo bo rtogs phyir ro/ /gang gi tshe 'di'i dmigs ba dang rnam pa de 'dra ba can phan? no? zhes sdug bsngal gyi rgyu'i rang bzhin shes par 'gyur ba de'i tshe/ ?
- 70a
dang 'gal ba'i rnam par gnas pa'i ngang tshul can gang yin pa de ni de'i mi mthun pa'i phyogs yin no zhes bde blag tu rtogs par 'gyur ro/ /skye ba'i mtshan nyid can gyi sdug bsngal gyi rgyu 'di dang/ de dang 'gal ba'i chos kyang gang zhe na/ bdag dang bdag gir 'dzin byas pa'i zhes bya ba la sogs pa smos te/ chags pa ste srid pa ni rgyu yin par sngar bshad zin to/ /ci 'dra ba zhig ce na/ bdag dang bdag gis 'dzin byas pa'i zhes bya ba smos te/ bdag dang bdag gir mngon dar zhen pa sngon du song bcan no/ /de nyid phyir 'dus byas spyod yul can yin te/ sdug bsngal du khyur ba'i 'dus byas bdag dang bdag gi dang bral ba la/ bdag dang bdag gi'i rnam par mngon par zhen pas 'jug pa zhes bya ba'i don to/ /sdug bsngal gyi de'i rgyu gnod bcan nyid ni/ bdag med mthong ba 'gal pa yin/ /dmigs pa dang rnam pa phyin ci log pa nyid yin pa'i phyir ro/ /sbyor ba ni gang zhig gang las rang bzhin phyin ci log pa gang yin pa de ni de'i mi mthun pa'i phyogs yin te/ til rlung gi rang bzhin las phyin ci log pa yin blta bu'o/ /bdag med pa mthong ba yang skye ba'i sdug bsngal gyi rgyu las rang bzhin phyin ci log pa can yin no zhes bya ba ni rang bzhin gyi gtan tshigs so/ /ma grub pa yang ma yin te sngar bstan zin pa nyid kyi phyir dang/ da yang 'chad par 'gyur ro/ /gzhan yang sdug bsngal gyi rgyu 'dus byas kyi yul can nyid dang/ bdag med pa nyid 'gal ba yin te/ dmigs pa dang rnam pa phyin ci log pa nyid du bstan pa'i phyir ro/ /sbyor pa yang gang zhig gang las dmigs ba dang rnam pa phyin ci log pa nyid yin pa de ni de'i gnod pa can yin te/ dper na thag pa la sprul gyi shes pa la rtog par byed pa po'i yang brtags sbrul ma yin pa'i shes pa lta bu'o/ /bdag med pa nyid mthong ba yang bdag dang bdag ga'i? mthong ba'i chags pa las dmigs pa dang rnam pa phyin ci
- 70b
'og pa yin no zhes bya ba ni rang bzhin gyi gtan tshigs so/ /ji skad du bshad pa'i chags pa'i yang sdug bsngal gyi rgyu nyid sdug bsngal phyin ci log blo ni zhes bya ba'i bar der bstan zin to /bdag med pa mthong ba de yang gzhan gyi don la 'jug par mdzad pa 'di'i dus ring por yang rnam pa mang pos/ /rnam pa du mar thabs goms pa/ rnam pa sna tshogs bar goms par mdzad pa bdag med pa nyid mthong ba dang de mi mthun pa'i phyogs de la skyon dang yon tan dag ma lus pa/ rab tu gsal ba nyid 'gyur te/ ji srid du ma lus par thugs su chud pa med pa de srid du ston pa nyid phun sum tshogs pa rdzogs pa dang ldan pa ma yin ba de ltar na/ skyes bu chen po dag gi dus ring por goms par mdzad ba 'bras bu med pa ma yin no/ /sbyor ba ni gang zhig gang la shes rab dus ring por rnam pa mang pos rnam pa du mar goms par byed pa de ni de dang de'i mi mthun pa'i phyogs la yon tan dang skyon gsal par 'gyur te dper na bzo dang las kyi gnas pa mngon par sbyor ba'i skyes bu shes rab can 'ga' zhig gi lta bu'o/ /grol par bzhed pa 'dis kyang bdag med pa mthong ba dus ring por rnam pa mang pos rnams pa du mar goms pa byed pa yin no zhes bya ba ni rang bzhin gyi gtan tshigs so/ /de ltar goms pa las/ thugs kyang gsal ba'i rgyu'i phyir/ /sdug bsngal gyi rgyu'i bag chags nyon mongs las byas pa'i lus dang ngag dang yid las su mi rung ba'i mtshan nyid can spangs pa ni'o/ /'di ni bcom ldan 'das/ thub chen gzhan don 'jug can gyi/ /bse ru sogs las khyad 'di yin/ /nyan thos dang rang sangs rgyas de dag gis kyang nyon mongs pa spangs pa yin mod kyi/ /'on kyang de dag gi bag chags mnga' ba yin la/ sangs rgyas bcom ldan 'das rnams kyis de yang lus ltar ma mdzad pa de ltar na/ nyon mongs pa dang bral ba la nyan thos dang/ rang sangs rgyas dag las sangs rgyas bcom ldan 'das kyi khyad par ni 'di yin te/ de yang
- 71a
gzhan gyi don la 'jug par mdzad pa kho na'i phyir ro/ /mi mthun ba'i phyogs dang gnyen po'i phyogs kyi skyon dang yon tan rnam par ma phye ba can ni gzhan dag la de dag yang dag par ston ba'i nus pa med pa'i phyir/ gdon mi za bar 'dis ni de dag rnam par phyi ba'i phyir/ dus ring por rnam pa mang pos du mar goms pa khyad par du mdzad pa yin no/ /de yang bag chags spong ba'i rgyu yin no zhes bstan pa'i phyir ro/ /gzhan don 'jug can gyi/ khyad 'di yin zhes bya ba smros so/ /thabs goms pa 'di nyid gang yin pa de ni ston pa yin par 'dod do/ /phyag 'tshal ba'i tshigs su bcad par ro/ /ci'i phyir zhe na/ de don phyir na ste/ de'i rgyu nyid yin pa'i phyir ro/ /rgyu la 'bras bu nye bar brtags pa zhes bya ba'i don to/ /nye bar brtags pa'i sgo nas yang bstan pa'i dgos pa ni /sems can rnams la ston par rung ba'i thabs su gyur pa nyid kyis de las gzhan pa'i thabs las khyad par can du bstan pa yin no/ /gnyis po 'di yi rgyu ru bshad/ bcom ldan 'das kyis thugs rje dang thabs goms pa rgyu yin no zhes rgyu phun sum tshogs pa gsungs pa yin no/ /ci'i phyir zhe na/ grub pa dang po yod phyir ro/ /bde bar bshegs pa zhes bya'i 'bras bu'i ngo bo grub pa ni rang gi don phun sum tshogs pa yin te/ grub pa de'i 'di gnyis rgyur gyur pa'i phyir ro/ /rgyu zhes bya ba la sogs pas bde gshegs bya ba 'chad par byed do/ /de ltar na goms pa'i khyad par gyis bdag dang bdag gi la chags pa'i mtshan nyid can gyi sdug bsngal gyi rgyu snga ma rang gi dang? gis 'gog pa na/ bdag med pa nyid mthong ba goms pa'i bdag nyid la gnas pa'i sdug bsngal phyi ma'i rgyu mi skye ba'i mtshan nyid can gyi khyad par ni spang ba'o/ /yon tan gsum ni khyad par gsum mo/ /de ni bde bar gshegs pa nyid yin no/ /de bas na su'i sgra 'di legs par byed pa zhes bya ba la sogs pa'i tha snyad kyi tshegs chud
- 71b
ba'i don la sogs pa la 'jug pa yin na yang/ 'dir don rnam pa gsum gsal bar bya ba'i phyir brjod pa yin no/ /don rnam pa gsum yang gang zhe na/ bsngags pa nyid dang/ slar mi ldog pa nyid dang/ ma lus pa nyid do/ /bde bar gshegs pa nyid du mngon bar 'dod pa bsngagS pa nyid la sogs pa'i sgra'i brjod par bya ba'i don yang gang yin/ gang gis na da bsngags pa nyid dang slar mi ldog pa nyid dang/ ma lus par gshegs pa nyid can bstan pa yin zhe na/ bshad pa re zhig sdug bsngal rten min phyir/ /bsngags yin 'jig rten na yang bde ba dad de'i rgyu la bsngags pa yin la/ de las bzlog pa sdug bsngal du gyur ba ni zag pa dang bcas pa yin te/ de brten pa gang yin pa de ni bsngags par 'gro ba can du gyur pa ma yin no/ /sdug bsngal gyi rten ma yin pa de ni bdag med pa mthong ba'i rgyu'i phyir ro/ /bdag dang bdag gir mngon par zhen pa spangs pa can ni srid pa'i dbang gis zag pa dang bcas pa'i mtshan nyid can gyi sdug bsngal gyi rten du 'gyur ba ma yin no/ /bdag tu lta ba ma spangs ba can gyis ni cung zad spangs su zin kyang/ bdag tu chagS pas bdag tu yongs su bzung nas de mi 'dod pa nyid kyi rtog pa cung zad cig spong bar byed kyi/ cig shos ni ma yin te bdag nyid du yang yongs su bzung ba med pa nyid kyi phyir ro/ /sbyor ba yang gang gi bdag dang bdag gis lta ba dang/ chags pa med pa gang yin pa de ni sdug bsngal du gyur pa zag pa dang bcas pa'i chos 'ga' zhig gi srid pa'i dbang gis rten pa yin te/ dper na nam mkha' lta bu'o/ /bdag med pa mthong ba lhun gyi grub pa'i skyes bu yang bdag dang bdag gis lta ba dang/ chags pa med pa yin no zhes bya ba ni rgyu mi dmigs pa'o/ /rigs pa nyid phyir ro/ /rigs pas yongs su mthong pa'i thabs bshad ma thag pas gshegs pa'i phyir bsngags par gshegs pa'o/ /de de ltar na rnam pa gnyis kyi bsngags par gshegs pa bshad
- 72a
pa yin no/ /slar mi ldog par gshegs pa'i phyir bde bar gshegs pa yin na/ slar ldog pa yang gang yin/ gang bzlog pa las slar mi ldog ba zhes bya zhe na/ skye dang skyon ni kun 'gyur dag/ slar yang bzlog ces bshad pa yin/ skye ba yang 'byung ba dang 'dod chags la sogs pa'i skyon rnams yang 'byung ba ni slar ldog pa yin no/ /gang gi skye ba dang skyon yang 'byung ba med pa de ni 'khor ba las grol ba'am nyes pa zad pa yin no/ /de 'jug pa na 'khor ba dang so so'i skye bo nyid slar yang ldog par 'gyur na/ de dag yod pa ma yin no/ /ci'i phyir zhe na/ bdag lta'i sa bon spangs pa'i phyir/ slar mi gshegs pa yin te/ /skye ba dang skyon mi 'byung ba yin no/ /de ltar na bdag tu mngon par zhen pa yod na/ bdag gir chags pa la sogs pa'i skyon gyi tshogs 'jug par 'gyur zhing/ bdag tu chags pas kyang gnas yongs su len par byed do/ /bdag tu lta ba'i chags pa de dag med pa gang yin pa de'i gang las nyon mongs pa dang yang srid pa len pa yin sbyor ba ni gang zhig bdag tu lta ba'i chags pa med pa de'i skye ba yongs su len pa med cing 'dod chags la sogs pa'i skyon 'byung ba med de dper na nam mkha' lta bu'o/ /bdag med pa nyid mthong ba lhun gyi grub pa'i skyes bu'i yang bdag gir mngon par zhen pa'i lta ba dang chags pa yang yod pa ma yin zhes bya ba ni rgyu mi dmigs pa'o/ /bdag tu lta ba'i sa bon spangs pa/ de bden tha dad bdag nyid kyis/ /bden pa nyid du bdag tu lta bas sgro btags pa bden pa ma yin pa'i rnam par bzlog par 'dzin pa can yin pa'i phyir bdag med pa nyid mthong ba ni bdag dang bdag gis lta ba'i gnyen po dang/ phyin ci ma log pa dang/ tshad ma'i grogs can yin no zhes bstan to/ /tha dad pa nyid kyis ni bdag tu lta? ba dang 'gal ba nyid du bstan to/ /bdag nyid kyis ni 'di'i rang bzhin nyid bshad pa yin no/ /gang
- 72b
gi phyir phyin ci ma log pa de nyid kyi phyir de'i 'gal ba dang 'gal ba nyid yin pa'i phyir/ bdag med pa nyid mthong ba ni bdag dang bdag gir lta ba 'joms par byed pa yin no/ /gang gi phyir bden pa dang/ tshad ma'i grogs can nyid yin pa de'i phyir de dor bar bya ba'i phyir brtsol bar mi byed do/ /rang bzhin nyid kyis ni 'bad rtsol gyis bzlog par bya ba nyid yin par bstan to/ /gang zhig gang gi rang bzhin yin pa de ni 'bad rtsol med par bzlog par mi nus te/ dper na gtsang spra can thod pa can du gyur pa'i sgyod pa la sogs ba lta bu'o/ /bden pa nyid yin pa'i phyir 'bad rtsol gyi rtsol pa mi byed pa de ltar na yongs su nyams pa med do/ /de yang sngar dpyad zin to/ /'dis ni yang slar mi ldog pa bshad pa yin no/ /de ni ma lus pa'i don lus dag ces bya ba la sogs bas 'chad par byed pa la lhag ma de yang gang yin/ gang spangs pas gshegs par bya ba ji srid par gshegs pa'i phyir bde bar gshegs pa zhes bya ba na/ lus ngag sems kyi gnas ngan len/ lus yin zhes bya ba smos so/ /ci 'dra ba zhig ce na/ nyon mongs med dang nad med dang/ nyon mongs pa med pa nyid kyi phyir nad med cing gdung ba med ba ste/ yang 'khor ba'i sdug bsngal gyis gdung bar mi sbyar ba'i phyir ro/ /de la nyon mongs pa can ma yin pa'i lus kyi gnas ngan len ni ma brtags par yang goms pa las mchod zhing 'gro ba la sogs pa'o/ /dag gi gnas ngan len ni da'o snyam pa'i nga rgyal med par bsang? rigs brjod pa la sogs pa'i kun tu spyod pa'o/ /sems kyi gnas ngan len ni rtag tu mnyam par ma bzhag pas lung du ma bstan pa'i sems kyi gnas skabs de/ gnas ngan len rnam pa gsum po de dag ni lus pa yin no/ /dus ring por rnam pa mang pos rnam pa du mar lam goms par ma byas las lam de dang de'i mi mthun pa'i phyogs kyi yon tan dang skyon rnams khyad? par du rtogs
- 73a
pa med pa'i phyir ro/ /yang na ji lta ba bzhin du rtogs pa'i lam yang rnam par phye ba dang/ bshad pa la mi gsal ba ni lus pa yin no/ /ji skad du brjod pa'i lus pa de dang de bzhin gyi don la 'jug pa can gyis dus ring por rnam pa mang pos rnam pa du mang lam/ goms phyir ma lus spangs pa yin /de mi mnga' ba'i phyir 'phags pa nyan thos la sogs pa la mi mngar zhing/ grol ba na yang phyis lus la spangs pa mi mnga' ste/ lus pa ni skye ba du mas tshar bcad par bya ba nyid yin pa'i phyir dang/ 'phags pa nyan thos la sogs pa la ni yang skye ba'i rgyun mi mnga' ba'i phyir ro/ /rgyal dpog pa la sogs pa kha cig smra sogs phyir na/ smra ba po nyid la sogs pa'i gtan tshigs kyis 'ga' zhig gi skyon zad min na/ gang las ma lus pa spangs pa'am gzhan du 'gyur zhe na/ smra ba po nyid la sogs pa'i sgrub par byed pa ni nyes bzang pa 'gog pa nus pa yod pa ma yin no/ /ci'i phyir zhe na/ gang gi phyir 'gal ba med par grub pas smra ba la sogs pa 'di ldog la the tshom za ba de'i phyir 'khrul pa ldog pa la the tshom za ba nyid yin pa'i phyir ma nges pa nyid yin pa de ltar na lan mang du dpyad zin pa nyid kyi phyir 'dir ma spros so /smra ba nyid kyi phyir nyes pa zad pa ma yin no zhes bya ba de dang de ni shin tu rigs pa nyid ma yin gyi/ 'on kyang sems dang ldan pa 'ga' zhig 'di ltar skyon? rnams mi zad rtog 'gyur te/ 'di lta ste/ rtag nyid phyir te ther zug tu gnas pa nyid kyi phyir ro/ /rtag pa gang yin pa de dag ji ltar zad par 'gyur/ rtag pa nyid ni ma yin te/ mi rtag pa nyid yin mod kyi/ 'on kyang de dag zad pa'i thabs srid pa ma yin na gang gis na zad par 'gyur te/ de ltar na thabs med phyir/ nyes pa rnams zad pa nyid ma yin no/ /nyes pa de rnams zad pa'i thabs yod pa ni ? ste/ de ltar na yang thab
- 73b
de rigs par byed pa 'ga' zhig kyang yod pa ma yin na/ gang de nan tan du byas pa las zad par 'gyur/ de ltar na yang na thabs ni mi shes phyir mi zad pa nyid du rtogs par 'gyur ro/ /sbyor ba ni rtag pa gang yin pa de dag gi ni zad pa ma yin te dper na nam mkha' lta bu'o/ /nyes pa yang rtag pa yin no zhes bya ba ni 'gal ba dmigs pa'o/ /gang zad pa'i thabs yod pa ma yin pa de ni zad pa ma yin te dper na nam mkha' de nyid lta bu'o/ /nyes pa rnams la yang zad pa'i thabs yod pa ma yin no zhes bya ba ni khyab par byed pa mi dmigs pa'o// gang zhig gang zad pa'i thabs rigs pa ma yin pa de ni de zad par byed pa ma yin te/ dper na nad zad pa'i thabs mi rig pa'i sman pa ngan pa lta bu'o/ /skyes bu 'di yang nyon mongs pa zad pa'i thabs mi rig pa yin no byas bya ba ni rgyu ma dmigs pa'o/ /gtan tshigs gsum po de dag kyang ma grub pa yin te/ rgyu ldan nyid kyi phyir te/ nyon mongs pa rnams mi rtag pa nyid kyi phyir rtag pa nyid phyir rtag pa nyid ma grub pa yin no/ /gang dang gang rgyu dang ldan pa gang yin pa de ni rtag pa ma yin te/ dper na sgron ma lta bu'o/ /skyon lang? rgyu dang ldan pa nyid yin no zhes bya ba ni khyab par byed pa 'gal ba dmigs pa'o/ ma gud yang ma yin te glo bur ba yin na thams cad dus thams cad du bdag nyid thams cad kyis mngon du phyogs par thal bar 'gyur ba'i phyir ro/ /rtag pa nyid ? la nges 'ga' 'byung ba dmigs pa la sogs pa gtan tshigs nyid du brjod par bya ba yin no/ /don nyon mongs pa ni 'dod chags dang/ zhe sdang dang gti mug rnams so/ /bdag dang bdag gi? lta ba ni gti mug go /de sngon du song ba can gyi bdag? dang ? zhen ? ni chags pa'o/ /de sngon du song ba can rjes su chags pa'i yul la gnod par byed pa la mnar sems pa ni zhe sngar? ro/ /de ltar na bor ? lta ba sngon du ser ba can gyi nyon mongs pa dang/ ? nyon mongs pa gzhan dag kyang rab tu 'jug pa ? gyur pa? thams
- 74a
cad kyi bdag tu nga rgyal ba'i mngon par chags pa rtsa ba yin pa de ltar na/ bdag tu lta ba nyes pa'i rgyu yin te de mngon du gyur ba na gzhan dag kyang mngon du 'gyur ba'i phyir ro// //tshad ma rnam 'grel gyi 'grel pa/ bam po bcu bdun pa/ sbyor ba ni gang zhig gang mngon du gyur pa na mngon du 'gyur zhing de las gzhan pa'i rgyu lhag ma rnams mngon du 'gyur na yang de ? du mi 'gyur na/ mngon du mi 'gyur ba de ni de las 'gyur ba yin te dper na sa bon mngon du phyogs pa na myu gu mngon du phyogs pa lta bu'o/ /skyes bu stong pa nyid bsgoms pa'i gnas skabs sam/ lung du ma bstan pa'i gnas skabs na yang ngar 'dzin pa dang da yir 'dzin pa mngon du gyur pa na/ bdag la chags pa la sogs pa'i skyon mngon du 'gyur zhing /dbang po la sogs pa de las gzhan pa yod na yang de mngon du mi 'gyur na mngon du mi 'gyur ro zhes bya ba ni rang bzhin gyi gtan tshigs so/ /de bas na bdag tu lta ba ni nyes pa rnams kyi rgyu yin no/ /rgyu 'di dang 'gal ba ni bdag med pa nyid mthong ba yin la de goms pas nye ba rnams kyi/ rgyu ni zad phyir ro/ /de ltar na nyes pa zad pa'i thabs yod pa yin pa'i phyir gtan tshigs gnyis pa yang ma grub pa yin no/ /sbyor ba ni rgyu 'chal ba'i rang bzhin goms pa yod pa can gang yin pa de ni rgyud rgyun chad pa yod pa yin te/ pa gang yin ba de ni 'gal ba'i rkyen yod pa yin khyod par na rgyu 'gal ba goms pa yod pa can yin no zhes bya ba ni rang bzhin gyi gtan tshigs so/ /sbyor ba ni de lta bur gyur pa ma yin pa'i chos rnams la de lta bu'i ngo bo btags nas 'jug la gang yin pa de ni 'gal ba'i rkyen? yod pa yon la? dper na thag pa la sbrul gyi shes pa lta bu'o/ /mi rtag pa dad sdug bsngal ba dang stong pa dang bdag med pa'i phung po rnams la rtog pa dang/ bde ba dang/ bdag dang bdag gis sgro btags nas 'jug
- 74b
pa 'dod chags la sogs pa de dag gi rgyu log pa'i shes pa yang/ de ltar bur gyur pa ma yin pa'i chos rnams la de lta bu'i ngo bo sgro btags nas 'jug pa yin no zhes bya ba ni rang bzhin gyi gtan tshigs so/ /gtan tshigs snga ma ma grub pa ma yin la 'di yang ma yin te skabs ji lta ba bzhin du la lar 'ga' zhig bstan zin pa nyid kyi phyir dang/ ston par 'gyur pa nyid kyi phyir ro/ /'bru la sogs pa'i rgyun nus pa'i ngo bo gnas skabs kyis rgyun chad pa'i phyir/ snga ma bsgrubs par bya ba dang bral ba yang ma yin te sbyor ba ni gang zhig gang la dmigs pa'i mtshan nyid gyis? gyur pa mi dmigs pa de ni de las shin tu yod ba ma yin te/ dper na sdug bsngal gyi bdag nyid la bde ba dang/ me la chu lta bu'o/ /'bru la sogs pa'i rgyun tshigs pa can la yang dmigs pa'i mtshan nyid kyis gyur pa yod pa phyis shin tu mi dmigs so zhes bya ba ni rang bzhin mi dmigs pa'o/ /rgyu yi rang bzhin shes pa yis/ /nyes pa rnams kyi rgyu'i mtshan nyid rtogs pas/ ngo shes pa yang nges bar 'gyur/ nyes pa'i rgyu rnams kyi gnyen po'i shes pa yang shes par 'gyur ro/ /gang dang gang rgyu'i rang bzhin rig pa'i mtshan nyid can yin pa de ni de'i mtshan nyid pa'i sgo nas bzlog pa'i ngo bo can yin te/ dper na rlung la sogs pa lta bu'o/ /'dod chags la sogs pa'i yang rgyu'i rang bzhin rig pa'i mtshan nyid can yin no/ /de ltar na thabs yongs su shes pa grub pa nyid kyi phyir gtan tshigs gsum pa yang ma grub pa yin no/ /skyob pa zhes bya ba la sogs pas tshig bzhi pa 'chad par byed ? la skyob pa yang gang yin/ gang dang ldan bsan par? gshegs skyob pa zhes bya zhe na/ bshad pa/ skyob pa nyid gzigs lam gsung ba/ ji lta ba bzhin du thugs su chud pa'i lam 'chad par mdzad pa ste/ kun ston par mdzad ces bya ba'i don
- 75a
to/ /de nyid ni rjes su ston pa'i cho 'phrul zhes grags pa nyid gang gis sems can rnams skyob par mdzad ste/ sdug bsngal zad pa'i thabs yang dag pa'i ston pa'i sgo nas phan pa la 'jug par mdzad pa'i phyir ro/ /bde bar gshegs pa de yang 'bras med phyir te/ log pa gsung pa la dgos pa med pa'i phyir/ ? mi gsung /sam? byin ci leg par ston par mi mdzod do/ de skad du ston pa la rgyu med pa'i phyir ro/ /de ltar na lam log par ston pa'i rgyu skyon rnams lam gyi yul mi yang 'bras med phyir te/ log pa gsung pa la dgos pa med pa'i phyir/ rdzun mi gsung /lam byin ci leg par ston par mi mdzod do/ de skad du ston pa la rgyu med pa'i phyir ro/ /de ltar na lam log par ston pa'i rgyu skyon rnams lam gyi yul mi shes pa yin par 'gyur grang na/ de ni des spangs pa yin no zhes bshad zin to/ /de nyid kyi phyir nyid gyi bde ba mngon par bzhed pa la sogs pas rnam pa gzhan du ston pa la dgos pa med pa de ltar na/ ji ltar na de las bslu ba yin/ shes su zin kyang brtse ba med pas bslu bar snyam na/ de yang bde bar gshegs pa la mi mnga' ste/ thugs brtse ldan phyir gzhan don yang/ /rtsom pa thams cad sbyor phyi dor/ /bcom ldan 'das nyon mongs bzang pa'i thabs rtsom pa thams cad la mngon par sbyor ba mdzad pa gang yin pa de ni sems la phan par mdzad pa'i phyir yin na gzhan gyi don gyi thabs kyi lam mngon sum du mdzad pa brtse ba'i bdag nyid du gyur pa de nyid la bzhugs pa ji ltar na brdzun gsungs par 'gyur/ /sbyor ba ni gang zhig gang gi rdzun gyi tshig gi rgyu med pa'am?/ dgos pa med pa de ni de'i tshe rdzun smra ba ma yin te/ gzhan ba don ba smra ba'i dus kyi lta bu'o/ /'di'i bde bar gshegs pa'i gnas skabs na yang bden pa ma yin pa gsungs pa'i rgyu mi mnga' ba 'am/ dgos pa yod pa ma yin no zhes bya ba ni rgyu mi dmigs pa'o/ /gang zhig gang gi don bya ba'i phyir gang gi brtse bas don? gang sgrub par byed bde da'i? don grub pa la de'i yul can gyi brtse ba yongs su mi 'dor ba de ni
- 75b
de la slu bar mi byed de/ /dper na bu'i bza' ba'i phyir zas sgrub bar byed pa can gyi ma lta bu'o/ /brjod par ? pa'i skyes bu'i khyad bar yang sems can gyi don mdzad pa'i phyir/ sems can la brtse bas nyon mongs pa zad pa'i thabs bsgrub par gyur pa de ni yul can gyi brtsa ba yongs su dor bar mi mdzad do zhes bya ba ni khyad par byed pa 'gal ba dmigs pa'o/ /de phyir tshad yin/ gang gi phyir ji ltar sku nyams su bstar ba phyin ci ma log pa de don du gnyer ba la ston par mdzad pa de'i phyir de'i de la de tshad ma yin/ /zhes bya ba ni rigs pa yin no/ /sbyor ba ni gang zhig gang don du gnyer ba la don gang phyin ci ma log par ston pa de ni de'i tshe de la tshad mar gyur pa yin par shes par bya ste/ dper na nad med pa don du gnyer ba la nad med pa'i thabs phyin ci ma log pa ston par byed pa'i sman pa lta bu'o/ /brjod par 'dod pa'i skyes bu'i khyad par yang sdug bsngal zad pa don du gnyer ba la ji ltar bstar ba bzhin du sdug bsngal zad pa'i thabs phyin ci ma log pa'i lam ston par mdzad pa yin no zhes bya ba ni rang bzhin gyi gtan tshigs so/ /de da ltar na lus las byung ba 'gro ba la phan par mdzod par bkod pa nyid la sogs pa rgyu snga ma snga mas phyi ma phyi ma thams cad la srid pa'i rjes su dpag pas /tshad ma shin tu mi srid pa med pa rab tu bsgrubs nas/ /da ni lugs las bzlog pa 'bras bu gyi ma phyi ma rtogs pa'i sgo nas rgyu phyi ma phyi ma grub pa yang dag par ston par bstan pa'i ngo bo can gyi bcom ldan 'das tshad ma nyid bsgrub par 'dod pas/ /yan skyod bden bzhi ni ston mdzad yin zhes bya ba smos te/ bcom ldan 'das ni sems can rnams la 'khor ba'i sdug bsngal rab tu zhi ba'i rgyur gyur pa 'phags pa'i bden pa bzhi ston par mdzad pa yin pa de ltar na/ sdug bsngal rab tu zhi ba don du gnyen pa de rnams kyi/ de la tad ma yin no/ /gal
- 76a
te gzhan dag gis sdug bsngal la sogs pa 'di dag bstan mod kyi /'on kyang rnam pa phyin ci log pa bstan pa? de'i phyir de'i bstan pa las grol ba ma yin pa de lta na de dag skyob pa ma yin no/ /bcom ldan 'das kyang phyin ci ma log bar ston par mdzad pa de'i phyir /de'i rjes su 'brad ba can nyid grol ba de ltar na /grol ba don du gnyer ba rnams kyi skyob ba de nyid tshang ma yin no/ /de la bden pa re re la rnam ba bzhi ba ni dag gis ston par 'gyur te /sdug bsngal ni mi rtog pa nyid dang /sdug bsngal ba nyid dang/ stong pa nyid dang /bdag med ba nyid do/ /kun 'byung ni kun 'byung nyid dang tu nyid dang /rkyen nyid dang rab tu skye ba nyid do/ /'gog pa ni 'gog pa nyid dang zhi ba nyid dang gya nom pa nyid dang/ nges par 'byung ba ny+di do/ /lam ni lam nyid dang /rigs pa nyid dang sgrub pa nyid dang /nges par 'byin ba nyid ces bya ba rnam pa bcu drug yin no/ /sdug bsngal ba dang /kun 'byung gi bden bdag ni bsgrub par bya ba dang/ sgrub par byed pa'i ngo bor rab tu bsgrubs po nyid kyis de'i rgyu can gyi dngos bo'i khyad par dang /lhag ma kun 'byung gi rnam par bsgrubs par 'gyur ba de ltar nas sor ma brjod do/ /de bzhin du 'gog pa sdug bsngal la 'gog ba'i rnam bar grub pa na/ lhag ma dang lam yang sdug bsngal 'gog pa'i thabs nyid du bstan pa na /de'i rab tu dbye ba'i ngo bo rigs pa'i rnam pa la sogs pa yang grub par 'gyur ba de ltar na so sor ma brjod do/ /de la bcom ldan 'das ni 'phags pa'i bden pa sdug bsngal ldog pa'i thabs su gyur pa de don du gnyer ba la ston par mdzad pa'i phyir de la tshad ma nyid yin no/ /sbyor ba ni gang zhig gang sdug bsngal rab tu zhi ba don du gnyer ba gang yin pa la sdug bsngal de'i rang bzhin dang /sdug bsngal de'i rgyu dang /sdug bsngal de rab tu zhi ba dang /sdug bsngal de rab tu zhi ba'i thabs de lte bar gyur pa ston par
- 76b
byed ba de ni /de'i dngos po de la tshad mar gyur pa yin te nang pa nar rab tu zhi ba don du gnyer ba la nad kyi sdug bsngal gyi rgyu la sogs pa ji lta bur gyur pa ston par byed ba'i sman lta bu'o/ /sangs rgyas bcom ldan 'das kyang skyes bu 'khor ba'i sdug bsngal rab tu zhi pa don du gnyer ba la/ 'khor ba'i sdug bsngal dang /rgyu dang rab tu zhi ba dang thabs phyin ci ma log par ston par mdzod do zhes bya ba ni rang bzhin gyi gtan tshigs so/ /ma grub pa ma yin to /gtan tshigs kyi don ni phyis ston par byed pa nyid kyi phyir ro/ /sdug bsngal yang gang zhe na/ sdug bsngal 'khor ba can phung po zhes bya ba smos to/ 'khor bar 'khor bas na 'khor ba ste/ skye ba dang 'chi ba'i rgyun no/ /de phung po gang dag la yod pa de dag ni 'khor ba can gyi phung bo ste gzugs la sogs pa'o/ /sdug bsngal rnam pa gsum gyis dngos ? mo rgyud pas sdug bsngal ba yin no/ /gal te sems can snga ma 'ga' zhig las 'di lta bu'i rnam pa nyid du 'ongs ba ma yin zhing/ byung ba yang yang 'khor ba gzhan len pa ma yin pa de ltar na gang las 'khor ba yin zhe na/ de ni ma yin te /gomS las/ sngon byas pa goms pa las yid kyi chos 'di rab tu 'jug par 'gyur ro/ /ci'i phyir zhe na/ 'dod chags sogs gsal ba mthong phyir te skye ba 'di la skyes bu sngar 'dod chags kyi shas chung ba rkyen ji lta bzhin du goms pa las /'dod chagS la sogs pa shas che ba 'byung bar 'gyur ro/ /de dag gi 'dod chags la sogs pa gsal ba de ni goms pa sngon du song ba can nyid yin no/ /de la dang por yang ngo bo ? kyi sems can rnams kyi 'dod chags la sogs pa gsal ba ni goms bsngon du song ba can yin no zhes khong du chud par 'gyur ro/ /sbyor ba ni 'dod chags dang zhe sdang dang gti mug dang/ nga rgyal dang/ khengs pa dang /phrag dog dang/ ser sna dang/ khro ba la sogs pa dang/ shes rab dang/ snying rje dang khyams pa dang/ ma chags pa
- 77a
la sogs pa dang/ bzo'i gnas dang sems can la sogs pa 'dod pa gsal ba gang yin pa de ni goms pa sngon du song bcan yin te/ dper na skye bu 'di nyid la sngar ji skad du bshad ba'i yon tan mi gsal ba can goms pa'i dbang gis phyis gsal ba lta bu'o/ /yon tan de dag goms pa ma mthong ba can gyi skyes bu 'ga' zhig gi yang skye ba 'di la dang por chos de dag gsal ba yod pa yin no zhes bya ba ni 'bras bu'i gtan tshigs so/ /de dang 'dra bar 'jig rten snga mar goms pa sngon du song ba can ma mthong du zin kyang sgrub par byed pa de ltar na 'gal pa'i dogs par yang mi 'gyur te/ mi 'gal bar grub pa ni ma nges pa nyid yin pa'i phyir ro/ /'dod chags la sogs pa gsal ba ni goms pa sngon du song ba can yin na'ang/ 'jig rten pha rol gyi goms ba sngon song ba can nyid med par dang po gsal ba goms pa sngon du song ba can nyid mthong bar 'dod par 'gyur na de yang 'gal ba yin no/ /'dod chags la sogs pa mi gsal ba phyis goms pa la sogs pa 'phel ba gang yin pa de yang sngon gang bzhin mtshungs pas byas pa nyid yin mod kyi /'on kyang goms pas gsal bar 'gyur ba de ltar na/ bsgrub par bya bas stong pa nyid kyang ma yin pa'i phyir 'gal ba nyid ma yin no/ /de ltar yin na yang 'jig rten pha rol gyi goms pa sngon du song ba can nyid bsgrub par bya ba nyid yin ba'i phyir dpe bsgrub byas stong pa ma yin te/ thog ma med pa can nyid bsgrub par bya ba nyid yin ba'i phyir ro/ /'di ni 'dzin 'di yin na/ 'di ni 'jig rten pha rol yin no zhes bya ba'i gnas skabs tha dad bar byas pa de ni byis pa dang gzhon nu la sogs pa dang 'dra bar rnam par bzhag pa tsam yin te/ 'di la mngon par zhen par bya ba ma yin no/ /rnam pa 'dis ni sems can thog ma med pa can nyid du bsgrub par bya ba de ltar na skyon yod pa nyid ma yin no/ /gsal ba goms pa
- 77b
sngon du song ba can yin par grub na/ de yod na yod ba'i phyir gtan tshigs 'di khyab pa med pa ma yin no/ /gzhan yang goms pa la 'dod chags la sogs pa gsal bar 'dod pa gang yin pa des de glo bur bar brjod par bya ba la rgyu gzhan brtag par bya ba yin grang na/ re zhig 'dod rgyal nyid ma yin /rgyu med par 'dod chags la sogs pa'i gsal ba skye ba ma yin no/ /ci'i phyir zhe na/ rgyu med can skye 'gal phyir ro/ /rtag tu yod pa la sogs pa'i skyon yang ldan pa'i phyir ro/ /kha cig na re ji skad du rlung dang mkhris pa dang /bad kan dag gi chos yin no zhes smra ste/ bad kan dag gi rang bzhin ni 'dod chags la sogs pa yin zhing/ mkhris pa'i rang bzhin ni zhe sdang la sogs pa yin la/ rlung gi rang bzhin ni gti mug la sogs pa yin bas/ de bsal ba las kyang gsal ba yin no zhe na/ 'dod chags la sogs pa de ni rlung sogs chos ma yin no/ /ci'i phyir zhe na/ 'khrul phyir te/ bad kan la sogs pa so so la 'dod chags la sogs ba'i gsal ba 'khrul par mthong ngo/ /de ltar na bad kan gyi rang bzhin can yang 'dod chagS la sogs pa shas chung ba dang/ mkhris ba'i rang bzhin can yang zhe sdang la sogs pa'i shas che ba ma yin pa dang/ rlung gi rang bzhin yang gti mug la sogs ba gsal ba ma yin ba de ltar na/ yid kyi yon tan rnam phan tshun 'chol bar 'gyur ro// gang med par yang yod pa gang yin pa de'i de rgyud rigs pa ma yin no/ /sbyor ba ni gang zhig gang la 'khrul pa de ni de'i rgyu ma yin te/ dper na chu la du ba 'khrul pa lta bu'o/ /bad kan la sogs pa'i rang bzhin so so la yang 'dod chags la sogs pa gsal bar 'khrul pa yin no zhes bya ba ni khyab par byed pa 'gal ba dmigs pa'o/ /gal te rang bzhin 'dres pa'i phyir/ /skyon med yin na /de ltar ni 'gyur mod kyi/ bad kan la sogs ba'i rang bzhin dang ldan pa yin yang/ shes rab
- 78a
la sogs pa'i yon tan can gang yin pa de la/ de'i bad kan 'ga' zhig ni ma yin na gang gis na de'i rang bzhin nges pa'i yon tan la bsten pa yin 'on kyang mkhris pa'i rang bzhin can yang rgyu 'di yin bde ltar na rang bzhin 'dres pa yin pI phyir shes rab la sogs pa'i yon tan can ni mkhris ba'i rang bzhin du 'gyur ba'i dang tshul can yin no zhe na/ gal te de lta yin ba de'i tshe ji ltar skyes bu de'i shes rab mkhris pa'i rang bzhin can gyi ngang tshul can du 'gyur ba de ltar na/ de las gzhan te/ rang bzhin de gcig tu nges par 'gyur ba can bring ba dang/ rdul dang skal ba dan pa nyid la sogs ba'i/ chos kyang ci phyir de'i mi mthong skyes bu mkhris pa'i yon tan can de'i ste mi snang ngo zhes bya ba'i don to/ /sbyor ba ni gang zhig gang gi rang bzhin gyi yon tan yin pa de ni/ yon tan de yod na de'i 'gyur te/ dper na mkhris pa'i rang bzhin dang ldan pa'i shes rab la sogs pa'i yon tan lta bu'o/ /khro ba la sogs pa yang mkhris ba'i rang bzhin gyi yon tan yin no zhes bya ba ni rang bzhin gyi gtan tshigs so/ /mkhris pa'i rang bzhin 'phel ba na yang de tsam du 'gyur ba'i ngang tshul can du de las gzhan ba'i chos 'dod pa yin na /mi 'gyur ba de bas na mkhris pa'i rang bzhin dang rjes su 'brel ba'i phyir de'i shes rab ma yin no/ /gal te yon tan 'ga' zhig rang bzhin gcig la so sor des pa ma yin gyi/ 'on kyang mkhris pa'i yon tan gang yin ba de dag ni bad kan dang rlung gi yang yin zhing /de bzhin du rlung la sogs pa'i gang yin pa de dag mkhris pa'i yang yin pa de ltar na thams cad kyi chos thams cad yin no/ /gang rang bzhin gang yang rung ba gcig skyes ba de'i chos de nyid yin pa de ltar na rang bzhin thams cad kyi yin par 'gyur ro zhe na/ de ni 'dod chags la sogs pa chos kun ma yin no/ /ci'i phyir zhe na/
- 78b
skyes bu thams cad kyi/ 'dod chags mtshungs par thal phyir ro/ /gang gi tshe gang rang bzhin 'ga' zhig gi chos de yin ba de'i tshe /ji ltar skyes bu gcig gi rang bzhin gcig la 'dod chags ci 'dra bar 'gyur ba de ltar na/ skyes bu'i rang bzhin gzhan la gnas pa'i 'dod chags kyang de 'dra bar 'gyur ba de ltar na/ thams cad 'dod chags mtshungs pa can du 'gyur zhing/ de bzhin du zhe sdang dang/ gti mug dang /nga rgyal dang /khengs pa dang/ phrag dogs dang/ ser sna dang/ shes rab la sogs pa'i yon tan dang ldan pa mtshungs par 'gyur te rgyu mtshungs ba nyid kyi phyir ro/ /sbyor ba ni rgyu mtshungs pa can gang yin ba de ni mtshungs par 'gyur te/ dper na rgyu mtshungs pa can gyi myu gu la sogs pa lta bu'o/ /skyes bu la 'dod chags la sogs pa yang rgyu rang bzhin mtshungs pa can yin no zhes bya ba ni rang bzhin gyi gtan tshigs so/ /mtshungs ba yang ma yin ba de'i phyir bzlog ba yin te/ mtshungs pa zin kyang mtshungs pa ma yin ba'i phyir ro/ /sbyor ba gang gi gang mtshungs su zin kyang mi mtshungs pa de ni de tsam gyi rgyu can ma yin te/ dper na chu cha mnyam du zin kyang me lce'i tshogs 'phel ba dang 'grib bar gyur pa chu'i tshogs 'phel ba dang 'grib par gyur pa'i rgyu can ma yin pa lta bu'o/ /'dod chags la sogs ba yang skyon gyi rang bzhin mtshungs su zin kyang 'phel ba dang 'grib par 'gyur ro zhes bya ba ni/ khyab par byed pa 'gal ba dmigs pa'o/ /gal te gzugs sogs bzhin skyon med/ de ltar ni 'gyur na /'byung ba rnams mtshungs kyang/ gzugs la sogs pa 'phel ba rang 'grib pa dang ldan ba yin pa de ltar na yang/ 'gyur ba'i 'bras bur mthong ba'i phyir thal ba dang thal ba bzlog pa dag ma nges pa yin no zhe na /de la'ang brtsad pa mtshungs pa yin/ gal te 'byung ba khyad bar med pa dag yin na/ de'i 'bras bu gzugs la
- 79a
sogs ba yang 'phel ba dang ldan par mi 'gyur ro/ /de ltar na 'di la yang de bzhin du brtsad pa nyid yod pa de ltar na/ /de lta bu'i rigs can thams cad phyogs su byas pa nyid kyi phyir/ thal ba dang thal ba bzlog pa ma des pa ma yin no/ /de tsam rgyu nyid yin pa gsal ba'i phyir ro/ /gzugs la sogs pa ni 'byung ba tsam gyi rgyu can ma yin te /rgyu ma mthong ba yang khas blangs pa'i phyir ro/ /gal te thal ba la 'byung ba rnams kyang phyogs su byas pa'i phyir/ khas blangs ba las nyams pa yin no zhe na/ de ltar ni 'gyur na/ gal te de la 'byung ba dang las gzugs la sogs pa skye pa la yang khyad par can /las rnams bdag po med 'gyur na/ 'di ltar sems can rnams la phan pa dang/ gnod pa sgrub par byed pa'i las sna tshogs pa gzhan dang gzhan dag gis/ 'byung ba'i rdul phra rab re re dang /skad cig ma re re gzhan dang gzhan dag ni gzugs la sogs pa gzhan dang gzhan gyi rgyu yin no/ /de lta ma yin na 'byung ba mtshungs kyang ci'i phyir/ gzugs la sogs pa mtshungs pa ma yin zhes brtsad pa mtshungs pa yin no/ /'byung ba'i rang bzhin gyi khyad par las kyang gzugs la sogs pa'i khyad par ma yin te tha dad pa med pa'i rang bzhin can de dag nyid kyi gyur pa'i khyad par mi rung ba'i phyir dang/ rgyu mtshan med par rang bzhin nyid las gyur pa yin na nges pa mi rung bzhi phyir dang/ snga ma bzhin du phyis kyang gyur pa med par thal ba'i phyir ro/ /gzugs sna tshogs pa'i rgyur gyur pa ni 'byung ba sna tshogs par nyid yin no zhes gzhan gyis brtag pa yang rigs pa yin no/ /de ltar na de dag gi khyad par yin pa na/ thal ba dang thal ba bzlog pa ma nges par brjod par bya ba ma yin no/ /gzhan yang rlung dang/ bad kan dang/ mkhris pa'i skyon rnams khyad par yod na yang /'dod chags la sogs pa khyad par med phyir/ rlung la sogs pa'i chos 'dod chagS
- 79b
la sogs pa ma yin no/ /gang gi chos gang yin pa de ni /de'i khyad par yod na gdon mi za bar khyad par thob par 'gyur ro/ /sbyor ba ni gang zhig gang gi yon tan yin pa de ni de'i khyad par yod na khyad par du 'gyur te/ dper na rlung gi khyad par yod na grang ba dang ? la sogs pa lta bu'o/ /'dod chags la sogs pa'i chos kyang rlung la sogs pa'i skyon gyi yon tan yin no zhes bya ba ni rang bzhin gyi gtan tshigs so/ /khyad par du 'gyur bar yang ma yin pa de'i tshe de'o chos ma yin na zhes bya ba ni bzlog pa yin te/ gang zhig gang gi khyad par yod na khyad par du mi 'gyur ba de ni de'i yon tan ma yin te /dper na me'i khyad par yod na grang ba nyid khyad du mi 'gyur ba lta bu'o/ /'dod chags la sogs pa yang rlung la sogs pa'i khyad par yod na yang khyad par du mi 'gyur ro /zhes bya ba ni khyad par byed pa mi dmigs pa'o/ /de ltar ni 'gyur na nyes ba'i rgyu can yin na yang 'dod chags pa'i nyes ba'i gnas skabs thams cad kyi rgyu can ma yin no/ /'on yin zhe na/ nyes par gyur pa'i khyad par gyi rgyu can dag yin te nang kyi khyad par bzhin no/ /des na rang gi rgyur gyur pa'i khyad par med pa'i phyir ro/ /skyon de'i gyur pa gzhan na yod na yang de las gzhan pa'i nyes pa de'i tshos med pa yin no zhe na/ de ltar na yang gcig ni khro bo can dang/ shes rab can dang /rdul la sogs pa dang ldan par mi 'gyur ro/ /de gal te de dang de'i gyur pa'i khyad par 'gyur ro zhe na /yon tan thams cad kyi rgyur gyur ba'i khyad par tha dad pa yod pa'i phyir cig car shes rab dang khri ba la sogs pa mngon par gsal bar thal bar 'gyur te/ de dag ni de tsam gyi rgyu can nyid yin ba'i phyir dang /bltos par bya ba gzhan med ba'i phyir ro/ /gal te mkhris pa 'khrugs pa yod na sdug bsngal gyis gnod pa'i mkhris ba'i yon tan zhe sdang 'byung bar 'gyur ba de ltar na gtan tshigs ma grub ba yin no zhe na/ de ma grub pa ma
- 80a
yin te /ci'i phyir zhe na /thams cad 'gyur ba yis 'gyur ba'i phyir ro/ /ji ltar mkhris pa'i 'gyur bas gdungs pa'i skyes bu'i zhe sdang dang de bzhin du rlung dang/ bad kan gyi yang 'gyur bas 'gyur ba las zhe sdang 'byung bar 'gyur na/ rlung la soD pa'i yon tan du yang 'dod pa ma yin no/ /gal te thams cad kyi chos yin pa de ltar na /bad kan la sogs pa 'gyur ba na yang zhe sdang la sogs la yod pas 'gal ba med do zhe na /de ni ma yin te /kun las skye pa'ang min te/ 'dod chags la sogs pa 'di dag kyang thams cad kyi chos ma yin no/ /ci'i phyir zhe na /thams cad kyi 'dod chags mtshungs par thal ba'i phyir ro zhes bya bas nyes pa bshad zin pa'i phyir ro/ /gzhan yang rlung la sogs pa/ rgyu ni 'phel bar gyur pa na/ 'bras bu 'grol ba'ang mi rung ste/ rlung la sogs pa'i 'bras bu gti mug la sogs pa khyad par du mi 'gyur ba mi rigs so/ /ci dang 'dra bar zhe na /tsha ba sogs bzhin te/ ji ltar mkhris pa la sogs pa'i 'phel ba na/ tsha ba la sogs pa 'phel ba de ltar yid kyi yon tan yang 'phel bar 'gyur ro/ /'dis ni skyon rnams khyad par yod na yang zhes bya ba'i gzhung btsugs pa yin no/ /gal te skyon rnams cha snyam na yang 'dod chags la sogs ba'i 'gyur ba nyid srid pa'i phyir dang/ cha mi snyam pa la yang zhe sdang gi 'gyur ba srid ba'i phyir dang /rlung la sogs pa'i khyad par yod na yang /'dod chags la sogs pa khyad par du gyur pa de ltar na/ gtan tshigs ma grub pa nyid yin no zhe na/ ma grub pa ma yin te/ 'di ltar 'dod chags la sogs/ 'gyur ba na yang bde sogs skye/ khams cha mnyam pa la sogs pa la nang gi reg bya'i khyad bar gyi don phan 'dogs bar byed pa dang /de las gzhan pa'i rjes su byed pas bde ba 'am/ sdug bsngal lam /'dod
- 80b
chags la sogs pa skye ba dang rjes su mthun pa yin ba de ltar na/ 'dod chags la sogs pa ni bde ba las skye ba la yin gyi/ nyes pa las skye ba ma yin pa de ltar na grub pa nyid yin no/ /gal te bad kan la sogs pa 'phel ba na yang 'dod chags la/ sogs pa 'phel bar mi 'gyur ba gang yin pa de ni /de'i rgyu can nyid yin na yang/ nyes ba cha mi nyams pa las skyes pa ni sdug bsngal yin la/ cha mi nyams pa las skyes pa'i sdug bsngal gyis 'dod chags skyed pa ma yin no zhe na/ de ni cha mi nyen skyes sdug bsngal gyis gal te 'dod chags mi skyed na/ 'on de lta yin na rgyu cis 'dod chags de skyed pa smros shig /gzhan gyis cha mnyam zhes bya ba la sogs pa smos te nyes pa cha mnyams ba'i rgyu las zhu ba 'phel zhing /khu ba de las 'dod chags 'phel bar 'gyur ro zhes bya ba ni go rims yin no/ /nyes pa mi mnyam zhes bya ba la sogs pas 'khrul par ston par byed do/ /nyes mi mnyam la'ang/ ches shin tu chags pa can 'ga' zhig mthong ngo/ /des na khams cha mnyam pa las 'dod chags ma yin no/ /nyes pa rnams mnyam la yang gzhan ba mthong/ /ngo bo nyid kyis chags pa chung ba can gang yin pa chags pa can du'o/ /shin tu yul bsten pas khu ba zad ba'i rgyu las phyis skyes bu shin du chags pa can gzhan la khrag 'dzag pa yang mthong ngo/ /gzhan khu ba shin du mang ba can yang chags pa can ma yin ba de ltar na 'dod chags la sogs pa'i rgyu mtshan khams cha mnyam pa la sogs pa ma yin te/ de yod na yod pa'i rjes su mi byed ba'i phyir ro/ /sbyor ba ni gang yod kyang gang mi 'gyur zhing/ gang med kyang 'gyur ba de ni de'i rgyu can ma yin te/ dper na chu yod kyang mi 'gyur zhing med na yang 'gyur ba'i sgron ma'i 'od ni chu'i rgyu can ma yin ba lta bu'o/ 'ga' zhig gi 'dod chags kyang khams snyoms
- 81a
pa dang /zhu ba yod na yang mi 'gyur zhing med na yang 'gyur ro zhes bya ba ni khyab par byed pa 'gal ba dmigs pa'o/ /gzhan yang bud med gcig la khu ba nges med/ /bud med la la de'i khu ba so sor des par mi 'gyur ro/ /de'i phyir bud med gcig la so sor nges pa med pa'i phyir /bud med gcig la chags pa drag mi 'gyur na yang 'ga' zhig la nges par yang 'gyur ro/ /de bas na 'dod chags kyi rgyu khu ba ma yin no/ /sbyor ba ni gang zhig gang nges pa med na yang nges par 'gyur ba de ni de cam gyi rgyu can du 'gyur ba ma yin te/ chu nges pa med pa sa lu'i sa bon la nges pa'i sa lu'i myu gu lta bu'o/ /'dod chags kyang khu ba nges pa med na yang nges pa yin no zhes bya ba ni khyab par byed pa la 'gal ba dmigs pa'o/ /de ltar ni 'gyur mod kyi gal te gzugs sogs kyang yan lag /khu ba nges pa med yang nges par 'dod chags skye ba yin te/ gzugs dang nye bar spyod pa la sogs pa lhan cig byed pa'i rgyu yin pa'i phyir ro zhe na/ min te kun la des phyir ro /skyes bu khu ba mtshungs pa can dag gi nang nas gcig cig gzugs la sogs ba'i yon tan dang ldan pa'i bud med la 'dod pa spyod pa na /gzhan de nyid la rnam par sdang ba yin no/ /gal te gzugs la sogs pa nges par byed par 'gyur ba de'i tshe /nges pa med par yang mi 'gyur /gal te gzugs la sogs pa'i rgyu mtshan gyis 'dod chags 'gyur ba ma yin te/ 'dod chags can dag gi 'ga' zhig gi tshe bud med kyi yul nges pa med pa can gyi 'dod chags kyang spyir 'gyur bar mthong ngo/ /gang gis bud med 'ga' zhig gi gzugs la sogs pa la kun du rtogs par byed cing 'dod chags kyis gdungs ba de ni ma bsams par phrad par gzugs ngan pa can dang /lhan cig spyod par mi 'gyur ba zhig ma?
- 81b
'gyur ba yang yin pa de'i phyir rgyu thams cad 'khrul par 'gyur ro/ /gal te khu ba'i gzugs tsam gyis lhan cig byed pas kyang 'dod chags 'gyur ba de'i tshe yon tan mi 'dzin can gyi 'ang 'gyur /skyes bu gtsang ma'i 'du shes dang bral ba so sor btagS pa la sogs ba'i stobs dang ldan du zin kyang /bud med gzugs dang ldan pa la yang 'dod chags skye bar 'gyur ro/ /'di ltar gzugs dang khu ba yod du zin kyang gtsang ma la sogs pa'i 'du shes dang bral ba mi skye ba de ltar na/ /'dod chags ni de tsam gyi rgyu can ma yin no/ /sbyor ba ni gang zhig gang yod na yang mi 'gyur ba de ni de tsam gyi rgyu can du 'gyur ba ma yin te/ dper na sa yod du zin kyang myu gu med pa lta bu'o/ /'dod chags la sogs pa yang gzugs dang khu ba la sogS pa dag yod du zin kyang/ mi gtsang ba la sogs pa'i 'du shes can gyi mi 'gyur ro zhes bya ba ni khyab par byed pa 'gal ba dmigs pa'o/ /gal te yon tan 'dzin de yang /yan lag yin na gal te de ltar ni 'gyur mod kyi /yon tan 'dzin pa yang 'dod chags skye ba'i lhan cig byed ba'i rgyur 'dod pa nyid yin pa de ltar na grub pa la sgrub pa nyid yin no zhe na /de'i tshe skyes bu thams cad dag/ yon tan 'dzin pa can 'gyur ro/ /ci'i phyir zhe na/ rgyu la khyad par med phyir ro/ / gzugs sam khu ba 'am gzhan 'dod chags kyi rgyu nyid du bstan pa zhes bya ba gang yin pa de nyid yon tan 'dzin pa'i rgyu nyid du khyad par med pa yin de ltar na/ thams cad yon tan 'dzin pa can nyid du 'gyur na/ 'gyur ba yang ma yin pa de'i phyir ji skad pa'i 'dod chags la sogs pa 'byung ba can nam/ yon tan 'dzin pa ma yin no/ /ci ste mi gtsang ba la sogs pa'i 'du shes skal ba mi mnyam pa'i gnas skabs yin pa'i phyir thams cad yon tan
- 82a
'dzin pa can ma yin no zhes 'dod na /'o na de'i tshe skal ba mnyam ba'i yang bdag dang bdag gis lta ba'i rjes su 'brel pa'i sems la bltos nas 'dod chags la sogs pa 'gyur ba de ltar na/ rigs mthun sngon du song ba'i 'jug pa can nyid yin pa'i phyir mi 'dod ba cung zad kyang med do/ /gal te nyes pa'i rang bzhin las 'dod chags la sogs pa skye ba yin pa de'i tshe gnas skabs can gang chags can 'dod //bad kan gyi rang bzhin can gyi skyes bu de 'dra ste/ /khro bo las bzlog pa 'dod chags kyi rang bzhin nyid la gnas pa zhe sdang can mi 'gyur ro/ /ci'i phyir zhe na/ 'dod chags dang zhe sdang dang/ de'i ngo bo mtshungs pa med phyir ro/ /'gal ba'i phyir ro/ /gang gi phyir 'gal ba de'i phyir zhe sdang dang 'gal ba dang /'dod chags kyi rang bzhin bad kan gyi ming can yang yin pa de la gnas ba'i zhe sdang mi 'gyur ro/ /sbyor ba ni gang zhig gang skye ba dang 'gal ba'i rang bzhin la gnas pa de ni de'i skyed bar byed par mi 'gyur te /dper na me grang ba'i skyed par byed pa ma yin pa lta bu'o/ /skyes bu 'di yang zhe sdang dang 'gal ba dang 'dod chags kyi rang bzhin la gnas pa yin no zhes bya ba ni khyab par byed pa 'gal ba dmigs pa'o/ /de la gnas pa'i zhe sdang 'gyur ba de ni/ 'di la nges pa mthong mi 'gyur te rtog par mi 'gyur ro/ /gang zhig gi tshe de'i rang bzhin la gnas pa'i 'dod chags dang yang zhe sdang dang/ yang phrag dag ser sna la sogs pa yin no/ /rang bzhin gnyis ka 'dus pa las gnyi ga 'dus pa las gnyi ga 'jug par rtog pa yang 'jug pa mtshungs par thal bas bsal ba yin no/ /gal te ji ltar mkhris pa'i rang bzhin las byung ba can gyi rdul la sogs pa'i chos 'ga' zhig gi tshe 'jug pa dang ldog pa de dang 'dra bar 'di layin no zhe na /de ni ma yin te mtshungs pa med pa nyid kyi phyir ro/ /tsha ba dang grang ba la sogs pa'i rgyu mtshan gzhan
- 82b
'ga' zhig la bltos nas/ rdul la sogs pa dag gi yod pa dang med pa'i rgyu mtshan ji lta ba bzhin du yin pa de ltar na/ de dag gi 'jug pa dang ldog par 'gyur ba ni rigs pa yin no/ /'dir yang yid las byung ba dag ni rgyu ji skad du bstan ba med par gzhan yod pa ma yin pa de ltar na gags byed pa gang yin /ci ste 'di la yang kun du rtog pa yang yan lag nyid du rtog par 'gyur ba de'i tshe kun du rtog pa yang bdag dang bdag gi dang/ gtsang ba dang bde ba la sogs pa'i ming can gyi mtshan nyid kyi sa bon yin no/ / nyes pa tsam las 'jug pa can 'dod chags la sogs pa ma yin ba de ltar na de dag gi chos ma yin no/ /gal te gang yang de skad du smra ba de'i yang/ nyes pa 'dir thal bar mi 'gyur ram zhe na /de ni ma yin te /mtshungs pa med par nyid kyi ? ro/ / gang gi 'dod chags la sogs pa de ni nyes pa'i rgyu can ma yin no/ /'o na ci yin zhe na/ rigs mthun bag chags khyad par la/ rag las bas ni 'jug pa can/ /'dod chags la sogs pa gad dag la bdag dang bdag gir lta ba rigs mthun pa dang/ rgyu'i khyad par de la bltos nas 'jug cing skye ba yod pa de dag ni rnam par shes pa sna tshogs pa gzhan dang gzhan bag chags rab tu sad par byed pa dag gis rab tu sad par 'gyur ro/ /gang gi tshe rkyen thag nye ba de'i tshe 'gyur ba/ gang yin de'i de skad du smra ba'i ji skad du bshad pa'i skyon de dag tu thal ba med do/ /'dod chags la sogs pa rlung la sogs pa'i chos yin pa bsal ma tah+g pa/ des ni 'byung ba'i chos nyid bkag par rig par bya ste/ rlung la sogs pa'i nyes pa rnams ni 'byung ba'i rang bzhin nyid yin ba'i phyir ro/ /dper na rlung dang me dang /chu dag gi chos 'dod chags pa ma yin pa lta bu'o/ /rtne yang bkag pa nyid phyir ro/ /yod med rten yang min phyir ro/ zhes bya ba la sogs pas sems kyi rten bsal zin pa'i phyir//
- 83a
'dod chags la sogs pa'i 'byung brten nyid yin pa bsal ba nyid yin par shes par bya ste/ yang mi brjod do/ /de dag kyang 'di ltar gzugs la sogs pa las tha dad pa'i 'byung ba dngos por gyur pa khas blangs nas rten ma yin no zhes brjod pa yin no/ /de lta ma yin na gzugs dang sgra dang/ dri dang/ ro dang/ reg bya dag las 'byung ba'i rdzas gzhan nam gzhan ma yin pa cung zad kyang med pa de ltar na/ gang las de rten yin 'byung ba tsam yang gzugs la sogs pa'i skye mched lnga'i rjes su 'jug pa'i rigs pa ma yin te/ de kho na nyid mang po nyid du thal ba'i phyir ro/ /de ltar khas len na yang rnam par shes pa de tsam dag rten par 'gyur ro/ /'di ltar mang po dag shes pa gcig gi bdag nyid kyi chos yin no zhes bya ba'i rtog pa yang 'thad pa ma yin no/ /de ltar na sems de nyid don gzhan na mngon gzhan ma yin bar 'gyur grang na/ don gzhan nyid ma yin na ni /ji ltar sems gzugs gzigs gi bdag nyid du gyur pa yin ba de nyid sgra la sogs pa'i yang yin pa de ltar na /chos cig las tha dad pa med pa'i phyir gzugs la sogs pa gcig nyid du 'gyur na de yang yod pa ma yin te /dbang po gcig gis gzung ba la sogs ba'i skyon yod ba'i phyir ro/ /don gzhan nyid yin na yang gzugs la sogs pa ji snyad pa de'i 'bras bu'i rnam par shes pa yang de skad yin ba de ltar na/ nan gyi de kho na nyid mang po nyid du 'gyur te zhar la 'ongs pas chog go /gal te 'byung ba dag la rten nas 'byung ba las gyur pa'i gzugs gnas pa yin no zhes 'dod pa'i phyir rten bkag na ji ltar khas blangs pa la gnod pa ma yin zhe na /de ni khas blangs ba la gnod pa ma yin te/ 'di ltar kho bo cag ni /dkar po la sogs sa sogs la/ /rten pa dag ni ma yin no? 'byung ba reg bya'i bdag nyid dag las gzugs la sogs pa
- 83b
skye bar 'dod pa gang yin pa de ni gdon mi za bar rgyu dang 'bras bu dus tha dad pa de ltar na/ 'byung ba bzhir gyur pa la brten nas gzugs la sogs pa rten la gnas pa ma yin gyi /'on kyang de dag las 'gyur bde ltar na skyon yod pa ma yin no/ /'o na ji ltar na 'byung ba chen po rgyur byas ba zhes tha snyad du byed ce na/ /de rgyur byas pa'i sgra dag kyang/ rgyu'i don yin zhes bya ba smos te/ rten gyi don ma yin no/ /'byung ba bzhi po /rang rten dang gzugs sogs tha dad med par ni/ gnas can phyi ro rgyu'i phyir gzugs la sogs brten pa'i 'byung ba rnams rten yin par 'dod par 'gyur ro/ /de bzhin rten nyid kyang yin par rtogs pa la gal te 'byung ba dang/ rgyur byas pa'i gzugs de dag gi rang bzhin gang yin pa de dag ni rten dang /brten pa'i ngo bor nges pa'i rang bzhin 'di yin pa de'i tshe /de dag gi rang bzhin nges pa med na rten dang brtan pa'i ngo bo med pas rgyur byas pa'i gzugs nyid gyi nges pa mi rung ba'i phyir ro/ /de la yang de ltar rtogs na ni 'dod chags la sogs ba dag gi lus rten ma yin no/ /de ltar na gal te brten par 'gyur ba de'i tshe brtan pa'i ngo bo lus kyi bdag nyid can gyi rten yod na de dag kyang de bzhin du tha dad pa med par 'jug par 'gyur te/ de dag ni rten dang brten med ngo bor nges pa'i rang bzhin nyid yin pa'i phyir ro/ /rnam pa gzhan du 'gyur pa na /de'i rten nyid kyi rang bzhin med pas 'jig par thal pa'i phyir ro/ /'jig pa med na ni sngar yang 'di'i rten 'di ma yin par thal ba'i phyir ro/ /de ltar yang ma yin 'ga' zhig 'ga' zhig gi tshe skye ba de ltar na ma brten pa ma yin no// sbyor ba ni gang zhig gang dang lhan cig tha dad par gnas pa de ni /de la rten dang brten pa'i ngo bo so sor nges pa ma yin te/ dper na ba lang dang rta lta bu'o/ /'dod chags la sogs pa yang 'byung ba rnams dang tha dad pa yin no zhes bya ba ni khyab par byed ba
- 84a
'gal ba dmigs pa'o/ /de ltar ni 'gyur mod kyi/ gal te myos sogs nus pa bzhin/ /tha dad pa yin/ chang tshar gyur pa la rdzas ldog pa mang du zin kyang myos pa'i nus pa ldog par 'gyur ro/ /de ltar na nus pa chang la brten pa yin ba'i phyir ma nges pa yin no zhe na /ma nges pa ma yin te /'di ltar dngos las nus pa don gzhan dag ma yin/ /chang la myos ba'i 'bras bu skyed bar byed ba'i nus ba nyid yod pa gzhan nyid ma yin no/ /'on ma yin zhe na /chang nyid yin te de'i 'bras bu byed pa nus pa nyid bstan pa'i phyir de skad du brjod pa yin no/ /gang zhig gang kho na yin pa de la de brten par 'gyur ba ma yin te /don dam pa'i rten dang brtan ba'i dngos po ni gzhi tha dad pa can nyid yin pa'i phyir ro/ /sbyor ba ni gang zhig gang kho na yin pa de ni de dang lhan cig don dam par rten dang brten pa'i dngos po ma yin te /dper na rang gi bdag nyid dang myos ba'i nus pa de nyid lta bu'o/ /myos ba'i nus pa yang chang nyid yin no zhes bya ba ni khyab bar byed pa 'gal ba dmigs pa'o/ /de ltar ni 'gyur mod kyi char gnas ba nyid ni myos pa'i nus pa ldog par 'gyur te /gang gnas pa na ldog pa gang yin pa de ni de nyid yin par 'gyur ba'i phyir gtan tshigs ma grub pa yin no/ /sbyor ba yang gang zhig gang gnas pa ldog pa de ni de nyid pa yin te /dper na ba lang gnas pa na rta ldog pa lta bu'o/ /chang gnas pa na yang myos pa'i nus pa ldog pa yin no zhes bya ba ni khyad par byed pa 'gal ba dmigs pa'o/ /dngos 'jig 'gyur gyi chang zhes bya ba myos pa'i 'bras bu'i rgyu'i bdag nyid de nyid tshe'i gnas skabs na med par 'gyur gyi rten gnas pa yang ma yin no/ /ci 'dra ba zhig ce na/ tshang na ste myos ba'i nus pa yod par rung ba na /rten ba de 'jig par mi 'gyur ro/ /de dag na rten dang brten ba'i dngos po nges ba'i bdag nyid can gyi ngo bo yin ba'i phyir ro/ /gtan tshigs
- 84b
ma grub pa yin no/ /de bas na gal te nus ba ldog ba yin zhes 'dod ba de'i tshe chang las nus pa de gzhan ma yin pa de ltar na/ chad de nyid ldog pa yin no/ /ci ste yang rten du gyur pa chang gnas ba nyid yin pa nus pa ldog pa de ni rigs pa ma yin no/ myos ba'i nus pa dang 'brel par rung ba'i chang gnas pa na nus pa 'ga' zhig kyang ldog pa ma yin no/ /sbyor ba ni gang zhig gang 'brel bar rung ba ma tshang ba med par ngo bor gnas shing /de lta bur gyur pa de gnas pa na de la rten pa ldog pa ma yin te/ dper na snga ma'i gnas skabs la myos pa'i nus pa de nyid lta bu'o/ /phyis kyi chad yang myos ba'i nus pa dang ldan par rung ba tsha ba med par gnas ba'i dang tshul can yin no zhes bya ba ni khyab par byed pa 'gal ba dmigs pa'o/ /gtan tshigs ma grub pa 'dod pa nyid yin te/ 'di ltar gang zhig gang yod na ldog pa de ni de nyid ma yin te zhes bya ba la sogs pa nus pa'i khyad par sgrub par byed par mi 'gyur ro/ /gang zhig kho na yin pa de ni de dang zhes bya ba la sogs pa'i sbyor ba la gtan tshigs grub pa nyid yin no/ /de ltar ni 'gyur mod kyi/ gal te de mtshungs zhe na/ ji ltar chad las myos ba'i nus pa don gzhan ma yin pa de bzhin du 'byung ba dag las kyang 'dod chags ma sogs pa sems las 'byung pa yang don gzhan ma yin no zhe na de ni de ltar min te/ 'byung sems tha dad nyid phyir ro/ /'byung ba dag las sems mtshan nyid tha dad pa kho na yin no/ /ci'i phyir zhe na/ steng? ba tha dad can rtogs phyir/ /lus dang sems dag ni dag pa tha dad pa can gyi shes pa'i yul nyid yin no// de ltar na gang gi tshe yul du mi byed pa na yul gzhan 'dzin ba can gyi rang gi rnam par shes pa 'ba' zhig yang dag par rig par byed pa de'i tshe/ rang gi lus kha dog dang dbyibs la sogs pa'i khyad par gyi rnam par mi snang ngo/ /yang gang gi tshe lus yul du
- 85a
byed pa de'i tshe lus zlum pa dang ring ba'i rnam par snang ste/ de'i tshe lus dang yid kyi rnam par shes pa'i rnam pa tha dad pa nyid nyams su myong ba yin no/ /lhan cig dmigs pa yang yul dang yul can nyid du 'gyur ba de ni gzhan gyi lus la yang yod pa yin na/ de yang dmigs par byed pa'i sems kyi rten ma yin no/ /de bas na rang gi lus dang rnam par shes pa dag ni snang ba tha dad ba can gyi rnam par shes pas gzung bar bya ba nyid yin ba'i phyir tha dad pa nyid yin no/ /sbyor ba ni gang dang gang snang ba tha dad pa can gyi rnam bar shes bas gzung ba de dag ni dngos su tha dad pa yin te /dper na me'i gzugs dang rlung gi reg bya lta bu'o/ /lus dang sems dang 'dod chags la sogs pa'i tshogs kyang snang ba tha dad pa can gyi rnam par shes pas gzung bar bya ba dag yin no zhes bya ba ni rang bzhin gyi gtan tshigs so/ /yang dag pa gzhan du na 'dis yul snang bar byed cing gsal bar byed pas na snang ba ste dbang po'o/ /tha dad pa yang de yin la snang ba yang yin bas na snang ba tha dad pa'o/ /dbang po tha dad pa des rtogs pa'i phyir te /dbang po tha dad pas gzung bar bya ba nyid yin pa'i phyir ro zhes bya ba'i don to/ /lus kyang dbang po gzhan gyis yul du byas pa yin la/ rnam par shes po'ang gzhan nyid nyid kyis yin la de ltar na tha dad pa nyid yin no/ /sbyor ba ni gang dang gang dbang po tha dad pas gzung bar bya ba yin bde dang de ni dngos su bdag nyid tha dad ba yin te /dper na me'i gzugs dang rlung gi reg bya lta bu'o/ /lus dang sems dang 'dod chags la sogs pa'i tshogs kyang dbang po tha dad pas gzung bar bya ba yin no zhes bya ba ni rang bzhin gyi gtan tshigs so/ /mthong ba dang reg pa dag gis gzung bar bya ba'i rdzas gcig med ba'i phyir gtan tshigs snga ma ma nges pa nyid ma yin no/ /gal te yang dbang po drug pa mi 'dod pa de ltar na yod
- 85b
ltar mthong ba bzhin du rgyu mtshungs ba'i gnazhig brjod par bya'o/ /de yang shes bar sgrub bar byed pa tha dad pa can nyid yin ba'i phyir /gtan tshigs kyi don du 'gyur ba yin na zhe na pas ci zhig bya /gnyis pa yang ma grub pa ma yin par bsam par bya'o/ /yang na snang ba tha dad can rtogs phyir zhes bya ba ni skyes bu gang la snang ba tha dad pa des rtogs phyir te/ bdag nyid dang gzhan dag gi mngon sum nyid yin pa'i phyir ro zhes bya ba'i don to/ /'di skad du bstan par 'gyur te/ sems ni bdag nyid kyi mngon sum yin zhing /lus ni bdag nyid dang skyes bu'i khyad par gnas gyi yang mngon sum yin no/ /gal te yang sems lus las tha dad par mi 'gyur ba de'i tshe/ gzhan gyi gzhan gyi lus gzung ba na lus bzhin du de dang 'brel pa can gyi semS kyang gzung bar 'gyur ba'am/ sems bzhin du lus kyang ma gzung bar 'gyur te/ de dag gcig yin ba'i phyir ro/ /sems nyid ni gzung bar bya ba ma yin rang bzhin nyid kyang ma yin te/ bdag nyid kyis de 'dzin pa'i phyir ro/ /gzung bar bya ba nyid yin du zin kyang gzhan nyid kyi yin ba'i phyir rtogs pa ma yin no zhes 'dod na gzhan dang 'brel ba can gyi lus kyang ma bzung bar 'gyur ro/ /de bas na tha dad pa nyid yin no/ /sbyor ba ni gang zhig bdag nyid kyi mngon sum yin pa dang/ gang zhig bdag dang gzhan gyi mngon sum gang yin pa de dag ni phan tshun tha dad pa yin te/ dper na rang nyid kyi mkhal ma'i zug zer nyams su myong ba dang /zlos gar mkhan lta bu'o/ /bdag nyid kyi sems su kyang bdag nyid kyi mngon sum ma yin zhing /bdag nyid kyi lus kyang bdag dang gzhan gyi mngon sum yin no zhes bya ba ni rang bzhin gyi gtan tshigs so/ /gzhan yang gal te sems lus la brten par 'gyur ba de'i tshe/ lus 'gyur ba'i bar du yang /ji srid du ji ltar mthong ba bzhin du rgyu mtshungs ba'i gnas skabs
- 86a
gcig la lus gnas pa gnas skabs gzhan yongs su 'dzin pa la yin pa de srid du/ yid ngo bo mtshungs 'gyur te/ de la brten pa'i gzugs sogs bzhin du/ yid kyi rnam bar shes pa rnam pa gcig nyid du 'gyur te/ rgyu mtshungs pa can nyid yin pa'i phyir ro/ /'di ltar skad cig mar yul gzhan pa can nyid du 'jug par 'gyur ro/ /de ltar ni 'gyur mod kyi de'i tshe rten tha dad pa med na yan don gzhan dang gzhan yan lag tu 'gyur ro/ /de'i phyir shes pa ni rnam pa gcig pa can nyid ma yin no zhe na/ de yang yod pa ma yin te/ 'di ltar rnam par rtog ba ni/ don gyi gzhan dbang can nyid gang rnam par rtog pa'i phyi rol gyi don thag nye ba la bltos pa med pa can nye bar len pa'i dbang gis 'jug pa yin na/ ji ltar na de dag gi lhan cig byed pa don yin zhing de so sor des pa las nges pa yang yin yang/ gang tshe lu la bltos med par/ shes pa skye ba la la'i shes 'ga' bag chags dag /sad pa yi ni rgyur 'gyur ba/ /de'i tshe rgyu nges ni 'ga' zhig las 'ga' 'gyur/ /shes pa 'ga' zhig las de ma thag tu shes pa 'ga' zhig 'byung bar 'gyur ba de ltar na 'gal ba med do/ /bshad ma thag pa'i tshul gyis sems can thog ma med pa can nyid yin pa 'ba' zhig tu mi zad kyi/ snga ma med ba'i sems can mi skye ba yang grub pa yin te/ de ni rnam shes min pa 'di rnam shes kyi/ /nyer len min phyir grub pa yin/ sbyo ba ni gang zhig gang dang mi mthun pas mi skye zhing mthun pas kyang skye bde ni de'i rgyu yin te /dper na sa bon la sogs pa mthun pa dang mi mthun pa'i rjes su byed pa'i myu gu la sogs pa lta bu'o/ /phyis kyi shes pa yang sdang gyi sehs pa mthun pa dang mi mthun pa dag gis skye ba dang mi skye bar
- 86b
'gyur ro/ /zhes bya ba ni rang bzhin gyi gtan tshigs so/ /rnam par shes pa nyid rnam bar shes pa'i nye bar len pa yin gyi/ rnam par shes pa ma yin pa ma yin no/ /rnam bar shes ba ma yin pa'i ngo bo lus la sogs pa nye bar len pa ma yin no/ /rnam par shes pa ma yin pa ni rnam par shes pa'i nye bar len pa'i ngo bor mi 'gyur ba'i phyir/ sems can thog ma med pa yin pa de ltar na snga na med pa'i sems can rab tu skye ba ma yin no/ /'ang zhes bya ba'i sgras ni la sogs pa'i rgyu can nyid yin na/ / 'dod chags la sogs cig car thal ba'i phyir yang sems can thog ma med pa nyid du grub pa yin no/ /gal te yang sems mngon par gsal ba can ma yin pa'i 'byung ba 'am/ rtswa la sogs pa glang po che'i bda nyid du ma gyur pa de ltar na yang/ gal te dngos po thams cad ni rnam bar shes pa'i nus pa dang ldan pa yod pa yin no/ /rnam shes nus ldan phyir te/ rgyu'i phyir rnam par shes pa ma yin pa las rnam par shes pa mi 'byung ba zhes bshad pa gang yin pa de 'dod pa nyid yin no zhe na/ de ni grub pa la sgrub pa ma yin no/ /de ltar na sems mngon bar gsal pa ma yin pa can gyi 'byung ba rnams la/ nus pa'i ngo bor gnas bar 'dod pa'i sems gang yin pa ni/ ci mngon par gsal ba'i gnas skabs kyi sems gang yin pa de de nyid yin nam 'on te gzhan nyid yin /rtswa mchog gi rtse mo la glang po che mngon par gsal ba rnams ngo bo gang yin pa de nyid nus pa'i gnas skabs na yin nam/ 'on te gzhan nyid yin grang na/ gal te gzhan nyid yin pa de'i tshe gzhan yod pa na de yod do zhes rigs pa ma yin no/ /ci ste mthong ba'i bdag nyid kyi gnas skabs kyi sems dang glang po che'i ngo bo gang yin pa/ sems mngon par gsal ba can ma yin par mngon par 'dod 'dod pa'i
- 87a
'byung ba rnams sam rtswa mchog gi rtse mo la de nyid yod pa yin no zhes 'dod ba de dang de shin du srid pa ma yin te blun pa nyid kyi phyir/ grangs can phyugs las gzhan/ /ngo tsha bcas ba su brjod rtsol te 'bad bar byed do/ /'di ltar/ rtswa mchog rtse na glang chen brgya/ /sngon chad ma mthong ba mngon bar gsal pa ma yin ba'i gnas skabs de'i tshe na /rang gi ngo bo ma dmigs par yod do zhe'o/ /gal te de la yod par 'gyur ba de'i tshe rang gi ngo bo nyid dmigs par 'gyur ro/ /sbyor ba ni gang zhig gang gi tshe gang la yod pa de ni de'i tshe de la rang gi ngo bor 'gyur te/ dper na mngon par gsal ba'i gnas skabs kyi sems dang/ glang po che brgya de nyid lta bu'o/ /glang po che brgya dang sems kyang rtswa mchog gi rtse mo dang/ semS mngon par gsal ba can ma yin par mngon par 'dod pa'i 'byung ba'i khyad bar rnams la yod do zhes bya ba ni rang bzhin gyi gtan tshigs so/ /ngo bo gang zhig snang gyur pa/ ngo bo? de ni sngar mi snang/ 'byung ba'i bdag nyid kyi rgyu ni lan brgyad rnam phye yang gson po'i lus bzhin du sems dmigs pa sgrub par byed pa g.yo ba la sogs pa med pa'i phyir ro/ /rtsa ba'i bdag nyid can mngon par gsal ba'i ma yin pa'i gnas skabs kyi ngo bo gang yin pa de ni gzhan nyid yin te/ gzhen yod pa na de yod do zhes brjod par mi bya'o/ /sbyor ba ni rnam grangs med par gang zhig gang gi ngo bor mi 'gyur ba de ni dngos su der 'gyur pa ma yin te/ dper na bde ba'i ngo bo ma yin pa can gyi sdug bsngal lam/ me'i gzugs dang chu lta bu'o/ /nus par mngon par 'dod pa'i dngos po yang sems mngon par gsal ba'i ngo bo can dang/ glang po brgya'i ngo bor mi 'gyur ro zhes bya ba ni khyab par byed pa 'gal ba dmigs pa'o// //
- 87b
tshad ma rnam 'grel gyi 'grel pa/ /bam po bco brgyad pa/ de nyid yin pa da sna pa'i gnas skabs bzhin du dmigs par 'gyur ba de ltar na ma grub pa ma yin no/ /de bas na thams cad rnam par shes pa'i bdag nyid ma yin pa'i phyir/ /rnam par shas pa ma yin pa rnam par shes pa nye bar len pa nyid ma yin par bsgrub par bya ba'i/ /grub pa la sgrub pa ma yin no zhes bya bar gnas/ /gzhan yang te sems can thog ma med pa ni mi 'dod do/ /'o na ci yin zhe na/ snga na med pa rab tu skye ba de'i tshe snga na med pa 'byung ba la sems can khas len na/ rigs mthun pa la rag las pas 'jug pa can dag ni 'dod chags la sogs pa ma yin gyi 'on kyang lus kyi chos yin no/ /de bas na ji ltar lus ni lag pa la sogs pa 'ga' zhig dang ldan pa dang/ mi ldan pa dang/ chen po dang/ chung ngu dang /sngo bsangs la sogs pa'i kha dog dang/ de ma yin pa'i kha dog dang/ mig la sogs pa ma tshang ba med pa'am/ gzhan yin bas chos de dag skye ba nges pa med pa can yin pa de ltar na/ chags sogs nges med thal bar 'gyur 'dod chags can dang/ ches 'dod chags can dang/ ches shin tu 'dod chags can 'ga' zhig gi 'dod chags nyid kyi bar du mi 'gyur ro/ /de ltar na bde ba dang sdug bsngal dang/ yid mi bde ba dang/ yid de ba dang/ zas la sogs pa 'dod pa dang/ zhe sdang dang/ phrag dog dang/ ser sna la sogs pa dang/ shes rab la sogs pa brjod par bya'o/ /sbyor ba ni gang ma byung ba las snga na med pa 'byung dang 'gyur zhing/ gang snga na med pa'i chos rnams dang/ sbyor ba de ni chos de dag dang ldan par nges pa yod pa ma yin te/ lus de nyid la dbang po dang/ yan lag dang/ nyid lag dang/ kha dog dang /dbyibs kyi khyad par nges pa med pa dang ldan pa lta bu'o/ /sngon med pa'i skyes bu 'di yang mngal du sngon med par 'byung ba dang/ snga na med pa'i 'dod chags la sogs pa
- 88a
dag dang ldon? zhes bya ba ni khyab par byed? pa 'gal ba dmigs pa'o/ /yang na gang dang gong lus kyi ? ma yin pa de dang de ni skye bar 'gyur pa nges par skye ba dang 'brel bar 'gyur ba ma yin te dper na dbang po dang/ kha dog dang/ /? byibs? dang/ yan lag dang nyid lag la sogs pa lta bu'o/ /yid bde ba dang/ yid mi bde ba dang/ 'dod chags dang /zhe sdang dang/ zas? la sogs par 'dod pa dang/ shes rab la sogs pha yang lus kyi chos yin no zhes bya ba ni khyab par byed pa 'gal ba dmigs pa'o/ gal te 'dod chags la sogs pa'i rgyu 'byung ba'i bdag nyid yin la/ 'dod chags la sogs pa'i rgyur gyur pa 'byung ba'i bda nyid de las kyang skyes bu 'ga' zhig 'das pa ma yin te/ 'byung ba'i bdag nyid ma 'das phyir te/ rgyu'i phyir des skyed pa'i 'dod chags la sogs pa dang ldan pas/ 'ga' zhig 'dod chags dang bral ba la sogs pa med ba nyid yin ba de ltar na/ gal te skyes bu thams cad 'dod chags la sogs pa dang ldan par 'dod na zhes bya ba'i phyogs snga ma'o/ /sbyor ba yang gang zhig rgyu'i rang bzhin las ma 'das pa gang yin pa de ni de'i 'bras bur rig par 'gyur te/ dper na myu gu'i rgyu'i tshogs ni myu gu'i rgyu las ma 'das pa yin pa de lta bu'o/ /skyes bu 'di yang 'dod chags la sogs pa'i rgyu'i rang bzhin 'byung ba'i bdag nyid las ma 'das pa yin no zhes bya ba ni rang bzhin gyi gtan tshigs so/ /skyes bu 'byung pa'i bdag nyid las mi 'das pa de ltar na yang/ 'di'i kha dog dang dbyibs dbang bo la sogs ba lus kyi chos 'ga' zhig gi tshe med pa can nyid yin ps ma nges pa yin no/ /de ltar na yang khas blangs nas brjod par bya ste/ gal te 'byung ba'i bdag nyid las ma 'das pa kun chags sogs ldan pa/ de'i phyir thams cad 'dod chags mtshungs can 'gyur 'dod
- 88b
chags la sogs pa thams cad 'byung ba'i bdag nyid yin ba'i phyir ro/ /sbyor ba ni gang zhig gi las rgyu khyad par can ma yin pa de ni de las khyad par ma yin par 'gyur te/ dper na rgyu khyad par can ma yin pa'i myu gu la sogs pa lta bu'o/ /skyes bu gzhan rnams la 'dod chags la sogs pa yang rgyu khyad par can ma yin zhes bya ba ni rang bzhin gyi gtan tshigs so/ /de lta ni 'gyur mod kyi/ gal te 'byung bul 'byung phyir min/ /'dod chags la sogs pa mtshungs pa can ni nyid du ni 'gyur mod kyi/ gal te 'byung ba bul du byung ba'i phyir 'dod chags la sogs pa'i khyad par 'gyur te /'di ltar skys bu gzhan du 'gyur ba can gyi 'byung ba rnams kyi 'phel ba dang 'grib pa dang ldan pa'i phul du byung ba 'ga' zhig 'dod chags la sogs pa'i rgyu mtshan yod pa de ltar na de skyes bu gzhan rnams 'dod chags la sogs pa yang rgyu khyad par can ma yin no zhes bya ba'i gtan tshigs ma grub ba yin no zhe na/ gal te de lta yin pa de'i tshe srog chags gang yin pa 'di sogs chags de la srog dang ldan pa dang/ ches srog dang ldan pa dang/ chos shin du srog dang ldan pa zhes bya ba'i khyad par 'di yod pa ma yin pa de ltar na/ 'byung rnams srog chags khyad med na'ang/ /khyad par 'di rten gang can yin/ /'byung ba phul du byung ba la brten nas 'di chags pa can dang ches chags pa can dang/ ches shin du chags pa can du 'byung ba gang yin pa/ khyad par gyi rgyu mtshan/ /de ni ni phul 'byung 'grib pa can 'byung ba de nyams 'gyur te/ 'jig par 'gyur ro/ /gang las nyams par 'gyur zhe na/ de yod pa las te/ 'dod chags la sogs pa dang ldan pa nyid las so/ /de ltar na/ 'ga' zhig skye bzhin ba nyid na/ sdug bsngal dang bde ba la sogs pa med pa dang ldan pa dang/ 'dod chags dang bral ba dang/ zhe sdang dang/ phra dog dang/ ser sna dang bral ba skye bar 'gyur ro/ /de ltar
- 89a
na gang zhig gang la 'phel ba dang 'grib pa dang ldan pa de ni rgyun chad pa'i chos yod ba can rang gi 'bras bu yang nyams par byed de/ dper na 'byung pa rnams la dkar po dang/ nag po dang/ sngo bsangs la sogs ba'i kha dog rnams 'phel ba dang 'grib pa dang/ ldan pa'i rgyu yin pa lta bu'o/ /de ltar 'byung ba rnams la 'byung pa'i phul du byung ba 'dod chags la sogs pa'i khyad par gyi 'bras bu can 'phel ba dang 'grib pa dang ldan pa rgyun chad pa'i chos srid pa can 'byung ba rnams bdag nyid med par 'gyur ba na 'dod chags nyid nyams bar 'gyur ba'i phyir 'dod chags dang bral ba 'ga' zhig kyang skye bar 'gyur ro/ /sbyor ba ni gang zhig gang la phul du byung ba dang 'grib pa dang ldan pa de ni de la srid pa med pa can yin te /dper na 'byung ba de dag nyid la dkar po nyid la sogs pa'i rgyu lta bu'o/ /skyes bu'i 'dod chags la sogs pa'i rgyu yang phul du byung ba dang 'grib pa yin no zhes bya ba ni rang bzhin gyi gtan tshigs so/ /de ltar na 'gyur mod kyi/ gal te tha dad kyang chags sogs/ rgyu mtshungs bdag nyid mi zang phyir min na/ gal te 'dod cags la sogs pa ches shin tu ba'i rgyu 'phel ba dang 'grib pa yod na'ang 'dod chags la sogs pa'i rgyu'i spyi zang por 'gyur na 'dod chags la sogs pa dang bral ba 'ga' zhig kyang skyo bar 'gyur na/ gang gi phyir 'dod chags la sogs ba'i rgyu mtshungs pa mi zad de'i phyir 'dod chags dang bral ba 'ga' zhig kyang srid pa ma yin no zhe na/ gal te de ltar yin na skyes bu kun la 'dod chags 'dra bar 'gyur ro/ /ci'i phyir zhe na bdag nyid 'dra phyir/ rgyu mtshungs pa dag las 'dod chags la sogs pa 'byung pa'i phyir te/ rgyu 'dra ba nyid kyi phyir zhes bya ba'i don to/ /khra mo la sogs pa la lar pa lang shes pa ches shin tu/ ba lang dang/ shin tu ba lang
- 89b
dang/ tshes? shin du ba lang zhes bya ba med do/ /ci 'dra ba zhig ce na /bdag nyid mtshungs las 'byung/ ba lang gi rigs gcig las skye ba can no de ni gzhan gyi gzhung gi sgo nas bstan pa yin no/ /'di yang tshu rol mdzes pa rang gi sgrub pa'i mdza' la yang ngo/ /sa la sogs pa'i 'byung ba chen po dag la srog chags la sogs pa ches shin tu bste/ srog chags dang/ shin du srog chags dang/ ches shin tu srog chags zhes bya ba yod pa ma yin no/ /de bzhin du 'dod chags can dang/ shin du 'dod chags can dang/ ches shin du 'dod chags can zhes bya bar mi 'byung te rgyu mtshungs pa las 'byung ba'i phyir ro/ /de bzhin du zhe sdang la sogs pa la brjod par bya'o/ /bdag nyid mtshungs dang/ ches shin tu ba dang ldan pa ma gtogs par de'i rta brtags pa can yod? dra? ba ma yin te/ bdag nyid mtshungs pa yod na 'dod chags la sogs pa mtshuns pa dang ches shin tu ba yod na chad par yang 'gyur ro/ /gcig la gnyi ga yod pa ma yin te 'gal ba'i phyir ro/ /yon tan nam chos dro ba'i ches shin tu ba yang 'phel ba dang 'grib pa yod na yang /gang tshe me dra ma yin min/ chos can nam yon tan can 'ga' zhig gi tshe ma mthong ngo/ /gal te de ltar 'di yin zhe na 'byung ba phul du 'byung ba 'dod chags la sogs pa'i rgyu 'phel ba dang 'grib pa dang ldan pa nyid yod na yang 'dod chags can nyid ma yin pa la sogs pa med pa de ltar na/ gang zhig gang las phul du byung ba dang 'grib pa zhes bya ba la sogs pa'i sbyor? ba lam nges pa yin no zhe na/ min te dro ba nyid las ni/ zhes bya ba la sogs pas lan 'debs par byed de/ dro ba nyid las me zhes bya ba chos can nam yon tan tha dad pa 'ga' zhig kyang yod pa ma yin na/ gang gis na dro ba yon tan na mchos de me zhes bya ba'i rdzas la 'phel ba dang 'grib pa dang ldan pa yin med pa can ma yin/ me'i rdzas tha dad pa bkag pa yang rdzas
- 90a
'gog pa'i gtan tshigs gzhan du bstan pa dag las rtogs par bya'o/ /gang gi phyir de ltar na gang la yang dro ba 'di 'phel ba dang 'grib ba dang ldan pa me zhes bya ba'i chos can yod pa ma yin no/ 'o na ci yin zhe na/ dro ba nyid me yin la/ de yangs phyogs la sogs pa'i chos can gang la phul du byung ba dang 'grib pa dang ldan pa de yod ba med pa can yang yin no/ /de bas 'di ltar yon tan las gzhan gang las yon tan gyi yod pa'i yon tan rnams gang yin pa'i chos can la lag? ches shin tu ba ldan pa can/ tha dad pa can ldan pa'i yon tan de dag las tha dad na'ang/ /chos can gang la tha dad pa dang ldan pa de'i rigs tha dad pa na/ chos can la la chad 'gyur te/ chos rgyun chad ba can du 'gyur ro/ /ci dang 'dra ba zhe na/ dkar sogs bzhin te snam bu la yod pa tsam gyi ngang tshul can gyi dkar po nyid la sogs pa bzhin no/ /sbyor ba ni gang zhig chos can gyi rigs sam yon tan can gyi rigs gang la chos sam yon tan gyis ches shin du ba dang ldan pa de ni/ de tha dad na la lad chos rgyun chad pa gang? yang yin te/ dper na bum pa dang snam bu dag la dkar po nyid la sogs pa lta bu'o/ /'dod chags la sogs ba'i chos sam yon tan can srog chags sam/ yon tan can dag gi ches shin tu ba dang ldan pa yin no zhes bya ba ni rang bzhin gyi gtan tshigs so/ /gang gi phyir 'di ltar khyad par dang bcas pa'i gtan tshigs brjod pa de'i phyir ma nges pa ma yin no/ /de ltar yin na yang chos can me lce'am yon tan can de la dro ba nyid gang yin pa dro ba nyid phul du byung ba dang ldan pa ma yin nam/ me lce yod na rgyun chad ba nyid ma yin pa de ltar na ma nges pa nyid yin no zhe na /ma yin te de la yang dro ba'i khyad bar chos can nyid yin pa'i phyir ro/ /de la dro ba nyid ni 'byung ba yin la/ de las 'byung? ba las gyur pa'i gzugS
- 90b
skye zhing dro ba nyid chad pa na de'i 'bras bu gzugs rnam par chad pa yin no/ /reg bya dang gzugs la ma gtogs pa'i rjes? gzhan yang yod pa ma yin no/ /de ltar ni dkar po la sogs pa dang/ bde ba la sogs pa'i ba lang dang/ lus ni chos sam yon tan ma yin gyi/ 'on kyang ba lang dang/ lus ni chos can nyid yin zhing/ gzhan ni de'i chos yin pa'i phyir chos can gnas pa na chos rnams 'chang cing chos gnas ba na chos can chad pa ma yin no/ /gal te lus la gzugs dang dri dang ro dang/ reg bya la sogS pa ma byung ba las snga na med pa 'byung ba dang/ nges par 'brel pa can yin pa de dang 'dra bar lus kyi chos su gyur pa yid bde ba dang/ yid mi bde ba dang 'dod chags dang/ zhe sdang dang/ zas la sogs pa 'dod pa dang/ shes rab la sogs pa 'gyur ba de ltar na/ gang la byung ba las snga na med pa 'byung bar 'gyur zhing zhes bya ba la sogs pa'i sbyor ba las ma nges pa yin no zhe na/ gzugs sogs bzhin nges med/ yid bde ba la sogs pa dag go /ci phyir de na/ gzugs la sogs pa khyad par med pa de dag 'byung ba las tha dad med phyir ro/ /gzugs la sogs pa'i spyi nges pa gang yin pa de 'byung ba las tha dad pa med par gnas pa yin te/ lhan cig gnas pa'i nges pas 'jug pa yin zhes bya ba'i don to/ /yang na 'byung bdag las gzugs la sogs pa tha dad pa ma yin pa de ltar na/ khyod kyi gzhung gis 'byung ba nyid gzugs la sogs pa yin no/ /de'i phyir 'byung ba'i bdag nyid kyi ngo bo nyid can yin pa'i phyir/ 'byung pa yod? na gzugs la sogs pa yod par 'gyur ba nyid yin no/ /'dir yang 'dod chags la sogs pa 'byung ba rnams dang lhan cig gnas par des pa'i mtshan nyid can nam/ de yod pa na yod pa'i mtshan nyid can gyi tha dad med pa yod pa ma yin ba de ltar na/ gang zhig gang la tha dad
- 91a
par gnas pa yod na/ ma byung ba las snga nas med pa 'byung bar 'gyur ro zhes bya ba khyad par dang bcas pa'i gtan tshigs yin ba'i phyir ma nges pa ma yin no/ /sbyor ba yang gang zhig gang la lhan cig gnas pa'i nges pa yod pa med na/ ma byung ba las 'byung ba de ni de las nges par skye ba dang 'brel pa can du 'gyur ba ma yin te/ dper na lus de nyid la mig dang/ rna ba dang/ lag pa la sogs pa lta bu'o/ /'dod? chags la sogs pa yang lus dang lhag cig gnas pa'i nges pa yod pa med na/ snga na med pa 'byung bar 'gyur ro zhes bya ba ni khyab par byed pa 'gal ba dmigs pa'o/ /de ltar na 'gyur mod kyi gal te de mtshungs she na/ de la yang de lta bu'i mtshan nyid can gyi bde ba la sogs pa tha dad pa med pa de ltar na gtan tshigs ma grub pa yin no zhe na/ de ni lan de nyid ma yin te/ sngar 'dod chags la sogs pa tha dad par bsgrubs pas lhan cig mi 'jug pa'i phyir dang/ nus pa'i ngo bo yod na yang de nyid yod pa ma yin no zhes bstan zin pa'i phyir ro/ /khas blangs nas kyang brjod par bya ste skyon nyid yin no/ /ci'i phyir zhe na/ chags sogs cig car skye thal phyir/ /gzugs la sogs pa dang 'dra bar 'dod chags dang/ zhe sdang dang/ phra dog la sogs pa cig car 'jug par thal bar 'gyur te/ 'byung ba'i rang bzhin nyid yin pa'i phyir dang/ de'i rang bzhin nyams pa med pa'i phyir ro/ /nus pa'i rang bzhin yod na yang 'dod chags la sogs pa'i dang gi ngo bo 'jug pa can srid pa gsal bas 'dod pa grub pa dang 'byung ba'i rang bzhin du khyad par med pa yin na yang/ de'i rang bzhin 'dod chags la sogs pa'i nus pa dang /gsal ba'i khyad par mi rung ba'i phyir ro/ /de ltar ni 'gyur mod kyi/ 'dod chags la sogs pa 'jug pa la/ phyi rol gyi yul ni lhan cig byed pa yin la/ de thag nye ba gang yin ba de de'i tshe
- 91b
'jug par 'gyur ba yin pa de lta na yul nges par byed pa nyid yin pa'i phyir cig car skye bar thal ba med do? zhe na/ de ni ma yin te 'di ltar /yul ni nges byed ma yin no/ /ci'i phyir zhe na/ 'dod chags la sogs pa ni rnam rtog yul nyid yin phyir ro/ /'dod chags la sogs pa phyi rol gyi don thag nye ba la bltos pas 'jug pa can ma yin na/ gang gis na nges bar skye bar 'gyur/ /'o na ci yin zhe na /rnam par rtog pas sgro btags pa'i yul can yin pa'i phyir yul nges par byed pa ma yin no/ /gzhan yang kho bo cag ni 'dod chags la sogs ba skye ba la rigs mthun pa'i rgyu yod do/ zhes smra na/ de khyed chag mi 'dod de gang gi tshe skye ba la skal pa mnyam pa'i rgyu med pa de'i tshe/ skal ba mnyam rgyu med pa'i phyir/ rnam par shes pa ma yin pa yang de ma thag tu rgyu nyid yin pa ` bkag pa'i phyir /'dod chags la sogs pa rgyu med pa can nyidyin pa de ltar na/ chags sogs nges pa med pa'am/ gang 'ga' zhig la'ang 'dod chaD la soD pa 'byung bar mthong ba de nyid mi 'gyur ro zhes bya ba'i don to/ /sbyor ba yang gang la rgyu med pa de ni mi 'gyur te/ dper na de kho na nyid snga ba lta bu'o/ /'dod chags la sogs pa la yang rgyu yod pa ma yin no zhes bya bani khyab par byed pa mi dmigs pa'o/ /gal te 'dod chags la sogs pa'i 'byung ba rgyu nyid yin pa'i phyir/ gtan tshigs ma grub pa yin no zhe na/ gal te de lta yin ba de'i tshe 'byung pa dag rtag tu mtshang ba med pa'i phyir 'dod chags la sogs pa'i ryu rtag tu nye ba nyid yin te/ rgyu ni nye phyir te/ rgyu'i phyir 'dod chags la sogs pa'i blo rnams dag thams cad thams cad chen skye ba thob par 'gyur ro/ /sbyor ba ni gang zhig gang gi che rgyu ma tshang ba md pa thag nye ba can yin ba de ni de'i tshe 'gyur te/ dper na lus de nyid la gzugs la sogs pa lta bu'o/ /'dod chags la sogs pa'i blo yang rgyu ma tshad ba med pa thag nye ba can/ /yin no zhes bya
- 92a
pa ni rang bzhin gyi gtan tshigs so/ /nus pa yod na yang 'dod chags la sogs pa'i rang gi ngo bo yod pa ma yin zhes bshad pas 'dod pa bsgrub pa ma yin no/ /gyur pa'i khyad par 'jug pa med pas ma grub pa yang ma yin pa rang bzhin 'pho ba med pa can gyi gyur pa'am/ de'i khyad par 'ga' zhig kyang yod pa ma yin no/ /yongs su gyur pa'i khyad par gcig la gnas pa'i skyes bu 'dod chags la sogs pa'i blo rgyu thag nye ba can rigs mtshungs thams cad ci'i phyir 'jug par mi 'gyur// skad cig ma re re gyur pa yang rgyu med pa can yin pa de ltar na/ gyur pa'i rgyu mtshan byung btsam cung zad gang yin pa de'i gzhung btsugs pa'i phyir gyur pa skad cig ma rim bzhin du 'gyur ba can ma yin pa'am/ de rgyu mtshan med pa can yin na/ yang bltos par bya ba med pa'i phyir rtag tu gyur pa'am/ 'ga' zhig gi tshe yang ma yin no zhes lan du mar bshad zin to/ /de'i phyir goms las 'dod chags la sogs gsal ba/ mthong phyir zhes bya ba la sogs pa sngar bshad pa'i gtan tshigS thams cad kyi 'khor ba can gyi nye bar len pa'i phung po lnga sdug bsngal du grub pa yin no/ /sdug bsngal gsum ma ma/ skye ba la sogs pa dang 'brel pa'i phyir nye bar len pa'i phung po lnga'i mtshan? nyid can gyi sdugbsngal de dang 'di'i mi rtag pa nyid la sogs pa rnam pa bzhi/ 'ga' zhig chen zhes bya ba la sogs pas ston par byad do/ /sdug bsngal de mi rtags pa yin no/ /ci'i phyir zhe na/ 'ga' zhig tshan? dmigs pa'i phyir/ sdug bsngal gyi rgyun zhes bya ba ni gcig yod pa ma yin no/ 'o na ci yin zhe na /sdug bsngal gyi khyad par nyid gzhan dang gzhan 'jug pa yin gyi rtag pa ni ma yin no/ /mi rtag pa nyid kyang bstan bcos mdzad pa rang nyid kyis rnam pa du mar bstan zin pa'i phyir/ /yang brjod mi mdzes par 'gyur ba de
- 92b
ltar na ma spros so/ /de ltar na mi rtag pa nyid yin no/ /phung po rnams kyi sdug bsngal nyid kyang nyes brten phyir/ phung po rnams la nye ba rnams rjes su 'brel ba'i phyir te thag pa dang bcas pa nyid gyi phyir ro zhes bya ba'i don to/ /nyes pa yang bdag dang bdag gir? mngon par chags pa la sogs pa'o/ /de bas na skye ba'i dus na bdag gi ngo bo gsang ba'i phyir dang skye ba la sogs pa rnam par smin pa'i sdug bsngal dang/ kun nas sbyor ba'i phyir sdug bsngal du 'dod do/ /rgyu'i dbang nyid phyir/ gzhan gyi dbang gi sdug bsngal yin no/ /phung po rnams kyi skd cig ma re re la rgyus gzhan gyi dbang yin pa de ltar na/ de sdug bsngal yin no/ /bdag min te gang gi phyir 'di ltar phun po mi rtag pa dang gzhan gyi dbang dag tu 'jug pa de'i phyir/ de dag ni bdag nyid bdag gi ngo bor mi 'gyur ro/ /bya ba dang longs spyod pa'i rten gyi mtshan nyid can yin pa'i phyir dang/ rang dbang gi mtshan nyid can yin ba'i phyir bdag min pa de ltar na bda med pa'o/ /sdug bsngal de phung po dang tha mi dad pa'am/ /brjod par bya ba ma yin pa'i bdag gis byin gyi rlabs pas 'jug pa'ang ma ni te/ des na bdag gi ma yin no zhes bya ba'i don to/ /des ni stong pa nyid bshad pa yin no/ /bdag ni rang gi rkyen la rag las pa'i phung po rnams kyi rnam pa 'ga' zhig yang kha na 'dogs par byed pa ma yin pa de ltar na/ de ji ltar na byin gyis rlabs ba bo nyid yin pa? gang gis na stod pa nyid du mi 'gyur/ sbyo ba ni gang zhig gang gis dang bzhin la phan 'dogs par byed ba'i ngang tshul can mi 'gyur ba d ni de'i byin gyis rlabs pa bo nyid ma yin te/ dper na bum pa la mo sham gyi bu lta bu'o/ /bdag tu mngon par 'dod pa'i dngos po yang phung po rnams kyi rang bzhin la phan 'dogs? par byed pa'i ngang tshul can ma yin no zhe bya ba ni khyab par byed pa mi dmigs pa de nyid yin no/ /gang gi phyir
- 93a
rtag pa nyid rgyu ma yin pa de phyir du ma gcig las ni/ 'pho ba med pa'i rang bzhin las/ dus tha dad par mi skye 'gyur/ cig car kho nar skye bar 'gyur te/ rgyu mtshang ba med pa'i phyir ro/ /yang na 'ga' zhig gi tshe lam yin te khyad par med ba'i phyir ro zhes bya ba ni nges pa yin no/ /gang zhig gang yod na 'gyur ba 'di'i rgyu dang 'bras bu yin no zhes bya ba de ltar 'gyur te/ de'i rgyu de las gzhan pa thag ni nye ba na'ang/ de med pa na de'i 'bras bu skye bar mi 'gyur ba de'i tshe/ 'bras bu dag ni mi skye phyir/ rgyu mtshan rjes su dpog 'gyur na /dper na gang med pa'i phyir de'i 'bras bu mi skye ba de'i rgyu gzhan dag kyang lta bu'o/ /de ni rtag rnams la yod min/ /rtag pa rnams ldog pa med pa'i phyir ro/ /ji skad du bshad pa'i ldog ba nyid yod ba ma yin na/ gang gis na de'i nus pa rtog par byed de thal ches pa'i phyir ro/ /de bas na gang dag yod na gang nyid 'gyur/ /de ni de tsam gyis rgyu can nyid yin par ltar bya'o/ /sbyor ba ni gang zhig gang yod na 'gyur ba d nyid ni de tsam las 'gyur ba'i ngang? tshul can dang/ /de las tha dad pa'i rgyu gzhan la bltos pa med par khas blang bar bya ste/ dper na mngon par 'dod pa'i tshogs pa yod na 'bras bu'i khyad par nges par 'gyur ba khas blang pa de tsam gyi ryu can dang/ gzhan la bltos pa med ba kha blangs pa yin pa lta bu'o/ /mig gi rnam bar shes pa yang mig dang gzugs dang snan ba dang yid la byed pa ngag yod na 'gyur ba yin no zhes bya ba ni rang bzhin gyi gtan tshigs so/ /de bzhin du rna ba dad sna dang lce dang lus kyi rnam par shes pa yang/ rna ba la sogs pa dang/ sgra la sogs pa dang yid la byed bdag yod na 'gyur ba dang/ yid kyi rnam par shes pa yang 'bad rtsol gyi mtshan nyid can rnam par shes pa yang snga ma'i khyad bar
- 93b
yod na 'gyur ba dang /dbugs 'byung ba dang rdub pa dang/ mig 'byed pa dang ' dzums pa la sogs pa yang 'bad rtsol dang/ las rjes su mthun pa yod na 'gyur ro/ /de ltar sdug bsngal gyi rnam pa bshad pa yin no/ /'di'i kun 'byung ni res 'ga' 'byung ba nyid kyis ni zhes bya ba la sogs pas 'chad par byed do/ /re zhig sdug bsngal de rgyu med pa can du mi 'gyur ro/ /ci'i phyir zhe na/ ris 'ga' 'byung ba nyid kyis ni/ /gang res 'ga' 'byung ba de ni rgyu dang bcas pa nyid yin pa de bas na ji skad du bshad bI sdug bsngal 'di rgyu bcas pa nyid grub pa yin no/ /de lta ma yin na rgyu med de 'di la rgyu yod pa ma yin pas na rgyu med pa de ni / rtag tu yod pa'am med par 'gyur/ ci'i phyir zhe na/ gzhan la mi bltos phyir te/ don rgyu med pa can dang dbang du skye ba la gang thag nye ba las res 'ga' 'gyur ba dang thag nye ba med pa las dus gzhan du mi 'gyur ba ste/ bltos par bya ba cung zad kyang yod par 'gyur ba ma yin no/ /de bas na khyad par med pa'i phyir 'byung bar 'dod pa'i dus na'ang mi 'gyur ro/ /'byung ba'i dus ma yin par khyad par med pa'i phyir rtag tu yod par 'gyur ro/ /ji ltar tsher ma la sogs la zhes bya ba la sogs pa de nyid kyi phyogs snga ma 'god par byed do/ /sogs smos pas ni pad+ma'i sdod bu dang/ mdab ma dang/ ge sar dang/ lte ba la sogs pa bzung ngo/ /rno ba nyid sogs kyi sogs smos pas ni dbyibs dang kha dog dang/ rtsub pa pa dang/ 'jam pa la sogs pa bzung ste/ ji ltar rno ba nyid sogs rgyu med pa/ de ltar sdug bsngal de dag rgyu med 'gyur/ zhes ni kha cig rab tu brjod pa rang bzhin du smra pa'o/ /de dag la 'di skad ces brjod par bya ste/ rgyu zhes bya ba gzhan cung zad kyang yod pa ma yin to/ 'on kyang gang yod na ni gar skye ba'am/ 'gyur ba yod na 'gyur ba yangs
- 94a
gang zhig 'gyur ba ni 'gyur ba ste /dngos po 'gyur ba'i rjes su byed pa can gang yin pa de ni de rgyur rab bstan? gi rgyud smra ba sems rgyas pa la sogs pas so/ /de dang de dag de rnams/ la yang yod/ sa bon gyi yul la sogs pa so sor des ba gang dag la rno ba nyid la sogs par 'gyur ba de dag ni sa bon gyi yul la sogs pa yod pa dang med pa'i rjes su byed pa de ltar na/ de'i rgyu can de dag gsal bar rtogs par 'gyur ba yin pa'i phyir 'di'i 'bad rtsol gyis ci zhig bya/ gal te reg bya yod na mig gi rnam par shes pa 'gyur zhing/ med? na mi 'gyur ba de ltar na yang mig gi rnam par shes pa'i rgyu ma yin pa de ltar na/ rgyu dad 'bras bu'i dngos promi chen nyid can de 'khrul pa yin zhe na/ de ni 'khrul pa ma yin te 'di ltar reg bya zhes bya ba ni 'byung ba dag yin no/ /de dag rgyud byas na rgyur byas pa'i gzugs rab tu 'jug pa de ltar na/ gzugs rgyu nyid phyir reg bya ni/ brgyud bas mthong ba yin rgyu mtshan yod pa'i phyir 'khrul pa med do/ /de yang ldog pa tsam yid la byas nas lan du bstan ba yin no/ /de lta ma yin na bshad? pa'i mtshan nyid can gyi ldog pa la 'brel pa yod pa nyid ma yin no/ /de ltar na gzugs thag nye bar rab tu bstan nas reg bya'i ldog pa bstan par mi nus so/ /de de ltar na sdug bsngal rgyu med pa can nyid ma yin gyi 'on kyang rgyu dang bcas pa nyid yin no/ /rgyu dang ldan pa nyid yin na yang/ sdug bsngal 'di ni/ dbang phyug sogs las 'byung min no/ /sogs po smas pas ni gtso bo dang skys bu la sogS ba bzung ngo/ /rgyu yang gang gis shin rtag pa rnams ni bdag? pa dang/ zhes smos te/ rtag pa ni cung zad? yod pa ma yin te/ skabs gzhan du bkag pa'i phyir ro/ /rang gi sgras ni 'di nyid dang gzhan du bkag pa ste dbang phyug sogs ma yin khyad par med phyir zhes rtag pa nyid cung zad kyang yod pa ma yin no zhes bkag ba'i phyir ro/ /re
- 94b
zhig dbang phyug la sogs pa las sdug bsngal 'di 'byung ba ma yin zhing/ yod na yang rtag pa rnams ni 'bras bu la nus med phyir te /de dag las sdug bsngal ba yin no/ /de ltar na rtag pa nyid ni dus thams cad na nus pa yod pa nyid yin pa'i phyir ro/ /lhan cig byed pa la bltos pa med par cig nang? thams cad byed pa'am/ mi byed na cis kyang khyad par med pa'i phyir/ 'ga' zhig gi che yang nus pa med pa yin no zhes med du bshad zin to/ /gang gi phyir sdugb sngal 'di rgyu med pa can ma yin zhing/ rgyu rtag? pa can yad ma yin pa de bas na mi rtag pa'i rgyu can yin/ /de la yang mi rtag pa'i rgyu gang yin pa 'ga' zhig gis de dang ldan pa ma yin gyi/ 'on kyang mthun pa'i sgo nasyin no/ /spyad par gyur pa de yang skye ba'i sred pa ma gtogs par gzhan ma yin pa de'i phyir sdug bsngal 'di srid pa 'dod pa rgyu yin no/ /skye ba'i gnas dang gnas skabs dang nye bar 'kho ba dang/ sems can la sogs pa la mngon par 'dod pa'o/ /ci'i phyir zhe na/ gang phyir bde ba'i rgyu nyid dang/ /bgrod par bya ba nyid kyi yul du bya ba mngal la sogs pa'i yul gyi khyad par yongs su lan pa ste/ mngon par 'dod pa sngon du song ba can gyi nye bar len pa'o/ /sngar yod pa gzhan gyis bkri bar bya ba ma yin pa sems dang bcas pa'i mi rnams de thob bsam pas byas/ yul gyi khyad par mngon par 'dod pa mngon du song ba can yin no/ /yul smos pa ni nye bar mtshon pa tsam yin te/ dus der 'byung ba'i nye bar mtshon pa tsam yin te/ dus ded 'byung ba'i ngang tshul can gyi gnas skabs dang/ de'i rjes su mthun pa'i phan 'dogs par byed pa rnams dang/ sems can rnams yongs su len pa yang rtogs par bya'o/ /rgyas par ni sbyong ba'i don dang sbyor ba ni bdag la chags pa dang ldan pa sems can gzhan gyis bkri? min pa zhes bya ba la sogs pa'i skabs su bshad zin to/ /de la sdug
- 95a
bsngal kun 'byung 'phags ba'i bden pa gang zhe na/ gang sred ba 'di ni yang srid par 'gyur ba can dga' ba'i 'dod chags dang bcas pa de dang de la mngon par dga' ba'i ngang tshul can/ 'di lta ste 'dod pa'i srid pa dang/ srid pa'i sred pa dang/ 'jig pa'i srid pa yin no/ zhes gsungs so/ /de ni srid 'dod ces bya ba la sogs pas ston par byed do/ /bshad ma thag ba'i skye pa'i gnas su nye bar 'gro ba'i sred ba gang yin pa deni srid pa'i sred pa zhes bya ba'i ming can yin no/ /gang phyir yang gzhan gyis bkri ba ma yin pa sems dang bcas pa snga nas rnam par shes pa la gnas pa'i srog chags bde sdug thob pa dang /dor 'dod bde ba thob dang/ sdug bsngal yongs su dor ba tshol ba'i dang tshul can gyis 'jug pa can yin pa 'ga' zhig ste/ gnas dang bstan dang nye bar len pa yongs su len pa'i don can no/ /de las kyang sred pa nyid kyis sred pa nyid kyis rgyu mtshan gyis mngal gyi gnas la sogs pa yongs su len pa yin no zhes rtogs par gyur ro/ /de dag ni 'dod dang 'jig la sred yin 'dod/ /bde ba'i sred? pa 'jug pa'i rgyu mtshan gang yin pa de ni 'dod pa'i sred pa zhes bya bar 'dod do/ /sdug bsngal dang bral bar 'd+d pa gang yin pa de ni 'jig pa'i sred pa yin par 'dod do/ /sbyor ba yang gang dag gzhan gyi dbang ma yin pa sems la gnas pa gnas la sogs ba thog ba dang/ dor ba yongs su len pa de dag ni bde ba dang sdug bsngal thob ba dang /dor ba sngon du song ba can yin te/ dpe lhas byin gyi grong gzhan la sogs pa thob pa dang/ dor ba yongs su len pa lta bu'o/ /srog chags rnams dang gzhan gyi dbang ma yin pa sems la gnas pa gnas la sogs pa thob ba dang /dor ba yongs su len pa mngal la sogs pa thobs dang/ dor ba yongs su len pa yin no zhes bya ba ni 'bras bu'i gtan tshigs so/ /bde min ni rtag pa dang/ bde ba dang/ bdag dang bdag gi
- 95b
dang bral ba dngos bo dman pa la'o/ /rtag pa la sogs bar sgro 'dogs pa can/ bder 'du shes pa'i ste/ 'di las 'di bde ba yin no zhes mngon par 'dod pa'i skyes bu yin no/ /la lar 'jug pa'i bdag tu chags pa nyid rgyu yin te/ bdag la chags pa rgyu nyid phyir ro/ /yul gang la zhe na/ kun la rab tu 'jug pa la/ rgyur du gyur pa thams cad la gnas su 'gro ba la sogs pa'i 'bad rtsol gyi mtshan nyid can gyi 'jug pa dang ldog pa la bdag tu chags pa rgyu yin no/ /de ltar na brtse ba dang ldan pa las gzhan du gzhan la reg? lus pa med pa snga na yod pa'i srog chags blo phyin ci log pa can kho bo'i sdug bsngal lam/ nga'i 'di zhes sdug bsngal yongs su spangs nas kyang bde ba de thob par bya'o zhes 'jug pa'i ngar 'dzin pa dang/ nga yir 'dzin pas kun nas slang ba'i bdag tu chags pa nyid las thams cad du 'jug par 'gyur ro/ /mngal na gnas pa'i 'jug pa yang srog chags ji skad du bshad pa bdag tu chags pa sngon du song ba can nyid yin no/ /sbyor ba ni gang dang gang srog chags gzhan gyi dbang ma yin pa sems la gnas pa rtag pa dang bde ba dang/ bdag dang bdag gi dang bral ba la der sgro 'dogs pas 'jug pa dang/ gnas la sogs pa 'dod pa yongs su len pa gang yin pa de thams cad kyi phyin ci log pa'i blo ni bdag tu chags pas byas pa yin pa/ dper na 'di nyid kyi tha snyad kyi dus su 'gyur ba'i ngang tshul can gyi 'jug pa lta bu'o/ /srog chags rnams kyang gzhan gyi dbang ma yin te/ sems la gnas pa rtag pa dang/ bde ba dang/ bdag dang bdag? gi dang bral ba la nged? sgra 'dogs bas 'jug pa la sogs pa dang mngal la sogs pa'i gnas la 'jug pa la sogs pa yin no zhes bya ba ni 'bras bu'i gtan tshigs yin no/ /gang gi phyir de ltar yin pa/ de phyir sred pa srid rtan yin/ srid pa nyid skye ba'i kun du 'ching ba'i rgyu
- 96a
yin zhes bya ba ni mjug bsdu ba'o/ chags? bral skye ba ma mthong phyir/ zhes ni slob dpon rnams kyis gsungs/ /gang gi phyir chags la sogs pa dang bral ba skyes bu'i skye ba ma mthong ba de'i phyir/ skye ba mi 'dod chags kyi rgyu mtshan can yin zhes slob dpon dbyibs gnyen la sogs pas 'di'i 'di rgyu yin par gsungs pa slob dpon gyis 'di ltar sred pa srid pa'i rten yin no zhes bshad do/ /de skad du bshad pa na tshu rol mdzes pa gang yin pas smras pa/ ji ltar 'dod chags dang bral ba'i skye ba mthong ba'i phyir dang/ 'dod chags skye ba'i rgyu yin pa de ltar na lus med pa la yang 'dod chags ma mthong ste/ lus med 'dod chags ma mthong phyir/ /lus 'dod chags kyi rgyu yin pa de ltar na/ lus las kyang ni 'dod chags 'byung ba thob par 'gyur ro/ /de dang de ni 'dod pa ste grub pa la sgrub pa nyid yin no/ /ci'i phyir zhe na dngos sam brgyud pa rnams pa 'ga' zhig gis yul la sogs pa dang 'dra bar lus kyang 'dod chags la sogs pa la phan 'dogs par byed pa'i phyir rgyu mtshan khas blangs pa'i phyir te/ phan 'dogs pa 'ga' zhig 'byung ba la lhan cig byed pa'i rgyu nyid du khas blangs pa'i phyir ro/ /nyer len dag ni bsal ba yin/ 'dod chags la sogs pa'i lus nye bar len pa'i rgyu yin no/ /zhes 'ga' zhig bkag pa yin no/ /ni'i sgras ni lhan cig byed pa'i rkyen du 'gyur ba nyid yin no zhes bstan to/ /de dag skye ba'i rgyun dang gags? phyed pa la sogs pa la nye bar sbyor ba ting bkag pa de ltar na lus rgyu nyid du khas blangs pa dang/ bkag pa dag pa yang 'gal ba yod pa ma yin no/ /'dod chags med par skye ba ma mthong phyir 'di'i 'dod chags rgyu yin no zhes bya ba'i rigs 'di /lus 'dod chags kyi rgyu nyid yin bar 'dod pa na ste/ khas len na tshu rol mdzes pa bdag nyid 'di'i/? rung? gzhung la ni gnod par 'gyur/ /de ltar
- 96b
na dang? 'dod chags dag phan tshun rgyu nyid du khas len bas na/ 'dod chags la sogs pa'i tshogs las lus dang lus las yang 'dod chags la sogs pa'i tshogs yin pa de ltar na /sems can gyi rgyun thog ma med pa can yin pas na /de dag ni bdag nyid la 'gal ba byed pa yin no/ /de ltar ni 'gyur mod kyi/ gal te skyes las chags mthong phyir/ /skye dang lhan cig 'byung ba yin/ /gang gi phyir srogs chags skyes par gyur pa dag la 'dod chags mthong gi sngar ma yin pa de'i phyir skyes pa dang lhan cig 'dod chags 'byung ba yin no/ /de bas na lus dang dus mtshungs par 'byung ba'i ngang tshul can gyi 'dod chags ni lus kyi rgyu ma yin te/ 'bras bu grub pa la cung zad kyang mi byed pa'i phyir ro zhe na/ gal te de lta yin pa de'i tshe rigs pa 'di nyid kyis lus la 'dod chags la sogs pa'i tshogs kyang dag lus pa med pa de ltar na de dag phan tshun rgyu ma yin zhing/ rgyu med pa can yang ma yin no/ /de bas na sngar gyi skal pa mnyam pa'i rgyu las 'di skyes pas na/ skal pa mnyam skyes phyir sngar grub yin/ sngar grub pa'i phyir yang yon tan dang bcas pa'i rdzas skye ba yin zhes rtog ba mi rung ngo/ /srog chags dag gnas la sogs pa yongs su len pa la rtag pa dang bde ba dang bdag dang bdag gi dang bral ba la phyin ci log pa'i blo 'jug par byed pa yin no zhes bya ba ngo bor nas/ ci'i phyir srid pa nyid rgyu nyid yin par bstan ce na/ bshad pa srid la mi shes rgyu yin na'ang/ 'dir mi shes pa sdug bsngal gyi rgyu nyid du/ ma brjod sred pa nyid bshad pa ste/ 'di ltar rgyu yin par bshad do/ /ci'i phyir zhe na/ srid bar rgyud ni 'phen bar dbyer phyir dang srid pa'i rgyu mtshan te/ skye ba yongs su len pa'i phyir zhes bya ba'i don to/ sred pa ni yul la sogs pa thob ba'i rgyu mtshan gyi rtsol ba kun nas slong bar byed pa yin la/ 'bad rtsol las nye bar len ba'i phung po rgyu dang 'bras bur gyur ba'i rgyun skad cig ma
- 97a
gzhan dang gzhan skye ba'i mtshan nyid can du 'gyur ro/ /de'i phyir mngal gyi gnas la sogs pa yongs su len pa de ltar na rgyud 'phen par byed pa'i phyir srid pa nyid bshad pa yin no/ /de ma thag phyir ro/ /mi shes pa yod yin? kyang 'dod ba med par 'jug pa med de ltar na/ 'dod pa las 'jug pa chod pa med pa yin pa 'di nyid rgyu ru bshad do/ /ji ltar mi shes pa rgyur ma brjod pa de ltar las kyang sdug bsngal gyi rgyur ma bshad do/ /ci'i phyir zhen/ de yod na yod med phyir ro/ /ji ltar rnam par grol ba'i sems la bltos sa bon du gyur pa yod du zin kyang ma rig pa'i rdul gyi khyad du byas pa dang/ srid pa'i 'dod chags kyis yongs su brlan par ma gyur pa/ de srid du/ de dag 'bras bu 'byin par mi 'gyur ba de ltar na/ las kyang rgyu nyid du ma bshad de/ /de ltar kun 'byung bshad pa yin no// //ji skad du bshad pa'i rgyu dang rang bzhin gyi sdug bsngal de dang/ de ni rtag pa ma yin te/ rgyun chad par srid pa'i chos can yin no/ /ci'i phyir zhe na/ sdug bsngal gyi rgyu la gags sogs srid phyir ro/ /sogs smos pas ni ma tshang ba srid pa'i phyir ro/ /gang gi phyir rgyu dang ldan pa ni rgyu gags byed pa dang /mtshang ba srid pa can yin pa de'i phyir/ rgyu dang ldan pa nyid kyis sdug bsngal ni rtag tu ma yin no zhes bya bar khong du chud par bya'o/ /spyod ba yang gang dag rgyu dang ldan pa yin pa de dag ni gags byed pa dang/ rgyu ma tshang ba srid pa can yin te dper na 'bru la sogs pa lta bu'o/ /sdug bsngal 'di yang rgyu dang ldan pa yin no zhes bya ba ni rang bzhin gyi gtan tshigs so/ /gang dag gags byed pa dang/ mtshang ba srid ba can gyi rgyu can yin pa de dag ni gdon mi za bar rtag tu ba'i rgyun gyi rjes su byed bar 'gyur ba ma yin te/ dper na 'bru la sogs pa de nyid lta bu'o/ /sdug bsngal yang gags byed pa dang ma tshang ba srid pa can gyi rgyu can yin no zhes bya ba ni/ khyab par
- 97b
byed pa 'gal ba dmigs pa'o/ /'khor ba nyid phyir thar pa med/ gang gi phyir srog chags 'di 'khor bar chos can na/ chos gang yin pa de gang gi yin pa de'i nyams bar mi 'gyur ba de ltar ni 'khor ba yin pa'i phyir thad pa ma yin no zhes bya ba ni gzhan gyi'o/ /sbyor ba ni gang zhig chos can gang yin pa de ni de las grol ba ma yin te/ dper na me dro ba'i chos can lta bu'o/ /skyes bu 'di yang 'khor ba'i chos can yin no zhes bya ba ni khyab par byed pa 'gal ba dmigs pa'o/ /skyon de yod ba ma yin no/ /ci'i phyir zhen/ 'dod pa nyid yin pa'i phyir te 'khor ba can 'ga' zhig kyang yod pa ma yin na/ gang 'khor ba las grol bar 'gyur/ sdug bsngal tsam 'ba' zhig po 'di rgyu dang bcas pa can 'jug par 'gyur ba dang/ rgyu ma tshad pa las nges 'ga' mi 'byung ngo zhes kho bo smra'o/ /de bas na grub la sgrub pa yin pa'i phyir skyon yod pa ma yin no/ /ma grub phyi nang/ skyon yod pa na yin no/ /'khor ba'i chos can 'ga' zhig kyang yod pa ma yin te/ 'on kyang de dag rgyu dang 'bras bu 'ga' zhig yin no/ /ci ste gang skyed par byed pa'i rgyu gang yin pa des de skyed par 'gyur ba nyid yin zhes bya ba'i gtan tshigs kyi don de ni ma nges pa nyid yin te/ rgyu rnams la gags byed pa dang ma chad ba srid? pas 'bras bu rtsom pa'i nges pa med pa'i phyir ro/ /gal te 'khor ba 'ba' zhig bde ba can nam sdug bsngal can bu mi 'gyur ba de'i tshe /bde ba dang sdug bsngal spang ba dang thob pa'i don du kho bo 'bad rtsol byed do zhes bya ba yang cung zhig mi snang zhing de ltar rtsol ba med par 'gyur ro/ /spyod ba ni gang zhig gang sdug bsngal gang bzlog par bya ba'i phyir dang /bde ba thob pa'i phyir kho bo 'bad rtsol byed do zhes bya ba ma mthong ba da ni 'khor ba'am/ thad pa 'ga' zhig la 'bad rtsol mi byed de/ dper na mo gsham gyi bu lta bu'o/ /skyes bu 'di la yang di skad du bshad pa'i rnam pas ji skad du bshad ba'i kho
- 98a
bo 'bad rtsol byed do zhes bya ba ma mthong ngo zhes bya ni rgyu mi dman dpa' o?/ /gal te gang dag grol ba'i bdag nyid can de ltar mi mthong bde mdun du byas nas de skad du brjod pa de'i tshe/ grub pa la sgrub pa yin no/ /ci ste kho bo cag la sogs pa la brtsam ba yin pa de'i tsha ma grub pa ma yin te/ thos pa las byung ba'i shes rab kyis mthong ba la mthong ba zhes mi bya'i/ 'on kyang ji srid du mngon sum gyis de ni chos tsam kho na yin no zhes mngon sum du ma byas par ro/ /bdag tu mngon par chags pas bdag tu chags pa'i rjes su zhugs pa can gyi yid/ ji srid bdag chags ma bcom pa/ /de srid du bdag tu chags pa can/ /de ni yongs su gdung 'gyur ba/ /'di sdug bsngal gyis gnas par 'gyur ro/ /ji srid du yongs su gdung bar 'gyur ba/ /de srid du sdug bsngal sgro btags nas bdag nyid la'o/ /rang bzhin du ni gnas ba med/ srog chags su mngon par 'dod pa'i phung po'i rgyun no/ /gang gi phyir de ltar rmongs pa las bdag la sdug bsngal nyid du sgro btags nas bde ba med pa de bas na/ de ltar thos pa dang ldan pas/ grol ba po ni med na yang/ /log par sgro 'dogs de nyid bcom phyir brtson/ /bdag la sogs pa 'ga' zhig go/ sbyor ba ni gang zhig gang la gang gis rnam par sgro 'dogs pas chags pa dang ldan pa de ni de la sgro 'dogs pa'i chags bas byas pa'i 'jug pa dang ldan pa yin te/ srog chags su mngon? bar 'dod pa'i 'dus byas kyi rgyun de nyid du du gdang bcas pa'i zas la dug med par sgro btags nas mngon par 'dod pa dang ldan pa des byas pa'i 'jug pa dang ldan pa lta bu'o/ /'dus byas kyi rgyun 'di yang nye bar len pa'i phung po'i rgyun 'di la bdag dang bdag gir sgro btags nas chags pa dang ldan pa yin no zhes bya ba ni rang bzhin gyi
- 98b
gtan tshigs so/ /re zhig bdag tu 'dzin pa'i 'ching ba can dag gi 'jug pa ni bdag la rjes su phan 'dogs pa'i phyir rigs sin? dang? gang yang 'dod chags dang bral ba bdag dang bdag gir lta ba spangs ba can de dag ni 'ga' zhig gi tshe de 'am de'i zhes bya ba'i blo med pa yin la/ de dag ni bdag la phan 'dogs pa cung zad la yang mi lta ba yin na ji ltar na de dag de'i dron du 'jug par rigs pa yin/ sbyor ba ni gang zhig ji lta ba bzhin gyi ngo bo yin na/ bdag la phan 'dogs pa la lta ba ma yin pa de ni de lta bu'i ngo bo sgrub pa ma yin te/ dper na skyes bu 'ga' zhig bdag la phan 'dogs pa ? mi lta ba lta bu'o/ /'dod chags dang bral ba yod gnas par 'jug pa'i phyir bdag la phan 'dogs pa la mi lta ba yin no zhes bya ba ni rgyu mi dmigs pa'o/ /gtan tshigs de ni ma nges pa yin te/ 'di ltar bdag la chags pa nyid kyis gnas pa ma yin gyi/ 'on kyang 'dod chags bral ba'i gnas pa gang yin pa de ni brtse ba 'am gzhan la phan gdags pa'i phyir 'ching ba med pa can dus cung zad cig bzhugs pa yin gyi/ gzhan la phan 'dogs pa bdag gi bde ba'i phyir dam sems can la chal? ba'i phyir ma yin gyi 'on kyang 'du byed kyi sdug bsngal la dmigs pa can gyi dbye bas yin te/ rdo la chags pa'i sbal pa bton pa bzhin no/ /gzhan yang 'dod chags dang bral ba rnams kyi gnas pa ni/ yang na las rnams sam? me? zhes bya ba smos te/ sngon byas pa'i las kyis 'phangs pa'i sdug bsngal gyi rgyu dang gi dang gis 'jug pa yin no/ /de 'ching bar byed pa ma yin zhing/ rgyun gcod par byed pa yang ma yin pa de ltar na gnyi gal btang snyoms su byed pa yin no/ /gal te yang bar mdor gags byed pa de'i tshe yang mi mthun pa nyid yin pas ni
- 99a
ma yin no/ /'o na ci yin zhe na/ de ltar sems can la phan gdags par bya ba 'ga' zhig kyang ma mthong ba'i phyir na 'gal ba med pa yin no/ /sngon gyi las kyis 'phangs pa'i nus pa nyid kyis nyon mongs pa spangs pa rnams gnas pa yin no/ /de bzhin du sdug bsngal gyi rgyun 'phangs pa ldog med 'dod phyir ro/ /ldog par smon pa ni ldog par 'dod pa'o/ /ldog par 'dod pa ma yin pa ni ldog pa med pa'i 'dod pa'o/ /ldog pa med pa'i 'dod pa'i rgyu'i phyir ji ltar 'phangs pa bzhin du 'jug pa nyid yin no/ /de ltar na sdug bsngal gyi rgyun 'jug pa mi mthun pa'i ming can gyis rgyun bcad pa'i phyir 'bad rtsol rtsom pa ma yin gyi/ 'on kyang btang snyoms su byed pa yin te/ ji skad du 'chi la dga' bar mi bya zhing/ gson pa la ni dga' mi bya/ /dper na gla pa'i gla bzhin du/ kho bo 'dus la sdod pa yin/ zhes bshad pa lta bu'o/ /gal te de ltar gzhan 'jug par byed pa srid pa gzhan du nyid mtshams sbyor bar byed pa'i las kyis kyang srid pa gzhan du 'phen par byed pa yin na'ang btang snyoms su byed pa de ltar na yang srid par nying mtshams sbyor bar 'gyur ro zhe na/ skyon de yod pa ma yin te 'di ltar srid pa'i sred pa srid pa las rnams par brgal ba'i dang tshul can gang yin pa de dag ni/ srid pa'i sred ba las rnam brgal ba/ 'dod chags dang bral ba rnams kyi las gzhan srid pa gzhan du 'phen nus yod min te/ shugs yod pa ma yin no/ /ci'i phyir zhe na/ lhan cig byed pa zad phyir ro/ /lhan cig byed pa'i rgyu ni mi rtag pa la sogs pa'i bdag nyid la phyin ci log gi shes pa dang srid pa la sred pa yin te/ lhan cig byed pa'i rgyu de gnyi ga zad pa'i phyir 'phan pa ma yin no/ /rtse bas chags pa dang bral
- 99b
pa rnams kyi gnas pa rigs pa ma yin te/ 'di ltar brtse ba ni sems can la lta ba sngon du song ba can yin na/ de yang sems rnam par grol ba dag la yod pa ma yin pa des na gang gis na brtse bas gnas par 'gyur/ ci ste yod pa yin ba de'i tshe bdag tu lta ba spangs pa ma yin no/ /sbyor ba yang sems can la lta ba sngon du song ba can de ni sems can du lta ba spangs par 'gyur ba ma yin te/ dper na bdag la chags pa lta bu'o/ /snying rje yang sems can la snga ma sngon du song ba can yin no zhes bya ba ni khyad par byed pa 'gal ba dmigs pa'o/ /de ltar yang ma yin na snying rje yang 'gyur ba yin pa de bas na bdag tu lta ba spangs pa can ma yin pa de ltar na bzlog ba ni gang dang gang bdag tu lta ba sngon du song ba can gyi blo dang ldan pa de dag rnams bdag tu blta ba spangs pa can yin par mi 'gyur te/ dper na bdag tu lta ba song ba can bdag tu chags pa dang ldan pa lta bu'o/ /skyes bu grol ba nyid du mngon par 'dod pa yang bdag tu lta ba sngon du spong ba can gyi snying rje'i sems dang ldan pa yin no zhes bya ba ni khyab par byed pa 'gal ba? dmigs pa yin no zhes bya ba ni phyogs snga ma'o/ /spyod ba snga ma la grub ba la sgrub pa dang gtan tshigs ma grub pa yin te sems can la dmigs pa can gyi snying rje ni don dam pa can ma yin gyi/ 'on kyang chos la dmigs pa can yin no/ /de nyid kyi phyir gnyis pa la ma grub pa nyid yin no/ /de nyid bstan pa'i phyir sdug bsngal shes zhes bya ba smos te/ sdug bsngal shes pa la mi rtag pa dang/ sdug bsngal ba dang/ stong pa dad pa dag med pa shes pa yod na/ zhes ? sdang spangs pa can gyi rgyud 'gal ba med pa'i brtse ba skye ba gang yin pa de/ 'du byed snga ma 'jug pa can /de dag gis
- 100a
sngar yang snying rje goms par byas shing/ de goms par las phyis kyang brtse ba skye ba yin no/ /de yang dngos chos te/ rang bzhin yin te/ goms pa las sdug bsngal rtsam mngon du byed pa'i sgo nas 'jug pa'i phyir ro/ /brtse ba skye ba de/ sems can rjes 'brel can ma yin/ sems can la lta ba sngon du song ba can ma yin pa de ltar na mi shes pa'i ngo bo ma yin no/ /'dod chags la sogs pa'i rang bzhin du yang 'gyur ba ma yin/ 'di ltar de 'dag med can te/ rtag pa dang/ bde ba dag bdag dpe? bdag? gi dang bral ba'i yul du gyur pa'o/ /chos la ste phung po la sogs pa'i rang gi ngo bo la'o/ /bdag gzhan sgro btags phyir te rtag pa dang bde ba dang/ bdag dang bdag gi'i rang bzhin gzhan du sgro btags pa'i rgyu'i phyir mngon par zhen pa'i mtshan nyid kyis chags pa skye bar 'gyur ro/ /sdug bsngal rgyun gyi dus reg tsam/ /spyod yul thob bar gyur pa tsam/ /nyid las brtse ba skye ba yin/ /brtse ba 'byung ba yang yin gyi/ /rang bzhin gzhan sgro btags pa las ma yin pa de ltar na 'dod chags kyi mtshan nyid las bzlog pa'i rang bzhin can yin pa'i phyir 'dod chags snying rje ma yin no/ /gti mug tes ba'i rtsa ba yin/ /thams cad kyi dngos po'i rten yin te/ de dag de'i khyad par nyid yin pa'i phyir ro/ /gti mug de yang sems can 'dzin pa yin/ /bdag dang bdag gir lta ba yin no/ /de min te sems can du 'dzin pa med par ro/ /bdag dang bdag gi dang 'gal ba can gyis bro? rgyu she mang min na/ zhes na bdag dang bdag gi rtsam pa'i rjes su 'brel ba zhe spang yin te/ sdug bsngal gyi stobs las skye ba can gyi brtse ba ni de? 'dra ba ma yin no/ /rgyu de'i phyir brtse pa nyes mi 'dod/ /zhe sdang gi ngo bor yang mi 'gyur ro/ /de ltar na srid pa dang bral pa rnams kyi brtse ba ni phyin ci log pa rnam par sgro btags pa can dag nyon
- 100b
mongs pa'i rang bzhin ma yin pa de ltar na thal ba grub pa la sgrub pa dang ma grub pa yin zhing/ bzlog pa la yang ma grub pa yin no/ /gal te de lta yin na sngon gyi las kyis 'phangs pas gzhan gyi dbang nyid yin pa'i phyir /de nyid kyi tshe mya ngan las 'das par mi 'gyur ba de'i tsha/ 'khor ba las grol ba nyid ma yin no zhe na/ de grol med ma yin sngon du byed/ /zad pa yod na sdug bsngal gzhan gyi rgyu ma tshang bas nyid mtshams spyor ba med pa'i phyir/ gzhan mtshams sbyor mi byed pa'i gtan tshigs kyi phyir grol ba nyid yin no/ /yang/ gang 'du byed nus zad med can/ /yin pa de dag gi sngon gyi 'du byed zad pa ma yin pa de ltar na dus thams cad du gnas par 'gyur ro/ /de ni de ltar yin te/ gang dag gi las ni nus pa ma zad pa can yin te/ dper na byang chub sems dpa' rnams kyi lta bu'o/ /de gnas nyes med can/ skyon du gyur pa ma yin pa de ltar na mi 'dod pa ma yin no/ /gal te chags pa med pa dag snying rjes gnas pa de'i tshe/ snying rje la gnas nas sems can gyi don yid la byas nas de dag yun ring por ci'i phyir mi gnas/ sbyor ba ni gang snying rje la gnas pa de ni sems can gyi don yid la byed pas gnas pa'am/ /yongs su mya ngan las 'das pa ma yin te/ de nyid kyi sngon gyi gnas skabs lta bu'o/ /phyis kyang snying rje la gnas pa yin no zhes bya ba ni rang bzhin gyi gtan tshigs so/ /sgrub par bya ba gnyis pa la bltos nas khyab par byed pa 'gal ba dmigs pa'o/ /gang dag gis sems can mdun du byas nas sngar snying rje shin du goms par ma byas pa yin te/ dper na nyan thos dang rang sangs rgyas dag lta bu'o/ /de dag snying rje dman pa yin pas na/ snying rje dman pa nyid phyir yang/ sngon gyi las kyis 'phangs pa'i phung po'i rgyun 'jug pa las gzhan gyis nyid mtshams sbyor bas/ gnas pa'i 'bad rtsol chen po
- 101a
med/ /de ltar na dus ring por gnas pa ma yin no/ /de ltar gnas par byed pa'i snying rje med pa'i phyir gtan tshigs ma grub pa yin no/ /gang dag sems can chen po rgyu med par mchog tu mnyes bzhin pa byang chub kyi sems sngon du song ba can gyi brtse ba goms pa'i stobs kyis rang gi dang gis 'jug pa'i rtse ba chen po rgyun mi chad par gnas pa'i rgyu mnga' ba de dag gzhan gyi dor ni bzhugs pa yin no/ /sems can gyi don gyi phyir/ dus thams cad du bzhugs pa de ltar na grub pa la sgrub pa yin no/ /gang la bdag tu lta ba yod pa de ni sdug bsngal la bde ba'i 'du shes can yin te/ yang sred par mtshams sbyor bar 'gyur ro/ /de bas na gal te 'jig tshogs lta/ yang srid par nyid mtshams sbyor ba'i rgyur gyur pa dang bral ba'i phyir rgyun du zhugs pa la sogs pa lam dang po ste /mthong ba'i lam nyid kyis sred med grol ba nyid du 'gyur na/ de yang mi 'gyur ba de'i phyir bdag tu chags pa skye ba'i mtshams sbyor ba'i rgyu ma yin no zhe na/ de ni srid pa med pa nyid ma yin no/ /ci'i phyir zhe na/ lhan cig skyes spangs med phyir ram/ /bdag tu lta ba'i rnam pa gnyis te/ kun btags pa dang lhan cig skyes pa'o/ /kun du gtags ba de ni de dag gis shin du kun du spyod pa'i chos ma yin bas na spangs bas de ni skye ba'i kun nas 'ching ba'i rgyur mi 'gyur ro/ /'jig tshogs su lta ba lhan cig skyes pa yang srid pa'i rgyu gang yin ba de ni de dag nyid kyis spangs pa ma yin no/ /de pa spangs pa'i rgyu'i phyir bdag tu chags pa ma log pa nyid yin pa de ltar na yang srid pa yod pa ma yin no// //tshad ma rnam 'grel gyi bgrel pa/ /bam po bcu dgu pa/ ci ste 'jig tshogs su lta ba lhan cig skyes pa nyid spangs na'ang/ de'i tshe lta ba nyid spangs par khas len
- 101b
pa na/ srid pa? gang? las yin te/ thob pa nyid ma yin no/ /bdag tu lta ba lhan cig skyes pa gang yin pa de spangs pa yang gang yin zhe na/ de zhig rgyun du zhugs pa gdon mi za bar kho bo bde bar gyur cig/ sdug bsngal bar ma gyur cig ces 'dod par 'gyur ro zhes 'dod pa yin te/ bde bar gyur pa'am sdug bsngal bar mo gyur cig ces 'dod pa'i srid pa'i gnas skabs/ 'di la blo gang de/ sems can la ltar? lhan cig skyes pa yin bar 'dod do/ /de yang srid pa'i rgyu yin no/ /gang gi phyir dga' zhig ba zhes mthong med pa/ bdag la chags par byed pa min/ de'i phyir sdug bsngal la phyin ci log pa'i blo nyid bdag la tshags? pa yin no/ /bdag la chags pa med pa yang/ bdag la chags pa ma gtogs par 'ga' zhig kyang/ bde bar 'dod pa mngon rgyu med// de bas na rgyun du zhugs pa phyin ci log pa'i blo can gyi yongs su 'dzin pa gang yin pa des bdag la sred pa dang ldan pa yin no/ /de bas na sems can du lta ba lhan cig skyes pa ma spangs pa yin no/ /sbyor ba ni gang sdug bsngal la 'de ba'i 'du? shes phyin ci log gi blo can yang srid par nyid mtshams sbyor bar byed pa de ni bdag la chags pa dang ldan pa yin te/ dper na so so'i skye bo lta bu'o/ /rgyun du zhugs pa la sogs pa yang sdug bsngal la bde ba'i 'du shes kyi phyin ci log gi blo can yang srid par nyid mtshams sbyor bar byed do? zhes bya ba ni 'bras bu'i gtan tshigs so/ /gang bdag tu chags pa dang ldan pa gang yin pas des ni 'jig tshogs su lta ba lhan cig skyes pa ma spangs pa yin te/ dper na so so'i skye bo lta bu'o// rgyun du zhugs pa la sogs pa yod bdag tu chags pa dang ldan pa yin no zhes bya ba ni rang bzhin gyi gtan tshigs so/ /gal te bdag bcings pa dang grol ba 'ga' zhig kyang yod pa ma yin no/ ji ltar 'chi ba dang thar pa grub pa yin/ sbyor ba
- 102a
ni 'ching ba gang yin pa de ni bcings pa la rten pa can yin te/ dper na lhas byin lcags sgrog gis bcings pa lta bu'o/ /'khor ba yang 'ching ba yin no zhes bya ba ni rang bzhin gyi gtan tshigs so/ /gang dang gang thar pa yin pa de ni grol ba la rten pa can yin te/ dper na lhas byin lcags sgrogs las thar pa lta bu'o/ /mya ngan las 'das pa yang thar pa yin no zhes bya ba ni rang bzhin gyi gtan tshigs so/ /de bas na bcings pa dang grol pa 'ga' zhig yod pa nyid yin no zhes gzhan dag sems so/ /de la gtan tshigs de gnyis ni ma grub pa yin te/ 'di ltar bcings pa dang grol ba 'ga' zhig kyang yod pa ma yin te/ 'on kyang ma rig pa yod na 'du byed nas 'khrugs pa'i bar du 'jug bar 'gyur ro/ /bdag dang bdag gi dang bral ba sdug bsngal gyi phung po 'ba' zhig la 'byung bar 'gyur ro zhes gsungs so/ /de bas na 'di ni 'khor ba yin no/ /ma rig pa 'gags pas 'du byed 'gags pa nas sdug bsngal gyi phung po 'ba' zhig po 'gags par 'gyur ro zhes bya ba'i bar ni thar pa yin no/ /gzhan yang bdag nyid kyi 'ching ba dang thar pa ni yod pa ma yin no/ /de ltar na/ sdug bsngal skye ba'i rgyu nyid ni 'ching ba yin par brjod do/ /rtag pa'i de ste/ sdug bsngal skye ba'i rgyu nyid 'ga' zhig la yang nus pa med pa'i phyir gang las yin sbyor ba ni gang sdug bsngal gyi rgyu ma yin pa de ni 'ching ba ma yin te dper na mo gsham gyi bu lta bu'o/ /bdag kyang sdug bsngal skye ba'i rgyu ma yin no zhes bya ba ni khyab par byed pa 'gal pa dmigs pa'o/ /'di ma grub pa yin bar bsam par mi bya ste/ skabs gzhan dag tu rtag pa'i rnam pa byed pa po nyid ma yin bar bstan zin pa'i phyir ro/ /ji skad du bshad
- 102b
pa'i 'ching bas bcings par gyur na yang/ sdug bsngal mi skye rgyu nyid ni/ /gang yin pa de thar pa yin no/ /rtag de ste sdug bsngal mi skye ba'i rgyu nyid 'ching bar ma grub pa'i phyir gang las yin te/ ma yin pa de ltar na log pa'i rtog pa yin no/ /rgyas par ni de dag ni rang gi sde pa bstan bcos mdzad pa gzhan gyis mang du bshad zin pa'i phyir ma spos so/ /gal te rtag pa la 'ching ba dang thar pa yong pa ma yin pa de ltar ni 'dod pa nyid yin mod kyi/ rtag pa dang mi rtag pa nyid du brjod du med pa'i gang zag bcings pa dang thar par khas len pa'i phyir ro/ /zhe na/ de ni ma yin te/ gnyi ga'i rnam pa ma yin pa'i dngos po med pa'i phyir ro/ /rtag pa dang mi rtag pa dag ni phan tshun spangs te/ gnas pa'i mtshan nyid can yin pa'i phyir ro/ /dngos po la gcig rnam par bcad pha dang/ yongs su gcod pa dag ni de las gzhan yongs su gcod pa dang/ rnam par gcad pa med na mi 'byung pa nyid yin pa'i phyir ro/ /gang zag de yang skad cig ma 'am/ skad cig ma ma yin par 'gyur grang na/ re zhig gal te skad cig ma ma yin pa de'i tshe/ skad cig ma las phyi ma'i gnas skabs nyid yin pa'i phyir rtag pa yin no/ /de bas na rtag pa ni rtag pa nyid du brjod par bya ba ma yin no zhes bya 'ga' o/ mi rtag pa ste skad cig ma nyid du brjod bya min gang yin de ni med pa nyid yin no/ /de 'ga' zhig gi ste 'bras bu'i rgyu ma yin no zhes bstan zin to/ /de pas na gang zag yod pa nges na 'di la sdug bsngal skye ba'i rgyu'i mtshan nyid can gyi 'ching ba yod pa ma yin no/ /de'i tsham? bcings pa ni sdug bsngal gyi rgyu nyid ma yin pa'i mtshan nyid can gyi thar pa ma yin pa de ltar na/ rnam pa ji ltar bcings thar pa/ /brjod bya min la'ang mi rung ngo/ /gal te rtag pa nyid du brjod par bya ba nyid ma yin pa'i phyir skyon mdo zhe na/ de ltar brjod par bya ba nyid ma yin pa ni sla ste/ de ltar na yang re zhig de'i rang bzhin dus thams cad na yod pa'am yod pa ma yin zhes brjod
- 103a
par bya'o/ /de bas na gal te yod pa yin pa de'i tshe/ rtag pa nyid yin no/ /de ltar na rtag pa zhes bya ba gzhan 'ga' zhig kyang yod pa ma yin te/ 'di ltar gang gi rang bzhin 'jig med pa de la mkhas rnams rtag ces brjod do/ /gang gi tshe de lta yin pa de'i tshe rtag pa dang/ mi rtag pa med pa'i ngo bo can gyi gang zag tu sgro btags pa'i/ lta 'di do tsha med spangs pa/ mkhas pa'i tshogs la ngo tsha bar byed pa'o/ /rang bzhin 'jigs pa med pa de phyir drang po'i rnam bas gang zag de ni rtag ces brjod/ byis ba'i rtsed mo'i rtog pa dang 'dra bar lung du ma bstan pa'i tshigs la dmigs pas ci zhig bya/ 'gag pa'i bden pa bshad zin to/ /de lam gyi bden pa'i skabs su bab bas bshad zin la ma zhes bya ba la sogs pas 'chad bar byed do/ /ston pa'i tshig bshad pa'i skabs su ji ltar bdag med pa nyid mthong bas goms pa'i mtshan nyid can 'di ni thabs goms pa nyid yin no zhes bya bas/ bshad zin lam de? goms pa las/ bdag med pa mthong ba'i mtshan nyid can gyi lam de'i sgom pa rdzogs pa dang/ rten ni yongs su gyur par 'gyur/ nyes pa dang bcas pa'i sems shin tu skye ba med pa'i chos can yod na/ lam de'i bdag nyid la sems gnas par 'gyur ro zhes bya ba'i don to/ /de ltar ni 'gyur mod kyi 'gal te goms kyang lam bzhin du/ nyes 'byung ji ltar nyes pa'i bdag nyid la gnas pa'i sems lam gyi rnam par 'byung ba de bzhin du lam goms pa la gnas pa'i yang bar? nyes bar 'byung ba'i phyir grol ba nyid mdo zhe na/ skyon de ni yod pa ma yin no/ /ci'i phyir zhe ma nus med phyir/ lam goms pa la gnas pa'i sems la nyes pa rnams yang 'byung ba'i nus pa yod pa ma yin no/ /de ltar na sems kyi rang bzhin ni de kho na nyid mthong ba'i bdag nyid can yin ? phyin mo ? rjes su
- 103b
'brel pa'i nyes pa de'i bdag nyid can ni ma yin no/ /'di'i nye ba'i nyon mongs pa gang yin pa de yang glo bur ba'i rkyen gyi dbang gis yin no/ /de la gnod pa yod na rang gi rang bzhin la gnas pa'i sems ni yang nyes pa'i rten byed pa ma yin te/ dngos po'i stobs kyis zhugs pa'i rang bzhin nyid yin pa'i phyir ro/ /sbyor ba ni gang zhig rang bzhin byis de'i bdag nyid du gyur pa gang yin pa rkyen gyi dbang gis rnam pa gzhan du 'jug pa de ni rkyen dang shin tu bral bar yod na rang gi de'i bdag nyid thob pa yang bdag nyid de'i rten du 'gyur pa ma yin te/ dper na gser rang bzhin gyis rnam par dag pa 'dres pa'i rkyen gyi dbang gis 'dres par gyur pa rnam par sbyangs pas de shin tu med pa na rang gi bdag nyid la gnas pa yang bdag nyid ma dag par 'gro ba ma yin pa lta buAm/ 'di lta ste sems de nyid rang bzhin gyis thag pa la thag pa'i rnam par mthong ba'i bdag nyid can gyi rkyen gyi dbang gis sbrul du snang ba de'i rkyen shin tu med pa na yang sbrul du 'dzin pa ma yin pa lta bu'o/ /sems kyi rang bzhin nyid kyi de kho na nyid mthong ba de'i bdag nyid can gyi rkyen gyi dbang gis rnam pa gzhan du 'jug pa yin no zhes bya ba ni khyab par byed pa 'gal pa dmigs pa'o/ /ma grub pa ma yin te 'di ltar rnam par shes pa'i chos kyang gang zhe na/ zhes dris ba na don dam par rnam par shes pa ni don 'dzin par 'dod pas/ rnam shes yul 'dzin pa'i chos shes brjod par bya'o/ /gang gi tshe rnam par shes pa yul can du gyur pa thams cad kyi chos yul 'dzin pa yin pa de'i tshe/ mi rtag rtag pa la sogs pa'i rnam pa gang gis/ ji ltar de ni yod pa bzhin/ yul yod pa de bzhin du 'dzin 'gyur gyi med pa'i rnam pas ni ma yin no/ /de de? ltar na shes pa don ji lta ba bzhin du yul du byed par rigs pas thob pa na/ de ltar rtogs pa ma yin pa gang yin pa de ni phyi rol lam? cig shos glo bur pa'i 'khrul pa'i rgyu mtshan gyis yin te/ dper na sprul du 'dris pa'i phyogs mi gsal bar thas?
- 104a
pa la sbrul mi shes pa lta bu'o/ /de bas na yul gyi rnam pa yod pa 'dzin pa gang yin pa de ni sems kyi rang bzhin no/ /ci ste yang log par 'dzin pa nyid rang bzhin yin pa de'i tshe yul 'dzin pa'i chos ma yin no/ /de ltar na ji ltar shes pas yul du byed pa de ltar don de ma yin zhing ji ltar don de yin pa de ltar yul du byed pa ma yin pa'i phyir/ shes pa dag yul med ba can du 'gyur pas/ gang gang gi yul lam yul can nyid yin/ de ltar na dngos po thams cad ma grub pa yin te/ shes pa yang phyin ci log gi rnam par la dmigs pa nyid kyi phyir ro/ /de ni yul dang yul can gyi dngos po rnam par bzhag pa nyid kyi skabs yin no/ /de bas na yul dang yul can gyi dngos po 'dod pa nyid kyis rnam par shes pa'i chos yul 'dzin pa yin par brjod par bya'o/ /de ltar na 'di'i rang bzhin ni yang dag pa'i yul gyi rnam pa 'dzin pa yin no/ /de rnam pa gzhan du 'gyur ba gang yin pa de ni glo bur gyi rkyen gyis byas pa nyid yin no/ /sbyor ba ni gang zhig gang rnam pa yod pa ma yin pa de ni de la de'i rang bzhin 'dzin pa'i shes pas shes pa ma yin te/ dper na bde ba la sdug bsngal gyi rnam pa med pa bde dge pa'i shes pas shes pa ma yin pa lta bu'o/ /nye bar len pa'i phung po lnga la yang rtag pa dang bde ba dang bdag dang bdag gi rnam pa yod pa ma yin no zhes bya ba ni khyab par byed pa mi dmigs pa'o/ /gang zhig gang la rnam pa med pa 'dzin pa can gyi shes pa yin pa de ni de la glo bur ba'i 'khrul pa'i rgyu mtshan gyis 'khrul pa yin te/ dper na thag pa la sbrul gyi shes pa lta bu'o/ /nye bar len pa'i phung po lnga la rtag pa la sogs pa'i rnam par 'dzin pa'i shes pa yang/ rnam pa med pa 'dzin pa can yin no zhes bya ba ni rang bzhin gyi gtan tshigs so/ /gang zhig gang gi rang bzhin yin pa de ni glo bur de'i? rkyen gyis byas pa'i rang bzhin de las rnam
- 104b
pa gzhan du 'gyur pa can yin te/ dper na thag par 'dzin pa'i rang bzhin can gyis shes pa'i glo bur ba'i rkyen gyi byas pa'i rang bzhin las rnam pa gzhan du 'gyur ba can yin ba lta bu'o/ /de'i yul can gyi rnam par shes pa yang yang dag ba'i yul gyi rnam pa 'dzin ba'i rang bzhin can yin no zhes bya ni rang bzhin gyi gtan tshigs so/ /yang na gang zhig gang rnam pa med pa de ni de la glo bur ba'i rkyen gyis byas pa'i 'khrul pa'i rnam par shes pa'i khyad par gyis sgro btags pa yin te dper na thag ba la sbrul gyi rnam pa lta bu'o/ /nye bar len pa'i phung po lnga la yang rtag pa'i rnam pa yod pa ma yin no zhes bya ba ni rang bzhin gyi gtan tshigs so/ /rtag pa la sogs pa'i rang bzhin sngar bkag pa nyid kyi phyir/ gtan tshigs thams cad la ma grub pa'i dogs pa yod pa ma yin no/ /yod pa'i bdag nyid de/ de'i skyed par byed pa'ang yin/ yul de ni yul can gyi rnam par shes pa de'i skyed par byed pa yin par 'dod do/ /skyed par byed pa yod pa'i bdag nyid gang yin pa de ni bskyed par byed bar rigs pa yin pa de'i phyir mi rtag pa la sogs pa'i rnam par yod pa'i yul gang yin pa'i rnam pa de nyid kyis rang gi rnam par shes pa skyed par byed pa yin no zhes bya ba de ni yul gyi rang bzhin yin no/ /'dir sbyor ba ni gang zhig pa'i skyed par byed par yin pa de ni ji ltar bdag nyid yod par de ltar de skyed par byed par 'gyur te/ dper na sa bon la sogs pa ji ltar bdag nyid yod pa de ltar de skyed par byed par 'gyur te/ dper na sa bon la sogs pa ji ltar bdag gang? yod pa de bzhin du/ myu gu la sogs pa skyed par byed pa yin pa lta bu'o/ /yul yang rang bzhin 'dzin par byed pa'i shes pa yin no zhes bya ba ni rang bzhin gyi gtan tshigs/ /gang dag de'i rang bzhin du 'gyur ba ma yin pa de dag ni rang bzhin nges par gi 'bras bu ? par byed pa ma yin te/ dper na sa lu? la
- 105a
sogs pa nas kyi sa bon ma yin pa dag ni nas gyi sa bon gyi bdag nyid can gyi rang gi 'bras bu skyed par byed pa 'gyur ba ma yin pa lta bu'o/ /yul yang rtag pa la gogs pa'i rang bzhin ma yin no zhes bya ba ni khyab par byed pa 'gal ba dmigs pa'o/ /'di yang ma grub pa ma yin te sngar mi rtag pa nyid la sogs pa bsgrubs zin pa'i phyir ro/ /de de ltar na 'di ltar rang bzhin ji lta ba bzhin du rang 'dzin pa'i shes pa skyed par byed pa de ni yul gyi rang bzhin yin la yul can gyi yang yang dag pa'i yul gyi rnam par rtog pa gang yin pa de ni rang bzhin yin no/ /ji skad du bshad pa'i rang gi rang bzhin 'di las ni/ rgyu gzhan gyis ni/ glo bur pa'i 'khrul pa'i rgyu mtshan gyi rang gis yul la sems/ de gzhan 'gyur te/ rtag pa la sogs pa'i rnam par sgo 'dogs pas 'jug pa ni gzhan du gyur pa'o/ gzhan du gyur pa de las? ldog pa la ni/ rang bzhin rnam pa gzhan du 'gyur ba'i ldog pa'i rgyu mtshan gyis rkyen la bltos pa yin te/ de ltar skyes bu'i 'khrul ba gnod pa can gyi tshad ma la bltos pa can bcas pa yin no/ mi brten pa ste blo bur ba'i 'khrul pa'i rkyen gyis rnam pa gzhan du 'gyur ba can du byas pa nyid kyi phyir dang dngos po ma yin pa'i stobs kyis zhugs pa nyid kyi phyir? dang/ gnod pa can gyi tshad la? srid pa'i phyir te/ yul la 'di rnam pa gzhan du rtogs pa yin gyi/ rang bzhin nyid kyis ni ma yin no zhes bya ba'i don to/ /ci dang 'dra bar zhen thag pa la sbrul gyi glo? bzhin no/ /de thams cad kyis gang zag? rang bzhin gyis de'i bdag? nyid du gyur pa zhes bya ba la sogs pa'i sbyor pa la gtam ni las? grub par nye bar sbyor ba yin no/ /de'i phyir sems 'di'i rang bzhin 'od gsal te/ yang dag pa ji lta ba bzhin du 'dzin pa'i rang bzhin yin no/ /rim rnams ni bdag tu lta
- 105b
pa dang chags pa la sogs pa'o/ /skyen gzhan gyi rgya mtshan las 'ongs pa nyid yin pa'i phyir/ blo bur ba yin gyi de'i rang bzhin ni ma yin no/ /de'i phyir de dag ni rang dang nges mthun pa'i nye bar len pa'i rgyu'i stobs kyis 'jug pa yin gyi rang bzhin nyid yin pa'i phyir ni ma yin no/ /bdag med pa mthong ba'i mngon sum du byas pa'i rgyu/ de'i phyir sngar nus med pa yang/ dri ma rnams kyis sems la sngar yang gnod pa byed par nus pa ma yin te/ sgro btags pa'i rnam pa'i sgo nas dngos po med pa'i stobs kyis zhugs pa'i phyir dang/ tshad ma'i grogs med pa nyid kyi phyir ro/ /yang gang las phyir te/ bdag med pa mthong ba goms pa grub pa na de'i rang bzhin lam de'i bdag nyid can gyi sems la nus pa med pa nyid yin no zhes bya ba ni mjug bsdu ba'o/ /gang gi phyir 'di ltar sems ni ngo bo nyid kyis de kho na nyid mthong ba'i bdag nyid can yin la/ dri ma rnams ni glo bur ba yin pa de nyid kyi phyir nyes pa'i tshogs skyed pa'i nus pa yod na yang/ shin tu skyed nus med yin no/ /gang gis sems kyi de kho na nyid mthong ba de'i bdag nyid can bsal nas gang la skyed par mi nus pa nyid yin zhe na/ sems kyi rgyun zhes bya ba'i dngos po la'o/ /ci 'dra ba zhig ce na/ gnod pa can/ skyed nus snying po can te/ bdag med pa nyid mthong ba'i mtshan nyid can gyi lam 'khrul pa la gnod pa can skyed pa de'i nus pa de nyid snying po ste/ mchog gang la yod pa zhes tshig rnam par sbyar ro/ /ci dang 'dra bar zhe na/ sa rlon la ni me bzhin no zhes bya ba smos te/ ji ltar rtag tu chus 'bangs pa'i rang bzhin gyis la/ shing stobs dang ldan pa can me ches shin tu 'bar par gyur pa ma yin pa de dang 'dra'o/ /sbyor ba ni gang zhig gang la gnod pa can skyed nus pa'i snying po can yin pa de ni de la shin tu skye pa ma yin te dper nas rlon? pa
- 106a
la me lta bu'o/ /rnam par shes pa'i rgyud kyang nyon mongs pa la gnod pa can de kho na nyid mthong ba skyed nus pa'i snying po can yin no zhes bya ba ni khyab par byed pa 'gal ba dmigs pa'o/ /ma grub pa yang ma yin te mngon sum dang rjes su dpag pa'i rkyen ji lta bzhin du gnod pa can gyi rgyu mtshan khas blangs pa'i phyir ro/ /de ltar ni 'gyur mod kyi/ ji ltar nyes pa de'i bdag nyid du gyur pa la gnas pa de la gnod pa can gyi lam skye ba de ltar lam de'i bdag nyid du gyur pa'i skyes bu la yang ci'i phyir nyes pa skye bar mi 'gyur te/ 'gal ba ni gnyi ga la yod pa nyid kyi phyir ro/ /'dir ji ltar ngo bo nyid kyis lam gyi rang bzhin can gyi sems 'khrul pa'i rgyu mtshan gyis sbrul gyi blo bzhin du rnam pa gzhan du gyur pa yod pa goms pa'i dbang gis 'khrul pa'i rgyu mtshan shin tu bsal ba na/ nyes pa rnams kyi skabs yod pa ma yin no zhes bshad zin to/ gzhan yang rang bzhin 'bad rtsol med par bzlog par nus pa ma yin no/ /rang bzhin yang lhag mthong yin la 'bad rtsol yang nyes pa mthong ba'i sgo? nas byed par 'gyur na/ de yang 'di la yod pa ma yin te/ lhag mthong ni yon tan yin pa'i phyir dang/ nyes pa rnams ni phyin ci log yin pa'i phyir bskyed pa la 'bad rtsol pa ma yin no/ /blo ni rnam pa 'ga' zhig gis nyes pa bskyed pa'i phyir/ brtson dang ldan yang/ blo ni de phyogs 'dzin phyir ro/ /nyes pa'i gnyen po'i phyogs su gyur pa yon tan dang ldan pa'i lam gyi phyogs 'dzin ba'i rgyu'i phyir/ nyes pa rnams kyis lam la gnod med do ? ci 'dra ba zhig te na? 'tshe ba med dang yang dag don /rang bzhin lan phyin log gis lam ni 'tshe ba med pa'i rang bzhin yin te rnam par 'tshe ba thams cad rab tu zhi ba dang bde ba'i mtshan nyid can yin ba'i phyir ro/ yang dag ba'i don gyi? rang bzhin yin te/ mjog? gal
- 106b
sogs pa'i rnam pa'i yul can nyid yin pa'i phyir ro/ /nges ni tshad ma'i grogs can nyid yin par bshad do/ /ji skad du bshad pa'i rang bzhin las phyin ci log pa'i nyes pa nyes dmigs dang bcas pa tshad ma ma yin ba'i grogs can de dag gis gnod bar byed pa ma yin no/ /ltag ma ni gong du bshad pa bzhin du rtogs par bya'o/ /bdag tu chags pa la sogs pa'i gnyen por gyur pa bdag med pa nyid mthong ba/ bshad zin lam de goms pa las/ rten ni yongs su gyur par 'gyur zhes bshad pa gang yin pa de la nges pa 'di yod pa ma yin te 'di ltar 'dod chags dang zhe sdang dag phan tshun 'gal ba yin du zin kyang/ gcig shin tu goms pa las gzhan shin tu nyams pa ma yin no zhe na/ de ni 'dod chags khong khro phan tshun dag /mtshan nyid tha dad na yang gnod pa med/ gang gis na de dag shin tu 'gal ba yin/ ci'i phyir zhe na/ bdag 'dzin rgyu gcig pa na nyid dang ste/ 'dod chags zhe sdang dag rgyu gcig pa can nyid yin pa'i phyir ro/ /rgyu gcig ni bdag tu lta ba yin la/ rgyu gcig nyid kyis de dag gi nang nas ji ltar rgyu de yod na cig 'byung bar 'gyur ba de ltar na/ rgyu nges de skyed pa na gdon mi za bar thag nye bas 'gyur ba yin no/ /de nyid las kyang rkyen ji lta ba bzhin du gzhan dag kyang 'byung ba yin pa de ltar na/ ji ltar na 'gal ba yin/ cig car mi 'jug pa yang nye bar len pa'i sems kyis rigs mthun pa'i sems gnyis 'phen par mi nus pa'i phyir ro/ /rgyu dang 'bras bu'i ngo bo'i phyir phan 'gal ba yod pa ma yin no/ /gang la bdag tu chags pa nyid la yang de la gnod pa byed pa la zhe sdang bar 'gyur ba de ltar na/ 'dod chags zhe sdang gi rgyu yin te/ gang zhig gang gi rgyu mtshan yin pa de ni de dang 'gal ba ma yin no/ /sbyor ba ni gang zhig gang rgyu gcig pa can yin pa de ni de dang lhan cig gnod par bya ba dang/ gnod par byed pa'i ngo bo ma yin te/ shing gi khyad?
