Text

ff. 1b–284a · 566 folio sides

  1. 1b

    rgya gar skad du/ Ar+ya su bi krAn ta bi krA mi pa ri pr-its+tsha pradz+nyA pA ra mi tA nir de sha/ bod skad du/ 'phags pa rab kyi rtsal gyis rnam par gnon pas zhus pa/ shes rab kyi pha rol tu phyin pa bstan pa// // bam po dang po/

  2. 2a

    sangs rgyas dang / byang chub sems dpa' dang / 'phags pa nyan thos thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka lan ta ka gnas pa na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po/ sangs rgyas

  3. 2b

    kyi zhing tha dad pa nas 'dus pa/ skye ba gcig gis thogs pa tshad med grangs med pa dang thabs cig tu bzhugs te// de'i tshe bcom ldan 'das 'khor brgya stong du mas yongs su bskor cing mdun gyis bltas te chos ston to// de nas byang chub sems dpa' sems dpa' chen po rab kyi rtsal gyis rnam par gnon pa zhes bya ba 'khor de nyid du 'dus par gyur nas 'dug pa de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbar ba btud nas/ bcom ldan 'das la 'di

  4. 3a

    skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so// / de skad ces gsol pa dang / bcom ldan 'das kyis/ byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ / rab kyi rtsal gyis rnam par gnon pa/ de bzhin gshegs pa dgra bcom pa yang dag par rdzogs pa'i sangs rgyas la khyod ci dang ci 'dod pa dris shig dang / dris pa de dang de'i lung bstan pas khyod kyi sems rangs par bya'o/ / de skad ces bka' stsal pa dang // bcom ldan 'das la/ byang chub sems dpa' sems dpa' chen po

  5. 3b

    rab kyi rtsal gyis rnam par gnon pas 'di skad ces gsol to/ / bcom ldan 'das shes rab kyi pha rol tu phyin pa shes rab kyi pha rol tu phyin pa zhes bgyi ba/ bcom ldan 'das ji tsam gyis na byang chub sems dpa' sems dpa' chen po rnams kyi shes rab kyi pha rol tu phyin pa zhes bgyi/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa lags/ bcom ldan 'das ji ltar na shes rab kyi pha rol tu phyin pa la spyod pa'i byang chub sems dpa' sems dpa' chen po shes rab kyi pha rol tu phyin pa bsgom pa yongs su rdzogs par 'gyur ba lags/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa bsgom pa na/ bdud sdig can gyis glags mi rnyed cing / bdud kyi las thams cad kyang rtogs par 'gyur ba lags/ bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa ji lta bus gnas na/ myur du thams cad mkhyen pa nyid kyi chos yongs su rdzogs par 'gyur ba lags/ de skad ces gsol pa dang // bcom ldan 'das kyis/ byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka'

  6. 4a

    sbal to/ / rab kyi rtsal gyis rnam par gnon pa khyod/ byang chub sems dpa' sems dpa' chen po rnams kyi don dang / ci nas khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang / bde ba'i phyir zhus shing // da ltar gyi dang / ma 'ongs pa'i byang chub sems dpa' sems dpa' chen po rnams la snang ba byed par 'dod pas/ de bzhin gshegs pa dgra bcom pa yang dag par rdzogs pa'i sangs rgyas la/ shes rab kyi pha rol tu phyin pa 'dri ba legs so legs so// de nas bcom ldan 'das kyis mkhyen bzhin du/ byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ / rab kyi rtsal gyis rnam par gnon pa khyod don gyi dbang gang mthong nas/ de bzhin gshegs pa la don 'di lta bu 'dri/ de skad ces bka' stsal pa dang / bcom ldan 'das la/ byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ / bcom ldan 'das sems can thams cad la sman pa dang / sems can thams cad la snying brtse ba dang / sems can

  7. 4b

    thams cad kyi don gyi slad du/ bdag de bzhin gshegs pa la don 'di zhu lags so// de ci'i slad du zhe na/ bcom ldan 'das/ 'di lta ste/ shes rab kyi pha rol tu phyin pa ni nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi chos dang / chos thams cad sdud pa lags pa'i slad du'o/ / bcom ldan 'das de la sems can gang dag nyan thos kyi theg pa la nges par gyur pa de dag gis thos na myur du zag pa ma mchis pa'i sa mngon sum du bgyid par 'gyur ba dang / gang dag rang sangs rgyas kyi theg pa la nges par gyur pa de dag kyang myur du rang sangs rgyas kyi theg pas nges par 'byung bar 'gyur ba dang / gang dag bla na med pa yang dag par rdzogs pa'i byang chub la yang dag par zhugs pa de dag kyang myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / gang dag yang dag pa nyid skyon med pa la ma zhugs shing sa gsum la ma nges pa de dag gis thos na bla na med pa yang dag par rdzogs pa'i byang chub tu sems bskyed par 'gyur ba dang / bcom ldan 'das de bzhin gshegs pas shes rab kyi pha rol tu phyin pa 'di zhus pa'i lan btab pas/ sems can thams cad kyi dge ba'i rtsa ba bskyed par 'gyur ba'i slad du/ de bzhin gshegs

  8. 5a

    pa'i yul dang de bzhin gshegs pa'i ye shes bstan du gsol/ bcom ldan 'das bdag ni sems can dman pa la mos pa rnams kyi slad du/ de bzhin gshegs pa la zhu ba ma lags/ dbul ba'i sems dang ldan pa rnams kyi slad du ma lags/ dbul po'i theg pa la yang dag par zhugs pa rnams kyi slad du ma lags/ le lo can rnams kyi slad du ma lags/ le lo'i zil gyis non pa rnams kyi slad du ma lags/ lta ba'i 'dam du bying ba rnams kyi slad du ma lags/ bdud kyi zhags pas zin pa rnams kyi slad du ma lags/ ngo tsha ma 'tshal cing khrel ma mchis pa rnams kyi slad du ma lags/ yo byad bsnyungs pa dang mi ldan pa rnams kyi slad du ma lags/ bsgyung ngas pa rnams kyi slar du ma lags/ sems 'khrul pa rnams kyi slad du ma lags/ 'dod pa'i 'dam du bying ba rnams kyi slad du ma lags/ g.yon can rnams kyi snang du ma lags/ sgyu can rnams kyi slad du ma lags/ bgyis pa mi gzo ba rnams kyi slad du ma lags/ sdig pa 'tshal ba rnams kyi slad du ma lags/ sdig pa spyod pa rnams kyi slad du ma lags/ tshul khrims nyams pa rnams kyi slad du ma lags/ tshul khrims yongs su ma dag pa rnams kyi slad du ma lags/ lta ba nyams pa rnams kyi slad du ma lags/ bdud kyi spyod yul la spyod

  9. 5b

    pa rnams kyi slad du ma lags/ bdag la bstod pa rnams kyi slad du ma lags/ gzhan la smod pa rnams kyi slad du ma lags/ rnyed pa dang bkur sti la gdu ba rnams kyi slad du ma lags lhung bzed dang chos gos la chags pa rnams kyi slad du ma lags/ tshul 'chos pa rnams kyi slad du ma lags/ kha gsag can rnams kyi slad du ma lags/ gzhogs slongs can rnams kyi slad du ma lags/ thob kyis 'jal ba rnams kyi slad du ma lags/ rnyed pa la rnyed par sgrub pa rnams kyi slad du ma lags/ bcom ldan 'das sems can de lta bu rnams kyi slad du bdag de bzhin gshegs pa la zhu ba ma lags so/ / bcom ldan 'das sems can gang dag thams cad mkhyen pa'i ye shes tshol ba dang / chags pa ma mchis pa'i ye shes dang / rang byung gi ye shes dang / mi mnyam pa dang mnyam pa'i ye shes dang / bla na med pa'i ye shes tshol ba de dag dang / gang dag bdag dang pha rol kyang mi dmigs na/ bdag la bstod pa dang gzhan la smod pa lta ga la mchi ste/ bcom ldan 'das rwa bcad pa lta bur nga rgyal ma mchis pa/ zug rngu phyung ba/ gdol bu lta bur sems dman pa/ sems sa dang / chu dang / me dang / rlung dang / nam mkha' dang mtshungs pa'i sems can rnams dang / byang chub sems dpa' sems dpa' chen po rnams kyi slad du/ bdag de bzhin gshegs pa la zhu lags

  10. 6a

    so/ bcom ldan 'das gang dag chos kyang mi dmigs shing / rlom sems su mi bgyid la/ mngon par zhen pa ma mchis na/ chos ma lags pa lta ga la mchis te/ byang chub sems dpa' sems dpa' chen po de dag gi slad du/ bdag de bzhin gshegs pa la zhu lags so// bcom ldan 'das bsam pa dag pa/ g.yo ma mchis pa/ sgyu ma mchis pa/ drang ba/ sems mnyam pa/ sems can thams cad la sman pa dang / snying brtse ba can yang dag par 'dzin du stsol ba/ yang dag par gzengs bstod pa/ yang dag par dga' bar bgyid pa/ khur chen po khyer ba/ theg pa chen po la mngon par zhugs pa/ bgyi ba chen pos so sor nye bar gnas pa/ snying rje chen po dang ldan pa/ sems can thams cad bde ba thob par bgyid pa/ 'dren pa/ rnam par 'dren pa/ yongs su 'dren pa/ chos thams cad la mi rten par gnas pa/ skye ba'i gnas thams cad mi tshol ba/ bdud kyi zhags pa thams cad las rnam par grol ba/ 'dun pa can/ brtson 'grus dang ldan pa/ bag mchis pa/ chos thams cad kyi dam pa'i pha rol tu phyin pa/ the tshom thams cad gcod pa la mkhas pa'i sems can rnams dang / byang chub sems dpa' sems dpa' chen po rnams kyi slad du/ bcom ldan 'das

  11. 6b

    bdag de bzhin gshegs pa la zhu lags so/ / bcom ldan 'das sems can gang dag sangs rgyas kyi ye shes la'ang rlom sems su mi bgyid cing / mngon par mi zhen la/ chags par mi gnas shing / rlom sems thams cad las yang dag par 'das pa'i lam la gnas par lam du zhugs pa/ lam ston pa'i sems can rnams dang / byang chub sems dpa' sems dpa' chen po de dag gi slad du/ bcom ldan 'das bdag de bzhin gshegs pa la zhu lags so// bcom ldan 'das bdag ni sems can thams cad la bde ba dang / lhag na ma mchis pa'i bde ba dang / bla na ma mchis pa'i bde ba dang / mya ngan las 'das pa'i bde ba dang / sangs rgyas kyi bde ba dang / 'dus ma bgyis pa'i bde ba nye bar bsgrub par 'tshal te/ bdag sems can thams cad kyi don dang / sman pa dang / bde ba dang / grub pa dang / bde ba'i slad du/ de bzhin gshegs pa la zhu lags so// bcom ldan 'das bdag ni the tshom ma mchis par 'tshal zhing / the tsom mchis nas kyang / sems can rnams kyi the tsom rab tu spong ba'i slad du/ chos bshad par 'tshal te/ bcom ldan 'das bdag sems can thams cad kyi the tsom bsal ba'i slad du/ bcom ldan 'das la zhu lags so// de ci'i slad du zhe na/ bcom ldan 'das sems can thams cad ni

  12. 7a

    sdug bsngal dang mi mthun zhing / bde ba 'tshal la/ sems can thams cad ni bde ba don du gnyer ba lags te/ bcom ldan 'das shes rab ma gtogs par/ gzhan sems can rnams kyi bde ba gang yang bdag gis ma mthong zhing / bcom ldan 'das byang chub sems dpa'i theg pa/ theg pa chen po ma gtogs par/ sems can rnams kyi bde ba gang yang ma mchis te/ bcom ldan 'das bdag gis don gyi dbang 'di mthong bas/ sems can rnams la bde ba nye bar bsgrub pa'i slad du/ shes rab kyi pha rol tu phyin pa zhu lags so/ / bcom ldan 'das byang chub sems dpa' rnams kyi don 'di yang dag par mthong bas/ bdag gis de bzhin gshegs pa la don 'di zhu lags so// de skad ces gsol pa dang / bcom ldan 'das kyis/ byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to// rab kyi rtsal gyis rnam par gnon pa legs so legs so// khyod skye bo phal po che la snying brtse ba'i phyir/ de bzhin gshegs pa la shes rab kyi pha rol tu phyin pa 'di 'dri ba ni khyod kyi yon tan gyi mtha' gtogs par sla ba ma yin no/ / de'i phyir rab kyi rtsal gyis rnam par gnon pa legs par nyon la rab tu yid la zung zhig dang / ngas khyod la bshad do// bcom ldan 'das

