Text
ff. 1a–299a · 597 folio sides
- 1a
slob dpon seng ge bzang pos mdzad pa'i sdud 'grel rtogs par sla ba bzhugs/
- 1b
rgya gar skad du/ b+ha ga bA ratna gu Na sany+tsa ya gA thA nA ma pany+tsi ka /bod skad du/ bcom ldan 'das yon tan rin po che sdud pa'i tshigs su bcad pa'i dka' 'grel zhes bya ba/ sangs rgyas dang byang chub sems dpa' thams cad la phyag 'tshal lo/ /rtog pa'i rgya mtsho yang dag pha rol phyin pa'i dri med ma lus nyer bsdus pa/ /dngos po brgyad kyi de nyid rim pa yang dag gsal bar bshad pa gang yin pa/ /sems can rnams kyis rtogs par bya phyir rab dbye yang dang yang
- 2a
gsungs rgyal yum la/ /phyag 'tshal nas ni blo dman rnams la phan pa bskyed phyir yang dag bshad par bya/ / spros pas gsungs pa go ba'i sems can rgyas pa la dga' bas khong du chud par bya ba'i phyir rab tu dbye ba spros nas mngon par rtogs pa brgyad gsal bar byed pa'i yum stong phrag brgya pa'i don thams cad nye bar bsdus pa'i dgos pa ni nyan pa pos gsal bar rtogs par bya ba'i phyir dang/ dbyangs kyis bsnyad pa la mngon par zhen pa'i sems can la rjes su brtse bar dgongs
- 2b
pa'i phyir dang/ tshigs su bcad pa sbyar ba la bdag nyid mnga' brnyes par shes par bya ba'i phyir dang/ legs par sbyar ba dang legs par sbyar ba ma yin pa'i sgra la mngon par zhen pa dgag pa sngon du 'gro bas tshad mas gnod pa med pa'i skyes bu'i don tsam la nye bar sbyor ba'i brda'i dbang gis sgra gzhan gyis kyang mngon par brjod pa'i phyir ro/ /sems bskyed pa la sogs pa'i yon tan rin po che bsdus pa'i ngo bo tsam phyogs gcig tu thams cad kyi tha mar gyur pa'i le'u bcom ldan 'das kyis yul dbus kyi skad kyis tshigs su bcad pas mngon par bstan to/ /nga bas na blo dman pa rjes su bzung ba'i phyir 'brel pa la sogs pa tha dad par bstan pa'i phyir so sor brgyad stong par brjod nas 'dir yang bshad par bya'o/ /
- 3a
de la 'brel pa dang por bstan par brjod de/ sgrub par byed pa bstan bcos dang/ dgos pa bsgrub par bya ba dang/ sgrub par byed pa ngo bo'i mtshan nyid du gyur par bstan te/ de yang dgos pa brjod pa nyid kyis bstan pa yin te/ 'di ltar 'di'i dgos pa yin no zhes ston pa pos bstan par gyur pa ni 'di'i sgrub bar byed pa yin pas 'brel pa logs shig tu brjod par mi bya'o/ /mngon par rtogs pa brgyad 'dus pa'i rnam pa thams cad mkhyen pa nyid ni brjod par bya ba'i don to/ /'das ma thag tu bstan pa'i brjod par bya ba 'phags pa shes rab kyi pha rol tu phyin pa stong phrag brgya ba'i mdo'i don sngar bshad pa'i sems can gyis mdor bsdus pas bde blag tu rtogs par bya ba'i phyir bcom ldan 'das ma yon tan rin po che sdud pa tshigs su bcad pa bcom ldan 'das kyis bstan pa rgyud la rtogs pa
- 3b
gnas pa ste/ /ma lus par bsdus pa'i don bde blag tu khong du chud pa ni bya ba'i 'bras bu thun mong ma yin pa ni dgos pa'o/ /ji skad bstan pa nyid kyi brjod par bya ba nyan thos la sogs pas ma rtogs pa bcom ldan 'das ma chogs chung dus thos pa'i shes rab kyi nges par byas nas dran pa'i shes pa la gzhag ste bsams pa'i shes rab kyis gtan la phab nas bsgom pa'i rang bzhin gyis shes rab kyi rnam pa thams cad mngon sum du mdzad pa ni rjes su mthun pa'i thabs kyi bya ba'i 'bras bu ni dgos pa'i yang dgos pa yin no/ /de skad du yang rnam pa thams cad mkhyen nyid lam/ /ston pas 'di las bshad pa gang/ /gzhan gyis myong ba ma yin te/ /blo dang ldan pas rtogs 'gyur zhes/ /chos spyod bcu yi bdag nyid kyi/ /mdo don dran pa la bzhag nas/ /bde blag tu ni rtogs 'gyur ba/ / rtsom pa yi ni dgos pa yin zhes gsungs pa yin no/ /de la 'di skad bdag gis thos pa zhes bya ba'i gleng gzhi'i skabs bsam par bya ste/ gang gi tshe/ gang la/ gang gis/ gang du/ gang dag dang lhan cig mdo sde rin po che khyod kyis thos zhes 'dri ba rnams la/ lan du bdag nyid tshad mar rtogs par bya ba'i phyir rim pa ji lta ba bzhin du sbyar ro/ /dus dang/ yul dang/ ston pa po dang/ 'khor
- 4a
rnams kyi tshogs la bstan pa ni gtso bo'i rgyu ste gleng gzhi yin no/ /gang gi tshe bcom ldan 'das rgyal po'i khab kyi grong kyer chen po'i bya rgod kyi phung po'i ri la dge slong la sogs pa'i khor gyis yongs su bskor te chos ston cing bzhugs pa de'i tshe bcom ldan 'das la gnas de nyid du 'khor de rnams dang lhan cig tu bdag gis mdo sde rin po che thos so zhes sdud par byed pas 'jig rten pa'i tha snyad kyi rjes su zhugs te/ gdul bya rnams gus par nyan pa dang/ sems pa la sogs pa'i don du/ gang bcom ldan 'das kyis stong phrag brgya pa'i rtsom par gsungs pa de 'dir yang bzung bar bya'o/ /mdo don smra bar 'dod pa yis/ /dgos pa bsdus pa'i don bcas dang/ /tshig don bcas dang mtshams sbyar bcas/ /brgal lan bcas pas bsnyad par bya/ /zhes rigs pa brjod pa de kho na dgos pa yin te/ nyan pa po'i skye ba rnams kyis mdo'i don 'chang ba med par rnam par phye ba rtogs par bya ba'i phyir dang/ 'chad pa po bde blag tu bshad sla bar bya ba'i phyir de zhig bsdus pa'i don brjod par bya'o/ /de la sangs rgyas nyid don du gnyed ba'i byang chub sems dpas sems bskyed pa la sogs pa'i rnam pa thams cad yongs su shes pa'i don du dang por 'bras bu rnam pa thams cad mkhyen pa nyid bstan ste/ dga' dang gus dang dad pa'i mchog ni nyer bzhag ste/ /zhes bya ba nas
- 4b
chos rnams rang bzhin med bar yongs su shes gyur pa/ 'di ni shes rab pha rol phyin mchog spyod pa yin zhes bya ba yan chad kyis so/ /de yang nyan thos la sogs pa'i lam yongs su shes pa med par med pas lam shes pa nyid bstan pa ni/ gang zhig gzugs la mi gnas tshor la mi gnas shing/ zhes bya ba nas/ thams cad mkhyen nyid 'bras bu dag dang gzugs dag pa/ /nam mkha' i khams dang mtshungs te dbyer med dpyad du med/ /ces bya ba yan chad kyis so/ /de yang dngos po thams cad yongs su shes pa med par ma yin pas de'i rjes la thams cad shes ba nyid bstan pa ni/ dpa' bo gar spyod shes rab pha rol phyin pa yis/ /zhes bya ba nas nyi ma sgra can gza' bral lha nger 'dug pa dang/ me btang rtswa? dang shing dang nags tshal bsreg pa bzhin zhes bya ba yan chad kyis so/ /de nas rnam pa thams cad mkhyen pa nyid gsum thob pa dbang du bya ba'i phyir yang rnam pa thams cad dang/ lam dang/ dngos po shes pa'i rnam pa rnams bsdus nas thams cad mkhyen pa nyid gsum bsgom pa ni rnam pa kun mngon par rdzogs par rtogs pa te/ chos rnams thams cad rang bzhin dag cing yongs dag par zhes bya ba nas/ yongs su mi ston phyir mi ldog pas yi chos/ /mi 'chad de ni lung ma bstan pa yin rig bya zhes bya ba yan chad kyis so/ /de'i rjes la rnam pa kun mngon par rdzogs par rtogs pa thob pa dang ldan pa'i khyad par gyi lam gyis gsal ba rab kyi mthar thug bar 'gro ba ni rtse mo'i mngon par rtogs pa ste/ dgra bcom sa dang rkyen gyis sangs rgyas ye shes dang zhes bya ba nas/ dgra bcom rab? rgyal theg bral? byang chub mchog nges na/ /dpa' po rtag tu mnyam gzhag yin par shes par bya zhes bya ba yan chad kyis so/ /de'i rjes la rtse mo'i mngon par rtogs pa thob pa dang ldan pas so so dang bsdus pa'i don khong du chud pa bstan par bya ba'i phyir rim pas bsgom pa ni mthar gyis pa'i mngon par rtogs pa ste sems
- 5a
can gang zag gzhan phyir sems dpa' rnam dag pa zhes bya ba nas brtsams pa tshigs su bcad pa gcig gis so/ /de'i rjes la mthar gyis pa'i mngon par rtogs pa sgom pa dang ldan pas shin tu goms par bya ba'i phyir rtoD pa'i chos de dag nyid skad cig gcig la mngon du byas pa ni skad cig la mngon par byang chub pa ste/ sbyo ba byas sam 'on te rtag tu brdeg kyang rung zhes bya ba nas brtsams par tshigs su bcad pa gnyis so/ /de'i rjes la skad cig ma gcig la mngon par rdzogs par byang chub pa bsgom pa dang ldan pas skad cig ma gnyis pa la bag chags dang bcas pa'i sgrib pa thams cad dang bral ba'i phyin ci ma log pa rnam pa thams cad kyi de kho na nyid mngon sum du mdzad pa ni chos kyi sku'i mngon par byang chub pa ste/ bdag gi bde ba btang nas re ba med sems kyis/ /zhes bya ba'i tshigs su bcad pa gcig gis so/ /de'i rjes la thos pa la sogs pa'i shes rab bskyed pa'i phyir mngon bar rtogs la brgyad thob pa'i rgyu mtshan yum ji lta ba bzhin du mnyan pa rjes su btsal bas mngon par brjod pa ni/ byang chub sems dpa' gang zhig yun ring 'khor 'dod cing zhes bya ba nas/ 'gro ba'i sdug bsngal ji snyed bdag gis bzod snyam pa/ /byang chub sems dpa' bzod pa'i pha rol phyin la gnas/ /zhes bya ba yan chad kyis so/ /de'i rjes su tshol bar byed pa dang ldan pa la dge ba'i bshes gnyen gyis ji lta ba bzhin gdams ngag sbyin pa ni/ tshul khrims kyi ni zhi ba 'dod rnams 'phags par 'gyur zhes bya ba nas/ de la dge ba'i rtsad? ba mthu chen 'phel 'gyur ste/ /sprin med 'od gsal zla dkyil yar gyi ngo bzhin no zhes bya ba yan chad kyis so/ /de'i rjes la gdams ngag bzung ba dang ldan pas khong du chud pa'i rim pa ci 'dra bar bya ba ni byang chub sems dpa' i sbyin pas yi dags 'gro ba gcod ces bya ba nas/ sangs rgyas
- 5b
rgyud dang chos kyi rgyud kyang yongs su 'dzin/ /de bzhin dge 'dun rgyud dang chos kun yongs su 'dzin ces bya ba yan chad kyis so/ /de'i rjes la chos gyi rnam grangs 'di'i ming don dang ldan pa rtogs pa mngon du 'gro bas yun ring du gnas par bya ba'i phyir rjes su gtad pa ni yongs su rdzogs pa'i tshigs su bcad pa gcig gsungs te bsdus pa'i don yin no/ /de lta yin mod kyi rtogs sla ba nyid kyis don lhag ma bzhi bo ma gsungs par shes rab kyi pha rol tu phyin pa mngon par rtogs pa rgyud du bstan te/ de skad du yang/ rnam kun mkhyen nyid lam shes nyid/ /de nas thams cad shes pa nyid/ /rnam kun mngon rdzogs rtogs pa dang/ /rtse mor phyin dang mthar gyis pa/ /skad cig gcig mngon rdzogs byang chub/ /chos kyi sku dang de rnam brgyad/ /ces gsungs pa yin no// da ni tshig gi don la sogs pa bshad pas mdo'i don brjod par bya ste/ de nas zhes bya ba la sogs pa la/ de nas kyi sgra ni rgyas par bstan pa'i de ma thag tu 'am/ man ngag mdor bsdus nas bstan pa'i skabs yin no/ /yang gi sgra ni tshig gi rgyan no/ /nges pa'i tshig tu na nyon mongs pa la sogs pa bcom pas na bcom ldan 'das yin pa'am/ dbang phyug la sogs pa dang ldan pas so/ /nyan thos la sogs pas bstan pa'i gdul bya mi srid pas bcom ldan 'das nyid kyis bstan to zhes bya bar 'brel to/ /ci'i phyir zhe na/ 'khor bzhi po zhes bya ba la sogs pa la/ de dag gis sngar gzhung rgyas pa mnyan pas spyangs pa'i phyir gang zhig bsdus nas nyan du rung ba de rnams kyi dbang du mdzad do/ /de dag ces bya ba'i tshig gis ni ma ?? la soD pa nyon mongs pa shas che ba'i phyir ram chos rtogs pa'i skal pa dang mi ldan pas 'khor ma yin pa nyid kyi phyir yul la nyes par spyod pa'i 'dod chags dang bral ba dang/ bral ba ma yin pa'i skyes pa dang bud med dag la srid pa'i phyir dge slong dang/
- 6a
dge slong ma dang/ dge bsnyen dang/ dge bsnyen ma rnams bdag nyid la phan pa dang rtag pa'i 'khor rnams bsdus nas 'khor bzhi po nye bar gzung ste/ de nas 'phags pa rab 'byor la sogs pa dge slong slob pa dang/ mi slob pa dang/ de bzhin du skye dgu'i bdag mo la sogs pa dge slong ma rnams dang/ gzugs can snying po la sogs pa'i slob pa'i dge bsnyen rnams dang/ de bzhin du dge bsnyen mas ga la sogs pa gtso bor gyur pa rnams smos te/ gleng gzhi'i le'ur bstan pa bzhin no/ / shin tu khyad par can gyi chos rtogs pa dang 'brel bas de dag gi mtshan nyid dang bral ba'i phyir dge slong la sogs pas kyang ma bsdus la/ sems can gyi don byed? bas gzhan du gyur pa'i phyir mi brtan pa'i 'khor yin pas 'dir byang chub sems dpa' ma smos so/ /yang dag par dga' bar mdzad pa'i phyir zhes bya ba la phyin ci ma log pa'i brtson 'grus dang ldan pa'i phyir mngon par rtogs ba'i rim pa bsdus pa 'dod pas thos pa la sogs pa'i shes pa bskyed pas khong du chud pas yang dag bar zhugs pa la rjes su mthun par bstan pa nyid kyis de lta bu'i yon tan la mngon par dga' ba dang spro ba spel pa'i phyir de bzhin du 'dir don 'di nyid 'dzin par 'gyur ro/ /gzhan du na rigs pa dang mi ldan pas dor bar bya bar 'gyur ro/ /yang na yang dag bar dga' bar mdzad pa'i phyir zhes bya ba ni rang nyid dag la dbang bar bstan? pas bdag nyid la gus pa bskyed ba'i phyir bsdus nas bstan pas yang dag par dga' ba'i phyir ro/ /ci'i phyir ston ce na smras pa/ yang zhes bya ba ni/ rgyas par bstan pa la bltos nas yang 'di de ma thag tu bstan to/ /shes rab kyi pha rol tu phyin pa zhes gsungs pa la/ thos pa'i shes rab la sogs pa bskyed nas rnam pa thams cad mkhyen pa nyid thugs su chud pas gsal ba rab kyi mthar thug bar phyin pa ste/
- 6b
pha rol? ni de kho na nyid kyi rang bzhin gyi pha rol lo/ /shes rab ni chos rab tu rnam par 'byed pa'i mtshan nyid kyi pha rol tu phyin pa'o/ /shes rab kyi pha rol tu phyin pa'i gtso bo ni sangs rgyas bcom ldan 'das te sgyu ma lta bu'i rang bzhin no/ /'di zhes bya ba ni rab tu dbye ba bstan pa'o/ /dang po sbyor ba la sogs pa mtshan nyid kyi lam ste/ 'bras bu de'i don du sbyor ba gtso bo ma yin pa'i shes rab kyi pha rol tu phyin pa'o/ /de dang 'di ste gsal bar byed pa'i kun rdzob gzhan pa'i dbang gis 'jug pa gang yin pa rab tu phye nas bstan pa'i gzhung ste/ de yang stong phrag brgya ba la sogs pa de la sbyong bas de gnyis ni brtag ba'i shes rab kyi pha rol tu phyin pa'o/ /'di zhes bya ba ni ma lus pa shin tu phye ste bstan pa'o/ /de lta bas ji skad bstan pa'i don ston par byed pa'i gzhung gis rang bzhin de nyid bsdus nas nye bar bstan pa gsal bar byed pa ni ston cing ngo/ /de'i tshe ni dang don mdor bsdus nas bstan pa nyan bar rung ba'i 'khor 'dus pa de'i tshe'o/ /tshigs su bcad ba 'di zhes bya ba la sogs pa la/ dga' dang gus dang zhes bya ba la sogs pa mjug thogs su 'chang par 'gyur ba ni tshigs su bcad pa 'di'o/ /tshigs su bcad pa ni khyad par can gyi mtshan nyid dang ldan pa'o/ /bcom ldan 'das kyis byin gyis brlabs kyis gdul bya rnams la bka' stsal pa de bzhin du snang ba'i phyir ro/ / de ltar 'brel pa bstan nas rnam pa thams cad mkhyen pa nyid thob par 'dod pas thog mar byang chub kyi sems stong pa nyid dang snying rje'i snying po can bskyed par bya ba yin pas de bshad par 'dod nas dga' dang zhes bya ba la sogs pa gsungs pa la/ dga' ba ni mngon bar 'dod pa'o/ /gus pa ni mngon par yid ches pa'o/ /ngad pa ni gus pa'i bye brag go /mchog ni thams cad kyi mchog go/ nyer bzhag ste ni nye bar blo la bzhag pa'o/ /'di skad du nus pa nyid dang /yod pa nyid dang /yon tan dang ldan pa'i chos yum
- 7a
gyi bye brag thams cad bshad de/ rim pa ji lta ba bzhin du mngon par 'dod pa dang/ mngon par yid ches pa dang bar du dang? pa ste/ dad pa'i bye brag rnam pa gsum mo/ /thams cad mchog tu bskyed pas mnyan par bya ste/ gzhan du na don med par 'gyur ste/ dad pa ni chos thams cad kyi mngon du 'gro ba'i phyir ro/ /zhes bstan pa yin no/ /blad par bya ba bstan nas dod bar bya ba bstan pa'i phyir sgrib pa zhes bya ba la sogs pa smos te/ bsal ba ni spangs pa ste/ ci? zhig spangs zhe na/ sgrib pa dang nyon mongs pa'i dri ma rnams so/ /de la sgrib pa ni shes bya la mngon par zhen pa dang/ 'dod chags la sogs pa'o/ /yang dag pa'i don rtogs pa dang 'gal ba'i phyir sgrib pa'o/ /de dag nyid lus dang ngag dang yid? nyon mongs par byed bas na nyon mongs pa'o/ /de yang gnyen po goms par byas pas bsal bar nus pa'i phyir dri ma'o/ /de bsal zhes bya bar 'brel te/ de ltar bstan par 'gyur ro/ /dngos po la mngon par zhen pa dang/ 'dod chags la zhen pa med par de nyid la gzhol ba'i sems kyis mnyan par bya ste/ gzhan dun don rtogs par mi 'gyur ba'i phyir ro/ /mi mthun pa'i phyogs dang gnyen po'i phyogs 'di spang ba dang blang bar bya ba yang ci zhig mnyan par bya zhe na /zhib mnyan bar gyis zhes bya ba smos te/ mngon par mtho ba'i chos thob pa'i bsam pas mi bya'o/ /thar pa'i bsam pa mya ngan las 'das pa'i rgyu mthun pa la lus dang ngag dang yid mngon du phyogs pa rgyur gyur pa ni zhi ba'o/ /mnyan par gyis ni thos pa'i shes rab bo// rjes kyi yid kyi rnam par shes pas shes rab kyi pha rol tu phyin pa khong du chud par bya'o zhes bya bar 'grel to/ /'dir de ni nye bar mtshon pa ste/ bsams pa dang bsgom pa zhes bya ba yang gzung bar bya'o/ /ji ltar de dang 'brel zhe na/ 'gro don mngon zhugs
- 7b
zhes bya ba la sogs pa gsungs te/ 'gro ba sems can ma lus pa rnams kyi don skal pa ji lta ba bzhin du mngon par mthong ba dang/ nges par legs pa'i chos thob par bya ba'i phyir de'i don la phyogs pa ni zhugs pa ste/ sems bskyed ba la sogs pa'i rim pas zhugs pa yin te/ 'dis ni sems dpa' chen po'i sgra'i don bstan te/ /nges pa ni chos kyi dbyings khyad par du 'phags pa dang/ dmigs pa med ba'i thugs rje'i bdag nyid de/ sangs rgyas nyid la dga' ba'o? 'dis ni byang chub sems dpa' i sgra'i don bstan pa'o/ /des na 'di skad du byang chub sems dpa' sems dpa' chen pos gzugs brnyan spangs nas shes rab kyi pha rol tu phyin pa dang 'brel te mnyan par bya ba kho na'o zhes nges par gzung gi de dag kho na zhes bya ba ma yin te/ byang chub rnam pa gsum ga de med na mi 'byung bas dbang du byas pa'i phyir ro zhes bya ba bstan par 'gyur ro/ /shes rab kyi pha rol tu phyin pa spyi'i sgrar gsungs mod kyi/ 'on kyang brda' la sogs pa'i stobs kyis khyad par gyis don yin par rtogs te/ shes rab kyi pha rol tu phyin pa ni byang chub kyi sems kyi rang bzhin gyi don te/ chos thams cad kyi rnam par bsdus pa yin pa'i phyir ro zhes bya ba'i don to/ /des ni 'di skad du snying rje chen po'i sa bon rab tu sad pa las byang chub sems pa'i sdom pa blang ba la sogs pa dang? stong pa nyid dang snying rje'i snying po can gyi byang chub kyi sems bskyed de/ yang dag par rdzogs pa'i sangs rgyas thob nas skal pa ji lta ba bzhin du gzhan gyi don bya'o zhes smon lam btab nas sgrub pa phun sum tshogs pa bya'o zhes gzhan gyi don la dmigs pa rgyu dang bcas pa'i 'bras bu yang dag par rdzogs pa'i byang chub rtogs par 'dod pa'i mtshan nyid smon pa dang 'jug pa'i rang bzhin gyi sems bskyed pa tshogs kyi lam nas brtsams te/ sa'i rim pas sangs rgyas kyi sa kun tu 'od kyi bar du gang gis rtogs
- 8a
ba de dag gi bdag nyid ni shes rab kyi pha rol tu phyin pa ste/ sgyu ma lta bu'i thos pa la sogs pa'i shes pa bskyed cing bsgrub par bya'o zhes don gyis bstan par 'gyur ro/ /lam shes pa la sogs pa ma bsgrubs par rnam pa thams cad mkhyen pa nyid kyi bdag nyid sems bskyed pa rgyal ba'i sras rnams kyis mi 'grub pa ma yin nam/ de bas na de dag dang ji ltar 'brel bar 'gyur/ zhes zer na/ gang la dpa' rnams spyod pa zhes bya ba gsungs te/ gang la ni shes rab kyi pha rol tu phyin pa la'o/ /mi mthun pa'i phyogs kyi chos thams cad las rgyal zhing nyams par mi nus pa yod pa ni byang chub sems dpa' ste dpa' bo'o/ /chos ma lus pa la goms pa dang ldan pas zhugs pa de lta bu ni sems bskyed pa'i rang gi ngo bo ste shes rab kyi pha rol tu phyin pa yin no zhes bya ba'i don to/ /de bas na 'di skad du ji skad bshad pa'i sems bskyed pa la ma gtogs pa'i chos gzhan med de/ gdams ngag la sogs pa yang khyad par gyi don bstan pa'i phyir sems bskyed pa'i rab tu dbye ba kho na yin no/ /de bas na de'i rang bzhin rnam pa thams cad mkhyen pa nyid ni byang chub sems dpa' thob par bya ba ma lus pa'i chos bsdus nas dang por bstan par 'gyur ro/ /de lta yin na ci'i phyir stong phrag brgya pa laS byang chub sems dpa' i lam shes pa la sogs pa tha dad par bstan ces zer na/ smras pa/ gang gi phyir rnam pa thams cad mkhyen pa nyid ni sangs rgyas kyi yin te/ rgyu dang bcas pa'i 'bras bu thob pa la bltos nas bstan pa'i phyir gsungs la/ tshogs kyi bsgrub par rab tu dga' ba la sogs pa sa'i tshogs 'dus mod kyi/ 'on kyang mthong ba la sogs pa rgyal ba'i sras rnams kyi lam ma yin no zhes dogs pa bsal ba'i phyir gsal bar bshad pa rang don rab tu phye ba yin no/ /de bas na
- 8b
de nyid las lam shes pa tha dad par dkol nas rab tu dga' ba la sogs pa la bdun pa la thug pa'i par tha dad par logs shig tu lam shes par bzhag go /de lta bas na lam shes pa la ni lam thams cad shes par bya dgos pas nyan thos la sogs pa'i lam ston mod kyi/ 'on kyang byang chub sems dpa' i lam bstan pas ldog pa'i sgo nas yang 'phangs pa'i mi rtag pa la sogs pa'i mtshan nyid kyi lam nyan thos la sogs pa'i lam yin no/ /snyam du dogs pa gsal ba'i phyir dang/ rab tu spros pas bde blag tu don rtogs par bya ba'i phyir yang de nyid las logs shig tu thams cad shes pa nyid tha dad par sa bdun par bzhag ste/ lam ltar snang ba la sogs pa'i skyon rnams spangs te kun rdzob kyi bden pa tsam la bzhag go/ gzhan du na de dag la rtogS pa skye bar? mi rigs so/ /de'i rjes thogs la rnam pa dang/ lam dang/ dngos po'i shes pa'i rnam pa thams cad bsdus nas dbang du bya ba'i phyir yang dang yang du mngon du byed pa rnam pa thams cad mkhyen pa nyid dang/ lam shes pa la sogs pa'i rang bzhin khyad par gyi lam stobs can sa brgyad pa mi g.yo ba de'i dbye ba rtogs par bya ba'i phyir rnam pa kun mngon par rdzogs pa rtogs pa bstan to/ /de'i rjes la gnyen po'i tshogs dang/ nges bar 'byung ba'i sgrub pa'i rab tu dbye ba rtogs par bya ba'i phyir gsal ba rab kyi mthar thug par 'gro ba khyad par gyi lam de nyid yid la byed pa ni legs pa'i blo gros la sogs pas gnyis ni rtse mo'i mngon par rtogs pa bstan to/ /de'i rjes thogs las bcu pa'i bar chad med pa'i ting nge 'dzin gyi gnas skabs su so so dang bsdus ba bsgom pa'i don gyi go rim bstan par bya ba'i phyir rim ba bzhin bya ste/ de nyid bsgom pa ni mthar gyis ba'i mngon par rtogs pa'i mthar phyin pa'o/ /de nas go rim bzhin du bsgom pa'i chos rnams shin tu goms par byas pas skad cig /
- 9a
gcig la de nyid kyi gnas skabs rtogs pa de nyid kyi gnas skabs rtogs pa de nyid skad cig ma gcig la mngon par byang chub pa rdzogs pa yin no/ /de'i rjes la rnam pa thams cad mngon du byed pa cher du bya ba gsum mngon du byas nas rtogs pa de nyid ni sangs rgyas kyis kun tu 'od la chos kyi skur mngon par byang chub pa mthar phyin pa yin no/ /de lta bas na sems bskyed pa sgyu ma lta bu'i rang bzhin nyid kyis rnam pa thams cad mkhyen pa dang mngon par rtogs pa brgyad bsdus te/ de ltar lung las nges pa yin no/ /rigs pa las kyang rtogs par bya ste/ 'di ltar gang yod par dmigs pa'i mtshan nyid du gyur pa de ni yod tha snyad kyi yul yin te/ dper na shes pa'i ngo bo bzhin no/ /sngon po la sogs pa yang yod par dmigs pa'i mtshan nyid du gyur pa'i phyir zhes bya ba ni rang bzhin gyi gtan tshigs/ /pa lang rje'i skye bo yan chad kyi nyams su myong bar grub pa'i phyir ma grub pa ma yin no/ /mthun pa'i phyogs la yod pas 'gal ba yang ma yin no/ /de lta bu'i don kyang 'geD na ni yod pa'i tha snyad thams cad rgyun 'chad par 'gyur ro zhes bya ba'i bzlog na gnod pa can gyi tshad ma yong bas ma nges pa'i gtan tshigs kyang ma yin no/ /de las na phyi'i don yod par 'grub bo zhes zer na ma yin te/ gang gi phyir gang zhig rig pa na gang rig pa'i thabs med pa de ni rig pa ma yin te/ sngon po rig pa na ser po mi rig pa bzhin no/ /yang shes pa'i bdag nyid rig par gyur na mngon par 'dod pa'i phyi'i don rig pa'i thabs med pa'i phyir zhes bya ba ni khyab par byed ba mi dmigs pa'o/ /gang nye ba'i rgyu mtshan med pas na rnam pa med pas kyang ma yin no/ /shin tu thal ches pa'i phyir gzhan gyi rnam pas kyang ma yin no/ /med na mi 'byung ba med pas 'khrul pa srid pa'i byed rnam pa dang bcas pas kyang ma yin no/ /phyogs gzhan gang mi srid pas shes pa
- 9b
gzhan med pas don rig pa'i thabs med pa'i phyir ma grub pa ma yin no/ /mthun pa'i phyogs la yod pas 'gal ba yang ma yin no/ /rig pa'i thabs med pa yang rig na ni thams cad kyang rig par thal bar 'gyur ro zhes bya ba'i bzlog na gnod pa can gyi tshad ma yon? pas ma nges pa yang ma yin no/ /de lta bas na sngar gtan tshigs dmigs pa'i mtshan nyid du gyur pa'i phyir zhes bya ba ma grub pa ma yin no/ /bsgrub par bya ba las bzlog par grub pas 'gal ba yin te/ rnam par shes pa de nyid ma rig pa'i stobs kyis sngon po la sogs pa'i rnam par snang ba rig pa yin no/ /shes pa tsam gyi ngo bor 'dus pas gnyis med pa nyid du 'grub bo zhes zer na/ de ltar mod kyi 'on kyang der snang ba las tha dad par grub pa'i mdza' soD pa la brten te de kho na nyid la soD pa'i chos gzhan yongs su rtoD gi /'on te ma yin par rtog grang na/ gal te phyoD dang po yin na ni gang zhig phyin ci ma log pa'i rnam par shes pa de ni sgro btags pa'i cho gzhan 'dzin pa ma yin te/ nor bu'i gzugs la sogs pa lam 'khrul pa'i shes pa bzhin shes pa 'di yang phyin ci ma log pa yin pa'i phyir zhes bya ba ni khyab par byed pa 'gal ba dmigs pa yin no/ /sgro btags pa ma lus pas dben pa rtogs pa dang bral ba'i sems dang sems las byung ba thams cad bdag nyid la yod pa tsam du nyams su myong bas ma grub pa ma yin no/ /mthun pa'i phyogs la yod pa'i phyir 'gal ba yang ma yin no/ /sgro btags pa'i chos 'dzin pa'i phyir rang gi ngo bo rig par mi 'gyur ba'i bzlog na gnod pa can gyi tshad ma yod pas gtan tshigs ma nges pa yang ma yin no/ /phyogs gnyis pa khas len de'i tshe snang ba'i don la bsnyon rtol bya bar mi nus pa sgro btags pa'i chos kyis dben pa don tsam rtogs pa 'di nyid du shes so bya ba ni ming tsam la rtsod pas 'di ni gyi na'o/ /gnyis su med pa 'am gnyis
- 10a
de nyid sgyu ma lta bu yin pa'i phyir snying po med de/ don 'di sgrub par byed pa'i tshad ma med pa'i phyir ro/ /de ltar sems bskyed pa tsam gyi bdag nyid shes rab kyi pha rol tu phyin pa sgyu ma'i rang bzhin du lung dang rigs pa mdor bsdus pas bsgrubs pa ni byang chub sems dpa' sems dpa' chen po rnams kyi thun mong ma yin pa'i lam yin no/ /gang de lta yin na ji ltar chos 'di nyid rtogs pa dang mi ldan pas stong phrag brgya pa la sogs par 'phags pa rab 'byor la sogs pas mngon par rtogs pa brgyad ston pa la dbang byed ces zer na/ de bzhin gshegs pa'i mthu nyid yin par dpe sngon du 'gro bas lan du/ 'dzam bu'i gling 'dir zhes bya ba la sogs pa gsungs pa la/ 'di nas byang du ri nag po/ dgu 'das gangs ri'o de nas ni/ spos dang ldang ba'i tshu rol na /chu zheng lnga bcu yod pa'i mtsho zhes bya bas bstan te/ ma dros pa'i pa'i mtsho las shar nas ni gang+gA'o/ /lho nas ni pak+Shu'o/ /nub nas ni sind+hu'o/ /byang nas ni si ta ste /de'i mthus mngon sum dang brgyud pa las 'dus pa'i phyir chu klung ji snyed cig ces bya ba gsungs te/ 'di ltar chu klung ji snyed kyi rgyun 'dzam bu'i gling 'dir 'bab te/ mtsho'i mdza' man 'dzam bu'i shing gnas pas nye bar mtshon pa rgya mtsho chen po'i chu'i nang na gnas pa'i ngos kyi cha sogs ka'i ngos gsum la ni stong phrag gnyis gnyis/ gcig la dpag tshad phyed dang bzhi dang bcas pa ni chu zheng gi tshad de/ de thams cad ni chos mngon pa cig las bstan to/ /mngon par gzhan dang gzhan las ni gzhan te tshang mi mthun par bstan to/ /'dzam bu'i gling la sogs pa'i snod bzhag pa theg pa chen po'i mdo las rnam par bzhag pa'i tshad shin tu mi 'dra ste/ 'dir zhes bya ba'i don to/ /de ltar na ji ltar gzhan dang gzhan mi bka' zhes na /smras pa gang gi phyir phyi'i dngos po yod sum grub pas
- 10b
kun rdzob so sor snang ba la gling rnam par bzhag ste/ ji lta ji ltar so sor snang ba de lta de ltar rnam bar bzhag ste 'gal ba med do/ /chu klung gi bya ba ji lta bu yin pa ni me tog 'bras ldan zhes bya ba la sogs pa gsungs te/ me tog dang 'bras bu dang ldan pa ni a ma la soD pa'i shing ngo/ /'bras bu smin nas skam pa'i phyir sman ni shing la sogs pa'o/ /'bras bu 'ba' zhig 'byung ba'i phyir nags ma ste/ u dum wa ra la sogs pa'o/ /de dag skyed byed ni gso bar byed pa dang/ 'phel bar byed pa zhes bya ba'i bar du'o/ /gang gi mthus 'bab ba can/ klu dbang la sogs pa gsungs te/ klu ni sprul gyi tshogs so/ /dbang po ni bdag po ste /klu'i rje bo de nyid nor rgyas la sogs pa de rnams ni bdag po'i gtso bo ste/ gzhan ni ma yin no/ /rten ni yan lag brgyad dang ldan par 'byung bas tsha ba 'jomS pas nam? gros pa ste/ bdag nyid kyi khyim yin no/ /de'i mthun nus pa'o/ /dpal dang ldan ste/ klu rnams kyi nang na shin tu phul du byung ba yin te/ bye tshan gyi 'jigs pa la sogs pa las 'das te rang dbang thob pas na bdag po ste/ ma dres pa zhes bya ba'i don to/ /dpe bstan nas don ni rgyal ba'i zhes bya ba la sogs pa gsungs te/ de bzhin du rgyal bai nyan thos ba dag mdo dang dbyangs kyis bsnyad pa la sogs pa'i mtshan nyid ji snyed kyi chos mngon sum dang/ rjes su dbag pa dang/ lung gi tshad ma dang ldan pa nyid ni rigs pa dang ldan pa ste thos pa dang/ bsams pa dang/ bsgoms pa'i shes rab bskyed pa'i phyir rim pa ji lta ba bzhin du ston par bya ba dang/ 'chad bar byed pa dang/ rjod bar byed ba zhes tshig rnam par sbyar bar bya'o/ /ci'i phyir zhe na/ mchog 'phags zhes bya ba la sogs pa gsungs te/ thams cad kyi mchog nyid do/ /bag chags dang bcas pa'i sgrib pa ma lus pa spangs pas mchog ste sangs rgyas bcom ldan 'das so/ /bde ba byed pa ni mi gnas pa'i mya ngan las 'das pa ste/
- 11a
theg pa chen por nyan thos la sogs pa'i mya ngan las 'das pa dang 'brel par mi rigs te bkag pa'i phyir mi gnas pa'i mya ngan las 'das pa yin pa'i phyir de nyid de yis mdo sde la sogs pa'i chos bsten bas gzhan dang gzhan rgyud? pas gtso bo yin pa'i phyir 'bras bu ste/ thos pa la sogs pa'i shes rab bskyed nas thos bas na de'i rgyu mtshan yin no zhes bya ba'i bar du'o/ /nyan thos kyi rang dbang gis kyang don te ston pa yin no zhe na/ de dag kun kyang zhes bya ba la sogs pa gsungs te/ kun kyang ni nyan thos kyi chos bstan pa la sogs pa'o/ /phyin ci ma log pa'i chos nyid thugs su chud pas sam/ ji lta ba nyid ston par mdzad pas na de bzhin gshegs pa ste de'i byin gyis rlabs ni 'jug pa'i rgyu nyid yin te/ skyed bu'i byed pa'i 'bras bu yin no zhes bya ba'i bar du'o/ /nyan thos kyis kyang rang gi chos nyid mngon du byas pa ma yin nam/ de lta bas na rang gi nus pa nyid kyis rang gis kyang rang gi theg pa ci'i phyir ston pa la sogs par mi byed do/ de thams cad de bzhin gshegs pa'i mthu yin par brjod ce na/ ci'i phyir zhes bya ba la sogs pa gsungs te/ ci'i phyir zhes bya ba ni nang gi rgyus nus pa yin par rtogs zhes bya ba'i don to/ /lan du rgyal bas zhes bya ba la sogs pa gsungs te/ gang zhig sdig pa'i chos las rgyal ba ni rgyal ba ste bcom ldan 'das so/ /chos ni gang zag la bdag med pa'i bdag nyid do/ /tshul ni nyan thos kyi lung gi chos nyid de/ gang bstan pa ni gsal bar byas pa'o/ /yang dag pa'i lam du zhugs pa nyid kyis shin tu khyad par du 'phags pa'i ma'i? gyur pa ni mi mchog go /dbang po nyid la dbang bar gyur zhes bya ba'i rigs pas rang gi ston pa yin par khas blangs pa'i phyir slob par gyur pa ste 'phags pa rab 'byor la sogs pa'o/ /de la mngon du phyogs pas
- 11b
thos pa'i shes rab bskyed pa ni bslabs shing ngo/ /yang na mi mchog ni de bzhin gshegs pa ste/ de'i slob ma yin par gyur pa'o/ /des rang gi rtogs pa'i chos nyid mngon sum du byas shing gyis bslab pas ji bzhin du lung gi chos kyi rang bzhin rtogs pa dang mi 'gal bar sangs rgyas kyi mthus ston par byed do/ /de bas na de bzhin gshegs pa nyid kyi mthu yin gyi rang gi mthus ma yin no zhes bya ba'i don to/ /'dis 'di skad du bstan pa yin te/ rtag tu mnyam par bzhag pa'i thabs la mkhas pa dang bral bas don rtogs pa'i yul gyi chos kyang rang gi rtogs pa dang mi 'gal bar ston par mi nus na/ phul du byung ba nyid kyis rtogs pa'i don gyi yul bde bar gshegs pa'i sras kyi lam du gyur pa lta ci smos/ de bas na sangs rgyas kyi tshe ba'i bdag nyid kyi mthus mngon par rtogs pa brgyad ston pa la dbang ba yin no/ /de skad du/ rang gi rtogs pa'i rjes 'brangs nas/ /ci zhig tsam ni dpag par nus/ /thabs byung de rgyu lkog gyur pas/ /de bshad pa ni dka' ba yin zhes gsungs pa'i rigs paS nyan thos chen po rnams kyi dpyad nas kyang bstan par mi nus so zhes bya'o/ /zhar la byung ba brjod nas de ni dang por byang chub tu sems bskyed pa'i skabs la ji ltar bab pa'i bslab par bya ba'i gdams ngag bstan bar bzhed nas gang? la zhes bya ba la sogs ba gsungs te/ rigs pa'i stobs kyis gang las spyir dngos po ma lus pa sgyu ma lta bur stong pa nyid du gnas pas chos dang gang zag gi gnyan po'i rang bzhin gyi shes rab yang dag par bdag med par shes pa'i mtshan nyid kyi pha rol tu phyin pa thams cad kyi gtso bo yin pa'i phyir pha rol tu phyin pa'i mchog go /rnam pa thams cad du gdams pa'i ngo bo yongs su gcod ba mi srid pas mi dmigs pa dang snying rje'i gzhan gyi dbang gis phyin ci ma log pa'i lam ston cing 'doms par byed pa byang chub
- 12a
sems dpa' sems can la phan 'dogs pa nyid kyi phyir byang chub kyi sems ni byang chub sems dpas bskyed ba ste/ bskyed pa de mi dmigs so zhes bya bar sbyar ro/ /kyang gi sgra ni rim pa gzhan du sbyar te/ sdud pa'i don yin pa'i phyir ro/ /gang de lta ? gdams ngag med pas ji ltar gdams she na/ de skad thos nas zhes bya ba la sogs pa gsungs te/ byed pa po dang las dang/ bya ba mi dmigs par bstan ma thag tu thos pa na/ byang chub sems dpas/ yang dag kun rdzob rnams kyi skas/ /med ba ? khang chen gyi/ /stong du 'gro bar bya ba ni/ /mkhas la rung ba ma yin no/ /zhes bya bar rtogs par byas nas kun rdzob kyi bden pa med pa ma yin pas mi 'jigs par bsgrubs nas rmongs pa med par bya'o/ /don dam pa'i bden pa la yang tshad mas grub pa'i phyir mi skrag ste/ /skrag pa'i gnas med pas skrag pa dang bral ba'i byang chub sems dpa' de ni bde gshegs shes rab spyod pa yin te/ phyin ci ma log pa'i bden pa gnyis rtogs pas 'jigs pa med pa'i phyir ro/ / 'dis ni stong pa nyid kyi snying po can gyi sems bskyed pa la sogs pas yang dag par thob pa yongs su bsrung ba'i phyir dang/ mngon par 'phel bar bya ba'i phyir skyed par byed pa ni khyad par du 'phags pa'i gang zag gi bslab pa ni gdams ngag yin no zhes bstan par 'gyur ro/ /gdams ngag thos pa'i las dang po pas dad pa la sogs ba'i chos goms par byas nas tshogs kyi lam thob pa nges par 'byed pa'i cha dang mthun pa'i dmigs pa dang /rnam pa dang /rgyu dang /yongs su bzung bas khyad par du 'phags pa dang/ rnam par rtog pa bzhi dang ldan pa chung du dang/ 'bring dang /chen po'i bye brag gis khyad par du 'phags pa brjod par bya'o/ /de dag las dang por 'jig rten las 'das pa'i ye shes kyi me'i snga rtags yin pa'i phyir dro ba rtogs pas na dro
- 12b
? pa ste/ de'i dmigs pa bstan pa'i phyir /gzugs med ces bya ba la sogs pa gsungs te/ gzugs su rung ba ni gzugs kyi mtshan nyid do/ /nyams su myong ba ni tshor ba'i mtshan nyid do/ /mtshan mar 'dzin pa'i bdag nyid yin bas na 'du shes so/ /sems ? bar 'du byed pa'i rang bzhin ni sems pa ste/ gtso bo yin pas nye bar mtshon pa yin pa'i phyir ste/ 'du byed gzhan dag kyang bzung bar bya'o/ /rnam par shes pa ni rtogs pa'i mtshan nyid de/ de rnams dmigs ba ma yin te/ de kho na nyid du zhes bya ba ni lhag ma'o/ de lta bsam kun rdzob nyams su myong ba'i don bkag na mngon sum la sogs bar gnod par 'gyur bas na snang ba las gzhan ni rigs pas ma grub pa'i phyir mi rtag ba la sogs pa'i khyad bar gyi rang bzhin la sogs pa dmigs pa yin pas bstan par 'gyur ro/ /rnam pa gang zhig yin zhe na/ gnas ni zhes bya ba la sogs pa gsungs te/ gnas pa'i mngon par zhen ba ste/ rdul tsam yang yod pa ma yin te/ gzugs la sogs pa rnams skye ba med pa'i mngon par zhen pa med pa ni rnam pa yin par bstan par 'gyur ro/ /ci'i phyir de'i rgyu yin zhe na/ de chos zhes bya ba la sogs pa gsungs te/ gang gi dmigs ba dang rnam par gyur pa gzugs la sogs pa'i chos kun gyi mtshan nyid dmigs pa dang bral bas mi gnas te/ mngon bar zhen pa med pa'i stobs kyis gnas ba med par don spyod de /des par gnas ba med par spyod pa ni ngo bo'o/ /chung du dar 'bring dang chen po'i dbye ba rtogs pa ni byang chub thams cad kyi rgyu nyid do/ byang chub cig ston par mi byed pa'i phyir yongs su bzung ba med do/ /thob ba ni rgyu thob na 'bras bu thob par 'gyur bar dgongs pa yin no/ /bde gshegs ni nyon mongs pa'i stobs kyis 'khor bar slar mi ldog pa'o/ /nyan thos dang/ rang rgyal dang /bla na med pa yang dag par rdzogs pa'i byang chub rnams las skal ba ji lta ba bzhin
- 13a
du gang rung pa zhig phyin ci ma log bar rtogs ba'i rgyu nyid du bstan par gyur ba yin no/ /da ni dro ba'i rjes thogs la dge ba'i rtsa ba g.yo ba'i rtse mo yin pa'i phyir rtse mor gur pa ste/ de'i dmigs ba bstan pa'i phyir/ ji lta zhes bya ba la sogs pa gsungs te/ gzo sbyangs zhes bya ba ni mu stegs kyi bstan pa la rab tu byung ba'i phyir kun tu rgyu ste/ des rang gi bstan pa'i rgyu mtshan gyis grol bar mi rigs par nges par shes pa yis phyis bstan pa 'di la zhugs nas rtogs pa'i rang bzhin shes pa tsam dmigs pa rnal 'byor spyod pa pas yongs su btags pa dang/ phyi rol tu gyur pa'i gzugs la sogs pa'i phung po med sde pas rnam par bzhag pa las gcig dang sum dang gral pa las rnam par shig nas/ dmigs pa med par brtags te/ 'khor ba dang mya ngan las 'das pa phyogs gcig tu ltung bas skrag pa'i phyir so sor rtogs par 'byung ba ltar ro/ /'an? gi sgra ni des par gzung ba'i don to/ /byang chub sems dpa' gang zhig de ltar phyi'i bdag la sogs pa'i? chos kun yongs su shes pa kho na nyid kyi rnam pas mya ngan las 'das la mi reg ste/ kun rdzob kyi thabs la mkhas pa'i stobs dang ldan pa'i phyir ro/ /mi reg pa ni mi dmigs pa'o/ /don dam pa'i stobs kyi shes rab kyi pha rol tu phyin par gnas te chos kyi dmigs pa'o/ /'dis ni mtshan ma med pas khyad du 'phags pa'i phyir gzugs la sogs pa mi dmigs pas 'di 'bras bu dang bcas pa yin no/ /rnam pa gang zhe na/ shes rab 'di ni zhes bya ba la sogs pa gsungs te/ gzugs zhes bya ba 'di dag gi nad nas gang yin/ 'on te rdzas sam yon tan nam/ las sam/ spyi 'am/ khyad par dam/ 'du ba 'am/ su'i yin/ ci bdag gam gzugs la sogs pa dang 'brel ba yin+nam/ gang la ste/ ci bdag la 'am/ chos la'am /gang
- 13b
las sam /chos las yin te/ 'on kyang 'di dag ni snying po chos thams cad de kho na nyid du ma skyes pa'i phyir ro/ /ci'i sgra thams cad dang sbyar bar bya ste /'di ni bdag? gi phyir yang ma yin/ su'i yang ma yin no/ /zhes chos thams cad mi dmigs par shes rab kyis yongs su rtog go /nye bar rtog pa de dag nye bar rtog ba ste rnam par dpyod pa'o/ /yang rnam pa sna tshogs pa 'di dag la rjes su dmigs nas byang chub sems dpa' 'jug par byed pa de rnam pa yin par bstan par 'gyur ro/ /ci'i phyir rgyu yin zhe na/ nye bar brtags nas zhes bya ba la sogs pa gsungs te/ de dmigs pa dang rnam pa bstan pa'i rjes su rnam pa sna tshogs pa'i chos thams cad stong ba nyid du yongs su brtags nas zhum pa med do/ /rigs pa dang ldan pa'i phyir skrag pa med do/ /de yang de kho na nyid la phyin ci ma log par zhugs pa ni rtse mo ste/ chung ngu dang 'bring dang chen po'i dbye ba rtogs bar nyan thos la sogs pa byang chub gang yang rung ba thob pa ni byang chub thams cad dang byang chub sems dpa' nye bar gyur pa yin te/ rgyur gyur pa yin par bstan to/ /rtse mo'i rjes la da ni bzod pa ste/ nyams pa med par chos chen po la bzod kyi phyir bzod bar gyur pI dmiD ba bstan bI phyir /gal te zhes bya ba la soD? 'bum? pa? te/ gal te mi shes par spyod pa ni bdag med bar rtogs pa la spyod ba med pa'o/ /yongs su rtogs pa ni kun tu rtog pa'o/ /mtshan ma la spyod pa ni bzlog pa la spyod pa'o/ /'di skad du chos nyid rab tu mi shes par gzugs kyi spyi'i mtshan nyid la mngon par zhen nas rnam par shes pa'i bar la spyod pa de ni smig rgyu la sogs pa'i shes pa bzhin du tshad mas gnod pa'i phyir ro/ /dmigs pa ni mtshan ma la spyod pa'o zhes bya bar 'brel to zhes bstan par 'gyur ro/ /de bzhin du gzuD kyi phung po 'di stong zhes bya bar yongs su rtog cing mngon par zhen nas gal te chos kyi rang bzhin yin par rtog na'ang spyod pa ma yin te /stong pa nyid du mngon par zhen ba de la yang tshad mas gnod pa'i phyir mtshan ma la spyod pa yin no/ /de bzhin du dngos dang dngos po
- 14a
med pa'i rang bzhin la mngon par zhe na nas bzlog par bya'o/ /byang chub sems dpa' gang zhig skye ba med gnas nyid yin te mthong ba'i lam la sogs pa la brten pa'i phyir gnas la chags shing mngon par zhen pa med pa ni spyod pa yin no/ bzlog pa ni ma dang pa'o/ /de bas na gcig tu rang bzhin spangs pa las rang bzhin med pa'i khyad par du 'phags pa'i gzugs la dmigs pa ni spyod pa yin te/ dmigs pa yin par ston to/ /rnam bar gang zhig yin zhe na/ gang gzugs zhes bya ba la sogs pa gsungs te/ gang zhig gis skye ba med pas gnas pa med par spyod pa yin te/ gzugs nas rnam par shes pa'i bar du gzung bar mngon par zhen par mi spyod cing gnas pa med par spyod pa'o/ /gzung ba med pas 'dzin pa mi dmigs par spyod pa'i byang chub sems dpa' de ni yang spyod pa ma yin no zhes brtag par mi bya ste/ shes rab kyis gzugs la sogs pa'i rang bzhin med pa'i rnam par dmigs pas mtshan ma'i rnam pa thams cad kyis rab tu mi g.yo ba'i phyir shes rab bstan pa zhes bya'o/ / des ni ranm par gyur pa bstan to/ /ci'i phyir de la rgyu zhes bya zhe na/ skye med blo ldan zhes bya ba la sogs pa gsungs te/ de bzhin du dmigs pa dang rnam pa dag skye ba med par rtogs pa ni blo ste/ des bzod pa chud du dang/ 'bring dang /chen po'i dbye ba rtogs pa dang ldan no/ /sems rtse gcig tu bsdus pa'i rang bzhin yin pa'i phyir ting nge 'dzin to/ /byang chub thams cad dang rjes su 'thun zhing gzung ba'i g.yeng ba spangs pa'i phyir zhi ba'o/ /nyan thos la sogs pa'i byang chub skal ba ji lta ba bzhin thob pas na reg pa'o/ /theg pa thams cad kyis nges par 'byung ba'i rgyu yin pa'i phyir mchog go /'dis ni rgyur gyur pa bstan to/ /da ni bzod ba'i rjes thogs la chos kyi mchog ste/ 'jig rten pa thams cad kyi mchog yin pa'i phyir ro/ /dmigs ba
- 14b
bstan pa'i phyir byang chub sems bya ba la sogs pa gsungs te/ bdag ni bdag tu bzhag pa nyid kyi rgyud la bsgoms pa'i stobs kyis sems rab tu zhi ba'o/ /gnas pa ni rnam pa du ma'i yon tan skyed par byed pa'i chos kyi mchog gi ting nge 'dzin gyi gnas pa'i byang chub sems dpa' gang yin pa de lung ston par mdzad de/ sngon gyi de bzhin gshegs pas rigs nges pa'i phyir phyir mi ldog par ro/ /de lta bu nyid bdag gis ting nge 'dzin la mnyam par bzhag ce'am/ de las langs zhes rlom sems med do/ /las mdza' ni yul gyi dngos po las so/ /de la 'dzin pa'i char nges pa ni mdza' o /las byed pa po gnas pa ni bya ba ste/ chos de rnams kyi rang bzhin te /de bzhin nyid rang bzhin du yongs su shes pa zhes bya ba nas rtogs pa zhes bya ba'i bar du'o/ /'di skad du chos 'di nyid ni gnyen po yin pa'i phyir spong? pa dang mi spyod pas stod pas thos pa la sogs pa'i shes pa skyes nas rtogs pa na gang la sbyad par bya ba'i chos gang yang mi dmigs pa rtogs pas zhen pa med par rtogs par 'gyur ro/ /de ltar spyod pa ni bde bar gshegs pa dang 'brel pa nyid kyi shes rab chos kyi mchog gi rang bzhin la de spyod pa yin no zhes rim pa gzhan du sbyar ro/ /des rnam par mi rtog pa la sogs pa'i rnam par gyur pa bstan to/ /ci'i phyir 'di rgyu yin zhe na/ 'di ni zhes bya ba la sogs pa gsungs te/ 'di ni zhes bya ba ni dmigs pa dang rnam pa gnyis chung ngu dang/ 'bring dang/ chen po'i dbye bas chos kyi mchog gi rang bzhin gyi shes rab ni shes pa'o/ /de nas nyan thos la sogs pa'i byang chub gang yang rung ba'i rang gi theg pa la bltos nas khyad par du 'gro ba'i phyir pha rol tu phyin pa'i mchog go /byang chub thams cad thob pa'i rgyu nyid du gnas pa'i phyir spyod pa yin pa'am/ mos bas spyod pa'i sa rang bzhin yin pa'i phyir spyod pa yin no/ /des rgyu nyid du gyur ba bstan to/ /don de dag 'dir bsdus nas rigs pa'i stobs
- 15a
kyis ji ltar bstan pa ni dmigs pa dang /rnam pa dang /ngo bo chung ngu la sogs pa'i rnam pa'i bskyed pa bstan pa yin par bzung bar bya'o/ /gang yang stong phrag brgya pa las chung ngu la sogs par khyad par gyi dmigs pa dang /rnam pa bya drag tu bstan te/ 'khor der 'dus pa'i gdul bya'i skye bo rnams kyi log par rtog ba bsal ba'i phyir bstan to/ /'dir yang de dag sbyar bar mi nus te/ tshigs su bcad ba dang de dag nyid 'brel pa med pa'i phyir ro/ /de lta bas na gang gi tshe ji skad bstan pa'i dmigs pa dang/ rnam par bsgoms pa na tha dad pa'i don la mngon par zhen pa med par cung zad gsal ba'i ye shes kyi snang ba thams cad sems tsam nyid du yang mthong ba de'i tshe dro ba'i gnas skabs yin te/ theg pa chen po las snang ba thob pa'i ting nge 'dzin ces bstan to/ /gang gi tshe yang bsgoms pa'i stobs kyis chung ngu la sogs pa'i gsal ba snang ba'i 'bring gi ye hes kyi snang ba thob par gyur pa de'i tshe rtse mo'i gnas skabs na snar ba mched ba zhis bya ba'i ting nge 'dzin yin no/ /gang gi tshe yang sems tsam nyid la gnas nas gsal bar snang ba 'bring dang chung ngu'i ye shes kyi snang ba rgyas pa de'i tshe bzang pa'i gnas skabs 'dzin pa'i sa la zhugs pa de kho na nyid gyi don gyi phyogs cig la zhugs pa zhes bya ba'i ting 'dzin yin no/ /gang gi che las don la 'dzin pa spangs nas mi snang ba'i chung ngu la sogs pa'i ye shes kyi snang ba skyes pa de'i tshe chos kyi mchog gi gnas skabs de ma thag pa'i ting nge 'dzin ces bya ba yin no/ /yang ting nge 'dzin de dag thams cad la shin tu mo ma pa brtan pa ni mos pas spyod pa'i sa zhes bya ba yin no/ /de nyid la brtsams te rnam par rtog pa byang chub sems dpa' i sgrib pa rnams rtse mo'i mngon par rtogs pa'i mthong ba'i lam dang /bsgom pa'i lam gyi bar du yod par bsgrub pa'i phyir des par 'byed pa'i cha
- 15b
shing? ?? mi ji lta ba bzhin du gzung ba dang 'dzin pa'i rnam par rtog la bzhi dang ldan par rten ces bstan to/ /de la kun nas nyon mongs pa dang gnyen po'i dngos po'i rten can gyi gzung ba'i rnam par rtog pa gnyis bstan pa'i phyir gang zhig yod pa ma yin zhes bya ba la sogs pa gsungs te/ snang ba ji ltar rtogs pa'i don 'di dag gcig dag du ma dang bral ba'i rjes su dpag pa'i tshad ma med pas na yod pa thob pa ma yin no/ /de ni de dag chos nyid sgyu ma lta bu yin pa de'i phyir med ces bya'o/ /ri bong gi rA? ? med pa ni ma yin te/ de sgrub par byed pa'i tshad ma med pa'i phyir ro/ /ci ste mngon sum gyi snang ba'i dngos bo de nyid sgyu ma lta bu yin pa'i phyir med do zhes bsgrub par mi nus so/ /de yang mngon sum gyis sgyu mar mi 'dzin te/ rnam par mi rtog pa'i phyir ro// de la bzlog na gnod pa can gyi tshad ma'i stobs kyis sgyu ma lta bu'i nges pa'i dngos po de nyid sna tshogs pa thams cad mngon sum la snang ba tsam de nyid sgyu ma lta bu nyid du gzung ngo zhes brjod par bya'o/ /gang de lta bu'i bzlog na gnod pa tsan gyi tshad ma mngon sum mam/ rjes su dpag pa gang zhig yin/ gal te mngon sum gyis gzung ba tsam bzlog na gnod pa can gyi tshad ma yin no / de yang mtshungs pa'i phyir bris pa nyid dang 'dra bas thug pa med par 'gyur ro/ /ba lang rdzi dang bud med la sogs pa la bum pa la sogs pa mngon sum gyis grub pa bzlog na gnod pa can gyi tshad ma'i stobs kyis ma yin no/ /'on kyang shes pa'i tha snyad 'jug pa nyid la bltos pa yin zhe na/ rnam pa thams cad kyi de kho na nyid kyi ngo bo 'dzin pa'i phyir de ni mngon sum gyi tshad mas lus can thams cad grol bar 'gyur ro zhes bya ba la sogs pa'i thal ba bzlog par dka' o/ /'di dag de kho na nyid du 'dod pa yin zhes zer na/ de lta yin na ji ltar de kho na nyid du 'dod ces bya ba la sogs pa'i shes pa dang shes bya'i tha snyad du
- 16a
'gyur/ de ltar brjod pa kun rdzob yin no zhes zer na de ltar brjod par bya ba ci zhig yin/ phyin ci log yin no zhes zer na de yang de kho na nyid kyi rang bzhin du nub pa yin nam/ shes ba'i rang bzhin de nyid rnam pa thams cad kyi de kho na nyid kyi rang gi ngo bo gzung ba ji ltar phyin ci log yin/ de kho na nyid kyi ngo bo yin yang phyin ci log tu mngon par zhen pas 'jig rten pa'i shes pa'i stobs kyis phyin ci log ces brjod do zhes zer na/ 'dir 'jig rten pa zhes gang la bya/ ci 'dra pa zhig yang de'i shes pa yin/ gang 'di dag ni ma brtags na nyams dga' ba bsnyon par mi nus pa kun rdzob yin no zhes zer na/ de lta yin na mi 'dod kyang gang de nyid kyi che la mngon sum gyi tha snyad du 'jug pa rung ba de kho na kun rdzob 'di tshad ma yin par khas blang bar bya ste/ sgyu ma lta bu nyid mngon sum gyis grub pa ma yin pa shes par bya'o/ /'on te phyin ci log la gnod pa'i rjes su dpag pa'i stobs yin la/ dngos po'i rang bzhin tsam nyid mngon sum gyis grub pa sgyu ma lta bur gzhag mod kyi/ de ltar mngon sum gyis grub ba 'jig rten gyi shes pa ma yin par bsgrubs zin to/ /de kho na nyid grub po zhes zer na/ de lta yin na shes pa dang/ shes bya'i tha snyad mi 'jug go / 'on kyang kun rdzob tu yin par 'jug thogs su bstan par bya'o/ /de bas na ji ltar mngon par zhen pa dang mthun par rang gi tshad ma ji lta bas nges pa dang ldan pa rjes su dpag pa yin pa'i phyir ro/ /dngos po rnams sgyu ma lta bur gzhag pa ni des pa yin no zhes bya bar gnas so/ /de lta bas na 'phags pa lang kar gshegs pa la sogs pa las bcom ldan 'das kyis ji ltar snang ba ni kun rdzob kyi bden pa yin la/ rigs pa ji lta ba bzhin ni don dam pa'i bden pa
- 16b
yin par bstan to/ /shin tu spros pas chog go /byis pa mi 'phags pa'i lam ma skyes pa'o/ /des brtags pa ni rig pa dang ldan pa'o/ /'di dag ji ltar snang ba'i chos ni yod pa'o/ /rigs pa ji lta ba bzhin ni med pa'o/ /gzhan yang don par bya ba nyid ni kun nas nyon mongs pa'i rten can gzung ba'i rnam par rtog ba dang po'i yul nyid du ma rig pa kun nas nyon mongs pa dang 'thun par de byed ba ni 'jog pa yin pa'i phyir te/ sbyang du song ba 'jog bar byed pa bzhin no/ /de bzhin du blang bar bya ba'i gnyen po'i rten can gzung ba'i rnam par rtog pa gnyis pa'i yul nyid du rig pa rnam par byang ba dang 'thun par 'jog go /de ltar gzung ba'i rnam par rtog pa bsgrubs nas/ de gnyis de nyid nas btsams te mngon par min pa'i yul dang lhan cig tu sgyu ma lta bur brdzun par bsgom par bya bar bstan pa ni yod dang med pa zhes bya ba la sogs pa gsungs te/ yod dang med pa gnyis te /de kho na nyid du ma skyes ba nyid kyis gzugs la sogs pa med pa'i chos yin te/ mngon pa'i nga rgyal gyi stobs kyis byis pas yod pa dang med par brtags pa yin no/ /byang chub sems dpa' gang gis thos pa la sogs ba'i rim gyis rab tu shes pa de nges par 'byung ste/ phyin ci log 'ching ba yin pa'i phyir yang dag par zhugs pa nyid kyis nges par 'byung ngo/ /de'i rjes la 'dzin pa'i rnam par rtog pa gnyis pa'i dang po bstan pa'i phyir/ byang chub sems dpa' zhes bya ba la sogs pa gsungs te/ byang chub sems dpa' gang gis kyang rdzas su yod pa'i rang bzhin du 'dzin pa'i rnam par rtog pas sgro btags pa'i rigs pa'i stobs kyi phung po sgyu ma 'khrul pa tsam dang 'dra bar yang 'jig rten pa'i shes pa la bltos nas dpe yin pa'i phyir ro/ /gang 'di la ni nges par 'byed pa'i cha'i dus su
- 17a
thos pa'i shes rab la sogs pa bskyed nas shes pa'o/ /des ni yid skyis bu rdzas su yang ba'i rten can 'dzin pa'i rnam par rtog pa dang po'i rang bzhin yang ji lta pa bzhin du spangs pa'i phyir bsgoms pas spang bar bya ba de nyid bstan par 'gyur ba yin no/ /'dzin pa'i rnam par rtog pa gnyis pa bstan pa'i phyir/ sgyu ma gzhan dang zhes bya ba la sogs pa gsungs te/ byang chub sems dpa' gang zhig sgyu ma brdzun par snang bar 'di rang bzhin gzhan ma yin la/ sung? pa? la bdag go zhes brtags pa nyid ni skyes bu btags par yod pa'i rang bzhin du 'dzin pa'i rnam par rtog pas sgo btags pa yang gzhan du mi byed do/ /'on kyang phung po 'di sgyu ma lta bur sngar bstan pa bzhin du shes par gyur nas des ni yang skyes bu btags par yod pa'i rten can 'dzin pa'i rnam par rtog pa'i rang bzhin yang ji lta ba bzhin spad pa'i phyir bsgom par bya ba de bstan par 'gyur ba yin no/ /de lta bur yongs su shes pa la yon tan ci yod tsan? sna tshogs zhes bya ba la sogs pa gsungs te/ byang chub sems dpa' gang gis bstan ma thag pa'i chos de lta bu shes pa de la sna tshogs pa'i 'du shes ni skyes bu rdzas dang btags par yod pa'i 'du shes mos pa yid la byed pa'i stobs kyis bral ba ste/ spangs pa de bas na mya ngan las 'das pa dang rjes su 'thun pa'i spyod pa dang ldan bas na nye bar zhi ba'o/ /gang zhig mos pa de ni shes rab kyi pha rol tu phyin pa ste/ 'gro ba ma lus pa bdag med pa'i rang bzhin yin te/ rim gyis thob pa'i rgyu yin pa'i phyir gnas par byed pa yin zhes bya ba'i bar du'o/ /rnam par rtog pa bzhi po 'di rnams nye bar 'dus pa'i gdul bya'i skye bos khong du chud par bya ba'i phyir sngar rgyas par
- 17b
bcom ldan 'das kyis yul gyi dbye bas phye nas tha dang? pa rnam pa dgu gsungs mos kyi/ de las 'dir ni gtso bo bsdus nas bstan te/ spros nas bstan pa cung zad kyang dgos pa med cing/ yul gyi dbye bas shes pa gtso bo ma yin par dgongs nas bcom ldan 'das kyis stong phrag brgya pa dang/ 'dir nges par 'byed pa'i cha dang mthun pa'i dbang du mdzad pa'i yul gyis phye ba yang gzhan yin la/ rtse mo'i mngon par rtogs pa'i mthong ba dang bsgom pa'i lam gyi dbang du byas nas rnam par rtog pa dbye ba bstan pa mdzad pa yang gzhan yin no/ /'di ni snying po yin pas phan tshun? spangs te gnas pa'i mtshan nyid de la phung po gzhan med pas ji skad bstan pa'i gzung ba'i rnam par rtog pa dang 'dzin? pa'i rnam par rtog pa ltar de'i rjes su 'brangs nas phyi ma rnams la yang de bzhin du rtogs par bya'o/ /da ni dge ba'i bshes gnyen? thabs mkhas pa'i rang bzhin can kyi yongs su gzung ba ston te/ de'i stobs kyis ji skad bstan pa khyad par du 'gyur pas dag ba'i zhes bya ba la sogs pa gsungs te/ bden pa gnyis kyi rang bzhin chos ston par byed pas gang zag bde 'gro'i 'bras bu thob par byed pa'i phyir dge pa'i bshes gnyen no/ /de dang ldan pa ni bcas pa'o/ de nyid kyi thos pa la sogs pa'i shes pa skyes nas rigs pa dang lung gi chos yongs su brtags pa de nas bdag nyams zhes sgrag par mi 'gyur zhing ci yang med pas snyems par mi 'gyur te/ rgyal ba rnams kyi yum ni bcoM ldan 'das te/ skyed par byed pas na yum ni bcom ldan 'das kyi shes rab kyi pha rol tu phyin pa ste mnyan nas rtogs par bya zhes bya ba'i bar du'o/ /de ni nges par 'byed pa'i cha dang mthun pa la sogs par yang dag par 'jug par
- 18a
'gyur ro zhes bya bar dgongs so/ /rjes su 'gro pa'i sgo nas bstan nas/ ldog pa'i sgo nas gsal bar bya ba'i phyir/ gang zhig sdig pa'i zhes bya ba la sogs pa gsungs te/ yang gang zhig ji skad bstan pa'i dge ba'i bshes gnyen las bzlog? pa ni sdig pa'i grogs ldan te/ de nyid spangs pa byed pa'i phyir gzhan gyi? di? 'jog pa ste/ gzhan la rag las nas 'jug pa yin te/ des na theg pa chen po las nyams shing zab mo'i chos la ma mos pas nyams par 'gyur te/ bum pa so ma btang ba chus reg pas zhig pa bzhin no/ /des ji lta ba bzhin gyi yongs su bzung bar gyur pa bstan to/ /dro ba la sogs pa'i rjes la da ni ji skad bstan pa'i sgrub par nges par 'byed pa'i cha dang mthun pa dang/ gzhan yang mthong ba'i lam la sogs pa khyad par du bsgrub pa'i gzhir gyur pa chos kyi dbyings kyi rang bzhin bstan par bzhed nas/ ci phyir zhes bya ba la sogs pa gsungs te/ gang gi tshe chos kyi dbyings nyid 'phags pa'i chos rtogs pa'i rgyu yin pa'i phyir te/ de'i bdag nyid ni byang chub sems dpa' ste/ rang bzhin du gnas pa med pa sangs rgyas kyi chos kyi rigs chos nyid zhes bya ba de nyid chos kyi dbyings te/ thams cad la khyab na ci'i phyir 'dir byang chub tu sems bskyed pa nyid kyi byang chub sems dpa' sangs rgyas kyi chos kyi bar du 'gro bar gnas pa la brjod ce na/ gang gi phyir gzugs la sogs pa thams cad la chags par byed pa ni mngon par zhen par byed pa ste 'jug par byed kyang thos pa la sogs pa'i stobs kyis phyin ci log tsam 'khor ba de ltar rtogs pa ni chags pa gcod pa ste/ mngon par zhen pa thams cad gcod pa'i dang tshul can du skyes par gyur par de bzhin gshegs pa'i byang chub 'dod pa yin te/ de bas na kun rdzob tu sgrib pa thams cad spong bar zhugs pa nyid kyis chos kyi dbyings kyi rang
- 18b
bzhin kho na byang chub sems dpa' yin no/ /sangs rgyas ma lus pa'i gzhir gyur pa nyid byed ba zhes brjod do/ /de bas na 'phags pa'i gang zag thams cad 'dus ma byas kyis rab tu phye ba yin no /gzhi ni rigs la bya ba ma yin nam/ de bas na de sngon du 'gro ba can yin pa'i phyir sems bskyed pa la sogs pa dang por ci'i phyir bstan ce na/ don de dag gi dang po sngon du 'gro ba bden mod kyi 'di ni yang go bar bya ba la sngar 'bras bu shes par byas nas phyis rgyu bstan to/ /ji skad bstan pa'i byang chub sems dpa' i dmigs pa gang zhe na/ de'i rjes thogs la dmigs pa bstan pa'i phyir/ rgyal ba zhes bya ba la sogs pa gsungs te/ gang gi phyir chos thams cad dmigs pa'i ngo bo ni bden pa gnyis las mi 'da' bar dmigs pas chags pa med par gyur te/ de yis bden pa la dmigS pa rnam par dag par rtogs pa'i phyir bag chags dang bcas pa'i sgrib pa ma lus par spangs pa'i ched du bya ba dang ldan pa zhes bya bar 'brel to/ /chags ba med par 'gyur ba ni chags pa med pa'i rang bzhin te/ byang chub ces bya bar 'dir yang 'brel pa yin te/ phyin ci ma log par rtogs pa bla na med pa la reg pa ste thob pa gyur pa yin no/ /de bas na byang chub ni rang gi don phun sum tshogs pa'i dgos pa'o/ /de sems dpa' ni sems dpa' ste/ des byed pas ni byang chub sems dpa' zhes bya ba don dang ldan pa'i ming nyid de/ des na yang dag par zhugs pa'i skyes bu dang/ legs pa dang/ bzang po zhes bya ba'i ming thob po/ /des ni dmigs par gyur pa bstan to/ /gang chos kyi dbyings nyid rtag tu rnam par dag pa gnyis su med pa'i ye shes kyi dmigs pa yin par 'dod na rtag tu rnam par gong nas gong du dag pa khyad par du 'gro ba ji skad brjod par bya ste/ chu khams gser dang nam mkha' bzhin zhes bstan to zhes zer na/ de lta yin na thos pa dang bsam pa'i shes pas nges pa'i dngos po'i rang bzhin du sgom pa de bas na ji ltar gnas pa'i dngos po'i de kho
- 19a
na nyid mngon sum du bya'o zhes der mngon par zhen pas 'jug pa'i phyir bsgom pa'i khyad par gyis kyang der mngon bar zhen pa'i bag chags kyi sa bon mi spong gi/ shin tu mnyam par bzhag pa'i bdag nyid kyi rim gyis rnam par rtog pa thams cad spong ngo zhes zer na/ de lta yin na phyi'i don 'dod pa'i gzhung gis kyang nyan thos la sogs pa'i rnam par rtog pa spong par 'gyur ro/ /'on te las mi len na de'i phyir rnam par rtog pa'i bag chags mi spong bas phyogs gcig dag par thal par 'gyur ro/ /khyod kyi lugs ji lta bu yin no zhe na/ skyon med de gang gi phyir dngos po'i ngo bo gang cung zad ji snyed pa kun brtags? pa yin te/ 'di dag thams cad la rigs pas dngos por ma grub pas dngos po med ces bya'o/ /bya ba byed pa'i gang dag don ji ltar snang ba de dag ni kun rdzob yin par bstan te/ thos pas sogs pa shes pa skyes pas de kho na nyid la sgrib pa'i rang bzhin can rim gyis thams cad la mngon par zhen pa med pa'i stobs kyis ji lta ba bzhin te/ sgyu ma lta bur shes pa nyid yang dag par byas pa nyid yin no/ /rang bzhin gtso bor gyur pa ni rigs yin la/ 'gyur ba gtso bor gyur pa ni dmigs pa yin te/ gnyis po yang gnyis su ma grub pa la gzhi dang dmigs pa'i bye grag rtogs par bya'o/ /dmigs pa 'di la brjod par bya ba med du yod mod gyi/ ha cang thal ches pas gzhag go /'bras bu ci la brtags nas byang chub sems dpa' i dmigs par byed ce na/ de'i rjes la ched du bya ba bstan pa'i phyir/ ci'i phyir zhes bya ba la sogs pa gsungs te/ ci'i phyir byang chub sems dpa' i rgyud la byang chub sems dpa' chen po zhes bya zhe na/ gang gi phyir sangs rgyas kyi sar sems dpa' chen po ste/ tshad med pa'i sems can gyi tshogs dpag tu med pa'i sems can gyi tshogs mang po la chos bstan pa mchog tu byed pa'i phyir mchog tu gyur pa'o//
- 19b
de bzhin du? spor ba chen po nyid thob pa ste/ lta bar gyur pa'i bdag nyid lta ba sna tshogs pa rnams ni chen po ste/ sems can gyi khams dpag tu med pa'i sems can gyi tshogs kyis lta pa spangs pa'i thabs bstan pa ni gcod pa ste/ spong bar 'gyur ro de nyid kyang? rtogs pa chen po med na mi 'byung bas de dag gis de yang 'phang sam de bas na 'bras bu rnam pa gsum thob ? bsams nas sems can gyi don la zhugs pa'i phyir sems dpa' chen po zhes bya'o/ /des ni ched du bya ba bstan to/ /dmigs pa dang ched du bya ba la khyad par ci yod ce na/ mnga' bkang ba dang 'bem la rgyab pa dang chos mthun pa'i bye brag yin no/ /de dag la nye bar gyur pa ni dmigs pa yin no/ /gzhan gyis bskal pi? ched du bya ba ste/ de gnyis kyi bye brag yin no/ /ched du bya ba'i rjes la de ni rdzogs pa'i ched du brjod par bya ste/ de yang thams cad mkhyen pa nyid gsum gyi yum dang ldan pa dkar po'i chos spyi'i rten can rnam pa kun mngon par rtogs pa la sogs pa mngon par rtogs pa bzhi po re re yang pha rol tu phyin pa drug gi rten can gyi bya ba ni sgrub pa yin te/ chos kyi sku ni mngon par rtogs par byed pa ma yin te/ 'bras bu yin pa'i phyir de la bya ba mi rigs pa'i phyir ro/ /de la go cha'i sgrub pa ni tshogs kyis yin par bzung ngo/ /'jug pa'i sgrub pa ni mos pas spyod pa'i sa yin par rtogs par bya'o/ /tshogs kyi sgrub pa ni brtse ba dang sbyin pa la sogs pa drug dang/ zhi gnas dang/ lhag mthong dang/ thung du 'jug pa'i lam dang/ ? la mkhas pa dang/ ye shes dang/ bsod nams dang/ yam dang/ gzungs kyi tshogs rnams ni chos kyi mchog chen pos bsdus pa yin no/ /sa dang po rab tu dga' ba'i rang bzhin tshogs kyi sgrub pa ni mthong ba'i lam gyi bdag nyid can yin no/ /sa gnyis pa la sogs pa'i bsgoms pa'i lam gyi rang bzhin ni yang lam gyi tshogs kyi rang bzhin yin no /gnyen po'i
- 20a
bdag nyid can yang tshogs kyi bsgrub pa ni lam? gnyis ka'i spyod yul can yin no/ /nges par 'byung ba'i sgrub pa ni yang bsgom pa'i lam yin ste/ rab tu mthar thug par 'gro ba'i rten can yin ste/ de ltar sa gang du thog mar goms par byas ba 'am/ thob pa de la ltos pa yin par rig par bya'o/ /sgrub pa bzhi po de dag kyang khyad par gyi rang bzhin rnam pa thams cad sbyor ba ni mi nus pas sbyir bstan gyi/ 'dir khyad par ni ma yin te/ bsdus pa yin pa'i phyir blo dman pa rjes su gzung ba yin no/ /gzhan du bslab par 'dod pas bye brag rnams sbyor na ma 'brel pa bstan par 'gyur te/ de ltar phyi ma rnams la yang blta bar bya'o/ /de la dang po brtson 'grus kyi rang bzhin go cha'i bsgrub pa bstan pa'i phyir sems dpa' chen por gdags pa'i rgyu mtshan gtong ba che zhes bya ba la sogs pa gsungs te/ de la thams cad stong pa'i bsam pa yod pa'i phyir stong pa che pa'o/ /byang chub sems dpa' i sdom pa'i tshul khrims la sogs pa rgya chen po dang ldan pas blo tsha'o?/ /gzhan gyis gnod pa byas pa la dzi mi snyam pa la sogs pa'i bzod pa dang ldan pas na mthu che ba'o/ /sems can gyi don gyi brtson 'grus kyi stobs dang ldan pas na theg pa chen po'o/ /sems rtse gcig pa thob pa nas mchog go/ las dang byed ba po bya ba gsum gyi dmigs pa ni shes rab dang ldan pas na de bzhin gshegs pa'i mya ngan las 'das pa la zhugs pa'i phyir zhugs pa'o/ /de ltar go cha'i sgrub pas khyad par du 'gro ba'i phyir gnyis pa 'jug pa'i sgrub pa bstan pa'i phyir/ go cha zhes bya ba la sogs pa gsungs te/ 'jug pa'i bsgrub pa'i stobs kyis bsam gtan dang gzugs med pa la sogs pa'i mtshan nyid ni chen po'o/ /lha'i bu'i bdud kyi sde ma rungs pa'i bsam pa nyid kyi sgyu can 'dul ba'i phyir ro/ /yid la re ba bzhin byed pa na dgongs pa'o/ /de lta bu'i 'bde ba byed
- 20b
bsam? sems dpa' chen po zhes brjod do/ /'jug pa'i sgrub pa bsgrubs nas 'bras bu rdzogs pa'i byang chub chen po thob pa gsum pa tshogs kyi sgrub pa bstan phyir/ dper na zhes bya ba la sogs pa gsungs te/ dper na sgyu ma'i mkhan pos sgyu ma'i gnas ? bzhi chod du sgyu ma mngon par sprul te/ yang de'i skye bo phal po che'i tshogs kyi mgo mang rnam pa mang po bye ba gcod par byed ba ni rang gi sgyu la ba de rnams la dngos por mngon par zhen pa dang bral bas srog gcod pa la sogs pa'i 'jigs pas ? pa med do zhes bya bar 'brel to/ /de bzhin du sgyu ma mkhan gyi sprul pa bsad pa de dag ci 'dra bar de ltar gnyen po'i sgyu ma byed pa'i byang chub sems dpas lha'i bu'i bdud la sogs pa'i sbrul pa 'dzems pa na/ gang gi phyir byang sems dpa' des 'gro ba kun las dang nyon mongs pa sprul pa yin par thos pa la sogs pa'i shes pa skyes pa rab tu shes pa de bas na/ /de la kha na ma tho pa 'jiD pa med cing sgrag pa med par gyur pa yin no/ /'bro ba? kun sgrul? pa dang 'dra ba yin na ji ltar bcings pa der? grol bar 'gyur zhes zer na/ de kho na nyid du cung zad kyang med par bstan pa'i phyir/ gzugs dang zhes bya ba la sogs pa gsungs ? te /gzugs? dang rnam par shes pa'i bar du ma rig pas bcings pa med cing/ rig pa'i mthus grol pa yang yod pa min te/ zhes rjes su spyad ro/ /gang gi phyir gzugs la sogs pa yang dag pa ma yin te med pa yin no/ /rgyu gang gis zhe na/ yong ba nyid du sgrub par byed pa'i tshad ma med pa'i phyir ro/ /ji lta bu kun rdzob yin zhe na/ de ltar zhes bya ba la sogs pa gsungs te/ 'di ltar rigs pas chos thams cad stong pa nyid yin na yang 'di ltar snang ba ni dgag par mi nus te/ thams cad tha snyad yin par rtogs nas sems zhum pa med do/ /'on kyang bcings pa dang grol ba dor bar bya ba dang blang bar bya ba'i sems kyis rang bzhin
- 21a
chos nyid la brtags nas zhugs te/ de nyid bsgom pa'i stobs kyis ji lta ba bzhin gyi chos rtogs nas byang chub 'thob te/ rigs pa'i stobs kyis thar pa rnam par bzhag la/ gzhan gyis ji skad bstan pa'i rim pa las bzlog pa ma rig pa'i nus pas bcings pa yin pa'i phyir de bsan de dag gi rjes la go cha bstan to/ /brtse ba la sogs pa sgrub par byed pa ni gang zag dam pa rnams te/ nyan thos la sogs pa la bltos nas rgyal pa'i sras te/ bden pa gnyis la brten pa'i thun mong ma yin pa'i lam yin no/ /ji skad bstan pa nyid theg pa chen po yin par ci'i phyir zhes dri ba sngon du 'gro bas theg pa chen po'i ngo bo rdzogs par bya ba'i phyir/ ci'i phyir zhes bya ba la sogs pa gsungs te/ gang du byang chub sems dpa' gang gis 'bras bu dang bcas pa'i lam brtse ba dang/ sbyin pa la sogs pa'i tshogs kyi sgrub pa la zhon pa ni thob pa'i spyod ba la gnas pa ste/ rim gyis sems can thams cad mya ngan las zlo bar byed do/ /de bas na 'di ni theg pa chen po yin no/ /ci'i phyir zhe na/ byang chub sems dpa' i theg pa ni theg pa chen po zhes bya te/ gang gi phyir nam mkha' dang 'dra bar dpag tu med pa'i sems can gyi go skabs 'byed par bsnyen pas na 'di ni theg pa chen po'o/ /yon tan rnam pa thams cad mthar thug pa nas gzhal med khang dang 'dra bas na gzhal med khang chen no/ /dga' skyid bde ba zhes bya ba la sogs pa thams cad spangs pa'i phyir zag pa med pa ni dga' ba'o/ /lus kyi bde ba'i tshogs ni skyid pa'o/ /bde ba ni sems las byung ba bde ba'o/ / mngon par 'thob byed ni dga' skyid bde ba la mngon par phyogs te thob pa ni bcom ldan 'das so zhes bya bar 'brel te/ yang na thams cad khyad par du 'phags pa de bas na byang chub sems dpa' i lam 'bras bu dang bcas pa la theg pa chen po zhes brjod do//
- 21b
de lta khong? kyi phyogs? gzhan dang gzhan du 'gro ba'i gnas skabs thob pa khyad par du 'phags pa'i rgyu la theg pa chen po zhes bya ba 'jig rten pa la grags pa ma yin nam/ de bzhin du theg pa chen po yin par 'dzin pas phyin ci log tu 'gyur ro zhes zer na/ gang zhig ces? bya ba la sogs pa gsungs te/ theg pa chen po la zhen pa ni byang chub sems dpa' 'o/ /phyogs ni shar phyogs la sogs pa des nye bar mtshon pa'o/ /sa dang po la sogs pa'i gnas skabs su phyin pa des de kho na nyid dmigs pa med do/ /de lta yin na ji ltar mya ngan las 'das 'gro zhes bya ba'i tha snyad 'jug ce na/ mya ngan 'das zhes bya ba la sogs pa gsungs te/ mya ngan las 'das par 'gro zhes bya ba ni 'dir yang phyin ci log gi ngo bo bzlog pa nyid la mya ngan las 'das pa zhes bya ba'i rigs pas 'gro ba ni mi dmigs pa'o/ /'jig rten pas kyang? rang gi ngo bo dgag pa tsam nyid la mya ngan las 'das zhes bya bar grags par bstan pa'i phyis? dper zhes bya ba la sogs pa gsungs te/ dper na me shi pa la 'gag zhes bya bar tha snyad 'dogs kyi med 'gags pas 'das par bya ba byed pa ma yin no/ /ngo bo thob pa med pa'i phyir ma 'ongs pa ma yin no/ /gnas pas da ltar byung ba ma yin no/ /dus gyis 'gyur pa'i bye brag khyad par 'gyur ba ni srid tshang maS gnod pI phyir ro/ /rgyu de na? rang gi ngo bo log pa tsam la 'jig rten pas kyang mi shi zhes brjod par byed do/ /gal te de lta na theg pa chen po de kho na nyid kyi khyad par rtogs pa med pa'i phyir ji ltar byang chub sems dpa' de la zhon nas sems can thams cad mya ngan las 'das pa la zlo zhe na/ byang chub ces bya ba la sogs pa gsungs te/ sngon gyi mdza' ni rgyu'i stobs kyis phyi ma'i mthar 'bras bu bskyed pa'i phyir da ltar byung ba la de dag gi rang gi ngo bo nges par byang chub sems dpa' mi dmigs pa ste/ yang dag pa'i don yin par sgrub par byed pa'i tshad ma med pa'i phyir ro/ /de bas na dus gsum gcig dang du ma dang bral pa'i phyir dge bar gyur pa yin te/ de lta bu'i rigs pas gang
- 22a
dag pa ni 'jig rten pa'i mngon par 'dus byas pa ma yin pas de nyid kyi phyir chags pa la sogs pa'i spros ba spangs pa'i phyir spros pa med pa'o/ /kun tu sems can mya ngan las zlo bar nus te/ gzhan du na de dag gis de kho na nyid kyi khyad par ma rtog par mngon par zhen pa des phyin ci log ma spangs pas sems can gyi don byed mi nus so/ /de lta bu de las bzlog pa de nyid ni shes rab dang snying rje la sogs pa tshogs kyi sgrub pa yin te theg pa chen po'i chos ma lus pa'i rang bzhin pha rol phyin mchog spyod pa gang yin pa yang sgrub pa yin no/ /tshogs bsags pa la bzhi pa nges par 'byung bas de bstan pa'i phyir byang chub sems zhes bya ba la sogs pa gsungs te/ gzegs can la sogs pas dus rtag par brtags pa bkag nas dngos po la nye bar 'jug pa nyid kyi brdar byas pa'i phyir tshe ste/ brda gang gi dus kyi tshe byang chub sems dpa' bden pa gnyis rtogs pas na mkhas pa'o/ /ched du bya ba'i nges par 'byung pa'i sgrub pa spyod par byed cing chos rnams ma skyes par rtogs nas 'gro ba sems can thams cad yul du byed pa ni snying rje chen po bskyed pa'o/ /bdag dang gzhan du mngon par zhen pa med pa ni sems can 'du shes med de yod pa'i 'du shes mi skyed pa'o/ /de'i tshe shes rab dang thabs la mkhas pa de ni shes rab po/ /don thams cad kyi ched du bya ba'i nges par 'byung ba'i sgrub pa ni pha rol tu phyin pa mchog go /gang spyod pa byed ces bya ba'i bar du'o/ /sems can du dmigs na nyes pa ci zhig yod ce na/ gal te zhes bya ba la sogS pa gsungs te/ gal te rang dang gzhan dag yod par 'du shes bskyed par byed na/ de'i sdug bsngal gyi 'du shes skyes pas sbyin pa la sogs pa rnams la dka' bas spyod par byed cing sdug bsngal spyod pas 'gro ba'i don bya'o zhes dmigs pa'i phyir bdag dang gzhan du yongs su rtogs pa'i byang chub sems
- 22b
dpa' yin no/ de bas na bdag dang bzhan gyi char yongs su 'dzin pa'i nyes pa de gnyis kyis nyes pa thams cad 'byung ngo de lta bas na yang 'di shes rab kyi pha rol tu phyin mchog spyod ma yin zhes bya ba ni tshigs su bcad pa'i don to/ /ji ltar spyad par bya zhe na/ bdag ci zhes bya ba la sogs pa gsungs te/ skye ba med pa dang skye ba zhes rim pa gzhan du sbyor/ /bden pa gnyis tha dad par gnyis kyi rang bzhin du mi rtog cing yid la mi byed pa ni gang gi che thams cad kyi thamS cad du bdag gi rgyud la yod pa'i sdug bsngal thams cad bsal bar bya'o zhes bdag nyid ci 'dra bar sems can thams cad de 'drar shes pa ni lha la sogs pa'i sems can la zhes so/ /gzhan dag du byas te/ kun rdzob tu gcig tu rtog pa ci 'dra bar sems can thams cad sgre btags pas dben par shes pa de 'drar sems bskyed pa la sogs pa chos kun yang shes te/ stong pa nyid kyi rigs pas gcig nyid du rtogs pas bden pa gnyis la yang dag par zhugs pa de'i tshe ring ni shes rab pha rol phyin pa yin no/ /de ltar rtogs par bya ba'i dngos po brtags par bstan nas/ 'jig rten zhes bya ba la sogs pa gsungs te/ 'jig rten dag na chos ming yongs brjod pa ni sems bskyed pa la sogs pas rab tu sgrags pa'i ming gi sgru'i shes pa ni brjod par byed pa yin pa yin pa'i phyir ro/ /de dag kun la skye pa dang ni yang dag 'das spangs te/ spangs pa ni 'gags pa'o/ /de gnyis spangs pa ni mi gnas pa'i mya ngan las 'das pa'o/ /nyams pa med pa'i rang bzhin yin pa'i phyir 'chi med do/ /me long lta bu'i ye shes la sogs pa'i rang bzhin byin ci log thams cad spangs pa'i phyir dam pa ste/ khyad par du 'phags pa'i chos kyi ngo bo'o/ /de las gzhan gong na med pa'i ye shes kyi don thob pa ni dgos pa yin no/ /ched du bya ba nges par 'byung ba'i sgrub pa'i shes rab ni mchog ste pha rol tu phyin pa'o/ /de ltar grub pa la rnam par bkag nas zhes bya ba'i sgra
- 23a
ni rab tu grags pa'i ming gi rnam grangs so/ /grub ba de la ji ltar 'jug par bya zhe na/ byang chub sems dpa' zhes bya ba la sogs pa gsungs te/ rim pa bzhin du sbyar te/ rang bzhin de ni de bzhin nyid do/ /med pa ni rgyu ma lta bu yin pa'i phyir yong pa ma yin no/ /chos rnams bsgom pa la sogs pa'i rim gyis yongs su shes par gyur ba de lta bur gyur pa'i ched du bya ba'i sgrub pa'i spyod pa'o/ /doD med ni the tshom med par byed pa'o/ /de ltar byang chub sems dpa' des thabs dang shes rab dang ldan te kun rdzob nad don dam pa la gnas pa'o/ /shes rab bya ba ni nges par byas pa'o/ /yang dag par zhugs pa'i phyir 'di ni shes rab ste/ ji skad bstan pa'i nges par 'byung ba'i sgrub pa ni pha rol tu phyin pa'i mchog yin te/ de la spyod pa ni zhugs pa'o/ /de dag ris ni rnam pa thams cad mkhyen pa nyid bstan te/ de skad du yang/ sems bskyed pa dang gdams dag dang/ /nges 'byed yan lag rnam bzhi dang/ sgrub pa yi yang gzhing? gyur pa/ /chos kyi dbyings kyi rang bzhin dang/ /dmigs pa dag dang ched dang ni/ /go cha 'jug pa'i bya ba dang// tshogs ni nges par 'byung bcas rnams/ /thub pa'i rnam kun mkhyen pa nyid ces gsungs pa yin no/ /gzhung 'dir tshigs su bcad pa rnams kyis nye bar bsdus pa ni gsal par mdzad pa'i phyir yin te/ stong phrag brgya pa'i don thams cad bsdus pa'i phyir de dang mthun par le'u tha ma sbyar bar rigs mod kyis blo dman pa rnams kyis mi rtogs pa'i phyir ma byas te/ de bzhin du stong phrag nyi shu lnga pa dang yang mthun par ma byas so/ /skye bo thams cad kyis bde bar rtogs par bya ba'i phyir ram/ don gcig par shes par bya ba'i phyir brgyad stong pa dang mthun par le'u tha ma'i dbye ba 'dir le'u rdzogs par bdag gis byas so/ /yon tan rin po che skud pa'i tshigs su bcad pa las rnam pa thams cad mkhyen pa nyid la 'jug pa'i le'u ste dang po'i bshad pa'o// //
- 23b
? thams cad? mkhyen pa nyid rtogs pa ni lam yongs su ma shes par ma yin pas lam shes pa bstan to/ /de la dang po rten la sogs pa brjod par bya ba'i phyir/ gang zhig ces bya ba la sogs pa gsungs te/ gzugs la sogs pa'i mngon par zhen pa gang zhig mi sbyor bar gnas? pa ni chos nyid la gnas par 'gyur ro/ /'di ltar 'od kyis mog mog por mdzad pas rgyud la yod pa'i nga rgyal bcam? pa ni rten yin no/ /des yang dag par byang chub kyi sems bskyed pa ni yul so sor nges pa yin no/ /'di na snod min sems can 'ga' yang med ces gsungs pas 'gro ba thams cad kyis sangs rgyas thob? par 'gyur te/ 'dod chags dang bral ba dang cig shos kyi rnal 'byor pas kyang sangs rgyas nyid thob pas na lam shes pa bsgoms pa ni khyab pa yin no/ /bsod nams dang ye shes kyi tshogs yongs su rdzogs par byas ba'i phyir nyon mongs pa thams cad mi spong ba ni rang bzhin no/ /shes rab dang thabs la mkhas pa'i stobs kyis yongs su ma bzung pa'i sems can yongs su bzung pa la sogs pa gang yang rung ba las su bya ba'i 'jug pa yin no/ /dbye ba lnga po'i don med na mi 'byung ba'i phyir chos nyid kyi sgras de 'phangs pa yin no zhes rtogs par bya'o/ /gzhan du na lam shes pas rtogs par mi rigs pas de nyid kyi phyir de rtogs pa'i zabs yin pas de dag don gyi dbye ba lnga la gnas pa'o/ /shes rab kyi pha rol tu phyin pa ni lam shes pa'i rang bzhin mchog la spyod pa yin no/ /rten la sogs pa bstan pa'i shugs kyi lam shes pa'i dbang du byas te/ rang gi lam thabs la mkhas pa'i pha rol tu phyin pa'i bar du rtogs pa thob nas theg pa gzhan gyi 'dul pa'i sems can tha dad pa'i sems can gyi don mngon sum du mi byad par lam rgyu dang bcas pa bstan pa la yongs su mkhas pa'i thabs la mkhas pas lam thams cad byang chub sems dpas yongs su rdzogs par bya'o zhes bstan pa'i phyir nyan thos kyi las bstan pa'i ched du rtag dang zhes bya ba la sogs pa gsungs te/ de la chos nyid
- 24a
kyis skyes pa 'jig pa'i phyir mi rtag pa'o/ /zag pa dang bcas pas mthun pa ma yin pa'i phyir sdug bsngal pa'o/ /bdag dang gzhan gyis stong pa'i phyir stong pa'o/ /rtag pa nyid la sogs pa de nyid las bzlog par bya ba de gnyis ni dor bar bya ba dang blang bar bya ba yin no/ /gtso bo'i phyir sdug bsngal gyi bden pa gzung ba yin no/ /de bzhin nyid dang de bzhin stong zhes bya ba 'dis ni rab tu 'byed pa'i stabs kyis lhag ma bden pa gsum pa'i phyin ci log dang phyin ci ma log pa de gnyis mthun pa'i phyogs dang gnyen po'i rnam pa sdus pa yin no/ /de la byang chub sems dpas ji ltar goms par bya zhe na/ stong zhes bya ba la sogs pa gsungs te/ gzugs la sogs pa de dag des mi dmigs pa'o/ /'dir rtag pa la sogs pa'i chos kyi gnyen po mi rtag pa la sogs pa'i rnam pa'i bden pa bzhi'i dngos po la dmigs pa nyan thos kyi mthong ba'i lam bskyed pa des mthong bas spang bar bya ba'i nyon mongs pa spong bar byed pa du ji srid sgom pa gang zhig shes pas phyis lam der ltung bar dogs nas spang pa'i phyir rnam pa de dag mi dmigs pa'i rang bzhin yid la byed do/ /de bas na stong pa nyid kyi bden pas spyir 'bras bu cung zad gang thob pa la yang mi gnas so/ /de nyid kyi phyir dbang po rtul po dang 'bring dang rnon po la mi rtag pa la sogs pa'i rnam pa bsgom pa na rim pa ji lta ba bzhin byang chub rnam pa gsum thob ces nyan thos kyi theg pa las bstan pa'o/ /khyad par nyan thos dang/ rang sangs rgyas dang/ de bzhin gshegs pa'i sar mi gnas shing/ rnam pa thams cad du nyan thos la sogs pa'i theg pa bstan pa'i rim pas thabs ma yin pa'i phyir des 'dul ba'i sems can rjes su bzung ba'i ched du bdag med pa nyid kyis nyon mongs pa'i sgrib pa spong du 'jug par byed pa yin gyi/ de las byang chub sems dpas kyang rgyal
- 24b
pa'i phyir? 'jug pa yin no/ /bden pa yongs su shes pa'i sngon? du nges par 'byed pa'i cha yongs su shes pa 'gro bas nges par 'byed pa bstan pa'i phyir/ ji ltar zhes bya ba la sogs pa gsungs te/ ji ltar 'dren pa bcom ldan 'das gnas pa med par spyod pa de ltar de bzhin? nyid la sogs pa 'dus ma byas kyi khams kyi de kho na nyid la yang mi gnas so/ /de bzhin du 'dod pa'i khams la sogs pa'i 'dus byas la yang mi gnas shing/ de bas na de la ji ltar snang ba rnams la gnas pa yin no/ /de nyid kyi phyir ji skad bstan pa'i rnam par bsgoms pas nges par 'byed pa yongs su shes pa gnas kyang byang chub sems dpa' gnas med pa nyid gnas pa yin no/ /gang gi phyir gnas med gnas yin 'di ni rgyal de bzhin gshegs pas gsungs so/ /nyan thos kyi lam gyi rjes la rang sangs rgyas rnams kyi lam brjod par rigs mod kyi/ nyan thos las rang sangs rgyas ji ltar khyad par du 'phags/ gang gis na de gnyis kyi lam la khyad par ni ci yong snyam pa'i dogs pa bsal ba'i phyir gang gis sngon thos pa la sogs pa mngon par 'dus byas pas gzhan gyis bstan pa la bltos pa med par rang gi byang chub thob pa ni gcig yin no/ /de bzhin du shes bya'i sgrib pa'i phyogs gcig gzung ba'i rnam par rtog pa spangs pa dang/ sgra brjod pa med par gzhan gyi don byed pa dag gis ye shes zab ba yin te/ gnyis kyi khyad par du 'phags so/ /gzhan du na khyad par du 'phags pa med na lam la khyad par yod par mi rigs pa'i phyir shugs kyis 'phangs pa yin par rig par bya'o/ /de bas na khyad par du 'phags pa'i lam khyad par can rang sangs rgyas kyi lam bstan pa'i phyir gang dag ces bya ba la sogs pa gsungs te/ dper na 'ga' zhig rgya mtshor nub byas pha rol dang tshu rol gyi 'gram mi mthong bas 'gro bar mi nus te/ thabs mi shes pa'i phyir ro/ /de bzhin du 'khor ba'i rgya mtshor nub pa'i skye bos so/ /gang phyir mi ldog pa'i phyir
- 25a
bde gshegs ni nyan thos so/ /rang sangs rgyas dang de bzhin chos rgyal 'gyur 'dod pa ni mngon par 'dod pa'o/ /des na 'di la ni lam shes pa ste/ lam thams cad du yul yin pa'i phyir ro/ /chos la rtogs pa'i bzod pa 'di la ma brten par sangs rgyas thob par mi nus te/ mngon par 'dod pa'i don mi 'thob ces bya ba'i don te/ gzhan du 'thob pa med ces bya ba'i don to/ /'dis gzhi bya ba ba'i don de khyab pa'i don du bstan pa 'dis na rang sangs rgyas kyi lam gyi dbang du byas pa de bstan par 'gyur ro/ /gzung ba bsto pa 'ba' zhig sdangs pa'i rang sangs rgyas kyi lam gang gis khyad par du 'phags pa de'i rang bzhin kho na lam shes pa ma yin gyi/ 'on kyang nyan thos la sogs pa'i lam gyi rang bzhin yang yin no/ /gzung ba med pas de 'dzin med ces bstan pa'i phyir ro/ /'dzin pa'i rnam par rtog pa ci 'dra bas chos 'dzin pa rang sangs rgyas su rtogs she na/ chos 'chad pa zhes bya ba la sogs pa gsungs te/ 'dir chos 'chad pa dang nyan dang bshad bya gang yin ba sgyu ma lta bu yin te/ 'dir dgos pa ni de lta bu'i dngos po'i chos yin te/ gang gi phyin par gi mtshan nyid dngos po'i bdag rgyud rung bas 'dzin par byed pa rnam par mi rtog pa'i shes pa ni rang gi mtshan nyid 'bras bu skye bas de med na med pa yin mod kyi/ gzung ba'i rnam par rtog pa bkag pa na yang gzugs la sogs pa la 'dzin pa'i rnam par rtog pa'i shes pas rang gi rgyud la bag chags bzhag pa sad pa las skye ba'i phyir gzung ba'i rnam par rtog pa las de 'byung zhes bya ba'i des pa med do/ /gang gi phyir rang sangs rgyas gang gi gzhan la 'chad pa nye bar mtshon pa yin pa'i phyir mi 'chad pa yang ste/ gzugs la sogs pa rnam par mi rtog pas gzung ba'i rjes la 'dzin pa'i rnam par rtog pa zhes pa nyan pa dang 'dzin par byed de/ de bzhin du gang mnyan pa dang ldan pa dag nyan pa ste/ de dag thams cad kyang brdzun pa snang ba'i rang bzhin 'dzin pa'i rnam par rtag pa dang 'bral pa'i
- 25b
ches? 'dzin pa'ang sgyu ma lta bu/ chos de 'chad pa dang nyin pa yang sgyu ma lta bur rig par bya'o/ /de bas na 'dzin pa'i rnam par rtog pa ma spangs pa'i rigs pa 'dis kyang rang sangs rgyas kyi lam gyi rang bzhin du gyur bar blta'i/ /rnam pa gang gis chos sgyu ma? bur bstan pa ni rang bzhin bkag nas de kho na nyid du yod par rtogs zhes zer na/ 'bras bu thob ces bya ba la sogs pa gsungs te/ de la gang zhig 'bras bu dang po la sogs pa la gnas pa'i gang zag brgyad po ni 'bras bu 'thob ba'o/ /tshogs na spyod pa dang/ bse ru lta bu 'dab? sangs rgyas su mtshungs pas rkyen rgyal lo/ /longs spyod rdzogs pa dang/ sprul pa'i sku gnyis po dag gis 'jig rten mgon gyi dbye ba rnam pa gnyis so/ /rim pa ji lta ba bzhin du bdag dang gzhan gyi don du sbyong bas nam mkhas pa dang gsal ba ste/ yul du byung ba'i shes rab phun sum tshogS bas mkhas gsal te yang dag par rdzogs pa'i sangs rgyas mngon sum du byas pa bzhin no/ /yang gang gis chos kyi sku thob pa ni mya ngan las 'das pa ste/ rim pa ji lta ba bzhin du rang dang gzhan gyi don la sbyor ba ni mkhas rig go/ yang nam mkhas pa rnams kyi nang nas shes rab phul du byung ba phun? sum? tshogs pa ni mkhas rig go /yang dag par rdzogs pa'i sangs rgyas mngon du byed pa de dag thams cad ni 'das ma thag tu bstan pa'i rnal 'byor pas kun rdzob tu blang bar bya ba gnyen po sgyu ma lta bu'i rang bzhin yin te/ rten cing 'brel par 'byung ba nyid la sogs pa'i gtan tshigs rnams kyis bstan pa'i phyir chos kyi rgyal yang sgyu ma lta bur rtogs par bya ba yin na gzhan lta ci smos te de bzhin no/ /gang gi brdar cung zad grub pas don ma grub bsgrub par byed pa'i dpe sgyu ma lta bur bstan pas de'i tshe yang nyes pa cung zad kyang med do/ /ci 'dra ba la mkhas pa'i gang zag rang sangs rgyas kyi theg pa'i snod du 'gyur ba bstan pa'i phyir ro/ /gang zag bzhi po zhes bya ba la sogs pa gsungs te/ de la shes rab 'bring gi lta ba dang ldan pa nyun? rdzob dang don dam pa'i dbye ba yongs su shes pa'i mkhas pa ni rgyal sras so/ /dang por nges par 'byed pa'i cha dang mthun pa thob
- 26a
pa nyid kyis rang sangs rgyas kyi byang chub 'thob par des pa ni phyir mi ldog pa ste gnyis pa'o/ /thams cad kyis mchod par 'os pas na dgra bcom pa ste/ mthong ba'i lam la sogs pa de nyid kyis bzung pa'i rnam par rtog pa ? ? pa ji lta ba bzhin du dri ma bsal ba dang/ de nyid kyi chos nyid mngon sum du byas pas the tshom med pa'i phyir som nyi spangs pa ni gsum pa'o/ /dge ba'i bshes gnyen kyis yongs su bzung ba ni bzhi pa'o/ /gang zag bzhi po de dag rang sangs rgyas kyi rigs ? yin pa'i phyir 'di la skrag par mi 'gyur ro/ /de dag gis rten bstan to/ /ji ltar rang sangs rgyas kyi lam byang chub sems dpa' goms par bya ba bstan pa'i phyir/ byang chub sems dpa' zhes bya ba la sogs pa gsungs te/ nyan thos rnams bsgom pa ji lta ba bzhin du dngos po thams cad rten cing 'brel par 'byung ba rtogs pas rang sangs rgyas kyi mthong ba'i lam bskyed do/ /nyon mongs pa spong ba yang de bzhin no/ /shes rab 'bring gi stobs kyis chos nyid ltag pa mthong ba nyid ji skad bstan pas khyad par du 'phags pa dang ldan zhing shes bya'i sgrib pa gzung bar rtog pa phyogs gcig spong 'dus ji srid bsgom pa shes pa nyid kyis phyis de'i lam du ltung ba spang ba'i phyir chos thams cad stong pa nyid yid la byed do/ /de ltar mi dmigs pas rang sangs rgyas kyi theg pa la sbyor pa ni byang chub sems dpa' mkhas rig ste/ dgra bcom pa'i spangs pa phun sum tshogs pa la yang mi slob po/ /rkyen rtogs sa la ste rang sangs rgyas gyi ye shes phun sum tshogs pa la'ang min no/ /thams cad mkhyen nyid ched du sangs rgyas la dmigs nas de'i thabs bdag med pa la goms bar byed pa ni chos rjes su slob pa ste/ byang chub sems dpa' i lam shes pa la slob pa ste/ gang zhig slob? mi slob pa ni shes rab dang thabs la mkhas pa'i stobs kyis yongs su gzung bas go rim
- 26b
bzhin mi slob pa'o/ /de nyid kyi phyir phyin ci ma 'og par rtogs pa ni de slob pa yin no zhes bya ba'i don to/ /nges par 'byed pa'i cha yongs su shes pa des ji skad bstan pa'i rang sangs rgyas kyi lam yongs su shes par 'gyur bas nges par 'byed pa bstan pa'i ? gzugs 'phel zhes bya ba la sogs pas gsungs te/ de la sbyin pa'i rang bzhin brjod pa ni gzugs tsam yin te/ nye bar len pa'i phung po lnga'o/ /'phel ba ni bsags pa'o/ /yongs su nyams pa ni bsags pa med pa'o/ /yongs su gzung ba ni rten? byed ces bya ba'i bar du'o/ /ji skad bstan pa bsgoms pas nges par 'byed pa yongs su shes pa ni sleb pa ste/ 'jug bar byed pa'o/ /gang la byang chub sems dpa' ni mi slob cing 'dong bar byed de/ nye bar len pa'i phung po lnga po 'phel pa dang nyams pa yongs su ? las ? slob ste/ blad par bya ba sna tshogs pa'i tshes dran pa nye bar gzhag pa la sogs pa rnams yongs su mi 'dzin cing de nyid kyi phyir thams cad mkhyen pa nyid sangs rgyas kyis yongs su mi 'dzin te/ sems kyis kyang brten par mi byed de 'ching ba yin pa'i? phyir ro/ /de lta bus nges par 'byung ngo zhes bstan par 'gyur ro/ /de lta bu la 'dir bslabs te goms pa zhes pas bcom ldan 'das rnam pa thams cad mkhyen pa nyid de/ rims gyis zhes bya ba ni tshig gi lhag ma'o/ /lhag ma nyon mongs pa spong pa ni snang? bstan pa'i lam gyi ngo bo la mngon du phyogs pas dang yang du dmigs pa ni sgom pa'i lam du bzhag pa yin pa'i phyir mthong ba'i lam yongs su shes pa nyid kyis de yongs su shes par grub pa de bas na byang chub sems dpa' mthong pI lam yongs su shes pI phyir nyan? thos la sogs pa dang 'brel ba'i sgom pa'i lam logs shig tu ma brjod par shes par bya'o/ /ji lta bur gyur pa'i rgyal ba'i sras kyi mthong ba'i lam thob pa'i stobs kyis rang gi lam la dbang du gyur pa thob pa de las gzhan pa'i theg pas 'dul ba'i sems can
- 27a
rjes su 'dzin pa na lam gnyis las yongs su rgyal ba yin pa'i phyir de'i rjes la tshe 'di'i yon tan la sogs pa dang ldan par rjes su gdams par bya ba'i mthong lam pa'i bsgrub pa'i phyir/ gzugs ni zhes bya ba la sogs pa gsungs te/ gzugs ni shes rab ma yin te de bzhin nyid yin no/ /gzugs la shes rab med de/ rnam par shes pa la sogs pa la yang shes rab med do/ /shes rab la yang de bzhin no/ /'on kyang nam mkha' i khams dang mtshungs par de dag gis stong ste/ gzugs la sogs pa rigs pas ma bskyed pa'i phyir chos thams cad rten dang brten par tha dad pa'i mtshan nyid med de/ khyad par dang sna tshogs pa'i rang bzhin du med ces bya ba'i bar du'o/ /de skad du cha shas sgra 'dogs ji snyed pa/ de las la phyir na nges pa dang/ /sgra yang de snyed kho na des/ /de dag spyod yul tha dad can zhes gsungs pa yin no/ /de ltar bsgoms pas mthong ba'i lam 'jig rten pa'i chos kyi mchog gi rjes thogs la mi dmigs pa'i ting nge 'dzin shes rab mtshungs par ldan pa des nyon mongs pa brgya bcu gnyis spong bar byed pa skye ba yin no/ /de ltar na 'phags pa'i bden pa bzhi'i rnam pa'i bye brag gis rim pa bzhin bsgom par grags pa ji lta ba zhe na/ dmigs pa zhes bya ba la sogs pa gsungs te/ de la yongs su shes pa tsam nyid sdug bsngal gyi bden pa ste dmigs pas so/ /dngos po thams cad 'byung ba'i rgyu yin pa'i phyir dngos por mngon par zhen pa spangs par bya ba yin bas na kun 'byung gi bden pa yin te/ sems can gyis so/ /mngon sum du byad ba yin pas na 'gog pa'i bden pa ste/ nam mkha' i khams kyis so/ /yon tan thams cad 'byung ba'i phyir chos rnam par 'byed pa ni lam gyi bden pa yin pas shes rab kyis so/ /pha mdza' med ni mdza' ni sngon dang phyi ma'i mdza' dang rgyu dang 'bras
- 27b
bu? zhes bya ba'i bar du'o/ /yongs su rdzogs par yod pa'i dus ni pha rol lo/ /pha mdza' med ni sgyu ma lta bur med pa'o/ /gang la rang bzhin yod pa ni rang bzhin te/ de ni pha mdza' ste rgyu dang 'bras bu'i rang bzhin spangs zhes bya ba'i bar du'o/ /'dis 'gro ba'i rang bzhin mkhyen pa'i phyir 'jig rten mkhyen pa ste/ de bzhin gshegs pa rnams kyis ji ltar snang ba'i bden pa la'o/ /de dag gi rang bzhin gang la yod pa de ni gang gi phyir rigs pas la? mdza' med pa'o/ /de bas na rten cing 'bral par 'byung bar smra ba'i phyogs bdag med pa'i rnam pa gcig gis chos thams cad mnyam par bsgom pa dang/ dngos por smra ba'i phyogs nyan thos kyi theg pa la sogs pa bden pa mi rtag pa'i rnam pa'i bye brag bsgom pa yin par rnam par bzhag te/ rtag pa la sogs pa'i chos gzhan sgro? btags pa srid pas de'i phyir 'gal ba med do/ /dngos por smra ba'i phyogs la ci'i phyir mi brten ce na/ 'du shes zhes bya ba la sogs pa gsungs te/ 'jig rten pa grags pa'i gzugs pa sogs pa de dag zhi gang zhig ming tsam ste/ 'di dag thams cad ming tsam ste/ 'di dag thams cad ming tsam gnas/ /brjod pa las ni gzhan gyur ba/ /brjod par bya bar rab tu brtags zhes gsungs pa'i phyir ro/ /'dren pa ste 'gro ba'i bla mas btags pa tsam du'o/ /tsam gyi sgras ni rnam pa gzhan gcod pa dbyed de/ ming tsam du yongs su bsgrags so/ /de bas na ming btags pa yin par shes nas bdag med ba'i rnam pa bsgoms pas gang zhig mthong ba'i lam gyis spang bar bya ba'i dngos po de ma thag pa'i lam gyi stobs kyis spangs pa phun sum tshogs pa'i pha rol tu 'gro ba yin no/ /thob par bya ba'i dngos po thob pa ni rnam par grol ba'i lam gyi stobs kyis yin te/ ye shes phun sum tshogs bar 'gro zhing 'du shes dang bral ba thob pa de nyid kyi phyir dor bar bya ba dang blang bar bya ba mngon sum
- 28a
du byas nas pha rol tu phyin te/ rang bzhin phyin ci ma log par rtogs pa'i pha rol tu phyin pa ni 'dir mthong ba'i lam la gnas par 'gyur gyi gzhan phyin ci log gi rang gzhin la mi brten to/ /don dam par bsgom pa rgyud ? bcas pa yod pa'i phyir phyin ci log gi rang bzhin yod do zhe na/ gal te zhes bya ba la sogs pa gsungs te/ gal te gang+gA'i rlung gi bye ma snying du bcom ldan 'das bzhugs te yod pa yin no zhes yod pa'i sgra yongs su bsgtags kyang gtso bos kyang mi sbyor na/ skye ro'i ? gzhan kyis kyang de bzhin du yod do zhes bya bar spyod pa ltag pa yod de yod mi srid pas rgyu med pa la sogs pa'i nyes pa dang bral ba'i phyir gzod ma nas nyes pa med pas shin tu dag pa yin no/ /gzhan gang las rgyur gyur ba de sgrub par byed pa'i tshad ma med pa'i phyir yod pa skye bar gal 'gyur/ de bas na dngos po yod pa zhes bya ba phyin ci log gi rang bzhin yin pa'i phyir sngar ji skad bstan pa de ltar shes rab pha rol phyin mchog ni mthong ba'i lam gyi bdag nyid do/ /spyod pa ni bdag med pa'i rnam pa gcig pa'i chos thams cad khyad par dang bral ba la rjes su gnas shing rtogs zhes bya ba'i bar du'o/ /de lta bur gyur pa nyid kyi mthong ba'i lam bsgom pa ni sngon gyi de bzhin gshegs pas lung bstan pa thob par 'gyur zhes nye bar bsdu ba'i phyir/ ? tshe zhes bya ba la sogs pa gsungs te/ gang gi tshe pha rol tu phyin pa mchog dang ni ji skad bstan pa'i lam gyi rang bzhin bsgom pas rtogs pa thob pa de'i tshe lung bstan par gyur te/ sngon gyi bcom ldan 'das mang me mdzad kyis dngos po thams cad ji lta ba bzhin du rtogs pas na khyod ma 'ongs pa'i dus su sangs rgyas su 'gyur ro zhes gsungs so/ /phan pa dang bde pa dang mthun pa'i phyir mthun par smra bar gyur par rgyal ba gsung ngo/ /rnam pa thams cad mkhyen pa nyid du bstan pa'i mthor ba'i lam la
- 28b
? pa'i lam sngar bstan pa'i rigs pas lam shes pa nyid logs shig tu rnam par bzhag go/ dang bstan ba'i des par 'byed pa mthong ba'i lam 'di'i yin par gzung bar bya'o/ /yon tan rin po che spung pa tshigs su bcad pa las brgya byin gyi le'u ste gnyis pa'i bshad ?// //mthong ba'i lam gyis rjes la bsgom pa'i lam brjod par bya ba yin mod kyi brjod par bya ba nyung ba'i phyir dang/ 'bras bu la gzhol bas gdul bya 'jug par bya ba'i phyir bstan te/ shin tu rnam par dag pa bsgom pa'i lam gtso bo yin pas de byed pa'i bstan pa'i phyir/ shis rab pha rol phyin pa zhes bya ba la sogs pa gsungs te/ shes rab kyi pha rol tu phyin pa ni 'dir sgom pa'i lam gyi rang bzhin gang la te/ de'i bdag nyid la sbyor zhing gnas pas 'gro ba skyob pa ni mgon po ste/ 'jam dpal la sogs pa'i byang chub sems dpag/ /'di la gang zhig rtag tu ni thams cad du'o/ /gzhung dang don 'dzin pa dang/ thos pa dang/ bsams pa dang/ sgom pa'i rang bzhin gyi shes rab ni chub par byed ba'o/ /chos nyid 'jig par byed pas dngos por mngon par zhen pa byed pa ni dug go /bsreg pa'i bdag nyid yin ba'i phyir 'dod chags ni me'o/ /zug rdu'i bdag nyid yin pa'i phyir mtshon ni zhe sdang do/ /gti mug gis grang ba dang dro ba med par byed pas chu'o/ /mi tshugs pa ni bsgom pa'i lam gyis shin tu mnyam par byas nas kun tu mi spyod pa'o/ /rnam pa gzhan yang rigs pas phyi'i yang dug la sogs pas mi tshugs shing mi nus par rtogs par bya'o /de bzhin du bdud dang bdud kyi sde ni de'i 'khor te phyogs so/ /bdud kyi glags te nyes pa dang bug pa mi rnyed de/ gang gi skabs gzung bas kyang gnod par mi 'gyur ro/ /byed ba'i rjes la sgom pa'i lam brjod par bya ba yin pas de yang zag pa dang bcas pa dang/ zag pa med pa'i bye brag gis rnam pa gnyis so/ /de la zag pa dang bcas pa yang mos pa dang/ yongs su bsngo ba dang/ rjes su yi rang ba yid la byed pa'i mtshan nyid kyi dbyings gsum du 'gyur ro/ /zag pa med pa yang sgrub?
- 29a
pa dang/ rnam par dag pa'i dbyebs rnam pa gnyis su 'gyur ro/ /de la dang po so so pa yid la byed pa zag pa dang bcas pa ni yang dge ba'i chos rnams mngon par 'du byed de/ gser gyi sbram bu 'byung khungs nas thob pa bzhin du yongs su rdzogs pa'i rang bzhin spyir ji lta ba bzhin du mos pas mthong ba'i dge ba'i chos la dmigs pa dang ldan pas dgos pa ma lus pa 'dus pa'i gtso bo shes rab kyi pha rol tu phyin pa'i yul la mos pa dang/ dri ba la sogs pa byed pa ni bsod nams mang po la sogs par bstan to/ /de yang rang gi don dang/ rang dang gzhan gyi don dang/ gzhan gyi don dang gsum las nga'o snyam pa'i nga rgyal gyi bag chags ma spangs ba'i phyir rang gi don du mos pa yin no/ /de bstan pa'i phyir la las zhes bya ba la sogs pa gsungs te/ mya ngan las 'das pas 'dul ba'i sems can rjes su gzung ba'i phyir sprul pa'i sku nye bar bstan nas/ de bzhin gshegs pa'i mya ngan las 'das pa'i mchod rten la las te/ sems can gang yang rung ba zhig gis mu sa la garb+ha dang/ dai DUrya dang/ gser dang/ dngul dang/ shel dang/ mu tig dmar po dang/ a sma garb+ha dang bdun te/ rin chen sna bdun las byas shing mchod byed la te/ rim pa bzhin du rin po che sna bdun gyi rang bzhin dpe gang gA'i klung gi de bzhin gshegs pa'i mchod rten bgyis shing 'jig rten gyi khams bye ba brag stong bsad ste/ des mchod rten byas nas mchod byed ces bya bar 'brel to/ /rim pa de bzhin du sems can ji snyed bas zhing dbye ba mdza' yas par yongs su brtag pa gzung nas zhes bya bar 'brel to/ /mchod rten de snyed byas te/ de dag thams cad kyis mchod pa byed pa las las gzhan mi byed pa lha 'i me tog la sogs pa rnams kyis bskal bar dus gsum du yang dang yang du 'am phyis kyang lhag par mchod la/ yang 'gror gzhan gang zhig rang gi don phun sum tshogs pa'i ched du mos pa bskyed de/ sna tshogs pa'i gzugs kyis don byed pa ni rnam 'dren
- 29b
te/ bcom ldan 'das ?/ gnas dang gnas ma yin pa mkhyen pa'i stobs la sogs pa dang 'brel pa ni stobs bcu pa ste/ de las 'di 'byung bar 'gyur te/ gzhung gi bdag nyid bde bar gshegs pa'i yum 'di glegs bam la bris te/ gzhung dang don 'chang bar byed cing me tog la sogs pas mched cing ba sti stang byed gyur na bsod nams/ gyi yul gyi bye brag de bzhin du bstan to/ /rnal ma'i don nye bar u? ba'i phyir/ mchod rten byas zhes bya ba la sogs pa gsungs te/ sngar bstan pa'i mchod rten la mchod pa byas ba ci 'dra ba'i bsod nams kyi phung po yongs su gzung ba des kyang ni snga ma la mchod pa'i bsod nams cha? phra bas char mi phod do/ /de lta bas na shes rab kyi pha rol tu phyin pa la de bzhin du rang gi don 'dod pas mos pa bskyed par bya'o zhes bstan bar 'gyur ro/ /de'i rjes la bdag dang gzhan mnyam pa'i phyir bdag dang gzhan gyi don du mos pa yin te/ de bstan ba'i phyir rgyal ba'i zhes bya ba la sogs pa gsungs te/ gang dag phyogs pa chu rnams su bstan pa nub par gyur ba'i phyir 'das pa'o/ /gang bstan pa ma byung ba'i phyir ma 'ongs pa'o/ /gang yang bstan pa gnas pa ni 'jig rten mgon te/ de dag thams cad kyis rig sngags chen mo 'di la bslabs bas phyin ci log gi bag chags kyi sgrib pa thams cad dang/ nad rnams nye bar zhi bar bstan to/ /bla na med pa'i rig sngags kyis 'dren par gyur to? 'gyur ro?/ gyur ba de bas na shes rab kyi pha rol tu phyin pa 'di ni bcom ldan 'das zhes bya bar 'brel to/ /mya ngan ni sdug pa dang bral ba la sogs pas sems gdungs pa'o/ /sdug bsngal ni bzod par dka' pa lus kyi tshor pa'o/ /chos ni nad kyis dag 'tshol ba'o zhi byed ni bsal ba'o/ /sems can khams mang ni 'gro ba ma lus pa sangs rgyas thob par byed ces bya ba'i bar du'o/ /gal te de bzhin gshegs pa kho na bskyed pa'i don byed na byang chub sems dpa' i ma yin zhe na/ gang dag ces bya ba la sogs pa gsungs te/ byang chub sems dpa' gang dag spyad par bya ba'i sbyin pa la sogs pa spyod pas sems
- 30a
can la phan pa'i rang bzhin dang brtse ba'i phyir snying brtser bcas ba'o/ /de dag gis kyang rig sngags 'di la bslabs nas mkhas pa thob pa ste byang chub rag go /gang yin pa'i bde ba 'dus byas pa ni lha la sogs pa rnams kyi'o/ /'dus ma byas kyi bde ba ni nyan thos rnams kyi'o/ /de kun 'di las 'byung bas ma'o/ /bde ba de kun 'di las 'byung bar rig par bya'o/ /de bas na de dag gi don byed par bstan par 'gyur ro/ /yang ji ltar gcig gis du ma'i ngo bo byed ce na/ sa bon zhes bya ba la sogs pa gsungs te/ nyung ma la sogs pa'i sa bon sa la btab pa na nyams pa la sogs pa med pas gnas pa rim gyis 'byung bar 'gyur te/ gzhan yang shing gcig las lhan cig byed pa'i tshogs pa rnyed nas rnam par mang po'i gzugs dag 'bras bu'i rnam par rab tu skye'o/ /dpe de bzhin du lhan cig byed pa'i bye brag gi dbye bas de bzhin du gcig gis kyang rgyal ba de bzhin gshegs pa du ma'i don byed par dgongs so/ /sangs rgyas de dag gi yang byams pa la sogs pa dang po'i rgyu nyid ma yin nam ji ltar yum gcig gis rgyu nyid yin par smra zhe na/ pha rol phyin lnga zhes bya ba la sogs pa gsungs te/ byams pa la sogs pa cir ji snyed yod pa byang chub thob par byed pa nyid goms pa ni byang chub sems dpa' i yon tan no/ /khyad par du ni pha rol tu phyin pa lnga po sbyin pa la sogs pa'i chos ji snyed pa gang gi phyir de dag kun kyang shes rab pha rol byin pa las skye te/ byed pa po dang/ las dang/ bya ba mi dmigs pas phyin ci ma log par gyur pa de bas na de nyid gtso bo yin no zhes bya ba'i don to/ /de dag gi yang rjes su 'brang ba ma yin nam gang gi phyir de skad smra zhe na/ 'khor lo zhes bya ba la sogs pa gsungs te/ ji skad du/ gser dngul zangs lcags 'khor lo can/ /de dag gling gcig gling gnyis dang/ gsum dang bzhi la mas rim bzhin zhes gsungs pa'i 'khor lo sgyur ba bzhi las gang yang rung ba la rgyal po gzhan yang 'khor lo
- 30b
srung? pa gang nas 'gro ba'i lam nas 'gro zhing 'dud par byed de/ de nyid kyi bsod nams kyi dbang gis skyes pa'i 'khor lo rin po che la sogs pa bdun dang dpung ste glang po che la sogs pa'i tshogs kun no/ /gang de bzhin du phyin ci ma log pa'i rang bzhin gyi lam shes rab kyi pha rol tu phyin pa rgyal ba rnams kyi ste/ 'gro bas bdag med pa rtogs pa rgyud la rnal 'byor gyis bskyed de/ de'i dbang gis byung ba yin pa'i phyir yon tan kun te/ byams pa la sogs pa phyin ci ma log pa'i rab bzhin 'dzin pa'i phyir chos so/ /yang dag pa la mngon du ? pa bskyed de/ de bas na phyin ci ma log pa'i shes pa sngon du 'gro zhing de nas/ chos thams cad 'gro'o/ /yum ni gang cung zad cig gi rjes su mi 'gro ste/ bskyed bar mi byed ba'i phyir ro/ /de bas na rnam pa thams cad du rang dang gzhan gyi don 'dod pas yum la thos pa bskyed ? bya'o zhes ston par 'gyur ro/ /yon tan rin po che sdud pa tshigs su bcad pa las pha rol tu phyin pas dpag tu med pa'i phan yon 'dzin pa dang mchod rten la dkur sti bya ba'i le'u ste gsum pa'i bshad pa'o// //de nas de'i rjes la bdag gi rang bzhin du 'gro ba rnams byas pa'i phyir gzhan gyi don du mos pa yin te/ de bstan pa'i phyir/ rgyal ba zhes bya ba la sogs pa gsungs te/ de dag cha gnyis bzhag pa las ko shi ka khyod cha gang len zhes rgyal pas dri ba smras pa dang/ gang gi rgyal ba'i sku gdung gis dogs thams cad khyab par gtams te rtse mo byur bur bgyis pas gang gA'i klung gi bye ma snyed kyi sangs rgyas kyi zhing char bzhag pa de'i tshe shes rab kyi pha rol tu phyin pa'i cha 'di nyid len to zhes gsol ba'i tshigs su bcad pa'i don yin no// de bzhin gshegs pa'i sku gdung len pa la ma gus pa gang gi rgyu yin zhe na/ lan du ci slad ces bya ba la sogs pa gsungs te/ de bzhin gshegs pa'i sku gdung la mi gus pa bdag ma lags te/ 'on kyang rgyal po la nye bar brten pa'i mis de'i mthus rnyed pa
- 31a
thob ste de'i ljongs kyi yul ba thams cad kyis mchod ba ltar/ shes rab kyi pha rol tu phyin pa la nye bar brten nas chos mthar thug pa sangs rgyas nyid kyi rgyu yin pas spyir de'i dbang gis khams gsum pa thams cad kyis mchod pa brnyes so// de lta bas na shes rab kyi pha rol tu phyin pas yongs su bsgos te/ bdag nyid chen po'i rnal 'byor gyis bsten pas de'i phyir sku gdung srog chags rnams kyis mchod de/ de lta bu'i shes rab kyi pha rol tu phyin pa chen po bsten par byas pas yin no/ /gal te de lta yin na bcom ldan 'das mya ngan 'das bas rten med pa'i phyir mi mchod do snyam pa la nus pa yod par dpe sngon du 'gro ba bstan pa'i phyir/ nor bu rin chen zhes bya ba la sogs pa gsungs te/ dper na nor bu rin po che mi ma yin pa sel pa la sogs pa'i yon tan thams cad dang ldan pas de nyid kyi phyir rin thab las 'das pas rin thang med par thob bo/ /gab tshe gang du sbas pa ni gab tshe de la nor bu rin po che de'i mthus phyag bgyi bar 'os so/ /des gab tshe las phyung bar gyur pa de ni rin po che ston pa'i gab tshe la reg bar dga' ba dang/ lta ba la sogs pa ste/ kyang gi sgra ni gab tshe la yang ngo/ /yon tan thams cad kyi rgyu yin pa'i phyir yon tan gyi rang bzhin nor bu rin po che de'i yin pas na lags so/ /de bzhin du de dang 'dra bar shes rab pha rol phyin mchog yon tan gyis bcom ldan 'das mya ngan las 'das par khas blangs kyang yum gyi mthus ring bsrel gyi skal ba dang ldan pa la cho 'phrul gyi sems dang ba'i rgyu yin pa'i phyir rgyal ba'i ring bsrel te/ ring bsrel yongs su brtag pa'i mdo'i mtshan nyid dang ldan pas mchod pa brnyes so/ /de lta bas nag bzhig rgyal ba'i yon tan gzhan gyi don la mos pa yongs su 'dzin par 'tshal ba des shes rab kyi pha rol tu phyin pa bris pa la sogs pa la mngon par sbyor bas blangs nas gnod pa thams cad zhi bas na 'di ni thar pa lags te mya ngan las
- 31b
'das pa zhes bya ba'i bar du'o/ /de dag gis gzhan gyi don la mos pa bstan nas/ ci ste sbyin pa la sogs pa'i pha rol tu phyin pa gzhan la yang mos pa yod pa ma yin nam ci'i phyir rgyal ba skyed ma nyid kho na gtsor byas nas mos pa rnam pa gsum du bstan ce na/ sbyin pa sbyin pa zhes bya ba la sogs pa gsungs te/ gang gi phyir byed pa po dang/ las dang/ bya ba'i bye brag gi dmigs par sbyin pa la sogs pa'i rang bzhin la dang por 'jug pas sngon du 'gro ba shes rab ste/ de ltar tshul khrims bzod pa brtson 'grus bsam gtan de bzhin no/ /sngar bshad ba'i yang gi sgra 'dir yang sbyar bar bya'o/ /dag chos ni sbyin pa la sogs pa'o/ /chud mi gson pa ni nyan thos la sogs pa'i byang chub tu mi bsngo bas yun ring du gnas par bya'o/ /yongs su 'dzin pa ni dmigs pa yin no/ /rgyu mtshan ni tshul gcig te/ de'i snying po can yin pa'i phyir bsdus pa goms par byas sems bskyed pa la sogs pa'i chos thams cad kyang nges par byas nas snang ba ste mngon sum bzhin no/ /de bas na de la mos pa rnam pa gsum bstan to/ /de'i phyir shes rab kyi pha rol tu phyin pa la mos pa ni khyad par med par thams cad la yin te/ /dpe sngon du 'gro bas bstan par bya ba'i phyir/ dper na zhes bya ba la sogs pa gsungs te/ dper na 'dzam bu'i gling na shing mar? bye? ba stong rim pa bzhin du rgyu dang 'bras bu rnam pa sna tshogs pa rnam pa du ma gzugs mtshan nyid mi mthun ba mang po'i rang bzhin yin no/ /gang gi tshe grib ma grib ma zhes grangs su brjod pa 'ba' zhig tu 'gro zhing rab tu 'thob te/ grib ma de yang sna tshogs pa med pa'i phyir sgra tha dad pa yang med de/ khyad par med par grib ma ma yin pa gzhan las ldog bas grib na tsam mo/ /de bzhin du shes rab kyi pha rol tu phyin pas 'khor gsum rnam par dag par phyin ci ma log pa'i rang bzhin gzhan du yongs su spong ba yin no/ /lnga ni sbyin pa la sogs pa'i pha rol tu phyin pa'o/ /rgyal ba ni rnam pa thams cad mkhyen pa nyid de/ sangs rgyas nyid du mtshon bar gyur ba'i yongs su bsngo
- 32a
pa yid la byed pas yongs su bsngos na sbyin pa la sogs pa de dag pha rol tu phyin par 'gyur te/ rgyal ba'i zhes bya ba snga ma dang 'brel to/ /rnam ba gnyis kyis sbyin pa la sogs pa lnga pha rol tu phyin pa yin te/ shes rab 'phel ba ni gtso bo'i don dang mthun pa'i phyir pha rol tu phyin pa ste/ drug pa ni rab tu grags pa yin no/ /gtso bo shes rab kyi pha rol tu phyin pa ma yin pa rnam par bcad pa'i phyir pha rol tu phyin pa zhes ming du brjod de/ sna tshogs pa'i khyad par spangs te tshul gcig pas rang bzhin gcig par 'gyur ro/ 'gyur ba byang chub kyi ngo bor ro/ /de bas na phyin ci ma log pa'i chos nyid gsal bar byed pa'i phyir yum gang yin pa nyid 'dri ba la sogs pa'i bsam pas yongs su dag pas de nyid thams cad du gnas par gyur ba yin no/ /yon tan rin po che sdud pa tshigs su bcad pa las yon tan yongs su brjod pa'i le'u ste bzhi pa'i bshad ba'o// //mos pa 'di gsum gyis bcos ma'i nyes pa spang ba ni goms pa yin par shes nas bcos ma spangs pa'i phyir rjes su 'gro ba'i sgo nas bstan pa ni byang chub sems dpa' zhes bya ba la sogs pa gsungs te/ byang chub sems dpa' gang zhig gis kun brtags pa'i gzugs mi rtag pa dang/ gang zhig rnam par brtag pa'i gzugs la sogs pa'i skad cig gzhan du mi gnas pas mi rtag pa dang/ chos nyid kyis gzugs kyi bdag nyid gzung ba dang 'dzin pa dang bral bas mi rtag pa'o zhes mos pas mos par bya zhing gsal bar byed na de bcos ma ste skabs kyi don spangs nas spyod pa ste/ dngos po'i rang bzhin rab tu mi shes pa'i phyir ro/ /gang gi phyir chos rnams sgyu ma lta bur khod du chud pas skye bo mkhas pas nam yang chos rnams 'jig par mi ? 'jog par mi byed de/ dngos po 'di dag brdzun pa'i phyir ro/ /ldog pa'i sgo nas bstan ba'i phyir gang la zhes bya ba la sogs pa gsungs pa la gang la ni dngos po ste/ chos nyid la mes pas gzugs min tshor ba min ste ? dmigs so/ /'on kyang chos thams
- 32b
cad de kho na nyid du ma skyes shing rang bzhin gyis stong par shes pa de ni de dag ste/ shes rab kyi pha rol tu phyin pa mchog pa spyod pa yin te/ yang dag par mos pas bcom ma spangs zhes bya ba'i phar du'o/ /de nas de'i rjes la mos pa gsum bsgom par byed pa'i byang chub sems dpa' gong nas gong du 'jug cing spru bar bya ba'i phyir yang dag par yod pa'i yon tan brjod pa ni rim ba bzhin du bstod pa dang/ bkur pa dang/ bsngags pa sangs rgyas la sogs pas mdzad do/ /zhes ston pa la sogs pa bstan par bzhed nas/ la las zhes bya ba la sogs pa gsungs te/ la las gang gA'i? klung gi bye ma snyed kyi sangs rgyas kyi zhing rnams kyi sems can ji snyed pa kun dgra bcom pa nyid la bkod pa bas/ gang gi shes rab kyi pha rol tu phyin pa 'di lta ste gzhung gi bdag nyid la mos par byed pa gang yang rung ba la yi ger bris te/ sems can gzhan rnams glegs pa ma byin na? de pas 'di bsod nams rab tu mang po skye ste/ snga ma'i don byed pa las khyad par du 'phags so/ /gang gis glegs bam tsam byin pas bsod nams khyad par du 'phags zhe na/ lan du ci phyir zhes bya ba la sogs pa gsungs te tshigs su bcad pa 'dir rim pa gzhan du sbyar te/ shes rab kyi pha rol tu phyin pa 'dir mnyan pas nyan thos kyi rang gi rnam par grol ba dang/ rang sangs rgyas kyi rang gi byang chub dang/ de bzhin gshegs pa'i sangs rgyas te bsam pa dang bsgom pas myur du reg go/ /'di ltar glegs bam ni 'dir yum yin te/ blangs nas de la bslabs pas mu stegs can dan ba smra bas zil gyis mi gnon pa'i phyir ? mchog ste/ 'dir stong pa nyid ni byang chub rnam pa gsum po ma lus pa de'i rgyu mtshan yin pa'i phyir ro/ /des pa na mtshad pa med pa ni byang chub gsum byin pa yin pa'i phyir glegs bam tsam phyin pa bsod nams lags? pa'i rgyu yin te/ 'di nye bar mtshon pa yin pa'i phyir yum la 'dir gang yang rung pa'i byang chub sems dpa' mos pa ni thams cad nas bsod nams khyad par du 'phags pa'i rgyu yin pas gcung? bar bya'o/ /byang chub kyi sems kyi bdag nyid chos thams cad kyi gzhi yin no/ /de bas
- 33a
na bstong pa la sogs pa'i spro ba bskyed ba'i phyir myu gu zhes bya ba la sogs pa gsungs te/ dper na nye bar len pa'i rgyu myu gu med na 'jig rten du sdong bu dang ljon ba 'byung ba yongs su mi srid do/ /de la yal ga la sogs pa ga la 'byung? de bzhin du ? kyi sems nye bar len pa'i rgyu sa bon yong ye med na/ yang brgya byin la sogs pa de bzhin gshegs pa la bsnyen bkur bya ba la sogs pa rnams ga la 'byung/ ci ste byang chub kyi sems med pas sems can rnams sangs rgyas su mi 'gyur ro zhes bya ba la sogs pa ste pa grub? pa yin zhe na/ nyi ma'i zhes bya ba la sogs pa gsungs te/ dper na nyi ma'i dkyil 'khor 'od zer stong phrag du ma 'gyed pa de'i tshe mun pa bsal nas sems can las byed brtson pa de bzhin du byang chub kyi sems stong pa nyid dang snying rje'i snying po can 'gro ba'i rang bzhin yongs su brtag par shes pa 'jig rten mkhas pa byung ba des sdug bsngal gyi rgya mtshor 'gro ba nub pa chos gyi de kho na nyid rtogs pas 'byin par nus pa yin te/ yon tan gyi chos sangs rgyas la sogs pa la yang dag par spyod do/ /gzhan du na snying rje med pa dang/ thams cad med pas sangs rgyas la sogs par mi 'gyur ro zhes bya bar dgongs so/ /rjes su 'gro pa'i sgo nas byang chub kyi sems gang yin pa de nyid kyi chos thams cad nas de med na de dag med do zhes ldog pa'i sgo nas yang dpe sngon du 'gro bas bstan pa'i phyir dper? na zhes bya ba la sogs pa gsungs te/ dper na ma dros pa'i klu bdag med par de'i mthus nges par 'byung bas 'dzam bu'i gling 'dir chu klung 'bab par ga la 'gyur te smos kyang mi dgos so/ /yang chu klung de dag med na me tog 'bras bu rnams chu med pas gang yang 'byung bar? mi 'gyur po/ rgya mtsho la yang rin po che sna tshogs ba chus reg pa'i sbyor bas 'byung ba'i gzugs mang po yang med par 'gyur ro/ /de bzhin du 'dir gsung rab dang/ byang chub kyi sems stong pa nyid dang snying rje'i snying po can med na de bzhin gshegs pa'i mthus nges par 'byung pa lan? pa
- 33b
? phab pa ma yin pa thob pa dang spod ba'i ye shes kyi rgyun 'jig rten 'di dag kun tu ga la 'byung ste spyos kyang ci dgos so/ /yang ye shes de dag med na sbyin pa'i pha rol tu phyin pa la sogs pa'i yon tan 'phel ba med do/ /byang chub kyi rgya mtshor 'grod par dga' ba rang gi don phun sum tshogs ba med do/ /sangs rgyas nas dus phyis 'byung bar 'gyur pa chos ston pa gzhan gyi don phun sum tshogs pa yang med par 'gyur ro/ /rgya che ba'i bdag nyid kyi dpe bstan pa'i phyir 'jig rten zhes bya ba la sogs pa gsungs te/ 'jig rten 'di na snang byed ji snyad pa ste phung bu la sogs pa'i skar ma dang/ me khyer la sogs pa'i srog chags su gyur pa kun gyi 'gro ba snang bar bya ba'i phyir 'di rnams phyung ba bas yang gang gi tshe nyi ma'i dkyil 'khor 'od dang ldan par gyur pa gcig gi 'od zer byung ba de'i tshe sngar bstan pa'i skar? ma la soD pa'i tshogs kyi 'od kyis cha tsam? du yang mi phod do/ /de bzhin du nyan thos la sogs pa kun gyis char mi phod do/ /de lta bas na byang chub sems dpa' la sangs rgyas la sogs pas bstod pa la sogs pa zhes bya bar gnas so/ /yon tan rin po che sdud pa tshigs su bcad pa las bsod nams kyi rnam grangs kyi 'u? ste lnga pa'i bshad ba'o// //sangs rgyas thams cad kyis bstod pa dang/ bkur ba dang/ bsngags pa'i mos? pa yid la byed pa la rjes su yi rang ba 'byung bas/ da ni rjes su yi rang ba yid la byed pa brjod par? bya? ste/ de yang yongs su bsngo ba sngon du 'gro ba dang mi 'gro ba'i dbye bas rnam pa gnyis te/ gang gi tshe bdag gi dge ba'i rtsa ba rjes la byung ba'i sems kyis yongs su bsngos nas rjes las byung ba'i sems kyis yongs su bsngos pa la rjes su yi rang bar byed pa de'i tshe ni dang po yin no/ /yang gang gi tshe bdag nyid kyi ser sna la sogs pa'i sems tshar bcad nas gzhan gyis sbyin pa la sogs pa byas pa la rjes su yi rang bar byed pa de'i tshen ni gnyis bar gyur pa yin no/ /gtso bo yin pas rjes su yi rang ba yid la byed pa bstan pa'i phyir/ nyan thos chogs zhes
- 34a
bya ba la sogs pa gsungs te/ nyan thos tshogs rnams ji snyed sbyin dang tshul khrims dang bsgom pa de ni gang gi tshe byang chub sems dpa' ni nye bar mtshon pa yin pa'i phyir sangs rgyas la sogs pa'i dge ba'i rtsa ba gzhan la mchog tu rjes su yid rang bas yi rang bar byed cing chos thams cad mi dmigs pa sngon du 'gro bas ser sna tshar gcad pa'i sems kyis rab tu dga' bas sems gcig pa de'i tshe rjes su yi rang ba'i bsod nams kyi char yang sbyin pa la sogs pa'i nyan thos kyi bsod nams kyi phung po de dag thaMs cad kyis bod do/ /yang dag pa'i rjes su yi rang ba des ni yongs su bsngo bar byed pa yin pas de'i rjes la yongs su bsngo ba yid la byed pa brjod par bya ste/ de yang rjes su yi rang ba sngon du 'gro ba dang mi 'gro ba'i dbye bas rnam pa gnyis so/ /'di ltar gang gi tshe rang gi dang gzhan gyi bsod nams mnyam du thob par bya ba'i phyir gzhan gyis byas ba'i dge ba'i rtsa ba la rjes su yi rang bar byas nas yongs su bsngo ba de'i tshe de ni dang po yin no/ /gang gi tshe yang bdag nyid kyi sbyin pa la sogs pa mi zad par bya ba'i phyir yongs su bsngo bar byed pa de'i tshe ni gnyis pa yin no/ /gtso bo yin pa'i phyir yongs su bsngo ba yid la byed pa dang por bstan pa'i phyir 'das dus zhes bya ba la sogs pa gsungs te/ sangs rgyas bye ba khrag khrig gang ni 'das dus sngon gyi'o/ /bcom ldan 'das mdza' yas gang zhig mang bye stong dag na gang bzhugs par gyur pa ste/ phung po lhag ma dang bcas pa'i mya ngan las 'das pa brnyes nas chos bstan pas 'gro ba'i sdug bsngal sel bar mdzad pa ni 'jig rten mgon po rnams so/ /de dag gi dang po byang chub mchog tu sems bskyed pa nas rnam par 'dren pa rnams kyi dam chos zad pa'i dus kyi bar de/ de dag gi dbus kyi rgyal ba rnas kyi bsod naMs kyi tshoD dag mos pas spyod pa'i sa gnyis nas gzung ste phan tshun lhan cig byed pa ni bcas pa'o/ /mi dmigs par zhugs pa dang ldan pas spyod cing sbyin pa la sogs pa'i pha
- 34b
rol tu phyin pas rab tu dga' ba la sogs pa sa bcu la gnas te/ ma 'dres pa bco brgyad la sogs pa sangs rgyas kyi chos gang dag ni kun tu 'od sangs rgyas kyi sa'o/ /gang yang sangs rgyas sras rnams dang ni nyan thos rnams te/ slob dang mi slob dge ba zag bcas zag med pa'o/ /dang gi sgras ni gzhan so so'i skya bo rnams kyi bsod nams kyang ngo/ /tshad med pa la sogs pa rnams kyi rang bzhin yongs su bsdus nas de dag thams cad sems la bzhag ste byang chub sems dpa' rjes su yi rang pa'i byed pa ni shin tu dad pa dang/ shin tu dga' bar byed cing rang gis de dag thams cad sgrub pa'i ched du dge ba byed pa'o/ /rjes su yi rang ba'i bsod nams dang/ chos thams cad mi dmigs pa'i tshul gyis bsngo bas 'gro ba'i don mngon par mtho pa dang/ des par legs pa'i gzhi'i mtshan nyid byang chub kyi rgyur gyur pa bla na med pa'i byang chub tu bsngon de ltar yongs su bsngo ba ni yang dag par yongs su bsngo ba yin no/ /des phyir bstan pa ma yin na ma ji ltar mi dmigs pas yongs su bsngo ba khyad par du byas zhe na/ yongs su bsngo gsal te zhes bya ba la sogs pa gsungs te/ yongs su bsngo na byang chub sems dpa' gal te 'di ni yongs su bsngo ba'i sems so zhes sems par gyur na mngon par zhen pas sems su 'du shes pa yin no/ /de bzhin du byang chub gang du yongs su bsngo ba der dmigs pa ni byang chub tu dmigs pa yin no// yongs su bsngo ba'i yid kyis bsod nams yod par rtogs pa ni sems can du 'du shes pa yin no/ /de bas 'du shes ni mtshan mar 'dzin pa'i bdag nyid yin pas dmigs pa'i rgyu lta gnas te/ mngon par zhen nas bdag gis 'di der yongs su bsngo bar byas so zhes seMs par byed do/ /las dang/ byed pa dang/ bya bar dmigs pa thams cad la mngon par zhen pa dang ldan pa'i phyir 'brel pa ni chags pa'o/ /de bas na tshad mas gnod pa'i phyir dmigs pa ni phyin ci log gi rang bzhin yin pa'i phyir yongs su bsngo ba ma yin no/ /da lta yin na ji
- 35a
ltar yongs su bsngo zhe na/ gal te zhes bya ba la sogs pa gsungs te/ gal te 'di ltar byang chub sems dpa' zhes yongs su bsngo ba'i chos nyid rang bzhin gyis 'gags par shes shing nyams pa ni zad pa ste bsags pa nyams pa de lta bu chos rnams shes pas gang du sangs rgyas su yongs su bsngo bar byed na yongs su bsngo ba'i yid la byed pa'i chos kyi bsod nams bya ba'i dngos po rang bzhin gyi dngos po'i chos bya ba'i rang bzhin yongs su bsngo ba bsgrub par mi nus te/ sgyu ma'i skyes bu ? yongs? su bsngo bar byed na de'i tshe yongs su bsngo bar gyur pa yin te/ de ltar chos thams cad mi dmigs pa'i phyir ro/ /las dang bya ba la sogs pa shes rab kyis yid la byed pa de lta yin na/ kha cig tu ji ltar dmigs pa gtsor? gsungs zhe na/ gal te zhes bya ba la sogs pa gsungs te/ gal te byang chub sems dpa' sgyu ma lta bur rtogs pa nyid bden gyi gzhan ni ma yin no/ /zhes 'dzin par byed na/ de'i tshe phyin ci log gi rang bzhin du yongs su bsngos? pa'i phyir de bas na gcig tu mtshan mar mngon par zhen pa mi dmigS pa de lta bu byang chub tu yongs su bsngo ba yin te/ yang dag par zhugs pa'i phyir ro/ /ji ltar dug dang 'dres pa'i kha zas zos na mthar rnam par smin pa sdug bsngal myongs na bde ba tsam byed pas bzang po zhes brjod do/ /de bzhin du dkar po'i chos rnams la dmigs pas yongs su bsngo ba ni byang chub nyams pa'i rgyu yin mod kyi 'on kyang las dang po pa rnams sems dang bar byed pa tsam la bltos nas bcom ldan 'das kyis mchog tu gsungs pa de bas na 'dir mngon par zhen par mi bya ste/ yongs su bsngo ba'i yid la byed par bstan pa dang/ rjes su yi rang ba'i yid la byed par bstan pa'i rigs pa thams cad kyang bzung bar bya'o/ /de ltar yid la byed pa gnyis rgya cher bstan nas nye bar bsdu ba'i phyir/ de ltas zhes bya ba la sogs pa gsungs te/ de ltas 'di ltar rnam pa gang dang gang gis
- 35b
kyang rung? ste/ dmigs pa des pa yin pas sgyu ma lta bur rtogs pa med kyang ji ltar sangs rgyas bcom ldan 'das de dag gis mkhyen cing bsngags pa'i dbang du mdzad nas rigs pa gang yin pa rnam par dpyad mi bzod pa'i 'bras bu bskyed nus pa gang yin pa dang// gcig? dang du ma'i rang bzhin dang bral ba'i mtshan nyid gang yin pa rab tu mkhyen pa de ltar bdag gis rjes su yi rang bar bya/ /de ltar bdag gis yongs su bsngo bar bya'o zhes de bzhin du rjes su yi rang ba dang/ yongs bsde ba la bslab par bya'o/ /de lta bu ni byin ci ma? log par phyin pa'i phyir yang dag par zhugs pa yin par dgongs so/ /de las yon tan mi zhig tu 'gyur zhe na/ de ltar zhes bya ba la sogs pa gsungs te/ de ltar de bzhin du bsngo ba la mngon par zhen pa med pa'i spyod bas bsod nams byang chub tu yongs su bsngo bar byed pa ni nye bar mtshon? pa nyid de rjes su yi rang ba la yang ngo/ /de nyid kyi phyir phyin ci ma log pa la zhugs pa nyid kyi 'bras bu mthong bas sangs rgyas mi spong ste/ de bas na de nyid kyi phyir des gsungs pa'i rim pa bzhin smra zhing rjes su yi rang bar byed pa ni rgyal ba rnams kyis gsungs pa smra ba yin te/ 'gro ba ji snyed pa la dmigs pa can gyi byang chub sems dpa' de dag thams cad zil gyis gnon pa yin te/ bsod nams mang po yongs su 'dzin pa'i phyir ro/ /ji skad bstan pa'i rigs pas yongs su bsngo ba dang/ rjes su yi rang ba ni dmigs pa thams cad kyis bsnyengs pa med pa ni dpa' bo ste byang chub sems dpa' zhes bya ba'i bar du'o/ /yid la byed pa 'di yang snga phyi des ba ni ma yin te/ stong phrag brgya pa las dang po bsngo ba yid la byed pa bstan nas/ phyis rjes su yi rang pa yid 'khyed pa bstan to/ /'dir bzlog par shes bar byed par rtogs par bya'o/ /yon tan rin po chab? sdud pa tshigs su bcad pa las yongs su bsngo ba'i le'u ste drug pa'i bshad pa'o// //sgom pa'i lam zag pa dang bcas pa ni rnam pa gsum mo/ /de'i rjes la sgom pa'i lan?
- 36a
zag pa med pa bsgom par bya ba yin te/ de yang rgyu dang 'bras bu'i dbye bas rnam pa gnyis yod pas dang po sgrub pa'i mtshan nyid bsgom pa'i lam bstan par bzhed nas/ dmus long zhes bya ba la sogs pa gsungs te/ dper na ? yongs su bye ba khrag khrig rnams long khrid dang bral ba'i phyir khrid pa med pa rnams kyis yang lam gyi rang bzhin yongs su mi shes pas nam mkhas pas grong khyer tu 'jug pa la mkhas par gal 'gyur te smos kyang ci dgos so/ /de bzhin du bsgrub pa'i mtshan nyid kyi shes rab kyi pha rol tu phyin pa dang bral bas sbyin pa la sogs pa'i pha rol tu phyin pa lnga po dmigs bu med pas dbus long lta bur rdzur pa yin pa'i phyir mig dang bral bas sangs rgyas nyid thob par byed pa rab tu dga' ba la sogs pa'i sang? 'jugs pa la khrid par byed pa'i dmigs su? med pas thob par mi nus pas byang chub reg par nus pa ma yin te/ rnam pa thams cad mkhyen pa'i grong khyer du 'jug par mi nus zhes bya ba'i bar du'o/ /de lta na gang du yang dag pa'i mig 'thob ce na/ gang tshe zhes bya ba la sogs pa gsungs te/ gang gi tshe mthong ba dang shin tu rnam par dag pa'i lam gnyis kyi dbus mtshams zag pa med pa'i rgyu'i gnas bsgom pa'i stobs su yang gyur pa'i shes rab kyis sbyin pa la sogs pa gzung ba de'i tshe der thams cad phun sum tshogs pa'i rgyu shes rab kyi mig rnyed ga ste/ mig 'thob par 'gyur ro/ /de nyid kyi phyir sangs rgyas su 'go bas sbyin pa la sogs pas kyang pha rol tu phyin pa'i ming 'thob po/ /gzhan du dmigs med pas dper na re? mo'i? las ni yongs zin te/ thams cad rdzogs kyang rim mkhan gyis de'i mig ma bris pa de srid gla rngan mi 'thob pa bzhin te/ mig ma byas pa de bzhin du thams cad phun sum tshogs par mi 'gyur ro zhes dgongs so/ /gal te sgrub pa'i shes rab kyi stobs kyis sbyin pa la sogs pa pha rol tu phyin pa'i rang bzhin yin na yang de'i gang las 'gyur zhe na/ gang tshe zhes bya ba la sogs pa gsungs te/ gang gi tshe 'dod
- 36b
pa'i khams la sogs pa 'dus byas dang/ stong pa nyid la sogs pa'i mdus ma byas nag po'i chos te/ nyan thos la sogs ba dang 'brel ba dor bar bya ba yin no/ /dkar po ni rdul phra rab tsam yang mi dmigs pa'i shes rab bsgrub pa'i bdag nyid kyi byang chub sems dpa' sgyu ma lta bur bsgom pa de'i tshe shes rab rang nyid kho na pha rol tu phyin pa zhes bya ba'i grangs su 'gro bar brjod do/ /'jig rten ji ltar gyur pa zhig ce na/ nam mkha' gang la'ang cung zad mi gnas te/ cung zad cig gis rang bzhin de dang 'dra bas yongs su dag pa sangs rgyas dang byang chub sems dpa' la skye bo zhes bya ba'i bar du'o/ /de lta bur gyur pa'i chos kyi dbyings la mngon par zhen pa phyin ci log yin no zhes pa'i phyir/ gal te zhes bya ba la sogs pa gsungs te/ 'di snyam du rgyal ba'i shes rab kyi pha rol tu phyin bsgrub pa'i rang bzhin la gang gi phyir spyad par bya'o snyam nas sems can skye ba'i sdug bsngal la sogs pas reg pa khrag khrig mang po ni nye bar mtshon pa'o/ /dgrol snyam sems dpa' de'i tshe phyin ci log tu zhugs pa'i phyir sems can yongs su rtogs byang chub sems dpa' gyur ba ma yin zhes bya bar 'og tu sbyar te/ de ni shes rab ji skad bstan pa'i rang bzhin pha rol phyin mchog spyod pa yin zhes bya ba nas sgrub pa ma yin zhes bya ba'i bar du'o/ /de'i rjes la gnyis pa shin tu rnaM par dag pa'i mtshan nyid kyi bsgoM ba'i lam bsgom par bya ba yin pas de skye ba'i rgyu dang mi skye ba'i rgyu nyid go rim ji lta ba bzhin du blad ba dang dor ba'i phyir re zhig bskyed pa'i rgyu rtogs par bya ba'i ched du byang chub sems dpa' gang zhig ces bya ba la sogs pa gsungs te/ byang chub sems dpa' gang zhig gis de bzhin gshegs pa mnyes pa sngon du bsngo bas shes rab kyi pha rol tu phyin pa la mngon du phyogs bas yun ring por spyad pa ni sngon spyod de/ thabs la mkhas pa'i stobs kyis mkhas pa yang yin te/ thos ma thag tu de ni ston pa'i 'du shes bskyed pa 'gyur re/ /skye pa'i rgyu de nyid dang ldan pas shin tu rnam par dag pa'i mtshan nyid bsgom pa'i lam
- 37a
myur du rtogs par 'gyur ro/ /chos ma lus pa'i chos nyid rtogs pa ni byang chub po/ /gnod pa thams cad zhibs na zhi ba'o/ /bskyed pa'i rgyu'i rjes la mi bskyed pa'i rgyu bstan pa'i phyir sngon spyod ces bya ba la sogs pa gsungs te/ sngon spyad pa spyod pa'i tshe na sangs rgyas khrag khrig la yang dag par mchod cing 'khor la sogs pa phul yang de ltar shes rab kyi pha rol tu phyin pa ma yin ste/ phung por mngon par zhen pa dang/ mi dge ba'i grogs po bsten pa dang/ bdud kyis byin gyis brlabs pa'i rgyus rgyal pa'i yum la ma dad pa ni de mi skye ba'i rgyu'i stobs kyis mngon par 'dod pa'i lam spangs nas skyabs med par 'gyur ro zhes bya bar 'brel to/ /gang gis de bzhin du yum thos nas kyang chos zab mo mi rtogs pas blo chung ba de yis 'di spong bar byed de/ de spangs nas mnar med pa'i sems can dmyal ba chen por 'gro ste/ shes rab kyi pha rol tu phyin pa spangs pa nyid kyis sangs rgyas dkon mchog? la sogs pas 'dzin pa'i skyabs med par 'gyur ba zhes bya'o/ /nye bar bsdu ba'i phyir/ de lta bas na zhes bya ba la sogs pa gsungs te/ gang la ma dang pa nyid nyes pa yin pas de lta bas na byang chub sems dpa' khyod kyis gal te sangs rgyas ye shes mchog reg pa ste mngon sum du thob par 'dod na shes rab kyi pha rol tu phyin pa rgyal ba'i yum 'di la dad par gyis shig /dper na tshong pa rin chen gling du song nas ni/ zod zad slang log lta bur gyur na mi rung ngo/ /de bzhin du shes rab kyi pha rol tu phyin pa rin po che'i gling du phyin na sngon nye bar bsags pa'i dge ba'i rtsa ba mi zad pa khyad par du 'gro bar 'gyur ro/ /yon tan rin po che sdud pa tshigs su bcad pa las dmyal ba'i le'u ste bdun pa'i bshad pa'o/ //skye ba dang ni skye ba'i rgyu thob pa dang spang pa'i yul bstan nas de bzhin du skabs la bab pa shin tu rnam par dag pa'i mtshan nyid bsgom pa'i lam gyi rnam par dag pa spyir bstan pa'i phyir/ gzugs
- 37b
de dag 'bras bu dag par rig par bya zhes bya ba gsungs te/ gzugs ni rang bzhin te phung po lnga la sogs pa'o/ /bdag dang gzhan la sogs pa'i rgyus mngon par zhen pa dang bral te sgyu ma lta bu nyid ni dag pa'o/ /dang po'i 'bras bu zhes bya ba ni tshig lhag ma'o/ /de la sogs pa dag par rig par bya'o/ /gzhan du na 'bras bu dag pa skye mi srid pa de bzhin du 'bras bu rnam par dag pas kyang gzugs rnam par dag par rig par bya ste/ lhag ma yang ngo/ /rgyu ni 'bras bu'i rjes su 'brang ba'i phyir ro/ /rnam par dag pa spyir bstan nas khyad par du bstan pa ni 'bras bu gzugs dge? thams cad mkhyen nyid dag par gsungs zhes bya ba la sogs pa gsungs te/ mi lcogs med pa nas brtsams te ci yang med pa'i skye mched kyi bar gyi ni bsgom pa'i lam ste/ chos thams cad bdag med do zhes de ltar spyi la yang dang yang du dmigs pas sa? re re'i nyon mongs pa chen po la sogs pas dbye ba rnam pa dgu spong zhing chung ngu'i chung ngu la sogs pa rim gyi skyes nas rnam pa thams cad du thabs kyi pha rol tu phyin pa rnams dbang tu byed do/ /de'i tshe rtse mo'i gnas skabs 'bras bu gzugs so dag ste/ shin tu rnam par dag pa'i mtshan nyid bsgom pa'i lam thob pas thams cad mkhyen pa nyid gsum spyir yin yang lam shes pa nyid thams cad mkhyen pa yin no zhes sangs rgyas bcom ldan 'das de yis dag par gsungs so/ /de bzhin du thams cad mkhyen pa nyid dag pas 'bras bu gzugs dag? par yang gzung ste stong phrag brgya pa las de bzhin du bstan pa'i phyir ro/ de lta yin na dag pa tha dad pas phyin ci log tu 'gyur zhe na/ thams cad mkhyen ces bya ba la sogs pa gsungs te/ kun rdzob tu rnal 'byor pa'i dag pa'i bye brag tu tha dad du 'dir bstan gyi/ gzhan du na kun rdzob kyi lam rtogs par mi nus so /rigs pa thams cad mkhyen pa nyid 'bras bu dag dang gzugs dag pa/ nam mkha' i khams dang mtshungs te/ stong pa nyid kyi rang gi mtshan nyid la dbyer med de tha dad pa med do/ /'dis ni lam shes pa bstan pa yin no/ /de skad du yang mog
- 38a
mog por byed la sogs pa dang/ slob ma bse ru'i lam gang dang/ /'di dang gzhan ba'i yon tan gyis/ /phan yon che ba mthong ba'i lam/ /byed pa dang ni mos pa dang/ /bstong dang bkur dang bsngags pa dang/ /bsngo ba rjes su yi rang dang/ yid la byed pa bla med dag /sgrub dang shin tu dag pa zhes/ /bya ba 'di ni bsgom pa'i lam/ /byang chub sems dpa' mkhas rnams kyi/ /lam shes nyid ni de 'drang bshad ces gsungs pa yin no/ /dngos po thams cad yongs su shes pa med par lam yang dag par? yongs su shes pa med pas thams cad shes pa nyid bstan pa'i phyir/ dpa' bo gar spyod ces bya ba la sogs pa gsungs te/ ji lta ba bzhin du gyur pa'i shes rab kyis 'khor ba'i nyes pa mthong nas khams gsum ste 'dod pa dang/ gzugs dang/ gzugs med pa las yang dag par 'das pa dang ldan pa'i byang chub sems dpa' snying rjes sems can gyi don byed pa gzhan gyi dbang la dbang thob pa na nyongs pa med pa'i bdag nyid yin pa'i phyir nyon mongs bsal bar gyur kyang 'gro ba bdag tu 'dzin pas 'khor bar skye ba mthong nas mi rtag pas 'dul ba'i sems can rjes su bzung ba'i phyir de dag tu gnas pa'i las dang nyon mongs pas rga dang na dang 'chi ba med kyang rga ba la sogs pa sngon du 'gro ba'i 'chi 'pho ston par byed do/ /gang du shes rab kyi pha rol tu phyin pa la spyod pa na mtshan ma'i rnam par g.yengs pas rab tu mi g.yo ba'i phyir de ni dpa' bo'o/ /rnam pa thams cad du thabs la mkhas pa'i stobs kyis nye bar gyur pa thob pa yin no snyam du dgongs pa yin no/ /de ltar nye par gyur pa'i rgyal ba'i sras thabs la mkhas pa rang phyin ci ma log pa'i shes rab kyi pha rol tu phyin pas 'khor ba dang mya ngan las 'das pa la mi gnas par bsgrubs pa de las bzlog nas bstan pa ni thams cad shes pa la dbang du byas pa yin te/ thabs la mi mkhas pas yang dag pa'i shes rab kyi pha rol tu phyin pa dang ring bar gyur ste/
- 38b
nya thos la sogs pa rnams ni rang gi rtogs pa tsam gyi shes rab kyi pha rol tu phyin pas snying rje dang shes rab dang bral bas 'khor ba dang mya ngan las 'das pa la ji ltar 'brel pa bzhin du gnas te/ dngos po dang dngos po med pa gnyis la dmigs pa yin par shes par bya'o/ /de bas na nyan thos la sogs pa'i gnyen po ni byang chub sems dpa' i mi mthun pa'i phyogs yin no zhes bstan pe'i phyir? 'gro pa 'di dag ces bya ba la sogs pa gsungs te/ 'dod pa ni 'dod pa ste/ mi rtag pa la sogs pa'i rnam pa dang ldan par nyan thos la sogs pa mngon par zhen pa yin pa'i phyir ro/ /gzugs ni 'dir spyi ste rang bzhin yin par brjod do/ /gzugs kyi rang bzhin no/ /'gro ba 'di dag ni bcud dang snod kyi 'jig rten gnyis so/ /'dir byang chub sems dpa' skye bo 'dam la phyir ba ni bsdams pa'i gnas te/ chags pa ni mngon par zhen pa'o/ /'gro ba drug po de dag 'khor ba'i 'khor lor ni phyin ci log ma spangs pa'i phyir 'khyams te mi bstan pa'i phyir rlung gi 'khor lo lta bu'o/ /mi shes pa'i phyir 'khrul pas de'i ngo bo ma yin pa las ma grol bas chos dang chos can du 'dzin pa'i phyir ro/ /ri dags rgyar tshud pa dang 'dra bas de'i mi mthun pa'i phyogs yin pa'i phyir 'jug par mi bya bar dgongs so/ /de lta mod kyi rgyal ba'i sras rnams kyi gnyan po ji lta bu yin zhe na/ shes rab ldan pa zhes bya ba la sogs pa gsungs te/ ji ltar nam mkha' la dad pa la sogs pa'i bya ba rnam par spyod pa na de la rten med de/ nam mkha' la dngos po'i rang bzhin du gyur pa ma yin pa'i phyir ro/ /de nam mkha' i bya dang 'dra bar shes rab ldan pa'i byang chub sems dpa' gzugs la sogs pa la spyod do/ /de la chos dang chos can gyi dngos por mi brten te/ gzugs la sogs pa med pa'i phyir ro/ /de bas na mi dmigs par bstan pa nyid gnyen pa yin no zhes bya pa'i don to/ /mi mthun pa dang gnyen po de gnyis dor ba dang blang bar bya ba'i phyir rim pa ji ltar bsgom par bya zhe ma sbyor
- 39a
ba dang mnyam pa nyid bstn pa'i phyir/ spyod pa zhes bya ba la sogs pa gsungs te/ gzugs la sogs pa'i phung po lnga po byang chub sems dpa' gang zhig gis mnyam par rtogs pa'i stobs kyis yongs su dag par spyod pas bsgom pa la brtson pa na gang la yang mi spyod de/ mngon par zhen pa med pas sbyor ba'i phyir ro/ /de ltar de rim pa bzhin du stong pa nyid la goms par byas pas mi mthun pa'i phyogs spangs nas gnyen po thob pas mi mthun pa'i phyogs kyi 'dam rnams kyi chags pa thams cad yongs su spong zhing rnam par grol te/ bde gshegs rnams kyi shes rab spyod do/ /nyan thos la sogs pa yang gzuD la soD pa la mi rtag pa la soD par 'dzin pa'i spyod pa yin te/ ldog pa'i sgo nas bstan par gyur pa yin no/ /yon tan rin po che sdud pa tshigs su bcad pa las rnam par dag pa'i le'u ste brgyad pa'i bshad pa'o// //mnyam pa nyid du bsgom pa'i sbyor bas mthong ba'i lam bsgom par bya ba yin pas de bstan pa'i phyir/ de ltar zhes bya ba la sogs pa gsungs te/ de ltar sbyor ba'i rim gyis spyod pa'i byang chub sems dpa' mkhas gsal ba gzugs la sogs pa rnams la rtag pa dang mi rtag pa la sogs pa'i mi mthun pa'i phyogs dang gnyen po bkag nas bdag med pa'i rnam par bsgoms nas mthong ba'i lam thob par gyur nas des spang bar bya ba'i nyon mongs pa spangs ste/ chags pa bcad nas grol te/ gong nas gong du khyad par du rnal 'byor pa 'gro zhing 'gro ba la chags pa med do/ /de bas na nyi ma sgra gcan gza' bral lha der 'dug pa dang/ me btang rtswa dang shing dang nags tshal bsreg pa bzhin no/ /de bzhin du des pa sgom pa dang ldan pas spang bar bya ba'i nyon mongs pa'i tshogs sreg ces bya ba lhag ma'o/ /nyan thos la sogs pas ni rtag pa la sogs pa'i rnam pa bkag nas mi rtag pa la sogs pa'i rnam pas rang gi mthong ba'i lam bsgom par byed do zhes don gyis
- 39b
ston par 'gyur ro/ /de dag gis thams cad shes pa nyid bstan to/ /de skad du shes pas steng la mi gnas shing/ snying rje zhil mi gnas dang/ /thams ma yin pas ring ba dang/ /thabs kyis ring ba ma yin nyid/ /mi mthun gnyen po'i phyoD dag dang/ sbyor dang de yi mnyam nyid dang/ /nyan thos la sogs mthong ba'i lam/ /de 'dra kun shes nyid du 'dod/ /ces gsungs pa yin no/ /thams cad mkhyen pa nyid gsum rtogs nas dbang du bya ba'i phyir khyad par gyi lam de'i de bzhin nyid du yid la byed pa ni rnam pa kun mngon par rdzogs par rtogs pa ste/ de'i rnam pa bstan pa'i phyir/ /chos rnams zhes bya ba la sogs pa gsungs te/ rang bzhin de rang gi ngo bo bsgoms pas sgyu ma lta bur rtogs pa'i phyir chos rnams 'di dag thams cad dag cing yongs dag par ro/ /shes rab kyi pha rol tu phyin pa ni rnam pa kun mngon par rdzogs par rtogs pa'i rang bzhin gyi lta ba ni shin tu pha rol tu phyin pa'o/ /byang chub sems dpas de ltar byed pa po yang ma dmigs te/ /kun tu brtags pa'i bdag dang gzugs la sogs pa'i chos kun dang/ rang gi sde pas bzhag pa de dag med pa'i phyir mi dmigs te thob pa med do/ /de bas na gang zag dang chos bdag med pa rnam pa gnyis rtogs pas rnam pa thams cad rtogs pa'i phyir 'di ni des na ji skad bstan pa'i shes rab mngon par rtogs pa'i rang bzhin yin pa'i phyir shes rab pha rol phyin mchog spyod pa yin par rtogs par bya'o/ /yon tan rin po che sdud pa tshigs su bcad pa las bstong pa'i le'u ste dgu pa'i bshad pa'o// //khyad par can gyi sbyor bas rnam pa rnams bsgom par bya ba yin pas de yang spyor ba'o? khyad par can med par bstan par mi nus pas sbyor ba po bstan par bzhed nas/ rgyal ba zhes bya ba la sogs pa gsungs te/ rgyal ba la ni lha rgyas brgya byin gyis zhus pa/ /shes rab kyi pha rol tu phyin pa rnam pa'i bdag nyid 'di la ji ltar brtson par byed cing byang chub sems dpa' spyod par skyed? ces bya ba
- 40a
ni? zhu ba'o/ /bcom ldan 'das kyis bka' stsal pa/ phung po khams la rdul tsam brtson par mi byed cing ste/ rdul? tsam mi dmigs pa la sbyor te chos can dang chos mi rtag pa la sogs pa la mi brtson te/ de ni byang chub sems dpa' phyin ci ma log pa la zhugs pa'i phyir brtson pa yin no/ /gang gi rgyus de ltar brtson zhe na/ gang zhig ces bya ba la sogs pa gsungs te/ sems can de ni yun ring po nas theg pa chen po 'di la spyod bgoms pas zhugs par rig par bya ste/ sangs rgyas bye ba khrag khrig mang la gtsug lag khang la sogs pa byas nas phul ba ni lhag byas yin no/ /gang zhig chos 'di ni yum ste/ gzugs la sogs pa rang gi rgyu las sgyu ma byed pas sprul pa dang/ sgyu ma 'dra bar thos nas rtogs pas som nyi med cing yang slob pa la phyir zhing sbyor bar byed do// gzhan du 'jug par mi 'gyur ro zhes bya ba yin no/ /rgyal ba skyed ma la 'jug pa'i sbyor ba nyan thos la sogs pa'i byed pa'i khyad par can du yid la byed pa'i rang bzhin ni gzhan du rtogs par mi nus pa'i phyir mnyan pa la sogs pa'i bar chad kyi chos pas 'da' ? bar? bya ba rtogs par bya ba'i ched du dpe sngon du 'gro bas bstan pa'i phyir/ dgon pa'i zhes bya ba la sogs pa gsungs te/ dper na 'jigs pa du ma phal po che'i dgon pa'i lam dpag tshad mang por zhugs pa'i mis bsnyen pa sngon du phyogs la na/ gang gi tshe 'bad? pa'i stobs kyis gnag rdzi 'tshams kyi nags tshal phun sum tshogs pa mthong na de'i tshe dgon pa'i 'jigs pa med de/ dbugs phyin pa thob par gyur cing/ rkun ma'i 'jigs pa med de/ gang gi phyir goms par byas nas 'di dag grod dang grod khyer gyi sngon gyi mtshan ma la ba lang rdzi la sogs pa mthong ba de bzhin du/ gang gi tshe shes rab kyi pha rol tu phyin pa gang gis mnyan pa ni nye bar mtshon pa ste/ sems dpa' la sogs pa yang ngo/ /byang chub sems dpa' gang zhig byang chub thob par byed pa'i chos yongs su tshol
- 40b
ba'i dus de'i tshe yang dag pa'i lam rnyed par dbugs byin par gyur cing theg pa'i bar chad kyis 'jigs la med do/ /gang gi phyir yum mnyan pa la sogs pa'i sbyor ba phun sum tshogs pa na dgra bcoms la mi gnas rkyen rtogs kyis thob pa min no/ /da ni yang yum mnyan pa la sogs pas phun sum tshogs pa thams cad ster bar byed pa bstan pa 'dir yang brjod par bya ste/ chos kyi sku thob par byed pa bstan pa'i sgo nas re zhig sbyor ba dang sngon du 'go bas rtogs par bya ba'i phyir/ mi zhig ces bya ba la sogs pa gsungs te/ dper na mi zhig rgya mtsho'i chu ni lha phyir 'gro ba yis/ gal te des shing dang nags tshal rir bcas pa mthong na da dung rgya mtsho chen po ni ring ngo zhes rtogs par bya'o/ /yang gang gi tshe ci ste shing la sogs pa'i rtags mthong na de'i tshe rgya mtsho chen po ni nye bar gyur te/ shin tu mi ring ngo snyam du de la son nyi med de ? gnyis med par rig par bya'o/ /de ltar de bzhin du thos pa'i bsam pas byang chub dam par zhugs par rig par bya'o/ /rgyal ba'i shes rab kyi pha rol tu phyin pa 'di nyan pa ni nye bar mtshon pa ste/ sems pa dang/ bsgom pa yang yin no/ /rnam par 'dren pa ste bcom ldan 'das kyis so/ /mngon sum du bla na med pa'i byang chub tu lung bstan par ma gyur kyang mnyan pa la sogs pa la nus pa thob pa'i phyir sangs rgyas byang chub ste/ chos kun mngon par rdzogs par rtogs pa zhes bya ba'i bar du'o/ /ring por mi thogs bdag reg 'gyur ro// longs spyod rdzogs pa'i sku thob par bya ba sgrub pa'i sgo nas bstan pa'i phyir/ dpyid dus zhes bya ba la sogs pa gsungs te/ dper na dpyid dus bzang la yal ga dang lo ma snying pa rnams lhags gyur na ya lags ring por mi thogs lo 'dab me tog 'bras bu rnams bskrun no/ de bzhin du shes rab pha rol phyin 'di su'i lag tu thob pa na yun ring por mi thogs par des byang chub mchog tu longs spyod rdzogs pa'i sku 'dir mnyan pa la sogs pa'i sbyor ba'i stobs kyis 'dren pa rnams kyi 'thob po/ /sprul pa'i sku thob par bya ba'i sgo yang bstan
- 41a
pa'i phyir/ dper na zhes bya ba la sogs pa gsungs te/ dper na bud med na chung mngal skye ba ni sbrums ma'o/ /gang gi tshe de ni bca' ba'i dus la bab ces bya ba ste/ yan lag rnams rgyas pa ni dus la bab po/ /tshor ba ni nyams su myong ba'i rang bzhin no/ /de bca' pa'i dus te skye ba yin par shes par bya'o/ /de bzhin du byang chub sems dpa' sngar mnyan nas sems pa na rgyal pa'i shes rab pha rol phyin pa la gong nas gong du dga' ba dang 'dun pa bskyed pa mthong ba de'i tshe 'dir mnyen pa la sogs pa'i spyor baS ? du byang chub mchog reg te/ sprul pa'i sku 'thob bo/ /yang mnyan pa la sogs pa'i blang par bya ba dang dor par bya ba'i chos ji ltar blang pa dang/ dong ba thob ce na/ shes rab ces bya ba la sogs pa gsungs te/ shes rab pha rol tu phyin mchog spyod tshe rnal 'byor pa nyan pa la sogs pa ni spyod pa'o/ /rnal 'byor ba gang zhig gzugs la sogs pa chos thams cad de kho na nyid du 'phel ba ste skye ba mi mthong ba'o/ /yongs su 'grib pa med ste 'jig pa mi mthong ngo/ /de lta bas na gang zhig chos dang chos min mi mthong zhing/ 'di dag so sor snang ba gnas par mthong par sgyu ma lta bu yin pas chos kyi dbyings te/ stong pa nyid kyi rnam pa'i snying po can ye shes kyi rang bzhin de dag ji lta ba bzhin gnas pa rtogs pa'i stobs kyis mya ngan las 'das pa ste/ nyan thos la sogs pa'i byang chub mi reg par gnas pa de ni sku gsum thob nas chos kyi dbyings kyi shes rab gnas so/ /de ltar ji skad bstan pa'i phyin ci ma log pa'i lam la goms par byas pas 'bras bu de dag thams cad du 'gyur ro/ /de bas na sbyor ba sgrub po zhes bya bar dgongs so/ /rnam pa phul du byung ba'i che ba'i? bdag nyid bshad nas/ yon tan brjod na de rtogs pa sngon du 'gro bas khyad par du goms par 'gyur? bas de'i yon tan bston par bzhed nas/ gang zhig 'dir zhes bya ba la sogs pa gsungs te/ byang chub sems dpa' chos/ /gang?