- 107a
par gcig las 'byung ba can gyi dang du ba lta pu'o/ /'dod chags dang zhe sdang yang rgyu gcig pa can yin no zhes bya ba ni khyab par byed pa 'gal ba dmigs pa'o/ /gang dag rgyu dang 'bras bu'i ngo bor gyur ba de dag ni shin tu goms ba'i dbang gis phan tshun gnod pa ma yin te/ dper na bdag tu lta ba dang bdag tu chags ba lta bu'o/ /'jigs tshogs la chags pa dang zhe sdang yang rgyu dang 'bras bu'i ngo bor gyur pa yin no zhes bya ba ni khyab par byed pa 'gal ba dmigs pa'o/ /byams pa dang mi gtsang ba la sogs pa ni zhe sdang la sogs pa'i gnyen por gyur pa yin na ci'i phyir nyes pa shin tu rgyun gcod par mi 'dod ce na bshad pa/ byams sogs rmongs dang 'gal med phyir/ gti mug nyes pa rnams kyi rgyu dang sems can la dmigs pa'i byams pa la sogs pa dang 'gal ba yod pa ma yin no/ /de bas na byams pa la sogs pas nyes pa shin tu tshar gcod med/ 'on kyang ji srid rigs mi mthun pa'i sems goms pa gnas pa'i dus de srid du kun nas ldang bar mi 'gyur ro// nyes kun de'i rtsa ba can/ gti mug de yang 'jig tshogs lta ba yin/ de ltar na nyes pa rnams kyi rgyu la gnod pa med pa'i phyir/ nyes pa rnams shin tu rtsa ba nas gdon ba ma yin pa'i phyir/ byams pa la sogs pa rab tu brtag pa ma yin no/ / sbyor ba ni gang zhig gang gi rgyu la gnod pa med pa de ni de la shin tu gnod par 'gyur ba yin te/ dper na mngar zhing/ snum? pa bsil ba'i rdzas rnams bad kan gyi nad kyi rgyu la gnod pa med pa de nad la gnod pa med pa ma yin pa lta bu'o/ /sems can la dmigs ba'i byams pa la sogs pa'ang/ nyon mongs pa skye ba'i rgyu 'jig tshogs su lta ba la gnod pa byed pa ma yin no zhes bya ba ni khyab bar byed pa 'gal ba dmigs pa'o/ /rlung? dang 'khris pa dang bad kan dag gi smad? til mar la sogs pa'i chos
- 107b
mthun de nyid can gyi zhe sdang la sogs pa'i byams pa la sogs pa gnyen por bshad pa gang yin pa de yang/ dus de srid du mngon sum du rgyu ba la gnod pa nyid kyis gnyen po yin par dgongs pas bshad ba 'am/ /chos la dmigs pa'i byams pa la sogs pa yin pa de ltar na 'gal ba med pa'i phyir nyes pa med do/ /de bzhin du gzhan dag la yang ci rigs par shes par bya'o/ /'jig tshogs su lta ba ni don phyin ci log tu rtogs pa'i ngo bo can yin zhing/ mi shes pa mi bsal ba'i ngo bo ni gzhan nyid yin na de ji ltar na gti mug de yang 'jig tshogs lta ba yin zhes tha snyad du bya bar rigs shes rang gi sde ba 'ga' zhig sems te/ ma rig pa'i mtshan nyid 'jog ba dpyod pa de dag gis kyang don phyin ci log pa rtogs pa'i ngo bo can nyid yin par khas blangs par bya'o/ /de la gti mug spyi ni log pa'i shes pa thams cad yin la/ de nyid kyi khyad par ni 'jig tshogs su lta ba yin te/ nyon mongs pa'i rgyu nyid yin pa'i phyir/ gtso bo yin pa de ltar na de gti mug ces bshad pa yin no/ /de la re zhig yang dag pa'i don mthod pa ni rig ba yin la/ ma rig pa zhes bya ba'i rtogs pa de las gzhan pa'am/ de dang 'gal ba 'am/ de med pa'i chos yin grang na/ re zhig gzhan ni ma yin te/ gzugs la sogs pa yang de lta bur thal? ba'i phyir ro/ /med pa yang ma yin te dngos po'i mtshan nyid kyi gnas skabs yin pa'i phyir ro/ /mi mthun pa'i phyogs su 'gyur grang na/ mi mthun ba'i phyogs nyid kyang 'gal ba'i rang bzhin nyid yin no/ /de ltar na rnam pa gang rig pas gzung ba de las phyin ci log pa'i rnam pa 'dzin pa can ni ma rig ba zhes bya bar 'gyur ro/ /de ltar ni 'gyur mod kyi de ni mtshan nyid ma yin no/ /'o na ci yin zhe na/ yang dag par rtog pas dben pa'i mtshan nyid can ni ma rig pa zhes bya'o zhe na/ yang dag pa'i don mthong bas dben pa ni med pa tsam yin na/ ji ltar dngos po'i ngo bo can gyi ma rig pa'i
- 108a
mtshan nyid du rig pa ma yin pas dngos po la reg pa yin na yang/ sems med pa rnams la yang thal bar 'gyur ba'i phyir/ 'di ltar rtogs pa pos ma rig pa'i rang bzhin ni 'di yin no zhes bya ba'i khyad kyis rtogs par 'gyur ba'i mtshan nyid ma 'tshol bar brjod par bya'o/ /gang yod na don gyi kho na nyid mthong ba'i 'gags byed par 'gyur ba de ni ma rig pa yin no zhes bya ba yang mtshan nyid ma yin gyi 'on kyang de ni 'bras bu dang 'gal ba yin te/ de'i mtshan nyid kyang gzhan du brjod par bya'o/ /de yang dpyad par bya na/ rig pa'i mi mthun phyogs nyid phyir log par dmigs pa'i mi shes pa ni ma rig pa yin no/ /rig pas bzung bar bya ba rnam pa las phyin ci log tu rtogs pa'i ngo bo nyid ni ma rig pa'o/ /sbyor ba ni gang zhig gang rtogs pa dang 'gal ba'i rang bzhin can de ni des bzung ba'i rnam pa las phyin ci log tu rtogs pa'i ngo bor 'gyur ro/ /dper na bde ba'i 'du shes kyis bzung ba'i rnam pa las 'dus byas rnams la sdug bsngal gyi 'du shes ni phyin ci log tu rtogs pa'i ngo bo yin pa lta bu'o/ /ma rig pa'ang rig pa'i rtog pa dang 'gal ba'i rang bzhin can yin no zhes bya ba ni rang bzhin gyi gtan tshigs so/ /sems byung nyid kyis dmigs pa'i phyir/ ma rig pa ni sems la byung ba'i chos yin no/ /sems las byung ba yin pa'i rgyu nyid kyis dmigs pa ste/ dmigs pa dang rnam pa 'dzin te/ rtogs pa med pa'i ngo bo ni ma yin no/ /de ltar ni rten dang dmigs pa dang rnam pa dang/ dus dang rdzas mtshungs pa dag gis mtshungs par ldan pa'i phyir mchungs par ldan pa yin par 'dod do/ /rtogs pa'i ngo bo yin du zin kyang bden pa'i rnam pa 'dzin pa can nam/ brdzun pa'i rnam pa 'dzin pa can du 'gyur grang na/ de zhig de ni bden ba'i rnam pa 'dzin pa 'dod pa ma yin te/ de ltar 'dzin pa
- 108b
ni shes rab kyi mtshan nyid yin pa'i phyir ro/ /de'i phyir ldog par dmigs pa ni mi shes pa yin no/ /sbyor ba ni gang dmigs pa 'dzin pa de ni dmigs par byed pa'i ngo bo yin te/ dper na rnam par shes pa lta bu'o/ /mi shes pa yang dmigs pa 'dzin pa yin no zhes bya pa ni rang bzhin gyi gtan tshigs so/ /sems las byung ba gang zhig gang dang 'gal ba'i mtshan nyid can yin pa de ni des bzung ba'i rnam pa las phyin ci log tu 'dzin pa yin te/ dper na mi gtsang ba ni 'dod chags kyis bzung ba'i rnam pa las phyin ci log tu 'dzin pa yin pa lta bu'o/ /mi shes pa yang bden pa'i rnam par 'dzin pa'i shes rab dang 'gal ba'i mtshan nyid can yin no zhes bya ba ni rang bzhin gyi gtan tshigs nyid yin no/ /gsungs phyir bcom ldan 'das kyis kyang mdo de dang de dag tu shes rab kyis bzung ba'i rnam pa las phyin ci log tu 'dzin pa'i ngo bo nyid ni ma rig pa yin no zhes gsungs pa yin te/ 'di lta ste 'phags pa zla ba sgron ma'i ting nge 'dzin las de la mi shes pa med pa gang zhe na/ gang yang dag pa ji lta ba bzhin gyi chos rnams la sgro 'dogs pa med pa yin no zhes gsungs pa lta bu'o/ /de'i phyir yang phyin ci log tu mi shes pa nyid yin no/ /de skad du sa bcu pa'i mdo las de 'jig rten gyi 'byung ba dang/ 'jig pa las rnam par lta ba'i tshe 'di snyam du semS te/ 'jig rten du 'dogs pa 'byung ba ji snyed pa de dag thams cad ni/ bdag tu mngon par zhen pa las 'byung ste/ bdag tu mngon par zhen pa dang bral na 'byung ba yang med par 'gyur ro snyam mo/ /de 'di snyam du sems te byis pa'i blo can bdag tu mngon par zhen pa mi shes pa'i rab rib kyis sgribs pa yod pa dang med pa la mngon par 'dod pa can tshul bzhin ma yin pa yid la byed pa las 'byung ba lam log par zhugs la ldog pa'i rjes su 'brang ba de dag ni/ bsod nams dang bsod nams ma yin
- 109a
pa dang/ mi g.yo? ba'i 'du byed rnams kyang sogs te/ 'du byed de dag gis yongs su bsgres pa'i sems kyi sa bon zad pa dang cas pa nye bar len pa dang bcas pa ni phyi ma la skye ba dang rga shi'i rang bzhin yang srid ba mngon bar grub pa 'byung ba nye bar 'gro ba yin te zhes gsung so 'di nyid la yang ma rig pa'i yan lag bstan pas bdag tu lta ba bstan pa yin no/ /de bas na bden pa rnams la mi shes pa ma rig pa yin pa de ltar na yang/ ji skad du bshad pa'i ngo bo nyid phyin ci log ba'i shes pa yin par blta bar bya'o/ /'di yang ma rig pa dang mtshungs par ldan pa'i lta ba yin no? nges? de'i sgo nas ma rig pa kho na bstan pa yin no zhe na/ de ltar rtags par yang mi bya ste/ ma rig pa'i rang gi ngo bo brjod par bya ba gzhan bshad? na 'chad pa po mi mkhas pa thob pa'i phyir dang/ de skad du brjod pa la nges par byed pa med pa'i phyir ro/ /ji skad du bshad pa'i don rtogs pa yang rigs pa dang rjes su mthun pa'i phyir/ /de bas na ji skad du bstan pa'i mi shes pa las mi shes pa gzhan pa rigs ldan ma yin no zhes blta bar bya'o/ /'gal ba gang yin 'dir bshad bya/ /da nyid kyi phyir mi shes pa'i ngo bo rnam par bzhag pa na/ lung gi phyogs kyi khyad par la 'gal ba 'ga' zhig bzhin du mtshon par bya ba de ji skad du bshad pa'i mtshan nyid can gyi 'gal ba med pas rab tu bstan par bya'o/ /'di lta ste gal te 'jig tshogs su lta ba nyid ma rig pa yin pa de'i tshe lta ba dang mtshungs par ldan pa'i ma rig pa yin no zhes bya ba'i mtshungs par ldan pa'i don 'thad pa ma yin te/ bdag nyid bdag nyid dang mtshungs par ldan pa ma? yin pa dang ldan pa'i lta ba ni don gzhan yin no zhe na/ de la 'dir mtshungs bar ldan pa ni spyir btang ba'i mtshan nyid ma yin gyi 'on kyang phyogs dang phyogs can gyi dngos po kun tu ston pa yin te
- 109b
dper na la? sha la sogs pa dang ldan pa'i nags dang/ lus lag pa la sogs pa dang ldan pa zhes bya ba lta bu'o/ de la 'dir ldan pa nyid la mtshungs par ldan pa zhes bya'o/ /lus zhes bya ba ni gzhan ma yin te/ gang lag pa la sogs pa dang chad? pa nyid yin no? ? na ci? yin zhe na/ phyogs gcig dang phyogs gcig pa can gyi dngos po bstan pa yin no/ /de bzhin du 'dir yang ma rig pa ni phyogs gcig pa can yin la/ de'i phyogs gcig pa'i ngo bo ni 'jig chogs su lta ba yin no/ /de ltar bstan pa'i dgos pa ni phyogS gcig pa bstan pa yin pa de ltar na 'gal ba med do/ /de bzhin du gzhan dag la yang ci rigs par brjod par bya'o/ /gang gi phyir de ltar bdag tu lta ba las byung ba'i skyon thams cad ni/ stong pa nyid lta dang de 'gal ba'i phyis bdag med pa nyid mthong ba ni bdag tu? lta ba dang 'gal ba'i phyir ro/ /de'i rang bzhin te bdag tu lta ba'i rang bzhin gyi khyad par can dang/ bdag tu lta ba las byung ba'i 'dod chags la sogs pa'i nyes kun dang/ lhan cig don gyis 'gal bar rab tu grub? pa yin/ sbyor ba ni gang zhig gang dang ldan cig 'gal ba de ni don gyis de'i rang bzhin dang lhan cig 'gal bar 'gyur te/ dper na grong ba dang 'gal ba'i ma ni grang? ba'i khyad par ba mo'i rag pa la sogs pa dang/ grang ba'i 'bras bu spu? long zhes byed ba'i khyad bar la sogs pa de'i rang bzhin dang ldan cig 'gal ba lta bu'o/ /ston pa nyid du lta ba yang bdag tu lta ba dang/ lhan cig 'gal ba yin no zhes bya ba ni rang? bzhin gyi gtan tshigs so/ /yang na gang zhig gar gis rang bzhin yin pa de ni ngon gyis 'gal zla de dang lhan cig 'ga' bar 'gyur te/ dper na sar? bshad? pa'i srung? ba'i rang? bzhin gyi chos nyid ni don gyis grang ba dang 'gal zla med dang 'gal ba yin pa lta bu'o/ /'dod chags la sogs pa yang 'jig tshogs su lta ba'i rang bzhin yin no zhes bya ba ni rang bzhin gyi gtan tshigs so//
- 110a
ma grub pa yang ma yin te/ ngar 'dzin pa dang/ da? 'di? 'dzin pa dag la gnas pa'i 'dod chags la sogs pa'i 'jug pa ni sngar bstan zin pa nyid kyi phyir dang ston par 'gyur ba nyid kyi phyir ro/ /de de ltar na bdag med par lta ba skyon gyi gnyen po'i phyogs nyid yin pas na de goms pa las de'i bdag nyid du 'gyur pa yod na/ skyon rnams kyang 'jug pa med ba'i chos can nyid yin no/ /de ltar ni 'gyur mod kyi gnyen po'i phyogs goms pa las nyon mongs pa rnams ldog tu zin kyang /'di dag yang mi skye ba'i chos can ni ma yin te/ srog chags kyi chos nyid yin pa'i rgyu'i phyir gzugs la sogs pa bzhin no/ /dper na gzugs la sogs pa'i gzugs dang ldan pa'i rdzas kyi chos 'jug pa med pa lta bu'o// sogs smos pas ni dper na me la sogs pa'i dro ba la sogs pa'i chos bzung ngo/ /sbyor ba ni gang zhig gang gi chos yin pa de ni de gnas na/ zad pa ma yin te/ dper na me'i dro ba lta bu 'am/ 'di lta ste gzugs la sogs pa'i de dang ldan pa'i ngo bo zad pa ma yin pa lta bu'o/ /'dod chags la sogs pa yang srog chags kyi chos yin no zhes bya ba ni khyab par byed pa 'gal ba dmigs pa'o/ /de la nyes pa rnams shin tu/ zad min srog chags chos nyid phyir/ gzugs sogs bzhin min 'od kyang? zad pa mon? yin no/ /ci'i phyir zhe na/ gtan chogs? 'di ma grub dang/ srog chags 'ga' zhig kyang yod pa ma yin no/ gang gi 'dod chags la sogs pa 'di chos yin 'di thams cad ni rkyen nyid 'di pa tsam 'ba' zhig yin no/ /de bas na rkyen ma tshad ba'i phyir de la rag las pa can gyi skye ba med pa de ltar na ma grub pa yin no/ 'di la yang srog chags kyis chos nyid du rang? bzhin man? de las 'byung ba la brjod pa yin grang na/ re zhig rang bzhin ni ma yin te/ rang bzhin gyi 'od gsal
- 110b
nyid kyis glo bur rar? bstan pa nyid kyi phyir ma grub pa nyid yin no/ /ci ste de las 'byung ba can zhes bya ba ni rgyu'i don yin pa de'i tshe theg? pa la sprul? gyi shes pa 'byung ba dag mi 'byung ba de bas na ma? des pa nyid yin no nges? 'ga' 'byung ba nyid yin ba'i phyir gtan tshigs na grub pa nyid yin te/ 'ga' zhig gi tshe nyon mong pa 'ga' zhig 'jug par 'gyur ro gyi thams cad du ni ma yin no/ /rang bzhin la yin pa de yang res? 'ga' 'byung bar 'gyur ba ma yin te dper na gzugs dang ldan pa'i dngos bo'i gzugs la sogs pa de nyid lta bu'o/ /rang bzhin nyid ma grub pa'i phyir gtan tshigs ma grub pa yin no/ /sbyor ba ni gang zhig gang la nges 'ga' 'byung ba can yin pa de ni de'i rang bzhin du 'gyur ba na yin te dper na rlung? gi de lta bu'o/ /'dod chags la sogs pa yang rnam par shes pa'i rgyud la res 'ga' 'byung ba yin no zhes bya ba ni khyad par byed pa 'gal ba dmigs pa'o/ /bdag med pa mthong ba'i mtshan nyid can gyi gnyen? po'i phyogs dang 'brel yod na/ mngon du gyur pa yod na ldog pa dag kyang mthong phyir ro/ /'dod chags la sogs ba dus de srid du mngon du rgyu ba yang mthong ba med pa'i phyir ro/ /rang bzhin nyid ma yin pa de ltar na/ gtan tshigs ma grub pa nyid yin no/ /sbyor ba ni gang zhig gang la gnyen por phyogs mngon du gyur ba yod na/ spangs pa de ni de nges par mngon du gyur pa'i chos can ma yin te/ dper na grang ba mngon du gyur ba yod na rdog la sogs pa'i dro ba'i ris pa med pa lta bu'o/ /'dod dags? la sogs pa yang rnam par shes pa'i rgyud la gnyen po'i phyogs mngon du gyur pa yod na spangs pa yin zhes bya ba ni khyab par byed pa 'gal ba dmigs pas/ de? ltar ni 'gyur spyod? kyi ji ltar zangs ma la sogs pa'i sra ba'i mi mthun pa'i phyogs mngon du gyur pa las/ zhu bar gyur gnas ba nyid med du ? kyang/ yang 'byung ba nyid yin pa de dang dra ba gnyen po'i phyogs mngon du gyur pa lo
- 111a
pa na yang nyon mongs pa rnams yang 'byung ba'i chos nyid yin no/ /de bas na gang zhig gang gi gnyen po'i phyogs yin bde goms pa las de dang shin tu phral ba la ma nges pa yin no zhe na/ sra ba? bzhin duAng skye min te/ nyon mongs pa rnams so/ /ci'i phyir zhe na/ nyes pa rnam par 'gags pa yi/ de'i bdag nyid ldog med phyir ro/ /zabs ma la sogs pa'i sra ba nyid dang 'gal ba'i me dang gang yin pa de re 'ga' thag nye bar nyid kyi phyir/ sra ba med pa dang bcas pa ni de mngon sum du gyur pa na/ sra ba la sogs pa mngon du 'gyur ba med pa nyid yin zhing/ de med pa na yang log pa ni rigs pa yin no/ /de ltar 'dir yang gal te lam ma 'gyur na/ de ltar ni 'gyur mod kyi gang las de ltar ni ma yin no/ /'o na ci yin zhe na/ nyes pa 'gog par byed pa bdag med pa mthong ba shin tu goms pa las sems de de'i bdag nyid can du 'gyur ro/ /de bas na de'i bdag nyid can du gyur pa'i rgyus ldog pa ma yin zhing/ 'jig pa med pa'i phyir yang skyon rnams 'byung ba ma yin no/ /sbyor ba ni gang la gang gi gnyen po'i phyogs nyams pa med pa de la de'i skabs yod pa ma yin te/ dper na me la grang pa lta bu'o/ /bdag med pa goms par gyur pa'i rnam par shes pa'i rgyud la yang bdag tu lta ba'i gnyen po'i phyogs nyams pa med pa'o zhes bya ba ni khyab par byed pa 'gal ba dmigs pa'o/ /ma nges phyir ro thal ba bzhin/ shing ? bar 'gyur pa yang shin tu mi 'gyur ba de bzhin du gnyen po'i phyog kyis nyes pa rgyun bcad yang 'byung ba zhes bya ba gang yin pa de yang ma nges pa yin no/ /gang zhig gang rang bzhin yin pa zhes bya ba la sogs pa'i sbyor ba la gang zhig gang zhes bya ba la sogs pas gtan tshigs grub par ston par byed do/ /srog chags gang zhig?
- 111b
nga zhes de dag mthong ba/ 'khrul pa yin no/ /de'i bdag nyid can du nye bar 'gro ba'i bdag nyid gyis dngos po de la bdag nyid du lta ba 'di lhag pa nyid du ste /'jig pa med pa nyid du'o/ /chags pa ni bdag tu mngon par chags pa'o/ /de la gnod bar byed pa'ang bdag med ba nyid mthong pa yin no/ /gal te de mi 'dod pa de'i tshe gnod pa can med ba'i phyir rtag tu bdag la chags pa nyid yin pa de ltar na grol par mi 'gyur ro/ /spyod pa yang gang la shes pa gang skye ba'i gnod pa can yod pa ma yin pa de ni de? la shes pa ldog pa ma yin te/ dper na me la dro bar rtogs pa'i dus kyi dro ba'i shes pa lta bu'o/ /bdag tu lta ba'i chags pa'i shes pa la yang bdag la skye pa'i? gnod pa can yod pa ma yin no zhes bya bar khyab par byed pa la 'gal ba dmigs pa'o/ /ma grub pa yang ma yin te/ bdag tu lta ba'i yul de? sun phyung ba med ba'i phyir ro/ /sbyor ba ni gang zhig yul gang la nyes par mthong ba'i sgo nas sun 'byin bar byed pa ma yin pa de ni de la chags pa skye ba ldog pa ma yin te/ dper na 'dod chags can yul gyi bzang mo la nyes par mthong ba'i sgo nas srun 'byin pa ma yin pa lta bu'o/ bdag tu lta ba can yang bdag la nyes par mthong ba'i sgo na sum 'byin par byed pa m yin no zhes bya ba ni khyab par byed pa mi dmigs pa'o/ /yang na gang zhig gang la nyes par mthong ba can ma yin pa dang/ der 'dod chags skye ba ni de ni de la 'dod chags dang bral ba ma yin te/ dper na 'dod chags can kyi yul gyi bzang mo la nyes bar mthong ba med pa 'dod chags skye ba lte bu'o/ /bdag tu lta ba can yang nyes par mthong ba can ma yin pa dang der chags pa skye ba yin zhes bya ba ni khyab par byed pa mi dmigs pa'o/ /'di ma grub pa yang ma yin te bdag nyid mi 'dod pa'i phyir dang bstan zin pa nyid kyi phyir ro/ /de de ltar na bdag tu chags pas te/ rgyu'i phyir bdag gi nyid la sred 'gyur
- 112a
zhing/ sbyor pa ni gang zhig gang la chags pa brtan pa de ni de'i bde ba la yongs su sred pa dang ldan par 'gyur te/ dper na so so'i skye bo'i gnas skabs can gyi skyes bu de nyid lta bu'o/ /skyes bu chags pa dang bral bar mngon par 'dod pa yang phyis kyang chags pa bstan pa yin no zhes bya ba ni rang bzhin gyi gtan tshigs so/ /de ltar na bdag gi bde ba la sred pas bde ba bsgrubs par byed pa nyid du nye bar 'gro ba zag pa dang bca pa'i dngos po'i skyon rnams yod pa sel bar byed/ yon tan 'dzin par byed ces bya ba'i don to/ /sbyor ba yang gang zhig gang bdag gi bde ba la yongs su sred? ba dang ldan ba de ni bdag gi skyon mthong ba can ma yin pa'am /de'i bde ba'i cha shin tu sgrub par byed ba yon tan du lta ba can yin te dper na so'i skye bo'i gnas skabs kyi skyes bu de nyid lta bu'o/ /skyes bu 'dod chags dang bral bar mngon par 'dod pa yang bdag gi bde ba la yongs su sred pa can yin no zhes bya ba ni khyab par byed pa 'gal ba dmigs pa'o/ /bsgrub par bya ba gnyis pa la bltos nas rang bzhin gyi? gtan tshigs yin no/ de ltar na bde pa ba sgrub par byed pa la/ yon tan mthong ba yongs su sred/ /da'i zhes de yi sgrub byed len dra'i nyid du byed pa bsgrub par byed pa brtan por yongs su len bar byed do/ /sbyor ba ni gang zhig gang la yon tan du mthong? ba can yongs su sred pa dang ldan pa de ni de la nga'i? zhes bya ba'i sems kyi yongs 'dzin pa brtan po can du 'gyur te/ dper? na?/ ca? gyi gnas skabs kyi skyes bu de nyid lta bu'o/ /skyes bu chags bya dang bral bar 'dod ba'i yang bdag gis dngos po la phyis kyang/ yon tan du mthong ba can gyi yongs su sred pa dang ldan pa yin no zhes bya ba ni rang bzhin gyi gtan tshigs so/ /skyes bu bdag tu mthong bas bdag la chags pa la sogs pa'i sred mas yon tan du mthong? pa can gyi yongs su
- 112b
srid pa dang ldan pa bdag gis yongs su 'dzin pa rtsom pa la sogs pa'i mtshan nyid can gyi 'khor ba yongs su 'dzin pa gang yin pa/ des ni ji srid bdag sngon chags/ /de srid du 'khor bar yongs su 'jug par 'gyur ro/ /bdag yod na ni gzhan du shes/ ji srid du blo bdag ce mngon par zhen? pa de srid du bdag tu 'du shes pa dang/ de yod na de ltar mi 'dzin pa gang yin pa de thams cad gzhan yin no zhes bya ba ni gzhan bu du shes pa'o/ /de de lta bu'i blos /bdag gzhan cha? las 'dzin dang sdang/ /bdag nyid du bzung ba las yongs su 'dzin pa ni mngon par chags pa'o/ /gzhan nyid du rnam par phye ba la sdang ba yin te yongs su dor ba'o/ /yongs su 'dzin pa dang sdang ba dag ni 'dod chags dang zhe sdang dag yin te 'di dag dang ni kun 'brel las/ /ji srid du phrag? dog? dang ser sna la sogs pa'i nyes pa thams cad 'byung par 'gyur /ji srid du 'khor ba pa yin no/ bdag tu lta ba med pa nyid kyi phyir/ de dag thams cad yod pa ma yin pa de ltar na bdag med par mthong ba ni bdag tu lta ba dang de'i rang bzhin can gyi nyes pa rnams kyis gnod pa can nyid yin no/ /gal te ji ltar bdag tu chags pa dang ldan pa yin pa de ltar na yang bdag gi chags par 'bral ba 'khor bar 'khor ba ma yin no zhe na/ de ni ma yin te/ 'di ltar skyes bu bdag la chags par 'gyur na ni/ de yi la ngas chags bral min/ longs spyod la dag lus pa'i sgrub par byed pa nyid kyis bdag gir byed pa la chags pa dang bral ba ni yin no/ /de ltar na bdag tu chags pa dang ldan pa'i bdag gi dang 'brel ba tsam gyis byas pa'i chags pa yod ba yin no/ /gang zhig bdag la chags pa de ni nges par bdag dang? 'brel pa can gyi dbang po la sogs pa la chags pa dang ldan pa yin te/ dper? na snga? ma'i gnas skabs can gyi skyes bu de nyid lta bu'o/ /skyes bu 'di yang phyis kyang bdag la chags pa dang lden pa yin no zhes bya ba ni rang bzhin gyi gtan tshigs so/ /ma grub pa yang ma yin te 'di ltar/ nyes med bdag la chags pa dang/ /bral ba'i rgyu ni yod? na?
- 113a
yin no/ /skyes bu de ni sdug bsngal dang bral ba gcig tu rnam par 'che? ba med pa'i bdag 'dod pa yin pa de ltar na bdag la chags ba dang bral ba nyid ma yin no/ /sbyor ba ni gang zhig gang la sdug bsngal dang bral zhing rnam pad tshes md par 'dod pa de ni/ de la 'dod chags dang bral ba'am/ zhen ba med pa ma yin te/ dper na snga ma'i gnas skabs can gyi skyes bu de nyid bdag la chags ba dang ldan pa lta bu'o/ /bdag tu? smra ba'ang 'dod chags dang bral ba'i gnas skabs na yang bdag sdug bsngal dang bral zhing rnam par 'tshe ba med par 'dod pa yin no zhes bya ba ni khyab par byed pa 'gal ba dmigs pa'o/ /gal te chags pa skyon bcas shes bdag ni nyes pa med pa nyid yin bde? la chags pa gang yin pa de nyid nye pa dang ldan pa yin no/ /nyes pa dang ldan pa nyid kyi phyir mkhas pa nyid kyis dod bar bya ba yin te/ sprul gyis zin pa'i sor ma bzhin no zhes de ltar gzhan dag sems so/ /'di nyid la mi mnyes pas gal te chags pas nyes pa dang bcas pa yin na/ de las cir 'gyur zhes 'dri pa mdzad pa yin no/ /bdag tu chags pa skyon dang ldan pa nyid yin pa'i phyir/ de spangs yin zhes smros so/ /des na gtan tshigs ma grub pa nyid yin no zhe na/ bdag tu chags pa 'di'i yul gang yin pa de yul med pa nyid du sun byung med par ni/ de spong bar ni nus ma yin/ /de'i yul can gyi chags pa srol? spong bar nus pa ma yin te/ de yod pa tsam du lta ba'i 'dab? tshul can nyid yin pa'i phyir ro/ /sbyor ba ni gang zhig gang la chags pa skye ba'i yul gyi nyes pa mthong ba med pa de ni/ de la chags pa spong bar nas ba ma yin te/ dper na 'dod chags can gyis yul gyi bzang? mo la chags pa'i yul gyi nyes pa mthong ba ma yin ba lta bu'o/ /skyes bu 'dis kyang bdag tu chags pa'i yul gyi nyes pa ma mthong ba yin no zhes bya ba ni rgyu ma dmigs pa'o/ /yon tan skyon dang zhes bya ba la sogs pas 'di nyid kyi
- 113b
gzhung 'dzugs par byed do/ /'dod sdang sogs ci 'dra bag zhig ce na/ yon tan skyon dang rjes 'brel pa'i/ /'dod pa yul la/ la la yon tan mthong ba'i rjes su 'brel pa sky ba yin zhing zhe sdang yang nyes pa mthong pa'i rjes su 'brel pas yin no/ /sogs pa smos pas ni bdag nyid ji lta pa bzhin du rgyu mtshan mthong bas thab?/ dog la sogs pa skye ba bzung ngo/ /de ltar 'jug pa'i 'dod pa dang zhe sdang la sogs pa de'i 'di spangs pa ni/ spong ba'i thabs ni 'dir spong bar mngon bar 'dod pa nyid yin no/ /'di lta ste skyon dang yon tan de dag yul la mthong med pa/ yul gang la yon tan mthong bas 'dod pa skyes ba de ni yon tan mthong ba med pas 'dod pa med par 'gyur ba dang/ zhe sdang yang nyes pa gang mthong bas skye ba de/ skyon mthong ba med pas kyang ma yin no/ /go rim gang yin phyir ltar med/ /de la tsher ma la sogs pa mngon par mi 'dod pa gang yin pa de/ phyung nas gzhan du 'dod par byed pa de ltar yid kyi yon tan rnams ni ma yin no/ /de bas bdag yod pa nyid du lta ba'i sgo nas 'ongs pa'i bdag tu mngon par chags pa ni ji srid bdag tu mthong ba'i rgyu mtshan med par ma grub pa de srid ? las spangs pa yin/ sbyor ba ni gang zhig mthong ba'i sgo nas gang la skyes bu'i 'dod pa skye ba de ni/ de la de mthong ba yod na med ba ma yin te/ dper na bde ba sgrub par byed par mthong bas yul gyi bzang mo la skyes bu 'dod pa skye ba lta bu'o/ /'di'i bdag tu chags pa yan dag yod pa nyid du lta ba'i sgo nas skye ba yin no zhes bya ba ni khyab bar byed pa 'gal ba dmigs pa'o/ /gal te bdag tu chags pas yon tan du lta ba las chags pa skye bar 'byung ba de'i tshe/ de nyes par mthong ba lam de med par 'gyur na/ 'di ltar chags sogs yon tan las chags pa min/ 'on kyang don gyi yon tan mthong las chags pa yin te/ yul gyi yon tan mthong ba las chags pa 'byung bar 'gyur ba yin/ /bdag la chags pa'i yon tan mthong ba'i rgyu mtshan yang bdag yod pa
- 114a
mthong ba tsam nyid yin no/ /de ma tshad ba med pa yin no/ /bdag tu chags pa'i rgyu tshang de la ni bdag tu chags pa zhes bya ba de 'bras bu rgyu gang gis bzlog /de ltar na rgyu ma tshang bar byas pas 'bras bu ldog pa yin na/ de ni bdag tu chags pa'i rgyu mtshan bdag yod pa nyid du mthong ba yod pa 'di la yod ba ma yin pa de ltar na/ bdag tu chags pa ma spangs pa kho na yin no/ /sbyor ba ni gang zhig gang gi rgyu can yin pa de ni de ma tshang? ba med pa yod na med par mi 'gyur te/ dper na sa bon la sogs pa'i tshogs pa ma tshang ba med pa'i rgyu can gyi myu gu lta bu'o/ bdag tu chags pa yang bdag tu lta ba'i rgyu can yin no zhes bya ba ni khyab par byed pa 'gal ba dmigs pa'o/ /des na 'di'i yul sun phyung med par ni zhes bya ba la sogs pa nyid kyi gzhung btsugs pa yin no/ /chags pa ni skyon dang bcas pa yin zhing/ nyes pa dang ldan pa gang yin pa de mkhas pa rnams kyis dor bar bya ba yin te/ dper na sbrul gyis zin pa'i sor mo lta bu'o/ /bdag tu chags pa yang nyes pa dang ldan pa yin pa de bas na dor bar bya ba yin no/ /zhes bshad pa gang yin pa de la bdag tu chags la skyon bcas can mthong gang/ gang gis 'di spangs yin zhe na/ sdug bsngal rten ni yin pas so/ /zhes bya bas 'dis ni gzhan gyis ma grub pa'i lan 'debs par byed de/ bdag tu chags pa las bde ba las yongs su sred pa dang ldan pa sdug bsngal du gyur pa'i 'khor ba len par 'gyur ro/ /de bas na chags ba'i nyes pa ni sdug bsngal gyi rgyu nyid yin pa de ltar na skyon dang ldan par grub pa nyid yin no/ /sbyor ba ni gang sdug bsngal gyi rten yin pa de ni skyon dang ldan ba yin pas dor bar bya ba yin te/ dper na sprul gyis zin pa'i sor mo lta bu'o/ /bdag tu chags pa yang sdug bsngal gyi rten yin no zhes bya ba ni rang bzhin gyi gtan tshigs yin par sems so/ /gal te yang de sdug
- 114b
bsngal gyi rten nyid yin pa'i phyir/ nyes pa dang ldan pa dor bar bya ba yin pa/ de ltar yang 'dir chags bral min/ bdag tu chags pa la'o/ /gang las sam ji ltar rang nyid mthong phyir dper bdag bzhin/ ji ltar bdag la rang gi blo rgyu yin pa'i phyir/ sdug bsngal gyi rgyu yin na yang 'dod chags dang bral ba ma yin pa de ltar bdag la chags pa dang rang nyid du bzung ba na/ sdug bsngal gyi rten nyid yin na yang 'dod chags dang bral bar 'gyur ba ma yin pa de ltar na ma nges pa yin par bstan to/ /sbyor ba yang gang la skyes bu'i rang gi blo gcig tu nges pa can yin pa de la skyon dang ldan pa yin du zin kyang de 'dod chags dang bral ba nyid yin te/ dper na bdag nyid lta bu'o/ /skyes bu yang bdag la chags pa la dang gi blo gcig tu nges pa can yod pa yin no zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi/ gal te de min bdag sdug bsngal rgyu min bdag gir chags pa'i blo dang dbang po la sogs pa dang ldan pa'i phyir/ bdag sdug bsngal gyi rgyu nyid yin gyi yan gar ba ni ma yin pa de lta na bdag la chags pa la sogs pa nyid nyes pa dang ldan pa nyid nyes pa dang ldan pa yin gyi bdag ni ma yin no/ /sbyor ba ni gang zhig gang dang ldan pa'i phyir sdug bsngal gyi rgyu nyid yin pa de ni de la nyes pa dang ldan pa yin gyi gzhan ma yin te/ dper na sor mo dug dang ldan pa'i phyir sdug bsngal gyi rgyu dang ldan pa yin pa la dus nyes pa dang ldan pa lta bu'o/ /bdag kyang chags pa la sogs pa dang ldan pa'i phyir sdug bsngal gyi rgyu yin no zhes bya ba ni rang bzhin gyi gtan tshigs so/ /de yang de dang 'dra ji ltar bdag yan grar ba sdug bsngal gyi rgyu ma yin gyi/ 'on kyang bdag tu chags pa la sogs pa dang ldan pa yin pa'i phyir/ yin pa de ltar na bdag la chags pa la sogs pa yang yan? gar? ba ma yin gyi/ 'on kyang bdag dang ldan pa nyid kyi phyir yin no/ /bda skyon dang ldan par 'od dang
- 115a
ma yin pa de bas na gtan tshigs ma nges pa yin no/ /de ltar gnyis kyang skyon med pa yin no/ /ji ltar bdag yan gar ba sdug bsngal gyi rgyu ma yin pas nyes pa dang ldan pa ma yin pa de ltar na bdag tu chags pa la sogs pa yang sdug bsngal gyi rgyu ma yin pas na bdag tu chags pa la sogs pa yang nyes pa dang ldan pa ma yin no/ /bdag gi phyir de ltar gnyi ga yang mtshungs pa nyid kyis bdag tu chags pa dang bral ba'i rgyu lhag pa yod pa ma yin pa'i rgyu/ de phyir gnyi ga chags bral min/ ji ltar bdag tu chags pa dang/ dbang po la sogs pa dang nyes pa mtshungs pa can gyi bdag gi chags pa dang bral ba ma yin ba/ de ltar bdag dang mtshungs pa'i nyes pa bdag tu chags pa la sogs pa'i chags pa dang bral bar mi 'gyur ro// //tshad ma rnam 'grel gyi 'grel pa/ bam po nyi shu pa/ /sbyor ba ni gang zhig gang dang nyes pa mtshungs pa yin pa de ni de med pa'i ngang tshul can de tsam gyi rgyu mtshan can 'dod chags dang bral ba des yul du byas pa ma yin te dper na skyes bu nyes pa mtshungs ba gnyis kyi nang nas gcig la med pa'i ngang tshul can de tsam gyi rgyu mtshan can gyi 'dod chags dang bral ba ni de las gzhan dag la'ang mi 'gyur ba lta bu'o/ /'dod chags la sogs pa yang bdag dang skyon mtshungs pa yin no zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi/ gal te sdug bsngal bsgoms ba yis/ /sprul gyi yan lag bzung bzhin 'gyur/ /skyes bu bdag tu chags pa la sogs pa la sdug bsngal du bsgom par byed cing sdug bsngal bsgoms pas kyang bdag tu chags pa la sogs pa la 'dod chags dang bral bar 'gyur te/ dper na sbrul gyis yan lag bzung? ba bdag gi nyid du nye bar bzung de yan sdug bsngal bsgoms
- 115b
ba dang ldan pas spong bar byed pa de ltar na/ gtan tshigs ma grub pa yin no/ /sbyor ba ni gang zhig gang la sdug bsngal bsgom pa dang ldan pa de ni de la chags pa dang bral ba yin te/ dper na skyes bu sbrul gyis yan lag bzung ba bsgom pa yin pa lta bu'o/ /skyes bu grol bar 'dod pa yang bdag tu chags pa la sogs pa la sdug bsngal bsgom pa dang ldan pa yin no zhes bya ba ni rang bzhin gyi gtan tshigs yin pa sems so/ /bdag gi blo ni bcom pas 'dir/ /dor ba yin gyi bzlog la min/ /ji srid du sprul gyis bzung ba'i yan lag la longs spyod pa'i rten gyi blo nyams pa med pa de srid du/ dor ba spro ba ma yin no/ /bdag gis? tshe rang bzhin du /gnas par ma gyur pa na dman chad yan lag 'di longs spyod ba'i rten ma yin no zhes de la bdag gi blo 'dor bar byed pa de'i tshe yan lag de dor bar 'gyur ro/ /'di ni ma nges pa nyid du bstan to/ /de bas na ji srid du bdag gi blo yod pa de srid du dor ba ma yin no/ /dbang po la sogs longs spyod pa'i rten nyid du ni bzung ba la/ longs spyod pa'i rten sgrub bar byed pa nyid du bzung ba la'o/ /sogs pa smos pas ni lus kyi dbang po la sogs pa bzung ngo/ /rang nyid blo ni gang gis bzlog/ yin te ma yin pa nyid do/ /de ltar na de ni skye bo thams cad kyis ni mngon sum yin/ dper na lus la sgra sogs bog pa na/ yan lag dang nyid lag khyad par med pa yon tan dang skyon dang bral bar mtshungs pa de 'dra ba 'ba' zhig la/ skyon bcas blo ni skye 'gyur ro/ /rang gi blo ni ma rtogs te/ nga'i longs spyod kyi rten sgrub par byed pa yin no zhes blo dang bral ba'i phyir ro/ /gzhan la chags bcas skye 'gyur ltar// skra la sogs pa lus las tha dad par ma gyur pa bdag gi nyid kun nas bzung ba yod na chags pa'i blo 'byung ba bzhin no/ /sbyor ba ni gang? zhig gis longs spyod kyi rten sgrub par byed pa nyid du bzung ba de la de'i rang gi blo nyid ldog ba ma yin te
- 116a
sngar gyi gnas skabs can gyi skyes bu de nyid kyi lus kyi dbang po la sogs pa la rang nyid kyi blo lta bu'o/ /skyes bu 'dod chags dang bral bar 'dod pas kyang phyis kyi lus kyi dbang po la sogs pa yang longs spyod kyi rten sgrub par byed pa nyid du bzung ba yin no zhes bya ba ni rgyu 'gal ba dmigs pa yin no/ /gang zhig gis rang gi nyid du bzung ba de la ni chags pa dang bral ba ma yin te/ dper na sngar gyi gnas skabs can gyi skyes bu de nyid lta bu'o/ /skyes bu 'dis kyang phyis kyi lus kyi dbang po la sogs pa rang gnyid du bzung ba yin no zhes bya ba ni khyab par byed pa 'gal ba dmigs pa'o/ /gang zhig gang yod na 'gyur zhing/ de las gzhan pa yod na yang med par 'gyur ba yin pa de ni de las 'gyur te/ dper na sa bon las byung ba'i myu gu lta bu'o/ /bdag la gnas pa'i skra dang sen mo dang mchil ma la sogs pa la chags pa dang bral ba med pa yang bdag gi blo yod na 'gyur zhing/ lus las 'bogs ba dag la de yod pa'i phyir khyad par med pa la yang mi 'gyur ro zhes bya ba ni rang bzhin gyi gtan tshigs so/ /de ltar ni 'gyur mong kyi sdug bsngal bsgom pa goms pa las bdag nyid du chags pa la sogs pa spong ba yin pa de ltar na/ gang zhig gang gis rang gi nyid du bzung ba zhes bya a'i sbyor ba la gtan tshigs ma grub pa yin no zhe na/ de ni de ltar ma yin te/ 'di ltar/ de la rang blo 'phrod 'du ba/ /la sogs 'brel pas skyed yin no/ /chags pa la sogs pa la drang? gi blo bdag la 'phrod pa 'du pa'i 'brel pa las yin no/ /sogs pa smos pas ni lus longs spyod kyi rten nyid dang/ dbang po longs spyod kyi sgrub par byed pa nyid 'brel pa las skye ba bzung ngo/ /'brel ba de nyid kyang chags pa dang bral bar 'dod pa'i gnas skabs yin na yang/ de bzhin yin/ snga ma bzhin du mtshar ba nyid med pa yin no/ /bdag
- 116b
la chags pa la sogs pa'i nyes ba de ltar mthong yang/ 'phrod pa 'du ba la sogs pa'i 'brel ba las skye ba'i bdag tu chags pa la sogs pa la rang nyid kyi blo bcom pa min/ sbyor ba ni gang zhig gang la gang gis shes pa skyed pa de ni yod na 'jig pa ma yin te/ dper na sa bon la sogs pa las skyes shing 'byung ba'i myu yul? de'i 'bras bu'i tha snyad kyi shes pa lta bu'o/ /chags pa la spo? ba la? rang gi nyid kyi shes pa yang 'phrod pa 'du ba la sogs pa'i 'brel pas skyed pa yin no zhes bya ba ni khyab par byed pa 'gal ba dmigs pa'o/ /gang yang grangs can 'phrod pa 'du ba la sogs pa'i 'brel pas bdag tu chags pa la sogs pa rang gi blo bskyed pa gang yin pa de ni de la chags pa dang bral ba ma yin pas grol bar mi 'gyur gyi/ kho bo cag gi ni ji srid du rang bzhin dang skyes bu ngag la gcig nyid du nges pa can gyi blo yod pa de srid du 'khor ba yin zhing/ gang gi tshe rang bzhin dang skyes bu gzhan nyid yin par shes pa de'i tshe dang bzhin dang skyes bu'i khyad par shes pa'i phyir grol ba yin no zhes sems na/ de dang de yang de la rang gi blo'i 'phrod pa 'du ba la sogs pa 'brel pas skyed yin na zhes bya ba der? sogs pa smos pas bsal ba nyid yin no/ /de ltar yang brjod par bya ste/ rang bzhin dang skyes bu'i khyad par shes pa med pa'i phyir bdag tu chags pa la sogs pa la rang gi blo ma yin gyi/ 'on kyang longs spyod kyi yan lag nyid kyis yin no/ /de ltar na phyi rol gyi dngos po tha dad pa dag ni blo gcig gi rgyu ma yin na/ de dag la rang gi blor phan 'dogs par byed pa'i sgo nas 'gyur pa yang yin no/ /'phrod pa 'du sogs med na yang/ 'phrod pa 'du ba ma yin pa'i phyi rol gyi don/ thams cad la ni phan 'dogs yod/ /rang gi blo'i rgyu yin pa de ltar na rang bzhin dang skyes bu dag la gcig nyid du nges par byas pa'i rang gi blo ni ma yin te /de med na yang phan gdags par bya ba dang phan 'dog
- 117a
bar byed pa'i sgo nas yod pa'i phyir ro/ /sbyor ba ni gang zhig gang med na yang yod pa de ni de la bltos pa med des byas pa yin te/ dper na nas kyi sa bon med du zin kyang/ sa lu'i sa bon yod na yod pa'i sa lu'i myu gu lta bu'o/ /rang gi blo yang gcig nyid du zhes pa med na yang phyi rol gyi dag la phan gdags par bya ba dang phan gdogs par byed pa'i dngos po'i shes pa yod pa yin no zhes bya ba ni rang bzhin gyi gtan tshigs so/ /bdag ni/ gal te sdug bsngal rten yin phyir/ sdug bsngal nye bar 'jog par byed pa'i rgyu'i phyir lus kyi dbang po la sogs pa de la /rang blo mi 'gyur/ rang nyid kyi blo nyid sbrul gyis zin pa'i sor mo bzhin/ sdug bsngal gyi rgyu nyid du 'gyur ba dor bar bya ba yin no/ /des na gtan tshigs ma grub pa yin no/ /sbyor ba ni gang zhig gang gi mi 'dod pa'i tshor ba'i rgyu yin pa des de ni rang gi blor mi 'gyur te/ dper na sprul gyis bzung ba'i sor mor dor bar bya ba lta bu'o/ /bdag dang lus dang dbang po la sogs pa'i tshogs? kyang mi 'dod pa'i tshor ba'i rgyu yin no zhes bya ba ni khyad par byed pa 'gal ba dmigs pa'o/ /gcig tu de ni sdug bsngal min/ /lus dang dbang po la sogs pa de dang de ni nges par sdug bsngal gyi rgyu ma yin/ rnam grangs kyis bde ba'i rgyu nyid kyang 'di la yod pa yin no/ /nges na sdug bsngal bskyed par byed pa nyid yin du zin kyang/ rnam pa gang gis bdag tu chags pa la sogs pa'i bde ba nyid kyi rgyu yin pa'i cha de tsam gyis bde ba'i longs spyod kyi rten byed pa can yin pa de ltar na/ de chags pa dang bcas pa nyid yin pa'i phyir sdug bsngal gyi rgyu nyid du ma grub pa yin no/ /sbyor ba ni gang bdag tu chags pa brtan pa de ni sdug bsngal gyi rgyu nyid yin du zin kyang rnam grangs 'ga' zhig gis bdag gis bde de'i rgyu yin pas de sdug bsngal gyi rgyu nyid yin par shes na yang sred pa dang
- 117b
bcas pa nyid dang bde ba nye bar byed pa'i blo can du 'gyur te/ dper na so so'i skye bo tsha ba can chu bsil mo lu lta bu'o/ /skyes bu 'dod chags dang bral bar 'dod pa 'di yang bdag tu chags pa brtan pa yin no zhes bya ba ni rang bzhin gyi gtan tshigs so// de ltar ni 'gyur mod kyi/ gal te yang gcig tu sdug bsngal gyi rgyu ma yin pa de ltar na yang phal cher lus dang dbang po la sogs pa sdug bsngal gyi rgyu nyid yin pa'i phyir/ bde ba nye bar byed pa'i blo dang chags pa dang bcas pa'i blo nyid ma yin te dug bcas zas bzhin no/ /de ltar na gtan chos ma nges pa yin no zhe na/ de dang de ni yod pa ma yin/ 'di ltar gal te yang dug dang bcas pa'i zas la sogs pa srog 'phrog par byed pa yin mod kyi/ bde ba'i cha yod pa de ltar na yang de las gzhan pa'i srog la gnod pa mi byed ba shin tu khyad par can bde ba byed pa'i dang tshul can dang/ bde ba sgrub par byed pa yod pa yin no/ /de'i phyir srog la sogs pa dang bde ba'i longs spyod shin tu khyad par can de las thob par 'gyur ba de ltar na/ khyad par can gyi bde chags las rgyu'i phyir/ de 'gal ba ni/ bde ba khyad par can la gnod pa dug dang bcas pa'i zas la chags bral 'gyur rnam pa gzhan srid pa'i phyir ro/ /de las gzhan pa'i bde ba sgrub par byed pa 'byung ba'i ngang tshul can ni/ khyad par bde la sred pa yis/ /phal cher bde ba sdug bsngal sgrub bar byed pa sred pa can ni/ bde ba cung zad yongs su spongs/ /gang gi zas 'ga' la sogs pa las gzhan zas 'gal pa med pa la sogs pa de ma rnyed par mthong zhing/ bras? 'gal ba yongs su longs ma spyad na bkres pa la sogs pa'i nad kyis bdag nyid 'chi bar mthong ba de'i tshe/ de las gzhan pa'i 'tsho ba'i rten med pa'i phyir/ /bsam pa med pa bdag chags las/ /ji ltar rnyed pa bzhin la 'jug ji ltar rnyed pa'i zas
- 118a
dug dang bcas pa yin du zin kyang/ phal cher sdug bsngal dang 'brel pa can gyi nyes pa bsal nas/ da ltar gyi bde ba chags nas yongs su longs spyod pa yin no/ /de ltar na bud med dag ni ma rnyes pa/ dus 'gro la 'dod spyod mthong bzhin skyes bu 'dod ldan dag bud med dag dang lhan cig 'dus pa ma rnyed pa/ dud 'gro'i 'gro ba dag la yang bdag gi bde ba la sred pas bdag tu chags pas 'dod pa spyod par byed cing bar ma la rten pa ma yin pa lta bu'o/ /des na 'khor de'i nang na gnas pa can bde ba sgrub par byed pa dag la shin tu bde ba sgrub par byed pa nyid yod pa ma yin no/ /gang sred bas skyes bu bdag tu chags pa dang ldan pa sdug bsngal gyi rgyu yongs su spong bar 'gyur pa de ltar na de gang gis 'ga' zhig la shin tu 'dod chags dang bral pa yin/ sbyor pa ni bdag tu chags pa dad ldan pa dang khyad par can gyi bde ba sgrub par byed pa mthong ba can gang yin pa de ni phal cher sdug bsngal sgrub par byed pa la yang de bde ba'i sred pas 'jug par 'gyur te dper na che bas gdungs pa can de nyid chu bsil mo mthung pa las nad shin tu 'phel bar rtog bzhin du yang tu bsal? mo 'thung ba 'am/ bkres pa'i sdug bsngal gyis bzhin par rtogs pa dag kyang khyad par can gyi bde bsgrub par byed pa gzhan med pa na zas du gdan bcas pa za ba lta bu'o/ /skyes bu 'dod chags dang bral bar 'dod pa'i gnas skabs 'di yang bdag tu chags pa dang ldan pa dang/ khyad par can gyi bde ba sgrub bar byed pa mthong ba can yin no zhes bya ba ni rang bzhin gyi gtan tshigs so/ /longs spyod la sogs pa'i rten thams cad ma tshang pa nyid du 'dod pa'am/ med par byad par med pa nyid kyi phyir/ don gyis bdag de 'jig pa nyid yin par 'dod par 'gyur ro/ /bdag nyid 'dod pa gang yin de'i/ /skyes bu bdag
- 118b
tu mngon par chags pa dang ldan pa'i 'o/ /ji ltar de ni 'jig par 'dod/ /myong? dang zhes bya ba la sogs pas med par khyad par med pa nyid ston par byed do/ /chags pa yis ni ji ltar 'dod/ /bdag 'dod pa nyid ma yin no/ /ci 'dra ba zhig ce na/ myong dang tha snyad yon tan dag /kun gyi rten ni ldog pa can/ /nyams su myong ba thams cad kyi rten ldog pa can dang tha snyad thams cad kyi rten ldog ba can dang/ shes rab la sogs pa'i yon tan thams cad kyi rten ldog pa can no/ /ci'i phyir 'jig pa mi 'dod ce na/ 'di ltar chags te/ zhen pa de 'dra'i rang bzhin te ngo bo nyid med do/ /longs spyod la sogs pa'i rten thams cad dang bral ba nyid kyis med par mtshungs par 'gro ba'i bdag nyid can gyi 'dod pa don du gnyer bar byed/ sbyor ba ni gang zhig gang la chags pa dang ldan ba de ni de la nyams su myong ba dang/ tha snyad dang yon tan thams cad kyi rten ldog pa can shin tu 'dod pa ma yin te/ dper na pha bu la chags pa lta bu'o/ /skyes bu 'di yang bdag la chags pa dang ldan pa yin no zhes bya ba ni khyad par byed pa 'gal ba de dmigs pa'o/ /gal te 'di nyid nyams su myong ba dang/ tha snyad dang yon tan gyi rten ldog pa can du 'dod pa de'i tshe/ nges da'i bdag med pa nyid yin par 'dod par 'gyur ro/ /de ltar na rang bzhin med pa las nyams su myong ba dang/ tha snyad dang yon tan thams cad kyi rten ldog pa can yin par khyad par cung zad kyang yod/ ba ma yin no/ /sbyor ba ni gang nyams su myong ba tha snyad thams cad kyi rten gyi bdag nyid ldog pa can yin pa de ni bdag med pa yin te dper na mo bsham gyi blta bu'o/ /skyes bu grol bar 'dod pa? yang nyams su myong ba dang tha snyad thams cad kyi rten gyi bdag nyid ldog pa can yin no zhes bya ba ni rang bzhin gyi gtan tshigs so/ /de bas na gang zhig bdag gang yin pa med par mi 'dod pa nges ni de'i nyams? su myong ba la sogs pa thams cad kyang ldog pa can yin par 'dod par mi bya'o/ /sbyor ba ni gang zhig gang shin
- 119a
tu med par mi 'dod pa de ni nyams su myong ba dang/ tha snyad dang yon tan gyi rten ldog pa can yang 'dod pa ma yin te/ dper na pha de nyid bu la chags pa lta bu'o/ /skyes bu 'dod chags dang bral bar 'dod pa yang bdag shin tu med par mi 'dod do zhes bya ba ni khyab par byed pa mi dmigs pa'o/ /gang gi phyir de lta yin pa de'i phyir/ rnam pa kun tu bdag 'dzin pas/ shin tu bdag la chags pa brtan par byed/ de bas na skyes bu 'di'i bdag tu chags pa ldog pa yin no/ /ci'i phyir zhe na/ 'di ltar bdag tu chags pa'i sa bon de/ bdag tu chags pa zhes bya ba de skabs can rnam par gnas pa yin no/ /gang zhig rgyu gang dang ldan pa de ni de dang ldan par yang 'gyur te/ dper na nad kyi rgyu dang ldan ba nad dang ldan pa lta bu'o/ /skyes bu 'di yang bdag gi chags pa'i rgyu bdag tu chagS pa dang ldan pa yin no zhes bya ba ni rang bzhin gyi gtan tshigs so/ /gal te yang sdug bsngal la chags pa dang bral ba'i phyir/ 'bad rtsol rtsom pa yod pa de lta na yang/ brtson pa yod kyang/ yon tan cha rten phyir/ bdag gi yon tan gyi cha mthong ba'i sgo nas shin tu ma spangs pa'i dus de sred du bdag tu chags pa mngon du mi rgyun yang/ rkyen ji lta ba bzhin du 'jug pa dang mi ldan pa na/ mngon du phyogs pa'i bdag chags bral la gags byed dang/ de skyon la ni bdag gi skyon la sgrib byed min/ bdag tu chags pa dor ba med na/ bdag gis chags pa dor bar bya bar nus pa ma yin no/ /sbyor ba ni gang zhig gang la chags pa dor ba med pa de ni de la chags pa dang bral ba'i phyir brtson pa dang ldan yang/ 'ga' zhig tshe de'i yon tan gyi cha mthong ba'i phyir de la rjes su chags pa dang rjes su sbyor ba dang/ de'i skyon mthong pa la sgrib par byed pa yin te/ dper na bu nyes pa can 'ga' zhig la so so'i skye bo'i chags pa mi 'dor ba lta bu'o/ skyes bu 'dis kyang bdag gi chags ba dor ba med pa
- 119b
yin no zhes bya ba ni rang bzhin gyi gtan tshigs so/ /de ltar ni 'gyur mod kyi/ gal te bdag la chags bral yang/ ji ltar bdag gi dang bral ba de ltar bdag la chags pa yang spong ba nyid yin no/ /des na bdag tu chags pa'i sgo nas gtan tshigs bshad pa thamS cad tshe grub pa yin no/ /zhe na/ de ni 'dir nyes med gang la chags pa dang bral ba'i rgyu ni yod pa ma yin no zhes bya bar bshad zin to/ gzhan yang bdag la chags pa dang bral ba yang bla ste/ de ltar na yang gang la/ 'di la chags pa bral 'gyur na/ de la 'de 'dor ma yin dper bdag bzhin/ /skyes bu bdag la chags pa dang bral du zin kyang bdag spong ba ma yin no/ /de bzhin bdag gi yang chags pa dang bral na yang de dor bar 'gyur ba ma yin pa de ltar na/ de phyir sdug bsngal sgom don med/ /de ltar na sdug bsngal bsgom pa sdug bsngal dor ba'i rgyu mtshan 'dod chags dang bral ba kun nas byed pa'i phyir tshol bar byed do/ /gang gi tshe nges kyang 'dod chags dang bral thob pa yod na yang bdag dor ba nyid ma yin pa de'i tshe/ de dang 'dra bar sdug bsngal bsgoms pas bdag gi yang dor bar mi 'gyur ro/ /sbyor ba ni gang zhig gang yod na yang mi 'gyur ba de ni/ de'i rgyu mtshan can ma yin te/ dper na nas kyi sa bon yod na yang sa lu'i myu gu mi 'byung ba lta bu'o/ /bdag dor ba yang 'dod chags dang bral ba yod kyang 'gyur ba ma yin no zhes bya ba ni khyab par byed pa 'gal ba dmigs pa'o/ /'dis ni 'dod chags dang bral ba las sdug bsngal spong ngo zhes 'di 'khrul par bstan to/ /de ltar ni 'gyur mod kyi 'dod chags dang bral ba yod du zin kyang dod bar nus pa can gyi sdug bsngal dor ba yin gyi/ bdag dor bar nus pa can ni ma yin no zhe na/ de'i tshe sdug bsngal 'jug pa'i rgyu mtshan bdag dang ma bral na de yang ldog pa med pa nyid yin pa de ltar na bdag gi yang dor ba nyid ma yin pa 'am//
- 120a
sdug bsngal 'jug pa'i rgyu mtshan gyi rang bzhin spong bar khas len na 'jig pa'i rang bzhin can yin pas na bdag bdag med pa nyid du thal bar 'gyur ro/ /gzhan yang sdug bsngal bsgoms pas bdag gi la 'dod chags dang bral bar 'gyur zhing/ 'dis kyang bsgoms pas sdug bsngal mngon sum du byed bar 'gyur te/ bsgom pa la sogs pa thabs rtsom pa thams cad kyi 'bras bu ni mngon sum du gnas pa can nyid yin pa'i phyir ro/ /de las lhag ba'i 'bras bu'i khyad par grub pa med pa nyid kyi phyir/ /de'i yod na yang khyad par med pa'i phyir/ 'dod chags dang bral ba mi 'byung ba ni bsgom pas byas pa'i mngon sum las kyang med pa yin no zhes bstan pa'i phyir/ sdug bsngal bsgoms pas kyang de dag ces bya ba la sogs pa smos te/ rnal 'byor pa de dag sdug bsngal nyid ni rnam par bsgom par 'gyur ba ni mngon sum du byed pa yin gyi/ lhag par byed pa nus pa ma yin na? gang las de la 'dod chags dang bral bar 'gyur/ lung las bstan pa'i sdug bsngal gang yin pa de/ gang bsgoms pa bsgom par bya ba gang yin pa/ de sngar yang ni mngon sum nyid/ de'i yin par 'gyur na/ de ltar yang chags bral ldan ma yin par 'gyur ro/ /de ltar na bsgoms pas kyang sdug bsngal mngon sum du byas pa can 'dod chags bral bar 'gyur ba ma yin no/ grol ba'i phyir sdug bsngal bsgom pa tsam ston pa'i bstan bcos kyis mthong ba cung zad kyang bstan pa med de? 'di ltar sdug bsngal bsgom pas rnam par bsgoms pa/ de chags bral ba'i phyir rgyur rtag pa ma yin pa de ltar na de ston par byed pa yin du zin kyang bstan bcos 'bras bu med pa nyid yin no/ /ngo? bo cag gi ni sngar bdag med pa nyid ma mthong ba phyis bsgom pas mngon sum du byas pas 'dod chags dang bral ba'i phyir rigs pa yin no/ /sbyor ba yang gang bdag la chags pa dang ldan pa
- 120b
de ni sdug bsngal mngon sum du mthong du zin kyang de las 'dod chags dang bral bar nye bar 'gro ba ma yin te/ dper na so so'i skye bo'i gnas skabs can gyi skyes bu de nyid lta bu'o/ /sdug bsngal mngon sum du mthong bar 'dod pa'i skyes bu de yang phyis kyang bdag tu chags pa dang ldan pa yin no zhes bya ba ni rgyu 'gal ba dmigs pa'o/ /gal te la lar nyes pa mthong ba las skyes bu 'dod chags dang bral ba mthong ngo/ /des na gang bdag tu chags pa dang ldan ba de ni sdug bsngal mngon sum du mthong du zin kyang zhes bya ba la sogs pa'i sbyor ba la gtan tshigs ma nges pa'am/ ma grub pa nyid yin no zhe na/ de ni de ltar ma yin no/ /de ltar na gal te gcig la'ang/ bdag gi bde ba sgrub par byed pe nyid du khas blangs pa'i yul 'ga' zhig la/ nyes pa 'ga' zhig gis bskad cig de la blo ldog ste/ ji srid nyes pa mthong ba'i bar la rjes su chags pa can gyi skyes bu'i'o/ /de ltar na yang de la yang nyes pa bzung ba can gyi yul la de shin tu 'dod chags bral nyid ma yin par blta bar bya ste/ yul can thams cad kyi chags pa ma spangs pa'i phyir ro/ /yon tan mthong ba las kyang rnam grangs kyi rjes su chags pa can nyid srid pa yin no/ /ci dad 'dra bar zhe na/ 'dod ldan bud med gzhan la bzhin/ dper na 'dod pa dang ldan pa 'ga' zhig bud med gzhan la skyon cung zad mthong bas chags pa dang bral ba/ gzhan la chags pa dang ma bral ba nyid yin pa lta bu'o/ /yul gzhan la 'byung ba can gyi 'dod chags kyi lhag ma ni bud med de la yang 'dod chags skye ba'i rgyur 'gyur ro/ /de ltar na rnam grangs kyis yon tan mthong ba lhan cig byed pa yod na yang dus gcig gi tshe sngar 'dod chags dang bral ba'i yul du gyur pa'i bud med de nyid la yang 'dod chags dang ldan par 'gyur ba de ltar na/ shin tu 'dod chags dang bral ba nyid ma yin no/ /'di ltar blang dang dong?
- 121a
ba'i khyad yod na/ skyes bu 'ga' zhig dor bar bya ba yin/ dper na mngon par 'dod par bya ba ma yin pa'i bud med lta bu'o/ /'ga' zhig blang bar bya bar bya ba yin te/ dper na mngon par 'dod pa'i lta bu'o/ de ltar na blang bar bya ba dang dor bar bya ba sna tshogs pa nyid yod na'o/ /gcig las 'byung can chags gang nyid/ /blangs bar bya bar 'dod pa'i don gyi rjes su 'brang pa can no/ /'dod chags kyi yul gyi rjes su 'byung ba can gyi chags pa de ni/ sa bon ma yin/ de rgyu mtshan yin no/ /rnam grangs kyis bskyed tshe chags rnams kyi sa bon du 'gyur ro/ /'di dus gcig gi tshe bdag gi 'ga' zhig la gang 'dod chags dang bral bar 'gyur ba de ltar na yang/ bdag tu chags pa ma spangs pa nyid kyi phyir/ sa bon de nyid? kyis bdag gi la yang rnam grangs 'ga' zhig gis chags par 'gyur te/ bud med gzhan la bzhin no/ /de bas na de la la la shin tu 'dod chags dang bral ba ma yin/ /sbyor ba ni gang zhig blang ba dang dor ba'i khyad par gyis/ la la la 'dod chags dang bral ba yin du zin kyang la la chags par 'gyur bde ni de'i chags pa de'i ni dus gcig gi tshe/ 'dod chags dang bral ba'i yul la yang rgyud las chags pa skyed pa'i sa bon yin te/ dper na bud med gcig la rjes su chags pa can bud med gzhan la chags pa dang bral ba'i yang rnams grangs kyis kyang de'i yul can gyi 'dod chags skye ba'i chags pa lhag ma sa bon yin pa lta bu'o/ /skyes bu 'dod chags dang bral bar 'dod pa 'di yang blang ba dang dor ba'i khyad par gyis bdag gi chags pa dang bral ba yin du zin kyang bdag la rjes su chags pa can du 'gyur ro zhes bya ba ni rang bzhin gyi gtan tshigs so/ /bdag med pa mthong ba la yang skyon 'di yod pa ma yin te/ bdag med pa nyid mthong bas bdag dang bdag gi thams cad la khyad par med par 'dod chags dang bral ba nyid kyi
- 121b
phyir ro/ /gzhan yang bdag tu chags pa la sogs pa la 'dod chags dang bral ba nyid ma yin no/ /de ltar na bdag skyon med pa yin pa'i phyir/ de la 'dod chags la sogs pa yang skyon yod pa ma yin te/ skyon med pa la chags pa dang/ bdag skyon med pa la chags pa gang yin pa de yang skyon med pa nyid yin no/ /sgrub byed kyang ni/ bdag skyon med pa'i longs spyod sgrub par byed pa dbang po la sogs pa de dag kyang skyon med yin no/ /'gro ba de tsam nyid yin na 'di lta ste/ bdag dang de la chags pa dang dbang po dang lus la sogs pa yin na'o/ /'di la skyon med pa nyid kyi phyir 'dod chags dang bral ba nyid bsgom par bya ba ma yin no/ dor bar bya ba gzhan yang yod pa ma yin pa'i phyir skyes bu de da gang la chags bral 'gyur sbyor ba dag ni gang dang gang skyon med pa'i yul can gyi 'dun pa de ni skyon med pa yin te/ dper na thar pa la 'dun pa lta bu'o/ /bdag la 'dun pa yang skyon med pa'i yul can gyi 'dun pa yin no zhes bya ba ni rang bzhin gyi gtan tshigs so/ /gang dang gang skyon med pa de la 'dod chags dang bral ba sgom par bya ba ma yin te dper na thar pa lta bu'o/ /bdag dang dbang po dang lus la sogs pa yang skyon med pa yin na zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi/ gal te skyon bcas yin na yang /gal te yang bdag skyon med pa'i yul can bdag tu chags pa la sogs pa yin pa de ltar na yang sdug bsngal gyi rten nyid yin pa'i phyir 'di skyon dang ldan pa yin no/ /de bas na gtan tshigs ma grub pa yin te/ sbyor ba ni skyon dang ldan pa gang yin pa de la 'dod chags dang bral ba dang ldan pa yin te/ dper na sprul gyis bzung ba'i sor mo lta bu'o/ /bdag tu chags pa la sogs pa yang skyon dang ldan pa yin no zhes no zhes bya ba ni rang bzhin gyi gtan tshigs so/ /gal te de lta yin pa de'i tshe/ de ste skyes bu grol
- 122a
bar 'dod pa de la bdag kyang sdug bsngal gyi rten gyi mtshan nyid do/ skyon dang bcas par mtshungs pa yin no/ /gang gi tshe de skyon de la chags bral min/ /de la ni bdag la'o gang la bdag tu chags pa la sogs pa 'byung ba'i dang tshul can de'i skyon yod ba zhes bya pa tshig rnam par sbyar re/ /gang gi tshe de la chags pa dang bral ba med pa de'i tshe skyes bu de da gang la chags bral 'gyur/ ji ltar sdug bsngal gyi rgyu nyid yod na'ang/ bdag la 'dod chags dang bral ba ldan pa ma yin pa de ltar bdag gi la yang mi 'gyur ba'i phyir 'khrul par bstan to/ /sbyor ba'ang gang zhig gang yod na yang mi 'gyur ba de ni de'i rgyu mtshan can ma yin te/ dper na nas kyi sa bon yod na yangs lu'i myu gu med pa lta bu'o/ /bdag la 'dod chags dang bral pa yang sdug bsngal gyi rgyu nyid yong na yang mi 'gyur ro zhes bya ba ni khyab par byed pa 'gal ba dmigs pa'o/ /gzhan yang gal te bdag gi la chags pa 'di yon tan mthong ba las 'gyur ba/ de'i tshe skyon mthong ste/ skyon du blta ba dag gi chags pa'i rgyu dang 'gal pa'i phyir/ yon tan mthong las 'byung/ chags pa dang ni 'gal bar 'gyur te/ rnam pa gzhan du ma yin no/ /chags pa de dbang sogs yod na yin na/ yon tan mthong pa las 'byung ma yin gyi/ 'on kyang longs spyod kyi rten nyid yin pa la sogs pa'i sgo nas bdag gi blo skye ba yin na de ji ltar bdag gi chags pa'i rgyu bdag gi blo la sdug bsngal mthong gnod par byed pa ma yin no/ /bdag gi chags pa la gnod par 'gyur/ sbyor ba ni gang zhig gang gi rgyu la gnod pa byed pa ma yin pa de ni de las de nye bar zhi ba ma yin te/ dper na bad kan gyi nad kyi gzhi la gnod pa byed pa ma yin pa mngar zhing bsil la snum pa la sogs pas bad kan gyi nad rab tu zhib ma yin pa lta bu'o/ /sdug bsngal bsgom pa yang dbang po la sogs pa'i yul la chags pa'i rgyu bdag gi blo la gnod pa byed pa ma
- 122b
yin no zhes bya ba ni khyad par byed pa mi dmigs pa'o/ /bdag gi la chags pa'i rgyu mtshan ni yon tan mthong ba yin na/ yon tan mthong ba de la sdug bsngal bsgom pa gnod pa byed pa ma yin no/ /de ltar na ma grub par rigs pa ma yin no/ /ci'i phyir zhe na/ byis sogs la yang yod phyir ro/ /byis pa dang/ phyug la sogs pa bdag dang/ 'brel pa'i mig la sogs pa la yon tan dang skyon du brtags pa dang/ bral ba la yang mig la sogs pa de la chags par 'gyur pa nyid yin no/ /yon tan mthong ba de med par yang 'di yod pa'i phyir nges byas pa ma yin no zhes bya bar rtogs par 'gyur ro/ /skyon ldan la yang yod phyir ro/ /'dis kyang mig la sogs pa bdag gi la yang bdag gi nyid du bzung ba la skyon dang ldan pa yin zhing rab rib dang long ba dang zha ba dang/ gzugs ngan pa la sogs pa'i skyon mthong na yang rjes su chags pa nyid du 'gyur ro/ /de bas na yon tan dang skyon mthong ba las kyang 'di 'gyur pa ma yin no/ /yon tan ldan pa gzhan dag la'ang/ med phyir skyes pa gzhan nyid du mngon par 'dod pa'i mig la sogs pa yon tan dang ldan pa gang yin pa de la gzhan dag gi mig la sogs pa'i yon tan dang ldan pa la yang yon tan mthong ba dag gi yang bdag gi chags pa 'byung ba ma yin no/ /bdag gi nyid yod na yang 'das sogs la ni med phyir ro/ /gang gi tshe bdag gi yang 'das shing zhig par gyur pa la'o/ /sogs pa smos? pas ni rang gi lus las bog pa la sogs pa'i yan lag dang nyid lag de dang 'dra ba khyad par med ba yon tan dang ldan par mtshungs pa dag la bdag gi blo dor pa yod na/ bdag gi chags pa dang bral pa'i phyir/ chags pa yon tan mthong bas byas pa ma yin no/ /de bas na yon tan mthong pa la yang med pa'i phyir dang/ bdag gi shes pa yod na yod pa'i phyir bdag gi blo las byung ba ni yon tan mthong
- 123a
ba'i rgyu mtshan can ma yin pa de ltar na ma grub pa ma yin no/ /sbyor ba dag kyang gang zhig gang med na yang 'gyur ba de ni nges byas par 'gyur ba ma yin te/ dper na nas kyi sa bon med na yang sa lu'i myu gu yod pa lta bu'o/ /yon tan dang skyon brtag pa'i nus pa dang bral ba'i byis pa dag gi mig la sogs pa dang/ lus la sogs pa la bdag gi blo dang ldan pa'i chags pa yang yon tan mthong ba med na yang 'gyur ba yin no zhes bya ba ni khyab par byed pa 'gal pa dmigs pa'o/ /gang zhig gang skyon dang ldan pa la yang de skyon du mthong bar yang 'gyur ba de ni de la yon tan mthong bas byas pa ma yin te/ dper na skyon dang ldan pa la skyon der mthong ba can zhe sdang bar 'gyur ba lta bu'o/ /bdag gi chags pa yang mig la sogs pa bdag gi la skyon dang ldan pa la yang skyon der mthong ba yin no zhes bya ba ni khyab par byed pa 'gal ba yin no/ /gang zhig gang yod na yang mi 'gyur ba de ni nges byas pa ma yin te/ dper na nas kyi sa bon med na yang sa lu'i myu gu yod pa lta bu'o/ /bdag gi chags pa yang gzhan dag gi mig la sogs pa la yon tan du mthong ba yang na yang mi 'gyur ro zhes bya ba ni khyab par byed pa 'gal ba dmigs pa'o/ /gang zhig gang yod na 'gyur zhing gzhan yod na yang de med na mi 'gyur ba de ni nges byas pa yin te/ dper na nas kyi sa bon yod na myu gu 'byung ba lta bu'o/ /bdag gi chags pa yang bdag gi'i mthong ba yod bdag gi chags pa yod cing yon tan la sogs pa gzhan yod pa dang bdag gi blo dor ba dang/ lus 'phos pa la sogs pa yod na yang de med na mi 'gyur ro zhes bya ba ni rang bzhin gyi gtan tshig so/ /de ltar ni 'gyur mod kyi bdag gis chags pa'i yon tan mthong ba ni rgyu ma yin no/ /'on
- 123b
ci yin zhe na/ bdag gi blo nyid yin no/ /bdag gi blo de yang yon tan mthong pa las 'gyur/ /des na sdug bsngal bsgom pas bdag gi'i blo'i rgyur gyur pa yon tan mthang? ba'i rgyud bcad pa las so bdag gi chags pa dang bul ba yin pa de ltar na gtan tshigs ma grub ba yin no zhe na/ de ni ma yin te gang gi phyir gtan tshigs gang dag gis bdag gi'i chags pa'i yon tan mthong ba rgyu ma yin pa/ de nyid phyir yang byis sogs la yang yang phyir ro zhes bya ba la sogs pa'i gtan tshigs de dag gi phyir bdag blo yang/ yon tan mthong ba'i rgyu ma yin no/ /yon tan mthong ba'i rgyu can ma yin pa de phyir/ de yang nyams pa ma yin no/ /bdag gi blo/ ci'i phyir zhe na/ yon tan mi mthong phyir te/ yon tan ma yin pa mthong ba'i phyir ro/ /gang zhig gang gi rgyu la gnod pa byed pa ma yin pa zhes bya ba la sogs pa'i sbyor pa 'dir yang brjod par bya ste ma grub pa yang ma yin no/ /gzhan yang ji srid du bdag tu chags pa dang ma bral ba do srid du bdag gi blo yod gdebs na de srid du bdag gi 'chags pa yang yod pa yin no/ /de yang skyon mthong ba gcig tu 'byung ba'i ngang tshul can la gags byed pa yin ba de ltar na gang las skyon mthong ba yin zhing/ gang gis de las bdag gi chags pa zad par 'gyur/ de ltar na/ yon tan med sgro 'dogs bdag tu chags las der ni bdag gi chags par smad ba yin/ yon tan med par sgro 'dogs? pa las kyang skyon mthong ba'i skabs shin tu med pa nyid yin no/ /de'i phyir grol ba'i phyir brjod pa'i cho ga ste/ gang 'ga' zhig dang ldan pa sdug bsngal bsgom pa la sogs pa'i mtshan nyid can no/ /ci 'dra ba zhig ce na/ de rgyu la gnod med bdag gi yid chags pa'i rgyu mtshan la gnod pa byed pa ma yin pa'o/ /bdag ga'i chags pa de lta ji lta gnod pa yin no zhes bya ba ni 'jug bsdu pa'o/ /kho bo yon tan du mthong ba las chags par mi smra'o/ 'o na ci yin zhe na/ rang bzhin dad skyes bu dag la blo gcig tu byed pa ni chags pa yin no/ /nges na rang bzhin dang skyes bu gzhan du shes pas rang nyid kyi blo 'dor? ba'i
- 124a
phyir 'dod chags dang bral ba yin no zhe na/ 'dir phyi rol gyi don dag la gcig tu zhen pa med na yang phan 'dogs par byed pa tsam gyis rang nyid kyi blos chags pa yin no zhes bshad zin to/ /blo gcig gis byas pa yin pa yang bla ste/ de ltar na yang dbang po la sogs pa la bdag nyid kyi blo gcig pa nyid 'thad pa ma yin no/ /'di ltar skye bo 'di yis dbang sogs las/ /bdag ni tha dad gyur par shes/ /ji ltar zhe na/ mchog gzhan don du gnyer phyir dang/ gang gi phyir sngar thob pa'i mig la sogs pa yon tan med pa las mchog ste/ gtso bo dbang po la sogs pa gzhan dang gzhan don du gnyer ba'i phyir ro/ /'di las bdag gi mig la sogs pa gzhan khyad par can du gyur cig snyam pa yin gyi nga'i bdag gzhan du gyur cig ces ni ma yin no/ /gang gi tshe yang nga'i bdag 'di lta bur gyur cig ces don du gnyer bar 'gyur ba de yang bdag gnas pa'i gnas skabs don du gnyer ba yin gyi /bdag gzhan don du gnyer ba ni ma yin no/ /de'i phyir mig la sogs pa bdag las tha dad pa'i blo dang ldan pa yin no/ /sbyor ba ni gang zhig gang las 'di las khyad par du 'phags pa gzhan du gyur cig ces mchog gzhan don du gnyer ba dang ldan pa de ni bdag las tha dad pa'i blo dang ldan pa yin te dper na lhas byin ji skad du bshad pa'i rim pas 'di las khyad par du 'phags pa gzhan du gyur cig ces pa lang la sogs pa la mchog gzhan don du gnyer ba dang ldan pa lta bu'o/ /skyes bu 'di yang mi la sogs pa la mchog gzhan don du gnyer ba dang ldan pa yin no zhes bya ba ni rang bzhin gyi gtan tshigs so/ /skye 'jig blo can nyid kyi phyir 'dis kyang bdag gnas pa nyid du mthong bas skra dang sen mo dang yan lag dang mig la sogs pa skye ba dang 'jig pa'i blo dang ldan pa nyid kyi phyir gcig tu zhen pa can ma yin no/ /sbyor ba ni gang zhig gang gi gnas skabs kyi blo
- 124b
dang ldan pa yin du zin kyang gang yang skye ba dang 'jig par mthong ba de ni de las dad pa'i blo dang ldan pa yin te/ dper na skyes bu ri po gnas pa la lha'i gnas skye ba dang 'jig pa'i blo dang ldan pa yin pa lta bu'o/ /skyes bu 'di yang bdag gi gnas skabs la glo dang ldan pa yin du zin kyang mig la sogs pa dang skra dang son mo la sogs pa skye ba dang 'jig pa'i blo dang ldan pa yin no zhes bya ba ni rang bzhin gyi gtan tshigs so/ /de phyir kyang bzhin dang skyes bu gcig nyid mthong bas kyang/ bdag gi la chags min/ de med na yang yod pa'i phyir ro/ /sbyor ba ni gang zhig gang med na yang 'gyur ba de ni nges byas par 'gyur pa ma yin te/ dper na nas kyi sa bon med du zin kyang sa lu'i myu gu 'byung ba lta bu'o/ /skyes bu'i bdag gi'i chags pa yang mig la sogs pa dang/ skra dang sen mo la sogs pa blo gcig pa nyid med na yang 'gyur ro zhes bya ba ni khyab par byed pa 'gal ba dmigs pa'o/ /bdag gi rgyu gzhan de yang gang zhe na/ skyes bu chags 'gyur de dag dang/ /dmigs pa'i nang gi yan lag la/ dbang po la sogs pa longs spyod sgrub par byed pa bdag gi la'o/ /ngo bo nyid kyis te/ rang bzhin nyid kyis rjes chags 'gyur/ /nges na bdag tu chags pa bdag yod pa nyid du mthong ba tsam las 'byung ba'i ngang tshul can med pa can ma yin te/ de ni bdag gi la chags pa'i rgyu yin no/ de bdag gi la 'dod chags dang bral ba'i gags byed pa yin pa de ltar na sdug bsngal sgom pa 'bras bu med pa yin no/ /srog chags rnams kyi da ltar gnas pa'i sdug bsngal mthong nas 'dod chags dang bral bar 'gyur ba mthong ba nyid ma yin nam/ /de ji ltar na sdug bsngal bsgoms pas 'dod chags dang bral ba ma yin zhe na/ sdug bsngal da ltar 'byung gang las zhis bya ba smos te/ skyes bu nyes pa mthong ba'i sgo nas yid? 'byung/ gang yin de 'dod chags dang bral bar 'gyur ba ma
- 125a
yin gyi 'on kyang/ sngad yin gyi ci 'dra pa zhig ce na/ 'di ltar na sdug bsngal de las yid mi 'de bas skyo ba de yang zhe sdang yin te/ dper na 'phags pa gnas brtan pa'i sdes yid mi bde ba thams cad ni zhe sdang dang mtshungs par ldan pa yin no zhes bshad pa lta bu'o/ /de 'dra ba ni chags bral ma yin te/ de ni de dang mtshan nyid tha dad pa yin pa'i phyir ro/ /bcom ldan 'das kyis yid mi bde bde 'du ba mi dge ba nyid yin na yang/ dge ba'i chos skye bar byed pa nyid yin pa'i phyir brten par bya ba nyid yin par bshad do/ /gnas skabs gang la yang skyes bu 'di la lar 'di 'byung ba de tshe yang/ 'di'i bdag gi la yang chags yod pa yin no/ /ci'i phyir zhe na/ skabs gzhan tshol phyir ro/ /de ltar gyi sdug bsngal gyi gnas skabs ma rtogs pa'i bde ba'i gnas skabs gzhan tshol ba'i phyir chags pa ma spangs pa nyid yin no/ /de'i yid byung ba'i mtshan nyid can gyi zhe sdang skye ba gang yin pa'i zhe sdang de ni sdug bsngal skye ba'i rgyu dang byed rgyu yin pa de ltar na/ sdug bsngal rgyu nyid phyir te/ gtan tshigs kyi phyir zhe sdang yang shin tu rjes su 'jug pa can ma yin no/ /'o na ci yin zhe na/ de ni de tsam nyid du gnas/ ji srid du 'di sdug bsngal 'jug pa de srid du/ 'di'i yid 'byung ba 'jug par 'gyur ro/ /gang gi tshe yang de 'jug pa'i rgyu dang 'gal ba'i rkyen nye bas/ sdug bsngal ldog par 'gyur ba de'i tshe sdug bsngal de log na ni/ skyes bu de rang nyid kyis/ bdag ga'i tshigs pa las byung ba'i mtshan nyid can gyi/ rang bzhin yang ni brtan par 'gyur de ltar na chags pa dang ma bral ba nyid yin no/ /gal te sdug bsngal las yid byung ba ni zhe sdang yin gyi chags pa dang bral ba nyid ma yin na/ 'dod chags dang bral pa zhes bya ba de yang gang zhe na/ kun? las mnyam par gnas pa la/ chags bral zhes ni brjod pa yin/ /zhes
- 125b
bya ba smos te/ bdag gi dngos po zhes bya ba nye bar len pa'i phung po'i tshogs srid pa la nye bar mkho ba rnams la btang snyoms su gnas pa pa'o/ /ji ltar mnyam par gnas pa yin zhe na/ blang dang dor ba bcom pa'i phyir/ /don 'ga' zhig las skyo ba gang yin pa de ni dor ba yin la/ 'di ni ? da'i'o? zhes bya ba'i 'dzin ba de ni blang ba yin pa de bas na de dag spang ba'i rgyu'i phyir ro/ /de nyid kyi phyir tsan dan dang ni ste'u bzhin/ tsan dan dang ni ste'u dag dang 'dra bar zhes bya ba'i don to/ /de dag 'dod chags dang bral ba yin no zhes bya bar sbyar ro/ /de la skyes bu gcig sems dang ba can gyis/ lag pa gcig shin tu tsan dan gyis byugs pa gzhan rnam par sdong bas lag pa shos shin tu bcad pa de la skyes bu de dag de ltar 'jug pa dag gi nang nas gcig yid byung ba'am/ cig shos la mngon par chags pa med pa de bzhin du tsan? dang/ ste'u la yin te/ 'on kyang gnyi ga la rjes su chags pa dang/ khrong khro ba med pa'i mtshan nyid can gyi btang snyoms su gnas par 'gyur ba de ltar na/ grol bar 'dod pa'i bdag nyid can/ tsan dan dang ste'u dag mtshungs par 'jug par 'gyur ro/ /don de nyid bstan pa'i phyir tsan dan dang ni ste'u bzhin zhes smos pa yin no/ /dgra bcom pa de dag yi rang bar gyur pa zhes brjod pa gang yin pa de yang 'dus byas kyi yul can gyi rjes su chags pa ma yin no// /'o na ci yin zhe na de ni dga' ba yin no/ /gal te sdug bsngal bsgoms pas bdag gi'i chags pa la sogs pa spong ba ma yin na/ ji ltar na rang nyid kyis sngar yon tan skyon dang rjes su 'brel pa'i/ 'dod sdad la sogs spangs pa ni/ /de dag yul la mthong med pa/ zhes bshad pa yin na/ ci bdag nyid kyi sdug bsngal bsgom pas 'dod pa la sogs pa spong ba'i thabs su brjod nas/ yang na sdug bsngal bsgom pa 'di zhi bar byed ba ma yin no zhes brjod pa 'gal lo zhes/ de ni ma yin te 'di ltar yon tan mthong ba bdag nyid kyi bde bsgrub par
- 126a
byed pa nyid ni/ 'di yon tan mthong bar 'dod pa ma yin na/ gang gis na de skyon du mthong ba las chags pa zad par 'gyur /'o na ci yin zhe na /rtag pa dang bde ba dang/ bdag dang/ bdag gi nyid la sogs pa ni yon tan yin zhing de mthong ba yang lhan cig ?? /so sor yon tan du mthong ba/ de'i gnyen po mi rtag pa nyid la sogs par mthong bas spongs pa yin no zhes dgongs pa'i phyir 'gal ba yod pa ma yin no/ /bstan bcos las sdug bsngal la sogs pa'i rnam pa bsgom par bshad pa gang yin pa de yang de dang mtshungs par ldan pa'am/ de dang 'brel pa las de sdug bsngal nyid kyi mtshan nyid can gyi sdug bsngal ma yin gyi 'on kyang sdug bsngal la dgongs nas bstan pa yin no/ /de ni bsgom pa na yang dngos su grol ba'i phyir ma yin// ma bye na nas/ 'du byed sdug bsngal nyid du bzhed nas/ 'du byed kyi sdug bsngal sgom pa gsungs pa yin/ kho bo 'di yang rkyen las byung/ dngos po skad cig ma rnams ni rgyu'i gzhan dbang nyid yin no/ /de ni bsgom pa na yang dngos su grol ba'i phyir ma yin/ 'o na ci yin zhe na/ bdag med lta rten yin/ bdag med pa nyid mthong ba skye ba'i thabs yin te /skad cig mar zad pa can gyi dngos po mi rtag pa rigs pas nges par byas pas mi rtag pa gang yin pa de ni rgyu'i gzhan dbang skad cig ma re rer 'jig pa can byed pa med par 'jug par 'gyur ro/ /de bas na 'di ni bdag gam bdag gi ma yin no zhes bsgoms pa na/ gang zag stong pa nyid du rtogs par 'gyur ro/ /stong pa nyid mthong ba las kyang da dad pa'i zhes bya bar mthong ba med pas 'ga' zhig la yang rjes su chags pa'am/ 'ga' zhig las skyo ba med pa de ltar na/ 'khor ba'i 'ching ba las grol bar 'gyur ro/ /de bas na bdag med pa nyid mthong ba de ni/ stong pa nyid lta bas grol bar gyur gi/ mi rtag pa nyi la sogs pa bsgoms pa lhag ma gang yin pa
- 126b
de dag thad de don yin/ stong pa nyid mthong ba'i 'bras bu can yin no/ /gang kho nas mi rtag pa dang/ sdug bsngal bsgoms dag ni stong pa nyid mthong ba'i thabs yin gyis/ /dngos su grol ba'i rgyu ma yin pa'i gtan tshigs de phyir/ bcom ldan 'das nyid kyis mi rtag pa'i rgyu las sdug bsngal dang /sdug bsngal gyi rgyu las bdag med gsungs dge slong dag 'di lta ste/ gzugs rtag pa'am mi rtag pa yin/ btsun pa mi rtag pa lags so/ /mi rtag pa gang yin pa de bde ba yin nam sdug bsngal yin/ btsun pa sdug bsngal lags so/ /mi rtag pa dang sdug bsngal dang/ rnams par 'gyur ba'i chos can gang yin pa de la 'di ni nga'o/ /'di ni nga'o/ /'di ni bdag go zhes bya ba de ltar blta bar rigs pa ma yin no/ /btsun pa de ni ma lags so zhes bya ba lta bu'o/ /de ltar na mi rtag pa nyid kyi phyir sdug bsngal nyid du rab tu bsgrubs pa bdag med pa nyid mi rtag pa nyid dang/ sdug bsngal ba nyid thabs su gyur pa'i phyir grol ba'i thabs su gsungs pa yin no/ /nges na mi rtag pa dang sdug bsngal nyid shes pa dngos su grol ba'i rgyu ma yin gyi 'on kyang grol ba'i rten du gyur pa stong pa nyid du lta ba'i rgyur gyur pa nyid yin no/ /de tar ma yin ji ltar bdag med pa nyid du gsungs nas gzhan lhag pa de thob par bya ba gsungs par mi 'gyur te/ bdag med pa nyid ya bstan pa gnas par 'gyur ba de ltar mi rtag pa dang/ sdug bsngal bdag la gnas par 'gyur ro/ /grol ba'i 'bras bu can gyi lam gi man dag la bstan pa gnas pa nyid kyi phyir bdag med pa nyid gzhan ston par mdzad par mi 'gyur na/ ston par yang mdzad pa de'i phyir sgom pa lhag ma de don yin zhes bya bar rtogs par bya'o/ /gang gi phyir de ltar sdug bsngal bsgoms pas 'dod chags dang bral pa ma yin pa de'i phyir/ sdug bsngal bsgom pa dang ldan pa bdag dang bdag gi 'dod chags dang bral ba ma yin no/ /chags bral min dang srid ldan dang/ /bdag gi chags pa dang ldan pa gang yin pa de ni rtsom pa kun la bsten pa bde ba dang sdug bsngal thob pa dang
- 127a
yongs su spang ba'i phyir 'jug pa la brten pa'o/ /las 'dod pa dag mi 'dod pa dang/ mngon par chags pa la sogs pa'i nyon mongs pa gso bar byed pa de ltar na/ de nyon mongs las las grol ma yin/ /de dag gis kyang yang srid ba len par byed pa de ltar na/ de 'dra 'khor ba can yin no/ /skyes bu 'dod chags dang bral bar 'dod pa bdag tu lta ba ma spangs pa can no/ /sbyor ba ni gang zhig bdag dang bdag gi chags pa dang ldan pa de ni rtsom pa thams cad la brten par 'gyur te/ dbang na so so'i skye bo lta bu'o/ /skyes bu 'dod chags dang bral bar 'dod pa yang bdag dang/ bdag gi'i chags pa dang ldan pa yin no zhes bya ba ni rang bzhin gyi gtan tshigs so/ /ma grub pa yang ma yin te/ bsgrubs zin pa nyid kyi phyir ro/ /gang sred pa dang ldan pa dang/ rtsom pa thams cad la brten pa ni las dang nyon mongs pa las grol ba ma yin te/ dper na so so'i skye bo lta bu'o/ /skyes bu 'dod chags dang bral bar 'dod pa 'di yang srid pa dang ldan pa dang rtsom pa thams cad la brten pa yin no zhes bya ba ni rang bzhin gyi gtan tshigs so/ /gang srid pa dang ldan pa dang rtsom pa thams cad la brten pa dang/ las dang nyon mongs pa las ma grol ba de ni 'khor ba pa yin te dper na so so'i skye bo lta bu'o/ /skyes bu 'dod chags dang bral bar 'dod pa 'di yang sred pa dang ldan pa dag rtso pa thams cad la brten pa dang/ las dang nyon mongs pa dag las ma grol ba yin no zhes bya ba ni rang bzhin gyi gtan tshigs so/ /de de ltar na re zhig bdag tu 'dzin pa yod na bdag gi dor ba med pa gang gis na grol bar 'dod /dor ba yang bla ste khas blangs nas brjod par bya'o/ /grol bar 'dod pa'i gnas skabs kyi bdag la grol bar bdag ga nyid ni mi 'dod gang/ de gang gi tshe des dor ba de'i dus na bdag gi yin no zhes bya ba de'i tshe rgol ba po/ /'di'i thab po
- 127b
ste/ bdag yod pa ma yin te/ za bar byed pa'i zab po nyid ni longs spyod par bya ba la brten pa can nyid yin pa'i phyir ro/ /sbyor ba ni gang la longs spyad par bya ba yod pa ma yin pa de ni zi ba por yang 'gyur ba ma yin te/ dper na mo gsham gyi bu lta bu'o/ /bdag gral bar 'dod pa'i yang bdag gi'i longs spyad par bya ba yod pa ma yin no zhes bya ba ni khyab par byed mi dmigs pa yin no/ /ci ste yang dus der zab po nyid du khas mi len pa'i phyir/ 'dod pa sgrub pa yin no zhes smras pa de'i tshe 'di 'dod pa ma yin te/ de tshe da'i ste grol ba'i bdag kyang med/ gang gi tshe las rnams mi byed cing las byas pa rnams kyi 'bras bu nyams su mi myong ba de'i tshe de bdag med pa nyid yin pa de ltar na/ bdag gi mtshan nyid las shin tu 'das pa yin no/ /ci'i phyir zhe na/ 'di ltar bya yongs spyod/ bdag gi mtshan nyid can gyi'o/ /gal te de dag med pa yin no zhe na de ni bdag ma yin/ /sbyor ba ni gang zhig bdag mi byed cing rang gis byas pa'i las rnams longs mi spyod pa de ni bdag med pa yin te/ dper na ma gsham gyi bu lta bu'o/ /grol pa yang bdag mi byed cing rang gi byas pa'i las kyi 'bras bu longs mi spyod pa yin no zhes bya ba ni rang bzhin 'gal ba dmigs pa'o/ /yang na mi byed cing las byas pa'i 'bras bu longs mi spyod pa de ni bdag ma yin te/ dper na ri bong gi rwa lta bu'o// bdag grol bar 'dod pa yang mi byed cing las byas pa'i 'bras bu longs mi spyod pa yin no zhes bya ba ni rang bzhin 'gal ba dmigs pa'o/ /gang gi phyir de ltar na mya ngan las 'das pa'i grong khyer thob pa'i phyir /bdag med pa nyid mthong ba nyid lam yin gyi/ /gzhan sdug bsngal la sogs ba bsgoms pa ni ma yin tha/ de phyir grol 'dod/ gal te khyod 'khor ba snying po med pa las grol bar 'dod pa de bas ni 'bad rtsol chen pos bdag med pa mthong ba goms pas 'jig tshogs su ni lta ba
- 128a
dag/ rtsa ba nyid nas bcom par gyis/ ci 'dra ba zhig ce na/ thog med pa'i rgyun can rigs mtshungs sa bon can/ gang las thog ma med pa'i rgyun yod pa de ni thog ma med pa'i rgyun can no/ /'jig tshogs su lta ba gang la rigs mtshungs sa bon yod pa de ni rigs mtshungs pa'i sa bon can te/ rtsa ba na yid nas bcom par bya'o/ /ma rigs pa snga ma sna ma nyid la rten nas phyi ma phyi ma 'byung ba ste/ thog ma med pa'i dus nas 'jug pa zhes bya ba'i don to// //tshad ma rnam 'grel gyi 'grel ba/ bam po nyi shu rtsa gcig pa/ /gang yang 'di skad du kho bo cag ni de 'dra ba'i rigs pas grol ba la/ dper na de phyir de rgyu la gnod med/ /cho ga de la ji ltar gnod ces bya ba lta bu nges par byed pa ni ma yin gyi/ 'on kyang dbang phyug bdag nyid kyis thar ba'i lam dbang bstan pa de nyid las rigs pa 'di nyid kyis grol bar rig par bya'o/ /'di lta ste/ gang zhig dbang dang ldan pa de ni rab tu skye ba 'byung ba rgyun chad pa can yin te/ dper na sngags kyis mngon par 'dus byas pa'i sa bon la sogs pa lta bu'o/ /skyes bu 'di yang dbang dang ldan pa yin zhes bya ba ni rang bzhin gyi gtan tshigs yin bar sems dpa' de'i yang 'di ltar/ lung tsam gyis ni grol bar yang/ /smra la yongs su mgu byed min/ /yongs su mgu bar byed pa ma yin no/ /gang dag la zhe na/ lung ni de lta bu'i ngo bo'i rgyu ma mthong ba rnams la ni/ rtog pa dang ldan pa grol bar 'dod pa rnams ni lung rnam pa de lta bu dang ldan pa nan tan du bya ba'i ngon rnams la rigs pa shes pa tshad mar byed pa ma yin te/ de la 'brel pa med pas the tsom za bar byed pa nyid yin pa'i phyir ro/ /de yang rgyas par bstan zin to/ /gang yang dbang dang ldan pa de ni rab tu skye ba 'byung ba rgyun chad ba can no zhes bya ba ni rang bzhin gyi gtan
- 128b
tshigs bshad pa gang yin pa de yang bzlog na gnod pa can gyi tshang ma mthong bas khyab pa ma grub pa'i phyir ma nges pa yin no/ /sa bon sogs grags chog ni/ /sa bon la sogs pa la mi skye ba'i rgyu dbang la sogs pa'i mtshan nyid can mthong ba 'di yang nus med/ yin gang la zhe na/ skyes bu mi skye la sa bon la sog pa la nus pa mthong ba de ltar skyes bu'i yang srid pa med pa la yang nus pa med par yin no/ /ci'i phyir zhe na/ til mar bskus sogs bsregs la sogs pa yang grol bar thal phyir ro// sa bon la sogs pa'i til mar gyis bskus pa dang/ bsreg pa dang phye mar byas pa dang/ bcos pa dang brtag pa la sogs pa yang skyed par byed pa ma yin pa de ltar na/ 'o na 'dir yang til mar gis bsdus pa la sogs pa'i nus pa mthong ba las skyes bu rnams grol bar 'dod par 'gyur na de yang mi 'dod do/ /de ltar na dbang ba las 'gyur ba ma yin no/ /skyes bu snar sdig pa byed pa can las bla mas sdig pa blangs nas/ sbyin sreg gis de rnam par bcom pa dang/ skyes bu de phyis srang dang bskar ba na snga ma'i gnas skabs las yang bar 'gyur ba zhes na 'di'i sdig pa zad pa yin pa de'i phyir sdig pa zad pas grol ba yin par rtogs par bya'o zhes brjod pa gang yin pa de yang des pa nyid ma yin no/ /de ltar na skyes bu 'di'i lci ba nyid med kyi/ cho ga 'dis sdig pa bcom pa yin no zhes bya ba'i nges pa gang las yin gzhan yang lce ba nyid ni sa dang chu'i chos nyid yin gyis sdig pa'i chos ma yin pa de bas na sdig ci min/ ci'i phyir zhe na/ lus can min phyir te/ lus dang ldan pa la la yang lci ba ma yin na/ gang las lus med pa yang lci ba yin tshwe? la sogs pa'i bdag nyid rang bzhin nyid kyis lcag ba de dag kyang sdig pas bsgoms pa ma yin pa de dag ni cing yang mi rung ngo/ /sbyor ba yang gang lus ma yin pa de ni lci ba ma yin te/ dper na nam mkha' lta
- 129a
bu'o/ /sdig pa yang lus can ma yin no zhes bya ba ni khyab par byed pa 'gal ba dmigs pa'o/ /gzhan na yang dbang gi mtshan nyid can gyi cho ga yang srid par nyid mtshams sbyor ba'i rnam par gags byed pa med pa ma yin pa de ltar na skye ba gzhan cung zhig kyang yod pa ma yin no/ /'o na ci yin zhe na/ 'di las sman gnas 'gro ba skye ba ni/ skye mched drug dang de dang lhan cig 'byung ba lnga la sogs pa'i gnas su nye bar 'gro bar skye ba yin no zhes bshad zin to/ /de yang log shes dang mi de las byung/ srid dang sems pa'i dbang dag gis/ /sdug bsngal la phyin ci log pa'i blo dang mtshungs par ldan pa'i sems dang log pa'i shes pa de las 'byung ba'i srid pa 'dod pa dang mtshungs par ldan pa'i sems dpa' de dag ni skye ba'i rgyu yin no zhes de yang bstan zin to/ /de phyir de bcad skye mi 'gyur/ /de gcod par byed pas na de bcad pa ste/ skyes bu'o/ /srid dang phyin ci log gi blo de dag med pa gang yin pa de ni dman pa'i gnas yongs su khon pa ma yin zhes bya ba'i don to/ /gang zhig gang yod na 'gyur zhing med na mi 'gyur ba de ni de tsam las 'byung ba'i dang tshul can yin no/ /srid pa dang phyin ci log pa'i blo dang mtshungs pa ldan pa'i sems pa dag yod pa dang med pa'i rjes byed pa can skye ba yin pa de ltar na/ de tsam las 'byung ba'i dang tshul can yin no/ /de tsam las ni 'byung ba'i phyir/ /skye la de dag nus nyid yin/ /ji skad bsad pa'i sems pa dag go/ de yang snga rab tu bsgrubs zin pa yin no/ /gal te skye ba'i rgyu sngon byas pa'i las kyang yod pa ma yin nam ji ltar na de de tsam las 'byung ba'i ngang tshul can nyid yin zhe na/ de la gzhan pa'i 'das pa'i las cung zad tsam yang yod pa ma yin gyi 'on kyang sems pa'i mtshan nyid can gyi las snga ma snga ma mngon par 'dus byas pa las phyi ma phyi ma phul du
- 129b
byung ba dang ldan pa'i phyir ji srid ji skad du bshad pa'i sems pa de dag rang nyid las tha ma'i nus pa'o/ /sngon gyi yang de dag rgyu yin no/ /de 'dra ba'i las ni dbang dang ldan pa yang yang yod pa yin no/ /yin phyir tshad pa skye rgyu yin/ yang skye ba nyid yin no/ /sbyor ba ni gang la rgyu tshang ba gang yod pa de ni de las byung ba yin te/ dper na skyes bu mig gi rnam par shes pa'i rgyu tshad pa'i mig gi rnam pa shes pa lta bu'o/ /skyes bu dbang dang ldan pa la yang log pa'i shes pa dang de las byung ba'i srid pa'i sems pa'i mtshan nyid can gyi skye pa'i rgyu tshang ba yod pa yin no zhes bya ba ni rang bzhin gyi gtan tshigs so/ /'gro dang rtags pa'i ste /gnas las gnas gzhan du phyin pa dang khong du chud pa'i'o/ /byed pa ni mig la sogs pa'o/ /ci rigs par rten yin te rgyu yin no/ /rtogs pa dang mngon par 'dod pa'i gnas byin pa sgrub par byed pa de dag chos dang chos ma yin pa'i mtshan nyid ma mthong ba las 'gyur ba yin na/ /ma mthong ba dbang po la sogs pa'i mtshan nyid can cho gas 'jig pa'i rgyu'i phyir/ /rgyu dang 'bras bu'i tshogs par 'gro ba dang rtogs pa'i rten yod pa ma yin no/ /de bas na dbang dang ldan pa ni dman pa'i gnas su 'gro ba med pa ma yin no/ /de ni dge ba dang mi dge ba rnam pa nyi shu'i 'jig pas skyed pa'i 'du byed yin te/ ma mthong ba yin gyi khyed cag gis bstan pa'i sems pa min de ltar gtan tshigs ma grub pa yin/ /sbyor ba ni gang zhig gi gang rgyu yod ba ma yin pa de ni de yid mi 'gyur te/ dper na mig la mig gi rnam par shes pa'i rgyu yod pa ma yin pa'i skyes bu'i mig gi rnam par shes par mi 'gyur ba lta bu'o/ /skyes bu'i dbang la yang 'bras bu dang byed pa'i tshogs pa skyed pa'i rgyu ma mthong ba yod pa ma yin no zhes bya ba ni rgyu mi dmigs pa'o/ /gang 'bras bu dang byed pa'i sogs pa dang bral ba can de ni 'gro ba dang rtogs pa byed pa ma yin te/ /dper na nam mkha'
- 130a
lta bu'o/ /skyes bu dbang bskur ba shi ba yang 'bras bu byed pa'i tshogs pa dang bral ba can yin no zhes bya ba ni khyab par byed pa 'gal ba dmigs pa'o/ /yul gzhan las mngon pr 'dod pa'i yul du 'gro ba'i mtshan nyid can gyi byed pa skyed phyir skye ba yongs su yin pa'i bdag nyid can gyi phyir/ yod med kyi rjes su 'jug pa ste/ 'bras bu dang byed pa'i tshogs pa 'dod pa'i yul thob pa ni yod pa dang med pa'i rjes su byed pa can yin zhes bya ba ni don to/ /gang yod pa dang med pa'i rjes su byed pa yin zhe na/ log pa'i shes pa dang/ srid pa'i sems pa dang mtshungs par ldan pa'i blo'i'o/ /de bas na bras bu dang byed pa dun nas thob pa'i phyi blo'i nus pa mthong ba yin gyi gzhan du min/ /dge ba la sogs pa 'jug pas bskyed pas 'du byed ni ma yin no/ /de dbang gi blo yod pa dang med ba'i rjes su byed pa 'jug pa gang yin pa der yang de dag cis ma 'gro/ /byed pa rnams skye pa'i yul du ci'i phyir 'gro bar mi byed/ 'gro ba khon yin no zhes bya bar 'dongs so/ /de'i phyir gzhan gyis rab tu sbyar ba'i gtan tshigs ma grub pa yin no/ /sbyor ba ni gang zhig gang yod na 'gyur ba de ni de las 'gyur ba yin te/ dper na mig yod pa na mig gi rnam par shes pa 'byung ba lta bu'o/ /skyes bu dang pod skyed pa 'bras bu dang byed pa'i tshogs pa la yang log pa'i shes pa dang/ de las byung ba'i srid pa'i sems pa dang mtshungs par ldan pa'i sems yod na khyad par can gyis gnas su 'gro ma thob pa la sogs pa 'gyur zhing/ dri med na mau gsham gyi bu bzhin mi 'gyur ro zhes bya ba ni rang bzhin gyi gtan tshigs so/ /de ltar ni 'gyur mod kyi/ gal te ji skad du shad pa'i mtshan nyid can gyi blo 'bras bu dang byed pa'i tshogs pa mngon par 'dod pa'i gnas su 'gro ba thob pa la sogs pa'i rgyu mtshan yin pa de ltar na yang de'i tsha las 'byung ba'i tshul can nyid ji skad
- 130b
du bshad pa'i 'bras bur 'gyur ba ma yin te/ 'bras bu dang byed pa dag gi skye ba thob pa'i phyir gzhan la yan bltos pa'i phyir ro/ /sa bon yod na myu gu 'gyur zhes bya bas sa bon nyid myu gu skyed par byed pa'i skyed par byed pa ni gzhan la yang bltos pa'i phyir ro/ /de lar blo yang dbang bskur gyis yang srid pa skyed pa'i nus pa ma bcom pa can bdag gi yon tan la sogs pa'i khyad par la bltos nas 'bras bu byed pa'i dang tshul can yin no/ /gang gi tshe dbang bskur gyis bdag la sogs pa'i rang bzhin bcom pa de'i tshe/ nus pa med pa de bas na ma nges pa yin no zhe na/ gal te dbang gis rang bzhin pa nyid yin pa'i phyir blo de ni byed pa 'phen par byed pa 'am/ mngon par 'dod pa'i gnas thob par byed pa la nus pa med pa de ltar na ni/ nus med dbang la sogs de ma thag tu sogs pa smos paS ni grol bar bya ba'i phyir sngags kyis 'dus byas pa 'ga' zhig 'dod pa gang yin pa bzung ste/ de'i de ma thag tu'o/ /de dag gi zhes bya ba ni rgyu dag gi'o/ /'dzin 'phen 'khrug dang 'gag pa dang/ sems pas 'gyur gyi dbang gis min/ rang gi yul 'jug pa las bzlog pa med pa'i 'jig pa'o/ /'phen pha ni rang gi yul la 'jug par byed pa'o/ /'khrul pa ni bsnun pa dla sogs pa blo'i gyur bskyed pa'o/ /'gog pa'i ni blo'i rjes su mthun pa yod pa ni yang 'khrul pa ldog pa yin no/ /de dag sems kyi dbang gis te sems dang rjes su 'brel pas byed pa la sogs pa'i rang bzhin la gnod pa med pa'i phyir dbang bskur ba dag gis dbang bsur ba'i blo las mi 'gyur na/ dbang bskur ba rnams dbang bskur bas rang bzhin la gnod pa byed pa med par yang blo las 'gyur ba de ltar na/ de dag la bltos pa dang bcas pas skye ba can ma yin no/ /sbyor ba ni gang zhig gang med na yang 'gyur ba de ni de la bltos pa med pa dang /de las gzhan gyi rgyu can yin to/ /dper na nas kyis sa bon
- 131a
med pa na yang sa lu'i sa bon yod na sa'i myu gu 'byung ba lta bu'o/ /dbang bskur bdag gi byed pa rnams kyi 'dzin pa dang 'phen pa la sogs pha dag kyang mngon par 'dus byas pa med pa'i rang bzhin gyi khyad par med na yang blo khyad par dang/ ji ltar 'jug pa bzhin du byed pa'i rgyun yod na yod par 'gyur ro zhes bya ba ni rang bzhin gyi gtan tshigs so/ /de'i phyir ma nges pa nyid ma yin no/ /bltos par bya ba nyid du nye bar bkod pa'i rang bzhin gyi khyad par gzhan ni byed pa 'phen pa'i blo la lhan cig byed pa med pa'i phyir ro/ /de ltar na 'gyur mod kyi/ ci ste de che blo med phyir/ mi 'gyur skyes bu dbang bskur 'chi ba'i dus de'i tshe byed pa rnams 'phen par byed pa gang yin pa'i blo nyid med par 'gyur ro/ /de bas na blo med pa'i phyir byed pa rnams 'phen pa la sogs par mi 'gyur ro zhe na/ de'i tshe blo ci'i phyir med pa yin/ 'di ltar dri ma rnams kyis blo/ /mtshams sbyor srid pa la phyid pa rnams 'phen par byed pa'o/ /log pa'i shes pa bdag tu chags pa la sogs pa'i nyon mongs pa de'i gnas skabs can gang yin pa de dag ni blo mtshams sbyor bar byed pa nyid yin pa de ltar na byed pa rnams 'jug pa yod pa yin no/ /ci ste dri ma de dag blo nyid mtshams sbyor bar byed pa de la nus pa med pa nyid du 'dod pa de'i tshe blo la/ de rnams nus med na/ skyes bu dbang bskur ba de/ gson pa nyid kyi'ang nus med 'gyur/ dri ma de dag blo 'phen par byed pa nyid mtshams sbyor ba la nus pa med par 'gyur na/ 'di ltar nus pa nyid yin te/ log pa'i shes pa dang srid pa'i dbang gis dbang bskur ba rnams kyang 'jug pa mthong ba'i phyi ro/ /de ltar na dbang bskur ba des de dag 'byung ba 'ga' zhig la'am/ rang gi ngo bo la gnod pa byed pa ma yin na gang gis na dri ma de rnams nus pa med par 'gyur/ 'on kyang khyung ba ma tshang ba med pa de 'dra ba yin te/ de dang rigs
- 131b
mtshungs pa'i rgyu ma tshad ba med pa'i phyir/ rang gi sa bon rgyun can skyon /'di las 'phel bar 'gyur bas na rgyun no/ /gang dag la rang gi sa bon gyi rgyun yod pa de dag ni de 'dra ba ste/ rigs mthun pa'i sa bon la dag lus pas 'jug pa can gyi skyon rnams ni dbang bskur ba la yang ldog pa med/ dbang bskur du zin kyang yod pa nyid yin no/ /dbang bskur ba dri ma rnaMs la gnod pa can ma yin no zhes bya ba de la gang las yin/ 'di ltar rigs mthun pa'i rgyun can de'i tshe yang yod pa nyid yin no zhe na/ bshad pa 'ba' zhig gi tshe/ gnyen po dang ni rang gi phyogs/ /'phen na phul byung 'grib phyir ro/ /gnyen po'i phyogs bdag med? pa mthong ba 'phel ba yod na 'grib par 'gyur zhing/ rang gi phyogs log pa'i shes pa dang sred pa la sog pa'i 'phel ba na 'phel bar 'gyur ro/ /des na bdag med pa mthong ba nyid de dag gi gnyen po'i phyogs yin zhing rang gi phyogs ni rgyu yin no/ /dbang bskur gnyen po'i phyogs ma yin zhing dbang bskur ma yin pa rang gi phyogs kyang ma yin pa 'jug par 'gyur na gang gis na dbang bskur ba'i nyams par 'gyur zhing dbang ma bskur ba'i 'jug par 'gyur/ sbyor ba ni gang 'phel ba na 'phel ba dang 'grib par 'gyur ba de ni de'i gnyen po'i phyogs can dang rgyu can yin te/ dper na chu 'phel ba dang bud shing sngon du song ba can gi me'i khyad par 'phel ba na me phul du byung ba dang/ 'grib pa rjes su thob pa na da ni de'i mi mthun pa'i phyogs can dang de'i rgyu can yin pa lta bu'o/ /log par shes pa la sogs phyir 'byung ba dag kyang bdag med ba mthong ba dang/ log pa'i shes pa dang srid pa'i sems pa sngar gyi 'phel ba na phul du byung ba dang 'grib par 'gyur ro zhes bya ba ni rang bzhin gyi gtan tshigs so/ /de bas na snar byung ba can gyi dri ma rnams kyis byed pa 'phen bar byed pa'i blo'i rgyu dri ma gzhan 'jug par byed cing de dag la byed pa 'phen par byed pa'i
- 132a
blo 'jug bar byed do/ /de bas na mngon par 'dod pa'i gnas su byed pa rnams 'phen pa dang/ de bzhin du byed pa 'phangs bdag las khyad par can gyi gnas thob pa de yang skye ba yin pa de ltar na dbang bskur ba 'khor ba nyid las ma grol ba yin no/ /gal te bdag kyang 'di la nye bar sbyor ba yod pa de ltar na de ci'i phyir lhag mar byas pa yin zhe na/ gang gis na 'jug pa dang ldan pa dang ldog pa dang ldan pa de tsam nyid ni bdag gi ngo bo yin no/ /byin gyis rlabs pa po nyid dam 'phrod pa 'du ba can gyi rgyu nyid dam nye bar sbyor ba gzhan 'ga' zhig gis phan 'dogs par byed pa'i bdag cung zad kyang yod pa ma yin na gang gis na de yang 'dir nye bar sbyor ba can du brjod par 'gyur/ /ci'i phyir zhe na/ 'di ltar dngos po rtag pa rtag tu nus pa lhan cig byed pa'i rgyu la bltos pa? med nyid phyir/ de'i 'bras bu/ rim bzhin skye ba 'gul ba yin /de ltar na de mang du dpyad zin to/ /'bras bu dang byed pa'i tshogs rim bzhin du dang tshul can 'di'i yang 'dir 'di byed pa po nyid ma yin no/ /byed dang mi byed dus dag tu/ /'bras bu mngon par 'dod pa dang 'dod pa ma yin pa byed pa dang ma byed pa'i dus dag la 'di'i bdag nyid dag ni 'dra ba dang/ mi byed pa'i dus las khyad par med pa'i phyir phyis kyang 'di byed pa 'ga' bar 'gyur zhes ltar dngos de rgyu yin pa/ de ltar da nyid gang gi tshe rgyu min de ni gang gi zhes bya ba'i skabs su bshad zin to/ /rgyu dang 'bras bu gcig nyid kyang 'gal ba yin no/ /de ltar na bdag rtag pa'i byed pa'i gnas skabs gang yin pa de ni rgyu yin zhing de nyid longs spyod pa'i gnas skabs gang yin pa de 'bras bu yin na gnas skabs 'di nyid la khyad par med pa yin te/ rtag pa nyams pa'i phyir ro/ /de nyid kyi rgyu'i rang bzhin gang yin pa de 'bras bu yin pa de ltar na rgyu dang 'bras bu tha dad pa med pa 'gal ba yin/ /de ltar ni 'gyur mdo
- 132b
kyi bdag las byed pa dang de'i 'bras buAng gzhan yin pa de ltar na 'dod pa la sgrub pa nyid yin no zhe na/ de de ltar na bdag de las de dag ste/ byed pa longs spyod dag ldog par khas len na byed pa dang longs spyod ba de dag la bdag nye bar mi sbyor ba de ltar na de ni byed ba po zab po nyams dang/ byed pa po mi 'dod pa gang yin pa des kyang don gyis de byed pa po nyid yin par khas len par 'gyur te/ skyes bu'i 'dod pa de nyid las rang bzhin 'jug par khas blangs pa'i phyir ro/ /de ltar na ma grub pa dang grub ba la sgrub pa ma yin no/ /sbyor ba ni gang zhig gi rgyu yin pa de ni de nyid ma yin te dper na skyes bu'i 'dod pa nyid gtso bo'i 'jug pa nyid ma yin pa dang/ yul nyid yul long spyod pa'i mngon pa gsal ba ma yin pa dang/ thags mkhan nyid snam bu ma yin pa lta bu'o/ /byed pa po'i gnas skabs kyi bdag kyang longs spyod pa'i gnas skabs kyi rgyu yin no zhes bya ba ni rang bzhin 'gal ba dmigs pa'o/ /gang zhig gang la rang gi bdag nyid kyis nye bar sbyor ba ma yin pa de ni don dam pa de dang 'brel ba can du mi 'gyur te/ dper na rang gi bdag nyid kyis bya ba dang/ longs spyod pa rjes su sbyor bar mi byed pa ni shin tu med pa yin pa lta bu'o/ /bdag kyang rang gi bdag nyid kyis bya ba dang longs spyod dag la nye bar sbyor ba ma yin no zhes bya ba ni khyab par byed pa 'gal ba dmigs pa'o/ /bdag rtag pa nyid kyi phyir ldog pa can gyi mtshan nyid can gyi/ nus pa can ni 'grub mi 'gyur zhes bya ba rtag pa zlog pa nyid med phyir/ /nus pa nyid rtogs par dka' zhes bya ba'i skabs su bshad zin to/ /gang yang gal te gcig 'ga' zhig kyang yod pa ma yin pa de'i tshe gzhan gyi nyams su myong ba gzhan gyis dran pa lam gzhan gyis mthong ba gzhan gis ngo shes pa 'am/ gzhan gis byas pa gzhan gyis myong ba ma yin no/ /sogs pa smos pas ni gzhan the tshom za bar gyur pa la gzhan gyis ngas pa ma yin no zhes pa de ltar na/
- 133a
gzhan gyis dran dang longs spyod sogs thal ba 'am/ gzhan gyis gnod ba can du brjod pa gang yin pa de gnod pa can min/ /ci'i phyir zhe na/ skyes bu nges 'ga' dran pa med phyir ro/ /phyis kyang nyams su myong ba'i don skyes bus dran pa med do// gang skyes bu 'ga' zhig gis nyams su myong ba'i don phyis dran ba med pa de ltar 'dod pa de bas grub pa la sgrub pa yin no/ /'o na ji ltar de dran pa yin zhe na/ nyams su myong las dran pa 'byung/ zhes bya ba smos te/ dran pa nyid dran pa yin te nyams su myong ba gsal bas nus pa phyi ma phyi ma ches shin du ba'i yid kyi rnam par shes pa bskyed pa'i sgo nas phyis rkyen ji lta ba bzhin du dran pa bskyed par byed do/ /gang gi khyer de ltar nyams su myong ba las dran pa skye ba de bas na gcig 'ga' zhig nyams su myong ba nyid dran par byed pa ma yin no/ /'dir dngos po'i rkyen yin na yang byed pa po la bltos pa ma yin te/ snga phyir gyur pa'i 'du byed rnams la rnams par 'ga' zhig la sgo btags pa la 'jug pa de ltar na de las dngos po'i rang bzhin grub pa ma yin no/ /sgra las don gnas par 'dod pa gang yin pa de nyid la sgyon 'di yin na gang gis na don gyi de lta bu'i ngo bo med par de lta bu'i tha snyad 'jug pa 'gyur/ kho bo cig la ni brdar? btags pa'i don rnams la 'ga' zhig tu mngon par bzhin pa de ltar ni 'jig rten ji lta ba bzhin du tha snyad 'dogs pa'i phyir gnod pa med pa nyid yin no/ /byis pa so so'i skye bo dngos po'i de kho na nyid yongs su brtag pa la rgyas kyis phyogs pa'i blo can kun rdzob la zhen pa dag tha snyad la brten nas de kho na nyid rnam par 'jog par nus pa ma yin te/ tshad ma dang 'gal ba'i phyir ro/ /gang gi phyir 'di ltar log ba'i shes pa dang sred pa dang sdug bsngal gyi rgyu dag la dbang bskur ba la sogs pa'i cho ga gnod pa can ma yin zhing/ gnod pa can ma
- 133b
yin pa'i phyir bcom pa ma yin la bdag med pa nyid mthong ba gnod pa can yin pa de'i phyir de goms par gyur pa las yang srid pa yod pa ma yin no/ /'di rnam pa mang du gnyen po'i phyogs nyid yin par rab tu sgrub zin pa de ltar na yang ji lta de sdug bsngal gyi rgyu'i gnyen po'i phyogs yin pa de ltar bstan pa'i phyir bden ba bzhi la zhes bya ba la sogs pa smos te/ de la re zhig sdug bsngal gyi rgyu ni srid pa yin no zhes bstan zin to/ /de yang ma rig pa las byung ba 'am/ ma rig pa'i khyad par yin grang na/ rnam pa gnyi ga ltar yang ma rig pa dang 'gal ba'i bdag med pa nyid mthong ba ni sred pa dang 'gal ba yin no/ /'gal ba de yang dmigs pa'i rnam pa phyin ci log ba'i sgo nas yin no/ /ma rig pa des kyang sdug bsngal la rtag pa zhes bya ba'i rnam par 'dzin par byed do/ /'dis ni mi rtag pa las bzlog par sgro btags pas bshad pa yin no/ /bzlog pas rtag pa zhes brjod par bya ba la brtan pa smos pa ni gal te skad cig ma las dus phyis gnas pa'i dang tshul can du skyes pa thams cad rtag pa nyid do zhes bya ba'i don to/ /bde dang zhes bya ba'i zag pa dang bcas pa ma yin pa 'am/ skad cig ma re re la rgyu'i gzhan gyi dbang la phyin ci log tu btags pa'o/ /de zhes bya ba ni bdag med pa la phyin ci log pa'i sgo nas/ /de'i zhes bya ba 'dis ni stong pa nyid kyi rnam pa la phyin ci log pa'i sgo nas so/ /re shig de ltar sdug bsngal gyi bden pa la mi shes pa mi rtag pa la sogs pa'i rnam ba las phyin ci log tu sgro 'dogs pa yin no/ /sogs pa smos pas ni srid pa'i mtshan nyid can sdug bsngal gyi rgyu kun 'byung ba ma yin pa dang/ rgyu nyid ma yin pa dang/ byin nyid ma yin pa dang/ rab tu skye ba ma yin pa sgro btags pa dang/ de bzhin du 'gog pa dang lam gyi bden pa dag la yang bdag nyid ji lta ba bzhin gyi rnam pa bzhi dag la phyin ci log tu sgro
- 134a
'dogs par bzung ngo/ /de de ltar na/ bden pa bzhi la brtan pa dang/ bde dang de dang de'i zhes sgos yang dag min pa rnam bcu drug/ sgro btags nas ni/ mi shes pa'i phyir bde ba la sogs pa yongs su srid pa 'dis ni lam la byin ci log ba'i ma rig ba bstan cing /de las byung ba de dang de'i rang bzhin gyi srid pa sdug bsngal gyi rgyu 'gyur ba bstan to/ /de nyid kyi phyir lam ma rig pa dang 'ga' bar gyur pa na sreg pa dang yang don gyis 'gal ba yin no zhes bstan to/ /de nyid la ni zhes bya ba la sogs pas ma rig pas sgro btags pa'i rnam pa las phyin ci log tu dmigs pa nyid kyis lam gnyen po'i phyogs nyid du bstan pa yin te/ bden pa bzhi po/ de nyid la ni de 'gal don/ /de nyid rnam pa rjes rtogs can/ /don yang dag pa'i rnam ba ni don gyi de kho na nyid kyi rnam ba ste mi rtag pa la sogs pa'o/ /de dag dang 'gal ba ni ma rig pas bstan pa la sogs pa'i rnam par sgro btags pa gang yin pa de rnams dang 'gal ba yin te/ de'i rnam pa'i rang bzhin dang phyin ci log pa'i rang bzhin can yin no zhes bya ba'i don to/ /rnam par de rjes su rtogs shing khong du chud 'ang shes pa'i dang tshul can gang la yod pa de ni bdag med pa mthong ba'i mtshan nyid can gyi yang dag lta ba de la de sad ces bya'o/ /'dis ni sdug bsngal gyi rgyu'i rang bzhin las phyin ci log pa yin pa'i phyir gnyen po'i phyogs su sbyar ba yin no/ /gang gi phyir 'di gnyen po'i phyogs yin gyi/ dbang bskur la sogs pa'i cho ga ma yin pa de'i phyir dang nyid/ /legs sgoms yang dag lta ba yis/ /gang gi tshe yang dag par bsgoms pas de'i gang nyid du gyur ba de'i tshe/ srid pa'i rjes 'breng bcas 'joms byed/ /sdug bsngal gyi rgyur gyur pa ser sna dang phrag dog la sogs pa'i nyes pa dang bcas pa'i/ /rgyu gsum can/ skye ba'i mtshan nyid can gyi sdug bsngal
- 134b
gang la las dang nyon mongs pa dang/ lus de rgyu gsum yod pa de ni rgyu gsum can no/ /bdag dang bdag gir lta ba'i chags pa la sogs pa'i nyon mongs pa spangs pa yod na/ skye ba dag ni mi 'byung ste zhes bya bar sbyar te/ yang sna na med pa'i skye ba 'byung ba med do zhes bya ba'i don to/ /las dang lus dang gnas na yang/ /rgyu nyid du mngon par 'dod pa lhag ma yang na yang/ gcig med phyir na/ nyon mongs pa'i mtshan nyid can gyi rgyu gcig med pa'i phyir nyon mongs pa spang ba can dag gi rgyu ma tshang ba yod na yang srid pa 'byung ba ma yin no/ /ci 'dra bar zhe na/ sa bon med par myu gu bzhin/ /dper na sa la sogs pa'i rgyu lhag ma yod du zin kyang sa bon gcig ma tshang ba'i phyir myu gu mi skye ba de dag 'dra'o/ /sbyor ba ni gang rgyu mtshang? ba can de ni 'byung ba ma yin te/ dper na rgyu mtshan? ba? can gyi myu gu sogs pa lta bu'o/ /bdag dang bdag gir lta ba'i chags pa la sogs pa spangs pa can gyi yang srid pa yang rgyu ma tshang ba can no zhes bya ba ni khyab par byed pa 'gal ba dmigs pa'o/ /'o na gal te gang gi che las dang lus dag kyang rgyu nyid yin na /gcig med na yang mi skye ba de'i tshe/ 'di dag zad pa las kyang grol bar brjod pa gang yin pa de dag rigs pa nyid smra ba yin no zhe na /de ni las dang lus dag spong min te/ nus pa 'am rigs pas spong bar byed pa ma yin na gang gis na de dag spangs pas yang srid par mi 'gyur/ ci'i phyir zhe na/ gnyen po'i phyogs ni med phyir dang/ /rtog pa sngon du gtong ba can 'di spong par 'dod pa gang yin pa des ni de dag gal te gnyen po'i phyogs shes par 'gyur ba de'i tshe spong bar bya ba'i phyir/ de'i gnyen po'i phyogs goms pa'i 'bang rtsol byed na/ rtog pa po 'di las dang lus kyi gnyen po'i phyogs goms pa'i tshad mas rtogs par nus pa ma yin na gang gis na las la sogs pa zad pa'i phyir 'jug par 'gyur te de ltar na/
- 135a
gnyen po'i phyogs ni med phyir dang zhes bya ba 'dis rtogs par mi nus pa nyid kyi phyir ro zhes bya ba khong na dbyung bar bya ba yin pas na/ gnyen po'i phyogs rtogs par med pa'i phyir zhes bya ba ni mi nus pa nyid kyi phyir zhes bstan pa'i phyir yin gyi/ rnam pa thams cad du gnyen po'i phyogs bkag pa nyid ni ma yin no/ / de ltar na lung las grub pa'i gnyen po'i phyogs su 'gyur ba de'i tshe yang de dad pa tsam gyis rtogs pa nyid kyis nges pa med pa nyid yin zhing/ nges pa med pa la yang rtog pa dang ldan pa nan tan du byed par mi 'gyur la/ de nan tan du byed na ni rtog pa sngon du gtong pa can nyid yin par mi 'gyur ro/ /de bas na gnyen po'i phyogs nges pa med pa can ni de la 'jug par mi rigs pa ma yin no/ /sbyor ba ni gang zhig rtog pa sngon du gtong la can yin yang de'i rang bzhin mi shes pa can yin pa de ni/ don de rtogs par nus pa ma yin te dper na dug ma yin pa nyid du ma brtags par rdzas za ba lta bu'o/ /skyes bu rtogs par 'dod pa 'di yang rtog pa sngon du gtong ba can yin yang las zad par byed pa'i lam mi shes pa can no zhes bya ba mi khyab par byed ba 'gal ba dmigs pa'o/ /nus med phyir ro/ /las dang lus ngag spang bar mi nus pa'i rgyu nyid kyi phyir spang bar bya ba'i phyir 'bad rtsol mi bya'o/ /ji ltar mi nus pa nyid yin zhe na/ ji srid du las dang lus dag gis rgyu sred pa yod pa de ji srid du ma tshang ba med pa'i sred pa ni/ yod na yang las rnams 'byung zhing las las kyang skye ba yin na/ de ltar na las dang lus dag 'byung phyir ro/ /rgyu'i phyir las dang lus dag spong ba nus pa ma yin no/ /sbyor ba ni gang zhig spong bar nus pa ma yin pa de ni spang ba'i phyir rtog pa sngon du gtong ba can gyis 'bad rtsol bya ba ma yin te/ dper na lus can shes rab dang ldan pa nam mkha' spong ba'i phyir 'bar rtsol mi byed pa lta bu'o/ /log
- 135b
pa'i shes pa dang sred pa dang ldan pa'i skyes bus kyang las dang lus spong bar nus pa ma yin no zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi gang gi tshe sred pa dang las gnyi ga zad par byas pa de'i tshe yang las sam skye ba ma yin pa de ltar na/ gnyi ga zad par byed pa'i 'bad rtsol byed pa yin no zhe na /gal te de lta yin pa 'di che/ gnyis zad don du sred pa dang las zad pa'i rgyu mtshan du 'bad na yang ste/ 'bad pa byed na yid las zad dub pa/ gang yin pa de/ don med yin/ de ltar na/ re shig las kyi gnyen po'i phyogs rtogs par mi nus pa dang/ sred pa yod na de nus pa med pa bstan zin to/ /srid pa spong ba byas na yang de de yang srid par nyid mtshams sbyor ba la lhan cig byed bzad pa'i phyir nus pa med pa nyid yin pa de ltar na yang srid pa'i nyid mtshams sbyor ba ma yin no/ /de tsam nyid kyi skyes bu'i don yongs su rdzogs pa nyid yin pa'i phyir las zad pa'i dus la 'bras bu med pa yin no/ /de ltar na re zhig gnyen po phyogs shes par mi nus pa nyid kyi phyir dang/ las zad par nus pa med pa nyid kyi bying las dang lus dag las grol ba ma yin no/ /'ga' zhig kyang lus gdung thas sngon pa byas pa'i las longs spyod pa las de zad pa'i phyir dang/ ma 'ongs pa ma byas pa'i phyir grol ba yin no snyam du sems na/ de'i las kyi 'bras bu longs spyod pas kyang de dag gi las rnams zad par rigs pa ma yin no zhes bstan pa'i phyir 'bras bu sna tshogs mthong ba'i phyir zhes bya ba la sogs pa smos te/ de la 'dir kha cig ni/ gdung brtso pa las mi 'dod pa nyams su myong ba ni las kyi 'bras bu ma yin na/ gang las de'i 'bras bu longs spyod las las zad pa yin te/ 'dod pa'i dbang gis 'jug pa yin pa'i phyir ro zhes brjod par byed na de dang de'i 'dod pa ma yin no/ /de ltar na las de 'dra ba de ni stobs
- 136a
dang ldan pa ma yin no/ /gang gis na de'i 'bras bu skyes bu byed pa'i lhan cig byed pa la bltos pa yin /de ltar ma yin na skyes bu'i byed pas bsgrubs pa'i rgyal srid la sogs pa'ang las kyi 'bras bu nyid yin par mi 'gyur te/ 'dod pa de dag kyang dor bar nus yin zhing 'dod pa can yin no/ /de bas na 'dod pa dang mi 'dod pa cung zad gang yin pa de thams cad las kyi 'bras bu nyid yin pa de ltar na 'gal ba yod pa ma yin no/ /de skad du 'phags pa gnas brtan las yin bde 'gro'am ni ngan 'gro yang/ skye mched lnga yi rkyen can gyi/ /sems ni mi 'dod skye gang de/ /sdig pa'i las kyi 'bras bur 'dod/ /ces bshad pa yin no/ /de ltar na 'dod pa skye ba gang yin pa de ni bsod nams kyi 'bras bu yin no/ /de bas na gtan tshigs 'di ma nges pa yin no/ /longs spyod chen po dang/ nad dang nad med pa dang/ yan lag dang nyid lag la sogs pa ma tshang ba zhes bya ba de lta bu la sogs pa'i 'bras bu sna tshogs pa snang bas na/ 'bras bu sna tshogs mthong ba'i phyir/ las nams kyi nus pa'i khyad par /ngo bo du ma can gyi 'bras bu 'byin pa'i nus pa/ rjes su dpog /'bras bu sna tshogs pa 'byin par nus pa can gyi las de dag gi 'bras bu sna tshogs pa nyams su myong gang phyir gdung ba'i nyon mongs gcig /rang bzhin las ni/ yongs su gdung pa'i mtshan nyid can gyi yongs su gdung ba'i 'bras bu las 'bras bu 'byin pa'i sgo nas kun nas nyon mongs pa'i 'bras bu sna tshogs pa can gyi/ las zad min te rigs pa ma yin no/ /sbyor ba ni gang dang gang 'bras bu sna tshogs pa can yin pa de ni 'bras bu ngo bo gcig pa can 'byin par nus pa ma yin te/ dper na nas dang/ sa lu dang/ ko tra pa'i sa bon lta bu'o/ /las kyang 'bras bu sna tshogs pa can yin no zhes bya ba ni khyab par byed pa 'gal ba
- 136b
dmigs pa'o/ /gang zhig 'bras bu sna tshogs pa 'byin par nus pa can yin pa de ni 'bras bu'i rang bzhin gcig gi blo nas 'bras bu 'byin pas nus pa zad pa can ma yin te/ dper na nus dang sa lu dang/ ko tra ba'i sa bon de dag ni ko tar ba'i myu gu skyes ba gzhan dag 'bras bu 'byin pa'i nus pa zad pa ma yin pa lta bu'o/ /las dang 'bras bu sna tshogs pa 'byin pa'i nus pa can yin no zhes bya ba ni khyab par byed pa 'gal ba dmigs pa yin no/ /gal te lhan cig byed pa'i khyad par yod pa dang med pa dag las 'bras bu'i 'phel ba dang 'grib par 'gyur ba yin la/ las ni rjes su mthun pa'i 'bras bu 'byin pa la rung ba yin pa de'i phyir rnam 'gas/ lhan cig byed pa rgyas pa med na/ de skyed myu 'dra ba las 'byung ba can 'dra ba'i 'bras bu ni/ chung 'gyur rigs mi mthun ldan min/ /las gzhan yod na las gzhan las 'byung ba can rigs tha dad pa can gyi las kyi 'bras bu gzhan las byung ba ma yin te/ dper na sa lu'i sa bon las zhing 'dus byas pa la sogs pa ma tshang bas sa lu'i nyid 'bras bu chung bar 'gyur gyi/ de yang ko tra ba la sogs pa'i 'bras bu ma yin pa lta bu'o/ /de ltar snga ma nyid kyi gzhung btsugs pa yin no/ /ci ste 'ang dka' thub nus pa yis/ /las nus pa 'dres pa can gyis byas pa yin na 'bras bu'i ngo bo gcig nyid kyi sgo nas zad par 'gyur ba'am/ las kyis nus pa sna tshogs pa de nyid dka' thub kyi nus pa zad par 'gyur ro/ /de de ltar na dka' thub kyi nus pas las rnams kyi nus pa 'dren ma zad pa yis/ /rgyur gyur pa dag gis lhag mar gyur pa 'bras bu chung ba can gang yin pa des phyis kyang longs spyod chud ba'i nyon mongs gang las te/ skra 'bal ba la sogs pas skyed pas las de ma lus par/ nyams par 'gyur las zad pa de las grol bar 'gyur ro zhe na/ gal te dka' thub kyi nus pas las kyi nus pa zad pa'i phyir las nyams par 'dod pa'i phyogs de la/ nyon mongs pa ma lus pa nyon mongs
- 137a
min las te/ lus kyi gdung ba nyams su myong ba med par nyams pa yin no/ /de ltar na dmyal ba'i sdug bsngal la sogs pa shin tu mi bzod pa'i las 'bras bu'i nus pa zad par nus pa'i dga' thub gang yin pa de yin na ji ltar na de nyid kyis srab mor byas pas sdug bsngal chung ba can gyi lus kyi gdung pa nyams su myong ba tsam gyi 'bras bu bsal pa can gyi las kyi nus pa zad pa la nus ba med par 'gyur?/ des na sdug bsngal de yang ma 'gyur ba de ltar na/ lus kyi kun na nyon mongs pas ci zhig bya /nus pa 'dres pa'i phyogs la yang las cha las nyams pa yin/ ba spu gcig brtogs par byas pa la sogs pa'i gdung bas zad par 'gyur te/ de las gzhan pa don med pa nyid du 'gyur ro zhes bya ba'i don to/ /'di yang gang gi tshe brjod ce na/ gal te nus pa de 'dres par byed pa'am/ zad par byed pa'i dga' thub ste/ sgra 'bal la sogs pa las skyes pa'i nyon mongs/ las gzhan 'dod par 'gyur na'o/ /gal te nyon mongs nyid ce na/ lus gdung bar byed pa dka' thub yin pa de'i tshe/ dka' thub de las 'bras yin las kyi 'bras bu 'di las mi nus pa 'dras sogs ma yin no/ /sogs pa smos pas ni zad pa ma yin par bzung ngo/ /sbyor ba ni gang zhig las kyi 'bras bu yin pa de dka' thub ma yin pa 'am/ de las nus pa 'dres pa 'am/ zad pa ma yin te/ dper na glang gi las kyi 'bras bu lta bu'o/ /nyon mongs pa yang las kyi 'bras bu yin no zhes bya ba ni khyab par byed pa 'gal ba dmigs pa'o/ /de ltar ni 'gyur na sred pa ni las kyi rgyu yin la/ de yang lam gyi zad pa na/ rgyu can las kyang zad pa'i phyir/ khyed cag kyang las zad par 'dod pa nyid yin no/ /sbyor ba ni gang zhig gang gi rgyu la gnod pa de ni de'i gnod pa can du 'gyur te/ dper na bad kan can gyi nad kyi rgyu la rtsub pa dang dro ba dang yang ba'i
- 137b
rjes gnod pa can gyi rgyu yin pa lta bu'o/ /lam yang las kyi rgyu sred pa la sogs pa la gnod pa yin no zhes bya ba ni rang bzhin gyi gtan tshigs so/ /gang yang skyon rnams 'gog byed pa/ /bdag med pa nyid mthong ba'i mtshan nyid can thabs yin par 'dod de/ skyon rnams kyi rgyu sred pa 'joms par byed cing sred pa med na yang ma 'ongs pa'i skyon rnams skye bar mi 'gyur ro/ /ci'i phyir zhe na/ skye 'dod nyes pa bcom pa'i phyir/ /rgyu'i phyir de dag nyes pa 'gog par byed pa'i thabs yin no/ /de skye las la nus 'gyur gyi/ skye bar 'dod pa'i skyon gyis skyed pa'i las la nus par 'gyur gyi/ sngar byas pa dag la ni ma no/ /ji ltar byas pa bcom par 'gyur/ /sngon byas pa'i las rnams ni zad par mi 'gyur ro/ /de la 'di ltar gal te 'das pa'i las la brten nas brjod pa de'i tshe ma grub pa yin la/ ma 'ongs pa'i las la brten nas ni grub pa la sgrub pa yin no/ /gal te ji ltar nyon mongs pa yod na yang de las las rnams skye bar 'gyur ba'i phyir grol pa ma yin zhing/ de bzhin du las kyi gnas las kyang sred pa dang bral ba rnams kyi nyon mongs par 'gyur ro zhe na/ las las skyon ni 'byung ba ma yin no/ /ci'i phyir zhe na/ 'di ltar skyes bu skyon ldan las byed par 'gyur zhing sogs par 'gyur gyi/ bzlog las min te/ skyon dang ldan pa ma yin pa las ma yin no/ /rigs mthun pa'i skyon rnams yod na skyon rnams 'jug par 'gyur gyi bzlog pa las ma yin no zhes bya ba'i don to/ /spyod ba ni gang skyon dang ldan pa ma yin ba de ni/ sdig pa'i las mi byed de dper na mo gsham gyi bu lta bu'o/ /skyes bu nyes pa zad pa yang skyon dang ldan pa ma yin no zhes bya ba khyad par byed pa bag la ba dmigs pa'o/ /de ltar ni 'gyur mod kyi/ las 'dod pa las bde ba dang/ bde ba las 'dod chags la sogs pa dang/ de bzhin du mi 'dod pa las sdug bsngal nyams su myong zhing de las zhe sdang la sogs pa yin pa de ltar na/ las las kyang nyon mongs pa skye ba
- 138a
yin no zhe na/ log pa'i rnam rtog med par ni/ /bde ba las kyang 'dod pa ste/ /chags pa ma yin no/ /gang gi tshe nga dang nga'i zhes bya ba tshul bzhin ma yin pa'i yid la byed pa de'i tshe/ 'dod chags la sogs pa skye ba yin gyi rnam pa gzhan du ni ma yin no/ /log pa'i rnam par rtog pa de yang bdag tu lta ba spangs pa can bdag la yod pa ma yin pa de ltar na/ gang las nyon mongs pa skye bar 'gyur/ sbyor ba ni gang la log pa'i rnam par rtog pa med pa de la bde ba dang sdug bsngal nyams su myong ba'i dus na yang nyon mongs pa skye ba med de/ dper na mkhas pa so sor rtog pa dang ldan pa lta bu'o/ /bdag dang bdag gi lta ba spangs pa can la yang bde ba la sogs pa nyams su myong na yang log pa'i rnam par rtog pa ma yin no zhes bya ba ni rgyu mi dmigs pa'o/ /bden pa ston par mdzad pas na/ skyob pa zhes bshad pa 'dis skyob par mdzad pa'i phyir ro/ /de yang ji ltar ba bzhin du rab tu bsgrubs zin to/ /de tsam nyid sems can ma phan pa bzhed pa'i gzhan gyi don du byed pa yin te/ 'di lta ste/ blang bar bya ba dang/ dor bar bya ba'i de kho na nyid thabs dang bcas pa grol bar 'dod pa dag la bstan pa yin no/ /de dang de las ji ltar rab tu bsgrubs pa'i bden pa bzhi ston pa'i mtshan nyid can 'bras bur gyur pa'i skyob las de nyid bstan dang/ ma lus khyad par mkhyen pa sgrub/ /grub pa sgrub pa yin no/ /sngar ni gshegs pa'i don can gyi bsngags par gshegs pa la sogs pa'i don gyis bde bar gshegs pa nyid du bshad nas/ da ni yang/ gshegs pa rtogs pa'i don gyi phyir/ /bde bar gshegs pa nyid yin te/ bsngags pa thugs su chud pa dang ldan pas na/ /ma lus pa thugs su chud pa dang ldan pa zhes bya ba'i bar gyis de ltar bde bar gshegs pa nyid yin par blta bar bya'o/ /de kho na nyid dang bdan? pa dang/ ma lus pa nyid kyi khyad par gyi mkhyen pa ni/ de kho na
- 138b
nyid dang/ brtan pa dang/ ma lus pa'i khyad par mkhyen pa'o/ /de kho na nyid mkhyen pa ni tshad mas mi bslu ba dang/ brtan pa mkhyen pa ni lam nges pa 'am bka' snga phyi'i 'gal ba med pa ste/ gnod pa med pas 'gyur ba med pa bstan pa las rjes su dpog pa yin no// ston pa'i bstan pa'i yan lag dgu dang theg pa gsum gyi yul can bstan pa sdug bsngal la sogs pa'i mtshan nyid can gyi bstan pa la yang gsung gcig nyid yin pa'i phyir/ ma lus par mkhyen pa'o/ /lus pa ni 'dir bden ba bzhi rtogs pa'i shes pa yang ji lta ba bzhin du bstan pa'i thabs la mi mkhas pa'o/ /bcom ldan 'das la de mnga' ba ma yin te/ thabs sna tshogs pas bden pa bzhi ston par mdzad pa'i phyir ro/ /'phags pa dag gi mkhas pa cung zad tsam gang yin pa de yang de'i rjes su slob pa yin no/ /de kho na nyid dang bstan pa dang/ ma lus pa'i khyad par mkhyen pa'i rgyu/ de phyir phyi rol pa dang slob/ /mi slob las bcom ldan 'das tshad mas yongs su gzigs pa'i don thugs chud pa'i khyad par gyi/ phyi rol gyi 'dod chags dang/ bral ba dag las lhag pa yin no/ /de bzhin du de rnams ni tshad mas mi bslu ba'i blang ba dang dor ba la sogs pa'i yul shes pa ma yin no/ /brtan pa dang ma lus pa'i khyad par nyid gyis slob pa las lhag pa yin te/ lhan cig skyes pa'i 'jig tshogs su lta ba sa spangs pa'i phyir ro/ /mi slob pa dgra bcom pa dang rang sangs rgyas dag las lhag pa ni ma lus pa'i khyad par mkhyen pas so/ /brtan pa dang ma lus pa'i khyad par mkhyen pa/ de'i phyir gzhan gyi don/ mkhyen pa la brtson par bcom ldan 'das grub pa yin pa gzhan don mkhyen pa brtson te/ gzhan gyi don mkhyen pa'i phyir brtson pas lam goms par mdzad pa zhes bya ba'i don to/ /de 'di la 'grub pa yin te/ gang gis de ltar thugs su chud na yang ma dad pa med par?
- 139a
bzhugs pa ma yin te/ dper na rang sangs rgyas la sogs pa lta bu'o/ /de yang ston par 'gyur ro/ /gzhan gyi don mkhyen pa la brtson pa/ de ston pa rgyu la 'bras bu nye bar btags pa yin pa'i phyir ro/ /de las brtse ba yin/ gzhan gyi don mkhyen pa las brtse ba grub pa yin no/ /brtse ba dang ldan pa gzhan gyi don la 'jug par 'gyur gyi gzhan ni ma yin no/ 'dis ni 'gro ba phan par mdzad? pa bzhad? ba nyid bshad pa yin no/ gzhan don dbang gzhan gyi don mkhyen par brtson pa gang las shes pa yin grub phyir chags bral med phyir ro/ /'di ltar de kho na nyid dang brtan pa dang ma lus pa'i khyad par mkhyen pa'i thugs su chud pa mnga' ma yang 'phags pa'i bden pa bzhi phyis kyang btang snyoms la brten par mdzad pa ma yin no/ /'o na ci yin zhe na/ ji ltar thugs su chud pa nyid snyon pa rjes su sgrub par mdzad pa nyid yin no/ de'i phyir gzhan gyi dbang du gyur pa nyid yin no/ /gang 'di btang snyoms su gzhug par ston pa la sogs pa'i brgyud pa de yang ji ltar thugs su chud pa zab mo'i don nyid du bstan pa yin par ston pa la gzhol ba sems can yongs su smin par byed pa'i rgyu nyid yin no/ /sbyor ba yang gang zhig gang rtogs na yang byed pa rdzogs pa can ma yin pa de ni 'bras bu de tsam 'dod pa ma yin te/ dper na zas thob na yang byed pa rdzogs pa med par zas kyi phyir 'jug pa lta bu'o/ /bcom ldan 'das kyang de kho na nyid dang brten pa dang/ ma lus pa'i khyad par mkhyen pa thugs su chud pa mnga' na yang/ de tsam gyis mdzad pa rdzogs pa ma yin no zhes bya ba ni khyab par byed pa 'gal ba dmigs pa'o/ /de las brtse min zhes bya ba la sogs pas ji ltar chad ma nyid sgrub par byed pa nyid yin pa 'gro la phan mdzad la sogs pa'i tshig rkang pa de 'chad par byed pa yin no/ /brtse bas legs pa ston bar mdzad/ brtse ba dang ldan pa gzhan gyi sdug bsngal yongs su spang ba don du gnyer ba don log par
- 139b
ston par mi mdzad/ de mkhyen bzhin du skal pa dang ldan pa de don du gnyer ba dag la legs pa nyid ston par mdzad kyi/ legs pa ma yin pa ni ma yin no/ /brtse ba dang ldan pa yang mi shes pa'i phyir yang dag pa'i don ston par mi nus pa de ltar na/ ye shes las bden pa ston mdzad kyi brtse ba med pa ni shes na yang rnam pa gzhan yang ston par 'gyur ba de ltar na/ brtse ba yang tshad ma nyid kyi thabs yin no/ /shes pa de yang/ sgrub byed bcas/ de'i phyir 'di tshad ma nyid du rigs pa yin pa de ltar na/ mthong ba tsam gyis 'bras bu can ston pa'i tshig ni tshang ma nyid sgrub par byed pa ma yin no/ /de gsung par ni mngon sbyor ldan zhes bya bas ni skyob pa nyid du bstan to/ /gal te brtse ba dang ldan pa dang/ ye shes dang ldan pa legs pa dang/ bden pa ston par mdzad pa gdon mi pa dan gldan pa yin pa de ltar nges pa yin pa de'i tshe yang/ pa dang ldan pa yin pa de ltar nges pa yin pa de'i tshe yang/ grol bar 'dod pa dag gis de la gus par bya ba ma yin gyi/ brtson pa dang ldan pa nyid la gus par bya'o/ /gang phyir de ltar legs pa dang bden pa ston par mdzad pa dang/ de 'chad pa la brtson ba dang ldan pa/ de phyir ched ma yin/ sbyor ba'i gang zhig gang gi phyir gang don du gnyer ba la legs pa dang/ bden pa ston par byed cing de ston pa la brtson pa dang ldan pa de ni don du gnyer ba'i mkhas pa nges tshad ma nyid du bya ba'am/ de'i tshig bsgrub par bya ba yin te/ dper na ji skad du bshad pa'i yon tan dang ldan pa'i mkhan po slob ma la ston par byed pa'i tshig gis slob ma mkhas pa sgrub par byed pa lta bu'o/ /bcom ldan 'das grol bar 'dod pa'i rnams la sogs pa dang/ bden pa'i don ston par mdzad cing 'chad pa la brtson pa dang ldan pa yin no zhes bya ba ni rang bzhin gyi gtan tshigs so/ /de de ltar na tshad mar gyur ba zhes bya ba de tsam ni bstod pa'i tshig yin no/ /ston pa'i tshig gcig ma gtogs pa lhag ma ni tshad mar sgrub par byed pa yin no/ /ci'i phyir de las gzhan pa'i yon tan med? na
- 140a
yang tshad mar grub pa zhes bya ba nyid bstod par mdzad pa yin zhe na/ ston pa de lta'i dngos bstong ni zhes bya ba smos te/ tshad ma nyid du bstod pa gang yin pa de de'i sa bstan pa nyid las mi tshang ma'i de nyid grub don yin/ /mngon sum la sogs pa'i tshad ma gang yin pa de'i de kho na nyid kyi mtshan nyid de bcom ldan 'das kyis bstan pa nyid las grub pa yin no/ /de ltar kho bo rang nyid kyis brtags nas rnam par bzhag pa ni ma yin no zhes bstan pa'i don to/ /de nyid kyi phyir chos mngon pa las kyang bshad pa yin no/ /de zhig mngon sum gyi tshad ma nges bstan pa mthong ba'i phyir grub pa'i rigs pa yin no/ /'dir rjes su dpag pa ma bstan pa ji ltar grub pa yin zhe na/ rjes su dpag pa'ang bzlog med phyir/ gang rigs pa ma yin pa gang yin pa de phan pa 'dod pas bzlog par bya ba yin gyi/ bcom ldan 'das kyi 'ga' zhig tu yang rjes su dpag pa tshad ma ma yin no zhes spong ba mdzad pa de bas nam spangs pa'i phyir rigs pa dang ldan pa yin bar gzung bar bya ba yin no/ /rjes su dpag pa'i mtshan nyid gzhan dang gzhan dag kyang spangs pa med pa ma yin nam/ de dag kyang bzung bar bya bar 'gyur ro zhe na/ de ltar ni mi 'gyur te/ 'di yi sbyor ba mthong phyir ro/ /rjes su dpag pa 'di'i sbyor ba mthong ba 'am/ /yang na bcom ldan 'das 'di'i rjes su dpag pa mthong ba yin te/ bcom ldan 'das kyis rjes su dpag pa bstan pa yin no zhes bya ba'i don to/ /ji ltar zhe na/ 'di ltar cung zad skye ba'i bdag nyid can/ skye ba dang ldan pa/ gang de thams cad 'gog chos can skad cig ma can yin no/ /sogs pa'i sgras ni rjes su dpag pa'i mtshan nyid rnam pa du mar rab tu bstan pa'i phyir ro/ /de skad du gsungs pa na/ ji ltar na rjes su dpag pa'i tshan nyid gsungs pa yin zhe na/ rtags ni rjes dpag rten yin no/ /gang 'dir rtags yin no/ /ci 'dra ba zhig ce na/ mdo? na mi 'byung mtshan nyid can?