  13. 7b

    legs so zhes gsol nas/ byang chub sems dpa' sems dpa' chen po rab kyi rtsal gyis rnam par gnon pa/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ / rab kyi rtsal gyis rnam par gnon pa khyod 'di skad du/ bcom ldan 'das khyod shes rab kyi pha rol tu phyin pa shes rab kyi pha rol tu phyin pa zhes bgyi ba bcom ldan 'das ji tsam gyis na byang chub sems dpa' rnams kyi shes rab kyi pha rol tu phyin pa zhes bgyi zhes zer ba ni/ rab kyi rtsal gyis rnam par gnon pa/ shes rab kyi pha rol tu phyin pa ni/ chos gang gis kyang brjod par bya ba ma yin te/ shes rab kyi pha rol tu phyin pa ni/ tshig thams cad las 'das pa'o// rab kyi rtsal gyis rnam par gnon pa/ shes rab kyi pha rol tu phyin pa ni/ 'di shes rab kyi pha rol tu phyin pa'o// 'dis shes rab kyi pha rol tu phyin pa'o// de'i phyir shes rab kyi pha rol tu phyin pa'o zhes brjod par mi nus so// rab kyi rtsal gyis rnam par gnon pa/ 'di chos thams cad kyi pha rol tu phyin pa yin te/ de'i phyir shes rab kyi pha rol tu phyin pa zhes bya'o// rab kyi rtsal gyis rnam par gnon pa/ shes rab nyid kyang de bzhin gshegs pas ma rnyed ma dmigs na/ shes rab kyi pha rol tu phyin pa lta dmigs par ga la 'gyur/ rab kyi rtsal gyis rnam par gnon pa/ shes

  14. 8a

    rab ces bya ba 'di ni chos thams cad kun tu shes pa/ 'di ni chos thams cad kun tu rig pa ste/ de'i phyir shes rab ces bya'o// rab kyi rtsal gyis rnam par gnon pa/ chos thams cad kun tu rig pa gang zhe na/ chos 'di dag thams cad ni rnam pa gzhan na/ chos thams cad rnam pa gzhan du brjod de/ chos thams cad ni brjod pa las rnam par grol ba ma yin no/ / gang chos thams cad kun tu shes pa dang / gang chos thams cad kun tu rig pa de'ang tshig gis brjod par mi nus mod kyi/ 'on kyang ji ltar sems can rnams kyis shes par gyur pa de ltar shes rab ces bya'o/ / 'di ni btags pa zhes bya ste/ de'i phyir shes rab ces bya'o// rab kyi rtsal gyis rnam par gnon pa chos thams cad ni gdags su med/ gzung du med/ bshad du med/ snang ba med de/ de lta bur kun tu rig pa de ni kun tu rig pa zhes bya'o// rab kyi rtsal gyis rnam par gnon pa shes rab ces bya ba de ni shes pa'ang ma yin/ kun tu mi shes pa'ang ma yin/ de las kyang ma yin/ de las ma yin pa'ang ma yin te/ de'i phyir shes rab ces bya'o// rab kyi rtsal gyis rnam par gnon pa/ de ni mi shes pa'i spyod yul yang ma yin/ ye shes kyi spyod yul yang ma yin/ mi shes pa'i yul yang ma yin/ ye shes kyi yul yang

  15. 8b

    ma yin te/ ye shes ni yul med pa'o// gal te ye shes la yul yod du zin na mi shes par 'gyur ro// ye shes ni mi shes pa las ma yin/ mi shes pa'ang ye shes las ma yin/ ye shes ni mi shes pa ma yin/ mi shes pa'ang ye shes ma yin te/ ye shes kyis ye shes shes bya'o// ye shes kyis mi shes pa zhes mi bya'o// mi shes pas ye shes shes bya'o/ / de la ye shes ni 'di'o// ye shes de ni 'di'i 'o// ye shes de ni 'dis so// ye shes de ni 'di'i phyir ro zhes ye shes cung zad kyang bstan par mi nus te/ de'i phyir ye shes de ni ye shes nyid kyis med do/ / ye shes kyang ye shes su mi gnas te/ mi shes pas kyang ye shes shes mi bya'o// gal te mi shes pa ye shes shes bya na ni/ de'i phyir byis pa so so'i skye bo thams cad kyang ye shes can du 'gyur ro/ / gang ye shes dang mi shes pa mi dmigs shing / ye shes dang mi shes pa yang dag pa ji lta ba bzhin du yongs su shes pa de nyid ye shes shes bya ste/ ye shes ni ji skad du brjod pa de bzhin du ma yin no// de bas na ye shes ni brjod par bya ba ma yin zhing / yul thams cad las rab tu 'das pa ste/ ye shes ni gang gi yul yang ma yin no// ye shes kyi yul yang gang yang ma yin no// rab kyi rtsal gyis rnam par gnon pa/ ye shes bstan pa'i yul yang ma yin/ phyogs

  16. 9a

    kyang ma yin pa 'di gang gis shes pa de ni ye shes can nam/ ye shes can ma yin pa zhes bya ba'i grangs su mi 'gro'o// rab kyi rtsal gyis rnam par gnon pa/ gang 'di ltar rab tu shes pa dang / rjes su rtogs pa dang / kun tu shes pa de ni shes rab ces bya'o// rab kyi rtsal gyis rnam par gnon pa/ gang 'di ltar mngon par rtogs pa mngon sum du byed pa de ni 'jig rten las 'das pa'i shes rab ces bya'o/ / 'jig rten las 'das pa'i shes rab ces ji skad du brjod pa bzhin du ni ma yin no// de ci'i phyir zhe na/ 'jig rten nyid kyang mi dmigs na/ 'jig rten las 'das pa'i shes rab lta ga la yod de/ 'jig rten 'das pa'i shes rab kyis/ gang 'jig rten las sgrol bar 'gyur ba lta ci smos de ci'i phyir zhe na/ des 'jig rten mi dmigs pas/ ci'ang sgrol bar mi byed de/ de'i phyir 'jig rten las 'das pa'i shes rab ces bya'o// rab kyi rtsal gyis rnam par gnon pa 'jig rten zhes bya ba 'di ni btags pa zhes brjod pa ste/ btags pa ni 'jig rten las yang dag par 'das pa ma yin gyi/ btags pa thams cad las yang dag par 'das pa ni 'jig rten las 'das pa zhes bya'o/ / 'da' bar bya ba ni 'jig rten las 'das pa ma yin gyi/ 'da' bar mi bya ba ni 'jig rten las 'das pa'o// de ci'i phyir zhe na/ de la gang

  17. 9b

    'da' bar bya ba dang / gang gis 'da' bar bya ba'i chos phra rab tsam yang med pas/ de'i phyir 'das pa zhes bya ste/ 'jig rten las 'das pa la ni 'jig rten yang med/ 'jig rten las 'das pa'ang med do/ / bla na med pa la ni bsgral ba med de/ de'i phyir 'jig rten las 'das pa zhes bya'o// rab kyi rtsal gyis rnam par gnon pa/ 'di ni 'jig rten las 'das pa'i shes rab bstan pa zhes bya ste/ 'jig rten las 'das pa'i shes rab ces ji skad du brjod pa bzhin du ni ma yin no// de ci'i phyir zhe na/ 'jig rten las 'das pa ni brjod par bya ba ma yin gyi/ de ni brgal ba ste/ de la ni 'da' bar bya ba ci'ang med pas/ de'i phyir 'jig rten las 'das pa'i shes rab ces bya'o// rab kyi rtsal gyis rnam par gnon pa/ de la gang nges par rtogs pa'i shes rab des ci nges par rtogs/ 'di la ni nges par rtogs par bya ba ci'ang med do// gal te nges par rtogs par bya ba 'ga' zhig yod du zin na ni/ 'di shes rab kyis nges par rtogs pa zhes gdags na/ gang gis kyang mi rtogs shing / kun rtogs pa ma yin la/ kun rtogs par 'gyur ba'i bye brag gang yang mi dmigs so// nges par rtogs pa zhes bya ba ni/ 'di la rtogs par byed pa ci'ang med cing / kun tu rtogs par bya ba'ang med de/ de la rtogs par byed pa ci'ang med cing / kun tu rtogs par

  18. 10a

    bya ba'ang med pas/ de'i phyir nges par rtogs pa zhes bya'o// 'di la ni gang yang mthar 'gro ba med cing / dbus su'ang ma yin te/ de'i phyir nges par rtogs pa zhes bya'o/ / nges par rtogs pa'i shes rab kyis rtogs pa ni steng ma rtogs te/ gang du'ang mi rgyug/ rnam par mi rgyug/ kun tu mi rgyug ste/ de'i phyir nges par rtogs pa zhes bya'o// rab kyi rtsal gyis rnam par gnon pa/ nges par rtogs shes bya ba'i shes rab kyis/ ci nges par rtogs she na/ gang ci snang ba de thams cad nges par rtogs so// gang gis nges par rtogs she na/ shes rab kyis so// shes rab kyis ji ltar nges par rtogs she na/ gang btags pa'i mtshan nyid de thams cad mtshan nyid med pa dang / mtshan nyid med pa'ang btags pa'i mtshan nyid du'o/ / rab kyi rtsal gyis rnam par gnon pa/ gang 'di lta bu'i shes rab dang ldan pas nges par rtogs pa des ni/ khams gsum rtogs so// ji ltar rtogs she na/ khams gsum ni khams med par rtogs te/ 'di la ni khams rtogs pa ci'ang med do// des khams gsum ni khams med par rtogs so// gang de ltar khams gsum khams med par nges par rtogs pa dang / gang gis de ltar khams gsum nges par rtogs pa de ni/ nges par rtogs pa'i shes rab dang ldan pa zhes bya'o// ji ltar na nges

  19. 10b

    par rtogs pa'i shes rab dang ldan zhe na/ nges par rtogs par bya ba ni/ mi dge ba gang yang med de/ de thams cad dge bar nges par rtogs te/ de nges par rtogs pa'i shes rab kyis rab tu 'da' 'o/ / de de ltar rtogs pa'i shes rab dang ldan pas gang ci mthong ba dang / thos pa dang / mnams pa dang / myangs pa dang / reg pa dang / rnam par shes pa de dag thams cad nges par rtogs so/ / ji lta bur rtogs she na/ mi rtag pa dang / sdug bsngal ba dang / 'bras dang / nang dang / zug rngu dang / stong pa nyid dang / sdig pa dang / gnod pa dang / mtha' ma dang / 'jig pa dang / 'jig pa'i chos nyid dang / g.yo ba dang / 'jig pa'i tshul can dang / bdag med pa dang / mi skye ba dang // mi 'gog pa dang / mtshan nyid med par te/ rab kyi rtsal gyis rnam par gnon pa/ de ni bsil bar gyur pa/ zug rngu med pa zhes bya'o// rab kyi rtsal gyis rnam par gnon pa/ 'di lta ste/ dper na zug rngu med pa zhes bya ba'i sman gyi rigs de gang na 'dug pa de ni zug rngu thams cad sel cing nges par 'don to// de bzhin du 'di lta bu'i chos rnams dang ldan pa'i dge slong ni zug rngu med cing bsil bar gyur la/ nges par rtogs pa'i shes rab dang ldan zhing dug med la rtag tu gnas la/ nges par rtogs pa'i shes rab kyis khams gsum

  20. 11a

    thams cad la mi chags shing / bdud kyi zhags pa thams cad las rab tu 'das so// rab kyi rtsal gyis rnam par gnon pa/ 'di lta ste/ dper/ na rdo rje ni dbug pa'i phyir gang du btsugs pa de dang de nyid du nges par phigs so// de bzhin du dge slong gis nges par rtogs pa'i shes rab kyis yongs su zin pa'i rdo rje lta bu'i ting nge 'dzin gang du btsugs pa dang / gang du spyod pa de dag thams cad nges par rtogs so// de nges par rtogs pa'i shes rab 'jig rten las 'das pa yang dag par sdug bsngal zad par 'gyur ba dang ldan pas/ chags pa med pa ni gsum rig pa zhes bya'o// rab kyi rtsal gyis rnam par gnon pa/ rig pa zhes bya ba de ni ma rig pa nye bar zhi ba'i tshig bla dgra so/ ma rig pa yongs su shes pa zhes bya ba de ni sdug bsngal gyi phung po nye bar zhi ba'i tshig bla dgas so// rab kyi rtsal gyis rnam par gnon pa/ 'di lta ste/ dper na sman pa mkhas pa/ gsal ba/ yid rno ba/ lhag par rtog pa dang ldan pa/ sman thams cad la mkhas pa/ nad ldang ba thams cad la mkhas pa/ sdug bsngal thams cad las rnam par 'grel pa des nad pa gang dang gang la gso ba byas pa de dang de 'tsho'o/ / de ci'i phyir zhe na/ 'di ltar de sman thams cad la mkhas shing / nang ldang ba thams