- 41b
zag ? la dag med pa bsgom pa ni gang zhig 'dir ro/ /yang sbyor ba la gnas pa ni spyod pa'o/ /spyi'i sangs rgyas kyi chos ni rgyu dang 'bras bu'o/ /khyad par ni dad pa la sogs pa lnga dang/ 'dan pa la sogs pa dang lhan cig byed pa rdzu 'phrul gyi rkang pa bzhi nye bar mtshon pa ste/ dran pa nye bar gzhag pa la sogs pa yang rgyur gyur pa rnams la mi gnas te/ mi rtog cing byang chub kyi rnam grangs ma lus pa ni nye bar zhi pa'o/ /'bras bur gyur pa rnams la de sbyor ba'i stobs kyis rnam par mi rtog pa dang/ rnam par rtog pa dang bcas pa'i ye shes kyi yul du gyur pa gnas pa dang mi gnas pa gang yang rung ba sgyu ma lta bur de dag brdzun pa'i rang bzhin du rtogs pa'i phyir mi rtog rtog bral lo/ /bdud kyi mthu bcom pa la sogs pa'i yon tan la sogs pa bskyed pas rang dbang du spyod pa ni byin gyis brlabs kyis spyod pa yin no// 'di ni shes rab ste spyod pa'i rang bzhin yin pa'i phyir pha rol phyin mchog spyod pa yin ste/ gnas pa ma yin no/ /yon tan rin po che sdud pa tshigs su bcad pa las yon tan gzung bar yongs su brjod pa zhes bya ba'i le'u ste bcu pa'i bshad pa'o/ / // yon tan gyi rjes la gang yang sbyor ba'i bar chad byed pa'i skyon spangs nas bsgom par bya ba yin pas skyon bstan par bzhed nas/ smra ba'i zla ba zhes bya ba la sogs pa gsungs te/ phyin ci log gi zhen pa sel ba la mkhas pas smra ba'i bla ba'o/ /sangs rgyas la ni rab 'byor zhus pa ni yon tan gyi rgyu yin pa'i phyir yon tan la sbyor ba la dga' ba rnams kyi bar du gcod pa gang lags zhes bya ba ni zhus pa'o/ /ston pas bka' stsal bar du gcod par 'gyur mar ste/ /de las cung zad ni nye bar mtshan pa'o/ /de bas na re zhig yongs su brjod par bya'o zhes bya ba ni lan to/ /de nyid ni rgyal ba'i zhes bya ba la sogs pa gsungs te/ rgyal ba'i shes rab pha rol tu phyin 'di yig 'dri'i che ni gzhung gi don bri pa dang/ yid la byed pa'o/ /slobs pa ni ? khyad par can gyi ye shes kyi rang bzhin ?
- 42a
dad pa rnam pa du ma 'byung 'gyur zhing/ 'gro ba'i don ma byas par te/ snga ma dang phyi ma dpyad pas mi brtan par gyur pa'i phyir de yang glog bzhin du myur du nyams par 'gyur ba dang nyid ni re zhig bdud kyi las so/ /'di bshad chen kha cig som nyi za 'gyur te zhes bya ba la/ bshad pa ni bshad par gyur pa'o/ /sangs rgyas kyis gsungs pa la the tshom zab ni som nyer gyur pa'o/ /des yongs su ma shes par 'dren pa bcom ldan 'das kyis 'dir ni bdag gi ming yang yongs ma brjod/ rigS dang sa dang rus kyang yongs su ma brjod ces/ de ni nyan par mi 'gyur la/ /'on kyang 'di ni sangs rgyas kyi bka' ma yin zhes spong 'gyur de yang bdud kyi las so/ /de ci zhig byed par 'gyur zhe na/ de ltar zhes bya ba la sogs pa gsungs te/ de ltar bdud kyis byin gyis brlabs pa'i gang zag mi shes pa de dag rtsa ba'i rgyu bor nas sangs rgyas don du gnyer pa'i lam ji btab? bzhin du gyur pa spangs nas rmongs pas yal ga dang 'dab ma nyan thos la sogs pa'i mdo sde tshol bar 'gyur ro/ /glang po rnyed nas dper na 'ga' zhig gi don du glang po'i rjes ni tshol ba ltar/ shes rab pha rol phyin thos mdo gzhan tshol par byed pa de yang de bzhin no/ /dper na la las ro brgya ldan pa'i zas rnyed la/ /zas mchog rnyed nas zhag drug cu pa'i 'bras chen tshol bar byed pa ltar/ de bzhin du byang chub sems dpa' shes rab pha rol tu phyin pa 'di rnyed nas/ dgra bcom pa'i sa yi bla na med pa'i byang chub chol bar byed de/ yang de la rjes su 'brad zhing blo bskyed par 'gyur ro zhes bya ba ni lhag ma'o/ /bdud kyi las rnam pa gzhan yang bstan pa'i phyir/ bsti sta ? bya ba la sogs pa gsungs te/ grags pa tsam 'dod pa ni bsti stang 'dod pa'o/ nor 'dod pa ni rnyed pa 'dod pa'o/ /yo byad la bltos pa ni bltos pa dang bcas pa'i sems kyis so/ /bsod snyoms kyi don du khyim pa dang 'dris pa dang/ khyim pa bsten pa dang
- 42b
ldan par 'gyur zhing ngo/ /chos btang nas ni yum 'di'o/ /des chos cung zad yin pa ni chos min ste/ nyan thos la sogs pa'i theg pas bya ba spyod par 'gyur pa'o/ /lam por lam gol 'gro ba 'di ni bdud kyi las so/ /gang dag de'i tshem byon pa'i rgyal ba rnams skyed ma la 'dud cing dang par gyur nas te/ las dang 'bras bu la yid ches par byed pa ni dang pa'o/ /chos kyi dam pa 'di mnyan par 'dod cing 'dod pa las de dag gis ni chos smra pa rig pa ni bya ba ma yin pa'i bsam pa dang ldan pa rtog pa'o/ /dad pa dang bral nas dga' ba med cing yid mi bde bar gyur nas gzhan du 'gro ba don du gnyer ba'i don dang bral bas yid mi bde ba yang bdud kyi las so/ /bdud kyi las ji snyed pa rnam pa thams cad mdza' yas pas brjod par mi nus pa'i phyir nye bar bsdu pa'i don du de'i tshe na zhes bya ba la sogs pa gsungs te/ 'di zhes bya ba ni rjes thogs la sngon pa'o/ /'byung bar gyur pa ni bdud kyi las so/ /de'i tshe gang dag la ma 'ongs pa'i dus na bar du gcod pa rnams mang ni du ma'o/ /gcod pa ni bgegs byed pa 'byung bar 'gyur ro/ /gang zhig nyes pas g.yengs pa'i phyir dge slong mang po dkrugs pas de'i tshe shes rab kyi pha rol tu phyin pa 'di ni gzhung dang don 'dzin par mi 'gyur na/ gzhan dge bsnyen la sogs pa lta ci smos/ ci'i rgyus rnam pa mang por 'gyur zhe na/ rin chen shes bya ba la sogs pa gsungs te/ rin chen rin thang med bsnyed gyur gang dag yin/ chos de dag dka' pas thos pa ni dkon pa'o/ /dus rnams rtag tu thams cad 'di 'dod pa'i phyir du don du gnyer ba yin no/ /de bzhin du rgyal pa'i shes rab pha rol tu phyin pa mchog /rin chen chos kyang dkon la rtag tu 'tshe ba yang med do/ /ci'i phyir 'di dag thams cad kyi bdud kyi las yin nam zhe na/ the gang/ gsar zhes bya ba la sogs pa gsungs te/ mngon par zhugs pa'i phyir theg pa la gsar du zhugs pa ste/ byang chub sems dpa' i bsod nams chung ba'i phyir blo? chud? par
- 43a
gyur pa gang gis yum dkon pa'i rin chen chos 'di bdud kyi byin gyis brlabs pas ma rnyed pa'o/ /de bzhin du las dang po pa ji snyed pa de dag thams cad kyis de ltar rnyed par mi 'gyur par bstan pa'i phyir/ de la zhes bya ba la sogs pa gsungs te/ gang gi tshe 'dud rnams rgyal ba skyed ma la ji ltar bgegs bya zhes brtson pa dang ldan pas spro bar 'gyur ste bar chad la zhugs nas gcod par byed do/ /de bzhin du yang phyogs bcu'i bcom ldan 'das bsod nams chen po dang ldan pas yum yongs su 'dzin pa la dgongs shing de dag la mgon mdzad pas sbyor ba dang ldan pas thob par 'gyur zhes bya bar dgongs so/ /yon tan rin po che sdud pa tshigs su bcad pa las/ bdud kyi le'u ste bcu gcig pa'i bshad pa'o// //de la bcom ldan 'das ci'i phyir dgongs ? mdzad ce na/ dpe sngon du 'gro bas rtogs par bya ba'i phyir/ ma zhig ces bya ba la sogs pa gsungs te/ ma zhig bu mang po yod pa na man par gyur na/ de kun yid mi bde zhing rim 'gro la sogs pa'i phyir byas pa gzo bas brtson pa la rab tu sbyor bar byed do/ /de bzhin du phyogs bcu'i 'jig rten gyi khams na bzhugs pa'i sangs rgyas kyang ste/ bcom ldan 'das rnams kyang bdud kyi las bsal bar bya ba'i phyir byas pa bzo bas brtson par mdzad cing yum gyur shes rab dam pa 'di la dgongs pa mdzad do/ /yon tan dang skyon blang ba dang dor ba sngon du 'gro bas mtshan nyid shes pa'i sgo nas nges par bsgom par bya ba yin pas mtshan nyid bstan par bya ba'i phyir/ de la re zhig mtshon par byed pa gang yin pa byed par bsgrub par byed pa yongs su 'dzin pa'i shes pa dang/ khyad par dang/ byed pa'i dbye bas mtshan nyid mtshon par byed pa ni gsum mo/ /de'i las su sgrub par byed pa rten gyi mtshan nyid dang bzhir 'gyur ro/ /de la re zhig shes pa'i mtshan nyid ni kun mkhyen gsum gyi dbye bas gsum yod pa las thams cad shes pa'i sgo nas de bzhin
- 43b
gshegs pa 'byung ba shes pa'i sgo nas/ de bzhin gshegs pa 'byung ba shes pa zhes bya pa la sogs pa re zhig bstan pa'i phyir/ gang dag ces bya ba la sogs pa gsungs te/ gang dag 'das pa dang da ltar phyogs bcu'i 'jig rten mgon/ gang yin pa ni bcom ldan 'das so/ /de dag shes rab kyi pha rol tu phyin pa yum 'di las byung bar rim pa ji lta ba bzhin du sbyar te/ de dag bskyed pa dang/ skyed pa dang ldan pa dang/ ma 'ongs pa na skyed par 'gyur ro/ /sangs rgyas de dag gis yang dag pa ji lta ba bzhin du kho na nyid gzigs pas 'jig rten ston to/ /yum gyi bsgrub cing bskyed par mdzad de/ 'gro ba'i spyod pa thugs su chud pas sems can gzhan gyis sems gyi spyod pa yang dag par ston to/ /phyin ci ma log pa'i lam la sbyor pa'i stobs dang ldan pa des de bzhin gshegs pa rnams bskyed nas 'jig rten ston pa la sogs pa mthong bas ji ltar ston ce na/ 'jig rten zhes bya ba la sogs pa gsungs te/ 'jig rten gyi sems can gyi khams gang yin pa sgyu ma lta bu'i de bzhin nyid dang/ gang yang dgra bcom pa de bzhin gshegs pa'i de bzhin nyid dang/ dang rgyal ba'i de bzhin nyid gang yin pa dang/ rgyal sras rnams kyi phyin ci ma log pa'i de bzhin nyid gcig pa nyid de dngos bral te/ rang gi ngo bor bye brag med par rtogs pa ni gzhan min te de bzhin nyod do/ /shes rab kyi pha rol tu phyin pa'i rgyus rtsir mi rtog pa'i ye shes brnyes nas sangs rgyas te gang gi phyir de bzhin gshegs pas chos kyi dbrings rnam par grol ba nyid du 'jig rten mi gzigs par 'gyur ba mi rigs te/ gzhan du na thams cad mkhyen pa nyid rnam par gzhag par mi nus par 'gyur pa'i phyir ro/ /de'i rjes su lam shes pa'i sgo nas stong pa nyid la sogs pa'i shes pa'i mtshan nyid bstan pa'i phyir/ mkhas pa zhes bya ba la sogs pa gsungs te/ gnas pa ni de ltar byung ba nyid do/ /'jig rten mkhas pa ni ma 'ongs pa'o/ /mya ngan las 'das kyang rung ba ni 'das pa'i bcom ldan 'das so/ /? phyir chos nyid skyon med
- 44a
chos rnams stong pa 'di gnas te/ nges par chos nyid kyi rang bzhin yin gyi gzhan gyi tshad mas gnod pa'i phyir ro/ /phyin ci log gi rang bzhin yin pa'i phyir grol bar mi rigs so/ /de lta bas na stong pa nyid kyi don chos nyid 'di la gnas te/ stong pa nyid la sogs par sbyor ba'i shes pa'i rang bzhin byang chub sems dpa' de bzhin nyid gzhan ma yin pa de kho na nyid rtogs pa yin no/ /de lta bas na de yang thams cad kyi de bzhin nyid du thugs su chud pas de'i phyir de bzhin gshegs zhes sangs rgyas dang rgyal pa'i sras zhes bya ba la sogs par mtshan gsol to/ /gal te de ltar stong pa nyid la sogs pa'i ye shes yin na/ sems can gyi don ji ltar byed pa bstan pa'i phyir/ shes rab pha rol phyin zhes bya ba la sogs pa gsungs te/ de ni thun mongs ma yin pa'i chos nyid rtogs pa'i spyod yul du gyur pas sangs rgyas su 'khrungs pa rgyal ba'i sras rnams shes rab ki pha rol tu phyin pa dga' ba'i ri bo'i tshal la brten te/ shin tu mtho pa'i ri po la brten par rigs par bya'o/ /stobs bcu rnam 'dren rnams kyi spyod yul 'di yin te/ /'di ltar snying rje chen po la mngon du phyogs par gyur pas phyin ci log gi skye ba la sogs pas sdug bsngal bas sems can dmyal pa la sogs pa na ngan song gsum du skyed pa la stong pa nyid kyi chos bstan pas btul nas yongs su 'don kyang/ stong pa nyid kyi ye shes phun sum tshogs pas sems can du 'du shes par de dag nam yang mi 'gyur ro/ /dmigS pas mngon par zhen pa ma yin nam/ stong pa nyid kyi chos bstan pas ji ltar 'dul bar 'gyur zhe na/ dper na zhes bya ba la sogs pa gsungs te/ dper na seng ge ri su? la phyogs gcig la brten nas 'jigs pa med par ni rang nyid 'jigs pa dang bral te/ zhum pa med par gnas nas ri dags bra mo mang skrag byed cing sgra sgrogs ltar/ de bzhin du shes rab pha rol tu phyin brten nas te/ dmigs pas gnod par 'gyur ba med pa la brten
- 44b
te?/ me'i seng ge byang chub sems dpas tshad mas gnod pa med pa'i stong pa nyid la sogs pa'i chos bstan pas dmigs pas 'jigs pa'i zhum pa med par mu stegs can mang po bdag tu mngon par zhen pa las mgrol ba rnams skrag par byed cing sgra yang sgrogs shing 'dul ba yin no/ /de'i rjes ba rnam pa thams cad mkhyen pa'i sgo nas nyid kyi chos la brten nas zhugs pa la sogs pa'i mkhyen pa'i mtshan nyid bstan pa'i phyir/ dper na zhes bya ba la sogs pa gsungs te/ dper na nam mkhar gnas pa'i nyi ma'i 'od zer ni sa 'di snyems par byed cing ste/ chu skams nas mun pa bsal te/ dngos po thams cad kyi gzugs kyang rab tu ston par byed do/ /de bzhin du sbyor ba las goms pas shes rab kyi pha rol tu phyin pa rang gi chos nyid la brten nas bzhugs pa la sogs pa'i ye shes kyi rten lam dam pa las nges par pa zhu a pa ni chos rgyal te/ bcom ldan 'das kyis 'dzin pa ma lus pa'i sras pa'i chu klung skems shing nyid kyis nges pa'i chos nyid rab tu ston to/ /ji ltar chos nyid ston ce na/ gzugs zhes bya ba la sogs pa gsungs te/ phung po lngar chos thams cad 'dus pas gzuD kyang yang? 'dir sgyu ma lta bu nyid yin pa'i phyir mi mthong zhing ngo/ /de bzhin du tshor ba dang/ 'du shes dang/ semS pa gang yin pa dang/ gdal rnam par shes pa nyid dang/ dge ba la sogs pa'i chos kyi bag chags sems la bsags pa de yis gang yang rjes su mthong? ba med do/ 'di dag gcig dang du ma'i rang bzhin dang bral ba'i phyir ro/ /de ltar shes rab kyi mig gis mthong ba 'di ni chos mthong yin zhes de bzhin gshegs pas bstan pas des phyin ci log bzlog gi dmigs tsum pa dang/ dmus long la sogs pa ltar rkyen ma tshar ba dang/ blta na snyam pa'i yid la byed pa med pas ma mthong ba ni yang dag par mthong ba zhes mi bya ste/ de ni 'di ltar 'du shes med pa'i snyoms par 'jug pa las langs nas/ dngos po dang dngos po med pa la mtshon? par zhen pa'i rtsa ba rnal 'byor pa de'i nyon mongs pa dang shes bya'i sgrib pa
- 45a
'byung ba'i phyir ro snyam du dgongs so/ /'dir ci 'dra ba mthong ba yin zhe na/ nam mkha' zhes bya ba la sogs pa gsungs te/ ji ltar nam mkha' la rdzas thams cad kyis dpen pa'i phyir mngon sum dang/ rjes su dpag pa'i yul las 'das pas mthong ba med kyang sems can kun rdzob kyi tha snyad du yin gyi/ yang dag pa de kho na nyid du ni nam mkha' med pa'i phyir gcig tu gzugs ji ltar mthong ste mthong pa nyid kyang med de/ de bas na don 'di brtag par gyis/ /rnam par dpyad pas so/ /de pas na nam mkha' zhes bya ba ni tha snyad do/ /mthong ba med pa nyid mthong ba yin no zhes bya ba lhag ma yin par rtogs par bya'o/ /de ltar chos mthong ba yang de bzhin gshegs pas bstan to/ /gang gi phyir mthong pa med pa ni gcig tu nges pa'i rang bzhin mthong bar bstan par mi nus te/ dngos po thams cad sgyu ma lta bu yin pa'i phyir ro/ /yon tan rin po che sdud pa tshigs su bcad pa las/ 'jig rten bstan pa'i le'u ste bcu gnyis pa'i bshad pa'o// //shes pa'i rnam pa spyi'i rang bzhin yongs su shes pas khyad par du shes par bya dgos pas khyad par gyi mtshan nyid brjod par bya ste/ de yang nyan thos la sogs pa'i lam rnams kyi khyad par gyi lam gyi bdag nyid bsam gyis mi khyab pa la sogs pa'i? khyad par gyis khyad par du 'phags pa sdug bsngal la sogs pa'i bden pa'i yul la sdug bsngal la chos shes pa'i bzod pa la sogs pa'i mtshan nyid rtogs par bya ba'i phyir/ mthong ba zhes bya ba la sogs pa gsungs te/ byang chub sems dpa' gang zhig bsam gyis me khyab pa dang/ mi mnyam pa nyid la sogs pa n yid kyi rnam pa rnams yid la byed pas yum mthong pa yin pas de mthong ba thob pa gang 'dir spyod pa'i stobs kyis chos thams cad kyi khyad par gyi mtshan nyid kyi rang bzhin du sdug bsngal la chos shes pa'i bzod pa la sogs pa dang 'dir rab tu 'brel pa'i bya ba thams cad des yin te/ rgyal po
- 45b
dang? snyoms 'dug cing blon po kun byed ltar/ /de bzhin du ji snyed pa dang/ sangs rgyas kyi sgra gang yin pa kun la sbyar te/ yang dag par rdzogs pa'i sangs rgyas rnams dang/ rang sangs rgyas kyis mdzad pa'i chos rnams dang/ de bzhin du nyan thos rnams kyi byas ji snyed pa de dag shes rab pha rol tu phyin pas byed do/ /de nyid bsal bar bsten pa'i phyir/ /rgyal po zhes bya ba la sogs pa gsungs te/ rgyal po'i grong ni lus 'phags la sogs pa'o/ /yul ni ma ga d+ha la sogs pa'o/ /'khor ni rgyal po'i khab la sogs pa ste/ der mi 'gro bar rgyal po de'i rang bzhin yul mis 'bru thams cad kyang sdud pa ste/ bskyel bltar de bzhin du byang chub sems dpa' chos nyid gang du yang mi 'gro la ste/ sdug bsngal la chos shes pa'i bzod pa la sogs pa khyad par gyi lam gyi rang bzhin gyi sangs rgyas kyi sa'i yon tan thams cad sdud do/ /yon tan rin po che sdud pa tshigs su bcad pa las bsam gyis mi khyab pa'i le'u ste bcu gsum pa'i bshad pa'o// //yang gang gi tshe sangs rgyas kyi yon tan khyad par can rnams thob ce na/ gang la zhes bya ba la sogs ba gsungs te/ gang gis sangs rgyas su byed pa'i chos sangs rgyas zhes bya ba yin pa'i phyir/ bde gshegs mi sangs rgyas kyi chos rnams te/ mi mthun pa'i phyogs gyis mi non pa'i byang chub sems dpa' la dang pa bstan po yod na/ shes rab kyi pha rol tu phyin pa mchog la bsam sbyor ba ste/ mchog ni chen po yin pa'i phyir ro/ /yang dag pa'i sbyor ba la rjes su gnas pa yon na/ de'i tshe bden pa gnyis kyi rim pas zhugs pa yin pa'i phyir/ nyan thos rab rgyal rgyus gnyis shin tu 'das byas nas bdud dang mu stegs la sogs pa? zil gyis mi gnon pa'i rgyal ba rnams kyi byang chub kyi rgyu byad par gyi mtshan nyid myur du 'thob bo/ /dad pa dang shes rab yul la dag tu bsgrub par bya ba yin no/ zhes bstan par 'gyur ro/ /chos thams cad kyi sngon du dad pa 'gro ? yin nam/ ji ltar shes rab kyi bya ba
- 46a
yin zhe na/ lan du rjes su 'gro ba dang ldog pa'i dpe sngon du 'gro ba'i sgo nas bstan pa'i phyir/ dper na zhes bya ba la sogs pa gsungs te/ dper na rgya mtshor 'jug pa'i gru ni chag gyur pa/ /mi gang ro 'am rtsa 'am/ shing ni mi 'dzin pa// ? 'jig par 'gyur te dogs su phyin mi 'gyur/ /yang gang zhig ro la sogs pa la 'dzin pa de ni bde bar pha rol tu phyin par 'gyur te/ de thang la gnas par de ltar dang ldan dang ba tsam thob pa gang zhig gis ni shes rab pha rol phyin yum rjes su mi 'jug ?/ dmigs pa la sogs pa ma spangs pas 'dod chags la sogs pa'i sdug bsngal rgal dka' ba'i phyir 'khor ba'i rgya mtsho ste/ 'khor ba des dus thams cad du gnas te/ dang pa tsam dus phyin ci log mi spong ba'i phyir ro/ /skye ba ni 'byung po'o/ /rga ba ni rnyings pa'i// rang gi rigs 'thun? pa'i rgyun 'chad pas na 'chi ba'o/ /bu dang bu mo la sogs pa dang bral bas yid mi bde ba ni mya ngan no/ /de dag nyid rlabs te gang gi phyir de dag gi rim pa ni rgya mtsho'o/ /de la de skad ces brjod de/ de bas na sbyor zhes bya ba'o/ /gang zhig de yang dad pa stobs su gyur pas shes rab pha rol phyin mchog gis zin pa ste/ dngos po rnams sgyu ma lta bur rtogs pa'i phyir dngos po'i rang bzhin la mkhas pa'o/ /rten cing 'brel par 'byung ba'i chos nyid kyi stobs kyis mya ngan las 'das pa yang mthong ba'i phyir dag dam pa mthong pa'o/ /de bas na dad pa dang shes rab kyi stobs la sogs pas rim pa ji lta ba bzhin du bsod nams dang ye shes kyi nor kun rdzob tu yongs su rdzogs pa ni grub ste/ rab tu dga' ba la sogs pa'i rang bzhin de dag dang ldan pa la de skad brjod do/ /nyan thos la sogs pa'i yul ma yin pas mchog tu rmad byung bde gshegs byang chub myur du reg /khyad par gyi mtshan nyid don du gnyis pas gnyis po rgyun mi 'chad par dmigs par bya'o zhes bstan par rig par bya'o/ /dmigs pa dang dmigs pa med pa'i dpes rim pa ji lta ba
- 46b
shes? du ros 'ga' byed ba dang/ rgyun mi 'chad par byed pa mi mthun pa'i phyogs dang gnyen po gsal bar bya ba'i phyir de gnyis nyid thob pa ni khyad par can gyi gzhir gyur ba sngon du 'gro ba yin par bstan pa'i phyir/ dper na zhes bya ba la sogs pa gsungs te/ dper na la la rdza so ma btang ? skyed na/ nyam chung phyir na myur du 'jig par rig par bya ste/ chu gcu par mi nus pa'o/ /so btang bum par chu bskyed lam du 'jig pa yi/ 'jigs pa med cing phyi ma la yang sbyar ro/ /byin par gyur pa ni bar chad kyi gnod pa med par gyur pas khyim du bde bar ro/ /de bzhin du byang chub sems dpa' dang pa mang gyur kyang/ shes rab rnam par nyams nas gnyis su ltung bas myur du ma rung 'gyur ro/ /dad pa de nyid kyis shes rab kyi don ni chos rnam par 'byed pa'i mtshan nyid yongs su zin gyur na nyan thos la sogs pa'i sa gnyis las shin tu 'das te byang chub mchog thob 'gyur/ bum pa so ma btang ba dang btang bas mi thob pa dang/ thob pa'i chos kyi rten ma yin pa dang rten du gyur ba bstan par 'gyur ro/ /rten gzhan yang dad pa la sogs pa na yin nam/ ci'i phyir de gnyis kho na gtsor bstan ce na/ lan 'di dper na zhes bya ba la sogs pa gsungs te/ dper na shing rnying pa dbyung ba la sogs pa'i bcos legs ma byas pa'i gru rgya mtsho chen por nor dang bcas par 'jig par 'gyur ro/ /yang gru legs par bcos legs par byas pa dang/ mthun pa'i rlung dang ldan par byas na/ mi 'jig nor? dang bcas pa dogs su phyin par 'gyur ro/ /de ltar byang chub sems dpa' dang pas yongs bzung yang/ shes rab med na bla na med pa'i byang chub de thob par 'gyur ba las nyams par 'gyur ro/ /byang chub sems dpa' dang po de nyid yongs bsgoms pas? shes rab pha rol phyin pa mchog ldan pa ni bzang po dang ldan pa'o/ /de nyams shing gzhan du ltung bar mi 'gyur te/ ma rmas ma nyams par de yang rang gi theg pa la yang dag par zhugs pa'i phyir de bzhin nyid rgyal ba rnams kyi byang chub mchog la reg par 'gyur te/ gnyis
- 47a
go? bo nas grub bas ma tshang ba med pa yin pa shes par bya'o/ /zag ldan byas pa dang ma byas pa'i grus 'grub pa dang mi 'grub pa dang/ tshad ba dang ma char pa shes par bya ba'i phyir/ de gnyis kho na yongs su bzung bar bya'o zhes bstan pa'i phyir/ lo brgya zhes bya ba la sogs pa gsungs te/ dper na skyes bu gang zhig ? shing gnyer ma dang ldan pas 'khogs pa zas la sogs pa dang mi ldan pas sdug bsngal ba lo nga rgya dang nyi shu lon pas gang gi tshe yang ji srid na stan las 'das kyang/ de bzhin du yang rang gis rgyad grags byed ma/ rgyad grags su grogs med par nus pa med pa'i phyir 'gro bar nus pa ma yin ste/ de ni g.yas g.yon gnyis kyi lag pa gnyis mi dag gis brten byas par gyur na de'i tshe 'gyel ba'i 'jig pa med cing srid du 'gro bar bya ba'i gnas su bde blag tu phyin par 'gyur/ de bzhin byang chub sems dpa' shes rab la 'di ltar rmongs pas stobs chung ba/ gang gi tshe yang dang pa gyis zhugs par gyur kyang/ 'di ltar yang chos nyid kyis ma bzung zhing bral na nyan thos la sogs pa'i yang ltung ba'i bar thob pas nyams par 'gyur te 'jig par 'gyur ro/ /de nyid thabs dang shes rab mchog gis yongs zin na/ /mi nyams te de bzhin gshegs kyi ste/ khyad par gyi mtshan nyid rtogs nas mi'i drang srong bcom ldan 'das kyi byang chub ? 'gyur ro/ /des na skyes bu rgas pa brten pa dang ma brten pa'i dpes shes rab dang thabs la mkhas pas yongs su bzung pa dang/ ma bzung ba dag ci rigs par 'khor ba dang mya ngan las 'das par ltung ba dang/ mi ltung ba dang gsal bar byas pas bstan pa'i don rtogs par bya'o/ /yon tan rin po che sdud pa tshigs su bcad pa las dpe'i le'u ste bcu bzhi pa'i bshad pa'o// //ji skad bstan pa'i rim bas khyad par gyi lam thob nas dmigs pa'i ? myong ba med par dge ba'i bshes gnyen gyi stobs
- 47b
kyis bya ba ma yin pa mi byed do zhes bstan pa'i phyir byang chub sems dpa' zhes bya ba la sogs pa gsungs ste/ byang chub sems dpa' dang po'i las can ni khyad par gyi mtshan nyid la zhugs pa'i phyir dang po'i las te sa? gnas pa gang yin pa'o/ /dge ba 'dod pa'i phyir lhag pa'i bsam pa'o/ /sangs rgyas byang chub mchog zhugs pa bla ma'i skyon mi 'dzin pa'i phyir slob ma bzang po de cher gus pas bla ma la gus ldan no/ /dge ba'i bshes gnyen dus thams cad du bsnyen bkur la sogs pa byas par rig par bya'o/ /sems srung bar shes pa ni mkhas pa'i/ /ci'i phyir dge ba'i bshes gnyen la bsten par bya zhe na/ lan du mkhas pa zhes bya ba la sogs pa gsungs te/ gang gi phyir dge ba'i bshes gnyen de las khyad par gyi mtshan nyid kyi yon tan 'byung bar 'gyur ste/ des gdams ngag dang rjes su bstan pas slob ? dmigs pa'i ro myang ba med pas mkhas pa'o/ /dge ba'i bshes gnyen de dag gis shes rab kyi pha rol tu phyin pa rjes su ston/ de bas na sangs rgyas rnams ni khyad par gyi mtshan nyid kyi rang bzhin no/ /sgrib pa thams cad spangs pa'i phyir yon tan gyi mchog dge ba'i bshes gnyen la bsten to zhes rgyal ba de bsnyen bkur gsungs ngo/ /de bas na de bsnyen bkur bya ba yin par dgongs so/ /de dag gis gdams ngag dang rjes su bstan pa ci 'dra ba zhig ce na/ sbyin dang zhes bya ba la sogs pa gsungs te/ sbyin pa la sogs pa'i chos thams cad bsdus pa'i rang bzhin mi dmigs pa la zhugs te pha rol tu phyin pa drug po rnams las dang byed pa po dang bya ba mi dmigs pas yin ste/ rang bzhin gzhan du 'gyur pa'i phyir sa dang po la sogs pa la dmigs pa'i ro myang ba spangs nas byang chub kyi rgyur yongs su bsngo bar gyis shig pa'o/ /byang chub phung po ni zag pa med pa'i 'bras par gyur pa tshul khrims kyi phung po la sogs pa'i rigs pas rnam par gzhag pa dpyid nas phyis rnam par dpyad pas nges pa na 'dzin par ma byed ces/ dang po'i las can de dag la rigs pas nges par skye ma lta bur rtogs
- 48a
pa'i phyir dang po rab tu sbyor ba bstan pa de skad bstan par bya ba nyid do/ /gzhan du na dad pa tsam yang med par 'gyur ro/ /rang dang gzhan gyi don phun sum tshogs pa shes pa khyad par gyi mtshan nyid bstan nas/ mjug thogs gyi don phun sum tshogs pa la sbyor ba rnams kyi phan pa la sogs pa byed pa'i mtshan nyid bstan pa'i phyir/ de ltar zhes bya ba la sogs pa gsungs te/ de ltar shes pa'i mtshan nyid yongs su shes nas spyod pa rnams bsgoms pa'i stobs kyis byang chub sems dpa' i spyod pa'i chos bstan pas sa 'ongs pa'i bde ba thob pa ni yon tan no/ /yon tan gyi tshogs rtogs par dka' ba'i phyir rgya mtsho'o/ /da ltar gyur ba'i bde ba thob pas dga' ba'i phyir smra ba'i zla ba'o/ /yang dag par smin par mi 'gyur ba'i phyir chos nyid la 'jog par byed pa'i phyir ro ? pas na sems can gyi 'jig rten gyi skyabs so/ /de bzhin du shin tu phan pa kun nas 'byung pa'i rten yin pa'i phyir dbur gnyen no/ /sdug bsngal g yi rgyu sel ba'i don gyi rten du 'jug pa'i phyir gnas so/ /'khor ba dang mya ngan las 'das ma mnyam par rtogs pa'i kyang bar du 'gro bas sangs rgyas kyi rgyu yin pa'i phyir rten dang blo'o/ /chu spangs nas dam pa'i chos kyi skams mdza' gnyis spangs pa bdag dang gzhan gyi don thob pa'i rten du gyur pa ster bas gling ngo/ /sna 'dresn par gyur pas gzhan gyi don rab tu bskyed pa'i phyir yongs su 'dren pa'o/ /sems can gyi don la mtshan ma med par lhun gyis grub par 'jug pa nye bar sdud pa'i phyir don 'dod pa'o/ /theg pa thams cad kyi nges par 'byung pa yang mngon sum du mi byed cing byang chub kyi lam gsal bar byed pas na gsal byed ston mod// chos thams cad kyi de kho na nyid gtam gyi gzhi dang sgo yin pa'i phyir chos mchog smra ba'o/ /de nyid kyi phyir bdud dang mu stegs la sogs pas 'khrug par mi nus pas na mi 'khrugs pa'o/ /bdag dang gzhan gyi don phun sum tshogs bar byed pa rnaM bya ba yin
- 48b
pas gang gis de lta bu'i rang bzhin yongs su shes pas ci 'dra pa'i bdag nyid sgrub par byed pa'i rang bzhin bstan pa sngon du 'gro bas rang gi mtshan nyid bstan pa'i phyir/ grags chen zhes bya ba la sogs pa gsungs te/ bdag nyid che ba theb pa'i phyir grags chen ldan ba ni byang chub sems dpa' o/ /sdug bsngal dang du len pa'i phyir bya dka' ba la rab tu sbyor ba'i rang bzhin can no/ /'bad pas sgrubs pa'i phyir go cha'o/ /gang bsgom par brtson pa ni go cha gron byed do/ /mi mthun pa'i phyogs dmigs pa med pas phung po lnga dang/ skye mched bcu gnyis dang/ khams bco brgyad rnams kyi go cha min te/ gnyen por mngon par zhen pa dang bral bas nyan thos la sogs pa theg gsum 'du shes bral lo/ /yang de lta bas na dor bar bya ba dang blang par bya ba'i chos yongs su 'dzin pa dang bral ba'i phyir yongs su bzung ba med do/ /rang gi don phun sum tshogs pa las ldog pa med pa'i phyir mi ldog pa'o/ /gzhan gyi don phun sum tshogs pa las mi g.yo ba'i phyir g.yo ba med cing ngo/ /gnyi ga'i don phun sum tshogs pa ji lta ba bzhin du byed pa dang mi 'bral ba'i phyir mi 'khrugs chos can no/ /rang bzhin ji lta bu la sbyor zhe na/ de dag ces bya ba la sogs pa gsungs te/ de dag 'di 'dra ni sten par 'gyur pa'o/ /sbyor ba bsgoms pa'i stobs kyis nyon mongs pa la sogs pa spangs pa'i rang gi mtshan nyid ni chos nyid ldan no/ /rnam par mi rtog pa'i ye shes thob pas na spros? pa med pa'o/ /the tshom dang/ brdzun dang/ phyin ci log spangs pas the tshom yid gnyis bral lo/ /yang dag pa'i shes pa ldan pa'i phyir don ldan no/ /shes rab pha rol phyin pa thos nas te/ rtogs pa thob pa nas mi nur pa'o/ /de nyid kyi phyir gzhan gyi drid mi 'jog cing rang gis las ldog pa med pas ni phyir mi ldog par rig par bya'o/ /de lta bur gyur pa ni bde bar gshegs pa'i gnas par gyur pa spangs? nas rnam pa thams cad ki rang bzhin cung zad kyang mngon sum du mi byed do/ /zhes bstan pa'i phyir 'dren pa zhes bya ba la sogs la gsungs te/ chos 'di
- 49a
dag gi rang bzhin sgyu ma lta bu yin ba'i phyir zab ste rtogs par dka' ba nyid kyis mthong bar dka' ba bcom ldan 'das kyis zhes bya bar 'brel to/ /gzhan sus kyang ste nyan thos la sogs pas rnam pa thams cad rtogs pa med pas cung zad thob pa yang med cing/ 'thob par 'gyur ba yang med pa'i phyir ro/ /de'i phyir 'di ltar sems can gyi don gtsor mdzad pas de bzhin gshegs pa nyid zhar la bsnyes pas na byang chub brnyes kyang sems can thams cad rjes su 'dzin pas na phan mdzad brtser ldan te bcom ldan 'das so/ /sbyong ba'i ngo bo rang gi mtshan nyid las ma gtogs pa'i grol ba mi rigs ba'i phyir ro/ /sems can gyi tshogs sus kyang rang gi mtshan nyid kyis chos bstan pa 'di mi shes te/ 'on kyang 'di dag ni dmigs pa la mngon par zhen pa'i phyir ro snyam du sems can gyi don la nye bar sbyor ba la thugs khral chung bar mdzad de/ de bas na chos bstan pa'i thugs ma 'khrungs ba de lta bu la yang tshangs pas chos kyi 'khor lo bskor bar gsol ba btab pa yin no/ /de lta mod kyi sems can gyi chos ji lta bu dang ldan zhe na/ sems can rnams ni zhes bya ba la sogs pa gsungs te/ gang gi tshe yang sems can rnams ni 'dod chags la sogs pa'i gzhi la mngon par zhen pa ste nyes par mi lta bas na dga' zhing ngo/ /yul rnams 'dod pa ni de la yon tan du lta ba'i phyir yid la byed pa mi spong bas 'dzin pa la gnas pa'o/ /mi shes pa dang ldan pas na mi mkhas pa'o/ /the tshom gyi shes pa yod pas na blun rmongs pa'o/ /log pa'i shes pa dang ldan pa'i phyir mun pa bzhin no/ /'di ltar yang ngo bo nyid kyi chos rtags pa ni 'dod chags la sogs pa'i gnyen bo yin pa'i phyir gnas med do/ /shes bya'i sgrib pa rtsa ba nas med pa'i phyir 'dzin med de/ thob bar bya ba'i phyir sangs rgyas la sogs pa dang/ 'jig rten ba da gcig 'di las bzlog pa mtshan nyid mi mthun pa tshad mas gnod pa med pa'i phung po lnga po
- 49b
bdag med pa cig car bstan na rtsod pa 'byung bas/ rgyal po'i btsun mo yid du 'ong ba shi ba brda sprod pa'i tshul gyis so/ /yon tan rin po che sdud pa tshigs su bcad pa las lha'i le'u ste bco lnga pa'i bshad pa'o// //'di ltar gang gi tshe sems can tha dad bar shes bas tha dad bar rtogs pa'i phyir spyod pa'i rang bzhin bye brag tu 'gyur zhe na/ nam mkha' i zhes bya ba la sogs pa gsungs te/ dper na nam mkha' i khams ni shang? gyi phyogs dang/ de bzhin du lto'i phyogs dang/ nub kyi phyogs dang/ byang phyogs dang/ steng dang 'og dang mtshams bzhi dang bcu'i rang bzhin dang/ mthar thug pa'i mthar byed pas na mdza' yas ba'o/ /de bzhin du phyogs bcu rnams na yang nam mkha' yod pa de'i spyo'i mtshan nyid dang bral ba'i phyir tha dang bar gyur ba med cing ngo/ /rang gi mtshan nyid dang bral bas yang bye brag tu gyur ba med do/ /'jig rten pa la grags pa'i dpes bstan nas/ 'jig rten las 'das ba'i dpes shes bar bya ba'i phyir/ 'das ba'i zhes bya ba la sogs pa gsungs te/ 'das pa dang/ 'das ba'i dngos po'i de bzhin nyid gang yin pa dang/ ma 'ongs pa ste/ mthob pa'i de bzhin nyid gang yin pa dang/ da ltar ste/ da ltar byung ba'i de bzhin nyid gang yin pa dang/ dgra bcom pa ste/ zag pa zad ba'i de bzhin nyid gang yin pa dang/ de dag las bzlog ba'i chos kun gyi de bzhin nyid gang yin pa dang/ gang yang rgyal ba'i de bzhin nyid gang yin pa dang/ bstan ma thag ba'i chos thams cad kyi bdag nyid de bzhin nyid las rnam par grol ba tha dad pa med de/ bye brag tu grub pa'i tshad ma dang bral ba'i phyir bye brag tu mi 'grub po/ de bzhin du sbyor ba'i rang bzhin mngon sum du byas pa mang yang gcig kho na yin par dgongs so/ /ji skad bstan pa'i mtshan nyid yongs su shes pa ni thar pa'i cha dang mthun pa'i dge ba'i rtsa ba dang ldan pas thar ba'i cha dang mthun pa'i dge ba'i rtsa ba bstan par bzhed nas/ bde gshegs zhes bya ba la sogs pa gsungs te/ byang chub sems dpa' gang zhig rang gi mtshan nyid yongs su shes
- 50a
pa las mngon sum du thob par 'dod pa thams cad mi dmigs pa 'di ni bde gshegs byang chub tha dad chos dang bral bas gyur pa des mtshan ma med pa'i ye shes dmigs pa med pa'i rnam pa can gyi sbyin pa la sogs pa sangs rgyas kyi chos rnams thob par bya ba'i phyir dang ba rab la sogs pa'i chos dang ldan pa ni thabs dang ldan pa'o/ /dngos po ma lus pa'i rnam pa thams cad yongs su shes pa ni shes rab pha rol phyin la sbyor ro/ /gang gi phyir shes rab med pa ni nye bar mtshon pa ste/ dad pa rab la sogs pa med pa na yang mi'i 'dren pa thob par 'gyur ba ma yin no/ /sangs rgyas thob par byed pa gzhan yang yod pa ma yin nam/ ci'i phyir thabs dang shes rab gnyis kho na bstan ce na/ lan dpe sngon du 'gro bas bstan pa'i phyir/ bya zhig ces bya ba la sogs pa gsungs te/ dper na bya zhig dpag tshad brgya la sogs ba'i lus che ba ni dpag tshad brgya rtsa lnga bcu thob par gyur ba'o/ /'dab gshog ma skyes shing nyam chung ba ni 'dab gshog zad de nyams rtsal yod min na'o/ /de yis suM cu rtsa gsum ba'i gnas la sogs pa nas 'dzam bu'i gling 'dir gnas par bya'o snyam nas/ gang gi tshe bdag nyid mchongs nas ltung ba de'i tshe de'i 'dab gshog ma tshangs bas nyam nyes 'gyur ba yin/ de bzhin du gang gi che yang sbyin pa la sogs pa pha rol tu phyin pa lnga po 'di rgyal ba rnams kyis bskal pa bye ba khrag khrig mang por yongs su rdzogs par bsgrub par byas shing smon lam rnam pa du ma'i phyir mdza' yas pa'o/ /shin tu rgya che ba'i chos la dmigs pa'i phyir rgya chen no/ /goms bar byas pa na rtag rten no/ /de bzhin du sngar yang bstan pa'i thabs dang bral bas na thabs med do/ /ji skad bstan pa'i shes rab spangs pas shes rab bral lo/ /gshog pa gnyis po de ma tshang bas nyan thos nyid du ltung? ngo/ /de bas na bla na med pa'i sa las nyams bar 'gyur ro/ /de'i phyir shes rab dang thabs gnyis kho na gtso bo yin par gsal bar mdzad do/ /thar pa'i cha dang mthun pa thob nas brtson pa gang yin pa la nges bar 'byed
- 50b
pa'i cha dang mthun ba skye bas nges par 'byed pa'i yan lag bstan pa bzhed nas/ sangs rgyas zhes bya ba la sogs pa gsungs te/ dro ba la sogs pa ni nges par 'byung ngo/ /yang byang chub sems dpa' gang zhig yang dag par sangs rgyas kyis? ye shes 'dod pa des thog mar dro pa bskyed ba'i phyir rjes su chags pas zhen pa med par sems snyoms pa'o/ /'dir 'gro ba thams cad la dmigs pa'i rang bzhin yin pas pha rol gnon pa'o/ /phar 'du shes pa'i phyir phar 'du shes pa'o/ /mar 'du shes pa'i phyir mar 'du shes pa'o/ /ma 'ongs pa'i don shes pa'i phyir phan pa'i sems so/ /da ltar byung ba'i don la yid mngon du phyogs pa'i phyir byams pa'i sems kyi pha rol gnon pa'o/ /zhe sdang dang 'tshe ba med pas thab ma lus par byed pa'o/ /spun dang sring mo la sogs par 'du shes pa'i phyir drang bas pha rol gnon pa'o zhes snga ma dang 'brel to/ /rtse mo la sogs pa thob par bya ba'i phyir bdag nyid sgrub cing gzhan dag kyang dge ba la sbyor zhing rtag tu 'jam pos 'bod pas 'jam por smra ba'o/ /'dir khyad par gyi lam gyi rang bzhin ma yin nam/ nges par 'byed pa'i chal? sogs pa bstan par ji ltar rigs zhe na/ sa brgyad pa la mtshan ma med par lhun gyis grub pa thob pas re zhig gi dus su sems can gyi don rgyun chad pa spang ba'i phyir gang sems mnyam pa la sogs pa'i rnam pa sgyu ma lta bu des sems can la dmigs pa la sogs pa khyad par gyi lam nyid rtul po la sogs pa'i rim gyis skye ba yin gyi cig car ma yin no zhes bstan ba'i phyir nges par 'byed ba'i cha la sogs bar btags nas 'dir bstan pa yin par gzung bar bya'o/ /phyi ma rnams la yang ji ltar srid pa bzhin rig par bya'o zhes bya par dgongs so/ /yon tan rin po che sdud pa tshigs su bcad pa las de bzhin nyid kyi le'u ste bcu drug pa'i bshad ba'o// //phyir mi ldog pa byang chub sems dpa' i dge 'dun ji skad bstan pa'i nges par 'byed pa'i chal sogs
- 51a
pa dang/ mthong ba'i lam la sogs pa la gnas pa ni phyir mi ldog pa'i byang chub sems dpa' i dge 'dun yin par bstan to/ /de yang sbyor ba'i lam ni nges bar 'byed pa'i chal gnas pa'o/ /de bzhin du mthong ba'i lam la gnas pa de ni chos shes pa'i bzod pa la sogs pa'o/ /rgyun gzhan ni sgom pa'i lam la gnas pa yin no zhes gnas skabs du mang rnam par gzhag go /de la phyir mi ldog pa'i spyi'i mtshan nyid zhus pa ni 'jig rten zhes bya ba la sogs pa gsungs te/ 'jig rten mgon la gnas brtan rab 'byor yongs zhus pa/ /ci bdag dang gzhan gyi the tshom bsal nas ma 'khrul bar grub pa'i rgyu mtshan nyon mongs pa med pa'i rtags te lus kyi rtags so/ /de ni 'dir nye bar mtshon pa yin te/ rnam pa ni gnyen po yin par gzung ngo/ /mtshan ma ni dgos pa gnas pa'o/ /yon tan dpag tu med pa'i rang bzhin gyi sku mnga' ba'i phyir yon tan phyogs tsam mo/ /dus gcig pa bcon ldan 'das khyod kyis bstan du gsol/ bdag dang gzhan gyi don phun sum tshogs pa la sbyor ba'i phyir mthu che ba dag go/ /byang chub sems dpa' rtags la sogs pa dang ji ltar ldan par 'gyur zhes so/ /rgyal ba'i sras rnams bla na med pa'i byang chub las ldog pa med par 'gyur ba ni slar ldog par mi 'gyur ro/ /de ltar na rtags la sogs pa'o/ /gnyen po'i mi mthun pa'i phyogs yin pa'i phyir gzugs la sogs rnams log pa ni yon tan phyogs tsam mo/ /bsal bar rtogs pa'i ched du kye bcom ldan 'das kyis lung bstan du gsol zhes pa'o/ /de la de zhig nges bar 'byed pa'i cha la gnas pa'i phyir mi ldog pa'i mtshan nyid bstan par bzhed nas ci rigs par ldan tshigs smra'o/ /byang chub sems dpa' de dge sbyong skye bo la sogs pa dge sbyod dang bram ze la skyabs su 'gro ba dang/ nyan thos la sogs pa la rten par mi byed do/ /log par lta ba la sogs pa spangs te dor bar bya ba dang/ blang bar bya ba'i
- 51b
de kho na nyid yongs su shes pas nam mkhas pa'o/ /ngan song gsum ni nye bar mtshon pa ste/ mi khom ba brgyad spangs te'o/ /rtag tu ni 'jig rten 'dir ro/ /de dag bdag dang gzhan gnyis ka gcig tu srog gcod pa spong ba la sogs pa bcu bo rnams la 'god cing rgyal ba'i sras dge ba bcu'i las kyi lam dang ldan pas brtson pa'o/ /sems can thams cad kyi yul la sbyin pa la sogs pa yongs su bsngo zhing 'bras bu la sogs pa la ltos pa med pa'i sems kyis te/ zang zing med par 'gro ba la chos kyi spyin pa rjes su ston to/ /yang chos zab mo la the tshom med par gcig tu sgyu ma lta bu'i chos nges pas na dga' zhing ngo/ /byams ba'i lus dang ngag dang yid kyi las dang ldan pas snyan par smra bas tshig 'jam ldan no/ /'gro 'chag nyal dang 'dug par shes bzhin rab tu ldan te/ rab ni yang dag pa ste/ de ni bsal ba'i rab kyi mthar thug par 'gro bas shes pa'o/ /shes bzhin gyi srog chags la sogs pa mthong nas gsal ba'i phyir/ gnya' shing gang tsam lta zhing 'gro ba'o/ /spyod lam tha dad pa'i g.yeng ba med pa'i phyir sems ? med do/ /mi dge ba bcu'i las spangs pas na gtsang byas so/ /sna tshogs pa'i gos bzang po 'byor bas na gtsang ma'i gos 'chang ngo/ /mtshan la sogs pas brgyan pa'i lus dang ngag dang yid rnam par dge ba thob pas na gsum po dben zhing dag pa'o/ /ser sna la sogs pa'i sems mi bskyed bas na rnyed 'dod ma yin pa'o/ /thams cad du chos nyid dang 'gal ba'i sbyor ba mi byed bas na khyu mchog go/ 'gro ba la rjes su brtse ba'i phyir dmyal ba la sogs bar skye bar 'dod pas na rtag tu chos 'dod pa'o/ /rtog pas chos nyid la yid ches pa'i phyir bdud kyi yul las 'das pa'o/ /bdud bcom pa'i gzugs nges par shes pas na gzhan gyi dring mi 'jog pa dang/ sangs rgyas kyis gnang ba'i bsam gtan bzhi la bsaM gtan de la mi gnas so/ /nges par 'byed pI chal gnas pa'i phyir mi ldog pa'i mtshan nyid kyi rjes la chos nyid goms
- 52a
par byas pas mthong ba'i lam la gnas pa'i phyir mi ldog pa'i mtshan nyid de rtogs pa yang lus dang dag dang yid kyi bya bar brjod pa las yin par bstan par bzhed nas/ grags pa zhes bya ba la sogs pa gsungs te/ gzugs la sogs pa'i 'du shes las log pas na grags pa 'dod pa ma yin no/ /theg pa chen po la zhugs pa nyid kyis nyes pa thams cad med pa'i phyir khro bas sems dkrugs med do/ /bdag med pa rtogs pa dang sems can gyi don la thabs mkhas pa'i stobs kyis khyim par gyur na yang mngon par zhen pa med par longs spyod par byed de/ dus thams cad du yul gyi nyes pa mthong pas tshangs par spyod pa yin pa'i phyir zhen pa med pas dngos po kun ma chags so/ /skyes bu dam pa'i chos nyid kyis 'tsho ba'i phyir ya nga? bas nyo? tshong la sogs par longs spyod 'tsho bar mi byed do/ /de bzhin du sems can la gnod pa'i don du tsa mun ti la sogs pa'i mngon spyod kyi sngags dang sman pa'i phyir 'dod pa'i lha la sogs pa'i sngags bud med skyes bus dbang du sdud pa'i sbyor sngags tshol mi byed ces bya bar sbyar ro// 'dod pa'i las can de byas par gyur bas skyes ba 'am bud med du nges par 'gyur ro zhes bya ba la sogs pa lung ston par mi byed do/ /bden pa gnyis la brten pa'i phyir rab tu dben pa'i shes rab pha rol phyin mchog brtson/ /lus dang ngag gi khro ba dang bral ba'i phyir 'thab dang rtsod dang bral lo/ /sems can thams cad la bde ba phul du byung ba bskyed pa'i sems dang ldan pa'i phyir byams pa'i sems kyang brtan to/ /stong pa nyid la gnas pa'i phyir kun mkhyen 'dod do/ /chos cung zad kyang dmigs pa med pas rtag tu bstan pa la gzhol sems ldan no/ /rang 'dod pa'i skye ba der skye ba 'thob pas mdza' 'khob kla klo'i skye bo'i yul mdza' rnam par spangs/ rnam par spangs kyi sgra phyi ma dang yang 'grel ba'i phyir yul mdza' rnam par spangs te yul la mdza' o/ /mngon
- 52b
par yid ches? pas nges pa bskyed pa'i phyir kun mkhyen gsum gyi bdag nyid ni rang gi sa la the tshom med pas na dogs med de/ des pa'i rang bzhin la gnas pas rtag tu ri rab 'dra'o/ /mchog tu gzhol pa nyid rnam pa thams cad mkhyen pa la sogs pa'i chos kyi phyir bar mas nas stong ba ni srog kyang 'dor zhing ngo/ /tshad ma dang ldan pa'i yid la byed pa'i phyir rnal 'byor rab tu brtson no/ /'dir phyir mi ldog pa'i phyogs tsam zhig brjod do/ /de yang rgyu tshogs pa yis 'bras skye bar/ rjes su dpog pa gang yin pa/ don gzhan la ni mi bstod? phyir/ de ni rang bzhin yin par brjod ces bya ba'i rigs pas 'dir bstan pa'i rtags kyang shes par bya'o/ /yon tan rin po che sdud pa tshigs su bcad pa las phyir mi ldog pa'i rnam pa'i le'u ste bcu bdun pa'o// //de ltar bsgoms pa'i lam la gnas pa'i phyir mi ldog pa'i mtshan nyid ston pa na khyad par ma rtogs par khyad bar gyi gzhi rtogs par mi 'gyur bas na rigs pa 'dis bsgom pa'i lam las re zhig khyed par bstan pa'i phyir/ gzugs dang zhes bya ba la sogs pa gsungs te/ ji ltar de bzhin nyid zab pa de bzhin du de kho na nyid du gzugs ma skyes pas zab po/ /de bzhin du tshor ba dang/ 'du shes dang/ sems pa dang rnam par shes pa rnams kyang de bzhin nyid 'dis zab pa yin te/ gzugs la sogs pa rnams gzugs la sogs par med de/ sgro gtags pa'i phyir med do/ /de bzhin du kun rdzob pa'i gzugs la sogs pa de dag kyang tha mal ba'i rang bzhin rigs pas mtshan ma ma lus pa spangs pas mtshan ma med pa'o/ /bslad pa thams cad zhi bas na rab zhi ba'o/ /'dis ni yang gzugs la sogs pa de bzhin nyid las gzhan ma yin pas skur pa 'debs pa dgag pa yin no/ /dper na 'ga' zhig tshad ma rtogs pa na mda''phangs pas rgya mtsho'i gting la thug pa'i tshad tshol ba ltar/ de bzhin du shes rab kyi ni sgro 'dogs pa dang/ skur ba 'debs pa'i mdza' dang bral
- 53a
nges bar brtags na gang gi phyir brtags pas gting yod pa mi rnyed pas zab mo dang ldan pa ni zab pa ste/ bsgom pa'i lam yin zhes bstan par 'gyur ro/ /khyad par bstan pa 'di nyid rjes su bstan pa dang bcas pa khyad par can bsgom pa'i lam yin par ston ba na de'i byed pa'i sgo nas dris pa ni/ byang chub sems dpa' zhes bya ba la sogs pa gsungs te/ gang gi phyir bsgom pa'i lam gyi de kho na nyid du phung po dang/ khams dang/ skye mched yod pa min par yang dang yang su goms par byas pa'i byang chub sems dpa' tshig? gis gzugs la sogs pa'i chos thams cad kyi chos dang gang zag gi bdag med pa mngon sum du byas pas de ltar zab par gyur pa ni theg pa chen por don dam par dmigs pas gos pa med pa'o/ /gang zag de'i bsod nams kyis? tshogs de ji snyed skye ba ni ye shes kyi tshogs rab tu thob pa na yang dag par 'grub pa de las ci zhig yod par 'gyur zhes bya bar tshigs su bcad ba'i don sbyar ro/ /'bras bu gsal bar rtogs par bya ba'i phyir/ dper na zhes bya ba la sogs pa gsungs te/ dper na yul dman pa la lhag par chags pa'i phyir 'dod chags chos la spyod pa'i skyes bu zhig /bud med dang lhan cig tu khyod che ge mor shog cig ces smras nas dus btab de dang ma phrad de/ 'dir 'ong dam mi 'od snyam pa la sogs pa'i rtog pa de lta bu'i rim pas rnam par rtog pa du ma ni sems kyi rnam rtog spyod pa ji snyed pa ste/ dmigs pa la bsgribs nas nyin zhag thams cad byung ba skyes bu de'i 'dod chags la spyod ba'i skyes bu'i rnam par rtog pa'i grangs de snyed kyi bskal par rgyun mi 'chad par 'gro ba 'khor bar 'gyur ba dor nas ji snyed kyi bsod nams dang ye shes kyi tshogs kyis byang chub 'thob pa de snyed kyi bsod nams dang ye shes kyi chogs bsgom pa'i lam gyi mthus byang chub sems dpas thob par 'gyur ro/ /rnam par rtog pa chung du dang/ 'bring dang/ ched?
- 53b
? spangs pa'i rnam pa'i dbye bas bsgom pa'i lam rnam pa gsum du 'gyur te/ 'dir bsdus nas brjod par 'dod pa'i phyir bsdus nas bstan par bya ste/ de la yang lam chung ngus ni rnam par rtog pa chen po sprod la/ chen pos ni rnam par rtog pa chung du spong do zhes bya bya bar gzung ste/ de lta bu lam chen po la mi srid de/ yang lam chen po skyes ba na nyon mongs pa chen po med pa'i phyir ro/ /gzhan dag na re phyi ma phyi ma la bsod nams lhag par sgrub pa ni gnyen po'i dbye ba yin la/ bsod nams zil gyis gnon par bstan pa ni mi ? thun pa'i phyogs kyi dbye ba bstan pa yin no zhes zer ro/ /lam chung ngu bstan pa'i phyir/ byang chub sems dpa' zhes bya ba la sogs pa gsungs te/ byang chub sems dpa' gang zhig bskal mang bye stong du dmigs pa dang ldan bas sangs rgyas la sogs pa la sbyin pa byed cing zhes bya bar 'brel to/ /dgra bcom rang rgyal tshul khrims srung byed kyang rgyal ba'i sras po gzhan zhig gis shes rab pha rol phyin mchog ste/ lam chung du'i rang bzhin bsgom pa dang ldan zhing/ de las langs nas yum 'di nyid ni chos so/ /ji lta ba bzhin du sems can la ston cing de sems can khyad par can sngon du 'gro bas chos kyi sbyin ba'i rang bzhin gyi bsod nams la bstos nas phra ba'i char yang mi phod pa ni bsod nams kyi char phod bar mi 'gyur ro/ /sbyin byed tshul khrims bsrung ba yang snga ma bzhin du lta bar bya ste/ gnas skabs de bzhin no/ /lam 'bring gi don bstan ba'i phyir/ byang chub ces bya ba la sogs pa gsungs te/ byang chub sems dpa' gang zhig shes rab mchog ste/ lam 'bring gi rang bzhin bsgoms te/ de las langs nas gos pa med pa'i chos brjod cing ngo/ /chos de yang 'gro ba mngon par mtho ba dang nges par legs par 'thob pa'i mtshan nyid kyi don te rgyu'i gtso bo ni gter du gyur pa byang chub tu yongs su bsngo na'o/ /de bzhin du chos kyi sbyin pa byin nas yongs su bsngo ba las byung ba'i dge ba gang yin pa dang ldan pa de dang
- 54a
mnyam par gyur pa 'jig rten gsum na? med ces bya bar sbyar ro/ /lam chen po bstan pa'i phyir/ bsod nams zhes bya ba la sogs pa gsungs te/ ji skad bstan pa'i lam bsgom pa'i stobs kyis bsod nams de dag thams cad kyang gsog dang ste/ de bzhin du brtags pa'i rang bzhin dang bral ba'i phyir ro/ /stong pa dang brtags pa'i chos kyis dben pas na gsob dang/ de bzhin nyid kyi chos nyid kyi rang bzhin ma yin pas yam brla dang/ yang dag ba'i kun rdzob 'brel ba las skye ba'i phyir yang yam brla'o/ /de bzhin du rtogs pa'i chos kyis dben pas na stong pa'o/ /de bzhin nyid kyi rang bzhin ma yin pas na gsob bo/ /yang dag pa'i kun rdzob tu rgyu dang 'grel pa la skye ba'i phyir ya ma brla'o/ /sgyu ma'i rang bzhin yin pa'i phyir snying po med par shes pa'o/ /de ltar bde gshegs rnams kyi shes rab spyad spyod pa de ni lam chen po'i rang bzhin yin te phyin ci ma log pa yin pa'i phyir spyod tshe bsod nams dpag tu med pa yongs su 'dzin to/ /de kho na nyid bsgom pa'i lam ma yin nam de'i stobs kyis mi mthun pa'i phyogs dang gnyen po rim pa ji lta ba bzhin du spong ba dang/ thob pa mi rigs pas de'i phyir ji ltar rgyal ba'i sras rnams kyi rim pa yin zhe na/ sangs rgyas zhes bya ba la sogs pa gsungs te/ btags pa tsam gyi rang bzhin yin pa'i phyir 'di ste/ chung du dang/ 'bring dang/ chen po'i rab tu dbye ba'o/ /chos thams cad ni rang dang gzhan dang gnyi ga'i don phun sum tshogs pa byed par 'dod pa'o/ /mngon sum dang rjes su dpag pa dang/ lung gi tshad mas des pa'i phyir sangs rgyas kyis bshad pa dang/ rab tu sbyar ba dang/ rab tu bstan pa rnams rim pa bzhin no/ /byang chub sems dpa' gang gis thos pa la sogs ba'i shes pa bskyed bas bsgom pa'i lam goms pa'i shes pa la bskal pa bye ba khrag khrig mang por brjod byas kyang de bzhin nyid du ro cig pa'i phyir chos kyi dbyings la rgyal ba'i sras de dag gis mi mthun pa'i phyogs
- 54b
spangs pa med pas zad pa nyid med cing/ gnyen po bskyed pa med pas de kho na nyid du 'phel ba yang med do/ zhes bya ba ni grub bsgrub pa yin no/ /de dag bcom ldan 'das kyis kun rdzob tu yin par dgongs so/ /sgom pa'i lam gyi rang bzhin yin pa'i phyir de bas na? pha rol tu phyin pa'i ming yang de kho na nyid du nyams pa dang/ 'phel ba med do zhes bstan ba'i phyir/ rgyal ba zhes bya ba la sogs pa gsungs te/ shes rab 'ba' zhig la pha rol tu phyin pa brjod kyi/ kyang gi sgras byin pa la sogs pa yang pha rol tu phyin pa ste/ rgyal ba'i yum yin pas lnga po yang khyad par du 'phags pa'i chos kyi rang bzhin du phyin par grags so/ /sgyu ma lta bu yin ba'i phyir ming tsam mo/ /kun rdzob tu rdzas su gnas pas bla na med pa'i byang chub tu yongs su sngo bar byed do/ /yongs su dag pa'o/ /bdag la bstod pa dang/ rlom sems med pa'i byang chub sems dpa' gang yin pa de ni rtogs pa las nyams pa med pas de nyid kyi phyir sangs rgyas byang chub mchog reg 'gyur te/ khyad par 'phags ba'i don nyid gsal bar byed pa ni sems bskyed pa yin no/ /yon tan rin po che sdud pa tshigs su bcad pa las stong pa nyid kyi le'u ste bco brgyad ba'i bshad ba'o// //rin pa bzhin sems kyi skad cig ma ni rjes su 'gro ba med par zhig nas phyi ma skye bas phan tshun 'brel ba med ba'i phyir kun rdzob tu yang khyad par du 'phags ba'i don gsal bar byed pa ji ltar sems bskyed pa yin zhe na/ don byed bar dpe sngon du 'gro bas bstan ba'i phyir/ 'bra? mang zhes bya ba la sogs pa gsungs te/ 'bru mang snying pa 'bar bar phrad pa dang po yis/ snying po tshig min la ste/ skad cig ma gnyis pa la sogs pas bar du chod ba'i phyir ro/ /dus mnyam pa yang lhan cig skyes pas khyad par med pa'i phyir bya ba dang byed pa'i ngo bor mi mtshan nyid bsreg par bya ba dang bsreg par byed pa'i ngo bor mi rigs pa dang
- 55a
tshig pa ma yin no/ /me lce phyi ma'i skad cig mas kyang dang po de med par skad cig ma phyi ma ma skyes pa'i phyir med pas de'i snying po mchig go /me lce phrad pa thams mas kyang snying po de tshig min te/ dngos po med pa'i phyir ro/ /yod na ni rtag tu yod par bral bar 'gyur bas kun rdzob tu yang skye ba med pa'i phyir rgyu dang 'bras bu'i ngo bo'i mtshan nyid bsreg par bya ba dang/ sreg par byad ba'i ngo bor yod par mi rigs pas phyi ma dang phrad pas kyang ma yin no/ /me lce tha ma'i skad cig ma med par yang dang po'i skad cig mas? tshig min te/ nus pa med ba'i phyir ro/ /dang po'i skad cig ma med par me lce thams snying po tshig pa ma yin no/ /de bzhin du re re la nus pa med kyang rten cing 'brel bar 'byung ba'i chos nyid kyis me lce dang po dang lhan cig tu 'byung ba'i snying po'i skad cig ma la bltos nas kun rdzob tu rgyu dang 'bras bur 'brel ba'i phyir nus pa phul du byung ba nyid khyad par can me lce'i skad cig ma gnyis par gyur pa de'i tshe rgyu med pa yang ma yin te/ rgyu dang 'bras bu'i ngo bo mtshan nyid bsreg par bya ba dang/ sreg par byed pa'i ngo bor yod pas snga ma dang phyi ma'i skad cig mas snying po tshig go zhes don gyis bstan par 'gyur ro/ /dpe bstan nas skabs la pa'i don dang sbyar bar bya ba'i phyir/ dang po'i zhes bya ba la sogs pa gsungs te/ de bzhin du dang po'i sems kyis sangs rgyas kyi byang chub thob par byed pa don ma lus pa so sor snang ba ma yin pas byang chub mchog reg pa ni 'dir ma gsungs so/ /de yang dang po'i sems kyis byang chub reg pa'i rang bzhin du rnam pa thams cad med pa'i phyir med pas kyang nus pa ma yin la/ sems gnyis pa gang yin pa khyad par du phul du byung bar ma bskyed ba'i phyir thams cad tha ma'i phebs? bzhin du gnod pa thams cad nye bar zhi ba'i byang chub zhib 'thob min de/ sems gnyis pa de yis kyang byang chub la reg pa'i rang bzhin du rnam pa thams cad
- 55b
du med pa'i phyir ro/ /dang po'i sems kyang med pas na 'thob bar nus pa ma yin te/ khyad par phul du byung bar ma bskyed pa'i phyir ro/ /de bas na snying po tshig ma bzhin du snga ma dang phyi ma'i sems kyi skad cig ma dag gis byang chub thob bo zhes bstan par 'gyur ro/ /snga mar? ? phyir gnyis kyi sems kyi skad cig ma rnams spyir byang chub 'thob pa'i rgyu yin bar bstan nas/ da ni dang po'i skad cig ma nye bar len pa'i rgyu nyid du rjes su 'gro ba dang ldog pa'i sgo nas dpe sngon du 'gro bas bstan pa'i phyir/ sa bon zhes bya ba la sogs pa gsungs te/ rtag par ni rim dang cig car gyi don byed pa 'gal ba'i phyir skad cig mas byang chub kyi shing la sogs pa'i sa bon las phyi ma phyi ma'i skad cig ma yongs su 'gyur ba las sdong bu la sogs pa rgya cher bskyed nas rang gi ngo bo nges pa 'thob pa 'byung ngo/ / sa bon? de yang sdong? bu skyes pa na 'gag go /dang po de med na byang chub kyi shing la sogs pa med par 'gyur ro/ /de bzhin du dang po'i sems gtso bo'i rgyu yin pa'i phyir/ byang chub kyi bzhi dang po'i rgyu de nyid yongs su 'gyur ba'i phyi ma phyi ma sbyor ba las sangs rgyas kyi phun sum tshogs pa de dag sangs rgyas nyid bskyed de thob nas 'gag go /yang dang po de med na byang chub med par 'gyur ro/ /sems kyi skad cig ma gnyis pa yang rgyu yin par gsal par bstan pa'i phyir/ sa bon zhes bya ba la sogs pa gsungs te/ skad cig ma gnyis pa'i ngo bo nas dang sa lu'i sa bon la rten cing 'brel bar 'byung ba'i chos nyid kyi stobs kyis 'byung ste/ 'bras bur gyur ba las nas dang sa lu la sogs pa de dang de dag ste/ sa bon de dag 'bras bu skye ba'i dus na med de/ dmigs pa'i reg byang gyur pa las ma dmigs pa'i? phyir ro/ /rnaM pa thaMs cad du skad cig ma'i rgyun yang med do zhes nges par mi nus te/ rgyu de dag dang mthun par 'bras bu skye ba'i phyir ro/ /de bzhin du dang po'i sems skad cig ma'i stobs kyis skad cig ma gnyis pa'i sems bskyed de rgyal ba rnams kyi byang chub skye bar 'gyur ro//
- 56a
de kho na nyid du rgyu dang 'bras bu rtogs par mi nus te/ rang bzhin med ba'i phyir te/ 'dir 'bro ba sgyu ma lta bur rtogs pa dbya'o/ /rgya cher bstan nas nye bar sdud ba'i phyir/ chu'i zhes bya ba la sogs pa gsungs te/ chu'i thigs pas bum pa dang po tha ma'i bar gyis nyung du nyung du'i bar ste/ dang po'i chu thigs pa rim pa phyi ma phyi ma dang bcas pas de yongs su 'gengs pa ltar/ de bzhin du dang po'i sems kyang bla na med pa byang chub kyi rgyu yin te/ rim gyis sems kyi skad cig ma gnyis pa la sogs pa dang bcas pa sbyor ba'i lam la sogs pa'i rang bzhin yin pa'i phyir dkar po'i yon tan gyi tshogs yongs su rdzogs pa thob pa'i phyir rdzogs pa'i sangs rgyas su 'gyur ro/ /zhar la byung ba rgya cher bstan nas/ bskabs la bab pa'i bsgom pa'i lam la gnas pa'i byang chub sems dpa' phyir mi ldog pa'i mtshan nyid ston bar bzhed nas/ stong pa zhes bya ba la sogs pa gsungs te/ zab mo bskyed pa'i sbyor ba'i 'dzin pa spang ba'i phyir 'bras bu dang/ rgyu dang rang bzhin dang bral bas rim pa ji lta ba bzhin du stong pa nyid dang/ mtshan ma med pa dang/ smon ba med par chos thams cad rtogs pa'i byang chub sems dpa' mya ngan las 'das pa la mi reg ste/ snying rje dang ldan pa'i phyir ro/ /'jigs pa dang bcas pa'i phyir mtshan mar mi sbyod pa'o/ /dper na skyes bu mnyan pa shin tu bslabs pa'i phyir mkhas par gyur pa gnod pa med par phar 'gro tshur 'gro yang ste/ zong thogs nas phar 'gro zhing tshur 'ong bar byed kyang mdza' gnyis kar mi gnas shing ltung ba'i gnaS ma yin pa'i phyir rgya mtsho der yang gnas pa med pa bzhin no zhes tshigs su bcad pa'i don sbyar ro/ /phyir mi ldog pa'i mtshan nyid brjod ba las slob pa'i byang chub sems dpa' i dge 'dun bstan nas/ de'i rjes la kun nas nyon mongs pa dang/ rnam par byang ba'i rtog pa spang ba'i phyir gnyig
- 56b
mnyam par rtogs pa ni mi slob par 'gyur ba yin te/ bslab par bya ba gzhan med pa'i phyir ro/ /de lta bu'i mi slob pa'i dge 'dun gsal bar bya ba'i phyir 'khor ba dng mya ngan las 'das pa mnyam bar bstan pa ni de ltar zhes bya ba la sogs pa gsungs te/ bstan ma thag pa'i phyir mi ldog pa'i mtshan nyid rtogs ba'i 'khor ba dang mya ngan las 'das pa mnyam par bsgom pa la spyod pa'i byang chub sems dpa' rnam par byang ba'i rnam par rtog pa spangs ba nyid kyis 'di snyam du bdag stobs bcus lung bstan byang chub reg 'gyur rlom? sems med do/ /byang chub kyi rgyu mtshan gyis skrag pa med de/ kun nas nyon mongs pa'i rnam par rtog pa spangs pa'i phyir de bas na chos thams cad ma skyes te/ 'di dag sgyu ma lta bu nyid yin pa'i phyir dngos po yod par cung zad kyang ma skyes so zhes de ltar skyed pa spyod pa ni bde gshegs shes rab ste/ gnyi ga mnyam par rtogs pa ni spyod pa yin no/ /gnyi ga mnyam par bsgoms pas sangs rgyas su gyur nas de ma thag tu dang gi sangs rgyas kyi zhing sems can dang snod kyi dbye bas sangs rgyas kyi zhing rnam pa gnyis rnam par dag bar bstan pa'i phyir/ 'jig rten zhes bya ba la sogs pa gsungs te/ chu'i dgon pa dang/ mu ge'i dgon pa dang/ nad dang bcas pa'i 'jig rten ni nye bar mtshon pa nyid yin te/ gzhan yang sems can dang snod du gyur ba'i log par rtog pa'i gnas mthong nas ji ltar bdag gis sangs rgyas kyi zhing rnam pa gnyis sbyang bar bya'o snyam pa de lta bu'i rnam par rtog pa med de/ srid mo gi ?I lha mo bzhin du skag ba med par byang chub sems dpa' zlog pa nas/ yang sangs rgyas kyi zhing rnam pa gnyis yongs su sbyang ba'i phyir go gyon te/ phyi ma'i mu'i mdza' rtag tu yul las brtson zhing de'i thabs yongs su skye ba'i blo ni rdul tsam abskyed mi byed do/ /yon tan rin po che sdud pa tshogs su bcad pa las
- 57a
gi gA'i lha mo'i le'u ste bcu dgu pa'i bshad pa'o// //sangs rgyas kyi zhing yongs su dag par byas nas thabs la mkhas pas 'khor ba ji srid kyi bar du sangs rgyas kyi mdzad pa'i rang gi sangs rgyas kyi zhing gi bya ba'i thabs la mkhas pa bstan nas de'i yul re zhig bstan pa'i phyir/ byang chub ces bya ba la sogs pa gsungs te/ byang chub sems dpa' rgyal pa'i shes rab spyod byed cing/ phung po 'di dag gzugs la sogs pa ste/ bsgom pa'i stobs kyis shes shing gdod nas stong bas khyad par du 'gro ba med do/ /zhes bya bar dgongs so/ /de lta bas sgyu ma lta bur stong pa nyid thabs la mkhas pa'i yul yin no zhes bshad par 'gyur ro/ /yang ci'i phyir goms par byas pas khyad par du 'gro bar 'gyur zhe na/ de'i lan du thabs la mkhas ba'i sbyor ba bstan pa'i phyir mnyam par ma bzhag ces bya ba la sogs pa gsungs te/ ji skad bstan pa'i chos nyid bsgoms pas yang 'gro ba'i don byed cing ye shes mnyam par bzhag pas bskyed pa ni/ mnyam par snying rjes sdug bsngal gsal ba'i phyir/ sems can gyi khams la bltas nas de ltar snying rje dang shes rab gnyis kyi dbus na gnas pa'i bar skabs der ro/ /mngon sum bya ba'i dus dang dus ma yin pa la sbyor ba'i stobs gyis yongs su mnyams par sangs rgyas kyi chos ma 'dres pa bco brgyad la sogs pa thob pa ni sbyor ba yin no zhes bstan to/ /de la re zhig bar chad byed pa'i chos las 'das ba'i thabs dpe sngon du 'gro bas bstan pa'i phyir/ dper na zhes bya ba la sogs pa gsungs te/ dper na skyes bu 'ga' zhig 'jig rten gyi tha snyad la bzo bas na mkhas pa'o/ /dpa' ba la sogs pa'i yon tan gyis brgyan pas na yon tan kun ldan zhing ngo/ /lus kyi stobs phun sum tshogs pa'i phyir stobs ldan no/ /gzhan gyis zil gyis mi non pa'i phyir
- 57b
mi thub ba'o/ /'di dag thams cad kyi mtshan nyid yongs su shes pa'i phyir brtson byas so/ /gzhan 'dun par byed pa'i thabs lus la sogs pa'i rnam par 'gyur bar byed pa la goms pa'i phyir sgyu rtsal cho ga shes pa'o/ /'phongs legs par bslabs pa'i phyir 'phongs kyi pha rol tu phyin pa'o/ /ri mo la sogs pa'i las kyi gnas kyi bya ba la mkhas pa'i phyir gzo gnas mang ba'o/ /ma rungs pa'i skye bo mang po bslu ba la gcig tu mkhas pa'i phyir sgyu ma bsgrub pa'i cho ga shes pa'o/ /skye bo dam pa yongs su bskyang ba gtsor byed pas na 'gro don rab tu 'dod pa'o/ /de lta bu de yang dgra'i gnod pa yod pa 'ga' zhig tu pha dang ma dang chung mar bcas te/ bu dang bu mo yongs su bsdus nas/ dgra byed mang pos 'jigs pa dang bcas pa'i dgon pa'i lam du zhugs pa ste/ phyin pa na dgra mang po 'ongs pa la de yis sgyu ma'i sgrub pa shes pas srog la bltos pa med pas na dpa' bo'o/ /gzhan gyis zil gyis mi non pa'i dang tshul can yin pas na rtul phong pa'o/ /skyes bu mang po mngon par sprul te/ bar chad byed pa mang po las 'das nas dgon pa las brgal te/ bde bar phyin cid gnyug ma'i khyim du phyir 'ong ba ltar/ de bzhin de tshe ni gang gi tshe ste/ byang chub sems dpa' mkhas pa yang dmigs pa med pa'i byams pa mngon sum du thob pas byams pas bde ba la sbyor bar 'dod pa'i sems kyi rkyen gyis sems can gyi khams kun la mngon du phyogs pa dang 'grel ba de'i tshe 'di ltar lha'i bu la sogs pa'i bdud bzhi las 'das shing nyan thos dang rang rgyal gyis gnyis las kyang rang? 'das nas sangs rgyas thob par byed pa'i ting nge 'dzin mchog la gnas shing/ byang chub reg bar mi byed de/ bya ba yongs su ma rdzogs pa'i phyir ro/ /mi gnas pas gnas pa'i thabs dpe sngon du 'gro bas bstan pa'i phyir mkha' ? la zhes bya ba la sogs
- 58a
pa gsungs te/ dper na 'jig rten chags pa na rim pa bzhin du brten te/ mkha' la rlung brten te/ rlung dang bcas pa la chu'i phung po'o/ /de la yang gser gyis gzhi'o/ /de la yang pas chen po/ de la gling bzhi pa'i 'jig rten gyi khams? brten no/ /de nas sems can gyi longs spyod chags te/ de 'dra ste rtsa ba'i rgyu las yin par blta bar bya'o/ /gzhan du na dngos po thams cad kyis dben pa'i mtshan nyid nam mkha' ji ltar gnas su 'gyur/ rlung gi dkyil 'khor gang la gnas yin te/ smos kyang mi dgos so/ /'on kyang de gnas yin par grags te/ rab tu grags pa'i phyir ji skad bstan pa'i rgyu'i stobs kyis nges par 'byung ba 'di yid la byed pas nam mkha' i khams kyi don 'di bsam par gyis shig /'di ltar de bzhin du byang chub sems dpa' stong pa nyid la gnas pa'i sbyor bas gnas pa/ 'gro la sems can gyi bskal pa ji lta ba bzhin snang ba dang/ rang gi smon nas shes pa'i rgyu de gnyis tsam gyi byin gyi brlabs can ni rten can no/ /bya ba rnam pa sna tshogs ni bya ba sum byed cing sprul pa'i sku ni rnam pa sna tshogs pa'i bya ba dum ston par byed cing ngo/ /ji skad bstan pa'i thabs la mkhas pa'i stobs kyis mya ngan las 'das la mi reg par dngos po'i mtshan nyid las 'das pas stong pa nyid la gnas pa med de/ de bas na de nyid gnas par gyur pa yin zhes bya'o/ /sngon gyi smon lam yang mi 'dor ba'i thabs bstan pa'i phyir/ gang gi tshe zhes bya ba la sogs pa gsungs te/ gang gi tshe na byang chub sems dpa' mkhas gsal ba/ chos thams cad mi dmigs pas stong pa nyid kyi mchog de nyid dang/ rnam par g.yeng ba ma lus pa nye bar zhi bas na zhi pa'o/ /dpa' bar 'gro ba la sogs pa'i ting nge 'dzin sgom pa ni 'di spyod pa'o/ /de ltar ting nge 'dzin dang stong pa nyid kyi rang bzhin gnyis kyis bar skabs der byang chub
- 58b
sems dpa' gnas te/ stong pa nyid kyi stobs kyis mtshan ma rab tu sgom mi byed/ 'di la mtshan ma med de ting nge 'dzin gyi stobs kyis gnas par gyur pa'o/ /ji skad bstan pa'i thabs la mkhas pa'i stobs kyis gang 'dod pa bzhin du mdza' gnyis su mi ltung ngo/ /rim? pa ji lta ba bzhin du mya ngan las 'das ba thob par byed pa'i 'dzin pa med pas na zhi ba'o/ /'khor ba la mngon par zhen pa spangs pas na rang zhi pa'o/ /spyod pa ni mtshan ma med pa la spyod par 'gyur pa'o/ /thun mong ma yin pa'i thabs la mkhas pa bstan pa'i phyir/ bar snang zhes bya ba la sogs pa gsungs te/ dper na bar snang 'phur ba'i bya la gnas ni gzhi'i rang bzhin rab tu mi gnas pa'i phyir med de/ rnam par dpyad na de nam mkha' la gnas pa med do/ /gshog pa gnyis kyi stobs kyis sa la yang mi ltung ngo/ /de ltar byang chub sems dpa' stong pa nyid la sogs pa rnam par thar pa'i sgor spyod pa'i sems can gyi don byed pa'i sems bskyed pa'i phyir mya ngan 'das la mi reg go /dmigs pa spangs pa'i phyir mtshan mar spyod pa ma yin te/ de ni byang chub sems dpa' i nyan thos la sogs pa dang/ thun mong ma yin pa'i thabs la mkhas pa yin no/ /zhes bstan par 'gyur ro/ /chags pa med pa'i thabs la mkhas pa dpe sngon du 'gro bas bstan pa'i phyir/ dper na zhes bya ba la sogs pa gsungs te/ dper na 'phong legs par lobs pa'i skyes bu 'ga' zhig gis legs par mnam du mda''phangs te/ mda' gzhan dag ni phyi bzhin rgyud mar long btags nas/ de'i snga ma'i mda' nges la ltung ba'i skabs mi 'byed de/ mi de 'dod na mda' des la ltung bar 'gyur/ de ltar shes rab pha rol gyin mchog dang/ thabs la mkhas pa chen po'i rang bzhin la spyod pa'i rgyal ba'i sras shes rab dang snying rje la sogs bsgom pa dang/ rnam par spyod pa'i chags pa'i stobs kyis de srid stong nyid dam pa de ni
- 59a
thob mi byed/ gang ji srid dge pa'i rtsa ba yongs su ma rdzogs kyi bar du'o/ /stong pa nyid dang thabs la mkhas pa snga ma bzhin du bstan pa'i phyir/ dper na zhes bya ba la sogs pa gsungs te/ nyon mongs pa dang bral bas cha dge slong dben? khyad par gyi lam gyi stobs kyis rdzu 'phrul gyi stobs chen po dang ldan pa zhig nam mkhar gnas te/ 'gro ba 'dul ba'i phyir gcig cang ngo mtshar gnyis kyis zung byed par rnam par 'phrul te/ 'di lta ste/ 'gro dang 'chag pa dang ni nyal dang 'dug par sngon/ stong pa nyid bsgom pa'i rnam par thar pa'i sgo nas skyo ba med cing legs par goms pas de la dub pa med de/ ji srid 'dod pa de srid gnas zhes bya ba ni lhag ma'o/ /de bzhin du byang chub sems dpa' mkhas pa stong gnas shing/ ye shes phul du byung ba thob pa'i rdzu 'phrul shes pas pha rol son no/ /gnas nges par 'dzin pa spangs pa'i phyir gnas pa med do/ /rnam pa du ma'i bya ba byed pas na 'gro bdag la bya ba rnam pa sna tshogs snying rje sprul pa'i sprin ston te/ re re'i rnam pa mang pas mdza' yas so/ /bskal pa bya bar stong pa nyid dang thabs la mkhas pa'i stobs kyis skyo? ba med do/ /sprul pa legs par goms pa'i stobs kyis dub pa med do/ /mtshan ma med pa'i thabs la mkhas pa de bzhin du rig par bya pa'i phyir/ dper na zhes bya ba la sogs pa gsungs te/ dper na mi 'ga' g.yang sa chen por 'dug byed cing/ lag pa gnyis gas gdugs gnyis 'dzin pa na dus ma yin par 'khrug pa'i phyir dus ma yin pa'i rlung byung ba'i tshe bdag nyid g.yangs chen por mchod bar byed cing/ mi bzad par chus bong yang sdug bsngal bar? ltung bar mi 'gyur te/ ji srid der 'dod pa'i gnas su 'gro bar 'gyur ba/ de bzhin du byang chub sems dpa' mkhas pa snying rjes gnas/ thabs dang shes rab gnyis kyis gdugs ni yongs gzung ste/ chos rnams stong pa mtshan med smon pa med
- 59b
spyod pa/ nges par yid ches par byed cing mtshan ma med pa'i thabs kyi stobs kyis mya ngan las 'das la reg pa med la chos kyang mthong/ de bzhin du gzhan la yang ston par byed do/ /smon pa med pa'i thabs dpe sngon du 'gro bas rtogs par bya ba'i phyir/ dper na zhes bya ba la sogs pa gsungs te/ dper na rin chen 'dod pa rin chen gling du 'gro'o/ /bai DUrya la sogs pa'i rin po che'i 'byung gnas ni gling ngo/ /gang gi tshe yang der ni dad dpon 'ba' zhig bde bar 'tsho byed cing/ de'i tshe yang rin chen rnyed nas phyir? yang khyim du 'ong ba ltar gnyen bshes tshogs la ci nas brtse ba dang ma bral ba'i phyir dbul pa'i sdug bsngal gyis yid mi bde bar mi 'jog pa ltar zhes rim pa bzhin du sbyar ro/ /de bzhin du byang chub sems dpa' stong pa nyid ni yon tan rin po che ? ba'i phyir rin chen kyi gling ngo/ /byang chub sems dpa' song ste phyin nas bsam gtan dbang po stobs thob pa/ gang gi tshe mya ngan las 'das la reg pa 'ba' zhig mngon dga' ba de lha yin na yang sngon gyi smon lam gyi stobs kyis sems can sdug bsngal ni skye pa la sogs pa'o/ /yid la 'jog pa ma yin te/ smon pa med pa'i thabs kyi stobs kyis mya ngan las 'das pa mngon du byed par mi 'gyur ro/ /de bzhin du phyir mi ldog pa'i rtags kyi thabs bstan pa'i phyir/ dper na zhes bya ba la sogs pa gsungs te/ dper na tshor? ba mngon par 'dod pa'i don gnyer brgyus te/ 'tshong ba dang nyo ba'i zong gi rin thang shes par bya ba'i phyir/ par gyi grong khyer grong rdal? grong gang yin par 'gro /der yang ni grong khyer la sogs par ro/ /rin chen gling duAng mi gnas la/ rig pa khyim duAng mi gnas so/ /'on kyang de gnyis kyis rkun ma la sogs pa thag bsrings pa'i thabs shes ba'i bdag nyid yin pa'i phyir lam la mkhas pa'o/ /nong sogs par byed pas na rnam par rig par byed pa'i phyir rang gi khyim du bskyab par bya ba'i sems can la rjes su brtse bas
- 60a
'ong bar 'gyur ro/ /de bzhin du byang chub sems dpa' dad pa'am/ snying rje dang/ shes rab kyi sbyor ba shes pas na mkhas pa blo ldan no/ /nyan thos dang rang sangs rgyas rnams kyi lam shes pas rnam par grol ba kun la mkhas te/ de dag gis 'dul ba'i sems can gyi don rab tu goms pas na mkhas pa'o/ /sems can gyi don yongs su mi gtong bas na de dag mngon du mi byed pas na/ de la yang mi gnas so/ /bya ba ma byas pas na de bzhin du de bzhin gshegs pa'i ye shes la mi gnas so/ /'dus byas kyi nyes pa rtogs pa'i phyir 'dus byas la yang mi gnas so/ /de nyid kyi phyir thams cad du 'gro ba'i lam yin no/ /yon tan dang skyon rim pa ji lta ba bzhin du yongs su shes pa la mkhas pa ni tshul shes pa yin te/ de lta byed phyir mi ldog pa zhes bya ste/ thun mong ma yin pa'i chos yin no zhes bstan par 'gyur ro/ /tshad med pa'i thabs la mkhas pa bstan pa'i phyir/ gang tshe zhes bya ba la sogs pa gsungs te/ gang gi tshe bde ba la sbyor bar byed cing 'gro la byams pa rjes su 'brel byas nas/ ting 'dzin stong pa mtshan med smon pa med spyod pa de'i tshe sems can tshad med pa la stong pa nyid la sogs pa'i dmigs pa stobs kyis rim pa ji lta ba bzhin du de ni mya ngan 'das pa thob par 'gyur zhe na/ rgyal pa'i sras nges? de bzhin du yang 'dus byas yin par gdags nus de ni gnas med do/ /zhes bya ba ni tshigs su bcad pa'i don to/ /de nyid kyi don dpes gsal bar bstan pa'i phyir/ dper na sprul pa'i mi ni sngags la sogs pas mig bslad pas mthong ba'i lam du mi'i lus su mi snang ba ma yin zhing/ rig pas dpyad na stong pa'i phyir/ de ni gang gis kyang ni gdags par nus pa ma yin zhes bya bar 'brel to/ /de bzhin du byang chub sems dpa' sems can la dmigs pa med pa stong pa nyid la sogs
- 60b
pa'i rnam par thar pa'i sgor spyod pas de'i 'dus byas dang 'dus ma byas kyi khams zhes ming gis kyang ni gdags par nus pa yin zhes bya ba snga ma dang 'brel to/ /de lta bas na thabs snga ma snga ma ni thabs phyi ma phyi ma'i rgyu'i gtso bo yin te/ stong phrag brgya pa las thabs kyi dbyed? rnam pa bcu gsungs pa bzhin blta'o/ /thabs mdza' yas pa thams cad 'dir 'dus pa yin no/ /rgyu gzhan brjod par bya ba med do zhes nye bar sbyang ba'i phyir/ gal te zhes bya ba la sogs pa gsungs te/ gal te rgyal ba'i sras kyi gnas par bya ba spyod pa dang ni dbang po zab mo'i chos dris la rgyas par bstan pa gsal bar byed pa ji skad bstan pa'i thabs shes par mi byed de/ byang chub sems dpa' stong pa mtshan ma med pa dang/ smon pa med pa'i rnam par thar pa'i sgo dang/ phyir mi ldog pa'i sa'i chos te/ sems can thams cad la yongs su btang pa'i sems bskyed pa'o/ /bsdus nas bstan pa rgyas par mi 'chad pa de ni lung ma bstan pa yin par rig par bya'o zhes bstan to/ /de dag gis ni rnam pa kun mngon par rdzogs pa bstan pa yin te/ de skad du yang/ rnam pa sbyor dang bcas rnams dang/ yon tan skyon ni mtshan nyid bcas/ /thar dang nges 'byed cha 'thun dang/ /slob pa phyir mi ldog pa'i chogs/ /srid dang zhi ba mnyam nyid dang/ /zhing dag bla na med pa ni/ /rnam kun mngon rdzogs rtogs pa ste/ /'di ni thabs mkhas bcas pa yin zhes gsungs so/ /rnam pa kun mngon par rdzogs pa thob pa de ma thag tu rab kyi mthar thug ba rtse mo'i mngon par rtogs pa yin pas re zhig de'i rtags bstan pa'i phyir/ dgra bcom zhes bya ba la soD pa gsungs te/ dgra bcom pa dang rkyen gyi sangs rgyas ye shes dang/ khams gsum dag kyang mi 'dod de/ shin tu goms par byas pa'i phyir ro/ /rmi lam na yang sangs rgyas rnams mthong 'gro la chos kyang ston byed pa de lta bu ni rtse mo'i mngon par rtogs pa ste/ de ni
- 61a
mi ldog lung bstan yin par rig par bya/ /de bzhin du/ rmi lam na ni sems can ngan song gsum gnas mthong/ /rmi lam du rtogs pa'i phyir/ skad cig de la ngan song rgyun gcod smon lam 'debs/ de bzhin du bden pa'i byin gyis rlabs kyis rmi lam gyi gnas skabs ni yang grong khyer la sogs pa tshig pa'i me'i phung po zhi ba de lta bu de ni mi ldog lung bstan yin par rig par bya/ de bzhin du ma'i 'jig rten 'byung po'i gdon dang nad mang ba/ bden pa'i byin gyis rlabs kyis me'i phung po zhi ba dang/ 'gro ba rjes su bzung ba'i blos phan dang snying brtser ldan pas 'byung pos zin pa gsal nas bdag bstod cing nga rgyal skye bar mi byed pa dang/ yang gzhan dag la smod par mi byed pa de lta bu'i ni snga ma bzhin du/ de ni mi ldog lung bstan yin par rig par bya/ yon tan rin po che sdud pa tshigs su bcad pa las thabs la mkhas pa'i le'u ste nyi shu pa'i bshad pa'o// //bdud kyi byin gyis rlabs kyis song ba ni rtags ma yin no zhes bstan pa'i phyir/ ci ste zhes bya ba la sogs pa gsungs te/ gzhan yang byang chub sems dpa' de ni bden pa'i byin rlabs sna tshogs dag /'byor par bdag lung bstan snyaM rloM sems 'byung ba'am/ de bzhin du gal te byang chub sems dpa' gzhan gyi lung bstan pas byang chub sems dpa' gzhan la smod pa de'i tshe rlom sems gnas pa de ni bdud kyi byin gyis brlabs pa yin te/ de ma thag du che bas che ba'i nga rgyal 'byung bas blo chung ba dang/ sems chung ba'i zhes bya ba'i bar du shes par bya'o/ /zhar la 'byung ba'i bdud kyi bye brag bstan pa las ming gi gzhi las 'byung ba'i bdud kyi las bstan pa'i phyir ro/ /ming gi zhes bya ba la sogs pa gsungs te/ ma la sogs pa'i ming brjod cing
- 61b
byin gyis rlob pa bdud kyi las te/ nye bar 'ongs gyur nas/ 'di skad smra ste/ 'di ni khyod dang pha dang ma dang/ khyod kyi gzhan yang brgyud pa bdun mes rgyud kyi bar gyi ming 'di yin zhing/ gang zag 'byung ba'i rigs dang ming 'di zhes bya'o zhes smra zhing/ de bzhin du gang tshe khyod ni sangs rgyas 'gyur ba'i ming 'di yin no zhes bya bas de'i tshe yang gang de nyid kyis bsams pa'i ming ltar ming de nyid du 'gyur bas smre bar 'gyur te/ de thos bas mngon pa'i nga rgyal skyes nas bdud nye bar 'ongs pas 'di ni blo chung du yin no zhes 'chad par 'gyur pa dang 'brel to/ /sbyangs pa'i yon tan gyi gzhi las byung ba'i bdud kyi las bstan pa'i phyir/ sbyangs sdom zhes bya ba la sogs pa gsungs te/ sbyangs pa'i yon tan gang ci 'dra ba bsod snyoms pa nyid la sogs pa dang ldan pa dang/ rnal 'byor dang ldan pa la khyod sngon yang yon tan tshul yang 'di 'dra zhes brjod de/ de skad gang thos rlom sems te mngon pa'i nga rgyal skyes na byang chub sems dpa' de ni bdud kyis yongs su bslang ste bdud 'ongs pas de ni blo chud ba bsam pa dman pa'o zhes bya ba'i bar du shes par bya'o/ /yang dben pa'i gzhi las byung ba'i bdud kyi las bstan pa'i phyir/ rab tu dben pa'i zhes bya ba la sogs pa gsungs te/ ljon shing gi skye ba 'jig pa'i phyir rab tu dben pa'i grong dang grong khyer ro/ /chu 'bab pa dang ldan pa'i phyir ri sul lo/ /grong las rgyang grags kyi tshad tsam na gnas pa ni dgon pa'o/ /'brog dgon pa la sogs par stag la sogs pa dang bral ba'i phyir rab tu dben pa'o/ /nags kyi khyad par ni nags khrod de rab tu sten byed cing gal te bdag bstod la yon tan la sogs pa mngon pa'i nga rgyal gyis gzhan la smod cing ngan par spyod na byang chub sems dpa' de ni bdud kyi las kyis yongs su bslang zhing de ni blo chung zhing bsam pa bzang po ma yin no/ zhes
- 62a
bya ba'i bar du'o/ /'o na dben pa'i gnas ji lta bu yin zhe na/ rtag tu zhes bya ba la sogs pa gsungs te/ lus 'phags la sogs pa ni grong ngo/ /tsam pa ka la sogs pa ni yul lo/ /pa Ta li pu Ta la sogs pa ni yul 'khor te/ rtag tu gnas byed cing ste/ gzhan du nyan thos la sogs pa'i gdul byi'i? sems can yongs su smin par bya ba'i phyir bla na med pa'i byang chub tu yang dag par bsam pa dag pas zhugs pas byang chub la brtson pas gnas pa'o/ /de ni dgra bcom pa dang rang rgyal ni rang rgyal lo/ /'dod pa gzhan yang skyed mi byad de/ bstan ma thag pa de dag dang/ mi dge ba'i chos thams cad las dben pa ni dben par bstan te/ de bzhin gshegs pa zhes bya bar 'brel to/ /'di ni chos kyi dbyings las byung ba'i phyir ro/ /bde par gshegs pa'i sras kyi dben par gsungs so/ /gzhan ni dben pa ma yin no zhes bstan pa'i phyir/ gang zhig ces bya ba la sogs pa gsungs te/ gang zhig dpag tshad lnga brgya yod pa'i ri sul te/ sprul ni sprul gdug pa'o/ /gang gi phyir lo mang bye bar gnas byed kyang gnas ni khyim mo/ /dben pa 'di ni bstan ma thag pa yin par mi shes pa'i byang chub sems dpa' nyan thos la sogs pa'i yid la byed pa dang ldan pa'i phyir byang chub sems dpa' de snyam du rlom na lhag pa'i nga rgyal rnyed nas 'dre bar gnas pa yin te/ byang chub sems dpa' nyid thob pa ma yin no/ /nga rgyal gyi yul de nyid bdud kyi spyod yul las ma 'das par bstan pa'i phyir/ byang chub sems dpa' zhes bya pa la sogs pa gsungs te/ gal te byang chub sems dpa' 'gro ba'i don la mngon du phyogs ba na brtson pa'o/ /bzod pa nas chos kyi mchog gi dad pa la sogs pa ni stobs so/ /bsam gtan ni bzhi ste mnyam par bsgrub pa'o/ /drod dang rtse mo'i rang bzhin dad pa la sogs pa ni
- 62b
dbang po'o/ /stong pa nyid la sogs pa ni rnam par thar pa'o/ /dpa' bar 'gro ba la sogs pa ni ting nge 'dzin to/ /thob pa de la 'di ni dbon dben spyod pa min snyam byang chub sems dpa' brnyas byed na/ de ni bdud kyi spyod yul gnas zhes rgyal bas gsungs/ rgya tshar bstan pa nyid nye bar bsdu pa'i phyir/ gang zhig ces bya ba la sogs pa gsungs te/ gang zhig grong ngam 'on te dgon par gnas kyang rung/ rnam pa thams cad du nyan thos la sogs pa'i yid la byed pas dben pa ni theg pa gnyis kyi sems bral lo/ /bla na med pa'i byang chub tu cig tu nges pas na byang chub mchog nges so/ /byang chub sems dpa' i dben pa de las gzhan ni nyan thos la sogs pa dang 'brel pa yon tan chung du thob par byed pa de nyid kyi phyir zad par byed cing 'dor ro/ /gang gi phyir bstan ma thag pa'i nyes pas dben zhing 'gro don zhugs pa rnams kyi ste/ rgyal pa'i sras rnams yin no/ /yon tan rin po che sdud pa tshigs su bcad pa las bdud kyi laS kyi le'u ste nyi shu? rtsa gcig pa'i bshad pa'o// //gang gis yongs su ma shes pa de nyid nyes pa ste/ mi mthun pa'i phyogs de dag dgag pa'i phyir/ de lta bas na zhes bya ba la sogs pa gsungs te/ gang gi phyir bstan ma thag pa'i nga rgyal nyes pa yin pa de lta bas na nges par bcom ste/ de lta bu ni 'khor bar ltung ba'i thabs spong bas nam mkhas pa'o/ /mngon par yid ches pa mang ba'i phyir bsam pa drag ldan no/ /byang chub dam pa tshol ba nges na nad pa'i tshogs kyis sman pa bsten pa ltar/ 'dod chags la sogs pa rang gi nad gso pa'i phyir g.yel ba med par dge ba'i bshes gnyen bsten par bya'o zhes bstan to/ /dge pa'i ba shes gnyen yang gang zhig yin zhe na/ sangs rgyas zhes bya ba la sogs pa gsungs te/ sangs rgyas ni bcom ldan 'das so/ /byang chub mchog zhugs byang chub sems
- 63a
dpa' dag gi dge ba'i bshes gnyen dag pha rol phyin pa drug rab tu ston pa nyid do/ /de rnams la sangs rgyas la sogs pa ni phan pa dang phan pa ma yin pa thob pa dang spong pa rjes su ston pa yin no/ /sbyin pa la sogs pa pha rol tu phyin pa rnams ni rjes su gnas par bya ba yin pa'i phyir sgrub pa'i sa nyid yin no/ /de ltar rgyu rnam pa gnyis kyis sangs rgyas byang chub myur du rtogs te/ de las ma rtogs pa'i dge ba'i bshes gnyen gzhan ni med do/ /sangs rgyas dang byang chub sems dpa' thams cad kyi pha rol tu phyin pa kho na sgrub pa'i sa ma yin nam/ ji ltar de kho na yin par ston ces dgongs pa la/ rgyal ba zhes bya ba la sogs pa gsungs te/ 'gag pas na 'das pa'o/ /'byung bar 'gyur ba'i dus yin ba'i phyir ma byon pa'o/ /da ltar nyid yin pa'i phyir bzhugs ba'o/ /phyogs bcu dag gis sangs rgyas bcom ldan 'das de dag kun te/ sangs rgyas ji snyed pa'i lam pha rol tu phyin pa'i mtshan nyid 'di yin te/ gnyis pa med pa'i phyir gzhan ma yin te/ gzhan gyis phyin ci log spong ba med pa'i phyir ro/ /gang gi tshe nyon mongs pa'i sgrib pa'i mun pa bsal bas na bsal pa'o/ /shes bya'i sgrib pa'i mun pa bsal bas na sgron ma'o/ /de bzhin du yang byang chub mchog la bzhugs pa'i byang chub sems dpa' rnams mthong ba'i lam gyis snang bar byed pas snang ba'o/ /yang bsgom pa'i lam bskyed pa rjes su ston pas ston par 'gyur ba'o/ /yang dag par pha rol tu phyin pa 'di dag ston pa'i phyir 'di dag nyid kho na sgrub pa'i sa yin par dgongs so/ /zhab? la byung ba bstan nas da ni skabs la bab pa nyid kyis ji skad bstan pa'i rtags la mgon par zhen pa ma grub par bstan pa'i phyir ro/ /ji ltar zhes bya ba la sogs pa gsungs te/ ji ltar shes rab kyi pha rol tu
- 63b
phyin pa sgyu ma lta bur gcig dang du ma'i rang bzhin dang bral ba'i phyir stong pa nyid kyi mtshan nyid yin pa de bzhin du gzugs la sogs pa'i chos 'di dag thams cad kyang stong pa nyid kyi mtshan nyid du de dang 'drar shes shing/ de bas na chos rnams stong zhing mtshan ma med par rab shes na/ gang gi tshe ji skad bstan pa'i rtags la spyod pa de'i tshe de ltar sbyor pa bde gshegs shes rab spyod pa yin/ ji skad bstan pa'i rtags kyi rang bzhin rnams dang/ chos rnams thams cad stong pa nyid yin na ji ltar kun nas nyon mongs pa dang rnam par byad bar bzhag ce na/ sems can zhes bya ba la sogs pa gsungs te/ bdag dang bdag gir zhen bas kham gyi zas la sogs pa 'dong byed cing/ 'dod pa dang gzugs la sogs pa'i sems can du yongs su rtogs pas 'khor bsgrub pa dang/ srung ba mi bzad pa'i sdug bsngal gyis mi skyo la phyin ci log la chags pa'i yid la byed pa dang ldan pas des skye ba srung ba rtag tu 'khor ro/ /yang de kho na nyid du bdag dang bdag gi la sogs pa'i chos nyid gnyis ma skyes pa'i phyir yang dag min te stong pa'o/ /phyin ci log gi stobs kyis nam mkha' la mdud pa bor ro/ /de bzhin du skye bo rnams rang nyid bcings pa ste grol bar dka' zhes bya ba'i bar du'o/ /ci'i phyir zhe na/ tha snyad la mi mkhas pa'i phyir byis pa ste/ byis pa bzhin grol bar mi nus zhes bya ba'i bar du'o/ /des ni kun nas nyon mongs pa'i dngos por rnam par bzhag go /ci 'di dag phyin ci log gi stobs kyis kun tu stong par rnam par bzhag ce na/ dper na zhes bya ba la sogs pa gsungs te/ dper na dug med pa la phyin ci log gi stobs kyis dug tu shes pa nyid kyis dug langs te yi la khyab pa'o/ /dug de khong du song ba med kyang rgyal bar 'gyur/ de bzhin du 'phags pa'i lam ma skyes pa'i phyir yang byis pa'o/ /phyin ci log gi stobs
- 64a
kyis legs par sbyar te/ 'di ni bdag go /'di ni bdag gi chos so snyam mo/ /de skad du yang/ bdag yod na ni gzhan du shes/ /bdag gzhan cha las 'jon? dang sdang/ /de gnyis dang ni 'brel pa las/ /nyes pa ma lus 'byung bar 'gyur zhes gsungs pa yin no/ /de ltar bdag tu 'du shes pa skyes pa nges kyang de dag nyid du dben zhing stong pa'i phyir yang dag pa ma yin pa la byis pas sgro btags so/ /ji skad bstan pa'i nus pa las bzlog pa ni rnam par byang ba'i dngos por rnam par bzhag go /bden pa gnyis la yang dag par bsten nas gnyi ka rnam par gzhag pa nye bar bsdu ba'i phyir/ ji ltar zhes bya ba la sogs pa gsungs te/ ji ltar 'dzin pa ste mngon par zhen pa ni kun rdzob bo/ /de ltar kun nas nyon mongs pa bstan nas ji skad bstan pa'i mngon par zhen pa bdag dang bdag gis chos so/ /ji ltar mi dmigs pa de ltar rnam par byang bar gsungs/ de kho na nyid du 'di la gang yang te/ sgyu ma yin pa'i phyir phyin ci log med pas gang zhig nyon mongs rnam dag 'gyur med pa/ byang chub sems dpas shes rab pha rol phyin pa rtogs/ chos nyid ces bya ba'i tshig gi lhag ma'o/ /de ltar de'i rtags shes par byas nas rtse mo'i mngon par rtogs pa'i rnam par 'phel ba bstan pa'i phyir 'dzam bu'i zhes bya ba la sogs pa gsungs te/ 'dzam bu'i gling na sems can ji snyed gnas pa ma lus ba/ de dag thams cad byang chub mchog tu sems bskyed nas/ sangs rgyas dang byang chub sems dpa' rnams la lo stong bye ba mang por sbyin pa byin byas la de dag kun ni gzhan yang ngo/ /'gro ba'i don mngon par 'dod pa ni don te ched du byang chub rgyur yongs bsngo yang/ gang zag gzhan gang zhig gis rtse mo mngon par rtogs pa'i rang bzhin gyi shes rab kyi pha rol tu phyin pa'o/ /de la brtson pa tha na?
- 64b
nyer? cig gcig yang dag par rjes su 'thun byed na/ 'dir shes rab kyi pha rol tu phyin pa la mngon par brtson pa rnam la thams cad 'phel ba dang ldan pa'i phyir gang zag snga ma'i bsod nams la ltos nas snga mar bstan pa'i sems can de dag gi sbyin pa'i phung pos bsod nams kyi rgyu'i char yang phod bar mi 'gyur ro/ /de'i phyir g.yel ba med par rtag tu shes rab 'jug par bya ste bsgom par bya zhes ltag ma'o/ /yum 'di 'ba' zhig la goms par bya ba ma yin te/ 'on kyang snying rje yang goms par bya'o zhes bstan pa'i phyir shes rab ces bya ba la sogs pa gsungs te/ shes rab pha rol phyin mchog spyod pa ji ltar bstan pa'i rang bzhin la mnyam par 'jig pa'i tshe rgyal ba'i sras de ni rnal 'byor pa'o/ /snying rje chen po skyed kyang sems can 'du shes med de/ mngon par zhen pas sems can du 'du shes par mi bya'o/ /de tshe rtags mngon du 'gro ba nyid kyis na mkhas pa'o/ /'gro ba kun gyi bsod nams kyi zhing yin pa'i phyir sbyin gnas su 'gyur ro/ /dus rtag tu gdon mi za bar thob pa'i 'bras bu ster ba'i nus pa dang ldan pa'i phyir yul 'khor bsod snyoms don yod yongs su spyod do/ /de bas na sems can gyi don gyi rab snying rje dang shes rab gnyis kyi rnal 'byor sgrub po zhes bstan pa'i phyir/ byang chub sems dpa' zhes bya ba la sogs pa gsungs te/ byang chub sems dpa' gang zhig 'dir rang gi phyin ci log gi stobs kyis dus yun ring por bcings pa'i lha mi ngan song gsum ni sems can dmyal pa la sogs pa'o/ /dgrol bar yang dag par 'dod pas lam yangs ni theg pa chen po'o/ /'khor ba'i rgya mtsho'i pha rol gyi 'gram sems can gyi khams la ston par 'dod pas zhes snga ma dang 'brel to/ /de bas na nyin mtshan du shes rab kyi pha rol tu phyin pa snying rje dang bcas pa 'di la brtson par bya'o//
- 65a
don de nyid kho na zhes dpes gsal bar bya ba'i phyir/ mi zhig ces bya ba la sogs pa gsungs te/ dper na mi zhig sngan chad ma rnyed ba'i rin chen mchog ste/ khyad bar du 'phags ba'i dus gzhan zhig rnyed bar gyur te dga' ba las/ de ma thag du yang rnam par g.yeng ba la sogs pa'i sbyong pas bag med par gyur te/ rnyed pa gtor na ni de la gtor bar mi 'dod pa dang mngon par 'dod pa'i dngos po dang bral ba'i yid la byed pas rin chen 'dod pas rtag tu sdug bsngal lo// de ltar de bzhin du byang chub mchog zhugs rnyed bar dka' ba'i phyir rin po che dang 'dra ba'i snying rje dang bcas ba'i shes rab kyi pha rol tu phyin pa yid la byad pa dor bar mi bya'o/ /rin chen dor ba rnyed pa ltar/ 'di ltar gos la sogs pa la brtes? nas rab tu brtson pas sems can 'dzin to/ /gang gi tshe shes rab kyi pha rol tu phyin pa dus yun ring por goms pa dang rjes su 'bral ba de'i tshe byang chub sems myur ba nyid du yang dag pa'i lam du zhugs pa'i phyir mya ngan las 'das pa ? par 'gyur ro/ /yon tan rin po che sdud pa tshigs su bcad pa las dge ba'i ba shes gnyen gyi le'u ste nyi shu gnyis ba'i bshad ba'o// //snying rje dang shes rab dag gis rnam par 'phel ba thun mong gi 'bras bu bstan nas/ khyad par gyi mi mthun pa'i phyogs dril gyis gnon pa rtogs par bya ba'i phyir/ dpe sngon du 'gro bas/ nyi ma zhes bya ba la sogs pa gsungs te/ dper na nyi ma sprin dang bral bas gsal bar 'char ba'i 'od zer dra ba can/ mun nag thibs po'i mun pa thams cad 'joms 'char ba/ rang gi 'od kyis 'phro ba srin bu me khyer srog chags 'byung bo thams cad dang/ pa? bsangs dang/ phur bu la sogs pa'i skar ma'i tshogs dang zla ba'i 'od kun zil gyis gnon pa de bzhin du ji skad pa?
- 65b
pa'i shes rab kyi rang bzhin shes rab kyi pha rol phyin mchog spyod/ mkhas pa byang chub sems dpa' 'jig tshogs la lta ba'i thibs po thams cad don med pa'i rgyu yin pa'i phyir bcom nas 'gro ba kun dang/ dgra bcom rang rgyal byang chub sems mang zil? gyis gnon te/ ji skad bstan pa'i snying rje dang shes rab shin tu rnam par 'phel te/ stong pa nyid dang mtshan ma med pa la rnam par spyod pas spangs pa che bas byang chub sems dpa' chen por gyur pa yin zhes bya'o/ /mi mthun ba'i phyogs ? gyis gnon pa bstan nas/ da ni de bzhin du gnyen po thob pa yang bstan par bzhed nas/ dper na zhes bya ba la sogs pa gsungs te/ dper na rgyal po'i bu zhig bran rnams la bsgo bsha' byed ba'i dang tshul can yin pa'i phyir nor gtong do/ /lugs kyi bstan bcos gyi rjes su zhugs pas don sgrub pa la mkhas pa'i phyir don 'dod ba'i rgyal po'i sras kun las de nyid gtsor phul du byung bar bkung ba'i phyir gtso bor gyur ba'o/ /'jig rten gyis bsten par bya ba'i phyir mngon bar 'gro bya'o/ /'di ni da ltar na yang ste dbul po'i gnas skabs na sems can mang po'i phyir bkur sti la sogs pas dga' bar byed do/ /de bas na dbang bskur ba thob pa cod pan bcings par gyur pa rgyal po khyad par can du gnas pas sems can mang po dga' bar 'gyur ba lta ci smos/ /de bzhin du shes rab dang snying brtser bcas par spyod mkhas byang chub sems dpa' yang gnyen po thob pa'i stobs kyis chos ston pa na nyams pa med par chos ston ba'i phyir mthong ba'i lam la sogs ba'i bdud rtsi sbyin bar byed pas lha dang mi rnams dga' bar byed par 'gyur ro/ /'di ni de lta na yang ste chung du thog pa'i gnas skabs na yang sems can mang po la phan pa dang bde ba la brtson te/ mthong ba'i lam la sogs pa ston pa'i phyir ro/ /bag
- 66a
chags kyi sgrib pa thams cad spangs pa'i phul du byung ba'i chos kyi rgyal por gnas par gyur na de'i tshe sems can bde ba la brtson pa lta ci smos zhes snga ma dang sbyar ro/ /yon tan rin po che sdud pa tshigs su bcad pa las brgya phyin gyi le'u ste nyi shu gsum pa'i bshad pa'o// //de ltar gnyen po shin tu 'phel bas rang gi spyod yul las 'das pas bdud rtson pa chen po byed par bstan pa'i phyir/ de'i tshe zhes bya ba la sogs pa gsungs te/ gang gi tshe gnyen po skyes pa de'i tshe bdud ni zug rdu ldan par 'gyur te/ chung du dang/ 'bring dang/ chen po ste/ yid mi bde ba thob pa dang/ zug rdu dang mya ngan gyi don gyis sdug bsngal te/ de nyid kyi phyir yid mi bde nyam chung bar 'gyur/ ji ltar byang chub sems dpa' gnyen po sgom pa las 'di yid nur 'gyur zhing/ 'jigs pa bstan phyir phyogs dang phyogs mtshams rnams bsreg cing skar mda' gtod mod kyi/ de lta bas na yang bar chad byed mi nus so/ /gang zhig la mi nus zhe na/ lan du gang tshe zhes bya ba la sogs pa gsungs te/ gang gi tshe mkhas par gyur ba'i snying rje phun sum tshogs pa yang dag pa'i bsam pa dang yang dag par rab tu ldan pas nyin mtshan shes rab pha rol tu phyin pa mchog bsgoms pa'i stobs kyis don la stab? de'i tshe shes rab dang snying rje goms pas lus sems ni nye bar mtshon pa'i phyir dag kyang ngo/ /mkha' la 'gro ba'i bya dang mtshungs pa nyid kyis mnyam pa gang cung zad la yang mi gnas par gyur pa la nag po'i las kyi grogs byed pa'i phyir nag po'i rtsa lag rnams kyis glags rnyed ga la 'gyur te/ /yang dag par zhugs pa'i phyir mi 'gyur ro/ /lam la yang dag par ma zhugs pa la ni nus so zhes bstan pa'i phyir/ gang tshe zhes bya
- 66b
pa la sogs pa gsungs te/ gang tshe byang chub sems dpa' rang gi gnas su dag gi rtsod pa ni 'thab pa'o/ /rgyal po'i pho brang la sogs par song nas 'thab pa ni rtsod pa'o/ /phan tshun sdang bar nye bar gnas pa ni 'gal ba'o/ /khro bas bskyed pa'i sems ma rungs par spyod pa dang ldan par gyur pa'o/ /des 'jug pa thob pas bdud ni dga' 'gyur zhing/ de nyid mchog tu nyams pa der 'gyur ro/ /yang de gnyis 'thab mo la sogs pa byed pas de'i byin gyis brlabs kyis rgyal pa'i shes rab las ni ring 'gyur snyam/ de bzhin du de gnyis phan pa dang phan pa ma yin pa thob pa dang/ spong ba'i thabs dang bral ba'i phyir sangs rgyas kyi chos rnams las ring du 'gyur zhing sha za 'dra bar 'gyur ro/ /de bas na yang de gnyi ga bkag pa'i 'thab mo la sogs ba byed cing bdag nyid stod pas dam bcas pa nyams pa byed par 'gyur/ gang gi tshe zhe sdang ches cho bas mi bzad pas gzhan gnod pa byed pa mi bzod cing bzod pa dang bral la byang chub ga la yod/ de tshe bdud rnams phyogs dang bcas te mang po dga' bar 'gyur te/ bdud kyi phyogs ni bdud kyi sde chos ma yin pa 'thab mo la sogs pa byed pa yin no/ /'on ji lta bus byang chub 'thob ce na/ lung bstan ma thob byang chub sems dpa' gang zhig gis/ lung ma bstan pa de ni ? bar mtshon pa'i phyir ro/ /lung bstan thob pa la yang sems khros pa la sogs pas bskyed cing sun dbyung ba'i sems kyi rtsod ba rtsom byed cing bshags pa la sogs pa mi byed na/ dge ba'i bsod nams mi skye bas na thab skyon ldan no/ /sems kyi skad cig ji snyed pa dang ldan pa de snyed kyi bskal par 'thab mo la sogs pa'i sdig pa bsal ba'i phyir dang/ gnyen po thob par bya ba'i phyir yang ngo/ /sangs rgyas nyid mi gtong bar 'gyur pas gzhi nas go cha bgo dgos so/ /'di lta bus byang chub 'thob pa zhes bya bar dgongs
- 67a
so/ /thabs gzhan bstan ba'i phyir/ sangs rgyas zhes bya ba la sogs pa gsungs te/ sangs rgyas bzod pa'i pha rol phyin pas byang chub reg /de snyam du bsams nas 'thab mo la sogs pa byed pa ni byang chub kyi dgegs yin pa'i phyir ro/ /sems 'di bzang ba min snyam dran pa skyed byed cing/ sdig pa bshags pa'i tshigs su bcad pa las so sor bshags par byed cing gang su yang rung ba las phyis kyang mi byed ba'i sdom pa nod par byed pa ste/ nges par byas nas thabs kyis sam/ gang zag de nyid la mgu bar byed pas sangs rgyas chos 'dir slob ste/ yang dag pa'i byang chub kyi lam la mkhas zhes bya ba'i bar du'o/ /yon tan rin po che sdud pa tshigs su bcad pa las mngon ba'i nga rgyal gyi le'u ste nyi shu rtsa bzhi ba'i bshad ba'o// //nga rgyal dang mngon pa'i nga rgyal sngar dgag ba byas nas/ de bzhin du bslab pa yongs su sgrub pa bstan pa'i phyir/ gang zhig zhes bya ba la sogs pa gsungs te/ byang chub sems dpa' gang zhig sangs rgyas nyid la sogs pa'i bslab pa la slob pa'i tshe don dam par gang yang bslabs par bya ba'i rang bzhin nam/ slob pa po'i bdag nyid de byed pa po'i rang bzhin nam/ bslab par bya ba'i las kyi rang bzhin rnams mi dmigs pa ni nye bar mtshon pa nyid de/ ma bslab pa 'am/ mi slob pa 'am/ bslab par mi bya ba'i chos su mi rtog cing/ de bzhin du bslab pa dang/ bslab pa ma yin pa 'di gnyis 'khor gsum du rnam par dag pa ste mi rtogs pas kun rdzob tu slob ste/ phan pa dang phan pa ma yin pa thob pa dang spang ba'i phyir de ltar gang slob de ni sangs rgyas thob par byed pa dge ba bcu la sogs pa ni chos 'dir slob pa ni phul du byung bar gyur pa'o/ /de nyid tshul khrims 'chal pa dang bral ba ni sangs rgyas
- 67b
gnyis? par byed pa'i chos sgrub par byed pa yin no zhes bstan pa'i phyir/ byang chub ces bya ba la sogs pa gsungs te/ byang chub sems dpa' gang zhig de lta bu'i bden pa gnyis kyi rim pa las ma 'das par bstan ma thag pa'i bslab pa 'di shes pa de ni gzhan ? sgrub pa phun sum tshogs pa ma tshang ba med ? bslab nyams tshul khrims 'chal mi 'gyur/ de ni sangs rgyas chos mnyes bya phyir 'di ni 'di la slob bo/ /bden pa gnyis la brten nas rim pa ji lta ba bzhin du slob pa ni bslab lhag bslab la mkhas te dngos por dmigs pa dang bral ba'i phyir dmigs pa med pa'o/ /de nyid gang yin zhe na/ mkhas ba 'ong byed ces bya ba la sogs pa gsungs te/ mkhas pa ni shes rab can te/ bden pa gnyis la brten nas ye shes kyi 'od mnga' ba'i phyir 'ong byed ?/ /dge ba ma yin sems cig tsam yang skyed mi byed/ nyi ma mkha' la 'gro ba'i ste/ bar snang la 'od zer brgya phrag bkyebs/ mdun gyi bar snang la ni mun pa mi gnas bzhin/ de bzhin du ji skad stan ba'i bslab pa la slob pas yon tan bskyed do zhes bya bar dgongs so/ /sbyin pa la sogs ba'i bslab bar bya ba gzhan dag yod pa ma yin nam/ /ji ltar shes rab kyi pha rol tu phyin pa kho na la bslad bar bstan ce na/ shes rab ces bya ba la sogs pa gsungs te/ shes rab kyi pha rol tu phyin pa kho na la bslab par byas pa rnams kyi chos thams cad khong du chung pa'i rnal 'byor legs bar sbyangs bas rgyal ba'i sras rnams kyis 'khor dang bcad pa la bslab pa yin pa'i phyir pha rol tu phyin pa lha ma thams cad 'dir ni 'dus par 'gyur te/ tshangs ba'i dra bas zhus pa'i mdo las/ ji ltar 'jigs tshogs lta bar lta ba drug cu gnyis 'dus bar bstan te/ des bskyed pa'i phyir ro/ /de bzhin du sbyin ba'i pha rol tu phyin pa la sogs pa 'di dag 'khor gsum rnam par dag pa la go na? bar byas/
- 68a
pas shes rab kyi pha rol tu phyin bar 'gyur ro/ /rjes su 'gro ba'i sgo nas bstan nas ldog ba'i sgo nas bstan ba'i phyir/ dper na zhes bya ba la sogs pa gsungs te/ dper na skye ba snga mas 'bangs pa'i tshe 'gag pa mi srog gi dbang po 'gag pa'o/ /dbang po ji snyed yong pa dmigs pa dbang po'i grong gi tshogs de dag 'gag par 'gyur te/ rten med pa'i phyir ro/ /de ltar shes rab spyod pa mkhas pa byang chub sems dpa' mchog rnams kyi sbyin pa la sogs pa ji skad bstan pa'i pha rol tu phyin pa thams cad ni de'i stobs kyis gzung ba yin pa'i phyir shes rab kyi pha rol tu phyin pa med na thams cad med par 'gyur ro/ /de bas na shes rab kyi pha rol tu phyin pa kho na la bslab par ston to zhes bya bar dgongs so/ /shes rab kyi pha rol tu phyin pa la bslabs pas thams cad la bslabs pa yin no/ nyan thos nyid la sogs pa'i yon tan yang 'byung bas de dag skyon nyid ma yin nam zhe na/ byang chub sems dpa' zhes bya ba la sogs pa gsungs te/ nyan thos kyi yon tan thob pa'i lam la sogs pa gang dag yin pa dang/ de bzhin du rang rgyal rnams kyi yon tan kun la byang chub sems dpa' mkhas pa des 'dul ba'i sems can rjes su bzung ba'i phyir gzhan gyi don du slob par bya ba phyir? yin gyi/ yang de la mi gnas te/ de bzhin du 'dod pa yang mi bskyed de/ nyan thos la sogs pa'i yon tan 'di ni gzhan gyi don du bslab bya yin snyam nas de'i phyir slob kyi/ don de nyid mngon sum du mi byed pas skyon ma yin no/ /yon tan rin po che sdud pa tshigs su bcad pa las bslab pa'i le'u ste nyi shu lnga pa'i bshad pa'o// //rnam par 'phel ba de lta bu'i 'phel ba'i bstan pa'i phyir/ mi ldog ces bya ba la sogs pa gsungs te/ gang gi tsho phyir mi
- 68b
ldog? pa'i khyad par byang chub mchog la rab tu zhugs pa'i byang chub sems dpa' gang zhig snying rje chen pos sems can gyi don du sems bskyed pa la sogs pa la bsam pa thag pas yid rang ba de'i tshe stong gsum gyi stong chen po'i ri rab srang la gzhal bas ? gzung bar cung? gi /rgyal ba'i sras kyi dge ba la rjes su yid rang ba'i brtan pa'i tshad ni bzung bar ni nus te de lta min no/ /nye bar mtshon pa yin pa'i phyir chos gzhan dag la yang bstan pa'i tshad nye bar gzung bar mi nus so/ /brtan pa de lta bus brtan pa'i sems gnas pa brjod par bstan pa'i phyir/ dge ba zhes bya ba la sogs pa gsungs te /tshogs kyi lam la sogs pa ni dge ba'i don gnyer ro/ /rab tu dga' ba la sogs pa ni phan bar 'dod pa'o/ /sems can ji snyed pa kun gyi bsod nams phung po ji snyed pa la yang yi rang 'gyur/ de'i phyir de dag bsod nams lhag ba'i rang bzhin sems brtan pa thob pas sems can gyi don du byang chub sems dpas rim gyi rgyal ba'i yon tan rjes su thob par gyur nas/ phyin ci log ma lus pa'i sdug bsngal zad par bya ba'i phyir 'jig rten te 'gro la chos sbyin byed/ 'dir yang rtags la sogs pa rim pa ji lta ba bzhin du rtse mo'i mngon par rtogs pa'i dro ba la sogs pa nges par 'byed pa'i cha bzhi'i rang bzhin yin no/ /nges par 'byed pa'i cha'i rjes la mthong ba'i lam yin te/ de la yang mi 'thun ba'i phyogs rnam pa bzhi ste/ gzung ba dang 'dzin pa'i rnam par rtog pa'o/ /yang 'di spong bar byed ba'i gnyan po dang blad bar bya ba brjod par bya ba yin pa las thams cad 'jug pa'i phyogs kyi rten can bzung ba'i rnam par rtog pa dang po spang bar bya ba bstan par bzhed nas/ byang chub ces bya ba la sogs pa gsungs te/ byang chub sems dpa' gang zhi
- 69a
mthong ba'i lam la sbyor ba'i gnas skabs na ji skad bstan pa'i rnam par rtog pa spangs pas mi rtog pa'o/ /rgyu dang 'bras bu dang bral ba'i phyir chos rnams kun no stong dang mtshan ma med pa yongs su shes pa dang/ sgro btags? ? chos thams cad dben pa'i phyir spros pa med pa de nyid yongs su shes pa de ni shes rab ji skad bstan pas rnam par rtog pa gnyis kyi rnam pas byang chub tshol bar mi byed do/ /rgyu dang 'bras bur 'brel pa gang yin pa de ni rjes su 'gro ba dang ldan pa'o/ /mthong ba'i lam yid la byed pa dang ldan pa'i phyir rnal 'byor pa'o/ /mthong ba'i lam gyi bdag nyid ni shes rab pha rol phyin mchog go/ thams cad bzlog pa'i phyogs kyi rten can gzung ba'i rnam par rtog pa gnyis pa spang ba'i phyir/ nam mkha' i zhes bya ba la sogs pa gsungs te/ dper na nam mkha' i khams dang nam mkha' lhan cig tu phan tshun spangs? pa la sogs pa'i mtshan nyid kyis 'gal ba med do/ /gang gi nam mkha' i khams de dang ni nam mkha' i der yul 'ga' zhig tu rnam pa 'gas 'gal ba thob pa lta ci smos/ gang gi sgras 'phangs pa'i brjod par bya ba ni rang la rang byed pa ? gal bas mi srid do zhes bya ba yin no/ /de bzhin du mthong ba'i lam gyi rang bzhin shes rab spyod mkhas? byang chub sems dpa' yang/ rnam par mi rtog pa'i ye shes thob pa'i phyir nam mkha' lta bu yin te/ mthong pa'i lam gyi sems dang sems las byung ba 'jug pa'i gnas skabs na ji skad bstan pa'i rnam par rtog pa spangs nas nye bar zhi ba spyod par 'gyur te/ de bas na de nyid kyiS gang dang yang lhan cig tu cung zad kyang 'gal ba med do/ /gzung ba'i rnam par rtog pa gnyis bstan nas/ de bzhin du 'dzin pa'i rnam par rtog pa gnyis brjod par bya ba yin pas skyes bu rjes su yod pa'i rtag?