- 140b
gang la med na mi 'byung ba'i mtshan nyid yod na zhes tshig rnam par sbyor/ /de de ltar med na mi 'byung ba ni rtags kyi mtshan nyid yin no/ /gang cung zad 'byung ba'i chos can yin pa de thams cad ni 'gog pa'i chos can yin no zhes bya ba la sogs pas/ khyab pa ni bstan pa'i rgyu'i phyir/ bcom ldan 'das kyis med na mi 'byung ba/ de yang gsal bar bshad/ gtan tshigs te/ skye ba'i bdag nyid can la sogs pa rang gi bsgrub par bya ba 'gag pa'i chos can nyid la sogs pa dang/ med na mi 'byung bar bstan pa'i phyir ro/ /rjes su dpag pa'i mtshan nyid bshad cing bstan pa de ltar/ bcom ldan 'das kyis tshad ma'i de kho na nyid du dang por bshad pa yin no/ /tshad ma rnam 'grel gyi 'grel pa las/ tshad ma grub pa ste/ le'u gnyis pa'o// //tshad ma rnam 'grel gyi 'grel pa/ bam po nyi shu gnyis pa/ /slob dpon gyi tshad ma'i mtshan nyid kyi bstan bcos bshad pa'i rgyu rjes su dpag pa sngar rnam par bzhag pa dang/ slob dpon gyis gsungs pa bstan bcos kyi dang por phyag 'tshal ba'i tshigs su bcad pa'i phyed? 'og ma rtogs bla ba nyid kyi phyir phyed phyed gong ma nyid kyi bshad pa yongs su rdzogs par mdzad nas/ da tshad ma'i mtshan nyid kyi bshad pa mdzad pa'i phyir/ gzhal bya gnyis phyir zhes bya ba la sogs pa brtsams pa yin no/ /tshad ma dang de'i mtshan nyid kyi bstan bcos dag la log par rtog ba rnam pa bzhi ste/ 'di lta ste/ grangs la log par rtog pa dang/ mtshan nyid la log par rtog pa dang/ spyod yul la log par rtog pa dang/ 'bras bu la log par rtog pa'o/ /de la dang por grangs la log par rtog pa bsal bar bya ba'i phyir/ gzhal bya gnyis phyir tshad ma gnyis zhes bya ba smos so/ /'dis 'jal bar byed pas na tshad ma'o/ /de yang rnam pa gnyis nyid yin no zhes bya ba nges tshad ?ma gcig dang gsum la sogs pa bkag pa yin no//
- 141a
gcig ni ma yin te/ 'chad par 'gyur bas rjes su dpag pa tshad ma nyid du ston pa'i phyir ro/ /gal te tshad ma'i mtshan nyid ston par byed pa la/ grangs la sogs pa ston pa don med pa yin zhe na ma yin te/ de ni mtshan nyid rnam par dag pa'i don can nyid yin pa'i phyir ro/ /mngon sum dang rjes su dpag pa dag la ni mi slu ba nyid kyi mtshan nyid gcig tu 'gyur la/ gang gi tshe de nyid mtshan par bya bar 'gyur ba de'i tshe de las gzhan pa'i mtshan nyid gcig yod pa ma yin na mtshan nyid gcig brjod pa gang gis de dag mtshon par bya ba'i phyir nus par 'gyur/ de ltar na mtshan nyid gcig gis mtshan par mi nus pa'i phyir ro/ /dbye ba'i sgo nas bstan na mtshan nyid dbye ba bstan par nus pa'i phyir/ grangs bstan pa yin no/ /spyod yul bstan pa yang gang gi tshe yul ma yin pa 'dzin pa tshad mar 'gyur ba de'i tshe de la bslu ba yin na de dang 'dra bar rang gi yul la yang de ltar rtogs pa po'i tshad ma nyid ma yin par 'gyur pa de ltar na yul bstan pa yin no/ gang gi tshe tshad ma las tshad ma'i 'bras bu don gzhan ma yin no zhes ma bstan pa de'i tshe/ re zhig 'bras bu gdon mi za bar don rtogs pa'i ngo bo nyid yin gyi/ de lta ma yin na 'bras bu mi rung ba nyid kyi phyir ro/ /de bas na rtogs pa'i ngo bo ni 'bras bu yin no/ /de bas na gang gi tshe rtogs pa'i ngo bo las tha dad pa tshad ma yin pa de'i tshe mi shes pa'i ngo bo der 'gyur ro/ /mi shes pa'i ngo bo yang tshad mar mi rung ba'i phyir/ tshad ma'i 'bras bu bstan pa de ltar na/ grangs la sogs pa bstan pa don med pa ma yin no/ de la 'dir 'chad par 'gyur ba'i tshul gyis rjes su dpag pa tshad mar bstan pas tshad ma gcig ma yin no/ /de mang po nyid du 'gyur na mang po de nyid de yang yul med ba nyid kyi phyir ram/ yul gcig la yang tshad ma mang po nyid 'jug pa'i phyir/
- 141b
re zhig yul mang ba nyid kyi phyir ni ma yin no/ /ci'i phyir zhe na/ gzhal bya gnyis phyir /yul ni rnam pa gnyis te/ rang gi mtshan nyid dang/ spyi'i mtshan nyid do/ /gal te spyi khyad par gyi ngo bo gsum pa yang yod ba yin te/ dper na utpal sngon po la sogs pa lta bu'o/ /de bas na yul rnam pa gnyis ma yin no zhe na/ de ni ma yin te rnam pa gnyis ma gtogs pa'i gzhan yod pa ma yin no/ /ci'i phyir zhe na/ don byed nus dang mi nus phyir/ rnam pa 'ga' zhig gis gang 'ga' zhig la yang don gyi bya ba byed par nus pa gang yin pa 'di ni rang gi mtshan nyid yin no/ /don byed pa'i nus pa thams cad dang bral ba yang spyi'i mtshan nyid yin no/ /de bas na gal te yul gnyis la tha dad pa nyid du khas blangs pa don gyi bya ba cung zad byed par nus pa de'i tshe yang de rang gi mtshan nyid yin no/ /ci ste cung zad kyang mi nus pa de'i tshe spyi'i mtshan nyid yin no/ /ji skad du bshad pa'i nus pa dang nus pa med pa phan tshun spangs te gnas pa'i mtshan nyid can gcig la rung ba ma yin na/ gang gi na ngo bo gnyis pa can gyi yul gzhan du 'gyur/ ngo bas na yul gzhan yod pa ma yin no/ /'o na skyes bu mthong pa 'khrul pa can gyi shes pa la skra shad dang spang? ma dang/ zla ba gnyis pa la sogs pas brdzu na pa snang ba de dag don gyi bya ba cung zad kyang ? byed pa'i phyir/ de dag rang gi mchan nyid kyi nang du 'du ba ma yin zhing/ don byed pa dang bral du zin kyang spyi'i nang du 'du ba yang ma yin te/ bsal bar so so snang ba nyid kyi phyir dang/ la lar rjes su 'gro ba med pa'i phyir ro/ /de ltar na rang dang? spyi'i mtshan nyid kyi yul du mi 'du ba'i phyir de yul gzhan yin pas na/ yul rnam pa gnyis rigs pa ma yin zhe na/ mi rigs pa ma yin te/ 'di ltar skra shad la sogs don min/ /ci'i phyir zhe na/ don du mos pa med phyir ro/ /skyes bu tha snyad 'dogs pa po dag de la don du mos pa med pa'i
- 142a
phyir ro/ /dgongs pa ni 'di yin te/ gal te rab rib can la sogs pas dmigs pa'i sbrang ma la sogs pa'i yul yin par 'gyur ba de'i tshe/ ci de rang gi mtshan nyid yin nam gzhan yin zhes dpyad par bya ba yin/ 'di ltar don ni ma yin no/ /gang gi phyir skyes bu tha snyad 'dogs pa po de dag gi shes pa gang la sbrang ma la sogs pa snang ba'i shes pa de'i yul 'di yin no zhes de dag la mos pa ma yin no/ /de ltar na de dag gis tha snyad kyi lam shes pa 'dzin pa'i rnam pa dang 'dra bar yongs su bcad du zin kyang 'thob bar 'gyur ba ma yin no/ /don dam par spyi yul ma yin du zin kyang tha snyad 'dogs pa po de'i dngos por mngon par zhen pa can 'jug par 'gyur ba de bas na de yul nyid yin no zhes rnam par bzhag pa yin no zhes 'chad par 'gyur ro/ /sbyor ba yang skyes bu rnams gang la shes pa gang gi yul gyi ngo bo nyid du mos pa med pa de ni/ shes pa de'i yul gyi tha snyad 'jug pa ma yin te/ dper na shes pa de nyid kyi 'dzin pa'i rnam pa lta bu'o/ /rab rib can la sogs pas dmigs pa'i skra shad la sogs pa la yang tha snyad 'dogs pa po rnams don nyid du mos pa ma yin no zhes bya ba ni khyab par byed pa 'gal ba dmigs pa'o/ /cha 'dzin pa'i rnam pa yang rang rig pa'i yul can nyid yin pa'i phyir dpe ma grub pa nyid ma yin pa zhe na/ ma yin te/ de ni rang rig pa'i shes pa nyid du skyes pa nyid na rig pa yin pa'i phyir ro/ /ci ste shes pa gzhan gyis tha dad par btags nas 'dzin pa'i rnam pa yul nyid yin pa de'i tshe rang rig pa yang de bzhin du yul nyid yin par 'gyur ro/ /de bas na rnam pa tha dad pa med pa can ni bzung ba dang 'dzin pa'i dngos po ma yin no/ /'dra dang mi 'dra nyid kyi phyir/ /yul gsum pa yod pa ma yin no/ /'dra ba gzhan dang thun mong pa gang yin pa 'di ni spyi'i ngo bo yin la/ mi 'dra ba phan tshun ldog pa thun mong ma yin pa ni rang gi mtshan
- 142b
nyid yin no/ /yul de bas tha dad ba'i yul rtog pa na 'dra ba'am mi 'dra bar 'gyur grang na/ thun mong nyid yin na ni spyi yin la/ thun mong nyid ma yin na ni rang gi mtshan nyid yin pa de ltar na/ de gnyis las 'das pa ma yin no/ /sgra'i yul dang yul min phyir/ /yul gnyis las don gzhan ma yin no/ /sgra'i yul gang yin pa de ni spyi yin la/ sgra'i yul ma yin pa de ni rang gi mtshan nyid do/ /de gal te sgra'i yin pa de'i tshe/ de ni spyi'i mtshan nyid yin la/ ci ste sgra'i yul ma yin pa de'i tshe rang gi mtshan nyid yin no/ /rang gi mtshan nyid kyang sgra'i yul ma yin te/ sngar bstan zin pa nyid kyi phyir dang/ 'dir yang mthong ba bzhin du sgras sgra las byung ba'i shes pa la so sor snang ba med pa'i phyir ro/ /zhes bya ba la sogs pas ston par 'gyur ba nyid kyi phyir ro/ /de bas na sgra'i yul dang yul ma yin pa gnyis las yul gzhan yod pa ma yin no/ /lus las rgyu mtshan gzhan/ de yid la byed pa dang de dang rjes su mthun pa dang ? 'dzin pa de dag yod pa na yul gang la blo yod pa'i yul de ni spyi yin no/ /skyes bu de tha snyad 'dogs pa'o zhen pa'i ngor yul dang 'dra bas yul zhes brjod kyi don dam par ni ma yin no/ /yul ma rtogs par rgyu mtshan gzhan te/ mig dang sna ba dang yid la byed pa la sogs pa'i rgyu de dag yod na yang/ gang med na blo med pa de ni rang gi mtshan nyid yin no/ /de ni gal te yid la byed pa la sogs pa'i dngos po tsam yin na/ ji ltar kun tu brtags pa'i yul gsum par mngon par 'dod pa la blo 'byung ba de'i tshe de spyi yin zhing ci ste yid la byed pa la sogs pa yod na yang de med na blo mi 'byung ba de'i tshe rang gi mtshan nyid yin pa de lta na yul gyi rnam pa gnyis kho na yin no/ /don byad par nus pa la sogs pa'i mtshan nyid de nyid rang gi mtshan nyid la sogs pa la/ don dam par byed nus gang zhes bya ba la sogs pa dang sbyar bar bya'o/ /don ni 'bras bu yin la de'i byed pa ni skyed
- 143a
pa'o/ /don byed pa de'i nus gang ste/ rang nye bas skyed par byed pa gang yin pa de de 'dir te/ bstan bcos 'dir don dam par yod pa yin/ dngos po yod bar 'dod pa yin no/ /gzhan de rnam pa 'ga' zhig gis 'bras bu 'ga' zhig kyang nus pa med pa gang yin pa de ni kun rdzob tu yod par 'dod do/ /de ltar na mi 'dra ba gang yin pa de ni don dam par yod pa yin zhing 'dra ba ni kun rdzob tu yod pa yin no/ /sgra'i yul ma yin pa gang yin pa de ni don dam par yod pa yin zhing sgra'i yul yin pa ni kun rdzob tu yed? par yin no/ /rgyu mtshan gzhan yod na yang gang zhig med na blo med pa gang yin pa de ni don dam par yod par yin zhing/ gzhan ni kun rdzob tu yod pa yin no zhes rtogs par bya'o/ /don dam ba dang kun rdzob tu yod pa bzung bar bya ba de dag rang spyi'i mtshan nyid bshad /don dam par yod pa ni rang gi mtshan nyid yin la/ kun rdzob tu yod pa ni spyi'i mtshan nyid yin no/ /de ltar ni 'gyur mod kyi/ gal te thams cad nus med ces/ don dam par don byed nus pa cung zad kyang yod pa ma yin pa de ltar mngon dam par yod pa nyid du 'dod pa'i dngos po la mtshan nyid yod pa ma yin no/ /sbyor ba ni gang zhig gang la yod pa ma yin pa de ni de'i mtshan nyid du 'gyur ba ma yin te/ dper na rta la rwa? can nyid lta bu'o?/ /rang gi mtshan nyid du 'dod pa la yang don byed nus pa yod pa ma yin no zhes bya ba ni khyab par byed pa mi dmigs pa'o/ /sa bon sogs ni myug sogs la/ nus mthong ste/ 'bras bu mthong ngo/ /'dis ni 'di skad du gang zhig theg? nye ba nyid yod na gang 'gyur ba de ni de la nus pa yin te/ don byed nus pa ni de tsam gyi mtshan nyid can yin pa'i phyir ro/ /de ni sa bon la sogs pa'i myu gu la sogs pa la yod pa yin pa de ltar na gtan tshigs ma grub pa yin no zhes ston par 'gyur ro/ /de ltar ni 'gyur mod kyi gal te de kun rdzob 'dod na sa bon la sogs
- 143b
pa yod na myu gu la sogs pa skyes pa gang yin pa de kun rdzob tu skye ba yin gyi don dam par ma yin no/ /des na gal te don dam par skye ba'i dbang du byas nas dngos po'i mtshan nyid don byed nus pa yin pa de'i tshe/ mchong bar bya ba khyab pa med pas mtshan nyid ma yin no/ ci ste kun rdzob yin pa de'i tshe spyi la yang de yod pa da ltar na shin tu khyab pa nyid kyi phyir mtshan nyid 'tshol bar 'gyur ro zhe na/ ji ltar da ltar 'gyur/ kho bo cag gis don byed nus pa'i mtshan nyid khyab pa med par bshad pa des na don byed nus pa ci 'dra ba de 'dra ba bsnyon bar nus pa ma yin pa de mtshan nyid yin zhing de la ji ltar 'dod pa bzhin du ming 'dogs pa la brtsad pa cung zad kyang yod pa ma yin/ /gzhan yang khyed kyis kun rdzob tu yod pa nyid du 'dod pa de yang ci yin/ gang gis na kun rdzob tu skye bar 'dod kyi /rnam pa gzhan du ma yin/ gal te bdag nyid thams cad kyis med pa kun rdzob yin pa de ltar na/ kun rdzob ces brjod na mi nus pa dang/ skye ba zhes brjod na nus par 'gyur ro/ /de ji ltar na nus pa dang mi nus pa dag phan tshun spangs te gnas pa'i mtshan nyid can gcig la ldan par 'gyur/ yang na kun rdzob kyi sgras skye ba la sogs pa 'dod pa yin na/ de kyang skye ba med pa la sogs pa'i don dam pa'i mtshan nyid can du skye ba med pa yin pa de'i tshe/ gzhan dag kyang skye ba med pa la sogs pa dag skye bar mi 'dod pa de ltar na 'dod pa yin no/ /'on kyang skye bas skyo ba zhes brjod pa na mdzes par 'gyur te/ skye ba la rnam pa gzhan med pa'i phyir ro/ /de ltar na de ni cir yang mi rung ngo/ /de ltar ni 'gyur mod kyi/ gal te kun la de yod ces/ ji ltar de ltar 'gyur zhes khas len pa na/ kun rdzob kyang don byed nus par 'gyur na/ de yang spyi la yang yod par 'gyur ro/ /de bas na mtshan nyid 'khrul par 'gyur ro zhe na/ de spyi'i mtshan nyid rjes 'gro ldog /ces bya ba la sogs pas lan 'debs par byed do/ /skyon de
- 144a
yod pa min te/ spyi'i mtshan nyid rjes 'gro ldog blo la mi snang phyir ro/ /re zhig tha na rang gi yul la shes ba skyed pa gang yin pa dngos po rnams kyi don byed pa 'di yin no/ /re zhig spyi ni blo la yang nus ba yod ba ma yin no/ /de ltar na 'bad rtsol dang/ brda tsam la ngag las pa bum pa nyid la sogs par rtogs pa'i blo skye bar 'gyur gyi/ bum pa nyid la sogs pa'i spyi'i rjes su 'gro ba dang ldog pa'i rjes su byed pa can ma yin pa de ltar na/ spyi'i mtshan nyid ni blo la nus pa cung zad kyang yod pa ma yin na/ gang gis na shes pa ro ba'i 'bras bur 'gyur/ yod pa dang mang pa'i rjes su byed pa med par de'i 'bras bu nyid yin na/ ngag las ba med pa gzhan yang ci'i phyir de'i 'bras bu nyid ma yin/ de'i 'di bum ba'i rnam par snang ba dang 'brel ba'i phyir de'i 'bras bu nyid yin na/ de 'di'i snang ba de gang las yin te/ de lta na ji ltar rjes su 'gro ba dang ldog pa ma mthong ba'i phyir de'i shes par mi 'gyur ba de ltar snang ba la yang rjes su 'gro ba dang ldog pa ma mthong ba can nus pa med pa nyid yin no/ / de bas na spyi'i mtshan nyid kyi rjes su 'gro ba dang ldog pa'i rjes su byed pa bum pa la sogs pa'i rnam par rtog pa'i blo la yod pa ma yin no/ /ci dang 'dra bar zhe na/ mig dang sogs gzung? soD blo bzhin no/ /mig la sogs pa bzhin dang/ gzugs la sogs pa bzhin no/ /sogs pa snga ma ni rna ba la sogs pa dang/ gnyis pas ni sgra la sogs pa bzung ngo/ /ji ltar mig dang snang ba dang yid la byed pa dag yod na yang sngon po la sogs pas stong pa'i sa phyogs la der snang ba'i rnam par shes pa ldog cing/ yang nye na rjes su 'gro ba ltar bum pa la sogs pa'i rnam par rtog pa ni ma yin no/ /sbyor ba ni gang zhig gang yod ni gdon mi za bar 'gyur ba de ni de las bzlog pa'i rgyu mtshan gzhan la bltos par 'gyur ba ma yin te/ dper na mig
- 144b
dang bum pa'i gzugs dang snang ba dang yid la byed pa dag na nges par bum pa'i gzugs mthong bar 'gyur ba de las bzlog pa'i rgyu mtshan gzhan la bltos par 'gyur ba ma yin pa lta bu'o/ /bum pa'i rnam par rtog pa yang bum pas stong pa'i sa phyogs dag la mthun pa'i 'bad rtsol dang brda 'dzin pa tsam yod na gdon mi za bar 'gyur ro zhes bya ba ni khyab par byed pa 'gal ba dmigs pa'o/ /gang zhig 'bras bu gang la rang nyid ldog pa'i rjes su byed pas nus pa mthong ba med pa can yin pa de ni/ de spyi'i mtshan nyid kyi shes pa la rang nyid ldog pa'i rjes su yin te/ dper na myu gu la gtan nas med pa lta bu'o/ /spyi'i mtshan nyid kyang spyi'i mtshan nyid kyi shes pa la rang nyid ldog pa'i rjes su byed gas nus pa mthong ba med ba can yin no zhes bya ba ni khyab par byed pa 'gal ba dmigs pa nyid yin no/ /gtan tshigs snga ma ni ma grub pa nyid yin no/ /spyi bum pa nyid dang bral ba snam bu nyid la sogs pa la 'bang rtsol la sogs pa yod na yang bum pa'i spyi'i blo med ba'i phyir ldog pa'i rjes su byed pa nyid ma yin par? de ltar na gtan tshigs ma grub pa yin no zhes na/ ldog pa de 'dra ba las nus pa grub pa yin te/ ji ltar bum pas stang ba'i sa phyogs la de mthong ba la gzhol ba yang mthang ba grub pa ma yin pa de ltar na/ gal te spyi shes par 'dod pa la yang de'i shes pa mi 'gyur na/ de ltar ni 'gyur ste?/ yang bum pa'i rjes su byed pa can gyi rnam par rtog pa la snang ba med pa gang yin pa de ni shes pa tha dad pa'i ngo bo can yin pa'i phyir/ /de la de'i yul med pa'i phyir ma yin zhing shes pa gzhan gyi ngo bo gzhan gyi yin par mi 'gyur te/ the tshom za ba dang nges pa yin no/ /gal te yul med pa'i phyir mi 'gyur na yul zhig pa la yang mi 'gyur ro/ /gal te spyi 'jig? pa med pa'i phyir 'gyur zhe na/ ma yin te/ spyi 'ba' zhig 'dzin pa med pa'i phyir ro/ /de nyid kyi phyir rten chod pa
- 145a
can la sogs pa 'dzin pa ma yin no/ /des na spyi'i mtshan nyid kyi shes pa 'bras bu tsam yin na yang nus pa med par rab tu bstan bas so/ /rdzas dang 'dags dang spyi dang ni/ grangs sogs la ni/ sogs pa snos? pas ni ldan ba dang rnam bar bye ba la sogs pa dang/ kun rdzob las byung ba dag bzung ngo/ /blo gang yin pa de bshad cing bstan pa yin no/ /dper na bum pa la sogs pa yod pa dang med pa'i rjes su byed ba mi rung ba'i phyir de de dag gi 'bras bu ma yin no/ /ci'i phyir zhe na/ brda rtsol ba la sogs pa dang/ nang gi yan lag rjes 'jug phyir re/ /brda la sogs pa brda yid la byed pa'o/ /sogs pa smos pas ni rdzas su mthun pa yid la byed ba bzung ngo/ /nang gi yan lag ni nang ngo/ /rjes su 'jug pa na rjes su byed ba'o/ /brda rtsel dang de dang rjes su mthun pa'i brda 'dzin pa'i nang gi rgyu mtshan rnams yod pa dang med pa'i rjed byed pa'i phyir/ bum pa la sogs pa'i rnam par rtog ba'i blo dag 'gyur gyi phyi rol gyi bum pa la sogs pa'i rdzas las ni ma yin no zhes bya ba'i don to/ /phyi rol gyi lag pa 'degs pa la sogs pa mthong ba nyid las ni 'degs pa la sogs pa'i blo dag 'gyur ba ma yin nam/ ji ltar na brda la rtsol ba la sogs pa dang/ nang gi yan lag dang rjes su 'brel ba nyid kyi phyir zhes brjod ce na/ skyon de yod pa ma yin te/ de la ni yul gzhan dang gzhan du? 'byung ba'i chos can gyi gzugs la sogs pa 'dzin pa yin gyi/ 'degs pa la sogs pa'i rjes su 'gro ba dang ldog pa'i rjes su byed pa nus pa ma mthong ba can las shes pa skye ba ni ma yin no/ /de bzhin du rnam par phye ba la sogs pa dag la yang ci rigs par sbyar bar bya'o/ /de bas na 'dir gzugs la sogs ba dang khyad par de 'dra ba'i yul can gyi mthong ba ni bzlog ba ma yin no/ /'degs? pa la sogs pa'i yul can gyi rnam par rtog pa'i shes ba ni yul med pa can zhes brjod do/ /gal te
- 145b
don la bltos pa med pa rgyu mtshan gzhan yod na yul gang la blo 'byung ba de ni spyi yin pa de'i tshe skra shad la sogs ba don byed nus pa nges par de las gzhan ba mig la sogs ba'i rgyu mtshan yod na rab rib can la sogs pas dmigs pas skra shad la sogs ba de'i shes pa 'gyur ba de ltar na skra shad 'dzings ba la sogs pa spyi yin par 'gyur ro zhe na/ skra shad sogs ni spyi min no/ /ci'i phyir zhe na/ don du zhen ba med phyir ro/ /rab rib can rnams kyi rang gi shes pa la snang ba'i skra shad 'dzings pa la sogs pa la yul nyid du mos pas tha snyad kyi lam la 'jug pa ma yin pa de ltar spyi dang khyad par gyi yul can gyi dpyad pa mi bya'o/ /gang la tha snyad 'dogs pa po rnams yul du zhen pa 'di la dpyad pa 'di bya'o/ /spyor ba ni gang zhig yul gang gi ngo bo nyid du 'jig rten mngon par zhen nas shes bya nyid du mi byed pa de ni de'i ngo bo ma yin te/ dper na ba lang rta lta bu'o/ /rab rib can gyis mthong ba'i skra shad la sogs pa yang don 'ga' zhig spyi la sogs pa'i shes bya'i ngo bo nyid du 'jig rten mngon par zhen pas tha snyad du mi byed do zhes bya ba ni khyab par byed pa mi dmigs pa'o/ /gal te yul nyid du mngon par zhen pas 'jig rten tha snyad du mi byed pa'i phyir spyi ma yin na/ de ltar na na med pa spyir mi 'gyur pa yul nyid du zhen ba med pa yin no zhe na/ de la spyi'i ngo bo nyid med pa'i phyir ro/ /mang pa la nyes pa dag tu thal mi 'gyur/ ci'i phyir zhe na/ shes byar 'dzin phyir ro/ /gal te yang med pa la don gyi ngo bo nyid du zhen pas tha snyad du byas pa med pa de lta na yang shes bya nyid du tha snyad byed pa yin gyi/ dngos po kho na shes bya ma yin te/ med pa yang rnam pa 'ga' zhig gis yul du byed pa'i phyir ro/ /de dag gis yan da lta'i dngos gal te yang med pa dang 'dra bar rab rib can la sogs pas mthong ba'i skra shad la sogs pa dag ni shes pa gzhan gyi shes bya nyid du 'dzin bar 'dod pa de'i tshe/ de ltar 'dzin
- 146a
pa la bkag pa med phyir/ spyi'i ngo bo nyid du 'dod pa yin no/ 'on kyang shes pa gang la de dag so sor snang ba'i shes pa nges shes bya nyid du 'dzin pa ma yin pa de ltar na spyi ma yin no/ /gal te rab rib can la sogs pas mthong ba la sogs pa dnges? pa ma yin na ji ltar snang ba yin zhe na/ bshad pa la skral sogs pa gsal snang nyid/ shes pa'i ngo bo'i don nyid phyir/ shes pa'i ngo bo nyid kyis rang gi mtshan nyid yin pa'i rgyu'i phyir/ shes pa'i ngo bo skra la sogs pa de gsal bar snang ba nyid yin no/ /shes pa de las kyang dus phyis skra la sogs pa dang 'dra bar skra la sogs par nye bar btags pa'i phyir ro/ /sngar gyi shes pa la snang ba'i skra la sogs pa 'di nyid yin no zhes/ skra sogs shes bya'i blo ngag kyang/ rnam par rtag pa sgra las byung ba'i rnam ba can dpyod par byed pa yang 'byung bar 'gyur ro/ /de ni spyi'i yul can nyid yin no/ /'khrul pa mthong ba rnams kyi skra la sogs pa snang ba mthong ba gang yin pa de/ don med can yin te yul med pa yin no/ /gal te ci ni shes ngo yi/ don yin na thal bar 'gyur ro zhe na/ de ltar 'dod phyir skyon yod min zhes bya ba smos te/ shes pa'i ngo bo nyid yin phyir spyi yang rang gi mtshan nyid yin pa 'dod pa de ltar na 'gal ba med do/ /de yang ji lta spyi yin zhe na/ bshad ba/ don gyi ngo bo nyid kyis spyi yul gyi ngo bo nyid kyi sgo nas de spyi rnam par bzhag pa yin gyi/ shes pa'i ngo bo nyid kyis ni ma yin no/ /rgyu gang gis don gyi ngo bo nyid kyi sgo nas kyang de spyi'i rnam par bzhag pa yin zhe na/ bshad pa kun la'ang ngo bo mtshungs phyir te/ gsal ba don gyi bya ba byed par mtshungs pa thams cad la de snang ba mtshungs ba yin te/ rjes 'gro ba'i ngo bo nyid ces bya ba'i don to/ /de ldog pa la rten phyir te/ mtshungs pa nyid do/ /don gzhan las ldog pa la brten pa'i sgo nas blo de ltar snang ba'i phyir te
- 146b
ldog pa'i dngos po mthong ba las skyes pa'i phyir ro/ /der snang ba de'i spyi yin no/ /de de ltar rang dang spyi'i mtshan nyid rnam par gnas pa yin no/ /spyi'i mtshan nyid de dngos min? par? rnam par bzhag go/ de la 'dir dgongs pa ni 'di yin te/ sgra'i yul ni spyi yin no zhes bshad pa la yang dngos por gyur pa tha dad pa dang/ tha dad pa ma yin pa med do zhes sdang btsal ba nyid yin no/ /de'i tshe 'o na ni spyi'i gzugs la sogs pa nyid du 'gyur ro zhes bya ba la sogs pa'i dogs pa bzlog pa'i don du de dngos po ma yin no zhes brjod do/ /gzugs la sogs pa'i rang bzhin ma yin no zhes bya ba'i don to/ /ci'i phyir zhe na/ brjod bya nyid phyir te/ spyi ni sgra'i brjod par bya ba nyid yin pa'i phyir ro/ /gzugs la sogs pa yang sgra'i brjod par bya ba ma yin pa nges na gzugs la sogs pa ni de lta ma yin no gzugs la sogs pa sgra'i brjod par bya ba nyid ma yin pa dang/ dbang sogs 'bras bcas nyid phyir ro/ /gal te don gyi bya ba byed pa'i gzugs te/ gzugs la sogs pa'i sgra las byung ba'i shes pas 'dzin pa de'i phyir /dbang po med pa can gyis kyang sgra las gzugs la sogs pa mthong ba de ltar na/ dbang po la dgos pa cung zad kyang yod pa ma yin no/ /de ltar yang ma yin te/ dbang po rnams kyang don dang ldan pa yin no/ /de'i phyir dbang po'i yul gyi shes pa la snang ba dang mtshungs par snad la sgra las byung ba'i shes pa la med pa da ltar na yul gcig pa can nyid yod pa ma yin no/ /sbras byas pa'i shes pa la snang ba ma yin pa gang yin pa gang de ni sgra'i brjod par bya bar rigs tha? ma yin no/ /sbyor ba ni gang zhig shes pa yul mtshungs par snang ba can du 'gyur ba ma yin pa de ni de dang yul gcig pa can du 'gyur ba ma yin te/ dper na/ bum pa'i shes pa'i yul dang mtshungs par snang ba can ma yin pa snam bu'i shes
- 147a
pa lta bu'o/ /sgra las byung ba'i shes pa yang dbang po'i yul gyi shes pa dang mtshungs par snang ba can du? 'gyur ba ma yin no zhes bya ba ni khyab par byed pa mi dmigs pa'o/ /de ltar ni 'gyur mod kyi/ gzugs la sogs ba brjod par bya ba ma yin pa nyid du 'dod pa nyid yin no/ /'o na ci yin zhe na/ ming dang mtshan ma rnam par shes pa las tha dad pa mtshungs par ldan pa ma yin pa'i 'du byed kyi ming can brjod par bya ba yin no zhe na/ gal te de ltar ming la sogs pa brjod bya yin pa de'i tshe/ ming sogs brjod yin na/ khas len na/ ming la sogs pa de 'chad pa po 'am/ nyan pa po 'am/ gang brjod par bya ba'i don la 'brel par 'gyur ba'am/ gsum po de dag 'ga' zhig dang yang 'brel ba ma yin pa de ltar na/ ming la sogs pa 'chad pa bo/ /nyan po brjod bya rjes 'brel can ming sogs 'brel pa med ba can zhes bya ba'i rnam par rtog pa 'di tsam du 'gyur grang na/ re zhig 'chang ba po dang nyan po dang 'brel pa can ming dang mtshan ma ngag brjod par bya ba nyid yin mngon gyi bya ba byed pa phyi rol gyi don la 'chang ba po dang/ nyan pa po dang 'brel ba can ming dang mtshan ma brjod par byed ba can gyi sgra las nyan pa po 'jug par mi 'gyur ro/ /ci'i phyir zhe na/ ma brjod pa nyid phyir ro/ /ming la sogs ba brjod par byed pa'i ngang tshul can gyi sgra phyi rol la gnas pa'i don ma brjod do/ /ma brjod pa la yang sgra da las 'jug pa'i rigs pa ma yin te/ dper na ba lang brjod pa la ba lang gi sgra las rtal ma yin blta bu'o/ /sbyor ba na gang zhig sgra gang gis ma brjod pa de ni sgra de las de la 'jug pa ma yin te/ dper na bum pa'i sgra las snam bu lta bu'o/ /chu la sogs pa 'dzin pa'i don byed pa'i nus pa'i don kyang 'chad ba po dang nyan pa po dang 'brel ba can gyi ming
- 147b
dang mtshan ma brjod par byed pa'i ngang tshul can gyi sgras brjod par bya ba ma yin no zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi phyi rol gyi don gang yin pa dang/ ming dang mtshan ma la sogs pa'i gang yin pa de dag la gcig nyid du zhen pa'i sgo nas ston bar byed pa po dang bstan par bya ba tha snyad du byed pa yin no/ /de la gcig pa nyid du zhen pa'i sgra'i don ni 'dir 'gyur te/ phyi rol gyi don dang mi mtshan ma dag rang bzhin gcig pa nyid du 'gyur ba 'am/ yang na don la ming dang mtshan ma dag gam ming dang mtshan ma dag la don nye bar 'dogs par byed pa yin pa 'am/ gnyi ga la phan tshun nye bar la dgos par byed pa yin no zhes bya ba'i rnam par rtog pa 'di tsam du 'gyur grang na/ rang bzhin cig tu 'gyur pa de la phyi rol gyi don nyid la ston par mi nus pa de ltar na/ ming dang mtshan mar mi 'gyur ro/ /de'i tshe yang sgra las phyi rol gyi don rtogs pa'i phyir dbang po rnams 'bras bu dang ldan par mi 'gyur ba'am/ ming la sogs pa brjod par bya ba'i skabs nyams par 'gyur ro/ /phyogs gnyis pa la yang de la don nyid gtso bor bstan pas ming dang mtshan ma yang der? gzhan lhag pa phal ba nyid du rtogs pa de ltar na dbang bo 'bras bu med pa can gyi gnas skabs de nyid yin no/ /gang gi tshe? ngon? ming la sogs pa la nye bar btags pa de'i che/ ming dang mtshan ma la gtso bor rtogs par 'gyur zhing/ don la phal par rtogs par 'gyur ro/ /de ltar na de'i tshe don la 'jug par mi 'gyur te/ dper na skyes bu rgyal po'i nus pa can la gang gi tshe/ 'di rgyal po dang 'dra ba yin no zhes bya ba rgyal po nye bar btags par 'gyur ba de'i tshe/ de'i brjod pa'i sgo nas rgyal por gtogs pa ma yin gyi/ 'on kyang de nyid du zhes bya ba lta bu'o/ /phan tshun nye bar btags pa la yang/ ci rigs par dbang po 'bras bu med bcan dang/ 'jug par mi 'gyur ba'i
- 148a
skyon yod do/ /de ltar ni 'gyur mod kyi/ gal te don la tshul 'dra las/ 'khrul 'jug 'gyur na/ phyi rol gyi don 'dra ba las/ ming dang mtshan ma mi ldan pa'i 'du byed kyang yod pa bstan pa de la tshul 'dra ba la skyes bu 'khrul pa'i don gyi rjes su 'jug par byed do zhe na/ gal te tshul 'dra ba las 'khrul pa don la 'jug par 'gyur ba de'i tshe/ dus kun du mi 'gyur ro/ /gal te tshul 'dra ba'i rgyu mtshan can 'jug par 'gyur ba de'i tshe/ don la 'ga' zhig 'khrul pas 'jug pa dus thams cad du ni ma yin te/ dper na mtshe ma lta bu'o/ /'di ltar skyes bu 'di dus thams cad du sgra las 'jug pa na don nyid mthong gi 'ga' zhig gi tshe yang 'chad pa po dang/ nyan pa po dang 'brel pa can gyi mtshan ma nyid ma yin pa des na tshul 'dra bas byas pa'i 'khrul pa las 'jug par mi 'gyur ro/ /gzhan yang yul la 'khrul par yang mi 'gyur ro/ /ji ltar yul nges pa can gyi don 'ga' zhig don 'dra ba yod na yang 'dir khyod kyis byas pa ni 'di yin no zhes skyes bus bstan pa de las gzhan pa'i yul la/ so sor nges pa'i don la tshul 'dra ba las 'jug par mi 'gyur ba de ltar 'dir yang 'chad ba po dang/ nyan pa po la nges pa'i ming la sogs pa'i brjod pa ni rnam par nges pa'i yul gzhan dang 'brel pa can gyi bum pa la sogs ga la 'jug par rigs pa ma yin no/ /gal te gang gi yang ming la sogs pa ldan pa ma yin ba brjod bya ma yin gyi/ /shes pa 'ba' zhig yin pa de'i yang don brjod pa ma yin pa de ltar na/ don la mi 'jug pa la sogs pa mtshungs so zhe na/ shes pa brjod byar mtshungs min te/ don la mi 'jug pa la sogs pa la'o/ /ci'i phyir zhe na/ rnam pa de 'dra'i blo dag ni/ skye phyir tshul 'dra ba las 'khrul pas don la 'jug par 'dod pa ma yin no/ /'o na ci yin zhe na/ sgra des kun nas bslang ba'i rnam par
- 148b
rtog pa ni ngo bo nyid kyis 'khrul pa yin pa'i phyir ro/ /'khrul pa yang nyams su myong bas byas pa yin te/ don gyi rnam pa ci 'dra ba dang rjes su 'brel pa'i nyams su myong ba des bsgos pa'i bag chags sgras sad par byas pa las de lta bu'i rnam pa can gyi rnam par rtog pa'i blo skye ba gang yin pa dngos su rang gi cha la dmigs pa can yin na yang/ ngo bo nyid kyis 'khrul pa yin pa'i phyir/ dngos po 'dzin pa gzhan du snang ngo/ /rnam par rtog pa'i blo'i gzung ba'i cha nyid la don byed par rung ba yin par zhen pas don la 'jug par 'gyur gyi tshul 'dra ba las ni ma yin te/ ji ltar 'khrul pa mthong pa can gyi skyes bu nang gi 'khrul pa las skra shad la sogs pa mthong ba yin gyi/ don gyi bya ba byed pa'i sgra la sogs pa tshul 'dra ba las mthong ba ma yin te/ 'on kyang de ni 'khrul pa'i rang bzhin yin na/ gang gis na de ltar mthong bar 'gyur/ de ltar na klan ka nyid ma yin no/ /gzhan la de lta min te/ ming la sogs pa brjod par 'dod pa gang yin pa de'i yul dang 'dra ba nyams su myong bas bskyed pa de lta'i rnam pa can gyi rnam par rtog pa'i blo ni ngo bo nyid kyi 'khrul pa yin pa'i phyir don la 'jug par rigs pa yin no/ /ci'i phyir zhe na/ blo ni khas len med phyir ro/ /des yul dang 'dra ba nyams su myong ba las skye ba'i nyams su myong ba'i rnam pa can gyi rnam par rtog pa'i blo khas? mi len na/ gang gin rnam par rtog pa la snang ba'i dang tshul can gyi don las byed par nges pa las 'jug par 'gyur/ ci ste skyon der ma gyur cig snyam pas phyi rol gyi don du snang ba'i blo khas len pa de'i tshe/ phyi rol don du snang ba can gyi blo khas len na yang ming dang mtshan ma so sor rig pa'i ngo bo can gyi rnam par shes pa'i ngo bo nyid las len par byed na'o/ /rnam shes las tha dad pa ni/ ming la sogs pa mi ldan pa'i 'du byed tshad can min/ rnam par shes pa las tha dad pa'i ming la sogs pa yod pa nyid kyi tshad ma yod pa ma yin no zhes bya ba'i don to/ /ci'i phyir zhe
- 149a
na/ ldog pa 'grub pa med phyir ro/ /ji ltar don gyi rnam pa can gyi rnam par shes pa'i bdag nyid du gyur pa las don gzhan snang ba med na/ de las gzhan pa'i dbang po la sogs pa rgyu yod na yang 'bras bu rnam par shes pa rgyu gzhan la bltos pa bcas par skye bar mi 'gyur bas pha rol gyi don grub pa yin pa de ltar ming la sogs pa grub pa'i phyir/ ldog pa rab tu grub pa med na gang gis na de yod pa zhes bya bar 'gyur/ de ltar ni 'gyur mod kyi/ gal te shes kun don ldan phyir/ cung zhig shes pa gang yin pa de thams cad don dang ldan pa yin te/ shes pa nyid yin pa'i phyir ro/ /sgra las byung ba 'di yang shes pa yin no/ /de bas na de ni don dang ldan pa nyid yin gyi de yang gzugs la sogs pa ma yin na/ don gang gis don dang ldan pa des rgyu mtshan la sogs pa tshad ma can nyid ma yin/ de dang de ni khyab pa med pa'i phyir/ ldog pa med pa'i phyir lhag ma dang ldan pa nyid yin pas ma nges pa yin no/ /rnam pa gzhan du yang 'di'i mi mthun pa'i phyogs la 'jug pa yod pa de ltar na ma nges pa nyid yin no/ /ci'i phyir zhe na/ rmi? sogs la rnam gzhan mthong phyir/ rig min sogs pa smos pas ni rab rib can la sogs pa gzung ngo/ /rmi lam la sogs pa ni shes pa yang de don gyis stong pa nyid du skye ba de lta na ma nges pa yin no/ /gal te rmi lam na yang don gyi mtshan ma'i 'du byed las rnam par shes pa 'byung bar 'gyur ba de bas na ma nges pa ma yin no zhe na/ de ni mi ldan pa'i 'du byed las rmi lam na yang rnam par shes pa 'byung ba ma yin no/ /ci'i phyir zhe na/ sngon po la sogs snang phyir ro/ /rmi lam gyi shes pa la kha dog dang dbyibs snang ba yin gyi/ kha dog dang dbyibs kyi mtshan nyid can mi ldan pa 'du byed ni ma yin no/ /sbyor ba ni kha dog dang dbyibs kyi ngo bor gyur pa ma yin pa de ni/ kha dog
- 149b
dang dbyibs kyi ngo bo'i sgo nas rang nyid 'dzin pa'i dang tshul can gyi shes pa la snang ba ma yin te/ dper na bde ba la sogs pa lta bu'o/ /mi ldan pa'i 'du byed kyang kha dog dang dbyibs kyi ngo bor mi 'gyur ro zhes bya ba ni khyab par byed pa mi dmigs pa'o/ /de ltar ni 'gyur mos kyi// gal te ming la sogs pa kha dog dang dbyibs su snang ba can mi ldan pa'i 'du byed ma yin pa de ltar yang rmi lam gyi nang gi sngon po la sogs pa'i ngo bo de 'gyur ba de ltar na don dang bcas pa nyid yin pas na ma nges pa ma yin no zhe na/ rmi lam gyi rnam par shes pa la yul sngo sogs min/ ci'i phyir zhe na/ rmi lam na dmigs pa'i sngon po la sogs pa thogs med phyir ro/ /sngon po la sogs pa ni thogs pa dang bcas pa yin zhing/ gnyid kyis log pa'i gnas skabs na yang/ khang pa bar mtshams med pa nyid las bdag phyir byung ba rmis med kyis/ thogs pa can yin pa de ltar 'jug pa ni ma yin no/ /sbyor ba ni gang thogs pa med pa de ni sngon po la sogs par mi 'gyur te/ dper na rnam par shes pa lta bu'o/ /rmi lam du dmigs pa'i yul la yang thogs pa med pa yin no zhes bya ba ni khyad par byed pa 'gal ba dmigs pa'o/ /de ltar ni 'gyur mod kyi/ las de nyid kyis de 'dra ba'i ngo bo skye bar 'gyur ba yin la/ gang gis yul chod pa dag tu gnyid kyis log pa 'di bdag nyid phyir 'byung bar rmis pa yin no/ /de ni rigs pa ma yin te/ 'di ltar gal te dngos su de byung ba de'i tshe/ nang na gnas pa'i lus la dbugs 'byung ba dang rdub pa la sogs pa de'i tshe yod par 'gyur ba ma yin te/ shi ba nyid yin pa'i phyir dang/ rnam par shes pa'i rgyud gnyis med pa'i phyir ro/ /de gnyid log pa nyid la bsnun par byed pa ni choS ma yin par mi 'gyur ro/ /ci ste ma byung ba de'i tshe de ltar/ mthong ba 'khrul pa don gyi stong pa nyid yin pa de ltar na/ de ni cir yang mi rung ngo/ /gzhan yang gzugs la sogs pa de dngos su shes pa yin gyi/ don min no/ /ci'i phyir zhe na/ yul rung can gyis mi shes pa/
- 150a
yul rung ba mtshungs pa can la sogs pa'i skyes bu rnams kyis ma bzung ba mngon sum rang gis shes pa'i rgyu'i phyir ro/ /'di ni shes pa'i mtshan nyid yin no/ /gal te de shes pa ma yin pa'i ngo bor 'gyur na/ yul rung bar mtshungs pa na gnas pa gang gis ci'i phyir mi 'dzin/ rnal 'byor pa gzugs gang skyed nas rang nyid kyis mthong ba des kyang mtshan nyid la 'khrul pa ma yin te/ yul rung ba can nyid 'dzin pa'i phyir ro/ /sngon po la sogs pa'i don ston la/ des ni ming la sogs brjod pa yin/ /dper na de'i ya yul rung ba can dag gis mi shes pa rang nyid kyi shes pa'i phyir shes pa'i mtshan nyid yin gyi/ tha dad par yod pa ma yin pa lta bu'o/ /ji ltar spyi'i blo la don yod pa ma yin pa de ltar de bshad pa yin no/ /gzhan yang re zhig / gang 'di mig la sogs pa'i blo/ gzugs la sogs pa'i yul la 'dod pa ste/ khas len na tshad ma gang gis de nyid don dang ldan par 'dod /de ltar ni 'gyur mod kyi/ gal te don gyi nus mthong yin/ de las gzhan pa'i dbang po la sogs pa'i rgyu rnams yod na yang/ 'bras bu mig la sogs pa'i rnam par shes pa skye bar mi 'gyur ro/ de ni de mi skye ba de rgyu gzhan la bltos pa dang bcas ston par byed pa de ltar na ldog pa las don g yi nus mthong ba'i phyir mig la sogs pa'i blo don dang ldan pa yin no zhe na/ gal te de ltar 'bras bu ldog pa las don grub pa yin pa de'i tshe/ don med can gzhan/ spyi'i yul can gyi rnam par rtog pa'i rnam par shes pa thob par 'gyur/ de ltar de ldog pa las spyi'i nus pa nyid rtogs par mi nus te/ yid la byed pa la sogs pa nang gi rgyu mtshan yod na yod pa'i phyir ro/ /gang yang snam bu 'dzin pa na bum pa'i spyi mi snang ba yin te/ snam bu la med pa'i phyir ro zhes bya ba de nyid 'bras bu de ldog pa'i yul yin no snyam du sems na/ snam bu'i blo de la yang
- 150b
bum pa mi snang ba ni rang gi bag chags kyi nye bar len pa'i khyad par gyi blo tha dad pa rnams ni ngo bo phan tshun 'dres pa med pa'i phyir yin gyi/ yul tha dad pa'i phyir ni ma yin no zhes bshad zin to/ /de bas na de la yul med pa'i phyir bum pa'i blo med pa ma yin no/ /gang gi tshe snam du de yang blos bum pa'i ngo bor sgyur bar byed pa'am/ snam bur mi rtog pas yul de la bum par dpyod par byed pa de'i tshe/ de la yang bum pa'i rnam par rtog pa nyid du 'gyur na de la de'i tshe bum pa yod pa ma yin no/ /snam bu bum pa'i ngo bor bsgyur ba de ltar na yang don gyis stong pa'i sa phyogs dang 'brel pa can gyi bum par snang ba'i blo nyid 'gyur ro/ /de nyid kyi phyir gsal ba yul gzhan na gnas pa'am/ gsal ba de la gnas pa spyi yin pa de'i tshe/ de ni blo'i yul ma yin te/ de'i yul dang 'brel pa can nyid dam/ snam bu der gyur pa 'am/ yul de nyid la bum par rnam par rtog pa'i phyir ro/ /gal te yul gzhan na gnas pa'i gsal ba'i spyi 'dzin pa can du 'gyur ba de'i tshe/ de yul gang la gnas pa'i yul de'i gnas skabs nyid la rnam par rtog pa 'gyur gyi/ de ltar rnam par rtog pa ni ma yin no/ /de bas yul gzhan na gnas pa'i don 'dzin pa ma yin no/ /'dod rgyal gyi sgra'i yul gsal ba'i khyad par rnams sam/ gsal ba nyung zad pa can gyi spyi 'am/ grong dang grong khyer dang/ yul dang/ skyes bu dang/ khang bzang la sogs pa zhig pa'i yul can gyi shes pa 'am/ de med na yang 'bad rtsol tsam gyi rang gi 'dod pas sbyar ba'i ngo bo can gyi shes pa dag la rnam par rtog pa'i blo yod pa ni yin na don yod pa gang yin/ gal te don med na med par 'gyur ba de bas na/ rnam par rtog pa'i blo la de las gzhan pa'i rgyu mtshan thag nye ba na yod na ldog pa ma yin pa'i phyir de las tha dad pa'i rgyu la de bltos pa ma yin no/ /de de ltar na 'chad pa po dang/ nyan pa po dang/ 'brel pa can gyi ming la sogs pa brjod par bya ba yin na /sgra
- 151a
las don byed par nus pa'i don nyid la 'jug par rigs pa ma yin no/ /'brel med can la 'jug pa med/ ji ltar 'chad pa po dang nyan pa po dang 'brel pa can gyi ming la sogs pa'i brjod par bya ba yin no/ /don ba? 'jug pa med pa de ltar 'chad ba po dang rten? pa po'i brjod par bya ba'i don dang 'brel pa med pa can gyi ming la sogs pa 'ga' zhig la yang rten ba med? ba rang dbang du gyur pa brjod pa na/ don byed par rang ba'i don la 'jug pa med pa yin no zhes bstan to/ /gal te don dang 'brel ldan yin no/ / gal te ming la sogs pa'i brjod bar bya ba'i don dang/ 'brel pa dang ldan par 'dod pa de'i tshe/ /'das dang ma 'ongs brjod bya min/ /'das pa la sogs pa'i sgra 'am/ 'das pa la sogs pa'i don brjod par byed pa gzhan gyis brjod par bya bar 'gyur ba ma yin te dper na rgyal po chen po mang bos bkur ba byung bar gyur ba dang/ rgyal po dung 'khor lo sgyur bar 'gyur ro zhes bya ba lta bu'o/ /ci'i phyir zhe na/ don dang de dag zad phyir ro/ /brjod par bya ba'i don byed pa'i dngos po gang yin pa de dang lhan cig de la rten pa'i ming dang mtshan ma dag kyang zhig ba'i phyir ro/ /ma 'ongs pa yang ma skyes pas na de rten nyid ma yin pa'i phyir ro/ /ci ste yang brjod bya zhig pa'am ma skyes pa yin na yang ming la sogs pa rang rgyud 'ba' zhig tu gnas pa nyid yin no zhe na/ de'i tshe de ni rten pa nyid ma yin pa'i phyir/ 'brel pa med pa'i phyogs la 'byung ba can gyi skyon la rten par 'gyur ro/ /de ltar 'gyur mod kyi/ /sgra yis sbyin brjod pa'i phyir/ /gal te thal ba mi 'dod na/ gzugs la sogs pa sgra'i brjod par bya ba nyid yin na/ dbang po'i tshogs 'bras bu med par 'gyur ro zhes bshad pa gang yin pa'i thal ba 'di nyid yod pa ma yin no/ /'di ltar gzugs la sogs pa'i don sgra las nges pa ma yin no/ /'o na ci yin zhe na/ spyi yin no/ /de bas na gzugs la sogs
- 151b
pa'i shes pa la dbang po don dang ldan pa nyid yin no/ /dbang po'i tshogs 'bras bu med par thal ba med par de min no/ /ci'i phyir zhe na/ spyi ni yan gar brjod med phyir ro/ /sgras gsal ba la bltos ba med pa sbyi brjod pa med pa de ltar na/ khyad par dang bcas pa'i sgo nas spyi shes bar byed ba'i phyir ro/ /khyad par gyi gzhi yang rtogs pa'i phyir ro/ /dbang po'i tshigs don med pa nyid yin no/ /brjod na yang gsal ba la bltos pa med pa spyi yan gar ba yang sgras brjod par bya bar khas len na'o/ de mtshungs min dang gsal ba min/ /gsal ba ni gsal bar byed pa ste/ spyi yan gar pa sgras brjod pa yin na/ gsal ba'i spyi der mi 'gyur ro/ /gsal bas gsal bar bya ba nyid kyang 'di la yod pa ma yin no/ /de bas na de mtshungs min dang gsal ba min/ /de bas na spyi ni de dang mtshungs pa nyid ma yin zhing gsal ba ma yin pa de dag tu 'gyur ro/ /de ltar na dngos su de ni 'di'i zhes bya ba'i 'brel pa ni/ gang zhig gang la skye ba'i gzhan gyi dbang la rag las pa 'am/ de'i sgo nas rtogs pa'i gzhan gyi dbang ste/ gang gi bdag nyid rtogs par 'gyur ba yin grangs na/ re shig spyi ni gsal ba skye ba'i gzhan gyi dbang nyid ma yin te/ rtag pa nyid kyi phyir ro/ /rtogs pa'i gzhan gyi dbang yang ma yin te/ gsal ba la bltos pa med par sgras brjod par khas len pa'i phyir ro/ /de ltar na gsal ba ni de dang mtshungs pa ma yin no/ /gsal bas/ gsal bar bya ba yang ma yin te/ gsal ba la bltos pa med ba sgras brjod par bya ba nyid yin pa'i phyir ro/ /sbyor ba ni gang zhig gang la skye ba dang rtogs pa'i gzhan gyi dbang nyid ma yin pa de ni/ de'i zhes bya ba 'am de la zhes bya bar dngos su tha snyad gdags par 'os pa ma yin te/ dper na gangs can dang 'bigs byed lta bu'o/ /spyi gzung bar bya ba'i rang gi ngo bo 'ba' zhig dang rtags pa de yang skye ba dang rtogs pa gzhan gyi
- 152a
dbang gis gsal ba gzhan gyi dbang ma yin no zhes bya ba ni khyab par byed pa mi dmigs pa'o/ /gang zhig gang la bltos pa med par rang dbang can blos? gzung ba de ni nges gsal bar bya ba ma yin te/ dper na snang ba la bltos pa med par rang dbang can sgras brjod par byed pa lta bu'o/ /spyi yang gsal ba la bltos pa med par rang dbang can blos gzung bar bya ba yin no zhes bya ba ni khyab par byed pa mi dmigs pa'o/ /de ltar na gsal ba la bltos pa med par rang dbang can brjod par bya ba yin gyi/ gsal bas byas pa phan pa la bltos pa ni ma yin no/ /rgyu des na rtag tu dmigs 'gyur te/ gsal ba yod pa dang med pa nyid kyi dus na yang spyi dmigs par 'gyur te/ rtag nyid phyir ro/ /spyi rtag tu snang bar yang 'gyur ba de ltar na gsal ba ma byung ba dang 'jig pa'i dus na yang 'byung bar 'gyur ro/ /sbyor ba ni gang zhig gang gis byas pa'i phan pa la bltos pa med par dmigs pa can de ni yod pa dang med pa nyid kyi dus na yang dmigs par 'gyur te/ dper na dmigS par byed pa la snang bas byas pa'i phan pa la bltos pa med pa'i reg bya lta bu'o/ /spyi yang gsal bas byas pa'i phan pa la bltos pa med par dmigs par byed pa can yin no zhes bya ba ni rang bzhin gyi gtan tshigs so/ /gang zhig gang dmigs pa'i mtshan nyid kyir gyur pa yod pa de ni de'i tshe dmigs par 'gyur te/ dper na dbus kyi gnas skabs kyi spyi de nyid lta bu'o/ /spyi la yang gnas skabs snga phyi dag tu dmigs pa'i mtshan nyid kyir gyur pa yin pa yin no zhes bya ba ni rang bzhin gyi gtan tshigs so// de ltar ni 'gyur mod kyi/ gal te yang gsal pas mngon sum phyir gsal yin/ /don gyi ngo bo gsal ba las spyi'i mngon par gsal ba gang yin pa'o/ /ci'i phyir zhe na/ mngon sum phyir
- 152b
te/ phyi rol gyi don gyi khyad par gyi sgo nas spyi gsal ba mngon sum nyid yin no zhes bya ba'i don to/ /de bas na gsal ba ma byung ba dang 'jig pa'i dus na gsal bar byed pa'i gsal ba med pa'i phyir ro/ /gsal ba ma yin pa dmigs pa'i mtshan nyid kyir gyur pa med pa nyid kyis gtan tshigs ma grub pa dag yin no zhe na/ de ltar byas na yang gal te rtag pa nyid kyi phyir dus thams cad du mi dmigs zhes bya ba de tsam gyi skyon gyi lan smras par 'gyur mod kyi/ skyon lhag ma dag ni de'i gnas skabs can nyid yin no// 'di la yang ci ste de rang nyid kyi rang gi ngo bo nyid kyis mngon sum gyi shes pa skyed par rung ba yin nam/ 'on te rung ba ma yin/ gal te rung ba'i rang gi nyid las 'gyur ba med pa'i phyir gnas skabs snga phyi dag la yang de rung ba nyid yin pa de ltar ma grub pa ma yin no/ /de ltar na bdag la shes pa skyed pa na/ /nus pa gang de nus nyid yin/ /nus pa de yang nus pa ma yin par mi rung ngo/ /bdag nyid la shes pa skyed pa'i phyir/ /gal te la yar nus med na/ /gsal ba ma byung ba dang zhig pa'i gnas skabs kyi dus na'o/ /de ltar yin na ni/ de ni kun tshe nus med yin/ /spyi'o/ /de ni zhes bya ba la sogs pas de nyid kyi gzhung 'dzugs pa yin no// //tshad ma rnam 'grel gyi 'grel pa/ bam po nyi shu gsum pa/ /bdag nyid la shes skye ba'i phyir spyil de'i nus pa 'am nus med pa/ rang bzhin gyis ni gang gnas nyid nus pa dang nus pa med pa/ de zad pa? phyir nus pa gang de gsal bar bya ba'i phyir nus pa ci zhig yin/ rtag pa nyid phyir te/ rgyu'i phyir spyi ni/ gso min na/ dngos po'i rgyun mi rtag pa la rkyen gzhan dang gzhan nye ba las/ gnas skabs kha cig ni byed pa po dang byed pa po ma yin no zhes rigs pa yin na de ni spyi rtag pa la rigs pa ma yin no zhes bya ba'i don to/ /gzhan yang spyi'i rnam par shes gang yin pa de
- 153a
gsal ba la bltos pa med pa spyi rtogs pa yin no zhes 'dod na/ spyi rnam par shes pa de la'ang/ rjes su 'brel te rjes su 'jug pa'o/ /sngon po la sogs pa'i/ rnam pa'i cha ni kha dog dang dbyibs kyi yan lag tu gnas pa'i sngon po la sogs pa'i cha ste/ chos snang ba'o/ /spyi'i rnam par shes pa de la snang bar/ rnam nges pa ste mchod par bya ba'o/ /gal te spyi'i rnam par shes pa/ de la gang gis sprul/ don gang gis gzhag pa yin/ sbyis ni ma yin te/ de'i rnam pa can nyid ma yin no snyam du sems so/ /sngon po la sogs pa'i rnam pa ni spyi ma yin no/ /des ni sngon po la sogs pa'i rnam pa'i sgo nas spyi 'dzin pa'i rnam par shes pa la spyi snang bar rigs pa ma yin no/ /sbyor ba ni gang zhig gang rnam pa dang bral ba de ni de 'dzin pa ni rnam pa der snang ba ma yin te/ dper na sgra 'dzin pa na dri lta bu'o/ /spyi yang sngon po la sogs pa'i rnam pa dang bral ba yin no zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi/ gal te mngon sum shes don can/ /phyir na dbang po don med min don shes pa yang rnam pa gnyis te/ mngon sum dang mngon sum ma yin pa'o/ /de la mngon sum ma yin pa'i shes pa bskyed pa la sgra byed pa yin la/ mngon sum gyi shes pa bskyed pa'i 'bras bu can ni dbang po yin pa de ltar na mngon sum gyi shes pa'i 'bras bu can nyid pa'i phyir/ de dag 'bras bu med pa can ma yin no/ /mi la sogs pa brjod pa la yang lan 'di nyid yin no/ /ngo bo gcig can zhes bya ba la sogs pas lan 'debs par byed do/ sgra la sogs pa'i don so sor nges pa ngo bo gcig pa gsal ba dang mi gsal ba yin pa de ltar na/ ngo bo gcig can sgra sogs las/ sogs pas smos bas ni gzugs dang dri dang ro la sogs pa bzung ngo/ /tha dad snang can/ gsal bar snang ba'i ngang
- 153b
tshul can dang /de las gzhan pa'i blo gang las ma yin no/ /pan? chun? mi 'dra ba bsal ba dang mi gsal ba'i rnam pa ni don la yod pa ma yin na/ gang gis shes pa la rnam pa gcig gsal ba bskyed cing/ gzhan la mi gsal ba yin/ de bas na ngo bo gcig tu 'dod pa gang yin pa'i ngo bo de nyid kyis rang nyid 'dzin pa'i rnam par shes pa la don der snang ba yin no/ /de ltar na don gcig mngon sum dang mngon sum ma yin pa'i khyad par ram/ so so snang ba'i khyad par 'dod pa nyid ma yin no/ /sbyor ba ni gang zhig don gcig ba'i yul can gyi shes pa de dag ni/ mngon sum dang mngon sum ma yin pa'i khyad par dang ldan pa'am/ tha dad par snang bar 'gyur ba ma yin te/ dper na mig nyams pa med pa can gyi zla ba gcig tu mthong ba'i mig gi rnam par shes pa lta bu'o/ /rnam par rtag pa dang rnam par rtog pa med pa'i shes pa de dag gi yul gcig nyid yin par smra bar 'dod pa'i mngon sum dang mngon sum ma yin pa'i shes pa yang don gcig pa'i yul can yin no zhes bya ba ni khyad par byed pa 'gal ba mi dmigs pa'o/ rigs 'dir gsal ba las gzhan nam gzhan ma yin par 'gyur grang na/ gal te gzhan ma yin pa de'i tshe/ rigs ldan rigs ni min/ /rigs dang ldan pa nyid rigs ma yin no/ /ci'i phyir zhe na/ rgyu gang gis gsal ba'i ngo bor gzhan rten med/ spyi ni gsal ba gzhan gyi rjes su 'gro ba'i ngo bo yin zhing/ gsal ba yang thun mong ma yin pa'i ngo bo gang yin pa de ni/ gzhan rten med pa ste/ 'di la rten gzhan yod pa ma yin no zhes bya ba tshig rnam par sbyar ro/ /gsal ba gzhan la brten pa ma yin pa ste/ gsal ba gzhan la 'jug pa ma yin no zhes bya ba'i don to/ /de bas na spyi ma yin no/ /de ltar ni 'gyur mod kyi/ gal te tha dad par grub na/ gsal ba las rigs bzhan yin no zhes na/ de'i tshe gsal ba 'di'i spyi 'di yin no zhes dngos su
- 154a
tha snyad du bya ba ma yin no/ /de ltar na 'di'i 'di zhes bya ba'i 'brel pa gzhan cung zad kyang yod pa ma yin no/ /'o na ci yin zhe na/ bltos par brjod pa'o/ /bltos pa yang 'bras bu yin no/ /rtag pa nyid kyi phyir rigs gsal ba'i 'bras bu ma yin no/ /'bras bu nyid ma yin pa'i phyir bltos pa med pa can no/ /bltos pa med pa can 'brel pa yod pa ma yin/ sbyor bar ni gang zhig gang gis 'bras bur 'gyur ba ma yin de de ni de bltos pa dang bcas pa ma yin te/ dper na 'bigs byed dang gangs can lta bu'o/ rigs kyang gsal ba'i 'bras bu ma yin no zhes bya ba ni khyad par byed pa mi dmigs pa'o/ /gang zhig gang la bltos pa med pa de ni de'i zhes don dam pa'i 'brel pa rigs pa ma yin te/ dper na dpe de nyid lta bu'o/ /rigs kyang rigs dang ldan pa la bltos pa med pa yin no zhes bya ba de khyab par byed pa 'gal ba dmigs pa'o/ /gzhan yang re zhig myu gu la sogs pa/ sa bon la sogs pa de'i 'bras bu gang yin pa de yang rang gi rgyu las grub pa'i phyir te/ grub pa nyid kyi phyir cung zhig la bltos pa med ba yin no/ /de nyid kyi phyir de la grub pa'i 'og tu sa bon la sogs pa yang cung zad kyang mi byed pa de bas na/ de ni rag las pa med pa yang rang rgyud du gyur pa yin no/ /rtogs pa yis ni/ sa bon la sogs pa dang 'brel par byed/ sa bon la sogs pa'i ljang bu la sogs pa 'di 'bras bu yin no zhes 'brel pa thob par 'gyur gyi/ don dam par 'brel pa 'ga' zhig kyang yod pa ma yin no/ /sbyor ba ni gang zhig gang gis cung zad kyang byar med pa'am/ grub pa gang yin pa de ni de la bltos par ma 'gyur ba 'am/ de dngos su gzhan gyi dbang ma yin te dper na 'bigs byed gang can la bltos pa 'am/ de gzhan gyi dbang ma yin pa lta bu'o/ /'bras bu'i dngos po yang phyis cung zad kyang byar med pa 'am/ grub zin pa yin no zhes bya ba ni khyab par byed pa
- 154b
mi dmigs pa'o/ /bsgrub par bya ba gnyis pa la bltos nas khyab par byed pa 'gal ba dmigs pa'o/ /de de ltar na 'bras bu la yang don dam pa'i 'brel ba yod pa ma yin na/ ji ltar yang ste rnam pa ji ltar sbyi 'bras bu ma yin pa gang yin pa de la don dam pa'i 'bras bu ji ltar yod par 'gyur/ de bas na gzhan nyid na/ don gzhan nyid yin na'o/ /gang las she na/ gsal ba las so/ /ci zhig ce na/ spyi de 'brel med gsal ba dngo?/ /sbyor ba ni gang zhig gang gis rang bzhin phul du byung ba cung zad kyang byar med pa de ni de la rag lus pa 'am de dang 'brel bar rigs pa ma yin te/ dper na gzhan 'ga' zhig gang dang yang 'brel ba med pa lta bu'o/ /spyi yang gsal bas rang bzhin phul du byung ba cung zad kyang byar med do zhes bya ba ni khyab par byed pa mi dmigs pa'o/ /de phyir rang bzhin med par grub/ /gang gis gzugs la sogs pa las/ tha dad pa dang tha dad pa med pa dag tu rigs kyi rang gi ngo bo rnam par bzhag par mi nus pa 'di phyir de rang bzhin med pa nyid yin no/ /sbyor ba ni gang gzugs la sogs pa la tha dad pa dang/ tha dad pa med pa dag tu rnam par bzhag par bya pa'i rang bzhin du mi 'gyur ba de ni rang bzhin med pa yin te/ dper na mo gsham gyi bu lta bu'o/ /spyi yang gzugs la sogs pa las tha dad pa dang/ tha dad ba med pa dag tu rnam par bzhag par bya ba'i rang bzhin du mi 'gyur ro zhes bya ba ni khyab par byed pa mi dmigs pa'o/ /gal te dngos po las rigs de nyid dang gzhon nyid du rnam par bzhag pa mi nus pa'i ngo bo yin no zhes bya ba ni rang bzhin med pa yin la/ rigs de yang de dang 'dra ba yin par brjod pa de'i tshe/ med pa ri bong gi rwa la sogs pa yang dngos po las de nyid dang gzhan nyid du brjod par bya ba nyid ma yin pa'i phyir/ rang bzhin med pa nyid yin pa de bas na/ rigs su thal bar 'gyur te/ de yang spyir 'gyur ro/ /kho bo cag ni gang dang gang rang bzhin med pa de thams cad ni spyi yin no zhes mi smra ba de ltar na gang gis med pa
- 155a
rigs su thal bar 'gyur/ 'o na ci yin zhe na/ rigs ni dngos po'i rang bzhin du yod pa ma yin no/ /'o na gal te rigs rang bzhin med pa de'i tshe rang bzhin med pa nyid kyi phyir 'ga' zhig kyang spyir mi 'gyur te/ ri bong gi rwa la sogs pa bzhin no zhe na/ de la 'dir gal te spyi dngos por gyur pa gcig cig rjes su 'gro ba'i dang tshul can du mi 'gyur ro zhes brjod pa de'i/ grub pa la sgrub pa nyid yin no/ /ci ste yang tha dad pa med pa'i rnam pa can gyi shes pa'i yul du mi 'gyur ro zhes brjod pa de'i tshe/ ma nges pa yin no/ /'di ltar rta ma yin pa nyid ni ba lang la sogs pa rnam pa gcig pa can gyi shes pa yul yin zhing/ tshig gi don drug tshig don nyid yin pa dang/ snga na med pa la sogs pa med pa nyid yin no zhes bya ba de lta bu la sogs pa'i rnam pa du ma 'dra ba'i shes pa'i yul yin no/ de la dngos por gyur pa gcig rjes su 'gro ba'i dang tshul du yod pa ma yin no/ /gang yang ri bong gi rwa la sogs pa med pa yin na yang/ bum pa la sogs pa spyi min/ bum pa la sogs pa de la de bltos med phyir ro/ /bum pa dang ri bong gi rwa la sogs pa dag la phan tshun chos dang chos can gyi dngos po yod pa ma yin no/ /bum pa dang de'i spyi la bltos pa yod pa gang yin pa de la ni/ bum pa chos can dang bum pa nyid chos yin no zhes bya ba ni rigs pa yin no/ /gal te 'di la yang ji ltar chos can dang chos can gyi dngos por 'gyur zhe na/ bden te 'on kyang phyi rol gyi don dang de las ldog yin no zhes de mthong ba la brten nas/ rnam par rtog pa'i blo chos du ma la zhen pa can rang bzhin gyis 'khrul par byung ba rang gi snang ba la gnas pa chos tha dad ba de dang de dngos po'i chos bzhin du 'jog par byed do/ /de'i snang ba'i stobs kyis chos sam chos can zhes bya ba'i tha snyad 'di byed pa de bas na de dag la bltos pa yod pa yin no/ /bum pa dang ri bong gi rwa dag la ni de 'dra ba'i bltos pa de
- 155b
yang yod pa ma yin pa de ltar bum pa chos can ma yin zhing med pa yang de'i spyi ma yin no/ /gang gi phyir de ltar rigs rang bzhin med par bstan pa/ de'i phyir ngo bo med la ste/ rigs rang bzhin med pa yin no/ /'on kyang ngo bo ste/ rang bzhin rnams la brten nas/ dngos po gang dang gang las ldog pa de dang de las tha dad pa la brten nas rang bzhin tha dad du zin kyang/ tha snyad kyi don du/ ngo bo med la rigs brtags pa/ sgra rnams kyis ni rab tu bstan/ ci 'dra ba zhig ce na/ khyad par de la 'jug don can/ de yang de yin la khyad la'o/ /de dang de rnam par gcad par shes par bya ba'i phyir brdar byas pa can dag gis so/ /rigs de'i de'i ngo bor snang ba'am/ ngo bo gang cung zad bzhin du snang ba zhes brjod pa gang yin pa'am/ don la de nyid du 'dzin pa rigs kyi/ ngo bor snang ba'i sgo nas phyi rol gyi don la gcig nyid du mngon par zhen pa gang de 'khrul pa yin no/ /ci 'dra ba zhig ce na/ thog ma med pa'i dus can mthong goms sprul pa nyid/ thog ma med pa'i dus can phan tshun tha dad par 'dzin pa'i dang tshul can mthong ba goms pa nges/ gzhan pa gang yin pa de ni 'khrul pa yin no zhes bya ba'i tha snyad 'di ni log pa'i don can yin no/ /gzhan sel ba'i mtshan nyid can gyi spyi de rnam par bzhag pa gang yin pa de yang ci'i ngo bo med pa nyid yin no zhes bstan pa'i phyir/ don rnams kyi ni gcig la sogs pas gzhan la ldog pa rnams kyi spyi gang yin gzhan las ldog pa'i mtshan nyid can/ gzhan sel ba'i ngo bo rnam par bzhag pa nyid yin no/ /sgra des 'dis ni gang nges can/ mi 'dod pa spong ba'i sgo nas 'jug pa'i phyir de la de las gzhan rnam par gcod pa na/ sgra tha snyad du byed pa dag gis tha dad rpa de dad de shes par bya ba'i phyir/ rjod par byed pa rab tu sbyor ba yin no/ /gzhan sel ba/ de'i ngo bo cir mi rung/ rang bzhin cung zad yod pa ma yin no/ /gang yang spyi'i blo la don 'khrul pa/ phan tshun tha dad pa'i don la brtan nas skyes par gyur pa de nyid rang gi snang ba'i rjes su byed pas tha
- 156a
dad pa med pa bzhin du 'dzin pa na ngo bo gcig pa don gyi rnam pa can rjes su 'gro ba 'khrul pa'i ngo bo'i /ci 'dra ba zhig ce na/ ngo bo med can ste/ ji ltar snang bar gyur pa'i rnam pas rang bzhin med pa yin du zin kyang de'i don du 'khrul? pa ste/ de'i don gyi rnam pa can de/ spyi yin par kho bo cag 'dod par gyur na/ 'di ltar 'khrul pa'i ngo bo nyid kyis brdzun pa nyid yin pa'i phyir de yang rigs pa ma yin na/ /'khrul pa nyid gang las yin zhe na/ spyi nyid du yang mthong phyir ro/ /tha dad pa med par don tha dad pa dag tu yang so sor snang ba'i phyir ro/ /de nyid kyi phyir don gyi rnam pa can de la don du 'khrul pa zhes bshad pa yin no/ /gzhan yang spyi'i blo ni ngo bo can yin te/ rang bzhin med pa'o/ /ci'i phyir zhe na/ bslad phyir dang/ de'i ngo bo de ma yin te/ de lta bu'i ngo bor brtag pa'i rten ma yin pa'i phyir ro/ /don dngos de nyid med phyir ro/ /ji ltar de'i ngo bo nyid kyis 'khrul pa yin ba'i phyir rang gi snang ba'i don med du zin kyang don du zhen pa de ltar na de nyid de bden pa'i don gyi rang gi ngo bo nyid ni mi 'gyur pa'i phyir yang rang bzhin med pa yin no/ /de de ltar na gzhan las ldog pa'i ngo bo spyi yin nam/ blo'i snang ba spyir 'dod pa gang yin pa de gnyis ka yang don dam par ngo bo cung zad kyang yod pa ma yin no/ /de nyid kyi phyir spyi de/ ngo bo med pas brjod bya min/ dngos po las de nyid dang gzhan nyid las 'das pa ma yin no/ /da lter 'gyur mod kyi/ gal te tshig 'ga' zhig las kyang/ dngos 'dod na ni/ bum pa'i spyi dang gi nye bar len par gyur pa gzugs la sogs pa dag las de nyid dang bzhan nyid du brjod bar bya ba ma yin na yang/ snam bu las bum pa la tha dad pa yin no/ /snam bu las bum ba gzhan nyid du brjod par bya ba nyid yin pa de ltar na spyi dngos po las de nyid dang gzhan nyid du brjod bar bya ba yin pas na/ brjod par bya ba nyid ma yin pa'i phyir zhes bya ba'i gtan tshigs ma grub pa nyid yin no/ /de bas na brjod par bya ba nyid yin pa'i phyir spyi
- 156b
dngos po yin no zhe na/ dngos po rnams zhes bya ba la sogs pas ma grub pa'i lan 'debs bar byed do/ /gal te yan bum ba zhes bya ba'i tshogs pa snam bu zhes bya ba'i dngos po las gzhan nyid du brjod par bya ba yin pa de ltar na yang/ rang gi tshogs pa dag las brjod par bya ba nyid ma yin no/ /brjod par bya ba nyid ma yin pa de yang/ dngos po nyid ma yin pa'i phyir 'dod do/ /de lta ma yin na/ de las kyang mi 'gyur na de yod pa yang yin te/ rang bzhin med pa nyid yin pa'i phyir ro/ /dngos po rnams/ rnam 'gas brjod bya nyid ma yin/ dngos po'i rang bzhin la 'ga' zhig las kyang brjod par bya ba nyid ma yin pa med de/ de nyid dang gzhan gyi rnam par rtog pa las ma 'das pa'i phyir ro/ /de bas na gtan tshigs 'di ni khyad par bcas pa yin te/ ji ltar dngos po 'ga' zhig las kyang brjod par bya ba ma yin pa gang yin pa de ni dngos po ma yin pa de ltar na ma grub pa ma yin no/ /yang na gtan tshigs khyad par med pas kyang ma grub pa ma yin te/ 'di ltar snam bu las kyang bum pa nyid gzhan nyid du brjod bya min/ ci'i phyir zhe na/ nyer len tha dad pas tha dad/ nye bar btags phyir te/ de la bum pa'i nye bar len par gyur pa gzugs la sogs pa dngos po yod pa gang yin pa de dag snam bu'i nye bar len pa dngos por yod pa dag las dngos su tha dad pa der gtogs pa'i tha dad pa de dang de'i nye bar len pa'i sgo nas btags pa'i bum pa dang snam bu dag la yang nye bar btags pa yin pa de ltar na dad par brjod do/ /bum pa nyid la sogs pa de dngos su yod pa yang ma yin na gang gis na de 'ga' zhig las gzhan nyid dam gzhan nyid ma yin par brjod par bya bar 'gyur/ /gzhan yang 'das pa dang ni ma 'ongs ba'i/ / don la'ang spyi'i rgyu can gyi/ spyi'i rten can nyid kyi mnyan pa dag ste/ sgra dag 'jug 'gyur na 'god par 'gyur te/ dper na bum par gyur pa dang/ bum par 'gyur pa zhes bya ba lta bu'o/ /de la gal te spyi dngos por gyur pa rten nyid yin pa'i sgo nas sgra? rnams 'jug
- 157a
par 'gyur ba de'i tshe/ 'das pa dang ma 'ongs pa'i bum pa de ni dngos po med pa nyid yin pa'i phyir/ yod pa de/ spyi dngos por gyur ba zhes bya ba 'di ni gtan tshigs yin no/ /med chos ji ltar 'gyur te/ mi 'gyur ba nyid do/ /dngos po med pa'i 'das pa la sogs pa'i chos mi rung ngo zhes bya ba 'di ni tshad ma'i 'bras bu yin no/ /sbyor ba ni gang zhig dngos po yin pa de ni dngos po med pa'i chos can du mi 'gyur te/ dged? na mig gi rnam par shes pa skyed par byed pa'i rang bzhin can gyi gzugs lta bu'o/ /spyi yang dngos po yin no zhes bya ba ni khyab par byed pa 'gal ba dmigs pa'o/ /yang na gang zhig dngos po med pa'i chos yin pa de ni dngos por mi 'gyur te/ dper na med pa bzhi po rnams kyi med pa nyid lta bu'o/ /spyi 'das pa dang ma 'ongs par 'jug pa can yang dngos po med pa'i chos yin no zhes bya ba ni khyab par byed pa 'gal ba dmigs pa nyid yin no/ /de ltar ni 'gyur mod kyi/ gal te nyes btags las de 'dod /da ltar gyi bum pa dang 'dra bar 'das pa la sogs pa'i bum pa la spyi'i rgyu can gyi sgra mi 'jug pa ni bden mod kyi/ 'on kyang de la nye bar btags pa la 'jug pa yin no/ /nye bar btags pa la 'jug pa yang spyi dngos por gyur pa'i rten gyi sgo nas 'jug pa ma yin no snyam du sems so/ /gal te nye bar btags pa la rgyu mtshan 'ga' zhig yod par gyur na/ nye bar btags pa'i sgo nas 'jug par gyur na/ gang gi phyir de nyid yod ba ma yin pa de ltar na nye bar btags pa med cig nye bar btags pa las sgra 'jug pa med pa yin no/ /de ltar na da ltar bum pa'i nye ba gang ste/ sgra 'jug pa rgyu mtshan gyi chos so/ /med pa dang ni/ 'das pa la sogs pa'i mtshan nyid can gyi bum pa med pa dang/ lhan cig da ltar gyi bum pa'i dngos po'o/ /snam bu la sogs pa med pa dar nye ba gang yin pa de gang yin/ gang gis na snam bu la nye bar btags pa las bum pa'i sgra 'jug par mi 'gyur zhing/ bum pa'i nye bar btags
- 157b
pa nyid kyis med pa las 'gyur ba cung zad kyang ma yin no/ /de ltar ni 'gyur ni mod kyi/ ji ltar da ltar gyi bum pa chu la sogs pa 'dzin pa la sogs pa de ltar 'das pa dang ma 'ongs pa'i bum pa dag gyur ba dang 'gyur ba de ltar 'di nye bar btags pa'i rgyu mtshan yin no zhe/ de ltar na ni grang gi tshad? ? la sogs pa 'dzin pa la sogs pa byed par gyur pa de'i tshe/ bum pa nyid yin pa de ltar na de'i tshe bzlog pa nyid med do/ /zhig par gyur pa med pa yod pa ma yin pa de'i tshe/ da ltar gyi bum pa nye bar btags pa'i rgyu mtshan de la ci zhig yin/ de ltar na nye bar brtsigs? ba ma yin no/ /de bzhin du ma 'ongs pa yang ngo/ /byung ba la de byed pa'i nus pa nyid kyi sgo nas sgra bzlog pa med pa nyid yin no/ /ma byung ba yang de yod pa ma yin no/ /de bas na nye bar btags pa'i rgyu mtshan med pa'i phyir nye bar btags pa nyid yin no/ /sbyor ba ni gang la gang nye bar btags pa'i rgyu mtshan med pa de la nye bar btags pa ma yin te /dper? na phyug po la sogs pa'i yon tan dang/ bral ba'i bran po la rgyal bo nye bar mi 'dogs pa lta bu'o/ /'das pa dang ma 'ongs pa dag la yang da ltar gyi bum pa nye bar btags pa'i rgyu yod pa ma yin no zhes bya ba ni khyab par byed pa dmigs pa'o/ /gzhan yang khyed cag gis tha dad pa'i khyad par can gang yin pa de dngos yin la/ gzhan ni phal pa yin no zhes bya ba'i dngos dang nye bar btags ba nyid kyi mtshan nyid d ni 'jig rten pa nyid kyis ma yin no/ /'di ltar dngos dang sgro 'dogs la/ dngos dang nye bar btags pa'i don dag ji ltar/ seng ge mche ba dang mjug ma dang ldan pa chos can mthun pa nyid can la bltas pa med bar seng ge'i shes pa 'khrul pa med ba dang/ bram ze'i khye'u la seng ge la yod pa'i dpa' ba la sogS pa'i yon tan dang chos mthun pa nyid ngal? bltos nas nye bar btags pa'i sgo nas seng ge'i sgra dang shes pa 'jug pa nye bar btags pa yin no/ /bram ze'i khye'u la seng ge zhes brjod pa na blo ni 'khrul par 'jug par 'gyur ro/ /grags pa'i don bzhin du dus
- 158a
de'i tshe chos mthun par byed pa la bltos pa med par 'gyur ba med par 'gyur ba med pa yin no/ /dngos dang nye bar btags ba'i tha snyad kyi brjod pa 'di yang 'jig rten na yod pa de dor bang? rigs pa yang ma yin no/ /de bas na bum pa'i shes pa bum pa zhig pa dang ma skyes pa dag la ma 'khrul pa yin pa de ltar na /ji ltar na de la sgra 'jug pa nye bar bgtags pa yin/ bum ba'i spyi la yang spyi'i rgyu mtshan nyid can gyi shes pa ma yin pa de ltar na/ grags pa nyid kyis de la dngos kyi sgra 'jug pa yin gyi spyi'i rgyu mtshan can ni ma yin pas na gzhan dag la yang dngos dang nye bar btags pa'i mtshan nyid 'jig rten ba nyid kyis byas pa ma yin no/ gnas med pa la zhen pas ci zhig bya/ de bas na don gang la grags pas don min la'ang/ khyad par dang bral ba la yang/ 'gro ba rnams kyi sgra 'god pa dper na seng ge'i sgra seng ge la dngos kyi sgra yin pa lta bu'o/ /de la mtshungs phyir te/ grags pa'i don gyi yon tan gyi cha 'dra ba'i phyir 'khrul rtogs can gzhan phal ba yin/ shes pa 'khrul pa ste/ dper na bram? ze'i khye'u lta bu'o/ /de ltar na 'das ba'i bum pa la sogs pa la yang da ltar gyi bum pa la sogs pa rang 'dra bar? 'khrul pa med par nye bar btags pa ma yin pa'i blo 'jug bar 'gyur ba de ltar na gnyi ga la yang dngos por gyur pa'i khyad par med pa'o sgra 'jug pa'i phyir de la glan ka btsal du med pa nyid yin mo/ /sbyor ba mi gang shes pa 'khrul ba med pa'i yul yin pa de ni chos de dngos yin te/ /dper na khra bo dang khu yu dag gi shes ba ma 'khrul ba'i yul ba lang gi chos dngos yin pa lta bu'o/ / 'das gdang ma 'ongs? ba'i bum pa yang shes pa ma 'khrul pa'i yul yin no zhes bya ba ni rang bzhin gyi gtan tshigs so/ /grags pas shes pa ma 'khrul pa gang yin pa de ni dngos yin zhing de'i yon tan gyi chos mthun pa nyid can gyi shes pa 'khrul ba'i
- 158b
yul ni phal ba zhes bya'o/ /'jig rten pa'i dngos dang phal pa'i mtshan nyid 'di gsal nas/ khyod kyis nye bar btags pa yod pa'i don gyi yul can dngos yin zhing/ gzhan ni phal pa yin no zhes dngos dang nye bar brtags pa'i mtshan nyid gang yin pa de yang 'khrul pa yin no/ zhes bstan pa'i phyir/ ji ltar dngos po zhes bya ba la sogs pa smos te/ ji ltar dngos po nus med la'ang/ dngos po med pa zhes bya ba'i/ /mnyan pa skye mos byas pa yin/ /dper na 'ga' zhig gis 'ga' zhig las rnam pa 'ga' zhig gis rang gi bu la sogs ba la brjod par 'dod pa'i 'bras bu'i rgyu nas pa med pa ni med ba dang 'dra ba'am/ ri bong gi rwa'am? mo gsham gyi bu zhes bya ba med par brjod bar byed pa lta bu ? de ltar na yod pas? yang med pa'i tha snyad ni phal ba yin no/ /ri bong gi rwa? la sogs pa med pa la ni bzlog pas dngos yin no// ji ltar brtags bzhin du nus pa mang ba'am/ nus pa la gtso bo la sogs pa'i mnyan ba skye bos byas ba yin no/ /grangs can gyi kun brtags pa'i gtso bo la sogs pa med na yang ngo/ /de 'dra ba yod pa nyid du 'jig rten mi 'dod do/ /de ltar na de med na yang ji ltar btags pa bzhin du gtso bo la sogs pa 'jug pa dang/ skyes bu 'ga' zhig bya ba du ma nus pa gzhan la mnyan pa 'jug par byed de /dper na 'di ni gcod dbyed? pa po yin no zhes bya ba la sogs pa dang/ bya ba ldog pa can ji ltar kun btagS pa bzhin rgyu? 'di ni grangs can gyi skyes bu yin no zhes bya ba de lta bu la sogs pa'i mnyan pa byed pa lta bu'o/ /de la brangs can pa'i 'dod pa med na yang sgra 'jugs ni dngos yin pa/ gzhan du mngon par 'dod pa'i skyes bu'i ni? phal pa yin no/ /khyed kyi 'dod? pas med pa la nye bar btags pa dang dngos po la 'jug pa dngos yin par 'gyur na/ de ltar yang ma yin pa de bas na khyed cag gis dngos dang nye bar btags pa'i mtshan nyid ni 'khrul pa yin no/ /kho bo cag ni 'khrul pa yin no/ /kho bo cag ni spyi dngos por yod pa
- 159a
med par brda? ji lta ba bzhin du sgra 'jug pa de ltar na zhen pa med pa nyid du yin no/ /de de ltar na brjod par bya ba nyid yin pa'i phyir dang/ brjod par bya ba ma yin pa nyid kyi phyir spyi dngos po med par bstan nas zhig las sgra las blo ci 'dra/ zhes bya ba la sogs pa 'di nyid kyi rigs pa gzhan ston pa yin te/ bum pa la sogs pa zhig pa la/ bum pa la sogs pa'i sgra la blo ci 'dra/ snang ba de 'dra blo nyid ma zhig pa la yang snang /ji ltar bum bar gyur dang/ bum par 'gyur zhes brjod pa na/ bum pa'i shes pa skye ba gang yin pa de ci 'dra bar snang ba de ltar bum pa yod do zhes bya ba'i da ltar gyi bum pa'i yul can gyi sgra las kyang/ skyes bu'i dbang po'i bya ba mi byed ba'i shes pa de la rang de 'dra ba nyid du snang ngo/ /'on kyang dus dang 'bral ba'i tha dad pa'i khyad par ni yong do/ /rna ba la sogs rnam par shes don yod can la bdag med/ /mig la sogs pI rnam par shes pa gzugs la sogs pa don yod pa'i yul can skye bar 'gyur ba dag la ni/ ji skad du bshad ba med pa'i don can gyi yul can gyi shes pa snang ba'i khyad par las khyad bar med pa nyid yod pa ma yin te/ 'di ltar ji ltar don nye ba can gsal bar snang ba'i ngang tshul can zhes bya ba'i chos mi mthun pa nyid can gyis bstn to/ /de bas na dngos po med pa'i yul can gyi shes pa'i snang ba las khyad par med pa nyid kyi phyir bum pa yod pa'i yul can gyi sgra'i shes pa dngos po'i yul ma yin no zhes shes bar bya'o/ /sbyor ba yang gang dang gang med pa'i don can gyi shes pa las shes pa khyad par med bar snang ba yin pa de dang de ni dngos po'i yul can ma yin te?/ dper na med ba'i don can gyi shes pa las khyad par med par snang ba can 'das pa'i yul can gyi shes pa gnyis pa lta bu'o/ /da ltar yul can gyi sgra las byung ba'i shes pa yang med pa'i don can 'das pa
- 159b
ngar ma 'das pa'i shes pa las khyad par med par snang ba can yin no zhes bya ba ni khyab par byed pa 'gal ba dmigs pa'o/ /gang gis yang 'das pa dang ma 'ongs par/ /shin tu med pa nyid du khas mi len pa de'i yang don byed par rung ba'i gnas skabs kyi rang gi ngo bo dmigs pa gang yin pa de ni snga phyi dag la yod pa nyid ma yin pa de ltar na/ gtan tshigs sam dpe ma grub pa ma yin no/ /da ltar 'gyur mod kyi/ spyi tsam 'din par byed pa'i phyir/ sems gnyis dag ni mtshungs pa yin/ da ltar gyi bum pa'i yul can gyi sgra las byung ba'i shes pa gang yin pa dang/ med pa'i don can 'das pa la sogs pa'i yul can gyi shes pa gang yin pa de shes pa gnyis po de dag ni spyi kho nas mtshungs ba nyid du snang ba khyad par med pa zhes bya ba'i don to/ /de'i don ni 'di yin te/ 'di ltar spyi tsam 'dzin pa nyid yin no/ /de ltar na de ltar gyi bum pa'i yul can gyi sgra las byung ba'i shes pa yang spyi 'ba' zhig yul yin pa de ltar na/ bum pa zhig pa de la yang spyi yan gar ba gnas pa nyid sgra las byung ba'i shes pa'i 'dzin pa'i phyir snga ma dang phyin dang bar ma'i gnas skabs rab tu bum pa nyid kyi spyi yan gar ba sgra las byung ba'i shes pa'i rgyu mtshan nyid du khas len pa'i phyir/ sgras kun nas bslang ba'i shes pa thams cad mtshungs bar snang ba can yin no zhe na/ de dang de ni rigs pa ma yin te/ 'di ltar spyi de 'ba' zhig pa nyid dag kyang /gsal ba las bltas pa med pa na/ de mtshungs min dang gsal ba min zhes bya ba la sogs pas/ 'dzin pa rnam pa zlog pa yin/ gang gis na spyi yan gang ba sgra las 'dzin pa yin na gsal ba'i spyi de gsal bas gsal bar bya bar 'gyur/ skye ba dang rtogs ba'i gzhan gyi dbang gis gzhan nyid ma yin pa'i phyir ro zhes sngar bstan zin pa nyid kyi phyir spyi yan gang ba 'dzin pa nyid ma yin no/ /de bas na 'di lan nyid ma yin no/ /gzhan yang gang gi phyir de spyi yin pa de nyid kyi phyir de dngos po ma yin no zhes
- 160a
bstan pa'i phyir/ phan tshun khyad par can dngos rnams zhes bya ba la sogs pa smos te/ re zhig gdon mi za bar tha dad pa med par 'dod na yang/ rnam pa 'ga' zhig gis tha dad par khas blangs par bya ste/ 'di de'i rten can nyid yin pa'i phyir ro/ /gang yang 'gro ba gcig nyid du 'dod pa des kyang rdul dang/ mun pa dang/ snying stobs tha dad pa dang/ de dag la sems dang ldan pa dang sems dang ldan pa rnams phan tshun 'dod pa nyid yin no/ /de ltar gzhan pa yang rnam pa 'ga' zhig gis gnas skabs la sogs pa'i sgo nas tha dad pa nyid yin pa de ltar na tha dad pa dgag par mi nus pa can yin pas na/ dngos po rnams khyad par can yin no/ /dngos po rnams phan tshun khyad par can nam dngos po khyad par med par spyi'i rang bzhin du ji ltar 'gyur te mi 'gyur ro/ /khyad par can dang/ khyad par can ma yin pa phan tshun spangs te gnas pa'i mtshan nyid can gyi rang bzhin gnyis ni gcig la yod pa ma yin no/ /gal te khyad par can gyi ngo bo yin pa de'i tshe spyi'i ngo bo ma yin no/ /sbyor ba ni gang dag 'gal ba'i rang bzhin yin pa de dag ni gcig gi rang bzhin dag ma yin te/ dper na bde ba dang sdug bsngal dag so sor nges pa'i rang bzhin lta bu'o/ /khyad par can dang khyad par can ma yin pa'i rang bzhin rnam grangs ma yin pa dag kyang 'gal ba yin no zhes bya ba ni khyab par byed pa 'gal ba dmigs pa'o/ /ngo bo nyid gnyis yod na yang/ gal te dngos po la khyad par can dang/ khyad par can ma yin pa'i rang bzhin gnyis yod pa de'i che/ de dngos gcig tu ji ltar 'gyur/ /khyad par can ma yin pa las khyad? par can gzhan yin pa de ltar na/ dngos po gnyis su 'gyur gyi dngos po gcig ni ma yin no/ /de bas na dngos po khyad par can gang yin pa de dag ni gang dag mtshungs pa'i ngo bor 'dod na /de las de lte spyi ngo? bo gzhan nyid du 'gyur/ /de ltar na spyi tha dad pa
- 160b
med pa mi rung ngo/ /de ltar ni 'gyur mod kyi/ gal te de ltar ngo mtshungs na /gang gi spyi tha dad pa med pa de'i tshe skyon de yin gyi/ /gang gi gsal ba las tha dad pa'i khyad par can gang yin pa de dag las khyad par can ma yin no/ /'on kyang spyi dang ldan pa gnyis po de dag mtshungs pa ste/ spyi dang khyad par med pa can gyi ngo bo yin no zhe na/ gal te de ltar yin pa de'i tshe/ spyi dang de ldan pa phan tshun phan gdags par bya ba dang phan 'dogs par byed pa nyid ma yin pa de'i phyir/ de dag gi spyi de zhes bya ba'i don dam pa'i 'brel pa med pa ste mi rung ngo/ /de 'dod na ni 'brel pa can gzhan gyis kyang gzhan dag dang mtshungs pa ni ma yin no zhes bya bas yang bstan zin to/ /de de ltar na spyi dngos por gyur pa gzhan dang gzhan ma yin ba mi rung ngo/ /ldog pa la ni sun 'byin med/ gang gi yang spyi gzhan rnam par gcod pa tsam yin pa de'i de ni dngos pa ma yin pa ste/ de ltar na gzhan nyid dang gzhan nyid ma yin pa'i skyon yod pa ma yin zhing/ thams cad la rnam par gcod pa mtshungs pa yod pa yin no/ /de ltar na ji ltar gcig gi mdzub mo'i bsdigs mdzub mthe bong las tha dad pa de ltar lhag ma rnam pa la yang de las tha dad pa nyid yin no/ /mthe bong gcig las tha dad pa gang yin pa de nyid mthe bong ma yin pa nyid du tha dad pa med pa yin te/ tha dad pa med pa'i tha snyad kyi rten yin zhing/ de yang rnam par gcod pa'i ngo bo ma yin no/ / de nyid kyi phyir de nyid dang gzhan nyid 'gyur ba'i ngang tshul can gyi brten pa ma yin no/ /gang gi phyir de ltar spyi nyid yin na/ dngos po'i ngo bo nyid ma yin pa de'i phyir na mtshungs pa nyid/ spyi 'di dngos med mtshan nyid yin dngos po la mtshungs pa nyid yod pa ma yin pa'i phyir ro zhes bya ba ni mjug bsdu ba'o/ /gzhan yang spyi dngos por gyur pa gang yin pa de ci 'bras bu yin nam/ 'on te 'bras bu ma yin/ gal te de 'bras yin pa de'i tshe/ skye ba dang ldan pa nyid yin pa'i phyir/ rang bzhin gzhan dang gzhan nyid
- 161a
kyis du mar 'gyur ro/ /de bas na spyi'i mtshan nyid gcig nyid nyams par 'gyur na/ de yang 'jig par mi 'dod do/ /'bras bu nyid yin pa'i stobs kyis kyang spyi mi rtag par 'gyur na/ de mi rtag par mi 'dod do/ /de ltar spyi dngos por smra bas de 'bras bur las blangs par mi bya'o/ /gzhan yang 'jig pa dngos po tsam dang ni/ rjes 'brel phyir na/ skad cig ma nyid yin no/ /'jig pa ni dngos po tsam dang 'brel pa can nyid yin no zhes bstan zin to/ /des na gal te spyi dngos po yin pa de'i tshe/ gdon mi za bar 'jig par 'gyur ro// de lta ma yin na/ dngos po med pa nyid du 'gyur ba'i phyir ro/ /dngos po nyid yin na yang spyi ni/ rtag nyid min mi rtag pa nyid yin na yang du ma nyid yin pa'i phyir de ltar spyi nyid ma yin no/ /'on te 'bras bu ma yin na/ rigs rnams 'brel pa med pa yang/ 'bras min phyir ro// spyi rnams ni de dang ldan pa dang lhan cig 'di'i 'di zhes bya ba'i 'brel pa yang mi rung ngo zhes bya ba yang bltos pa zhes bya ba 'bras bur brjod ces bya ba'i skabs su bshad zin to/ /rigs rnams ngo bo nyid med 'bras min phyir/ rang bzhin med pa nyid yin te/ skye ba dang ldan pa gang yin pa de ni rang bzhin nyid yin la gzhan ni med pa nyid yin pa'i phyir ro/ /'bras bu ma yin pa ni bskyed par bya ba ma yin zhing spyi ni yod pa ma yin no/ /'dis kyang sgra las byung ba'i shes pa'i yul dngos po ma yin te/ 'di ltar dngos po'i stobs las skyes pa'i shes pa gang de/ dper na mig la sogs pa'i shes pa/ brda dag la/ brda'i bran pa la bltos pa ma yin pa lta bu'o/ /'o na ci yin zhe na/ dngos po rung ba nyid thag nye ba tsam las 'byung ba'i ngang tshul can yin no/ /spyi ni blo la de dag ste/ brda la bltos pa med pa nyid snang mi 'gyur/ 'on kyang brda dran pa la bltos pa nyid spyi'i blor 'gyur ba de ltar na de dngos po'i yul can ma yin no/ /sbyor ba yang gang zhig brda dran pa la bltos pa'i shes pa'i yul yin pa de ni dngos po ma yin te/ dper na sgra'i don gtso bo 'am/ dper na
- 161b
sgra'i dngos po thams cad skad cig ma re re mi gnas par 'jig pa'i ngang tshul can yin no zhes bya ba'am/ sgra'i don 'phrod pa 'du ba la sogs pa lta bu'o/ /ba lang nyid la sogs pa'i sgra'i don dag kyang brda'i dran pa bltos pa'i shes pa'i yul yin no zhes bya ba ni khyab par byed pa 'gal ba dmigs pa'o/ /gal te gsal ba'i khyad par khra bo nyid mthong ba la ba lang gi tha snyad ma bzung ba'i rta la sogs pa mthong ba na /kho bos don gang yin pa de dang 'dir sngar mthong ngo zhes mi 'gyur la/ khu yu mthong ba na/ khyad par gang la yang the tshom med par de nyid 'di yin no zhes brda la bltos pa med par rjes su 'jug pa spyi'i shes pa 'byung bar 'gyur ro/ /de bas na spyi mthong bas byas pa yin no zhes rtogs pa de'i phyir gtan tshigs ma grub pa yin no zhe na/ de ni de lta ma yin te/ 'di ltar 'bras bu mtshungs pa can/ dngos gnyis mthong la blo 'ga' zhig /brda med na yang tha dad min/ /rjes su 'jug pa gang yin te/ /don nye ba dang 'brel can yin/ /gang dag mthong ba yod na ji ltar khra bo dang/ khu yu dag la 'di ba lang yin zhing 'di yang ba lang yin no zhes blo rjes su 'jug pa'i don de dag ngo bo nyid kyis don tha dad pa blo gcig pa can de'i 'bras bu nyid yin no/ /de bas na blo gcig pa de de dag gi 'bras bu yin pa de ltar na/ de dag nyid nges bzung ba yin no zhe bshad do/ /de bas na blo de ni gsal ba'i rgyu mtshan can nyid yin gyi/ rigs kyi rgyu mtshan can ni ma yin no/ /dngos po de dag gi rang bzhin gyi khyad par de nyid de 'dra ba'i rang bzhin yin no zhes brjod do/ /de nyid ni ji ltar/ rigs med par shes pa'i zhes bya ba la sogs pas 'chad par byed do/ /ji ltar rigs med par/ mig sogs nye 'dod pa'o/ /ci 'dra ba zhig ce na/ shes pa'i 'bras can te/ gang la shes pa'i 'bras bu yod pa zhes tshig rnam par sbyar ro/ /ji ltar spyi med du zin kyang/ dbang po dang snang ba dang/ yid la byed pa mtshan nyid mi 'dra ba dag gis kyang/ gzugs kyi rnam par shes pa gcig skyed par byed pa de
- 162a
ltar khra po la sogs pa phan tshun 'dra ba med na yang/ ngo bo nyid kyis 'bras bu gcig byed pa'i nus pa so sor nges pa'i phyir/ de 'dra ba'i rang gi yul can gyi blo skyed par byed la/ gang gis ngo bo nyid kyis rnam pa gcig rtogs pa'i mtshan nyid can gyi shes pa skyed par byed de/ de ni 'bras bu gcig pa can nyid ba yin no/ /'di nyid ni gcig gi rjes su 'jug pa'i blo'i rten yin no/ /gang gis rnam par phye ba yis/ rigs ni rjes su 'gro bar byed/ /ji ltar ba lang dang 'brel pa can gyi rigs de nyid khra bo dang khu yu la sogs pa la rjes su 'gro ba byed cing/ rta dang ba lang la sogs pa tha dad par mtshungs pa la ci'i phyir ma yin/ de la gsal ba rnams 'bras bu gcig byed par nus pas rigs rjes su 'gro bar byed cing/ gang la nus pa de med pa de la tha dad pa yod na yang rigs rjes su 'jug pa ma yin no zhes bya ba de brjod par bya'o/ /'bras bu gcig byed par nus pa yang gcig gi rjes su 'gro ba ma yin te/ de'i rjes su 'gro ba ni nus pa gzhan gyi rjes su 'gro ba'i rgyu mtshan nyid kyis nus pa gzhan dang gzhan gyi rjes su 'gro zhing rjes su 'brang bas thug pa med pa'i phyir ro/ /de bas tha dad pa yod na yang 'bras bu gcig nyid mtshan nyid can nye bas rnam bar phye bas rigs rjes su 'gro bar byed pa yin no/ /nye ba de nyid rjes su 'gro ba can gyi shes pa'i rgyu mtshan can pa de ltar na/ 'gal ba med do/ /'dis kyang spyi dngos po ma yin no/ /nam pa dags? kyang rnam shes la/ dngos po snang ba med phyir ro/ /spyi de'i ngo bo ste rang bzhin gang yin pa de snang ba nyid du 'dod pa rang nyid 'dzin bar khas len pa'i shes pa gsal bas dpen par mi? snang ba'i phyir ro/ /gal te spyi dngos po yod pa dang/ snang ba yin pa de'i tshe/ de med par rang nyid 'dzin pa'i shes pa la bdag gi rang gi ngo bo nyid snang bar 'gyur ro/ /yul gcig pa can dbang po gcig gis gzung bar bya ba dag tu 'gyur ba la yang/
- 162b
rang rang gi ngo bor rtogs par 'gyur te/ dper na rlung dang nyi ma'i reg bya dag lta bu'o/ /de bas na gal te spyir 'gyur ba de'i tshe de yang mthong bar 'gyur zhing snang bar 'gyur ro/ /bzung du zin kyang nges pa ma yin na/ shes pa dang brjod pa 'jug pa nges byas pa ma yin pa de ltar na rnam par rtog pa de don med par 'gyur ro/ /sbyor ba ni gang gis ngo bo rnam pa 'ga' zhig gis kyang 'dzin par 'dod ba'i shes pa la/ gang dben par mi snang ba de ni de las tha dad par yod pa ma yin te/ dper na spyi 'dzin pa'i shes pa la spyi gzhan mi snang blta bu'o spyi'i ngo bo yang spyi 'dzin pa nyid du 'dod pa'i shes pa la gsal ba'i ngo bo las tha dad par snang ba ma yin no zhes bya ba ni khyab par byed pa mi dmigs pa'o/ /gal te mig la sogs pa'i dbang po'i gzugs rnam par shes pa la mi snang mod kyi/ 'on kyang gzugs la sogs pa las tha dad par de dag yod pa yin pa de ltar na gtan tshigs ma nges pa yin no zhe na/ de ni de ltar ma yin te/ 'di ltar dbang po de dag ni mngon sum gyi rang bzhin nyid ma yin pa'i phyir/ tshu rol mthong bas rang gi ngo bo rig ba ma yin no/ /'o na ci yin zhe na/ mngon sum gyi shes pa 'bras bu 'ga' zhig gi tshe yul yod pa dag la yang 'jug pa dang ldog pa yang mthong ba de ni rgyu gzhan ston pa yin no/ /des brjod pa'i gzugs ci yang rung ba dbang po zhes bya bar tha snyad gdags pa yin no/ /gal te dbang po rnams dbang po las 'das pa'i don mthong ba'i skyes bu ltar? pa por 'gyur ba de'i tshe rang gi ngo bo 'dzin pa'i shes pa la /de'i lus ni snang 'gyur te/ dbang po'i gzugs yin pa de lta na the tshom med pa yin no/ /ci'i phyir zhe na/ gzugs ldan phyir te/ dbang po'i? rang bzhin dang ldan pa nyid kyi phyir ro/ /de bas na rang nyid 'dzin par 'dod pa'i mngon sum gyi shes pa la gang mi snang ba zhes bya ba'i gtan tshigs kyi don yin pa de bas na nges pa ma yin no/ /ji ltar dbang pI ngo bo rang nyid mthong ba po yod na/ rang gi shes pa la
- 163a
snang ba de ltar mngon sum gyi shes pa la rigs kyi ngo bo min te/ yan gar mthong ba med phyir ro/ /gsal bas dben par rigs kyi ngo bo mthong ba med pa'i rgyu'i phyir ro/ /gsal ba 'dzin tshe na'ang de sgra dang/ ngo bo las gzhan snang ba med/ /gsal ba 'dzin pa na gsal ba de'i ming gang yin pa dang/ de'i kha dog la sogs pa gang yin pa de nyid 'ba' zhig snang gi de las tha dad par gzhan spyi snang ba med do gang gi tshe rang nyid 'dzin par 'dod pa'i shes pa la spyi'i ngo bo mi snang ba de'i tshe/ de ni de'i rnam par shes pa nyid du mi 'gyur ro/ /gang gi ngo bo la snang ba la snang ba de ni de'i shes pa yin na/ rang nyid 'dzin par 'dod pa'i shes pa spyi mi snang ba de ltar na de'i shes pa ma yin no/ /sbyor ba ni gang gi ngo bo shes pa gang la mi snang ba de ni shes pa'i gzung bar bya ba ma yin te/ dper na sgra'i shes pa la sngon po la sogs pa'i ngo bo snang ba ma yin pa ni sgra'i shes pa'i bzung ba ma yin pa lta bu'o/ /rang nyid 'dzin par 'dod pa'i shes pa la yang spyi'i ngo bo mi snang ngo zhes bya ba mi byab par byed pa mi dmigs pa'o/ /rang gi yul la shes pa skyed par byed pa gang yin pa'i 'di ni don byed pa'i tha mar gyur pa yin no/ /de phyir te rang nyid 'dzin par 'dod pa'i shes pa la mi snang ba nyid kyi phyir spyi de ni rang gi yul la shes tsam gyi/ don byed par yang mi rung ste/ nus pa ma yin no/ /mi rung phyir te ngo bo med/ /dngos bo med pa yin te/ rnam par shes pa tsam gyi 'bras bu byed pa yang mi nus pa nyid kyi phyir ro zhes bya ba'i don to/ /mi rung ba nyid kyang ci'i phyir dngos po med pa yin zhe na/ 'di ltar de ni dngos med mtshan nyid yin/ 'di lta ste don byed pa'i nus pa thams cad dang bral ba 'di ni med ba'i mtshan nyid yin no/ /de ni spyi la yan yod pa de ltar na dngos po med pa'o/ /de de ltar na spyi ni dngos po med pa yin no zhes bya bar gnas so/ /ji skad bshad las bzlog gang yin/ /de yang rang gi mtshan nyid 'dod/ /
- 163b
ji skad du bshad pa las bzlog pa yang brjod par bya ba ma yin pa de nyid dang gzhan nyid du brjod par bya ba med pa'i don snang ba khyad par med pa shes pa'i yul ma yin pa/ mtshungs pa ma yin zhing thun mong ma yin pa gang yin pa/ brda dran pa la bltos pa med pa'i rtogs pa can/ rang 'dzin pa'i shes pa la gzhan gyi ngo bos dben par snang ba gang yin pa dang/ don byed par nus pa gang yin pa de ni rang gi mtshan nyid 'dzin par 'dod do/ /gang yang dngos po med pa'i ngo bo rnam par gcod pa'i mtshan nyid can du bstan pa'i spyi de yang rnam pa gsum yin te/ dbye ba gsum yin no/ /tshad ma rnam 'grel gyi 'grel pa// //bam po nyi shu bzhi pa/ /ji ltar zhe na/ dngos dang dngos med gnyis rten phyir/ /dngos po'i nye bar len pa can dang /dngos po med pa'i nye bar len pa can gnyi ga'i nye bar len pa can no/ /de la dngos po'i nye bar len pa can ni sgra'i don gang gzugs la sogs pa la brten nas tha snyad du byas pa ste/ dper na skyes bu nyid la sogs pa lta bu'o/ /med pa'i nye bar len pa can ni snang ba'i don mi dmigs pa dang skye ba dang ldan pa med pa nyid ces bya ba la sogs pa'o/ /gnyi ga'i nye bar len pa can ni mi dmigs pa tsam dang/ shes bya nyid la sogs pa'o/ /gal te yod shes dngos po'i rten can yin/ gal te dngos po'i nye bar len pa can spyi 'dzin par byed pa'i shes pa yin par 'dod na/ 'o na ni shes pa de dngos po la dngos po'i yul can thob par 'gyur ro zhes bya ba'i don to/ /ci'i phyir zhe na/ yod dang rjes 'brel phyir zhes bya ba smos te/ dngos po yod na yod pa'i phyir dang/ med na med pa'i phyir ro/ /sbyor ba ni shes pa gang gis dngos po yod na 'gyur zhing med na mi 'gyur ba de ni dngos po'i yul can yin te/ dper na mig gi rnam par shes pa lta bu'o/ /chos thams cad kyi spyi 'dzin pa'i shes pa yang dngos po yod na 'gyur zhing med na mi 'gyur ro zhes bya ba
- 164a
ni rang bzhin gyi gtan tshigs zhe na /skyon de yod pa min no/ /ci'i phyir zhe na/ lan bshad zin phyir te/ brjod bya nyid phyir zhes bya ba la sogs pa'i gtan tshigs kyis spyi 'dzin pa'i shes pa dngos po med pa'i yul can nyid yin par bstan pa'i phyir ro/ /nges kyang 'gal ba mi 'khrul pa can nyid ma bstan to/ /'on ci yin zhe na/ dam bcas pa la rjes su dpag pas gnod pa yin no/ /'das sogs gzhan du mthong phyir ro/ /bum par gyur pa dang byed par 'gyur ro zhes bya ba med pa la sgra las byung ba'i shes pa dngos po med par mthong pa de ltar na gtan tshigs ma grub pa yin no/ /de ltar ni 'gyur mod kyi/ gal te dngos chos nyid nyams 'gyur /gal te dngos po med par spyi 'dzin par shes par 'gyur ba de'i tshe /dngos po'i chos nyid yin pa dam bcas pa nyams par 'gyur ro zhe na/ ji skad du bshad pa'i skyon 'di med/ ci'i phyir zhe na/ dngos po 'dzin pa sngon 'gro can/ spyi de'i shes pa 'am spyi'i shes pa de yin par 'gyur ro zhes dgongs ba'i phyir ro/ /sbyi ni gzugs la sogs pa bzhin du bdag nyid dngos po'i ngo bo nyid kyis shes pa'i yul yin pa'i phyir ro/ /dngos po'i chos su 'dod pa ni ma yin no/ /'on ci yin zhe na/ gzugs la sogs pa mthong bas bsgos pa'i bag chags la brten nas rnam par rtog pa skye ba na/ rang nyid kyi gzung ba'i rnam ba la gzugs la sogs pa'i rnam pa nyid du zhen pas 'jug pa de ltar na gzugs la sogs pa mthong ba'i stobs kyis skye ba'i phyir dang/ der zhen pa'i phyir dngos po'i chos yin no zhes tha snyad du byas pa yin no zhes bya ba'i don to/ /de nyid kyi phyir rang gi mtshan nyid gcig ma gtogs par gzhal bya'i khyad par gzhan cung zad kyang don byed par nus pa yod pa ma yin no/ /de bas na rang gi mtshan nyid gcig gzhal bya/ /gzhal bya yin par 'os pas na ? la bya'o/ /rang gi mtshan nyid
- 164b
gcig pu kho na la skyes bu rtog pa dang ldan pa don byed pa don du gnyer bas yod pa dang med pa nyid du dpyad bar bya ba ma yin no/ /ci'i phyir zhe na/ rang gi mtshan nyid las dpyod pa'i rten gzhan med pa'i phyir bshad ba/ rang gi mtshan nyid de las don byed grub ste /rgyu'i phyir skyes bu don byed pa don du gnyer ba don byed nus pa'i dngos bo dpyod pa'i sgo nas yul du byed pa yin gyi gzhan ni ma yin no/ /don byed par nus pa yang rang gi mtshan nyid kho na yin pa de ltar na de yod pa dang de med pa nyid du dpyod bar byed ba yin pa bas na de nyid la/ yod med nyid du dpyod phyir te/ rgyu'i phyir dang gi mtshan nyid gcig pu kho na gzhan bya yin gyi gzhan ni ma yin no zhes bya ba'i don to/ /spyi la yang dpyod ba 'jug pa nyid ma yin nam/ de ji ltar na gcig bu kho na gzhal bya yin zhes brjod ce na/ bden te/ 'on kyang spyi la dpyod pa yang rang gi mtshan nyid kyi rten can yin no/ /de ltar na 'ga' zhig de dngos po nyid yin zhes ston par byed do/ /des na ci ste 'ga' zhig la rung ba'am ma yin zhes dngos po'i rjes su 'grangs? nas dpyad pa yin no/ /de lta ma yin na med pa nyid du nges pa la dpyod pa cung zad kyang mi rung ngo/ /med pa'i yul gyi spyod pa yang dngos po rten can nyid yin te/ dngos po nyid la yod pa dang med pa nyid dpyod pa phyir ro/ /gal te 'o na gzhal bya gcig kho na yin na/ slob dpon gyis rang dang spyi'i mtshan nyid las gzhal bya gzhan yod pa ma yin no zhes yul rnam pa gnyis gsungs te/ rang gi mtshan nyid la gzhal bya gnyis pa yod pa'i phyir/ slob dpon gzhal bya gnyis nyid? bzhed pa ni ma yin no/ /'o na ci yin zhe na rang gi mtshan nyid de yi rang gzhan ngo bo dag rtog phyir te rgyu'i phyir gzhal bya gnyis su bzhed /rang gi mtshan nyid kyi rang gi ngo bo mngon sum gyi shes bas rtog pa'i phyir rang gi mtshan nyid gcig nyid yin no/ /de nyid la rjes su dpag ba'i shes bas bzung ba'i sgo nas de'i ngo
- 165a
bos zhen pas rtogs pa'i phyir spyi bshad do/ /ji ltar na gzhan gyi ngo bo'i sgo nas rang gi mtshan nyid rtogs pa yin no zhes bya ba de rtogs par 'gyur zhe na/ 'di ltar rnam par rtog pa'i rjes su dpag pa phyi rol nyid du snang ba'i cha rang gi mtshan nyid ma yin pa la rang gi mtshan nyid du zhen pas skye bu 'di'i don byed nus pa'i don nyid la 'jug par 'gyur ro/ /de lta ma yin na gal te spyi rjes su dpag pa de'i tshe/ don byed pa sgrub par byed pa de nyid la 'jug par 'gyur te/ de tsam rtogs pa'i bsam pa can nyid yin pa'i phyir ro/ /de'i yul gyi don rtogs pas ldog par 'dod pa'i dus phyis me la 'jug par mi 'gyur ba'am/ de nyid 'jug par mi 'gyur te/ de 'ga' zhig gi tshe yang nus pa med pa nyid kyi phyir ro/ /rang bzhin du gnas pa dag gi bum pa yongs su bcad nas bum pa yongs su bcad par nges pa la gnas pa snam bus bsgrub par bya ba'i don byed pa la 'jug pa ma yin no/ /bsgrub par bya ba'i don byed par rtogs pa'i don du rang gi mtshan nyid las rjes su dpag pa las kyang 'jug pa yin pa de bas na de'i ngo bor zhen pa'i yin no zhes rtogs par 'gyur ro/ /de de ltar na ji ltar rnam par rtog ba'i rjes su dpag pa de rang gi cha las dngos po nyid du zhen pas de de ltar ma yin no/ /ji ltar mngon zhe na med pa yi/ rgyu yis gnyis pa/ gzhan gyi ngo bor rtogs pa la 'khrul pa dag tu bzhed pa gang yin pa de ni der zhen pas don byed pa la 'jug pa'i phyir ro/ /gal te gzhan gyis rtogs gal te gzhan mi gsal ba'i tshul rnam pa rtog ba'i rjes su dpag pa bzung ba'i rnam pa'i sgo nas rang gi mtshan nyid du zhen pas don de'i gsal ba'i ngo bor rtogs pa yin no/ /de yan ji lta ba bzhin ma yin pa la zhen pas 'khrul bar 'dod do/ /'o na de tshad ma nyid ma yin te/ 'di tar smig rgyu
- 165b
la sogs pa/ 'khrul pa'ang tshad ma nyid ma yin/ /'ang? gi sgras ni spyi rnam par shes pa rang gi mtshan nyid rtogs pa gzhan nyid du mi 'gyur ro zhes bya ba'i don to/ /sbyor ba dag ni gang zhig gang las gzhan gyi ngo bo yin pa de ni rtogs pa na de rtogs par mi 'gyur te dper na sgra rtogs pas gzugs rtogs pa ma yin pa lta bu'o/ /rang gi mtshan nyid kyang rnam par rtog pa'i rnam par shes pa'i bzung ba'i rnam pa las gzhan gyi ngo bo yin no zhes bya ba ni khyab par byed pa 'gal ba dmigs pa yin par sems so/ /gang 'khrul pa yin pa de ni tshad ma ma yin te/ dper na mig ser gyi nad can gyis ser po mthong blta bu'o/ /rjes su dpag pa yang 'khrul pa yang 'khrul pa nyid yin no zhe bya ba ni khyab par byed pa 'gal ba dmigs pa nyid yin par sems so/ /rang gi mtshan nyid kyi bsam pa can gyi tshad ma nyid yin pa de bas na 'khrul pa ma yin pa dang rang gi ngo bo nyid du rtogs pa yin no/ /bzlog pa'i sbyor ba dag ni gang/ tshad ma nyid yin pa de ni 'khrul par mi 'gyur te/ dper na mngon sum lta bu'o/ /rjes su dpag pa yang tshad ma yin no zhes bya ba ni khyab par byed pa 'gal ba dmigs pa yin no sems so/ /gang zhig gang gi rtogs pa yin pa de ni de'i ngo bo nyid du 'gyur te/ dper na mig gis gzugs rtogs pa lta bu'o/ /rjes su dpag pa yang rang gi mtshan nyid rtogs pa yin no zhes bya ba ni rang bzhin gyi gtan tshigs yin par sems so/ /bsam pa la ni slu med phyir zhes bya ba la sogs pas lan 'debs par byed do/ /'khrul pa yin yang tshad ma yin/ /ci'i phyir zhe na/ bsam pa la ni slu med phyir/ rtogs pa po gang don byed par nus pa'i don la zhen pa can de ltar 'dod pa'i don la mi bslu ba ni tshad ma nyid yin no/ /gal te de 'dra ba de yod pa ma yin no zhes sgrub pa de'i tshe ma nges pa yin te/ nor bu'i 'od la nor bur zhen pa can gyis don de thob pa'i phyir ro/ /
- 166a
ci ste yang 'di don ji lta bzhin du ma yin pa 'dzin pa yin na zhes sgrub ba de'i tshe grub ba la bsgrubs pa nyid yin no/ /thal pa dang po nyid la ma nges ba nyid yin te/ 'di ltar de ni/ rtogs pa rnam pa gzhan du mthong /dper na nor bu'i 'od la nor bur zhen pa lta bu'o/ /don dam par mi 'dzin pa bsgrub bar bya ba yin na /'dod pa sgrub pa nyid yin no/ /bzlog pa'i sbyor ba dang po la nor bu'i 'od la nor bu'i blos ma nges pa nyid yin no/ /gnyis pa la yang ma grub pa yin te 'di ltar phyogs 'di'i yang lan btab zin to/ /'di ltar rnam par rtog pa'i shes pa dngos po 'dzin pa ma yin no zhes bya ba ni brjod bya nyid ces bya ba'i gtan tshigs kyis bstan zin to/ /nor bu sgron ma'i 'od dag la zhes bya ba la sogs pas thal ba dang bzlog pa dag la de nyid ma nges pa nyid ston par byed do/ /nor bu'i 'od dang sgron ma'i 'ong ni nor bu dang sgron ma'i 'ong ngo/ /de dag yul du gyur pa dag la'o/ /skyes bu gang gi nor bu'i blo yis mngon rgyugs pa/ log pa'i shes par khyad med na'ang/ ji ltar don byed la khyad yod/ /de ltar ji bzhin don yin na'ang/ /'khrul pa nyid yin na yang ngo/ /gang zhe na /rjes dpag dang ni ngor? snang dag /tshad ma nyid du rnam par bzhag /rgyu gang gis she na /don byed ba dang rjes 'brel pas/ /'di las ji ltar 'dod pa'i don la mi bslu ba kho na yin pa de ni tshad ma yin no/ /skyes bu gcig nor bu'i 'od la nor bu dang /cig shos mar me'i 'od la nor bu'i blo can gyi skyes bu gnyis po de dag ni nor bu 'khrul par 'dra ba yin te /nor bu rang gi ngo bo bzung ba med pa'i phyir ro/ /de ltar na gcig ni nor bu'i blos 'jug pa na nor bu thob pa yin te/ de ni nor bu dang 'brel pa'i shes pa de las de la 'jug ba'i phyir ro/ /cig shos ma yin te 'brel pa med pa'i phyir ro//
- 166b
de ltar na don byed ba dang rjes su 'brel bas de dag las gcig ni mi bslu ba yin la cig shos ni ma yin no zhes bya ba ni khyad par yin no/ /de ltar na rjes su dpag pa dang /der snang ba dag 'khrul pa'i shes pa yin bar khyad par med na yang gcig ni don byed par nus pa'i don dang phrad pa yin te /de las brgyud nas skyes pas de dang 'brel pa'i phyir ro/ /cig shos ni ma yin pa de ltar gcig tshad ma yin gyi gzhan ni ma yin no/ /de de ltar na rang gi mtshan nyid kho na rang gi ngo bo dang gzhan gyi ngo bo'o sgo nas rtogs ba'i phyir de dag gi mtshan nyid ci 'dra ba/ dang/ gzhal bya gnyis nyid du rnam par bzhag nas/ da ni ji ltar gzhal bya gnyis nyid yin pa'i phyir tshad ma gnyis kho na bstan par bzhed nas /gang la don gyi nus pa las shes bya ba la sogs pa smos te/ gal la don gyi nus pa las/ shes bya gang la shes byad ni ngon gyi nus pa ste stobs las so/ /don de yul rung pa la nye ba dang nye ba ma yin pa dag las zhes bya ba'i don to/ /rjes 'gro ldog pa can gyi blo/ mthong ba'i rnam pa de nges par snang ba can no/ /de yod na yod ba'i rjes su byed pa'i sgo nas skye ba zhes bya ba'i don to/ /don de 'dra ba de la 'dzin pa rang dbang can /gzhal bya la brten pa can gyi rang gi ngo bo 'dzin pa can ni ma yin no zhes bya ba'i don to/ /nges na dmigs pa bshad pa yin no/ /de ltar na blo'i snang bas rjes su 'gro ba dang ldog ba'i rjes su byed pa gang yin pa de ni mngon sum gyi yul yin no/ /de las gzhan dngos dbang po 'angs/ don gang yang yul rung ba nye ba dang nye ba ma yin pa'i mtshan nyid can gyi rjes su 'gro ba dang ldog pa'i rjes su byed pa'i ngang tshul can gyi blo dngos su mi byed pa de ni lkog tu gyur pa'i don yin no/ /mngon sum dang lkog tu gyur pa'i mtshan nyid de yang/ rtogs pa po 'di ltar kyi gnas skabs la bltos pas yin no de lta ma yin na lta ba po dang snang ba nyid kyi gnas skabs kyi khyad par gzhan du gyur pa na/ mngon sum dang lkog
- 167a
tu gyur pa dag rnam pa gzhan du 'gyur ba'i mtshan nyid mtshon pa yin no/ /de de ltar don 'ga' zhig mngon sum yin pa de thams cad snang ba'i rang bzhin gyi gnas skabs yin par khas len pa'i phyir dang so sor nges pa'i ngo bor bzung bar ma yin pa lkog tu gyur ba/ spyi'i mtshan nyid can yin no zhes tha snyad du byas so/ /de bas na mdo bsdu na gang gis rang gi ngo bo 'dzin pa de ni mngon sum yin zhing /gzhan ni lkog tu gyur pa yin no/ /rnam par rtog pa'i shes pa'i bzung blkog tu gyur pa'i don yin par 'dod pa gang yin pa de ni des de'i rang gi ngo bo 'dzin pas na de lkog tu gyur ba ma yin pa de ltar na mngon sum dang lkog tu gyur pa'i mtshan nyid tha dad par mi 'gyur ro/ /dbang po'i sgo nas rtogs pa med ba'i phyir ro// lkog tu gyur pa ma yin pa la yang dbang bo las de'i rang bzhin las ngo bo lhag pa 'dzin pa med pa na/ gang gis na de'i sgo nas mi rtogs pa'i phyir mngon sum nyid ma yin par gyur/ dbang bo'i sgo nas bde ba la sogs pa mngon sum nyid du 'dod pa ma yin no/ /'o na ci yin zhes/ rang gi ngo bo rtogs pa las yin no/ /rnam par rtogs ba'i rnam par shes pas rang gi ngo bo rtogs ba de ltar dbang pos kyang yin pa de ltar na khyad par med pa'i phyir dbang bo'i don med pa yin no zhes bya ba skyon 'di gzhan yin no/ /don de la phan tshun mtshan nyid mi 'dra ba gsal ba dang mi gsal ba'i rnam pa yod pa ma yin la/ gang rnam pa gsal ba 'dzin ba las dbang bo 'bras bu dang bcas par 'gyur ro zhes bshad do/ /rnam par brtag par bya ba gang yin pa de'i ngo bo mngon sum gyi sgo nas rnam pa ji ltar yang bzung bar bya ba ma yin gyi 'on kyang rnam par rtog pa thams cad ni don nyams su myong bar? byas pa'i 'khrul pa de yin no/ /de skyon yod pa nyid ma yin te/ 'khrul pa yin na yang rnam par rtog ba
- 167b
gang gi brgyud pa nye bar na yod pa yin na/ 'di ltar rnam par rtog pa'i shes pa'i gzung ba'i cha nyid la rang gi mtshan nyid du shen ba'i ngo bo de nyid du nges par byas nas/ skyes bu 'jug pa ni don dang phrad pa yin no/ /rnam bar rtog pa de nyid tshad ma yin gyi gzhan don mthong ba sngon du song ba can las skyes ba'i phyir brgyud nas 'ongs pa yin du zin kyang ma yin no/ /de bas na/ ma mthong bdag nyid ngo bo de/ /rang gi mtshan nyid kyi rang gi ngo bo ma mthong ba de na dngos su rtogs pa de yod ba tsam gyis/ don rtogs pa 'di rten don gzhan yin /don gzhan grub pas de grub pa yin te/ de'i gzhan la brten pa can grub pa yin no zhes bya ba'i don to/ /rtags can rtogs pa ni de'i rang gi ngo bo ma bzung na yang rtags 'dzin ba bzhin du de mi bslu ba'i phyir de rtogs pa zhes tha snyad gdags te/ des kyang lkog gi don rtogs pa'i phyir ro/ /rten gyi don du 'dod pa gang yin pa de ni/ gal te de rten bsgrub par bya ba'i chos me ma yin pa rnam par gcod pa gang yin pa de'i rten sa phyogs la sogs pa'i chos can no/ /gal te chos can de dang 'brel par can 'gyur na'o/ /'dis ni chos can dang 'brel pa can bstan to/ /yang rnam pa gzhan du don gzhan zur gyis bstan pa ste/ gang la lkog tu gyur pa'i don rtogs pa'i rten gyi don snang ba de chos can no/ /bsgrub par bya ba gang la rten chos can yod pa de ni de rten can no/ /gal te bsgrub bar bya ba'i chos de dang 'brel pa can du 'gyur te /med na mi 'byung bar 'gyur na'o/ /'dis ni rjes su 'gro ba dang ldog pa bstan to/ /de ltar na gal te tshul gsum dang ldan pa yin na de tshe go byed yin /de lta ma yin na 'ga' zhig las thams cad la thams cad rtogs ba'i phyir/ thams cad la thams cad kyi go bar byed par 'gyur ro/ /de bas na chos dang 'brel ba can gyi rjes su 'gro ba dang ldog pa dang ldan pa'i don las bskal ba'i don rtogs pa yin no zhes
- 168a
brjod par bya'o/ /don de 'dra ba las de rtogs pa de ni so sor nges pa'i tshul gyis ma yin te /de med na yang de yod pa'i phyir ro/ /'on kyang de tshe go byed rjes 'gro ba/ /spyi yi ngo bo nyid du rtogs /rtags ni rtags can nyid yod na yod pa'i phyir go bar byed pa yin no/ /don tsam yod na 'gyur ba gang yin pa de ni don tsam yin la de ni go bar byed pa'i rjes su 'gro bar byed pas na go? bar byed pa'i rjes su 'gro ba'o/ /go bar byed pa'i rjes su 'gro ba yang de yin la spyi'i ngo bo yangyin bas na de skad ces bya'o/ /gang gi tshe go bar byed pa'i rjes su 'gro ba spyi'i ngo bo yin pa de ltar na go bar byed pa'i rjes su 'gro ba'i spyi'i ngo bo nyid du rtogs pa de'i tshe/ bskal ba'i don rjes su 'gro ba dang ldog pa dang ldan pa'i rtags las nges pa yin gyi so sor nges pa'i ngo bor yang ma yin te/ don tsam dang rtags kyi 'brel pa grub pa'i phyir ro/ /gang gi phyir 'brel pa can gyi don las lkog tu gyur pa'i don la/ spyi nyid du rtogs pa 'byung bar 'gyur gyi rnam pa gzhan du ma yin pa/ de'i phyir lkog gyur don thams cad khyad par du ni/ dper na ma rtswa las byung ba dang/ lo ma las byung ba dang/ gsal ba dang/ chen po dang/ chung ngu zhes bya ba rang gi rnam pa so sor nges par rtogs mi 'gyur/ /nges par mi 'gyur te/ 'on kyang ma yod pa tsam yin no/ /'brel pa can gyi chos dag las/ rjes su 'gro ba dang ldog pa dang ldan pa'i rtags dag las de dang ldan pa'i chos can la/ bsgrub par bya ba'i chos/ rtogs skye ba gang yin pa de ni rjes dpag yin no/ /chos can las skyes zhes bya ba 'dis ni chos can dang 'brel ba can bstan to/ /'brel pa can gyi zhes bya ba 'dis ni rjes su 'gro ba dang ldog pa bstan to/ /tshul gsum pa'i rtags las lkog tu gyur pa'i don la/ spyi'i ngo bo nyid du rtogs pha de yang rjes su dpag pa nyid gang yin pa'i rgyu de nyid kyis lkog tu gyur pa'i don de dag gi sgrub byed gcig rjes su dpag pa nyid yin no/ /'dis ni
- 168b
rjes su dpag pas las gzhan las rtogs pa yod pa ma yin no zhes bstan to/ /gang gi phyir de ltar na rang gi ngo bo rtogs pa gang yin pa de ni mngon sum yin la/ ji skad du bshad pa'i rtags yod na lkog tu gyur pa'i don gzhan thams cad ni rjes su dpag par bya ba yin te/ rnam pa gzhan gyis rtogs pa mi srid pa'i phyir ro/ /de phyir mngon sum lkog tu gyur pa las/ gzhal bya gzhan ni yod ma yin/ /gang zhig gzhan ni sgrub par byed pa'o/ /gang gis na rjes su dpag pa las tshad ma'i khyad par gzhan cung zad yod par 'gyur/ /de phyir gzhal bya gnyis nyid kyis tshad ma dag ni gnyis nyid bzhed/ /mngon sum gyi rang gi don gyi ngo bo rtogs pa ni mngon sum gyi tshad ma yin la/ lkog tu gyur pa'i ji skad bshad pa'i gzhan gyi yan lag tsam gyi rtogs pa rjes su dpag pa yin pa de ltar na tshad ma ni gnyis kho na yin no/ /gzhal bya gnyis ni mthong phyir ro/ /rang gi mtshan nyid dang gcig shos te/ gzhal bya gnyis bstan pa'i phyir ro/ /gsum gcig grangs ni bsal ba 'am/ /gzhal bya gnyis bstan pas tshad ma gsum la sogs pa bsal ba dang/ tshad ma gcig bsal cing slob dpon gyis mngon gsum ma yin pa'i tshad ma yang yod do zhes bstan to/ /gang gi phyir gzhal bya gzhan gsum pa med pa'i phyir tshad ma gsum la gos pa yod pa ma yin no/ /de ltar ni 'gyur mod kyi// gal te med pa gzhal bya nyid/ min phyir gcig yin mngon sum las gzhan pa'i don 'ga' zhig log tu gyur pa'i don 'jig rten ni pha rol la sogs ba 'ga' zhig kyang yod pa ma yin no/ /'o na ci'i phyir zhe na/ med pa nyid yin zhing med pa nyid kyi phyir gzhal bya ma yin la/ gzhal bya ma yin pa nyid kyi phyir mngon sum gyi dngos po gzhal bya gcig nyid yin no/ /sbyor ba ni gang med pa de ni gzhal bya ma yin te/ dper na ri bong gi rwa la sogs pa lta bu'o/ spyi yab med pa yin no zhes bya ba ni khyab par byed pa
- 169a
'gal ba dmigs pa yin par sems so/ /kho bo 'ang 'dod /de ni kho bo cag kyang 'dod ba nyid yin no/ /de'i rang gi ngo bo dang gzhan gyi ngo bos rtogs ba dag las gzhal bya gnyis su rnam bar bzhag ba yin no/ /rang gi mtshan nyid las gzhal bya gzhan spyi ni yod pa ma yin ba de ltar na grub pa la sgrub pa yin/ /med pa gzhal bya nyid ma yin pa nyid du sgrub par bya ba la gtan tshigs ma des pa yin no/ /'di ltar des kyang tshad ma gzhan 'ga' zhig gis 'jig rten pha rol med par nges par bya ba yin la/ de yang des bar byed pa ni gzhal bya gnyis la? ma 'das ba'i phyir rang nyid kyis ma des pha yin no/ /de lta ma yin na 'jig rten ni pha rol la sogs pa med pa'i yul can gyi tshad ma med pa de'i tshe/ 'jig rten pha rol la sogs pa med pa ni de rang gi rnam par ma nges pa yin no/ /rang nyid la rnam par des par med na yang/ gzhan yang de la rtogs pa skyes bar mi nus pha yin na de la med pa'i nges pa yang yod ba yin no/ /de bas na de ngas yod na/ med pa'i nges pa gang yin pa de nyid tshad gnyis yin/ rjes su dpag pa zhes bya ba'i tshad ma gzhan shugs kyis 'gyur ro/ /de bas na med pa gzhal bya yin pa de ltar na dper bsgrub par bya bas stong pa yin no/ /sbyor ba yang gang zhig rnam pa 'ga' zhig gis nges pa yin ba de ni tshad mas yongs bcad par bya ba yin te/ dper na mngon sum gyis don lta bu'o/ /med pa yang rnam pa 'ga' zhig gis nges par 'dod do zhes bya ba ni rang bzhin gyi gtan tshigs so/ /de ltar ni 'gyur mod kyi/ mngon sum nyid las 'jig rten pha rol dang skyes bu khyad par med pa la sogs pa grub pa de ltar na tshad ma gnyis ba yod pa ma yin no zhe na/ de ni med la dbang skyes blo ma yin/ mngon sum las med pa grub pa ma yin no/ /ci'i phyir zhe na/ dbang las skyes pa'i blo de ni/ /don gyi stobs las skye phyir ro/ /mngon sum las med pa grub par 'dod pas de med pa'i yul
- 169b
can nyid du bstan par 'gyur na/ de yang rigs pa ma yin no/ /ci'i phyir zhe na /don gyi nus pa la bltos nas skye ba'i phyir ro/ /de lta ma yin na don yod ba nyid dang yul rung ba nye bar nyid la bltos ba med pa yin no/ /ci ste blo don gyi nus pa nyid la bltos pa yin zhe na /de'i tshe na don nus pa la bltos med na /chod pa la sogs pa des kyang dngos po'i nus pha nyid la gags byed pa med pa nyid kyi phyir/ tshod pa la sogs yod na yang /dbang skyes blo ni skye bar 'gyur/ /ji ltar na rang nyid dmigs pa'i mtshan nyid kyir gyur pa gzhan dmigs pa'i mtshan nyid can gyi mngon sum gyis med pa grub bar 'dod ce na /de la yang mngon sum ni med pa'i yul can ma yin no/ /'o na ci yin zhe na/ de nyid kyi dngos po nyid yongs su gcod par byed mod kyi /'on kyang gzhan gang yin pa de zhes brjod do// de ldog pa'i sgo nas des de nyid kyi rang bzhin nges pa 'ba' zhig yongs su gcod ba'i phyir gzhan rnam par gcod pa byed ba yin no zhes brjod do/ /de ltar ni 'gyur mod kyis/ gal te mngon sum ldog pa las/ med pa'ang nges pa nyid yin no/ /kho bo ni mngon sum 'jug par byed pa med pa sgrub pa yin no zhes mi smra'o/ /'o na ci yin zhe na/ mngon sum de nyid ldog pa ni gnas skabs gzhan yin zhing de ldog pa las med pa nges ba yin no zhe na/ de ltar na ni 'gal ba 'am mngon sum nyid ldog ba las med ba nges pa yin no zhes bya ba ni rang gis tshig dang 'gal ba yin no/ /de ldog pa las nges par 'gyur ba gang yin pa de ni mngon sum las 'gyur ba ma yin te/ mngon sum de yang de med pa de gcig pa nyid du mi rung ba'i phyir ro/ /gcig gi nyid yin na yang dngos po bzhin du don gyi bya ba byed pa'i phyir de med pa ma yin no/ /'o na ci yin zhe na/ dngos po nyid yin no/ /de bas na med pa sgrub par byed pa mngon sum yin no zhes smra bas de yod pa nyid du nye bar 'jog pa las med pa de sgrub par byed pa nyid yin pa/ de ldog pa las
- 170a
zhes bya ba'i tshig las yod pa nyid ldog pas sgrub par byed pa nyid ma yin par smras par 'gyur ro/ /sgrub par byed pa nyid dang sgrub par byed pa nyid ma yin pa de dang de ni 'gal ba yin no/ /sbyor ba dag ni gang zhig gi sgrub par byed pa yin pa de ni de grub pa na thag nye ba na yod pa can du 'gyur te/ dper na 'bras chen gyi me la sogs ba'am gzugs la sogs ba'i sgrub par byed pa sgron ma la sogs pa lta bu'o/ /med pa yi mngon sum sgrub par byed pa yin no zhes bya ba ni rang bzhin gyi gtan tshigs so/ /gang zhig gang la yod pa ma yin pa de ni de'i rtogs par byed pa 'am gsal bar byed pa ma yin te/ dper na gzugs kyi sgron ma med pa lta bu'o/ /mngon sum yang med par rtogs pa la yod ba ma yin no zhes bya ba ni khyab par byed pa mi dmigs pa'o de bas na mngon sum las med pa grub ba ma yin no/ /gang yang kho bo cag mi dmigs pa mngon sum gyis grub par 'dod pa de la med pa yul du byed pa'i phyir mngon sum gyi tshad mas sgrub pa ma yin gyi/ 'on kyang shes pa gcig la 'drer rung bar snang ba'i don dag las/ dngos po gcig nyid gzhan dang 'gre ba can ma yin pa nyid de las grub pa nyid yin no/ /de yang dngos po gzhan grub pa nyid na/ med pa grub? pa yin pa'i phyir ro/ /de ltar 'jig rten pha rol la sogs pa ni ma yin te/ de dang mtshungs par rung ba'i gnas skabs can gyi dngos po gzhan dang 'dre ba med pa can rtogs pa med pa'i phyir ro/ /de dag ni shes pa gcig la 'dre ba mi rung ba'i phyir ro/ /gzhan gyis mngon sum ldog pa las med pa zhes bya ba'i nges pa khas len na/ ldog pa de 'khrul pa med pa can gang las yin te/ rtogs ba po'i mngon sum log pa las rnam pa gzhan du yang snang ba'i phyir ro/ /ci ste 'di'i 'khrul pa med pa 'ga' zhig gis/ sgrub par byed pa de'i tshe rjes su 'gro ba dang ldog pa can de med
- 170b
pa dang lhan cig khas blang bar bya'o/ /gal te rjes su 'gro ba dang ldog pa can yin pa de'i tshe de nyid rjes 'gro dang /ldog pa can gyi rtags yin no/ /de ltar na rjes su dpag pa tshad mar 'gyur te/ 'khrul pa med par bstan pa'i phyir ro/ /kyang gi sgra ni rim pa gzhan du sbyar pa yin te/ 'dis kyang grub pa yin no/ /gang zhe na/ tshad ma gnyis so/ /gang las she na/ gzhan sems nyid ni rtogs pa las/ yang na kyang gi sgra ni nges par gzung ba yin te /grub pa kho na yin no zhes bya ba'i don to/ /tshu rol mthong ba can dag gi mngon sum gzhan dang 'brel pa can gyi blo shes pa ma yin no/ /de bas na rnam pa gzhan du rtogs pa yang rjes su dpag pa yin no/ /sems rtogs pa zhes bya ba yang med pa nyid ma yin no/ /ci'i phyir zhe na/ smra sogs la ni 'jug phyir dang/ rgyu'i phyir /de'i ngo bo nges par 'grub/ sems kyi nges pa'o/ /gang gi phyir skyes bu 'di gsong por smra ba la sogs pa'i smra ba la 'jug pa de'i phyir /nges par gzhan sems dang ldan pa yin no zhes rtogs so/ /sbyor ba ni gang zhig gang la sems dang ldan pa tha snyad du 'jug par bya ba la 'jug par byed pa de ni sems dang ldan pa nges pa can yin te/ dper na tshu rol mdzes pa la de nyid sems dang ldan pa la/ tha snyad 'jug par byed pa lta bu'o/ /ji skad du bshad pa'i tshu rol mdzes pa'i bu srog dang bcas pa yang tha snyad la 'jug par byed do zhes bya ba ni 'bras bu'i gtan tshigs so/ /de ni gzhan gyi sems rtogs par byed pa smra ba la sogs pa'i rtags so/ /gzhan yang shing sha pa dang/ ngu ba'i khyad par dang /chu bstan pa la sogs pa ste/ shing dang me dang rten la sogs pa ni rtogs par byed pa nyid ni tshad ma nyid yin no/ /ci'i phyir zhe na /mi slu phyir /bdag nyid ji lta ba bzhin du mi slu ba'i rgyu'i phyir ro/ /de ltar ni 'gyur mod kyi/ gal te la la dag tu ni/ 'khrul phyir yid brtan med yin zhes/ gal te yang shing sha pha dang du ba'i khyad par dang/ chu brtan pa?
- 171a
sogs pa shing dang me dang rten la sogs pa la yang mi bslu ba de ltar de'i mtshan nyid can gzhan la 'khrul pa mthong ba de ltar na/ thams cad la yid brtan du med pa yin na zhe na /rtags la 'khrul pa ni yod pa yin te/ 'on kyang rtags log mthong phyir de de 'dra /khyod la snang bar 'gyur ro/ /shing sha pa la sogs pa shing la sogs pa la mi bslu ba'i rang bzhin gang yin bde thams cad ni de'i bdag nyid dang de las byung ba dag gis 'brel pa'i phyir ro/ /'brel pa de yang rtags kyi mi bslu ba'i mtshan nyid yin te/ de gang la yod pa de ni slu bar byed pa ma yin te/ slu bar byed pa dag la ni de'i ngo bo yod pa ma yin no/ /rtags bslu ba med pa can de 'dra ba de ni nye bar mtshon pa med pa'i phyir rtags nyid ma yin la/ cung zad tsam chos mthun pa nyid las rtags nyid du zhen cing de la 'jug pa la bslu ba mthong ba'i phyir khyad cag la rtags thams cad 'khrul pa yin no zhes de de 'dra bar snang bar 'gyur ro/ /de tsam gyis ni rtags yang dag pa nyid kyang 'khrul pa yin par mi 'gyur ro/ /'on kyang rtags ba po rtags kyi rjes su 'brang mi nus pas skyon de byas pa yin no/ /de ltar na dngos bo gang las du ba dang shing sha ba la sogs ba'i rtags? las? la lar me dang shing la sogs pa'i dngos po la ni'o/ /'ga' i tshe skyes bu 'di la rtogs pa 'grub/ med la sogs pa de las du ba la sogs pa de ni nges pa skyes pa yin gyi/ 'dod rgyal du ni ma yin no/ /de'i rang bzhin nyid duAng 'gyur/ bsgrub par bya bar shing la sogs pa de'i shing sha ba la sogs pa rang bzhin nyid yin par yang 'gyur ro/ /des ni 'bras bu dang rang bzhin gyi gtan tshigs kyi 'brel pa'i mtshan nyid bstan to/ /'brel ba ni de yod na yod cing de med na med pa yin te/ du ba la sogs pa'i don gzhan dang de ni rang gi rgyu ste/ me la sogs pa rang rgyu mtshan med par don ni yod pa ma
- 171b
yin/ du ba la sogs pa yod pa ma yin te/ rgyu med pa can du thal ba'i phyir ro/ /rang bzhin dag ste shing la sogs pa rnam par shing sha pa la sogs pa yod pa ma yin te /de med na de nyid med pa'i phyir ro/ /de gang las she na/ shing gi bdag nyid kyi khyad par nyid la shing sha pa la sogs par tha snyad btags pa'i phyir ro/ /rang bzhin yongs su spangs nas ngo bo gzhan du mi 'gyur ba de ltar na ma 'khrul pa yin no/ /de dag ni 'bras bu rang bzhin nyid du gyur pa'i don dag go/ mthong ba ni mi bslu? bar ro/ /ngo bo gang yin ni de las byung ba'i/ mtshan nyid can dang/ de'i bdag nyid kyi mtshan nyid can no/ /de nyid gzhan gyi de lta bu'i rigs can gyi rtags dag gi yang mtshan nyid yin /gal te srid par 'gyur ba de'i tshad ma bslu ba'i rang bzhin can nyid yin te /de las mi bslu bar de ltar na yid brtan du med pa ma yin no/ /gang la rtags kyi mtshan nyid de yod pa ma yin pa de ni rtags 'gyur ba de ltar na de 'khrul pa las gnod pa cung zad kyang med do/ /rtags ma yin pa skyon can yin du mi 'gyur ro/ /mthong ba'i zhes bya ba la sogs pas mi dmigs ba 'khrul pa ma yin par bstan to/ /rang bzhin snang ba yin dmigs pa'i mtshan nyid kyir gyur ba ma yin no/ /de ni rang bzhin mi dmigs pa'i dbang du mdzad nas gsungs pa yin no/ /gang gi rgyu mtshan khyab par byed pa 'am/ rgyu snang ba yin no zhes bya ba de ni khyab par byed pa dang rgyu mi dmigs pa'i dbang du mdzad nas gsungs pa'o/ /rang bzhin rgyu mtshan snang ba ste/ snang ba'i rang bzhin can de yod la/ mthong ba yin ni rgyu gzhan dag/ snang ba la sogs ba yod na'o/ /nges ni ldog pa tsam rtags ma yin no/ /'o na ci yin zhe na /gzhan dmigs pa yin no zhes ston par byed do/ /mi dmigs na'ang ste /ji skad bshad ba'i rang bzhin mi dmigs pa la sogs pa yod pa yod na'ang zhes bya ba'i don to/ /yod pa yang ji ltar yin ta? ma yin pa nyid do/ /gang gi zhe na /de ldan gyi ste /ji skad du bshad pa'i
- 172a
mi dmigs pa dang ldan pa'o/ /rang bzhin mi dmigs pa dang ldan pa dang/ khyab par byed pa mi dmigs pa dang ldan pa dang/ rgyu mi dmigs pa dang ldan ba ste/ bum pa bdag nyid la sogs pa dang/ ? pa la sogs pa dang du ba la sogs pa ci rigs par byed pa yin no/ /de de ltar na 'brel pa ni rtags kyi mtshan nyid yin la de yang gcig tu ma 'khrul pa can yin no/ /de bas na rjes su dpag pa tshad mar ni 'dod pa gang yin pa des ji skad bshad pa'i mtshan nyid can gyi 'brel pa na cung zad kyang yod pa ma yin no zhes khas blang bar bya'o/ /de len yang mi bslu ba yang nges par khas len pa can nyid yin te/ de 'dra ba la 'khrul pa med ba'i phyir ro/ /khas mi len yang gal te 'ga' zhig dang lhan cig bstan par nus pa de'i tshe yang rjes su dpag pa ma spangs pa nyid yin no/ /'dir gtan tshigs 'ga' zhig gi 'brel pa ston cing bstan kyang zin to/ /des na rjes su dpag ba med pa'i skabs ming ngo/ /ci ste de ltar na yang rjes su dpag pa tshad ma nyid ma yin par 'dod pa de'i tshe/ spyi'i blo ni tshad min na'ang/ lkog tu gyur pa'i don gyi yul can stags las skyes ba'i glo ni'o/ /de med thob 'gyur /de'i blos rnam par bzhag par gyur pa yod pa can lkog tu gyur pa'i don de med pa thob par 'gyur ro/ /de ltar na gang gis mthong ba nyid 'ba' zhig tshad ma yin pa de'i de la mthong ba 'jug pa de nyid yod pa yin no/ /gang yang sa phyogs dang kun dga' ra ba la sogs pa sngar mthong ba de las mthong ba ? pa de ltar na de yang de'i tshe med par 'gyur ro/ /mthong bar 'gyur ba rtogs par bya ba gang yin pa de yang yod pa ma yin te/ spang ba med pa nyid kyi phyir ro/ /de bas na mthong ba nyid 'jug pa dang ldog pa dngos po dag las 'jug par byed pa dang ldog par byed pa de ltar byed pha de ltar byed pa por 'gyur ro/ /des lkog tu gyur pa'i don med pa nyid yin no/ /ci dang 'dra bar
- 172b
zhe na/ pha rol gyi dngos po bzhin ji ltar 'jig rten pha rol la sogs pa mthong ba yod pa de ltar de yod pa ma yin par 'dod do/ /de ltar 'dir yang khyod kyi 'dod pas lkog tu gyur pa'i don thams cad med par thal bar 'gyur te/ tshad ma nyid med par khyad par med pa'i phyir dang /mngon sum las gzhan pa'i tshad ma nyid med pa'i phyir ro/ /yod pa yin na yang 'jig rten pha rol la sogs pa yang med par nges pa ma yin te/ khyad par med ba'i phyir ro/ /de ltar ni 'gyur mod kyi/ gal te dbang po rnams /dus gzhan du ni rtogs 'gyur na/ dbang po rnams kyis dmigs pa kho na yod ngo zhes ni mi smra'o/ /'o na ci yin zhe na /de dag gis mthong bar 'gyur ba rnam pa 'ga' zhig gis/ 'dzin par 'gyur ba gang yin pa de yin na/ de ltar de yod pa ma yin pa gang yin pa nyid yin no/ /gal te de ltar yin pa de'i tshe mthong ba log pa na /pha rol gyi dngos po la yang rnam grangs kyis mthong bar 'gyur ba ma yin no zhes bya ba gang las yin/ rnam grangs kyis kyang dbang po rnams kyis 'di bzung ba ma yin no zhes bya 'di la nges pa yod pa ma yin no/ /gal te rnam grangs kyis kyang dbang po las 'das ba bzung ba ma yin no zhe na /ma yin te bzung bar bya ba la dbang po las 'das pa nyid med pa'i phyir ro/ /rtogs pa po'i mig la sogs pa'i dbang po rnams dang/ gnas skabs kyi khyad par la bltos na don la dbang po las 'das pa nyid du brjod do/ /de gzugs la sogs pa'i khyad par gzhan la yang yod do/ /de yang dus gzhan du bzung bar bya nyid yin no/ /de dang 'dra par gnas skabs gzhan thob pa dag gis kyang mngon par 'dus? byas pa la sogs pa dang ldan pa'i phyir/ /'jig rten pha rol la sogs pa yang 'gyur ba de ltar na 'ga' zhig kyang dus gzhan du mi 'dzin pha'i nges pa med pa yin no/ /de ltar na yang de min te/ dbang po rnams kyis dus gzhan du rtogs pa ma yin pa gang yin pa
- 173a
de yod pa ma yin no zhes bya ba'i rigs pa ma yin no/ /ci'i phyir zhe na /dbang po yi ni nus sogs la /dbang po'i blo ni med phyir ro/ /mig la sogs ba'i mig gi rnam par shes pa la sogs pa skyed ba'i nus pa 'ga' zhig gi tshe yang dus gzhan du dbang pos gtogs par bya ba ma yin no/ /sogs pa smos pas ni zas la sogs pa'i bru ba bzlog pa la sogs pa'i nus pa bzung ngo/ /de ltar na 'di med pa thob pa yin na nus pa yang yod ba de'i phyir dbang po rnams kyis dus gzhan du bzung ba ma yin pa gang yin pa de yod pa ma yin no zhes bya ba ni rigs pa ma yin no/ /ci ste yang dbang po'i nus pa la sogs pa de yang yod pa nyid yin pa de ltar na/ de med pa rtags pa nyid du 'dod pa de'i tshe med pa rtogs pa yin na ni/ blo skye rgyu mtshan can med 'gyur/ /mig la sogs pa'i blo'i skye ba ni rgyu'i tshogs pa la rag lus pa med par skye ba'i phyir glo bur ba yin par 'gyur ro/ /de bas na blo ni gzhan la bltos pa med pa'i phyir rtag tu yod pa'am/ med pa nyid du 'gyur na de ltar ni ma yin no/ /de bas de las gzhan pa'i rgyu gzhan yod kyang 'bras bu rnam par shes ba mi skye bas mig la sogs pa'i nus pa mthong ba yin no zhes rnam par bzhag pa la bsnon? par nus pa ma yin no/ /dbang po la sogs pa'i nus pa dbang po las 'das pa de nyid rang gi ngo bo'i sgo nas rtogs pa med pa'i phyir khyad par du rtogs pa ma yin gyi spyi'i sgo nas rtogs par 'gyur ro/ /de'i tshe lkog tu gyur pa'i don de la spyi 'dzin min no/ /rnam rtog med par zhes bya ba'i dbang po'i nus pa la sogs sgrub par byed pa'i rnam par rtog pa'i rnam par shes pa ni mngon sum gyi tshad mar 'gyur bar rigs pa ma yin no/ /ci'i phyir zhe na/ 'di ltar rang gi mtshan nyid la mngon sum 'jug par 'gyur gyi lkog tu gyur pa la ma yin no/ /ji ltar zhe na /rnam par rtog pa med kyi /
- 173b
rnam par rtog pa nyid ma yin pa'i rgyu nyid kyis te/ 'og nas skabs su bab pa ston par 'gyur ro/ /spyi'i shes pa ni rnam par rtog pa nyid yin no/ /rnam par rtog pa nyid yin pa'i rgyu de yi phyir rjes dpag yin gyi de mngon sum gyi tshad ma ma yin no zhes bya ba'i don to/ /gzhal bya nges na kha dog gi/ mi rtag pa ni rtags mi 'gyur ro/ /rang dang spyi'i mtshan nyid dag las gzhal bya gzhan yod pa ma yin no zhes nges pa khas len na ni/ /sngon po la sogs pa'i kha dog la sogs pa'i skad cig ma tha ma 'jig pa mthong ba dag gi kha dog mi rtag ces bya ba de lta bu la sogs pa rtogs par mi 'gyur ro/ /sogs pa smos pas ni sgra la sogs pa bzung ngo/ /de ltar na sgra la sogs pa ni rang gi mtshan nyid yin la/ mi rtag pa la sogs pa ni spyi yin te /phyi dang khyad par 'di dag kyang 'dres par 'dzin pa'i phyir ro/ /de spyi nyid dam rang gi mtshan nyid ma yin no/ /de bas na spyi dang khyad par gyi gzhal bya gzhan de gzhal byar yang mi 'gyur na/ gzhal bya yin pa de bas na /de blo sgra 'di mi rtag go zhes bya ba'i spyi dang khyad par gyi ngo bor 'dzin pa'i blo mngon sum dang rjes su dpag pa dag las tshang ma gzhan yin no/ /de ci'i phyir zhe na/ re zhig de mngon sum gyi tshad ma nyid ma yin te/ spyi yang 'dzin pa'i phyir ro/ /rjes su dpag pa yang ma yin te /rtags med par yang de ltar rtogs pa yod phyir te/ khyad par 'dzin pa'i phyir ro/ shes pa khyad par dag ni mthong ba gang de tshad ma gzhan ma yin no/ 'di ltar mngon sum gyi dus gcig gi tshe me la sogs pa gcad pa nyid kyang gang gi tshe dus gzhan du du ba la sogs pa nyid kyis med de nyid 'di yin no zhes yongs su gcod par byed pa de'i tshe/ khyad par mthong ba'i rjes su dag pa de la med 'dzin pa gang yin pa de ni spyi nyid mthong ba'i rjes su dpag pa'i tshad ma las gzhan yin no/ /'dir rjes su dpag par 'dod pa'i mtshan nyid de nyid khyad par mthong ba de la med pa yin/ /ci'i phyir zhe na/ rtags kyi 'brel pa ma grub phyir/ /khyad par brtags kyi 'brel pa mi
- 174a
rung ba'i phyir ro/ /rnam ba de dag gis tshad ma mang bo nyid de dang de srid par 'gyur te/ gzhal bya mang pa nyid kyi phyir ram/ yul gcig nyid la shes pa du ma 'jug ba'i phyir ro/ /de de ltar na gnyis g.yang ston par byed de/ kha dog gi mi rtag pa rtogs ba'i spyi dang khyad bar gyi don gyi yul yod bas gzhal bya mang phyir te/ rgyu'i phyir mang po nyid yin no/ /gang dag ce na/ tshad ma yang ngo/ /yul gcig la yang tshad ma du ma nyid kyi 'jug phyir tshad ma mang po nyid yin no/ /ji ltar zhe na dper na khyad par mthong ba'i tshad mas khyad 'dzin pa lta bu'o/ /de ni 'o na zhes bya ba la sogs ba'i gzhung 'dis gcig gsum grangs sel kyang mi 'gyur/ kyang gi sgra ni rim pa gzhan du sbyar ba yin te/ gsum dang gcig gi grangs ni sel ba 'am/ gzhal bya gnyis ni mthong ba'i phyir ro zhes bshad ba gang yin pa de yod la ma yin no zhes bstan to/ /re zhig gcig gi grangs bsal ba ma yin no/ /ci'i phyir zhe na /yul la nges pa med phyir/ gang gi tshe spyi'i yul can rjes su dpag pa kho na ma yin gyi/ 'on kyang yul gcig la yang tshad ma gzhan 'jug bar byed ba de'i tshe /mngon sum gyi 'jugpa yang spyi dang rjes su 'brel ba'i phyir ro/ /mngon sum ma yin pa'i yul rtogs pa'i don du rjes su dbag pa rtogs ba ma yin pa de ltar na tshad ma gcig nyid du 'gyur ro/ /gsum la sogs ba'i grangs bsal ba yang ma yin no/ /ci'i phyir zhe na/ gzhal bya gzhan ni yod phyir ro/ /gzhal bya gnyis nyid kyis tshad ma gnyis nyid 'dod na/ gang gi tshe spyi dang khyad par gyi mtshan nyid can gyi gzhal bya gzhan yod ba de'i tshe tshad ma gzhan yod pa 'gyur ba de ltar na tshad ma gnyis kho na ma yin no/ /kha dog gi mi rtag pa nyid rtogs pa'i spyi dang khyad par gyi mtshan nyid can gyi yul gzhal bya gzhan 'god ba'i skabs nyid yod ba ma yin te /don byed nus dang mi
- 174b
nus phyir /zhes bya ba la sogs bas gzhal bya gzhan med par bstan ba'i phyir ro/ /de'i sgo nas gang gis na tshad ma mang bo nyid kyi skabs yod ba yin /de ltar na yang brjod par bya ste/ skyon 'dir thal bar mi 'gyur te/ dper na sgra mi rtag ces bya ba de lta bu la sogs pa spyi dang khyad par rtogs par byed ba'i tshad ma gzhan du 'gyur ba'i'o/ /ci'i phyir zhe na/ kha dog spyi la sbyor phyir ro/ /rnam bar rtog ba'i rnam bar shes pa de kha dog gi spyi mi rtag pa nyid dang sbyor ba yin gyi/ khyad par ni ma yin te/ des de mi 'dzin pa'i phyir ro/ /de ltar ni 'gyur mod kyi/ gal te spyi mi rtag pa nyid dang sbyor ba de 'tshe spyi dngos po med ba'i de'i chos mi rtag pa la sogs ba de dag gis 'thob par 'gyur gyi/ rang gi mtshan nyid kyi ni ma yin te /de la mi 'jug pa'i phyir ro/ /sbyor ba ni gang zhig gang la mi 'jug la de ni dngos bo de'i chos su 'gyur ba ma yin te /dper na skye ba med pa la sogs ba lta bu'o zhe na /mi rtag pa nyid la sog spa dngos med ngo bo min/ 'on kyang dngos bo nyid kyi rang bzhin yin no/ /ci'i phyir zhe na/ de nyid kyi ste dngos bo'o/ /de ltar mi rtag pa la sogs pa'i rnam par grub ba dag gis bsgrubs phyir ro/ /de ltar ni 'gyur mod kyi /gal te gzhan la gzhan grub min/ spyi la mi rtag pa la soD ba sgrub pa yin gyi rang gi mtshan nyid lam yin na/ de ji ltar na mi rtag pa la sogs pa'i rnam pa dang /'brel pa can gyi spyi sgrub pa yin na dngos bo rnam bar rtog pa'i yul las 'das ba la mi rtags pa'i rnam par rtog bar 'gyur zhen/ skyon de min te de nyid grub phyir ro/ /gal te yang rnam par rtog pa la snang ba'i spyi nyid de lta bu'i dngos bor zhen pa'i sgo nas 'dzin pa de ltar na yang/ dngos po rang gi mtshan nyid de skad cig ma la sogs ba'i rnam pa yod pa nyid du 'jog pa de la snang bar 'gyur ro/ /rnam par rtog ba de dag la yang 'jug pa na yang rnam par rtog pa mi bslu ba nyid yin no/ /de bas na rang nyid bslang pa yin
- 175a
na yang dngos bo rnam pa de lta bu dang 'brel pa skye ba can nyid yin pas na/ dngos bo de lta bu'i rnam pa sgrub par byed pa la de tshad ma yin te/ tshad ma ni de tsam gyi dgos pa can nyid yin pa'i phyir de ltar 'gal ba med do/ /brgyad pas don gyi sgo nas 'ongs ba'i rnam par rtog pa thams cad ni mthong ba dang 'dra bar rang gi mtshan nyid snang ba med pa can gyi 'khrul pa dag de'i rnam par zhen ba yin na yang /rnam bar rtog pa gang la rgyu brgyud pa gzhan nye ba yod ba de ni ji ltar zhen ba'i rnam pa dang ldan ba'i dngos po la der zhen ba'i sgo nas 'jug par byed ba de ltar na mi bslu ba yin gyi/ gzhan ni ma yin no zhes bstan pa'i phyir ro/ /dngos dang yang dag ji bzhin pa zhes bya ba la sogs pa smos te/ dper na me ni du ba la sogs pa/ bskyed ba'i nus pa dang ldan pa lta bu'o/ /dper na sgra mi rtag pa la sogs ba'i rnam ba dang ldan pa'i lta bu'o/ /de'i rgyu dang rnam par nges ba'i rang bzhin me la sogs ba'o/ /de'ang ba yi rtags sems kyi// rgyu yin rnam pa dang ldan pa gang yin ba de rgyu dang rang bzhin gyi rnam ba de nyid la de'i 'bras bur gyur pa du ba la sogs ba'i dngos po 'am de'i rang bzhin du gyur ba mtshon bar byed ba ni de de 'dra ba'i rtags yin no/ /de'i yul can gyi sems gang yin pa ni shes ba gang yin pa'o/ /du ba la sogs ba de'i 'bras bu 'am de'i rang bzhin spyi la sogs pa tsam du yod pa nyid la sogs pa dang/ khyad par gzhan du sgro btags pa ste/ skye ba dang ldan ba nyid dang byas pa nyid la sogs pa rtogs bar byed pa nyid yin no/ /de'i dngos po med par ni 'byung ba de'i 'bras bu dang rang bzhin gyi rnam pa'i yul can yang de 'dra ba'i sems kyi rtags yin te/ de'i rgyu don dam par dngos bo de yin pa'i phyir ro/ /de las byung ba ni rtags shes ba de las skyes ba gang yin pa de ni de las byung ba'o/ /gang zhe na/ rtags can blo'o/ /gang la zhe na/
- 175b
de lta la'o/ /'bras bu'i rtags skyed pa me la sogs pa la 'am/ byas pa nyid la sogs pa'i rang bzhin du gyur ba mi rtag pa la sogs pa la 'gyur gyi/ rnam pa gzhan du gyur ba la ni ma yin no// //tshad ma rnam 'grel gyi 'grel pa/ bam po nyi shu lnga pa/ /de ltar na gang gi phyir rgyu brgyud pa 'dis bskyed ba gang yin pa des rnam pa ji lta bur gyur pa'i don de la rnam ba de lta bur zhen pa /de phyir dngos gzhal byar 'dod pa don gyi bya ba nyid yod na /rtags can blo de ltar 'gyur ba'i phyir mi bslu ba nyid yin no/ /de bas na gal te yang rnam bar rtog pa thams cad rang gi mtshan nyid las brgyud bas skye ba 'dra ba yin pa de ltar na yang thams cad kyi dngos po'i rnam pa ji lta ba bzhin du zhen pa ni 'dra ba ma yin te/ 'on kyang 'ga' zhig kho na yin no/ /de'i phyir ji skad du bshad ba'i rgyu'i brgyud pas skye ba'i dus na yod ba ma yin ba 'khrul ba'i rkyen ji lta ba bzhin du dngos po la med ba'i rnam pa sgro 'dogs pa yin pa de ltar na de nyid log pa'i shes pa yin no/ /gal te yang ji skad du bshad ba'i rgyu'i brgyud ba'i khyad bar las skyed ba de ni dngos bo ji lta ba bzhin du gnas ba'i go bar byed ba'i rtags shes ba la brten nas dngos po la yod ba'i rnam ba nyid du nges par byed pa byin te/ dngos po'i phyin ci ma log pa'i rnam pa ston bar byed do/ /de'i rnam pa grub bas dngos bo'i rnam pa grub pa yin no zhes rtogs bar 'gyur te/ tshogs pa'i khyad bar las skye ba can bzhin gyi gzugs brnyan gyi shes pa'i yul la mtshan ma la sogs pa grub bas bzhin gyi mtshan ma la sogs pa grub pa bzhin no/ de ni don la yod pa'i rnam bar zhen pa'i shes pa yin te/ de la 'jug pa ni de lta bur gyur ba'i don dang phrad ba'i phyir ro/ /gang gi tshe skyes bu mi 'jug pa na yang 'ga' zhig las phrad pa med ba de'i tshe yang ji lta bur gyur ba'i rgyu'i tshogs pa dang 'brel ba'i rnam par rtog pa de la/ rnam pa gzhan du zhen/?
- 176a
med ba'i phyir de ni tshad ma nyid yin no/ /de ltar na yang gal te yang ji ltar rnam pa srid pa bzhin du dpag par bya ba'i don nges par byed ba ni rnam par rtog pa'i rjes su dpag pa yin pa de ltar na yang des rgyu rnam pa gnyis kyis rang gi mtshan nyid kyi rang? gi ngo bo 'dzin pa nyid ma yin te/ mthong ba bzhin du mi snang ba'i phyir dang/ dngos su ma bskyed pa'i phyir ro/ /de ltar ma yin na mthong ba bzhin du dngos po'i ngo bo gsal bar snang bar 'gyur te/ dngos po la phan tshun mtshan nyid mi 'dra ba'i rnam pa yod pa ma yin na/ gang gis mi gsal bar 'dzin gyi cig shos kyi ma yin/ gtan tshigs kyis brgyud ba 'di tsam la bltos nas skye ba yang ma yin te/ mthong ba bzhin du de'i rang gi ngo bo 'dzin pa nyid kyis de las skye ba'i chos can ni brgyud pa la sdod pa mi rung ba'i phyir ro/ /dngos po rgyud par sdod pa dang ldan pa yin na dngos po 'jig pa srid pa'i phyir ro/ /'das pa de la yang don dam bar de'i ngo bor bzung du med pa'i phyir ro/ /de'i 'khrul pa yang nyams su myong ba'i bag chags sad pa yin gyi/ rtags kyis byas ba ni ma yin no/ /rtags kyis byas ba ni yong ba'i rnam bar zhen pa nyid yin no/ /de'i phyir de ltar rtags dang rtags can blo/ bstan ma thag rgyu de ltar na rtags dang rtags can gyi blo gang yin pa de dag ni rtags dang rtags can gyi blo dag go/ dngos po la ste/ gzhal bya la'o/ /'brel phyir te/ rgyu'i phyir dang snang ba yis ni stong pa'ang/ rtags dang rtags can de dag tu rang gi mtshan nyid snang ba ni da snang ba ste/ des stong ba yin yang zhes bya ba'i don to/ /de 'dra ba yin na yang rtags can gyi mi rtag pa nyid nges ba'i phyir slu byed ma yin no/ /ji ltar 'dod pa'i don la bslu ba nyid ma yin no/ /gal te rtags las skyes pa'i blo tshad ma yin pa de bas na de ni mngon sum dang 'dra bar 'khrul par bzhag pa mi rung ngo zhe na/ de dngos slu byed nyid min yang zhes bya ba la
- 176b
sogs dang smos te/ ji ltar rjes su dpag ba'i don dang phrad ba nyid yin na yang/ 'khrul ba rnam bzhag byas ba yin/ rtags dang rtogs can gyi blo de dag go/ ci'i phyir zhe na/ de yi ngo bos stong yang/ de'i ngo bor zhen phyir ro/ /rtags dang rtags can rang gi ngo bo bzung ba med na yang rtags dang rtags can gyi don du zhen ba'i phyir/ de'i dngos po ma yin pa de ltar zhen ba ni 'khrul ni rgyu mtshan du rnam bar bzhag ba yin no zhes ston par byed do/ /de de ltar na 'khrul pa yin yang don la mi bslu ba'i phyir tshad ma yin na yang lag par zhen pa'i phyir 'khrul ba yin no/ /gang gi phyir de ltar dngos po dang de? 'brel pa'i phyir rtags go bar byed pa yin pa de'i phyir dngos bo rtogs bya yin te go bar bya ba yin no/ /khyab byed ni bsgrub par bya ba'i chos zhes bya ba'i don to/ /rgyu mtshan ni rgyu nyid do/ / gang gi zhe na/ khyab bya sems kyi ste/ rtags shes pa'o/ /gang rtags kyi rgyu mtshan ni rgyu nyid yin gyi/ khyab par byed pa'i rang bzhin ni ma yin te/ de la rtags dang rtags can ni bdag nyid gcig pa nyid kyis rgyu dang 'bras bu med pa'i phyir ro/ /rtags shes ba'i rgyu nyid kyang gnyis la yang yod pa yin pa de ltar na/ rgyu dang khyab par byed dag 'dren mar rgyu mtshan gyi ngo bor bstan pa bzhad bas rtags 'bras bu nyid du ma gsungs kyi 'on kyang de shes pa nyid yin no/ /khyab par bya ba'i sems kyi rgyu mtshan de yang gang zhe na/ rang bzhin nam rgyu nyid kyi zhes bya ba smos pa la/ nam gyi sgra ni rim pa bzhin du sbyar ba yin te/ rang bzhin nam rgyu nyid ces bya ba'i don to/ /khyab par byed pa'i chos ni dper na mi rtag pa la sogs pa lta bu 'am/ rgyu ni me la sogs ba lta bu'o/ /de yang ni khyab par byed pa'i sems so/ /de'i blo rab? ni/ khyab par byed pa'i gtan tshigs yin pa de ltar na dngos po bsgrub? par byed pa'i go bar byed pa ni/ 'bras bu dang rang bzhin gyi gtan tshigs gnyis kho na yin te/ de las byung ba dam? de'i bdag
- 177a
nyid kyis 'brel ba nyid kyi phyir ro/ /mi dmigs bas med pa dang med pa'i tha snyad kyi dgag pa dag ni sbub? bar byed/ gang zhe na/ thams cad du gang la yang dngos su mi dmigs pa'i phyir zhes thos pa ma yin te/ dper na 'di na grang ba'i reg ba med de me yod pa'i phyir ro zhes bya ba lta bu'o/ /'dir yang thams cad du zhes bya ba smos bas mi dmigs pa nyid kyis dgag ba grub yin no zhes shes par byed pa yin no/ /ci'i phyir yang mi dmigs pa las kyang dgag pa 'grub pa yin zhe na/ 'di ltar tshad mas grub par smra rnams kyi/ don ni bzlog pa nyid las yin/ dngos po gang las grub pa yin zhes 'dri ba la/ /'di skad du bdag nyid ji lta ba bzhin du yod pa nyid du nye bar 'jog par byed pa'i tshad ma las don yod ba nyid du grub pa yin zhes brjod par bya'o/ /de ltar na tshad ma yod pa nyid kyis don yod pa nyid du grub pa yin no zhes smra ba rnams kyi don gyis tshad ma ldog pa las don med pa nyid grub pa yin no/ /de lta ma yin na don yod ba nyid nye bar 'jog par byed pa'i tshad mar nye bas don 'grub bar mi 'gyur ro/ /des na tshad ma ldog pa khas len ba med na mi 'byung ba ni med pa nyid khas len pa yin pas tshad ma ldog ba nyid ma dmigs pa yin no/ /de bas na mi dmigs pa las dkag pa 'grub pa yin no/ /gdon mi za bar mi dmigs pa nyid las dgag ba 'grub pa ma yin te/ dper na 'di na grang ba'i reg pa med de me yod pa'i phyir ro zhes bya ba lta bu 'am/ dper na 'di la sbu long zhes byed pa la sogs ba bye brag dag med de/ gdung bar byed pa'i bye brag nye ba nyid kyi phyir ro zhes bya ba de lta bu la sogs pa'i sbyor bdag mthong ba'i phyir dmigs pa las kyang ma yin nam/ de ji ltar na yang thams cad du mi dmigs pas dgag pa dag ni sgrub par byed ces brjod/ ji ltar na dmigs pa 'di kho na
- 177b
mi dmigs par 'gyur zhe na/ bshad pa/ gang yang sbyor ba byed pa na de dang 'gal ba'i chos bstan pa 'di mthong ste/ rang bzhin 'gal ba dmigs pa zhes bya ba'i don to/ /de'i rgyur ni sbu long zhes pa'i rang bzhin de'i rgyu grang pa'i reg pa gang yin pa de'i yang gang 'gal ba dmigs pa ste/ dper na gdung bar byed ba'i bye brag nye ba nyid la sogs pa lta bu'o/ /gang la zhe? na/ de bkag pa la/ rang bzhin dgag par bya ba la'o/ /de nyid la ste/ dgag par bya ba'i don la rnam pa 'dis/ de ni tshad min nyid du bstan/ de'i yul can tshad ma ldog pa bstan pas don gyis mi dmigs pa nyid rab tu sbyar ba yin no zhes bya ba'i don to/ /de dag las she na gzhan du na don de mi dmigs ba ma bkag ba can gzhan med nyid de thabs gang gis rtogs par 'gyur te/ rnam pa 'ga' zhig gis kyang ma yin no/ /chos gcig yod brjod pas cig shos med pa'i phyir ro/ /gzhan yod na gzhan med par mi 'gyur te/ shin tu thal ches pa'i phyir ro/ /sbyor ba ni gang la chos gcig yod par brjod pa de ni gzhan pa de med par rtogs pa ma yin te/ dper na gzugs dang gong bu yod par brjod pa ni/ grang ba'i reg pa de nyid med par rtogs pa ma yin pa lta bu'o/ /'dir yang grang ba'i reg pa med de me yod ba'i phyir ro zhes bya ba 'di la chos gcig yod par brjod pa yin no zhes bya ba ni khyab bar byed ba 'gal ba dmigs pa'o/ /'dir yang khyab pa ma nges pa nyid du dogs par rigs pa ma yin te/ khyad par med pa'i phyir ro/ /gtan tshigs la khyad par yod na 'gyur ro/ /gang yang dgag pa'i phyir mi la sogs pa 'grub bar 'gyur ba de dang lhan cig gong bu la sogs pa bsgrub par 'gyur pa khyad par med pa nyid yin pa de ltar na ma grub pa yin par yang bsam par mi bya'o/ /de ltar ni 'gyur mod kyi/ gal te 'ga' las yin/ me dang grang ba'i reg pa 'gal po? des
- 178a
na de bsgrubs pa las de med par rtogs pa yin gyi/ 'gal ba med pa gzhan las ni ma yin no/ /de bas na gtan tshigs ma grub pa nyid la sogs pa'i skyon yod pa yin no zhe na/ ma grub pa la sogs pa ma yin te/ 'di ltar grang ba'i reg pa dang me 'gal ba de yang tshad ma cis grub ma grub pa nyid du khyad par med pa'i phyir de'i gnas skabs can gyi skyon nyid yin no/ /de ltar ni 'gyur mod kyi /gal te lhan cig mi gnas phyir ro zhes gang na me yod pa de ni grang bI reg pa yod pa ma yin te/ de dang lhan tshig mi gnas pa'i phyir 'gal ba nyid yin no zhe na/ de ltar ni 'gyur mod kyi/ lhan cig mi gnas pa'i 'gal ba bsgrub par byed pa de nyid tshad ma gang las 'dod pa ste/ shes ba zhes bya ba'i don to/ /de ltar ni 'gyur mod kyi 'di la dri bar bya ba ci zhig yod /gal te snang ba mthong ba med phyir zhe na/ gang la dmigs pa'i mtshan nyid kyi gyur pa rgyu ma gtugs pa can gyi grangs pa'i re ba yod pa na/ mi dmigs na de las de nye ba nyid du rgyu mtshan du byas nas de mthong ba'i phyir med pa grub pa yin no zhe na/ tshad nyid min mi dmigs pa yin no zhes bya ba don gyi khyad par med do/ /de nyid ni kho bo cag gis kyang drang po'i rim par brjod pa yin na de ci'i phyir khyed cag la tshig rtsub por snang ba 'dir sgra la sdang ba 'ga' zhig tu zad do/ /gang gi phyir mi dmigs pa la ma rtogs par dgag pa'i rgyu gzhan yod pa ma yin pa de phyir rab sgras kyang brjod pa dper na mi dmigs pa zhes bya ba lta bu'o/ /kyang gi sgrar? rim pa bzhin du sbyar ba las ji ltar rang gi sgras? kyang brjod cing sgrub pa'i sgo nas kyang me dmigs pa brjod pa nyid yin no/ /de ni med pa dang de'i tha snyad kyi ci rigs par sgrub byed yin no/ /rgol ba gang gi yang dgag pa la mi dmigs pa de
- 178b
tshad min/ de yis rnam kun dgag pa brjod bya min/ 'ga' zhig gi tshe 'ang des dgag pa brjod pa rmi bya ste/ de las gzhan pa'i gtan tshigs de 'ga' zhig kyang med pa'i phyir ro zhes bya ba'i don to/ /rang bzhin 'gal ba la sos pa'i sbyor ba'i sgo nas don gyis mi dmigs pa nyid rab tu sbyar ba yin no zhes bstan pa des na de dang 'gal mod kyi /'bras bu brjod pa rang bzhin 'gal ba'i 'bras bu dmigs pa ste /dper na 'di na grang ba'i reg pa med de du ba yod pa'i phyir ro zhes bya ba la sogs pa bstan pa yin te/ ji ltar 'dis kyang dgag pa la dngos su rang nyid dmigs pa ldog pa'i rtags su brjod kyi/ gzhan cung zad kyang ma yin no zhes brjod pa yin no/ /mi dmigs pa/ kun la sbyar ba 'ba' zhig dag/ tha dad don la tha dad med/ 'bras bu mi dmigs pa la sogs pa mi dmigs pa'i sbyor ba rnams la'o/ /ji ltar rang bzhin mi dmigs pa la dngos su mi dmigs pa ston pa de ltar med do zhes nye bar bkod pa'i rnam pa tsam tha dad pa yin no/ /mi dmigs pa 'phen par byed pa'i don sgrub ba'i sgo nas kyang brgyud pas mi dmigs pa don dam par 'chad par yin pa de ltar don la tha dad pa med de/ /de ltar na dngos su dgag pa la mi dmigs pa sbyor bar byed pa 'am/ de 'phen par byed pa'i don zhes bya ba dgag pa la khyad par cung zad yod ba ma yin no/ /de de ltar na ji ltar rang bzhin 'gal ba'i chos brjod pas 'gal ba'i don bsgrub pa'i sgo nas rang bzhin dgag pa la go bar byed pa yin pa de ltar na de dang 'gal ba'i don gyi 'bras bu brjod pa na yang 'gal ba'i don nye ba'i phyir ro/ /'dir 'gal ba'i don gyi 'bras bu brjod pa smos pa ni nye bar mtshon pa yin te/ rgyu dang khyab par byed pa 'gal ba dmigs pa brjod pa yang go bar byed nyid yin pa'i phyir ro/ /bsgrub par bya ba dgag ba tshad ma smra gang yin/ yang ji skad du bstan pa'i
- 179a
'gal ba gnyis kyis kyang don 'gal ba brjod pa med pa byas pa'i don to/ /don 'gal ba med pa nyid brjod par byed pa yin no zhes bya ba'i don to/ /des ni rang bzhin 'gal ba'i 'bras bu dmigs pa la sogs pa'i sbyor ba la rtogs par bya'o/ /de yang bsgribs med par zhes bya ba sbyar ro/ /bsgribs med par zhes bya ba la bsgribs pa'i don la mthong ba med pa'i phyir bsgribs pa nye bar btags nas mi dmigs pa bstan te/ /bsgribs med par zhes bya ba la sgribs pa bkag pas de mi byed pa yin no/ /de bas na ci 'dra ba'i dmigs pa'i rang bzhin can du nges pa'i don de dmigs pa'i mtshan nyid kyir gyur pa de 'dra ba mi dmigs pa ma bstan par zhes bya ba'i don to/ /'dis kyang rang bzhin mi dmigs pa'i sbyor ba ltar bcos pa bstan to/ /thabs bcas zhes bya ba ni rang bzhin dang bcas pa dang/ rang nyid dmigs pa'i mtshan nyid kyir gyur pa ma yin na yang thabs gang gis de'i rgyu dang/ de'i khyab par byed pa dang de'i 'bras bu ste/ snang ba'i rang bzhin mi dmigs pa'i thabs gang gis med do zhes nges pa de yang dmigs pa'i mtshan nyid kyir gyur pa'i mi dmigs pa ma bstan par zhes bshad par 'gyur ro/ /de de ltar na ma 'gal ba brjod pa med pa dang rang bzhin de yang bsgrubs pa med par tshad ma smra ba gang yin pa de rigs pa'i rjes 'brang can? min te/ 'khrul pa nyid yin pa'i phyir go bar byed ba ma yin no zhes bya ba'i don to/ /ci dang 'dra bar zhe na/ smra ba la sogs pa kun shes dang/ 'jig rten gzhan sogs 'gog pa bzhin zhes bya ba smos te/ brjod par 'dod pa'i skyes bu la la zhig thams cad mkhyen pa ma yin te/ smra ba nyid kyi phyir ro/ /sogs pa smos pa ni skyes bu nyid dang/ dbang po la sogs pa dang ldan pa'i phyir ro zhes bya ba bzung ngo/ /skyes bu 'di la yang skyes bu nyid yin pa'i phyir 'jig rten pha rol yod pa ma yin
- 179b
te/ dgra bcom par 'dod pa'i skyes bu bzhin no zhes bya ba la sogs pa lta bu'o// sogs pa smos pas ni snga na med pa dang lta nyid dang/ mtho ris la sogs pa dgag pa de lta bu la sogs pa bzung ngo/ /rtags gang yin pa de ni the tshom za bar byed pa yin no// ci'i phyir zhe na/ don rnams dbang po las 'das pa/ yul dang dus dang rang bzhin gyis bskal pa rnams 'ga' zhig dang lhan cig 'gal ba grub ba med phyir de'i rgyu'i phyir ro/ /de ni gnas skabs gzhan bstan zin cing ji ltar bskal pa rnams 'ga' zhig dang/ lhan cig 'gal ba rtogs par dka' ba yin no zhes stan par yang 'gyur ro rtogs pa'i thabs su gyur pa 'gal ba yang rnam pa gnyis te/ rgyu ma gtugs pa can 'byung ba gzhan yod na med ba dang/ phan tshun spangs te gnas pa'i mtshan nyid can yin no/ /'gal ba rnam pa de gnyi ga yang smra ba nyid dang/ thams cad mkhyen pa nyid la yod pa yin no/ /des na chos can gcig la gal te smra rig yod 'gyur la/ /gnod bya gnod byed ngo bo gang/ /cung zad kyang yod pa ma yin no/ /de bas na smras pa dang thams cad mkhyen pa nyid du 'gyur ba zhes? bya ba 'gal ba med pa nyid yin no/ /'gal ba med par grub pa yang go bar byed pa ma yin no zhes sngar bstan zin to/ /de ltar ni 'gyur mod kyi/ gal te de 'dra me dmigs phyir/ gal te yang 'gal ba yod pa/ ma yin pa de ltar na yang skyes bu gang gi don thams cad kyi yul can gyi shes pa de 'dra ba nyid mi dmigs pa'i phyir de yang yod pa ma yin no zhes nges pa yin no zhe na/ gal te de lta yin pa de'i tshe/ de 'dra ba mi dmigs pa de nyid skyes bu'i phul du byung ba 'gog pa la/ sgrub par byed par brjod na/ smra ba nyid la sogs pa shin tu blun po ston par byed pa nye bar 'god pas ci zhig bya/ 'on kyang thams cad mkhyen pa la sogs pa dgag pa bsgrub par bya ba la mi dmigs pa
- 180a
'di bsgrub par byed pa ni sla ste/ de ltar na ? len pa'i 'dod par mi 'gyur ro/ /ci'i phyir zhe na/ 'di ltar mi dmigs pa ni 'dra ba yang/ 'bras bu nges med can/ the tshom za bar byed par sngar nyid /rab brjod de ji ltar mi snang ba mi dmigs pa ni dgag pa la nus pa yod pa ma yin te/ 'khrul pa'i phyir ro/ /de ltar na snang ba'i dngos po la de las gzhan dmigs pa'i rkyen yod na/ ma rmongs par dran pa'i 'du byed pa po'i mngon sum 'das pa dang da ltar gyi logs ni med pa'i na snyad 'jug par 'gyur gyi/ cig shos ni ma yin no/ /rgol ba gang gi yang mthong ba don thams cad yod pa nyid la 'khrul pa med pa de mi dmigs pa las khyad par med do zhes smra ba ni mdzes pa yin no/ /de ltar na yang de nyid don thams cad shes pa yin pa de ltar na de 'dra ba gzhan 'byung ba dag kyang ma spangs pa nyid yin no/ /yul nyid rnam pa gsum 'byung bar 'gyur te gcig ni mngon sum yin te/ gang gi nus pa las rjes su 'gro ba dang ldog pa can gyi blo 'byung ba de ni de las grub pa yin no/ /gang yang bdag gi yod pa dang med pa la dngos su blo'i sdang ba'i rjes su mi byed pa de yang gal te bzlog pa la gnod pa can gyi tshad ma 'jug pa sgrub par byed pa de'i bdag nyid kyi mtshan nyid can gyi 'brel pa can gyi rtags dang ldan par 'gyur ba 'am/ dmigs pa dang mi dmigs pa dag gis rab tu bsgrub pa'i 'bras bu'i rtags dang ldan pa 'am/ 'bras bu ldog pa'i sgo nas rgyu dang 'bras bu'i 'brel pa can grub pa yin te/ dper na de las gzhan pa'i rgyu dag yod na 'bras bu rnam par shes pas mi skyed pas/ shes pa de skyed pa la nye bar sbyor ba can/ rgyu gzhan gang med na ni skye ba yang yod pa yin pa de ltar na rnam par phye ba'i ngo bo dbang po zhes bya bar grags pa lta bu ste/ de 'dra ba'i dngos po de thams cad ni
- 180b
lkog tu gyur pa yin no/ /de ltar na gang rang bzhin du gyur pa 'am/ 'bras bur gyur pa'i rtags yod pa ma yin pa dang/ mngon sum med de dper na bdag la sogs pa lta bu ste/ de thams can ni shin tu lkog tu gyur pa yin no/ /de'i 'bras bu nyid du 'dod pa'i dbugs 'byung ba la sogs pa de dag ni rgyu gzhan blo la sogs pa dag ni bum pa la sogs pa la med pas/ rigs pa dang ldan pa'i ldog pa med pas/ 'bras bu nyid du ma grub pa'i phyir/ de la 'jug par byed pa 'am/ ldog par byed pa yod pa ma yin no zhes tshu rol mthong bas de yod pa nyid du nges par mi nus pa lta bu'o thams cad mkhyen pa la sogs pa yang dbang po las 'das pa yin pa/ de phyir shin tu lkog gyur la don de lta bu'i rnam pa la yod med nyid ni rnam nges med/ de bas na 'gal ba med pa'i don de 'dra bas ldog sgrub par byed pa ma yin gyi/ gsal bas sgrub par byed pa nyid yin no/ /gal te 'ga' zhig 'gag pa la sbyor bar byed pa na/ chos ni tha dad pa sbyor bar byed dam/ dgag par bya ba la/ thad de med kyang rab sbyor byed gal te phan tshun 'gal ba'i chos dag kyang gcig la ji ltar na yod pa yin/ gang gis na 'gal ba tha dang med pa'i sbyor bar 'gyur zhe na/ de de ltar ni yin mod kyi/ 'on kyang gzhan 'gal bdag kyang gcig la yod par rtogs pa de ltar na/ de'i dor byas te de skad du brjod do/ /ji ltar na tha dad ba rab tu sbyor ba yin zhe na/ dper na kha med sgrub pa la/ dper na 'di na kha ba'i reg pa med do zhes bsgrub par byed pa de las don gzhan grang ba dang 'gal ba me? rab tu sbyor ba lta bu'o// tha dad pa med pa ni dper na skye la yod nyid 'gal ba bzhin/ yod pa nyid skyed par 'gyur ro zhes 'dod pa gang yin pa de dag ni gang phul du byung ba 'ga' zhig kho na skye ba'i sgo nas dbang po'i yul du gyur pa la sogs pa'i ngo bor 'byung bas skye ba
- 181a
zhes tha snyad ldog par byed do/ /phul du byung ba nges sngar med pa nyid skye ba yin gyi/ de lta ma yin na da ltar gyi gnas skabs bzhin du sngar yang yod pa yin na/ skye ba'i don gang yin pa des na rnam ba gang yod pa de mi 'byung zhing 'byung ba gang yin pa de ltar yod pa ma yin no/ /gnas skabs de dang de 'brel pas de nyid de ltar skye ba yin no zhes pa'i rnam par rtog pa yang mi 'gyur te/ skye ba dang 'jig pa dang ldan pa dag ni/ rtag pa las gzhan nyid du sgrub pa'i phyir ro/ /de ltar ma yin na thal ches par 'gyur ro/ /skyes bu skye ba 'am shi ba la gangs can g.yo ba med pa 'byung ba 'am 'jigs par rtog pa ma yin te/ gnas skabs dang de dang ldan pa dag tha dad pa med pa yang sgrub pa nyid skye ba dang mi skye ba 'gal ba yin no/ /'gal ba'i chos gnas pa de nyid kyi phyir/ de nyid ces 'dod par mi 'gyur ro/ /de'i phyir med pa phul du byung ba de yod pa nyid yod pa de bas na/ yod pa nyid 'di ni skye ba dang 'gal ba zhes bya'o/ /gal te de sngar yod pa nyid yin na de nyid skye ba ma yin no/ /ci ste de skye ba yin na/ 'o na ni sngar yod pa nyid ma yin no zhes gcig tu nges pa nyid yin no/ /de ltar dngos rnams bsgrub pa la/ dngos po nyid ni bsgrub byed 'dod/ /ji skad bshad pa'i dngos gang yang dag ji bzhin pa zhes bya ba la sogs pas ji ltar dngos po'i nyid dngos po'i sgrub pa yin pa de ltar dngos rnams rang ldog la bdag nyid ldog pa dag la /dngos po nyid ni ldog byed yin/ des ni dngos po nyid kyis dngos po sgrub bar byed ba'am?/ dngos po ldog pa nyid kyis rongs? po ldog pa nyid go bar byed pa nyid yin no/ /des gang/ rtogs pa dag gis sbyar ba yi/ /'dod pas sgro btags pa'i chos yin gyi/ dngos po ma yin no zhes bya ba'i don to/ /de ni bsal ba yin spangs pa yin par rig par bya ste/ dper na sgrub bar byed pa dang 'gog par byed pa ma yin pa lta bu'o/ /ci'i phyir dngos po med pa yin
- 181b
zhe na/ bshad ba gang la lar yod pa'i phyir te/ ji ltar 'dod pa bzhin du gzhan du gyur pa gang yin pa de ni dngos po'i rang bzhin ma yin gyi/ 'on kyang de la rtogs pas gzhan du 'gyur ba yin gyi/ dngos po'i rang bzhin ni ma yin no/ /de 'dra ba'i chos de yang gang zhe na/ phyogs dang phyogs mthun gang rung nyid/ sogs pa smos pas ni/ kho bos khas blangs pa la sogs pa dang lud gis bsgrub pa bzung ngo/ /de ltar na de dag gi smra ba po'i 'dod pa tsam dang rjes su 'brel pa can yin gyi phyogs dang mthun pa'i phyogs dang gang rung ba la sogs pa'i rnam par rtog pa la yang /dngos po'i nye ba dang bskal pa dag tu mi 'gyur ro/ /'o na ci yin zhe na/ de la nye ba dang bskal pa dag ni/ 'dod pas nye ba dang bskal pa dag yin no/ /gal te yang dngos po las 'gyur ba yin na/ de'i 'dod pas gzhan nyid du rtags par mi 'gyur na 'gyur pa yang yin pa de'i phyir/ de dag ni 'ga' zhig gi yod sgrub par byed pa la yin gyi/ gnod pa can nyid yin no/ /gang yang dngos po ldog pa nyid dngos po rnams kyi ldog pa byed pa nyid yin no zhes bshad pa/ de la yang khyab par byed pa'i chos/ ldog par byed pa'i ldog pa 'am khyab bye'i go byed 'dod/ khyab par byed pa med pa'i yang go bar byed pa yin no/ /'dis kyang rgyu dang khyab pa byed pa mi dmigs pa 'dren mar bstan pa rtogs par bya'o/ /gang gi tshe zhe na/ gal te rang gi ni/ rnam 'gas yongs su gcod pa na'o/ /gal te rnam pa 'gag gis da bzlog pa la gnod pa can gyi tshad ma 'jug pa khyab par bya ba'i de tsam dang 'brel pas khyab pas khyab bar byed pa'i dngos por grub pa can bdag nyid med par nges par 'gyur ba na/ de bdag nyid med pas de'i tshe khyab bya ldog pa go bar byed do/ /de bzhin du bdag nyid ji lta ba bzhin du tshad ma'i sgo nas de'i rgyu dngos por grub pa can bdag nyid med bar grub pa can gyi rgyu ni 'bras bu'i yang yin no/ /tshad ma nyid med ces pa gcig dang 'dres pa can tshad ma nyid ma yin
- 182a
pa ste/ tshad ma nyid ldog pa gang de nyid med pa'i tha snyad bsgrub par bya ba la ji skad du bshad pa'i mngon sum ldog pa gang yin pa rang bzhin mi dmigs pa'i ming can rtags su brjod pa yin no/ /rtags shin tu rmongs don te/ yul rtogs su zin kyang de'i yul can gyi tha snyad mi rtogs pa gang yin pa de ni rmongs pa yin la/ de'i don du rtags de 'dra ba brjod pa yin no/ /de lta ma yin na brjod par bya ba ma yin pa nyid du 'gyur ro/ /ci'i phyir zhe na/ gnag rdzi mo bar grags phyir ro/ /don rnam pa de lta bu ni gnag rdzi mo'i bar la rab tu grags pa nyid kyi phyir ro/ /de nyid ni sngar zhib tu dpyad zin pa de ltar na/ 'dir yang ma spros so/ /mi dmigs pa ni de tsam zhig/ ji skad du bstan pa'i mi dmigs pa gang yin pa de ni mi dmigs pa yin no zhes bya ba'i don to/ /de ni med pa ste dgag pa dang de'i tha snyad la ci rigs par nges pa'i 'bras can yin gyi gzhan ma yin no/ /mi dmigs pa nges par byed pa de yang gang gi tshe yin zhe na/ rgyu 'am rang bzhin dag/ mi snang ba la snang nyid 'dod/ /dmigs pa'i mtshan nyid kyir gyur ba nyid du khas blangs nas so /mi snang ba ni dmigs par ma gyur na'o/ /'dis ni rgyu mi dmigs pa dang/ rang bzhin mi dmigs pa dang/ don gyi khyab par byed pa yang mi dmigs pa bstan pa yin no zhes bya ba ni mjug bsdu pa'o/ /de de ltar zhar la 'ongs pa rdzogs par byas nas/ rjes su dpag pas zhes bya ba la sogs pas rnal ma dang sbyor bar byed do/ /skabs kyang gang yin zhe na/ kha dog spyi la sbyor phyir ro/ /zhes bya ba la sogs pa'o/ /zhang la 'ongs pa yang gang zhe na/ dngos med ngo bo min de nyid ces bya ba la sogs pa'o/ /go rims 'di lta ste rnam par rtog pa'i rnam par shes pas kha dog gi spyi mi rtag pa nyid dang sbyor bar byed do/ /gal te yang rnam par rtog pa la snang ba can gyi spyi la de ltar zhen pa yin pa de ltar na yang dngos po nyid du grub
- 182b
po zhes bya ba de lta bu la sogs pa sngar bshad pa yin no/ /gang gi tshe bzhed pa yin zhe na rjes su dpag pas te tshad mas kha dog la sogs pa la yod pa mi rtag sogs/ 'dzin la yin gyi gzhan gyi tshe ni ma yin no/ /ci'i phyir zhe na/ 'di ltar gzhan la/ gang la skad cig tha ma mthong ba'i dang tshul can gyis dmigs par ma gyur pa na 'di zhig pa yin no zhes nges par 'gyur ba de la/ mngon sum nyid kyis mi rtag pa'i rang bzhin rtogs pa'i phyir/ de'i tshe gzung ba nges pa nyid yin pa de ltar na/ gzung ba 'dzin pa nyid kyi phyir/ de'i tshe tshad ma nyid du mi bzhed do/ /gang gis de bas kyang dngos po mi rtag pa la sogs pa'i rnam pa dang ldan pa grub pa yin/ de bzhin du rjes su dpag pas nges pa las kyang dus phyis byung ba la rtogs par bya'o/ /gzung ba 'dzin pa'i nges pa yang ji ltar yin zhe na/ bshad pa 'di ltar dngos po de yang/ dbang po las te/ mngon sum las nges par sngar grub pa yin no/ /de yang gang las shes ni dngos las mi rtag gzhan du med/ dngos po g.yo ba las mi rtag pa zhes bya ba gzhan 'ga' zhig kyang bzhan na yod pa yin no/ /de bas skad cig ma tha ma 'dra ba gzhan dang mtshams sbyor ba can ma yin pa mngon sum gyis yongs su gcod pa na/ srog chags rnams kyis de'i skad cig mar gnas pa'i chos can nyid kyi rang bzhin 'din pa de nyid mi rtag pa yin pa de ltar na mngon sum gyis grub pa yin na/ /de ltar na gang zhig gang gi bdag nyid du gyur ba de ni de grub pa na grub pa yin te/ dper na sgra la sogs pa'i chos can de nyid kyi ngo bo lta bu'o/ /gal te de'i mi rtag pa la sogs pa'i chos de'i bdag nyid du gyur pa yin bde'i tshe/ gang gis nam grub pa yin/ ci ste yang mi rtag pa nyid la sogs pa dngos po las don gzhan yin pa de'i tshe dngos po de 'jig par mi 'gyur te/ gzhan yod na gzhan 'jig pa zhes bya ba ma yin no/ /de bas na dngos po'i
- 183a
'jig pa'i rang bzhin du gyur pa zhes bya ba'i rtog pa yang rigs pa ma yin te/ bdag nyid g.yo ba med pa'i rang bzhin can gzhan gyi rang bzhin gzhan du med par nus pa yin ma yin no/ /bdag nyid g.yo ba med pa'i rang bzhin can yin na ni/ mi rtag pa nyid gzhan yin pa 'bras bu med pa can yin no/ /ngo bo nyid kyis g.yo ba'i rang bzhin yin na yang 'di 'jig pa'i dang tshul can nyid yin pa'i phyir ro zhes bya ba de lta bu la sogs pa sngar bstan zin pa de ltar na gzhan ma yin no/ /de nyid dang gzhan nyid brjod bar bya ba ma yin na yang/ dngos po med pa nyid yin pa'i phyir de'i rang bzhin don dam pa ma yin pa de ltar na kun rdzob tu mi rtag par 'gyur gyi/ don dam par ni ma yin no/ /gang yang de nyid dang gzhan nyid brjod par bya ba ma yin par smra ba'i sgra'i don de blo la bzhag nas/ de yang phyi rol na med pa nyid kyi phyir/ rang gi mtshan nyid las de nyid dang gzhan nyid du brjod par bya ba nyid ma yin te/ gang gi ngo bo cung zad cig pa yod pa yin na/ de dang de'i ngo bo dang dben pas de nyid dam/ gzhan nyid du brjod par bya ba rnam par bzhag par 'gyur na/ /gang gi yang ngo bo cung zad kyang yod pa ma yin na de ji ltar rnam par bzhag par bya/ rnam par 'jog na yang rang bzhin nyid du 'gyur na de ltar yang ma yin no zhes bstan zin chos dang chos can rnam par rtog pa'i blo la snang ba'i dang tshul can yang phan tshun brjod par bya ba nyid ma yin no/ /de ltar na chos can las chos gzhan ma yin te/ chos kyi sgra ni chos can las don gzhan ma yin pa ston pa'i phyir ro/ /chos can gang yin pa de nyid kyang chos ma yin te/ chos can brjod pa bzhin du chos brjod ba'i sgra dag kyang/ rnam par gcod pa gzhan 'phen par thal bar 'gyur ba'i phyir ro zhes sngar bshad zin to/ /de'i phyir dngos po du ma can rang bzhin tha dad pa can gyi dngos po de brjod min/ mi rtag pa nyid la sogs
- 183b
pa dag ni de la rang bzhin gzhan nyid du med pa'i phyir ro/ /g.yo ba de'i rang bzhin can nyid la mi rtag pa nyid ces brjod do/ /rang bzhin gcig pa can de mthong ba na mi rtag pa nyid mthong ba yin no/ /rtog las skyes chos brjod bya yin de dang de las ldog pa'i don gyi ngo bo mthong ba'i stobs las skyes pa'i blos rang gi snang ba'i 'khrul pa kun nas ston pa'i phyir /chos gcig la rang bzhin sna tshogs pa bzhin du rnam par rtog pa'i blos nye bar bzhag pa'i chos rnams ni/ der snang ba'i rjes su byed pa nges ngo bo sna tshogs pa'i tha snyad du brjod pa yin gyi/ rang gi mtshan nyid la ni yod pa ma yin no/ /de nyid kyi phyir rnam par rtog pa las skyes pa zhes gsungs so/ /de'i phyir/ spyi'i rten ni grub pa na mi rtag pa nyid la sogs pa'i chos kyi rten sgra la sogs pa'i chos can cha med pa mngon sum gyis bzung bar gyur pa na spyi de nyid ni grub pa yin de'i bdag nyid du gyur ba'i mi rtag pa la sogs pa'i rang bzhin grub pa nyid yin no/ /de ma grub na mi rtag pa nyid la sogs pa'i chos dang ldan pa'i sgra la sogs pa'i/ chos can ma bzung na/ de ltar chos de dang ldan pa sgra la sogs pa'i chos can de'i rab tu 'grub phyir/ mi rtag pa'i rang bzhin shes par bya pa'i phyir rjes su dpag pa 'jug pa yin no zhes bya ba ni tshig gi lhag ma'o/ /de'i bdag nyid du rang bzhin ma lus par yongs su bcad ba can kha dog la sogs pa'i chos can mthong bas bzung ba ma yin nam/ de ltar na de ma grub pa yin/ grang gis na de de shes par bya ba'i phyir/ rjes su dpag pa yin zhe na/ de ni de ltar yin te/ rang bzhin ma lus pa phyogs gcig gis 'dzin pa ni ma yin gyi/ 'on kyang rnam pa thams cad du bzhin 'dzin pa yin no/ /de la mi rtag pa la sogs pa'i rnam pa'i khyad par tha dad pa'i rang bzhin can 'ba' zhig bzung du zin kyang /'khrul pas de'i ngo bo chod pa can nyid
- 184a
yin ba'i phyir nges pa ma yin zhing/? ma nges pa las kyang de dag mthong bas ma bzung ba dang 'dra ba yin pa de ltar na de ni de dag la tshad ma ma yin no/ /de ltar na gal te de la mthod ba skyed pa'i rnam pa de dag la dran pa'i nges pa skyed pa de'i tshe/ de la dran pa'i sgo nas 'jug pa'i phyir de tshad ma yin gyi/ rnam pa gzhan du ni ma yin te/ tshad ma ni 'jug pa'i 'bras bu can nyid yin pa'i phyir/ gal te thams cad las tha dad pa'i dngos pa'i ngo bo la khyad par med par mthong ba skyed/ par gyur pa yin na/ ci'i phyir ji lta ba bzhin du nyams su myong ba'i rnam pa dag la nges ba skyed par mi byed/ gang gis na de dag gi rang bzhin ma grub pa nyid yin zhe na/ de nyams su myong ba nyid kyi phyir nges pa ni ma yin no/ /'o na ci yin zhe na/ khyad par thaMs? las cha med par nyams su myong ba skye ba na yang/ rnam pa gang dag la 'khrul pas mchod pa yod cing chod pa mngon? yang rnam pa gang kho na goms pa la sogs pa'i nges pa'i rgyu mtshan yod pa yin te de nyid kho na la shin tu dang ches shin tu ste bas nges par 'gyur ro/ /de ni mthong ba skyed pa la yang gang dang gang la ngas pa de nyid tha snyad du rung ba gcung ba yin no zhes rnam par bzhag pa yin gyi/ gzhan ma yin pa de ltar na kha na ma tho ba med do/ /gang gi yang mngon sum rang nyid nges pa'i bdag nyid kho na yin pa de nyid kyi skyon 'di yin no/ /de ltar na nges pa rnams kyi rang gi don rtogs pa gang yin pa 'di nyid ni don de'i nges pa yin no/ /nges na tha dad pa'i khyad par gcig gi sgo nas kyang/ sna tshogs pa'i bdag nyid du de las gzhan pa la phan 'dogs par byed pa ma lus pa'i rang bzhin can gyi dngos po bzung pa na/ de'i nges par yongs su ma bcad pa'i rang bzhin can mi rung ba'i phyir ro/ /tshad? ma gzhan 'jug par mi 'gyur ba de ltar na mngon sum des pa'i bdag?