  21. 11b

    cad la mkhas te/ nang thams cad las thar par byed pa'i phyir ro// rab kyi rtsal gyis rnam par gnon pa/ de bzhin du rig pa gsum pos ni ma rig pa thams cad nye bar zhi bar 'gyur/ sdug bsngal tham cad 'joms par 'gyur/ rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa thams cad nye bar zhi bar 'gyur te/ rab kyi rtsal gyis rnam par gnon pa/ de ni 'jig rten las 'das pa'i shes rab nges par rtogs pa'i 'gro ba zhes bya'o// rab kyi rtsal gyis rnam par gnon pa/ ngas 'di la dgongs nas/ srid par skye ba yongs zad par// gang gis yang dag rab shes pa// gang rnams rtogs par 'gro ba de// 'jig rten na ni shes rab mchog/ ces bshad do// rab kyi rtsal gyis rnam par gnon pa/ srid par skye ba yongs su zad pa zhes bya ba gang gi tshig bla dag sa yin zhe na/ de ni 'byung ba dang nub pa rab tu rtogs pa'i tshig bla dgas so/ / 'byung ba dang nub pa gang zhe na/ kun 'byung ba'i chos ci'ang rung ste/ de thams cad ni 'gog pa'i chos te/ 'di ltar kun 'byung ba dang nub pa rab tu rtogs so/ / rab kyi rtsal gyis rnam par gnon pa/ kun 'byung ba zhes bya ba de ni 'byung ba'i tshig bla dgas so// nub pa zhes bya ba de ni 'gog pa'i tshig bla dgas te/

  22. 12a

    'byung ba dang nub pa zhes ji skad du brjod pa de bzhin du ni ma yin no// rab kyi rtsal gyis rnam par gnon pa/ kun 'byung ba gang ci'ang rung ste/ de ni kun 'byung ba'i chos ma yin no/ / rab kyi rtsal gyis rnam par gnon pa/ mnyam pa las 'byung ba gang yang med de/ de ni kun 'byung bar mi 'gyur ro// de mnyam pa nyid kyi rjes su song ste// de'i phyir kun 'byung ba zhes bya'o// rab kyi rtsal gyis rnam par gnon pa/ mnyam pa'i rjes su song ba zhes bya ba ni/ 'di la 'byung ba gang yang med de/ kun 'byung bar yang mi 'gyur ro/ / de'i rang bzhin gang yin pa de ni/ rang gi ngang gis 'jig cing / de ni 'gog pa ste/ de la ni 'gog pa gang yang med do// mnyam pa ni bla na med pa'i 'gog pa ste// gang la skye ba med pa de la 'gog pa med de/ de ni 'gog pa'o// rab kyi rtsal gyis rnam par gnon pa/ de ltar skye ba med cing 'gog pa med pa'i phyir gang 'byung ba dang nub pa rtogs pa de nub pa rab tu rtogs pa ste/ de'i phyir 'byung ba dang nub pa rab tu rtogs pa zhes bya'o// rab kyi rtsal gyis rnam par gnon pa/ rab tu rtogs shes bya ba de ni rten cing 'brel par 'byung ba yongs su shes pa zhes bya'o/ / gang brten nas chos gang skye ba de nyid la brten nas chos de med de/ 'di ni rten cing 'brel par 'byung ba rab tu rtogs pa zhes bya'o// rab kyi

  23. 12b

    rtsal gyis rnam par gnon pa/ de ni rten cing 'brel par 'byung ba'i yang dag pa nyid ji lta ba bzhin du skye ba med par bstan to// mi skye ba ni rten cing 'brel par 'byung ba ste/ mi 'byung ba mnyam pas/ de'i phyir rten cing 'brel par 'byung ba zhes bya'o// gang skye ba med pa de la 'gog pa ga la yod de/ 'gog pa dang mi 'gal ba de ni rten cing 'bral bar 'byung ba'i 'gog pa med pa ste/ skye ba med pa de ni rten cing 'brel par 'byung ba zhes bya'o// gang 'brel par 'byung ba de ni ma byung ba'o// gang ma byung ba de ni 'das pa ma yin/ ma 'ongs pa ma yin/ da ltar byung ba ma yin/ gang 'das pa ma yin/ ma 'ongs pa ma yin/ da ltar byung ba ma yin pa de la 'gog pa med do// gang la 'gog pa med pa de ni mi skye ba shes pa zhes bya'o/ / gang gis mi skye bar shes pa de ni yang skyed pa ma yin/ 'gog pa mngon sum du byed pa'ang ma yin no// gang mi skyed pa de 'gog par mi byed de/ skye ba yin na ni 'gog par yang shes so/ / gang mi skyed pa des chos thams cad 'gog pa nyid du shes shing mthong la/ rab tu rtogs shing mngon sum du byas te/ de'i phyir 'gog pa mngon sum du byas pa zhes bya'o/ / zad pa shes pa zhes bya'o// rab kyi rtsal gyis rnam par gnon pa/ mi shes pa zad pa de'i phyir zad pa shes pa zhes bya'o// gang gis zad ce na

  24. 13a

    mi zad pas zad de/ de'i zad pa'ang mi mthong ngo // rab kyi rtsal gyis rnam par gnon pa/ mi shes pa med pas/ de'i phyir de zad pa shes pa zhes bya'o// rab kyi rtsal gyis rnam par gnon pa/ mi shes pa yongs su shes pa de'i phyir mi shes pa zad de zad pa shes pa zhes bya'o// mi shes pa ni zad pa'am/ ma zad pa ma yin te/ 'di ni shes pa dang bral ba'i phyir zad pa shes pa zhes bya'o/ / rab kyi rtsal gyis rnam par gnon pa/ 'di ni yang dag pa'i lta ba bzhin du yongs su shes pa ste/ de'i phyir bral ba zhes bya'o// mi shes pa dang bral ba dang / shes pa dang bral ba 'di las gzhan ci'ang mi dmigs so// ye shes nyid kyang mi dmigs na/ gang zad pa las rnam par grol ba mi shes pa lnga'i smos te/ de'i phyir zad pa shes pa zhes bya'o// ji skad du brjod pa bzhin du ma yin no// zad pa gang yin pa de la tha snyad du gdags pa gang yang med mod kyi/ 'on kyang 'di ltar mi shes pa zad pa dang / zad pa shes pa zhes bstan to// rab kyi rtsal gyis rnam par gnon pa/ gang gis chos thams cad mi zad pa dang / zad pa shes pa la brtag pa khong du chud pa de zad pa shes pa dang bral te/ zad pa med pa'i mtha' rjes su thob bo// mtha' med pa ni mya ngan las 'das pa'i mtha' ste/ ji skad du brjod pa bzhin du ni ma

  25. 13b

    yin no/ / chos thams cad ni mya ngan las 'das pa'i mtha' ste/ mtha' med pa'o// mtha' thams cad chad pa ni mya ngan las 'das pa'i mtha' zhes bya ste/ ji skad du brjod pa bzhin du ni ma yin no/ / mya ngan las 'das pa ni tha snyad thams cad chad pa/ brjod par bya ba ma yin pa ste/ rab kyi rtsal gyis rnam par gnon pa/ mya ngan las 'das pa'i dbyings bstan pa 'di'ang ji skad du bstan pa bzhin du ni ma yin no/ / bstan pa thams cad las yang dag par 'das pas/ mya ngan las 'das pa'i dbyings ni bstan du med de/ bstan pa thams cad rab tu chad pa de ni mya ngan las 'das pa'i dbyings shes bya'o/ / mya ngan las 'das pa'i dbyings shes bya ba gang yin pa de ni/ 'jig rten las 'das pa'i shes rab nges par rtogs pa bstan pa la bya'o/ / rab kyi rtsal gyis rnam par gnon pa/ mya ngan las 'das pa'i dbyings de ni yul na mi gnas/ phyogs na mi gnas pa zhes bstan to// rab kyi rtsal gyis rnam par gnon pa/ de la shes rab kyi pha rol tu phyin pa gang zhe na/ rab kyi rtsal gyis rnam par gnon pa/ shes rab kyi pha rol tu phyin pa la tshu rol lam/ pha rol gang yang med do/ / rab kyi rtsal gyis rnam par gnon pa/ gal te shes rab kyi pha rol tu phyin pa la tshu rol lam/ pha rol dmigs na ni de bzhin gshegs pas shes rab kyi pha rol

  26. 14a

    tu phyin pa'i tshu rol lam/ pha rol bshad pa zhig na/ rab kyi rtsal gyis rnam par gnon pa/ shes rab kyi pha rol tu phyin pa'i tshu rol mi dmigs pas/ de'i phyir de'i pha rol kyang med mod kyi/ 'on kyang rab kyi rtsal gyis rnam par gnon pa/ shes rab kyi pha rol tu phyin pa zhes bya ba de ni chos thams cad kyi pha rol lo// de'i phyir shes rab kyi pha rol tu phyin pa zhes bya ste/ ji skad du brjod pa bzhin du ni ma yin no// rab kyi rtsal gyis rnam par gnon pa/ shes rab kyi pha rol tu phyin pa ni tshig dang las kyis nye bar gnas pa ma yin teshes rab kyi pha rol tu phyin pa ni bstan du med pa'o/ / chos thams cad de ltar khong du chud na/ de ni ji lta ba bzhin du khong du chud de mi 'gal lo// de ci'i phyir zhe na/ de la khong du chud pa ci'ang med cing / rab tu rtogs pa'ang med pa'i phyir ro// khong du chud pa dang / rab tu rtogs pa mnyam pa nyid ni byang chub ste/ chos thams cad khong du chud pa ni byang chub ces bya'o/ / ji ltar chos thams cad khong du chud ce na/ 'di la byang chub gang yang med/ 'di khong du chud pa gang yang med de/ de ci'i phyir zhe na/ rab kyi rtsal gyis rnam par gnon pa/ gal te byang chub dmigs na ni/ byang chub la'ang byang chub dmigs par 'gyur ro// rab kyi rtsal gyis rnam par gnon pa/ byang chub la ni byang chub med de/

  27. 14b

    de ltar byang chub 'di mngon par rdzogs par 'tshang rgya bar bya'o// khong du chud ba med pa dang / rab tu rtogs pa med pas rjes su rtogs pa zhes bya ste/ ji skad du brjod pa bzhin du ni ma yin no/ / chos thams cad ni khong du chud pa ma yin/ rab tu rtogs pa ma yin te/ chos ni chos kyi ngo bo nyid kyis med do// de ltar khong du chud pa de ni byang chub ces bya'o// rab kyi rtsal gyis rnam par gnon pa/ de bzhin gshegs pas ni byang chub ma dmigs shing / de bzhin gshegs pas ni byang chub rnam par ma rig ste/ byang chub ni rnam par rig par bya ba ma yin/ rab tu rnam par rig par bya ba ma yin no// de bzhin gshegs pas ni byang chub ma mkhyen ma bskyed de/ byang chub ni ma skyes shing mngon par ma grub bo// byang chub ni su'i yang ma yin zhing / byang chub la sems can nam/ sems can du gdags pa gang yang med do// gang la sems can nam/ sems can du gdags pa med pa de la 'di byang chub sems dpa'/ 'di ni byang chub sems dpa'i shes rab kyi pha rol tu phyin pa zhes ji ltar brjod/ rab kyi rtsal gyis rnam par gnon pa/ byang chub la byang chub kyang med/ byang chub la sems can yang med de/ byang chub 'di ni shin tu 'das pa'o// byang chub 'di ni ma skyes pa'o// byang chub 'di ni mngon par ma grub pa'o// byang

  28. 15a

    chub 'di ni mtshan nyid med pa ste/ 'di la sems can med cing mi dmigs so// byang chub ni sems can gyis btagasu bu ma yin gyi/ sems can med par khong du chud pa ni byang chub ces bya'o/ / byang chub sems can ma yin par gang gis shes pa de byang chub sems dpa' zhes bya'o// de ci'i phyir zhe na/ rab kyi rtsal gyis rnam par gnon pa/ byang chub sems dpa' ni sems can gyi 'du shes kyis bskyed pa ma yin gyi/ sems can gyi 'du shes rnam par 'jig pa'i phyir ro// byang chub sems dpa' zhes bya ste/ ji skad du brjod pa bzhin du ni ma yin no// de ci'i phyir zhe na/ byang chub sems dpa' ni brjod par bya ba ma yin zhing / byang chub sems dpa' ni sems can gyi rang bzhin dang bral ba'i phyir ro/ / byang chub ni sems can du 'du shes pa dang bral ba ste/ gang gis byang chub de ltar shes pa byang chub sems dpa' zhes bya'o/ / byang chub ji lta bur shes she na/ byang chub 'di ni shin tu 'das pa'o// byang chub 'di ni bya ba ma yin pa'o// byang chub 'di ni skye ba med pa/ 'gog pa med pa'o/ / byang chub ni byang chub kyis shes par mi byed/ byang chub ni rnam par shes par bya ba ma yin/ rnam par rig par bya ba ma yin/ gdags par bya ba ma yin te/

  29. 15b

    mngon par ma grub pa ni byang chub ces bya'o// rnam par mi rtog pa dang / rtog pa bcad pa'i phyir/ gang gis khong du chud pa dag rab tu rtogs pa de'i phyir/ byang chub sems dpa' zhes bya ste/ 'di skad du brjod pa bzhin du ma yin no// de ci'i phyir zhe na/ sems can med pa'i phyir ro// gal te byang chub sems dpa' yang dag par dmigs na ni// 'di ni byang chub/ 'di ni sems can zhes byang chub de'ang rnyed par 'gyur ro// sems can med pa dang / sems can ma yin pa dang / sems can dang bral bar khong du chud pa ni byang chub sems dpa' zhes bya'o/ / sems can med pa dang / sems can du 'du shes rnam par bshig nas/ byang chub sems dpa' zhes bya'o// de ci'i phyir zhe na/ sems can gyi khams shes bya ba de ni/ sems can med pa'i tshig bla dwags so// sems can gyi khams med pa'i phyir/ sems can la sems can med do// gal te sems can la sems can yod na ni/ sems can gyi khams shes mi bya'o// sems can gyi khams shes bya ba de ni/ khams med par bstan te/ khams med pa ni sems can gyi khams so/ / gal te sems can gyi khams sems can gyi khams su gyur na ni/ srog de lus de yin par 'gyur ro// ci ste sems can gyi khams rnam par