- 69b
can 'dzin pa'i rnam par rtog pa dang po spang bar bya ba nyid du rig par bya ba'i phyir/ skye bo'i dbus na zhes bya ba la sogs pa gsungs te/ dper na sgyu ma byed pas sprul pa'i skyes bu 'di snyam du nye par gnas pa'i skyes bu ltad mo pa'i tshogs 'di ? mgu bar bya'o snyam du mi sems te/ rnam par mi rtog pa'i phyir ro/ /de yang de sprul pa de nyid skyes bu'i khyad par gyi don snang ba'i shes pa bskyed nas mngon pa'i nga rgyal gyis de nyid bya ba byed par lta ba pos mthong ba ni rang gi nga rgyal gyi stobs kyis bya ba sna tshogs ston par byed pa mthong yang/ gcig dang du ma'i rang bzhin dang bral ba'i phyir/ yang sprul pa'i skyes bu de la lus med sems med dag gi rang bzhin yang med de ming yang yod pa ma yin no/ /de bzhin du mthong ba'i lam kyi sbyor ba'i gnas skabs ni shes rab spyod pa'i byang chub sems dpa' nam yang byang chub rtogs nas 'gro ba la chos ston pa la sogs pas yongs su dgrol mi sems/ de lta bas na yang lha la sogs pa'i 'gro bar skye ba sna tshogs ni rnam pa ? sna tshogs ba'o/ /sems can gyi don byed pa la sogs pa'i bya ba sna tshogs ba'i bya ba mang po dang ldan par ston te/ kun rdzob tsam yin pa'i phyir sgyu ma lta bur ston kyang/ ji skad bstan pa'i rnam par rtog pa spangs nas rnam par mi rtog spyod do/ /yang gang zhig skyes bu btags par yod pa'i rten can 'dzin pa'i rnam par rtog pa gnyis pa spang bar bya ba nyid snga ma bzhin du bstan pa'i phyir/ dper na zhes bya ba la sogs pa gsungs te/ dper na sangs rgyas kyi spral? ba nyid ni khyad par can gyi sprul ba'i rang bzhin yin pa'i phyir sangs rgyas mdzad pa byed kyang byed pa de la/ nga rgyal mang po'i drags pa cung zad skye mi 'gyur/ de bzhin du mthong ba'i lam gyi sems dang sems las byung ba 'jug pa'i rang bzhin shes rab kyis
- 70a
ji skad bshad ba'i rnam par rtog pa spangs pa las spyod pa mkhas pa'i byang chub sems dpa' yang rgyu dang 'bras bu dang bral ba'i phyir rim pa ji lta ba bzhin du sprul pa sgyu ma bzhin du bya ba thams cad ston/ de nyid kyi phyir rnam par rtog pa rnam pa bzhi spangs pas mngon par zhen pa med pa'i sbyor bas don bya ba thams cad byed par 'gyur ro/ /snga ma bzhin du nye bar bsdu ba'i phyir/ shing mkhan zhes bya ba la sogs pa gsungs te/ dper na shing mkhan ni shing 'jog pa'o/ /ji ltar bslab pa'i man ngag logs pas na bzo bo'o/ /rig pa dang ldan pa'i phyir mkhas pa'o/ /skyes pa bud med dang 'dra ba shing las 'khrul 'khor gyi bzo byas pa de yang bya ba thams cad byed par snang ba'i shes pa skye'o/ /de ltar bstan ma thag pa'i rang bzhin rnam par rtog pa bzhi spangs pa'i shes rab la spyod pa mkhas pa'i byang chub sems dpa' gzung ba dang 'dzin pa'i mngon par zhen pa med pa'i ye shes kyis 'gro ba 'di dag thams cad kyi bya ba byed kyang rnam par mi rtog ste/ yid bzhin gyi nor bu bzhin no/ /yon tan rin po che sdud pa tshigs su bcad pa las sgyu ma lta bu'i le'u ste nyi shu drug pa'i bshad pa'o// //ji skad bstan pa'i rnam par rtog pa bzhi spangs pa mtshang ba med par sems can gyi don 'ba' zhig byed par ma zad kyi/ sangs rgyas la sogs pas bsngags par 'gyur ro zhes bstan pa'i phyir/ de ltar zhes bya ba la sogs pa gsungs te/ de ltar ji skad bstan pa'i rnam par rtog pa bzhi spangs pa la spyod pa mkhas pa'i byang chub sems dpa' rnams la brgya byin la sogs pa'i lha'i tshogs gtso bo mang po dag thal mo sbyar ba btud nas yang dang yang du lus dang ngag dang yid kyis phyag kyang 'tshal bar byed do/ /phyogs bcu'i 'jig rten gyi khams kyi sangs rgyas bcom ldan
- 70b
'das ji snyed bzhugs pa yang yon tan bsngags pa'i phreng ba yongs su brjod par mdzad do/ /de bas na de bdud kyi yul las 'das so zhes bstan pa'i phyir/ gang+gA'i zhes bya ba la sogs pa gsungs te/ gaM? gA'i klung gi bye ma dang mnyam pa'i sangs rgyas kyi zhing rnams sems can ji snyed yod pa de kun yongs su ltag pa gzung ste bdud du gyur la/ ba spu nyan re las kyang bdud kyi tshogs de snyed sprul byas kyang/ de dag kun gyis mkhas la bar chad bya mi nus/ de ltar lta'i bu'i bdud las 'das par lan mang du bstan nas sbyir bdud bzhi las 'das par bstan pa'i phyir/ rgyu rnams zhes bya ba la sogs pa gsungs te/ ji skad bstan pa'i rnam par rtog pa bzhi spangs pa nyid kyis shes rab kyi ? kyis stong pa nyid la gnas par gyur ba dang/ snying rje chen po'i stobs kyis sems can kyi don mi gtong ba dang/ lhag par dang bcas pa'i don du phun sum tshogs pas ji skad smras pa bzhin du bden par byed pa dang/ bsod nams dang ye shes kyi tshogs phun sum tshogs bas? na bde gshegs byin rlabs can te/ de rnams ni rgyu rnam pa bzhi'o/ /tshig nyams pa med pas na ma las pa'o/ /lus kyi stobs phun sum tshogs pas na stobs ldan no/ /sems gzhan du bsgyur bar mi nus pas na thub par bka' ba' o/ /de bas na phung po la sogs pa'i bdud bzhis rab tu bskyod par mi nus so zhes tshigs su bcad pa'i don sbyar ro/ /da ni rgyu gang dang bcas pas mthong pa'i lam byang chub chen po thob par byed pa'i yum de bstan pa'i phyir/ de bzhin gshegs yum zhes bya ba la sogs pa gsungs te/ byang chub sems dpa' gang zhig byang chub chen po la rab tu gnas pa'i ched du mthong ba'i lam la sogs pa gzhan la yang dag par sdon cing/ byang chub kyi rgyu mtshan nyid kyi don du de
- 71a
ltar yang dag pa'i gzhung gi don gyi sgo nas bstod cing sems mos pa ni mos byed cing ngo/ /shes rab kyi pha rol tu phyin pa de bzhin gshegs pa'i yum 'di 'chad cing byang chub thob pa'i ched du bdag nyid kyis yi ger bris pa la sogs pa byas nas byin te bsam pa thag pas sgrub par mngon par brtson byed na/ des pa thams cad mkhyen pa'i thabs nyid la zhugs pa de dag ni rab tu gnas pa yin par bya'o/ /rgyu dang bcas par bstan pa mthong ba'i lam de nyid la rnam par rtog pa sel ba'i nus pa yod par dpe sngon du 'gro bas rtog par bya ba'i phyir/ chos dbyings zhes bya ba la sogs pa gsungs te/ dper na chos kyi dbyangs nyid nam mkha' i khams kyi de bzhin nyid la rang bzhin med pa'i phyir gnas par mi 'gyur ba nyid ni gnas med do/ /dngos po thams cad kyi nus pa dang bral ba'i mtshan nyid bar snang ni nam mkha' o/ /sprin ni sems can gyi las kyi dbang gis gnas par gyur ba'o/ /dper na rig sngags 'chang gis rlung gi dkyil 'khor la gnas pa'i sbyor ba sngags mthus dus min me tog ldan zhing byin gyis rlob ste/ rten cing 'brel bar 'byung ba'i chos nyid kyi stobs yin no/ /bstan ma thag pa'i rgyu dang bcas pa'i mthong lam rtogs pa'i phyir/ byang chub sems dpa' mkhas gsal bas/ rtogs par byed pa 'jug pa'i phyogs kyi rten can bzung bar sgro btags par dmigs par mi 'gyur ro/ /chos thams cad ldog pa'i phyogs kyi rten can gzung bar rtog pa rnam par gzhag pa dang dmigs pa med do/ /'chad par byed pa skyes bu rdzas su yod pa'i rten can 'dzin pa'i rnam par rtog pa sgro btags pa yang mi dmigs so/ /lta bar byed pa skyes bu btags ba'i rten can 'dzin pa'i rnam par rtog par gzhag pa yang mi dmigs
- 71b
?/ /mthong ba'i lam gyis ji skad bstan pa'i rnam par rtog pa bzhi spangs pas de'i phyir rten cing 'brel bar 'byung ba'i chos nyid yin pas mi gnas pa'i mya ngan las 'das pa la dga' bas 'di gnas so/ /ji skad bstan pa'i mthong ba'i lam rgyu dang bcas pas stobs bcu la sogs pa'i mngon bar dga' ba'i yon tan gyis rgyal ba'i sras rnams de dag gnas so zhes bya bar dgongs so/ /byang chub sems dpa' i lam dang mtshungs pa nyid kyis nyan thos la sogs pa 'di dag gnas sam zhe na/ lan du dgra bcom zhes bya ba la sogs pa gsungs te/ dgra bcom rnam thar de bzhin gshegs kyi ma gtogs par/ re zhig nyan thos rnams dang/ rang sangs rgyas dang bcas pa'i mthong ba'i lam la sogs pa'i mtshan nyid kyis gnas pa'o/ /nyon mongs pa'i sgrib pa spangs pa'i byed pa nyid ni zhi ba'o/ /sems rtse gcig pas nye bar zhi bas rab zhi'o/ /mthong ba'i chos la bde bar gnas par byed pa'i phyir bde ldan no/ /ji snyed de dag gi mchog tu 'di gnas pa yin te/ khyad par du shes bya'i sgrib pa spangs ba'i phyir rgyal ba'i sras rnams thun mong ma yin pa'i chos rtogs pa yin pas rnal 'byor gyi gong na med pa yin no/ /thams cad rab tu khyad par du 'phags pa yin nam mya ngan las 'das pa ji ltar ma rtogs she na/ lan du 'dab chags zhes bya ba la sogs pa gsungs te/ dper na 'dab chags mkha' la gnas kyang ltung ba'i gegs med par gyur kyang ltung bar 'gyur ba ma yin te/ rang gi las skyes pa'i gshog pa gnyis la nus pa yod pa'i phyir ro/ /nya ni chu la gnas kyang 'tshubs te 'chi ba med de/ rang gi las kyi dbang gis so/ /de ltar byang chub sems dpa' thabs la mkhas pa thob pa de bzhin du bsam gtan gyi stobs dang? pha rol son pa sgyu ma lta bu mthong ba'i lam la
- 72a
mngon du phyogs pa stong pa nyid la gnas nas mya ngan las 'das pa thob par mi byed do/ /sngon gyi smon lam gyis bskyed pa dang snying rje chen po'i stobs kyis yin no zhes bya bar dgongs so/ /de bas na don thams cad thob par 'dod pa nyid kyis gnas pa 'di la brten par bya'o zhes bsdu ba'i phyir ro/ /sems can zhes bya ba la sogs pa gsungs te/ gang zhig sems can kun gyi yon tan mchog ni chos kyi skur 'gro bar 'dod pa zhes bya ste/ longs spyod rdzogs pa'i sku mchog thob par 'dod pa ni sangs rgyas ye shes mchog tu rmad byung 'dod pa'o/ /sprul pa'i sku chos kyi mchog sbyin par 'dod pa ni rim pa ji lta ba bzhin du rang dang gzhan gyi don phun sum tshogs pa dang 'bral pa chos kyi sbyin pa rab mchog dam pa sbyin 'dod gang byang chub sems dpa' phan mdzad rnams kyi gnas mchog dam pa 'di la brten par gyis/ yon tan rin po che sdud pa tshigs su bcad pa las snying po'i le'u ste nyi shu rtsa bdun pa'i bshad pa'o// // yang byang chub chen po gang zhig yin zhe na/ don gang zhig ji skad bstan ba'i rgyu dang bcas pI mthong pa'i laM gyi 'dod pa'i yul byang chub chen po'i rang gi ngo bo bstan pa'i phyir bslab pa zhes bya ba la sogs pa gsungs te/ bslab pa gang ji snyed pa sems bskyed ba la sogs pa'i rim par 'gro ba'i ded dpon du gyur ba 'dren pas bslab pa brjod pa ji snyed pa de dag kun gyi nang na zad pa dang mi skye ba nyid du gyur pa'i zad pa dang mi skye ba shes pa'i yes kyi bdag nyid gang yin pa de ni byang chub chen po'i bslab pa khyad par du 'phags pa spong pa dang ldan bzhin rim pa ji lta ba bzhin du mchog dang gong na med par 'gyur ro/ /mkhas pa gang zhig bslab kun pha rol 'gro 'dod pas te/ sangs rgyas kyi bslab pa la slob par
- 72b
'dod pas ji skad bstan pa'i lam gyi rang bzhin shes rab pha rol phyin 'dir slobs te/ bsgom par bya zhes bya ba'i bar du'o/ /zhar la byung ba rdzogs nas da ni skabs nyid kyi mthong pa'i lam bstan par bzhed nas/ 'di ni zhes bya ba la sogs pa gsungs te/ mi dmigs pas phyin ci ma log pa nyid du thob pas dge ba'i chos thams cad 'dus pa'i phyir chos kyi gter gyi mchog go/ 'dir ni rtse mo'i mngon par rtogs pa'i sdug bsngal la chos shes pa'i bzod pa yin par gzung ngo/ /sbyin ba la sogs pa 'khor gsum rnam par dag pa mchog tu gyur pa rnam pa sum cu rtsa drug bskyed pas mthong pa'i lam sngon med pa'i chos nye bar skyes pa ni chos kyi mdzod dam pa'o/ /sangs rgyas nyid 'byung ba rtogs pa dang mthun pa nyid skyes pa'i phyir sangs rgyas kyi rigs su skyes pa ste rab tu dga' ba la sogs pa sa bcu yongs su rdzogs pa ni bde skyid ba'i mdzod do/ /de lta bu nyid nye bar gzigs nas mya ngan las 'das pa'i phyir 'das pa'o/ /sangs rgyas nyid du 'gyur pa'i phyir ma byon pa'o/ /phyogs bcu'i 'jig rten na da ltar nyid 'gro ba'i don mdzad pas na 'jig rten mgon po ste/ sangs rgyas bcom ldan 'das rnams so/ /rab kyi mthar thug par 'gro ba'i rang bzhin nyid sa bcu dang 'brel ba rtse mo'i mngon par rtogs pa gzung pa dang 'dzin pa'i rnam par rtog pa bzhi nges par spangs ba'i phyir de dag mthong ba'i lam las rim pa ji lta ba bzhin thams cad 'khrungs so/ /'khrungs par 'gyur ro/ /'khrung ngo/ /de bzhin gshegs pa thams cad rtogs pa brnyes pas byang stong ba nyid kyi rang bzhin chos kyi dbyings mthong ba'i lam zad par mi 'gyur ro/ /zhes bya ba'i bar du'o/ /de nyid kyi phyir 'dis phyin ci log thams cad spangs pas yon tan thams cad kyi rgyu yin bar dpe sngon du 'gro bas bstan
- 73a
ba'i phyir/ shing dang zhes bya ba la sogs pa gsungs te/ dper na 'jig rten shing dang 'bras bu me tog nags tshal ji snyed pa/ de dag thams cad sa las sngon med ba yang dag par 'byung zhing 'thon te/ gong nas gong du 'phel ba dang ldan pas 'byung ba'o/ /'on kyang sa'i tshad ji skad bstan pa khur gyis mnan bas zad par 'gyur ba med la/ shing la sogs pas 'phel ba yang med do/ /skyo ba yang med do/ /dal ba yang med ba'i phyir ro/ /dub ba yang med de/ mi snang bar gyur pa med pa'i phyir ro/ /rtog pa dang rnam par rtog pa thams cad med pa'i phyir rnam par mi rtog pa'o/ /de bzhin du sangs rgyas bcom ldan 'das dang/ rgyal ba'i sras dang/ nyan thos ni dgra bcom ba'o/ / rang rgyal te rang sangs rgyas dang/ lha rnams dang/ 'gro ba kun gyi bde skyid chos rnams ji snyed pa ste/ zag pa dang bcas pa dang/ zag pa med pa de dag kun shes rab kyi pha rol tu phyin pa mthong pa'i lam ji skad bstan pa byang chub sems dpa' i sgom pa las byung ngo/ /de bzhin du rtog pa dang rnam par rtog pa med pas zad pa med cing ngo/ /shes rab kyis yang dag pa'i chos nyid mthong ba'i lam rtogs pas cung zad 'phel ba med do zhes bya ba'i bar du'o/ /de ltar mthong ba'i lam bstan nas/ mi mthun pa'i phyogs spangs pa la sogs pa'i gzhi sngar rtogs nas gzhi legs par rtogs pa bsgom pa yin te/ re zhi g.yon tan phun sum tshogs pa thams cad kyi rgyu yin par dpe sngon du 'gro bas bstan pa'i phyir/ sems can zhes bya ba la sogs pa gsungs te/ dper na sems can yon tan chung ngu la sogs pa dang ldan pa na tha ma'o/ /rdzas la sogs pa 'bring? dang ldan pa ni 'bring ngo/ /bya ba la sogs pa thams cad dam
- 73b
ba dang ldan pa ni mchog yin par 'jig rten la grags pa rtag pa nyid la sogs pa de dag thams cad bkag pa'i phyir sngon gyi las dge ba dang mi dge ba rgyu nyid yin pa'i phyir kun rdzob tu de kun ma rig las byung ba bde bar gshegs pas gsungs/ de bzhin du 'phel ba'i las kyi tshogs pa'i rkyen gyis dus ji snyed kun tu 'phangs par 'jug pa nye bar len pa'i phung po lnga'i 'khrul 'khor rab tu 'byung ba ni/ ma rig 'khrul 'khor de ni zad med 'phel ba med do/ /sngon ma byung pa'i sems can rab tu byung bar 'gyur ba ni kun rdzob tu yang 'byung ba med do zhes bya bar dgongs so/ /'di ltar theg pa gsum gyi ye shes kyi khyad par nyid ni ye shes tshul lo/ /rim ba ji lta ba bzhin du chung ngu dang/ 'bring dang/ chen po'i 'bras bu gong nas gong du thob par byed pa'i phyir thabs kyi sgo'o/ /rtsa ba'o/ /de kun shes rab kyi pha rol tu phyin pa mchog ni bsgom pa'i lam ste/ de bsgom par byed pa'i byang chub sems dpa' la kun rdzob tu 'byung ngo/ /de bzhin du 'phen pa las rkyen rnams tshogs nas rab tu 'byung ngo/ ji srid mi 'khor ba'i phan tshun lhan cig byed pa nyid kyis ye shes kyi 'khrul 'khor te sgyu ma lta bu'i de kho na nyid shes rab kyi pha rol tu phyin pa goms par byas pa'i lam la zad med 'phel ba med do/ /rnam pa gang zhig mngon gsum du byas bas yon tan ji skad bstan ba de thob par byed ce na/ byang chub ces bya ba la sogs pa gsungs te/ byang chub sems dpa' gang zhig rten cing 'brel bar 'byung ba nyid kyis sgyu ma lta bu nyid yin pas na skye med zad pa med de mi zad pa'i phyir ro// shes rab kyi pha rol tu phyin pa ni thong rgal gyi snyoms par 'jug pa'i mtshan nyid bsgom pa'i lam zag pa med pa nyid du shes pas nyi ma sprin gyi sgrib pa med pa'i 'od zer 'phro bas mun pa bsal ba'i nus pa rang la yod pa ltar/ de bzhin
- 74a
du ma rig thibs po bcom nas rang byung ni bcom ldan 'das thob par 'gyur te/ de bzhin gshegs pa me tog bkram pa zhes bya par 'gyur ba bzhin no/ /yon tan rin po che sdud pa tshigs su bcad pa las me tog bkram? pa'i le'u ste nyi shu brgyad pa'i bshad pa'o// //bsgom pa'i lam 'dir brjod par bya ba yin la/ de la spang par bya ba gzung ba dang 'dzin pa'i rnam par rtog pa bzhi las spang bar bya ba gnyis bstan par bya bar bzhed nas bsam gtan te zhes bya ba la sogs pa gsungs te/ bdag dang gzhan gyi don phun sum tshogs pas dbye ba dang/ de bzhin kun rdzob dang don dam pa'i dbye ba ni bsam gtan bzhi? zhes bya ste/ rnam pa bzhi las sems rtse cig pa yin no/ /mthar gyis gnas pa'i snyoms par 'jug pa'i mtshan nyid kyi sgom pa'i lam gyi lugs las bzlag pa la sogs pa'i rim pa la dmigs pa ni gnas med do/ /gzung ba'i rnam par rtog pa gnyis spangs bas thob pa las rtogs pa che ba'i phyir mthu chen ldan pa'o/ /brten par byed pa ma yin pa nyid ni gzung bar mngon par zhen pa med pa'i rnal 'byor pas gzung ba'i rnam par rtog pa gnyis sdangs pa'i phyir/ gnas skabs de la gnas pa med bas na gnas par byed pa med do/ /'on kyang rten du 'gyur te/ tshogs gnyis kyi rgyu yin pa'i phyir 'di bsgom pa'i lam gyi dmigs pa'i mchog yin te/ rnam pa bzhi la sems rtse gcig pa mngon par zhen pa med par 'gyur ba khyad par gyi ye shes dang spangs ba phun sum tshogs pa la sbyor ba ni dam pa ste/ nyan thos la sogs pa'i byang chub las 'phags pas na mchog go /thob pa'i ched du? bya bar gnas mdo? zhes bya bar dgongs so/ /de'i rjes? la 'dzin pa'i rnam
- 74b
par rtog pa gnyis spang par bya ba bstan pa'i phyir/ shes rab mchog ces bya ba la sogs pa gsungs te/ bstan ma thag pa'i bsam gtan mchog la gnas par gyur pa'i byang chub sems dpa' gang yin pas 'dzin pa'i rnam par rtog pa gnyis spangs te/ bsgom pa'i lam thob pa ni shes rab mchog thob pa'o/ /gang gis gzugs med pa'i snyoms par 'jug pa bzhi dang/ gzugs can gyi bsam gtan yin pa'i phyir gzugs kyi khams kyi bsam gtan bzhi dang/ yang gis spras 'gog? pa'i snyoms par 'jug pa gcig kyang ste/ /de dag thams cad thabs dang shes rab tu ldan par bsgom pa'i phyir ting 'dzin dam pa'o/ /yang dag pa de dag yang dang yang du goms par bya ba'i phyir/ bsam gtan gyi rang bzhin 'di dag byang chub dam pa mchog la 'jug ste/ de dang mthun par gyur ba'i phyir phan par gyur pa'o/ /de lta yin yang bya ba lhag ma nyid sangs rgyas kyi sa'i sgrib pa smad pa'i 'bad ba mi byed pas na/ zag pa zad pa'i phyir byang chub sems dpa' slob pa min no/ /rnam par rtog pa spang ba'i phyir de lta bu'i yon tan phun sum tshogs pa'i rgyu yin no zhes bstan pa'i phyir/ 'di ni zhes bya ba la sogs pa gsungs te/ rgyu'i bdag nyid che ba'i phyir ? ngo mtshar ro/ /'bras du che ba'i phyir rmad byung ngo/ /'di lta ste/ de la spyod bas yon tan phun sum tshogs pa thams cad kyi gzhir gyur pa'i phyir yon tan sogs pa ni byang chub sems dpa' 'o/ /'di ltar ji skad bstan pa'i bsam gtan bzhi thob nas ting nge 'dzin bsgom ba'i lam la gnas pa ste/ dmigs kyang mngon par zhen pa'i rgyu'i mtshan ma nyid med do/ /bsgom pa'i lam de la gnas kyang sgrib pa lhag ma spyad ba'i phyir gal te rang gi lus bdag nyid zhig bar gyur kyang de rnam pa thams cad du ston
- 75a
par 'gyur ba gzugs med pa'i khams su skye ba spangs nas 'dod? pa yin pa'i phyir 'dod pa dang? gzugs kyi khams gang yang rung bar 'dod par snying rje'i dbang gis ji ltar 'dod pa bzhin rgyal rigs la sogs par skye'o/ /bsgom pa'i lam gyi rjes la bar chad med pa'i ting nge 'dzin gyi don dpe sngon du 'gro ba bstan pa'i phyir/ dper na zhes bya ba la sogs pa gsungs te/ dper na 'dzam gling mi zhig sngon chad lha yul de nam yang lha'i yul gzhan 'phrul dbang byed la sogs pa gsungs te/ byang gi sgra mi snyan du ma phyin pa ni ma thob pa'o/ /myis rdzu 'phrul la sogs pas song ste/ rjes su thob nas de na yongs su gzung ba dang ldan pa'i yul de rnams mthong nas sems can gyi don byed pa'i rten yin pa'i phyir 'dir 'ongs par gyur na chags par mi byed ltar te/ snga na med pa'i bde ba'i rgyu la'o/ /de bzhin du byang chub sems dpa' bsgom pa'i lam thob pa'i yon tan gyi bzhi de nyid khyad par du 'phaD? pa'i phyir mchog go /bsam gtan dmigs pa med pa dang dge ba'i chos rnams dran yang rkyen gyi dbang gis gnas te bar chad med pa'i ting nge 'dzin zhi bar byed pa la rnal 'byor brtson te/ phyir yang 'dod pa'i khams su gzugs che? pa spangs te/ 'dir 'dod pa'i sgra ni brjod par 'dod pa gzung ste/ khams gar 'dod par snying rjes sems can gyi don byed par gnas par 'gyur ro/ /de dag gi nyes pas kyang rjes su gos pa med pa'i phyir chu'i par ma bzhin du de lta bu la gnas pa nyid kyis byis pa'i chos sbyin pa la sogs pa dmigs ba'i chos mi gnas so/ /'dir yang gnas par rtogs par dka' ba'i phyir byang chub sems dpa' i thabs la mkhas pa ma gtogs pa rtsod pa gzhan dang
- 75b
gzhan rgyud pas rab tu rgyas pa'i log par bsgrub pa bsal par bya ste/ de la re zhig gal te rten med na dmigs pa la sogs pa ji ltar zhe na/ bdag nyid ces bya ba la sogs pa gsungs te/ chos bstan pa la sogs pas sems can yongs su smin par bya ba dang/ rang gi sems yongs su sbyangs pas ni sangs rgyas kyi zhing sbyangs pa dang/ mi mthun pa'i phyogs spangs pas sbyin pa la sogs pa'i pha rol tu phyin pa yongs su rdzogs pa'i dgongs pa las gzhan la bdag nyid chen po byang chub sems dpa' rten par mi byed do/ /de lta mod kyi don de'i phyir dmigs ba dang ldan pa la sogs pa'i khams gnyis su mos te /gzugs med pa'i khams te/ yang snod gdags pa bstan pa chen po'i mdo'i rjes su 'grangs te/ nangs kyi gong na nam mkha' mdza' yas skye mched la sogs par 'du shes pa bzhi'i rang bzhin du rgyal pa'i sras rnams skye ba don du gnyer bar mi byed de/ gang gi phyir na zhi gnas shas che ba'i phyir drang 'du shes thams cad 'gog bas yon tan bul du byung pa 'byung ba'i byang chub dang/ ph rol tu phyin pa rnams nyams par 'gyur ba'i phyir ro/ /ci nas de'i nyes par 'gyur pas rjes su gos pa'i chags pa med do/ /ci'i phyir der gnas par 'gyur zhe na/ dpe sngon du 'tsho bas lan bstan pa'i phyir/ dper na zhes bya ba la sogs pa gsungs te/ dper na mi zhig gis rin po che'i rang bzhin gyi gter rnams rnyed gyur nas/ de la 'dod pa'i blo ni bskyed par ma byas te/ rang la dgos pa med la/ gzhan gyis mi shes pa'i phyir gcig bus yang gter de yang dus gzhan zhig na de dag yongs blangs shing/ blangs nas khyim du song nas chags pa med par rang gi gnyer rnams la 'god do/ /de ltar de bzhin du gzhan gyi don du zhugs pa'i phyir/ thabs la mkhas ba'i stobs
- 76a
kyis ji skad bstan pa'i bsam gtan gzhi po nyid la snyoms par 'jug pa dang 'thun pa'i phyir zhi ba rnam par grol ba thob pas/ byang chub sems dpa' mkhas pa dga' ba dang/ bde ba sbyin zhing de la chags pa med par gyur bas bdag dang gzhan gyi don gyi mtshan nyid bsam gtan bde ldan te/ kun rdzob dang don dam ba'i phye bas rim pa ji lta ba bzhin du bsam gtan dang snyoms par 'jug pa thob nas chags pa med par btang ste/ snying rje chen po'i dbang gis 'gro la snying brtser ldan pas phyir yang ji skad bstan pa'i 'dod pa'i khams su bdag nyid la kun tu btags nas 'jug kyang de la chags pa ni med do zhes bya bar dgongs so/ /de ltar yin na 'o na ni mnyam par ma bzhag pa'i sa la bzhugs pa'i phyir ji ltar g.yeng bar mi 'gyur zhe na/ lan du gal te zhes bya ba la sogs pa gsungs te/ /byang chub sems dpa' 'dod pa'i khams na gnas kyang sems rtse gcig pa stong pa nyid kyi ting nge 'dzin gyi bsam gtan tsam yid la byed pas gnas te/ dgra bcom rang rgyal theg par 'dod pa'i blo bskyed na te/ sems can la bltos pa med par des mngon par 'dod pa'i don la dmigs pa spangs pa ni/ mnyam par ma bzhag par gyur pa ni dmigs pa'i nyes pa yin pa'i phyir sems rgod pa'o/ /theg pa chen po las sems phyi rol tu gyur pa na sems g.yengs gyur pa'o/ /de lta bu ni sangs rgyas yon tan yongs nyams te/ /dper na mnyan pa gru zhig bzhin te/ chur gru phyir pa'o/ /dgongs pa yin gyi mnyam par bzhag pa tsam 'ba' zhig gis skye ba ma yin pa mnyam par bzhag pa thabs dang shes rab kyi stobs yin no zhes bya bar dgongs so/ /zer/ mnyam par gzhag pa'i khams su skye ba'am 'ba' zhig ni ma yin te 'o na ci zhe na mnyam par
- 76b
bzhag pa thabs dang shes rab kyi stobs yin no zhes bya bar dgongs so/ /de nyid bstan pa'i phyir gzhan yang zhes bya ba la sogs pa gsungs te/ gzhan yang sgyu ma lta bu'i chos kyi tshul gyis sems can rjes su 'dzin pa la dgongs pas gzugs la sogs pa 'dod pa'i yon tan lnga la mngon par brtson gyur kyang/ dgra bcom rang rgyal theg pa la 'dod pa'i sems dang bral te/ stong pa tsam nyid dang/ snying rje'i snying po can gyi byang chub kyi sems de nyid dang/ mngon par 'dod pa'i don las rtag tu nyams pa med pa ni mnyam gzhag yin par shes par bya'o/ /dpa' bo ni mi mthun pa'i phyogs las rgyal bar gyur ba'i byang chub sems dpa' o/ /de ltar zhar la byung ba'i rtsod pa dang gzhan dang gzhan rgyud ba'i log par rtog pa bsal te/ rtse mo'i mngon par rtogs pa bstan pa yin no/ /de skad du yang/ de yi rtags dang rnam 'phel? dang/ /brtan dang sems kun gnas pa dang/ /mthong zhes bya dang bsgom pa zhes/ /bya ba'i lam ni so so la/ /rnam par rtog pa rnam bzhi yi/ /gnyen po rnam pa bzhi dag dang/ /bar chad med pa'i ting nge 'dzin/ /log par sgrub dang bcas pa ni/ /rtse mo'i mngon rtogs zhes gsungs pa yin no/ /rtse mo'i mngon par rtogs pa so so dang bsdus pa'i don rtogs pa thob ba rim par bya ste bstan par bya ba'i phyir bsgom pa ni mthar gyis pa'i mngon par rtogs pa yin na zhes bstan pa'i phyir/ sems can zhes bya ba la sogs pa gsungs te/ sems can gzhan te/ mi dge ba la sogs pa'i bag chags kyis gang zhing 'bo bas na gang zag go /gzhan phyir nyes pa na lus pa bsal ba'i rgyus sems dpa' rnam par dag pa yod pa ste/ sbyin pa la sogs pa pha rol tu phyin pa drug dang/ sangs rgyas la sogs pa rjes su dran pa drug dang/
- 77a
chos thams cad rang bzhin med pa'i ngo bo nyid la brtson 'grus pha rol tu phyin la mngon brtson pa ste/ chos rnam pa bcu gsum po de dag nyid bsgom pa'i rnam par spyod pa'o/ /de bzhin du ji skad bstan pa'i mngon par rtogs pa la sogs pa'i don ni dper na las ngan la byed nus pas chu chun dran mo rang dbang med par jo bos bsdams par rje bo'i dbang ngo/ /de bzhin du sems can thams cad kyi dbang du gyur pa'i phyir dpa' rnams te/ byang chub sems dpa' 'o/ /sems can kun gyis bkol zhing dbang du 'gro'o/ /zhes bya bas ni mthar gyis pa'i mngon par rtogs pa bstan te/ de skad du yang/ mthar gyis pa/ rnam gsum rnam bcu zhes gsungs pa yin no/ /rnam par bsgom pa mthar gyis pa'i mngon par rtogs pa shin tu goms par byas pas de nyid skad cig ma gcig la rtogs pa 'di ni skad cig ma gcig la mngon par rdzogs par byang chub pa yin no/ zhes dpe sngon du 'gro bas bstan pa'i phyir/ spyo ba zhes bya ba la sogs pa gsungs te/ dper na rje bo nges nyes pa'i tshig gis spyos sam te/ yid du mi 'ong ba brjod pa'o/ /tshig ngan pa dang dbyig pa la sogs pas brdag? pa byed kyang rung/ 'on kyang shin tu skrag pa'i yid kyis 'jigs bcas zil gyis non pas gnas pa ste/ rje bo 'di yis bdag bzlog tshig smras na/ slar yang bsad par gyur du 'ong snyams sems nas zhes bya ba'i tshig gi lhag ma'o/ /de bzhin du byang chub sems dpa' byang chub ched du byang chub mchog zhugs pas rnam par srin? ba ma yin zag pa med pa'i chos thams cad skad cig ma gcig la mtshan nyid gcig tu skad cig ma gcig gis mngon par byang chub pa la sogs pa rnam pa bzhis kun gzhi rnam par shes pa la
- 77b
chos thams cad kyi bag chags brten nas/ gang gi tshe sbyin pa la sogs pa'i chos gcig gis gzhan zag pa med par dmigs pa ni gzhan dag dang rgyu dang 'bras bur gyur pa tshogs pa gcig la rag las pa'i phyir ro/ /phul du byung ba khyad par can gyi rgyus skad cig ma gcig la rtogs so/ /de bzhin du 'gro ba kun la ste bag chags ma lus pa spangs pas dper na bran gyur bzhin de dag mgu bas gnas par bya ste/ sems can mgu bar bya ba gang yin pa 'di las byang chub mchog thob cing/ yon tan sogs pa'i rgyur gyur pa rdzogs par 'gyur ro/ /dper na rtswa dang shing las me byung bas rtswa dang shing de nyid bsreg pa ltar/ de bzhin du sems can las byung ba'i chos sems can ma mgun nyams par 'gyur ro zhes bya bar dgongs so/ /'dis ni skad cig ma gcig la mngon par rdzogs? par byang chub pa bstan to/ /de skad du yang/ skad cig ma/ /gcig gis mngon rdzogs byang chub pa/ /mtshan nyid kyis ni rnam pa bzhi zhes bya ba gsungs pa yin no/ / skad cig ma gcig la mngon par rdzogs par byang chub pa shin tu bsgoms pas skad cig ma gnyis pa la chos kyi skur mngon par byang chub pa yin no zhes bstan pa'i phyir/ bdag gi zhes bya ba la sogs pa gsungs te/ dper na bu gcig pa la ma yang dag par g.yo la sogs pa spangs pa'i phyir bsam pa thag pas skyo ba med par gnas nas rim gro byed pa ltar/ de bzhin du ngo bo nyid kyi sku la sogs ba bzhi phrin las dang bcas pa thob nas/ dmigs pa med pa'i thugs rje chen po mngon du 'gyur bas bdag gi bde ba btang nas sems can de dag gis phan 'dogs pa'i re ba med pa'i sems kyis te/ bzhed pa'i thugs mi mnga' bar sems can gyi don la nyin mtshan mngon par brtson pas bcom ldan 'das de bzhin
- 78a
gshegs pa yang dag par bzhugs so/ /'dis ni chos kyi sku mngon par byang chub pa ston to/ /de skad du yang/ ngo bo nyid yongs rdzogs bcas dang/ /de bzhin gzhan ni sprul pa dang/ /chos sku mdzad dang bcas pa ste/ /rnam pa bzhir ni yang dag brjod ces gsungs pa yin no/ /de dag gis ni mngon par rtogs pa brgyad nyid yongs su rdzogs par byis pa'i skye bos rtogs par bya ba'i phyir don bsdus nas bstan te/ /de yang rgya cher ni 'phags pa brgyad stong pa'i bshad sbyar las gzung ngo/ /gzhan dag ni de bslab par 'dod pas bye brag gi don rab tu sbyar mod kyi/ rnam pa thams cad sbyar bar mi nus pa'i phyir skabs gzhan du ni bsdus nas brjod pas gcig tu bsdus pa 'am rgyas pa'i phyogs cung zad kyang ma yin no/ /des brjod par 'dod pa mi gnas pa la brjod par 'dod pa'i tshig tu drangs pa 'ba' zhig tu zad de/ de'i gzhung nye bar bkod pa la sun dbyung ba la byas so/ /yon tan rin po che sdud pa tshigs su bcad pa las rjes su rig pa'i le'u ste nyi shu dgu pa'i bshad pa'o// //ji skad bshad pa'i mngon par rtogs pa brgyad kyi rang bzhin gyi yum thos pa la sogs pa'i shes pa bskyed nas thob pa'i ched du dge ba'i bshes gnyen mnyes par byas na ci 'dra ba zhig bsgrub par bya ba de bstan pa'i phyir/ byang chub ces bya ba la sogs pa gsungs te/ byang chub sems dpa' gang zhig yun ring por 'khor bar 'khor 'dod cing/ de bzhin du rten dang/ brten pa'i dbye bas sems can don dang sangs rgyas kyi zhing spyod zhing sangs rgyas kyi rjes su gnad ba la sbyor bar brtson pa'i rnal 'byor pa yun thud dus yum ma thob kyang chos rnams sgyu ma lta bur bsgoms
- 78b
ba'i stobs kyi skyo ba'i blo ni rdul tsam skye bar mi 'gyur na/ de ni shes rab kyi pha rol tu phyin pa thob pas sems can la dmigs nas don byed pa la sogs pa brtson 'grus rnam pa gsum gyi pha rol tu phyin pa dang ldan te/ gnyid dang rmugs ba med pas g.yel ba med par 'gyur ro/ /skyo ba'i bla skyed pa la nyes pa ci zhig yod pa bstan pa'i phyir/ gal te zhes bya ba la sogs pa gsungs te/ gal te bskal pa bye bar sangs rgyas bdag gis thob par bya snyam na/ byang chub sems dpa' mi mkhas?/ de'i tshe de bzhin gshegs pa'i byang chub ring par 'du shes bskyed pas sdug bsngal du 'du shes pas yun ring por sdug bsngal bar 'gyur ro/ /chos la dmigs par mngon par zhen pa thob pa nyid kyi phyir de bas na brtson 'grus kyi pha rol tu phyin pa nyams pa'i phyir le lo'i chos kyi rang bzhin du 'gyur ro/ /'o na ji ltar skyo pa'i blo bskyed par mi bya zhe na/ byang chub mchog tu zhes bya ba la sogs pa gsungs te/ dang por byang chub mchog tu sems bskyed pa nas/ bla na med pa'i byang chub de bzhin gshegs pa thob kyi bar gyi dus thams cad la gang gi tshe nyin mtshan gcig tsam du ni yid la sems par byed de chos rnams sgyu ma lta bur bsgoms pa mngon du 'gro bas kun rdzob tsam la shin tu gnas pa de'i tshe thabs kyis skyo ba'i 'du shes bsal bas mkhas pa gsal bas brtson 'grus brtsams par rig par bya'o/ /yang dag par zhugs pa nyid la bdud gnod pa byed par 'gyur ba bstan pa'i phyir/ gal te zhes bya ba la sogs pa gsungs te/ gal te 'ga' zhig 'di skad smra ste/ ri'i rgyal po ri rab gang gis bshig pa de nyid kyis byang chub mchog thob 'gyur zhes smra ba las/ de thos nas bya bar mi nus pa la sogs pas skye ba'i blo bskyed par byed cing/ 'di snyam du ri rab dpag tshad brgyad khri'i tshad kyang sems dpa' ni tshad
- 79a
shes pa'o/ /de'i tshe byang chub sems dpa' le lor gyur pa yin te/ de bas na byang chub thob par mi 'gyur/ /zhes bya bar dgongs so/ /'o na des blo ji lta bu bskyed par bya zhe na/ ci ste zhes bya ba la sogs pa gsungs te/ ci ste de'i yang blo skyes pa 'di phyin ci log gi bag chags kyis kun du bskyed pa'i phyir yang dag pa'i ye shes bskyes pas rdul tsam ri rab yin pas skad cig tsam la thal bar klag sems bskyed nas/ byang chub sems dpa' mkhas pa brtson 'grus brtsams pa ste/ ring po mi thogs 'dren pa'i byang chub mchog thob par 'gyur te/ 'drin pa ni bcom ldan 'das dang 'brel par shes par bya'o zhes bya pa'i bar du'o/ /mi mthun pa'i phyogs spangs pa'i brtson 'grus dngos por dmigs na skyon yin no zhes bstan pa'i phyir/ 'gro ba zhes bya ba la sogs pa gsungs te/ rdzu 'phrul dang kun brjod pas ni 'gro pa yongs su smin bar byas nas rjes su bstan pa'i cho 'phrul gyis bdag gis don bya snyam pa'i bsam pa la sogs pas gal te lus dang ngag dang yid kyis pha rol gnon pa'i bsam pa dang bcas pas brtson par byed na/ de'i tshe nyon mongs pa shas tshe bas le lo thob par 'gyur te/ gzhan du 'du shes pa dang med na mi 'byung ba bdag tu 'du shes pa gnas pas de'i phyir 'dod chags la sogs pa'i nyon mongs pa 'byung bas/ rgyal ba'i sras bdag med pa sgyu ma lta bur bsgom pa la ring bar 'gyur te/ dngos po'i mtshan nyid dang/ dngos po med pa'i mtshan nyid sa dang nam mkha' bzhin te/ brtson 'grus dang ldan pa la ni ma yin no/ /yang ji ltar brtson 'grus dang ldan pa bston pa'i phyir/ gang tshe zhes bya ba la sogs pa gsungs te/ gang gi tshe sgyu ma lta bu nyid kyi phyir lus su
- 79b
ma yin/ /sems su yang ma yin te/ de dag nye bar 'tshon pa yin pas dag kyang ma yin te/ dngos por dmigs pa spangs pa'i phyir sems can du 'du shes med do/ /des 'di ltar 'du shes rnam par bzlog nas dngos po dang dngos po med par yid la byed pa dang bral ba'i phyir/ gnyis su med chos spyod pa dang/ de'i tshe 'di ni 'dod pa'i nyes pa thams cad zhi bar gnas pas ni zhi ba'o/ /mi gnas pa'i mya ngan las 'das pa nyid kyis na mi nyams pa'o/ /byang chub mchog rgyal ba'i sras rnams 'dod pas brtson 'grus pha rol phyin ces phan pa mdzad pas gsungs/ phan pa mdzad pa ni 'jig rten mgon po'o/ ji ltar dge ba'i bshes gnyen tshol ba la sogs pa la zhugs pas goms par byas pa ste/ gzhan du yang dag par 'dod pa'i don grub par mi 'gyur te/ gzhan 'dod pa byed pa la brtags te bzod pa'i chos la spyod pa ni bzod pa yin no zhes bstan pa'i phyir/ gal te zhes bya ba la sogs pa gsungs te/ khro bas bskyed pa'i gzhan las chogs pa mi 'byung bar ? brjod cing tshig rtsub thos gyur na/ bzod pa goms par byas pa ni bsod nams bsag pa'i rgyu yin pa'i phyir dge ba'i bshes gnyen nyid du des shes par byas nas dga' ba bskyed par byed cing bzhin 'dzum ba'i phyir gang zhig bzhin mdzes pa ni byang chub sems dpa' mkhas bsu smra/ rjes thogs su sus thos/ gang gi de bskyed/ gang zhig dan ni 'grel gang gi phyir dmigs pa zhes spyod cing/ 'on kyang sgyu ma lta bu yin pa'i phyir chos 'di rnams 'ga' yang smra bar 'gyur ba med do zhes bya ba la sogs pas so sor rtog par byed do/ /de bas na bzod pa'i chos la brtags nas pha rol gnod pa byed pa la dpyod pa'i rang bzhin gnyis bos ni pha rol phyin mchog ldan pa de ni 'dzangs pa yin no zhes bya ba ni tshigs su bcad pa'i don yin no/ /bzod pa la yon tan
- 80a
ci yod ce na/ byang chub ces bya ba la sogs pa gsungs te/ byang chub sems dpa' gang zhig bstan ma thag pa'i bzod pa gnyis la goms par byas pa'i phyir bzang ba'i rim pa ji lta ba bzhin du snying rje dang shes rab du ldan pa ni yon tan te/ legs chos ldan no/ /nye par brtag pa bzung na stong gsum gyi stong chen po'i 'jig rten gyi khams rin po ches bkang ste/ yang dag par rdzogs pa'i sangs rgyas 'jig rten mkhyen pa dang/ nyan thos rnams dang rang sangs rgyas rnams la phul ba de lta bus snga ma'i byang chub sems dpa' i bsod nams la bltos nas phyi mas rgyu dang phra ba'i char yang mi phod do/ /de ni bsod nams kyi rgyu yin pa'i phyir sbyin pa'i rgyun gyis der mi 'gyur ro/ /gang gis na de lta bu nyid yin zhe na/ bzod la zhes bya ba la sogs pa gsungs te/ bzod pa rnam pa gnyis bsgrubs nas gnas pa des mdzes pa'i bdag nyid kyis ngo bo yongs su dag 'gyur te/ mtshan sum cu rtsa gnyis kyis lus rnam par brgyan pa'i phyir sum cu rtsa gnyis mtshan dang mthu stobs so/ /dpe byad bzang po brgyad cu dang ldan ba'i phyir pha mdza' yas so/ /mthong na ngoms mi shes pa'i sku mnga' pa nyid kyis ni las dang 'bras bu la yid ches pa'i chos rab tu bzhag nas stong pa sgrogs par byed do/ /'di ni bzod ldan de la gang dag 'gro ba thams cad gnod pa mi byed pas dgra med pa nyid de/ yid du 'ong bar gyur pa ni mkhas pa'o/ /bzod pa'i pha rol tu phyin pa ji lta bar 'bras bu de dag sbyin pa'i pha rol tu phyin pa la mi srid do/ /de bas na sngar bstan pa'i tshigs su bcad pa'i don phyogs 'dir gnas so zhes bya bar dgongs so/ /de ni sdug bsngal la ji mi mnyam pa'i bzod pa dang/ chos la so sor rtog pa'i bzod pa dang bcas pa bstan pa'i
- 80b
phyir/ gal te zhes bya ba la sogs pa gsungs te/ gal te sems can la las te lha sbyin la sogs pa'i skye bos tsan dan phur ma blangs nas bla ma la rab tu gus pas sems dpa' la ni skud byed la/ gnyis pa 'ga' zhig gis yang me bdag gi phung po mgo la mthor byed na/ de gnyi ga la yang chos la bdag med pa bsgoms pa'i stobs kyis des mnyam pa'i yid ni byang chub mchog gi rgyu mtshan du bskyed par bya'o/ /de lta na ji skad bstan pa'i bzod pa bsgom pa yin no/ /de yang 'bras bu byang chub chen por yongs su bsngo bar byed pa bstan pa'i phyir/ byang chub ces bya ba la sogs pa gsungs te/ bzod pa'i rim pa sngar bstan ma thag dang ldan pa ni byang chub sems dpa' mkhas pa gsal ba'o/ /bzod pa dang bcas par gyur pas sems bskyed do/ 'gro ba'i don du byang chub mchog tu yongs su bsngos na/ de'i tshe dpa' bo 'jig rten kun la bzod pas dgra bcom pa dang/ rang rgyal dang/ byang chub sems dpa' dang/ sems can khams gyi bzod ba ji snyed pa thams cad yang dag par zil gyis gnon to/ /gang gi phyir 'gro ba la sogs pa thams cad kyi sa bzod pa byas pa ji skad bstan pa gzhan dag gis yongs su bsngos par khyad par du 'phags pa'i phyir zil gyis gnon par mi nus bas mi mthun pa'i phyogs las nges par rgyal zhes bya ba'i bar du'o/ /gzhan gyis gnod pa byas pa la sogs pa la dmigs pa can gyis yang de la bzod par bya ba bstan pa'i phyir bzod byed ces bya ba la sogs pa gsungs te/ sems dmyal dud 'gro gshin rje'i sdug bsngal mang/ /'dod pa'i yon tan rgyu yis dbang med gnod myong la/ /byang chub ched du ci phyir da ltar bdag de lta bu grub pa dge ba'i bshes gnyen las chos thos pas ji ltar de bzod mi bya'o snyam du'o/ /ci'i phyir gyi sgras
- 81a
'phangs pa brjod par bya ba'i phyir smos? kyang ci dgos shes de ltar snyam pa'o/ /shes rab kyi stobs kyis gzhan gnod pa byed pa la rnam par dpyad par 'gyur zhes bya bar dgongs so/ /de nyid bstan pa'i phyir lcag dbyug ces bya ba la sogs pa gsungs te/ yang gang gi tshe rtsa dang lcug ma la sogs pa'i lcag gis brdeg pa dang/ dbyug pa la sogs pas brdegs te nor la sogs pa 'phrog pa'i chad pa dang/ ral gri la sogs pa'i mtshon gyis brgyad nas gsod pa dang/ lu gu rgyud la sogs pas 'ching ba dang/ lag pa'i khu tshur la sogs pas brdeg pa dang/ mgo gcod pa dang/ rna ba rkang lag sna gcod pa ni dum bung byed pa'o/ /de ltar skye ba la sogs pa'i rang bzhin 'jig rten sdug bsngal myong ba ji snyed pa bdag gis 'di ltar chos khyad par can gang zhig thob pa la sbyar bar bya'o zhes bya ba lta bu ni gang gi tshe so sor rtog par byed pa yin te/ de'i tshe byang chub sems dpa' i bzod pa'i pha rol tu phyin pa ji skad bstan pa'i rang bzhin la gnas te rtag tu du bzhin no/ /yon tan rin po che sdud pa tshigs su bcad pa las rtag tu du ba'i le'u ste sum cu pa'i bshad pa'o// //de ltar bstan pa'i dge ba'i bshes gnyen gang gis dang por yon tan thams cad kyi gzhi yin pa'i phyir tshul khrims la gdams par bya'o zhes bstan bar bya ba'i phyir/ tshul khrims zhes bya ba la sogs pa gsungs te/ sdom pa la sogs pa'i tshul khrims rnams? gsum nod par byed pas mya ngan las 'das pa'i bsam pas sdom pa nod pa ni zhi ba 'dod rnams te/ de dag ji snyed 'phags par 'gyur ba de sdom pa'i byed pa yin pa'i phyir sdom pa'i bya ba'o/ /grub ba phun sum tshogs pa ni kun gyi rjes su 'jug pa'o/ /sems can kun la phan phyir te bla na med pa yang dag par rdzogs pa'i
- 81b
byang chub tu nges par 'byung ba'i ched du de yongs su bsngo bar byed na de ni stobs bcu ldan bzhes bya bar 'brel te/ spyod yul ni ltung ba thams cad spangs pa'i phyir tshul khrims nyams pa med par gnas par gyur pa yin no zhes tshigs su bcad ba'i don sbyang ngo/ /de na de nyid ldog ba sngon du 'gro bas gsal bar bstan pa'i phyir/ gal te zhes bya ba la sogs pa gsungs te/ gal te rang rgyal dang dgra bcom pa'i byang chub bzung nas sdom pa mnos pa yongs su bsngo bar byed pa ni reg par 'dod pa'o/ /de'i tshe theg pa chen po sgrub pa spangs pa'i phyir tshul khrims 'chal cing ngo/ /mi mkhas pa ni byang chub sems dpa' 'o/ /de bzhin du blangs pa'i sdom pa yongs su btang bas bug pa dang bcas pas/ spyod pa ni nyams pa'o/ /ci skye? byang chub zhi ba mchog tu blangs pa'i tshul khrims yongs su bsngo bar byed na/ 'dod yon brtsen yang tshul khrims dang 'gal ba med par bstan te/ blangs ba'i don yongs su ma btang bas tshul khrims pha rol tu phyin la gnas so/ /ci'i phyir tshul khrims kho na la dang por gdams zhe na/ chos gang zhes bya ba la sogs pa gsungs te/ /gang zhig rang gi don phun sum tshogs pa ni chos so/ /gnyi ga'i don phun sum tshogs pa ni nges pa'i byang chub bo/ /gzhan gyi don phun sum tshogs pa ni yon tan no/ /thob pa'i rgyu mtshan nyid yin pas byang chub sems dpa' la dgos pa'i tshul khrims ltung ba med par bsrung ba de ni yon tan chos ldan 'byung 'gyur ba ni tshul khrims don no/ /yang gang zhig phan par byed pa'i chos dang/ byang chub yon tan yongs su nyams pa'i byang chub sems dpa' de ni tshul khrims 'chal ces bya bar 'brel te/ rnam par 'dren pas gsungs so/ /de bas na tshul khrims kho na la dang por gdams so zhes bya bar 'brel to/ /su zhig gis tshul khrims la gnas zhe na gal te
- 82a
zhes pa ba la sogs pa gsungs te/ gal te byang chub sems dpa' 'dod pa'i yon tan lnga 'jig rten du grags pa spyod kyang dkon mchog gsum la byang chub chen po'i mthar thug pa'i bar du skyabs su song ste/ 'gro ba la phan pa'i phyir bdag gis sangs rgyas thob par bya'o zhes thams cad mkhyen pa nyid kyang yid la byed par gyur na/ de lta bu ni yang re zhig byang chub kyi sdom pa 'dzin pa'i phyir tshul khrims pha rol phyin nas rig par bya ba ni shes par bya ba ni shes par bya'o/ /theg pa chen po'i mdo gzhan dag las byang chub sems dpa' i sdom pa'i tshul khrims la sogs pa rgya cher gsungs mod kyi/ 'dir yang mdor bsdus nas bstan to/ /thams cad mkhyen pa nyid yid la byed pa dang ma bral ba ni tshul khrims nyams pa ma yin no zhes bstan pa'i phyir/ gal te zhes bya ba la sogs pa gsungs te/ gal te bskal pa bye bar srog gcod pa spangs pa la sogs pa'i dge ba'i las lam bcu spyod kyang dgra bcom dang rgyal nyid du yang tshul khrims bsngo zhing yid la 'dod pa skyed par byed na/ de'i tshe snga ma bzhin du tshul khrims nyams pa dang ldan pas tshul khrims skyon byung ba dang de bzhin du ral pas tshul khrims nyams par gyur pa yin no/ /gang gi phyir byang chub tu sems bskyed pa de ni sangs rgyas nyid la spyan drangs nas de las slar log pas sems can bslus pa'o phyir phas? pha ma pas kyang ste/ rtsa ba'i ltung bas shin tu ci ste/ nges nyan thos la sogs par sems bskyed cing 'dod pa dang bcas pa 'gyur bas so/ /yang dag par snang ba'i tshul khrims la ji ltar 'jug par bya ba bstan pa'i phyir/ tshul khrims zhes bya ba la sogs pa gsungs te/ ji skad bstan pa'i tshul khrims ma nos pa bsrung zhing blangs nas so/ /snga ma bzhin du byang chub mchog tu yongs su bsngo na/ gang gi tshe tshul khrims de yis gzhan la mi smod pas rlom sems med cing bdag nyid kyi tshul khrims dga' thubs
- 82b
kyis? dul? gyis bdag la stong par mi byed la/ pa'i 'du shes len pa nyid dang/ de bzhin du 'dor ba dang/ sems can 'du shes yongs su spangs na/ de'i tshe ji skad bstan pa'i byang chub sems dpa' tshul khrims kyi pha rol tu phyin pa la gnas zhes brjod de/ de bas na de ltar 'jug par bya'o zhes bya bar dgongs so/ /nyes pa gzhan dag kyang yod pa nyid du bstan pa'i phyir/ gal te zhes bya ba la sogs pa gsungs te/ gal te byang chub sems dpa' rgyal ba'i lam spyod pa ji skad bstan pa'i tshul khrims kyi lam yin pa'i phyir sems can 'di dag khrims ldan 'di dag khrims 'chal ces dor bar bya ba dang blang bar bya ba nyid du rnam par 'jog par byed na/ de'i phyir sna tshogs 'du shes zhugs pa dngos por dmigs pa thams cad bsrung bar mi nus pa'i phyir snga ma bzhin du mchog tu nyams shing yang de bzhin du tshul khrims ral bas na yongs dag tshul khrims med do/ /de lta bas na dngos por dmigs par mi bya'o/ /mi dmigs par spyod pa la ltung ba med do zhes bstan pa'i phyir/ gang la zhes bya ba la sogs pa gsungs te/ gang la sgyu ma lta bu'i chos nyid rtogs pa'i stobs kyis bdag tu 'du shes med bas sems can gzhan du 'du shes med do/ /de nyid kyi phyir bdag dang gzhan gyi char 'byed pa med pas rjes su chags pa dang khong khro ba dang bral ba'i phyir mtshan mar 'dzin pa las phyir/ phyogs pa dang ldan pas bkag pa'i dngos po la mi spyod pas sdom min gal yod pe de nyid kyi phyir gang ba sdom dang sdoM pa ma min rlom sems med de/ /tshul khrims dang brtsul zhugs mchog tu 'dzin pa skyon yin pa'i phyir ro/ /mi dge bskyed cing 'dzin pa dang sdom pa ma yin pa yang de la med de/ nges ni mi dge pa las bzlog nas dge ba la zhugs pa'i phyir tshul khrims sdom par 'dren pas gsungs so/ /tshul khrims dang ldan pa de nyid sbyin pa la 'jug pa yin no zhes bstan pa'i phyir/ sems can zhes
- 83a
bya ba la sogs pa gsungs te/ gang zhig bstan ma thag pa de ltar kun rdzob tu tshul khrims dang ldan par gyur pas don dam par spros pa med pa'i phyir de lta bas na 'dzin pa med pas gang zhig sdug pa dang mi sdug pa'i dngos po kun la lta ba zed? ba yin no/ /yang de nyid kyi phyir yan lag gi dam pa mgo la sogs pa gtor zhing zhu ma pa'i sems kyang med la/ dogs pa gtong ba ni bdog pa thams cad stong zhing rtag tu sbyin pa'i 'bras bu la ltos pa med pas na zhen pa med pa'o/ /phyi rol gyi dngos po yongs su gtong ba med par ji ltar na thams cad stong pa yin zhe na/ chos rnams zhes bya ba la sogs pa gsungs te/ gang zhig dman pa la brtags pa sngon du 'gro bas nges pa'i chos tha mal pa kun rdzob kyi rgyu 'brel pa las byung pa'i phyir ya ma brlar ro/ /don dam par rang bzhin dang bral pa'i phyir bdag med par yang shes nas/ gang gi tshe bdag gi sha yang gtong ba la zhum pa'i sems med na/ de tshe phyi rol dngos po gtong ba smos kyang ci dgos te/ 'dir phyi rol gyi dngos po la ser sna byed pa de na gnas med de mi srid do/ /bdag med pa'i rnal 'byor ba ci'i phyir sbyin pa la sogs pa la 'jug ce na/ bdag tu zhes bya ba la sogs pa gsungs te/ gal te bdag tu 'du shes nas dngos po la bdag gir 'dzin pas chags te/ yongs su gtong ba'i mtshan nyid med pa'i phyir dmigs pa'i mun pas kun rdzob nyid la rmongs pa la gtong ba'i blo ltag la yod/ de nyid kyi phyir ser sna can de dag ni yi dags gnas su skye bar 'gyur la/ brgya la ci ste mir skyes na yang de tshe dbul? por 'gyur pa 'thob bo/ /yang de nyid kyi phyir ji skad bstan pa nyid kyi sbyin pa la 'jug par bya'o/ /zhes bya par gnas so/ /ci'i phyir dang po sbyin pa kho na la mos par byed ce na/ de tshe zhes bya ba la sogs pa gsungs te/ gang gi tshe sems can dbul po mthong ba
- 83b
de'i tshe/ byang chub sems dpa' snying rje phun sum tshogs pas ji skad bstan pa'i sbyin pa la mos pa dang ldan te/ lung la sogs pa'i tshad ma dang ldan pa nyid kyis 'bras bu dang bcas par thams cad gtong zhing rtag tu ? par gtong ba dang ldan par 'gyur te/ de'i tshe gring? bzhi pa rin po che sna bdun gyis brgyan pa ni rnam pa thams cad du 'dzin pa dang bral ba'i phyir mchil ma'i thal ba 'dra/ 'khor gsum rnam par dag pa dang ldan par byin nas de bzhin du dga' bar ste yid bde ba thob par 'gyur gyi/ ji skad bstan pa'i gling thob ba ni de lta min no zhes bya ba'i bar du'o/ /ji skad bstan pa'i sbyin pa mi zad par bya ba'i ched du bla na med pa'i byang chub tu bsngo bar bya'o zhes bstan pa'i phyir/ byang chub ces bya ba la sogs pa gsungs te/ bstan ma thag pa'i rim pa sbyin pa byin te/ byang chub sems dpa' mkhas pa gsal ba srid pa gsum gyi sems can ji snyed yod ba de dag kun la sbyin pa cing byin par gyur cig snyam du de lta bu'i bsam pas byin pa byin la/ de yang 'gro ba'i don nyid kyi phyir byang chub mchog tu yongs su bsngo na/ byang chub dang sems can mi zad pa'i sbyin pa zad par mi 'gyur ro zhes bya bar dgongs so/ /de yang mngon par zhen po med pa'i 'bras bu rtogs par bya ba'i phyir/ sbyin pa byin nas zhes bya ba la sogs pa gsungs te/ sbyin par byed pa dang/ sbyin pa dang/ len ba po mi dmigs pa gang yin pa de ni dngos po la gnas par byed pa med do/ /sbyin pa byin pa yang pha rol rjes su bzung ba'i blo yin gyi/ de ni nam du yang 'bras bu mngon par 'dod pa'i rnam par smin pa la re ba med do/ /de ltar 'bras bu dang bcas par rang la ji snyed bdog pa gtong bar gyur pa ni mkhas pa thams cad stong pa ste chung du btang ba la yang thabs la mkhas pa'i stobs kyi grangs med dpag tu med pa ste yongs su bcad par mi nus pa'i phyir dpag tu med pa'i rnam par smin pa thob par
- 84a
'gyur ro zhes bya ba ni lhag ma'o/ /gang ser sna tshar bcad pa dang sbyin pa'i pha rol tu phyin pa bzhin du rjes su yi rang ba sngon du 'gro bas yongs su bsngo ba la goms par bya'o zhes bstan pa'i phyir/ srid pa zhes bya ba la sogs pa gsungs te/ 'dod pa dang/ gzugs dang/ gzugs med pa'i mtshan nyid ni srid pa gsum mo/ /de dag na sems can ma lus ji snyed pa thams cad nam mkha' i khams kyi khongs su gtogs pa'i phyir ma lus pa ste srid pa'o/ /yang de dag thams cad kyis 'jig rten mkhyen? pa sangs rgyas dang/ rang rgyal dgra bcom la bskal pa mdza' yas par sbyin pa byin/ de bzhin du nyan thos legs tshol na ste/ nyan thos kyi yon tan 'dod cing ces bya bas ni nye bar mtshon pa ste/ rang sangs rgyas la sogs pa'i yon tan yang ngo/ /dngos? por dmigs pa dang ldan pas zhugs pa'i phyir yongs su brtag pa gzung nas gnas na zhes bya bar dgongs so/ /byang chub sems dpa' mkhas pa yang dag pa'i thabs la mkhas pa gzhan gang zhig gis/ de dag gi bsod nams bya pa'i dngos po la yi rang nas sems can don du ste/ rgyur byang chub mchog tu mongs bsngon/ 'di ltar nges ser sna tshar bcad nas ji skad bstan pas 'gro ba thams cad zil gyis gnon to/ /ji skad bstan pa'i yongs su bsngo bas yongs su bsngo bar byed pa ji lta ba bzhin du rtogs par bya ba'i phyir/ nor bu zhes bya ba la sogs pa gsungs te/ dper na nor bu mtshang pu'i phung po chen por gyur pa dang/ rin po che baiDU rya gcig gis de kun ring thang mthu che ba'i phyir zil gyis gnon to/ /de bzhin du 'gro kun sbyin pa'i phung po rgya chen kun rjes su yi da ba sngon du 'gro pa bstan ma thag pa'i rim pas yongs su bsngo bar byed pa'i byang chub sems dpas de dag thams cad zil gyis gnon to/ /pha rol tu phyin pa gnyis rgya cher bstan nas de bzhin du pha rol tu phyin pa lhag ma rnam la gdams pa bstan pa'i phyir/
- 84b
gal te zhes bya ba la sogs pa gsungs te/ gal te byang chub sems dpa' pha rol tu phyin pa lhag ma yongs su skyong zhing ster ba na 'gro ba dang 'brel bar sbyin pa byin nas de dag nyid yongs su sbyong ba na de la byed pa por mi dmigs pas na bdag gir mi byed la/ bya ba'i sa su yang mi rtog la/ dngos po la yang phangs pa med na/ de las dge pa'i rtsa ba mthu chen 'phel 'gyur te/ sprin med 'od ldan zla dkyil yar gyi ngo bzhin no zhes bya ba des ni pha rol tu phyin pa lhag ma la gdams pas don ma lus pa la gdamS pa yin te/ byang chub sems dpa' chos 'phags bzhin du dge ba'i bshes gnyen gyis bya ba yin par rig par bya'o/ /yon tan rin po che sdud pa tshigs su bcad pa las chos 'phags kyi le'u ste sum cu gcig pa'i bshad pa'o// // de lta bu'i gdams ngag thob pa la sems bskyed pa la sogs pa'i rim gyis rab tu dga' ba la sogs pa'i sa thob pas sbyin pa la sogs pa'i pha rol tu phyin pa la gtso cher lhag par bya ba rtogs par bya'i phyir/ byang chub ces bya ba la sogs pa gsungs te/ de la de zhig ma dang pho rab tu dga' ba la gnas pa'i byang chub sems dpa' gtso cher bya ba ni ser sna spangs nas sbyin pas rnam pa thams cad du yi dags su 'gro ba'i bdag nyid sems can thams cad kyi ser sna gcod do/ /byang chub sems dpas de bzhin du dbul ba dang ni ste/ de bzhin du 'brel pa'i srid pa dang/ mi khom pa dang/ sdug bsngal la sogs pa nyon mongs pa thams cad gcod cing sel bar byed do/ /longs spyod kyi rnam pa'i bye drag mthar yas rgyal ba ni rgya che ba thob nas byang chub sems dpa' i spyad pa spyod par byed de/ sdug bsngal dang ldan pa'i sems can sbyin pas byang chub tu sems bskyed pa la sogs pa la bkod nas smin par byed do/ /de bzhin du dri ma med pa la gnas pas ni tshul khrims 'chal pa'i skyon thams cad dang bral bas ji skad bstan
- 85a
ba'i tshul khrims kyis dud 'gro'i 'gro ba du ma'i sna tshogs pa'i gzugs can gyi ngo bo dang/ mi khom pa brgyad spong bar byed cing/ de yis mi nyid la sogs pa dal 'byor khyad par can gyi don byed pa rtag tu rnyed do/ /'od byed pa la gnas pas ? sems thams cad bral ba'i bzod pas gzugs bzang ste mtshan la sogs pas brgyan pa'i phyir ro/ /dam pa ni mchog go /rgya chen ni yongs pa'o/ /thob par 'gyur te/ gser dang 'dra ba'i phyir gser mdog go /yid du 'ong ba'i phyir sdug pa'o/ /lta bas chog? ye shes ba'i phyir 'gro bas lta ba'i 'os su 'gyur pa'o/ /'od 'phro ba la gnas pas ni le lo thams cad dang bral ba'i brtson 'grus kyis dkar? po'i yon tan 'grib mi 'gyur te/ ye shes kyi yul mdza' yas bas na mdza' yas te/ sangs rgyas ? kyi nor? mchog bsags pa'i bdag nyid yin pa'i phyir rgyal ba'i bang mthong rnyes par 'gyur ro/ /spyad dka' ba la gnas pas ni rnam par g.yeng ba thams cad spangs pa'i bsam gtan gyis ni 'dod pa'i yon tan rnam par g.yeng ba'i rgyur gyur bas nyes pa'i rnam pa can yin pa'i phyir smad pa rnam pa thams cad yongs su 'dor bar byed cing/ khyad par can gyi bden pa rtogs pa dang/ mngon par shes pa'i rang bzhin yin pa'i phyir rim pa ji lta ba bzhin du rig dang mngon par shes pa dang ngo// dpa' bar 'gro ba la sogs pa'i ting nge 'dzin skyed par byed pa'i phyir mngon par sgrub pa'o/ /mngon du gyur pa la gnas pas ni shes rab 'chal ba thams cad spangs nas shes rab kyis ni chos kyi rang bzhin sgyu ma lta bu nyid la sogs pa'i bdag nyid du yongs su shes nas/ khams gsum pa'i ngan song dang phyin ci log gis bcings pa de rnams ma lus pa las yang dag 'da' bar 'gyur te/ sprul pa'i sprin gyis dang por de bzhin gshegs pa ltar chos kyi 'khor lo rin po che bskor nas phyis
- 85b
rim gyis chos bstan pas theg pa gsum 'dzin du bcug ste/ sems can gyi 'jig rten phyin ci log gi sdug bsngal spong pa la 'god do/ /ring du song pa la gnas pas ni thabs kyi stobs kyis sbyin pa la sogs pa'i pha rol tu phyin pa'i rang bzhin yongs su rdzogs par byed do/ /mi? g.yo pa la gnas pa'i byang chub sems dpa' i smon lam gyi mthus ni gser la sogs pa'i rang bzhin can du bsgrubs nas snod kyi 'jig rten yongs su dag pa dang/ bkres pa la sogs pa med pas bcud kyi 'jig rten gyis sangs rgyas kyi zhing yongS su dag pa 'dzin du 'jug pa'o/ /de bzhin du legs pa'i blo gros la gnas bas ni stobs kyi mthus sems can gyi khams sangs rgyas nyid la bkod pas sangs rgyas kyi rigs kyang yongs su 'dzin du 'jug go/ de bzhin dus bcu ba chos kyi sprin la gnas bas ni ye shes kyi stobs kyis rgyun du chos bstan pas chos kyi rigs dang/ de bzhin du rgyun mi 'chad par byang chub sems dpa' gzhan dang gzhan sgrub dge 'dun gyi rigs kyang yongs su 'dzin du 'jug go /de bzhin du rim pas bcu gcig kun tu 'od sangs rgyas kyis la bzhugs pas ni bag chags der bcas pa'i sgrib pa thams cad spangs nas chos thams cad kyi phyin ci ma log pa'i chos nyid thugs su chud pa 'dzin du 'jug go /de ltar yum rgya cher bstan nas yun ring du gnas par bya ba'i phyir yongs su btang la bstan pa'i phyir/ /'gro pa'i nad gso zhes bya ba la sogs pa gsungs te/ dper na gzhi dang mtshan nyid la phul du byung ba la mkhas pa la 'gro pI ? gso byed pa sman pa'i mchog gyur pa zhes brjod do/ /de dang 'dra par de ltar brjod do/ /don dang ldan pa'i ming btags pa ni sems bskyed pa la sogs pa'i yon tan rin po che brtsegs pa'i phyir rin chen sdud pa'o/ /bla na med pa'i byang chub thob par byed pa'i phyir lam mo/ /tshigs bcad du bsdebs nas bstan pa'i phyir tshigs su bcad pa'i rang bzhin no/ /laM
- 86a
'di sems can kun gyis bsgom pa'i rim pa'i man ngag ji lta ba bzhin du rjes su thob pa ni de bzhin du gyur ba'o/ /bya zhes bya ba ni 'phags pa kun dga' po la sogs pa la yongs su gtad pa yin par rtogs par bya ste/ de ltar 'phags pa stong phrag brgya ba las bcom ldan 'das kyi zhabs su bstan pa'i phyir ro/ /de bsgoms pa'i man ngag gi rim pa mngon par yid ches par bya ste/ 'di ltar dang po re zhig gnas yid du 'ong par byas pa'i phyogs su ston par mdzad pa'i bcom ldan 'das shAkya'i rgyal po seng ge'i khri? la bzhugs nas chos kyi 'khor lo bskor ba'i phyag rgya dang ldan pa la ji lta ba bzhin du mched pa la sogs pa sngon du 'gro bas sangs rgyas dang byang chub sems dpa' la sogs pas yongs su bskor bar ba sams la phyag bya'o/ /de nas rdo rje skyil? mo krung bcas pas lus drang por bsrang ste/ mnyam par bzhag pa'i phyag rgya bcas la/ lce rkan la sbyar nas mig sna gong du bstad de/ phyogs bcu na bzhugs pa'i sangs rgyas dang byang chub sems dpa' snga ma bzhin du dmigs te/ de dag las shes rab kyi pha rol tu phyin pa'i tshul bdag med pa gsal bar byed pa'i man ngag mnos la rtsa ba'i sems kyis ming dang mtshan ma la dmigs nas de nyid kyi tshig gi bye brag dang/ le'u la sogs pa'i dbye ba la rjes su spyod pa'i sems kyis rnam par dpyad de/ de nas mngon par rtogs par rgyad gnas skabs kyi dbye ba'i grangs brtsi ba dang/ mngon par rtogs pa'i rang bzhin so sor nges pa 'jal pa dang/ sgro 'dogs ba dang/ skur pa 'debs pa med par spyod pa dang/ mngon sum dang rjes su dpag pa'i tshad mas brtags pa'i phyir so sor rtog pa nyid do/ /de ltar shes rab kyi pha rol tu phyin pa'i don rnam pa bzhir rnam par dbyad do/ yi ge yid sal bu dang bsdus pa'i rim pa ji lta ba bzhin du don med pa dang don dang bcas pa nyid kyis rnam pa de gnyis
- 86b
pa rnam par dpyod pa'i phyir rnam par dpyod pa'i sems so/ /de'i tshe rnam par dpyad pa'i rgyu mtshan gyis 'di nyid bden gyi gzhan ni rmongs pa'o zhes nges par bzung nas/ ji lta ba bzhin gyi rnam par dpyad pa nyid kyis don mtshan ma la dmigs ba rtsa pa'i sems su bsdus pa'i sems kyis bcug nas/ bla na med pa yang dag par rdzogs pa'i sangs rgyas 'dod pa ni 'dun pa'i sems so/ /shes rab kyi mig gis sgyu ma lta bu las ches thams cad las yang dag pa'i yi shes kyi snang bas ma gziD bas rnam par rtog pa med pa'o/ /de la rgyud pa 'bras bu'i ngo bo dang bral ba'i phyir stong pa nyid do/ /de yang rang dang spyi'i mtshan ma med pas mtshan ma med pa'o/ /des don du gnyer bar bya ba'i dngos po mi dmigs pa'i phyir smon pa med pa nyid do/ /yang de bzhin du rang bzhin gyis 'od gsal ba'i rnam par grol ba'i sgo'i ting nge 'dzin to/ /sems bskyed pa la sogs pa'i rim pas chos nyid yongs su mi shes pa de dag phyin ci log gis bcings pas/ 'khor ba na spyod pa'i 'ching pa dang ldan pI sems can gyi khams nges par legs pa la 'god pa'i snying rje chen po bsgom par bya'o/ /de la ting nge 'dzin la le lo dang/ dmigs pa brjed pa dang/ bying pa dang/ rgod pa dang/ mi rtsol ba dang/ rtsol ches pa dang/ skyon drug po de dag gnas skabs ji lta bas skyes pa na de'i gnyen po 'du byed brgyad ji lta pa bzhin du brten par bya ste/ 'di ltar ting nge 'dzin gyi yon tan la mngon par yid ches pa'i mtshan nyid kyi dad pas rnal 'byor la 'dun pa yang dag par skye'o/ /'dun pa de'i stobs kyis brtson 'grus brtsom mo/ /de nas brtson 'grus kyis lus dang sems shin tu sbyangs par 'gyur ro/ /lus dang sems shin tu sbyangs pas le lo ldog par 'gyur ro/ /de ltar na dad pa la sogs pa bzhis le lo spong bar 'gyur ro/ /dmigs
- 87a
pa brjed pa'i gnyen por ni dran pa nyid do/ /deS yang dag pa'i dmigs pa la gnas so/ /shes bzhin ni phyir? rgod kyi gnyen po ste/ de nyid kyis dga' ba'i dngos po sangs rgyas la sogs pa'i yon tan yid la byed pas byid ba spong do/ /yang dag par skyo ba'i dngos po mi rtag pa la sogs pa'i yid la byed pa la sogs pas rgod pa spong bar 'gyur ro/ /bying rgod zhi bar byed pa'i dus su mi rtsol na yang skyon yin pas sems pa goms par bya'o/ /byid rgod zhi ba na gang gi tshe sems dmigs pa las rab tu mi g.yo ba na mngon par 'du byed pa la zhugs par gyur na de'i tshe rtsol ba skyon yin no/ /de la sems rnam par g.yeng ba de'i gnyen po btad snyoms bsgom par bya'o/ /rim pa de ltar bsgoms nas langs te sngar sdud par byed par rang gi lha rdo rje 'chang gi gzugs su mos par byas nas byang chub sems dpa' la sogs pa spyan drangs nas/ shes rab kyi pha rol tu phyin pa bshad pas chos kyi sbyin pa byin te/ de dag thams cad mngon par ma zhen pa'i rnal 'byor gyis sems can thams cad kyi don du bla na med pa yang dag par rdzogs pa'i byang chub tu yongs su bsngo'o/ /de bzhin du thun mtshams ba zhing bsgrub par bya'o/ /yon tan rin po che sdud pa tshigs su bcad pa las yongs su gtad pa'i le'u ste sum cu rtsa gnyis pa'i bshad pa'o// //rnal 'byor mkhas pa 'gas kyang sngon chad yum 'di'i bsgrub pa rigs pas ma rtogs pa/ /gti mug mun nag smag ni ma lus bsal ba'i mgon pos mkhyen nas gsungs pa yi/ /rigs pa legs ldan tshig gis de bshad pa las bdag gis bsod nams gang thob pa/ /des ni yon tan rin chen bsdus ldan 'di ni 'gro bas myur du thob par shog/ gang zhig mngon par rtogs rgyan gyis/ /de yi bsdus don rab gsal
- 87b
ba/ /shes rab pha rol phyin bshad pa/ /rdzogs la rtogs par sla ba yin/ /brgyad pa'i sdeb sbyor des gcig pa'i/ /tshigs su bcad pa yongs brtsis te/ phye bas stong phrag gnyis dag dang/ /brgya yis 'di lhag shes par bya/ /yon tan rin po che sdug? ba tshigs su bcad pa'i bka' 'grel rtogs par sla ba zhes bya ba/ slob dpon chen po seng ge bzang po'i zhal snga nas kyis mdzad pa rdzogs so// //bal yul gyi paN+Di ta dze ta ha du shan+ti b+ha dra'i zhal snga nas dang/ bod kyi lots+tsha ba 'phro seng? dkar shAkya'i? 'od kyis bsgyur/ /blo dan tshong pa nor bu 'ching bu la/ /rin chen rong thang med snyam 'chad pa ltar/ /dam pa brgyud pa'i gdams ngag dang bral ba/ /ngan rtog rgyud la rgyal yum don yin par/ log rtog bsal phyir sa bdag sras kyi mchog/ gzhon? ? gshegs thos pa'i shes rab yang/ /de don gtan phab sems pa'i shes rab chub/ /bsgom pa'i rgyun bsten tshul khrims gtong ba'i 'od/ /rin chen dang bcas rje btsun bkas bskul nas/ /bzhin gyi skyon yon gsal byed me long ltar/ seng ge bzang po'i man ngag rtogs sla ba/ /'bang pas bal yul bgrod nas bdag gis bsgyur/ /gal te kha cig 'de la'ang phrag dog gis spong na/ /gzhan la gnod med bdag nyid kho na phung byed yin/ /ji ltar rus skam dung pa khyi rgan gyis 'tshom pas// rkan phug dang khrag 'jib cing rus pa'i ro snyam sems/ /rang rtags ngan rtog gzhung la chags pa'ang de bzhin no/ /dus gsum kun tu mi 'gyur nam mkha' dang mtshungs pa/ /chos nyid skyon med pha rol phyin pa 'di nyid lags/ /de thos de lam dang log bltas bdag tu 'dzin/ /na so tshad dang ldan yang byis bar 'dren pas gsungs// //'dis kyang bstan pa rin po che rgyas par byed nus par gyur cig/
- 88a
slob dpon seng ge bzang pos mdzad pa'i shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba'i 'grel pa bzhugs so/ //*/ /rgya gar skad du/ a b+hi sa ma yA a la kA ra nA ma pradz+nyA pA ra mi to pa de sha shastra brit+ti/ bod skad du/ shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba'i 'grel pa/ bam po dang po/ /sangs rgyas dang byang chub sems dpa' thams cad la phyag 'tshal lo/ /shes rab pha rol phyin pa la/ /de'i rgyan tshig le'ur byas pa dag /kun gyi rgyan du 'gyur bar ni/ /rnam par dbye phyir gus phyag 'tshal/ /'gro la chags pas kun chags mdzad/ /'phags pa thogs med skyob nyid kyis/ /mi pham mgon la gsan nas ni/ /bstan bcos chen po'i rnam bshad mdzad/ /'gro don rtsa lag dbyig gi gnyen/ /rang gi mos pa gtsor byed pas/ /shes bya nang gi yin pa la/ /yang dwag ? rten nas rnam par bgrol/ /'phags pa'i khongs su gtogs pa yi/ /rnam par grol ba zhes byas kyang/ /de byas byas pa min mthong nas/ /dbu mar gnas pa'i blos rnam phye/ /de'i 'og tu rnam brel sde/ /dad pa'i sa la gnas pa yis/ /bstan bcos mdza' dag ma rnyed par/ /rang dang rjes su mthun rnam bshad byas/ /de ltar ba khas pas snang byas shing/ / ?? lo nas ma rnyed pa'i/ /bstan bcoS mdza' dag 'di de ltar rnyed ba gang de ya mtshan no/ /de ltas shin tu rnyed dka' ba'i/ /zab mo'i lam 'di ci zhig ltar/ /sangs rgyas dbang gis rnyed pa ni/ /mkhas pa rnams kyis dbye ba'i rigs/ /rnam pa kun tu bdag gi ni/ /spyod yul min yang bsod nams dag /sgrub dang mthun phyir rang gzhan la/ /phan gdags 'dod pas spro? ba skyes/ /'phags pa byams pa bdag nyid dam pa'i spyod pa dang mthun par rab tu ston pas so so rang gis rig pa'i ye shes kyi shes rab kyi pha rol tu phyin pa'i yul can gyi rab tu dang po ni/ legs pa
- 88b
thams cad 'thob pa'i rgyu'i gtso bo yin no zhes bya bar nges par bzung nas/ gzhan dag bcom ldan 'das ma yon tan rin po che phul du dbyung du med cing dpag tu med pa'i 'byung gnas la don gyis 'jug par bya ba'i phyir rab tu dang ba bskyed pa'i ched du re zhig dang por yum la yon tan ji lta ba bzhin du brjod pa sngon du 'gro ba can gyi phyag 'tshal ba/ nyan thos zhi ba chos rnams kun shes nyid kyis nyer zhing khrid mdzad gang yin dang/ /'gro la phan par byed rnams lam shes nyid kyis 'jig rten don sgrub mdzad pa gang/ /gang dang yang dag ldan pas thub rnams rnam pa kun ldan sna tshogs 'di gsung ba/ /nyan thos byang chub sems dpa' i tshogs bcas sangs rgyas kyi ni yum de la phyag 'tshal/ zhes bya ba gsungs so/ /tshigs su bcad pa 'dis ni 'di'i che ba'i bdag nyid phul du byung ba dang ldan par brjod de/ de thos nas re zhig dang pas rjes su 'brang ba rnams ni 'di la the tshom med par myur du rab tu dang pa skye'o/ /chos kyi rjes su 'brang pa rnams kyang gcig dang du ma'i ngo bo nyid dang bral ba'i phyir zhes bya ba la sogs pa'i tshad mas gzhi dang lam dang rnaM pa skye ba med par yongs su shes pa tshigs su bcad pa'i don gyi mtshan nyid can gyi yum la gnod pa ma mthong nas/ shes rab kyi pha rol tu phyin pa thams cad mkhyen pa nyid gsum gyi bdag nyid kyi tshul gsum pa can/ /sangs rgyas la sogs pa skrun ? mdzad ba ni gdon mi za bar rung ba nyid do zhes nges par gzung ste de la rab tu dang ba skyed par byed pa nyid do/ /de la rab tu dang bas kyang de'i yon tan mngon par 'dod pa'i gang zag gnyi ga yang de dang de la brten pa'i gsung rabs rnam pa thams cad du gzung? la sogs ba'i don du shin tu gus par byed do/ /de nas thos pa las byung ba la sogs pa'i shes pa skye ba'i rim gyis legs pa'i cho ga thob par 'gyur ro/ /de'i phyir bcom ldan 'das ma la rab tu dang pa ni legs pa thams cad thob pa'i rgyu'i bco bo yin no/ /de la thams
- 89a
cad mkhyen pa nyid gsum gyis ni don brgyad bsdus la de dag kyang shes rab kyi pha rol tu phyin pa yin zhing des kyang 'chad par 'gyur ba'i tshul gyis don thams cad phun sum tshogs pa yin no zhes de ltar thugs la bzhag nas thams cad mkhyen pa nyid gsum gyi sgo nas shes rab kyi pha rol tu phyin pa la bstod do/ /nyan thos dang de'i phyogs su brlan pa rnam par thar ba cung zad tsam zhig gis lhag pa rim pa gcig gis bstan pa rang sangs rgyas kyang ste mya ngan las 'da' par 'dod pa rnams gzhi thad skye ba med par yongs su shes pa nyid kyis phung po dang bcas pa dang phung po med pa'i mtshan nyid kyi mya ngan las 'das pa rnam pa gnyis thob par mdzad pa gang yin pa dang/ byang chub sems dpa' 'khor ba ji srid bar 'gro ba'i don byed pa rnams lam thams cad skye ba med par rtogs ba'i ngo bo nyid kyis 'gro ba mdza' dag gi don bsgrub par mdzad pa gang yin pa dang/ rnam pa thams cad skye ba med par thugs su chud pa gang dang ldan na/ sangs rgyas yang dag par bsdams pa'i sku can rnal 'byor can gyi dbang phyug gi gtso bo rnams sbyod pa'i gnyen por chos kyi 'khor lo ma lus pa rnam pa thams cad skor bar mdzad pa sangs rgyas nyan thos la sogs pas yongs su bskor ba de sgrub par byed pa nyid kyi yum de la phyag 'tshal lo/ /de ltar phyag 'tshal pa dang bstod pa sngon du 'gro ba'i bstan bcos mngon par rtogs pa'i rgyan gzhi dang gnyen po dang rnam pa rnams las gang yang rung ba zhig bsdus pa mdzad na/ phyogs dang po ltar na ni? 'bad pa don med pa yin te/ shes rab kyi pha rol tu phyin pa 'di las ni mtshan nyid kyi bstan bcos dag las mi smos pa'i gzhi gang yin pa de 'byung ba med do/ /gnyis pa ltar na yang rnam par byad ba'i dngos po bsdus pa'i phyir kun nas nyon mongs ba'i dngos po ma bsdus pas 'di gang gi gnyen po yin pa khong du chud bar mi 'gyur ro/ /gsum
- 89b
pa ltar na yang rnam par bzhi med pa tsam? zhig bsdus pa'i phyir don rtogs med pas cung zad kyang ma bshad pa'i phyir don med pa yin no snyam du gzhan ngag sems par 'gyur pa ma yin nam zhe na/ de ni ma yin te gang gyi phyir nyan thos dang rang sangs rgyas dang byang chub sems dpa' dang bla na med pa'i sangs rgyas rnams kyi go rim ji ltaba bzhin thams cad mkhyen pa nyid gsum gyis mngon par rtogs pa mdza' dag bsdus pas na phyogs gsum car gyis kyang bsdus pa'i phyr ro/ /'di ltar rgyal ba'i yum bad ma las rab 'byor thams cad shes pa nyid ni nyan thos dang rang sangs rgyas rnams kyi yin no/ /lam shes pa nyid ni byang chub sems dpa' rnams kyi yin no/ /rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas kyi yin no/ /bcom ldan 'das ci'i slad du/ thams cad 'tshal ba nyid nyan thos dang rang sangs rgyas rnams kyi lags/ rab 'byor thams cad ni phyi dang nang gi chos rnams ji snyed pa 'di tsam yin pa de dag kyang nyan thos dang rang? sangs rgyas rnams kyis shes kyi lam thams cad kyis kyang ma yin la rnam pa thams cad du yang ma yin pas/ de'i phyir nyan thos dang rang sangs rgyas rnams kyi ni thams cad shes pa nyid ces bya'o/ /bcom ldan 'das ci'i slad du lam gyi rnam pa 'tshal ba nyid byang chub sems dpa' rnams kyi legs/ rab 'byor byang chub sems dpa' rnams kyis ni nyan thos kyi lam gang yin pa dang/ rang sangs rgyas kyi lam gang yin pa dang/ sangs rgyas kyi laM gang yin pa'i lam thams cad bskyed par bya zhing laM thams cad shes par bya'o/ /de dag kyang yongs su rdzogs par bya zhing de dag gi lam gyi bya ba yang bya la/ smon lam yongs su smin par ma byas pa dang/ sangs rgyas kyi zhing yongs su ma sbyangs
- 90a
par de dag gi yang dag pa'i mdza' mngon sum du ni mi bya'o/ /de'i phyir byang chub sems dpa' rnams kyi ni lam gyi rnam par shes pa nyid ces bya'o/ /bcom ldan 'das ci'i slad du rnam pa thams cad mkhyen pa nyid de bzhin gshegs pa dgra bcom pa yang dag par rdzogs pa'i sangs rgyas kyi lags/ rab 'byor rnam pa gang dag dang/ rtags gang dag dang/ mtshan ma gang dag gis chos rnams rab tu brjod pa'i rnam pa de dag dang/ rtags de dag dang/ mtshan ma de dag de bzhin gshegs pas thugs su chud de de'i phyir de bzhin gshegs pa dgra bcom pa yang dag par rdzogs pa'i sangs rgyas kyi ni rnam pa thams cad mkhyen pa nyid ces bya'o/ /de bzhin du mdor bsdus pa las kyang nyan thos kyis la slob par 'dod pas kyang zhes bya ba la sogs pa gsungs la/ rgyas pa las kyang rgya cher gsungs so/ /de la thams cad shes pa nyid ni gzugs la sogs pa'i chos la mi rtag pa la sogs pa'i rten can 'bras bu bdag tu rmongs pa spangs pa can yin no/ /lam shes pa nyid ni theg pa thams cad kyis nges par 'byung ba dang/ de kho na nyid mngon sum du mi byed pa'i rten can 'bras bu sems can ma bsdus pa sdud pa la sogs par byed pa can yin no/ /rnam pa thams cad mkhyen pa nyid ni chos thams cad skye pa med pa'i rten can 'bras bu nam mkha' i khams kyi mthas gtugs par sems can gyi don rgyun mi 'chad pa dang yang dag pha nyid kyi mdza' rtogs pa dang bag chags kyi mtshams sbyor ba nyid spangs pa can no/ /de lta bas na mngon par rtogs pa'i rgyan ni gzhi dang gnyen po dang rnam pa mdza' dag bsdus pas mngon bar rtogs pa ril rdzogs par bstan pa yin no zhes bya ba 'di 'thad pa yin no/ /skye bo blo gros dman pa dag bcom ldan 'das rgyas pa dang 'bring dang mdor bsdus pa la dad pa'i sems can la phan 'dogs par bzhed pa thugs rje can nyid kyis rgyal ba'i
- 90b
yul de dang de las mngon par rtogs pa brgyad kyi rim pa shes rab kyi pha rol tu phyin pa'i don mdza' dag gsal bar mdzad pa ma yin nam bcom ldan 'das 'phags pa ma rgyal ba las rgyal bas yang de bstan pa la don ci zhig yod snyam du dogs pa gsal pa'i phyir don la the tshom bskyed ba nyid kyis 'jug pa'i yan lag rang gi bstan bcos kyi brjod par bya ba dang dgos pa dang dgos pa'i yang dgos pa dang 'brel ba khong na yod pa rnams gsungs te/ rnam pa thams cad mkhyen nyid lam/ /ston bas 'di las bshad pa dang/ /gzhan gyis myong ba ma yin te/ /chos spyod bcu yi bdag nyid kyi/ /mdo don dran pa la bzhag nas/ /blo dang ldan pas mthong 'gyur phyir/ /bde blag tu ni rtogs pa zhes/ /bya brtsom pa'i dgos pa yin/ zhes bya ba yin no/ /rnam pa thams cad mkhyen pa nyid ni sangs rgyas nyid kyi lam ste/ mngon par rtogs pa thams cad nye bar mtshon pa lhur? len pa yin no/ /bcom ldan 'das cho 'phrul rnam pa gsum gyis 'gro ba mdza' dag la rjes su ston par mdzad pa de nyid kyis rgyal ba'i yum rnam pa gsum car las brjod par bya ba nyid du bstan pa gang yin la rjod par byed pa dang brjod par bya ba dag thabs dang thabs kyis bsgrub par bya ba'i tshul gyis 'brel bar mdzad pa phyi rol pa dang cig shos kyi 'dod chags dang bral ba la sogs pa chos thams cad bdag med pa la goms par ma byas pa rnams kyis thos pa las byung ba la sogs pa'i shes pa skye ba'i rim gyis ma myangs pa de/ byang chub sems dpa' rang dang gzhan gyi don phun sum tshogs pa sgrub pa ci la yang ma reg par chas pa dag kho nas nyams su myong ba shin du gsal bas bzhag ba'i bag chags las byung ba'i dran pa'i shes pa la shes rab kyi pha rol tu phyin pa'i mdo'i don ma lus pa mngon par rtogs pa brgyad kyi bdag nyid byang chub kyi sems dang sbyin pa la sogs pa bsgrub pa'i spyod pa legs par bzhag nas chos kyi dbyings
- 91a
kun tu 'gro ba rtogs pa'i mtshan nyid sa rab tu dga' ba la sogs pa rtogs ? rim pas rnam pa thams cad mngon sum du byed par 'gyur ba zhes bya ba dgos pa'i yang dgos pa'i ched du mngon par 'dod pa'i shes rab kyi pha rol tu phyin pa'i don byang chub kyi sems dang sgrub pa la sogs pa'i mtshan nyid gdul bya rnams kyis bde blag tu rtogs par 'gyur ba ni bstan bcos rtsom pa'i dgos pa yin no/ /de ltar 'brel pa la sogs pa bsnyad nas gdul bya rnams kyis bde blag tu rtogs par bya pa'i phyir dang bstan bcos kyi don rnam par dbye ba byas pa yang ma 'dzings pa nyid kyis bshad par bya sla bar gzigs nas tshig le'ur byas pa bco lngas mdo dang rgyas par bstan pas shes rab kyi pha rol tu phyin pa'i lus rnam par bzhag pa gsungs te/ shes rab pha rol phyin pa ni/ /dngos po brgyad kyis yang dag bshad/ /rnam kun mkhyen nyid lam shes nyid/ /de nas thams cad shes pa nyid/ /rnam kun mngon rdzogs rtogs pa dang/ /rtse mor phyin dang mthar gyis pa/ /skad cig gcig mngon rdzogs byang chub/ / chos kyi sku dang de rnam brgyad/ /sems bskyed pa dang gdams dag dang/ /nges 'byed yan lag rnam bzhi dang/ /sgrub pa yi ni rten gyur pa/ /chos kyi dbyings kyi rang bzhin dang/ /dmigs pa dag dang ched dang ni/ /go cha 'jug pa'i bya ba dang/ /tshogs ni nges par 'byung bcas rnams/ /thub pa'i rnam kun mkhyen pa nyid/ /mog mog por byed la sogs dang/ /slob ma bse ru'i lam gang dang/ /'di dang gzhan pa'i yon tan gyis/ /phan yon che ba mthong ba'i lam/ /byed pa dang ni mos pa dang/ /bstong dang bku? dang bsngags pa dang/ bsngo dang rjes su yi rang pa/ /yid la byed pa bla med dag /sgrub dang shin tu dag bzhes/ /bya ba 'di ni bsgom pa'i lam/ /byang chub sems dpa' mkhas rnams kyi/ /lam shes nyid ni de 'drar bshad/ /shes pas srid? la mi gnas
- 91b
shing/ /snying rje zhi la mi gnas dang/ /thabs ma yin pas ring pa dang/ /thabs kyis ring pa ma yin nyid/ /mi mthun gnyen po'i phyogs dag dang/ /sbyor dang de yi mnyam nyid dang/ nyan thos la sogs mthong ba'i lam/ /de 'dra kun shes nyid du 'dod/ /rnam pa sbyor bar bcas rnams dang/ /yon tan skyon ni mtshan nyid bcas/ /thar dang nges 'byed cha 'thun dang/ /slob pa phyir mi ldog pa'i tshogs/ /srid dang zhi ba mnyam nyid dang/ /zhing dge bla na med pa ni/ /rnam kun mngon rdzogs rtogs pa ste/ /'di ni thabs mongs bcas pa yin/ /de'i rtags dang rnam 'phel dang/ /brtan dang sems kun gnas pa dang/ /mthong zhes bya dang bsgom pa zhes/ /bya ba'i lam ni so so la/ /rnam par rtog pa rnam bzhi yi/ /gnyen po rnam pa bzhi dang ni/ /bar chad med pa'i ting nge 'dzin/ /log par sgrub dang bcas pa ni/ /rtse mo'i mngon rtogs mthar gyis pa/ /rnam gsum rnam bcu skad cig ma/ /gcig gis mngon rdzogs byang chub pa/ /mtshan nyid kyis ni rnam pa bzhi/ /ngo bo nyid longs rdzogs bcas dang/ /de bzhin gzhan pa sprul pa ni/ chos sku mdzad pa dang bcas pa/ /rnam pa bzhir ni yang dag brjod/ /ces bya ba yin no/ /de la tshig le'ur byas pa dang po gnyis kyis ni dngos po brgyad bsdus pa'i phyir mdor bstan pa yin no/ /tshig le'ur byas pa bcu gsum gyis ni de dag nyid kyi don bsdus nas rgyas par bshad de/ de ltar na bsdus pa dang rgyas par bshad pa'i phyir legs bar bshad pa yin no/ /bsdus pa'i don gyi tshig le'ur byas pa rnams ni bstan bcos mdzad pa nyid kyis/ sems bskyed pa ni gzhan don phyir zhes bya ba la sogs pa 'chad par 'gyur pa'i bstan bcos mdza' dag gis 'chad pas de dag rnam par bshad pas bshad par bsams te zlos pa'i nyes par 'gyur du dogs nas rnam par ma dkrol lo/ /de ltar bsdus pa'i don kun bstan nas byang chub sems dpa' byang chub
- 92a
rjes su thob par 'dod pas 'bras bu yin pa'i phyir rnam pa thams cad mkhyen pa nyid thob par bya dgos pas dang bor rnam pa thams cad mkhyen pa nyid de sdud pa'i tshig le'ur byas pa rnam par bshad pa'i sgo nas bshad par bzhed de/ sems bskyed ba rang gi ngo bo dmigs pa dang bcas pa/ sems bskyed pa ni gzhan don phyir/ /yang dag rdzogs pa'i byang chub 'dod/ /ces gsungs te/ sangs rgyas su grub nas gzhan gyi don gyi phyir skal ba ji lta ba bzhin du 'bad bar bya'o/ zhes sems bskyed pa gzhan gyi don du yang dag par rdzogs pa'i byang chub 'dod ba'i mtshan nyid smon pa dang 'jug pa'i ngo bo nyid rnam pa gnyis so/ /yang dag par rdzogs pa'i byang chub 'dod pa nyid ni de don du gnyer ba dge ba'i chos la 'dun pa sems las byung ba yin la/ sems bskyed pa ni sems yul khyad par du 'phags pa snang ba can 'byung ba ma yin nam/ ji ltar na de sems bskyed pa yin par 'gyur zhe na/ bden mod kyi 'on kyang 'dir dge ba'i chos la 'dun pa'i mtshan nyid don du gnyer ba yod na byang chub kyi sems bskyed pas rgyus 'bras bu bstan pa yin te de ltar don du gnyer ba'i byang chub sems dpa' i dge ba'i chos thams cad 'phel bar 'gyur ro zhes shes par bya ba'i phyir nye bar btags pa la brten pa yin pas nyes pa med do/ /rnam pa gcig tu na smon lam? mi mngon du gnyer ba ste yang dag par rdzogs pa'i byang chub 'dod pa nyid yin la de dang lhan cig spyod pa'i sems bskyed pa de'i sgrar bstan pa ni de ltar byang chub sems dpa' rnams la smon lam dang ldan pa'i sems de skye'o zhes bya bar shes par bya ba'i phyir yin no /yang dag 'dod pa'i bdag nyid dang gang gi don du sems bskyed pa yang dag par rdzogs pa'i byang chub de ni gang yin gzhan gyi don ni gang yin zhe na/ de dang de ni mdo bzhin du/ bsdus dang rgyas pa'i sgo nas brjod/ ces bya ba
- 92b
gsung ste/ rgyal ba'i yum rnam pa gsum car las kyang shes rab kyi pha rol tu phyin pa dang/ sbyin pa la sogs pa thams cad la sbyin par bya ba dang/ /sbyin pa po dang len pa po la sogs pa mi dmigs par sgrub par bya'o zhes shes par byed pa'i don can dang/ sems can thams cad skal ba ji lta ba bzhin du mya ngan las 'das pa dang/ ser sna can la sogs pa rnams sbyin pa la sogs pa la dgod par 'dod pas shes rab kyi pha rol tu phyin pa 'di nyid la bsgrub par bya'o zhes bya ba la sogs pa rab tu ston pa lhur byed pa'i ? gis ? don dang mi 'gal bar bsdus pa dang rgyas pa'i sgo nas yang dag par rdzogs pa'i byang chub dang gzhan gyi don bstan te/ de ltar na sems bskyed pa ni gzhan gyi don gyi phyir yang dag bar rdzogs pa'i byang chub 'dod pa'i bdag nyid yin par shes par bya'o/ /gtsug lag gi gzhung skabs kyi don ston pa lhur len pa ni thams cad las kyang gsungs mod kyi tshigs ?? su dogs cas khungs nyid du ma bris so/ /de ltar sems bskyed pa dmigs pa dang rang gi po bo dang bcas pa brjod nas/ da ni de'i rab tu dbye ba rnam pa nyi shu rtsa gnyis par skabs kyi tshigs su bcad sbyin pa dang/ tshul khrims dang/ bzod pa dang/ brtson 'grus mtsho/ /rdo rje ri sman bshes gnyen dang/ /yid bzhin nor bu nyi ma glu/ /rgyal po mdzod dang lam po che/ /gzhon pa dkon ma ri? chu dang ni/ /sgra snyan chu bo sprin rnams kyis/ /rnam pa nyi shu rtsa gnyis so/ /zhes bya ba dag gis bshad de/ 'dun pa dang bsam pa dang/ lhag pa'i bsam pa dang/ sbyor ba dang/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs mkhas pa dang/ smon lam dang/ stobs dang/ ye shes kyi pha rol tu phyin pa dang/ mngon par shes pa dang/ bsod nams dang/ ye shes dang/ byang chub kyi phyogs dang mthun pa'i chos dang/ snying rje dang /lhag
- 93a
mthong dang/ gzungs dang/ spobs pa dang/ chos kyi dga' ston dang/ bgrod pa gcig pa'i lam dang/ chos kyi sku dang ldan pa ni/ go rim bzhin du sa dang/ gser bzang po dang/ zla ba tshes pa dang/ me dang/ gter chen po dang/ rin po che'i 'byung khung gi gnas dang/ rgya mtsho chen po dang/ rdo rje dang/ ri'i rgyal po dang/ sman dang/ dge ba'i bshes gnyen dang/ yi bzhin gyi nor bu dang/ nyi ma dang/ chos kyi sgra dbyangs snyan pa dang/ rgyal po chen po dang/ bang mdzod dang/ lam po che dang/ gzhon pa dang/ bkod ma'i chu dang/ sgra snyan pa dang/ chu bo'i rgyun dang/ sprin lta bu ste/ chos dkar po thams cad kyi gzhi'i dngos po dang/ byang chub kyi bar du mi 'gyur ba dang/ dge ba'i chos mdza' dag rnam par 'phel bar 'gyur ba dang/ thams cad mkhyen pa nyid gsum gyi sgrib pa'i bud shing sreg pa dang/ sems can thams cad tshim bar byed pa dang/ yon tan rin po che'i rten gyi dngos po dang/ mi 'dod pa thams cad thog tu bab bas mi 'khrugs pa dang/ yis ches ba bstan pas mi phyed pa dang/ dmigs ba'i rnam par g.yeng bas mi skyod pa dang/ nyon mongs pa dang shes bya'i sgrib ba'i nad rab tu zhi ba dang/ gnas skabs thams cad du sems can gyi don yongs su mi gtong ba dang/ ji ltar smon pa'i 'bras bu 'grub pa dang/ gdul ba yongs su smin par byed pa dang/ ? bya 'dun bar byed ba'i chos ston pa dad/ mthu thogs pa med pas gzhan gyi don sgrub pa dang/ bsod nams dang ye shes kyi tshogs mang po'i mdzod lta bu dang/ 'phags pa thams cad gshegs shing rjes su gshegs pa dang/ 'khor ba dang mya ngan las 'das pa gang du yang mi ltung bas bde blag tu 'gro ba dang/ thos pa rang mthos pa'i tshes 'dzin pas mi zad pa dang/ thar pa 'dod pa'i gdul bya bstan par sgrogs pa dang/ gzhan gyi don bya ba tha mi dad pa dang/ dga' ldan gyi gnas na bzhugs pa la sogs pa kun tu
- 93b
stong? par rung ba nyid kyis grangs bzhin no/ /de ltar na de yang sa gsar zla ba me zhes bya ba la sogs pas sems bskyed ba nyi shu rtsa gnyis bshad pa yin no/ /de la dang po gsum ni chung du dang 'bring dang chen po nyid kyis las dang po pa'i sas bsdus so/ /de'i 'og tu gcig ni sa? dang po la 'jug pa'i lam gyis bsdus so/ /de'i 'og tu bcu ni rab tu dga' ba la sogs pas bcus bsdus te mthong ba dang bsgom pa'i lam gyi spyod yul can yin no/ /de'i 'og tu lnga ni khyad par gyi lam gyis bsdus so/ /de'i 'og tu sems bskyed pa gsum ni sbyor ba dang 'das dang mjug gi sgo nas sangs rgyas kyi sas bsdus te/ de ltar na sems bskyed ba'i rab tu dbye ba ni las dang po pa'i sa nas bzung ste sangs rgyas kyi sa'i bar gyis bsdus pa yin no/ /dbye gzhar la brjod nas de ltar byang chub kyi sems dang po la sogs pa bskyed pa'i byang chub sems dpa' dus ji lta ba bzhin du don du gnyer bar byed pa'i byang chub kyi sems bskyed pa dang des 'phangs pa'i chos 'grub par bya ba'i phyir yon tan thob pa yongs su bsrung ba'i don gyis mngon par 'phel bar bya ba'i phyir 'doms pa ni gang ma dag ste/ sgrub dang bden pa rnams dang ni/ /sangs rgyas la sogs dkon mchog gsum/ /ma zhen yongs su mi dal dang/ /lam ni yongs su 'dzin pa dang/ /spyan lnga dang ni mnon zhes kyi/ /yon tan drug dang mthong lam dang/ /sgom zhes bya la gdams ngag ni/ /bcu yi bdag nyid shes par bya zhes gsungs pa yin no/ /byang chub kyi sems kyi rab tu dbye ba ji skad bshad pa sgrub pa la kun rdzob dang don ram pa'i bden pa las mi 'da' bas nyan thos la sogs ? dang mthun mongs ma yin pa mi dmigs pa'i tshul gyis 'jug bar bya'o zhes slob bsgrub pa la 'doms pa dang/ sdug bsngal la sogs pa 'bras bur gyur ba'i stong pa nyid rang shes rab kyi pha rol tu phyin pa dag de bzhin nyid kyi ngo bor rang bzhin
- 94a
gcig go zhes bya ba dang/ kun 'byung ba la stong pa nyid dang gzugs la sogs pa rgyur gyur pa dag tha mi dang pa nyid kyis gzugs la sogs pa ni kun 'byung ba dang 'gog pa dang kun nas nyon mongs pa dang/ rnam par byang ba'i chos can ma yin no zhes bya ba dang/ 'gog pa la stong pa nyid skye ba dang 'gag pa dang/ kun nas nyon mongs pa dang rnam par byang ba dang nyams la dang 'phel pa la sogs pa dang bral ba la ni gzugs med pa nas ma rig pa skye ba yang med ma rig pa 'gag pa yang med sangs rgyas kyang med byang chub kyi bar du yang med do zhes bya ba dang/ lam la sbyin pa la sogs pa'i pha rol tu phyin pa dang bdag nyid dam nang stong pa nyid la sogs pa ni phyi stong pa nyid la sogs pa dang sngon gyi mdza' dang phyi ma'i mdza' dag phan tshun ldan pa dang mi ldan pa ma yin pa nyid du sgrub po zhes ston pa bden pa la 'doms pa dang/ sangs rgyas la sangs rgyas dang byang chub dag mtshan nyid gcig pa nyid kyis sangs rgyas su byed pa'i chos kyi mtshan nyid rnam pa thams cad mkhyen pa nyid mi dmigs pa la gzugs la sogs pa mi sbyor bas dmigs par bya ba dang dmigs par byed pa mnyam pa nyid du shes pa zhes bya ba dang/ chos la thams cad mkhyen pa nyid gsum gyis bsdus pa'i gzhi dang gnyen po dang rnam pa mdza' dag bsdus bdag gis bsdus pa'i chos thams cad ngo bo nyid med do zhes bya ba dang/ dge 'dun la sangs rgyas dkon mchog gi khongs su gtogs pa nyid kyis dgra bcom pa ma gtogs pa 'bras bu la gnas pa dang zhugs pa'i bye brag gis skyes bu chen po bdun po rang sangs rgyas dang lhan cig brgyad po dbang po brtul po la sogs pa'i bye brag gis grangs nyi shur chad pa byang chub sems dpa' 'phags pa slob ba phyir mi ldog pa rnams la skye ba med pa nyid du 'jug par bya'o zhes lung 'bog pa dkon mchog gsum la
- 94b
? pa dang/ brtson 'grus brtsams pa nyid kyis ji skad bshad pa'i don la nan tan byed pa la/ lus la sogs pa'i bsod nams nyid kyis la la mngon par zhen par 'gyur bas ma zhen pa la lus la sogs pa ngo bo nyid med par bstan pa'i 'doms pa dang/ ? yang rin po zhig tu goms par byas kyang 'dod pa'i don ma grub na dngang ba'i rang bzhin can yongs su skyo bar 'gyur bas yongs su ngal ba med pa la gzugs la sogs pa nas yang dag par rdzogs pa'i byang chub kyi bar la rlom pa med pa nyid du bstan pa'i gdams ngag dang/ phyogs bcu na bzhugs pa'i sangs rgyas la sogs pa las don re re'i phyir lam gyi lung nor bar bya na sems zhum par 'gyur bas lam yongs su bzung ba la chos rnams rang bzhin gyis ma skyes pa nyid du bslab pa'i gdams dag dang/ sha'i dang/ rnam par smin pa las byung ba'i lha'i dang/ shes rab dang chos dang sangs rgyas kyi spyan grangs ji lta ba bzhin du dngos po so sor nges pa dang/ sems can thams cad kyi 'chi 'pho ba dang/ skye ba dang/ chos thams cad la rnam par mi rtog pa dang/ 'phags pa'i gang zag thams cad rtogs pa dang/ chos thams cad rnam pa thams cad du mngon par rdzogs par byang chub ba'i yul can rnams de bzhin nyid du gcig pa nyid du bsgrub bo zhes slob pa spyan lnga la 'doms pa dang/ rdzu 'phrul dang/ lha'i rna ba dang/ gzhan gyi sems shes pa dang/ sngon gyi gnas rjes su dran pa dang/ mngon par 'du byed pa las byung ba lta'i mig dang/ zag bzad pa shes pa'i mngon par shes pas g.yo ba la sogs pa dang/ 'jig rten gyi khams thams cad na gnas pa'i sgra chung du dang cig shos thos pa dang/ gzhan gyi sems 'dod chags dang bcas pa la sogs pa yongs su shes pa dang/ rang dang gzhan gyi tshe rabs snga ma dum rjes su dran pa dang/ gzugs thams cad mthong ba dang/ nyon mongs pa dang shes bya'i sgrib pa spong bor
- 95a
byed pa rnams bzod ma nas zhi ba nyid du gtogs par bya'o zhes ston pa mngon par shes pa drug la 'doms pa dang/ mthong ba'i lam bden pa bzhis bsdus pa skad cig ma bcu drug gi ngo bo nyid chos dang rjes su shes pa'i bzod pa dang shes pa'i bdag nyid la rnal 'byor pa chos thams cad ngo bo nyid med par rtogs pas sgyu ma mkhan bzhin du thams cad la mngon par zhen pa med pa'i lus can nges spang par bya ba'i dngos po'i gnyen po nyid du rnam par sgom par byed do zhes ston pa mthong ba'i lam la 'doms pa dang/ 'dus byas dang 'dus ma byas dag ngo bo gcig pa nyid kyis phan tshun tha dang par gdags par mi nus pa bzhin du ji skad bshad pa'i mthong pa'i lam gyis mngon sum du byas pa'i dngos? po las ? dpal? dmigs pa'i phyir mthong ba dang bsgom pa dag tha dad du gyur pa med pas bsgom pa'i lam mtshan nyid pa rnam par bzhag pa ni med kyi 'on kyang de ni rten cing 'brel bar 'byung ba'i chos nyid kyis des spang bar bya ba'i dngos po'i gnyen po nyid du rnam par sgom par byed do zhes bsgom pa'i lam la 'doms ba ste/ de ltar na byang chub kyi sems dang nges 'phangs pa'i chos kyi ngo bo nyid shes rab kyi pha rol tu phyin pa la sgrub pa'i rnam pa gang yin pa mi dmigs pa dang de'i dmigs pa gang yin pa 'phags pa'i bden pa bzhi dang rten gang yin pa skyabs gsum dang khyad par du 'gro ba'i rgyu gang yin pa ma chags pa dang/ mi ldog par 'gro ba'i rgyu gang yin pa yongs su mi ngal ba dang/ theg pa gzhan gyis mi 'gro ba'i rgyu gang yin pa lam yongs su 'dzin pa dang/ gzhan gyi ? mi 'jig par 'gro ba nyid kyi rgyu gang yin pa spyan lnga dang/ rnam pa thams cad mkhyen pa nyid yongs su rdzogs pa'i rgyu gang yin pa mngon par shes pa drug dang mthar thug pa'i rgyu gang dag yin pa mthong ba dang bsgom pa'i lam dag steng dag thams cad gdams
- 95b
? gi skabs su bstan te/ 'di tsam kho nas don thams cad phun sum tshogs par 'gyur bas gdams ngag ni rnam pa bcu'o/ /dge 'dun dkon mchog gi skabs su bde rlag tu rtogs par bya ba'i phyir bar skabs kyi tshigs su bcad pa gnyis po/ /dbang po ? dang rnon po dag /dad dang mthong thob rigs nas rigs su bar chad gcig par skyes nas dang/ /byed dang byed min 'og min 'gro/ /'phar gsum srid rtse'i mthar thug 'gro/ /gzugs kyi chags bcom mthong ba yi/ /chos la zhi lus mngon sum byed bse? ru dang ni nyi shu'o zhes bya ba gsungs so/ /'chad par 'gyur ba'i lam shes pa nyid kyis bsdus pa mthong ba'i lam skad cig ma bcu drug la brten nas dad pa dang chos kyi rjes su 'brang ba'i bye brag gis 'bras bu dang po la zhugs pa rnam pa gnyis so/ /de'i 'og tu rgyun? tu? zhugs pa yin no/ /de'i 'og tu de nyid lha dang mi'i rigs nas rigs su skye ba nyid kyis gzhan rnam pa gnyis yin no/ /de'i 'og tu dbang po rtul po dang rnon po dad pa dang mthong ba la thob pa dag 'bras bu gnyis pa la zhugs pa gcig kho na yin no/ / de'i 'og tu lan cig phyir 'ong ba yin no/ /de'i 'og tu de nyid gzhan bar chad gcig pa yin no/ /de'i 'og tu snga ma bzhin du dad pa dang mthong bas thob pa 'bras bu gsum pa la zhugs pa yin no/ /de'i 'og tu phyir mi 'ong ba ste bar mdo dang skyes nas dang/ mngon par 'du byed pa dang bcas pa dang mngon par 'du byed pa med par yongs su mya ngan las 'da' zhes bya ba rnam pa bzhi'o/ /de'i 'og tu de nyid 'og min gyi mthar thug par 'gro ba ste 'phar ba dang byed du 'phar ba dang/ gnas thams cad du 'chi 'pho ba nyid kyis gong du 'pho ba gzhan rnam pa gsum mo/ /de'i 'og tu de nyid srid pa'i rtse mo'i mthar thug par 'gro ba ni gzugs kyi 'dod chags dang bral ba ste mthong ba'i chos la zhi ba dang/ lus kyi mngon sum du byed pa gzhan rnam pa gnyis so/ /de'i 'og tu dgra bcom pa nyid kyi
- 96a
'bras bu la zhugs pa yin no/ /de'i 'og tu rang sangs rgyas te nyi shu'o/ /lam dang po pa de ltar gdams ngag thob pa la nges par 'byed pa'i yan lag 'byung bas nges par 'byed pa'i yan lag /dmigs pa dang ni rnam pa dang/ /rgyu dang yongs su 'dzin pa yis/ /byang chub sems dpa' skyob pa yi/ /drod sogs bdag nyid ji bzhin du/ /rnam rtog bzhi po ldan bsten pa/ /chung dang 'bring dang chen po rnams/ /nyan thos bse ru lta bu dang/ /bcas pa dag las khyad par 'phags// zhes bya ba gsungs te/ byang chub sems dpa' rnams kyis thos pa la sogs pa rab kyi mthar phyin pas thob pa thar pa'i cha dang 'thun pa dad pa la sogs pa'i mtshan nyid kyi dge ba'i rtsa ba'i 'og tu bden pa bzhi rtogs pa dang rjes su 'thun ba nges par 'byed pa'i ? dang 'thun pa bzhi po 'jig rten pa'i bsgoms pa las byung ba dro bar gyur ba zhes bya ba'i dge ba'i rtsa ba dang/ de'i 'og tu rtse mor gyur pa dang/ de'i 'og tu bzod par gyur pa dang/ de'i 'og tu chos kyi mchog ces bya ba chung du la sogs pa'i rim gyis skye bas sam/ byang chub sems dpa' dang 'bral ba'i dbang po brtul po la sogs pa gang zag gi bye brag gis chung du dang 'bring dang chen po 'chad par 'gyur ba dmigs pa'i khyad par gyi ngo bo nyid bden pa bzhi'i dngos po la dmigs pa dang chos su blta ba'i gnyen po nyid kyis mngon par zhen pa med pa la sogs pa'i rnam par zhugs pa dang/ theg pa gsum car rtogs pa'i rgyu'i ngo bo dang/ dge ba'i bshes gnyen thabs la mkhas pa'i mtshan nyid kyis yongs su 'dzin pa dang ldan pa dang/ mthong pa dang bsgom pas spang bar bya ba'i gzung ba dang 'dzin pa'i rnam par rtog pa rnam pa bzhi po 'chad par 'gyur ba'i tshul dang 'brel bar 'byung bas na nyan thos la sogs pa'i dro ba la sogs pa las khyad par du 'phags pa yin no/ /de dag gi dro bar
- 96b
gyur pa la sogs pa'i dge ba'i rtsa ba ni lugs las gzugs su rung ba la sogs pa'i mtshan nyid kyi dngos po'i bdag nyid kyi bden pa bzhi la dmigs pa dang bdag tu lta ba'i gnyen po nyid kyis mi rtag pa la sogs pa'i rnam par zhugs pa dang rang gi theg pa rtogs pa kho na'i ched du dang/ yongs su 'dzin pa dang bral ba dang/ rnam par rtog pa rnam pa bzhi dang mi ldan par 'byung ngo zhes 'byung ba'i phyir ro/ /byang chub sems dpa' rnams kyi nges par 'byed pa'i cha dang 'thun pa rnams ni thabs mkhas pa'i stobs kyis kha cig tu ? rgyu'i sgo nas kha cig tu ni 'bras bu'i sgo naS kha cig tu ni ngo bo nyid kyi sgo nas kha cig tu ni chos nyid kyi rnam pa'i sgo nas ji ltar srid pa bzhin bden pa bzhi'i dngos po la dmigs pa yin la snga ma bzhin du rnam pa gzhan gyis kyang bden pa bzhi la kun tu dmigs so zhes bya bar? shes par bya'o/ /mdor bsdus te rnam par bkrol ba tsam du brjod par 'dod pas ma spros so/ /gang gi phyir 'di ni rnam par bzhag pa gzhan kho na yin te/ de'i phyir theg pa gzhan la brten nas ni gang du yang sun 'byin pa brjod par mi bya'o// dmigs pa dang rnam pa'i khyad par ji lta bu yin zhe na de'i phyir dmigs pa dang rnam pa dag par skabs kyi tshigs su bcad pa bdun gyis bshad de/ dmigs pa mi rtag la sogs pa/ /bden pa'i rten can de yi ni/ /rnam pa mngon zhen la sogs 'gog/ theg pa gsum car thob pa'i rgyu/ /gzugs sogs 'du 'god gnas bral dang/ /gnas dang btags dang brjod du med/ ces bya'o/ /de la chung du'i dmigs pa ni sdug bsngal la sogs pa'i bden pa bzhi po la brten pa mi rtag pa la sogs pa'i rnam pa bcu drug yin no/ /de'i rnam pa ni sdug bsngal la sogs pa'i bden pa la mngon par zhen pa dang dmigs pa la sogs pa 'gog pa yin no/ /dro ba la sogs pa thams cad kyang theg pa gsum car rtogs pa 'thob pa'i rgyu'i ngo bo yin par khong du chud par bya'o/
- 97a
'bring gi dmigs pa ni mos pa dang kho na nyid yid la byed pa dag gis grangs bzhin du gzugs la sogs pa bsgrub pa dang dgag pa dag mi dmigs shing ma mthong ba zhes bya ba yin no/ /rnam pa ni ming thams cad med pa nyid kyis rgyun mi 'dra bar 'jug pa'i mtshan nyid dag med pa zhes bya ba yin no/ /chen po'i dmigs pa ni gzugs nas sangs rgyas zhes bya ba'i bar chos thams cad brdar btags pa'i chos tha snyad pa yin no zhes bya ba yin no/ /rnam pa ni dge ba la sogs pa nyid kyi chos bar du yang brjod du med pa zhes bya ba yin te/ de ltar na rnam par mi rtog pa'i ye shes gyi me'i snga ltas yin pa'i phyir dro bar gyur pa dmigs pa dang rnam pa dang ldan pa rnam pa gsum mo/ /gzugs sogs mi gnas de dag ni/ /de yi ngo bor ? bzhin med/ /de dag gcig gi rang bzhin gcig /de mi rtag sogs par mi gnas/ /de rnams de yi ngo bos stong/ /de dag gcig gi rang bzhin gcig /chos rnams mi 'dzin gang yin dang/ /de dag mtshan mar mi mthong phyir/ /shes rab kyis ni yongs rtog pa/ /thams cad dmigs su med par ro/ zhes bya ba la/ chung du'i dmigs pa ni gzugs la sogs pa ni gzugs la sogs pa rang gi ngo bo dang bral ba'i ngo bo nyid yin pas rang gi ngo bo stong pa nyid kyis gzugs la sogs pa la mi gnas bzhes bya ba yin no/ /rnam pa ni don dam par gzugs la sogs pa'i chos thams cad dang stong pa nyid dag phan tshun ngo bo gcig yin pas stong pa nyid la mi rtag pa la sogs pa med pa nyid kyis gzugs la sogs pa de dag la rtag pa dang mi rtag ba la sogs pa nyid du mi gnas pa zhes bya ba yin no/ /'bring gi dmigs pa ni chos kyi dbyings kyi ngo bo nyid kyis mi rtag pa la sogs pa dang stong pa nyid rnams ni rang gi ngo bo med pa yin pas mi rtag pa nyid la sogs pa dang stong pa nyid dag? phan
- 97b
? bdag nyid gcig pa zhes bya ba yin no/ /rnam pa ni ngo bo nyid bkag pas gzugs la sogs pa la rang gir mi byed pa zhes bya ba gang yin pa de yin no/ /chen po'i dmigs pa ni ngo bo nyid med pa nyid kyis gzugs la sogs pa de dag la sngon po la sogs pa'i ? mar mi mthong dang zhes bya ba yin no/ /rnam pa ni shes rab kyis yang dag par chos rab tu rnam par 'byed pas dngos po thams cad mi dmigs par nges par rtog pa zhes bya ba yin no/ /de ltar na dge ba'i rtsa ba g.yo ba'i rtse mo yin pa'i phyir rtse mor gyur pa dmigs pa dang rnam pa dang ldan pa rnam pa gsum mo/ /gzugs sogs ngo bo nyid med nyid/ /de med pa nyid ngo bo nyid/ /de dag skye med nges 'byung med/ /dag dang de dang mtshan ma med/ /de yi mtshan mar mi brten pas/ /mos min 'du shes med pa yin ces bya ba la/ chung du'i dmigs pa ni mtshan nyid kyi ngo bo nyid dang ngo bo nyid kyi mtshan nyid dag stong pa nyid du gcig pa nyid kyis gzugs la sogs pa ngo bo nyid med pa nyid ces bya ba yin no/ /rnam pa ni skye bo dmigs pa can gyi ngor gzugs la sogs pa dngos po med pa ngo bo nyid do zhes bya ba yin no/ /'bring gi dmigs pa ni rang bzhin gyis ma skyes pa nyid kyis gzugs la sogs pa la skye ba yang med mya ngan las 'das pa yang med ces bya ba yin no/ /rnam pa ni chos thams cad kyi rang gi ngo bo rtogs pa kho nas lus la sogs pa rnam pa thams cad du rnam par dag pa zhes bya ba yin no/ /chen po'i dmigs pa ni rang dang sbyi'i mtshan nyid mi 'thad pas chos thams cad mtshan ma med pa nyid do zhes bya ba yin no/ /rnam pa ni rang bzhin kho nas gzugs la sogs pa'i mtshan ma rnams kyi rten dang bral ba nyid kyis mos pa yid la byed pas mi mos shing de kho na nyid yid la byed pas yongs su shes pa med pa zhes bya ba yin te/ de ltar na ngan 'gro med pas chos chen po la bzod pa'i phyir bzod par gyur pa dmigs pa dang rnam pa dang ldan
- 98a
pa rnam pa gsum mo/ /ting 'dzin de yi byed pa nyid/ /lung ston pa dang rlom pa zad/ /gsum po phan tshun ngo bo gcig /ting 'dzin rnam par mi rtog pa/ /de ltar nges 'byed cha 'thun ni/ /chung dang 'bring dang chen po yin zhes bya ba la chu ngu'i dmigs pa ni chos thams cad skye ba med pa dang dpa' bang 'gro ba la sogs pa'i ting nge 'dzin bsgom par bya'o zhes bya ba yin no/ /rnam pa ni rang gi smon lam dang/ bsod nams dang ye shes dang chos kyi dbyings kyi stobs kyis lhun gyis grub par 'jig rten gyi khams thams cad du skal ba ji lta ba bzhin du ting nge 'dzin gyi byed pa 'jug pa zhes bya ba yin no/ /'bring gi dmigs pa ni yang dag par zhugs pa'i ting nge 'dzin dang ldan pa'i rnal 'byor pa la sangs rgyas rnams lung bston par mdzad pa 'di ni chos nyid do zhes bya ba yin no// rnam pa ni rnam par rtog pa thams cad mi 'thad pas byang chub sems dpa' ting nge 'dzin gyi rang gi ngo bo rtogs pa la bdag ni mnyam par bzhag pa'o snyam pa la sogs pa'i shes ba mi 'byung ba zhes bya ba yin no/ /chen po'i dmigs pa ni chos nyid kyi ting nge 'dzin dang byang chub sems dpa' dang shes rab kyi pha rol tu phyin pa dang don gsum phan tshun ngo bo cig pa'o zhes bya ba yin no/ /rnam pa ni chos thams cad yod pa ma yin pa nyid kyis ting nge 'dzin tu rnam par mi rtog pa ni thabs dam pa'o zhes bya ba yin te/ de ltar na 'jig rten pa'i chos thams cad kyi mchog yin pa'i phyir tshes kyi mchog ces bya ba dmigs pa dang rnam pa dang ldan pa rnam pa gsum mo/ /dmigs pa mi rtag la sogs pa/ /bden pa'i rten can zhes bya ba ma gtogs par dmigs pa dang rnam pa khyad par can gyi chos can dang chos brjod pas brjod par bya ba yin yang dmigs pa dang rnam pa khyad par can gyi chos brjod par thams cad du brjod pa ni khyad par gzhan spong pa dang mi spong pa ma gtogs par 'di dag la don gyi byang par ni 'ga' yang med do zhes
- 98b
lugs las 'byung ba'i phyir ro/ /rnam pa gcig tu na tshig le'ur byas pa bsdeb pa'i ngor tha dad par brjod kyang mngon par zhen pa la sogs pa bkag pa dang ldan pa dag de kho nar sgrub pa dang dgag pa dang bral bar 'gyur ba'i phyir sdug bsngal la sogs pa'i bden par rtog pa kho na dmigs pa dang rnam par bya ba yin te 'og ma dag la yang de bzhin du shes par bya'o/ /rnam par rtog pa bzhi dang ldan pa yang don gsal bar bya ba'i phyir bar skabs kyi tshigs su bcad pa/ gzhi dang de yi gnyen po yis/ / gcung bar rtog pa rnam pa gnyis/ /rmongs dang phung sogs bye brag gis/ /de ni so sor rnam pa dgu/ /zhes bya ba gsungs te/ gzung bar rnam par rtog pa kun nas nyon mongs pa'i gzhi'i rten can dang gnyen po'i rten can nyid kyis rnam pa gnyis la ma rig pa dang rnam par byang pa'i phung po la sogs pa'i rab tu dbye ba rnam pa dgu'o/ /rdzas dang btag ba'i rten can gyis/ /'dzin pa'ang rnam pa gnyis su 'dod/ /rang dbang bdag sogs ngo bo dang/ /phung sogs rten la de bzhin no zhes bya ba ni/ /gang zag rdzas su yod pa dang skyes bu btags par yod pa la dmigs pas 'dzin pa'i rnam par rtog pa yang gnyis yin la/ bdag rang dbang can dang phung po la sogs pa la dmigs pa nyid kyis so sor de ltar rnam par dgu'o/ /de la mdor bsdus pa'i don ni 'di yin te kun nas nyon mongs pa'i gzhi'i rten can ma rig pa dang/ gzugs la sogs pa'i phung po dang/ ming dang gzugs la mngon par zhen pa dang/ mdza' gnyis la chags pa dang/ kun nas nyon mongs pa dang rnam par byang pa mi shes pa dang/ 'phaD pa'i lam la mi gnas pa dang/ dmigs pa dang/ bdag la sogs pa dang/ rnam par dag pa skyed pa la sogs pa la gzung bar rnam par rtog pa rnams dang/ gnyen po'i rten can phung po dang/ skye ba'i sgo dang/ rigs dang/ skye ba dang/ stong pa nyid dang/
- 99a
pha rol tu phyin pa'i don dang/ mthong ba dang/ bsgom pa dang/ mi slob pa'i lam la gzung bar rnam par rtog pa rnams dang/ gang zag rdzas su yod pa'i rten can bdag rang dbang can dang/ gcig pu dang/ rgyu dang/ bltab pa la sogs pa'i bdag dang/ kun nas nyon mongs pa dang/ 'dod chags dang bral ba dang/ mthong ba dang/ bsgom pa dang/ don byas pa'i rten la 'dzin par rnam par rtog pa rnams dang/ skyes bu btags par yod pa'i rten can phung po dang/ skye mched dang/ gnas? dang/ rten cing 'brel par 'byung pa dang/ rnam par byang ba dang/ mthong ba dang/ bsgom pa dang/ khyad par dang/ mi slob pa'i lam la 'dzin par rnam par rtog pa rnams te/ de lta bu'i rnam par rtog pa bzhi dang/ nges par 'byed pa'i cha dang mthun pa bzhi po grangs bzhin du ldan pa yin no/ /tshigs su bcad pa sbyar ba dang mthun par yongs su 'dzin pa sngar gsungs na yang de'i stobs kyis ji skad bshad pa khyad par du 'gyur ro zhes bstan pa'i phyir yang mjug thogs su bar skabs kyi tshogs su? bcad pa/ sems mi 'gong pa nyid la sogs/ /ngo bo nyid med sogs ston byed/ /de yi ma mthun phyogs por ba/ /rnam pa kun tu yongs 'dzin yin zhes bya ba gsungs te/ sems mi 'gong zhing mi skrag pa la sogs pa'i thabs mkhas pas bsam dang? ji lta ba bzhin du dngos po mdza' dag bdag med pa la sogs par stong par byed pa mi mthun pa'i phyogs kyi chos ser sna la sogs pa dang mi ldan pa ni dge ba'i bshes gnyen yin pas yongs su 'dzin pa yin no/ /sgrub? pa dang ldan pa la nges par 'byed pa'i cha dang mthun pa ji skad bshad pa dang mthong ba'i las la sogs pa gzhan yang 'byung bas sgrub pa'i rten du gyur pa/ rtogs pa yi ni chos drug dang/ /gnyen po dang ni spong pa dang/ /de dag yongs su gtugs pa dang/ /shes rab snying brtser bcas
- 99b
pa dang/ /slob ma thun mong min nyid dang/ /gzhan gyi don gyi go rim dang/ /ye shes rtsol ba mi mnga' bar/ 'jug pa'i rten la rigs zhes bya/ /zhes bya ba gsungs so/ /re zhig dang po 'jig rten pa'i nges par 'byed pa'i cha dang mthun pa rnams so/ /de'i 'og tu 'jig rten las 'das pa'i mthong ba'i lam dang bsgom pa'i lam dag go /de'i 'og tu de dag skyes pa'i stongs kyis rkun po phyung ba dang sgo 'phar bcad pa ltar dus mnyam du gnyen p dang mi mthun pa'i phyogs skye ba dang 'gag pa dag go /de'i 'og tu de dag mi dmigs pas de dag skye ba dang 'gag pa dang ldan pa'i rnam par rtog pa spangs pa'o/ /de'i 'og tu sngon gyi smon lam dang sbyin pa la sogs pa thams la mkhas pa'i stobs kyis 'khor ba dang mya ngan las 'das pa la mi gnas pa'i mtshan nyid kyi shes rab dang thabs so// de'i 'og tu de dag skyes pas nyan thos la sogs pa dang thun mong ma yin pa'i chos so/ /de'i 'og tu bsam pa ji lta ba bzhin du gzhug pa la sogs pa la ldeb por dgongs pa'i sgo nas theg pa gsum gyi lam la 'god pa'i mtshan nyid kyi gzhan gyi don gyi go rims so/ /de'i 'og tu 'khor ba ji srid par mtshan ma med cing lhan gyis grub par gzhan gyi don gyi ye shes 'byung ba'i phyir te 'di ni go rims yin no/ /'dis kyang skyes bu'i don thaM cad phun sum tshogs pa yin no/ /sgrub pa'i chos kyi gnas skabs tha dad bI bye brag gis byang chub ? rnaM pa bcu gsum po ji skad du bshad pa'i chos kyi gzhir gyur pa'i chos kyi dbyings kyi ngo bo nyid kho na la rigs zhes bstan to/ /gal te chos kyi dbyings kho na 'phags pa'i chos rtogs par 'gyur ba'i rgyu yin pa'i phyir de'i bdag nyid can gyi byang chub sems dpa' bla na med pa'i sangs rgyas kyi chos rnams kyi rang bzhin du gnas pa'i rigs yin no/ 'o na ni de'i tshe de ni sbyir gnas pa yin pa'i phyir byang chub sems dpa' kho na ma yin no snyam pa'i skye bo blo dman pa'i ngor dngos pa bsu nas bar skabs kyi tshigS
- 100a
su bcad pa/ chos kyi dbyings la dbyer med phyir/ /rigs ni tha dad rung ma yin zhes bya ba gsungs so/ /ji ltar nyan thos kyi theg pa la sogs pa'i rtogs pa'i rim gyi dmigs pa de bzhin du 'phags pa'i chos rtogs par bya ba'i phyir chos kyi dbyings rgyu'i ngo bor rnam par 'dog pa'i sgo nas rigs nyid du tha snyad 'dogs so zhes bya ba'i lan zhig kyang gzigs mod kyi/ sla chos nyid du 'jig rten ba'i dang gis kyis lan gzhan du/ brten pa'i chos ki bye brag gis/ /de yi dbye ba yongs su brjod ces bya ba gsungs te/ dper na 'jim pa gcig las mngon par grub cing me lce gcig gis so btang ba'i rten bum pa la sogs pa rten pa sprang rtsi dang li kha ra la sogs pa'i snod nyid kyis tha dad pa de bzhin du brten pa'i chos theg pa gsum gyis bsdus pa rtogs par bya ba tha dad pa nyid kyis rten tha dad pa nyid do zhes bstan to/ /ji skad bshad pa'i sgrub pa'i rten gyi dmigs pa gang yin zhe na dmigs pa/ dmigs pa chos rnams thams cad de/ /de yang dge la sogs pa yin/ /'jig rten pa yi rtogs pa dang/ /gang zag 'jig rten 'das 'dod dang/ /zag bcas zag pa med chos dang/ /gang dag 'dus byas 'dus ma byas/ /slob ma thun mong chos rnams dang/ /gang dag thub pa'i thun mong min zhes bya ba gsungs te/ re zhig dang por sbyir dge ba dang mi dge ba dang lung du ma bstan pa ste go rim bzhin du dge sbyor gi tshul nyid dang srog gcod pa la sogs pa dang lung du ma bstan pa'i lus kyi las la songs pa'o/ /de'i 'og tu de dag nyid 'jig rten pa la sogs pa rnam pa gnyis po'i dbye ba bzhi nyid kyis lhag sa rnams te gangs bzhin du bis pa'i skye bo thams cad dang 'brel pa'i phung po lnga dang/ 'phags pa'i skye bo thams cad kyis bsdus pa'i bsam gtan bzhi dang/ bdag tu lta ba'i gnyen po ma yin pa'i nye bar len pa'i phung
- 100b
po lnga dang/ der lta ba'i gnyen po dran pa nye bar gzhag pa bzhi dang/ rgyu dang rkyen la dag las pa 'dod pa'i khams la sogs pa dang/ rgyu la mi ltos pa de bzhin nyid dang/ 'phags pa'i skye bo thams cad kyi rgyud la 'byung ba'i bsam gtan bzhi dang/ yang dag par rdzobs? pa'i sangs rgys kyi rgyud la 'byung ba'i chos can stobs bcu ste/ de lta bu la sogs pa chos thams cad ji lta ba bzhin du rtogs pa'i rim gyis dmigs pas na dmigs pa rnam pa bcu gcig go /dmigs pa de lta bu la sgrub pa'i ched du bya ba gang yin zhe na/ ched du bya ba/ sems can kun mchog nyid sems dang/ /spong dang rtogs dang gsum po la /chen po gsum gyi rang 'byung gi /ched du bya ba 'di shes bya zhes bya ba gsungs so/ /rnam pa thams cad du rnam pa thams cad mkhyen pa nyid yongs su shes par sgo nas 'byung bar 'gyur ba'i sangs rgyas byang chub sems dpa' rnams nyid kyi sems can thams cad sems can kun gyi mchog nyid kyi chen po nyid dang/ spong ba chen po nyid dang/ rtogs pa chen po nyid kyi dbang du byas te de ltar sgrub pa la 'jug pa de'i phyir chen po nyid gsum dang ldan pas ched du bya ba gsum du shes par bya'o/ /de ltar sgrub pa'i rten du gyur pa la sogs pa brjod nas de'i rang gi ngo bo gang yin zhe na/ thams cad mkhyen pa nyid gsum gyi yul la sbyir dge ba'i chos kyi rten can dang/ rnam pa kun mngon par rdzogs par rtogs pa la sogs pa mngon par rtogs pa rnam pa bzhi la mngon par rtogs pa re re zhing pha rol tu phyin pa drug gi rten can gyi bya ba ni sgrub pa ste/ de ltar ji lta ba bzhin du sbyor ba dang/ mthong ba dang bsgom pa dang khyad par gyi laM gyi ngo bo nyid kyi sgrub ba'i mtshan nyid go cha dang 'jug pa dang tshogs dad nges par 'byung ba rnams kyi nang nas brtson 'grus kyi ngo bo nyid kyis dang po go cha'i sgrub pa gsungs ba/ de dag so sor sbyin la sogs/ /rnam pa drug tu bsdus pa yis/ /go cha'i sgrub pa gang yin te//
- 101a
drug tshan drug gis ji bzhin bshad ces bya ba yin te/ chos kyi sbyin pa la sogs pa sbyin par byed pa na nyan thos kyi yid la byed pa la sogs pa spong ba dang/ skye bo thams cad kyi mi snyan par smra pa nyid bzod pa dang 'dun pa bskyed dad pa/ theg pa gzhan dang ma 'dres ba'i rtse gcig pa nyid dang/ bla na med pa yang dag par rdzogs pa'i byang chub tu bsngo pa rnams go rim bzhin du sbyin par bya ba la sogs pa mi dmigs pa'i go cha nyid kyis byed ba dang/ de bzhin du tshul khrims srung bar byed/ bzod pa rdzogs par byed/ brtson 'grus rtsom/ bsam gtan sgrub/ shes rab sgom par byed do/ /de ltar sbyin pa la sogs pa'i pha rol tu phyin pa so sor sbyin pa la sogs pa bsdus pas na drug chen drug gis rnam pa sum cu rtsa drug yin no gcig?/ sbyin pa la sogs pa drug chos mthun pa'i phyir go cha'i sgrub ba rnam pa drug go/ //bam po gnyis pa/ de ltar go bgos pa la 'jug pa 'byung pas gnyis pa 'jug pa'i sgrub pa/ /bsam gtan gzugs med sbyin sogs dang// lam dang byams la sogs pa dang/ /dmigs pa med dang ldan pa dang/ /'khor gsum rnam par dag pa dang/ /ched du bya dang mngon shes drug /rnam kun mkhyen pa'i tshul la ni/ /'jug pa'i sgrub pa theg chen la/ /'dzeg pa yin par shes par bya zhes bya ba gsungs te/ bsam gtan dang/ gzugs med pa'i snyoms par 'jug pa dang/ sbyin pa la sogs pa pha rol tu phyin pa drug dang/ mthor ba dar bsgom pa dang/ ni slob pa dang khyad par gyi lam dang/ tshad med pa bzhi dang/ dmigs pa med pa dang ldan pa dang/ dngos po thams cad la 'khor gsum dag pa dang/ ched du bya ba dang/ mngon par shes pa drug dang/ rnam pa thams cad mkhyen pa nyid dag la yang dag par gnas pa'i mtshan nyid ni theg pa chen po'i chos mdza' dag gnon pa'i ngo bo nyid
- 101b
yin pas 'jug pa'i bsgrub pa rnam pa dgu'o/ /de ltar 'jug pa byas pa la tshogs skye bas gsum pa tshogs kyi sgrub pa/ brtse dang sbyin la sogs pa drug /zhi gnas lhag mthong bcas pa dang/ /zung du 'brel pa'i lam gang dang/ /thabs la mkhas pa gang yin dang/ ye shes dad ni bsod nams dang/ /lam dang gzungs dang sa bcu dang/ /gnyen po tshogs kyi sgrub pa yi/ /rim pa yin par shes par bya/ zhes bya ba gsungs te/ snying rje chen po dang/ sbyin pa dang/ tshul khrims dang/ bzod ba dang/ brtson 'grus dang/ bsam gtan dang/ shes rab dang/ zhi gnas dang/ lhag mthong dang/ zung du 'brel pa'i lam dang/ thabs mkhas pa dang/ ye shes dang/ bsod nams dang/ mthong ba la sogs pa'i lam dang/ tshig la sogs pa'i gzungs dang/ sa dang/ gnyen po rnams mi dmigs pas kun rdzob kyi bden pa las mi 'da' bar theg pa chen po'i don mdza' dag bsgrub pas snying rje la sogs pa 'di dag gis yang dag par 'grub pa'i ngo bos byang chub chen po'i 'dzin par byed pa'i phyir/ snying rje chen po la sogs pa ni tshogs yin pas tshogs kyi bsgrub pa rnam pa bcu 'dun no/ /de la ye shes kyi tshogs ni nang dang phyi dang/ de gnyis ka dang/ stong pa dang/ chen po dang/ don dam pa dang/ 'dus byas dang/ 'dus ma byas dang/ mdza' las 'das pa dang/ thog ma dang tha ma med pa dang/ dor ba med pa dang/ rang bzhin dang/ chos thams cad dang/ mtshan nyid dang/ mi dmigs pa dang/ dngos po med pa'i ngo bo nyid dang/ dngos po dang/ dngos po med pa dang/ rang gi ngo bo dang/ gzhan gyi ngo bo stong pa nyid kyi bye brag gis rnam pa nyi shu'o/ /'dir smras pa/ nad dang phyi rol rnams dang ni/ /gnyis dang stong pa'i dngos po dang/ /phyogs dang mya ngan 'das lam dang/ /rkyen las skyes dang cig shos dang/ /mdza' 'das thog ma dor ba med
- 102a
rang bzhin dang ni chos kun dang/ /chos skye la sogs 'das sogs dang/ /ldan dang cig shos ngo bo dang/ /mkha' dang stong pa zhes bya dang/ /chos kyi gzhan gyi ngo bo nyid/ /rang rang ngo bos stong pa'i phyir/ /stong pa nyid ni nyi shu 'dod/ / sa'i tshogs las gang gis yongs su sbyor bar 'gyur ba'i chos gang dag yin pa de dag bstan pa'i phyir bar skabs kyi tshigs su bcad pa nyi shu rtsa gsum gsungs pa la/ yongs su sbyong ba rnam bcu yis/ /sa ni dang po thob 'gyur te/ /bsam dang phan ba'i dngos nyid dang/ /sems can rnams la sems mnyam nyid/ /gtong dang bshes gnyen bsten pa dang/ /dam chos dmigs pa tshol pa dang/ /rtag tu nges 'byung sems nyid dang/ /sangs rgyas skur 'dod dga' ba dang/ /chos ston pa dang bden pa yi/ /tshig ni bcu pa yin par 'dod/ /'di dag rang bzhin mi dmigs pas/ /yongs su sbyong bar shes par bya/ /zhes bya ba ni/ rim pa ji lta ba bzhin gzhi thams cad la gya gyu med pa'i bsam pa dang/ rang dang gzhan gyi dgos pa la phan pa nyid dang/ sems can thams cad la sems gcig pa nyid dang/ /bdog pa thams cad yongs su gtong ba dang/ dge ba'i bshes gnyen mgu bar byed pa dang/ theg pa gsum du gtogs pa'i dam pa'i chos kyi dmigs pa 'dod pa dang/ khyim na gnas pa la mngon par mi dga' ba dang/ bla na med pa'i sangs rgyas kyi sku 'dod pa dang/ dam pa'i chos rab tu ston pa dang/ bden par smra ba nyid ces bya ba de lta bu'i tshan nyid kyi chos bcus rnam pa thams cad du bskyed par bya ba yin pa'i phyir yongs su sbyong ba'i rgyu'i khyad par ngo bo nyid mi dmigs pas khyad par du byas pa'i mtshan nyid kyi yongs su spyod pa dag kho nas sa dang po rab tu dga' ba thob pa yin no/ /tshul khrims byas pa bzo dang bzod/ /rab tu dga' dang snying brtse che/ /bkur sti bla ma
- 102b
la gus? nyan/ /brgyad pa sbyin la sogs la brtson zhes bya ba ni dge ba'i chos dang/ sems can gyi don bya ba dang/ sdom pa'i tshul khrims dang/ gzhan gyis phan pa byas pa dran pa dang/ gzhan gyis gnod pa byas pa la sogs pa bzod pa dang/ dge ba'i ? sgrub pa la 'gyod pa med pa dang/ skye bo thams cad la byams pa dang/ mkhan po la sogs pa la 'dud pa dang dge ba'i bshes gnyen gyis bstan pa'i chos sgrub pa dang/ sbyin pa la sogs pa'i pha rol tu phyin pa drug la spro ba zhes bya ba de lta bu'i yongs su spyod ba snga ma bzhin du yongs su spyad pa byas pa'i khyad par rnam pa brgyad kyis sa gnyis pa dri ma med pa 'thob pa yin no/ /thos pas mi ngoms nyid dang ni/ /zang zing med par chos sbyin dang/ /sangs rgyas zhing kun sbyod ba dang/ /'khor bas yongs su mi skyo dang/ /ngo tsha khrel yod ces bya ba/ /rlom med bdag nyid de rnam lnga/ /zhes bya ba ni dam pa'i chos mnyan pas ngoms mi shes pa dang/ rnyed pa la sogs pa la mi lta ba'i sems kyis dam pa'i chos rab tu ston pa dang/ rang gi sangs rgyas kyi zhing rten dang rten pa kun tu spyod ba dang/ phan btags pa'i sems can mi mthun pa la sogs pa mthong bas yongs su mi skyo ba dang/ rang dang gzhan la bltos nas mi dge ba'i mi byed pa zhes bya pa de lta bu'i yongs su sbyong ba rnam pa lnga po ste ma bzhin du ngo bo nyid du mi rtog pas yongs su sbyang ba byas pas sa gsum pa 'ong byed pa rtogs pa yin no/ /nags gnas 'dod chung chog shes dang/ sbyangs pa lang dag sdom sten dang/ /bslab pa yongs su mi gtong dang/ /'dod pa rnams la smos? pa dang/ /mya ngan 'das dang bdog kun gtong/ /mi zhum pa dang lta ba med/ /ces bya ba ni dgon par gnas pa dang/ rnyed pa ma thob pa la mngon par 'dod pa med pa dang/ rnyed pa thob pa la lhag par don du gnyer ba med pa dang/ bsod snyoms pa nyid la
- 103a
sogs pa sbyangs pa'i yon tan yang dag par sdom pa dang/ bslab pa blangs pa srog la sogs pa'i phyir yar yongs su mi gtong pa dang/ 'dod pa'i yon tan la nyes dmigs su lta bas smod pa dang/ gdul bya dang 'tsham ? mya ngan las 'das pa la gzhol bar byed pa dang/ bdog pa thams cad yongs su gtong pa dang/ dge ba sgrub pa la sems mi zhum pa dang/ dngos po thams cad dang mi lta ba zhes bya ba de lta bu'i yongs su sbyor ba snga ma lta bu rnam pa bcus sa? bzhi pa 'od 'phro ba can gnon pa yin no/ /'dris dang khyim la 'khren pa dang/ 'du 'jir gyur pa'i gnas dang ni/ /bdag la stod gzhan la brnyas pa dang/ /mi dge'i las kyi lam bcu dang/ /rlom pas khengs dang phyin ci log /sle? ngan dang ni nyon mongs bzod// bcu po 'di ni rnams spangs na/ /sa lnga pa ni yang dag 'thob/ /ces bya ba ni/ rnyed pa la sogs pa'i don du rab tu byung ba la sogs pa dang 'grogs pa dang/ dad pa can gyi khyim nye bar mi ston pa dang/ skye bo mang po'i grong la sogs pa dang/ bdag la bsngaD pa dang/ gzhan la smod pa dang/ mi dge ba'i las kyi lam bcu dang/ thos pa la sogs pas rlom zhing gzhan la mi 'dud pa dang/ dge ba dang mi dge pa las bzlog ste mngon par zhen pa dang/ log par lta ba la sogs pa blo gros ngan pa dang/ 'dod chags la sogs pa nyon mongs pa thams cad la phyogs par byed pa zhes bya ba de lta bu'i mtshan nyid kyi chos bcu rnam par spong zhing/ bzlog pa'i chos don gyis 'phangs pa yongs su sbyong ba rnam pa bcus snga ma bzhin du sa lnga pa sbyang dka' ba 'thob pa yin no/ /sbyin dang tshul khrims bzod brtson 'grus/ /bsam gtan shes rab rab rdzogs pas/ /slob ma dang ni bse ru la/ /dga' dang skrag pa'i sems spangs ba/ /blangs na mi zhum bdog pa kun/ /btang yang mi dga' med pa dang/ /dbul
- 103b
? slong ba mi spong pas/ /sa ni drug pa yang dag 'thob/ /ces bya ba ni/ pha rol tu phyin pa drug yongs su rdzogs pas nyan thos dang rang sangs rgyas la 'dod pa dang/ ngo bo nyid mi dmigs pa la skrag pa dang/ slong ba po'i skye pos blangs na zhum pa dang/ ? pa thams cad rang gi dang gis gtong bar zhugs pa la mi dga' ba dang/ dkren yang slong ba'i skye bo spong ba'i sems spong pa ste/ de lta bu'i yongs su sbyong ba bcu gnyis kis snga ma bzhin dus drug pa mngon du gyur pa kun shes par 'gyur ba yin no// bdag dang? sems can 'dzin pa dang/ /srog dang gang zag chang rtag dang/ /mtshan ma rgyu dang phung po dang/ /khams dang skye mched dag dang ni/ /khams gsum po la gnas dang chags/ /sems ni kun du zhum pa dang/ dkon mchog gsum dang tshul khrims la/ /der lta ba yi mngon zhon dang/ /stong pa nyid la rtsod pa dang/ /de dang 'gal pa'i nyes pa ni/ /nyi shu gang la rnam chad pa/ /de yis sa ni bdun pa 'thob ces bya ba ni/ /bdag dang sems can dang/ srog dang gang zag dang/ chad pa dang/ rtag pa dang/ mtshan ma dang/ rgyu dang phung po dang/ khams dang/ skye mched dang/ khams gsum pa la gnas pa dang/ chags pa dang/ /sems kun tu zhum pa dang/ sangs rgyas dang chos dang/ dge 'dun dang/ tshul khrims su lta ba'i mngon par zhen pa dang/ stod pa nyid la rtsod pa dang/ 'gal ba brjod pa 'dzin pa yongs su spangs pa ste/ nyes pa de lta bu nyi shu dang bral nas bzlog pa'i chos don gyis 'phangs pa yongs su spyod pa rnam pa nyid shus snga ma bzhin du sa bdun pa ring du song ba kun shes par 'gyur pa yin no/ /don gyi 'phangs pa'i chos nyid bstan pa'i phyir/ rnam thar sgo gsum shes pa dang/ /'khor gsum rnam par dag nyid dang/ /snying rje dang ni rlom med dang/ /chos mnyam nyid dang tshul gcig shes/ /mi skye ba dang bzod shes dang//
- 104a
chos rnams rnam pa gcig tu ston/ /rtog pa kun tu 'rdoms pa dang/ /'du shes lta dang nyon mongs spod/ /zhi gnas nges par sems dpa' dang/ /lhag mthor la ni mkhas pa dang/ /sems dul pa dang thams cad la// thogs pa med pa'i ye shes dang/ chags pa'i sa min gar 'dod bar/ /zhing gzhan du ni mnyam 'gro dang/ /kun tu bdag gi ngo bo ni/ /ston pa nyid dang nyi shu'o/ /zhes bya ba gsungs te/ rnam par thar pa'i sgo stong pa nyid dang/ mtshan ma med pa dang smon pa med pa yang dag par shes pa dang/ dge ba bcu'i las kyi lam la bsad par bya ba dang/ gsod pa po dang/ bsad pa mi dmigs ba la sogs pa dang/ skye bo thams cad la dmigs pa'i snying brtse ba dang/ dngos por dmigs pa med pa dang chos thams cad mnyam pa nyid du rtogs pa dang/ theg pa chen po gcig tu rtogs pa dang/ mi skye ba yongs su shes pa dang/ chos zab mo la nges par rtogs pa'i bzod pa khong du chud pa dang/ shes bya thams cad theg pa chen po'i thabs kyi sgo nas rab tu ston pa dang/ rtog pa thaMs cad gcod pa dang/ mtshan mar 'dzin pa'i rtog pa med pa dang/ 'jig tshogs la lta ba la sogs pa lnga 'dor ba dang/ 'dod chags la sogs pa nyon mongs pa spong pa dang/ zhi gnas bsgom pa dang/ shes rab dang thabs la mkhas par byed pa dang/ sems nye bar zhi ba dang/ gzugs la sogs pa la thogs pa med pa'i ye shes dang/ mngon par zhen pa'i gnas ma yin pa dang/ ji ltar 'dod pa bzhin du dus mnyam du sangs rgyas kyi zhing thams cad du 'gro ba dang/ gdul bya dang mthun par thams cad du bdag gi lus rab tu ston pa zhes bya ba yongs su sbyong ba rnam pa nyid shu bo 'dis kyang snga ma bzhin du sa bdun pa rtogs par 'gyur ba yin no/ /sems can kun yid shes pa dang/ /mngon par shes pas brtse ba dang/ sangs zhing bzang bsgrub pa dang/ yongs
- 104b
su ? phyir sangs rgyas bsten/ /dbang po shes dang rgyal pa yi/ /zhing spyod sgyu ma ltar gnas dang/ /bsams bzhin srid pa len pa dang/ /las ni rnam pa 'di brgyad bshad ces bya ba ni/ sems can thams cad gyi sems kyi spyod pa ji lta ba bzhin shes pas/ 'jig rten gyi khams su rdzu 'phrul gyi mngon par shes pas brtse ba dang/ sangs rgyas kyi zhing rten gser la sogs pa'i ngo bor yongs su bsgyur ba dang/ rnam pa thams cad du chos yongs su brtag pas sangs rgyas mnyes par byed pa dang/ lha'i mig dben? pa dang/ sangs rgyas kyi zhing bsten pa sems can yongs su sbyong ba dang/ thams cad du sgyu ma lta bur gnas pa dang/ sems can thams cad gyi don mthong nas blo sngon du btang pa'i skye ba yongs su 'dzin pa zhes bya ba yongs su spyod pa'i chos de lta bu rnam po? brgyad kyis snga ma bzhin du sa brgyad pa mi g.yo ba nyams su myong bar 'gyur ba yin no/ /smon lam dag ni mdza' yas dang/ /lha la sogs pa'i skad shes dang/ /spobs pa chu bo lta bu dang/ /mngal du 'jug pa mchog dang ni/ /rigs dang rus dang cho 'brang dang/ 'khor dang skye ba dag dang ni/ /nges 'byung byang chub shing rnams dang/ /yon tan phun sum tshogs pa yin zhes bya ba ni/ /smon lam mdza' yas pa dang/ lha la sogs pa sems can thams cad kyi skad shes pa dang/ spobs pa chu bo ltar mi zad pa dang/ skye bo thams cad kyis bsdams pa'i mngal du 'jug pa dang/ rgyal po la sogs par gnas pa dang/ nyi ma la sogs pa las skyes pa dang/ ma la sogs pa dang legs par 'brel ba'i gnyen dang/ rang dbang ba'i 'khor dang brgya byin la sogs pas mngon par bstod par skye ba dang/ sangs rgyas la sogs pas bskul te nges par 'byung ba dang/ yid bzhin gyis nor bu dang 'brel ba'i shing a shwa twa? la sogs pa dang/ sangs rgyas dang sangs rgyas kyi chos kyi ngo bor gyur pa'i yon tan thams cad yongs su rdzogs par
- 105a
byed pa zhes bya ba de lta bu'i phun sum tshogs ba'i mtshan nyid kyi yongs su sbyong ba rnam pa bcu gnyis po snga ma bzhin du yongs su sbyang ba byas pa'i khyad par dag gis sa dgu pa legs pa'i blo gros mngon du byed ba yin no/ /rgyu'i sa rnams kyi yongs su sbyong ba de ltar nges par bstan nas 'bras bu'i sa nyid du de dag ma bshad par sa thams cad bsdu ba'i sgo nas sa bcu pa'i mtshan nyid/ so dgu 'das nas ye shes ni/ /gang gis sangs rgyas sar gnas pa/ de ni byang chub sems dpa' i sa// bcu pa yin par shes par bya/ /zhes bya ba gsungs te/ nyan thos la sogs pa'i rigs dang/ 'bras bu dang po la zhugs pa dang/ rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa nyid ces bya ba drug dang/ tshul gsum rnam par bzhag par dgongs pas bsdus ba lhag ma zhugs pa gsum dang/ rang sangs rgyas rnams go rim bzhin du rigs dang/ brgyad pa dang/ mthong ba dang/ bsrabs pa dang/ 'dod chags dang bral ba dang/ byas pa rtogs pa dang/ nyan thos dang/ rang sangs rgyas kyis rnams dang/ ji skad bshad pa'i byang chub sems dpa' i rnam pa dgu bo gcig kho na ste/ de ltar sa dgu 'das nas sa bcu pa la ni byang chub sems dpa' sangs rgyas kho nar brjod bar bya'i/ yang dag par rdzogs ba'i sangs rgyas ni ma yin no zhes 'byung ba'i phyir sangs rgyas kyis de la smon lam shes pa gang gis gnas pa de ni byang chub sems dpa' i sa bcu pa yin par shes par bya ba yin no/ /gnyen po'i tshogs la bar skabs kyi tshigs su bcad pa/ mthong dad? bsgom ba'i lam dag la/ /gzung dang 'dzin ba'i rnam rtog rnams/ /nye bar zhi bar bya ba'i phyir/ /gnyen po rnam pa brgyad ces bya/ /zhes bya ba gsungs te/ gzung ba'i rnam par rtog pa kun nas nyon mongs ba'i dngos po tsam dang/ gnyen po'i rten can
- 105b
gnyis dang/ 'dzin pa'i rnam par rtog pa gang zag rdzas su yod pa dang/ skyes bu btags par yod pa'i rten can gnyis so sor mthong ba'i lam dang/ bsgom pa'i lam la spong bas gzung ba dang/ 'dzin pa'i rnam par rtog pa brgyad nye bar zhi bar bya ba'i phyir bden pa gnyis ka'i rnam pa la brten nas mngon du bya ba'i mi mthun pa'i phyogs kyi rab tu dbye bas lam gnyis po kho na'i gnas skabs kyi khyad par gnyen po rnam pa brgyad do/ /de ltar tshogs bsags pa nges par 'byung bas/ bzhi pa nges par 'byung ba'i sgrub pa/ ched du bya dang mnyam nyid dang/ /sems can don dang 'bad med dang/ /mdza' las 'das par nges 'byung dang/ /thob pa'i mtshan nyid ngeS 'byung dang/ /rnam pa thams cad mkhyen nyid dang/ /lam gyi yul can nges 'byung ste/ /rnam pa brgyad kyi bdag nyid 'di/ / nges 'byung bsgrub ba yin shes bya/ /zhes bya ba gsungs te/ ched du bya ba ji skad bshad pa dang/ chos thams cad mnyam pa nyid dang/ sems can gyi don phyed bar byed pa dang/ mtshan ma med par byed ba thams cad byed ba nyid kyis lhun gyis grub pa dang/ / rtag pa dad chad pa dang bral ba'i ngo bo'i gnas skabs kyi khyad par dang/ theg pa gsum gyi don thams cad 'thob pa dang/ ji skad bshad pa'i rnam pa thams cad mkhyen pa nyid dang/ de'i khyad par gyi lam ste/ nges par 'byung bar bya ba'i gzhi de lta bu dug? las khyad par du 'phags pa'i chos gzhan med pa'i phyir thams cad mi dmigs pa nyid kyis nges bar 'byung ba rnam pa brgyad yin pas nges par 'byung ba'i sgrub pa ni rnam pa brgyad yin no/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las skabs dang po'i 'brel pa'o// //rnam pa thams cad mkhyen pa nyid rtogs pa ni lam shes pa nyid yongs su shes pa med na med pas lam shes pa nyid/ /lha rnams dud par bya ba'i phyir ro/ /'od kyis mog mog?