- 184b
nyid can ma yin pa 'dod bar bya'o/ /de bas na bdag nyid ji lta ba bzhin du rgyu mtshan yod par sgro 'dogs pa rnam par gcod pa'i phyir rjes su dpag pa 'jug pa yin no zhes bya ba de rgyas par gang du bstan zin to/ /de'i phyir gang zhig la lar yongs su mi shes te/ rgyud rgyun mi 'chad pa'i dus na /mi rtag pa nyid la sogs pa'i rang bzhin can gyi dngos po gang yin pa de 'khrul phyir te/ rgyu'i phyir skad cig ma rnams kyi tha dad ma mthong ba yin no/ /nges par ma byas pa nyid yin no/ /ci dang 'dra bar zhe na/ sgong? gi tha dad bzhin/ ji ltar sgong? gnyis tha d+d par mthong du zin kyang/ shin tu myur ba la sogs pa'i 'khrul pa'i rgyu mtshan gyis lta ba po tha dad pa med par zhen pas sgong de gnyis yin no zhes nges pa de dang 'dra bar ro/ rgyu gang las 'khrul pa yang yin zhe na 'dra ba gzhan ni yod phyir ro/ /dngos po skad cig mar 'jig pa can tha dad par dmigs pa dag la yang cha tha dad par ma mthong ba ni 'dra ba gzhan 'byung bas 'khrul pa de nyid 'di yin no zhes zhen pa'i phyir/ mi rtag pa bzung du zin kyang ma nges pa yin no/ /de gang las she na/ de ltar rtags med pa ste rtag pa dang bral ba nyid kyis so/ /byis pa'i bar la ni byis pa'i mthar thug pa la yod/ /skye bas mthong ba ste/ mthong ba'i sgo nas yongs su gcod byed des pa byed do/ /gang zhe na mar med ? 'jig pa can /mar me la sogs pa 'di mi rtag pa yin no zhe'o/ /ci 'dra bar gyur pa zhig ce na/ 'dra ba med par gzhan 'byung pa gang la 'dra ba med cing mtshungs pa med par skad cig ma gzhan 'byung ba yod pa ste/ 'dra ba'i skad cig ma ? 'byung ba gang la 'dra ba med cing mtshungs pa med par skad cig ma gzhan 'byung pa yod pa ste/ 'dra pa'i skad cig ma gzhan dang mchams sbyor ba med pa'i ngang tshul can zhes bya ba'i don to/ /des na sngar 'dra ba gzhan 'byung bas ma nges pa yin
- 185a
zhes rtogs par bya'o/ /ji ltar gang bzung ba na yang nges pa nyid ma yin zhe na/ rgus? pa dngos po'i rang bzhin du zhes bya ba la sogs pa smos te rgyu'i nus pa dngos po las gzhan ma yin te/ don gzhan nyid yin na ni phan? btags pa med pa'i byed? de'i 'di yin no zhes 'brel pa ma grub pa'i phyir dam nus pa rnams la nus pa dang ldan pa phan 'dogs par byed pa yin par khas len/ nus pa la nus pa phan 'dogs par byed pa yin/ de tha dad mn pa de ltar na/ ji srid ji srid du tha dad pa dag nyid kyis nus pa tha dad pa nyid la 'dogs par byed do zhes 'dod pa de srid de shin du de'i 'di zhes bya ba'i 'brel pa med pa'i phyir nus pa thug pa med pa yin na de rgyu nyid du mi 'gyur ro/ /nus pa rang gi bdag nyid du gyur ba dag gis nus pa la phan 'dogs par byed na/ de dang 'dra bar 'bras bu la yang nus pa tha dad pa med pa nyid du 'gyur ba de ltar na/ tha dad par rtog pa don med par 'gyur ba'i phyir de ni bdag nyid du gyur pa nyid yin no/ /de'i phyir nus pa dngos po'i rang bzhin du gyur kyang/ 'bras bu'i yul la rgyu'i nus pa gang yin pa de yul du gyur pa yin na/ 'bras bu la rmongs rgyu mthong na nus pa'i bdag nyid du gyur pa de bzung na yang nges pa med pa yin te/ de la rnam par rmongs pa nyid du 'gyur ro/ /ci'i phyir zhe na mthong ba med phyir ro/ /de ma thag med dag 'bras bu de ma thag pa nyid pa'i phyir zhes bya ba'i don to/ /nus pa chos ba can gyi rgyu de 'dra ba de yin na gang gi de ma thag pa'i 'bras bu mi skye shing mi skyen snang bar mi 'gyur te/ de ma thag ma mthong ba'i phyir dang/ de'i 'bras bu can pa yin pa chos mthun pa can nyid yin pa'i phyir nges byed gyi skyes bu la rnam par ? byed pa'i phyir gyi gsal med phyir ro/ /'khrul pa'i phyir de la rnam par nges pa yod pa ma yin no/ /de'i phyir rnam par rmongs pa de nyid bzlog pa'i ched du ni/ rjes su dpag pa brjod
- 185b
yin/ de ltar ma yin na gal te ji ltar mthong ba bzhin du dngos po de kho na 'di thams cad la yang sgra btags pas des pa la gags byed pa med pa de'i tshe/ rjes su dpag pas ci zhig bya/ /blo gros chen po sgro btags pas ma chod pa gang yin pa blo gros chen po la yangs pa can de dag gis mthong nyid las te/ gzigs pa nyid kyi phyir dngos po ? nus pa/ rnam pa thams cad nges par byed cing nges par mdzad pa ro de'i phyir thams cad las ? log pa'i/ rigs mthun pa dang rigs mi mthun pa de dang de las log pa'i rang bzhin can zhes bya ba'i don to/ /rnam par gnas pa'i rang bzhin can gyi don de la ni/ ldog pa'i rgyu mtshan gyi blo rnam par gcod pa de dang de la rten pa'i rnam par rtog pa don dam par tha dad pa med pa de la yang/ tha dad rten can bzhin 'jug ste/ yul tha dad pa bzhin du'o/ /gang dang gang las dngos po log pa de dang de la bltos nas dngos po gzhan las log pa gang yin pa de yal rten nas rang bzhin tha dad pa med na yang dngos po'i rang bzhin de dang de la tha dad pa bzhin du ston bar byed pa'i blo 'jug par 'gyur gyi/ dngos po yang de 'dral ma yin no// de ni? ltar na bla 'jug pa yod na/ ji skad du brjod sgra 'jug 'gyur/ de dang de las tha dad pa de dang de la de'i dang pa zhes par bya ba'i phyir/ brdar byas pa gang dang gang len pa de dang de'i? ngor byas nas/ brda ji lta ba bzhin du sgra yang tha dad pa kho nar 'jug par 'gyur ro/ /de dang de las ldog pa'i dngos po de yis ? 'di kyis blo? sbyed 'gyur ro/ /rang bzhin gyis rang gi rnam pa dag las nges pa'i blo skyed bar byed do/ /ngo bo ci 'dra ba zhig ce na /rang dang ni rjes su mthun pa'i ste de'i bdag nyid ji ltar gnas pa de kho na bzhin du skyed par byed do/ /gang gi tshe zhes 'khrul rgyu med na/ rgyu nges pa goms pa la sogs pa yod na'o/ /de de ltar na dngos po nyid mi rtag pa nyid yin no/ /'dra ba?
- 186a
gzhan dang mtshams sbyor ba med pa'i dang tshul can de 'dzin pa na/ mngon sum gyis mi rtag pa nyid grub yin no zhes rang nyid kyi 'dod pa bstan nas/ rang gi sde pa kha cig zhig nas med pa mi rtag pa nyid du 'dod pa ji ltar grub pa de bstan pa'i phyir/ mi dmigs pa'i rtags dag las zhes bya ba la sogs pas de ston par byed do/ /yang mi rtag pa nyid ni dngos po nyid dam/ mngon sum gyis grub pa ni ma yin gyi/ zhig nas med pa mi rtag pa nyid du 'gyur ba ni bla ste/ de ltar na yang skad cig ma tha ma mthong ba'i dus 'di la'ang 'dzag? pa gru gang yang mi rtag pa nyid kyi ming can yin no/ /gang las shes na mi dmigs pa'i rtags dag las skad cig ma tha ma dmigs pa'i mtshan nyid kyir gyur ba phyis ma dmigs pa'i phyir mi rtag pa grub pa yin no/ /de ltar na/ dngos po sngar byung med 'gyur ba/ /mi rtag ces ni bstan pa yin/ sngar snang bar gyur pa las phyis mi dmigs pa'i phyir/ shes pa med pa na dngos po 'di mi rtag ces bya bar rnam par gzhag pa yin no/ /dngos po med pa'i mtshan nyid can mi rtag pa nyid yin na/ med pa la bltos nas dngos po 'di'i mi rtag ba ni 'di yin no zhes bya ba'i tha dad pa'i tha snyad thob pa ma yin no snyam du sems pa rig pa la sogs pa gang gi mi rtag pa nyid kyi sgra yin na'o/ /ci zhig 'dod pa'i dang rtsul? can brjod ce na/ mdza' gnyis chad yang dang/ 'brel pa brjod ba'i dang tshul can/ /mdza' yang de yin la gnyis kyang yin pas na mdza' gnyis so/ /mdza' rnam pa gnyis zhes bya ba'i don to/ /de ltar gyis chos pa ni mdza' gnyis ba de la chod pa'o/ /mdza' gnyis po chod ba ni mdza' gnyis chod pa'o/ /mdza' gnyis tshod pa yang de yin la yod pa nyid kyang yin pa de lta na na'o/ /de lta bur gyur pa'i yod pa de yang mi rtag pa nyid yin gyi ? yod pa tsam nyid ni mi rtag
- 186b
pa'i mtshan nyid ma yin te/ nam mkha' la sogs pa yang de dang ldan pa'i phyir/ mi rtag pa nyid du thal ba'i phyir ro/ /'o na ci yin zhe na/ snga nas med pa dang zhig nas med pa'i mtshan nyid can gyi mdza' gnyis kyi khyad par du gyur pa dbus na gnas pa'i yod pa nyid gang yin pa de ni mi rtag pa nyid yin pa'i de lta bur gyur pa'i yod pa nyid kyi 'phrog pa 'dru? ba nyid ma yin no zhe na/ de skad du smra ba nges mdza' gnyis gyi dbus na gnas pa'i yod pa nyid gang yin pa/ des de'i mdza' zhes 'dod pa gang /de'i rigs pa ma yin no snyam du dgongs nas gang la 'di skad ces 'dri bar mdzad pa yin no/ /de ltar ni 'gyur mod kyi /gal te snga phyi med yin yang/ /'di la 'dri bar bya ba ci zhig yod/ /snga nas med pa dang/ phyin nas med pa zhes bya ba gnyis po 'di la mdza' zhes brjod do zhe na/ gal te de lta yin na snga nas med pa dang/ phyi nas med pa nyid dngos po'i mi rtag cis ma yin/ /ci'i phyir mi 'dod de /de nyid mi rtag pa nyid du 'gyur ba yin na/ brgyud pa 'dis ci zhig bya// //tshad ma rnam 'grel gyi 'grel pa/ bam bo nyi shu rtsa drug pa/ /de ltar ni 'gyur mod kyi/ gal te drug sogs mi rung phyir zhe na gal te med pa mi rtag pa yin pa de'i tshe/ de'i sgo nas dngos po'i tha dad pa mi rung ba'i phyir 'di'i mi rtag pa nyid 'di yin no zhes tha dad par brjod pa'i ngang tshul can gyi drug pa mi rung ngo/ /sogs pa smos pas bdun pa la sogs pa'i rnam par dbye ba dang/ chos dang chos can gyi dngos po'i tha snyad ces bya ba la sogs pa bzung ngo/ /mdza' de ji ltar 'gyur gal te med pa'i phyir dngos po la drug pa la sogs pa mi rung ba de'i tshe/ de yod pa nyid dam de dang 'brel pa 'am/ gzhan la lar snga na med pa dang zhig nas med pa de dag sbyor ba na yang /drug pa la sogs pa mi rung bar 'gyur te/ dngos ba gzhan du khyad bar med pa'i phyir zhes bya ba'i don to/ /gzhan yang yod pa nyid rtag pa yin na/ yod ba dang 'brel pa yang rtag pa
- 187a
nyid yin te /de dag ni yod pa nyid dang 'brel rtag nyid phyir /rgyu'i phyir de dag gi snga na med pa 'am/ zhig na med pa yod ba ma yin te/ rang gi ngo bo nyams? pa'i phyir ro/ /de na de dag ni tha ma dag tu yod pa nyid dang /'brel pa dag gi khyad par rigs pas ? te dper na snga na med pa dang zhig naS med ba la yod pa nyid la sogs pa lta bu'o/ /spyod pa ni gang mi rtag pa mi 'gyur ba de ni snga na med pa dang /zhig nas med pa dag tu khyad par don dam par rigs pa ma yin te/ dper na nam mkha' lta bu'o/ /yod pa nyid dang brel ba yang mi rtag par mi 'gyur zhes bya ba ni khyab bar byed ba mi dmigs pa'o/ de ltar ni 'gyur mod kyi gal te rgyu 'bras mdza' yin na snga nas med pa dang zhig nas med pa'i tha ma khyad par du gyur pa ma yin na gang gis skyon 'di yod /'o na ci yin zhe na/ dngos po'i rgyu ni mdza' gcig yin la/ de'i 'bras bu ni mdza' gnyis pa yin no/ /des na rgyu dang 'bras bu gyur pa'i tha ma dag tu khyad par yod pa ma yin no snyam pa 'dis/ phyogs gzhan gyi dgos pa bsu ba yin no/ /gal te de lta yin pa de'i tshe/ khyad par med pa nyid 'gyur te/ rgyu dang 'bras bur gyur pa'i tha ma la khyad par nyid du mi 'gyur ro/ /ci'i phyir zhe na/ 'brel med phyir ro/ khyod kyi 'dod pas dngos po la snga na med pa dang lhan cig dngos po snga na med ba zhes bya ba'i tha snyad gyi 'brel pa yod pa ma yin no/ /sbyor ba ni gang zhig gang dang 'brel pa yod ba ma yin pa de ni de'i zhes bya ba'i don dam ba'i tha snyad rigs pa ma yin te/ dper na nam mkha' dang dus lta bu'o/ dngos po dang snga na med par yang 'brel pa yod pa ma yin no zhes bya ba ni khyab par byed pa mi dmig pa'o/ /de ltar na rigs pa pa de dngos po snga na med pa 'dod ma yin /gang gi tshe 'di ltar dngos po'i snga na med pa mi 'dod pa de'i tshe rgyu dang 'bras bu dag ma yin no/ /de ltar na rgyu dang 'bras bu dag ni snga na med pa la bltos nas 'gyur ba yin gyi/ rnam pa gzhan du ni ma yin no/ /'bras
- 187b
bu zhes bya ba ni 'ga' zhig thag nye ba na sdang med ba las 'byung ba gang yin pa de 'bras bu yin na /gang yang snga na med pa ma yin pa de ni skye ba ma yin no/ /gang gi tshe mi skye ba de'i tshe de 'bras bu ma yin zhing /gong gi tshe de 'bras bu ma yin pa de'i tshe/ cung zad kyang mi byed la? /gang mi byed pa 'di la 'bras bu yod pa ma yin no/ /'bras bu nyid ma yin pa'i phyir rgyu ma yin no/ /de ltar na rgyu dang 'bras bu de dag kyang 'di na ngos po la grub pa min no/ /ci 'dra ba zhig ce na/ khyad par can de zhes bya can zhes bya ba ste/ rgyu dang 'bras bu'i tha snyad gang la snga na med pa'i khyad par te/ bye brag yod pa de ni khyad bar can de'o/ /rgyu dang 'bras bur gyur pa gang la khyad par can de zhes bya ba yod pa de ni khyad par can de zhes bya ba can no/ /snga na med pa la rten nas /rgyu dang 'bras bu'i tha snyad ni thob pa can gyi rgyu dang 'bras bu grub pa ma yin te/ ji skad du bshad pa'i rigs pas zhes bya ba'i don to/ /sbyor ba dag kyang gang zhig snga na med pa yod pa ma yin pa de ni skye ba ma yin te/ dper na nam mkha' lta bu'o/ /dngos po la yang sde na med pa yod pa ma yin no zhes bya ba ni khyab par byed pa 'gal ba dmigs pa'o/ /gang mi skye ba de ni 'bras bu ma yin te/ dper na nam mkha' mkha' de nyid lta bu'o/ /dngos po snga na med pa dang bral ba yang skye ba ma yin no zhes bya ba ni khyab par byed pa mi dmigs pa'o/ /gang la 'bras bu med pa de ni rgyu ma yin te/ dper na gtan nas med pa lta bu'o/ /dngos por mngon par 'dod pa yang 'bras bu med pa yin no zhes bya ba na khyab par byed pa mi dmigs pa'o// yod nyid rang rgyu dang 'brel pa/ byed ba'i phyir ni rgyu yin lo/ /khyed kyis ci 'dra ba'i 'bras bu'i skye ba bstan pa de 'dra ba ni/ dngos po skye bar byed pa'i phyir rgyu zhes mi bya'o/ /'o na ci yin zhe na/ yod ba nyid dang lhan cig 'bras bu'i don 'brel cing ldan pa ste/ 'brod pa 'du ba zhes bya ba'i don to// yang na rang gi rgyu dang 'bras bu de
- 188a
'brel pa gang yin pa de ni skye bar 'dod do/ /'o na de lta na ni/ yod nyid de yod pa nyid dang rgyu dang/ 'brel pa de yang/ dngos po gnyis de dag kyang rtags yin/ 'o na 'dir 'bras ci yod pa nyid dang 'brel par dang rgyu dang 'brel pa la skye bar khas len pa na/ re zhig yod pa nyid ni rtag pa nyid kyi phyir byed pa ma yin no/ /de nyid kyi phyir 'brel pa yang ma yin no/ /de bas kyang cung zad kyang mi byed pa de star na/ gang gi gang skyed par bde bas rgyu yin/ gang med pa de byas yin na/ bdag nyid yod pa ma yin pa gang yin pa de rgyus byas pa yin na /dngos po snga med ldan min te/ dngos po la snga na med pa yod pa ma yin na/ /ci'i phyir zhe na/ 'brel pa khas mi len phyir ro/ /snga na med pa dang/ lhan cig 'brel pa khas mi len pa'i phyir ro/ /de bas na gang gi phyir dngos po snga na med pa dang bral pa de nyid kyi phyir byed pa ma yin no/ /'bras? bu nyid ma yin pa de phyir ro 'di rtag pa yin te/ thob pa de ltar na 'ga' zhig kyang mi rtag pa nyid du mi 'gyur ro/ /sbyor ba dag ni gang snga na med pa ma yin pa de ni bas pa ma yin te/ dper na nam mkha' lta bu'o/ /dngos po yang snga na med pa ma yin no zhes bya ba ni khyab par byed pa mi dmigs pa dang gang 'bras bu ma yin pa de ni mi rtag pa ma yin te/ dper na nam mkha' lta bu'o/ /mngon par 'dod pa'i dngos po yang 'bras bu ma yin pa yin no zhes bya ba ni khyab par byed pa 'gal ba dmigs ba sta thal ba bsgrub pa'o/ /gang gi tshe 'di ltar dngos pa'i snga na med pa la sogs pa'i 'brel ba bsam len pa de'i tshe skyon yin no/ /de'i phyir sgra gang dag la tha dad pa med pa'i don du mngon par 'dod pa ste /dper na dngos po'i snga na med pa yod do zhes bya de lta bu la sogs pa yin pa de ltar na /tha dad med don mngon 'dod can/ sgra la'ang yul du gyur pa de dag la/ ldog pa'i rten yin te ldog
- 188b
pa'i rgyu yin no/ /blo de nyid ni rnam par rtog pa'i blo nyid do/ /don med zhen pa ni dngos por gyur pa'i rten dang bral pa'o/ /brjod bya la dang tshul can ni gang la brjod bya'i don tha dad pa'i rang tshul yod ba zhes bya bar tshig rnam par sbyar ro/ /don tha dad pa med na yang brda'i dor byas nas don tha dad pa bzhin du zhen par byed pas na/ ldog pa'i tha snyad kyi rgyu ma chen yin no zhes bya ba'i don te/ /dngos por 'gyur pa'i 'brel pa rten ma yin pa yang 'brel pa brtag par ji ltar ba bzhin du rgyas par bstan zin pa de ltar na 'dir ma bstan to/ /'o na gang 'di mi rtag pa la sogs pa'i rnam par kha dag la sogs pa 'dzin pa yin na de ji ltar zhes bya ba'i lan bshad nas/ da ni du mar zhes bya ba'i lan gdab par bzheng nas skad cig re rer zhes bya ba la sogs pa smos te/ khyad par do shes ni sngar yongs su mthong pa'i rtags las ngo shes pa gang yin pa de ni de nyid 'di yin no zhes bya ba'o/ /de ni tshad ma nyid ma yin gyi/ 'on kyang 'khrul pa'i shes pa yin /ci'i phyir zhe na/ skad cig re rer tha dad phyir mthong ba gang yin pa de ni 'jigs pa yin la de 'di ni gzhan yin te/ phyis gzhan la de ma yin pa la de nyid 'di yin no zhes 'dzin pa ni 'khrul pa'i shes pa yin no/ /de ltar ni 'gyur mod kyi ji ltar mthong ba nyid kyi khyad par de bzung pa ni ma yin gyi 'on kyang spyi yin no zhe no/ gal te de lta yin na khyad par yul can ma yin no/ /rjes su dpag pa de ni khyad par mthong ba zhes brjod par bya ba ma yin no/ /ci'i phyir zhe na/ mthong ba mtshungs pa de 'dzin phyir/ /snga phyir mthong ba'i phyis phyi ma 'dzin pa'i phyir rjes su dpag pa de ni spyi mthong ba nyid yin na zhes bya ba'i don to /de ltar ni 'gyur mod kyi/ 'dir me'i spyi tsam 'dzin pa 'ba' zhes na ma yin te/ 'on kyang so sor nges pa'i yul du gnas pa'i me'i khyad par spyi'i sgo nas shes pa'i phyir ro zhe na /khyad par la brten pa 'di tsam gyis ni spyi nyams
- 189a
pa ma yin no/ /de ltar na a ka ru'i du ba la sogs pas de skyed bar byed pa'i mi shes pa na yang me'i spyi nyid rtogs pa yin gyi /so so nges pa khyad par can ni ma yin pa /de ltar na gang de ni cir yang mi rung ngo/ /de ltar ni 'gyur mod kyi / gal te de nyid dpe yin pa/ /de ltar spyi 'dzin ma yin na /gang la dpes bstan pa tha dad pa de la de dag ni spyir rjes su dpag par 'gyur la/ 'dis ni dpes bstan pa gang yin pa de nyid dpe yin te/ dper na de nyid 'di yin no zhes rab tu bstan pa'i phyir ro/ /de'i phyir sgo nas rjes su dpag pa ma yin no zhe na/ gal te de lta yin pa de'i tshe dpe ni grub pa yin par 'gyur gyi/ ma grub pa yin pa de ltar na /dpe nyid yin pa'i phyir 'di nyid kyis grub par 'gyur te/ dpe nyid yin phyir rgyu yi phyir /grub pa 'di la ste/ sngar yongs su mthong ba la shes par byed pa'i tshad mos kyang ni ci zhig bya dgos pa cung zad yod pa ma yin te/ sgrub par byed pa ni ma yin te/ sgrub par byed pa ni ma rtogs pa shes par byed pa'i mtshan nyid can yin pa'i phyir ro/ /de ltar mi 'gyur mod kyi/ gal te brjed byed skyon med na /gal te yang ngos sngar de bzung zin pa de ltar na yang chod pas brjed pa yin la/ brjed pa nyid kyi phyir phyis rtags kyi rtogs pa yin no zhe na /gal te don de bzung ba brjed pa yin pa de'i tshe/ de nyid phyir na brjed pa nyid kyi phyir ma grub pa ni rtogs pa'i yan lag ma yin pa de ltar na/ dpe ma yin te ma grub ba dper 'gyur ba rigs pa ma yin no zhes bya ba'i don to/ /rtogs pa'i yul can tshad mar 'gyur bar rigs pa ma yin te/ khyad par mthong ba zhes bya ba ngo shes pa dran pa bdag nyid kyis rtogs pa'i yul can nyid du khas blangs pa yin pas/ dpe de nyid rtogs par khas len pa'i phyir dang /ma grub pa yang dpe nyid ma yin pa nyid kyi phyir ro/ /de'i phyir khyad par mthong ba la tshad mar nus pa
- 189b
yod pa ma yin no/ /de ltar ni 'gyur mod kyi gal te mthong la de dngos ni tshad mas grub na/ da ltar gyi don mthong ba 'di yin no zhes bya ba'i shes pa'i yul nyid yin pas na de'i dngos po ste /sngar mthong ba'i don gyi dngos po gang yin pa de kho bos sngar mthong ba de nyid da ltar mthong ba de 'di yin no zhes de ltar mthong ba'i don la sngar mthong ba'i don gyi dngos po'i chos rtogs pa med par khyad par mthong ba zhes bya ba'i tshad mas rtogs pa yin no zhe na/ de ni ma yin te/ rnam pa gnyi ga la skyon yod pa'i phyir ro/ /re zhig gal te dus snga phyir mthong ba'i tha dad pa yin pa de'i tshe /dngos gzhan la de nyid sgro 'dogs phyin ci log yin/ dngos po gzhan nyid la gzhan du de nyid 'di yin no zhes /don de'i dngos po de nyid du sgra 'dogs pa ni phyin ci log yin gyi /tshing ma nyid du 'gyur ba ma yin te/ tha dad par 'gyur pa dag la gcig nyid du zhen pa'i phyir ro/ /ci ste dus snga phyir mthong ba'i don de dag tha dad pa med pa de'i tshe /de grub phyir na tshad nyid min/ /khyad par mthong ba'o/ /khyad par med pa'i don de ni gcig nyid yin la de yang sngar mthong ba de grub pa'i phyir to/ mthong ba'i yul can gyi mthong ba dang dran pa'i 'du byed nyams pa med pa'i phyir de yul can gyi shes pa phyi ma tshad ma ma yin te/ sngar gyi mthong brjod na ni de nyid 'di yin no zhes bya par mi 'gyur ro/ /sngar mthong pa'i don gyi dngos po de'i chos ma rtogs pa phyis rtogs pa yin no zhes bshad pa ma yin nam /bshad pa ni bden te/ de yang rigs ma yin te/ gang gis na don gyi chos cung zad gang yin pa 'di ni de'i rang bzhin las phyi rol tu gyur pa ni ma yin na/ sngar med cing phyis 'byung ba yin /gal te 'gyur na de nyid de dag gi rang bzhin gyi rten tha dad pa yin pa de ltar na tha dad ba nyid du 'gyur ro/ /de'i yang skyon bshad zin to/ /de bas na skyes bu lta ba pos de nyid 'di yin no zhes de
- 190a
'ba' zhig rnam par rtog pa tsam gyis gcig tu byed pa yin gyi /don gyi rang bzhin gyi khyad par ni cung zad kyang yod pa ma yin no/ /de'i phyir mngon sum cig shos la gcig phyir ro/ /cig grub gnyi ga la yin/ /sngar mthong ba dang yin pa de nyid mngon sum du 'dod ba khyad par med pa phyis 'byung ba yin no/ /de la gcig la grub pa na gzhan la grub pa nyid yin pa de ltar na /de shes pa phyi ni tshad ma nyid ma yin no/ 'on kyang zhen pa'ang ste? des pa mkhas pa rigs pa shes pa dag gis shes /ci 'dra ba zhig ce na /gzhan dang mtshams ni sbyor ba yi/ /dus sngar 'byung pa'i dang tshul can mthod ba dang po/ /de la mtshams sbyor ba zhes bya ba ni mthong ba'i 'du byed la rmongs pa can gyi sngon mthong ba'i rnam pa 'dzin par zhen pa'o/ /de'i khyad bar mthong ba 'di la mthong ba nyid du 'dod pa yod pa yin te/ khyad par yang brjod par bya'o/ /de ltar ni 'gyur mod kyi gal te de rtags la bltos phyir/ dran min gal te dran par 'gyur na /du ba la sogs pa'i nye bar mtshon pa la pa ltos pa la yin la/ bltos pa yang de nyid 'di yin no zhes 'gyur ba de'i phyir dran pa ma yin no/ /'o na ci yin zhe na/ tshad ma nyid yin no zhe na/ de ltar ni ma yin te/ 'khrul phyir ro/ /re zhig dran pa ni rgyu mtshan med par skye ba ma yin te/ thams cad la ? dus thams cad du thal ba'i phyir ro/ /des na 'ga' zhig gi tshe 'bad rtsol la sogs pa mthun pa yod na 'gyur zhing 'ga' zhig gi tshe phyi rol gyi rtogs 'ga' zhig la bltos nas skye bar 'gyur ro// des na gal te de? rtags la bltos phyir zhes bya ba 'dir tshul gsum ba'i rtags las 'gyur zhes bya ba gtan tshigs kyi don yin pa'i de'i tshe/ gtan tshigs ma grub pa yin te/ tshul gsum pa med pa'i phyir ro/ /ci ste rtags
- 190b
mthong ba gang yin pa 'ga' zhig las zhes bya ba yin pa de'i tshe yul la sogs pa mthong ba dang 'dres pa kun rjes la sogs pas kyang ngo shes pa 'byung bar 'gyur na /yul la sogs pa de ni de'i ma 'khrul pa'i rtags kyang ma yin pa de ltar na 'khrul ba yin no// gnas skabs snga phyi dag la yang tha dad pa med par bstan pa nus pa ma yin na /gang gis na de khyad par mthong ba yin bar 'gyur/ /khyad par med pa yin na yang sngar gyi mngon sum gang yin pa de ni phyis kyang de nyid yin pa de ltar na/ tha dad pa med pa nyid kyi phyir lkog tu gyur pa zhes bya bar mi 'gyur na/ rnam par phyi ba 'di yang yod pa ma yin no/ /de bas na khyad par kho na mthong ba ma yin pa de ltar na /don gcig du mar mthong ba srid pa yod pa ma yin na/ /de bas na du mar zhes bya ba 'di yang 'khrul pa yin na/ /grangs la sogs pa la log par rtog pa bzhi'i nang nas/ grangs la log par rtog pa bsal nas/ rang gi ngo bo la log par rtog pa bsal par bzheng bas mngon sum rtog dang bral ba can zhes bya ba la sogs pa smos te / dbang po la rten pas na/ mngon sum zhes bya ba 'dis ni mtshan nyid kyi gzhi bstan to/ /rtog dang bral ba can zhes bya ba ni mtshan nyid yin te/ rtog pa las bral ba'am 'di rtog pa dang bral ba can nam/ rtog bas bral ba ni bral zhing spangs pa zhes bya bar tshig rnam par sbyar ro/ /slob dpon gyis rtog pa dang ma 'dres pa la mngon sum las 'thad pa cung zad kyang ma bshad po 'di ltar mngon sum rtog dang bral ba can/ mngon sum nyid kyis grub par 'gyur/ /'di la rigs pa gzhan gyis ci zhig bya ji ltar zhe na /kun gyi rnam rtog ces bya ba la sogs pa smos te/ skyes bu kun gyi rnam rtog ni/ so so rang gis rig bya yin/ rang rig pa 'am shes ba gzhan gyis so// ci 'dra ba zhig tsa na ming rten can gal ming la rten yod pa 'am/ ming gi rten
- 191a
yin pa zhes bya bar tshig rnam par sbyar ro/ /rnam par rtog brjod dang 'drer rung ba zhes bya ba'i don to/ /ngos ni mthong ba la bzung ba dang 'dzin pa yod pa yang rtog pa med ba nyid yin no zhes bshad do/ /'di skad du bstan par 'gyur te/ rnam par rtog pa dang 'dres pa'i mthong ba can de ni mngon sum yin pa de nyid kyi phyir /rtog pa dang bral ba grub pa yin no/ /de ltar na de ni rnam par rtog pa dang bral ba'i bdag nyid yongs su bcad nas skye bar 'gyur ro/ /de ltar na mi dmigs pa las rtog pa dang bral bar grub pas na /rjes su dpag pas grub pa ma yin nam/ ji ltar na 'di mngon sum nyid kyis grub par 'gyur zhe na /bden te mi dmigs pa ni rnam par gcod pa tsam 'am /med pa bsgrub par bya ba ma yin te/ 'on kyang ma yin par 'jug pas gzhan dmigs pa yin no/ /mthong ba'i rang bzhin nyid kyis med pa grub pa yon na yang rmongs pa la tha snyad 'jug par byed do/ /de ni gzhan du rgyas par dpyad zin pas 'dir yang ma spros pa de ltar na skyon med do/ /thams cad ces bya ba la sogs pas de dmigs pa'i mtshan nyid kyir gyur pa ston par byed do/ /thams cad la ni dpyad bsdus nas/ yul thams cad las rnam par rtog pa bzlog nas so/ /nang gi bdag nyid g.yod med pas/ yid dang ming dang rnam par rtog pa'i ngo bo ma lus pa nus par gyur pos/ /gnas na'ang mig gis mig gi dbang po'i blo gang yin pas gzugs dag ni skyes bus mthong ba'i blo de dbang skyes yin mngon sum rtog pa dang bral ba yin no/ /dbang po'i blo la rnam par rtog pa yang med kyi/ 'on kyang nges pa ma yin no zhes bya ba yang yod pa ma yin no/ /de ltar rtog pa med pa'i gnas skabs las dus phyis skyes bu yang cung zad cig rnam rtog pa? kho bo rnam rtog de 'dra 'gyur/ /ces rig de gal te dbang po'i shes pa de yin par 'gyur na sngar yang nges par 'gyur na?
- 191b
sngar bshad gnas skabs kyi/ rnam par rtog pa bsdus pa'i gnas skabs kyi dbang po la rtogs pa med do/ /dbang po'i rnam par shes pa la nges ma yin no/ /des na de de la yang yod pa ma yin no zhes shes par 'gyur ro/ /'dis kyang mngon sum ni rtog pa dang bral ba kho na yin no zhes bstan pa'i phyir/ khyad par gcig la mthong ba ni zhes bya ba la sogs pa smos te /don gang la sgra sbyor ba na /de'i ming de dang 'dres pa'i shes bas bzung bar 'gyur na/ rang gi mtshan nyid la sgra sbyor ba ma yin no/ /de ltar na gcig la cig car sgra sbyor ba las thams cad du don rtags par bya ba'i phyir 'di sbyor ba yin na/ khyad par gcig la bye brag la/ mthong ba ni brda'i dus na yang yul la sogs pa/ gzhan 'ga' zhig la mthong mi 'gyur ro/ /de ltar na dbang pos gzung ba'i don tha snyad kyi dus na nye bar sbyor ba can ma yin pas de la sgra sbyor ba ma yin pas de la sgra sbyor ba ma yin te/ 'di ni tha snyad kyi don can nyid yin pa'i phyir ro/ /sbyor ba ni gang zhig tha snyad kyi dus rjes su 'gro ba'i ngang tshul can ma yin pa'i don de la ni tha snyad 'dogs pa po dag gis sgra sbyor byed pa ma yin te/ dper na don gzhan la tha snyad kyi dus na yod pa ma yin pa lta bu'o/ /khra mo'i khyad par gcig kyang yul dang dus gzhan gyi ba lang gi tha snyad kyi rjes su 'gro ba ma yin no zhes bya ba ni khyab par byed pa mi dmigs pa'o/ /gang gi tshe phan tshun ldog pa'i ngo bo can gyi khyad par sgra mi sbyor ba de'i tshe ji ltar na mthong bas de dang 'dres pa rang bzhin khyad par can gyi don 'dzin par 'gyur/ sbyor ba ni gang zhig gang la sgra mi 'god pa de ni / khyad par can gyi don de 'dzin pa ma yin te/ ba lang gi rdzas rta'i sgra ma sbyar ba can khyad par can gyi rta 'dzin pa ma yin pa lta bu'o/ /ba lang gi khyad par la yang sgra mi 'god pa yin no zhes bya ba ni rgyu mi dmigs pa'o/ /spyi la sgra 'god par khas
- 192a
len pas kyang grub pa la sgrub pa ma yin te/ 'di ltar khyad par de las spyi gzhan tha dad pa tha dad pa 'am tha dad pa ma yin pa 'am rtag pa gcig pu dbang po gcig gi gzung bar bya ba gsal ba'i khyad par rnams kyi rjes su 'gro ba'i phyir spyi'i ngo bo yod min/ gang la sgra sbyor par byed /ci'i phyir zhe na blo tha dad med phyir spyi 'di dang de dang ldan pa 'di zhes bya ba ltar sna tshogs par snang ba can gyi blo la snang ba med pa'i phyir ro/ /'dis ni spyi med pa'i tha snyad rtogs pa'i phyir rang bzhin mi dmigs bstan to/ /gang gi phyir 'di ltar spyi med pa dang/ khyad par la sgra mi 'gong ba dang/ 'dis 'di ming dang ma 'dres pa nyid mthong ba/ de'i phyir khyad par yul can nyid/ ming 'dres pa'i dang tshul can ma yin ba thams cad dbang po las skyes pa yin zhes bya bar rtogs par bya'o/ /ci'i phyir zhe na/ 'di ltar khyad bar rnams la phan tshun 'dres pa can ma yin ba rnams la sgra rnams ni/ 'jug la yod pa ma yin na zhes bya bas snga ma nyid gzhung gtsugs pa yin no/ /ci'i phyir sgra rnams khyad par la 'jug pa ma yin zhe na/ khyad par rjes 'gro med pa'i phyir zhes bya ba smos te/ gcig la khyad par mthong ba tha snyad kyi dus su nye bar 'jog pa med ba'i rgyu yin ba'i phyir de la/ brda ni 'jug pa ma yin no/ /'dis ni gang zhig tha snyad kyi dus na rjes su 'gro ba'i ngang tshul can ma yin pa'i don zhes bya ba'i sbyor ba'i don bshad pa yin no/ /sgra rnams yul yang de nyid don la sgra de rnams nyid ni sbyor bar byed /don 'di'i rjod par byed pa ni 'di yin pa de ltar na gzhan ma yin no/ /dbang po'i don rjes su 'gro ba can ma yin pa ni sgra rnams kyi yul ma yin pa de ltar na de sgra 'god pa ma yin zhing mi 'god pa'i phyir de yang des don khyad bar can 'dzin pa ma yin no/ /dbang po'i don rjes su 'gro ba can ma
- 192b
yin pa ni sgra rnams kyi yul ma yin pa de ltar na de la sgra 'god pa'i phyir de yang des don khyad par can 'dzin pa ma yin no// nges ni gang zhig gang la sgra mi 'god pa de ni zhes bya ba la sogs ba'i sbyor ba bstan pa yin no/ /de'i 'di zhes bya ba la sogs pas gtan tshigs ma grub par 'gog par byed do/ don de'i brjod par byed pa 'di yin no zhes 'brel pa shes par byed pa na/ 'brel pa byed pa'i rnam par rtog pa'i rnam par shes pa de rjod par byed pa dang/ brjod par bya ba'i mtshan nyid can gyi dngos po'i don snang ba ni gang yin pa'i dngos po de dag nyid ni 'brel pa yin/ /brjod par bya ba 'di'i rjod par byed pa 'di yin no zhes bya ba lta bu'o/ /'chad ba po dang nyan pa po'i rnam par rtog pa'i rnam par shes pa dag ba snang ba'i sgra'i don mthong ba'i rnam par shes pa la snang ba'am de dag la sbyor ba ma yin no/ /ci'i phyir dbang po'i shes pa nyid pa nyid la 'brel pa mi byed ce na/ de ni dpyod par byed pa ma yin pa nyid kyi phyir ro/ /spyod par byed pa med par ni 'brel pa rtogs pa med pa'i phyir ro/ /dbang po'i shes pa ni so sor nges pa'i yul can nyid yin pas na des gzung bar bya ba'i sgra'i don dag la 'brel pa ma yin te/ de dag la 'brel pa shes pas 'dzin pa med pa'i phyir ro/ /yul du ma byas pa la 'di'i 'di ces bya ba sbyor ba mi ? ba'i phyir ro/ /sbyor ba ni gang dag 'di'i 'di zhes bya ba'i 'brel pa byed pa'i shes ba la snang ba med pa de dag ni shes pa des 'brel pa byed pa ma yin te/ dper na ba lang gi sgra dang don dag gi 'brel pa shes pa la rta'i sgra dang don dag mi snang ba shes pa des 'brel pa byed pa ma yin pa lta bu'o/ /rang gi dbang po'i shes pa la snang ba'i sgra dang don gyi rang bzhin dag de'i 'di zhes bya ba'i 'brel pa byed ba'i yid kyi rnam par shes pa la snang ba yin no zhes bya bar ni rgyu mi dmigs pa'o/ /gang gi
- 193a
phyir de ltar na don snang ba gang yin pa de dag nyid la 'brel pa yin pa de'i tshe/ 'brel pa'i dus na dbang po'i spyod yul min /gzugs la sogs pa'i mtshan nyid can gyi don 'brel pa byed pa'i yid kyi rnam par shes pa la snang ba ma yin no/ /de bas na de la sgra sbyor ba ma yin pa de ltar na brjod pa dang 'brel pa med pa can gyi dbang po'i shes pa nyid kyis don rtogs pa yin no/ /'brel pa byed pa'i shes pa la dbang po'i spyod yul snang ba'i phyir 'dir brda byed nyid yin pa de ltar na yang gtan tshigs ma grub pa yin no/ /ci'i phyir zhe na/ dbang po'i spyod yul gyi don gsal bar ni snang ba can 'brel ba byed pa'i dus de tshe snang ba med phyir ro/ /rnam par rtog pa'i rnam par shes pa la/ rang gi mtshan nyid mi bsal bar snang ba mthong ba bzhin du gsal ba'i ngo bor snang ba ma yin ba de ltar na de la brda byed pa ma yin no/ /de ltar na brjod par bya ba dang rjod par byed pa mthong ba dang thos pa las 'das pa yin na yang /phyis 'ga' zhig las nye bar mtshon nas 'brel pa byed pa nyid yin te/ don nye ba la yang sgra sbyor ba dmigs nas/ de la sngar brda ma byas pa can rang nyid kyis dpyad nas 'drel pa byed pa'i phyir dang/ dbang po bya ba med pa can gyi yang 'brel pa 'dzin pa'i phyir dang/ dbang po'i don la brda byed na byis kyang mthong ba bzhin du sgra las shes par thal ba'i phyir ro/ /snang ba tha dad na yang yul gcig pa can nyid rigs pa ma yin te/ 'di ltar shes snang tha dad pa'i yang /dngos rnams khyad par med pa yin/ sna tshogs pa dang gcig nyid du rnam par bzhag pa'i rgyu gzhan med pa'i phyir ro/ /gal te mthong ba dang mnyan pa las 'das pa la sogs pa'i dus na rang gi mtshan nyid la sgra 'god bar ni mi 'gyur mod kyi/ gang gi tshe rtogs pa pos rtogs bar bya ba la yul nye ba bstan na sa de rjod par byed pa'i sgra
- 193b
sbyor bar byed pa de'i tshe/ 'chad pa po dang nyan pa po'i rnam par shes ba'i yul brjod par bya ba dang/ rjod par byed pa'i ngo bo gnyi ga yang rang gi mtshan nyid yin pa de ltar na/ de'i tshe rang gi mtshan nyid la sgra 'god pa yod pa yin no zhe na /de ni ma yin te 'di ltar mig gdon? snang ba la yang /mig dang rna ba'i dbang po dag rang gi yul 'dzin pa la brda byed pa yin na yang /gzhan shes par byed pas sgra 'di'i brjod par bya ba 'di yin no zhes brjod pa rnam par rtog pa'i rnam par shes pa la snang ba'i don gang yin pa'i don de nyid sgra'i sbyor byed kyi/ ston par byed pa des tha snyad kyi don du yin gyi/ dbang po'i spyod yul ma yin te/ gzugs la sogs pa'i don to/ /ci'i phyir zhe na/ dbang po bya ba med pa can bstan par bya ba mig 'dzums pa can no/ /gzhan dag tsam gyi rtogs par byed pa po'i tshig tsam gyis snar med phyir /mthong ba bzhin du sgra las byung ba'i shes pa la snang ba med pa'i rgyu'i phyir ro/ /gal te dbang po'i don la sgra sbyor bar 'gyur na/ sgra las byung ba la yang mthong ba bzhin du snang bar 'gyur ro/ / gal te yang dbang po'i yul la sgras brdar byas pa ma yin pa de ltar na yang/ sgra dang 'dres pa de dbang po'i shes pas gzung bar 'gyur ro zhes bya ba'i rtogs pa yang legs ba ma yin no/ / de ltar na 'brel pa ma byas ba can gyis du yang byas pa min/ gang la sgra brdar ma byas pa can de ni don de shes pa ma yin no zhes bya ba ni tshig gi lhag ma'o// sbyor ba yang gang zhig gang dang lhan cig 'brel pa can dus byas pa ma yin pa de ni /don de shes par byed pa ma yin te/ dper na ba lang gi sgra dang rta dang lhan cig 'brel pa ma byas pa can yin pa lta bu'o/ /dbang po'i don yang sgra thams cad 'brel pa can du byas pa ma yin no zhes bya ba ni khyab par byed pa mi dmigs pa'o/ /ci ste yang brdar ma byas pa can yang shes par byed pa yin pa
- 194a
de'i tshe bdag nyid shes par thal phyir ro/ /brdal bltos pa med pas kyang ming gis nye bar bzhag pa'i don 'dzin par 'gyur na/ 'dzin pa ma yin pa de'i phyir don brdar ma byas pa sgras shes par mi 'gyur ro/ /de ltar ni 'gyur mod kyi/ dbang po'i sgor rjes su 'brang ba'i ngang tshul can gyi yid kyi rnam shes pa gang pa de brjod pa dang 'dre ba sbrul sbrul zhes sbyor bar byed pa dang/ mthong bar byed pa rgyun 'byung bas 'jug pa de rnam par rtog pa yin na yang rtog pa med pa'i shes pa bzhin du mngon sum nyid du 'dod do/ /de ltar ma yin na mthong ba rnam par 'chad par 'gyur ba dang/ rnam par rtog pa rnam par chad par 'gyur te/ rnam par rtog pa yin pas na mthong ba ma yin pa'i phyir dang/ mthong ba yin pas rnam par rtog pa ma yin pa'i phyir dang/ de gnyis lhan cig mi 'jug pa'i phyir ro/ /mthong ba dang rnam par rtog pa 'di la rnam par ma chad pa yang yod pa ma yin no/ /de'i phyir mthong ba nyid rnam par rtog pa yin no zhe na/ skyon de yod pa ma yin te/ 'di ltar rnam par rtog pa dang bcas pa dang rnam par rtog pa med ba'i rnam par shes pa dag cig car 'jug par 'gyur te/ rtog bcas rtogs pa med pa'i yid/ yid kyi rnam par shes pa de dag ni cig car du ni 'jug phyir ram/ rgyu'i phyir rtogs pa po rmongs pa dag snang ba tha dad pas rnam par rtog pa dang bcas pa dang/ rnam par rtog pa med pa'i rang bzhin tha dad du zin kyang de ma mthong bar de dag la ni gcig tu zhen de ni rnam par shes pa cig car 'jug par khas len pa la brten nas bshad pa yin no/ /'jug pa myur phyir rnam par rtog pa dang mthong ba dag go rims bzhin du 'byung ba'i ngang tshul can yin na yang/ 'jug pa myur ba'i phyir de dag rnam par chad pa med par 'khrul pas gcig zhe na
- 194b
par 'gyur ro/ /don dam par kho bo cag lan 'di 'dod ba ma yin no/ /de nyid kyi phyir kho bo 'di la mgu ba mi bsten pas phyis rnam par shes pa cig car 'jug par ston par 'gyur ro/ /de ltar ni 'gyur mod kyi/ gal te rnam rtog chod ba yin/ mthong ba rgyun chad 'gyur zhe na/ gal te sngar brjod pa dang 'dre ba can ma yin pa'i mthong ba dang/ phyis rnam par rtog pa'i rnam par shes pa dang mthong ba dang/ yang rnam par rtog pa zhes bya ba de lta bu'i go rim yod pa ma yin pa na gang gi tshe rnam par rtog pa yin pa de'i tshe mthong ba ma yin zhing gang gi tshe 'di yin pa de'i tshe rnam par rtog pa ma yin pa de ltar na/ rnam par rtog pas chad pa'i rgyu yis mthong ba rgyun chad pa ste/ bar dang bcas par 'gyur gyi/ rgyun gyis 'byung ba ma yin na/ / 'gyur ba yang ma yin ba de'i phyir rnam par rtog pa'i shes pa kho na don 'dzin pa'i mngon sum yin no zhe na/ gal te de ltar na de gzhan gyi ste rnam par rtogs pa mngon sum yin par smra ba gzhan gyi yang ba lang la sogs pa thag nye ba'i yul la mngon sum du 'jug pa na/ rigs ni tha dad pa'i rnam par rtog pa mngon sum du phyogs par 'gyur ba na/ don 'di brjod par bya ba ma yin pa'i ngo bo dang rjes su 'brel pa'i rnam pa gzhan mngon sum du gyur ba'o? don/ da ltar gyi yul 'dzin pa'i ngang tshul can gyi rnam bar rtog pa'i rnam par shes pa mngon sum nyid du 'dod pa de ji ltar min chod pa ma yin pa lam chod na yang ji ltar mthong ba rnam par chad pa ma yin par 'gyur /gzhan gyis kyang 'di la lan btab par byas pa yin pa de ltar na skyon 'di ni ma bkod pa nyid mdzes pa yin no/ /de ltar ni 'gyur mod kyi/ gal te 'gal me mthong ba bzhin/ /dngos phyogs stobs dang ldan pa 'dod na/ gal te yang rigs mi mthun pa'i rnam par rtog pa
- 195a
nye ba'i dus na mthong ba med ba de lta na yang mthong ba rnam par chad par 'gyur ba ma yin te/ mthong ba gzhan skye ba shin tu myur bar 'jug pas te stong ba'i dus na yang/ mtshams sbyor bar gyur pa nyid yin pa'i phyir ro/ /mthong ba nyid stobs dang ldan pa'i par du zhugs pa de gnyis kyis gnod pa byas pa mthong ba med pa stobs med pa de'i mtshams sbyor pa'i bar chad byed pa'am/ mthong ba la gnod pa'i phyir nus pa yod pa ma yin te/ mgal me'i 'khor lo mthong ba bzhin no/ /dper na ma gal me'i 'khor lo'i chos yul snga ma snga ma spong zhing/ yul phyi ma phyi mar 'jug pa can gyi 'khor lor snang ba can gyi yul ma lus par khyab par byed pa ma yin ba de ltar na de nyid la yul rnam par nges bar snang ba can nyid kyis mthong bar 'gyur ro/ /'on kyang 'khor lor snang ba'i mthong ba yin no zhes mtshams sbyor ba'i phyir 'khor lo mthong ba mnyam pa'i blo 'byung ba de dang 'dra bar 'dir yang zhes bya ba ni gzhan gyi yin no/ /de ni rigs pa ma yin te 'di ltar 'ga' zhig gi tshe ma mthong bas kyang gnod ba nyid yin te dper na don mthong ba nges par ma byas pa phyis dmigs par gyur pa na kho bos ma mthong zhes zhen par byed pa lta bu'o/ /de bas na dngos po'i phyogs stobs dang ldan pa yin no zhes bya ba ni nges pa ma yin no/ /mgal me mthong ba yang skabs su bab pa'i the tsom za sel bar byed ba'i ngang tshul can ma yin te/ 'di la yang ci dbang po nyams par byas pa las don gyis stong pa rnam par slang pa 'khor lo snang ba'i mthong ba 'di 'jug par 'gyur ram/ 'on te mthong ba 'jug pa myur bar mtshams sbyor ba'i phyir zhes the tshom za ba'i phyir ro/ /gzhan yang mtshams sbyor ba yang mthong ba las ma yin gyi/ 'on kyang dran pa las ni yin no//
- 195b
'di yang yul du byas pa las mtshams sbyor bar byed pa yin gyi /'di'i yul gang yin pa de bsal ba ni ma yin te/ mthong ba'i yul bzhin no/ /des na dran pa'i yul dang mthong ba'i mtshams sbyor bar byed pa'i phyir 'khor lo snang ba yongs su gsal bar 'gyur ba ma yin te/ de dag ni rnam pa tha dad pa can nyid yin pa'i phyir ro/ /mgal me'i 'khor lo gnang ba gsal ba cig po 'di mthong ba yang yin no/ /des na mtshams sbyor bar byed pa'i phyir rgyun mi 'chad par 'dzin pa'i rigs pa yin no zhes bya ba yang lan nyid ma yin no/ /mthong ba nyid kyang mtshams sbyor bar byed pa ma yin te/ de ni 'das pa'i yul gyi rnam pa 'dzin pa ma yin pa'i phyir ro/ /de ltar na yang khas blangs nas brjod par bya ste/ de gzhan la yang mtshungs pa yin /rigs tha dad pa'i rnam bar rtog pas chod pa'i phyir gzhan gyis kyang lan gdab pa'i phyir ji ltar mthong ba rnam par chad par thob par mi 'gyur zhe na/ 'jug pa myur ba la sogs pas lan du brgal ba gang yin pa de dang de ni kho bo'i phyogs la rnam par rtog pa dang /mthong bdag la rim bzhin du 'byung ba yod na yang rnam par chad pa can ma yin pa'i mthong ba dang zhen pa rab tu bsgrub pa'i phyir /gzhung btsugs pa nyid yin no/ /yi ge cig car thos pa yin /gal te myur bar 'jug pa'i phyir rnam par chad ba med par 'gal me'i 'khor lo la sogs pa la mthong ba la mtshamS sbyor ba de'i tshe /mtsho zhes bya ba de lta bu swo ba'i yi ge dag gi 'jug pa ches shin tu myur ba de ltar ni/ go rims med bar 'dzin par 'gyur ro/ /de ltar na go rim tha dad pa las mnyan pa tha dad par mi 'gyur te/ dper na mtsho dang ro zhes bya ba lta bu'o// de bzhin du myur du mthong ba 'jug pa dang/ chu'i thigs pa 'thigs pa la sogs pa'i sngon po dag la 'jug pa myur ba'i phyir gcig tu 'dzin ba'i zhen par 'gyur te/ mgal me'i 'khor lo mthong ba bzhin no/ /gzhan yang 'dir te rnam par shes par
- 196a
cig car mi skye ba'i phyogs la'o/ /dbang rnams te mig la sogs pa nas yid la thug pa'i drug po rnams so/ /yod na yang ste yod par gyur na'o/ /dbang po rnams ci 'dra ba zhig ce na/ don kun dang ni cig car ni/ 'dus can te cig car spyod yul du gyur pa'i rang gi yul can rnams so/ /de yang yid kyi dbang po la brjod pa ma yin te/ de ni da ltar gyi yul can nyid ma yin pa'i phyir ro/ /de de ltar na gang gi tshe gling bu la sogs pa sil snyan yi ngo bo mthong ba na de nyid las sgra thos pa dag utpa la sngon pa la sogs pa'i dra'i ba mnam pa na ga pur la sogs pa'i ro myangs pa dang/ stan la sogs pa la reg na reg bya myong zhing cung zhing cung zhig sems par byed pa thams cad rnam pa med pa nyid du dmigs pa yin no/ /de ltar dag dbang ba bya ba byed pa yod na yang/ rnam par shes pa lnga po rnams kyis chod na yang ngo/ /gang gi tshe go rim bzhin du 'byung ba'i ngang tshul can las rnam par shes pa re re rnam par chad pa med pa bzhin du snang ba de'i tshe rnam par shes pa gan 'jug pa med na/ ji ltar yi ge dag cig car thos par mi 'gyur zhe na/ chod med bzhin du zhes bya ba la sogs pa smos te/ 'di ltar shes pa lnga tha dad pas mchod pa yin yang/ chod med bzhin du snang ba'i blo/ gang de shes pa rigs mi mthun pas chos pa yod na/ ro dang mtsho zhes bya ba la sogs pa'i yi ge ming gi mthar thug pa'i yi ge 'dzin pa de la dmigs pa can ye shes pa'i skib?/ /yi ge snga ma rnams shes pa dang lhan cig 'dre phyir yang yi ge 'dzin pa'i bdag nyid can cig tu 'dres par gyur pa ni ma yin no/ /'o na ci yin zhe na/ chod par snang ba ste yi ge re re snga tshogs pa'i do 'dzin pa'i ngo bo can rnam par chod par 'gyur ro zhe na/ de yang ngo mtshar skad cig ma 'dzin pa la sdod pa yod pa ma yin pas na/ mchod pa nyid sgrub dang byed
- 196b
do/ /nges na 'dir yang yi ge'i yan lag gi rnam pa gcig tu gyur pa can rnam par chod par 'gyur na/ 'gyur ba yang ma yin no/ /de phyir blo ni cig car 'gyur/ /rkyen ji lta ba bzhin rnam par shes pa cig car skye bar 'gyur ro/ /de ltar skyon 'di yod pa ma yin te/ rnam par rtog pas mthong ba la chod pa med pa'i phyir ro/ /de lta ma yin na snang? ba la yang khyad med na/ bar? bcas par med ji ltar rung/ /mthong ba bar dang bcas pa ni go rims bzhin du 'byung ba'i dang chu la can gyi rnam par shes pa lngas chod pa'o/ /bar med pa ni rnam par shes pa rigs mi mthun pas ma chod pa yin te/ rnam par shes pa drug gi nang nas re re yod na rgyun rnam par chad pas 'jug bar 'gyur ba de bas na/ gnas skabs 'dis mthong ba la ji ltar na snang ba tha dad par mi 'gyur te/ 'gyur ba nyid yin no/ /ji ltar skra'i rtse mal sogs pa bskyod pa la de la sogs pa'i chod pa yod na yang/ sa phyogs rnam par chod pa gang yin pa dang/ /rnam par ma ched pa gang yin pa gnyis po de dag kyang/ de kho na bzhin du tha dad pa nyid du snang ba nyid yin de bzhin du mthong ba la yang 'gyur ro/ /sbyor ba ni mthong ba gang zhig bar dang bcas pa dang bar med pa gang yin pa de ni tha dad par snang ba yin te/ dper na mthong ba'i skra'i rtse mo bskyod pas rnam par chod pa dang mchod pa lta bu'o/ /rnam par shes pa re re rnam par shes pa lngas chod pa dang mchod pa la yang bar dang bcas pa dang bar med pa yin no zhes bya ba ni rang bzhin gyi gtan tshigs so/ /yid kyi rtog pa 'ba' zhig las/ /rim du 'dzin par mi 'gyur ro/ /gang gi tshe myur du 'jug pa'i phyir lnga po dag gis chod pa yin na yang/ mthong ba cig car mtshams sbyor ba de'i tshe/ dbang po'i shes pa thams cad 'gags pa na/ yid kyi skam par shes pa 'ba' zhig kyang 'jug pa myur bar 'dra ba yin na yang 'ga' zhig gis kyang chod pa med pa
- 197a
de ltar na/ ches shin tu rim gyis don 'dzin par mi 'gyur zhing 'dres pa rtogs par 'gyur te/ cig car 'dzin par 'khrul par 'gyur zhes bya ba'i don to/ /gang gi tshe/ cig car rnam par shes pa 'jug par khas len pa de'i tshe dbang po'i don thams cad cig car thag nye ba yod na yu bzhan gyis chod pa dang bral ba'i phyir/ don dam bang nges par 'dzin par mi 'gyur te/ gang gi cig car rnam par shes pa mi 'jug pa de'i yul gcig la so sor nges pa'i rnam par shes pa skye pa 'gal ba med do zhe na rtog pa de yang rigs pa ma yin no/ /'di ltar yul la lar skyes bu kun tu chags sems can/ don nye ba la yang spyod yul du gyur pa 'dzin med gang yul gzhan du 'pho ba med pa'i mtshan nyid can gyi rgyur gyur pa'i/ chags pas gzhan bskyed nus bral phyir/ yul gzhan 'dzin pa'i rnam par shes pa bskyed pa'i nus pa dang/ bral ba'i rgyu'i phyir yin gyi/ rnam par shes pa rim bzhin du 'byung ba'i ngang tshul can nyid yin pa'i phyir ni ma yin no/ /de ltar na rnam par rtog pa rnam par shes cig shos phan tshun rgyu dang 'bras bu'i dngos por yin pa de ltar na/ yid yul gzhan la rnam par g.yengs pa na sngar gyi rnam par shes pa'i mtshan nyid can gyi yid la byed pa'i nus pa med pa'i phyir yul spyod yul du gyur pa 'ga' zhig kyang 'dzin pa ma yin no/ /de nyid kyi phyir rkyen ji lta ba bzhin zhes gsungs so/ /yul mngon du phyogs pa tsam ni rkyen ma yin gyi 'on kyang yid la byed pa yang yin pa de ltar na 'gal ba med do/ /gnyi ga'i yang de brtsad yin/ ji ltar kho bo cag la brtsad pa de de ltar rnam par shes pa rim bzhin du 'jug par smras pa la yang ci'i phyir yul spyod yul du gyur pa 'ga' zhig la yang mi 'dzin ces brtsad pa gsungs pa yin no/ /de bas na des kyang lan snga ma 'di nyid la brten par bya
- 197b
pa yin no/ /gal te ma yin pa'i de'i yang skyon 'di 'di nyid yin pa de ltar na yang de ni cir yang mi rung ngo/ /gzhan yang 'gal me mthong ba rnam par chad pa med par snang ba can gang yin pa de mthong mtshams sbyor bas ma yin/ /'o na ci yin zhe na/ mig gi dbang po de ni 'khor pa 'khrul byas kyi/ 'khrul pa gang gis gcig tu zhen par byed pa'o/ /mig ci 'dra ba zhig ce na/ myur 'jug phyir ro/ /gang zhe na/ 'gal me la sogs so/ /rjes su 'gro ba gang yin pa rjes su zhugs pa ste/ yul rung ba na gnas pa der 'phen par byed pa'o/ /de yang deng de 'dra ba de la mthong ba 'khrul ba zhes bya ba'i don to/ /nges na myur du yul gzhan du 'gyur ba'i chos can gyi mgal me rjes su 'gro ba gang yin pas gnod pa mig gang la yod pa de ni zhes bya ba'i tshig rnam par sbyar ro/ /de 'dra ba'i mig don gyis stong pa 'khor lor 'khrul pa byas pa yin no/ /zhar la 'ongs pas chog go /de ltar na mngon sum rtog dang bral ba can/ mngon sum nyid kyis grub par 'gyur zhes bya ba de ni gnas pa yin no/ /rang gi mtshan nyid la yang sgra 'god pa med pa'i phyir dang de dang 'brel pa med pa can gyi don 'dzin pa'i phyir rtog pa dang bral ba yin no/ /srid pa'i bdag la sogs pa la lang dbang skyes la sogs phyir/ gtan tshigs kyi phyir ro/ /sogs pa smos pas ni yid las byung ba ma yin pa nyid kyi phyir dang/ nyams su myong ba'i rnam pas 'jug pa nyid kyi phyir zhes bya ba bzung ngo/ /skyes bu brda la byang ba'i dbang po'i shes pa rtog med yin par smra'o/ /ci dang 'dra bar zhe na/ byis pa'i blo bzhin te/ de skyes pa'i byis pa chung du'i dbang po'i shes pa bzhin no/ /dpe sgrub par bya bas stong ba ma yin par sgrub pa'i phyir byis pa'i rnam rtog ces bya ba smos te/ byis pa'i dbang pI shes ba ni rtog pa med pa nyid du rab tu grags pa'i rgyu ni smra ba yin/ gang zhe na brda nyams pa nyid yin te/ byis ba rnams la brda'
- 198a
'dzin pa'i nus pa med pa nyid yin no/ /sbyor ba ni skyes bu gang gis don gang gi 'brel ba gang dang lhan cig mi 'dzin pa de ni de dang lhan cig sbyar nas 'dzin pa ma yin te/ dper na skyes bus nye ba'i ba lang can dang/ lhan cig de'i skyes bu'i 'brel pa mi 'dzin pa lta bu'o/ /byis pas kyang sgra dang don gyi 'brel pa 'dzin pa ma yin no zhes bya ba 'di dpe grub pa na rgyu mi dmigs pa go bar byed pa yin no/ /'on kyang bsgrub pa dang dgag pa la bzlog na gnod pa can gyi tshad ma 'jug par ma mthong ba'i phyir dang/ 'gal bar rab tu ma bstan pa'i phyir rjes su dpag pa lhag ma dang ldan pa nyid bzlog bar nus pa ma yin no/ /gzhan yang byis pas kyang sgra dang don gyi 'brel ba 'dzin pa ma yin no zhes bya ba'i gtan tshigs kyi khyab pa yang ma grub pa yin no/ /de de ltar na rgol ba de dag gi ni/ byis pa'i mngon sum nyid du 'gyur te/ /shes pa nyid du 'gyur gyi/ dpyod par byed pa cung zad kyang ma yin no/ /ci'i phyir zhe na/ rtog med phyir rtog pa med pa nyid kyang brda 'dzin par mi nus pa nyid kyi phyir ro/ /gal te de ltar 'gyur pa la skyon ci yod ce na/ de de ltar 'gyur ba ni rigs pa ma yin te/ mthong ba dang ldan pa'i phyir ro/ /de ltar na byis pa zas 'dod pa la sogs pa 'jug par 'gyur ro/ /de dag kyang dran pI rnam par shes pa med par med cing/ de yang gdon mi za bar rnam par rtog pa yin pa de ltar na gang las rnam par rtog pa med pa nyid yin/ gzhan yang gal te byis pa de'i shes pa rnam par rtog pa dpyod pa dang/ bcas pa brda' byang ba las sngar med par 'gyur ba de'i tshe kha? rnga'i rgyur gyur pa rnam par rtog pa'i shes pa dang bral ba'i phyir brda de ni brda 'dzin pa'i dus phyis kyang mi 'gyur ro/ /rnam par dpyod par byed pa'i shes pa'i rgyur gyur pa med pa'i phyir skyes bu shi ba'i mthar
- 198b
thug par rnam par rtog pa'i shes pa dang mi ldan pa nyid thob par 'gyur ro/ /ci ste rnam par dpyod pa nyid yod pa yin pa de'i tshe 'o na brda rtogs pa'i thabs med pa ni rnam par rtog pa med pa nyid kyi rgyur mi 'grub bo/ /de ltar na byis pa ba/ zhon nu'i rgyud las gnas pa'i dbang pa'i shes pa yang rnam par rtog par 'gyur ba'i phyir por? ma grub pa yin no// //tshad ma rnam 'grel gyi 'grel pa las/ bam po nyi shu rtsa bdun pa/ /gal te brda lam byang? ba'i/ /yid byis pa brda la ma byang du zin kyang/ dpyod par byed pa nyid yin pa'i phyir brda'i rgyur gyur pa'i yid kyi rnam par shes pa yod/ rnam par spyod par byed pa'i yid de/ ni brda yin par 'dod pa de ltar na/ brda'i rgyu dang bral ba'i phyir zhes bya ba'i gtan tshigs ma grub pa yin no zhe na/ de'i tshe ji ltar de la yid brda la ma byad ba'i rnam par dpyod par byed pa nyid yin par 'dod na/ de bzhin dbang skyes la yang 'gyur/ /gal te yang de la sgra dang 'dre ba med pa de lta na yang yid kyi rnam par shes pa rnam par dpyod par byed pa yin pa bzhin du dbang po'i shes pa nges pa'i bdag nyid can brjod pa dang 'dren dung ba 'byung ba la/ 'thad pa brjod pa med pa'i phyir bzlog pa med pa nyid yin no/ /de ltar dpe ma grub pa nyid du 'gyur ro/ /'di 'dra 'di yang lhag ldan yin/ /dbang skyes la sogs phyir zhes bya ba la sogs pa'i rtags ni bsgrub pa dang dgag pa dag la 'brel ba dang 'gal ba ma bsgrubs pa'i phyir ro/ /ci ste yang byis pa'i dbang po'i shes pa go bar byed pa'i rtags gzhan gyis rnam par rtog pa med pa rab tu sgrubs pa dpe nyid du bstan pa de'i tshe byis pa'i dbang po'i shes pa la/ sgrubs byed gang yin nyid rnam par rtog pa dang bral bar grub par rung ba zhes brjod pa'i sgrub byed/ de nyid 'dir yang skyes bu brda la byang ba'i dbang po'i shes pa rnam par mi rtog pa nyid du grub pa yang brjod bya ste bstan par bya ba yin na/ dbang skyes
- 199a
pa sogs phyir zhes bya ba la sogs pa nye bar 'god pas ci zhig bya/ ci'i phyir zhe na/ dbang po'i blo dag mtshungs phyir ro/ /skyes bu brda la byad ba dang byis pa'i dbang po'i shes pa gang yin pa de dag la so so'i khyad par cung zad kyang med na/ gang gis ni byis pa'i dbang po'i shes pa bsgrubs par bya ba de las gzhan pa'i dpe nyid yin/ 'dis ni myong la sogs bshad pa yin/ dbang po las skyes pa nyid phyir zhes bya ba'i gtan tshigs kyi skyon gang yin pa de thams cad nyams su myong ba'i rnam pas 'jug pa nyid kyi phyir dang/ yid las byung ba ma yin no pa nyid kyi phyir zhes bya ba'i gtan tshigs kyi rigs kyi thal bar 'gyur ba de ltar na de bas na/ 'di ji lta bar 'di gtan tshigs ma yin no zhes bshad pa yin no/ /zhar la 'ongs pa bstan nas da ni rnam par rtog pa med ba nyid du sgrub pa'i phyir/ slob dpon nyid kyis rigs ba gzhan bstan pa'i phyir/ khyad par dang ni zhes bya ba la sogs pa smos te/ gang zhig gang gis khyad bar can du rtogs pa de'i rtogs pa'i rnam pa ni 'di yin te 'di ltar shes pas khyad par dang ni khyad par gzhi/ snang ba tha dad pa can dang rang gi ngo bor bzungs nas so/ /khyad par dang khyad par gyi gzhi tha dad par nye bar mtshon pa de dag ni/ 'brel dang 'jig rten gzhung lugs ni/ sgra'i tha snyad kyi rigs pa'o/ / phyis? nges khyad par can 'dzin pa yin te/ dper na rang gi ngo bo bzung ba can gyi lhas byin de las ldog pa'i ngo bo can gyi dbugs pa 'dzin pas khyad par can du gyur pa rtogs pa na/ dbugs pa can zhes bzung ba lta bu'o /de de ltar na 'jig rten gyis khyad par la sogs ba bzung nas de dag gcig byas nas/ khyad par la sogs pa bsres nas khyad par dang ldan pa'i don/ de ltar rtogs kyi gzhan min te/ khyad par dang khyad par gyi gzhi dang 'brel ba dang/ 'jig rten gyi gzhung lugs
- 199b
rnams rtogs pa med na/ bsres nas 'dzin pa ma yin no/ /gang gi tshe de lta yin pa de'i tshe dper na dbyug pa can bzhin/ lhas byin dang dbyug pa bdag nyid ji lta ba bzhin du snang bas de dang mi 'brel pa la sogs pa nye bar mtshon pa de'i tshe dbyug pa can zhes rtogs par 'gyur gyi bzlog pa las ma yin no/ /de ltar na 'di ni rigs yin la/ 'di ni rigs dang ldan pa yin no zhes rnam par 'byed pas rigs dang rigs ldan pa dang/ yon tan dang yon tan dang ldan pa dang/ las dang las dang ldan pa dang/ rwa dang rwa dang ldan pa'i ngo bo dbang po'i blo la snang ba ma yin no/ /gang gi phyir snang ba nye bar mtshon pa'i ngo bor bsres nas dbyug pa can bzhin du de dang ldan pa de 'dzin par 'gyur ba de'i phyir snang ba tha dad pa med na/ rigs sogs kyi/ bye brag dpyod pa med phyir ji ltar dbyig pa 'dzin par 'gyur/ de bas na snang ba nyid du khas blangs pa'i rigs la sogs pa ma yin no/ /rigs la sogs pa de ltar na rigs la sogs pa dang ldan pa sbyor ba dag med pa yin no/ /de ltar na gang zhig gang las tha dad par blo la snang ba de ni 'ga' zhig gi khyad par yin no/ /'brel pa can tha dad par rtogs pa med pa'i phyir rtogs pa med pas na 'brel pa ma grub pa'i phyir ro/ /bsre ba med pa de phyir 'di la rigs dang ldan pa la sogs pa la/ rtog pa'ang med/ sgra'i rtog pa 'ba' zhig lus par 'gyur ba de yang ji skad du bshad pa'i rigs pas yod pa ma yin no/ /byed pa 'di tsam gyis kyang dbang po'i shes pa byad par nus pa ma yin pa de ltar na/ de brjod pa dang 'dres pa'i don 'dzin pa'i rang bzhin gang las yin/ de ltar na rtog pa med pa ma yin no/ /rjes su 'gro ba can gyi spyi med na/ rjes su 'gro ba med pa can gyi ba lang la sogs pa'i gsal pa la shes pa 'di rjes su 'gro ba can deng mi 'gyur na/ de yang yod pa de'i phyir spyi yod pa yin no zhe na/ rjes 'gro can gyi rnam shes gang/ /spyi rab tu grub par bya ba'i
- 200a
phyir? brjod pa'o/ /de yang sgra dang gsal bar snang/ /sems de la ba lang ? kha dog dang dbyibs dang/ ming 'ba' zhig snang ba yin gyi/ rang gi bdag nyid la yang spyi'i ngo bo kha dog dang dbyibs dang ming gi rnam pa tha dad par gzung ba nyid du snang pa ma yin na/ gar? las rjes su 'gro ba can gyi shes pa 'di las phyi rol tu grub pa yin te/ sbyi ni kha dog la sogs pa snang pra ma yin no/ /'di ltar kha dog dbyibs yig rnam pa yis/ /stong pa ba lad nyid du brjod/ /sngon po la sogs pa'i kha dog dbyibs dang ming gi rnam pa dang bral ba'i spyi brjod pa yin no/ /de yang ji ltar snang ba bzhin gyi kha dog la sogs pa'i rnam pa gsum las tha dad pa'i spyi'i rnam pa nye bar mtshon pa med cing/ nye bar mtshon pa yang yod pa nyid du las len bas/ ji ltar na bdag dang gzhan slu bar byed/ de ltar ni 'gyur mod kyi/ de nyid mtshungs pa nyid yang/ kha dog dang dbyibs dang sgrar snang ba gang yin pa de nyid spyi nyid du 'gyur ba yin no zhe na/ gal te yang rnam par brtag par bya ba yin pa de lta na yang kha dog la sogs par snang ba'i spyir 'dod pa 'di ni/ mig gi spyod yul la mthong med/ dbang po'i yul gyi don la rnam par rtog pa'i rnam par shes pa la snang ba'i kha dog la sogs pa'i snang ba mi gsal ba'i snang ba gsal pa can gyi dbang po'i rnam par shes pa la snang ba yod pa ma yin nam gang gis na mtshungs pa nyid du snang par brtag pa de dbang po'i rnam par shes pas don khyad par can rtog par 'gyur te/ gang gi mngon sum rnam par rtog pa dang bcas pa zhes pa pa'i don to/ sbyor ba yang gang gis gang las tha dad par rtogs pa med pa gang yin pa des ni/ ngas khyad par can du byas pa'i don de 'dzin pa ma yin te/ dper na chu nyung zad dang 'dres pa can gyi 'o ma de dag gi tha dad pa mthong ba'i dang chu la can ma
- 200b
yin pa lta bu'o/ /mig gi rnam par shes pas kyang mig gi yul gsal ba'i ngo bo las tha dad par kha dog dang dbyibs dang/ yi ge'i rnam pa'i ngo bo can gyu rigs rtogs pa ma yin no zhes bya ba ni rgyu ma dmigs pa'o/ /gtan tshigs ma grub pa yang ma yin te/ 'di ltar dbang po'i blo la kha dog dang dbyibs kyi ngo bo gsal ba gcig nyid snang gi /gzhan snang ba mi gsal ba ni ma yin te/ snang ba gnyis ni med phyir yang/ /blo yi tha dad rnyed par dka' o/ /kha dog la sogs pa'i rnam pra de las tha dad pa gsal ba'i ngo bo dag gis sna tshogs par snang ba dbang po'i shes pa la yod pa ma yin no zhes bya ba'i don to/ /gzhan yang/ dbang pos 'phrod 'du 'dzin me phyir/ /'phrod pa 'du ba dbang po las 'das pa nyid yin pas na/ rigs dang de dag ldan bdag gi 'phrod pa 'du ba 'dzin pa med pa'i phyir/ 'brel ba mthod ba med par gnas/ /grub pa yin pa de ltar na rigs kyis khyad par du byas pa'i don rtogs pa yod pa ma yin/ /sbyor ba ni gang gis gang dag gi 'brel pa rtogs pa ma yin pa des ni/ nges khyad par can du byas pa'i don de 'dzin pa ma yin te/ dper na skyes bus lhas byin dang dbyug pa'i 'brel pa ma mthong ba lta bu'o/ /dbang po'i shes pas kyang rigs kyi 'brel pa rtogs pa ma yin no zhes bya ba mi rgyu mi dmigs pa nyid yin no/ /de ltar ni 'gyur mod kyi/ gal te 'phrod pa 'dub yod pa yin no/ ji ltar na snal ma 'di ya snam bu zhes bya ba la sogs pa'i blo 'byung bar 'gyur/ /de ltar na gang dang gang blo yin pa de dang de ni rgyu mtshan dang bcas pa yin te/ dper na mig la sogs pa'i blo lta bu'o/ /de bas na 'dis rgyu? mtshan dang bcas par 'gyur bar rig par bya'o/ /'di'? blo'i rgyu mtshan ni snal ma'am snam bu 'ba' zhig gam /gnyi ga ma yin pa'o/ /de'i phyir rgyu mtshan gang yin pa ni 'phrod pa 'du ba yin no ni mde na 'dir snal ma 'di la snam bu sogs/ /sgra 'di rnams kyang rang gis byas/ dngos po'i stobs kyis
- 201a
'os pa ma yin zhing/ 'jig rten pa'i yang ma yin te/ dngos po med pa dang 'brel pa can gyi sgra rang gis sbyar ba rnams ni don 'chad pa la gzhan brgal cing brtags ba rigs pa ma yin no/ /ji skad du bstan pa 'dis ni 'di la blo de 'dra ba nyid ni dngos po las ma yin zhing 'jig rten gyi grags pas yin pa de ltar na/ chos can ma grub pa'i skyon bstan pa yin no/ /'jig rten zhes bya ba la sogs pa chos can ma grub pa de nyid la 'jug par byed do/ /ba lang la rwa zhes 'jig rten/ 'jig rten na ba lang la rwa zhes bya ba de lta bu'i tha snyad yod pa yin no/ /gang yang khyed cag gi rwa la ba lang zhes brjod pa de ni/ 'jig rten min/ de ltar ni 'gyur mod kyi/ rwa la ba lang ngam ba lang la rwa zhes 'gyur pa ni bla ste /de lta ra yang 'di la zhes bya ba'i rgyu mtshan du gyur pa'i 'brel ba ni ma bzlog pa nyid yin no zhe na/ 'dir de ltar brtags pa de yang yid la re ba tsam nyid yin no/ /de ltar na 'phrod pa 'du ba las 'jig rten 'di la ba lang zhes bya ba'i tha snyad byed pa ma yin te/ de ni dbang po las 'das pa nyid yin ba'i phyir/ /'o na ci yin zhe na/ ba lang zhes lhag yan lag rnams/ rnam chad dmigs su med phyir ro/ /rwa rnam par dor nas ba lang gi ming can no nag dang ldog shal dang mjug ma dang/ rmig pa ste yan lag lhag ma gang yin pa 'og nas gnas ba de dag dang 'brel pa'i steng gi rwa zhes tha snyad 'dogs pa yin gyi/ 'phrod pa 'du bas byas pa ma yin no/ /de bzhin du mthong ba'i yan lag lhag ma rnams/ 'bras bu rwa ni rang gi rgyu dang yul rnam par mi chad par skyes pa'i phyir ro/ /'di ltar gsal ba gzhan? dang 'brel pa can gyi rwa chags pa gsal ba gzhan gyi rwa'i gnas dang 'brel pa la rnam par chad pa mi dmigs pa'i phyir la blo 'gyur ba yin gyi/ bdag ni 'phrod pa 'du ba las ma yin no/ /de las yan lag can des brtsams pa ni ma yin te/ rdzes gzhan gyi
- 201b
yan lag dag gis rdzas gzhan rtsom pa med pa'i phyir ro/ /de 'khrul pa yin no brdzun yin te/ gzhan la yang khyad par med pa'i phyir ro/ /gzhan yang 'jig rten snal ma la snam bu zhes grags pa ma yin gyi/ 'on kyang snal ma de rnams kyis zhes bya ba ni lkog tu gyur pa brjod pa'o sgras so/ /snam bu 'di zhes de ltar gyi dus brjod pas 'jig rten nas phyis 'byung 'bras bu brjod yin gyi/ ci 'dra ba zhig ce na/ snal ma 'dus byas las 'byung ba ste/ dang por snal ma rang gi dang gis 'gag pa na/ 'di'i nye bar len pa can gyi snam bu zhes bya ba'i 'bras bu 'byung bar 'gyur ro/ /don de nyid rtogs par bya ba'i phyir/ mdor bsdus bya ba smos pa mdzad do/ /'ga' zhig gi tshe yang dus gcig min/ snal ma zhes bya ba'i rgyu dang der 'du ba dang ldan pa snam bu zhes bya ba 'bras bu'i rdzas ni snal ma 'di la snam bu zhes brjod pa ma yin no/ /rgyu dag la ni sgro 'dogs pa/ snal ma zhes bya ba'i rgyu'i chos sgro btags pa'i phyir skyes bu 'ga' zhig skabs 'ga' zhig tu snam bu zhes bya ba'i 'bras bu snal ma zhes 'jug par 'gyur/ dper na snal ma de dag gang la zhes dris pa na /lan du da ltar gyi snam bu bstan nas/ snam bu gang yin pa 'di dang 'di yin no zhes smra ba lta bu'o/ /snal ma gcig ni byung nas kyang/ de bzhin du dris par gyur pa na des snam bu las snal ma gcig phyung nas snal ma 'di yin no zhes snam bu'i sgra rten te/ rgyu ston pa na snal ma zhes bya ba de la 'jug par 'gyur ro zhes bya bar sbyar ro/ /snal ma 'di la snam bu zhes de skad du ni ston par mi 'gyur ro/ /de lta bur gyur pa de'i tshe rnam pa yongs su gyur pa dag la snam bu zhes tha snyad 'dogs pa yin no/ /'bras bu snal ma zhes bya ba'i tha snyad 'jug par 'gyur gyi/ dus gcig la yang snal ma zhes bya ba'i rgyu dang 'bras bu la 'khar gzhong dang rgya shug gi 'bras bu bzhin du rnam par phye nas ston pa na/ snal ma de dag la gzhan
- 202a
snam bu 'di zhes 'ga' zhig kyang bsnyad dogs par mi byed do/ /'dir ba lang rwa zhes bya ba 'di'i blo gang yin pa de la yang rwa las tha dad pa'i yan lag rnams dang/ rwa phan tshun 'brel pa las yul mchad pa nyid la rwa zhes bya ba dang/ de dag skyed par byed pas gang dag phan tshun phan gdags phan 'dogs byed nyid dam/ gcig la gcig phan gdags par bya ba dang/ phan 'dogs par byed pa de nyid 'di'i blo'i rgyu mtshan yin gyi/ 'phrod pa 'du ba yang ma yin no/ /rnam par chad pa mthong ba med nyid/ / rnog? dang lkog shal la sogs pa 'og nas gnas pa dga' brel pa steng gi rwa rnam par chad pa mthong ba med cing snang ba med pa nyid yin te/ gang ma chad pa nyid mthong ba zhes bya ba'i don to/ /rnam par chad pa ma mthong ba de ni 'di'i blo'i rten yin gyi/ 'phrod pa 'du ba ni ma yin te/ de ni dbang po las 'das pa nyid yin par khas len pa'i phyir zhes mang du bshad zin to/ /de ltar ni 'gyur mod kyi/ gal te 'di la zhes bya ba'i tha snyad don gzhan gyi rgyu mtshan can nyid yin pas na la lar dngos ma yin pa de'i tshe/ nye bar btags pa yang mi 'gyur te/ nye bar btags pa ni dngos kyi rten nyid min pa'i phyir ro zhe na/ don gzhan gyi rten can gyi tha snyad kyi spyod yul gyi dngos po ni dngos po ma yin gyi/ 'on kyang dngos po de/ 'khrul med shes can dang po yi/ /brda yi spyod yul gang yin dngos/ /'khrul pa med par 'jug pa'i shes pa'i yul sngon gyi brda'i yul gang yin pa de ni dngos yin la gzhan ni phal pa yin te/ dper na ba lang gi shes pa 'khrul pa med pa 'jug pa'i nog dang lkog shal la sogs pa dang ldan pa'i gong bu 'jig rten la rab tu grags pa dngos yin zhing/ 'khrul pa'i shes pa 'jug pa'i yul cung zad khur bu ba la nye bar btags pa lta bu'o/ /de de ltar na rigs la sogs pa dang de dang ldan pa la/ rnam par phye nas mngon
- 202b
sum gyis 'dzin pa med pa de ltar na med pa nyid yin no/ /de ltar ni 'gyur mod kyi/ shes pa gang dang gang khyad par gyi rjes su 'gro ba can de dang de ni khyad par las tha dad pa'i don gzhan gyi rgyu mtshan gyis 'jug pa yin te/ dper na lhas byin la dbyug pa can gyi shes pa tha dad pa'i dbyug pa'i khyad par gyi rgyu mtshan gyi 'jug pa yin pa lta bu'o/ /de ltar na spyi la sogs pa tha dad pa'i khyad par grub par 'gyur ro zhe na/ de la 'dir/ dngos po las ni tha dad can/ rigs sogs la ni/ dngos po las tha dad pa'i spyi'i la sogs pa yul du gyur pa la/ de yod pa nyid du sgrub par byed pa'i rjes dpag med/ 'di ltar dbyug pa la sogs thams cad la'ang/ khyad par la sogs pa nyid du 'dod pa lhas byin la sogs pa la dbyug pa can du tha snyad 'dogs pa gang yin pa de ni don gzhan gyur pa'i dbyug pa yan lag ba las ma yin te/ de'i bdag po med par yang dang tha snyad 'dogs par thal ba'i phyir ro/ /'o na ci yin zhe na/ kun rdzob pa las dbyug pa can dag phan tshun phan gdags par bya ba dang/ phan 'dogs par byed pa'i dngos po nye bar btgs pa'i gnas skabs kyi khyad par don gzhan du gyur pa ma yin pa las te/ rnam par rtogs pa'i blos sgrol nyags pa'i phyir ro zhes bya ba'i don to/ /des ni dpe ma grub pas rjes su dpag pa med par bstan to/ /dngos po khang bzangs phreng la sogs/ /sgra rnams kyang gzhan la bltos min/ /dngos po dngos po zhes rjes su 'gro ba can gyi sgra 'am shes pa ni tshig gi don thams cad rjod pa'i dang tshul can yin no/ /khang bzangs kyi phreng zhes bya ba ni khyad par can yin no/ /khyad par gyi shes pa dang rjes su 'gro ba can gyi sgra gang yin pa 'di dang sogs pa smos pa ni grong khyer zhes bya ba de lta bu la sogs pa'i tha snyad sngar dpyad zin to/ /de la sgra 'di thams cad gzhan la bltos pa med par zhes bya ba 'dis ma nges pa ston par byed/ /de ltar na dngos po dngos po zhes bya ba'i rjes su 'gro ba'i tha snyad dam/ khang bzangs kyi phren ba'i sgra 'jug pa la dngos po thams cad? kyi rjes su 'go ba'i dang tshul
- 203a
can gyi tha dad pa'i khyad par gyi rten yod pa ma yin no/ /'dir re zhig khang bzangs nyid ni rdzas ma yin te/ shing la sogs pa'i rigs mi mthun pa ni rdzas mi rtsom pa'i phyir ro/ /ldan pa zhes bya ba don gzhan du gyur pa cung zad kyang yod pa ma yin mod kyi 'on kyang khas blangs nas brjod par bya ste/ gal te khang ba'ang ldan yin na/ 'gyur ba de ltar n yang/ /de phreng ste ldan pa'i ran bzhin gyi khang bzangs kyi phreng ba tshig gi don gyi rnam pa de ni gang gir 'gyur/ tshig gi don 'ga' zhig gi nang du yang 'du bar 'gyur ba ma yin ba de ltar na phreng ba zhes bya ba cung zad kyi yod pa ma yin no/ /de ltar na reg de ni rdzas ma yin te/ khang bzangs ni rdzas nyid ma yin pa'i phyir ro/ /yon tan yang ma yin te/ yon tan rnams la yon tan med pa nyid yin pa'i phyir ro/ /de ltar ni 'gyur mod kyi/ gal te rigs yin te khangs bzangs zhes bya ba'i ldan pa'i rigs phreng ba yin no zhe na/ de'i tshe kha cig kyang ste/ khang bzang la phreng zhes brjod phreng ba'i sgra ni rigs kyi rgyu mtshan can yin pa'i phyir ro/ /ci dang 'dra bar zhe na shing bzhin du /dper na shing gi sgra rigs brjod pa'i ngang tshul can gyi pa? la sha la sogs pa mang po brjod cing/ gcig kyang brjod pa lta bu'o/ /de bzhin du khang bzangs gcig la yang khang bzangs kyi phreng ba'i sgras brjod par 'gyur na/ brjod pa ma yin no/ /de bas na phreng ba'i sgra ni rigs kyi rgyu mtshan can ma yin no/ /sbyor ba ni gang zhig gang yod na yang mi 'gyur ba de ni de tsam gyi rgyu mtshan can ma yin te/ dper na dad pa la sogs pa la lta? yod du zin kyang b lang gi sgra med pa lta bu'o/ /khang bzangs gcig la yang ldan pa'i rigs yod na yang phreng ba'i sgrar mi 'gyur zhes bya ba ni khyab par byed pa 'gal ba dmigs pa'o/ /phreng mang po nyid de de sgra ni/ dzi ltar gang gi chod rigs nyid phreng ba nyid yin pa de'i tshe/ khang
- 203b
bzangs kyi dreng ba mang po dag la khang bzangs kyi phreng ba khang bzangs kyi phreng ba khang bzangs kyi phreng ba zhes bya ba khyad par gyi rjes su 'gro ba'i shes par mi 'gyur ro/ /rigs kyi rang bzhin gyi phreng ba dag la spyi gzhan yod ma yin te/ rigs ni rigs min phyir/ spyi la yang spyi nyid med pa'i phyir ro/ /gzhan yang khang bzangs kyi phreng ba chen po zhes bya ba'i tha snyad gang yin pa de dag gang yin pa de dag gang gis byas tshad ni yod pa ma yin no/ /breng sogs ldan pa'i mtshan nyid can gyi khang bzangs sam/ rigs kyi mtshan nyid can gyi khang bzangs sam /rigs kyi mtshan nyid can gyi phreng ba la/ chen po nyid sogs yon tan gyi tshad ma yod pa ma yin no/ /gang nye bar btags las khang bzangs kyi phreng ba la sogs pa la tha snyad 'dod na yang/ tha dad pa'i khyad par med pa'i phyir ro/ /de rigs pa ma yin te/ 'di ltar dper na me tog rgyas pa can gyi nags zhes bya ba 'di la grangs kyi mtshan nyid can gyi nags la me tog med pa'i phyir de dag ni rdzas la yod pa yin pa lta bu'o/ /de ltar na yang rdzas gcig la grangs dang me tog gi 'phrod pa 'du ba yod pa de ltar na/ khyed kyi kun tu btags pa nye bar btags pa'i sa bon yod pa'i phyir/ me tog rgyas pa can gyi nags shes nye bar btags pa las tha snyad spyod? pa 'dod mod kyi/ 'di la de yod pa yang ma yin te/ shing la so zhes pa'i yan lag re re la yang yod pa ma yin pa gang las 'brel pa de ldan pa'i rang bzhin can gyi khang bzangs la 'am/ de'i rigs rang bzhin can gyi phreng ba la chen po pa nyid la sogs pa'i tha snyad 'dogs par 'gyur/ de'i phyir phreng ba la chen po la sogs pa'i tha snyad 'di dngos sam nye bar btags pa gzhan la 'thad pa ma yin no/ /kho bo cag ni 'di dngos nyid kyi nyer btags min/ ci'i phyir nye bar btags pa ma yin zhe na/ dngos kyi khyad par med shes pas /gzung bya nyid phyir ri mo la sogs pa'i chen po dngos bo gang yin pa
- 204a
de'i yul can gyi shes pa 'khrul pa med par 'jug pa gang yin pa de dang khyad par med ba can khang bzangs kyi phreng ba la 'khrul pa med par 'jug pa'i shes pa gang yin pa des gzung bar bya ba nyid yin pa'i phyir zhes bya pa'i don to// sbyor ba yang gang dang gang dngos kyi yul can gyi sgra dang shes pa khyad par med pa can ngag gis gzung bar bya ba yin pa de ni dngos kyi don yin te/ dper na ba lang gi gsal ba gcig gi yul can gyi sgra dang shes pa dag gis khyad par med par gzung par bya ba/ ba lang gis gsal ba'i khyad par gnyis pa yin pa lta bu'o/ /khang bzangs kyi phreng ba chen po yang ri bo la sogs pa la gnas pa'i chen po nyid la sogs pa'i dngos kyi yul can gyi sgra dang/ shes pa dag gi khyad par med pa'i shes pas bzung bar bya ba yin no zhes bya ba ni rang bzhin gyi gtan tshigs so/ /gzhan yang tha dad pa'i khyad par can dngos yin la/ gzhan nye bar btags pa yin zhes brjod pa gang yin pa de yan yod pa ma yin te/ 'di ltar nye bar btags pa'i don dag la sgra la sogs pa 'jug pa gang yin pa 'di rgyu gzhan min pa nyid de/ /don gzhan du gyur pa'i rgyu mtshan gyi byad par dang bral ba nyid do/ /de ni dngos su mngon par 'dod par don la yang mtshungs so/ /de skad du dbyug ba la sogs pa'i sgral yang rnam par rtog pa'i rnam par shes pa'i yul du byug pa la sog pa don dam par yod pa kho na nyid ma yin mod kyi/ khyad par nyid du smos pa yin no zhes sngar bstan zin to/ /gzhan yang drug rnam la ni rdzas la sogs pa'i tshig gi don zhes bya ba'i sgra dang shes pa gang yin pa 'di yang 'jug par 'gyur ro/ /de 'jug par 'gyur ba na tshig gi don las gzhan du gyur pa'i khyad par gyi ngo bo rgyu mtshan gang la bltos par 'gyur/ de ltar na bltos par 'gyur bcud
- 204b
zad kyang yod pa ma yin no zhes bya ba de nyid ma nges pa nyid kyi gzhung 'jug par byed do/ /khyed cag gi dngos dang nye bar btags pa'i mtshan nyid 'jig rten la rab tu grags pa ni ma yin gyi/ 'on kyang khyod nyid kyis dngos po gzhan gyi rgyu gzhan gang yin pa de ni dngos yin la/ gzhan ni nye bar btags pa yin no zhes de rang nyid kyis nye bar btags pa yin no/ /de ltar na ji ltar rnam pa gang gis grub/ gang las yin zhe na/ grags pa las te/ dang por brda'i rjes su 'brangs nas de'i ngo bo zhan nas shes bya'i don to/ /don gyi bdag nyid gang yin pa de 'dra ba de ni dngos su 'jig rten la grags pa yin no/ /de dang mtshung pa'i phyir grag pas rab tu grub pa dang chos mthun pa nyid can yin pa'i phyir ro/ /gang la de skad brjod/ dngos kyi don bzhin du bstan pa de phal ba yin no/ /ci'i phyir zhe na/ dngos la'ang dngos med 'dogs phyir ro/ /de skad du 'ga' zhig gi che dngos po la yang skabs 'ga' zhig tu med pa bzhin du tha snyad 'jug par 'gyur mod kyi/ de ni de la dngos ma yin te/ med pa nyid la med ba'i tha snyad ni dngos nyid yin pa'i phyir/ /khyad cag ni gzhung gis kyang dngos po la 'jug pa nyid kyi phyir don dngos yin pra' gyur gyi/ med pa la ma yin pa de ltar na dngos dang nye bar btags pa'i mtshan nyid ni 'khrul pa yin no/ /de ltar ni 'gyur mod kyi/ grags pa nyid dngos yin te 'on kyang grags pa de nyid khyad pr don gzhan du gyur pa med par ma yin no zhe na/ de yang yod pa ma yin te/ 'di ltar de yang grags pa brda'i rjes 'gro cal brda'i ji lta ba bzhin du grags pa'i/ /brda de yang brjod 'dod rjes 'gro can/ de'i 'dod pa'i rjes su byed pa'i ngang tshul can no/ /gal te don gyi rgyu mtshan can ma yin na/ brda' byed pas ci zhig bya zhe na/ tha snyad don du byas pa yin/ ci dang 'dra bar zhe na/ sdeb sbyor ming dang sgra'i cha bzhin/ sdeb sbyor gyi ming bzhin te/ dper na khyad par can gyi go rim bstod?
- 205a
pa can gyi yi ge rnams la don gzhan du gyur pa med par/ me tog gi zeng ba 'chang ba can zhes bya ba la sogs pa'i ming byed pa lta bu'o/ /sgra'i cha'i ming bzhin te/ dper na sgra'i yan lag la rang bzhin dang rkyen gyi tha snyad byed pa lta bu'o// de la yang de la phan pa dang de la byed pa dang ldan pa'i rkyen dang/ byas pa'i rkyen zhes bya ba de lta bu la sogs pa ji ltar de ltar na tha dad pa'i khyad bar med na yang zhes bya ba'i don to/ /gal te spyi med na ji ltar rjes su 'gro ba can gyi rkyen yin zhes bya ba'i 'dod pa yang mi 'gyur te/ 'di ltar 'di ni ltar tha dad na yang dngos chos kyis/ don 'ga' zhig de 'dra ba rnam shes kyi rgyu yin rje ssu 'gro ba can gyi shes pa'i rgyu mtshan yin gyi/ don gzhan rgyu mtshan ni ma yin no/ /gang la dngos po gang dag la shes pa de don de tha dad na yang/ de la de ltar gcig nyid du nges rtogs par 'gyur zhes rgyas par sngar bstan zin to/ /de ltar ni 'gyur mod kyi/ ji ltar dngos po tha dad pa de dag de ltar de'i yul can gyi/ shes pa yin na yang dbang po'i shes pa tha dad pa yin pa de ltar na/ ji ltar 'bras bu shes pa tha dad pa yin pa de ltar na/ ji ltar 'bras bu shes pa tha dad pa med pa de dag byed pa yin zhe na/ de de ltar na ma yin te 'di ltar mthong ba'i ngo bo'i shes pa rnams don bzhin du tha dad pa yin pa de lta na yang tha dad med rtogs phyir gcig tu rtogs pa'i rgyu mtshan du'o/ /gcig rtogs pa'i shes pa'i rgyu mtshan te/ don de dag gis rang gi yul la shes pa skyed par byed ces bya ba khong nas 'byung ngo/ /de lta bu'i rnam pa'i don gyi yul can gyi dbang po'i shes pa de dag ni dngos po'i chos nyid kyis gcig tu rtogs pa'i shes pa de lta bu'i ngo bo'i rgyu mtshan du 'gyur ba yin no/ /de yang shes pa tha dad pa med pa zhes bshad do/ /de yang sngar gcig pu rtogs pa'i
- 205b
blo'i rgyu nyid kyi phyir gsal ba rnams dang de'i 'bras bu rnams mthong ba la sogs pa yang tha dad pa med pa de ltar na dngos po 'bras bu gcig pa can yin no zhe bstan zin to/ /de ltar te/ rnam 'dis de 'bras can min bral/ /dngos rnams rjes 'go yod min gyi// dngos gcig la min dngos po rnams la de'i 'bras bu can ma yin pa rnam par bcad pa tsam ma gtogs par dngos po gcig ste/ spyi dngos por gyur pa rjes su 'jug pa yod pa ma yin no zhe bya ba'i don to/ /gang gi phyir dngos po rnams la de'i 'bras bu med pa can rnam par bcad pa yod pa dang/ de'i 'bras bu med pa can tha dad par bstan pa'i phyir sgra sbyor ba de phyir dngos la mnyan bde mdza' can/ rnam par gcod pa'i mdza' can yin no/ /de'i 'bras bu can ma yin pa dang bral ba can gyi nye bar mtshon pa tsam yin te/ 'di ltar gang las ldog pa gang yin pa de ldog pa de ltar bstan pa'i phyir mnyan pa 'god pa yin par rtogs par bya'o/ /dbyug pa can bzhin no/ /gal te dngos la ldog pa'i mdza' can sgra yin pa de'i tshe dngos po nyid sgra'i don yin te/ de ldog pa'i bdag nyid du gyur pa nyid yin pa'i phyir ro/ /sgra dngos po la regs pa ma yin no zhes bya ba yang lan mang du zin to/ /de'i ldog pa'i bda nyid sgra yod med gnyi ga la brten pa/ sgra don chos ni rnam pa gsum/ rnam par rtog pa'i gzugs brnyan zhes bshad pa gang yin pa de dan 'di 'gal lo zhe na/ skyon de yod pa ma yin te 'di ltar/ phyi rol nus pa rnams gcod la/ reg pa med na yan phyi rol gyi dngos po de las gzhan pa'i ldog pa rang gi bdag nyid du gyur pa la reg pa med na yang ngo/ /de sgra ni dngos po rnam par gcod pa brjod pa'i ngang tshul can gyi mnyan pa/ rnam par rtog pa'i gzugs brnyan dag /'brel pa yin te/ yang dag par sbyor ba yin no/ /ci 'dra ba zhig ce na/ de mdza' can la ste dngos po ldog pa'i mdza' can la'o/ /rang gi mtshan nyid dang rnam par rtag par bya ba'i
- 206a
yul la gcig pu 'khrul bas dngos po'i ldog ba la rten pa can de dag rtogs par 'gyur ro/ /des na rnam bar rtog pa'i gzugs brnyan dngos po ldog pa gzhan sel ba mdza' can phyir/ rgyu'i phyir /mnyan pa gzhan sel byed par brjod don phan tshun ldog pa can dag nyams su myongs ba'i sgo nas 'ongs pa nyid kyi phyir/ rang gi cha la dmigs pa can sgra las byung ba'i rtog par 'gyur na yang ngo bo nyid kyis 'khrul pas phyi rol gyi don phan tshun ldog pa can 'dzin pa can bzhin du snang ngo// blo snang ba dang rnam par brtag par bya ba'i don dag la tha dad pa med par zhen pas de las gzhan las ldog pa can gyi dngos po dag la 'jug par byed ba'i phyir dngos po'i ldog pa ston bar byed pa la mnyan pa zhes brjod kyi /dngos po la rag pa ma yin no zhes bya ba'i don to de ltar na/ sgra dag la skyes pa'i rnam par rtog pa'i shes pa la bltos pa bzhin du don gyi gzugs brnyen snang /phyi rol gyi don bzhin du don gzhan ldog pa can mtshon par byed do/ /gang de yang don gyi bdag nyid min/ /don gyi bya ba byed ba'i dang tshul can gyi dngos po ma yin no/ /don dam bar de gzhan las ldog pa yang ma yin gyi 'on kyang de 'khrul bag chags rang bzhin can /rang gi mtshan nyid kyi yul nyams su myong ba'i bag chags kyi rgyu can yin gyi /de skra'i brjod par bya ba ni ma yin no/ /de ltar na yang don gyi rnam pa 'dzin pa don mthong ba'i sgo nas 'ongs pa nyid kyi phyir don gyi cha'i rjes su 'bred ba can /de ni mnyan par brjod pa na/ rnam pa 'jog par byed na don gyi bya ba byed pa'i dang tshul can gyi cha gang rtogs par 'gyur /cung zad kyang ma yin no/ /gang gi tshe de las gzhan pa las ldog ba mi 'dod ba spong ba'i sgo nas tha snyad 'dogs pa na/ tha snyad 'dogs par byed pa pos sgra nyid las rtogs par mi 'gyur ba de'i tshe/
- 206b
dngos po'i ldog pa de sgra las ma rtogs par 'gyur na yang bar byed pa de'i don med 'gyur /ci'i phyir zhe na/ 'di ltar de de don can/ dngos po'i de las gzhan ba las rnam bar gcod bas dngos po ston par byed pa'i 'bras bu can yin no/ /'dir sgra don cha ni rjod ces 'dri ba'o/ /de las gzhan sel /dngos po phan tshun ldog pa brjod par bya ba yin no zhes brjod par bya ste/ des ni dngos po dag la med pa'i phyir ro/ /de'i bsgrub par bya ba'i sgrub par byed par 'gyur ba ma yin pa'i dngos po las ldog pa'i sgo nas 'jug par bya ba la /de gdon mi za bar brjod par bya ba nyid yin pa'i phyir ro/ /rnam par de yang rnam par rtog pa'i yul mthong ba goms pa las 'ongs pa rnam par rtog pa gsal ba snang ba yin gyi don la med/ don gyi bya ba byed pa'i dang tshul can la yod pa ma yin na de bas de ji ltar sgra'i don yin/ don gyi gzugs brnyan de brjod de sgra ji ltar don rten yin pa ltar na phyi rol gyi don des don dang ldan par 'gyur bar rigs/ de ltar na ba lang ba lang zhes bya ba de lta bu la sogS pa'i rjes 'gro can sgra'i rjes 'gro can don gyis 'ga' zhig brjod par bya bas 'bras yin/ sgra'i don yod pa nyid du khas len pa na'o/ /don gyi gzugs brnyan de yang rjes 'gro med pa can rjes su 'gro bar mi 'gyur ro/ /ci'i phyir zhe na/ blo las tha dad med phyir ro/ /rnam par rtog pa'i blo gang la don gyi rnam par snang ba'i blo de las shes pa bzhin tha dad pa med pa nyid kyi phyir ro/ /de bas na don gyi gzugs brnyan de rjes su 'gro ba ma yin no/ /ci 'dra ba zhig ce na/ mthong ba goms pas sprul pa ste rang gi mtshan nyid mthong ba'i bag chags kyis bskyed pa'o/ /don gyi rnam par 'dzin pa de ni rjes su 'gro ba med pas spyi'i ngo bo med pa nyid kyi phyir ro/ /sgra'i brjod par bya ba ma yin no zhes bya ba'i don to/ dA ngo bo sgro 'dogs rtogs
- 207a
gzhan las ldog pa thob phyir yang /gal te yang don gyi gzugs brnyan de don gyi bya ba byed pa bzhin te /de las gzhan pa'i dngos po las ldog pa bzhin du snang ba de las rang gi mtshan nyid du sgro btags ba las rtogs ba'i phyir /rang gi mtshan nyid du zhan pas rnam bar rtog pa la snang ba'i ngang tshul can gyi gzugs brnyan rtogs par 'gyur ro/ /de'i tshe rang gi mtshan nyid dang de la gcig nyid du 'khrul pa sgro btags pas rtogs pas dngos bo gzhan las ldog pa'i dngos po thob pa'i rgyu'i phyir tha dad pa med bar zhe na pa sgra don de nyid de/ sgra'i don shes pa la snang ba'i dang tshul can zhes nye bar 'dogs pa'i phyir /de skad du brjod pa la ni /'gal ba cung zad kyang med do/ /de ltar na tha snyad kyi dus su mi 'dod pa'i don spangs nas /dngos po 'dod pa nyid la skyes bu sgra dag gis 'jug par byed pa na/ don gyi cha la 'di rjes 'gro /dngos po dag las de las gzhan pa rnam par bcad nas rjes su 'gro bar byed do/ /de bas tha snyad kyi rjes su 'gro ba'i cha 'di tsam gyis de ltar sgra'i don du rtogs pa rigs pa yin no zhes brjod do/ /don dam par dpyad na/ de dag log bar snang ba nyid de dag brdzun ba'i don du snang ba'i dang tshul can yin no/ /shes pa'i sgra yis des sprul pa sgra la skyes pa'o/ /de dag gi don 'ga' zhig kyang yod pa ma yin ba de ltar na/ sgras cung zhig kyang shes par byed pa ma yin no/ /tha snyad ni 'khrul pa yin no/ /don dang 'brel pa yang rag las pa lam yin no zhes bstan zin to/ /gang gi phyir tha snyad 'dogs pa po tha snyad kyi dus su mi 'dod pa rnam par bcad nas sgra 'jug par byed pa /de phyir brda'i dus na yang /gzhan sel dngos po ldog pa'o/ /bstan pa'i don dang ji skad du bshad pa'i rang bzhin rnam par
- 207b
rtog pa'i don gyi gzugs brnyan dang ngo/ /'brel pa ni yang dag par ldan pa ste /der zhen pa'i dbang gis rnam par phye ba'i sgo nas rtogs pa nyid yin no/ /sgra las 'brel par 'gyur/ /sgra dang lhan cig 'brel pa thob par 'gyur ro/ /rnam par rtog pa'i gzugs brnyan ci 'dra ba zhig ce na /rang gi rtogs pa'i 'bras bu can/ gang la don du zhen pas de las gzhan rnam par gcad pa'i dngos po'i 'bras bu can zhes bya ba ni 'jug bsdu ba'o/ /yang ci'i phyir sgra gzhan sel ba'i don sbyor bar byed kyi/ spyi dngos por gyur pa ma yin zhe na/ gzhan du ma mthong ltos med phyir/ brjod par bya ba'i don rnam par bcad par gyur pa la/ shing la sogs pa ma yin pa gzhan la sgra ma mthong bas/ sgra las dngos po rtogs pa'i phyir ro/ /la ltar de mthong la bltos phyir /de ltar gyi shing la sogs pa gcig mthong ba la bltos pa nyid kyi phyir ro/ /de skad du dngos po gang zhig de las ma mthong ba'i phyir /gang phyogs gcig la yang de las ldog pa la sgra mthong ste/ de las rnam par gcad pa'i don bstan pa'i phyir ro zhes bstan par 'gyur ro/ /gang gi tshe gzhan sel te gzhan las log pa snyan pa sgra la 'bred 'gyur ba/ de'i tshe cung zad kyang 'gal ba yod pa ma yin no/ /de lta ma yin na /de'i dngos la mi rung ngo/ /don rnam par gcad par gyur pa ni ma mthong ba la bltos pa nyid kyi phyir dang phyogs gcig mthong ba la bltos pa nyid phyir ro/ /sgra 'brel pa byas pa las rtogs pa de ltar na de dag ni dngos po ste/ spyi dngos por gyur pa la mi rung ngo/ /de ltar na de nyid bsgrub ba'i sgo nas bstan par 'gyur bas /gzhan du ma mthong ba don med pa can yin no/ /gal te gang la sgra ma mthong ba de bas rnam par gcod pa'i go bar byed pa yin par 'dod pa de ltar
- 208a
na gzhan la sgra ma mthong ba'i gzhung btsugs par 'gyur te/ mi mthun pa'i phyogs spangs pa'i sgo naS don rtogs pa'i phyir ro/ /gal te gzhan ldog pa'i yang go bar byed pa nyid yin no zhe na/ da ni spyi'i dgos pa ldog par 'gyur te/ don rnams gzhan las ldog pa rtogs pa tsam gyis dgos pa yongs su rdzogs pa'i phyir ro zhes mang du bshad zin te/ gang gi phyir de lta yin pa de'i phyir rigs sogs de ldan dag/ rigs dang yon tan dang las kyi bye brag khyad par can nyid du mngon par 'dod pa dag dbang po'i yul gyi don la yod min te/ sna tshogs par snang ba can gyi blo med pa'i phyir ro/ /de dang ldan pa dag ste rigs la sogs pa dang ldan pa dag kyang don la yod pa ma yin na gang kho na las 'brel pa'i rgyu mtshan du gyur pa des don la'am rigs la sogs pa de dag la 'am/ de dang 'brel pa de dag la mnyan par 'gyur /gang gis na de dag med pa de bas na don la ma yin zhing /rigs la sogs pa de dang 'brel pa / de la'ang sgra tha snyad kyis dus mi sbyor ro/ /ci'i phyir zhe na /gzhan las ldog pa la/ sgra rnams nyid ni sbyor phyir ro/ /nyid kyi sgra ni rim pa gzhan du sbyar bar bya ste /gzhan las ldog pa kho na la sgra rnams sbyor ba'i phyir zhes bya ba'i don to/ /de yang gong du bsgrubs zin pa de ltar na yang mi brjod do/ /rgyu de nyid kyi phyir rigs la sogs pa sgras brjod pa ma yin zhing des khyad par can du gyur pa'i don 'dzin pa byed pa yang dbang po'i shes pa ma yin no zhes bstan to/ /de bas na 'dir yang mdor bsdu na rtog pa ni rnam pa gsum ste/ rigs la sogs pa'i rnam par rtog pa dang /'brel pa'i rnam par rtog pa dang/ sgra'i rnam bar rtog pa'o/ /de la re zhig rnam par rtog pa snga ma dag ni
- 208b
sngar bshad pa'i rgyu nyid kyis yod ba ma yin no/ /sgra'i rnam par rtog pa 'ba' zhig kho na yod pa yin te/ 'dis ni ngan rjes su 'brel pa 'dzin pa de brda' dran pa'i rgyu can te/ brda'i dran pa ni brda' dran pa ste /'dzin pa gang la de nyid kyi rgyu yod pa zhes bya bar tshig rnam par sbyar ro/ /mthong ba bsre byed bdag nyid can /de la 'dzin pas sgra mthong ba sbyor bar byed pa'i rang bzhin can no/ /ji ltar sgra 'di ni don 'di brjod par byed pa yin par sngar thob pa de rjes su dran nas/ da ltar gyi don rjes su sbyor ba de pas na de 'dzin par 'gyur gyi/ rnam pa gzhan du ni ma yin no/ /de lta bur gyur pa'i 'dzin pa gang yin pa/ mig shes la ste dbang po'i shes pa la/ de ji ltar 'gyur ba ma yin no zhes bya ba'i don to/ /mig la brten pa'i shes pa yang ci 'dra ba zhig ce na /snga phyir rtogs pas stong pa yi/ sngar de 'das pa dang phyi ma ste da ltar ba de dag gi rtogs pa ni nyams su myong ba brjod par byed pa dran pa de las der zhen pas da ltar gyi don de de'i brjod par bya ba nyid du 'dzin pa'o/ /don snga phyi rtogS pas sgra sbyor bar bya ba de 'dra ba gang yin pa de ni des da ltar gyi don tsam 'dzin pa'i dbang po'i shes pa de stong ba de bas na dang bral ba nyid kyi phyir da? brjod po dang/ ma 'dres pa nyid yin no/ /sbyor ba yang gang zhig byed ba gang la nus pa med pa de ni byed pa ma yin te/ dbang po'i rnam par shes pa 'das pa dran pa lta bu'o/ /dbang po'i rnam par shes pa yang snga phyir rtogs pa'i sgo nas don bsre ba'i bdag nyid can gyi sbyor ba'i bya ba byed par nus pa ma yin no zhes bya ba ni khyab par byed pa'i dgal ba dmigs pa'o/ /gzhan yang gzhan la 'jug sems can gyi yang mig gis gzugs dag mthong bar 'gyur /mngon du gyur pa'i don las 'das pa la sogs pa'i don gzhan la sems 'jug pa can gyi yang ste /'das pa la sogs
- 209a
pa rang gi ming dang bsres nas rtog pa na yang /da ltar gyi gzugs la sogs pa mig gi dbang po'i shes pas mthong zhing 'dzin par byed kyi /rnam par rtog pa nges don de mthong ba ma yin no zhes rtogs bar mi nus te/ des 'das ba'i don rjod bar byed pa bor nas da ltar gyi don ming dang sbyar nas 'jug par thal ba'i phyir ro/ /da ltar gyi don ming dang bsre ba can yin pa de'i tshe rnam par rtog pa gzhan yod pa ma yin te/ rnam par rtog pa gnyis cig car mi 'jug pa'i phyir ro/ /mthong ba'i rang bzhin can yod na yang de mi dmigs pa'i phyir ro/ /de brda' mi 'dzin snang bar gyur ba'i don gyi ming mi 'dzin pa de'i tshe /da ltar gyi yul 'dzin pa de'i tshe/ da ltar gyi yul 'dzin ba'i dus na gsal ba nyid yin te /de la mngon sum ni rtog pa med pa nyid yin no zhes bya ba de skad du rtogs bar 'gyur ro/ /de bas na de skyes /de'i ming 'dzin par 'byung bar yang rtogs pa yin/ gal te de'i ming 'dzin pa de de la yod pa ma yin no/ /'o na ni de ming 'dzin par 'byung ba'i rnam bar rtog ba yang yod pa ma yin pa de ltar na/ dbang po'i shes pa rtog pa med pa nyid du grub ba yin no/ /gzhan yang gang la sgra ni des 'god ba /ming gi yul de la rnam rtog skye bar 'gyur /dbang po'i spyod yul tha snyad kyi dus su nye bar sbyor ba'i ngang tshul can ma yin pa la sgra 'god pa ma yin gyi/ 'on kyang rnam bar rtog ba'i yul nyid la yin no zhes bshad zin to/ /ci ste yang dbang po'i yul nyid la sgra 'god par 'gyur pa de'i tshe/ des na sgra'i don gyi yul can nyid yin pa'i rgyu'i phyir /dbang skyes kyi shes pa rnam bar rtog ba bzhin du 'jug bar 'gyur ro/ /gal te yang 'gyur ba nyid yin no zhes/ de de ltar yod pa ma yin te /yon tan yang 'dod pas 'jug pa'i phyir phyi rol gyi don nye bar la bltos
- 209b
pa med bar dbang po las skyes pa'i shes pa'i phyi rol gyi don mthong ba yin na phyi rol gyi don yang mthong bar yang 'gyur ro/ /de'i phyir de'i yul la sbyor ba yang mi 'gyur ro/ /dbang po las skyes pa'i shes pa de dag sgra'i don ci yul can ma yin te/ sgra dang don 'das pa la sogs pa de dang de la yang brda' byed pa'i phyir ro/ /sbyor ba ni gang zhig 'das na yan gar 'gyur ba de ni de'i rang bzhin las nges ba ma yin te /dper na mar ma med na yang rtsa ba'i rnaM bar shes pa yong ba lta bu'o/ /sgra 'gog pa yang spyod yul gyi dngos po 'das pa dang zhig pa la sogs pas dbang po'i yul las 'das na yang 'gyur ro zhes bya ba ni khyab bar byed pa 'gal ba dmigs pa'o/ /de bas na sgra dang 'dres pa'i don mdzin pa ma yin no/ /gzhan yang gal te/ rtog pa dang bcas pa nyid mngon sum yin pa de'i che/ skyes bu 'di gzugs mngon du phyogs par gyur pa na /gzugs gzugs ni mthong 'gyur /de'i tshe de'i yul can gzugs la sogs pa 'dzin pa'i ngang tshul can gyi /blo mthong ba ci zhig yin /mthong ba ma yin no/ /de de ltar na rnam par rtog ba'i shes pa gzugs nyid 'jug pa phyir /gzugs nyid mngon sum yin bar 'gyur /de'i shes pa ni ma yin no/ /gal te shes pa la yang de bzhin du de 'jug pa yin no zhe na gzugs bzhin du gzugs mthong ba la yang rnam par rtog pa yod pa ma yin no/ /de'i nyams myong yod na yang med do zhes brjod par nus pa ma yin no/ /de ltar mthong ba la nyams su myong ba ma grub bas nga'i? gzugs mthong ba ni de nyid yin zhing de'i gzugs mthong ba ni 'di yin no zhes khyod 'dod ba mngon sum rtog ba dang bcas pa yang 'jug bar mi 'gyur na/ rnam par rtog pa de yang snang to/ /de bas na de'i nyams su myong pa yod pa de ltar na mi 'dod bzhin
- 210a
du khas blang bar bya'o/ /de bas nad nyams su myong ba ni mi rtag pa yin te/ de skad du bshad pa'i skyon yod pa'i phyir dang /de mngon sum nyid ma yin na don mngon sum nyid ma yin par thal ba'i phyir ro/ /rnam bar rtog ba yang gzugs 'dzin pa'i dus na gzugs mthong ba la mi dmigs pa des na/ de ni nyams su myong ba gzugs kyi blo de ni khyod kyi gzhung gis ji ltar rtog med 'gyur /gal te mngon sum rtog ba med ba yin par mi 'gyur na rtog pa med pa yang yin bar 'gyur ba de bas na rtog pa med pa kho na mngon sum yin no/ /de nyid kyis myong yin na ni/ gzugs kyi blo gang gis gzugs gzugs zhes rnam par rtog pa dang rjes su 'brel pa'i don 'dzin par byed do/ /blo de nyid kyi nyams su myong ba yin no/ /blo'i bdag nyid de nyid kyang gzugs mthong ba gzugs mthong ba zhes 'dzin pa byed pa yin no zhes khas len na/ rnam par rtog pa nyid mthong ba nyams su myong ba de nyid mi 'thad do/ /de ltar na yul dang de nyams su myong ba la/ rtog pa gnyis cig car mthong ba'i blo 'jug ba dmigs pa med na/ gang gis na de ltar 'gyur /des ni gzugs kyi blo'i yul dang rang nyams su myong ba dag gi rnam par rtog pa'i bdag nyid gnyis gcig car 'jug par mi rung bas na/ bstan pa yin/ lan brjod ba yin par rig par bya'o/ /gang zhe na/ dus mtshungs rnam par shes gzhan gyis nyams myong /dbang po'i shes ba dang dus mtshungs par 'byung ba'i dang tshul can gyi rnam par rtog pa'i rnam par shes pa gzhan gyis gzugs kyi blo nyams su myong ba ste /'dzin pa yin te/ cig car rnam par rtog pa gnyis ma mthong ba'i phyir ro/ /dus phyis 'byung ba'i ngang tshul can yang ngas gzugs mthong ba zhes bya bar 'gyur te /de'i tshe yang mthong ba de 'gag pa yin te/ mthong ba de 'das pa
- 210b
la rnam par rtog pa 'jug pa gang yin pa de dran pa de yang sngar bzung ba med cing/ nyams myong med bar ji ltar 'gyur te ma yin pa kho na na'o/ /gal te mthong ba 'das pa la yang rnam par rtog pa phyis 'byung ba'i ngang tshul can yongs su gcod par byed par 'dod pa de'i tshe/ ji ltar rgyud gzhan dang 'brel pa can gyi rnam par shes pa lkog tu gyur pa yin pa de ltar na/ bdag nyid la yang gzugs la sogs pa'i mthong ba 'gags pa na yang /gzhan blo yongs su gcod tha dad med /ngo bo can gyi blo yongs su gcod pa dang tha dad pa med pa'i rang bzhin can/ rang blo'i blor? 'gyur te/ lkog tu gyur pa'i nyid dang/ 'das pa med pa nyid du rang dang gzhan gyi rgyud la gnas ba'i blo nyams su myong ba med pa dag la khyad par med pa'i phyir ro/ /ji ltar gzhan gyi rgyud la gnas pa'i mthong ba la blo yin pa de ltar rang gi rgyud la gnas pa la yang 'gyur na /de ltar ni ma yin te/ 'di ltar nga'i gzugs mthong pa ni 'di yin no zhes rnam pa gzhan du bdag nyid so so rang gis rig bas nyams su myong ba can gyi blo 'jug par 'gyur ro/ //tshad ma rnam 'grel gyi 'grel pa las/ /bam po nyi shu rtsa brgyad pa/ /gzhan yang mngon sum rtog pa dang bcas pa yin par smra ba gang yin pa dang /mngon sum rtog pa med pa yang rang rig ba ma yin par smra ba gang yin ba'i rgol ba gnyis pa dag? gi yang/ 'das ba'i gzugs la sogs pa mthong ba mngon sum gyis grub pa ma yin no/ /ci'i phyir zhe na /mngon sum de ni da ltar gyi yul can nyid yin pa'i phyir ro/ /rjes su dpag pas kyang ma yin te/ 'di ltar mthong ba 'das pa dang ni dpe med dang /dpe dang bral ba ste /mngon sum gyi rnam par shes pa cung zad kyang grub pa med na /gang dpe nyid du brjod par byed /rtags thams cad kyi rten yang ma grub par 'gyur te /chos can nyid ma grub ba nyid kyi phyir ro/
- 211a
rtags med bar ni 'di ltar rjes su 'gro ba dang ldog pa dang chos can dang 'brel pa ma grub pa'i phyir rjes su dpag pa ma yin no/ 'dis kyang mngon sum dang rjes su dpag pa dag med pa'i phyir /don rig pa don mthong ba de tshad ma gang gis grub/ rnam pa gang gis kyang ma yin no/ /de bas na shes pa de la ni/ mngon sum ma yin rtags can min/ de ltar na mthong ba rtogs pa med pa'i phyir /'gro ba yod ba dang lkugs par 'gyur ro/ /gal te de yi rang ngo bo/ /snang ba can blo de ma thag/ gzugs sogs bzhin du 'dzin 'gyur na/ gal te ji ltar mdo ste pa dag dbang po dang don dag sngar 'byung ba dag gis shes pa skyed par 'gyur zhing gzugs la sogs pa thag nye ba'i rjes su byed pa'i dang tshul can de las skyes pa'i shes pa des kyang de 'dzin par 'gyur ba de ltar /'dir yang gzugs la sogs pa'i blo sngar skyes pas kyang rang gi rnam pa'i rjes su byed ba'i dang tshul can gyi rnam par rtogs ba'i blo phyi ma gzhan skyed bar 'gyur ro/ /de'i ngor snang ba can te/ blo snga ma'i ngo bo'i rjes su 'breng ba can de'i dus phyis 'byung ba'i ngang tshul can de ma thag pa'i stobs kyis skyed ba rnam bar rtog pa'i blo gzhan des kyang blo snga ma de dag kyang gzugs la sogs ba'i blo yin no zhes de ltar 'dzin pa de'i tshe skyon cir 'gyur zhe na/ snga blo de ni 'dzin mi 'gyur zhes bya ba smos te/ gang gi tshe don mngon sum du gyur pa na myur du mthong ba mang pa 'gags par gyur pa de'i tshe mthong ba tha ma nyid la/ sa gzugs 'di mthong ngo zhes 'dzin pa ni rigs kyi mthong ba snga ma de dag kyang 'di ltar yun ring por mthong ngo zhes de ltar 'gyur bas mthong ba chod pa de dag gis 'dzin pa ma yin pa'i phyir de dag gis nyams su myong ba der mi 'gyur na/ nyams su myong ba yang yod pa
- 211b
de bas na /de nyams su myong pa de ni rtog pa med pa yin no zhes bya bar gnas so/ /gang gi tshe 'di ltar /ji ltar rang yul can rnam shes/ /nyams myong de ni rtog med yin/ /de'i tshe de ltar yul 'dzin pa yin na yang/ shes pa rtog pa med pa nyid yin no zhes bya bar grub par 'gyur ro/ /ji ltar da ltar shes pa gcig rtog pa med par grub pa de ltar mngon sum gzhan thams cad kyang rtog pa med pa nyid yin par grub pa yin no zhes blta bar bya'o/ /ci'i phyir zhe na/ brda nus med pa nyid phyir ro/ /rnam par shes pa de'i rang gi ngo bo nyams su myong brdas byas ba ma yin pa nyid kyi phyir rnam par rtog pa'i rnam par shes pa'i yul ma yin no/ /de bzhin du dngos pho'i rang gi ngo bo gzhan yang yin no/ /brda byed pa'i nus pa med pa nyid kyi phyir/ /gdon mi za bar de'i yul can gyi nyams su myong ba'i rtog pa med pas kyang 'gyur ba yin no/ /ji ltar de de ltar yin pa de ltar phyis 'chad par 'gyur zhing /sngar yang bstan zin to/ /gzhan yang/ spyi brjod dang tshul can sgra dang/ khyad par brjod pa'i dang tshul can ma yin te/ khyad par ni tha snyad kyi dus na nye ba nyid ma yin pas tha snyad du byar mi rung ba nyid kyi phyir/ sgra 'god pa yang tha snyad kyi don can nyid yin pa'i phyir ro/ /de dang don gcig car rtogs na/ sgra gcig gi yul can rtog pa'i yin na'o/ /sgra'i yul gang yin pa de rtog pa'i yin te/ spyi'i yul can zhes bya ba'i don to/ /gang gi tshe mngon sum rtog pa dang bcas pa de'i tshe/ rnam par shes pa nyid rtog pa med pa nyid yod pa ma yin ba de ltar na rtog pa med ba med na ni /khyad par ji ltar rtogs pa yin te/ mi 'gyur ba nyid yin no/ /thams cad du spyi yan gar ba rtogs par 'gyur gyi /'ga' zhig gi tshe yang khyad par rtogs pa ma yin no zhes bya ba'i don to/ /de ltar ni 'gyur mod kyi gal te rtog med 'ga' zhig kyang/ yod na mngon
- 212a
sum ni rtog pa dang bcas pa nyid ma yin na /gang gis na rtog pa med pa'i phyir khyad par mi rtog par 'gyur /'on kyang mngon sum rtog pa mang po 'ga' zhig kyang yod pa ma yin pa de bas na khyad par rtogs bar 'gyur ro zhe na /gal de de lta yin pa de'i tshe ji ltar shes pa rtogs pa med pa gcig po rang gi rgyu las nus pa nges pa can mig la sogs pa'i rgyu ci 'dra ba las skye ba de 'dod pa de dang 'dra ba nyid kyi phyir/ gzhan thams cad kyang skye bar 'gyur ba de ltar na/ de dang mtshungs rgyu can /thams cad de bzhin rtog pa med pa nyid du yang 'gyur gyi/ 'ga' zhig rtog pa med pa dang /'ga' zhig rtog pa dang bcas pa yin no zhes bya ba ni ma yin no/ /'bras bdag nyid tha dad rgyu tha dad phyir ro/ 'di ltar rgyu'i rang bzhin nges pa laS? 'bras bu nges pa yin te/ ci 'dra ba las skye ba /ci 'dra ba gcig mthong ba de 'dra ba las skye ba gzhan yang de 'dra ba nyid du 'gyur ro/ /mi 'dra ba las 'byung ba mi 'dra ba yin no zhes bya ba 'di ni/ de 'dra ba dang de 'dra ba ma yin pa nyid la rigs pa yin no/ /de lta ma yin te/ rgyu med pa can nyid yin na yul la sogs pa'i nges par mi rung zhes mang du bshad zin to/ /'di'i phyir yang mngon sum rtog pa med pa nyid yin te /'di ltar brda dran phyir na sbyor ba ni/ /phyi rol don la ltos med can/ /don 'di'i sgra 'di brjod bar byed pa yin no zhes 'dir sgra dang don sbyor ba gang yin ba de ni phyi rol gyi don nye ba nyid la bltos pa med par 'gyur ro/ /ci'i phyir zhe na/ brda dran phyir// dran phyir te/ dran pa yang don nye ba la bltos pa ma yin gyi /'on kyang gang kho na sgra brdar byas pa de kho na la de dran bar byed ba yin la /ji ltar brdar byas ba'i sgra de dang de nyid sbyor bar byed do/ /dngos bo la yang brda byed pa
- 212b
ma yin pa de ltar /de la brda dbang po'i shes pas dran pa ma yin zhing /bdag nyid spyod par byed pa ma yin pa dang/ dran pha ma yin par 'gyur ba yul du ma byas pa'i sgra dang don sbyor bar byed pa ma yin no/ /sbyor ba ni gang la brda dran pa med pa de ni de dang don de sbyor bar byed pa ma yin te/ dper na nye ba'i ba lang dang bu'i 'brel pa mi dran pa lta bu'o/ /dbang po'i shes pas kyang sgra dang don dag gi brda dran pa ma yin no zhes bya ba ni rgyu mi dmigs pa'o/ /de bas na ji ltar rnam par rtog ba'i shes pas phyi rol gyi don nye ba la bltos med bar sbyor bar byed pa/ de bzhin brda la bltos med par /dngos nus nyid las don gyi nus pa nyid las/ mig blo yin /skye bar 'gyur ro zhes bya ba ni tshig gi lhag ma yin no/ /de ni 'gyur mod kyi /brda dang de 'dra ba la bltos pa med par dbang po'i shes pa gzugs 'dzin par byed par skye bar mi 'gyur ro/ /de lta yin na ni/ gal te ji ltar dbang blo yi gzugs brda dran la bltos can yin /gal te mig gi rnam par shes pa'i bya ba yin na/ gzugS brda dang dran pa la bltos pa nyid yin te/ bltos med nus pa ma yin na brda dang dran pa la bltos pa dbang po'i shes pa skyed pa la/ gzugs nus par 'gyur ro zhes bya ba'i don to/ /de'i tshe nus bar 'gyur gzugs 'di'o/ /gang la zhe na / dran ba nyid la'o/ /ci dang 'dra bar zhe na/ rtags bzhin du dper na rma bya'i sgra la sogs pa'i rtags 'brel pa dran pa la nye bar sbyor ba can yin gyi/ la la'i tshe dngos su rtags kyis shes pa skyed pa ma yin pa de dang 'dra bar ro/ /de ni de sngon phyogs skye phyir dran ba ni don la sngon du phyogs pa las skye ba'i phyi rol las dran pa de nyid du 'gyur gyi 'ga' zhig gi tshe yang dbang po'i blo'i yul 'gyur ba yang ma yin no/ /dran las dbang blo 'gyur ba 'am/ 'ga' zhig gi che yang
- 213a
min te/ mi 'gyur ro/ /dran pa las dbang po'i shes pa 'gyur bas gdon mi za bar bskyed par bya ba ma yin zhing/ 'ga' zhig gi tshe bskyed par 'gyur ro/ /gzhan yang gang gi tshe don las dngos dbang po'i blo mi skye ba de'i tshe/ dran ba de las dus gzhan la dbang po'i blo 'gyur ro/ /ci'i phyir zhe na /la lar rnam g.yeng srid phyir ro/ /don las dran pa skye ba na/ de ma thag pa'i yul gzhan la rnam par g.yang ba la sogs pas chong? pa srid pa'i phyir 'ga' zhig gi tshe skye bar mi 'gyur ba'am/ don mthong ba dran pas mtshams sbyor bas phyis kyang 'gyur te/ dran pa las phyis kyang dbang po'i shes pa'i skye par khyad par med pa'i phyir ro/ /de ltar ni 'gyur mod kyi /gal te rim gyis gnyis rgyu yin/ sngar gzugs kyi dbang po'i shes pa'i rgyur gyur pa'i dran pa bsgrubs nas phyis dbang po'i shes pa'i rgyu nyid du gyur pa yin no zhe na /de yang yod ba ma yin no/ /de ltar na gal te dran pa nye bar sbyor bas phyis gzugs la sogs pa'i don dbang po'i rgyur gyur pa'i tshe/ sngar nyid mngon du gyur pa nyid dbang po'i shes ba'i rgyur gyur pa'am phyis kyang ma yin no/ /ci'i phyir zhe na/ tha dad med phyir ro/ /de skad du don de sngar yang phyis bzhin du bltos pa med par dbang po'i shes pa skyed par byed pa'i rang bzhin yin pa'am ma yin grang na/ gal te sngar yang de de'i bzhin dang ldan pa de'i tshe/ phyis bzhin sngar yang skyed par 'gyur ro/ /ci ste de'i rang bzhin ma yin pa de ltar na ni sngar yang skyed par byed pa ma yin pa phyis kyang khyad par med ba'i phyir de 'ga' zhig gi tshe yang skyed par mi 'gyur zhes ston par 'gyur ro/ /de ltar ni 'gyur mod kyi /gal te skad cig gzhan blo rgyu skad gcig nyid ma yin na
- 213b
skyon 'dir 'gyur na/ gang gi tshe dngos po skad cig ma re rer gzhan dang gzhan 'gyur ba de'i tshe /skad cig ma dang po dran pa skyed par byed cing/ phyi ma'i dbang po shes pa skyed pa yin no zhe na /phyogs de la'ang don de dbang po'i shes pa'i rgyu nyid yin no don de la'ang dran pa don med can /dgos pa med pa yin no/ /ci'i phyir zhe na /'di ltar brda dran ji ltar brdar brtags pa/ grub pa'i don du 'dod pa dang /don gang la yang sgra btags pa de la sgra sbyor ba'i don yin par 'dogs pa yin no zhes brda dran pa de'i don can du 'dod na/ 'di ltar dran pa'i yul gyi don dbang po'i shes pas 'dzin pa ma yin no/ /'o na ci yin zhe na /de las dus gzhan du 'byung ba'i dang tshul can gzhan dran pas yul du byas pa de bas 'dir dran pa don med pa can du 'gyur ro/ /gzhan yang/ khyad par brda' btags med 'dzin na /rtag pa'i phyogs la yang gang kho na la brda btags pa de nyid sgra dang bcas pas bzung bar bya ba yin zhing/ khyad par la brda med pa'i phyir de brdar btags pa med pas khyad par de tha dad par gzung bar bya bar 'gyur te/ brda ma btags pa dbang po'i shes pa rtogs pa med pas 'dzin par 'gyur ro/ /yang na khyad par brda btags med 'dzin na zhes bya ba'i don ni skad cig ma dang po gang yin pa de dran pa skyed par byed par 'dod pa de la/ khyad par gyi ngo bo ma gzung ba la brda yod ba ma yin no/ /brda brtags pa med pa'i phyir /dran pas brdar ma btags pa nyid du gzung bar 'gyur ro zhes 'dod par 'gyur na de yang rigs pa ma yin no/ /yang na phyis 'byung ba'i skad cig ma gang yin pa dbang po'i shes pa skyed par 'dod na/ de la khyad par la sgra brda byas pa ma yin zhing /brdar ma byas pa'i phyir yang brdar ma btags pa'i don de
- 214a
'dzin pa de ltar na khyad par brda btags med 'dzin na zhes bya ba 'di yin no/ /de la dran pa 'dod gang can/ phyogs gnyis pa la gang gi yul can yin/ gsum pa la gang gi dgos pa can yin /gnyis yang ma yin no zhes bya ba'i don to/ /khyad par la sgra 'god pa ma yin gyi/ 'on kyang spyi la yin pa des na/ spyi tsam rtogs pa yin gyi khyad par ma yin no zhes bya ba'i rtog pa yang legs pa ma yin no/ /de ltar na spyi yan gar ba 'dzin pa ma yin no// 'o na ci yin zhe na/ khyad par yang 'dzin pa yin no/ /de ltar ma yin na/ /spyi tsam 'dzin pa yin na ni/ rnam par shes pa khyad bar la bltos mi rung ngo/ /de ltar na khyad par dang 'dres pa'i spyi 'dzin par 'dod par bya'o/ /de ltar na sgra'i yul ma yin pa'i khyad par 'dzin pa gang yin pa de ni brjod pa dang 'dres pa ma yin no/ /de phyir mig dang gzugs dag la/ mig kho na dang gzugs kho na la brten nas brda dran pa la bltos pa med par mig blo skye bar 'gyur zhes bya bar ni mjug bsdus pa'o/ /mngon sum rtog dang bral ba can zhes bya ba skabs su byas nas gang la rtog pa de dag med ces bya ba'i bar don gyi bshad pa yin no/ /'on te ci'i phyir gnyi ga la rag las pas skye ba la mngon sum ces rjod kyi/ yul la rten pa zhes ma yin zhes bya ba de nyid ni gal te zhes bya ba la sogs pas 'chad par byed do/ /gal te dngos su shes pa skyed pa la /dbang po'i bzhin du yul nus yin / ji ltar dbang po'i rnam par shes pa skyed pa'i rgyu mtshan yin pa de ltar gzugs kyang yin no/ /'o na ci phyir gnyis rag las /skye ba mig dang gzugs dag la rag las nas skye ba'o/ /rnam par shes pa de ni gzugs
- 214b
des mi brjod /ci tha snyad mi gdags zhes bya ba ni brgal ba'o/ /go bar byed pas zhes bya ba la sogs pas lan 'debs par de /'jig rten pa dgos pa med par don la tha snyad sbyor ba ma yin no/ /'o na ci yin zhe na /sgra 'di ni brjod par bya ba'i skabs su bab pa 'di la go bar byed pa'i nus pa nyid yod pa yin pa de ltar na/ go bar byed pa nyid mthong nas /tha snyad nges par sbyor bar byed /go bar byed pa de la dbang po'i shes pa ston par byed pa'i skabs su bab pa dbang po'i tha snyad yod/ de yi chos kyang nges sbyor byed /go bar byed pa khyab bar byed pas/ sgra nges par sbyor bar 'os pa la khyab par byed pa zhes bya ba'i don to/ /'dis ni sbyor ba'i don 'thad par byed pa yin no/ /gang gi phyir 'di ltar /de'i chos kyang des sbyor byed pa go bar byed pas khyab pa'i rgyu /de bas tha snyad 'di la ni/ go bar byed pa'i rang bzhin rtags ni nges par sbyar rang bzhin zhes bya ba'i rtags nges par sbyor ba de ldog par 'gyur ro/ /gang gi tshe zhe na /go bar byed pa khyab par byed pa'i rang bzhin ni log pa'i phyir ro/ /'di thams cad kyi ni sbyor ba'i khyab par bya ba dang khyab par byed pa'i ngo bo bstan to/ /de de ltar na go bar byed pa'i tha snyad kyis bshad pa yin gyi/ skabs su bab pa'i don rtogs par byed ba ma yin pa gzhan gyis ni ma yin no/ /'o na ji ltar rnam par shes pa lnga'i dmigs pa bsags pa yin pa de ltar na/ rnam par shes pa'i tshogs lnga ni bsags pa la dmigs can yin no zhes bya ba ni grub pa'i mdza' gang yin pa de gal te gcig tu rnam par rtog pa bshad pa yin gyi rung/ slob dpon dbyig gnyen gyis kyang mig gis gzung bar bya ba nyid la sogs ba skye mched kyi rang gi mtshan nyid de la rang gi mtshan gyi yul can de dag rnam bar shes pa tshogs lngar 'dod kyi rdzas kyi mtshan nyid la ni ma yin no zhes bya ba de dag ji ltar rang gi mtshan nyid
- 215a
kyi yul can yin/ spyi'i mtshan nyid kyi yul can kho na yin no zhes bshad par 'gyur ro/ /phyogs snga ma 'di gnyis kyi lan bshad par bzhed nas/ bsags pa dag ni zhes bya ba la sogs pa smos te/ bsags pa la dmigs pa zhes bya ba 'di la bsags pa'i sgras ni tshogs pa brjod do/ /tshogs pa de spyi la gal te spyi la dbang po'i blo 'jug par 'gyur ba de'i tshe rnam par rtog par 'gyur ro/ /de ltar na/ spyi blo gdon mi za bar yang/ rnam par rtog dang rjes su 'brel /de la rnam par rtog pa 'jug pa'i phyir ro/ /'di la skyon yod pa ma yin te /'di ltar don gzhan dang ni mngon 'brel phyir /rnam par shes pa skyed par byed ba'i nus pa'i rang bzhin skyed pa'i rkyen nye ba'i phyir/ // rdul phra rab nye bar len pa'i rgyu sngar nus pa med pa dag las rnam par shes pa skyed par byed pa'i nus pa /rdul phran gzhan gang skye 'gyur ba /de dag gzhan dang gzhan thag nye ba'i gnas skabs thob bar gyur ba'i so sor nus pa rnams bsags pa'i sgras bshad do/ /de bas na bsags pa dmigs pa zhes bshad do/ /de dag las rdul phran gyi nus pa skyed par gyur pa na/ de dag ni dbang po'i shes pa skye ba'i rgyu mtshan te/ rgyu yin no/ /bsags pa zhes pa spyir gyur ba tha dad pa 'am tha dad pa med pa cung zad yod pa ma yin na/ gang gis na bsags pa dmigs pa zhes bshad pa la phyogs snga ma'i skabs yod par 'gyur gang brjod pa/ skye mched kyi rang gi mtshan nyid la/ de dag gi rang gi mtshan nyid kyi yul can yin gyi/ rdzas kyi rang gi mtshan nyid ni ma yin no zhes bya ba 'di la yang/ rdul phran rnams kyi gang don gzhan dang 'brel pa las rnam par shes pa skye bar byed ba'i khyad bar skye bar 'gyur ba'i khyad par de yang gal?
- 215b
te yang de dag phan tshun nye bar 'gro ba la sogs pa la brten pa can bdag nyid ji lta ba bzhin du rgyud snga ma yongs su gyur pa las skye bar 'gyur ba de na yang /de yul chod ba med pa la sogs pa la gnas gnas na /rdul phran gzhan dag med par na /med par 'gyur te/ de 'dra ba ni skyed par byed pa'i rang bzhin can nyid ma yin pa'i phyir ro/ /de bas na/ de gcig des med phyir/ shes pa de ni rdul phran gyi rdzas kyi rnam par 'jog nges pa'i rang bzhin can ma yin pa nyid kyi phyir dang /de dag gi lhan cig ba'i nus pa rnams ni 'bras bu rnam par shes pa gcig skyed pa byed pa'i phyir shes pa mtshungs pa'i spyod yul can du bshad/ spyir de dag thams cad ni de'i spyod yul can yin gyi/ shes pa de re re la so sor nges pa ma yin te/ de dag thams cad kyi da ni thun mong gi 'bras bu yin no zhes bya ba'i don to/ /skye mched kyi spyi 'dzin pa'i phyir yang ma yin no/ /rdzas kyi rang gi mtshan nyid kyis ni ma yin no zhes bya ba 'dis kyang rdul phra rab kyi rdzas gcig gi des ba bsal bar lta ba'i phyir /nus paS 'phags pa'i spyi'i yul can nyid ma yin pa de ltar na 'gal ba med/ /de ltar ni 'gyur mod kyi /ci ste skye mched gcig nyid la yang /cig car du mar mi snang na/ 'bras bu dbang po'i rnam par shes pa gcig byed pas skye mched kyi ngo bo cig bzung du zin kyang/ rdzas du ma cig car mi 'dzin la/ 'on kyang rigs bzhin du yin pa de ltar na/ mang po rnams kyi 'bras bu thun mong pa nyid yin pa'i phyir spyi'i yul can nyid du 'dod pa ma yin no zhes /gal te cig car rdzas mang po 'dzin pa med pa de'i tshe til la sogs tha dad pa la ci'i phyir /cig car 'dzin par snang bar 'gyur /til dang yungs kar dang ma sha la sogs pa yul rnam par ched ba na gnas pa rnams rdzas gzhan cig rtsom pa med pa'i phyir /
- 216a
mang po de dag la yang ci'i phyir cig car 'dzin par 'gyur/ gal te rim bzhin du rdzas re re 'dzin pa yin na/ til dang yungs kar la sogs pa dang ldan pa'i rigs mi mthun pa dag kyang rdzas mi rtsom pa'i phyir/ tha dad par snang pa'i dang tshul can de dag la ji ltar cig car 'dzin par 'gyur/ da bas na gang zhig ji srid spyod yul du gyur pa de thams cad cig car bar gyur pa na/ mngon sum nyid yin pa de ltar na/ 'di la rigs pa ci zhig bya/ mthong ba go rim dang ldan pa yin na yang mthong ba myur bar 'jug pa la/ 'khrul pas go rim med par zhen pa phyin ci log gi yin no zhes bya ba rtog pa'i skabs yod pa ma yin no/ /de ltar na go rim bzhin du zhe na pa'i phyin ci log 'di la yang mgyogs pa bshad zin to/ /sngar bsal zin to/ /gzhan yang/ til la sogs pa rim bzhin 'byung can de dag la/ 'byung bar mtshungs pa nyid kyi phyir/ /rim bzhin 'dzin pa cis ma yin/ /cig ces bya ba nyid 'dzin pa yin te/ cig car gzung ngo zhes bya bar 'gyur na yang mi 'gyur ro/ /de'i phyir 'dir cig car rtogs pa'i rgyu ma yin no/ /dus mtshungs can blo thams cad kyi/ blo 'ga' zhig kyang dus yun ring du gnas pa med cing gzhan myur du 'jug pa can yin no/ /ngas na dus mtshungs pa can gyi myur du 'jug pa'i blo thams cad de las 'ga' zhig blo ni yul gyi khyad par thob pa'i phyir/ rim min snang ba dang yul la lar gzhan yang rim pa ldan pa ji ltar 'gyur/ gang gi tsho myong ba cig car snang ba'i rgyu yin pa de'i tshe myur ba de blo thams cad la khyad par med pa yin no/ /de'i phyir don kun 'dzin pa la/ myur ba'i phyir/ 'di ni rim min thal bar 'gyur ba'am/ des na mngon par 'dod pa'i yul la lar cig car mthong ba zhen pa gang yin pa de dag mgyogs pa khyad par med pa'i phyir ro/ /gal
- 216b
te rdzas du ma cig car mi 'dzin pa de'i ni/ phye ma leb khra la sogs gzugs/ rma bya dang stan khra bo la sogs pa'o/ /gcig ma yin pa ni sna tshogs pa ste/ sngon po la sogs pa'i ngo bo dag cig car ji ltar snang bar 'gyur te snang ba nyid du mi 'gyur/ de ltar ni 'gyur mod kyi/ gal te sna tshogs de gcig na/ de la rma bya'i mdongs la sogs pa la sngon po la sogs pa du ma cig car mi 'dzin no/ /'o na ci yin zhe na/ yan lag gi ngo bo sna tshogs gcig yin te /de mthong ba yin no zhe na/ de las 'di chos ngo mtshar che/ sna tshogs pa zhes bya ba ni ngo bo sna tshogs pa la brjod pa ma yin nam gang yang khyung sna tshogs pa zhes bya gcig yin no zhes brjod pa/ rma bya'i mdongs kyi ngo bo de las kyang 'di ches ngo mtshar che'o zhes byas pa yin no/ /'di ltar sna tshogs de gcig rang bzhin min/ dper na nor bu'i gzugs bzhin no/ /ji ltar na nor bu'i rigs tha dad pa rnams gcig tu spungs pa dag ni gzugs sna tshogs pa blo sna tshogs par snang bas gzung bar bya ba gcig ma yin pa de ltar rma bya la gnas pa'i sngon po la sogs pa'i ngo bo sna tshogs pa de gcig gi rang bzhin ma yin no/ /sbyor ba ni gang zhig sna tshogs pa yin pa de ni gcig gi rang bzhin ma yin te/ dper na rigs tha dad pa'i nor bu'i gzugs lta bu'o/ /rma bya'i mdongs kyi ngo bo yang sna tshogs pa'i rang bzhin ni no zhes bya ba ni khyab par byed pa 'gal ba dmigs pa'o/ /ras khra la sogs la sngo sogs/ rnam pa tha dad mtshungs pa yin/ /tshon sna tshogs kyis bsgyur pa'i snal ma rigs sna tshogs pa las bsgrubs pa'i ras dang stan la sogs pa la ji ltar na sngon po la sogs pa la/ ji ltar na sngon po la sogs pa'i kha dog rnam par phye nas 'di ni sngon po yin la/ 'di ni ser po yin no
- 217a
zhes gzugs gzhan la mi dmigs pa'i blos 'dzin cing rnam pa tha dad par 'dzin gyi/ de dag la gcig nyid du 'dzin pa de rigs pa ma yin pa de ltar rma bya'i mdongs la yang yin pas na rma bya'i mdongs la sogs pa ngo bo gcig gi rang bzhin ma yin no/ /sbyor ba ni gang dang gang sngon po la sogs pa tha dad pa'i sgo nas blos so sor rnam par phye nas gzung ba sna tshogs pa'i ? de ni gcig pa nyid ma yin te/ dper na mtshon rigs mi mthun pas nye bar bsgyur ba'i snal ma las bsgrubs pa'i ras khro bo'i ngo bo lta bu'o/ /rma bya la sogs pa'i gzugs kyang sngon po tha dad pa'i sgo nas blos rnam par phye nas gzung bar bya'o zhes bya ba ni khyab par byed pa 'gal ba dmigs pa'o/ /de la gal te yan lag gzugs/ de ltar 'ba' zhig snang 'gyur na/ 'di ni sngon po'o/ /'di ni ser po zhes bya ba la sogs rab tu rnam par phye nas/ rma bya'i mdongs 'dzin pa gang yin pa de yan lag gi ngo bo yin gyi/ yan lag can gyi ngo bo ni ma yin pa de ltar na gzhan 'dis gtan tshigs ma grub par smra'o/ /'di ltar sngo sogs zhes bya ba la sogs pas lan 'debs par byed de/ ji ltar yongs su mthong bar gyur pa'i/ sngo sogs bsal nas ni/ bor nas yan lag can gyi ngo bo gzhan rma bya mthong ngo ngo mtshar che/ sna tshogs pa ngo mtshar du gyur pa de ma mthong ngo zhes bya ba'i don to/ /'dis ni yan lag can gyi ngo bo med pa la rang bzhin mi dmigs pa bstan to// bcos ma dang bcos ma ma yin pa'i phye ma leb kyi ngo 'dzin pa'i dang tshul gyi blo skye ba gang yin pa de dag ni/ don gyi rnam pa dang/ dus mtshungs pa can nyid du nye bar mtshon cing nges pa dag las bcos ma ma yin pa'i phye ma leb ci 'dra ba'i blo rnam par
- 217b
phye nas sngon pa'i rnam pa can dang/ rim ma yin pa dang ldan pa mtshon par byed pa de 'dra ba mtshon? rnams la sogs pa rigs mi mthun pas byas pa bcos ma'i phye ma leb kyi ngo bo sna tshogs pa can nyid du mtshon pa yin no/ /de de ltar na don rnams dus mtshungs can nyid du/ mtshon par byed pa'i blo dag gi/ bcos pa'i phye ma leb la blo/ gcig ni rigs mi mthun pa'i rdzas rtsom par med pas yan lag can med pa nyid kyis mi 'dzin pa'i phyir rim ldan don sna tshogs/ yul sna tshogs pa can yin no/ /de 'dra ba nyid du gyur pa yin na/ bcos ma ma yin pa'i phye ma leb la/ gzhan ni rim min don gcig ci'i phyir 'dod/ gnyi ga la ni blo ni rim bzhin du yin pa dang ldan pa dang/ don sna tshogs pa can nyid du 'gyur ro sbyor ba ni gang la blo'i ngo bo sna tshogs pa can yin pa de ni sna tshogs pa yin te dper na bcos ma'i phye ma leb lta bu'o/ /bcos ma ma yin pa'i phye ma leb las kyang blo'i ngo bo sna tshogs pa yin no zhes bya ba ni rang bzhin gyis gtan tshigs so/ /gzhan yang/ blo rnam pa sna tshogs pa nyid gyi phyir/ dngos rnams sna tshogs ngo bo nyid/ sna tshogs pa nyid du grub par 'gyur ro/ /blo'i snang ba sna tshogs pa nyid de yang/ phye ma leb khra bo la yod pa yin pa de ltar na/ ci'i phyir 'di la sngon po la sogs pa sna tshogs pa ma yin/ ci ste yan lag min/ blo'i snang ba sna tshogs pa nyid kyi rgyun yin pa de'i tshe/ tha dad pa'i rgyun/ gang gis dngos po rnams kyi tha dad rnam par bzhag 'di grub sna tshogs pa nyid kyi rgyu ci yang yod pa ma yin no zhes bya ba'i don to/ /gal te sna tshogs pa zhes bya ba yan lag can gyi ngo bo gcig cig ? ma lab khra bo la sogs pa la sna tshogs pa'i rnam par 'dzin pa'i dang
- 218a
tshul can gyi shes pa'i rgyu yin gyi/ sngon po la sogs pa'i ngo bo sna tshogs pa can ma yin pa de'i tshe/ ri mo sogs bo sna tshogs mis sogs pa smos pa ni stan khra bo la sogs pa gzung ngo/ /blo sna tshogs pa can du mi 'gyur ro/ /ci'i phyir zhe na/ rigs mi mthun rnams rtsom med phyir/ sngon po la sogs pa gang la rigs mi mthun pa rnam pa sna tshogs pa yong ba de ni rigs mi mthun pa can no/ /rigs mi mthun pa can de dag ni? 'bras bu'i rdzas rtsom pa med pa'i phyir/ yan lag can yod pa ma yin no/ /de med pa'i phyir de la yan lag gi yon tan rnams kyang sna tshogs pa'i yan lag can gyi ngo bo gcig mi rtsom pa'i phyir /sna tshogs pa yan lag can gyi ngo bo gcig yod pa ma yin na/ gang gis na blo sna tshogs par 'gyur/ sngon po la sogs pa'i don yod pa gang yin pa de dag kyang so so re re sna tshogs pa'i ngo bo yod pa ma yin pa de ltar na rim la sogs pa la sna tshogs pa'i blo med pa nyid du 'gyur ro ri mo la sogs pa la yan lag can gyi ngo bo gcig yod pa ma yin no/ /'o na ci yin zhe na/ sngon po la sogs pa'i ldan pa sna tshogs pa yod pa yin zhing/ nges byas pa ni de'i blo yin no zhes bya ba'i rtog pa ni ma yin no/ /'di ltar ldan sna tshogs min no/ /ci'i phyir zhe na/ gzugs med phyir ro/ /ldan pa yon tan gyi bdag nyid la gzugs zhes bya ba'i yon tan gzhan yod pa ma yin te/ yon tan rnams la yon tan med pa nyid kyi phyir ro/ /gal te ji ltar yang sgra'i yul ldan pa sna tshogs pa'i ngo bo ma yin pa de ltar na yang/ phye ma leb? khra bo la sogs pa la yod pa'i yan lag can gyi ngo bo sna tshogs pa dang chos mthun pa can nyid yin pa'i phyir/ sna tshogs pa bzhin du sna tshogs pa nye bar
- 218b
btags nas bshad pa yin zhe na/ btags tsam rten ma yin/ ldan pa zhes bya bar sbyar ro/ /ldan pa nye bar btags pa'i yul ma yin no/ /de ltar de sna tshogs pa dang 'dra bas sna tshogs pa zhes brjod na/ 'di ltar phye ma lab la yan lag can gyi ngo bo khra bo yod pa ma yin no/ /yan lag so so re re la yang sna tshogs pa nyid nye bar btags pa'i rgyu cung zad kyang yod pa ma yin no/ /gal te gnyi ga yang ngo bo nyid tha dad pa nye bar btags pa'i rgyu yin no zhes na/ ma yin te phye ma leb khra bo'i gzugs la sna tshogs pa nyid med pa'i phyir dang/ ri mo la sogs pa la yang sna tshogs pa'i ngo bo med pa'i phyir ro/ /gzhan yang ri mo la sogs pa la ldan don gcig la 'phrod pa 'du ba'i phyir/ nye bar btags pa yin par 'gyur na/ de yang 'thad pa ma yin no// de ltar na gang la sngon po la sogs pa'i yan lag rnams la/ 'du ba dang ldan pa yin na yan lag de rnams so so la ngo bo sna tshogs pa'i ldan pa yod pa ma yin gyi/ 'on kyang sngon po la sogs pa'i rang rang gi ngo bo ste/ yod pa yin te/ re re sna tshogs yin phyir ro/ /don gcig la 'brel pa med pa'i phyir yang/ btags pa can gyi don rigs pa ma yin no/ /de ltar ni 'gyur med kyi/ ri mo la sogs pa'i sngon po la sogs pa'i yan lag rim bzhin du mthong ba skye zhing de ni sna tshogs pa'i ngo? bo gcig yin no zhes bsre bar byed pa'i blo tshogs pa skye bar 'gyur ro zhe na/ ri mo'i sngon po la sogs pa rim bzhin du ni bzung ba la'am/ sna tshogs blo yis ba sre min zhing/ blo sna tshogs pas bsre bar byed pa ma yin no/ /de ltar na de gsal bar snang ba nyid kyi phyir dbang po'i blo 'dod par bya ba yin na/ /dbang po'i blo de skye ba ma yin pa de ltar na yang gang gi don du mi 'dzin pa'i dang tshul can sre bar byed pa skye ba yin no zhes 'dod pa de'i tshe/ don du mi blo gcig gis 'dzin?