  30. 16a

    grol ba khams gsum du gyur na ni/ srog kyang gzhan/ lus kyang gzhan du 'gyur ro// khams med pa ni sems can gyi khams te/ brdas tha snyad du gdags pa'i tshig tu 'gro'o/ / sems can gyi khams la ni khams med de/ khams ma rtogs pas sems can gyi khams med do// chos thams cad ni khams med pa ste/ ngas de la dgongs nas/ sems can gyi khams ni gang ba 'am/ bri bar yang mi mngon no zhes bshad do// de ci'i phyir zhe na/ sems can gyi khams rab tu dben pa'i phyir/ sems can gyi khams ni sems can ma yin no// ji ltar sems can gyi khams bri ba dang gang bar mi mngon pa bzhin du/ chos thams cad kyang bri ba 'am/ gang bar mi mngon no/ gang dag bri ba 'am/ gang bar 'gyur bar chos thams cad la yongs su grub pa gang yang med de/ gang gis de ltar chos thams cad khong du chud pa de ni/ sangs rgyas kyi chos khong du chud pa zhes bya ste/ ngas 'di la dgongs nas/ ji ltar sems can gyi khams bri ba 'am/ gang bar mi mngon pa de bzhin du/ chos thams cad kyang bri ba 'am/ gang bar mi mngon no zhes bya ba bshad do// gang yang yongs su ma grub pa'i tshul gyis/ chos thams cad bri ba ma yin/ gang ba ma yin pa

  31. 16b

    des/ sangs rgyas kyi chos kyang bri ba ma yin/ gang ba ma yin no// de ltar chos thams cad khong du chud pa'i phyir/ sangs rgyas kyi chos rnams bri ba med cing / gang ba med pa'o/ / chos thams cad bri ba med cing / gang ba med pa'i phyir/ sangs rgyas kyi chos shes bya ba de ni/ sangs rgyas kyi chos kyi tshig bla dgas ma yin no// sangs rgyas kyi chos ni gang gis kyang bri ba 'am/ gang bar bya bar mi nus so// de ci'i phyir zhe na/ 'di ni chos thams cad khong du chud pa'i phyir te/ gang chos thams cad khong du chud pa de la bri ba 'am/ gang ba'i chos ci'ang med do// chos thams cad ces bya ba de ni chos kyi dbyings kyi tshig bla dgas te/ chos kyi dbyings la bri ba 'am/ gang ba med do/ / de ci'i phyir zhe na/ chos kyi dbyings ni mtha' yas pa'i phyir ro// sems can gyi khams dang chos kyi dbyings ni tha dad du mi dmigs so// sems can gyi khams dang chos kyi dbyings bri ba 'am/ gang bar dmigs pa 'am/ yod pa ma yin te/ gang gis de ltar khong du chud pa de ni byang chub ces bya'o// de'i phyir sangs rgyas kyi chos rnams bri ba 'am gang bar mi mngon zhes bya'o/ / rab kyi rtsal gyis rnam par gnon pa/ bri ba med cing / gang ba med pa zhes ji skad du smra ba de ni/ brtag pa yang dag pa ji lta ba

  32. 17a

    bzhin du mthong ba'i tshig bla dwags so/ / de la ci'ang bsal ba 'am/ gzhag par mi nus te/ gang de ltar khong du chud pa de ni byang chub ces bya'o// rab kyi rtsal gyis rnam par gnon pa/ byang chub ces bya ba de ni sangs rgyas kyi mtshan nyid do// sangs rgyas kyi mtshan nyid ji lta bu zhe na/ chos thams cad kyi mtshan nyid/ mtshan nyid med pa de ni sangs rgyas kyi mtshan nyid do/ / byang chub ni mtshan nyid med pa ste/ mtshan nyid kyi rang bzhin las bzlog pa'o// gang de ltar khong du chud pa de ni byang chub ces bya ste/ ji skad du brjod pa bzhin du ni ma yin no/ / rab kyi rtsal gyis rnam par gnon pa/ de ni chos thams cad rjes su rtogs pas/ byang chub sems dpa' zhes bya'o// rab kyi rtsal gyis rnam par gnon pa/ gang la la zhig chos 'di rab tu mi shes/ khong du ma chud par/ bdag byang chub sems dpa' zhes khas 'chen/ de ni byang chub sems dpa'i sa las ring ngo // de ni byang chub sems dpa'i chos rnams las ring ngo // de ni byang chub sems dpa'i ming gis lha dang / mi dang / lha ma yin dang bcas pa'i 'jig rten la bslu ba'o// rab kyi rtsal gyis rnam par gnon pa/ byang chub sems dpar gyur na ni/ de'i phyir sems can thams cad kyang byang chub sems dpar 'gyur ro// rab kyi rtsal gyis rnam par gnon pa/

  33. 17b

    'di lta ste/ byang chub sems dpa'i sa zhes bya ba de ni tshig gi las tsam ma yin no// tshig gis bla na med pa yang dag par rdzogs pa'i byang chub mngon par rdzogs par 'tshang rgya bar nus so/ / tshig gi las kyi byang chub dang / byang chub sems dpa'i chos rnams thob par mi 'gyur ro// rab kyi rtsal gyis rnam par gnon pa/ sems can thams cad ni byang chub la spyod mod kyi/ mi shes shing khong du ma chud de/ de'i phyir de dag byang chub sems dpa' zhes mi bya'o// de ci'i phyir zhe na/ sems can rnams sems can med par mi shes pa'i phyir ro/ / gal te de ltar shes na bdag gis spyod pa dag gis/ byang chub sems dpa' dag tu 'gyur ba'i rigs so// sems can thams cad ni phyin ci log pas rang gi spyod pa dang / rang gi yul dang / rang gi spyod yul rab tu mi shes so// gal te rang gi spyod pa rab tu shes na ni/ de dag slar gang la'ang rnam par rtog cing spyod par mi 'gyur/ ro/ rnam par rtog pa dang spyod pa de dag gis byis pa so so'i skye bo thams cad yang dag par yin po la dmigs shing spyod kyang / de dag byang chub la dmigs pa snyam du rlom sems su byed de/ dmigs pa la spyod cing / rtog pa la spyod pa de dag la byang chub ga la yod/ byang chub sems dpa'i chos rnams ga la yod/ gang gis chos de lta bur

  34. 18a

    rab tu shes pa de dag slar yang dag pa ma yin pa'i dmigs pa la mi spyod cing / de dag ni phyir chos gang yang rlom sems su mi byed de/ de'i phyir spyod pa med pa ni// byang chub sems dpa'i spyod pa zhes bya'o// byang chub sems dpa' ni rtog pa dang rnam par rtog pa la mi spyod do// gang la rtog pa med pa de la spyod pa gang yang med do// gang la rnam par rtog pa med pa de la spyod pa'i don gang yang meng ngo / / sangs rgyas dang byang chub sems dpa' rnams kyi spyod pa thams cad ni rnam par mi rtog par spyod cing / thams cad rlom sems med la/ dmigs pa dang bcas pa ma yin pa ste/ chos thams cad de ltar rab tu shes pa de ni/ phyir dmigs pa 'am/ rnam par rtog pa la spyod pa'am/ rnam par spyod pa med de/ de ni spyod pa med pa'i tshul gyis/ byang chub sems dpa' rnams kyi spyod pa zhes bya'o// rab kyi rtsal gyis rnam par gnon pa/ de ltar na byang chub sems dpa' byang chub sems dpa'i spyod pa la spyod pa yin no/ / rab kyi rtsal gyis rnam par gnon po/ gang de ltar chos khong du chud cing / rab tu rtogs pa de'i phyir/ byang chub sems dpa' zhes bya'o/ / des sems can du 'du shes bsal bas/ sems can med pa zhes bya ba de ni/ byang chub sems dpa'i tshig bla dgas so// de ci'i phyir zhi

  35. 18b

    na/ des sems can thams cad yang dag pa ma yin pa dang / sems can thams cad sems can ma yin pa dang / sems can thams cad ni phyin ci log gi sems can dang / sems can thams cad ni yongs su brtags pas sems can dang / sems can thams cad ni yod pa ma yin pa la dmigs pas sems can dang / sems can thams cad ni rang gis spyod pa rnam par ma rung bar byas pas sems can dang / sems can thams cad ni ma rig pa 'du byed pas sems can no zhes shes pa'i phyir ro// de ci'i phyir zhe na/ sems can thams cad ni chos gang dag med pa'i chos de dag mngon par 'du byed pas/ de'i phyir sems can thams cad ni ma rig pa 'du byed pas sems can zhes bya'o// chos med pa gang zhe na/ nga zhe 'am/ nga'i zhe 'am/ nga'o zhes bya ba'i chos gang yang med pa'o// gal te chos 'ga' zhig nga zhe 'am/ nga'i zhe 'am/ nga'o zhes bya bar gyur na/ de'i phyir sems can thams cad yang dag par 'gyur ba zhig na/ rab kyi rtsal gyis rnam par gnon pa/ 'di ltar nga zhe 'am/ nga'i zhe 'am/ nga'o zhes bya ba'i chos gang yang med pas/ de'i phyir sems can ni yang dag pa ma yin pa ste/ sems can thams cad ni ma rig pa 'du byed pas sems can thams cad ces bya'o// rab kyi rtsal gyis rnam par gnon pa/ gang la'ang

  36. 19a

    nga zhe 'am/ nga'i zhe 'am/ nga'o zhes bya ba'i sems can zhes bya ba'i chos gang yang med de/ gang gi phyir med pa de'i phyir sems can ni yang dag pa ma yin pa zhes bya'o/ / yang dag pa ma yin pa zhes bya ba de ni sems can med pa'i tshig bla dgas so// ji ltar sems can du 'du shes pa yang dag pa ma yin pa la mngon par zhen pa de ltar sems can rnams yang dag pa ma yin pa zhes bya'o/ / rab kyi rtsal gyis rnam par gnon pa/ yang dag pa ma yin pa zhes bya ba de la ni yang dag pa ci'ang med cing ma byung ba'o// chos thams cad kyang yang dag pa ma yin zhing ma byung ba'o/ / de la sems can yang dag pa ma yin pa la lhag par chags pa de ni rnam par 'ching ba ste/ de'i phyir yang dag pa ma yin pa la dmigs ni sems can zhes bya'o/ / de dag ni spyod pa gang khong du chud pas/ byang chub sems dpa' zhes bya ba'i rang gi spyod pa de mi shes te/ yongs su ma rtogs pas sems can ni yang dag pa ma yin pa zhes bya'o/ / rab kyi rtsal gyis rnam par gnon pa/ gang de ltar khong du chud pa de ni byang chub sems dpa' zhes bya'o// byang chub sems dpa' zhes bya ba de ni/ gang gis chos thams cad khong du chud cing shes la/ sems can rjes su rtogs pa'i tshig bla dgas so// ji ltar shes she na/ yang dag pa ma yin pa dang / mi byung ba pa

  37. 19b

    phyin ci log ma yin par ro/ / ji ltar byis pa so so'i skye bo dag gis brtags pa de dag ni de bzhin du ma yin no// ji ltar byis pa so so'i skye bo dag gis rnyed pa de dag de bzhin du ma yin te/ de'i phyir byang chub sems dpa' zhes bya'o// de ci'i phyir zhe na/ byang chub ni ma brtags rnam par brtags shing / byang chub mngon par ma bsgrubs la/ mi dmigs pa'i phyir ro/ / rab kyi rtsal gyis rnam par gnon pa/ de bzhin gshegs pas ni byang chub ma brnyes so// chos thams cad mi rnyed cing / chos thams cad mi dmigs pa'i phyir byang chub ces bya'o/ / de lta bu ni sangs rgyas kyi byang chub ces bya ste/ ji skad du brjod pa bzhin du ni ma yin no// rab kyi rtsal gyis rnam par gnon pa/ gang dag byang chub kyi phyir sems 'od bskyed par bya'o/ / zhes byang chub tu sems bskyed pa dang / gang du bdag gis sems bskyed par bya ba'i byang chub de yod do// zhes byang chub rlom sems su byed pa de dag ni/ byang chub sems dpa' zhes mi bya ste/ de dag ni sems can skyes pa zhes bya'o// de ci'i phyir zhe na/ 'di ltar de dag ni skye bar mngon par zhen cing sems su mngon par zhen nas/ byang chub la mngon par zhen pa'i phyir ro// gang dag byang chub kyi phyir sems bskyed pa de dag ni/ byang chub kyi sems la mngon par zhen pa