- 106a
por mdzad dang/ /yul nges pa dang khyab pa dang/ /rang bzhin dang ni de yi las/ /zhes bya ba gsungs te/ lam shes pa nyid skye bar rung ba nyid du bsgrub pa'i phyir de bzhin gshegs pa'i rang bzhin gyi 'od dag gis lha la sogs pa'i rnam par smin pa'i 'od mog mog por mdzad pa ni nga rgyal bcom pa'i rgyud kho na la rtogs pa skye bo ? bya bar shes par bya ba'i phyir mdzad de de'i phyir tshig zur gyis rten brjod ba yin no/ /de yang byang chub tu sems bskyed pa kho na yin pas yul so sor nges pa yin no// theg pa gsum rnam par bzhag pa ni dgongs pa can gyi mtshan nyid po ni ma yin no zhes lugs las 'byung bas skye bo thams cad bla na med pa yang dag par rdzogs pa'i byang chub kyi mthar thug pa can yin te/ de'i phyir 'dod chags dang bral ba dang cig shos kyi rnal 'byor pas kyang sangs rgyas nyid thob par bya ba'i phyir lam shes pa nyid bsgom par bya ba yin pas khyab pa yin no/ /byang chub tu sems bskyed pa ni 'khor ba ji srid par sems can gyi don byed par zhugs pa nyid kyis nyon mongs pa rnam pa thams cad du spangs pa ma yin pa zhes bya ba ni rang bzhin yin no/ /de'i 'og tu de lta bu'i rang bzhin can gyi las ni yang dag ba'i mdza' mngon du mi byed pa dang/ shes rab dang thabs la mkhas pas sems can yongs su ma bsdus pa yongs su sdud pa la sogs pa yin pas byed pa yin no/ /de ltar rten la sogs pa brjod nas lam shes pa nyid kyi skabs su lam thams cad rdzogs par bya dgos pas nyan thos kyi lam/ lam shes nyid kyi tshul la ni/ /'phags pa'i bden pa bzhi dag gi/ rnam pa mi dmigs sgo nas ni/ /nyan thos lam 'di shes par bya/ zhes bya ba gsungs te/ de la sdug bsngal gyi bden pa'i go rim bzhin du mi rtag pa dang/ sdug bsngal ba dang/ stong pa dang bdag med pa ste/ de dag gi mtshan nyid zhi ba'i rnam pa
- 106b
bzhi dag dang/ kun 'byung ba'i bden pa'i rgyu dang/ kun 'byung ba dang/ rab tu skye ba dang/ rkyen gyi ngo bo nyid dang/ nad dang/ 'bras dang/ zug rdu dang/ sdig pa'i rnam pa rnams dang/ yid 'byung ba dang/ 'dod chags dang bral bar bya ba dang/ 'gog pa'i phyir zhugs pa yin no zhes 'gyur pa'i phyir sdug bsngal dang/ kun 'byung gi bden pa de dag nyid so so la yid 'byung ba dag gi mtshan nyid pha rol dang/ 'jig pa'i chos can gyi rnam pa'i ngo bo nyid dag dang/ 'dod chags dang bral ba dag gi ngo bo g.yo ba dang/ rab tu 'jig pa'i rnam pa dag dang/ 'gog pa'i rang gi ngo bo 'jigs pa dang/ nad 'go pa dang/ 'tshe ba'i rnam pa rnams dang/ 'gog pa'i bden pa'i 'gog pa'i rang gi ngo bo bdag med pa dang/ zhi ba dang/ gya nom pa'i rnam pa'i bdag nyid dben? pa dang/ nges par 'byung ba'i mtshan nyid stong pa nyid dang/ mtshan ma med pa dang/ smon pa med pa dang/ mngon par 'du byed pa med pa'i rnam pa dag dang/ lam gyi bden pa'i lam dang/ rigs pa dang/ sgrub pa dang/ nges par 'byin pa'i rnam pa rnams ngo bo nyid mi dmigs pa'i sgo nas lam shes pa nyid kyi skabs su nyan thos rnams kyi lam yin par byang chub sems dpas de ltar yongs su shes par bya'o/ /bden pa bzhi yongs su shes pa ni nges par 'byed pa'i cha dang mthun pa rtogs pa sngon du 'gro? can yin pas lam brjod nas nges par 'byed pa'i cha dang mthun pa/ 'phags pa nyan thos lam la ni/ /gzugs la sogs ba stong pa'i phyir/ /stong pa nyid rnams dbyer med pas/ /dro ba de dag mi dmigs pas/ /rtse mor gyur pa ngag tu 'don?/ /de la rtag la sogs tshul gyis/ /gnas pa bkag pas bzod pa rnams/ /sa bcu dag las brtsams nas ni/ /mi gnas rgyas par bstan pa yis/ /chos kyi mchog tu 'gyur bshad de/ /ci phyir zhe na sangs rgyas gyis/ /mkhyen nas chos rnams ma gzigs
- 107a
phyir/ /zhes bya ba gsungs te/ gzugs la sogs pa'i phung po rang rang gi ngo bo nyid kyis stong pa'i phyir stong pa nyid rnams phan tshun tha dad pa med pa/ gzugs la sogs pa snga ma bzhin du mi dmigs pa dang/ de bzhin du gzugS la sogs pa la rtag pa yang ma yin mi rtag pa yang ma yin no zhes dmigs pa'i tshul gyis gnas pa bkag pa dang/ gang gi phyir de bzhin gshegs pas byang chub mngon par rdzogs par sangs rgyas nas chos rnams ma gzigs pa zhes bya ba'i chod ma'i? skyes bu mi dmigs pa'i gtan tshigs kyis 'thad pas sa rab tu dga' ba la sogs pa la mi gnas pa rgyas par ji skad du bstan pa zhes bya ba'i rnam pa de rnams kyis go rim bzhin du bden pa'i dmigs pa la nges par 'byed pa'i cha dang mthun pa skye bo zhes bya ba yin no/ /nyan thos kyi lam gyi mjug thogs su rang sangs rgyas kyi lam brjod par rigs mod kyi/ nyan thos rnams las de dag ji ltar khyad par du 'phags na gang gis na de dag gi lam gzhan yin snyam pa'i dogs pa bsu bar re zhig khyab ? pa nyid du bsgrub pa/ rang byung bdag nyid rtogs pa'i phyir/ /gzhan gyis bstan yang mi dgos la/ /bse ru lta bu'i ye shes ni/ /zab pa nyid du mngon pa brjod/ /ces bya ba gsungs te/ lung las nyan thos rnams ni gzhan gyis bstan pa la bstes? nas rang gi byang chub rtogs par 'gyur la/ gzhan dag kyang brjod pa dang bcas pa'i chos bstan pas dge ba la 'jug par byed do zhes 'byung ngo/ /rang sangs rgyas rnams ni sngon thos pa la sogs pa mngon par 'dus byas pas gzhan gyis bstan pa la mi bltos par bdag nyid kyis rang gi byang chub mngon par rtogs par 'gyur te/ de'i phyir de dag la sangs rgyas la sogs pas bstan mi dgos so zhes bya ba ni khyad zhugs pa nyid gcig yin no/ /sgrar brjod ba'i chos bstan pa'i sgo nas nyan? par? rnams
- 107b
kyis 'chad pa po'i shes pa'i rtsal rtogs par byed na/ de dag ni rang gis thob pa'i ye shes la sogs pa'i mthus sgra med pa'i chos bstan pas gzhan dag dge ba bcu la sogs pa la 'jug par byed de/ de'i phyir de dag gi ye shes mi rtogs panyid ni khyad zhugs pa gnyis pa yin no/ /yang ji ltar sgra med par chos ston snyam pa'i dogs pa bsu bar/ gang gang don ni gang gang la/ /ji ltar ji ltar nyan 'dod pa/ /de de la don de dang de/ /sgra med kyang de de ltar snang/ /zhes bya ba gsungs te/ rnam par mi rtags rnam par ma dpyad par tshig tu mi smra bas brjod pa ni rnam par g.yeng ba yin la de yang rgyud 'khrug par byed pa yin pas byang chub sems dpa' 'di ltar sangs rgyas su gyur nas brjod pa med par chos ston par gyur cig ces smon lam btab bo/ /de bas na sangs rgyas dang 'dra ba'i phyir rang sangs rgyas nyid kyi gnas skabs na yang smon lam la sogs pa'i mthus sgra med kyang gang zhig don gang la rnam pa ji ltar nyan par 'dod pa de'i rnam par shes pa la don de rnam pa de kho na ltar snang bar 'gyur pas sgra med/ par? chos ston pa zhes bya ste/ chos ston pa'i sgra'i don ni 'di ltar brjod par bya ba'i chos nyan pa po'i rnam par shes pa la shin tu bsgrun cing bskyed pa zhes bya ba 'di yin no/ /de ltar khyad zhugs pa brjod nas/ khyad zhugs pa rnams kyi lam ni khyad par du 'phags pa kho na yin pas rnal ma rang sangs rgyas kyi lam/ /gzung don rtog pa spong phyir dang/ 'dzin pa mi spong phyir dang ni/ /rten gyis bse ru lta bu'i lam/ /yang dag bsdus par shes par bya/ /zhes bya ba gsungs te/ rang sangs rgyas kyi laM la ji skad bshad pa'i bden pa bsgom pa kho na dang/ dngos po ji lta ba bzhin du rten cing 'brel bar 'byung ba bsgoms pas gzung ba dang 'dzin pa'i don gyi rnam par rtog pa dag go rim bzhin du spangs pa dang ma spangs pa dang/ rang sangs rgyas kyi theg
- 108a
bas bsdus pa'i brten pa'i chos kyi gzhi'i khyad par gyis khyad par du 'phags pa dang ldan pa'i chos rtogs par byang chub sems dpas shes par bya'i rnam pa thams cad shes par ni ma yin no zhes bya ba ni rang sangs rgyas kyi lam mo// nges par 'byed pa'i cha dang mthun po thob na ji skad bshad pa'i lam skye bas nges par 'byed pa'i cha dang mthun pa/ /btags pa'i chos nyid mi 'gal bar/ /ston pa'i rnam pa drang gyur pa/ /rtse mor gyur pa gzugs la sogs/ /'grib pa med la sogs pas phye/ /nang stong nyid la sogs pa yis/ /gzugs sogs mi 'dzin phyir bzod pa/ /gzugs sogs skye ba med sogs kyi/ /rnam pa can ni chos kyi mchog /ces bya ba gsungs te/ gzugs la sogs pa'i chos kyi brda las byung ba'i btags pa'i chos nyid dang mi 'gal bar rab tu ston pa dang/ gzugs la sogs pa la don dam par 'grib pa dang 'phel ba med pa la sogs pa'i don du slob pa dang/ ngo bo nyid kyis stong pa nyid kyi phyir gzugs la sogs pa la nad dang phyi la sogs bstod pa nyid kyis yongs su mi 'dzin pa dang/ gzugs la sogs pa la skye ba dang 'gag pa la sogs pa med pa zhes bya ba'i rnam pa rnams kyis go rim bzhin du bden pa bzhi'i dmigs pa la nges par 'byed pa'i cha dang mthun pa skye ba yin no/ /rang sangs rgyas kyi lam gyi mjug thogs su byang chub sems dpa' i lam bden dang bden la bzod pa dang/ /shes pa'i skad cig rnam bzhi yis/ /lam shes nyid la mthong ba'i lam/ /phan yon bcas pa 'di bshad do/ /zhes bya ba gsungs te/ lam shes pa nyid kyi skabS su byang chub sems dpas chos shes pa'i bzod pa dang/ chos shes pa dang/ rjes su shes pa'i bzod pa dang/ rjes su shes pa zhes bya ba bzod pa dang/ shes pa'i skad cig ma bzhi bo so sor sdug bsngal la sogs pa'i bden pa dang 'brel ba dag
- 108b
dang? ldan pa 'di dang gzhan pa'i yon tan dang ldan pa bsgom par bya ba ni mthong? ba'i lam phan yon chen po zhes brjod do/ /rnam pa ji lta bur bsgom par bya zhe na/ de bzhin nyid dang sangs rgyas dag/ phan tshun brten pa rten med phyir/ /rnam grangs khas mi len pa dang/ /chen po tshang ma med bcas dang/ /tshad med pa dang mdza' med dang/ /der gnas gzugs la sogs pa la/ /sangs rgyas nyid du nges 'dzin dang/ /blang med dor ba med sogs dang/ /byams la sogs dang stod nyid dang/ /sangs rgyas nyid ni thob pa dang/ /rnam par byang kun yongs bsdus dang/ nyam pa ba dang? nad kun sel/ /mya ngan 'das 'dzin zhi nyid dang/ /sangs rgyas rnams kyis bsrung la sogs/ /srog mi gcod pa la sogs pa/ /rnam pa kun mkhyen tshul la ni/ /bdag nyid gnas te sems can dag /'god dang sbyin pa la sogs pa/ /rdzogs pa'i byang chub tu bsngo ba/ /lam shes nyid kyi skad cig ma/ /zhes bya ba gsungs te/ don dam pa'i tshul nyid kyis de bzhin nyid dang/ sangs rgyas dag la rten dang brten pa'i dngos po med pa de'i phyir/ /de dag phan tshun rnam grangs kyis gnas par khas mi len pa dang/ gzugs la sogs pa chos kyi dbyings kyi ngo bo nyid kyis chen po nyid dang/ de bzhin du de dag tshad ma med pa nyid dang/ snga ma bzhin du nam mkha' tshad med pa nyid kyis de dag tshad med pa zhes bya ba de lta bu ni sdug bsngal gyi bden pa'i rnam pa dag yin no/ /gzugs la sogs pa la ngo bo nyid med pa nyid kyis rtag pa dang chang pa'i mdza' nyid la sogs pa med pa dang/ shes rab kyi pha rol tu phyin pa la gnas pa ni chos kyi ngo bo nyid kyis gzugs la sogs pa la de bzhin gshegs pa nyid du nges par 'dzin pa dang/ de bzhin du de la gnas pa ni chos thams cad la blang ba dang dor ba med bar bsgom pa la sogs pa dang/ ngo bo nyid med par mos pa sngon du 'gro ba'i tshad med pa bzhi bsgom par bya'o zhes bya ba de lta bu ni kun 'byung ba'i bden pa'i rnam pa dag yin no//
- 109a
bzugs la sogs pa'i ngo bo gnyug ma rang bzhin kho nas stong ba nyid dang/ chos kyi dbyings dang mnyam pa'i dge ba'i rtsa ba rnams kyi 'bras bu de bzhin gshegs pa nyid 'thob pa dang/ shes rab kyi pha rol tu phyin par gnyen po rnams rnam pa thams cad bsdus pa dang/ de nyid kyis phyi dang nang gi 'tshe ba rab tu zhi ba zhes bya ba de lta bu'i ni 'gog pa'i bden ba'i rnam pa dag yin no/ /ngo bo nyid med pa bsgoms pa kho nas gzugs la sogs pa dang mya ngan las 'das pa la mngon par zhen bzhi pa dang/ shes rab dang thabs la mkhas pa la zhugs pa la sangs rgyas rnams kyis bsrung ba dang skyab pa dang sba ba dag mdzad pa dang/ sangs rgyas nyid mngon par 'dod pas bdag nyid srog gcod pa spong ba la sogs pa rnam pa thams cad mkhyen pa nyid la gnas nas nyid la gzhan dag 'god pa dang/ sbyin pa la sogs pa mi zad par byed 'dod pas yang dag par rdzogs pa'i byang chub tu bsngo bar bya'o zhes bya ba de lta bu ni lam gyi bden pa'i rnam pa dag yin te/ de lta bu ni lam shes pa nyid kyi skad cig ma dag yin no/ /kha cig ni 'dir tshig le'ur byas ba'i don nye bar mtshon pa lhur? len pa'i gzhung gis rnam pa'i don ma bshad par mthong ba'i lam gyi skad cig ma bcu drug nye bar mtshon pa nyi tshe mdzad par zer bshad pa dang ma bshad pa'i ngeS pa 'byed pa'i cha dang mthun pa la sogs pa'i don gyi tshig le'ur byas pa rnams su yang de bzhin du blta bar bya'o zhes zer ro/ /gzhan dag na re de dag gis ni bsgom pa'i rim pa la sogs pa ma bstan pa'i phyir mngon par rtogs pa'i rim pa cung zad kyang ma bstan to/ /gzhan yang dmigs pa dang ni rnam pa dang zhes bya ba la sogs pa'i tshigs su bcad pa'i don kyang ji ltar drang zhes zer ro/ /mthong ba'i lam gyi mjug thogs su bsgom pa'i lam brjod par bya ba yin pa las brjod par bya ba nyung ba nyid dang gdul
- 109b
bya? 'bras bu la gzhol ba nyid du gzhug pa'i phyir re zhig de'i byed pa/ kun nas zhi dang thams cad la/ /'dud dang nyon mongs las rgyal dang/ /gnod pas brdzi ba med nyid dang/ /byang chub dang ni rten mchod nyid/ /ces bya ba gsungs to/ rnam pa thams cad du sems la rang dbang nyid du byed pa dang/ dge ba'i bshes gnyen la sogs pa skye bo thams cad la 'dud pa dang 'dod chags la sogs pa zil gyis gnon pa dang/ pha rol gyis byas pa'i gnod pa rjes su sgrub pa'i yul ma yin pa nyid dang/ yang dag par rdzogs pa'i byang chub sgrub pa dang/ rten gyi yul mchod par bya ba nyid du byed pa zhes bya ba byed pa rnam pa drug yin no/ /byed pa'i 'og tu bsgom pa'i lam ste/ de yang zag pa dang bcas pa dang/ zag pa med pa'i bye brag gis rnam par gnyis so/ /de'i phyir bsgom pa'i lam brag pa dang bcas pa mos pa dang/ bsngo ba dang/ rjes su yi rang ba yid la byed pa zhes bya ba rnams kyi nang nas bsgom pa'i lam dang po mos pa yid la byed pa zhes bya ba/ mos pa rang gi don dang ni/ /rang bzhan don dang gzhan don dang/ /rnam gsum shes bya de yang ni/ /chung dang 'bring dang chen po ste/ /so sor rnam pa gsum du 'dod/ /chung du'i chung sogs dbye ba yis/ /de yang rnam gsum de ltar na/ /rnam pa nyi shu bdun du 'dod/ /ces bya ba gsungs te/ rang dang gnyig dang gzhan gyi ngon la dmigs pa nyid ji ltar mos pa bzhin mthong ba'i dge ba'i chos kyi rten yin na yang bsgom pa'i lam gyi dbang du byas pa las dang por mngon du mi byed pa'i ngo bo yang rnam pa gsum mo/ /de dag kyang re re zhing chung du la sogs pa'i bye brag gis rnam pa gsum yin la/ de yang so sor chung du'i chung ngu la sogs pa'i dbye ba rnam pa gsum yin te/ de ltar na dgu tshan gsum gyis mos pa rnam pa nyi shu rtsa bdun no/ /de bsgom pa'i byang chub sems dpa' spro ba bskyed pa'i phyir de ltar mos pa la sangs rgyas
- 110a
la sogs pas bstong pa la sogs pa mdzad do/ /zhes bstong pa dang/ bkur ba dang bsngags pa/ shes rab pha rol phyin pa la/ /mos pa'i gnas skabs rnams la ni/ /dgu tshan gsum gyis bstod pa dang/ /bkur ba dang ni bsngags par 'dod/ /ces bya ba gsungs te/ ji ltar mos pa bzhin mthong ba'i chos kyi mtshan nyid shes rab kyi pha rol tu phyin pa la zhugs pa'i mos pa yid la byed pa dang po dang gnyis pa dang gsum pa ste/ gnas skabs dgu dag tu so sor rnam pa dgus go? rim bzhin du gong nas gong du mngon par dga' bar byed cing bstod pa dang/ bkur ba dang/ bsngags par 'dod de des na bstod pa la sogs pa 'di dag ni don yang dag pa ji lta ba bzhin rtogs pa'i mtshan nyid can yin gyi gcam bu'i ngo bo ni ma yin no// de ltar mos pa la bsngo ba 'byung bas gnyis pa sngo ba yid la byed pa zhes bya ba/ yongs su bsngo ba khyad par can/ /de yi byed pa mchog yin no/ /de ni dmigs med rnam pa can/ /phyin ci ma log mtshan nyid do/ /dben dang sangs rgyas bsod nams tshogs// rang bzhin dran pa'i spyod yul can/ /thabs bcas mtshan ma med ba dang/ /sangs rgyas rjes su yi rang dang/ /khams gsum gtogs pa ma yin dang/ /chung dang 'bring dang chen po yi/ /bsngo ba gzhan ni rnam gsum po/ /bsod nams che 'byung bdag nyid do// ces bya ba gsungs te/ ji skad bshad ba'i mos pa khyad par dang/ mi dmigs pa dang/ phyin ci ma log pa dang/ dben pa dang/ de bzhin gshegs pa'i dge ba'i rtsa ba'i tshogs kyi rang bzhin dran pa dang/ thabs la mkhas pa dang bcas pa dang/ mtshan ma med pa dang/ sangs rgyas kyis gnang ba dang/ khams gsum par ma gtogs pa dang/ chung du dang/ 'bring dang/ /chen po ste/ bsod nams chen po 'byung ba zhes bya ba de star ming du btags ba'i yid la byed pa go rim bzhin du bla na med pa'i byang chub dang/
- 110b
tshul khrims la sogs pa'i phung po dang/ bsngo bar byed pa'i sems dang/ bdag la sogs pa dang ldan pa'i dngos po dang/ dus gsum gyi sangs rgyas kyi dge ba dang/ sbyin pa la sogs pa dang/ mtshan ma dang/ lam thams cad dang/ 'dod pa la sogs pa'i khams dang/ /dge ba bcu la sogs pa'i las kyi lam dang/ rgyun tu zhugs pa la sogs pa dang/ bla na med pa'i byang chub la gnas pa rnams mi dmigs pa la dmigs pa dang/ theg pa gsum gyis gdul bar bya ba'i sems can la lam nye bar ston pa'i rgyu'i ngo bo byed pa dang ldan pa rnams kyis sems can thams cad kyi don du mi zad par bya ba'i phyir/ bla na med pa yang dag par rdzogs pa'i byang chub tu bsngo ba rnam pa bcu gnyis byed do/ /de ltar legs par bsngos pa'i dngos po mngon par spel? bar bya ba yin bas gsum pa rjes su yi rang ba yid la byed pa zhes bya ba/ thabs dang mi dmigs pa dag gis/ /dge ba'i rtsa la yi rang ba/ /rjes su yi rang yid byed pa/ /bsgom pa yin par 'dir brjod do/ /zhes bya ba gsungs te/ rab tu dga' ba'i sems kyis kun rdzob tu thabs kyis dge pa'i rtsa ba rnams dmigs nas don dam par mi dmigs pa nyid kyis rjes su yi rang bar bya ba dag yin no/ /de la bsdus pa'i don ni mos pa yid la byed pas ni 'byung khungs dag nas gser gyi gar du bzhin du bsod nams mngon par 'du byed do/ /bsngo ba yid la byed pas ni ga gser mgar gyis rgyan bzhin du yang dag par rdzogs pa'i byang chub kyi yan lag tu byed do/ /rjes su yi rang ba yid la byed bas ni rang dang gzhan gyi bsod nams byas pa mnyam pa nyid 'thob bo zhes bya ba 'di yin no/ /zag pa dang bcas pa'i 'og tu zag pa med pa'i bsgom pa'i lam ste/ de yang rnam pa gnyis so/ /de'i phyir dang po mngon par sgrub pa'i mtshan nyid kyi bsgom pa'i lam/ de'i ngo bo nyid mchog nyid/ /kun la mngon par 'du mi byed/ /chos
- 111a
rnams dmigs su med par ni/ /gtong bar byed pa don chen nyid/ /ces bya ba gsungs te/ gzugs la sogs pa phyin ci ma log par mthong ba ni ngo bo nyid do/ /gzhan gyis sangs rgyas nyid mi 'thob pa ni mchog nyid do/ /chos thamS cad byad par skye ba med par rtogs par sbyor ba ni kun la mngon par 'du mi byed pa'o/ /de lta bu'i ngo bo nyid la sogs pa dang ldan pa'i lam chos rnams mi dmigs pa nyid du rnal 'byor ba'i rgyud la skyed pa ni gtong bar byed pa'o/ /don chen pos sangs rgyas nyid kyi byed pa'i phyir don chen po nyid do/ /de'i 'og tu gang zhig yongs su bzung ba dang por bas 'thob par 'gyur ba 'di'i skye ba dang mi skye ba'i rgyu gang zhig yin snyam pa'i the tshom bsal ba'i sgo nas gnyis pa shin tu rnam par dag pa'i mtshan nyid/ sangs rgyas bstan dang sbyin sogs dang/ /thabs la mkhas pa gang yin pa/ /'di la mos pa'i rgyu dag yin/ /chos kyis 'phongs pa'i rgyu dag ni/ /bdud kyi thibs kyis non pa dang/ /zab mo'i chos lam mos dang/ /phung po la sogs mngon zhe na dang/ / sngag ba'i grogs pos yongs zin pa'o/ /zhes bya ba gsungs te/ sangs rgyas mnyes par byed pa dang/ sbyin pa la sogs pa'i pha rol tu phyin pa rdzogs par byed pa dang/ zhi gnas la mkhas pa zhes bya ba ni skye ba'i rgyu dag yin no/ /bdud kyis gnod pa byas pa dang/ chos zab mo lam mos pa dang/ dngos por 'dzin pa dang/ mi dge ba'i grogs po dang 'grogs pa zhes bya ba ni mi skye ba'i rgyu dag yin no/ /de ltar 'thob pa dang mi 'thob pa'i rgyu dag bshad nas/ skabs su bab pa'i rnam par dag pa spying/ 'bras bu dag pa gzugs la sogs/ /dag pa nyid de gang gi phyir/ /de gnyis tha dad ma yin zhing/ /gcad du med pas dag par brjod/ /ces bya ba gsungs te/ 'phags pa'i gang zag gi dge sbyong gi tshul gyi 'bras bu gang yin pa de
- 111b
mi mthun pa'i phyogs thams cad dang bral ba nyid kyis rnam par dag pa gang yin pa de nyid/ /gzugs la sogs pa rnam par dag pa yin te/ 'bras bu dang gzugs la sogs pa rnam par dag pa ni/ gzugs la sogs pa la bdag tu mngon par zhen pa la sogs pa dang? bral bas rab tu phye ba nyid kyis/ gang gi phyir de dag gi rnam par dag pa tha mi dad cing gcad du med pa nyid de/ rang dang spyi'i mtshan nyid tha dad pa nyid ma yin pa de'i phyir de ltar rnam par dag par brjod do/ /rnam par dag pa spyir brjod nas khyad par du/ nyon mongs shes bya lam gsum gyi/ /nyams phyir slob ma bse ru dang/ /rgyal sras rnams kyi dag pa ste/ /sangs rgyas rnam kun shin tu ba/ /zhes bya ba gsungs te/ 'dod chags la sogs pa'i nyon mongs pa dang/ de dang shes pa'i sgrib pa'i phyogs ba cig po gzung ba'i don gyi rnam par rtog pa dang/ theg pa gsum gyi lam gyi sgrib pa gsum spangs pa'i phyir go rim bzhin du nyan thos dang rang sangs rgyas dang byang chub sems dpa' rnams kyi dag pa yin no/ /nyon mongs pa dang shes bya'i sgrib pa bag chags dang bcas pa rnam pa thams cad du spangs pa'i phyir shin tu rnam par dag pa chos kyi dbyings las byung ba nyid ni bla na med pa'i sangs rgyas kyi yin par 'dod do/ /lam shes pa nyid kyi skabs su rnam par dag pa smos pa'i nang? la sangs rgyas dang nyan thos la sogs pa'i rnam par dag pa go rim bzhin du/ shin tu ba dang cig shos su bshad pa de ji lta bu yin zhe na/ sa dgu la ni chen po yi/ /chen po la sogs dri ma yi/ /gnyen po chung du'i chung ngu la/ /sogs pa'i lam ni dag pa yin/ /zhes bya ba gsungs te/ 'dod pa'i khams dang/ bsam gtan dang/ gzugs med pa'i snyoms par 'jug pa dag ste/ sa dgu la mi mthun pa'i phyogs chen po'i chen po la sogs pa rnam pa dgu'i gnyen po'i ngo bor go rim bzhin du lam chung du'i chung du la sogs pa rnam pa dgu rnam
- 112a
pa thams cad dang/ cis shos su rnam par dag pa'i rgya yin pa'i phyir rnam par dag pa shin tu tha dad cig shos zhes bya'o/ /ji ltar shin tu ba yin zhe na/ de la klan ka spangs pa yis/ /lam ni 'jal dang gzhal bya dag/ mnyam pa nyid kyi khams gsum gyi/ /gnyen po nyid du 'dod pa yin/ /zhes bya ba gsungs te/ de la gnyen po ni chen po'i chen po la sogs pa mi mthun pa'i phyogs ni chung du'i chung ngu la sogs par rigs so zhes bya ba'i klan ka gos la chags pa'i dri ma phra mo gsal ba la bco ? ka ? bdu 'bad ba'i dpes spangs pa'i sgo nas bsgom pa'i lam shin du ba ji skad du bstan pa de/ khams gsum pa'i rnam pa can gyi shes pa dang shes bya dag mi dmigs pa nyid kyis mnyam pa nyid gang yin pa de nyid mdza' dag gi gnyen po'i ngo bo nyid yin pa'i phyir/ sangs rgyas kyi rnam par dag pa shin tu ba yin par rnam par bzhag go shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las skabs gnyis pa'i 'grel pa'o// //gzhi thams cad yongs su shes pa med par lam legs par yongs su shes pa med pas thams cad shes pa nyid/ tshu rol pha rol mdza' la min/ /de dag bar na mi gnas pa/ /dus rnam mnyam pa nyid shes phyir/ /shes rab pha rol phyin par 'dod/ /ces bya ba gsungS te/ dus gsum pa'i chos rnams skye ba med pa'i rnam par mnyam pa nyid du rtogs pas/ sangs rgyas dang byang chub sems dpa' rnams la nye bar gyur par 'dod pa'i shes rab kyi pha rol tu phyin pa gang yin pa de ni/ shes rab kyis tshu rol gyi mdza' 'khor ba dang/ snying rjes pha rol gyi mdza' mya ngan las 'das ba ste/ go rim bzhin du rtag pa dang chad pa'i mtshan nyid dang de dag gi bar na yang mi gnas pas srid pa dang zhi ba la mi gnas pa yin no/ /kun shes pa nyid kyi skabs las bzlog ste bstan pas?/ nyan thos
- 112b
la sogs pa la dus gsum mnyam pa nyid du shes pa med pa'i phyir/ yang dag pa'i shes rab kyi pha rol tu phyin pa dang ring ba 'gyur pas rang gi rtogs pa tsam gyi shes rab kyi pha rol tu phyin pa snying brtse ba dang shes rab dang bral ba'i phyir dngos po dang/ dngos po med par dmigs pa nyid kyis 'khor ba dang mya ngan las 'das pa la gnas pa yin par shes par bya'o/ /lugs las rten cing 'brel par 'byung ba gang/ /de nyid khyod ni stong bar bzhed/ ces 'byung ba'i phyir/ /dus gsum mnyam pa nyid du shes pa ni gzhi rtog pa kho na yin la/ de yang thams cad la yod pa nyid ma yin nam/ ji ltar na nyan thos dang byang chub sems dpa' la sogs pa la yang dag pa'i shes rab kyi pha rol tu phyin pa ring pa dang cig shos su 'gyur zhe na/ de ni mtshan mar dmigs sgo nas/ /thabs la yin pas ring ba ste/ /de ni thabs la mkhas pa yis/ /yang dag nye ba nyid du bshad/ /ces bya ba gsungs te/ sgyu ma mkhan gyis sgrul ba'i dngos po snang ba la de'i rang gi ngo bo mi shes pas dngos por mngon par zhen pa nyid kyis ngo bo nyid med par ? snang ba bzhin du/ dge ba'i bshes gnyen la sogs pa thabs mkhas pa dang bral ba'i phyir dngos po mtshan ma dang ldan par rtogs pas nyan thos la sogs pa dngos po'i ngo bo mi shes pa rnams la mnyam pa nyid kyi ye shes de med de/ de'i phyir de dag la rgyal ba'i yul? ring bar gyur to/ /byang chub sems dpa' dus ring mo zhig nas dge ba'i gshes gnyen yang dag par mgu par byas pa'i man ngag phyin ci ma log pa can bden pa gnyis la brten pa'i thos pa la sogs pa'i shes pa skye ba'i thabs lam las pas?/ dngos por mngon par zhen pa'i 'khrul pa'i mtshan ma bsal ba rnams la ni/ /gzugs la sogs pa'i chos yongs su shes pa de nyid mnyan pa nyid du yongs su shes pa yin te/ de'i phyir de dag la yum 'di yang dag par nye bar gyur pas/ thabs ma yin pas ni ring ba
- 113a
nyid yin la/ thabs kyis ni mi ring ba nyid yin no/ /de ltar nyan thos la sogs pa'i yum ring bar gyur pa'i bsgrub pa nyid mi mthun pa'i phyogs yin par/ gzugs sogs phung po stong nyid dang/ /dus gsum gtogs pa'i chos rnams dang/ /sbyin sogs byang chub phyogs rnams la/ /spyod pa'i 'du shes mi mthun phyogs/ /zhes bya ba gsungs te/ gzugs la sogs pa dus gsum pa'i chos zag pa dang bcas pa dang zag pa med pa dang/ gnyis ka'i ngo bo dngos por ma gyur pa thams cad la/ /dngos por dmigs pa nyid kyis gzhan gyis kun brtags pa'i bdag la sogs pa stong pa nyid du lta ba dang/ sgrub pa'i 'du shes ni de dag gi gnyen po yin na yang byin ci log tu zhugs pa nyid kyis spang bar bya ba yin pa'i phyir/ mi mthun pa'i phyogs yin no/ /byang chub sems dpa' rnams kyi bzlog ste gnyen po yin par/ sbyin la sogs la ngar 'dzin med/ gzhan dag de la sbyor byed pa/ /de ni chags pa'i mdza' 'gog pas/ /rgyal la sogs la chags pa pra/ /zhes bya ba gsungs te/ 'khor gsum rnam par dag pas sbyin pa la sogs pa la bdag med par rtogs pas rang dang gzhan sbyor ba ni/ yang dag par zhugs pa'i phyir dang chags pa'i tshogs kyi gnas thams cad bkag pas blang bar bya ba yin pa'i phyir/ rnam pa thams cad du gnyen po yin no/ /de bzhin gshegs pa la sogs pa la phyag 'tshal ba la sogs pa ni bsod nams kyi tshogs kyi rgyu yin pa nyid kyis gnyen po yin mod kyi/ chags pa phra mo'i ngo bo nyid kyis rnam pa thams cad du ma yin pas mi mthun pa'i phyogs yin no// //bam po gsum pa/ yang ji ltar chags pa phra mo mi mthun pa'i phyogs yin zhe na/ chos kyi lam ni rang bzhin gyis/ /dben pa'i phyir na de zab nyid/ /ces bya ba gsungs te/ gang gi phyir chos
- 113b
kyi shes? rnams ngo bo nyid kho nas stong bas/ de dag zab pa nyid yin pa de'i phyir/ de bzhin gshegs pa la dmigs pa yang mi mthun pa'i phyogs yin no/ /'o na ji ltar spang zhe na/ chos rnams rang bzhin gcig par ni/ shes pas chags pa spong ba yin// zhes bya ba gsungs te/ gzugs la sogs pa'i chos thams cad rang bzhin gcig pa kho na ste/ 'di lta ste rang bzhin med pa zhes shes pa dang shes bya mnyam pa nyid du gcig par yongs su shes pa ni chags ba spong ba yin no/ /yang ji ltar chos rnams rang bzhin gyis zab pa yin zhe na/ mthong ba la sogs bkag pa yis/ /de ni rtogs par dka' bar bshad/ ces bya ba gsungs te/ gang gi phyir rnam par shes pa thams cad kyis dmigs pa'i don bsal bas rang bzhin de rtogs par dka' ba nyid du bshad pa de'i phyir de zab pa nyid yin no/ /yang de ltar rtogs par dka' ba nyid ci yin zhe na/ gzugs la sogs par mi shes phyir/ /de ni bsam mi khyab par 'dod/ /ces bya ba gsungs te/ gang gi phyir gzugs la sogs pa nas sangs rgyas kyi chos ma 'dres pa'i rnam pa'i bar gyi rang bzhin yongs su mi shes pas bsam pa las 'das pa nyid du 'dod pa de'i phyir/ de ni rtogs par dka' ba nyid yin no/ /de ltar mi mthun pa'i phyogs la sogs par brjod nas mjug bsdu bar/ de ltar kun shes nyid lugs la/ /mi mthun gnyen po'i phyogs dag gi /rnam bar dbye ba ma lus pa/ /ji skad bshad pa 'di shes bya/ /zhes bya ba gsungs te/ thams cad shes pa nyid kyi skabs su de ltar bshad pa'i tshul gnyis go rim bzhin du nyan thos dang byang chub sems dpa' la sogs pa'i mi mthun pa'i phyogs dang gnyen po'i rab tu dbye ba shes par bya'o/ /de ltar mi mthun pa'i phyogs la sogs pa brjod nas/ de dag rnam par bsgom pa'i sbyor ba gang yin zhe na/ sbyor ba'i lam ni/ gzugs sogs de mi
- 114a
rtag sogs dang/ /de ma rdzogs dang rab rdzogs dang/ /de la chags pa med nyid la/ /spyod pa bkag pa'i sbyor pa dang/ /mi 'gyur byed po med nyid dang/ /bya dka' rnam gsum sbyor ba dang/ /skal pa ji bzhin 'bras thob pas/ /'bras yong 'dod pa de dang ni/ /gzhan las rag las med gang dang/ /snang ba rnam bdun shes byed do/ /zhes bya ba gsungs te/ gzungs la soD pI chos thams cad dang/ de dag nyid kyi mi rtag pa dang/ stong pa nyid la sogs pa dang/ so sor ma rdzogs pa dang rdzogs pa nyid dang/ chags pa med pa dang/ gzhan du mi 'gyur pa dang/ byed pa po med pa nyid dang go rim bzhin du thams cad mkhyen pa nyid gsum gyi bdag nyid kyi ched du bya pa dang sbyor ba dang byed pa rnams kyi bya dka' ba nyid dang/ skal pa ji lta ba bzhin du 'bras bu 'thob pas mi stong pa nyid dang/ gzhan gyi rkyen gyis mi 'gro ba nyid dang/ yongs su 'gyur ba dang/ mnyam du tshogs pa dang/ 'gal ba dang/ rkyen dang/ ma 'phos pa dang/ rten med pa dang/ byed pa po ma yin pa rnams su shes pa la snang ba bdun la sgrub pa'i yongs su shes pa gsal ba'i sgo nas/ byang chub sems dpa' rnams kyi de dang de la sbyar ba rnam pa bcu rjes su 'gro ba'i sgo nas bstan pas/ shugs kyis na nyan ces? la sogs pa yi ni ji skad bshad pa las bzlog ste sbyor ba yin no/ /mnyam pa nyid kyi sgo nas sbyor ba bsgom dgos pas/ sbyor ba'i 'og tu mnyam pa nyid/ gzugs la sogs la rlom med pa/ /rnam bzhi de yi mnyam pa nyid/ /ces bya ba gsungs te/ gzugs la sogs pa la mngon par zhen pa dang/ sngon po la sogs pa'i mtshan ma dang/ spros pa dang rtogs pa'i rlom pa rnams rnam pa thams cad du mi dmigs pa ni sbyor ba'i mnyam pa nyid yin pas mnyam pa nyid yin no/ /sbyor ba'i mnyam pa nyid so sor rtogs nas mthong
- 114b
pa'i lam bsgom dgos pas mthong ba'i lam/ sdug bsngal la sogs bden ba la/ /chos shes rjes su shes pa dang/ /bzod shes skad cig bdag nyid 'di/ /kun shes tshul la mthong ba'i lam/ zhes bya ba gsungs te/ bden ba so so la chos shes pa'i bzod pa dang/ chos shes pa dang rjes su shes pa'i gzod pa rjes su shes pa ste/ de ltar skad cig ma bcu drug gi bdag gi nyid ni ra thams cad shes pa nyid kyi skabs su mthong pa'i lam yin no/ /bden pa'i rnam pa gang yin zhe na/ gzugs rtog? ma yin mi rtag min/ mdza' las 'das dang rnam dag dang/ /ma skyes ma 'gags la sogs dang/ /mkha' 'dra chags pa spangs pa dang/ /yongs su 'dzin las grol pa dang/ /ngo bo nyid kis brjod med dang/ /gang phyir 'di don brjod pa ris gzhan la sbyin du med pa dang/ dmigs pa med par byed pa dang/ /shin tu rnam dag nad med 'byung/ /ngan song chad dang 'bras bu ni/ /mngon du bya la mi rtog nyid/ /mtshan ma dag dang ma 'brel dang/ /dngos dang ming dang gnyis po la/ /shes pa skye ba med pa ni/ /kun shes nyid kyi skad cig ma/ /zhes bya ba gsungs te/ ngo bo nyid med pa'i phyir gzugs la sogs pa rtag pa dang mi rtag pa nyid dang bral bas na rtag pa yang ma yin mi rtag pa yang ma yin pa dang/ sdug bsngal ba dang sdug bsngal ba ma yin pa dang bral ba nyid kyis rtag pa dang/ chad pa'i mdza' dang bral ba dang stong pa dang mi stong pa dang bral ba'i phyir rnam par dag pa dang/ bdag dang bdag med pa'i ngo bo nyid ma yin pas ma skyes pa dang ma 'gags pa dang/ kun nas nyon mongs pa ma yin pa dang/ rnam par byang ba ma yin pa zhes bya ba la sogs pa ni/ sdug bsngal gyi bden ba'i rnam pa dag yin no/ /rgyu dang rgyu ma yin pa gsog nyid kyis phyir nam mkha' dang 'dra ba dang/ kun 'byung ba dang/ kun 'byung ba med pa dang/ mi ldan pa'i
- 115a
phyir/ nyon mongs pa dang nye ba'i nyon mongs pa thams cad spangs pa dang/ rab tu skye ba dang/ rab tu mi skye ba dang ma 'brel bas yongs su 'dzin pa las grol ba dang rkyen dang rkyen ma yin pa las rnam par grol ba'i phyir/ rang gi ngo bos brjod du med pa zhes bya ba ni kun 'byung ba'i bden pa yin no/ /gang gi phyir 'gogs pa dang/ 'gog pa med pa dang ma 'brel pa de'i phyir/ 'gog pa'i bden pa'i don tshig tu brjod pas rgyud gzhan la sbyin du med pa dang/ zhi ba dang ma zhi ba med pas dmigs pa med par byed ba dang/ gya nom pa dang/ gya nom pa ma yin pa dang bral ba'i phyir /mdza' gnyis las 'das shing rnam par dag pa dang/ nges par byung ba dang nges par 'byung ba med pa yang med pa'i phyir nad thams cad mi skye ba zhes bya ba ni 'gog pa'i bden pa yin no/ /lam dang lam ma yin pa dang bral ba'i phyir ngan song chad pa dang rigs pa dang rigs pa ma yin ba dang ma 'dres pa'i phyir 'bras bu mngon sum du bya ba'i don gyis thabs la rnam par mi rtog pa nyid dang/ sgrub pa dang sgrub la ma yin pa las rnam par grol ba nyid kyi chos thams cad kyi mtshan ma dag dang ma 'brel ba dang/ nges par 'byin pa dang ngas par 'byin pa ma yin pa med pa nyid kyis brjod par bya ba dang brjod par byed pa'i ngo bo'i mtshan nyid shes bya dang sgra gnyis la shes pa skye ba med pa zhes bya ba ni lam gyi bden pa yin te/ de lta bu'i rnam pa can gyi kun shes pa nyid kyi skad cig ma de dag ni byang chub sems dpa' rnams kyi mthong ba'i lam yin no/ /nyan thos rnams kyis de las bzlog pa mi rtag pa la sogs pa'i rnam pa dag tu bsgom par bya ba ni kun shes pa nyid la mthong ba'i lam yin no/ /nyan thos kyi lam ni byang chub sems dpas yongs su shes par bya ba yin gyi/ mngon du bya ba ni ma yin pas bsgom pa'i lam ni ma bstan to//
- 115b
sangs rgyas par bstan nas mngon mdza' dag sdus par byed pa nyid kyis thams cad mkhyen pa nyid gsum mjug bsdu bar/ de ltar 'di dang yang 'di dang/ /yang 'di yin te rnam gsum po/ /'di ni gnas skabs gsum po dag /rdzogs par yongs su bstan pa yin zhes bya ba gsungs te/ bshad ma thag pa'i tshul du rnam pa thams cad mkhyen pa nyid 'di dang/ lam shes pa nyid 'di dang/ thams cad shes pa nyid 'di ste/ de ltar le'u gsum gyi rnam pa gsum pa yongs su rdzogs par mdzad pa yin no/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba las/ skabs gsum pa'i 'grel pa'o/ / //thams cad mkhyen pa nyid gsum yongs su shes pa ni/ dbang du bya ba'i phyir yang rnam pa thams cad dang lam dang gzhi shes pa bsdu ba'i sgo nas thams cad mkhyen pa nyid gsum sgom par byed pas/ rnam pa kun mngon par rdzogs par rtogs pa/ bzhi shes pa yi bye brag rnams/ /rnam pa zhes bya mtshan nyid de/ /kun mkhyen nyid ni rnam gsum phyir/ /de ni rnam pa gsum du 'dod/ /ces bya ba gsungs te/ rtag pa la sogs par 'dzin pa mi mthun pa'i phyogs kyi gnyen po'i chos nyid kyi ngo bo nyid mi rtag pa la soD pa la dmiD pa'i ye shes kyi bye brag rnams rnam pa nyid du rnam par bzhag pa ni mtshan nyid de/ de dag kyang thams cad mkhyen pa nyid gsum gyi bye brag gis rnam pa gsum kho nar bzhed do/ /rnam pa rnams sbyir bstan nas/ da ni khyad par du med pa'i rnam pa nas bzung ste/ /mi g.yo ba yi rnam pa'i bar/ /bden pa so so la bzhi dang/ /lam la de ni bco lngar bshad/ /ces bya ba gsungs te/ de la thams cad shes pa nyid kyi dbang du byas nas/ med pa dang/ mi skye ba dang/ dben pa dang/ mi brdzi ba dang/ gnas med pa dang/ nam mkha' dang/ brjod du med pa dang/ ming med pa dang 'gro ba med ba dang mi 'phrogs pa dang mi zad pa dang
- 116a
skye ba med pa'i rnam pa ste bcu gnyis ni go rim bzhin du sdug bsngal la sogs pa'i bden pa gsum gyi/ mi rtag pa la sogs pa'i mtshan nyid dag yin no/ /nyon mongs ba'i sgrib pa'i gnyen po nyid du zag pa med pa'i lam gcig dang/ thams cad shes pa nyid kyis rang sangs rgyas rnams kyang bsdus pas de'i phyir de dag gi shes bya'i sgrib pa'i gnyen po nyid du bsgom pa'i lam zag pa dang bcas pa dag zag pa med pa gnyis yin pas lam rnam pa gsum mo/ /de la dang po la byed pa po med pa dang/ shes pa po med pa dang/ 'pho ba med pa dang/ 'dul ba med pa'i rnam pa ste/ bzhi ni go rim bzhin du lam la sogs pa'i mtshan nyid dag yin no/ /gnyis pa la rmi lam dang/ sgra brnyan dang/ mig yod dang/ smig rgyu dang/ sgyu ma'i rnam pa ste lnga ni/ go rim bzhin du ngo bo nyid med pa dang/ ma skyes pa dang/ ma 'gags pa dang/ bzod pa nas zhi ba dang rang bzhin gyis mya ngan las 'das pa'i mtshan nyid sbyir shes bya'i sgrib pa'i gnyen por gyur pa dag yin no/ /gsum pa la kun nas nyon mongS pa med pa dang/ rnam par byang ba med pa dang/ gos pa ed pa dang/ spros pa med pa dang/ rlom pa med pa dang/ mi g.yo ba'i rnam pa ste/ drug ni go rim bzhin du shes bya'i sgrib pa kun nas nyon mongs pa dang/ rnam par byang ba dang/ nyon mongs pa'i bag chags dang/ gzugs la sogs pa'i spros pa dang/ rang gi rtogs pa dang/ longs su nyams par rnam par rtog pa rnams kyi so sor nges pa'i gnyen por gyur pa dag yin no/ /de ltar na lam gyi bden pa la rnam pa bco lnga ste/ sbyir na thams cad shes pa nyid kyi rnam pa nyi shu rtsa bdun yin no/ /de'i 'og tu lam shes pa nyid kyi rnam pa/ rgyu dang lam dang sdug bsngal dang/ 'gog pa la ni go rim bzhin/ /de dg brgyad dang bdun dang ni/ /lnga dang bcu drug ces bsgrags so/ zhes
- 116b
bya ba gsungs te/ kun nas nyon mongs pa dang cig shos dang/ sdug bsngal dang/ 'gog pa'i bden pa la grangs bzhin du dag ni rgyu yin la/ sdug bsngal dang 'gog pa'i bden pa dag ni 'bras bu yin par don gyi sgo nas bstan te/ kun 'byung ba dang/ lam dang/ sdug bsngal dang/ 'gog pa'i bden pa la grangs bzhin du rnam pa brgyad dang zhes bya ba la sogs pa khong du chud par bya'o/ /de la 'dod chags dang bral ba dang/ mi gnas pa dang/ zhi ba dang/ 'dod chags med pa dang/ zhe sdang med pa dang/ gti mug med pa dang/ nyon mongs pa med pa dang/ sems can med pa'i rnam pa dag ni go rim bzhin du rgyu gang yin pa ste/ 'dun pa dang/ 'dod chags dang/ dga' ba dang/ kun 'byung ba gang yin pa ste/ 'dod chags dang/ zhe sdang dang gti mug dang/ rab tu skye pa gang yin pa ste kun du rtog pa dang/ rkyen gang yin pa dang ste sems can du mngon par zhen pa/ de rnams kyi gnyen por gyur pa gsum dang gsum dang/ gcig dang gcig ste/ de ltar na rgyu'i bden pa'i rnam pa brgyad yin no/ /tshad med pa dang/ mdza' gnyis dang ma 'brel ba dang/ tha mi dad pa dang/ mchog tu 'dzin pa med pa dang/ rnam par mi rtog pa dang/ gzhal du med pa dang/ chags pa med pa'i rnam pa dag ni ? go rim bzhin du sems can thams cad la go skabs 'byed pa'i lam dang/ ji ltar sems can thams cad la go skabs 'byed pa dang/ rigs pa gang yin pa dang/ ji ltar rigs pa yin pa dang/ sgrub pa gang yin pa dang/ ji ltar sgrub pa yin pa dang/ nges par 'byin pa gang yin pa de rnams kyi ngo bo nyid gnyis dang gnyis dang/ gnyis dang gcig ste/ de ltar na lam gyi bden pa'i rnam pa bdun yin no/ /mi rtag pa dang/ sdug bsngal ba dang/ stong ba dang bdag med pa'i rnam pa dang/ ldang? mtshan nyid med pa'i rnam pa'i ngo bo nyid rnams te/ de ltar na sdug bsngal
- 117a
gyi bden pa'i rnam pa lnga yin no/ /'gog pa'i rnam pa'i ngo bo nyid ni nang dang phyi dang gnyis ka'i dngos po rnams dgag pas/ nang dang phyi dang gnyis ka'i stong ba nyid kyi rnam pa ste gsum dang/ zhi ba'i rnam pa'i ngo bo nyid btags pa'i bdag stong pa dang/ snod kyi 'jig rten dang/ don dam pa dang/ 'dus byas dang/ 'dus ma byas dang/ rtag pa dang chad pa'i mdza' dang/ 'khor ba thog ma dang tha ma med pa dang/ rtogs pa'i chos dor ba med pa la mngon par zhen pa dgag pas/ stong pa dang/ chen po dang/ don dam pa dang/ 'dus byas dang/ 'dus ma byas dang/ mdza' las 'das pa dang/ thog ma dang tha ma med pa dang/ dor ba med pa stong pa nyid kyi rnam pa ste brgyad dang/ gya nom pa'i rnam pa gzhan gyis kun brtags pa'i byed pa po dgag pas/ rang bzhin stong pa nyid kyi rnam ba dang/ nges par 'byung ba'i rnam pa yul du 'khrul pa'i bdag nyid brtags pa dang/ mtshan nyid dang/ dus su 'khrul pa rnams dgag pas/ chos thams cad dang/ rang gi mtshan nyid dang/ mi dmigs pa stong pa nyid kyi rnam pa ste gsum dang nges par 'byung ba'i rnam pa kho ? ngo bo nyid dgag pas dngos po med pa'i ngo bo nyid stong pa nyid kyi rnam pa gcig ste/ de ltar na 'gog pa'i bden pa'i rnam pa ni bcu drug yin la/ spyir na lam shes pa nyid kyi rnam pa sum cu rtsa drug yin no/ /de'i 'og tu rnam pa thams cad mkhyen pa nyid kyi rnam pa/ dran pa nyer gzhag nas bzung ste/ /sangs rgyas rnam pa'i mthar thug rnams/ /lam gyi bden pa'i rjes mthun par/ /kun mkhyen gsum du phye bsan/ /slob ma byang chub sems dpa' dang/ /sangs rgyas rnams la rim bzhin de/ /sum cu bdun dang sum cu bzhi/ /sum cu rtsa dgu dag tu bzhed/ /ces bya ba gsungs te/ dran ba nye bar gzhag pa nas bzung ste/ sangs rgyas kyi rnam pa'i mthar thug pa rnams ni thams cad
- 117b
mkhyen pa nyid gsum gyis bsdus pa'i lam yin pa'i sgo nas/ rnam pa thams cad mkhyen pa nyid kyis 'phags pa'i gang zag thams cad bsdus pa'i phyir/ grangs bzhin du nyan thos rnams la rnam pa sum cu rtsa bdun dang/ byang chub sems dpa' rnams la sum cu rtsa bzhi dang/ sangs rgyas rnams la sum cu rtsa dgur bzhed do zhes bya ba yin no/ /de la thams cad shes pa nyid la dang por dngos po la yongs su rtog pa'i lam la/ bden pa bzhi la 'jug par bya ba'i phyir/ lus dang tshor ba dang/ sems dang/ chos la rang dang spyi'i mtshan nyid kyis yongs su brtags pa dran pa nye bar bzhag pa'i rnam pa bzhi'i de'i 'og tu zhugs pa la brtson 'grus 'byung bas rtsol ba las byung ba'i lan la mi dge ba dang dge ba skyes pa dang ma skyes pa dag go rim bzhin du yang dag par ? ba dang mi bskyed pa dang/ spel ba dang/ bskyed pa'i rgyu'i brtson 'grus yang dag par spong ba'i rnam pa bzhi'o/ /brtson 'grus dang ldan pa ni sems las su rung ba nyid du byed pas/ ting nge 'dzin yongs su sbyor ba'i lam la/ 'dun pa dang/ brtson 'grus dang/ sems dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'i rnam pa bzhi'o/ /sems yongs su spyang? ba byas pa la dro ba dang rtse mo'i sbyor ba 'byung bas mngon par rtogs par sbyor ba' lam la dro ba dang po'i ngo bo nyid/ dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po'i rnam pa lnga'o/ /dro ba la sogs pa thob pa la bzod pa dang chos kyi mchog 'byung bas mngon par rtogs ba dang 'brel ba'i lam la bzod pa dang? chos mchog gi ngo bo nyid/ dad ba dang/ brtson 'grus dang/ dran pa dang/ ting nge 'dzin dang/ shes rab kyi stobs kyi rnam pa lnga'o/ /dro ba la sogs pa bzhi rtogs pa la bden pa mthong ba'i lam 'byung bas/ mngon par rtogs pa'i lam la
- 118a
dran pa dang/ chos rab tu rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag gi rnam pa bdun no/ /bden ba mthong ba yongs su shes pa la bsgom pa'i lam 'byung bas/ rnam par dag pa nges par 'byin pa'i lam la yang dag pa'i lta ba dang/ rtog pa dang/ dag dang/ las kyi mdza' dang 'tsho ba dang/ rtsol ba dang/ dran pa dang/ ting nge 'dzin 'phags pa'i lam yan lag brgyad kyi rnam pa brgyad de/ de ltar na slob ma rnams la kun shes pa nyid kyi lam gyi rten can gyi rnam pa sum cu rtsa bdun yin no/ /lam shes pa nyid la gnyen po'i lam/ lta bas byas pa'i gnyen po dang/ de'i rgyu mtshan gyi rnam par rtog pa'i gnyen po dang/ khams gsum pa la smon pa'i gnyen po zhes bya ba de lta bu'i ngo bo nyid la go rim bzhin du stong pa dang/ bdag med pa'i rnam pa'i ngo bo nyid ni rnam par thar pa'i sgo dang po'o/ /'gog pa dang/ lam gyi bden pa'i rnam pa'i ngo bo nyid ni gnyis pa'o/ /mi rtag pa dang/ sdug bsngal ba dang/ kun 'byung ba'i bden pa'i rnam pa'i ngo bo nyid ni gsum ste/ de ltar na rnam par thar pa'i sgo gsum gyi rnam pa gsum mo/ /sbrul pa'i lam la/ gzugs kyi 'du shes rnam par ma bshig pa dang rnam par bshig pa'i phyir/ go rim bzhin du nang gzugs can dang gzugs can ma yin pas phyi rol gyi gzugs rnams la lta'o zhes bya ba sprul pa'i sgrib pa'i gnyen por rnam par thar ba 'di gnyis dang/ gzugs sdug pa dang mi sdug pa sprul pa la go rim bzhin du dga' ba dang mi dga' ba'i kun nas nyon mongs pa de dag gi gnyen por sdug pa'i rnam par thar pa'i sgo lus kyis mngon sum du byas nas rdzogs par byas te/ gnas so zhes bya ba rnam par thar pa gcig ste de ltar na rnam
- 118b
par thar pa'i sgo rnam pa gsum mo/ /mthod pa'i chs la bde bar gnas pa'i lam la thar pa dang mthun par gnas pa'i lam gyi rang bzhin la gzugs med pa'i snyoms par 'jug pa'i rnam pa bzhi dang zhi bar gnas pa'i lam gyi rang bzhin la 'du shes dang tshor ba 'gog pa'i rnam pa gcig ste/ de ltar na rnam pa lnga'o/ /'jig rten las 'das pa'i lam la bsam gtan bzhi dang gzugs med pa dang 'gog pa' snyoms par 'jug pa dag ste dgu'o/ /stong pa'i lam la bar chad med pa'i lam gyi rnam pa bden pa bzhis bsdus pa nyon mongs pa dang mi ldan pa'i mtshan nyid bzhi'o/ /sangs rgyas nyid kyi lam la/ sbyin pa la sogs pa'i pha rol tu phyin pa rnam pa bcu ste/ de ltar na byang chub sems dpa' rnam la lam shes pa nyid kyi lam gyi rten can gyi rnam pa sum cu rtsa bzhi'o/ /rnam pa thams cad mkhyen pa nyid kyi rnam pa ni shin tu phul du byung ba'i phyir thun mong ma yin pa'i lam gcig pu kho na yin te/ de la ni gnas dang gnas ma yin pa dang/ las kyi rnam par smin pa dang/ mos pa sna tshogS dang/ 'jig rten gyi khams du ma dang/ dbang po mchog dang mchog ma yin pa dang/ thams cad du 'gro ba'i lam dang/ kun nas nyon mongs pa dang rnam par byang ba dang/ sngon gyi gnas rjes su dran pa dang/ 'chi 'pho dang/ skye ba dang/ zag pa zad pa mkhyen pa'i stobs kyi rnam pa bcu dang/ nga? ni sangs rgyas so zhes bdag nyid zhal gyis 'ches pa dang/ 'dod chags la sogs pa bar chad byed pa nyid du brjod pa dang/ thams cad shes pa nyid la sogs pa'i lam des par 'byung ba nyid du rab tu bstan pa dang/ bdag nyid kyi zag pa zad pa nyid du zhal gyis bzhes pa la rgol ba po med pas mi 'jigs pa'i rnam pa bzhi dang/ rnam grangs dang/ chos kyi mtshan nyid dang/ yul gyi skad dang/ chos rab tu dbye ba'i yul la go rim bzhin du chos
- 119a
dang/ don dang nges pa'i tshig dang/ spobs pa so so yang dag par rig pa'i rnam pa bzhi dang 'khrul pa dang/ ca co dang/ dran pa nyams pa dang/ thugs mnyam par ma bzhag pa dang/ tha dad pa nyid kyi 'du shes dang/ so sor ma brtags pa'i btang snyoms mi mnga' ba'i rnam pa drug dang bdun pa dang/ brtson 'grus dang/ dran pa dang/ ting nge 'dzin dang/ shes rab dang rnam par grol ba las nyams pa mi mnga' ba'i rnam pa drug dang/ sku dang gsung dang thugs kyi phrin las rnam ye shes sngon du 'gro zhing ye shes kyi rjes su 'brang ba'i rnam pa gsum dang/ 'das pa dang/ ma 'ongs pa dang/ de ltar byung ba la/ ma chags ma thogs pa'i ye shes kyi rnam gsum ste/ de ltar sangs rgyas kyi chos ma 'dres pa bco brgyad kyi rnam pa dag dang/ sangs rgyas thams cad kyis bshad pa'i de bzhin nyid dang/ chos thams cad la mnga' sgyur ba'i rang 'byung dang/ rnam pa thams cad mngon par rdzogs par byang chub pa'i sangs rgyas nyid kyi rnam pa gsum ste/ de ltar na sangs rgyas rnams kyi rnam pa thams cad mkhyen pa nyid kyi lam gyi rten can gyi rnam pa ni sum cu rtsa dgu'o/ /de la thams cad shes pa nyid kyi rnam pa ni nyan thos dang byang chub sems dpa' i bye brag gis go rim bzhin du zag pa med pa dang/ zag pa dang bcas pa dag kyang yin no/ /lam shes pa nyid kyi rnam pa ni byang chub sems dpa' rnams kyi nyon mongs pa shin tu ma spangs pa'i phyir zag pa dang bcas pa kho na yin no/ /rnam pa thams cad mkhyen pa nyid kyi lam gyi rnam pa ni yang dag par rdzogs pa'i sangs rgyas kyis nyon mongs pa dang shes bya'i sgrib pa'i bag chags dang bcas te rnam pa thams cad du spangs pas chos thams cad la mnga' sgyur ba'i phyir zag pa med pa kho na dag yin te/ rnam pa rnams gcig tu bsdoms na rnam pa brgya bdun
- 119b
? gsum yod do/ /sbyor ba khyad par can dag gis rnam pa rnams bsgom dgos na de dag kyang sbyor ba po med par brjod par mi nus pas mnyan pa la sogs pa'i smod? sbyor ba po/ sangs rgyas rnams la lhag par byas/ /de la dge ba'i rtsa ba bskrun/ /dge ba'i ye shes kyi mgon bcas pa/ /'di mnyam pa yi snod yin no/ /sangs rgyas bsten dang kun 'dri dang/ /sbyin dang tshul khrims sogs spyod pa/ /len dang 'dzin pa la sogs pa'o/ /snod du dam pa rnams bzhed do/ /zhes bya ba gsungs te/ 'das pa dang de ltar gyur ba'i sangs rgyas rnams la sbyir dge ba'i rtsa ba bskrun cing sbyangs pa dang/ de bzhin gshegs pa rnams la lus la sogs pa'i bsnyen bkur gyis mnyes par byas pa dang/ /the tshom gyi don yongs su 'dri ba dang/ sbyin pa la sogs pa'i pha rol tu phyin pa bcu sgrub pa dangldan pa/ dge ba'i bshes gnyen dag gis byin gyis brlabs pa rnams ni/ /go rim ji lta bar rnam par mtshan nyid can gyi yum 'di'i gzhung nyan pa dang/ 'dzin pa dang/ don mi brjed pa dang/ tshul bzhin yid la byed pa'i snod nyid yin par sangs rgyas la sogs pa bzhed do/ /de ltar sbyor ba po bstan nas sbyor ba/ gzugs la sogs la mi gnas phyir/ /de la sbyor ba bkag pa'i phyir/ /de yi de bzhin nyid zab phyir/ /de rnams gting dpag dka' ba'i phyir/ /de dag tshad ni med phyir dang/ /tshegs chen yun ring rtogs pa'i phyir/ /lung bstan phyir mi ldog nyid dang/ nges 'byung bar chad med bcas dang/ /byang chub nye dang myur ba dang/ /gzhan don 'phel med 'grib med phyir/ /chos dang chos min sogs mi mtong// gzugs sogs bsam mi khyab mi mthong/ /gzugs sogs de yi mtshan ma dang/ /de yi ngo bo rnam mi rtog 'bras bu rin chen sbyin byed dang/ de ni dag pa mtshams dang bcas/ zhes bya ba gsungs te/ gzugs la sogs pa la ngo bo nyid med pa nyid kyis
- 120a
mi gnas pa dang/ de dag la mi sbyor ba nyid sbyor ba yin ba dang/ gzugs la sogs pa de dag nyid de bzhin nyid kyi ngo bo nyid kyis zab pa dang/ bting dpag dka' ba dang/ tshad med pa zhes bya ba de ltar rtogs pa rnams kyi grangs bzhin du gzugs la sogs pa la mi gnas pa dang/ mi sbyor ba dang/ zab pa dang/ gting dpag dka' ba dang/ tshad med pa'i sbyor ba ste lnga dang/ shes rab kyi pha rol tu phyin pa la skrag pa dang/ mi skrag pa dang/ yang dag par 'dzin pa dang/ bar chad kyi chos spong ba dang/ ? chos sgom pa dang/ zag pa med pa'i chos gang gyi rten nyid dang/ 'bras bu chos kyi sku mngon par 'grub pa dang/ chos kyi 'khor lo rab tu bskor ba dang/ 'phel ba dang 'grib pa mi mthong ba dang/ 'dod pa'i khams su mi dmigs pa dang/ gzugs la sogs pa bsam gyis mi khyab pa'i rnam par rlom pa med pa dang/ gzugs dang de'i mtshan ma dang de'i ngo bo nyid du rnam par mi rtog pa dang/ 'bras bu dang ba mthong ba dang/ gzugs rnams par dag pa dang/ lo skor du mngon par brtson pa mi 'dor ba zhes bya ba la sogs pa'i sgrub pa dang ldan pa rnams kyi go rim bzhin du /tshegs chen pos yun ring bo zhig nas mngon par rdzogs par 'tshang rgya ba dang/ lung bstan par thob pa dang/ phyir mi ldog pa nyid dang/ nges par 'byung ba dang/ bar chad med pa dang/ yang dag par mngon par klogs? pa'i byang chub pa nye ba dang/ myur du mngon par rdzogs par byang chub pa dang/ gzhan gyi don dang/ 'phel ba dang/ 'grib pa med pa dang/ chos dang cho sma yin pa la sogs par mi dmigs pa dang/ gzugs la sogs pa bsam gis mi khyab pa'i rnam pa 'gog pa dang/ gzugs la sogs pa'i dngos por rnam par mi rtog pa dang/ 'bras bu rin po che sbyin pa dang/ rnam par dag pa dang/ sa mtshams la sbyor ba dang rnam pa bco lnga ste sbyor ba nyi shu yin no/ /yon tan mthong ba sngon du btang na sbyor ba
- 120b
rnam par shin tu goms par byed pas sbyor ba'i 'og tu de dag gi yon tan/ bdud kyi mthu bcom la sogs pa/ /yon tan rnam pa bcu bzhi'o/ /zhes bya ba gsungs te/ bdud kyi mthu bcom pa dang/ sangs rgyas kyis dgongs shing mkhyen pa nyid dang/ sangs rgyas kyis mngon sum du mdzad pa dang/ yang dag par rdzogs pa'i byang chub dang nye bar gyur ba dang/ don chen po nyid la sogs pa dang/ yul dpyad? pa dang/ zag pa med pa'i yon tan thams cad rdzogs ba dang/ smra ba'i skyes bu nyid dang/ mi byed pa nyid dang/ dge ba'i rtsa ba thun mong ma yin pa skye ba dang/ dam bcas pa'i don ji lta ba bzhin du sgrub pa dang/ 'bras bu rgya chen po yongs su 'dzin pa dang/ sems can gyi don sgrub pa dang/ nges par 'thob pa zhes bya ba'i yon tan rnams te/ grangs bzhin du sangs rgyas rnams kyis byin gyis brlabs pa dang/ dgongs pa dang ye shes kyis gzigs pa dang/ nye bar gyur pa dang/ phan yon chen po dang/ bya ba byed pa dang/ gnyen po'i chos yongs su rdzogs pa dang/ rnam pa thams cad mkhyen pa nyid kyi gtam brjod pa dang/ grogs mdzad pa dang/ dga' ba rgya chen po skyed pa dang/ de'i dam bcas pa'i tshig la rjes su yi rang ba dang/ chos zab mo mngon par 'dod pa dang/ sems can gyi don byed pa dang/ shes rab kyi pha rol tu phyin pa tshang? bar? rnyed pa zhes bya ba de dag phyin ci ma log pa'i sbyor ba la mngon par dga' ba la 'byung zhing 'thob pas yon tan bcu bzhi yin no/ /de'i 'og tu yang gang zhig yongs su spangs pas sbyor ba rnams bsgom bar bya ba sbyor ba'i bar chad byed pa'i skyon gang dag cig yin zhe na/ de dag gi par chad du 'gyur ba'i skyon/ skyon ni bcu tshan bzhir bcas pa/ /drug tu nges par rtogs par bya/ zhes bya ba gsungs te/ chogs chen pos 'thob pa dang/ spobs pa ha cang myur ba dang/ lus kyi gnas ngan len dang/ sems kyi
- 121a
gnas ngan len dang/ rigs pa ma yin pas bskyed pa'i kha ton byed pa la sogs pa dang/ phyir phyogs pa'i rgyu mtshan 'dzin pa nyid dang/ rgyu la mngon par zhen pa nyams pa dang/ gya nom pa'i ro myang ba nyams pa dang/ rnam pa thams cad du theg pa'i mchog kun du 'dzin pa nyams pa dang/ rtag tu ched du bya ba nyams pa zhes bya ba ni bcu tshan dang po'o/ /rgyu dang 'bras bu 'brel ba nyams pa dang/ gong na med pa nyams pa dang/ yul rnam pa mang po la rnam par rtog pa'i spobs pa 'byung ba dang/ yi ger 'dri ba la mngon par zhen pa dang/ dngos po med pa mngon par zhen pa dang/ yi ge la mngon par zhen pa dang/ yi ge med pa la mngon par zhen pa dang/ yul la sogs pa yid la byed pa dang/ rnyed pa dang bkur sti dang tshigs su bcad pa'i ro myang ba dang/ lam ma yin pas thabs la mkhas pa tshol ba zhes bya ba ni bcu tshan? gnyis pa'o/ /grangs bzhin du nyan pa po dang 'chad pa po dag snga ma dang phyi ma gang yang rung ba dang mngon par 'brel bas/ 'dun pa dang/ snyoms las kyis nyams pa dang/ 'dun pa'i yul tha dad pas nyams pa dang/ 'dod chen chud ba dang 'dod chen chung ba ma yin ba nyid kyis nyams pa dang/ sbyangs pa'i yon tan dang ldan pa dang mi ldan pa dag dang/ dge ba dang mi dge ba ma yin pa'i chos nyid dang/ gtong ba dang ser sna byed pa dang/ sbyin pa dang mi len pa dang/ mgo smos pas go ba dang/ rnam par spros pas go ba nyid dang/ mdo la sogs pa'i chos mngon par shes pa dang mngon par mi shes pa nyid dang/ pha rol tu phyin pa drug dang ldan pa dang/ mi ldan pa zhes bya ba ni bcu tshan gsum pa'o/ /de kho na bzhin du thabs dang thabs ma yin pa la mkhas pa dang/ gzungs thob pa dang ma thob pa dag dang/ yi ger 'dri 'dod pa dang
- 121b
yi ger? 'di mi 'dod pa dag dang/ 'dod pa'i 'dun pa dang bral ba dang ma bral ba nyid ces bya ba bzhi dang/ ngan song gi 'gro ba la phyir phyogs pa dang/ bde 'grod 'gro ba la yid bde ba ste gnyis dang/ 'chad pa po dang nyan pa po dag snga ma dang phyi ma gang yang rung ba 'brel pas grangs pa thin du gcig bu dang/ 'khor la mngon par dga' ba nyid dang/ go skabs mi 'byed pa nyid dang rjes su 'brel bar 'dod pa nyid dang/ zang zing cung zad tsam 'dod pa nyid dang/ de sbyin par mi 'dod pa nyid dang/ srog gi bar chad du 'gyur ba dang mi 'gyur ba'i phyogs su 'gro pa zhes bya ba bzhi ste/ bcu tshan bzhi pa'o/ /de bzhin du mu ge byung ba'i phyogs su 'gro ba dang mi 'gro ba dang/ tshom rku nang la sogs pas dkrugs ba'i phyogs su 'gro ba dang mi 'gro ba dang/ khyim lta bas yid mi bde ba zhes bya ba gsum dang/ bdud kyis 'byed pa'i spyod ba dang/ bces ma nye bar sgrub pa dang/ yul ji lta ba bzhin ma yin par dga' ba bskyed pa zhes bya ba gzhan gsum ste/ de ltar na skyon bzhi bcu rtsa drug yin no/ /go rim bzhin du yon tan dang skyon blang pa dang dor bas sbyor ba rnams bsgom par bya ba ni mtshan nyid shes pa sngon du 'gro ba can yin pas skyon gyi 'og tu de dag gi mtshan nyid gang gis mtshon de mtshan nyid du/ /shes bya de yang rnam pa gsum/ /shes pa khyad par byed pa ste/ /ngo bo nyid gang mtshon bya yang/ /zhes bya ba gsungs te/ byed bar sgrub bas 'dis sbyor ba rnams mtshon par byed pas na/ shes pa dang/ /khyad par dang/ byed pa dang/ las su bsgrub pas de rnams mtshon par? bya ba yin pas ngo bo nyid kyi mtshan nyid de/ mtshan nyid ni rnam pa bzhir shes par bya'o/ /de la shes pa'i mtshan nyid thams cad mkhyen pa gsum gyi dbye bas tha dad pa la/ re zhig thams cad shes pa nyid kyi sgo nas/ de bzhin gshegs pa 'byung ba dang
- 122a
'jig rten 'jigs med bdag nyid dang/ /sems can sems kyi spyod pa dang/ /de bsdus pa dang phyir ltas dang/ /mi zad pa'i rnam pa dang/ /chags bcas sogs dang rgya chen dang/ /chen por gyur dang tshad med dang/ /rnam shes bstan du med pa dang/ /sems ltar med dang shes pa de/ /g.yo ba la sogs zhes bya dang/ /de las gzhan yang de dag ni/ /de bzhin nyid kyi rnam par shes/ /thub pas de bzhin nyid rtogs de/ /gzhan la bstan pa zhes bya 'di/ /thams cad shes pa nyid skabs kyi/ /shes pa'i mtshan nyid bsdus pa yin/ /zhes bya ba gsungs te/ de bzhin gshegs pa 'byung ba dang/ 'jig rten 'jig pa med pa dang/ sems can kyi sems kyi spyod pa dang/ sems bsdus pa dang/ sems rnam par g.yengs pa dang/ sems mi zad pa'i rnam pa dang/ sems 'dod chags dang bcas pa la sogs pa dang/ sogs pa zhes bya ba'i sgras bsdus ba sems 'dod chags dang bral ba dang/ sems rgya chen po dang/ sems chen por gyur ba dang/ sems tshad med pa dang/ sems bstan du med pa dang/ sems bltar med pa dang/ sems g.yo ba la sogs pa dang/ g.yo ba la sogs pa de bzhin nyid kyi rnam pa can dang/ de bzhin gshegs pas de bzhin nyid rtogs pa de gzhan la bstan cing btags pa zhes bya ba 'di rnams kyi shes pa'i rnam pa'i bye brag bcu drug gi tshul bzhin du thams cad shes pa nyid kyi sbyor ba rnams ji lta ba bzhin mtshon pas na/ shes pa'i mtshan nyid thams cad shes pa nyid kyis sdus pa yin no/ /de'i 'og tu lam shes pa nyid kyi sgo nas/ stong nyid mtshan ma med bcas dang/ /smon pa rnam par spangs pa dang/ /skye med 'gag pa med sogs dang/ /chos nyid rnam par 'khrug med dang/ /'du mi byed dang
- 122b
rnam mi? ? /rab dbye mtshan nyid med nyid la/ /lam shes nyid kyi skabs kyis ni/ /shes pa'i mtshan nyid yin par bzhed ces bya ba gsungs te/ stong pa dang/ mtshan ma med pa dang/ smon pa med pa dang/ skye ba med pa dang/ 'gag pa med pa dang/ sogs pa'i? bya ba'i sgras bsdus pa/ kun nas nyon mongs pa med pa dang/ rnam par byang ba med pa dang/ dngos po med pa dang/ ngo bo nyid dang/ rten med pa dang/ nam mkha' i mtshan nyid de drug dang/ chos nyid rnam par 'khrug pa med pa dang/ 'du mi byed pa dang/ rnam par mi? rtog pa dang/ rab tu dbye ba dang/ mtshan nyid med pa zhes bya ba 'di rnams kyi shes pa'i rnam pI khyad par bcu drug gis ji lta ba bzhin du lam shes pa nyid kyi sbyor ba dag mtshon pas na shes pa'i mtshan nyid lam shes pa nyid kyis bsdus pa yin no/ /de'i 'og tu rnam pa thams cad mkhyen pa nyid kyi sgo nas/ de ni nyid kyi chos rten nas/ /gnas dang gus par bya ba dang/ /bla ma nyid dang mnyes pa dang/ /de la mchod dang byed med dang/ /kun du 'jug mkhyen gang yin dang/ /ma mthong stong par mdzad pa dang/ /'jig rten stong nyid rnam pa dang/ /brjod dang shes mdzad mngon sum mdzad/ /bsam mi khyab dang zhi nyid stong/ /'jig rten 'du shes 'gog pa la/ /rnam pa kun mkhyen tshul la ni/ /shes pa'i mtshan nyid ces bshad do/ /zhes bya ba gsungs te/ de bzhin gshegs pa de nyid kyi chos la mngon par brten nas gnas pa dang/ gus par bya ba dang/ bla mar bya ba dang/ mnyes par bya ba dang mchod pa dang byed pa med pa nyid dang/ thams cad du 'gro ba dang/ ma mthong ba'i don ston pa dang/ 'jig rten stong pa nyid kyi rnam pa dang/ 'jig rten stong pa nyid du brjod pa dang/ 'jig rten stong pa nyid du shes par mdzad pa dang/ 'jig rten stong pa nyid du mthong bar mdzad pa dang/ bsam gyis mi khyab pa nyid du ston pa dang/ zhi ba nyid du ston pa dang/ 'jig rten 'gog pa dang/ 'du shes 'gog pa zhes bya ba 'di rnams kyi shes pa'i
- 123a
rnam pa'i bye brag bcu drug gis ji lta ba bzhin du rnam pa thams cad mkhyen pa nyid kyi sbyor ba dag mtshon pas na/ shes ba'i mtshan nyid rnam pa thams cad mkhyen pa nyid kyis bsdus pa yin no/ /de ltar bar skabs gyi tshigs su bcad pa dgus shes ba'i mtshan nyid sbyi'i ngo bo nyid du brjod nas/ shes pa'i rnam pas yongs su bcad pa rnams kyi khyad par shes par bya ba yin pas shes pa'i mtshan nyid kyi 'og tu bar skabs kyi tshigs su bcad pas khyad par gyi mtshan nyid/ ? mi khyab sogs khyad par gyis/ /khyad zhugs bden pa'i spyod yul can/ /skad cig ma ni bcu drug gis/ /khyad par mtshan nyid bshad pa yin/ /zhes bya ba gsungs te/ bsam gyis mi khyab pa dang/ mi mnyam pa la sogs pa'i khyad par kyis khyad par du byas pa'i sdug bsngal la sogs pa'i bden ba'i yul can chos dang rjes su shes ba'i bzod pa dang shes pa'i mtshan nyid bcu drug gis lam shes pa nyid la sogs pa'i sbyor ba dag mtshon bas na khyad bar kyi mtshan nyid yin no/ /yang bsam gyis mi khyab pa la sogs pa'i khyad par gang yin zhe na/ bar skabs kyi tshigs su bcad pa gsum po/ /bsam mi khyab dang mi nyam dang/ /gzhal dang bgrang las yang dag 'das/ /'phags pa kun sdus mkhas pa yis/ /rig bya thun? mong min shes nyid/ /shes myur bri dang gang med dang/ /sgrub dang yang dag 'grub pa dang/ /dmigs ba rten dang bcas pa dang/ /mdza' dag pa dang yongs 'dzin dang/ /ro myang med dang khyad par ni/ /bcu drug bdag nyid shes bya ste/ gang gis lam ni gzhan dag las/ /khyad du 'phags pas khyad bar lam/ zhes bya ba gsungs te/ yang dag par rdzogs ba'i sangs rgyas la sogs pas legs par yongs su bzung ba'i shes rab kyi stobs kyis bsam gyis mi khyab pa nyid dang/ mi mnyam pa nyid dang/
- 123b
? pa las yang dag bar 'das pa dang/ bgrang ba las yang dag par 'das pa dang/ 'phags pa'i gang zag thams cad sdud pa dang/ skyes bu mkhas bas rig bar bya ba nyid dang/ nyan thos la sogs pa'i spyod yul ma yin pa'i dngos po yongs su shes pa ? rang gi lugs las ltos pa'i mngon par shes pa shin tu myur ba'i shes pa dang/ kun rdzob dang don dam pa'i bden pa la brten pa'i chos thams cad bri ba med pa dang/ gang ba med ba'i ngo bo dang/ 'khor gsum rnam mpr dag pas sbyin pa la sogs pa'i pha rol tu phyin pa drag tu rab tu bsgrub pa dang/ yang dag ba'i sbyor ba'i bskal ba du mar bsgrubs pa'i bsod nams dang ye shes yang dag par 'grub pa dang/ rnam par mi rtog par chos thams cad la dmigs pa dang/ chos kyi dbyings kyi ngo bo nyid byang chub sems dpa' i rten dang/ smon lam la sogs pa'i pha rol tu phyin pa yongs su tshogs pa dang/ dge ba'i bshes gnyen gyi thabs kyis yongs su bzung ba dang/ mngon par zhen pa'i ro myang ba med pa dang bcu drug gi bdag nyid ces bya ba'i? go rim bzhin du sdug bsngal la sogs pa'i bden pa'i skad cig ma rnams kyi khyad par yin te/ gang gis nyan thos la sogs pa'i lam rnams las byang chub sems dpa' la sogs pa'i lam shes pa nyid la sogs pa gnyis ni/ khyad par gyi lam yin par khyad zhugs so/ /de'i phyir de dag gi ni ji skad bshad ba'i khyad bar dang bral ba'i mngon par zhen pa la sogs pa skye ba'i mtshan nyid kyis go sla ba'i phyir ma bshad do/ /khyad bar gyi mtshan nyid kyis rnam par bcas pa rnams kyi byed pa gang yin zhe na/ bar skabs kyi tshigs su bcad pa gnyis kyis byed ba'i mtshan nyid/ phan dang bde dang skyob pa dang/ /mi rnams kyi ni skyabs dag dang/ /gnas dang dpung gnyen gling dang ni/ /yongs 'dren pa zhes bya ba dang/ /lhun gyis zung dang thag gsum
- 124a
gyi/ 'bras bu mngon sum mi byed pa dang/ /tha ma rten gyi mdzad pa ste/ 'di ni byed pa'i mtshan nyid yin/ /zhes bya ba gsungs te/ ma 'ongs pa'i phan pa dang/ tshe 'di'i bde ba dang/ sdug bsngal med pa'i rnam par smin pa ma yin pa'i chos nyid te bar bsgrub pa'i don gyis/ thams cad shes pa nyid kyi phan pa la sogs pa'i byed pa gsum mo/ /gtan du phan pa dang/ sdug bsngal gyi rgyu bzlog pa dang/ 'khor ba dang mya ngan las 'das pa mnyam pa nyid du rtogs pa dang/ rang dang gzhan don gyi rtogs pa'i rten gyi ngo bo dang/ gzhan gyi don sgrub pa dang/ sems can gyi don lhun gyis grub par 'jug pa dang/ theg pa gsum gyi nges par 'byung ba'i 'bras bu mngon sum du mi byed pa zhes bya ba 'di rnams dus ji lta ba bzhin du yang dag par nye par sgrub pa'i don gyis lam shes pa nyid kyi skyabs la sogs pa'i byed pa bdun no/ /rnam pa thams cad mkhyen pa nyid kyi chos thams cad ston pa nye bar bsgrub pa'i don gyis/ rnam pa thams cad mkhyen pa nyid la ni rten gyi mdzad pa gcig ste/ de ltar na byed bo'i rnam pa dag gis ji lta ba bzhin du/ thams cad mkhyen pa nyid gsum gyi sbyor ba dag mtshon pas na byed pa'i mtshan nyid yin no/ /byed pa'i mtshan nyid kyis shes par byas pa rnams kyi ngo bo nyid gang yin zhe na/ bar skabs kyi tshigs su bcad pa gsum gyi ngo bo nyid kyi mtshan nyid/ nyon mongs rtags dang mtshan ma dang/ /mi mthun phyogs dang gnyen po dang/ /dben dang dka' dang ngos pa dang/ /ched du bya dang mi dmigs dang/ /mngon par zhen pa bkag pa dang/ /dmigs pa zhes bya gang yin dang/ /mi mthun thogs pa med dang de/ /gzhi med 'gro med skye med dang/ /de bzhin nyid ni mi dmigs dang/ /ngo bo nyid bcu drug bdag nyid/ /mtshon bya lta bur mtshon pas na/ /mtshan nyid bzhi par bzhed pa yin/ zhes bya ba gsungs
- 124b
? 'dod chags la sogs pa'i nyon mongs pa dang/ de'i rtags lus kyi gnas ngan len dang/ de'i mtshan ma tshul bzhin ma yin pa yid la byed pa la sogs pa dang/ 'dod chags dang 'dod chags med pa la sogs pa mi mthun pa'i phyogs dang gnyen po dang/? stong pa nyid kyis thams cad shes pa nyid kyi dben pa'i ngo bo nyid bzhi'o/ /don dam par med pa'i sems can mya ngan las 'das bar dka' ba dang/ theg pa gzhan du mi ltung ba'i mtshan nyid kyi mdza' gcig tu nges pa dang/ yun ring po nas bsgrub par bya ba mchog nyid kyi ched du bya ba dang/ bsgom par bya ba dang bsgom pa po'i chos mi dmigs pa dang/ dngos por mngon par zhen pa mdza' dag bkag pa zhes bya ba de lta bu dag ni lam shes pa nyid kyi ngo bo nyid lnga'o/ /thams cad shes pa nyid dang lam shes pa nyid kyis bsdus pa'i dngos po'i khyad par la dmigs pa dang / 'jig rten gyi sgrub pa'i 'dzin pa la sogs pa las bzlog ste bstan pas mi mthun pa dang/ gzugs la sogs pa thogs pa med par shes rab dang/ shes bya dang shes pa mi dmigs pas gzhi med pa dang/ de bzhin nyid kyis 'gro ba med pa dang/ gzugs la sogs pa ngo bo nyid med pas skye ba med pa dang/ dngos po dang dngos po med pa la sogs pa gsum gyi ngo bo de bzhin nyid mi dmigs pa zhes bya ba de lta bu dag ni rnam pa thams cad mkhyen pa nyid kyi ngo bo nyid bdun no/ /de ltar na ngo bo nyid bcu drug gis ji lta ba bzhin du thams cad mkhyen pa nyid gsum gyi sbyor ba dag mtshan nyid dang ldan pa bzhin du mtshon pas de ltar na bzhi pa ngo bo nyid kyi mtshan nyid du bzhed do/ /de ltar na spyir gcig tu bsdoms na ni mtshan nyid dgu bcu rtsa gcig tu 'gyur ro/ /thar pa'i cha dang mthun pa'i dge ba'i rtsa ba dang ldan pa kho na la ji skad bshad pa'i sbyor ba yongs su shes pa 'byung bas/ thar ba'i cha dang
- 125a
mthun pa/ mtshan med rab tu sbyin la sogs/ /yang dag sgrub la mkhas pa ni/ /rnam pa thams cad rtogs 'di la/ /thar pa'i cha dang mthun par 'dod/ ces bya ba gsungs te/ mtshan ma med par dmigs pa'i shes pa'i rnam pas/ sbyin pa la sogs pa'i pha rol tu phyin pa nas rnam pa thams cad mkhyen pa nyid la thug pa rnams rang gi rgyud la bskyed par mkhas pa ni/ rnam pa thams cad mngon par rdzogs par rtogs pa 'di la thar pa'i cha dang mthun pa yin par 'dod do/ /mkhas pa de gang yin zhe na/ de bstan pa'i phyir bar skabs kyi tshigs su bcad pa/ sangs rgyas sogs dmigs dad pa dang/ /sbyin sogs spyod yul brtson 'grus dang/ /bsam pa phun tshogs dran pa dang/ /rnam par mi rtog ting 'dzin dang/ /chos rnams rnam pa thams cad du/ shes pa'i shes rab dang rnam lnga/ /rdzogs pa'i byang chub rnon po yis/ /rtogs sla rtul pos rtogs dkar bzhed/ /ces bya ba gsungs te/ dad pa dang/ brtson 'grus dang/ dran pa dang/ ting nge 'dzin dang/ shes rab khyad par can/ dbang po'i ngo bo nyid ma yin ba grangs bzhin du/ sangs rgyas dang/ sbyin pa dang/ bsam pa phun sum tshogs pa dang/ rnam par mi rtogs pa dang/ chos thams cad kyi rnam pa thams cad yongs su shes ba la sogs pa'i yul rnam pa lnga la mkhas pa yin no/ /de lta mod kyi thams cad kyis bla na med pa'i byang chub 'thob pa ma yin te/ 'di ltar dad pa la sogs pa chen po rnon pos ni bla na med pa yang dag par rdzogs pa'i byang chub rtogs pa bsla la/ de dag nyid rtul pos ni rtogs par dka' o zhes bya ba 'di ni chos nyid yin pas shugs kyis na 'brid po rnams kyis ni rang sangs rgyas kyi byang chub rtogs la/ chung du rnams kyis ni nyan thos kyi byang chub rtogs so zhes bya ba 'di 'phangs
- 125b
pa yin no/ /thar pa'i cha dang mthun pa skyes pa'i spro ba can la nges par 'byed pa'i cha dang mthun pa 'byung bas/ dro ba rnams kyi dmigs pa 'dir/ /sems can thams cad yin par bsngags/ /de dag nyid la sems mnyam sogs/ /rnam pa dag ni bcur bshad do// bdag nyid sdig pa las ldog cing/ sbyin la sogs la gnas pas gzhan/ /de dag la ni 'god pa dang/ /bsngags pa brjod dang mthun pa nyid/ /rtser gyur de bzhin bzod pa ni/ /rang gzhan rten can bden shes pa/ /chos mchog de bzhin sems can rnams/ smin byed sogs kyis shes par bya/ zhes bya ba gsungs te/ rnam pa thams cad mngon par rdzogs par rtogs pa 'di la mnyam pa dang/ byams pa dang/ phan pa dang/ khong khro ba med pa dang/ rnam par 'tsho ba med pa'i sems kyi rnam pa lnga dang/ pha dang ma'i sems dang/ spun dang sring mo'i sems dang/ bu dang bu mo'i sems dang/ bshes dang grogS kyi sems dang/ gnyen dang snag gi gnyen mtshams kyi sems kyi rnam pa gzhan lngas/ sems can la dmigs pa ni dro bar gyur ba yin par bzhed do/ /mdor na mi dge ba dang dge ba la grangs bzhin du spong ba dang len pa'i sgo nas ldog pa dang zhugs pa'i bdag nyid can/ de'i sgo nas gzhan rnams sdig pa las ldog pa dang/ dge ba la gnas pa dag la sbyor ba'i rnam pa gnyis dang/ gzhan dag nyid de bzhin nyid du zhugs pa la bsngags pa brjod pa dang mthun par byed pa rnam pa gnyis po chos kyi rab tu dbye bas ni rnam pa mdza' yas pa zhes bya ba de rnams kyis sems can la dmigs pa ni rtse mor gyur pa yin no/ /rtse mor gyur pa la rang dang gzhan gyi rten gyi dbye bas dmigs pa dang rnam pa dag ji lta ba de bzhin du sbyong ba dang bsngags pa brjod pa dang mthun pa nyid kyi rnam pa rnams kyis rang dang gzhan gyi rten gyi sdug bsngal la sogs pa'i bden pa la dmigs pa ni bzod pa yin no/ /snga ma bzhin du rang dang
- 126a
gzhan gyi rten can kho na smin par byed pa dang grol bar byed pa la sogs pa'i rnam pa dag gis sems can la dmigs pa ni chos kyi mchog yin te/ de ltar na nges par 'byed pa'i cha dang mthun pa yin no/ /rnam pa dang lam dang gzhi thams cad rnam par bsgom pa'i dbye bas go rim bzhin du rnam pa thams cad mkhyen pa nyid la sogs pa mngon par rtogs pa rnam pa gsum la 'jig rten pa'i nges par 'byed pa'i cha dang mthun pa rtogs pa sngon du 'gro bas 'jig rten las 'das pa'i mthong ba dang bsgom pa'i lam rtogs pa yin la rnam pa kun mngon par rdzogs par rtogs pa la sogs pa gsum la ni bsgom pa gong nas gong gi gnas skabs kyi khyad par gyis/ rnam pa thams cad du khyad par gyi lam gyis bsdus pa'i ye shes zag pa med pa chung ngu dang 'bring dang chen po rim gyis skye ba yin pas cig car skye ba dgag par bya ba'i phyir nges par 'byed pa'i cha la sogs pa'i tha snyad du gsungs par yin par shes par bya'o/ /phyir mi ldog pa'i byang chub sems dpa' i dge 'dun la ji skad bshad pa'i nges par 'byed pa'i cha dang mthun pa 'byung bas phyir mi ldog pa'i byang chub sems dpa' i dge 'dun gyi mtshan nyid/ des 'byed yan lag nas bzang ste/ /mthong dang goms pa'i lam dag la/ /byang chub sems dpa' gang dag gnas/ /de 'dir phyir mi ldog pa'i tshogs/ zhes bya ba gsungs te/ dpa' bo gang dag nges par 'byed pa'i cha dang mthun pa bzhi dang/ mthong ba'i lam dang bsgom pa'i lam 'chad par 'gyur ba la/ de dang de rtogs pa'i tshul gyis gnas pa de dag ni/ byang chub sems dpa' slob pa phyir mi ldog pa'i dge 'dun yin no// //bam po bzhi pa de rnams kyi mtshan nyid ma 'dres pa gang yin zhe na/ re zhig bar skabs kyi tshigs su bcad pa gcig gis nges par 'byed pa'i cha dang
- 126b
mthun? par? gnas pa rnams kyi gzugs la sogs las ldog sogs rtags/ /rnam pa nyi shur brjod pa yis/ /nges 'byed yan lag la gnas pa yi/ /phyir mi ldog pa'i mtshan nyid 'di/ zhes bya ba gsungs te/ gzugs la sogs pa las ? dang/ the tshom med pa la sogs pa'i rnam pa/ rnam pa nyi shus nges par 'byed pa'i cha dang mthun pa la gnas pa rnams kyi phyir mi ldog pa'i mtshan nyid shes par bya ba yin no/ /yang ldog pa la sogs pa'i mtshan nyid de dag gang yin zhe na/ de dag bstan pa'i phyir bar? skabs kyi tshigs su bcad pa drug po/ /gzugs la sogs las ldog pa dang/ /the tshom med la zad pa dang/ /bdag nyid dge ba la gnas shing/ /gzhan dag de la 'god pa dang/ /gzhan gyi rten can sbyin sogs dang/ /zab mo'i don la ngad? sem nyi med/ /byams lus sogs dang sgrib pa ni/ /rnam pa lnga dang mi 'grogs dang/ /bag la nyal kun 'joms pa dang/ /dran pa dang ni shes bzhin dang/ /gos la sogs pa gtsang ba dang/ /lus la srin bu rnams mi 'byung/ /gya gyu med sems sbyangs pa mi// len dang ser sna med sogs dang/ /chos nyid ldan par 'gro nyid dang/ sems can don du dmyal tshol dang/ /gzhan gyis bkri par mi btub dang/ /lam gzhan nye bar ston bdud la/ /bdud ces bya bar rtogs pa dang/ /sangs rgyas dgyes pa'i spyod pa ste/ rtags ni nyi shu de dag gis/ /drod dang rtse mo bzod bcas dang/ /chos mchog rnams la gnas pa ni/ /rdzogs ba'i byang chub las mi ldog /ces bya ba gsungs te/ ngo bo nyid med pa nyid kyis gzugs la sogs pa'i chos las ldog pa dang/ shes nas dad pa ? the tshom zad ba dang/ smon lam log par grub pas log par lta ba dang/ dmyal ba dang/ yi dags dang/ dud 'gror skye ba dang/ sangs rgyas kyi bka' mi thos ba dang/ yul mdza' 'khob du skye ba dang/ dbang po ma tshang ba dang/ glen pa dang/
- 127a
lkug pa'i dngos po dang/ lha tshe ring por skye ba zhes bya ba mi kho ma la brgyad zad pa dang/ snying rjes bdag dang gzhan dge ba'i chos la sbyor ba dang/ bdag dang gzhan du rje ba nyid kyis sems can gzhan gyi yul la yongs su bsngos? pa'i sbyin pa la sogs pa dang/ chos mang dag par rtogs pas zab mo'i don la yang som nyi mi byed pa dang/ gzhan la phan pa nyid du zhugs pas byams pa'i lus dang dag dang yid kyi las dang/ sbyor ba phun sum tshogs pas sgrib pa ldang? 'dod pa la 'dun pa dang/ gnod sems dang/ gnyid dang/ rmugs pa dang/ rgod pa dang/ 'gyod pa dang/ the tshom dag dang mi 'grogs pa dang/ gnyen po rnam par bsgoms pa nyid kyis ma rig pa la sogs pa'i bag la ta? la thams cad ? pa dang/ rtag tu mnyam par bzhag pa nyid kyis dran pa dang shes bzhin dang ldan pa dang/ gtsang sbra kun du spyod pa nyid kyis gos la sogs pa yongs su spyod pa gtsang ba zhes bya ba rnam pa bcu gcig dang/ dge ba'i rtsa ba 'jig rten las mngon par 'phags pa nyid kyis lus la srin bu'i rigs brgyad khri mi 'byung ba dang/ dge ba'i rtsa ba rnam par dag pas sems gya gyu med pa dang/ rnyed pa dang bkur sti la sogs pa la mi lta ba nyid kyis phyag dar khrod pa nyid la sogs pa sbyangs pa'i yon tan yang dag par len pa dang/ sbyin pa la sogs pa'i khyad par sgrub pas de dag dang/ 'gal ba ser sna dang 'chal ba'i tshul khrims la sogs pa med pa dang/ chos thams cad yang dag par sdud pa nyid kyi chos nyid dang mi 'gal bar shes rab kyi pha rol tu phyin pa dang ldan par 'gro ba dang/ 'gro ba bdag nyid kyir byas pa nyid kyis gzhan gyi don du dmyal ba 'dod pa zhes bya ba rnam pa dug dang/ rtogs pa la yid ches pa'i chos nyid kyis gzhan gyis dkrir mi btub pa dang/
- 127b
sangs rgyas nyid kyi thabs shes pa la mkhas pa nyid kyis lam ltar bcos pa nye bar ston pa'i bdud la bdud nyid du rtogs pa zhes bya ba rnam pa gnyis dang/ 'khor gsum rnam par dag pas spyod pa thams cad la sangs rgyas dgyes pa zhes bya ba rnam pa gcig gis go rim bzhin du dro ba dang/ rtse mo dang/ bzod pa dang/ chos kyi mchog rnams la gnas pa'i byang chub sems dpa' bla na med pa'i byang chub las phyir mi ldog pa yin par rtags nyi shu po 'di dag gis shes par bya'o/ /nges par 'byed pa'i cha dang mthun pa'i phyir mi ldog pa'i mtshan nyid kyi 'og tu/ mthong ba'i lam gyi phyir mi ldog pa'i mtshan nyid bar skabs kyi tshigs su bcad pa gcig gis gsungs pa/ mthong ba'i lam la bzod pa dang/ /shes ba'i skad cig bcu drug ni/ /byang chub sems dpa' mi ldog pa'i/ /mtshan nyid yin par shes par bya/ zhes bya ba gsungs te/ sdug bsngal la sogs pa'i bden pa'i sgro nas/ chos dang rjes su shes pa'i bzod pa dang/ shes pa'i skad cig ma bcu drug ni/ byang chub sems dpa' mthong ba'i lam la gnas pa rnams kyi phyir mi ldog pa'i mtshan nyid yin no/ /skad gcig ma'i rnam pa ci 'dra ba zhig mtshan nyid yin zhe na/ rnam pa rnams par skabs kyi tshigs su bcad pa lngas gsungs pa ni/ gzugs sogs 'du shes ldog pa dang/ / sems rtan? theg pa dman dag las/ /rnam log bsam gtan la sogs pa'i/ /yan lag yongs su zad pa dang/ /lus sems yang ba nyid dang ni/ /'dod la spyod la thabs mkhas dang/ /rtag tu tshangs par skyod nyid dang/ /'tsho ba rnam par dag nyid dang phung sogs bar chad byed rnams dang/ /tshogs dang dbang sogs bcas pa yi/ /g.yul 'gyed ser sna la sogs la/ /sbyor dang rjes su sbyor ba yi/ /gnas pa so sor bkag pa dang/ /chos ni rdul? tsan mi dmigs nyid/ /rang gis la nges pa nyid
- 128a
sa gsum la ni gnas pa dang/ /chos kyi don du srog gtong ba/ /de 'dra'i skad cig bcu drug ni/ /blo ldan mthong ba'i lam gnas gyi/ /phyir mi ldog pa'i rtags dag yin/ zhes bya ba yin te/ rang gi mtshan nyid stong pa nyid kyis gzugs la sogs pa'i chos su rtog pa las ldog pa dang/ sangs rgyas la sogs pas byin gyis brlabs pas bla na med pa'i byang chub kyi sems brtan pa nyid dang/ theg pa chen po'i chos khyad par can bsgrubs pas/ nyan thos dang rang sangs rgyas kyi theg pa las sems rnam par log pa dang/ chos rab tu rnam par 'byed pa'i mthus bsam gtan dang/ gzugs med pa'i snyoms par 'jug pa la sogs par skye ba'i yan lag yang dag par yongs su zad pa zhes bya ba bzhi ni sdug bsngal gyi rnam pa yin no// mi dge ba dang bral ba nyid kyis lus dang sems yang pa dang/ sems can gdul ba'i thabs la mkhas pa'i mthus mngon par zhen pa med par 'dod pa nye bar spyod pa dang/ yul gyi nyes dmigs mthong bas rtag tu tshangs par spyod pa nyid dang/ skyes bu dam pa'i chos nyid kyis 'tsho ba'i ye byad yang dag par rnam par dag pa nyid ces bya ba bzhi ni kun 'byung ba'i rnam pa yin no/ /stong pa nyid la gnas pa nyid kyis phung po dang skye mched dang khams rnams la sbyor ba dang rjes su sbyod ba dag tu mi bya'o zhes/ de ltar sbyor ba dang rjes su sbyor ba'i gnas pa so sor bkag pa dang/ mi mthun pa'i phyogs bsal ba nyid kyis rtogs pa'i bar chad byed pa'i chos rnams la snga ma bzhin du sbyor ba dang rjes su sbyor ba'i gnas pa so sor bkag pa dang/ rnam par rtog pa'i skyon yongs su shes pa nyid kyis byang chub kyi tshogs sbyin pa la sogs pa la snga ma bzhin du sbyor ba dang rjes su sbyor ba'i gtam la gnas pa so sor bkag pa dang/ gzung ba dang 'dzin pa dag spang bar bya ba nyid
- 128b
kyis dbang po dang rten grong khyer la sogs pa'i g.yul 'gying pa la snga ma bzhin du sbyor ba dang rjes su sbyor ba'i gnas pa rjes su bkag pa zhes bya ba bzhi ni 'gog pa'i rnam pa yin no/ /sbyin pa la sogs pa'i khyad par rtogs pas ser sna dang 'chal ba'i tshul khrims la sogs pa la sbyor ba lang? rjes su sbyor ba'i gnas pa so sor bkag ba dang/ chos thams cad rnam par thar pa'i sgo gsum gyi ngo bo nyid yin pas rtogs pa'i chos rdul tsam yang mi dmigs pa dang/ mngon par yid ches pa thob pas thams cad mkhyen pa nyid gsum gyi bdag nyid kyi rang gi sa gsum la ji lta ba bzhin du nges pa nyid kyis gnas pa dang/ gcig tu gzhol ba nyid kyis rnam pa thams cad mkhyen pa nyid la sogs pa'i chos kyi don du srog gtong pa zhes bya ba bzhi ni lam? gyi rnam pa yin te/ de ltar na bzod pa dang shes pa'i skad cig ma rnam pa bcu drug gis bsdus pa 'di rnams yang dag par thob pa na/ dag pa 'jig rten pa bzung ba dang 'dzin par mngon par ma zhen pa'i rnam pa can rjes kyi sems kyis bsdus bas rang dang mthun pa'i 'bras bu gzugs la sogs pa'i 'du shes bzlog pa la sogs bskyed pa'i phyir/ byang chub sems dpa' mthong ba'i lam la gnas pa'i phyir mi ldog pa'i mtshan nyid dag yin no/ /rnal 'byor pa rnams kyi tha snyad ni sems can gdul ba'i dgos pa'i dbang ma gtogs par thams cad du rtogs pa dang mthun pa kho na yin no zhes shes par bya ba'i phyir nye bar btags nas bshad de/ de lta ma yin na rnal 'byor pa'i rgyud la so sor rang gis rig pa'i skad cig ma rnams ji ltar gzhan yid ches par byed pa'i mtshan nyid dag yin/ de'i 'og tu bsgom pa'i lam la gnas pa'i phyir mi ldog pa'i mtshan nyid yin pa las lugs las khyad par ma bzung bar khyad par can gyi blo mi skye'o zhes 'byung ba'i phyir re zhig bsgom ba'i
- 129a
lam gyi khyad par bsgom pa'i lam ni zab pa ste/ /zab mo stong pa nyid la sogs/ /zab pa de ni sgro 'dogs dang/ /skur pa'i mdza' las grol ba nyid/ ces bya ba gsungs te/ stong pa nyid la sogs pa la yang gzugs med la/ /stong pa nyid la sogs pa gzugs las gzhan pa yang ma yin pas go rim bzhin du stong pa nyid la sogs pa la sgro 'dogs pa dang skur pa'i mdza' las grol ba nyid gang yin pa de ni zab mo ste/ stong pa nyid la sogs pa yin la/ zab mo nyid dang ldan pa'i phyir bsgom pa'i lam zab pa yin no/ /de ltar khyad par bstan nas khyad par gyi gzhi/ nges 'byed yan lag dang mthong ba'i/ /lam dang sgom pa'i lam nyid la/ /yang dang yang du sems pa dang/ /'jal dang nges rtog bsgom pa'i lam/ zhes bya ba gsungs te/ thos pa dang bsam pa dang bsgom pa las byung ba'i shes rab dag gam/ ting nge 'dzin gyi sbyor ba dang dngos dang rjes las byung ba'i shes rab kyis/ go rim bzhin du nges par 'byed pa'i yan lag la sogs pa gsum la nges par mthong ba'i don yang dang yang du sems pa dang/ 'jal ba dang nges par rtog pa dag ni bsgom pa'i lam rgyun chags pa yin no/ /de rnam pa du zhig ce na/ de ni rgyun chags yin pa'i phyir ro/ /chung dang 'bring dang chen po rnams// chung du'i chung sogs dbye ba yis/ /rnam pas rnam pa dgur bzhed do/ /zhes bya ba gsungs te/ byang chub sems dpa' rnams kyi nyon mongs pa ni rnam par rtog pa'o zhes 'byung ba'i phyir/ mun pa shin du chen po ni snang ba chung ngus me sal?/ chung du ni chen pos sel to zhes bya ba'i dbes rnam par rtog pa chen po dang 'bring dang chung du rnams re re zhing/ chen po dang 'bring dang chung ngu'i bye brag gis tha dad pa'i phyir/ de dag gi gnyen po chung ngu dang 'bring dang chen po rnams kyang re re zhing chung du
- 129b
dang 'bring dang chen po'i phye brag gis tha dad pa'i phyir de ltar na don dam par stong pa nyid kyi mtshan nyid gyi rnam pa'i sgo nas rnam par rtog pa'i gnyen po'i dbye ba las grangs bzhin du/ /'dod pa'i khams la sogs pa sa dgu dag tu rnam pa dgu rgyun chags su 'byung ba'i phyir/ sgom pa'i lam yin no/ /rgyal ba'i yum de dang de las rnam par re re'i dbang du mdzad de/ bsod nams grangs med pa dang gzhal du med pa dang/ tshad med pa skye bar gsungs pa'i phyir bye bag rnam pa mang ba ma yin nam/ ji ltar rnam pa dgu zhes bya zhe na/ grangs med la sogs bstan pa rnams/ /dam pa'i don du bzod ma yin/ /kun rdzob tu ni thugs brtse ba'i/ /rgyu mthun de dag thub pa bzhed/ zhes bya ba gsungs te/ grangs med pa dang/ /gzhal du med pa dang/ tshad med pa bstan pa'i tshig tu brjod pa'i ngo bo rnams kyis ni/ don dam par na bsgom pa'i lam ji skad bshad pa'i mtshan nyid can don gcig tu rab tu sbyar pa la ldog pa la ltos nas nye bar bskyed pa'i tha dad pa nyid kyi ngo bor dbye bar bya ba bzod pa ma yin no/ /kun rdzob tu ni bshad pa'i chos kyi ngo bo nyid ji skad bshad cing bstan pa de dag byis pa'i skye bo rnams la 'bras bu chen po skye ba rab tu ston pa nyid kyis dmigs pa med pa'i thugs rje chen po'i rang bzhin gyi chos kyi dbyangs gyi? rgyu mthun par gyur pa yin par de bzhin gshegs pa bzhed pas mang po nyid du thal par mi 'gyur ro/ /stod pa nyid kyi mtshan nyid kyis goms pa phul du byung ba byang med pa ma yin nam/ de'i phyir cung zad kyang mi byed la kho na'o snyam pa'i skye bo blo dman pa'i ngo bor dogs pa bsu bar/ dngos po brjod du med pa la/ /nyams pa dang ni 'phel mi rung/ /sgom zhes bya ba'i lam gyis ni/ /ci zhig nyams shid ci zhig 'thob/ ces bya ba gsungs te/ chos nyid kyi rang gi ngo bor 'dod pa'i lam gyi dngos po/ ngo bo nyid med pa nyid kyis yang dag par na de
- 130a
nyid dang/ gzhan nyid dang gnyis ka dang gnyis ka ma yin pa nyid du brjod du med pa la sgom pa phul du phyin pa byang med pa'i phyir/ mi mthun pa'i phyogs dang gnyen po dag go rim bzhin du 'bral ba dang skye bar mi rung ngo/ /de bas na sgom ba zhes bya ba'i lam gyis mi mthun pa'i phyogs kyi ngo bo ni ci zhig por rnam par byang ba ni ci zhig 'thob ste/ cung zad kyang mi byed bas? nye? bar? dgod par mi bya ba kho na'o zhe na/ de lta ma yin te/ 'di ltar/ byang chub ji lta de bzhin du/ /'di ni 'dod pa'i don sgrub byed/ /byang chub de bzhin nyid mtshan nyid/ de yang de yi mtshan nyid bzhed/ ces bya pa gsungs te/ ji ltar khyad par du byar med pa'i de bzhin nyid kyi byang chub spros pa med pa'i ye shes kyi bdag nyid kyi sku la sogs pa'i rang bzhin gyi sangs rgyas kyi bdag po tsam kyis/ gdul bya'i skye po rnams kyi bsod nams dang ye shes kyi rjes su mthun par don khyad par can snang ba'i sems bskyed pa'i sgo nas mngon par 'dod pa'i don byed pa de bzhin du/ bsgoms pas glu bur gyi dri ma dang bral ba'i sgo nas mngon sum du byas pa'i lam de bzhin nyid kyi mtshan nyid 'di yang kun rdzob tu mngon par 'dod pa'i don gyi bya ba byed do/ /don dam par ni nyams pa dang 'phel ba dgag pa'i tshul du bzhed pas de'i? tshe spyod ba med pa nyid sbyor ba yin pa'i phyir nyes pa med do/ /de lta yin yang kun rdzob tu yang don byed par mi rung ngo snyam pa'i dogs pa bsu bar/ sems ni snga mas byang chub par/ /rigs min phyi mas kyang ma yin/ zhes bya ba gsungs te/ snga phyir gyur pa'i sems re re la sangs rgyas kyi byang chub bsgrub par byed pa'i rnam pa thams cad mkhyen pa nyid la sogs pa'i don mdza' dag mi snang ba'i phyir/ /re res byang chub par ni rigs pa ma yin no/ /'dod pa'i don sgrub par byed pa snang ba'i sems cig nang byung pa mang po nyid kyis kyang ma yin te/ sems can rnams ni rnam
- 130b
par shes pa'i rgyud re re ba'o zhes 'byung bas mi srid pa'i phyir ro/ /bla na med pa'i sangs rgyas kyi byang chub sgrub par byed pa dran ba nye bar gzhag ba la sogs pa sangs rgyas kyi chos ma 'dres pa bco brgyad kyi bar rtogs par 'gyur ba'i rang gi ngo bo rim gyis 'byung ba sems byung ba snga phyir gyur pa mang po nyid kyis kyang ma yin te/ de byung ma thag tu rjes su 'go ba med pa nyid du 'jig pas na phan tshun 'brel ba med pa'i phyir ro/ /de bas na ji ltar don khyad par can snang ba'i sems bskyed pa'i sgo nas don byed ce na/ /de ni yang dag pa ma yin pas/ mar me'i dpe yi tshul gyis ni/ /zab mo'i chos nyid rnam pa brgyad/ ces bya ba gsungs te/ ji ltar me lce dang snying po phrad pa'i skad cig ma dang po la/ rang gi rgyus phan tshun gyi sgo nas dus mnyam pa phrad pa skyed pas khyad par can du ma byas pa'i phyir/ skad cig ma gnyis pa med pa rgyu dang 'bras bu'i mtshan nyid sreg par byed pa dang/ bsreg par bya ba med la/ de bzhin du me lce dang snying po khyad par can skye ba skad cig ma gnyis pa la yang/ rtag? tu yod pa la sogs par thal bar 'gyur bas skad cig ma dang bo med par/ kun rdzob tu yang 'byung ba med pa'i phyir/ rgyu dang 'bras bu'i mtshan nyid sreg par byed pa dang/ bsreg par bya ba med do/ /gang gi phyir de lta yin pa de'i phyir gang gi tshe rkyen nyid 'di pa tsam gyi bdag nyid kyi rten cing 'brel bar 'byung ba'i chos nyid kyis ma brtags gcig pur nyams dga' ba nyid du rgyu dang 'bras bu 'brel pa'i stobs kyis gnyis ka phrad? pa'i khyad par can gyi skad cig dang po la bltos nas/ des byas ba mthu? phul du phyin pa dang ldan? pa'i khyad par can skad cig ma gnyis pa la sogs pa yod na/ de'i tshe rgyu med par zhig kyang rgyu dang 'bras bu dag rim bzhin du dus mnyam du skye ba dang 'jig par dmigs pas/ sreg par byed pa dang bsreg par bya ba yod do/ /de bas na skad cig ma dang pos kyang me lce'i? skad cig ma gnyis?
- 131a
bal ma bltos par snying po ma bsregs la skad cig ma gnyis pas kyang me lce'i skad cig ma dang po la bltos par snying po ma bsregs pa zhes bya ba mar me'i dpe'i tshul skad cig ma snga phyir gyur pa gnyis yul cig la nye bar sbyor ba shes par byed pa lhur len pas/ /skad cig ma snga ma bzhin du byang chub sgrub par byed pa dngos po tshad yod pa zhig snang ba'i rnam par shes ba snga ma la brten nas/ de la snang ba'i don gyis dben pa lhag par khyad par du 'phags pa'i don snang ba'i rnam par shes pa phyi ma skye bas byang chub 'thob par rigs so/ /ji skad smas pa'i dpe kho nas zab mo'i chos nyid rnam pa brgyad kyang khong du chud par bya ba yin pas/ bsgom pa'i lam la gnas pa'i byang chub sems dpa' phyir mi ldog pa rnams kyi mtshan 'di brjod pa'i phyir/ zab mo rnam pa brgyad yul gang la yin zhe na/ skye ba dang ni 'gag pa dang/ /de bzhin nyid dang shes bya dang/ /shes dang spyod dang gnyis med dang/ /thabs mkhas pa la zab pa nyid/ ces bya ba gsungs te/ skad cig snga ma dang phyi ma dag gis kyang ma yin ngo bo nyid mde pas kyang ma yin la sgom bas rtogs par bya ba'i don khyad par du 'gags pa bskyed do zhes bya ba rten cing 'brel bar 'byung pa dang/ dngos po thams cad byun ba nyid nas rang bzhin gyis ngo bo nyid med la kun rdzob tu yang 'gag go zhes bya ba 'gag pa dang/ gnas skabs thams cad du de bzhin nyid goms kyang de mngon du mi byed ces bya ba de bzhin nyid dang/ de bzhin nyid kyi rang bzhin gyi chos thams cad la sbyin pa la sogs pa rnam pa du ma rjes su sgrub pa zhes bya ba shes bya dang/ de bzhin nyid kyi ngo bo nyid kyis mthong ba med pa nyid mthong ba yin no/ zhes bya ba shes pa dang/ chos nyid kyis thams cad la spyod pa med pa nyid spyod pa'o zhes bya ba spyod pa dang gnyis su med pa'i ngo bo nyid du thams cad sgrub po zhes bya
- 131b
ba gnyis su med pa dang/ tshogs thams cad yongs su rdzogs pa la de'i 'bras bu sangs rgyas nyid mi thob pa zhes bya ba thabs la mkhas ba ste/ bsam gyis mi khyab pa'i rnam par thar pa thob pa'i sgo nas phan tshun 'gal ba'i don bsgrub bas zab pa yin no/ /slob pa phyir mi ldog pa'i tshogs mtshan nyid dang bcas pa bshad zin to/ /slob pa'i tshogs kyi chos thos pa sangs rgyas nyid thob par bya ba'i phyir dbang pas/ /sangs rgyas nyid 'thob pa'i rgyu mtshan 'khor pa dang mya ngan las 'das pa mnyam pa nyid/ chos rnams rmi lam 'dra ba'i phyir/ srid dang ni bar mi rtog pa/ /las med la sogs kaln ka yi/ /lan ni ji skad bshad par zad/ ces bya ba gsungs te/ 'khor ba dang rnam par byang ba mi mthun par nga gnyen po rnams snang brnyan tsam gyi ngo bos rmi lam dang 'dra ba nyid du rtogs pa'i phyir 'khor ba dang mya ngan las 'das pa dag la tha dad pa nyid du rnam par mi rtog pas na mnyam pa nyid do/ /rmi lam dang 'dra ba nyid yin na mi dge ba bcu dang sbyin pa la sogs pa med pas/ gnyid ma log pa'i gnas skabs na yang gnyid log pa'i gnas skabs bzhin du 'gyur ba ma yin nam zhes bya ba'i klan ka rnams kyi lan ni/ ji ltar phyi rol gyi don du smra ba'i lugs la skad cig ma nyid kyis rgyu med par 'jig pa yin la/ grub pa'i mdza' las kyang/ 'jig rten sna tshogs las skyes/ zhes 'byung ba'i phyir/ don dam par sus kyang su yang bsad pa yang med/ ma bsad pa yang ma yin/ sus kyang su'i nor blangs pa yang med/ ma blangs pa yang ma yin/ zhes bya ba la sogs pa'i phyogs la rgyun 'jug pa dang 'gal ba'i dngos po bskyed ba la gsod pa la sogs par rtog pa'i sgo nas/ tshul bzhim ma yin pa'i yid la byed pa la sogs pa dang ldan pa la mi dge ba la sogs pa dang 'dra bar srog gcod pa la sogs pa rnam par 'jog pa de bzhin du/ dngos po rmi lam dang 'dra yang
- 132a
phyin ci log gi 'ching ba mdza' dag ma nyams pa rnams la de dang mthun pa'i don gyi dngos po la sogs pa la mngon par zhen pas zhes bya ba la sogs pa'i lan de dang de phyogs gzhan nas gsungs so/ /zhes bya bar khong du chud par bya'o/ /gzhan yang rmi lam sems ni gnyid kyis nyams/ /de na 'bras bu 'dra ma yin/ zhes bya bas dpe ma grub po/ /de bzhin du rmi lam na yang dge pa dang mi dge pa spyad pa ni/ sad pa'i gnas skabs na kye ma byas so legs par byas so zhes rjes su yi rang na/ rjes kyi gnas skabs kyi sems kyis mngon par zhen pa'i gsos kyis yongs su gsos te/ de'i phyir yang dpe ma grub pas 'kho ba dang mya ngan las 'das pa ni mnyam pa nyid do/ /gnyis ka mnyam pa nyid du rnam par bsgom pa ni rang gi sangs rgyas kyi zhing du sangs rgyas su 'gyur bas/ de'i 'og tu dangs rgyas kyi zhing yongs su dag pa/ sems can 'jig rten de bzhin du/ /snod kyi 'jig rten ma dag pa/ /de la dag par bsgrub pa yis/ /sangs rgyas zhing ni dag pa nyid/ zhes bya ba gsungs te/ sems can dang snod kyi 'jig rten gyi bye brag gis/ sangs rgyas kyi zhing rnam pa gnyis la go rim bzhin du bkres pa dang skoM pa dang/ rdo? ba dang cher ma la sogs pa nyid kyis ma dag pa gang yin pa de'i gnyen por lha'i nye bar spyad pa dang/ gser gyis phyogs la sogs pa dag pa bskyed pa'i sgo nas rnam par dag pa ni sangs rgyas kyi zhing rnam par dag pa'o/ /rang gi sangs rgyas kyi zhing rnam par dag pa bsgrub pa ni thabs mkhas pas skal pa ji lta ba bzhin du sangs rgyas kyi mdzad pa bya dgos pas thabs la mkhas pa/ yul dang sbyor ba can 'di ni/ /dgra rnams las ni 'das pa dang/ /mi gnas ji bzhin shugs dang ni/ /thun mong ma yin mtshan nyid dang/ /ma chags pa dang mi dmigs dang/
- 132b
mtshan ma smon lam zad pa dang/ /de yi rtags dang tshad med pa/ /thabs la mkhas pa rnam pa bcu/ zhes bya ba gsungs te/ bar chad kyi chos las yang dag par brgal bas lha la sogs pa'i bdud las 'das pa dang/ chos thams cad mnyam pa nyid rnam par bsgoms pas mi gnas par gnas pa dang/ smon lam grub pas gzhan gyi don sngon gyi shugs kyi 'phangs pa byed pa dang/ dka' ba spyod pa thams cad shin du goms pa nyid kyis thun mongs ma yin pa dang/ chos dkar po rnam par dag paS chos thams cad la 'dzin pa med pa dang/ rnam par thar pa'i sgo stong pa nyid kyis mi dmigs pa dang/ rnam par thar pa'i sgo mtshan ma med pa nyid kyis mtshan ma med pa dang/ rnam par thar pa'i sgo smon pa med pa nyid kyis smon pa med pa dang/ dri ba sngon du btang ba can phyir mi ldog pa'i chos brjod pas phyir mi ldog pa'i rtags dang/ yul thams cad shes pa nyid kyis tshad med pa ste/ shes rab kyi pha rol tu phyin pa'i yul rnam pa bcu mngon sum du bya ba la dus dang dus ma yin pa shes pa'i sbyor ba ni thabs la mkhas pa yin no/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las/ skabs bzhi pa'i 'grel pa'o// //rnam pa thams cad mngon par rdzogs par rtogs pa thob pa la/ rab kyi mthar phyin pa'i rtogs pa 'byung bas/ go sla bar bya ba'i phyir rtags la sogs pa bsnyad pa sngon du 'gro pa'i rtse mo'i mngon par rtogs pa/ rmi lam na yang chos rnams kun/ /rmi lam lta bur lta ba sogs rtse mor phyin pa'i sbyor ba'i rtags/ /rnam pa bcu gnyis dag tu bzhed/ ces bya ba gsungs te/ shin tu goms pa'i phyir rmi lam gyi gnas skabs na yang chos thams cad rmi lam dang 'dra ba la sogs par lta ba dang/ nyan thos la sogs
- 133a
pa'i sa la dga' ba'i sems mi bskyed pa dang/ de bzhin gshegs pa la sogs pa mthong ba dang/ sangs rgyas kyi rdzu 'phrul gyi rnam par 'phrul pa dmigs pa dang/ dam pa'i chos ston pa'i sems skye ba dang/ dmyal ba la sogs pa'i sems can mthong ba sngon du 'gro ba rang gi sangs rgyas kyi zhing du ngan song spong ba rjes su dran pa dang/ grong khyer la sogs pa chig pa rab tu zhi bar byed pa'i bden pa'i byin gyis brlabs grub pa dang/ gnod sbyin la sogs pa mi ma yin pa med par byed pa'i bden pa'i tshig grub pa dang/ rang nyid mngon par shes pas pha rol gnon pa'i dge ba'i bshes gnyen bsten pa dang/ rnam pa thams cad du shes rab kyi pha rol tu phyin pa la slob pa dang/ chos thams cad la mngon par zhen pa med pa dang/ sangs rgyas kyi byang chub la nye bar gyur pa zhes bya ba rnam pa bcu gnyis ni rtse mo'i mngon par rtogs pa thob pa'i gnas skabs kyi khyad par gyi rtags yin no/ /de ltar rtags kyis mtshon pa'i rnam par 'phel pa rnam pa du zhig yod ce na/ rnam par 'phel ba/ 'dzam bu gling gi skye bo snyed/ /sangs rgyas mchod pa'i dge la sogs/ /rnam mang du ni dper mdzad nas/ /rnam 'phel bcu drug bdag nyid do/ /zhes bya ba gsungs te/ 'dzam bu'i gling la sogs pa stong gsum gyi 'jig rten gyi khams kyi sems can snyed kyi de bzhin gshegs pa la mchod pa bas lhag pa dang/ khyad par du shes rab kyi pha rol tu phyin pa yid la byed pa dang/ mi skye ba'i chos la bzod pa thob pa dang/ byang chub par bya ba dang byang chub par byed pa'i chos rnams mi dmigs pa dang/ dge ba bcu la sogs pa dang/ gzugs med pa'i snyoms par 'jug pa thob pa las khyad par du 'phags pa dang/ lha'i ris thams cad nye bar 'ong ba dang/ bdud thams cad
- 133b
zil gyis gnon pa dang/ ston pa dang 'dra bar skye bo la mtshungs par gnas pa zhes bya ba bsod nams rnam pa brgyad dang/ yang rnam pa thams cad du thabs la mkhas pas bslab pa yongs su dag pa dang/ sangs rgyas kyi rigs can du 'gyur ba dang/ 'bras bu sangs rgyas nyid thob pa'i rgyu mtshan dang/ pha rol tu phyin pa'i mi mthun pa'i phyogs kyi sems mi skye ba dang/ gzugs la sogs pa dang ldan par rtogs pa'i sems rab tu mi skye ba dang/ pha rol tu phyin pa kun bsdus pa shes pa dang/ phun sum tshogs pa thams cad 'thob pa dang/ yang dag par rdzogs pa'i byang chub la nye bar gyur pa zhes bya ba bsod nams gzhan rnam pa brgyad/ me tog la sogs pas sangs rgyas mchod pa'i dge ba la sogs pa rnam pa mang po dper mdzad nas gong nas gong du khyad par du 'phags pa nyid kyi gnas skabs bcu drug gi ngo bo nyid ni rnam par 'phel ba yin no/ /de ltar rnam par 'phel bas rnam par spel ba'i rang dbang du gyur pa mthar phyin pa'i mtshan nyid rnams ni nges par bstan pa yin pas nges par bstan pa/ kun mkhyen nyid gsum chos rnams kyi/ /yongs su rdzogs pa bla med pa/ /sems can don yongs mi gtong ba/ /bstan pa zhes ni mngon par brjod/ ces bya ba gsungs te/ de ltar yang dag pa'i thabs la mkhas pa'i stobs kyis rnam par mi rtogs pa rtogs pa'i gnas skabs na/ snying rje chen po mngon du byed pa'i ngo bo sa sems can gyi don yongs su mi gtong ba'i mtshan nyid/ rnam pa thams cad mkhyen pa nyid la sogs pa ji skad bshad pa'i thams cad mkhyen pa nyid gsum gyi chos sems bskyed par la sogs pa gong du smos pa rnams yongs su rdzogs pa bla na med pa ni nges par bstan pa yin no/ /de ltar nges par bstan par byed pas nges par bstan par gyur pa'i mtshan nyid ni sems kun du gnas pa yin pas sems kun du gnas pa/ gling bzhi
- 134a
pa dang stod dag dang/ /stong gnyis gsum dag dper mdzad nas/ /bsod nams mang po nyid kyis ni/ /ting 'dzin yongs su bsgrags pa yin/ zhes bya ba gsungs te/ tshad srid pa ni srad tshad kyis gzhal bar nus so/? zhes bya ba'i tshul gyis gling bzhi pa la sogs pa stong gsum pa'i 'jig rten gyi khams rnams kyi pha rol tu phyin pa la sogs pa thams cad kyi ngo bo nyid ting nge 'dzin gyi bsod nams dang ye shes kyi so sor dper mdzad nas de dag las khyad par du 'phags shing? tshad las 'ds pa'i bsod nams mang po nyid kyis ting nge 'dzin gyi mtshan nyid brjod pa ni sems kun du gnas pa yin no/ /rtags la sogs pa de dag ni go rim bzhin du dro ba la sogs pa nges par 'byed pa'i cha dang mthun pa bzhi yi ngo bo yin par khong du chud? par bya'o/ /nges par 'byed pa'i cha dang 'thun pa'i 'og tu mthor ba'i lam yin te/ de la mi mthun pa'i phyogs gnyen po dang bcas pa rnam pa bzhi yod pas re zhig mi mthun pa'i phyogs gzung bar rnam par rtog pa gnyis po/ 'jug pa dang ni sdig pa la/ /gzung ba'i rnam rtog so sor de/ /dgu yi bdag nyid ji bzhin yul/ /min pa'i bdag nyid dag shes bya/ zhes bya ba gsungs te/ 'jug pa dang ldog pa mi dmigs pa dang/ dmigs pa'i ngo bo nyid bdag la go rim bzhin du byang chub sems dpa' dang nyan thos la sogs pa'i chos len pa dang 'dod ba'i sgo nas gzung ba'o/ /zhes gzung bar rnam par rtog pa nyon mongs pa dang 'dra ba mi mthun pa'i phyogs su gyur pa yul gyi dbye bas so sor rnam pa dgu yod pa ni dngos po dang ma 'brel par 'jug pa nyid kyis phyin ci log tu snang ba'i phyir yul ji lta ba bzhin ma yin pa'i rang gi ngo bo dag tu shes par bya'o/ /de ltar ba zung bar rnam par rtog pa'i phyogs gnyis bstan nas 'dzin par rnam par rtog pa gnyis po/ /so so'i skye bo 'gal?
- 134b
dbye bas/ /sems can rdzas dang brtags yod par/ /rnam rtog 'dzin pa dag tu 'dod/ /de dag so sor dgu bdag nyid/ /gal te gzung don de bzhin med/ /de dag gang gi 'dzin par 'dod/ /de ltar de dag 'dzin pa yi/ /ngo bos stong pa'i mtshan nyid do/ zhes bya ba gsungs te/ so so'i skye bo dang 'phags pa'i gang zag go rim bzhin du skyes bu rdzas dang btags par yod pa'i rten can gyi 'dzin ba dag yod pas 'dzin par rnam par rtog pa gegs byed pa yin pa'i phyir mi mthun pa'i phyogs su gyur pa yul gyi dbye bas so sor rnam pa dgu yod pa ni/ gang gi tshe de dag gi yul gyi dngos por gyur pa bzung ba'i don dag de bzhin du gzung ba'i ngo bor yod pa ma yin zhes bya ba de'i tshe gang gi yang 'dzin pa ma yin te/ de'i phyir de dag ni 'dzin pa'i ngo bos dben pa'i ngo bo yin pas phyin ci log tu snang ba'i phyir/ yul ji lta ba bzhin ma yin pa'i rang gi ngo bo dag tu shes par bya'o/ /gzung ba'i rnam par rtog pa dang po 'jug pa'i rten can ji ltar rnam pa dgu yin zhe na/ ngo bo nyid dang rigs dang ni/ /lam ni yang dag 'grub pa dang/ shes pa'i dmigs pa ma 'khrul dang/ /mi mthun phyogs dang gnyen po dang/ /rang gis rtogs dang byed pa dang/ /de yi las bya'i 'bras bu la/ /'jug pa'i phyogs kyi rten can gyi/ /rnam rtog de ni rnam dgur 'dod/ /ces bya ba gsungs te/ dben pas dben pa ma rtogs pa'i ngo bo nyid dang/ sa mi g.yo ba la sogs pa la 'jug pas sangs rgyas kyi rigs su nges pa dang/ sgyu ma lta bur rtogs pas mthong ba la sogs pa'i lam yang dag par 'grub pa dang/ scang? brnyan tsam du zad pas shes pa'i dmigs pa ma 'khrul pa dang/ yon tan dang skyon mthong pa sngon du 'gro ba'i blang bar bya ba dang/ dor par bya ba nyid kyis gnyen po dang mi mthun pa'i phyogs dang dri ma thams cad dang bral ba nyid kyis rang gis rtogs pa dang/ dman zhing gya? nom
- 135a
pa ma yin pa nyid kyis nyan thos la sogs pa'i sa thag srid bar byed pa dang/ bsam pa ji lta ba dang mthun par sprul pas sems can gyi don gyi las dang/ yang dag pa'i thabs la mkhas pa'i stobs kyis skye bo thams cad mya ngan las 'das pa la dgod par bya ba'i 'bras bu la skyon med pa nyid kyis gzung bar bya ba nyid du 'jug par bya'o zhes bya ba gzung ba'i rnaM par rtog pa dang po 'jug pa'i phyogs kyi rten can rnam pa dgu po mthong ba'i lam gyi sbyor ba'i gnas skabs kyi spang bar bya bar bzhed pa yin no/ /gzung pa'i rnam par rtog pa gnyis pa ldog pa'i rten can ji ltar rnam pa dgu yin zhe na/ srid dang zhi bar ltung ba'i phyir/ /rtogs pa dman pa nyid dang ni/ /yongs su 'dzin pa med pa dang/ /lam gyi rnam pa ma tshang dang/ / gzhan gyi rkyen gyis 'gro ba dang/ /ched du bya ba log pa dang/ /nyi tshe ba dang sna tshogs nyid/ /gnas dang 'jug la rmongs pa dang/ /rjes la 'gro zhes bya ba la/ /rnam rtog dgu yi bdag nyid 'di/ /ldog pa'i phyogs kyi rten can te/ /nyan thos la soD yid las 'byung/ zhes bya ba gsungs te/ 'khor ba dang mya ngan las 'das pa gang yang rung ba zhig tu ltud ba nyid kyis rtogs pa dman pa nyid dang/ dge ba'i bshes gnyen thabs la mkhas pa dang bral ba nyid kyis yongs su 'dzin pa med pa dang/ shes bya'i sgrib pa mdza' dag gi gnyen po ma yin pa nyid kyis sgrub pa'i lam ma tshang ba dang/ de bzhin gshegs pa la sogs pa'i gdams ngag la bltos pa dang bcas pa nyid kyis gzhan gyi rkyen gyis 'gro ba nyid dang sems can thams cad kyi mchog nyid kyis sems chen po nyid la sogs pa la mi 'jug pa nyid kyis ched du bya ba log pa dang/ nyon mongs pa'i sgrib pa'i gnyen po nyid kyis nyi tshe ba'i lam gyi byed pa dang/ dmigs pa dang bcas pa nyid kyis 'bras bu dang po la sogs
- 135b
pa rtogs pa tha dad pa nyid dang/ ma rig pa'i bag la nyal ba thams cad ma spangs pa nyid kyis gnas ba dang 'gro ba mi shes pa dang/ theg pa chen po thams cad sdud par byed pa nyid kyis rnam pa thams cad mkhyen pa nyid mya ngan las 'das pa thams cad kyi mjug tu 'gro ba la nyes pa dang bcas pa nyid kyi gzung bar bya ba ma yin pa nyid du ldog par bya'o zhes gzung bar rnam par rtog pa gnyis pa ldog pa'i phyogs kyi rten can nyan thos dang rang sangs rgyas kyi rgyud la blang bar bya ba nyid du 'byung ba rnam pa dgu po byang chub sems dpa' rnams kyi mthong ba'i lam gyi sems dang/ sems las byung ba 'jug pa'i gnas skabs kyis spang bar bya bar bzhed pa yin no/ /so so skye bo'i 'dzin pa'i rnam par rtog pa dang po skyes bu rdzas su yod pa'i rten can ji ltar rnam pa dgu yin zhe na/ 'dzin pa dang ni 'dor ba dang/ yid la byed dang khams rnams ni/ /gsum po dag dang nyer 'brel dang/ /gnas dang mngon par zhen pa dang/ chos kyi dngos po btags pa dang/ /chags pa dang ni gnyen po dang/ /ji ltar 'dod bzhin 'gro nyams la/ /'dzin pa dang por shes par bya/ zhes bya ba gsungs te/ kun rdzob tu sgyu ma bzhin du 'dzin pa dang gtong ba dang/ yang dag pa nyid du yid la mi byed par yid la byed pa dang/ chos nyid kyi khams gsum car dang nye bar 'brel ba dang/ stod pa nyid du mi gnas pas gnas pa dang/ dngos po la mngon par ma zhen pas thams cad la mngon par zhen pa dang/ rdzas su yod pa med pas chos thams cad btags pa dang/ de kho na nyid shes pa'i ma chags pas mngon par ma zhen pa sngon du 'gro ba'i chags pa dang/ mnyam pa nyid sgom pa'i gnyen po nyid kyis gnyen po dang/ shes rab kyi pha rol tu phyin pa yang dag par ma shes pa nyid kyis/ ji ltar 'dod pa bzhin du 'gro ba thogs pa la don dam pa'i dngos bor mngon
- 136a
par zhen pas 'dzin par rnam par rtog pa dang po rnam pa dgu mthong ba'i lam gyi sbyor ba'i gnas skabs kyis spang bar bya bar bzhed pa yin no/ /'dzin par rnam par rtog pa gnyis pa skyes bu btags par yod pa'i rten can ji ltar rnam pa dgu yin zhe na/ ched bzhin nges par mi 'byung dang/ /lam la lam min nges 'dzin dang/ /'gag dang bcas pa'i skye ba dang/ dngos po ldan dang mi ldan dang/ /gnas dang rigs ni 'jig pa dang/ /don du gnyed dang rgyu med dang/ /phyir dral ba ni dmigs pa la/ /'dzin pa'i rnam rtog gzhan yin no/ /zhes bya ba gsungs te/ nyan thos la sogs pa'i nges par 'byung pa nyid kyis ched du bya ba ji ltar ba bzhin du nges par mi 'byung ba dang/ rang gi mngon par 'dod pa'i lam med pas sam? ldan? la lam ma yin par nges par 'dzin pa dang/ rgyu dang 'bras bu kun rdzob kyi ngo bos skye ba dang 'gag pa dang/ bar chad med pa dang cig shos su snang ba nyid kyis dngos po mdza' dag ldan pa dang mi ldan pa dag/ nam mkha' la gnas pa'i bya dang 'dras? nyid kyis gzugs la sogs pa la gnas pa dang/ byang chub kyi sems skyed pa la sogs ba'i sgo nas nyan thos la sogs pa'i rigs 'jig pa dang/ de bzhin nyid las khyad par du 'phags pa'i chos med pas 'dod pa med pa dang/ don dam ba'i bden pa la brten nas rgyu med pa dang ser sna shin tu goms par byas pa'i chos nyid kyis bdud la sogs pa phyir rgol ba'i dngos po dmigs pa la btags pa'i dngos por mngon par zhen pa nyid kyis 'dzin pa'i rnam par rtog pa gnyis pa rnam pa dgu mthad ba'i lam gyi sems dang sems las byung ba 'jug pa'i gnas skabs kyis spang bar bya bar bzhed ba yin no/ /de ltar na bar skabs kyi tshigs su bcad pa dgus rnam pa bzhi nyid las so sor mthong pa'i lam gyi mi mthun pa'i phyogs rnam
- 136b
par ? pa/ de dag spang ba nyid du gnyen po rnam pa bzhi yang de bzhin du dbye bas tha dad do zhes bya bar khong du chud par bya'o/ /de ltar mthong ba'i lam la mi mthun pa'i phyogs gnyen po dang bcas pa bstan nas/ byang chub chen po 'grub par byed pa'i mthong ba'i lam rgyu gang dang bcas par bzhed pa'i rgyu gang yin pa de bar skabs kyi tshigs su bcad pa/ byang chub la gzhan ston pa dang/ /de yi rgyu ni yongs gtong dang/ /de thob bar chad med pa'i rgyu/ /bsod nams mang po'i mtshan nyid do/ /zhes bya ba gsungs te/ 'chad par 'gyur ba'i mtshan nyid can gyi byang chub la gzhan dag mthong ba'i lam la sogs pa ston pas rab tu 'god pa ni gcig yin no/ /byang chub kyi rgyu mtshan kho nar de dag la yang dag pa'i tshig dang don la sogs pa'i sgo nas shes rab kyi pha rol tu phyin pa yang dag par so sor gtod ba ni gnyis pa yin no/ /byang chub 'thob par byed pa'i bar chad med pa'i? rgyu shes rab kyi pha rol tu phyin pa rang gis bsgom pa la sogs ba'i bsod nams tshas mad ba'i mtshan nyid ni gsum pa yin no/ /gang gi don du mthong ba'i lam rgyu de lta bu dang bcas par bzhed ba byang chub chen po de gang yin zhe na/ bar skabs kyi tshigs su bcad pas byang chub chen po/ dri ma zad dang mi skye pa'i/ /ye shes byang chub ces brjod de/ /zad med skye med phyir de dag /go rim bzhin du shes par bya/ zhes bya ba gsungs te/ nyon mongs pa dang shes bya'i sgrb ba'i dri ma skyes pa dang ma skys pa nyid du btags pa rnams ni/ /chos kyi dbyings las ma gtogs bar/ /'di ltar chos yod ma yin te/ zhes 'byung bas/ chos kyi dbyings kyi ngo bo nyid rnams nam mkha' bzhin du 'gag pa dang skye ba med pa'i phyir ram/ gcig dang du ma'i ngo bo nyid dang rgyu dang 'bras bu'i tshad ma la sogs pas tha dad pa'i dngos po med pas nam mkha' i pad+ma bzhin du 'gag pa dang skye ba med pa'i phyir go rim bzhin du dri ma rnams
- 137a
zad pa dang mi skye ba'i shes pa chos thams cad phyin ci ma log par rtogs pa'i mtshan nyid chos kyi sku la sogs pa ji lta ba bzhin gyi bdag nyid ni byang chub chen po yin par brjod do/ /gang gi phyir de lta yin pa de'i phyir/ /gang dag dngos po 'jig pa'i bsam pas zad pa la zad do snyam pa'i shes pa dang/ dngos po mi skye ba'i bsam pas mi skye ba la mi skye'o snyam pa'i shes pa ni zad pa dang mi skye ba'i shes pa yin par brjod cing/ byang chub kyang zad pa mi skye ba shes pa yin par brjod pa de dag? la zad pa dang mi skye ba med pa/ kho nas shes pa de rung ba ma yin no zhes par skabs kyi tshigs su bcad pas gsungs pa/ 'gog pa med pa'i rang bzhin la/ /mthong zhes bya ba'i lam gyi ni/ /rnam par rtog rigs ci zhig zad/ /skye med rnam pa ci zhig 'thob/ /ces bya ba yin te/ skyes pa dang ma skyes pa dag go rim bzhin du zad pa dang skye pa'i gegs byed pa'i mtshan nyid kyi 'gog pa bral ba don dam par de bzhin nyid kyi ngo bo'i rang bzhin yin na dngos po la log par mngon par zhen pa khyed kyis mthong ba'i lam gyi stobs kyis rnam par rtog pa la sogs pa'i ngo bo skyes pa ni ci zhig zad/ mi skye pa'i chos can ma skyes pa ni ci zhig skyes te / cung zad kyang med pa kho na yin pas de'i phyir kho bo cag gi gzhung lugs kho na khas blang bar bya'o snyam du dgongs ba yin no/ /de lta ma yin te/ /chos yang dag par yod par khas len na bcom ldan 'das kyis nyon mongs pa dang shes bya'i sgrib pa rnam par rtog pa rnam pa thams cad du spangs pa ngo mtshar che ba'i gnas yin no/ zhes bar skabs kyi tshigs su bcad pa gsungs pa/ gzhan gyi chos rnams kyang yod la/ /shes bya la yang ston pa yi/ /sgrib pa zad par brjod pa gang/ /de la kho bos mtshar du brtsis/ zhes bya ba yin te/ de la skye ba dang
- 137b
'jig pas stong pa'i phyir bdag med do snyam du bsgoms pas bdag tu mngon par zhen pa yongs su bor nas nges dben pa'i phung po la sogs pa rten cing 'brel par 'byung ba skye ba dang 'jig pa'i chos can la yang dag par dmigs te/ sngon po dang de'i blo dang lhan cig dmigs pa nges pa'i phyir 'di ni sems tsam kho na yin gyi/ phyi rol gyi don ni med do zhes bya ba yid la byed cing 'dzin pa'i rnam pa can gyi sems la mngon par zhen pa yongs su ma bor bas phyi rol gyi don du mngon par zhen pa spangs te/ gzung ba med? na 'dzin pa med do snyam du nges par sems pas 'dzin pa'i rnam pa'i mtshan nyid rnam par rig pa tsam de yang bsal te/ gnyis su med pa'i ye shes 'ba' zhig 'di yang dag par yod pa'i ngo bo yin no snyam du nges par byas nas de yang rten cing 'brel par 'byung ba yin pa'i phyir sgyu ma bzhin du ngo bo nyid med pa ste/ yang dag par na gcig tu dngos po dang dngos po med pa la sogs par brtag pa'i ngo bo dang bral ba yin no snyam du bsgoms pas sgom pa'i stobs grub pa na/ kha cig la nor bu dang dngul la sogs pa'i shes ba bzhin du 'khrul pa'i mtshan ma mdza' dag spangs ba sgyu ma lta bu'i bdag nyid du snang ba'i blo rnam par mi rtog pa so sor rang gis rig par bya ba ci zhig ltar yang dag par skyes na/ rnal 'byor pas shes bya'i sgrib pa yang dag par spong ngo/ /de lta ma yin te/ dus thams cad du nam mkha' rdzas med pa tsan gyi ngo bo 'dzin pa bzhin du bskyed du med pa dang spang du med pa'i rang gi ngo bo 'dzin pa'i phyir skad cig ma'i chos shes pa tsam gyi ngo bo dang/ shes bya'i mtshan nyid rnams gal te don dam par yod pa nyid du gyur na de'i tshe gnyen po bsgoms pas nam mkha' bzhin du de dag la cung zad kyang ma byed do/ /de'i phyir gzhan dag gis dngos por mngon par zhen pa'i phyin ci log mi ldog pas bcom ldan 'das kyis shes bya'i
- 138a
sgrib pa rnam pa thams cad du spangs pa gang yin pa dang/ chos rnams kyang yod pas khas len pa gang yin pa de ni phan tshun 'gal ba'i don khas len pas kho bos ngo mtshar du brtsis so zhes bya ba yin no/ /de ltar yod pa'i phyogs bsal nas ngo bo nyid med pa'i phyogs brtan por mdzad pas thar pa 'dod pa rnams kyis 'di kho na khas blang bar bya'o zhes par skabs kyi tshigs su bcad pas gnas pa'i phyogs/ 'di la bas la bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong nas rnam par grol/ /zhes bya ba gsungs te/ gang gi phyir dngos por mngon par zhen pa las grol bar mi 'thad pa de'i phyir chos gang la yang skur pa 'debs pa dang/ sgro 'dogs pa'i ngo bos bsal ba dang/ gzhag pa ma byas par gzuD la sogs pa rten cing 'brel par 'byung ba kun rdzob tu yang dag par yod pa'i ngo bo 'di nyid la rang bzhin med pa la sogs pa'i ngo bor brtag par bya ste/ de ltar na sgyu ma'i glang pos sgyu ma'i glang po gzhan zhig pham par byas pa bzhin du phyin ci log ldog pas de kho? na nyid mthong na rnam par grol bar 'gyur ro/ /de ltar zhar la 'ongs pa brjod nas rnal ma mthong ba'i lam nyid/ sbyin pa la sogs re rer ni/ /de dag phan tshun bsdus pa gang/ /skad cig gcig pa'i bzod pa yis/ /bsdus pa de 'dir mthong ba'i lam/ zhes bya ba gsungs te/ sbyin pa la sogs pa pha rol tu phyin pa drug po dag so sor sbyin pa la sogs pa'i ngo bor re rer snga ma bzhin du phan tshun bsdus pa gang yin pa skad cig ma gcig pa sdug bsngal la chos shes pa'i bzod pas bsdus pa 'khor gsuM rnaM par dag pas rab tu phye ba rnam pa sum cu rtsa drug can skyes pa gang yin pa de ni/ rtse mo'i mngon par rtogs pa 'dir mthong ba'i lam yin no/ /de skyes na 'dod pa dang gzugs dang gzugs med pa'i
- 138b
khams kyi dbye bas rnam par rtog pa bzhi po so sor rnam pa dgu nyid kyis gzung ba dang 'dzin pa'i rnam par rtog pa brgya rtsa brgyad spangs pas/ de dag gis bsdus pa'i rnam par rtog pa skyed par byed pa'i bag chags kyi nyon mongs pa brgya rtsa brgyad spangs pa rten cing 'brel par 'byung ba'i chos nyid kyis 'thob po/ /de la dbang du bya ba'i phyir de nyid yang dang yang du sgom par byed do zhes par skabs kyis tshigs su bcad pas gsungs pa/ de nas sems ge rnam ba sbyings pa'i/ /ting nge 'dzin la snyoms zhugs nas/ /rten cing 'brel 'byung lugs mthun dang/ /lugs mi mthun la rtog par byed/ ces bya ba yin te/ mthong ba'i lam thob pa'i rnal 'byor pa de nyon mongs pa dang shes bya'i sgrib pa'i 'jigs pa med pa'i phyir ting nge 'dzin seng ge rnam par bsgyings pa la snyoms par zhugs nas/ dus phyis rten cing 'brel par 'byung ba la ma rig pa'i rkyen gyis 'du byed rnams so/ /zhes bya ba la sogs pa lugs dang mthun pa dang/ skye ba 'gags pas rga shi 'gag go zhes bya ba la sogs pa lugs dang mi mthun par yang dag par rtog go/ de ltar mthong ba'i lam brjod nas mi mthun pa'i phyogs spong pa la sogs pa ni rten grub pa sngon du 'gro ba yin na go sla bas rten sgom pa'i lam/ 'gog dang bcas pa'i snyoms 'jug dgur/ /rnam pa gnyis su song 'ongs nas/ /'dod par gtogs pa'i rnam par shes/ /mnyam bzhag min pa'i mtshams bzung ste/ /thod rgal du ni snyoms 'jug pa/ /gcig dang gnyis gsum bzhi dang lnga/ /drug dang bdun dang brgyad brgal nas/ /'gog pa'i bar du mi 'drar 'gro /zhes bya ba gsungs te/ byang chub sems dpa' rnams ni bsam gtan dang po nas bzung ste 'gog pa'i par du song nas/ de'i 'og tu 'gog pa nas bzung ste/ bsam gtan dang po'i bar du 'ongs te/ de ltar lugs dang mthun pa dang lugs dang mi mthun pa rnam pa gnyis kyis/
- 139a
bsam gtan bzhi dang gzugs med pa bzhi dang 'gog pa'i mtshan nyid kyi snyoms par 'jug pa dag la song zhing 'ongs nas yang bsam gtan dang po la snyoms par zhugs te/ de las langs nas 'gog pa la'o/ /de bzhin du 'du shes med 'du shes med min skye mched kyi bar las 'gog pa la snyoms par zhugs te/ de las langs nas de ma thag pa'i snyoms par 'jug pa ba? dmigs te/ 'dod pa na spyod pa'i rnam par shes pa mtshams kyi ngo bos bzhag nas thabs mkhas pa'i stobs kyis langs te/ rnam par shes pa mnyam par ma bzhag pa de lta bu de mngon du byas nas/ de'i 'og tu 'gog pa la'o/ /de nas mnyam par ma bzhag pa la'o/ /de'i 'og tu 'gog pa gcig pu por la 'dur shes med 'du shes med min skye mched la'o/ /de nas mnyam par ma bzhag pa la'o/ /de nas gnyis bor la ci yang med pa'i skye mched la'o/ /de nas mnyam par ma bzhag pa la'o/ /de bzhin du brgyad kyi bar du por nas bsam gtan dang po la'o/ /de nas mnyam par ma bzhag pa la'o/ /de ltar gcig la sogs pa por nas 'gog pa'i snyoms par 'jug pa la thug pa'i bar du mi 'dra ba'i sgo nas 'gro pas na mi 'dra bar 'gro ba thod rgal gyi snyoms par 'jug pa la dbang ba nyid kyi mtshan nyid mngon suM du byed pas na sgom pa'i lam yin no/ /de ltar bsgom pa'i lam brjod nas de la spang ba'i phyir mi mthun pa'i phyogs rnam bzhi brjod dgos pas/ re zhig gzung ba'i rnam par rtog pa dang po/ /mdor bsdus rgyas dang sangs rgyas kyis/ /bstan pas yongs sum gzung dang/ /dus gsum yon tan med pa dang /legs pa'i lam ni rnam gsum la/ /gzung ba'i rnam rtog 'di gcig ste/ /sbyor ba'i rnam pa'i spyod yul can/ zhes bya ba gsungs te/ mdor bsdus pa la dga' pa'i sems
- 139b
can rjes su 'dzin pas chos mdzod bsdus pa dang/ rgyas pa la dga' ba'i sems can rjes su 'dzin pas chos rgyas pa dang/ ji skad bshad pa bzhin don la nan tan mi byed pas sangs rgyas kyis btang ste/ yongs su ma bzung ba dang/ byung ba 'gags pa nyid kyis sbyor ba'i lam gyi yon tan med pa dang/ yang dag par skye ba'i rgyu dang mi ldan pas mthong ba'i lam gyi yon tan med pa dang/ ma 'ongs pa med pa nyid kyis sgom pa'i lam gyis yon tan med pa dang/ phyin ci log zhib nyid la sogs pas mya ngan las 'das par sbyor ba'i lam dang/ stong pa nyid mngon par sgrub pa nyid kyis mthong ba'i lam dang/ rang bzhin med par sgom par byed pa nyid kyis bsgom pa'i lam la bzung ba'i rnam par rtog pa dang po gnas skabs 'dir spang bar bya ba nyid kyis sgom pa'i laM? gyi sbyor ba'i gnas skabs kyi yul can rnam pa dgu'o/ /de ltar dang po bstan nas gzung ba'i rnam pa rtog pa gnyis pa/ /gnyis pa sems dang sems byung rnams/ /'jug pa'i yul can yin bzhed de/ /sems mi skye dang byang chub kyi/ /snying po yid la ni byed dang/ /theg pa dman pa yid byed dang/ /rdzogs pa'i byang chub yid mi byed/ /sgom dang sgom pa med pa dang/ /de dag las ni bzlog nyid dang/ /ji bzhin don min rnam rtog pa/ /sgom pa'i lam la shes bar zhes bya ba gsungs te/ dge ba'i bshes gnyen la sogs pa dang bral bas byang chub kyi sems mi skye ba dang/ sangs rgyas la dmigs pa'i bsod nams khyad par du 'phags pa med pas byang chub kyi snying po yid la mi byed pa dang/ nyan thos kyi rigs can nyid kyi phyir de'i theg pa yid la byed pa dang/ rang sangs rgyas kyi rigs can nyid kyi phyir de'i thag pa mngon du byed pa dang/ shes rab kyi pha rol tu phyin pa sgrub pa med pas yang dag par rdzogs pa'i byang chub yid la mi byed pa dang/ dmigs pa dang bcas pa nyid kyis bsgom pa dang/ dmigs pa med pa
- 140a
nyid kyis bsgom pa med pa dang/ dmigs pa yang med mi dmigs pa yang med pas sgom pa yang med sgom pa med pa yang ma yin pa dang/ phyin ci log tu mngon par zhen pas don ji ltar bzhin ma yin pa nyid la gzung ba'i rnam par rtog pa gnyis pa/ gnas skabs de na spangs par bya ba nyid kyis sgom pa'i lam gyi sems dang sems las byung ba 'jug pa'i gnas skabs kyi yul can rnam pa dgu'o/ /de ltar gnyis pa bstan mas 'dzin pa'i rnam par rtog pa dang po/ sems can btags pa'i spyod yul dang/ /chos btags pa dang stong min nyid/ /chags dang rab 'byed bdag nyid dang/ /dngos por byed dang theg gsum dang/ /yon ni dag pa ma yin dang/ /spyod pa rnam par 'khrugs pa la/ /'dzin par byed pa dang por de/ shes par bya ba bsgrags pa yin/ zhes bya ba gsungs te/ rdzas su yod par ma skye bas smes can du btags pa dang/ snang ba tsam du zad pa'i phyir chos su btags pa dang/ thams cad du 'gro pa'i phyir rnam pa thams cad mkhyen pa nyid la sogs pa'i chos stong pa ma yin pa nyid dang/ rnam pa thams cad du mngon par zhen pa ma spangs pas chos la chags pa dang ngo bo nyid med par rtogs pas chos rab tu rnam par 'byed pa dang/ ched du bya ba mi byed pas dngos po'i ched du bya ba byed pa dang/ gzugs la sogs pa la mi dmigs pa'i phyir theg pa gsum gyis nges par 'byung ba dang/ yang dag par rab tu ma zhugs pa nyid kyis yon ma dag pa dang/ sbyin pa la sog par dmigs te sgrub pas spyod pa rnam par 'khrugs pa la snga ma bzhin du 'dzin par rnam par rtog pa sgom pa'i lam gyi sbyor ba'i gnas skabs kyi yul can rnam pa dgu'o// //bam po lnga pa/ de ltar dang po bstan nas 'dzin pa'i rnam par rtog pa gnyis pa
- 140b
sems? can btags dang de rgyu yi/ /yul can de yis rnam 'dzom pas/ /sgom pa'i lam dang 'brel pa yi/ /mi mthun phyogs gzhan rnam pa dgu /zhes bya ba gsungs te/ mi mthun pa'i phyogs 'dzin pa'i rnam par rtog pa gnyis pa sems can du btags pa dang/ der rnam par gzhag pa'i rgyu snang ba tsam gyi yul can bsgom pa'i lam gyis yang dag par spang bar bya ba yin pa'i phyir de dang 'brel pa rnam pa dgu'o/ /ji ltar rnam pa dgu yin zhe na/ bar skabs kyi tshigs su bcad pa rnam pa gnyis kyis gsungs pa/ bdag nyid ji bzhin kun mkhyen ni/ /gsum gyi sgrib pa rnam gsum dang/ /zhi lam de bzhin nyid sogs dang/ /mtshungs par ldan dang mi ldan dang/ /mi mnyam sdug bsngal la sogs dang/ /nyon mongs rnams kyi rang bzhin dang/ /gnyis su med la kun rmongs la/ /rnam par rtog pa tha mar bzhed/ zhes bya ba yin te/ rnam pa thams cad yongs su ma shes pas rnam pa thams cad mkhyen pa nyid kyi sgrib pa la kun tu rmongs pa dang/ lam thams cad yongs su ma shes pas lam shes pa nyid kyi sgrib pa la kun tu rmongs pa dang/ gzhi thams cad yongs su ma shes pas thams cad shes pa nyid kyi sgrib pa la kun tu rmongs pa dang/ shes rab kyi pha rol tu phyin pa yongs su ma shes pas thams cad zhi ba'i lam la kun tu rmongs pa dang/ gzugs la sogs pa'i shes bya dang/ de bzhin nyid dgra yongs su ma shes pas de bzhin nyid la sogs pa dang mtshungs par ldan pa dang mi ldan pa la kun tu rmongs pa dang/ bdud la soD ba'i rang gi ngo bo yongs su ma shes pas mi mnyam pa nyid la kun tu rmongs pa dang/ don la sgra ji bzhin du 'dzin pa nyid kyis sdug bsngal la sogs pa'i bden pa la kun du rmongs pa dang/ 'dod chags la sogs pa'i ngo bo nyid yongs su
- 141a
ma shes pas nyon mongs pa'i rang bzhin la kun tu rmongs pa dang/ gzung ba dang 'dzin pa'i mtshan nyid yongs su ma shes pas gnyis su med pa la kun tu rmongs pa la/ snga ma bzhin du 'dzin pa'i rnam par rtog pa tha ma sgom pa'i lam gyi sems dang sems las byung ba 'jug pa'i gnas skabs kyi yul can rnam pa dgur bzhed pa yin no/ /sgom pa'i lam gyi mi mthun phyogs rnam pa bzhi po de dag spang pa nyid du gnyen po rnam pa bzhi yang de'i dbye bas tha? dad do zhes bya bar khong du chud par bya'o/ /snga ma bzhin du rnam par rtog pa brgya rtsa brgyad spangs pa dang dus mnyam pa kho nar de dag gis bsdus pa nyon mongs pa brgya rtsa brgyad spangs pas yon tan phun tshogs pa thams cad byang chub semS dpa' sgom pa'i lam la gnas pa la brten to zhes bya ba bar skabs kyi tshigs su bcad pa dag gis gsungs pa/ yams nad 'di rnams zad nas ni/ /yun rings lon nas dbugs phyin ltar/ /rnam pa kun du 'gro ba yi/ /bde sgrub yon tan phun tshogs kun/ /rgya mtsho che la chu bo bzhin/ /'bras bu mchog gis sba? ba yi/ /sems dpa' chen po de la ni/ /rnam pa kun tu rten par byed/ ces bya ba yin te/ sgom pa'i lam la goms pas rnam par rtog pa'i rigs bzhi po 'tshe bar byed pa nyid kyis yams kyi nad du gyur pa 'di rnams zad nas gegs byed pa med pas dga' bas dbugs phyin pa thob pa bzhin du/ snying rjes gzhan gyi dbang du gyur pas rnam pa thams cad du 'gro ba'i bde ba bskyed par mkhas pa'i yon tan phun sum tshogs pa theg pa gsum gyis bsdus pa thams cad rgya mtsho chen po la chu bo dag bzhin du/ byang chub sems dpa' sgom pa'i lam la gnas pa 'bras bu rab kyi mthar phyin pa thob pa de dag gis mdzes
- 141b
par byung pa la rnam pa thams cad mngon du 'ong ba'i rnam pas brten par byed do/ /sgom pa'i lam gyi rjes la bar chad med pa'i lam yin pas/ bar chad med pa'i ting nge 'dzin stong gsum skye bo nyan thos dang/ /bse ru'i rtog pa phun tshogs dang/ /byang chub sems dpa' i skyon med la/ /bkod pa'i dge ba dper mdzad nas/ /bsod nams mang po nyid kyis ni/ /sangs rgyas nyid kyi bar med de/ /bar chad med pa'i ting nge 'dzin/ /de ni rnam pa kun mkhyen pa nyid/ ces bya ba gsungs te/ 'ga' zhig gis stong gsum gyi stong chen po'i 'jig rten gyi khams kyi sems can rnams nyan thos dang rang sangs rgyas dang byang chub sems dpa' i skyon med pa la bkod nas/ bsod nams skyed pa gang yin pa de dpar mdzad nas de bas khyad par du 'phags par bsod nams mang ba nyid kyis rnam pa thams cad mkhyen pa nyid gang yin pa de sangs rgyas nyid yin pas sangs rgyas nyid thob pa'i bar chad med pa'i ting nge 'dzin gang yin pa de ni 'dir bar chad med pa'i ting nge 'dzin ces bya'o/ /de'i dmigs pa la sogs pa ji lta bu zhig yin zhe na/ bar skabs kyi tshigs su bcad pas dmigs pa la sogs pa gsungs pa/ 'di yi dmigs pa dngos med de/ /bdag po dran pa yin par bzhed/ /rnam pa zhi nyid 'di la ni/ /rab tu smra rnams rgyud mar rgol/ zhes bya ba yin te/ bar chad med pa'i ting nge 'dzin 'di'i dmigs pa'i rkyen ni chos thams cad dngos po med par dmigs pa yin no/ /bdag po'i rkyen ni dran pa yin no/ /rnam pa ni rang bzhin gyis zhi ba nyid yin no/ /gnas 'di la ni gting dpag dka' ba'i phyir rab tu smra ba thabs la mkhas pa ma rtogs pa rnams kyi klan ka'i rgol ba rgyud mar 'gyur bas thabs la mkhas pas de dag bsal bar bya ste/ 'dis ni 'di'i zab pa nyid bsnyad do snyam du dgongs pa yin no/ /blo'i nor can rnams kyis log par rtog pa ji lta bu zhig bsal bas ting nge 'dzin
- 142a
de bskyed par bya zhe na/ ting nge 'dzin gyi 'og tu log par rtog pa/ dmigs pa 'thad dang de yi ni/ /ngo bo nyid nges gzung ba dang/ /rnam kun mkhyen nyid ye shes dang/ /dam pa'i don dang kun rdzob dang/ /sbyor dang dkon mchog gsum po dang/ /thabs bcas thub pa'i rtogs pa dang/ /phyin ci log ni lam bcas dang/ /gnyen po mi mthun phyogs dag dang/ /mtshan nyid dang ni sgom pa la/ /smra ba rnams kyi log rtog pa/ /rnam pa kun mkhyen nyid rten can/ rnam pa bcu drug dag tu bzhed/ ces bya ba gsungs te/ 'dus byas dang 'dus ma byas kyi khams dag dngos po med pa nyid kyis dmigs pa 'thad ba dang/ rnam pa thams cad du rang bzhin med pa'i phyir dmigs pa'i ngo bo nyid nges par gzung ba dang/ dngos po dang dngos po med pa mi dmigs pas rnam pa thams cad mkhyen pa nyid kyi ye shes dang/ de bzhin nyid kyi ngo bo nyid kyis kun rdzob dang don dam pa'i bden pa gnyis dang/ sbyin pa la sogs pa mi dmigs pas sbyor ba dang/ rtogs par bya ba med pas sangs rgyas dkon mchog dang/ ming du btags pa tsam du zad pas chos dkon mchog dang/ gzugs la sogs par dmigs pa bkag pas dge 'dun dkon mchog dang/ sbyin pa la sogs par mi dmigs pas thabs la mkhas pa dang dngos po dang dngos po med pa dang gnyis ka'i ngo bo rtogs pa bkag pas de bzhin gshegs pa'i ma don? par rtogs pa dang/ spros pa rnam par bzhag pa'i mi rtag pa nyid la sogs pa nyid kyis rtag pa la sogs par phyin ci log pa dang/ khan? rnam par bsgoms pa'i 'bras bu mngon sum du mi byed pas lam dang/ dor ba dang glang ba med pas mi mthun pa'i phyogs dang gnyen po dag dang chos can med pas chos kyi mtshan nyid dang/ rang dang spyi'i mtshan nyid mi 'thad pas sgom pa la/ skyes
- 142b
byang chub sems dpa' i thabs la mkhas pa mi shes pa'i rab tu smra ba nyid thams cad kyi log par rtog pa phan tshun 'gal ba'i don bsgrub pas mi 'thad pa nyid kyis the tshom kyi ngo bo ji skad bshad pa'i yul can nyid kyi rnam par thams cad mkhyen pa nyid kyi rten can log par rtog pa bcu drug go /de thos na kun rdzob dang don dam pa'i sgo can gyi klan ka la go rim bzhin du don dam pa dang kun rdzob kyi sgo nas lan gdab dgos pas/ byang chub sems dpa' dge ba 'dod pa rnams kyis bden pa gnyis ka la brten pa'i thabs la mkhas pas rnam pa stong du bsal ba sngon du 'gro ba'i nges pa rnam pa thams cad du yang dag par skyed nas bar chad med pa'i ting nge 'dzin bskyed par bya'o/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las/ skabs lnga pa'i 'grel pa'o// //rtse mo'i mngon par rtogs pa thob pa so so ba dang bsdus pa nyid du rtogs pa'i don rnams go rim bzhin du blags nas brtan por bya ba'i phyir rnam par sgom par byed pas mthar gyis pa'i mngon par rtogs pa/ sbyin pa shes rab par dag dang/ /sangs rgyas la sogs dran dang chos/ /dngos med ngo bo nyid kyis de/ /mthar gyis pa yi bya bar bzhed/ ces bya ba gsungs te/ pha rol tu phyin pa bzhin shes rab kyi pha rol tu phyin pa'i nang du 'dus pa'i phyir/ sbyin pa'i pha rol tu phyin ? rtog pa 'khor gsum rnam par dag pas rab tu phyin pa drug rnam pa thams cad du yongs su rdzogs pas sa bcu yang dag par sgrub par byed pa dang/ dran pa nye bar gzhag pa la sogs pa dang/ byang chub kyi yan lag gi rnam pa dang/ 'phags pa'i lam yan lag brgyad pa ste/ don dam par dran pa med pa'i mtshan nyid kyi sangs rgyas rjes su dran pa rnam pa gsum po/ /go rim bzhin du nges par 'byed pa'i cha dang 'thun pa dang mthong ba dang sgom pa'i kham rjod par byed pa dang/ de bzhin du dge ba dang mi dge pa dang 'du?