- 219a
pa thob ste/ du ma blo gcig gis 'dzin phyir ro/ /rgyu'i phyir /ci ste skye mched gcig nyid la yang/ cig car du ma mi snang na zhes bshad pa gang yin pa de nyams par 'gyur ro/ /de ltar na ji ltar yid kyi blo don du mi 'dzin pa'i ngang tshul can 'dzin pa'i ngang tshul can 'dzin pa yin pa de ltar na/ dbang po'i blo yang rang gi yul du mi 'dzin pa la 'gal ba ci yod/ de ltar ni gang de ni cir yang mi rung ngo/ /gang gi phyir 'di ltar ri mo la sogs pa'i sngon po la sogs pa la/ ngo bo sna tshogs pa can gcig med par yang sna tshogs pas snang ba can gyi blo gcig tu 'gyur ba de'i phyir don du ma can gyi blo gcig 'jug par 'gyur ba de ltar 'grub 'gyur ro/ /de bas na don du nas skyed par bya ba nyid yin pa'i phyir spyi'i spyod yul can gyi rnam par shes pa zhes bya ba yang ngo/ /gang gi tshe de lta yin pa de'i tshe/ de phyir yang don sna tshogs pa cig car 'dzin pa'i phyir yang blo rtog pa med pa 'grub bo/ /ji ltar byas nas she na/ re zhig 'dir rnam par rtog pa'i blo la gsal bar snang ba yod pa ma yin no zhes bshad do/ /de la gus pa med pas yang brjod par bya ste/ 'di ltar yang don gcig la ni rtog pa na/ de las gzhan pa'ang mthong bar 'gyur/ gang gi tshe sngon po la sogs pa'i don cig car mthong bar 'gyur ba la/ sngon po sngon po zhes rang gi ming dang 'brel ba'i sngon po gcig kho na 'dzin par byang pa de'i tshe yang/ de'i logs nas gnas pa'i don snang ba kho na de dus der rang gi ming dang sbyor bar byed pa yin te/ cig car ming dang rnam par rtog pa mi skye ba'i phyir ro/ /de ltar de dag la sgra dang ma 'dres pa nyid 'dzin pa'i phyir/ mngon sum rtog pa med pa grub pa yin no/ /sna tshogs snang can zhes bya ba la sogs pas gang zhig sna tshogs pa de ni
- 219b
gcig gi rang bzhin ma yin te zhes bya ba la sogs pa'i sbyor ba la ma nges par smra'o/ /sna tshogs snang ba can don rnams la/ rnam pa tha dad cing sna tshogs pa'i snang ba phye ma le ba khra bol sogs pa la 'byung ba can gyi yan lag gi ngo bo gang yin pa de rnams ni rnam pa sna tshogs pa nyid kyi sbyir? gal te gcig nyid gi rigs na/ de'i tshe/ re zhig blo de gcig nyid la/ /ji ltar du ma snang bar 'gyur/ /sna tshogs pa 'dzin pa'i dang tshul can gyi blo yang sna tshogs par snang ba nyid kyi phyir/ gcig nyid du mi 'gyur na 'dod pa de'i phyir ma nges pa yin no zhe na/ rnam pa de don dam par 'dod pa gang yin pa de la skyon 'di yin gyi/ de la ni ma yin te/ de ltar ma 'dod pa nyid kyi phyir ro zhes bstan pa'i phyir/ mkhas pa rnams kyis gang gsungs pa/ de ni dngos stobs 'ongs pa yin/ sangs rgyas bcom ldan 'das kyis so/ /ci zhig ce na/ gang de dngos po'i stobs las 'ongs pa'o/ /de gang zhe na/ ji ltar ji ltar don bsams pa/ gcig dang du ma'i rnam pa gang dag gis rigs pas dpyad pa na/ de ni da ltar rnam pa de dang de dang/ rnam par bral zhing stong par 'gyur te/ rang bzhin 'ga' zhig la yang rnam par mi gnas so zhes bya ba'i tha tshig go/ chos rnams bdag med par bstan par bzhed nas/ gzhan gyi sgo nas gcig la sna tshogs shes bya ba la sogs pa 'god par mdzod do/ /gal te blo gcig la sna tshogs de don dam par cir 'gyur/ don dam par blo sna tshogs pa nges dngos po yang sna tshogs par 'grub par 'gyur ro/ /de bzhin du bden? par 'gyur ro zhes bya ba ni 'dri ba po'i bsam pa'o/ /bstan bcos mdzad pas/ de'i blo yang mi 'gyur ro zhes bya ba smos te/ gcig dang sna tshogs pa zhes bya ba de ni 'gal ba yin no/ /gcig
- 220a
nyid yin na don dam par ngo bo sna tshogs pa ma yin pa yang rnam pa sna tshogs par snang ba/ don dam par de'i rnam pa de dag kyang yod pa ma yin no zhes nan gyis 'dod par bya ste/ gcig pa nyid nyams par thal ba'i phyir ro/ /gcig dang du ma nyid dag gis gnas pa'i rten don dam par rnam pa tha dad pa dang tha dad pa med pa ma gtogs par 'ga' zhig kyang yod pa ma yin no/ /de la gal te don dam par blo sna tshogs pa dang gcig yin par 'dod pa de'i tshe/ sna tshogs pa ma lus pa yang rdzas gcig tu 'gyur ro/ /de ltar na gcig car skye ba la sogs pa'i skyon yod do/ /de'i phyir gcig yin na yang rnam pa du ma can ma yin no/ /'on kyang gal te 'di bdag don 'dod na/ de'i ngo bo can ma yin par gyur pa bdag kyang/ de'i ngo bo'i sgo nas gsal ba gang yin pa de dang don dam par gnas pa de kho na nyid yin na de la bdag gi 'gog par byed pas/ ci zhig bya ji ltar 'gyur ro zhes bya ba dgongs so/ /gang gi phyir 'di ltar don gyi rnam pa so sor snang ba de kho na nyid ma yin pa de phyir don dang ste/ gzung bar bya ba nyid du 'dod pa dag dang/ shes pa la 'dzin pa nyid du 'dod pa yang /rags snang ma yin/ gar 'dir rags pa'i rnam par snang ba de phyi 'am nang na yod pa ma yin no/ /de ltar na rags par snang ba de gcig gam du mar grang na/ re shig /gcig la rags par snang bar snang ba ma yin te/ rags pa gcig nyid ni bkag pa nyid kyi phyir ro/ /gang la yod par 'gyur na/ yan lag can gyi ngo bo gcig po 'ga' zhig kyang yod pa ma yin no zhes sngar bsal zin to/ /de dag nyid rags pa'i rnam pa de lta bu'i mang po la yang /rdul phra rab kyi gzugs rnams la yod pa ma yin rdul phra rab re re la gang shes pa rags par? snang ba'i rnam pa yod pa ma yin no/ /tshogs pa la yang de'i
- 220b
ngo bo gcig yod pa ma yin na/ gang gis na rnam par shes pa 'dra bar 'gyur/ de ltar ni 'gyur mod kyi/ phyi rol gyi don ni med kyi rnam par shes pa nyid gnyis su snang ba can don dam par yod do zhe na/ de dang de yang rigs pa ma yin te/ 'di ltar/ nang gi yongs gcod nang gi bdag nyid gcig pu yongs su gcod pa 'dzin pa'i rnam pa nyams su myong ba nges pa yin no/ /cha 'di gang lag gzhan/ phyi rol bzhin du gnas pa yin/ byis pa rnams kyi dpyad na'o/ /phyi rol gyi don yod pa dang med kyang rung/ blo ngo bo gnyis pa can nyid yin gyi/ blo gcig la don dam par rnam pa gnyi ga rigs pa ma yin te/ gcig nyid nyams pa'i phyir ro/ /ci ste yang de gzung ba'i rnam par snang bar gyur ba/ blo'i snang ba ma yin pa de'i tshe/ blo'i yul gyi rnam pa ma yin pa de ltar na nyams su myong ba yod ba tsam las 'di'i shes pa 'di yin no zhes bya bar 'gyur bas na/ blo'i don dang 'dra bar 'dod par bya'o/ /de yang nang du 'dus pa na gzhan 'dra ba gcig yod pa ma yin pa de ltar na/ blo nyid blor snang ba can yin no/ /rnam par shes pa gcig gi chas gnas pa ma yin pa de ltar na/ don dam par de tha dad pa ma yin/ /de yang tha dad med can shes pa yin/ de'i yang 'di tha dad snang ba de bslang pa yin/ rab rib can la sogs pa'i shes pa bzhin no/ /shes pa ba dang/ nyid gcig pa de la gcig kyang 'dzin pa 'am gzung ba'i rnam pa/ med pa na nan gyis khas len par byed na/ gnyi ga dag kyang nyams par 'gyur/ gzung ba nyid dang 'dzin pa nyid phan tshun bltos nas de dag rnam par gzhag pa'i phyir/ ro/ /gang gi phyir 'di ltar shes pa la gnyi ga mi 'thad pa/ de phyir gnyi gas stong pa nyid shes pa de yi de nyid de nyid yin/ gzung ba dang 'dzin pa dang bral ba'o/ /de ni slang pa nyid yin na'ang /gang gi tshe rnam par shes pa la gzung ba dang
- 221a
'dzin pa'i rnam par med pa 'di tshe /de dag ste gzugs dang tshor ba la sogs pa yul dang yul can gyi rnam pa'i rten gyi sgo nas/ rnam par gzhag pa'i mtshan nyid can rnams /tha dad kyang sna tshogs pa nyid yin na yang bslad pa ste 'khrul pa yin no/ /ci'i phyir zhe na/ 'di ltar/ dngos rnams tha dad gnas pa 'di/ de tha dad rten dang tshul can/ gzung ba dang 'dzin pa tha dad ba pa'i rgyu can no/ /blo'i snang ba tha dad pa dang tha dad pa med pa ni/ dngos po rnams tha dad pa dang tha dad pa med par rnam par gnas pa'i rgyu can no/ /gal te ci yang ma yin pa de'i tshe dngos po rnams tha dad pa dang/ tha dad pa med pa gang las yin/ de bzhin du skye ba la sogs pa yod/ /de ltar na sngar dmigs par ma gyur pa phyis don gyi rnam pa 'dzin pa'i dang tshul can gyi dmigs pa skyes pa na/ de'i yul can gyi rtogs pa skye ba ni/ yang da lta bu'i rnam pa dmigs pa'i snang ba dang bral ba na/ 'gag pa zhes bya ba'i tha snyad byed par 'gyur ro/ /gang gi tshe gang gis dmigs pa dang gang dmigs pa de gnyi ga med pa'i phyir/ 'ga' zhig kyang dmigs pa ma yin te/ gzung pa dang 'dzin pa'i rnam pa seng pa'i phyir ro/ /de'i tshe skye ba la dmigs pa'i rten can ma yin pa de ltar na nges pa yin no/ /dngos po'i tha dang pa dang tha dad pa 'ba' zhig bslad pa yin par ma zad kyi mtshan nyid nyid stong pa nyid kyi phyir/ rang bzhin med pa yang yin no zhes bstan pa'i phyir/ gzung dang 'dzin pa'i rnam pa las zhes bya ba smos te/ cung zad yul can nyid du bstan pa ni mtshan nyin yin te/ dper na rnam par shes par byed pas na/ rnam par shes pa dang/ mtshan mar 'dzin pas na 'du shes dang/ nyams su myong bar byed pas na tshor ba zhes bya ba la sogs pa de lta bu la sogs pa'o/ /gzugs la
- 221b
sogs cung zad yul du gyur pa bdag nyid ji lta ba bzhin du mtshan nyid du rnam par bzhag pa de'i phyir/ yul dang yul can gzung ba dang 'dzin pa'i rnam par rjes su 'brel pa'i dang tshul can du 'byung ba yin no/ /gzung dang 'dzin pa'i rnam pa las/ /dngos po rnams kyi mtshan nyid gzhan nyid gzhan ni yod ma yin/ gzung ba 'dzin pa'i rnam pa'i 'brel pa ma gtogs pa'i mtshan yod pa ma yin te/ gzung pa dang 'dzin pa'i rnam pa de dag de kho na nyid ma yin pa de ltar na/ don dam pa'i mtshan nyid cung zad kyang yod pa ma yin no/ /de bas na mtshan nyid de rang bzhin gyi stong pa'i phyir ngo bo nyid kyis stong pa yin zhing/ mtshan nyid yin pa'i phyir rang bzhin med par rab tu bshad/ sangs rgyas bcom ldan 'das rnams kyis mtshan nyid yin pa'i phyir/ rang bzhin med par rab tu bshad/ mtshan nyid de lta bu'i rang bzhin nyid yin pa'i phyir ro/ /gzhan yang phyi rol gyi don khas len na yang chos thams cad mtshan nyid med pa can te 'di ltar/ phung po la sogs bye brag gi/ mtshan nyid gang yin pa de ni dper na/ spungs par gyur pa de ltar na spungs pa'i don ni phung po dang/ mched par byed pas na mched pa'i don to skye mched kyi don dang/ skyed par byed pa nyid kyis 'byung khungs kyi don ni khams kyi don lta bu'o/ /mtshan nyid de thams cad byed pa'i khyad par can te byed pa'i bye brag can no/ /byed pa de yang sgro btags pa yin te/ chos thams cad byed pa med pa'i phyir/ don dam par yod pa ma yin no/ /de ltar na byed pa de yang de nyid min rang bzhin med pa yin no/ /rgyus nges kyang dngos po de dag mtshan nyid bral mtshan nyid med pa can yin no/ /dngos po rnams rang bzhin med pa yin na yang/ bcom ldan 'das kyis/ gzugs la sogs pa'i mtshan nyid so so tha dad pa rnam par bzhag pa mdzad pa/ de ji ltar mthong ba nyid la brten nas mdzad pa de ltar na 'gal ba
- 222a
med pa bstan pa'i phyir/ ji lha'i rang rkyen la bltas nas zhes bya ba la sogs pa smos te/ bdag nyid ji lta ba bzhin du mthong ba so sor nges pa'i sgo nas/ gzugs la sogs pa la don dam pa bzhin du mthong bar byed pa'i rnam rig de bzhin min rnam par skye 'gyur ro/ /gang dag ce na/ ma rig pas bcom bdag nyid can/ /so so'i skye bo nyon mongs pa can ma yin pa'i mi shes pa ma spangs pa can gyi'o/ /'dis ni phyin ci log tu snang ba'i rgyu bstan to/ /phyin ci log pa'i rnam pa yang ci dang ci 'dra ba zhig ce na/ rab rib can sogs bzhin/ rab rib can la sogs pa bzhin du phyin ci log gi rnam par rtog pa'i rnam pa skye'o/ /gal te rnam par rig pa phyi rol gyi don la bltos pa med pa yin na/ ci'i phyir yul nges pa la sogs pa'i sgo nas 'jug par 'gyur zhe na/ ji lta'i rang rkyen la bltos nas zhes bya ba smos te/ ltos bar byed pas na bltos pa ste bltos ba de'i phyir ro/ /rkyen gyi bdag nyid ji lta ba bzhin la bltos nas zhes bya ba'i don to// phyi rol gyi don la bltos pa med na yang rnam par rig pa rang dbang gis 'jug pa yin no/ /'o na ci yin zhe na rnam par rig pa la la'i rgyu'i yongs su gyur pa 'ga' zhig skye ba'i rgyu mtshan yin no/ /de ltar na rkyen gyi bdag nyid ji ltar nye ba bzhin du rnam pa 'ga' zhig skye bar zhes ston par byed do/ /phyin ci log 'khrul pa de yang rnam pa thams cad du sa bon med pa ma yin med kyi/ 'on kyang sa bon 'di nyid ces bstan par mi nus kyi/ sems dang sems las byung ba dang mtshungs pa'i ngo bo can nyid yin pa'i phyir ro/ /gal te bstan par mi nus pa'i rang bzhin du ji ltar yod pa yin zhen /gal te de med par 'gyur ba de'i tshe/ med par khyad par med pa'i phyir ji ltar rmi lam na dmigs pa'i skyes bu rnams kyi rmi lam na
- 222b
dmigs pa de ltar sad pa na yang/ skye ba dang 'chi ba la sogs pa'i tha snyad thams cad 'jug par 'gyur te/ skyes bu mthong ba ngo bo bzhin no/ /med pa 'di dag la bye brag ci yod de/ mo gsham gyi bu la sogs pa gtan nas med pa'i ngo bo yang skye ba dang 'chi bar 'gyur te/ mngon par 'dod pa'i skyes bu bzhin nam 'di yang ma yin te/ bye brag med da'i phyir ro/ /de ltar na 'khrul pa sa bon med pa ni phyin ci log tu snang ba can yang 'jug par mi 'gyur ro/ /da ni de nyid rigs can min/ gang dag gis she na/ mchog mthong min pa thams cad kyis/ sangs rgyas las gzhan pa bzung ba dang 'dzin pas bslad pa'i gnas skabs can dag gis te/ sangs rgyas kho nas nyid mkhyen gyis gzhan gyis ni ma yin no/ /sangs rgyas bcom ldan 'das kyis phyin ci log gi rnam pa nyid rnam par phye ba can nyid yin na yang ji ltar mthong ba bzhin du rnam par bzhag par na zad pa/ de ltar na zhen pa mnga' ba'i rgyu bstan pa yin no/ /mchog mthong ba ma yin pas de nyid rig pa ma yin na/ gzung ba zhes bya ba la sogs smras pa la/ mchog mthong ba ma yin pa de rnams 'dzin pa'i bslad pa bdag med par med phyir ro/ /rtag tu gzung ba dang 'dzin pa'i rnam pa nges? bslad pa nyid kyi phyir ro/ /mthong ba bslad pa de 'dra ba ni mchog dang khyad par du 'phags pa ma yin no/ /de dag la gnyis kyis dben pa mchog mthong ba yang yod pa ma yin na gang gis na de kho na nyid de shes par 'gyur te/ gnyis kyi bag chags rtsa nas bton pa med pa nyid kyi phyir ro/ /gang gi tshe de dag gis gnyis kyis dben pa mthong bar 'gyur pa de'i tshe de kho na nyid de mthong bar 'gyur te/ 'di gnyis kyis dben pa'i mtshan nyid can yin pa'i phyir ro/ /des te 'di phyir/ de nyid don btang snyoms can de kho na nyid kyi don mtshan nyid dang bral ba btang snyoms su mdzad pa can/ sangs rgyas bcom
- 223a
ldan 'das gang yin pa de dag gis /glang chen gzigs stangs mdzad nas/ /glang chen bzhin du don gyis de kho na nyid gzigs su zin kyang bdag nyid kyis mi gzigs pa ltar stan pa/ 'jig rten thugs ni 'ba' zhig gis /phyi rol spyod la 'jug par mdzad/ ji ltar 'jig rten snang bar gyur ba'i don la mngon par zhen pa'i snang ba de'i dor mdzad mas ji ltar snang ba nyid rtogs par gyis shig /ji ltar snang ba las bzlog pa la 'dzin par ma byed cig ces phyi dang nang gi dngos po rnams kyi mtshan nyid rnam par bzhag pa la 'jug par mdzad pa yin no/ /de ltar rnam par bzhag pa yang/ de don du gnyer ba la ril bor 'dzin pa la sogs pa bzlog pa'i thabs su bstan par 'gyur pa de gnas pa yin no// // tshad ma rnam 'grel gyi 'grel pa/ bam po nyi shu dgu pa/ /ji ltar sna tshogs su snang ba'i ngang tshul can gyi blo yang ji ltar na gcig yin zhes bya ba de gnas pa yin no/ /de ltar na gzugs sna tshogs pa dang blo sna tshogs pa dag kyang skyon mtshungs pa nyid yin na yang/ rnam pa gang gis blo gcig yin par shes pa sngon sogs pa smos te/ shes pa gtan tshigs ma nges pa yang ma yin no zhes bstan pa'i phyir/ shes pa sngon sogs pa smos te/ shes pa sna tshogs pa la/ sngo sna tshogs snang bar 'gyur ba gang yin pa/ shes khyad par yin shes pa'i bye brag yin te nyams su myong bdag nyid du gyur pa zhes bya ba'i don to/ /de nyid gcig yin gyi/ gzhan rten min shes pa'i rang bzhin nyid yin pa'i phyir shes pa nyid bzhin du don gzhan la brten pa ma yin/ /sna tshogs par mthong ba der snang ba'i dang tshul can de 'dra bar gyur ba de de las gzhan pa'i ser po la sogs pa'i snang ba dang tha dad pa yan gar ba mthong nus ma yin te/ deng
- 223b
snang ba na de las gzhan pa shes pa gcig gi bdag nyid can thams cad kyang nges par snang ba'i phyir dang/ gcig gi snang bas kyang gzhan yang mi snang ba'i phyir ro/ /'di ltar gang gi tshe 'jal bar byed pas/ de la ni sngon po la sogs pa'i rnam pa de las gzhan pa ser po la sogs pa dag las sngon po'o/ /'di ser po'i zhes shes pa gzhan gyis ba byed par byed pa de'i tshe/ rnam pa de lta de ltar/ 'byed byed pa na shes pa de tshol bar byed pa ma yin te/ de ni de'i ngo bo ma yin pa'i phyir ro/ /'o na ci yin zhe na/ don la 'jug par 'gyur/ don nyid la de'i shes pa 'jug par byed par 'gyur ro zhes bya ba'i don to/ /de bas na rnam pa gcig snang bar 'gyur ba na yang/ thams cad pa 'am cung zhig yin pa de ltar na/ shes pa la sngon po la sogs pa'i snang ba tha dad par byed nus pa ma yin no/ /de bzhin du phyi rol gyi don sna tshogs pa ma yin no/ /de ltar na sngon po la sogs pa gcig tshod pa na yang /gzhan la 'jug pa nyid mthong ba'i phyir don yang cig car ram so so nas 'dzin par 'gyur na shes pa ni de ltar 'dzin pa ma yin no/ /'di ltar shes pa ji ltar sdang gang yin /de ni de ltar nyams myong 'gyur/ rnam pa 'ga' zhig kyang/ de las gzhan pa'i rnam pa 'gags byed pa yod na yang ma yin no/ /de ltar gcig ngo bor 'gyur /gcig nyid du 'gyur ro/ /sems ni sna tshogs pa mthong ba'o/ /rnam pa ni sna tshogs pa ste nyams su myong ba'i ngo bo sna tshogs par snang ba'o/ /de'i phyir gang sna tshogs pa rnam par phyi bas nus pa can de ni gcig gi rang bzhin ma yin no zhes bya gtan tshigs khyad par dang bcas pa yin pa de bas na mi mthun pa'i phyogs la zhugs pa med pas/ ma nges pa ma yin no zhes bya bar dgongs so/ /blo sna tshogs pa'i rnam par 'dzin pa bzhin du rnam par
- 224a
'byed pa ma yin na yang/ rma bya la sogs pa sna tshogs pa der 'dzin pa yin te/ de la sngon po la sogs pa so so tha dad par 'dzin pa'i phyir ro/ /des na phyi rol sna tshogs pa'i rang bzhin nyid yin gyi/ blo yi ni ma yin te/ de'i snang ba sna tshogs nyid yin na/ phan tshun tha dad pa 'dzin pa'i phyir ro/ /phyi rol gyi ras dang rma bya la sogs pa de a yang sngon po la sogs pa re re chod pa na/ gzhan mchod pa tha dad par 'dzin pa'i gang yin pa de yang/ yan lag rnams kyi gzugs yin gyi/ yan lag can gyi ma yin na gang gis sna tshogs pa nyid du 'gyur/ de'i phyir ras dang rma bya la sogs pa'i yan lag can gyi ngo bo gcig yin no zhe na/ gal te de ltar ras la sogs pa'i ngo bo gcig yin pa de'i tshe/ ras sogs ni gcig yin na/ khas len na de ltar tha dad med par 'gyur/ /de ltar 'gyur zhes bya ba ni blo la yod pa'i rnam pa sna tshogs pa'i rnam pa bzhin du 'gyur ro/ /re zhig yan lag chod pa can gyi yan lag can gyi ngo bo 'dzin pa'i blo yang tha dad pa med par 'gyur te/ sna tshogs pa'i ngo bo snang ba ma tshad pa med pa can du 'gyur ro zhes bya ba'i don yin no/ 'gyur ba yang ma yin pa de bas na/ de gcig nyid ma yin no/ /yan lag gi ngo bo de dang de tha dad par gzung bshad pa ma yin nam zhe na/ gal te de ltar yin pa de'i tshe yan lag rnams gzung bar gyur pa na/ ji ltar blo yan lag gi ngo bo snang ba de ltar yan lag can gyi ngo bo yang tha dad par rang gi ngo bo'i sgo nas gzung bar 'gyur ro/ /'di ltar tha dad can ni/ gzugs sogs pa yan lag gi ngo bo rnams rnam phye bas/ blos tha dad par byas pa ste/ bor na zhes pa'i don to/ /tha dad med can ni yan lag gyi ngo bo las tha dad pa'o/ /'dis ni de med pa la rang
- 224b
bzhin mi dmigs pa bstan to/ /gzhan gyis ji ltar dbang po las 'das pa'i rdul phra rab so so tha dad pa mthong ba'i lam du mi 'gyur ba de ltar bsags pa na yang de dag nyid yin pas ba dagni ci zhig yod/ gang gis na yan lag can rtogs par byed/ kyang mthong bar mi 'gyur ro zhes brjod pa gang yin pa 'di la yang rdul phra rab so so tha dad pa la nus pa med na yang/ gal te so so re re phan tshun nye bar 'gro ba la sogs pa'i rkyen las gzhan dang gzhan las/ skyes phul byung bar gyur pa na/ mang po blo'i rgyu ni 'gyur ba la/ de'i tshe 'gal ba dag ni ci zhig yod/ gang gis na yan lag can rtogs par byed/ ci dad 'dra bar zhe na/ dbang po la sogs bzhin/ dper na bdag dang dbang po dang yid la sogs pa so so tha dad pa 'bras bu rnam par shes pa skyed par byed pa ma yin pa/ phyin phan tshun tshogs nas de skyed par byed pa de bzhin no/ /de ltar ni 'gyur mod kyi/ rdul phra rab rnams rgyu nyid yin pas bzlog pa yin te/ sngar dbang po las 'das phyis kyang yul du mi 'gyur ro zhe na/ de ni rgyu'i dngos po ma gtogs par gzhan gzung ba zhes bya gzhan ci yang med/ de ltar na rgyur gyur pa'i don de la gang gi rnam can blo/ don gang gi ngo bo'i rjes su byed pa'i blo de'i/ gzugs de ni gzung bar brjod/ /nyid ltar rnam par 'jog par nus pa rgyu nyid ni yul yin no/ /du ba cig car gzung ba ma yin no zhes bshad pa gang yin pa de yang cig car du ma 'dzin pa ma yin na/ ji ltar rang gi yan lag bcas/ cig car yan lag can bzung yin/ /'di yang du ma nyid yin pa'i phyir gzung ba ma yin na/ gzung ba yang yin te/ 'di ltar lkog shal la sogs mthong med par ni/ ba lang shes pa mthong ba med/ lkog shal la sogs pa yan lag rnams
- 225a
gzung ba med par ba lang mthong ba yod pa ma yin pa de ltar na du ma gzung ba nyid yin no/ /de ltar ni 'gyur mod kyi/ gal te yon tan gtso bo dag/ cig car 'dzin par 'dod na yang/ phan tshun khyad par med par gyur ba rdzas du ma 'dzin pa mi 'dod pa yon tan dang gtso bor gyur pa'i du ma yang ma yin no/ /lkog shal la sogs pa'i yan lag ni ba lang gi rdzas kyi khyad par du gyur pa yin pas na de dag lhan cig 'dzin pa'i rigs pa yin pa de ltar rdul phran ma yin pa'i phyir de dag lhan cig 'dzin par rigs pa ma yin no zhe na/ gal te de ltar yin na gang gi tshe/ yan lag khyad par can du gyur pa gcig nyid kyis skyes bus/ ji ltar rwa can dang lkog shal dang ldan pa yin no zhes shes par 'gyur pa de'i tshe khyad par du ma'i 'brel pa'i nges pa cig car byed par mi nus pa nyid kyi phyir/ yan lag khyad par du gyur pa gcig nyid 'dzin par 'gyur gyi/ lhag ma dag ni ma yin te yan lag rdzogs can de las gzhan pa'i yan lag dang lhan cig mi 'dzin to/ /de ltar na yan lag de dag phan tshun khyad par can gyi gzhi'i dngos po ma yin zhing yan lag can yang/ yan lag re re rnam grangs kyi khyad par du nye bar gnas pa yin pa de ltar na/ gcig po de dang lhan cig 'dzin pa yin gyi/ de las gzhan pa'i yan lag dang lhan cig ni ma yin no/ /yon tan la sogs lhan cig cir yang 'dzin pa yin te/ yon tan ni rna ba la sogs pa'i yon tan gang yin pa'i sngon po la sogs pa'i ngo bo yin la/ spyi ni rda ba nyid la sogs pa'o/ /las ni g.yo 'gul la sogs pa ni/ khyad par de ni rdzas ma yin pa de ltar na de dang lhan cig 'dzin pa ma yin no/ /yan lag rnams la yon tan la sogs
- 225b
pa'i rdzas 'du ba dang ldan pa yin pa de ltar na/ don gcig la mngon par 'brel pas 'dzin pa yin na/ gang 'ga' zhig gis 'ga' zhig 'dzin par 'gyur te/ brgyud pas 'brel pa rtog pa thams cad thams cad dang lhan cig 'brel pa 'ga' zhig yod pa'i phyir ro/ /khyad par dang ni khyad par gzhi zhes bya ba la sogs pas yan lag rdzogs pa can gyi yan lag can 'dzin pa ma yin no zhes bya ba de'i gzhung 'dzugs par byed do/ /khyad par ram khyad par gyi gzhi'i rnam par bzhag pa ma yin no/ /'o na ci yin zhe na/ gang gi che brjod par 'dod pa'i gzhan dbang khyad par nyid dam khyad par gyi gzhi nyid du brjod par 'dod pa gang yin pa de'i tshe khyad par dang khyad par gyi gzhir 'gyur te 'di lta ste dper na ba lang gi rdzas kyi khyad par ni rwa yin pa lta bu'o/ /de'i tshe ba lang rwa can yin no/ /gang gi tshe rwa can 'di nyid khyad par yin pa de'i tshe /ba lang gi rwa yin pa de ltar na rwa nyid gtso bo yin gyi/ ba lang gi rdzas ni phan pa yin no/ /de ltar na khyad par dang khyad par gzhi/ brjod pa'i gzhan dbang phyir/ yan lag nyid du gzung ba gang/ gang kho na'i khyad par nyid du gang/ de yang de nyid kyi gzung 'gyur/ khyad par can gzung bar 'gyur ba de ltar khyad par dang khyad par gyi gzhi 'dzin par 'gyur gyi/ gzhan ma yin pas na yan lag lhag ma rtogs pa med pa'i phyir/ ba lang ma rdzogs pa nyid mthong bar 'gyur ro/ /gang gi cig car du ma mi 'dzin pa de'i tshe/ gzhan dang gzhan mthong ba'i yang/ bum pa la sogs pa'i dngos po la cig car skyes bu'i blo gcig 'gyur/ bum pa mthong ba na yang snam bu la sogs par shes par 'gyur ro/ /de ltar na khyed kyis bum pa la sogs opa'i rdzas kyi rang bzhin nyid las snam bu la sogs pa tha dad par 'dod par mi 'gyur te/ dngos po
- 226a
tsam gyis 'byung ba'i ngang tshul can gyi shes pa khas mi len pa'i phyir ro/ /ched ces ces bya pa'i yon tan nam/ spyi la sogs pa tha dad par byed pa ni blo tha dad ba'i rgyu mtshan yin ba'i phyir ro/ /re zhig dngos po rang nyid ni dngos po gzhan las tha dad pa ma yin te/ dngos po ni dngos po gzhan dang tha dad med phyir/ rgyu'i phyir blo tha dad pa ma yin no/ /yon tan la sogs pa tha dad pa med par 'gyur na/ yon tan la sogs pa tha dad pa'ang 'dzin pa ma yin te/ cig car don du ma rtogs par thal bas 'dzin pa phyir ro/ /de'i phyir gzhan dang gzhan mthong ba na yang blo gcig tu 'gyur ro/ /de ltar ni 'gyur mod kyi/ gal te yon tan sogs tha dang/ 'dzin na sna tshogs nyid rtogs 'gyur/ /sngar rdzes? 'ba' zhig mthong zhing dus phyis yon tan dang spyi la sogs pa rdzas tha dad pa'i 'phrod pa 'du ba can yang yin pa de'i phyir sna tshogs pa nyid rtogs par 'gyur na/ spyil sogs pa tha dad pa gcig la 'brel ba ma yin ba'i phyir nges khyad par can du byas pa'i rdzas tha dad par gyur pa de ltar na/ de dag la rtogs pa tha dad par 'gyur ro/ /ji skad du bshad pa rnam pa tha dad pas rtogs pa tha dad pa nyid yin par bla ste/ de lta na yang/ de'i 'brel pa can na 'chol bar 'gyur/ snam? bu la sogs ba'i rdzas rnams kyi 'brel pa can yon tan la sogs pa gang yin pa de dag gi 'brel pa can rnams 'chol pang 'gyur? te/ spyi la sogs pa gzhan gyi sgo? nas rdzas kyi khyad par gzhan nyid 'dzin par 'gyur zhes bya ba'i don to/ /de ltar na yon tan la sogs pa 'ba' zhig 'dzin pa yin gyi/ rten dang bcas pa ni ma yin te/ cig car don du ma 'dzin par thal ba'i phyir ro/ /ji ltar gzung ba'i rdzas la 'du ba dang
- 226b
ldan pa nyid kyi spyi la sogs pa'i gdon mi zar 'dzin pa ma yin te/ rdzas mang po mthong ba ni rnam par g.yengs pa las gzhan yang mthong ba'i phyir ro/ /spyi la sogs ba'i khyad par gyis kyang rdzas khyad par can gzhan shes pa'i phyir rnam par nges pa ma yin pa de ltar na 'brel pa can 'chol pa yin no/ /grangs can gang gis kyang sgra la sogs pa ngo bo gcig tu 'dod pI de'i sgra dang/ sgra la sogs pa de dag ni snying stobs la sogs ba'i bdag nyid kyis du ma nyid yin phyir/ cig car du ma 'dzin pa grub ci'i phyir zhe na/ bde ba la sogs pa'i bkod pa can rnams mi 'dzin na/ bde ba la sogs pa bkod pa ste/ sgra la sogs pa 'dzin pa mi rung phyir/ bkod pa 'dzin pa na bkod pa can yang 'dzin pa yin no/ /sbyor ba ni gang zhig gang gi bkod pa 'dzin pa de ni de'i bkod pa can yang 'dzin pa yin te/ sor mo bkod ba'i mtshan nyid can gyi khu tshur 'dzin pa na sor mo 'dzin pha lta bu'o/ /skyes bu 'di'i yang rnam pa la sogs pas kyang bde ba la sogs pa'i ngo bo can kyi sgra la sogs pa 'dzin pa yin no zhes rang bzhin gyi gtan tshigs so/ /thams cad las kyang zhes bya ba la sogs pas chos can du ma'i ngo bo dbang po las rnam pa thams cad du rtogs pa ma yin no zhes bya ba de 'chad par byed do// chos can cha med pa gcig ni rang bzhin tha dad pa ma yin te/ 'on kyang thams cad las kyang ldog chos can khams gsum las khyad par can du gyur ba'i rang bzhin bum pa ngo bo nyid gang dang gang las snam bu la sogs pa gzhan gyi ngo bo las ldog de las/ tha dad rtag pa'i tha dad can/ de ni snam bu la sogs pa ldog ba'i yul de las tha dad pa ni de las tha dad pa'o/ /du ma'i ngo bo gang la des rtogs shing khong du chud pa'i tha dad pa yod pa de la de skad ces bya'o
- 227a
gang dang gang las ldog pa de dang de las tha dad pa la bltos nas/ snam bu ma yin pa nyid la sogs ba'i chos su sgro btags pa de tsam rtogs par 'gyur gyi/ bum ba la sogs pa'i mtshan nyid can gyi chos can de don dam par cha dang ldan pa ma yin no/ /ngo bo tha dad ste chos can gyi chos tha dad pa'o/ /brtags pa yin na rnam par rtog pa'i rnam par shes ba'i spyod yul yin gyi/ rnam par rtog pa med pa'i sems kyis spyod yul ma yin no/ /de dag ci 'dra ba yin zhing ? dbang po'i shes pa ci 'dra ba'i spyod yul ma yin zhe na/ de 'ga' 'byung ba sna tshogs min/ sna tshogs snang ba zhes bya ba smos te/ chos can gcig la yang shes bya nyid la sogs ba'i chos de dag tha snyad rnam pa sna tshogs pa'i yan lag btags pa de rnam par rtog ba'i rnam par shes pa tha snyad kyi ngo bo sna tshogs pa la 'jug par nus ba'i yul yin zhes 'dod kyi/ dbang po'i shes pa la snang ba ni ma yin no zhes bstan par 'gyur ro/ /dbang po'i shes pa sna tshogs pa ma yin pa de ni chos can gcig gi ngo bor nges pa'i rang gi ngo bor 'dzin pa can yin no/ /de bas na sna tshogs pa ma yin ba'i sna tshogs pa de dag ji ltar yul du 'gyur zhes bya ba sna tshogs min zhes bya ba 'dis bshad do/ /res 'ga' 'byung ba zhes bya bas ni 'di skad du gal te shes bya nyid la sogs pa'i chos tha dad pa brtags pa'i de dag dbang po'i shes pa yul du 'gyur pa de'i tshe phyi rol gyi don nye ba la bltos pa med par rnam par rtog ba'i rnam par shes pa bzhin du rang dbang du 'jug par 'gyur ro zhes bstan par 'gyur ro/ /des ni spyi dngos por yod pa bkag pa yin no/ /gal te yang dkar po nyid la sogs spyi'i 'dra ba khyed cag gis brjod pa de lta na yang rnam par rtog pa med pa'i
- 227b
spyod yul min zhes bya bar sbyar ro/ /ci'i phyir zhe na/ dbang po'i spyod yul yod ba'i don gang yin bde ni skra yis brjod bya min/ bdag nyid rang gis rigs pa gang yin pa de ni dbang po'i spyod yul rang rig pa gang yin pa de ni bstan par mi nus so/ /ci'i phyir zhe na shes ba'i ngo bo tha snyad phyir/ sgra las byung ba'i shes pa gang yin pa dang dbang po'i shes pa gang yin pa yin pa 'di gnyis snang ba tha dad pa yin zhing/ sgra las byung ba'i shes pa la mi snang ba gang yin pa de ni sgra'i don ma yin no/ /de'i phyir dkar po nyid la soD pa ni shes pa ngo bo tha dad pa can gyis gzung bar bya ba nyid yin pa'i phyir/ dbang po'i shes pa'i yul ma yin bar bstan te/ /sbyor ba ni gang zhig gang las shes pa'i ngo bo tha dad pa can gyis gzung bar bya ba de ni de nyid ma yin te/ dper na gangs can mi rta las shes pa'i ngo bo tha dad pa can gyis gzung ba yin pa lta bu'o/ /skra'i yul dkar po nyid la sogs pa yang dpang po'i yul las shes pa'i ngo bo tha dad pa can gyis gzungs bya ba yin na zhes bya ba ni khyab par byed pa 'gal ba dmigs pa'o/ /de ltar ni 'gyur mod kyi/ gal te don gcig nyid yin na'o/ /blo rnam pa sna tshogs rten can nyid/ /sgra las byung ba'i shes pa gang yin pa de dang dbang po'i blo gang yin pa 'di gnyis kyi dkar bo nyid la sogs pa'i yul nyid gcig yin la/ gcig nyid yin na yang dbang pa'i blo'i rten mig la sogs pa yin zhing/ gzhan gyi yin nyid yin pa de ltar ma rten tha dad pa'i phyir snang ba de tha dad pa yin no zhe na/ gal te yul gcig na yang/ rten tha dad pa'i phyir snod pa tha dad bde'i tshe/ rna ba la sogs sems/ rna ba la sogs pa'i rten tha dad pa'i sgo nas skye ba de ni/ tha dad don can de gang las/ ma yin pa kho na'o/ /'dir yang rna ba'i shes pa la sogs pa'i yul gcig nyid yin zhing/ snang ba tha dang pa ni nyan tha dad
- 228a
pa'i phyir ro zhes brjod par nus so/ /rnam pa 'ga' zhig gis rjes su byed pa'i phyir sgra las byung pa'i yul nyid ni gcig yin gyi/ rna ba la sogs pa'i shes pa'i ni ma yin no zhes bya ba ni log pa yin te/ de ltar 'di la yang shes bya nyid la sogs pa'i rjes su byed pa 'dra ba rtogs par byed na gang gis bzlog /gzhan yang sems kyi ste shes pa'i rten ni gzhan dang gzhan skye ba yin na gzhan dang gzhan yin pa de lta na yang shes bya'i dngos bo gcig de nyid du 'gyur na/ ci gzugs de tha dad/ rnam par snang ba can gang las/ gang gis na dbang po'i shes pa la ngo bo gcig gsal bar 'gyur zhing/ gzhan ni sgra las byung ba yin te/ de ltar na blo snang ba tha dad pa dang/ don ni rnam pa gcig can nyid yin pa'i phyir rang nyid 'dzin pa'i ngang tshul can gyi shes pa la snang ba'i ngo bo gcig nyid du 'gyur ba de'i phyir spyi ni dbang po'i shes pa dang sgra las byung bas gzung ba ma yin te/ de dag ni rnam ba tha dad pa can nyid yin ba'i phyir ro/ /gsal? te sgra las byung ba dang dbang po'i shes pa dag gi yul gcig ma yin na/ rwa la sogs pa dang ldan pa'i don gang yin pa de ba lang zhes ji ltar sgra las byung bas rtogs ba gang yin pa'i gsal ba'i bye brag skyes bus mthong bar gyur pa gang yin pa 'di ngas thos pa de ni ba lang 'di yin no zhes bya bar ji ltar 'gyur/ /de'i phyir sgra dang dbang po'i shes pa'i yul gcig yin no zhes bya ba'i rtog pa gang yin pa de la dra? rigs pa ma yin no/ /'di ltar yang ba lang la sogs po shes pa/ gang yin pa de ni sngar mthong ba las ni zlog pa yin/ ci'i phyir zhe na mthong ba rtogs pa med par ni/ dbang po'i spyod yul gyi don la reg pa med par rjod ba'i rnam rtog 'jug pa'i phyir ro/ /gang gi tshe sgra rang gi mtshan nyid la mi reg pa de'i tshe gang las sgra
- 228b
de nyid kyis dngos po bstan pa phyis mthong bas de ltar shes par 'gyur re zhig ngo shes pa'i shes pa mthong ba'i don ches ring ba'i rjes su zhugs pa don du zhen pa gang yin pa de yang/ mthong ba'i don nyid kyi yul la dmigs pa ma yin na/ ci sgras don de ston par 'gyur ram/ sgras bstan par gyur pa'i don ngo? shes pa'i rjes su byed par 'gyur/ 'on kyang sngon thos pa'i don 'dzin pa zhes bya ba ni log pa'i shes pa nyid yin no/ /gang gi phyir ba lang ba lang zhes bya ba'i sgra dang shes pa 'di rjes su 'gro ba can yin pa de'i phyir spyi dngos por gyur pa rjes su 'gro ba can gcig nyid du 'gyur pa yin no zhe na/ 'di ltar ba lang la sogs don la/ yul la rigs sogs brjod pa'i rnam par rtog pa'i/ rjes su 'gro las rjes dpag gang/ yod ba nyid bsgrub pa'i phyir/ brjod pa'i rjes su dpag pa/ de yang nges ni sgra dang dbang po'i shes pa'i snang ba tha dad bas sun 'byin to/ /de ltar na sgra gang gi rjes su byed pa de ni dbang po'i shes pa'i yul ma yin na/ gang gis de'i rjes su 'gro ba las sgra'i yul dbang po'i don nyid du 'grub par 'gyur/ gal te rjes su 'gro ba can gyi sgra 'ga' zhig ma shes pa rjes su 'jug pa yod pa zhes bya ba de tsam du 'gyur gyi/ dbang po'i yul spyod grub pa ni ma yin no/ /rjes su 'gro ba can gyi rnam par rtog pa 'di la yang dbang po'i spyod yul las 'das pa rjes su 'gro ba can gyi yul don dam pa yang yod pa ma yin no/ /de ltar na ji ltar dngos po tha dad na yang dngos pa'i chos nyid kyis don gyi bya ba gcig byed pa de bzhin du de'i yul can gyi mthong ba nyid ni tha dad kyang/ rjes su dgra? bcan gyi don med par ngo shes po? zhes bya ba'i rnam rtog ni rang bzhin gyis byed pa yin zhe sdang rgyas par brdzong? zin to/ /de'i phyir dbang po rnams kyi spyod yul gzugs/ rang rig bstan par dus zhes bya ba de ltar? gnas pa yin no/ /yid kyi yul gzugs la
- 229a
sogs pa'i yul can rtog pa med pa nyams su myong ba'i rnam par 'jug pa yin zhes bya ba de ni sngar myongs ni 'dzin pa na zhes bya ba la sogs pas 'chad par byed do/ /de la/ yid kyi shes pa dbang po'i shes pas gzung ba'i don nyid 'dzin te/ 'on te de las gzhan pa yin zhes gnyis su brtag grang na/ re zhig gal te dbang po'i shes pa yongs su bcad pa rtogs pa yin pa de'i tshe don sngar myong ba ni 'dzin pa na khas len na/ yid ni tshad ma nyid ma yin/ dran pa dang 'dod pa la sogs pa bzhin/ tshad ma ni mi shes pa'i don gsal bar byed ba'i mtshan nyid can nyid yin pa'i phyir ro/ /ci ste yang dbang po'i shes pas mthong ba nyid 'dzin pa de'i tshe/ ma mthong 'dzin na lor sogs kyis don mthong bar yang 'gyur ba zhes bya ba la dbang po'i shes pa la bltos pa med par yid kyi rnam par shes pa phyi rol gyi don la 'jug pa yin na long bas kyang mthong bar 'gyur ro/ /sogs pa smos bas ni 'on pa la sogs pas kyang yul de la shes par 'gyur ro zhes bya ba'i don to/ /dbang po'i shes pas nyams su myong ba'i yul can nyid kyis yid la rnam par rtog pa gnyis te/ don de skad cig ma 'am ma yin par 'gyur grod? na/ gal te skad cig ma yin pa de'i tshe/ skad cig nyid phyir 'das pa'i don/ mthong ba yod pa ma yin zhing/ dbang po'i shes pa'i yul gyi don dang dus mtshungs par 'byung ba can dus snga re 'byung ba'i ngang tshul can yin par 'gyur grang ba rnam pa gnyis ka yang bskal pa yin pa'i phyir phyi 'byung ba'i ngang tshul can gyi yid kyi rnam par shes pas de 'dzin pa ma yin no/ /ci ste skad cig ma ma yin na dbang po'i yul gyi don yang skad cig min de'i yul can gyi yid don rtogs pa'i yul can tshang ma nyid dri ma 'gyur ro/ /ci ste don rtogs ba'i yul can
- 229b
de tsam nyid kyang tshad ma nyid du 'dod pa de'i tshe mtshan nyid ni/ khyad bar bcas pa brjod byar 'gyur/ dper na don rtogs pa'i yul can nyid la yang/ yid ni mngon sum rtog pa dang bral ba can yin no zhes bya ba lta bu'o/ /gzhan yang las gang la bya bo? bsgrub pa yod pa de ni/ bya ba bsgrubs can las la ni/ khyad par cung zad mi byed pa yi/ sngar rtog pa nyid shes par 'gyur ba/ dbang po can nam gzhan dag gi yod do/ /sgrub par byed par ci phyir 'dod/ bsgrub pa de nyid 'dod par mi bya ste/ gsal ba nyid sgrub pa'i phyir ro/ /de la sgrub par byed pa nyid yod ba ma yin te/ shing bcad zin pa'i sta re bzhin no/ /sbyor ba ni gang zhig bya bo bsgrubs pa can gyi las la byed? bar cung zad byed pa ma yin pa de ni de'i byed pa ma yin te/ dper na shing dum bu gnyis byas pa de lta bu nyid du bya ba'i phyir ste re bya ba mi byed pa lta bu'o/ /de ma thag pa'i yid kyi rnam bar shes par kyang bya ba sgrubs pa can sngar gyi dbang po'i rnam par shes pas rtogs pa'i yul la phul du byung ba cung zad kyang me byed ngo zhes bya ba ni khyab par byed par 'gal ba dmigs pa'o/ /gzhan yang blo yang thams cad cig car 'byung bar 'gyur ji lta bu gyur pa zhig ce na/ bstan pa dngos po de la sa skye? ba can gang yin pa de dag ni dngos po de las skye ba can/ zhes bya ba ni dbang po'i don skad cig ma ma yin ba yid kyi rnam par shes pas 'dzin pa'i skyon gzhan yin no/ /ci'i phyir zhe na/ 'di ltar de nus pa yin na ji ltar blo de gcig skyed par byed pa de ltar de'i rgyu can gzhan yang cig car skyed par 'gyur te/ khyad par med pa'i phyir ro/ /de ltar ni 'gyur mod kyi/ don yan gar ba la nus pa med pa de bas na lhan cig byed pa'i rkyen la ltos pa yin no/ /de yang res 'ga' ba yin pa de ltar na gnyis pa yang rim
- 230a
bzhin du 'byung ba'i dang tshul yin no zhe na/ de dang de ni yod pa ma yin no/ /ci'i phyir zhe na/ lhan cig byed pa gzhan gyi 'bras min byed par ni/ phul du byung bar byang med pa'o/ /de la bltos pa ni lhan cig byed pa la bltos pa ste/ 'gal phyir ro/ /de ltar de yang mang du bstan zin to/ /gang gi phyir de lta bu'i skyon yod pa de'i phyir/ /yid ni yul gzhan nyid 'dzin byed ci 'dra ba zhig ce na/ dbang po'i rnam par shes/ de ma thag rkyen las byung can/ dbang po'i rnam par shes pa mtshungs pa de ma thag pa'i rkyen las byung ba gang la yod pa zhes bya bar tshig rnam par sbyar ro/ /nges ni de'i dmigs pa'i rkyen nyid yin par gsl to /de'i rkyen gyis kyang phyi rol gyi don la yid 'jug pa yin kyi rang dbang can ni ma yin no zhes bstan to/ /de 'dra ba'i yid de ni yid kyi rnam par shes pa'o/ /gal te yang dbang po'i shes pa'i yul las yul gzhan nyid 'dzin pa yin pa de lta na yang/ gang gi phyir de dbang po'i shes pa mtshungs pa de ma thag ba'i rkyen gyis bskyed pa yin pa de phyir longs bas mthong ba min/ dbang po'i shes pa de nyid dbang po med par long ba la yod pa ma yin pa de ltar na long bas mthong ba ma yin pa de ltar na/ dbang po'i shes pa de nyid ci'i phyir don rtogs pa zhes brjod pa na/ 'di lta ste mig la sogs pa'i rten gyi bye brag las rang bzhin gyi khyad par de 'dra ba gang yin pa nges don la 'jug par ro zhes bya ba 'di gdon mi za bar brjod par bya'o/ /de ltar 'dir yang de'i don rtogs pa'i don gyi dbang po'i shes pa yin no/ /de ltar ni 'gyur mod kyi gal te dbang po'i shes pas ma gzung ba yid kyis rtogs pa yin na/ don chod pa'am bskal pa ci'i phyir mi ldog ce na/ de ni de ltar ma yin te/ de
- 230b
las gzhan 'dis 'dzin na yang/ dbang po'i yul las gzhan pa'i yul yid kyi rnam par shes pa 'di yis rtogs pa yin na yang/ nges pa 'dzin par 'dod pa yin/ dbang po'i shes pa'i yul gyi de ma thag pa'i don 'dzin pa nyid du 'dod do/ /'di ltar dang ngan rjes 'gro don ltos can/ dbang skyes blo ni/ da yid kyi rnam par shes pa'i 'di'i mtshungs pa de ma thag pa rkyen nyid kyi rgyu yin no/ /dbang po'i blo de de ma thag pa'i rkyen du 'dod pa'i skad cig ma rang gi don de dang gi yul gang yin pa de'i rjes su 'gro ba de'i rgyu can gang yin pa de ni de ma thag tu byung ba'i ngang tshul can gyi yul lhan cig byed pa'i rgyu nges zhes bya ba'i don to/ /de bas na gzhan 'dzin ba ma yin no/ /gal te dbang po nyid sems kyi/ dbang po'i shes pa'i ngo bo gang la dbang po'i shes pa de dang byed pa'i mtshungs pa med pa de ni/ da dang byed dus mtshungs med can rang shes dus can rang gi dmigs pa'i shes pa dang dus mtshungs pa can du gyur pa'i don dag ni lhan cig byed par ji ltar 'gyur/ de skad du dngos po rnams kyi byed pa'i dus ni rang nyid yod pa'i dus yin la/ de yang skad cig mar yod pa yin pa de ltar na/ de'i yul gyi don yid kyi rnam bar shes pa dang/ dus mtshungs pa can 'di ni dbang po'i rnam par shes pa'i dus na yod pa ma yin te/ 'gag pa nyid kyi phyir ro/ /rim bzhin du 'byung ba can ngag ni gcig byed pa ma yin te/ lhan cig 'byung ba'i ngang tshul can ma yin pa la lhan cig byed pa yod pa ma yin no zhes bstan par 'gyur ro/ /yid kyi rnam par shes pa'i yul gyi don dbang po'i shes pa'i lhan cig byed pa ma yin pa'i phyir gang las yid don des par 'dzin pa yin zhe na/ skyon bder ni mi 'gyur te/ 'di ltar dbang po'i rnam par shes pa dang/ don ni rgyu nyid yin pa'i phyir snang
- 231a
yod pa yin la/ de dag las phyis 'byung ba'i yid kyi rnam par shes pa ni 'bras bu yin no/ /de lta ma yin na rgyur mi 'gyur zhing/ de'i phyir de yul yang ma yin no/ /de ltar na 'di la don med med pa'am yod pa rgyu 'gyur zhes rnam par rtag? gnyis 'byung bar 'gyur grang/ de la re zhig med pa ni ma yin te/ med pa sngar nus med phyir dang/ 'bras bu bskyed par byed pa'i dus las sngar med pas ji ltar 'bras bu bskyed par 'gyur/ med pa ni 'bras bu thams cad mngon par sgrub pa'i nus pa dang bral ba'i mtshan nyid can yin pa'i phyir/ yod pa yang ma yin no/ /ci'i phyir zhe na/ phyis kyang nye bar mi sbyor phyir ro/ 'bras bu skyed par byed pa'i dus na rgyu grub pa de'i tshe 'bras bu yang de dang dus mtshungs par lhan cig grub pas nye bar sbyor ba'i phyir ro/ /'bras bu las rgyu rnams thams cad sngar yod yin par gdon mi za bar 'dod par bya'o/ /de ltar na/ de phyir rang blo bcas don min/ don ni yid kyi rnam par shes pa'i dus na 'byung ba can ma yin na/ gang gis na dbang po'i shes pa'i lhan cig byed par mi 'gyur/ de ltar ni 'gyur mod kyi/ gal te tha dad dus can dag /ji ltar 'dzin ces gang zhig gis 'dzin pa de ni de dang dus tha dad pa can ma yin te/ dper na lag pas gzung ba'i skye? ru ra lta bu'o zhe na/ rgyu'i phyir bar las gzhan bzung bar bya bzhin bya ba de 'ga' zhig kyang yod pa ma yin no/ /'o na ci yin zhe na/ rigs shes pas/ rgyu nyid la ni gzung bar shes/ ci 'dra ba zhig ce na/ shes pa'i rnam pa 'jog nus ba yul can gyi shes pa la rang gi rnam par 'jog par nus pa ste/ rang dang 'dra ba'i 'bras bu rnam par shes pa skyed par byed pa kho na yul du gzung bar bya ba nyid yin gyi/ gzhan ni ma yin no zhes bya ba'i tha tshig go /gzhan yang 'bras bu
- 231b
rnams kyi rgyu du ma nyid yong na yang 'jig rten na yang rgyu'i 'bras bu rjes byed skye ba gang/ rgyu gang gis rnam pa'i rjes su byed cing 'byung ba de rgyu des bzhag de'i ngo bo can yin no zhes brjod pa yin no/ /'bras bu gang la rgyu'i ngo bo de bzhag pa yin te/ rang dang 'dra ba skyed par byed pa'i phyir ro/ /'bras bu nges kyang rgyu de gzung bzhes brjod pa yin no/ /rang gi rnam par 'jog par byed pa de ni ngas 'dzin par 'gyur te/ dper na pha dang gzugs mtshungs pa can du skyes pa'i bu nges pha yi gzugs 'dzin pa zhes 'jig rten na grags pa lta bu'o/ /des de ltar skyed pa'i bu de'i nga de'i gzugs 'dzin par byed ces bya ba yin gyi/ bu'i lag pas pha 'dzin pas 'dzin par byed pa ma yin no/ /de bzhin du shes pa dang/ shes bya 'di la yang yin no/ /'dod chagS gang zhe sdang dang gti mug dang bde ba dang/ sdug bsngal la sogs pa ni rang rig pa dang/ dbang po la bltos pa med pa nyid kyi phyir zhes bya ba de ni bde sogs bdag nyid gzhan mi rten zhes bya ba la sogs pas 'chad par byed do/ /shes bya gang la shes pa gang gis sgra bkod pa 'dzin par 'gyur de ni de dang bsres nas 'dzin par 'gyur ba de ltar na brjod pa dang 'dres par 'gyur gyi/ 'dod chags la sogs pa'i rang rig pa ni de ltar ma yin no/ /de ltar na bde la sogs bdag nyid gzhan mi rtan/ thun mong ma yin pa yin te/ tha snyad kyi dus na nye bar mi gnas pa'i ngang tshul can zhes bya ba'i tha tshig go /de na 'di la sgra tha snyad du byed pa ma yin te/ tha snyad 'di la yang yul du byas par 'gyur ro/ /bde ba la sogs pa'i bdag nyid ma skyes pa rang rig pas yul du byed pa ma yin te/ bde la sogs pa'i bdag nyid kyi ngo bo nyid du da yang rang bzhin tha dad pa can med pa nyid yin pa'i phyir ro/ /de bas na gang las rjod pa dad sbyor ba yin/
- 232a
bde ba la sogs pa'i bdag nyid skyes pa la yang rang rig brjod pa dang 'dres pa ma yin no/ /de ltar na des rjod pa gzung nas de la sbyor bar 'gyur ro/ /brjod pa 'dzin pa yin na yang skad cig ma nyid yin pa'i phyir/ de med pa 'am bde ba la sogs pa'i bdag nyid ma yin pas na gang gis gang la ci zhig sbyor bar byed/ de ltar na 'dod chags la sogs pa'i bdag nyid ni brda' byed par ni nus med can yin no/ /rgyu de phyir 'dod chags la sogs pa de dag rang rig ni gang yin pa de ni/ rjod dang rjes 'brel can ma yin/ rjod pa dang 'dres pa ma yin no/ /sbyor ba ni gang zhig gang la brda mi 'dzin pa de ni de la rnam par rtog par mi 'gyur te/ dre la mig gi rnam par shes pa lta bu'o/ /'dod chags la sogs pa'i rang rig pa yang brdal 'dzin pa ma yin no zhes bya ba ni khyab par byed pa 'gal ba dmigs pa'o/ /khyed cag gis bde ba la sogs pa tshad ma yid? ? zhes bshad pa gang yin pa/ de dag rig byed min na shes pa'i ngo bo ma yin na'o/ /'on kyang de dag don gcig rten can rnam shes kyis/ rig pa yin don gyi bdag nyid gcig gang yin pa de la bde ba la sogs pa dang lhan cig 'phrod pa 'du ba can gyi shes pas yang dag par jig? pa yin pa'i phyir/ bdag nyid gzhal bya'i ngo bo yin no/ /de'i phyir de dag gzhan yang phyi rol gyi don yang rig par byed pa ma yin na rang gi ngo bo ste bdag nyid ji ltar rig /gang gis na de la tshad mar 'gyur zhes gzhi ma grub pa'i gtan tshigs yin no zhes bye brag pa 'ga' zhig zer ro/ /dngos po rnams kyi rang gi nges pa ni rgyu'i rang bzhin nges pa'i phyir ro/ /de ltar ma yin te glo bur ba yin no/ /yul dang dus dang rang bzhin gyi nges pa mi rung ba'i phyir ro/ /de bas na ci 'dra ba las ci 'dra ba skye ba yul ci 'dra ba mthong ba yin te/
- 232b
de 'dra ba gzhan yang de 'dra ba nyid las yin zhing gzhan dang 'dra ba yang gzhan dang 'dra ba las yin no zhes gdon? mi za bar 'dod par bya'o/ /gang gi tshe de ltar 'dod pa de'i tshe/ dngos po de dang de dngos can de dang de min dngos rgyu skyes/ de dang de ma yin pa ni de dang de ma yin pa dag ste/ de dang de ma yin pa'i ngo bo de gang la yod pa de ni/ dngos po de dang de dngos can no/ /de dang ma yin pa'i ngo bo yang de dag yin la/ rgyu yang de dag yin pas na/ de dang de min dngos rgyu'o/ /de dag la skyes pa ni/ de dang de min dngos rgyu skyes / gang gi phyir nges te/ shes dang tha dad med rgyu skyes/ bde ba dang sdug bsngal la sogs ci'i phyir mi shes yin/ mi shes pa'i ngo bo ma yin te/ rnam par shes pa'i bdag nyid kho nar 'gyur ro/ /sbyor ba ni gang zhig las tha dang pa med pa'i rgyu las skyes pa de ni/ de las tha dad pa med pa'i rang bzhin du 'gyur ro/ /dper na me gcig dang tha dad pa mang pa'i rgyu las skyes pa me gnyis pa yin pa lta bu'o/ /bde pa dang sdug bsngal dang 'dod pa la sogs pa yang/ rnam par shes pa tha dad pa med pa'i rgyu las skyes pa yin no zhes bya ba ni rang bzhin gyi gtan tshigs so/ /bdag nyid ji bzhin zhes bya ba la sogs pas gtan tshigs grub pa nye bar sbyor bar byed do/ /bde ba la sogs pa bdag nyid ji bzhin dbang po dang rung ba dang bcas pa dang/ don bcas dang ni yul rung ba dang bcas pa yod pa dang/ sems rung yang sems rung ba yod na ste/ sngar gyi yid la byed pa'i nus pa yod pa'i rnam par shes pa'i mtshan nyid can yod na zhes bya ba'i don to/ /bde ba la sogs pa'i skye ba mthong/ yid kyang de dang mtshungs par yin/ ji skad bshad pa'i dbang po la sogs pa'i rgyu mtshungs pa yin pa de ltar na/ bde pa la sogs pa'i rgyu mtshungs pa las skye ba yin no/ /mthong ba smos pas ni khyed cag 'dod pa'i bdag dang yid ldan pa tsam las 'byung
- 233a
ba'i ngang tshul can gyi bde ba la sogs pa yod pa ma yin no zhes bstan no/ /rgyu mtshungs pa can nyid yin na yang 'dus byas la sogs pa ces par byed pa yin pa'i phyir bde ba la sogs pa mi shes pa'i bdag nyid can du smol? pas ni 'gyur gyi rnam par shes pa ni ma yin no zhes bya ba'i rtogs pa yang mi rung ngo/ /de ltar na de dag med dang re re 'jig pa na/ de las gzhan yod na yang la lar bde ba la sogs blo/ /mi skye mthong ngo/ /de dag yod pa na/ ji skad du bshad pa'i dbang po la sogs pa yod pa na/ la lar bde ba la sogs blo/ skye ba mthong de ltar na bde ba la sogs pa dang blo ni de tsam gyi rgyu can yin no/ /nges te de phyir/ ji ltar yongs su mthong ba'i nus pa can gyi dbang po la sogs pa/ de las gzhan las te/ 'das byas la sogs pa gzhan la blo'am bde ba la sogs pa de skye bar mi 'gyur ro/ /de lta ma yin na ni ltar yongs su mthong ba'i nus pa can las gzhan nus pa ma mthong ba can rgyu nyid du khas len na thug pa med par 'gyur ro/ /gal te rgyu mtshungs pa can nyid yin pa'i phyir/ bde ba la sogs pa rnam par shes pa dang tha dad pa med pa'i rang bzhin du 'dod pa de'i tshe/ phan tshun bde ba la sogs pa de dag rang bzhin tha dad pa gang yin pa de tha dad par mi 'gyur zhe na /de ni ma yin te/ 'di ltar pa de sdug sogs ni tha dad yin/ ci'i phyir zhe na/ dbang po la sogs pa'i rgyu/ de dag nyid kyi khyad par las/ nang gi rgyu'i khyad par gyis shes bya ba'i don to/ /ci dang 'dra bar zhe na/ dper na blo de nyid kyis ni/ yul dang dbang po la sogs pa mtshungs pa las byas pa na nang nas/ gsal dang mi gsal the tshom bzhin/ rang bzhin tha dad par 'gyur ba de bzhin du/ bde ba la sogs pa dang/ rnam pa shes pa'i rgyu mtshungs pa yin du zin kyang khyed par du 'gyur ba de ltar na/ bde ba la sogs pa'i shes pa'i ngo
- 233b
yin no zhes bya ba 'di gnas pa yin no/ /de rab tu bsgrubs nas don gang zhes bya ba la sogs pas bdag nyid myong bar byed pa yin no zhes rab tu sgrub par byed do/ /gang gi tshe bdag nyid bde ba la sogs pa nyams su myong ba ma yin pa de'i tshe/ de dag blo ldan lhan cig skyes pa 'am dus phyis 'byung ba'i ngang tshul can gyis nyams su myong bar 'gyur grang na/ de la re shig lhan cig skyes pa'i blos ni ma yin te/ 'di ltar don gang nye bar mngon du phyogs pas/ blo dang ni bde sogs de dag skyed yin na/ don de khor nas ni blo/ nges bde sogs ji ltar te/ rgyu yul med par rtogs 'gyur ba yin/ rigs pa ni yul gang las skyes pa de nyid 'dzin pa yin no/ /de bas na bde ba la sogs pa nyid du yongs su gcad? pa ni ma yin no/ /de ltar ni 'gyur mod kyi/ lhan cig skyes pa'i blos bde ba myong ba ma yin no/ /'o na ci yin zhe na/ rgyun gyi 'jug pa'i blo dang bde ba la sogs pa la/ dus phyis 'byung ba'i yid kyi ngang tshul can gyi shes pas rtogs pa yin no zhe na/ rim gyis 'dzin par khas len na de myong ba dang bde ba myong ba na rgyun mi 'chad par snar? mi 'gyur/ 'o na ci yin zhe na/ dang por mthong zhing phyis bde ba la sogs pa nyams su myong ba yin la/ yang mthong ba yin pa de ltar na/ bde ba nyams su myong ba dang yul nyams su myong ba ni bar dang bcas shing bar med par ma gyur na/ de yang yod pa ma yin te/ 'di ltar gang gi tshe yul dmigs pa de nyid kyi tshe/ bde ba yang dmigs par 'gyur ro/ /de ltar ni 'gyur mod kyi/ gal te de myur phyir/ yul dang bde ba la dmigs pa ngag par dang bcas shing bar med pa nyid yin na yang de dag rgyun chad pa med par zhen pa gang yin pa de ni/ 'dir 'jug pa myur bar byas pa'i 'khrul pa yin no zhe na/ de mtshungs phyir nyams myong min cir mi 'dod/ gal te mgyogs pa'i phyir/ rgyun mi 'chad par shes pa de'i tshe/ ji ltar bde ba myong ba de myur du 'jug pa de ltar rnam par?
- 234a
shes pa yul 'ba' zhig 'dzin pa bde ba myong ba'i ngo bo ma yin pa yang da ltar mi gyogs par mtshungs pa'i phyir ro/ /de'i dbang gis bde ba myong ba ma yin pa rtogs pa nyid du ci'i phyir mi 'gyur/ dbang po'i shes pa nyid yul? ngad? byed ba la sogs pa la cig car 'dzin par byed zhes bya ba'i rtogs pa yang mi rung ngo/ /de ltar na don gang las dbang po'i blo skyes pa'i don de bor nas/ dus mtshungs par 'gyur ba can nyid kyis yul ma yin pa'i bde ba la sogs pa ji ltar 'dzin par 'gyur zhes lhan cig skyes pa'i dbang po'i blo/ /gcig gis gnyis shes ma yin te/ yul dang bde ba la sogs pa 'dzin par rigs pa ma yin no/ /ci'i phyir zhe na/ dbang po'i sems ni nges phyir ro/ /dbang po'i shes pa yul gzhan la 'jug pa med pas yul nges pa'i phyir ro/ /bde ba la sogs pa yang bdag dang yid dang ldan pa dag las 'byung ba'i ngang tshul can gyi yid kyi rnam par shes pas 'dzin to zhes bya bar ngas len pa'i phyir ro/ /ldog pa las nus pa rtogs par 'gyur gyi lhan cig byung ba tsam las ni ma yin no/ /rnam par shes pa la bde ba la sogs pa nus pa de 'dra ba yod pa ma yin te/ bde sogs med na yang/ bde ba la sogs pa re re med na yang don dag las dbang po'i shes pa skye bar 'gyur ba de ltar na/ don dag las skye phyir bde ba la sogs pa de dag gi nus pa rnam par shes pa skyed pa las ma grub pa yin no/ /de nus grub med phyir/ dbang po'i sems kyis bde ba la sogs pa 'dzin pa ma yin no/ /de lta ba ni 'gyur mod kyi/ ji ltar sngon po la sogs pa re re med na yang sngon po la sogs pa'i blor 'gyur ba de tsam gyi sngon po la sogs pa lhan cig pa re re rnam bar shes pa skyed pa la nus pa med pa ma yin no/ /de bzhin du bde ba la sogs pa dang yul gnyi
- 234b
ga dag kyang rnam par shes pa la nus/ ba yod par 'gyur ro/ /de ltar na gnyi ga 'dzin pa la 'gal ba yod ba ma yin no de na/ de de ltar na sngon po la sogs ba bzhin du 'grub? dang bde ba gnyis kyis so so sor yang nas pa yin ste las yin par byed na yul 'dzin pa med par/ sngo sogs bzhin /bde ba 'ba' zhig 'dzin par 'gyur ? sngon po la sogs pa re re yang rdzas su 'gro ba dang ldog pa dag gi nus pa mthong ba can yin pa de ltar tshogs pa de dag kyang rang gi shes pa la nus pa ma btsom pa ma yin pa de rgyu ltar bde ba la sogs pa re re nus pa med pa'am /nus pa yang na bde ba yan gar bar yang myong bar 'gyur ro/ /de ltar na yang khas blangs ba mi 'thad par 'gyur ro/ /ci'i phyir zhe na/ de rgyu'i don mi 'dzin pa/ bde ba la sogs pa de rig gi rgyur gyur pa'i don rnam par shes pas rtogs pa med par/ bde ba la sogs yan gar ba/ de'i myong ba mi rigs so/ /yul dmigs bar 'gyur bas bde ba la sogs pa myong bar 'gyur gyi/ mi dmigs pas ni ma yin pa de ltar na don 'dzin pa la ltos pa med par de ma yin no/ /ci ste yang don dang lhan cig bde ba la sogs pa 'dzin par 'dod pa de'i tshe/ don dang lhan cig 'dzin na ni/ khas len par byed na/ bde sogs kyi ni nus pa ci/ dbang po'i shes pa de 'dzin pa nyid du 'dod pa lta ste ci yang cung zad kyang yod ba ma yin no/ /ci'i phyir zhe na/ 'di ltar gang de las 'byung ci mi 'dod/ bde ba la sogs pa de las bde ba la sogs pa'i blo skye bar mi 'dod pa de'i phyir bde ba la sogs pa las ma skyes pas dbang po'i blo'i yul ma yin zhes bya ba'i don to/ /de de ltar na don dang lhan cig bde ba la sogs pa rtogs par mi rung ngo// //tshad ma rnam 'grel gyi 'grel pa/ /bam po sum cu pa/ de ltar ni 'gyur mod kyi/ don la bltos pa med pa kho nar bde ba la sogs pa rtogs pa yin no zhe na /de yang
- 235a
yod pa ma yin no/ /de ltar na don med par ni don ni 'dzin pas dben par/ bde ba la sogs yan gar pa rnams/ mig sogs rnams kyis te/ mig gi rnam par shes pa la sogs pas myong na ni khas len par byed na/ gzugs sogs tha dad bde ba sgrub par byed pa 'am/ sdug bsngal grub par byed pa'i bud med sogs tha dad bud med dang skyes pa la sogs pa mthun pa dang mi mthun pa/ 'ga' i tshe mig gis 'dzin mi 'gyur/ 'ga' zhig gi tshe yang mig gi rnam par shes pas 'dzin par mi 'gyur gyi/ bde ba 'ga' zhig myong bar 'gyur ro/ /ci'i phyir zhe na/ 'di ltar don nang de nus pa/ yan lag yin na ni/ phyi rol mthong can blo mi rigs/ nad gi yan lag ni rang gi rgyu la yod pa'i bde ba la sogs pa'i don gyis nus pa yod pa'o/ /de nye ba yod na dbang po'i blo yis rtag tu de nyid 'dzin par byed par 'gyur gyi/ phyi rol gyi don phyi'i yan lag ni ma yin no/ /bde ba la sogs pa yan gar bar 'dzin par khas len par byed pa de ltar na yang 'di las bde ba la sogs pa 'di dag 'di las 'di ma yin no zhes shes pa med na/ 'ga' zhig kyang de thob pa dang spong ba'i phyir 'bad rtsol mi byed do/ /de la bdag dang yid ldan bde ba la sogs pa myong ba'i phyir/ dbang po'i rnam par shes pas de myong bar sgro 'dogs pa 'brel pa ma yin te/ dbang po'i don rtogs pa'i dus na yang bde ba la sogs pa la skyes bu dmigs pa'i phyir ro/ /ci ste skyon der ma gyur cig snyam pas/ mig la sogs pa'i blos don kho na 'dzin pa yin gyi/ bde ba la sogs pa ni ma yin no/ /de yang bdag dang yid dang ldan pa las byung ba'i ngang tshul can gyi shes pas ma yin no zhe na/ de ltar don 'dzin na ni khas len par byed na/ de
- 235b
las skyes dbang po'i yul nyid las skyes pa'i bde ba la sogs pa myong mi 'gyur ro/ /de ltar na yul la dmigs pa yang bdag dang yid dang dbang po phrad pa las byung ba'i ngang tshul can gyi shes pa med par mi 'gyur ro/ /shes pa de yang don nyid la dmigs shing don nyid nye bar sbyor ba yin gyi/ yid gnyis pa ni ma yin no/ gang las bde ba la sogs rtogs par 'gyur/ dus 'byung ba'i ngang tshul can gyi shes pa yod pa'i dus na yang/ bde ba la sogs pa yul gyi stobs laS byung ba'i ngang tshul can yod pa ma yin pa de ltar na/ de dag nyams su myong bar mi 'gyur ro/ /gang gi tshe dbang po'i blo de'i dus nyid na yid kyi blo skye bar 'gyur ba de'i tshe/ de dag las gcig na don 'dzin pa yin la/ gzhan ni bde ba la sogs pa myong ba yin no zhe na/ de lta na yang dbang po la rten pa dang/ cig shos kyi blo ni cig car skye ba na/ khas len par byed na/ de ltar ni grub mod kyi/ 'on kyang yul de dang ni yod phyir/ yul de dang de las so so nye ba nyid kyi phyir/ cig car rnam par sheS pa rnams 'byung ba'i phyir/ cig car don ni yod pa ma cig car bde sdug dag ni rig par 'gyur/ cig car yul 'dod pa dang mi 'dod pa nye ba na yod pa na bdag nyid ji lta pa bzhin gyi yul dmigs pa las bde ba dang sdug bsngal nyams su myong ba 'gal ba dag cig car 'gyur na de yang mi 'dod do/ /yul 'ba' zhing nye ba tsam las bde ba le sogs pa 'byung ba nyid ma yin/ gang gis na bde ba dang sdug bsngal ba grub pa cig car 'gyur/ 'o na ci yin zhe na/ gal te nang yod nyer len pa'i/ nye bar len par gyur pa sa bon du gyur pa'i/ shes pa'ang sdug bsngal la sogs 'byung/ bde ba dang sdug bsngal la sogs pa phan tshun 'gal ba'i ni de gcig kyang/ shes pa nye bar len pa ma yin pa'i phyir
- 236a
cig car bde ba dang sdug bsngal rig pa ma yin no zhes 'dod do zhe na /de dang de ni rig pa ma yin te/ 'di ltar rnam shes de ni mi shes pa'i bde ba la sogs pa ma dmigs pa'i bdag nyid can nyid du 'dod pa'i 'o/ /rnam pa gang gis na nyer len rgyur 'gyur te/ 'ba' zhig gis kyang ma yin no/ /de ltar na gang zhig gang rigs mthun pa de ni de'i nye bar len pa yin na/ bde ba la sogs pa mi shes pa'i ngo bo'i yang/ shes pa ni de'i rigs can ma yin pas nye bar len par mi rung ngo/ /bdag po nyid kyang byed yin na /gal te rgyu mtshan gyi rgyu nyid yin no zhes bstan par 'gyur te/ de'i rigs can ma yin pa yang bdag po nyid ni 'gal ba la yang 'bras bu byed pa na snang ngo/ /ji ltar zhe na /dper na snang gcig mtshan rgyu dang /de las gzhan pa'i dbang po dag /mtshan mo rgyu ba dang skyes bu'i mig /gzugs mthong ba dang mi mthun dang /mthun par cig car byed pa bzhin/ /skyes bu'i mig gzugs mthong ba dang rjes su mthun par byed cing/ mtshan mor? rgyu ba'i mig gzugs mthong ba dang mi mthun pa zhes bya ba'i don to/ /gang gi phyir 'di ltar lhan cig 'byung ba'i ngang tshul can nam/ phyis 'byung ba'i ngang tshul can gyi shes pa bde ba la sogs pa yang dag bar mi grub pa/ de'i phyir na bde sogS don yang dag par myong par byed do/ /ci 'dra ba zhig ce na/ rang la 'pho ba'i snang can te/ rang gi sgras bde ba la sogs pa'i bdag nyid bstan to/ /de la 'pho ba ni gzugs brtan nyid du snang ba can yin pa de ltar na /gang la de lta bu'i ngang tshul yod pa de la de skad ces bya'o/ /des ni don dang 'dra ba'i bdag nyid du gyur pa'i phyir /bde ba la sogs pas yang dag par myong ba yin no/ /de myong phyir na don yang dag par myong ba yin no zhes 'jig rten na tha snyad 'dogs pa tsam
- 236b
yin gyi/ phyi rol gyi don ni myong bar byed pa /dngos su min zhes ston par byed do/ /de de ltar na nang gi bdag nyid rigs byed yin /don ni bshad ma thag pa'i tshul gyis don dam par ma yin no/ /don dam par bde ba la sogs pa de dag don las skye ba tsam yin gyi /de dag de rnams kyis yang dge par rig pa ma yin no/ /de ltar na gal te nyams su myong ba'i bdag nyid du gyur pa de don yin pa de'i tshe /de'i bdag nyid kyis skyed pa'i phyir de rig bar 'gyur na /de ni phyi rol tu gyur pa'i don dag la yod pa ma yin no/ /de myong ba la yang myong ba'i mtshan nyid ni 'thad pa ma yin te/ nyams su myong ba ni rang rig pa'i ngo bo nyid yin pa'i phyir ro/ /bdag nyid rig par yang mi 'gyur te/ rang dang gzhan gyi bdag nyid rig pa 'gal ba'i phyir ro/ /rang rig pa yang gdon mi za bar khas blang bar bya ste /de las mi len na gzhan nyams su myong ba nyid ni ma grub pa'i phyir ro/ /de bas na nye bar btags nas don nyams su myong ba yin no zhes bya ba 'di nyid rigs par 'gyur ro/ /gang zhig don gyi bdag nyid yul gyi rnam par shes pa'i bdag nyid du gnas pa rang bdag gyur /bde ba la sogs pa de rnams la de dag gis myong 'gyur/ nyams su myong ba ni de'i bdag nyid kyi ngo bo can yin pa'i phyir ro/ /bde ba la sogs pa la rgyu/ nges mngon myong bar bshad do/ /don dam par don yang nyams su myong ba ma yin pa'i phyir ro/ /'on kyang dmigs pa dag ni phyi rol du gyur pa'i don la dmigs pa'i don yod pa yin no/ /dmigs pa'i don de yang der snang ba yin par brjod do/ /yul gyi rnam pa can du snang ba'i rnam par shes pa skye ba de ltar na/ des de la dmigs pa yin zhes tha snyad du byed do/ /'ga' zhig bde sogs phyi rol na /gnas nyid dang ni sems med dang /gzung bar smra ste bde ba la sogs pa ? ma
- 237a
yin zhing sems kyang ma yin te /gzhal bya'i rang bzhin yin no zhes grangs can smra'o/ /grangs can de'i yang cig car gnyis 'dzin mi rigs so / /sgra la sogs pa dang /bde ba cig car 'dzin par mi rigs so/ /sngon bo 'dzin pa myong ba gang yin pa de sngon po'i ngo bo yin gyi/ bde ba'i ngo bo ma yin te /gang zhig myong ba'i ngo bor mi 'gyur pa gang yin pa de ni de'i myong ba ma yin no/ /bde ba la sogs pa nyid kyi sngon po la sogs pa bkod pa'i bye brag yin pa de'i phyir sngon po la sogs pa las bde ba la sogs pa tha dad pa ma yin te/ gal te sngo sogs las bde sogs/ tha dad med phyir rgyu yi phyir/ sngon po la sogs pa 'dzin pa na bde ba la sogs pa yang 'dzin pa de'i phyir cig car 'dzin par 'gyur ro/ /sbyor ba yang gang zhig gang las tha dad pa med pa'i phyir ngo bo yin pa de ni de 'dzin pa na/ 'dzin pa nyid du 'gyur te/ dper na sngon po de nyid kyi rang gi ngo bo lta bu'o/ /bde ba la sogs yang sngon po la sogs ba las tha dad pa med pa yin no zhes bya ba ni rang bzhin gyi gtan tshigs so/ /tha dad pa snang ba can zhes bya ba la sogs pas ma grub par ston to/ /sngon po snang ba can gyi sems kyang gzhan yin la/ rab tu dga' ba'i rnam pa can yang gzhan yin pa de ltar na/ tha dad snang ba can sems kyi ni /gzung ba gang yin pa de las tha dad med ci yin/ sngon po dang bde ba la sogs pa bzung ba yin na yang /tha dad pa kho na yin pa de ltar na gtan tshigs ma grub pa yin no// sbyor ba yang gang zhig gang las tha dad par snang ba can gyi blos gzung ba de ni de las tha dad pa med pa ma yin te/ dper na bde ba dang sdug bsngal lta bu'o// sngon po dang bde ba yang tha dad par snang ba can gyi blo'i gzung ba
- 237b
yin no zhes bya ba ni khyab par byed ba 'gal ba dmigs pa'o/ /bde ba la sogs pa yang yul dang rab tu dga' ba'i rnam pas ngo bo gnyis pa can yin na yang /gcig nyid yin pa'i phyir ma nges pa yin par bsam par mi bya'o/ /de ltar na khro bo cag gis rnam pa de dag ni don dam pa yin no zhes khas blangs pa ma yin no/ /'o na ci yin zhe na /rnam par bslang pa yin no/ /gzhan bag yang dag pa'i rnam par zhen pa de ltar na de'i skyon yin no/ /de ltar na bde ba la sogs pa phyi rol tu mi 'gyur ro/ /gal te phyi rol tu 'gyur ba de'i tsha bde ba la sogs pa phyi rol bye brag med mod kyi de'i yul can 'dod pa dang mi 'dod pa'i bye brag dang btang snyoms su gnas pa'i rang bzhin gyi mtshan nyid can gyi /goms pa shin tu phul du byung las/ /blo la dga' dang yongs su gdung// shin tu phul byung rung ngo/ /'di ltar phyi rol gyi bde ba la sogs pa bye brag med pa yin na yang/ tha dad pa'i rang bzhin dang ldan pa'i lta ba ngo mang po dag la goms pa'i khyad par las bde ba la sogs pa'i khyad bar yod pa de ltar na bde ba la sogs pa'i don gyi ngo bo ma yin no/ /sbyor ba ni gang zhig bye brag med pa yin na yang /goms ba'i khyad par las gang gi khyad par 'gyur ba de ni phyi 'am der snang ba can ma yin te/ dper na phyi rol gyi yin par bye brag med pa yin na yang/ shes rab la sogs pa khyad par can yin pa lta bu'o/ /nang gi dga' ba dang gdung ba dag kyang bde ba la sogs ba phyi rol gyi yin par bye brag med na yang /goms pa'i khyad bar las khyad par du 'gyur pa yin no zhes bya ba ni khyab par byed pa 'gal ba dmigs pa'o/ /de ltar ni 'gyur mong kyi /gal te blo yang bde la sogs bdag nyid du ni 'gal med na/ phyi rol gyi bde ba la sogs pa phul du byung ba dang ldan pa'i bde ba la sogs pa dmigs pa gang yin pa de ni blo yang sgra la sogs pa bzhin du bde ba la sogs ba'i bdag nyid
- 238a
can kho na yin no/ /rgyu nges na phyi rol gyi bde ba la sogs pa phul du byung ba med pa can yin na yang/ dga' ba dang gdung ba dag phul du byung bar 'gyur ba 'ga' ba med do zhe na /gal te de ltar phyi rol de da bde la sogs bdag nyid ces ni ji ltar rtogs// gang gi blo nyid kyi bde ba la sogs pa'i bdag nyid kyis dga' ba dang yongs su gdung ba dag gi phul du byung ba grub de'i tshe sgra la sogs pa 'dzin pa gzhan la yang /blo las byung ba nyid bde bar 'gyur ro/ /de'i tshe nang du snang ba nyams su myong ba'i ngo bo can cig srog chags thams cad la yod pa yin to/ /de las bzlog pa phyi rol gyi bde ba la sogs pa /gzhan ni yod pa ma yin no zhes bya ba'i don to// de ltar ni 'gyur mod gyi /gal te rigs tha dad pa yang /gzung 'dzin nyid ni phyir min na/ /gal te sgra la sogs pa bde ba la sogs pa'i bdag nyid yin par mi 'gyur ba de'i tshe ba de ba la sogs ba'i bdag nyid can gyi 'dzin pa las/ de dag ni rigs mi mthun pa gzung bar mi 'gyur ro/ /rigs mi mthun pa ni gzung ba dang 'dzin par mi 'gyur ba'i phyir sgra la sogs pa gzung bar gyur pa bde ba la sogs pa'i bdag nyid can du 'gyur ro zhe na/ gal te rigs mi mthun pa gzung ba 'am 'dzin pa ma yin pa de'i tshe/ skyes bu kun la 'dzin med 'gyur/ de ltar na skyes bu bde ba la sogs pa'i ngo bo ma yin te/ 'di la yon tan nyid med pa'i phyir ro/ /gang gi phyir 'dzin pa ma yin pa de'i phyir/ skyes bu 'di'i thal? po nyams 'gyur/ bde ba la sogs pa 'dzin pa tsam las/ 'di'i za ba po gzhan 'ga' zhig kyang yod pa ma yin no/ /gal te rigs mi mthun pa nyid kyi phyir yod pa ma yin na zab bo nyid du
- 238b
'gyur ro/ /'dis ni rgyu dang 'bras bsal la// gang yang rigs mi mthun pa'i yul dang blo dag la rgyu dang 'bras bu'i dngos po yod pa ma yin na 'di yang yod pa'i phyir yul yang bde ba la sogs pa'i bdag nyid can du 'gyur ro zhes smra ba de yang bsal ba yin te/ 'di ltar blo la yul rang gi rnam par 'jog pa'i rgyur gyur zhing /de na de skyes bu la yang yod pa yin pa de ltar na ma nges pa yin no/ /de ltar ma yin na de la rnam par mi 'jog na ni/ za ba por mi 'gyur ro zhes snga ma bzhin du thal bar 'gyur ro/ /yang na rgyu dang 'bras bu ma yin te/ blo dang bde ba'i/ /ci'i phyir zhe na/ gzung dang 'dzin pa med phyir ro/ /gzung ba dang 'dzin pa yod pas rgyu dang 'bras bu 'gyur na/ de yang blo dang bde ba la sogs pa mod pa ma yin no/ /gang las she na/ de dag ni de dag yang na de ni gzhan la'ang 'gyur /ci ste blo dang bde ba la gzur ba dang 'dzin pa yod pa des kyang rgyu dang 'bras bu nyid yin pa de'i tshe/ skyes bu la yang gzung ba dang 'dzin pa nyid yod pa de ltar na rgyu dang 'bras bur 'gyur ro/ /de ltar na rigs mi mthun pa dag kyang rgyu dang 'bras bu'i dngos po zhes bya bar 'gyur ro/ /gang gi phyir 'di ltar phyi rol la tha dad pa med par yang goms pa dang rjes su 'brel pas bde ba la sogs pa phul du byung ba dang ldan pa de'i phyir bde ba la sogs pa de dag nang nyid yin no zhes khong du chung par bya'o/ /'dis kyang myong nyid phyir na sems yin no/ /bde ba la sogs pa ni sems nyid yin te myong ba nyid yin pa'i phyir ro/ /gal te ci'i phyir myong ba yin pas sems nyid yin bar 'gyur zhe na/ 'di ltar gang gi ngo bo myong ba yin/ de ni de'i phyir ma yin/ rig pa yod pa tsam gyis myong ba ni ma yin te/ 'dis thams cad du byed brag med par don thams cad mngon sum du thal ba'i phyir ro/ /de
- 239a
bas na gang zhig gang gi ngo bo myong bar mi 'gyur ba de ni de'i myong ba ma yin no/ /sbyor ba ni gang gi ngo bo myong bar mi 'gyur ba de ni de myong ba ma yin te/ dper na ser po'i ngo bo ma yin pa can/ dkar po myong ba ni ser po myong ba ma yin pa lta bu'o/ /nyams su myong ba yang bde ba'i ngo bo myong ba ma yin no zhes bya ba ni khyab par byed pa mi dmigs pa'o/ /de ltar ni 'gyur mod kyi /gal te de rang bzhin min pa/ nyams myong blo gnas de rigs na/ bde ba la sogs pa'i ngo bo myong ba ma yin no/ /'o na ci yin zhe na/ blo'i bde ba la sogs pa'i rnam pa phul du byung ba dang ldan pa nyid yin pa de bas na/ bde ba la sogs pa'i rnam pa blo la gnas pa de myong bas rig pa yin zhe na/ de rmi lam gyi byed pa rjod pa tsam yin te/ de'i ngo bo can ma yin pa ni myong ba nyid ma yin te/ rnam pa gzhan du de myong ba mi rung ba'i phyir ro/ /gzhan yang mngon sum dran pa'i rnam pa can// myong ba ma rtogs 'di blo gang/ /mngon sum gyi rnams can te / dga' ba dang mi dga' ba la sogs pa'i rnam pa can gyi myong ba myong bar 'gyur ro/ /dran pa'i rnam pa can te/ ji ltar bde ba la sogs pa myong ba dran ba'i ngo bo dang/ yid bde ba la sogs pa'i mtshan nyid myong ba'o/ /de bas na myong ba de dag ma gtags par? gzhan blo phul du byung ba can 'ga' zhig kyang nye bar mtshon pa ma yin no/ /de'i phyir 'dod pa dang 'dod pa'i don de dang ni de rgyur byas/ brten nas bde dang sdug bsngal la sogs myong ba /bdag nyid 'byung ba mthong 'gyur gyi/ gzhan bar du ste yul la sogs pa dang myong ba'i bar du gzhan ni ma mthong ste/ gang zhig nye ba las nyams su myong ba phul du byung ba med pa can yang phul du byung ba dang?
- 239b
ldan par mtshon bar bya ba yin pa 'dod pa'i blo'i ngo bo phul du byung ba dang ldan ba ma yin no/ /sbyor ba ni gang zhig gang ? tha dad bar phul du byung ba dang ldan par mtshon par bya ba ma yin pa de ni/ de las tha dad ? khas blang bar bya ba ma yin te/ dper na shes pa yod pa gnyis pa lta bu'o/ /sems la yang shes pa yod pa las tha dad par stsal du byung ba dang ldan ba nye bar mtshon par bya ba ma yin no zhes bya ba ni rang bzhin mi dmigs pa'o/ /de ltar ni 'gyur mod kyi /gal te 'dres phyir dbyer med do/ /lcags gong dang ni ma? bzhin na/ ji ltar lcags kyi gong bu shin tu 'bar ba'i gzugs mi las tha dad par nye bar mtshon pa med par lcags kyi gong bu la me'i ngo bo 'ba' zhig tu 'dzin bar byed ba de ltar blo dang myong ba tha dad pa yang 'dres pa las tha dad par mi shes pa de ltar na ma nges pa yin par smra'o/ /gal te de lta yin pa de'i tshe dngos po kun las tha dad dang/ tha dad med gzhag ldog pa nyid /dngos po rnams la 'di ni gcig yin la 'di ni du ma yin no zhes rnam par gzhag pa der mi 'gyur ro/ /de ltar na ji ltar gcig la dmigs na yang gzhan rtog par byed pa de'i tshe/ gang dang gang la gcig tu zhen pa de la 'di 'dres par the tshom za bar 'gyur te/ dper na lcags gong dmar po lta bu'o/ de ltar na la lar gcig nyid du nges par mi 'gyur ro/ /de bas na du ma nyid yang mi 'gyur te/ 'di ni sngon du song ba can nyid yin pa'i phyir ro/ /tha dad pa dang tha dad pa med pa'i rnam par gzhag pa ci'i phyir yang mi 'gyur zhe na/ 'di ltar tha dad pa med par myong ba'i don gang yin pa de gang gi tshe gcig nyid yin par 'dod pa de'i tshe/ tha dad med can myong gcig na/ de ltar min gang tha dad pa can med pa myong bar mi 'gyur ba gang yin pa ste /rnam pa du ma
- 240a
la dmigs pa can/ de tha dad bzhin du 'grub 'gyur /'di la tha dad pa yod pa de ltar na tha dad pa bzhin zhes bya bar tshig rnam par sbyor ro/ /rnam pa gcig la dmigs pa can gang yin pa de gcig nyid du 'dod na /gang la du ma nyid du ? pa de la du ma nyid du grub par 'gyur te/ du ma nyid ni gcig mngon du song ba nyid yin pa'i phyir ro/ /'di sgrub min /rnam pa gcig la dmigs pa can ni gcig nyid la/ tha dad sgrub byed grub pa min/ grangs can gyi zhes bya ba ni dag gi don to// de nyid la tha dad pa dang tha dad pa med par rnam par gzhag pa'i rgyu med pa ni/ gal te zhes bya ba la sogs pas mtshan nyid 'khrul ba ston par byed pas rab tu sgrub par byed do/ /gal te bkar bde la sogs so/ /tha dad snang rnam pa tha dad par ro/ /de yang tha dad med bde ba dang sngon po'i rnam pa tha dad par dmigs pa dag kyang du ma nyid ma yin par 'dod do/ /blo myong tha dad med snang can tha dad /myong ba rnam pa gcig nyid yin par so sor rang gis rig pas nyams su myong bar 'gyur ba yin no/ /de la ji ltar nyams su myong ba dang blo tha dad pa yin no zhes du ma nyid du smra de bas na/ tha dad tha dad yang ng lgyis mnan pa'i dus na'o/ /gang gis bsgribs pa yang bzhag pa'i rgyu yod pa nyid ma yin te/ mtshan nyid 'tshol ba'i phyir ro zhes bya ba'i don to/ /de ltar ni 'gyur mod kyi /khyod cag gis yang cig car sems las byung ba mang po 'byung zhing /de lta na yang bde ba 'am sdug bsngal gyi rnam par rtogs pa la sogs pa gcig nye bar mtshon par 'gyur mod kyi /sems las byung ba du ma nyid mi 'dod pa yin no// de bzhin du 'dir yang yin no zhe na/ de la skyon de yod pa ma yin te/ 'di lta cig car sems las byung ba du mi skyes kyang gsal ba gcig 'ga' zhig gis nyi mas skar ma bzhin du zil gyi mnan ba'i
- 240b
phyir ro/ /gal te yang thams cad nye bar mtshon pa ma yin pa de lta ba yang/ bde ba la sogs pa 'ga' zhig gis bsgribs pa na yang rkyen ji lta ba bzhin du yang gsal ba gzhan dang gzhan skyes pa na/ ston ka'i mang do'i mtshan byed kyi skar ma bzhin du du ma nyid du snang bar 'gyur ro/ /de bas na gcig tshe gsal bas bsgribs pa yang /zil gyis mnan pa'i dus na'o/ /gang gis bsgribs pa yang yin zhe na/ tha dad mthong ba med pas so/ /tha dad pas sam tha dad pa'i mthong ba med pa yin gyi/ du ma nyid yin med pa'i phyir ni ma yin no/ /de ltar na yang bde ba la sogs pa'i/ sems 'byung ba tha dad rgyun dag las/ sems dang sems las byung ba'i tshogs gzhan dang gzhan skye ba'i rgyun la/ tha dad rnam gzhag grub pa yin /de ltar rgyun la yang blo dang myong ba'i tha dad pa nye bar mtshon pa yod pa ma yin na/ gang gis na myong ba 'di dang blo 'di 'di las mtshan nyid dang bral ba yin zhes bya bar 'gyur /rnal 'byor pa'i mngon sum yang lung gi rnam par rtog pa dang ma 'dres pa don tsam mthong ba yin no/ /de ni sngar bshad ces bya ba la sogs pas 'chad par byed do/ /de la 'dir rnal 'byor pa'i shes pa thams cad mngon sum ma yin no/ /'o na ci yin zhe na/ sngar bshad rnal 'byor shes pa ni/ sngar 'phags pa'i bden pa bzhi'i yul can du bshad pa na bden pa dpyod pa gang yin pa de zhes bya ba'i don to/ /rnal 'byor pa'i de yang gang las yin zhe na /de dag de ni sgom byung yin zhes bya ba smos te/ bden pa bsgom pa rdzogs? pa las skyes pa'i shes pa'o// shin tu sgom pa de nyid kyi phyir rtog pa'i dra ba rnams bsal bas/ rtog pa dang bral ba de nyid kyi phyir /bsal ba shin tu snang ba yin /gang dang gang shin tu bsgom pa de dang de las gsal ba snang bar 'gyur zhes bya ba de nyid gang las yin zhe na/ de phyir 'dod dang zhes
- 241a
bya ba la sogs pa smos te/ 'dod pa dang mya ngan dang 'jigs pa ni 'dod pa dang mya ngan dang 'jigs pa'o/ /nges byas pa'i smyo ba ni 'dod dang mya ngan 'jigs smro'o? /de dag dang rkun po mi sogs ni/ 'dod dang mya ngan 'jigs smyo dang/ rkun po smyo sogs so/ /de dag gis gang bslad pa ni skyes bu 'khrul par byas pa'o/ /yang dag min pa yang mthong bar 'gyur/ goms pa'i khyad par las yang dag pa ma yin pa'i don yang mthong bar 'gyur/ ji ltar ze na/ mdun na gnas pa bzhin du'o/ /sogs pa smog pas ni/ myur du bskor ba dang/ 'chi ltas la sogs pa bzung ngo/ /de ltar na de ltar mthong bas don mngon du gyur pa bzhin du/ de dang rjes su mthun par bsgrub pa la dmigs par 'gyur na/ gang gis na de dag 'dir lkog tu gyur pa'i ming can du yang 'gyur ba ma yin no zhes bya ba nges par gzung bar mi 'gyur /sgom pa'i khyad par las gsal bar snang ba ni blo ste/ ji ltar na rnam par mi rtags pa yin zhe na/ rnam par rtag par rjes 'brel na/ don gsal snang ba can ma yin zhes bya ba smos te/ brnga'i rten can ni rnam par rtog pa yin la/ de yang gsal bar snang ba can ma yin no/ /de ltar na yid kyi rnam par shes pa rtog pa med pa la 'di'i ming 'di yin no zhes bya ba de ltar 'dzin pa sngon du song ba can gyi sgra'i tha snyad yod pa ma yin no// brjod par bya ba dang rjod par byed pa'i 'brel pa 'dzin pa'i ngang tshul can gyi rnam par shes pa gang yin pa de la yang gsal bar ? ba yod pa ma yin no/ /de'i phyir gsal ba snang ba can la brnga mi byed pa'i phyir sgro dang 'dras pa'i rtog pa ma yin pa de ltar na gsal bar snang ba'i shes pa gang yin pa de rtog pa med pa nyid yin/ /'khrul pa'i dbang gis rnam bar rtog pa gsal bas snang bar 'gyur
- 241b
ba ma yin nam/ de ltar na yang rmi lam na yang shes pa rnam bar rtog pa yin na yang gsal bar snang ba nyid yin no zhe na/ skyon de yod pa ma yin te/ rmi lam na yang rnam par rjog pa gang yin pa de ni gsal bar snang ba nyid ma yin no/ de la yang gsal bar snang ni gzhan rtog pa med pa nyid yin zhing/ rnam par rtog pa dag rjes su 'brel pa mi gsal ba gzhan nyid yin no/ /de gang las shes na/ 'di ltar rmi lam na yang ngan pa dran/ /de ni de 'dra'i don ldan min/ rmi lam na yang dran pa'i shes pa gang yin pa de mi gsal ba nyid dran pa yin na/ /rmi lam na yang dmigs pa gsal bar snang ba'i shes pa yul dang mtshungs par snang ba can de sang pas dran pa yin no/ /nges na de la yang rtog pa dang rtog pa med bdag tha dad pa nyid yin no/ /gal te sgom pa la yang yang dag pa ma yin pa'i don goms pa lam skyes pa gang yin pa po thams cad gsal bar snang ba ma yin zhing/ rtog pa med pa yang ma yin par grub pa'i mdza' smra ba 'dod pa ma yin nam/ nges na las blangs pa yin zhes/ de yod pa ma yin te/ 'di ltar mi gtsang zad par sa la sogs/ /yang dag min yang sgom pa yi/ /stobs kyis sprul pa sgom pa'i stobs las skyes pa rtog med dang/ gsal bar snang ba can du gsungs pa de ltar na khas blangs pa nyams pa ma yin no/ /gang gi phyir de lta yin pa de phyir yang dag/ gang dang gang mi rtag pa la sogs pa'o/ /yang dag mi ni zad par ? la sogs pa'i ste/ rang gi rnam par rtog pa tsam gyi kun nas bslab pa yin no/ /shin tu bsgom gyur pa/ shin tu goms par byas par gyur cing/ sgom pa yongs su rdzogs pa na/ de gsal mi rtog blo 'bras can/ gsal ba yang yin la mi rtog pa yang yin la mi rtog pa yang yin pas na de skad ces bya'o/ /de 'dra ba'i blo ni gsal la mi rtog pa yin te/
- 242a
gang la 'bras bu de yod pa zhes bya bar tshig rnam par sbyar ro zhes bya ba ni mjug bsdu ba'o/ /gang gi phyir yang dag pa ma yin yang sgom pa'i stobs las gsal bar snang zhing mi rtog par 'gyur ba de bas na/ de sgom pa'i 'bras bu'i shes pa de dag la/ mi slu ba ni gang yin te/ sgom 'byung mngon sum tshad mar 'dod/ ci dang 'dra bar zhe na/ sngar dpyad dngos po bzhin /sngar bden pa dpyad pa'i skabs su tshad ma'i dngos pa yang dag par bstan pa bzhin no/ /lhag ma nye bar bslad pa yin/ dper na zad bar sa la sogs pa lta bu'o/ /rang rig la yang rtog mi 'dod/ /don la rnam par rtog phyir ro zhes bya ba ni/ shes gang gang la zhes bya ba la sogs pas 'chad par byed do/ /ye shes gang yul gang la sgra don 'dzin/ brda 'dzin par byed pa'i shes pa de ni de la sgra'i sgo nas 'dzin pa'i phyir rtog pa yin /rtog pa dad? bcas par brjod do/ /rnam par shes pa thams cad kyi/ /rang gi ngo bo'ang sgra don min/ /brdar bya ba mi nus pa nyid kyi phyir ro/ /rgyu de phyir de la sgra dang don gyi rang bzhin rtogs par bya ba la shes pa kun rtog pa med pa nyid yin pa'i phyir/ mngon sum nyid yin no/ /mngon sum ltar snang zhes bya ba la sogs pas mngon sum ltar snang ba 'chad par byed do/ /mngon sum ltar snang rnam pa bzhin /dper rtog pa'i shes pa rnam gsum yin/ rten bslad pa las byung ba can/ /rtogs pa med pa gcig yin no/ /rab rib la sogs pas gnod pa'i dbang po la sogs pa las gcig yin no/ /rtog pa'i shes pa rnam pa gsum yang brda'i rten can dang sgro 'dogs pa'i rnam par rtog pas 'jug ste /dper na bum pa dang/ grangs dang /'deg? pa dang/ yod pa dang
- 242b
bum pa nyid la sogs pa lta bu'o/ /re zhig bum ba la gzugs ? pa chu la sogs pa 'dzin pa la sogs pa'i 'bras bu gcig sgrub bar byed pa'i sgo nas de las gzhan pa'i de'i 'bras bu can ma yin pa dag las tha dad pa nyid tha dad pa med pa yin no/ /de la 'jig rten sgra 'god pa gang yin pa de ni gcig car gzugs la sogs pa'i tshogs pa rang gi 'bras bu la sbyor ba'i don to/ /brda de la brten nas phyis don dam pa gzhan las tha dad pa dag la yang bum pa la sogs pa gcig tu sgro btags nas/ bum pa zhes bya ba rnam par rtog pa 'jug par 'gyur ro/ /de bzhin du mang po rnam par gcod pa'i 'bras bu can la brten nas /gcig tu mngon par zhen pa can dang/ de bzhin du lag pa la sogs pa steng du 'phen par byed pa'i chos can dag la/ de lta bur gyur pa ma yin pa rnam par gcad pa la brdar byas pa la brten nas 'degs par sgro 'dogs pa can dang/ dngos po med las bzlog don gyi bya ba byed pa'i rang bzhin bstan pa'i phyir /brdar byas pa la brten nas dngos po don gyur pa bzhin du yod pa nyi ston par byed par 'jug par 'gyur ro/ /tshogs pa'i mang po 'bras bu gcig byed pa can dag las de las gzhan pa'i tshogs pa rnam par gcod pa ston par byed pa'i rten brda la brten nas/ bum pa nyid la sogs pa gzhan gcig bum pa'i rdzas thams cad kyi rjes su zhugs par sgro 'dogs par byed pa skyes par 'gyur ro/ /de nyid kyi phyir kun rdzob tu yod bdag la don gzhan la sgro btags nas de'i ngo bo rnam par rtog pa 'jug pa nyid kyi phyir ro zhes gsungs so/ /de ltar rab tu phye pas brda'i rten can rnam par rtog pa'i shes pa gcig po'i rtog pa nyid yin no/ /smig rgyu la sogs pa'i rtog pa gang yin pa de ni chu ma yin pa rnam par bcad na /chu la brda' byas pa la brten nas 'jug pa ma yin na/ gang gis
- 243a
na brda la brten pa'i rnam par rtog pa nyid kyi nang du 'jug pa'i phyir 'di ta dad par mi brjod par 'gyur/ 'o na ci yin zhe na/ yang dag pa ma yin pa'i chu'i brda la brten nas 'byung ba 'dus pa de la don gzhan nyid la sgro 'dogs par byed pa skye bar 'gyur ro/ /de nyid kyi phyir chu la sogs pa'i rnam par rtog pa 'jug pa nyid kyi phyir ro zhes gsungs so/ /de ni don gzhan la sgro 'dogs pa'i rnam par shes pa gnyis pa yin no/ /rjes su dpag pa dang/ rjes su dpag pa las byung ba la sogs pa dag la lkog tu gyur pa'i don sngar mthong ba la rtog par byed pa skye bar 'gyur ro/ /de nyid kyi phyir rjes su dpag pa dang de'i 'bras bu la sogs pa'i shes pa snga ma nyams su myong ba'i rnam par rtog pa ni zhes gsungs so/ /lkog tu gyur pa'i don la rtog pa shes pa zhes bya ba 'di ni lkog tu gyur pa'i don la rtog pa gsum pa yin no/ /de ltar na rtog pa'i shes pa rnams gsum yin/ dbang po la gnod pa byas pa las skyes pa'i shes pa rtog pa med pa ni mngon sum ma yin gyi mngon sum ltar snang ba yin no/ /de la dbang skyes min pa sgrub don du/ gnyis bshad/ rtog pa'i shes pa rnam pa gnyis po gang yin pa de dag ni dbang po las skyes pa ma yin no zhes bshad par bya ba'i don du bshad do/ /'di la yang the tshom ci yod na gang gis na/ dbang skyes min pa bsgrub don du zhes bya ba smos zhe na /'khrul pa bstan phyir ro/ /phyi rol pa 'di la 'khrul pa snang ste/ smig rgyu la sogs pa dang kun rdzob tu yod pa dag la shes pa dbang po las skyes pa nyid yin par 'dod pa lta bu'o/ /de ltar na de nyid rnam par gcad pa'i phyir mngon sum gyi mtshan nyid kyi khyad par
- 243b
'khrul pa med pa can zhes brjod do/ /dbang po la gnod pa byas pa'i shes pa bzlog pa'i don du zhes bya ba yang brdzun yin te/ don dang phrad nas 'dzin pa nyid kyis don ma yin pha las 'byung ba zla ba gnyis pa la sogs pa'i shes pa zlog pa'i phyir/ de lta ma yin na dbang pho las skyes pa zhes bya ba nyid brjod par bya bar 'gyur ro/ /rjes su dpag pa la sogs pa yang de yin la/ grub pa yin pas shes bya bar tshig rnam par sbyar ro/ /'di lta ste/ rjes dpag rjes su dpag las 'byung// dran byung rjod pa las byung ba'i/ /shes pa sngon nyams su myong ba brnga dran pa'i stobs kyis 'grub par 'gyur ba nyid yin pa lta bu'o/ /de de ltar na rjes su dpag pa la sogs pa rtog pa'i rang bzhin nyid du grub na yang/ 'dir rtog pa'i shes pa'i skabs su brjod pa gang yin pa de snga ma gnyis nyid de rtog pa'i shes pa mngon sum nyid ma yin par sgrub phyir ro/ /nyid ni rim pa bzhin du sbyar ro/ /'di ltar sngon nyams su myong ba brda dran pa la brten nas 'byung ba'i ngang tshul can gang yin pa de ni mngon sum ma yin te/ dper na rjes su dpag pa la sogs pa lta bu'o/ /brda rten can zhes bya ba la sogs pa de nyid 'chal bar byed do/ /ci'i phyir rtog pa snga ma gnyis dag la mngon sum nyid du the tshom za? ba/? yin zhing/ gang gis na de gsal ba'i phyir rjes dpag la sogs grub ce na/ the tshom yod pa nyid yin no/ /de ltar na/ brda rten can gyi rtog pa gang yin ba dang/ don gzhan la sgro 'dogs pa'i rnam rtog dag gang yin pa de dang de dag ni brda rten can dang don gzhan la/ sgro 'dogs pa'i rnam par rtog dag go/ mngon sum dang nye bar 'jug pa can du 'gyur ba de dag ni/ 'ga' tshe shes pa phra mo skye ba'i dus kyi rnam par dbye ba ma rtogs pa nyid kyi phyir/ nye bar
- 244a
mtshon pa med pa de dag mngon sum nyid yin no nas 'khrul pa'i rgyu mtshan du 'gyur ro/ /ci'i phyir zhe na/ mngon sum nyer 'jug can nyid phyir /mngon sum gyi shes pa las de dag nye bar 'gyur ba yin no/ /de bas na 'khrul pa srid pas na/ gdon mi za bar mngon sum las 'di tha dad pa nyid du shes par bya ba yin no/ /de nyid kyi phyir de dag mngon sum nyid ma yin par rab tu bsgrub pa'i phyir ro/ /rtog pa phyi ma ni/ ji lkog tu gyur don can/ yul can dran pa la sogs pa'i ngo bo rtog pa 'di rjes su dpag pa la sogs pa'i rang bzhin yin te/ brda la bltos pa'i dang tshul can nyid yin pa'i phyir ro/ /de'i phyir don la 'dzin mi byed/ ci 'dra ba zhig la 'dzin par mi byed ce na /mngon sum ste de bas na mngon sum gyi tshad ma ma yin no/ /de ltar nyams myong dran med par/ sngon nyams su myong ba'i brda dran pa med par bum pa la sogs pa dag la yang/ shes med sngon nyams su myong ba'i dran ba med par bum pa dang/ grangs dang/ 'degs pa dang/ yod pa nyid dang/ bum pa nyid dang /tshig la sogs pa la skyes bu'i bum pa la sogs pa'i shes pa yod pa ma yin te/ ji skad du bshad pa'i rtog pa rnam pa gnyis po yang yod pa ma yin no zhes bya ba'i don to/ /rtog pa po 'dis kyang brda dran pa ni bum pa la sogs pa'i shes pa'i rgyu mtshan yin par shes na nges shes shing/ rtogs na brda dran pa/ de yang ni bum pa la sogs pa la mngon sum las ni yongs nyams 'gyur/ mngon sum gyi shes pa dang ldan par 'gyur ba can du rigs pa ma yin te/ shes pa'i rnam pa de lta bu ni mngon sum nyid ma yin pa nyid kyi phyir ro/ /sbyor ba yang gang zhig nyams su myong ba'i dran pa'i stobs las
- 244b
byung ba de ni mngon sum ma yin te/ dper na dran pa las byung ba dang/ rjes su dpag pa las byung ba dang/ brjod pa las byung ba lta bu'o/ /bum pa la sogs pa'i rtog pa'i shes pa dang/ chu la sogs pa'i rtogs pa'i shes pa yang sngo ni nyams su myong ba'i dran pa'i stobs las byung ba yin no zhes bya ba ni 'gal bas khyab pa dmigs pa'o/ /de de tar na rtog pa'i shes pa rnam pa gsum pa de dag ni/ mtshan nyid kyi tshig gis don gyis gsal bar rig par bya'o/ /'dir bzhi pa ni/ mngon sum ltar snang ba rnam pa bzhi po 'di la mngon sum ltar snang ba zhig? mngon sum ltar snang rab rib bcas shes bya ba gsungs pa gang yin pa de dmigs kyis dgar ba rig par bya ba 'am/ mtshan nyid lhag ma yin par rig par bya'i/ /mtshan nyid kyi tshig las don gyi gsal ba'i dpe ni ma yin no/ /de ltar na ji ltar chu la sogs pa'i rtog pa 'jug pa nyid kyi phyir zhes bya ba la sogs pa/ smig rgyu'i shes pa la sogs pa'i rtog pa nyid yin pa'i rgyu bstan pa de ltar 'di yang bstan par 'gyur ro/ / 'di ltar rtog pa yongs su rdzogs par byas nas 'di'i rtog pa nyid kyi rgyu ma bshad par/ rab rib bcas ces gsungs so/ /de nyid kyi phyir de ni rtog pa dang bral ba'i mngon sum ltar snang ba bstan pa yin no zhes shes par bya'o/ /de lta ma yin na/ mtshan nyid 'khrul ba can du 'gyur ro/ /de bas na dmigs kyis bkar ba'i tshig/ des bshad nyer gnod pa las skyes/ /phyi dang nang gi gnod pa byed pa'i rkyen gis dbang po gnod pa byed pa'i rkyen gyis dbang po gnod pa byed pa las skyes pa'i shes pa thams cad rtog pa dang bral ba nyid yin na yang/ mngon sum ltar snang ba zhes brjod do/ /de la rab rib 'ba' zhig ni/ nyer gnod mtshan par byed pa yin/ de la rab rib dang bcas pa'i tshig gi rab rib ni/ dbang po la gnod pa byed pa'i rkyen thams cad
- 245a
kyi nye bar mtshon pa yin par lta bar bya'o/ /de yang yid kyi shes pa kha cig/ zla ba gnyis la sogs pa'i shes pa yang dbang po la skyes pa ma yin gyi/ 'on kyang yid kho na yin zhes kha cig smra'o/ /de skad du /smra ba sngo dang zla gnyis la sogs blo'i/ /dbang po'i rgyu yin zhes bya ba'i/ /gzhung 'di dang ni de dag 'gal/ /slob dpon gyis rtsod pa sgrub par bshad par mngon sum du dpyad pa la dmigs pa'i don dpyad pa na/ 'di ltar ji ltar snang ba gang las shes pa skye ba de ltar dmigs pa zhes brjod dam /'on te ji ltar yod pa dag gzhan du snang ba'i shes pa'i rgyur 'gyur zhes bya ba skabs su mdzad nas/ mig la sogs pa'i bar yang dmigs pa nyid du thal na de dag kyang don dam par rnam pa gzhan du yod pa dag ni zla ba gnyis par snang ba dang /sngon po la sogs pa'i snang ba'i shes pa'i rgyur 'gyur ro zhes bshad pa'i gzhung yin pa dang 'gal lo/ /de ltar na gal te de dbang po las brten pa ma yin no/ /ji ltar na de skad du bshad par 'gyur /de ltar ni 'gyur mod kyi /gal te rgyud bas rgyu yin na/ 'dir yang dbang po dngos po rgyur ma bshad na gang gis na dbang po la brten pa brjod pas 'gal bar 'gyur /'o na ci yin zhe na/ dbang po yid kyi rnam par shes pa'i rgyu nyid yin par brgyud nas bshad pa yin no zhe na/ dbang po'i spyod yul shes pa dag /dpyod par byed pa na /dbang po'i 'di shes pa'i yul dpyod par byed na'o/ /dbang po la shes pa'i spyod yul dpyad pa'i skabs las yid gyi rnam par shes pa'i skabs kyis ci zhig bya ste ci? yod ma yin no/ /gang gis na slob dpon gyis skabs su mdzad nas de skad du gsungs pa yin gyi /dbang po'i shes pa ni ma yin
- 245b
zhes brjod pa gang yin pa de ni cing yang mi rung /dbang rten ci yin /dbang po las skyes pa'i shes pa'i mtshan nyid du 'dod pa ci yin zhe na/ mtshan nyid gang med pas zla ba gnyis pa la sogs pa'i shes pa la dbang po la brten pa'i tha snyad byed pa ma yin zhes bya ba 'dis ni zla ba gnyis pa la sogs pa'i shes pa 'di la pha rol 'dod pa'i dbang po'i shes pa'i mtshan nyid yod par dgongs nas 'dri bar mdzad pa'o/ /gal te gang dbang po yod med rjes 'brel can gal te dbang po yod pa dang med pa'i rjes su byed pa'i rnam par shes pa gang yin pa de dbang po la brten par 'dod pa de'i tshe/ du mtshungs zla ba gnyis pa la sogs pa'i shes pa yang/ dbang po yod pa dang med pa'i rjes su byed par mtshungs pas na/ de ci'i phyir dbang po la brten pa ma yin/ bye brag med pa'i phyir ro/ /gal te 'gyur bzhin na ci ste yod pa dang med pa'i rjes su byed pa 'di khor nas/ dbang po 'gyur ba na 'gyur ba dang ldan pa gang yin pa de dbang po la/ brtan par 'dod pa de'i tshe yang/ mig la sogs pa 'gyur ba na/ dbang po'i shes pa 'gyur pa gzhan ci zhig 'gyur ba can du 'dod na /gang gis na zla ba gnyis pa la sogs pa'i shes pa mi 'gyur/ de 'dir 'gyur ba yin pa de ltar na/ gang las dbang po rten nyid du rtog pa ci'i phyir na 'gog zla ba gnyis pa la sogs pa'i blo dbang po la brten pa nyid do/ /'dir yang sgrul sogs 'khrul pa bzhin/ /dbang po'i 'gyur ba yod na yang/ /ldog 'gyur gal te zla ba gnyis pa la sogs pa'i 'khrul pa gang yin pa yid kyi 'khrul par 'gyur ba de'i tshe/ ji ltar nam mkha' mi gsal ba na/ sbrul gnas pa'i yul can du thag pa 'khril pa'i dbyibs kyi spyi la brten nas khyad
- 246a
par mi rtog pa de'i tshe/ sbrul gyi khyad par du sgro 'dogs pa'i yid sprul du 'khrul pa dang/ smig rgyu la sogs pa'i rkyen ji lta ba bzhin du chu la sogs par 'khrul pa rnam par dpyad pa la sogs pas med par 'gyur ba de ltar dbang po'i 'gyur ba la bltos pa med pa can zla ba gnyis pa la sogs pa'i 'khrul pa 'di yang ldog par 'gyur la/ 'on kyang dbang po'i bslang pa ni/ ldog na yang ldog par mi 'gyur ro/ /zla ba gnyis la sogs pa'i 'khrul pa yang yid kyi 'khrul pa'i rang bzhin yin na yang/ mig sman la sogs pas mig gi 'gyur ba ldog pa na bdag la sogs par/ lta ba'i 'khrul pa'i bzhin du ldog par mi 'gyur ro/ /de ni gang gi phyir 'di ltar mig gi 'gyur ba gnas pa ni mi ldog cing/ mig gi 'gyur ba ldog pa na ldog pa de'i phyir dbang po las skyes ba yin no zhes khong du chud par 'gyur ro/ /gal te 'di yid kyi 'khrul par 'gyur ba de'i che/ 'di ltar thag pa la sogs pa la 'khrul pa/ de bzhin gzhan gyi rgyud la ni/ yul dang dus nye bar can gyi skyes bu'i sems la yang/ brjod pa dag gis 'ga' tshe 'jog /ji ltar sprul sprul zhes bya ba'i sgras 'khrul pa'i rgyu tshogs pa na/ 'ga' zhig gi tshe sprul du 'khrul ba skye bar 'gyur/ /de bzhin du 'di yang rab? rib la sogs bas bslad pa'i mig can gyis/ ji ltar nyams su myong ba'i sgras yul dang dus nye ba can/ dbang po bslad pa can de'i zla ba gnyis pa la sogs pa'i 'khrul pa bskyed par 'gyur na/ de ltar yang ma yin pa de bas na yid ma yin no/ /gzhan yang mthong ba dran la bltas 'gyur na/ gal te 'di yid kyi 'khrul bar 'gyur ba de'i tshe/ 'di ltar smig rgyu
- 246b
la sogs pa dag la chu'i rnam par 'khrul pa sngar mthong ba'i chu'i dran pa dang chu dang chos mthun pa thos par 'gyur ba de bzhin du/ zla ba gnyis pa la sogs par 'khrul pa 'di yang 'gyur na/ 'di ltar mig bslang pa can ni sngon mthong ba'i dran pa la bltos pa med par mig rnam par phye ma thag tu zla ba gnyis pa la sogs pa mthong bar 'gyur ba de ltar na/ 'di dbang po las skyes pa yin no/ /gzhan yang/ yongs su gsal bar snang ba min/ yid kyi 'khrul pa'i ngo bo nyid yin na? ni/ rtog pa dang bcas pa'i yid kyi rnam par shes pa yin par 'dod par bya'o/ /de lta ma yin na 'dir bzhi pa ni dmigs kyis dgar zhes bya ba 'di la log par rtog pa rigs pa ma yin no/ /de ltar na zla ba gnyis pa la sogs pa'i shes pa po mthong ba bzhin du gsal bar snang ba ma yin no/ /de ltar ni rnam par rtog pa rjes 'brel ni/ don gsal ba snang ba can ma yin/ zhes bya bas gong du bshad zin te/ /ci ste de ltar snang ba'i phyir yid kyi rnam par shes pa da yang rtog pa med par 'dod pa de'i tshe/ de zlog pa'i don tu/ 'dir bzhi pa ni dmigs kyis dgar zhes bya ba'i tshigs gsal bar byed pa yin no zhe na/ de'i phyir/ gnyid log pa 'am sang pa na yang/ skyes bu'i gsal bar snang ba can blo gang/ /de ni rtog med/ gang yang rnam pa gnyi ga yang/ gnyid log pa'am ma log pa yod do/ /de lta min na mi gsal bar snang ba can nyid du 'gyur ba'i blo de thams cad ni rtog pa yin no/ /gang gi phyir de ltar shes pa rtog pa med pa yin na yang/ bslang pa yin pa de bas na zla ba gnyis pa'i shes pa yod par srid pa de phyir zla ba gnyis la sogs pa'i shes pa'i de phyir de rtog med na yang/ mngon sum rtog pa dang bral ba can
- 247a
zhes bya ba'i mtshan nyid 'di tsam brjod pas tshad ma nyid du gyur pa de rab rib bcas shes ston par byed pa'i mig gis bkag pa yin no/ /ci'i phyir zhe na/ bslu pa'i phyir ro/ /nger snang ba can gyi don dang don byed pa de don du gnyer ba de phrad la med pa'i phyir ro/ /don duAng/ mngon sum ltar snang gnyis su bshad/ gang gi phyir 'di ltar slob dpon ni dbang po las bskyes pa yin na yang/ bslang pa mngon sum ltar snang ba yin pa de nyid kyi phyir/ 'khrul dang kun rdzob shes pa dang/ /rjes dpag rjes su dpag las byung/ /dran 'byung brjod pa las byung zhes bya bas rtog pa'i bdag nyid can gyi mngon sum ltar snang ba bstan pa yin no zhes bya bas rnam par bcad nas gnyis pa rtog pa med pa'i mngon sum ltar snang ba rab rib bcas zhes bya bas bshad pa yin no/ /'bras bur gyur pa'i shes pa de nyid kyi yul gyi rnam par skyes pa'i sgo nas rtog pa dang bcas pa la brten nas/ tshang ma nyid du nye bar btags pa yin no zhes bya ba la sogs pa/ bya ba dang ni sgrub byed ces bya ba la sogs pas 'chad par byed do/ /shes pa'i don dang 'dra ba ni tshad ma yin la/ don nyams su myong ba'i bdag nyid ni 'bras bu yin par rigs kyi /tshang ma las don gzhan du gyur ba ni 'bras bu ma yin no/ /bya ba dang ni sgrub byed ces/ las kun gyi ni bya ba thams cad kyi thams cad dag/ sgrub byed ma yin pa'am/ sgrub par byed pa thams cad kyi thams cad bya ba ma yin te/ thug pa med par thal ba'i phyir ro/ /'o na ci yin zhe na/ gang las 'bras yin/ gang yin pa'i las de? bya ba de ni de'i sgrub byed/ de sgrub par byed pa las chod pa med par tha snyad la brten pa'i sgo nas rab tu 'grub pa thob par 'gyur gyi/ bskyed par bya
- 247b
ba dang skyed par byed pa'i dngos pos ni ma yin te/ de'i bya ba ni de nyid yin/ /gzugs la sogs pa las de la nyams myong tsam du ni/ shes pa 'dra ba'i bdag nyid can/ bdag nyid des byed pa'i rang bzhin nges/ 'gyur na gang gis/ las so so lta ste don so so la rnam 'byed 'gyur/ 'di ni sngon po'i shes pa yin zhing/ 'di ni ser po'i shes pa yin zhes bya ba la sogs pa'i tha snyad kyis so/ /de lta ma yin na ngon thams cad shes pa thams cad kyis shes byar gyur pa'am/ 'ga' zhig kyang ma yin te/ bye brag med pa'i phyir ro/ /dbang po la sogs pa'i mi gsal pa la sogs tha dad ba ni shes pa'i nges par byed pa yin zhes bya ba yang legs pa ma yin te/ 'di ltar dbang po la sogs pa'i rgyu la mi gsal ba la sogs pa'i tha dang? yod na yang/ shes pa 'de'i bdag nyid gyur ma yin sngon po la sogs pa'i/ las tha dad la tha dad min nyams su myong ba'i bdag nyid 'dra bar gyur pa/ tha dad pas nges byed ma yin/ mi rung ste/ shes pa thams cad kyi khyad par med pas rgyu nyid yin pa'i phyir/ /khyad par med na yang gang zhig bdag nyid khyad par du 'gyur pa gang yin pa de ni yul rnam par gzhag pa'i rten gzhan la bltos par 'gyur ba de'i bdag nyid de'i mtshon par byed pa por rigs pa yin pa/ de'i phyir tha dad gang las/ shes pa 'di sngon po dang ser po la sogs pa/ 'di'i rtogs pa zhes bya 'di/ bya ba 'di ni las nges yin bar 'gyur ba de nyid tshang pa med pa'i phyir/ 'di rab tu sgrub par byed pas shes bya bar tshig rnam par sbyar nas/ de sgrub byed de grub pa yin/ chod pa med pa yang byed pa thams cad tshogs na yang/ rtog pa 'di yin zhes bya ba'i nges pa la brten pa nyid kyis yin no zhes bya ba ni mjug bsdu ba'o/ //tshad ma rnam 'grel gyi
- 248a
'grel pa/ /bam po sum cu rtsa gcig bya/ /'o na nges par sgrub par byed pa gang yin pa de gang las yin zhe na/ don dang zhes bya ba la sogs pa smos te/ dbang po la sogs pa ni mi gsal ba la sogs pa'i rang gi gnas ba? tha dad pa las rnam par shes pa mi gsal ba'i ngo bo nyid kyi rgyur gyur ba tha dad pa byed pa yin na nges byas pa'i shes pa tha dad pa ni don thams cad kyi thun mong nyid yin pa'i phyir/ tha dad nges myong ba'i don dang lhan cig don ni myong pa ni 'di yin no zhes sbyor bar nus pa ma yin no/ /don gyi ngo bo ni don de'i rang gi bdag nyid don nyid la nges pa yin pa de ltar na nus pa yin no/ /de ci'i phyir zhe na/ don gyi ngo bo ma gtogs par gzhan dag dbang po la sogS ba'i mi gsal ba la sogs pa tha dad pa la/ shes pa tha dad byed yin na 'od/ myong ba de dag don dang bcas pa don 'di'i nyams su myong ba ni 'di yin no zhes ji ltar yang/ 'thad ba dag ni ma yin no/ /don gyi ngo bo nyid kyis ni 'thad pa dag ni yin te de nyid ni sngon po 'am ser po'i rtogs pa 'di yin no zhes rnam pa gzhag pa'i rgyu nyid yin pa'i phyir ro/ /gang gi phyir 'di ltar gzhal bya nyid ma gtogs par byed pa gzhan ma grub pa de'i phyir gzhal bya rtogs pa'i 'bras bur gyur pa'i gzhal bya'i ngo bo nyid sgrub par byed pa yin no/ /gzhal bya'i ngo bo nyid las sgrub par byed pa gzhan yin na/ rtogs par byed mnyams su myong ba'i mtshan nyid can gyi bya ba de las dang sngon po la sogs pa dang lhan cig sngon po 'di'i rtogs pa 'di yin zhes bya ba'i 'brel pa mi grub po/ /sgrub bar byed par gyur pa gzhal bya'i ngo bo nyid de yang shes pa de'i bdag nyid yin no/ /gang gi phyir rgyu des na tshad ma las
- 248b
'bras bu don gzhan min no/ /de ltar shes pa tha dad pa med pa'i bdag nyid yin zhing byed pa med pa yin na yang bya ba byed pa tha snyad nye bar btags pa'i sgo nas rigs pa ni don rtogs pa'i bdag nyid kyis zhes bya ba la sogs pa ston bar byed do/ /don rtogs pa'i bdag nyid kyis byed pa'i 'bras bur gyur pa don rtogs pa'i rang bzhin gyis shes pa'i bdag nyid de ni/ gzhal bya'i ngo bo nyid de la 'dzin pa'i khyad par gyi byed pas byed dang bcas pa bzhin du snang gi byed ba bcas pa nyid kyang ma yin te/ chos thams cad byed pa med pa nyid kyi phyir/ khyad par du lus can ma yin pa ni bya ba nyid ma yin pa'i phyir ro/ /gang la byed dang bcas pa bzhin du snang zhe na/ rang gi las ni zhes bya ba smos? te gzugs la sogs pa la'o/ /bdag nyid byed po min na yang/ de'i dbang gis gzhal bya dang 'dra ba'i dbang gis der gzhag phyir/ rtog pa rnam par gzhag pa'i phyir gzhal bya dar? 'dra pa de ni rtogs pa rnam par gzhag pa'i rgyu yin pa de ltar na sgrub par byed bar brjod kyi don dam par ma yin no/ /dper na 'bras bu rgyu rnams kyi/ bdag nyid 'dra bar 'byung ba'i phyir/ rgyu'i phyir bya ba ldan nyid ma/ yin na yang/ bya ba med par nyid yin na yang 'jig rten rgyu gzugs 'dzin ces brjod/ dper na pha las de dang gzugs can gyi 'bras bu skyes ba la 'di pa'i gzugs 'dzin to zhes tha snyad du byed pa lta bu'o/ /de ltar 'dir yang yul rgyur gyur ba gang gi rnam pa'i rjes su byed cing skyes ba'i rnam pa shes pa la 'di'o de 'dzin pa yin no zhes shes pa de ltar na rtogs par byed pa dang bcas pa la brten nas tshad ma nyid du nye bar btags pa yin no/ /gang gi phyir de ltar
- 249a
na gzhal bya'i ngo bo nyid bar nas/ gzhan gyis las so so la shes pa rnam par 'byed par mi nus so/ /de'i phyir mthong dang/ de'i phyir don tsam mthong dang/ dbang 'brel dang dbang po phrang pa dang/ khyad par gyi blo la de skad ces bya'o/ /mthong ba dang dbang po dang 'brel ba dang byed pa can gyi blo dag ni/ tshad ma nyid du mi 'dod do/ /mthang ba dang dbang po dang 'brel pa dang khyad par can gyi blo de dag byed ba rnams/ bya ba la ni mchod pa'i phyir/ rgyu'i phyir ro/ /de ltar na bya ba las dang byed pa rnams/ thams cad nye bar sbyor na yang/ thams cad byed pa gzhan gyis mchod par bya ba gang de rang tha dad pa'i sgo nas/ tha dad byed de ni sgrub byed dam par 'dod sgrub par byed ba dam pa ste byed pa'o/ /re zhig sgrub bar byed dam pa/ /'di 'dra dbang po la yang med/ ci'i phyir zhe na/ kun gyi mtshungs rgyu nyid phyir ro/ /rnam par shes pa thams cad kyi rgyu nyid yin pa'i phyir ro/ /bya ba du ma'i khyad par bskyed du zin kyang ngo bo mtshungs pa gang yin pa de ni de'i nye ba'i mchod pa tha dad par byed pa ma yin no// de tha dad kyang/ dbang po mi gsal ba la sogs ba'i khyad par gyis tha dad na yang shes pa de dngos can min pa yul dang 'dra ba dang bral ba'i shes pa don 'di shes pa 'di yang zhes nges pas tha snyad du byed pa gang yin pa de gang las ma yin pa nyid do/ /dbang po tshad ma nyid ma yin par bstan pa des ni lhag ma don mthong ba la sogs pa bshad pa yin dper na chod pa'i phyir byed pa'i phul du byung ba ma grub pas tshad ma nyid ma yin no zhes bya ba lta bu'o/ /de ltar na 'dra ba med na mthong ba tsam yang tha dad par byed pa ma yin te/ don mthong ba nyid ma grub pa'i phyir ro/ /don 'dra ba sgrub par byed pa nyid mi 'dod na/ don 'di mthong ba 'di yin no zhes bya ba de yang grub par mi 'gyur ro/ /de ma grub na
- 249b
ji ltar na grub par byed par 'gyur/ khyad par can gyi blo yang ni/ 'di yang skyon lhag ma gzhan yin te/ gang de dngos med na/ don dang 'dra ba med na nges par byed ba'i khyad par gyis shes pa 'di dang khyad par gyi gzhi'i shes pa 'di yin no zhes bya ba 'di gnyis gyis tha dad med/ bye brag yod pa ma yin no/ /khyad par ma grub na yang khyad par gyi shes pa 'di ni tshad ma yin zhing de las gzhan pa de 'bras bu yin no zhes bya ba de gang las yin/ ci ste khyad par gyi shes ba'i 'dra ba tha dad bar 'dod pa de'i tshe/ de nyid sgrub par byed par 'gyur zhing don rtogs pa yang 'bras bur 'gyur te/ 'di ni de tsam gyi ngo bo nyid yin ba'i phyir ro/ /de bzhin blo gzhan dag la yang/ khyad par gyi shes pa bzhin du khyad par gyi gzhi'i shes pa la yang 'dra ba nyid las nges par 'gyur ro/ /de yang khyad par gzhi de las tshad ma dang chad ma'i 'bras bur 'gyur ba de ltar na de dag gi nang nas gcig ni tshad ma yin la gzhan ni 'bras bu yin no zhes rtog pa don med pa yin no/ /'dis kyang khyad par dang khyad par gyi gzhi'i shes pa'i nyid ni tshad ma dang 'bras bu 'dod par mi bya'o/ /ci'i phyir zhe na/ 'di ltar bya ba dang sgrub byed gnyis/ yul tha dad pa'ang mi 'dod do/ /sgrub par byed pa gang kho na bya bar 'gyur gyi byed pa gzhan la nye bar ma yin zhing gzhan la bya ba ma yin te shes pa gnyis po de dag tha dad pa'i yul can du 'dod pa rigs pa ma yin no/ /ci ste skyon der ma gyur cig snyam par dus snga phyir 'byung ba'i dang tshul can gyi shes pa yul gcig pa can tshad ma dang tshad ma'i 'bras bur gyur bar rtog pa de'i tshe/ 'di ltar don gcig yin na'ang gnyis don med/ dus sngar 'byung ba can byed pa nyid du rtog na rtogs pa'i ngo bo nyid yin pa'i phyir de nyid tshad ma dang 'bras bu nyid yin pa de ltar na bya ba rdzogs pa'i don la 'jug pa 'bras bu nyid du brtag pa gnyis pas ci zhig bya gzhan yang
- 250a
don de nus pa yin na ji ltar rnam par shes ba cig skyed bar byed pa de ltar de'i rgyu can gzhan dang gzhan dag kyang cig car skye bar 'gyur te/ bye brag med pa'i phyir ro/ /de'i phyir shes pa de dag rim bzhin du 'byung ba yod ma yin/ ci ste nyes pa der ma gyur snyam pas de dag cig car/ bskyed par 'dod pa de'i che/ blo ni cig car 'byung 'gyur na/ blo ni zhes bya ba ni rigs la bltos nas tshig gcig par byas pa yin no/ /blo gnyis cig car te lhan cig 'byung zhing skyen de dag gi bsgrub bya sgrub byed med par 'gyur/ tshad ma las 'bras bu don gzhan yin par smra ba'i rgyu ni sgrub par byed pa yin zhing 'bras bu ni bya ba yin yin par 'dod do/ /dus mtshungs ba can gyi rgyu dang 'bras bu'i dngos po ni yod pa ma yin no zhe sngar bstan zin to/ /gal te dus mtshungs par 'gyur ba nyid kyi rgyu dang 'bras bu nyid ma yin pa'i phyir bsgrub par bya ba dang sgrub par byed ba'i dngos po yod pa ma yin pa de'i tshe tha dad pa med pa'i bdag nyid can gyi shes pa gcig la chos shin tu yod pa ma yin no zhe na/ de la skyon de yod pa ma yin te 'di ltar shes pa la'o/ /de rnams gzhag la brten nas ni/ shes ba'i cha dag bsgrub bya sgrub byed gzhag/ yul rtogs pa'i rnam par gzhag pa ni don dang 'dra ba la brten ba yin pa de ltar na/ byed pa bzhin du nye bar brtags pa yin te/ phyi rol gyi bzhin du bskyed bya skyed byed kyi dngos po ma yin pa'i phyir/ kha na ma tho ba med pa yin no/ /phrad pa yang tshad ma yin te/ ci'i phyir zhe na/ 'di ltar phrad pa ni rnam pa 'ga' zhig la 'jug pa ma yin na/ gang gis na don gyi rnam pa 'ga' zhig /rtogs par 'gyur/ gang gi phyir bdag nyid thams cad rtogs par 'gyur/ de ltar na bdag nyid kyi 'brel na yang
- 250b
dngos po chos 'ga' zhig ni rtogs 'gyur ba'i/ phrad ba tshad ma nyid yin na gang nges pa der ni mi 'gyur te/ gang rnam pa 'ga' zhig 'dzin pa'i mtshan nyid can no/ /ci'i phyir zhe na/ 'brel pa bye brag med phyir ro/ /phrad pa bye brag med ba'i phyir ro/ /gang gi tshe phrad ba'i khyad par med na yang/ don rtogs pa'i khyad par du 'gyur te/ don 'ga' zhig rtogs pa'i phyir ro/ /de'i tshe phrad pa tshad ma ma yin no/ /'o na tshad ma nyid ci zhig yin zhe na de tha dad med kyang phrad par bye brag med na yang gang las nges pa mchod ba las gang sngon po shes pa ni 'di yin la ser po shes pa ni 'di yin no zhes bya ba'i shes ba'i/ tha dad 'di de'i tshad ma nyid/ de yang don dang 'dra ba las/ gzhan ma yin no zhes mang du bshad zin to/ /de ltar ni 'gyur mod kyi/ gal te 'dus byas yin phyir na/ shes pa las skyes pa shes pa'i rgyu 'dus byas pa las don so so la shes pa nges pa yin no zhe na/ de dang de min te/ 'di ltar/ de dngos min te gzhag med phyir/ /gal te yul 'di'i rnam pa la/ /shes pa 'di rjes su byed pa skye ba de'i tshe yul gang gis rnam pa la rjes su byed pa'i shes pa de ni 'dra ba de las 'di'i 'di yin no zhes nges pa thob par 'gyur ro/ /de bas na de 'dra ba'i rnam pa can gyi shes pa skyes bas 'dus byas pa nges par byed pa skyed par byed na/ 'dus byas pa gang las de 'dra ba'i shes pa nges par 'byung bar 'gyur/ 'di ltar don dang 'dra ba med na shes pa des pa med ba'i phyir/ de skyed par byed ba'i 'dus byas pa yang ma nges pa yin pa de ltar na gang gis na 'di las don so sor shes pa tha dad ba yin/ de ltar ni 'gyur mod kyi/ gal te bya byed gcig yin na 'gal lo zhe na/ dngos su tha dad pa med
- 251a
pa'i phyir shes pa'i cha gcig nyid na ste/ bya ba gang yin pa de nyid byed pa yin pa'i phyir de'i 'gal ba yin no zhe na/ de dang de ni mi bden te/ chos tha dad pa khas len phyir/ dngos su tha dad med par 'dod/ chos tha dad pa khas len pa'i phyir ro zhes bya ba'i lnga pas ni shes pa ston par byed do/ gal te chos tha dad par khas len pa yod na shes pa'i dngos po tha dad pa med par kho bo cag 'dod de/ dngos su shes pa de gcig yin no zhes bya ba'i don to/ 'dir yang gzhal bya'i ngo bo nyid dang don rtogs pa zhes bya ba'i chos tha dad pa gang yin pa de khas len pa nyid ni ldog pa'i tha dad pas nye bar brtags pa yin no/ /chos tha dad pa khas len pa'i phyir bya ba dang sgrub par byed pa gcig nyid yin no zhes bya ba la skyon yod pa ma yin no/ /gang du yang dngos po tha dad ba la bya ba dang byed pa rnam par 'jog par 'dod pa ste/ dper na sta re la sogs pa lta bu ste/ dngos rnams tha dad 'dod pa la/ der yang dngos po la rten pa can ma yin no/ / ci'i phyir zhe na/ sgro 'dogs pas ni 'jug phyir ro/ /shes pa de dang de la brten nas bskyed par bya ba dang bskyed par byed pa 'ba' zhig tu sgro 'dogs pa dang ldan pa dag bya ba dang byed pa zhes brjod kyi/ don gzhan du gyur pa'i bya ba ni yod pa ma yin no/ /de med pa'i phyir/ gang las byed pa yin/ de'i phyir bya ba byed ba tha snyad dag/ thams cad de lta'i rnam pa can/ nye bar btags pa'i rang bzhin yin gyi dngos po la brten pa can ma yin no/ /rnam par shes pa nyid yul du snang bar skyes na bzung ba dang 'dzin pa tha dad pa dang ldan par nges pa yin gyi/ phyi rol gyi don yod pa ma yin pa de ltar na don rtogs pa'i ngo bo bya ba 'ga' zhig kyang/ yod pa ma yin na gang tshad ma'i 'bras bu
- 251b
nyid du rnam par 'jog par 'gyur zhes dgongs nas/ bstan bcos mdzad pas mdo sde pa la/ don rig gang yin zhes 'dri ba mdzad pa yin no/ /don rig pa 'di'i don rig par bya ba nyid kyi phyir don rig par ma yin no/ /so sor rang rig gzhan gyis mngon sum gang yin 'di 'dod do zhes bya ba smras te/ rgyud so so'i mngon sum la de yod pa nyid yin na ci'i phyir de la yang snyan par byed ce na/ rnam pa thams cad du yod pa ma yin no zhes 'gog par mi 'byed do/ /'o na ci yin zhe na/ myong ba 'di ni yod mod kyi 'on kyang/ don rig de ni gang gis yin/ rgyu gang gis brjod ces 'dri bar mdzad do/ /'di la 'dri ba ci zhig yod/ /de 'dra ba las yin/ skye ba dang don dang 'dra ba la don myong bar 'dod do zhes bya ba'i tha tshig go/ 'di ltar gang las shes pa skye ba dang 'dra bar 'gyur ba de ni de'i yul yin no zhes mtshan nyid bstan pa gang yin pa de ni/ 'khrul par 'gyur/ 'khrul pa gang yin pa de ni de'i mtshan nyid ma yin/ /dper na nam mkha' lus can ma yin pa lta bu'o/ /de dang 'dra ba de las byung zhes bya ba la sogs pas 'khrul par 'chad par 'gyur ro/ /gzhal bya nyams su myong ba ma gtogs par myong ba yod pa ma yin pa de ltar na/ de med na nyams su myong ba med pa thob par 'gyur ro snyam du sems pas /ci ste gang las 'di myong ste/ zhes bya ba 'dri bar byed do/ /so so rang gis rig pa'i nyams su myong ba shes pa 'di'i gzhal bya gang las 'gyur te/ gzhal bya med pa nyid kyi phyir mi 'gyur ro zhes bya ba'i don nya?/ gang gi phyir nyams su myong ba 'di yang yod pa yin pa de'i phyir 'di nyams su myong bar bya ba'i sgo nas 'gyur ba yin no zhes bya ba'i tha tshig go /de nyid 'dir ni dpyad par bya/ 'di nyams su myong ba yin zhes 'dod pa gang yin pa 'di kho bo cag gis kyang khyod las shes par 'dod pas 'di nyid
- 252a
dpyad bar bya ba yin pa de ltar na ngal don 'di 'dri bar ma byed ces bya ba'i don to/ /nyams su myong ba'i dngos po gang yin pa de yang gzhal bya las 'gyur ro zhes bshad pa 'di yang skyon yod pa ma yin te/ don dam bar tha snyad 'di med pa'i phyir dang/ blo 'khrul ba'i la snang ba'i dbang gis rnam par gzhag pa'i phyir ro/ /mtshan nyid ni yod pa can dang ldog pa med can du 'gyur grang na/ de la 'dir yod par khas len na yul gyi mtshan nyid 'khrul pa can du bshad pa yin no/ /dpyad pa na 'dra ba nyid kyang yod pa ma yin no zhes bstan pa'i phyir rdul phran zhes bya ba la sogs pa smos te/ rdul phra rab re re bdag nyid can gyi yul bdag gi ngo bo ma tshogs pa'i ngo bo 'jog par 'gyur grang na/ de la de shig rdul phra rab kyi bdag nyid ma yin te/ 'di ltar shes pa la rags ba'i rnam par snang ba de yang phra ba re re la yod pa ma yin pa de ltar na rang gi ngo bo'i sgo nas rdul phrar ba 'dra bar byed pa ma yin no/ /tshogs pa rnams la yang ngo bo gcig yod pa ma yin te/ gcig dang du ma 'gal ba'i phyir ro/ /rags par snang ba'i shes pa myong brdul phran de dag gang gis na/ rnam pa gang gis na de dag 'dra bar 'gyur te/ 'dra bar byed pa nyid ma yin te/ du ma nyid kyi phyir dang rdul phra rab nyid yin ba'i phyir ro/ /'dra bar byed pa nyid ma yin pa'i rgyud ni de'i don dngos ma yin zhes bya ba la sogs pa smos te/ de'i don dngos min shes pa don dang 'dra ba yod pa ma yin pa de ltar na mtshan nyid yod pa can ma yin no? yod na don dang 'dra ba yod na yang de 'khrul ba can du 'gyur ba'i phyir de myong ba'i ngo bo ni/ yul nyams su myong ba nyid na'o/ /sgrub par byed pa nus pa ma yin te/ de ltar na de 'dra ba dang de las byung/ gal te khyod ba'i mtshan nyid min
- 252b
ba de'i tshe don mtshungs can gyi rnam par shes/ /mtshungs pa de ma thag myong 'gyur/ /nyams su myong bar 'gyur te/ dran pa las 'byung bas zhes bya ba'i don to/ /nyams su myong ba'i shes pa de ni gtso bo'i rgyu yin te/ gtso bo'i rgyu gzhan med pa'i phyir ro/ /de ma thag tu byung ba dran pa las byung ba de de las de'i rnam pa can yin zhing de las byung ba de ltar na de ni snga ma de yul du 'gyur ro/ /gang gi phyir nyams su myong ba des yul mtshungs pa can nyid du 'dod pa de nyid kyi phyir/ de don mtshungs pa can gyi zhes bya ba smres so/ /de ltar ni 'gyur mod kyi/ rnam pa thams cad kyi rjes su byed ba ma yin pa de ltar na de'i rjes su byed pa ma yin no/ /de ni ma yin te/ gzhan la yang mtshungs pa nyid kyi phyir ro/ /nyams su myong ba'i shes pa yang rnam pa thams cad du don gyi rjes su byed ba ma yin no/ /de lta ma yin na don thams cad kyi rjes su byed bas shes pa nyid don yin pa de ltar na don zhes bya ba cung zad kyang med par 'gyur ro/ /der snang ba nyid ni dran ba las byung ba nyid la/ yang yod pa ma yin pas de ltar na mtshungs so/ /de ltar ni 'gyur mod kyi/ 'di mthong de thos zhes bya ba/ /gang la blo ni nges pa de/ /des myong yin no/ /'di mthong ba 'di thos ba'i sgra'i ngo bo zhes bya ba mthong ba dang/ thos pa dag las dus phyis yul gang la nges par 'gyur ba de las mthong ba dang thos pa de dag nyams su myong ba yin gyi/ shes pa de ma thag pa la de lta bu yod pa ma yin no/ /des na mtshan nyid la 'khrul ba med pa yin no zhe na/ nye ba nyid de nyid dpyad par bya ba ste/ snang ba dang mthong ba dag gi'o/ /gal te mthong ba dang thos pa dag gi don nye ba 'ga' zhig 'thad pa de'i tshe/ de la brten nas byung bzhen ba de 'dra ba'i ni yul du rnam par bzhag pa'i rten du 'gyur ro/ /mthong ba dang thos pa de dag ni don dang nye ba de nyid dbyed? bar bya ba yin na de yang yod ba ma yin no/ /
- 253a
gang gis don de mthong ba de 'dod de de ni mthong ba de rigs pa ma yin no/ /de ltar na/ snang dang mthong ba de dag ni/ /'brel pa la ni brten nas ni/ /lta ba po yi nges de yin/ /mthong ba dang thos pa 'di yin no zhes bya ba'i nges pa gang yin pa de ni mthong ba dag don dang 'brel pa grub pa na 'brel ba de la brten nas 'gyur na don yang ma grub pa'i mtshan nyid can yin pa de ltar na/ de'i yul can gyi mtshan nyid mthong ba 'am thos pa ma grub pa yin no zhes bya ba gang las dus phyis 'byung ba can gyi nges pa de de'i yul can gyi mtshan nyid brten pa yin/ 'dis ni gcig la gcig brten pa yin pa bstan to/ /gang gi phyir de ltar nyams su myong bar 'gyur ba gzhan 'ga' zhig myong bar 'gyur ba ma yin pa de ni phyi rol nyams su myong ba la bltos pa med par shes pa de ni nyams myong bdag nyid de/ de'i phyir de yang 'ga' zhig gi ma yin/ don nyams su myong ba ma yin te/ gzung ba dang 'dzin pa'i mtshan nyid dang bral ba'i phyir ro 'gal te de? 'di ltar 'di'i mngon? sum gyis so sor myong ba nyid de ji? ltar zhe na/ gzung ba dang 'dzin pa'i dngos po nyid las ma yin no/ /'o na ci yin zhe na/ mngon sum so sor myong nyid kyang/ shes pa de'i bdag nyid yin/ nyams su myong ba'i bdag nyid du skyes ba yin gyi gzung ba dang? 'dzin ba'i dngos po ni ma yin no/ /gang gi phyir gzung ba dang 'dzin pa por mi rigs pa'i rgyu/ des na nyams myong bya gzhan med/ shes pa'i 'o/ /de'i myong ba gzhan med na/ gang gi na nyams su myong bar 'gyur/ ci'i phyir zhe na/ de yang brgal ba mtshungs phyir ro/ /gal te gzung ba'i mtshan nyid la lar rigs bar 'gyur ba de'i tshe/ shes pa la yang der 'gyur na/ 'di ltar de yod pa ma
- 253b
yin no/ /de med par? na yul bzhin du 'di la yang nyams su myong ba cung zad kyang med do/ /de gang gis phyir/ de lta yin pa de'i phyir/ /de bag shes pa rang gsal 'gyur/ /nyams su myong ba'i ngo bo bdag nyid nyams su myong ba'i rang bzhin du skyes pa yin no zhes bya bas gnyan tshigs so/ /gal te phyi rol gyi dngos po la sogs pa nyams su myong bar bya ba yod pa ma yin no/ /ji ltar sngon po'i nyams su myong ba la/ sngon po zhes brjod pa de'i phyir sngon po la sogs pa nyams su myong bar bya ba yod pa yin no zhes bya ba yang brdzun yin no/ /de ltar na shes pa de'i sngo? sogs ngo bo'i/ /rang bzhin de nyams myong ba yang/ /de ltar rang gi myong 'gyur yang/ /sngo sogs myong bar gsal ba yin/ /nang na gnas pa'i nus pa so sor nges pas sad pa? las dngos po la reg pa med par sngon po la sogs pa'i bdag nyid du skyes par gyur pa na yang de ltar grags pa yin no/ /don sngon po nyams su myong ba ni ma yin no/ /gal te ji ltar na shes pa'i bdag nyid nyams su myong bar 'gyur ba gang gis rang gi ngo bo nyams su myong bar gyur ba na yang de skad du brjod ce na?/ bdag nyid kho nas bdag nyid las dang po pa dang byed pa la sogs pa tha dad pa'i sgo nas don dam par gsal bar byed ba'i phyir bdag nyid gsal bar byed pa ni ma yin no/ /'o na ci yin zhe na/ ji ltar rab tu gsal mngon 'dod/ /ji ltar gsal byed rang ngo bo/ /gsal ba yin pa'i bdag nyid phyir/ /gsal bar byed pa nyid du 'dod/ /de ltar blo bdag dig? can yin/ /sgron ma yang bdag nyid gsal bar byed pa la sgron ma gzhan la bltos pa med cing bdag la don dam par gsal bar byed pa ma yin no/ /'on kyang gsal bar byed ba'i bdag nyid du skyes par gyur pa na bdag nyid gsal bar byed pa zhes brjod do/ /de bzhin du mngon suM
- 254a
gyis myong bar rang bzhin gyis gsal bar byed pa yin pa'i phyir/ blo bdag nyid gsal bar byed pa yin no/ /gang gi phyir 'di ltar blo des ni don gzhan rig na yang/ sngon po la sogs pa khas len na tshor bya tshor ba po mi 'thad rnam pa gnyis so/ /de'i phyir blo 'dis ni tshor bya tshor byed can rnams med/ tshor bar bye ba dang tshor ba po ni tshor bar bya ba dang tshor ba dngos so/ /de dag gi rnam pa 'am/ rnam pa de nyid do/ /blo gang la de med pa de la de skad ces bya'o/ /de ni ji ltar 'khrul ba'i mthong 'gyur ba/? zhes bya ba des ni rnam pa gzhan 'dzin pa'i rgyu bstan to/ /mthong ba ni 'dra ba ci zhig ce na/ rnam par phye ba'i bdag nyid can/ /gzung 'dzin rnam par bslad pa can/ /tha dad pa'i mtshan nyid can bzhin du gzung 'dzin rnam par bslad pa gang la yod pa zhes bya bar tshig rnam par sbyar ro/ /de ltar rnam bzhag byas pa 'di/ tshor bar bya ba dang tshor ba po'i rnam pa can yin pa'i blo yang ji ltar 'khrul bas tha dad pa'i mtshan nyid can gyi bzung ba dang 'dzin pa'i rnam pa can bzhin du snang bar 'gyur ro/ /de bzhin du 'di ltar 'di ni gzung ba yin pa 'di ni 'dzin pa yin no zhes rnam par gzhag pa 'di byas pa yin gyi don dam bar ni ma yin no// ci dang 'dral? bar zhe na/ skra sogs shes pa tha dad bzhin/ /ji ltar mig 'khrul pa can skra bshad la sogs pa brdzun pa snang ba dag la skra la sogs pa 'di mthong ba zhes bya ba'i mngon pa'i nga rgyal las gzung ba dang 'dzin pa'i 'jog pa de bzhin du'o/ /gal te khyod kyi gzhung gis kyang blo de'i gzung ba dang 'dzin pa'i mtshan nyid ci zhig yin ce na/ de la 'dir nga la bstan klan ka btsal bar bya ba ma yin no/ /de ltar ni don dam par blo'i
- 254b
gzung ba dang 'dzin pa'i mtshan nyid bsal ba nyid yin te mi rung ba'i phyir ro/ /'on kyang mthong ba'i dbang gis rnam par bzhag pa yin no/ /gang tshe de tshe gzung 'dzin gyi/ /mtshan nyid can la brtsad mi bya/ /blo gang la gzung ba dang 'dzin pa'i mtshan nyid kyi rtag pa yod pa ma yin pa zhes tshig rnam par sbyar ro gang gi tshe 'di ltar phyi rol gyi don mi 'thad pa de'i tshe gzhan 'ga' zhig phyi rol la gnas pa don/ don rig med phyir rang rig pa nyid lhag mar gyur ba de ltar na/ rang rig de nyid 'bras bu yin par 'dod do/ /gal te rnam par shes pa las tha dad pa'i ngo bo phyi rol gyi don blos myong 'gyur na nyes pa ci yod par gyur na/ gang gi bdag nyid rig pa 'bras bur brjod ces gzhan dag 'dri bar byed do/ /kho bo cag la gnod pa ni cung zad med mod kyi 'on kyang dngos po'i gnas skabs ni de ltar ma yin no snyam du bsam nas skyon ci yang med ston bar byed do/ /gal te yod par 'gyur na/ skyon yin na yod pa yang ma yin no/ /med pa nyid ston par bzhed nas/ phyi rol don de myong 'gyur ba zhes bya ba'i tha snyad gsog nyid du gzigs pas gzhan la/ phyi rol don de myong 'gyur ba/ brjod pa 'di nyid kyis cis 'gyur zhes bya bas 'dri bar mdzad do/ /gang gi tshe blo rnam pa med pa yin zhing yul don gzhan du gyur pa de'i che 'brel pa'i khyad par ma grub pa'i phyir 'di ni blo 'das nyams su myong ba yin no zhes bya ba'i tha snyad 'di'i don 'ga' zhig kyang yod pa ma yin no zhes bya bar dgongs so/ /de ltar ni 'gyur mod kyi/ khyod kyis kyang blos rang gi bdag nyams su myong ba zhes bshad pa de la nyams su myong ba'i don gang yin zhe na/ nyams su myong ba'i bdag nyid du skyes pa yin gyi zhes bshad pa ma yin nam/ don nyams su myong ba dang yang de de ltar rigs
- 255a
pa ma yin te/ phyi rol tu gyur pa myong ba na mi rung ba'i phyir ro/ /nyams su myong ba'i rnam pa 'di yang blo la yod pa yin gyi don la yod pa ma yin no zhes grub bo/ /ci ste blo'i rnam pa tha dad pa bltos pa med pa nyid kyi phyir/ rang nyid nyams su myong ba ni de las bltos pa med pa nyid yin na de la mi rung ngo/ /don yang rnam par tha dad pa'i dbang gi nyams su myong ba grub pa yin no/ /de'i phyir de'i rnam par 'jog par byed pa'i don gyis 'gyur ro zhe na/ gal te blo na de rnams can/ /don gyi rnam pa don/ nyams su myong ba rnam par bzhag pa'i rten yin par 'dod pa de'i tshe/ rnam pa'i khyad par can/ sngon po la sogs pa'i rnam pa dang ldan pa de yod/ re zhig blo de bsnyen par nus pa ma yin no/ /'on kyang ji ltar rnam pa'i khyad par can gyi blo de ni ci phyii 'am ste/ don las de dang 'dra bar 'gyur ba yin nam/ 'on te gzhan las shes/ nang na gnas ba'i bag chags kyi khyad par sad pa las yin zhes/ /'di ni dpyad? par rigs pa yin te/ dpyod par bzhed ba'i dgongs pa ni/ 'di ltar sngon po la sogs pa'i rnam pa can gyi blo 'dod pa na/ 'di sngon po la sogs pa'i rnam pa nyams su myong ba na bdag nyid gyur pa nyams su myong ba yin no/ /de ltar ma yin na rnam pa dang ldan pa des rnam pa dang ldan pa ma yin pas na/ snga ma bzhin du nyams su myong ba'i 'brel ba ma grub ba'i phyir ro/ /ji ltar myong bar bya ba'i rnam par las bzlog pa sngon po la sogs pa'i rnam par sgyur bar byed pa/ gzhan phyi rol tu gyur pa dmigs par mi 'gyur ro/ /rtog pa sngon du gtong ba can gyis de ma mthong bar nang nyid dam phyi rol rgyu nyid du 'gyur ro snyam pa de bas na/ tha? tshom du gyur pa ni dpyod ba'i rten yin la rnam par dpyad pa las kyang phyi rol gyi don grub pa yod pa ma yin no zhes bya ba 'di yin no//
- 255b
ji ltar yod pa ma yin pa de ni mthong bzhes bya ba la sogs pas ston par byed do/ /blo'i sngon po la sogs pa'i rnam pa ni bdag nyid gyur pa'i nyid du gyur ba'i nyid du yin te/ don dam bar don gzhan yod pa ma yin no/ /de ci'i phyir zhe na/ mthong ba'i khyad par dang bral ba mi 'dzin/ phyir sngon por dmigs pa gzung bar ma gyur pa ni sngon po'i rnam pa mi 'dzin pa'i phyir ro/ /de 'dzin na 'dzin phyir/ sngon por dmigs par gyur ba nyid ni sngon par yang dmigs par 'gyur ro/ /de bzhin du sngon po yang dmigs par gyur pa na de dmigs pa yang dmigs par 'gyur ro/ /tha dad par med par dmigs pa'i phyir ro zhes bya ba'i don to/ /don dam par du ma nyid yin na nges pa gcig dmigs pa las de las gzhan pa dmigs par rigs pa ma yin no/ /de'i phyir tha dad par snang ba nyid yin na yang gcig tu dmigs pa'i phyir gcig nyid yin te/ zla ba gnyis pa bzhin no/ /sngon por snang ba mthong ba yin/ /phyi rol lan? gar don yod min/ /rnam par shes pa'i dmigs pa la bzlog pa'i dmigs pas 'dzin? pa na/ gang la blo'i rang bzhin gyi khongs su 'du ba med pa ma yin no zhes bya ba na mjug bsdu ba'o/ /de ltar ni 'gyur mod kyi/ gal te phyi rol gyi don la bltos pa med par shes ba 'di skye bar 'gyur ba de'i tshe/ de la gzhan pa'i snang ba la sogs pa'i rkyen thag nye ba na yod na/ dkar por snang ba'i dang tshul can gyi shes pa stong ba'i yul du 'gyur ba na 'gyur ba yang ma yin pa de bas na/ dkar por snang ba'i dang tshul can gyi shes pa 'bras bur 'gyur ba de tsam gyis mi 'gyur bas rgyu don yang yod pa yin no zhe na/ 'bras bu ldog pa las rgyu gzhan la bltos pa dang bcas pa nyid yin gyi phyi rol gyi don la bltos pa dang bcas pa ni ma yin no/ /de ltar ni 'dir 'ga' zhig gi tshe sngon po la sogs pa mthong ba'i 'ga' zhig
- 256a
rnam par shes pa ni nang gi bag chags rab tu sad par byed pa yin gyi thams cad ni ma yin no/ /des na shes pa gang gis skad cig ma re re la nus pa'i rang bzhin dang gzhan gyi rnam par shes pa yongs su gyur pa nye bar 'phro ba ni shes pa rab tu sad bar byed pa 'byung bar 'gyur ba gang yin pa de'i dbang gis de dang de skye bar 'gyur ba thams cad ni ma yin no/ /de ltar na rab tu sad bar byed pa/ de phyir blo ni rnam nges kyi/ /phyi rol don bltos ma yin no/ /'bras bu ldog ba las kyang don grub pa yin na ni/ don rtag tu rjes su dpag bar bya ba nyid yin bar 'gyur gyi/ 'ga' zhig tshe yang mngon sum ma yin pa de ltar na rigs pa ma yin no/ /gang gi phyir de ltar phyi rol gyi don yan gar ba med pa de'i phyir/ shes pa gcig la ma rig bas bslad ba'i phyir tshul gnyis yod pa yul dang rnam par shes pa'i ngo bo dag tu bshad par 'gyur ba yod ba yin no/ /gang zhig de ltar nyams myong dang/ ji ltar snang ba bzhin du dran pa'i dus na yang mthong ba bzhin du snang ba nyid dran par 'gyur ro/ /de de ltar na gzhan myong ba med pa'i phyir /'di'i rnam pa gnyis /rnam bar shes pa'i myong nyid de/ rang rig pa gang yin pa de nyid na 'bras bu yin/ des ni gnyis su snang ba'i shes pa skye bar 'gyur ro zhes bya ba nas brtsams te/ rang gi pa 'di'i 'bras bu yin no zhes bya ba'i bar de rnam par bshad pa yin no/ /de de ltar gzung ba'i rnam pa ni gzhal bya yin zhing/ bdag nyid nyams su myong ba 'bras bu yin la/ 'dzin pa'i rnam pa ni sgrub par byed pa yin pa de ltar na don med pa lo 'bras bu'i rtog pa 'di ni gcig yin no/ /gang gi tshe grub pa de dngos/ grub pa mi 'dod pa dang ni/ mi 'dod pa la sogs pa'i rang bzhin no/ /gang zhe na gzhan te phyi rol gyi don 'am mi 'dod pa rnam rig rgyu'i
- 256b
yul dag go/ rnam par rig pa/ de'i de ltar myong ba yin no/ 'dod pa'i rnam pa'i sgo nas yul nyams su myong ba gang yin pa de 'bras bu yin no/ /de ni don dang 'dra ba ni tshad ma yin zhing/ don myong ba ni 'bras bu yin pa de ltar na/ phyi rol gyi don yid pa'i rnam par rtog pa gnyis pa bshad pa yin no/ /rang gi yul bcas shes pa yi/ /yul dang bcas par 'jug pa yin pas yul bcas te/ yul snang ba don gyis stong ba zhes bya ba'i tha tshig go/ ci'i phyir yang de ltar yin zhe na/ shes cha la ni don rnam gzhag/ gzung ba'i rnam pa don du tha snyad 'dogs pa'i phyir ro/ /de che bdag nyid nyams myong gang blo'i de nyid du rnam par des pa yin no/ /ci'i phyir zhe na/ 'di ltar gal te blo 'di bdag 'dod pa'i rnam pa 'am rnam pa gzhan te/ mi 'dod pa'i rnam par skyes bu sa myong 'gyur na/ de'i tshe 'dod pa 'am mi 'dod pa des kyang don rig pa ni 'gyur ba yin zhes bya bas ni rnam par rig pa tsam nyid kyi 'bras bu'i rtag pa 'di bshad do/ /phyi rol don dag yod na yang/ ji ltar nyams su myong nyid de/ ji ltar rang rig pa nyid do/ /yul de nges bdag gcig yin par 'gyur gyi/ rang ngo bor ma yin te/ don ji lta ba bzhin du don nyams su myong ba ma yin no zhes bya ba'i tha tshig go/ ci'i phyir zhe na/ du ma'i bdag nyid skyon phyir te/ dngos po gcig cig la rjes su phan 'dogs par byed kyi gzhan la ma yin pa de ltar na gcig la rnam pa du ma can gyi 'gyur ba na don yang rnam pa du ma can thob par 'gyur te/ don gyi dbang gi nyams su myong bar rnam par gzhag pa yin no zhes bya ba'i tha tshig go / khas blangs na yang/ gang gi tshe bde ba la sogs pa'i bdag nyid can don rnam pa du ma can khas len pa de'i tshe/ yang gnyis kyis te/ skyes bu skyon la sogs pa mtshungs pa dang ldan pa cig cang mthong bdag gis gcig gis
- 257a
'dod pa'i rnam pa nyams su myong ba yin la/ gzhan gyi rnam pa? gzhan yin no zhes de ltar na/ tha dad nyams myong mi 'gyur ro/ /yul 'dres pa la 'dres pa kho nar rtogs? par 'gyur ro/ /de ltar ni 'gyur mod kyi/ gal tem mthong bsgribs gyur na/ /don 'dod pa dang mi 'dod pa la sogs pa/ rnam pa du ma can yang cig car mthong ba dag las gcig gis 'dod pa dang/ mi 'dod pa'i ngo bo ma mthong ba gang yin pa de ni 'dod pa dang mi 'dod ba nyams su myong ba 'grub par byed pa'i las kyi sa chod pa'i phyir ro zhe na/ gang gi tshe ji ltar goms pa'i don rtogs pa de'i tshe/ don gyi dbang gis rtogs mi 'gyur /'on kyang don gyi dbang gis rtogs pa ma yin te/ don ji lta ba bzhin du don rtogs pa ma yin no zhes bya ba'i tha tshig ste/ de ni du ma'i rnam pa can nyid yin pa'i phyir ro/ /gzhan yang du ma'i bdag nyid dngos de la/ 'dod pa dang ni ma 'dod pa dag pa sogs pa'i ngo bo gcig gi bdag nyid du de bo gcig la/ 'dod pa dang mi 'dod pa rnam par nges par mthong ba ma mthong ba de las zhes bya ba ji ltar na/ don mthong byed pa dag tu 'gyur/ mi 'gyur ba kho na yin no zhes bya ba'i don to/ de de ltar na gal te don ji lta ba bzhin du 'dzin par 'gyur na nges don de ston par byed par 'gyur gyi 'dres pa'i ngo bo ma 'dres pa'i ngo bo ston par byed pas kyang ma yin no/ /de ltar ni 'gyur mod kyi/ gal te 'dod dang mi 'dod par/ snang ba rtog yin dbang blo min/ yul gcig la 'dod pa dang mi 'dod par snang ba can gyi blo gang yin pa de ni dbang po'i blo ma yin no/ /'o na ci yin zhe na/ don nye ba la bltos pa med pa'i rtog pa yin no/ /dbang po'i blo yang don ji lta ba bzhin yin te/
- 257b
de nyid kyi yang tshad ma'i 'bras bu dpyod pa'i skabs yin pa'i phyir ro/ de'i don 'brel ba med pa brjod pa yin zhe na/ 'di ni lan nyid ma yin te/ 'di ltar 'chi ltas la sogs mtshams sbyor med/ rnam pa gzhan nyid du'o/ /de la'ang dbang po la brten pa nyid la yang sems te shes pas mthong ba yin/ sogs pas ni mig ser la sogs pa dang srog chags kyi khyad par gyi dbang po rnams gzung ngo/ /gal te de ni dbang po la gnod pa byas pa la yin zhe na/ de ni de ni yod pa ma yin te/ 'di ltar mi shes pas ro'i rdzas kyi bye brag mi shes pa can gyi phyugs la sogs pa 'ga' zhig gi khang bcug pa'i de ma thag tu kha'i 'gyur ba dang skyags ldan la sogs pa mthong ba'i phyir dbang po la brten pa nyid du sdug bsngal ba dang/ de las gzhan ba dag las rdzas de nyid la dga' ba dang bcas par za ba mthong ba'i phyir /dbang po la brten pa nyid la dga' ba dang bcas par za bar mthong ba'i phyir/ dbang po la brten pa nyid bde bar mthong ba nyid yin par de ltar na de la bsnyon par nus pa ma yin no/ /gang gi phyir de ltar don ji lta ba bzhin du nyams su myong ba ma yin pa/ de phyir phyi rol gzhal bya la'ang/ don khas len par byed na yang/ /rang nyid nyams myong 'bras yin rigs/ /rang nyid myong ba kho na 'bras bu yin par rigs so/ /ci'i phyir zhe na/ gang gi phyir ji ltar nyams su myong ba 'di'i 'dod pa dang mi 'dod pa'i rang bzhin yin pa de ltar don ni rnam par nges/ de'i phyir ji ltar nyams su myong ba nyid yul gyi rnam par nges pa yin gyi rang gi ngo bo ni ma yin no zhes bya bar gnas so/ /gang gi tshe 'di ltar phyi rol gyi don la yang rang rigs pa 'bras bur brjod pa/ de tshe don snang yul du snang ba'i shes pa/ 'di nyid ni/ tshad yin yod du zin na yang /'dzin bdag
- 258a
shes pa'i ste/ rnam par rig pa tsam gyi phyogs bzhin no/ /phyi rol don gzhal bya nyid du 'dod pa dag la ched ma nyid ltos mod yin te/ phyi min don can nyid phyir ro/ bdag nyid kyi yul can nyid yin pa'i phyir ro/ /'dra ba nyid ni sgrub par byed pa yin te/ gang gi phyir ji ltar gtsang ba dang mi gtsang ba sogs pa nyid kyis don bdag nyid /don gyi rnam pa'o/ /shes la gnas pa ste so sor snang bar 'gyur ba de ltar gtsang ba dang mi gtsang ba nyid la sogs pa nyid kyis don de nges par 'gyur/ rjes su dpog par 'gyur ro/ /de'i phyir don ni gzhal par bya ba yin no/ /de ltar na shes pa de la gnas pa/ don gyi rnam pa de'i de ltar zhes na/ gtsang ba dang mi gtsang ba la sogs pa nyid kyis yin gyi/ gzhan 'ga' zhig las ni ma yin te/ 'on kyang bdag nyid rig pa las yin te/ 'di ltar don ji ltar bzhin du rnam par shes pa la gnas pa myong bar 'gyur pa de ltar don gzhal bar bya ba ma yin no zhes brjod pa yin no/ /don gyi rnam pa de yang shes pa'i bdag nyid du gyur pa de'i phyir de nyid/ de ltar don myong nyid yin 'dod do/ /ci'i phyir zhe na/ gang phyir shes pa'i cha gzung ba nyid du snang ba ma gtogs par gzhan/ don bdag min snang ba ba de ni myong ba der gnas pa blo can/ don dang 'dra ba sgrub byed yin no/ /gal te de'i rnam par 'byung bar 'gyur ba de'i tshe 'dra ba'i bdag nyid myong bar 'gyur ba de bas na/ de'i dbang gis yul gnas par yang 'gyur ro/ /blo la gnas pa'i don de'i rang rig pa de bya pa yin no/ /de ltar na ji ltar 'dod pa dang mi 'dod pa nyid la sogs par blo la gnas pa'i don de ni gang las de ni de ltar ston/ 'dod pa dang mi 'dod pa la sogs pa'i nyams su myong ba'i ngo bo'i rang rig pa ston par byed
- 258b
do/ /ji lta ji ltar ston pa de ltar don gyi gnas skabs rtogs pa de'i phyir don gyi gnas skabs rtogs pa'i ngo bo ni/ rang rig pa'i rang bzhin yin no/ /de ltar shes pa 'dod pa'i rnam pa can dang mi 'dod pa'i rnam pa can gyi myong ba la yul 'dod ba dang mi 'dod pa nges par byed do/ /de ltar na don gnas de'i bdag nyid phyir/ don dam par 'dir rang rig yin na yang /'on kyang cha 'di cam gyis nye bar btags nas /don rig 'dod gang gi phyir 'di ltar gang kho na la phyi rol la sgrub par byed pa de nyid kho na la bya ba yin/ de'i phyir yul tha dad med kyang/ tshad ma dang tshad ma'i 'bras bu dag yin no zhes 'dod par bya'o/ /gal te 'di ltar ci'i phyir rang rig pa la 'bras bu brjod ce na/ bshad pa bden te 'on kyang phyi rol gyi don gzhal bar bya ba la yang? dang rig 'bras bu yin par bshad pa gang yin pa de ni/ rang gi ngo bo dpyod pa na/ skabs su ste dngos po'i rang bzhin dpyod pa na don myong ba rang myong ba rang myong ba'i rang bzhin bshad pa yin no/ /ci'i phyir zhe na/ don myong de bdag med phyir ro/ /rang rig pa'i rang bzhin nyid yin pa rgyu'i phyir ro/ /'di thams cad kyis ni gang gi tshe phyi rol gyi don gzhal bya yin pa de'i tshe zhes bya ba la sogs pas bshad pa'i 'bras bu'i rtog pa gsum pa bshad pa yin no/ /gal te don ji lta ba bzhin du nyams su myong ba med pa de'i tshe/ de la bltos pa med par rang gi bag chags sad pa las byung ba'i shes pa'i phyi rol gyi don yod do zhes bya ba de nyid gang las yin zhe na shes pa de ltar snang gyur pa'i zhes bya ba la sogs pa smos te de ltar snang gyur pa ste don la bltos pa med par ro/ /'dod pa dang? mi 'dod pa nyid la sogs pa'i rnam pa ci 'dra ba snang ba gyur la/ de 'dra ba'i don 'gyur pa 'am/ mi 'dra pa'i 'gyur ro zhes bya ba'i dpyad pa bor nas ji ltar de las gzhan
- 259a
pa'i rkyen nye ba yang de med na yang shes pa med pa'i phyir dbang po la sogs pa shes pa'i rgyu yin pa de ltar /b? zhig? po na yang rgyu yin no/ shes pa zhes bya ba'i dbang du byas nas/ don gyi gzhal bya nyid du 'dod/ /de yang gzhan mi 'dod mod kyi dgag par bzhed nas bstan pa yin no/ /'dir de ltar bur gyur ba'i rnam par shes pa skyed pa'i rten du gyur pa 'gog pa ma yin na yang gang gis na de ltar lan du 'gyur /'on kyang 'dir 'gyur te/ ji ltar rnam pa 'ga' zhig ltar/ /'dod pa mi 'dod pa la sogs pa don dngos te dngos rang bzhin med par don snang can/ shes pa de ji ltar don 'dzin ce na/ ji ltar yod pa yin te/ srid pa ma yin no zhes bya ba'i don to/ /bden te nges kyang mi shes te/ de skad du brjod pa ni bden mod kyi 'on kyang ngas kyang de ji ltar snang ba bzhin du med pa nyid kyi phyir mi rig go/ 'di ni 'dod pa grub pa bshad do/ /phyi rol gyi don med med pa yang blo gnyis su snang ste zhes bya ba la sogs pas rang rig pa 'bras bu yin par dpyod pa na ji ltar 'dzin pa'i rnam pa tshad ma nyid yin par 'dod pa 'chad par 'gyur ba de ltar na phyi rol gyi don gzhal bya la yang rang rig pa'i ngo bo nyid kyis 'bras bu 'dod na 'dzin pa'i rnam pa nyid tshad ma yin no zhes dogs par 'gyur ba de ltar na/ de dag gsal ba'i phyir zhar la 'ongs par bstan pa yin no/ /gang gi che phyi rol gyi don ni gzhal bya nyid yin pa de'i/ zhes bya ba la sogs pa yongs su rdzogs par byas nas snang ba can gang de gzhal bya zhes bya ba la sogs pa'i skabs dang sbyor bar byed pa de yang de'i blo'i bdag nyid ces bya ba la sogs pas 'chad par byed do/ /phyi rol gyi don med pa la tshad ma la sogs ji
- 259b
ltar rnam par bzhag pa yin zhes 'dri ba la/ bshad pa 'di yang don dam pa'i rnam par gzhag pa ni yod pa ma yin no/ /'o na ci yin zhe na ji ltar snang ba bzhin du'o/ /de'i phyir 'di la gzung ba dang 'dzin pa'i cha yod pa ma yin te /blo'i bdag nyid du gcig pa nyid kyi phyir ro/ /'on kyang 'di ltar blo'i bdag nyid cha med par phyin ci log tu mthong ba yis/ /ma rigs pas 'khrul pa'i skyes bu dag gis gzung ba 'am 'dzin pa'i myong ba dag/ tha dad ba rnams kyis tha dad pa bzhin du mtshon par 'gyur gyi don dam pa de lta bur gyur pa yang ma yin no/ /gal te cha med pa'i ngo bo yin no/ ji ltar rnam pa gzhan du snang bar 'gyur zhe na/ skyon 'di yod pa ma yin te/ ji lta ji ltar sngags sogs kyis 'khrugs pas dbang po rnams la 'dzin du ma sogs/ de yi gzugs dang bral na yang/ /ji ltar snang ba de de'i bdag nyid du med na yang/ rnam pa gzhan du/ glang po che la sogs pa'i bdag tu snang bar 'gyur ro/ /sogs pa smos pas rnal 'byor dang sbyor ba'i nus pa la sogs pa bzung ngo/ /gal te sngags la sogs pa'i nus pas de'i bdag nyid du 'byung bar 'gyur ro zhe na/ de ni ma yin te/ 'di ltar de ltar ma 'khrul mig can gyis/ mig 'phrul la sogs pa brag gis mig gi nus pa mngon par 'dus ma byas pa can gyi skyes bu dag gis yul dang dus de dang nye ba yin du zin kyang 'dze ba'i dum bu la sogs pa de dag la glang po che la sogs pa'i bdag nyid du mthong ba med phyir ro/ /'dzin? pa med pa'i phyir ro/ /dper na thag ring mya dam na/ chung du chen por snang ba bzhin/ /dper na mya dam dag na yul dang dus der gnas pa'i dbyibs la sogs pa'i bye brag gis thag ring po na gnas pa'i don chung du yang chen por snang ba bzhin no/ /gang gi
- 260a
phyir de ltar yin pa de'i phyir don dam par gang 'di dpag bya dpog pa'i 'bras bu gnas pa/ yod pa min yang gzung ba dang/ 'dzin pa'i rig la ji lta bur /gzung ba nyid snang ba gang yin pa de ni gzhal bya yin zhing 'dzin pa'i rnam pa nyid du snang ba ni tshad ma yin la/ bdag nyid myong ba ni 'bras bu yin no zhes bya ba gang yin pa/ rjes su bzhin 'di bshad do/ /ji ltar snang ba bzhin du yin gyi don dam par ni mi yin no zhes bya ba ni mjug bsdu ba yin no// de ltar min na tha dad pa 'di 'byung ba nyid kyi snang ba yin par 'dod na dngos gcig la/ blo'i bdag nyid cha dang ldan pa ma yin pa la'o/ ci 'dra ba zhig ce na/ sna tshogs kyi ngo bor snang ba can te/ sna tshogs kyi ngo bo de dag yin la snang ba yang de dag yin te/ de gang la yod pa zhes bya bar tshigs rnam par sbyar ro/ /gcig po de la rnam pa dag ji ltar bden 'gyur te/ de ltar mi 'gyur ro/ /ci'i phyir zhe na/ gcig pa nyid de nyams phyir ro/ /blo'i bdag nyid gcig pa de'i gcig pa nyams par 'gyur ro/ /de ltar na yang yod pa'i khyad par nye bar mtshon pa gang yin pa de ni sna tshogs yin te/ dper na bde ba dang sdug bsngal la sogs pa lta bu'o/ /de'i phyir rnam pa de dag yod pa ma yin no zhes bya bar dgongs so// //tshad ma rnam 'brel gyi 'grel pa/ bam po sum cu rtsa gnyis pa/ bde ba la sogs pa gzhan la gzhan nyid nyams phyir dang rnam pa de dag yod pa yin pa bsam par mi bya'o/ /de ltar na yod pa'i khyad par gyi rnam pa la brten nas/ bde ba la sogs pa phan tshun sna tshogs pa nyid yin par brjod do/ /gang gi tshe yod pa'i khyad par nye bar mtshon ba can yin na yang blo gcig nyid yin par khyad min pa de'i che yod pa'i
- 260b
khyad par gyi rnam pa sna tshogs pa nyid kyi rgyu ma yin pa bde ba la sogs pa'i phan tshun sna tshogs par 'gyur te mi 'gyur to/ /gal te blo'i sna tshogs pa'i ngo bo dang gcig gi rang bzhin du 'gyur ba yin no zhe na/ de ni dngos mthong med phyir tha dad yin /gcig pa de nyid yin par yang rigs pa ma yin te/ de lta bu'i rnam pa can gyi ngo bo gcig mthong ba med pa'i rgyu'i rgyu'i phyir ro/ /tha dad pa med pa'i ngo bor mthong na ni tha dad pa med par 'gyur na/ de yang yod pa ma yin pa de ltar na/ gang las blo ngo bo gcig pa cad nye bar mtshon par bya ba ma yin pa gcig nyid yin/ de ltar na/ blo dngos tha dad med mthong bas/ /tha dad med par nges par 'gyur/ /gal te blo la lar tha dad pa med par mthong bar gyur pa de'i tshe gcig nyid du nges par yin gyi de lta ma yin te/ ngo bo tha dad pa med par mthong bar 'gyur ro/ /gang gi phyir 'di ltar gcig dang du ma'i mtshan nyid rnam pa ji ltar yang mi rung ba de'i phyir rnam pa gang gis dngos po rnam dpyad na/ de'i ngo bo don dam par de nyid du na dngos med do// gang gi phyir na de dag la/ /gcig dang du ma'i ngo bo med/ /dngos po rnams nye bar mtshon na gcig dang bum nyid du 'gyur grang na gcig nyid dang bum nyid de dag ni yod pa ma yin pa de ltar na/ rnam pa gang gis de dag dpyod bar 'gyur/ cha med du zin kyang cha dang ldan par 'khrul pas nye bar mtshon pa ma yin nam/ de phyang 'jig rten pa dag gi 'khrul pa skye ba yin gyi rgyu med pa can ni ma yin no/ /'o na ci yin zhe na/ chos mthun pa nyid mthong ba las de bdag nyid la de bdag tu zhen pa ste dper na smig rgyu la sogs pa chu'i ngo bo ma yin pa dag la/ chos mthun pa nyid las skyes bu 'khrul pa pa sgro btags pa'i chu'i don gyi rang gi ngo bo la zhen pa lta bu'o/ /'khrul pa skye ba'i rim pa yin no/ /de
- 261a
ltar na gal te 'di la yang blo yis tha dad pa 'ga' zhig gi chos mi mthun pa'am mthong ba skye bar 'gyur ro/ /de'i tshe 'khrul pa srid ba'i phyir tha dad par 'dzin par rig par 'gyur ro/ /'di ltar rnam par rig pa tsam nyid kyi gzhung 'di la/ chos mthun ba 'di mthong ba la sogs pa'i 'khrul pa'i rgyu mtshan med pa yin no/ /de ci'i phyir zhe na/ 'jig rten 'di la de bdag nyid/ don gcig kyang yang dag ba ma yin pa'i don gyi rnam pa dang ldan pa mthong ba med phyir ro zhes bya ba ni gzhan gyi'o/ /'di yod kyang ni zhes bya ba la sogs pas 'gog par byed do/ /bden mod kyi ji skad du bshad pa yin gyi 'khrul pa chos mthun pa la sogs pa 'byung ba can/ 'di yod kyang de tsam ni thams cad kyi rgyu ma yin te 'on kyang nang gi 'khrul pa ma rig pa'i ling tog la sogs pa de las byung ba gang yin pa de nang ngo bo'i 'khrul pa las byung pa can gyis bslad ba gang yin pa de skyon byung phyir na/ ma rig pa la sogs pa'i nyes pa las byung rgyu'i phyir rang bzhin gyis phyin ci log tu snang? ba can/ de ni mthong sogs chos mthun can/ nyid la/ ltos med ni 'khrul pa'o/ /chos mthun pa nyid mthong ba ni chos mthun pa nyid mthong ba ste/ 'di la de dang po byas pa yod pa de ltar na/ mthong sogs chos mthun can nyid la/ 'khrul pa gang yin pa bltos pa med pa zhes bya bar tshig rnam par sbyar ro/ /sogs pa smos pas ni khyad par du sgro 'dogs pa dang der zhen pa gzung ngo/ /ci dang 'dra ba zhe na/ rab rib la sogs bzhin/ dper na rab rib can la sogs pa'i shes pa chos mthun pa nyid la bltas nas 'byung ba ma yin gyi 'on kyang dbang po'i nus pa dkrugs pa yin par de dang 'dra'o/ /de la
- 261b
zhes bya ba la sogs pas rnam par rig pa tsam nyid la tshad ma la sogs pa rnam par bzhag pa la sbyor bar byed do/ /rnam par rig pa tsam de la blo ni yongs gcod pa gang yin pa'o/ /ci 'dra ba zhig ce na/ 'dzin pa'i rnam par 'dod pa'o/ /'dzin pa'i rnam pa de ni da bdag nyid phyir yongs su gcod pa'i rang bzhin nyid yin pa'i phyir bdag nyid yin te nyams su myong ba'i bdag nyid de gsal ba yin no/ /des ni 'dzin pa'i rnam par de rang rig par rnam par bzhag pa'i rten yin pa de ltar na yongs su gcod pa'i bdag nyid gsal bar bdag nyid myong bar 'gyur ro zhes brjod do/ /rgyu de'i phyir 'dzin pa'i rnam pa de ni rang rig pa de ni sgrub byed yin par rnam par bzhag par 'gyur ro/ /de bdag yul can 'jig byed byed la/ bdag nyid kyi yul gang la yod pa zhes bya bar tshig rnam par sbyar ro/ /bdag gi yul can dpog pa yang gang zhe na/ dper na 'dod chags la sogs tshor bzhin/ dper na 'dod chags la sogs pa nyams su myong ba bzhin no/ /des na 'dir rang gi mtshan nyid tshad ma yin no/ /de la 'dir rnam par rig pa tsam gzhung de ma thag tu brjod pa/ gzhal bya 'jal byed 'bras gnas pa zhes bya ba gang yin pa bdag gi yul can gyi tshad ma kun la 'di ni sbyar bar bya'o/ /de la'ang zhes bya ba la sogs pa de nyid sbyor bar byed do/ /'dod chags la sogs pa'i yul can gyi dpog ba de la yang 'dod chags la sogs pa de dag 'dzin pa'i rnam pa nyid kyis rang bdag myong bar rung ngo/ /ci'i phyir zhe na nyams myong bdag nyid phyir/ nyams su myong ba'i bdag nyid yin pa'i phyir 'dod chagS la sogs pa de dag ni/ nyams su myong ba'i bdag nyid du rab tu gsal ba na/ bdag nyid nyams su myong ba'i yin no zhes bdag nyams su myong bar bstan par bya'o/ /de bas na nyams su myong ba'i bdag nyid de las bdag nyams su myong ba la rung ba yin no/ /de ltar yin
- 262a
pa'i phyir de'i bdag nyid kyi mtshan nyid can gyi rung nyid de dpog/ tshad ma nyid yin no/ /de dag gis nyams su myong par bya ba bdag dpag rang rig 'bras bu yin/ rtogs pa 'bras bu yin no zhes rnam par bzhag par 'gyur ro/ /ci ste rnam par rig pa tsam nyid gzhan myong ba med pa'i phyir/ 'dod chags la sogs pa dmigs pa'i ngo bo nyid kyis rnam par shes pa dang mtshungs pa nyid kyi phyir de dag so sor 'god par bya ba nyid ma yin pa ma yin nam/ skyon 'di yod pa ma yin te phyi rol gyi don la rnam par bzhag pa nyid 'di blta bar bya'o zhes nye bar dgong bar bstan pa nyid yin pa'i phyir ro/ /slob dpon gyis bde ba la sogs pa dang rig pa'i tshad mar bshad pa/ de yang 'khrul par byas pa'i ngo bo 'dzin pas yang 'dir 'dzin pa'i rnam pa nyid dpog pa yin no zhes bshad pa thos nas 'ga' zhig tu 'ga' zhig 'ga' zhig gi tshe 'gal ba yin no snyam du sems pa'i dogs pa bsu ba'i phyir bdag la 'dzin pa zhes bya ba la sogs pas dgongS pa gcig nyid yin par ston to/ /rang rig pa zhes bshad pa gang yin pa de yang 'bras bu ma yin pa de yang 'bras bu ma yin gyi/ 'on kyang bdag la ste shes par bya ba la 'dzin pa'i rnam pa zhes/ 'dzin pa'i rnam pa zhes bya ba'i ming can gyi byed pa byed pa por byas nas yongs su gcod pa'i bdag nyid de rig pa'i sgras bshad do/ /yongs su gcod pa'i bdag nyid de/ nyid ni rung nyid ces bya ba'i phyir tshad ma dang rang rig ces rab tu bshad/ ming gzhan gyis don tha dad par mi 'gyur ro/ /blo tshul gnyis su rab tu bsgrub pa'i phyir/ yul shes de yi shes pa yi/ bye brag las ni tshul gnyis nyid ces bya ba la sogs pa nye bar bkod pa'i gzhung 'chad par bzhed pas rnam par shes pa thams cad nyid
- 262b
ces bya ba la sogs pa smos so/ /rnam par shes pa thams cad nyid/ bdag nyid ji lta ba bzhin gyi/ yul rnams las ni byung ba'i phyir/ de las gzhan pa/ yul las gzhan pa dbang po la sogs pa'i rgyu yod na yang ngo/ /rnam 'gas te dngos po'i chos nyid kyis yul gyis byas pa yin par 'gyur ro/ /ji ltar zhe na/ dper na zas dang dus la sogs bu skyes pa'i bu skye bar 'gyur ba'i rgyu yin yang bu de rnam pa 'ga' zhig gis kyang pha de'i gzugs gcig 'dzin 'gyur gyi/ gal te yang pha dang ma bu'i rgyu yin pa de ltar na yang de gnyi ga'i gzugs kyi rjes su byed ba ma yin no/ /'o na ci yin zhe na/ pha ma dag las pha ma'i gcig gcig bu 'dzin par 'gyur gyi/ gzhan 'ga' mi yin pa bzhin no/ /de las gzhan pa zas la sogs pa'i rnam par 'dzin par mi 'gyur/ /sogs pa smos pas ni de las gzhan pa ma mthong ba la sogs pa bzung ngo/ /de las gzhan dang dbang po la sogs pa dang yul dag ni/ de'i rgyu nyid du rnam par shes pa'i rgyu nyid du mtshungs na yang de chos de'i rnam pa'i rjes su byed pas yul nyid yin 'dod de/ khas len to/ /de med pa na/ yul gyi rnam pa'i rjes su byed pa na/ yul nyid dbang po la sogs pa bzhin du yul du mi 'gyur ro/ /don dang ldan pa'i sems la yang/ don rnams med pa dogs par 'gyur/ /de de ltar na 'das ma thag pa'i rnam pa blo tshul gnyis nyid du grub ba nyid yin no/ /de lta yin na yang brjod par bya ba ste/ yul dang bcas pa'i mig la sogs pa'i rnam par shes pa de dag las don gzhan du gyur pa don dam pa'i don dang/ kun tu brtags pa'i don dang ldan pa'i shes pa de dag la yang don gyi rnam pa med par dogs par 'gyur te/ dper na shes pa 'di don gyi rnam pa can yin nam 'on te ma yin zhes bya ba lta bu'o/ /gang gi
- 263a
tshe rnam par rtog pa'i rnam par shes pa ? pa'i don la rigs pa de'i tshe rnam par shes pa de'i yul snang ba'i rnam pa gcig dang nyams su myong ba'i rnam par gzhan no zhes the tshom yod pa ma yin no/ /de'i tshe de ltar yul gyi rnam par snang pa de ni 'das pa nyid kyis med pa'i don gyi nang du brdu bar ma nus pa nyid gyi phyir ro/ /rnam pa de blo yin pa nyid kyi phyir de nyams su myong ba ma yin pa de ltar na bdag nyid shes pa de nyams su myong ba ma yin pa'i phyir/ shes pa'i bdag nyid myong ba yang ma bkag pa nyid yin no/ /de ltar na? rnam par rtog pa'i blos 'das pa'i don ni 'dzin pa na blo'i tshul gnyis rang rig grub pa yin no/ /de ltar ni 'gyur mod kyi 'das pa'i blo gang yin pa de 'dod pa'i tshe don 'dzin pa ma yin na/ gang gis na don gyis rnam pa dang ldan pa nyid kyi phyir tshul gnyis grub par 'gyur/ 'o na ci yin zhe na/ gsang ba'i ngo bo zhig tu zin kyang rigs 'jig pa med pa can yod pa yin te/ de la dmigs pa de de ltar na don dang ldan pa yin zhing shes pa la yang don gyi rnam par dogs pa dang bral ba nyid yin no zhe na/ de ni yod pa ma yin no/ /ci'i phyir zhe na/ sngo sogs rnam pa tha dad phyir/ 'das pa 'dzin pa can gyi rnam par shes pa de ni sngon po la sogs pa rnam par skyes shing byung ba dang rjes su 'brel par snang ba'i sngon po'i rnam pa can gyi rigs yod pa ma yin no/ /de ni de ldan min/ shes pa sngon po la sogs pa'i snang ba'i don ma yin rigs yul ma yin no/ /'on kyang rigs de rtag pa 'am mi rtag par 'gyur grang na/ de la gal te mi rtag pa yin pa de'i tshe tha dad pa ngo bo gzhan dang gzhan nyid yin pa'i phyir gsal ba bzhin du rigs su mi 'gyur te/ rigs ni ngo bo gcig pa nyid yin pa'i phyir ro/ /ci ste rtag pa yin pa de'i tshe/
- 263b
rtag na'ang skyed byed ji ltar rung?/ rnam par shes pa nyid kyi rtag pa rnams ni byed pa po nyid ma yin pa sngar bstan zin pa'i phyir ro/ /skyed par byed pa ma yin na yang yul ma yin pa de ltar na gang tshig car yang mi rung ste/ rigs yul ma yin no/ /'o na ci yin zhe na/ mi ldan pa'i 'du byed ming dam don nam mtshon ma'i don la de'i tshe dmigs pa yin no zhes bya ba la yang bden pa ma yin no/ /ci'i phyir zhe na/ 'di ltar ming sogs sngar na ming sogs brjod yin na 'chad pa po/ /nyan po brjod bya rjes 'brel can/ ming sogs 'brel ba med pa can don la? 'jug par mi 'gyur ro zhes bya ba la sogs pas bkag zin to/ /'on kyang rnam par rtog pa'i rnam par shes pa 'di ni 'bad rtsol gyis 'jug par 'gyur te/ shes pa rnams kyi go rim 'di ni don ldan min /de las gzhan pa dbang po'i nus pa la sogs pa'i rkyen yod na yang don nye ba na yod na yang de dag mi skye ba'i phyir ro/ /de gal te rnam par rtog pa'i rnam par shes pa 'di yang don dang ldan par 'gyur na 'bad rtsol tsam gyis skye bar mi 'gyur ro/ /'di ltar 'dod pa tsam dang 'brel pa'i bdag nyid na 'dod tsam rjes 'brel can nyid phyir/ rjes su 'gro ba dang ldog pa'i rjes su byed pa'i phyir ro/ /don gyi bya ba 'di la nus pa ste don gyi nus pa 'brul mi 'gyur/ /de ltar na don 'ga' zhig gang las yul yin/ 'das pa la dmigs pa'i shes pa'i yul gyi rnam pa can yin pa sla ste/ nyams su myong ba'i yul gyi rnam pa can yin no zhes bya ba de gang las yin zhe na/ 'di ltar shes pa 'di 'dra dran yin na/ 'das pa'i don du snang ba can yid kyi rnam par shes pa gang yin pa de dran pa yin no/ /de yang myong ba bdag las byung/ /dran pa de yang shin tu gsal bar myong ba las byung ba yin no/ /nyams su myong ba gang yin pa de
- 264a
yang don gyi rnam pas stong bar 'dod na dran pa de dang de ldan te don gyi rnam pa can ji ltar yin pa nyid do/ /de ltar na don gyi rnam pas stong pa'i myong ba gang yin pa de las don de'i rnam pa can gyi dran pa 'byung bar mi 'gyur ro/ /sbyor ba ni gang zhig don gyi rnam pas stong pa gang yin pa de las byung ba'i chos can gyi dran pa la yang don de'i rnam pa can du 'byung ba ma yin te/ dper na bum pas stong ba'i snam bu nyams su myong ba las snam bu'i dran pa 'byung ba yang bum ba'i rnam pa can ma yin pa lta bu'o/ /sngon po dran pa yang sngon po'i rnam pas stong pa nyams su myong ba las yin zhes bya ba ni khyab par byed pa 'gal ba dmigs pa'o/ /gal te nyams su myong ba las dran pa 'byung ba yin no/ /'o na ci yin zhe na/ don las 'byung ba yin no zhe na/ dran pa de ni don las byung ba min no/ /ci'i phyir dran pa'i dus na don zhig cing med pa'i phyir ro/ /dran pa don las 'byung ba yin pa ni bla ste/ don gyi rnam pa gang las yin/ gal te yul las skyes pa'i phyir nges byas pa yin no zhe na/ de ltar de myong ba las 'gyur/ gal te yul las skyes pa'i phyir dran pa yul gyi rnam pa can yin na yul yod pa la skye ba de yang yul nyams su myong ba dang mtshungs pa de ltar na yul nyams su myong ba yang yul gyi rnam pa can du 'gyur ro/ /sngon po la sogs pa'i rnam pa dran pa la so sor snang ba gang yin pa'i don gyi rnam pa de yang med/ rigs ba ma yin no/ /ci'i phyir zhe na/ gsal ba'i rnam pas dben phyir ro// don gsal ba'i rnam pa mthong ba la snang ba de nyid gal te yid kyi rnam par shes pas 'dzin na de ltar snang bar 'gyur te/ de ltar yid kyi rnam par shes pa gzung bar bya ba la gsal ba'i rnam pas dben ba nyid du
- 264b
snang ba yin no/ /yang gi sgra ni rim pa gzhin du sbyar bar bya ba yin te/ don med pa'i phyir yang don gyi rnam pa yod pa ma yin no/ /de gal te yid kyi rnam par shes pas gzung bar bya ba don tha dad par 'gyur pa de'i tshe ji ltar skyes bu 'ga' zhig dran par byed pas rnam pa de rtogs pa de lta de ltar rnam pa tha dad pra/ gzhan dag gis shes par 'gyur/ /skyes bu 'ga' zhig gis rtog pa'i dus na de la chod par byed pa med pa'i phyir de tha dad pa ma yin no/ /de ltar ni 'gyur mod kyi/ don nyid yin na yang ji ltar bdag nyid kyi lus kyi nang na gnas pa 'dzin par mi byed pa de ltar bdag la yid kyi gzung bar bya ba'i don gyi bdag nyid de 'brel pa yin pa de'i phyir bdag la rtag tu 'brel yin na/ gzhan gyis rtogs par mi 'gyur na / brjod kyang rtogs par mi 'gyur ro/ /khyod ci zhig sems par byed ces 'dri bar byed pa na/ gang tshe gzhan la smra bar byed pa de'i tshe/ 'di'i 'o na kyang nas rigs de rtag pa 'am/ mi rtag par 'gyur grang na/ de la gal te mi rtag pa yin pa de'i tshe tha dad pas/ ngo bo gzhan dang/ gzhan nyid yin pa'i phyir/ gsal ba bzhin du rigs su mi 'gyur te/ rigs ni ngo bo gcig nyid yin pa'i phyir ro/ /ji ste rtag pa yin pa de'i tshe/ rtag na 'ang skyed byed ji ltar rung/ /rnam par shes pa nyid kyi'o/ /rtag pa rnams ni byed pa po nyid ma yin pa sngar bstan zin pa'i phyir ro/ /bskyed par byed pa ma yin na yang/ yul ma yin pa de ltar na gang de ni cir yang mi rung ste/ rigs yul ma yin no/ /'o na ci yin zhe na/ mi ldan pa'i 'du byed ming dam don nam mtshan ma'i don la/ de'i tshe dmigs pa yin no/ /ci'i phyir zhe na/ 'di ltar ming la sogs sngar ni brjod yin na 'chad pa po/ /nyan po brjod bya rjes 'brel can/ /ming sogs 'brel pa med pa can/ /don la 'jug par
- 265a
mi 'gyur ro zhes bya ba la sogs pas bkag zin to/ /'on kyang rnam par rtog pa'i rnam par shes pa 'di ni/ 'bad rtsol gyis 'jug par 'gyur te/ shes pa rnams kyi/ go rim 'di ni don ldan min/ de las gzhan pa dbang po'i nus pa la sogs pa'i skyon yod na yang/ don nye ba na yod na yang/ de dag mi skye ba'i phyir ro/ /gal te rnam par rtog pa'i rnam par shes pa 'di yang don dang ldan par 'gyur na/ 'bad rtsol tsam gyis skye bar mi 'gyur ro/ /'di ltar 'dod pa tsam rjes 'brel can nyid kyi phyir/ rjes su 'gro ba dang ldog pa'i rjes su byed pa'i phyir ro/ /don gyi bya ba 'di la nus pa ste/ don gyi nus pa 'grub mi 'gyur/ de ltar na don 'ga' zhig gang las yul yin zhe na/ 'das pa la sogs dmigs pa'i shes pa'i rnam pa can yin pa ni bla ste/ nyams su myong ba'i yul gyi rnam pa can yin no zhes bya ba de dag gang las yin zhe na/ 'di ltar shes pa 'di 'dra dran yin na/ 'das pa'i don du snang ba can gyi yid kyi rnam par shes pa gang yin pa de dran pa yin na/ de yang myong ba dag las 'byung/ dran pa de yang shin tu gsal bar myong ba las byung ba yin no/ /nyams su myong ba gang yin pa de yang don gyi/ rnam pas stong par 'dod na/ dran pa de dang de ldan de don gyi rnam pa can ji ltar yin ma yin pa nyid yin no/ /de ltar na don gyi rnam pas stong pa'i myong ba gang yin pa de las/ don de'i rnam pa can gyi dran pa myong bar mi 'gyur ro/ /sbyor ba ni gang zhig don gyi rnam pas stong pa gang yin pa de las/ chos can gyi rnam pa yang don de'i rnam pa can du 'byung ba ma yin te/ dper na bum pa'i rnam pas stong pa'i snam bu nyams su myong ba las/ snam bu'i dran pa 'byung ba yang/ bum pa'i rnam pa can ma yin pa lta bu'o/ /sngon po'i
- 265b
dran pa yang sngon po'i rnam pas stong pa'i nyams su myong ba las yin no zhes bya ba ni khyab par byed pa 'gal ba dmigs pa'o/ /gal te nyams su myong ba las dran pa 'byung ba ma yin no/ /'o na ci yin zhe na/ don las byung ba ma yin no zhe na/ dran pa de ni don las 'byung ba ma min no/ /ci'i phyir zhe na/ de med phyir/ dran pa'i dus na don zhig cing med pa'i phyir ro/ /dran pa don las byung ba yin pa ni bla ste/ don gyi rnam pa gang las yin/ gal te yul las skyes pa yin pa'i phyir nges byas pa yin no zhe na/ de ltar myong ba la'ang 'gyur/ gal te yul las skye ba'i phyir/ dran pa yul gyi rnam pa can yin na/ yul yod pa la skye ba de yang/ yul nyams su myong ba dang mtshungs pa de ltar na/ yul nyams su myong ba de yang yul gyi rnam pa can du 'gyur ro/ /sngon po la sogs pa'i rnam pa dran pa la so sor snang ba gang yin pa'i don gyi rnam pa de yang rigs pa ma yin no/ /ci'i phyir zhe na/ gsal ba'i rnam pas dben phyir ro/ /don la gsal ba'i rnam pa mthong ba la snang ba de nyid/ gal te yid kyi rnam par shes pas 'dzin na/ de ltar snang bar 'gyur te/ 'di ltar yid kyi rnam par shes pas gzung bar bya ba'i rnam pas dben pa nyid du snang ba yin no/ /gang gi sgra'i ni rim pas gzhan du sbyar bar bya ba yin no/ /don med pa'i phyir yang don gyi rnam pa 'ong ba ma yin no/ /de dag gal te yid kyi rnam par shes pas gzung bar bya ba'i don tha dad par 'gyur ba de'i tshe/ ji ltar skyes bu 'ga' zhig dran par byed pas rnam par rtog pa de lta yang sgra las kyang ji ltar bsam pa de gzhan gyis rtogs par mi 'gyur na/ rtogs par 'gyur ba de'i phyir bdag dang 'brel pa las gzhan gyis mi 'dzin pa ma yin no/ /gzhan yang re zhig gang zhig
- 266a
gzhan gyi lus la gnas pa can gyi dngos po mi 'dzin pa ni rigs pa yin te/ lus kyi dbang po ni phrang ba'i yul can nyid yin pa'i phyir/ mig kyang chod pa yin pa'i phyir ro/ /de ltar yid kyi rnam par shes pa ni ma yin te phrad pa'i yul can nyid ma yin pa'i phyir dang/ chod pa las kyang 'jug ba'i phyir ro/ bdag dang 'brel ba'i phyir 'dzin pa ma yin no zhes bya ba ni lan nyid ma yin no/ /skyes bu thams cad yid kyi rnam par shes pa'i yul re res so so rang gi rig pa dang 'brel pa de'i phyir bdag dang 'brel pa'i ngon sgras bstan par bya ba skyes bus rig pa yin pa de ltar na gzhan gyi lus la gnas pa 'dzin par thal ba med do/ /gal te de ltar yin pa de'i tshe re re dag gis 'brel na yang 'chad pa po nyan pa po'i sems dag gi mtshams sbyor ba ni mi rung ngo/ /ci 'dra ba zhig ce na/ don gcig mngon zhen bdag nyid can/ /don gcig 'dzin pa'i rang bzhin can no/ /ji ltar gcig gcig don 'ga' zhig la sems par byed pa des gzhan la khyod don ci zhig la sems bar byed ces dris pa na nges rang nyid sems pa'i yul gzhan la smra ba de'i tshe de la sems bar byed pa de yang 'di snyam du 'di sems par byed pa'i don 'di nyid da yang zhes bya bar 'gyur ro/ /de bzhin du nyan pa po dang 'chad pa po'i sems ngag gi don gcig la mngon par zhen pa'i rang bzhin gyi rjes su mtshams sbyor bar gang yin pa de ni mi 'gyur te/ bdag nyid ji ltar 'brel ba la yid kyi shes par bya ba mi 'dzin pa'i phyir ro/ /'gyur ba yang yang yin pa de'i phyir bdag dang 'brel ba 'dzin pa de ma yin no/ /de ltar ni 'gyur mod kyi gal te tha snyad gcig 'dra'i phyir/ 'chang pa po dang nyan pa po sems 'di ltar don gcig la
- 266b
mngon par zhen pa gang yin pa de dang rang dang 'brel pa'i don 'dzin pa yin na/ yang rang bzhan gyi rgyu dang 'brel pa'i yid kyi yul dag dang 'dra ba'i phyir ro zhe na/ de ni de lta ma yin te gnyi ga'i mthong ba'i yod par chos mthun pa nyid kyi phyir 'khrul par 'gyur ro/ /gzhan dang 'brel pa tshu rol mthong bas 'dzin pa ma yin no zhes bya ba yang gang las 'dra ba'i phyir gcig nyid du mngon par zhen pa yin/ 'gyur ba yang bla ste de ltar na yang 'chad pa po dang nyan pa po'i sems de dag ni ji ltar don de rang bzhin gyis tha dad pa de ltar ma yin no/ /gang la de'i rang bzhin yod pa ma yin pa de ltar na gcig nyid du mngon par zhen pa snang ba yin te 'dra ba'i phyir ro/ /de ltar na der snang ba can ni ma yin pa/ 'chang pa po dang nyan pa po'i shes pa de dag gi/ ji ltar tha dad pa bdag nyid gzung don sna tshogs pa'i rang bzhin gyis bdag nyid de gzung bar mi 'gyur ro/ /ji ltar don de yin pa de ltar shes pa la snang bar 'gyur ba de bzhin du ni 'dzin par 'gyur ro/ /gang gi tshe don tha dad pa yang 'chad pa po shes pas tha dad par snang ba de tshe blo can med 'gyur/ de'i tshe blo yul med pa can nyid du 'gyur ro/ /shes pa'i rnam par smra ba dag la ni tha snyad 'di thams cad ni blo bslang pa can yin pa de ltar klan ka btsal du med do/ /bdag nyid ji lta ba bzhin gyi rnam par shes pa tha dad pa med par rang rig pas 'dzin pa'i phyir de las gzhan gyis kyang rtegs par thal ba med do/ /de phyir blo tshul gnyis nyid du grub pa yin no/ /nyams myong zhes bya ba la sogs pas yul shes de'i shes pa yi/ bye brag las ni tshul gnyis nyid ces bya ba la sogs pa 'chad brtsom par mdzad do/ /yul shes pa ni gzugs la sogs pa 'dzin pa ste mig la sogs pa'i rnam par shes pa'o/ /yul shes pa de la de'i shes
- 267a
pa ni shes pa ste yul shes pa'o/ /yul gyi rnam pa can gyi shes pa'i shes pa ni rtogs pa zhes bya ba'i don to/ /de nyid bye brag yin te yul gyi shes pa nyams su myong ba'i rnam pa'i khyad par las shes pa'i don to/ /de la 'dir blo ni nyams su myong ba'i rnam par sgrub pa'i phyir rang gi ngo bo grub pa nyid yin pa de ltar na bsgrub par bya ba ma yin no/ /'o na ci yin zhe na/ yul gyi rnam pa can gzhan gyis mi 'dod pa de ltar na nges tshul gnyis gnyis su bsgrub par bya ba yin no/ /de nyid kyi phyir gzugs la sogs pa'i yul gyi shes pa gang yin pa de don du rang? snang ba yin no zhes dam bca' gsungs pa yin no/ /yul shes pa'i shes pa gang yin pa de zhes bya ba ni yul gyi rnam pa 'dzin pa'i ngang tshul can kyi rtogs pa'o/ /de ni yul dang rjes su mthun pa'i shes pa snang ba can yul gyi rnam pa can gyi rnam par shes pa la dmigS pa nyid kyi phyir ro zhes bya ba ni gtan tshigs kyi don yin no/ /rang snang ba zhes bya ba ni yul gyi rnam pa can gyi rnam par shes pa snang bar gyur ba ste bdag nyid snang ba zhes bya ba'i don to/ /de ltar ma yin na gal te yul gyi ngo bo kho na 'ba' zhig yul gyi shes pa yin par 'gyur gyi ngo bo ma yin pa'am nyams su myong ba'i rnam pa nyid yin na yang yul gyi rnam pa nyid ma yin pa'i de'i shes pa yang ste/ yul shes pa yang yul shes pa'i shes pa dang bye brag med par 'gyur te/ khyad par med pa na yul nyams su myong ba'i rnam pa'i yul can gyis bskyed par mi 'gyur ro zhes bya ba'i tha tshig go /de bas na sngon po la sogs pa'i nyams su myong ba nyid 'grub par mi 'gyur ro/ /'di ltar yul shes pa ni yul gyi rnam pa can nyid yin na yang shes pas te yul gyi rnam par shes pa 'dzin pa'i ngang tshul can du rigs pa yin no/ /de ni ma yin
- 267b
na? shes pa'i shes pa ni yul gyi rnam pa 'dzin pa nyid kyis yul can gyi shes pa bye brag med par mi 'gyur zhing sngon po la sogs pa nyams su myong ba'i ngo bo nyid du de mi 'gyur ro/ /'dzin pa dang 'gyur ba yang yin te/ de ji skad du bshad pa'i rang bzhin can yin pa de'i phyir de la yang yul gyi rnam pa yod pa yin no/ /'di ltar nyams myong rnam shes de yang ni/ shes pa de yis dmigs par 'gyur/ /nyams su myong ba'i yul can gyi shes pas so/ /ci 'dra ba zhig gang gis she na cha gnyis dmigs pa can gyis so/ /ji ltar dmigs par 'gyur zhe na/ rnam pa gcig las khyad par can gyis so/ /nyams su myong ba'i rnam pa gcig las khyad par du gyur pa'i yul gyi rnam pa yin to nges so/ /de la 'dir? nyams su myong ba'i shes pa ni nye bar mtshon pa tsam yin te dpyod pa'i shes pa yang de'i shes pas ji ltar bsam pa'i don gyi rnam pa nyams su myong ba'i rang ngo bo'i yul can gyi shes pa gzhan gyis dmigs par 'gyur ro/ /de ltar na ji ltar nyams su myong ba'i shes pas nyams su myong ba'i don gyi ngo bo 'ba' zhig gam nyams su myong ba'i ngo brtogs pa ni ma yin gyi 'on kyang shes pa 'dis 'dra ba'i don dang ldan par gyur to zhes cha gnyi ga shes par 'gyur ro/ /de ltar na da'i bsam pa 'di 'dra bar gyur to zhes bsam pa yang rang rig shes pa 'dzin par 'gyur ro/ /gang gi phyir 'di ltar yul gyi rnam pa can yul gyi shes pa de'i shes pas dmigs par 'gyur ba de'i phyir de'i yul gyi rnam pa can yin no/ /sbyor ba ni gang zhig gang gi rnam pa can la rang gi shes pas dmigs par 'gyur ba de ni de'i rnam pa can du 'gyur te/ dper na lkog shal la sogs pa dang ldan pa'i rnam pa can gyi ba lang gi shes pas dmigs pa na lkog shal la sogs pa dang ldan pa yin pa lta bu'o/ /yul gyi
- 268a
rnam pa can gyi shes pa yang rang gi shes pas dmigs pa yin no/ /de'i rnam pa can la dmigs pa zhes bya ba'i rnam gzhag 'di ni don de'i rnam pa can rgyu can nyid yin pa'i phyir ro/ /de ni 'bras bu'i gtan tshigs nyid yin la/ gzhan gyi tshe ni rang bzhin gyi gtan tshigs so/ ci'i phyir de ltar yang 'gyur ba yin zhe na 'di ltar gzhan du de ni yul gyi shes pa de dngos min/ yul gyi rnam pa can ma yin pa ji ltar 'gyur te/ ma yin pa nyid do/ /de ltar na yul gyi rnam pa can gyis rang nyid 'dzin pa'i ngang tshul can gyi shes pa la gnas par 'gyur/ gnas par yang 'gyur ro/ /de'i phyir de'i yul gyi rnam pa can no/ /gal te yul gyi shes pa yul gyi rnam pa can du mi 'gyur na mi 'dod pa'i zhig tu 'gyur ba de'i tshe de mi 'dod par 'gyur ro zhes bstan pa'i phyir/ shes pa phyi ma phyi ma yul snga ma bskal pa snang ba can du mi 'gyur te/ de'i yul ma yin pa nyid kyi phyir ro zhes gsungs te/ phyi ma phyi ma de nyams su myong ba'i shes pa la de'i shes pa la sogs pa phyi ma phyi ma skye bar mi 'gyur ro/ /ji ltar zhe na yul snga ma snga mar bskal pa bskal par snga ma can te/ shes pa bskal pa'i yul du mi 'gyur te/ snga ma la phyi ma phyi ma 'dzin par mi 'gyur ro/ /ci'i phyir zhe na de'i yul nyid ma yin pa'i phyir ro/ /don snga ma de ni shes pa phyi ma'i yul ma yin pa'i phyir ro/ /'di ltar yul snga ma bskal par snang ba can du 'gyur ba de ltar phyi ma phyi ma yi/ shes pa rnam gcig ltags pa can/ rnam pa re re 'di la lhag pa yod pa zhes bya bar tshig rnam par sbyar ro/ /rnam pa re re lhag ma zhes bya ba'i don to/ /'dis ni shes pa phyi ma phyi ma zhes bya ba la sogs pa'i thal ba bzlog par bstan to/ /rnam pa re re lhag ma lhag ma nyid kyang bum pa nyams su myong ba'i
- 268b
shes pas bum pa'i rnam pa can gyi shes pa la dmigs pa na bum pa'i rnam pa can gyi shes pa yin zhes rtogs par 'gyur ro/ /de'i phyir shes pa'i shes pas bum pa'i shes pa la dmigs pa bum pa'i shes pa'i shes pa yin no zhes bum ba'i rnam pa dang bcas par bum pa'i shes pa'i shes pa rtog par 'gyur ro/ /de bzhin du gzhan dag la yang gtan tshigs kyi khyab pa bstan to/ /yul shes pa'i shes pa gang yin pa de ni yul dang rjes su rjes su mthun pa'i shes par snang ba dang rang snang ba yin no/ /gal te de nyid gang las yin gang gis na de'i dbang gis nyams su myong ba'i shes pa yang gnyis su snang bar 'gyur zhe na/ gang gi phyir shes pa gnyis pa de ni don gyi ngo bor snang ba dang/ yul gyi shes pa dang 'brel pa can dag ste/ de'i sgo nas 'ongs pa yul du snang ba dang rang snang ba'i mtshan nyid can dag ni/ yul nyid du snang ba dag go /'ga' zhig bdag gi rnam pa la/ rang nyid snang ba'i mtshan nyid can/ gsum pa'i shes pa'i shes pa de ma thag tu 'byung ba can gyi shes pas rnam par 'byed par 'gyur/ yang dag par dmigs par 'gyur ro/ /de'i phyir rang snang ba nyid kyang de'i shes pa yin no zhes nges par 'gyur ro/ /gal te yul gyi rnam pa can nyams su myong ba'i shes par 'gyur ro zhes bshad pa gang yin pa de'i tshe shes pa'i shes pa yang ste/ yul gyi shes pa'i shes pa khyad par med par 'gyur ro/ /de'i phyir 'di la yul gyi rnam par shes pa'i rjes su bsgyur ba yod pa ma yin no/ /de ni de lta ma yin te/ gal te 'di ltar nyams su myong ba'i shes pa yul gyi rnam pas nye bar bsgyur bar byas pa ni shes pa'i shes pa khyad par 'di ma yin no/ /'o na ci yin zhe na don las yin te/ rnam par shes pa rnam pa med pa nyid du skye ba de ni don gyi 'bras du yin te/ ngan las skye ba'i
- 269a
phyir ro/ /don gyi 'bras bu nyid yin pas na 'bras bur gyur ba yul gyi shes pa la dran pa skye bar 'gyur te/ dper na don gyi 'bras bu'i shes pa 'di yin no zhes bya ba lta bu gang yin pa de'i dran pa de ni don gyi 'bras bu nyid du skyes par 'gyur ba na/ de'i rgyur gyur pa'i don yang dran par 'gyur ro/ /gal te don dran pa yod na phyis 'khrul pas nyams su myong ba'i shes pa rnam pa med pa yin na skyes bus don des rnam pa dang ldan par srid pa yin no zhe na/ de la shes dran don gyi 'bras nyid phyir/ /gal te don ni dran pa las/ /'khrul pas sred par byed yin na/ de'i tshe sgron ma yid byed der 'gyur ro/ /ji ltar yul te rgyu yin pa de ltar snang ba yang yul la nye bar sbyor ba la reg pa med par nyams su myong pa'i rnam par shes pa'i rgyu'i ngo bor 'gyur ba can dang/ de bzhin du yid la byed pa yang 'gyur ro/ /ji ltar nges par don gyi rnam pa dang 'dres pa'i shes pa dran pa yin pa de ltar na de bzhin du yid la byed pa la sogs pa nyams su myong ba dang 'brel bar 'gyur ro/ /gzhan yang gal te don gyi 'bras bu zhes bya ba don gyi rnam par zhes pa can gyi shes pa la dmigs par byed pa na dran pa yin pa de'i tshe ji ltar rnam par shes pa don dang lhan cig dran pa de bzhin 'bras bu thams cad kyang/ bdag nyid ji lta ba bzhin du rgyu dang lhan cig 'dzin par 'gyur/ de phyir rdza mkhan la sogs pa/ /med par bum pa dran mi 'gyur/ /rdza mkhan dang 'khor lo la sogs pa yod na bum pa 'grub pa mthong ba de ltar na rdza mkhan la sogS pa'i 'bras bu bum pa dran par byed pa na nges par rdza mkhan la sogs pa dran par 'gyur gyi rnam pa 'ga' zhig gis kyang bum pa/ 'ga' zhig dran par mi 'gyur ro/ /de'i phyir don gyi rnam pa can gyi shes pa 'brel pas byas pa
- 269b
'jim pa ma yin no/ /ci ste yul gyi shes pa la yid la byed pa la sogs pa drag las khyad par 'ga' zhig yod pa yin no/ gang gis na rgyu nyid du mtshungs pa nyid yin na yang nges par don gyi rnam par 'dzin pas shes pa la dmigs par 'gyur gyi/ rnam pa gzhan du ma yin zhe na/ de'i tshe phul du byung gang las shes pa ni/ don dang 'brel pa ston pa yin/ shes pa don dang 'brel pa la/ /ston pa can du 'gyur ro zhes 'dod do/ /de ni 'dra ba las gzhan cir 'gyur don dang 'dra ba'i bye brag ma gtogs par yul gyi phul du byung ba gzhan yod pa ma yin no zhes bya ba'i tha tshig go /'dra ba nyid las 'khrul pas shes pa la don gyi rnam par sgro 'dogs par rigs pa yin te/ mtshem la sogs mthong ba bzhin /gzugs mtshungs pa'i mtshe ma dag las gcig mthong bas gzhan mthong ba na ngas sngon mthong ba de nyid 'di yin no zhes 'dra ba mthong ba las rtogs pa po de'i ngo bo sgro 'dogs pa lta bu'o/ /de'i phyir don dang 'dra ba mthong ba 'di la yang shes pa yul dang 'brel pa la sgro 'dogs par 'gyur ro/ /gzhan yang dang po nyams su myong ba'i shes pa yul dang nyams su myong ba'i rnam pa dag /gnyis med dngos yin na/ 'dzin par byed pa phyi ma de yang nyams su myong ba'i ngo bo gcig tu gnas par 'gyur gyi yul dang rjes su mthun pa'i shes pa snang ba ma yin no/ /gnyis po ngo bo gcig ni/ rnam par gnas pa shes pa de rtogs pa'i sems kyis shes pa 'dzin pa can gsum pas/ rnam par 'byed pa ma yin/ yul gyi rnam pa can shes pa las snang ba can tha dad pa 'dzin pa ma yin te/ rang nyid snang ba'i ngo bo cig pa can nyid yin pa'i phyir ro/ /de ltar ni ma yin te 'on kyang yul gyi rnam pa can gyi shes pa'i snang ba dang rang nyid nges par 'gyur bar 'gyur ro/ /de'i phyir nyams su myong ba 'dzin pa can gyi blo gnyis pa ni'o/ /de ci 'dra ba zhig
- 270a
cen/ don bsre ba dang 'brel pa can/ don bsre ba can te don gyi rnam pa 'dzin pa de ni don bsre pa dang 'brel cing ldan pa gang la yod pa zhes tshig rnam par sbyar ro/ /blo dmigs par 'gyur/ blo gnyis pa de 'dra ba de la'o/ /de yang ci 'dra ba zhig ce na/ sngo? sogs ngo bo du/ mdun na snang bar gyur pa'i yul gyi rnam pas nye bar gyur pa nyams su myong ba'i shes pas mdun na snang bar rtogs par 'gyur ba de ltar na blo tshul gnyis pa yin no/ /de ltar min na gal te don gyi 'bras bu nyid kyis don dang 'dres pa'i yul gyi rnam par shes pa la dmigs par 'gyur gyi yul gyi rnam pa nye bar bsgyur ba las ni ma yin no/ /de'i tshe dang bo'i nyams su myong ba'i shes pa don gyi nus pa las byung ba can cig phyir sbyor don dang yid kyi shes pa'i shes pas dus phyis 'byung ba can gyi shes pa la sogs pa dang ni ma yin no/ /nyams su myong ba gzung bar bya ba don snga ma de dang 'brel pa ni/ mthong med can phyi ma phyi ma med shes pa'o/ /ci'i phyir zhe na/ don las 'byung phyir ro/ /nyams su myong ba'i shes pa nyid ni don las byung ba'i phyir ro/ /rang dang 'prel pa can de dang sbyo bar byed kyi cig shos dang ma yin te/ de dag ni de'i yul gyi don las ma skyes pa'i phyir ro/ /yul ma yin pa nyid kyis 'di mi 'dzin pa'i phyir ro/ /'dis ni shes pa phyi ma phyi ma zhes bya ba la sogs pa'i gzhung btsugs pa yin no/ /de ltar na yul gyi shes zhes bya ba la sogs pa bshad pa'i phyir/ nges pa blo dang bcas pa ni zhes bya ba la sogs pas bdag nyid kyi rigs pa gzhan gyis ston par mdzad do/ /sngon po la sogs pa nges par blo dang bcas par ni/ lhan cig myong ni myong 'gyur ba/ de dag las ni rnam par shes pa las gzhan nyid du yul gyi rnam pa gang gis ni 'grub par 'gyur/ rgyu gang gis 'grub par
- 270b
'gyur te ma yin no/ /sngon po la sogs pa dang de nyams su myong ba dag ni lhan cig dmigs pa'i phyir tha dad par snang ba can nyid yin na yang gcig yin no zhes bya ba'i don to/ /de ltar ni 'gyur mod kyi gang zhig gnyis su snang ba de ni don dam par tha dad pa yin te/ dper na bde ba dang sdug bsngal dag lta bu'o/ /yul dang shes pa'i rnam pa yang rnam pa gnyis su snang ba yin no/ /de dang de ni yod pa ma yin te 'di ltar tha dad sngon po dang nyams su myong ba dag mthong bar 'gyur ro/ /gang gis she na skyes bu 'khrul pa'i rnam shes can rnams kyis/ don dam par shes pa'i bda nyid tha dad pa med yin na yang ngo/ /ci dang 'dra bar zhe na/ zla gnyis med bzhin te/ dper na zla ba gcig la mig 'khrul pa can gyis gzhan gnyis pa 'dzin pa de bzhin no zhes bya bas ma nges pa bstan to/ /ci ste ma 'khrul pa dag gis shes bya ba'i khyad par gzung bar gyur pa de'i tshe ma 'khrul pa nyid ma grub pa yin te/ mchog mthong can ma yin pa thams cad kyis 'khrul pa nyid kyi phyir ro/ /myong ba'i nges pa yod ma yin/ gcig tu dmigs pa'i nges pa yod pa ma yin no/ /gang zhe na/ sngo ser dag gi tha dad dag /ji ltar sngon po dang ser po dang dus gcig tu dmigs pa yin na yang/ rnam pa gzhan yang gcig tu dmigs pa yod pa ma yin no/ /'dis ni chos mi mthun pa nyid can gyi dpe bstan to/ /sngon po dang nyams su myong ba de dag ni de ltar ma yin no/ /ci'i phyir zhe na/ 'di ltar don 'ga' zhig ni myong ba med pa'am/ don dmigs pa na de nyams su myong ba med par 'ga' zhig gi tshe 'ga' zhig mthong ba yin no/ /don med can yang mthong ba ni/ rnam par shes pa don med pa can don gyi rnam pa nye bar bsgrub pa med par myong par 'gyur ba ma mthong ngo/ /de ltar na gtan tshigs grub pa'i mjug bsdud par byed do?