  38. 20a

    zhes bya'o/ / gang gi phyir mngon par 'du byed pa de'i phyir/ byang chub tu sems bskyed de/ de bas na mngon par 'du byed pa ni sems can zhes bya ste/ byang chub sems dpa' ma yin no// de ci'i phyir zhe na/ de dag ni sems can skyes pa zhes bya ba'i phyir ro// rab kyi rtsal gyis rnam par gnon pa/ byang chub ni ma skyes shing byang chub ni bsam du med pas/ byang chub kyi phyir sems par mi nus so// rab kyi rtsal gyis rnam par gnon pa/ de dag ni skye ba nyid la mngon par zhen kyang / de dag skye ba rab tu mi shes so/ / rab kyi rtsal gyis rnam par gnon pa/ skye ba mnyam pa nyid gang yin pa de ni yang dag pa nyid do// sems mnyam pa nyid gang yin pa dang / yang dag pa nyid gang yin pa dang / mnyam pa nyid gang yin pa dang / yang dag pa nyid de ni byang chub ste/ gang na yang dag pa ji lta ba nyid yod pa de na/ rnam par rtog pa gang yang med na/ de dag ni sems dang byang chub la rnam par brtags te/ gnyis su mngon par zhen nas/ byang chub kyi phyir sems bskyed do// rab kyi rtsal gyis rnam par gnon pa/ sems kyang gzhan ma yin/ byang chub kyang gzhan ma yin/ sems la byang chub med/ byang chub la'ang sems med de/ byang chub gang yin pa dang / sems gang yin pa de ni

  39. 20b

    yang dag pa ji lta ba nyid dang / ji lta ba bzhin no// de la ni byang chub med/ sems kyang med do// gang gi sems nyid dang / byang chub dang / skye ba dang / mi skye ba'ang mi dmigs pa de byang chub sems dpa' zhes bya'o/ / yang dag pa ji lta ba bzhin gyi sems dpa' zhes bya'o// sems dpa' chen po zhes bya'o// de ci'i phyir zhe na/ des yang dag pa ma yin pa gang yin pa de shes pa'i phyir ro/ / yang dag pa ma yin pa gang zhe na/ 'jig rten thams cad ni yang dag pa ma yin pa ste/ yang dag pa ma yin par gtogs so// kye ma 'jig rten gnas pa 'di ni yang dag pa ma yin pa'o// ma byung ba'o// de ci'i phyir zhe na/ yang dag pa ma yin pa/ mi 'byung ba zhes bya zhe na/ yang dag pa ma yin pa la 'byung ba gang yang med de/ yang dag pa ma yin pa ni mi 'byung ba'o// de'i phyir chos thams cad ngo bo nyid kyis med pa/ yang dag pa ma yin pa zhes bya'o// gang gis de ltar shes pa de ni/ yang dag pa ji lta ba bzhin gyi sems can zhes bya'o// yang dag pa la yang dag pa zhes mngon par mi zhen pas/ de'i phyir yang dag pa ji lta ba bzhin gyi sems can zhes bya ste/ ji skad du brjod pa bzhin du ma yin no// de ci'i phyir zhe na/ yang dag pa ma yin pa la sems can nam/ sems can chen po zhes bya ba gang yang med pa'i phyir ro// gang gis theg pa

  40. 21a

    chen po khong du chud pa de sems can chen po zhes bya'o/ / theg pa chen po gang zhe na/ thams cad mkhyen pa'i ye shes ni theg pa chen po'o// thams cad mkhyen pa'i ye shes gang zhe na/ gang ci'ang rung ste/ 'dus byas shes pa dang / 'dus ma byas shes pa dang / 'jig rten shes pa dang / 'jig rten las 'das pa shes pa des sems can chen po zhes bya'o/ / de ci'i phyir zhe na/ de sems can du 'du shes pa chen po med pas/ de'i phyir sems can chen po zhes bya'o// de la ma rig pa'i phung po chen po med pas de'i phyir sems can chen po zhes bya'o/ / de la 'du byed kyi phung po chen po med pas/ de'i phyir sems can chen po zhes bya'o// de la mi shes pa'i phung po chen po med pas/ de'i phyir sems can chen po zhes bya'o/ / de la sdug bsngal gyi phung po chen po med pas/ de'i phyir sems can chen po zhes bya'o// rab kyi rtsal gyis rnam par gnon pa/ gang dag sems dpa' chen po'i 'du shes la'ang smod la/ sems kyang mi dmigs/ sems las byung ba'i chos dang / sems kyi rang bzhin yang rab tu mi shes/ byang chub kyang mi dmigs/ byang chub kyi phyogs kyi chos rnams dang / byang chub kyi rang bzhin yang rab tu mi shes te/ de dag mi shes pa'i sems kyis byang chub kyang mi mthong

  41. 21b

    chub ma gtogs par sems kyang mi mthong / byang chub la sems mi mthong / sems la byang chub mi mthong ste/ gang de ltar rnam par 'jig pa de ni sgom pa'ang med/ rnam par 'jig par byed pa'ang med de/ rnam par 'jig par byed pa de'ang mi dmigs shing / rlom sems mi byed la/ mngon par zhen pa de dag byang chub tu sems bskyed do// rab kyi rtsal gyis rnam par gnon pa/ gang de ltar byang chub tu sems bskyed pa de dag ni/ byang chub sems dpa' yang dag pa zhes bya ste/ de dag byang chub las phyir mi ldog go/ / de ci'i phyir zhe na/ gang dag 'di ltar byang chub dang / sems dang / skye ba dang / 'gog pa tha dad du bya bar yang dag par rjes su mi mthong ba de dag byang chub nyid la gnas pa ste/ 'di ni gang yang dag par rjes su mi mthong / gang la'ang mngon par mi zhe na/ gang la'ang rnam par rtog par mi 'gyur te/ rab kyi rtsal gyis rnam par gnon pagang dag de ltar rnam par grol ba dang / rnam par grol bar sems mi skyed pa de dag ni/ byang chub sems dpa' yang dag pa zhes bya'o// rab kyi rtsal gyis rnam par gnon pagang dag sems can du 'du shes pa dang / byang chub tu 'du shes pa dang / byang chub kyi phyir sems bskyed na/ de dag ni byang chub las ring ste/ de ni byang chub dang nye ba

  42. 22a

    ma yin no/ / rab kyi rtsal gyis rnam par gnon pa/ gang dag byang chub las ring ba 'am/ nye bar yang dag par rjes su mi mthong ba de dag byang chub dang ba ste/ de ni byang chub kyi phyir sems bskyed pa'o// rab kyi rtsal gyis rnam par gnon pa/ ngas de la dgongs nas/ gang bdag gnyis su med par shes pa de ni/ sangs rgyas dang chos kyang rab tu shes so zhes bshad do/ / de ci'i phyir zhe na/ gnyis su med pa yongs su shes pas/ chos thams cad yongs su shes te/ de chos thams cad kyi/ bdag gi ngo bo nyid sgom pa'i phyir ro// gang gnyis su med pa'i chos shes bya ba de ni/ sangs rgyas kyi chos shes pa ste/ chos gnyis su med par yongs su shes pas/ sangs rgyas kyi chos yongs su shes so/ / bdag yongs su shes pas/ khams gsum thams cad yongs su shes so// rab kyi rtsal gyis rnam par gnon pa/ gang dag yongs su shes pa zhes bya ba de ni/ chos thams cad kyi pha rol lo// chos thams cad kyi pha rol yang gang zhe na/ gang pha rol nyid kyang mi dmigs/ pha rol tu rlom sems su mi byed/ rol la mngon par mi zhen pa de ni/ yongs su shes pas pha rol tu song ba zhes bya ste/ ji skad du brjod pa bzhin du ni ma yin no// rab kyi rtsal gyis rnam par gnon pa/

  43. 22b

    ltar 'di ni byang chub sems dpa'i sa yin par rig par bya'o// gang la shes par bya ba dang / rtogs par bya ba phra rab tsam yang med pa de ni/ byang chub sems dpa'i shes rab kyi pha rol tu phyin pa ste/ de la ni 'ong ba 'am/ 'gro ba mi mngon no// gleng gzhi'i le'u zhes bya ste dang po'o// // bam po gnyis pa// / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das nga rgyal can mtshan ma la spyod pa rnams bstan pa 'di la skrag par 'gyur lags so/ / de nas tshe dang ldan pa shA ra dwa ti'i bus/ tshe dang ldan pa kun dga' bo la 'di skad ces smras so// tshe dang ldan pa kun dga' bo/ 'di ni nga rgyal can rnams kyi yul ma yin/ rtogs pa ma yin pas/ de dag 'di la skrag par mi 'gyur ro// de ci'i phyir zhe na/ gang sdig pa'i grogs po'i lag tu song ba de dag ni 'di la skrag par gyur zin pas/ 'di ni de dag gi yul ma yin zhing ma rtogs so// tshe dang ldan pa kun dga' bo/ gang dag nga rgyal spong ba'i phyir zhugs shing / nga rgyal spong ba'i phyir brtson pa de dag ni 'di la skrag par 'gyur ro/ / de ci'i phyir zhe na/ nga rgyal yongs su shes pas/ nga rgyal med pa tshol zhing / nga rgyal spong ba tshol ba'i phyir ro// tshe dang ldan pa kun dga' bo

  44. 23a

    gang dag nga rgyal mi dmigs shing / yang dag par mi mthong la/ rlom sems su mi byed cing / mngon par mi zhen pa de dag ni gang la'ang mi skrag/ gang la'ang mi dngang / gang la'ang dngang bar mi 'gyur ro// tshe dang ldan pa kun dga' bo/ nga rgyal can rnams kyi phyir chos bstan pa 'di zhus pa ma yin no// tshe dang ldan pa kun dga' bo'adi ni nga rgyal can rnams kyi yul ma yin te/ go skabs med do// gang dag nga rgyal spong ba'i phyir brtson zhing 'bad pa de dag ni/ yang dag par 'bad pa ma yin no// tshe dang ldan pa kun dga' bo/ nga rgyal zhes bya ba de ni/ lhag par byed pa sgro 'dogs pa'i tshig bla dgas so// gang dag nga rgyal la spyod cing lhag par byed pa sgro 'dogs par spyod pa de dag ni mtshungs par mi spyod do/ / mtshungs par spyod pa'ang chos 'di la the tsom za'o// tshe dang ldan pa kun dga' bo/ gang dag mnyam pa'ang mi dmigs/ mi mnyam pa'ang ma yin/ mnyam par yang rlom sems mi byed/ mi mnyam par yang ma yin/ mnyam par yang mngon par mi zhe na/ mi mnyam par yang ma yin pa de dag ni/ gang la'ang mi skrag/ mi dngang / dngang bar mi 'gyur ro// tshe dang ldan pa kun dga' bo/ 'di ni byis pa so so'i skye bo thams cad kyi yul ma yin te/ mi rtogs so//

  45. 23b

    tshe dang ldan pa kun dga' bo/ 'di ni byis pa so so'i skye bo thams cad kyis shes shing rtogs pa ma yin no// tshe dang ldan pa kun dga' bo/ nyan thos kyi theg pa can rnams kyis kyang mi rtogs so/ / 'di ni gang rang sangs rgyas kyi theg pa can chos zab mo la spyod pa de dag gis kyang mi rtogs so// tshe dang ldan pa kun dga' bo// byang chub sems dpa'i theg pa can gang dag mtshan ma la spyod pa/ dge ba'i bshes gnyen gyis yongs su ma zin pa/ sdig pa'i grogs po'i lag tu song ba de dag kyang / chags pa med pa'i chos 'di dag mi rtogs shing yul ma yin te/ tshe dang ldan pa kun dga' bo// nyan thos kyi theg pa can bden pa mthong ba dang / byang chub sems dpa'i theg pa can dge ba'i bshes gnyen gyis bstan pa chos zab mo la mos pa/ gang chos 'di dag la 'thun par spyod pa dang / gang chos 'di khong du chud cing / spyod pa rnams ni ma gtogs/ kun dga' bo/ byang chub sems dpa' mtshan ma dang bral ba/ mtshan ma med pa la spyod pa/ sna tshogs med pa la spyod pa/ zab mo'i chos shin tu mthar phyin pa/ gang dag sems dang byang chub kyang mi dmigs shing chos gang yang tha dad du mi byed la/ yang dag par rjes su mi mthong ba de dag ni/ 'di lta bu'i chos la rmongs par mi 'gyur/ the tsom mi za'o// ci'i phyir zhe na/