- 143a
du ma bstan pa'i chos rjes su dran pa dang/ snga ma bzhin du byang chub sems dpa' 'phags pa phyir mi ldog pa'i dge 'dun rjes su dran pa dang/ de bzhin du tshul khrims dang/ gtong ba dang/ lha rjes su dran pa dang gzugs la sogs pa'i chos thams cad dngos po med pa'i ngo bo nyid du khong du chud pas rtogs pa gang yin pa de ni 'dir mthar gyis pa'i bya bar bzhed pa yin no/ /shes rab kyi pha rol tu phyin pa'i mad dag gi bstan bcos mngon par rtogs pa'i rgyan ces bya ba las/ skabs drug pa'i 'grel pa'o// //mthar gyis pa'i mngon par rtogs pa rnam par bsgoms pa ni shin tu goms par bya ba'i phyir de dag nyid skad cig ma gcig gis bsgoms pas skad cig ma gcig pa'i mngon par rdzogs par byang chub pa yin te/ de yang mtshan nyid kyis rnam pa bzhi yod pas/ dang po rnam par smin pa ma yin pa zag pa med pa'i chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa/ sbyin pa la sogs re res kyang/ /zag med chos kun bsdus pa'i phyir/ /thub pa'i skad cig gcig pa yi/ /rtogs pa'i 'di ni shes par bya/ zhes bya ba gsungs te/ lugs las chos kyi dbyings kyi rang gi ngo bor/ /dngos gcig dngos po kun gyi ngo bo nyid/ /dngos kun dngos po gcig gi ngo bo nyid/ /gang gis dngos gcig de bzhin nyid mthong ba/ de yis dngos kun de bzhin nyid du mthong/ zhes 'byung ba'i phyir/ mang pos gcig bsdus pa 'ba' zhig tu ma zad kyi/ 'on kyang sbyin pa la soD pa'i ye shes dmigs par bya ba'i skad cig ma gcig po dngos po so sor nges par 'dzin pa'i phyin ci log dang bral ba'i ngo bos sbyin pa la sogs pa nas dpe byad bzang po brgyad cu'i bar gyi mtshan nyid kyis chos rnams bsdus pa'i phyir thub
- 143b
pa byang chub sems dpa' i rtogs pa ni skad cig ma gcig pa'i mngon par rdzogs par byang chub pa'o zhes bya bar shes par bya'o/ /yang ji ltar na zag pa med pa'i ye shes gcig dmigs na zag pa med pa thams cad bsdus pa yin zhe na/ 'jig rten pa'i dpe/ ji ltar skyes bus ? chun rgyud/ /rdog thabs gcig gis bskyod pa na/ /thaMs cad cig char 'gul ba ltar/ /skad cig gcig shes de bzhin no/ /zhes bya ba gsungs te/ /dper na skyes bus rdog thabs gcig gis bskyod na bzo bo mkhas pas sngon bzo legs par byas pa'i mthus ? chun gyi rgyud thams cad cig car dus gcig tu 'gul ba de bzhin du sngon gyi sngon lam gyi 'phen pa dang/ chos kyi dbyings kyi mthus skad cig ma gcig kho na la/ zag pa med pa'i gcig dmigs na rigs mthun pa thams cad mngon du byed pa yin no/ /de ltar dang po bstan nas gnyis pa rnam par smin pa'i chos nyid kyi gnas skabs kyi zag pa med par chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa/ gang che chos dkar thams cad kyi/ /rang bzhin shes rab pha rol phyin/ /rnam smin chos nyid gnas skabs skyes/ /de tshe skad cig gcig ye shes/ zhes bya ba gsungs te/ gang gi tshe byang chub sems dpas gnyen po bsgoms pas mi mthun pa'i phyogs thams cad dang bral bas rnam par byang ba'i phyogs rnam par smin pa'i chos nyid kyi gnas skabs dri ma thams cad dang bral pas ston ka'i zla ba'i 'od bzhin du dkar ba'i ngo bo nyid skyes pa de'i tshe/ skad cig ma gcig kho na la rnam par smin pa'i gnas skabs su gyur pa'i zag pa med pa rnams rtogs pa'i ye shes ni/ shes rab kyi pha rol tu phyin pa'i skad cig ma gcig pa'i mngon par rdzogs par byang chub pa yin no/ /de ltar gnyis pa bstan nas gsum pa mtshan nyid med par chos thams cad skad cig ma gcig pa'i mtshan nyid kyi skad cig ma gcig pa'i
- 144a
mngon bar rdzogs par byang chub pa/ sbyin pa la sogs spyod pa yis/ /chos kun rmi lam 'drar gnas nas/ /chos rnams mtshan nyid med pa nyid/ /skad cig ma ni gcig gis rtogs zhes bya ba gsungs te/ sngon chos thams cad rmi lam lta bur goms pas tshogs gnyis nyams su myong bar byas nas rtogs pa'i gnas skabs na nye bar len pa'i phung po la sogs pa rmi lam gyi ngo bo nyid kyi chos thams cad la/ sbyin pa la sogs pa'i pha rol tu phyin pa drug sgrubs pas gnas te/ sbyin pa la sogs pa'i ngo bo nyid nges par rtogs pa'i rnam pa can skad cig ma gcig kho nas/ chos thams cad ni mtshan nyid med pa'o zhes kun nas nyon mongs pa dang rnam par byang ba'i ngo bo'i chos rnams mtshan nyid med pa nyid du shes pas na/ skad cig ma gcig pa'i mngon par rdzogs par byang chub pa yin no/ /de ltar gsum pa bstan nas bzhi pa gnyis su med pa'i mtshan nyid du chos thams cad skad cig ma gcig pa'i mtshan nyid kyi mngon par rdzogs par byang chub pa/ rmi lam dang ni de mthong nyid/ /gnyis kyi tshul du mi mthong ltar/ /chos rnams gnyis su med pa yi/ /de nyid skad cig gcig gis mthong/ /zhes bya ba gsungs te/ yun ring mo zhig nas bar chad med par gnyis su snang ba spong ba'i goms pa dang du gyur pas gnyis su snang ba'i bag chags drung phyung ba'i byang chub sems dpa' gang gi tshe gzung ba dang 'dzin pa'i tshul du/ rmi lam la gzung ba dang rmi lam mthong ba la 'dzin par mi mthong ba de'i tshe chos thams cad kyang de lta bu'i chos nyid yin no zhes chos rnams kyi de kho na nyid gnyis su med pa skad cig ma gcig kho nas rtogs pas na skad cig ma gcig pa'i mngon par rdzogs par byang chub pa yin no/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan
- 144b
ces bya ba las/ skabs bdun pa'i 'grel pa'o// //skad cig ma gcig pa'i mngon par rdzogs par byang chub pa rnam par bsgoms pa'i skad cig ma gnyis pa'i pa la chos kyi skur mngon par rdzogs par byang chub pa yin te/ de yang ngo bo nyid kyi sku la sogs pa'i dbye bas rnam pa bzhi yin pas/ dang po ngo bo nyid kyi sku/ /thub pa'i ngo bo nyid sku ni/ zag pa med pa'i chos gang dag /thob gyur rnam kun rnam dag pa/ /de dag rang bzhin mtshan nyid can/ /zhes bya ba gsungs te/ thub pa sangs rgyas bcom ldan 'das kyi ngo bo nyid kyi sku ni/ dran pa nye bar bzhag pa la sogs pa ye shes kyi bdag nyid/ 'jig rten las 'das pa'i chos kyi dbyings kyi ngo bo nyid kyi zag pa med pa'i dri ma rnams glo bur ba nyid kyis rnam pa thams cad du rnam par dag cing rang bzhin gyis dben pa'i mtshan nyid du gyur pa yang dag yin pa de dag gi rang gi ngo bo nyid skye ba med pa'i ngo bo nyid ni 'di yin te/ bcos ma ma yin pa'i don gyis 'jig rten las 'das pa'i lam gyis 'thob kyi byas pa ni ma yin pas rnam par shes pa sgyu ma lta bus chos thams cad rtogs pas thob pa yin no/ /sku lhag ma gsum po don dam par chos nyid kyi ngo bo yang dag pa'i kun rdzob tu snang ba ji ltar mos pas rab tu phye ba ni sangs rgyas dang byang chub sems dpa' dang/ nyan thos la sogs pa'i spyod yul du rnam par bzhag pa yin no zhes bstan pa'i phyir lugs las/ gang phyir dben ba dben gyur las/ /tha mi dad pa nyid du 'dod/ ces 'byung ba'i phyir de dang tha mi dad kyang tha dad par rnam par bzhag go /de ltar sku dang po bstan nas/ gnyis pa chos kyi sku spros pa med pa'i ye shes kyi bdag nyid zag pa med pa'i dran pa nye bar gzhag pa la sogs pa'i ngo bo/ byang chub phyogs mthun tshad med dang/ /rnam par thar dang mthar gyis ni/ /snyoms 'jug dgu yi bdag n yid dang/ /zad par bcu yi bdag nyid dang/ /zil gyis gnon pa'i skye mched ni/ /rab tu dbye bas
- 145a
rnam brgyad dang/ /nyon mongs med dang smon mkhyen dang/ /mngon shes so so yang dag rig /rnam pa thams cad dag bzhi dang/ /dbang bcu dang ni stobs bcu dang/ /mi 'jigs pa ni bzhi dag dang/ /bsrung ba med pa rnam gsum dang/ /dran pa nyer gzhag rnam gsum dang/ /bsnyel ba mi mnga' chos nyid dang/ /bag chags yang dag bcom pa dang/ /skye la thugs rje chen po dang/ /thub pa kho na'i ma 'dres chos/ /bco brgyad bshad pa gang yin dang/ /rnam pa thams cad mkhyen nyid dang/ /chos kyi sku zhes brjod pa yin/ /zhes bya ba gsungs te/ dran pa nye bar gzhag pa la sogs pa nas/ 'phags pa'i lam yan lag brgyad pa'i bar byang chub kyi phyogs rnams dang/ snga ma bzhin du byams pa la sogs pa tshad med pa tshangs pa'i gnas pa rnams dang/ nang gzugs can dang gzugs can ma yin par 'du shes pas phyi rol gyi gzugs rnams la lta ba zhes bya ba gnyis dang/ sdug pa'i rnam par thar pa lus kyis mngon sum du byas te rdzogs par byas nas gnas pa zhes bya ba gcig dang/ nam mkha' dang rnam par shes pa dang/ ci yang med pa dang/ 'du shes med 'du shes med min skye mched ces bya ba bzhi dang/ 'du shes dang tshor ba 'gog pa zhes bya ba gcig ste/ de ltar rnam par thar pa brgyad dang/ gzugs kyi khams kyi bsam gtan bzhi dang/ gzugs med pa'i snyoms par 'jug pa bzhi dang/ 'gog pa'i snyoms par 'jug pa zhes bya ba snyoms bar 'jug pa dgu dang/ sa dang/ chu dang/ me dang/ rlung dang/ sngon po dang/ ser pa dang/ dmar po dang/ dkar po dang/ nam mkha' dang/ rnam par shes pa zhes bya ba bzad par rnam pa bcu dang/ nang gzugs dang gzugs med par 'du shes pa dag gis so sor chud du dang chen po'i rnam pa dag tu phyi rol gyi gzugs
- 145b
rnams la lta zhing de dag zil kyis mnan nas shes zhes bya ba bzhi dang/ nang gzugs med par 'du shes pa dag kho nas sngon po dang/ ser po dang/ dmar po dang/ dkar po dag zil gyis mnan nas mthong zhes bya ba rnam pa bzhi ste/ de ltar zil gyis gnon pa'i skye mched rnam pa brgyad dang/ pha rol gyi rgyud tu gtogs pa'i nyon mongs pa'i dgra'i rgyun drung 'byin pa'i ting nge 'dzin zhes bya ba gang yin pa nyon mongs pa med pa dang yang dag par mtshan ma thams cad dang bral zhing chags pa bcom pa the tshom sel bar mdzad pa'i smon lam grub pas 'khor ba ji srid pa dang rnam par grol ba ji srid pa'i gnas skabs su 'jug pa zhes bya ba smon nas mkhyen pa dang/ sngar bshad pa'i mngon par shes pa drug dang/ so so yang dag par rig pa bzhi dang/ rten dang dmigs pa dang thugs dang ye shes yongs su dag pa zhes bya ba dag pa bzhi dang/ tshe dang/ sems dang/ yo byad dang/ las dang/ skye ba dang/ mos pa dang/ smon lam dang/ rdzu 'phrul dang/ ye shes dang/ chos la dbang ba zhes bya ba dbang bcu dang/ sngar bshad pa'i stobs bcu dang/ mi 'jigs pa bzhi dang/ de bzhin gshegs pa'i sku dang gsung dang thugs kyi spyod pa yongs su dag pa ste/ 'di la phyin ci log gi kun du spyod pa gzhan gyis yongs su shes pa'i bsnyengs pas bcab par bya'o snyam pa'i dgongs pa mi mnga' o zhes bya ba bsrung ba med pa rnam pa gsum dang/ chos ston pa na nyan par 'dod pa dang/ nyan par mi 'dod pa dang/ gnyis ka dag la go rim bzhin du rjes su chags pa dang/ khong khro ba dang/ gnyis gas? dben pa kho nar btang snyoms su dran pa dang ldan par gnas so zhes bya ba dran pa nye bar gzhag pa rnam pa gsum dang/ sems can gyi don mdzad pa'i dus las mi 'da' ba' i mtshan nyid ces bya ba bsnyel ba mi mnga' ba'i chos nyid dang/ nyon mongs pa dang shes bya'i sgrib pa'i bag la nyal
- 146a
gyi ngo bo'i sa bon spangs pas bag chags yang dag par bcom pa dang/ skye bo mdza' dag la phan pa'i bsam pa nyid ces bya ba skye bo la thugs rje chen po nyid dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid dang/ dang zhes bya ba'i sgras bsdus ba lam shes pa nyid la sogs pa sngar bshad pa d+dag kyang yin bte/ byang chub kyi phyogs dang mthun pa la sogs pa spros ba med pa'i ye shes kyi bdag nyid gnas gyur pas gyur pa thams cad kyang chod kyi skur mngon par brjod pa yin no zhes bya ba ni kho cig gi'o/ /gzhan dag ni/ thub pa'i ngo bo nyid sku ni/ /zag pa med pa'i chos gang dag /thob gyur rnam kun rnam dag pa/ /de dag rang bzhin mtshan nyid can/ zhes bya ba'i sgra ji bzhin nyid du du 'jig rten las 'das pa'i zag pa med pa'i chos rnams kho na khas blangs nas ngo bo nyid kyi sku ni de dag gi rang bzhin skye ba med pa nyid gang yin pa de'i mtshan nyid can yin te/ de nyid kyang chos nyid kyi sku yin pa las chos kyi sku'o zhes ngo bo'i rkyen mi mngon par byas nas bstan to zhes rnam par bshad nas/ chos kyi sku gang dag gi rang bzhin gyi mtshan nyid can yin pa'i zag pa med pa'i chos de dag kyang gang dag cig yin zhe na/ byang chub phyogs mthun tshad med dang/ zhes bya ba la sogs pa'i tshig le'ur byas pa la 'jug par byed do/ /gzhan dag na re / de dag gi ltar na rnal 'byor ba'i kun rdzob tu don khyad par can snang ba skyed pa'i sgo nas/ gnas yongs su gyur pas gyur pa/ chos ston pa la sogs pa'i don gyi bya ba mdzad pa gnyis su med ba'i sems dang sems las byung ba/ gdon mi za bar khas blang dgos pa rnams ji ltar bsdus zhes zer ro/ /kha cig na re/ ngo bo nyid longs rdzogs bcas dang/ /de bzhin gshan pa sprul ba ni/ /chos sku mdzad par bcas pa ste/ /
- 146b
rnam pa bzhir ni yang dag brjod/ ces bya ba'i tshig le'ur byas pa las/ ngo bo nyid ces bya ba'i sgra'i mjug thogs su chos kyi sku zhes bya ba'i sgra mi 'byung bas sku ni gsum kho na'o zhes zer ro/ /gzhan dag na re dgos pa nye bar bstan pa'i shugs kyis tshig le'ur byas pa sbyar ba'i dor/ ye shes kho na dang mdzad pa sbyar ba'i phyir de skad du gsungs pa yin te/ de'i phyir phyogs gzhan nas sku bzhir gsungs pa thams cad mi 'gal bar 'gyur ro zhes zer ro/ /nyan thos la sogs pa'i nyon mongs pa med pa'i ting nge 'dzin las sangs rgyas kyi nyon mongs pa med pa'i ting nge 'dzin khyad par du bya ba'i phyir bar skabs kyi tshigs su bcad pa/ nyan thos nyon mongs med pa'i lha/ /mi yi nyon mongs yongs spyod nyid/ /grong sogs su de'i nyon mongs rnams/ /rgyun gcod rgyal ba'i nyon mongs med/ ces bya ba gsungs te/ nyan thos la sogs pa'i nyon mongs pa med pa'i ting nge 'dzin ni/ bdag mthong ba las 'ga' zhig gi nyon mongs ba skye bar 'gyur na mi rung ngo zhes/ mi'i nyon mongs pa skye ba yongs su slong ba nyid yin no/ /de bzhin gshegs pa rnams kyi nyon mongs ba med pa'i ting nge 'dzin ni/ grong la sogs par skye bo mdza' dag gi nyon mongs pa'i rgyun drungs 'byin par mdzad pa yin no/ /nyan thos la sogs pa'i smon nas shes pa bas/ de bzhin gshegs pa'i smon nas mkhyen pa khyad par du bstan ba'i phyir bar skabs kyi tshigs su bcad pa/ sangs rgyas smon nas mkhyen pa ni/ /lhun gyis grub dang chags spangs dang/ /thogs pa med dang rtag gnas dang/ /'dri ba kun lan 'debs par bzhed/ ces bya ba gsungs te/ de bzhin gshegs pa'i smon nas mkhyen pa ni/ mtshan ma med pa nyid du rang gi dong gis 'jug pa dang/ dngos po la mngon par ma zhen pas gzugs la sogs pa la chags pa dang bral ba dang/ nyon mongs pa dang shes bya'i sgrib pa bag chags dang
- 147a
bcas te spangs pas shes bya thams cad la thogs pa med pa dang/ 'khor ba ji srid par gnas pa'i phyir rtag tu gnas pa dang/ yang dag pa'i so sor rig pa brnyes pas 'dri ba'i lan 'debs par mdzad pa yin par bzhed do/ / nyan thos la sogs pa yi ni bzlog pa nyid kyis de lta ma yin no/ /rtag tu thugs rje chen po'i ngo bo nyid kyi chos kyi sku la bzhugs na yang/ rtag tu ji ltar don mi mdzad/ ces bya ba'i lan gdab pa'i phyir/ bar skabs gyi tshigs su bcad pa/ rgyu ni yongs su smin gyur nas/ /gang dang gang la gang dang ni/ /gang tshe bya ba phan gyur pa/ /de dang de la de snang ngo/ /zhes bya ba gsungs te/ dge ba'i bshes gnyen la sogs pa dang phrad pas sngon bskyed pa'i dge ba'i rtsa ba'i sa bon sangs rgyas la sogs pa la dmigs pa'i rgyu yongs su rtas par gyur nas sems can gang la gang gi dus su chos bstan pa la sogs pa mdzad na/ yun du 'phrod par 'gyur ba de'i tshe/ de'i don bya ba'i phyir sngon gyi smon lam grub pas/ bcom ldan 'das de dang der snang ba dang mtshan bar don gyi bya ba mdzad pas dus thams cad du yid bzhin gyi nor bu ltar nye gnas kyang/ /rang gi las kyi nyes pas bskyed pa la rgyum tshang bas/ 'bras bu smin par mdzad par mi snang ngo snyam du dgongs pa yin no/ /de ji lta bu zhig snyam pa la bar skabs kyi tshigs su bcad pas dpe/ lha yi rgyal pos char phab kyang/ /sa bon mi rung mi 'khrungs ltar/ /sangs rgyas rnams ni byung gyur kyang/ /skal pa med pas bzang mi myong/ zhes bya ba gsungs te/ dper na lta'i dbang bas char phab tu zin kyang til la sogs pa'i sa bon rul pa'i ngo bo la sogs pas sa bon mi rung bar gyur ba mi 'khrungs pa de bzhin du sangs rgyas yid la re ba mdza' dag yongs su rdzogs par mkhas pa rnams byung ? bskal pa med pas dam pa'i chos mnyan pa
- 147b
la sogs pa'i bzang po thob par mi 'gyur ro/ /ye shes kyi bdag nyid kyi chos kyi sku rnal 'byor ba so sor nges pa'i rgyud kyi rten la yod pa skad cig re re la 'byung ba ji ltar khyab pa dang/ rtag pa zhes kyang brjod ce na/ bar skabs kyi tshigs su bcad de gsungs pa/ de ltar mdzad pa rgya che'i phyir/ /sangs rgyas khyab par nges par brjod/ /de nyid zad pa med pa'i phyir/ /rtag pa zhes kyang brjod pa yin/ zhes bya ba yin te/ de ltar ji skad bshad pa'i tshul gyis thams cad du snang ba'i sgo nas bya ba mdzad pa rgya che ba'i phyir dang/ rgyun chags su 'khor ba ji srid par bzhugs kyang bcom ldan 'das la zad pa mi mnga' ba'i phyir go rim bzhin du sangs rgyas khyab pa dang/ rtag pa zhes mngon par brjod do/ /de ltar sku gnyis bstan nas/ gsum pa longs spyod rdzogs pa'i sku gzugs kyi sku'i ngo bo nyid mtshan dang dpe byad bzang pos 'bar ba/ mtshan ni sum cu rtsa gnyis dang/ /dpe byad brgyad cu'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed/ ces bya ba gsungs te/ mtshan sum cu rtsa gnyis dang/ dpe byad bzang po brgyad cu'i ngo bo nyid 'di ni byang chub sems dpa' chen pos sa bcu pa la zhugs pa rnams dang/ rbabs cig tu theg pa chen pa'i chos kyi longs spyod kyi dga' ba dang bde ba shin du kha na ma thob med pa nye bar spyod ba'i phyir/ sangs rgyas bcom ldan 'das kyi longs spyod rdzogs pa'i sku yin no/ /mtshan sum cu rtsa gnyis po de dag gang dag yin zhe na/ bar skabs kyi tshigs su bcad pa lnga ni/ phyag zhabs 'khor lo'i mtshan dang rus spal zhabs phyag dang zhabs sor dra bas 'brel ba dang/ /phyag ni zhabs bcas 'jam zhing gzhon sha chags/ /'di yi sku ni bdun dag mtho ba dang/ /sor mo ring dang rting yangs sku che drang/ /zhabs 'bur mi mngon spu ni gyen du phyogs/ /byin ba e ne ya 'dra
- 148a
phyag ring mdzes/ /'doms kyi spa ba sbubs su nub pa'i mchog /pags pa gser mdog pags pa srab pa dang/ /spu ni re re nas g.yas legs 'khrungs dang/ /zhal mdzod spus brgyan ro stod seng ge'i 'dra/ /'di yi dpung ba'i mgo zlum thal gong rgyas/ /'di la ro mi zhim pa ro mchog snang/ /sku ni n+ya gro ta ltar chu zheng gab/ /gtsug gtor dbur ldan ljags ring mdzes pa dang/ /tshangs dbyangs 'bram pa seng ge'i 'dra dang tshems/ /shin du dkar dang tshad mnyam thags ? dang/ /gangs ni bzhi bcu tham pa tshang ba dang/ /spyan ni mthon mthing spyan rdzi ba mchog gi/ 'dra ba 'di dag sul? cu rtsa gnyis mtshan/ zhes bya ba gsungs te/ bla ma rnams la skyel dang bsu ba la sogs pas phyag dang zhabs 'khor lo'i mtshan dang ldan pa nyid dang/ sdom pa yang dag par blangs ba la bstan pa nyid kyis rus sbal bzhin du zhabs shin tu gnas pa nyid dang/ bsdu ba'i dngos po bzhi bsten pas phyag dang zhabs kyi sor mo dang pa'i rgyal po lta bur dra bar 'brel ba nyid dang/ bza' ba dang bca' ba la sogs pa gya nom pa byin pas phyag dang zhabs 'jam zhing gzhon sha chags pa nyid dang/ bldag pa la sogs pa shin tu gya nom pa byin pas phyag dang zhabs dang thal gong dang ltag pa'i phyogs mtho ba'i phyir bdun mtho ba nyid dang/ gsad par bya ba las thar bar byas pas sor mo ring ba nyid dang/ 'tsho ba la phan btags pa nyid kyis rting pa yangs pa nyid dang/ srog gcod pa spangs pa nyid kyis sku che zhing dang ba nyid dang/ dge ba'i chos yang dag par blangs pas zhabs long bu mi mngon pa nyid dang/ dge ba yang dag bar blangs pa spel bas sku'i spu gyen du phyogs pa nyid dang/ rig pa dang bzo la sogs pa gus par byas te byin pas byin pa ri dags e ne ya'i lta bu
- 148b
? bdag pa la slong ba po'i skye bo phyir ma spangs pas phyag ring zhing mdzes pa nyid dang/ skye bo thams cad tshangs par spyod pa yang dag par len du 'jug pa dang/ gsang ba'i gsang tshig bsrungs pas 'doms kyi sba ba sbubs su nub pa nyid dang/ gding ba ? pa byin pas mdog gser 'dra ba nyid dang/ khang bzang la sogs pa dam pa byin pas pags pa 'jam pa nyid dang/ 'du 'dzil sogs pa yongs su spongs pas spu re re nas g.yas phyogs su 'khyil ba nyid dang/ skye bo bla ma thams cad gnas ji lta ba bzhin du bkod pas zhal mdzod spus brgyan pa nyid dang/ rnam pa thams cad du kha drag gi tshig gis khyad du ma bsad pas ro stod seng ge'i 'dra ba nyid dang/ snyan par smra pa dang legs par smra ba'i rjes su 'thun par byas pas dpung mgo shin tu zlum pa nyid dang/ sman la sogs pa byin pas thal gong rgyas pa nyid dang/ skye bo nang pa'i g.yag byas pas ro bro ba'i mchog mkhyen pa nyid dang/ nags tshal dang kun dga' ra ba la sogs pa byed pa yang dag par len du bcug pas shing n+ya gro ta ltar chu zhed gab pa nyid dang/ gtsug lag khang la sogs pa lhag par byin pas dbu gtsug tor dang ldan pa nyid dang/ 'jam po la sogs pa gsungs pas ljagS ring ba nyid dang/ 'jig rten gyi khams thams cad kyi sems can la dam pa'i chos go bar gyis pas tshangs pa'i dbyangs nyid dang/ tshig bkyal pa spangs pas 'gram pa seng ge'i 'dra ba nyid dang/ skye bo thams cad bkur ba la sogs pas tshems dkar ba nyid dang/ 'tsho ba rnam par dag pa nyid kyis chems mnyam pa nyid dang/ bden pa'i tshig kun du spyad pas chems thags bzang ba nyid dang/ phra ma'i tshig spangs pas tshems bzhi bcu mnga' ba nyid dang/ sems can thams cad la bu gcig pa dang 'dra bar bltas pas spyan mthon mthing nying dang/ khong khro la sogs pa med par bltas pas rdzim
- 149a
ba'i lta bu nyid do/ /rgyu grub pas mtshan grub po zhes bar skabs kyi tshigs su bcad pa/ 'di la mtshan ni gang gang gi/ sgrub par byed pa'i rgyu gang yin/ /de dang de ni rab rdzogs pas/ /mtshan ni 'di dag yang dag 'grub ces bya ba gsungs te/ mtshan gang gi sgrub par byed pa'i rgyu gar? yin pa de rab tu rdzogs pas mtshan sum cu rtsa gnyis po 'di dag 'byung ngo/ /rgyu de gang yin zhe na/ de'i 'og tu bar skabs kyi tshigs su bcad pa dag gis/ bla ma skye la la sogs pa dang/ /yang dag blangs pa brtan pa dang/ /bsdu ba brten dang gyo nam pa'i/ /dngos po sbyin dang gsang bya ba/ /thar par byed dang dge ba ni/ /yang dag blangs pa spel la sogs/ /sgrub byed rgyu yi mtshan nyid de/ /mdo las ji skad 'byung ba bzhin/ /ces bya ba gsungs te/ tshig le'ur byas pa 'di gnyis ni/ gong nyid du mtshan bshad par bkrol zin pas yang mi bri'o/ /de ltar mtshon rnams brjod nas bar skabs kyi tshigs su bcad pa bcu gnyis kyis dpe byang bzang po gsungs pa/ thub pa'i sen mo zangs mdog dang/ /mdog snum mtho dang sor mo rnams/ /zlum rgyas byin gyis phra ba dang/ /rtsa mi mngon dang mdud pa med/ /long bu mi mngon zhabs mnyam dang/ /seng ge glang chen bya dang ni/ /khyu mchog stabs gshegs g.yas phyogs dang/ /mdzes gshegs drang dang 'khyil bag chags/ /byi dor byas 'dra rim par 'tsham/ /gtsang dang 'jam dang dag pa'i sku /mtshan ni yongs su rdzogs pa dang/ /sku yi kho la g.yangs shing bzang/ /gam snyoms pa dang spyan gnyis ni/ /dag dang gzhon sha can nyid dang/ /sku zhum med dang rgyas pa dang/ /shin du grims pa'i sku nyid dang/ /yan lag shin tu rnam 'byes dang/ /gzigs pa sgrib med dag pa dang/ /dku zlum skabs phyin ma rnyongs dang/ phyad de pha dang lte ba ni/ /thab? dang g.yas phyogs 'khyil pa dang/ kun nas lta na
- 149b
sdug pa dang/ /kun spyod gtsang dang sku la ni/ /sme ba gnag bag med pa dang/ /phyag ni shing bal ltar 'jam dang/ /phyag ris mdangs yod zab ring dang/ /zhal ni ha cang mi ring dang/ /mtshan bim ba ltar dmar dang/ /ldags mnyen pa dang srab pa dang/ dma' dang 'khrug gi sgra nyid dang/ /gsung mnyen 'jam dang mche ba zlum/ /rno dang dkar dang mnyam pa dang/ /byin gyis bra dang shangs mtho dang/ /mchog tu dge ba dgad pa ni/ /spyan yangs pa dang rdzim srug /pad+ma'i 'dab ma 'dra ba dang/ /smin tshugs ring dang 'jam pa dang/ /snum dang spu ni mnyam pa dang/ /phyag ring rgyas dang snyan mnyam dang/ /nyams pa rnam par spangs pa dang/ /dpral ba legs bar 'byes pa dang/ /dbyes che ba dang dbu rgyas dang/ /dbu skra bung ba ltar gnag dang/ /stug dang 'jam dang ma 'dzings dang/ /mi gshor dri zhim skyes bu yi/ /yid ni 'phrog par byed pa dang/ /dpal gyi be'u dang bkra shis ni/ /sangs rgyas dpe byad bzang por bzhed/ ces bya ba yin te/ 'du byed thams cad la 'dod chags dang bral ba nyid kyis sen mo zangs kyi mdog lta bu nyid dang/ sems can thams cad la phan pa'i lhag pa'i bsam pa nyid kyis sen mo mdog snum pa nyid dang/ rigs kyi mchog las skyes pas sen mo mtho ba nyid dang/ tshul kha na mtho ba med pa nyid kyis song mo rnams zlum pa nyid dang/ dge ba'i rtsa ba bsags pa nyid kyis sor mo rnams rgyas pa nyid dang/ yang dag par mthar gyis sor sor zhugs pa nyid kyis sor mo rnams byin gyis phra ba nyid dang/ lus la sogs pa'i las dang 'tsho ba rab tu bsrungs pa nyid kyis rtse mi mngon pa nyid dang/ nyon mongs pa'i mdud pa 'grol ba nyid kyis rtsa mdud pa med pa nyid dang/ shin du sbas pa'i chos kyi blo gros can nyid kyis long bu mi mngon pa nyid dang/ bgrod dka' ba'i gnas thams cad las skye bo sgrol bar mdzad
- 150a
pa nyid kyis zhabs mi mnyam pa med pa dang/ mi zil gyis gnon pa la mkhas pa nyid kyis seng ge'i stabs su gshegs pa nyid dang/ klu zil gyis gnon pa la mkhas pa nyid kyis glang po che'i stabs su gshegs pa nyid dang/ nam mkha' la gshegs par mkhas pa nyid kyis rang pa'i stabs su gshegs pa nyid dang/ skyes bu'i khyu mchog tu mkhas pa nyid kyis khyu mchog gi stabs su gshegs pa nyid dang/ skor phyogs kyi lam dang mthun par gshegs pa nyid kyis g.yas phyogs su ldog cing gshegs pa nyid dang/ mdzes par mkhas pa nyid kyis mdzes par gshegs pa nyid dang/ rtag tu sems gya gyu mi mnga' ba nyid kyis mi g.yo bar gshegs pa nyid dang/ yon tan yang dag par brjod par mdzad pa nyid kyis sku 'khril bag chags pa nyid dang/ sdig pa'i chos dang ma 'phags pa nyid kyis sku phyi dor byas pa lta bu nyid dang/ gdul bya dang 'tsham pa'i chos ston par mdzad pa nyid kyis sku rim par 'tsham nyid dang/ sku la sogs ba kun du spyod pa gtsang ba'i phyir sku rnam par dag pa nyid dang/ thugs thugs rje can gyi phyir sku 'jam pa nyid dang/ thugs rnam par dag pa'i phyir sku rnam par dag pa nyid dang/ chos 'dul ba yongs su rdzogs pa'i phyir mtshan rdzogs pa nyid dang/ yangs shing mdzes pa'i yon tan rdzogs pa'i phyir sku'i kho lag yangs shing bzang ba nyid dang/ thams cad la thugs snyoms pa'i phyir gom pa snyoms pa nyid dang/ rnam par dag pa'i chos ston pa'i phyir spyan rnam par dag pa nyid dang/ chos go sla bar ston pa'i phyir sku shin du gzhon sha can nyid dang/ thugs rtag tu ma zhum pa'i phyir sku zhum pa med pa nyid dang/ dge ba'i rtsa ba yang dag par 'phags pa'i phyir sku rgyas pa nyid dang/ yang srid pa zad pa nyid kyis
- 150b
sku shin tu grims pa nyid dang/ rten cing 'brel bar 'byung ba shin tu rnam par bye ba ston par mdzad pa nyid kyis yan lag dang nyid la gshin tu rnam par skyes pa nyid dang/ tshig gi don shin du rnam par dag pa ston pas gzigs pa rab rib med cing rnam par dag pa nyid dang/ ? mtshul khrims phun sum tshogs par gyur pa nyid kyis dgu zlum pa nyid dang/ 'khor ba'i skyon gyis ma spags pa nyid kyis dgu skabs phyin pa nyid dang/ nga rgyal gyi 'gying bag bcom pa nyid kyis dgu ma rnyongs pa nyid dang/ chos zad pa rnam par zlog pa nyid kyis phyal? phyed ngo bo nyid dang/ chos zab mo rtogs pa nyid kyis lte ba zab pa nyid dang/ slob ma mthun par 'dzin par 'gyur ba nyid kyis lte ba g.yas phyogs su 'phyi ba la? nyid dang/ 'khor kun nas mdzes par gyur ma nyid kyis kun nas mdzes pa nyid dang/ thugs gtsang ba nyid kyis kun du spyod pa gtsang ba nyid dang/ dus ma yin pa'i chos 'dul ba dang bral ba nyid kyis sku la sme ba dang gnag bag med pa nyid dang/ lus la sogs pa zo mdog bde ba 'thob pa'i chos ston pa mdzad pa nyid kyis phyag shing pal ltar shin du 'jam pa nyid dang/ mdangs yod pa'i dge sbyong chen po brnyes pa nyid kyis phyag gi ri mo mdangs yod pa nyid dang/ chos zab mo la gnas pa nyid kyis phyag gi ri mo brab pa nyid dang/ phyi rjes su yang dag par yongs su dag pa'i chos ston par mdzad pa nyid kyis phyag gi ri mo ring ba nyid dang/ bslab pa rab tu mang po kun ston par mdzad pa nyid kyis zhal ha cang mi ring ba nyid dang/ 'jig rten thams cad gzugs brnyan dang 'dra bar rtogs pa nyid kyis mchu ? ltar dmar ba nyid dang/ tshig 'jam bos 'dul ba nyid kyis ljags mnyen pa nyid dang/ yon tan 'thad pa mang ba nyid kyis ljags srab pa nyid dang/ chos 'dul ba byis pa'i skye bo chags pa can gyis gting dang? dka' ba nyid kyis ljags dmar po nyid dang/ bsnyengs pa thams cad
- 151a
mi mnga' ba nyid kyis 'brug gi sgra dang ldan pa nyid dang/ snyan pa la sogs par gsung ba nyid kyis gsung snyan cing mnyen la 'jam pa nyid dang/ srid par kun du sbyor ba bsdams pa nyid kyis mche ba zlum pa nyid dang/ skye po gdul dka' ba 'dul bar mdzad pa nyid kyis mche ba rno ba nyid dang/ chos 'dul ba shin du dkar ba nyid kyis mche ba dka' ? ba nyid dang/ mnyam pa'i sa la gnas pa nyid kyis mche ba mnyam pa nyid dang/ mthar gyis mngon par rtogs pa yang dag par rab tu ston par mdzod pa? nyid kyis mche pa byin gyis phra ba nyid dang/ shes rab mchog la gnas pa nyid kyis shangs mtho ba nyid dang/ skye bo gtsang ma phun sum tshogs pa nyid kyis shangs gtsang ba nyid dang/ chos shin tu rgya che ba'i phyir spyan yangs pa nyid dang/ sems can gyi tshogs drangs ba nyid kyis rdzi ma stug pa nyid dang/ 'gro ba gzhon nu ma thams cad mngon par mgu ba nyid kyis spyan dkar nag 'byes shing pad+ma'i mdab ma rangs pa lta bu nyid dang/ rtag tu phyi rjes su gzigs pa nyid kyis smin tshugs ring ba nyid dang/ chos 'dul ba 'jam po la mkhas pa nyid kyis smin ma 'jam pa nyid dang/ thugs kyi rgyud dge bas brlan pa nyid kyis smin ma snum pa nyid dang/ kun du skyon gzigs pa nyid kyis smin ma'i spu mnyam pa nyid dang/ mchog tu gnod pa bzlog par mdzad pa nyid kyis phyag ring zhing rgyas pa nyid dang/ 'dod chags la sogs pa'i g.yul las rnam par rgyal ba nyid kyis snyan mnyam pa nyid dang/ sems can thams cad kyi rgyud ma nyams par mdzad ba nyid kyis snyan gyi dbang po mnyams pa nyid dang/ lta bas byas pa thams cad kyis gzhan du mi 'gyur ba nyid kyis dpral ba legs par 'byes pa nyid dang/ smra ba thams cad 'joms par mdzad pa nyid kyis dpral bar dbyes che ba nyid dang/ smon lam gyi mchog yongs su rdzogs pa nyid kyis dgu shin
- 151b
tu rgyas pa nyid dang/ yul gyi dga' ba zlog pa mdzad pa nyid kyis dbu skra bud ba ltar gnag pa nyid dang/ mthong ba dang sgom pas spang par bya ba'i bag la nyal spangs pa'i phyir dbu skra stug pa nyid dang/ bstan pa blo 'jam pas yongs su shes pa nyid kyis dbu skra 'jam pa nyid dang/ thugs 'dod chags la sogs bsam 'khrugs pa nyid kyis dbu skra ma 'dzings pa nyid d+dang/ rtag tu tshig mi rtsub pa nyid kyis dbu skra mi gshor ba nyid dang/ byang chub kyi yan lag gi me tog bkram pa nyid kyis dbu skra dri zhim pa nyid dang/ rnam pa thams cad du mdzes par gyur pa nyid kyis phyag dang zhabs dpal gyi be'u dang bkra shis dang g.yung drung 'khyil pas brgyan pa nyid yin no/ /de ltar sku gsum bstan nas/ bzhi pa sprul pa'i sku byis pa'i skye bo thams cad dang thun mong ba/ gang gis srid pa ji srid bar/ /'gro la phan pa sna tshogs dag/ mnyam du mdzad pa'i sku de ni/ /thub pa'i sprul sku rgyun mi 'chad/ ces bya ba gsungs te/ shAkya thub pa la sogs pa'i gzugs gang gis 'khor ba ji srid par 'jig rten gyi khams thams cad du sems can rnams kyi 'dod pa'i don mnyam pa nyid du mdzad pa'i sku de ni rgyun chags pa nyid kyis sangs rgyas bcom ldan 'das kyi sprul pa'i sku rgyun mi 'chad ba yin no/ /de ltar ngo bo nyid kyi sku'i bdag nyid bsgoms pa'i stobs las byung ba sangs rgyas la sogs pa'i yul nyid du ye shes la sogs pa la bltos nas rab tu brtags pa'i sku gsum bstan nas/ kun rdzob tu ye shes kho na longs spyod rdzogs pa'i sku la sogs par snang ba skyed pa'i sgo nas don bya ba mdzad pas na/ gdul bya'i skye bo snang bo la brten pa'i las de zhi bdag po la brten nas byung ba rnams ni chos kyi sku yin no zhes/ de bzhin 'khor ba ji srid 'di'i/ /las ni rgyun mi 'chad par 'dod/ /'gro rnams zhi ba'i las dang ni/ /bsdu rnam bzhi la
- 152a
dgod pa dang/ /kun nas nyon mongs bcas pa yi/ /rnam par byang ba rtogs pa dang/ /sems can rnams don ji bzhin gyi/ /don dang pha rol phyin drug dang/ /sangs rgyas lam dang rang bzhin gyis/ /stong pa nyid dang gnyis zad dang/ /brda dang dmigs pa med pa dang/ /lus can rnams ni yongs smin dang/ /byang chub sems dpa' i lam dang ni/ /mngon par zhen pa bzlog pa dang/ /byang chub thob dang sangs rgyas zhing/ /rnam par dag dang nges pa dang/ /sems can don ni tshad med dang/ /sangs rgyas bsten sogs yon tan dang/ /byang chub yan lag las rnams ni/ /chud mi za dang bden mthong dang/ /phyin ci log ni spangs pa dang/ /de bzhi med pa'i tshul dang ni/ /rnam par byang dang tshogs dang ni/ /'dus byas 'dus ma byas pa la/ /tha dad yongs su mi shes dang/ /mya ngan 'das la dgod pa ste/ /chos kyi sku yi phrin las ni/ /rnam pa nyi shu bdun du bzhed/ ces bya ba gsungs te/ dang por 'gro ba bzang po dang bzang po ma yin pa la mngon par zhen pa med par gnas pa'i mtshan nyid 'gro ba rab tu zhi ba'i phrin las mdzad nas/ sbyin pa la sogs pa bsdu ba'i dngos po bzhi la bkod de/ thos pa las byung ba la sogs ba'i shes pas mi mthun pa'i phyogs dang gnyen po dor ba dang blang bar bya ba'i sgo nas rtogs par mdzad nas/ sgyu ma mkhan bzhin du rjes su chags pa la sogs pas rnam par dben pa nyid kyis sems can gyi don te gzhan gyi don byams pa la sogs pa'i mtshan nyid ji lta ba'i bdag nyid la bkod de/ de'i rjes la rang gi don 'khor gsum rnam par dag pas rab tu phye ba'i pha rol tu phyin pa drug la goms pa la'o/ /de'i 'og tu rang dang gzhan gyi don gyi mtshan nyid sangs rgyas kyi lam ste/ dge ba bcu'i las kyi lam la'o/ /de nas chos thams cad rang bzhin gyis stong pa nyid goms pa la'o/
- 152b
de'i rjes la sbyin pa'i pha rol tu phyin pa la brten nas sa dang po chos kyi dbyings kun du 'gro ba rtogs pa'i mtshan nyid gnyis su med pa'i chos la'o/ /de nas tshogs yongs su rdzogs pa'i rgyur gyur bas sa gnyis pa la sogs par tshul khrims la sogs pa'i pha rol tu phyin pa'i chos thams cad brdar btags pa'i shes pa la 'god do/ /de bzhin du rim gyis shes rab kyi pha rol tu phyin pa la brten nas sa drug pa la shes pa dang/ shes bya'i dngos por mngon par zhen pa'i mtshan nyid chos thams cad dmigs su med pa la'o/ /de'i 'og tu sa bdun pa la thabs kyi pha rol tu phyin pa'i stobs kyis sems can yongs su smin par byed pa la'o/ /de nas stobs kyi pha rol tu phyin pa'i stobs kyis sa brgyad pa la nyan thos la sogs pa dang thun mong ma yin pa'i byang chub sems dpa' i lam la'o/ /de nas de nyid la chos thams cad la mngon par zhen pa spangs pa la'o/ /de'i rjes la sa dgu pa la smon lam gyi pha rol tu phyin pa'i mthus byang chub thob pa la'o/ /de'i 'og tu ye shes kyi pha rol tu phyin pa'i stobs kyis sa bcu pa la sangs rgyas kyi zhing sna tshogs rnam par dag pa la bkod nas/ yang de nyid la skye ba cig gis thogs pa'i rang gi ngo bo yang dag bar rdzogs pa'i byang chub tu so sor nges pa dang/ phyogs bcu'i 'jig rten gyi khams kyi sems can gyi don dang 'jig rten gyi khams thams cad du sangs rgyas kyi drung du nye bar 'gro ba la sogs pa'i yon tan la bkod de/ de lta bu'i rim pas yang de nyid la khyad par gyi lam gyi rang gi ngo bo byang chub mdza' dag 'dren par byed pa'i chos kyis mtshan nyid byang chub kyi yan lag dang/ las dang 'bras bur 'brel ba chud mi za ba dang/ dngos po thams cad yang dag pa ji lta ba bzhin rtogs pa dang/ phyin ci log thams cad spangs pa dang/ phyin ci log bzhi med par spangs pa'i ye shes dang
- 153a
rang bzhin gyis yongs su dag pa'i mtshan nyid kyi byang chub sems dpa' i rnam par byang ba dang/ dri ma thams cad dang bral ba'i rnam par byang ba'i rgyu'i tshogs dang/ stong ba nyid kyi ngo bo nyid kyis 'dus byas dang 'dus ma byas tha mi dad par yongs su shes pa la dkod nas/ de bzhin gshegs pa'i sa la mya ngan las 'da' ba la bkod bar mdzad de/ de ltar na chos kyi sku bzhin du 'di'i phrin las rnam pa nyi shu rtsa bdun yang 'khor ba ji srid bar bzhed pa zhes bya ba ni mdzad ba yin no// sems bskyed pa dang po dang tha ma'i las bstan pa'i go rim bstan pa'i rim pas lhag ma bar gyi tshig gi don rnams gyi go rim yang khong du chud par bya ste/ tshig mangs su dogs pas bdag gis ni ma bris so/ /shes rab kyi pha rol tu phyin pa'i man ngag gis bstan bcos mngon par rtogs pa'i rgyan ces bya ba las/ /skabs brgyad pa'i 'grel pa'o// //rgyas pa la dga' ba'i sems can la phan gdagS par de ltar don brgyad kyi sgo nas rnam par bshad nas/ yang gzhan du rnam par bshad pa/ mtshan nyid de yi sbyor ba dang/ /de rab de yi go rims dang/ /de mdza' de yi rnam smin ni/ /don bsdus gzhan de rnam pa drug /ces bya ba gsungs te/ dang por rnam pa thams cad mkhyen pa nyid la sogs pa thams cad mkhyen pa nyid gsum ni mngon par mtshon pa'i gnas nyid yin paS mtshan nyid/ de nas dbang du bya ba'i phyir 'dis thams cad mkhyen pa nyid gsum sgom pa la sbyor bas ni rnam pa thams cad mngon par rdzogs par rtogs pa ni thams cad mkhyen pa nyid gsum gyi sbyor ba'o/ /de nas shin tu goms pas phul du byung bar 'gro ba'i phyir rtse mo'i mngon par rtogs pa ni thams cad mkhyen pa nyid gsum gyi rab kyi gnas skabs yin no/ /de nas rtogs pa'i dngos po nges par bya ba'i phyir so so pa dang/ mdza' dag tu rnam par bsgoms pa'i don gzhung
- 153b
? pas mthar gyis pa'i mngon par rtogs pa ni thams cad mkhyen pa nyid gsum gyi go rim gyi gnas skabs yin no/ /de nas khyad par du 'gror med pas yang dag par skad cig ma gcig pa'i mngon par rdzogs par byang chub pa ni/ thams cad mkhyen pa nyid gsum kyi mthar thug pa'i gnas skabs yin no/ /de nas de'i 'bras bu yin pas chos kyi sku mdzad pa dang bcas pa ni thams cad mkhyen pa nyid gsum gyi rnam par smin pa yin no/ /de ltar na yum thams cad kyi don bsdus pa gzhan rnam pa drug ste/ lnga ma kho na bzhin du bshad par bya ba yin no/ /bar ma la dga' ba'i sems can la phan gdags bar de ltar don bsdus pa drug gi sgo nas rnam par bshad nas/ yang mdor bsdus pa la dga' ba'i sems can la phan gdags par gzhan du rnam par bshad pa/ yul ni rnam pa gsum po rgyu/ /sbyor ba bzhi yi bdag nyid dang/ /chos sku phrin las 'bras bu ni/ /don bsdus gzhan te rnam pa gsum/ zhes bya ba gsungs te/ dang por rnam pa thams cad mkhyen pa nyid la sogs pa thams cad mkhyen pa nyid gsum gyi ngo bo nyid ni 'jug pa'i yul gyi rgyu yin no/ /de ji ltar rab tu sbyor zhe na/ de'i 'og tu rnam pa thams cad mngon par rdzogs par rtogs pa la sogs pa mngon par rtogs pa rnam pa bzhi ni sbyor ba yin no/ /sbyor ba de lta bu dang ldan pa'i rgyu de'i 'bras bu ci zhig yin zhe na/ de'i 'og tu chos kyi sku phrin las dang bcas pa ni 'bras bu yin pas/ rgyal ba'i yum rnam pa gsum gyis don bsdus pa gzhan rnam pa gsum ste/ de kho na bzhin du bshad par bya ba yin/ /la la las don gzhan las tshig gzhan las rnam grangs ming gis te/ /mkhas pa rnams gyis yum kun la'ang/ /don bsdus de tsam shes par bya/ /de ltar min na thams cad kyi/ /rim pa legs par bsdus ma yin/ /de la bsdugs sogs rab dbye bas/ /khyad par yod pa kho nar
- 154a
zad/ 'phags pa rnam par grol sde yi/ /mthu yis don mthong sgo nas ni/ /go bar sla phyir tshig dang ni/ /dag sogs sbyor ba ma byas par/ /mkhan po yang dag rnam snang mdzad/ /bla ma bzang la phyag 'tshal nas/ /tshig le'ur byas pa'i 'grel gsal ba/ /'di ni seng ge bzang pos byas/ /de bsdebs pa las byung ba yi/ /dge ba bdag gis gang thob pa/ /de yis skye bo thams cad ni/ /bde gshegs shes rab thob par shog/ shes rab mi gsal bstan bcos kun/ /phyi rol gyur bdag gang na zhig /'phags blo'i spyod yul bdag nyid che/ /bstan bcos don ni gang na yin/ /'on kyang spyod yul ma yin la/ /rang dang gzhan gyi don gyi dor/ /bdag gis 'bad bgyis nongs pa la/ /skye bo mkhas rnams bzod par mdzod// kyi ma gzhung lugs sna tshogs kyis/ /dub pa dag gi ngal gso'i gnas/ /shes rab pha rol phyin pa'i lugs/ /ring mo zhig nas mthong ba yin/ /shes rab kyi pha rol tu phyin pa'i man ngag gis bstan bcos mngon par rtogs pa'i rgyan ces bya ba'i 'grel pa/ slob dpon seng ge bzang pos mdzad pa rdzogs so// //rgya gar gyi mkhan po'i bdyI? ka ra ? b+ha dang/ zhu chen gyi lo tsA bande dpal brtsegs kyis bsgyur cing zhus te gtan la phab pa'o// //slad kyi pan+ti ta/ dpal go mi 'chi med la sogs pa dang/ lo ts+tsha ba dge slong blo ldan shes rab kyis legs par gtan la phab pa'o// //'dis kyang bstan pa rin po che phyogs dus gnas skabs thams cad du dang zhing rgyas la yun ring du gnas par byed nus par gyur cig/ // */ /slob dpon gser gling pa chos kyi gags pas mdzad pa rtogs par dka' ba'i snang ba bzhugs so// //* / /rgya gar skad du/ a b+hi sa ma yA langkAr pradz+nya? pA ra mi to pa de sha
- 154b
shAstra brit+ti durbo d+hA lo ka nA ma TI ka /bod skad du/ shes rab kyi pha rol tu phyin pa'i man ngan gi bstan bcos mngon par rtogs pa'i rgyan ces bya ba'i 'grel pa rtogs par dka' ba'i snang ba zhes bya ba'i 'grel bshad/ sangs rgyas dang byang chub sems dpa' thams cad la phyag 'tshal lo/ /'phags pa 'jam dpal gzhon nur gyur pa la phyag 'tshal lo/ /dpal ldan byang chub shin tu rnam dag pa/ /mi bam la btud des mdzad tshig le'ur byas/ /seng ge bzang po'i dpal gyi zhal snga'i 'grel/ /tshig don rtogS dka' i tshogs ni bshad par bya/ /gang phyir rgyal bas mi khom thams cad ni/ /dad pas spong bar 'gyur zhes gsungs pas na/ /de phyir 'di ni yang dag rtsom pa la/ /skye bo dam pa rnams kyis bzod par mdzod/ /gzhung rtsom pa thams cad la rtog pa dang ldan pa la cher de mthar phyin par bya ba'i phyir dang/ thos pa la sogs pa la 'jug pa rnams gegs med par bya ba'i phyir/ /rang gi dad pa'i lha la phyag 'tshal pa yin pas/ thog mar rgyal ba'i yum la phyag 'tshal ba ni/ shes rab pha rol phyin pa la zhes bya ba la sogs pa smos pa yin te/ shes rab ni thos pa la sogs pa'i rang bzhin gyis shes pa'o/ /de'i pha rol tu phyin pa ni rab kyi mthar son ? ste/ gnyis su med pa'i ye shes dang/ de'i don lam dang gzhung dag ni dngos dang btags pa'i dbye bas shes rab kyi pha rol tu phyin pa rnam pa gsum yin no/ /de la phyag 'tshal ba ni lus la sogs pa gus pas rab tu 'dud pa'o/ /ce zhig gi don du zhe na/ de rgyan te mngon par ma tho ba dag nges par legs pa'i rgyur gyur pa nyid yin pa'i phyir mngon par rtogs pa rnam ba brgyad ni yum de'i rgyun yin no/ /de'i tshig le'ur byas pa dag ni de'i ngo bo'i don rtogs pa rdzogs ? par byed pa'i tshigs su bcad pa'i sdeb sbyor du? byas pa yum stong phrag brgya pa la sogs pa'i rgyu? der bshad po rnam par dbye ba ste/ char che bas nye bar bstan pa'o/ /ji ltar zhe na/ stong phrag
- 155a
brgya ba la sogs pa'i don bshad pa brgyan pa'i phyir mngon pa'i sde snod la sogs pa/ /kun gyi rgyan du 'gyur ba'o/ /der 'gyur ba ni bsam pas te/ des de bstan pa yin ba'i phyir ro/ /phyir zhes bya ba ni de ltar bdag gis 'phags pa byams pa'i dgongs pa shes par gyur pas so/ /ci rab tu byed pa'i rnam par bshad pa gzhan dag kyang yod dam zhe na/ yod pa'i phyir 'gro la chags pa zhes bya ba la sogs pa smos pa yin te/ 'phags pa ste nyon mongs pa dang bral ba lta bur chags ba med par sems can gyi don la kun du chags par mdzad pa gang yin pa des kun du chags pa'o/ /don 'di nyid ni 'gro la chags pas kun chags mdzad ces smos pa yin te/ 'gro ba la chags pa gang yin pa de ni 'gro ba la chags pa ste/ byang chub sems dpa' rnams so/ /de rnams dang 'dra bar kun du chags par mdzad pa gang yin pa des so/ /de nyid kyis na skyob pa ste/ rang gis gzigs pa'i lam ston pas sems can rjes su skyong bar mdzad pa'i phyir ro/ /rnam bshad ni khyad bar can gyi don ston pa'o/ /mdzad pa ni rnam par sbyar ba'o/ /gang gi zhe na/ bstan chos chen po'i zhes bya ba ste/ shes rab kyi pha rol tu phyin pa'i mngo'i don ma lus pa sdud par byed pas/ bstan bcos chen po ste mngon par rtogs pa'i rgyan ces bya'o/ /ci dpyad pas sam thos pa gcig nas gcig tu brgyud pas mdzad dam zhe na/ ma yin te nyid kyis mi pham mgon las gsan nas ni zhes smos pa yin te/ lha dang mi rnams kyi dam par gyur pa yin pa'i phyir dang/ 'jig rten gyi gtso bor gyur pa nyid kyis na dbang phyug chen po la sogs bas mi thub pa'i phyir mi 'pham mo zhes bya ba ni bdag nyid kyis gnas nas legs par bsams shing bsgoms pas bstan par byas nas zhes bya bar don gyi shes so/ /'di ni ting nge 'dzin brnyes pa nyid yin na yang
- 155b
ji ltar lhag par mos pas tshig le'ur byas pas mdzad pa po las mngon sum du gsan pa nyid yin pas na sdud pa po dang 'dra bar 'dir tshad ma'i skyes bur gyur ba yin la/ 'dir gzhan dag thos pa mang ba yang yin zhing dran pa yang shes pa bzhin bsdus pa byas pa nyid ? 'dir ci zhig ltar 'grel pa byed pa la dbang ba yin na/ mkhas par rlom pa gzhan dag lta smos kyang ci dgos zhes bya bar dgongs so/ /phyi rol gyi shes bya med pa /nang gi shes bya la brten cing sems tsam pa'i gzhung la gnas pa nyid yin pa de ni 'gro don rtsal gces bya ba la sogs pa smos pa yin te/ 'gro ba la mngon par mtho ba dang nges par legs pa'i rgyu kha na ma tho ba med pa'i lam yang dag par ston par mdzad bas na rtsa lag go /don 'di nyid ni 'gro don zhes bya ba smos pa yin te/ 'dod pa'i don sgrub par byed pa yin pa'i phyir ro/ /su zhig ce na dbyig gnyen zhes bya ba'o/ /rang gi mos pa gtsor byed pas zhes bya ba ni rang gi gzhung lugs la mngon par zhen pas so/ /rnam par bkrol zhes bya ba ni bshad pa ste/ bstan bcos chen po zhes bya bar rjes su snyegs so/ /'phags ba'i khongs su gtogs pa'i zhes bya ba ni ting nge 'dzin thob pa yin pa'i phyir ro/ /rnam par grol ba zhes bya ba ni khyad par can gyi bdag med pa la lhag par mos pa nyid yin pa'i phyir/ dbu mar gnas pa'i blos zhes bya ba ni yod pa rang med pa la sogs pa'i mdza' spangs pa'i dbu ma'i shes pas bstan bcos chen po rnam par phye ba yin no/ /sngon chad rnam par phye zin bas 'di ni rigs pa ma yin no zhe na/ des byas byas ba min mthong nas/ zhes bya ba smos te/ dbang bya ba smos te/ sngar bshad pa'i spob dpon dag gis byas pa'i 'grel pa rnam par shes ba tsam gyi gzhung rang bzhin dang bcas pa'i 'jug pa yin pa'i phyir ji lta ba nyid ma yin no zhes shes nas de'i phyir rnam bar grol ba'i sdes bdag med pa la lhag par mos pa'i stobs kyis mu stegs pa ma lus pa'i gzhung mdza' dag ba tsam
- 156a
nas rang dang rjes su mthun pa'i bla ma'i tshig gis bdag nyid kyi shes pa gsal bar byas pa'i dbang gis bstan bcos chen po rnam par bshad do zhes snga ma dang sbyar ro/ /'di snyam du sems te/ gal te bcom ldan 'das yum gyi ye shes yod pa'i ngo bo yin na ni yod par 'dzin pas yang dag par grol bar mi 'gyur zhing gzhung yang drang ba'i don du 'gyur ro/ /sgyu ma lta bu'i gnyis su med pa'i ye shes kyi ngo bo nyid kyis ni sgra ji bzhin pa nyid yin pa'i phyir bshad pa rtogs sla ba dang/ yod pa dang med pa la sogs pa'i mdza' la mngon par zhen pa med pa'i phyir yang dag par grol par 'gyur ro/ /de yang dbu ma la 'jug pa las slob dpon klu sgrub zhal snga'i lam nas ni/ phyi rol gyur ba'i zhi ba'i thabs ma yin/ /de ni kun rdzob yang dag bden las nyams/ /de las nyams bas thar ba grub yod min zhes bshad pa dang/ dbu ma'i de kho na nyid ni de'i rigs kho na la rigs pa yin te/ 'di nyid las so so'i skye bo nyid na 'ang stong nyid thos/ /nang gi dga' ba yang dang yang du thob/ /dga' ba gyur? mig na mchims brlan/ /lus kyi sbu ldar ba yang skye bar 'gyur zhes gong bshad pa yin no/ /'phags pa thogs med kyi zhal snga nas kyis dang/ 'phags pa byams pa las yang dag par rdzogs pa'i sangs rgyas dang 'dra bar pa gi bsam ba'i dbang gis sems can gyi don du rtogs pa yin pas nyes pa med do/ /yang rang dang rjes mthun tsam du zhes bya ba 'di'i don ni de'i 'og tu rnam grol sde zhes bya ba la sogs pa smos pa yin te/ dad pa nyid rten du gyur pas sa yin te/ de la gnas pa yis zhes bya ba yin/ dad pa dang ldan pa ste/ bcom ldan 'das kyis dang pas mi khom? spong bar 'gyur zhes gang gsungs pa yin no/ /bstan bcos mdza' dag ma rnyed par zhes bya ba ni sngar? smos pa'i bshad ba'i bstan bcos ma lus pa de mdzad pa po las
- 156b
mngon sum du ma thos pa'am ma mthong ba'o/ /yang na chos mngon pa'i sde snod la sogs pa'i bshad pa'i bstan bcos ma rnyed ba'o/ /da ni sngar smros pa'i bshad ba dang rjes su mthun ba nyid yin pa'i phyir rang gi blo'i che ba'i bdag nyid ni de ltar mkhas pa zhes bya ba la sogs pa smos pa yin te/ de ltar zhes bya ba ni tshul de ltar ro/ /mkhas pas snang byas shing zhes bya ba ni 'phags pa thogs med la sogs pas rnam par sbyar ba'i ye shes kyi sgron mas so/ //cig gis ni zhes bya bas ni bdag las gzhan pa'i mkhas pa mnyam par bzhag pa rnams kyis so bstan bcos kun zhes bya ba ni/ rab tu byed par grags pa'o/ /ma rnyed pa ni ma mthong ba 'am mthos pa'o/ /'di rnyed pa ni bstan bcos gsal bar byas pa rnyed cing nye bar dmigs pa ste/ yang dag pa'i shes pa'i rang bzhin zhes bya ba ni lhag ma'o/ /ma yin na yang de dag nyid kyis bstan bcos sna tshogs ltas pas blo'i kha shin tu phye bar gyur pas snying po mdor bsdus pa'i rab tu byed pa'i don sna tshogs mthong pa'i nus ba yod pa ni ngo mtshar pa yin no/ / gal te de ltar yin na gzhan rnams kyi rnam par dbye ba don dang bcas pa'i skabs med par 'gyur ro zhe na/ ma yin te de ltas shin tu rnyed dka' ba zhes bya ba la sogs pa smos pa yin te/ shin du rnyed dka' ba zhes bya ba ni bsod nams bsags pa nyid kyis rnyed pa nyid yin pa'i phyir ro/ /zab mo'i lam can zhes bya ba ni mngon par rtogs pa brgyad ji ltar byams pas thugs su chud pa'i bdag med pas zin ba nyid yin pa'i phyir rigs dang mi ldan pa dag gis nges par gzung bar mi nus pa las ci zhig ltar rnam pa 'ga' zhig gis tes te/ sangs rgyas kyi dbang gis rnyed pa ste/ sangs rgyas kyi byin gyis brlabs kyis thob pa ni mkhas pa rnams kyis dbye ba'i rigs/ bdag kyang 'gro ba'i don 'gro bar dam bcas pa yod pas bdag gis rnam par phye ba dang de rnams kyis rnam
- 157a
par phye ba la 'gal ba ci zhig yod/ /sngon sangs rgyas pa yod do zhes te/ de ltar mi bya ba ma yin zhing 'gro la phan phyir sangs rgyas 'grub par shog ces sems can thams cad la rgyal ba ma lus pa'i bstan pa don med par thal bar 'gyur ro/ /la bar bshad pa kha cig gis mi 'dul ba yang ma yin te/ sangs rgyas dang 'dra bar de rnams kyi yang dam bcas pa mnyam pa yin no/ /la lar rnam pa dbye ba yongs su rdzogs pa med pa na yang shes rab kyi pha rol tu phyin pa la sogs pa'i mdo las tshigs su bcad pa gcig gis don thos pa la sogs 'tshar rgya ba nyid du bsngags pa yin no zhes bya bar dgongs so/ /de ltar phul du dbyung ba mkhas par gyur pa dang bcas pa yin pa dang/ bsam gtan la mnyam par bzhag pa'i blo nyid kyis rnam par dbye ba'i go skyabs yod pa nyid yin na yang bdag nyid khengs pa med pa nyid ni rnam pa kun du zhes bya ba la sogs pa gsungs pa yin te/ rgyal ba'i spyod yul yin pa'i phyir rnam pa kun du thos pa l sogs pa'i rnam pas kyang bdag gi spyod yul ma yin na gang gi phyir de lta yin na yang/ reng dang gzhan la phan gdags 'dod nas zhes bya ba bdag dang sems can rnams kyi mngon par mtho ba dang nges par legs pa ma lus pa ster ba/ bdag gir byed par 'dod pas bsod nams dag sgrub dang mthun phyir zhes bya bar rab tu byed pa rnam par bshad pa las/ bsod nams skyed ba la gus pa'i sems bskyed pa ste/ yang dag par spro ba la bdag 'jug pa yin pa ste/ rnam par dbye ba zhes bya ba ni lha ga ma'o/ /da ni rang gi gzhung lugs 'chad par mdzad pas bstod pa dang phyag 'tshal ba'i dbye ba'i mchod pa rnam pa gnyis 'chad pa'i rab tu byed pa'i don ci nas gsal bar 'gyur zhes 'jug pa ni 'phags pa byams pa zhes bya ba la sogs pa smos pa yin te/ 'phags pa byams pa ni sdig pa mi
- 157b
mnyam? ba nyid kyis sems can thams cad la bu gcig pa dang 'dra bar byams pas phan 'dogs par mdzad pa'i tshul can no/ /re zhig thog mar rgyal ba'i yum gyi mngon par rtogs pa'i don bshad par rtsom pa nyid yin na yang dang por de'i yon tan ji lta bar ston pa sngon du 'gro bas thog mar yang dag pa'i yon tan brjod de/ phyag 'tshal zhing lus la sogs pa gus pas rab tu 'dud pa ni 'phags pa byams pa bdag nyid ces bya ba la sogs pa smos pa yin te/ bdag nyid yum gyi dbang gis bya ba byas pa rnyed pa nyid yin zhing gdul bya gzhan dag bcom ldan 'das ma yon tan tin po che phul du byung ba'i 'gyur gnas la zhes bya ba dbang phyug dang gzugs bzangs la sogs pa dang ldan pa 'am/ nyon mongs pa bag chags dang bcas par bcom pa'i shes rab kyi pha rol tu phyin pa stobs bcu la sogs pa'i yon tan gyi rgya mtsho thams cad las mchog tu gyur pa'i 'byung gnas pa don gyis zhes bya ba mngon par mtho ba dang/ nges par legs pa'i don gyi dbang gis 'jug par bya ba'i phyir te/ dad pa dang shes rab dag las skyabs gzhan med pa'i bsam pas bsgom pa la sogs pa la 'jug par bya ba'i don du rab tu dang ba bskyed ba'i ched ni yid bde ba yan dag par bskyed pa'i don du'o/ /ci 'di nye bar brtags pas sbyar ba yin nam/ 'on? te des mngon sum du mkhyen pa yin zhe na/ shes rab kyi zhes bya ba la sogs pa smos te/ shes rab kyi pha rol tu phyin pa ni sngar smras zin to/ /de'i yul ni de'i rten no/ /rab tu dang ba ni mnyam pa la sogs pa'i yid bde ba'o/ /legs pa thams cad de/ mngon par mtho ba dang nges par legs pa rnams so/ /'thob pa'i rgyu'i gtso bo ni dngos kyi rgyu yin no/ /de la rab tu dang ba la rang bzhin gyi nus pa 'di dag ci ltar yod ce na/ bdag nyid dam pa rnams kyi spyod pa dang 'thun bar rab tu ston las zhes bya ba smos te/ rab tu
- 158a
dang ba'i bdag nyid de/ rang nyid kyi rang bzhin ni ting nge 'dzin dam pa dang/ dge ba bcu la sogs pa'i bya ba la 'jug pa rab tu ston pas de la rab tu dang ba'i rang bzhin ni 'di yin te/ gang gi phyir gdul bya'i rgyud la skyes pa skyes pa tsam gyi rnam par g.yeng ba dang mi dge ba las sems rnam par log nas ting nge 'dzin dang dge ba bcu la 'jug go /de'i dbang gis kyang don thams cad phun sum tshogs par 'gyur ro zhes bya bar dgongs te/ bcom ldan 'das kyis sangs rgyas bcom ldan bsam mi khyab/ sangs rgyas chos kyang bsam mi khyab/ /bsam mi khyab la dang rnams kyi/ /rnam par smin pa'ang bsam mi khyab ces gang gsungs pa yin no/ /de ltar zhes bya ba ni de bzhin du so sor rang gis rig pa'i ye shes gyis des par bzung nas zhes bya ba thos pa la sogs pa'i rang bzhin gyi shes pa bsgom pa'i rab kyi mthar thugpa la 'jug pa'i mngon sum gyi shes pas nyams su myong nas de'i rjes las byung ba'i rnam par rtog pas des par byas nas/ shes rab kyi pha rol tu phyin pa nges par mdzad pa'i ting nge 'dzin brnyes pa las byung ba nyid kyi tshig ni bslu ba mi srid pas rtog pa dang ldan pa rnams shes rab bam/ dad pas 'jug par 'gyur gyi gzhan ni ma yin no zhes ston to/ /de nyid kyi phyir mdo las byang chub sems dpa' rnams la lugs kyi bstan bcos la sogs pa brtag cing sbyar ba'i don ni dran pa tsam du yang bkag pa yin no/ /skyabs nyid kyi mtshams sbyar bar bya ste/ blo phul du byung ba mnga' ba 'am/ mi bslu ba'i ye shes dang ldan pas sangs rgyas te/ nyan thos la sogs pa slob ma'i tshogs kyis yongs su bskor ba yin pa'i phyir/ nyan thos byang chub sems dpa' i tshogs dang ldan pa yum ste/ skyed par mdzad pa gang yin pa'i yum de la phyag 'tshal ba ni lus la sogs pas gus pas phyag
- 158b
'tshal ba'o/ /da ni don thams cad kyi gzhir gyur ba nyid kyis na yum gyi che ba'i bdag nyid ni nyan thos zhes bya ba la sogs pa smos pa yin te/ rang gi gdul bya rnams la tshig gam lus kyi chos sgrogs pas na/ nyan thos te/ nyan thos dang rang sangs rgyas rnams so/ /de zhi ba tshol ba rnams ni mya ngan las 'das par 'dod pa'o/ /kun shes nyid kyis zhes bya ba ni phyi dang nang gi dngos po rnams skye ba med bar shes pas so/ /nyer zhir ni lhag mdang bcas pa dang lhag ma med pa'i mtshan nyid kyi mya ngan las 'das pa'o/ khrid bar mdzad pa ni thob par mdzad pa'o/ /'go la phan par byed rnams ni 'gro ba rnams la ma 'ongs pa na phan pa'i don skyed par mdzad pa'i byang chub sems dpa' rnams so/ /lam shes nyid kyis zhes bya ba ni gdul bya'i dbang gis nyan thos la sogs pa'i lam skye ba med par thugs su chud pas so/ /'jig rten don grub mdzad pa ni sems can rnams kyi phan pa'i don rdzogs par mdzad ba'o/ /gang dang yang dag ldan pa ni yum gang dang yang dag par ldan pa'o/ /thub rnams ni bdag nyid kyi dngos po rnams yang dag par bsdams pa ste/ yang dag par rdzogs pa'i sangs rgyas so/ /sna tshogs 'di dag rnam pa kun gsungs pa zhes bya ba ni shes rab kyi pha rol tu phyin pa la sogs pa'i chos kyi 'khor lo sna tshogs pa 'di dag rnam pa thams cad du gsungs zhing ston bar mdzad ba'o/ /'phags pa byams pa bdag nyid dam pa rnams kyi sbyod pa zhes bya ba la sogs pa sngar smos pa nyid bsgrub cing gsal bar byas pa ni/ tshigs su bcad pa 'dis ni zhes bya ba la sogs pa smos pa yin te/ rnam par thar pa cung zad tsam zhig gis lhag pa zhes bya ba ni nyan thos rnams ni bag chags gnyis yod pa yin la rang sangs rgyas ni gzung ba'i bag chags spangs pa yin no/ /de'i phyir de rnams ni nyan thos rnams las rnam par thar pa cung zad tsam zhig gis lhag pa yin
- 159a
te/ de ni sems kyi khyad par kho na las rnam par gzhag pa yin pa'i phyir ro/ /dbang phyug chen po la sogs pa las rnal 'byor lhag pa yin pas nyon thos la sogs pa ni/ rnal 'byor gyi dbang phyug go/ ye shes la sogs pa'i chi ba'i bdag nyid kyis yang dag par rdzogs pa'i sangs rgyas ni gtsug tor gyi nor bu yin pas gtso bo'o/ /'di ltar mdor bsdus na gang zag ni rnam pa gnyis te/ kha cig ni dad pa'i rang bzhin can yin la/ de yang yum 'dzin pa la/ sogs pa'i 'bras bu bstan pa thos pa ny+d na dpyod pa med pa'i de'i mdo la nges par 'dzin pa la 'jug pa nyid yin no/ /gang yang rang bzhin gyis dbang po rna ba rnams ni rtag pa dang/ bdag la sogs par bshad pa'i tshig dang 'dra bar bslu ba yod pa sred pas lung gang la yang bab chol du 'jug par mi byed de/ de rnams kyang gcig dang du ma dang bral ba zhes bya ba la sogs pa'i tshad mas grub pa gzhi dang lam dang rnam pa skye ba med pa'i mtshan nyid kyi yum dang de la brten pa'i ting nge 'dzin rgyal po la sogs pa'i mdo thos pa la sogs pa'i 'bras bu bstan pa las dad pa phul du byung ba ni rigs pa nyid de gnod pa mthong pas phan tshun 'gal par brjod pa mi srid pa'i phyir ro/ /don la the tshom gyis yang dag pa rnams kyis 'jug pa'i yan lag yin pa'i phyir te/ tshad ma rnam 'grel mdzad pas/ bstan bcos gang zhig rigs pas grub/ /rang gi tshig dang mi 'gal mthong/ /ma mthong na yang de gzung ba/ /de ltar rigs pa mkhas pas shes zhes gang bshad pa dang/ yang yon tan skyon dag ma mthong ba'i/ /skye bo gsog tu skyes pa la/ /grub mdza' log par 'dzin pa dang/ /kye ma 'di ni gang gis byin zhes kyang bshad pa yin no/ /de nyid kyis na rtag pa la sogs pa dngos po kho nar gang du tshad ma dang 'gal bar 'gyur
- 159b
? rtog pa dang ldan pa rnams don dang mi ldan pa'i the tshom gyi khrus la sogs pa de la gang zhig 'jug par byed/ 'phags pa lha'i zhal snga nas gyis kyang mu stegs byed pa mang po ni/ bdag tu lta bar zhugs mthong na/ /chos 'dod pa yi skye bo rnams/ /snying rje bdud? su mi 'gyur zhes gang bshad pa yin no/ /gzhan dag gi sgo nas yum gyi mtshan nyid zlos te smras pa dang/ ma tshad pa nyid dang dgos pa med par rtog pa la/ thams cad mkhyen pa nyid gsum gyis bsdus pas yang dag par rdzogs pa nyid yin pa ni de lta na zhes bya ba la sogs pa smos pa yin te/ de ltar 'og nas bshad pa'i rim gyis mngon par rtogs pa'i rgyan gyi bstan bcos 'og nas bshad ba'i tshig le'ur byas par grags pa ji ltar mdzad cing sbyar ba yin zhe na/ gzhi dang zhes bya ba la sogs pa smos pa yin te/ gzhi ni phyi dang nang gi bdag nyid can no/ /gnyen po ni nyan thos pa sogs pa'i lam mo/ /rnam pa ni dngos pos stong pa'i rnam pa ste/ de dag las gang yang rung ba zhig bsdus pas zhes bya ba gang yang rung ba zhig nye bar gzung bas so/ /phyogs dang po ltar na ni 'bad pa don med pa yin te/ mngon par rtogs pa'i rgyan rnam par sbyar ba'i 'bad pa la dgos pa med par 'gyur te/ ci'i phyir zhe na/ shes rab kyi pha rol tu phyin pa 'di las ni zhes bya ba la sogs pa ste/ shes rab kyi pha rol tu phyin pa 'di las zhes bya ba mngon par rtogs pa'i rgyan gyi bstan bcos ces bya ba las/ mtshan nyid kyi bstan bcos chos mngon pa'i sde snod la sogs pa dag las mi smos shing ma bshad pa'i phyi dang nang gi bdag nyid can gyi gzhi gang yin pa de 'byung pa med pas chos mngon pa'i sde snod la sogs pa las smos pa'i gzhi mngon par rtogs pa'i rgyan las zlos te bshad pa'i nyes pa yod do/ /de bzhin du phyogs gnyis pa ltar na yang 'bad pa don med pa yin te/ ci'i phyir zhen
- 160a
rnam par byang ba'i dngos por bsdus pa'i phyir te/ rnam par byang ba ni mya ngan las 'das pa yin la/ de'i rgyur gyur pas 'dir ni lam la bya'o/ /des na don ni 'di yin te nyan thos la sogs pa'i lam bsdus pa'i phyir ro/ /kun nas nyon mongs pa'i dngos po ni gzung ba la sogs pa mi mthun pa'i phyogs so/ /de ma bsdus pa ni ma smos pa'o/ /bas zhes bya ba ni rgyu'o/ /'di gang gi gnyen po yin pa khong du chud par mi 'gyur ro zhes bya bani mi mthun pa dang gnyen pa'i phyogs kyi so sor nges par rtogs pa med pas rtogs pa med pa'i nyes pa yod do/ /phyogs gsum pa ltar na yang 'bad pa don med pa yin te/ ci'i phyir zhe na/ rnam pa gzhi med pa tsam gyis bsdus pa'i phyir te/ rnam par rtog pa la gnas pa gzhi med pa'i rnam pa nyid smos pa'i phyir ro/ /cung zad kyang ma bshad pas don rtogs pa med pa'i phyir zhes bya ba ni de bsgoms pas gcig nas gcig tu brgyud pas kyang gzhi gang yang thob par mi 'gyur pa'i phyir skyes bu'i don la dgos pa med pas brjod pa med pa'i nyes pa yod do/ /thams cad mkhyen pa nyid gsum gyis ma bsdus pa'i nyes pa ni phyogs gsum car la yang shes par bya'o/ /phyir zhes bya ba ni gtan tshigs so/ /don med pa yin ni snyam du gzha dag sems par 'gyur ba ma yin nam zhes bya bas rgol ba pos thams cad mthong ba ma yin no/ /zhes bya ba'i tshul gyis bstan bcos la dgos pa med do snyam du shes par 'gyur pa'o/ /de ni ma yin te zhes bya ba la sogs pa la/ thams cad mkhyen pa nyid gsum gyis zhes bya ba ni nyan thos dang rang sangs rgyas dag ni thams cad shes pa nyid do/ /byang chub sems dpa' rnams ni lam shes pa nyid do/ /yang dag par rdzogs pa'i sangs rgyas ni rnam pa thams cad mkhyen pa
- 160b
med de thams cad mkhyen pa nyid gsum po dag gis/ mngon par rtogs pa mdza' dag bsdus pa ni 'tshad rgya ba nyid mngon sum du byed pa thams cad kyi rgyur smos pa yin la/ des na gzhi dang/ gnyen po dang mi mthun pa'i phyogs dang/ gzhi rnam pa'i mtshan nyid gsum car gyis kyang bsdus pa yin pa'i phyir mngon par rtogs pa'i rgyan ces bya ba'i mtshan nyid kyis bstan bcos su mdor bsdus nas yang dag par bstan pa yin pa'i phyir thams cad mkhyen pa gsum po nyid du yum gtsor mtshon te/ yum kyi don ma lus pa ni de'i khongs su 'dus pa nyid yin pa'i phyir ro/ /de de ltar mtshan nyid 'dis mtshon pa nyid kyis sngar smras pa'i nyes pa yod pa ma yin te/ ma lus pa nyid dang/ yongs su rdzogs par byed pa nyid dang/ rab tu byad pa'i go rim rtogs sla ba nyid yin pa'i phyir bstan bcos 'di thun mong ma yin pa dang/ yang dag pa'i mtshan nyid ma yin pa ga la yin zhes rab tu byed pa rnam par 'byed pas dgongs so/ /don 'di nyid mi 'di ltar zhes bya ba la sogs pa smos pa yin no/ don dang gzhung gi mdor bsdus nas gsungs pa'i thams cad mkhyen pa nyid gsum nyebar bstan nas de'i rgyu dang 'bras bu bstan pa ni/ de la thams cad shes pa nyid ni zhes bya ba la sogs pa smos pa yin te/ thams cad shes pa nyid ni gzugs la sogs pa ste/ gzugs dang tshor ba la sogs pa'o/ /de'i chos kyi rang bzhin bsgom par bya ba ny+d la mi rtag pa dang stong pa nyid la sogs pa'i bsam gtan la brten nas/ 'bras bu ni bdag tu rmongs pa spangs pa can yin te/ bdag ? 'dzin pa stong pa nyid ni 'bras bu yin no/ /'dis ni gzugs la sogs pa la mi rtag pa la sogs pa'i rnam pa thams cad shes pa'i stobs kyis bdag tu 'dzin pa las ldog go zhes ston te/ /theg pa thams cad kyis nges par 'byung ba ni
- 161a
nyan thos la sogs pa'i lam gyi 'bras bu'o/ /de nyid de kho na nyid de/ dmigs su med pa la dmigs pa yin pa'i phyir ro/ /de'i mngon sum du mi byed pa gang yin pa de la brten pa ni de'i rgyus so/ /'bras bu sems can ma bsdus pa sdud par byed pa can yin pa ni nyan thos la sogs pa'i lam gyis 'bras bu mthob pa dang/ sbyin pa dang rab tu sbyin pa la goms pa'i bya ba ni 'bras bu yin te 'dis ni lam thams cad dmigs pa med par dmigs pa ni lam gyi rnam par shes pa nyid kyi byang chub sems dpa' 'khor ba ji srid pa'i bar du thos pa la sogs pa las ldog par mi byed do zhes ston to/ /chos thams cad skye ba med par brten pa zhes bya ba ni don dam par gzugs la sogs pa skye ba med pa nyid kyi rgyu mtshan no/ /nam mkha' i khams kyi mdza' gtugs pa ni mdza' med ba'o/ /sems can gyi don rgyun mi 'chad pa ni byang chub sems dpa' i gnas skabs su sems can gyi don skye ba thog ma med pa nas goms pa yin pas rang dbang med par byed pa gang yin pa dang/ gang yang 'khor ba ji srid du kun nas 'jug cing/ /yang dag pa nyid kyi mdza' rtogs pa ste/ bdag med pas mngon sum du byed do/ /de dag gi bag chags kyi mtshams sbyor ba ni rnam par rtog pa gcig nas gcig tu brgyud pa'o/ /de spangs ba can yin pa ni dor ba'o/ /de nyid ni 'bras bu yin pa gang yin pa de la de skad ces bya'o/ /'di ni chos thams cad skye ba med pa la brten pa'i rnam pa thams cad mkhyen pa nyid kyis rnam par rtog pa ma lus par spangs pa dang/ sems can gyi don yang nam mkha' lding bsgrubs pa'i mchod sdong dang 'dra bar bshad pa yin no/ /de lta bas na zhes bya ba la sogs pa smos pa yin no/ /skye bo blo gros dman pa dag ces bya ba la sogs pa ni bstan bcos kyi
- 161b
dgos pa med pa nyid du rtog pa la/ dam pa 'jug pa'i yan lag brjod par bya ba la sogs pa ston pa yin te/ ma pham pa'i rdzogs pa'i sangs rgyas dang 'dra bar rgyal ba gang la mnga' ba de ni ma pham pa rgyal pa'o/ /de don ci zhig ste/ dgos pa ci zhig yod snyam na rang gi bstan bcos las tha mi dad pa'i rjod pa dang brjod par bya ba dang/ 'brel pa dang/ brjod par bya ba'i dgos pa dang/ gdul bya rnams kyis bde blag tu khong du chud pa'i dgos pa brjod par bya ba yin pa de ni don la the tsom skyed pa zhes bya ba la sogs pa smos pa yin te/ mdo don ni shes rab kyi pha rol tu phyin pa la sogs pa'i mdo'i brjod par bya ba mngon par rtogs pa rnam pa brgyad do/ /de'i nye bar mtshon pa'i don ni chos spyod bcu'i bdag nyid can zhes bya ba gsungs pa yin te/ byang chub kyi sems dang/ rnam par dag pa'i sbyin pa la sogs pa'i pha rol tu phyin pa bcu dran pa la gzhag pa ste/ thos pa dang bsam pa dag gis yang dag par dran nas 'dir yum ston par mdzad pa sems can gyi bsam pa ci lta ba bzhin du rjes su ston par mdzad pas bstan pa gang yin pa'i rnam pa thams cad mkhyen pa nyid lam ste/ byang chub tu bde bas 'gro ba nyid yin pas na thams cad mkhyen pa nyid gsum gyi lam mo/ /lam de ni gzhan gyis zhes bya ba byang chub sems dpa' las gzhan rnams kyis myong ba ma yin zhing rtogs pa ma yin te/ blo dang ldan pas rtogs 'gyur te zhes bya ba byang chub sems dpa' rnams kyis sangs rgyas nyid mngon sum du byed de/ de bzhin gshegs pa'i gsang ba'i mdo las 'di'i lus dang spyod lam mdza' yas shing thug pa med do zhes bya ba la sogs pa gsungs pa yin te/ rnam par rtog pa ni byang chub sems dpa' rnams kyi nyon mongs pa nyid yin na yang 'tshang rgya ba nyid mngon sum du bya ba'i smon lam gyi dbang gis gdul bya rnams la de las gzhan pa'i sku dang spyod lam so sor
- 162a
snang ba ltar ston pa yin pas nyes pa med do zhes bya ba ni brjod par bya ba'i dgos ba cig yin no/ /bde blag tu ni rtogs 'gyur ba zhes bya ba ni gdul bya rnams kyis mngon par rtogs pa brgyad bde blag tu khong du chud par 'gyur ro zhes bya pa ni rnam par dbye ba brtsom pa'i dgos pa gnyis pa yin no/ /de ltar na mtshan nyid kyi bstan bcos mdzad pa'i dgos pa 'di dag kho nas skyes bu'i don grub pa thams cad rdzogs par 'gyur ba yin pas na thug pa med pa ma yin no/ /'di ltar stong phrag brgya pa la sogs pa'i mdo la lar bsdus pa dang/ bsdus pa rgyas pa dang/ rgya che ba dang rtogs par dka' ba yin la/ bstan bcos 'di ni de las go zlog pa yin no/ /de bas na 'dis ni tshe dang blo dang shes rab chung du dang ldan pa dag gis kyang rnam par phye bas mngon par rtogs pa'i don mdo la shes pa dang/ de bsgoms pas kyang sangs rgyas nyid la sogs pa 'grub par 'gyur ba yin pas sems dang ldan pa su zhig bstan bcos 'di la don med pa nyid du rtogs par byed/ /bshad ma thag pa'i mdo dang de'i mtshan nyid mdzad pa sangs rgyas dang byams pa dag la go rim bzhin du de gnyis kyis gdul bya shes rab kyis rlob pa dang/ cig shos kyang yod pas don med pa ma yin no/ /'dis ni gang la la zhig mngon par rtogs pa nyid kyi rgyan yin gyiS mtshan nyid kyis ni ma yin no zhes zer ba de dag kyang bsal ba yin te/ gnyi ga'i yang rgyan pa ni phyir ro/ /gang yang mdo las bsdus pa dang rgyas pa nyid la sogs pa'i don bla ma gcig nas gcig tu brgyud pa can ma yin no zhes zer bas de'i gzhung gis ni mtshan nyid mdzad pas don gang yang byas pa ma yin no zhes zer na/ mdo sde'i bla ma gcig nas gcig tu brgyud pa nub pas de'i mtshan nyid la yang gdul bya gus par mi 'gyur ba'i phyir gtso bo nyid yin pas dogs pa gnyis gsungs
- 162b
pa yin no/ /'brel pa la sogs pa ni don gyi shes par 'gyur bas rab tu byed pa las ma smos so/ /'brel pa dang ni rjes mthun thabs/ /skyes bu'i don ni rjod? byed pa/ /yongs brtags dbang du byas pa'i tshig /de las gzhan pa dbang byas min zhes smos pas dam pa rnams ni yongs su brtag pa nyid kyis 'jug par bya'o zhes bya ba 'di ni legs par smras pa yin no/ /cho 'phrul rnam pa gsum gyis zhes bya ba ni rdzu 'phrul dang kun brjod pa dang/ rjes su bstan pa'i mtshan nyid can gyis so/ /rang dang gzhan gyi ? phun sum tshogs pa ni nges par legs pa la sogs pa gang yin pa ste/ de dag sgrub par byas la/ ci la yang ma rig par chas pa ni phyir mi sdog pa nyid kyi go cha bstan par byas pas so/ /nyams su myong ba shin du gsal pa ni mtshan nyid kyi bstan bcos nyes pa la sogs pa gsal par byas pa'i shes pa'o des? bzhag pa'i bag chags ni mtshan nyid kyi bstan bcos phul du byung ba'i shes pa gcig nas gcig tu rgyud pa las byung ba'i nus pa'o/ /de las byung dga' ? drin pa'i shes pa gang yin pa ni dran pa'i shes pa ste/ de la byang chub kyi sems dang sbyin pa la sogs pa bsgrub cing nyams su len pa de nyid ni spyod pa yin te/ 'khor ba ci srid par brten pa yin pa'i phyir ro/ /kun du 'gro ba ni chos kyi dbyings khyab pa'i shes pa'o/ /de rtogs pa ni mngon sum du byed pa'o// de nyid ni mtshan nyid ste/ ngo bo nyid ste rab tu dga' ba la sogs pa'i sa la sogs pa gang yin pa'o/ /de rnams rtogs pa'i rim pa ni sbyin pa la sogs pa'i pha rol tu phyin pa phul du byung pa'i rim pa nges rtogs pa'o/ /'dis ni shes rab kyi pha rol tu phyin pa nyid kyis rab tu dga' ba la sogs pa'i sa rnams de dang der gnas shing sangs rgyas nyid sgrub pa yin pa'i phyir ro zhes 'di'i dgos ba? smras pa yin no/ /mngon par rtogs pa brgyad bde blag tu rtogs pas ni dgos pa mngon sum du byed pa yin
- 163a
la gal te mtshan nyid kyi bstan bcos kyis mdo la mngon par rtogs pa'i don rtogs par ma gyur na mdo la mngon sum du byed par yang mi 'gyur ro zhes bya bar dgongs so/ /de'i phyir mngon par rtogs pa so so'i shes rab kyi pha rol tu phyin pa'i don ni byams pa mngon par bzhed pa'i stong phrag brgya pa la sogs pa'i don tshig re re nas gsungs pa yin no/ /ma 'dzings pa nyid kyis bstan pa'i phyir shes rab kyi pha rol tu phyin pa rnam par mi rtog pa'i ye shes kyi bdag nyid can lus rnam par bzhag pa ni lam dang gzhung gi bdag nyid can no/ /'dir mdo don smra ba rnams kyis ni/ dgos pa bsdus pa'i don bcas dang/ /tshig don bcas dang mtshams sbyar bcas/ /brgal lan bcas pas bsnyad par bya zhes rnam par bshad pa'i rigs pa las nges par byas pa nyid yin pa'i phyir/ 'phags pa byams pa shes rab kyi pha rol tu phyin pa rnam pa gsum tshig le'ur byas pa'i rgya cher bshad pas 'chad bzhed pas dgos pa smras zin nas/ re zhig bsdus pa dang rgyas pas bsdus pa'i don gsungs pa yin no zhes blta bar bya'o/ /de la sheS rab kyi pha rol tu phyin pa lam gyi bdag nyid can tshig gi don brgyad kyis shes rab kyi pha rol tu phyin pa la sogs pa'i ngag chen por rtogs pa'i tshig tu brjod pa brgyad kyis sam yang na 'og nas bshad pa'i dngos po brgyad kyis yang dag par bshad cing gsungs pa yin no/ /'dis ni lam dang gzhung gi bdag nyid can gyi yum gyi lus gsungs pa yin la de gsungs pas kyang sgyu ma lta bu'i gnyis su med pa'i shes rab kyi pha rol tu phyin pa yang bshad pa yin te/ byang chub sems dpa' i tshul thams cad du kun rdzob dang don dam pas brgyan te/ ston par mdzad pa nyid yin la/ gzhan du na gdul bya rnams mdza' cig tu ltung bar thal bar 'gyur ro/ /de ni dngos po brgyad mdor bsdus pa ni shes rab ces
- 163b
bya ba la sogs pa yin te/ ma skyes pa nyid kyis rnam pa thams cad mkhyen pa nyid ni rnam kun mkhyen nyid do/ /de bzhin du lam thams cad shes pa ni lam shes nyid do/ /de bzhin du gzhi thams cad shes pa ni thams cad shes pa nyid do/ /thams cad mkhyen pa nyid gsum pho 'di nyid gcig tu byas pa'i bdag nyid thams cad shes pa ni rnam pa kun mngon bar rdzogs bar rtogs pa'o/ /de las kyang rab kyi mthar phyin pa ni/ rtse mor phyin pa'o/ /'chol pa dang ma 'chol bar rtogs pa'i don go rim du yod pas na/ mthar gyis pa'o/ /don de dag nyid skad cig ma gcig gis rtogs pas na skad cig mngon rdzogs byang chub bo/ /skad cig ma gnyis par bcos ma yin pa'i mtshan nyid 'dzin pa'i ye shes kyi skur mngon par byang chub pas chos nyid kyi bdag nyid can gyi sku ni chos kyi sku'o/ /rnam pa thed mkhyen pa nyid dang/ de nas zhes bya ba ni de nas lam shes pa nyid ces bya ba la soD pa'i rim gyis skabs rnam pa brgyad kyi go rims bstan pa'i phyir/ thams cad la sbyar bar bya'o/ /dang zhes bya ba ni rdzogs pa'o/ /de rnam brgyad ces bya ba ni mngon par rtogs pa ni brgyad po de dag gis yongs su rdzogs pa yin te lhag ma med pa dang ma tshang ba med pa 'di dag kho nas 'tshang rgya ba nyid grub pa yin no/ /yang na de nas chos kyi sku dang zhes bsdu par bya ste/ de nas ngag gi 'bras bu ni nges par bzung ba yin no zhes bya ba'i tshul gyis mngon par rtogs pa ni brgyad po 'di dag nyid yin no zhes bya ba la sogs pa snga ma bzhin du/ de ltar mngon par rtogs pa brgyad go rims bzhin du mdor bsdus te yang dag par bstan nas de bzhin du cung zad cig gis rgya che pa bstan pa ni/ sems bskyed pa dang zhes bya ba la sogs pa gsungs pa yin te/ gzhan gyi phyir 'tshang rgya ba nyid la sems 'jog pa ni/ sems bskyed pa'o/ /de yang sems bskyed pa ni zhes bya ba la soD paS ston to/ /rnam pa bcu la bslab pa ni gdam ngag de yang
- 164a
sgrub dang bden pa rnams dang ni/ zhes bya ba la sogs pas ston to/ /nges par 'byed pa ni 'tshang rgya ba nyid mngon sum du byed pa'o/ /de'i yan lag ni rgyu ste drong la sogs pa'i dbye bas rnam pa bzhi'o/ /de yang dmigs pa dang ni zhes bya ba la sogs pas ston to/ /sgrub pa ni nyams su len pa ste/ de'i rten ni gzhi'o/ /de yang chos kyi dbyings kyi rang bzhin te gnyis su med pa'i ye shes kyi bdag nyid can no/ /de yang rtogs pa yin? ni zhes bya ba la sogs pas ston to/ /dmigs pa ni/ yul yin te/ de yang dmigs pa chos rnams thams cad de zhes bya ba la sogs pas ston to/ /gang la dmigs nas 'jug pa de ni ched yin te/ de yang sems can kun mchog ces bya ba la sogs pa ston te// go cha 'jug pa'i bya ba dang zhes bya ba ni dang po gzhan gyi don las phyir mi ldog pa'i sems ni go cha'o/ /de'i bya ba ni sbyin pa la sogs pa rnam drug la zhes bya ba la sogs pa ston to/ /nyams su len pa ni 'jug pa ste/ de'i bya ba ni bsam gtan gzugs med sbyin sogs dang zhes bya ba la sogs pas ston to/ /dang zhes bya ba ni thams cad du bsdus pa yin no/ /'di dag gis byang chub thob pa'i sgo nas yang dag bar 'dzin pa na tshogs te snying rje la sogs pa'o/ /tshogs de yang brtse dang sbyin la sogs pa drug ces bya ba la sogs pas ston to/ /nges par 'byung bcas rnams ni thob pa dang bcas pa'o/ /de'i ched du bya dang zhes bya ba sogs pas stong to/ /thub pa'i rnam kun mkhyen pa nyid ces bya ba ni yang dag par rdzogs pa'i sangs rgyas kyi'o/ /yang dag par rdzogs pa'i sangs rgyas kyi 'od kyis lha rnams kyi 'od dri ma can du mdzad pa ni mog mog bar? byed pa'o/ /sogs pa'i sgras ni yul so sor nges pa la sogs pa'o/ /de ni lha rnams rung bar bya ba'i
- 164b
phyir zhes bya ba la sogs pas ston to/ /slob ma bse ru'i lam gang dang zhes bya ba ni rdzogs pa'i sangs rgyas kyis btul ba yin pas na/ /slob ma ste nyan thos rnams so/ /gcig tu spyod pas na bse ru ste/ rang sangs rgyas rnams so/ /'di gnyis kyi lam gang yin pa de dag ni 'phags pa'i bden pa bzhi po la sogs pa dang/ gzung ba'i rtog pa nyams phyir dang/ zhes bya ba la sogs pas go rim bzhin du ston to/ /'di dang gzhan pa'i yon tan gyis/ phan yon che ba mthod pa'i lam zhes bya ba ni mthong ba dang mthong ba'i yon tan dang ldan pas 'bras bu che ba ni mthong ba'i lam ste/ de ni bden dang bden la bzod pa dang zhes bya ba la sogs pas ston to/ /bsgom pa'i lam gyi bya ba ni byed pa ste/ kun nas dul dang zhes bya ba la sogs pas stong to/ /lhag bar mos pa ni mos pa ste de yang mos pa rang gi don dang ni zhes bya ba la sogs pas ston to/ /de yang chung? ngu? dang 'bring dA? chen po la sogs pas sangs rgyas ? la sogs pas don ci lta ba bzhin du mngon par dgyes pa ni bstod dang bkur dang bsngags pa dang zhes bya ba yin te/ de ni shes rab kyi pha rol tu phyin pa la zhes bya ba la sogs pas ston to/ /dge ba'i rtsa ba rnams 'tshang rgya ba nyid kyi phyir stob pa ni yongs su bsngo pa'o/ /de bzhin du dge ba rnams la yang dag par dga' ba ni rjes su yi rang ba'o/ /de gnyis kyi yid la byed pa bla na med pa dag ni/ 'khor gsum rnam par dag pa'i phyir bla na med pa'i sems pa'o/ /de dag ni yongs su bsngo pa khyad par can zhes bya ba la sogs pa dang/ thabs dang mi dmigs pa dag gi zhes bya ba la sogs pa dag gis go rim bzhin tu ston to/ /sangs rgyas nyid la bstod pas na bsgrub pa ste/ de yang de'i ngo bo nyid mchog ces bya ba la sogs pas ston to/ /shin tu dag pa zhes bya ba ni mdza' las rnam par dag pa ste/ de yang sangs rgyas sten dang zhes bya ba la sogs pas 'og nas ston to/ /zhes bya ba 'di ni bsgom pa'i
- 165a
lam zhes bya ba ni mos pa dang zhes bya ba sogs pa lnga pa'o/ /mkhas rnams kyi zhes bya ba ni kun rdzob dang don dam pa'i bden pa shes pa byang chub sems dpa' rnams kyi gnyis su med pa'i ye shes kyi dgongs pa can yin no zhes/ lam shes pa nyid bshad do/ /shes pa zhes bya ba dge ba'i bshes gnyen yang dag pa la sogs pa'i stobs kyis shes rab kyi pha rol tu phyin pa la sogs pa thos pa la sogs pa'i shes pas bdag la sogs pa tshar bcad pas srid pa mi gnas shing zhes bya ba nyes dmigs mthong bas sgyu ma dang 'dra ba'i 'khor ba la rtag pa'i lto ba la mngon par zhen pa med do/ /sems can ma lus pa la dmigs pa'i snying rjes zhi la mi gnas te bdag nyid thams cad rgyun chad pa mar me lta bur mya ngan las 'das pa sems can gyi don gyi thabs ma yin pa la mngon par zhen pa mi byed do/ /bshad pa 'dis ni shes pa dang snying rje dag gis byang chub sems dpa' i shes rab kyi pha rol tu phyin pa rtag pa dang chad pa'i mdza' nang du mi ltung bar gsungS pa yin te/ de yang tshu rol pha rol mdza' la min zhes bya ba la sogs pas ston to/ /dge ba'i bshes gnyen yang dag pa la sogs pa las yum thos pa la sogs pa'i shes pa med pas na/ gzugs la sogs pa la nye bar dmigs pa'i shes pa ni thabs ma yin pa ste/ des ni nyan thos la sogs pa'i yum thob pa las ring ba yin la/ 'di las go bzlog pa gzugs la sogs pa la mi dmigs pa'i shes pa ni thabs yin te/ des ni byang chub sems dpa' rnams kyis yul thob pa ni ring ba ma yin pa nyid yin no/ /don 'di dag ni mtshan bcas dmigs sgo nas zhes bya ba la sogs pa dang/ 'di ni thabs la zhes bya ba la sogs pas go rim bzhin du bstan to/ /byang chub sems dpa' rnams kyi ni mi dmigs pa rigs yin pa'i
- 165b
phyir/ rab 'byor la sogs pa las thos pa la sogs pas yum gyi rang gi ngo bo shes so/ /rab 'byor la sogs pa de ston pa ni bcom ldan 'das kyi mthu nyid kyis yin te/ rtsig pa la sogs pa dang 'dra zhes bya bar dgongs so/ /mthong ba'i lam la sogs pa rnam par gzhom par bya ba yin pa 'am yang dag pa'i shes pa'i gegs byed pa'i yul ni mi mthun pa ste/ yang dag par na gzung ba la sogs pa'i rnam par rtog pa'am de las byung ba'i 'dod chags la sogs pa'o/ /blang bar bya ba 'am gzung ba la sogs pa 'joms par byed pa'i phyogs kyi yul ni gnyen po'i phyogs te/ yang dag par na byang chub yin la de'i rgyur gyur pa yin pas 'dir lam la bya'o/ /'di dag ni gzugs sogs phung po stong nyid dang zhes bya ba la sogs pa dang/ sbyin la sogs pa dang/ sbyin la sogs la ngar 'dzin med ces bya ba la sogs pas ston to/ /rab tu sbyor bas na sbyor ba ste/ de ni gzugs sogs zhes bya ba la sogs pas ston to/ /de'i mnyam nyid dang zhes bya ba ni sbyor ba nyid kyis mtshungs pa nyid de/ de ni gzugs la sogs pa rlom med pa zhes bya ba la sogs pas ston to/ /mthong ba'i lam ni yang dag pa'i ye shes mthong ba'i lam mo/ /de ni sdug bsngal la sogs bden pa la zhes bya ba la sogs pas ston to/ /nyan thos la sogs zhes bya ba ni nyan thos dang rang sangs rgyas dang byang chub sems dpa' rnams kyi sngar bshad pa'i thabs ma yin pa dang thabs dag ni de 'dra kun shes nyid du 'dod ces bya ba yin no/ /kun nas dmigs par bya bas na/ rnam pa ste/ thams cad mkhyen pa nyid gsum gyi bdag nyid can no/ /sbyor bar bcas rnams dang zhes bya ba ni sbyor ba dang ldan pa'o/ /de dag kyang gzhi dang ye shes rnam pa yi zhes bya ba la sogs pa dang/ gzugs la sogs la mi gnas phyir zhes bya ba la sogs pas go rim bzhin du ston to/ /bslab par bya ba yin pas na yon tan te/ sbyor ba dang rjes su mthun
- 166a
pa'o/ /de yang bdud gyi mthu bcom la sogs pa zhes bya ba la sogs pas ston to/ sun par byed pas na skyon te bar du gcod par byed pa rnams so/ /mtshan nyid bcas pa shes pa la sogs pa mtshan nyid rnam pa bzhi ste de dang ldan pa'o/ /de ni skyon ni bcu tshan bzhir bcas pa zhes bya ba la sogs pa dang/ gang gis mtshon te zhes pa la sogs pas go rim bzhin du ston to/ /thar dang zhes bya ba ni nyon mongs ba dang bral ba'o/ /nges 'byed ni khyad par gyi ye shes mngon sum du bya'o/ /gong nas gang du shes pa'i rim pas 'jug pa'i phyir de nyid ni cha ste/ de la phan pa'i phyir thar pa dang nges par 'byed pa'i cha dang mthun pa gnyis so/ /de yang mtshan med rab tu sbyin la sogs zhes bya ba dang/ dro ba rnams gyi dmigs pa 'dir zhes bya ba la sogs pas go rim bzhin du ston to/ /bslab par bya ba yod pa dang byang chub las phyir mi ldog pas na/ slob pa phyir mi ldog pa'i tshogs zhes bya ba ni slob pa byang chub sems dpa' i dge 'dun no/ /de yang nges 'byed yan lag nas bzung ste zhes bya ba la sogs pas ston to/ /'dir yang dang yang du 'byung bas na srid pa ste 'khor ba'o/ /sdug bsngal thams cad nye bar zhi bas na zhi pa ste/ mya ngan las 'das pa'o/ /de dag gi mnyam pa nyid ni mtshungs pa med do/ /de yang chos rnams rmi lam 'dra ba'i phyir zhes bya ba la sogs pa ston to/ /zhing ni sangs rgyas bzhugs ba'i gnas so/ /de'i dag pa bla na med pa'i mchog ste/ de ni sems can 'jig rten de bzhin du zhes bya ba la sogs pas ston to// rnam kun mngon rdzogs rtogs pa ste/ 'di ni zhes bya ba ni thams cad mkhyen pa gsum po 'di dag gi rnam pa thams cad shes pa yin no/ /de yang thabs mkhas bcas pa yin zhes bya ba sems ma zhum pa la sogs pa nyid kyis byang chub sems
- 166b
dpa' i thabS la mkhas pa dang ldan pa'o/ /mkhas pa de yang 'di'i yul dang sbyor ba ste zhes bya ba la sogs pas ston to/ /rtse mo'i mngon par rtogs pa ni de'i rtags zhes bya ba la sogs pa smos pa yin te/ gang gis mtshon cing shes par byed pa de ni rtags te/ rdze mo'i mngon par rtogs pa de'i 'o/ /de yang rmi lam na yang chos rnams kun zhes bya ba la sogs pas ston to/ /bsod nams kyi khyad par rnam par 'phel ba ni rnam par 'phel ba ste/ de yang 'dzam bu'i gling gi skye po snyed ces bya pa la sogs pas ston to/ /thams cad mkhyen pa nyid gsum rdzogs par byed pa ni/ /brtan pa ste/ de ni sems can yongs mi gtong pa zhes bya ba la sogs pas ston to/ /sems kyi brtan pa ni sems kun gnas pa ste/ ting nge 'dzin gyi khyad par ro/ /de ni gling bzhi pa dang stong dag dang zhes bya ba la sogs pas ston to/ /rnam par rtog pa rnam bzhi yi zhes bya ba ni 'jug pa dang ldog pa dang skyes bu rdzas su yod pa dang btags pa la brten pa'i bzung ba gnyis dang 'dzin pa'i gnyis te rnam par rtog pa rnam pa bzhi ni mi mthun pa'i phyogs zhes bya ba yin la/ de'i gnyen bo'i phyogs don gyi shugs kyis rnyed pa rnam pa bzhi'o/ /de yang gang du zhe na/ mthong ba zhes bya ba dang bsgom pa zhes bya ba'i lam la so so la ste re re zhing ngo/ /de ni 'jug pa dang ni ldog pa la zhes bya ba la sogs pa dang sems can rdzas dang btags yod par zhes bya ba la sogs pas ston to/ /mthong ba'i lam ni sbyin pa la sogs re re la zhes bya ba la sogs pas smos te/ sgom pa'i lam ni 'gog dang bcas pa'i snyoms 'jug dgur zhes bya ba la sogs pas ston to// ting nge 'dzin gang gi rjes thogs la byang chub mngon sum du byed pa de ni par chad med pa'i lam ste/ /de yang stong gsum skye ba nyan thos dang zhes bya ba la sogs pas ston to/ /gang zhig bar chad med pa'i ting nge 'dzin gyis log par sgrub la zil gyis mnan
- 167a
nas byang chub mngon sum du byed pa de rnams dang bcas pa ste/ de ni dmigs pa 'thad dang de yi ni zhes bya ba la sogs pas bstan pa ni rtse mo'i mngon par rtogs pa yin no/ /sangs rgyas dang chos dang dge 'dun rjes su dran pa rnam pa gnyis kyis na rnam pa gsum mo/ /sbyin pa la sogs pa pha rol tu phyin pa bcu'i rnam pa gnyis kyi na rnam pa bcu go rim gyis yod pa'i mngon par rtogs pa ste/ de yang sbyin pa shes rab bar dag dang zhes bya ba la sogs pa 'og nas ston to/ /skad cig ma gcig gis mngon rdzogs byang chub pa zhes bya ba ni gus pa dang rgyun mi 'chad pa dang dus ring por pa bslabs pas dran pa shin tu gsal pa'i stobs kyis skad cig ma gcig gis sngar rnam par bsgoms pa'i don la dmigs pa'i ye shes so/ /de ni mtshan nyid ste mtshan ma'i dbye bas rnam pa bzhi yin la de yang sbyin pa la sogs re res kyang zhes bya ba la sogs pas mtshan nyid bzhi po 'og nas 'chad pa yin no/ /ngo bo nyid ni 'jig rten las 'das pa'i lam gyis thob par bya ba nyid yin pa'i phyir yang dag par na rgyun med pa'i nyid kyi rang bzhin gyi mtshan nyid yin la de yang thub pa'i ngo bo nyid sku ni zhes bya ba la sogs pas ston to/ /sku gang gis byang chub sems dpa' rnams dang lhan cig / sangs rgyas kyi chos kyis chos la yang dag par longs spyod par ston pa de ni/ /longs spyod rdzogs pa'i sku ste/ de yang mtshan ni sum cu rtsa gnyis dang zhes bya ba la sogs pa ston to/ /gang sprul pa dang 'dra bar don gyi bya ba byed pa shA kya thub pa la sogs pa'i sku de ni gzhan ni sprul pa ste/ nyan thos la sogs pa 'gro ba ma lus pa phan thogs par mdzad pa nyid yin pas na sku thams cad kyi mchog go /de bzhin zhes bya ba ni ji ltar ngo bo nyid kyi sku ye shes kyi bdag nyid yin pa de dang 'dra
- 167b
bar ro/ /de ltar na de las gzhan pa'i sku dang kyang ye shes kyi bdag nyid can yin pa blta bar bya ste/ shes rab kyi pha rol tu phyin pa rdo rje gcod pa las 'dren pa rnams ni chos kyi sku/ sangs rgyas rnams ni chos nyid blta zhes gang gsungs pa lnga?/ gser 'od dam pa las kyang/ sku la ? dang khyab med na/ sku gdung yod par ga la 'gyur zhes gsungs pa yin no/ /sprul pa'i sku yang gang gis 'khor tha ci srid par zhes bya ba la sogs pas ston to/ /rdzogs pa'i sangs rgyas kyi chos kyi sku ni sgyu ma lta bu la sogs pa'i rang gi mtshan nyid 'dzin pa'i ye shes kyi sku'o/ /mdzad par bcas pa ni yid bzhin gyi nor bu dang 'dra ba'i gzhan gyi don byed pa ste/ 'di ni ngo bo nyid kyi sku'i khyad par yin no/ /chos kyi sku mdzad pa dang bcas pa ni byang chub phyogs mthun tshad med dang zhes bya ba la sogs pa dang/ de bzhin du de bzhin las kyang bsam gyis mi khyab ces bya ba la sogs pas go rim bzhin du 'og nas ston pa yin no/ /rnam pa bzhir ni yang dag brjod ces bya ba ni skad cig ma gcig la mngon par rdzogs par byang chub ba'i rjes thogs la bcos ma ma yin pa'i ye shes kyi sku ngo bo nyid kyi sku zhes bshad pa gang yin pa de dang bcas par bcom ldan 'das mngon par rdzogs par 'tshang rgya pa yin te/ gzhan du nad med na de'i rang bzhin nyid yin pas sku gsum po dag med par thal bar gyur pas rnam pa bzhir bshad pa yin no/ /de nyid kyis na kha cig ni sku gsum po'i bya ba ngo bo nyid kyi sku lon yin te/ /yang dag par na bcom ldan 'das ni chos kyi sku yin no zhes thams cad du bshad do zhes zer ro/ /yang na mdzad pa dang bcas pas 'gro ba zhi ba la sogs pa la 'jug pas na mdzad par bcas pa ni rtsa ba chos kyi sku ste rnam pa bzhir yang dag par
- 168a
brjod do/ /ji ltar zhe na ngo bo nyid sku zhes bya ba la sogs par sbyar ro/ /phyogs 'di la de bzhin gzhan ni chos sku dang zhes bshad na rtogs sla ba yin no/ /rtsa ba chos kyi sku dang ngo bo nyid kyi sku la sogs pa sku lnga'i bdag nyid can #WERT! #WERT! #WERT! #WERT! #WERT!
- 168b
nas zhes bya ba la sogs pa smos pa yin te/ de ltar bshad pa'i rim pas byang chub sems dpa' gzhan gyi don gyi phyir byang chub ste sangs rgyas nyid thob pa'i bsam pas/ 'bras bu yin pa'i phyir zhes pa/ phyin ci ma log par rtogs pa nyid yin pa'i phyir/ rnam pa thams cad mkhyen pa nyid thob par bya dgos shing mngon sum du byang dgos pas gtan tshig de'i phyir dang po rnam pa thams cad mkhyen pa nyid de bsdus pa'i tshig le'ur byas pa sems bskyed pa zhes bya ba la sogs pa de bshad pa'i sgo nas de rnam par dbye pa'i skabs yin pas bshad par bzhed de/ shes rab kyi pha rol tu phyin pa'i tshig gi don gyi de kho na nyid khyad par gyis nye bar bstan par mngon par bzhed pa yin te/ sems bskyed pa yi dmigs pa dang rang gi ngo bo dang bcas pa sems can gyi don la dmigs pa'i smon pa dang 'jug pa'i rang bzhin ni/ sems bskyed pa ni zhes bya ba la sogs pa gsungs pa yin la/ nyan thos zhi ba zhes bya ba la sogs pa yum gyi bstod pa'i le'ur byas pa ni ji ltar rung bas yang dag pa'i don phun sum tshogs par 'gyur pa yin pas de la brgal du ci zhig yod ces bya bar dgongs/ sems bskyed pa dmigs pa dang/ rang gi ngo bo dang bcas pa ni sems can gyi don la dmigs pa'i smon pa dang 'jug pa'i rang bzhin te/ sems bskyed pa ni/ zhes bya ba la sogs pa yin no/ /spro ba che dang rtsom pa che/ /don che ba dang 'byung ba che/ /byang chub sems dpa' i sems pa ste/ /don gnyis ldan pa'i sems 'byung ba zhes bshad pas/ sems dang sems las byung ba dag dbye ba yod par smos pa yin/ de 'dir ji ltar 'dren mar byas pa yin zhes bya ba'i bsam pa dang ldan pas yang dag par rdzogs pa'i byang chub 'dod pa nyid ni zhes bya ba la sogs pa smos pa yin te/ dge ba'i chos la 'dun pa ni ma chags pa la sogs pa la 'jug pa nyid yin
- 169a
pa'i phyir dge ba'i bdag nyid can gzhan gyi don gyi phyir byang chub mngon par 'dod pa'o/ /sems yul khyad par can du 'phags par snang ba ni gzhan gyi don la dmigs par snang ba'o/ /rgyus 'bras bu bstan pa yin no zhes bya ba la rgyu ni dge ba'i chos la 'dun pa'o/ /'bras bu ni sems bskyed pa ste/ chos la mngon par 'dod pa nyid kyis byang chub tu sems bskyed pa'i phyir ro/ /de bas na 'di gnyis nye bar btags pas gcig tu byas pa la/ nyes pa med do/ /zhes bya bar dgongS so/ /yang na smon lam ni don du gnyer ba ste/ des na 'dir gzhan gyi don gyi phyir sangs rgyas su grub par gyur cig ces gsol ba 'debs pa ni smon lam gyi don yin la sbyin pa la sogs ba nyams su len pa ni 'jug pa'i don yin no zhes skabs kyis smras pa yin no/ /de dang lhan cig spyod pa ni don du gnyer ba dang lhan cig spyod pa'i sems bskyed pa ni de'i sgrar zhes bya ba yang dag par rdzogs pa'i byang chub 'dod pa'i sgrar bstan pa yin no/ /'dis ni mtshams sbyar dang rgal lan dang bcas pa yin te/ 'di'i 'og ma rnams la yang brtag par bya'o/ /de ltar na don du gnyer ba dang lhan cig par rtogs pa'i smon lam dang 'brel pa'i byang chub kyi sems yin no/ /rgyal ba'i yum shes rab kyi pha rol tu phyin pa rnam pa sum car las zhes bya ba ni stong phrag brgya pa dang/ stong phrag nyi shu lnga pa dang/ stong phrag brgya pa zhes bya ba las 'di nyid nan tan du bya'o zhes 'og ma dang sbyar ro/ /sbyin pa la sogs pa zhes bya ba sbyin pa'i pha rol tu phyin pa la/ sbyin par bya ba ste dngos po dang/ sbyin pa po ste/ bdag nyid dang/ len pa po ste slongs mo pa mi dmigs te de kho na nyid du na sbyin bar bya ba la sogs pa dmigs su med pa'i phyir ro/ /nan tan du bya'o zhes bya ba la sogs pa rab tu ston ba lhur len ba'i tshig gis zhes bya ba la nan tan du bya ba ni bslab
- 169b
pa ste/ rnal 'byor du bya'o zhes bya ba la sogs pa'i don gyis bsgrub par bya'o/ /bslab par bya'o/ /rnal 'byor du'o zhes bya ba la sogs pa'i sgras so/ /bsdus pa dang rgyas po sgo nas zhes bya ba ni gsum par zhes bya ba la sogs pa ni bsdus pa'o/ /sbyin pa zhes bya ba la sogs pa ni rgyas pa nyid do/ /mdo'i? don dang mi 'gal bas zhes bya ba ni dkon mchog rnam bdun dang sdong po bkod pa la sogs pa mdo'i don dang mi 'gal bas so/ /yang dag par rdzogs pa'i byang chub bstan pa ni yang dag bar rdzogs pa'i byang chub kyi rgyu'i lam bcom ldan 'das gzhan gyi don gyi phyir snod du rung ba'i byang chub sems dpa' rnams la ston pa gang yin pa'o/ /de bzhin du tshul khrims kyi pha rol tu phyin pa la yul gang la sogs par spyod pa'i las spyod pa gang yin pa dang/ gang zhig kun du spyod pa dang kun du spyod pa gang yin pa de la mi dmigs pa dang/ de bzhin du bzod pa la sogs pa yang blta bar bya'o/ /sems can thams cad skal pa ji lta ba bzhin du mya ngan las 'das pa ni gdul bya ma lus pa ji ltar mtshan pa bzhin nyan thos la sogs pa'i mya ngan las 'das ba la rab tu 'god par 'dod pas zhes bya ba la sogs par sbyar ro/ /ser sna can la sogs pa zhes bya ba ni gtong ba med pa dang/ nyes par spyod pa thams cad sbyin pa dang tshul khrims la sogs pa la 'god par 'dod pas/ shes rab kyi pha rol tu phyin pa 'di nyid la nan tan du bya'o zhes bya ba la sogs pa snga ma bzhin no/ /'dir yang sems can thams cad zhes bya ba la sogs pa ni bsdus ba yin la/ ser sna can las zhes bya ba la sogs pa ni rgyas pa ste/ gzhan gyi don bstan pa yin no/ /dngos su lan ston pa'i mtshan nyid yin pa'i phyir gzhan gyi don to/ /rgyal ba'i yum zhes bya ba la sogs pa smos pas mi dmigs pas mngon par
- 170a
rtogs pa brgyad kyi lam byang chub sems dpa' rang nyid rdzogs pa'i byang chub la 'jug par bya ste/ de'i rgyu yin pa'i phyir ro/ /gdul bya rnams kyang de dang nyan thos la sogs pa'i mya ngan las 'das pa la bkod pa ni gzhan gyi don yin no/ /de yang bsdus ba dang rgyas pa dag gis mdo bzhin du bstan pa gang yin pa de bsdus pa dang rgyas pa dag gis de bzhin du gsungs pa yin gyi gzhan du ma yin no zhes bya ba ni mdo'i don yin no/ /'dis ni sems bskyed pa bshad pa'i gnas skabs yin pas mngon par rtogs pa'i rkyen gyi bstan bcos mdo dang mi mthun ba gsal bar byas pa yin te/ mdo sde rnams dang rgyal ba'i yum tshig gcig pa nyid du ston te/ tshul cig dang 'gal ba'am mdo dang mi mthun pa'i don la rtogs ba dang ldan pa su yang 'jug par mi 'gyur ro/ /sngar sems bskyed pa mdor bsdus te gsungs pa'i khyad par gyis rab tu dbye ba rgya cher bstan pa'i gnas skabs kyi khongs su gtogs pa yin pa'i phyir/ bar skabs kyi tshigs su bcad pa dag go/ 'dun pa dang bsam pa dang lhag pa'i bsam pa ? gzhan gyi don mngon par 'dod pa chung du dang 'bring dang chen po'o/ /sbyor ba ni sbyin pa la sogs pa la lus la sogs pa'i bya ba'o/ /sbyin pa ni slong ba rnams bsam pa ci lta ba bzhin du rab tu ster ba'o/ /tshul khrims ni legs par spyod pa'i las rnams so/ /bzod pa ni gzhan gyi gnod pa shes pa brnags nus pa'o/ /brtson 'grus ni dge ba'i las rnams la spro ba'o bsam gtan ni sems rtse gcig pa'o/ /shes rab ni thos pa la ? pa'i shes pa'o/ /thabs mkhas pa? ni 'tshang rgya ba nyid kyi thabs la sems ma zhum pa la sogs pa la bya ba'o/ /smon lam ni snga ma bzhin no/ /stobs ni 'di nyid la bstan pas go bgos pa'o ye shes kyi pha rol tu phyin pa ni de la blo phul du
- 170b
byung ba'o/ /mngon par shes pa ni kun nas shes pa ste/ lha'i mig la sogs pa'o/ /bsod nams dang ye shes ni 'og nas bshad pa'i bsod nams dang ye shes rnams so/ /byang chub kyi phyogs dang 'thun pa'i chos ni 'og nas bshad pa'i dran pa nye bar gzhag pa la sogs pa'o/ /snying rje ni sems can gdon par 'dod pa'i rnam pa'o/ /lhag mthong na shes rab bo/ /gzungs dang spobs pa ni don la sogs pa 'dzin pa'i shes pa'o/ /chos kyi skyed mos tshal ni gung dang rtogs pa'i bdag nyid can gyi chos nye bar 'byin pa 'am mdor bsdus nas rab tu ster ba'o/ /bgrod pa gcig pa'i lam mi skye ba'i chos la bzod pa thob pas gcig tu 'jug pa yin pa'i phyir ro/ /chos kyi sku ni ye shes kyi sku ste 'di rnams dang ldan zhing de dang 'brel pa'i sems bskyed pa ni sa la sogs pa dang 'dra'o/ /de ni go rim bzhin du zhes bya ba la sogs pa smos pa yin te/ 'tshang rgya ba nyid la sogs pa'i dge ba'i lam ston pas na dge ba'i bshes gnyen te bla ma'o/ /sems can rnams la bsam pa ji lta ba bzhin du 'bras bu ster bas/ yid bzhin gyi nor bu'o/ /rtag pa dang bdag la sogs par rmongs pa'i skye bos mnyan par bya ba'i don tshar bcad pas mnyan par bya ba'i bdag med pa nyid la sogs pa'i don kho na nyid yang dag par dus ji lta ba bzhin du kun nas ston pa'i bdag nyid can gyi sgra ni chos kyi sgra dbyangs snyan pa ste/ bcom ldan 'das kyi bstan pa'o/ /dbang po la sogs pa'i gegs tshar bcad pas/ bcom ldan 'das mngon par rdzoD par sangs rgyas pa na de la mngon par dang pa'i lha rnams rgyal bar gyur cig rgyal bar gyur cig ces bya ba la sogs pa'i sgra kun nas sgrogs pa ni sgra snyan pa'o/ /dpe dang dpes brjod pa'i dngos po nges par spyad pas sa la sogs pa'i don gyi bya
- 171a
mnyam pa'i 'dun pa la sogs pa ni/ chos dkar po thams cad kyi zhes bya ba la sogs pa smos pa yin te/ chos dkar po thams cad ni ma chags pa la sogs pa'o/ /de'i gzhi ni gnas so de'i dngos po ni ma chags pa la sogs pa yod pa'o/ /byang chub kyi bar du mi 'gyur ba ni 'tshang rgya ba nyid kyi bar du gzhan du mi 'gyur ba'o/ /dge ba'i chos mdza' dag ni ma chags pa la sogs pa'o/ /de'i rnam par 'phel ba ni gong nas gong du 'phel ba'i rim gyis lhag pa'o/ /thams cad mkhyen pa nyid gsum gyi sgrib pa ni de'i mi mthun pa'i phyogs nyon mongs pa rnams so/ /de nyid bud shing yin te sreg pa'o/ /sems can thams cad tshim par byed pa ni gdul bya rnams la bsam pa ji lta ba bzhin du chos dang zang zing rab tu sbyin pas tshim par byed pa'o/ /lus la sogs pa dga' ba bskyed ba nyid kyis na bslab bar bya ba yin pa'i phyir yon tan rin po che ste stobs bcu la sogs pa'o/ /de rnams kyi rgyu nyid yin pa'i phyir de'i rten gyi dngos po'o/ /mi 'dod pa thams cad mi bzod par dka' ba'i ral gri dang/ mda' dang/ lcags mdung dang/ mdung thung la ? pa'o/ /de thog du bab pa ni bcom ldan 'das byang chub snying po la zhugs pa'i thad du bab pa'o/ /des ma 'khruD pa ni rdo rje lta bu'i ting nge 'dzin las ma g.yos pa'o/ /sangs rgyas pa nyid kyi rjes thogs la yang dag par nges pa ni yid ches pa ste/ des mi 'jigs pa bzhi brnyes pa na brtan pa ste mi tshugs pa'o/ /des mi phyed pa ni skul bar byed pa dang bdud rnams gyis dbye bar mi nus ba'o/ /dmigs pa ni 'dod pa'i lhas btang ba'i rang gi bu mo la sogs pa'o/ /gang de rnams kyi rnam par g.yeng ba ni mig zur gyis lta ba la sogs pa'o/ /des mi bskyod pa ni ting nge 'dzin las ma g.yos pa'o/ /
- 171b
nyon mongs ba shes bya'i sgrib ba ni sangs rgyas nyid mthong ba'i nad mong pa'i mi mthun pa nyid yin pa'i phyir rtsig pa la sogs pa dang 'dra bar 'dod chags la sogs pa dang gzugs la sogs pa bzung ba rnams ni sgrib pa yin pas na sgrib pa'o/ /de nyid ni 'khor ba gcig nas gcig tu rgyud bar 'tshor? byed pa nyid yin pa'i phyir nang do/ /rnams rab tu zhi ba ni rnam par zhi ba'o/ /gnas skabs thams cad du lha mo sgyu 'phrul la sogs pa'i lhums nas nur nur po la sogs pa med par gzhal yas khang na rdo rje ? dkrung gis bzhugs pa la sogs pa'i gnas skabs su der sems can te/ dbang po la sogs pa'i don du chos ston pa la sogs pa ste de yongs su mi gtong ba'o/ /ji ltar smon pa'i 'bras bu grub pa ni 'tshad rgya ba la sogs pa'i 'byor pa rdzogs pa'o/ /gdul bya ste nyan thos pa sogs pa rang gi mya ngan las 'das par smin par byed pa ni yongs su smin par byed pa'o/ /gdul bya 'dun ba byed pa'i chos ston pa ni bsib ji lta ba bzhin du chos ston pas gdul bya rnams shin tu phul du byung ba dang bcas pa la 'jug pa'o/ /mthu thogs pa med pa nyid kyis zhes bya ba la zil gyi mi gnon pa'i nus pa mnga' ba nyid kyis gzhan gyi don nyams su bzhes shing sems can gyi don rtsom pa'i bskal pa du mar spyod pa'i gtong ba dang/ shin tu gtong ba dang gtong ba chen po la sogs pa dang/ gnas pa sna tshogs pa la bslabs pa ni bsod nams dang ye shes yin te/ de nyid byang chub kyi rgyu nyid du yang dag bar bsags pa yin pas tshogs so de rnams kyi mdzod lta bu ni rdzas gzhag pa'i khyim mo/ /'phaT pa thams cad de/ byang chub sems dpa' la sogs pa gshegs shing rjes su gshegs pa ni yang dang yang du mngon sum du mdzad cing rtogs sla bar mdzad pa'o/ /'khor ba dang mya ngan las 'das ba dag ste/ srid pa dang zhi ba gang yang rung ba zhig tu
- 172a
ltung zhing mi 'gro ba'o/ /nyon mongs pa med par byang chub thob par byed pas na bde blag tu 'gro'o/ /thos pa dang ma thos pa'i chos mi bzad pa 'dzin pa ni shes rab kyi pha rol tu phyin pa la sogs pa thos pa dang ma thos pa'i chos skye ba thams cad du dga' ba nyid kyis 'dzin par byed pa nyid yin shing mi zad pa la nyams pa yin pa'i phyir ro/ /thar pa 'dod pa zhes bya ba la sogs pa byang chub mngon par 'dod pa'i sems can rnams la sbyin pa la sogs pa bshad pa'o/ /gzhan gyi don ces bya ba la sogs pa la mnyam pa nyid kyis thams cad las mchog tu gyur pa'i nges par legs pa dang mngon par mtho ba zhes bya ba byed pa yin pa'i phyir ro/ / dga' ldan gyi zhes bya ba la sogs pa sprul pa lhun gyis grub pa dga' ldan la sogs pa'i lha rnams la chos sgrog pa la sogs pa'i don yang dag bar ston pa yin pa'i phyir ro/ /de dag dang 'tsham zhing rung ba nyid kyis na 'dun pa la sogs pa ni sa la sogs pa'i don gyi bya ba nus pa nyid kyis grangs bzhin no zhes bya ba yin no/ /da ni sems bskyed pa nyi shu rtsa gnyis kyis byang chub pa'i bar du khyab pa ni de ltar na zhes bya ba la sogs pa smos pa yin te/ bskal ba grangs med pa gsum du shes pa gang gis dge ba'i bshes gnyen dang/ sangs rgyas bla bsnyen bkur bya ba la sogs pa'i las kun tu spyod pa'i shes pa de ni las dang po pa'i sa'o/ /nges bsdus pa ni chung du dang 'bring dang chen po nyid kyis dang po gsum ste/ 'dun pa dang bsam pa dang lhag pa'i bsam bar rtogs pa'i sems bskyed pa rnams so/ /'dis ni dus de'i tshe dge ba'o bshes gnyen la sogs pa rten pas dge ba'i rtsa ba gang ci yod pa de thams cad zhing sa bzang po la btab pa'i sa bon gyi myu
- 172b
gus 'dra bar gnas par gyur ba dang/ gser bzang po dang 'dra bar zad pa med pa dang/ chos gcig gi zla ba dang 'dra bar 'phel bar 'gyur ro zhes bshad pa yin no/ /de'i 'og tu gcig ni zhes bya ba ni sbyor ba dang ldan par 'gyur ba'i sems bskyed pa'o/ /sa dang po rab tu dga' ba zhes bya ba de la 'jug pa'i lam gyis bsdus so zhes bya ba sems gang gis 'jug pa nges bsdus pa ste/ sbyor ba dang ldan pa'i sems 'dis gang gi tshe thams cad mkhyen pa gsum nyid kyi sgrib pa rnams mes shing bsregs pa dang 'dra bar 'gyur ba de'i tshes rab tu dga' ba la sogs par 'jug par 'gyur ro zhes bya bar dgongs so/ /de'i 'og tu sbyin pa la sogs pa dang ldan pa'i sems bskyed pa bcu ni mthong ba dang bsgom pa'i lam gyi spyod yul can yin te/ go rim bzhin du rab tu dga' ba dang/ dri ma med ba dang/ 'od byed pa dang/ 'od 'phro ba dang/ spyad dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi sbyin zhes bya ba'i sa bcus bsdus pa rnams ni sbyin pa la sogs pa pha rol tu phyin pa bcu'i sems bskyed pa phul du byung bas na/ rab tu dga' ba la sogs pa'i sa skye bar 'gyur te/ 'dis ni sbyin pa la soD pa'i sems phul du byung ba las sar bcu dga' ba la sogs pa la 'jug par 'gyur ba'i byang chub sems dpa' rnams ni nges par go rim bzhin du gter chen po dang 'dra bar sems can rnams tshim par byed pa dang/ rin bo che'i 'byung khungs kyi gnas dang 'dra bar yon tan rin po che'i rten yin pa dang/ rgya mtsho chen po dang 'dra bar mi 'dod pas mi 'khrug pa dang/ rdo rje dang 'dra bar gang gis kyang mi shegs pa dang/ ri'i rgyal po dang 'dra bar gang gis kyang skyod par mi nus pa dang/ sman chen po dang 'dra bar nyon mongs pa rnams rab tu zhi bar byed
- 173a
dang/ dge ba'i bshes gnyen dang 'dra bar sems can gyi don mi 'dor ba dang/ yid bzhin gyi nor bu dang 'dra bar smon lam gyi 'bras bu 'grub pa dang/ nyi ma 'dra bar gdul bya yongs su smin par byed pa dang/ bcom ldan 'das dang 'dra bar bdag med pa la sogs pa'i chos kun nas ston par byed pa yin no/ /de''og tu gang gis mi las khyad par du gyur pa'i shes pas bar chad med pa'i lam la 'jug pa de ni khyad par gyi lam ste/ des bsdus pa'o/ /lnga ni zhes bya ba ni mngon par shes pa dang/ bsod nams dang ye shes dang/ byang chub kyi phyogs dang mthun pa'i chos dang/ snying rje dang/ lhag mthong dang/ spobs pa dang ldan pa'i sems bskyed pa rnams so/ /de dang 'byor pa'i stobs kyis go rim bzhin du rgyal po chen po dang 'dra bar gzhan gyi don la rjes su gnas pa dang/ bang mdzod dang 'dra bar bsod nams dang ye shes kyi rten du gyur pa dang/ lam po tshe dang 'dra bar 'phags pa thams cad kyis bgrod sla bar mdzad pa'i lam rab tu thob pa dang/ bzhon pa bzang po dang 'dra bar rtag pa dang chad pa'i mthar mi ltang ba dang/ bkod ma'i chu dang 'dra bar gdul bya rnams kyis 'bras bu thob par byed pa la zod ba med do/ /de nas sangs rgyas kho na'i yul yin pa'i phyir sangs rgyas kyi sa bcu gcig pa'i sa bsdus pa ni chos kyi skyed mos tshal dang/ bgrod pa gcig pa'i lam dang/ chos kyi sku dang ldan pa ste/ gsum gyis bsdus pa ni sbyor ba dang/ dngos gzhi dang mjug nyid kyis yin te/ sems gang gis dang po las mngon par sbyor ba de ni sbyor ba'i sems so/ /gang gi las rdzogs par byed pa ni dngos gzhi'o/ /las rdzogs par byas pa la sems gang gis legs par byas so zhes bya ba la sogs pa smra ba de ni 'jug ste/ de yod pa nyid
- 173b
yin pa'i phyir ro /de la yang go rim bzhin du sgra snyan dang 'dra ba thos ba dang ma tos pa'i chos rnams snying la 'bab par sgrogs pa dang/ chu bo'i rgyun dang 'dra bar sems can gyi don mnyam pa nyid kyis byed pa dang/ sprin lta bur dga' ldan la sogs par sprul pas don ston par mdzad pa yin no/ /yongs su sbyong pa rnam bcu yis/ /sa ni dang po thob 'gyur te zhes bya ba la sogs pas rab tu dga' ba la sogs pa'i sa ni rgyud du ma zhig gis sgrub pas 'og nas 'chad pa ma yin nam/ de ji ltar kun la sems bskyed pas khyab pa yin zhe na 'gal ba med de gang gi phyir 'tshang rgya ba nyid du sems bskyed pa kho na'i rgyu'i gtso bo yin par bshad kyi 'bras bu gang la yang rgyu cig yod pa ma mthong ste/ rgyu gzhan dag kyang bshad pa la nyes pa med do// mdo sde rgan? las/ sems bskyed pa ni sa rnams la/ /mos dang lhag bsam dag pa dang/ /rnam par smin pa gzhan du 'dod/ /de bzhin sgrib pa spangs pa'o/ de yi rtsa ba snying rjer 'dod/ /rtag tu sems can phan par sems/ /zhes bshad pas so so skye bo dang/ byang chub sems dpa' dang/ de bzhin gshegs pa'i sa'i dbye bas rgyu dang 'bras bu'i bdag nyid can gyi rab tu dbye ba bstan pa yin la/ de bzhin de don rtogs pa'i rim pas ji skad bshad pa'i go rim gyis /byang chub kyi sems bstan pa yin pa'i phyir/ /de tsam kho nas byang chub kyi sems kyi rab tu dbye ba mchod ba ma yin zhing lhag pa ma yin par go rim bzhin du bstan par bya'o zhes ston to/ /smon lam sngon du 'gro ba'i nyams su len par 'dod par de'i ? mi shes ba las 'bras bu med pa kho nar 'gyur bas thun mong ma yin pa'i bslab pa'i tshig le'ur byas bas 'chad par bzhed pa de'i dgos pa ni de ltar zhes bya ba la sogs pa smos pa yin te/ dus ni lta pa bzhin du zhes bya ba ni 'tshem?
- 174a
gnyer gi dus las ma 'das pas so/ /don du gnyer bskyed ba ni gdams ngag don du gnyer ba'o/ /byang chub kyi sems bskyed pa ni sngar bshad pa'o/ /des 'phangs pa'i chos ni chos dkar po thams cad kyi gzhi'i dngos po la sogs pa rdzogs par bya ba'i phyir ro/ /yon tan thob pa ni dge ba'i bshes gnyen la sogs pa las sems bskyed pas gzhan la skyabs su mi 'gro ba la sogs pa'o/ /de rnams yongs su bsrung ba'i don gyis zhes bya ba ni yongs su bskyang ba'i don du'o/ /mngon par 'phel bar bya ba'i phyir zhes bya ba ni byang chub kyi sems la sogs pa 'di dag nyid gong nas gong du 'phel ba'i rim gyis lhag par bya ba'i phyir sgrub pa dang zhes bya ba la sogs pa'i rab tu byed pa'i don gsungs ba yin te/ byang chub kyi sems kyi rab tu dbye ba ji skad bshad pa ni byang chub kyi sems nyi shu rtsa gnyis kyi'o/ /sgrub pa ni nyams su len pa'o/ /mi dmigs pa'i tshul gyis bya ba ni chos dang gang zag la bdag med pa'i tshul gyis nyan thos la sogs pa dang thun mong ma yin pa'o/ /kun rdzob ni ma btags na nyams dga' ba 'jig rten tha snyad du mi bslu ba la sogs pa'i dngos po phung po la sogs pa'o/ /don dam pa ni rdzogs pa'i sangs rgyas kyi yul te/ de dang rjes su mthun pa nyid kyis phung po la sogs pa skye ba med pa'i shes pa'o/ /de nyid ni bden pa ste 'jig rten pa dang rdzogs pa'i sangs rgyas dag la mi bslu ba yin pa'i phyir de las mi 'da' ba' o/ /'jug par bya ba ni rab tu 'jug par bya ba'o zhes slo pa sgrub pa la 'doms pa'o/ /tshad mas 'thad bar 'tshang rgya ba nyid kyis rgyu yin pa'i phyir bden pa ni rnam pa bzhi ste/ de la sdug bsngal la zhes bya bar ni sdug bsngal gyi bden pa la'o/ /kun 'byung gi phung po'i 'bras bu nyid yin pas na 'bras bur gyur pa ste gzugs
- 174b
la thogs pa'i che pha rol gyi phung po'o/ /de rnams kyi stong pa nyid gang yin pa ni gcig dang du ma dang bral ba la soD pa'i tshang mas rnam par byed na rang bzhin gyis dngos med ba nyid yin pa dang/ gang yang shes rab kyi pha rol tu phyin pa ste/ gnyis su med pa'i ye shes 'di gnyis ni de bzhin nyid kyi ngo bo 'di yin pas don daM bar skye ba med pa'i ngo bor rang bzhin gcig pa'i phyir dbyer med do/ /kun 'byung ba la zhes bya ba kun 'byung gi bden pa la stong pa nyid gang yin pa dang/ gang yang 'di las sdug bsngal gyi phung po kun 'byung bas kun 'byung ba zhes bya ba rgyur gyur gzuD la soD pa'i phung po tshe 'di pa ste/ 'di gyis ni tha mi dad pa nyid kyis dbyer med par gzugs la sogs pa zhes bya ba rgyur gyur pa'i gzugs la sogs pa'i phung po ni kun 'byung ba dang 'gog pa dang kun nas nyon mongs pa dang/ rnam par bya ba'i chos can ma yin no zhes bya ba skye ba dang 'jig pa dang/ 'dod chags la sogs pa dang bdag med pa'i ngo bo nyid ma yin no/ /'gog pa la zhes bya ba ni 'gog pa'i bden ba la'o/ /stong pa nyid la sogs pa ni rtogs sla'o/ /gzugs med pa ni gzuD kyi phung po med pa dang/ nas shes bya ba 'di tshor ba la sogs ba'i phung po rnams bsdu'o/ /ma rig pa skye ba yang med pa ni phung po med pas shes pa skye ba med pa la ma rig pa 'gag pa med do/ /des na mi shes ba 'jig pa yang med do// sangs rgyas kyang med pa ni rtogs pa po med pa'o/ /de nyid kyi na rtogs par bya ba med pa'i phyir byang chub kyi bar du yang med de bla na med pa yang dag par rdzogs pa'i byang chub med pa'o/ /lam la zhes bya ba ni lam gyi bden pa la'o/ /sbyin pa la sogs pa'i pha rol tu phyin pa rnams dang bdag nyid de sbyin pa po zhes bya'o/ /nang stong pa nyid la sogs pa ni phyi stong pa nyid la sogs ba zhes bya ba ni nang stong pa nyid la phyi stong pa nyid kyis zhes bya ba dang/ de bzhin du phyi stong pa nyid la phyi nang stong pa nyid kyis dang/
- 175a
phyi nang stong pa nyid la stong pa nyid kyis zhes bya ba la sogs pa'i rim gyis so/ /sngon gyi mdza' dang phyi ma'i mdza' dag ces bya ba srid pa dang mya ngan las 'das pa dag phan tshun gcig la gcig ldan pa dang mi ldan pa yang ma yin pa nyid kyis na 'byor ba nyid kyis ma yin mi 'byor ba nyid kyang ma yin no ces bya ba sgrub po/ /sangs rgyas la zhes bya ba la sogs pa la/ byang chub pa'i bar du bde 'gro'i rgyu yin pa nyid kyis na dga' bskyed bar byed pa nyid yin pa'i phyir sangs rgyas dkon mchog la sogs pa gsum mo/ /de la sangs rgyas la zhes bya ba sangs rgyas dkon mchog la sangs rgyas dang byang chub ces bya ba mtshan nyid gcig pa nyid kyis ting de bzhin nyid kyi mtshan nyid yin pa'i phyir ro/ / sangs rgyas su byed pa ni 'tshang rgya ba nyid rdzogs par byed pa'i chos sems bskyed pa la sogs pa'o/ /de'i mtshan nyid ni de'i bdag nyid can gyis te/ rnam pa thams cad mkhyen pa nyid do/ /de ni de kho na nyid du ni rang bzhin med pa nyid yin pas mi dmigs pa la gzugs la sogs ba mi sbyor bas te/ gzugs dang tshor ba la sogs pa dang sbyor ba med pa'i phyir ro/ /dmigs par bya ba dang dmigs par byed pa mnyam pa nyid du shes ba zhes bya ba ni rnam pa thams cad mkhyen pa nyid la sogs pa dang/ de la dmigs par byed pa'i sems dag ni snang ba med pa tsam nyid du shes pa'o/ /chos la zhes bya ba chos dkon mchog la thams cad mkhyen pa nyid gsum gyis te sngar bshad pa gang yin pa'o/ /des bsdus pa ni gang zhig dang gnyen po dang rnam pa mdza' dag ste/ phyi dang nang gi bdag nyid can gyi dngos po dang/ rnam par byang ba dang gzugs la sogs pa'i rnam pa des/ bsdus pa'i chos thams cad gzugs la sogs pas bsdus pa rnams
- 175b
ni yang dag par ngo bo nyid med de stong pa nyid yin no/ /dge 'dun la zhes bya ba ni dge 'dun dkon mchog la sangs rgyas zhes bya ba la sogs pa ni 'og nas bshad par bya'o/ /ma zhen pa ni mngon par ma chags pa ste/ de ni brtson 'grus brtsams pa nyid kyis zhes sgrub? la sogs ba yin te/ bskal pa grangs med pa gsum dang kun tu 'brel par 'jug pa nyid kyis ji skad du bshad pa'i don la nan tan du bya ba'i phyir zhes bya ba byang chub kyi sems bskyed pa la sogs pa bsgrub pa la'o/ /lus la sogs pa bsod nams nyid kyis zhes bya ba bde ba nyid kyis so/ /la la ni dbang po brtul po'o/ /yongs su mi ngal ba ni nyon mongs pa med pa ste/ de ni dus ring mo zhes bya ba la sogs pa smos pa yin no/ /dngang? pa'i rang bzhin can dbang bo rtul ba nyid yin pa'i phyir 'jigs pa'i rang bzhin can no/ /gzugs la sogs pa nas zhes bya ba ni gzugs la sogs pa nas tshor ba la sogs pa'i bar ro/ /rlom pa med ba nyid du zhes bya ba ni yang dag par tshor ba med pa'i phyir ro/ /lam ni sgrub pa'o/ /de yongs su bzung ba ni 'dzin pa ste/ de ni phyogs bcu na zhes bya ba la sogs pa smos pa yin te/ don re re'i phyir zhes bya ba ni brjod par bya ba sna tshogs shes par bya ba'i phyir ro/ /sems zhum bar 'gyur bas zhes bya ba ni phyogs sna tshogs pa'i sangs rgyas dng dge ba'i bshes gnyen mnyes par bya ba dang/ des nye bar bstan pa'i don khong du chud pa so so'i bya ba mang po yod pa nyid la dbang po rtul ba nyid yin pa'i phyir/ /sems le lor gyur pa la chos rnams rang bzhin gyis ma pa'o/ /des bsdus pa skad cig ma bcu drug ni mi rtag pa la sogs rang bzhin gyis skye ba med pa yin pa'i phyir ro/ /mthong ba'i rgyur gyur pa nyid kyis na spyan te de ni sha'i dang zhes bya ba la sogs pa smos pa yin no/ /kun nas shes pas na mngon par shes pa yin la/ de nyid ni mthong ba gdul bya'i skye bo dang rjes su mthun pa nyid yin
- 176a
pa'i phyir bslab par bya ba nyid yin pas na yon tan no/ /de ni rdzu 'phrul dang zhes bya ba la sogs pa smos pa yin te/ de shes pa gzhan la bltos na 'bad pa chen pos bsgrub par bya ba yin pas na mngon par 'du byed pa las byung ba'i lha'i mig gi shes pa'o/ /zag pa ni nyon mongs pa rnams te/ de rnams med pa ni thog pa zad pa'i shes pa'o/ /gzod ma nas zhi ba nyid du zhes bya ba de kho na nyid du na rang bzhin gyis mya ngan las 'das pa nyid yin pa'i phyir ro/ /ma mthong ba'i yon tan mthong ba'i thabs nyid yin pa'i phyir mthong ba'i lam zhes bya ste/ de ni mthong ba'i lam bden pa bzhi sa bsdus pa zhes bya ba la sogs pa smos pa yin te/ bden pa bzhi ni sdug bsngal la sogs pa'o/ /des bsdus pa skad cig ma bcu drug ni mi rtag pa la sogs pa'o/ /de'i ngo bo nyid kyi mthong ba'i lam ni chos dang rjes su shes pa'i bzod pa dang shes pa'i bdag nyid ces bya ba bden pa re re zhing chos dang rjes su sheS pa dang bzod pa gnyis te/ shes pa bcu drug tu gyur pa de'i bdag nyid can la'o/ /chos thams cad ngo bo nyid med par rtogs pas zhes bya ba la gzugs la sogs pa stong par shes pa'i phyir ro/ /sgyu ma mkhan bzhin du thams cad la mngon par zhen pa med pa'i lus can rang gis ji lta ba bzhin du sprul pa ni log pa nyid yin par shes pas sgyu ma byed pa dag mngon par zhen pa med la/ /de bzhin du gzugs la sogs pa la mngon par zhen pa med pa'o/ /des spang bar bya ba'i dngos po mthong ba'i lam gyis spang bar bya ba mi mthun pa'i phyogs de'i gnyen po yin pa nyid kyis rnal 'byor pa de kho na nyid sgom par byed do/ / bsgom pa'i lam ni 'dus byas dang zhes bya ba la sogs ba ston pa yin te/ 'dus byas dang 'dus ba byas dag ni zag pa dang bcas pa dang zag pa med pa dag bya'i spyi rgyu nyid kyis na gzugs dang/ tshul khrims la sogs pa'i phung po'o/ /de dag ni ngo bo nyid cig pa
- 176b
nyid kyis te/ stong pa nyid kyis so/ /des na phan tshun te gcig la gcig tha dad par gdags par mi nus pa bzhin du zhes bya ba tha snyad kyi dbye ba ma gtogs pa'i phyir ro/ /de nyid kyi don dam par dang rjes su mthun pa nyid yin pa'i phyir skad bshad pa'i mthong ba dang bsgom pa'i lam don dam pa yin pa ni ji skad bshad pa'i mthong ba'i lam mngon sum du byas ba'i 'phags pa'i bden pa bzhi po de dang tha mi dad pa'i phyir zhes bya bar smos pa yin te/ de dang tha mi dad par dmigs pa yin pa'i phyir te/ de dag yul gcig ba nyid yin pa'i phyir/ mthong ba dang bsgom pa'i lam dag tha dang du gyur pa med pas dbye ba med do/ /rgyu des na mtshan nyid pa rnm par bzhag pa ni med kyi 'on kyang bsgom pa'i lam gyi dngos po rnam par bzhag pa ni mthong ba'i lam dang tha snyad 'dra ba yin no/ /yul gcig pa nyid yin pa'i phyir yang dag par na mthong ba'i lam gyi khongs su bsgom pa'i lam 'dus pa ma yin nams de bsgoms pa ni don med pa nyid yin no zhe na/ 'on kyang de ni des spang bar bya ba'i zhs bya ba la sogs pa smos pa ste/ des spang bar bya ba'i dngos po bsgom pa'i lam gyis spang ba'i mi mthun ba'i phyogs de yi gnyen po'i phyogs yin pa nyid kyis na rnam par bsgom mo/ /yul cig pa nyid kyis na nus ba tha dad pag la yod ce na/ rten cing 'brel par 'byung ba'i chos nyid du zhes bya ba smos te/ rgyud dang 'bras bu'i dngos po bsam gyis mi khyab pa'i phyir ro/ /bsgrub pa'i rnam pa ni gang yin/ dmigs pa ni gang yin/ rten ni gang yin/ ma zhen pa la sogs pa'i yang dgos pa ni gang yin zhes dogs pa la de bstan ba ni de ltar zhes bya ba la sogs pa smos pa yin te/ de ltar byas na zhes bya ba ni sbyir gdams pa smra ba la gnas pa la na'o phyir mi ldog par 'gro ba'i rgyu ni dbyer mi phyed par 'gro ba'i rgyu'o/ /theg pa gzhan gyis mi 'gro ba'i rgyu ni rab kyi mthar phyin par mi 'gro ba'i rgyu'o/ /gzhan gyi drid mi 'jog par 'gro ba nyid kyi rgyu
- 177a
ni bdud la sogs pa'i shes par drang ba'i don nyid du rang nyid kyis shes nas mi 'jug pa'i rgyu'o/ /dge 'dun dkon mchog gi khongs su gtog pa nyid yin pa'i phyir dge 'dun gyi dbye ba ci snyed yod pa de dag thams cad rtogs pa kho na yin pas rab tu byed pa gnyis po la don med do snyam du sems pa la bde blag tu rtogs par bya ba'i phyir zhes bya ba smos te / dge 'dun dkon mchog la byang chub sems dpa' dbang po rtul po la sogs pa'i dbye ba ni/ dbang po rtul dang zhes bya ba la sogs pa'i tshig le'ur byas pas bshad pa yin no/ /'chad par 'gyur ba'i zhes bya ba la sogs pa smos pa la mthong ba'i lam la brten nas zhes bya ba ni mthong ba'i lam gyi sems kyi skad cig ma bco lnga la/ dad pa dang chos kyi rjes su 'brang ba'i bya brag? gis te/ dad pa dang shes rab kyi rjes su 'brang ba nyid dag gis 'bras bu dang po la zhugs pa ste zhes bya ba rgyun tu zhugs pa'i 'bras bu grub pa dang ldan pa dbang po rtul po dang rnon po rnam pa gnyis te/ yun ring pos shes pa dang myung bar shes pa'o/ /de'i 'og tu de nyid 'dod pa'i 'dod chags dang ma bral ba sems kyi skad cig ma bcu drug la ni rgyun tu zhugs pa'o/ /de'i 'og tu de nyid bsgom pa'i lam la nyon mongs pa rnam pa bzhi rab tu spangs pa las/ lha dang mi'i rigs nas rigs su skye ba nyid kyis gzhan rnam pa gnyis yin te/ lha dang mi dag tu skye ba gnyis sam gsum thos pas lha'i rigs nas riD dang/ mi'i riD nas rigs su skyeS bar rigs nas rigs su skye ba'o/ /de'i 'og tu dbang po brtul po dang rnon po dad ba dang mthong bas thob pa ste/ dad pa dang shes rab dang ldan pa 'dod pa na spyod pa'i nyon mongs pa lnga spangs pas 'bras bu gnyis pa la zhugs pa ste lan cig phyir 'ong ba'i 'bras bu sgrub pa dang ldan pa ni gcig kho na yin no/ /de'i 'og tu 'dod pa na spyod pa'i nyen mongs pa rnam pa drug spangs pas lan cig phyir
- 177b
'ongs pa yin no/ /de'i 'og tu de nyid lha rnams su skye ba gcig lhag ma lus pa yin pa'i phyir gzhan bar chad gcig pa yin no/ /de'i 'og tu 'dod pa na spyod pa'i nyon mongs pa bdun ba dang brgyad pa spangs pas 'bras bu gsum pa la zhugs pa yin te/ phyir mi 'ongS ba'i 'bras bu grub pa dang ldan pa'o/ /dad pa dang mthong bas thob pa ni snga ma bzhin du gcig yin te dad pa dang mthong bas thob pa'o 'bras bu gnyis pa dang gsum pa la zhugs bdag ni dad pa dang mthong bas thob par bshad pa yin no/ /rgyas par bshad pa ni lung gi dbang gis yin par shes par bya'o/ /de'i 'og tu 'dod pa na spyod pa'i nyon mongs pa dgu pa spangs pas phyir mi 'ong ba'i rnam pa lnga ste de ni bar mdo dang zhes bya ba la sogs pa smos pa yin te/ skye ba'i kun du sbyor ba ni spangs/ mngon bar 'grub pa'i kun tu sbyor pa ni ma spangs pa'i phyir srid pa bar ma mngon par sgrub pa byed pa na 'am/ mngon par sgrub pa na srid pa bar mar lam mngon sum du byas pas sdug bsngal gyi mthar byed pa thob pa ni bar ma dor yongs su mya ngan las 'da' pa'o/ /kun tu sbyor ba gnyi ga ma spangs pa'i phyir gzugs kyi khams su skyes nas sdug bsngal gyi mthar byed pa thob pa ni skyes nas yongs su mya ngan las 'da' ba' o/ /de bzhin du skyes nas mngon par 'du byed pa dang bcas pas lam mngon du byed pa thob pa'i phyir sdug bsngal gyi mthar byed pa thob pa ni mngon par 'du byed pa dad bcas pas yongs su mya ngan las 'da' ba' o/ /de las go bzlog pa ni mngon par 'du byed pa med par yongs su mya ngan las 'da' ba zhes bya ba ste rnam pa bzhi dang gong du 'pho ba ni lnga ste/ de yang 'og min gyi mthar thug par 'gro ba dang srid pa'i rtse mo'i mthar thug pa 'gro ba ste rnam pa gnyis so/ /de'i 'og tu gong du 'pho ba de nyid 'og min gyi mthar thug par 'gro ba ni 'phar ba dang phyed du 'phar ba dang gnas skabs thad du 'chi 'pho ba nyid kyis 'og min tu 'jug pa ni gong du 'pho ba bzhan?
- 178a
rnam pa gsum mo/ /de'i 'og tu gong du 'pho ba de nyid srid pa'i rtse mo'i mthar thug par 'gro ba ste/ gzugs kyi 'dod chags dang bral ba la gnyis te mthong ba'i chos la zhi ba dang lus kyis mngon sum du byed pa gzhan rnam pa gnyis yin no/ /de'i 'og tu srid pa'i rtse mo'i nyon mongs pa brgyad pa spangs pas ni dgra bcom pa'i 'bras bu la zhugs pa yin no/ /de'i 'og tu nyan thos kyi sde snod nyid la dmigs nas rang gi lam mngon sum du byed pas sangs rgyas mi 'byung ba na rang sangs rgyas su 'gyur ba ste de ltar nyi shu'o/ /'dir go sla bas 'bras bu dang po dang gnyis pa dang bzhi pa la zhugs pa'i grangs ma smos so/ /de ltar phyir mi ldog pa'i 'khor lo'i med do dang/ stong phrag nyi shu lnga pa dang/ chos mngon pa las/ de la skad cig bco lnga ni/ ma mthong mthong phyir mthong ba'i lam zhes bya ba la sogs pas gtan tshigs dang grang dang bcas par gsungs pa yod pas log par khong du chud bar mi bya'o/ /las dang po pa de ltar gdams ngag thob pa la zhes bya ba ni 'dir bsod nams kyi tshogs la sogs pa yang dag par rdzogs pa dang ldan pa la ye shes kyi tshogs grub par bya ba'i phyir bskal pa grangs med pas nges par 'byung ba'i mos pas spyod pa'i sa yongs su spyad par bya ba'i don du zhugs pa la zhes bya bar blta bar bya'o/ /byang chub sems dpa' dam pa skyob pa rnams kyi dro ba la sogs pa rnam par rtog pa bzhi po 'og nas bshad pa de dang ldan pa ste de dang yang dag par sbyor ba'o/ /bsten pa ste bsten bzhin pa na byang chub sems dpa' i chung du dang 'bring dang chen por bshad pa ni nyan thos bse ru lta bur bcas pa dag gi dro ba la sogs pa bshad pa las khyad par du 'phags pa yin te/ de dag gi dmigs pa la sogs pa ni smon pa yin pa'i phyir ro/ /gang du gang gi ci zhig ce na/ 'grel pa las byang chub sems dpa' rnams kyi zhes bya
- 178b
ba la sogs pa smos te/ byang chub sems dpa' i mos pas spyod pa'i sa yongs su sbyang ba la zhugs pa rnams kyi thos pa la sogs pa rab kyi mthar phyin pas thob pa'i thar pa'i cha dang 'thun pa ste nyon mongs pa la sogs pa dang bral ba la phan pa'i dad pa dang brtson 'brus la sogs pa'i mtshan nyid kyi ma chags pa la sogs pa'i dge ba'i rtsa ba rnams kyi rtsa ba ste/ rgyu'i gtso bo gang yin pa de'i 'og tu ste/ rjes thogs la bden pa bzhi po sdug bsngal la de rnams rtogs pa de bzhin nyid shes pa de rjes su mthun pa'i nges par 'byed pa'i cha dang mthun pa nyon mongs pa la sogs pa dang bral ba'i shes pa la mngon sum du phan pa 'jig rten pa'i sems las skyes pa nyid yin pa'i phyir 'jig rten pa yin la/ bsgom pa goms pa las byung ba/ dro bar gyur pa dang 'brel pa dge ba'i rtsa ba dang zhes bya ba la sogs pa chung du dang 'bring dang chen po zhes bya ba la chung ngu la sogs pa'i rim gyis skye zhes bya ba ni chung du dang 'bring dang chen po'i go rim skye ba'am/ byang chub sems dpa' dang 'brel pa ste/ de'i rigs can gyo ? po rtul po la sogs pa'i gang zag chung ngu dang/ 'bring dang chen po'i shes pa dang ldan pa lus can de'i bye brag dang ldan pa la/ /dro ba la soD pa de'i khyad par gyis chung ngu dang 'bring dang chen po yin no zhes bya bar sbyar ro/ /dmigs pa yin zhes smos pa ni 'og nas bshad ba'i dmiD pa'i khyad par mi rtag pa la sogs pa ste de'i ngo bo nyid do/ /bden pa bzhi ni sdug bsngal la sogs pa'o/ /de nyid ni dngos po ste shes pa skyed par byed pa nyid yin pa'i phyir ro/ /de'i dmigs pa ni yul rnams so/ /rnam pa yis ni chos su lta ba zhes bya ba la sogs pa yin te/ chos su lta ba ni gzugs la sogs pa yod par 'dzin pa'i phyir ro/ /de'i gnyen po nyid kyis na mngon par zhen pa med pa la sogs pa'i rnam pa ste/ ma chags pa dang mi dmigs pa la sogs pa'i rnam par bye brag gis so//
- 179a
rgyu yis ni theg pa gsum car zhes bya ba la sogs pa smos pa yin te sgyu ma lta bu la sogs pa'i tshul gyis gang sangs rgyas la sogs pa'i mya ngan las 'das pa gsum ni theg pa gsum car ste/ mya ngan las 'das pa'o/ /de rtogs pa ni thob pa'o/ /de'i rgyu'i ngo bo ni bro ba? la sogs par zhugs pa'o/ /yongs su 'dzin pa yis zhes bya ba ni dge ba'i bshes gnyen zhes bya ba la sogs pa smos pa yin te/ thabs zhes bya ba 'tshang rgya ba'i rgyu la mkhas pa'i dge bI bshes gnyen te bla ma gang yin pa'o nyi mtshan nyid kyis yongs su bzung ba ni 'tshang rgya ba nyid kyi bar du bdag gir byas pa'am/ yongs su bzung ba dang ldan pa nyid yon pa'i phyir dge ba'i bshes gnyen ni yongs su bzung ba'o/ /de dang ldan pa ni de dang bcas pa'i dro ba la sogs pa'o/ /rnam rtog bzhi po zhes bya ba la sogs pa ni mthong ba dang zhes bya ba la sogs pa smos pa yin te/ mthong ba dang bsgom pa dag gis so sor sbrang bar bya ba'i gzung ba dang 'dzin pa'i rnam pa rtog pa bzhi po 'chad par 'gyur ba ste/ 'og nas 'byung ba gang yin pa'i de'i tshul dang? 'brel pa ste 'dres pa la sogs pa'o/ /nyan thos la sogs pa'i dro ba la sogs pa'i khyad par med pa nyid yin pa ni de dag gi dra bar gyur pa zhes bya ba la sogs pa smos pa yin te/ nyan thos la sogs pa de dag gi yang phro bar gyur pa la sogs pa'i dge pa'i rtsa ba ni gzugs su rung ba la sogs pa'i mtshan nyid kyi dngos po'i bdag nyid kyi ste dngos po gang la yang gzugs su rung ba dang/ nyams su myong ba la sogs pa'i mtshan nyid kyi gzugs dang tshor ba la sogs pa'i phung po de'i bdag nyid can gyi bden pa bzhi po sdug bsngal ba la sogs pa de la dmigs pa gang yin pa dang bdag tu lta ba ni bdag tu mthong pa'o/ /de'i gnyen po nyid? yin bas mi rtag pa la sogs pa zhes bya ba mi rtag pa dang sdug bsngal ba la sogs pa'i rnam pas zhugs pa'o/ /rang gi theg pa ni phung
- 179b
po ltar ma dang bcas pa dang lhag ma med pa'i mya ngan las 'das ba'o/ /de ? ba kho na ni de thob pa nyid do/ yongs su bzung ba ni snga ma bzhin du ste de dang bral ba'o/ /rnam par rtog pa rnam pa bzhi ni 'og nas bshad pa'o/ /de dang mi ldan par 'byung ngo zhes bya ba'i tshul gyis te/ de ltar byas na rnam par rtog pa? bzhi po ni rang gi byang chub kyi gegs gyur ba ma yin no/ /nyan thos kyi lung las 'dres su zin kyang ma 'dres par skye ba yin no zhes bshad pas rnam par rtog pa rnam pa bzhi dang bral ba yin no/ /yang byang chub sems dpa' rnams kyi rnam pa dang dmigs pa dag yongs su ? pa'i dbang gis khyad par su 'phags ba de ni byang chub sems dpa' rnams kyi zhes bya ba la sogs pa yin te/ bden pa bzhi po'i dngos po la dmigs pa ni nges par 'byed pa dang zhes bya ba la sogs pa dang sbyar ro/ /de ni ci rigs par kha cig tu ni zhes bya ba ni kun 'byung pa la'o/ /rgyu'i sgo nas ni kun 'byung ni sdug bsngal gyi phung po'i rgyu nyid yin pas so/ kha cig tu ni zhes bya ba sdug bsngal la ni 'bras bu'i sgo nas zhes bya ba sdug bsngal 'bras bur gyur pa'i sgo nas te/ sdug bsngal ni kun 'byung gi 'bras bu nyid yin pas so/ /kha cig tu ni zhes bya ba 'gog pa la ni ngo bo nyid kyi sgo nas zhes bya ba yang dag par ni chos thams cad 'gog pa'i ngo bo nyid yin pa'i phyir ro/ /kha cig tu ni zhes bya ba lam la ni chos nyid kyi rnam pa'i sgo nas zhes bya ba thams cad mkhyen pa nyid gsum gyi chos mi dmigs pa nyid yin pa'i phyir ro/ /snga ma bzhin du rnam pa gzhan gyis kyang zhes bya ba ni mngon par zhen pa med pa la sogs pas so/ /bsrib? zhes bya ba ni rgya cher bsgom pa na'o/ /phal chen sde pa rnams bdag cag gi sde snod gsum la khyed kyis theg pa mi snang bas khyed cag gi theg pa ni sangs rgyas kyis gsungs pa ma yin no zhes bya ba la sogs pa'i sun 'byin par smra bas/ de bsal bar bya ba'i phyir de bsam zhes bya ba la sogs pa smos pa yin te/ 'di ni lugs gzhan kho na yin pas zhes bya ba ni gang gi phyir theg pa'i gnas skabs khyad par rnam pa lngas khyad par du 'phags pa
- 180a
yin pa de bsan ste/ de'i? phyogs theg pa chen po las lugs gzhan kho na yin pas de ? brten nas zhes bya ba de mthong ba'i tshul gyis theg pa chen po gang du yang sun 'byin par brjod par mi bya zhing sangs rgyas kyi bka' ma yin no/ /zhes brgal bar mi bya/ bdag cag gi sde snod gsum du khyed kyi theg pa mi snang ba dang sam skri ta'i skad kyis ma gsungs pa nyid yin pa'i phyir sangs rgyas kyis gsungs pa ma yin par thar bar 'gyur ba dang/ skad gzhan ma mkhyen na thams cad ? ba ma yin pa dang khyed cag kho na gdul bya nyid yin na thams cad gdul bya ma yin pa nyid du thal bar 'gyur na/ yu bu cag gnyi ga de ltar mi 'dod pas 'di ni ci ltar yang mi rung ngo/ /de lta bu la sogs pa'i rgol ba ni mdo sde rgyan la sogs pa las sha za'i skad la sogs pa la mngon par zhen pa yang dag pa'i ltar mi shes pa'i shan rnams la mnyam par bstan pas rgya cher tshar gcad pa yin par bya'o zhes bya bar dgongs so/ /yang 'di'i dgongs pa 'di ma yin pas rtag pa'i lung dang mi rtag pa'i lung bzhin du theg pa gzhan dang gzhan 'gal ba ma yin no zhes kyang brjod par mi bya ste/ /gzhan gyi chos rnams kyang yod la zhes bya ba la sogs pa de'i byang chub dang 'gal bar 'og nas bshad pa yin pa'i phyir ro/ /gzhan du na bye brag tu smra ba dang/ mdo sde pa dang/ rnal 'byor spyod pa dang/ dbu ma pa'i sangs rgyas pa rnams gong nas kyi rim pas khyad par du 'phags par ji ltar 'gyur/ /yang na theg pa chen po khyad par du 'phags pa bstan pa na theg pa gzhan khyad par can ma yin nam/ des 'phongs pa la 'jug ba'i las kyi nyes par ci'i phyir mi 'gyur zhes bya ba'i phyogs lnga ma'i lan ni de bas na zhes bya ba la sogs pa smos pa yin te/ 'di ni lugs gzhan kho na yin pas zhes bya ba ni theg pa khyad par can dang/ khyad par can ma yin pa dag ji lta ba bzhin du rtogs pa brtan par bya'o zhes bya ba'i skabs yin no//
- 180b
? phyir de ltar yin pa de'i phyir gang du yang theg pa gzhan la brten nas sun dbyung ba brjod par mi bya'o zhes bya ba chos kyis 'phongs bar 'gyur pa la 'jug pa'i las kyi nyes pa brjod par bya ste /rang rang gi theg pa la gnas pa rnams bdag cag gi ? gzhan gyi theg pa ? nyams par 'dod pa nyid yin pa'i phyir rang gi theg pa las nyams nas de lhag par mos pa nyid ni ma yin no zhes bya bar dgongs so/ /de nyid kyis na gzhan gyi chos rnams kyang yod la zhes bya ba la sogs pa sun dbyung ba sngar bshad pa'i nyes pa ni nyes pa ma yin te 'dod pa nyid yin pa'i phyir ro/ /bshad pa 'di la rang gi theg pa la gnas pa dag ni rang gi theg pa sbyor ba des phongs par gyur pa'i las su bzhag pa yin par blta bar bya'o/ /dmigs pa zhes bya ba la sogs pa la gzugs la sogs pa'i skye ba dang 'jig pa ni bsgrub pa dang dgag pa ngag? go/ gnas pa ni 'dis gnas shing tha snyad du byed pas na gnas te sgra ma lus pa'o/ /bral ba ni mi gnas pa ste med pa yin pas gnas gral lo/ /btags dang zhes bya ba ni sangs rgyas la sogs pa'i tha snyad de dang de ni brjod du med pa yin pas/ /btags dang brjod du med pa zhes bya'o/ /dro bar gtogs pa'i dge ba'i rtsa ba rnam pa gsum gyi dmigs pa dang rnam pa dag 'grel pa las/ chung ngu'i dmigs pa ni zhes bya ba la sogs pa smos pa yin te/ de la dro ba chung du'i dmigs pa zhes bya ba la sogs pa ni mi rtag pa zhes bya ba la sogs pas bshad do/ /dro ba 'bring gi dmigs pa ni mos pa dang zhes bya ba kun rdzob tu gzugs la sogs pa la yod pa la sogs par mngon par zhen pa'o/ /de kho na nyid ni don dam pa mthong bas de rnams nyid bdag med pa'o/ /de dag gi yid la byed pa gang /yin pa de dag gis grangs bzhin du gzugs la sogs pa zhes bya ba gzugs dang tshor ba zhes bya bar sgrub pa dang dgag pa dag ni dmigs par mthong ba zhes bya ba sprul pa'i gzugs la sogs pa la lta ba dang 'dra bar dngos po snang bzhin pa ni dngos po med pa
- 181a
yin la /de yang de kho na nyid du ni ma yin no/ zhes dmigs pa gnyi ga sgyu ma byed pas sprul ba lta bur bya'o zhes bya bar dgongs so/ /ming thams cad med pa nyid kyis zhes bya ba ni de kho na nyid du med pas yang dag par med du zin na yang rgyun dang 'dra bar zhes bya ba rang gi rigs gsal ba ma lus pa la khyab pas na rgyun te spyi'o/ /de mi 'dra pa gang yin pa de ni 'dir gsal bar rang gi mtshan nyid brjod pa'o/ /rgyun ni snga ma dang 'dra'o 'di gnyis kyi mtshan nyid ni rang dang spyi'i mtshan nyid don gyi bya ba nus pa dang? mi nus pa'i bdag nyid can du med de/ brjod pa po med bas brjod par bya ba med do/ /zhes bya bar dgongs so/ /rang gi mtshan nyid ni kun rdzob tu yang brjod du med pa ma yin nam sgra rnams ni sel ba'i yul can yin pa'i phyir de ji ltar der dgag ce na bden mod kyi sgra gsal ba nyid la 'jug ba na lan 'ga' zhig de la yang brjod par bya ba nyid yin par mngon par zhen to zhes bya ba'i bar du srid pa dgag pa yin pas nyes pa med do zhes bya ba ni gnas bral ba'o/ /dro ba chen po ni gzugs la sogs pa'i chos thams cad kyi btags pa ste tha snyad do/ /de ni chen po'i dmigs pa ni zhes bya ba la sogs pa smos pa yin te/ gzugs nas sangs rgyas zhes bya ba la sogs pa brdar brtags ba'i chos tha dad du bya ba'i dbang gis kun tu tha snyad du byas pa dang 'dra bar sangs rgyas dang 'dod chags dang bral ba la sogs pa gcig yin pa'i bsam pas ming du nges pa'o/ /de ni gzugs nas zhes bya ba la sogs pa'i tha snyad kyis brjod du med pa'o/ /dro ba zhes bya ba'i don dang ldan pa ni de ltar na zhes bya ba la sogs pa smos pa/ yin te/ 'di'i rjes thogs la bar chad med na mthong ba'i lam du 'gyur ba yin pas thar pa'i cha dang mthun pa'i 'og tu dro ba'i khyad par ro/ /rtse mor gtogs pa'i dge ba'i rtsa ba'i dmigs pa dang rnam pa chung ngu dang 'bring dang chen po ni/ gzugs la sogs
- 181b
zhes bya ba la sogs pa gsungs pa yin te/ /gzugs sogs mi gnas zhes bya ba ni yod pa nyid du mngon par ma zhen pa'o/ /de ci'i phyir zhe na/ gzugs la sogs pa de dag ni de'i ngo bor zhes bya ba gzugs la sogs pa'i rang bzhin gyis ngo bo nyid med pa nyid yin no/ /de dag ces bya ba gzugs la sogs pa dang/ /stong pa nyid 'di dag ni gcig la gcig ste/ /phan tshun rang bzhin nam ngo bo nyid gcig yin no/ /de mi rtag la sogs par mi gnas zhes bya ba gzugs la sogs pa la mi rtag pa dang/ /sdug bsngal ? sogs par zhen pa med pa'o/ /de rnams zhes bya ba gzugs la sogs pa'i stong pa nyid ni de'i ngo bos stong zhes bya ba stong pa nyid yin pa'i phyir ngo bos bdag med cing de dag ste/ /gzugs la sogs pa dang stong pa nyid dag ni gcig la gcig ste/ phan tshun rang bzhin gcig pa nyid yin no/ /chos rnams mi 'dzin gang yin dang zhes bya ba gzugs la sogs pa ni de kho na nyid du med pas bdag gir mi byed pa gang yin pa'o/ /de dag mtshan mar mi mthong phyir zhes bya ba ni de kho na nyid du na gzugs la sogs pa'i mtshan ma ma mthong ba'i phyir ro/ /shes rab kyis ni zhes bya ba ni gzugs la sogs pa rnam par spyod pa'i rgyu ste shes ba'i khyad par ro/ /nges yongs su rtog pa ni de kho na nyid du rnam par dbye ba'i yul gzugs la sogs pa'i chos rnams med cing dngos po med pa nyid du shes pa'o/ / de ni thams cad dmigs su med par ni zhes bya ba la sogs pa gsungs pa yin no/ /chung ngu'i dmigs pa ni zhes bya ba la sogs pa ni 'grol ba'o/ /chos yang dag par rab tu rnam par 'byed pa nyid kyis gzuD la soD pa'i cha skye ba med par rtogs pa nyid du rnam par shes pas dpyod cing rnam par brtag pa ste/ shes rab gang gis gzugs la sogs pa skye ba med par mthong ba rnam par 'byed pa'i shes rab de la yang skye ba med par bsam par bya'o zhes bya ba'i tha tshig go/ /'dis ni rnam pa shes rab kyi pha rol tu phyin pa med cing rang bzhin med pa
- 182a
nyid du chos kyi sgo nas bshad pa yin no/ /dge ba'i rtsa ba g.yo ba ni dad pa la sogs pa dang 'dra bar gong nas gong du khyad par thob cing g.yo ba yin pa'i phyir dge ba'i rtsa ba g.yo ba ste dro ba zhes bya ba'o/ /de'i mchog yin pa'i phyir rtse mor gyur pa zhes bya ba la sogs pa yin no/ /bzod par gtogs pa'i dge ba'i rtsa ba dmigs pa dang rnam pa gsum ni gzuD so/ zhes bya ba la sogs pa gsungs pa yin la/ rab tu byed pa'i don ni chung du'i dmigs pa ni zhes bya ba la sogs pa gsungs pa yin te/ bzod pa gtogs pa chung du'i ni gzugs la sogs pa'i mtshan nyid gzugs su rung ba dang nyams su myong ba la sogs pa'o/ /de'i rang gi ngo bo ni yang sa la sogs pa'i rang bzhin sa ba la sogs pa 'di nyid ni 'di'i mtshan nyid yin no/ /'di dag ni de kho na nyid du na stong pa nyid yin pas ngo bo nyid med par rang bzhin gcig pa nyid kyi sa na gzugs la sogs pa ni gzugs la sogs pa'i mtshan nyid dang sa la sogs pa de'i mtshan nyid dang ngo bo nyid med pa nyid yin no/ /gzugs la sogs pa zhes pa ni bshad zin to/ /skye bo dmiD pa can ni phyi rol gyi don yod pa la lta ba rnams te/ de'i dor gzugs la sogs pa sngar bshad pa dang dngos po med pa de nyid ngo bo nyid do zhes bshad do/ /gzod par gtogs pa 'bring kyi ni rang bzhin gyis ma skyes pa nyid kyis yang dag par na gzugs la sogs pa skye ba yang med ces bya ba la sogs pa yin no/ /chos thams cad kyi rang gi ngo bo rtogs par gzugs la sogs pa stong pa nyid du shes pa'i phyir ro/ /lus la sogs pa rnam pa thams cad du zhes bya ba phyi dang nang gi bdag nyid can gyi rnam pas rnam par dag cing dri med pa yin te/ 'dir nges par 'byed pa'i cha dang 'thun pa'i gnas skabs su rnam pa thams cad du dag pa ste med pas cung zad tsam gyis dag pa yin par blta bar bya'o/ /de dag skye med ces bya ba la sogs pa ni bshad zin to/ /bzod ?
- 182b
gtogs? pa'i chen po'i rang dang sbyi'i mtshan nyid ni sngar bshad zin to/ /de mi 'thad pa ni gzugs la sogs pa yin par mi rung zhing mi rigs pas gzugs la sogs pa'i chos thams cad kyi mtshan nyid med pa ste/ de'i mtshan ma med pa la sogs pa ni bshad zin to// rang bzhin kho na gzugs la sogs pa'i mtshan ma rnams kyi rten dang bral ba nyid kyis na gzugs la sogs pa'i rten med pas mos pa yid la byed pa ste kun rdzob tu gzuD la sogs pa yod par mngon par zhen pa dang/ de la mi mos pa ni mngon par ma zhen pa'o/ /gzugs la sogs pa'i rang gi mtshan nyid la sogs pa ni sngar bshad pa ste de'i mtshan ma'o de'i mtshan mar mi rten pa ni mngon par ma zhen pa'o/ /de'i mtshan ma zhes bya ba la sogs pa ni bshad zin to/ /de kho na nyid yid la byed pa ni chos thams cad stong pa nyid du bsam pa'o/ /de? yongs su shes pa med pa ni dmigs su med pa'i yang dag pa'i shes pa dang ldan pa ni 'du shes nyid do/ /de med pas na 'du shes med pa nyid de/ dngos po'i chos la mngon par zhen pa dang/ mngon par ma zhen pa de med na de ci ltar yod ces bya bar dgongs so/ /bzod pa zhes bya ba don dang ldan pa nyid ni de ltar na zhes bya ba la sogs pa smos pa yin te/ de ltar na bzod pa'i dmigs pa dang rnam pa dang ldan pa la ni ngan 'gro med pas zhes bya ba ni chos mngon pa las bzod thob ngan song mi 'gro'i zhes bshad pas bzod pa thob pa'i byang chub sems dpa' ni so so'i skye bo dang 'dra bar dmyal ba la sogs pa'i ngan song gsum med pa'i phyir ro/ /chos chen po la bzod pa'i phyir zhes bya ba ni gzugs la sogs pa med pa la sogs par bzod pas yid du 'ong ba'i bzod par gtogs pa ni rnam pa gsum mo/ /chos kyi mchog tu gtogs pa'i dge ba'i rtsa ba'i dmigs pa dang rnam pa gsum ni ting nge 'dzin ces bya ba la sogs pa gsungs pa yin no/ /dmigs pa dang zhes bya ba la sogs pa thams cad du chos can yang bstan par rigs pa ma yin nam/ de chos tsam du brten pa nyid kyis bsgom pa ni mi rigs ?