- 271a
de'i phyir don dang de dmigs pa de dag tha dad med/ ces bya ba na chad ma'i 'bras bu'o/ /sbyor ba yang gang zhig gang dmigs pa na nges par dmigs par 'gyur ba na de ni de nyid yin par 'gyur te/ dper na de'i rang nyid kyi ngo bo 'am zla ba gnyis pa lta bu'o/ /de dmigs pa la yang de nyams su myong ba nges par dmigs pa yin no zhes bya ba ni rang bzhin gyi gtan tshigs so/ /khyab pa yang tshang ma rnam par nges pa las rgyas par bstan zin pa de ltar na 'dir ma spros so/ /de'i phyir shes dus snang ba can /don ni shes las tha dad par bzlog par shin tu dka' ba yin zhes bya ba ni mjug bsdu ba yin no/ /dbang po la sogs par/ rgyu gzhan dag na yod na yang/ dbang po yang blo rnams med pa'i phyir/ don tu snang pa can gyi blo med par 'di ni de tsam gyi rgyu can yin pa de ltar na 'bras bu ldog pa las/ rgyu'i tha dad rjes dpag 'gyur/ rgyu gzhan rjes su dpog par 'gyur ro/ /rgyu gzhan gang yin pa de ni 'dir don yin no zhe na/ de ltar yang gal te don zhes bya ba 'grub par 'gyur na/ de rjes su dpag pas rtogs par bya ba yin par 'gyur phyir mngon sum gyiS ni ma yin no/ /'di de ltar yin na yang ji ltar yid la 'dod pa'i rnam par shes pa las tha dad par grub pa ma yin no/ /'di ltar phyi rol gyi don de gang gi tshe 'grub par 'gyur/ gal te rnam par shes pa smra bas mtshungs pa de ma thag rkyen las nges par mi smra na'o/ /mngon par 'dod pa'i don snang ba can gyi rnam par shes pa skye ba'i bag chags yongs su smin pa'i snying po yid la byed pas byis pa'i blo rnams kyis 'jug pa'i nges pa mi smra ba na'o zhes bya ba'i don to/ /'di ltar 'bras bu ldog pa dang mi ldog pa ni de lta bu'i rnam par shes
- 271b
pa skye ba'i bag chags sang pa dang ma sang pas byas pa nyid kyi phyir ro/ /'bras bu don du snang ba can gyi rnam par shes pa yod pa dang med pa las rgyu bye brag med par yod do zhes rjes su dpog pa na grub pa la sgrub pa nyid yin no/ /de lta ma yin na ma grub pa yin pa de de ltar na 'bras bu ldog pa las kyang gang las don rjes su dpog par 'gyur/ gal te gang gi tshe phyi rol gyi don med pa'i tshe blo sa bon las myu gu snang ba 'khrul pa nyid yin pas na/ med pa nyid yin pa'i phyir de byed pa po nyid ma yin zhing 'bras bu nyid kyang ma yin no/ /de ji ltar sa bon las myu gu skye ba zhes bya ba'i byed pa po rnam par bzhag pa yin/ sa bon dang myu gu snang ba dag la ni phan tshun rgyu dang 'bras bu nyid med pa'i phyir ro/ /de bzhin du me dang du bar smra ba dag la yang rgyu dang 'bras bu'i dngos po nyid mi rung ba'i phyir ro/ /go bar bya ba dang go bar byed pa nyid ma yin no/ /yang phyi rol gyi don yod na/ phyi rol gyi me yod pa yin zhing de du ba'i rgyu yin pa de ltar na du ba me'i go bar byed par 'gyur ro/ /rnam par rig pa tsam nyid la yang du ba rtogs pa'i dus me yod pa de ltar na/ shes par byed pa du ba las me grub pa yin no zhes shes par byed pa ji ltar gnas pa yin/ phyi rol gyi don la ni byed pa po la sogs pa'i rnam par bzhag pa thams cad 'bad pa yin no zhe na/ de la skyon de yod pa ma yin te/ 'di ltar sa bon las ni myu gu skye dang/ zhes bya ba/ de ltar phyi rol don rten can byed pa por gnas pa gang yin pa dang du ba las me grub pa zhes/ shes par byed pa'i tha snyad 'jug pa gang yin pa de yang gal te phyi rol gyi don la ltos pa med par dngos por rtogs pa la brten nas/ de'i ngo bor snang ba can/ myu gu la sogs par snang pa de ltar nges 'byung ba sa bon la sogs par bye brag tu snang
- 272a
ba'i blo las de ma thag tu 'byung zhing skye ba'i myu gu la sogs par snang ba can gyi blo gang yin pa de la de skad ces bya'o/ /de lta bur gyur pa'i blo ston pas ni rtags byed na/ 'gal ba dag ni ci zhig yod/ cung zad kyang yod pa ma yin no/ /ji ltar sa bon las myu gu zhes bya ba skyab dngos po la so sor nges pa'i phyir/ 'bras bu rnam par bzhag pa la rten pa'i 'dod pa de ltar sa bon du snang ba can gyi blo rgyur gyur pa yod na myu gur snang ba can gyi shes pa byung bar gyur pa rtog pa na tshad ma dang/ 'gal ba med pa nyid yin no/ /phyi rol gyi don la rten can gyi rnam par bzhag pa can 'di ni ston par dka' ba nyid yin te/ don ma grub pa'i phyir ro/ /rnam par bzhag pa gcig por nas rnam par bzhag pa gzhan la rten pa las byung ba can gyi nyes pa yang 'di 'jug pa ma yin pa de ltar na gnod pa ci zhig yod de ltar 'gyur mod kyi/ du ba med bskyed 'gyur ba min/ /ji skad du bshad pa'i blo la brten nas shes par byed pa rnam par 'jog pa 'gal ba nyid yin te/ 'di ltar du bar snang ba can gyi shes pa sngar 'byung bar 'gyur zhing/ phyis med snang ba'i shes pa byung gyur na/ snga ma ni 'bras bu ma yin zhing phyi ma yin zhing phyi ma ni rgyu ma yin no/ /de'i tshe phyi rol gyi me med na ni snang ba can gyi shes pa nang nyams su myong ba yin na/ gang las du bar snang ba can gyi shes pa 'bras bur rtogs par 'gyur/ de ltar na du ba ni me las skye ba nyid yin par mi 'gyur ro de'i phyir 'bras las/ du ba las rgyu ma mi rtags par 'gyur ro/ /de ltar na shes par byed par gnas pa ma yin no/ /ci ste yang du bar snang ba can gyi shes pa med? pa snang ba can gyi shes pa'i rgyur rtog pa de'i che du bar
- 272b
snang ba'i shes pa de rgyu dag ni yin na yang/ rgyu las 'bras bu'i rjes su dpog pa thob par 'gyur na de'i tshe yang rgyu rnams las 'bras bu ma nges pa'i phyir/ gang las nges par rtogs par 'gyur/ rjes su dpag pa med pa'i phyir shes par byed pa gnas pa ma yin no zhes bya ba ni phyogs snga ma'o/ /de la'ang zhes bya ba la sogs pas ni lan 'debs par byed do/ /de la'ang du ba las me rjes su dpog par 'dod na du bar snang pa'i blo rtags kyi ming can mer snang ba'i blo nyid ni rtogs 'gyur ro/ /ci dang 'dra ba zhig ce na/ bag chags gsal bar sad pa dag /blo gang las bag chags gsal bar sang pa yod pa zhes bya bar tshig rnam par sbyar ro/ /mer snang ba can gyi ma 'ongs pa'i blo nyid kyi go bar byed par 'gyur gyi me ni ma yin no/ /mer snang ba can gyi da ltar blo sgrub pa pos rtogs pa ma yin na gang gis na de'i tshe du bar snang ba can gyi shes pa ni mes bskyed pa nyid ma yin te/ de lta bu'i rnam pa can gyi blo med pa'i phyir/ /'bras bu gang las rgyu rtogs par mi 'gyur ro/ /de ltar na de rung bag chags snying po can/ mer snang ba can gyi rnam par shes pa skyed par rung ba'i bag chags kyi snying po skye ba'i rgyu dang rten rgyud gang la yod pa de nyid du snang ba can gyi blo'i/ sems kyi rgyud ni gsal bar byed skyed par byed kyi gang ci yang rung ba ni ma yin no/ /rgyu de'i phyir me las du ba yin/ me las du ba byung ba de ltar na bag chags gsal bar sad pa'i snying po can mer snang ba'i blo rjes su dpog par byed pa'i phyir ro/ /rgyu las 'bras bu dpog pa'i phyir ma nges pa'i rnam pa ni ma yin no/ /mkha' rnams ji skad bshad pa'i phyi rol gyi don khas mi len pa la rtsed pa de dag yod/ med pa ma yin te tshad mar mi slu bas spong bar rigs pa nyid ma yin pa'i phyir ro/ /de
- 273a
ltar na yang dag pa'i rtsod pa la bltos pa med par phyi rol nyid kyi don la brten nas ni/ khas blangs nas kyang blo'i tshul gnyis brjod yin no/ /gcig myong ba nges phyir gcig tu dmigs par des pa'i phyir bshad ma thag pa'i gtan tshigs kyis tshul gnyis po de yang grub par 'gyur ro/ /'dir yang tshul gnyis grub par bya ba la ci don la sogs par rigs pa gzhan ston par mdzad de don las de shes pa skye bar 'gyur ba der snang yang yod min yul gyi rnam pa can med pa de'i che don tha dad med phyir ro pa'i phyir yid kun ni ngo bo gcig la dag tu 'gyur/ ci 'dra ba zhig ce na de'i don can don gcig gi ngo bo'i yul gang la yod pa zhes bya ba de ni tha tshig go /de rnam ba gcig pa can nyid kyi shes par 'gyur ro/ /'di ltar ji ltar dbang po'i khyad par gyis dbang po'i 'gyur bas gsal mi gsal 'dren ma la sogs pa/ gsal ba dang mi gsal ba dang 'dren ba la sogs pa snang ba tha dad 'dzin pa'i/ shes pa don gcig las snang 'gyur/ /mang po gcig car snang bar 'gyur/ /sogs pa smos bas ni ji ltar yongs su snang pa'i don las phyin ci log pa'i kha dog tu snang ba'i khyad par 'dzin pa'i shes pa rnam par gzung ngo/ /de dag kyang phan tshun mtshan nyid mi 'dra pa'i rnam pa yin gyi don gyi ni ma yin te gcig la sna tshogs pa 'gal ba'i phyir ro/ /de ltar na gcig nyid khas blang bar bya ba yin pas na/ yul can du snang ba'i shes pa grub pa de bas na/ tshul gnyis pa can nyid yin no/ /de ltar ni 'gyur gyi gal te shes pa don las brten nas skye ba dang don dang 'dra ba yin pa de'i tshe don ni rnam pa gcig pa can nyid yin pa'i phyir/ de nyid de 'dra ba'i rjes su byed pa yin gyi 'dren ma la sogs pa'i
- 273b
khyad par du mi 'gyur ba de ltar na shes pa don gyi rnam pa nyid ma yin zhe na/ de'i don la brten pas shes pa la sogs pas 'gog par byed do/ /don la brten nas 'byung 'gyur zhing/ /de'i ngo bo ste don gyi rnam pa'i byed pa/ de ni cha 'ga' zhig gis na/ /don gyi rnam pa nyid rjes su byed pa yin na yang rnam pa gzhan gyi cha shes pa gzhan las te nang gi bag chags gdab? las kyang 'dren ma la sogs pa'i khyad par gyis tha dang 'gyur ba'i phyir/ 'gal ba ci zhig yod/ de ltar zhes bya ba la sogs pas de nyid gzhung 'dzug par byed do/ /de lta bu pha la brten nas pha de'i ni gzugs dag la'ang/ cha 'ga' zhig gis skye bar 'gyur ba dang 'dra ba yin pa de ltar na yang pha las 'ga' zhig gi las te/ rgyu gzhan las tha dad pa ni dmigs par 'gyur/ gzhan dang 'dra bar yang 'gyur ro/ pa'i rnam pa thams cad 'dzin pa ma yin pa de bzhin du cha rnam 'ga' zhig gis don gyi rjes su byed pa'i shes pa yang rgyu gzhan la rten pa'i phyir rnam pa tha dad pa 'dzin pa yin no zhes bya ba ni ngag gi don to/ /'dis kyang shes pa tshul gnyis nyid yin te/ 'di ltar mig mi gsal bas skyes bu mig 'khrugs pas dkyil 'khor mthong bar 'gyur ro/ /gang gi zhe na/ mar me la sogs kyi'o/ /ci 'dra ba zhig ce na/ rma bya'i mdongs kyi rnam pa can rma bya'i mdongs kyi dbyibs can no/ /dkyil 'khor yang sde dang nang na dmar por snang bdag /ches shin tu gsal bas mngon par 'gyur/ /de mar me'i ngo bo yin zhes des bar nus pa ma yin te/ mar me'i rnam pa dang yul tha dad pa 'dzin pa'i phyir ro/ /de'i phyir/ blo de nyid de ltar snang ba yin bas na/ blo yul du snang ba yin no/ /de ltar ni 'gyur mod kyi gal te mar me la sogs pa'i dkyil 'khor de don gzhan gyi ngo bor 'byung bar 'gyur ba ma yin pa de'i tshe shes pa de tshul gnyis su 'gyur na 'di ltar dkyil 'khor la sogs
- 274a
pa'i ngo bo de na thong ba bslad pa can rnams kyi mthong ba'i lam du snang ba gzhan nyid 'byung bar 'gyur ba yin zhe na/ gal te de ltar yin pa de'i tshe dkyil 'khor la sogs pa de de phyi rol dngos yin na/ dbang po gsal pa/ lta ba po yul dang/ dus de dang nye pa la ci nus med dkyil 'khor la sogs pa'i gzugs la mi bzod ci zhig yod/ gang gis na bdag nyid kyi rnam pa dbang po gnod pa byas pa can gyi blo nyid la snang bar byed kyi dbang po gnod pa ma byas pa can kyi blo la ma yin/ de'i kyang de'i ngo bo gzhan 'dzin pa yin te/ mig gi dbang pos gzung bar bya ba nyid yin pa'i phyir ro zhes bya ba'i tha tshig go/ gzhan yang gal te dkyil 'khor de dngos po nyid yin par 'gyur gyi/ blo 'khrul ba nyid ma yin pa de'i tshe/ dbang po la gnod pa byas pa de mthong yang dag pa'i ngo bo mthong ba yin na ji ltar gnas pa bzhin du mthong bar gyur pa yin no/ /de ji ltar dbang po gnod byas yin/ 'on kyang ma yin pa de nyid de de las gzhan pa yang dag pa'i don mthong ba'i skyes bu bzhin no/ /de bzhin du gyur pa ma yin pa'i don la blo de bzhin du snang ba'i phyir mthong ba bslad pa yin par 'gyur ro// //tshang ma rnam 'grel gyi 'grel pa/ /bam po sum cu rtsa gsum pa/ gzhan yang mar me la sogs pa'i dkyil 'khor dbang po la gnod pa ma byas pa la mi snang ba 'di'i skyes bu dbang po 'khrugs pa can mig rab rib kyis gnod par byas pa ma yin te/ 'on kyang shin tu sbyangs pas yin par 'gyur bas dbang po 'das mthong 'gyur/ yin na gang gis na gcig po de nyid kyis de mthong bar 'gyur gyi cig shos dag gis ma yin zhes dpyas pa yin no/ /skyes bu'i de'i mig mar me la sogs pa'i dkyil 'khor 'dzin
- 274b
pa gang yin pa mig ma bslad pa'i dbang po'i yul na yang dkyil 'khor 'dzin pa zhes bya ba dbang po las 'das pa'i don mthong ba dang 'brel ba'i phyir yang gzhan gyi mig gis don mthong ba tha ma la pa'i mig gis rtogs par bya ba bum pa la sogs pa de yang ji ltar mi gsal ba yin/ gang gis na de las mthon ba dman zhing mi gsal bar 'gyur pa'i rigs te/ de las yang ches gsal bar 'gyur na de yang mi 'gyur ba de'i phyir dbang po la gnod pa byas ba'i yul de yang de lta bur gyur pa'i don gzhan 'byung ba ma yin no/ /de ltar na gang zhig gang yod na 'gyur zhing de las gzhan ba'i rgyu yod na yang mi 'gyur ba de ni rgyu gzhan la bltos pa dang bcas pa yin zhing bltos par bya ba dang bcas pa dang nye ba dag gi de tsam gyi rgyu can yin par 'gyur ro/ /'dir yang snang dbang yid la byed pa las gzhan gcig gi /mar me'i nus pa rtogs par 'gyur gyi/ dkyil 'khor gyi ni ma yin no/ /gal te 'di la yang dkyil 'khor gyi ni ma yin no/ /gal te 'di la yang dkyil 'khor la sogs pa yod pa dang med pa'i rjes su byed pa'i dang tshul can gyi dbang po'i blo la snang bar 'gyur ba de'i tshe 'di la yang nus par 'gyur te/ 'di ltar 'dra ba dang dbang po dang yid la byed pa dag yod na yang zla ba la sogs pa med na med pa'i phyir dang/ yod na yod ba'i phyir ro/ /ji ltar de ni 'bras bu ldog pa'i phyir mthong bar nus pa can yin pa de bzhin gzhan dkyil 'khor la sogs pa ni mthong bar nus pa can ma yin no/ /mthong bar nus pa can nyid ma yin pa de'i phyir gzhan ni rgyu ma yin/ dkyil 'khor la sogs pa der snang ba can gyi shes pa'o/ /rgyu min yul yang ji ltar rung ma yin no zhes bstan zin to/ /gzhan yang gal te de nyid mar me la sogs pa'i dkyil 'khor blo rgyu yin na/ ci'i phyir mar me la ltos
- 275a
'gyur/ /mar me bltos pa med par de las gzhan pa'i snang ba la sogs pa la nye ba la rang gis yul la bum ba la sogs pa bzhin du shes pa skye bar 'gyur te/ 'di ltar mar me tsam gyis dkyil 'khor du snang ba can gyi blo yod phyir mar me dang dkyil 'khor la sogs pa gnyi ga tshogs pa rgyu yin par khyod rtog pa gang yin pa de gnyi ga dag kyang rgyur mi 'gyur ro/ /'o na ci yin zhe na/ de las mar me nyid rgyu yin te/ de yod na yod pa'i phyir ro/ /yul gnyis las 'byung ba'i ngang tshul can gyi blo la yul gcig tsam gyi rjes su 'gro ba dang/ ldog pa'i rjes su byed pa'i rigs pa ma yin te sngon po dang ser po mthong ba bzhin no/ /de yang phyi rol gyi don khas blangs pas dbang po'i khyad par gyis mi gsal ba la sogs par snang ba'i phyir blo tshul gnyis su bshad pa yin no/ /de ni phyi rol gyi don nyid yod pa ma yin gyi 'on kyang blo gzung ba dang 'dzin pa'i rnam par skye ba snang ba yin no zhes bshad par bya ba'i phyir/ nye ring la sogs pa khyad par gyis/ zhes bya ba la sogs pa smos te/ phyi rol gyi dngos po ni gcig dang tha dad pa med pa yin pa de nyid kyi phyir don cig snang bar gyur ba las/ de ring la sogs khyad par gyis/ lta ba po mang po gnod pa ma byas bar mtshungs pa'i dbang po la sogs pa dang ldan pa nye ba dang shin tu nye bar gnas pa dag la de dag la de dag gcig nyid yin zhing de dag gis mthong bar 'gyur ba'i dngos po gsal dang mi gsal dang gsal ba dang ches mi gsal ba mi rung ngo/ /don gcig la rang bzhin mang po mi rung ba'i phyir ro/ /shes ba las ngo bo gcig gsal ba dang mi gsal bar snang 'gyur zhes bya ba'i don to/ /de ltar ni 'gyur mod kyi/ gal ta des snang tha dad pas/ 'gyur na yun ring
- 275b
pa dang nye bar gnas pa dag la snang ba tha dad par 'gyur ba des na dngos po gsal pa dang mi gsal bar snang ba yin no zhe na/ 'dir snang ba de bsgribs pa dang ma bsgribs pa ste rnam par rtog pa gnyis su 'gyur gang na/ de tshe ma chod pa yin na ring po la sogS pa la gnas pa thams cad mthong ba mtshungs par 'gyur/ chod pa yin na yang mi mtshungs par 'gyur pa de ltar na gsal ba dang mi gsal bar mi 'gyur ro/ /skyes bu thag ring po nas gnas pa snang ba'i cha mi gsal ba dag gis snang ba'i don de ? ba 'ga' zhig yod pa yin pa des na/ gal te snang ba mi gsal bas/ de cha phra ba 'ga' zhig ni/ don gyi'o/ /mi snang na de phyir snang ba mi gsal bas yan lag phra ma rnams ma mthong phyir/ tha dad yin te gsal ba dang mi gsal tha dad yin par khas len bar byed na'o/ /de'i tshe yang rigs bar snang ba gang yin pa de gcig dang du ma nyid de rnam par rtog pa gnyis su 'gyur grang na/ re zhig phyi rol don ni gcig yin na gang las snang tha dad/ ma yin te/ gcig la snang ba dang mi snang ba tha dad bar rigs pa ma yin nor gang gis na 'di cung zad snang bar 'gyur zhing cung zad mi 'gyur/ de bas na gsal ba dang mi gsal ba gcig la rigs pa ma yin te gang yang thams cad mthong ba dang mi mthong bar 'gyur ro/ /de lta ma yin na mthong ba dang mi mthong ba nyid kyis gcig nyid du mi 'gyur ro/ /ci ste du ma nyid yin par 'dod pa de'i tshe/ gdul cha tha dad du nyid la/ dngos po tha dad par phyi ba na ji srid rdul phra rab kyi rab tu phye ba na de la rdul phran nyid du bye brag med pa'i phyir de cha gang gis snang ba dang mi snang bar 'gyur/ de ltar na gang las snang mi snang tha dad/ skyes bu'i ba dang nye ba na gnas pa dag la'o/ /gal te snang ba ste/ snang ba gsal dang mi gsal/ khyad par gyi blo tha dad bar khas len pa/ de'i tshe snang ba de yang don bzhin du tha dad pa rnyed par dka'
- 276a
pa yin no/ /tha dad pa yin na ni blo ste de ltar na gzhan tha dad na/ snang ba don gzhan du gyur pa tha dad pa yin na/ don bdag nyid tha dad med gang las gsal ba dang mi gsal ba'i tha dad pa snang bar 'gyur/ de ni de be gcig pa nyid yin pa'i phyir ro/ /dbang po tha dad pa las gsal ba dang mi gsal ba dang 'dren pa la sogs pa'i shes pa'i snang ba tha dad pa yang tha dad pa med pa la 'gal ba med pa nyid yin no zhes bya ba 'dir lan nyid ma yin no/ /gang las snang bar 'gyur ba'i don nye ba thag ring po na gnas pa na snang ba mi gsal ba 'dzin pa'i rgyu yin par brjod pa de'i tshe/ snang ba de yang cis mi gsal/ rgyu gang gis na de mi gsal ba yin zhes 'dri bar mdzad pa'o/ /gzhan gyis bsgribs phyir zhes smras te/ rdul dang du ba la sogs pa'i sgrib par byed pa yod pa yin la/ sgrib par byed pa des snang ba mi gsal ba yin no zhe na/ gal te de ltar yin na snang ba la sgrib pa de 'dir nye bar cis mi 'gyur/ gang gis na ring ba nyid du 'gyur/ srab pa nyid phyir zhes bya ba smras te/ yul nye ba na rdul la sogs pa'i sgrib par byed pa srab pa nyid kyi rgyu'i phyir sgrib pa ma yin pa des na 'dir gsal ba nyid mthong ba yin no zhe na/ gal te de lta yin pa de'i tshe ji ltar 'dir sgrib par byed pa gsal ba nyid yin pa de ltar snang ba la yang yod de nye ba na srab pa nyid yin pa'i phyir sgrib par byed pa'i rgyus thag ring po bzhin du nye ba la yang sgrib par byed par 'gyur ro/ /de ltar ni 'gyur mod kyi thag ring po na sgrib par byed pa ches mang po yod pa de bas na de la sgrib par 'gyur gyi gzhan la ni ma yin no zhe na/ de'i tshe gzhan la yang snang ba la srab pa med de de srab pa yod pa ma yin no/ /ji ltar sgrib par byed pa mang po
- 276b
yin pa de ltar snang ba la yang ches shin tu mang po yin pas na sgrib par byed par mi 'gyur ro zhes bya ba'i don to/ /gal te thag ring por snang ba gsal ba ma yin pa de ltar na mthong ba mi gsal bar 'dod pa de'i tshe/ shin tu nye ba la'ang ches shin tu mig dang nye ba na snang ba gsal ba yin khyod kyi gzhung gis yod pa de ltar na don mthong ba de ni/ shin tu gsal bar 'gyur na 'gyur ba na yang ma yin pa de bas de rtog pa ma yin no/ /de ltar ni 'gyur mod kyi gal te de la'ang mthong med la/ brten nas gzugs gzhan 'byung 'gyur te/ de la'ang ste nye ba dang ring ba'i khyad par gyis mthong ba gsal ba dang mi gsal ba na'o/ /chos dang chos ma yin pa'i mtshan nyid mthong ba med pas gsal dang mi gsal ba'i gzugs gzhan skyed pa de ltar na de mthong ba yin no zhe na/ gal te de ltar yin pa de'i tshe gsal ba la sogs pa tha dad pa'i ngo bo 'byung ba de tsam de dag rnams ni phan tshun dag sgrib 'gyur ro/ /sgrib par byed pa de'i phyir snang ba ni de'i yul can gyi shes pa'i rgyur gyur pa nyams pa 'gyur te/ sgrib byed yin par 'gyur ro/ /de la de ltar sgrib par byed pa yin na gcig ste/ ma sgribs pa na gsal ba dang mi gsal ba'i ngo bo de nyid /snang 'gyur gyis bsgribs pa thams cad kyang ma yin no/ /de ni cig car sgrib min na ci stem? mthong ba la sogs pas skyed pa'i ngo bo phan tshun sgrub par byed par 'gyur ba ma yin pa de'i tshe/ ngo bo de sgrib par byed pa ma yin par khas len na/ gcig gis gzugs gsal mi gsal ba/ skyes bu mthong 'gyur/ /skyes bu lta ba po re res thag nye ba dang ring ba gang yin pa de dag thams cad kyis cig car gsal ba dang mi gsal ba'i ngo bo mthong 'gyur na/ mthong ba yang ma yin pa de'i phyir de ni rtog ba tsam yin no/ /de ltar na 'gyur mod kyi/ ma mthong ba las kyang gsal
- 277a
ba dang mi gsal ba la sogs pa'i ngo bo skye yang skyes bu gcig gis gsal ba dang mi gsal ba ma mthong ba gang yin pa de'i tshe ngo bo gcig ni gsal ba dang mi gsal ba yin te/ ma mthong bas bsgribs pa nyid kyi phyir mthong ba ldog pa yin pa yin no zhe na/ gal te 'di ltar gsal ba'am gsal ba ma yin pa'i ngo bo gcig sgrub bar byed par 'dod pa de'i tshe gcig gi yang ma mthong bas bsgribs na zhes bya ba yang lan nyid ma yin no// de ltar na chos dang chos ma yin pa'i don de ston par byed pa'am sgrib par byed pa gang yin pa de ni lta ba po'i yid bde ba dang yid mi bde ba'i sgo nas phan 'dogs par byed pa 'am gnod par byed pa ma yin na/ gsal ba dang mi gsal ba'i ngo bo gang gis don dang don min med/ mi 'gyur na/ ma mthong mthong ba/ gsal ba dang mi gsal ba la sogs pa de 'dra ba de ni ci zhig byed de byed pa ma yin no/ /sems can thams cad phan pa dang gnod pa sgrub bar byed ba can gyi las kyi bdag po las byung ba brtag kha'i ma thams cad gnod par byed pa 'am/ phan 'dogs pa ma yin na zhen/ 'dir yang rims kyi byed pa yin pa de ltar na 'gal ba med de/ /gang gi phyir de ltar bshad ma thag pa'i gsal ba dang gsal ba ma yin pa'i dpyod pa thams cad rigs pa ma yin na/ /de'i phyir don dang yod par khas len pa na don la brten pa las shes pa skye bar 'gyur ba de ltar na yang don rten skyes gyur ba'i myong bas rnam par shes pas ji ltar rgyu bzhin du snang ba tha dad 'jog par byed/ bya ba ni ji ltar rang gi bag chags sang pa'i khyad par gyis gsal ba dang mi gsal ba la sogs pa snang pa tha dad pa 'dzin par byed pa de ltar
- 277b
na tshul gnyis rigs pa yin no/ /lhag ma snang ba tha dad pa la sogs pa gsal ba dang mi gsal ba la sogs pa brjod pa'i rtogs yang blo ngan? rnams kyi rigs pa ma yin no/ /shes pa sgra dang zhes bya ba la sogs pas don gyi gsal ba med par bstan pas blo tshul gnyis nyid du ston pa yin no/ /shes pa dang sgra dang mar me'i phyogs gang la skad cig mar khas len pa'i phyogs de la/ shes pa sgra dang mar me dag mngon sum dang mngon sum ma yin pa'i shes pa gang gis tshe skyed par byed pa de'i 'di'i de dag yul yin te rgyu ma yin pa ni yul yid ma yin pa'i phyir ro/ /gang gi tshe skyed par byed pa yin pa'i tshe shes pa la sogs pa e dag gi yul can gyi shes pa las sngar byung ba yin te/ dus mtshungs pa can ni 'bras bu sgrub pa la nus pa med pas rgyu yin pa'i phyir ro/ /de ltar na mngon sum dang ni cig shos kyi/ skyed byed nyid kyis rgyu nyid kyis/ snga ma'i dus su 'byung ba can gyi shes pa dang sgra dang mar me'i skad cig rnams ni 'jig phyir ro/ /shes pa skye pa'i dus na rnam par 'jig pa'i rgyu nyid kyi phyir gang gi tshe de dag yod pa ma yin pas na gang gi phyir shes las med gsal yin ma yin no/ /de ltar na gang gi tshe shes pa yin pa de'i tshe de dag don ma yin zhing gang gi tshe don yin pa de'i tshe shes pa ma yin pa de ltar shes pa'i dus na don med pa'i phyir shes pa nyid yul gyi rnam pa de? snang bas na blo'i tshul gnyis grub pa yin no/ /de ltar ni 'gyur mod kyi sgra dang mar me la sogs pa dag ni rnam par shes pa dang rigs mthun pa'i skad cig ma skyed par byed pa yin no/ /de bas na sgra la sogs pa'i de ma thag pa'i shes pa rgyur gyur pa/ sgra la sogs pa'i skad cig ma snga mas bskyed pa
- 278a
de'i gsal ba grub pa yin no zhe na/ de dang de ni rigs pa ma yin te/ 'di ltar shes pa'i dus na 'byung ba'i dang tshul can gyi rigs mthun pa mar me la sogs pa'i skad cig ma gang yin pa rang yod pa'i dus na 'byung ba'i dang tshul can gyi shes pa la phan 'dogs par byed pa ma yin pa nyid kyi phyir de las de mngon par gsal ba ma yin no/ /ci ste yang de'i rigs mthun pa'i skad cig ma de phan 'dogs pa ma yin na yang gsal bar 'dod pa de'i tshe/ gzhan yang de shes pa'i rgyus bskyed pa'i rigs mtshungs pa'i don gang yin pa de gsal ba yin par 'dod pa na/ don kun 'ga' zhig phan 'dogs par mi byed pa gang yin pa de dang nges gsal bar 'gyur te/ phan 'dogs par byed pa ma yin par bye brag med pa'i phyir ro/ /de ltar na yang ma yin pa'i de'i phyir de yang gsal bar mi 'gyur ro/ /de ltar ni 'gyur mod kyi/ gal te rgyu nges yin na/ phan 'dogs par byed pa nyid ma yin pas bye brag med pa yin na yang don thams cad gsal bar 'gyur ro/ /rang gis rgyus bskyed pa de dang rigs mi mthun pa nyid gsal bar 'gyur ro zhes bya ba'i des pa gang yin pa de'i rnam par shes pa gang yin pa de'i rgyu'i don gang yin pa de nyid kyis rigs mthun pa de yang bskyed pa'i phyir ro/ /rgyu gcig gis byas pa yin no zhe na/ de'i rgyu de'i de ma thag tu yod pa don dang lhan cig 'byung ba'i dang tshul can gyi shes pa la bstan ma thag pa'i rtog pa de yang med pa ste rung ba ma yin no/ /rgyu gcig gis bskyed pa yin no zhes bya ba las shes pa la phan 'dogs par byed pa ma yin na yul du gyur pa snang ba
- 278b
rigs pa ma yin no/ /de lta ma yin na dbang po'i shes pa'i rgyus kyang rang rig pa'i dbang po bskyed pa'i gang yin pa de yang yul du 'gyur ro/ /de bas na gang zhig gang las gang gi rnam par skye ba nges byas shes pa rang gi yul gyis bskyed par gyur pa de med kyang gal te rang gang yul du gyur pa'i don shes pa yod pa'i dus na yod pa ma yin de ltar na yang don du snang ba nyid kyi phyir/ yul gyi rnam pa'i rjes su byed pas skye ba'i phyir don te/ gsal ba zhes brjod ba yin gyi de dang rigs mthun pa dus mtshungs par 'byung ba can gyi don yang ma yin no/ /'di ltar lhan cig skyes ba'i don gzhan ni/ rgyu gcig ba can gyis kyang shes pa la rnam pa mi byed 'dra ba mi byed do/ /'dra ba mi byed pa'i phyir dang/ dus sngar 'dra ba nyid skye ba'i phyir /rab rnam pas shes la rnam med lhan cig skye ba'i don gsal bar i ltar 'gyur/ ci'i phyir zhe na/ phan 'dogs byed med phyir na ste mi byed pa'i phyir yul ma yin te/ 'dis gsal ba nyid ma yin no zhes bya ba'i don to/ /skad cig ma rnams ni 'jig pa'i brtan pa ma yin pa dag la gsal bar mi 'gyur mod kyi rtag pa dag ni 'di 'grub pa yin no snyam pa'i rtog pa 'di yang legs pa ma yin no/ /de ltar na rdo rje rdo sogs don dag kyang brtan pa zhes 'dod pa gang yin pa de yang rang gi 'bras bu byed ba'i nus pa'i rang bzhin las 'pho ba med pa'i ngo bo yin pa de ltar na rang gi 'bras bu byed pa la lhan cig byed pa'i rkyen 'ga' zhig la yang bltos ba med pa ste/ gzhan la bltos pa med phyir te/ gzhan la bltos med rgyu'i phyir sngod pa med bar 'gro ba kun gyi mngon par 'dod pa'i 'bras bu med pa'i dus bzhin du rang gi yul can gyi shes pa thams cad ni gcig car rang nyid skye bar 'gyur ro/ /nus pa med na yang phul du byung ba
- 279a
byang med pa nyid kyi phyir phyis kyang nus pa med pa yin pas na 'ga' zhig gi tshe yang bskyed par mi 'gyur ro/ /rkyen ji lta ba bzhin rim gyis shes pa skyed pa yin na/ lhan cig byed pas phan 'dogs phyir/ de'i phyir rdo rje dang rdo la sogs pa de dag rim bzhin 'byung bar 'gyur /rnam par shes pa skye bar 'gyur bar rdo rje dang rdo la sogs pa byed pa po dang byed la po ma yin pa'i rang bzhin gyis/ skad cig re re'i tha dang brjod cing ston par byed rjod pa de ltar na skad cig ma nyid yin no/ /skad cig ma nyid yin na yang/ rdo rje dang rdo la sogs pa/ 'di la'ang? skyon ni sngar bzhin no/ /ji ltar 'jig pa'i phyir med pa dag ni ci'i phyir shes pa las gsal ba yin/ yul gyi shes pa de shes zhes bya ba la sogs pa bshad nas/ rang nyid kyis tshul gnyis rab tu bsgrub pa yin no/ /da ni dus phyis dran pa las kyang yin /des med par ni de ma yin zhes bya ba la sogs pas tshul gnyis bsgrub pa'i phyir 'god pa/ de'i bdag nyid ces bya ba la sogs pas 'chad bar byed do/ /yul gyi shes pa de shes pa'i khyad par yul du snang ba nyid kyi rnam par shes pa tshul gnyis yin par ma zad kyi/ nyams su myong ba dus phyis dran pa las kyang yin no zhes bstan pa yin no/ /rigs pa 'dis ni yul du snang ba dang rang snang nyid kyis tshul gnyis pa ma yin no/ /'o na ci yin zhe na/ rang rig pa las/ rig par bya ba dang rig par byed pa'i rnam pas yin no zhes bya bas kyang log pa yin no/ /de ltar ni yul shes de'i shes pa yin shes bya ba la sogs pas de ma thag yul du snang bas tshul gnyis bsgrubs par 'dod pa yin no/ /de yang bstan nas gang las dus phyis dran pa las kyang yin/ tshul gnyis pa nyid yin no zhes sbyor bar byed pa gang yin pa de las tshul gnyis kyi
- 279b
skabs yin par khong du chud par bya ba'i phyir/ sngar rig par bya ba dang rig par byed pa'i rnam pas tshul gnyis pa'i skabs ni ma yin te mi rung ba'i phyir ro/ /de ltar na rang snang pa dang yul gyi rnam pa can te/ gnyis su snang ba'i rnam par shes pa zhes bshad pa'i tshul gnyis gang yin pa de ni/ de yang yul du snang bas zhes bya ba la sogs pas bstan pa yin no/ /de ltar ni 'gyur mod kyi/ bye brag med par tshul gnyis spyir bshad pa sngar yod pa des na/ phyis kyang rang nyid nyams su myong ba'i rnam pas tshul gnyis 'dod pa na yang tshul gnyis pa nyid yin no zhes bshad pa la kha na ma mtho ba ma yin no zhe na/ gal te 'di ltar slob dpon tshul gnyis bsgrub bar bzhed par 'gyur ba de'i tshe/ rang rig pa nyid yin na zhes bya bzhar la 'ongs pa'i ngo bo sgrub par bya ba gzhan nyid du tshul gnyis po de dang nye ba med par ni de ma yin zhes bya ba la sogs pas sgrub par byed pa gzhan 'chad par mi 'gyur ro/ /de'i phyir dran pa las kyang yul gyi rnam pa dang nyams su myong ba'i rnam pa nyid kyis tshul gnyis pa nyid bsgrub par bzhed pa yin no/ /de nyid ni/ de'i bdag nyid myong ba la/ yang dag pa nyams su myong ba nyid la zhes bya ba'i don to/ /ci zhig ce na/ brtsod pa 'ga' yang yod ma yin/ dper na shes pa la shes pa'i ngo bo ma yin no zhes bya ba lta bu'o/ /'on kyang 'ga' zhig shes pa rnam pa dang bcas pa dang rnam pa med par 'dod pa yin no/ /shes pa de'i don ngo bo nyid grub pa/ yul gyi ngo bo nyid de yang grub par 'gyur ro/ /gang las she na/ dran pa las zhes bya ba la sngar shes pa gcig gi bdag la yul gyi shes ba yul gyi rnam pa 'dzin pa'i ngo bo can gyi khyad par gyis tshul gnyis bsgrubs nas/ da ni shes pa rnams kyi ngo bo phan tshun tha dad par dmigs pa'i phyis dran pa las sgrub par bya ba yin no/ /de nyid kyi phyir 'di ltar nyams
- 280a
su myong ba'i dus phyis yul bzhin du shes pa la yang dran pa skye bar 'gyur ro zhes gsungs pa yin no/ /ji ltar gzugs la sogs pa phan tshun gnyis dang bral ba nyams su myong ba dag la phan tshun dben par dran pa 'byung bar 'gyur ba de bzhin du shes pa la yang phan tshun tha dad par dran pa skye bar 'gyur ro/ /de'i phyir tshul gnyis pa nyid kyi shes pa yod pa yin no/ /de gang las she na/ 'di ltar re zhig bdag nyid ji lta ba bzhin gyi yul dag gi rnam par bsgyur bas shes pa de dag 'thod bar 'dod pa nyid yin no/ /de lta ma yin na nyams su myong ba'i bdag nyid du don so so la bye brag med pa yin no/ /rang spyod yul gyis/ rang gi yul gyis phye med cing/ /tha dad par ni de myong byed/ shes pa yod na'o/ /de lta yin gyi de lta min/ nga'i gzugs kyi shes pa yin gyi sgra'i shes pa 'am/ gzhan ma yin no/ /gang 'di tha dad par zhes de tha dad can dran par mi 'gyur ro/ /de ltar shes pa ni thams cad la nyams su myong ba tsam du bye brag med pa yin no/ /nyams su myong ba tsam gyis ni/ shes pa bye brag med par 'dod na don dang 'dra ba las gzhan tha dang ba 'ga' zhig dbang po la sogs pa/ shes pa rnams phan tshun 'byed byed med na gang gis na de dag tha dad par dran par 'gyur/ ji ltar ni 'gyur mod kyi/ ji ltar mngon par 'dod pa la sogs pa'i bdag nyid du mtshungs pa la sogs pa'i khyad par mthong ba de ltar yul so so la tshogs pa gzhan dang gzhan gyi khyad par phra mo yong ba yin no/ /de bas na tha dad par dran pa 'grub par 'gyur ro zhe na/ de ni de lta ma yin te/ 'di ltar khyad par nyams su myong ba dran pa'i rgyu yin gyi/ gang ci yang rung ba ni ma yin pa de ltar na bltos par rung ba'i yul gcig la/ shes pa gang rgyun gyis 'byung ba can 'jug par 'gyur ba de'i tshe yang dbang po la
- 280b
sogs pa'i tshogs pa gzhan dang gzhan yod pa yin no/ /de ltar na yang tha dad pa dran pa ma yin te/ dper na blo'i skad cig ma 'das pa 'di tsam yin no zhes bya ba lta bu'o/ /de'i phyir/ tha dad gsal byed can la don la blo dran pa tha dad can mi 'gyur ro/ /ci dang 'dra bar zhe na/ mtshe sogs bzhin/ mtshe ma gzugs mtshungs su zin kyang don dam par khyad par yod pa nyid yin no/ /de ltar na yang de gsal ba ma yin pas/ tha dad par ngo shes pa ma yin na'o/ /'on kyang de dag rnam grangs kyis mthong ba na phan tshun sgro 'dogs pa yin pa de dang 'dra'o/ /de ltar na rgyun gyis 'byung ba can rnam pa gcig gi yul can gyi shes pa de la tha dad par do shes pa yod ba ma yin mod kyi/ yang de'i gnas skabs kyi dbang po la sogs pa'i yul gzhan mthong ba na 'gyur ba yin no/ /ci ste don gyis byas pa'i nyams su myong ba la phan 'dogs par byed pa 'ga' zhig yong pa gang yin pa las do shes pa yin no zhes de ltar 'dod pa na/ de rang ngo bo 'jog pa las gzhan ma yin pa de ltar na shes pa don dang 'dra ba nyid du 'gyur ro/ /de lta ma yin na yul la sogs pa las skye ba'i chos can nyams su myong ba tsam du bye brag med pa'i shes pa rnams ni tha dad par ngo shes par mi 'gyur na/ 'gyur ba yang yin pa de pas na yul gyi rnam pas bsgyur ba'i rnam par shes pa yod pa yin pa de ltar na/ shes pa'i tshul gnyis grub pa yin no/ /de nyid kyi phyir/ bshad ma thag pa'i ngo bo shes pa la sogs pa'i mtshan nyid kyis/ tshul gnyis sgrub par byed pbas kyang/ rang rig rnams phal cher 'grub pa yin par rig par bya'o/ /de nyid kyi phyir rang rig pa nyid ces bya bsgrub par bya ba gsungs pa yin no/ /gal te ci tshul gnyis sgrub par byed pa 'ga' zhig gis rang rig pa'i shes pa 'grub par 'gyur
- 281a
na/ gang gis na phan chen zhes bya ba'i sgra byas she na/ de ni ma yin te/ don gzhan nyid yin pa'i phyir te shes pa'i tshul gnyis ni don dang 'dra ba'i bdag nyid du gyur pa yin zhing de yang myong ba yin pa de'i phyir don gyis bdag nyid nyams su myong ba grub ba yin gyi dngos sum yin no zhes bstan par bya ba'i don du phal cher gyi sgra mdzad pa yin no/ /slob dpon gyis rang rig nyid ces bsgrub par bya ba gzhan gsungs pa la re zhig 'ga' zhig las nyams su myong ba yod pa yin pa de bsan dran pa yang 'gyur na/ de tsam gyis rang las rang rig pa nyid du 'gyur snyam du sems bas gzhan gyis ci'i phyir zhen zhes 'dri bar byed pa la/ slob dpon gyis shes pa gzhan nyams su myong ba'i rigs pa ma yin par gzigs nas shes pa gzhan nyams su myong ba ma yin na de gzhan gang las 'gyur/ rang kho na las rigs pa yin no zhes dgongs pas/ nges med par ni dren ba de ma yin/ nyams su myong ba med par zhes gsungs so/ /de yang nyams su myong ba med pa la/ dran pa med do zhes bya ba la sogs pas bshad cing? shes pa gzhan gyis nyams su myong bar rtogs ba na shes pa gzhan gyis nyams su myong ba ma yin te zhes bya ba la sogs pas dgag bar gsungs so/ /de de ltar na re zhig slob dpon gyis rang rig pa nyid bsgrubs nas da bstan bcos mdzad pa rang nyid kyis rang gi ngo bo zhes bya ba la sogs pas bsgrubs par mdzad do/ /ci'i phyir tshul gnyis grub pa na don gyis rang rig ma grub par 'gyur zhe na/ rang gi ngo bor gyur snang ba zhes bya ba la sogs pa smos te/ gang gi tshe don dang 'dra ba'i bdag nyid du gyur pa tshul gnyis pa'i rang gi ngo bor gyur bar snang ba na/ de'i tshe myong ba grub phyir ro/ /nyams su myong ba mthong ba'i phyir ro/ /gang gi tshe shes pa yul gyi rnam pa can yin pa de'i
- 281b
che 'di'i bdag nyid du 'gyur ba'i rnam par shes pas nyams su myong ba yin pa de ltar na bdag nyid myong ba nyid grub pa yin no/ /de ltar ni 'gyur mod kyi/ yul gyi rnam pa can gyi bdag nyid shes pas nyams su myong ba ma yin na gang gis na rang gi rig pa 'grub par 'gyur ro/ /'o na ci yin zhe na/ tshul gnyis su byung ba de dus phyis 'byung ba'i dang tshul can gyi blos nyams su myong ba yin no zhe na/ gal te de ltar yin pa de'i tshe 'dzin par byed pa'i blo yod pa'i dus na/ yul gyi blo 'gag pa yin te/ skad cig ma nyid yin te /skad cig ma nyid yin pa'i phyir yul gyi blo 'gag pa yin na/ de'i dngos can gyi blo yis ni/ yul gyi shes pa dang 'dra bas shes 'gags pa nyid kyi phyir shes pa med pa de ci ltar myong ba yin te/ ma yin pa nyid yin no/ /de ltar na shes pa gzhan gyis blo nyams su myong ba ma yin te bdag nyid bdag nyid nyams su myong ba khas mi len pa'i phyir ro/ /blo phyi ma des rang ngo bo blo snga ma las byung ba dang 'dra ba mtshan nyid can bdag nyid myong med phyir de rgyu de'i phyir/ nyams su myong ba las ldog pa 'gyur/ shes pa 'am shes bya'o/ /de ltar na nyams su myong ba med par shes par 'gyur ba ma yin no/ /gzhan yang blos bdag nyid nyams su myong ba ma yin no/ /zhes bya ba de yang mngon sum dang 'gal ba yin no/ /de ltar na/ don du snang ba dang ldan pa/ shes pa de phyi rol la mngon phyogs dang shes pa gang 'ga' zhig la gzhan la yul nyid du rnam par gnas pa de'i rnam par snang ba dang ldan pa'i des pa 'dzin pa de thams cad ni/ phyi rol du mngon du phyogs pa ste gzung ba nyid du snang bar 'gyur/ /snang bar 'gyur phan? yang shes pa 'am gzhan la yul du 'dzin par byed de/ /de bzhin du nyams su myong ba'i blo 'di yang phyi rol tu mngon du phyogs par snang bar 'gyur ro/ /'di ltar yul blo la'ang 'dzin par byed pa'i blo nyams su myong ba gang yin pa de rtag tu bdag la
- 282a
rtogs par bya ba lan mngon phyogs 'dzin pa'i rnam pa nyid kyis srog chags thams cad kyi rang rig pa'i ngo bo yin pa de ltar na ji ltar na de la bsnyon par nus/ gal te rang gi blo nyid yin pa'i phyir /phyi rol tu khas bltas bas 'jug pa ma yin no zhe na /gal te de lta yin pa de'i tshe/ gang gi tshe rang gi blo dran par byed pa de'i tshe/ yang phyi rol tu kha bltas pa yin par mi 'gyur ro/ /'di ltar phyi rol nyid du dran pa la so sor gnas pa yin no zhes bya ba'i rtog pa 'di yang mi rung ngo// gzhan yang don dang 'dra ba bdag nyid nyams su myong ba ma yin na/ gang zhig yul du snang gang de/ don gang yin pa de shes pa des myong ba yin shes pa'ang thob/ de ltar na gang gis don dang 'dra ba'i bdag nyid du gyur pa myong bar 'gyur ba'i de'i tshe de'i dbang gis des don de so sor rtogs par 'gyur ro/ /de ltar ni 'gyur mod kyi/ gal te de 'dra bas myong ba/ gzhan yod ces ni 'dod 'gyur ba don dang 'dra ba las nyams su myong ba'i bdag nyid can gyi ngo bo'i myong ba gzhan yod pa ma yin no/ /'o na ci yin zhe na don dang 'dra ba tsam gyis don nyams su myong ba yin no zhe na/ gal te de nyams su myong ba'i mtshan nyid yin pa de'i tshe/ 'dra ba thams cad phan tshun dag/ myong ba dag ni thob par 'gyur/ /don dang 'dra ba thams cad phan tshun mtshungs pa yod pa de ltar de dag gcig la gcig myong bar 'gyur na/ 'dod pa yang ma yin pa de'i phyir nyams su myong ba'i mtshan nyid 'khrul pa yin no/ /de ltar ni 'gyur mod kyi/ gal te blo 'dra de myong yin/ /'dra ba tsam/ don nyams su myong ba'i mtshan nyid ni ma yin no/ /'o na ci yin zhe na/ blo'i ngo bo'i 'dra ba gang yin pa de don myong ba yin no zhe na/ 'o na myong ba 'dra ma yin na/ /gal te blo'i ngo bo nyid kyis 'dra ba khyad par can nyams su myong ba'i mtshan nyid yin pa de'i tshad na dang 'dra
- 282b
bas don nyams su myong ba ma yin no/ /'o na ci yin zhe na/ nyams su myong ba'i bdag nyid kyis 'gyur ro/ /de ltar shes pa nyams su myong ba bdag nyid myong ba yin bas na/ nyams su myong ba de rang nyid de ltar gsal ba yin na/ /nyams su myong ba ste blo rang nyid blo de nyams su myong ba de 'dra? ba'i rgyu can min/ 'dra bas byas pa ma yin no/ /'on kyang blo 'di'i don dang 'dra ba de ni de'i bya ba ni 'di yin zhing 'dis nyams su myong ba ni 'di yin no zhes bya ba las kyi rnam gzhag gi/ 'jig rten na ni rgyur 'gyur gyi/ de las nyams su myong ba'i bdag nyid kyis gsal ba nyams su myong ba ci'i phyir sngon po la sogs pa phyi rol nyams su myong ba yin no zhes tha snyad du byed ce na/ rang bzhin gyur pa zhes bya ba la sogs pa smos te/ rang bzhin du gyur pa ste/ bdag nyid du gyur ba dang/ de'i ngo bo ste sngon po la sogs pa'i ngo bo myong ba yul yod pa can ma yin pa gang yin pa'i myong ba de la yang 'jig rten phyi rol gyi don dag la sgro 'dogs pas 'khrul par byed do/ dper na phyi rol gyi don myong pa ni 'di yin no zhes rnam par chad pa bzhin du snang pa'i phyir ro zhes bya ba lta bu'o/ /rang bzhin gyur pa de'i ngo bo myong ba'i sgro 'dogs 'khrul pa las/ rgyu'i phyir ji ltar sgro btags pa bzhin/ sngo sogs myong bar grags yin gyi/ /sngon po la sogs pa nyams su myong ba yin no/ zhes tha snyad 'dogs pa yin gyi gzhan gyi bdag nyid de/ sngon po la sogs pa phyi rol tu gyur pa /myong las nyams su myong ba'i rgyus ni ma yin no/ /gal te blo sngon po la sogs pa'i ngo bo yin pa de'i tshe/ blo ni sngo sogs dngos yin na/ sngon po la sogs pa'i ngo bor snang ba'i rnam pa ma gtogs par 'dra ba med pa gzhan ma mthong ba'i phyir phyi rol don la tshad ma dag /de yod pa sgrub par byed pa'i tshad ma med pa'i phyir don nyid
- 283a
du mi 'gyur na don yang yod pa yin to/ /blo'i don dang 'dra bar khas len ba'i phyir ro/ /de bas na rnam pa de'i phyi rol gyi yin par 'gyur gyi blo ma yin no snyam sems pas gzhan gyis dris pa yin no/ /blo ni sngo sogs dngos yin na/ zhes bya ba la sogs pas lan 'debs par byed do/ /re shig blo ni sngon po la sogs pa'i ngo bor 'dod par bya'o/ /de ltar ma yin na/ blo ni sngo sogs dngos min na/ yul du snang ba nyid ma yin na/ don de la sngon po la sogs pa de myong ba ji ltar rung ste ma yin pa nyid yin no/ /'o na de lta na ni blo don dang 'dra bar gdon mi za bar khas len ba na don zhes bya ba ci zhig yod/ de ji ltar grub pa yin pa de brjod par bya'o zhe na/ de yang kho bos mi shes kyi de 'dod pa gang yin pa de nyid la dri bar bya'o zhes dgongs so/ /don dang 'dra ba ni myong ba ma yin no zhes bya ba de nyid ni gang tshe/ zhes bya ba la sogs pas gzhung 'dzugs par byed do/ /gang tshe myong ba'i bdag nyid ni/ 'dra ba'i rgyu can ma yin na/ de'i tsho nga shes ba 'di'i nyams su myong ba de rang nyid las grub na/ don gyis ci zhig 'jog par 'gyur/ don dang 'dra bas don nyams su myong ba la ci zhig rnam par bzhag ces bya ba'i don to/ /gzhan yang bdag nyid thams cad kyis shes pa don dang 'dra bar 'gyur ram rnam pa 'ga' zhig gis 'gyur drang na re zhig shes pa ni bdag nyid kun gyis mtshungs pa yin/ ci'i phyir zhe na/ shes pa 'di don gyi rang gyi ngo bo nyid du gyur pa'i phyir ro/ /shes pa nyid min thal bar 'gyur ro/ /don gyi cha 'ga' zhig gi mtshungs pa yin par shes pa khas len bar byed na/ don thams cad shes pa thams cad kyis myong bar 'gyur ro/ /bum pa'i shes pas
- 283b
kyang snam bu nyams su myong bar 'gyur te/ snam bu'i rnam pa 'ga' zhig shes bya nyid la sogs pa'i rjes su byed pa'i phyir ro/ /gal te yang yul tha dad pa dag la rnam pa tha dad pa yongs su 'dzin pa'i phyir de nyams su myong ba ma yin no zhes rtogs bar 'gyur na/ bum pa'i rnam par 'dzin pa'i dang tshul can gyi shes pa gang yin pa de bum pa thams cad kyi rjes su byed pa yin pa de ltar na da ltar gyi bum pa bzhin du thams cad shes pas myong bar 'gyur na/ 'dod pa yang ma yin no/ /de baS na don nyams su myong ba 'dra bas byas pa ma yin no/ /gzhan yang ji ltar sngo sogs ngo bo'i phyir/ rgyu'i phyir shes pa/ sngo sogs nyams su myong par 'dod/ khas len te/ /de ltar nyams su myong ngo bo'i phyir/ gal te de 'dra ba las de'i nyams su myong ba rnam par 'jog pa na sngar byung ba nyams su myong ba'i ngo bo nyid can yin pa'i phyir/ gzhan gyi yul can gyi phyis kyi nyams su myong ba yang shes pa snga ma nyams su myong ba nyid thob par 'gyur ro/ /de bas na nyams su myong ba 'dra bas byas pa ma yin no/ /gal te gang zhig gang las byung ba dang gang gi rnam pa can yin pa zhes bya ba de tsam gyis ni don nyams su myong ba'i mtshan nyid ba yin na/ gang gis na nyams su myong ba'i shes pa de ma thag tu 'byung ba can/ nyams su myong ba'i shes pa las de'i rnam par 'byung ba'i shes pas de nyams su myong ba yin par 'gyur/ 'o na ci yin zhe na/ de las byung ba dang 'dra ba dag yod na yang sngon po la sogs pa 'di kho bos nyams su myong ngo zhes don la rnam par nges pa las yin te/ nyams su myong ba'i myong ba de /don bzhin rnam par nges pa med/ nyams su myong ba rnam par nges par mi 'gyur/ /de'i phyir ji skad du bshad pa'i skyon med do shes na/ don la yang de ni rtag tu med/ yul gcig 'ga' zhig tu
- 284a
rgyun gyis 'byung ba can gyi shes pa dag la skad cig ma re re don ma? nyams su myong ba yin no zhes bya ba'i nges par mi 'gyur ro/ /don 'ga' zhig mthong ba nyid ni cig car yul can la rnam par g.yeng ba na nyams su myong ba nges pa med pa'i phyir nyams su myong ba de'i yul ma yin no zhes bya ba thob par 'gyur na mi 'gyur ba yang yin pa de'i phyir nyams su myong ba nges pa dang ma nges pa'i dbang gis yul dang yul ma yin pa'i mtshan nyid ma yin no/ /gzhan yang ci'i phyir nyams su myong ba med/ nyams su myong bar bya ba myong ba zhes bya ba'i nges pa yod pa ma yin na gang gis na yul de de ma thag tu 'byung ba'i ngang tshul can gyi shes ba ma yin/ sngar gyi shes pa yod pa nyid kyi rgyu ni yod na nyams su myong ba nges pa'i rgyu yod na'o/ /don la yang de nyid rgyu yin te/ 'di lta ste/ de dang 'dra ba dang de las byung ba de ni gal te nyams su myong ba'i shes pa de ma thag tu 'byung ba'i shes pa yong na yang/ nyams su myong ba'i nges par shes pa yod pa nyid kyi rgyur mtshungs pa yin na/ nyams su myong bar bya ba myong ba yin no/ /zhes nges par 'gyur ro zhes bya ba'i tha tshig go/ de'i phyir 'dra ba'i dbang gis nyams su myong ba ma yin gyi 'on kyang rang nyid las yin no/ /gzhan yang dkar sogs snang 'gyur ba/ dkar po dang ser po la sogs pa'i don skyes bus 'dzin bar 'gyur ba na/ dkar po la sogs pa 'dzin pa'i dus de'i tshe/ cig car skyes bu'i nyams su myong ba nang gi gsal ba gang yin pa de rab tu gsal ba'i ngo bo ci 'dra ba zhig ce na/ dkar sogs mngon par gsal ba can/ dkar po la sogs par mngon par gsal ba dkar po la sogs pa'i dmigs pa'i ngo bo gang la yod pa zhes
- 284b
tshig rnam par sbyar ro/ /de dang 'dra ba de nyams su myong ba gang yin 'di ni snang 'gyur ba so sor snang zhing gsal 'gyur ba de dang de nyams su myong ba yin no/ /de ni dkar sogs gsal ba las/ dkar po la sogs gsal ba las/ dkar po la sogs pa'i don dmigs pa las so/ /ci gzhan gyi ngo bo ni don gzhan du gyur pa'o/ /ci ste rang dngos yi ni zhes bya ba na/ 'on te dkar po la sogs pa'i bdag nyid kyir gyur pa zhes bya ba'i rnam par rtog pa gnyis yin te/ yod pa ni de nyid dang gzhan nyid las ma 'das pa'i phyir ro/ /gal te re zhig gzhan gyi ngo bo yin/ gzhan dngos yin na dkar po la sogs pa'i dmigs pa mngon sum nyid ma yin pa'i phyir gsal ba ma yin te/ nyams su myong ba gsal ba gang yin ba de ni dkar po la sogs pa mngon bar gsal ba'i ngo bo ma yin no/ /gzhan gyi ngo bo khas len pa de'i phyir dkar po la sogs pa'i gsal ba/ gsal ba min/ ji ltar dngos po dkar po gsal ba yin te/ ma yin no/ /de ltar na yul yod pa yin no/ /zhes bya ba nyid kyis gsal bar mi 'gyur gyi/ 'on kyang de mngon sum nyid kyis gsal ba yin no/ /gal te de'i gsal ba mngon sum ma yin pa de'i tshe/ gsal ba ma yin pa'i phyir yul yang gsal pa ma yin no/ /sbyor ba ni gsal ba gsal bar byed pa ma yin pa de ni gsal ba ma yin te dper na 'ga' zhig gis cung zad mi shes pa lta bu'o/ /dkar po la sogs pa'i ngo bo snang ba nyid du 'dod pa yang gsal ba gsal bar byed pa ma yin no/ /zhes bya ba ni khyab par byed pa 'gal ba dmigs pa'o/ gang gi phyir gsal ba zhes bya pa yang shes pa la ste/ gang gi tshe/ shes pa gsal yin na dkar po la sogs pa snang ba de gsal yin zhes 'dod pa de'i tshe 'gro ba ma lus gsal ba yin zhes thal ba sgrub par byed pa'i 'on de nyid kyis gzhung btsugs pa yin no/ /de ltar
- 285a
ni dkar po la sogs pa snang bar 'gyur ba ma yin no/ /'o na ci yin zhe na/ gsal ba yin no/ /de'i phyir dkar po la sogs pa'i ngo bor snang bar gyur pa gsal bar 'dod pa gang yin pa de nyid gsal par gsal bar byed pa de yin no zhes bzlog pas rang rig pa grub pa yin no/ /de ltar ni 'gyur mod kyi/ gal te yang dkar po la sogs pa rang nyid las grub pa ma yin pa de ltar na yang dkar po la sogs pa'i gsal ba de dus phyis 'byung ba can gyi gsal ba gzhan gyis gsal bar 'gyur ro/ /des na thal ba ma grub pa yin zhing bzlog pa las grub pa la sgrub pa yin no/ /gal te de ltar yin pa de'i tshe/ gsal ba gsal gzhan gyis gsal na/ khas len par byed pa bshad ma thag pa'i skyon gyis lan ma btab pa yin no/ /ci'i phyir zhe na/ pa med pa'i skyon du thal phyir ro/ /de ltar na yul la dmigs pa'i dmigs pa gang yin pa de bdag nyid mngon par gsal ba ma yin na/ de'i tshe yul la dmigs pa gsal ba la nus pa yod pa ma yin pa de ltar na shes pa'i khyad par gzhan dang gzhan gyi rjes su 'brang ba thug pa med pa yin te/ ji srid du tha ma gsal pa'i mthar thug par mi 'gyur ba de srid du thams cad gsal bsal bas na dngos po cung zad kyang gsal ba can du mi 'gyur ro/ /la lang mthar thug pa yin na yang yul dang shes pa'i bdag nyid cig cang mngon par gsal ba yin na/ sngar yod pa yin na yang de ltar 'gyur te/ bye brag med pa'i phyir ro/ /de pas na rang rig pa grub pa yin no/ /gzhan yang gang gi tshe skyes bus dkar po la sogs pa shes pa na de dmigs pa de nyid shes par mi 'gyur ba de'i tshe/ dkar po la sogs pa 'di'i mthong pa 'di yin no/ /zhes bya pa'i don gyis 'brel pa ci yang
- 285b
shes pa ma yin no/ /de yang 'brel pa shes med can/ dkar po la sogs pa'o/ /mthong de don mthong bas ji ltar khyad par can du 'gyur/ dkar po la sogs pa mngon par gsal bas khyad par can 'di gsal ba yin no zhes shes pa ma yin no zhes bya ba'i don to/ /sbyar pa yang gang gis gang rtog spa ma yin pa des ni khyad par can du gyur pa gzhan 'dzin pa ma yin te/ dper na/ dbyug pas khyad par du gyur pa'i lhas byin mi 'dzin pa lta bu'o/ /skyes bu gzugs mthong ba na de mthong ba yang rtogs pa ma yin no/ /zhes bya ba ni dmigs pa'o/ /gang phyir zhes bya ba la sogs pas de nyid 'chad par byed do/ /gang phyir gnyis las yul dang dmigs pa las gcig rtogs la/ gnyis pa mthong ba yod ma yin/ /gang gi tshe yul dmigs par gyur pa de'i tshe/ de dmigs pa ma yin te /rang rig pa thal ba'i phyir ro/ /gang gi tshe shes pa gzhan gyis yul dmigs pa rtogs pa de'i tshe/ don ma yin gyi dmigs pa de nyid 'ba' zhig yin no/ /de'i phyir 'dis 'di mthong ngo zhes bya bar yang mi 'gyur ro/ /de ltar na yul dang dmigs pa gnyis 'dres pa dag /dus mtshungs par 'byung ba can cig car ram gyis mthong pa na/ mthong pa yod na 'di 'dis mthong ba zhes ni nges par 'gyur/ de lta ma yin na rnam pa gzhan du ni ma yin no/ /yul dang de la dmigs pa gnyis cig car tshogs pa na mthong ngo zhes nges pa ma yin gyi/ 'on kyang gal te gang gi zhes bya ba sngon po la sogs pa'i yul 'ga' zhig 'dra ba mthong/ de'i ngo bo kun nas 'dzin pa'o/ /don 'gags na yang nyams su myong ba'i shes pa las/ sems gzhan gyis ni mthong 'gyur pa/ /yul de la mthong pa zhes bya ba na don 'di shes pa de mthong ba de mthong ba 'di yin no/ zhes tha snyad du byed pa yin no zhe na/ gal te de lta yin na/ shes pa nyid don dang 'dra bar? 'byung pa gsal bar byed pa ma yin te/ de'i tshe don 'gags
- 286a
zin pa nyid kyi phyir ro/ /de'i phyir shes pa 'di'i de ltar 'dra ba yin na rang rig grub pa yin/ de ltar na 'dra ba de ni shes pa'i bdag nyid yin la de yang rab tu gsal bar srog chags thams cad kyis myong ba nyid yin no/ /de rab tu myong ba na/ shes pas bdag nyid nyams su myong ba nyid yin no zhes bdag nyid nyams su myong ba don gyi sngar ji skad bshad pa bzhin du grub pa yin no/ /gzhan yang shes pa'i ngo bo dang yul ma gzung ba can yin na yang de las gzhan pa'i sems bdag nyid mngon par gsal ba'i ngo bo can ma yin pas ma mthong ba zhes bya ba la sogs pa sdang bshad pa'i skyon ma bzlog pa nyid yin no/ /ci ste don dang 'dra ba myong ba na/ don gyis rang rig pa grub pa'i phyir dang dngos bdag nyid du gyur ba don dang 'dre ba shes pa des mi rig go zhes 'dod pa de'i tshe/ myong ba ma grub pa can gyi shes pa des ji ltar gzhan gyi ngo bo ste/ don gzhan gyi bdag nyid rig par 'gyur te ma yin no/ /gdon mi za bar 'di nyams su myong ba 'di yin no zhes brjod pas de dag la de ltar tha snyad 'dogs ba'i rgyu brjod par bya'o/ /don dang 'dra ba las yul myong ba grub pa yin no/ zhes bya ba yang bden ba ma yin te/ 'di ltar 'dra ba las kyang myong zhes ba/ sngar nyid rab tu gsal ba yin /dper na nyams su myong ba'i 'dra ba rgyu ma yin no zhes/ 'dra ba thams cad phan tshun dag/ myong ba dag ni theb bar 'gyur zhes bya ba'i skabs su spangs zin to/ /gzhan yang 'dra ba las de dag mthong ba dag nyid yod na 'di ni 'ding? 'dra ba yin zhes 'dra ba 'dzin par 'gyur ro/ /skyes bu 'di yang sngar ni dkar po la sogs pa mthong ba'i dus na don mthong med pa yin /dkar po la sogs pa mthong ba'i dus na yang /don skad cig ma nyid yin pas 'gags zin ba nyid kyi phyir /gnyi ga mthong ba med paS
- 286b
na /don 'ga' zhig kyang mthong ba yod pa ma yin no/ /ji ltar mthong pas 'di yin /yul gyi 'dra ba skyes bu de yis des par 'gyur /gang gis na de'i rnam pa can gyi shes pa 'dzin pa'i phyir don mthong ba grub par 'gyur/ 'dra ba ni bdag nyid du gyur pa nyid yin pa'i phyir dang de yang so sor rang rig pa nyid yin pa'i phyir bdag nyid myong ba'i don gyis grub par mi 'gyur ro zhe na/ shes ba'i 'dra ba nyid kyang mi 'dod pa'i rgol ba/ gang yin ba de'i gnyis mthong med /don grub pa ma yin zhing shes pa yang ma yin no/ /de ltar na 'dra ba las don 'di'i mthong ba 'di yin pa 'gyur ba de yang yod pa ma yin ba de ltar na gang las don rig par 'gyur/ shes pas kyang bdag nyid myong pa ma yin zhing gzhan 'ga' zhig gis kyang ma yin te /mi rung ba'i phyir ro/ /de bas na shes pa 'am shes bya grub pa ma yin no/ /gang gi tshe de lta yin pa de'i tshe don 'di 'am/ shes pa 'di zhes don dang shes ba gnyis bo de dag shes pa ji ltar yod/ brjod ba ldog pa de ltar na/ 'gro ba ma lus ba long ba dang lkugs par 'gyur ro/ /de de ltar na nyams su myong ba gzhan gyi ngo bo yin ba'i skyon bshad pa yin no/ /ci ste dkar po la sogs pa'am? ngon par gsal ba'i ngo bo gsal bar nyams su myong bar snang ba gang yin ba de dkar bo la sogs pa'i shes pa'i rang dngos bdag nyid du gyur pa yin pa de'i tshe/ 'on te dkar po la sogs pa dmigs pa /rang nyid rab tu gsal bar 'gyur rang rig pa'i ngo bo yin te /dkar po la sogs pa nyams su myong ba na gnyis pa nyams su myong ba med pa med pa'i phyir ro/ /gzhan yang gang zhig gang las dkar po la sogs pa gsal ba /de mi gsal na yang dkar ba la sogs pa snang ba dkar po la sogs pa'i don mi gsal ba nyid du 'gyur na gsal bar yang 'dod do/ /de bas na
- 287a
gzung bar gyur pa gsal ba gsal bar byed pa can nyid yin pa de ltar na rang rig pa grub pa yin no/ /des ni bdag mi rig pa'i phyogs la bdag mi rigs pa'i phyogs te/ shes pa nyams su myong ba ma yin pa'i phyogs la don thams cad ma mthong bar bshad pa gang yin pa /don kun mthong med 'di yis ni/ /bdag rig min pa'i phyogs dag la/ /gang de la'ang len? brjod do/ /dper na de dag gi blo mngon sum nyid ma yin na /don nam shes pa de dag shes pa'i gtam ldog par 'gyur zhes bzhed pa lta bu'o/ /de dag gang zhe na /blo mngon sum min par smra ba/ gang yin ba ste rgyal dpog pa'o/ /tshad ma rnam 'grel gyi 'grel ba// //bam po sum cu rtswa bzhi pa/ /gzhan yang 'dis kyang mngon sum grub pa yin /'di ltar rten dmigs goms pa'i khyad par las/ mig la sogs pa'i rten gyi khyad par dang don bde ba la sogs pa dang 'dra ba'i khyad par dang goms pa'i khyad bar te/ sngar gyi nus pa mtshan nyid can gyi yid la byed pa'i khyad par las/ tha dad par ni 'jug pa can/ yang dag par dga' ba la sogs pa'i rnam baS so/ /bde sdug 'dod pa la sogs pa'i khyad par /dga' ba dang gdung ba'i bye brag 'dod pa la sogs ba'i mtshan nyid can so sor rig pa'i ngo bo nyid 'byung par 'gyur ro/ /de ltar na rten la sogs pa khyad par gyis skye ba na bde ba la sogs pa rang nyid nang nas gsal bar 'gyur zhing de dag kyang sngar dmigs pa'i ngo bor rnam par bzhag pa yin ba de ltar na /de dag nyid blo yin te phyogs ba'i rang bzhin nyid yin ba'i phyir ro zhes bya ba'i don to/ /de ltar snang bar gyur pa de dag kyang mngon sum yin no/ /sogs pa smos pas ni zhe sdang dang rtsol ba la sogs pa gsung ngo/ /de las tha dad dga' ?
- 287b
ba dang/ mi dga' ba la sogs pa'i rnam pa dmigs pa dang bral ba'o/ /de dag nyams su myong ba las tha dad pa'i gzhan cung zad nges med shes gang de/ mngon sum ma yin ba nyid du rtogs par byed/ bde ba la sogs pa de'i bdag nyid kyis de dag rang nyid nyams su myong ba'i ngo bo gsal ba'i yin ba de ltar na de dag gi nyams su myong ba yod pa yin no/ /de bas na blo'i ngo bo dag rang nyid gsal ba yin pa de ltar na /blo mngon sum ma yin pa ma yin no/ /de ltar ni 'gyur mod kyi /gal te gzhan gyi rig yin na /bde ba la sogs pa yang mngon sum nyid du mi 'dod pa gang gis na blo mngon sum nyid du 'gyur/ 'o na ci yin zhe na/ bde ba la sogs pa las gzhan ba'i yid kyi rnam bar shes pas nyams su myong ba yin no zhen /gal te de lta yin ba de'i tshe bde ba la sogs pa/ nyams su myong ba dga' ba dang gdung ba la sogs pa mtshan nyid can skyes bu gang gi rgyud la gnas pa'i bde ba la sogs pa'i skyes bu gzhan gyis dmigs pa gang yin ba de yang gzhan gyis kyang ni dmigs pa na bde ba la sogs pa de las gzhan pa'i skyes bu dang 'brel pa can myong 'gyur te/ bde ba la sogs pa dang ldan par 'gyur te/ 'di ltar la dmigs pa can gyi shes pa dang ldan pa nyid kyis /de'i longs spyod bar byed par byed pa po nyid yin ba'i phyir ro/ /de ltar ni 'gyur mod kyi bde ba bskyed pa 'am der snang ba'i /gal te blo rig gzhan min na /bde ba la sogs pa bskyed pa dang bde ba la sogs pa'i snang ba'i blo gang yin pa des bde? ba la sogs pa nyamS su myong ba yin te/ dper na skyes bu 'ga' zhig nyid rig pa lta bu'o/ /gzhan gyi rgyud las gnas pa'i bde ba la sogs pa 'dzin par byed ba'i blo yang nges bskyed pa 'am /der snang ba ma yin ba de ltar na/ gzhan myong ba ma yin no zhe na /
- 288a
de dang? de ni gzhan la yang mtshungs te skyes bu des gzhan gyi rgyud la gnas pa'i bde ba la sogs pa dmigs pa 'am /ma yin 'gyur grang na /gal te dmigs pa de'i tshe /dmigs par byed pa la gzhan la yang /gnyis ni gdon mi za par yod/ bde ba la sogs pas bskyed pa de dang der snang ba nyid do/ /ci ste de las gzhan gyi rgyud la yod pa'i gnas ba'i bde pa la sogs pa gzhan gyi glod?/ skye min zhing der snang ba can ma yin ba bde ba la sogs bar snang ba ma yin ba de'i tshe bde ba la sogs ba yul ma yin no zhe na /blo de ni yul med thob 'gyur ro/ /de ltar na des rang gi bag chags kyi rang bzhin gyis rjes su byed cing so sor myong zhing de bzhin du gsal ba rang rig pa'i ngo bo skye bar 'gyur ro/ /de ltar ni 'gyur mod kyi/ gzhan gyi rgyud la gnas pa'i bde ba la sogs pa'i ngo bo lkog tu gyur pa nyid pa nyid kyis skyes bu gzhan gyis nges par mi 'gyur ba de ltar na yang bde ba la sogs pa spyi gang yin pa de 'dzin bar 'gyur ba des na blo de yul med can ma yin no zhe na /de la 'di ni lan nyid ma yin no/ /'di ltar de mi 'dzin na spyi dag kyang gsal ba mi 'dzin na/ ma 'dzin ces ni ji ltar gsal ba la bltos pa med pa'i spyi yan gar ba yang sgras brjod pa yin na gsal ba de spyir mi 'gyur ro/ gsal bas gsal bar bya ba nyid kyang 'di la yod pa ma yin no/ /des na mtshungs min dang gsal ba min /de bas na spyi dang mtshungs pa nyid ma yin zhing gsal ba ma yin ba de dag tu 'gyur ro/ /de ltar na dngos su de ni 'di'i zhes bya ba'i 'brel ba ni gang zhig gang la skye ba gzhan gyi dbang gis rag? las pa 'am de'i sgo nas rtogs pa gzhan gyi dbang ste gang gi bdag nyid rtogs par 'gyur ba yin grang na re zhig spyi ni gsal ba las
- 288b
skye ba'i gzhan gyi dbang nyid ma yin te/ rtag pa nyid kyi phyir ro/ /rtogs pa gzhan gyi dbang yang ma yin te /gsal ba bltos pa med par sgras brjod pa khas len pa'i phyir ro/ /de ltar na gsal ba ni de dang mtshungs pa ma yin no zhes bshad zin to/ /gzhan yang gal te spyi zhes bya ba'i dngos po cung zad yod par 'gyur na de'i tshe gsal ba las ba med par blo 'dzin par 'gyur te/ 'di ltar dngos cung zad kyang yod min zhes bya ba yang gong du bstan zin to/ /gang gi phyir blo gzhan gyis de las gzhan pa dang 'brel pa can gyi bde ba la sogs pa mi 'dzin to/ /de 'dzin pa na yang de nyams su myong bar thal ba'i phyir ro/ /bshad pa thag pa'i rigs pas bde ba la sogs pa'i spyi yang ma yin no/ /de'i phyir de las gzhan pa'i bde ba la sogs pa'i 'dzin pa nyid du 'dod pa'i blo gang yin ba'i don snang ba de ni gsal ba nye bar mtshan ba'i snang ba gang yin pa de ni/ blo de las ni gzhan ma yin /'on kyang bdag nyid du gyur pa yin no/ /des ni de'i phyir mngon sum dang bdag rig grub/ blo de mngon sum nyid dang rang rig pa nyid du grub pa yin te/ de ltar snang ba na bdag nyid gsal ba'i ngo bo nyid yin ba'i phyir bdag nyid du gyur pa nyid yin pa'i phyir ro/ /de ltar ni 'gyur mod kyi/ gal te de la 'dzin byed kyang/ mngon sum nyid ni min zhe na /gal te yang gzhan dag bde ba la sogs pa de 'dzin bar byed pa na de dag kyang mngon sum nyid ni ma yin no/ /de ltar na yang de dag de'i mngon sum ma yin zhing de'i bde ba la sogs pa de dag mngon sum gang yin pa de'i gdung ba dang phan 'dogs pa yin bar 'gyur ro/ /gzhan ni bde ba la sogs pa lkog tu gyur pa nyid kyis mngon sum du 'dzin pa ma yin pa de ltar na 'di dga' ba dang /yongs su gdung ba'i bye brag med pa ma yin no zhe na/ don mtshungs de tha
- 289a
dang gang las de nyams su myong ba po'i shes pas bde ba la sogs pa 'dzin pa gang yin pa de ngo bo nyid kyis gzhan gyis gang yin ba de ltar na yul mtshungs pa can gyi shes pa de dag gi 'di ni mngon sum yin la/ gzhan ni ma yin no zhes bya ba'i khyad par 'di gang las gang yin de ltar na gnyi ga yang mngon sum nyid dam lkog tu gyur pa nyid du mtshungs pa nyid 'gyur te gzung bar bye brag med pa'i phyir ro/ /de ltar ni 'gyur mod kyi /gal te mthong med pas don gcig/ ldan sogs myong ba des yin na/ /don mtshungs pa nyid yin na yang /gcig ni dga' ba dang gdung ba'i bye brag can gyi nyams su myong pa'i mtshan nyid can gyi myong ba yin gyi skyes bu gzhan gyi gzhan dang 'brel pa'i bde la sogs pa 'dzin pa 'dzin ba ma yin ba de ltar na/ de dag gi so sor myong ba'i nges ba gang yin pa 'di ni chos dang chos ma yin pa'i mtshon nyid ma mthong ba las yin no/ /yang na gang don gcig la 'du ba dang ldan ba'i rnam par shes pas bde ba la sogs pa de la de yin gyi rnam par shes pa gzhan dang 'brel pa can gyi bde ba la sogs pa dang bdag nyid gcig la 'du ba dang ldan pa ma yin na /gang gis na don gcig la 'du ba dang ldan pa des bde ba la sogs pa dmigs par 'gyur/ gang gi phyir bde ba la sogs pa'i myong ba po bzhin du 'dis kyang myong bar 'gyur ro/ /sogs pa smos pas ni dbang phyug dga' ba dang mi dga' ba la sogs pa bzung ngo/ / gal te de lta yin na yang ma mthong ba la sogs pa sgrib par byed pa yod ba'i phyir ro/ /gzhan gyis rnam kun mi 'dzin cing/ skyes bu dang 'brel pa can gyi bde ba la sogs pa gzhan rnam pa thams cad du rnam pa 'ga'
- 289b
zhig gis kyang mi 'dzin pa nyid du 'gyur/ /bde ba la sogs pa'i ngo bo mtshungs pa la 'dzin par byed pa nyid kyi shes pa khyad par med pa yin na/ gang gis de dag la skyes bu gcig ni bde ba la sogs pa myong ba yin la gzhan gyis ni ma yin /ma mthong bas bde ba la sogs pa mi 'dzin ba de ltar na yang blo de ltar na yang blo de ltar snang ba de gsal bar gyur pa de ltar na mngon sum nyid dang bdag nyid myong ba ni bzlog tu med pa nyid yin no/ /bde ba la sogs pa 'dzin par mtshungs pa yin na/ skyes bu gnyis po de dag gi/ myong ba'i tha dad dag kyang gsal/ gang gi tshe 'dzin pa de'i tshe 'dod pa nyid yin pa de ltar na lan nyid ma yin no/ /de de ltar na re zhig rgyal dpog pa la de skad du brjod nas/ gang dag chos 'di pa dang gzhan dag gi rnal 'byor yod pa yin no/ /rnal 'byor pa de dag gi mngon sum gyis /sems can gyi bde ba la sogs pa myong na shes pa yin bar 'dod na de dag gi rnal 'byor pa de dag gang gis kyang sdug bsngal la sogs pa la dmigs par 'gyur zhing skyes bu de dang de bzhin du sdug bsngal la sogs pa dang ldan ba'i skyes bu de dang lhan cig /nyams myong ba mtshungs 'gyur bas/ de phyir de bzhin gdung bar 'gyur /sdug bsngal la sogs pas gzir bar 'gyur ro/ /mngon sum gyi sdug bsngal la sogs pa rig pa tsam gyis sdug bsngal la sogs pa nyams su myong ba ma yin no/ /'o na ci yin zhe na/ dbang po dang yul 'dus pa 'dod pa dang ni 'dod pa gang yin ba de'i des nyams su myong bar 'gyur ba yin no/ /yul dang dbang po 'dus pa de yang rnal 'byor pa la yod pa ma yin bde bas na /gal te yul dbang 'dus med phyir/ /rnal 'byor pa de dag ni sdug bsngal dang de las byung can te/ yul dang dbang po phrang pa las skye ba
- 290a
'byung skye min zhes de ci rang gis khas blangs pa nyid rje dang bde? ltar na/ sdug bsngal nas 'byung ba dag/ sdug bsngal myong ba min khyed cig sdug bsngal rang nyid gsal ba de'i bdag nyid du skyes pa sdug bsngal nyams su myong bar mi 'dod na/ gang gi tshe sdug bsngal du skyes pa nyid sdug bsngal nyams su myong bama yin gyi/ 'on kyang ni sdug bsngal shes pa 'byung/ sdug bsngal gyi yul can gyi shes pa zhes bya ba'i tha tshig go/ de rnal 'byor pa la yang yod pa de ltar na/ sdug bsngal myong ba po dang 'dra ba de dag kyang myong bar 'gyur ro/ /gal te khyod cag gi ji ltar zhe na/ kho bo cag gi ni sdug bsngal la sogs pa de rnal 'byor ba dag gis nyams su myong ba ma yin no/ /'o na ci yin zhe na/ sdug bsngal la sogs pa der snang ba skyes bas dmigs ba'i phyir de'i mngon sum du 'gyur ba yin gyi nyams su myong ba ni ma yin no/ /gang las gdung ba dang phan 'dogs ba yin sdug bsngal la sogs pa myong med na/ gdung dang phan 'dogs rgyu ma yin/ sdug bsngal la sogs pa nyams su myong ba med par gdung ba dang phan 'dogs pa'i rgyu ma yin no/ /'o na ci yin zhe na/ sdug bsngal gyi bdag nyid du skyes pa na sdug bsngal gyis gzir ba yin no/ /de ltar na gang tshe bdag nyid sdug bsngal ni rgyud la lar bdag nyid sdug bsngal du 'byung ba/ rang ngo bor snang gdung ba yin gyi/ de dmigs shes pa de ltar min sdug bsngal la sogs rgyud gzhan nam/ rang gi rgyud las 'byung ba gzung bar gyur pa yid kyi rnam bar shes pas dmigs shing 'dzin pa gdung ba ma yin no/ /de'i tshe kho bo cag gis gzhan la bstan pa gang yin pa skyes bu gzhan sdug bsngal la dmigs
- 290b
bar byed ba yang sdug bsngal bar 'gyur ro zhes bya ba gang yin pa de thal bar 'gyur ba med do/ /gang gi phyir de ltar na dmigs tsam las nyams su myong ba ma yin pa'i rgyu /des na shes pa thams cad kyi/ /dmigs myong dag ni tha dad yin /dmiD pa'i don yang gzah+n yin la myong ba'i don yang gzhan yin no zhes bya ba'i tha tshig go ji lta ji lta zhe na /don dang 'dra ba dmigs pa ste/ dmigs par byed pas na dmigs pa ste don las de dang 'dra bar 'byung ba ni dmigs pa'i don yin no/ /bdag nyid rig ste bdag ni rang bzhin gyi bye brag 'ga' zhig go /rang nyid ni chos gzhan gyi khyad par dang bral bar rig cing nyams su myong ba'o/ /ci 'dra ba zhig ce na /gsal ba ste rab tu gsal ba'i ngo bo rtogs pa'i rang bzhin zhes bya ba'i tha tshig go/ rang rig ba'i ngo bor bdag nyid skyes shing myong ba ste/ dper na gsal ba gsal pa'i bdag nyid du skyes pa nyid gsal ba nyid yin pa lta bu'o/ /de bzhin du sdug bsngal la sogs pa skyes pa nyid myong ba yin pa de ltar na myong ba zhes bya ba gzhan ma yin/ /gzhan yang mngon sum med pa ni/ blo ni rtags las rtogs par 'gyur /'on te blo mngon sum ma yin na rtags las rtogs pa 'byung bar 'gyur ro/ /rtags de yang dbang po 'am 'on te gzugs la sogs pa 'am/ rang blo nyid dam/ yid byed snga ma sngar gyi nus pa can gyi yid kyi rnam par shes pa'i yid la byed pa rtags su 'gyur /grangs yongs su chad pa 'di tsam nyid yin na/ ci'i phyir bdag dang yid la sogs pa ma yin/ 'di ltar 'di'i rgyu 'bras tshogs pa la 'brel pa can gzhan yod min re zhig blo'i rgyu nus pa 'am/ mthong ba can ni dbang po dang don dang yid la byed pa ma yin no/ /de ltar
- 291a
na de las gzhan pa'i snang ba la sogs pa'i nus pa yod na yang mig gam gzugs gang yang rung ba med ba las rnam par shes pa med par mthong ngo/ /de bzhin du rna ba la sogs pa'i blo la yang bdag nyid ji lta ba bzhin du dbang po dang yul dag ni rang rig 'bras bu ldog pa rgyu nus pa mthong ba can yin no/ /mig la sogs pa yod na yang rnam par shes pa snga ma yul gzhan la rnam par g.yeng ba dang gnyid log pa dang brkyal ba gnas skabs dag tu phyi ma mi skye ba dang 'phrul pa la sogs pa mthong ba'i phyir rnam par shes pa snga ma nus pa mthong ba can yin no/ /mig las sogs pa 'bras bu'i tshogs pa de ni 'di ma yin gyi /rgyu dang 'bras bu'i dngos por 'brel ba can bdag dang yid phrad pa la sogs pa yod pa ma yin no zhes brjod do/ /de gang las she na/ nus pa mthong ba med phyir ro/ /gal te ji skad du bshad pa'i rgyu thag nye ba na yod pa na yang blo yang 'byung bar mi 'gyur ba de'i tshe gzhan yang nus ba can du 'gyur ro/ de lta ma yin na nus pa mthong ba med pa can yang de'i rgyu nyid yin par 'dod na rgyu rnams thug ba med bar 'gyur ro/ /ji skad du bshad pa'i rtags dag gi nang nas re zhig de la dbang po min /blo'i rtags ma yin no/ /ci'i phyir zhe na/ 'khrul phyir/ gang gi tshe dbang po yod pa de'i tshe blo ma yin te/ gnyid log pa dang/ brgyal ba dang rnam par g.yeng pa la sogs pa'i gnas skabs na blo med pa'i phyir ro/ /de'i bye brag sgrib g.yogs med pa la sogs pa yang ma yin te/ shes par mi nus pa can nyid kyis 'di yang rtagS nyid ma yin ba'i phyir ro/ /gal te yul la 'jug pa na yang dbang po'i bye brag ma bsgribs pa la sogs pa rtogs par 'gyur ro zhe na/ de la blo la sogs pa gzhan pa de gang yin /de yang ma grub pa de ltar na dbang po rtags ma
- 291b
yin no/ /de bzhin don rtags ma yin te/ 'khrul ba nyid kyi phyir ro/ /gang gi tshe gang gang la don yod pa de la blo yod pa ma yin no/ /de lta ma yin na don yod pa tsam gyis blo 'byung bar 'gyur ba na ni don thams cad yod pa nyid na/ skyes bu thams cad la nye ba dang bskal pa dag mi rung ba'i phyir blo thams cad rjes su dpag par 'gyur ro/ /blo yid byed dag kyang rang nyid shes yin/ shes pa'i ngo bo nyid yin pa des na 'di nyid kyi rgyu tshol bar byed pa ni mi rnyed pa de ltar na de yang 'grub mi 'gyur shes pa la rtags nyid med/ de ltar na rtags thams cad ni rang gi bdag nyid la shes pa ba ltos nas rtags rtogs pa'i rgyur 'gyur ba yin na blo dang yid la byed pa de dag la yod pa ma yin pa de ltar na de dag ni rtags nyid ma yin no/ /de ltar na 'gyur mod kyi/ gal te don gsal yin par 'dod na/ don ni rtags ma yin no/ /'o na ci yin zhe na/ don gyi gsal ba yin zhe na de la don gyi gsal ba 'di gang yin/ gal te yul dmigs pa yin pa de'i tshe/ gsal ba de shes pa ma yin nam de dang de gal te grub par gyur na/ blo gzhan gang ma grub yin par 'gyur na don gang la rtags yin par 'dod /gang tshe cir mi rung ngo/ /don ni don gsal ba gsal ste/ de don gsal ba rtags yin gyi don tsam ni ma yin no zhes rtog ba gang yin pa de yang don gsal ba bkag par rig par bya'o/ /de ltar na gal te gsal ba'i khyad par du byas pa'i don yang ma grub pa yin pa de ltar na blo khyad par can gyi don gang las blo grub pa yin /de'i phyir don gsal ba nyams ? ma yin la/ mngon sum ma yin pa de gsal nges pa med phyir ro/ /gsal ba de don gyi gsal ba nyid yin par nges pa med par de ltar na gsal ba gsal zhes bya ba don la gsal ba yin pa gang gi rtags su 'gyur/ ci ste don
- 292a
gyi gsal ba blo 'am don rtogs pas/ gsal par mi 'dod na gang gis na blo ma grub pa'i skyon 'dir 'gyur /'o na ci yin zhe na /don gyi bye brag 'ga' de nyid/ bdag gi gyur pa'i gsal ba 'dod na ni /de dang de yang rung ba ma yin no/ / ci'i phyir zhe na /'di ltar skye ba dang ni 'jig med pa'i /don la bye brag cung zad med/ /phyi rol gyi don brtan ba nyid yin la skye ba dang 'jig ba med pa de ltar na 'pho ba med pa dang /skye ba med ba'i khyad par can 'di'i de 'dra ba'i khyad par gang las yod pa yin/ shes pa 'ga' zhig gis gzung bar bya ba gang yin pa'i gsal ba rnam par bzhag pa yin/ de 'dod na'ang /ci ste don de skye ba dang 'jig par 'dod pa de'i tshe shes pa so so ba la don skad cig 'jig par thal bar 'gyur /rnam par shes pa ni skad cig ma nyid yin pa'i phyir shes pa re re skye ba la de'i rgyur gyur pa'i don yang 'jig pa thob par rgyur gyur 'grub pa'i phyir ro/ /rgyu'i phul tu byung ba skyed ba las rgyu'i yin pa'i phyir ro zhes bya ba'i tha tshig go /don gsal pa'i bye brag blo'i rtags nyid du 'dod pa de yang shes pa rtags su 'gyur ram/ shes min rtag su 'gyur zhes rnam bar rtog par gnyis su 'gyur grang na/ gal te don gyi bye brag shes ba rtags yin pa de'i tshe de'i yul can gyi shes pa yongs su bcad med par/ don gyi bye brag de shes shes bya ba de gang las/ de shes pa shes pa med na 'di ba nyid yod ba ma yin no zhes bya bar dgongs so/ /de ltar na yul dmigs ba la dmigs par byed pa na 'ga' zhig don la dmigs par 'gyur de dang de yang dmigs pa mngon sum nyid ma yin na/ yod pa ma yin pa na don shes pa rtags ma yin no/ /gal te yang de'i shes pa ma grub ba'i phyir don shes ba 'di yin no zhes nges par mi 'gyur ba de ltar na yang de la de shes pa nyid don
- 292b
dam par yod pa yin pas na rtags su 'gyur ro snyam ba'i rtog par yang mi 'gyur ro/ /de ltar na don dam bar de nyid shes pa nyid shes pa la ma grub pa na grub bar mi 'gyur zhing rtags la go bar byed pa'i ngo bo nyid yod pa yin no zhes bya bas de go ba byed par yang mi 'gyur ro/ /'on kyang de ltar nges pa la shes pa'i bye brag can gyi don de go bar byed pa yin te/ shes pa rtags yin pa'i phyir ro/ /de bas na shes nyid yongs bcad med pa yang/ /de ni go byed ji ltar yin/ /ci ste shes pa ma yin pa rtags yin pa de ltar na yang don gang dag ma mthong ba de dag yin /don de dag ni ma mthong ba mthong ba can no/ /lta ba por mthong bar 'dod pa las gzhan gyis ni skyes bu 'ga' zhig gis/ mthong ba la yang mthong ba de dag ma mthong ba nyid yin no/ /de lta bu'i rnam pa can mthong bar khas len na thams cad kyis thams cad la don thams cad mthong bar 'gyur ro zhes bya ba'i tha tshig go/ don de mi shes ba'i bye brag de skyes bu gzhan mthong ba la yang gzhan gyi yod de ma shes pa yin na/ skyes bu gcig la yod bar nges ba med pa'i phyir ro/ /de'i phyir rang blo rtogs 'gyur /don de ma mthong ba yin no zhes 'dod pa de'i yang rang nyid blo rjes su dpag par 'gyur na rigs pa ma yin no/ /don chos yan gar ba las ni /'o na ci 'dra ba zhig ce na /rang gi chos la ltos med can/ skyes bu rjes su dpag pa'i bdag nyid du gyur ba'i shes pa zhes bya ba'i chos la bltos pa med pa las blo rjes dngos? ma yin no/ /srid pa ma yin no/ /cis ste yang don gyi chos las ni 'gyur mod kyi rang nyid la rten pa'i chos 'ga' zhig gang yin pa de ni rtags yin no/ / de las blo'i rtogs pa 'byung bar 'gyur ro zhes bya ba de yang rigs ba ma yin no/ /de ltar ni chos de ni mngon sum yin na rtags su 'gyur bar rigs pa yin gyis skyes ba'i chos 'ga' zhig mngon sum gyis dmigs ba ma yin na/ gang gis rang gi
- 293a
blo'i rjes su dpog par 'gyur /gzhan yang rang blo las skyes bu gzhan dang chos rang gi yul zhig yod na gang yin mngon sum blo rgyu ste rtags yin par 'gyur /gzhan yod pa ma yin no zhes bya ba'i tha tshig go/ gzhan yang skyes bu dang gi chos kyang rtags nyid du brtags pa gang yin ba de'i blo skyed bar byed pa'i tshigs pa de nyid las skye ba yin nam /'on te gzhan las yin/ rnam par rtog pa dang bo la bra? dang/ rgyu mtshungs pa las skyes pa can/ blo la chos de'i tha dad gang las yin te tha dad pa nyid med do/ /de ltar na rgyu'i rang bzhin gyis byas pa'i 'bras bu'i rang bzhin du rnam bar nges pa yin gyi/ de lta ma yin na yul la sogs pa nges par mi 'gyur ro/ /'di ltar de 'dra ba las skyes de ni de dang 'dra ba yin no zhes bshad ba'i ngo bo yin na blo bzhin du de yang ma grub pa nyid yin pas na rtags nyid ma yin no/ /gzhan skyes de yang 'khrul pa can/ ci ste blo'i/ rgyu'i tshogs ba las tha dad pa'i rgyu gzhan las de skye bar 'dod pa de'i tshe 'brel pa med pa'i phyir 'khrul pa can du 'gyur ro/ /gzhan yang don gzhan du gyur ba'i blo gzhan du gyur pa'i rtags las rjes su dpog pa na/ de'i rtags ni 'bras bu'i sgo nas 'gyur ba yin no/ /de la blo'i 'bras bur 'gyur na yul la sogs bar 'gyur ro/ /de ltar na gzugs sogs yul ni lnga po dang /gzugs dang sgra dang dri dang ro dang reg bya'i ming can ma gtogs pa dang/ mig la sogs pa'i dbang po dag dang dmigs pa dag ste bla ma gtogs pa de'i 'bras bu gzhan/ nye bar mtshon pa ma yin no/ /de ltar na 'bras bu de tsam yod par 'gyur ro/ de la 'bras bu nyid du brtags par bya ba de dag gi nang nas/ gnyis ni dbang po 'das /dbang po dang dmigs pa'o/ /re zhig de'i rtags ma yin zhing bla ma grub na/ blo 'bras bu grub par mi
- 293b
'gyur te/ 'bras bu ldog pa nyid las dbang po grub pa'i phyir ro/ /blo ma grub na de mi grub pa de ltar na de'i rtags ma yin zhing blo yang ma yin no/ /'bras bu yang gang 'ga' zhig ldog pa tsam las dbang po grub pa bzhin du spyi blo'i rgyu nyid yin par shes par mi bya'o/ /'on kyang blo'i ngo bo nyid kyis blo 'di'i 'bras bu 'di yin no zhes shes par bya'o/ /de lta ma yin na blo'i ngo bo nyid du mi 'gyur ro/ /'on kyang rgyu cung zhig kyang yod ces bya bar 'grub par 'gyur gyi blo grub ba ni ma yin no/ /blo 'am dbang po de dang de mngon sum nyid du yod ba ma yin pa de ltar na dbang po 'am blo gang las rjes su dpog pa yin/ gzugs la sogs bas rtags su 'gyur ro zhes bya ba yang yod pa ma yin te /'di ltar gzugs la sogs pa yi/ /don lnga dag la gzugs mthong skyes/ /gang yin gcig kyang mthong ba med/ /blo las skyes gang yin pa'o/ /ci 'dra ba zhig ce na/ rnam gzhan gsal ba srid ba ci/ /rnams gzhan du gsal cing spangs pa gang la yod ba zhes bya bar tshig rnam bar sbyar ro/ /blo med bar gang zhig yod pa ma yin te 'khrul ba med ba can zhes bya pa'i tha tshig go /'di lta ste /bshad ma thag pa'i tshul gyis shes med des pa med pa gang yin pa de rtags yin bar kun tu brtags pa 'jig rten 'das tha snyad 'di 'jig rten las shin tu 'das pa yin no /de de ltar na sna tshogs pa tha dad pa skye ba can yang rgyu dang 'bras bu'i dngos bo yod pa yin na rtogs yin na/ /de 'bras bu nyid ma grub pa de ltar na blo'i rtags nyid yin pa ma yin te/ rnam ba gzhan mi srid pa'i phyir ro// khas blangs nas brjod bar bya ste/ rtags yod pa dag yin na yang rtags de dang lhan cig blo de mthong med na ji ltar rtags yin pa/ /rtags kyi rjes su 'gro ba mthong ba med par ldog pa tsam gyis go bar byed pa ma yin pa nyid phyir shes
- 294a
pa ma yin no zhes bya ba'i tha tshig go /rjes su 'gro ba med par yang dag par yang gsal ba ma yin pa'i phyir ro/ /gal te bdag la blo 'grub par 'gyur ba de'i sngon du song ba can gyi las kyi g.yo ba grub pa la sogs pa mthong ba la sogs pa mthong ba las de la gzhan la blo rjes su dpag bar bya ba yin no/ /'di ltar rang gi blo mngon sum nyid ma yin na rjes su dpag pa de yod pa ma yin te/ rjes su 'gro ba med ba'i phyir ro/ /de yang ldog ba can spyod pa'i skabs su ston par 'gyur ro/ /ci'i phyir rtags yod na yang rtogs pa med pa yin zhe na /rtags dag ni zhes bya ba smos te /ma mthong ba la gsal byed min/ /gang dang lhan cig 'di'i 'brel pa gzung ba med pa de 'brel pa mthong ba can de ni gsal bar byed pa ma yin no/ / de ltar ni 'gyur mod kyi rtags gang gis bdag nyid la blo sgrub bar 'dod pa'i rtags de nyid las gzhan la blo grub par 'gyur ro/ /de sgrub pas gzhan rjes su 'gro ba las bdag nyid la rjes su dpag pa yin no zhe na/ de de ltar na rtags de nyid las ni sngar 'di na /rjes su 'gro ba dag la rjes su dpag ba las ldar 'di ni grub pa yin bar khas len na rjod par byed na'o/ /bshig bsgrub par bya ba gzhan la yang dpe nyid du blo nye bar 'god pa gang yin pa de yang/ dpe gzhan bsgrub par bya ba nyid yin gyi de lta min na gal te der dpe med par 'grub par 'gyur na/ 'dir yang de bzhin ci'i phyir grub mi 'gyur /de ltar na gzhan yang dpe med pa gzhan grub pa ma yin no/ /de'i phyir dpe gzhan gyi rjes su 'gro na /de'ang zhes bya thug med 'gyur/ des na gcig la yang ma grub pa'i phyir thams cad la rtogs pa med pa de ltar na 'ga' zhig la yang rjes su 'gro ba grub pa ma yin no/ /de lta na ste de'i phyir rang nyid gsal ba'i bdag nyid du skye bar 'gyur ba'i blo las don
- 294b
grub bar 'gyur gyi /don las de blo ji ltar yang grub pa min no/ /ci'i phyir zhe na/ de ma grub na/ yul dmigs pa grub par mi 'gyur na/ don rang nyid rab tu sgrub pa med pa'i phyir ro/ /de ltar na re zhig bdag blo rtogs pa ma yin no/ /bdag la mngon sum blo mi mthong nas kyang /bdag la mngon sum gyi blo de'i 'bras bur gyur pa g.yo 'gul brjod la sogs/ g.yo 'gul dang rjod par byed pa'o/ /sogs pa smos pas ni gdong gi mdangs dang kha dog 'gyur ba mthong ba gang yin ba des/ gzhan semS rjes dpog mi 'gyur ro/ /ci'i phyir zhe na /bdag ste blo la 'brel pa mthong ba med ba'i phyir ro/ /bdag la mngon sum du 'gyur ba yin na de'i g.yo 'gul la sogs pa 'bras bu nyid du 'gyur ba de'i tshe 'brel pa gzung ba can de las gzhan la blo rjes su dpog par 'gyur na/ 'di ltar bdag nyid la de'i rtogs pa ? gzhan yod pa ma yin na/ gang las de dag dang lhan cig 'brel pa gzung ba can gyi g.yo 'gul la sogs pa las rjes su dpog par 'gyur /yid blo la yang rjes su dpag par 'gyur ba ma yin no/ /ci'i phyir zhe na /don rtogs sgrub pa med phyir ro/ /mig la sogs pa'i blo rnams ni don dang ldan pa nyid yin pa'i phyir rjes su dpag par 'dod na yang nang gi nye bar len pa'i bag chags sad pa tsam las byung ba'i dang tshul can phyi rol gyi don la bltos pa med ba'i yid kyi blo gang yin pa de'i don cung zad kyang yod pa ma yin pa de ltar na don las rjes su dpag pa ma yin pas mi rtogs pa kho nar 'gyur ro/ /rnam par rtog pa yid kyi blo ni 'bad rtsol tsam las byung ba'i phyir don dang ldan pa nyid ma yin no/ /de de ltar re zhig mngon sum nyid ma yin par khas blangs nas de skad du bshad do/ /de shes pa gzhan gyis rig par bya bar 'dod pa gang yin pa de la brten nas khyod gyis zhes bya
- 295a
ba smos te /gal te bdag nyid nyams su myong ba'i ngo bo can du blo skyes pa ma yin gyi/ 'on kyang blo gzhan gyis gsal par 'gyur ba de'i tshe/ blo yang gzhan gyis /ji ltar rab tu gsal bar 'gyur/ /rang nyid myong bar khas len pa med par gsal bar srid pa ma yin bas 'dri bar mdzad pa yin no/ /'di la 'dri bar bya ba ci zhig yod /blo snga ma las blo phyi ma skye ba de'i bdag nyid kyi ngo bo yin ba'i phyir 'dra ba las blo phyi mas blo lnga ma gsal ba yin no zhes bya ba ni gzhan gyi yin no/ /gsal min zhes bya ba la sogs pas 'gog par byed do/ /de ltar gsal bya dang gsal byed kyi dngos por gyur pa yin ni 'gal te de la gcig bdag nyid gsal par 'gyur na /gzhan mi gsal ba yang gsal par 'gyur ba de ltar na gsal bya gsal byed par 'gyur te/ sgron ma bzhin dang /bum pa bzhin no/ /gang gi tshe gnyi ga ya'? gsal ba'i rang bzhin can ma yin na yang ji ltar yul gnyis gsal bya dang gsal byed ma yin pa'i mtshungs pa gnyis po de dag las la min bdag nyid mtshungs pa'i phyir/ 'dra ba tsam nyid yin pa'i phyir/ gang las gsal bya gsal byed 'dod/ /de de ltar na blo gnyi ga yang bdag nyid rig pa'i ngo bo yin pa'i phyir /gsal ba ma yin pa'i bdag nyid dag ni gsal bya gsal byed kyi dngos po ma yin te/ 'dra ba tsam las zhes bya bar dogs so/ /gal te 'di rig pa'i ngo bo ma yin par skye bas gsal ba ma yin pa de'i tshe/ don la yang de lta bu'i ngo bo nyid yin no zhes gsal ba zhes bya ba'i tha snyad du mi 'gyur na 'gyur ba yin pa de ltar na/ blo la yang 'gyur ro snyam du bsams nas/ yul ni ji ltar gsal ba yin/ ma yin pa nyid do zhe na/ 'dis ni bdag nyid gsal ba nyid du skyes pas de gsal ba'i ngo bo yin
- 295b
zhes gsal bar brjod pa ni ma yin no/ 'o na ci yin zhe na/ rang nyid gsal ba'i ngo bo shes pa las don gyi ngo bo 'pho bas de'i rnam par skyes pa'i phyir ro/ /de bas na gsal ba'i ngo bo 'pho phyir ro/ /rgyu'i phyir ro/ /shes pa'i bdag nyid /gsal ba de'ang de'i ngo bo ste/ don gyi rnam pa'i bdag nyid du 'gyur te/ shes pa'i bdag nyid du gyur pa nyid kyi phyir /rang nyid rab tu gsal bar byed/ /gsal ba'i bdag nyid du skyes pa'i phyir /don la yang gsal ba zhes brjod do/ /de ltar blo ni khas len na /sngar 'byung ba can yul du mngon par 'dod pa'i blo phyi ma gang yin pa 'di 'dzin bar byed pa'o/ /blo snga ma pa'i ngo bo kun nas 'dzin pa can bdag nyid gsal ba de la blo snga ma don bzhin du gsal bar 'dod pa de'i tshe /dmigs pa tsam bzlog pa ma yin no/ /'on kyang rang nyid gsal bar byed pa'i bdag nyid can blo snga ma gsal bar byed pa'i blo de ni rang rig par grub 'gyur gyi shes pa gzhan gyis myong ba ni ma yin no/ /gzhan du gal te de ltar mi 'dod pa de'i tshe /chos mtshungs can yul yang blo dang lhan cig tu bdag nyid gsal ba ma yin pa'i blo dang lhan cig khyad par can ma yin pa'i blo bzhin du blo dang 'dra ba nyid kyi phyir blo gsal bar byed par 'gyur ro/ /de ltar de'i phyir blo ni rab gsal byed// rang rig gsal bar lo ba ste/ /deng ga 'dod kyi/ blo gzhan gyis gsal bar bya ba ni ma yin no/ /blo 'di la gzhan/ gzugs la sogs pa'i don gyi dngos 'phos pas na/ dang gi rnam par 'jog pas gsal bar gyur pas blo'i bdag nyid du gyur pas blo gsal bar byed pa nyid kyi phyir/ gsal ba yin no/ /de de ltar na dus snga phyir 'byung ba'i ngang tshul can gyi blo dag gsal ba'i bdag nyid du gyur pa na yang blo snga ma sla dmigs nas de dang 'dra ba'i blo skye ba gang
- 296a
yin pa de ni 'dra ba yin na yang phyi ma de ni dus sngar 'byung ba can gyi blo gzhan gsal bar mi 'dod de/ de ci'i phyir zhe na/ rang nyid gsal bar byed phyir ro/ /blo snga ma rang nyid gsal ba'i bdag nyid du skyes pa de myong ba nyid yin pa de ltar na bya ba rdzogs pa dang/ dus phyis 'byung ba can ni phan tshun bsgrub par bya ba dang/ sgrub par byed pa'i dngos po ma yin no/ /gal te 'o na don la ji ltar de dang 'dr ba las blo gsal bar byed pa yin zhe na/ da ltar yang don gzhan du gyur pa'i don 'ga' zhig kyang nges gsal bya ba ma yin te/ 'on kyang don de'i ngo bo blo la 'pho ba'i ngo bo nyid kyis 'di'i bdag nyid du gyur pa gsal bar 'gyur ro/ /ji ltar blo gsal ba'i bdag nyid can gnyis dag phan tshun? gsal bar bya ba dang gsal bar byed pa'i bdag nyid ma yin zhe na/ dper na sgron ma dag ste/ gnyis po dag las gcig gsal ba'i bdag nyid du skyes pa gsal par gyur pa de gsal ba gzhan gsal ba'i nus pa dang ldan du zin kyang gsal bar byed pa ma yin te/ rang nyid gsal ba yin pa'i phyir ro/ /gal te gcig gsal ba ma yin pa'i bdag nyid du gyur pa/ de gsal ba'i bdag nyid du gyur pa skyes pas gsal bar 'gyur ba de'i tshe/ gsal bya ? gsal byed kyi dngos por dper na/ mar me bum pa dag las mar me gcig po gsal ba'i bdag nyid ma yin pa bum pa gsal bar byed pa yin pa de ltar na de rten can/ gsal ba dang gsal ba ma yin pa'i rten can/ gsal bya gsal byed/ byed par gyis/ /'jig rten na/ tha snyad rab tu grags pa yin/ gnyis ga? gsal ba'i bdag nyid dam gnyis ga gsal ba ma yin pa'i bdag nyid de gsal bya dang gsal
- 296b
byad kyi dngos po khas mi len to/ /de de ltar blo gzhan gyis nyams su myong ba'i don nam blo la mthong ba zhes byar nges pa med do/ /don nam blo'i 'di mthon ngo zhes rnam par nges par mi rung ngo/ /rgyal dpog pa blo mngon sum ma yin par smra ba'i yang/ yul dang dbang pa tsam gyis ni/ mthong ba zhe bya nges pa nges pa med/ //de'i phyir gang las mthong pa nges par 'gyur ba 'di de'i 'am/ gzhan gyi yang na dod las gzhan pa'i brjod bya mthong/ don mthong ba'i dus na'o// de yang blo las gzhan ma yin te/ rang rig pa ma rtogs par zhes dgongs so/ /de de ltar na rang nyid kyi rigs pas blo dang rig pa bsgrubs pa rab tu bsgrub pa'i phyir /slob dpon phyogs kyi glang pos rigs pa gsungs pa/ dran pa las kyang zhes bya ba la sogs pas ston par mdzad do/ /dran pa las kyang blo'i tshul gnyis nyid 'ga' zhig tu ma zad kyi blo'i/ /dran pa las kyang bdag rig grub/ /de ltar dran pa gang yin pa de nyams su myong ba nyid yin par 'gyur ro/ /blo yang dran par 'gyur ba de'i phyir dren par bya ba nyid yin pa'i phyir ro/ blo nyams su myong ba yin te yul gzhin no// de ltar sgrub par byed pa na yang gzhan shes pa gzhan gyis nyams su myong ba yin no/ / zhes sems pas grub pa la bsgrub pa yin no snyam pa las/ re zhig slob dpon gyis de smra ba'i grub pa la sgrub pa'i lan bzhag nas rang nyid lan 'debs par bzheng pas shes zhes bya ba la sogs pas nye bar dgongs par mdzad do/ /shes pa snga ma bzhin/ phyis 'byung ba can gyi shes pas myong ba yin na/ khas len par byed na/ yi ge ring sogs 'dzin pa'i 'gyur/ sogs pa smos pas ni thung ngu dang tshad gsum pa la sogs pa gzung ngo//
- 297a
yi ge rna ba'i rnam par shes pas 'dzin par mi 'gyur ro/ /ci'i phyir zhe na/ yun ring gnas pa med pa'i phyir ro/ /'di skad du rdul phra rab gcig mngon par 'dres pa'i dus ni skad cig ma yin la/ skad cig ma du ma 'das pa'i dus kyi mdza' can ni mig 'byed pa dang 'dzum pa gcig yin zhing dus de tsam gyis yi ge a la sogs pa ches shin tu chung ba yang 'grub par 'gyur ro/ /yi ge'i yul can rna ba'i blo'i yang skad cig ma yin pas yi ge 'grub pa'i dus na gnaS ba yod pa ma yin no/ /yi ge'i cha thams cad la yang nyams su myong ba'i blo'i rang rig pa'i ngo bor 'gyur ba ma yin na/ gang gis na de dag thams cad kyis phyis dran pa skyed par 'gyur/ rtog pa dang bcas pa dang rtogs pa med pa'i blo dag kyang cig car mi 'dzin pa'i phyir ro/ /yi ge'i cha gcig chos? shin tu chud bar 'dzin par byed pa skad cig ma tsam gyis 'jig pa yin na de ma thag tu de myong ba ni blo zhes bya ba de las gzhan pa'i yi ge'i cha shes pa chod pa yin de ltar na yi ge ring bo 'dzin pa mi rung ngo zhes bstan par 'gyur ro/ /de ltar na re zhig blo skad cig ma dus ring por mi gnas pa'i phyir ring po la sogs ba 'dzin pa ma yin/ ci ste yan skad cig ma ni ma yin gyi 'on kyang dus ring por gnas pa yin pa de'i tshe /gnas pa ma yin na/ rim bzhin? du sgra du ma sgra'i snang ba gnas par mi 'gyur ro zhes bya ba'i tha tshig go/ der snang ba de ni blo rang gi bdag nyid du gyur pa gcig yin par 'gyur gyi go rim bzhin du ni mi 'gyur ro/ /blo go rim med pa yin na yang rim bzhin du yi ge cha rnams snang bar mi 'gyur ba nas/ cig car snang bar 'gyur ro/ /blo ni cig car snang pa'i phyir/ yi ge rim med/ rim pa med ba'i phyir yi ge ring mi 'gyur/ de ltar na skad gsang mthon
- 297b
bo cig car thos pa las ring po'i blor mi 'gyur ro/ /'o na ci yin zhe na/ blo gzhan dang gzhan la sgra'i cha gzhan dang gzhan la cha du ma'i rim gyis rgyun tu snang ba las yin no/ /de yang gig nyidyin pa'i phyir go rim med pa la cig car snang ba la yod pa ma yin pas na yi ge ring po'i blor mi 'gyur ro/ /gzhan yang gzhan dang gzhan skye bas gcig med pa'i phyir/ rim ldan ji ltar yi ge cha/ skad cig ma tsam gnas pa yin pa'i phyir/ phan tshun 'dre ba med pa can de 'dra ba des blo rim min par ni skyed par byed/ de ltar na rang gi rnam pa can gyi blo bskyed pa'i sgo nas de las phan 'dogs par byed pa nyid skyed par 'dod na gang gi tshe yi ge snga ma snga ma'i cha yod pa'i tshe de'i nus pa'i dus yin no/ /de la gcig gi nus pa la yang de'i stobs las bdag nyid thams cad grub pa'i phyir/ phyi ma'i skyabs yod pa nyid ma yin te/ byas zin pa nyid? la byed po mi rung ba'i phyir ro/ /skyed na yang snga ma'i cha phyi'i dus na med pa nyid kyis rgyu ma yin pa nyid kyi gang las dus mas blo rim ba ma yin pa bskyed par mi 'gyur/ de ltar ni 'gyur mod kyi yi ge snga ma snga ma'i cha skad cig ma gcig tsam gnas pa ma yin na yang gang gis na phan tshun thag nye ba med par go rims dang ldan ba'i yi ge cha/ blo rims pa ma yin pa'i skyed par mi 'gyur ro/ /'o na ci yin zhe na/ yi ge cha snga ma snga ma byung bas/ yi ge'i che tha ma'i bar du gnas pa yin no/ /de ltar yi ge cha snga ma tha ma'i gnas na/ khas len ba med na rgyu mtshungs pa'i 'bad rtsol gyis bslad pa'i yi ge a la sogs pa de'i cha snga ma snga ma gnas pa las phyi ma phyi ma ste/ yi ge'i cha phyi ma phyi ma 'phel bas sgra tsam 'gyur mnyan pa mtshungs bar mi 'gyur ro/ /'on kyang go rim gyis skad gsang mthon por thos bar mi 'gyur ro/ /gzhan
- 298a
yang gal te yi ge'i cha snga ma snga ma yi ge'i cha tha ma'i dus ma 'jigs par 'gyur ba de 'i tshe/ yi ge'i cha thams cad kyi tha mar te/ yi ge'i cha tha ma'i dus na 'brel pa cig car 'dzin par 'gyur gyi/ rims kyis ni ma yin no/ /rim min par ni 'dzin pa'i phyir/ rgyu'i phyir rim ldan blo mi 'gyur ro/ /yi ge'i cha rim bzhin du 'dzin pa can du blo gzhan dang gzhan ni 'grub? ba?/ de lar ni ring por 'dzin pa ma yin no/ /dus mtshung pa du ma yang thos pa'i phyir/ ring po'i blo ma yin no/ /de phyis yi ge cha tha ma'i dus ni yi ge cha gcig tu gyur pa cig car 'dzin pa las phyis sgir? cig ma nyid kyis/ blo ni gnas pa med/ gnas pa yod pa ma yin na gang gis dus cung zad rjes su 'jug par 'gyur ba'i blo ring po la sogS par 'gyur/ ci'i phyir zhe na/ yul ni gnas med phyir/ yi ge'i cha yul du gyur pa dus phyis gnas pa med pa'i phyir ro/ /zhes bya ba'i don to?/ /dus mtshungs pa can gyi yul dang yul can gyi dngos po khas len pa la de skad ? no/ / gnas na rang nyid/ ci ste blo de dus phyis gnas pa de'i tshe blo de phyis kyang ni/ mi 'thig dus thams cad du gnas par 'gyur ro/ /ci'i phyir zhe na/ bye brag med phyir ro/? 'jig pa med pa'i? snga ma las khyad par med pa'i phyir ro/ /blo cig car skye ba yun 'di por gnas pa yin na bstan ma thag pa gang yin pa'i cig car skye la skyon 'di yin/ yi ge'i go rim med pa'i 'o/ /gang las rig? na /gang la yi ge'i go rim gnas pa la 'od/ khas len par byed pa la blta bar bya'o/ gal te du 'ga' zhig tu cig car skye ba yi ge go rim med par cig car skye ba gnas pa de'i tshe 'di'i dus ring por gnas par 'gyur te bye brag med pa'i phyir ro/ /'dir 'di ni skyon gzhan yin nye/ rtsol las cig car
- 298b
'byung ba'i phyir/ rtsol le pa gcig las yi ge'i go rim med par skye bas na rtsol ba las cig car 'byung ba'i rgyu'i phyir/ rtsol ba phyi ma don med 'gyur/ /gal te ci la ba'i phyi ma phyi mas yi ge'i cha 'ga' zhig grub par 'gyur ba de'i tsha dbang? rtsol de'i yi ge ring bo dang tshad gsum ba'i 'bras bu dang ldan par 'gyur na/ 'di ltar 'bad? rtsol? las cig car yi ge'i go rim med par 'byung bar 'gyur ba de ltar na/ de med ba nyid yin no/ /yi ge rnams gsal pa yin yang/ skyon de dag ni thob par 'gyur/ gang yang rung dang 'brel pa dang ldan pa dang rnam par dbye ba'am/ sgra tsam dag gis yi ge'i 'jig nyid go rim med? la gsal ba yin no snyam du sems pa de'i yang 'bad rtsol las cig car go rims de ba gsal ba yin pa 'bad rtsol phyi ma phyi ma don med par 'gyur ro/ /de de ltar ni 'gyur mod kyi yi ge'i yan lag du ma'i rang gi shes pas? ? dam pa 'dzin par 'gyur ro/ /yi ge'i yan lag 'dzin ba tsan gyi blo de dag ni yi ge'i cha thal 'dzin pa'i ngang tshul can gyi blo des nyams su myong bar 'gyur ro/ /nyams su myong ba des blo ring po la srog par 'gyur zhe na/ rtog pa 'di yod pa ma yin te rang gi blo de'i de ma thag pa'i blo? dug? de bzhin yi ge gzhan 'dzin ba na yod pa ma blo tha ma gang? yin pa de ni myong 'gyur na/ blo gzhan gyis so/ /de lar na yi ge'i yan lag gi yul can gyi rnam pa'i blo? snga ma gang yin pa de rang nyid blo gzhan gyis rang nyid dam gzhan gyis nyams su myon ba ma yin pa'i rang bzhin tha ma gang yin pa de yang blo gzhan gyis nyams su myong ba ma yin pa'i rang bzhin tha ma yang yin pa de yang blo gzhan gyi nyams su myong bar gyur pa de ltar na yang yi ge'i tha ma 'dzin par byed pa zhes bya ba de yang ring po la sogs pa'i yi ge 'dzin byed
- 299a
min des na ste/ de'i phyi'i yi ge'i yul can? ring blo dran mi 'gyur ro/ /de ltar na yi ge'i yan lag tha ma'i blos ring po nyams su myong ba ma yin no/ /ji ltar nyams su myong ba bzhin du dran pa zhes pa gang gis kyang ring po blo dran par mi 'gyur na/ dran pa yang 'gyur ba de'i phyir/ rtog pa de yang rigs pa ma yin no/ /ci ste skyon der ma gyur cig snyam? mo pas yi ge'i yul can gyi blo re re de ma thag pa de nyams su myong ba'i mtshan nyid can gyi blor 'dod do zhe na/ de de ltar na blo rnams so sor tha dad pas bdag nyid ji lta ba bzhin gyi blo rnams kyis myong ba yin par 'dod na/ de sgra thos pa ni yi ge ring po la sogs pa thos na'o/ /chod pa med par snang mi 'gyur/ yi ge'i cha 'dzin pa'i shes pa dag gis chod pa 'dzin par 'gyur ro/ /de ltar na ring po'i blor mi 'gyur ro/ /rnam par chod pa thos na yang rmongs par 'jug pa myur ba las chod pa med par zhen pa yin no zhes bya ba yang yod pas ma yin te/ 'di ltar bsre bar byed pa yang gsal ba ma yin/ de gzhan la yang mtshungs pa yin zhes bya ba la sogs pas so/ /gzhan yang gal te 'dis/ skyes bus chod ba thos na yang mgyogs po'i phyir/ rnam chod med par 'phrul 'gyur na/ dei'i tshe yig thung gnyis dag ni brjod pa na? tshong ba med par 'khrul par 'gyur/ dbang po las chod/ mthong na yang rna ba'i rnam par shes pa las yi ge'i thos ba rnam par chod pa yod na yang tshod/ med sgro 'dogs dbang po las rnam par chod pa med 'khrul pa mi rung ngo/ /ci'i phyir zhe na/ dbang po'i blo thams cad/ phyin ci log tu thal phyir ro/ /gzugs dang sgra dang dri dang ro'i shes pa rgyun chad pa med par snang ba dag kyang nyams su myong ba'i shes pa rnams kyis rnam par chod pa'i phyir ro/ /rtog pa'i shes
- 299b
pa yang de bzhin du 'gyur gyi dbang po'i shes pa ni ma yin no zhes bya ba'i tha tshig / //ched ma rnam 'grel gyi 'grel pa/ bam po sum cu rtsa lnga pa/ de bas na yi ge a la sogs pa'i ming can gyi/ yi ge'i bda gnyid kun mdza' yang/ mig 'dzum tshad du? gnas pa can/ /'di la mig 'dzums pa'i tshad du gnas pa yod pa zhes bya ba'i tshig rnam par sbyar ro/ /mig 'dzums ba'i dus tsam gyis grub pa'i chos can zhes bya ba'i tha tshig go /mig 'dzums pa de yang rim gyis rdul du ma/ bsgres pa yis ni/ rdul du ma 'das bas /mthar phyin pa ste/ yongs su rdzogs par gyur pa'o/ /dul gcig bsgres pa'i dus dag kyang/ /rdul phra rab gcig bsgres pa'i dus dag kyang dus chung char phye bar mi nus pa skad cig ma nyid du 'gyur ro/ /gzhan ni rdul phra rab gnyis dang gsum bsgres pa la sogs pa'i khyad par gyis dus tha dad par dbye bar nus pa nyid kyis na/ dus kyi mdza' mi rung ba'i phyir ro/ /skad cig ma? de tsam gyis ni blo thams cad kyi skad cig ma yin te/ yi ge rnams ni skad cig ma du mas mngon par 'grub pa'i chos can dag yin no/ /rim de las/ yi ge rnams ni blos 'dzin par 'gyur/ /yi ge 'dzin pa can gyi blos mi gyis rtogs pa rang 'dzin pa can gyis bar du chod pa yin pa de ltar na yi ge ma chod pa 'dzin pa gang las yin/ yi ge rnams chod pa thos pa na yang de dag la chod pa med par 'khrul pas dbang po'i/ blo rnams yin pa de'i tshe/ de lta na rim gyis yi ge dbang po dag la 'dzin pa bar bcas pa dang gzugs la sogs pa na yan skad cig ma'i blos 'dzin ba na'o/ /gzhan gyis rnam bar chod na yang/ de nyams su myong ba'i blo chod na yoang yi ge 'dzin pa bzhin du tshong ba med par snang ba can/ chod pa med pa/ blo kun log pa'i don can 'gyur ro/ /dbang po'i?