  46. 24a

    ngag chos thams cad dang rjes su 'thun par gnas te/ mi mthun par ni ma yin pa'i phyir ro// de dag gis gang dang gang la chos 'dri ba de dang des rjes su 'thun par lan 'debs shing / rjes su 'thun par smra bar byed do// de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo ji ltar shA ri'i bu 'dis bshad pa de de bzhin te/ kun dga' bo chos bstan pa 'di dang / sangs rgyas kyi byang chub dang rjes su 'thun pa'i sangs rgyas kyi byang chub 'di ni nga rgyal can rnams kyi sa ma yin/ 'jug pa'i yul ma yin te/ kun dga' bo/ sangs rgyas kyi chos rgya chen po la ni dman pa la mos pa'i sems can rnams kyi sems mi 'jug go/ / kun dga' bo/ dman pa la mos pa nga rgyal can rnams ni nga rgyal gyi dbang gis 'gro bas/ de dag sangs rgyas kyi byang chub la mi mthun par gnas so// kun dga' boH'khor 'di ni gtsang ma ste/ sngon gyi rgyal ba rnams la bya ba byas shing / dge ba'i rtsa ba bskyed pa/ sangs rgyas mang po la bsnyen bkur byas pa/ zab mo la mos pa/ zab mo spyod pa ste/ kun dga' bo/ 'khor 'di la de bzhin gshegs pas yid bstan nas/ chos mngon par ston gyis/ rjes su srung po'i chos ni cung zad kyang mi sngon no//

  47. 24b

    kun dga' bo/ 'khor 'di ni snying po ste/ sa zhag dang / gseg ma dang / b+ho mo med pa/ sangs rgyas brgya stong mang po la bsnyen bkur byas pa/ snying po la rab tu gnas pa'o/ / kun dga' bo/ gseg ma dang gyo mo zhes bya ba de ni byis pa so so'i skye bo rnams kyi tshig bla dgas te/ gang dag chos 'di la go skabs med pa'o// kun dga' bo/ sa zhag ces bya ba 'di ni/ sems can nga rgyal can rnams kyi tshig bla dgas so// kun dga' bo/ 'khor 'di ni nga rgyal med pa/ dge ba'i rtsa ba chen pos mngon par 'phags pa'o/ / kun dga' bo/ 'di lta ste/ dper na klu'i rgyal po ma dros pa rab tu dga' bar gyur te/ dga' ba dang yid bde ba skyes nas/ rang gi gnas na 'dod pa'i yon tan lnga spyod cing / rang gi gnas na rab tu dga' bar yan lag brgyad dang ldan pa'i char pa'i chu chen po 'bebs so// de'i bur gyur pa de dag kyang rab tu dga' nas/ rang rang gi gnas na 'dod pa'i yon tan lnga 'byor cing ldan par gyur te/ rtse zhing char chen po 'bebs so// kun dga' bo de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang chos kyi char chen po 'bebs so/ / gang sras thu bo byang chub sems dpa' sems dpa' chen po de dag kyang / 'jig rten

  48. 25a

    gyi khams 'di nas rang rang gi sangs rgyas kyi zhing du song ste/ chos kun 'byung ba 'di la brtsams nas de bzhin gshegs pa de dag gi spyan sngar chos kyi char chen po gtong zhing / chos kyi char chen po rab tu 'bebs so// kun dga' bo/ 'di lta ste/ dper na klu'i rgyal po rgya mtsho ni/ gang gi tshe rab tu dga' bar gyur pa de'i tshe/ rang gi gnas nas char gyi rgyun chen po 'bebs so// gang dag gnas de na gnas par gyur pa'i klu de dag gis kyang char gyi rgyun de mnos nas dga' bar gyur te/ char gyi rgyun des bde bar shes so/ / gang dag de'i bur gyur pa de dag kyang / char gyi rgyun de bzod cing / char gyi rgyun des mchog tu dga' ba thob bo// de ci'i phyir zhe na/ kun dga' bo/ klu gzhan dag gis char gyi rgyun de mi bzod la/ klu gzhan dag ni char gyi rgyun nges bde bar mi shes shing / char gyi rgyun de dag gis dga' bar mi 'gyur ba'i phyir ro// kun dag bo de bzhin du/ gang dag de bzhin gshegs pa'i chos dkon mchog la lhag par chags pa dang / gang dag de bzhin gshegs pa'i sras thu bo byang chub sems dpa' sems dpa' chen po dge ba'i rtsa ba byas pa/ bsam pa rgya che ba/ chos zab mo'i tshul las nges par skyes pa de dag ni/ de bzhin gshegs pa'i chos kyi tshul gyi char chen po 'di bas

  49. 25b

    do/ / thos nas rab tu dga' zhing mgu ste bde bar shes so// kun dga' bo/ de bzhin gshegs pas don gyi dbang 'di la brten te/ bsam pa dag pa'i 'khor du seng ge'i sgra chen po sgrog cing / chos kyi char chen po 'bebs so// kun dga' bo/ 'di lta ste/ dper na 'khor lo sgyur ba'i rgyal po rin po che'i mdzod mang po bsam pa dang ldan pa des/ bu mang po rigs dang ldan zhing / rgyud kyis kyang dag pa de dag thams cad bkug nas rin po che'i mdzod bgos te/ bu gang la'ang mi bslu bar byin no// de ltar bgos pa de dag 'khor lo sgyur ba'i rgyal po de dga' ba dang mgu ba chen po lhag par skyes nas 'khor lo sgyur ba'i rgyal po dang don mtshungs par gyur to snyam ste/ bdag bde bar shes so// kun dga' bo de bzhin du de bzhin gshegs pa chos kyi rgyal po/ chos kyi bdag po rang byung gis kyangango sras de dag bsdus nas/ chos rin po che'i mdzod 'di mnyam par bgos te/ sras de dag gang la'ang mi slu bas/ de dag gang la dga' ba dang / mgu ba dang / gus pa cher skyed cing / don mthun pa sangs rgyas kyi rigs mi gcod par gnas so/ / kun dga' bo/ sems can gzhan dman pa la mos pa/ nga rgyal can lta ba la spyod pa/ mtshan ma la spyod pa/ dmigs pa la spyod pa/ nga'o snyam

  50. 26a

    pa'i nga rgyal gyis bcom pa/ 'dod chags dang / zhe sdang dang / gti mug gi zil gyis gnon pa/ log pa'i lam du dong ba rnams kyis chos rin po che 'di bzod par mi nus so/ / kun dga' bo/ dman pa la mos pa'i sems can rnams kyis 'khor lo sgyur ba'i nor ma 'dod kyi/ kun dga' bo/ gang dag 'khor lo sgyusbyar ba'i bur gyur pa de dag ni/ 'khor lo sgyur ba'i nor 'dod do// kun dga' bo/ sems can dbul po rnams ni 'khor lo rin po che dang / glang po rin po che dang / rin po che dang / nor bu rin po che dang / bud med rin po che dang / khyim bdag rin po che dang / blon po rin po che dang / gos mang po dang / gser dang / nor bu dang / mu tig dang / bai DUR+Ya dang / dung dang / man shel dang / b+hu ru dang / sa le sbram dang / dngul mang po dag bgos pa mi 'dzin te/ rnyed kyang dga' bar kun tu spyo par mi nus shing / rin thang chung ngur 'tshong la mi mkhas pas 'dor ro// de ci'i phyir zhe na/ de dag rin po che la mi mkhas pa'i phyir ro// kun dga' bo/ sems can dngul po ni rin po che 'di'i ming ni 'di'o zhes bya bar rin po che rnams kyi ming yang mi shes so/ / kun dga' bo de bzhin du de bzhin gshegs pa'i sras bden pa mthong ba rnams dang

  51. 26b

    byang chub sems dpa' sems dpa' chen po de dag ni/ chos rin po che'i mdzod 'di tshol ba ste/ chos rin po che dmigs su med pa/ stong pa nyid dang ldan pa/ sangs rgyas kyi chos dang ldan pa 'di 'dod cing bzod de/ de dag nges bya ba byed do// sems can dbul po thos pa dang bral ba/ thos pa nyams pa/ mig dang mi ldan pa'i byis pa de ngag ni/ chos rin po che'i mdzod rnyed kyang ci zhig bya zhes 'dor zhing / gzhan la sbyin par sems so// kun dga' bo/ gdol pa dang / g.yung po dang / sgyu ma mkhan dang / dbul pos 'tsho ba'i sems can gang gzhan la las rin po che'i mdzod rnyed na bdag mi spyod de/ rin thang chung ngur 'tshong zhing 'dor ro// kun dga' bo// sems can dbul po zhes bya ba de ni mu stegs can thams cad dang / gang dag mu stegs can gyi nyan thos rnams kyi tshig bla dgas so// kun dga' bo/ sems can dbul po zhes bya ba de ni byis pa so so'i skye bo lta ba'i 'dam du bying ba/ dmigs pa can/ 'ching ba la mngon par zhen pa/ mtshan ma la spyod pa/ lam log par song ba rnams kyi tshig bla dgas te/ de dag ni chos rin po 'di rnyeng na kun tu spyod mi nus shing 'dor te/ don med par yang gzhan la'ang sbyin par byed de/ kun dga' bo

  52. 27a

    gang sangs rgyas kyi sras/ sangs rgyas kyi spyod yul la spyod pa/ de bzhin gshegs pa'i rigs rgyun mi 'chad par gnas pa de dag rin po che 'di la yongs spyod do/ / rnyed nas kyang chung mi gson cing / 'di la rin po cher 'du shes 'gyur ro// kun dga' bo/ was ni seng ge'i sgra sgrog mi nus so// kun dga' bo/ gang seng ge'i phrug gur gyur la/ seng ge chen pos bskyed pa de dag seng ge'i sgra sgrog go// kun dga' bo de bzhin du wa lta bu ni byis pa so so'i skye bo log par lta ba thams cad de de dag gis ni de bzhin gshegs pa'i seng ge'i sgra dang / yang dag par rdzogs pa'i sangs rgyas seng ge chen po'i chos yongs su longs spyod par mi nus so// kun dga' bo gang yang dag par rdzogs pa'i sangs rgyas kyi sras sangs rgyas kyi seng ge chen po dang / rang byung gi ye shes kyis bskyed pa dag ni yang dag por rdzogs pa'i sangs rgyas kyi seng po sgra sgrog cing kun tu spyod do/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'di ltar de bzhin gshegs pa'i 'khor yongs su dag pa 'dus pa 'di ngo mtshar to/ / bcom ldan 'das de bzhin gshegs pa'i 'khor/ rang byung gi 'khor/ mi tshugs pa'i 'khor/

  53. 27b

    lta bu'i 'khor/ mi bskul ba/ mi bskyod pa/ mi 'khrugs pa'i 'khor yongs su dag pa 'di ni rab tu ngo mtshur lags so// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ri'i bu/ khyod 'khor 'di'i yon tan yongs su brjod dam/ gsol pa/ bcom ldan 'das bdag gis 'khor 'di'i yon tan yongs su brjod pa'i rngo mi thogs lags so/ / de ci'i slad du zhe na/ bcom ldan 'das 'khor 'di ni ri rab dang 'dra ste/ yon hatan mtha' yas pa dang ldan pa lags pa'i slad du'o/ / bka' stsal pa/ shA ra dA ti'i bu de de bzhin te/ 'khor 'di ni yon tan mtha' yas pa dang ldan pa ste/ 'khor 'di'i yon tan gyi mtha' yang dag par rdzogs pa'i sangs rgyas rnams kyis kyang rtogs par mi nus na/ sems can gzhan thams cad kyis lha ci smos/ shA ra dwa ti'i bu de bzhin gshegs pas bslus pa ma yin zhing / 'di la de bzhin gshegs pas rtsol ba ci'ang mi mdzad de/ rang gi dge ba'i rtsa bas/ nga'i ming thos nas 'khor 'dir 'dus te/ de bzhin gshegs pas 'khor 'di ga la'ang ma glengs ma bsgos pa/ de dag rang gi dge ba'i rtsa bas bskul nas 'khor 'dir lhags so// 'di lta bu'i

  54. 28a

    chos bstan pa la/ 'di lta bu'i sems can chen po 'du bar 'gyur ba ni de'i chos nyid do// shA ra dwa ti'i bu/ gang sangs rgyas bcom ldan 'das gzhan dag byang chub sems dpa'i sde snod the tsom thams cad gcod pa 'di yang dag par ston pa de dag gi 'khor yang 'di lta bu 'du bar 'gyur te/ de lta bu 'di 'dra ba'i 'khor gyi dkyil 'khor gdon mi za bar 'byung ba ni chos bstan pa 'di'i chos nyid do/ / kun dga' bo'i le'u zhes bya ste gnyis pa'o// // de nas bcom ldan 'das kyis/ byang chub sems dpa' sems dpa' chen po rab kyi rtsal gyis rnam par gnon pa la bka' stsal pa/ rab kyi rtsal gyis rnam par gnon pa/ shes rab kyi pha rol tu phyin pa shes rab kyi pha rol tu phyin pa zhes bya ba la/ byang chub sems dpa'i shes rab kyi pha rol tu phyin pa gang zhe na/ gang chos thams cad kyi tshu rol rtog pa ste/ do ni bstan par mi nus mod kyi/ ji ltar khyod shes par 'gyur ba dang / ji ltar shes rab kyi pha rol tu phyin pa tha snyad kyi tshig tu 'gyur ba de ltar rab tu bshad par bya'o/ / gzugs shes rab kyi pha rol tu phyin pa ma yin te/ shes rab kyi pha rol tu phyin pa gzugs las gzhan pa'ang ma yin no// de bzhin du sbyar te/ de ltar