- 183a
dmigs pa mi rtag la sogs pa zhes bya ba la sogs pa smos pa yin te ma gtogs pa zhes bya ba der ni chos dang chos can yod pas gzhan dag la sgra'i dbye bas don ston par byed pa yin pa'i phyir/ khyad par du byas ba'i chos dang chos can gyi tshig tu brjod par byed pa gang yin pa'i de sgra des dmigs pa tshig du brjod par bya ba yin na zhes bya ba 'dir dmigs pa ni nye bar mtshon pa tsam yin la des na don ni 'di yin te/ dmigs pa dang rnam par brjod pa yang khyad? par du byas pa'i tshig gis yin te/ rnam pa mngon zhen la sogs 'gog ces bya ba la sogs pas rnam pa dang dmigs pa'i chos can kun tu drangs pa lta bur thams cad du bshad pa yin par nges par 'byed pa'i cha dang mthun pa ston pa brjod pa'i rab tu byed pa las ston pa yin no/ /de lta na yang ci der chos brjod pas chos can rtogs pa yod dam zhen ma yin te/ khyad par gzhan zhes bya ba la sogs pa smos pa yin te/ khyad par gzhan ni rigs mi mthun pa'o/ /de rnams spong pa dang mi spong ba ni ldog pa dang mi ldog pa ma gtogs pa 'di dag la chos dang chos can gyi khyad par ni yang dag par na dga' yang med do zhes lugs las byung ba'i phyir ro zhes bya ba bstan bcos kyi rigs pas so/ /gal te de kho na nyid du na chos dang chos can gyi khyad par yod na de'i tshe dngos po spyir yang mi 'gyur te so so med ba'i phyir ro/ /de bsan 'di ni shing nyid dang 'dra bar 'dir yang gang du 'phags pa'i bden pa bzhin rtogs pa'i dmigs pa dang rnaM pa ma smras pa der yang mi ldog pa'i sgo nas de dag ni der gtogs pa nyid yin par grags pas grub pas chos dang chos can dag gnyi ga med na mi 'byung ba nyid yin pas rgol ba 'di ni cir? yang mi rung ? don gyis kyang 'phags pa'i bden pa bzhi la brten par 'gyur ba ni rnam pa gcig tu na zhes smos pa yin te/ yang na tshig le'ur byas pa bsdeb pa'i ngor zhes bya ba tshig le'ur byas
- 183b
pa'i sdeb? sbyor dang 'gal ba'i 'jigs pas tha dad par brjod kyang zhes bya ba chos can bden pa las kun tu drangs te /rnam pa mngon zhen zhes bya ba la sogs pa'i tshig dbye ba dmigs pa dang rnam pa'i chos kyi dbye ba smos pa yin na yang sdug bsngal la sogs pa'i bden pa ni chos can yin la der gtogs pa/ tho na dmigs pa dang rnam pa chos yin no zhes 'chad pa po rnams kyis bshad pa shes par bya'o/ /ci'i phyir zhe na/ mngon par zhen pa la sogs pa 'gog par byed ba'i bdag la sogs pa ni yang dag par skye ba dang 'jig pa dang bral pa zhes bya ba rim 'am cig car dag gis don gyi bya ba byed par mi rigs so zhes bya ba la sogs pa'i tshad mas rang gi ngo bo brtag pa ni ri bong gi rwa dang 'dra bar bsgrub pa dang dgag pas stong pa yin la/ mngon par zheng pa la sogs pa ni kun rdzob dang don dam pa dag tu med pa'i phyir ba dag la sogs pa rten yin par mi rigs kyi don gyis na bden pa la brten pa nyid yod do/ /kun rdzob kyi bden par yod pa yin no zhes bya bar dgongs so/ /'og ma dag la yang de bzhin du shes par bya'o zhes bya ba ni gang du chos tsam zhig bstan pa der thams cad du sngar bshad pa'i tshul gyis 'phags pa'i bden pa bzhi po kho na chos can yin par shes par bya'o/ /rnam par rtog pa bzhi ni gzhi dang zhes bya ba la sogs pa smos pa yin te/ gzung bar rnam par rtog pa ni gnyis te/ ga las shes na gzhi ste srid pa gcig ? gcig tu brgyud pa'i bya ba byed ba'i phyir te 'dod chags la sogs pa mi mthun pa'i phyogs so/ /de'i gnyen po ni lam ste de bsan rnam pa gnyis la de dag gi dbye bas de ni re re zhing rnam pa dgu yin no/ /ga las shes na/ rmongs dang phung sogs bye brag gis zhes bya ba ma rig pa la sogs pa'i dbye bas so/ /tshig le'ur byas pa'i don ni gzung bar zhes bya ba la sogs pa yin te/ kun nas nyon mongs pa'i brten can dang gnyen po'i rten can nyid kyis zhes bya ba 'dod chags la sogs pa kun nas nyon mongs pa la brten pa dang/ sems
- 184a
bskyed pa la sogs pa kun brten pas gzhi dang de'i gnyen po yis zhes bya ba yin no/ /gzung bar rtog pa rnam pa gnyis zhes bya ba ni bshad zin to/ /ma rig pa dang/ rnam par byang ba'i phung po la sogs pa'i rab tu dbye bas zhes bya ba ni ma rig pa la sogs pa'i rab tu dbye ba dang/ bla na med pa'i gzugs la sogs pa'i dbye bas so/ /rmongs pa zhes bya ba la sogs pa ni bshad zin to/ /'dzin pa'i rnam par rtog pa gnyis ni bdag sogs zhes bya ba la sogs pa smos pa yin te/ /rdzas dang brtags pa'i rten can gyi zhes bya ba ni gang zag dang skyes bu la gnas pa 'dzin pa rnam pa gnyis su 'dod ces bya bar shes par bya'o/ /de bzhin zhes bya ba ni de yang re re zhing rnam pa dgu'o/ /gang las she na/ bdag sogs rang dbang ngo bo dang zhes bya ba ste/ rang dbang can gyi bdag tu blta pa la sogs pa'i tshul gyis so/ /phung sogs la rten ni phung po dang skye mched dang khams la sogs pa la dmigs pa yin pa'i phyir ro/ /tshig le'ur byas pa'i don ni la la zhig gis brtags pa nyid yin pa'i phyir rdzas te gang zag go tha snyad nyid du brtags pa nyid kyis na brtags pa ste skyes bu'o/ /de la dmigs pa ni de'i yul te zhes bya ba la sogs pas rdzas dang zhes bya ba la sogs pa bshad pa yin no/ /bdag rang dbang can du phung po la sogs pa la dmigs pa nyid kyis na bdag rang dbang can dang phung po la sogs pa'i dmigs po ste/ rang dbang zhes bya ba la sogs pa dang/ de bzhin zhes bya ba la sogs pa bshad pa yin no/ /de la mdor bsdus pa'i don ni 'di yin te zhes bya ba ni brjod par bya ba mang du yod na yang mdor bsdus na rnam par rtog pa bzhi'i don bshad par bya'o/ /re zhig gzung ba'i rnam par rtog pa gnyis ni gzung bar zhes bya ba la sogs pa smos pa yin te/ de la kun nas nyon mongs pa'i gzhi'i rten can ni 'dod chags la sogs pa la gnas pa'o/ /ma
- 184b
? shes pa'o/ /gzugs la sogs pa'i phung po ni gzugs dang tshor ba la sogs pa'o/ /ming ni tshor ba la sogs pa gzugs can ma yin pa'i phung po bzhi'o/ /gzugs ni gzugs kyi phung po'o/ /'di dag la mngon par zhen pa ni ming dang gzugs la mngon par zhen pa'o/ /mdza' gnyis la chags pa ni rtag pa dang chad pa'i mdza' la zhen pa'o/ /kun nas nyon mongs pa ni 'dod chags la sogs pas so/ /rnam par byang pa ni mya ngan las 'das pa'o/ /'phags pa'i lam la mi gnas pa ni mthong pa'i lam la sogs pa la mngon par zhen pa'o/ /dmigs pa ni gzugs la soD pa la mngon par zhen pa'o/ /bdag la sogs pa ni 'dod chags dang gzhan du 'du shes pa la sogs pa'o/ /rnam par dag bskyed pa la sogs pa ni 'khor gsum rnam par dag pa skyed pa ste /de yang dag par sbyangs pa'i dag pa rnam pa gsum mo/ /de la gzung pa'i bdag nyid can gyi rnam par rtog pa gang yin pa de'i gnyen po'i phyogs kyi lam la gnas pa'o/ /phung po ni phung po rnams so/ /skye ba'i sgo ni mig la sogs pa'i skye mched rnams so/ /rigs ni khams bco brgyad do/ /skye ba ni rten cing 'brel par 'byung ba'o/ /stong pa nyid ni bdag med pa'o/ /pha rol tu phyin pa'i don ni 'tshang rgya ba nyid do/ /mthong ba dang bsgom pa dang mi slob pa'i lam ni gsum ste/ de la gzung ba'i bdag nyid can gyi rnam par rtog pa gang yin pa ni de dag go/ kha cig na re de la gzhi thams cad kho na dang por gzung ba'i rnam par rtog pa yin la rnam par byang ba'i gzhi kho na ni gnyis pa yin pas 'di dag ni gzung ba'i rnam par rtog pa 'di ni khyad par yin no/ /de ltar byas na gzung ba'i rnam par rtog pa dang po gang yin pa gnyis pa yang de yin no zhes snga ma ston par byas pa yin la de zhig dang po gang yin pa de gnyis pa yang yin te 'di tar gzhi thams cad pa dang po gzung ba'i rnam par rtog par 'gyur gyi gnyis pa ni dang po ma yin te/ 'di ltar gzung ba'i rnam par rtog pa gnyis pa ni rnam par byang? ba tsam
- 185a
la brten ba yin no zhes zer ro/ /gzhan dag ni 'di gnyis kyi dbye ba ni gzhan rnam par gcad pa'i don gyis na dang po ni kun nas nyon mongs pa'i gzhi la brten pa yin la gnyis pa ni rnam par byang ba'i gzhi la brten pa yin no zhes zer ro/ /de ni 'dzin? pa'i rnam par rtog pa ni 'dzin par zhes bya ba la sogs pa yin te/ gzhan gyis yongs su brtags pa'i gang zag rdzas su yod pa'i rten can de ni gzhan la mi ltos pa nyid dang/ cha shas med ba nyid dang/ rgyur gyur pa nyid dang lta ba po yin pa nyid kyis na bdag rang dbang can dang gcig dang rgyu dang lta ba po'o/ /'di dag nyid ni bdag go/ der rtogs pa nyid kyis na kun nas nyon mongs pa ni 'dod chags la sogs pa'o/ /'dod chags dang bral ba ni yul la phyir phyogs pa'o/ /mthong ba dang bsgom pa ni mthong ba'i lam dag go / don byas pa ni bya ba byas pa nyid do/ /'di dag kyang zag pa dang bcas pa dang zag pa med pa'i gzhi la brten pa nyid yin pa'i phyir rten gyi bdag nyid yin pa'o/ /rnam par rtog pa brtsi ba na bdag rang dbang can la sogs pa'i rim gyis gzhi'o/ /kun nas nyon mongs pa'i rten gyi bdag nyid can gyi rnam par rtog pa zhes bya ba la sogs pa'i rim gyis lnga ste/ 'dzin pa'i rnam par rtog pa dgu po 'di dag gang yin pa des bsdus pa yin no/ /brtags par 'dzin par rnam par rtog pa skyes bu btags par yod pa'i rten can phung po ni gzugs la sogs pa'o/ /skye mched ni phyi dang nang gi bdag nyid can mig dang gzugs la sogs pa bcu gnyis so/ /khams ni mig dang gzugs dang mig gi rnam par shes pa'i khams la sogs pa'i dbye pas rnam pa bco brgyad do/ /rten cing 'brel par 'byung ba ni grags bar zad do/ /rnam par byang ba ni mya ngan las 'das pa'o/ /mthong ba dang bsgom pa dang khyad par dang mi slob pa'i lam ste bzhi'o/ /de rnams dang 'dzin pa'i bdag nyid can gyi rnam par rtog pa gang yin pa 'di rnams ni byang chub sems dpa' nges par/ 'byed pa'i
- 185b
cha mthun ? bzhi'i dri ba la sogs pa bzhi dang grangs ji lta ba bzhin du ldan pa yin no/ /de lta bu'i rnam par rtog pa bzhi dang ldan pa zhes bya ba ni bshad zin to/ /rnam par rtog pa mdza' yas ma yin na yang mi mthun pa'i phyogs yin pa'i phyir lam du gtogs pa kho na'i rnam par rtog pa bstan gyi de las gzhan pa'i ci yang mi byed pa nyid kyis na spang bar bya ba ma yin zhing blang bar bya ba ma yin pas nyes pa med do/ /tshigs su bcad pa sbyang ba dang mthun par zhes bya ba ni dmigs pa dang ni rnam pa dang zhes bya ba la sogs pa'i rim gyis yongs su 'dzin pa sngar gsungs nas yang mjug thogs su bar skabs kyi tshigs su bcad pa gsungs so zhes bya bar sbyar pa'o/ /yang na de'i stobs kyi ji skad du bshad pa'i khyad par du 'gyur ro zhes bya par sbyar ro/ /yongs su 'dzin pa'i dbang gis rnam par rtog pa bzhi po nyan thos la sogs pa dang thun mong ma yin pa bstan par bya ba'i phyir sems mi 'gong zhes bya ba la sogs pa gsungs pa yin te/ nyan thos rnams kyi ston pa po ni phyi dang nad du lta ba yod pas de lta bu ma yin no zhes bya bar dgongs so/ /bcom ldan 'das nyid lam ste ston par mdzad pa yin no zhes thos pa ma yin nam zhe na/ gal te de rnams kyang byang chub sems dpa' dang 'dra par mi dmigs pa la dmigs par 'gyur na lta bden mod kyi 'di yod pa ma yin no/ /yang na bcom ldan 'das rnam par rtog pa mi mnga' ba de'i dbang gis dngos po mi rtag pa la sogs pa'i lam rang gi bsam pa'i dbang gis zhugs pa yin du zin na yang 'on kyang yang dag par 'dzin pa yod pa ma yin te/ yang dag par ston par mdzad na yang de'i bsam pa'i dbang gis gzhan du 'gyur ba'i phyir ro/ /'dir bcom ldan 'das kyis nyes pa ma yin te/ sems can gyi bsam pa'i dbang gis skabs dang 'dra bar theg pa chen po la 'jog par bya ba'i phyir yang dag par ston par mdzad pa ma yin na yang de ltar smon lam btab pa'i phyir ro/ /nyan thos nyid yang dag pa ma yin pa'i lta bskyes pa
- 186a
yin te gang gi phyir rang gi mngon pa'i nga rgyal gyi dbang gis srid pa thog ma med pa nas rnam par bsgos pa'i bag chags kyi bcom ldan 'das don dam par dngos po yod par zhal gyis bzhes pa dang de bzhin du mi rtag pa la sogs pa'i lam gyis zhes bya'i sgrib pa spong ba la zhugs par rtogs pa yin no/ /de lta na ni so so'i skye bo rnams kyang de ltar thal bar 'gyur ro/ /de nyid kyi phyir 'di nyid las gzhan gyi chos rnams kyang yod la zhes bya ba la sogs pa 'og nas bshad pa yin no/ /bsgrub pa dang ldan pa la zhes bya ba la soD pa la rdzoD pa yi ni chos drug ste zhes bya ba ni rtoD par bya ba'i chos rnam pa drug gi rten zhes bya ba gzhi la ni byang chub sems dpa' i rgyud kyi rigs yin no zhes bshad par bya'o/ /gang la byang chub sems dpa' brten pa'i rtogs par bya ba'i chos gang zhig yin zhes rtog pa la/ der de bskyed pa'i rim gyis chos de bsten par bya ba'i phyir gnyen po dang ni zhes bya ba sogs pa gsungs te/ gnyen po dang ni spong ba dang zhes bya ba ni spong ba dang zhes bya ba ni bsgom pa'i rab kyi mthar thug pa la gnas pa'i sems kyi khyad par dang des spang bar bya ba mi mthun pa'i phyogs dag go/ gnyen po dang mi mthun pa de dag spang ba ste/ de dag yongs su gtugs pa ni de'i rnam par rtog pa zad pa'o/ /shes rab dang snying brtser bcas pa ni shes rab dang snying rje dag go /slob ma thun mong min nyid dang zhes bya ba ni nyan thos la sogs pa dang thun mong ma yin pa'i chos so/ /gzhan gyi don gyi go rim dang zhes bya ba ni de'i bsam pa ji lta ba bzhin du theg pa gsum ston pa'i rim pa'o/ /ye shes rtsol ba mi mnga' bar zhes bya ba ni gzhan gyi don gyi ye shes rang gi dang gis skye ba yin pa'i phyir ro/ /gang sngar gyi rten bshad pa dang bcas bas 'grel ba las bstan pa ni re shig dang por zhes bya ba la sogs pa yin te/ /re shig dang por 'jig rten pa'i nges par 'byed pa'i cha dang mthun pa dro ba la sogs pa skye ba yin pa'i phyir ro/ /de'i 'og tu 'jig rten
- 186b
las 'das pa'i mthong ba'i lam dang bsgom ba'i lam skye ba yin pa'i phyir ro/ /de'i 'og tu de dag skyes pa'i stobs kyis zhes bya ba dro ba la sogs pa dang mthong ba la sogs pa'i lam skye ba'i mthus rkun po phyung ba dang sgo 'phar bcad ba lta bur zhes bya ba skad cig ma gang kho? na ji ltar rkun ma cig btan nas skad cig ma de nyid kho na la gzhan gang yin pa de mi 'jug par bya ba'i phyir sgo 'phar bcas pa ste/ de 'jug pa'i sgo gcod pa dang 'dra bar dus mnyam du gnyen po'i phyogs ma lus par yongs su dag pa'i sems kyi khyad par rnams dang mi mthun pa'i phyogs spang bar bya bas nyon mongs pa'i sems kyi khyad par de dag go rim bzhin du skye ba dang 'gag pa 'byung ba yin pa'i phyir te/ gnyen po dang ni spong ba dang zhes bya ba bshad pa yin no/ /de'i 'og tu de dag mi dmigs pas zhes bya ba dmigs par bya ba'i bdag nyid yang dag par na stong pa nyid yin pas gnyen po dang mi mthun pa'i phyogs skye ba dang 'gog pa dang nye bar dmigs pas skye ba dang 'gog pa dang gnyen bo skye ba dang mi mthun pa'i phyogs 'jig pa de dag dang ldan pa'i rnam par rtog pa ste/ nyon mongs pa'i bsam ba spangs bas bdag la yang dag pa'i bsam pa skyes so zhes kun tu rtog pa de spangs pa skye ba yin pa'i phyir/ de dag yongs su gtugs pa dang zhes bshad pa yin no/ /de'i 'og tu sangs rgyas su gyur nas gzhan gyi don bya'o zhes sngon gyi smon lam dang de la sbyin pa la sogs pa thabs la mkhas pa gang yin pa ste/ sems mi 'gong ba nyid la sogs pa de'i stongs kyis 'khor ba dang mya ngan las 'das pa la mi gnas shing srid ba dang zhi ba mi gnas pa de'i mtshan nyid de'i bdag nyid can gyi shes rab dang snying rje dag gis shes rab dang thabs kyi ye shes skye ba'i phyir shes rab snying btser? bcas pa dang zhes bshad pa yin no/ /de'i 'og tu de dag skyes bas zhes bya ba las shes rab dang thabs kyi ye shes gnyis skyes pas nyan thos la sogs pa dang thun mong ma yin pa ste/ chos gang nyan thos dang rang sangs rgyas
- 187a
dang mnyam pa na yin pa stobs bcu la sogs pa de skye ba'i phyir slob ma thun mong min nyid dang zhes bshad pa yin no/ /de'i 'og tu bsam pa ji lta ba bzhin du gdul bya rnams kyi spyod pa las ma 'das pas gzhug pa la sogs pa la ldem? por dgongs? pa'i sgo nas zhes bya ba gal te dang por chos dang gang zag la bdag med ba thom? pas/ skrag nas mu stegs pa'i lta ba nyid la gnas par 'gyur pas snying rjes bu gcig pa dang 'dra bar mchod sbyin la sogs pa la srog gcod pa la sogs pa dang thog ma med pa'i dus nas goms pa'i rtag pa dang tshangs pa la sogs pa'i lta ba las bzlog nas theg pa gnyis las gsungs pa'i dge pa bcu'i gzhi dang mi rtag ba la sogs pa'i lta ba la bcu gcing dal so ba sngon du 'gro bas thog pa chen po la gzhag pa'i bsam pa'i thabs kyis de ltar theg pa gsum gyi lam la bkod pa gang yin pa de'i mtshan nyid kyi gzhan gyi don gyi go rim bzhin du de las 'byung ba'i phyir gzhan gyi don gyi go rim dang zhes bshad pa yin no/ /de'i 'og tu 'khor ba ci srid kyi bar du phyi'i mtshin ma dang 'bad pa dag stong pa nyid yin pa'i phyir mtshan ma med cing lhun gyis grub par gzhan gyi don gyi ye shes 'byung pa'i phyir ye shes rtsol? pa mi mnga' bar zhes bya ba'i bshad pa yin no/ 'di ni zhes bya ba la sogs pa ni go sla'o/ /byang chub sems dpa' ni sgyu ma'i skyes bu ltar chos thams cad la zhen pa med pa nyid du sgom pa ma yin nam/ ji ltar yang dag pa ni rten yod pa yin no/ de ni mi rigs so zhes rtog pas kun rdzob tu gtan la dbab pa ni sgrub pa'i chos zhes bya ba la sogs pa smos pa yin te/ sgrub pa'i chos ni sems bskyod pa la sogs pa'o/ /de'i gnas skabs kyi dbye pa ni gdul bya'i bye brag las rang bzhin phye ba'o/ /dbye ba des yang dag par na? de las gzhan pa'i rang bzhin mi rigs pas chos kyi dbyings kyi ngo bo nyid kho na ji skad bshad pa'i chos kyi gzhir gyur pa yin te/ gnyen po
- 187b
dang ni spong ba dang zhes byaba la sogs pa la chos drug gi rten yin no/ /byang chub sems dpa' rnam pa bcu gsum la rigs zhes bstan to zhes bya ba ni nges pa'i tshig tu na yon tan bskyed ba'i don gyis na kun rdzob tu rigs zhes bya'o zhes yum las bshad do/ /chos kyi dbyings? la zhes bya ba la sogs pa'i 'og nas bshad pa'i tshigs su bcad pa phyed snga mas ni phyogs snga ma ston pa'i zur gyis rnam par 'byed pa ni gal te zhes bya ba la sogs pa smos pa yin te/ yang dag par nad las gzhan pa'i rgyu yod par mi 'thad pas chos kyi dbyings? sa? bon te/ gnyis su med pa'i ye shes nyid 'phags pa'i chos rtogs? par 'gyur ba zhes bya ba stobs bcu la sogs pa'i yon tan thob pa'i rgyu yin pa'i phyir ro/ /gal te de'i bdag nyid can gyi zhes bya ba chos kyi dbyings kyi bdag nyid can no/ /bla na med pa'i sangs rgyas kyi chos rnams ni stobs bcu la sogs pa'o/ /byang chub sems dpa' rang bzhin du gnas pa zhes bya ba ni phung po la sogs pa med pas shes pa tsam gyis tshul lo/ /rigs ni chos nyid du brtags pa'o/ /spyi la yod pa yin pa'i phyir zhes bya ba ni de'i tshe chos kyi dbyings la dbye ba med pa las cir 'gyur zhe na/ 'di ni rang bzhin gyis gnas pa yin te/ thog ma med pa'i dus nas brgyud pa'i chos nyid las thob pa yin la/ 'di ni tshogs pa las byung ba yin te/ sngon gyi dge ba'i rtsa ba goms pa las thob pa yin no/ /'di ni nyan thos dang rang sangs rgyas dang de bzhin gshegs pa'i rigs sunges pa yin te/ rgya chen pos kyang bzlog mi nus pa'i phyir ro/ /'di ni nyan thos dang rang sangs rgyas dang/ de bzhin gshegs pa'i rigs su ma nges pa yin te/ rkyen gyis bzlog tu 'dod pa yin pa'i phyir rigs tha dad pa zhes bya bar rigs pa ma yin no/ /de ltar na byang chub sems dpa' kho na ma yin zhes bya ba byang chub sems dpa' 'ba' zhig rigs yin no zhes bya ba mi rigs te/ nyan thos la sogs pa'i rigs kyang rigs nyid du 'ding? 'dod pa yin pa'i
- 188a
phyir ro zhes bya ba'i rgol pa po gzhan gyis bsam pa yin no snyams pa zhes bya ba de ltar skye? bo blo ? ba lung mngon par mi shes pa de rnams kyi ngor zhes bya ba la brtse ba'i dbang gis de mi shes pa bsal bar bya ba'i phyir dogs pa bsu ba sngar gsungs shing rgol pa bslangs nas bar skabs kyi tshigs su bcad pa gsungs so zhes bya bar sbyar ro/ /de la rgol ba'i don byed snga ma'i lan ni ji ltar zhes bya ba la sogs pa smos pa yin te/ nyan thos kyi theg pa la sogs pa ni nyan thos dang rang sangs rgyas kyi lam ste de rtogs pa'i rim? gyis zhes bya ba ni gong nas gong du shes pa'i go rim gyis ji ltar ste ji lta bar dmigs pa bzhin du byang chub sems dpas chos kyi dbyings la zhes bya ba ni lhag ma'o/ /de bzhin du de dang 'dra bar 'phags pa'i chos rtogs par bya ba'i phyir dmiD par bya'o zhes bya ba la sogs par sbyar ro/ /nges cir 'gyur zhe na/ rigs nyid du tha snyad 'dogs so zhes bya ba byang chub sems dpa' kho na nyan thos la sogs pa'i rigs su tha snyad du byed do/ /ci'i phyir zhe na/ chos kyi dbyings kho na rgyur gyur par rnam par bzhag pa yin pa'i phyir te/ yang dag par na de las gzhan pa'i rgyu yod par mi 'thar pas the pa gsum gyi rigs kyi rgyu nyid byang chub sems dpa' i chos kyi dbyings kyi bdag nyid kho na yin par mdo sde las bstan pa'i phyir lung las chos kyi dbying kyi rang bzhin byang chub sems dpa' rgyar byas nas spyir theg pa gsum la 'bras bu yin pa la brten te/ ji ltar nyan thos dang rang sangs rgyas kyi rigs rnam par bzhag pa de bzhin du byang chub sems dpa' i gnas skabs su de bzhin gshegs pa'i rigs shes par 'gyur zhes bya ba ni spyi'i de na yin no/ /theg pa gsum dbyer med pa'i phyogs ltar na yang nyan thos dang rang sangs rgyas kyi theg pa gnyis khas blangs pa de rigs pa'i dpes byang chub sems dpa' rigs su rnam par bzhag pa gang yin de'i phyir dpe? ma grub pa'i dogs ba mi bya'o
- 188b
lan cig kyang zhes bya ba la sogs pa la lan gzhan du gsungs te zhes bya ba ni yang dag par na brten dang brten pa po'i dngos po yod pa ma yin na yang chos kyi phyir? thun mong ma yin pa nyid kyi phyir theg pa gsum po mngon sum du bya ba'i phyir 'dod chags dang bral ba nyid la sogs pa'i yon tan byed? pa po nyid du yongs su brtags nas/ byang chub sems dpa' rigs yin par rnam par bzhag pa'i skabs su theg pa gsum gyi rigs su rnam par bzhag pa tshigs su bcad pa byed 'ogM mas lan btab pa ni brten pa'i chos kyi zhes bya ba la sogs pa gsung pa yin no/ /lung/ las 'phags ba'i gang zag thams cad ni 'dus ma byas kyi rab tu phye ba'o zhes gsungs pa'i phyir dang po kho nar rigs brjod par bya ba yin te sems bskyed pa dang/ thar? pa dang nges yang 'byed pa'i ? mthun pa rnams ni de sngon du 'gro ba ma yin nam ji ltar na de ltar bshad/ bden mod kyi 'di ni don gyi go rim yin la 'di yang bstan pa'i go rim yin te/ 'bras bu gang yin pa bstan nas de'i 'og tu rgyu bstan pa yin pas nyes pa med do/ /ji skad du bshad pa'i bsgrub pa ste sems bskyed pa la sogs par mi dmigs pa'i mtshan nyid du sngar bshad ba'o/ /de'i rten du gyur pa zhes bya ba la sogs pa la dmigs pa zhes bya ba la sogs pa'i tshigs le 'ur byas pa'i don ni re zhig dang por zhes bya ba la sogs pa smres pa yin no te/ dang por spyi bo nas bya ba ni thog mar nyan thos pa sogs pa dang thun mong du bshad pa dge ba dang mi dge ba dang lung du ma bstan pa ste blang bar bya ba dang dor bar bya ba dang btang snyoms su bya ba'i gnas rnams so/ /gang yin zhe na/ go rim bzhin du dge sbyong gi tshul nyid dang srog gcod pa nyid dang/ ? du ma bstan ? lus kyi las la sogs pa zhes bya ba la/ dge sbyong gi tshul ni dri ma med pa'i lam dang/ bsam bzhin du 'khrul ba med par gzhan gyi srog gcod pa dang shes bzhin ma yin pa'i lus kyi nyes par spyod pa'i las rnams so/ /sogs pa'i sgra ni re re zhing sbyar te/ tshul khrims
- 189a
dang/ ma byin par len pa dang/ ngag gi nyes par spyod pa'i las la sogs pa ste/ chos gsum po de dag go/ de'i 'og tu de dag nyid ces bya ba sngar bshad pa rnams so/ /lhag ma rnams zhes bya ba sa bon rul ba dang 'dra ba nyid kyis na lung du ma bstan pa dor la gang dge ba dang mi dge ba'i chos gang yin pa de dag ni 'jig rten pa la sogs pa rnam pa gnyis su dbye ba bzhi nyid kyis zhes bya ba de rnams nyid re re zhing 'jig rten dang 'jig rten las 'das pa dang zag pa dang bcas pa dang zag pa med pa'i dbye pas phung po rnam pa bzhi nyid do/ /de ni grangs bzhin du zhes bya ba 'jig rten pa'i lam gyis bsdus pa yin pa'i phyir 'jig rten pa rnams te/ byis pa'i skye bo zhes bya ba la sogs pa'o/ /yang dag pa'i 'phags pa'i lam gyis bsdus pa'i phyir 'jig rten las 'das pa ste/ 'phags pa'i skye bo zhes bya ba la sogs pa'o/ /bdag tu lta pa'i gnyen po ma yin pa nyid kyis na 'jig rten pa nyid yin pa'i phyir zag pa dang bcas pa ste/ bdag tu lta ba zhes bya ba la sogs pa'o/ /bdag tu lta ba'i gnyen po nyid yin pas na der lta ba zhes bya ba la sogs pa ni/ 'jig rten pa dang 'jig rten las 'das pa dang zag pa dang bcas pas zag ba med pa ste bzhi'o/ /rgyu'i lhan cig byed pa las skyes pa'i phyir rgyu dang zhes bya ba la sogs pa yin no/ /nyon mongs pa la sogs pa bsal bas rang nyid skye ba'i phyir rgyu la mi bltos pa zhes bya ba la sogs pa yin te 'dus byas dang 'dus ma byas gnyis so/ /'phags pa'i skye bo dang zhes bya ba smos pa la yang dag par rdzogs pa'i sangs rgyas kyi thugs kyi rgyud la byung ba nyid yin pa'i phyir thun mong ma yin pa'i bdag can? ni yang dag par rdzogs pa'i sangs rgyas kyi rgyud la 'byung ba'i chos can no/ /stobs bcu ni gnas dang gnas ma yin pa/ mkhyen pa'i stobs te de ltar gcig yin no/ /de lta bu la sogs pa zhes bya ba la sogs pa'i sgra ni
- 189b
phung po la sogs pa re re zhing sbyar bar bya ste/ skye mched dang gzugs med pa dang skye mched rnams dang/ yang dag par spong ba dang/ gzugs la sogs pa'i khams dang/ stong pa nyid dang/ /gzugs med pa dang/ mi 'jigs pa la sogs pa'o/ /yang dag par? rdzogs pa la sogs pa ni bshad zin to/ /'phags? pa rnam par grol ba'i sdes rten dang dmigs pa dag gi mtshan nyid kyi dbye ba ni rang bzhin gtso bor gyur ba ni rigs yin la/ 'gyur ba gtso bor gyur pa ni dmigs pa yin no zhes bshad do/ /dang po yum gyi shes pa rtogs nas de'i 'og tu de bstan pas sems can thams cad kyi mchog tu 'gyur bar bskyed par bya'o/ /zhes bya ba'i sems chen po dang ldan pas sems can kun mchog nyid de sems chen po nyid do/ /gdul bya rnams kyis sems can la sogs pa? stob? bag chags dang bcas pa spang bar bya ba'i phyir chos ston pas spong ba chen po nyid do// 'dod chags la sogs pa ma lus pa spangs nas kyang byang chub rtogs par byed pas rtogs pa chen po nyid do/ /gsum po de dag ste chen po nyid gsum gang yin pa'i bdag nyid chen po gang yin pa rnams ched du byas shing thob par bya ba'i sgrub pa la 'jug par 'gyur ba'i des rang 'byung gi ye shes tsam gong nas gong du skyes pa'i rdzogs pa'i sangs rgyas la sogs pa'i ched du bya ba rnam pa gsum du shes par bya'o/ /rnam pa thams cad du zhes bya ba la sogs pa la thams cad du 'gro pa mi dmigs par rtogs pa'i sems dang nyon mongs pa bag chags dang bcas par spangs pa dang/ yul dang dus kyis mchod pa dang dngos po phra pa yang shes pa mi srid pas nyan thos la sogs pa la bdag nyid che ba gsum po 'di dag yong ma yin no zhes bya bar dgongs te/ 'dod pa tsam gyi nyon mongs pa spong ba ma yin pa'i phyir ro/ /sangs rgyas las byang chub sems dpa' rnams kyi khyad par yang dag par na yod pa ma yin te/ sangs rgyas kyi yon tan thob? ba'i
- 190a
skal pa yod pa'i phyir ro zhes bya ba'i dgongs pa dang ldan pas sangs rgyas dang byang chub sems dpa' rnams rang 'byung ba yin no zhes bshad pa nyes ba med do/ /dmigs pa las ched du bya ba khyad par ci zhig yod ce na/ da ltar gyi ni dmigs pa ste nye ba na gnas pa'o/ /ma 'ongs pa ni ched du bya ba ste rgyad ring ba yin pa ni 'phags pa rnam par grol sdes mnga' stong sbyor ba dang 'ben la phog pa dang chos mthun pa yin no zhes bshad do/ /sgrub pa'i rten du gyur pa la sogs pa zhes bya ba rten dang bcas pa dang ched du bya ba bcod nas sgrub pa de'i rang gi ngo bo gang yin zhe na zhes 'dri ba la/ thams cad mkhyen pa nyid gsum gyi yul pa zhes bya ba ni 'phags pa'i bden pa bzhi la sogs pa'o/ /spyir te thams cad la mngon par khyab pa dge ba'i chos gyi rten can ste? chos kyi dbyings la gnas pa'o/ rnam pa kun mngon par rdzogs par rtogs pa la sogs pa mngon par rtogs pa bzhi la mngon par rtogs pa re re? /zhing zhes bya ba re re'i bsgom par bya ba'i rtags la sogs pa'o/ /pha rol tu phyin pa drug gi rten can zhes bya ba ni sbyin pa la sogs pa la rten pa'i bya ba nyams su len pa ni sgrub pa yin no/ /chos kyi sku'i mngon par rtogs pa'i ni rang bzhin gyis dkar po nyid yin zhing gnas med pa nyidyin pa'i phyir ma bshad do/ /de ltar bsgrub pa rnam par bzhag nas so so'i mtshan? nyid brjod par bya ba yin pas ji lta ba bzhin du zhes bya ba 'o gnas bshad pa'i rim pas sbyar ba dang mthong ba dang/ bsgom pa dang khyad par gyi lam ste/ bzhi bo de'i ngo bo nyid kyis bsgrub pa'i mtshan nyid go cha la sogs pa 'og nas bshad pa de rnams kyi nang nas brtson 'grus kyi ngo bo nyid yin zhing dge ba'i las la sgro ba'i bdag nyid can yin pa de nyid kyis na dang po go cha'i sgrub pa gsungs pa yin no/ /sbyin pa la sogs te sbyin pa dang tshul khrims la sogs pa'o/ /rnam pa drug la de dag so sor bsdus pa yis zhes bya ba
- 190b
sbyin pa la sogs pa de rnams nyid so so'i khongs su gtogs pa'i phyir ro/ /go cha'i sgrub ba gang yin pa de ni thog ma kho nar byang chub pa'i bar du don gyi bya ba dam bcas pa nyams su len pa'o/ /de ni ji skad du bshad pa'i 'khor gsum rnam par dag pa la sogs pas yum gsum car las drug tshan drug gis te/ rnam pa sum cu rtsa drug ji lta ba bzhin du gsungs par shes par bya'o/ /tshig le'ur byas pa'i don ni chos kyi sbyin pa zhes bya ba la sogs pa smos pa yin te/ longs spyod la bltos pa med pas tshul khrims yang dag par len par byed do/ /tshul khrims rjes su bsrung ba ni bzod pa dang ldan par 'gyur ro/ /skyo ba brnags par nus na brtson 'grus rtsom mo/ /le lo dang bral na bsam gtan rdzogs par byed do/ /bsam gtan phun sum tshogs pa na/ 'jig rten las 'das pa'i shes rab thob par bya ba yin pas de ltar sbyin pa la sogs par rtoD pa'i go rim gyis bstan to /de la byang chub sems dpa' chos kyi sbyin pa la sogs pa chos dang zang zing gi sbyin pa rab tu sbyin par byed pa'o/ /bdag nyid gcig pu dus bar bya'o/ /zhes bya ba la sogs pa'i sems ni nyan thos kyi yid la byed pa'o/ /sogs pa'i sgras ni dngos po mi rtag pa la sogs pa'i yid la byed pa ste/ de spyod ba ni tshul khrims so/ /skye bo thams cad kyi mi snyan par smra ba ni gshe pa la sogs pa brjod pa'o/ de bzod pa ni bzod pa'o/ /'dun pa ni mngon par 'dod pa'o/ /des skyed pa ni brtson 'grus so/ /theg pa gzhan dang ma 'dres pa'i sems rtse gcig pa nyid ni nyan thos la sogs pa'i lam dang tha dad par chos thams cad mi dmigs pa ni bsam gtan no/ /bla na med pa yang dag par rdzogs pa'i byang chub tu bsngo bar byed pa ni sbyin pa la sogs pa'i bsod nams sems can thams cad 'tshang rgya pa nyid du yongs su bsngo zhing stobs ni shes rab bo/ /'di rnams la sbyin par byed pa la sogs pa zhes bya ba sbyin par bya ba dang/ sbyin pa po
- 191a
la sogs pa der gang mi dmigs pa ste/ der go cha bgos pa nyid kyis byang chub ba'i bar du brtson 'grus brtsams pa'o/ /sbyin pa'i phyogs la nyan thos kyi yid la byed pa spangs pas 'dir gzhan gyi don la dam 'cha' ba ni tshul khrims so/ /de med na mi 'byung ba'i sbyin pa dang/ bzod pa la sogs pa yod pa ni sbyin pa la sogs pa med par gzhan gyi don bya ba mi 'thad pa'i phyir ro/ /de bzhin du bzod pa dang ldan na sems can dbang du 'gyur ro/ /'dir de bzhin du sbyin pa dang tshul khrims dang brtson 'grus la sogs pa yod pa yin no/ /'khon med na dgra bo zhe bar 'gyur bas sems can rnams dang rjes su mthun pa yin pa'i phyir sbyin pa la sogs pa 'byung ba'i phyir ro/ /de bzhin du brtson 'grus ni dge ba'i las pa spro ba nyid bla? mi de dang ldan pa la sbyin pa la sogs pa dang bsam gtan dang shes rab yod pa yin te/ brtson 'grus dang bral ba la sbyin pa la sogs pa mi 'byung ba'i phyir ro/ /de bzhin du bsam gtan dang ldan pa ni 'khor gsum rnam par dag pa'i sbyin pa la sogs pa deng? shes rab ni rnam par g.yengs pa la de mi srid pa'i phyir ro/ /de ltar shes rab dang ldan pa la de bzhin du sbyin pa la sogs pa yod de/ /sbyin pa la sogs pa med par sems can rnams byang chub par yongs su bsngo ba'i dge ba mi srid pa'i phyir ro/ /des ltar na sbyin pa la sogs ba re re zhing tshul khrims la sogs pa khong du chung par yin pa'i phyir sbyin pa la sogs pa smos pa ni rnam pa drug nyid yin no/ /de ltar sbyin pa la ji lta ba bzhin du tshul khrims la sogs pa la mi dmigs pa la sogs pa'i gi? cha nyid kyi zhes bya ba la sogs pa la yang sbyar bar bya'o/ /de ni de ltar tshul khrims bsrung zhes bya ba la sogs pa smos pa yin no/ /bsam gtan zhes bya ba la sogs pa'i tshig le'ur byas pa'i don ni bsam gtan zhes bya ba la sogs pa gsungs pa
- 191b
yin te/ dang po la sogs pa bzhi ni bsam gtan no/ /nam mkha' mdza' las skye mched la sogs pa ni gzugs med pa'i snyoms par 'jug pa'o/ /sbyin sogs zhes bya ba la sogs pa ni go sla'o/ /khams gsum pa'i sems can la khyab par dmigs pa'i byams pa dang/ snying rje la sogs pa'i tshad med pa rnams so/ /dmigs pa med pa dang zhes bya ba la sogs pa ni go sla'o/ /yang dag par gnas pa ni smon pa'i sems dang nyams su len pa'i sems kyi mthar thug pa'i sems so/ /de'i sa tshan? nyid ni de'i ngo bo nyid do/ / de nyid kyis na theg pa chen po'i chos mdza' dag ces bya ba sems bskyed pa la sogs pa'o/ /de gnod pa ni rim? gyis mi ldog pa'i sems kyis bgrod pa ste/ de'i ngo bo nyid yin pas so/ /'jug pa'i bsgrub pa theg chen la 'jig? pa zhes bya ba ni bshad zin to/ /'dir yang rtogs pa'i rim pas bsam gtan la sogs pa'i rim pa yin no/ /de ni rnam pa dgu'o zhes bya ba gsungs pa yin no/ /snying rje chen po zhes bya ba la sogs pas brtse pa dang zhes bya ba la sogs pa'i tshig le'ur byas pa'i don bshad pa yin te/ zur du 'brel? ba'i lam zhes bya ba ni shes rab dang thabs dag ni mdza' gnyis su mi ltung? ba dang 'brel pa yin pa'i phyir te/ thabs dang shes rab kyi ting nge 'dzin to/ /thabs la mkhas pa ni sems ma zhum pa la sogs pa'o/ /sa dang gten po rnams ni 'og nas ston to/ /tshogs zhes bya ba'i ming don dang ldan pa ni kun rdzob gyi zhes bya ba la sogs pa smos pa yin te/ kun rdzob kyi bden pa las mi 'da' bar zhes bya ba ni don dam pa dang mi 'byor pas kun rdzob tu bsgom par bya ba la sogs pa yongs su brtags pa'o/ /theg pa chen po'i don mdza' dag / ces bya ba sems bskyed pa la sogs pa'o/ /de bsgrub pa ni nyams su blangs pas so/ /'di dag gis yang dag par 'jug pa'i ngo bor thob pa'i sgo nas legs par brtags shing 'dzin pas byang chub chen po ste/ khyab pa'i sangs rgyas nyid du 'gyur pa'i phyir ro/ /snying rje
- 192a
la soD pa ni don bshad zin pa'i phyir bor nas ye shes kyi tshogs ni de la zhes bya ba la sogs pa smos pa yin te/ nang dang zhes bya ba la sogs pa nang dang phyi rol zhes bya ba la sogs par sbyar nas bde blag tu rtogs par bya ba'i phyir brjod par bya ste/ nang gis bdag nyid can gyi mig la sogs pa ni de kho na nyid du ni med pa yin pa'i phyir nang stong pa nyid do/ /de bzhin du phyi'i gzugs la sogs pa ni phyi stong pa nyid do/ /des bskyed pa yin pa'i phyir dbang pos bsdus pa yin pa'i phyir gnyi ga ste/ phyi dang nang gnyis ni phyi nang stong pa nyid do/ /gang zag la soD pa brtags pa'i dngos po'i chos thaMs cad stong pa nyid yin zhing/ stong pa nyid kyis nang gi bdag nyid la sogs pa stong pa nyid du dmigs pa'i shes pa'i bdag nyid can ni stong pa nyid stong pa nyid do/ /phyogs ni phyos rnams dang sa la sogs pa'i snong? dang 'gro ba rnams kyi stong pa nyid chen po stong pa nyid do/ /mya ngan 'das la ma ni mya ngan las 'das pa dang de'i lam ni don dam par stong pa nyid do/ /rkyen las skyes dang cig shos dang zhes bya ba khams gsum pa ni 'dus byas stong pa nyid do/ /ma skyes pa la sogs pa ni 'dus ma byas stong pa nyid do/ /mdza' la sogs dang dor med dang zhes bya ba la rtag pa dang chad pa dang bral ba ni mdza' las 'das pa stong pa nyid do/ /thog ma dang tha ma dang dpus dang bral ba ni thog ma dang tha ma med ba stong pa nyid do/ /dor? ba med pa ni gang du yid g.yeng pa med pa nyid kyi phyir gnas med par bsgom pa'i lam ste/ dor ba med pa stong pa nyid do/ /chos kyi dbyings kyi rang bzhin ni rang bzhin stong pa nyid do/ /dngos po thams cad kyi stong pa nyid ni chos thams cad stong pa nyid do/ /chos skye la sogs 'das sogs dang zhes bya ba ni gzugs la sogs pa skye ba dang rga ba la sogs pa ni mtshan nyid stong pa nyid do/ /'das pa la sogs pa'i chos rnams mi dmigs pa ni mi dmigs pa
- 192b
stong pa nyid do/ /ldan dang cig shos ngo bo dang zhes bya ba ldan pa'i chos rnams ni dngos po med pa'i ngo bo nyid stong pa nyid do/ /nye bar len pa'i phung po lnga ni dngos po'i stong pa nyid do/ /nam mkha' stong zhes bya ba dang zhes bya ba ni 'dus ma byas nam mkha' la sogs pa ni dngos po ? pa'i stong pa nyid do/ /rang bzhin stong pa nyid ces bya ba ni rang gi ngo bo nyid stong pa nyid do/ /chos kyi gzhan dngos po med pa nyid ces bya ba ni gzhan gyi ngo bo'i byed pa po stong pa nyid yin pa'i phyir gzhan gyingo bo nyid stong pa nyid do/ /stong pa nyid kyi bye brag gis zhes bya ba ni de ltar ni stong pa rnams kyi khyad par rnam pa nyi shu ni stong pa nyid kyi rnam pa yin no/ /stong pa nyid dang rnam pa nyi shu yin pa'i rgyu ni rang rang ngo bos stong pa'i phyir zhes smos pa yin te/ mig la sogs pa'i ngo bo nyid ji srid gzhan rnams kyis brtags pa'i de rnams ni rang gi ngo bo nyid stong pa yin pa'i phyir dang/ de dang der kun rdzob dang don dam pa dang gnyi ga dag gis ci rigs par rnam par dpyad cing brtag pa mi bzod ba nyid kyis na stong pa nyid yin no zhes bya ba ni ye shes kyi tshogs so/ /sa'i zhes bya ba la sogs pa ni sa'i tshogs yin te yongs su sbyong ba ni 'dus byas pa'i khyad par rnams so/ /de dag kyang bsam pa la sogs pa bcu po 'di dag rang bzhin mi dmigs pa yin par shes par bya'o/ /'di dag rang bzhin zhes bya ba la sogs pa ni bshad zin to/ /don 'di nyid ni de lta bu'i mtshan? nyid kyi chos bcus zhes bya ba la sogs pa smos pa yin te/ rnam pa thams cad du zhes bya ba ni rnam pa kun gyis so/ /bskyed par bya ba'i phyir zhes bya ba ni sa rab tu dga' ba bskyed bar bya ba yin pa'i phyir ro/ /yongs su ni kun nas de sa rab tu dga' ba yongs su spyod pa'i rgyu nyid yin ba'i phyir yongs su sbyor pa'i rgyu'i khyad par bcu po 'di dag gis so/ /yang ji lta bu zhe na/ ngo bo nyid mi dmigs bas zhes bya ba gang la la zhig gis 'byung ba chen po la sogs pa'i rang bzhin gzhan gyis brtags pa de yang dag pa nyid du stong pa nyid yin pas
- 193a
? mthong ba'i phyir ro/ /des khyad par du byas pa'i mtshan nyid mi dmigs pas gang la yongs su sbyang ba ste/ 'dus byas pa'i khyad par kho nas bya'o/ /de las go bzlog pa gya gyu'i bsam pa la sogs pa nyis pa gzhan gyis ni ma yin no/ /rab tu dga' ba'i sa la bshad pa'i las bcus byas pa yin te/ chos de rnams kyang stong pa nyid du dmigs pa ni byed pa po yin gyi gzhan du mi 'gyur ro zhes bya bar dgongs so/ /de lta bu'i yongs su sbyong ba rnam pa brgyad pos dri ma med pa'i rgyur gyur pa'i tshul khrims la sogs pas yongs su sbyong ba byas pa'i rgyu'i khyad par snga ma bzhin du ngo bo nyid mi dmigs pas khyad par du byas pas 'dus byas pa yin te/ 'og nas 'byung ba'i tshig le'ur byas pa rnams la yang de bzhin du bshad par bya'o/ /nyon mongs pa rnams srab mor byed pas na sbyangs pa'o/ /de nyid yang dag par sgom pa ste/ de rnams rten pa'o/ /bdag dang sems can zhes bya ba la sogs pa dang/ rnam thar sgo gsum zhes bya ba la sogs pa bde blag tu rtogs par bya ba'i phyir sbyar bar bya ste/ bdag las go bzlog pa ni rnam par thar pa'i sgo gsum shes pa yin no/ /de bzhin du sems can gyi ni 'khor gsum rnam par dag pa nyid do/ /gang zag gi ni snying rje'o/ /chang pa ni rlom pa med pa'o/ /rtag pa'i chos mnyam pa nyid do/ /mtshan ma'i tshul gcig shes pa nyid do/ /rgyu dang phung po'i ni skye ba shes pa'o/ /khams ni mi zab po shes pa'o/ /skye mched kyi chos rnams rnam pa gcig tu ston pa'o/ /khams gsum pa la gnas pa yin ni rtog pa kun tu 'joms pa'o/ /chags pa dang sems kun tu zhum pa ni 'du shes su lta pa'o/ /sangs rgyas dang chos dang dge 'dun gyi bdag nyid can ni dkon mchog gsum dang de'i tshul khrims kyi nyon mongs pa spong ba'o/ /lta ba la mngon par zhen pa'i ni zhi gnas nges par sems pa dang/ lhag mthong la ni
- 193b
gangs pa dang/ sems dul ba nyid dang/ thams cad la thogs pa med pa'i ye shes so/ /stong pa nyid la brtsod pa'i ni chags pa'i sa ma yin pa'o/ /de dang 'gal bar brjod pa ni gang du 'dod par zhing gzhan du mnyam par 'gro ba'o/ /thams cad du bdag nyid kyi ngo bor ston pa dang zhes bya ba dang nyi shu'o/ /bdag la sogs pa'i lta ba med pa dang/ rnam par thar pa'i sgo shes pa la sogs pa skyes pa'i tshogs pa bsam gyis mi khyab pa nyid kyis si? ring du song ba 'thob par 'gyur ro zhes bya bar dgongs so/ /nyan thos la sogs pa'i rigs dang zhes bya ba la sogs pa bde blag tu rtogs par bya ba'i phyir rigs dang brgyad pa dang zhes bya ba la sogs pa dang sbyar bar bya ste/ nyan thos la sogs pa'i rigs ni rigs kyis so/ /'bras bu dang po la zhugs pa rgyun du zhugs pa'i 'bras bu la zhugs pa gang yin pa de ni brgyad pa'i sa'o/ /rgyun tu zhugs pa ni mthong ba'i sa'o/ /lan cig phyir 'ong ba ni bsrabs pa'i sa'o/ /phyir mi 'ong ba ni 'dod chags dang bral ba'i sa'o/ /dgra bcom pa ni byas pa rtogs pa'i sa'o/ /zhugs pa gsum ni nyan thos kyi sa'o// rang sangs rgyas ni rang sangs rgyas kyi sa zhes bya ste/ de ltar sa brgyad pa ste/ nyan thos kyi rigs la sogs pa'i shes pa'i khyad par rnams so/ /'dir rigs kyi sa la sogs pa ni byang chub sems dpa' rnams kyis rtog par bya ba ma yin pas ming tsam zhig brjod pa yin la de bas na rgyu dang mtshan nyid ma brjod do zhes brtsad par mi bya'o/ /byang chub sems dpa' i sa dgu ni gcig yin pas sa dgu 'das nas zhes bshad pa yin no/ /theg pa gsum gyi don thob pa ni nges par 'byung ba yin te/ de ni thob pa'i mtshan nyid nges pa byung dang zhes gsungs pa yin no/ /gzhan dag ni tshul shes pa rnams kyis go sla'o/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan las/ seng ge bzang po'i zhal snga nas kyi gzhung chos kyi grags pas bka' 'grel du
- 194a
byas pa las skabs dang po'i bshad pa'o// //rnam pa thams cad mkhyen pa nyid rtogs pa ni zhes bya ba la sogs pas lam shes pa nyid gsungs pa yin te/ rang bzhin gyi 'od ni ye shes las byung ba'o/ / rnam par smin pa'i 'od ni las las skyes pa'o/ /lam shes nyid kyi zhes bya ba la sogs pa'i tshigs su bcad pa'i don ni/ de la zhes bya ba la sogs pa smos pa yin te/ de la zhes bya ba ni 'phags pa'i bden pa rnam pa bzhi'i nang nas so/ /sdug bsngal gyi bden pa zhes bya ba ni mi rtag pa dang sdug bsngal ba dang stong pa dang bdag med bzhi ba'i rnam pa bzhi dang go rim bzhin du brjod pa bya'o zhes bya ba ni lha ma'o/ /de ni skye ba dang 'jig pa'i chos can nyid dang mi mthun pa nyid kyis na mi rtag pa dang sdug bsngal bdag tu bshad la/ sdug bsngal ba nyid mi rtag pa yin par mtshungs su zin na yang zag pa dang bcas pa nyid ni mi mthun pa nyid yin pa'i phyir 'phags pa'i lam gyi ni ma yin te/ zag pa med pa nyid kyis na 'phags pa rnams dang rjes su mthun pa nyid yin par blta'o/ /gzhan gyis brtags pa'i dbang gis stong pa nyid yin pa'i phyir stong pa'i mtshan nyid kyi bdag med pa'o/ /rang nyid bdag med pa nyid kyis na de'i mtshan nyid ni zhi ba ste/ rnam pa 'di dag gi rang bzhin mi dmigs pa nyid du zhes bya ba la sogs par sbyar ro/ /'dis ni 'di lta ste mi rtag pa nyid dang/ sdug bsngal ba nyid dang bdag med pa nyid dang zhi ba nyid de rnam pa bzhi dag go/ kun 'byung gi bden pa'i zhes bya ba la sogs pa la rgyun sdug bsngal gyi rtsa ba'i rgyu yin pas so/ /kun 'byung ba ni 'phral gyi sdug bsngal gyi'o/ rab tu skye ba ni 'phral du shin tu sdug bsngal ba'o/ /rkyen ni sdug bsngal gcig nas gcig tu brgyud pa'i 'o/ /de rnams kyi ngo bo nyid ni nang ste/ ma zhu ba la sogs pa dang/ 'bras dang zug rngu ni grags par zad do/ /sdig pa ni 'joms pa ste/ rnam pa 'di rnams
- 194b
kyi ngo bo nyid mi dmigs pa la sogs pa ni snga ma bzhin no/ /'dis ni rgyud la sogs pa'i bdag nyid kyi rnam pa bzhi yin te/ /'di lta ste nad nyid dang 'bras nyid dang/ zug rngu nyid dang/ sdig pa nyid do/ /sngar bshad pa'i nyid dang sdig pa nyid do sngar bshad pa bden pa dag gi rnam pa gzhan dag ni yid 'byung ba dang zhes bya ba la sogs pa gsungs pa yin te/ yid 'byung ba ni skyo ba'o/ /'dod chags dang bral bar bya ba ni yul la rgyab kyis phyogs pa'o/ /'gog pa ni sems dang sems las byung ba mi rgyu ba 'am sems phra bar 'jug pa'i gnas skabs so/ /de'i don gyi phyir zhuD pa ni nyams su len pa dang ldan par 'gyur ba'o zhes 'byung ba'i phyir zhes bya ba ni nyan thos kyi lung las gsungs pa ste/ sdug bsngal dang zhes bya ba la sogs par rjes su sbyar bar bya'o/ /yid 'byung ba'i mtshan nyid dag gi zhes bya ba ni yid 'byung ba nyid kyis so/ /pha rol dang 'jig pa'i? chos can gyi rnam pa dag dang zhes bya ba ni phyir rgol bar gyur pa nyid kyis na pha rol lo/ /phyir rgol bar gyur pa ni 'jig pa'i chos can nyid yin pa'i phyir 'jig pa'i chos can nyid de 'di dag ni yid 'byung ba'i rnam pa'o/ /'dod chags dang brel pa'i rnam pa dag ni g.yo ba dang rab tu 'jig pa'i rnam pa dag ces bya ba yin te/ rang gi ngo bor mi gnas pa nyid kyis na g.yo ba'o/ /rgyu la mi bltos par rang bzhin gyis 'jig pa nyid yin pas na rab tu 'jig pa'o? 'di dag ni 'dod chags dang bral ba'i rnam pa'o/ /'gog pa zhes bya ba la sogs pas na rnam pa gzhan dag gsungs pa yin te/ 'di dang phyi ma'i 'jigs pa'i gnas su gyur pa nyid kyis na 'jigs pa nyid dang/ srin po la sogs pa'i nye bar 'tshe ba'i lung? du gyur? pa nyid kyi kyis? na nad 'go ba nyid dang 'byun ba chen po 'khruD pa dang/ blo bur ba'i gnas su gyur pa nyid kyis na 'tshe ba nyid de/ de dag nyid la so sor 'gog pa'i rnam pa gsum yin no/ /'di rnams kyi ngo bo nyid mi dmigs pa ni snga ma bzhin no/ /yid 'byung ba la sogs
- 195a
pa rnam pa bden pa gnyis su gtogs pa nyid kyis na re re zhing gnyis su gnyid du blta bar bya'o/ /des na yid 'byung ba la pha rol dang 'jig pa'i chos can dang/ 'dod chags dang bral ba la g.yo ba dang/ rab tu 'jigs pa'i rnam pa brgyad dang/ 'geg pa la 'jigs pa dang/ nad 'go ba dang 'tshe ba'i rnam pa drug ste/ spyir na bcu bzhi yin no/ /'gog pa'i zhes bya ba la sogs pa la nyon mongs pa dang bral pa nyid nyis na bdag med pa nyid dang/ sdug bsngal rab tu zhi ba nyid dang/ gya nom pa'i rnam pa dang bdag gis dben pa zhes bya ba bde ba dang gtsang ba dang bral ba nyid kyis na dben pa nyid de/ rnam pa gsum mo/ /nges par 'byung ba gang yin pa de ni mya ngan las 'das pa ste/ de'i mtshan nyid ni rtag pa dang phan pa'i dngos po nyid kyi na/ stong pa nyid la soD pa'i rnam pa gcig yin no/ /'di rnams kyi ngo bo nyid ces bya ba ni snga ma bzhin no/ /lam gyi bden pa zhes bya ba la sogs pa yongs su phyin pa'i don gyis na lam nyid do/ /nyon mongs pa med pa dang nyon mongs pa'i gnyen po'i chogs su gyur pa na rigs pa nyid do/ sems phyin ci ma log par rtogs par byed kyis na sgrub pa nyid do/ /mngon par zhen pa med pa'i rtag ba'i gnas su 'gro ba nyid kyis na/ nges par 'byin pa nyid do/ /rnam pa 'di rnams kyi ngo bo nyid mi dmigs pa la sogs pa ni snga ma bzhin no/ /rim pa 'di nyid kyis na theg pa chen por rnam par kha cig ni rnam grangs nyid du/ kha cig ni rang gi ngo bo nyid du ston pa yin pas nyan thos kyi lam ma yin pa nyid du thal bar mi 'gyur ro/ /'di ltar zhes bya ba la sogs pas ni nges par 'byed pa zhes bya ba tshig le'u byas pa'i don ston pa yin te/ gzugs la sogs pa'i phung po rnams rang rang gi ngo bo dbang po dang/ don lnga dang rnam par rig byed ma yin pa dang nyams su myong ba la sogs pa ni nges stong pa nyid yin pa'i phyir de rnams kyi stong pa nyid gzugs la sogs pa'i stong pa nyid sna
- 195b
chogs pa phan tshun tha dad pa med pa ni gcig yin no/ /gzugs la sogs pa zhes bya ba ni bshad zin to/ /de bzhin du gzugs la sogs pa la zhes bya ba la sogs pa ni go sla'o/ /gang gi phyir zhes bya ba la sogs pa la chos kyi mchog gi don du dgongs pa ni 'di yin te/ bdag cag gi thams cad mkhyen pas bag chags dang bcas pa'i nyonmongs pa ma lus pa spangs pa'i phyir dngos po dang dngos po med pa sgyu ma lta bu'i rang bzhin du dmigs shing mkhyen gyi/ de las gzhan pa'i bdag la sogs pa gtso bo'i don ni rigs pa ma yin pas de bzhin gshegs pa las gzhan pa'i tshad mar gyur pa su zhig yod/ nyan thos lam zhes bya ba la sogs pas ni rang sangs rgyas kyi ye shes zab par gsungs pa yin te/ gang sgrar brjod pa ni chos bstan pa'i sgo nas chos 'phaD la sogs pas shes rab kyi pha rol tu phyin pa la sogs pa ston par mdzad pa na nges nyan pa po rag tu du la sogs pa rnams kyi 'chad pa po'i shes pa'i rtsal rtogs par byed pa ni chos 'phags la sogs pa ston pa po'i shes pa'i nus pa khong du chud par byed cing shes rab kyi pha rol tu phyin pa la sogs pa'i ye shes bdag nyid la skye bar 'gyur ro zhes bya ba ni tha snyad du bya ba'i ston pa'i rnam pa yin la/ de dag ni zhes bya bar rang sangs rgyas ni sgra med pa'i chos bstan pas zhes bya ba dag gis ston pa med par rang gi thos pa'i ye shes la sogs pa ste/ bzung ba'i don gyi bag chags spangs pa'i ye shes kyi smon lam de'i mthus gzhan dag ste/ des 'dul ba'i sems can rnams dge ba bcu la sogs pa zhes sreg? gcod pa la ldog pa la sogs pa la 'jug par byed do/ /de'i phyir rang sangs rgyas de dag gi ye shes mi rtag pa nyid de/ ye shes kyi rtsal ni mtshan mas brtag tu med pa la sogs pa yin no/ /chos ston pa ni chos nye bar ston pa ma yin nam/ de med kyang ji ltar de rnam par bzhag ces rtog pa la skad kyi dbyings
- 196a
gzhan du byas nas gang gi tshe brjod pa med par ston pa de yang ston pa'i don yin pa la 'gal pa med pas chos ston pa zhes bya ba la sogs pas ston pa yin te/ gang gi phyir gang las shes rab kyi pha rol tu phyin pa la sogs pa'i brjod par bya ba'i chos tshig tu ston pa'i phyogs tshig tu brjod par 'dod pa la sogs pa nye bar bstan pa'i don yin na yang byin gyis rlabs kyi nyan pa po'i rgyud la da ltar khyad par dang bcas pa'i shes pa nges par skye bar 'gyur bas ston pa ni bskrun pa'i don la yang 'gal ba med de skad kyi dbyings kyi don ni don du ma yin no zhes bya bar dgongs so/ /de ltar khyad zhugs pa brjod nas zhes bya ba la sogs pa ni go sla'o/ /bzung ba'i rtog pa zhes bya ba la sogs pa'i tshig le'ur byas pa'i don ni gzung ba dang zhes bya ba la sogs pa smos pa yin te/ gzung ba dang 'dzin pa nyid don yin te/ /yul yin pa de la gang rnam par rtog pa ste/ de dag gi go rim bzhin du spangs pa dang ma spangs pa zhes bya ba gzung ba'i yul gyi rnam par rtogs ni spangs pa dang/ 'dzin pa'i yul gyi rnam par rtog pa ni ma spangs pa ste/ gzung ba la sogs pa ni bshad zin to/ /rang sangs rgyas kyi theg pas zhes bya ba lam gyis bsdus pa rten pa'i chos rang nyid rtogs ba la sogs pa gang yin pa de'i gzhi'i khyad par gyis rang nyid rtogs pa la sogs pa'i rten gyis phye bas so/ /ji skad du bshad pa'i zhes bya ba la sogs pa la gzhi ji lta ba bzhin du rten cing 'brel bar 'byung ba rnam par bsgom pa nyid kyis zhes bya ba gzugs la sogs pa'i dngos po rnams rtogs pa las ma 'das pas sgyu ma byed pas sprul pa lta bur rgyu la sogs pa las skyes pa nyid yin pas yang dag par gzugs la sogs pa ni rigs pa ma yin pa dang /skye ba med par bsgoms pas chos khyad par du 'phags pa rtogs shing rang gis khong du chud pa la sogs pa yin par yongs su shes pa yin gyi rnam pa
- 196b
thams cad mkhyen pa nyid ni ma yin no zhes bya ba mngon sum du ni mi bya'o/ /brtags pa'i chos nyid ces bya ba la sogs pa tshig le'ur byas pa'i don ni gzugs la sogs pa zhes bya ba la sogs pa smos pa yin te/ gzugs la sogs pa'i chos brda' las byung ba ni sangs rgyas la sogs pas ngo bo nyid dang rgyu las nges par byas pa ni btags pa ste ming ngo/ /de'i chos nyid dang mi 'gal bar ni ji ltar rgyal ba dang 'gro ba la grags pa ston ba'o/ /btags pa'i zhes bya ba la sogs pa dang/ ston pa'i rnam par dror gyur pa zhes bya ba la sogs pa'i bshad pa yin no/ /gzugs la sogs pa la zhes bya ba la sogs pas ni rtse mor gyur pa zhes bya ba la sogs pa'i bshad pa yin no/ /ngo bo nyid kyis stong pa nyid kyi phyir zhes bya ba la sogs pas ni nang stong pa nyid ces bya ba la sogs pa'i bshad pa yin no/ /gzugs la sogs pa la skye ba dang zhes bya ba la sogs pas ni gzugs sogs skye ba med ces bya ba la sogs pa'i bshad pa yin no/ /rang sangs rgyas kyi zhes bya ba la sogs pa la bzod pa nyid sngon du 'gro ba can nyid 'phags pa'i bden pa bzhi po'i so so'i ma skyes pa la sogs pa yod pa la shes pa gnyis skye bas bzod pa dang shes pa dag ste/ bzod pa dang shes pa bzhi yin la/ de nyid ni skad cig ma yin te/ bzod pa dang shes pa'i skad cig ma de rnams so/ /bden dang bden la zhes bya ba so sor bden pa bzhi dang 'brel pa rnam pa bzhis lam shes pa nyid la mthong ba'i lam gyi phan yon dang bcas pa ste/ 'bras bu dang bcas par bshad do/ /tshig le'ur byas pa'i don ni sdug bsngal la sogs pa'i bden pa'i chos mi rtag pa dang/ sdug bsngal ba dang stong pa la sogs pa'i chos gang yin pa de'i shes pa ni mi dmigs par shes par bya'o/ /de la bzod pa ni 'dod pa ste chos shes pa'i bzod pa'o/ /'dod pa sngon du 'gro ba'i chos de la de bzhin du shes pa ni chos shes pa'o/ /de bzhin du
- 197a
sdug bsngal la sogs pa la ma skyes pa la sogs pa yod pa la snga ma bzhin du chos gang yin pa'i shes pa mi dmigs pa gang yin pa de ni rjes su shes pa'i bzod pa yin no/ /rjes su shes pa yang de bzhin no/ /de ltar na bzod pa dang/ shes pa'i mtshan nyid bzhi po de rnams la sogs pas 'di dang gzhan pa'i yon tan dang zhes bya ba phyir mi ldog pa la sogs pa 'di dang skye ba dran pa la sogs pa gzhan pa'i yon tan chos dang rjes su mthun pa dag dang ldan pa'o/ /de nyid kyi na phan yon chen po ste/ de la sogs pa'i 'bras bu thams cad la mchog tu gyur pa ster pa yin pa'i phyir ro/ /rnam pa ji lta bur zhes bya ba la sogs pas ni rnam pa bcu drug gsungs pa yin no/ /de bzhin nyid dang zhes bya ba la sogs pas ni 'di skad ston te/ de bzhin nyid dang sangs rgyas dag rten dang brten pa po'i rnam grangs su khas mi len pa ni sdug bsngal la chos shes pa'i bzod pa'i rnam pa yin no/ /chen po nyid ni sdug bsngal la chos shes pa'i rnam pa'o/ /tshad med pa nyid ni rjes su shes pa'i bzod pa'i rnam pa yin no/ /dpag tu med pa ni rjes su shes pa'i rnam pa yin no/ /mdza' nyid la sogs pa med pa ni kun 'byung la chos shes pa'i bzod pa'i rnam pa yin no/ /sangs rgyas nyid du nges par 'dzin pa ni kun 'byung la chos shes pa'i rnam pa'o/ /blang ba med pa dang dor ba med pa ni rjes su chos shes pa'i zod pa'i rnam pa yin no/ /byams pa la sogs pa bsgom pa ni rjes su chos shes pa'i rnam pa yin no/ /stong pa nyid ni 'gog pa la chos shes pa'i bzod pa'i rnam pa'o/ /sangs rgyas nyid thob pa ni 'gog pa la chos shes pa'i rnam pa'o/ /rnam par byang ba thams cad ni rjes su chos shes pa'i bzod pa'i rnam pa'o/ /nyam nga ba dang nad kun sel ba ni rjes su chos shes pa'i rnam pa'o/ /mya ngan las 'das pa la 'dzin pa'i zhi ba nyid ni lam la chos shes pa'i bzod pa'i rnam pa'o
- 197b
sangs rgyas rnams kyi bsrung ba la sogs pa ni lam la chos shes pa'i rnam pa'o/ /dge ba bcu la sems can rnams dgod ba ni rjes su chos shes pa'i bzod pa'i rnam pa'o/ /sbyin ba la sogs pa'i dge ba sangs rgyas nyid du yongs su bsngo ba ni lam la rjes su chos shes pa'i rnam pa yin no/ /gzhan dag na re shes pa dang rnam par sbyar ba ni shes pa'i rnam pa gzhan du mi 'thad pas rnam pa 'di dag bden pa rnams kho na'i yin par blta bar bya'o zhes zer ro/ /mthong ba'i lam 'di'i yang nges par 'byed pa'i cha dang 'thun pa ni rnam pa thams cad mkhyen pa nyid du gsungs pa gzung bar bya'o/ /gal te de lta yin na der yang rab tu dga' ba'i sa la sogs pa brjod pa yod pas byang chub sems dpa' rnams kyi mthong ba'i lam bstan pa yin pa'i phyir yang ci'i phyir smos she na brjod par bya ste/ de bzhin gshegs pa rnams kyi ni rnam pa thams cad mkhyen pa nyid yin no zhes brjod pas rgyu dang 'bras bu ma lus pa rtogs pa la ltos pa yin pas rgyal ba'i sras rnams kyi ni de las gsungs pa'i lam du mi 'gyur bar dogs pa bzlog pa'i don du de nyid las rgyu tsam zhig drangs nas rgyal ba'i sras rnams kyi mthong ba la sogs pa'i lam gyi bdag nyid can lam shes pa nyid du logs shig tu bzhag pa yin no/ /de ltar 'phags pa rnams par grol sde'i rjes su 'brang ba yin pa'i phyir bzod pa zhes bya ba la sogs pa bshad ma thag pa'i mthong ba'i lam gyi rnam pa yin par bzang po'i zhal snga nas kyis sbyar pa yin no/ /gzhan dag ni mthong ba'i lam gyi gzhung dang don ma lus pa rnam pa dang sbyar ba ma yin pas kha cig ni zhes bya ba la sogs pa smos pa yin te kha cig ces bya ba ni yang slob dpon la la gzhan du 'chad de de ni bden dang bden la bzod pa dang zhes bya ba la sogs pa'i tshig le'ur byas pa'i don gang yin pa ni shes pa'i skad cig ma bcu drug gi bdag nyid can yin la/ nye bar mtshon pa lhur len pa'i gzhung gis de'i rnam pa?
- 198a
don ston pa de bzhin nyid dang sangs rgyas dag ces bya ba la sogs pa'i tshig le'ur byas pas rnam pa'i don ma bshad par zhes bya ba gzugs la sogs pa'i de bzhin nyid dang dangs rgyas dag rten dang brten pa po'i rim par mi gnas pa ni sdug bsngal la chos shes pa'i bzod pa'i rnam pa yin no zhes bya ba la soD pa'i nges pas rnam pa'i rang gi ngo bo ma brjod par nya nyan thos la soD pa'i mthong ba'i lam ji snyed bshad pa de la skad cig ma bcu drug gang yin pa ni sdug bsngal la chos shes pa la sogs pa'i bzod pa'o/ /de'i nye bar mtshon pa nyi tsher mdzad cing sbyar bar zad pas 'dir yang byang chub sems dpa' i mthong ba'i lam gyi rnam pa 'ba' zhig smos pa yin no zhes bya bar mi bya'o zhes bya ba ni dgongs ba yin no/ des cir 'gyur zhe na/ bshad pa dang ma bshad pa'i rab tu byed pa ma lus pa ni mthong pa'i lam ston par byed pa yin la/ de yang de bzhin nyid dang sangs rgyas dag ces bya ba la sogs pa'i tshig le'ur byas pa rnams dang sbyar bar blta'o/ /phyogs 'di la bzang po'i zhal snga nas kyi nyes pa brjod pa ni de dag gis ni zhes bya ba la sogs pa smos pa yin te/ slob dpon de dag gis ni bsgom pa'i go rim la sogs pa ma bstan pa'i phyir zhes bya ba mngon par rtogs pa las gsungs pa'i? rim gyis bsgom zhing bslab pa'i go rims so/ /sogs pa'i sgra ni bsgom pa rab kyi mthar phyin pa ste/ de las kyang sangs rgyas nyid sgrub pa yin la 'dis ni mngon par rtogs pa'i rim pa cung zad kyang ma bstan to zhes bya ba sngar bshad pa'i sems bskyed pa la sogs pa'i lam de'i rab kyi mdza' sangs rgyas nyid sgrub pa'i go rim cung zad kyang ma bshad pa thams cad du 'brel pa'i dbang du byas pa'i go rim med pas stong phrag brgya pa la sogs pa ltar 'chol bar 'gyur ro zhes bya bar dgongs so/ /nyes pa gzhan yang zhes bya ba la sogs pa smos pa yin te/ dmigs pa dang ni zhes bya ba la sogs pa smos pa'i don ? la sogs pa'i
- 198b
dmigs pa dang rnam pa'i khyad par nyan thos rnams las gang yang shin tu khyad zhugs par bstan pa de yang med par 'gyur te/ phyogs 'di la ni thun mong yin pa'i phyir ro/ /de ltar na phyogs 'di ni legs pa ma yin pa snyam sems so/ /'dod chags la sogs pa'i nyon mongs pa'i tshogs kyi rtsa ba ni dngos po la mngon par zhen pa yin la de dang mi mthun pa ni bdag med pa la goms pa dang/ sdug bsngal gyi phung po la sogs pa dngos po la dmigs ba dag ni phan tshun 'gal ba yin pa'i phyir bdag med pa goms pa 'grub par mi 'gyur ba ma yin nam/ ji ltar na de'i rgyu can sdug bsngal gyi phung po la sogs pa'i yul rnam pa bcu drug la dmigs pas 'dir sdug bsngal la chos shes ba'i bzod pa la sogs par 'gyur zhe na/ ma yin te gang gi phyir de bzhin nyid dang sangs rgyas dag ces bya ba la sogs pa'i tshig le'ur byas pa rnams kyis sdug bsngal la sogs pa rnam pa bcu drug gi rten cing 'brel par 'byung ba nyid yin par bstan pas dngos po med pa nyid du ji skad gsungs pa de bzhin du bslabs pas na/ chos nyid kyis de bskyed par byed par 'gyur bas don dam par don gyi bya ba mi 'thad pa'i phyir zhes thams cad du shes par bya'o/ /mthong ba'i lam gyi zhes bya ba la sogs pa ni go sla'o/ /mos pa rang gi don dang ni zhes bya ba la sogs pa'i tshig le'ur byas pa'i don ni rang dang gzhan dang zhes bya ba la sogs pa yin te/ rang dang gzhan dang gnyi ga'i don la dmigs pa nyid ces bya ba la rang gi don la dmigs pa ni rang nyid snod du rung ba nyid kyi phyir ro/ /gzhan gyi don la dmigs pa ni gdul bya snod du rung ba'i don nyid yin pa'i phyir ro/ /rang dang gzhan gyi don la dmigs pa ni rang dang gdul bya snod du rung ba'i don nyid kyi phyir ro/ /ji ltar mos pa bzhin du zhes bya ba ni bdag med pa las ma 'das pas so/ /mthong ba ni bcom ldan 'das kyis byang chub kyi lam nyid du thugs su chud pa'o/ /dge
- 199a
ba'i chos gang yin pa ni ma chags pa la sogs pa'i ngo bo nyid yin pa'i phyir sems bskyed pa la sogs pa'o/ /de'i rten yin na yang zhes bya ba ni de'i gzhi yin na yang ngo/ /dang por thog mar ro/ /mngon du mi byed pa'i ngo bo ni rang dang gzhan dang gnyi ga'i phyir sems bskyed pa la sogs pa la dmigs pa ni 'dir mngon par zhen pa'i rnam pa nyid yin pa'i phyir ro/ /gang las she na bsgom pa'i lam gyi dbang du byas pa las zhes bya ba smos te/ goms pa'i gnas skabs las te/ rab kyi mthar thug pa med par slob pa'i dus su mngon sum du bya ba ni su la yang yod pa ma yin no zhes bya bar dgongs so/ /rang gi don la mos pa nyid ni 'di ltar rnam pa dgu nyidyin te/ 'di lta ste chung ngu'i chung ngu dang/ chung ngu'i 'bring dang/ chung ngu'i chen po dang/ 'bring gi chung ngu dang/ 'bring gi 'bring dang/ 'bring gi chen po dang/ chen po'i chung ngu dang/ chen po'i 'bring dang/ chen po chen po'o/ /de bzhin du gzhan gyi don la mos pa dang gnyi ga'i don la mos pa la re re zhing dgu dgu ste/ mos pa rnam pa nyi shu rtsa bdun no/ /sngon gyi slob dpon rnams kyis chung ngu dang 'bring la sogs pa'i bdag nyid can 'di ni gnyen po nyid yin pas mi mthun pa'i phyogs chen po'i chen po la sogs pa rnam pa nyi shu rtsa bdun yang don gyis shes par bya'o zhes 'chad do/ /lung las bcom ldan 'das byang chub sems dpa' sems dpa' chen po thams cad dang/ sangs rgyas thams cad kyis bstod cing bkur la bsngags pa dang thams cad gcig tu zhugs so zhes gsungs pas/ byang chub sems dpa' i lhag par mos pa'i ston pa ni/ de bsgom pa'i byang chub sems dpa' zhes bya ba la sogs pa smos pa yin te/ bsngo ba khyad pa can ni bdag med pa la lhag par mos pa dang/ sems can thams cad kyi don dag gi nyan thos la sogs pa las khyad par du 'phags pa yin pa'i phyir ro/ /yang de'i
- 199b
byed pa mcho ni rang gzhan dag gi byang chub sgrub pa'o/ /dmigs med rnam pa zhes byaba la sogs pa ni rang dang gzhan dag gnyi ga'i sems bskyed pa la sogs par byed pa'i yid la byed pa ni lhag par mos pa'i yid la byed pa zhes bshad do/ /mos pa dang bsngo pa yid la byed pa dag sngon dang phyi mar gnas pa dag gi yul ni sems bskyed pa la sogs pa yin pa'i phyir yul gyi khyad par med do/ /zhes bya ba dgongs pa dang ldan pas ji skad bshad pa'i zhes bya ba la sogs pa smos te/ ji skad du bshad pa'i mos pa'i khyad par mi dmigs pa gang zhig yin zhe na/ mi dmigs pa ste de ni dmigs med rnam pa can zhes bya ba yang 'di ni yongs su bsngo ba'i yid la byed pa dmigs pa med pa zhes bya ba yin no/ /bdag tu lta pa la sogs pa'i lta ba'i phyin ci log med pas phyin ci ma log pa ste/ phyin ci ma log mtshan nyid do/ zhes bya ba'o/ /gzung pa la sogs pa med pas dben pa'o/ /de bzhin gshegs pa'i zhes bya ba la sogs pas sangs rgyas zhes bya ba la sogs pa'i don ston pa yin no/ /sems ma zhum ba la sogs pa dang ldan pas thabs la mkhas pa dang bcas pa'o/ /sbyin par bya ba la soD pa mi dmigs pas mtshan ma med pa'o/ /sangs rgyas dgyes pa yin pas sangs rgyas gnang ba'o/ /'dod pa la sogs pa'i khams la mngon par zhen pa med pa yin pa'i phyir khams gsum par ma gtogs pa te/ thabs bcas zhes bya ba la sogs pa bshad pa yin no/ /chung ngu dang 'bring dang chen po'i bsngo ba gzhan ni rnam gsum dang zhes bya ba ni bshad zin to/ /thams cad las mchog tu gyur pa'i bsod nams kyi bdag nyid bskyed pa yin pa'i phyir ro/ /bsod nams che 'byung bdag nyid do zhes bya ste/ bsod nams chen po zhes bya ba la sogs pa ni bshad zin to/ /de ltar ming du btags pa'i yid la byed pas dmigs pa med pa la sogs pa'i ming can gyi yongs su bsngo ba'i yid la byed pa bcu gnyis mi dmigs pa
- 200a
la dmigs bas theg pa gsum gyis gdul bar bya ba'i sems can la de rnams kyi lam nye bar ston pa'i rgyI ngo bo'i? byed pa dang?/ ldan pa gang yin pa de dang ldan pa rnams kyis sems can thams cad kyi don mi zad par bya ba'i phyir zhes bya ba byang chub kyi bar du 'phel bar bya ba'i don du bsngo ba rnam pa bcu gnyis kyis bsngo bar byed do/ /gang zhig mi dmigs pa la dmigs pa'i bsngo ba'i yid la byed pa de ni go rim bzhin du zhes bya ba la sogs pa yin te/ bla na med pa'i byang chub ni 'tshang rgya ba nyid do/ /tshul khrimS la sogs pa'i phung po ni zag pa med pa'i tshul khrims dang/ ting nge 'dzin la sogs pa'o/ /sems gang gis bsngo bar byed pa de dang de'i bdag la sogs pa dang ldan pa'i gzhi can ni bdag dang gzhan gyi rnam par rtog pa'i nyon mongs pa'i phung po'o/ // dus gsum gyi sangs rgyas kyi dge ba ni byun gba dang 'byung bar 'gyur ba dang/ da ltar byung ba'i sangs rgyas rnams kyi bsod nams so/ /sbyin pa la sogs pa dang mtshan ni sbyin par bya ba la sogs pa 'tshang rgya ba'i rgyu nyid do/ /lam thams cad ni theg pa gsum mo/ /'dod pa la sogs pa'i khams ni 'dod pa dang gzugs dang gzugs med pa'i khams so/ /dge ba bcu la sogs pa'i las kyi lam ni srog gcod pa las ldog pa la sogs pa'o/ /rgyun du zhugs pa la sogs pa ni rgyun du zhugs pa dang lan gcig phyir 'ong pa la sogs pa'o/ /bla na med pa yang dag par rdzogs pa'i byang chub la gnas pa rnams zhes bya ba ni byang chub sems dpa' rnams kyi yongs su bsngo ba khyad par can zhes bya ba la sogs pa bshad pa yin no/ /'dis ni sems bskyed pa la sogs bsnga? ma bzhin du mod nas bla na med pa'i byang chub mi dmigs pa la sogs pa'i bsam pas sems can rnams theg pa gsum gyi rim gyis yang dag par rdzogs pa'i byang chub thob par bya ba'i phyir dge ba'i rtsa ba de bsngo bar bya'o zhes bya bar dgongs so/ /
- 200b
bsgom pa'i lam gyi rjes su yi rang ba bsgom pa zhes bya ba'i tshig le'ur byas pa dang 'grel ba ni go sla'o/ /chos kyis phongs pa'i rgyu ni rang gi chos mnyan pa la sogs pa ma thob pa'i rgyu rnams so/ /shin tu nam par dag pa'i skabs yin pas rnam par dag pa spyir yin te/ / kun? rdzob de bzhin nyid gang yin/ de ni don dam yin par 'dod ces bya ba'i tshul gyis de ltar thob pa dang zhes bya ba la sogs pa smos pa yin te/ 'bras bu dag pa zhes bya ba la sogs pa'i chig le'ur byas pa'i don ni 'phags pa'i gang zag ces bya ba la sogs pa yin te/ 'phags pa'i gang zag ni nyan thos la sogs pa'o/ /de'i dge spyong gi tshul gyi 'bras bu gang yin pa ni rgyun tu zhugs pa'i la sogs pa'o/ /de'i mi mthun pa'i phyogs gang yin pa thams cad de/ de dang bral ba nyid kyis rnam par dag pa ste dri ma med pa'o// de gang yin zhe na/ gang gzugs la sogs pa'i rnam par dag pa ste/ gzung ba la sogs pa med pas gzugs la sogs pa'i stong pa nyid do/ /'bras bu la sogs pa ni bshad zin to/ /ci'i phyir zhe na/ 'bras bu ste/ rgyun du zhugs pa la sogs pa'i snga? ma bzhin du rnam par dag pa gang yin pa dang/ gzugs la sogs pa la bdag tu mngon par zhen pa ste/ don dam par yod par zhen pa gang yin pa de dag dang bral bas rab tu phye ba nyid kyis na de bzhin nyid dang gzugs ni gcig pa nyid do/ /don 'di nyid ni gang gi phyir zhes bya ba la sogs pa smos pa yin te/ de dag gi rnam par dag pa zhes bya ba gang gi phyir 'tshang rgya ba nyid dang/ gzugs la sogs pa'i dag pa dag ni tha mi dad cing gcang du med pa nyid do/ /don mtshungs pa yin na yang khyad par gyi sgo nas tha dad pa'i sgrar brjod pa'i rgyu ni rang dang spyi'i zhes bya ba la sogs pa smos pa yin te/ rang dang spyi'i mtshan nyid tha dad pa nyid ma yin pas de'i phyir zhes bya ba ni 'bras bu dang gzugs la sogs pa'i rang dang spyi ji ltar grags pa'o/ /yang na gnyis su med
- 201a
pa'i ye shes kho na skad cig ma gcig pa nyid du gyur pa nyid kyi phyir gong nas gong du rim gyis rgyud la gnas pa yin pa'i phyir rang dang spyi'i'o/ /de dag gi mtshan nyid ste/ don dam par ni sgyu ma'i ngo bo nyid de de dang 'dra bar tha dad pa nyid ma yin pa'i ngo bo nyid yin no/ /de ltar na rang dang spyi'i mtshan nyid tha dad pa dang bral bas go rim bzhin du de dag gi rnam par dag pa ni tha mi dad cing gcang du med pa nyid yin no/ /yang na 'di dag ni yang dag pa nyid du sna tshogs pa'i mtshan nyid kyi dbye pa med pas tha mi dad pa yin la/ rab tu dbye ba'i mtshan nyid kyi gcad pa med pas gcad du med pa nyid yin no/ /gang gi phyir de ltar yin pa de'i phyir rnam par dag pa yin te/ gzugs la sogs pa'i rnam par dag pa gang yin pa de nyid 'bras? bu'i rnam par dag pa yin no zhes bshad do/ /de gnyis zhes bya ba la sogs pa ni bshad zin to/ /rnam par dag pa'i khyad par dge ba spyir brjod nas zhes bya ba la sogs pa smos pa yin no/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan las seng ge bzang po'i zhal snga nas kyi gzhung chos kyi grags pas dga' 'grel du byas pa las skabs gnyis pa'i 'grel pa'i bshad pa'o// //de? zhi thams cad ces bya ba la sogs pas rab tu byed pa'i 'brel ba brjod nas thams cad shes pa nyid bshad pa yin no/ /tshu rol zhes bya ba la sogs pa'i tshig le'ur byas po? rnam par 'grel pa ni dus gsum pa'i zhes bya ba la sogs pa yin te/ dus gsum pa'i chos rnams ni dus gsum du gnas ba'i gzugs la sogs pa'o/ /skye ba med pa'i rnam par te/ rten cing 'brel par 'byung pa nyid kyis ma skyes pa nyid yin par mnyam pa nyid du rtogs pas zhes bya bar gcig pa nyid du shes pa'o/ /sangs rgyas dang byang chub sems dpa' rnams la nye bar gyur pa'i shes rab kyi pha rol tu phyin par 'dod
- 201b
pa rang gi sems la gnas pa'i gnyis su med pa'i ye shes gang yin pa'i ngo bo de ni nyan thos la sogs pa gzhan dag gi ma yin te/ de rnams la gzung ba la sogs pa'i bag chags yod pas thams cad du 'gro ba'i skye ba med pa'i ye shes med pa'i phyir ro// dus rnams shes bya ba la sogs pa ni bshad zin to/ /de gang la yang mi gnas pa ni tshu rol zhes bya ba la sogs pa yin te rgyal ba'i? sras rnams kyi shes rab kyi pha rol tu phyin pa ni tshu rol gyi mdza' ni 'khor ba ste/ so so'i skye bo la sogs pas bgrod cing mthong ba nyid kyis nye bar gyur pa'i srid pa'i mthar mi gnas shing mngon par zhugs pa yin no/ /ci'i phyir zhe na shes rab kyis zhes bya ba ste/ shes rab kyi pha rol tu phyin pa la sogs pa'i tshul phyin ci ma log par thos pa la sogs pas shes pa'i phyir ro/ /pha rol gyi mdza' ni mya ngan las 'das pa ste/ so so'i skye bo rnams kyis bgrod par bya ba ma yin zhing ma mthong ba nyid kyis mdza' ring ba'i mya ngan las 'das pa la mi gnas so/ /ci'i phyir zhe na snying rjes zhes bya ba ste/ sems can ma lus pa la dmigs pa'i snying rjes so/ /srid pa dang zhi pa 'di dag rnam grangs gzhan gyis gsal par bya ba ni go rim bzhin du bdag la sogs par lta ba dang mi lta bar gyur pa nyid kyis srid pa dang mya ngan las 'das pa ni rtag pa dang chad pa'i mtshan nyid yin la/ de dag gi bar na mi gnas pa ni yang dag par na srid pa dang zhi bdag med pas de'i bar yang yod pa ma yin pa'i phyir ro/ /de ltar na shes rab kyi pha rol tu phyin pa gang yin zhe na/ tshul de lta na srid pa dang mya ngan las 'das pa'i mdza' dang bar? na gnas pa med pas srid pa dang zhi ba la mi gnas pa yin te/ srid pa dang mya ngan las 'das pa la mngon par zhen pa med pa ni shes rab kyi pha rol tu phyin pa yin par bshad do/ /'dis ni shes rab kyis zhes bya ba la sogs pa bshad pa yin no/ /byang chub sems dpa' rnams kyi yum rjes su 'gro ba'i sgo nas bshad ces ldog pa'i
- 202a
sgo nas nyan thos la sogs pa rnams la de med pa ni kun shes pa zhes bya ba la sogs pa yin te/ kun shes pa nyid kyi gnas skabs su zhes bya ba ni thams cad shes pa'i dbang du byas par bzlog ste bstan pas zhes bya ba byang chub sems dpa' las go bzlog pa'i sgo nas bshad pa yin pa'i phyir/ nyan thos la sogs pa la dus gsum mnyam pa nyid du shes pa med pa'i phyir zhes bya ba dus gsum du gnas pa'i dngos po skye ba med par shes pa med pas so/ /yang dag pa'i shes rab kyi pha rol tu phyin pa dang ring bar gyur pas zhes bya ba ni thams cad du mngon par zhen pa med pa'i shes pa ring du spangs pa yin te/ de ni dus gsum gyi dngos po skye ba med par shes pa'i bdag nyid can yin pa'i phyir ro/ /de ltar gyur pa rang gi rtogs pa tsam ste/ rang gi rig pa'i ngo bo'i shes rab kyi pha rol tu phyin pa'i snying brtse ba dang shes rab dang bral ba'i phyir/ mya ngan las 'das pa la dngos po mthong bas skrag pa'i phyir/ mya ngan las 'das pa'i chad pa'i bdag nyid can dang/ 'khor ba'ang 'khrul pa gcig nas gcig tu rgyud pa cha 'dra bas rtag par lta ba bskyed pa yin par gnas shing mngon par zhugs pa yin no/ /de ci'i phyir zhe na/ dngos po dang dngos po med par dmigs pa nyid kyis zhes bya ba ste/ de'i gzhung gis rtag pa yin pa'i phyir don dam par yod pa'i dngos po ni mya ngan las 'das pa'o/ /mi rtag pa la sogs pa'i tshul gyis na de rnams kyi spang bar bya ba nyid yin pa'i phyir srid pa ni dngos po med pa'o/ /de dmigs pa nyid kyis shes pa'o/ /yang na yang dag pa nyid du phyin ci log nyid yin pas gzugs la sogs pa'i dngos po rnams don dam par dngos po yod pa nyid dang/ yang dag par na de med pas de'i mi rtag pa nyid la sogs pa la dngos po med par mngon par zhen pa yin no zhes shes par bya'o/ /gnyi ga
- 202b
ltar na yang nyan thos la sogs pa dmigs pa can rnams ni nges par dngos po 'ba' zhig la kun tu chags pas shes rab kyi pha rol tu phyin pa yod du zin na yang nyams pa la sogs pa yin no zhes bya bar dgongs so/ /lugs las zhes bya ba la sogs pa dang/ de'i mtshan bcas zhes bya ba la sogs pa'i lan gyi tshig le'ur byas pa'i 'grel pa ni go sla'o/ /dngos po mtshan ma dang ldan par rtogs nas zhes bya ba ni dngos po la mngon par zhen pa'i 'khrul pa'i mtshan ma rags pa la sogs pa dang ldan par cha 'dra ba gcig nas gcig tu rgyud pa'i gzugs la sogs pa'i ngo bo la rtogs pas so/ /yang na tshogs pa las byung pa yin pa'i phyir dngos po la mngon par zhen pa'i 'khrul pa'i mtshan ma'i rgyu dang ldan par gzugs la sogs pa rtogs pas so/ /dngos po'i ngo bo mi shes pa rnams la zhes bya ba ni gzugs la sogs pa'i rang bzhin log pa rnams mi shes pa'o/ /de'i mnyam pa nyid kyi ye shes ni gzugs la sogs pa skye ba med pa'i ye shes so/ /thabs ma yin pas ni zhes bya ba la sogs pa'i bshad pas ni thabs ma yin pas dir ba ste zhes bya ba bshad pa yin no/ /byang chub sems dpa' dus ring mo zhig nas zhes bya ba la sogs pa'i bshad pas de ni thabs mkhas pa yis zhes bya ba la sogs pa'i bshad pa yin no// //nyan thos la sogs pa'i gnyen po byang chub sems dpa' rnams kyi mi mthun pa'i phyogs nyid yin pa ni de ltar nyan thos la sogs pa'i zhes bya ba la sogs pa smos pa yin te/ de ltar na nyan thos la sogs pas 'og nas bshad pa'i rim gyis yum ni shes rab kyi pha rol tu phyin pa ring bar 'gyur ba sgrub pa yin zhing mi 'thob pa yin pa'i phyir log par goms pa yin pas de rnams kyi gnyen po ni byang chub sems dpa' rnams kyi spang bar bya ba nyid yin pa'i phyir mi mthun pa'i phyogs yin no zhes 'phags pa byams pas mi mthun pa'i phyogs
- 203a
yin par gsungs so/ /gzugs sogs zhes bya ba la sogs pa'i tshig le'ur byas pa'i don ni gzugs la sogs pa zhes bya ba la sogs pa smos pa yin te/ so so'i skye bo rnams kyi zag pa dang bcas pa dang/ 'phags pa rnams kyi thag pa med pa dang gnyi ga'i ngo bo ste/ nyon mongs pa'i phyogs gcig spangs pa'i so so'i skye bo 'dod chags dang bral ba'i tshogs so/ /gzugs la sogs pa dus gsum pa'i chos gang yin pa de thams cad la de'i gzhung gis dngos por mi gyur pa la dngos por dmigs pa nyid kyis don dam par yod par mngon par zhen pas gzugs la sogs pa gang yin par shes la/ de bas na gzugs la sogs pa'i phung po de rnams nyid la gzhan gyis kun brtags pa'i bdag la sogs pa stong pa nyid du lta'o/ /sbyin pa la sogs pa ste/ sbyin pa dang tshul khrims la sogs pa dang/ byang chub kyi phyogs rnams dang/ bsam gtan bzhi rnams te/ 'di rnams la sgrub pa'i 'du shes zhes bya ba bdag med do zhes mngon par zhen pa ni nyan thos la sogs pa de rnams kyi gnyen po ste lam yin no/ /ci'i phyir zhen phyin ci log 'byung ba nyid kyis bdag la sogs pa la mngon par zhugs pa'i so so'i skye bo rnams las go bzlog par zhugs pa nyid yin pa'i phyir ro/ /de ltar na bshad ma thag pa'i nyan thos la sogs pa'i gnyen po'i phyogs nyid byang chub sems dpa' rnams kyi mi mthun pa'i phyogs yin no/ /ci'i phyir zhe na phyin ci log pa 'byung ba nyid kyis spang bar bya ba yin pa'i phyir zhes bya ba'am/ gzugs la sogs pa de kho na nyid du med pas stong pa nyid du lta ba la sogs pa yang byang chub sems dpa' rnams kyi spang bar bya ba yin pa'i phyir ro zhes bshad par bya'o/ /byang chub sems dpa' rnams kyi bzlog ste zhes bya ba la sogs pa go sla'o/ /mthong ba la sogs pa bkag pa yis zhes bya ba ni
- 203b
mig gi rnam par shes pa la sogs pa'i rtogs par bya ba nyid yin pa mdo las bkag pa'i phyir ro/ /de nyid kyis na rang bzhin te rtogs par dka' ba nyid yin te/ 'jig rten pa'i tshad mas rtogs pa'i yul ma yin pa'i phyir chos thams cad skye ba med par shes par spang par bya ba dang/ blang? bar bya ba ma lus pa la chags pa ni byang chub sems dpa' rnams kyi mi mthun pa'i phyogs yin pas spang bar bya ba yin no zhes bya bar dgongs so/ /de ltar mi mthun pa'i phyogs zhes bya ba la sogs pas ni sbyor ba gsungs pa yin te/ gzugs la sogs pa'i chos? thams cad dang zhes bya ba la sogs pas tshig le'ur byas pa'i don ston pa yin te/ sgrub pa ni gzugs la sogs pa la bdag med par slob pa la rtsom pa'o/ /de'i yongs su shes pa ni nye bar dmigs pa'o/ /de gsal ba'i sgo nas zhes bya ba ni gzugs su ma yin zhes bya ba la sogs pas de kho na nyid du bkag pa'i phyir ro/ /byang chub sems dpa' rnams kyi de dang de la sbyor ba ni gzugs la sogs pa la mngon par ma zhen pas bdag med pa la goms pa'i mtshan nyid phul du byung ba'i sbyor ba ni rnam pa bcu ste/ gzugs la sogs pa la yul gyi dbye ba rnam pa bcu yin pa rjes su 'gro ba'i sgo nas bstan la rab tu byed pa las zhes bya ba ni lhag ma ste/ sbyor ba dgag pa zhes bya ba'i 'grel pa yin no/ /gzugs la sogs pa zhes bya ba bshad par bya ste/ gzugs la sogs pa'i chos thams cad la zhes bya ba ni gzugs kyi phung po la sogs pa'o/ /de nyid mi rtag pa dang stong pa nyid la sogs pa go sla'o/ /mtshan nyid kyis stong pa nyid du brtags pa'i phyir dang/ yon tan gyi tshogs dang ldan pa nyid dang chos nyid kyi ngo bo yin pas so sor ma rdzogs pa dang rdzogs pa nyid de gzugs la soD pa tshang ba nyid dang ma tshang ba nyid do/ /chags pa med pa ni gzugs la sogs pa la ma zhen pa ste/ gzugs la sogs pa zhes bya ba la sogs pa'i tshig bzhi'i bshad pa yin no/ /gzhan du mi 'gyur ba ni ye shes kyi bdag nyid can gyi yum
- 204a
ni 'gyur ba med pa nyid yin pa'i phyir ro/ /gzugs la sogs pa'i ngo bo nyid kyis na byed pa po med pa nyid yin te/ mi 'gyur byed po med nyid dang zhes bya ba pa'i bshad pa yin no/ /go rim bzhin du thams cad mkhyen pa nyid gsum ni snga? bshad pa ste/ de'i bdag nyid can gyi ched du bya ba dang sbyor ba dang byed pa gang yin pa ni sngar bshad pa ste/ de rnams kyi dga' ba nyid ni rnam pa thams cad dang lam dang bzhi rnams de kho na nyid du med na yang byang chub sems dpa' rnams rnam pa thams cad ? byin pa la sogs pa la 'bad pas de'i bdag nyid can gyi ched du bya ba la sogs pas ni sgrub par dka' ba nyid yin pas sbyor ba dka' ba rnam pa gsum dang zhes bshad pa yin no/ /bskal pa ci lta ba bzhin du 'bras bu 'thob pas mi stong pa nyid de/ / bskal pa dang 'tsham pa las mi 'da' bar rnam pa thams cad mkhyen pa nyid la sogs pa'i 'bras bu 'thob pa don yod pa nyid kyis na bskal pa ji bzhin zhes bya ba la sogs pa gsungs pa yin no/ /bzhan gyi rkyen gyis mi 'gro ba nyid ces bya ba ni thams cad kyi dam par 'gyur bas mchog gzhan med pa'am/ yang dag par na de las gzhan pa med pa'i phyir bdag med pa bsgom pa'i bdag nyid do/ /de ni bdag nyid bsrung ba la sogs pa'i don gyi rgyur gyur pa yin pas na rkyen to/ /yang na gzhan gyi rkyen gyi bdag nyid gyi bsrung ba la sogs pa'i phyir dngos po rnams dngos po med par so sor rtog pa'i ye shes so/ /der 'gro ba ni der thob pa ste/ rang las gzhan pa'i nus pas sam/ phyi rol du lta ba'i srung ba la sogs pa gang ji snyed pa de thams cad ni legs pa ma yin te/ sems kyi bgegs sel ba ma yin no zhes bya bar dgongs so/ /de yang gang 'di rgyu ba dang ni mi rgyu ba/ /gang yang nam mkha' i ngo bor yongs rtogs pa/ /don dam mthong ba'i bsrung ba de nyid yin / bsrung pa'i go? cha gzhan dag 'dir ci dags zhes gang bshad pa
- 204b
yin no/ /rnam par shes pa yongs su gyur pa nyid yin pas na yongs su 'gyur pa'o/ /sngags dang sman gyi tshogs pa nyid yin pas na mnyam par sbyor pa'o/ /med pa nyid kyis na 'gal pa'o/ /sgra ni rkyen las rag las pas na rkyen to/ /shes bya'i tshul las 'da' pas? mi 'da' pa'o/ /gzhi med pas na rten med pa'o/ /rgyu dang bral bas na byed pa po med pa'o/ /'di rnams su snang ba zhes bya ba gang yin pa ni yang dag par na rnam par shes pa la sogs pa yin par mi 'dod pas de yongs su gyur pa la sogs pa ni log par snang ba yin no zhes bya ba'i bar du'o/ /gang de'i gnyen po'i shes pa yin pa nyid kyis na rmi lam dang/ sgyu ma dang/ smig sgyu dang/ brag cha dang/ mig yor dang/ dri za'i grong khyer dang/ sprul pa lta bu nyid kyis na go rims bzhin du dngos po rnams shes pa rnam pa bdun po de la shes byed rnam bdun zhes bya ste/ bshad ma thag par grags pa'i rmi lam la sogs pa'i shes pa zhes bya ba'i tha tshig go/ de la don ni 'di yin te/ de la rnam par shes pa yongs su gyur pa nyid kyis na yongs su gyur pa zhes bya ste/ dngos po rnams ni rmi lam lta bur shes pa nyid du 'gyur ro zhes bya ba la sogs pa bka' 'grel nyid las gsal ba yin no/ /nyan thos la sogs pa de las go bzlog pa'i sbyor ba rnam pa bcu ni shugs kyis na zhes bya ba la sogs pa smos pa yin no/ /sbyor ba'i mnyam pa nyid mnyam pa nyid kyis zhes bya ba la sogs pa smos pa yin la/ gzugs la sogs pa la zhes bya ba la sogs pa tshig le'ur byas pa'i don ni gzugs la sogs pa zhes bya ba la sogs pa smos pa yin te/ gzugs dang tshor ba la sogs pa la mngon par zhen pa ni mngon par chags pa'o/ /gzugs la sogs pa'i tha snyad du/ bya? ba'i rgyu mtshan yin pa'i phyir/ sngon po la sogs pa'i mtshan ma'o/ /gzugs rnam gnyis dang nyi shu'o zhes bya ba la sogs pa ni spros pa'o/ /rdod la sogs pa'i shes pa rtogs
- 205a
pa'o/ /'di rnams kyi rlom pa rnams ni mngon par zhen pa la sogs pa yul bzhi'i dbye bas shes pa rnam pa bzhi yin no/ /de rnam pa thams cad du mi dmigs pa ni ma mthong ba'o/ /sbyor ba mnyam pa nyid ni sbyor ba mtshungs pa nyid do/ /skyong ba mnyam pa nyid so sor rtogs nas zhes bya ba la sogs pa ni sdug bsngal la sogs zhes bya ba la sogs pa'i tshig le'ur byas pa la 'jug pa yin te/ chos shes rjes su shes bzod dang/ /shes pa zhes bya ba ni chos shes pa dang/ /rjes su shes pa'i bzod pa dang shes pa dag ste/ bzhi bo de dag ni skad cig ma 'byung ba nyid yin pas skad cig ste/ de'i bdag nyid can ni sdug bsngal la soD pa zhes bya ba yin no/ /gzugs rtag ma yin zhes bya ba la sogs pa'i tshig le'ur byas pa'i don ni ngo bo nyid med pa'i phyir zhes bya ba la soD pa smos pa yin te/ ngo bo nyid med pa'i phyir zhes bya ba ni de kho na nyid du na gzung la sogs pa'i stong pa nyid yin pas so/ /gzugs la sogs pa ni gzugs dang tshor ba la sogs pa ste/ rtag pa dang mi rtag pa zhes bya ba brtan zhing cig pa dang 'jig pa'i bdag nyid ni dngos po'i chos yin la de dag bral zhing med pas na rtag pa yang ma yin mi rtag pa yang ma yin te/ bstan pa dang 'jig pa yang ma yin pa'o/ /de bzhin du sdug bsngal ni tshor ba yid du mi 'ong ba'o/ /de med pa ni sdug bsngal ma yin pa'o/ /de dag dang bral ba nyid kyis na 'ching ba dang thar pa'i rtag pa dang chad pa'i mdza' dang bral ba'o/ /gzhan gyi bdag gi dngos po med pa yis stong pa dang de med pa mi stong pa ste/ de dang bral pa'i phyir rnam par dag pa'o/ /rang nyid bdag gi ngo bo nyid kyis na bdag yin la? de med pa ni bdag med pa ste/ de dag nyid kho na'i ngo bo de ltar brtags pa nyid yin pa'i phyir ro/ /des ma skyes pa'i phan tshun 'gal ba'i tshul gnyis kyis skye ba mi rigs pa'i phyir dang/ de ltar skye pa med pas ma 'gags shing 'jig pa med pa dang/
- 205b
'dod chags la sogs pas kun nas nyon mongs pa ma yin pa dang/ de med pas rnam par byang ba ma yin pa'o/ /sogs pa'i sgras ni nyams pa dang 'phel bar rigs pa ma yin no/ /sdug bsngal gyi byed rgyu ni rgyu yin la de med pas rgyu ma yin pa'o/ /de dag ni gsog nyid yin pa'i phyir nam mkha' dang 'dra ba'o/ /tshe 'di'i sdug bsngal gyi rgyu ni kun 'byung ba yin la de med pa ni kun 'byung ba med pa ste/ de dang mi ldan pa'i phyir nyon mongs pa ni 'dod chags la sogs pa'o/ /nye ba'i nyon mongs pa thams cad ni khrol dang khon du 'dzin pa la soD pa ste de dag spangs ba'o/ /tshe 'di dang yun ring po'i sdug bsngal gyi rgyu ni rab tu skye ba yin la de med pa ni rab tu skye ba med pas kun nas nyon mongs pa'i phyir yongs su 'dzin pa las grol ba ste/ kun tu chags pas stong pa'o/ /sdug bsngal gcig nas gcig tu brgyud ba'i rgyun rkyen yin la de med pa ni rkyen ma yin pa'o/ /de dag las rnam par grol ba yin pa'i phyir rang gi ngo bo zhes pa'i ngo bos brjod du med pa zhes bya ste/ ye shes kyi rang gi mtshan nyid ni brjod du med pa yin pa'i phyir ro/ /nyon mongs pa dang bral ba nyid kyis na 'gog pa yin la de med pa ni 'gog pa med pa'o/ /gang gi phyir yang dag par ni de dag dang ma brel pa de'i phyir 'gog pa'i bden pa'i don nyon mongs pa dang bral ba'i mtshan nyid gang yin pa de ni tshig tu brjod pas zhes bya ba'i tshig gis bstan pas rgyu gzhan dag la sbyin du med pa yin te/ stong pa yin pa'i phyir sbyin par nus pa ma yin pa'i phyir ro/ /sdug bsngal mi 'byung ba nyid kyis na zhi ba yin la de med pa ni ma zhi ba'o/ /'di dag ni yang dag par na med pa yin pa'i phyir dmigs pa med par byed pa ste/ mi dmigs par shes pa'o/ /bde ba dang gtsang bas dben pa nyid kyis na gya nom ba yin la de med pas gya nom pa ma yin pa'o/ /de dag dang bral pa'i phyir mdza' gnyis las 'das pas rnam par dag pa zhes bya ste/ ched pa dang rtag pa'i mdza' med pa'i dri ma med par/ /mya ngan las 'das pa ni nges par
- 206a
'byung ba yin la de med pa ni nges par 'byung ba med pa'o/ /de dag med pa'i phyir nad thams cad ni skye ba zhes bya ste/ phyi nang gi mu stegs pa'i blta ba 'jig pa ste gnas med pa yin pa'i phyir ro/ /thar pa'i grong khyer du phyin par byed pa'i don? gyis na lam yin la de med pas lam ma yin pa'o/ /de dag dang bral ba yin pa'i phyir ngan song chad pa'o/ /nyon mongs pa ma lus pa'i gnyen pa'i phyogs su gyur pas na rigs pa yin la de med pa ni rigs pa ma yin pa ste/ de dag dang ma 'dres pa'i phyir ro/ /'bras bu ni 'tshang rgya ba nyid yin la de mngon sum du bya ba ni mngon du bya ba'o/ /de'i don gyi thabs gang yin zhe na/ rnam par mi rtog pa nyid de/ thams cad du mngon par zhen pa med pa'o/ /sems byin ci ma log pa ston pa'i don kyis ma sgrub pa yin pa de med pa ni bsgrub pa ma yin pa'o/ /de dag las rnam par grol ba nyid kyis gzugs? la sogs pa'i chos thams cad mtshan ma sngon po la sogs pas tha snyad du bya ba'i rgyu ba dang ma 'brel cing ma 'dres pa'i chos nyid kyi gnas skabs so zhes bya ba'i bar du'o?/ /mngon par zhen pa med pa'i rtag pa'i gnas su 'gro bas na nges par 'byin pa yin la de med pa ni nges par 'byin pa ma yin te/ de dag med pa nyid kyis na stong pa nyid yin pa'i phyir brjod par bya ba dang brjod par byed pa'i ngo bo'i mtshan nyid shes bya bar? ? gnyis la shes pa skye ba med pa zhes bya ba ni yang dag par na brjod par bya ba dang/ brjod par byed pa dag med pas de dag gi shes pa'i yul ma yin pa nyid de chos kyi dbyings nyid kyis gnas so zhes bya ba'i bar du'o/ /'dis ni sdug bsngal la sogs pa'i bden pa bzhi rnams kyi rnam pa bcu drug sngar bshad pa de rnams kyi nang nas bden pa re re zhing rnam pa gnyis gnyis kyis chos gang yin pa dang/ rjes su shes pa gang yin pa kun rdzob kyi bden par brjod pa yin la de ni shes pa gnyis gnyis su lta bar bya'o/ /de la rtag
- 206b
par mi rtag pa dang sdug bsngal dang sdug bsngal ma yin pa dag mi dmigs pa'i chos shes pa dang sdug bsngal la chos shes pa'o/ /de bzhin bdag dang/ bdag med pa dang stong pa dang/ mi stong pa mi dmigs bdag gi rjes su shes pa gang yin pa de dag ni rjes su chos shes rab bzod pa dang rjes su chos shes pa yin no/ /de bzhin du kun 'byung ba la sogs pa re re zhing yang shes pa bzhi bzhi dang sbyar bas shes pa bcu drug yin no/ /gzhan dag na re shes pa 'di rnams kyang rtag pa dang mi rtag pa la sogs pa mi dmigs pa'i rnam par bden pa bzhi'i yul la skye ba'i shugs kyis rtag pa dang mi rtag pa la sogs pa'i rnam pa yin par khong du chud par bya'o zhes 'dod do/ /nyan thos la sogs pa'i phyogs ltar na ni rtag pa dang sdug bsngal ba dag gi chos gang yin pa de dag gi shes pa gang yin pa de ni sdug bsngal la chos shes pa'i bzod pa dang/ sdug bsngal la chos shes pa yin la stong pa dang bdag med pa'i rjes gang yin pa de dag gi shes pa gang dgu yin pa de dag ni rjes su chos shes pa'i bzod pa dang/ rjes su chos shes pa'i yin no/ /de bzhin du kun 'byung ba la sogs pa re re la yang shes pa bzhir sbyar bas shes pa bcug yin no/ gzhan dag na re 'dir yang mi rtag pa'i rnam pa bden pa bzhi'i yul la skye bo'i don gyi shugs kyis shes pa rnams kyang bden pa bzhi'i rnam par shes pa bya'o zhes zer ro/ /de ni de lta bu'i rnam pa can gyi zhes bya ba la sogs pa smos pa yin no/ /'phags pa byams pa dang seng ge bzang ba'o zhal snga nas dag gis yum gsum car? shes pa dang rnam pa ma bstan na yang bdag gis ma bstan pa ni don gyi shugs kyis 'ongs? pa yang don yin no zhes bya ba'i tshul gyis so/ /shes pa yang yul gyi rnam pa can nyid? yin pa'i phyir yul yod pa dang shes par smra ba rnams kyi tshad ma yin pas nyes pa med do/ /lam shes pa nyid la ji lta ba bzhin du thams cad shes pa nyid la nyan thos dang byang chub
- 207a
sems dpa' dag gi bsgom pa'i lam so sor med ce na/ kun shes pa nyid la zhes bya ba la sogs pa smos pa yin no/ /don ni 'di yin te/ nyan thos dang rang sangs rgyas kyi phun sum tshogs pa ni byang chub sems dpa' i shes pas mthong nas 'da' bar bya'o zhes gsungs pas mngon sum du bya ba ma yin pa'i phyir byang chub sems dpa' rnams la bsgoM pa'i lam ma bstan la/ nyan thos la sogs pa ni ji ltar yongs su mthong ba'i don nyid yang dang yang du mngon du bya ba ni bsgom pa'i lam yin pas rtogs sla pa'i phyir bstan pa yin no/ /byang chub sems dpa' rnams kyi nges par 'byed pa'i cha dang mthun pa rnams kyang sngar bshad pa nyid yin re shes par bya'o/ /nyan thos la sogs pa'i ni mi rtag pa la sogs pas rnams pas bdan pa bzhil dmigs pa na zag pa dang bcas pa'i bsgom pa'i rang bzhin gyi dri ba la sogs pa ni gsal ba nyid yin pa'i phyir ma bstan par khong du chud par bya'o/ /de ltar rgyas par bstan nas zhes bya ba la sogs pas ni mngon par rtogs pa brgyad kyi mtshan nyid kyi don gang yin pa de mdza' dag sdud par byed pa yin pas gtso bo yin pa nyid kyis na/ thams cad mkhyen pa nyid gsum mjug bsdu bar gsungs pa yin te zhes bya ba rgyal pa'i yum las bshad do zhes bya ba'o/ /lam shes pa nyid du nyan thos la sogs pa'i lam brjod pas thams cad shes pa nyid bshad pa ma yin nam/ ci'i phyir yang thams cad shes pa nyid logs shig tu bstan ce na/ brjod par bya ste/ der ni lam shes nyid kyi tshul la ni/ /'phags pa'i bden pa bzhi dag gi/ rnam pa mi dmigs sgo nas ni/ /nyan thos lam 'di shes par bya/ /zhes bya bas mi dmigs par bsgom pa la sogs pa'i rim gyis nyan thos la sogs pa'i lam byang chub sems dpas bsgom par bya'o zhes gsungs pa yin no/ /de bas na mi rtag pa la sogs pa'i rnam pas zlog pa'i sgo nas 'phangs pa'i bzhi ma lus
- 207b
pa?/ yongs su shes par bya ba'i don du thams cad shes pa nyid logs shig tu smos pa yin no// //shes rab kyi pha rol tu phyin pa'i man ngag gi bstan bcos mngon par rtogs pa'i rgyan las seng ge bzang po'i zhal snga nas kyi gzhung? rtogs dka' ba'i snang ? dka' 'grel d+harma kIrtis byas ba las skabs gsum pa'i bshad pa'o// //thams cad mkhyen pa nyid gsum zhes bya ba la sogs pas 'brel pa brjod nas rnam pa kun mngon par rdzogs par rtogs pa'i dbang du mdzad nas gzhi dang zhes bya ba la sogs pa gsungs pa de skad gsum du gsungs pa'i gnyen po ma lus pa ni gzhi ste/ de rnams kyi ye shes kyi rnam pa ni de la dmigs par byed pa'i sems kyi khyad par ro/ /de rnams kyi rnam pa gang yin pa ni snang pa'o/ /kun mkhyen nyid ni rnam pa thams cad dang lam dang gzhi skye ba med par mkhyen pas ye shes ni rnam pa gsum yod pas de ni rnam pa gsum po nyid yin la/ de ltar ci rigs pa'i mtshan nyid ni rnam pa kun mngon par rdzogs par rtogs pa'i sbyir? mtshan nyid yin par 'dod par shes par bya'o// tshig le'ur byas pa'i don ni rtag pa zhes bya ba la sogs pa smos pa yin te/ rtag pa la sogs par 'dzin pa ni rtag pa dang sdug bsngal ma yin pa la sogs par mngon par zhen pa'o/ /de nyid ni spang bar bya ba yin pas na mi mthun pa'i phyogs so/ /de'i gnyen po ni mi rtag pa la sogs pa'o/ /de'i chos nyid kyi ngo bo nyid ni shes par snang ba ste de rnams kyi'o/ /de ni mi rtag pa la sogs pa la dmigs pa'i ye shes kyi rnam pa rnams zhes smos pa yin te/ mi rtag pa la sogs pa la dmigs pa'i ye shes kyi khyad par la rnam pa nyid du rnam par bzhag pa ni rnam pa yin no zhes nges par byas pa'o/ /mtshan nyid ni sbyir na rnam pa kun mngon par rdzogs par rtogs pas dmigs pa'i mtshan ma'o/ /de dag kyang zhes bya ba la sogs pa 'dis thams cad mkhyen pa nyid gsum gyi
- 208a
gzhi'i yul can yin pa nyid kyis na sngar smras pa'i rnam pa rnams gzhi med pa'i rnam pa yin par nyes pa bsal pa yin no/ /spyir zhes bya bas rnam pa rnams la dbye ba ma brjod par rnam pa gsum bstan nas da ni khyad par ste/ 'phags pa'i 'di nang bzhi la brten pa'i dbye bas med pa'i rnam pa zhes bya ba la sogs pa gsungs pa yin te/ med pa'i rnam pa nas bzung ste zhes bya ba ni med pa dang mi skye ba'i rnam par nas gzung ste/ mi g.yo ba'i rnam pa'i mthar thug pa'i bar gyis so/ /brtsi ba ni bden pa so so zhes bya ba la sogs pa gsungs pa yin te/ bden so so la la ba zhi dang zhes bya ba ni sdug bsngal la sogs pa'i bden pa gsum la bzhi bzhi ste bcu gnyis so/ /lam gyi bden pa la ni bco lngar zhes bya ba de dag ni rnam pa zhes bya ba yin par bshad do/ /de la zhes bya ba la sogs pas ni tshig le'ur byas pa'i don smos pa yin te/ de la thams cad shes pa nyid kyi dbang du byas nas zhes bya ba ni thams cad mkhyen pa nyid gsum gyi nang nas 'dir sor bsgom par 'dod pas thams cad shes pa nyid kyi gnas skabs yin pa'i phyir ro/ /med pa ni nam mkha' dang mnyam pa'i rtag pa'i tshul gyis med pa'o/ /mi skye pa ni yang dag par skye ba med pa'o/ /dben pa ni yon tan skyed par byed pa nyid kyis na bdag stong pa nyid do/ /mi rdzi ba ni bdag med pa nyid kyis ma stegs pa rnams kyis 'khrug par mi nus pa ste sdug bsngal mi rtag pa dang/ sdug bsngal ba dang/ stong pa dang bdag med pa'i mtshan nyid do/ /yang dag par na ming dang gzugs kyi phung po skye bar byed pa med pa'i don gyis na gnas med pa'o/ /nam mkha' ni dngos po med pa'o/ /yang dag par na chig tu brjod du med pa ni brjod du med pa'o/ /gzugs can ma yin pa'i phung po med pa ni ming med pa ste/ kun 'byung gi rgyu dang/ kun 'byung ba dang/ rab tu skye ba dang/ rkyen gyi mtshan nyid do/ /'gro ba med pa ni yang dag pa nyid du 'gro ba med pa'o/ /mi 'phrogs pa ni
- 208b
bzod ma nas zhi ba nyid kyis na yul med pa'o/ /mi zad pa ni zad pa med pa'o/ /skye ba med pa ni ma skyes pa ste 'gog pa'i 'gog pa dang/ zhing dang gya nom pa dang/ nges par 'byung ba'i mtshan nyid do/ /de ltar na med pa la sogs pa rnam pa bcu gnyis po 'di dag ni go rims bzhin du sdug bsngal la sogs pa'i bden pa gsum gyi mi rtag pa la sogs pa'i mtshan nyid dag yin par bshad par bya'o/ /da ni lam gyi bden pa rnam pa gsum nyon mongs pa'i zhes bya ba la sogs pa smos pa yin ste/ nyon mongs pa nyid ni rtsig pa la sogs pa dang 'dra bar bsgrib pa yin te/ yang dag pa'i ye shes kyi gegs byed pa nyid yin pa'i phyir ro/ /de'i gnyen po nyid du zhes bya ba la sogs pa la de la dang po nyan thos rnams kyi zag pa med pa'i lam la yang dag pa nyid du na byed pa po dmigs su med pas na byed pa po med pa'o/ /bdag nyid med pas shes pa po med pa'o/ /yang dag par na 'pho ba med pas na 'pho ba med pa'o/ /nyon mongs pa 'dul ba med pas 'dul ba med pa'o/ /de ltar na rnam pa dang zhes bya ba la sogs pas ni lam la sogs pa'i mtshan nyid yin te/ lam dang rig pa dang sgrub pa dang nges par 'byin pa'i bdag nyid do/ /gnyis pa ni rang sangs rgyas rnams kyi lam zag pa dang bcas pa ste/ rab tu gnyid kyi log pa'i gnas skabs kyi shes pa ni rmi lam mo/ /brag cha ni sgra brnyan no/ /zla ba gnyis pa la sogs pa'i snang ba ni mig yo ro/ /smig rgyu ni mya ngam gyi smig rgyu'o/ /mig 'phrul ni sgyu ma'o/ /de ltar na rnam pa lnga lnga ste zhes bya ba la sogs pa ni yang dag pa nyid du na skye bar mi rigs pa nyid do/ /zhes pa lta bar bya'o/ /sbyir shes bya'i sgrib pa'i gnyen por gyur bdag yin no/ zhes bya ba ni shes bya'i sgrib pa thams cad 'joms par byed pa'o/ /gsum pa ni rang sangs rgyas rnams ni lam la 'dod chags la sogs pa med pas na kun nas nyon mongs pa med pa'o/ /rnam par byang ba ni mya ngan las 'das pa ste/ de med pa ni
- 209a
rnam par byang ba med pa'o/ /nyon mongs pa dang nye ba'i nyon mongs pa thams cad kyis ma gos pas na gos pa med pa'o/ /gzugs la sogs pa'i spros pa med pa ni spros pa med pa'o/ /mngon par zhen pa med pa ni rlom pa med pa'o/ /chos kyi dbyings ltar bstan pas na mi g.yo ba ste/ 'di dag rnam pa rnams yin no/ /kun nas nyon mongs ba ni 'dod chags la sogs pa'o/ /rnam par byang ba ma yin pa ni mya ngan las 'das pa ma yin pa'o/ /nyon mongs pa'i bag chags ni 'dod chags la sogs pa'i rgyun nam med pa'i rnam pa nye bar mthong bar nus pa'i nyon mongs pa'i bag chags rnams so/ /gzugs la sogs pa'i spros pa ni gzugs dang tshor ba la sogs pa'i bar du dbye ba'o/ /rang gi rtogs pa ni 'dzin pa'i shes pa la nye bar dmigs pa'o/ /yongs su nyams pa ni nyon mongs pa 'joms? pa ste/ mi mthun pa'i phyogs kyi bdag nyid can gyi rnam par rtog pa 'di rnams kyi so sor nges pa'i gnyen por gyur pa dag yin no zhes smos te/ kun nas nyon mongs pa la sogs pa shes bya'i sgrib pa gang yin pa de rnams kyi drug po dag nyid yin no/ / rgyu dang zhes bya ba la sogs pa'i tshig le'ur byas pa bshad par 'dod nas/ gnas skabs la bden pa rnams kyi so sor smos pa'i rgyu mtshan ni kun nas nyon mongs pa zhes bya ba la sogs pa yin to/ kun nas nyon mongs pa dang cig shos kyi phyogs la brten nas zhes bya ba ni kun nas nyon mongs pa dang rnam par byang ba'i yul gyi dbye bas so/ /grangs bzhin du rnam pa brgyad dang zhes bya ba la sogs par khong du chud par bya'o zhes bya ba ni kun 'byung dang lam dag la rnam pa brgyad dang bdun rnams so/ /sdug bsngal dang 'gog? pa la rnam pa lnga dang bcu drug tu shes par bya'o/ /de la kun 'byung gi bden par rtogs pa brgyad ni 'dod chags dang bral ba dang zhes bya ba la sogs pa smos pa yin te/ yul la rgyab gyi phyogs pa ni 'dod chags dang bral ba'o/ /mngon par zhen pa med pa ni
- 209b
mi gnas pa'o/ /nyes pa nye bar zhi ba ni zhi ba'o/ /'dod chags dang bral ba ni 'dod chags med pa'o/ /zhe sdang dang bral ba ni zhe sdang med pa'o/ /yang dag pa'i ye shes ni gti mug med pa'o/ /nyon mongs pa dang bral ba ni nyon mongs pa med pa'o/ /sems can med pa na sems can med pa ste/ rnam pa 'di dag ni go rim bzhin du 'di rnams gang dag gi gnyen po yin zhe na/ mi mthun pa'i phyogs ni kun 'byung gi bden pa'i rgyu dang/ kun 'byung ba dang rab tu skye ba dang rkyen te rnam pa bzhi smos yin la/ de la rgyu gang yin pa de ni sngon dang phyi? ma'i rgyu dang 'bras bu dang bskyed pa'i dbye bas rnam pa gsum yin la/ de ni 'dun pa dang zhes bya ba la sogs pa smos pa yin te/ 'dun pa ni yul thams cad mngon par 'dod pa'o/ /de sngon du 'gro ba'i mngon par zhen pa ni 'dod chags te/ 'dod chags las ni dga' ba ste/ lhar 'gyur pa'am mi 'gyur par bya'o zhes srid pa la mngon par dga' bar byed pa'o/ /mi mthun pa'i phyogs 'di rnams kyi gnyen po ni 'dod chags dang bral ba dang/ mi gnas pa dang zhi ba'i rnam pa ste gsum yin no/ /kun 'byung ba gang yin pa de yang gsum ste/ 'dod chags dang zhe sdang dang gti mug go/ 'dod chags la sogs pa mi mthun pa'i phyogs 'di rnams kyi gnyen pa ni/ 'dod chags med pa dang zhe sdang med pa dang gti mug med pa'o/ /rab tu skye ba gang yin pa de ni kun tu rtag pa ste/ mi mthun pa'i phyogs ma lus pa'i rnam pa nyid yin pa'i phyir ro/ /de'i gnyen po ni nyon mongs pa med pa ste nyon mongs pa ldog pa las/ rnam par rtog pa thams cad ldog pa yin pa'i phyir ro/ /rkyen gang yin pa de ni sems can du mol par zhen pa ste/ de'i rnam pa can nyid yin pa'i phyir ro/ /de'i gnyen po ni sems can med pa ste/ sems can med par shes pa las de'i mngon par zhen pa ldog pa yin pa'i phyir ro/ /de ltar na de rnams kyi gnyen por gyur pa ste/ 'dun pa dang 'dod chags sogs pa mi mthun
- 210a
par gyur pa'i ngo bo gsum dang gsum dang zhes bya ba ni 'dod chags dang bral pa la sogs pa dang/ 'dod chags med pa la sogs pa dang gcig dan gcig ste zhes bya ba nyon mongs pa med pa dang sems can med pa ste/ brgyad dang zhes bya ba la sogs pa la rgyu rnam pa brgyad yin no zhes bya bar bsgrags so/ /lam gyi rnam pa bdun ni tshad med pa dang/ zhes bya ba la sogs pa smos pa yin te/ rtog pa'i spyod yul ma yin pa nyid kyis na tshad med pa'o/ /'khor ba dang mya ngan las 'das pa gnyis spangs pas na mdza' gnyis dang ma 'brel pa ste ma dmigs so/ /chos kyi dbyings dang 'dra pa dbyer med pa nyid yin pas na tha mi dad pa'o/ /nyan thos la sogs pa'i rnam par rtog pa dang ma 'dres pas mchog tu 'dzin pa med pa'o/ /rnam par rtog pa thams cad ni stong pa nyid yin par mtshungs pa yin pa'i phyir rnam par mi rtog pa'o/ /shes par bya ba med pas na dpag tu med pa'o/ /chos thams cad la zhen pa med pa'i phyir chags pa med pa ste/ rnam pa 'di dag ni zhes bya ba la sogs pa gang sems can thams cad la go skabs 'byed pa ni sems can thams cad la go skabs 'byed pa'i phyir lam ni thar pa'i grong khyer thob par byed pa'o/ /ji ltar sems can thams cad la go skabs 'byed pa ji ltar smos pa la sogs pas so/ /rigs pa gang yin pa dang ji ltar rigs pa yin pa ni yang dag pa'i ye shes mngon sum du byed pa dang nyon mongs pa'i gnyen po nyid yin pa'i phyir ro/ /sgrub pa gang yin pa dang ji ltar bsgrub pa yin pa ni sems bskyed pa la sogs pa'i gnyen po bsgom pa rab kyi mthar phyin pa nyid dang/ sems phyin ci ma log par sgrub pa'o nges par 'byung ba gang yin pa ni mya ngan las 'das pa'o/ /de dag ni de rnams kyi ngo bo nyid ces bya ba la sogs pa yin no/ /sdug bsngal gyi bden pa'i rnam pa ni mi rtag pa zhes bya ba la sogs pa yin te/ med pa'i don ni mi rtag pa'i don yin no zhes gsungs
- 210b
pa'i phyir med pas na mi rtag pa'o/ /'du byed nyid yin pas na sdug bsngal pa'o/ /gzhan gyis yongs su brtags pa'i bdag la sogs pas stong pas na stong pa'o/ /gang zag la sogs po? med pas na bdag med pa'o/ /mtshan nyid med pa'i rnam pa ni lnga yin te/ de yang gang zhe na ngo bo nyid ces bya ba ma skyes pa ste/ thams cad ngo bo nyid kyis skye ba med pa'i phyir ro zhes bya ba'i tha tshig go btags pa'i bdag nyid la sogs pa chos brgyad po de dag la mngon par zhen pa bkag pas yang dag pa nyid du med pa nyid kyis na go rim bzhin du stong ma zhes bya ba stong pa nyid dang/ chen po zhes bya ba chen po stong pa nyid dang/ don dam pa zhes bya ba don dam par stong pa nyid dang/ 'dus byas zhes bya ba 'dus byas stong pa nyid dang/ 'dus ma byas zhes bya ba 'dus ma byas stong pa nyid dang/ mdza' las 'das pa zhes bya ba mdza' las 'das pa stong pa nyid dang/ thog ma dang tha ma med pa zhes bya ba thog ma tha ma med bstod pa nyid dang/ dor ba med pa zhes bya pa dor ba med pa stong pa zhes bya ba ste rnam pa de dag yin no/ /gya nom pa'i rnam pa gang zhig yin zhe na/ gzhan gyis zhes bya ba bye brag tu smra ba la sogs pa rnams kyis kun brtags pa'i byed pa po gang yin pa de bkag pas rang bzhin stong pa nyid kyi rnam pa ste/ yang dag par na bya ba med pas lhas byin la sogs pa las byed pa po nang na mi dmigs pa'i phyir dang/ ma mthong bar brtags pa ni ha cang thal ches pa yin pa'i phyir ro/ /nges par 'byung ba'i rnam pa bshad do zhes bya ba ni lhag ma'o/ /yul du 'khrul pa yang dag pa nyid du shes pa'i rnam pa yin na yang phyi rol gyi gzugs la sogs pa 'khrul pa ste/ de'i bdag nyid rnams ni btags pa ste/ gzugs la sogs pa'i tha snyad do/ /mtshan nyid ni gzugs su rung ba la sogs pa'o/ /dus ni dpyid la sogs pa'o/ /'di rnams su 'khrul pa rnams ni gang de kho na nyid du na yang dag pa ma yin na yang yang dag par rnaM par 'khrul pa'o/ /de rnams kyi 'gag par chos thams cad ces bya
- 211a
ba chos thams cad stong pa nyid dang/ rang gi mtshan nyid ces bya ba rang gi mtshan nyid stong pa nyid dang/ gzhan gyis yongs su brtag pa'i dus ni kun rdzob du yang mi dmigs pa'i phyir dang/ yang dag par na shes pa'i snang ba las gzhan pa'i dus kyang mi 'thad pa'i phyir mi dmigs pa zhes bya ba mi dmigs pa stong pa nyid de/ rnam pa gsum po de dag go/ des par 'byung ba'i rnam pa kho na zhes bya ba mya ngan las 'das pa'i rnam pa nyid yin la ngo bo nyid med pa'i phyir/ dngos po med pa'i ngo bo nyid stong pa nyid kyi rnam pa gcig ste/ de ltar na zhes bya ba la sogs pa'i rnam pa ni bcu drug tu bsgrags so/ /kun mkhyen zhes bya ba la sogs pa'i rnam pa thams cad mkhyen pa'i tshig le'ur byas pa'i don ni rnam pa thams cad ces bya ba la sogs pa smos pa yin te/ rnam pa thams cad mkhyen pa nyid kyis zhes bya ba ni sngar bshad pas so/ /'phags pa'i gang zag thams cad bsdus pa'i phyir zhes bya ba ni nyan thos dang rang sangs rgyas dang byang chub sems dpa' dang yang dag par rdzogs pa'i sangs rgyas bsdus pa'i phyir te/ grangs bzhin nyan thos la sogs pa'i zhes bya ba 'og ma dang sbyar bar bya'o/ /dran pa nye gzhag nas bzung ste/ zhes bya ba ni lus dran pa nye bar gzhag pa dang por byas nas so/ /tha ma sangs rgyas nyid rnam par zhes bya ba ni gnas dang gnas ma yin pa mkhyen pa'i stobs la sogs pa rnam pa sum cu rtsa dgu'i bar ni rnam pa yin par shes par bya'o zhes bya ba'i tha tshig go /ci'i phyir rnam pa thams cad mkhyen pa nyid kyis 'phags pa'i gang zag thams cad bsdus pa yin zhe na/ thams cad mkhyen pa zhes bya ba la sogs pa smos te/ thams cad mkhyen pa nyid gsum du grags pa des bsdus pa'i lam gang la thams cad mkhyen pa nyid la sogs pa'i lam gyi bden pa rnam pa gsum po de'i sgo nas zhes bya ba de'i thabs kyis so/ /'dis ni kun mkhyen
- 211b
nyid gsum bye brag gis zhes bya ba la sogs pa bshad pa yin no/ /'dir dran pa nye bar gzhag pa la sogs pa rnam pa brgya bdun bcu rtsa gsum pa yang? dag? ? mkhyen pa yin par bshad la/ de yang nyan thos la sogs pa lam gsum gyi bye brag gis gsum nyid yin no/ /zhes bya bar dgongs so/ /de ni de la zhes bya ba la sogs pa smos pa yin te/ de la bya ba ni rnam pa thams cad mkhyen pa nyid kyis bsdus pa'i thams cad mkhyen pa nyid gsum gyi nang nas so/ /thams cad ces bya ba la sogs pa la dngos por yongs su rtog pa'i lam la zhes bya ba ni lus la sogs pa rnam par dpyad pa'i thabs pa'o/ /bden pa bzhi la 'jug par bya ba'i phyir zhes bya ba ni sdug bsngal la sogs pa'i bsgom pa'i lam la 'jug par bya ba'i phyir ro/ /rnam par dpyad pa ni lus dang zhes bya ba la sogs pa yin te/ lus? la sogs pa'i rang dang spyi'i mtshan nyid dag gi don gyi bya ba nus pa dang mi nus pa dag gis yongs su brtag cing skye ba med pa nyid du shes par byed pa gang yin pa de rnam pa yin no/ /brtson 'grus bskyed pa'i phyir rtsol pa'i lam ste/ yang dag par spong? pa'i thabs la mi dge ba nges par skyes pa dang/ skyes pa yang dag par spang par bya ba'i phyir dang/ mi bskyed par bya ba'i phyir dang/ dge ba yang dag par skyes pa dang ma skyes pa dag 'phel bar bya ba dang bskyed bar bya ba'i rgyu ni brtson 'grus so/ /sems las su rung ba nyid du byed ba ni sems rtse gcig par gyur ba yin pas/ ting nge 'dzin yongs su spyod pa'i lam ste/ /bsam gtan 'du byed pa'i thabs rdzu 'phrul gyi rkang pa'i rnam pa la'o/ /ting nge 'dzin gyis spong ba ni 'dod chags la sogs pa rtsal ba'o/ /de'i don du 'du byed pa ni 'bad ba'o/ /de dang ldan zhing bcas pa'i rdzu 'phrul gyi rkang pa ste/ rdzu 'phrul gyi rten yin pa ni 'di dag gi stobs kyis rdzu 'phrul byed pa yin pa'i phyir te/ 'dun pa la sogs pa'i sgo nas las su rung bar 'gyur ba nyid yin pa'i phyir ro/ /sems yongs su spyang ba byas shing
- 212a
ting nge 'dzin dang ldan pa'i mngon par rtogs pa'i spyod? pa'i lam ste/ sbyor pa'i nus pa las byung ba'i dad pa la sogs pa'i thabs la'o/ /dad pa la sogs pa'i dbang pos 'phags pa'i lam yang dag par bsgrub par bya ba'i phyir dro ba dang rtse mo'i sbyor ba rtogs par gyur pa yin pa'i phyir ro/ /dro ba la sogs pa thob cing dra ba dang rtse mo rtogs pa ni bzod pa la sogs pa mngon par rtogs pa dang 'brel cing gcig tu gyur ba'i lam dang pa'i stobs la sogs pa gang yin pa de la dang po la sogs pa'i stobs kyis rjes thogs la bden pa'i rtogs pa'i don du de dang med pa la sogs pa'i mi mthun pa'i phyogs zil gyis gnon pa'i bzod pa dang chos kyi mchog gis sbyor ba yin pa'i phyir ro/ /dro pa la sogs pa bzhi rtogs pa la ni/ bden pa bzhi mthong ba'i lam ste/ bden pa bzhi shes pa'i thabs la ni mngon par rtogs pa'i lam zhes bya ste/ dran pa la sogs pa'i thabs des thog ma kho nar de kho na nyid mngon par rtogs pa rang rig pa yongs su shes pa yin pa'i phyir ro/ /bden pa mthong pa zhes bya ba la sogs pa la yang dag pa'i lta ba la sogs pa ni yang dag par nges par 'byin pa'i lam yin/ mthong ba'i lam yan chad 'dis bsgom pas spang bar bya ba'i nyon mongs pa rnam par dag par nges par 'byin pa yin pa'i phyir ro/ /der 'di ltar byang chub kyi phyogs kyi chos 'di rnams go rim bzhin du 'byung bas go rim bzhin du shes par bya'o/ /de ltar na dngos por yongs su rtogs pa'i lam la sogs pa lam rnam pa bdun gyi dbang du byas nas slob ma rnams la kun shes pa nyid kyi lam gyi rten can ste/ de la gnas pa yin no/ /da ni byang chub sems dpa' rnams kyi lam shes pa nyid kyi rnam pa sum cu rtsa bzhi ni lam shes bar? zhes bya ba la sogs pa smos pa yin te/ lta ba ni gzung ba la sogs pa'i mi mthun pa'i phyogs kyi shes pa'o/ /de rnams kyi gnyen po'i lam ni rnam par sel ? thabs
- 212b
rnam pa gsum mo/ /de ni lta bas byas ba zhes smos te/ lta ba las gyur pa'i mi mthun pa'i phyogs kyi gnyen po'o/ /de'i rgyu mtshan ni lta ba'i rgyu'i rnam par rtog pa ste/ rtog pa gang yin pa de rnams kyi gnyen po'o/ /khams gsum pa la smon pa ni sems can du lta ba la zhugs pa gang yin ba ste/ de ni gnyen po'i zhes bya ba la sogs pa ni go sla'o/ /zhi ba'i rnam pas mtshan ma med ces bya ba 'di dang 'gal lo zhe na/ 'di ni dngos po'i rgyu mtshan dang rjes su 'brel ba'i nyan thos kyi lam gyi dbang du byas nas de skad brjod pa yin pa'i phyir ro/ /sprul pa'i lam ni sprul pa'i thabs kyi bya ba rnam pa gsum mo/ /nang gi bdag nyid kyi gzugs kyi 'du shes rnam par ma bshig pa'i phyir zhes bya ba la sogs phyi rol gyi gzugs rnams la zhes bya ba kha dog bzang ba dang kha dog ngan pa'o/ /blta'o zhes bya ba ni bdag nyid bsam gtan nam gzugs med pa'i snyoms par 'jug pa la brten te zhes bya bar shes par bya'o/ /sprul pa'i sgrib pa ni de'i mi mthun pa'i phyogs te/ de'i gnyen po bsnon? pa gnyis so/ /rnam par thar pa gsum pa ni gzugs shes bya ba la sogs pa smos pa yin te/ gdul bya rnams kyi bsod nams dang bsod nams ma yin pa'i rgyu las byung bas gzugs sdug pa dang mi sdug pa ste/ 'phags pa dang cig shos kyi rnam pa dag ste/ de dag gi sprul pa'o/ /dga' pa ni 'bad pa'o/ /mi dga' ba ni rgyab kyis phyogs pa'o/ /gnyis pa de dag ni kun tu chags pa'i rgyu nyid yin pa'i phyir kun nas nyon mongs pa ste/ mi mthun pa yin la de dag gi gnyen po ni rgyur gdul bya rnams kyi sdug pa ste/ bsod nams kyi rgyu'i rnam par thar pa'i sgo ste/ rdzogs pa'i byang chub kyi thabs so/ lus kyi mngon sum du byas nas zhes bya ba ji ltar gdul bar lus kyi 'phags pa'i rnam par gyur pa'o/ /rdzogs par byas ste zhes bya ba ni bstan par dmigs pa'o/ /gnas so zhes bya ba ni bya ba thams cad kun tu spyod pa'o/ /'dir yang bdag nyid gzuD ? pa dang mi sdug pa la phan tshun bltos
- 213a
ba'i 'du shes dang/ phan tshun rjes su 'gro ba'i 'du shes la brten te/ phan tshun gyi 'du shes ro gcig pa thob pas gzugs ji ltar 'dod pa'i rnam par thar pa la dbang thob pa yin no/ /zhes blta bar bya ste/ rdzogs pa'i byang chub kyi bdag nyid thar ba khyad par can gyi rgyur gyur pas rnam par thar pa'o/ /mthong ba'i chos ni bcom ldan 'das kyis mngon sum du mdzad pa'i ye shes so/ /de'i bdag nyid can gyi bde bar gnas pa gang yin pa ni ji ltar bde bar gnas pa'o/ /de'i lam ni thabs rnam pa lnga'o/ /thabs kyi rang bzhin yang rnam pa gnyis bshad pa ni de mthong bas gzhan rnams kyi yang de bstan pas thar pa dang mthun par gnas pa'i rgyur gyur pas thar pa dang mthun pa gnas pa'i lam gyi rang bzhin la gzugs med ba'i snyoms par 'jug pa rnam pa bzhi ste/ nam mkha' mdza' yas skye mched la sogs pa rnam pa bzhi'o/ /zhi bar gnas pa'i lam gyi rang bzhin ni 'dod chags la sogs pa'i nyes pa med pa'i phyir ro/ /'du shes zhes bya ba la sogs pas ni 'gog pa'i snyoms par 'jug pa ste/ gcig yin no/ /'jig rten las 'das pa'i lam thabs rnam pa dgu la'o/ /spong ba'i lam ni nyon mongs pI sel ba'i thabs la'o/ /bar chad med pa zhes bya ba la sogs pa la lam gcig yin na yang bden pa bzhi'i bye brag gi nyon mongs pa dang mi ldan pa'i mtshan nyid kyang bzhi yin no/ /sangs rgyas nyid kyi lam ni sbyin pa la sogs pa ste/ de ni sbyin ba zhes bya ba la sogs pa smos pa yin no/ /de ltar na lam rnam pa drug gi dbang du mdzad nas byang chub sems dpa' zhes bya ba la sogs pa smos pa yin no// da ni yang dag par rdzogs pa'i sangs rgyas rnams kyi rnam pa thams cad mkhyen pa nyid kyi rnam pa sum cu rtsa dgu ni rnam pa thams cad mkhyen pa zhes bya ba la sogs pa smos pa yin te/ /shin tu phul du byung ba'i phyir zhes bya ba ni thams cad kyi mchog yin pa
- 213b
nyid kyi phyir ro/ /thun mong ma yin pa zhes bya ba la sogs pa la lam gcig pu kho na yin na yang stobs dang mi 'jigs pa la sogs pa'i bye brag gis bye ba yin zhes bya bar dgongs so/ /de ni de la ni gnas dang gnas ma yin pa zhes bya ba la sogs pa smos pa yin no/ /sangs rgyas rnams kyi rnam pa ni sum cu rtsa dgu'o zhes bya ba ni stobs la sogs pa rnam pa sum cu rtsa drug dang 'di rnams kyi ngo bo nyid gang yin pa dang/ gang zhig de chos thams cad la mnga' bsgyur pa'i rang byung dang/ gang gi don du rnam pa thams cad mngon par rdzogs par byang chub pa'i sangs rgyas nyid ces bya ba gsum mo/ /rnam pa thams cad bsdus te rang bzhin dang grangs ni de la thams cad shes pa nyid kyi rnam pa ni zhes bya ba la sogs pa smos pa yin te/ dri ma med pa'i rnam pa bcu drug las gzhan med do? zhes gang gsungs pa de ni nyen mongs pa'i sgrib pa'i gnyen po las dgongs ba yin pas de dang 'di la 'gal ba med do/ /sbyor ba khyad par zhes bya ba la sogs pas rnam pa dang bcas pa'i sbyor ba'i bdag nyid kyi yum bsgom par byed pa'i byang chub sems dpa' ? kyi? shugs kyis 'phags pa bshad pa yin no/ /de dag kyang sbyor ba po med par brjod par mi nus pas zhes bya ba ni dgos pa med pa'i phyir smra bar mi rigs so/ /sangs rgyas rnams la bkur sti byas pa ni sangs rgyas la dmigs te gtsug lag lag? pa sogs pa byed pa dang/ sangs rgyas rnams la bsod snyoms la sogs phul bas so/ /de la dge ba'i rtsa ba bskrun pa ni sangs rgyas la bsnyen bkur byas pa la sogs pas so/ /dge ba'i bshes gnyen gyi mgon dang bcas shing dge ba'i bshes gnyen rnams kyi mgon dang ldan pa ni rnam pa dang bcas pa'i sbyor? ba'i bdag nyid kyi yum 'di nyan pa'i snod yin zhing 'dzin pa dang 'chang pa la sogs pa ni snod nyid yin par dam pa rnams bzhed pa ste/ der bsngags pa yin pa'i phyir sangs rgyas kyis gnang ba yin no/ /tshig le'ur byas pa'i
- 214a
don ni 'das pa dang zhes bya ba la sogs pa smos pa yin te gzhan dag mnyam pa la sogs pa thob par mi 'gyur bas 'das pa dang ba ltar byung ba'i sangs rgyas rnams la dge ba'i rtsa ba bskrun cing sbyangs pa ste/ sangs rgyas thams cad la dmigs te gtsug lag khang la sogs pa byed pa dang de rnams la bsod snyoms la sogs pa phul? bas dang por thar pa'i cha dang mthun pa'i sa bon thob pa'o/ /spyir zhes bya ba ni gzhan rnams la med pas sangs rgyas de dag nyid la bkur sti byas pa dang/ dge ba'i rtsa ba bskyad cing sbyangs pa'i sbyor pa po thams cad kyi'o/ /lus la sogs pa zhes bya ba lus dang ngag dang sems kyis bskor ba bya ba dang/ don ci lta ba bzhin bstong pa dang thos pa dang bsams pa la sogs pas bsnyen bkur byas shing bstan par byas pa dang/ ras rim? la sogs par gtogs ba'i de bzhin gshegs pa rnams la mnyes par byas shing mchod pa ni lus la sogs pa'i bsnyen bkur gyis bsnyen par bya ba'o/ /the tshom gyi don yongs su 'dri ba ni yid gnyis su gyur pa'i don dge ba'i bshes gnyen la zhu ba'o// sbyin pa la sogs pa'i pha rol tu phyin pa bcu sgrub pa ni nyams su len pa'o/ /de dang ldan pa'i dge ba'i bshes gnyen dag gis byin gyis brlabs pa 'di nyid ni rnam pa'i mtshan nyid can gyi yum zhes bya ba rnam pa'i sbyar ba'i bdag nyid can gyi shes rab kyi pha rol tu phyin pa go rim ji lta ba zhes bya ba bkur sti byas shing dge pa'i rtse ba bskrun cing sbyangs pa dang/ sangs rgyas la bsnyen bkur byas pa dang/ the tshom gyi don yongs su dri pa dang/ sbyin pa la sogs pa sgrub pa dang ldan pa ste/ dge ba'i bshes gnyen dang ldan pa bzhi pa ni mnyan pa la sogs pa bzhi'i snod nyid du gyur pa yin no zhes bya bar sbyar ro/ /tshig ces bya ba la sogs pas ni lan? pa dang zhes bya ba la sogs pa bshad pa yin no/ /tshul bzhin yid la byed pa ni lam bsgom pa'o/ /gang gis sngon sangs
- 214b
rgyas mngon sum du mthong zhing de rnams la nges bkur sti byas pa'i bsod nams nye bar bsags na nges de rnams nyid las ci'i phyir yum mnyan pa la sogs pa ma bsgrubs zhes brjod par mi bya ste/ de rnams ni de'i tshe des mngon sum du 'dul bar 'gyur ba ma yin la de ltar ni tshul de 'am? rgyud de las dge ba'i ba shes gnyen nges 'dul ba nyid kyis na yum mnyan pa la sogs pa 'byung bar 'gyur pa'o/ /za ma tog bkod pa las de bzhin gshegs pa'i bkas sgrib pa thams cad rnam par sel bas ba ra tu? seMs? can? gnas ba'i dge ba'i bshes gnyen la bsnyen bkur byas pa dang 'dra ba yin pas na nyes pa med do/ /gzugs la sogs pa zhes bya bas ni sbyor ba'i rab tu byed pa'i don bshad pa yin te/ yang dag par na gzugs la sogs pa ngo bo nyid med pa nyid kyis mi gnas pa ni mngon par ma zhen pa'o/ /gzugs la sogs pa de dag la mi sbyor ba nyid sbyor ba yin pa ni bsgom par bya ba la sogs pa gsum po nye bar ma dmigs pa'o/ /gzugs la sogs pa de dag nyid de bzhin nyid/ ngo bo nyid kyis stong pa nyid yin pas zab pa dang/ gting dpag dka' ba dang/ /tshad med ba nyid mi gnas pa dang/ mi dmigs pa dang/ rang bzhin dang/ rnyog pa med pa dang/ mdza' med pa nye bar ma dmigs pa nyid ste/ de ltar rtogs shing shes pa dang ldan pa rnams la grangs bzhin du zhes bya ba la sogs pa'i sbyor ba lnga ni/ gzugs la sogs pa la mi gnas pa'i phyir zhes bya ba la sogs pa'i bshad pa yin no// //shes rab kyi pha rol tu phyin pa de la tshogs chen po dang yun ring po dag gis sdug bsngal ba dang/ /bskal pa grangs med pa gsum gyis mngon par rdzogs par byang chub pa de la skragS ba'o/ /sangs rgyas rnams las 'tshar rgya ba nyid kyis dus dang ming dang/ ?