- 300a
'khrul pa las gzhan du/ /dbang po'i 'khrul pa ni bsre? bar byed pa ma yin na? yang/ 'khor lo la sogs pa'i rnam par cig car bsre bar snang ba yin gyi/ de'i khyad par mtshen pa med par don bsre bar 'khrul pa ma yin no/ /ji ltar de nyid 'di yin no zhes chod pa gzhan dang gzhan mthong ba yod na bsre ba ngo shes pa'i ngo bo dran pa bzhin du don gcig tu smad ba'i dbang po la brten pa ni ma yin no/ /dngos po rnams ni bsre byed pa/ dngos po gzhan dang gzhan skyes pa phan tshun mtshams sbyor ba can ma yin pa dag la de nyid 'di yin no zhes sbyor ba gang yin pa de ni/ tha dad mtshon med 'khrul pa can/ /don snga phyi tha dad pa dag yin na yang nye bar mtshon pa med pa'i rgyus 'khrul pa/ dran pa gang de rnam rtog yin/ dbang po'i shes pa ni ma yin no/ /bstan ma thag pa'i dran pa gang yin pa de yang rnam par rtog pa yin te/ de brjod pa dang 'dre ba can/ ngo shes pa/ gsal snang nyid ni gang las yin /gang gis 'di ni yi ge ring po la sogs bar snang ba 'dzin par 'gyur ba/ dbang po'i shes par gsal bar snang ba gang yin ba de ni sgra dang 'dres pa ma yin te/ 'di ltar dbang pos gzung ba'i don la sgra sbyor ba/ yod pa min zhes bshad zin to/ /sngar bstan zin to/ /gang gi tshe rnam par shes pa gang gis yul la sgra ma sbyor ba de'i tshe/ de dang 'brel pa de shes pa de ma yin pa de ltar na/ rnam par rtog pa med pa'i phyir dbang po'i rnam par shes pa ni gsal bar snang ba can yin pas na sngon nyams su myong ba'i don ngan par nus pa ma yin na de nyid 'di yin no zhes snga ma phyi ma la sgro btags nas 'dzin par 'gyur/ gang gis na thos pa'i rang gi shes pas bsgrubs pa yin na yang yi ge'i ring
- 300b
po la sogs pa thos pa chos ba med par snang bar 'gyur/ de ltar ni 'gyur mod kyi/ chod pa dbang pos mthong ba yang gal te rtog pa sbyor byed na/ /rang gi shes pa la chod pa nyid yin na don gzhan dang gzhan mthong ba yin zhing 'di bsde bar byed ba yang ma yin mod kyi 'o na kyang shes pa la/ shes pa rjes su dpyod pa'i rnam par rtog pa'i rnam par shes pas de nyid 'di yin no zhes sbyor bar byed do zhes don mthong ba de shes pas chod pa nyid grubs ma yin no zhes bstan par bya ba'i phyir/ don dang zhes bya ba la sogs bas 'gog par byed do/ /don ni gzugs la sogs pa dang nyams su myong ba na 'dzin pa'i rnam par bgrng ba'i don myong ba ni chod pa med par snang ba'i mtshon par byed pa de dag ni/ don dang de nyid nyams su myong ba'i rgyun gyis shes ba'i shes pas chod pa med par snang bar gyur pa dag rigs dam gnod pa can med na ji skad du bshad pa'i mtshan nyid can gyi gnod pa can gyi tshad ma yod la ma yin no don dang de myong ba de dag shes pa'i shes pas/ chod pa zhes bya ba gang yin pa de gang las gang gis na dbang pos chod pa ma mthong ba la yang rtog pas sbyor ba yin no zhes brjod pa de ltar na re zhig gang zhig ji ltar snang ba'i shes pa de ni de ltar tshad ma yin no zhes bya bar rigs te shes pa'i dban gi shes bya rnam par bzhag pa'i phyir ro/ /de ltar na shes pas shes bya rnam par bzhag pa la tshad mas gnod pa yin na rnam pa gzhan du 'gyur ro/ /gang gi tshe de ltar yin pa de'i tshe de ni de la/ tshad mas gnod pa med pa tshad ma nyid yin no/ /de ltar na don dang de myong ba chod pa med par snad pa de dag gal te chod pa med pa la gnod pa can gyi tshad ma yod par 'gyur na de de ltar 'gyur ro/ /gang gi phyir yod ma yin pa de ltar
- 301a
na gang las chod ma yin/ de ltar ni 'gyur mod kyi/ gal te blo nus nges pa'i phyir zhe na/ re zhig don mthong ba des bdag nyid myong ba ma yin bas na/ shes pa gzhan gyis myong ba yin no/ /shes pa gzhan de yang cig car 'jug pa ma yin na/ /shes pa gzhan de yang cig car 'jug pa ma yin te/ blo snga ma snga ma blo re re bskyed par byed pa'i phyir don shes pa'i shes pa de ltar na chod pa mthong ba yin no shes 'dir cig car blo gnyis mi skye ba'i nyes pa gang yin pa de ni gang las 'dod/ 'di la'ang nges par byed pa'i tshad ma med pa'i phyir/ shes pa cig car skye ba gang gis bzlog par nus zhes bya bar dgongs so/ /'di ltar ni 'gyur mod kyi /gal te cig car blo mthong med/ /blo cig car mthong ba des na /nges par byed pa ma mthong ba yin no zhe na /gal te de lta yin na/ /mthong ba chod pa ci zhig mthong ba gang gis na de ltar 'dod/ ci ste chod pa ma mthong na yang dpyod pa las de grub pa yin no zhes 'dod pa de'i tshe 'o na cig car blo ma mthong ba yang rgyu ma yin no/ /de 'di nyid ni rnam dpyad bya/ /ci rnam pa shes pa cig car skye ba ma yin pa yang gang gis na shes pa dang shes pa cig car med pa'i phyir ro/ chod pa mthong ba zhes bya ba 'di'i rgyu ci zhig yin te/ lung ni 'di yin/ /'di ltar sems gnyis lhan cig 'byung ba gang yin pa 'di ni gnas ma yin te go skabs med do zhes 'byung ba yin no zhe na/ 'di yang rnam pa gzhan du 'gyur ba yin no/ ji ltar rnam pa gzhan du yin zhe na/ ji ltar blo de rnam rigs mthun pa dag las rnam par shes pa bya ba la/ shes pa re re skyed par byed pa'i mtshan nyid can gyi nus pa nyid ni nges 'gyur te/ bcom ldan 'das kyis 'di
- 301b
skad du rigs mthun pa'i blo gnyis cic car byung ba bzlog par mdzad pa yin no zhes bya ba'i tha tshig go/ de yang rigs pa yin te/ 'di ltar rnam par rtog pa rnams/ rim gyis 'byung ba yang dag rtogs pa nyid yin no/ /yid kyis ngon la spyod pa na ming dang 'dres pa can yin no/ /de yang rnam par rtog pa'i shes pa'i rim bzhin du yi ge'i go rim la dmigs pa can yin pa de ltar na rnam par rtog pa gnyis cig car 'byung ba yin no/ /ji ltar 'di la yin pa de ltar dbang po'i shes pa dag la ya cig car rim bzhin du 'byung ba yod na rnam par rtog pa bzhin du dbang po'i shes pa dag gi yang go rim rtogs par bya'o/ /dbang po'i shes pa gcig car du skye ba mi srid pa 'dis ni/ rgyal dpog pa/ gang gis mngon sum don/ mngon sum gyi don la ngo shes pa'i rtog pa la mngon sum gyi rtog par byed pa gsal bar snang ba'i phyir/ rgyu'i phyir rtog pa ni mngon sum rnam par bzlog pa yin/ ji ltar ngo shes pa'i rang bzhin gyi rtogs pa de mngon sum gyi tshad ma ma yin no/ /de ltar na rigs mthun pa'i rnam par shes pa yang cig car mi 'byung zhing rnam par? rtogs pa'i rnam par shes pa yang cig car 'jug pa ma yin no zhes gzhan yang 'dod do/ /gang gis de nyid yin no zhes de bsre bar byed pa des ngo shes pa'i rnam par rtog pa de nyid gsal bar snang ba yin no/ /snyam du sems na/ ngo shes pa gsal bar snang ba mngon sum gyi tshad ma nyid du 'gyur ba ni rigs pa ma yin te/ gcig nyid 'khrul pa'i phyir ro/ zhes bstan pa'i phyir/ skra dang sgong dang mar me la sogs/ zhes bya ba la sogs pa smos so/ /skra bregs pa la yang skye ba dang /rgyu
- 302a
ma'i sgong gzhan dang gzhan /mar me'i skad cig ma la sogs pa gzhan dang gzhan la rtogs pa nyid sna tshogs pa nyid yin no/ /de ltar na rtogs pa tha dad can la'ang/ skra dang sgo nga la sogs pa dag la gsal bar yod gal te gsal bar snang ba de'i phyir de nyid 'di yin no zhes bya ba'i ngo shes pa'i blos mngon sum nyid thob par 'gyur na 'dir yang don dam par tha dad pa gsal bar snang ba'i rgyu nyid kyi phyir mngon sum yin par mi 'gyur ro/ /de nyid kyi phyir ji ltar na gsal bar snang ba mngon sum de dang 'dra bar 'gyur/ zhes smos te/ 'khrul pa yin par bstan to/ /gang gi phyir de ltar ngo shes pa 'khrul pa yin pa/ de phyir ngo shes pa las ni/ yig sogs gcig nyid nges pa med/ sogs pa smyos pas ni gzugs la sogs pa bzung ngo/ /ngo bo shes pa de yang dbang po la brten pa ma yin no/ /gsal bar snang ba dbang po la brten pa de yang gzhan nyid yin la ngo shes pa rnam par rtog pa yang gzhan yin no/ /gang gi phyir sngon nyams su myong ba dran pa dang/ sngon nyams su myong ba rjes su dran pa dang/ gang de chos sgro 'dogs/ sngon nyams su myong ba'i don gyi rang gi ngo bor sgro 'dogs pa de med par ni de nyid 'di shes med na/ 'das pa'i don 'dran pa dang gcig nyid du sgro 'dogs par ngo shes par 'gyur ro zhes bya ba'i tha tshig go/ sngon nyams su myong ba'i dran pa dang de'i chos su sgro 'dogs pa de yang gang las dbang skyes kyi zhes pa yin te ma yin no/ /'gyur na yang yid kyi rnam par shes pa bzhin du don rtogs pa'i phyir de las thad dad pa med par 'gyur ro/ /gal te khyod cig car shes pa mi 'gyur ba bkag pa de'i tshe shes pa'i shes pa dang mthong ba cig car
- 302b
'gyur ro zhes khas blangs pa'i phyir lhan cig 'byung ba'i shes bas myong bar 'gyur ro zhes gzhan ngag sems so/ /de yang don shes pa myong ba dag don gyi shes pa dang de shes pa cig car 'byung bar rigs pa ma yin no zhes dam bcas pa'o/ /de gang las yin/ 'di ltar gang phyir don dang shes pa dag/ don dang shes pa de dag gnyis su so sor snang ba rtogs ba med/ 'di skad du gsal te/ don shes pa gcig dang de 'dzin par byed pa de dang lhan cig 'byung bar 'gyur ba de'i tshe/ don gyi shes pa gcig ngon du snang bar mthong bar 'gyur zhing de nyid kyi tshe nyams su myong ba'i shes pa don dang 'dra ba 'dzin pa'i phyir de'i shes pa yang don gyi rnam par snang ba gcig car rtogs par 'gyur na/ 'di ltar shes pa cig car snang ba 'di gnyis ni tha dad pa rtogs pa ma yin no zhes rtags par 'gyur ro /de nyid ni don du snang ba'i zhes bya ba la sogs bas 'chad par byed do/ /de ltar ni don du snang ba'i rnam shes dang/ phyi rol gyi ni don 'ba' zhig /ces bya ba'i don du snang pa gnyis su 'gyur na yang 'gyur ba yang ma yin no/ /ci ste 'gyur ba na yang shes pa de dag gi don du snang ba gnyis tha dad pa yin mod kyi 'on kyang rnam pa gcig pa can gyi rnam par rtog pa'i blos phyi mas/ shes pa rnam pa gcig pa can du 'dzin pas de ltar zhen pa yin no/ /gal te 'di ltar te shes pa de dag 'dod pa de'i tshe yang rigs pa ma yin te/ tha dad med par thal ba'i phyir ro/ /blo rnam pa tha dad pa med pa dag gis dngos po rnam pa tha dad pa yin no/ /gang gi tshe shes pa de dag blo rnam pa gcig pa can gyis yin pa de'i tshe bdag tha dad par 'gyur ro/ /gzhan yang don dang shes/ don dang don shes pa 'di gang gi tshe myong ba'i
- 303a
tshe/ nyams su myong ba'i dus na legs par rtogs pa gsal ba'i khyad par gyis rtogs pa med 'gyur ba de'i tshe/ ji ltar gang de dag phyis ni so sor te/ so sor tha dad par 'gyur/ /dran par mi 'gyur na 'gyur te/ dper na don 'di 'dra ba dang shes pa 'di 'dra bar 'gyur ro zhes bya ba lta bu'o/ /de'i phyir don du snang ba gnyis rtogs pa med pa'i phyir cig car don shes pa dang shes de shes pa ma yin no/ /don shes pa dang de shes pa cig car skye ba yin na don du snang ba dang 'dra bar shes pa snang ba rtogs pa yin no zhes bya ba/ snang ba sna tshogs pa nyid kyi rtsod pa'i skyon/ gang yin par don gdon par dka' / /lan gdab par dka' ba yin no/ /'di ltar don dang don gyi yid dag ni/ myong ba'i rim bzhin skye na yang don gyi shes pa dag rim bzhin skye bar 'dod na snang ba gnyis rnam par chod par mi 'gyur na/ rnam par chod par rtogs par 'gyur te/ de ni de ltar yang ma yin te/ de ltar sngon po la sogs pa'i/ /rnam pa gcig rtogs 'gyur zhing/ don gyi shes pa dang ma 'dres pa'i 'ba' zhig myong ba gcig rtogs 'gyur gyi sngon po snang myong ba'i/ sngon por snang ba'i myong ba'i myong ba de'i yul don gyis shes par rnam par snang ba gzhan gyi myong ba so sor rtogs pa ma yin na/ gang gis na don shes pa shes pa gzhan gyis myong ba nyid du sgrub par 'gyur/ shes pa gzhan gyis nyams su myong ba nyid yin na yang gdon mi za bar ji skad du bshad pa'i snang ba dag gis myong bar 'gyur ba yin te/ cig car ram rim gyis don du snang bas sam de'i shes par snang ba yin pas na de dag ni yin no/ /rang rig pa la ni thal ba 'di yod pa yang ma yin te/ don gyi shes pa nyid ni
- 303b
gsal bdag nyid du skyes pa'i phyir don gyi rnam pa dang myong ba'i rnam pa gcig nyid yin par 'gyur ro/ /de de ltar na re zhig bstan bcos mdzad pa rang nyid kyis grub pa la sgrub pa btsal ba yin no/ /da ni slob dpon gyis grub pa la sgrub pa gsal ba shes pa gzhan gyis zhes bya ba la sogs pas gzhung 'jugs par byed do/ /sngon zho la sogs pa'i yul can gyi shes pa gzhan gyis rjes su myong bar 'gyur ba zhes bya ba de lta yin na yang shes pa'i shes pa la yang dran pa gang yin pa de mi 'gyur te/ de rang nyid nyams su myong pa med ba'i phyir ro/ /'di ltar shes pa gang gis shes pa nyams su myong ba yin no zhes 'dod pa de la yang shes pa la dran pa skye bar 'gyur ba mthong ste /dper na nga'i shes pa shes par 'gyur ba yin no zhes bya ba lta bu'o/ /nyams su myong ba ma yin pa dran pa ma yin no/ /gang gis de ni myong ba bzhin/ gal te rang nyid kyis de'i bdag nyid nyams su myong ba ma yin par 'dod na gang gis shes pI sheS pa nyams su myong ba yin/ de ltar ni 'gyur mod kyi/ gal te gzhan gyis de yin na/ shes pa'i shes pa de yang shes pa gzhan gyis nyams su myong ba yin no zhe na/ 'dir phyogs snga ma de la shes pa'i shes pa tha ma la yang dran pa mthong ba de ltar na shes pa gzhan gyis nyams su myong ba thug pa med pa yin no/ /de ltar na dran pa'i sgo nas kyang yul gzhan la 'pho ba med pa'i skyon slob dpon gyis bshad pa gang yin pa re re zhig gzhan? nas rnam pa gzhan du yul gzhan la 'pho ba med pa bstan pa'i phyir/ shes rig ces bya ba la sogs pas gzhan la 'dri bar mdzad pa yin no/ /don gyi shes pa la skyes pa na de'i shes pa dang yang de'i shes pa'i shes par ltar na brgyus pas yin
- 304a
pa de ltar na shes pa'i nyams su myong ba rnams kyis/ shes rig phreng ba gang yin pa 'di'i na shes pa'i nyams su myong ba'i phreng ba'i rjes su 'jug can/ rgyun chad pa med par 'di bya ba gzhan med pa can gang gis skyed/ re zhig don ma yin te/ rtsa ba'i rnam par shes pa'i yul nyid yin pa'i phyir ro/ /snang ba 'am dbang po yang ma yin te/ don gyi shes pa la nye bar sbyor ba'i phyir ro/ /rgyu med par yang ma yin te/ thams cad la thams cad kyi tshe bdag nyid thams cad kyis skye ba'i phyir ro/ /'di'i skye ba de gang la yin brjd par bya'o/ /de ltar na ni 'gyur mod kyi/ gal te de nyid snga blos yin/ blo snga ma snga ma gang yin pas rang nyid 'dzin par byed pa'i blo phyi ma phyi ma de nyid skyes par byed pa yin no zhe na/ gal te de ltar yin pa de'i tshe/ yul gzhan las ni 'pho mi 'gyur /don gcig gi yul can gyi shes pa gzhan dang gzhan ni 'khor ba ji srid pa'i bar du 'jug pa de ltar na/ yul gzhan la shes pa cung zad kyang 'jug par mi 'gyur ro/ /ci'i phyir zhe na /gzung ba skyed byed las gzhan min/ 'on kyang de ltar skyed par byed pa nyid yin pas gzung ba'i mtshan nyid yin pa'i zhes 'chad par 'gyur ro/ /des na gzung ba'i mtshan nyid kyir gyur pa nye ba ste nye ba nyid skyed byed yin no zhes bya ba 'dis ni 'dis ma thag pa ston par byed pas/ rgyu gcig la gnas ba nyid bshad do/ /de de ltar na nye bar len pa'i ngo bor skyed par byed pa'i/ blo de dag gzung ba med par shes pa phyi mas ji ltar bzhin yul gzhan 'dzin par 'gyur ro/ /blo snga ma de nyid thag nye ba blo phyi mas 'dzin par 'gyur ro zhes brgyud pas yul gzhan la 'ong? bar mi 'gyur ro/ /de ltar na blo snga ma de bdag la shes pa bskyed pa'i
- 304b
rang bzhin la nges par gnas pa/ bdag la shes pa bskyed pa'i rang bzhin du gnas pa'i blo nang yan lag rang 'dzin par byed pa'i shes pa skyed pa la nang gi yan lag tu 'gyur ba/ de bdag la phyi yan lag gzhan/ gang gis te/ gzugs la sogs pa'i yul 'ga' zhig gis gags ni byed par 'gyur/ gang gis ni de ma gtogs par shes pa phyi mas yul 'dzin par 'gyur/ de ltar na yul gzhan la 'pho ba med pa nyid kyi gzhung btsugs pa yin no/ /phyi rol don ni nye bas kyang de la/ gags byed pa yin no zhes bya ba yod pa ma yin te/ nang gi yan lag tu gyur pa'i blo de la phyi rol gyi don nye ba la yang gegs byed nus pa med nus pa ma yin te/ phyi ma'i yan lag nyid yin pa'i phyir ro zhes bshad zin to// gzhan yang phyi rol don nye bas kyang de la blo de 'dra ba gags byed par 'gyur de'i tshe/ gzhan du don ni nye ba na/ nye bar gyur pa na skyes bu 'gas bdag blo myong bar mi 'gyur ro/ de ltar na don blo dang blo gcig gis nyams su myong ba 'gog par 'gyur ro/ /gang gi tshe blo'i don gags byed pa de'i tshe/ srid par rgyu? ba can lnga la don nye ba can gnas skabs 'ga' yod min gang gis na 'ga' zhig gi tshe gegs byed pa med pa'i phyir 'ga' zhig gis blo nyams su myong bar 'gyur/ de'i phyir blo 'ga' zhig kyang nyams su myong ba med pa'i rgyu'i phyir/ blo'i dran pa can yang rtsa nas bton pa dang/ rgyu mtshan med par gyur pa'o/ /'ang? gi sgras ni nyams su myong ba 'ga' zhig ma yin gyi blo de'i dran pa yang rgyun chad pa ste/ med pa yin no/ de ltar 'dod pa mdzis? zhes bya ba ni dpyas pa yin no/ /mig la sogs pa shes pa'i gang yin pa de dag la don nye ba na yod pa la gegs byed pa yod pa'i phyir/ yul gzhan la 'pho ba ni blo ste/ 'das pa la
- 305a
sogs pa'i rnam rtogS? rnamS?/ 'bad rtsol las 'byung ba'i ngang tshul can/ gang la phyi rol gyi don la reg pa med pa 'am/ nye ba la bltos pa med pa rnams la don ni nye ba med pa ste dag? bar rtog pa'i shes pa brgyud yin pa de/ skyed pa la gags byed pa yod pa ma yin pa de ltar na 'pho bar byed pa'i don med pa'i phyir shes pa 'dzin pa las gzhan du 'pho ba'i rgyu yod pa ma yin no/ /'pho ba'i rgyu ni med pa'i phyir ro/ /rtag tu rnam par rtog pa'i shes pa'i shes pa brgyud pa yin pa de ltar na don gzhan zhig la rnam par rtog pa dpyod pa 'byung bar 'gyur ro zhes bya ba'i don la dpyod pa rgyun chad 'gyur te/ don la dpyod pa zhes bya ba cung zad kyang yod do zhes bya ba'i gtam der yang mi 'gyur ro zhes bya ba'i tha tshig go /gal te shes pa skyed par byed pa tha mar gnas la ste bdag gi yul shes pa skyed par byed pa'i nus pa rim gyis zad par 'gyur bas/ 'di'i shes pa bskyed par byed pa'i nus par zad par 'gyur bas rang gi yul shes pa skyed par byed pa ma yin no/ /de ltar na shes pa yul gzhan la ni 'pho ba yin na/ yul 'dod pa'i de'i tshe/ sngon blo'i nus pa zad yin na/ gang las don blo de'i de nyid yin/ yul gcig las skyed pa'i shes pa brgyud pa yin na/ shes pa tha ma'i nus pa zad pa'i phyir/ yul gzhan la don mthong ba na nye bar len ba'i rgyu cung zad kyang yod pa ma yin pa de ltar na mi skye ba nyid du 'gyur ro zhes bya ba'i tha tshig go/ de ci'i phyir zhe na/ gang gi phyir/ sngon blo med par blo ma yin/ blo snga ma nus pa can med pa blo phyi ma 'byung bar mi 'gyur ro/ /de nyid kyang gang las she na/ gzhan la chags pas nus bral ba'i/ shes pa yul gzhan la sogs pas shes pa snga ma nus ba med par byas gyur pa yin na/ shes pa skye ba med phyir ro/ /rang gi yul nye ba na yod
- 305b
pa na yang shes pa skye ba mi dmigs pa'i phyir ro/ /shes pa phyi ma shes pa snga ma la bltos ba snga na nus pa dang bral ba zhes bya ba la bltos pa med pa yin na/ phyi ma bltos pa med par skye ba can de ci'i phyir nye bar mi 'gyur/ de de ltar na shes pa snga ma'i rjes su byed pa'i phyir/ de'i 'bras bu nyid yin no/ /gal te de ltar na rnam par shes pa snga ma rnam par chags pa dang/ rnam par g.yeng ba la sogs pa'i rjes su byed pa'i phyir/ phyi ma'i de nye bar len pa'i rgyu nyid yin pa de'i tshe/ kun gzhi rnam par shes pa nye bar len pa'i rgyu las cig car 'jug pa'i rnam par shes pa 'jug par 'gyur ba gang yin pa de'i yid kyi rnam par shes pa yul gzhan la chags pa 'am chags pa med pa yin no/ /de ltar na de la chags pa yod na yod yul gzhan la shes pa 'jug par 'gyur na 'jug par yang mi 'gyur ba de'i phyir /kun gzhi'i rnam par shes pa ni nye bar len pa'i rgyu ma yin gyi/ 'on kyang yid kyi rnam par shs pa kho na yin te/ de'i rjes su 'gro ba dang ldog pa'i rjes su byed pa'i phyir ro zhe na/ de skyon de yod pa ma yin te/ 'di ltar cig car rigs mi mthun skye na/ cig car kun gzhi rnam par shes pa nye bar len pa'i rgyu las rigs mi mthun pa'i rnam par shes pa rnams skye bar khas blangs pa na kun gzhi'i rnam par shes pa rnams skye bar khas blangs pa kun gzhi'i rnam par shes pa ni cig shos ni phan tshun rgyu dang 'bras bu'i dngos por yod pa yin pa de ltar na/ shin tu gsal ba'i sems gcig gis/ yul gzhan la chags pa nus pa dang bral ba 'jug pa'i rnam par shes pas kun gzhi'i rnam par shes pa nyid de las gzhan pa'i shes pa skye ba la nus pa med par byas pa can kun gzhi las rnam par shes pa gzhan du 'byung ba
- 306a
med ? yul gzhan du 'dzin pa'i dang tshul can gyi mig gi rnam par shes pa la sogs bar 'jug par mi 'gyur ro/ /de de ltar na rnam par shes pa nus pa med pa ma yin pa snga ma ni phyi ma'i rgyu yin no/ /gal te rgyur mi 'gyur ba nga'i tshe?/ da lta min na yid 'jug/ shes pa snga ma 'jug ba gang yin pa de mtshungs pa ste nus pa yin no/ /yid gzhan la shes pa phyi ma skye ba la bltos mi 'gyur/ gzhan la chags pa la sogs pas nus pa med pa yin na yang nus pa med pa ma yin par mi 'gyur ro/ /sems nus pa yod pa la bltos pa de'i phyir/ mig gi rnam par shes pa la sogs pa'i rkyen ji lta ba bzhin du cig car yang 'byung bar 'gyur gyi/ yid kyi rnam par shes pa ni ma yin no/ /'on kyang yid kyi rnam par shes pa dag ni rim bzhin du skye bar 'gyur ro/ /? yang yid shes rim bzhin skye ba yang/ bltos pas rab tu grub pa yin/ shes pa snga ma snga mas nus pa med pa yin pa bltos ba med pa phyin phyi ma dag rim pa bzhin du skye bar bstan to/ /de ltar na shes pa ni gcig nyid kyi rgyur 'gyur ba de ltar na yod shes pa re re bzhin du skye bar 'gyur ro/ /de lta ma yin na gal te shes pa skyed bar byed pa'i blo snga ma snga ma re re bltos pa med par phyi ma phyi ma skye bar 'gyur na/ re re bskyed pa'i so sor nges par mi 'gyur ro/ /de'i tshe cig cer rnam par rtog pa'i blo thams cad 'byung bar 'gyur na de ltar yang ma yin pa de'i phyir blo gcig snga ma snga ma so sor nges pa las blo gcig po phyi ma skye bar nges pa yin no/ /gang gi tshe yang? gcig pa rtag pa rdul ? na yin par sems pa gang yin pa de'i gal te ya'i? ni de gcig nyid phyir/ rgyu'i phyir? de las gzhan pa ste
- 306b
dbang po las 'brel bar 'gyur pa de'i tshe/ dbang po gzhan la mi brten par de'i phyir blo re re skye bar nges pa yin no/ /gal te de ltar na gzhan dbang po cig la chags pa yid gzhan mi brten dbang po'i khyad par gzhan la mi brten pa'i rgyu'i phyir/ cig car shes pa gzhan mi skye/ khas len pas blo gcig po snga ma'i nus pa so sor nges pa las ma yin no zhe na/ de dang de ni rigs pa ma yin no/ /ci'i phyir zhe na/ la lar cig car 'byung phyir ro/ /la lar ni bdag nyid ji lta ba bzhin du yul nye pa na cig car mig gi rnam par shes pa yang skye ba/ mthong phyir snga ma yang rab tu bsgrubs zin pa yin no/ /'dis kyang 'jug pa mtshungs na/ mtshungs nyid phyir/ gang gi tshe yul shin tu gsal ba ma yin pa thag nye ba na yod pa de'i sgo nas sam/ skyes bu bdag nyid 'ga' zhig gi tshe yul gzhan mthong bar mi 'dod na/ gang gis na de kun nas slong ba'i 'bang rtsol las dbang po gzhan la yid brten par 'gyur / de de ltar na skyes bu dang yul dag la mtshungs pa yong na dbang po gcig la mtshungs pa ste/ bye brag med par 'jug pa de'i tshe mtshungs pa nyid kyi phyir gnas skabs 'di nyid du 'gyur te/ thams cad me? gzhan/ yul gzhan mi rtogs mi dmigs par 'gyur na/ dmigs par yang 'gyur ba de'i phyir ro/ /rnam par shes pa rnams la yid 'ga' zhig gi tshe yang bltos? pa ma yin pa de ltar 'bras bu de dag ni/ cig car nyid du 'gyur ro// gang la yid dbang po dang 'brel par gyur pa de la dbang po gzhan la brten pa med pa'i phyir/ nges byas pa'i mig gi rnam par shes pa la sogs pa rim bzhin du skye bar rtog par 'gyur pa gang gi tshe bdag dang lhan
- 307a
cig 'ba' zhig 'brel par 'gyur ba de'i tshe/ bdag nyid dang ni ldan tsam las/ /skyes rnams cig car skye bar 'gyur/ /bdag dang yid ldan pa tsam las 'byung ba dang tshul can gyi shes pa gang yin pa de dag thams cad ni cig car skye bar 'gyur ro zhes bya ba'i tha tshig go/ de la yid kyi go rims kyi rgyu 'ga' zhig kyang med pa'i phyir ro/ /de ltar ni 'gyur mod kyi/ gcig las bya ba gcig yin na'ang/ byed pa gcig nyid kyis bya ba gcig nyid kyis/ yid kyang byed pa gcig nyid yin te/ blo'i ngo bo'i bya ba gcig nyid byed kyi gcig bdag dang yid dang ldan pa tsam las 'byung ba'i dang tshul can gyi blo rnams skye ba ni ma yin no zhe na/ gal te byed pa gcig nyid yin pa'i phyir des rnam par nges par bya ba yang gcig nyid yin par 'dod pa de'i tshe/ cig car mang me du mas mthong/ ci'i phyir skyes bu dums mthong ba du ma sgrub par byed pa zhes bya ba'i nges pa bstan to/ ci ste yang lta ba po du ma'i dbang gis mar me'i shes pa du ma sgrub par byed pa'i 'gyur ba yin no zhe na/ 'o na yod nges par byed pa ma yin gyi/ 'on kyang rnam par shes pa rnams bdag nyid pag chags yong su smin pa'i khyad par can gyi ngo bo nges par byed pa'i yin par 'gyur ro/ /de ltar cig car rnam par shes pa skyed par byed pa ma yin pas na/ rjes su dpag par bya ba ma yin pa de ltar na 'brel pa med pa yin no/ /'on kyang gang gi tshe yid shes pa phyi ma skyed pa mi byed pa de'i tshe ci ste skyed par mi byed pa'i rang bzhin yin nam/ 'on te ma yin/ gal te skyed par byed pa'i rang bzhin can yin na/ de'i rang bzhin tsam las byung pa'i ngang tshul cig car 'gyur ro//
- 307b
ci ste skyed par byed pa'i rang bzhin ma yin pa de'i tshe/ rims kyis kyang rnam par shes pa bskyed pa la nus med 'gyur ro/ /ci'i phyir zhe na/ phyis kyang bye brag med phyir ro/ /rtag pa nyid kyi phyir sngar byed pa po'i rang bzhin ma yin par bye brag med pa'i phyir ro/ /bshad ma thag pa des lus skyes bu bshad pa yin/ lus las blo skye bar 'gyur ro zhes sems gang yin de'i gal te lus gcig po de ltar bskyed pa ma yin na/ phyis kyang skyed par byed par mi 'gyur te/ bye brag med po'i phyir/ /de bzhin du skyes bu yang zhes bya bas lan bstan zin to/ /gal te 'du byed las nges yin shes las skyes pa'i rgyu 'du byed pa de las blo de nges so sor nges pa yin no zhe na/ de ni 'di ltar yang 'du byed de dag bdag nyid la gnas pa yod na 'byung pa'i dang tshul can gyi shes pa thams cad cig car 'jug par 'gyur ro/ /ci ste yang 'du byed nye ba yin na de'i tshe 'du byed gang yin pa de phyir gang las 'ongs pa yin zhing de'i tshe skyed par 'gyur /de ltar ni 'gyur mod kyi gal te blo yin na/ blo las 'du byed yin zhing blo 'byung ba yin no zhe na/ 'dod par 'gyur ba yin no/ /blo'i bag chags kyi bye brag kho bo cag 'du byed nyid du 'dod de/ /de las blo skye ba'i phyir blo las skye bang 'dod par 'gyur ro/ /de bas na de? skad bu bshad pa gang yin pa de 'dod pa nyid yin pa de ltar na blo sngon med par blo ma yin zhes bya ba de grub pa yin na/ blo snga ma ni blo phyi ma skyed par byed pa med pa la nye bar len pa'i ngo bor yod pa yin no/ /de bas na blo ni blo? skyed par byed pa'i nus pa nyams ma yin pa de ltar na blo snga ma cig shos kyis gzung ba nyid yin no/ /de ltar ni 'gyur mod kyi/ nye bar len pa'i ngo bo cem yin
- 308a
pa ni bla ste gzhan gzung ba nyid du 'gyur pa ni ma yin no zhe na/ de la gzung ba skyed byed las gzhan min gzung ba'i mtshan nyid kyi dngos po 'dzin pa'i mtshan nyid skyed par byed pa nyid gzung ba nyid yin no/ /rnam par shes pa skyed byed gzung mtshan nyid min te/ snang ba gzung ba ma yin no zhe na/ gal te gzung ba skyed par byed pa nyid ma yin pa ni ma yin te/ gzung ba'i mtshan nyid skyed par 'gyur ba nyid yin par 'gyur ro/ /cha med can la yang phra soD med/ snang ba'i yan lag phra ba la/ sogs pa'i rnam par chod pa'i phyir dang/ thag ring po na gnas pa'i phyir shin tu nye ba'i phyir dang/ yan lag khyad par bye brag can phra ba'i gzung ba nyid du 'gyur ba ma yin pa nyid ni cha med can la yang phra sogs med/ 'dzin pa'i nye bar len pa'i ngo bo nyid yin pa'i phyir/ ring por gnas pa ma yin pa dang ldan pa'i shes pa'i bdag nyid yan lag med pa la/ phra ba la sogs pa med pa de ltar na gang las gzung ba'i mtshan nyid ma yin/ de ltar ni 'gyur mod kyi/ gzung ba'i nus pa nyams 'gyur gyi/ 'di bskyed bdag nyid gzhan ma yin/ shes pa de'i nus pa ni gnyis yin te/ gzung ba nyid kyis nus pa dang/ shes pa skyed par byed pa'i nus pa'o/ /de bas na shes pa'i gzung ba'i nus pa nyams pa yin gyi gzhan skyed par byed pa'i bdag nyid nye bar len pa'i ngo bo'i sgo nas skyed par byed pa'i nyid nyams pa yin na/ nges na nye bar lan pa'i ngo bo yin na yang shes pa'i gzung ba'i mtshan nyid ma yin pa de bas na yul gzhan la 'pho ba yin no zhe na/ de ltar ni 'gyur mod kyi/ gal te gzung ba'i mtshan nyid kyir gyur pa'i rnam pa ji ltar
- 308b
yang skyed par byed pa'i gang yin pa de gzung ba nyid las gzhan du 'gyur na ji ltar bdag nyid ji lta ba bzhin du 'dzin pa'i gang gis gzugs shes la sogs pa gzung ba'i mtshan nyid yin na/ gzung ba nyid la skyed byed ni/ gzhan min des na gzung ba'i mtshan nyid du gyur pa skyed par byed par byed ngo ma yin na skyed pa nyid ma yin no/ /de lta min na/ gzung pa'i mtshan nyid skyed par byed pa ma yin no/ /gal te gzung ba'i mtshan nyid du skyed par mi byed pa de'i tshe brgyud pas phan 'dogs par byed par mi 'gyur te/ dngos su mig la sogs pa'i blo la gzugs sogs phan 'dogs byed ma yin/ gzung ba'i ma yin no/ /de bas na mtshan nyid mtshan nyid las yul la sogs pa bskal pa ma yin pa/ las 'di'i gzugs la sogs pa'i/ /de dngos nges par gzhan ci yin/ gzung ba nyid du nges pa yin na yang gang gis na de lta bur? 'gyur ba'i rang gi yul can gyi rnam par shes pa skyed par mi 'gyur /blo la'ang blo phyi ma skyed pa la dngos su phan 'dogS pa yin pa nyid/ de yod de ltar na de tsam gyi blo de yang de nyid gzung ba nyid du nges par rnam par gnas pa gzugs la sogs pa bzhin du yul gyi bskal pa la sogs pa med pa dang mig la sogs pa nye ba na yod pa'i bzung ba'i mtshan? nyid gzhan bltos par bya ba ma yin te/ lus can ma yin pa'i phyir dang/ yul na mi gnas pa nyid kyi phyir dang/ mi la sogs pa nye bar sbyor ba'i phyir ro/ /'on kyang sems de nyid ni gzung ba'i mtshan nyid yin 'di lta ste/ 'dzin pa'i nye bar len dang myong ba/ de tsam nyid yin yin no/ /rang 'dzin par byed pa'i rnam par shes po'i nye bar len pa dang blo'i ngo bo nyid ces bya ba de gnyis bya ba de gnyis so/ /de ltar na bo shas bya? gzung ba
- 309a
ma yin te/ gzhan gyi shes pa yang gzung ba'i mtshan nyid du 'gyur pa'i phyir ro/ /nye bar len pa'i rgyu'i ngo bo 'ba' zhig kyang ma yin te/ dbang bo yang gzung ba'i mtshan nyid kyi dngos por 'gyur ba'i phyir ro/ /de bas na de gnyis 'khrul pa ma yin no/ /de yang blo'i bdag nyid du yod pa yin pa de ltar na gzung ba'i mtshan nyid yin no/ /de ltar ma yin na de blo gzhan gyis 'dzin na/ gzhan gyi sems ci'i phyir nyams su mi myong zhes 'dri bar byed pa la/ gdon mi za bar byed pa gzhan gyi nyid yin pa'i phyir ro/ /de'i nye bar len pa'i ngo bo la sogs pa ma yin pa'i phyir ro zhes brjod par bya'o/ /gzhan gyi nyid yin pa'i de yang rnam par dpyad na 'dzin pa'i shes pa'i nye bar len pa ma yin nyid du gnas pa yin gyi gzhan la ni ma yin no/ /gal te bdag nyid kyi chos la sogs pa'i phyir ro zhe na/ bdag nyid kyang nye bar len pa nyid du 'dus pa yin no/ /de bas na 'dri gzung ba nyid du nges pa yin no/ /gal te phra ba la sogs pa yin pa'i gzugs la sogs pa gzung ba'i mtshan nyid ma yin pa dang nye bar len par gyur ba ma yin pa'i phyir gzhan gyi sems kyang ma yin pa de'i tshe/ rnal 'byor pa rnams kyi de gnyi ga gzung bar mi 'gyur? na/ 'gyur ba yin pa de'i phyir gzung ba'i mtshan nyid 'khrul pa yin no zhe na/ de la skyon de yod pa ma yin te/ 'di ltar gzugs sogs dang ni sems de ltar/ ma dag blo can pa yin gyi zhes bya ba la/ tshul rol mthong pa la brten nas/ gzung pa'i mtshan nyid dpyod pa 'di byas pa yin gyi/ rnal 'byor pa la ni ma yin te/ rnal 'byor pa de dag gis yang/ rtogs pa bsam mi khyab/ phra ba la sogs pa'i mthong ba bsam gyis mi khyab pa yin no//
- 309b
de dag gi dngos po rnams la gzung ba'i mtshan nyid ni yod pa'i khyad par nyid yin pa de ltar na de la brten nas gzung ba'am 'dzin par rnam par bzhag pa yod pa ma yin no/ /gzhan yang phra srab la sogs pa ngo bo yis/ gzung ba ste gzugs la sogs pa 'ga' zhig gi tshe gzung med nyid du 'gyur ro/ /gzugs sogs blo la de dag thams cad yod pa ma yin te/ lus can ma yin pa nyid kyi phyir ro/ /de bas na 'di'i snang ba'i gnas skabs na/ gzung ba nyid ma yin pa'i rgyu sngar med gang de 'dra de phyis skyed pa yang ci zhig yin/ gang gis na gzung ba nyid ma yin par 'gyur te/ ma yin pa nyid do zhes bya bar dgongs so/ /de'i phyir sems gzhan gyis rang gi blo la 'dzin pa yod na/ rang gi blo la 'dzin pa yod pa nyid ma yin no/ /de ltar na yang 'di ltar khas blangs nas/ de ma thag pa'i sems kyi rgyu nyid sems gang yin de nyid gzung ba nyid yin pas na gzung ba nyid yin pa/ de phyir gzung ba'i mtshan nyid du gyur pa nye bar ma gtogs pa don gzhan dang gzugs la sogs pa la brten min te/ mthong ba med pa de ltar na/ yul gzhan la 'pho ba yod pa ma yin no zhes bya ba ni mjug bsdu ba'o/ /gal te gzung ba'i mtshan nyid nye bar len pa'i ngo bo nyid kyis bzung ba nyid du 'gyur ro zhes bshad pa gang yin pa de ni ma yin te/ 'di ltar rnam par shes pa tha dad pa'i nus pa ste/ nye bar len pa'i nus pa gzhan yin zhing gzhan pa nyid kyi nus pa yang gzhan yin pa de ltar na/ ji ltar na nye bar len pa'i nus pa gcig gis nye bar sbyor bar byed na gzung ba'i nus pa'i nye par sbyor ba med par gzung ba nyid du 'gyur zhe na/ nus pa gcig dang ldan pa 'am/ nus pa du ma dang ldan pa las 'ga' zhig 'bras bu gcig dang du? pa
- 310a
med pa yin no/ /'o na ci yin zhe na/ nus pa du ma gcig med pa na yang/ nus pa du ma med na/ ngo bo nyid kyis ni/ 'bras bu du ma byed/ ci nus pa dum gcig med na yang/ dngos po tha dad pa/ 'bras bu gcig byed ces sngar bstan zin cing brjod pa yin no/ /de ltar ni 'gyur mod kyi/ gal te gcig las du mi 'gyur/ dngos po gcig las 'bras bu du ma 'byung bar mi 'gyur ro/ /'o na ci yin zhe na/ du ma ni rgyu du ma las yin no zhes rang gi sde pa'i yin no/ /de de ltar ni yin/ gcig las gcig ni cig mi rung/ 'on kyang chogs pa dag las thams cad 'byung/ tshogs pa gcig las tshogs pa cig shos 'byung par 'gyur ro zhes bya ba'i tha tshig go/ gal te 'di ltar gcig du ma'i skyed pa byed pa yin no zhes skabs gzhan du brjod pa gang yin pa de dang ji ltar na 'gal bar mi 'gyur zhe na/ de ni 'gal ba ma yin te dgongs pa gzhan gyis de skad du bstan pa'i phyir ro/ /de ltar na gcig du ma byed pa zhes bshad pa gang yin pa du mar gyur pa nyid kyi skyed par byed pa nyid yin no zhes bshad do/ /'on kyang tshogs pa dag ni rang gi 'bras bu skyed pa la nye bar gnas pa dag ni/ de 'dra par gyur pa'i dngos po gcig 'gyur ba yang/ nye bar sbyor ba tha dad pas 'bras bu du ma la nye bar sbyor ba'i phyir gcig tu ma byed par ma bshor pa yin gyi/ gcig po de ni byed pa po ngo bo nyid yin pa'i phyir te/ dper na gzugs gcig nye bar len pa'i ngo bo'i sgo nas /skad cig ma gcig la rigs mthun pa'i gzugs skyed par byed pa de la rol sogs pa yang lhan cig byed pa'i rkyen yin no zhes bya ba ni tshogs pa gcig yin no/ /tshogs pa gcig po 'di la gnas pa dmigs pa'i ngo bor nye bar sbyor bar rnam par
- 310b
shes pa skyed par byed pa de la yang rnam par shes pa nye bar len pa'i rgyu yin zhing mig la sogs pa ni lhan cig byed pa'i rkyen yin no zhes bya ba la sogs pa gzhan yin no/ de de la gnas pa lta bu'o/ /de de ltar na tshogs pa gnyis po dag ni du ma'i rgyu'i gzugs du ma nyid byed par brjod kyi/ de nyid gcig skyed par byed pa ma yin pa de ltar na 'gal ba med do/ /de'i phyir 'dzin pa'i mtshan nyid skyed par byed pa gzung ba nyid yin pa lta bu'o/ /gal te nye bar len pa'i sgo nas/ skyed par 'gyur ba gzung pa nyid du 'gyur ba de'i tshe/ shes pa dran pa skyed par byed pa gang yin pa de yang 'di gzung ba nyid du 'gyur ro/ /de ltar na rtag tu shes pa gzhan dang gzhan skyed par 'di yul gzhan la 'pho ba ma yin no zhe na/ de ni dran pa las yang thal ba ma yin te/ 'di ltar shes pa'i shes pa de nyams su myong ba de nyid kyis/ mngon sum du 'gyur ba ni shes pa snga ma skyed par byed pa nyid kyis/ de'i gzung ba'i mtshan nyid yin pa'i phyir/ gzung ba nyid du nges pa yin pa de ltar na/ dngos po'i stobs kyis 'ongs pa shes pa phyi ma 'jug pas yul gzhan du 'pho bar 'gyur ro/ /de ltar dran pa'i nye bar gyur pa'i shes pa 'am/ gzhan gzung ba'i mtshan nyid ma yin na/ gang gis na gzung ba nyid du nges pa nyid kyi phyir dngos po'i stobs la brten nas skyes pa las 'pho ba ma yin no/ /mngon sum la ni yul gyi gzung ba'i mtshan nyid 'di rnam par bzhag pa yin te/ de ni yul gyi stobs kyis bskyed pa'i phyir ro/ /yul gzung ba'i mtshan nyid ni rang gi nus pa la nges pa yin no/ /dran pa ni bag chags sad pa tsam las skyes pa de ltar na skyon yod pa ma yin no/ /de ltar ni 'gyur mod kyi/ gal te blo gzhan don dang ni/ rnam shes
- 311a
snga ma 'dzin 'gyur na/ gzhan ni shes pa 'dzin pa'i dang tshul can gyi blo phyi ma ste/ don gang la 'pho bar 'dod pa'i don de dang rnam par shes pa snga ma de ma thag tu 'das pa cig car 'dzin par 'gyur ba des na yul gzhan la 'pho med pa'i skyon yod pa ma yin no zhe na/ de ni rigs pa ma yin te/ 'di ltar gang zhe na/ sems gcig la rim bzhin mthor ba can te/ rim bzhin du 'gyur ba'i brjod pa gnyis mthong ba de nyid/ rtag tu go rim can mi 'gyur cig car 'gyur ro/ /ci'i phyir zhe na/ snga phyir snang ba nyid phyir ro/ /gang gi tshe a zhes bya ba la sogs pa dpyod par byed pa de'i tshe/ yi ge a 'dzin pa'i ngang tshul can gyi shes pa 'dzin par byed pa phyi ma/ yi ge i la sogs pa 'dzin par byed pa'i ngang tshul can gyi shes pa gang yin pa de la yi ge i dang shes pa snga ma yod pa'i yi ge a snang ba de ltar na/ blo gcig la brjed? pa gnyis su 'gyur na/ de yang yin pa ma yin te/ yi ge 'dzin pa las gzhan du zhes bya ba'i tha tshig go/ sogs pa smos pas ni mig gi rnam par shes pa las/ la lar rna ba'i rnam par shes pa dang la lar gzhan yin no zhes yul la 'jug pa nges pa can gyis shes pa dag bzung ngo// des na mig gi rnam par shes pa 'dzin pa'i ngang tshul can gyi shes pa la gzugs kyi snang ba dang/ sgra'i snang ba ste/ snang ba 'di gnyis cig car snang bar 'gyur na/ snang bar 'gyur ba yang ma yin no/ /gcig kyang gnyis gnyis snang ba ni/ yi ge ya dang yi ge i la sogs pa gnyis gnyis su snang bar 'gyur ro/ /ci'i phyir zhe na/ bdag dang de blo snang phyir ro/ /dus gcig gi tshe yi ge a rang 'dzin pa'i ngang tshul can gyi/ shes
- 311b
pa la snang bar 'gyur zhing yi ge i'i shes pa la rang gi shes pa la yod par snang ba de ltar na/ gcig la gnyis snang ba yin no/ /de bzhin du yi ge i la'ang yin no/ /yi ge re re 'dzin pa'i ngang tshul can gyi sems pa yang 'ga' zhig gi tshe mi 'gyur ro/ /de bzhin du gzugS la ? pa gcig la yang rim bzhin du snang bas/ gnyis gnyis snang bar 'gyur na snang ba yang ma yin no/ /de bas na gnyi ga 'dzin pa ma yin no/ /de de ltar na rang nyid kyis grub pa la sgrub pa bsal nas/ slob dpon gyi grub pa pa la sgrub pa'i lan gyi gzhung 'dzugs pa'i phyir /gal te yul gzhan la 'pho ba na zhes bya ba la sogs pa smros te/ shes pa gang gis shes pa nyams su myong ba de la dus dran pa mthong gi / nyams su myong ba med pa la dran pa'i rigs pa ma yin de bas na/ shes pa gzhan gyis nyams su myong ba yin na thug pa med par 'gyur zhing yul gzhan la 'pho bar yang mi 'gyur na 'pho ba yang mthong ngo/ /de la shes pa gang las 'pho ba de na rang gi rig par 'gyur ro/ /de'i phyir shes pa gzhan gyis myong bar 'gyur ba ma yin no/ /zhes bya ba ni slob dpon gyi yin no/ /de la gzhan gyis lan du shes pa tha ma shes pa gzhan gyi/ nyams su myong ba dang 'dra ba ma yin no/ /gcig po de nyams su myong ba ma yin pa dang/ dran pa ma yin par gnas pa de'i phyir/ yul gzhan la 'pho bar yang 'gyur ro zhes smras pa yin no/ /de ltar gnas pa la bstan bcos mdzad pa rang nyid kyis/ gal te yul gzhan 'pho ba na zhes bya ba la sogs pas lan 'debs par mdzad do/ /gal te yul gzhan la 'pho ba'i dus na/ shes pa tha mal shes pa gzhan gyis nyams su myong ba min na/ de'i tshe/ thams cad myong ba med par thal bar
- 312a
'gyur/ shes pa snga ma snga mar 'byung ba'i ngang tshul can thams cad nyams su myong ba nyid du mi 'gyur te/ tha ma'i shes pa gcig po ma grub na zhes bya ba'i tha tshig go/ ci dang 'dra bar zhe na/ gzhan gyis nyamS su myong ba bzhin/ dper na gzhan gyis shes pa 'am/ yul nyams su myong bar 'gyur ba ma yin de bzhin du/ nyams su myong bar mi 'gyur ro/ /de ltar ni 'gyur mod kyi/ gal te bdag myong mngon sum yin/ gzhan gyis myong ba ma yin na/ gang gi tshe bdag gis nyams su myong ba de nyid mngon suM zhes brod pa/ des na gzhan gyis nyams su myong ba gang yin pa de ni mngon sum ma yin no zhe na/ bdag nyid nyams su myong pa de gang las/ grub na de gang las/ grub na gang giS de skad brjod/ gal te nyams su myong ba de'i tshe/ bdeg? gam gzhan la rnam par dbye bar 'gyur na/ 'di ltar de nyid ma grub pa yin no/ /ma grub pa de gnyi ga la yang lkog tu gyur pa nyid du bye brag med pa'i phyir/ dmigs pa 'di ni bdag la yin gyi gzhan la ma yin no zhes bya ba de ni lkog tu gyur pa dmigs pa can shes par dka' ba yin na/ de gang las bdag nyams su myong bar 'gyur/ gzhan yang/ gsal ba'i rgyu mig la sogs pa gang yin pa de dag gi gsal ba'i rgyur ni grub mi 'gyur/ /gsal ba ste/ dmigs pa ma grub pa yin no/ /de las de la ba ste don 'dod pa ni gal te gsal ba mi 'grub na/ yul dmigs pa ma grub na yang dngos po gzungs ba/ gsal ba yin pa de'i 'dod pa de'i 'dod pa de'i tshe/ 'gro ba 'di thams cad gsal bar 'gyur te/ lkog tu gyur pa bye brag med pa'i phyir ro/ /'gyur ba yang ma yin pa de'i phyir/ shes pa rang rig pa nyid yin par 'dod par bya'o/ /tshad ma rnam 'grel gyi
- 312b
'grel pa/ slob dpon lha dbang blos sbyar ba las mngon sum gyi le'u ste gsum pa'o// //bam po sum cu rtsa drug pa/ /rjes su dpag pa ni rnam pa gnyis te/ rang gi don dang gzhan gyi don to/ /de la 'dir rang gi rjes su dpag pa'i skabs su bab pa las de sngar bstan zin pa de ltar na mi chad do/ go rims bzlog pa'i dgos pa la ni snar? bstan zin to/ /da ni gzhan gyi don gyi rjes su dpag pa lus pas bshad par bya ba'i phyir gzhan la zhes bya ba la sogs pa gsungs so/ /tshad ma rnam par nges pa las bshad zin pa de ltar na/ 'di las rab tu byed pa'i rnam par 'grel pa cung zad tsam rtsol ba mdzad do/ /gzhan don rjes su dpag pa ni/ rang gis mthong don gsal byed yin/ bdag nyid kyis mthong ba ni rang gis mthong ba'o/ /rang gi mthong ba yang yin la don yang yin pa de gsal bar phyed pa ste tshig go/ tshul gsum pa'i rtags brjod pa zhes bya ba de tsam mtshan nyid can gyi tshig yin pa ni blo ste/ rang gis mthong ba smos pas ci zhig bya zhe na/ gzhan bstan par bya ba nyid phyir zhes bya ba smos te rgyu'i phyir don/ bdag mthong min yang gzhan dag gis/ mthong ba/ gzhan dag gi lung las shes pa gang yin pa de sgrub byed ces kha cig/ grangs can ni/ /ston par byed pala ma grub tu zin kyang gzhan la bstan par bya ba'i phyir/ brjod par 'dod pa'i rtags te/ lung las grub pa'i rtags yin no zhes bya ba ni ser skyab ba'i'o/ /de spang phyir/ de srad du brjod pa de des gsal bar bya ba'i phyir/ bdag gi mthong ba'i tshig/ rang gis mthong ba smos so/ /bstan par bya ba lung las grub pa nyid ma yin no/ /ci'i phyir zhe na/ 'di ltar sgrub par phyed pa sngon du sbyong? pa can gyi grub pa de/ gal te tshad mas ma grub na/ rtags de ma grub pa nyid yin te/ lung tsam
- 313a
gyis grub pa med pa'i phyir ro/ /de ltar na lung ni tshig yin na/ dngos po'i stobs kyis zhugs pa yi/ /rjes su dpag pa'i yul la tshig/ tshad ma nyid du mi 'dod cing/ ci ste yang lus tshad ma mtshad ma ma yin pa de ltar na yang lung las grub pa rtags ma yin no/ /'di ltar lung gi yul 'di la rjes su dpag sgrub par byed pa 'am/ gnod pa can mi 'jug ste/ don grub pa la yang sgrub par byed pa mi rung ba'i phyir tshad mas grub pa la gnod par med pa'i phyir ro/ /yongS brtags yongs su len phyir ro/ /yongs su brtags pa pa las dus phyis khas len pa de ltar na/ tshad mas yongs su nges pa la tshad ma gzhan 'jug pa ma yin no/ /'dis kyang lung gis grub pa ma yin no/ /de ltar na/ lung la gnod phyir gzhan la ni/ bstan par bya ba la ston par byed pa lung la gnod pa'i phyir sgrub par byed pa smra ba ni sgrub par byed pa brjod pa'i phyir/ rgyu'i phyir/ de tshe lung de tshad min te/ tshad mas gnod pa yin no/ /de'i phyir de grub/ lung grub na rtags ma lus pa grub pa ma yin no/ /gal te lung de ldan pa grub ce na/ lung yang yin la de yang yin pas na lung de'o/ /de yang gang gis khas blangs pa de ni lung de ldan no/ /lung de dang ldan pa de la de grub par 'gyur ro zhe na/ gal te 'brel pa grub na de yang 'gyur mod kyi/ 'di ltar gang gi gang lung yin/ gang zhig gang lhan cig 'di'i 'di yin no zhes 'brel pa grub pa'i tshan ma yod pa ma yin te de'i de med pa'i phyir 'brel pa yod pa ma yin no/ /gzhan yang/ tshad ma nyid kyis gnod gyur pa/ lung de ji ltar grub pa yin/ grub pa nyid du mi 'gyur ro/ /tshad mas gnod pa gang yin pa de ni rtogs pa sngon du
- 313b
gtong ba can gyi lung ma yin no zhes bya ba'i don to/ /de dang 'gal ba khas blangs pa/ /de nyid kyis ni ji ltar 'gyur/ /gang zhig lung dang 'gal ba gang yin pa de na de las gnas pas lung de nyid kyis khas len par mi 'gyur ro/ /de las gzhan pa khas len na/ dod par bya pa nyid kyis/ dor ba la brten te tshad min te mi 'gyur ro/ /ci ste yang bstan par bya bas lung dang 'gal ba khas len par 'gyur pa de'i tshe/ des lung de dor bar 'gyur ba de ltar na/ de khas len pa na lung de dor ba'i rgyu'i phyir/ de rtogs pa'i yan lag ma yin pas na/ nges grub pa rtags su grub ? yin no/ /de pas na rtags ma grub pas go bar bya ba la tshad nyid ma yin/ /de bas na des bsgrub par bya ba ni chad mas grub par bya ba ma yin no zhes bya ba'i don to/ /gzhan yang ston par byed pas cung zhig ston pa na rang nyid kyis shes nas brjod par 'gyur ro/ /de ni 'dir bde ba la sogs pa gzhan gyis khas blangs pa'i skye pa la sogs pas sems pa med pa nyid du bsgrub par bya ba la/ ston par byed pa rang nyid kyis shes pa'i yan lag 'ga' zhig gis 'gyur zhing/ gang gis rang nyid la nges pas gzhan yang ston par 'gyur ro/ /de lta ma yin na gang gis tshe shes nas kho po sems pa med pa ston par byed pa ma yin no zhes zer ba de'i tshe de'i tshig gzhan gang du 'gyur ro/ /des na/ rang shes gang las byung ba'i/ tshad ma gang las grangs can gyi sems med pa'i shes pa skyes pa de/ ci phyir sgrub par byed mi smra /sgrub par byed pa de nyid bstan par bya bar la bstan pa'i phyir ci'i phyir mi brjod/ gang gis na lung las gzhan gyi mthong brjod par byed/
- 314a
de ltar na rang dang gzhan gyi khas blangs pa nyid sgrub par byed pa nyid yin no/ /gal te kho bos gzhan la grub pa'i skya ba la sogs pas bde ba la sogs pa sems pa med pa nyid du khas len pa ma yin no/ /'o na ci yin zhe na/ rang gi lung la sogs pa las yin de pas na rigs pa gzhan la ma brjod pa yin no zhe na/ de ni gang gi gang lung yin zhes bshad zin to/ /rigs pa ni lung dang sbyor bar byed de/ yongs su brtags yongs su len phyir ro/ /de la ston par byed pas lung de rigs pas sam grags pas gzung par bya pha yin /grang na/ nges lung gang? rigs sems med par grub pa ston par 'gyur /gal te rigs pas yin pa de'i tshe / rigs pa gang gis lung gzung yin/ rigs pa de 'dis kyang bstan par bya bas kyang 'dzin cis ma yin ci'i phyir 'dzin par byed pa po ma yin/ gzhan yang de nyid sems med pa sgrub par byed pa khas blangs pa 'dzin par byed pa po'i 'gyur ba/ de ltar na skye ba la sogs pa sgrub par byed par brjod pa nus pa med cing/ don med pa yin no/ /ci ste rigs pas gzung par bya ba ma yin pa de'i tshe de nyid tshad ma dang bcas pa ma yin pa de ltar na gzung bar bya ba nyid ma yin no/ /de bas nang la grub pa'i sems pa med pa nyid ma grub pa yin no/ /gal te rnal 'byor las skyes pa'i mngon sum gyis sems pa med pa nges pa de ni rnam pa/ gzhan du bya bar mi nus pa nges/ rnam pa 'ga' zhig gis gzhan la bstan pa de? bya ba yin no zhe na/ de la ston par byed pa mngon sum gyi shes pa glo bur du skye ba ni ma yin no/ /'o na ci yin zhe na/ sgrub bar byed pa
- 314b
'ba' zhig gis ? 'di'i grub par byed pa yin no zhes shes nas nan tan du byed cing/ nan tan du byas pa las mngon sum yin la/ de ni sngar ni sgrub par byed pa gang gis/ /ston par byed pa tha mal pa ste /tshu rol mthong par gyur pa'i sgrub pa dang/ dbang po las byed ste/ nan tan du byed pa dang/ mngon sum sgrub bar byed pa gang gis skye ba sgrub pa de dag/ bstan par bya ba de don nus shes la /'di las 'di 'gyur ro zhes sgrub par bya ba dang/ sgrub byar byed pa'i nus bshes pa la nus pa yin pa de ltar na ci'i phyir da ston par mi byed/ ji ltar thar pa lkog tu gyur pa 'di la yang kho bo cig gis sngar bshad zin to/ /dper na ma rig pa dang sred pa dag dang/ skye ba 'brel par bstan cing/ de dag gis gnod pa can stong ba nyid du lta ba yang bshad pa lta bu'o/ /gnod pa bya ba dang gnod par byed pa'i 'brel ba gzhan yod pa ni ma yin gyi/ de la gnod bar byed pa'i stong pa nyid du lta ba goms ba dang/ de'i bdag nyid du gyur ba rgyu dang 'bras bu'i dngos por 'brel pa yin pa de ltar na/ thar pa dngos po'i stobs las byung ba yin no/ /de bzhin du 'dir yang mngon sum de dang/ de'i sgrub par byed ba rnams/ sgrub par bya pa dang/ bsgrub par byed pa'i dngos po bstan pas gang gis bstan par bya ba la sems pa med pa nyid grub par 'gyur ba'i mngon sum de 'dra ba yang bar 'gyur ro/ /de lta ma yin na ston par byed bas don 'di shes pa ? nyid ma yin gyi 'on kyang/ kho bo la de skad du ston par byed pa yin no zhes rtog pa sngon du song ba'i ngang tshul ? dpyod par 'gyur bas/ sems pa med pa nyid gzung bar bya ba nyid ma yin par 'gyur ro/ /de ltar ni 'gyur mod kyi 'ga' zhig dang lhan cig mngon sum re sgrub par bye ba dang/ sgrub par byed pa'i dngos? po yod pa ma yin te /
- 315a
'brel bskal pa nyid kyi phyir ro/ /spyis kyang shes pa ma yin pas de ma bstan pa yin no zhe na/ gal te de lta yin pa de'i tshe/ gang yang 'brel pa rnam chad can/ yang gi sgra ni dang gi don yin te/ gang dang de ltar 'brel ba chad pa can ni spyis kyang spyod yul ma yin pa'i/ 'brel pa bskal pa can gyi/ don de dag la sgrub bya dang/ sgrub byed spyod pa cung zad med/ de ltar na gzhan la bstan bar bya ba'i phyir/ sgrub par byed pa dgod par bya ba ma yin te/ de ni yul de 'dra ba la go bar byed pa nyid ma yin pa'i phyir ro/ /gzhan yang bstan par bya ba yang 'dod pa tsam gyis lung 'dzin par 'gyur zhing/ lung nges skye ba la sogs pa'i sgrub bar byed pa de phab? na gang gi tshe sems pa med pa nyid du 'gyur ba de'i tshe/ skyes bu'i bsam ba'i dbang gis dngos po'i de kho na nyid dang/ de kho na nyid ma yin pa rnam par bzhag par 'gyur ro/ /de lta na yang/ skyes bu'i bsam pa'i dbang dag gis/ de nyid de nyid min rnam gzhag /byed pa yin na gtan tshigs dang/ /der snang pa dag skyes bu'i 'dod pa tsam gyis nye bar brtags pa yin par 'gyur gyi/ don dam pa rnam par bzhag pa'i mtshan nyid can ma yin pa de ltar na/ gtan tshigs der snang med 'gyur ro/ /ci'i phyir zhe na/ skyes bu'i bsam pa/ de ni? dngos rtan min phyir ro/ /de ni dngos po la nges par 'jug pa med ba'i phyir ro/ /gtan tshigs su mngon par 'dod pa gang yin pa da nyid rtogs yin zhing/ de nyid rnam grangs gzhan gyis kyang mi 'dod ba de ltar na / gtan tshigs ma yin pa'i phyir/ gtan tshigs dang der snang ba dag rang bzhin du gnas pa can ma yin no gzhan yang/ don yod shes la bltos bcos yin/ sgrub par byed pa yin gyi/ don dam par don med pas shes pas
- 315b
te/? shes btsam? gyis sgrub byed min dper na me la kun tu brtags pa'i du ba lta bu'o/ /de ltar ni 'gyur mod kyi/ gal te mi rtag pa nyid dang/ skye ba la sogs pa rta gsum grub pa yin pa de ltar na yang/ don dam par bde ba la sogs pa ni sems pa med pa nyid du yod pa yin no/ /de ni dngos po'i bkod pas yon tan dang ldan pa yin no zhes rnam pa 'ga' zhig gis gzhan la bstan par bya ba yin no zhe na/ de dang de yod pa ma yin te/ 'di ltar yod na yang/ yon tan dang ldan pa'i don yang ngo/ /dngos dang 'brel ba med pa'i ste /dngos po dang lhan cig 'brel pa med pa'i'o/ /dngos por gyur pa ma yin pa'i rtags kyi sgo nas kyang 'ongs pa'i rtogs pa de khong du chung pa de med rtogs yon dang ldan? pa? rtoD? dang dag yin no/ /ci'i phyir zhe na/ tshad? ma nyid ma yin pa'i phyir ro/ /de ltar na gal te chad ma'i stobs pas 'khrul ba dang 'khrul pa ma yin pa rnam par 'jog par byed ba de mde na/ gang las 'di 'khrul pa 'am ma yin zhes nges par 'gyur /gzhan yang rang bzhin dag gam 'bras bu 'am dngos po sgrub par byed pa nyid yin pa 'am snang ba mthong ba med pa nyid/ snang ba ste don no mthong ba med nyid te/ mi dmigs pa med pa'i tha snyad 'jug par byed pa yin de ltar na rnam pa gsum yin no/ /rtags 'bul pa ste/ go bar byed pa yin gyi go bar byed pa gzhan ni yod pa ma yin no/ /gal te gsum po dag gi nang du skye ba la sogs pa 'dus pa yin pa de'i tshe de dngos grub yin na/ skye ba la sogs pa'o/ /grangs can/ rang la ci'i phyir ma grub ? gnyi? ga la grub pa yin bar 'gyur ro/ /ci ste nang du 'dus pa ma yin pa de'i tshe bstan par bya ba gzhan gyis kyang bzhan? te/ tshul gsum pa'i rtags las sems pa med pa rtogs pa ni/ khong du chud pa la mi rigs pa nyid yin no/ /de ltar ni? 'gyur mod
- 316a
kyi/ gal te gzhan gyi khas blangs pa bsgrub bar byed pa ma yin na/ 'di ltar na nges de dang der thal ba sgrub bar byed pa brjod pa yin zhe na /skyon de yod pa ma yin te/ 'di ltar gzhan gyis brtags pa yi /sgrub bar byed bas/ thal ba gang yin pa 'dis brjod pa 'di gtan tshigs nges par bsgrub bar byas nas nges ? 'ga' zhig sgrub pa ni ma yin no/ /'o na ci yin zhe na/ gnyis 'brel phyir /gcig mig na ni gzhan med phyir skabs 'ga' zhig tu bsgrub par bya ba dang sgrub bar byed ba'i chos 'brel pa can du 'gyur ba de dag/ sgrub bar byed pa'i chos la 'bral ba yod na/ de dang 'brel ba can gyi bsgrub par bya ba'i chos kyang yod pa yin no/ /ci ste bsgrub bar bya ba mi 'dod pa de'i tshe/ sgrub par byed pa'i chos kyang ma yin no zhes bya ba'i don to/ /bdag gi mthong ba smos pa bshad nas/ don smos ba'i mtshan nyid du byas ba gang yin pa/ de don smos bas rtags nyid min par sgrub don to/ /gang dag ce na/ sgra dag dang? /rtag pas sgro btags bdag nyid can /lung dang rnam par rtogs pas sgro btags ba'i bdag nyid can de /lung dang rnam par rtogs pas sgro btags pa'i bdag nyid kyi rang bzhin gang la yod pa de dag ni/ rtags ma yin no zhes bya bar shes par bya ba'i don du smos pa yin no/ /ci'i phyir zhe na/ don las don ni sgrub phyir ro/ /dngos po ni dngos po la rag lus pa de'i phyir/ de nyid de'i go bar byed pa yin no/ /de ltar na rtog pa dang lung ni dngos po'i rjes su 'jug pa ma yin gyi/ 'on kyang byed pa po'i 'dod pa tsam yin no/ /de ltar na rtog dang lung dag byed pa po'i/ 'dod pa tsam rjes su 'jug pa dang /ji skad du bshad pa'i mtshan nyid can gyi/
- 316b
? las gzhan du 'gyur phyir ro/ /dngos po ji lta ba bzhin du 'jug pa med ba'i rgyu'i phyir /lung dang rtog pa dag gis gtan tshigs nyid du brtags pa gang yin pa de dag /rnam par 'khrul pa yin no/ /don smos ba yang bshad zin to/ ? ni phyogs sgrub par byed pa nyid yin pa don gyi zhes bya ba la sogs pas 'gog par byed do/ /tshul gsum ba'i rtags rjod ba ni gzhan gyi don gyi rjes su dpag pa yin no zhes gsungs pa'i phyir /don gyis phyogs gyi tshig gam gtan tshig sgrub par byed pa ma yin zhes bshad par rig par bya'o/ /ji ltar na sgrub par byed pa ma yin zhe na/ dngos sam brgyud pas sgrub par byed pa yin bar 'gyur grang na/ de re zhig dngos su ni /don la ste sgrub par bya ba la/ phyogs dang gtan tshigs brjod nus med /phyogs kyi tshig gam gtan tshigs kyi tshig ston par nus pa yod pa ma yin no/ /ci'i phyir zhe na/ don gyis don rtogs phyir ro/ /gang gi phyir du ba la sogs pa tshul ? gsum pa'i rtags las /mi la sogs pa rtoD pa yin gyi/ sgra las ma yin ba'i rgyu des na de dag phyogs dang gtan tshigs brjod pa dag la rang nyid las dngos su sgrub byed gnas pa yod ma yin sgrub par byed par rnam par gzhag ba'o/ /gal te slob dpon gyis sgra las byung ba tshang ma nyid du bzheng pa yin na ji ltar na des don grub pa ma yin/ gang gis sgras sgro btags pa rtags ma yin/ de ni rtags nyid na yin par rigs pa ma yin no/ / de bas na bsgrub par bya ba brjod par byed pa'i mtshan nyid can gyi mi rtag pa la sogs pa'i sgra las mi rtag pa la sogs pa grub pa'i phyir /yan lag gzhan sbyor ba yang don med pa can du 'gyur ro zhe na /de don la tshad ma ma yin pa gang gis na de ltar
- 317a
na 'gyur/ 'o na ci yin zhe na /phyogs kyi tshig de 'chad pa po 'am/ bsam pa ston par byed pa la/ tshad ma yin ba de ltar na skyon yod pa ma yin no/ /de las the tshom dag skye phyir/ phyogs kyi tshig las sgrub par bya ba'i don la the tshom za ba mthong ba de ltar na/ phyogs kyi tshig dngos su sgrub byed min no/ /gal te sgrub par byed pa gsal bar byed pa yin na de'i tshe nye bar btags ba las kyang tshad ma nyid du 'gyur na/ 'di ltar des sgrub par bya ba'i don brjod par 'gyur te/ bsgrub par bya ba brjod pa'i rgyu'i phyir /brgyud pa yis kyang nus pa med /don grub pa la nus pa yod pa ma yin no/ /gtan tshigs brjod pa rang nyid dag/ nus pa med kyang/ brgyud pas sgrub par byed par 'dod de /tshul gsum pa'i rtags nus ston byed pa'i phyir ro/ /ci slob dpon gyis dngos sam brgyud pas phyogs kyi tshig sgrub par byed pa nyid du bzhed pa yin na gang gis na de skad du brjod ce na/ 'dod pa yin no/ /ji ltar shes she na/ de nyid las the tshom skye ba'i phyir ro zhes bstan pas /dngos su de phyogs kyi tshig sgrub par byed pa ma yin no zhes bshad do/ /brgyud pas kyang sgrub par byed pa nyid du ma bstan pa'i phyir ma yin no de gang las she na/ 'di ltar gtan tshigs don gyi yul nyid kyis /nus med nges brjod bstan pa yin/ yan lag dag gi nang nas rjes su dpag par bya ba bstan pa gang yin pa de kho bo cag sgrub par byed pa nyid du 'dod pa ma yin no// 'o na ci yin zhe na /bsgrub par bya ba'i don gang yin pa de ni gtan tshigs kyi yul yin te/ bsgrub par bya ba'i don bstan pa zhes bya ba'i tha tshig go/ 'dis ni sgrub par byed pa la bsgrub par bya ba nus pa med de brjod pa
- 317b
ste/ rtags ma brjod pas nus pa med pa de bstan cing bshad ba yin no/ /de ltar na brgyad pas kyang sgrub par byed pa ma yin na zhes shes par 'gyur ro/ /bsgrub par bya ba brjod pa med na gtan tshigs kyi tshig nyid 'jug pa med pa des na gal te de? la yang phyogs kyi tshig la/ nus yod de/ gtan tshig ni 'jug phyir ro/ /rgyu'i phyir ro zhe na/ de la the tshom gyis zhes bya ba la sogs bas ma des par bston to// don de la the tshom gyis shes 'dod// shes par 'dod pa ston par byed pa tshol bar byed pa sgrub par byed pa de ltar na skyes bu shes par 'dod pa/ skabs la bab pa'i rten gyis 'gyur /sgrub bar byed pa'i skabs kyi rten gyis the tshom du 'gyur te/ de yang sgrub par byed pa nyid du 'gyur na 'gyur ba yang ma yin pa de'i phyir ma nges pa yin no/ /de ltar ni 'gyur mod kyi/ blo the tshom la sogs pa dang tshig ni 'jug pa gcig pa nyid ma yin gyi /'jug pa de dag ni tshogs la brjod par 'dod? ba ma yin na/ gang gis na tshogs pa de sgrub par byed par 'gyur zhe na/ ci ste de lta yin pa de'i tshe/ mi mthun phyogs khas len na yang mi mthun pa'i phyogs khas len pa'i tshig la yang/ de mtshungs /'ga' zhig gis sgra rtag pa yin no zhes brjod pa na/ gzhan gyis sgra ni bya ba yin la/ byas pa nyid kyi phyir mi rtag pa yin te/ dper na bum pa lta bu'o zhes smras pa de ltar/ gtan tshigs kyi tshig 'jug pa yod pa'i phyir/ mi mthun pa'i phyogs kyi tshig kyang byas pa nyid kyi tshig de dang lhan cig sgrub par byed par 'gyur na/ de ltar thug med 'gyur na de ltar yang ma yin pa de'i phyir gtan tshigs kyi tshig 'jug ba'i rgyu nyid kyis dam bca' bsgrub bar byed pa nyid rigs pa ma yin no/ /gang gi phyir 'di ltar phyogs kyi
- 318a
tshig dngos sam brgyud pas sgrub par byed pa ma yin pa de'i phyir /nang gi yan lag bsgrub par bya ba'i don 'grub pa la /nus nyid ni tshul gsum dag tu ste/ phyog skyi chos nyid la sogs par gnas pa yin no/ /ni'i sgra ni nges par gzung ba dang /rim pa gzhan du sbyar ba'o/ /de'i shes pa la nus pa nyid kyi tshig gang yin pa de ni de med na mi 'byung ba nyid yin te/ tshul gsuM pI don ? ni don gyi sgrub par byed pa nyid yin pa'i phyir ro// tshul gsum pa'i rtags de la dran pa skyed pa ni/ gang yin pa/ de tshig nyid la gnas pa/ tshig nyid dud gnas pa yin no/ /de de ltar na rang nyid kyi nus pa las sam/ nus pa ston par byed pa las de gnyi ga sgrub par byed par 'gyur gyi/ / de ltar phyogs kyi tshig ma yin pa'i phyir sgrub par byed pa yang ma yin no/ /gal te ji srid gtan tshigs kyi yul ston par byed pa ma bshad pa de srid du gtan tshigs 'jug pa med pa ma yin nam /de de ltar na/ yul gtan med par na gtan tshigs 'jug pa med pa'i phyir /rgyu'i phyir gdon mi za bar yul bshad par bya ba yin no/ /de'i phyir yul dag bshad pa nyid las ni /de'i phyogs kyi tshig gi nus pa nyid /bsgrub par bya ba 'grub pa la yin no zhe na/ 'dir ji ltar gal te yang gtan tshigs kyi 'jug ba'i rgyu/ phyogs kyi tshig yin pa de lta na yang sgrub par byed pa ma yin te/ the tshom za ba dang shes par 'dod pa la sogs pa yang sgrub par byed pa nyid du thal ba'i phyir ro zhes bya ba la sogs pas bshad zin to/ /gzhan yang phyogs kyi tshig 'di med par yang sgra ni byas yin zhes bya ba ni phyogs kyi chos ston pa'o/ /de 'dra ba'i byas pa gang yin pa de dag thams
- 318b
cad mi rtag ces rjes su 'gro ba dang ldog pa/ brjod pa'i don gyis kyang nus pas /de 'jig blor 'gyur/ de sgra mi rtag pa nyid du shes par 'gyur ro/ /de ltar na phyogs kyi tshig bstan par rigs pa ma yin no// 'di ltar phyogs kyi tshig bstan pa dag med par yang/ 'grub pa la gags byed pa med ba'i phyir /grub la gags byed med pa'i phyir rgyu'i phyir phyogs kyi chos la sogs pa'i chul gsum las gang yang rung ba nyid/ ma bstan ma tshad nyid brjod yin gyi phyogs kyi tshig ma tshang ba nyid ni sgrub par byed pa'i skyon ma yin no/ /phyogs kyi tshig sgrub par byed pa ma yin pa gang yin pa de'i dam bca' ste phyogs kyi mtshan nyid smra ba bsgrub bya dag/ ston pa la ste/ bsgrub par bya bar 'chang par byed pa la/ gtan tshigs dang dpe ma grub pa ston pa yang dam bca' bar 'gyur zhes bya ba la de lta bu la sogs pa de ltar bu'i skyon mi rung ste /rigs pa ma yin pa yin no/ /ci'i phyir zhe na/ sgrub par byed ba'i skabs nyid kyis/ gtan tshigs ltar snang thal min phyir/ sgrub par byed ba nyid du brjod pa'i phyir sgrub par byed pa nyid kyi skabs kyis gtan tshigs ltar snang ba dag yin gyi /dam bca' ba'i tshig ni sgrub par byed ma yin pa de ltar na/ gtan tshigs ltar snang ba dag yin gyi/ dam bca' ba'i tshig ni sgrub par byed pa ma yin pa de ltar na/ gtan tshigs ltar snang ba dag ston pa dam bca' ba nyid du thal ba ma yin no/ /de ltar na gal te yang bsgrub par bya ba brjod pa dam bca' ba yin no zhes bye brag med pa'i spyi bstan pa de lta na yang/ bye brag med par bstan pas kyang /'di the tshom skyed par 'gyur /thams cad la ma yin na gang gis na ma grub pa'i tshig la
- 319a
yang dam bca' ba nyid du 'gyur /'o na ci yin zhe na /rigs gcig nyid la the tshom bskyed par 'gyur ro/ /phyogs kyi tshig ni sgrub par byed pa nyid ma yin la/ gtan tshigs ltar snang pa ni sgrub par byed pa nyid du brjod ba'i phyir/ sgrub par byed pa yin pa de lta na dam bca' ba las rigs mi mthun pa yin pa de bas na /gang las de dag la dam bca' ba nyid du the tshom za ba'i skabs yod ba yin no/ /gzhan du gal te bye brag med par bsgrub par bya ba brjod pa dam bca' ba yin no zhes /dam bca' ba'i tshig nyid bstan pas de dag la yang dogs par byed pa de'i tshe/ rdza mkhan bum pa byed do zhes bya ba'i bum ba sgrub par bya ba yin par brjod pa de ltar/ bsgrub bya thams cad ni bstan pa dam bca' nyid du thal bar 'gyur/ 'dir yang de dang de nyid ni dper na shes par byed ba'i skabs su bsgrub bya ba brjod pa gang yin pa lta bu'o zhes bstan par bya bar 'gyur ro/ /de de ltar na 'dir yang sgrub par byed par gyur pa nyid ma yin pa dag ni dam bca' ba nyid yin gyi/ rigs mi mthun pa sgrub par byed pa'i nyid kyis dbang du byas pa ma yin na zhes bya bar mtshungs so// de ltar ni 'gyur mod kyi /gal te sgrub brjod sgrub byed phyir/ gzhan dag la yang skyon med na /gang yang dam bca' ba'i tshig sgrub par byed pa yin par 'dod pa de'i yang gtan tshigs ltar snang ba brjod pa la dam bca' ba nyid kyi skyon yod pha ma yin no/ /de ltar na dam bca' ba sgrub par byed pa yin gyi gtan tshigs ltar snang ba brjod pa ni yin te /ma grub pa'i don brjod pa'i phyir ro/ /grub pa'i don brjod pa yang sgrub pa'i byed pa yin no/ /de de ltar na ma grub pa nyid kyi phyir gtan
- 319b
tshigs ltar snang ba sgrub par byed pa ma yin pa de ltar na rigs mi mthun pa dag la dam bca' ba'i the tshom gyi skabs yod pa ma yin no zhe na/ nga ni bsgrub par bya ston pa/ ji ltar sgrub byed yan lag yin/ gal te ma grub pa'i brjod pa'i phyir/ gtan tshigs ltar snang ba sgrub par byed pa ma yin pa de'i tshe/ dam bca' ba'i tshigs kyang ma grub pa nyid brjod par bya ba yin bas na/ de yang sgrub par byed par mi 'gyur na/ 'dod pa de'i phyir sgrub par byed pa nyid du brjod pas dam bca' ba sgrub par byed par 'gyur las gtan tshigs ltar snang ba'i rigs mi mthun pa ma yin pa de ltar na /gzhan gyi de la dam bca' ba'i dgos par 'gyur ba nyid yin no/ /gang yang /ltar snang bcas brjod sogs bkod pa'i/ lan ni 'brel pa med gzhang? gang byed/ /phyogs kyi tshig sgrub par byed pa yin te/ ltar snang ba dang bcas ba brjod ba sgrub par byed pa nyid du rjod pas/ dam bca' ba sgrub par byed pa nyid du brjod pa'i phyir ro zhes bya ba la sogs pa rigs pa'i sgo'i 'grel bshad byed pas phyogs snga mar bstan pa gang yin pa de/ 'brel pa med nyid kyis phyogs snga ma mdzes par gso par byed pa ma yin pa'i phyir gzhan gang yin no/ /'di la dper na mngon sum gyis ma nges pa yin no zhes bya ba dang /tshig nyid du bye brag yod pa yin na/ sun 'byin pas ma nges ba yin no zhes bya ba la sogs pa de lta bu'i lan gang yin pa de yang 'brel pa med pa nyid dang gzhan gang yin no/ /de ltar na ni de dag rnams /rigs min zhes sngar brjod zin to/ rigs pa dang ldan pa'i gtan tshigs kyi mtshan nyid ma brjod pa'i phyir ro/ /ltar snang ba dang bcas ? pa la sogs pa la bzlog na gnod pa can gyi tshad ma med pas khyab pa med pa'i phyir gtan tshigs nyid
- 320a
ma yin pas na de ni phyogs snga ma nyid ma yin no/ 'di ni sun 'byin pa nyid ma yin na ltar snang ba dang bcas pa brjod pa'i phyir zhes bya ba la sogs pa de lta bu'i khyad par brgyud pa dang /'gal ba mi 'khrul pa can 'god pa gzhan gyis byas pa na /nus pa med par 'gyur bas lan yang dag par brjod ba'i nus pa gang gis de ltar bkod pa yin no/ /de bas na 'dis phyogs snga ma'i lan ma btab pa nyid kyi phyir zhes gzhad gang du bya ba yin no/ /de bas na 'di phyogs snga ma nyid ma yin no/ /gtan tshigs kyang khyad par thams cad byed par nus pa ma yin no/ /de ltar na khyad par gang yin pa de nyid ni mi mthun pa'i phyogs dang 'gal ba nyid ni mi mthun pa'i phyogs dang 'gal ba nyid yin pa'i phyir /gtan tshigs de las ldog par 'gyur ro/ /de lta ma yin na ji ltar 'dod pa'i khyad par dag gis gtan tshigs thams cad mi mthun pa'i phyogs la 'jug pa med pa'i 'ga' zhig kyang ma nges par mi 'gyur ro/ /khyad par ci 'dra ba 'bras bu dang ldan par 'gyur ba de dang de ni sngar rig byed skyes bus ma byas pa dpyod pa'i skabs su rgyas par dpyad zin to/ /gal te phyogs bstan pas med na mi 'byung bsgrub par byed pa ma yin pa des na /'o na 'di sgrub par byed pa la nye bar mkho ba'i ngang tshul can ma yin pa'i mtshan nyid brjod par bya ba ma yin no/ /sgrub par bya ba yang rtsod pa'i gzhir gyur pa dang/ /rtogs par bya ba'i don yin no/ /de'i phyir yang brjod par bya ba nyid ma yin no zhes bya ni/ gzhan gyi yin no/ / bden te/ sgrub par bya ba brjod pa ni sgrub par byed pa la nye bar sbyor ba'i ngang tshul can dang /go bar bya ba'i don yin no de lta yang/ bsgrub brjod rtogs pa'i don can nyid/ /yin yang mtshan nyid yin par brjod do/ /ci'i phyir zhe na /
- 320b
bsgrub par bya ba dang /bsgrub par bya ba ma yin pa bzlog pas bstan bcos byed pa log par smra ba de ltar na/ bstan par bya ba de la rmongs med phyir te /rmongs pa bzlog pa'i phyir ro/ /bsgrub par bya ba de'i mtshan nyid bzhi /ngo bo bzhi ste/ ma grub pa dang sgrub par byed pa nyid ma yin pa la sogs pa ngo bo bzhi'o/ /de la rjes su dpag par bya ba'i mtshan nyid kyi mdo las /ngo bo kho na bdag nyid 'dod/ tshig gis ma grub sgrub byed min don brjod /rgol bas khas blangs pa bzung ngo/ /ci rigs par khong du chud par bya'o// rang gi ngo bos zhes bya ba ma grub pa gzung ngo/ /rang gi ngo bos kho nas zhes bya ba ni bsgrub par byed pa ma yin pa'o/ /'dod pa'i sgras ni 'dod pas yul du byas pa'o/ /bdag nyid kyi sgras ni sgrub par byed pa 'god bar byed pa'i ngang tshul can gyiS bsgrub byar 'dod pa gzung ngo/ /'dir snga ma gnyis kyis don la ma rig par brjod par bya ba mang ba nyid kyis/ don gyis brjod pa zhes bya ba la sogs pa phyi ma gnyis kyi don 'chad par byed do/ /de la 'dir ma brjod pa 'dod pas yul du byas pa'o/ /bsgrub par bya ba nyid ma yin pa de bas na de'i sgo nas skyon brjod pa gang yin pa ni ltag gcod yin no zhes kha cig smra'o/ /de dag gsal bar bya ba'i phyir /ma brjod na yang 'dod pas khyab pa sgrub byar 'dod /ci dang 'dra bar zhen/ bdag gi don bzhin te /dper na mig la sogs pa ni gzhan gyi don byed pa yin te zhes bya ba 'dir /bdag gi don bsgrub par bya ba nyid ma brjod kyang /bsgrub par bya ba yin pa lta bu'o/ /gal te bdag nyid kyi sgras gol bas bsgrub par bya ba nyid du 'dod pa gang yin pa de bor nas /gzhan 'dod pa thams cad bzlog pa byas pa de'i phyir /bdag nyid ces bya bas bstan bcos la bltos pa med par khas len pa stan par byed pa yin no zhes bya ba 'dis sngar khas blangs
- 321a
pa'i bstan bcos la bltos pa nyid 'gog par byed ce na/ bden te bdag nyid kyi sgras /gzhan 'dod pa thams cad bzlog na yang bstan bcos las khas blangs pa'i phyir /der 'dod pa thams cad bsgrub par bya ba yin no// zhes dogs pa'i gnas su 'gyur ro/ /'grel las bdag nyid sgra brjod pa /dogs pa'i gnas ni brjod pa ste/ slob dpon bdag nyid kyis so/ /log par rtag pa yang mthong par 'gyur ro/ /de'i phyir bdag gi sgra/ /de dag de'i don du byas/ log par rtag pa yang gsal ba'i don du byas pa yin no/ /gal te rgol bas 'dod pa nyid bsgrub par bya ba yin pa de'i che /chos kyi khyad par phyin ci log tu sgrub par byed pa la sogs pa 'gal ba rnams yod pa nyid ma yin no/ /gal te tshogs pa gcig bsgrub par bya ba yin de bas na de las bzlog pa'i bsgrub par byed pa yang gcig nyid yin no zhe na/ de ni bden te tshogs pa las bzlog pa'i sgrub par byed pa gang yin pa 'gal ba nyid yin te/ tshogs pa nyid bsgrub par bya ba nyid yin pa'i phyir ro/ /'on kyang don gcig sgrub par 'dod pa gang yin pa de nyid /bltos pas chos dang chos can gyi/ bye brag de ni brjod pa yin zhes bya ba ni g.yo'i tha snyad ni khyad par dang khyad par gzhi ji lta ba bzhin du skyon bstan pa'i don to/ /gal te gzhan gyis ma brjod par yang ji ltar bsgrub par bya bar rtogs she na/ 'di ltar ma brjod na yang 'dod pa yis /gnas skabs las ni /rtsod pa'i skabs las/ rtogs par 'gyur ro/ /'dod pas yul du byas pas /de'i dpe'i rjes 'gro med pa yang /skyon yin par 'dod kyi/ brjod pa tsam nyid la rjes 'gro ba med pa ni ma yin no/ /ci'i phyir zhe na /de skad du 'ga' zhig gis brjod ce na /bshad pa yin no/ /gang du ji ltar
- 321b
zhe na/ slob dpon dbyig gnyen gyis /ji skad bshad bzhin te/ gal te bdag gzhan de ma grub /dpe ? de la rjes su 'gro ba med pa'i skyon /'dod pa gnod byed yin te/ 'gal bar 'gyur ro/ /gzhan yang gal te gang la btsad pa yis don gang la rtsod pas te/ dper na ci bdag yod dam med ces bdag bsgrub par bya ba'i phyir /sgrub dgod de nye bar 'god par byed pa na bdag la sogs pa mngon par 'dod pa ste/ de bsgrub bya min na'o/ /'o na bsgrub bya ci yin zhes brjod par bya'o/ /gzhan du ni gal te rtsod pa'i gzhir gyur pa'i bsgrub par bya ba ma yin pa de'i tshe/ mi 'dod par 'gyur te/ dper na ming can dang 'brel pa las sngar sgra'i ngo bo don dang ldan pa yin te/ rnam par dbye ba mthong ba'i phyir zhes bya ba lta bu'o/ /de la 'dir sgra'i ngo bo ni rang gi ngo bo cam gyis don dang ldan pa ma yin na /don dang ldan par yang 'dod do/ /de'i tshe phyi rol gyi don dang ldan pa nyid mi 'dod par 'gyur ro/ /'bras med 'gyur /dper na spyir gzhan gyi don nyid bsgrub par bya ba lta bu'o/ /bstan ma thag pa'i tshul/ 'dis ni gnyis bcas sbyor ba la/ rjes 'gro med dang 'gal ba dag /bstan pa yin no/ /dper bsgrub par bya bas stong pa yin na de nyid kyi phyir/ gtan tshigs la 'gal ba'i skyon bstan par rig par bya'o/ /dper na bum pa chos can la skyes bus mngon par gsal ba sems pa yod pa can dang lus kyi rang bzhin dang bum pa'i nang nas/ gang yang rung bas gnyis pa dang bcas na ni bsgrub par bya ba yin te/ utpa la ma yin pa'i phyir te/ rtsig pa bzhin no zhes bya ba lta bu'o/ /'di la rjes su 'gro ba yod pa ma yin no// ci'i phyir zhe na /rtsig pa las skyes bu de 'dra ba gnyis pa dang bcas pa nyid du ma grub pa'i phyir ro/ /de ltar ni 'gyur mod kyi/ ci ste yang bsgrub par bya ba spyir 'dod na/ don gzhan gang yang rung ba spyir bsgrub par bya bar 'dod pa des khyad par
- 322a
can 'phen par byed pa ma yin phyir skyon yod pa ma yin no zhe na /de nyid spyi bsgrub par bya ba/ lus khas len med grub mi 'gyur /lus don gzhan du gyur ba'i dngos po khas len pa med na/ gnyi ga la don gzhan med pa'i phyir/ rgyu'i phyir ro/ /gnyi ga la don gzhan du gyur pa'i dngos po yod na gang yang rung ba'i rten yin no /de yang yod pa ma yin pa de ltar na/ spyi sgrub par bya ba ma yin no/ /gzhan yang bum pa la rang las don gzhan du gyur pa'i dngos po yod pa ma yin te/ 'gal ba'i phyir ro/ /lus kyang rjes su 'gro ba med pa'i dogs pas 'dod pa ma yin te/ gang yang rung ba nyid kyi rten dang bral ba'i phyir /tshig 'ba' zhig don gyis stong pa yin te/ brjod byas stong pa'i brjod pa rnams de de skad du bshad pa'i tshig/ ye shes kyis bslang zhing blun pas bslang zhing bskyed pa yin no/ /de ltar ni 'gyur mod kyi /gal te sgra don khyad par gyis rtog na/ byed na /'jig la'ang mtshungs pa yin /sgra mi rtag pa nyid du bsgrub par bya ba la yang /don gang yang rung ba la dmigs pa na/ bum pa dang sgra'i khyad par la rtog pas skyon mtshungs pa yin no/ /'di lta ste/ mi rtag pa spyir gyur pa bsgrub par bya ba dag ni sgra mi rtag pa nyid dang bum pa'i mi rtag pa nyid la brten nas tha dad par rtog pa na 'di la'ang skyon du 'gyur te/ ji ltar sgra la sgra'i mi rtag pa nyid du bsgrub par bya ba ma yin no ste/ rjes su 'gro ba med pa'i dog pas khas mi len pa'i phyir ro/ /bum pa ni rtag pa nyid kyang ma yin te/ mi srid pa'i phyir ro/ /mi rtag ba nyid du bsgrub par bya ba gzhan yang yod pa ma yin no/ /de ltar na sgra dang bum pa dag tha dad par rtog pa la/ khas blangs pa la sogs pa dang 'gal ba'am/ bsgrub par bya bas stong pa'i skyon du 'gyur ro zhe na/
- 322b
skyon de dang de yod pa ma yin no/ /ci'i phyir zhe na/ 'jig pa sgrub pa yis/ de lta na sgra ni grub phyir ro/ /mi rtag pa grub pa nyid kyis sgra mi rtag par sgrub par byed pa'i nyid kyi phyir ro/ /kho bo cag ni bum pa dang cig pa la gang yang rung ba don gzhan nyid bsgrub par bya bar 'dod pa nye bar 'god pa rjes su 'gro ba ma yin no zhes/ bsgrub bar bya bas stong pa la sogs pa'i rang bzhin yin par ni mi smra'i 'on kyang bsgrub par bya ba'i chos de 'dra ba nyid dpyad na ma grub pa yin no/ /de ltar 'di la ni ma yin no// 'di ltar na 'jig pa spyir grub pa nyid kyis de dang ldan par phyis sgra sgrub par bya'o/ /gang yang rung ba don gzhan du gyur pa 'ga' zhig kyang grub pa yod pa ma yin pa de ltar na /gang gis na gang yang rung ba de ltar na don gzhan yod na/ de ltar na/ bum pa yang gang yang rung ba gnyis pa dang bcas pa'i bum par 'gyur ro/ /de ltar na ji ltar mi rtag pa nyid kyis sgra de dang ldan pa yin pa de ltar bsgrub par bya bas stong pa ma yin zhing /de ltar ma yin na/ gcig la mi rtag pa gnyis su thal bar 'gyur ro/ /de bas na mi rtag nyid kyi spyi sgra'i rten la sgrub par bya ba yin pa de ltar na skyon yod pa ma yin no/ /de ltar ni 'gyur mod kyi/ gal te sgras khyad par mi rtag ces mi 'jug /chos can sgras khyad par du byas pa'i mi rtag pa nyid rjes su 'jug pa med pa de ltar na /bsgrub par bya ba des stong pa yin no zhe na/ skyon de yod pa ma yin no/ /ci'i phyir zhe na/ mi ldan ldog phyir ro/ /ma 'brel pa rnam par gcod par khyad par du byas pa'i phyir ro/ /mi ldan gzhan dang ldan pa dag/ rnam gcod phyir na /ma 'brel pa dang gzhan dang ldan pa rnam par gcod pa dag gis/ rnam gcod ni rnam pa gnyis te/ khyad par du byas pa yin zhes sngar bshad zin to/ /de la mi ldan pa /bzlog la ma 'brel pa rnam par gcod pa
- 323a
byas pa na/ gzhan dang 'brel pa ldog par mi 'gyur ba de ltar na/ rjes 'gro med pa yin /bsgrub par bya bas stong pa ma yin no zhes bya ba'i tha tshig bo/ /de spyi mi rtag pa nyid /bsgrub par bya yin pa /grub pa la sgrub nyid ma yin /grub pa la sgrub pa ma yin te /ma 'brel pa rnam par gcod pa ma grub pa nyid kyi phyir ro/ /gang byas pa de ni mi rtag pa yin no zhes bya bas/ mi rtag pa nyid kyis khyab bas bstan pa dang /sgra yang byas pa yin no zhes bya bas phyogs kyis chos bstan pa'i shugs kyis/ sgra mi rtag pa nyid du grub pa'i phyir ro/ /ma 'brel pa rnam par gcod pa'i spyi kyang rjes su 'gro ba med pa'i skyon gyi dogs par mi 'gyur ro/ /de de ltar na ma 'brel pa rnam par gcod pas khyad par du byas pa'i phyir /de de bsgrub pa nyid kyi phyir /sgra chos can gyi khyad par can/ rjes 'gro med pa'i skyon ldan med do/ /'dod pa sgrub par bya ba'i tshigs 'dis ni/ gang byas pa de ni mi rtag pa yin te/ sgra yang byas pa yin no zhes bya ba de bzhin du gtan tshigs 'dis chos can sgras khyed par du byas pa'i mi rtag pa nyid sgra la med do zhes sgrub par byed cing /de bzhin du chos mi rtag pa nyid kyi chos kyi khyad par du byas pa'i sgra med par sgrub par byed pa de ltar na/ chos can chos dag gis/ chos dang chos can khyad par can no// 'gog par byed pa'i rgol ba bsal ba yin te/ ji ltar skyon 'di yod ba ma yin no zhe'o/ /ci'i phyir zhe na/ chos can de ltar mi sgrub phyir/ sgra chos can la spyi'i bsgrub par bya ba ma yin pa gang gis na de las bzlog pa sgrub par byed pa nyid kyi phyir/ 'gal ba nyid du 'gyur/ de'i phyir tshogs pa dmigs kyis dkar ba ni/ chos can la ni 'gal ba med?
- 323b
ci'i phyir zhe na /gang phyir de ltar sgrub mi 'dod pas so/ /'o na ci yin zhe na/ sgra 'dir chos 'ba' zhig bsgrub bya yin/ mi rtag pa nyid la sogs pa'i yin par 'dod do/ /de lta ma yin na sgra mi rtag pa mi 'gyur ro/ /'o na ci yin zhe na /sgra mi rtag pa sgral sgrub par 'dod par 'gyur ro/ /de yang 'dod pa ma yin pa de ltar na/ de las bzlog pa la 'gal ba yod pa ma yin no/ /de ni bdag nyid smos pa 'chad par byed de /chos can gcig la'ang bstan bcos kyi /chos rnams du ma khas len kyang/ bstan bcos las khas blangs su zin kyang /gal te bstan bcos byed pa des chos can gcig la nam mkha' i yon tan nyid la sogs pa'i chos mang po mngon par 'dod pa de lta na yang gang zhig sgrub par byed pa 'god par byed pa des /bdag nyid 'dod pa ste/ mi rtag nyid la sogs pa sgrub par bya bar 'dod pa de nyid rnam pa 'ga' zhig gis bsgrub par byar 'gyur gyi/ bstan bcos byed pa'i 'dod pa ni ma yin no/ /slob dpon gyis de ltar /bstan ba'i don du bdag nyid sgra smras so/ /gal te bstan bcos khas blangs phyir /rgyu nyid kyi phyir des bstan pa'i chos thams cad bsgrub par bya ba nyid du gzung bar bya bar 'gyur ba de'i tshe/ thams cad gzung bas ji ltar khas blangs pa'i chos kyi tshogs las chos gcig la yang/? /rab tu gnod pa ste yin na /gtan tshigs dang /dam bca' ba dag skyon te /gtan tshigS 'ga' bar 'gyur na'o/ /dam bca' ba ni chos kyi khyad par bsal ba la sogs pa ste/ yan lag las yan lag can gzhan ma yin no zhes bya ba la sogs pas bshad pa dang 'chad par 'gyur ba'i skyon du 'gyur ro/ /de ltar na sgra mi rtag pa sgrub pa ni/ byas pa nyid kyi gtan tshigs las/ chos can dri la sa'i yon tan nyams pa'i phyir /sa'i yon tan nyid bzlog pa nyid kyi phyir byas pa nyid ces bya ba'i gtan tshigs 'gal bar 'gyur ro/ /de ltar na bstan bcos la brten nas sgrub par byed pa 'god
- 324a
pa gang yin pa de bstan bcos la 'dod pa'i chos kyi gnod pa na 'gal bar 'dod pa yin te /dper na byas ba nyid kyis sgra mi rtag pa nyid du bsgrub bar bya ba la nam mkha' i yon tan la sogs pa'i chos 'ga' zhig bsal ba lta bu'o/ /de ltar ni 'gyur mod kyi/ gal te de ni skabs min pa yin /chos can sgra la dri sa'i yon tan nyid yin par sgrub pa'i skabs min ma yin no/ /des na des bstan pa na yang 'gal ba ma yin no zhe na/ gzhan la mtshungs/ de ltar ni dri la sa'i yon tan nyid kyi skabs ma yin pa de gzhan la yang ste /sgra la yang nam mkha' i yon tan nyid la sogs pa mtshungs shing 'dra ba yin no/ /de bas na de bzlog par bya ba'i yin pa'i phyir skyon du mi 'gyur ro /de ltar ni 'gyur mod kyi /ci ste 'dir chos can skabs yin na/ nam mkha' i yon tan nyid la sogs pa 'di la chos can sgra'i skabs yin te /de la mi rtag pa nyid du dam bca' ba'i phyir ro/ /de bas na nyes pa de ni de las bzlog pa nyid kyi phyir yin gyi/ sa'i yon tan nyid ni ma yin te/ de'i chos can gyi skabs ma yin pa nyid phyir ro zhe na/ de lan min te rgol bas bkod pa'i skabs yin pa de ltar na chos can la rten pas nam mkha' i yon tan nyid bzlog pa la skyon brjod pa ma yin zhing gang gis sa'i yon tan nyid bzlog pa la mi 'gyur ro/ /'o na ci yin zhe na/ bstan bcos don sgrub byed/ skabs nyid yin pa'i phyir ro/ /de lta ba ma yin na/ rgol bas bkod pa nyid yin pa'i phyir mi rtag pa nyid la sogs pa bsgrub par bya ba'i chos kyang skabs nyid la bltos par 'gyur ro/ /des na gal te chos can gyi skabs ma yin pa de ltar na/ chos can la grags pa'i chos gcig kyang la lar 'ga' zhig dang 'gal na/ bsgrub par bya ba las bzlog pa'i phyir 'gal ba nyid yin no zhes bya ba'i don to/ /chos can chos sogs sgrub byed kyi /ci ste rgol 'dod sgra 'gyur na/ ci ste rgol ba 'ga' zhig kyang chos can
- 324b
gyi bye brag sgrub par bya ba nyid du 'dod pa sgrub par 'gyur te/ dper na chos can gyi cha bye brag gang yin pa de ni sgrub par bya ba yin te /chos can gyi chos nyid yin pa'i phyir /sgrub par bya ba'i chos bzhin no sogs pa smos pas ni/ gang dang gang bsgrub par bya ba'i spyi'i phyogs gcig gi bye brag gis gang yin pa de ni bsgrub par bya ba nyid du rgol bas 'dod ba yin te/ dper na bsgrub par bya ba'i chos lta bu'o/ /de bzhin du chos can gyi khyad par yang yin no zhe na/ 'di ltar chos can chos sogs sgrub byed kyis rgol ba'i 'dod pa 'grub par mi 'gyur te/ bzlog na gnod ba can gyi tshad ma med pas khyab pa med pa'i phyir /rjes su dpag pa lhag ma dang ldan pa nyid du 'gyur ro/ /gzhan yang gnas skabs 'ga' yas 'dod 'gyur ba/ rgol ba'i 'o/ /de yang ste 'dod pa'o/ /skabs su bab pa de dag gis rtogs 'gyur/ nus pa rgyur gyur ba dag gis 'dod pa rtogs par 'gyur ro/ /khyod kyi 'dod ba'i stobs kyis yin zhes bya ba mngon par 'dod pa'i yul ma yin pa smra ba gzhan gang yin pa de la rigs pa cung zad kyang yod pa ma yin zhes bya ba'i tha tshig ste /gsal bar dbang phyug dag gis byas pa yin no gzhan yang 'bras bu'i rtags can min de brjod /de skad du rgol ba'i 'dod pa/ 'khrul pa yis ni gnod bar 'gyur/ 'di la 'bras bu'i rtags yod pa ma yin pas na zhes tshig rnam par sbyar ro// 'bras bur gyur na 'dod pa sgrub pa yin par 'gyur te/ de yang yod pa ma yin pa de ltar na 'khrul ba yin no/ /gzhan yang gal te bsgrub par bya ba nyid du 'dod ba bsgrub bar bya ba'i chos med na mi 'byung ba ma yin pa la gnod par 'gyur ba de'i tshe? de la med na mi 'byung min don la'ang /gnod 'gyur gzhan la skabs su bab pa'i sgrub par bya ba'i chos la /ci zhig gnod /cung zad nyid kyang ma yin no/ /gang zhig med na mi 'byung bar mi 'gyur ba gang yin pa de la gnod pa na/ de la gnod pa ma yin pa de ltar na/ med na
- 325a
mi 'byung ba ma yin na bstan bcos la mthong ba la gnod pa na /rgol bas 'dod pa'i sgrub par bya ba gnod pa cung zad kyang yod pa ma yin te/ 'on kyang grub pa nyid yin no/ /de ltar ni rang gi spyod yul la ste rang gi bsgrub par bya ba la rjes dpag dngos po'i stobs kyis zhugs pa/ lung la bltos pa med par bshad /rjes su dpag pa des sgrub dngos po cung zad/ de ni legs par grub pa de rnam pa gzhan du bya bar nus pa ma yin no/ /de tshe bstan bcos la mthong med/ gnod ba 'am med pa zhes te/ bstan bcos de thos pa med pa'i phyir ro/ /de ltar ni 'gyur mod gal te rtsod dor de tshe 'gyur /bstan bcos khas blangs nas rtsod pa'i skabs su gyur pa yin pa des de la gnod pa na /rgol bas rtsod pa de dor bar 'gyur ba de ltar na /de'i khas blangs pa nyams par 'gyur ro zhe na/ de'i tshe dngos po'i stobs kyis zhugs pa'i rjes su dpag pas dpyod pa'i dus na/ skyon de min te/ khas mi len pa'i phyir bstan bcos khas blangs pa med pa'i phyir ro/ /khas blangs pa yang dpyad pa mi rung ba'i phyir ro/ /khas blangs pa nyams pa ma yin no/ /de ltar khas len na te/ khas len par byed na'o/ /dpyod pa 'di thabs yin des na sngar dpyad cing phyis len pa yin no/ /de ltar na dpyod pa'i dus na khas blangs pa/ de tshe yod kyang yan lag min/ dpyod pa'i dus na yod na yang bstan bcos kyi don khas len pa yan lag nyid ma yin no/ /ci'i phyir zhe na/ 'di ltar mngon sum la sogs pa'i yul gsum yin te/ de la mngon sum dang /rjes su dpag pa'i yul ni sngar rnam par dpyad pa'i sgo nas rnam par dag par bya ba dag yin te/ de ltar rnam par dpyod pas/ yul ni gnyis po dag /rnam par dag pa'i phyis/ bstan bcos yongs su len par byed par 'dod pa dus der 'gyur/ yongs su brtags pa'i dus las dus phyis bstan bcos len par 'gyur ro/ /de tshe bstan bcos
- 325b
nyid kyis gnod par rgol bala 'gyur ro/ /ci'i phyir zhe na/ de dang 'gal ba ste/ bstan bcos dang 'gal bas so/ /de grub pa'i don te bstan bcos la mthong ba'i don dag la dpyod pa gang yin pa de'i/ dpyod du mi rung nyid phyir ro/ /bstan bcos la 'gal ba yod na des bstan pa'i don mi rung ba'i phyir te/ gtan med pa'i dpyad pa mi 'jug go zhes bya ba'i don to/ /de de ltar na yul gnyis rnam par dag pa'i phyis gnas gsum pa la rjes su zhugs pa yin te /de gang gi tshe khas len par 'gyur ba de'i tshe /de'i gnas gsum pa la 'pho bar 'gyur ba de la/ gnas gsum par ni 'pho ba na yod na /bstan bcos khas len pa rigs ldan yin/ de'i tshe des bstan pa'i don dpyod pa la lung gnod pa can yin no/ /de la'ang de ltar bstan bcos yongs su len pa na/ bstan bcos la mthong ba gnod par bya ba'i don thams cad bsal bar bya ba ni ma yin gyi/ 'on kyang skabs su bab pa/ bsgrub par bya ba'i chos/ med na mi 'byung ste/ dper na mi rtag pa nyid kyis bdag med pa nyid la sogs pa lta bu'o/ /de nyid la gnod pa dag/ bsal bar bya ba'i gzhan min te/ gzhan gnas skabs la bab pa'i bsgrub par bya ba'i chos dang ma 'brel ba dag ni ma yin no/ /ci'i phyir zhe na/ thug pa med par thal phyir ro/ /dri la sogs pa la sa'i yon tan nyid la sogs pa bsal ba dang/ byas pa mi rtag pa nyid sgrub par byed pa'i phyir brjod pa na yang 'gal bar 'gyur ro zhes bya ba'i don to/ /bstan bcos khas blangs nas rtsod par bya ba yin no zhes brjod pa gang yin pa de dang de yang rigs pa ma yin te/ gang la lung gi don dpyod pa'i skabs su gyur pa de la bstan bcos khas blangs pa med par de rnam par gzhag pa'i don dag la dpyod pa nyid mi 'jug pa'i phyir ro/ /gang gi tshe bstan bcos la bltos pa med par dpyod pa na/ grub pa la 'gags byed pa cung zad kyang med pa de'i tshe
- 326a
lung la grags pa ma yin pa'i don la/ dpyod pa kun la bstan bcos dag/ gzung zhes lugs 'di gang gis byas/ /'ga' zhig gis kyang byas pa rigs pa nyid ma yin no/ /de ni da ni zhes bya ba la sogs pas rigs pa ma yin par ston par byed do/ /gal te grub pa'i mdza' khas len pa can sngon du song ba can gyi dpyod pa yod na/ dngos po grub kyi/ de lta ma yin na dngos po'i 'brel pa yod na yang ma yin no zhes rnam par bzhag pa yin na/ da ni 'o na grub mdza' med rnams kyi/ gang dag grub pa'i mdza' i ming yang med pa'i gnag rdzi mo la sogs pa de dag gis du bas te rtags med na mi 'byung ba dag gis kyang/ me ni 'dzin mi 'gyur/ yod pa nyid du nges pa ma yin te/ bstan bcos yongs su gzung ba med pas/ grub pa la gegs byed pa'i phyir ro/ /ci ste bstan bcos yongs su gzung ba med par yang grub pa la gegs byed pa med na/ 'o na ni bstan bcos yongs su 'dzin ba cung zad kyang byed pa ma yin no/ /de bas na bstan bcos yongs su 'dzin pa rigs pas thob pa ma yin no// // ? ? 'grel kyi 'grel pa/ /bam po sum cu rtsa bdun pa/ /gal te ci ste rtsod pa'i dus na bstan bcos yongs su gzung bar bya ba nyid yin no zhes rnam par bzhag pa de byas na gzung bar bya ba nyid yin no zhe na/ de ni ma yin te/ 'di ltar 'jig rten na grags pa 'am/ skyes pas lhan cig byas pa 'bral par 'gyur 'grang ste/ dper na rna ba la sogs pa lta bu 'am/ bdag nyid dang yon tan dang skyon yongs su rtogs pa'i tshad ma'i dbang gis don khas len pa'i tshad mas byas pa yang yin grang na/ re zhig snga ma ni ma yin te/ khas len pa 'ga' zhig/ skye bo deng? bur skyes 'gyur ba'i'o/ /gnyis pa yang ma yin te/ lung tsam gyis/ yon tan nyes par? mthong la'o/ /de bas na grub mdza' ngan pa 'dzin byed pa/ 'di ni gang las rnyed pa yin/ dper na lung 'di ma yin gyi
- 326b
'di ma yin no zhes bya ba lta bu'o ste/ ma yin pa nyid yin no/ /grub mdza' nyid ngan pa 'dzin pa yin te/ de la mos pa de las dbral bar mi nus pa nyid kyi phyir ro zhes bya ba ni dbyes pa nyid yin no/ /rnam par gzhag pa tsam yang lung 'ga' zhig gi yang ma yin pa de ltar na/ de dang 'brel pa gang las yin/ gang gis na de gdon mi za bar dpyod pa'i dus na khas blangs par bya ba yin/ de med pa yang ma grub pa la gegs byed pa med pa'i phyir ro gzhan yang gal te bstan bcos ma mthong bas gnod par bya bsgrub par byed pa'i nus pa yang/ la lar gnod pa skyed par 'gyur bde'i tshe/ 'di thob bar 'gyur te/ gal te sgrub par byed gcig la/ rgol ba kha cig /bstan bcos thams cad dpe dag tu/ ston pa de'i tshe sgrub byed 'gyur ro/ /de lta ma yin na/ chos gcig ma bstan pa na yang rjes su 'gro ba can de nyid la gnod pa'i phyir/ gtan tshigs thamS cad 'gal ba dang dpe bsgrub par bya bas stong par 'gyur ro zhe na/ 'di yang nus pa ma yin te rags pa 'ga' zhig kyang yod pa ma yin pa de ltar na/ de dag 'jig rten 'das lugs sam zhes bzhad gang du mdzad pa'o/ /gzhan yang gnas skabs su bab pa'i bsgrub par bya pa'i chos de las gzhan pa'i 'brel pa med pa gang yin pa ste/ 'brel pa med pa'i chos nam mkha' i yon tan nyid la sogs pa ma grub na/ skabs su bab pa'i bsgrub par bya ba'i chos dang/ gtan tshigs dag ni cis mi 'grub/ de bsgrub phyir skabs su bab pa'i bsgrub par byed pa'i phyir bshad pa gang yin pa de/ cis gnod 'gyur te 'gal bar 'gyur/ de la ni grub par 'gyur na/ bdag nyid sgrub par bya ba de la grub par 'gyur zhing/ 'brel pa med pa'i don gzhan la grub pa med par 'gyur na yang ngo/ /'brel pa med pa grub pa 'am mi 'grub kyang rung skabs su bab pa grub pa nyid kyis de med na mi 'byung ba sgrub par byed pa'i yin pa'i phyir ro zhes bya ba'i don to/ /gal te bstan bcos kyi ngon la gnod par bya ba la bsgrub par bya bar 'dod pa nyid grub par mi 'gyur ro zhe na/ de dang de yod pa ma yin te/
- 327a
'di ltar bsgrub par bya ba'i chos can gyi bstan bcos la mthong ba'i/ chos ni ji snyed pa de/ ma lus pa/ dpe ni nye bar 'god pa ma yin/ 'gro ba sems ldan me la sogs/ /sgrub par bya ba/ rjes su dpog gang las zhe na/ tshig dang dud sogs las te rang gi sgrub par bya ba med na med pa'i rtags las so/ /dper na skyes bu 'di sems dang ldan pa yin te/ smra ba'i phyir/ bdag bzhin no zhes bya ba sgrub par byed pa'i byed pa po skyes bu las tha dad pa'i don dam pa'i skyes bu med pa yang sgrub par byed pa de ltar na 'gal ba brjod pa yin na yang/ sems dang ldan pa rtogs par 'gyur ba lta bu'o/ /du ba dngos por gyur pa las me dang ldan pa'i sa phyogs bsgrub par bya ba la da ltar dang 'dir zhes bya ba'i bsgrub par bya ba nyid du 'dod pa'i me dang 'brel pa med na yang sgrub par byed do zhes bshad pa na yang shugs kyis mi 'grub ba lta bu'o/ /gzhan yang rang bzhin dang ste shing la sogs pa lta bu'o/ /rgyu ni me la sogs pa'o/ /don gyis ni rang bzhin du gyur pa'i shing sha pa la sogs pa'am 'bras bu dub la sogs pas so/ /'khrul pa med par sgrub pa na /rgol ba/ 'ga' zhig gi rtsod gnod pa la/ de la gnod pa'i phyir/ rang bzhin bdag nyid las de med na mi 'byung ba'i don ldog par mi 'gyur na gang gis ni rang gi yul la shes pa skyed par mi byed/ rtogs par byed pa gzhan gyis kyang/ skyes bus/ sgrub byar 'dod pa'i don dag dang/ med na mi 'byung ste gtan tshigs/ med na mi 'byung ba can gyi gtan tshigs la de rtogs pa gang yin pa de nyid/ med na mi 'byung ba nyid kyis gtan tshigs la de rtogs pa gang yin pa de nyid bsgrub par bya ba'i don nyid bgrub pa yin no zhes de nyid kyis rtogs pa yin no/ / gzhan yang skabs la bab pa'i sgrub par bya ba'i chos sgrub par byed pas bstan bcos kyi don gang la gnod par byed par 'gyur te/ dper na mi rtag pa nyid la sogs pa'i sgrub par byed pas nam mkha' i yon tan nyid la sogs pa lta bu'o/ /de la
- 327b
ci rgol bas byas pa nyid ces bya ba'i gtan tshigs de brjod pas de gnod pa can du 'byung ba yin nam/ 'on te brjod kyang rung mi brjod kyang rung dngos po nyid kyis yin grang na/ gal te gtan tshigs brjod mi brjod/ dngos su bstan bcos la mthong ba'i don la de'i tshe/ 'dir rgol ba skyon ci gnod/ skyon gang gis na bstan bcos kyi don la gnod pa na 'gal ba yin no zhes brjod par byed/ de ltar na rgol ba de brjod pa'i skyon gyis na/ byas pa nyid la sogs pa'i gtan tshigs kyis so/ /bstan bcos gnod pa skyed ma yin/ 'on kyang dngos po nyid las yin/ /gal te bstan bcos kyi da na khas blangs pa la gnod byed dpyad pa med par brjod pa'i phyir rgol ba de'i skyon yin no zhe na/ de la gal te rgol pa de gnod pa can gyi gtan tshigs mi brjod pa de'i tshe/ gtan tshigs des bstan bcos de la/ ci'i phyir mi gnod/ gang gis na gnod pa can brjod pa'i phyir skyon dang ldan pa yin no zhes bstan par 'gyur/ dngos po de gnod pa can yin zhing bstan bcos skyon dang ldan pa yin no zhes rgol ba mi rigs pa cung zad kyang mi byed de rgol ba des mi rigs byed med rnam pa gang gis dngos su gtan tshigs kyis bstan bcos kyi don nyes pa ste/ sun 'byin par 'gyur/ gal te dngos su bstan bcos kyi skyon gyis de gnod pa can gyi gtan tshigs yin pas na gnod pa can gyi gtan tshigs de brjod pas kyang/ rgol bskyon med pa can yin pa de'i tshe dngos su ma grub pa la sogs pa'i gtan tshigs ltar snang bar 'gyur na/ nges byas pa'i yin pa de ltar na de brjod pa na yang rgol ba skyon dang ldan par mi 'gyur ro zhe na/ de ni ma yin te/ 'di ltar/ gtan tshiD ltar snang gzhan dag la/ 'dod pa nyid de sgrub par bya ba'i chos nye bar bkod nas/ sgrub med phyir rgyu'i phyir/ rgol ba don med brjod pas skyon 'gyur na/ 'dod pa la gegs byed pa'i phyir ro/ /sgrub par byed pa'i sbyor ba 'bras bu med pa'i rgyu nyid kyis so/ /'di la med/ byas pa nyid la sogs pa mi rtag pa nyid sgrub par byed pa'i gtan tshigs
- 328a
yong na bstan bcos kyi ngon 'brel pa med pa la gnod par byed pa na yang/ rgol ba nyes pa dang ldan par mi 'gyur ro/ /ci'i phyir zhe na/ bsgrub par bya bar 'dod pa mi rtag pa nyid la sogs pa/ de sgrub phyir na ste rgyu'i phyir ro/ /gzhan yang gal te bstan bcos la lar 'ga' /skabs ma yin pa rigs min par 'gyur te/ skabs ma yin pa'i sgrub par byed pa'i gtan tshigs yod pa bstan bcos kyi ngon 'brel pa med pa la gnod pa can thob pa de la/ skabs su bab pa/ gzhan yang rigs pa dang/ smra ba gang yin pa yang / sgrub bar bya ba/ smra ba gang ni 'gog byed pa dper na khyod mi rigs pa smra'o zhes bya ba lta bu'o/ /de ltar 'gog pa la rigs pa cung zad kyang yod pa ma yin gyi/ 'on kyang 'di ni/ de ltar rgyal po'i chos lugs sam/ gzhan yang bstan bcos la mthong ba'i don rnams thams cad mtshungs byas nas/ sgrub par byed pa brjod mi nus/ bstan bcos kyi don thams cad bsgrub par bya ba yin pas gcig kyang sgrub par byed pa ma yin pa de'i tshe/ gtan tshigs thams cad skyon dang ldan par 'gyur ro/ /rgyu des na bsgrub bya sgrub byed 'di/ / rnam bzhag thams cad la sgrub par byed pa rgyun 'gyur ba de bas na/ skabs su bab pa'i bsgrub par bya ba'i chos grub pa na/ 'brel pa med pa ma grub pa 'am/ bsgrub par bya ba yod na/ sgrub par byed pa skyen dang ldan pa ma yin no zhes bya ba der gnas so/ /gal te de ltar na nam mkha' i yon tan nyid la sogs pa gcig tu sgrub par bya ba ma yin pa na/ sgra mi rtag pa nyid la sogs pa sgrub par byed pa'i gtan tshigs byas pa nyid la sogs pa skyon dang ldan pa nyid ma yin no/ /'o na 'di ltar don gzhan mi 'dod pa la yang bsgrub par bya ba yin na bsgrub par bya ba la cung zad kyang gnod pa med pa'i phyir/ gang gi tshe de nyid la mnyan par bya ba nyid la sogs pas rtag pa nyid la sogs pa grub par byed pa de'i tshe/ de grub pa na yang 'gal ba mi 'khrul pa can gyi skyon du mi 'gyur ro zhe na /de ni ma yin te/
- 328b
'gal nges pa ste/ 'gal ba mi 'khrul pa can bsgrub par bya ba'i chos de dag gnod byed 'gyur ro/ /chos can gcig la 'gal ba dag/ mi rung phyir na te/ chos can sgra gcig la rtag pa dang mi rtag pa ngag 'gal ba gnas pa med pa'i phyir ro/ /'gal ba nyid grub na/ mi rtag pa nyid du 'dod pa nyid la gnod par 'gyur na/ 'di la ni/ de 'dra'i 'gal ba yod ma yin /ji ltar rtag pa dang mi rtag pa 'di gnyis 'gal ba yin pa de ltar na skabs su bab pa dang skabs su bab pa ma yin pa'i chos can dag gi nang nas skabs su bab pa'i sgrub par bya ba la skabs su bab pa ma yin pa dang 'gal ba yod pa ma yin na/ gang gis na gcig grub pa na gzhan la gnod par 'gyur/ dper na sgra la mi rtag pa nyid dang nam mkha' i yon tan nyid med pa dag byas pa nyid las grub pa thob pa lta bu'o/ /da bas na gnod par bya ba dang gnod par byed pa ma yin bdag rtags gcig las grub pa la 'gal ba yod pa ma yin no/ /gal te de dag skabs su bab pa dang skabs su bab pa ma yin pa dag phan tshun gnod bya dang /gnod byed min na 'ang/ skabs ma yin pa gcig la bstan bcos kyi don las phyin ci log tu grub na/ bstan bcos kyi don slad par 'gyur ba de ltar na/ bstan bcos don bslad phyir rgyu'i phyir/ 'brel med la/ skabs ma yin pas na med na mi 'byung ba ma yin pa'ang mi rtag pa nyid la sogs pa 'dod pa la gnod par 'gyur ro zhe na/ de'i tshe bstan bcos bslad par 'gyur te/ de yang byas pa nyid kyi phyir dri la sa'i yon tan nyid bzlog pa la mtshungs pa de ltar na/ skabs su bab pa mi rtag nyid sgrub pa la yang 'gal bar 'gyur ro/ /de ltar na rtags thams cad dang bstan bcos la chos 'ga' zhig la/ gnod par byed pa na gzhan 'ga' gang yin pa de yang gtan tshigs thams cad kyis 'gal ba yin par ? bsdu ba'i sgo nas gnod byed 'gyur ro/ /gal te nam mkha' i yon tan nyid la sogs pa de sgra nyid dang/ 'brel ba yod pa yin gyi/ chos can dri la sogs pa'i
- 329a
rgyu ma yin pa'i rgyus des de nyid las/ sgra la skabs su bab pa'i gtan tshigs kyis gnod par 'gyur/ gzhan gyis gzhan la min no zhe na/ de bden ma yin no/ /'di ltar gtan tshigs kun rang bsgrub bya la/ rang gi bsgrub par bya ba gang yin pa de la yon tan nyes ba dpyad phyir ro/ de yang gzhan ji srid du rang gi bsgrub par bya ba de la gnod pa'i phyir gtan skyon dang ldan par 'gyur te/ bstan bcos las khas blangs pa'i phyir/ der grags pa thams cad bsgrub par bya ba yin pa de ltar na la lar chos gcig la gnod pa yang 'gal ba nyid yin no/ /gzhan yang bsgrub pa bya ba med mi 'byung ba'i/ 'brel pa zhes bya gzhan de dang bsgrub par bya ba'i chos med na mi 'byung ba yin te/ dper na mi rtag pa nyid ni sdug bsngal la sogs pa med na mi 'byung ba'i phyir ro med na mi 'byung ba nyid kyi 'brel pa'i tha snyad sten pa de 'dir/ skabs su bab pa ma yin pa bsgrub par bya ba ma yin pa bzlog pa la/ mi 'dod do khas len bar mi byed do/ /ldan pa dang/ rnam par phye ba dang 'phrod pa 'du ba'i rgyu ma yin pa nyid la sogs pa'i chos bzlog pa'i phyir/ bstan bcos kyi don la gnod pa yin pa de ltar na/ 'di ni bstan bcos gnod 'ba' zhig skyon yin no zhes bstan bcos kyi gnod pa de gzhan gyis byas te/ gzhan btsal ma thag tu byung ba'i gtan tshigs kyis/ dri la sogs pa'i chos can gzhan la sa'i yon tan nyid la sogs pas bzlog pa byed pa mtshungs shing 'dra ba yin no/ /de bas na sgra la byas pa nyid la sogs pa 'dod pa sgrub par byed pa yang skyon dang ldan pa yin no/ /gzhan yang gal te bstan bcos khas blangs phyir/ rgyu'i phyir/ bstan bcos mthong ba yis don ma lus bsgrub par bya ba yis bar rgol ba de 'dod pa de'i tshe/ dpe dang gtan tshigs ma grub smra/ dam bca' bar ni thal bar 'gyur/ gang gi tshe rgol ba 'ga' zhig gis rang gi bstan
- 329b
bcos las bstan pa'i dpe dang gtan tshigs ma grub par bstan par bya ba la ston par 'gyur ba de'i tshe/ de gnyis kyi tshig kyang dam bca' bar 'gyur te/ bstan bcos la mthong ba'i ma grub pa ni bsgrub par bya ba nyid yin pa'i phyir ro/ /de ltar 'gyur ba ni bden te/ gal te sgrub byed nyid brjod pa ma yin 'dod pa smra phyir ro/ /de ni rigs pas thob pa yin te/ 'on kyang bsgrub par bya ba nyid du 'dod pa zhes bya ba nyid du 'dod pa zhes bya ba'i tshig mdzad cing/ gzhan du yang rang gi ngo bo kho na zhes bya ba'i nges par gzung ba byas pa de'i phyir/ 'dod ba zhes bya ba la sogs pa'i tshig de las bsgrub par bya ba nyid du brjod pa ste/ sgrub par byed pa nyid du 'dod pa'i dpe dang gtan tshigs ma grub pa dag gis dam bca' bar thal bar 'gyur ba ma yin no zhes bya ba'i dbang du byas pa yin no zhe na/ de la gal te dpe dang gtan tshigs ma grub pa dag gi tshig/ bsgrub bya rigs pas thob pa ni 'dod pa'i tshig tsam las/ de dag ldog pa ma yin te/ me'i dro ba nyid bzhin no/ /ci ste yang rigs pas thob pa sgrub par bya ba nyid ma yin gyi/ 'on kyang gzhan nyid byed pa nyid 'dod pa yin no/ /de nyid tshig gzhan gyis bsgrub par bya ba nyid nye bar sbyor bar byed pa dang/ sgrub par bya ba ma yin pa nyid 'gog par byed pa yin no zhe na/ de'i tshe de nyid kyi skyon yin gyi gzhan ni ma yin te/ gang zhig nges rnam par bzhag pa tsam la gus par bya ba ma yin te/ 'chad pa po dag nyid 'dod pa kho na bsgrub par bya ba yin par 'gyur ro/ /gal te rgol bas bsgrub par bya ba nyid du gtan tshigs ma grub pa la sogs pa 'di 'dod sgrub bya min no zhe na/ gal te de lta yin pa de'i tshe/ rgol bas gzhan yang/ skabs su bab pa ma yin pa nam mkha' i yon tan nyid la sogs pa bsgrub par bya ba nyid du/ mi 'dod pa'i/ chos bsgrub bya ma yin te/ bsgrub par bya ba nyid ma yin no zhes bya ba'i don to/ /de'i tshe byas pa nyid la sogs pa'i nam mkha' i yon tan nyid la sogs pa /
- 330a
bsgrub bya min gnod 'gal ba ci/ ma yin pa nyid yin te/ 'gal ba ni bsgrub par bya ba phyin ci log pa'i mtshan nyid yin pa'i phyir ro/ /gzhan yang gal te bstan bcos kyi don thams cad sgrub par bya ba yin pa de'i tshe/ bdag nyid sgra yang don med can yin no/ /ci 'dra ba zhig ce na/ phyogs mtshan phyi rol don can gyi'o/ /de ltar na gang gi tshe bstan bcos byed pa'i 'dod pa/ 'dod par mi 'gyur bde'i tshe/ de bsal bar bya ba'i phyir/ bdag nyid kyi sgra smos ba don dang bcas par 'gyur ro/ /de lta ma yin na/ phyogs kyi mtshan nyid la 'khrul par dogs par 'gyur ro/ /de bas na rtog pa dang ldan pa bdag nyid kyi sgra brjod par mi 'gyur ro/ /bstan bcos cung zad sngar khas blangs pa gang yin pa de bor nas/ rtsod pa'i dus su bdag nyid kyi 'dod pas bstan bcos gzhan la brten pa'i rgol ba yang 'gal ba yod pa ma yin no zhes de ltar na/ gal te bstan bcos 'dod 'jug don/ can gyi bdag nyid kyi sgra'i brjod par bde pa de ltar na yang bya ba nyid ma yin no/ /de ltar ni gal te 'dod pas bstan bcos 'dzin pI rgol bas mi thob bo zhes dogs par 'gyur ba de'i tshe/ de ltar rigs pa ma yin te/ 'di ltar dogs pa gang las yin/ gang gis na bstan bcos la 'dod pas 'jug pa'i don du bdag nyid kyis sgra byas pa yin te/ de la 'dir rgol ba bdag nyid kyi 'dod pas bstan bcos 'dzin pa tshad ma gnod pa'am gnod par mi 'gyur grang na/ de la gal te rgol ba de/ tshad mas de gnod med na ni/ de'i tshe bstan bcos gzhan 'dzin pa gang gis bzlog par nus /dper na mngon par 'dod pa'i phyogs la gnas pa la sogs pa'i rtog pa lta bu'o/ /gal te tshad mas gnod yin na/ mngon par 'dod pa'i bstan bcos khas blangs pa la'o zhe na/ de ltar na yang/ tshig ni gang las 'jug par 'gyur/ bdag nyid kyi sgra las
- 330b
kyang mtshan nyid byed pas mngon par 'dod pa'i bstan bcos khas blangs pa la rgol ba 'jug par mi nus so zhes bya ba'i don to/ /gzhan yang/ de dag sngar yang rgol ba/ grub mdza' ni gang cung zad /rang gi 'dod pa nyid kyis 'dzin/ de 'dzin par 'gyur ba yin no/ /ji ltar 'dod pas sngar 'dzin pa de ltar 'dod pas nges kyang rnam pa 'ga' ste sngar gyi bor nas grub pa'i mdza' gzhan dag ni 'dzin thob cis ma yin/ thob pa nyid ma yin no/ de ltar na 'dod pas don thob pa dang phrad pa'i phyir bdag nyid smos pas rigs pa ma yin no/ /gal te 'dod pas thob pa gang yin pa de'i don du 'bad rtsol rigs pa ma yin pa de'i tshe /rgol ba 'dod pa'i bsgrub par bya ba yang 'dod pa nyid kyis yongs su len par grub pa nyid yin na/ slob dpon gyis de'i don du bdag nyid smos par mi 'gyur ro zhe na/ de ni ma yin no// ci'i phyir zhe na/ log par rtog pa mthong ba'i phyir/ rgyu'i phyir te/ log par rtog pa dag ni mthong ba yin te/ dper na bstan bcos byed pa'i 'dod pa sgrub pa yin no zhes bya ba lta bu'o/ /log par rtog pa de dag bsal bar bya ba'i phyir/ phyogs kyi mtshan nyid/ 'dir bdag nyid sgra byas pa yin no/ /nam mkha' yon tan nyid la sogs pa bsal ba ni/ mi rtag pa nyid la sogs pa/ 'dod gnod med dang/ nam mkha' i yon tan nyid la sogs pa skabs ma yin pa de yang bsgrub bya min no/ /nam mkha' i yon tan nyid la sogs pa gzhan la gnod pa yod na/ mi rtag pa nyid la sogs pa 'brel pa med pa gzhan la gnod pa byed pa khas len na/ slob dpon gyis ji skad du bshad pa/ thug pa med pa bstan pa yin no/ /gzhung lugs kyis byas khyad par dag ste/ chos can yongs su spangs nas/ gnag rdzi mo'i bar la/ rab grags pa'i/ chos can dag ni gzung don du/ gzhan ni bdag nyid sgra brjod zer/ bdag nyid ces bya ba 'dis nam mkha' i yon tan nyid la sogs pa'i khyad par dang bral ba bsgrub par bya ba'i chos
- 331a
can 'ba' zhig yongs su gzung ba yin no zhe na/ gzhung lugs kyis byas pa'i khyad par gyi chos can yongs su btang nas rab tu grags pa'i chos can yongs su bzung ba'i don du bdag nyid kyi sgra bshad pa yin no zhe bya ba gang yin pa de ni ma yin te/ 'di ltar bdag nyid kyi sgra sbyor ba'i chos can la chos cung zad cig 'ga' zhig gis kyang nyams bar 'god pa 'am/ mi 'gong pa nyid la 'gog par mi byed do/ /de ltar na rang 'dod rtags pa'i khyad par can/ dngos po rnams la rtsod med phyir/ rtsod pa med pa'i rgyu'i phyir/ brdas nye bar sbyong ba'i chos can ma grub pa la 'ga' zhig kyang khyad par dpyod pa'i rtsom par mi byed do/ /'on kyang spyir chos can grub pa'i ngo bo la khyad par dpyod pa'i rtsom par 'gyur te/ sbyod ba nyid kyi skabs yin pa'i phyir ro/ rgyu'i phyir/ rab grags brten ni grub pa yin par 'gyur ba yin pa de ltar na/ de yongs su gzung ba'i don du bdag nyid kyi sgra sbyor bar rig pa ma yin te/ bye brag dpyod pa'i rten nyid kyis spyir chos can gyi ngo bor grub pa'i phyir ro/ /ce ste bdag nyid kyi sgras chos can ma grub pa yongs su spangs nas rab tu grags pa'i chos can yongs su gzung ba'i phyir bstan pa yin no/ /de bas na grags sgras te/ rab tu grags pa'i tshig nges bdag nyid kyi sgras sngar tshad ma gzhan gyis grub pa'i chos can bsgrub par bya ba'i chos kyi khyad par du bya ba nyid kyis bsgrub par bya ba yin gyi/ chos can yan gar ba de nyid ni bsgrub par bya ba ma yin te/ grub ga nyid kyi phyir ro/ /de ltar na chos can ni/ bsgrub bya ma yin par smra na'o/ /de ltar na yang de'i don can gyi bdag nyid kyi sgra rigs pa ma yin te/ 'di ltar na/ chos can ni/ bsgrub bya ma yin par smra na'o/ /de ltar na yang de'i don can gyi bdag nyid kyi sgra rigs pa ma yin te/ 'di ltar rang gi ngo bo nyid bsten pas shes bya 'di nyid kyis de rtogs/
- 331b
de ltar ni grub dang sgrub byed ngo bo yis/ grub pa'i ngo bo dang/ bstan pa dag ni yod yin no/ /de bas na bsgrub bya nyid du bshad pa zhes bya ba 'di ni ste tshig ni 'bras ldan 'gyur ro/ /de bas na 'di nyid kyis grub pa dang/ ma grub pa sgrub par byed pa nyid du/ khas len pa rnam par gcad pa nyid kyi phyir/ de lta bu'i don la yang bdag nyid kyis sgra bya bar rigs pa ma yin/ ci ste rab tu grags ba'i chos can gzung bar zhes bya ba'i no zhes bya ba 'dir/ don ni 'di yin par brtag par bya ste/ ji ltar chos can bdag nyid ma grub ba gang yin pa de ma grub grub par bya ba'i phyir/ sgrub par byed pa brjod par bya ba ma yin te/ dper na gtso bo yod pa yin te/ khyad par dang rjes su 'gro ba ma mthong ba'i phyir ro/ zhes bya ba lta bu'o/ /de de ltar na chos can sgrub pa bkag pa'i don can gyi rang gi tshig gi 'bras bu med pa can nyid yin no/ /'di ltar slob dpon bdag nyid kyis/ rjes su dpag ba spyi'i ni/ yul can nyid du brjod pa yin/ des na chos can yod pa nyid bsgrub par bya ba ma yin te/ bsgrub par bya ba de la khyad par bsgrub par byed par 'gyur ro/ de yang yod pa ma yin te/ rjes su dpag pa ni rang gi mtshan nyid kyi yul can nyid ma yin pa'i phyir ro/ /de bas na phyogs kyi mtshan nyid/ 'di ni de skad ma bstan kyang chos can grub pa sgrub par bya ba nyid ma yin par ston pa'i don can gyi bdag nyid kyi sgra ma smras na yang/ 'ga' zhig phyogs la 'gal ba med/ gang gis na brjod par byed/ cung zhig kyang ma rjod bar rigs pa nyid ma yin no zhes bya ba'i don to gzhan yang/ gal te yang/ gal te chos can bsgrub byar byas/ de las 'dod pa ma yin pa cir 'gyur/ gang gis na chos can nyid bsgrub par bya bar ma byed cig ces bdag nyid smos pa byas pa yin te/ 'di la dri bar bya ba ci zhig yod ce na/ de mi nus/ chos can yod pa nyid sgrub par byed pas bya bar nus pa nyid ma yin no/ /rgyu
- 332a
ci'i phyir zhe na/ rgyu dang rjes 'gro med phyir zhes bya ba smos te/ gtan tshigs med pa'i phyir dang rjes su 'gro ba med pa'i phyir ro/ /chos can ma grub na gtan tshigs kyi rten ma grub pa'i phyir/ de'i sgrub pa'i phyir/ de'i sgrub par byed pa ma yin no/ /chos can la dpe med ba'i phyir/ bsgrub par bya bas stod pas dpe yon tan dang ldan pa med pa de ltar na/ sgrub par nus pa ma yin no/ /de dag skyon 'di ma yin nam/ gtan tshigs dang dpe dag gis skyon 'di yin gyi phyogs kyi ni ma yin no/ /de ltar na phyogs kyi chos la sogs pa yan lag phyi ma la bltos nas/ ma grub pa nyid la sogs pa'i sgon? /yan lag phyi ma la bltos nas/ phyogs kyi nyes par mi 'dod do/ /gal te de ltar na yang yan lag phyi ma la bltos nas 'byung ba'i ngang tshul can gyi skyon yang/ phyogs la gnod pa'i phyir phyogs kyi skyon yin par rtogs pa na/ de ltar rgyu sogs skyon yin yang/ phyogs kyi skyon du thal 'gyur ro/ /ci'i phyir zhe na/ ma grub pa la sogs pa'i gtan tshigs kyi skyon de dag/ thams cad phyogs la gnod phyir ro/ /rgyu'i phyir ro/ /de ltar yang mi 'dod do/ /de'i phyir de tsam dang 'brel pa/ phyogs kyi tshigs tsam dang rjes su 'brel pa nyid/ phyogs kyi skyon 'dod de/ mngon sum la sogs 'gal ba bzhin no gzhan min te/ yan lag phyi ma la bltos nas 'byung ba'i dang tshul gyi skyon ni phyoD kyi skyon yin par ma 'dod pa de ltar na/ yan lag phyi ma la bltos nas/ phyogs kyi skyon du 'gyur ba spang ba'i don du bdag nyid smos pa rigs pa ma yin no/ /de ltar na gtan tshigs dang dpe'i mtshan nyid gang yin pa'i/ rgyu sogs mtshan nyid kyis gnod pa/ yongs su ngor bar bya ba'i skyon bor nas/ phyogs tsam dang rjes su 'brel pa'i skyon rnam par gcad pa'i don du/ phyogs kyi mtshan nyid ni ste phyogs kyi chos brjod pa'i dang tshul can gyi tshig brjod pa yin no/ /de ci'i
- 332b
phyir zhe na/ mtshan nyid la/ khyab pa med dang ldog pa dag/ spang ba'i don du ste'o/ /de lta ma yin na gal te gtan tshigs dpe'i mtshan nyid kyis spang bar bya ba'i skyon la bltos pa mtshan nyid yin par brjod pa de'i tshe/ gtan tshigs la sogs pa'i mtshan nyid yul med pa nyid kyis brjod par bya ba ma yin par 'gyur ro/ /de la phyogs kyi mtshan nyid kyi tshig 'di la tshig gang gis rnam bcad pa gang yin pa 'di bdag nyid ces bya ba la sogs pas bstan te/ bdag nyid ces bya ba ni tshig phrad do/ /rang gi ngo bos zhes bya ba ngo bo'i sgra 'di/ ma bsal ba dang bcas pa ni/ ldog pa la ni gnod byed yin/ de la bdag nyid kyi sbras bstan bcos byed pa'i 'dod pa dang kho nas sgrub par byed pa ma grub pa brjod pa dang/ rang gi ngo bos grub pa dang/ ma bsal bas mngon sum la sogs pas gnod pa bsgrub par bya ba nyid thob pa bsal ba yin no/ /'dod sgras khyab med gnod pa can yin pa de ltar na nges ma bstan du zin kyang rgol ba 'dod pa bsgrub par byed par 'phangs pa yin no/ /de de ltar na rnam par phye nas mtshan nyid du byas pa yin no zhes/ dngos su ni bsgrub byar khas blangs phyogs mtshan nyid yin /ji ltar khas blangs pa yin zhe na/ skabs gzhan bstan pa med pa'i phyir dang/ bsgrub par bya ba bstan pa'i skabs yin pa'i phyir bsgrub par bya ba nyid yin no zhes khong du chud par bya'o/ /de bas na 'dis ni rang gi ngo bo yi sgras thob pa'i don yin no/ /gang gis she na/ rgol bas zhes bya ba nye ba'i phyir/ bstan bcos byed pa'i 'dod pa bsal bas bdag nyid kyi sgra'i don yin no/ /de'i tshe sgrub par byed ba ma grub pa bsgrub par bya ba nyid du khas len pa med pa'i phyir/ rtsod pa'i gzhir gyur pa khas len pa'i phyir/ shugs las nges par gzung ba rtogs pa'i phyir/ kho na'i don dang/ 'dod pa'i tshig gi don khas blangs
- 334a
za ba'i don la gtan tshigs kyi tshig nye bar 'dod pa skabs kyis bsgrub par bya ba'i chos yin par nges pa'i phyir ro/ /gang gi tshe tshad mas de lta bu'i ngo bor bsgrub pa 'am 'gog pa de'i tshe/ gzhan de lta bu'i ngo bo'i yul bsgrub par mi byed pa'i phyir dang/ dngos po la tshul gnyis mi rung ba'i phyir ro tshad ma 'gal ba dag ni de la mi 'jug pa'i phyir ro/ /gnod pa can nam gnod pa med pa'i gtan tshigs la bltos pa med pa de ltar na/ bsgrub par bya ba khas len pa the tshom za ba nyid la/ gtan tshigs bltos par 'gyur ro/ /de'i phyir bsal ba ste/ phyin ci log pas bsgrub par bya ba las spangs shing tshad mas bsal zhes bya ba'i don to/ /de nyid gtan tshigs rten ma yin/ de ltar na phyogs ni gtan tshigs kyi yul yin la de'i gang gi tshe bsal bar gyur pa de'i tshe/ yul can gyi gtan tshigs kyang mi 'jug pa de ltar na/ phyogs ltar snang ba brjod pa 'bras bu med pa yin te/ phyogs kyi tshig gi gtan tshigs kyi yul bstan pa'i don nyid yin pa'i phyir ro/ /tshad mas gnad pa yin na de yang rnam pa gnyis yin na/ ji ltar rnam pa bzhi yin zhe na/ bshad pa mngon sum gyis gcig yin zhing /rjes su dpag pa'i dbye ba yis gnod pa/ rjes dpag pa rnam pa gsum yin pas gnod pa/ de ni rnam pa bzhi ru bshad/ rtags gsum las byung ba'i ngang tshul can gyi rjes su dpag pa la khas blangs pa ji ltar nang du 'dus pa yin zhing/ gang gis na rjes su dpag pa'i dbye ba rnam pa gsum du 'gyur zhe na/ de la yid ches pa dang rang gi tshig la khas blangs pa zhes bshad pa yin te/ de la khas blangs 'bras bu rtags dang/ 'gro la grags pa ste lugs ni/ rang bzhin rtags yin pa de ltar rjes su dpag pa'i nang du 'du ba nyid yin no/ /bsal ba rnam pa gzhi yang mngon sum don dang
- 334b
rjes? dpag dang zhes bya ba la sogs pas bshad pa la/ 'dir 'ga' zhig ni/ mngon sum don dang rjes dpag dang/ lung grags grags pas ma bsal ba zhes bya ba 'chad pa na/ yid ches pa'i tshig gi lung dang/ rang gi tshig dang 'gro la grags pa bstan pa yin no zheS smra ste/ de yang na rigs de ltar na gang gi tshe grags pa yid ches pa'i tshig gis bsdus par 'gyur ba de'i tshe/ ji ltar lung dang rang gi tshig dag mtshungs par gzhal bya'i don can gyi tshad ma nag yod pa ma yin no zhes dpe ston pa de ltar grags pa la yang mtshungs par dpe gzhan brjod par 'gyur ro/ /'di ltar yod pa nyid kyi phyir ri bong can ni zla ba ma yin no zhes tha? dad par dper bstan pa mdzad pa yin no/ /de ltar dpe tha dad par bstan nas mtshan nyid kyi mdo las/ mdor bsdus nas bstan pa la dgos pa ci zhig yod lung dang rang gi tshig dag bsdus nas bstan pa'i dgos pa yang 'chad par 'gyur ba de ltar na rab tu grags pa'i sgra grags pas gsal ba las rang gi tshig tha dad par ston par byed pa yin no/ /de'i tshe 'di ltar mngon sum yang 'di yin la/ don yang yin pas mngon sum gyi don te/ /de dang rjes su dpag pa dang/ yid ches pa dang/ grags pa zhes bya bar tshig sbyar pa yin pa'i phyir/ gcig bzhin du 'gyur ba'i zlas dbye bar bstan te/ /de ltar mngon sum dang rjes su dpag pa dag brjod bya rung? ba'i nyid kyi phyir/ go rim las bzlog na khas blangs pa dang rang gi tshig dang 'gal ba dag gi don bdag gzhan zhes bya ba la sogs pas 'chad par byed do/ /yid ches par 'dod pa gang yin zhe na/ bdag gzhan yid ches 'dod pa'i'o/ /ci 'dra ba zhig ce na/ yang dag nges dang ldan pa'i dag /don ji lta ba bzhin du shes nas 'jug pa'i dag gang la yod pa zhes bya bar tshig rnam par sbyar ro/ /de ltar na rgol bas bstan bcos khas blangs pa nges de tshad ma nyid dang/ bdag nyid kyang de lta bu'i rnam pa can du khas
- 335a
len pa de ltar na/ 'di dag ni yid ches pa'i sgra'i brjod par bya ba dag yin no/ /de dag gi don de lta bu'i ngo bo med par tshig mi 'jug pas na 'chad pa po'i bsam pa'i dbang gis/ 'bras bu'i rtags yin pa de bas na/ mtshungs phyir ro de dag ni 'bras bu'i rtags yin par mtshungs pa'i phyir ro/ /rang gi tshig dang bstan bcos ni/ gcig tu byas nas yid ches pa'i sgras bshad do/ /'dir yang gcig byas pa yin te/ ji ltar bdag ni chad min na/ rgol ba tshad ma nyid ma yin par khas len par bya na/ gzhan nges par bya ba'i phyir/ tshig gi 'jug par mi 'gyur zhing/ de ltar bstan bcos grags don la/ de rten min na/ bstan bcos tshad ma nyid yin par khas mi len na/ dpyod pa yang/ 'jug par mi 'gyur ba de ltar na 'di yang mtshungs pa gzhan yin no/ /gal te gnyi ga yid ches pa'i sgra'i brjod par bya ba nyid yin na/ 'dren mang bstan pa la dgos pa ci zhig yod ce na/ 'di nyid dgos pa yin te/ 'di ltar gang gi tshe rgol ba rang gi tshig gi cus pa nyid khas mi len pa de'i tshe/ gzhan la bstan par bya ba'i phyir tshig cung zad kyang brod par mi 'gyur na/ stan par yang byed pa de'i phyir tshig gi nus pa nyid las nges rang gi tshig gis nus pas nyid la res rang gi tshig de ni rtsod pa'i gnas kyi rten la tshad mar 'dod pa yin no/ /de lta bu'i ngo bo rtog pa la gnod par byed pa yin gyi/ dngos po'i stobs kyis ni ma yin no/ /de nyid kyi phyir gegs byed pa tsam yin par 'dod do/ /de bzhin du lung la grags pa'i chos can la tshig khas len pas gdon mi za par lung tshad ma nyid du bya'o/ /de lta ma yin na dpyod pa nyid 'jug par mi 'gyur bde ltar na/ dpyod pa'i rten bstan bcos yin no/ /de ni dpyad pa'i skabs kyi rten yin na/ bstan bcos gnod pa byed pa yin gyi dngos po'i stobs kyis zhugs
- 335b
pa'i rjes su dpag pa la ni ma yin no zhes bya ba'i don to/ /'di brjod rang tshig gis 'di ni/ mtshungs par mthong phyir lhan cig brjod byas pa yin no zhes khong nas dbyung ngo/ /gang gis de ltar 'di ltar mtshungs pa'i rgyu nges na 'dir yang dpe dag ni/ mtshungs pa nyid du slob dpon gyis bshad pa yin te/ dper na gzhal bya ba'i don can gyi tshad ma dag yod pa yin no zhes bya ba lta bu'o/ /de ci'i phyir/ 'dir bstan bcos dang rang gi tshig dag 'gal ba yin zhe na/ tshad ma rnams ni med yin na/ bstan bcos tshig mi rung pa'i phyir ro/ /rang gi tshig tshad ma ma yin no zhes khas blangs nas 'chad pa po'i tshig sbyor bar 'gyur na/ gang gis tshig tshad ma nyid yod pa ma yin pa de'i tshe/ de la yang tshad ma nyid med pa yin na/ gzhan la bstan pa'i phyir/ tshig nyid brjod par mi 'gyur na/ rjod par yang byed pa'i phyir/ de tshig gzhan gyi shes pa skyed par byed pa'i ngo bo brjod pa'i nus pa nyid kyis don gyi tshad ma yod pa nyid du bstan pa na/ tshad ma med par dam bca' bsal ba yin no/ /gang gis na bstan bcos la brten pas de ni bstan bcos de 'am der grags pa'i tshad ma nyid gyis 'dod par 'gyur ro/ /de bas na de'i bstan bcos la brten pas des tshad ma med pa'i dam bca' bde bsal ba yin no/ /de yang rang gi tshig dang 'gal ba la/ bsal ba'i dpe yin no// lung gi ni/ lung dang 'gal ba la yang/ phyogs tsam zhig ni bstan pa yin te/ 'di ltar gdon mi za bar bstan bcos la brten pa'i stobs nyid kyis tshad ma yod pa nyid rtogs pa ma yin no/ /'o na ci yin zhen shes pa 'ga' zhig las don shes pa la mi bslu ba nyams su myong ba'i phyir ro/ /de bas na nyams su myong ba ma yin pa'i yul can dag kyang de'i rang bzhin can nyid yin pa de ltar na/ bstan bcos la brten pa med par yang tshad ma 'ga' zhig khas blangs nas/ dpyod pa'i sgo nas bstan
- 336a
bcos kyi gnod pa yin no zhes lung gis bsal pa'i phyogs tsam zhig bstan pa yin no/ /bsal ba'i dpe yang dper na/ ma 'ongs la chos bde mi 'byin zhes bya ba lta bu'o/ /de ltar na chos ni bstan bcos la grags pa'i chos can yin zhing/ de la sdug bsngal 'byin pa yin no zhes bya ba bsgrub par bya ba la/ bstan bcos la bde ba 'byin pa nyid du mthong nges/ de la gnod pa de bas na bstan bcos kyis gnod pa yin te/ bstan bcos las mthong ba'i chos can la bye brag dpyod pa na bstan bcos gnod pa byed pa yin no/ /gang gi tshe/ bstan bcos pa ste/ bstan bcos khas len pa can no/ /de dmigs can min dngos po la/ ji ltar khas blangs pa bstan bcos kyis ma bstan pa'i chos can la 'gal par bstan pa de'i tshe/ de lta bu'i rnam pa can gyi chos can la 'gal ba brjod na yang/ 'gal ba ma yin dper na dpyod pa pas rang gi bstan bcos khas blangs pas kyang/ bstan bcos des ma nges pa'i chos can sgra la byas pa nyid yin pa'i phyir/ mi rtag pa nyid yin no zhes brjod pa na yang/ bstan bcos kyis gnod pa ma yin gyi/ 'on kyang gags byed par 'gyur ro/ /ci'i phyir zhe na/ sngar rtag pa nyid khas blangs pa de phyis mi rtag pa nyid gnyis po de ni/ gal te yang bstan bcos tshad ma nyid du khas len pa de ltar yang tshig tsam du bye brag med pas/ nus pa mtshungs phyir te/ rgyur gyur pa'i gags byed pa nyid yin par 'gyur gyi/ gnod pa ni ma yin no/ /ji ltar zhe na/ dper na rang tshig bzhin/ /dper na nga'i ma mo gsham yin no zhes bya ba lta bu'o/ /tshig tsam dag ni nus mtshungs pa nyid kyis phan tshun gnod pa byed yin/ de'i tshad yang ste/ bstan bcos rgol ba de yang/ rang gi tshig bdag nyid yin no/ /de ltar na de nyid kyis rtags pa nyid du bstan cing/ phyis yang de nyid mi rtag pa yin
- 336b
par sma'o/ /de dag tshig gnyis po de dag gi nad nas gang la ste/ tshig gcig la/ tshad ma yod/ tshig tshad ma dang ldan pa/ de ni gzhan la tshad ma yin pa'i tshig la gnod byed 'gyur ro/ /gzhan du/ gal te tshad ma can ma yin pa'i tshig dag ge gas byed pa tsam du m 'dod pa de'i tshe/ de dag las tshig gcig tshad ma dang ldan pa ma yin pa dang/ tshad ma dang ldan pa ma yin na yang gang yang rung ba'i gnod pa byed pa nyid yin par 'dod par 'gyur ro/ /de bas na dam bca' ba la/ dam bca' ste bstan bcos kyi tshig ming/ rigs pa med pa can yin no/ /de nyid kyi phyir/ nus ma mtshungs par 'gyur ba yin na/ rnam pa ji ltar gnod par 'gyur te/ ma yin pa nyid do/ /tshig gcig la yod pa'i rjes dpag/ ji bzhin don/ dngos po'i stobs kyis zhugs pa la rigs pa dang bral ba can lung zhes bya ba'i dam bca' bas nyid kyi/ rnam pa ji ltar gnod par 'gyur/ gzhan yang tshad ma gang yin pa de gzhan la gnod pa byed par 'gyur na/ bstan bcos tshad ma nyid ma yin no/ /de ltar na lung rnams tshad ma nyid yin pa'ang sngar nyid rnam par bzlog pa yin/ de ltar na gang gis gnod pa yin/ de'i phyir na khas blangs nas/ dpyod pa dag la ste bstan bcos la grags pa'i chos can bshad pa dang bskyon 'di? bstan bcos la gnod pa'i mtshan nyid du 'dod do/ /de'i rten can ma yin pa'i chos can ma yin pa'i chos can la dpyod pa'i skabs ma yin no/ /de'i phyir bstan ma thag pa'i yul gyi khyad par 'di/ bstan phyir rjes su dpag ba las/ phyi rol yin yang khas blangs pa/ slob dpon gyis tha dad byas yin no/ /ji ltar rjes su dpag pa las phyi rol tu gyur pa ma yin zhe na/ gnod phyir ro zhes bya ba smos te/ gnod ba byed pa'i tshad ma yin te/ bstan bcos kyang tshad ma byed pa de ltar na tshad ma nyid yin na rjes su dpag pa'i nang du 'du bar 'gyur ro zhes bya bar 'gyur ro/ /de
- 337a
lta min na bstan bcos kyang tshad ma byed pa de ltar na tshad ma nyid yin na rjes su dpag pa'i nang du 'du bar 'gyur zhes bya bar 'gyur ro/ /de lta min na bstan bcos kyi rten can nyid dpyod pa la bstan bcos pa byed pa nyid yin pa de ltar na/ yul gyi khyad par bstan pa'i phyir/ gal te 'di tha dad par byed pa ma yin pa de'i tshe/ thal ches par 'gyur ro/ /rjes su dpag pa la rtags kyi khyad par du ba la sogs pa ci tsam pa de dag gi gnod pa yang so so tha dad par 'gyur ro/ /tha dad byas na don med 'gyur/ tha dad byas na 'bras bu med pa can du 'gyur ro/ /de bas na 'chad pa po mi mkhas par yang 'gyur ro/ /dgos pa yang/ yod pa yin pa de'i phyir ji skad du bshad pa'i yul gyi khyad par bstan pa 'bras bu yin pa de ltar na kha na ma tho ba med pa yin no/ /gal te tha dad pa'i tshig yul gyi khyad par ston pa'i don yin na/ rigs pa'i sgo las khas blangs pa las gnod pa las/ rang gi tshig gi tha dad pa zhes bya pa smos te/ rang gi tshig tha dad par byas pa yang/ tshig tsam brjad pa gags byed yin/ tshad ma can ma yin pa de dag ni nus pa mchungs pa nyid kyi phyir/ gegs bye ba 'ba' zhig kho nar 'gyur gyi/ de la de dag thams cad kyi tshe ni ma yin no/ /gang gi tshe gcig tshad ma dang ldan pa'i tshig yin par rab tu bstan pa'i don to/ /de ltar ni 'gyur mod kyi /rgol pa de yis bstan bcos khas blangs pa'i phyir/ rgyu'i phyir te/ bstan bcos tshang ma nyid yin no/ /de bas de dngos kun la gnod byed yin/ la lar ni ma yin no zhe na/ gal te bstan bcos tshad ma nyid yin par khas blangs pa'i phyir ro/ /gnod pa byed par skyes pa de'i tshe/ gal te sgrub par byed pa'i dus na bstan bcos tshad ma dang gnod par byed pa yin no zhes rgol ba/ de mi 'dod pa de'i tshe/ cis kyang gnod pa byed par 'gyur/ mi 'gyur ba nyid yin no/ /de ltar na 'dod pas de'i skyon de thob par 'gyur
- 337b
gyi rigs pa las ma yin no/ /lung de mi 'dod na ni gnod pa byed pa yin par mi 'gyur ro/ /gal te sngar nges bstan bcos khas len cing phyis de mi 'dod par 'gyur ba snga ma des phyi ma la gnod pa'i phyir rgol ba 'di'i rang gi tshig dang 'gal ba yin no zhe na 'o na de lta yin na/ kho bo cag gis sngar ji skad bshad pa bzhin /rang gi tshig bstan bcos 'gal tha dad med 'gyur ba/ de ltar na gags byed pa nyid yin par 'gyur ro/ /gal te sngar des bstan bcos khas len cing phyis rang gi tshig dang mtshungs pa ma yin pa de bas na de gnod pa byed pa yin no zhe na/ nyes pa zad par shes pa med na/ 'di gnyis la yang tshig tsam nyid du bye brag ci yang yod pa ma yin pa 'am/ shes na de'i tshe don de nyid tshang mas mthong ba yin pa de ltar na/ yid ches pa'i tshig des gnod pa yin na/ rjes su dpag pa nyid kyis gnod pa yin no/ /de bas na bstan bcos kyis gnod pa zhes bya ba tha dad par brjod par bya ba ma yin pas gang de ni cir yang mi rung ngo/ /gzhan yang rgol bas khas blangs pa'i phyir/ gang gi tshe bstan bcos tshad ma nyid yin pa de'i tshe/ skyes bu'i 'dod pas tshad ma nyid du byas pa yin par 'gyur te/ skyes bu'i 'dod pas byas pa 'di'i/ tshad ma nyid ni yongs su rdzogs/ skyes bu'i 'dod pa nyid ni dngos po la rag las pa ma yin pa'i phyir/ de'i dbang gi tshad ma nyid du yod pa ma yin no snyam du dgos pa gzhan gang du mdzad pa'o/ /gang gi phyir 'di ltar bstan bcos gnod pa ma yin no zhes gnas pa yin na/ de'i phyir/ mngon sum dang rjes su dpag pa dag gi grags don dag la/ gang gi tshe chos can dang rtags yin par dpyod pa de'i tshe/ bstan bcos/ dor na'ang bstan bcos la rtags yin par dpyad pa'i de'i tshe/ bstan bcos dor? na'ang bstan bcos la rten pa med par yang/ nye ba med/ 'dod pa'i don 'grub pa la gegs byed pa med pa'i phyir ro/ /shin tu lkog 'gyur/ lung gis bstan pa'i
- 338a
chos can la sogs pa la dpyod pa na/ gdon mi za bar bstan bcos la brten par bya ba yin no/ /de ltar ma yin na de'i tshe yang/ lung khas blangs med par ni/ des grub pa'i 'dod chags la sogs pa'i chos can de la/ 'dod 'jug chags la sogs pa'i chos can de la/ 'dod 'jug mi 'gyur te/ de mi 'gyur te/ de ltar na dpyod pa 'jug pa nyid du mi 'gyur ro/ /gal te gang gi tshe bstan bcos de tshad ma nyid ma yin pa de'i tshe/ des bstan pa'i chos can nam rtags gang yin pa de yang don dam par rtogs pa de'i rten ma yin pa de ltar na ji ltar de la nges dpyad yin zhe na/ bden te 'on kyang bston bcos 'di la'ang brtag pa'ang phal cher ni snga phyi/ 'gal ba brjod yin don dam pa ni ma yin te/ 'di lta ste/ 'dod chags la sogs pa chos min rtsa/ khrus kyang chos min gnod byed yin zhes bya ba 'gal ba yin no/ /de skad du bstan bcos las 'dod chags la sogs pa dag ni sdig pa dag pa'i rgyu yin no zhes bshad pa la/ rgyu la gnod pa ma yin na/ rgyu can la gnod pa ma yin te/ de bas na/ khrus dang/ bzlas pa dang/ sbyin bsreg la sogs pas/ 'dod chags la sogs pa la gnod pa par mi 'gyur ro/ /gang zhig gang gis rgyu la gnod pa byed pa ma yin te/ dper na bad kan gyi mngar ba dang/ bsil ba dang/ snum pa'i rdzas lta bu'o/ /gang gi rgyu la gnod pa byed pa gang yin pa de dag las de bzlog par 'gyur ba nyid yin te/ dper na/ tshul khrims dang/ ting nge 'dzin dang/ shes rab kyi khyad par dag gis/ dpyod pa ngan pa dang/ kun nas dkris pa dang/ bag la nyal gyi gnas skabs dag la go rims bzhin du gnod pa byed pa yin no// de pas na rgyu 'di la gnod pa byed pas na rgyu can rnam par gcod pa'i phyir/ sdig pa'i rgyu nyid du rnam par bzhag pa 'dod chags dang zhe sdang dang gti mug rnams khrus la sogs pas sdig pa dag par byed pa'i tshig tu 'gal ba yin no//
- 338b
gal te ci tshang mar gyur ba ma yin pa de la phal cher 'gal ba brjod pa'i yang dpyod pa bstan ce na/ 'dir dper na skyes bu 'jug par 'dod pa 'di ni/ lung gi tshad ma la ma brtan pa gzhag par nus pa ma yin te/ sbyin pa la sogs pa'i sems pa 'jug pa las phan yon chen po thob pa'i phyir dang/ 'che ba la sogs pa'i sems dpa' rnams kyis ngan song chen po thob pa'i phyir ro zhes bstan par 'gyur ro/ /de ltar na bstan bcos gzung bar bya ba yin na/ bstan bcos gnang byed gang yin/ rigs pa grub pa ste/ mngon sum dang rjes su dpag pa'i yul/ /rang gi tshig gis gnod med gang/ mthong ba med pa la'ang/ ste shin tu lkog tu gyur pa la'o de gzung bya yin pa'i phyir/ de la snga phyi 'gal ba'i/ dpyod 'jug 'gyur/ de de ltar na gal te bstan bcos dpyad par bya ba yongs su gcod par nus pa'i yul lam gzhan la gnod par 'gyur ba de btang snyoms su bya ba nyid yin no/ /bstan bcos dang ngang gi tshig 'gal ba dag bshad zin to/ /da ni grags pa dang 'gal ba/ don la zhes bya ba la sogs pas 'chad par byed do/ /'dod pa'i sgra ni ston byed pa'o/ /ci 'dra par gyur pa zhig ce na/ skyes bu'i 'dod dang rjes 'brel pa'o/ /de nyid kyi phyir don la/ 'dod pa'i sgra ni ston byed na ma bkag pa yin no/ /de ltar na skyes bu 'dod pa'i rjes su byed pa gang yin pa de thams cad la yod pa yin no/ /skyes bu'i 'dod pa tsam gyi rjes su byed pa dang/ 'dod pa'i sgra ston par byed pa nyid ces bya ba dgag par nus pa ma yin no/ /bkag pa med nyid phyir 'di/ sgra las byung ba'i grags pa'i don la/ gnod pa med tshig ste/ rang gi 'dod pa ston par byed pa'i yul can gyi tshig ma bgag pa can gyi skye bo yid ches pa yin no zhes bya ba'i don to/ /zla ba zla ba zhes bya ba de lta bu la sogs pa'i sgra'i tha snyad las skyes pa'i chos gang yin pa de ni/ slob dpon gyis/ tha snyad de las skyes pa'i chos/ rab tu grags pa'i sgra
- 339a
yis bstan/ dper na sgra las byung ba'i grags pa zhes bya ba la sogs pas so/ /re zhig 'dir grags pas grub pas rang gi chos can de nyid la dam bca' ba'i don rang dang 'gal ba gnod pa yin no zhes bya ba gang yin pa rigs pa ma yin no/ /gal te gang yang lta ba po mngon sum gyi shes pa 'jug par 'gyur gyi/ bstan bcos ni chos can gnod par bya ba ma yin na/ /ji ltar na de ltar gnod par 'gyur zhe na// //tshad ma rnam 'grel gyi 'grel pa/ bam po sum cu rtsa brgyad pa/ bden te/ mngon sum la sogs pa'i shes pa gnod par byed pa ma yin no/ /'o na ci yin zhe na/ mngon sum sogs kyis des/ mngon sum dang rjes su dpag pa dang/ bstan bcos kyis yongs su gcad pa'i chos mnyan pa nyid la sogs pa'i dam bca' ba'i don la gnod pa byed pa gang yin pa de dag 'jal byed/ sgras sgro btags pas/ mngon sum dang rjes su dpag pa dang/ lung gi sgras sgro btags pa la bstan pa yin par lta bar bya ba la yin pa de ltar na/ kha na ma tho ba med do/ /de la brten nas 'byung ba can/ 'jig rten la rten nas 'byung bar 'gyur ba'i sgra rnams/ 'dod pas 'jug phyir/ rgyu'i phyir bkag ba med byas pa 'am ste/ brdar byas pa rnams sam/ ma byas pa rnams kyi ste/ brdar ma byas pa can gyi sgra rnams ni'o/ /sna tshogs te thams cad 'dir rang bzhin nyid kyis rung ba yin no/ /de bas na 'dod pa'i sgras brjod pa'i rung ba nyid la don thams cad la yod pa yin pa de ltar na/ don tsam dang rjes su 'brel pa can de/ 'on? tsam? rjes su 'brel pa can/ /'byung bar 'gyur ba 'am yod pa yi/ sgra yi yul nyid de yis/ rung ba nyid de la/ 'gal ba rnams ni de skyes bu rnams/ ji ltar yod pa nyid kyi phyir/ ri bong can zla ba ma yin no zhes gnod par 'gyur ro/ /de rung nyid kyi stobs nyid las/ de la rung ba nyid las/ sgra kun dngos su sbyar ba ste/ 'brel ba grags/
- 339b
pa med na'ang/ sgra la dngos po/ de la ni/ ngos pa/ de phyir de ni grub pa nyid/ slob dpon gyis sgra las byung ba grags pa nyid yin par bshad pa yin no/ /de ltar na gang zhig gang la nus pa yod pa de ni mngon du phyogs pa med nas yang/ de la des tha snyad du byed pa yin te/ dper na mched par byed pa zhes bya ba lta bu'o/ /dngos po yang 'dod pa'i sgras bstan pa nyid nus yod pa'i phyir/ sgra rnams mngon du phyogs pa med na yang sgra las byung ba'i grags pa zhes brjod do/ /gzhan du zhes bya ba la sogs pas gang la yang thun med ma yin pa nyid yin pa'i phyir rjes su dpag pa nyid med na zhes bya ba de 'chad par byed do/ /gzhan du gal te sgra mngon du phyogs pa med na yang/ don dam par sgra med par 'gyur ba de'i tshe/ sgra yi rung ba nyid 'gog/ 'di ni gnod byed rgyu/ yod pa nyid kyi phyir/ ri bong can zla ba ma yin no zhes bya ba'i gnod pa can gyi gtan tshigs 'di/ thun mong min pa nyid mi 'gyur/ gal te thams cad zla ba'i sgrar rung bar 'gyur ba de'i tshe/ mthun pa'i phyogs med pa'i phyir/ thun mong ma yin par 'gyur ro/ /de nyid kyi phyir/ de 'gog ste /ri bong can zla ba ma yin no zhes bya ba'i gnod pa can gyi gtan tshigs 'di/ /thun mong min pa nyid mi 'gyur/ gal te thams cad zla ba'i sgar rung bar 'gyur ba de'i tshe/ mthun pa'i phyogs med pa'i phyir/ thun mong ma yin par 'gyur ro// da nyid kyi phyir de 'gog ste/ sgra'i rung ba nyid 'gog pa/ rjes dpag las 'gyur gyi/ mngon sum ni ma yin no/ /ci'i phyir zhe na/ sgra don la dbang 'jug med phyir/ sgra'i rung ba nyid dam rung ba nyid ma yin pa la dbang po 'jug bar mi 'gyur na/ gang gis na mngon sum las des pa de 'gog par 'gyur de ltar na rjes su dpag pa med pa las 'gyur ba yin na/ /de la yang rang bzhin nyid kyis rung ba nyid med phyir/ sgra'i rung ba nyid ma yin pa la dbang po 'jug par mi 'gyur na/ gang gis na mngon sum las? nges pa de
- 340a
'gog par 'gyur/ de ltar na rjes su dpag pa med pa las 'gyur ba yin no/ /de la yang rang bzhin nyid kyis rung ba nyid 'di las? thabs sbyor ba byed bas mthun pa'i phyogs zla ba ma yin pa cung zad kyang yod pa ma yin na/ gang la rtags yod pa rjes su 'gro ba can du 'gyur/ de la rung ba nyid 'gog pa la/ thun mong ma yin nyid/ gtan tshigs zhes bya ba rjes su dpag pa med pa yin no/ /de ltar ni 'gyur mod kyi/ thun mong ma yin pa nyid du mi 'gyur te/ mi mthun pa'i phyogs la yod pa'i phyir 'gal ba nyid du 'gyur ro zhe na/ bden te 'on kyang bum pa la sogs pa mi mthun pa'i phyogs nyid du mi 'gyur ba'i phyir/ gzhan gyi bsam pas mi mthun pa'i phyogs la yod pa ma yin pa de ltar na thun mong ma yin par brjod do/ /'dod pa'i sgras rung ba nyid spong ba/ gang la yod pa nyid/ ji srid du dngos po thams cad 'byung? ba'i dang tshul can du yod pa de/ rjes? 'gro can min/ de la gang las yin 'dir yod pa nyid ces bya ba'i rgyu dpe ni/ slob dpon de ltar 'bras ldan 'dod/ gtan tshigs thams cad thun mong ma yin pa nyid du 'dod gal te gang las sgra thams cad don thams cad la grub pa yin na/ gang gis na sgra las byung ba'i grags pa zhes brjod ce na/ 'dir 'di ltar/ sgra ni brda la rten pa can/ de yang brda yang/ 'dod tsam rten can yin zhes bshad pa de'i phyir/ sgra yis grub pa ni mi 'grub min/ de ltar sgra byung grags pa'i tshig ces bshad pa yin no/ /yang na dngos po stobs kyis zhugs pa'i rjes su dpag pas sgrub par bya ba'i don la/ grags pa 'phag? la? 'gyur? ba med pa can/ med par ston par byed pa ni ji ltar zhe na/ slob dpon gyi sgra las byung ba'i grags pa zhes ston par mdzad pa/ de ltar grags pa'i ces su dpog? phyir ro/ /'dir rjes su dpog par byed? pas na rjes su dpag
- 340b