  55. 28b

    tshor ba dang / 'du shes dang / 'du byed rnams dang / rnam par shes pa shes rab kyi pha rol tu phyin pa ma yin te/ shes rab kyi pha rol tu phyin pa rnam par shes pa las gzhan pa'ang ma yin no/ / de ci'i phyir zhe na/ rab kyi rtsal gyis rnam par gnon pa/ gzugs kyi pha rol gang yin pa de gzugs ma yin la/ de bzhin du sbyar te/ de ltar tshor ba dang / 'du shes dang / 'du byed rnams dang / rnam par shes pa'i pha rol gang yin pa de rnam par shes pa ma yin pa'i phyir ro// gzugs kyi pha rol dzI lta bar gzugs kyang de bzhin no/ / de bzhin du tshor ba dang / 'du shes dang / 'du byed rnams dang / rnam par shes pa'i pha rol ji lta bar rnam par shes pa'ang de bzhin no/ rnam par shes pa'i pha rol ji lta bar chos thams cad kyang de bzhin no// chos thams cad kyi pha rol gang yin pa de dag ni chos thams cad ma yin no// chos thams cad kyi pha rol ji lta bar chos thams cad kyang de bzhin no/ / rab kyi rtsal gyis rnam par gnon pa de la gzugs kyi pha rol gang yin pa de gzugs ma yin no// zhes bya ba de ni gzugs kyi 'bral ba bstan pa'o/ / gzugs kyi pha rol ji lta bar gzugs kyang de bzhin no// zhes bya ba de ni gzugs kyi ngo bo nyid bshad pa bstan pa'o// de ni gzugs kyi

  56. 29a

    ji lta ba bzhin bstan pa'o/ / de ni gzugs kyi rang bzhin bstan pa'o// de ni gzugs kyi mi dmigs pa bstan pa'o// de bzhin du tshor ba dang / 'dra shes dang / 'du byed rnams dang / rnam par shes pa'i pha rol gang yin pa de rnam par shes pa ma yin no// zhes bya ba de ni rnam par shes pa'i 'bral ba bstan pa'o// rnam par shes pa'i pha rol ji lta bar rnam par shes pa'ang de bzhin no// zhes bya ba de ni rnam par shes pa'i ngo bo nyid bshad pa bstan pa'o// de ni rnam par shes pa'i ji lta ba bzhin dang / rnam par shes pa'i rang bzhin dang / rnam par shes pa'i mi dmigs pa bstan pa'o// rnam par shes pa'i pha rol ji lta bar chos thams cad kyang de bzhin no zhes bya ba dang / chos thams cad kyi pha rol gang yin pa de dag chos thams cad ma yin no// zhes bya ba de ni chos thams cad kyi 'bral ba bstan pa'o// chos thams cad kyi pha rol ji lta bar chos thams cad kyang de bzhin no/ / zhes bya ba de ni chos thams cad kyi ngo bo nyid bshad pa bstan pa'o// de ni chos thams cad kyi ji lta ba bzhin dang / chos thams cad kyi rang bzhin dang / chos thams cad kyi mi dmigs pa bstan pa'o// chos thams cad kyi ji lta ba bzhin dang / chos thams cad kyi rang bzhin dang /

  57. 29b

    chos thams cad kyi mi dmigs pa ji lta bar shes rab kyi pha rol tu phyin pa'ang de bzhin te/ rab kyi rtsal gyis rnam par gnon pa/ shes rab kyi pha rol tu phyin pa ni gzugs la mi gnas so/ / tshor ba dang / 'du shes dang / 'du shes rnams dang / rnam par shes pa la mi gnas so// shes rab kyi pha rol tu phyin pa ni gzugs kyi nang ngam/ phyi 'am/ gnyis ka med pa la ring du gnas pa'ang ma yin te/ tshor ba dang / 'du shes dang / 'du byed rnams dang / rnam par shes pa'i nang ngam/ phyi 'am/ gnyis ka med pa las ring du gnas pa ma yin no// rab kyi rtsal gyis rnam par gnon pa/ shes rab kyi pha rol tu phyin pa ni gzugs dang ldan pa'ang ma yin// gzugs dang mi ldan pa'ang ma yin no// shes rab kyi pha rol tu phyin pa ni tshor ba dang / 'du shes dang / 'du shes rnams dang / rnam par shes pa dang ldan pa'ang ma yin/ mi ldan pa'ang ma yin no// rab kyi rtsal gyis rnam par gnon pa/ shes rab kyi pha rol tu phyin pa ni chos gang dang yang ldan pa ma yin/ mi ldan pa'ang ma yin/ gzugs kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de

  58. 30a

    shes rab kyi pha rol tu phyin pa'o/ / de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid dang ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs shes bya ba 'di ni gzugs dang bral ba'o// de ci'i phyir zhe na/ gzugs la ni gzugs med de/ gong med pa de shes rab kyi pha rol tu phyin pa'o/ / tshor ba dang / 'du shes dang / 'du byed rnams dang / rnam par shes pa'ang de bzhin te/ rab kyi rtsal gyis rnam par gnon pa/ rnam par shes pa zhes bya ba 'di ni rnam par shes pa dang bral ba'o/ / rnam par shes pa la rnam par shes pa med de/ gang med pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni gzugs kyi rang bzhin dang bral ba'o// de bzhin du tshor ba dang / 'du shes dang / 'du byed rnams dang / rnam par shes pa'ang rnam par shes pa'i rang bzhin dang bral ba ste/ bral ba'i rang bzhin gang yin pa de shes rab kyi pha rol tu phyin pa'o// gzugs la gzugs kyi rang bzhin med

  59. 30b

    do/ 'tshor ba dang / 'du shes dang / 'du byed rnams dang / rnam par shes pa la rnam par shes pa'i rang bzhin med de/ rang bzhin med pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni gzugs kyi spyod yul ma yin no// tshor ba dang / 'du shes dang / 'du byed rnams dang rnam par shes pa'ang rnam par shes pa'i spyod yul ma yin no/ / rab kyi rtsal gyis rnam par gnon pa/ spyod yul ma yin zhes bya ba ni/ gzugs kyis gzugs yang dag par mi shes mi mthong ba ste/ gzugs kyis mi shes mi mthong ba gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ tshor ba dang 'du shes dang / 'du byed rnams dang / rnam par shes pas rnam par shes pa mi shes mi mthong ngo // rnam par shes pas mi shes mi mthong ngo // rnam byar shes pas mi shes mi mthong ba gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs kyis gzugs kyi ngo bo nyid mi shes so// tshor ba dang / 'du shes dang / 'du byed rnams dang / rnam par shes pas rnam par shes pa'i ngo bo nyid mi shes te/ ngo bo nyid med par yongs su shes pa de shes

  60. 31a

    rab kyi pha rol tu phyin pa zhes bya'o/ / rab kyi rtsal gyis rnam par gnon pa/ gzugs ni gzugs la kun tu sbyor bar mi byed/ kun tu mi sbyor bar yang ma yin no/ / tshor ba dang / 'du shes dang / 'du byed rnams dang / rnam par shes pa ni rnam par shes pa la kun tu sbyor bar yang mi byed/ kun tu mi sbyor bar yang mi byed de/ gzugs dang / tshor ba dang / 'du shes dang / 'du byed rnams dang / rnam par shes pa kun tu sbyor bar yang mi byed/ kun tu mi sbyor bar yang mi byed pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni 'bri bar 'gyur ba 'am/ 'phel bar 'gyur ba ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang 'bri bar 'gyur ba 'am/ 'phel bar 'gyur ba ma yin te/ gzugs dang tshor ba dang / 'du shes dang / 'du byed rnams dang / rnam par shes pa mi 'bri mi 'phel ba gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni kun nas nyon mongs par 'gyur ba 'am/ rnam par byang bar 'gyur ba ma yin no// de bzhin du tshor ba dang / 'du shes

  61. 31b

    dang / 'du byed rnams dang / rnam par shes pa'ang kun nas nyon mongs par 'gyur ba 'am/ rnam par byang bar 'gyur ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa kun nas nyon mongs pa ma yin/ rnam par byang ba ma yin pa de shes rab kyi pha rol tu phyin pa zhes bya'o// rab kyi rtsal gyis rnam par gnon pa/ gzugs ni rnam par dag pa'i chos can ma yin/ rnam par ma dag pa'i chos can yang ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang rnam par dag pa'i chos can ma yin/ rnam par ma dag pa'i chos can yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rnam par dag pa'i chos nyid kyang ma yin/ rnam par ma dag pa'i chos nyid kyang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni 'pho ba 'am/ mi 'pho ba ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang 'pho ba 'am/ mi 'pho ba ma yin te/ gzugs dang / tshor ba dang / 'du shes dang

  62. 32a

    'du byed rnams dang / rnam par shes pa 'pho ba'ang ma yin/ mi 'pho ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni sbyor ba 'am/ mi sbyor ba ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang sbyor ba 'am/ mi sbyor ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'du ba'ang ma yin/ 'bral ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni 'chi 'pho 'am/ skye ba ma yin no/ / de bzhin du tshor ba dang / 'du shes dang / 'du byed rnams dang / rnam par shes pa'ang 'chi 'pho 'am/ skye ba ma yin te/ gzugs dang tshor ba dang / 'du shes dang / 'du byed rnams dang / rnam par shes pa'i 'chi 'pho'ang ma yin/ skye ba ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni skye ba 'am/ 'chi ba ma yin no// de bzhin du tshor ba dang / 'du shes dang / 'du byed rnams dang /

  63. 32b

    rnam par shes pa'ang skye ba 'am/ 'chib ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni mi sgyu mi 'chi ba gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni 'khor bar 'gyur ba 'am/ 'khor ba'i chos can ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang 'khor bar 'gyur ba 'am/ 'khor ba'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'khor bar mi 'gyur zhing / 'khor ba'i chos can ma yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni zad par 'gyur ba 'am/ zad pa'i chos can ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang zad par 'gyur ba 'am/ zad pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa zad par mi 'gyur zhing / zad pa'i chos can nyid ma yin pa gang yin pa de shes rab kyi pha rol tu phyin pa'o//

  64. 33a

    rab kyi rtsal gyis rnam par gnon pa/ gzugs ni kun 'byung ba'i chos can ma yin/ 'gog pa'i chos can ma yin no// de bzhin du tshor ba dang 'du shes dang / 'du byed rnams dang / rnam par shes pa'ang kun 'byung ba'i chos can ma yin/ 'gog pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa kun 'byung ba'i chos nyid kyang ma yin/ 'gog pa'i chos nyid kyang ma yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni skye ba'i chos can nam/ 'jig pa'i chos can ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang skye ba'i chos can nam/ 'jig pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa skye ba'i chos nyid kyang ma yin/ 'jig pa'i chos nyid kyang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni 'gyur ba'i chos can nam/ mi 'gyur ba'i chos can ma yin no// de bzhin du tshor ba dang / 'du shes dang / 'du byed

  65. 33b

    rnams dang / rnam par shes pa'ang 'gyur ba'i chos can nam/ mi 'gyur ba'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'gyur ba'i chos nyid kyang ma yin/ mi 'gyur ba'i chos nyid kyang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni rtag pa 'am/ mi rtag pa ma yin no// de bzhin du tshor ba dang / 'du shes dang / 'du byed rnams dang / rnam par shes pa rtag pa 'am/ mi rtag pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rtag pa'ang ma yin// mi rtag pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni bde ba 'am/ sdug bsngal ba ma yin no// de bzhin du tshor ba dang / 'du shes dang / 'du byed rnams dang / rnam par shes pa bde ba 'am/ sdug bsngal ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa bde ba'ang ma yin/ sdug bsngal ba'ang ma yin pa gang yin pa de shes rab kyi pha rol tu phyin pa'o// /

  66. 34a

    rab kyi rtsal gyis rnam par gnon pa/ gzugs ni sdug pa 'am/ mi sdug pa ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang sdug pa 'am/ mi sdug pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa sdug pa'ang ma yin/ mi sdug pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni bdag gam/ bdag ma yin pa ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang bdag gam/ bdag med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa bdagra kyang ma yin/ bdag med pa'ang ma yin pa gang yin pa de shes rab kyi pha rol tu phyin pa'o/ / ra kyikyis gyis rnam par gnon pa/ gzus ni 'dod cem kyi chos can nam/ 'dod cagra dang bral ba'i chos can ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang 'dod chags kyi chos can nam/ 'dod chags dang bral ba'i chos can ma yin te// gzugs dang / tshor ba dang / 'du byed rnams dang / rnam par shes pa 'dod chas kyi chos nyid kyang ma yin/ 'dod chags dang bral ba'i chos nyid kyang sa