- 215a
nges pa la sogs pa thob pa gang yin pa de ni lung bstan pa thob pa ste/ de la mi bskrag pas ni tshogs? chen yun ring rtogs pa'i phyir lung bstan ces bya ba bshad pa yin no/ /phyir mi ldog pa nyid du yang dag par mngon? pa ni shes rab kyi pha rol tu phyin pa la sogs pa'i don phyin ci ma log pa nyid kyis bzung ba'o/ /nges par 'byung ba ni bla na med pa'i ye shes thob pa la bar chad kyi chos 'og nas smos pa'i nyes pa gang yin pa de rnams spong ba ni dge ba'i bshes gnyen la soD pa'i stobs? kyis 'dor ba'o/ /bar chad med cing rgyun mi 'chad par rtag tu chos sgom pa'i yid nyid kyis gus pa dang bcas pa la sogs pas sgom pa'o/ /rang gi tshul las bltos nas yang dag par mngon par rdzogs par byang chub dang nye ba yin zhing zag pa med pa'i chos gsang? gyi rten nyid yin pa ni sangs rgyas kho nar gyur na nye bar dmigs pa'i gnas skabs su rtogs pa'i chos mthong ba dang bral ba'i phyir nyid sngon du ma byung ba ni nyon mongs ba can ma yin pa'i ye shes kyi rang gi mtshan nyid 'dzin pa'i stobs bcu la sogs pa'i rten nyid yin pa'o/ /myur du mngon par rdzogs par byang chub cing 'bras bu chos kyi sku mngon par grub pa ni pha rol gyi stobs bcu la sogs pa'i rten gyi chos kyi sku rdzogs par byed pa ste/ de ltar smon pa yin pa'i phyir te/ byang chub nye dang myung? ba dang zhes bya ba byang chub rnam pa gnyis bshad pa yin no/ /gzhan gyi don du chos kyi 'khor lo rab tu bskor ba ni kun nas chos ston par mdzad pa'o/ /'phel ba med pa dang 'grib pa med cing gzugs la sogs pa'i 'phel ba dang 'grib pa mi mthong ba ni ma dmigs pa'o/ /chos ni gzugs la sogs pa'o/ /chos min ni nam mkha' la sogs pa'o/ /sogs pa'i sgras ni gang zag la sogs pa ste/ de rnams yang dag par mi mthong ba ni chos dang chos ma yin pa la sogs pa nye bar mi dmigs pa ste/ de la 'dod pa'i khams su mi dmigs pa'o/ /
- 215b
gzugs la sogs pa bsam gyis mi khyab pa'i rnam pa'i stong pa nyid kyis 'gog cing mi dmigs pa gang yin pa de la gzugs la sogs pa bsam gyis mi khyab pa'i rnam par rlom pa med pa ni gzugs la sogs pa'i stong pa nyid la mngon par zhen pa med pa'o/ /gzugs la sogs pa'i dngos po la mi rtog pa ni gzugs dang de'i mtshan ma dang de'i ngo bo nyid du rnam par mi rtog pa ste/ gzugs kyi phung po dang sngon po la sogs pa 'byung ba chen po la sogs pa'o/ /'bras bu rin chen sbyin byed pa ni rgyun du zhugs pa la sogs pa nas bla na med pa yang dag par rdzogs pa'i byang chub kyi 'bras bu rin po che sbyin pa la 'bras bu dang po mthong ba ni rgyun tu zhugs ba la sogs pa'i 'bras bu shes pa'o/ /dag ba ni de bzhin nyid kyis dri ma med ba nyid ni gzugs rnam par dag pa ste/ gzugs kyi phung po la sogs pa dri? mched? pa'o/ /mtshams ni byi ba'i dus la sogs pa'i nges pas lo skor du mngon par brtson pa mi 'dor ba zhes bya ba la sogs pa'i sgrub pa dang ldan pa rnams go rim bzhin du zhes bya ba la sogs pa sbyor ba rnam pa bco lnga'o/ /sbyor ba nyi shu yin no zhes bya ba ni sngar bshad pa'i sbyor ba lnga dang bcas pa ste/ gzhan don 'phel med ces bya ba la sogs pa'i bshad pa yin no/ /sbyor ba nyi shu po de dag gi go rims 'di ni rigs pa kho na yin te/ de yang gzugs la sogs pI chos thams cad la mngon par zhen pa med pas gnas pa dang/ de la mi sbyor ba'i sbyor ba la mngon par brtson bde dag gi gzugs la sogs pa la zab pa nyid dang/ gting dpag dka' ba nyid dang/ tshad med pa nyid rtogs par 'gyur ro/ /de nas 'di yang dag pa'i sbyor ba mi byed pa nyid kyis ni las dang po pas ni tsheg chen pos 'thob bo/ /de las gzhan ba ni lung bstan pa dang/ phyir mi ldog pa'i sa bde blag tu thob nas nges par 'byung ba dang mi 'bral bar 'gyur zhing bar chad med par 'gyur ba dang/ mngon par rdzogs par byang chub pa la nye bar 'gyur
- 216a
pa dang/ myur du mngon par rdzogs par byang chub par 'gyur ro/ /de las gzhan gyi don byed cing 'phel ba med pa dang 'grib pa med par 'gyur ro/ /de nas chos dang chos ma yin pa la sogs pa la ming dang gzugs dang bsam gyis mi khyab pa la khyad par gyis 'du shes thams cad dang bral bas rnam par mi rtog pa dang/ 'bras bu rin po che spyan pas mchog tu rnam par dag pa'i mthar thug pa thob par 'gyur ste/ snga ma bzhin du lo gcig gi bar du mngon par brtson pa sems kyi rgyud yongs su sbyangs pa yin pas 'di ni mngon par rtogs pas rab tu bya ba yin no/ /bdud kyi zhes bya ba la sogs pa'i tshig? le'ur byed pa'i don ni bdud kyi mthu bcom pa dang zhes bya ba la sogs pa yin te/ bdud kyi mthu bcom pa ni dbang pa la sogs pa'i bgegs kyi nus pa bsal ba'o/ /sangs rgyas kyis dgongs shing mkhyen pa nyid ni sbyor ba dang dngos bzhi dang mjug gyi? gnas skabs su sangs rgyas kyi spyan ras kyis bcas pa'o/ /sangs rgyas kyi mngon sum du mdzad pa ni sangs rgyas kyi yul du mdzad pa'o/ /yang dag par rdzogs pa'i byang chub dang nye bar gyur pa ni byang chub dang nye bar gyur pa nyid do/ /don yang yin la chen po yang yin pas rin chen po ste/ rang gi don gtso bo ma yin na yang gzhan gyi don gtso che ba'i rgyur gyur pa'i phyir ro/ /de'i dngos po ni don chen po nyid do/ /gzhung gi bdag nyid kyi yum 'chad ba dang klog pa nyid kyis rdzogs pa'i sangs rgyas dang/ bde 'gro dag dang yang dag par 'tshang rgya ba nyid dang mi 'bral ba nyid yin pa la sogs pa'i sgras ni de phan? chad kyang yid bzhin gyi nor bu dang 'dra ba rnam ba thams cad du gzhan gyi don rgyun mi 'chad pa'o/ /yul dpyad pa ni yum bshad pa'i phyir 'chad pa po'i byang phyogs la sogs pa'i yul rnam par brtag pa'o/ /zag ba med pa'i yon tan thams cad rdzogs pa ni sangs rgyas
- 216b
kyi yon tan? bskyed pa'o/ /smra ba'i skyes bu nyid ni chos thams cad skye ba med par ston pa po mi phyed pa nyid do/ /mi phyed pa nyid ni byang chub las mi skyod pa nyid do/ /dge ba'i rtsa ba thun mong ma yin pa skye pa ni 'khor gsum yongs su dag pa'i sbyin pa la sogs pa'i bsod nams bskyed pa'o/ /dam bcas pa'i don ji lta ba bzhin du sgrub pa ni sngon gyi smon lam rnam pa thams cad du rdzogs pa'o/ /'bras bu rgya chen po yongs su 'dzin pa ni 'tshang rgya ba nyid 'dzin pa'o/ /sems can gyi don sgrub pa ni chos ston pa la soD pa la gzhan gyi don len pa'o/ /nges par 'thob pa ni shes rab kyi pha rol tu phyin pa ma tshang ba med par thob pa'o zhes bya ba'i yon tan rnams ni 'bras bur 'gyur ba'o/ /don gyis 'phangs pa'i rgyur gyur pa'i yon tan ni grangs bzhin du zhes bya ba la sogs pa smos pa yin te/ byin gyis brlabs pa ni nus pa skyed pa'o/ /dgongs pa ni gzigs pa'o/ /ye shes kyis gzigs pa ni lha dang shes rab dang chos dang sangs rgyas kyi spyan ni ye shes so/ /nye bar gyur pa ni nye ba nyid do/ /phan yon chen po ni bstod dang bkur dang zhes bya ba la sogs pa'o/ /bya ba byed pa ni sems can yongs su smin par bya ba la sogs pa'o/ /gnyen po'i chos yongs su rdzogs pa ni lam shes pa yongs su rdzogs pa'o/ /rnam pa thams cad mkhyen pa nyid kyi gtam brjod pa ni yum ston pa'o/ /grogs mdzad pa ni mgon dang bcas pa'i bya bas mnyam pa nyid du skyed pa'o/ /dga' brgya chen po skyed pa ni 'jig rten las 'das pa'i chos kyi dga' ba skyed pa'o/ /de'i dam bcas pa'i tshig la rjes su yi rang ba ni spyod ba dang ldan pa'i smon pa'i tshig la dga' ba'o/ / chos zab mo mngon par 'dod pa ni shes rab kyi pha rol tu phyin pa la sogs par mngon par mos pa'o/ /sems can gyi don byed pa ni snga ma bzhin no/ /shes rab kyi pha rol tu phyin pa tshad bar rnyed pa ni yum yang dag par rdzogs par byed pa'o/ /de ltar na sangs
- 217a
rgyas kyis byin gyis brlabs la sogs pa'i rgyur gyur ba'i yon tan bcu bzhi po de dag phyin ci ma log pa'i sbyor ba la mngon par dga' ba'i sngar bshad pa'i sgom pa po la 'bras bur gyur pa'i yon tan 'byung bar 'gyur zhing mngon sum du 'gyur la rjes su mthun par bslab par bya ba nyid yin pas yon tan bcu bzhi yin no/ /de'i 'og tu yang gang zhig ces bya ba la sogs pa ni tshig? le'ur byas pa'i don yin la sbyor ba po'i bar chad ces bya ba la sogs pas ni nyes pa bshad pa yin no/ /tshogs chen pos 'thob pa ni yum shes par rang zhig na thob pa'o/ /spobs pa ha cang myur ba ni sngon dang phyi ma ma dpyad par yum shin tu myur bar shes pa'o/ /lus kyi gnas ngan len dang sems kyi gnas ngan len ni lus dang sems dag gis rnam par g.yeng ba'o/ /rigs pa ma yin pa zhes bya ba la sogs pas ni gcig la gcig rgod pa la sogs pas 'dri ba la sogs pa byed pa'i phyir ro/ /phyir sems pa'i rgyu mtshan zhes bya ba la sogs pa ni yum gnyen par la sogs pa la dad pa med pas so/ /rgyu la mngon par zhen pa nyams pa la sogs pa ni theg pa chen po spangs nas theg pa gzhan byang chub kyi rgyu nyid yin pa dang/ gya nom pa nyid dang/ rnam pa thams cad du theg pa'i mchog nyid dang/ rtag tu ched du bya ba nyid dang/ rgyu dang 'bras bu 'brel pa nyid dang/ gong na med pa nyid du mngon par zhen pas rgyu la mngon par zhen pa la sogs pa drug po la nyams pa zhes smos pa ni theg pa chen po las nyams pa'i rgyu nyid yin pa'i phyir ro/ /yul rnam pa mang po la zhes bya ba la sogs pa ni bud med pa sogs pa yul rnam pa mang po'i rnam par rtog pa'i shes pa skye ba'i phyir ro/ /yi ger 'bri ba la mngon par zhen pa la sogs pa yang theg pa chen po las g.yengs pa'i rgyu rnams yin no/ /'di rab tu tshan snga ma ni nyen po po yin la bcu tshan phyi ma ni 'chad pa po yin te /de
- 217b
ni grangs bzhin du zhes bya ba la sogs pa smos pa yin te /grangs bzhin du nyan ba po dang 'chad pa po dag ces bya ba nyan ba dang 'chad par byed pa de dag gang yang rung pa ni gcig gcig go/ de ni snga ma dang phyi ma dang mngon par 'brel pas zhes smos pa yin no/ /bcu tshan snga ma'i? sbyor ba ni snga ma nyan pa po yin la bcu tshan? phyi ma'i sbyor ba la ni phyis smos pa 'chad po pa yin par sbyor ro zhes bya ba'i tha tshig go/ 'dun pa dang snyoms las ni mngon par 'dod na yang le lo byed pa'o/ /'dun pa'i yul tha dad pa ni nyan pa po'i 'dun pa'i yul las 'chad pa pa'i 'dun tha dad pa nyid do/ /'dod can chung ba dang 'dod cen chung ba ma yin pa nyid ni nyan pa po dang 'chad pa po dag yum bsgom pa med pa'i rgyu nyid yin pas 'di dag la nyams pa zhes brjod do/ /sbyangs pa'i yon tan dang ldan pa dang/ mi ldan pa dag ni nyan pa po dang 'chad pa po dag 'dod cen chung ba dang/ 'dod cen chung ba ma yin pa dag gis zhes bshad par bya'o/ /dge ba dang dge ba ma yin pa'i chos nyid dang gtong ma dang ser sna byed pa ni dad pa'i chos nyid kyis ni nyan pa po nor gtong ba dang dad pa ma yin pa'i chos nyid kyis 'chad pa po 'chad pa la ser sna byed pa'o/ /sbyin pa dang mi len pa ni nyan pa po dang 'chad pa po dag ster ba dang mi len pa'o/ /mgo smos pas gob dang rnam par spros pa nyid ni nyan pa po dang 'chang ba po dag go/ mdo sde la sogs pa'i chos mngon par shes pa dang/ mngon par mi shes pa nyid ni 'chad pa po dang nyan pa po dag go/ de nyid kyis ni 'di dag pha rol tu phyin pa drug dang ldan pa dang mi ldan pa zhes bya ba la sogs pa ci rigs par sbyar bar bya'o/ /grangs bzhin du gcig bu zhes bya ba la sogs pa'i tshig? snga ma snga ma dag ni 'chad pa po yin la/ phyi ma phyi ma dag ni nyan pa po yin par sbyar bar bya'o/ /de ni 'chad pa po dang zhes bya ba la sogs pa smos pa yin te/ 'khor la mngon par dga' ba nyid ni bdag nyid 'khor dang bcas par 'gyur ba bya'o zhes mngon par 'dod pa'o/ /
- 218a
go skabs mi 'byed pa nyid dang 'dod pa nyid kyi rjes su ma 'brel ba nyid ni bdag nyid kho na sbyin pa po nyid du 'dod pa'o/ /zang zing cung zad tsam 'dod pa dang de sbyin par mi 'dod pa nyid ni nor rnams la sbyin par mi 'dod pa'o/ /srog gi bar? chad du zhes bya ba la sogs pa la bcu tshan bzhi pa ni sngar bshad pa bzhi'o/ /'og nas bshad pa'i nyes pa drug po de ni de bzhin du mu ge zhes bya ba la sogs pa smos pa yin te/ de ltar na nyes pa bzhi bcu rtsa drug gis ni yum shes pa la sogs par dus ? sems sun 'byin par byed pa yin pa'i phyir skyon yin no/ /go rim bzhin du zhes bya ba la sogs pas ni mtshan nyid rnam pa bzhi po re re zhing thams cad mkhyen pa nyid gsum gyi khyad par yod pa rnams kyi nang nas de bzhin gshegs pa zhes bya ba la soD pa ni tshig le'ur byas pa'i don bshad pa yin te/ de bzhin gshegs pa 'byung ba ni yum gyi dbang gis sangs rgyas su 'grub pa'o/ /'jig rten 'jig pa med pa ni skad cig ma nyid dang rgyun mi 'dra ba'i rgud pa'i 'jigs pas yang dag par ni ma 'jigs ba'o/ sems can gyi sems kyi spyod pa ni sems can gyi bsam pa stong phrag brgyad cu rtsa bzhi 'am grangs med pa'o/ /sems bsdus pa ni yang dag pa'i sems so/ /sems rnam par g.yengs pa ni de las go bzlog pa'o/ /sems mi zad pa'i rnam pa ni gzhal bya mi zad pa nyid kyis na snying rje chen pos byin gyis brlabs pa'i sems so/ /sems 'dod chags dang bcas pa la sogs pa'i nyon mongs pa dang bcas pa dang/ nyon mongs pa med pa'i sems so /sems rgya chen po la sogs pa ni rgya che ba nyid kyi phyir dang khyab ba'i phyir dang grangs dang tshad dag gis gzhal bar mi nus pa nyid kyi phyir dang/ dpe med pa'i phyir dang dbang po la sogs pa'i spyod yul ma yin pa'i phyir ro/ /sems g.yo ba la sogs pa zhes bya ba g.yo ba dang mi g.yo ba ni rang gi
- 218b
yul la sgrubs pa dang dgag pa'i sgo nas 'jug pa'o/ /de las skyes pa'i sems ni g.yo ba'o/ /sogs pa'i sgras ni sems mi g.yo pa zhes bshad pa yin no/ /g.yo pa la sogs pa'i de bzhin nyid kyi rnam pa can ni sngar bshad pa'i g.yo ba dang mi g.yo bdag stong pa'i bdag nyid do/ de bzhin gshegs pa'i de bzhin nyid rtogs pa ci yang dag par rdzogs pa'i sangs rgyas kyi stong pa nyid shes pa'o/ /de gzhan la bstan cing btags pa ni gdul bya rnams la de kho na nyid ston pa dang/ chos thams cad kyi rjes su 'gro ba nyid kyis de rnam par 'jig pa'o/ /de ltar na de bzhin gshegs pa 'byung pa zhes bya ba la sogs pa 'di rnams ji lta ba bzhin du rjes mi dmigs pa'i shes pa'i bar gyi rnam pas de la mi dmigs pa'i shes pa'i khyad par ro/ /rnam pa bcu drug gi tshul bzhin du zhes bya ba tha dad pa nyid du'o thams cad shes pa nyid kyi sbyor ba rnams ni sngar bshad pa rnams mtshon cing shes pas na shes pa'i bdag nyid can gyi mtshan nyid ni shes pa'i mtshan nyid ces bya ba la sogs pa yin no/ /ngo bo nyid dang rten med pa dang nam mkha' i mtshan nyid ste gsum ni mya ngan las 'das pa dang chos kyi dbyings dang/ de bzhin nyid kyi ye shes rnams yin no/ /chos nyid rnam par 'khrug pa med pa ni gzugs la sogs pa'i ngo bo nyid kyis stong pa'i gzugs la sogs pa la bdag la sogs par sgro mi 'dogs pas stong pa nyid las mnyams pa'o/ /'du mi byed pa ni yang dag par na phung po la sogs pa med pa'o/ /rnam par mi rtog pa ni rnam par rtog pa med pa'o/ /rab tu dbye ba ni sna tshogs pa nyid do/ /mtshan nyid med pa zhes bya ba la sogs pa ni chags pa med pa'o/ /de ni nyid kyi chos bsten nas zhes bya ba la sogs par rnam pa thams cad mkhyen pa'i ye shes kyi tshig le'ur byas pa'i don ni de bzhin gshegs pa zhes bya ba la sogs pa smos pa yin te/ de bzhin gshegs pa de nyid kyi zhes bya ba ni thams cad la sbyar par bya'o/ /nyid kyi chos la brten
- 219a
nas gnas pa ni gnyis su med pa'i ye shes la gnas pa'i spyod lam bzhi'i rnam pa'o/ /gus par bya zhes bya ba la sogs pa ni mchod pa zhes bya bar don gcig go/ byed pa med nyid ni byed ba po med pas 'bras bu med pa nyid do/ /thams cad du 'gro ba ni gdul bya'i dbang gis so/ /ma mthong ba'i don ston pa ni de kho na nyid du gzugs la sogs pa ma mthong ba ston pa'o/ /'jig rten stong pa nyid kyi zhes bya ba la sogs pa ni 'jig rten stong pa nyid yin pa'i phyir dang/ de bzhin du brjod pa'i ph yir dang/ shes par mdzad? pa'i phyir dang/ ston par mdzad pa yin pa'i phyir ro/ /bsam gyis mi khyab pa zhes bya ba la sogs pa ni bsam gyis mi khyab pa nyid yin pa'i phyir dang/ zhi ba nyid yin pa'i phyir dang/ 'gog pa nyid yin pa'i phyir dang/ 'du shes med pa nyid yin pa'i phyir ro/ /khyad bar gyi mtshan nyid kyi tshig le'ur byas pa dang 'grel pa ni go sla'o/ /bsam gyis mi khyab pa dang zhes bya ba la sogs pa'i khyad par gyi tshig le'ur byas pa rnam par 'grel ba ni yang dag par rdzogs pa'i sangs rgyas zhes bya ba la sogs pa yin te/ yang dag par rdzogs pa'i sangs rgyas la sogs pas legs par yongs su bzung ba'i shes rab kyi stobs kyis bsam gyis mi khyab pa dang mi mnyam pa dang gzhal du med pa dang/ bgrang du med pa nyid yin pas bsam gyis mi khyab pa nyid dang zhes bya ba la sogs pa smos pa yin no/ /'phags pa'i gang zag ces bya ba la sogs pas yum ni rnam pa thams cad mkhyen pa nyid kyi ngo bo nyid yin pa dang/ de 'phags pa rnams dang rjes su 'brel pa nyid yin pa'i phyir shes rab kyi pha rol tu phyin pa yin par bshad do/ /skyes bu mkhas pa zhes bya ba la sogs pa ni tshad ma la mkhas pas rtogs par bya ba yin pa'am/ rnal 'byor pa'i rang rig pa nyid yin pa'i phyir ro/ /nyan thos la sogs pa'i zhes bya ba la sogs pas ni yul dang dus kyis chod pa'i dngos po phra mo
- 219b
shes pa nyid yin pa'i phyir ro/ /rang gi lugs las shes bya ba la sogs pa ni yang dag par rdzogs pa'i sangs rgyas kyi ye shes bskal pa grangs med pa gsum mam/ de'i phyed dam de dag kyang nyung bas myur par yang dag par ye shes thob par gsungs pa yin pa'i phyir ro/ kun rdzob dang ces bya ba la sogs pa smos pa ni kun rdzob tu gzugs la sogs pa'i bri ba med pa nyid dang gang ba med pa nyid yin te/ kun rdzob kyi dbang gis bsags pa nye bar dmigs pa'i phyir ro/ /don dam par bri ba med pa dang gang pa med pa ni dngos po med pa nyid kyis tha snyad du bya pa'i gzugs la sogs pa ma mthong pa'i phyir ro/ /'khor gsum zhes bya ba la sogs pa ni yang dag par na sbyin pa la sogs pa la sbyin par bya ba la sogs par ma dmigs par drag tu rab tu bsgrub pa yin pa'i phyir ro/ /yang dag pa'i zhes bya ba la soD pa ni 'khor gsum yongs su dag pas bsod nams dang ye shes bskal pa grangs med pa gsum du bsags pas thob pa yin pa'i phyir ro/ /chos thams cad la zhes bya ba la sogs pa la phyi dang nang gi dngos po rnams la dag pa nyid du dmigs pa yin pa'i phyir ro/ /chos kyi dbyings kyi zhes bya ba la sogs pa ni byang chub sems dpa' las gzhan pa dgon yum shes pa la gnas pa yid par mi 'thad pa'i phyir ro/ /smon lam zhes bya pa la sogs pa dang/ dge ba'i bshes gnyen zhes bya ba la sogs pa ni rgyu ma tshad pa med pa tsam dang rjes su 'bral pa dang 'tsham pa nyid du rjes su dpag pa yin pa'i phyir ro/ /mngon par zhen pa'i ro myong pa med pa ni chags pa med pa la yang ma zhen pa ste /'tshang rgya ba nyid kyi gnas skabs su ni de yang sprang bar bya ba nyid yin pa'i phyir ro/ /bcu drug gi bdag nyid zhes bya ba ni khyad par gyi bdag nyid bcu drug/ 'dis ci zhig ni mtshon 'di'i khyad par ni ji lta bu zhig yin pa dang ji ltar na khyad par gyi lam du bstan pa la brten pa yin zhe na/ de'i phyir go rim bzhin du zhes bya ba la sogs pa smos pa yin te/
- 220a
de ltar bcu drug po ni go rim bzhin du sdug bsngal la sogs pa bden pa skad cig ma rnams kyi re re zhing sdug bsngal gyi bden pa la sogs pa la mtshan nyid bzhi bzhi yin la lam shes pa la sogs pa gnyis ni zhes bya ba lam? shes pa nyid dang/ rnam pa thams cad mkhyen pa nyid la byang chub sems dpa' la sogs pa ste/ byang chub sems dpa' dang sangs rgyas dag nyan thos la sogs pa'i lam sngar gsungs pa rnams las khyad par bsam gyis mi khyab pa la sogs pa'i khyab par kyi dbye ba bstan pa gang yin pas khyad zhugs shing rdzogs pa'i byang chub kyi thabs nyid yin pa'i phyir khyad par gyi lam yin ste/ sngar bshad pa'i bsam gyis me khyab pa la sogs pa'i khyad par du 'phags pa'i bden pa bzhi'i mtshan nyid do/ /'dir nyan thos la sogs pa'i lam brjod par yang rigs pa ma yin nam gzhan du na khyad par khong du chud par mi 'gyur ro zhe na/ de'i phyir zhes bya ba la sogs pa smos te/ de'i phyir byang chub sems dpa' i lam sngar bshad pa las nyan thos la sogs pa de dag gi ni tsa skad du bshad pa'i khyad par dang bral ba ste/ bsam gyis mi khyab pa la sogs pas stong pa'i 'phags pa'i bden pa bzhi'i lam yin no/ /de ltar na yang ci'i phyir ma bshad ce na/ mngon par shes pa la sogs pa'i skye ba'i mtshan nyid kyis zhes bya ba mnyam par bzhag pa las mig la sogs pa'i mngon par shes pa'i phyogs gcig pa'i shes pa'i mtshan nyid yin zhes sogs pa'i sgras 'dod pa'i 'dod chags dang bral ba nyid la sogs pa skyed pa nyid kyis na/ go sla ba'i phyir dang lugs dang byang chub sems dpa' i tshul las grags pa'i phyir ma bshad do/ /de ltar khyad par gyi mtshan nyid kyis de sngar bshad pas so/ /mtshams bcad pa ni nyan thos la sogs pa'i lam rnams las tha dad par byas pa'i bden pa bzhi'i'o/ /byed pa zhes bya ba gang
- 220b
zhig yin zhe na/ byed pa po'i mtshan nyid ni phan dang zhes bya ba la sogs pa gsungs pa yin te/ tshig le'ur byas pa rnam par 'grel pa ma 'ongs pa'i phan pa dang tshe 'di'i bde ba ni 'jig rten pa pha rol po'i dang/ 'jig rten 'di pa'i lus dang sems kyi bde ba dang yid bde ba'o/ /sdug bsngal med pa'i rnam par smin pa ni btang snyoms te lung du ma bstan pa'i sems yin la de nyid ni rnam par smin pa ma yin pa ste/ bde 'gro dang ngan 'gro'i 'bros bu 'byin pa ma yin pa'i phyir ro/ /'di rnams kyi chos nyid ni rjes su mthun pa la sogs pa'i rang bzhin no/ /de'i nye bar bsgrub pa ni bsam gyis mi khyab pa la sogs pa'i khyad par gyis khyad zhugs pa'i 'phags pa'i bden pa bzhi bsgom pa po la steng ba'o/ /rgyu des na phan pa zhes bya ba la sogs pa yin no/ /gtan du zhes bya ba la sogs pa ni sdug bsngal lam/ sdug bsngal gyi rgyu las bzlog par byed pa ma 'ongs pa na phan pa'i mya ngan las 'das pa'i bde ba'o/ /'khor bzhes bya ba la sogs pa ni 'khor ba dang zhi ba mnyam pa nyid du shes pa'o/ /rang dang zhes bya ba la sogs pa ni bdag dang gzhan gyi nges par legs pa dang mngon par mtho ba'i rgyu nyid do/ /gzhan gyi zhes bya ba la sogs pa ni gnas skabs thams cad du sems can gyi don sgrub pa'o/ /sems can gyi don zhes bya ba la sogs pa ni gzhan gyi don la shin tu bslabs pas pha rol gyi don la 'bad pa med par 'jug pa'o/ /theg pa zhes bya ba la sogs pa ni byang chub sems dpa' rnams kyi nyon mongs pa ni rnam par rtog pa yin pa'i phyir thams cad mkhyen pa nyid gsum gyi 'bras bu mngon sum du mi byed pa'i phyir ro/ /de ltar bdun po 'di rnams dus ji lta ba bzhin du bsam gyis mi khyab pa la sogs pas khyad zhugs pa'i 'phags pa'i bden pa bzhi bsgom par rab gyi mthar phyin pa'i dus las mi 'da' ba' i rim gyis thogs pa med par gzhan gyi don ji lta ba bzhin du yang dag par nye bar sgrub pa'i phyir ro/ /rnam pa thams cad ces bya ba la sogs pa ni
- 221a
rnam pa thams cad mkhyen pa nyid kyi gang gi chos thams cad ni sems bskyed pa la sogs pa'o/ /de ston pa nye bar sgrub pa ni don gyis na rten gyi mdzad pa ste/ gdul bya rnams kyi rten nyid ni gcig ste zhes bya ba la sogs pa yin no/ / nyon mongs pa zhes bya ba la sogs pa ngo bo nyid kyi mtshan nyid kyi tshig le'ur byas pa rnam par 'grel pa ni 'dod chags zhes bya ba la sogs pa yin te/ 'dod chags la sogs pa'i nyon mongs pa de'i 'bras bu'i brtags gnas ngan len gyi mtshan ma ni lus la sogs pa'i nyes pa gang yin pa dang/ de'i mtshan mtshul bzhin mi yin pa'i yid la byed pa ste/ /'dod chags la sogs pa'i rgyu mtshan gyi tshul bzhin ma yin pa'i yid la byed pa'o/ /sogs pa'i sgras ni dag 'khyal pa la sogs pa ste de'i rnam par rtog pa'i 'o/ /'dod chags dang 'dod chags med pa la sogs pa mi mthun pa'i phyogs dang gnyen po ste/ nyon mongs pa dang lam dag gis bsdus pa dag ni stod pa nyid kyis na 'di snams med pa yin pa'i phyir dben pa'i ngo bo nyid ste/ nyon mongs pa dang rtags dang tshul bzhin ma yin pa'i yid la byed pa dang mi mthun pa'i phyogs dang gnyen po dag ni dben pa'i bdag nyid yin no/ /don dam par med pa'i zhes bya ba la sogs pa ni yang dag par ed pa la mya ngan las 'da' ba mi rigs pa'i phyir ro/ / theg la gzhan du zhes bya ba la sogs pa ni sa brgyad par gtogs pa'i theg pa chen po la gnas pa ni nges par nyan thos la sogs pa'i lam du mi lhung ba yin pa'i phyir ro/ /yun ring po ras zhes bya ba la sogs pa ni bskal pa grangs med pa gsum las nges par 'byung pa'i 'tshang rgya ba nyid kyi mchog dang rab dang thu po dang/ rab mchog la sogs pa shes rab kyi pha rol tu phyin pa'i gzhung gi sgo nas ngoms pa med pa nyid slob pa yin pa'i phyir ro/ /bsgom par bya ba zhes bya ba la sogs pa ni yang dag par bsgom
- 221b
bya ba pa sogs pa yod pa mi 'thad pa'i phyir ro/ /dngos por zhes bya ba ni gzugs la sogs pa la mngon par zhen pa med pa'i phyir ro/ /thams cad shes pa nyid dang lam shes pa nyid ni sngar bshad pa ste/ des yang dag par bsdus pa'i dngos po'i khyad par phyi dang nyid? gi bdag nyid can gyi lam gyi bdag nyid de la dmigs pa'o/ /'jig rten ni phyi rol gyi bstan bcos la mngon par dga' ba'o/ /de rnams kyi sgrub pa gang yin pa'i sgra ni tshangs pa rtag pa la sogs par brjod pa'i rang gi 'dzin pa la sogs pa de rnams las ? pa la sogs pa las bzlog pa ste/ de'i bstan bcos dang dag la ba'i chos dang gang zag la bdag med pa ston pa'i yum nyan pa dang/ gzhung 'dzin pa dang tshul bzhin yid la byed pa ston pa yin la de nyid ni mi mthun pa yin te/ 'jig rten dang 'gal ba'i shes pa gzugs la sogs pa bdag med pa'i shes pa ni tshad ma dang 'gal bar 'dzin pa'i phyir ro/ /gzugs la sogs pa thogs pa med par shes pa ni gzugs la sogs pa tshad ma dang mi 'gal pa'i kun rdzob kyi shes pa'o zhes bya ba'i tha tshig go/ shes bya dang shes pa mi dmigs pas zhes bya ba ni gzung ba dang 'dzin pa med pas gzhi med pa ste/ rten med pa'o/ /de bzhin nyid kyis 'gro ba med pa ni de bzhin nyid kyis 'gro ba mi rigs pa yin pa'i phyir ro/ /gzugs la sogs pa zhes bya ba ni stong pa/ nyid yin pas gzugs la sogs pa skye ba mi 'thad pa yin pa'i phyir ro/ /dngos po dang dngos po med pa la sogs pa zhes bya ba ni de bzhin nyid du gcig pa nyid kyis na tshul gsum gyi bo bor mi 'thad pa'i phyir ro/ /de ltar zhes bya ba la sogs pa ni sbyor ba las tha dad par bshad pa'i mtshan nyid rtogs pa med pas sbyor ba ni mtshan nyid kho nar mi 'thad pas sbyor ba dag mtshan nyid dang ldan pa bzhin du zhes smos pa yin no/ /thar pa'i cha dang 'thun pa'i tshig le'ur byas pa ni mtshan ma med ces bya ba la sogs pa
- 222a
yin te/ mtshan ma med pa ni bdag med pa'o/ /des sbyin pa la sogs pa gang yin pa de la yang dag par sgrub pa ni nyams su len pa thob pa gang yin pa'o/ /de la mkhas pa ni dad pa la sogs pa'o/ /mtshan ma med par zhes bya ba la sogs pas tshig le'ur byas pa rnam par 'grel pa yin te/ mtshan ma med par dmigs pa'i shes pa'i rnam pas zhes bya ba ni stong pa nyid la dmigs pa'i sems so/ /sbyin pa la sogs pa'i pha rol tu phyin pa rnam pa thams cad mkhyen pa nyid la thug pa ni thams cad mkhyen pa nyid gsum gyi mthar thug pa rnams so/ /rang gi rgyud la skyed pa ni nyams su len pa nyid kyis rnal 'byor pa'i sems la nges par skyed pa ste de la mkhas pa'o/ /dad? pa la sogs pa ni rnam pa thams cad mngon par rdzog pa rtogs pa 'di la ste/ de'i sbyor ba shes pa'i skabs su thar pa'i cha dang mthun pa ste/ nyon mongs pa dang bral ba'i khyad par dang rjes su mthun pa yin par rgyal ba rnams 'dod cing bshad de /dge ba'i rtsa ba nyid yin pa'i phyir blang bar bya ba nyid du mngon par bzhed do/ /gzhan du na 'jig rten pa'i sgom pa rang bzhin gyi dang pa la sogs pa tsam ni gdul bya'i rgyu la lam bskyed par nges pa med pa yin la/ 'dir nges pa ni thar pa'i cha dang mthun pa yin par bshad do zhes bya bar dgongs so/ /sangs rgyas sogs zhes bya ba la sogs pa'i mkhas pa'i tshig le'ur byas pa rnam par 'brel pa ni dang pa dang zhes bya ba la sogs pa yin te/ dad pa la sogs pa ni dkon mchog gsum la mngon par yid ches pa la sogs pa'i rnam pa'o/ /khyad par can dbang po'i ngo bo nyid ma yin pa ni dbang po'i don med pa'i phyir gzhan pa dad pa la sogs pa'o/ /grangs bzhin du sangs rgyas ni rdzogs pa'i sangs rgyas so/ /sbyin pa ni gtong pa'o/ /bsam pa phun sum tshogs pa ni dge pa 'dod pa nyid la soD pa'o/ /rnam par mi rtog pa
- 222b
ni las dang byed pa po dang bya ba mi dmigs pa'o/ /chos thams cad ni gzugs la sogs pa'o/ /rnam pa thams cad ni rang dang sbyi'i tshul gyis yongs su shes pa ste/ de la sogs pa'i yul ni sangs rgyas dang byang chub sems dpa' sbyin pa dang tshul khrims la sogs pa'i spyod yul gyi thabs rnam pa lnga la mkhas pa'o/ /ci thabs mkhas pa yod pa kho nas byang chub 'thob pa'am 'on te ma yin zhe na de lta mod kyi zhes bya ba la sogs pa yin te/ yod pa tsam gyis zhes bya ba dang pa la sogs pa yod pa tsam gyis bla na med pa'i byang chub thob pa ma yin zhing kun rdzob tu skyed pa ma yin no/ /ci'i phyir zhe na/ 'di ni chos nyid yin te/ byang chub kyi lam 'di ni bsam gyis mi khyad pa yin pas dad pa la sogs pa rno zhing gsal ba chen pos ni bskal ba grangs med pa gsum du gong nas gong du bslabs pa mchog tu gyur pas ni yang dag par rdzogs pa'i byang chub rtogs par sla bar shes par bya la de dag nyid brtul? pos ni zhes bya ba de mngon sum du byed par mi nus pa'i dad pa la sogs pa chung dus ni rtogs par dka' zhing shes par dka' pa yin no/ /'dir dad pa la soD pa yod pa tsam gyis zhes bya ba dang de nyid las smos pas yang dag par na byang chub kyi thabs rnam pa gnyis yod pas de ni shugs kyis zhes bya ba la sogs pa smos pa yin te/ 'dir ye shes chen po dang 'bring dang chung du'i bye brag gis byang chub gsum gyi dbye ba ston pa yin la/ de bas na chen pos ni rdzogs pa'i byang chub mngon sum du bya bar ston pas/ de las gzhan pa'i dad pa la sogs pa ma smos su zin kyang de'i shes pa'i dbang gis 'bring dang chung nyid thob pa rnams kyi rang sangs rgyas dang nyan thos kyi byang chub kyi bya ba ni gzhan du bya bar mi nus pas theg pa chen po thams cad du byang chub gnyis po ni rdzogs pa'i byang chub las go bzlog par bstan par shes par bya'o zhes bya ba ni shugs kyis 'phangs pa yin no/ /dro ba rnams kyi zhes bya ba la sogs pa'i nges par 'byed
- 223a
pa'i cha dang mthun pa'i tshig le'ur byas pa ni rnam pa thams cad ces bya ba la sogs pas rnam par 'grel pa yin te/ tshul ngan pa med pa dang/ da ltar dang ma 'ongs pa'i don bsam pa nyid dag dang/ nga rgyal bcom pa nyid dang mngon par 'tsho ba med pa nyid yin pa'i phyir go rim bzhin du mnyam pa dang zhes bya ba la sogs pa'i sems lnga yin no/ /de rnams kyi pha dang ma'i sems dang zhes bya ba la sogs pa smos pa yin no/ /rtse mong rtogs pa'i ni 'dor zhes bya ba la sogs pa smos pa yin no/ /mdor zhes bya ba ni dbye ba la bltos pa med pa'o/ /mi dge ba ni chags pa la sogs pa'o/ /dge ba ni de las go bzlog pa la nyams pa dang/ len pa'i sgo nas zhes bya ba ni spang ba dang blang ba'i dbang gis gzhan rnams sdig pa las ldog pa dang/ dge ba la gnas pa dag la sbyor? ? ni yang dag par 'dzin du 'jug pa'o/ /dge ba dang mi dge ba dag ni gnyis yin pa'i phyir rnam pa gnyis so/ /de bzhin du zhugs pa rnams la rang dang gzhan sdig pa las ldog pa dang dge ba la sbyor ba ni gzhan dag la sngags pa brjod pa dang mthun par byed pa'o// bsngags? pa? smra ba dang mthun par byed pa gnyis yin pas rnam pa gnyis yin no/ /sbyar bar bya ba dang sbyor ba po dang /de'i yul mdza' yas pa'i phyir rnam pa rnams ni yang dag par na mdza' yas pa yin pas de'i chos kyi rab tu dbye ba zhes bya ba la sogs pa skyes pa yin te/ de ltar de rnams kyi sems can la dmigs shing yul du byas pa ni rtse mor gyur pa yin no/ /bdag nyid bya pa la sogs pa ni bshad zin to/ /rtse mor gyur pa la zhes bya ba la sogs pas ni dang gzhan zhes bya ba la sogs pa'i bshad pa yin no// snga ma bzhin du zhes bya ba la sogs pas ni chos mchog de bzhin zhes bya ba la sogs pa bshad pa yin no/ /yang nges par 'byed pa'i chad dang mthun pa 'di rnams ni chung du dang 'bring dang chen po'i dbye bs re re zhing rnam pa gsum du 'gyur ro/ /de la dro bar
- 223b
gtogs pa chung du'i ni mnyam pa dang byams pa'i sems dag yin te/ de nyid kyi tshe gzhan la 'tshe ba med pa nyid yin pa'i phyir ro/ /'bring gi ni phan pa la sogs pa'i sems gsum gyis ma 'ongs pa'i gzhan la phan pa'i bsam pa nyid yin pa'i phyir ro/ /chen po yi ni pa la sogs pa'i sems bskyed pas de'i tshe phyi dang phyi ma dag tu gzhan rn+nams kyi 'dod pa nye bar sgrub pa 'dod pa nyid yin pa'i phyir bstan pa yin no/ /rtse mor gtogs pa chung du'i ni bdag dang gzhan sdig pa las ldog pa la sbyor ba dang/ gzhan rnams kyi sdug bsngal gyi rgyud las ldog par 'dod pa nyid yin pa'i phyir ro/ /'bring gi ni sbyin pa la sogs pa la rang dang gzhan gnas pas gzhan rnams kyi dge pa'i rgyu la sbyor bar mngon par 'dod pa yin pa'i phyir ro/ /chen po yi ni rten cing 'brel par 'byung ba rnams gnyis bsgom pa las bdag dang gzhan zhugs pas gzhan rnams kyi bde ba dang sdug bsngal la phyin ci log pa spang ba'i bsam pa nyid yin pa'i phyir ro/ /bzod pa ni chung du dang 'bring dang chen por bshad de/ go rim bzhin du sems can rnams la byang chub sems dpa' i skyon med pa la zhugs pa'i bar gyis de ltar gzhan rnams 'phags pa'i lam dang 'bras bu dang po la sogs pa dang/ 'tshang rgya pa nyid la sbyor bar 'dod pa nyid yin pa'i phyir bshad mod kyi/ 'on kyang bzod pa chen po ni skad cig ma du mar bzung? bar bya'o/ /chos kyi mchog chung du dang 'bring dang chen po ni go rim bzhin du gzhan rnams khyad par med par theg pa gsum la smin par bya pa'i phyir dang/ /byang par du byang chub sems dpa' i lam la sbyang bar bya ba'i phyir dang/ phun sum tshogs pa thams cad kyi rab kyi mthar thug par 'dod pa nyid yin pa'i phyir semms can/ yongs su smin par sgrib pa med pa'i ngor dam bcas pa'i tshig gsungs pa yin no/ /chos mngon pa las ji ltar bzod pa chen po skad cig ma gcig yin pa ltar chos kyi mchog kyang de bzhin no zhes gang gsungs pa de ni rang gi don gyi dbang du mdzad pa yin la/ 'dir ni
- 224a
gzhan gyi don la brten pa rnams kyi chung du dang 'bring dang chen po'i bye brag gi bshad pa yin te/ gzhan gyi don la brtson pa'i rab dang mchog gis gnas skabs dag srid pas 'di dang de la 'gal ba med do/ /mngon par rtags pa drug tu nges par 'byed pa'i cha dang 'thun pa la sogs pa ci'i phyir bstan ce na/ rnam pa dang zhes bya ba la sogs pa smos te/ rnam pa dang lam dang bzhi thams cad ni sngar bshad pa'o/ /de rnams rnam par bsgom pa ni bye brag gis bsam gtan gyi khyad par gyis mngon par rtogs pas? drug po rnams su nges par 'byed pa'i cha dang 'thun pa la sogs pa bshad pa yin par blta bar bya'o/ /de ni thams cad mkhyen pa nyid gsum gyi mngon par rtogs pa bshad pa ? da mkhyen pa nyid dang/ lam shes pa nyid dang/ thams cad shes pa nyid ste/ gsum la nges par 'byed pa'i cha dang 'thun pa la sogs pa bstan pa yin te/ sngar bshad pa'i nges par 'byed pa'i cha dang/ thar pa'i cha dang 'thun pa la sogs pa bstan pa gsungs pa yin par shes par bya'o zhes 'og ma dang sbyar bar bya'o 'di na? brjod pa'i rgyu ni 'jig rten bzhes bya ba la sogs pa smos pa yin te/ 'jig rten pa'i nges par 'byed pa'i cha dang 'thun pa ni nyan thos la sogs pa dang thun mong gi dre ba la sogs pa'o/ /de rtogs pa ni shes pa'o/ /de sngon du 'gro ba ni de ni rgyu can no/ /gang gi phyir 'jig rten las 'das pa ni nyan thos la sogs pas ma rtogs pa'i mthong pa'i lam dang bsgom pa'i lam gang yin pa de dag rtogs pa ni shes pa yin te/ de bas na zhes bya bar shes par bya'o// //rnam pa kun mngon par rdzogs par rtogs pa la sogs pa mngon par rtogs pa gsum la ni zhes bya ba ni rnam pa kun mngon par rdzogs pa rtogs pa dang/ rtse mo thob pa dang/ mthar gyis pa'i sbyor ba la nges par 'byed pa'i cha dang 'thun pa la sogs pa snga ma bzhin du sbyar
- 224b
par bya'o/ /'dir brjod pa'i rgyu ni bsgom pa zhes bya ba la sogs pa yin te/ bsgom pa ni goms pa'o/ /de gong nas gong gi gnas skabs kyi khyad par gyis zhes bya ba ni go rim las gyur pa'i rab kyi mdza' ste/ rgyu des na rnam pa thams cad ste/ rnam pa kun tu'o// byad? par kyi lam ni sngar bshad pa'o/ /des sdus pa'i ye shes zag pa med pa ni 'dod chags la sogs pas stong pa'o/ /chung du dang 'bring dang chen po'i rim gyis skye zhing 'byung ba yin pas de ltar na cig car skye ba dgag par bya ba'i phyir te/ shes pa gcid la skye pa bsal bar bya ba'i phyir thams cad mkhyen pa nyid gsum por mthong ba la sogs pa'i lam shes par byed pa'i rgyu nyid yin pas na rnam pa kun mngon par rdzogs par rtogs pa la sogs pa yang khyad par gyi lam shes pa'i rgyu nyid yin pas nges par 'byed pa'i cha dang mthun pa la sogs pa brjod pa yin la/ mngon par rtogs pa gnyis la ni de med pas ma yin no zhes bya bar dgongs so/ /phyir mi ldog pa zhes bya ba la sogs pa dang/ nges 'byed yan lag ces bya ba la sogs pa'i tshig le'ur byas pas ni nges par 'byed pa'i cha dang mthun pa'i sbyor ba'i lam la gnas pa dang/ de bzhin du bzod pa dang shes pas bsdus pa'i mthong ba'i lam la gnas pa dang/ rgyun dang ldan pa'i bsgom pa'i lam la gnas pa'i phyir mi ldog pa'i byang chub sems dpa' i dge 'dun bshad pa yin no/ /de rnams kyi mtshan nyid ces bya ba la sogs pa la nges par 'byed pa'i yan lag la gnas pa'i gzugs la sogs pa zhes bya ba la sogs pa'i mtshan nyid kyi tshig le'ur byas pa'i 'grel pa ni go sla'o/ /yang ldog pa zhes bya ba la soD pa la gzugs la sogs pas zhes bya ba la sogs pas mtshan nyid rnam pa nyi shu'i tshig le'ur byas pa'i don ni ngo bo nyid med pa nyid kyis zhes bya ba la sogs pa smos pa yin no/ /mthong ba'i lam la gnas pa yin ni nges par 'byed pa'i zhes bya ba la sogs
- 225a
pa yin no/ /mthong ba'i lam la zhes bya ba la sogs pa'i tshig le'ur byas pa'i don ni sdug bsngal zhes bya ba la sogs pa yin no/ /skad cig ma'i rnam pa ni mtshan nyid kyi zhes bya ba la sogs pa smos pa yin no/ /rnam pa'i tshig le'ur byas pa'i don ni rang gi mtshan nyid ces bya ba la sogs pa smos pa yin te/ yang dag par na don gyi bya ba nus pa'i ngo bo med pas yul med pa nyid yin pa'i phyir gzugs la sogs pa'i mngon su ma gyi shes pa ldog pa yin no/ /sangs rgyas zhes bya ba la sogs pa ni ma dge ba zad cing thar pa'i cha dang 'thun pa'i dge ba 'phel bas sangs rgyas la sogs pas byang chub pa'i bar du byang chub kyi sems bstan par byed pa yin pa'i phyir ro/ /theg pa chen po zhes bya ba la sogs pa ni sems bskyed pa la sogs pa gzung ba nyams su len pa yin pa'i phyir ro/ /chos rab tu zhes bya ba la sogs pas ni chos rab tu rnam par 'byed pa'i mthus gzugs la sogs pa'i chos rnams skye ba med par shes pa'i phyir ro/ /sogs pa'i skras ni 'gog pa'i snyoms par 'jug pa'o/ /'di dag nyid rdzogs pa'i byang chub kyi rgyu nyid yin pa'i phyir de skyed pa'i yan lag yang dag pa ste yang dag pa'i rgyu'o/ /de rnams yongs su zad pa ni ma chags pa'o/ /mi dge ba dang bral ba zhes bya ba la sogs pa ni mi dge ba dang ldan pa kho na'i lus la sogs pa las su mi rung ba ni lci ba nyid yin pa'i phyir ro/ /sems can 'dul ba zhes bya ba la sogs pa ni bsam pa ji lta ba gzhan gyi don gyi smon lam med pas 'dul bar mi nus pa nyid ni gzugs la sogs pa la nye bar longs spyod pa la mngon par chags pa yin pa'i phyir ro/ / yul gyi zhes bya ba la sogs pa ni kun tu sbyor ba la mngon par zhen pa nyid yul gyi nyes dmigs ma mthong ba nyid yin pa'i phyir ro/ /skyes bu dam pa zhes bya ba la sogs pa ni sme sha can la sogs pa skyes bu dam pa ma yin pa rnams ni sdig pa'i rgyu nya la sogs pa
- 225b
gnod? cing 'chi ba'i rgyur byed pa nyid yin pa'i phyir ro/ /stong pa nyid la gnas pa nyid kyis na bdag med pa'i bsam pa yod pas phung po dang khams dang skye mched sngar bshad pa de rnams la sbyor ba dang rjes su sbyor ba dag la mngon par zhen pa dang shin tu mngon par zhen bdag tu mi bya bar ste/ de ltar sbyor ba dang rjes su sbyor pa dag gi gnas pa ste/ spyod pa'i khyad par gang yin pa de so sor bkag pa'o/ /chos thams cad skye ba med pa'i bsam gtan dang ldan pa ni rten med pa nyid kyis thams cad du mngon par zhen pa dang bral ba'i phyir mi mthun pa'i phyogs bsal ba nyid kyis ni gzung ba la sogs pa'i mi mthun pa'i phyogs spangs pa nyid kyis gang zhig rtogs pa ste/ thams cad mkhyen pa nyid gsum shes pa yin la/ de rnams kyi bar chad byed pa'i chos ni sngar bshad pa'i nyes pa? rnams te/ de la snga ma bzhin du zhes bya ba stong pa nyid la gnas pa nyid kyis sbyor ba dang rjes su sbyor ba la gnas par mi bya'o zhes 'di'i phyi ma rnams la yang sgra'i don ni snga ma bzhin no/ /rnam par rtog pa'i zhes bya ba la sogs pa ni bdud la sogs pa'i nyes pa ni de las 'byung ba nyid yin pa'i phyir yang dag par na rnam par rtog pa nyid nyes pa yin no zhes yongs su shes pa nyid kyis byang chub kyi rgyu'i sbyin pa la sogs pa la yang mngon par zhen pa med pa'i phyir ro gzung ba dang zhes bya ba la sogs pa ni gnyis su mngon par zhen pa'i rgyu nyid kyis na bdud dang bdud kyi 'khor rnams kyi ral gri dang mda' la sogs pa rnams lus kyi dbang po la sogs pa'i bya ba yin pas rnal 'byor pa rnams la g.yul 'gyed pa med pa yin pa'i phyir te/ byams pas sam chos thams cad nye ba ma dmigs pas bgegs nye bar zhi ba yin no zhes bya bar dgongs so/ /sbyin pa zhes bya ba la sogs pa rang gi rgyud sbyin pa la sogs pas byas pa'i ser sna la sogs pa las ldog pa'i khyad par shes pa yin pa'i
- 226a
phyir ro/ /chos thams cad ces bya ba la sogs pa ni gzugs la sogs pa la phra rab la sogs pa'i ngo bo ba dbang phyug la sogs pa'i rgyu dang gya nom dang gya nom ma yin pa dang bral ba yin pa'i phyir ro/ /rtogs pa'i chos ni 'dir byang chub yin no/ /mngon par yid ches pa la sogs pa ni mngon par shes pa drug gi stobs kyiS mngon par yid ches pa thob pas yang dag pa'i ye shes nges par thob pa ni/ thams cad mkhyen pa nyid gsum gyi bdag nyid kyi rang gi sa gsum la rang gi sa yin pa nyid kyis na nges pa nyid kyis te/ sa brgyad pa la sogs pa la ji lta ba bzhin gnas pa ni the tshom med par dmigs su med ba'i ye shes su nges pa nyid yin pa'i phyir ro/ /gcig tu gzhol ba zhes bya ba la sogs pa ni gcig tu gzhol ba nyid kyis phul du byung ba bcas pa'i sems bskyed pa la sogs pa'i chos mngon du gyur pas rnam pa thams cad mkhyen pa nyid la sogs pa'i chos kyi don du srog gtong ba yin te/ rtag tu du ba la sogs pa dang 'dra bar srog gi bar chad du 'gyur ba'i yul gzhan du 'gro pa 'am lus bcod ba la sogs ba'o/ /shes pa'i mtshan nyid ji skad du bshad ba'i rnam pa'i thabs kyis byang chub sems dpa' rnams kyis mngon sum du byas pa yin la/ de nyid kyis na gzhan gyis mi rtogs pa ma yin nam/ ji ltar na gzhan rnams kyis rtogs pa'i mtshan nyid yin zhes rtog pa la/ shes pa'i mtshan nyid rnams ni 'du shes las ldog pa la sogs pa'i 'bras bu'i rgyu yin pa'i phyir te/ rgyu tshogs pa las 'bras skye bar/ /rjes su dpog pa gang yin pa/ /don gzhan la ni mi bltos phyir/ /de ni rang bzhin yin par brjod zhes bya ba'i rigs pas 'tsham pa nyid kyi rjes su dpag pas mtshan nyid kho na yin bar bstan pa ni de ltar na zhes bya ba la sogs pa smos pa yin te/ de ltar na bzod pa dang shes ba'i skad cig ma rnam pa bcu drug gis bsdus pa
- 226b
'di rnams ni 'bras bu nyid yin pas bden pa bzhi'i rnam pa dang 'brel ba'i bzod pa dang shes pa'i skad cig ma bcu drug yin te/ sdug bsngal la chos shes pa'i bzod pa zhes bya ba la sogs pa rnam pa bcu drug yang dag par thob pa rnam par mi rtog pa nyid kyis sogs par byas par gyur ba ni nyon mongs pa med pas dag pa 'jig rten pa'i tha snyad kyis rgyu yin pa'i phyir/ 'jig rten pa yin pa gang gzung ba dang 'dzin par mngon par ma zhen pa'i rnam pa can nyid kyi bzod pa dang/ shes pa'i skad cig ma rnam par mi rtog pa las? phyis byung ba yin pa'i phyir rjes kyi sems rnam par rtog pa dang bcas pa des bsdus pa gang yin pa'i rang dang mthun pa'i 'bras bu ste/ rnam par rtog pa rnam par dag ba'i bdag nyid can gyi 'bras bu gzugs la sogs pa'i 'du shes las ldog pa la sogs ba sngar bshad pa de rnams kyi rgyu yin pas so/ /skyed pa'i phyir zhes bya ba la sogs pa ni shes pa'i skad cig ma'i mtshan nyid ni ngo bo nyid ma yin mod kyi 'on kyang de skyed pa'i rgyu yin pa'i phyir ro zhes bya bar dgongs so/ /nye bar btags pa'i dgos pa ni rnal 'byor ba zhes bya ba la sogs pa smos pa yin te/ thams cad du nyan thos la sogs pa'i lta ba la yang rtogs pa dang 'thun pa kho na yin pa ni thos pa'i shes pa dang rjes su mthun pa nyid do/ /rnal 'byor pa rnams ni lam de'i bsam gtan rab kyi mthar phyin pa dang ldan pa'o/ /tha snyad ni rnal 'byor la sogs pa'i rang bzhin gyi rdzu 'phrul la sogs pa'i 'jig rten dang mthun par spyod pa ni nges pa yin la bcos ma ni nges pa med pa'o/ /de ni sems can 'dul ba'i dgos pa'i dbang ma gtogs par zhes smos pa yin te/ gdul bya'i don du yang rtogs pa'i don dang 'thun pa ma yin na yang tha snyad du rnam par mi rtog pa mi mnga' ba'i bcom ldan 'das dang 'dra ba yin pas nye bar btags nas shes pa'i skad cig ma'i mtshan nyid kyis bshad cing bstan to/ /de lta ma
- 227a
yin na zhes bya ba la nye bar btags pa ma yin no/ /rnal 'byor pa'i rgyud las so so rang gis rig pa ni bsgom pa po'i rang rig pa'i skad cig ma rnams te/ shes pa'i skad cig ma rnams ji ltar gzhan yid ches par byed pa zhes bya ba bsgom pa po las gzhan pa dag gis shes pa'i mtshan nyid yin par mi 'thad de/ rang gi rig pa ni gzhan gyis rig pa ma yin te/ rang gis rig pa nyid du mi 'thad ba'i phyir ro zhes bya bar dgongs so/ /bsgom pa'i lam la brjod par bya ba mang du yod na yang dang po khyad par brjod pa'i rgyu ni de'i 'og tu zhes bya ba la sogs pa yin te/ bsgom pa'i lam ni zab pa dang ldan pa'i phyir zab mo yin no/ /zab mo de gang zhe na stong pa nyid la sogs pa'o/ /stong pa nyid la sogs pa'i zab pa gang zhe na/ sgro 'od dags? pa dang skur pa 'debs pa'i mdza' las grol ba nyid do/ /chig le'ur byas pa rnam par 'grel ba ni stong pa nyid la sogs pa zhes bya ba yin te/ stong pa nyid dang de bzhin nyid la sogs pa'o/ /gzugs med pa la zhes bya ba ni gzugs su sgro 'od gas pa bkag pa'o/ / stong pa dang stong pa ma yin pa dag la stong pa nyid la sogs pa dang gzugs la sogs pa gcig par 'gal ba'i phyir ro/ /de bzhin du stong pa nyid la sogs pa la tshor ba la sogs pa med po nas blta bar bya'o/ /gzugs stong pa nyid la sogs pa tha dad pa nyid kyis ni gzugs dang stong pa nyid la sogs pa skur pa btab pa dang 'gal ba yin te/ gzugs kyi stong pa nyid la sogs pa med pas rang gi ngo bo dang bcas par thal bar 'gyur bas stong pa nyid la sogs pa gzugs la sogS pa las gzhan pa yang ma yin pas zhes bya bas ni skur ba 'debs pa dgag pa yin no/ /de bzhin du stong pa nyid la sogs pa ni tshor ba ? pa las gzhan ma yin no zhes bya ba la sogs par blta bar bya'o/ /de bzhin du go rim bzhin du stong pa nyid dang gzugs la sogs pa sgro 'dogs pa dang
- 227b
skur ba'i mdza' can yin te/ 'di ltar 'di dag ni 'jig pa'i mthar thug pa yin pa'i phyir ro/ /de dag las grol zhing bral ba'i stong pa nyid la sogs pa gang yin pa de ni zab mo ste stong pa nyid la sogs pa yin la stong pa nyid la sogs pa la gzugs la sogs pa med pa dang gzugs la sogs pa la yang stong pa nyid la sogs pa med pa gang yin pa de dag ni rnal 'byor ba'i mngon sum gyis rtogs par bya ba nyid yin pas zab mo nyid yin pas zab mo nyid dang ldan pa'i phyir 'og nas bshad pa'i bsgom pa'i lam ni zab cing gting dpag dka' ba yin no/ /thos pa zhes bya ba la sogs pa ni nges 'byed ces bya ba la sogs pa rnam par 'grel ba yin te/ gang gi tshe rnam pa kun mngon par rdzogs par shes rab kyi pha rol tu phyin pa'i ming dang le'u dang tshig dang ngag dang yi ge dang dbyangs kyi yi ge'i bdag nyid can bsgom pa de'i tshe/ nges par 'byed pa'i yan lag la sogs pa gsum la nges par mthong ba'i don zhes bya ba rnam pa thams cad mkhyen pa la sogs pa skabs gsum du gsungs pa'i dro ba la sogs pa dang mthong ba dang bsgom pa don la dmigs pa'i rnam pa'i rab tu dbye ba rnams go rim bzhin du thos pa dang bsams pa dang bsgom pa las byung ba'i shes rab dag yang dang yang du sems dpa' dang 'jal ba dang nges par rtog pa zhes tshig gsum bshad par bya'o/ /gang gi tshe lam gyi bdag nyid can gyi shes rab kyi pha rol tu phyin pa bsgom pa de'i tshe ting nge 'dzin gyi zhes bya ba lam bsgom pa la sbyor ba dang/ dngos gzhi dang 'jug rnams su sngar bshad pa de sgom pa'i shes rab kyis gzung ba la sogs pa med pa la dmigs pa rab tu gyur ba'i sems kyis nges par 'byed ba'i yan lag dang mthong ba dang bsgom pa'i lam gyi dmigs pa'i rnam pa la yang dang yang du sems dpa' dang/ 'jal ba dang nges par rtog pa zhes bya ba
- 228a
ni tshig gsum yin te/ de ltar na bsgom pa'i lam rgyun chags pa yin no/ /nges par 'byed pa'i yan lag la sogs pa dmigs pa'i rnam pa gsum gyi dbye ba la dmigs pas na yang dang yang du de rnams nyid la dmigs bas dmigs par byed pa'i sems ni grangs med pa'i phyir bsgom pa'i lam la de'i rang bzhin yin pas mdza' yas bar 'gyur ro zhes bya ba'i nges pa ni de rnam pa zhes bya ba la sogs pa dang/ de'i rgyun chags zhes bya ba la sogs pa smos pa yin te/ de ltar bshad ma thag pa'i rim pas don dam par zhes bya ba de kho na nyid mthong bas stong pa nyid kyi mtshan nyid kyi rnam pa'i sgo nas zhes bya ba ni dngos po med pa la dmigs pa'i sems kyi khyad par gyis so/ /rnam par rtog pa'i gnyen po'i dbye ba las zhes bya ba ni chung du la sogs pa'i bye brag gis tha dad ba'i gzung ba la sogs pa'i rnam par rtog pa dgu'i gnyen po nyid yin pas rnam pa dgu yin pa'i phyir ro/ /grangs bzhin du 'dod pa'i khams la sogs pa sa dgu dag tu zhes bya ba ni 'dod pa'i khams dang bsam gtan dang gzugs med pa'i snyoms par 'jug pa bzhi ste/ dgu la bsgom pa'i lam dgu ni rgyun chags yin no/ /ci'i phyir zhe na rgyun chags su 'byung ba'i phyir zhes bya ba ste/ nges par 'byed pa'i yan lag la sogs pa'i don mang po la dmigs pa las byung ba'i phyir rim bar tshad med pa'i lam du rgyun du zhugs pa yin pa'i phyir ro/ /bsgom pa'i lam rnam pa dgu nyid yin par de kho na nyid du mi 'thad do zhes dogs pa la kun rdzob yin pa'i lan btab pa ni rgyal ba'i yum zhes bya ba la sogs pa smos pa yin te/ rgyal pa'i yum de dang de las zhes bya ba ni shes rab kyi pha rol tu phyin pa stong phrag brgya ba la sogs po las so/ /rnam pa re re'i dbang du mdzad de zhes bya ba ni bshad ma thag pa'i bsgom pa'i lam gyi dro ba la sogs pa re re nas nye bar gzung ste/ 'brangs? dang tshad d+dg
- 228b
mngon sum la sogs pa'i tshad mas kyang rtogs par mi rung ba'i phyir ro/ /ma chags pa'i dge ba'i rtsa ba la sogs pa'i bsod nams grangs med pa dpag tu med pa tshad med pa gang yin pa de rnams skye bar gsungs pa'i phyir zhes bya ba skye bar brjod pas bye brag mang ba ste/ bsgom pa'i lam gyi dro ba la sogs pa'i grangs med pa la sogs pa'i bsod nams kyi 'bras bu nyid yin pas na grangs med pa la sogs pa nyid du 'gyur na ji ltar rnam pa dgu nyid yin te mi 'thad do zhe na grangs med pa la sogs pa zhes bya ba la sogs pas ni byed snga ma rnam par 'grel te/ grangs med pa la sogs pa ni bshad zin to/ /sogs pa'i sgras ni brhod du med pa la sogs pa'o/ /de rnams bstan pa rnams te de dang der smos pa rnams so/ /de yang yang dag pa'i don ma yin pa de ni dam pa'i don du zhes bya ba la sogs pa yin te/ tshig tu brjod pa'i ngo bo rnams ni don dam par mi 'thad pa nyid kyis zhes bya ba yang dag par na ji ltar grags pa'i don du mi rung ba yin pa'i phyir te/ snyan dang gas sbyar ba dang 'dra bar sgra dgod pa tsam du sbyar ba'i khyad par gyi bdag nyid can gyi brjod par bya ba'i sgra ni brdzun yin no zhes bya ba'i bar du'o/ /de bas na bsgom pa'i lam bcom ldan 'das kyi bka' las ji skad bshad ba'i mtshan nyid can te/ zab mo la sogs pa'i bdag nyid can gyi bsgom pa'i lam ni bye brag tu dbye ba byed par bzod pa ma yin te/ grangs med la sogs pa nyid du bya bar mi nus so/ /ji ltar zhe na don gcig tu ste don gyis dbye ba gzhan la bltos pa med pas nges par 'byed pa'i yan lag la sogs pa'i yul gcig pa ni don gcig pa yin la/ de la rab tu sbyar zhing nges par ldan pa'i ldog pa'i dbye ba gang yin pa de la bltos pas rgyu de las nye bar bskyed pa'i tha dad pa nyid kyi ngo bo ste/ grangs med pa'i la sogs pa gang yin pa des nges par 'byed pa'i yan lag la sogs pa'i yul gcig pa nyid la sogs pa yin par
- 229a
gcig tu zhugs pa yin no/ /de bas na bye brag tu snang ba nyid yin na yang dbye ba yod pa ma yin no zhes bya ba'i tha tshig go/ dbye ba gzhan la bltos nas yang nges par 'byed pa'i yan lag la sogs pa don sna tshogs pa dang rab tu sbyar ba'i ldog pa la bltos ba'i las nye bar bskyed ba'i tha dad pa nyid kyi ngo bo bye brag tu dbye ba nyid yin no/ /kun rdzob ces bya ba la sogs pa phyed 'og ma bshad pa kun rdzob tu ni zhes bya ba la sogs pa yin te/ kun rdzob tu ni sangs rgyas la sogs pa'i tha snyad kyis dmigs pa med pa'i thugs rje chen po zhes bya ba rnam par mi rtog bas khyab pa'i thugs rje de'i rang bzhin gyi chos kyi dbyings te/ stobs bcu la sogs pa'i rgyu gnyis su med pa'i ye shes so/ /de'i rgyu mthun par gyur pa yin pa ni cha 'dra ba'i ngo bo'o/ /de ni bshad pa'i chos kyi ngo bo nyid ste/ yang dag ba'i gnyis su med ba'i ye shes ston pa'i chos kyi bdag nyid de/ rnam pa thams cad du gnyis su med pa'i ye shes de nyid stong pa yin pa'i phyir ro/ /ji skad bshad cing bstan pa ni grangs med ba la sogs pa'i sgra rnams so/ /byis pa'i skye bo rnams ni ma rig pas/ bya pa pa rnams bzhugs par bya ba'i phyir zhes bya ba ni lhag ma'o/ /'bras bu chen po skyed par rab tu ston pa nyid kyis zhes bya ba ni thams cad mkhyen pa'i 'bras bu skyed par brjod pa yin pas so/ /de bzhin gshegs pa bzhed pas zhes bya bas ni phyin ci ma log par sems can gzhug pa'i tshul mkhyen pa'i de bzhin gshegs pa rnams dgongs so/ /rgyu de bas na mang po nyid du thal par mi 'gyur ro zhes bya ba bsgom pa'i lam grangs med pa la sogs par thal bar mi 'gyur ro/ chos kyi dbyings grangs med pa la sogs pa yin pa'i phyir rnal 'byor pa rnams kyi bsod nams grangs med pa la sogs pa nyid yin pa ni kun rdzob tu yin gyi yang dag par ni ma yin te/ bsod nams kyi rgyu des por 'byed pa'i yan lag la sogs pa dang /
- 229b
sbyin pa la sogs pa grangs la sogs pa nyid yod na ji ltar na de'i 'bras bu grangs med pa la sogs pa nyid yin te/ de'i 'bras bu ma yin par thal bar 'gyur na de ltar na yang bcom ldan 'das ni brdzun du gsungs pa nyid ma yin te/ sems can rnams gzhug pa'i tshul phyir ci ma log par mkhyen pa nyid kyis na gang zag la sogs pa dang 'dra bar na de ltar ston par mdzad pa yin no zhes bya bar dgongs so/ /de yang nye bar gnod phyir yang dag pa/ gang zhig smras gyur de nyid brdzun/ /bden dang bden min don ci yin/ /gzhan don byed gang? de? bden? yin zhes bshad pa yin no/ /gal te nyon mongs pa rnams rang bzhin gyis stong pa nyid kyi bdag nyid yin pa'i phyir bsgom pas ci zhig bya/ /'on te yang dag par rang bzhin yod na de lta na yang bsgom pas ci zhig bya/ rang bzhin la ni gzhan du bya bar mi nus pa'i phyir gnyi ga ltar na yang nges par 'byed ba'i yan lag la sogs pa'i bsgom pa'i lam ni stong pa nyid kyi zhes bya ba la sogs pas don med par rtog pa la stong pa nyid kyi mtshan nyid kyis zhes bya ba ni gzung ba? la sogs pa'i mi mthun pa'i phyogs dang/ nges par 'byed pa'i yan lag la sogs pa'i lam dang/ de bsgom pa'i sems ni dngos po med pa yin pa'i phyir te/ gcig dang du ma dang bral ba la sogs ba'i tshad ma ni kun tu 'gro ba yin pa'i phyir zhes bya ba ni rgol pa po'i bsam pa yin no/ / goms pa phul du phyin par byar med pa'i phyir zhes bya ba ni gus pa dang bcas pa dang rgyun mi 'chad pa dang dus ring por bslabs su zin na yang rab tu sbyor bar mi rigs te/ med pa la med par goms pa ni mi'i rwa? ni ri bong gi rwa nyid du phul du byung? ba byung mi 'thob do/ /de'i phyir cung zad kyang mi byed pa kho na'o zhes bya ba bsgom pa'i lam ni ci yang byed mi nus te/ gang du khyad par du byar med pa dang rnam pa gang gis kyang med pa ni byed pa po nyid du mi rigs so zhes skye bo blo? dman pa dag gis dor des par 'byed pa'i yan
- 230a
lag la sogs pa'i lam kun rdzob tu yod pa yin zhing rgyu dang 'bras bu'i dngos por 'thad pa'i rab kyi mdza' mi shes pa'i skye bo rnams kyi dor dogs pa bsu ba ni dngos po zhes bya ba la sogs pa smos pa yin no/ /tshig le'ur byas pa'i don rnam par 'grel ba ni chos nyid kyi zhes bya ba la sogs pa yin te/ ngo bo nyid med pa nyid kyis yang dag par na rang bzhin med pa'i phyir yang dag par na de nyid dang gzhan nyid dang gnyi ga dang gnyi ga ma yin pa nyid kyis bye brag dang bye brag med pa dang gnyi ga dang gnyi ga ma yin par brjod du med pa la thos pa la sogs pa mi nus pa ni ci/ kun rdzob tu yin nam 'on te ma yin zhe na/ chos nyid kyi rang gi ngo bor zhes bya ba smos te yang dag par na gnyis su med pa'i ye shes kyi bdag nyid can no/ /rgya'i khyad par de dag gis na gang gi phyir gnyis su med pa'i ye shes kyi bdag nyid yin pa de'i phyir brjod du med pa ni mngon par 'dod pa'i lam gyi ngo bo yin te/ sngar bshad pa'i bsgom pa'i lam ni brjod du med pa nyid kyis na gang zag la sogs pa dang 'dri bar dngos por yod pa ma yin no/ /de bas na bsgom pa'i lam gyis te/ rgyus mi mthun pa'i phyogs dang gnyen po dag sngar bshad pa dag las go rim bzhin du 'bral ba dang skye bar mi rung ngo zhes bya bar bsgom pa phul du phyin pa byar med pa'i phyir zhes bya ba yang dag par na bsgom pa'i lam med pa nyid kyis na bsgom pa phul du byung bar byar med pa'i phyir de bas na zhes bya ba la sogs pa smos pa yin no/ /kun rdzob tu bsgom pa'i lam du bshad pa la ni thos pa la sogs par nus pa yin zhing don dam par ni de ltar ma yin te zhes bya ba la sogs pa smos pa yin te/ bsgom par bya ba la sogs pa med pa yang dag par na bsgom pa med pa la yang yang dag par na bsgom pa dang de'i don gyi bya bas kyang nyon mongs pa bsal ba dang byang chub skyed pa'i bdag nyid med pa
- 230b
nyid yin pa bden mod kyi/ de lta na yang rnal 'byor ba'i kun rdzob tu dngos po la sogs pa yod pas bsgom pa yod pa yin no/ /de lta bas na byang chub ji lta ba bzhin du bsgom pa'i lam phul du phyin pa las nyon mongs pa rnams glo bur ba yin pas na sngar bshad ba'i nyes pa med pa'i phyir/ de bsal bas gnyen po zhes bya ba skye ba la yang 'gal ba med do zhes bya bar dgongs so/ /rnam 'grel mdzad pas kyang/ de bas yang dag yang dag min/ /shin tu bsgoms shing gang gang yin/ /bsgom pa'i stobs ni rdzogs pa na/ /de gsal mi rtog blo'i 'bras bu zhes gang bshad pa yin no/ /de nyid kyi phyir shes rab kyi pha rol tu phyin pa thos pa dang bsgom pa dag ni don dang bcas pa nyid yin te/ mdo sde'i rgyan las/ gal te thos pa tsam gyis don mthong 'gyur na bsgom pa don med 'gyur/ gal te mthos par yang sgom 'jug 'gyur na bstan pa don med 'gyur zhes bshad pas rtog pa dang ldan pas thos pa dang bsam pa dang bsgom pa rnams la 'bad par bya'o/ /ma grub pas ci yang sgrub par mi byed do zhes bya ba'i tshul gyis bsgom pa ma grub na byang chub mi 'grub pa ma yin nam/ ji ltar na des don gyi bya ba de sgrub par byed ces bya ba'i bsam pa dang ldan pas yang snga ma'i phyed kyis byang chub med par dogs pa bsu ba ni de lta yin na yang zhes bya ba la sogs pa smos pa yin te/ 'dir dpyad par bya ste re zhig byang chub ni sngon dang phyi mar gyur pa'i sems las byung ba yin la/ de snga phyir gyur pa'i sems re re 'am/ mang po gcig car 'dus pa 'am/ rim gyis 'byung ba'i sems byang chub kyi rgyu yin zhes brtag pa rnam pa gsum yin no phyogs dang po ni re res byang chub pa ni rigs pa ma yin no zhes smos te/ ci'i phyir zhe na snga phyir gyur pa'i sems re re la sangs rgyas kyi byang chub rnam par mi rtog pa ye shes de sgrub par byed pa rnam pa thams cad mkhyen pa nyid la sogs pa'i don mdza' dag ces bya ba sngar bshad pa gang yin pa
- 231a
de mi snang ba'i phyir te /sems gcig la yul du ma nyid med pa'i phyir ro zhes bya bar dgongs so/ /phyogs gnyis pa bsal ba ni mang po nyid kyis kyang byang chub par ni rigs pa ma yin no zhes snga ma dang sbyar ro/ /ji lta bu zhe na/ 'dod ba'i don sgrub par byed par snang ba'i sems gcig car 'byung ba zhes bya ba ste/ 'dod pa'i don ni byang chub po/ /gang du de sgrub par byed par snang ba sems gcig car 'byung ba mang po de rnams kyis byang chub par rigs pa ma yin no zhes by ba'i tha tshig go/ /ci'i phyir zhen ma srid pa'i phyir ro zhes bya ba smos te dus gcig gi tshe rtog pa du ma mi skye bas so/ /nyams su myong ba grub pa yin na yang 'di ni rtog pa nye bar bsgrubs pa yin no/ /zhes 'ga' zhig phyin ci ma log pa bsal bar bya ba'i phyir lung ni sems can rnams rnam par shes pa'i rgyud re re pa'o zhes 'byung bas zhes smos pa yin te/ rnam par rtog pa mang po gcig car 'byung pa mi srid pa'i phyir ro zhes bya ba 'di bshad pa yin no/ /des na sems can rnams kyi snying ni rnam par rtog pa gcig yin no zhes bya ba'i tha tshig go/ de nyid kyi phyir rnam 'grel mdzad pas kyang rnam par rtog pa gnyis po dus gcig min zhes bshad pa yin no/ /brtags pa gsum pa bsal ba ni rim gyis 'byung ba yang ma yin te/ zhes smos pa yin te/ sngar bshad pa'i snga phyir gyur pa'i sems gang yin pa de mang po nyid yin na yang byang chub par ni rigs pa ma yin zhes snga ma dang sbyar ro/ /ji lta bu zhe na bla na med pa'i sangs rgyas kyi byang chub sgrub par byed pa dran pa nye bar bzhag pa la sogs pa dang/ sangs rgyas kyi chos me 'dres pa bco brgyad kyi bar rtogs shing shes pa'i rang gi ngo bo sgyu ma lta bur shes pa'i tshul gang yin pa nges so/ /ci'i phyir byang chub pa rigs pa ma yin zhe na/ de? zhes bya ba la sogs pa smos te/ /ji skad bshad pa'i sems dbang gi rang gis byung ma
- 231b
thag gi rjes sogs la 'jig cing nyams pa gang yin pa de ni rjes su 'gro ba med pa ste/ rgyu med pa yin la de'i dngos po de nyid kyis te/ des na phan tshun 'brel ba med ba'i phyir ro/ /zhes bya ba gcig la gcig 'brel pa med ba'i phyir ro/ /rgyu de bas na khyad par can te/ dran ba nye bar bzhag pa la sogs pa'i mtshan nyid gang yin pa der snang ba'i sems bskyed ba'i sgo nas/ ji ltar don gyi bya ba byang chub sgrub pa'i mtshan nyid can yin te/ mi rigs so zhes bya ba ni gzhan gyi yin te/ de ltar na snga phyir gyur ba'i sems 'dus bdag gis byang chub sgrub bar byed pa yin na 'dus la yang med de/ 'di ni byung ma thag tu 'jig pa'i phyir ro snyam du sems so/ /de ni yang dag pa ma yin pas zhes bya ba ni brtag pa gsum po gang yin pa de dag ni legs pa ma yin no zhes grub pa'i mdza' smra bas smras pa yin no/ /mar me zhes bya ba la sogs pa'i tshig le'ur byas pa rnam par 'grel pa ni ji ltar zhes bya ba la sogs pa smos pa yin te/ 'dir yang me lce dang snying po ci re re nas skad cig ma snga phyis sam 'on te phrang nas snying po tshig pa yin zhes brtag pa gnyis yin no/ /de la dang po bsal bar bya ba'i phyir ji ltar zhes bya ba la sogs pa smos te/ me lce ni mang me'i me lce'o/ /snying po ni grags par zad do/ /'di dag phrad pa'i skad cig ni 'dus pa'i mtshan nyid de dang po sreg par nus pa ni skad cig ma gnyis pa med par zhes bya ba ni sreg par nus pa'i skad cig ma gnyis pa med par me lce ni sreg par byed pa yin pa'i phyir rgyu yin la snying po ni sreg par bya ba'i phyir 'bras bu yin par ci rigs pa 'di ni mtshan nyid kyi rang bzhin yin te/ gang sreg par byed pa dang bsreg par bya ba me lce dang snying po dag ni sreg par byed pa dang bsreg par bya ba nyid yin par ji lta ba bzhin du mi rung ngo zhes bya ba ni lhag ma'o/ /ci'i phyir zhe na/ me lce dang snying po dag gi rang gi rgyus zhes nye bar len pa'i mtshan nyid dang
- 232a
phan tshun lhan cig byed pa'i skad cig mas de dag phan tshun gyi sgo nas rgyun gyis 'jug pa'i dbang gi dus mnyam du ste/ dus mtshungs par gyur pa'i phreng ba'i bskyed bas zhes bya ba mi lce dang snying pa phrad ba skyed pa yod pa gang yin pa de ni khyad par can du ma byas pa'i phyir te/ thun mong yin pa nyid kyis rang rang gi nye bar len pa dang lhan cig byed pa'i rgyur byas pa dus mnyam par gyur pa nyid kyis ma rus mtshungs par byung ba'i ba lang gir dang 'dra bas ji ltar rgyu dang 'bras bu'i mtshan nyid me lce dang snying po srog par byed pa dang bsreg par bya ba'i gnas skabs su gnas zhes bya bar dgongs so/ /de bzhin du nus pa yin phyir te gang me lce dang snying pa de dag skye ba skad cig ma gnyis pa 'am yang zhes bya ba skad cig la dang po ma yin par snga ma bzhin du rgyu dang 'bras bu'i mtshan nyid me lce dang snying po sreg par byed pa dang bsreg par bya ba'i ngo bor mi rung ngo zhes bya ba ni lhag ma'o/ /rtag tu yod pa ma sogs par thal bar 'gyur bas zhes bya ba ni skad cig ma gnyis pa skad cig ma dang po med par 'byung bar khas len pa na rgyu med pa nyid yin pa'i phyir te/ rgyu med gzhan la mi ltos phyir/ /rtag tu yod pa'am med par 'gyur/ /dngos po rnams ni res 'ga' zhig/ 'byung ba bltos pa las yin no zhes bya ba'i rigs bas rtag tu yod pa 'am med par thal bar 'gyur ro/ /de ltar na kun rdzob tu yang 'byung ba med de gang gi phyir skad cig ma dang po med par skad cig ma gnyis pa 'byung bar khas len na thams cad 'bras bu yin par khyad par med ba'i phyir kun rdzob tu yang skye ba med pa yin la de'i phyir rgyu dang 'bras bu zhes bya ba la sogs pa med do zhes bya bar sbyar ro/ /yang na skad cig ma dang po la ma bltos par skad cig ma gnyis pa skye na rtag tu yod bas na rgyu'i skad cig ma ma zhig pas so/ /med pa yang
- 232b
nus pa med pa yin pa'i phyir snying po tshig pa kun rdzob tu yang med par 'gyur ro/ /de bsan me lce dang snying po ni rgyu la sogs pa ma yin no zhes bya bar sbyar bya'o/ /skad cig ma dang po dad skad cig ma gnyis pa phrad pa kho nas kun rdzob tu snying po tshig pa ni gang gis phyir zhes bya ba la sogs pa smos pa yin te/ gang gi phyir de ltar skad cig ma snga ma dang phyi ma re res yin par mi rung ba de'i phyir rgyu 'di dang rkyen 'di las skye bas 'di'i rkyen nyid 'di ba tsam yin pa de'i bdag nyid can gyi rten tsam 'brel bar 'byung ba'i chos nyid kyi zhes bya ba rgyu dang rkyen las rag las ? las skyes pa'i rang bzhin gang yin pa des me lce dang snying po ni sreg par byed pa dang bsreg par bya ba'i gnas skabs su bzhag go zhes bya ba ni lhag ma'o/ /ci'i phyir zhe na/ gang gi tshe gnyi ga brang? cing 'dus pa'i gnyis pa la sogs pa phrang ba'i skad cig ma skyed par rung ba me lce dang snying po gnyi ga ? du rung ba'i skad cig med la bltos shing rgyur byas nas ma brtags na gcig tu nyams dga' ba zhes bya ba kun rdzob tu rgyu dang 'bras bur 'brel ba gang yin pa de'i stobs kyis te/ /de'i rgyus skad cig ma dang po des drangs shing sgro btogs pa'i mthu khyad par can sreg tu rung ba nyid kyi mtshan nyid gang yin pa de nyid yin gyi ris mi mthun pa gzhan dag ma yin te/ khyad par du snying po bsreg pa skyed par rung ba'i skad cig ma gnyis pa la sogs pa ste/ skad cig ma gnyis pa dang gsum pa la sogs pa yod na de'i cho rgyu med par zhig kyang zhes bya ba'i rgyu'i skad cig ma rang gi rang gis 'jig na yang rgyu dang 'bras bu dag ces bya ba me lce dang snying po'i mtshan nyid dag go rim bzhin du gang dus mnyam du srang mda'i mthon dman dang 'dra ba skye ba 'jig pa ste/ skye ba dang 'gag pa gang yin pa de dag nye bar dmigs pa yin pa'i phyir te/ me'i 'bras bu du ba ste/ 'bras bu'i chos kyi rjes 'jug phyir/ /de med par
- 233a
yang de yod na/ rgyu dang ldan pa las 'das 'gyur zhes bya ba'i rigs pas mngon sum dang mi dmigs pa rnam pa lnga dag gis me lce dang snying po dag 'jug pa dang ldog pa'i bdag nyid can gyi rgyu dang 'bras bu dmigs pa'i phyir ro/ /yang gang gi phyogs la yang dag par na rgyu dang 'bras bu'i dngos por mi rung ba de la yid brtan du rung ba med de de'i phyogs la yang rjes su 'gro ba dang ldog pa de rjes su sbyar bar 'dod par bya'o zhes bya bar dgongs so/ /gzhan du na de'i phyogs la sna tshogs rgyu med pa'am rgyu? ma nges par 'gyur te nges pa med pa'i phyir ro/ /rnam 'grel mdzad pas thams cad nus pa med ce na/ sa bon sogs ni myug sogs la/ /nus mthong gal te de kun rdzob/ /'dod na ji lta de ltar zad ces gang bshad pa dang/ dbu ma'i rgyan las kyang dngos po kun gyi rang bzhin ni/ /rigs pa'i lam gyi rjes 'brang bar/ /gzhan dag 'dod pa sel bar byed/ /de phyir rgol ngan gnas med do zhes bya ba la sogs pa smos pa yin no/ /pas zhes bya ba la sogs pas dpes bstan pa'i byang chub dang mar me'i? dpe'i sbyar ba ni mar me'i dpe'i tshul gyis zhes bya ba la sogs pa smos te/ skad cig ma snga phyir gyur pa gnyis kyi gang yul gcig la zhes bya ba mar mer gtogs pa sreg pa la'o/ /de la te bar sbyor ba ni de'i rgyu nyid du shes par byed pa ni ston pa'o/ /de lhur? len pa ni de gtso bor gyur bas mar me'i dpe'i tshul du rigs pas so/ /byang chub sgrub par byed pa dngos po tshang yod pa ni mngon par rtogs pa brgyad kyi mtshan nyid dam dran pa nye bar gzhag pa la sogs pa'i mtshan nyid do// der snang ba'i rnam par shes pa ni mngon par rtogs pa brgyad la sogs par rnam par rtog pa'i sems rgyur byas pa nyid yin pa'i phyir ro/ /snga ma la brten nas zhes bya ba ni 'di ni rkyen tsam gyi bdag nyid can gyi rten cing 'brel bar 'byung ba'i chos
- 233b
nyid kun rdzob tu rgyur byas nas so/ /snang ba'i don mig gis rnam par shes pa la sogs pa'i yul gzung pa la sogs pa mi mthun pa'i phyogs kyi mtshan nyid du nges pa'i yul lo/ /des na dben? ba ni lhag par khyad par du 'phags pa ste/ khams gsum pa khyab par byas pa'i snang ba nyid ni ltag pa'i sems kyi khyad par te/ de'i gnyen po'i mtshan nyid de'i gnyen por snang ba'i rnam par shes pa phyi ma zhes bya ba phyis 'byung ba'i byang chub la rtog pa'i sems skye bar gyur pa na byang chub thob par gyur pa ste/ nyon mongs pa bag chags dang bcas pa spangs par rigs pa yin te/ dbu ma'i rgyan las chos la bdag med mkhas pa ni/ /rang bzhin med ba goms byas pas/ /phyin ci log las byung ba yi/ /nyon mongs sgrib pa med par spong zhes ji skad bshad pa dang/ yang de nyid las rgyu dang 'bras bu'i dngos po ni/ /kun rdzob tu ni ma bzlog pas/ /kun nas nyon mongs rnam byang sogs/ /rnam par bzhag pa 'khrugs pa med ces gang bshad pa dang/ dbus dang mdza' rnam par 'byed pa las kyang/ nyon mongs pa'i sgrib pa dang/ shes bya'i sgrib pa nyid du bstan/ der ni sgrib pa thams cad de/ /de zad nas ni grol bar 'dod ces smos pa yin no/ /de ltar mar me'i dpes yang dag par na rgyu dang 'bras bu nyid du mi rung bas byang chub kun rdzob tu nye bar bstan pa yin la/ gzhan du yang bcom ldan 'das kyis rtogs par dka' ba'i don rnam pa brgyad gsungs pa dam pa rnams kyis bsgrub par bya'o zhes bstan par bya ba'i phyir ji skad smos pa'i zhes bya ba la sogs pa smos pa yin no/ /skye ba dang ni zhes bya ba la sogs pa sgom pa'i lam la gnas ba'i phyir mi ldog pa'i mtshan nyid kyi tshig le'ur byas pa rnam par 'grel ba ni skad cig ma zhes bya ba la sogs pa yin te/ bsgoms par rtogs par bya ba ni thob par bya ba'o/ /don khyad par 'phaD pa
- 234a
ni nyan thos la sogs pa dang thun mong ma yin pa'i byang chub gang yin pa'o/ /de bskyed pa ni goms par byed pa'o/ /skad cig ma snga ma dang phyi ma dag gis kyang snga ma bzhin du mi 'thad la ngo bo nyid med pa nyid kyis kyang snga ma bzhin du mi 'thad do/ /zhes bya ba ni rgyu gnyis pa yin no/ /de ltar na rten cing 'brel par 'byung ba sngar nye bar bstan pa dang bsam gyis mi khyab pa'i zhes bya ba la sogs pa sgrub pa po'i shes pa zab pa nyid ni 'og nas bshad pa'i don bdun car la yang sbyar bar bya'o/ /rang bzhin gyis dngos po med par byung ba nyid kyis na yang dag par 'gag par mi 'thad pas 'gag pa de ni dngos po thams cad ces bya ba la sogs pa smos pa yin no/ /yang dag pa dang yang dag pa ma yin pa'i don dag la goms pas mngon sum du byas pa dang ldan pa nyid kyis de bzhin nyid mngon sum du mi byed pa yin te/ de ni gnas skabs thams cad du zhes bya ba la sogs pa smos pa yin no/ /sbyin par bya ba la sogs pa rang bzhin med pas sbyin par bya ba la sogs par rtog pa'i sbyin pa la soD pa rnam pa du ma sgrub ces bya ba shes pa zhes bya ste sbyin par bya ba la sogs pa'i gzung ba'o/ /de ni de bzhin nyid kyi zhes bya ba la sogs pa smos pa yin no/ /ngo bo nyid med pa nyid kyis gzung bar bya ba'i gzugs la sogs pa'i chos rnams med pas sbyin par bya mig gi rnam par shes pa la sogs pa'i shes pa ste/ de ni de bzhin nyid kyi zhes bya ba la sogs pa smos pa yin no/ /stong pa nyid yin pas na sems bskyed pa la sogs pa dang gzhan dag nyams su len pa med pa'i phyir spyod pa ni sems bskyed pa la sogs pa nyams su len pa yin te/ de ni chos nyid kyis zhes bya ba la sogs pa smos pa yin no/ /gzugs la sogs pa'i tshul rnam pa gnyis su snang bas shes pa mi 'thang ba'i phyir gzung pa la sogs pa med pa ni gnyis su med pa ste/
- 234b
de ni gnyis su med pa'i zhes bya ba la sogs pa smos pa yin no/ /snying rje la sogs pa'i tshogs yongs su rdzogs pa nyid kyis na sangs rgyas la sogs pa nyid 'thob pas mi 'jigs pas thabs la mkhas pa ste/ /sems ma zhum pa la sogs par ro/ /de ni tshogs thams cad ces bya ba la sogs pa smos pa yin no/ /rten cing 'brel par 'byung ba la sogs pa phan tshun 'gal ba'i don ni yang dag par sgrub par byed pa'i byang chub sems dpa' i lam rtogs par dka' ba'i shes pa nyid yin pas shes pa? thob? pa ni bsam gyis mi khyab pas zhes bya ba la sogs pa smos pa yin te/ 'di ni ting nge 'dzin thob pa kho na'i yul yin gyi gzhan dag ni ma yin no zhes bya ba'i bcom ldan 'das kyi dgongs pas tshu rol mthong bas ni 'dir dang pa kho na legs zhes bya ba dgongs so/ /gang gis 'dre? pa'i nges 'byung ba'i/ /dad pa bzhon pa mchog yin no/ /de bas dad pa'i rjes 'brang nyid/ /blo ldan mi yis bstan par gyis/ /dad pa med pa'i mi rnams la/ /dkar po'i chos rnams mi skye ste/ /sa bon ma yis tshig pa la/ /myu gu sngon po'i bzhin no zhes gang gsungs pa yin no/ /chos rnams shes bya ba la sogs pa'i lam gyi don gyi 'khor ba dang zhes bya ba la sogs pa smos pa yin te /'khor ba dang rnam par byang ba ni srid pa dang mya ngan las 'das par gyur pa'i mi mthun pa dang gnyen? po ni gzung ba la sogs pa dang lam gyi 'bras bur brjod pa gang yin pa de rnams ni snang brnyan tsam gyi ngo bo nyid de sems tsam nyid yin pas gang rmi lam dang 'dra pa nyid du rtogs shing khong du chud pa de'i phyir 'khor ba dang mya ngan las 'das pa dag la tha dad pa nyid du rnam par mi rtog pas na mnyam pa nyid du lhag par mos pa ni mnyam pa nyid yin te/ slob dpon na? gardzu na'i zhal snga nas kyis/ /mya ngan 'das mdza' gang yin pa/ /de ni 'khor ba'i mdza' yin te/ /de gnyis khyad par cung zad ni/ /shin tu pra ba'ang yod ma yin zhes
- 235a
gang gsungs pa yin no/ /rmi lam dang 'dra ba nyid yin na zhes bya ba la sogs pa ni klan ka yin la/ lan ni ci? skad bshad par zad ces bya ba'i bshad pa ni ji ltar phyi rol zhes bya ba la sogs pa smos pa yin te/ ji ltar phyi rol gyi don du smra ba'i lugs la zhes bya ba ni bye brag tu smra ba dang mdo sde pa'i gzhung lugs la'o/ /skad cig ma nyid kyis rgyu med par 'jig pa yin la zhes bya ba ni ral gyis bsnun pa la sogs pa mthong du zin na yang de lam bltos par srog chags la soD pa rang gi rang gis 'jig pa yin la/ grub pa'i mdza' las kyang 'jig rten sna tshogs las las skyes zhes 'byung ba'i phyir rang gi las kyi stobs kyis srog 'jig pa la sogs pa yin no zhes bya ba ni de'i lung yin pas don dam par de'i tha snyad kyi dbang gis srog chags la sogs pa ni skad cig ma nyid kyis 'jig pa'i phyir dang/ de gsod pa po la sogs pa yang rang gi las kyis sprul pa yin pa'i phyir srog bcad pa la sogs pa mi srid pas na sus kyang zhes bya ba la sogs pa yin te/ ma blangs pa yang ma yin ces bya ba yul med pas de dgag pa yang rigs pa ma yin pa'i phyir ro/ /sogs pa'i sgras ni su'i yang bud med gang gis kyang blangs pa med do zhes bya ba la sogs pa'i nyes pa'i phyogs kyi rgyun la 'jug pa na srog chags la sogs pa la dga' ba'i dngos po lus la sogs pa g.yo ba med pa'i mtshan nyid gang yin pa de ral gri sogs pas skyed pa la bsod pa la soD par rtoD pa ni bdag gis bsad do/ /'di'i rdzas sam bud med bdag gis blangs so zhes bya ba la sogs par mngon par zhen pa de rtogs pa'i sgo nas te/ de'i dbang gis srog bcod? pa la sogs par rnam par 'jog pa yin no/ /ji lta bur zhes na tshul bzhin ma yin pa'i yid la byed pa la sogs pa dang ldan pa la mi dge ba la sogs pa dang 'dra bar zhes bya ba ji srid 'tsho'i bar du tshangs par spyod pa nyid du rim? bcas pa dang ldan pa'i dge
- 235b
slong la la zhig la lan 'ga' zhig tu bud med 'ga' zhig mthong bas nu ma sra zhing mkhrang la rgyas pa mnye ba la sogs pa'i bsam pa sngon du 'gro bas phrad? pa na mkhyud pa la soD pas nyams pas rtsa ba'i ltung ba'i mtshan nyid can mi dge bar 'gyur ba yin pa la sogs pa'i sgras ni de'i mod la dge 'dun la 'chab pa med pas de la 'thol ba sngon du 'gro bas dge slong nyid 'thob pa'i phyir dge ba yin la de nyid gnyid kyis log pa ni lung du ma bstan pa rnam par bzhag pa dang 'dra'o/ /ci'i phyir don dam par yod par smra ba'i gzhung gi phyogs ltar na ji ltar skad cig ma nyid kyis na mi dge ba la sogs pa'i skad cig ma 'jig pa'i phyir dang/ las las skyes pa nyid yin pa'i phyir de byed pa mi dge ba la sogs pa med do/ /yang na dge ba la sogs pa dang 'gal ba mi dge ba la sogs pa rtogs pa dge slong de'i gnas skabs su 'jog pa de dang 'dra'o zhes bya ba'i tha tshig go/ de bzhin du dngos po rmi lam dang 'dra ba la yang zhes bya ba chos thams cad dngos po med pa la de dang mthun pa'i ste/ rang bzhin gyis stong pa'i don gyi srog chags la sogs pa'i mtshan nyid gang yin pa de la gang dngos por mngon par zhen cing dngos po la mngon par chags pa'o/ /sogs pa'i sgras ni bdag gis ral gri la sogs pas bsad do zhes bya ba la sogs pa mngon par zhen pa gang yin pa de'i ? gis phyin ci log gi 'ching ba mdza' dag ma nyams pa rnams la bdag med pa la lhag par mos pa rnams la srog gcod pa la sogs pa rnam par 'jog go zhes bya ba la sogs pa'i la ni yan la de dang de phyogs gzhan las gsungs pa'i mdo sde las gsungs so zhes bya bar khong du chud par bya'o/ /'dir dngos po la sogs pa la mngon par zhe na pas thams cad du srog gcod pa la sogs pa rnam par 'jog ste/ so sor rtog pa dang ldan pa rnams kyi ji srid de yod pa de srid byang chub pa'i bar du ?
- 236a
mi dge ba spangs la nges par dge bar bya'o zhes bya bar dgongs so/ /stong nyid don ni mi shes par/ /thos pa tsam du 'jug byed cing/ /gang dag bsod nams mi byed pa/ /skyes bu tha shal de dag brlag ces bya ba la sogs pa gang dag bshad pa ni la na yin no/ /sogs pa'i sgras bsdus pa'i lan ni gzhan yang zhes bya ba la sogs pa gsungs pa yin te/ gzhan yang zhes bya ba ni lan bsdus pa yin no/ /rmi lam sems ni gnyid kyis nyam zhes bya ba gang gi phyir gnyid ces bya pa'i le lo'i khyad par gyi sgrib par bshad pas nyams shing mi gsal bar gyur pa'i sems ni rgyu des rmi lam ste gnyid kyis log pa'i gnas skabs srog gcod pa la sogs pa'i shes pa dang 'bras bu 'dra ba ma yin te/ gnyid kyi log pa'i gnas skabs dang mtshungs pa mi dge ba la sogs pa 'bras bu rnam par bzhag pa ma yin no zhes bya ba ni lhag ma'o/ /gal te rmi lam na yang sems gsal bar gyur na de'i tshe gnyid ma log pa'i gnas skabs dang 'dra bar srog gcod pa la sogs pa zhu ba byung dang 'dra bar der yang rnam par bzhag pa nyid yin te/ dngos po la sogs pa la mngon par zhen par mnyam pa yin pa'i phyir ro zhes bya bar dgongs so/ /de ltar na dpe ma grub bo? zhes bya ba rmi lam gyi dpe ni gnyid ma log pa'i gnas skabs su mi dge ba la sogs pa med par sgrub pa ma yin no/ /lan gyi rnam pa gzhan ni de bzhin du zhes bya ba la sogs pa smos pa yin te/ de bzhin du zhes bya ba ni gnyid kyis ma log pa'i gnas skabs de dang 'dra bar rmi lam na dge ba dang mi dge ba'i sbyad pa ni zhes bya ba rmi lam du dge ba la sogs pa byas bsad pa'i gnas skabs ni ldang ba'i gnas skabs so/ /tho le byas so legs pa byas so zhes bya ba ni rjes su yi rang bas dge ba la soD pa la dga' ba yin pa'i phyir rjes gyi gnas skabs kyi sems ni/
- 236b
phyi mar gyur pa'i sems kyis mngon par zhen pa'i gsos ni 'phel ba gang yin pa ste/ des yongs su gsos ba ni dge ba la sogs pa 'phel bar rnam par bzhag go zhes bya ba ni lhag ma'o/ /de'i phyir yang dpe ma grub pas zhes bya ba ni rmi lam gyi dpe gnyid ma log? pa'i gnas skabs su mi dge ba la sogs pa med pa grub pa ma yin no/ /sems can zhes bya ba la sogs pa sangs rgyas kyi zhing rnam par dag ba'i 'grel ba ni go sla'o/ /'di'i yul dang zhes bya ba la sogs pa tshig le'ur byas pa ni bar chad kyi chos las zhes bya ba? la sogs pas rnam par 'grel pa yin te/ bar chad kyi zhes bya ba la sogs pa ni gzugs la sogs pa gzung ba'i chos rnams yod par lta ba las ni bdud la sogs pa 'byung la de med pa yin pa'i phyir ro/ /chos thams cad ces bya ba la sogs pa ni rten cing 'brel par 'byung ba la sogs pas bdag med par bsgom pa goms par byas ba ni thams cad mnyam pa nyid yin pas gang du yang mngon par zhen pa med pa yin pa'i phyir ro/ /smon lam las grub pas zhes bya ba la sogs pa ni rnam pa thams cad du gzhan gyi don la go cha bsgom pa yin pa'i phyir ro/ /dka' bar spyad pa thams cad ni zhes bya ba la sogs pa ni gtong ba dang gtong ba chen po dang shin tu gtong ba la goms pa yin pa'i phyir ro/ /chos dkar po zhes bya ba la sogs pa ni bdag med pas thams cad du bsam pa rnam par dag pa nyid yin pa'i phyir ro/ /rnam par thar pa'i zhes bya ba la sogs pa ni stong pa nyid dang mtshan ma med pa dang smon pa med pa'i thabs la goms pa yin pa'i phyir ro/ /'dri ba sngon du btang ba zhes bya ba la sogs pa ni dris pa'i/ / rjes thogs la chos ston pa'i phyir ro/ /yul thabs shes pa nyid dang byams pa la sogs pa tshad med pa la mkhas pa'i phyir te/ dgra rnams las ni zhes bya ba la sogs pa bshad pa yin no/ /'di'i yul zhes bya ba la sogs pa bshad par bya ste/ de ltar
- 237a
shes rab kyi pha rol tu phyin pa ste/ rnam par mi rtog pa'i bdag nyid can ni rnam pa bcu ste rnam grangs bcu yin la/ de'i yul ni spyod yul mngon sum du bya ba ni gang bdag nyid kyi mngon sum du bya ba ste/ de'i dus dang dus ma yin pa shes pa ni rigs pa dang mi rigs pa'i dus shes pa'i sbyor ba ni bsam pa'i khyad par ro/ /thabs la mkhas pa yin no zhes bya ba ni de ltar lam rnam pa bcu la bya ba'o/ /'di'i zhes bya ba ni bsgom pa'i lam la gnas pa'i don gyis shes par bya'o/ /yang thams cad mkhyen pa gsum dang/ rnam pa thams cad mngon bar rdzogs par rtogs pa'i khyad par ci zhig yin zhe na/ kha cig na re thams cad mkhyen pa nyid gsum ni ji skad du bshad ba'i rnam pas rnam pa'i yul so sor nges pa yin la rnam pa thams cad mngon par rdzogs par rtogs pa ni rnam pa ma lus pa'i yul yin no zhes 'dod do/ /gzhan dag ni thams cad mkhyen pa nyid gsum ni mtshan nyid can du rnam par bzhag la rnam pa thams cad mngon par rdzogs par rtogs pa ni sbyor ba can yin no zhes zer ro/ /la la ni rnam pa thams cad mngon par rdzogs par rtogs pa ni mi mthun pa'i phyogs kyi gnyen por bzhag pas rab tu phye ba yin la thams cad mkhyen pa nyid gsum ni rang bzhin gyis zhi? ba'i rnams pa? nyid yin pa'i phyir de lta bu ma yin no zhes 'chad do// //shes rab kyi pha rol tu phyin pa'i man ngag gi bya stan bcos mngon par rtogs pa'i rgyan las seng ge bzang po'i zhal snga nas gyi gzhung rtogs par dka' ba'i snang ba mdor bshad pa chos kyi grags pas byas pa las skabs bzhi ba'i 'grel pa'i bshad ba'o// //gang du 'bad pa med par dran pa med pa der ni 'bad pas bsam par bya'i gzhan dag tu ni ma yin te/ de ni lhun gyis grub par
- 237b
? pa yin pa'i phyir te/ pha rol tu phyin pa'i tshul la gcig nas gcig tu brgyud pa'i sems bskyed pa la sogs pa bsgom pa'i rim gyis gang du rtsol ba med pa der ni rtsol ba dor bar bya la/ gang du de med pa der ni rtsol ba bya'o/ /de ltar skabs rnam pa bzhi'i don bsgoms pas rnam pa thams cad dang lam dang bzhi'i skye ba med par shes pa dang ldan par bshad ba'i rim gyis bsgom par bya ba'i don du yang de las rab kyi mthar phyin pa'i lam bya'o/ /zhes bstan par rtogs par bya ba'i phyir rnam pa kun mngon par rdzogs par rtogs pa las zhes bya ba smos te/ rnam pa thams cad dang lam dang gzhi skye ba med par shes pa dang ldan pa las cir 'gyur zhe na/ rab kyi mthar phyin par rtogs pa 'byung ngo zhes bya ba yin te/ 'di la rab kyi mthar phyin par rtogs pa yod pa ste/ rtsol ba dang mi rtsol bdag gis rtse mo'i mngon par rtogs pa bsgoms pas lhun gyis grub ba'i ye shes skye bar 'gyur ro zhes bya ba ni lhag ma'o/ /rtse mo'i mngon par rtogs pa las dang por rtags la sogs pa bshad pa'i rgyu go sla ba'i phyir zhes bya ba la sogs pa smos pa yin te/ rmi lam na zhes bya ba la sogs pa'i rtags kyi tshig le'ur byas pa'i rnam par 'grel pa shin tu goms pa'i phyir zhes bya ba la sogs pa ni gus pa dang bcas pa la sogs pas bdag med pa'i lam bsgoms pa na nyung zad tsam gyi rang kyis mthas gnyid ma log pa'i gnas skabs su mthong ba nyid kyis na gzugs la sogs pa'i chos rnams rmi lam dang sgyu ma la sogs par mthong bar ma zad kyi gzhan du na gnyid kyis nyams pa'i gnas skabs su yang mthong ba'i phyir ro/ /de'i rjes la nyan thos zhes bya ba la sogs pa ni de bzhin du blo rab mchog yod pas lam gzhan snying po med pa nyid du mthong ba'i phyir ro/ /de bzhin gshegs pa zhes bya ba la sogs pa ni de bzhin du rang gi sems las sangs rgyas dang byang chub sems dpa' la sogs pa ? mi
- 238a
dad par mthong pa'i phyir ro/ /sangs rgyas zhes bya ba la sogs pa ni de bzhin du lus la sogs pa yang bas rang dang gzhan gyi sgrub pa dang mtshams ba'i nam mkha' la 'gro ba la sogs pa mthong ba'i phyir ro/ /chos ston pa zhes bya ba la sogs pa ni de bzhin du dman pa nyid kyis na smad de/ spong ba med pa nyid yin pa'i phyir ro/ /dmyal ba pa zhes bya ba la sogs pa ni de bzhin du rang gi sems dag bas rang gi sangs rgyas kyi zhing dag pa yin la/ de dran pas dmyal ba la sogs pa dag pa yin te/ rang gi sems las tha dad par ma yin pa nyid yin pa'i phyir ro/ /grong khyer zhes bya ba la sogs bas ni thabs mkhas pa bsam gyis mi khyab pa la bslab pas nus pa bsam gyis mi khyab pa rdzogs pa yin pa'i phyir ro/ /gnod sbyin zhes bya ba la sogs pa ni de bzhin du gzung ba la sogs pa yongs su spangs pa'i phyir ro/ /rang gi zhes bya ba la sogs pa ni de bzhin du mngon par shes pa'i ye shes kyis khyad par du 'phags pa la brtson pa nyid bdud kyis bgrod par bya ba ma yin pa nyid kyis yang dag pa'i dge ba'i bshes gnyen bsten pa yin pa'i phyir ro/ /rnam pa thams cad du zhes bya ba la sogs pas ni de bzhin du rtag pa dang bdag la sogs pa dag snying po med pa nyid kyis na phyi dang nang gi mu stegs pa'i skye bo tshar bcad pas phul du byung ba'i don dang gzhung gis khyad par du 'phags pa stong phrag brgya pa la sogs pa'i mdo sde'i don la slob pa yin pa'i phyir ro/ /thams cad la zhes bya ba la sogs pa ni de bzhin du gzung ba la sogs pa'i bsam pa med pa'i phyir ro/ /sangs rgyas kyi zhes bya ba la sogs pa ni de bzhin du bsam pa dri ma med pa nyid yin pa'i phyir ro/ /rtse mo'i mngon par rtogs pa thob pa'i gnas skabs kyi khyad par gyi zhes bya ba ni rtse mo'i mngon par rtogs pa lhun gyis grub pa'i ye shes kyi'o/ /rtags yin no zhes bya ba ni rtse
- 238b
mo'i mngon par rtogs pa'i rnal 'byor pas mtshan ma la sogs pa ste/ 'dir zhum pa'i sems ni gzung bar bya /rgod pa yang ni zhi bar bya zhes smos pas bsgom pa thams cad la zhum pa'i sems ni snang ba yid la byed pas so/ /'dod chags dang rnam par rtog pa dag gis rgod pa las ni go rim bzhin du mi sdug pa dang/ dbugs pa grang ba dran pa'i bsam gtan dag gis bzlog par bya bar shes bar bya'o/ /'dzam bu'i gling gi zhes bya ba la sogs pa'i tshig le'ur byas pa'i don ni 'dzam bu'i gling la sogs par skyes pa'i skye bo rnams ni 'dzam bu'i gling gi skye bo ste/ de rnams ji snyed yod pa grangs de snyed kyis sangs rgyas gang yin pa de rnams la mchod pa ni yid dga' ba bskyed par byed pa'o/ /dge ba la sogs pa ni bsod nams kyi mchog go/ dper mdzad nas ni rnam mthad? du zhes bya ba ni me tog dang spos la sogs pa rnam pa mang ba nyid kyis yang dang yang du ste/ de nyid snga ma snga ma phyi ma phyi mas phan tshun dper mdzad nas gong nas gong du rnam par 'phel ba'i rim gyis bsod nams 'phel ba'i bdag nyid can bcu drug yin no// gling bzhi ba dang nyi zla dang/ ri rab dang ni 'dod lha dang/ tshangs ba'i 'jig rten stong la ni/ /stong ni spyi phung yin par 'dod/ /de stong la ni stong gnyis pa/ /bar ma'i 'jig rten khams yin no/ /de stong la ni stong gsum ste/ /mnyam du 'jig cing 'byung ba yin zhes 'byung bas de'i don ni 'di yin te/ tshig le'ur byas pa las 'dzam bu'i gling smos pa ni nye bar mtshon pa nyid yin pa'i phyir 'dzam bu'i gling la sogs pas 'dzam bu'i gling dang/ shar gyi lus 'phags po dang/ nub kyi ba lang spyod dang/ byang ga sgra mi snyan dang/ zla ba la sogs pa dang bcas pa'i stong gsum gyi stong chen po'i 'jig rten gyi khams gang yin pa de na? seMs can gang yin pa de nyid kyi grangs dang ldan pa'i rang? bzhin gshegs pa gang yin pa de rnams la mchod pa ni rnam par 'phel ba dang po yin no/ /khyad par du
- 239a
zhes bya ba la sogs pa ni rnam par 'phel ba rnam pa bdun du bshad pa yin te/ shes rab kyi pha rol tu phyin pa ni rnam pa gsum mo/ /de yid la byed ba ni bsgom pa la sogs pa bsten pa'o/ /mi skye ba ni chos rnams kyi skye ba med pa ste/ de la bzod pa ni sred pa de thob pa'o/ /byang chub par bya ba dang byang chub par byed pa'i chos mi dmigs pa ni shes bya la sogs pa mi dmigs pa'o/ /khyad par can ni nyan thos la sogs pa dang thun mong ma yin pa'i dge ba bcu la sogs pa dang gzugs med pa'i snyoms bar 'jug pa ste/ de dag thob pa'o/ /lha'i ris thams cad du nye bar 'gro ba ni lha la sogs pa 'dus bar gtogs par gzhan gyi don gyi phyir 'gro ba'o/ /bdud thams cad ni dbang po la sogs pa'o/ /de rnams zil gyis gnon pa ni mngon par shes bas nus pa med par byas pas so/ /ston pa dang 'dra ba'i skye ba ni byang chub sems dpa' rnams so/ /de dang mtshungs par gnas pa ni bya ba de nyid nyams su len pa'o/ /yang bsod nams ni rnam pa brgyad de zhes 'og ma dang sbyar ro/ /de ni rnam pa thams cad du zhes bya ba la sogs pa smos pa yin te/ rnam pa thams cad du thabs la mkhas pa ni dang pa la sogs pas so/ /bslab pa yongs su dag pa ni bdag med pas zin pa'i sbyin pa la sogs pa'o sangs rgyas kyi rigs can du 'gyur ba ni nyan thos la sogs pa'i rigs 'jig pa'o/ /'bras bu sangs rgyas nyid thob pa'i rgyu mtshan ni sems bskyed pa la sogs pa'o/ /pha rol tu phyin pa ni sbyin pa la sogs pa'o/ /de dang mi mthun pa'i phyogs ni ser sna la sogs pa ste de'i sems mi skye ba'o/ /gzuD la sogs pa dang ldan par rtogs pa ni mig gi rnam par shes pa la sogs pa'o/ /de rab tu mi skye ba ni shes bya rang gi sems kyi rnam pa nyid yin par mthong ba'i phyir ro/ /pha rol tu phyin pa ni sbyin pa la sogs pa ste/ de'i kun bsdus ba ni sbyin pa la
- 239b
sogs pa re re la/ sbyin pa la sogs pa thams cad khongs su 'dus pa'o/ /de shes pa ni rtogs pa'o phun sum tshogs pa thams cad ni mngon par mtho ba dang nges par legs pa dag go/ de thos pa ni rab tu rnyed pa'o/ /yang dag par rdzogs pa'i byang chub ni gnyis su med pa'i ye shes so/ /de dang nye bar gyur ba gzung ba la sogs pa'i lta ba dang bral bas thag nye ba'o/ /'dzam bu'i gling gi zhes bya ba la sogs pas de ltar rnam par 'phel bas rnam par spel ba ste/ bshad ma thag pa'i bsod nams rnam par 'phel ba rnam pa bcu drug mthar phyin pa'i dbang du gyur ba ni mngon sum du gyur ba rtogs ba yin la de nyid ni mthar phyin pa gang yin pa gang yin pa de ni rnam par mi rtog pa'i ye shes yin la/ de'i mtshan nyid rnams ni de'i rang bzhin pa'i phyir ro/ /nges pa ni thams cad mkhyen pa nyid gsum po thams cad kyi mthar thug pa rdzogs pa ni sems can zhes bya ba la sogs pa gsungs pa yin te/ tshig le'ur byas pa rnam par 'grel pa ni de ltar zhes bya ba la sogs pa yin te/ yang dag pa'i thabs la mkhas pa'i stobs kyis zhes bya ba ni dad pa la sogs pa'i nus pas so/ /de ltar zhes bya ba ni sngar bshad pa'i bsod nams kyi rim pas rnam par mi rtog pa rtogs pa'i gnas skabs na 'tshang rgya ba nyid kyis na snying rje chen po la sogs pa mi dmigs pas khyab pa'i snying rje dang byams pa la sogs pa ste/ de rnams mngon sum du byed pa'i ngo bo/ /de'i dbang du gyur pa ste/ des na de'i dbang gis sems can gyi don yongs su mi gtong ba'i mtshan nyid ni rnam pa thams cad du rgyun mi 'chad par gzhan gyi don gyi rgyu yin no/ /ji skad bshad pa zhes bya ba la sogs pa la bya ba med pa nyid yin na yang bsod nams kyi dbang gis gzhan gyi don las mi ldog pas bdag med pa bsgom ba dang ldan pa rnams kyi byang chub thob na yang bsod nams kyi bya ba la 'bras bu dang bcas pa yin no zhes bya bar dgongs so/ /de ltar des bas
- 240a
gtan la phab pa'i zhes bya ba thams cad mkhyen pa nyid gsum bsgrub bas rdzogs par gyur pa ni brtan par 'gyur ba ste/ de nyid du brtan por 'gyur ba de'i mtshan nyid can gyi sems kun tu gnas pa ni sngar bshad pa'i rnam par mi rtog pa'i sems yongs su mi 'dor ba'o/ /sems kun du gnas pa ni gling bzhi zhes bya ba la sogs pa gsungs pa yin te/ gling bzhi pa ni gling bzhi pa dang zla ba la sogs pa ste/ de dang ldan pa'i stong dang stong gnyis pa dang/ stong gsum ni sngar bshad ba'o/ /de dag dper mdzad nas ting nge 'dzin gyi bsod nams dang ye shes zhes bya ba ni lhag ma'o/ /de bsod nams mang ba nyid kyis na ting nge 'dzin gang yin pa de ni sems kun du gnas pa yin no zhes yongs su bsgrags so/ /tshig le'ur byas pa rnam par 'grel ba ni lugs las zhes bya ba la sogs pa smos pa yin te/ srid pa bzung na zhes bya ba ni tshad yod pa srid na dngos po srang? tshad kyis gzhal bar nus kyi zhes bya ba'i tshul gyis tshu? rol mthong ba rnams kyi tshad mas gzhal bar mi nus kyi 'on kyang thams cad mkhyen pa tshad mar byas nas gzhal zhing yongs su brtags pa yin pa'i phyir sems kun tu gnas pa rnam par gzhag pa'i don yin no zhes 'dir yang shes par bya'o/ /de ni gling bzhi pa zhes bya ba la sogs pa yin te /gling bzhi la sogs pa dang ldan pa'i stong gsum pa ste/ stong dang stong gnyis pa dang stong gsum pa'i 'jig rten gyi khams rnams so/ /de pha rol tu phyin pa la sogs pa thams cad kyi zhes bya ba la sogs pa'o/ /sogs pa'i sgras ni snying rje la sogs pa'i tshigs? rnams? so/ / de'i ngo bo nyid kyi ting nge 'dzin mdza' yas pa gang yin pa de rnams kyi bsod nams dang ye shes gang yin pa de so sor re re nas dpe ste cha 'dra par mdzad nas de dag las khyad par du 'phags shing tshad las 'das ba'i bsod nams mang po nyid kyis
- 240b
grangs med pa'i bsod nams gang yin pa de'i rgyus ting nge 'dzin ste/ thams cad mkhyen pa'i ye shes kyis rtogs par bya ba snying rje la sogs pa'i stobs las gyur pa'i ting nge 'dzin las skyes pa bsod nams dang ye shes tshad med pa las yang dag par skyes pa rnam? par rtog pa thams cad dang bral ba'i ye shes brtan pa'i rgyu can sems rtse gcig pa nyid ste/ de'i mtshan nyid ces bya ba'i de'i ngo bo nyid ni sems kun tu gnas pas zhes bya bar bshad de/ /bshad ma thag pa'i rnam par mi rtog pa'i sems rgyun gyis 'khor ba ji srid par gnas pa yin la/ gzhan dag tu ni 'dul ba'i dbang gis 'tshe ba med pa nyid dang/ yang dag pa'i don yin pa nyid dang/ de'i phyogs su ltung bar bshad pa nyid yin no/ /gzhan du na smon lam gyi dbang du byas pa'i sems ni nyon mongs pa la sogs pas ldog par mi 'gyur ro zhes bya bar dgongs so/ /de yang tshad ma rnam 'grel mdzad bas/ /'tshe ba med dang yang dag don/ /ngo bo nyid la phyin log gis/ /'bad du zin kyang mi zlogs te/ /blo ni de yi phyogs 'dzin phyir ro zhes bshad pa yin no/ / rtags dang rnam par 'phel ba dang/ /nges pa dang sems kun tu gnas pa ni mdor dro ba la sogs pa'i rang bzhin nges par 'byed pa'i cha dang mthun pa yin par bshad la/ de ni rtags la sogs par zhes bya ba la sogs pa spyos? pa yin no/ /'jug pa dang ni zhes bya ba la sogs pa'i tshig le'ur byas ba'i don 'jug pa dang zhes bya ba la sogs pas rnam par 'grel pa yin te/ go rim bzhin du mi dmigs pa'i ngo bo nyid kyis 'jug pa ni byang chub sems dpa' i chos yin te ngo bo nyid la sogs ba'o/ /dmigs pa'i ngo bo nyid ldog pa ni nyan thos la sogs pa'i chos yin te/ srid pa dang zhi bar ltung ba yin pa'i phyir ro/ /de len pa dang dor ba'i sgo nas gzung ba ste/ dmigs par bya ba dag go/ de ltar na gzung ba'i rnam par rtog pa khro? na gzung ba yin no zhes bya ba'i tha
- 241a
tshig go/ de ni dngos po dang ma 'brel bar 'jug pa nyid kyis zhes smros pa yin te/ spyi'i yul yin pa nyid kyis mdo sde la sogs pas sbyar pa'i sha za snyam pa la sogs pa phyi'i yul dang 'rel pa nyid ni mi 'thad pa yin pas so/ /de nyid kyis na phyin ci log tu snang ba'i phyir te/ phyi'i tshul gyis spyi'i ngo bo la sogs pa'i rang bzhin gyi rang gi rnam par 'dzin pa yin pa'i phyir brdzun par shes pa yin pas yul ji lta ba bzhin ma yin pa'i rang gi ngo bo dag ste/ brdzun pa'i yul gyi bdag nyid can dag gi yul gyi dbye bas rnam par brtags pa'i rang bzhin la sogs pa ni yul sna tshogs pa nyid la sogs pa'o/ /nyon mongs pa'i phyir zhes bya ba ni srid pa gcig nas gcig tu rgyud par nyon mongs pa byed pa yin pa'i phyir ro/ /sems can rdzas dang zhes bya ba la sogs pa'i 'dzin pa'i tshig le'ur byas pa ni so so'i skye bo dang zhes bya ba la sogs pas rnam par 'grel te/ go rim bzhin du so so'i skye bo dang nyan thos la sogs pa'i skyes bu rdzas dang brtags par yod pa de dag ni yang dag par dang tha snyad nyid du brtags pa yin la/ de'i rten can ni de la gnas pa'i 'dzin pa dag ste de ltar na 'dzin pa'i rnam par rtog pa dag ni rnam par rtog pa nyid 'dzin pa yin no zhes bya ba'i tha tshig go/ de ni gang gi tshe de dag gi zhes bya ba la sogs pa smos pa yin te/ skyes bu dang gi yul gi dbang por gyur cing dmigs par rtogs pa'i gzung ba'i don dag ste / 'og nas bshas pa'i yul dag ji ltar de dag gis yongs su brtags pa de bzhin du gang gi tshe gzung ba'i ngo bor yod pa ma yin te/ gang gi phyir phyi'i gzung ba nyid 'dzin pa'i rgyu nyid kyis na de dag 'dzin pa nyid du 'thad do zhes bya pa'i rgyu des na de'i tshe gang gi 'dzin par 'dod ces snga ma dang sbyar ro/ /de ltar pha yi'i gzung ba'i 'bras bu nyid kyi mtshan nyid 'dzin pa nyid mi 'thad pas 'dzin pa'i ngo bos skyes bu rdzas su yod pa dang btags par yod pa dag gi
- 241b
dben zhing med pa'i ngo bo yin pas ni phyin ci log tu zhes bya ba la sogs pa smros pa yin te/ snga ma bzhin du yul gyi dbye bas zhes bya ba dmigs pas sna tshogs pa nyid kyis na ji ltar gzhan gyi yongs su brtags pa'i srid pa dang zhi bar ltung ba nyid yin pa'i phyir ro// gags byed pa yin pas ni yang dag pa'i ye shes kyi sgrib pa nyid yin pa'i phyir ste/ re zhig gnyis su med pa'i tshul la ste smos kyang ci dgos/ /phyi rol smra ba'i tshul la yang/ /tha dad dus su bzung ba na/ /ji ltar yin snyam rigs shes pas/ /shes pa'i rnam pa gtong nus pa'i/ /rgyu nyid yin par shes par bya zhes smos pa'i phyir gzung ba dang 'dzin pa nyid du mi 'thad pas / bshad ma thag pa'i gzung ba dang 'dzin pa dag ni rtags yin pa'i phyir med pa yin no zhes bya bar dgongs so/ /ngo bo nyid dang zhes bya ba la sogs pa gzung pa'i rnam par rtog pa dang po'i tshig le'ur byas pa rnam par 'grel ba ni dben pas zhes bya ba la sogs pa smos pa yin te/ dben pa zhes bya ba gzung pa nyid la sogs pas stong par gzugs la sogs pa ma rtogs pa'i ngo bo nyid kyi mig gi rnam par shes pa la sogs pa'i yul ma yin pa'i bdag nyid can no/ /ci'i phyir zhe na dben pas zhes bya ba gzung ba la sogs bstong pa'i tshul gyis na/ de la skyon med pa nyid kyis te/ rdzogs pa'i byang chub kyi lam yin pa nyid kyis nyon mongs pa med pa nyid yin pas de nyid kyi phyir gzung bar bya ba nyid yin zhing blang bar bya ba'i dmigs pa nyid kyis 'jug par zhes 'og ma dang sbyar ro/ /sa mi g.yo ba zhes bya ba la sogs pa ni de bzhin du mi g.yo la la sogs pa la 'jug pas sangs rgyas kyi rigs su nges pa nyid yin no zhes bya bar sbyar te/ sa bdun pa'i bar du rigs ma nges pa nyid yin pa'i phyir ro/ /sgyu ma ltar bur zhes bya ba la sogs pa ni 'dir dmigs pa dang bcas pa nyid kyis mthong ba la sogs pa'i lam thob pa med pa'i phyir ro/ /snang brnyan tsam
- 242a
du zad pas zhes bya ba rnam pa rig pa tsam du zad pas 'khrul pa med pa'i shes pa ni gnyis du med pa'i shes pa dmigs par bya ba la sogs pa ni dmigs pa de la dmigs pa'o/ /yon tan du skyon ni srid pa gcig nas gcig tu rgyud pa las ldog pa dang 'jug pa'i mtshan nyid do/ /de mthong ba ston du 'gro ba'i gang blang bar bya ba dang dor bar bya ba nyid kyis gnyen po dang mi mthun pa'i phyogs so/ /dri ma thams cad ni rnam pa thams cad mkhyen pa nyid gsum gyi lam gyi gzung ba la sogs pa'i rnam par rtog pa rnams ni nyes pa thams cad de/ nyon mongs pa la sogs pa'i nyes pa rnams so/ /de dang bral ba nyid kyis rang gis rtos pa rdzogs pa'i byang chub thob pa'o/ /sngar bshad pa'i dmigs pa la sogs pa'i ni dman pa nyid yin pa dang dmigs pa dang bcas pa nyid yin pa'i phyir dman zhing gnom? pa ma yin pa nyid yin la nges nyan thos la sogs pa'i sa ni sngar bshad pa'i sa brgyad yin la de rnams thag bsring bar byed pa ni spang pa'i phyir ro/ /bsam pa ji lta ba dang mthun par sprul pa ni gdul bya'i dbang gis nyan thos la sogs pa'i yul? du ston pa ste/ des sems can gyi don gyi las te/ gdul bya rnams kyi nges par legs pa dang mngon par mtho ba bsgrubs pa'i las rnams so/ /dang zhes bya ba ni bsdu pa yin no/ /yang dag pa'i thabs la mkhas pa'i stobs kyis zhes bya ba ni sangs rgyas la sogs pa la dmigs pa'i dad pa la sogs pas skye ba thams cad sngar bshad pa'i mya ngan las 'das pa de la dgod pa'i bya ba nyid 'bras bu yin te de la'o/ /ngo bo nyid la sogs pa ni skyon med pa nyid kyis de bshad pa nyid ni bsal ba yin pas logs shig tum bshad do/ /'jug pa'i phyogs kyi rten can ni yul la gnas pa'o /mthong ba'i lam gyi sbyor ba'i gnas skabs ni mthong ba'i lam gyi bsam gtan gyi khyad par gang
- 242b
yin pa ste/ des spong bar bya bar zhes bya ba la sogs pa'o/ /srid dang zhes bya ba la sogs pa gzung pa'i rnam par rtog pa ldog pa'i tshig le'ur byas pa'i rnam par 'grel pa ni 'khor ba zhes bya ba la sogs pa yin te/ 'khor ba dang mya ngan las 'das pa dag gi nang ? gang yang rung ba zhig tu lhung ba nyid kyis ltung ba de ni nyes pa dang bcas pa nyid kyis dmigs pa dang bcas pa nyid yin zhing rtag pa dang chad par lta ba'i nyes pa nyid kyis gzung bar bya ba ma yin zhing spang bar bya ba la dmigs pa nyid kyis na ldog par bya'o zhes 'og ma dang sbyar ro/ /de ltar rtogs pa dang dman pa nyid yin no zhes bya ba la sogs par sbyar bar bya ste/ kun tu 'gro ba bdag med? pas stong pa'i phyir dman pa ste/ yongs su ma rdzogs pa nyid kyi rtogs pa'i rgyun du zhugs pa la sogs pa'i 'bras bu la sogs pa gang yin pa de la'o/ /dge ba'i bshes gnyen gyi rgyu thabs la mkhas pa ste/ sems mi 'god pa la sogs pa'i shes pa gang yin pa ste de dang bral pa nyid kyis yongs su 'dzin pa med pa ste/ dge ba'i bshes gnyen yang dag pas bdag gis byas pa med pa'o/ /shes bya'i sgrib pa mdza' dag ni yul la sogs pas chos pa'i gzung ba la sogs pa'o/ /de rnams kyi gnyen po ma yin pa nyid kyis 'joms par mi nus pa nyid yin zhing/ /sgrub pa'i lam ma tshang ba ste/ ye shes kyi thabs kyis stong pa nyid do/ /de bzhin gsheD pa la soD pa'i gdams ngag la ltos pa dad bcas pa nyid kyis zhes bya bar de nyid rtogs pa med pa'i phyir/ sangs rgyas dang byang chub sems dpa' dang nyan thos gcig la gcig gi gdams ngag las skyes pa'i shes pa yod pa nyid kyis na gzhan gyi rkyen gyis 'gro ba nyid de/ sangs rgyas la sogs pa'i mkhyen pas 'khrid pa nyid do/ /sems can thams cad kyi mchog nyid kyi chen po nyid la sogs pa ni sngar bshad pa ste/ de la mi 'jug pa nyid kyis na de med pa yin pas ched du bya ba las
- 243a
log pa yin te /ched du bya ba rnam pa gsum med pa'o/ /gzung pa la sogs pa'i bag chags yod pas nyon mongs pa'i sgrib pa 'ba' zhig gi gnyen por gyur pa nyid kyis na nyi tso ba zhes bya ba phyogs gcig pa'i lam gyi byed pa ste/ bden pa bzhi'i rnam pa'i byed pa gang yin pa de la'o/ /de la dmigs pa dang bcas pa nyid kyis zhes bya ba gzung pa la sogs pa'i dmigs pa yod pas/ 'bras bu dang po la sogs pa ste/ rgyun tu zhugs pa'i 'bras bu la sogs pa thob pa chags te/ de rnams spangs pa nyid kyis na gnas pa dang 'gro ba bag la nyan thams cad ni rnam par rtog pa thams cad kyi bag chags te/ de rnams spangs pa nyid kyis na gnas pa dang 'gro ba mi shes pa ste/ gdul bya'i yul du 'gro ba mi shes pa'o// theg pa chen po thams cad bsdud par byed pa nyid kyi rgyu yin pas rnam pas rnam pa thams cad mkhyen pa nyid de/ thams cad mkhyen pa gsum po nyid kyis sangs rgyas la sogs pa'i mya ngan las 'das pa thams cad kyis mya ngan las 'das pa gang yin pa de'i 'og tu gang mjug tu 'gro zhing rjes su 'brang ba de la dang ba'i lam med pas yon po'i lam gyis 'gro ba ni 'dir nyes pa yin no/ /'di dag la yang dang ni bsdu ba yin no/ /byang chub sems dpa' ni nyan thos la sogs pa las ldog pa dang 'jug pa'i gnas skabs go bzlog pa ni gzung ba'i rnam par rtog pa zhes bya ba la sogs pa smos pa yin te/ mthong pa'i lam gyi sems dang sems las byung ba ni rnam par shes pa dang tshor ba la sogs pa gang yin pa ste/ de rnams kyi 'jug pa'i gnas skabs ni gzung ba la sogs pa mi mthun pa'i phyogs nyid yin pas rgyun gyis 'byung ba'i khyad par des spang bar bya'o/ /'dzin pa dang zhes bya ba la sogs pa skyes bu rdzas su yod pa'i tshig le'ur byas pa rnam par 'grel pa ni kun rdzob tu zhes bya ba la
- 243b
sogs pa smos pa yin te/ sgyu ma bzhin du ste/ sgyu ma dang 'dra bar kun rdzob tu dbye ba'i tha snyad kyis/ 'dzin pa dang thar ba ste gzugs la sogs pa len ba dang 'dor ba'o/ /yang dag pa nyid du dbye ba seng pa'i blos yid la ma byed pa ste/ yul med pa'i phyir gnyis su med par 'jog pa'i sems kyis yid la byed pa'o/ /chos nyid kyis zhes bya ba ni gzugs la sogs pa la dmigs pa'i sems chos nyid kyis te/ gnyis su med pas khams gsum char dang nye bar 'bral pa zhes bya ba rnal 'byor pa'i lta bas 'dod pa dang gzugs dang? gzugs med pa'i khams rnams gcig tu dmigs pa'o/ /stong pa nyid du mi gnas pa ni gnas la mngon par zhen pa med pa'o/ /des gnas pa ni gzugs la sogs pa la gnas pa'o/ /dngos po la mngon par ma zhes pa ni gzugs la sogs pa ma? mchagD pas so/ /thams cad la mngon par zhen pa ni gzugs la sogs pa la kun tu chags pa'o/ /rdzas su yod pa med pas zhes bya ba ni don dam par yod pa ma yin pa'i phyir ro/ /chos su btags pa ni kun rdzob tu gzugs la sogs pa'i tha snyad du'o/ /de kho na nyid shes pa'i chags pas zhes bya ba ni sgyu ma lta bu gnyis su med pa'i ye shes la mngon par chags pa yin pa'i phyir ro/ /mngon par zhen pa sngon du 'gro ba'i chags pa ni mngon pa bzhen pa med pas gzugs la sogs pa la chags pa'o/ /mnyam pa nyid du bsgom pa ni de kho na nyid du na gzugs la sogs pa rnam pa gcig par bsgom pa'o/ /de nyid ni gzung ba la sogs pa bye brag gi blo 'dzoms par byed ba ni yin pa'i phyir gnyen po ste/ des na thams cad mkhyen pa gsum gyi lam ni gnyen po yin no// shes rab kyi pha rol tu phyin pa yang dag par ma shes pa nyid kyis ji ltar 'dod pa bzhin du 'gro ba thogs pa la zhes bya ba ni gang go tsha? shes rab kyi pha rol tu phyin pa lam gyi bdag nyid can yin pa de'i tshe dngos po la sogs par mi dmigs par gnyis su med pa'i
- 244a
ye shes kyi ngo bo yin par ma rtogs pa'i phyir ji ltar 'dod pa bzhin du gzugs la sogs pa mi dmigs pa'i shes pa ni 'jug pa yin la yang gang gi tshe 'bras bu'i bdag nyid can yin pa de'i tshe gnyis su med pa'i ye shes mngon sum du byas pa yin pas ji ltar 'dod pa bzhin du thams cad du 'gro ba la thogs pa med pa yin no/ /dang zhes bya ba rnams ni bsdu ba yin no/ /bshad ma thag pa'i 'dzin pa'i rnam par rtog pa gang yin pa de snga ma bzhin du mthong ba'i lam gyi bsam gtan gyi khyad par gyis spang bar bya ba yin no zhes bya ba ni don dam pa'i zhes bya ba la sogs pa smos pa yin te/ don dam pa'i dngos po ni skyes bu rdzas su yod pa ste/ de la mngon par zhen pa zhes bya ba la sogs pa yin no/ /ched bzhin zhes bya ba la sogs pa 'dzin pa'i rnam par rtog pa skyes bu btags par yod pa'i tshig le'ur byas pa'i rnam par 'brel pa ni nyan thos zhes bya ba la sogs pa yin te/ nyan thos la sogs pa'i nges par 'byung ba nyid kyis zhes bya ba ni gdul bya'i dbang gis nyan thos la sogs pa'i lam nyid yin pa'i phyir ched du bya ba ji lta ba bzhin du ste/ ched du bya ba 'byung ba las ma 'das pas so/ /nges par mi 'byung ba ni chen po nyid gsum ma thob pa'o/ /lam thams cad las yongs su rgyal bar bya ba'i phyir thams cad mkhyen pa nyid gsum bdag gir byas pa las rang gi mngon par 'dod pa'i lam med pas zhes bya ba bdag nyid kyis nges pa'i lam med pas lam gzhan la lam ma yin par nges par 'dzin pa ste/ mi dmigs pa la dmigs pa'i thams cad mkhyen pa nyid gsum las tha dang pa'i lam la lam ma yin pa kho na'o zhes bya bar nges par 'dzin pa'o/ /rgyu dang 'bras bu kun rdzob kyi ngo bos zhes bya ba kun rdzob tu rgyu dang 'bras bu yod pas skye ba dang 'gag pa ste/ skye ba
- 244b
dang 'jig pa'o/ /bar chad med pa dang gcig shos su snang ba nyid kyis zhes bya ba don dam pa nyid dang kun rdzob tu dbye ba med par rtogs pas dngos po mdza' dag ste gzugs la sogs pa rna nas la ldan pa ste/ /dbye ba med par rtogs pa dang mi ldan pa ste/ /dbye ba gang yin pa de la tha dad pa med par shes pa sngon du 'gro bas dbye ba shes pa'o zhes bya ba'i tha tshig go /nam mkha' la gnas pa'i bya dang 'dra ba nyid kyis na brten med pa nyid kyis gzuD la soD pa'i gnas la gzugs la sogs pa gnas med par gnas pa'o/ /byang chub kyi sems bskyed pa la sogs pa'i sgo nas zhes bya ba sangs rgyas la sogs pa las byang chub tu sems bskyed pa dang gdams ngag la sogs pa yongs su bzung ba'i dbang gis nyan thos la sogs pa'i rigs 'jig pa yin te/ sangs rgyas kyi rigs nyid yin pa'i phyir ro/ /de bzhin nyid las khyad par du 'phags pa'i chos med pas zhes bya ba ni stong pa nyid las khyad par 'phags pa'i gzugs la sogs pa med pa'i phyir 'dod pa med de/ 'dod pa'i yul mi dmigs pas 'dod pa med pa'o/ /don dam pa'i bden pa la brten nas/ de kho na nyid mthong bas rgyu med pa ste/ yang dag pa'i nye bar len pa dang lhan cig byed pa'i rgyu med pa'o/ /ser sna/ shin du goms par byas pa'i chos nyid kyis zhes bya ba ni gtong ba med pa la goms pa'i phyir ro/ /bdud la sogs pa'i phyir rgol pa'i dbos po dmigs pa ni rdzas gcig la mngon par 'dod pa'i mi dang bdud dang dgra bo la sogs pa'i yul du 'dzin pa'i shes pa yod pa'o/ /dang gi sgra ni snga ma bzhin no/ /btags pa'i dngos po ni skyes bu yod par btags pa'o/ /de la mngon par zhen pa nyid gyis de la mngon par chags pa'i phyir zhes bya ba la sos pa smos so/ /gnyen po ma bstan du zin kyang 'dir mi mthun pa'i phyogs smos pas shugs kyis 'phangs par lta'o zhes bya ba ni da ltar na zhes bya ba la sogs pa smos
- 245a
pa yin te/ rnam rtog 'di dag rang nyid ni/ /ma rig ngo bo nyid du rtogs/ /gang phyir dang gi rnam pa ni/ /phyi'i ngo bor sgro btags 'jug ces smos pas ma rig pa dang bral pa'i byang chub pa'i gnas skabs su rnam par rtog pa thams cad ni med rin? pa yin pa'i phyir spang bar bya'o zhes spang bar bya ba nyid sngar bshad pa yin no/ /'dir gzung ba'i rnam par rtog pa yin la 'dzin pa'i rnam par rtog pa ma yin pa ni mu bzhi ste/ de la mu dang po ni gang gzung ba'i rnam pa'i yul rtogs pa'i rnam par shes pa'o/ /gnyis pa ni skad cig ma gcig pa 'dzin pa'i rnam pa'o/ /gsum pa ni de nyid kyis skad cig ma gzhan no/ /bzhi pa ni rnam pa de dang bral pa'i shes rab kyi pha rol tu phyin pa'o/ /rigs nyid yin la rigs kyi rnam par rtog par gyur pa ma yin par zhes bya ba phyi ma ston par byed pa ni re zhig rigs kyi rnam par rtog pa gang yin pa rigs kyang de nyid yin pa ni 'di lta ste/ gnyen po yang dag par sgrub pa'i dus kyi rigs so/ /rigs nyid yin la rigs kyi rnam par rtog par gyur pa ma yin pa ni 'di lta ste yang dag par sgrub par gyur pa'i rigs so yang dag par sgrub pa'i rnam par rtog pa yin la dmigs pa'i rnam par rtog par gyur pa ma yin pa zhes bya ba ni snga ma ston par byed pa ni re zhig yang dag par sgrub pa'i rnam par rtog pa gang yin pa de nyid dmiD pa'i rnam par rtog pa yang yin pa ni 'di lta ste/ yang dag par sgrub par gyur pa'i yang dag pa'i dmigs pa la rab tu sbyor pa'o/ /dmigs pa'i rnam par rtog pa nyid yang dag par sgrub pa'i rnam par rtog pa ma yin par gyur pa ni 'di lta ste dmigs pa yongs su rdzogs pa'o/ /phyogs 'dis lhag ma rnams dpag par bya'o/ /'bras bu 'dod pa'i skye bo ni dang por rgyu tshol bar 'gyur pa yin pas byang chub kyi rgyu mthong ba'i lam gyi lhan cig byed pa'i rgyu rnam pa gsum 'chad par byed pa'i phyogs
- 245b
snga ma bkod pas tshig le'ur byas pa la 'jug pa ni de ltar mthong ba'i lam zhes bya ba la sogs pa yin la tshig le'ur byas pa'i don ni 'chad par 'gyur ba'i zhes bya ba la sogs pa smos pa yin te/ chad par 'gyur ba'i mtshan nyid can gyi byang chub na 'tshang rgya gnyid do/ /gzhan dag la ni gdul bya rnams la'o/ /mthong ba'i lam la sogs bston pa zhes bya ba ni bdag nyid kyis mthong ba dang bsgom pa'i lam thob pas so/ /rab tu 'god pa ni gdul ba rnams la byang chub kyi sems la sogs pa sbyin pa ni rgyu gcig yin no zhes 'og ma dang sbyar ro/ /byang chub kyi rgyu mtshan kho nar zhes bya ba ni bdag nyid kyi byang chub kyi rgyur ro/ /de dag la ni gdul bya rnams la'o/ /yang dag pa'i tshig dang don ni bcos ma'i don gyi stong pa'i shes rab kyi pha rol tu phyin pa ston pa'o/ / sogs pa'i sgras ni lam de dang sgo de dang man ngag de las shes rab kyi pha rol tu phyin pa yang dag pa so sor gtong cing ye shes kyi bdag nyid can gyi yum rab tu sbyin pa ni rgyu gnyis pa yin no/ /byang chub thob par byed pa'i phyir bdag nyid la bar chad med pa ni rgyu gsum pa yin no/ /de ni rang las zhes bya ba la sogs pa smos pa yin te/ rang las te bdag nyid las ches mang po'i gus pa la sogs pa'am med pa'i shes rab kyi pha rol tu phyin pa bsgom pa la sogs pa ste/ thos pa dang bsam pa la sogs pa gang yin pa nges bsod nams te/ sems kyi dag byed de'i mtshan nyid de/ de ltar na rgyu rnam pa gsum bstan pa yin no/ /gang gi don du zhes bya ba la sogs pa la dri ma ste nyon mongs pa gang yin bzang pa dang/ mi skye ba de dag gi ye shes ni rnam par mi rtog pa'i mtshan nyid can du gang gi tshe gyur pa de'i tshe byang chub ces brjod de rnam par rtog pa thams cad bral ba'i 'tshang rgya ba nyid ni sngar kun rdzob yin par bshad do/ /ci nang gi mu stegs pa dang 'dra ba yin nam zhe na/ zag med skye med phyir de dag /go rim
- 246a
bzhin du shes par bya zhes gang gsungs pa yin te/ gang gi tshe yang dag par ma nyon mongs pa la sogs pa'i skyes pa med pa nyid kyis na zad pa med do/ /zhes mkhyen pa de'i tshe nyon mongs pa la sogs bzang pa'i ye shes yin la/ yang gang gi tshe nyon mongs pa la sogs pa mi skye ba med pa nyid kyis skye ba med do/ /zhes mkhyen pa de'i tsho ni nyon mongs pa la sogs pa skye ba med pa'i ye shes 'dir shes par bya ba ni spyi'i don yin no/ /tshig le'ur byas pa'i dn ni nyon mongs pa zhes bya ba la sogs pa yin te/ nyon mongs pa ni 'dod chags la sogs pa'o/ /shes bya ni gzung ba ma lus pa ste /de dag nyid yang dag pa'i ye shes kyi gegs byed pa yin pa'i phyir sgrib pa ste/ de nyid glo bur ba nyid yin pa'i phyir dang/ mi shes pa'i dri ma'i rgyu yin pa'i phyir dri ma yin no/ /de nas skyes pa dang ma skyes pa nyid du brtags pa ni nang gi mu stegs pa dag gi yang dag par na skyes pa dang ma skyes pa nyid du mngon par 'dod pa'o/ /chos kyi dbyings mi gnyis su med pa'i ye shes so/ /de la ma gtogs par ni de dang bral ba ste / gang gi phyir chos te/ gzugs la sogs pa yod pa ma yin te zhes bya ba pha rol tu phyin pa'i tshul las bshad pas /chos kyi khongs su 'dus pa nyid kyis na /chos kyi dbyings kyi ngo bo'i gnyis su med pa'i ye shes kyi bdag nyid can yin la na mkha' bzhin du zhes bya ba rten med pa nyid kyis so/ /'gag pa dang skye ba med pa'i phyir zhes bya ba ni nyon mongs pa la sogs pa skyes pa rnams yang dag par na zad pa med pa'i mtshan nyid 'gog pa mkhyen pa'o/ /skye ba med pa'i phyir zhes bya ba ni zag pa med pa zad ba mkhyen pa'i bshad pa yin no/ /gcig dang du ma'i ngo bo nyid ni cha shas can dang rdul phra rab bsags pa'i bdag nyid do/ /rgyu dang 'bras bu ni grags par zad do/ /dngos po'i chos 'di dag rnam par 'phyed pa ni
- 246b
tshad ma ste gcig dang du ma'i ngo bo dang bul ba dang yod pa dang med pa la sogs pa'i rgyu dang 'bras bu med pa'o/ /sogs pa'i sgras thog ma la sogs pa'i shes pa'i bye brag dang phyogs gcig la sogs pas thams cad sgribs pa la sogs par thal ba dang ldan pa dang mi ldan pa nyid la sogs pa'o/ /des 'thad blo dngos po'i de kho na nyid kyi bdag nyid de/ med pas zhes bya ba ni mi ldan pa nyid kyis na med pa'i phyir ro/ nam mkha' i pad+ma bzhin du 'gag pa dang skye ba med pas zhes bya ba ni dngos po nyid du med pa'i phyir nyon mongs pa la sogs pa ma skyes pa rnams ni yang dag ?? skye pa'i mtshan nyid 'gog pa'i ye shes kyis skye ba med pa'i phyir skye ba med pa mkhyen pa bshad pa yin no/ /de ni de ltar go rim bzhin du zhes bya ba la sogs pa smos pa yin te/ go rim bzhin du sngar bshad pa'i dri ma rnams ni zad pa dang mi skye ba shes pa ni chos kyi dbyings kyi bdag nyid can yin pas snga ma bzhin du zad ba shes pa dang gcig dang du ma dang bral ba'i phyir zhes bya ba la sogs pa'i tshad mas gang gi tshe me skye ba shes pa de'i tshe chos thams cad ces bya ba la sogs pa de rnams phyin ci ma log par rtogs pa ste/ yang dag par skye ba med par shes pa'o/ /de'i mtshan nyid ni ngo bo/ /chos kyi sku la sogs pa'i bdag nyid ni ye shes las sku gzhan gyi yin par mi 'thad do/ /ji lta ba bzhin du zhes bya ba ni tshad mas 'thad pa nyid yin pa'i phyir ro/ /byang chub chen po ni khyab pa'i ye shes so/ /nang gi mu stegs pa rnams kyi byang chub mi 'thad pa'i tshig le'ur byas pa la 'jug pa ni gang gi phyir zhes bya ba la sogs pa smos pa yin te/ gang gi phyir theg pa chen po'i tshul la byang chub de lta bu yin pa de'i phyir nang gi mu stegs pa gang dag gis dngos po 'jig pa'i bsam pas dngos po can gyi nyon mongs pa la sogs pa skyes pa rnams 'gag pa la bsams nas zad cing 'gags pa la zad cing 'gags so zhes bya ba'i shes pa ste rnam par rtog pa ni zad
- 247a
shes pa'o/ /dngos po mi skye pa'i bsam pas dngos po can gyi nyon mongs pa la sogs bskye pa rnams la skye ba med pa las sems? nas ma skye pa yin zhing skye ba'i gags byed pa'i 'gog pa la mi skye ba la mi skye'o snyam pa'i shes pa ma skyes pa nyid kyis na nyon mongs pa skye bar m 'gyur ro zhes bya ba'i rnam par rtog pa ni mi skye ba'i shes pa yin par brjod cing rang gi tshul rnam par 'jog na de rnams kyi zad pa dang mi skye ba med pa ?? nas shes pa de rung ba ma yin no zhes bya ba yang dag par yod pa ma yin pa nyid kyis na nyon mongs pa la sogs pa med pas zad pa dang mi skye ba dag med pa kho na yin pas nang gi mu stegs pa rnams kyi shes pa de rung ba ma yin no zhes de rnams la bar skabs kyis tshigs su bcad pa gsungs pa yin te/ gcig dang du ma dang bral ba zhes bya ba la sogs pa'i tshad mas 'thad pa'i rang gi lung stn pas rtag pa'i lung la mi rtag pa'i lung lta bu 'am/ smig rgyu'i chu la yang dag pa'i chung shes pa dang 'dra bar de'i lung mi 'thad par 'phags pa byams pas so so rang gis rig pa'i ye shes kyis gzigs nas de rnams kyi thog ma med pa'i srid par dngos po med pas mngon par zhen pa bsal bar bya ba'i phyir thugs rjes rigs pa bdag gir mdzad pa yin te/ mthong zhes bya ba'i lam gyis ni zhes bya ba ni nang gi mu stegs pa rnams kyis bdag gi nyon mongs pa zad cing slar yang mi skye bar 'gyur ro zhes bya ba'i zad pa dang mi skye ba shes pa dag ni nyon mongs pa la sogs pa'i de bzhin nyid kyi ngo bo nyid yin pas zad pa dang mi skye ba med pa mi dgog pa med pa de'i rang bzhin yin zhing bzlog tu med pa yin pa la dngos po la mngon par zhen pas rang gi ngo bo yongs su mi shes pa las gyur pa yin par shes par bya'o/ /de las nyes bci 'gyur zhe na /rnam par rtog ces bya ba la sogs pa smos pa yin te/ rnam par rtog pa'i rigs ni rnam par rtog pa'i ngo bo'o??
- 247b
ci zhig zad ba ni 'gog ba'o/ /yang na rnam par rtog pa'i ngo bo skye med rnam pa ci zhig 'thob ces bya ba ste/ skye ba med pa'i chos ce zhig skye ste ci yang ma yin te/ nyon mongs pa log na de las byung ba'i rnam par rtog pa ldog pa yin na de 'ang bshad ma thag pa'i tshad ?? 'thad pa'i de bzhin nyid kyis ngo bos drangs pa'i nyongs mongs pa la sogs pa'i ngo bo dang zad pa dang mi skye ba shes pa'i rang bzhin ni dngos po la mngon par zhen pas rang gi ngo bo ma shes pas nang gi mu stegs pa rnams kyis mi shes pa yin la/ de bas na nyon mongs pa'i rang gi ngo bo mi shes pas ji ltar na de rnams mthong ba'i lam gyis nyon mongs pa la sogs pa rnam par rdzog par bya bar ??/ de ldog pas kyang de las byung ba'i rnam par rtog pa gcig nas gcig tu brgyud pa ji ltar ldog ste/ rgyu yod na 'bras bu ldog pa ni gang na yang yod pa ma yin no zhes bya ba'i bsam pa dang ldan pas 'phags pa byams pa'i dgongs pas bshad pas tshig le'ur byas pa'i don ni skyes pa dang zhes bya ba la sogs pa yin te/ skyes pa dang ma skyes pa dag go rim bzhin du zhes bya ba ni nyon mongs pa la sogs pa rnams rnam par 'jig pa ni zad pa yin la/ nyon mongs pa la sogs pa ma skyes ba skye ba'i gags byed pa ste/ nye bar len pa'i rgyu med pas ma skyes pa yin la 'di dag gi mtshan nyid kyis 'gog pa gang yin pa de ni mthong ba'i lam gyi bras bu nyid yin pa de rnams 'dod la de dang bral ba de ni don dam par zhes bya ba la sogs pa smos pa yon te/ don dam pa ni yang dag pa nyid de rnam par dpyad cing brtag bzod pa nyid kyis na de bzhin nyid kyi ngo bo ni rang bzhin yin zhing chos kyi dbyings kyi ngo bo'i rang bzhin yin la dngos po la log par mngon par zhen pa khyed kyis zhes bya ba dngos po rnams la log par mngon par zhen pa khyed rnams kyi'o/ /mthong ba'i lam gyi stobs kyis zhes bya ba ni sngar bshad pas so/ /rnam par
- 248a
rtog pa la sogs pa'i ngo bos skyes pa ni ci zhig zad ces bya ba ni nyon mongs pa la sogs pa'i rnam par rtog pa ci zhig bag chags gang las 'byung ba ni 'gags/ mi skye ba'i chos can ma skyes ba ni ci zhig skyes te/ skye ba med pas cung zad kyang med pa kho na yin pas de'i phyir med pa la mngon par zhen pa khyed kyi mthong ba'i lam ni lam ma yin pa nyid yin pa'i phyir ro/ /rgyu 'dis na kho bo cag gi gzhung lugs kho na khas blang bar bya'o zhes bya ba kun tu 'gro ba'i bdag med pa'i mtshan nyid can kho na byang chub kyi lam yin par rigs pa nyid yin pa'i phyir sten par gyis shig snyam du dgongs pa yin no zhes bya ba 'phags pa byams pa'i dgongs pa yin no/ /dngos po rnams yang dag par khas blangs nas sngar bshad pa bzhin du byang chub med pa'i nyes pa bsal bar bya ba ni de lta ma yin te zhes bya ba la sogs pa smos pa yin te/ de lta ma yin zhes bya ba ni kho bo cag gi gzhung por ste/ chos yang dag par yod par khas len na zhes bya ba gzugs la sogs pa don dam par yod par bdag gir byed na bcom ldan 'das te/ rdzogs pa'i sangs rgyas kyi nyon mongs pa dang shes bya'i rnam par rtog pa ni sngar bshad pa'o/ /de nyid ni snga ma bzhin du sgrib pa yin la de rnams spangs pas 'gog pa ni rnam pa thams cad du ngo mtshar gyi gnas yin pa ni ngo mtshar byed pa yin pa 'di ltar mi srid do zhes bya ba'i bar skabs kyi tshigs su bcad pa ni chos rnams kyang zhes bya ba la sogs pa gsungs pa yin te/ chos rnams te gzugs la sogs pa rnams kyang yod ces bya ba yang dag par yod par khas len na shes bya la yang zhes bya ba gzung ba la yang sgrib pa ste/ rnam par rtog pa la sogs pa zad cing 'god par ston pa gzhan gyis brjod pa gang yin pa de ni 'dir phan tshun 'gal ba yin pa'i phyir kho bos mtshar du brtsis te 'dir ni mi srid do zhes 'phags pa byams pas dgongs so
- 248b
nang gi ma sregs pa rnams kyis byang chub pa'i thabs thabs ma yin pa nyid du bstan pa'i skabs su thams cad du 'gro ba pa'i bdag med pa bstan pa ni byang chub ji lta ba de lta bu yin pa bla ma'i man ngag mdor bsdus te/ bstan pas 'jug pa'i sgo nas tshig le'ur byas pa las ma smos pa'i don gyi shugs kyis 'phangs pa bstan par bya ba'i phyir de la skye ba dang zhes bya ba la sogs pa smos pa yin te/ de la zhes bya ba ni phyi rol yod par lta ba'i byang chub mi 'thad par gnas pa ni rnal 'byor bas thams cad du 'gro pa'i bdag med pa'i sbyor ba dang ldan pas shes bya'i sgrib pa yang dag par spong ngo zhes bya ba rnam par rtog pa'i dra ba yang dag par slar yang mi ldog pa nyid du spong ngo zhes 'og ma dang sbyar bar bya'o/ /ci'i phyir zhe na/ ci'i phyir ji lta bu de zhes rtog pa la/ skye ba dang zhes bya ba la sogs pa smos pa yin te/ phyi rol ba'i mu stegs pa kha cig rtag pa dang bdag dang rtogs pa'i ngo bo dang ma rtogs pa'i ngo bor smra la/ de rnams ni rang nyid mar me'i me lce dang 'dra bar rtag pa nyid du mi 'thad pas skye pas skye ba dang 'jig pa de ni khas mi lan gyi nang gi mu stegs pa kha cig rtag pa dang chang pa nyid las rnam par grol ba gos ba dang skyes bu la sogs pa'i bdag nyid du smra ste/ de rnams kyang rtag pa dang mi rtag pa'i ngo bo dag gcig par mi srid cing dngos po ma pa thams cad kyi rtse mo nyid yin pa'i phyir des sel bar byed bya ste/ gang yang skye ba dang 'jig pas stong pa ni kun rdzob tu yang ri bong rwa dang 'dra bar rtags pa dang bdag med pa nyid du khas blangs pa nyid kyis grub pa la rtag pa dad dbang phyug la sogs pa gzhan dag kyang de bzhin du zhes bya ba'i bsam pa dang ldan pas mngon par 'du byed pa'i 'jig tshogs la lta ba ni bdag gi rten yin pas yod par lta ba la rten pa thams cad kyi rtse mo nyid yin pa'i phyir des sel bar byed pa'i rdo rje'i skyil mo krung la sogs pas bsdom pa rtsom pa yin te/ de ni bdag ni med kyi phung po tsam nyid yin na zhes phyi rol pa'i
- 249a
sangs rgyas pa'i grub pa'i mdza' las skye ba dang 'jig pas stong pa'i phyir bdag med do snyam du sgom zhing mngon par 'dus byas pa'i bdag tu mngon par zhen pa yongs su bor la der dben pa'i bdag gis stong pa'i phung po la sogs pa ste/ phung po dang khams dang skye mched tsam ma rig pa la sogs pa yan lag bcu gnyis las 'byung ba yin pa'i phyir rten cing 'brel par 'byung ba skye ba dang 'jig pa'i chos can la yang dag par dmigs te zhes bya ba kun rdzob tu skye ba dang 'jig pa'i chos nyid yin par 'jig rten du grags pa yin pa'i phyir lhan cig skyes pa'i 'jigs tshogs la lta ba'i rten la dmis te/ de'i rjes la de bsal bar bya ba'i don du sngon po dang de'i blo dag lhan cig dmigs par nges pa'i phyir zhes bya ba shes bya nang gi yin pa'i grub pa'i mdza' las sngon po dang de'i blo dag ces bya ba sngon po dang gcig shos dag kyang sha za yin snyam pa 'am ka ba la sogs pa ltar sngon po dang blo dag ni de 'dzin par byed pa nyid kyis na brtags pa yin pas rnam pa dang bcas pa'am rnam pa med par dmiD pa dang lhan cig par nges pa yi pa nyid kyis na zla ba gnyis pa dang 'dra bar rtogs pa'i phyir 'di ni sems tsam kho na yin gyi phyi rol gyi don ni med do zhes bya ba ni yang yul la sogs pa nges par grub ste/ mi 'dra'o zhes bya ba'i grub pa'i mthas de'i sgrub pa'i yul la sogs pa'i nges pa ni med du zin kyang rmi lam du srid pas ma nges pa nyid kyis na sgrub pa ma yin pa nyid du sems shin sha za ba 'am kab la sogs pa gzhan dag yod pa ma yin te/ phyi'i don ni bems po yin te snang bar mi rung bas de med do zhes yid la byed cing dmigs pa na 'dzin pa'i rnam pa can gyi sems la mngon par zhen pa yongs su ma bor bas zhes bya pa'i phyi rol med pa na de 'dzn par byed pa nyid du mi 'thad pa yin na yang skye ba thog ma med pa nas gcig nas gcig tu brgyud pa'i
- 249b
de rnams pa dang de'i bag chags yod pas rang gi sems gnyis su med pa'i rnam pa la 'dzin pa'i rnam pa nyid mngon par zhen pa yin no/ /phyi rol gyi don du mngon par zhen pa spangs te zhes bya ba ni snga ma bzhin du phyi'i yul du dmigs pa mi 'thad pas de la chags la rnam par bsal te/ rgyu dang 'bras bu nyid kyis gzung ba dang 'dzin pa dag phan tshun ltos pa nyid kyis yod par rigs la de'i 'og tu de yang rnam pa med pa'i shes pa ni yul la 'dzin par mi rigs so/ /rnam pa tshad ma med phyir dang/ ma rig phyir na gcig shos mi zhes ? bsal bas bzung ba med na 'dzin pa med do zhes nges par bsam mo/ /de'i 'og tu 'di dag rnam rig tsam nyid ces/ /de snyam du ni bsam nas su/ /ci yang rung ste mdun 'jog na/ /de nyid tsam la mi gnas so zhes smos pas gzung ba'i rnam pa'i mtshan nyid kyang sems tsam nyid yin pas mdun du rnam pa brtags pa yang sems tsam nyid kyis rigs pa ma yin pas de yang 'dzin pa'i rnam pa'i mtshan nyid kyi rnam par rig pa tsam de yang rnam par bsal zhing dor te/ blo las nyams myong gzhag med cing/ /de nyams myong ba gzhan med de/ gzung dang 'dzin pa dang bral bas/ /de ni rang nyid snang ba yin zhes bshad pas gnyis su med pa'i ye shes 'ba' zhig ste/ gzung ba la sogs pas stong pa nges par 'byed pa'i che? rnam par shes pa tsam 'ba' zhig bdag la sogs pa'i 'dzin pa dang bral ba 'am yang dag par rig pa'i bya bas stong ba yang dag pa ste/ de kho na nyid du na yod pa'i ngo bo ste/ gnyis su med pa'i ngo bo nyid kyis rang rig par gyur pa nyid kyis yod cing gnas pa yin no/ snyam du de ltar nges par byas nas de'i 'og tu/ de dang de rton gang byung ba/ /rang gi ngo bor de ma skyes/ /rang gi ngo bor gang ma skyes/ /de la skyes zhes ci zhig brjod ces bya ba'i grub pa'i mthas de yang ste/ rnam par shes pa tsam yang rten cing
- 250a
'brel pa 'byung ba yin pa'i phyir zhes bya ba sng ma bzhin du sems dang sems las byung ba'i tshogs pa'i dbang las skyes pa yin pa'i phyir sgyu ma bzhin du ngo bo nyid med pa ste/ rang rig pa nyid yin pa nyid kyis na smyon par mi nus pa yin na yang rgyu dang 'bras bu'i ngo bor mi 'thad pas rang nyid kyis stong pa yin zhing yang dag par te/ de bzhin nyid kyi ngo bo nyid kyis na gcig tu ste/ shin tu dngos po dang dngos po med pa la sogs par brtags pa'i ngo bo dang bral ba zhes bya ba dngos po dang dngos po med pa dang gnyi ga dang gnyi ga ma yin pa'i rnam par rtog pa'i ngo bo med cing spangs pa yin no snyam du bsgom ste/ ? phyir yang dag yang dag min/ /shin du bsgoms pa gang gang yin/ /bsgom pa'i stobs ni rdzogs pas na/ /de bsal mi? rtog blo'i 'bras bu zhes smos pas/ bsgom pa'i stobs grub nas zhes bya ba bsgom pa'i rang kyi mthar phyin pa'i gnas skabs su kha cig la nor bu dang dngul? la sogs pa'i shes pa bzhin du zhes bya ba ji ltar so so'i skye bo rnams kyi nor bu dang dngul dang me long la sogs pa la gzugs brnyan gyi shes pa gcig dang du ma la sogs pa nyid kyis stong pa gsal bar snang ba de bzhin du 'khrul pa'i mtshan ma mdza' dag spongs pa zhes bya ba gzung ba la sogs pa ma lus pa dang bral ba'o/ /sgyu ma lta bu'i bdag nyid du snan ba'i blo zhes bya ba'i rgyu dang 'bras bu'i dngos por mi 'thad pas so/ /rnam par mi rtog pa zhes bya ba ni 'dod chags lasogs pa'i rnam par rtog pas stong pa nyid ces na ma rig pa dang bral pa'o/ /so so rang gis rig par bya ba ni mi slu pa so so rang gis rig pa'o/ /tse zhig ltar 'ga' zhig gis kyang ste/ yang dag par skyes na spong ngo zhes 'og ma dang sbyar ro/ /da ni ldog pa'i sgo nas chig le'ur byas ba las ma smos pa'i don gyis 'phangs pa ni de lta ma yin te zhes bya ba la sogs pa smos pa yin te/ de lta
- 250b
ma yin te zhes bya ba ni ngo bo nyid stong bas nyon mongs pa la sogs pa khas mi len par gzhan dag gis gnyen po'i la ma bsgoms pas chos de rnams la cung zad kyang mi byed de nyon mongs pa la sogs pa spang ba'i khyad par ci yang skye bar mi 'gyur ro/ /ji lta bu zhe na nam mkha' bzhin du ste/ ji ltar nam mkha' la rdzas med pa tsam gyi ngo bo la khyad par gang gis kyang 'phel ba dang 'bri ba'i bdag nyid can gyi khyad par bya bar mi nus te/ rtag pa nyid kyis don dam par ngo bo nyid de lta bur yod? pa nyid yin pa'i phyir ro/ /de bzhin du phyi dang nang gi mu stegs pa la grags pa'i dpe yin pa de smras pa ni de/ la? nam mkha' bsgribs pa med pa zhes bya ba nang gi mu stegs pa'i grub pa'i mdza' las dus thams cad du ste/ rnam pa thams cad du nam mkha' zhes bya ba ni ri bong gi rwa dang 'dra bar gsog yin pa nyid la de rnams kyi 'thad pa dang rdzas su brtags pa yin te/ de ni rdzas med pa tsam gyi ngo bo 'dzin pa bzhin du zhes smos pa yin no/ /phyi rol gyi mu stegs kyi phyogs la ni rdzas dang yon tan la sogs pa med pa tsam gyi ngo bo yin la nang gi mu stegs pa'i phyogs ltar na yang gzugs la sogs pa spyi'i dang khyad par med pa tsam gyi ngo bo khyad par med pa nam mkha' ji ltar 'dzin pa de bzhin du bskyed du med pa ste/ gzhag tu med pa dang spang du med pa ste/ bsal du med par rang gi ngo bo ste/ rang bzhin gang yin pa de 'dzin cing bdag nyid kyis ngo bor bdag gir byed pas chos rnams kyi 'dzin pa nyid de/ yang dag pa nyid med pa'i phyir gzung ba dang 'dzin pa'i skad cig ma skye ba cam du gnas pa yin la/ de ni shes pa tsam gyi ngo bor zhes smos pa yin te 'dzin pa'i shes pa'i bdag nyid la sogs pa'i ngo bos stong pa rnams dang shes bya'i mtshan nyid rnams te/ de'i rgyu gzugs la sogs pa gzung ba'i bdag rnams gal te don dam par bcos ma ma yin pa'i don gyis yod pa nyid du gyur na de'i tshe cung
- 251a
zad kyang mi byed do zhes bya bar sbyar te/ da ltar gyi gzugs la sogs pa nyon mongs pa can gyi phung po'i mtshan nyid la gnyen po lam gyi mtshan nyid 'das pa dang ma 'ongs pa med pas de skye ba'i skad cig ma yang da ltar gyi skad cig ma ni med pa nyid yin pa'i phyir cung zad kyang mi byed do zhes bya ba nam mkha' rtag pa dang 'dra bar chos rnams skad cig ma yin na yang phul du byung ba'i byed pa med pa na khyad par ci zhig yod de/ ci yang med pas khyed? cag gi phyos ltar bsgom pa ni 'bras bu? med pa dang/ chos kyi rang gi ngo bo ma shes par gyur pa gang gis bzlog ces bya bar dgongs so/ /de 'ang ji ltar ri mos kha na gyis ni/ gnod sbyin 'jigs su rung ba'i gzugs/ /bris nas bdag nyid skrag pa ltar/ 'khor bar mi mkhas te rang? bzhin no zhes gang bshad pa yin no zhes bya ba'i lan gyi zur gyis yang tshig le'ur byas pa las smos pa'i don ni de'i phyir zhes bya ba la sogs pa smos pa yin te/ gang gi phyir de ltar yin pa de'i phyir dngos po ste gzugs la sogs pa de la mngon par zhen pa ste/ yang dag pa'i blar gyur pa de nyid phyin ci log yin zhing mi 'thad pa nyid kyis na de mi ldog pas bcom ldan 'das kyis gnas skabs su yang gnas payin la nges na gang bcom ldan 'das te rdzogs pa'i sangs rgyas kyi shes bya'i sgrb pa bag chags dang bcas pa rnam pa thams cad du spangs shing gzung ba la sogs pa 'gog pa dang/ chs rnams te gzugs la sogs pa rnams kyang yod par khas len cing/ /don dam par 'dod pa gang yin pa d ni phan tshun 'gal pa'i don khas lan pa ni kho bos ting nge 'dzin mngon sum dubyas pas ya mtshan du brtsis te/ /log pa'i dngos po la mngon par zhe na pa yang gal te nyon mongs pa ldog par gyur na de'i tshe so so'i skye po rnams dang ci'i phyir ma gyur ces 'phags pa
- 251b
byams? pas dgongs so/ /rgya mchog nyid las 'bras bu mchog tu 'gyur gyi ko tra pa'i sa bon las sa lu'i? myu gu dang 'dra bar gzhan las ma yin no zhes thams cad kyi khas blangs par bya ba yin pas de'i phyir nyon mongs pa spong ba'i 'bras bu mchog tu gyur pa po 'am? mi mchog ma yin pa'i dngos pa la lta bas dri ma can du byas pa'i mthor ba'i lam las rung ba ma yin no zhes bya bar shes par bya'o/ /dbu ma'i rgyan las rnam par dag pa'i rgyu las ni/ 'bras bu rnam par dag pa 'byung/ /yang dag ltas byung tshul khrims kyi/ /yan lag la sogs rnam dag bzhin zhes bya ba dang/ rnam 'grel las/ lan 'ga' thabs ni rnam ba zhig /dus kyang mar du 'di yis ni/ /bslabs pas de la yon tan dang/ /nyes pa bsal bar gyur pa yin zhes gang bshad pa yin no// de ltar yod pa'i phyogs bsal nas? zhes bya ba ni gzung ba la sogs pa'i grub pa'i mdza' mi bden pa'i grub pa'i mdza' nyid du bstan nas ngo bo nyid med pa'i phyogs thams cad du 'go ba'i bdag med pa'i grub pa'i mdza' brtan? por mdzad cing nges par byas nas thar ba 'dod pa rnams kyis 'di kho na khas blang bar bya'o zhes bya ba rdzogs pa'i byang chub 'dod pa rnams kyis dngos po thams cad bdag med pa'i phyogs 'di kho na rigs pa dang ldan pa nyid yin pa'i phyir khas blang bar bya'o zhes gnas pa'i phyogs te/ nges pa grub pa'i mdza' bar skabs kyi tshigs su bcad pas gsungs pa ni 'di la zhes bya ba la sogs pa yin te/ 'di la bsal bya ci yang med ces bya ba gang gi phyir grol ba ni 'thad pa'i rgyu des na nang gi mu stegs pa rnams kyis don dam par yod pa la sogs pa sgro btags pa'i de kho na nyid kyi lta ba gang yin pa de bsal bar bya ba dang/ mnan par bya ba cung zad med ces bya bas ni phyi rol pa'i mu stegs ba rnams kyi bdag la sogs pa sgro btags pa gang yin pa nges par? na par mi bya ste?/ ?