pa ste/ grags pa rjes su dpog par byed pa'i rgyu'i phyir/ des mthong de'i don la tshad ma'i lan ma yin pa nyid kyis gzhan la yang de yod pa ma yin no zhes bstan par 'gyur ro/ /de lta ma yin na mtshan nyid dang ldan pa la gnod pa srid na de'i mtshan nyid sun phyung ba kho nar 'gyur ro/ /de bas na 'dir yang grags pas grub par mi 'gyur na grags pas grub pa'ang yod pa yin na/ de rjes su dpag pa'i yul la 'gal ba mi 'khrul ba can mi srid par ston par byed do/ /yang na thun mong ma yin pa nyid yin pa'i phyir rjes su dpag pa med pa na zhes bya ba 'di ni don gzhan ni 'di yin te/ ri bong can ni zla ba ma yin no zhes log par zhugs pa dam bca' ba gang yin pa de la de bstan par bya ba'i phyir 'jig rten smra nyid la/ rjes dpag med pa/ slob dpon gyi brjod pa ci/ de skad du brjod pa'i 'bras bu ci yin zhe na/ bshad pa dngos su ri bong can zla ba nyid du shes pa ma yin gyi/ 'on kyang sgra'i stobs las yin pa des na/ de ltar na sgra las byung ba'i grags pa la rjes dpag med pa bstan pas dngos po'i stobs las byung ba'i rjes su dpag pa las/ grags ba tha dad yul can yin zhes bya bas yul tha dad par bstan par 'gyur ro/ /gal te tha dad par bstan pa yang dgos pa ci zhig yod ce na/ 'bras bu yod pa yin te/ 'di ltar yul kyi byed par/ nges ni dngos rnams yod med pa'i rjes su 'jug can rjes dpag pa las/ tha dad de/ sgra las byung ba'i grags pa'o/ /de dbang ma yin pa'i dngos po'i dbang gis 'jug pa ma yin no/ /'o na ci yin zhe na/ de 'dod las skyes yin zhes bya ba skyes bu'i 'dod pa las skyes pa yin no zhes bshad par 'gyur ro/ /des na drug pa dang/ de la phan pa dang/ tshig tha dad pa la sogs pa dag ni 'chad pa po mngon par 'dod pa'i don la brda tsam gyis 'jug pa'i
- 341a
phyir/ nges pa'i don can ma yin no/ /de bas na sgra las byung ba'i tha snyad las/ dngos su yod ba nyid dang/ ldog pa dang ldog pa med ba dang/ gcig dang du ma nyid la sogs pa ma yin no zhes bya ba'i tha tshig go /zla ba gcig yod pa nyid kyi phyir dpe med pa nyid kyi phyir/ gtan tshigs thun mong ma yin pa nyid yin no zhes bya ba gang yin pa de yang de ltar ma yin no/ /de ltar na ri bong can zla ba nyid du mi 'dod pa ma yin gyi/ 'on kyang grags pa nyid thams cad la tshad mar mi byed do/ /de bas na? ri bong can/ ji srid du /zla mi 'dod na/ de gzhan grags pa de dang 'gal ba ci zhig 'dod par 'gyur/ 'dod pa nyid ma yin no/ /de ltar de la dpe med can/ rjes su dpag pa 'jig rten gyis de la bstan pa'i phyir brjod pa na/ de ni ste/ de'i phyir/ thun mong ma yin 'jug par byed pa'i rjes su dpag pa 'dod/ gzhan gyi 'dod pa dang/ 'jig rten gyi 'dod pas/ zla ba gcig po gzhan la med pa'i phyir/ mthun pa'i phyogs dang mi mthun pa'i phyogs dag la gtan tshigs med bas na ji ltar shes she na / de ltar yod pa nyid kyi phyir ri bong can zla ba ma yin no zhes bya ba de nyid kyis/ dpe gcig nyid dbang byas nas ni? zhes bya ba la/ gang la sgra las byung ba'i grags pas 'gog pa zhes bya ba'i mtshan nyid kyi dag 'di/ de skad brjod min te grags pas gnod pa thams cad kyi spyir mtshan nyid phyir/ mtshan nyid kyi mtshan gzhi la khyab par bstan par bya ba yin gyi/ dpe gcig nyid la de la rdzogs pa ma yin no/ /de ltar da trig? shing min zhes/ da tig shing ma yin par bkod ba la yang grags pas gnod pa'i phyir ro/ /de lta ma yin na 'dis ci zhig mtshon par 'gyur/ zla ba gnyis pa med pa'i phyir ro zhes brjod pa gang yin pa/ 'jig rten 'di la ga bur dang/ dngul sogs dag la zla ba nyid mthong ba nyid phyir/ khyed kyi
- 341b
gzhung gis brda las 'jug par 'gyur ba yi/ zla ba nyid kyi/ thun mong min pa nyid kyang ci/ de ltar gang go na'i tshe gang kho na la skyes bus 'dod pa de nyid kyi tshe de nyid de la sbyor bar 'gyur ro/ /sbyor bar byed pa la gegs byed pa cung zad kyang yod pa ma yin ba de ltar na thams cad la thams cad yod par 'gyur ro/ /de bas na log par zhugs pa la grags pa thams cad kyi yul grub pa'i phyir/ gtan tshigs bshad ba thun mong ma yin pa nyid yin te/ de la grags pa 'ga' zhig kyang grub pa med ba'i phyir ro/ /de lta ma yin na/ gal te de'i de ltar grags pa la log par zhugs pa la lang? te/ ga bur la sogs pa zla ba nyid yin pa'i phyir grub par 'gyur ba de'i tshe/ gdon mi za bar dngos po'i stobs kyis de grub yin gyi/ grags pas grub par ni mi 'gyur ro// de ltar na grags bas 'gog ba na grags pas grub cung zad kyang 'dod pa ma yin no/ /re zhig grags pas grub par 'dod pa'i phyir/ la lar grags pas grub par khas len na/ ri bong can la zla ba'i sgrar brjod par bya ba nyid bzlog pa med do/ /de lta na de las ches shin tu grags pa cung zad kyang yod pa ma yin no/ /de bas na grags pa 'gog pa la rten la lang zla ba nyid grub pa de'i tshe dngos su grub par 'gyur ro/ /de bas na de dngos su grub pa yin ri bong can la yang zla ba nyid yod pa de/ de'i dngos po nyid las grub bas/ dngos ma grub pa la/ ri bong can la'ang bzlog pa med/ ci ste yang la lar dngos su zla ba nyid du sma? ba de'i tshe/ ri bong can la zla ba'i rgyu mtshan gyi dngos bo yod pa ma yin pa de'i tshe/ de dngos med na ri bong can la zla ba nyid/ bzlog pa la yang grags pas gnod pa'i nyes pa cung zad med pa yin te/ sgra rgyu mtshan can la rgyu mtshan med pa'i phyir/ grags pa spong bar byed pa ma yin pa'i phyir ro/ /de ltar yang ma yin pa de'i phyir ri bong can zla ba nyid du mi 'dod pa'i grags ba cung zad kyang grub ba ma yin zhing/ de nyi
- 342a
spang bar bya ba nyid du 'dod do/ /gang gi phyir? 'di ltar rang rgyu mtshan nyid kyi dngos bo med pas sgra rgyu mtshan can 'gog par byed pa nyes pa la rten pa ma yin pa/ de'i phyir dngos med des brda can/ sgra gang la dngos po med pa'i nges pa'i brda yod pa de dag las ni byung ba'i ngang tshul can gyi chos rnams/ gang yin pa de dag dngos po thams cad ni/ rung yin te/ de dang ldan pa zhes bya ba'i tha tshig go /'dod pa bzlog pa med phyir ro/ /rgyu'i phyir ro/ /'dod pa'i sgras brjod pa/ rung ba de nyid 'gag byed pa/ skyes bu la gnod par byed pa gang zhe na/ grags pa zhes bya'i/ rjes dpag ces bya bar sbyar ro/ /'dod pa'i sgras brjod par bya ba nyid rung ba nyid kyi yul can no/ /ci 'dra ba zhig ce na/ brda 'gog pa med las skyes pa yi/ 'dod pa tsam gyis 'jug pa'i phyir brda bkag tu med pa yin par de las skyes pa'i'o/ /rjes su dpag pa gnod par byed pa de'i yang sbyor ba ni 'di lta ste/ gang zhig skyes bu'i 'dod pa'i rjes su byed pa'i ngang tshul can de ni/ thams cad du yod pa yin te/ dper na rnam par rtog pas sprul pa'i don gyis yongs su mgu ba lta bu'o/ /'dod pa'i sgras brjod par bya ba nyid du rung ba nyid kyang don thams cad la rjes su byed pa'i ngang tshul can yin no/ /bshad ma thag ba/ 'dis ni rnam brda nyid kyi/ rjes byed dang tshul can des/ ma yin zhes bshad par 'gyur ro/ /de nyid la 'dod rgyal ba'i sgra'i yul gyi don la sgra de dag ni/ 'gog pa dag ni 'gal bar 'gyur/ dam bca' pa'i skyon du 'gyur ro zhes bya ba'i tha tshig go /gal te de ltar na shing la sogs pa'i sgra'i yul 'gog pa na/ grags pa la gnod par mi 'gyur te/ de dag ni rigs kyi sgra nyid yin pa'i phyir ro/ /ma yin te sgra thams cad ni dang po'i don la brdar byas pa nyid bya ba'i phyir ro/ /dper na la ba sngon po zhes bya ba 'di la yang yon tan sngon po la sogs
- 342b
pa'i sgra 'dod rgyal ba nyid yin no/ /de la grags pas 'dug pa na/ de'i sgo nas gzhan la 'jug pa rgyu mtshan du brjod do/ /gang gi phyir de ltar yin pa'i rgyu/ des rgyu mtshan can sgra don nam 'tshe bar byed pa'i sgra dang gi rgyu mtshan med bar don 'gog par byed pa'am// sgra rnams don dam pa'i don ni/ dper na zla ba nyid ces bya ba don dam pa nyid yod pa ma yin no zhes 'gog par byed pa la/ gnod par rigs pa la ma yin par brjod pa lta bu'o/ /gang gi phyir de ltar spyir btang ba nyid kyi don la 'gog par byed pa na grags pas gnod pa'i de'i phyir/ 'di nyid kyi yul gyi khyad par ni/ bstan par bya ba phyir grags pa yang rjes dpag las mi phyi rol min pa/ yin par 'gyur ba de las/ tha dad byas yin snga ma bzhin/ /rang gi tshig dang khas blangs pas gnod bzhin no/ /de lta ma yin na thal ches pa 'am don med pa can du 'gyur ro/ /rjes su dpag pa las phyi rol tu gyur pa ma yin par khas blangs pa dang grags pas gnod pa dag grub pa ni rjes su dpag pa las tha dad bshad pa'i dgos pa ci yin zhe na/ re zhig rgol ba rang tshad ma nyid du mi 'dod na/ de tshad ma nyid ma yin pa de'i tshe/ skabs nyid la 'jug pa med pa'i phyir dang/ rang gi tshig tshad ma nyid du dam bca' ba'i skabs la brten pa nyid yin pa'i phyir ro/ /bstan bcos kyang de bzhin du rtsod pa'i skabs kyi rten nyid yin pa'i phyir gnas gsum pa thob pa'i dpyod pa khas len pas tshad ma nyid du dam bca' ba yin pa de ltar na rang gi tshig dang bstan bcos gnod pa byed par skyes pa yin no zhes 'di ni dgos pa yin no/ /grags pas gnod pa la yang dngos bo'i stobs kyis grags pas gnod pa ma yin no/ /'o na ci yin zhe na /'dod pa tsam las byung ba'i ngang tshul can sgra las byung ba'i grags pas so/ /de nyid la yang 'gog bar byed pa la gnod par byed pa yin no zhes bya ba'i dgos pa 'di gnyis po 'di'i/ dgos
- 343a
bdag ni ston pa dang/ de dag gnod pa gnyis po'i slob dpon gyis/ rgyu bcas bstan pa yin/ dper na gzhal bya ba'i don can dag gi tshad ma yed pa ma yin no zhes dam bca' ba tsam gyis zhes bya ba lta bu'o/ /bstan bcos dang rang gi tshig dag tshad ma nyid du dam bca' ba la gnod pa yin pa de ltar ma smos pa yin te/ gal te yang rang gi tshigs la sogs pa la rjes su dpag pa la sogs pas gnod par 'gyur ba de ltar na yang rjes su dpag pa de la bltos pa med par rgol ba tshad ma nyid du dam bca' ba tsam gyis rang gi tshig dang 'gal ba yin par sems kyi/ rjes su dpag pas gnod pa'i sgo nas ni ma yin no/ /de bzhin du yid ches pas gnod pa rgyu dang bcas pa yin no/ /sgra las byung ba'i grags da sa yin gyis dngos po'i grags pas ni ma yin no zhes grags pas gnod pa rgyu dang bcas pa bstan to/ /mngon sum rjes dpag gnod ma yin/ rgyu dang bcas par ma bstan to/ /sgra mnyan par bya ba ma yin zhing bum pa rtag pa yin no zhes bya ba 'ba' zhig de ltar brjod? pa'i phyir ro/ /mngon sum gyis gnod 'di la yang/ sgra ni du ma'i dngos nyid du/ grags pa'i sgra ni mi rtag pa nyid la sogs pa'i rang bzhin du/ grags pa'i ngo bo nyid gang ni mnyan la ste/ rna ba'i rnam par shes pa la snang bar 'gyur ro/ /ci 'dra ba zhig ce na/ gnyis med de 'di la gnyis yod pa ma yin pas na zhes tshig rnam par sbyar ro/ /rigs la sogs pas dben pa'i rang gi mtshan nyid ces bya ba'i tha tshig go/ gnyis med ba zhes bya ba'i de ci'i phyir zhe na/ blo yi skye ba sna tshogs pa/ /snang ba mthong ba med phyir ro/ /blo'i skye ba rnam pa gcig tu snang ba mthong ba'i phyir ro/ /mngon sum don zhes bya ba 'di la de'i don to/ /rang gi mtshan nyid yang dag par bstan pa'i don du don bshad 'di nyid ni/ spong na mngon sum nyid kyis gnod/ rna ba dang lhan
- 343b
cig sgra gzung ba dang 'dzin pa'i dngos po 'gog pa'am/ spyi la ma yin no/ /de nyid ste de ltar gyur pa'i ngo bo de la mnyan pa la snang bar 'gyur ba'i don/ lhag ma shes bya nyid la sogs pa'i ldog pa'i mtshan nyid rnam par gcod pa'i rang bzhin spyi ni dngos min ngo bo nyid/ rgyu de phyir spyi de dbang spyod yul min/ rgyu gang gis ni dngos po'i ngo bo ma yin nyid kyi phyir/ dbang po'i yul nyid ma yin no/ /rgyu des na spyi'i chos rnams ni/ spyir gyur pa'i chos gzhal bya nyid la sogs pa rnams kyi mngon sum nyid min grub nyid phyir/ rgyu'i phyir spong ba yin na yang gnod pa med pa yin te/ mngon sum gyis gnod pa med do zhes/ slob dpon gyis mnyan byar smras pas bstan par 'gyur ro/ /gal te dbang po'i yul gyi rang bzhin don yin par 'dod pa de rang nyid brjod pas ci'i phyir mi brjod/ gang gis na mnyan par bya ba'i sgras brjod par bya ba yin zhe na/ de la dngos po'i rang bzhin brjod par bya ba la spyi ni ston par byed pa las gzhan brjod par byed pa cung zad kyang yod pa ma yin no/ /ci'i phyir zhe na/ rnam kun brjod bya'i dngos min phyir rang gi mtshan nyid do/ /spyir brjod pa yin na sgra mnyan par byar brjod pa 'am/ gzhan nyid kyis yin no zhes bya ba 'di la mngon par zhen pa ci zhig yod/ gzhan yang de ltar brjod pa la dgos pa yang yod pa yin te/ rna ba'i dbang po'i yul gyi don grub pa gang yin pa de lta bu'i ngo bor grub pas des de la brten pa'i dbang po'i shes pa brten pa'i dbang po'i zhes rten phyir ro/ /de ltar ni dbang po'i shes pa las de'i ngo bo yod pa ma yin no zhes grub par 'gyur te/ de'i sgrub par byed pa gzhan med pa'i phyir ro/ /de'i stobs kyis grub pa'i dngos po de nyid kyis tha snyad du byed pa yin no zhes bya ba 'di ni tha snyad kyi dgongs pa yin no/ /gzhan yang de lta bur gyur ba'i don 'gog par
- 344a
byed pa'i skyes bu la de yi stobs kyis gnod pa'i phyir/ dbang po'i shes pa'i stobs kyis so/ /de 'ang ba'i ngo bo de yod pa ma yin no zhes smra ba la mngon sum gyis gnod par 'gyur ro/ /de yang rna ba'i rnam pr shes pa'i mngon sum yin no/ /rgyu mtshan 'dis kyang mnyan bya ste/ mnyan pa bya ba'i sgras sgra'i rang bzhin dbang po'i dpyod yul bshad pa yin no/ /rang gi chos can zhes bya ba de/ rgol ba kun la zhes bya ba la sogs pas 'chad par byed do/ /kun la ste rtsod ba'i dus sam bsgrub par bya ba'i dus su rgol ba/ bdag nyid kyis bsgrub byad? 'dod ba'i chos gang yin pa chos de ldan la/ rgol bas bsgrub bar bya ba nyid du 'dod pa'i chos dang ldan pa la'o/ /chos can de dam bca' ba'i don la rnam pa 'ga' zhig / gis gnod 'gyur gyi /rgol bas bsgrub par 'dod pa'i ma yin pa'i chos gzhan de dang ldan pa'i chos can la ma yin gyi skabs su bab pa'i chos can la gnod pa yin no zhes bstan pa'i phyir/ rang gi chos can zhes smos pa yin no/ /gzhan du chos can gzhan la ni ste/ skabs su bab pa ma yin pa'i chos gzhan gyi chos can la gnod pa yin na/ skabs su bab pa'i chos can gyi skabs su bab ba'i bsgrub par bya ba 'di la ci zhig bkag /gang gis na de dogs pa bzlog pa'i don du 'di 'bras bu dad ldan pa'i chig tu 'gyur/ chos can 'di nyid la gnod pa yod pa skyon yin gyi/ chos can gzhan lam yin no zhes rtags pa'i don du rang gi chos can la zhes brjod pa yin no/ /de bas na skabs su bab pa'i chos dang ldan pa'i chos can la gnod par 'gyur ba don der 'gyur ro/ /gal te de'i don can gyi rang gi chos can zhes smos par bya ba ma yin te/ bdag nyid ces bya ba'i gzhan nyid kyis don 'di thob pa nyid du 'gyur ro/ /de ltar na rgol ba bdag nyid bsgrub
- 344b
par bya bar 'dod pa des bsgrub bar bya ba yin pa de bas na de bzlog na gnod pa can no zhes bya ba 'di don gyis grub pa yin no zhe na/ bden te bdag nyid kyis shes bya ba'i/ /mtshan nyid kyis 'di don rtogs la /rang gi chos can tshig kyang ni byas ba gang yin pa de bsgrub par bya ba'i chos 'ba' zhig la gnod pa yin na/ gnod par 'gyur ba yin gyi 'on kyang/ chos can dag la gnod na yang/ rnam pa 'ga' zhig gnod 'gyur zhes bya ba'i don 'di grags phyir ro/ /ci'i phyir bsgrub par bya ba'i chos can la gnod na bsgrub pa rbya ba'i chos la gnod pa yin zhe na/ rten dag la gnod pa yis rgyu yis/ de brten pa la ste/ bsgrub par bya ba'i chos la 'gal phyir ro/ /thams cad du tshogs pa nyid la gnod pa yin te/ 'on kyang 'ga' zhig tu chos kyi sgo dang/ 'ga' zhig tu chos can gyi sgo zhes bya ba ni khyad par yin no/ /gzhan du gang gi tshe chos can la yang gnod ba na/ chos can de la gnod pa rtogs par bya ba'i don du rang gi chos can gyi tshig mi 'dod pa de'i tshe/ bsgrub par bya ba'i ngo bo nyid du 'dod pa/ de lha'i rnam can chos/ bsgrub bya yin zhes brjod pa'i phyir/ rgyu'i phyir/ de la gnod pa yin pa ste/ de ltar na skabs su bab pa'i bsgrub par bya ba'i chos de nyid la gnod pa de'i sgo nas 'ongs pa gang yin pa de nyid la gnod pa yin par bsgrub par sems kyi/ chos can la gnod pa yang ma yin no/ /de yang 'dod pa yin te/ tshig med par bstan par nus pa ma yin te/ de phyir rang gi chos can tshig /byas pa yin no/ /de don gyis grub pa ma yin na de ltar na re zhig chos la gnod pa la reg pas gnod pa yin la gnod pa de yang bsgrub par bya ba'i chos la dngos su gnod par 'gyur ba 'am/ chos can la gnod pa'i sgo nas yin grang na/ rnam pa gnyi ga ltar yang chos la gnod pa
- 345a
de bas na gnod pa rmos pas chos can la gnod pa yang don gyis thob pa yin no/ /de ltar na don can gyi chos can gyi tshig brjod par bya ba ma yin no zhe na/ de ni bden te chos can 'gog pa gang la bsgrub par bya ba'i chos 'gog par 'gyur zhing/ yul gang la chos can 'gogs pa na yang bsgrub par bya ba'i chos la cung zad kyang gnod pa ma yin no/ /de la yan rgol ba/ 'ga' zhig chos can ni/ 'ba' zhig 'gal ba yin na yang/ skyon dang ldan par khas len to/ /dam bca' ba'i skyon dang 'gal bas skyon dang ldan par 'dod do/ /de ni dper na sngon med do gzhan gyis/ skyed bya min ltar nam mkha' la sogs min/ nam mkha' la sogs ba ni lhan cig byed pa'i rkyen rnams kyis phul du byung bar byang med pa'i rang bzhin te/ gcig gi rang bzhin du gnas pa dang bral ba yin no zhes bya ba'i tha tshig go /ci'i phyir zhe na/ cig car sgra sogs rgyu min phyir/ cig car 'bras bu mi byed pa'i phyir/ nam mkha' la sogs pa ni chos can dngos po'i rang bzhin yin nam ma yin zhes brjod par 'dod pa las mi len pa/ nam mkha' med par smra bas sbyir nam mkha' la sogs pa'i skabs la chos rnam par gcod pa tsam bsgrub par bya ba dang/ rnam pa gcod pa'i ngo bo'i gtan tshigs 'bras bu cig car mi byed pa'i phyir ro zhes bshad pa la/ gal ta sun 'byin byed pa 'ga' zhig gis/ 'gal smra ste/ dper na mkha' sogs chos can dngos med kyi/ ngo bo nyid kyang de dang 'dra/ nam mkha' la sogs ba'i chos can dngos po'i rang bzhin du gyur pa med par yang sgrub par byed pa lta bu'o/ /de lta bur gyur pa'i chos can bsal ba na yang/ de ltar bsgrub byar 'dod pa la rnam par gcod pa tsam du 'dod pa la gnod pa ci yang med pa yin pa 'am/ gtan tshigs rnam par gced pa'i ngo bo ma
- 345b
grub pa nyid ma yin no/ /'dir yang chos can 'ba' zhig 'gog pa yang gnod pa 'dod pa yin na yang mi 'dod de chos can dngos por gyur pa bsal ba na yang bsgrub par bya ba rnam par gcod pa'i ngo bo grub ba'i phyir ro/ /des na gnyi ga bsgrub bya nyid yin na/ khas len par byed pa/ chos can la ni gnod pa gang/ /bsgrub par bya ba'i chos 'gog par 'gyur ro/ /de la bsgrub par bya ba la gnod pa ste/ gang chos can 'gog pa yang bsgrub par bya ba la gnod pa med ba de la skyon ma yin te/ dper na gtan tshigs bstan ma thag pa lta bu'o/ /de'i rang gi chos can smos pas des na brjod ba yin no/ /ci'i phyir zhe na/ de lta'i chos can nyid kyang 'dir/ rang gi bsgrub par bya ba'i chos kyi khyad par du bya ba'i chos can/ bsgrub bya nyid phyir yan gar min/ gang gis na yan gar ba 'di 'gog pa na yang gnod par 'gyur/ nges na bsgrub par bya ba rnam par gcod pa tsam yin na/ de'i chos can dngos por gyur pa de ma yin na/ gang gis na de bsal ba na rang gi chos can bsal ba'i phyir 'gal ba nyid yin bar 'gyur gal te de ltar bsgrub par bya ba'i chos 'gog pa ni/ chos can la gnod pa de'i tshe/ 'dir grangs can pa la sangs rgyas pas brjod pa'i gtan tshigs la gnod 'gyur te/ dper na/ cig car sgra sogs rgyu min phyir/ bde sogs gzhan gyis skyed bya min/ nus can ma yin te/ lhan cig byed pa'i rkyen gyis phul du dbyung du byar med pa'i rang bzhin can yin no/ /rim ma yin pas na 'bras bu byed pa ma yin pa'i phyir zhes gtan tshigs brjod pa la/ snga ma bzhin te sun 'byin par byed pas bde ba la sogs pa rtag pa nyid kyi rang bzhin gyi chos can med pa yang sgrub byed do zhes bya ba'i 'gal bas/ chos can la gnod pa brjod pas na gtan tshigs 'gal
- 346a
bar 'gyur te/ shugs kyis bde ba la sogs pa mi rtag pa'i rang bzhin du bsgrub par 'dod pa nyid kyi phyir ro zhes bya ba ni gzhan gyi yin no/ /de de ltar ni yin na/ gal te gtan tshigs nges pa yin na/ de la 'gal ba nyid 'gyur te/ bde ba la sogs pa dngos bor gyur pa mi rtag pa'i rang bzhin de ltar bsgrub pa'i phyir dang/ chos can bkag pas bsgrub par bya ba'i chos la gnod pa'i phyir ro/ /'di ltar rim bzhin byed pa gtan tshigs nyid du gzung ba gang yin pa de yang/ bde ba la sogs pa 'di dag ni rim bzhin byed dang mi rtag nyid/ yid la gnod par 'gyur ba de'i phyir/ de lta yin na yan ldog pa las the tshom za ba yin no/ /mi mthun phyogs/ ldog pa the tshom za ba'i phyir /rgyu'i phyir/ cig car sgra sogs rgyu min phyir zhes bya ba'i gnod pa can gyi gtan tshigs/ de dag lhag ldan khyad par 'dod/ gtan tshigs snga ma'i khyad pa lan du mar bstan pa byas pa yin no/ /de de ltar na/ gang phyir bdag nyid 'dod chos bsgrub par bya ba yin gyi/ gzhan ma yin pa de'i phyir na de rten ni/ bsgrub par bya ba'i chos su 'dod pa de nyid kyi rten gang yin pa de nyid/ gnod bya yin gyi 'ba' zhig min/ rten gang yin pa bsal du zin kyang bsgrub par bya ba'i chos la gnod pa yod pa ma yin no// gzhan rten ma yin te/ sa'i yon tan nyid la sogs pa'i chos skabs ma yin pa gnod par bya ba nyid las/ gzhan mi rtag pa nyid la sogs pa'i rten chos can sgra la sogs pa gang yin pa de yang skyabs ma yin pa gnod par byed pa des gnod par byed pa ma yin no zhes bya ba des rang gi chos can zhes bya ba 'dis bshad do/ /de la 'dir phyogs kyi mtshan nyid kyi tshig la bdag nyid sgra yis chos gzhan la/ bstan bcos la mthong ba skabs su bab pa ma
- 346b
yin pa la/ gnod pa gang yin pa de/ gnod min zhes brjod de/ de ltar rang gi chos can zhes bya ba'i tshig gis chos can gzhan la/ gnod pa gang yin pa de gnod min zhes brjod do/ /gal te khyad par ma grub pa la sogs sgrub bar byed pa yod pa ma yin pa'i phyir/ phyogs ltar snang brjod pa ci'i phyir ma bshad ce na/ de la khyad par ma grub pa la sogs pa la/ dpe bsgrub par bya bas stong pa la sogs bas skyon yin pa'i phyir sgrub par byed pa ma yin pas/ phyogs nyid la gnod pa'i phyir skyon yin par mi 'dod do/ /ci'i phyir zhe na/ gang gi phyir ma grub pa la sogs pa'i skyon thams cad kyis phyogs nyid la gnod par 'gyur ba de'i phyir/ de lta yin na yang phyogs ltar snang ba nyid la gtan tshigs ma grub pa nyid la sogs pa yang phyogs ltar snang bar brjod par 'gyur na/ de ltar yang ma? yin de'i phyir gal te yang/ sgrub byed skyon ni thams cad kyis/ phyogs nyid la ni gnod bar 'gyur ba yin ba de/ de lta na yang phyogs tsam gyis/ 'byung ba tsam ni phyogs skyon nyid/ yin pa de nyid kyi phyir/ dam bca' ba tsam gyis shes bya ba don gzhan 'di ston par byed pa'i tshigs thams cad la khyab pa byed pa yin par blta bar bya'o/ /gang gi phyir de lta ma yin pa de'i phyir khyad par gzhi ma grub pa la sogs pa de la phyogs kyi chos nyid la sogs pa/ yan lag phyi ma la bltos skyon/ gang yin de'i rjes bde ba ste/ des min/ dam bca' ba tsam gyis shes bshad par 'gyur ro/ /rgyu de'i phyir rten sogs ma grub ste/ khyad par gyi gzhi ma grub pa la sogs pa/ phyogs skyon yin/ phyogs kyi skyon ma yin no zhes bya ba'i tha tshig go /chos kyi rang gi ngo bo bsal bas dam bca' ba'i skyon gang yin ba bshad pa/ 'dis bsgrub pa yan lag
- 347a
gyur ba'i/ chos dang chos can khyad par dang/ skabs su bab pa bsgrub par bya ba'i chos med na mi 'byung ba dang/ chos can gang gi ngo bo la/ gnod pa dag ni bsten pa yin par lte bar bya'o/ /de la ji ltar bsgrub par bya ba'i yan lag tu gyur ba nyid la thams cad du /gnod par gyur pa de ltar na/ don ni mthong ba'i phyir /dpe'i phyogs tsam brjod pa yin/ chos kyi khyad par dper brjod pa yin no/ /chos kyi khyad par la sogs pa bsal ba yang phyogs 'dis khong du chud bar bya'o/ /de bstan par bya ste dper na yang yan lag las yan lag can gzhan yin no zhes dam bca' ba byas pa na yang/ yan lag las yan lag can gzhan ma yin te/ srad mnga' dma' ba' i khyad par 'dzin pa med pa'i phyir ro/ /de ltar 'dis ni gzhan gyi khyad par bsal ba yin gyi /gzhan tsam bsal ba ni ma yin no/ /de ltar na de bsal ba na chos kyi rang gi ngo bo bsal ba nyid du 'gyur gyi de'i khyad par ni ma yin no/ /chos kyi khyad par bsang ba'i dpe de nyid 'dod pa yin no/ /de'i phyir med na mi 'byung ba lci ba la sogs pa'i khyad par gzhan bsal ba yin no/ /de ltar na gzhan nyid kyang yan lag rnams kyi ldan yod/ yan lag rnams las don gzhan te/ yan lag can min can de yang/ rjes mtshan nyid te/ byed pa dang ldan pa dang/ yon tan dang ldan pa dang/ 'phrod pa 'du ba zhes bya ba'i rgyu gang yin pa de dang ldan dang mthong ba ste/ snang ba'i rang bzhin yod do zhes de ltar bsgrub par 'dod pa yin gyi/ ma mthong ba tsam rdzas kyi mtshan nyid kyi khyad par can du gyur pa ma yin pa gzhan nyid tsam ma yin no/ /de lta ma yin na/ ma mthong khyad par can min/ gzhan nyid tsam 'ga' zhig la sgrub par byed pa na/ dam bca' ba la dgos pa med do/ /de ltar na gdong la sogs pa dag kyang yan lag dag
- 347b
las gzhan nyid yin par dam bca' bar 'gyur ro/ /de ltar na yang sangs rgyas pa'i 'dod bar grub pa nyid yin no/ /'di ltar ma mthong ba la/ rdul phra rab rnams la mthong ba la/ sgrib g.yogs dang thogs ba nyid la sogs pa/ 'bras med pa/ bye brag pas mthong nas mthong ba la sogs pa bsgrub ba'i phyir/ yan lag can grub par 'dod ba'o/ /des na rdzas kyi mtshan nyid khyad par can dang/ mthong ba bsgrub par bya ba yin no zhes gdon mi za bar 'dod par bya'o/ /ci ste yang yon tan la sogs pa khyad par can ma yin pa 'am/ mthong ba 'ba' zhig bsgrub par 'gyur ba de'i tshe/ khyad par can min dang gzhan ni bsgrub yin na/ sangs rgyas pa la mi 'dod pa cung zad yod pa ma yin pa de ltar na/ grub pa la sgrub byed/ nyid yin bar 'gyur ro/ /de bas na gzhan yon tan la sogs pa dang ldan pa de nyid bsgrub par bya ba yin par brjod par bya'o/ /de lta ma yin na/ 'di'i skabs nyid nyams par 'gyur ro/ de'i tshe yang 'di yan lag can/ lci 'og 'gro 'gyur/ lci ba nyid de yon tan du gyur pa dang las 'og tu 'gro ba yin pa de'i tshe/ 'jib? la sogs pa ri lu 'dres pa bcal bdag srang dma' ba ci 'dra ba de las ri lu 'dres pa de dag ni de dag gis yan lag can gyi 'bras bu gsum pa rtsom pa 'di ni/ 'di'i yang lci ba dang 'og tu 'gro ba lhag par 'gyur ba de'i tshe/ srad ni dma' ba' i khyad par dag tu 'gyur ro/ /des na ste/ de'i phyir ma 'dres pa de dag gcal ba'i gnas skabs de bzhin du de'i tshe gzhan 'bras bu'i rdzas gsum pa gang yin pa lci ba dang 'og 'gro yod pa ma yin pa de ltar na/ yan lag can yon tan dang byed pa med ba can nyid yin pa de'i phyir/ yon tan dang las kyi/ 'phrod 'du rgyu ma yan lag can no rdzas kyi mtshan nyid dad ldan pa yin pa de'i phyir/ sgrib par byed ba la sogs pa'i 'bras buAm/ rang gi ngo bo cung zad kyang
- 348a
mthong ba med de/ 'bras bu'i ngo bo dag/ mthong ba med phyir/ rgyu'i phyir yon tan can/ de mthong med des te/ de phyir gnod pa yin no/ /gang la zhe na/ khyad par gzhan la ste/ lci ba la sogs pa'i ming can la'o/ /ci 'dra ba zhig ? na/ med na mi 'byung yod pa can te bsgrub par bya ba'i chos gzhan nyid med na mi 'byung ba zhes bya ni 'jug bsdu ba'o/ /rdul phra mo cha gnyis pa nas brtsams te rdul phran cha gsum pa la sogs pa'i bar dang tshogs chen po zhes bya ba'i bar 'di la cha gnyis pa la sogs pa'i 'bras bu'i rdzas brgyud pa gang yin pa de dag thams cad bcal ba de da ltar ni/ phra brtsams rdzas kyi phreng ba dag /bcal nyid phyir na /rgyu'i phyir/ srang mda' dma' ba' i khyad par de 'bras bu'i rdzas thams cad lci bar ma byed pa ma yin no/ /de bas na 'bras bu gzhan gcig lhag ma yin na yang de tsam gyi dma' ba' i khyad par ma yin te/ ras bal gyi mdab ma bzhin no/ /dper na ras bal gyi skud pa la sogs pa bcal bar bya ba de la lci ba yod pa de lta na yang tshogs chen po gcal ba na gang gi tshe ras bal gyi skud pa shin tu phra ba dma' par 'gyur ba lci ba nyid kyang rtogs pa ma yin te/ srang mda' dma' ba' i phyir ro/ /ras bal gyi mdab ma de dang 'dra bar rol bu 'dres na de'i lci ba yod pa de lta na yang de la rdzas gzhan gyi/ lci nyid rtog min no/ /des ni gang la rdzas lhag pa yod pa gzhal bya de la/ de'i lci ba rtogs par 'gyur te/ lci ba'i gong bu gsum pa bcug pa bzhin no zhes brjod pa 'di la ras bal mdab mas nges pa yin no/ /zhes ni gzhan dag smra bar 'gyur ro/ /de skad du rgol ba/ de yis su rdul tshogs dag la/ rim bzhin ldan dang ste/ rdul cha gnyis pa las sogs ba rdul gyi tshogs chen po dang/ rim bzhin ldan pa la rdul cha gnyis pa
- 348b
la sogs pa'i 'bras bu'i sum yod pa'i phyir/ rdul gyi tshogs 'di ni lci ba ci 'dra ba yang ngo/ /cig car bde /rdul gyi tshogs la 'bras bu'i rdzas gcig yod pa'i phyir/ de 'dra ba nyid du 'gyur ba rigs pa ma yin no/ /de bas na gzhal bya ba 'di dag ni? lci pa tha dad? 'gyur na 'gyur ba yang ma yin pa de'i phyir/ phra ba nas brtsams pa'i rdzas kyi phreng ba gzhal bar rigs pa ma yin no/ /gzhan yang lci ba'i khyad par de'i phyir /gser gyi mi sha la sogs pa'i/ grangs mtshungs pa ni mi rung ngo/ /sags pa smos pas ni 'o las la sogs pa gzung ngo/ /gang gi zhe na/ ma sha la sogs pa so sor bsgar? ba dang/ lhan cig bsgar ba'i tshe/ rim bzhin ldan pa zhes bya ba'i ni tshig gi lhag ma'o/ /de skad du gser la sogs ba'i /'ol ma se re re tha dad par bskad pa nas/ 'ol ma so stong ngang brgya'i bar du de de lta yongs su skar ba na yang/ gser la sogs pa 'ol ma se gcig la so sor re rer ldan pa nas thams cad la ldan pa'i bar dang/ de bzhin du ma sha zhes bstan par 'gyur ro/ /de ltar ma shak gnyis pa la sogs pa 'bras bu'i rdzas du ma 'byung ba'i phyir/ ma sha ka la sogs pa de lhan cig tu bsgar ba na/ 'ol ma se stong gi ljid tsam du mi 'gyur gyi/ 'on kyang dngos po lhag par 'gyur ba de ltar na/ ma sha ka la sogs pa grangs mtshungs pa mi rung ngo/ /rdzas kyi tshogs pa de tsam nye ba dang/ de dang bral ba la ji ltar lci ba mtshungs pa mi 'gyur na/ mtshungs par 'gyur ba yang yin pa de bas na rdul cha gnyis pa la sogs pa 'bras bu'i rdzas de las gzhan pa gzhal bar bya ba yod pa ma yin no/ /ci ste ma sha ka la sogs pa'i grangs mi mnyam pa'i skyon du ma gyur cig snyam pa nas/ yungs kar nas brtsams te re re bsnan pa nas tshogs chen pI bar du'o/ /da ltar tshogs chen po de thams cad lci ba
- 349a
nyid du rtogs pa ma yin no/ /yungs kar gnyis la sogs pa'i 'bras bu'i rdzas kyi phreng ba gnyis po de la ldan pa'i 'bras bu gang yin pa de ni lci ba nyid du 'byung ba'i dang tshul can nyid yin zhing/ de bzhin du gsum pa ldan pa na 'bras bu'i rdzas yod pa lci ba nyid kyi ngang tshul du 'byung ba yin no/ /de ltar na gong nas gong du 'phel ldan thams cad lci ba nyid rtogs pa nyid ni ma yin no zhe na/ 'di ltar/ gal te yungs kar nas brtsams nas/ tshogs chen gong nas gong du ni/ 'phel ldan 'bras 'phel lci ba nyid rtogs pa nyid ni ma yin no/ /de'i tshe yungs kar las sngar lci ba nyid/ shin tu rtogs dka' / yungs kar las sngar ji srid 'bras bu'i phreng ba shin tu phya ba'i lci ba nyid gang yin pa chud ba ste/ de rtogs par dka' ba nyid yin no/ /yungs kar las gzhan pa'i lci ba nyid kyang nye bar mtshon ba rang nyid kyis kyang bsnyon par nus pa ma yin pa de ltar na 'bras bu'i rdzas de'i rdul phra rab kyi ngo bo/ /rgyu ni gzhal bya thob pa'o/ /ci'i phyir zhe na/ de'i 'bras bu lci ba mtshon pa med phyir te de ma thag par bshad zin pa'i phyir ro/ /rdul phra rab dag la lci ba nyid la sogs ba'i yon tan dmigs pa yod pa ma yin te/ de mi dmigs pa nyid las yan lag can du brtags pa'i phyir ro/ /de bas na don thams cad mngon sum nyid ma yin par thal bar 'gyur ro/ /gal te yang ras bal lci ba rtogs pa med pa de ltar na yang/ de snang ba nyid yin pa'i phyir de yod pa nyid yin par rigs yin te/ yan lag can gyi mtshan nyid can gyi/ don de mi mthong ras bal bzhin/ de'i 'bras bu ste/ lci bo dpag gzugs dang bsgribs pa la sogs pa/ mthong pa med do/ /de bas na ma sha ka la sogs pa de'i lci ba'i yon tan rtogs med bzhin de'i yon tan thams cad de/ gzugs la sogs pa dag/
- 349b
nye bar mtshon med phyir /rgyu'i phyir/ ma sha ka la sogs lhag ma med dma' de mtshon pa ste/ dma' ba' i khyad par 'dzin pa med pa'i phyir/ ma sha ka la sogs pa lhag pa med pa ni/ nye bar mtshon pa can ni yin mod kyi/ 'on kyang lci ba la sogs pa bzhin du de'i gzugs la sogs pa med par yang 'gyur ro/ /ci'i phyir zhe na/ gzugs la sogs pa yul du gyur pa/ lhag dang lhag yin bdag ci bzhin /dgang pos mig la sogs pas mthong ba med phyir te/ rgyu'i phyir ro/ /'ji ba la sogs pa ril bu ma 'dres pa'i gnas skabs kyi gzugs la sogs pa gang yin pa de las 'dres pa'i gnas skabs kyi gzugs la sogs pa lhag pa yang bdag nyid ji lta ba bzhin du dbang pos mthong ba med pa'i phyir ro/ /'dis ni med ba'i tha snyad bslub pa'i phyir/ mi dmigs ba'i bdag nyid can gyi sgrub par byed pa bstan pa yin no/ /khas blangs rang gi tshigs sogs kyis/ gnod pa dag ni yod pas kyang sogs pa smos pas ni/ mngon sum dang rjes su dpag pa dang/ grags pas gnod pa yod pa gzung ngo/ /ji ltar khas blangs pa'i gnod pa yod pa ni khas blangs pa la sogs pa gang gis gang la gnod pa yod pa des gnod bar brjod par bya'o zhes bstan pa'i don to/ /ji skad bshad pa'i phyogs la ni/ ji ltar bsgrub par bya ba'i chos kyi khyad par med na mi 'byung bar yod pa can la gnod pa yod pa de ltar /ji ltar bshad ba'i phyogs kyi chos can kyi khyad par dang /rang gi ngo bo bsal ba la/ dpe gzhan gang yin pa de yang/ rtogs par bya zhing khong du chud par bya'o/ /rang nyid kyi gzhung bshad par bya ba la/ gzhan gyi 'dod pa dpyod pa yan lag ma yin du zin kyang bshad par bya ba'i gzhung gi nang du 'dus pa nyid kyis zhang la 'ongs pa dpyod pa med bar ci'i phyir 'dug ce na/ de bshad par 'dod
- 350a
pa'i phyir byed pa dang ldan dus gsum gyi zhes bya ba la sogs pa smos te rigs pa can la sogs pa dag gi bsgrub par bya ba bshad pa ni dam bca' ba yin pa de ltar na 'di bsgrub par bya ba smos pa ni grub pa la bzlog par nus pa yin gyi/ gtan tshigs ma grub pa la sogs pa bzlog par byed pa ni ma yin no/ /de ltar na gtan tshigs dang dpe ma grub pa'i tshig dam bca' bar thal bar 'gyur te/ dper na sgra rtag pa yin te/ mig gi gzung bar bya ba nyid yin pa'i phyir dang/ sgra rtag ste/ lus can yin pa nyid kyi phyir te/ blo bzhin no zhes bya ba lta bu'o/ /ci'i phyir zhe na/ byed pa dang ldan pa'i rkyen rnams/ dus gsum gyi/ yul can nyid phyir/ bsgrub par bya bar 'gyur ba yang dam bca' ba nyid yin pa bzlog par dka' o/ /de bas na rtag pa nyid sgrub par byed pa la gang de bzhin min/ bdag nyid/ blo la sogs pa mi rtag pa nyid la sogs pa'i rang bzhin can no/ /de ltar ma grub pa gzhan la de lta bu'i ngo bor 'god pa de'i tshe/ rtags pa nyid sgrub par byed pa'i dus na/ bsgrub par mi 'dod pa'ang/ bsgrub par bya ba'i skyon du thal bar 'gyur ro/ /de phyir shes byed skabs la ni/ shes pa'i phyir sgrub par byed pa'i skabs la cung zad cig ma grub pa gang yin pa de ma grub thams cad 'gal ba med pa 'dzin par byed pa sgrub par byed pa'i sgras khyad par de'i tshe/ rgol bar 'dod pa bsgrub par bya ba nyid du 'dod pa'i khyad par phyogs nyid yin par dmigs par mi 'gyur te/ rtogs par mi 'gyur ro/ / gal te bsgrub par bya ba'i sgra spyi'i sgra nyid yin pa'i phyir/ khyad par ston pa ma yin/ ci'i phyir/ gtan tshigs la sogs pa'i ma grub pa'i tshig nyid dam bca' bar 'gyur ro zhes brjod kyi/ thams cad ma grub pa yang ma
- 350b
yin zhe na/ shes par byed pa'i skabs las gzhan la thal ba med do/ /gzhan ri bong rwa la sogs/ kun la ma grub kyang sgrub 'gyur /de bas na de ni shes par byed pa'i skabs yin pa'i phyir mi 'gyur ro zhes 'dod par bya'o/ /de ltar ni 'gyur mod kyi/ rang gi ngo bo las dang byed pa po dang/ bsgrub bar rnam par bzhag pa dag yin zhing/ byed pa po dang ldan pa'i rkyen 'di ni las la yin pas des na las brjod pa'i ngang tshul can gyis bsgrub par bya ba smos sgrub par byed pa 'phangs pa ma yin/ gang gis na de bsgrub par bya ba nyid yin par 'gyur/ byed pa po ches shin tu 'dod pa las yin pa de'i tshe/ gtan tshigs la sogs pa ma grub pa sgrub par bya ba nyid ma yin no/ /grub pa'i mdza' yang rnam pa bzhi ste/ rgyud? thams cad kyi grub pa'i mdza' dang/ rgol ba rgyud kyi grub pa'i mdza' dang/ skabs kyis grub pa'i mdza' dang khas blangs pa'i grub pa'i mdza' o/ /de skabs su byas nas bsgrub par bya ba'i bshad pa dam bca' ba yin no zhes brjod pa'i phyir/ grub pa'i mdza' i mtshan nyid bshad pa yang/ dam bca' ba yang yin no/ /dam bca' ba dang/ gtan tshigs dang/ dpe dang/ nye bar sbyar ba dang mjug bsdu ba'i skabs dag la sgrub pa'i byed pa'i yul nyid bsgrub par bya ba'i yan lag gang yin pa de/ dam bca' ba tsam yin no zhes don gyis rtogs pa'i phyir/ gtan tshigs ma grub pa la sogs pa nyid dam bca' ba ma yin no zhe na/ de la 'dir bsgrub par bya ba gang yin pa de ni las yin te/ rnams 'gags rnam pa 'ga' zhig gis /thams cad grub pa med phyir/ sgrub par bya ba gang yin pa dang/ bsgrub par 'gyur ba gang yin pa de thams cad las nyid yin no/ /des na de la sogs pa'i/ khyad par 'god pa dag gi lan/ gang yin pa de dpyod pa
- 351a
la ni bsgrub par bya ba'i khyad par rtogs par bya ba'i phyir nus pa med pa yin no/ /sogs pa smos bas ni grub pa'i mdza' skabs la sogs pa gzung ngo/ /yan lag bsgrub bya yin zhes de bshad pa'i dam bca' brjod pa gang yin pa de yang rdzun yin no/ /ci'i phyir zhe na/ sngar ma grub pa'i rang bzhin phyir rgol ba gang dang por bsgrub par bya ba'am/ sgrub par byed pa grub pa mi 'dod pa des mtshan nyid kyi tshig las de dag gi rab tu dbye ba rtogs par bya'o/ /mtshan nyid kyi skabs su sgrub par byed pa dang bsgrub par bya ba'i dbye ba ma gzung ba can gyis gtan tshigs la sogs pa ma grub pa yang dam bca' ba nyid du 'dzin par 'gyur ba de ltar na gang las khyad par 'dod pa yin /grub pa'i mdza' i skabs kyang bsgrub bar bya ba'i khyad par sgrub par byed pa ma yin te/ 'di ltar gtan tshigs la sogs pa ma grub pa la yang/ grub mdza' mtshungs so/ /ci'i phyir zhe na/ gang gis de dag kyang/ rgol ba'i rgyud la sogs pa'i grub pa'i mdza' i khas blangs/ mtshan nyid phyir/ khas blangs pa'i rang bzhin can gyi khyad par med pas gang las de dag rnam par gcod ba yin gal te yang ma grub pa la sogs pa'i de'i tshe khas mi len pa de ltar na khas blangs bar bya ba dag la byed pa dang ldan pa'i rkyen bshad pa nyid kyis grub pa'i mdza' nyid thob par 'gyur ro/ /'di yang bsgrub par bya ba'i chos sam chos can nam/ gnyi gar 'gyur grangs na /gal te chos tsam bsgrub par bya ba yin pa de'i tshe bsgrub par bya ba dang chos mthun pa nyid kyi phyir/ de'i chos yod pa can dpe yin no zhes bya ba 'gal bar 'gyur ro/ /de ltar na bsgrub par bya ba'i chos mi rtag pa nyid skye ba dang ldan pa nyid la sogs
- 351b
bar chos su mi 'gyur te/ de ni sgra'i chos nyid yin pa'i phyir ro/ /bsgrub bar bya ba'i chos dbye'i chos de'i chos yod pa can nyid du mi 'gyur ro/ /ci ste chos can bsgrub par bya ba yin na/ de'i tshe chos can bsgrub bar bya ba yin na/ dpe dang chos mthun pa nyid kyi phyir bsgrub par bya ba sgrub bar byed pa'i gtan tshigs yin no zhes bya bar mi rung ngo/ /ci'i phyir zhe na/ gang gi phyir sgra grub ba ma yin pa gang gis na sgrub par bya ba de sgrub par byed pa'i de'i gtan tshigs yin te/ sgra ni grub pa nyid kyi phyir ro/ /'di ltar chos dang chos can gnyi ga bsgrub par bya ba yin pa de'i tshe/ gnyi ga bsgrub par bya ba nyid du 'gyur ba'i skyon gang yin pa de ldog pa med pa nyid yin no/ /de ltar gnas pa la 'on te tshogs pa bsgrub par bya ba nyid yin par 'gyur ro zhe na/ bshad pa de'i tshe/ tshogs pa bsgrub bya nyid yin na'ang/ khas len par byed na gzhan ni gzhan gyi khyad par yin/ bsgrub par bya ba'i chos kyi khyad par du byas pa'i chos can nam? chos can gyi khyad par du byas pa'i chos bsgrub bar bya ba yin par 'dod par 'gyur te/ tshogs pa can dag las tshogs pa don gzhan nyid ma yin pa'i phyir ro/ /chos dang chos can gnyis bsgrub par bya ba yin pa de'i tshe/ gtan tshigs dang/ dpe'i mtshan nyid ma grub pa yin no/ /de ltar na chos kyis khyad par can du byas pa'i chos can gyi skye ba dang ldan pa nyid la sogs pa yang/ dpe la chos mthun pa yod pa ma yin no/ /de lta bu'i rnam pa can gyi chos can la gzhan gyi gtan tshigs ma grub pa yin pas na gtan tshigs kyi mtshan nyid ma yin no/ /mi rtag pas khyad par du byas pa'i chos can dpe la chos mthun pa yod pa ma yin pas na dpe'i mtshan nyid ma yin no// //tshad ma rnam 'grel gyi 'grel pa/ /
- 352a
bam po sum cu rtsa dgu pa/ ci ste 'di ltar skye ba dang ldan pa nyid la sogs pa'i chos nyid la/ bsgrub bya'i sgra ni med pa'i phyir/ gal te chos can 'jug can 'dod/ ji ltar kho bo cag gis bsgrub par bya ba'i phyogs gcig nyid yin pa'i phyir nye bar btags nas/ phyogs gcig la 'jug pa can bsgrub par bya ba'i sgra bshad pa yin no/ /de'i tshe/ bstan bcos kyis tshog pa yin na/ de'i tshe mtshan nyid kyi tshig gis ci zhig bya/ bdag nyid ci rigs par rtogs shing shes nas/ 'jig rten nyid ni 'jug bar 'gyur kho bos ni phyogs kyi phyogs gcig tu rung ba'i chos can gyi chos nyid yongs su gzung ba'i phyir mtshan nyid kyi tshig smos pa yin pa de ltar rigs pa yin gyi/ gzhan gyi ni ma yin no/ /de bas na ci tsam pa'i tshig gis thob par bya ba brjod par bya'o/ /gzhan yang bsgrub par bya ba ston pa dam bca' ba yin no zhes bya ba 'di la bsgrub par bya ba ston pa nyid dam bca' ba yin no zhes sngar nges par gzung ba 'am/ bsgrub par bya pa ston pa dam bca' pa nyid yin no zhes bya pa phyis nges par gzung ba yin par 'gyur grang na/ de la re zhig sngar nges par gzung ba ni grub pa ldog par ma grub pa yongs su gzung ba'i don ma yin no/ /'di ltar de'i don la dam bcas pa'i don la bsgrub byar rtogs/ de khong du chud pa nyid do/ /ci'i phyir zhe na/ sgrub byed bstan pa'i shugs nyid kyis gal te grub par 'gyur ba de'i tshe/ rtsod pa pa'i gnas ma yin pa'i phyir/ de grub pa'i phyir/ sgrub par byed pa brjod par mi 'gyur na/ sgrub par byed pa brjod par yang 'gyur ba de ni ma grub pa nyid yin no zhes rtogs par 'gyur ro/ /gzhan yang bsgrub bar bya ston pa nyid dam bca' ba yin no zhes yongs su gzung ba na/ sgrub par byed pa'i tshig dam
- 352b
bca' ba ma yin no zhes bya bar ston par 'gyur ro/ /sgrub par byed pa'i tshig la yang dam bca' ba yod pa nyid ma yin pa de ltar na/ bsgrub par byed pa ste/ sgrub par byed pa'i tshig la dam bca' ba nyid du the tshom med do/ /ci'i phyir zhe na/ gtan tshigs sogs tshig gis yul 'di la khyab phyir ro/ /de bas na rgyu 'dis/ sngar nges gzung yin de yis ni/ gtan tshigs la sogs pas don 'di 'phangs pa yin pa'i phyir dam bca' i mtshan nyid brjod don med/ gang gis sngar nges pa gzung ba don med pa de phyir/ rgyu'i phyir shugs las bsgrub par bya ba bstan pa dam bca' ba nyid yin no zhes bya ba phyis des par gzung ba 'di la bsgrub par bya ba ston pa nyid yin no zhes bya bar bshad pa/ khyab pa'i 'bras can yin pa ste/ mi ldan pa rnam par gcod pa'i 'dras can yin pa de ltar na/ gtan tshigs dang dpe ma grub pa ston pa dam bca' ba nyid yin par thal bar 'gyur ro/ /dam bca' ba nyid yin na ngag? gis 'gal pa ni dam bca' ba'i skyon yin te/ dper na sgra rtag pa yin te/ thams cad mi rtag pa nyid yin pa'i phyir ro zhes bya ba lta bu'o/ /de la 'dir sgra rtag pa yin na/ thams cad mi rtag pa nyid dang 'gal ba yin te/ thams cad mi rtag pa nyid yin na sgra thams cad kyi khongs su 'dus pa nyid kyi phyir/ sgra rtag pa nyid 'gal ba yin no zhen de la 'dir/ 'dod dang 'brel med 'gal ba yin par 'gyur te/ 'dod pa'i don dang 'brel pa med pa nyid yin na 'gal ba yin par 'gyur ro/ /de yang phan mi 'dogs lhan cig mi gnas/ rnam pa gnyi ga dang 'dod ba 'brel pa med par 'gyur ro// gtan tshigs bsgrub par bya ba la phan 'dogs pa mi byed pa de ltar na/ phan mi 'dogs pa'i phyir dam/ lhan cig mi gnas ba'i phyir ro/ de la re zhig 'dir lan 'dogs par byed pa ma yin te/ gal te gtan tshigs skyon dang ldan pa yin
- 353a
na bsgrub par bya ba'i don la gnod pa'i phyir dam bca' ba'i skyon du 'gyur ba de ltar rtaD kyi skyon thams cad rtags kyi ma grub pa la sogs pa'i skyon thams cad dam bca' i skyon nyid 'gyur/ de'i skyon dag gis dam bca' ba la gnod ba'i phyir ro/ /phyogs skyon gzhan la bltos pa ni /yan lag phyi ma la bltos pa/ ma yin zhes kyang sngar bstan zin to/ /de bas na dam bca' ba tsam dang rjes su 'brel ba tsam nyid dam bca' pa'i skyon yin no/ /ci ste 'dod dang 'brel med can te/ bsgrub par bya ba'i chos su 'dod ba dang/ lhan cig byed pa ni de dang lhan cig gnas pa ma yin pa'i gtan tshigs yin pa de bas na de la med pa'i phyir 'gal ba yin zhe na/ de yang rigs pa ma yin te/ 'di ltar 'dod dang med can ma grub yin/ gtan tshigs kyi skyon yin gyi/ 'di phyogs kyi skyon nyid yin par mi 'gyur ro/ /thams cad mi rtag pa nyid kyi gtan tshigs kyis smra la rtag pa nyid gsal ba ma yin na/ gang gis na dam bca' ba'i don la 'gal bar 'gyur ci'i phyir zhe na/ 'di ltar gal te mi rtag pa nyid kyi gtan tshigs kyis sgra gtan tshigs dang bcas par 'gyur ba de bas na/ mi rtag gtan tshigs bcas yin na/ bsgrub par bya ba'i chos de yang de ltar bsal bar 'gyur zhing/ thams cad mi rtag ba nyid kyi phyir ro zhes sgra la de skad bstan par 'gyur ro/ /'di ltar thams cad mi rtag pa nyid kyi phyir ro zhes bya ba 'di la dpe bshad pa nyid las/ don mthong gzhan ci zhig yod de/ cung zad kyang yod pa ma yin no/ /de bas na de ni chos mi mthun pa nyid kyi dpe ston pa nyid yin par rig par bya'o/ /de ltar na khyad par te sgra nyid la'o/ /tha dad de/ 'gal pa'i chos rtag pa nyid bshad pa yis thams cad mi rtag pa nyid kyi phyir ro zhes sbyin ni rjes su
- 353b
'jug yin na/ de la khyad par sgra zhes bya ba'i khyad par des mi rtag pa nyid thob ba ma yin no/ /'di ltar khyad par skabs su byas nas byis spyi bsgrub khyad par de la brten pa ma yin gyi/ 'on kyang skabs su bab pa'i khyad spangs nas gzhan thams cad la 'jug par 'gyur te/ dper na bram zo kund+hi'i bu la dar ba byin cig ces byas na/ bram ze dag la zho byin cig ces smras pas/ kund+hi'i bu la zho byin pa ma yin gyi/ 'on kyang de las bzlog ba'i bram ze gzhan dag la yin pa lta bu'o/ /de ltar sgra rtag pa nyid yin pa brjod nas thams cad la rtag pa nyid yin par smra ba na/ sgra las bzlog pa gzhan thams cad la brten pa yin no de bas na sgra la mi rtag pa nyid kyi phyir yod pa ma yin na/ ji ltar na rang dang 'gal sel bar 'gyur/ gal te sgra las bzlog pa thams cad mi rtag pa nyid yin par 'gyur ba de'i tshe/ spyi yis ni/ rjes su 'jug pa'i 'bras bu ci/ dper na thams cad mi rtag pa nyid kyi phyir ro zhes bya ba lta bu'o/ /de ltar na sgra mi rtag pa nyid kyi phyir zhes bya ba nyid brjod par bya bar 'gyur ro/ /de bas na sgra la mi rtag pa nyid med pa yin pa de bas na/ de la rtag pa nyid sel bar byed pa ma yin no/ /yod pa yin na sel bar 'gyur ro/ /de'i phyir/ slob dpon gyis/ sgra mi rtag pas/ bsal bar 'gyur ba yin zhes gsungs/ thams cad mi rtag pa nyid kyi phyir zhes bya ba 'dis ni de chos mi mthun pa nyid kyi dpe bshad ba yin par gnas pa yin te/ de'i mtshan nyid kyi rjes su byed pa'i phyir ro/ /gtan tshigs kyang nye bar sbyar ba las yin pa de ltar na/ dper na thams cad ni mi rtag pa yin la/ sgra yang thams cad ma yin pa nyid kyi phyir te/ rtag pa yin te/ thams cad ma yin pa nyid ni gtan tshigs yin no/ /de yang ma grub pa yin te/ 'di ltar thams cad kyi sgra 'jig rten la grags
- 354a
pa yin nam/ 'ga' zhig la grags pa yin par 'gyur grang na/ gal te 'jig rten la grags pa yin pa de'i tshe/ ma lus pa 'phangs bas 'jug pa yin pa de bas na sgra yang 'phangs pa yin pa de ltar na sgra de dag gi nang du 'dus pa yin te/ thams cad kyi khongs su 'dus pa nyid kyi phyir/ thams cad ma yin pa nyid du ma grub pa yin no/ /ci ste 'ga' zhig la grags pa yin na sgra ma yin pa gang yin pa de dag ni thams cad kyi sgras brjod par bya ba yin zhing /sgra gcig bu thams cad ma yin pa de ltar na/ sgra dang thams cad ma yin pa zhes bya ba de dag rnam grangs kyi sgra nyid yin no/ /da ltar na dper na sgra ni rtag pa yin te/ sgra nyid yin pa'i phyir ro zhes bya ba dam bca' ba'i don gyi phyogs gcig gtan tshigs ma grub ba yin pa de ltar 'ang yang ma grub pa yin no zhes bya ba 'gyur ro/ /thams cad kyi khongs su 'dus ba nyid kyi phyir thams cad ma yin pa nyid yod pa ma yin no zhes bshad pa na/ gzhan dag na re phyogs gcig nyid yin pa'i phyir /sgra ji ltar thams cad ma yin pa nyid yin no zhes smra'o/ /de dang de ni bden pa ma yin te/ gal te thams cad kyi phyogs gcig nyid yin pa'i phyir/ sgra thams cad ma yin pa de'i tshe dngos po sgra'i bdag nyid can ma yin pa dag kyang so sor re re la phyogs gcig nyid yod pa yin pa de ltar na/ de dag la yang thams cad ma yin ba nyid kyi chos smra phyir 'ga' zhig thams cad yin par mi 'gyur na/ de ltar yang ni 'dod do/ /lan 'di yul gzhan la ni zhes bya ba la sogs pa gzhung 'dzugs bar byed do/ /yul gzhan la ni 'gal smra bas/ sgra ni gzhan nyid yin par smra/ sgra la thams cad nyid la 'gal ba thams cad ma yin pa nyid kyi chos smra ba na sgra de mnyan pa thams cad las/ gzhan nyid
- 354b
yin par smra'o/ /de ltar na gang zhig gang dang 'gal ba'i chos can la smra ba des de las tha dad ba nyid yin pa brjod par 'gyur ro/ /de yang ste/ sgra de thams cad las tha dad par yod pa ma yin no/ /ci'i phyir zhe na/ sbyi ni khyad par mi spong phyir /spyi'i sgra ni rang gi khyad par 'dod pa ma yin gyi/ 'on kyang 'phel bas 'jug par 'gyur te/ dper na shing gi sgra pa la sha la sogs pa'i khyad par mi spong pa lta bu'o/ /de bas na thams cad kyi sgras kyang sgra yang 'phen par byed pa yin pa de ltar ni sgra thams cad nyid yin no/ /de ltar ni 'gyur mod kyi/ spyi khyad par 'dor ba nyid yin te/ dper na ci shing sha pa shing yin nam 'on te ma yin zhes dris pa na/ shing sha pa nyid shing ma yin no zhes brjod pa lta bu'o/ /shing sha pa la shing bkag pa nyid kyi phyir/ 'dir sbyis khyad par spangs pa yin no zhe na/ spangs pa ma yin te/ 'di ltar shing gi spyi de rnam pa 'dis shing sha ba la bsal ba cig pa nges pa de bzlog pa yin gyi/ de shing nyid kyis spangs ba ni ma yin no 'di ltar dper na gnas skabs la lar ni/ shing sha ba nyid shing min zhe na spyi gcig la nges pa 'gog pa yin pa de ltar na sgra kun/ sgra gcig nyid la 'jug pa 'gog par 'gyur ba'i phyir/ 'di 'dra ba 'di ni sgra thams cad gcig la 'jug pa ni 'gog bar 'gyur ba yin gyi/ sgra la 'jug ba bzlog pa ni ma yin no/ /'di tsam nyid kyis sgra thams cad sgra gcig la 'jug pa 'gog pa tsam gyis/ de sgra ni kun min pa yin par 'gyur ro/ /ci'i phyir zhe na/ sgra ngo bo ma yin pa'i khyad par kun so so de nyid min la/ thams cad nyid med pa yin no/ /de med phyir te thams cad nyid med pa'i phyir 'ga' zhig kyang thams cad nyid du mi 'gyur ba na 'dod pa yang yin pa de'i phyir/ sgra
- 355a
thams cad kyi khongs su 'du ba yin pas na/ de la thams cad ma yin pa nyid ma grub pa yin no/ /de ltar ni 'gyur mod kyi/ gal te 'jig rten la grags pa'i thams cad nyid yin par 'gyur na ni/ thams cad kyi khongs su 'dus ba nyid kyi phyir /de thams cad nyid ma yin pa ma grub par 'gyur na/ gang gi tshe gang zhig la grags pa'i thams cad nyid yin pa de'i tshe/ 'di rnam grangs nyid yin na/ sgra la sgra nyid yod pa ma yin pa de ltar na ji ltar ma grub pa yin zhe na/ bshad pa ma grub ba nyid yin no/ /ci'i phyir zhe na/ shes bya shes byed tha dad phyir/ bsgrub par bya ba yang gzhan yin zhing/ sgrub par byed pa gzhan yin no/ /sgra bsgrub par bya ba'i chos can de yang rang gi sgrub par byed pa la shes bar byed ba nyid du ma grub pa yin te/ shes par byed pa nyid yin ba'i phyir ro/ /des na chos can shes par ma grub pa yin no/ /ci 'dra bar gyur pa ma grub ce na/ gtan tshigs ldan pa ste/ gtan tshigs nyid du brjod pas zhes bya ba'i don to/ /de de ltar na/ gtan tshigs ldan pa'i chos can ni/ shes byed ma grub phyir/ sgra bsgrub par bya ba'i chos can rang nyid sgrub byed la ste/ bdag nyid bsgrub bya ba'i phyir/ brjod pa sgrub par byed pa ma yin pa de ltar na/ grub min te/ sgra'i ngo bo nyid du grub tu zin kyang/ bdag nyid la gtan tshigs kyi ngo bor ma grub pa yin no zhes bya ba'i tha tshig go/ gal te dngos po thams cad la/ chos dang chos can 'byed mi 'grub pa'i rgyu'i phyir /thams cad la dam bca' ba'i don gyi phyogs gcig la yod pa can gyi ma grub pa nyid kyi skyon mtshungs par 'gyur ro zhe na/ skyon de yod pa ma yin no/ /ci'i phyir zhe na/ 'dir ldog pas khyad yod phyir ro/ /'di ji ltar ldog pas byas pa'i tha dad pa
- 355b
la brten nas bsgrub par bya ba dang sgrub par byed pa dag gi bye brag yod pa yin no zhes bstan to/ /ji ltar thams cad las ldog pa'i dngos po gcig gang dang gang las tha dad pa de dang de la bltos nas chos su rnam par bzhag bar 'gyur ro/ / 'on kyang don dam par ni dpyad par na ste/ skabs su dngos por gyur pa'i chos gzhan grub pa ma yin te/ de lta bur gyur ma grub phyir/ kun rdzob pa'i dngos rnams la/ de nyid gzhan nyid 'gog par 'gyur/ de dag ni dngos po la brten pa nyid yin pa' phyir ro/ /gal te da lta yin na ji ltar rjes su dpag par bya ba dang dpog par byed pa'i tha snyad rnam par bzhag par yin zhe na/ bshad pa/ dpag bya dpog byed dag gi don tha snyad gnas pa 'di yin ni/ tha dad la brten nas rnam par brtags pa yin/ ldog pa la brten nas zhes bya ba tha tshig go/ tha dad pa ci 'dra ba zhig ce na/ shes pa la grub ste/ ldog pa la rten pa'i phyir/ shes pa la grub pa'i tha dad pa gang yin pa de la brten nas so/ /sgra zhes brjod pa dang byas pa nyid ces brjod pa na shes pa tha dad par 'gyur gyi/ dngos su tha dad pa ni ma yin no/ /de ltar na yang ldog pa la brten pa las de mthar phyin pa'i shes pa skye ba gang yin pa de chos dang chos can la tha dad pa bstan pa can du 'gyur ro/ /bdag nyid tha dad mthar thug pa'i/ shes de dag la tha dad par/ chos dang chos can snang 'gyur ba/ tha snyad de yi rten can yin/ ji ltar snang ba bzhin gyi chos can la brten nas bsgrub bar bya ba dang bsgrub pa byed pa'i tha snyad yin gyi/ don dam par ni ma yin no/ /don la mi bslu ba ni 'brel ba las yin no zhes bshad zin to/ /'dir ni ldog pas byas ba'i tha dad ba yang yod ba ma yin no/ gang gis ni dam bca' ba'i don
- 356a
gyi phyogs gcig nyid yin par mi 'gyur na/ de ltar na 'dir ni tha snyad thob pa/ tha snyad kyis thob pa'i bsgrub par bya ba gang yin pa de nyid sgra ni rtag pa yin te/ thams cad mi rtag pa nyid yin no zhes bya ba 'dres sgrub bya sgrub byed nyid thob pa yin no/ /bsgrub par bya ba sgrub par byed pa nyid thob pa nyid ci 'dra ba zhig ce na/ tha dad blo ni 'dres med can/ gang sgra tha dad pa'i blo 'dres pa med ces bya bar tshig rnam par sbyar ro/ /bsgrub par bya ba nyid thob pa'i rnam pa las tha dad pa'i ngo bor shes pa gzhan la 'jug pa med pa ni tha dad pa'i blo dang 'dres ba med pa can zhes bya ba'i don to// so sor rnam par gcod pa med pa'i phyir ro/ /gang gi phyir shes pas grub pa'i yang tha dad pa med ba des ni ma grub pa ste/ sgra nyid yin pa'i phyir ro zhes bya ba'i gtan tshigs 'di bstan ba yin no/ /de de ltar gnas pa las gzhan gyis dper na 'dus pa dag ni gzhan gyi don byed pa yin te/ 'dus pa nyid yin pa'i phyir ram/ 'dus byas pa ni mi rtag pa yin te/ 'dus byas nyid yin pa'i phyir ro zhes dam bca' ba'i don gyi phyogs gcig gtan tshigs su mthong ba ma yin nam/ de ltar ma nges pa'i don yin par sems so/ /skyon de yod pa ma yin no/ /'dus ma byas thams cad dam/ 'dus byas thams cad ni dam bca' ba'i don ma yin no/ /'on kyang khyad par bsgrub par bya ba yin zhing/ spyi gtan tshigs yin pa de na ldog pas byas pa'i tha dad pa las ji skad du bshad pa'i skyon dad rjes su 'brel pa ma yin no/ /lan 'di'i khyad par spyi bar zhes bya ba la sogs pas gzhung 'jugs par byed do/ /shes pa tha dad pa med pa'i yul bsgrub par bya ba'i chos can sgrub par byed pa nyid du khas blangs pa'i dam bca'
- 356b
ba'i don gyi phyogs gcig nyid yin zhing/ de yang 'di la yod pa ma yin no/ /ci'i phyir zhe na/ khyad par bsgrub par bya ba yin zhing spyi sgrub par byed pa yin pa de ltar na/ khyad par spyi dag ste gnyis po tha dad te/ ldog pas byas pa'i tha dad pa yod pa'i phyir ro/ /da'i phyir/ khyad par dang/ spyi dag tha dad pa'i rtags can yin/ ji ltar yin zhe na /dper na sgra ni rtsol byung mi rtag yin zhes bya ba khyod par bsgrub par bya ba la yin zhing/ rtsol bas bslad pa'i phyir /spyi'i chos gtan tshigs su gyur ba'i phyir ro/ /de ltar bsal ma thag tu byung ba'i sgra ni sgra yin bas bum pa la sogs pa sel bar byed kyi bsal ma thag tu byung ba'i sgra zhes bya ba ma yin te/ ldog bas byas pa'i tha dad pa las bsgrub par bya ba dang/ sgrub par byed pa tha dad pa yin no/ /bsal ma thag tu byung ba nyid bsgrub bar bya ba'i chos can khyad par du byas pa nyid kyi phyir dam bca' ba'i don gyi phyogs gcig nyid yin no zhes smras pa gang yin pa de yang ma yin te/ 'di ltar phyogs yan lag na/ phyogs kyi chos kyi khyad par nyid na'ang bsal ma thag tu byung ba nyid kyis gnod med phyir ci dang 'dra bar zhe na/ dper na shes pa mi bsal ba yin na/ /gong bu mang po dag nye ba na/ ci rta yin nam ma yin zhes the tshom du gyur pa na/ rwa can nyid yin phyir? bong bu rwa can de rta min zhes brjod pa lta bu'o/ /de la 'dir bong bu phyogs su byas pa ni rwa can nyid ni bsgrub bar bya ba'i nang du 'dus pa la bltos pa ma yin te/ gal te bong bu rwa can nyid kyis khyad par dang khyad par gzhir 'gyur na yang/ de bas na 'dir bsgrub par bya ba/ sgrub bar byed pa tha dad pa'i phyir ma grub pa ma yin no/ /yang na bsgrub bya'i dus na yan lag min pa sgrub par bya ba'i dus nyid na bsal ma thag tu byung ba nyid khyad par ma yin no/ /ci'i phyir zhe na/
- 357a
de rtogs nas ni ldog phyir ro// /yi ge dang tshig dang dag gi ngo bo can gyi rtogs nas bsal ma thag tu byung ba nyid ldog par 'gyur ro/ /ldog pa de la rang gi ngo bo rtags ba bsgrub par bya ba nyid thob pa ma yin pa de ltar na bsgrub par byed pa'i dus na khyad bar yod pa ma yin pa'i phyir ma grub pa ma yin no/ /sgra gcig la sgra nyid yod ba ma yin pa de ltar na/ 'dir mnyan par bya ba dang 'dra bar thun mong ma yin pa nyid du 'gyur bas na/ dam bca' ba'i don gyi phyogs gcig ma yin no zhes bya ba ni gzhan gyi'o/ /khyad par dam bca' i don du yang/ zhes bya ba la sogs bas lan 'debs par byed do/ /de ni rigs pa ma yin no/ /ci'i phyir zhe na/ 'di ltar khyad par te /mnyan bar bya ba yang dam bca' ba'i don yin par mi rung ngo/ /ci'i phyir zhe na /chos tha dad phyir ro/ /de ltar na sgras sgra ma yin ba rnam par gcod cing /mnyan bar bya ba'i sgas kyang rna ba'i dbang po'i yul ma yin pa rnam par gcod pa de yin pa de ltar na/ sgra la mnyan par bya ba'i chos yod ba yin pa'i phyir /de thun mong ma yin par 'gyur ro// 'di ni sgra sgra'i gtan tshigs brjod pa can dang/ chos can brjod pa can rnam par gcod pa mtshungs pa yin pa de ltar na/ sgra la gzhan sgra nyid kyi chos 'di la yod pa ma yin gyi/ 'on kyang bsgrub par bya ba de nyid sgrub par byed ba de thob pa ste/ sgrub par byed pa nyid du khas len pa ltar na ma grub pa nyid yin no/ /phyogs chos mthun? phyogs yod med gnyis/ rnam gnyis re re dag la yang /rnam gsum mi mthun phyogs yang yod med rnam pa gnyis phyir ro zhes bya ba la sogs bas phyogs kyi chos rnam pa dgur dbye ba'i dgos ba'i /phyogs
- 357b
chos rab tu dbye ba yis zhes bya ba la sogs bas ston par byed do/ /phyogs chos rab tu dbye ba yis/ gtan tshigs rab tu dbye ba'i don thams cad /bde bar gzung ba grub pa'i phyir /gtan tshigs drug gi skabs kyi don/ mdor bsdus pa ni brjod pa yin /phyogS chos zhes bya ba la sogs ba ni dag gi don yin no/ /gal te phyogs kyi chos nyid yin no/ phyogs kyi khyad par la bltos pa dpe la gtan tshigs mi 'jug pa'i phyir/ mthun phyogs yod ces bya ba la sogs pa mi rung ngo/ /ci ste khyad bar du gyur pa nyid ma yin pa de'i tshe/ phyogs kyi chos nyid ma yin pa de'i tshe/ phyogs kyi chos nyid ma yin no/ /zhe na/ ma yin te/ mi ldan pa rnam par gcod bas khyad bar du byas pa'i phyir ro/ /re zhig /chos tshig phrad tha dad byed pas mi ldan pa de ma 'brel pa'o/ /gzhan dang ldan pa dag/ shin tu ma 'brel rnam gcod byed/ rnam par gcod bar byed par 'gyur ro/ /rnam pa gang gis she na/ khyad bar zhes bya ba la sogs pa smos te/ gang gi tshe tshig gi phrad khyad par dang lhan cig brjod par 'gyur ba de'i tshe/ mi ldan pa dang/ khyad par gzhi dang lhan cig brjod pa na gzhan dang ldan pa dang/ bya ba dag dang lhan cig brjod pa na/ shin tu mi srid pa rnam par gcod par byed do/ /'o na gang la tshig gi phrad de ma thob pa de la ji ltar 'gyur zhe na/ de la'ang tshig gi phrad pa sgra'i ngo bo nyid du sbyar ba med na'ang brjod 'dod las 'chad pa po'i skabs las 'ongs pa'i brjod par 'dod pa'i dbang gis don 'di nyid ni rnam par gcod pa rnam pa gsum shes bar 'gyur ro/ /ci'i phyir sgra sbyar pa med pa la rnam par gcod pa'i nges pa 'di yin zhe na /de ltar gdon mi za ba yin te/ gang phyir ngag 'bras rnam gcod yin/ gzhan la bstan par bya ba'i phyir rab tu sbyar ba 'dis gdon mi za bar mi ldan pa la sogs pa 'ga'
- 358a
zhig rnam par gcod par bya ba yin no/ /de ltar ma yin na 'chad pa po de'i brjod pa 'bras bu med par 'gyur ba dang/ rtogs pa pos rtogs pa med par 'gyur ro/ /mi ldan pa rnam par gcod pa la sogs pa'i dpe dag gi go rim bzhin du ston par byed do/ /dper na nag pa 'phong skyon nyid/ gzhan la de bkag pa med pa nyid yin no/ /gzhan dang ldan pa la ni srid sgrub 'bong? skyen pa nyid thob pa gzhan dang 'brel pa ldog par 'gyur te/ srid sgrub kho na 'phong skyen pa 'am zhes bya bya ba lta bu'o/ /shin tu mi srid pa ni/ sngon po mtsho skyes 'gyur nyid bzhin/ mi srid rnam par gcod pa bzhin/ de la'ang zla bo rnam gcod pa/ don rnams la ni/ rnam par gcod par byed pa na/ rtogs par 'gyur/ rtogs par bya ba gzhan ni ma yin no/ /dper na lhas byin dpa' ba kho na yin no zhes bya ba lta bu'o/ /zla bo mi dpa' ba nyid rnam par gcod pa na mi la sogs pa rnam par gcod pa ni ma yin no/ /ci'i phyir zhe na/ de ltar grags phyir ro// 'jig rten na 'di skad du/ 'dod bas dmigs pa'i zla bo gang yin pa de nyid rnam par gcod pa yin gyi/ gzhan ma yin no zhes grags pa yin no/ /chos gzhan rnam par gcod pa la blo 'gyur ba ni bla ste/ de ltar yang tshig phrad de zla bo rnam par gcod pa la nus pa yod pa nyid kyi phyir ro/ /gzhan yang sgra? ni brjod par 'dod pa'i rjes su byed ba can yin gyi/ rang dbang can ma yin pa de ltar na/ brjod par 'dod pa'i dbang gis rnam par gcod pa can yin no/ /de yang nyan pa po 'dod ba'i rjes su byed par 'gyur ro/ /'dod pas kyang /zla bo phyogs rnam pa gnyis su 'jog par byed pa de ltar na/ sgra brjod 'dod rjes su 'jug phyir ro/ /rgyu'i phyir yang zla bo rnam bar gcod ba nyid yin no/ /gang gi phyir mi ldan pa rnam par gcod pa yod na yang /gdon mi za bar thams cad la gzhan dang ldan pa rnam par
- 358b
gcod ba nyid ma yin ba de ltar na byas pa nyid la sogs pa'i chos des mi ldan ba ni de dang mi ldan pa'o/ /de rnam par gcod phyir /phyogs chos can chos/ de byas pa nyid la sogs pa khyad par yin gyi /gzhan dang ldan pa rnam bar gcod bas ni ma yin no/ /de yis khyad par byas pa'i chos /chos can gyi khyad par du byas pa nyid la sogs pa/ rjes 'gro med pa'i skyon mi bstan? to/ /rang bzhin 'bras bu zhes bya ba la sogs pas phyogs kyi chos rnam pa dgu'i dgos pa bstan to/ /rang bzhin 'bras bu grub don du /gnyis dang gtan tshigs bzlog pa gnyis/ /rang bzhin dang 'bras bu dag ni rang gi khyab par byed pa sgrub par bya ba la gtan tshigs nyid yin no/ /de dag nyid ni sgrub bar bya ba bzlog 'gal ba dag yin no zhes bstan ba'i phyir phyogs chos rnam pa bzhi bstan to/ /sgra ni mi rtag ste /byas pa nyid kyi phyir dang /btsal ma thag tu byung ba nyid kyi phyir zhes bya ba gnyis so/ /de dag nyid ni sgra ni rtag pa yin no zhes bsgrub bar bya ba la 'gal ba dag yin no zhes bstan par bya ba'i don du gzhan nyid yin no/ /rtsod phyir tha dad spyi dag dang/ ldog ba can dang rjes su 'gro ba can gyi gtan tshigs ni go bar byed pa ma yin no zhes dgag par 'dod pas phyogs kyi chos gzhan gnyis bstan te/ dper na mnyan par bya ba nyid yin pa'i phyir dang /gzhal bya nyid yin pa'i phyir zhes bya ba lta bu'o/ /lhag ma ldog pa'i sgrub byed yin/ gtan tshigs kyi ldog pa gtso bor gyur pa bsgrub pa'i phyir /phyogs kyi chos gsum bstan te/ sgra ni btsal ma thag tu byung ba ma yin te/ mi rtag pa nyid kyi phyir ro zhes bya ba la/ 'di'i mthun pa'i phyogs ni /glog la sogs pa yin no/ /de la mi rtag pa nyid yod pa de bas na/ rtogs par 'gyur na/ 'gyur pa ma yin no/ /des na rjes su 'gro ba yod pa dag gis go bar byed pa nyid ma yin no/ /ci ste/ ldog pa med pa med pa can gyi rjes su 'gro ba 'ba' zhig las rtogS
- 359a
par mi 'dod na/ 'on 'dir 'gyur te/ dper na sgra rtag ste /reg par bya ba nyid ma yin pa'i phyir ro/ /de dang mthun pa'i phyogs nam mkha' la sogs pa la yang yod cing mi mthun pa'i phyogs bum pa la sogs pa la yang med pa nyid do/ /ci ste 'di la yang rtogs pa yod pa ma yin te/ mthun pa'i phyogs thams cad la med pas rjes su 'gro ba gtso bo ma yin ba'i phyir ro/ /'di la rjes su 'gro ba stabs dang ldan pa yin te/ dper na sgra ni btsal ma thag tu byung ba yin te /mi rtag pa nyid kyi phyir ro zhes bya ba lta bu'o/ /'di ni mthun pa'i phyogs bum pa la sogs pa thams cad la yod cing mi mthun pa'i phyogs nam mkha' la sogs pa 'ga' zhig la med pa de ltar na /rtogs par 'gyur na 'gyur ba yang ma yin zhing /de bas na rjes su 'gro ba yod pa tsam gyis kyang ma yin zhing /ldog pa dang bcas pas kyang ma yin la /rjes su 'gro ba gtso bos kyang rtogs pa ma yin no/ /'on kyang thams cad las ldog par nges par byed pa'i gtan tshigs yin no zhes bstan pa'i phyir phyogs kyi chos gsum po de bstan pa yin no/ /ci'i phyir byas pa nyid kyang rang bzhin gyi gtan tshigs yin zhe na/ 'di ltar gang gi phyir 'di'i mthun pa'i phyogs thams cad la yod pa nyid yin par gsungs pa yin no/ /de las kyang ci'i phyir rang bzhin yin zhe na/ 'di ltar rang bzhin nyid las gzhan gyis ni /rtags kyis bsgrub par bya ba'i chos kyi mthun pa'i phyogs la ni khyad pa med do/ /ci'i phyir zhe na /rgyu ni 'khrul ba srid phyir ro/ /rjes su dpag pa dang rjes su dpag par bya ba'i tha snyad la nye bar sbyar ba'i rgyu ni 'bras bu la 'khrul par 'gyur ro de'i phyir /rgyu'i phyir mthun pa'i phyogs la rnam pa gnyis 'jug can 'bras te bya ba'o/ /de ltar na dngos po mi rtag pa nyid ni 'bras bu brtsal?
- 359b
ma thag tu byung ba'i ngang tshul can gyi shes pa'i rgyu yin no/ /mi rtag pa nyid ces bya ba thams cad 'bras bu brtsal ma thag tu 'byung ba'i ngang tshul can gyi shes ba skyed ba ma yin no/ /de bas na mthun pa'i phyogs la 'bras bu rnam pa gnyis su 'jug par 'gyur/ /mthun pa'i phyogs thams cad la yod par 'gyur ba gang yin pa de ni rang bzhin nyid yin no/ /brtsal ma thag tu byung ba'i ngang tshul can gyi shes pa mi rtag pa'i 'bras bu yin no zhes ji ltar shes par 'gyur zhe na/ 'di ltar rtsol ba las sngar yod pa ni/ sgra nges pa yis /brtsal ma thag byung shes ma yin te /mi rung ngo/ /thams cad kyi tshe dmigs bar 'gyur na brtsal ma thag tu byung ba nyid ni ma yin no zhes bya ba'i tha tshig go /ci'i phyir zhe na/ sgrib byed dbang po sgra de la/ dmigs pa la sgrib par byed ba dang /dbang po dang/ sgra rnams la rtsol/ rnam kun nyer sbyor med phyir ro/ /cung zhig kyang mi byed ba'i phyir ro/ /gong du ji skad bshad zin pa lta bu'o/ /de ltar na sgra bltos pa med par rtag tu 'bras bu rnam par shes pa skyed par 'gyur ro// ci'i phyir zhe na /bltos pa med pa'i sgra /'ga' zhig tshe /'bras mi byed pa 'gal phyir ro/ /'bras bu mi byed pa 'gal bar 'gyur ro/ /de bas na shes pa de'i sgra'i /res 'ga' ba' i 'bras bu grub/ brtsal ma thag tu byung ba'i ngang tshul can gyi shes ba /de de 'dra ba sgra res 'ga' ba' i rtags yin no/ /de tsam nyid kyis grub na yang /brtsal ma thag tu byung ba nyid kyi phyir zhes bya ba thun mong du bstan pa'i dpe 'di nyid kyi rang bzhin gyi gtan tshigs rab tu grub pa nyid du 'gyur ro/ /de ltar na yang /rang bzhin byas ba nyid yin pa'i phyir ro zhes bstan bas tha dad byas pa yin /gang yin pa de ni tha dad don can yin te/ dper na 'bras dang lhan cig rang bzhin yang bshad pa na/ sgrub pa pos thams cad de ltar shes ma gyur /rang gi gtan tshigs
- 360a
mthun pa'i phyogs la rnam gnyis su 'jug pa'i rang bzhin gyi rtags dang 'bras bu'i rtags yin no gzhan yang sgrub pa bos?/ gtan tshigs brjod mkhas? don du byas ba yin no/ /ci 'dra ba zhig ce na/ rjes su dpag par bshad zin don /rang gi don gyi rjes su dpag par gtan tshigs don bshad zin pa yin yang yang byas ba gang yin pa de ni/ mkhas ba'i don du byas pa yin no zhes bya ba'i tha tshig go /des na mkhaS ba'i don du gtan tshigs kyi rab dbye tsam ni bshad pa na/ mtshan nyid tha dad par mi 'gyur rang gi don gyi rjes su dpag par gnyis po gang yin pa de nyid thun mong du bstan ba de ltar na skyon yod ba ma yin no/ /des 'dir 'bras bu'i rtags kyis ni/ dper na rang bzhin gyi rtags kyi chos brten pa yin no/ /rang bzhin nyid kyis kyang phyogs gcig brten pa bshad par 'gyur te/ dper na rang bzhin gyi gtan tshigs kyang phyogs gcig la 'jug pa can yin no zhes bstan par 'gyur ba lta bu'o/ /de nyid kyi phyir /slob dpon gyis?/ dpe ni 'dra bar byas ba yin /gang gi zhe na /rtsol bas bsal dang? skye ba'i/ brtsal ma thag tu byung bas 'bras bur gyur ba dmigs pa dang/ brtsal ma thag tu byung ba rang bzhin du gyur ba'i'o/ /de ltar ni 'gyur mod kyi/ 'di ni rang bzhin gyi gtan tshigs yin la /'di ni 'bras bu gtan tshigs yin no zhes tha dad par bstan ba la dgos pa ci zhig yod ce na/ dgos pa yod pa yin no/ /de ltar na rtags can la/ med na mi 'byung gang yod dang /rtags so /bdag dang tha dad med pa gang /bdag nyid du gyur pa'i bsgrub bar bya ba'i rang bzhin las tha dad ba med pa'i ngo bo gang yin ba'o/ /des nye don rtags su gyur pa'o/ /gang gi phyir rgyu de yis yod pa nyid thob par 'gyur ro/ /gang gi phyir tha dad ba med ba'i bdag nyid can gyi dngos po gang yin ba de nyid de dang 'khrul med can du 'gyur /de ltar de don
- 360b
rab dbye yin rab tu dbye ba ston pa yin no/ /de ltar na ldan pa nyid la sogs pa/ ldan pa dang/ 'phrod pa 'du ba dang/ don gcig la 'du ba dang /rje khol gyi 'brel pa la sogs pa/ gang dag la/ 'brel pa de 'dra ba yod pa ma yin/ de las byung ba dang de'i bdag nyid kyi mtshan nyid can no/ /de dag gtan tshigs min zhes bshad /don gyis bshad par 'gyur ro/ /ci'i phyir zhe na/ 'khrul pa dag ni srid phyir ro/ /rag ma las ba'i ngo bo rnams ni gzhan gyi mi 'khrul pa ci zhig yin/ ci ste 'brel ba 'dod pa nyid yin pa de'i tshe 'brel pa yod pa yin na yang /'o na ni 'brel ba de nyid rtogs pa'i sgrub byed yin /gzhan ldan pa la sogs pa khas blangs pas ci zhig bya /'di ltar sgrub par byed pa bsgrub par bya ba la/ 'brel ba nges pa de nyid /med na mi 'byung ba yin no/ /des? pa med pa ste 'brel pa med pa yang na sgrub byed min no/ /de zhig ldog pa can gyi gtan tshigs la mi mthun ba'i phyogs las ldog ba nyid yod pa ma yin no// 'di ltar bsgrub bya med na nges bar gtan tshigs med pa'i ldog ba gang yin ba 'di ni mi 'byung ba'i phyogs las gtan tshigs /ldog pa nyid ni nges pa nyid yin te/ de yang ldog pa nyid ni nges pa nyid/ med na mi 'byung ba yin par sgra yis brjod ba yin no/ /ldog pa des pa nyid de yang bdag la srog? la sogs ba/ 'brel pa med la med pa yin pa de bas na ldog pa 'dod pa 'dod pas 'brel pa yang 'dod par bya'o de nyid phyir na/ 'brel pa'i phyir /rjes 'gro gnas pa yin pa de bas na sgrub bar byed pa la bsgrub par bya ba'i gtan tshigs kyi rjes su 'gro pa gnas pa yin no/ /rang bzhin nyid dang rgyu dngos ni grub na/ de med na med par des pa'i phyir /de la 'brel pa'i/ ldog ba grub par 'gyur na/ thun mong ma yin pa la rnam pa gnyis po? de yang yod pa ma yin no/ /de'i phyir na khyad par la thun mong ma yin pa la /ldog pa med pa dang
- 361a
rjes 'gro med 'brel pa nyid yod na de dag yod pa nyid pa'i phyir ro/ /gal te 'di ltar slob dpon gyis khyad par ldog pa ma yin na /ji ltar mthun pa'i phyogs dang mi mthun ba'i phyogs las de ldog pa yin no zhes bshad ce na /de ni med pa las ldog pa yin pa de ltar ni ma bshad do/ /de ma mthong ba tsam la brten nas/ de'i ldog pa 'ba' zhig bshad pa yin /gang gi phyir mi mthun pa'i phyogs la de mthong ba med pa tsam gyis ldog pa yin pa/ de'i phyir na ma nges pa yin no/ /gzhan du gal te ldog pa nges par 'gyur ba de'i tshe/ go bar byed par 'gyur gyi ma nges pa nyid yin par mi 'gyur ro/ /'dir yang srog sogs med pas bdag med la khyab pa zhes bya ba ni 'di ltar bsgrub par bya ba ldog pas sgrub par byed pa ldog pa yod na/ sgrub par byed pa med pas bsgrub par bya ba med pa la khyab par 'gyur ro/ /'dir yang/ bdag bsgrub par bya ba ldog pa sgrub par byed pa srog la sogs pa ldog pa bum pa la sogs jpa thams cad la yod pa yin no/ /de bas na srog la sogs ba med bas bdag med pa la khyab ba yin zhing de yang de'i tshe bdag med pa la khyab par 'gyur na/ gang la rang nyid mi 'gyur ba de nyid nyid las bdag med pa'i bdag nyid khyab par 'gyur ro zhes bya ba 'di ni phyogs snga ma'i bsam pa yin no/ /bdag ldog pa na yang/ srog la sogs kyang ldog 'gyur na zhes bsam par 'gyur ro/ /de bas na bdag bsgrub par bya ba ldog ba srog la sogs ba bsgrub par bya ba gdon mi za bar ldog pa de ltar na srog la sogs pa ldog par rtogs par 'gyur ro/ /gang de min te mi rung ngo/ /ci'i phyir zhe na /gzhan ni khyab par byed pa nyid du ma grub pa bdag ldog pa yis gzhan te/ de la rag las med pa'i srog la sogs pa/ ldog par mi rung ba
- 361b
nyid kyi phyir ro/ /rgyu'i phyir ro/ /ci'i phyir srog la sogs pa med pas bdag med pa la khyab par 'gyur/ gang gis na khyab pa'i phyir bdag ldog pas srog la sogs pa ldog par 'gyur /de ltar de 'gyur mod kyi /gal te de bdag de las byung/ bdag gi bdag nyid du gyur pa'i srog la sogs pa'am/ bdag las byung zhing skyes pa de bas na de'i 'brel pa yin no/ /de bas na 'brel pa yod pas na de ltar na/ bdag ldog pa'i phyir de ldog pa yin no zhe na/ 'dir re zhig de'i bdag nyid ni rigs ba ma yin zhing /gzhan yang 'dod pa ma yin no/ /'on kyang 'brel pa'i yul de tsam du 'gyur na 'gyur ba ma yin pa de ltar na/ 'di bkod pa yin no/ /de las byung ba'i mtshan nyid 'gyur grang na/ bdag la srog la sogs pa de yang yod pa ma yin no/ /de ltar na /de ni bdag la dmigs pa na/ srog la sogs pa de dmigs/ bdag rtogs pa med na ni/ srog la sogs pa yang/ rtogs pa med na'ang grub bar 'gyur ro// 'dir rgyu dang 'bras bur rtogs pa'i thabs de ni 'di lta ste/ dmigs pa'i mtshan nyid kyir gyur pa gang sngar mi dmigS pa dang/ gang dmigs pa yod na dmigs par 'gyur ba dang/ mi dmigs par 'gyur ba de ni de'i 'bras bu yin no zhes bya bar 'gyur ro/ /bdag dang lhan cig srog la sogs pa dag ni de lta bu'i rgyu dang 'bras bu'i dngos po rtogs pa yod pa ma yin te/ bdag ni rtag tu mi dmigs ba'i rang bzhin nyid yin pa'i phyir ro/ /de bas na bdag shin tu lkog tu gyur pa la/ rnam ba 'ga' zhig ltar yang /mthong dang ma mthong de mi 'grub/ de ltar na srog la sogs pa de dang 'bral ba'i rang bzhin nyid du ma yin na/ gang gis na bdag ldog pas ldog bar 'gyur /gzhan la yang la lar mthong ba gang yin pa de dmigs pa'i mtshan nyid kyir gyur pa gal te gzhan la mi dmigs pa de'i tshe med do zhes shes par 'gyur ro/ /mi snang ba de'i rang bzhin yang
- 362a
la lar 'jug pa dang ldog pa rtogs ba ma yin te/ rgyud gzhan la yod ba'i khyad bar bzhin no/ /bdag 'ga' zhig la ma mthong ba de yang/ gzhan la lar mthong med ngo bo can du 'gyur ba /bum pa la sogs la bdag med ces bya ba de nyid gang las yin te/ ma yin pa nyid do/ /de ltar med pa mi shes pa gang yin pa de ni /ldog pa shes pa med pa'i/ ldog ba'i khyab pa gang las yin/ ldog pa ste/ med pa mi shes pa gang yin pa de ni ldog pa mi shes pa bdag med ba'i srog la sogs pa gang yin pa de med pas khyab pa gang las yin te/ ma yin pa nyid yin no// gzhan yang srog la sogs la lar mthong ba yin/ la lar mthong ba nyid kyi phyir/ gson po'i lus la yod ba dang /bum pa la sogs pa la med ba nyid rtogs par 'gyur ro/ /gal te de ltar srog la sogs ba bzhin du bdag mthong ba de'i tshe de'i gson po'i lus la yod nyid dang /bum pa la sogs pa la med nyid rtogs par 'gyur gyi /gzhan du ni ma yin no// gal te gson bo'i lus bdag dang bcas pa ma yin pa de'i tshe/ 'di'i srog la sogs pa dang bral bar thal bar 'gyur te/ bdag med pa'i phyir /bum pa la sogs ba bzhin no zhes bya ba'i thal ba brjod pa gang yin pa de yang ma nges pa yin te/ rgyu ma yin pa bkag pas srog la sogs pa gsal ba mi rung ba'i phyir ro/ /de ltar na blo dang lus phul du byung ba'i rtsol ba la sogs ba gtan tshigs gang dag med pa yis /bum pa la sogs pa snar mi 'gyur ro// gal te lus la'ang de srog la sogs pa'i /gtan tshigs kyis mthong bar nus pa can gyi blo la sogs pa mi 'gyur ba de'i tshe rang gi rgyu ldog pa'i phyir /lus la srog la sogs pa med pa rigs yin/ srid pa ma yin /
- 362b
srid pa yin no zhes bya ba'i tha tshig go/ rgyu nyid du ma grub ba'i bdag nyid ldog bas kyang ma yin te 'di ltar gang zhig gang la rag las par 'gyur ba de khyab par byed pa ldog pa na ldog pa rjes su dpag par bya ba yin pa 'am/ rag las pa de yod pas khyab bar byed pa de yod pa rjes su dpag par bya ba yin gyi gzhan la rag las pa ma yin ba ni yin no/ /gang 'ga' zhig chos mthun pa nyid mthong ba'i phyir 'ga' zhig yod pa dang med pa rjes su dpog par byed do/ /cung zad tsam du ches mthun phyir /ji skad du bshad pa'i rag las pa'i mtshan nyid med bar/ gal te bdag med pa nyid la sogs ba mi dmigs pa tsam gyis gson po'i lus la srog la sogs pa yod pa'i phyir /de nyid du rtogs par 'gyur te/ bdag gi dngos po rjes su dpog pa de'i tshe /gzhal bya nyid phyir /gtan tshigs kyi phyir bum sogs rnams/ bdag dang bcas par te /gson po'i lus bzhin du /bdag bcas cis mi dpog /de ltar ni 'gyur mod kyi/ gal te mi 'dod na ste/ bum pa la sogs pa grub ba'i mdza' la bdag dang bcas par mi 'dod pa de bas na bsgrub par bya ba ma yin no// de ni ma yin te/ 'di ltar tshad ma ni/ 'dod pa thams cad kyi rgyu yin /de pas na tshad ma nyid kyi grub pa gang yin pa de 'dod par bya ba yin no/ /de bas na khyod kyi 'dod pas gzhan bya nyid la sogs pa yang /bum pa la sogs pa la bdag nye bar 'jog pa yin pa de ltar na bdag nyid ci'i phyir de dag bdag dang bcas pa mi 'dod/ de ltar na tshad ma/ de med par ni dngos bo dang /dngos med rnam bzhag ste/ 'di yod ba yin zhing 'di med pa yin no zhes rnam par 'jog par byed pa gang gis nus ba/ de ltar tshad mas bstan pa nyid gdon mi za bar 'dod par bya ba yin no/ /gal te khyed cag kyang ci'i phyir de ltar mi 'dzin ce na /'di
- 363a
ltar kho bo cag gis de 'dra ba'i gtan tshig gis go bar byed pa nyid ma yin no/ /go bar byed pa nyid gang yin pa de ni bstan zin to/ /gal te ston par 'gyur na gzung bar bya ba nyid yin no/ /dran dang 'dod ces bya ba la sogs pas srog la sogs pa'i gtan tshigs gang yin pa bdag nyid ldog pa na ldog par byed ba de ston par byed do/ /de la 'dir dran pa la sogs pa ci rigs par rgyu nyid yin par rtogs par bya'o/ /dper na 'ga' zhig mthong ba 'am bsnams pa na /gzhan lce'i dbang po 'gyur ba 'gram chu ldang ba'i dran pa dang 'dod pa la sogs pa lta bu dang/ lus kyi nus pa dang blo dang rtsol ba la sogs pa ni dbugs dbyung ba dang/ rdub pa dang/ mig la 'byed pa dang/ 'dzum ba'i rgyu nyid yin pa lta bu'o/ / de bzhin gzhan la yang rtogs par bya'o/ /de dag 'byung ba dran pa dang/ 'dod ba la sogs pa de yang ci rigs pa nyid du yul dbang blo las 'byung /nyams su myong ba dang bdag nyid ji lta ba bzhin gyi rkyen las dran la dang de bzhin du 'dod pa dang rtsol ba dag yin no/ /de dag ste/ yul dang dbang po dang blo dag kyang/ rang rigs las byung ba dang/ rigs mthun pa'i nye bar len pa'i rgyu las skye ba yin no/ /de yang nye bar len pa'i rkyen 'ba' zhig las skye ba ma yin gyi/ 'on kyang phan skyen la bltos pa yin /bdag nyid ji lta ba bzhin gyi lhan cig byed pa'i rkyen la bltos nas 'jug pa can yin no zhes bya ba'i tha tshig go/ so drug bo dag gi nang nas mig la sogs pa'i blo'i 'bras bu ldog pa las mig la sogs pa'i nus pa mthong ba dang/ yul gzhan la g.yengs ba dang thogs ba las rnam bar shes pa phyi ma mi skye ba dang/ rnam par g.yengs pa la sogs pa mthong ba'i phyir yid la byed pa blo thams cad la nus pa nyid
- 363b
yin no/ /dbugs dbyung ba dang/ rdub pa dang /dbang po la sogs pa dag gi sngar gyi skal ba mnyan pa'i gnas skabs kyi khyad par nye bar len pa dang/ blo rkyen yin te de dag dang ba dang/ rnyogs pa dag las dbang po rnams la phan 'dogs pa dang gnod pa mthong ba'i phyir ro/ /srog la sogs ba'i 'jug pa dang ldog pa ni de dag dang 'brel pa can yin no/ /de ltar na de tsam la ste/ rgyu tshogs pa la/ bdag gi dngos bo 'di/ skye mched drug gi mtshan nyid can/ rjes 'gro ldog pa dag la brten /gal te yang ji lta ba bzhin du nus pa 'dir bdag la sogs pa gzhan yang rgyu nyid du rtogs par 'gyur ba de'i tshe/ gzhan du rtogs na thug pa med /gzhan dang gzhan yang rtog par bya ba yin par 'gyur ro/ /de bas na nus pa mthong ba med pa can gyi bdag ldog pa na srog la sogs pa ldog pa ma yin no gzhan yang mnyan bya nyid dang srog la sogs /de mtshungs 'khrul ba nyid phyir ro/ /de ltar na ni 'gyur mod kyi/ ma yin de la 'khrul pa med phyir /gal te ldog ba yin na'ang /srog la sogs ba mi mthun pa'i phyogs nyid las ldog par 'gyur gyi /mthun pa'i phyogs las ldog pa ni ma yin te/ med pa la ldog pa mi rung ba'i phyir/ 'di ni ldog pa 'khrul ba med pa can nyid yin no/ /de bzhin du mnyan par bya ba nyid ni ma yin no zhe na/ ji ltar te/ ji ltar na/ re zhig mnyan par bya ba nyid kyi ldog pa 'khrul pa can yin no zhes dris pa na/ bsgrub min nyid las de'i/ ldog med do zhes smra ba ste/ mi mthun pa'i phyogs nyid las mnyan bar bya ba ldog ba nyid ma yin gyi/ 'on kyang mthun pa'i phyogs nyid las kyang mnyan bar bya ba nyid ldog ba yin par smra bas /don gyis de mnyan bar bya ba nyid bsgrub bya ste/ mthun ba'i phyogs la rjes su 'jug pa med brjod de mthun pa'i phyogs la srog la sogs pa rjes su
- 364a
'gro ba nyid yod dam zhes dri ba la/ gdon mi zab ni ma yin no zhes dri ba la gdon mi za bar ma yin no zhes brjod par bya'o/ /de ltar na mthun ba'i phyogs la rjes su 'jug ba/ de gzhan la yang /de mtshungs pa ma yin nam/ srog la sogs pa la'o/ /de ltar srog la sogs ba mnyan par bya ba dang mtshungs pa nyid yin no/ /ldog? pa gzhan ma yin zhing rjes su 'gro ba med pa yang gzhan ma yin no/ /ldog pa med pa'ang gzhan ma yin zhing /rjes su 'gro ba yang gzhan ma yin no// gzhan la yang srog la sogs pa/ bsgrub bya med nyid las/ mi mthun ba'i phyogs nyid las so rnam gcod de /ldog pa gang yin pa/ de ltar brjod pa na de ltar don gyis go ba yis bsgrub bar bya ba las mthun ba'i phyogs la yod brjod bya ste/ rjes su 'gro ba dang ldog pa dag phan tshun spangs te gnas pa'i mtshan nyid can yin ba'i phyir ro/ /de'i phyir gcig gis gnyis bstan par bya ste/ yang don gyis go bar gang yang rung bas gnyi ga rab tu bstan pa'i phyir ro zhes bya bas bshad zin to// de ltar rjes su 'gro ba med pa la srogs la srogs pa ldog pa ma nges pa can yin par 'gyur ro// gang gi phyir ldog ba nges pa ni rjes su 'gro ba 'phen pa nyid yin bar 'gyur ba/ de'i phyir de 'dra'i mi mthun pa'i phyogs bas? ldog pa 'khrul ba med pa gtan tshigs rjes 'gro med la grub med dang/ gzhan yang srog la sogs mthun pa'i phyogs la med pa ma yin yin no zhes/ bkag pa 'gog bar byed ba ni /gang yin pa de ni/ bsgrub pa las gzhan ci 'dra zhig/ 'gyur bar 'dod /bsgrub pa ni med pa 'gog ba'i mtshan nyid yin ba'i phyir te/ de sgrub par byed pa nyid yin pa'i phyir ro zhes bya ba'i tha tshig go/ de bas na mthun pa'i phyogs nyid la yod pa nyid yin pa de ltar na ldog pa
- 364b
ma yin no/ /'di ltar phan tshun spangs te gnas ba'i mtshan nyid can gyi chos gnyis bo la chos gcig gi yul ma yin pa gang yin pa de gzhan gyi yul yin no/ /gal te rtag pa dang mi rtag pa dag gi nang nas gcig gi yul ma yin pa med ba gzhan gyi yul ma yin no zhe na ? ma yin te de dag gis dngos po nyid kyi de nyid kyi de nyid mtshan nyid yin pa'i phyir ro// dngos po'i chos nyid yin ba'i phyir 'di dag med pa la 'jug pa pa yin no/ /de la yang rnam par gcod ba tsam brjod par 'dod ba yod na dgag pa la de'i mtshan nyid yod pa yin no/ /gzhan yang bsgrub bya med las te/ mthun ba'i phyogs med pa las srog la sogs ba ldog pa ma min no/ /de'i phyir bsgrub ba med ba las/ bsgrub par bya ba'i mi mthun pa'i phyogs nyid la srog la sogs pa de med pa ste/ yod pa ma yin no// mthun ba'i phyogs la yang med ba yin no/ /gal te de ltar yin ba de'i tshe/ med pa las te /mthun pa'i phyogs la ldog pa'i ldog ba de nyid ci phyir 'dod/ med ba la gtan tshigs ldog ba yod pa ma yin no zhes sna bas ldog pa'i ldog bar brjod ba yin no// de yang med ba la khyed kyi gzhung gis dgag pa'i ngo bo nyid yin par mi 'gyur ro/ /de ji ltar na yod pa yin zhes tshig 'gal bar 'gyur ro zhes bya ba'i tha tshig go /gzhan yang gtan tshigs ldog pa med pa gang yin pa de bsgrub pa yin no/ /bsgrub pa de yang /dngos po yod pa nyid yin no/ /de yang med na yang yod ba ma yin/ /med du zin kyang yod pa ma yin no/ /dngos bo med pa 'dir rigs pas thob pa gang yin pa de yang yod min zhes de skad smra ba'i mthong ba blun pos sbyar ba yin/ de ltar na dngos por gyur pa'i gtan tshigs med pa la med ba smra bas gtan tshigs de de la yod par bstan pa nyid du 'gyur ro/ /de ltar med ba la shin tu 'gal ba'i gtan tshigs
- 365a
'jug bar byed pa dang mi 'jug pa 'gal ba yin no/ /med pa la 'gal ba med du zin kyang ldog pa 'gog par byed pa blun po yin no zhes nges bar 'gyur ro/ /de lta ma yin na ji ltar blo byang ba dag de skad du smra bar 'gyur ro/ /gzhan yang gal te de la med pa la gtan tshigs ldog med mi 'dod na/ gtan tshigs 'jug par 'dod dam ci zhes dris pa na gzhan gyis min te zhes smra'o// 'o na gal te de lta yin na de yang ste /gtan tshigs 'jug pa med ba nyid yin ba de'i tsha/ gtan tshigs med ba la 'di 'gog pa yin par bdag nyid kyis dam bcas par 'gyur ro/ /de ltar na yang gzhan gyis de nyid ldog pa brjod pa ci'i phyir mi 'dod /rigs pas grub pa bdag nyid 'dod pa yin ba de ltar na gzhan dag kyang de smra ba la rigs pa ma yin pa byed ba bsal bar mi bya'o/ /de ltar rnam par gcad pa tsam las gzhan ma yin pa dngos po la reg pa med pa dgag ba'i brjod par 'dod pa yin no// //tshad ma rnam 'grel gyi 'grel pa/ bam po bzhi bcu pa/ /ci ste yang rnam bar gcod pas /med pa la dngos po'i khyad par gtan tshigs 'gog par byed par 'gyur/ 'gog par byed pa de'i tshe /zla ba'i dngos bo grub pa gzhan nyid yin par 'gyur ro/ de ltar gtan tshigs mthun pa'i phyogs dang/ mi mthun pa'i phyogs la med pa ston par 'dod pa yin te/ de'i tshe med par dgag pa brjod par 'dod pa nyid yin pa'i phyir ro/ /ma yin par dgag pas bsgrub bar bya ba las bzlog pa'i dngos la reg pa ni ma yin no/ /de lta ma yin na rtag ba ni ma byes pa yin no zhes zla ba khyab par byed ? bstan par bye ba'i phyir mi 'dod pa ston par byed pa'i phyir skabs su bab pa'i sgrub par byed par sgrub bar phye ba'i chos
- 365b
ldog na ldog par ma bstan pa de ltar na 'brel pa med pa'i phyir/ gtan tshigs go bar byed pa nyid du ma bstan par 'gyur ro/ /de bas na rnam par gcod pa tsam nyid 'dod pa dang 'gal ba med pa gang yin pa de nyid byed pa yin pa de ltar na kha na ma tho ba med pa yin no/ /gzhan yang bsgrub dad dgag pa ste/ rnam par gcod pa tsam gyi mtshan nyid do/ /ma rtogs par/ sgra las byung ba'i tha snyad gzhan/ yod min de yang/ bsgrub dang dgag pa'i mtshan nyid can sgra las byung ba'i tha snyad do/ /khyed kyi gzhung gis med la med /de ltar 'di la mi smra thog bsgrub dang dgag pa dag gi sgra'i 'jug pa med pa'i phyir ro/ /gzhan yang yod pa gang yin pa de dag dgag par nus pa ma yin te/ dper na ta la'i 'bras bu/ skyu ru ra'i dngos bo bzhin no/ /yod pa rnams la dgag ba med/ med pa rnams la 'gog par byed par 'gyur na/ de yang khyed kyi 'dod pas /med la 'jug mi 'gyur /ma yin par dgag pa'i ngo bo ma yin ba dag kyang ngo/ /de la yang dgag pa med na gang de'i yul du 'gyur /de bas na mi rung ba'i phyir /dgag pa nyid yod pa ma yin pa de ltar na /rigs pa 'di yis 'gro ba la/ dgag pa'i don yang med pa ste/ dgag pa'i don de 'jig bar 'gyur ro// gal te med pa la yul du 'gog pa /dgag pa'i don bsnyon du med ba yin gyi/ rnam pa thams cad du ni ma yin no zhe na/ de ni de ltar te/ dgag pa rnam pa gnyi ga yang mi rung ba'i phyir ro/ /ji ltar yod pa ste/ rnam pa gang gis don yod ba de ltar ni mi dag go /ji ltar dngos po med pa/ khyed kyi gzhung gis/ de ltar yang ni 'gog mi 'gyur/ med pa 'gog par khas ma blangs pa'i phyir ro/ /gal te de ltar ni 'gyur mod kyi/ yod pa la 'ga' zhig dang rnam pa 'ga' zhig gis bya ba dang byed pa bo dang /chos dang chos can gyi tha snyad kyi 'bral pa
- 366a
can du 'gyur gyi /ji ltar khyed kyi yang med pa la yang de'i rten can gyi tha snyad yin zhe na/ kho bo cag la skyon de yod pa ma yin te/ 'di ltar khyed cag bzhin du kho bo cag ni phyi rol gyi rang gi mtshan nyid la brten nas bsgrub pa dang dgag pa'i tha snyad ston pa ma yin gyi/ 'on kyang blo ba la snang ba la yin te/ phyi rol la sgrub ba dang dgag pas reg par nus pa nyid ma yin pa'i phyir te/ de ltar ni mang du bshad zin to/ /dngos med rten can/ dngos por zhen pa can gyi blo la snang ba de ni dngos po la brten pa'i dngos po med pa'i zhen pa can la snang ba ni med ba la brten pa'o/ /de la brten nas blo la snang ba'i don/ 'dir bsgrub pa dang/ dgag pa thams cad 'dod pa yin/ phyi rol gyi don la brten nas ma yin no/ /de de ltar na bsgrub pa dang dgag pa don dam pa ma yin na yang/ de 'dra med na yang/ bsgrub pa dang dgag pa'i mtshan nyid can gyi phyi rol gyi don de 'dra med na yang/ cho scan de/ de dag dang ni 'brel par snang ba yin no// de yang bsgrub pa dang dgag ba'i tha snyad ston par 'dod pa yin no/ /de ci'i phyir zhe na/ sgra'i 'jug phyir na/ sgra 'jug pa na der blo la snang ba'i phyir ro/ /yod do zhes /dngos su de nyid la bltos pa med par 'dod pa'o/ /de lta min na/ gal te blo la snang ba'i don gyi yul la bsgrub pa dang dgag pa mi 'dod pa de'i tshe/ dngos don rnams bsgrub par bya ba 'am/ dgag bar bya ba'i chos gang yin pa de dag/ phyi rol dngos po las gzhan ma yin pa 'am/ gzhan nyid yin pa zhes bya ba'i rnam par rtog pa gnyis su 'gyur ba grang na/ de la rnam bar rtog pa dang po ni/ chos gcig la ni bsgrub pa dang /dgag ba yin na/ byed pa yin na bdag nyid dag/ thams cad dgag bsgrub byed 'gyur te/ shes bya la sogs pa'i
- 366b
chos thams cad bsgrub pa dang dgag par 'gyur ro/ /ci'i phyir zhe na /du ma'i bdag nyid med phyir ro/ /chos can las chos rnams so/ /tha dad pa la/ chos can gcig la bsgrub pa dang /dgag pa'i tshogs pa med pa yin/ gzhi mthun pa ma yin par 'gyur ro/ /ci 'dra bar zhe na/ du ma dgag bsgrub bzhin /gal te khyed cag gi yang ji ltar yin zhe na/ 'dir don dam par chos can nam de'i chos 'ga' zhig kyang bsgrub pa 'am dgag pa brjod pa ma yin no// 'o na ci yin zhe na/ ji ltar blo ni/ chos can gcig gcig bstan pa'i ni chos du ma'i rten can bzhin du /chos gcig bsgrub pa na/ chos can de la de brten pa yin te/ bsgrub pa'i chos de dang chos can 'brel pa bzhin no gzhan dag sgrub pa dang dgag pa dag gis ma reg pa'i ngo bo can gyi chos rnams/ yongs su spong bar byed pa bzhin no/ /chos 'gog pa yin na des dben pa ste/ 'grib pa'i ngo bo bzhin no/ /de las gzhan pa ste/ bkag pa ma yin pa spong mi byed pa bzhin du /chos can brtan nas/ rnam par rtog pa'i blo// med pa'i don can gyi/ tha snyad rab tu ston par byed do/ /sgra las byung ba'i tha snyad/ de de ltar ni don dam par chos dang chos can gyi dngos po med du zin kyang blos rnam rtags nas te /don dam par yod pa nyid dam med pa nyid du'o/ /blo'i yul du bstan pa'i tha snyad de ni/ don tha dad rten te/ gzhan sel ba la rten pa'i skyes bu rjes su 'gro ga? 'jig rten ba'i sgra'i don la gnod mi 'gyur ro/ /ci 'dra ba zhig ce na/ thog med bag chags las byung ba'i thog ma med pa'i tha snyad kyi bag chags las kun nas 'byung ba'i rnam par rtog pa'i blos bstan pa'o/ /de lta ma yin na tha snyad mi rung ba de ltar na blo la snang ba'i don nyid la tha snyad 'di kha na ma tho ba med pa yin no/ /ji ltar na don tha dad pa dang tha dad pa la brten pa'i skyes bu dag gis ji ltar na/ de yang
- 367a
tha snyad kyi lam thob par 'gyur zhe na/ bshad pa 'di ltar mig gi dbang bo mig gi rnam par shes pa'i 'bras bu can dang /sgra'i shes ba'i 'bras bu can ma yin zhing/ rna ba la sogs pa'i de'i 'bras bu can ma yin pa dang /sgra'i shes pa'i 'bras bu can yin pa de de ltar na /de 'bras can dang de 'bras min/ de de las tha dad don gcig /gang dang gang las tha dad ba de ni /de dang de'i 'bras bu can ma yin pa'i 'bras bu can ma yin pa dag dang /de'i 'bras bu can dag las ldog pas byas pa'i tha dad pa la brten nas chos tha dad bar sgo 'dogs pa dang skur ba 'debs pa'i bslad pa mdza' yas pa nyid 'jug par 'gyur ro// bslad pa de dang de dag gis so/ /ci 'dra ba zhig ci na /de ltar gyur ba'i don de la 'phel 'grib thob ba can bzhin gyi'o/ /de ltar min yang /don dam bar 'phel ba dang 'grib pa dang brel ba yin na yang don te /mthong ba la 'jug ba ste /grags pa'i yul du 'jug par 'gyur ro/ /gang las shes na 'jug pa dang ldog pa'i don gyi 'brel pa ni 'ga' zhig las te/ 'brel bas tha snyad kyi lam la 'jug bar 'gyur ro// bslang ba de dag ci 'dra ba zhig gis she na/ tha dad rten can gyis ldog pa la brten pa can dag gis so// de nyid kyi phyir dngos po dang 'brel pa med pas sgra las bslad pa zhes tha snyad du byas pa yin no/ /gang gi phyir yod pa ma yin na yang yod pa bzhin du stan bar byed pa de'i phyir sgra de dag kyang mi shes bslad can/ rnam par mi shes pa can /yang dag par ma gyur ba dngos po tha snyad pa la brten pas 'jug ba'i phyir ro/ /sgrub par byed ba la 'brel ba yod pa de las de lta bur gyur ba ma yin pa tha dad pa'i dngos po la mi bslu ba'i phyir ro/ /gzhan? yang bdag med pa nyid kyi phyir
- 367b
mthun pa'i phyogs la srog la sogs pa yod pa ma yin no zhes brjod pa gang yin pa de yang rigs pa ma yin no/ /de ltar re zhig ston par byed pas bdag med pa nges pa nyid du nges pa yin no zhes brjod par rigs pa ma yin te /don dam bar med pa nyid du nges pa yin mod kyi/ yod nyid sgrub byed 'jug pa'i phyir/ bdag de nyid la yang yod pa nyid du sgrub bar byed pa 'jug pa de ltar na/ ston par byed pa'i gnas skabs khas len pa nyid kyi phyir nges de yod ba nyid du nges par 'dod par 'gyur te/ de med par nges pa dang /de yod ba nyid du bsgrub par byed pa'i tshig dag la 'gal bar byed ba'i phyir ro/ /de bas na 'chad pa par 'gyur ba des de yod pa nyid du nges pas khas blangs pa de'i tshe/ 'di ltar re zhig ston bar byed ba la bdag med pa ma yin na// bstan par bya ba la yang ma yin te/ 'di ltar gzhan las shes par 'dod cing/ nyan par 'dod pa na de yang the tsom med par ma yin na/ /de lta ma yin na yod pa dang med pa dang med pa nyid du nges pa can shes par mi 'dod na yang /gzhan yang sgrub par byed pa nyan pa la gus par mi byed pa de ltar na de la ston par byed bas yod pa nyid sgrub par byed pa la 'jug par mi 'gyur na/ 'jug par yang 'gyur ba de'i phyir bstan par bya ba nyid/ nyan pa po nyid kyi gnas skabs khas len ba nyid kyi phyir bdag nyid yod pa la/ the tshom za ba can gyi bdag khas len pa de ltar na yod pa nyid sgrub par byed ba'i phyir sgrub bar byed ba la 'jug par 'gyur te /yod nyid sgrub byed 'jug pa'i phyir /rgyu'i phyir ro/ /mthun pa'i phyogs de med pa yin te /bstan par bya ba la bltos nas so/ /'o na ci yin zhe na /ci yod dam med ces the tshom du 'gyur ro/ /ci ste yang na yongs su dpyad ba'i dus na yod pa nyid sgrub bar byed pa 'jug pa'i phyir bstan par bya ba la bltos nas so/ /'o na ci yin na ci yod dam
- 368a
med ces the tsom du 'gyur ro/ /ci ste yang na yongs su dpyod pa'i dus na yod pa nyid sgrub par byed pa 'jug ba'i phyir bstan bar bya ba la the tshom za bar 'gyur te/ don dam par tshad mas med pa nyid du nges pa la de mi rung ba'i phyir dang/ tshad ma dang cig shos dag 'gal ba med pa'i phyir ro/ /gal te bdag yod do zhes bstan par bya bas khas blangs pa de'i mthun pa'i phyogs la the tsom za ba med pa yin no zhe na/ de ni ma yin te/ 'di ltar 'di la yang bstan par bya ba des tshad mas de dag med pa nyid du dam bcas pa yin nam/ khas len pa btsam ste/ gal te chad mas yin pa de'i tshe tshad ma gang las med ba nyid du khas len pa de nyid las ston par byed pas kyang med pa nyid du rtogs pa nyid du rigs pa yin no// de ltar na yod pa nyid du sgrub par byed ba 'jug pa ma yin no/ /ci ste khas len pa tsam las yin pa las yin pa de'i tshe/ tshad ma med pa khas len phyir bdag med pa nyid ni rung ma yin/ de ltar na sgrub par byed ba dang /gnod pa can gyi tshad ma dag mthong ba med par don de la the tshom za ba nyid yin ba de ltar na gzhan gyis khas blangs ba yin pa de'i tshe/ de kho na nyid dpyod ba'i dus na rigs pa shes pa rnams khas blangs bar bya ba ma yin no/ /de des de ltar khas blangs pas tshad ma ma yin pa de nyid khas len pa'i phyir med par 'gyur ba ma yin na/ gang gis na de la ldog pa rigs par 'gyur na/ ngo bo nyid kyis med pa la ldog pa mi rung ba'i phyir ro// mthun pa'i phyogs ma yin pa las nges par ldog pa'i phyir dngos su gtan tshigs go bar byed pa yin par 'gyur gyi/ yang dag pa ma yin par khas len pa nye bar brtags pa las ni ma yin te/ byas pa nyid kyi gtan tshigs kyang yang dag pa ma yin pa rtogs gtan tshigs nyid du
- 368b
mi 'gyur ba'i phyir ro/ /de ltar re zhig srog la sogs pa rgyu mthun ba'i phyogs ma yin pa nyid las ldog pa nyid du khas len pa'i phyir mthun pa'i phyogs las ldog pa med pa ma yin no zhes bstan to/ /de ltar med pa nyid las te/ mthun pa'i phyogs las ldog pa med na yang khas len par byed na srog la sogs pa de/ mthun phyogs las ldog the tshom za ba nyid yin no/ /mthun pa'i phyogs la the tshom za phyir ro// rgyu'i phyir ro/ /de ltar na mthun pa'i phyogs med pa nyid la brten nas ldog pa nyid med do zhes brjod pa yin no/ /de yang mthun pa'i phyogs med pa nyid la brten nas ldog pa nyid med do zhes brjod pa yin no/ /de yang mthun pa'i phyogs la med pa nyid du the tshom zan yang ma nges pa de ltar na dgag par nus pa ma yin te/ dgag pa'i rten la the tshom za ba'i phyir ro/ /de nyid kyi phyir mthun ba'i phyogs las srog la sogs pa log pa la the tshom za ba'i phyir /mi mthun pa'i phyogs las ldog pa la 'ang the tshom za ba nyid yin no/ /de ltar ni gcig la nges pa grub pa ni/ gzhan la ldog pa grub par 'gyur gal te srog la sogs ba mthun ba'i phyogs nyid yod par grub pa de'i tshe/ de dag mi mthun pa'i phyogs thams cad la med par rtogs par 'gyur ro/ /ji ltar bdag dang bcas pa la yod pa dang med pa nyid nges pa med pa'i phyir gcig so sor nges pa yod pa ma yin pa de ltar na mthun pa'i phyogs ma yin pa la'ang yod pa dang med pa la nges pa nyid yin bas na/ mthun ba'i phyogs dang mi mthun pa'i phyogs la yod pa dang med par the tshom za ba yin no/ /de ltar na bdag dang bcas pa bdag med pa las phung po gsum pa gzhan yod pa ma yin no// de ltar na bdag dang bcas pa bdag med pa las phung po gsum pa gzhan yod pa ma yin no/ /'ga' zhig la 'jug pa yin na 'di dag las gcig la
- 369a
srog la sogs pa yod par 'gyur te/ gcig la 'jug pa dang ldog pa'i sgrub par byed pa'i tshad ma med pa'i phyir /de la the tshom za ba yin no/ /de de ltar ni 'gyur mod kyi /bdag dang bcas pa dang bdag med pa la srog la sogS pa ldog pa mthob ba de'i tshe phung po gsum med pa'i phyir don gyis bdag dang bcas pa nyid la srog la sogs pa 'jug pas 'di'i mi mthun pa'i phyogs las ldog pa la the tshom za ba ma yin no zhe na gal te yang phung po gnyis la/ srog la sogs pa bum pa la sogs pa med pa 'ga' zhig la ma mthong ba de ltar yang/ la lar srog la sogs pa mthong ba med na yang/ 'ga' zhig mthong ba med pa the tsom 'gyur ro /de dag srog la sogs pa mthong ba med pa can du mi 'gyur ro/ /de ltar ni 'dir mthong ba dang/ mthong ba med pa la brten nas ni sgrub par byed pa ni ma yin gyi/ 'on kyang tshad ma dang ldan pa'i khyab pa la yin no/ /gsal la khyab byed ma yin pa/ rigs de yod can don yod na'ang /rigs pa yod pa can yin na'ang gsal ba'i khyad par byed pa can gyi don yod pa ma yin te/ de dag 'ga' zhig kho na la yod pa yin no/ /gsal ba'i khyad par nyung zad mthong bas zhes bya ba mthong ba tsam gyis la lar te gsal ba'i khyad par ma lus pa mtshungs par nges par byed par nus pa ma yin te/ ji ltar 'di la yod pa de ltar /rigs pa yod pa can gyi gsal ba'i thams cad la yod par 'gyur /ci dang 'dra bar zhe na/ 'thas pa mtshon gyis bcad pa bzhin/ dper na rdo rje la sogs pa 'thas ba la la la lcags kyis bcad pa nyid 'ga' zhig gis ji lta ba bzhin du mthong ba med par 'gyur zhing/ shing la sogs pa 'thas pa gzhan dag la yang ches mang du mtshon gyis bcad pa mthong ba yin no/
- 369b
de tsam gyis des 'di skad du /gsal ba 'thas pa thams cad mtshon gyis bcad pa bzhin te/ 'thas pa nyid yin pa'i phyir shing dang rtswa la sogs pa bzhin no zhes brjod par nus pa ma yin /de bas na bdag med pa la la la srog la sogs pa dang bral bar 'gyur ba 'am/ bdag dang bcas pa la srog la sogs pa dang ldan par 'gyur ba yin no zhes bya ba'i nges pa 'di med pa yin pa de ltar bdag med pa la yang srog la sogs par 'gyur ro/ /gzhan yang srog la sogs pa mi mthun pa'i phyogs la yod la 'gal ba ma mthong na/ gang gis the tshom ldog par 'gyur/ bdag med pa dang lhan cig srog la sogs pa 'gral? ba rnam pa gnyis su bshad ba'i mtshan nyid can ma grub pa'i rgyu'i phyir bdag med pa las ldog pa la the tshom za ba yin no/ /bdag med pa dang 'gal ba'i bdag gis srog la sogs pa la khyab par 'gyur ba de bas na /de dag brgyud pas bdag med pa dang lhan cig 'gal bar 'gyur ro zhe na/ de yang ste/ de 'dra ba'i 'gal ba'o// de 'bras dang bdag nyid/ srog la sogs pa bdag gi 'bras bu nyid dam rang bzhin nyid kyis la lar te bdag la/ rnam des phyir gzhan ci zhig yin te/ gzhan nyid ma yin no// bdag la srog la sogS pa so sor nges pa 'di yod pa ma yin no/ /de la gang gi phyir 'di ltar dngos su 'gal ba ma yin zhing /bdag med pa dang 'gal ba'i bdag gis khyab pa nyid kyi phyir brgyud pas kyang ma yin pa des na/ bdag med pa las kyang srog la sogS pa 'di ni/ ldog pa la the tshom za ba yin no/ /bdag med pa las srog la sogs ba ldog cing srog la sogs pa yod na gson po'i lus la bdag ldog par 'gyur ba ni bla ste/ de lta yin yang/ bdag med/ med phyir rgyu'i phyir /gson
- 370a
po'i lus la/ bdag grub min no/ /ci'i phyir zhe na/ gang gi de ni ldog pa yis/ med pa dngos la 'dod ma yin /dper na srog sogs mthun phyogs las/ ldog pa med pa/ de dag mthun phyogs la yod bar mi 'dod pa de bzhin du/ bdag ldog pa bdag med med na yang/ bdag des/ 'dod par bya ba ma yin no/ /de ltar ni 'gyur mod kyi/ mthun pa'i phyogs med pa la srog la sogs pa ldog pa med na yang yod pa 'gal ba yin na/ de ltar gson po'i lus yod pa yin na ma yin no/ /gang gis na de la bdag med pa ldog pa de'i zla bo mi 'gyur ba yin na /bung po gsum pa med pa'i phyir ro/ /gang la yod pa yang ma yin zhing med pa yang ma yin par 'gyur ro/ /de yod na ni der 'gyur na/ de yang rigs ba ma yin te/ 'di ltar dngos po dang dngos po med pa dag gis ma bsdus pa'i phung po gzhan ni yod pa ma yin no zhe na/ de ni de ltar yin mod kyi/ yod pa 'gog pa ni ldog pa yin la/ de yang mthun pa'i phyogs ma yin pa la/ khyod rang nyid 'dod pa yin te/ yod pa mi 'dod pa'i phyir ro zhe na/ de'i tshe de las srog la sogs pa ldog par gyur pa dag/ de la yod pa nyid 'gal ba yin mod kyi/ 'on kyang yod pa ldog pa med na/ yang yod pa mi brjod pa'i phyir tshig 'jug pa 'gal ba yin no zhes de skad du brjod do/ /dper na srog la sogs pa mthun pa'i phyogs las ldog ba med ba yin na yang mthun pa'i phyogs la yod par mi 'dod pa de bzhin du bdag ldog pa med na yang /khyod kyis bdag yod pa nyid du 'dod par bya ba ma yin no/ /de de ltar na gal te rtags mthun phyogs ldog med/ gal te mthun pa'i phyogs las ldog pa yod pa ma yin pa'i gtan tshigs srog la sogs pa gang yin pa de yang 'dod pa de'i
- 370b
tshe /de phyir mthun pa'i phyogs las ldog pa med pa'i rgyu'i phyir /gtan tshigs rjes 'gro can yin par 'gyur ro/ /de bas na ldog pa can zhes brjod par bya ba ma yin no// gal te ldog med rjes 'gro med ni ste mthun pa'i phyogs la srog la sogs pa ldog pa med na yang de la srog la sogs pa yod par khas mi len pa de'i tshe/ bdag med med phyir bdag bcas min te/ grub pa ma yin no/ /'di lta bdag med pa nyid med pa yin yang gson po'i lus ni bdag dang bcas par mi 'gyur te/ ldog ba med pa la yang yod par khas mi len pa'i phyir ro// 'dis kyang bdag yod pa ma yin na srog la sogs pa ldog par mi 'gyur te/ 'di ltar gang rang bdag nyid 'jug pa la/ gang zhig med na mi 'byung grub/ rtags gang gi rang gi bdag nyid khyab bar byed ba gang 'jug pa ste/ yod la yod pa nyid kyis med na mi 'byung bar grub cing /khyab par byed pa de ldog pa na rag las ba de ldog byed nyid de'i phyir/ rag las pa de 'jug pa'i yang ste /khyab par byed pa de yod na/ 'jug byed yin zhing shes par byed pa yin 'gyur ro/ /med na mi 'byung de yang ni/ bshad ma thag pa der nges pa/ sgrub par byed la ldog pa yin/ sgrub par byed pa ldog pa yin/ sgrub par byed pa de yang ci zhig yin zhe na/ bshad pa 'bras la mthong dang ma mthong ga? dmigs pa dang ni dmigs pa dag go /mthong ba dang ma mthong ba de dag rgyu dang 'bras bu nyid/ de dag med pa gang yin pa de dag ni rgyu dang 'bras bu nyid ma yin no// de nyid kyi phyir de dag go bar bya ba dang go bar byed pa nyid ma yin no/ /de bas na don gzhan te/ bdag gi srog la sogs pa 'bras bu ma yin pa'i phyir rtogs pa yod ba ma yin no/ /ci'i phyir zhe na/ de yod na ste/ don gzhan du gyur ba srog la sogs pa 'bras bu ma yin pa yod na bdag
- 371a
ni yod des med phyir ro/ /rjes su 'gro tsam las rgyu'i nus pa rtogs pa ma yin gyi/ 'on kyang ldog pa las kyang ngo/ /de yang 'di la yod pa ma yin te/ rtag tu yod pa can te/ /bdag rtag ba med na/ srog la sogs pa/ de dag med mi srid phyir ro// rtag ba nyid kyi phyir bdag ldog pa med bas de med na srog la sogs pa ldog pa ma yin no zhes bya ba'i tha tshig go/ bdag ni 'ga' zhig gi tshe yang 'ga' zhig la ldog pa ma yin te/ rtag pa nyid kyi phyir dang/ thams cad la zhugs pa nyid kyi phyir ro/ /de med na srog la sogs pa med pa mi srid pas bdag ni srog la sogs pa la nus pa med pa nyid yin no/ /de'i 'bras bu ma yin pa'i phyir srog la sogs pa las bdag rtogs pa yin no zhes bshad pa la ldog pa las gdon mi za ba dang rgyu dang 'bras bu'i so sor nges pa ma yin na/ gang gis na de ltar 'gyur/ 'o na ci yin zhe na/ yod na yod pa can gyi mtshan nyid can gyi rjes su 'gro ba 'ba' zhig las kyang yin no zhes gzhan dag sems so/ /de ltar dgos pa la 'bras bu'i rang bzhin zhes bya ba la sogs pas 'gog par byed do/ /re zhig 'bras bu'i rang bzhin tha dad ba glo bur ba ni rigs pa ma yin te/ de yod na thams cad du thams cad kyi tshe bdag nyid thams cad yod par thal ba'i phyir ro/ /de ltar na rgyu dag las 'bras bu rnams kyi so sor nges pa'i rang bzhin gyi bye brag yin pas na/ 'bras bu'i rang bzhin tha dad rnams/ rgyu rnams las ni 'byung ba'i phyir/ rgyu'i phyir rgyu rnams kyis 'bras bu cung zad gcig cig car skyed ba gang yin pa'i rgyu/ de dag med par ji ltar yongs su mthong ba'i rgyu las gzhan la 'byung ba ste/ 'bras bu 'ga' zhig go/ de skyed de/ ji ltar yongs su mthong ba'i rgyu las
- 371b
skyes pa'i ngo bo gang las 'gyur/ 'bras bu de ji ltar 'gyur ba yin/ 'gyur ba nyid ma yin no zhes bya ba'i tha tshig go/ de ltar na mtshogs ba'i nus pa tha dad phyir /dngos rnams sna tshogs ngo bo nyid/ rgyu tha dad pa las skye ba tha dad pa yin zhing tha dad pa ma yin pa las tha dad ba med pa yin la de ltar na /dngos po rnams kyi sna tshogs nyid ni rgyu tha dad pas byas pa yin no// 'bras bu'i bdag nyid ji lta ba bzhin du tshogs pa gal te tha dad byed min de'i tshe 'ga' zhig las kyang dngos po rnams kyi tha dad pa 'byung ba yod pa ma yin pa/ de ltar na tha dad pa med pa'i phyir/ /'gro 'di ngo bo gcig thob 'gyur /gang gi tshe dngos po rnams rgyu las tha dad pa ma yin pa de'i tshe tha dad pa nyid kyang ma yin no/ /de ltar na gang gi tshe/ rgyu tha dad pa las 'bras bu tha dad par skye ba ma yin pa de'i tshe rgyu'i tha dad pa med pa'i phyir /tha dad pa bzhin du 'bras bu'i tha dad pa med pa ma yin te/ rgyu'i nus pa so sor nges pa la bltos pa med pa nyid kyi phyir ro/ /bltos pa yin no/ /rgyu'i tha dad pa las kyang tha dad par 'gyur ro/ /ci ste tha dad na yang mi 'gyur na ni tha dad pa med par yang mi 'gyur ro/ /tha dad pa dang tha dad med pa'i rang bzhin las 'das ba'i dngos po yod pa ni ma yin pa de ltar na 'ga' zhig kyang rgyu dang 'bras bu can du mi 'gyur ro/ /de ltar na bsgrub par bya ba nges pa la sgrub par byed pa nye bar sbyor ba la sogs pa med par thal bar 'gyur ro/ /'di tha dad byed tha dad min/ ngo bo tha dad med nyid nyams/ du ba la sogs pa skyed par byed pa'i tshogs pa gcig las don gzhan du gyur pa'i tshogs pa gang yin pa de'i rang bzhin gcig po de'i 'bras bu'i tha dad pa byed pa nges na tha dad ba'i rgyu'i phyir dang du ba la sogs pa'i 'bras bu yod cing tha?
- 372a
dad pa med pa'i rang bzhin gzhan yang yod pa yin gang gi tshogs pa mi 'dra ba snga mas skyed pa'i rang bzhin can gyi du ba la sogs pa skyed par byed pa yin no zhe na/ 'di ltar tshogs pa 'di'i tha dad byed tha dad min na/ ngo bo tha dad med nyid nyams gcig la tha dad par byed pa dang tha dad par byed pa ma yin pa phan tshun 'gal ba'i rang bzhin rigs pa ma yin no/ /don dam par dngos po gcig tha dad pa'i ngo bo yin par de ltar na yang gcig ni du ba'i dngos nyid na ste khas len par byed na/ med dang cig shos gzugs gnyis yin/ tha dad par byed pa ma yin pa'i rang gi ngo bo gang yin pa de gang gis me la sogs pa'i tshogs pas skyed par byed pa'i rang bzhin can gyi du ba skyed par 'gyur ba de ma yin zhing tha dad par byed pa gang yin pa de ni ma yin no/ /de'i phyir me la sogs pa'i tshogs pa du ba skyed par byed pa gang yin pa de/ du ba skyed byed ngo bo ni/ ngo bo de nyid kyang/ gal te gzhan yin/ 'khrul pa'i yul nyid du 'dod pa yin na yang/ de'i tshe de nyid me la sogs pa'i tshogs pa nyid de yin no/ /de ltar me la sogs pa'i tshogs pa gang yin pa de du ba skyed par byed pa'i rang bzhin can yin no/ /ci ste du ba de skyed byed ngo bo ma yin na/ de'i tshe du ba skyed par byed pa'i rang bzhin can ma yin pa/ de las du ba la sogs pa'i 'bras bu/ de 'byung ji ltar yin/ gang gi phyir du ba la sogs pa skyed par byed pa'i rang bzhin can gyi me yin gyi/ de skyed bar byed pa'i rang bzhin can ma yin pa las du ba mi 'byung ba/ de phyir rgyu ngang 'bras bu dag/ phan tshun rang bzhin nges pa yin/ ji ltar du ba skyed par byed pa gang yin pa de me la sogs pa tshogs pa'i
- 372b
khyad par gyis bskyed pa gang yin pa de ltar na rgyu dang 'bras bu'i rang bzhin nges pa yin no/ /de phyir rang gis mthong bzhin/ ji ltar me las dngos su 'byung ba'i rgyu'i yul can gyi shes pa las/ de rgyur rtogs 'gyur de bzhin du 'bras bu ste/ rtoD su gyur pa mthong na'ang de rgyu yin par rtogs par 'gyur ro/ /de ltar na 'bras bu'i rtags ni rang gi rgyu la 'khrul pa med pa can yin no/ /de ltar ni 'gyur mod kyi/ chu dang 'o ma'i rul pa bzhin/ du ma las gcig ji ltar yin/ 'bras bu gcig las mthong ba yang rigs mi mthun pa gzhan las kyang 'byung ba mthong ba yin te/ dper na 'o mas de dang 'brel pa can gyi rdzas rul pa'i rang bzhin gzugs dang reg bya la sogs pa rnam par gyur pa rnam pa gzhan du 'gyur ba'i mtshan nyid can yang/ 'o ma'i mtshan nyid med pa chu las kyang de nyid du 'gyur ba de ltar du ba la yang 'gyur ba lta bu'o zhe na/ skyon de yod pa ma yin te/ 'di ltar 'o ma dang chu tha dad pa dag gi rul pa'i 'bras bu yang tha dad pa nyid yin no/ /ci ste 'bras bu rul ba'i spyi la brten nas 'bras bu tha dad pa med par brjod pa de ltar na de'i rgyu'i tha snyad kyang de dag las 'gal ba med pa yin no/ /'di ltar rnam pa tha dad pa yin ba de dag kyang dngos po'i zhu ba'i nus par zhu bar nus gang las/ 'bras la sogs pa rul ba gang yin pa ni rul pa'i nus par bye brag med pas gnyis kyi yang/ 'o ma dang chu dag gis gcig nyid yin pa de ltar na skyon yod pa ma yin no/ /de ltar ni 'gyur mod kyi/ 'di bdag ci'i tha dad pa dang/ tha dad med/ gal te gnyi ga nus pa cig yin pa de'i tshe nus pa'i bdag nyid bdag nyid tha dad pa med pa gcig gi rang bzhin yin zhing/ snang ba tha dad pa'i phyir gzhan gyi rang bzhin tha dad pa yin pa
- 373a
de ltar gcig kyang tha dad pa dang tha dad pa med pa'i rang bzhin du 'gyur ro zhe na/ tha dad pa dang tha dad pa med pa'i rang bzhin ma yin no/ /'o na ci yin zhe na/ tha dad pa nyid yin no/ /gal te 'o ma las chu tha dad pa yin pa de'i tshe/ 'o ma dang chu tha dad zho nyid ngo bo rig ji ltar yin te/ gang las rul pa yin par 'gyur bar 'gyur zhe na/ bden te/ ji ltar rang rang ngo bo la gnas phyir /dngos po thams cad phan tshun 'dres pa ma yin pa de ltar ba dag nyid du gyur pa'i nus pa de dag dang de'i 'bras bu rnams ni phan tshun 'dres pa ma yin no/ /'on kyang ngo bo nyid kyis tha dad pa yin na yang kha cig 'bras bu gcig byed pa yin no/ /'bras bu gcig rtogs pa'i blo gcig yin te/ nyams su myong ba yin pa'i phyir ro/ /'bras bu tha dad gzhan la yang/ gcig nyid du zhen par byed pa skye bar 'gyur te/ rang bzhin gyis 'khrul pa'i phyir ro/ /de ltar na/ blo de'i dngos te/ rtogs pa'i ngo bo gcig tha dad med phyir/ rgyu'i phyir/ nus pa tha dad med pa yin zhes brjod/ dngos po rnams kyi tha dad pa dang tha dad dang tha dad pa med pa 'di rnam par shes pa gcig dang du ma bskyed pa gang yin pa de'i de dagni rigs mthun pa dang mi mthun pa rnam par bzhag pa'i rgyu mtshan yin no/ /rnam par shes pa gcig dang du ma skyed pa'i rang bzhin des 'bras bu yang rnam par shes pa gcig dang du ma bskyed pa'i rang bzhin gyi rgyur 'gyur ro/ /gang gi phyir de ltar na dngos po tha dad ba yin na yang rang bzhin gang gis 'bras bu de dag skyed par byed pa'i rang bzhin de nyid kyi shes pa rtog pa'i ngo bo gcig gi rgyur 'gyur ba don dam par tha dad pa yin na/ yang tha dad pa med par zhen par 'gyur ba/ de bzhin tha dad yin na'ang cha/ gang gi ste/ rang bzhin gyis me ni mi shes pa'i rten yin/ me rtogs pa'i shes pa tha dad
- 373b
pa med pa'i rgyu yin no/ /rang bzhin des na du bskyed pa/ du ba skyed par byed pa ste/ du ba'i me ni rten du gyur pa yin no/ /rgyu gang gis me ma yin pa las ldog pa'i cha nyid kyis/ me du ba skyed par byed pa'i rgyu/ des na du ba'i rtags de las med de ltar na/ me ma yin pa rnam par gcod pa nyid kyi sgo nas kyang rtogs par 'gyur ro/ /de ltar na gzhan bltos pa'i ste/ shing gi khyad par gyis lhan cig byed pa'i rten las bltos pa'i/ me'i cha nyid las ni/ me rtogs pa'i shes par sgrub par byed pa nyid kyi me'i mche nyid las du ba yang 'byung pa'i phyir/ rgyu'i phyir/ du ba la de las 'khrul med can zhes bya ba de nyid ni ji ltar du ba 'khrul pa med pa can yin pa/ de ltar de bzhin 'khrul pa med pa can gyi 'bras bu gzhan grub par rig par bya'o zhes bya bas so gzhung btsugs pa yin no/ /ci phyir du ba med la 'khrul pa med pa can yin no/ /zhe na/ bshad pa 'di ltar me zhs bya ba gzhan 'ga' zhig kyang yod pa ma yin no/ /'o na ci yin zhe na/ du ba dang bud shing gi 'gyur ba skyed par byed pa gang yin pa de'i/ yan lag gi dngos po'i rten de la du ba bud shing gi 'gyur ba skyed par byed pa gang yin de'i/ /yan lag gi dngos po'i rten de la du ba bud shing 'gyur yan lag rten la ste/ dngos la me ni gnas phyir te/ tha snyad du byas pa'i phyir ro// gal te du ba 'khrul pa med pa'i yul can nyid du 'dod pa me yin pas de las skyes pa'i don du ba nyid 'dod pa de du min te phyir te/ de ltar na mes de skyed pa gang yin pa de du ba yin no/ /gal te du ba yin na ci ste/ gzhan las skyes pa'i du bar 'dod pa de'i tshe/ rgyur gyur pa'i don de me'i mtshan nyid dang bral ba ma yin na/ gang gis na du ba me la 'khrul par 'gyur/ 'o na ci yin zhe na/ de me yin te/ de ni du ba skyed par byed pa la sogs pa'i ngo bo nyid can yin pa'i phyir ro/ /de ltar de
- 374a
zhig rgyu dang 'bras bu'i med na mi 'byung ba nyid yin no/ /rang bzhin gyi gtan tshigs ni/ bdag nyid ji bzhin rgyu ltos nas/ rang bzhin med na mi 'byung bar/ zhes bya ba rang bzhin gyi gtan tshigs 'ga' zhig la khyab pa sgrub par byed pa'i rgyu 'ga' zhig gis yin pa de ltar na/ bdag nyid ji lta ba bzhin du de sgrub par byed pa'i gtan tshigs dag gis med na mi 'byung ba nyid yin par rtogs par bya'o/ /'jig dang byas pa nyid/ /gong du ji skad bshad zin no/ /de ji ltar rigs par rang bzhin gyi gtan tshigs kyi rab tu dbye ba gzhan dag kyang med na mi 'byung ba nyid yin par rig par bya'o/ /de de ltar na 'brel pa rnam pa gnyis po dag kyang srog la sogs pa la yod pa ma yin pa de ltar go bar byed pa ma yin te/ dper na mnyan par bya ba nyid lta bu'o/ /gang dag de go bar byed pa yin par mi 'dod pa dang srog la sogs pa go bar byed pa yin par 'dod pa de dag gi/ ji ltar mnyan par bya ba nyid go bar byed pa ma yin pa de ltar srog la sogs pa yang yin na/ mtshungs par mthar phyir/ mtshungs par snang ba nyid kyi phyir slob dpon gyis mnyan par bya ba nyid/ bshad pa mdzad pas gtan tshigs min /rtogs pa'i tshul 'di kun/ bshad ma thag pa ste dper na srog la sogs pa kho bo cag gis bstan pa lta bu'o/ /de bzhin du gzhan dag la yang gtan tshigs ldog pa can ni dpyad par bya/ gal te rang bzhin 'bras bu grub don du/ /gnyis dang gtan tshigs bzlog pa gnyis/ yin pa de'i tshe mi dmigs pa grub pa'i don du yang ci'i phyir dpe ma byas pa yin zhe na/ byas pa nyid yin te/ de ltar ni rang bzhin mi dmigs pa ni rang bzhin gyis gtan tshigs kyi nang du 'dus par 'gyur ro zhes bshad pa nyid yin no/ /des
- 374b
na rang bzhin gyi gtan tshigs kyi dpe nyid kyis bstan pa yin no/ /rgyud pas rang bzhin nyid 'gog pa'i phyir/ rgyu dang khyad par byed pa mi dmigs pa yang bstan par 'gyur ro/ /yang na 'di gnyis so sor bstan pa na yang gang gi rgyu 'am rang bzhin 'di nyid ldog pa na/ rang gi 'bras bu dang rang bzhin ldog par 'gyur ro zhes bshad do/ /de'i phyir/ gtan tshigs rang bzhin ldog pa nyid kyis don gyis/ de las byung ba dang de'i rang bzhin ldog pa brjod pa'i rgyu'i phyir/ gang la rgyu 'am rang bzhin med pa de la 'bras bu 'am rang bzhin yod pa ma yin no zhes don gyis bshad par 'gyur ro/ /de ltar na rang bzhin dang 'bras bu dag gi ldog pa bstan pa nyid kyis mi dmigs dpe ne? grub pa can/ rgyu mi dmigs pa dang khyad par byed pa mi dmigs payin pa'i phyir tha dad par ni ma bstan te/ so sor ma bstan to zhes bya ba'i tha tshig go/ de ltar 'gyur ba ni bla ste/ dmigs pa'i mtshan nyid kyis gyur pa'i zhes bya ba'i khyad par gang las thob pa yin zhe na/ bshad pa/ de la'ang skyes bu ma mthong las/ srog sogs ldog pa med pa'i phyir/ gzhan la ma mthong ba'i ngo bo zhes bya ba la sogs pas bdag mi snang ba ldog pa med pa'i phyir srog la sogs pa gtan tshigs the tshom za ba bshad bas/ gal te mi dmigs pa 'di la yang gang ldog pa sgrub par byed pa de mi snang ba'i don yin pa de'i tshe/ mi snang don la de ste/ gtan tshigs the tshom za ba yin na zhes bstan par 'gyur ro/ /mi dmigs pa 'di dngos te/ dngos po gyur pa'i chos can la yang dgag pa bsgrub par 'gyur ro/ /yang gi sgra ni dngos po ma yin pa la yang ngo/ /ci 'dra ba zhig ce na/ tsha? ni khas blangs med pa can te/ dngos po'i rang bzhin 'phen pa ma yin pa'o/ /rgyu dang khyab par byed pa mi dmigs pa dag gis ni
- 375a
dngos po rnam par gcod pa tsam dang/ med pa'i tha snyad 'ba' zhig sgrub par byed pa yin no/ /snga ma dag gis te/ rang bzhin dang 'bras bu'i gtan tshigs dag gis don gzhan kyis dben pa'i dngos po chos ma yin pa'i bsgrub par bya ba yin no/ /ci'i phyir zhe na/ sgrub par byed pa'i phyir ro/ /dngos po tsam nye ba nyid yin pa'i phyir ro/ /rang bzhin mi dmigs pa ni med pa'i tha snyad yin gyi/ med pa na ma yin pa de ltar na rang bzhin mi dmigs pa/ de la dmigs pa dag la ni/ snang ba'i don dag la/ dmigs pa las gzhan yod ma yin/ 'on kyang dmigs pa nyid yod pa nyid yin no/ /de ltar dmigs pa sgra las la yod pa'am/ byed pa po la yod pa'i bya ba yin par brjod grang na/ las la gnas pa yin na ni/ don gyi rung ba nyid dmigs pa yin no/ /de yang dmigs pa dag la bdag nyid kyi phyir khyad par yod pa nyid yin no/ /byed pa po la gnas pa'i nyid yin na mi dmigs pa'i shes pa dmigs pa yin te/ de yang de 'dra ba'i don yod pa nyid kyi tha snyad kyi rgyu nyid yin pa'i phyir ro/ /khyab pa dang ldog pa med na ni 'khrul pa med pa can yin pa de ltar na yang yod pa nyid bzhin du nye bar btags pa las yod pa nyid yin no/ /de ltar rnam pa gnyi ga ltar yang mi dmigS pa yod pa nyid yin no/ /de med pa'ang med pa nyid yin te/ mi dmigs pa'i phyir ro/ /med pa'i tha snyad kyi yul de shes pa na/ gang gis yul can dag mi shes pa yin te/ rmongs pa'i phyir ro/ /de'i phyir/ mi shes shes byed phyir/ rang bzhin mi dmigs/ gcig dang de bzhed pa yin mi dmigs pa de yang med pa nyid kyi rang bzhin yin no/ /de bas na rang bzhin mi dmigs pa de la yul ni med nyid phyir/ shes pa la sogs pa'i yul gyi dngos po med pa'i rgyu'i
- 375b
phyir/ shes pa yod pa nyid dang brjod pa nyid yod dam med ces the tshom za ba ni/ shes brjod the tshom za ba'i yul can dag ni 'gog par 'gyur/ ji ltar zhe na dper na sreg med phyir me min/ dper na 'ga' zhig la gzhan gyi me dang 'dra bar snang ba'i shes pa skyes na/ me'i rang bzhin gyi the tshom yod na/ gzhan la 'di ni dper na me ma yin te sreg par byed pa nyid ma yin pa'i phyir ro zhes brjod pa lta bu'o/ /sreg par byed pa las me ni gzhan ma yin te/ 'on kyang sreg par byed pa'i don me'i tha snyad kyi yul du 'gyur ba med pa nyid kyis/ 'jig rten la tha dad pa med par me'i shes pa la sogs pa 'gog par 'gyur ro/ /ji ltar dmigs pa las yod pa nyid gzhan ma yin no zhes mi brjod pa ltar/ mi dmigs pa la mi dmigs don dag la gzhan yang yod pa nyid ma yin/ 'on kyang mi dmigs pa kho na med pa nyid yin no/ /de bas na ste de'i phyir ro/ /de yod phyir/ med pa bsgrub par bya ba ma yin no/ /'o na ci yin zhe na shes pa/ de rgyu can te/ mi dmigs pa'i rgyu can dang/ sgra bsgrub byang 'gyur/ med pa'i shes pa dang/ brjod pa dang/ tha snyad do/ /gal te dmigs pa'i rgyu mtshan du gyur pas/ rgyu mtshan can med pa'i shes pa la sogs pa bsgrub par bya ba yin na/ de'i tshe rgyu mtshan yod na rgyu mtshan can yod par nges pa med pa'i phyir med pa'i shes pa dang/ brjod pa 'jug pa grub pa ma yin no zhe na/ skyon de yod pa ma yin te/ 'di ltar med ces bya ba'i tha snyad 'di grub po/ /grub pa nyid yin no//gang gi tshe zhe na/ snang ba ma mthong la/ dmigs su rung ba ma mthong ba yod pa na'o/ /de'i phyir/ /mthong ba dang ma mthong ba/ de grub pa na de 'bras la'ang/ yod na blo dang sgra la the tshom med/ de ltar med pa'i tha snyad la/ de dag 'jug pa ma yin na gang gis na nges pa med par 'gyur/ 'on kyang de 'dra ba'i yul gyi dngos
- 376a
po snang ba la med do zhes bya ba'i tha snyad do grub pa ma yin no/ /'on kyang yul yod na yang rmongs pa'i phyir/ gzhan dag skyes bu gzhan bstan bar bya ba/ de la 'jug grub pa ma yin no/ /'on kyang yul yod na yang rmongs pa'i 'gyur gyi/ brda dang dran par byed pa yin/ /dper na 'jig rten na med pa'i tha snyad ci 'dra ba snang bar 'gyur ba mi dmigs pa na yul nyid du/ grub pa yin zhing gang la khyod kyis kyang med pa'i tha snyad du byas pa de dang chos mthun pa yin de bas na 'di/ grub pa'i yul dang chos mthun phyir/ 'dir yang med pa'i tha snyad rtogs par 'gyur ro/ /ci dang 'dra bar zhe na/ ji ltar zhes bya ba la sogs pa smos te/ ji ltar rgyu dang 'bras nyid grub par 'gyur ganglas zhe na/ mthong dang ma mthong las/ dper na mthong ba dang/ ma mthong ba dag las 'bras bu dang rgyu'i tha snyad bsgrub par bya ba yin pa lta bu'o/ /'di gnyis la gzhan pa'i rgyu dang 'bras bu zhes bya ba med pa nyid kyi phyir/ de dag la ni mthong ba dang ma mthong ba dag la/ 'bras sogs sgra'i/ tha snyad phyir ni brtags pa yin/ 'di ltar mi dmigs pa'i rgyu'i phyir/ med pa'i shes pa la sogs par rung nyid kyi/ 'bras bu grub pas na/ de bas na rang bzhin mi dmigs pa ni/ rang bzhin gyi gtan tshigs kyi nang du 'dus pa yin pa de bas na/ rang bzhin mi dmigs pa 'di ni/ rang bzhin nad 'dus phyir/ gtan tshigs rab dbye bshad pa la/ tha dad dpe bstan med pa can/ gang la dpe bstan pa med par zhes bya bar tshig rnam par sbyar ro/ /gal te mi dmigs pa de nyid ji ltar grub pa yin zhing gang gis med pa'i shes pa la sogs pa sgrub par bya ba yin zhe na/ skyon de yod pa ma yin te/ 'di ltar /gcig dmigs nyams su
- 376b
myong ba'i phyir/ don gcig gzhan dang 'dre ba can dmigs pa nyams su myong ba'i phyir dus phyis dngos po 'di ni dmigs pa med pa ce 'am/ dmigs pa zhes ni rtogs pa yi/ de ltar ro/ /blo ni nges bar 'gyur ba yin/ gcig dmigs pa'i phyir zhes bya ba de tsam brjod par bya ba yin na/ dogs pa gang gis nyams su myong ba bstan par bya ba'i phyir/ tshor ba khyad par can nyid phyir/ don rnams khyad par rtogs par 'gyur zhes bya ba smos te/ de skad du don re zhig don ni rang yod pa nyid tsam gyis tha dad pa dang tha dad ba med par grub pa nyid ma yin no/ /'o na ci yin zhe na/ shes pa'i dbang las yin no/ /gal te tha dad pa'am tha dad pa ma yin pa de'i tshe/ don tha dad pa 'am tha dad pa med pa grub par 'gyur ro/ /ji ltar myong ba tha dad pa dad tha dad pa med pa dag gis don tha dad pa dad tha dad pa med pa yin pa de ltad de shes pa'i shes pa tha dad pa med pa dag gis shes pa yang ma yin no/ /'o na ci yin zhe na/ shes pa'i bdag nyid de ji ltar gzhan dang 'dres pa can nam/ gzhan dang 'dres pa can ma yin pa gsal bar byed pa de ltar tha dad pa dang tha dad pa med pa'i shes pa'i yul du 'gyur ro zhes bstan par 'gyur ro/ /de ltar bstan pa'i phyir nyams su myong pa gsungs pa yin no/ /gang gi phyir de ltar na/ de lta'i bdag nyid myong ba/ so sor nges pa'i rang gi ngo bo nyams su myong ba nyid ni shes 'di'i tha dad blo rgyu yin/ de'i myang ba'i khyad bar gzhan ni ma yin no/ /de na don gyi rnam pa tha dad pa 'dzin pa can gyi/ blo gnyis tha dad grub pa yin te/ dper na blo 'di las tha dad pa yin no zhes rang nyid las grub bar 'gyur ro/ /yang shes pa/ de dag gis de'i don/ shes pa tha dad pa de dag gi yul du gyur pa'i don gang yin pa de dag ni/ rang gi yul du gyur pa'i shes pa dag las tha dad par
- 377a
grub pa nyid yin no/ /de lta min na gal te /blo rang nyid las tha d+d pa ma yin gyi/ 'o na ci yin zhe na/ shes pa'i shes pa tha dad pa las yin na/ de'i tshe de yang rang rig pa'i khyad par gzhan las khyad par du gyur pa yin zhing// gzhan las yin pa de ltar na thug med phyir te/ rgyu'i phyir gcig gi tha dad pa ma grub pa na thams cad kyi mi 'grub pa de ltar na 'ga' zhig tha dad grub mi 'gyur/ shes pa'am don 'ga' zhig gi yang tha dad pa 'am tha dad pa med pa grub par mi 'gyur ro/ /de ltar na gdon mi za bar shes pa bdag nyid kyis khyad par du gyur pa yin no zhes khas blangs par bya'o/ /'dis kyang shes pa rang rig pa grub pa yin no/ /zhar la 'ongs pa rdzogs so// //de bas na khyad par can dngos po myong ba de'i phyir/ gzhan dang 'dres pa ma yin pa'i don gyi rang gi ngo bo rnam par nges pa dmigs pa myong pa'i phyir/ dmigs pa'i mtshan nyid kyi gyur pa mi dmigs pa'i don te gsal ba ste/ bkag pas ni gzhan ma yin/ de bas na/ de las khyad par can dmigs pa/ de dgag par bya ba bum pa la sogs pa/ de las khyad par can 'ga' zhig/ don de dben pa'i ngo bo can gyi don dmigs pa gang yin pa de nyid dgag par bya ba nyid du brjod bar 'dod pa'i don de yang mi dmigs pa yin no/ /gang gi phyir gzhan dmigs pa nyid ma yin par dgag pa mi dmigs pa brjod pa/ nges na mi dmigs 'di ni/ mngon sum bdag nyid kho nas rtogs/ rang rig pa'i mngon sum gyis grub pa yin te/ gcig dmigs pa nyid gzhan mi dmigs pa yin pa'i phyir ro/ /de yang shes pa gzhan las khyad par ma grub pa can du gyur pa/ go byed nyid yin no/ /gang gi zhe na/ de med rnam gzhag gis te
- 377b
med pa'i tha snyad kyi'o/ /ci 'dra ba zhig ce na/ rang nyid tsam gyi 'jug pa can/ mi dmigs pa'i rang gi ngo bo nye ba tsam gyis 'jug pa'i chos can no/ /de la gang gi tshe rnam pa gcig tu rnam par nges pa'i don can gyi mi dmigs pa yin pa de'i tshe yul du gyur pas yul can gyi tha snyad bsgrub par bya ba yin no/ /ci ste yang shes pa mi dmigs pa yin pa de'i tshe/ rgyu mtshan des rgyu mtshan can gyi tha snyad bsgrub par bya ba yin no/ /de ltar rnam pa gcig tu rnam par nges pa'i yul dang dmigs pa 'di la rang yod pa tsam gyis med pa'i tha snyad la 'jug par 'gyur ba'i phyir/ 'di gnyis ni rang nyid tsam gyis 'jug pa can zhes gsungs pa yin no/ /gzhan du gal te rang nyid las mi dmigs pa grub par mi 'gyur ba de'i tshe/ mi dmigs pa las ni/ don med pa nyid rtogs par 'gyur/ yul la dmigs pa ldog pa las so/ /gzhan gyis yul la dmigs pa de yang med pa nyid/ yul dmigs pa mi dmigs pas so/ /de ltar na ni thug med 'gyur de bas na 'ga' zhig kyang med pa nyid du grub pa ma yin no/ /de de ltar na mi dmigs pa de lta bur gyur pas dmigs pa'i mtshan nyid kyir gyur pa'i don dag la med pa rtogs par 'gyur ro/ /don mi snang ba la yang med pa'i nges pa mi rung phyir/ ci ste yod pa 'am ci de med pa nyid las mi dmigs pa yin no zhe'o/ /'on kyang mi dmigs pa'i mtshan nyid can gyi don gzhan la gnas te/ yod pa'i tha snyad 'gog par 'gyur te/ mi snang ba'i yul can gyi mi dmigs pa ni yod pa'i tha snyad 'gog pa'i 'bras bu can yin no zhes bya ba'i tha tshig go/ de ltar dmigs pa na yod pa'i tha snyad kyi rgyu yin la/ de don gang la med pa de las yod pa'i tha snyad ldog par 'gyur gyi/ med pa'i tha snyad kyi yul du
- 378a
gyur pa ni ma yin no/ dper brtags can min rtags yod pa ma yin pa can no/ /rnam rtog sogs shes bya ba la sogs zhes bya ba smos pas ni/ shes pa'i shes pa la sogs pa bzung ngo/ /sems can gzhan la skye ba dbang po las 'das pa nyid yin pa'i phyir/ mi dmigs par 'gyur ba na/ 'grub pa mi 'gyur bzhin no/ /de ltar na yang de yang de la med pa'i tha snyad nyid 'jug par 'gyur ba ma yin no/ /yang ci'i phyir mi dmigs pa de dag yod na yang med pa'i tha snyad 'jug par mi 'gyur zhe na/ 'di ltar /'bras bu nges med can de dag/ mi snang ba'i yul can gyi mi dmigs pa'o/ /yod pa dang med pa nyid du bsgrub pai rgyu mtshan can ni yod pa dang med pa'i tha snyad yin zhing de la ji ltar yod pa grub pa med pa'i phyir/ rnam par rtog pa la sogs pa yod pa'i tha snyad la 'jug mi 'gyur ro/ /de nyid kyi phyir 'di ldog pa bsgrub la nus pa med/ ldog pa nges pa la'o/ /dang por yang rgyu la sogs pa ma dmigs pa med pa bsgrub par byed pa la/ gtan tshigs byas pa ni/ gtan tshigs de dag mi mthung pa'i phyogs las ldog pa nges pa yin no/ /ci'i phyir zhe na/ nges pa nyid kyis gtan tshigs tshul gsum pa nyid kyis bsgrub par bya ba'i don bsgrub byed do/ /de yang nges par byed pa'i ngang tshul dang po'i mi dmigs pa nyid yin no/ /bdag nyid sbyor ba dag la de'i/ med pa bsgrub par byed pa'i rang gi ngo bo ste/ mi dmigs pa'i ngo bo'i sbyar ba'am/ don la gnod byed ngo bo ste/ phyin ci log tu dmigs pa'i ngo bo'i/ /don 'di la gnod par byed pa 'di yin no zhes bya ba 'di nyid gang las rtogs par 'gyur/ gang gis don la gnod byed ngo bo sbyor ba yin zhe na/ yod na yod pas med phyir ram/ rgyu ma gtugs pa can yod na med phyir te/ snang ba'i bdag nyid kyi grang ba dang dro ba'i reg pa bzhin
- 378b
zhes bya ba'i tha tshig phan tshun tha dad grub pa'i phyir/ phan tshun spangs te gnas pa'i mtshan nyid can gyi 'gal ba nyid yin pa'i phyir ro/ /brten dngos dang ni 'jig pa bzhin/ rtag pa dang mi rtag pa nyid bzhin no/ /lhan cig mi gnas pa'i mtshan nyid can gyi 'gal ba ni cig shos kho na yin no/ /de yang snang ba dang mi snang ba'i yul gyi khyad par las gnyis su nges par byas nas/ rnam pa gnyis su bstan par 'gyur ro/ chad ma gzhan gyis gnod pa'i phyir brgyud pas kyang 'gal bar 'gyur ro/ /nges 'ga' ba dang ltos med bzhin/ /dngos po gang la bltos pa med pa gang yin pa de dag ni/ res 'ga' bar 'gyur ba ma yin te/ dper na rgyu'i tshogs pa tha ma la gags byed pa mi srid pa bzhin no/ /de 'dir bltos pa med pa dang/ res 'ga' ba nyid ni dngos su 'gal ba yod pa ma yin na yang/ bltos pa med pa nyid kyi khyab par byed ba brtan pa'i ngo bo nyid dang/ lhan cig res 'ga' ba nyid 'gal bar 'gyur ba na/ bltos pa med pa nyid dang/ don gyis 'gal ba yin no/ ci ste sgra 'jig pa la blta? pa med par mi 'dod pa de' tshe/ 'jig pa'i rang bzhin can du nges par mi 'gyur ro/ /de ltar ni /nyid ma yin na rgyu gzhan gyi/ kun slong nges pa gang las yin/ ma yin pa nyid yin no/ /dngos po gang la bltos pa dang bcas par 'dod pa gang yin pa de dag ni/ de'i ngo bo nges par 'dod pa nyid yin par mi bya/ dper na gsol la tshon bzhin no/ /dngos po skye pa dang ldan pa'i 'jig pa'i rang bzhin ni bltos pa dang bcas pa yin par 'dod pa yang yin no/ /de ltar ni 'gyur mod kyi/ dngos po rgyu las kyang? nyid na/ dngos po 'grub/ byed pa'i rgyu nyid kyis mi rtag pa nyid ces bya ba'i chos/ /dngos po 'jig pa skyed par byed do/ /nges ni dngos po 'jig pa'i rang bzhin du ngs pa yin no/ /de'i tshe yang/ brgyud pa'i du bas ci zhig bya/ rang yod pa nyid kyi rgyu? nyid las dngos por rig pa'i rang bzhin bu bas?
- 379a
bde de 'dra bar 'gyur ba yin na brgyud pas ci zhig bya/ gzhan yang/ gzhan 'jig ste/ mi rtag pa nyid la sogs pa dngos po 'jig par byed pa'o/ /skyed par byed pa nyid yin no/ /dngos de'i skyed bar byed pa'i rgyu/ de dngos po de'i 'jig par byed pa yin par 'dod na/ gal te dngos su de nyid 'jig pa'i dngos su/ skyed par 'gyur na/ mi 'dod pa ci zhig 'gyur/ gal te cir yang mi 'gyur mod kyi/ 'on kyang de nyid ni/ dngos po rnams kyi 'jug pa'i rim pa yin pa de bas na/ de dag ji lta bur 'gyur ba nyid yin par sems pa yin gyi/ rnam pa gzhan du ma yin no zhe na/ de de ltar ma yin gyi/ 'di ltar de dag ni gnyis su 'gyur te/ gal te dngos po 'jig pa mi rtags? nyid la sogs ba de dngos po'i bdag nyid du gyur pa'i 'jig pa'i rang bzhin byed bas bdag la phan pa byed pa 'am/ ma yin par 'gyur grang na/ gal te bdag la phan par byed pa yin par 'dod pa de'i tshe/ dngos po de de grub bdag nyid can gyur na/ rgyu grub pa'i rang bzhin can grub bar gyur na/ de bdag la phan byed 'gyur ci cir 'gyur/ ma yin pa nyid de bya ba med pa'i phyir ro/ /ci ste bdag la phan par mi 'gyur ba de 'dod pa'i tshe na/ 'gyur na ci ste/ 'di'i 'ga' zhig tu yang mi ? te/ cung zad kyang byed pa med pa'i phyir ro/ /dngos po de bas na gang la bltos par 'gyur/ 'jig pa'i dngos po la'o/ /de ltar na 'jig pa'i rgyu rtogs pa don med ba can no/ /ci ste 'jig pa nyid 'ga' zhig la bltos pa med cing/ dngos po bskyed pa'i 'gyur ba de'i tshe/ bltos pa'i rang bzhin med na'ang 'ga' zhig gi tshe 'jig pa'i rang bzhin med pa de lta bur 'gyur ba min nam ci/ rtag tu 'jig ma'i rang bzhin nyid yin par 'gyur ro/ /dper na de nyid 'grub ?
- 379b
'jig can/ gang la 'byung ma thag tu 'jig pa'i rang bzhin yod pa de ltar na 'byung 'jig can no/ /stod pa la brten mi 'dod pa bzhin sdod pa la rten par byed pas na/ sdod pa la brtan pa'o/ /sdod pa la brten par mi 'dod bzhin te/ sdod psa 'jig pa'i rang bzhin du 'gyur ba ma yin no/ /de ltar na snga ma'i gnas skabs las de la bltos pa med pa'i phyir/ 'jig pa'i rang bzhin can nyid yin no/ /de ltar ni 'gyur mod kyi gal te skyed cig kyang bltos med dngos 'byung ba ma yin na/ dngos po med pa'i 'jig pa yin zhing de yang gal te mi ltos pa nyid kyi phyir thams cad kyi tshe 'gyur ba de'i che/ skad cig ma gcig la yang de nyid dngos po'i rang bzhin yin pa'i phyir rtag tu dngos po med pas dngos po'i 'byung ba ste/ skye ba nyid du 'ga' zhig gi tshe yang mi 'gyur ro// de ni de ltar ma yin te/ dngos po'i rang gi ngo bo yongs su shes pa med pa'i phyir ro/ /dngos po de ltar 'gyur ba yin/ 'jig pa'i rang bzhin du'o/ /de yang gang gi tshe skad cig ma der yang mi 'gyur ba de'i tshe dngos po 'joms pa'i mtshan nyid can la sogs pa'i 'jig pa yod pa med par 'jig pa mi rung ba'i phyir/ dngos po 'jig pa'i dang tshul can du mi 'gyur ro/ /de bas na dngos po yod pa nyid 'jig pa'i rang bzhin du rigs pa ma yin pa de ltar na/ gdon mi za bar dngos po skad cig ma yin no/ /ci ste yang skad cig ma nyid la yang dngos por 'gyur ba de'i tshe/ de ltar med yod ji ltar rung dngos po mi rtag par mi 'gyur na/ 'ga' zhig kyang med pa'i phyir/ gang de ni cir yang mi rung ngo/ /gzhan yang dngos po rang bzhin nyid kyis 'jig pa'am ma yin par 'gyur grang na 'jig pa'i tshul cin nyid yin na ni 'jig pa'i rgyu cung zad la'ang bltos par mi 'gyur te/ bdag nyid de'i rang bzhin can nyid yin pa'i phyir/ 'jig pa'i rang bzhin nyid ma yin na yang 'jig pa'i rgyus 'jig par byed pa ma
- 380a
yin na'ang/ de ltar na dngos po 'ga' zhig gi tshe yang 'jig par mi 'gyur ba'i phyir 'jig pa'i rgyu don med pa yin no/ /de'i phyir gang dag de yod gzhan ltos med/ gang dag dngos po gang la bltos pa med pa de dag dngos la nges yin/ dper na 'bras bu'i las la ste/ 'bras bu byed pa la tha ma'i tshogs pa gegs byed pa ni srid ma yin/ dngos po rnams kyi 'jig pa ni bltos pa med pa'i phyir ro/ /'ga' zhig gi tshe yang 'jig pa'i dang tshul ma yin par mi 'gyur ro zhes bya bar gnas so/ /tshad ma rnam 'grel las gzhan gyi don gyi rdzas su dpag pa'i le'u ste bzhi pa'o// // phal cher skal ba med nyid dang/ /dul sdod pa med pa dang/ /goms pa'i phyir ni mdor bsdus nas/ /kho bos dka' 'grel 'di byas so/ /smra ba chen po slob dpon lha dbang blos mdzad pa/ tshad ma rnam 'grel gyi dka' 'grel rdzogs so// //bstan pa gsal dang yun ring gnas don dang/ /'gro la phan phyir rigs pa'i bstan bcos dag/ bsgyur bas bsod nams rnam dag gang skyes pas/ /'khor ba las brgal sku gsum thob par shog/ bde skyid dpas lha btsan po lha btsun byang chub 'od kyi bka' lung gis so// //rgya gar gyi mkhan po chan po su b+hU ti sh+rI dang/ /sgra sgyur gyi lo tsA ba dge slong dge ba'i blo gros kyis bsgyur pa'o// //sarba mang+gaM//