- 252a
dam pa'i lta ba'i tshul la sogs pa la zhes bya ba ni lhag ma'o/ /med par lta ba bsal ba ni yang dag ces bya ba la sogs pa smos pa yin te/ yang dag pa nyid du zhes bya ba ni rten cing 'brel par 'byung ba nyid kyis yang dag pa ste ji lta ba bzhin du grags pa'i gzugs la sogs pa lta bar bya zhing shes par bya'o/ /nges cir 'gyur zhe na/ yang dag mthong na rnam par grol zhes bya ba yin te/ rang gi ngo bo nyid bsgom par byed pa ni nyan mongs pa bag chags dang bcas par spangs pas sangs rgyas su 'gyur ro/ /tshig le'ur byas pa 'di nyid kyi don ni gang gi phyir zhes bya ba la sogs pa smos pa yin te/ gang gi byir bshad ma thag pa'i dngos po la mngon par zhen pa las gol bar mi 'thad cing byang chub pa mi rung ba rgyu de'i phyir skur pa 'debs pa ste/ bdag med pa la gnod pa byed pa'i don dam par yod pa la sogs pa dang sgrol dogs pa'i ngo bo ste/ ngo bo nyid yod par dogs pa bsal na gcig dang du ma'i rang bzhin la sogs pa'i tshad mas de kho na nyid mthong bas bsal cing chos gang la yang bdag la sogs pas gnod pa kun rdzob dang don dam par ma byas par 'di nyid shes par gyur pa na ma rig pa la sogs pa yan lag bcu gnyis las kun du 'byun ba yin pa'i phyir gzugs la sogs pa ste/ gzugs kyi phung po la sogs pa rten cing 'brel par 'byung ba yin zhing kun rdzob tu yang dag pa'i ngo bo nyid de tha snyad du dben pa dang bzhin med pa ste/ sgyu ma dang mtshung pa'i ngo bor brtag par bya zhing bsgom par bya'o/ /'dis cir 'gyur zhe na/ de ltar zhes bya ba la sogs pa smos pa yin te/ sgyu ma'i glang pos sgyu ma'i glang po gzhan zhig pham par byas pa bzhin du zhes bya ba ni ji ltar 'dzun gyis glang po dang 'thab pa ni zil gyis mnan pa de bzhin du phyin ci log pas
- 252b
zhes brdun gyi/ /lam gyis brdzun gyi bdag tu lt ba las skyes pa'i nyon mongs pa las skyes pa'i phyin ci log spong ba'i rgyus na de kho na nyid mthong ba na ste/ thams cad du 'gro ba'i bdag med pa mthong zhing mos pa ni rnam par grol bar 'gyur te/ yang dag pa'i ye shes thob par 'gyur/ /bdag cag gi phyogs ltar na chos thams cad sgyu ma lta bu yin la de bas na nyon mongs pa la sogs pa'i sgyu ma lam gyi sgyu mas ldog pa yin pas dngos po de kho na nyid la re bar mi mthun pa'i phyogs dang gnyen por gyur pa med do/ /de'i phyir kho bo? cag la sngar smras pa'i thar pa mi 'thad pa'i nyes pa yod pa ma yin no zhes bya bar dgongs so/ /mya ngan 'das min mang ngan? 'das/ /'jig rten mgon gyis bstan pa ni/ /nam mkha' byas pa'i mdud pa ni/ /nam mkha' nyid kyis dkrol ba yin zhes bya ba la sogs pa gang gsung pa yin no/ /de ltar zhes bya ba la sogs pa la pha rol tu phyin pa drug po de dag phan tshun te/ gcig la gcig bsdus pa gang yin pa ste/ snga ma bzhin du dngos? su gtogs pa'i sbyin pa la sogs de re re la zhes bya ba so so re re zhing skad cig ma gcig pa ste/ skad cig ma gcig tu byung ba'i bzod pa ste/ sdug bsngal la chos shes pa'i bzad pa gang yin pa nges bsdus shing de dang 'drel ba'i sems kyi khyad par gang yin pa de ni rtse mo'i mngon par rtogs pa 'dir mthong ba'i lam yin te/ nyan thos la sogs pa bag chags dang bcas pa spong ba'i mthong ba'i thabs su rnam par gzhag go zhes bya ba ni lhag ma'o/ /sbyin pa la sogs pa zhes bya ba la sogs pa ni rnam par 'brel? pa yin te/ lan cig rnam par rtog pa dum 'byung ba ni 'gal ba nyid yin gyi yul du ma la rnam par rtog pa gcig 'byung ba ni de ltar ma yin te/ shin tu mang ba du ma bslangs pas de ltar srid pa'i phyir yang dag par rnam pa sum cu rtsa drug nyid yin
- 253a
na yang sbyin pa la soD pa tshoD pa'i yul gyi skad cig ma gcig la bzod pa gcig ni/ sems gcig gi bdag nyid can gyi mthong ba'i lam yang skad cig ma gcig la mngon par rdzogs par byang chub pa'i rgyu yin pa la 'gal ba med do zhes bya bar dgongs so/ /da ni mthong ba'i lam skyes par ma gtogs pa'i dgongs pa brjod nas spong ba'i 'bras bu nyid kyis mthong ba'i lam las bsgom pa'i lam tha dad pa nyid yin na yang bshad ma thag pa'i spong ba la dbang du byas pa'i bsgom pa'i lam brjod par rigs pa yin na yang gang gis de don dang bcas pas re zhig de bstan pa ni de skyes pa na zhes bya ba la sogs pa smos pa yin te/ ma rig pa dang 'du byed dang rnam par shes pa dang ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye pa dang/ rga shi ste /srid pa'i yan lag bcu gnyis ni/ rten cing 'brel par 'byung ba zhes bya ba nyid go rim gyis bdag med pa bsgom pa ni lugs su 'byung bar bsgom pa'o/ /de bzhin du tha ma nas? brtsams te/ go bzlog nas bsgom pa ni lugs dang mi mthun pa bsgom pa yin par shes par bya'o/ /de dang mthong ba'i zhes bya ba la sogs pas seng ge rnam par bsgyings pa zhes bya ba la sogs pa'i rab tu byed pa'i rnam par 'grel pa ni gsal te/ nyon mongs pa rnams kysi zil gyis mi gnon pa nyid kyis na/ seng ge rnam par bsgyings pa zhes bya ba'i ting nge 'dzin yin par shes par bya'o/ /ma rig pa la sogs pa'i go rim ni don gyi dbang las shes bar bya ste/ chos mngen pa las/ ma rig nyon mongs sngon gnas skabs/ /'du byed dag ni mngon las kyi/ /rnam shes mtshems sbyor phun bo yin/ /ming dang gzugs ni de phan chad/ /skye mched drug dod tshun chad do/ /de ni gsum 'dus tshun chad do/ /reg pa bde sdug la sogs kyi/ /rgyu shes
- 253b
nus pa tshun chad ngo/ /chor? 'khrig tshun chad srid pa ni/ /longs spyod 'khrig pa'i chags can gyi/ /nye bar len ba longs spyod rnams/ /thob par bya phyir yongs rgyug ba'i/ /de yis 'bras bu 'byung 'gyur ba'i/ /las byed de ni srid pa yin/ /nyid mtshams sbyor pa skye ba yin/ /tshor ba'i bar ni rga shi yin zhes gang bshad pa yin no/ /bsgom pa'i lam ni de ltar zhes bya ba la sogs pa smos pa yin te/ mi mthun pa'i phyogs spong ba ni nyon mongs pa la sogs pa'i shin du 'gog pa'o/ /sogs pa'i sgras ni ma sbyin? pa'i nyon mongs pa la sogs pa shin tu mi skyed pa'o/ /rten sgrub pa mngon du 'gro ba zhes bya ba ni gzhi med pa la spong ba la sogs ba mi 'thad bas de la rten pa'i shes pa sngon du 'gro ba yin no/ /go sla ba ni rtogs sla ba'o zhes bya ba'i rgyus rten te spong? ba la sogs pa'i bzhi/ bsgom pa'i lam ni 'gog dang zhes bya ba la sogs pa gsungs pa yin te/ dmyal ba dang/ yi dags dang/ byol song dang/ mi dang 'dod pa'i lha drug ni 'dod pa'i khams so/ /'dod pa der rtogs pa ni skyobs? thob pa'o/ /rnam par shes pa mnyam par ma bzhag pa ni rnam par rtog pa'i shes pa'o/ /mtshams bzung ste zhes bya ba ni 'dod pa'i khams pa'i skye bo rnams las 'tshang rgya ba nyid yin pa'i phyir nye bar gzung zhing rnam par bzhag pas 'gog dang bcas pa'i snyoms 'jug dgu zhes gong ma dang sbyar ro/ /des na don 'di yin te 'gog pa dang bcas pa'i bsam te/ na bzhi dang/ gzugs med pa'i snyoms par 'jug pa bzhi ste/ dgu'i nang nas bsam gtan dang po nas brtsams te/ rim pa bzhin bsgoms pas 'gog pa'i bar du song la 'ongs nas zhes bya ba 'gog pa dang bcas pa'i snyoms 'jug dgur song nas zhes 'dir rjes su sbyar bar bya ste/ des na don ni 'di yin te tha ma 'gog pa nas brtsams te lugs las bzlog pa bsam gtan dang po'i bar du 'ongs nas yang
- 254a
snyoms par 'jug pa dgu po de dag nyid kyis nang nas rnam la gnyis su ste/ snyoms par 'jug pa gcig dang gnyis dang gsum dang bzhi dang lnga dang drug dang bdun dan brgyad gang yin pa de rgal cing 'das nas de las gang thod rgal du ni snyoms 'jug pa zhes bya ba nyon mongs pa bag chags dang bcas pa nyams smas pa'i bsam gtan gyi khyad par ro/ /'gog pa'i bar du mi 'drar 'gro zhes bya ba ni nde bzhin du lug dang 'thun pa dang lugs dang mi mthun pa'i rim pa dag gis 'gog pa mngon par khyab par byas pa go rim ma yin par 'go ba de ni 'dir bsgom pa'i lam nyid yin par bshad do zhes bya bar shes par bya'o/ /tshig le'ur byas pa'i don ni byang chub sems dpa' zhes bya ba la sogs pa smes pa yin te/ bsam gtan dang po nas bzung ste 'gog pa'i bar du song nas zhes bya ba nas 'dod pa mi dge ba'o zhes smos pas 'dod khams pa'i rnam par rtog pas rnam par g.yeng ba'i sems nas nye bar bzung ba byas nas gzugs khams su gtogs pa'i sems kyis bsam gtan dang po mngon sum du byas pa 'gog pa'i bar du song nas zhes bya ba de bzhin du bsam gtn gnyis pa dang gsuM pa dang bzhi pa dang de bzhin du gzugs med khams la gnas med de/ skye ba las ni rnam pa bzhi zhes smos pa gzugs med pa'i khams su gtog la pa'i sems nam mkha' dang/ rnam par shes pa dang/ ci yang med pa dang/ 'du shes med 'du shes med min skye mched do/ /de'i 'og tu ni 'gog pa'o/ /de bzhin du rim gyis song nas zhes bya ba la sogs pa bshad pa yin no/ /de'i 'og tu 'gog pa nas bzung ste/ bsam gtan dang po'i bar du 'ongs te zhes bya ba rgyun du lugs dang mi mthun par bsgoms pas bsam gtan dang po'i bar du 'ongs pa ni 'gog pa dang bas pa'i snyoms 'jug dgur 'ongs nas zhes bya ba la sogs pa bshad pa
- 254b
yin no/ /de ltar bshad pa'i rim gyis lugs dang mthun pa dang lugs dang mi mthun pa'i rim pa/ rnam pa gnyis kyis bsam gtan bzhi dang/ gzugs med pa bzhi dang/ 'gog pa'i mtshan nyid kyi snyoms par 'jug pa dgu la song zhing zhes bya ba bsam gtan dang po nas brtsams te/ 'gog pa'i bar du ni lugs dang mthun pa yin la 'gog pa nas brtsams te/ bsam gtan dang po'i bar du lugs dang mi mthun par 'ong ste zhes bya ba'i tha tshig go/ yang de bzhin du rnam pa gnyis la sogs pa dor ba ni 'ongs? nas zhes grag la sogs pa smos pa yin te/ 'ongs nas zhes bya ba ni de ltar dang por song ba las so/ /yang zhes bya ba la sogs pa ni de ltar bshad pa'i rim pas gcig la sogs pa bor nas zhes bya ba gcig dang gnyis dang gsum la sogs pa por bas so/ / 'gog za'i? snyoms par 'jug pa la thug pa'i bar du mi 'dra ba'i sgo nas 'gro ba ni bsgom pa'i rim gyis rab tu 'gro ba'i rgyus mi 'dra bar 'gro ba thod rgal gyi snyoms par 'jug pa ni nyon mongs pa bag chags dang bcas pa nyams smad par byed pa'i bsam gtan gyi khyad par ro/ /dbang po nyid kyis mtshan nyid ni sems dbang du byed pa nyid kyis bdag nyid can byang chub sems dpa' 'gro ba'i don gyi phyir go bgos pas mngon sum du byed pas na bsgom pa'i lam yin no/ /snyoms par 'jug pa thams cad du sems la dbang ba nyid kyis na rgyal po chen po dang 'dra bar 'dod pas 'jug pa yin pa'i phyir mi 'dra bar 'gro ba ni seng ge rnam par bsgrings pa'i snyoms par 'jug pa yin par shes par bya la khyad par can rnams ni khyad par gyi lam kho na yin pas thod rgal gyi ting nge 'dzin 'di ni byang chub sems dpa' rnams la rigs kyi gzhan dag la ni ma yin no/ /sa brgyad rnam pa gnyis 'brel dang/ /gcig brgal song zhing 'ongs nas ni/ /ris mi mthun par gsum par 'gro/ /thod rgal gyis ni
- 255a
snyoms 'jug yin zhes bya ba 'dis bshad pa'i thod rgal gyi ting nge 'dzin ni skabs ma yin no/ /de ltar bsgom pa'i lam brjod nas de la spang ba'i zhes bya ba gang gi phyir bsgom pa'i lam gyis spang ba yin pa de'i rgyus 'og nas bshad pa'i rnam par rtog pa rnam pa bzhi sgom pa'i lam der khongs su chud par bya'o/ /dang po zhes bya ba ni bzhi po de las spang bar bya ba'i gzung ba'i rnam par rtog pa dang po ni de zhig mdor bsdus zhes bya ba la sogs pa gsungs pa yin no/ /tshig le'ur byas pa'i don mdor bsdus pa zhes bya ba la sogs pa smos pa yin te/ mdor bsdus pa dang rgyas pa la dga' ba'i gdul bya dag ste/ mgo smos pa dang rnam par sprod pas shes pa kha sbub la sogs pa'i nyes pa dang bral ba dag la lung nye bar ston pas mdor bsdus zhes bya ba la sogs pa'i rnam par rtog pa gnyis yin no/ /ji skad du bshad pa'i don ni sbyin pa la sogs pa ste/ de rnams nan tan du mi byed pa ni sgrub par mi byed sangs rgyas rnams kyis bstangs pa ni mgon du bya ba gang yin pa ste/ des yongs su ma bzung zhing bdag gir ma mdzad pa ni de'i rnam par rtog pa gzhan yin no/ /byung ba dang 'gag pa nyid kyis zhes bya ba ni nyon mongs pa kun tu byung ba rnams rang gi rang gis 'jig pas sbyor ba'i lam gyi yon tan gang yin pa de dan bral ba'i mtshan nyid ni med pa ste/ phan tshun 'gal ba nyid kyis na gcig la byung ba dang 'byung bar 'gyur ba'i ngo bo gnyis mi 'thad bas med pa'am ngo bo nyid gnyis las 'das pa'i ngo bo ni rang gi rang gis 'jig pa yin pa'i phyir dang ma 'ongs pa ni rang gi ngo bor med pa yin ba'i phyir ro/ /yang dag par skye ba'i rgyu dang mi ldan pas zhes bya ba ni nyon mongs pa rnams ni yang dag pa'i skye ba med pa'i phyir ro/ /mthong ba'i zhes bya ba la sogs pa ni phyis 'byung ba'i nyon mongs pa rnams ni rang gi ngo bo nyid du med ba'i phyir ro/ /ma 'ongs
- 255b
pa zhes bya ba la sogs pa ni nyon mongs pa rnam pa gsum 'gog pa bya ba'i phyir lam gsum la 'jug pa dang/ nyon mongs pa rnams yang dag par na yong pa ma yin pas yul med pa nyid kyis na lam gsum la 'jug pa dus gsum gyi yon tan du ji ltar 'gyur zhes bya ba rnam par rtog pa gsum yin no zhes bya ba ni spyi'i don yin te/ dus gsum yon tan med pa dang zhes bya ba bshad pa yin no/ /bdag tu lta ba la soD pa yod na mya ngan las 'das pa la sogs pa'i lam la sogs pa yod pa yin la/ // /de med pas sel ba'i lam med ba de ni byin ci log ces bya ba la sogs pa smos pa yin te/ phyin ci log zhi ba nyid la sogs bas bdag tu lta ba dag mya ngan las 'das pa'i don du sbyor ba'i lam gang yin pa'o/ /de la stong pa nyid du mngon par sgrub pa nyid kyis bdag med pa'i ye shes thob pas mthong ba'i lam mo/ /rang bzhin med pa'i ngo bo nyid kyis zhes bya ba ni rang bzhin med pas bsgom par bya ba la sogs pa med pa'i phyir/ bsgom pa'i lam ste/ rnam par rtog pa gsum gyis ni/ legs? pa'i lam ni rnam gsum la zhes bshad pa yin te/ legs pa'i lam rnam pa gsum mo zhes bya ba'i tha tshig go/ /dang zhes bya ba ni bsdu ba'o/ /gnas skabs 'dir zhes bya ba ni spang bar bya ba nyid kyis dbang du bya ba'i gnas skabs su shin tu sdad par bya ba nyid kyis na/ bsgom pa'i lam sngar bshad pa'i sbyor ba'i gnas skabs gang bsgom pa'i lam gyi sems dang sems las byung ba rgyun mi 'chad par 'jug pa'i dmigs pa'i khyad par dang po ste/ de'i yul can ni bzung ba rnam pa dgu ni chos bsdus pa la sogs pa ci rigs par blang ba dang dor ba'i rnam par rtog pa'o/ /rnam par rtog pa ma lus pa ni spang bar bya ba nyid yin pas de ltar dang po'i zhes bya ba la sogs pa smos pa yin no/ /tshig le'ur byas pa'i don ni dge
- 256a
ba'i bshes gnyen zhes bya ba la sogs pa smos pa yin te/ dge ba'i shes gnyen la sogs pa dang bral bas yang dag pa'i man ngag ston pa dang dad pa la sogs pa med pa'i phyir byang chub kyi sems mi skye ba'o/ /'khor gsum yongs su dag pa nyid kys khyad par du 'phags pa'i sangs rgyas la dmigs pa'i bsod nams gang yin pa de dmigs pas byang chub nyid ces bya ba yin pa'i phyir snying po yin pa'am/ /de mngon sum du byed pa'i gnas skabs de yid la mi byed pa ni mi dmigs pa'o/ /nyan thos zhes bya ba la sogs pa ni/ nyan thos dang rang sangs rgyas kyi rigs can nyid yin pa'i phyir lam gyi 'bras bu mngon du byed pa'i re ba yod pa'i phyir ro/ /shes rab kyi pha rol tu phyin pa ni sngar bshad pa'o/ /de sgrub pa med pa ni nyams su len pa dang bral bas yang dag pa'i byang chub yid la i byed pa ni rdzogs pa'i sangs rgyas la dmigs par mi byed pa'o/ /dmigs pa yang bcas pa nyid kyis bzung ba la sogs pa la dmigs bas bsgom pa'i gzugs la? sogs pa la dmigs pa'o/ /dmigs pa med pa nyid kyis zhes bya ba la gzung ba la sogs pa ma dmigs pas bsgom pa med pa ni gzugs la sogs pa la mi dmigs pa'o/ /dmigs pa yang med mi dmigs pa yang med pas zhes bya ba ni mi dmigs pa dang dmigs pa dag sgom pa yang med sgom pa med pa yang ma yin pa ste/ gzugs la sogs pa la mi dmigs pa dang dmigs pa'o/ /phyin ci log la mngon par zhen pas zhes bya ba ni gzung ba la sogs pa la mngon par zhen pas so/ /don ji lta ba bzhin ma yin pa nyid la zhes bya ba ni log pa nyid yin pas so/ /gnas skabs de na spang bar bya ba nyid kyis zhes bya ba ni dbang du byed pa'i gnas skabs su shin tu spang par bya ba nyid yin pas so/ /bsgom pa'i lam gyi sngar
- 256b
bshad pa'i sems dang sems las byung ba ni khyad par gyi shes pa'i tshor ba la sogs pa'o/ /de rnams kyi 'jug pa'i gnas skabs ni rgyun gyis skye ba'i khyad par gang yin pa ste/ de'i yul can ni de'i gzung bar bya ba zhes bya ba la sogs pa'o/ /'dzin pa'i zhes bya ba la sogs pa la tshig le'ur byas pa'i don ni rdzas su yod par zhes bya ba la sogs pa smos pa yin te/ rdzas su yod par mi skye bas zhes bya ba ni don dam par yod pa skye bar mi rigs pa'i phyir ro/ /sems can du btags pa ni gang thag la sogs pa'i tha snyad do/ /snang ba tsam du zad pa'i phyir zhes bya ba ni phyi'i don yod par mi rung bas sems can nyid yin pa'i phyir chos su btags pa ni gzugs la sogs pa'i tha snyad do/ /thams cad du 'gro ba'i phyir zhes bya ba ni gang du yang mi gnas pas yod par mi rigs pa'i phyir rnam pa thams cad mkhyen pa nyid la sogs pa gsum po'i chos sems skyed pa la sogs pa gang yin pa de rnams kyi stong pa nyid ma yin pa nyid du yod ba'o/ /rnam pa thams cad du mngon par zhen pa ma spangs pas zhes bya ba rnam pa thams cad du gzung ba la sogs pa la mngon par chags pa mi 'gog pas/ chos la chags? pa ste gzugs la sogs pa la mngon par zhen pa'o/ /ngo bo nyid med par rtogs pas zhes bya ba gzung ba la sogs pa med par shes pas chos rab tu rnam par 'byed pa gzugs la sogs pa'i char 'byed ba shes par bya'o/ /ched du bya ba mi byed pas zhes bya ba sngar bshad pa'i ched du bya ba rnam pa gsum la mi dmigs pas dngos po'i ched du bya ba byed pa ste/ phyi dang nang gi bdag nyid can gyi don ston pa la dmigs pa'o/ /gzugs la sogs pa la mi dmigs pa'i phyir zhes bya ba gzung ba la sogs pa med par gzugs la sogs ba mi shes pas theg pa gsum gyis nges par 'byung ba ste/ rnam pa thams
- 257a
cad mkhyen pa nyid kyi 'bras bu mngon sum du byed pa'o/ /yang dag par rab tu ma zhugs pa nyid kyis zhes bya ba gzung ba la sogs pa med par mngon sum du ma shes pas yon ma dag pa ste/ slob ma la sogs pas byin pa'i rdzas la sogs pa rnam par mi sbyong ba'o/ /sbyin pa la sogs par dmigs de sgrub pas zhes bya ba bsam gtan dang bsam bya dang gnyi ga la sogs pa'i dngos po la dmigs pa'i shes pas spyod pa rnam par 'khrugs pa ste/ sbyin pa la sogs pa'i bya ba la mngon par zhen pa'o/ /snga ma bzhin du zhes bya ba ni phyin ci log tu mngon par zhen pas don ji lta ba bzhin du ma yin pa nyid kyis na gnas skabs 'dir spang bar bya ba nyid yin pa'i phyir 'dzin par zhes bya ba la sogs pa smos pa yin no/ /sems can zhes bya ba la sogs pa 'dzin pa'i tshig le'ur byas pa ni sems can btags pa dang zhes bya ba la sogs pa smos pa yin te/ sems can btags pa ni gzugs la sogs pa yod pa'i tha snyad do/ /de'i rgyu ni tshul 'di la spyi'i don med pas shes pa tsam gang yin par de rnam par bzhag pa'i rgyu mtshan yin no/ /de'i yul ni de'i gzung ba bsgom pa'i lam dang 'brel pa'i mi mthun pa'i phyogs gzhan rnam pa dgu spang bar bya'o/ /ci'i phyir zhe na de la gnod pa byed pa yis zhes bya ba ste/ bsgom pa'i lam gyis te 'gog pa yin pa'i phyir ro/ /don 'di nyid ni mi mthun pa zhes bya ba la sogs pa smos pa yin te/ sems can du btags pa ni gzugs la sogs pa yod pa'i tha snyad do/ /de rnam par bzhag par bya ba'i phyir/ gang snang ba tsam ni phyi'i don yod par mi rung bas sems tsam mo/ /de nyid ni rgyu rnam par bzhag pa'i rgyu mtshan yin te rnam par rtog pa'i rnam pa kho na tha snyad ma lus pa la 'jug pa yin pa'i phyir ro de'i yul can zhes bya ba la sogs pa
- 257b
yin no/ /thams cad mkhyen pa nyid gsum dag gi zhes bya ba la sogs pa'i tshig le'ur byas pa'i don ni rnam pa thams cad ces bya ba la sogs pa smos pa yin te/ rnam pa thams cad yongs su ma shes pas zhes bya ba ni phyi dang nang gi dngos po rnams kyi rnam pa yongs su ma shes pas rnam pa thams cad mkhyen pa nyid sgrib pa gang yin pa de mi mthun pa'i phyogs de la kun tu rmongs shing mi shes pa yin no/ /lam thams cad yongs su ma shes pas zhes bya ba rnam pa thams cad mkhyen pa nyid la sogs pa'i lam gsum po ma shes pas lam shes pa nyid kyi sgrib pa gang yin pa de mi 'thun pa'i phyogs de la kun tu rmongs pa'o/ /gzhi thams cad yongs su ma shes pas zhes bya ba phyi dang nang gi bdag nyid can gyi dngos po tsam yongs su ma shes pas thams cad shes pa nyid kyi sgrib pa gang yin pa de la kun du rmongs pa'o/ /shes rab kyi pha rol tu phyin pa snga ma bzhin no/ /de yongs su ma shes pas thams cad zhi ba'i lam la kun du rmongs pa ste/ nyan thos dang rang sangs rgyas dang byang chub sems dpa' dang rdzogs pa'i sangs rgyas kyi lam mi shes pa'o/ /gzugs la sogs pa'i shes bya dang de bzhin nyid dag tu yongs su ma shes pas zhes bya ba gzugs la sogs pa dang stong pa nyid dag nye bar dmigs pa'i phyir de bzhin nyid la sogs pa dang mtshungs par ldan pa dang mi ldan pa la kun tu rmongs pa ste/ de bzhin nyid dang gzugs la sogs pa dag la phrad pa dang 'bral ba mi shes pa'o/ /bdud la sogs pa rang gi ngo bo yongs su ma shes pas zhes bya ba bdud dang phyir rgol dang dgra bo rnams dngos po med par ma shes pas mi mnyam pa nyid la kun du rmongs pa ste/ bdag nyid kyi thun mong ma yin pa nyid du mi shes pa la'o/ /don la dgra ji bzhin du 'dzin pa nyid kyis shes rab kyi pha rol tu phyin pa las/ la lang? byang chub sems dpa' zhes bya ba la sogs pa smos pas
- 258a
gzugs la sogs pa'i phung po don dam pa nyid du 'dzin pas sdug bsngal la sogs pa'i bden pa la kun du rmongs pa ste/ 'phags pa'i bden pa bzhi mi shes pa'o/ /'dod chags la sogs pa'i ngo bo nyid yongs su ma shes pas zhes bya ba la sogs pa rnams ni mi bden pa'i phyin ci log gis kun nas blangs pa nyid du mi shes pa'i phyir nyon mongs pa'i rang bzhin la kun tu rmongs pa ste/ 'dod chags la sogs pa rnams dngos po med pa'i ngo bo nyid du ma shes pa'o// gzhung? ba dang 'dzin pa'i mtshan nyid yongs su ma zhes pas zhes bya ba gnyis dang bral bar mi shes pa'i phyir gnyis su med pa la kun tu rmongs pa ste/ gnyis su med pa ma shes pa'o/ /snga ma bzhin du zhes bya ba ni 'dzin pa'i rnam par rtog pa la sogs pa'o/ /mi mthun ba'i phyogs brjod pa'i shugs kyis 'phangs pa gnyen po'i phyogs kyang rnam pa bzhi yin la re re zhing snga ma bzhin du mi mthun pa'i phyogs? dgu las go bzlog par bshad pa'i don las shes par bya'o// de ni bsgom pa'i lam gyi zhes bya ba la sogs pa smos pa yin no/ bsgom pa'i lam gyi dgos pa ni snga ma bzhin du zhes bya ba la sogs pa smos pa yin to/ snga ma bzhin du zhes bya ba ni mthong pa'i lam dang 'dra par 'dir yang rnam par rtog pa bzhi po re re zhing chung ngu'i chung du la sogs pa dgu car yang 'khor gsum yongs su dag pa nyid kyis rnam pa dgu yin pa'i phyir rnam par rtog pa brgya rtsa brgyad ces bya ba la sogs pa yin no/ /yams nad ces bya ba la sogs pa tshig le'ur byas pa dang 'grel pa ni go sla'o/ /yun ring lon nas dbuD? phyin ltar zhes bya ba bshad par bya ste/ gags byed pa med pas zhes bya ba ni mi mthun pa'i phyogs med pas so/ /dga' bas dbugs 'byin pa thob pa bzhin du
- 258b
zhes bya ba ni yun ring po ste/ 'tshang rgya ba nyid la gnas pa'i bar du rab tu dga' bas brgal ba lta bur gyur pa'o/ /bsgom pa'i lam gyi zhes bya ba la sogs pa yang stong gsum pa'i zhes bya ba la sogs pa ni bar chad byed pa'i tshig le'ur byas pa yin te/ nyan mongs dang bse ru dag gi rtog pa phun sum tshogs pa ni shes pa phun sum tshogs pa'o/ /byang chub sems dpa' i skyon med pa ni snga bshad pa'i mthong ba'i lam la ste/ stong gsum pa'i skye bo bkod pa ni thob par byed pa ste/ de byed pas bsod nams gang skye bar 'gyur ba'i dge ba rnams dper mdzad nas zhes bya ba dge ba de dpe nyid du byas nas bsod nams mang po nyid kyis ni zhes bya ba de'i bsod nams kyi grangs nyid kyis grangs med pa'i bsod nams kyis gang sangs rgyas nyid thob pa la bar chad med par 'tshang rgya ba nyid du bar chad med pa de ni 'dir bar chad med pa'i ting nge 'dzin te/ bsam gtan gyi khyad par yin no/ /de ni rnam pa kun mkhyen nyid ces bya ba rdzogs pa'i sangs rgyas nye bar len pa nyid kyis na nye bar gdags pas sangs rgyas nyid ces kyang de la bya'o zhes bya ba ni lhag ma'o/ /'ga' zhig ces bya ba la sogs pa'i 'grel pa dang 'di'i dmigs pa zhes bya ba la sogs pa'i tshig le'ur byas pa dang 'brel pa ni go sla'o/ /gnas 'di la zhes bya ba par chad med pa'i ting nge 'dzin gyi dmigs pa la sogs pa'i gnas skabs ni gting dpag dka' pa nyid yin pa'i phyir tshad ma'i yul ma yin pa nyid kyis ne rab tu smra ba rnams rgyud mar rgol lo zhes bya ba'i tha tshig ste/ klan ka'i rgol pa rgyud mar 'byung ba ni rgol ba smra ba mang po'o/ /gang zhig zhe na thabs la mkhas pa ma rtogs pa ste/ kun rdzob dang don dam pa'i bden pa la brten pa'i thabs la mkhas pa mngon par ma shes pa rnams la 'phags pa byams pa la sogs pa 'jig rten sgrol ba la mkhas pa'i thabs la mkhas pas de dag gsal bar bya ba'i
- 259a
thabs la mkhas pas kun rdzob dang don dam pa dag gi rgol ba rnams kun rdzob dang don dam pa dag gis bstan pa yin no/ /'dis ni ting nge 'dzin 'di zab pa nyid du bsnyad de/ tshad mas mi rtogs pa nyid du ston to/ /blo'i nor can zhes bya pa la sogs pa dang dmigs pa zhes bya ba la sogs pa'i tshigs su bcad pa'i don ni 'dus byas dang zhes bya ba la sogs pa yin te/ 'dus byas dang 'dus ma byas kyi khams dag ces bya ba rgyu dang rkyen la rag las pa'i lam dang gzugs la sogs pa dang nam mkha' la sogs ba ni dngos po med pa nyid kyis dmigs par 'thad ste/ gzugs la sogs pa'i yul du rigs pa nyid du log par rtog pa yin no zhes thams cad la sbyar bar bya'o/ /gal te yang dag par yul du gyur na 'dus byas dang 'dus ma byas kho na yin gyi de med na yul gang zhig yin zhes rgol ba po'i bsam pa yin no/ /rnam pa thams cad du rang bzhin med pa'i phyir gzugs la sogs pa rnams kyi cha shas can la sogs pa'i ngo bo med pas dmigs pa'i ngo bo nyid nges par bzung zhing yul gyi rnam pa ngas par bya ste/ yang dag par na sha chas can la soD pa'i ngo bo yod na mig gi rnam par shes pa la soD pa'i yul gzuD la soD pa yod par ngas pa yin gyi de med na ji ltar yod ces bya snyam mo/ /dngos po dang dngos po med pa dag ni gzung ba la sogs pa'o/ /de med ba ni mi dmigs pas te/ mi rtog pas rnam pa thams cad mkhyen pa nyid du 'tshang rgya ba na dngos po dang dngos po med pa la sogs pa'i yul mkhyen pa'i ye shes gang yin pa de la gzung ba la sogs pa rnam pa thams cad yang dag par yod na ni de mkhyen pa yin gyi de med par de ji ltar yod/ yul med par yul can skye bar rigs pa ma yin no/ /de bzhin nyid kyi ngo bo nyid kyis dbye ba ni 'thad pas kun rdzob dang don dam pa'i bden pa gnyis dang zhes bya ba ni 'di nyid ni khyad par ram khyad par gyi rgyu yin te//
- 259b
'di lta ste 'gal ba'i chos su gnas pa dang/ rgyu'i bye brag gis zhes bya ba'i rigs pas dbye ba thams cad la yin la khyed kyi phyogs ltar na rgyu'i dbye ba mi rigs te/ dngos po med pa'i rgyu dang rkyen kho na pas de gnyis skye pa'i phyir dang/ de bzhin nyid kyi rang bzhin nyid kyis na kun rje ba dang? don dam pa dag 'gal ba'i chos gnas pa med pa ste/ ji ltar de dag tha dad par yod ces bya snyam mo/ /sbyin pa la sogs pa mi dmigs pas zhes bya ba sbyin par bya ba la sogs pa med de ma shes pa'i phyir sbyor ba zhes bya ba sbyin pa la thoD pa nyams su len pa yod pa kho nas sbyin pa la sogs pa byed pa yin la de med na de ji ltar yod snyam mo/ /rtogs par bya ba med pas zhes bya ba ni shes bya med pas so/ /blo'i khyad par dang ldan pa gang yin pa ni sangs rgyas yin la de nyid gdul bya'i skye bo'i brgyud la dga' ba skyed par byed pa nyid kyis na/ dkon mchog yin na de la rtogs par byed pas ji ltar sangs rgyas zhes bya snyam mo/ /ming du btags pa tsam du zad pas zhes bya ba gzugs dang 'du byed kyi phung po dag gam gnyis dang gnyis med pa'i shes pa dang/ ni ming du btags pa tsam nyid yin pa'i phyir ji ltar yongs su btags pa'i rang bzhin ni gcig dang du ma dang bral ba'i phyir zhes bya ba la sogs pa'i tshad mas de med pas ming du btags pa tsam du zad pa'i phyir chos dkon mchog ste lung dang rtogs pa'o// gzugs la sogs par dmigs pa bkag pas zhes bya ba phyi'i don yod par mi 'thad pas gzugs kyi phung po la sogs pa yul bkag pa'i phyir dge 'dun te gzugs dang gzugs med pa nyan thos la sogs pa'i dge 'dun ni gzugs la sogs pa'i dngos po yod na dkon mchog gsum grub kyi de med ni de ji ltar yod snyam mo/ /sbyin pa la sogs pa dmigs pas sbyin par bya ba la sogs pa mthong ba'i phyir thabs la mkhas pa ste/ sems mi 'god pa la sogs pa sbyin par bya ba la sogs pa
- 260a
mthod bas dmigs pa dang bcas pa nyid yin pa'i phyir sgrag pa la sogs pa 'byung bas sems na zhum pa la sogs pa nyid du ji ltar 'gyur snyam mo/ /dngos po dang dngos po med pa dang gnyi ga'i ngo bor rtogs pa ni shes pa ste/ de bkag pas de bzhin gshegs pa'i mngon par rtogs pa ste/ 'tshang rgya ba nyid mngon sum du bya ba la dngos po la sogs pa med na dngos po la sogs pa ji lta ba de ltar mkhyen pa ga la yod snyam mo/ /spros pa rnam par bzhag pa'i mi rtag pa la sogs pa nyid kyis zhes bya ba gdul bya'i dbang gis rnam pa sna tshogs pa nyid du ston pa'i nges pa nyid kyis na mi rtag pa la sogs pa nyid yin pa'i phyir/ rtag pa la sogs par phyin ci log pa ste/ rtag pa la sogs par go bzlog pas mi rtag pa la sogs pa dang/ rtag pa la sogs pa yang dag pa ma yin pa nyid du mnyam pa'i phyir gnod par bya ba dang/ gnod pa byed par ji ltar 'gyur snyam mo/ /lam rnam par bsgoms pa'i 'bras bu gang yin pa de mngon sum du mi byed pa'i phyir lam ste/ lam bsgoms pas 'bras bu mngon sum du byed pa 'byung pa yin na de ji ltar mngon sum du mi byed pa yin snyam mo/ /blang ba dang dor ba med pas zhes bya ba spang par bya ba dang/ blang bar bya ba med pa'i phyir mthun pa'i phyogs dang gnyen bo ste/ dgag par bya ba dang/ 'gog par byed pa'i dngos po yod na dor pa dang blang bar bya ba mi mthun pa'i phyogs dang gnyen po yod par rigs na/ /de med pas de ji ltar yod pa yin snyam mo /chos can med pas zhes bya ba gzugs la sogs pa med pas chos kyi mtshan nyid de/ gzugs la sogs pa rang dang sbyi'i mtshan nyid de/ mtshan bzhi yod na mtshan nyid yod par rigs na/ de med par de ji ltar yod pa yin snyam mo/ /rang dang spyi'i mtshan nyid mi 'thad pas/ zhes bya ba nus pa dang mi nus pa'i mtshan nyid mi 'thad pa'i
- 260b
? pa la ste/ lam bsam pa ni rnam pa thams cad mkhyen pa nyid thob pa'i don gyi bsgom pa'i mtshan nyid mi 'thad pas kyang thams cad med pa yin pa de bas na de'i don med par 'gyur ro snyam mo/ /dang zhes bya ba ni bsdu pa ste/ log par rtogs pa rnams kun rdzob yin pa'o/ /phan tshun 'gal ba ltar snang ba'i don gang yin pad ni phan tshun 'gal ba snang pa'i don te/ /de sgrub pas byang chub sems dpa' rnams kyi bya ba phan tshun 'gal ba dang 'dra pas/ mi 'thad pa nyid kyis zhes bya ba mi rigs pa nyid kyis na?/ tshom gyi ngo bo ste/ log pa nyid yin par yid gnyis su gyur pa na ji skad bshad pa'i yul can nyid kyis zhes bya bar par chad med pa'i lam gyi yul can yin pa nyid kyis/ /rnam pa thams cad mkhyen pa nyid kyi rten can zhes bya ba 'tshang rgya ba nyid la brten pa'o/ /log par rtogs pa rnam pa bcu drug go zhes bya ba dmigs pa/ 'thad pa la sogs pa'i mtshan nyid can rnams so/ /log par rtog pa de dag gang gi yin zhe na// skye bo byang chub sems dpa' i thabs la mkhas pa ni/ shes pa'i rab tu smra ba nyid ces bya ba smos te/ skye bo mngon par rtogs pa brgyad mi shes shing /sems mi 'god pa nyid la sogs pa'i thabs mi shes pa'i rab tu smra ba ste /bstan bcos shes pa dang/ /de las gzhan pa'i rgol pa byed par 'dod pa'i mkhas pa chen po rnams dang/ thams cad kyi zhes bya ba de rnams nyid dang/ lha chen po dang khyab mjug la sogs pa dang/ de las gzhan pa'o/ /de bas na zhes bya ba ni bshad pa'i rim bas so/ /kun rdzob dang don dam pa'i sgo can gyi zhes bya ba ni kun rdzob dang don dam pa nyid du rgol ba mi rigs pa nyid du rtogs pa la'o/ /go rim bzhin du don dam pa dang kun rdzob kyi sgo nas lan btab dgos pas zhes bya ba ni kun rdzob tu rgol ba la ni don dam pa'i thabs kyis don
- 261a
dam par rgol pa ni kun rdzob kyi thabs kyis lan gdab pa'o/ /de bzhin du rgol ba kha cig la ni don dam pa dang kun rdzob dag dang/ la lar ni yang dag pa dang/ yang dag pa ma yin pa'i kun rdzob dag gis lan gdab par bya bar shes par bya'o/ /de ltar na gnyi ga la brtan pa'i thabs la mkhas pas zhes bya ba/ 'jig rten pa dang 'jig rten las 'das pa'i tha snyed la rten pa'i thabs las khas la bya bas so/ /de la kun rdzob tu gzugs la sogs pa yod pas na dmigs pa yin la de'i ngo bo nyid nges par gzung ba ni rnam pa thams cad mkhyen pa'i ye shes yin no/ /dkon mchog gsum zhes bya pa ni kun rdzob gyi lan gdab pa'o/ /kun rdzob tu sbyin pa la sogs pa mthong na yang de kho na nyid du ma mthong pa no thabs la mkhas pa zhes bya'o/ /kun rdzob dang don dam pa dag gis so/ /de bzhin du kun rdzob dang dngos po la sogs pa srid pas de bzhin gshegs pa'i mngon par rtogs pa yin no/ /yang dag pa'i kun rdzob ni mi rtag pa la sogs pa'o/ /log pa'i kun rdzob ni rtag pa la sogs pa yin pas mi rtag pa la sogs pa la rtag pa la sogs par phyin ci log ni yang dag pa dang log pa'i kun rdzob dag gis 'grub ste tshul khrims dang ldan pa'i smon lam 'grub pa zhes smos pa'i phyir ro/ /lam rnam par bsgoms pas kyang 'bras bu mngon sum du mi byed ces bya ba ni kun gyis te/ de bzhin du kun rdzob tu nyon mongs pa la sogs pa dang/ /lam yod pas mi mthun pa'i phyogs dang gnyen po nyid yod/ /de bzhin du gzugs la sogs pa yod bas de'i mtshan nyid yod pa dang/ yang de bzhin du gzugs la sogs pa'i rnam pa thams cad la sgom pa yang rnam pa thams cad mkhyen pa nyid kyi rgyu nyid yin pa'i phyir legs pa yin no zhes ci rigs par de ltar kun rdzob
- 261b
dang? don dam pa'i sgo nas lan gdab par bya ste/ de dag la sogs pa rnam pa stong du bsal ba sngon du 'gro bas lha chen po dang khyab 'jug la sogs pa'i rgol ba du mtshar gcod pa'i nges pa rnam pa thams cad du ste/ ting nge 'dzin dang ye shes kyi tshad ma dag gis yang dag cing phyin ci ma long/ pa'i nges pa ste/ 'di kho na yang dag pa yin gyi gzhan dag ni mongs pa yin no zhes bya ba'i shes pa brtan por bskyed nas dge ba 'dod pa rnams kyis te/ sems can thams cad kyi don du kun byed cing 'tshang rgya ba nyid 'dod pa'i byang chub sems dpa' rnams kyis bar chad med pa'i ting nge 'dzin bskyed par bya'o zhes bya ba dbang du bya'o// yul gyi dbye bas lon par rtogs pa rnams kyi dbye bas mdza' yas pa yin na yang nye ba na 'dug pa'i gdul bya'i skye bo las bltos te/ bcu drug nyid du bshad pa yin la de bas na rnam pa stong du zhes bya ba dang mi 'gal lo/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan las seng ge bzang po'i zhal snga nas kyi gzhung rtogs dka' pa'i snang pa'i mdor mdzad pa chos kyi grags pas byas ba las skabs lnga pa'i 'grel pa'i bshad pa'o// //rab tu byed pa'i phan tshun gyi 'brel pa brjod pa ni rtse mo'i zhes bya ba la sogs pa smos pa yin te/ rtse mo'i mngon par rtogs pa thob pa zhes bya ba ni sngar bshad pa'i rtse mo'i sbyor ba la lhun gyis grub thob pa'o/ /so so dang bsdus pa nyid du zhes bya ba'i lugs las bzlog pa dang lugs su 'byung bdag gis so/ /rtogs pa'i don rnams ni bsgoms pas yul du byas pa'i yul lo/ /go rims su glags pa ni rim gyis dran pa la yang dag par bzhag pa'o/ /bstan por bya ba'i phyir zhes bya ba ni lhun gyis grub pa dran pa la 'jug par bya ba'i phyir ro/ /rnam par sgom par byed pas zhes bya ba ni sems phyi rol las yang dag par bstas? te/ nang du nges par dmigs par
- 262a
byed pas so/ /mthar gyis pa'i mngon par rtogs pa'i sbyor pa ni sbyin pa zhes bya ba la sogs pa smos pa yin te/ sbyin pa dang bcas pa'i shes rab ste/ pha rol tu phyin pas so/ /bar dag zhes bya ba ni dran pa nye bar bzhag pa dang/ yang dag pa'i spong ba la sogs pa dang/ byang chub kyi yan lag bdun dang/ 'phags pa'i lam yan lag brgyad dag go/ sangs rgyas la sogs dran dang ni zhes bya ba ni dkon mchog/ gsum rjes su dran pas dran pa dang/ dge ba la sogs pa rjes su dran pa'i sgom pa gang yin pa'i chos dngos med ngo bo nyid kyis gzugs la sogs pa la mi dmigs ba de mthar kyis pa'i bya bar bzhed ces pa de ni go rim gyi sbyor ba grub pa yin par shes par bya'o/ /don 'di nyid ni pha rol tu phyin pa zhes bya ba la sogs pa smos pa yin no/ /'khor gsum rnam par dag pas rab tu phye ba ni sbyin par bya ba la sogs pa gsum po nye bar mi dmigs pa las byung ba'i sbyin pa la sogs pa'i pha rol tu phyin pa drug po gang yin pa de ste/ rnam pa thams cad du ste/ gtod pa dang gtong ba chen po dang/ shin tu gtong pa la sogs pa'i mtshan nyid gang yin pa ste yongs su rdzogs shing bsgrub pa'o/ /drug ces smos na yang/ 'di dgag las shes pa yin zhe na/ pha rol tu phyin pa bzhi ni zhes bya ba la sogs pa smos pa yin te gang du pha rol tu phyin pa smos pa dang pha rol tu phyin pa bcu shes par bya ste/ 'bras bu sa bcu ston pa'i phyir ro/ /ci zhig rdzogs par byed pas zhe na/ de ni sa bcu yang dag par sgrub par byed pa zhes bya ba smos pa yin no/ /bar dag ces bya ba'i sgras bsdus pa'i don ni dran pa zhes bya ba la sogs pa smos pa yin te/ lung dang rtogs pa'i bdag nyid dag ni chos zhes bya ba yin pas phyogs gnyi ga la yang go rim bzhin du lung du gsungs pa yin pa dang/ gnyis su med pa'i ye shes kyi
- 262b
mtshan nyid ? pa'i phyir chos dkon mchog kho na la dkon mchog gsum zhes brjod do/ /de ni don dam par na lung dang rtogs pa ma gtogs par gzhan du dkon mchog gsum mi 'thad pas gang 'di sangs rgyas bcom ldan 'das kyis yon tan mdza' yas shing mthar thug pa med pa 'di dag ni chos las skyes pa chos kyi bgo skal la spyod pa/ chos kyi rgyu can chos kyi dbang du byas pas chos las byung pa chos kyi spyod yul can chos kyi rjes su 'brang ba chos las grub pa zhes bya ba la sogs pa gsungs pa'i rnam pas chos dran pa gang yin pa de'i mtshan nyid dang/ de'i bdag nyid can gyi shes rab kyi pha rol tu phyin pa dang chos yang dag par sdud pa la sogs pa'i mdo sde thos pa dang bsam pa'i sgo nas phyis yid la byed pas sangs rgyas la sogs pa rjes su dran pa rnam pa gsum gang yin pa des na/ chos kyi mtshan nyid kyis chos med pa yin pa'i phyir 'dir rjes su dran pa rnam pa gnyis kho na yin no zhes kyang 'dogs par mi bya ste/ rnam pa gnyis dang 'dra bar rnam pa gsum du yang yongs su brtags pa nyid yin pa'i phyir ro/ /gzhan du ma chos dkon mchog tu brtag pa yang ji ltar 'gyur/ yang na chos kyi bdag nyid med pa na dkon mchog gnyis su brtags par mi 'gyur te/ ngo bo nyid med pa'i phyir dkon mchog gsum brtag par rigs pa ma yin no/ /yang na 'dir gnyis su med pa'i stong pa'i ye shes kho na la nyon mongs pa bag chags dang bcas pa med pa ga tshor dga' ba skyed pa nyid kyis na chos dkon mchog yin la phy ogs 'di la ni dkon mchog gsum du gtogs pa'i chos kyi sgras lung yin par shes par bya'i gnyis su med pa'i ye shes ni ma yin te/ nges gang du yang bye brag tu 'byed par mi byed do/ /de ni don dam par zhes smos pa yin te/ gnyis su med pa'i ye shes ni dngos kyis phye ba yin no zhes bya ba'i tha tshig go/ phyogs 'di la chos kyi sgras lung dang rtogs pa yin par bshad
- 263a
de rnam grangs yin pas so/ /ston pa'i dam chos rnam gnyis te/ /lung dang rtog pa'i bdag nyid can/ /'dzin dang de ni ston pa dang/ /bsgrub par byed pa nyid dag go /zhes bya ba 'gal ba med de/ ngan 'gro thams cad 'jig par byed pa nyid kyis na dga' bskyed par byed pa gang ci yang rung ba de thams cad 'di nyid kyi khongs su gtogs pa yin no/ /de bas na dkon mchog 'di las gzhan med pas dkon mchog gsum las lhag par thal bar mi 'gyur ro/ /de kho na nyid du ni yang dkon mchog gsum po mdza' yas par 'dod pa nyid chos las ma gtogs par gzhan yin par mi rung ba'i phyir ro/ /de nyid kyi phyir na phag mo'i rtogs pa brjod pa las gang zhig sangs rgyas skyabs 'gro ba/ /de ni ngan 'gror mi 'gro ste/ /mi yi lus ni rnam spangs nas/ /de yis lha yi lus 'thob bo zhes bya ba dang/ de bzhin du gang zhig chos dang dge 'dun la skyabs 'gro ba la sogs pa snga ma bzhin du smos so/ /dkon mchog gsum po 'di dag ni nges par 'byed ba'i cha dang 'thun pa la soD pa lam rnam pa gsum gyi ngo bo yin te/ de ni go rim bzhin du zhes bya ba la sogs pa smos pa yin te/ dkon mchog gsum rjes su dran pa 'dis kyang lam gsum las skyes pa'i bar chad med pa'i lam thob po zhes ston to/ /sangs rgyas la sogs pa'i sgras bsdus pa'i rjes su dran pa gzhan dag kyang de bzhin du zhes bya ba la sogs pa yin no/ /sbyin pa la sogs pa phyi dang nang gi mu stegs pa'i skye bo dang thun mong ma yin pa nyid ni gzugs la soD pa zhes bya ba la sogs pa smos ba yin te /gzugs la sogs pa'i chos thams cad gang yin pa de rnams kyi dngos po med pa'i ngo bo nyid ni sngar bshad pa'i sbyin pa la sogs pa'i dran pa'i khyad par tshad ma dang/ lung gis grub pa gang
- 263b
bzhi pa des khong du chud pas sbyin pa la sogs pa dran pa'i shes pas rtogs pa'i shes pa'i khyad par gang yin pa'i de ni mthar gyis pa'i khyad par bzhed pa yin no// //shes rab kyi pha rol tu phyin pa'i man ngag gi bstan bcos mngon par rtog/ pa'i rgyan las seng ge bzang po'i zhal snga nas kyi gzhung rtogs dka' ba'i snang ba'i mdor bshad pa chos kyi grags pas mdzad pa las skabs drug pa'i 'grel pa'i bshad pa'o// //rab tu byed pa'i 'brel pa'i brjod pa ni mthar gyis pa'i zhes bya ba la sogs pa smos pa yin te/ mthar gyis pa'i mngon par rtogs pa'i sbyin pa la sogs pa'i mtshan nyid do/ /rnam par bsgom pa ni bslabs pa ste gang gis de shin tu goms pa'i phyir te/ lhun gyis grub pa dran pa'i phyir ro/ /de dag nyid ces bya ba bshad ma thag pa'i sbyin pa la sogs pa'o/ /skad cig ma gcig gis bsgom pa ni skad cig ma dpag tu med pa rnam par bsgoms ba rnams shin tu mang du goms pa'i phyir/ /skad cig ma gcig la nges par dmigs pa ni skad cig ma gcig pa'i mngon par rdzogs par byang chub pa yin te/ skad cig ma gcig par gyur pa'i sbyor ba'i ye shes kyi khyad par ro/ /de yang mtshan nyid kyis te/ rang gi ngo bos rnam pa bzhi yod pa las dang po ste/ thog ma ni rnam par smin pa ma yin pa ste/ phyi rol gyi rgyu dang rkyen gyis mngon par 'dus ma byas pa zag pa med pa zhes bya ba nyon mongs pa med pa'i chos thams cad do/ /chos mngon pa las zag med lam gyi bden pa dang zhes smos pas 'dir lam gyi bdag nyid can gyi sbyin pa la sogs pa gang yin pa de rnams kyi skad cig ma gcig pa'i mtshan nyid ni skad gcig ma gcig gi bdag nyid can no/ /skad cig ma gcig pa'i mngon par rdzogs par byang chub pa ni skad cig ma gcig pa'i ye shes kyi bdag nyid can no/ /lam ni sbyin pa
- 264a
la sogs pa zhes bya ba la sogs pa gsungs pa yin te/ tshig le'ur byas pa dang 'grel pa ni go sla'o/ /dngos po so sor nges par 'dzin ba ni shes pa gang la sbyin par bya ba la sogs pa'i yul la dmigs pa'o/ /de dang bral ba ni de las 'das pa'o/ /de nyid kyi na go bzlog pa'i ngo bo ste/ sbyin pa la sogs pa'i yul gcig shes pa la go bzlog pas so/ /go bzlog pa'i rgyu ni sbyin pa zhes bya ba la sogs pa smos pa yin te/ zag pa med pa'i sbyin pa la sogs pa dang/ dpe byad bzang po brgyad cu'i bar gyi mtshan nyid kyi chos rnams gang yin pa de bsdus pa'i phyir zhes bya ba sbyin pa la sogs pa gcig la chos kyi dbyings nyid kyis khongs su 'dus pa'i rgyus na thub pa zhes bya ba mnyam par bzhag pa'i byang chub sems dpa' i rtogs pa yin par shes par bya ste/ zag pa med pa'i yul dpag tu med pa shes pa cig yin par shes par bya'o zhes bya ba ni skad cig ma gcig pa'i mngon par rdzogs pa'i byang chub pa'i zhes bya ba ste/ skad cig ma gcig par gyur pa'i ye shes so/ /yul dpag tu med pa la ye shes gcig gi bya ba ji ltar yin zhes bya ba gtan tshigs nyid kyis dpe bstan pa ni ji ltar skyes dus zhes bya ba la sogs pa smos te/ rab tu byed pa dang 'grel pa ni go sla'o/ /skad cig ma gcig pa'i mngon par rdzogs par byang chub pa gnyis pa ni de ltar dang po zhes bya ba la sogs pa smos pa yin te/ rnam par smin pa'i chos nyid ni 'tshang rgya ba nyid kyis 'bras bu ster ba la mngon par phyogs pa de dang ldan pa'i zag pa med par chos thams cad dmigs pa rab mchog tu gyur pa'i sbyin pa la sogs pa gang yin pa de rnams kyi skad cig ma gcig pa'i mtshan nyid kyi shes rab kyi pha rol tu phyin pa zhes bya ba la sogs pa ni rnam par smin par chos kyi gnas skabs su 'tshang
- 264b
rgya ba nyid kyis 'bras bu 'byin pa la mngon par phyogs pa'i rnam pa'i khyad par ni gang gi chos dkar po thams cad kyi rang bzhin du skyes pa yin zhes?/ /nyon mongs pa med pa'i chos kyi dbyings su yang dag par byung ba ni/ sngar bshad pa'i sbyin pa la sogs pa yin no zhes bya ba ni lhag ma'o/ /de chos skad cig gcig ye shes zhes bya ba de'i tshe sbyin pa la sogs pa skad cig ma gcig par gyur ba'i ye shes ni shes rab kyi pha rol tu phyin pa yin no zhes bya bar sbyar ro/ /tshig le'ur byas pa 'di nyid kyi don ni gang gi tshe zhes bya ba la sogs pa smos pa yin te/ gang gi tshe byang chub sems dpa' i gnyen po bsgom pas zhes bya ba sngar bshad pa'i thams cad mkhyen pa gsum la sogs pa'i bsam gtan gyi mi mthun pa'i phyogs thams cad med de zhes bya ba gzung ba la sogs pa'i rnam par rtog pa dang bral bas rnam par byang ba'i phyogs thams cad ste/ thams cad mkhyen pa nyid gsum la sogs pa'i rnam par smin pa'i chos nyid kyi gnas skabs gang yin pa ste/ 'tshang rgya ba nyid kyi 'bras bu rab tu ster pa'i rgyu yin pa de ni dri ma thams cad dang bral bas zhes bya ba'i gzung ba la sogs pa'i lta ba spangs pas ston ka'i zla ba'i 'od bzhin du dkar po'i chos skyes pa zhes bya ba dri ma med par gyur pa de'i tshe skad cig kho na la rnam par smin pa'i gnas skabs su gyur pa thob pa ni 'tshang rgya ba nyid kyis rgyu nyid du gyur pa na zag pa med pa ste/ nyon mongs pa dang bral ba'i chos thams cad mkhyen pa nyid gsum la rdzogs pa rtogs shing lhun gyis grub pa'i dran pa'i ye shes ni zhes bya ba rtogs pa'i ye shes gang yin pa de ni shes rab kyi pha rol tu phyin pa yin te/ de'i rgyur gyur pa nyid kyis na rab kyi mthar thug pa'i ye shes ni skad cig ma zhes bya ba la sogs pa yin no/ /skad cig ma gcig mngon par rdzogs par byang chub pa gsum pa ni de ltar gnyis pa zhes bya ba la soD pa
- 265a
smos pa yin te/ phyi'i mtshan nyid med pas na mtshan nyid med pa'o/ /chos thams cad ni sngar bshad pa gang yin pa ste/ de rnams skad cig ma gcig pa'i mtshan nyid ces bya ba skad cig ma gcig pa'i ngo bo nyid zhes bya ba la sogs pa'o/ /sbyin pa ces bya ba la sogs pa mngon par rdzogs par byang chub pa gsum pa'i tshig le'ur byas pa'i don ni sngon zhes bya ba la sogs pa smos pa yin te/ sngon chos thams cad rmi lam lta bur goms pas zhes bya ba zag pa dang bcas pa'am zag pa med pa'i chos thams cad ni rmi lam lta bu la sogs pa dang mnyam mo zhes sngar bsgoms pas tshogs gnyis nyams su myong bar byas nas zhes bya ba bsod nams dang ye shes kyi tshogs nye bar bsags nas rtogs pa'i gnas skabs na zhes bya ba yang dag pa'i ye shes thob tu rung ba'i gnas skabs su rmi lam gyi ngo bo nyid ces bya ba dngos po med pa'i chos thams cad de zag pa dang bcas pa dang zag pa med pa'i chos gang yin pa de rnams la'o/ /de ni nye bar len ba'i phung po la gnas te zhes bya ba smos pa yin te/ zag pa dang bcas pa kun 'byung gi phung po dang/ zag pa med pa'i tshul khrims kyi phung po la sogs pa'i phung po la dmigs te/ sbyin pa la sogs pa'i pha rol tu phyin pa drug sgrub pa zhes bya ba sbyin pa la sogs pa nyams su len pas sbyin pa la sogs pa'i ngo bo nyid sbyin pa la sogs pa gang yin pa de la bdag med par nges par rtog pa ni nges par brtags pa ste/ de'i rnam pa can gyis chos thams cad ni mtshan nyid med pa'o zhes bya ba gzugs la sogs pa phyi'i mtshan nyid kyi stong pa nyid kyis na ngo bo nyid med pa'o zhes de ltar kun nas nyon mongs pa dang rnam par byang ba'i ngo bo sngar bshad pa'i mi mthun pa'i phyogs dang gnyen po'i bdag nyid can gyis chos rnams te gzung
- 265b
ba la sogs pa dang thams cad mkhyen pa nyid gsum la sogs pa ni mtshan nyid du zhes bya ba la sogs pa smos pa yin? no/ /gnyis su med pa'i ye shes kyi rgyu nyid du gyur pas na de'i mtshan nyid skad cig ma gcig la mngon par rdzogs par byang chub pa bzhi ni de ltar gsum pa zhes bya ba la sogs pa smos pa yin te/ rmi lam na ni zhes bya ba la sogs pa'i tshig le'ur byas pa dang 'brel pa ni go sla'o/ /mngon par rtogs pa rnam pa bzhi ni gdul bya'i skye bo'i drung na gnas pa las bltos nas ldog pa'i dbye bas gsung pa yin no/ /de bas na kha cig na re rnal 'byor pas gang yang rung pa gcig rtogs par bya'o zhes 'dod/ /gzhan dag ni bzhi car yang rtog par bya'o zhes 'dod do/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan las seng ge bzang po'i zhal snga nas kyi gzhung rtogs dka' ba'i snang ba'i mdor bshad pa'i chos kyi grags pas mdzad pa las skabs bdun pa'i 'grel pa'i bshad pa'o// //de ltar skad cig ma gcig pa'i mngon par rdzogs par rtoD pa brjod nas/ chos kyi sku'i mngon par rtogs pa ni skad cig ma gcig pa'i zhes bya ba la sogs pa smos pa yin te/ chos ni dran pa nye bar bzhag pa la sogs pa'o/ /de'i bdag nyid can gyi sku gang yin pa ni ye shes kyi phra rab bsags pa'o/ /de mngon par rdzogs par byang chub pa ni ye shes so/ /de yang ngo bo nyid kyi sku la sogs pa'i dbye bas rnam pa bzhi yin pas zhes bya ba yang dag par na gcig yin du zin kyang ngo bo nyid kyi sku la sogs pa'i bye brag gis rgyu yod pas rnam pa bzhi yin no/ /thub pa'i ngo bo zhes bya ba la sogs pa'i tshig le'ur byas pa'i don ni thub pa zhes bya ba la sogs pa smos pa yin te/ dran pa nye bar bzhag pa la sogs pa ni dran pa nye bar gzhag pa dang/ yang dag par spong pa la sogs pa'o/ /ye
- 266a
shes kyi bdag nyid 'jig rten las 'das pa ni phyi'i 'jig rten pa'i ngo bo nyid med pa'i phyir ro/ /chos kyi dbyings kyi ngo bo nyid kyis zhes bya ba ni gnyis su med pa'i ye shes kyi bdag nyid can yin pa'i phyir ro/ /zag pa med pa ni nyon mongs pa med pa'o/ /ji lta bu zhe na dri ma rnams zhes bya ba la sogs pa smos te/ dri ma rnams glo bur ba nyid kyis zhes bya ba nyon mongs pa rnams bcos ma yin pa'i phyir ro/ /rnam pa thams cad du rnam par dag pa ni phyi dang nang dri ma med pa'o/ /rang bzhin gyis dben pa'i mtshan nyid du gyur pa ni ngo bo nyid kyis gzung ba la sogs pa med pa'i bdag nyid can thob pa ste/ sgyu ma lta bu'i gnyis su med pa'i ye shes kyi ngo bo nyid du gyur pa'i dran pa nye bar gzhag pa la sogs pa gang dag yin pa de dag gi rang bzhin ngo bo nyid gang zhig yin zhe na/ skye ba med pa'i ngo bo nyid ste/ sgyu ma lta bu gnyis su med pa'i ye shes kyi bdag nyid 'di ni thub pa sangs rgyas bcom ldan 'das kyi sku yin no zhes bya ba gong ma dang sbyar ro/ /ngo bo nyid du gyur pa'i rgyu ni bcos ma ma yin zhes bya pa la sogs pa smos pa yin te/ 'jig rten las 'das pa'i lam gyis zhes bya ba rdzogs pa'i sangs rgyas la sogs pa'i spyod yul mngon par rtogs pa brgyad kyi thabs gyis? thob ba ste/ 'dir thos pa med bas kun rdzob kyi yul du byas pa yin zhes bya pa'i tha tshig go/ byas pa ni ma yin pas zhes bya ba ni nang gi mu stegs pa rnams kyis mya ngan las 'das pa dang 'dra bar lam gyi bskyed nas thob par bya ba thob pa ma yin pa'o/ /rgyu des na bcos ma ma yin pa'i don gyis na skye ba med pa nyid yin pa'i phyir ngo bo nyid kyi sku yin no/ /de lta yin na khyed cag gi phyogs la yang sku dang lam dag yul dang yul can nyid du yod pa de gnyi ga la yang gyu? dang
- 266b
'bras bu'i dngos po med pa ni ma yin no/ /de bas na lam gyi 'bras bu yin pa'i phyir ngo bo nyid sku ji ltar 'grub ce na/ rnam par shes pa zhes bya ba la sogs pa smos te/ rnam par shes pa sgyu ma lta bus dmigs par bya ba la sogs pa rang bzhin gyis stong pa'i sems kyi chos thams cad ces bya ba dran ba nye bar gzhag pa la sogs pa rtogs shing mthong ba gang yin pa des thob ba ni shes pa yin na/ phyi rol pa rnams kyi ni gnyi ga yod pas yul can nyid dang rgyu dang 'bras bu'i dngos po'i mtshan nyid du 'thad pa yin gyi/ 'dir ni sgyu ma'i skyes bu ltar spyad par bya'o zhes smos pas yang dag par na yul dang yul can med pa'i phyir lam gyi yul nyid ma yin no/ /de bas na kun rdzob tu de'i yul yin na yang ngo bo nyid kyi sku 'bras bu nyid ma yin pas bcos ma yin par ji ltar 'gyur zhes bya bar dgongs so/ /ci sku gsum po ngo bo nyid kyi sku las gzhan yin nam ma yin zhe na/ sku lhag ma zhes bya ba la sogs pa smos te/ sku ltag? ma ni ngo bo nyid kyi sku las gzhan pa'o/ /sku gsum po ni chos dang longs spyod rdzogs pa dang sprul ba zhes bya'o/ /yang dag pa'i kun rdzob tu snang ba ni ting nge 'dzin gyi shes pa'i yul lo/ /don dam par chos nyid kyi ngo bo ni yang dag par na yul dang yul can nyid med pas gzung ba la soD pa med pa'i phyir gnyis su med pa'i bdag nyid can no/ /ji ltar mos pas rab tu phye ba zhes bya ba ni nyams su len pa'i mngon par zhen pa las ma 'das par 'byung ba de ni ngo bo nyid kyi sku'i yul du rnam par gzhag pa'am/ de'i 'bras bu'i tha snyad yin gyi yang dag par ni tha dad pa ma yin no zhes bya ba'i tha tshig go/ ye shes gcig gi bdag nyid ngo bo nyid kyi sku la 'bras bu 'am/ de'i ngo bo nyid rnam pa gsum yin pa 'di ga las zhes brtag pa la/ ji ltar mos pas rab tu
- 267a
phye? ba ni zhes bya ba'o/ /'di nyid kyi don la rab tu gsal bar bya ba ni/ sangs rgyas dang zhes bya ba la sogs pa yin te/ sangs rgyas dang byang chub sems dpa' dang nyan thos la sogs ba'i spyod yul nyid yin no zhes bstan ba'i phyir te/ longs spyod rdzogs pa'i sku la sogs pa rnam pa gsum bstan pa'i don du de dang tha mi dad kyang zhes bya ba ngo bo nyid kyi sku dang bye brag med na yang tha dad par rnam par bzhag go zhes sku gsum du dbye bas brjod pa ni sku gsum gyi bye brag yin no/ cing las tha dad ba 'am tha mi dad pa yin/ tha mi dad na bye brag yod pa ma yin no zhe na/ bya? brag med pa ni lugs las zhes bya ba la sogs pa smos pa yin te/ lugs las zhes bya ba ni rigs par smra ba rnams kyis shes ba yin pas na rigs pa'i bstan bcos las so/ /gang gi phyir zhes bya ba ni gang gis na'o/ /dben pa can las ni dben pa tha dad pa nyid du mi 'dod ces bya ba tha dad par mi 'dod pa ni dbyer med pa nyid de/ /gang zhig ce na dben pa ste ldog pa'o/ /ldog pa ni dngos po med pa nyid la kun rdzob tu ni dngos po dang bye brag yod pas bye brag can zhes bya ba de nyid ni sangs rgyas pa rnams 'dod kyi gzhan dag ni ma yin pas 'dir yang de nyid kyis sku gsum po bum pa dang ma bu dag bzhin du tha dad pa yin no zhes bya bar dgongs so/ /de ltar zhes bya ba la sogs pa la byang chub phyogs mthun zhes bya ba la sogs pa chos kyi sku'i chig le'ur byas pa dang 'grel ba ni go sla'o/ /nang gzugs zhes bya ba la sogs pa chung du dang chen po'i rnam pa dag ni chung du dang rgya chen po dag gis lta ba rnam pa gnyis dang/ zil gyis mnan pa'i shes pa rnam pa gnyis te bzhi dang/ de bzhin bzhi pa gnyis pa ste/ zil gyis gnon pa'i skye mched rnam pa brgyad do/ /nyan thos la sogs pa dang thun mong
- 267b
ma yin pa'i sangs rgyas kyi smon gnas mkhyen pa ni mtshan ma zhes bya ba la sogs pa yin te/ yang dag par zhes bya ba phyir ldog par ro/ /mtshan ma thams cad dang zhes bya ba rgyu dang bral zhing spangs pa dang/ chags pa bcom pa ste/ mngon par chags pa dang/ nyon mongs pa'i bag chags dang bcas pa la sogs pa dang bral ba gang yin pa de dang/ the tshom sel bar mdzad pa ste/ 'dri ba'i lan ldon par byed ba'i 'og nas bshad pa'i smon lam gang yin pa de grub cing rdzogs pas 'khor ba ji srid par zhes bya ba sems can gyi srid pa ci snyed pa dang/ rnam par grol ba ci srid pa'i gnas skabs su zhes bya ba 'tshang rgya ba nyid kyi bar du 'jug cing rgyun mi 'chad par 'jug pas na smon gnas mkhyen pa ste/ de bzhin gshegs pa gzhan gyi don la nges pa'i ye shes so/ /de bzhin gshegs pa'i ste/ phyin ci ma log pa'i ye shes dang ldan pa'i sku dang gsung dang thugs kyi spyod pa yongs su dag pa gang du byung ba de ni 'di'i bsrung ba med pa rnam pa gsum yin no zhes 'og ma dang sbyar ro/ /sku la sogs pa gsum rnam par dag pas log par kun tu spyod pa nyid ga la yod de/ gang lus la sogs pa ma dag par gyur na rgol ba po gzhan gyis yongs su shes pa ste/ gzhan gyis yongs su shes shing kun nas mkhas pa de las bsnyengs shing 'jigs pa ni yongs su shes pa'i skrag pas bcab par bya'o snyam pa'i zhes bya ba so so'i skye bo dang 'dra bar bdag nyid kyi mi shes pa sled? cing 'chab ba zhes bya ba nges par 'byed pa'i yin pa las mi mnga' o zhes bya ba mnyes pa 'di de bzhin gshegs pa la mi mnga' ste/ thams cad mkhyen pa nyid yin ba'i phyir ro zhes bya bar dgongs so/ /chos kyi sku'i gnas skabs su slob dpon gyis bar? rtogs pa mang du yod ces bstan pa ni kha cig na re zhes bya ba la sogs pa smos pa yin te/ dran pa nye bar gzhag pa la sogs pa'i byang chub kyi
- 268a
phyogs la sogs pa thams cad kyang gnas yongs su gyur pas zhes bya ba zag pa dang bcas pa'i phung po'i rten du gyur bas gyur pa zhes bya ba gnyis su med pa'i ye shes grub pa'o/ /de'i spros pa med pa'i ye shes kyi bdag nyid chos kyi skur bdag nyid brjod do zhes kha cig zer zhing khas len pa ni gcig yin no/ /gzhan dag ni gzhan du 'dod de/ /de ni thub pa'i zhes bya ba la sogs pa smos te/ de'i phyogs ltar na thub pa'i ngo bo nyid sku ni zhes bya ba la sogs pa'i tshig le'ur byas pa dang/ byang chub phyogs mthun tshad med dang zhes bya ba la sogs pa'i tshig le'ur byas pa don cig ste/ ngo bo nyid kyi sku kho na chos kyi sku nyid du 'chad do snyam mo/ /'dir kha cig nyes pa yod par smra ste de ni gzhan dag na re zhes bya ba la sogs pa yin te/ de dag gi ltar na ngo bo nyid kyi sku la chos kyi sku dbye bas ma phye ba nyid yin no/ rnal 'byor pa'i kun rdzob tu rdzogs pa'i sangs rgyas la sogs pa'i tha snyad kyi dbang gis don khyad par can snang ba skyed pa zhes bya ba gdul bya rnams kyi bsams pa ji lta ba bzhin du nges par legs pa dang/ mngon par mtho ba'i shes pa 'thob pa de'i sgo nas te/ de'i dbang gis gnas yongs su gyur pa zhes bya ba zag pa dang bcas pa'i phung po'i gnas ldog cing yongs su gyur pa zag pa med pa nyid kyis gzhan gyi don nus pa nyid du yang 'khrungs te/ chos ston pa la sogs pa'i don gyi bya ba mdzad pa gnyis su med pa'i sems rang sems las byung ba gdon mi za bar khas blang dgos pa rnams gzhan gyi don 'dod pa rnams kyis nges par 'dod par bya'o gzhan dun rten med pa nyid kyis na gzhan gyi don med par thal bar 'gyur ro/ /des na ji ltar bsdu bar bya ste/ ma yin pa kho na'o zhes bya ba ni gzhan dag gi yin te/ ngo bo nyid kyi sku dang chos kyi sku dag ye shes kyi bdag nyid can nyid
- 268b
dang/ sangs rgyas kyi spyod yul nyid yin par mtshungs na yang 'gro ba'i don mdzad pa'i sems dang sems las byung ba'i bdag nyid kyi chos kyi sku dang/ ngo bo nyid kyi sku ni de las tha dad pa yin pas de gnyis bye brag med na 'gro ba'i don mdzad pa'i sems dang sems las byung ba tha mi dad do zhes bya ba ni nyes pa brjod par byed pa'i bsam pa yin no/ /yang gzhan dag ni gzhan du 'dod de/ /de ni kha cig na de zhes bya ba la sogs pa smos pa yin te/ sku bya'i? bshad pa las sngar mdor bsdus pa bstan pa las ngo bo nyid longs spyod rdzogs bcas dang zhes bya ba la sogs pa'i tshig le'ur byas pa las ngo bo nyid kyis sgra'i rjes thogs la chos kyi sku'i sgra mi 'byung zhing mi smos pas sku gsum po kho na'o zhes bya ba'i ngo bo nyid dang/ longs spyod rdzogs pa dang/ sprul? pa'i sku ste gsum yin gyi chos kyi sku ni ma yin no zhes zer te/ sangs rgyas kyi yul yin pa nyid kyis na ngo bo nyid kyi sku dang chos kyi sku dag ni gcig tu smos par rigs kyi ngo bo nyid la sogs pa'i sku las chos kyi sku logs shig tu yod pa ma yin no ? bya bar dgongs so/ /gzhan dag ni sku gsum po yang ji ltar yod/ mdzad pa'i dbang gis yin no zhe na yang bzhi pa yang byang chub phyogs mthun zhes bya ba la sogs pa de ltar rnam par bzhag pa la bgegs byed pa su zhig yod rigs su zin na yang bsdus pa'i don las grangs bzhi smos pa don med par thal bar 'gyur ba dang/ sku bzhi pa dgag pa'i lung yang med de/ bsgrub pa nyid snang ba'i phyir ro/ /gang yang ngo bo nyid ces bya ba'i sgra'i 'jug thogs su chos kyi sku zhes bya ba'i sgra mi 'byung bas zhes gang? ? ba de yang rigs pa ma yin te/ gang zhig gang dang 'brel pa ni/ /ring na 'dug kyang de dang der zhes bya ba'i tshul gyis ring po na 'dug pa nyid yin na yang ngo bo nyid dang chos kyi sku zhes 'brel par bya bar nus pa'i phyir ro/ /gzhan dag ni rgyu gsum gyis sku rnam
- 269a
pa bzhi yin par 'dod de/ de ni gzhan dag na ? zhes bya ba la sogs pa smos pa yin te/ dgos? pa nye bar bstan pa'i shugs kyis zhes bya ba ni sngar bshad pa'i sku bzhi po dgos pa gzhan du mi 'thad pas so/ /tshig le'ur byas pa sbyar ba'i dor zhes bya ba ngo bo nyid longs spyod rdzogs bcas dang zhes bya ba la sogs pa'i go rim gyis chig le'ur byas pa'i dor ye shes nyid kyi mdzad pa yin pa'i 'brel pa'i don gyis ngo bo nyid kyi ye shes kyi sku'i mdzad pas sku gsum dang 'brel bar bya ba'i don du dang zhes dang gi don lta bar bya'o/ /de skad du gsungs pa yin te zhes bya ba ni gang gis 'brel pa dang/ gang dang 'brel pa de thams cad gcig tu byas nas sku bzhir bshad do/ /de'i phyir te rgyu des na sngon dang phyi ma 'gal ba'i nyes pa yod pa ma yin zhing phyogs gzhan nas smos pa'i lung dang lung ma yin pa dag las sku bzhir gsungs pa thams cad mi 'gal ba yin no/ /zhes gzhan dag khas len pa yin te/ bshad ma thag pa'i bshad pa'i rigs pa 'di nyid kyi phyogs legs pa yin no zhes bya ba ni sma? ba po'i bsam pa yin no/ /nyan thos la sogs pa'i zhes bya ba la sogs pa la nyan thos nyon mongs med pa'i lta zhes bya ba la sogs pa'i ting nge 'dzin dang/ sangs rgyas smon gnas mkhyen pa ni zhes bya ba la sogs pa smon gnas mkhyen pa'i tshig le'ur byas pa dang 'brel pa ni go sla'o/ /de bzhin du yang lhun gyis grub pa'i mtshan nyid can gyi smon lam gyi stobs kyis mdzad pa mi mnga' na yang yid bzhin gyis nor bu dang 'dra bar bcom ldan 'das kyi thad nas don gyi bya ba thams cad snang du rung ba nyid yin pas na ci'i phyir/ gang gi tshe gang du 'jug par 'gyur zhes rtog pa la rtag tu thams cad du khyab pa dang rnam par mi rtog pa'i thugs rje gang yin pa de ni thugs rje chen po'o/ /de'i ngo bo nyid kyi chos kyi sku ni ye shes kyi sku gang yin pa ste/
- 269b
de bzhugs pa ni de la bcom ldan 'das bzhugs par gyur pa na ji ltar rnam par gang gis rtag tu ji ltar don mi mdzad de bzhin du/ rgyu ni ma tshang ba med pa na/ de la 'bras bu gang gis dgag ces bya ba ni tshul gyis don gyi bya ba mdzad pa'i bcom ldan 'das dang don du gnyis bdag yod pas rtag tu sems can rnams kyi mngon par 'dod pa'i don rdzogs par mdzad par rung ba nyid yin no zhes bya ba 'di la lan gdab pa'i phyir/ bcom ldan 'das thams cad du khyab pa yin na yang phyogs gcig pa'i skye bo ltar don gyi bya ba mdzad pa nyid du bstan par bya ba'i phyir bar skabs kyi tshigs su bcad pa'i rgyu ni zhes bya ba la sogs pa gsungs pa yin te/ rgyu yongs su smin pa ni sangs rgyas la dmigs pa la sogs pa 'tshang rgya ba nyid kyi rgyu gus pa dang bcas pa la sogs pa'i rim gyis goms pa mthar thug par gyur pas sbyin pa la mngon par phyogs pa mnyes pa mnyes par gyur nas gdul bya gang dag gang la gang dang gang tshe phan? par gyur pa ste/ ma 'ongs pa na phan pa'i chos ston pa de dang de la ste/ gdul bya de dang de la bcom ldan 'das te snang ngo zhes bya ba snang ba dang rjes su mthun pa'i tshul gyis de bzhin du kun nas don mdzad par 'gyur ba yin no/ /don 'di nyid ni dge ba'i bshes gnyen zhes bya ba la sogs pa smos pa yin te/ dge ba'i bshes gnyen zhes bya ba bla ma dang mkhan po la sogs pa dang phrad pas des bstan pa las sangs rgyas la sogs pa la dmigs pa na rdo rje dkyil mo krungs la sogs pas mdun du sangs rgyas dang byang chub sems dpa' la sogs pa yul du byas pas rgyu ste/ lam la sogs pa bslabs pas yongs su bltas par gyur nas 'tshang rgya ba'i 'bras bu sbyin pa la mngon par phyogs pa'i rgyu brnyes pa'o/ /lam la sogs pa brnyes pa nyid kyang ga las yin zhe na/ sngon bskyed pa'i dge ba'i rtsa ba'i sa bon yod pa las zhes bya ba smos te/ sngon bskyed pa ni byas pa ste ci zhig ltar
- 270a
sangs rgyas la sogs pa la me tog gcig 'bul pa la sogs pas dge ba ste/ nyon mongs pa ngan pa tshar gcod pa'i rgyu'i bsod nams gang yin pa de nyid ni rtsa ba'i sa bon te/ dang por sangs rgyas la sogs pa la mngon par 'dod pa nyid kyi rgyu? yin la/ de mang ba zhig yod pas? sems can gang la ste/ rnam pa thams cad mkhyen pa nyid la sogs ba'i gdul bya rnams la gang gis dus su zhes bya ba skal ba dang rjes su mthun pa'i dus na chos bstan pa la sogs pa mdzad pa na zhes bya ba thams cad mkhyen pa nyid la sogs pa gsungs pas mngon par mtho ba dang nges par legs pa la bzhag pa skyed pa na yun du 'phrod par 'gyur ba ste/ skye? ba thams cad du phan par 'gyur pa de'i tshe rnam pa thams cad mkhyen pa nyid la sogs pa'i gdul bya la sogs pa de'i don bya ba'i phyir zhes bya ba bshad ma thag pa'i mngon par mtho ba dang nges par legs pa bsgrub par bya ba'i phyir sngon gyi smon lam grub cing rdzogs pas bcom ldan 'das de dang der snang ba dang mtshams par don gyi bya ba mdzad pa yin no zhes tshig le'ur byas pa bshad cing 'phags pa byams pa'i dgongs pa brjod pas bshad ma thag pa'i don nyid gsal bar bya ba ni dus thams cad du zhes bya ba la sogs pa smos pa yin te/ dus thams cad du ni rnam pa thams cad du'o/ /yid bzhin gyi nor bu ltar zhes bya ba ni bdag nyid chen po 'ga' zhig rang nyid mya ngan las 'das su zin kyang sems can rnams kyi don gyi bya ba'i phyir yid bzhin gyi nor bu sprul pa/ des bka' stsal pa'i don rdzogs par bya ba'i phyir ji ltar thams cad du khyab pa yin na yang sems can rnams kyi log par spyad pa'i nyes pas de ltar don mi byed do/ /de bzhin du nye bar gnas kyang zhes bya ba bcom ldan 'das thugs rjes sems can rnams kyi mngon par 'dod pa'i don rdzogs par bya ba'i phyir mdun na bzhugs kyang 'bras
- 270b
bu ster bar mdzad par mi mngon no/ /ci'i phyir zhe na/ rang gi las kyi nyes pas zhes bya ba sems can rnams kyi nyes bar spyad pa'i las kyi nyes pas bskyed pa gang yin pa la rgyu ma tshad bas zhes bya ba bcom ldan 'das kyi thob nas mngon par 'dod pa'i don len du rung ba'i sems dang bral zhing med la de bas na bcom ldan 'das thams cad du don gyi bya ba mdzad pa yin na yang sems can rnams kyi bskal pa'i nyes pas don gyi mdzad bas yid bzhin gyi nor bu ltar med pa ma yin zhing don gyi bya ba mi mdzad pa yang ma yin pa mi snang pa yang tshad ma ma yin te/ skal pa dang 'tsham pa nyid kyi rim gyis de yod pa ma yin no zhes 'phaD pa byams pa'i dgongs ba nye bar bstan pa yin no zhes bya bar dgongs te/ 'di na snod min sems can gang yang med/ 'gro ba 'di dag thams cad sangs rgyas 'gyur? zhes? gsungs pa yin no/ /'di dag kho na brgya byin gyis de bas gsal bar bya ba ni ji lta bu zhes bya ba la sogs pa smos pa yin te/ lha'i rgyal pos zhes bya ba la sogs pa'i tshig le'ur byas pa dang 'grel pa ni go sla'o/ /bcom ldan 'das 'og min la sogs par rtogs pa'i rgyud la gnas pa ni gcig tu rnam par gnas shing rtag pa ni rim pa dang gcig car dag gis don gyi bya ba mdzad par mi 'thad pas mi rtag ba nyid yin na yang khyab ba dang rtag par brjod pa dang mi 'gal lo zhes bstan pa ni ye shes kyi zhes bya ba la sogs pa smos pa yin te/ de ltar mdzad pa zhes bya ba la sogs pa'i tshig le'ur byas pa dang 'grel pa ni go sla'o/ /gsum pa longs spyod rdzogs pa'i sku ni de ltar sku gnyis zhes bya ba la sogs pa yin te/ mtshan ni zhes bya ba la sogs pa mtshan rnams byi? ba tshig le'ur byas pa dang 'grel pa ni go sla'o/ /las zhig byas pas mtshan 'grub pa'i las de'i rgyu mtshan nyid ni rgyu grub pas zhes bya ba la sogs pa smos pa yin te/ 'di la mtshan ni zhes bya ba la sogs pa'i tshig le'ur byas pa dang 'grel pa ni go sla'o//
- 271a
bzhi pa sprul pa'i sku ni de ltar sku gsum zhes bya ba la sogs pa smos pa yin te/ gang gis zhes bya ba la sogs pa'i tshig li'ur byas pa dang 'grel pa ni go sla'o/ /de ltar khyad par gyi bya ba brjod nas ning ngo bo nyid la sogs pa'i sku bzhi'i thun mong gi mdzod pa ni de ltar ngo bo nyid kyi zhes bya ba la sogs pa smos pa yin te/ ye shes la sogs pa la bltos nas rab tu brtags pa'i zhes bya ba ni gdul bya dang rjes su mthun pa'i snang ba'i don thob pa'i dbang gi nges pa'o/ /de nas ci zhes bya zhe na/ de'i dbang la zhes bya ba la sogs pa smos pa yin te/ gdul bya'i skye bo so sor snod la snang ba bten pa'i zhes bya ba bcom ldan 'das kyi skur gtogs pa thams cad rnam par mi rtog pa nyid yin bas mdzad pa mi mnga' ba'i phyir 'phrin las de dang 'tsham ba'i gdul bya'i skye bo rnams kyi snang ba la gnas ba'i 'phrin las sngar bshad pa dang 'og nas bshad ba gang yin pa de'i dbang la brten nas byung ba ste/ smon lam gyi dbang gis rnam par mi rtog pa'i ye shes yongs su rdzogs pa yin par gsungs te zhes 'og ma dang sbyar ro/ /gal te 'phrin las 'di dag sku bzhi'i ma yin nam de lta na ci ltar chos kyi sku zhes 'phags pa byams pa'i zhal snga nas kyis gsungs zhe na/ kun rdzob tu zhes bya ba la sogs pa smos te/ kun rdzob tu sangs rgyas la sogs pa'i tha snyad kyi dbang gis ye shes kho na zhes bya ba gnyis su med pa'i ye shes nyid don gyi bya ba mdzad pa yin te/ yang dag pa na gzhan dag yin par mi 'thad pa'i phyir ro/ /mi 'thad pa nyid yin na yang ye shes ni ston mi nus par yod pa nyid kyis de nyid sems can mngon par 'dod pa'i don rdzogs par byed pa yin la rgyu des na chos kyi sku yin no zhes smos pa yin te/ chos kyi sku ni ye shes kyi sku'i yin la de ni yang dag par na don
- 271b
gyi bya ba ma lus par mdzad pa yin no zhes 'phogs pa byams pas gsungs pa yin no/ /mdzad pa med pa'i ye shes kyi don bya ba mdzad pa nyid du gsa la rung zhe na/ longs spyod rdzogs pa'i sku la sogs pa'i snang ba bskyed pa'i sgo nas zhes smos pa yin te/ ? kyi smon lam gyi 'phen pa'i shugs kyis byang chub sems dpa' la sogs pa rnams la longs spyod rdzogs pa dang/ chos dang sprul pa'i skur snang ba bskyed par mdzad pa yin pa'i phyir ro/ /de nyid kyis na/ de'i dbang la brten nas byung ba zhes slos pa yin te don? gzhan du na ji skad smos pa'i 'phrin las rnams yang dag par na chos kyi sku'i 'bras bu nyid du mi 'gyur ro zhes bya bar dgongs so/ gal te gzhan dag tshogs dang chos kyi sku ngag dang 'gro ba'i don ni mdzad pa yis/ /sangs rgyas thams cad mnyam pa ste/ sku tshe rigs dang chod kyi min zhes bya ba la sogs pa smos pas sku bzhi? tshogs la sogs pa mnyam pa yin na yang longs spyod rdzogs pa dang/ sprul pa'i sku dag ni rtogs pa po'i dbye bas de'i khyad par du 'gyur na/ ngo bo nyid kyi sku dang chos dang chos kyi sku dag ni rnam par mi rtog pa'i ye shes kyi bdag nyid yin pa'i phyir dang/ sangs rgyas kyi yul nyid yin pa nyid du mnyam pas rgyu dang 'bras bu nyid dubdag cag la sogs pa shes par mi nus pa nyid yin pa'i phyir/ sangs rgyas rnams kho na'i yul yin no/ /kha cig na de ngo bo nyid kyi sku gang yin pa de ni sangs rgyas kyi yul ma yin no zhes zer ro/ /de ni mi rigs te/ de mkhyen pa med par de dang 'brel pa'i sku gsum du sangs rgyas kyis rnam par bzhag pa mi 'thang ba'i phyir dang sangs rgyas kyi ma gzigs pa nyid kyis na ngo bo nyid kyi sku med pas sku gang yang yod par mi 'gyur te/ sku gcig shos rnams ni de dang 'brel pa yin pa'i phyir ro/ /sangs rgyas rnams kyi ngo bo nyid kyi sku yod kyang ma mkhyen par gyur na/ sangs rgyas
- 272a
rnams la mi mkhyen pa'am ma gzigs pa ci yang mi mnga' o zhes bya ba dang yang 'gal bar 'gyur ro/ /mtshan yang dag par brjod pa las sangs rgyas sku lnga'i bdag nyid can zhes smos pa de yang 'thad ba kho na yin te/ sprul pa'i sku'i dbye ba rnam par smin pa'i sku yod pa yin pa'i phyir ro/ /yang na rnal 'byor pa'i rgyu la so sor nges par yod pas rtag pa dang khyab pa gang yin pa 'di ni rdzogs pa'i sangs rgyas kyi chos kyi sku ste/ dngos bzhi yin la de'i ngo bo nyid dang longs spyod rdzoD pa dang sprul pa dang chos kyi sku'i dbye bas sangs rgyas sku lnga'i bdag nyid can zhes bya ba dang mi 'gal lo/ /'di'i don dang ngo bo nyid longs spyod rdzogs bcas pa zhes bya ba la sogs pa'i tshig le'ur byas pa nyid las shes so/ /de bzhin du mdzad pa dang bcas pas 'gro ba rnams zhi ba la sogs pa la 'jug par mdzad pas na mdzad par bcas pa ste/ dngos bzhi'i chos kyi sku gang yin pa 'di ni chos kyi sku dang de rnam brgyad ces bya ba 'dir chos kyi sku zhes bya ba de rnam pa bzhir ni yang dag brjod ces bya ba ji ltar yin zhe na/ de nas ngo bo nyid longs spyod rdzogs bcas dang zhes bya ba la sogs pa dang sbyar ro/ /gang de bzhin gzhan zhes smos su zin kyang de bzhin du chos kyi sku zhes de yang stan par 'gyur ste/ 'dir dngos bzhi las gzhan pa ni chos kyi skur bshad pa nyid yin pa'i phyir ro/ /gang yang chos kyi sku'i phrin las 'di zhes smos pa yang 'thad pa yin te/ de la yang dngos bzhi nyid chos kyi skur bshad pa nyid kyis dngos bzhi ni gang du yang 'bras bu nyid du mi bgrang ste/ des de nyid bye brag tu byas pa ni ma yin pas de'i phyir de na tha dad pa nyid yin la/ de nas ngo bo nyid la sogs pa'i sku bzhi po 'bras bur gyur pa dang bcas pa nyid kyis na rgyur gyur pa chos kyi sku yang 'grub pa yin no zhes bya ba
- 272b
'gal ba ci zhig yod gang yang sangs rgyas la sogs pa'i yul chos dang longs spyod rdzogs pa dang sprul pa'i sku gsum ni ngo bo nyid kyi sku'i bdag nyid can nyid yin par ngo bo nyid kyi sku'i bdag nyid can zhes bya ba la sogs pas seng ge bzang po'i zhal snga nas kyi bstan pa de dang 'gal ba med do/ /dngos bzhi'i chos kyi sku ni 'ga' zhig gis kyang dbye ba med par de brjod pa yin pa'i phyir ro/ /gzhan duna chos kyi sku'i don gyi mdzad pa ngo bo nyid kyi sku'i dbang las byang byar ji ltar 'gyur/ su gsum pa yang ngo bo nyid kyi sku'i bdag nyid can yin du bcug na dngos bzhi'i chos kyi sku las rang bzhin gang gis ngo bo nyid gzhan yin zhing gang las byung ba nyid kyis na ngo bo nyid kyi sku? zhes bshad ba yang rtoD par gyis shig longs spyod rdzogs pa'i sku dang sprul pa'i sku dag ni byang chub sems dpa' dang nyan thos kyi spyod yul yin par dbye ba yod du chug na dngos bzhi'i chos kyi sku las chos kyi sku gzhan gyi dbye ba ci ltar yod/ de'i yul yin pa'i phyir sangs rgyas rnams kho na'i thugs su chud par bya ba yin te/ gzhan du na ngo bo nyid kyi sku dang chos kyi sku dag gis dbye ba mi 'grub par 'gyur ro/ /'dir yang don ni skad cig ma gcig la mngon par rdzogs par byang chub pa'i rjes thogs la chos kyi sku'i mngon par byang chub ba yin la/ de yang ngo bo nyid kyi sku la sogs ba'i dbye bas rnam pa bzhi yin no zhes bzang po'i zhal snga nas kyis bshad pas ldog bar rtogs par mi bya'o/ /sku lnga yin pa kho nar sngon gyi slob dpon gyis ma bshad pas bla ma la gus par bya ba'i phyir bzang po'i zhal snga nas kyis gsal bor ma mdzad mod kyi gtso cher theg pa chen po ni tshul gnyis la brten pa nyid yin pa'i phyir/ mtshan yang dag par brjod pa ni phyi'i tshul ltar 'gal bar btang snyoms su bya bar rigs pa ma yin no/ /bdag gi 'bad pa ni skabs lam bab ba ma yin zhing dam pa'i chos nub pa'i
- 273a
dus su bdag cag bcom ldan 'das la mchod par dga' ba rnams btang snyoms su byed par rigs pa ma yin te/ ting nge 'dzin gyi rgyal po las/ skyes bu khyu mchog gi ni dam pa'i chos/ /'jig par gyur tshe gang dag gtang snyoms bsgom/ /de yis rgyal ba bkur sti byas ma yin/ /'dren pa dag la ri mo des ma byas zhes gang bshad pa yin no/ /zhar la 'ongs pas chog go/ de bzhin las kyang zhes bya ba la sogs pa'i tshig le'ur byas pa dang 'grel pa ni go sla'o/ /dang por 'gro ba bcang? po ma yin pa zhes bya ba ni bram ze dang/ rgyal rigs kyi 'gro ba dang rje'u rigs la sogs pa'i 'gro ba ste/ de la mngon par zhen pa ni bzang po dang ma yin pa nyid du mngon par chags pa'o/ /de la gnas pa med pa ni mi dmigs pa gang yin pa ste/ de'i mtshan nyid du 'gro ba rab tu zhi ba'i phrin las mdzad nas zhes bya ba ni sdug bsngal phyir ci ldog blo dang/ srid pa kun nas 'ching ba'i rgyu/ /'gro ba gang la de med na/ /de ni skye bar 'gyur ma yin zhes bya ba'i lung gi don rjes su 'brangs nas nyon mongs pa la sogs pa'i dbang gis skye ba gang yin pa de med par mdzad pa ste/ chos yang dag par sdud pa'i mdo la gdul bya'i lus ni chos kyi sku'i spyod yul lo zhes smos pas sangs rgyas rnams kyi sku nyid yin na yang skye ba bzlog par mi mdzad do zhes bya bar dgongs so/ /de lta na ni smon lam dang 'gro ba'i don la sangs rgyas rnams dang byang chub sems dpa' khyad par ci zhig yong ce na/ rnam par rtog pa dang bcas pa dang rnam par rtog pa med pa nyid dang/ gdul bya'i khyad par las yin gyi gzhan 'ga' yang med do/ /de nyid kyis ni de bzhin gshegs pa'i gsang ba bstan pa la sogs pa'i mdo las/ de rnams kyang sangs rgyas dang 'dra bar lus dang spyod lam mdza' yas shing dpag tu med par bshad pa yin no/ /rdzogs pa'i sangs
- 273b
rgyas kyi ye shes rtog pa dang bcas pa nyid du med pa ma yin nam/ ji ltar na de dang lhan cig de rnams 'gro ba'i don gyi phyir mnyam pa yin zhe na/ 'dir smon lam kho na tshad ma yin te/ bcom ldan 'das kyis byang chub seMs dpa' rnaMs ni smon lam gyi stobs can yin no zhes bar? gsungs pa yin no/ /de ltar na thams cad du mnyam pa kho nar 'gyur ro/ /smon lam ni gzhan du mi 'thad pas nyes pa ci zhig yod/ rdzogs pa'i sangs rgyas rnams ni rnam par mi rtog pa nyid yin pas byang chub sems dpa' rnams kyi rnam par mi rtog pa nyon mongs pa nyid du mi 'gyur ba ma yin nam/ /med pa'i kho na ste gang gi tshe gdul bya de'i don du rdzogs pa'i sangs rgyas su 'gyur na phyis rnam par rtog pa'i nyon mongs pa ga las 'byung/ smon lam las so/ /de lta na ni rdzogs pa'i sangs rgyas nyid brdzun pa yin no zhe na/ me yin te/ des gdul ba rnams kyis de ltar mthong ba'i phyir ro/ /de bzhin du nyan thos la sogs pa'i rnam par 'dzin par mdzad pa yang brdzun ma yin no zhes blta bar bya'o/ /ji ltar na gcig bu du ma nyid du 'gyur ce na/ rdzogs pa'i sangs rgyas rnams kyi smon lam ji lta bas so/ /gzhan yang gzhan du na sangs rgyas rnams kyi smon lam gyis rnam par mi rtog pa nyid du kun nas don gyi bya ba mdzad pa'i rgyur snang ba yin la/ de bzhin du gal te rnam par rtog pa dang bcas pa nyid yin par gyur na yang 'dir 'gal ba ci zhig yod de/ gnyi ga smon lam kho nas don gyi bya ba mdzad pa yin par bsngags pa'i phyir ro/ /gal te pha rol 'dod pa ltar la la ni 'tshang rgya ba nyid bsgrubs nas kun sems can gyi don mdzad la kha cig ni ma yin no zhes bya ba 'di la brtsad par rigs pa ma yin no/ /sems can rnams ma yin pa'i phyir ro/ /rdzogs pa'i sangs rgyas nyid yin pa'i phyir 'dir rnam par rtog pa nyon mongs pa nyid yin pa'i phyir byang chub sems dpa' rnams kyi grong pa ci zhig yin/ 'gro ba'i don la ma gtogs pa gzhan ci yang
- 274a
yod pa ma yin te/ sems can rnams kyi grol ba las/ /dga' ba'i rgya mtsho gang yin te/ /de nyid mthar thug ma yin nam/ /ro bral grong pas ci zhig bya zhes gang bshad pa yin no/ /mnyam par ma gzhag pa nyid kyang ma yin te/ las dang po ba ma gtogs par de bzhin gshegs pa'i gsang ba bstan pa las/ rtag tu mnyam par bzhag pa gsungs pa yin no/ /yang na byang chub sems dpa' i gnas skabs ma gtogs par rdzogs pa'i sangs rgyas kyi gnas skabs na yang rnam par rtog pa'i nyon mongs pa nyid ni rnam pa thams cad mkhyen pa nyid dang 'dra bar yod pa nyid de'i 'bras bu mi skyed pas don mi mdzad pa yin te/ shAn+ta de pa'i zhal snga nas/ mkha' lding grub pas ji lta bur/ /mchod sdong bsgrubs pas 'das gyur na/ /de 'das yun ring lon yang de/ /dug la sogs pa zhi bar byed/ /byang chub spyod dang rjes mthun pas/ /rgyal ba'i mchod sdong sgrub ba yang/ /byang chub sems dpa' 'das gyur kyang/ /don rnams thams cad mdzad par 'gyur zhes gang bshad pa yin no/ /de ltar na 'gro ba'i don du smon lam ji snyed btab pa dang/ 'tshang rgya ba nyid la 'jug pa'i rnam par rtog pa de rnams thams cad nyon mongs par 'gyur ba ma yin nam nyes pa ci zhig yod/ rdzogs pa'i sangs rgyas kyi rigs med par 'gyur ro/ /byang chub sems dpa' nyid rim gyis sangs rgyas kyi rigs su 'gyur gyi gzhan dag ni ma yin te/ 'gro la phan phyir sangs rgyas 'grub par shog ces bya ba la sogs par smon lam btab nas de rnams nyid du 'jug pa dang yin pa'i phyir ro/ /de bas nyan? thos la sogs pa'i rigs kyang gzhan ma yin te/ 'gro ba'i don du smon lam btab pas las gzhan du mi 'thad pa'i phyir ro/
- 274b
'drir? ? pa ni gcig kho ba ste/ 'di lta ste theg pa chen po'o zhes gang gsungs pa dang/ mdo sde rgyan las kyang/ kha cig dag na drang phyir dang/ /gzhan dag nges par gzung ba'i phyir/ /rdzogs pa'i sangs rgyas rnams kyis ni/ /ma nges rnams la theg gcig bstan zhes bshad pa 'di yang brgya phrag du mar nyan thos kyi theg par yongs su mya ngan las 'das so zhes mdo las gang gsungs pa yin no/ /de bas na rnam par rtog pa nyon mongs pa nyid yin pas byang chub sems dpa' kho na nges 'dul ba rnams la rdzogs pa'i sangs rgyas dang/ rang sangs rgyas dang brgya byin la sogs pas 'dul ba rnams la brgya byin la sogs pa'i gzugs su gdul bya rnams gyis mthong ba yin pas/ gang du yang mi gnas pa'i mya ngan las 'das pa la zhugs so zhes thams cad du bshad de/ /byang chub sems dpa' rnams kyi rnam par rtog pa ni nyon mongs pa nyid yin no zhes zhar la 'ongs pa bshad nas skabs la bab pa dang sbyar bar bya ste/ de ltar na zhes bya ba bshad pa'i rim pas so/ /chos kyi sku bzhin du zhes bya ba ni khyab pa'i ye shes kyi bdag nyid can no/ /'di ni chos kyi sku'i phrin las nyi shu rtsa bdun yang zhes bya ba ni phrin las ni chos kyi sku'i mdzad pa'o/ /'khor ba ji srid par bzhed pas zhes bya ba ni sems can rnams kyi srid pa ji srid bar ra'o?/ /'phaD pa byams pa'i zhal snga nas kyi ting nge 'dzin rnams las skyed pa'i ye shes kyi stobs dang/ lung las sems bskyed pa la sogs pa'i rim gyis de'i bya ba nyid kyis 'gro ba rnams zhi bar mdzad pa la sogs pa'i phrin las bstan par mdzad pas tshig le'ur byas par rim par bstan par 'gyur pa ma yin nam/ khyed cag gis gzhan gyi don dang rang gi don la sogs pa'i tshig bstan pa rnams kyi go? rim ji ltar du yin zhe na/ sems bskyed pa zhes bya ba la sogs pa ste/ dang po dang tha mar sems bskyed pa dang/ rnam pa nyi shu rtsa bdun yin pa
- 275a
de la gang bstan pa'i go rim rab tu byed pa las bstan pa'i 'grel pa las bshad pa'i rim pa gang yin pa nges de'i dbang gis lhag ma bar gyi tshig gi don rnams te/ gzhan gyi don dang rang gi don gang yin pa de rnams gyi go rim kyang khong du chud par bya ste zhes bya ba byams pa'i zhal snga nas tshig le'ur byas pa las ma bstan na yang shes par bya'o/ /khyed cag rnams ni 'phags pa byams pa dang 'dra bar ting nge 'dzin thob pa nyid yin nam/ de'i phyir khyed cag sngar// bshad pa'i tshig gi don rnams kyi ji ltar shes zhe na/ lud las so/ /bris shig ce na tshig mangs? sku? dogs pas bdag gis ma bris so zhes bya ba smos te/ lung yod du zin na yang gzhung rgyas pa'i 'jigs las de'i sgo nas gzhan gyi don la sogs pa'i go rims ma bstan mod kyi de'i don gyi rjes su 'brangs nas 'phags pa byams pa dang 'dra bar gzhan gyi don la sogs pa'i phrin las kyi rjes su 'brangs nas rim pa tsam zhig bstan pa yin no zhes bya bar dgongs so/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan las seng ge bzang po'i zhal snga nas gzhung rtogs par dka' ba'i snang ba mdor bshad pa chos kyi grags pas bshad pa las skabs brgyad pa'i 'grel pa'i bshad pa'o// // rgyas pa la dad pa'i zhes bya ba la sogs pas ni rab ma la dga' pa'i sems can la phan gdags par bya ba'i phyir mngon par rtogs pa drug ni mtshan nyid ces bya ba la sogs pa gsungs pa yin te/ tshig le'ur byas pa'i don ni dang por zhes bya ba la sogs pa gsungs ba yin te/ dang por te thog mar rnam pa thams cad mkhyen pa nyid la sogs pa thams cad mkhyen pa nyid sngar gsungs pa gang yin pa de rnams kyi mngon par mtshan ba'i gnas yin pa nyid kyis na/ de rnams kyi gzugs la
- 275b
sogs pa'i yul thams cad kun nas bsdus pas gzugs la sogs pa'i yul nye bar mtshon ba yin pas mtshan nyid de/ thams cad mkhyen pa nyid gsum mo/ /de nas dbang du bya ba'i phyir zhes bya ba la sogs pa ni go sla'o/ /bab? ma la dga' ba zhes bya ba la sogs pas mdor bsdus pa la dga' ba'i sems can la phan gdags par bya ba'i phyir mngon par rtogs pa gsum gsungs ba'i yul gyi rgyun ni zhes bya ba la sogs pa'i tshig le'ur byas pa mdo dang 'grel pa ni go sla do/ /tshig le'ur byas pa gnyis ni sngar bshad pa'i skabs brgyad kyi khongs su 'dus ba'i don yin pa'i phyir skabs nyid du ma bgrangs so zhes blta bar bya'o/ /dgos pa la sogs dngos su brjod pas mdo dang rnam par 'grel pa'i mtshan nyid du med de tshig le'ur byas pa'i mdo dang 'grel par mi brjod kyi/ 'on kyang rgya cher? bshad ba nyid du brjod de shes rab kyi pha rol tu phyin pa gsum car tshig re re nas bshad pa yin pa'i phyir ro/ /de lta na yang tshad ma rnam 'grel rgya cher bshad pa dang 'dra par seng ge bzang po'i zhal snga nas kyis kyang 'phags pa byams pa'i tshigs le'ur byas pa rgya tsher bshad pa yin yang rtogs par dka' pa'i phyir 'grel pa mdzad pa la 'gal ba med do/ /de ltar zhar la 'ongs pas chog go/ la la zhes bya ba la sogs pa bzang po'i zhal snga nas kyi tshig gi don ni go par zad do/ /tshig don rtogs par dka' ba yi/ /de nyid snang ba zhes bya ba/ /bdag gis sbyar ni byas gyur bas/ /ma mtshal dam pas bzod par mdzod/ /bsod nams 'di yis 'gro ba kun/ /shes rab pha rol tu phyin dngos shog/ bdag kyang nam mkha' i dbyings 'dra par/ /sems can don ni byed gyur cig / dpal ldan rnam rgyal nyams dga' gnas/ /rgyal po dpal ldan gtsug nor bu/ /go chas chos kyis glags? dpal la/ /gsol? pa btab pas snang bar byas/ /gser gling gi dpal rnam par rgyal pa'i gong du lha dpal gtsug gi nor bu'i go cha'i? rgyal po'i rang
- 276a
lo tshigs bcu pa las dpyid zla ra ba'i tshes bcu gcig la mdzad pa/ rtogs par dka' ba'i snang ba zhes bya ba rdzogs so// //rgya gar gyi mkhan po dI paM ka ra sh+rI dz+nyA na dang/ sgra bsgyur gyi lots+tsha ba chen po dge slong rin chen bzang pos bsgyur cing zhus te gtan la phab pa'o// //'dis kyang bstan pa rin po che rgyas par byed nus par gyur cig/ //shub+haM// //nub kyi? spo? grags pa dpal mkhas pa chen po shes rab 'byung gnas bla ma mdzad pa'i mngon rtogs rgyan gyi bsdus don bzhugs so// //rgya gar skad du/ a b+hi sa ma yA la kA ra brit+ti? bindArba?/ bod skad du/ mngon par rtogs pa'i rgyan gyi 'grel pa'i bsdus don/ bcom ldan 'das ma shes rab kyi pha rol tu phyin ma la phyag 'tshal lo/ /mngon rtogs brgyad kyi mtshan nyid can/ /rang bzhin med cing rtog las 'das/ /dpag bsam shing bzhin 'bras bzang ni/ /stsol mdzad rgyal yum dga' ma rgyal/ /shes rab mi gsal bstan chos kun/ /phyi rol gyur bdag gang na zhig /zab mo'i don ston dpal ldan ni/ /bzang po'i 'grel pa 'ang gang na ste/ /de lta'ang dag pa'i dge bshes kyis/ /rjes su bzung phyir tshig dang ni/ /ngag dag la ni bltos med par/ /de yi bsdus don bdag gis bya/ /slob dpon dpal seng ge bzang po 'di'i zhal snga nas/ shes rab kyi pha rol tu phyin pa'i yul la rmongs pa dang/ de'i ldog pa dag po? ngas? pa thams cad dang/ phun sum tshogs pa thams cad kyi rgyu yin par gzigs nas/ rang nyid de kho na shes rab kyi pha rol tu phyin pa'i de kho na'i nye bar bsnyad ba thugs su chung de/ gzhan la yang de rtogs par bya bar bzhed pas/ dang por re zhig rtog pa dang ldan pa rnams bstan bcos la 'jug pa'i yan lag tu shes rab kyi pha rol tu phyin ma la phyag 'tshal ba sngon
- 276b
du 'gro ba can gyi 'brel ba dang/ brjod ba dang/ de'i dgos pa rnams gsungs pa ni shes rab pha rol phyin pa la zhes bya ba la sogs pa'o/ /de la bcom ldan 'das byams pas mdzad pa'i mngon par rtoD pa'i rgyan tshig le'ur byas pa ni gzhung 'di'i brjod bya yin ? bshad par bya ba yin pa'i phyir ro/ /de yang rgyas pa dang/ 'byid dang/ mdor ba ? pa'i rgyal pa'i yum thams cad kyi rgyan nyid du? bcom ldan 'das ma pham pa'i dgongs pa las rtags par byed pa rnams kyis khong du chud pa ni bstan bcos 'di'i dgos dang yin te/ bsgrubs par? bya ba yin pa'i phyir ro/ /de'i yang dgos pa ni thos pa dang bsam pa dang bsgom pa rab kyi mthar phyin pa na/ de bzhin gshegs pa'i ye shes gang yin pa shes rab kyi pha rol tu phyin pa zhes bya ba'i ming gzhan dang ldan pa ste/ skyes bu'i don mdza' dag de'i tshe nyid grub bas na dgos pa gzhan tshol ba med pa'i phyir ro/ /de ltar bsten bcos dang dgos pa dag gam/ dgos pa dang dgos pa'i dgos pa dag gi rgyu dang 'bras bu'i dngos po'i 'brel pa ni shugs kyis brjod pa yin no/ /dgos pa'i dgos pa yang phyag byed pa'i yul nyid du brjod pa'i phyir na logs shig tu ma brjod de/ yul gyi khyad par nye bar bzung pa nyid kyis de rtogs pa'i phyir ro/ /gal te shes rab kyi pha rol tu phyin pa'i yul can gyi rmongs pa bzlog pa ni sngon gyi slob dpon rnams nyid kyis byas zin la/ ma byas so zhes na yang khyod kyis kyang ji ltar byed snyam pa'i dogs pa bsal ba'i don du gsungs pa ni/ 'gro ba'i zhes bya ba la sogs pa'o/ /don ni 'di yin te/ bcom ldan 'das ma'i bshad pa dang/ TI ka mdzad pa'i 'phags pa dang/ slob dpon dag gis ni dngos po dang/ lam dang/ rnam pa thams cad bsdus pa yin yang/ mngon par rtogs pa dang sbyar ba la ma bltos par bshad pa'i phyir dang/ shes bya nang gi tshul can la brten pa'i phyir na rmongs pa rnam pa
- 277a
thams cad du zlog pa ma yin no/ /'grel pa dang rnam 'grel mdzod pa'i 'phags pa dang slob dpon dag gis kyang/ mngon par rtogs pa dang sbyar ba yin yang/ kun gyi rgyan du ma gyur pa'i phyir dang/ mtshang pa'i phyir na/ dogs pa na bzlog pa kho na'o/ /kho bo ni bcom ldan 'das byams pas nye par bstan pa'i phyir dang/ slob dpon rnam par snang mdzad bzang po'i bka' drin las/ gzhi dang lam dang rnam pa mdza' dag bsdus pas/ mngon bar rtogs pa dang sbyar ba dang/ kun gyi rgyan du 'gyur ba'i phyir dang/ dogs pa mdza' dag rnam par gcod pas dbu ma dang sbyar ba'i phyir na rmongs pa bzlog pa yin no/ /de skad du yang slob dpon seng ge bzang po sems can gyi don la mngon par phyogs te shes rab kyi pha rol tu phyin pa stos? pa na po ti du ma dag na 'don pa du ma dang 'chad pa po rnams kyis bshad pa na yang phan tshun 'gal ba mthong bas skyo ba skyes te/ mdza' gcig tu gnas pa na thugs rje chen po dang ldan pa'i bcom ldan 'das byams pas/ de'i skyob bsal ba'i phyir mngon par rtogs pa dang bcas pa'i bcom ldan 'das ma yang bshad do zhes zer ba rjes su thob pa yin te/ de'i phyir na shes rab kyi pha rol tu phyin pa'i yul can gyi rmongs pa bzlog pa'i phyir/ kho bo'i 'di kun gyi rgyan du gyur pa mngon par rtoD ba'i rgyan bshad do zhes bya ba yin no/ /kun gyi rgyan du gyur pa ni mngon par rtogs pa'i yan lag dang/ de'i rang bzhin dang/ de bsdus pa bshad pa rnam pa gsum mo/ /shes rab kyi pha rol tu phyin pa la phyag 'tshal ba'i sgo nas kun mkhyen gsum gyi bdag nyid can/ nyan thos la sogs pa'i theg pa gsum la gang zag rnam pa gnyis ka yang 'jug pa bshad pa ni/ mngon par rtogs pa'i yan lag go/ kun mkhyen gsum gyis don brgyad bstan pa'i phyir mya ngan las
- 277b
'das pa gsum dang sbyar pa ni mngon par rtogs pa'i rang bzhin yin pas bstan pa yin no/ /rgol ba dang lan dag gis gzhi dang lam dang/ rnam pa thams cad bsdus par bstan pas yum rnam pa gsum ga yang mngon par rtogs pa thams cad dang sbyar ba ni mngon par rtogs pa bsdu pa ste/ de ltar na/ 'phags pa byams pa bdag nyid dam pa rnams dang spyod pa mthun par bstan pa'i phyir zhes bya ba la sogs pa ni kun gyi rgyan du gyur par nyid du bstan par rtogs par bya'o/ /phyag 'tshal ba'i tshigs su bcad pa'i don rnam pa gsum po 'di nyid bstan bcos su bstan par bzhed nas skye bo blo gros dman pa dag ces bya ba la sogs pa'i rtsod pa smras so/ /bsam pa ni gal te kun mkhyen gsum tsam zhig bstan par 'dod na ni de'i tshe ma byas pa dang mtshungs te/ de ni rgyas? ba'i yum rnam pa gsum gang yang gsal ba'i phyir ro/ /de nges don brgyad ston pa yin na de'i tshe 'bras bu med de kun mkhyen gsum las lhag pa'i don ni rnam pa gsum gar yang ma mthong ba'i phyir ro zhes bya ba'o/ /'di la mngon par rtogs pa'i yan lag bstan pa lan 'debs pa ni rnam pa thams cad mkhyen nyid lam zhes bya ba la sogs pa'o/ /mdo'i don mngon par rtogs pa dang/ de'i yan lag chos spyod rnam pa bcu po thob? pa dang bsam? mi pa las byung pa'i shes pas bde blag du yul du ? byed pa ni bstan bcos kyi dgos pa yin la/ de nyid chung du dang 'bring dang chen po'i dbye bar gyur pa'i bsgoms pa las byung pa'i zhes pas mngon du byas? pa ni dgos pa'i dgos pa yin no/ /de nyid kyi phyir yi ge 'dri mchod sbyin pa dang/ /nyan dang klog dang 'dzin pa dang/ /'chad dang kha ton byed pa dang/ /de sems pa dang bsgom pa'o/ /zhes bya ba chos spyod bcu yin par 'chad pa ni mi 'thad de/ de ni mngon par rtags pa'i yan lag nyid kyis de las tha dad par bstan pa'i phyir na byang chub kyi sems
- 278a
dang sbyin pa la sogs ba rnams ni mngon par rtogs pa nyid kyis mngon du byed pa srid pa'i phyir ro/ /'di ltar bsams pa yin te gal te yang bcom ldan 'das nyid kyis kun mkhyen gsum gyis bsdus pa'i don snang bar mdzad pa de lta na yang shin tu zab pa'i phyir rtogs par dka' bas na/ /lo po cag gis gsal bar byas pa yin no/ /mdor bsdus pa dang rgyas par bstan pas mngon par rtogs pa'i rang gi ngo bo bstan pa'i phyir na/ de ltar 'brel pa la sogs pa zhes bya ba la sogs pa gsungs so/ /de la mngon par te kun du 'dis sam 'di rtogs pa ste/ shes so zhes byed pa dang las su bsgrub pa'o/ /rnam pa thams cad mkhyen pa la sogs pa bdun ni lam yin la/ brgyad pa de bzhin gshegs pa'i sku bzhi'i mtshan nyid ni 'bras bu'i mngon par rtogs pa yin no/ /de byang chub sems dpa' sems dpa' chen po sems bskyed pas/ rnam pa gang gis lam gang dag tu gang zhig dmigs par bya ba'i rnam pa de dag dang/ lam de dag dang dngos po de thos pa dang bsam pa dang bsgoms pa las byung pa'i shes rab gyis/ tha dad pa'i yul du byed pa'i phyir na/ kun mkhyen pa gsum ni yul yin no/ /yul du byas pa'i rnam pa la sogs pa de dag mtshungs par sbyor ba'i phyir na gnas skabs kyi dbye bas sbyor ba rnam pa bzhi'o/ /sbyor pa yang bya ba'i rang bzhin pa'i phyir de rdzogs pa na rten cing 'brel par 'byung ba'i dbang gis kun rdzob dang don dam pa'i bden pa'i mtshan nyid sku bzhi 'grub bo/ /de ltar na mngon par rtogs pa gzhan la mi bltos te rang bzhin gyi phun sum tshogs pa ni 'di dag tsam gyis 'grub pa'i phyir ro/ /lam dang 'bras bu'i bdag nyid kyi mngon par rtogs pa de'i rang bzhin yang mdor bsdus pa dang/ rgyas pa dang/ de rnam par bshad bas gsal
- 278b
pa? des na de rim gyis brjod pa mi shes rab kyi pha rol tu phyin pa ni zhes bya ba la sogs pa'o/ /de'i don ni 'di yin te/ rnam pa la sogs pa rnams so sor yul du byas kyang/ so sor bsgom par byed mi nus pa'i phyir na/ bsdoms pa kho nas bsgom par bya ba yin no de ltar na yang rnam pa kun mngon par rtogs pa la sogs pa la dbye ba med pa'i phyir na/ mngon par rtogs pa mdza' dag kun mkhyen gsum gyis bsdus te/ de ltar na mdor bsdus pa dang rgyas par bstan nas mngon par rtogs pa mdza' dag bshad pa yin no/ /nga ni mngon par rtogs pa spyir bshad kyang de kho na bzhin du rtogs par ma nus pas na khyad par du bshad pa'i phyir gsungs pa ni/ de ltar bsdus pa'i don zhes bya ba la sogs pa'o/ /gang gi phyir mngon par rtogs pa brgyad rtogs pa thob pa na rnam pa thams cad mkhyen pa nyid 'thob la/ de yang lam shes pa nyid la sogs pa med par mi 'gyur ba des na kun mkhyen pa gsum po rnams kyi nang nas rnam pa thams cad mkhyen pa nyid 'bras bu yin pa des na de dang por bshad pa yin no zhes bya ba'i don to/ /de la rnam pa thams cad mkhyen pa nyid ni rnam pa thams cad rtogs pa yin la/ de'i yang rten dang/ rnam par dag pa dang/ sbyor ba dang/ rgyu dang/ yul dang/ 'bras bu dang/ rang gi ngo bo'i rang bzhin can/ byang chub kyi sems dang gdams ngag la sogs pa rnams kyi rnam pa las dang po pa nas bzung ste/ sangs rgyas kyi sa'i bar rnams na yod pa gang yin pa de dag gi tha dad pa rnaM par bzhag pa ni mngon par rtogs pa dang po'i khyad par bstan pa'o/ /de la rten byang chub kyi sems kyi mtshan nyid dang/ dmigs pa dang/ rab tu dbye ba rnams las mtshan nyid brjod pa ni sems bskyed pa ni zhes bya ba la sogs pa'o/ /smon pa dang 'jug pa'i mtshan nyid can/ byang chub kyi sems rnam pa gnyi ga yang gzhan gyi don du yang dag par rdzogs pa'i byang chub 'dod pa nyid las mi 'da' yang lus dang ngag dang yid kyi las yod pa dang/
- 279a
med pa las mtshan nyid tha dad par rtogs par bya'i dmigs pa tha dad pa ni ma yin te/ gzhan gyi don dang/ yang dag par rdzogs pa'i byang chub mos pa'i yul yin pa'i phyir ro/ /gal te yang rab tu dbye ba khyad par med pa shes pa de ltar na yang 'jug pa kho na'i yin gyi smin pa'i ma yin te/ de la ni sa'i dbye ba'i khyad par srid pa'i phyir dang/ gzhan la ni 'dun pa tsam nyid kyis thams cad la khyad par med pa'i phyir ro/ /de dag gi rab tu dbye ba la yang ming dang/ dpe dang rang? gi ngo bo dang/ bsdu ba'i sgo nas bdag nyid ji lta ba bzhin gyi byed pa shes par bya'o/ /de la byang chub kyi sems kyi rnam pa ji snyed pa de thams cad ni mtshan nyid dang/ dmigs pa dang/ rab tu dbye bas bsdus la/ des na ma tshang ba dang/ lhag ba srid ba'i dogs pa mi bya'o/ /de la las dang po pa ni dad pa dang chos kyi rjes su 'brang ba gnyis dang/ mthong bas thob pa dang rnam pa gsum yin la/ de'i dbye bas sa tha dad pa yin gyi dngos su ni las dang po pa'i sa la dbye ba yod pa ma yin no/ /de nyid kyi phyir bdun pa dang bsam pa dang/ lhag pa'i bsam pa'i sgras sems las byung ba gzung ba yin no /'chad par 'gyur ba'i chung du dang/ 'bring dang/ chen po'i nges 'byed kyi cha la gnas pa ni 'jug pa'i lam yin no/ /sa dang po 'thod pa'i lam yin pa'i phyir na gnyis pa la sogs pa ni chung du dang 'bring dang/ chen po'i dbye bas tha dad pa'i sgom pa'i lam gyi rang bzhin yin no zhes bya bar grub bo/ /bcu gcig pa sangs rgyas kyi sa la 'jug pa na me long la sogs pa'i ye shes lnga sgrub pa'i byed pa rnam pa lnga'o// gal te sems bskyed pa gcig bu nyid kyis sangs rgyas nyid thob pa'i phyir na/ gang gis lam shes pa la sogs pa la mngon par rtogs pa tha dad par 'gyur ba gdams ngag la sogs pa la bltos pa ci yod ce na/ gal te gzhi med pa rnam
- 279b
btsan? bsgom par nus? ni na bden ba zhig na/ /dmigs pa dang gnyen po'i khyad par dang bral ba'i rnam pa'i khyad par ni ni srid pa'i phyir ro/ /de nyid kyi phyir kun mkhyen gsum yul yin par brjod de/ so sor yul du byas pa rnams rnam pa kun mngon par rdzogs par rtogs par sbyor ba'i phyir ro/ /yongs su shes par byas pa'i kun mkhyen gsum nyid dbang du bya ba'i don du yang rnam pa thams cad dang/ lam dang/ gzhi shes pas bsdus pas kun mkhyen gsum nyid bsgom par byed do zhes bya ba 'di'i don ni 'di nyid yin no/ /de nyid kyi phyir gdams ngag gis byang chub kyi sems sgrub pa'i rnam par dag pa bshad pa'i phyir dbye ba zhar la brjod nas zhes gsungs so/ /gang gi phyir rnam par rtog pa ni byang chub sems dpa' rnams kyi nyon mongs pa yin la/ dmigs pa dang bcas pa'i spyod pas byang rnam par rtog pa mi ldog pa nges na sgrub pa dang/ dmigs pa dang/ rten rnams su dmigs pa la log par zhen pa thams cad ldog pa'i phyir na/ dngos po mdza' dag la rlom sems med pa'i phyir dus thams cad du sems zhum pa med pa'i rang bzhin nyid kyis theg pa chen po la gnas par 'gyur zhing/ sems brtan pa yang ting nge 'dzin thob pa'i phyir na the tshom dang phyin ci log dang bral bar 'gyur ro/ /de nas rnam pa thams cad mkhyen pa nyid yongs su rdzogs nas lam rnam par dag pa na/ sangs rgyas nyid du 'gyur ro/ /de ltar na las dang po'i sa nas brtsams te/ sangs rgyas kyi sa'i bar du gdams ngag gis byang chub kyi sems sgrub pa rnam par dag pa yin no/ /dge 'dun dkon mchog la log par rtog pa yod pas na/ de'i khyad par ston pa'i dge 'dun dkon mchog gi skabs su zhes bya ba la sogs pa gsungs so/ /don ni 'di yin te/ mthong ba'i lam gyi sems kyi skad cig bco lnga dbang po rtul po dang rnon po dad pa dang chos kyi rjes su 'brang ba'i dbye bas bdag nyid ji lta ba bzhin nyon mongs pa spangs pa'i phyir 'bras bu dang po
- 280a
la zhugS pa nyid rnam pa gnyis so/ /gang zhig 'dod pa'i khams su 'jig rten pa'i sgom pa'i lam gyi nyon mongs pa ma spangs pa de ni mthong pa'i lam sems kyi skad cig ma bcu drug la rgyun tu zhugs pa yin no/ /gang zhig 'jig rten pa'i sgom pa'i lam gyi nyon mongs pa rnam pa bzhi spangs pa de ni lha 'am mi rnams su lan cig rigs 'dzin pa'i phyir na/ lha dang mi'i rigs nas rigs su skye pa'i rgyun tu zhugs pa dag go/ 'dod pa na spyod pa'i nyon mongs pa rnam pa lnga'am drug spangs pa na/ go rim ji lta ba bzhin 'bras bu gnyis pa la zhugs pa dang/ 'bras bu la gnas pa dag go/ 'dir yang sdom bzhin par chad gcig pa 'bras bu gnyis pa la gnas pa yin no/ /de nas 'dod pa na spyod pa'i nyon mongs pa rnams pa bdun spangs pa na/ dbang po rtul po dang rnon po 'bras bu gsum po la zhugs pa gnyis so/ /gang zhig 'dod pa na spyod pa'i nyon mongs pa rnam pa dgu spangs pa'i phyir 'ongs pa de ni yongs su mya ngan las 'das pa dang/ gong du 'pho pa'i dbye bas rnam pa gnyis so/ /de la dang po ni skye ba dang mngon par 'grub pa'i kun tu sbyor ba dag spangs pa dang ma spangs pa'i phyir na bar mdo dang/ gnyi ga ma spangs pa'i phyir na gzugs kyi khams su dang/ mngon par 'du byed pa dang/ mngon par 'du mi byed pa'i phyir na/ de nyid du lam mngon du byas pas sdug bsngal mthar phyin pa thob pa na/ go rim ji lta ba bzhin du par mdo dang/ skyes gnas dang/ mngon par 'du byed pa dang bcas pa dang/ mngon par 'du byed ba med par yongs su mya ngan las 'da' pa'i dbye baS rnam pa bzhi'o/ /gnyis pa yang dang pa dang mthong bas thob pa'i khyad par gyis 'og min gyi mthar thug pa dang srid pa'i rtse mo'i mthar thug pa'i dbye bas na rnam pa gnyis so/ /de la dang po ni 'jig rten pa'i sgom pa'i lam gyis rang giS rigs su gtogs ba'i nyon mongs pa/ chung du dang/ 'bring
- 280b
dang/ chen po'i dbye ba spangs pa na/ 'phar ba dang/ phyed du 'phar ba dang/ gnas thams cad du 'tshi? 'pho? ba nyid kyis 'og min du 'jug pas na rnam pa gsum mo/ /gnyis pa yang 'jig rten pa'i sgom pa'i lam gyis gzuD kyi khams pa'i nyon mongs pa ma spangs pa dang/ spangs pa'i ?/ mthong ba'i chos la zhi ba dang/ lus kyis mngon sum du byed pa'i dbye ba rnam pa gnyis so/ /de nas srid pa'i rtse mo'i nyongs ba rnam pa brgyad spangs pa'i phyir na dgra bcom pa'i 'bras bu la zhugs pa'o/ /nyon mongs pa ma lus pa spangs pa'i dgra bcom pa ni sangs rgyas dkon mchog gi nang du 'dus pa nges na de ni nang du mi bsdu'o/ /sangs rgyas ma byung ba na rang las mngon du gyur pa'i phyir sangs rgyas kyang yin no/ /de ltar byas pa des na 'bras bu la gnas pa dang zhugs pa'i dbye bas 'bras bu dang po ni rnam pa lnga'o/ /gnyis pa ni rnam pa gsum mo/ /gsum pa ni rnam pa bcu'o/ /bzhi pa ni gcag nyid do/ /rang sangs rgyas kyang yin no/ /rtogs par sla ba nyid kyis na dang po dang gnyis pa'i 'bras bu la gnas pa dang/ 'bras bu bzhi pa la zhugs pa ni tshigs su bcad pas ma brjod do/ /las dang po pa'i bsod nams kyi tshogs kyi yan lag thar pa'i cha dang mthun pa ma brjod par grub pa nges na de ma brjod par mos pa'i sbyar ba spyod pa'i ye shes kyi tshogs kyi yan lag bden pa rtogs pa dang/ rjes su mthun pa sgrub pa'i sbyor pa nges 'byed kyi yan lag rnam pa bzhi ston pa ni las dang po pa de ltar gdams ngag thob pa la zhes bya ba la sogs pa'o/ 'dir yang nges 'byed kyi cha dang 'thun pa'i ngo bo ma bstan par de'i khyad par bstan par mi nus pa'i phyir na/ ngo bo dang de dag rim pa bzhin du brjod pa ni byang chub sems dpa' rnams kyi zhes bya ba la sogs pa'o/ /dgos pa ni kun 'byung la sogs pa'i bden pa bzhi po rnams la rten cing 'brel par 'byung ba'i mtshan nyid kyi rgyu dang/ rtogs bzhin pa'i rang bzhin 'bras bu dang/ stong pa nyid kyi mtshan nyid kyi ngo bo dang/ tha mi dad pa'i
- 281a
bdag nyid chos nyid de/ bzhi po rnams kyis sa ma mngon par zhen pa med pa la sogs pa'i rnam pa rnams kyis/ dmigs pa rnams la sgrub ba rnam pa bcu gnyis skye ba zhes bya ba yin no/ /bstan zin pa'i khyad par gyi rab tu dbye ba bstan ba'i phyir/ dmigs pa dang zhes bya ba la sogs pas 'dri ba dgod pa'o/ /bden pa bzhi la gnas pa'i rnam pa mi rtag pa nyid la sogs pa bcu drug de rnams kyi nyan thos la sogs pas gzugs la sogs pa la dmigs par byed pa'i rnam pa gang yin pa de dag ni byang chub sems dpa' mngon par zhen pa dang/ mngon par ma zhen pa 'gog pa la sogs pa'i rnam par dmigs par byed do/ /ji ltar nyan thos la sogs pa'i rnam pa de ni chung? ngu'i dmigs bar 'gyur ba de bzhin du de'i rnam pa mngon par zhen pa la sogs pa 'gog pa gang yin pa de ni 'bring gi dmigs par bya ba yin no/ /'bring gi rnam pa chos kyi brda rgyun mi 'dra ba dang 'dra ba dag ngo bo nyid kyis med pa gang yin pa de ni chen po'i dmigs pa yin no/ /de bzhin du rtso mo la sogs pa 'og ma dag la yang sbyar bar bya'o/ /'di skad brjod pa yin te byang chub sems dpa' ni gnas skabs gang du rnam pa gang gis gang zhig dmigs par byed pa'i dmigs pa dang rnam pa de dag gi khyad par la mngon par zhen pa med pa? mngon par zhen pa med pa yang mi dmigs pa'i sbyor bas chos kyi dbyings rtogs par 'gyur ba yin te/ chos kyi dbyings ni mngon par zhen pa med pa dang/ dmigs pa med pa'i mtshan nyid can yin pa'i phyir ro/ /nyan thos la sogs pa dang/ byang chub sems dpa' i dmigs pa nyid du bden pa bzhir 'dod pa'i phyir ni dmigs pa dang rnam pa dag de la rten pa nyid du shes par bya'o zhes bstan pa'i don du /dmigs pa mi rtag la sogs pa zhes bya ba la sogs pa'i phyogs nye bar bkod do//
- 281b
? ji ltar mi rtag pa nyid la sogs par mngon par zhen pa bkag pa la sogs pa'i rnam pas dmigs pa/ theg pa gsum ka rtogs pa'i rgyu yin te/ de ltar na ni bla na med pa'i byang chub sgrub par byed pa nyid du 'gyur ba'i phyir ro zhe na/ gal te theg pa gnyis yongs su shes pa med par sangs rgyas nyid du 'gyur na ni de bden no/ /'di ltar thams cad shes pa nyid dang lam shes pa nyid dag gis gzhi dang lam thams cad shes nas rnam pa thams cad mkhyen pa nyid kyis dngos po thams cad kyi rnam ba mdza' dag mngon du byed pa yin te/ rnam pa thams cad mkhyen pa nyid ni 'bras bu nyid kyis na zhes bya ba la sogs pa bshad zin pa yin no/ /des na theg pa gnyis ni byang chub sems dpas yongs su shes par bya ba yin la/ gcig ni shes nas mngon du bya ba yin pa'i phyir na 'gal ba med do/ /byang chub sems dpa' i nyon mongs pa ni rnam par rtog pa yin pa'i phyir/ de yod na chos kyi dbyings mi rtogs so/ /des na 'chang bar 'gyur ba'i mthong ba'i lam dang/ sgom pa'i lam gyis spang bar bya ba yin pa'i phyir/ sbyor ba ni lam du de spong ba ma yin no/ /de lta yin na nyan thos la soD pa la ni yod kyang med pa dang/ khyad par med pa'i phyir na/ med do zhes bya ba dang de yod pa nyid kyis byang chub sems dpa' i sbyor ba khyad par du gyur pa yin no/ /zhes kyang brjod pa yin no/ /'di skad brjod de kun nas nyon mongs pa dang dngos po dang/ gang zag rdzas su yod pa'i rten can gzung ba dang 'dzin par rnam par rtog pa dag gis srid par skye bas na rnam par byang ba'i dngos po dang/ skyes bu btags par yod pa'i rten can bzung ba dang/ 'dzin pa'i rnam par rtog pa dag gis mya ngan las 'das par 'gyur ba yin no/ /bden par 'dod pa ni mi gnas pa'i mya ngan las 'das pa yin te/ de'i rnam par rtog pa nyid lam gyis spang bar bya ba yin no zhes bya ba yin no/ /des na khyad par bzhi po 'di ni dge ba'i bshes gnyen gyi khyad
- 282a
par nyid las 'gyur ba des na de'i khyad par ston pa ni/ tshigs su bcad pa sbyar ba dang mthun par zhes bya ba'o/ /gang gi tshe thabs mkhas pa'i stobs kyis chos thams cad ngo bo nyid med par shes pa de'i tshe dmiD pa la song ba'i khyad par can du 'gyur ro zhes bya ba'i don to/ /de ltar sbyor bas rtogs pa'i khyad par bshad nas rtogs pa po brjod pa ni sgrub pa dang ldan pa zhes bya ba'o/ /rtogs pa po'i gnas skabs kyi dbye ba dang/ rang bzhin dag gis 'chad bzhin pa'o/ /rigs rtogs pa'i rgyur 'gyur ba des na dang por gnas skabs kyi dbye ba bcu gsum brjod pa ni/ re zhig dang por zhes bya ba'o/ /byang chub sems dpa' ni byang chub tu sems bskyed pa la dmigs nas bstan zin pa'i nges par 'byed pa'i cha dang 'thun pa'i rnam pa bzhi'i stobs kyi chos kyi dbyings ltas te/ bsgom pa'i lam chung ngu'i chung ngu la sogs pas rnam par sbyangs nas/ gnyen pos mi mthun pa'i phyogs drungs 'byin par byed la/ rlom par yang mi byed do/ /rlom pa med pa bzhin du yang snying rje dang shes rab dag gis thun mong ma yin pa'i chos thob pas/ theg pa gsum la sems can 'dul ba na/ sangs rgyas nyid thob par 'gyur te/ de ltar gong nas gong du mngon par 'phel bas na rigs rnam pa bcu gsum mo/ /rang gi ngo bor bstan par 'dod pas phyogs snga ma dgod pa ni gal te chos kyi dbyings zhes bya'o/ /sangs rgyas kyi chos thams cad ni so sor nges pa nyid du 'di la gnas te/ de na gal te rten gyi mtshan nyid kyi rigs la dbye ba med ba de ltar na yang thog ma med pa srid pa nas yod pa'i dngos po la mngon par zhen pa'i dri mas spags pa nyid kyis sbyor ba la sogs pa la bltos nas gang gis tshogs sogs pa/ rtog bas byas pa'i dbye ba yod pa nyid do/ /de skad du yang kun nas nyon mongs rnams dag pa/ /de ni dri bcas dri ma med/ /chu khams gser dang nam mkha' rnams/
- 282b
dag pa bzhin du dag par 'dod ces gsungs so/ /gnas skabs bcu gsum gyis dmigs par bya ba'i yul rnam pa brgyad dang/ rang gi ngo bo nyid gsum dang ldan par brjod pa ni sgrub pa'i rten du gyur pa ji skad bshad ba zhes bya ba'o/ /phung po lnga dang/ bsam gtan bzhi dang nye? bar? len pa'i phung po dang/ dran pa nye bar bzhag pa dang/ 'dod pa la sogs pa'i khams dang/ de bzhin nyid dang 'phags pa'i skye bo dang 'brel pa'i bsam gtan bzhi dang/ sangs rgyas kyi chos nyid ni dge ba dang/ mi dge ba dang/ lung du ma bstan pa'i sgras brjod par bya ba'i chos thams cad de/ 'jig rten pa la sogs pa rnam pa gnyis po bzhis sbyor ba'i lam la sogs pa rnams kyis dmigs par byed do/ /des na spyi dang khyad par gyi ngo bos dmigs pa rnam pa bcu gcig go/ sbyor pa rnams la 'di sgrub pas ched du bya bas na sgrub ba'i 'bras bu ni ched du bya ba'o/ /de 'ang rang gi don dang gzhan gyi don gnyis las/ rang gi don spangs pa dang rtogs pa'i dbye bas rnam pa gsum mo/ /des na de ltar rten la sogs pa'i drug po rnams kyi rang gi ngo bo dang rab tu dbye ba gnyis yongs su shes pa las de rnams la sgrub par 'gyur ba yin no/ /de yang spyi dang khyad par gyi dngos pos yul dang sbyor ba gnyis la grangs ji lta ba bzhin du/ dkar ba'i chos dang pha rol tu phyin pa drug rjes su sgrub pa'i rang bzhin las kyi dbye bas 'bras bu tha dad pa'i phyir rnam pa bzhing 'gyur ro/ /des na de dang rang gi ngo bo dang/ rab tu dbye ba dag bstan pa'i phyir/ de ltar sgrub pa'i zhes bya ba la sogs pa gsungs so/ /nyon mongs pa dang bral ba'i sbyor ba rnams su 'dis go? cha? bgos pas na 'di'i rang gi ngo bo ni brtson 'grus yin la/ sbyin pa la sogs pa drug tshan drug yin pa'i phyir na rab tu dbye ba ni sum cu rtsa drug ste/ de bzhin du gzhan la yang de/ /'di ltar bsam pa yin te sbyor ba'i lam gyis pha rol tu phyin pa drug gi rang bzhin rtogs pa na/ mthong ba'i lam gyis la gnas pa'i byang
- 283a
chub sems dpa' bsgom pa'i lam gyis snying rje la sogs pa rnam pa sngon du byed pa ni tshogs bsags pa las khyad par gyis lam gyis ched du bya ba rnam pa gsum logs pa thob pas na bya ba byas par 'gyur ro zhes bya ba yin no/ /mngon par rtogs pa dang po 'di'i don ni 'di yin te/ tshul ji lta ba bzhin byang chub kyi sems rnam pa gnyis bskyed pa na nge mthar thug par 'gro bar bya ba'i don du dge ba'i bshes gnyen las gdams ngag gzung ste/ sbyor ba rtsom pa'i dus su rang gi gnas skabs dang/ chos rnams kyi rang bzhin la rnam par lta ba na rang dang gzhan gyi don ched du byas nas go la sogs pa sgrub pa spyod pa'i rang bzhin rnam pa bzhis chos thams cad kyi rnam pa thams cad mngon du byed do/ /des na don bcu po 'di rnams kyis rnam pa thams cad bsdus pa yin no zhes bya ba'o// //skabs dang po'o/ /bshad zin pa'i rnam pa rnams ni gnyen po bsgom pa med par mi 'grub pas na/ lam shes pa nyid kyis gsungs pa ni/ rnam pa thams cad mkhyen pa nyid rtogs pa ni zhes bya ba'o// lam gyis na lag dang/ de'i rang gi ngo bo dang/ de'i rgyu dang 'bras bu rtsams spyir brjod par bya ba yin no/ /de la dang po lam gyi yan lag gsungs pa ni/ lam shes pa nyid skye bar rung pa nyid du zhes bya ba'o/ /rlom pa med pa nyid dang/ byang chub tu sems bskyed pa nyid dang/ theg pa thams cad pa nyid dang/ rnam pa thams cad du nyon mongs pa ma spangs pa nyid dang/ sems can thams cad kyi don bsgrub pa'i mtshan nyid rten dang/ so sor nges pa dang/ khyab pa dang/ rang bzhin dang/ lam? kyi ming can rnams ni gnyen bo'i? yan lag yin pa'i phyir na/ lam gyi yan lag tu brjod do/ /de bas na de med par lam shes ba mi 'byung ba'i phyir de zhig de yul du byas pa yin no zhes brjod par 'gyur ro/ /lam gyi rang bzhin brjod pa'i skabs su re zhig nyan thos kyi lam gyi rang bzhin
- 283b
brjod pa ni de ltar rten la sogs pa zhes bya ba'o/ /bden pa de'i rnam pa rnams la theg pa'i dbye bas tha dad pa med pa'i phyir dmigs pa dang/ mi dmigs pas byas pa'i dbye ba brjod par bya ba yin no/ /de ltar yin yang theg pa dang po la yang byang chub sems dpa' mi dmigs pa'i sbyor bas dmigs par bya ba'i bden pa rnam pa dag mi 'dra ba dang/ lhag par 'gyur ba yin no/ /'di ltar sdug bsngal dang kun 'byung gnyis kyi rnam pa mi 'dra ba brgyad po rnams kyi mdza' re re la yid 'byung ba dang/ 'dod chags dang bral ba dang/ 'gog pa'i rnam pa gsum mo/ /de rnams kyi dang po ni mi mthun par 'gyur ba nyid dang/ gnyen po dang bsam pa nyid kyis ni/ pha rol nyid dang/ 'jig pa'i chos can nyid ces bya ba gnyis so/ /gnyis pa yang rang gi ngo bo rnam par mi gnas pa nyid dang/ rgyu la ma ltos par 'jig pa nyid kyis na/ g.yo ba dang/ rab tu 'jig pa rnam pa gnyis so/ /gsum pa la ni 'jig rten 'di dang phyi ma gnyis su 'jigs pa dang bcas pa dang/ sems yod pa dang/ sems med pas byas pa'i nye bar 'tsho ba dang/ bcas pa rnams kyis na 'jigs pa dang/ 'go ba'i nad dang nye bar 'tshe ba'i rnam pa gsum ste/ de ltar rnam pa bdun ni lhag pa yin no/ /de bzhin du 'gog pa'i la'ang mi mthun pa'i rnam pa bzhi'i mthar rtag tu phan pa'i gzhi nyid kyis na/ stong pa nyid dang/ mtshan ma med pa dang/ smon pa med pa dang/ mngon par 'du byed pa med pa'i rnam pa rnams lhag par gyur pa yin no/ /lam la rnam pa lhag pa'i rgyu mtshan med pa'i phyir na mi 'dra ba tsam du zad do/ /des na bden pa bzhi la rten pa'i rnam pa nyi shu rtsa drug po 'di rnams byang chub sems dpa' dang 'brel par yi yang yongs su shes par bya ba'i chos kyi sgrub byed yin pa'i phyir na nyan thos kyi lam yin pas na 'gal ba 'ga' yang med do/ /dang po'i lam gyi rang bzhin brjod zin no/ /de'i rgyu brjod pa ni bden pa bzhi yongs su shes pa ni zhes bya ba'o/ /'di la yang rnam pa'i khyad par dang/ de'i rgyu brjod par bya ba yin no/
- 284a
de la stong pa nyid rnams la tha mi dad par dmigs pa dang/ de mi dmigs pa dang/ rtog pa la sogs par dmigs pa'i gnas 'gog ba dang/ sa bcu pa'i gnas 'gog pa'i mtshan nyid rnam pa bzhi po rnams kyis bden pa bzhi yul du byas ba na/ lam gyi rnam pa lngar bshad pa skye zhing/ rnam pa de dag kyang tshad mas ma dmigs pa'i phyir khyad par du 'phags pa yin no/ /theg pa dang po gnyis la ni rnam pa'i khyad par med pa'i phyir na/ 'bras bu dang dmigs pa'i rnam pa dag gis khyad par nye bar mtshon par byed pa gsungs pa ni nyan thos kyi lam zhes bya ba la sogs pa'o/ /de la gzhan gyi nye bar ston pa la mi ltos par rang byung gi ye shes nyid dang/ zab pa nyid ni 'bras bu'i khyad par yin la/ gzung ba'i rtog pa mi dmigs pa ni/ 'dzin? pa'i rtog pa tsam gyis sdur bshad pa'i rnam pa rnams kyis sgo nas bden pa la dmigs pa zhes bya ba ni dmigs pa dang rnam pa'i khyad par ro/ /khyad par 'di gnyis ni rgyu'i khyad par med par mi 'byung bas na de brjod pa ni nges par 'byed pa'i cha dang mthun pa thob na zhes bya ba yin no/ /gzugs la sogs pa bzung ba'i mtshan nyid ma dmigs pa'i phyir na/ de brda las byung ba nyid dang/ 'grib pa dang/ 'phel ba med pa nyid dang/ nad stong pa nyid la sogs pa nyid du yongs su mi 'dzin pa dang/ skye ba dang 'gag pa bkag pa'i rnam pa rnams kyis dmigs pa ni rgyu'i khyad bar ro/ /theg pa dang po'i 'bras bu ni theg pa gnyis pa'i 'bras bu brjod pa'i shugs kho nas bde blag tu rtogs te/ des na logs su ma bshad do/ /theg pa gsum pa ni lam gyi skad cig ma rnam pa'i khyad par dag kho na nas khyad par du bya ba ste/ des na de dag rim pa bzhin bshad pa na/ rang sangs rgyas kyi lam gyi mjug thogs su zhes bya ba'o/ /don 'di yin te sngar bshad pa'i chung ngu'i chung ngu la sogs pa nges par 'byed ba'i cha dang 'thun pa bcu gnyis kyi
- 284b
de ma thag tu sdug bsngal la chos shes pa'i bzod pa'i skad cig skye la/ de yang ngo bo nyid kyi sku'i mtshan nyid sangs rgyas dang/ chos thams cad kyi de bzhin nyid gnyis la phan tshun rten dang brten pa'i dngos po mi dmigs pa'i rnam pas dmigs pa na/ byang chub sems dpa' i lam nyid 'thob po/ /de bzhin du sdug bsngal la chos shes pa'i skad cig la yang gzugs la sogs pa'i chos kyi dbyings su sbyor ba rnams la/ chen po nyid la sogs pa'i rnam pas sgoms pas na de bzhin du 'gyur ro/ /de ltar na yang sdug bsngal mthong bas spang bar bya ba'i nyon mongs pa spong ba dang/ de las rnam par grol ba grangs ji lta ba bzhin skye'o/ /de yang chos kyi dbyings zag pa med pa nyid du rtog pa'i phyir/ mthong ba'i lam gyi skad cig ma thams cad rgyu'i dngos por 'gyur zhing/ bdag nyid kyang mthong ba'i lam zhes bya bar 'gyur ba yin no/ /de bzhin du lam gyi skad cig phyi ma rnams la yang so sor rnam pa'i khyad par rtogs par bya'o/ /rnam pa tha dad pas skad cig rnams tha dad kyang/ chos kyi dbyings mthong ba'i lam la khyad par ci yod ce na/ brjod pa sbyor ba'i lam rten pa/ sdug bsngal gyi bden pa rtogs par bya ba'i chos rnam par spyod pa bdag por byas nas/ gang gi sdug bsngal mthong bas spang bar bya ba'i nyon mongs pa spong bar 'gyur pa'i nyon mongs par 'gyur ba chos thams cad kyi sdug bsngal gyi bden pa'i dngos po mngon du byed ba'i shes pa 'jig rten las 'das pa skye ba yin no/ /des kyang the tshom dang phyin ci log las 'das pa'i phyir na/ sdug bsngal nyid 'dod cing bzod la yongs su tshol te/ 'di ni sdug bsngal la chos shes pa'i bzod pa'o/ /de nyid kyis nyon mongs pa rnam par grol par 'gyur te/ chos nyid kyi mtshan nyid ni rnam par grol ba yin pa'i phyir ro/ /des na rnam par grol ba mngon du byed pa ni sdug bsngal la chos shes ba'i bzod pa'o/ /bzod pa dang shes pa de dag kyang 'phags pa'i chos rnams kyi rjes su 'gro ba yin no zhes bya ba'i rnam par bzod pa'i
- 285a
phyir na sdug bsngal la rjes su shes pa'i bzod pa'o/ /de'i stobs kyis kyang rjes su 'gro ba nges par 'dzin par byed pa'i mngon sum zag pa med pa snang ba gang yin pa de ni sdug bsngal la rjes su shes pa'o/ /de bzhin du bden pa lhag ma rnams la yang bzod pa dang/ shes pa rnams khong du chud par bya'o/ /de ltar yin yang skad cig bcu drug po rnams la yang shes bya la shes pa skye ba nyid yongs su rdzogs pa nyid mthong ba'i lam gyi skad cig yin/ /de la yang chos shes pa'i bzod pa dang/ chos shes pa gnyis kyis bzang brtogs pa dang/ rjes su shes pa'i bzod pa dang/ rdzas su shes pa gnyis kyis 'dzin pa yang rtogs pa na/ byang chub sems dpa' mtshan ma med pa dang/ mi dmigs pa la gnas pas mthong ba'i lam la gnas par 'gyur ro/ /'o na ji ltar mthong ba'i lam skad cig gcig la mngon par rtogs par bshad ce na/ 'bras bu'i mngon par rtogs pa la dgongs pa'i phyir ro/ /'di ltar bshad zin pa'i lam gyis sdug bsngal spong ba ni kun 'byung spong ba med par mi 'byung la/ de nyid kyang 'gog pa yin no/ /des na 'bras bu gcig yin pa'i phyir mthong ba'i lam skad cig gcig mngon par rtogs pa yin no/ /rtogs pa'i mngon par rtogs pa la yang/ gal te skad cig ma bcu drug gis rtogs pa'i rnam pa tha dad pa de lta na yang/ chos kyi dbyings rtogs pa la ni tha dad pa ci yang med do/ /de ltar ma yin na mig ser can la sogs pa'i mthong ba bzhin du d? dung? yang 'khrul pa mi ldog pa'i phyir/ ji ltar mthong ba'i lam du 'gyur de lta na yang de bsgom pa'i lam gyis rnam par dag par mi 'gyur te/ mthong ba dag ba mi 'thad pa'i phyir ro/ /des na chos kyi dbyings ni skad cig gcig la rtogs pa can yin no/ /de gcig pa'i phyir na lam ? skad cig gcig nyid do/ /de ltar lam gsum gyi rang bzhin brjod ma thag? tu
- 285b
ba'i rgyu brjod par rigs pa yin mod kyi de ni rnam pa thams cad mkhyen pa'i skabs su bshad zin pa'i phyir na de ma brjod par lam gyi phyogs gcig gi 'bras bu bshad pa'i phyir brjod pa ni mthong ba'i lam gyi 'jug thogs su zhes bya ba'o/ /'di skad brjod pa yin te/ 'chang bar 'gyur ba sgom pa'i lam zag pa dang bcas pa dang/ zag pa med bdag gis mthong ba'i don dag pas/ mthar phyin pa na khyad par gyis lam zhes bya ba mthong ba'i don rnam par dag pa'i gnas skabs su 'gyur ba yin no/ /de la gnas pa'i byang chub sems dpa' ni zhe/? gnas dang lhag mthong dang ldan pa'i sems brtan par gyur pa na nyon mongs pa dang/ nye ba'i nyon mongs pa thams cad kyi rgyur rgyal dang chags pa dag ldog la/ de log pa na yang de'i rgyu can gyi sdug bsngal dang kun 'byung bldog go/ des ? sgrib? pa gnyis spangs? pas sangs rgyas kyi chos mdza' dag mngon du byed pa na de'i bdag pos bzhi'i yul mchod par bya ba nyid du 'gyur ro/ /de nyid kyi phyir na lam dang po gnyis la/ byang chub sems dpa' la bsgom pa'i lam gyis byed pa med pa'i phyir nam brjod do/ /yongs su shes pa'i ni mthong ba'i lam nyid kyis rdzogs pa'? phyir ro/ /'on ji ltar thag pa gnyis kyis bsgom pa'i lam mngon du ma byas par rnam pa thams cad mkhyen pa nyid 'thob ces brtsad par ni mi bya ste/ mthong pa'i lam bzhin du bsgom pa'i lam la yang rnam pa'i khyad par yongs su shes par byar med pa'i phyir ro/ /'di ltar sbyor ba rnam pa la yang byang chub sems dpa' mi dmigs pa la sogs pa'i rnam pas sbyor ba'i phyir/ mi rtag pa la sogs pa'i rnam pa can gyi sbyor ba las khyad par du 'phags pa yin te/ nges na mthong ba'i lam gyi rnam pa rnams kyang khyad par 'gyur ba yin no/ /gang gis bsgom ba'i lam gyi rnam pa khyad par du yongs su shes par bya bar 'gyur ba de bzhin du mthong ba'i lam gyi rnam pa rnams la ni rang gi ngo bos khyad par yod pa ma yin no/ /des na theg pa tha ma bsgom pa'i
- 286a
lam yongs su shes pa kho nas dang po gnyis kyis bsgom pa'i lam shes pa'i phyir/ rnam pa thams cad mkhyen pa nyid 'thob pa la 'gal ba dga' yang yod pa ma yin no/ /'jig rten las 'das pa'i lam gyi skabs yin yang sdom pa'i lam nyid du khyad par med pa'i phyir na zag pa dang bcas pa yang bstan to/ /de yang sbyor ba dang dngos dang mjug gi dbye bas mos pa la sogs pa'i ming can pa gsum mo/ /de las yul dang/ rab tu dbye ba dang/ 'bras bu'i dbye bas dbye ba brjod pa'i phyir byed pa'i 'og tu gsungs so/ /zag pa dang bcas pa yin pa'i phyir rang dang gzhan gnyi ga'i don gyis na mos pa'i yul gsum mo/ /de dag kyang so sor chung ngu'i chung ngu la sogs pa'i rim pas/ dmigs pa'i rnam pa tha dad pa'i phyir mas? pa'i rnam pa yang sum cu rtsa bdun no/ /mos pas shes rab kyi pha rol tu phyin pa la 'jug pa na yang bstod pa dang/ bkur ba dang bsngags pa'i rang bzhin chung ngu dang 'bring dang chen po rnams kyi yang chung ngu la sogs pa'i dbye bas 'bras bu rnam pa nyi shu bdun 'thob pa'i phyir sbyor ba rdzogs par 'gyur ro zhes ston pa ni de bsgom pa'i zhes bya ba la sogs pa'o/ /legs par bsags pa'i sbyor ba thams cad mkhyen pa nyid du yongs su bsngo ba ni rtsa ba yin pa des na/ bla na med pa'i byang chub la sogs pa dmigs pa rnam pa bcu gcig dang ldan pa'i mes pa'i khyad par mi dmigs pa la soD pa'i rnam pa can rnams kyis mos par bya ba'i don la dmigs pa na/ theg pa gsum la gdul bar bya ba'i sems can rnams la/ de'i lam nye bar bstan pas byed pa thob pa'i phyir zag pa dang bcas pa'i sgom pa'i lam thob pa yin no zhes sbyor bar byed pa ni de ltar mos pa la zhes bya ba la sogs pa'o/ /thob pa'i lam la rjes su yi rang ba'i mtshan nyid mjug rgyas pa'o/ /des na rjes su yi rang bas lam spel
- 286b
ba brjod pa ni/ de ltar legs par bsngos ba zhes bya ba'o/ /'di ltar bsam pa yin te/ mthong ba'i lam gyi de ma thag tu bshad zin to/ /sbyor ba dang dngos dang mjug gi dbye bas bsgom pa yongs su rdzogs pa na/ 'jig rten las 'das pa'i lam yin no zhes bya ba'o/ /de nyid kyi phyir bsgom pa'i lam zag pa dang bcas pa dang zag pa med pa gsungs pa ni zag pa dang bcas pa'i 'og tu zhes bya ba'o/ /lam gyi thob par bya ba don 'dis mngon par 'grub par byed pas na/ mngon par 'grub pa'i lam gyis thob pa rnam par dag pa'i lam gyis spyi dang khyad par du rnam par dag pa'i phyir/ ngo bo nyid la sogs pa rtogs pa rnam pa lnga'o/ /chos thams cad phyin ci ma log par mthod ba'i rang bzhin gyi lam du sangs rgyas nyid nges pa'i phyir na/ chos thams cad kyi khyad par skyed pa la 'thad pa ma yin no/ /de ltar na yang de gsum mi dmigs pa kho nas sangs rgyas kyi chos rnam pa thams cad skye la de las sangs rgyas nyid kyi mtshan nyid kyi don chen po yin no zhes bya ba'i don to/ /spyi dang khyad par gyi dngos pos rnam par dag pa gnyi ga'i skye ba dang 'gog pa'i rgyu dag len pa dang 'dor ba nyid la rtogs pa'i phyir/ len pa dang 'dor ba dag gi yul rim par brjod pa ni de'i 'og tu gang zhig ces bya ba la sogs pa'o/ /de shig rnam par rtogs pa dang po ni mngon par zhen ba log pa'i mtshan nyid can yin pa'i phyir/ dge sbyong gi 'bras bu yang mi dmigs pa'i lam gyis thob pa na gang la mngon par zhen par 'gyur ba'i 'bras bu lus pa ci zhig yod/ des mngon par zhen pa log pa nyid lam rnam par dag pa yin no/ /des na de'i khyad par brjod pa ni rnam par dag pa spyir? brjod nas zhes bya ba'o/ /khyad par de yang byed pa dang yul gyi khyad par med par bstan par mi nus pa ngas na/ dang por byed pa'i khyad par brjod par bya ba yin no/ /de la nyan thos dang rang sangs rgyas kyi rang rang gi nges 'byed
- 287a
kyi cha dang mthun pa rtogs pa'i rim gyis lam mngon du gyur pa na go rim ji lta ba bzhin du nyon mongs pa'i sgrib pa dang/ gzung ba'i rnam par rtog pa'i mtshan nyid shes bya'i sgrib pa spangs pa'i phyir dang/ byang chub sems dpa' ni sngar brjod pa'i theg pa gsum gyis bsdus pa'i nges par 'byed pa'i cha dang mthun pa'i rim gyis lam mngon sum du byas pa ma lan gsum gyi sgrib pa spangs pa'i phyir/ spros pa med pa'i ting nge 'dzin thob pa na tshad ma dang gzhal bya thams cad kyi rang bzhin ma dmigs pa'i phyir/ mi mthun pa'i phyogs dang gnyen po gang rang bzhin ni mtshungs pa nyid kyis sgrib pa'i phyir rnam par rtog pa yang spangs pa'i phyir/ lam gyis rdzogs pa'i byang chub shin tu rnam par dag pa yin no/ /de la bsdus pa'i don ni 'di yin te/ lam gyi yan lag rnam pa lnga rdzogs pa na/ bdag nyid ji lta ba bzhin du nges par 'byed pa'i cha dang mthun pa las ma 'das par nyan thos kyi lam gyis thams cad kyi gnyen po mthong ba na/ rang sangs rgyas kyi lam gyis gzung ba'i rnam par rtog pa dang bral ba dang/ byang chub sems dpa' i lam gyis 'dzin pa'i rnam par rtog pa dang bral ba rtogs nas bsgom pa'i lam zag pa dang bcas pa dang zag pa med pa dag gis nges spang par bya ba'i nyon mongs pa'i tshogs spangs pa na/ rnam pa thaMs cad mkhyen pa nyid kyi skabs su bshad pa'i rnam pa thams cad 'grub bo zhes bya ba yin no/ /skabs gnyis pa'o// //lam thams cad skye ba'i rgyu gzhi thams cad rtogS ba thams cad shes pa'i rang gi ngo bo dang/ rgyu mtshan dang/ mi mthun pa'i phyogs dang gnyen po dang/ lam dang de'i yan lag dang/ nye bar bsdu ba rnams las/ rang gi ngo bo rtogs pa med par phyi ma rnams rtogs par mi nus pa'i phyir na/ re zhig brjod pa gzhi thams cad ces bya ba la sogs pa'o/ /brtse ba dang shes rab dag gis rtag pa dang chad pa'i
- 287b
mtshan nyid dang/ 'khor ba dang mya ngan las 'das pa'i mtshan nyid dang de'i bar ste/ de rnams su gnas ba dang bral pa'i rang bzhin thams cad shes pa yin ba'i phyir rang bzhin de dang bral ba nyan thos la sogs pa rnams la shes rab kyi pha rol tu phyin pa'i phyogs gcig tu gyur pas thams cad shes pa nyid srid pa ma yin no zhes bya ba ni kun mkhyen pa nyid kyi skabs su zhes bya ba la sogs pa'i gzhung gi don yin no/ /kun shes pa nyid la khyad par med par na ji ltar shes rab kyi pha rol tu phyin pa yod pa dang/ med pa yin zhes skye bo blo gros dman pa'i dogs pa bzlog pa'i don du gnyis pa rgyu'i khyad par gsungs pa ni lugs las zhes bya ba la sogs pa'o/ /gzugs la sogs pa'i rang bzhin rtogs pa nyid chos thams cad kyi mnyam pa nyid rtogs pa yin la/ de yang dngos po dang/ dngos po med par shes pa spangs pas gzugs la sogs pa dmigs pa na 'gyur gyi gzhan du ma yin no/ /des na rjes su 'gro ba dang ldog pa dag gi thabs mkhas pa dang 'brel pa yin pas de ldog na ldog pa nyid do/ /des na nyan thos la sogs pa la ni chos thams cad mnyam pa nyid du rtogs pa yod pa ma yin no/ /mi mthun pa'i phyogs dang gnyen po dngos por gyur pa 'ga' yang med pa'i phyir kun rdzob tu yod pa rgyu dang 'bras bu'i dngos pos de dag rnam par bzhag pa yin no/ /de lta yin kyang gzhan gyi kun brtags pa'i bdag la sogs pa'i gnyen po nyid kyis stong pa nyid la sogs pa 'jug pa yin yang mngon par zhen pa dang bcas pas mi bya ba yin pa'i phyir mi mthun pa'i phyogs nyid do/ /byang chub sems dpa' rang nyid nga rgyal med par sbyin pa la sogs pa la zhugs pa'i ni gzhan dag de kho na ltar nges par sbyor ba gnyen po yin te/ mngon par zhen pa med pa'i phyir ro/ /spyir mngon par zhen ba mi mthun pa'i phyogs yin bas na/ de bzhin gshegs pa la sogs par mngon par zhen pa yang mi mthun pa'i phyogs nyid do/
- 288a
des na shes pa dang shes bya'i phung po gnyis kyis bsdus pa dngos po rnams la rang bzhin gcig pa can nyid du rtogs pa de'i gnyen po yin no/ /de ltar na mi rtag pa nyid la sogs pa dang/ de bzhin gshegs pa nyid la sogs par mngon bar zhen pa ni kun nas nyon mongs pa rab tu zhi ba'i thabs yin pas/ rtag pa la sogs pa'i gnyen po yin yang/ shes bya'i sgrib pa rang bzhin yin pa'i phyir na chos thams cad mi dmigs pa dang/ rang bzhin gcig pa nyid du shes bdag gis spong ba yin te/ des na mtshan nyid kyis mi mthun pa'i phyogs dang/ gnyen po re re la yang rnam pa gnyis yin no/ /don 'di yin te/ mi rtag pa nyid dang/ de bzhin gshegs pa nyid la sogs par dmigs pa'i dus na gal te rtag pa nyid la sogs ba'i gnyen po nyid dang/ bsod nams kyi tshogs kyi rgyu dag gis de dag mtshan mar byed na mi mthun pa'i phyogs su 'gyur ba yin no/ /'on te chos thams cad ma skyes pa nyid kyi phyir gang zhig gnyen por gyur pa 'ga' yang 'ga' i yang mi mthun ba'i phyogs ma yin no zhes mtshan ma med pa'i sbyor bas nges par rtogs pa de'i tshe ni byang chub sems dpa' de ni gnyen po yin no/ /gnyen pos mi mthun pa'i phyogs spangs pa de yang lam las 'gyur ba'i phyir lam brjod bar rigs pa yin yang 'bras bu ni rgyu la rag las pa'i phyir na/ lam gyi rgyu'i rab tu dbye ba dang/ rnam pa re zhig brjod pa ni/ de ltar mi mthun pa'i phyogs la sogs ba brjod nas zhes bya ba'o/ /'di skad brjod pa yin te gzugs dang tshor ba la sogs pa la/ gzugs su rung ba la sogs pa mtshan nyid dang/ mi rtag pa nyid la sogs pa rnams la brtags pas stong pa la sogs pa dang/ rab tu 'jigs pa nyid kyis ma rdzogs pa dang/ rdzogs pa la rab tu 'jig pa nyid dang/
- 288b
ma? chags pa la yid brtan du med pa nyid dang/ 'gyur ba med pa nyid la skad cig dang/ byed pa po ma yin pa la byed pa nyid dang/ rnam pa thams cad mkhyen pa nyid kyi bdag nyid ched du bya ba bkag pa nyid dang/ lam shes pa nyid kyis rang bzhin sbyor ba dka' ba nyid dang ? shes pa'i rang bzhin byed pa dka' ba nyid gsum la/ thob ba stong pa nyid dang rten cing 'brel bar 'byung ba nyid dang/ yongs su mya ngan las 'das pa'i chos nyid rnams dang/ /rgyun du zhugs pa la sogs pa'i 'bras bu thob pa stong pa nyid la/ lhag par mos pa'i? rang bzhin dang/ gzhan gyi rkyen gyis mi 'gro ba nyid la rtogs ba'i dngos po nyid dang/ yongs su bsngo ba la sogs pa snang ba rnam pa bdun la/ rang gi ngo bo stong pa nyid kyis rjes su sgrub pa'i mngon par zhen pa dor ba'i phyir gong du mngon par spel bas/ sbyor ba rnam pa bcu po ni re re la yang/ gzugs la sogs pa la mngon par zhen pa med pa dang/ rlom pa med pa la sogs pa rnam pa bzhis rtogs par bya'o/ /nus ba'i rgyu? sbyor ba rnam pa bcu yod na/ 'bras bu mthong ba'i lam 'byung bas/ de'i rang gi ngo bo rnams ston pa ni/ sbyor ba mnyam pa nyid so sor rtogs nas zhes bya ba'o/ /rang bzhin med pa'i ngo bo can gzugs la sogs pa la rtag pa dang mi rtag pa nyid kyi rang bzhin dang mi ldan pa la sogs pa'i rnam pa bcu drug gis sdug bsngal la chos shes pa'i bzod pa la sogs pa'i skad cig ma bcu drug bsgom pa na/ byang chub sems dpa' i mthong ba'i lam nyid sgrub par byed pa yin no/ /mthong ba'i lam de skyed pa nas yang dngos po thams cad kyi rnam pa phyin ci ma log par rtogs kyi rnam pa thams cad rtogs pa ni ma yin no/ /kun mkhyen gsum gyi mjug bsdu ba ni rtogs sla'o/ /'di thams cad kyis ni 'di skad brjod pa yin te/ thabs mkhas pa'i stobs kyis chos thams cad kyi rang gi ngo bo rtogs pa'i dbang du byas te/ mi mthun pa'i phyogs dang gnyen po
- 289a
yongs su shes pas sngon du 'gro ba can gyi sbyor ba brtsams pa dang ldan pa la gzugs la sogs pa la rtag pa dang mi rtag pa nyid kyis dben pa la sogs pa'i rnam pa can la mthong ba'i lam skad cig ma bcu drug skye la/ de skyes pa na yang sngar bshad pa'i lam shes pa'i rnam pa rnams skye ba yin zhes bya ba yin no/ /gal te lam shes pa nyid ni med na mi 'byung ba nyid kyis de yongs su shes pa'i dus kho nar thams cad shes pa nyid kyang shes pa ma yin nam/ des nad rtog pa btags zin pa 'thag pa 'dis ? bya/ de ste sngar ni byang chub sems dpa' i dbang du byas pa'i phyir/ nyan thos la sogs pa'i thams cad shes pa nyid ma brjod na/ 'on ni lam shes pa nyid kyis lam thams cad ma bsdus pa des na rnam pa thams cad mkhyen pas kyang chos thams cad kyi rnam pa thams cad mi mkhyen par 'gyur zhing/ thams cad shes pas kyang nyan thos kyi lam la sogs pa bsdus pa na gang zag gcig la mngon par rtogs pa brgyad med par 'gyur zhe na/ bsam pa ma shes na thams cad bden no/ /'di ltar las shes nyid kyi tshul la ni 'phags pa'i bden pa bzhi dag gi /rnam pa mi dmigs sgo nas ni/ nyan thos lam 'di shes par bya zhes sngar bshad zin no/ /'di'i don ni 'di yin te/ bden pa bzhi nyid pha rol gyis kun btags pa la sogs pa'i gnyen por mi rtag pa nyid la sogs pa'i rnam pa rnams kyi sgo nas nyan thos la sogs pas mngon du byed do/ /byang chub sems dpa' ni de dag nyid mi dmigs pa'i rnam pa yin te/ de ltar na rnam pa'i khyad par nye bar mtshon pa lhur byed pas lam shes par nyan thos la sogs pa'i lam yin la/ de ltar kun shes nyid lugs la/ mi mthun phyogs dang gnyen po dag/ rnam par dbye ba ma lus pa/ ji skad bshad pa 'dir shes bya zhes bya ba gsungs pa'i phyir na 'dir ni mi mthun pa'i phyogs dang gnyen po
- 289b
yongs su shes ba sngon du 'gro ba can sbyor ba ji lta ba bzhin dngos po thams cad rtogs par byed pa yin no/ de lta na yang snga mar lam nyid rtogs par bya ba yin la phyi mar ni lam gyi dngos po rtogs par bye ba yin pas/ /des na ji ltar btags po 'thag pa yin de nyid kyi phyir mngon bar rtogs pa gnyi ga yang byang chub sems dpa' nyid kyi yin pa'i phyir mngon par rtogs pa bzhi tha dad par thal bar 'gyur ba'i nyes pa yang med do de nyid kyi phyir gang zag gsum dang 'brel ba'i nges par 'byed pa'i cha dang mthun pa gsum pa ni sngar gyi skabs gnyis su ci rigs par bshad zin pa'i phyir 'dir brjod pa ma yin no/ /de lta ma yin na lam bzhin du de'i rgyu rnams kyang brjod par bya bar thal lo/ /lam gyi dngos po rtogs na/ lam rtogs pa dang/ dngos po rtags ba sngon du 'gro ba can mi 'gyur ro zhes brjod par mi bya sto/ lam med par 'gal yang rtogs pa med pa'i phyir ro/ /'dis ni mngon par rtogs pa'i rim pa brjod pa yin gyi dngos po gnas pa'i rim pa brjod pa ma yin no/ /de yang lam med par mi 'byung ba des na de yang lam sngon du 'gro ba can du 'dod pa kho ?/ /des na thams cad legs par gnas so/ /skabs gsum mo// //de ltar yul gyi mngon par rtogs pa bstan nas/ yul rtogs par sbyor ba'i 'bras bu yin pa'i phyir na/ sbyor ba'i mngon par rtogs pa brjod pa ni/ thams cad mkhyen pa nyid gsum yongs su shes par bya ba'o/ /yongs su shes pa'i yul gyi dbang du gyur ba dang rab tu gyur ba dang bstan par 'gyur ba dang/ mthar phyin pa'i dbye bas sbyor ba yang rnam pa bzhi'o/ /de la dang po ni kun mkhyen gsum gyi rnam pa'i bdag nyid kyi dmigs pa dang rjes su sgrub ba'i rang bzhin gyi sbyor ba dang/ de skye ba dang mi skye ba'i rgyu mtshan nyid yon tan dang skyon dang/ mtshan nyid kyi bdag nyid yongs su shes ba'i rgyu dang? 'thar ba'i cha mthun gyi mtshan nyid zag pa dang bcas pa'i lam dang/ des 'byed kyi
- 290a
cha mthun zag pa med pa'i ? dang/ slob ba phyir mi ldog pa'i mtshan nyid chung du dang/ 'bring dang/ chen po'i rtogs pa dang/ mnyam pa nyid kyi sku'i ched du bya ba dang/ zhing yongs su dag pa'i mtshan nyid gzugs kyi sku'i ched du bya ba dang/ thabs mkhas pa'i mtshan nyid gzhan gyi ched du bya ba'i rnam par dbye ba bcu gcig go/ de la dmigs par 'gyur ba'i rnam pa rnams kyi spyi'i khyad bar gyi ngo bos rang gi ngo bo dang/ rab tu dbye ba brjod par bya'o/ /rang bzhin gang gis rtag pa la sogs par 'dzin pa'i mi mthun pa'i phyogs kyi gnyen por gyur pa mi rtag pa nyid la sogs pa la dmigs pa de yang mthun mong ma yin pa'i phyir rnam pa rnams kyi rang gi mtshan nyid yin no/ /kun mkhyen gsum gyi so so'i lam gyi gnas skabs kyi khyad par gang yin pa de ni rnam pa rnams kyi rab tu dbye ba yin no/ /'di gnyi ga yang re zhig spyir ston pa ni rtag pa la sogs par 'dzin pa zhes bya ba'o/ /khyad par ni rtag pa'i rang bzhin dang/ ma skyes pa dang/ bdag dang/ des byin gyis brlabs pa nyid mi dmigs pa'i phyir rim pa ji lta ba bzhin du/ sdug bsngal gyi bden pa la/ med pa dang/ mi skye ba dang/ dben pa dang/ mi rdzi ba'i rnam pa rnams so/ /de bzhin du rnam pa phyi ma rnams la yang bdag nyid ji lta ba bzhin gyi rgyur sbyar bar bya'o/ /lam gyi bden pa la ni lta ba'i dbye bas mi mthun pa'i phyogs nyon mongs pa dang shes bya'i sgrib pa'i rang bzhin can tha dad pa yin no/ /des na sbyor ba'i don du gsungs pa ni nyon mongs pa'i sgrib pa'i gnyen po nyid du zhes bya ba la sogs ba'o/ /don 'di yin te nyan thos dang rang sangs rgyas dag gi nyon mongs pa'i sgrib pa spang bya nyid du mtshungs pa'i phyir sdug bsngal la sogs pa'i bden pa la gnas pa/ mi rtag pa nyid la sogs pa'i mtshan nyid can med pa la sogs pa'i rnam pa bcu drug mtshungs pa kho
- 290b
na'o/ /rang sangs rgyas kyi ni thun mong ma yin pa'i phyir shes bya'i sgrib ba'i gnyen por gyur pa/ zag pa dang bcas pa dang/ zag pa med pa'i sgom pa dang mthong ba'i lam la brten pa/ rigs pas 'thad pa'i skye ba med pa'i phyir/ skye ba med pa rnam par rig par byed pa nyid nye bar bzung nas ngo bo med pa la sogs pa'i mtshan nyid rmi lam la sogs pa'i rnam pa lnga'o/ /des na 'dod chags dang zhe sdang dang/ gti mug la ngo bo nyid med pa dang/ rten gyi rang bzhin nyon mongs pa'i sems can mi dmigs pa dang/ nam mkha' ltar na rang bzhin gyi 'od gsal ba nyid kyis nye bar ma gos pa dang/ mi dmigs pas rlom pa thams cad las 'das pa dang/ dmigs pa thams cad bcom pas mi g.yo ba nyid dang/ 'khor ba ji srid par chos kyi dbyings gnas pa nyid la brten nas go rim ji lta bar kun nas nyon mongs pa la sogs pa'i gnyen por gyur pa/ kun nas nyon mongs pa med pa la sogs pa'i rnam pa drug go/ de ltar thams cad shes pa nyid kyis rnam pa bcu gcig bsdus pa'o/ /lhag ma la ni rtogs par sla'o/ /'on kyang brjod par bya ba 'di yod de rnam pa thams cad mkhyen pa nyid kyi rnam pa rnams kho nas thams cad shes pa nyid gnyis kyis rnam pa rnams bsdus pa'i phyir de gnyis logs su bstan pas ci bya/ 'on te tha dad par bstan pa yin yang/ phyis bsdus pa yin na de lta na 'on rnam pa thams cad mkhyen pa nyid kyang 'ba' zhig bstan bar thal lo zhe na/ brjod pa dngos po dang lam shes pa'i rnam pa thams cad rtogs kyang/ rnam pa thams cad rtogs pa med pa'i phyir dang/ rnam pa thams cad rtogs pa med na ni med pa nyid kyis de rtogs pa yang yod pa'i phyir/ rnam pa thams cad mkhyen pa nyid kyis de gnyis kyang bsdus pa yin no/ /rnam pa nams ni de bzhin du phan tshun bsdus pa ma yin te/ 'dir de rnams nyid dmigs par 'dod pa'i phyir ro/ /rnam pa thams cad mkhyen pa nyid tsam logs su
- 291a
bstan pa yang ma yin te/ dngos po lam gyi rnam pa la gnas pa'i rnam pa rnams nyid rnam pa thams cad mkhyen pa nyid kyi rnam pa yin pa'i phyir te/ rnam pa thams cad mkhyen pa nyid ni rnam pa tsam nyid yin pa'i phyir ro/ /de lta na yang thams cad shes pa nyid kyis/ dngos po thams cad rtogs pa sngon du 'gro ba can gyi lam shes pa nyid kyis lam thams cad rtogs pa na rnam pa thams cad mkhyen pa nyid kyis kun mkhyen pa gsum gyi rnam pa rtogs pa'i phyir na/ thams cad shes pa nyid gnyis lan gnyis bzlas pa yin no zhes 'bad pas shes par bya ba yin no/ /de nyid kyi phyir rnam pa de rnams yul nyid kyis de'i kun mkhyen gsum po rnams kyang yul yin no/ /rnam pa de rnams kyang bsgom pa'i mtshan nyid kyi sgrub pa'i yul du byas pa yin pa'i phyir sgrub pa sbyor ba brjod par bya ba yin no/ /de yang rtogs pa po'i gnas skabs kyi dbye ba rnam pa nyi shur 'gyur ba'i phyir re zhig brjod pa ni/ sbyor ba khyad par can dag gis zhes bya ba'o/ /bsam pa ni 'di yin te/ bdag po dang nye bar len pa dang/ lhan cig byed pa'i rkyen la rten nas gang gi tshe byang chub sems dpa' la/ sangs rgyas bsten pa dang yang dag par 'dri ba la sogs pas chos kyi spyod pa skyes ba de'i tshe gzugs la sogs pa la mi gnas pa la sogs pa'i rnam pas sbyor ba'i skye ba'o/ /'di ltar gzugs la sogs pa rnams la mngon par zhen pa med pa'i sbyor bas gnas pa ni mi sbyor ba'i sbyor bas mngon par brtson la des kyang gzugs la sogs pa de dag rnams la chung du dang 'bring dang chen po'i mtshan nyid zab pa dang/ gting dpag dka' ba dang/ tshad med pa nyid rtogs pa'i lam dang po pa dang gzhan la rim pa ji lta ba bzhin du yang dag pa ma yin par sbyor ba bsgrub pa dang/ mi sgrub pa nyid kyis 'bad
- 291b
pa dang bde blag tu chos kyi dbyibs rtogs pa dang/ lung bstan pa dang/ phyir mi ldog pa'i sa thob pa na rim bzhin du nges par 'byung ba dang/ mi ldog pa nyid dang/ nye bar gyur pa dang/ myur du mngon par byang chub par 'gyur ro/ /de nas gzhan gyi don byed pa ni/ 'phel ba dang 'grib pa med pa'i chos can spyir chos dang chos ma yin pa la sogs pa dang/ khyad par du gzugs bsam gyis mi khyab pa la sogs pa la/ 'du shes thams cad spangs ba'i phyir rnam par mi rtog pa 'bras bu rin chen sbyin pas/ sngar lo skor du mngon par sbyor bas sems kyi rgyud legs par bsgrubs pa rab kyi mthar phyin pa thob par 'gyur ro/ /de ltar na sbyor ba'i lam la rnam pa lnga dang/ mthong ba'i lam la gcig dang/ bsgom pa'i lam la chung du'i chung du la sogs pa'i rim bas dgu dang khyad par gyis lam la gsum dang/ bar chad med pa'i lam la gnyis te/ de ltar rtogs pa'i rim pas lam lngas bsdus ba'i sbyor ba nyi shu brjod ba yin no/ /gsum pa skye ba'i rgyu brjod pa ni/ sbyor ba'i 'og tu de dag gi yon tan zhes bya'o// 'di skad brjod pa yin te sbyor ba rtsom pa'i gnas skabs su de bzhin gshegs pa'i byin gyis brlabs thob pas bdud kyi mthu bcom pa la sogs pa'i yon tan skyes pa na ji skad bshad pa'i sbyor ba rnams 'grub pa yin no zhes bya ba yin no/ /bzhi pa mi skye pa'i rgyu bshad pa ni/ de'i 'og tu yang gang zhig spangs nas zhes bya ba'o/ /'di ltar bsam pa yin te/ sbyor ba rtsom pa na gal te skyon bzhi bcu rtsa drug po rnams kyi nang nas skyon gcig yod na yang de'i tshe lngar bshad pa'i de bzhin gshegs pas byin gyis brlabs pa dang/ dgongs ba la sogs pa'i yon tan bskyed bar bya ba na yin no zhes bya ba'o/ /lnga ba yongs su shes pa'i rgyu brjod pa ni/ go rim ji lta ba bzhin du zhes bya ba'o/ /de'ang rang gi ngo bo dang/ rab tu dbye ba bshad pas bde blag tu rtogs pa'i
- 292a
phyir na/ de gnyis brjod par bya'o/ /de la rang bzhin ni sbyor ba'i nye bar mtshon par byed pa yin no/ /rtogs pa dang/ rnam par dag pa dang/ 'bras bu sbyin par nus pa dang/ de mnyam pa nyid thob pa'i bdag nyid can shes pa dang/ khyad par dang khyed pa dang/ ngo bo ni rab tu dbye ba'o/ /de la re zhig rtogs ba ni yul gyi dbye bas tha dad pa na sbyor ba mtshon par byed pa yin te/ des na y ul gyi khyad par nye bar ston pa sngon du 'gro ba can de'i nang tshad gyi dbye ba brjod pa ni de la shes pa'i mtshan nyid ces bya ba'o/ /don ni 'di yin te/ sdug bsngal la sogs pa'i bden pa la brten pa'i skad cig ma bcu drug po rnams la yod pa'i sngar bshad pa'i kun mkhyen gsum gyi nas? ba gang yin pa de dag rnams kyi rtogs pas sbyor ba mtshon par byed de zhes bya ba yin no/ /tha dad par nye bar mtshon pa de rnams kyi rnam par dag pa sbyir yin pa des na de'i bdag nyid khyad par gyi mtshan nyid brjod pa ni/ de ltar bar skabs kyi tshigs su bcad pa dgu pa zhes bya ba'o/ /bsam gyis mi khyab pa la sogs pa'i khyad par can du gyur pa nyid ni rnam par dag pa'i rang bzhin yin no/ /yul gyi khyad par dang rjes su mthun pa nyid ni rab tu dbye ba'o/ /des na kun mkhyen gsum nyid sbyir bden pa bzhi la brten pa'i skad cig sa bcu drug pa rnams la/ rnam par dag pa skyes pa ni/ khyad par gyi sbyor ba mtshon par byed pa yin no zhes bya ba'i don to/ /de nyid kyi phyir rgyu ma ched pa med pa can gyi byed ba'i khyad par skad cig gnyis pa la 'gyur ba yin pa'i phyir na/ byed pas sbyor ba mtshan par brjod pa ni/ khyad par gyi mtshan nyid kyis rnam par bcad pa rnams kyi zhes bya ba'o/ /rgyu rtogs pa'i yul gyi khyad par du 'gyur ba'i phyir gzhan gyi don grub pa yang de kho na bzhin du khyad par du 'gyur ro
- 292b
zhes bya ba'i don to/ /bya ba'i khyad par yod na 'bras bu'i khyad par 'grub pa'i phyir/ des kyang sbyor ba mtshon par bya ba yin no zhes gsungs pa ni byed pa'i mtshan nyid kyis shes par byas pa rnams kyi zhes bya ba'o/ /gang gi phyir kun mkhyen rnam pa gsum gyi yul ? kyi bya ba'i khyad par nyid las 'bras bu'i khyad par yin gyi/ byang chub sems dpa' rnams 'bras bu mngon du byed ba ni ma yin no zhes bya ba'i don to/ /de ltar mtshan nyid bzhi po rnams kyis yongs su shes par byas pa'i sbyor ba rnams dge ba'i rtsa ba dang ldan pa'i sems kyi rgyud la skye ba'i phyir drug pa thar pa'i cha dang mthun pa drag? pa dang bcas pa'i lam brjod pa'i thar pa'i cha dang mthun pa'i dge ba'i rtsa ba dang ldan pa kho na la zhes bya ba'o/ /'dir ? pa ni nyon mongs pa dang bral pa'i khyad par ro/ /de'i cha ni phan pa'i phyir na thar pa'i cha dang 'thun pa'o/ /de yang rang gi ngo bo dang/ rab tu dbye ba yongs su shes pa sngon du 'gro ba can sgom pa na de ltar 'gyur ba'i phyir/ de gnyis rdzogs par bya ba yin no/ /de pha mtshan ma med pa la dmigs pa'i shes pa'i rnam pas/ sbyin pa la sogs pa rnam pa thams cad mkhyen pa nyid kyi mthar thug pa'i sangs rgyas chos thams cad rang gi rgyud la yang dag par grub par byed pa na/ shes rab kyi pha rol tu phyin pa'i mtshan nyid kyi thabs mkhas pa gang yin pa'i ni de'i rang gi ngo bo yin no/ /dkon mchog gsum la sogs pa'i dmigs pa lnga po/ /rnams la dad pa la sogs pa khyad par can du gyur ba dbang du bsgyur ba ma yin pa'i phyir dbang po'i rang bzhin ma yin zhing/ dge ba'i rtsa ba nyid du khyad par med kyang dmigs pa la sogs pa'i dbye bas rang bzhin lngar gyur pa gang yin pa ni rab tu dbye ba'o/ /de nyid kyi phyir na chung du dang 'bring dang chen po'i dbye bas de skye pa'i phyir theg pa yang tha dad pa yin no/ /bdun pa zag pa med pa'i gnas skabs kyi sbyor ba brjod pa ni/ thar pa'i cha
- 293a
dang mthun ba skyed pa zhes bya ba'o/ /de yang dmigs pa dang rnam pa'i dbye bas rnam par bzhag na bde blag tu shes ba'i phyir/ de gnyis brjod par bya ba yin no/ /de la re zhig dmigs pa ni bzhi po rnams kyi tha dad pa med par sems can thams cad yin no/ /de rnams nyid la chags pa dang bcas pa dang chags pa med pa rnam pa gnyis so/ /bcu nyid kyis ni dang po'i rnam pa'o/ /gnyis pa ni dge ba dad mi dge ba dang/ bsngags pa brjod pa dang rjes su mthun pa gnyis so sor rang dang gzhan la dmigs pa tha dad pa'i phyir rnam pa bzhi'o/ /rnam pa de rnams nyid kyis rang dang gzhan gyi rten can gyi bden pa bzhi la dmigs par 'thad pa'i phyir na gsum pa'i rnam pa bzhi'o/ /rang dang gzhan la gnas pa'i smin par byed pa dang/ grol bar byed pa'i ni yang dag par phrad par byed pa'i gzhi pa'i rnam pa'o/ /gal te kun mkhyen gsum ka la yang nges 'byed kyi ma dang mthun pa brjod zin ma yin nam/ yang 'dir brjod pas ci bya/ 'on te sngar ni so sor nges pa nyid du brjod pa yin la/ 'di ni spyir brjod pa yin no zhe na/ de ltar na 'o na bsgom par bya ba'i dbye bas sgom pa yang tha dad par 'gyur ro zhes bya ba'i dogs pa sal ba brjod pa ni rnam pa dang/ lam dang gzhi thams cad sgom pa'i zhes bya ba'o/ /'di skad brjod pa yin te/ /kun mkhyen gsum du brjod pa'i nges par 'byed pa'i cha dang mthun pa'i stobs kyis/ dngos po dang lam dang rnam pa thams cad rtogs pa'i don du 'jig rten las 'das pa'i mthong ba dang bsgom pa thob pa'i phyir na/ rnam pa kun mngon par rtogs pa'i mtshan nyid khyad par gyi las bya bar byed pa'i dus su/ chung ngu dang 'bring dang chen po'i rim pas zag pa med pa'i shes pa skye la/ rim pa de yang rang gi ngo bos tha snyad tha dad pa med pa'i phyir na nges par
- 293b
'byed pa'i cha ngo bor thun pa la sogs par bstan pa yin no/ /thar pa'i cha dang mthun pa'i byed pa ni seng ge rnam par blta ba'i tshul gyis snga ma kho nar yin gyi/ 'dir yang ni ma yin te/ kun mkhyen gsum dang 'brel pa'i nges 'byed kyi tshad dam thun la thob pa ni de sngon du 'gro bo can yin pa'i phyir dang/ khyad par gyi lam la de'i byed pa med pa'i phyir ro/ /de nas rnam pa kun mngon bar rdzogs par rtogs par kun mkhyen pa nyid gsum gyi spyir sbyor ba'i lam la sogs pa nye bar bkod par thar pa'i cha dang mthun pa bzhin du byos shig ce na/ de ltar ni ma yin te/ khyad par thams cad med pa'i phyir mi srid pa'i phyir ro/ /de nyid kyi phyir kun mkhyen gsum gyi rnam pa rnams khyad par kho nar nye bar bkod do/ /thar pa'i cha dang mthun pa la yang rgyad? dang 'bring dab chen po'i tha dad pa'i mtshan nyid ni theg pa'i dbye ba nyid kyis nye bar bkod kyis spyir ni ma yin te/ des na ji ltar chos mthun pa'i dpe yin te/ de nyid kyi phyir spyir yongs su shes par byas pa rnams rnam pa kun mngon par rdzogs par rtoD bas de kho na ltar bsgoms nas dbang du gyur pa'i phyir dbang du gyur pa'i sbyor ba zhes brjod do/ /brgyad pa chung du la sogs pa'i dbye bas tha dad pa'i phyir mi ldog pa'i tshan nyid brjod pa ni/ phyir mi ldog pa'i byang chub sems dpa' i dge 'dun zhes bya ba'o/ /de yang dmigs pa dang rnam ba'i khyad par rtogs na bde blag tu rtogs pa'i phyir de gnyis brjod par bya ba yin no/ /de la re shig dmigs pa ni sbyor ba'i lam la sogs pa'i gnas skabs na yod pa 'phags pa'i bden pa bzhi'o/ /rnam pa yang gzugs la sogs pa las ldog pa la sogs pa'i bdag nyid kyis/ bdag nyid so so la nges pa kho na yin pa des na de la brten pa kho nar rtogs par bya'o/ /bsgom pa'i lam la ni rang gi ngo bo dang/ rab tu dbye ba dang/ bsdu ba dang/ byed pa dang/ yul rnams brjod par
- 294a
bya ba yin no/ /de la rang gi ngo bo khyad par dang khyad par can gyi dbye bas ston pa ni/ de'i 'og tu bsgom pa'i lam la gnas pa'i zhes gsungs so/ /don 'di yin te sgro 'dogs pa dang/ skur pa'i mthar dang bral ba'i zab pa'i khyad par dang ldan pa/ sbyor ba la sogs pa'i lam gyis mthong ba'i don gyi yul dang/ ting nge 'dzin gyi sbyor ba dang/ dngos dang/ mjug yod pa'i shes rab kyi stobs kyis skyes pa/ bsams pa la sogs pa'i shes pa ni khyad par can yin no zhes bya ba'o/ /gnyis pa rab tu dbye ba bstan pa'i phyir brjod pa ni/ de rnam pa du zhig ce na zhes bya ba la sogs pa'o/ /bsgom pa las byung ba'i shes pa'i rang bzhin du tha dad pa med kyang/ sa dgu la rten pa'i mi mthun pa'i phyogs kyi rnam par rtog pa'i dbye bas rnam pa dgu nyid do zhes bya ba'i don to/ /gsum pa bsdu pa bshad pa'i phyir/ rgyal ba'i yum dang de las zhes gsungs so/ /'di ltar dgongs pa yin te/ ci 'di de kho nar med pa nyid du thal lam/ 'on te kun rdzob tu dang po ltar yin no zhe na/ ma yin te/ rnam par rtog pa med pa'i rang bzhin gcig la tho dad pa mi 'dod pa'i phyir ro/ /gnyis pa la yang gzhan la ltos pa'i tha dad pa khas len pa na bltos par bya pa rnam pa dgu yin pas bltos par byed pa du ma nyid du ji ltar thal/ bzhi pa byed pa bstan pa'i phyir stong pa nyid kyi mtshan nyid kyis zhes gsungs so/ /don 'di yin te/ gal te de kho nar mi mthun pa'i phyogs dang gnyen po dag yod na de log pa dang/ mngon par 'grub par byed par yang 'gyur ba zhig na/ de dag med na ni chos thams cad byed pa med ba nyid de nges na lam gyis ci bya zhes bya ba'o/ /'dir kun rdzob la brten pa'i 'jig rten pa dang/ 'jig rten las 'das pa'i lan brjod pa ni de lta ni ma yin te zhes bya ba'o/ /gal te de kho nar rgyu dang 'bras bu'i dngos po mi 'thad pa'i phyir
- 294b
lam gyi byed pa med par brjod na/ de'i tshe ni lhag pa brjod pa med do sgro btags pa rnan par bcad la/ btags pa'i 'bras bu ni rang bzhin med pa nyid kyis de la byed pa 'ga' yang med pa'i phyir dang/ de 'dzin? pa'i tshad ma mngon sum dang rjes su dpag pa dag btags pa'i yul can nyid kyis/ de kho na'i rang bzhin can gyi byed ba rnam par 'jig mi nus pa'i phyir ro/ /'on te tha snyad du de med pa brjod na de'i tshe yang mar me la sogs pa la mngon sum gyis dmigs pas sgrub byed kyi tshad ma yod pa'i phyir/ de la ni yod pa'i tha snyad kho nar 'thad kyi dgag pa ma yin no/ /mi dgag pa'i gnyen po bsgom pas 'dod pa'i rnam par rtogs pa las thob pa ldog par ni de ltar rang rang gi rgyud las mthong ba yang yin te/ des na yang dag pa'i kun rdzob la brten nas byed pa 'gog pa ma yin no/ /rang bzhin med pa la rang bzhin dngos po med pa'i phyir na/ de la byed pa 'ga' yang ji ltar yang med do zhe na/ ma yin te/ rang bzhin la yang nye bar bstan pa'i rnam par rtog pa gnyis 'jug pa na/ gang yang rung bar gnas pa'i phyir dang gcig la 'dod pa sgrub par byed na/ gzhan la btags pa'i ngo bo dgag par mi nus pa'i phyir ro/ /yang dag pa'i kun rdzob la brten pa'i rgyu dang 'bras bu'i dngos po 'di ni rang nyid kyis TI kar rgyas par bsgrub pa'i phyir na 'dir mi spro'o/ /de'i phyir sgyu ma lta bu'i chos thams cad la/ yang dag pa'i kun rdzob tu mi mthun pa'i phyogs dang gnyen pa'i tha snyad yod pa na/ de'i leg? pa dang mngon par 'grub pa'i mtshan nyid kyi byed pa dang de kho na bzhin du yin te/ des na lam gyis ci yang byar med ba ma yin no/ /lnga pa yul bstan pa'i phyir/ bsgom pa'i lam la gnas pa'i zhes gsungs so/ /byang chub sems dpa' ni khyad par gyi lam rtogs pa'i mthus/ rnam par thar pa'i sgo bsam gyis mi khyab pa thob pa'i phyir na/ skye ba
- 295a
sogs pa'i yul rnam pa brgyad la phan tshun 'gal ba'i don rjes su sgrub kyang/ rang dang gzhan gyi don thob pa las mi nyams so zhes bya ba ni sgom pa'i lam zab mo yin no/ /slob pa'i chos thob pa'i che du bya ba ni thun mong ma yin ba'i chos kyi sku yin pas na/ mnyam pa nyid kyis de ston pa ni slob pa'i tshogs kyi zhes bya pa'o/ /de la mnyam pa nyid kyis rang gi ngo bo dang/ de'i rten gyi tha snyad brjod par bya ba yin no/ /de la dang po ni re shig 'dir spangs bya dang/ blang bya'i mtshan nyid 'khor ba dang mya ngan las 'das pa dag rang gi ngo bo med par rtogs pa'i phyir/ sgro 'dogs kyi rnam par rtog pa log pa mnyam pa nyid de bzhin nyid ces bya ba'i ming tsam du shes par bya'o/ /gnyis pa yang sgrub par byed pa dang gnod par byed pa de la brten pa'i tha snyad kyi yul can mi dmigs pa na theg ma med pa'i dus can gyis phyin ci log goms pa'i dbang gis 'jig rten gyi 'jug pa kun rdzob kyi ming can yin par shes par bya'o/ /bcu pa gzugs kyi sku'i ched du bya ba'i mtshan nyid shing rnam par dag pa brjod pa ni gnyi ga dang mnyam pa nyid du zhes bya ba ste rtogs sla'o/ bcu gcig pa gzhan gyi ched duu bya ba brjod pa ni/ rang gi sangs rgyas kyi zhing rnam par dag pa zhes bya ba'o/ /gzhan gyi don bya ba'i rang bzhin yin pa'i phyir na/ dbye ba dang/ yul dang/ rang gi ngo bo rnams brjod par bya ba yin no/ /de la lam gyi ngo bo nyid kyis mngon du bya ba'i phyir sa bcu dang/ kun mkhyen gsum gyis bsdus pas rdzogs pa yin pa'i phyir shes rab kyi pha rol tu phyin pa dang/ mi gnas pa'i mya ngan las 'das pa sgrub par byed pa nyid kyis na thabs la mkhas pa ni go rim ji lta ba bzhin du gzhan gyi don gyi rab tu dbye ba dang/ yul dang/ rang gi ngo bo yin no/ /bsam pa ni 'di yin te/
- 295b
yul gyi mngon par rtogs pa brjod pa/ dmigs pa la sogs pa'i dbye bas cig tu byas nas sgom par bya ba'i kun mkhyen gsum po rnams la/ rnam pa kun mngon par rtogs par brjod pa'i rnam pa skye la/ rnam pa de rnams su yul du byas te bskyed pa dang/ mi skyed pa'i rgyu dag len pa dang/ spong ba sngon du 'gro btsan mtshan nyid shes pas mtshon pa'i sbyor ba brtsam par bya ba yin no/ /de'i dus na yang nges par 'byed pa'i cha dang mthun pa la sogs pa'i ming can/ chung du dang 'bring dang chen po'i dbye bas tha dad pa'i khyad par gyi lam yongs su dag pa ni/ slob pa'i chos ma lus pa yongs su rdzogs par 'gyur ro/ /de nas mnyam pa nyid kyi rang bzhin chos kyi sku bdag por byas nas/ sangs rgyas kyi zhing rnam par dag pas bstan pa'i gzugs kyi skus thabs mkhas pas 'phangs pa'i sems can gyi don 'grub bo zhes bya ba ni kun mkhyen gsum gyis bsdus pa'i chos thams cad dbang du 'gyur ba'i sbyor bas dbang du gyur pa yin no// //skabs bzhi pa'o// // de ltar kun mkhyen gsum gyis rnam pa dbang du gyur pa rnams kyi lam thabs cad rab tu gyur ba na/ rab tu 'gro ba yin pa'i phyir/ /rab tu 'gro ba'i sbyor ba brjod pa ni/ rnam pa thams cad mngon par rdzogs pa las zhes bya ba'o/ /gal te yang lam snga ma rab tu gyur pa na lam phyi ma phyi ma mngon du gyur pa de ltar na yang khyad par gyi lam la thun mong ma yin pa'i mtshan nyid med pa'i phyir na sbyor ba'i lam la sogs pa rab tu gyur pa'i sgo nas de rab tu gyur pa brjod par bya ba yin no/ /de la dro dro ba la sogs ba sbyor ba'i lam rnam pa bzhi las dro ba la sogs pa rtags bcu gnyis kyi rab tu gyur pa'i 'thob pa dang/ rtse mo la brten pa'i rnam par 'phel ba bcu drug gis rab tu gyur pa 'phel ba dang/ bzod pa la sogs pa kun mkhyen gsum gyi chos nges?
- 296a
bas/ 'phel ba mthar phyin pa dang/ rtse mo la brten pa sems yang dag par gnas pas rab tu gyur pas brtan par gyur pa zhes bya ba ni sbyor ba'i lam rab tu gyur pa'o/ /de'i rjes la mthong ba'i lam gyi rab tu gyur pa yin pas/ de'i spang bya dang/ rgyu dang 'bras bu dang/ byed pa dang/ rang gi ngo bo dang/ sgom pa rnams brjod par bya'o/ /de la spang bya'i rab tu dbye ba dang/ yul dag brjod par bya ba yin pa'i phyir/ gzung ba dang/ 'dzin pa'i rnam par rtog pa so sor 'jug pa dang ldog pa'i rten can nyid kyi gzhir gyur pa dag la so sor dbye ba rnam pa dgu ston pa ni /nges par 'byed pa'i cha dang mthun pa'i 'og tu zhes bya ba'o/ /de dag gi dbye ba ni yul gyi sgo nas dbe ba yin pa des na de brjod pa ni/ gzung ba'i rnam par rtog pa dang po zhes bya ba'o/ /don 'di yin te rang gi ngo bo dang 'dzin pa dang so sor thar pa la sogs pa rnam pa bco brgyad kyi yul can/ 'jug pa'i phyogs kyi rten can /gzung ba dang 'dzin pa'i rnam par rtog pa gnyis kyis/ srid pa dang/ zhi bar ltung ba'i rgyu mtshan rtogs pa dman pa nyid dang/ ji ltar ched du bya ba'i nges par 'byung ba med pa nyid la sogs pa yul rnam pa bco brgyad dang ldan pa'i gzung ba dang 'dzin pa'i rnam pa rtog pa gnyis kyis 'jug pa na/ mthong ba'i lam du gyur pa'i grogs? yin pa'i phyir / de dag ltag ma med par spang bar bya ba yin no zhes bya ba'o/ /gnyis pa rgyu brjod pa ni/ de ltar mthong ba'i lam la zhes bya ba'o/ /'di'i yang mtshan nyid dang/ rab tu dbye ba gnyis brjod par bya ba las/ de'i mtshan nyid ni de la theg pa'i rgyu nyid yin la/ gzhan dag byang chub la sogs pa la 'god? pa la sogs pa ni rab tu dbye ba'o/ /gsum pa 'bras bu brjod pa ni gang gi don du zhes bya ba'o/ /de
- 296b
yang rang gi ngo bo dang/ de ltar snang ba rtogs na bde bar rtogs pa'i phyir/ de gnyis rim gyis brjod pa ni dri ma zad dang zhes bya ba la sogs ba'o/ /'chad par 'gyur ba'i lam gyi stobs kyis nyon mongs pa dang shes bya'i sgrib pa'i mtshan nyid kyi dri ma rnams skye ba dang 'gag pa med par yongs su shes pa nyid dang/ chos thams cad phyin ci ma log par rtogs pa'i mtshan nyid do/ /des na mtshan nyid pa ni ngo bo yin no/ /spros ba thams cad bral ba'i byang chub la ngo bo nyid ni 'ga' yang yod ba ma yin te/ dngos po'i mtshan nyid sngon du 'gro ba nyid med pa'i phyir ro/ /gnyis pa de ltar snang ba brjod pa ni gang gi phyir de ltar yin pa zhes bya ba ste/ rtogs par sla'o/ /bzhi pa byed pa brjod pa ni/ de ltar byed pa'i phyogs zhes brjod pa'o/ /lam gyi byed pa ni 'di kho na yin to/ /gzugs la sogs pa la rang bzhin gyis stong pa nyid kyis bsnan pa dang/ bsal ba leg pa gang yin pa'o/ /des chos thams cad byed pa med pa'i phyir na/ sgro 'dogs pa thams cad ldog pa'i mtshan nyid ni/ byang chub chen po yin no zhes bya ba'i don to/ /lnga pa rang gi ngo bo brjod pa ni/ de ltar zhar la 'ongs pa brjod nas zhes bya ba'o/ /drug pa sgom pa brjod pa ni de skyes pa na zhes bya ba'o/ /brjod ma thag pa'i mthong ba'i lam rab tu gyur pas/ nyon mongs pa dang shes bya'i sgrib pa'i mtshan nyid rnam par rtog pa rnam pa bzhi spangs pa na/ de las 'jigs pa med pa'i phyir / seng ge lta bur rnam par rol pas na de dang rjes su mthun pa'i ting nge 'dzin la snyoms bar zhugs nas/ mi dmigs pa'i sbyor bas lugs dang 'thun pa dang/ mi mthun pa'i ngo bo nyid med pa'i mtshan nyid rten cing 'brel bar 'byung ba mngon du byed ngo? zhes bya ba'i don to/ /gsum pa sgom pa'i lam rab tu gyur pa
- 297a
brjod pa ni/ de ltar mthong ba'i lam brjod nas zhes bya ba'o/ /'dir yang rang gi ngo bo dang spang bya dang/ 'bras bu bde blag tu rtogs pa'i phyir na/ re zhig rang gi ngo bo brjod pa ni/ 'dod par rtogs pa'i zhes bya ba'o/ /bsam gtan dang po la sogs pa thod rgal nyid kyis 'dod pa na spyod pa'i mnyam par ma bzhag pa'i shes pa mtshams su byas pa'i phyir/ mi mnyam par 'gro bas na 'di'i rang gi ngo bo mi mnyam par 'gro ba yin no// gnyis pa spang bar bya ba ni rab tu dbye ba dang/ yul gyi dbye bas snga ma bzhin du rtogs par bya'o/ /gzhan yang lam gnyi ga yang so sor mi mthun pa'i phyogs su gyur pa'i rnam par rtog pa rnam pa bzhi bshad zin pa'i phyir na/ gnyen po? yang de kho na bzhin du shes par bya'o zhes ston pa ni sgom pa'i lam gyi mi mthun pa'i phyogs rnams bzhi zhes bya ba'o/ /gsum pa 'bras bu brjod pa ni/ snga ma bzhin du zhes bya ba ste rtogs par sla'o/ /bzhi ba bar chad med pa'i lam rab tu gyur pa brjod pa ni/ sgom pa'i lam gyi rjes la zhes bya pa'o/ /'di la yang mtshan nyid dang/ dmigs pa dang / rgyu dang rnam pa dang / spang bya rnams brjod par bya ba las// re zhig mtshan nyid gsungs pa ni/ stong gsum gyi spyi bo zhes bya ba la sogs pa'o/ /don 'di yin te/ theg pa gsum po rnams la skal ba ji ltar bzhin sems can thams cad 'god pa'i bsod nams mang ba nyid kyis rnam pa thams cad mkhyen pa nyid thob pa dang/ sangs rgyas nyid thob pa la bar chad med pa'i phyir/ sangs rgyas nyid sgrub par byed pa ni mtshan nyid yin no zhes bya ba'o/ /de'i dmigs pa la sogs pa ji lta bu zhig ces bya ba la sogs pa ni dmigs pa la sogs pa brjod pa
- 297b
ste/ rtogs par sla'o/ /bsdus pa'i don ni 'di yin te/ khyad par gyi lam la gnas pa la/ gal te ji skad brjod pa'i lam bzhi rab tu gyur ba de 'i tshe bsgom pa'i chos kyi rtse mo thob pa'i phyir na/ rtse mo mngon par rtogs pa yin no zhes bya ba'o// skabs? lnga pa'o// //de ltar rab tu gyur pa thob kyang/ thog ma med pa'i dus tsam gyis bag chags kyi sa bon can gyi rnam par rtogs pa mi mthun pa'i phyor/ du mi skyes pas skyes pa nyid kyis// de'i gnyen po yang dus nges pa nyid med pa'i phyir/ lam gyis thob par bya ba'i sangs rgyas kyi chos thams cad kyang ma nges par thob pa yin no/ /de lta na yang de dag bstan par gyur pa ma yin te/ des na brtan par bya ba'i don du sngar bshad pa'i lam gyi go rim can gyi bsgom pa yin pas na/ gsum pa brtan par gyur pa'i sbyor ba gsungs pa ni/ rtse mo'i mngon par rtogs pa thob pa zhes bya ba'o/ /'dir yang khyad par gyi lam gyi rang bzhin nyid kyis/ ? brten pa'i khyad par ci yang med pa'i phyir/ chung du dang 'bring dang/ chen po'dbye bas/ sangs rgyas kyi chos rnams thams cad brtan par gyur pa ni/ sbyor ba'i lam la sogs par bsnyad pa yin no/ /de ltar yin na de ma thag pa'i skabs gnyis su brjod pa'i don rnams nyid sbyin pa la sogs pa'i rang gi ngo bor grub pa'o// //skabs drug pa'o// //de ltar brtan par gyur ba'i don rnams bar chad med pa'i ting nge 'dzin gyis skad cig gcig gis mi slob pa'i lam la 'jug pa'i phyir /skad cig ma gcig la mngon par rdzogs par byang chub pa ni/ mthar thug pa'i 'gro ba'i sbyor ba yin te/
- 298a
de las gong du bslab par bya ba med pa'i phyir ro/ /skad cig gcig pa zag ba med pa de la yang/ dngos por na dbye ba 'ga' yang med pa des na/ rnam par smin pa yin pa dang/ rnam par smin pa ma yin pa'i dbye ba mtshan nyid med pa dang/ gnyis su med pa'i mtshan nyid kyi dbye bas ldog pa'i tha dad pa la brten nas/ rang gi ngo bo dang / dbye ba brjod pa ni/ mthar gyis pa'i mngon par rtogs pa sgom pa ni zhes bya ba ste/ go sla'o/ /skabs bdun pa'o// //de ltar sbyor ba'i mngon par rtogs pas spros pa med pa'i ting nge 'dzin gyi mtshan nyid shes rab kyi pha rol tu phyin pa thob pa na /rang dang gzhan gyi don gyi rang bzhin gyi 'bras bu yin pas na/ chos kyi sku'i mtshan nyid 'bras bu'i mngon par rtogs pa brjod pa ni / skad cig ma gcig gis mngon par rdzogs par byang chub pa zhes bya ba la sogs pa'o/ /de yang rang dang gzhan gyi don gyi dbye bas rnam pa gnyis so/ /de la dang po ni don dam pa dang/ kun rdzob kyi bden pa la brten nas/ rnam pa gnyis yin yang kun rdzob la brten pa de bzhin gshegs pa dang/ byang chub sems dpa' dang/ nyan thos la sogs pa dang/ thun mong pa nyid kyis rnam pa gsum yin pa'i phyir na/ rnam pa bzhir 'gyur ro/ /gnyis pa la yang las dang po'i sa nas brtsams nas/ sangs rgyas kyi sa'i mthar thug pa'i dbang du byas te / gang zag gcig gi dbang du byas nas/ rnam pa nyi shu rtsa gnyis yin no zhes bya ba ni 'bras bu'i mngon par rtogs pa'o/ /de ltar na yul
- 298b
dang/ rang bzhin dang/ 'bras bu bshad pa'i sgo nas mngon par rtogs pa'i rang bzhin brjod nas/ bsdu ba brjod pa'i don du gsungs pa ni/ rgyas pa la dad pa'i sems can zhes bya ba la sogs pa ste/ go sla'o// kun gyi rgyan du gyur pa nyid dang/ goms pa dang/ /de'i tshig le'ur byas pa rnam par dbye phyir zhes dam bcas pa gsum po gang yin pa de gzhung gzugs par bzhed nas/ re zhig dang por gzhung gzugs ba ni la la las don zhes bya ba la sogs pa'o/ /rgyal ba'i yum rgyas pa dang/ 'bring bzhin du rgyal ba'i yum mdor bsdus pa ni/ byang chub kyi sems rnam pa nyi shu rtsa gnyis la sogs mngon par rtogs pa 'ga' zhig ma mthong yang/ gdam ngag la sogs pa nye bar blangs pa'i shugs nyid las de 'grub po/ /gdams dag la sogs pa la nye bar blangs pa gang yin pa de ni gzhung dang / 'don pa la sogs pa tha dad kyang don tha mi dad pa'i phyir na/ kun gyi rgyan du gyur ba nyid mi 'gal lo zhes bya ba'i don to/ /gnyis pa gzhung gzugs pa bshad pa ni/ 'phags pa rnam par grol sde'i zhes bya ba la sogs pa'o/ /bcom ldan 'das byams pa'i bshad pa las don rtogs pa yin yang 'phags pa rnam par grol sde'i lugs kyi rjes su 'jug pa nyid kyis/ bcom ldan 'das ma'i tshig dang ngag gi sde ba sbyor ma byas par bdag gis bshad do zhes bya ba'i don to/ /gsum pa gzhung gzugs pa ni mkhan po yang dag ces bya ba la sogs pa brjod pa de rtogs sla'o/ /bdag nyid kyi gzhung byas pa'i bsod nams yongs su bsngo ba dang/ khengs bsgyur ba dang/ rtogs pa'i khyad par brjod ba ni/ de spel pa las byung ba
- 299a
yi zhes bya ba la sogs pa brjod pa yin no/ /bdag gis mkhan pos mdzad pa la/ /dag pa'i brgyus don bris pa las/ /thob pa'i dge ba gang yin des/ /'gro ba myur du rgyal bar gyur/ /nub kyi sgo glegs pa dpal mkhas pa chen po shes rab 'byung gnas blo gros kyis mdzad pa mngon par rtogs pa'i rgyan gyis bshad pa bsdus don/ rdzogs //paN+Di ta chen po su ma kI rti dang/ lo tsA ba blo ldan shes rab kyis bsgyur ba'o// mang+ga laM//