  67. 34b

    yan pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni zhe sdang gi chos can nam/ zhe sdang med pa'i chos can ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang zhe sdang gi chos can nam/ zhe sdang med pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa zhe sdang gi chos nyid kyang ma yin/ zhe sdang med pa'i chos nyid kyang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni gti mug gi chos can nam/ gti mug med pa'i chos can ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang gti mug gi chos can nam/ gti mug med pa'i chos can ma yin nam/ gzugs dang / tshor ba dang / 'du shes dang / 'du byed rnams dang / rnam par shes pa gti mug gi chos nyid kyang ma yin/ gti mug med pa'i chos nyid kyang ma yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs la byed pa po 'am/ byed du 'jug pa gang yang med do// de bzhin

  68. 35a

    du tshor ba dang / 'du shes dang / 'du byed rnams dang / rnam par shes pa la'ang byed pa po 'am/ byed du 'jug pa gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la byed pa po'ang med/ byed du 'jug pa'ang med pa gang yin pa de shes rab kyi pha rol tu/ phyin pa'o// rab kyi rtsal gyis rnam par gnon pa/ gzugs la slong ba po 'am/ kun nas slong ba po gang yang med do// de bzhin du tshor ba dang / 'du shes dang / 'du byed rnams dang / rnam par shes pa la slong ba po 'am/ kun nas slong ba po gang yang med de/ gzugs dang / tshor ba dang / 'du shes dang / 'du byed rnams dang / rnam pa shes pa la slong ba po'ang med/ kun nas slong ba po'ang med pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs la shes pa 'am/ shes par byed du 'jug pa gang yang med do// de bzhin du tshor ba dang / 'du shes dang / 'du byed rnams dang / rnam par shes pa la'ang shes pa 'am/ shes par byed du 'jug pa gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa

  69. 35b

    la'ang shes pa po'ang med/ shes par byed du 'jug pa'ang med pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs la tshor ba po 'am/ tshor bar byed du 'jug pa gang yang med do// de bzhin du tshor ba dang / 'du shes dang / 'du byed rnams dang / rnam par shes pa la tshor ba po 'am/ tshor bar byed du 'jug pa gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la tshor ba po'ang med/ tshor bar byed du 'jug pa'ang med pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs la shes pa po 'am/ mthong ba po gang yang med do// de bzhin du tshor ba dang / 'du shes dang / 'du byed rnams dang / rnam par shes pa la'ang shes pa po 'am/ mthong ba po gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la shes pa po'ang med/ mthong ba po'ang med pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs la ni chad pa 'am/ rtag pa med do// de bzhin du tshor ba dang / 'du shes dang / 'du byed rnams dang /

  70. 36a

    par shes pa la chad pa 'am/ rtag pa med de/ gzugs dang / tshor ba dang / 'du shes dang / 'du byed rnams dang / rnam par shes pa chad pa'ang ma yin/ rtags pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni mtha' 'am/ mtha med pa ma yin no/ / de bzhin du tshor ba dang / 'du shes dang / 'du byed rnams dang / rnam par shes pa'ang mtha' 'am/ mtha' med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa mtha' yang ma yin/ mtha' med pa'ang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs ni lta bar song ba'ang ma yin/ lta bar song ba spong ba'ang ma yin no// de bzhin du tshor ba dang / 'du shes dang / 'du byed rnams dang / rnam par shes pa lta bar song ba'ang ma yin/ lta bar song ba spong ba'ang ma yin te/ gzugs dang / tshor ba dang / 'du shes dang 'du byed rnams dang / rnam par shes pa lta bar song ba'ang ma yin/ lta bar song ba spong ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis

  71. 36b

    rnam par gnon pa/ gzugs ni sred pa'ang ma yin/ sred pa spong ba'ang ma yin no// de bzhin du tshor ba dang / 'du shes dang / 'du byed rnams dang / rnam par shes pa'ang sred pa'ang ma yin/ sred pa spong ba'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa sred pa'ang ma yin/ sred pa spong ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs ni dge ba 'am/ mi dge ba ma yin no/ / de bzhin du tshor ba dang / 'du shes dang / 'du byed rnams dang / rnam par shes pa'ang dge ba'am/ mi dge ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa dge ba'ang ma yin/ mi dge ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs la 'gro ba 'am/ 'ong ba mi mngon no// de bzhin du tshor ba dang / 'du shes dang / 'du byed rnams dang / rnam par shes pa la'ang 'gro ba 'am/ 'ong ba mi mngon te/ gzugs dang / tshor ba dang / 'du shes dang / 'du byed rnams dang / rnam par shes pa 'gro

  72. 37a

    pa 'am/ 'ong bar yang mi mngon pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni gnas pa 'am/ mi gnas pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa gnas pa'ang ma yin/ mi gnas pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni tshu rol lam/ pha rol ma yin te/ gzugs dang / tshor ba dang / 'du shes dang / 'du byed rnams dang / rnam por shes pa tshu rol yang ma yin/ pha rol yang ma yin pa gang yin pa de shes ra pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni tshul khrims sam/ 'chal pa'i tshul khrims ma yin te/ gzugs dang / tshor ba dang / 'du shes dang / 'du byed rnams dang / rnam par shes pa tshul khrim

  73. 37b

    kyang ma yin/ 'chal pa'i tshul khrims kyang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni rjes su chags pa 'am/ khong khro ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rjes su chags pa'ang ma yin/ khong khro ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni sbyin par byed pa 'am/ len pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa sbyin par byed pa'ang ma yin/ len pa'ang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni bzod pa 'am/ mi bzod pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa bzod pa'ang ma yin/

  74. 38a

    bzod pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni brtson 'grus sam/ le lo ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni brtson 'grus kyang ma yin/ le lo'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni ting nge 'dzin kyang ma yin/ sems rnam par g.yengs pa'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni ting nge 'dzin kyang ma yin/ sems rnam par g.yengs pa'ang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni shes rab kyang ma yin/ 'chal pa'i shes rab kyang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni shes rab kyang

  75. 38b

    ma yin/ 'chal pa'i shes rab kyang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni phyin ci log gam/ phyin ci log ma yin pa'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni phyin ci log kyang ma yin/ phyin ci ma log pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni dran pa nye bar gzhag pa 'am/ dran pa nye bar ma gzhag pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni dran pa'ang ma yin/ mi dran pa'ang ma yin pa gang yi de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni yang dag pa'i spong ba 'am/ yang dag pa'i spong ba ma yin pa'ang ma yin te/ gzugs dang / tshor ba dang / 'du shes dang / 'du byed rnams dang /

  76. 39a

    rnam par shes pa ni yang dag pa'i spang ba'o// yang dag pa'i spong ba ma yin pa'ang ma yin pa gang yin/ gzugs dang / tshor ba dang / 'ang shes dang / 'du byed rnams dang / rnam par shes pa ni yang dag pa'i spong ba'ang ma yin/ yang dag pa'i spong ba ma yin pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni rdzu 'phrul gyi rkang pa 'am tshad med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni rdzu 'phrul gyi rkang pa'ang ma yin/ tshang med pa'ang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa dbang po dang / stobs dang / byang chub kyi yan lag dang / lam ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni dbang po dang / stobs dang / byang chub kyi yan lag dang / lam ma yin pa gang yin pa de shes

  77. 39b

    rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni rig pa 'am/ rnam par grol ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rig pa'ang ma yin/ rnam par grol ba'ang ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni bsam gtan dang / rnam par thar pa dang / ting nge 'dzin dang / snyoms par 'jug pa'ang ma yin/ mngon par shes pa'ang ma yin/ mngon par mi shes pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni stong pa nyid dang / mtshan ma med pa dang / smon pa med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni stong pa nyid kyang ma yin/ mtshan ma med pa'ang ma yin/ smon pa med pa'ang ma yin

  78. 40a

    pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni 'dus byas dang / 'dus ma byas ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni 'dus byas kyang ma yin/ 'dus ma byas kyang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni 'du ba 'am/ mi 'du ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni 'du ba'ang ma yin/ mi 'du ba'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni shes pa 'am/ mi shes pa'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni shes pa'ang ma yin/ mi shes pa'ang ma yin pa gang yin pa de shes rab

  79. 40b

    kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni rlom sems sam/ g.yo ba 'am/ spros pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni rlom sems ma yin/ g.yo ba ma yin/ spros pa med pa ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni 'du shes ma yin/ 'du shes ma yin pa'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni 'du shes ma yin/ 'du shes pa yin pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni nye bar ni ba'ang ma yin/ nye bar ma zhi ba'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni nye bar zhi ba'ang ma yin/ nye bar ma zhi ba'ang

  80. 41a

    ma yin pa gang yin pa de shes rab kyi pha rol tu phyin pa'o/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni ldog pa'ang ma yin/ mi ldog pa'ang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni ldog pa'ang ma yin/ mi ldog pa'ang ma yin pa gang yin pa de shes rab kyi pha rol tu phyin pa'o// rab kyi rtsal gyis rnam par gnon pa/ gang phung po dag mngon sum du 'grub par gtogs par bstan pa de shes rab kyi pha rol tu phyin pa ma yin gyi/ gang phung po lnga po dag mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang khams dang / skye mched dang / rten cing 'brel par 'byung ba mngon du 'grub par gtogs pa bstan pa de shes rab kyi pha rol tu phyin pa ma yin gyi/ gang khams dang / skye mched dang / rten cing 'brel par 'byung ba mngon du 'grub par gtogs pa bstan pa'i de bzhin nyid dang / ma nor ba de

  81. 41b

    bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa gang phyin ci log dang sgrib pa mngon du 'grub par gtogs pa bstan pa de shes rab kyi pha rol tu phyin pa ma yin gyi/ gang phyin ci log dang sgrib pa mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang sred par spyod pa sum cu rtsa drug mngon du 'grub par gtogs pa bstan pa de shes rab kyi pha rol tu phyin pa ma yin gyi/ gang sred par spyod pa sum cu rtsa drug mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o/ / rab kyi rtsal gyis rnam par gnon pa/ gang lta bar gyur pa drug cu rtsa gnyis mngon du 'grub par gtogs pa bstan pa de shes rab kyi pha rol tu phyin pa ma yin gyi/ lta bar gyur pa drug cu rtsa gnyis mngon par 'grub par gtogs pa bstan pa'i de bzhin nyid dang / ma nor ba de bzhin nyid

  82. 42a

    dang gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa de shes rab kyi pha rol tu phyin pa ma yin gyi/ gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang mngon par shes pa lnga po dag bstan pa de shes rab kyi pha rol tu phyin pa ma yin gyi/ gang mngon par shes pa lnga bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi ngo bzhin nyid de shes rab kyi pha rol tu phyin pa'o/ / rab kyi rtsal gyis rnam par gnon pa/ gang 'dus byas su gtogs pa 'jig rten gyi dge ba 'am/ mi dge ba'i chos thams cad mngon du 'grub par gtogs pa bstan pa de shes rab kyi pha rol tu phyin pa ma yin gyi/ gang de dag gi de bzhin nyid dang / ma nor ba de bzhin nyid dang /

  83. 42b

    gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam mngon du 'grub par gtogs pa bstan pa de shes rab kyi pha rol tu phyin pa ma yin gyi/ gang dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang 'phags pa'i bden pa bzhi bstan pa de shes rab kyi pha rol tu phyin pa ma yin gyi/ gang 'phags pa'i bden pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang tshul khrims dang / ting nge 'dzin dang / shes

  84. 43a

    rab dang / rnam par grol ba dang / rnam par grol ba'i ye shes mthong ba rnam par dag pa bstan pa de shes rab kyi pha rol tu phyin pa ma yin gyi/ gang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rnam par dag pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang 'dus byas su gtogs pa 'jig rten las 'das pa/ mi gnas pa/ zag pa med pa'i chos rnams bstan pa de shes rab kyi pha rol tu phyin pa ma yin gyi/ gang 'dus byas su gtogs pa'i 'jig rten las 'das pa/ mi gnas pa/ zag pa med pa'i chos rnams bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang stong pa nyid dang / mtshan ma med pa dang / smon pa med pa dang / mi skye ba dang / mngon par 'dus ma byas pa'i chos bstan pa de shes rab kyi pha rol tu phyin pa ma yin gyi/ gang stong pa nyid dang /

  85. 43b

    mtshan ma mang ba dang / smon pa med pa dang / mi skye ba dang / mngon par 'dus ma byas pa'i chos bstan pa'i de bzhin nyid dang / ma nor ba de bzhin nyid dang / gnan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ gang rigs pa dang / rnam par grol ba dang / 'dod chags dang bral ba dang / 'gog pa dang / mya ngan las 'das pa bstan pa de shes rab kyi pha rol tu phyin pa ma yin gyi/ gang rigs pa dang / rnam par grol ba dang / 'dod chags dang bral ba dang / 'gog pa dang / mya ngan las 'das pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ de ci'i phyir zhe na/ gzugs su gtogs pa'ang shes rab kyi pha rol tu phyin pa ma yin/ de bzhin du tshor ba dang / 'du shes dang / 'du byed rnams dang / rnam par shes par gtogs pa'ang shes rab kyi pha rol tu phyin pa ma yin/ sa dang / chu dang / me dang / rlung dang / nam mkhar gtogs pa'ang shes rab kyi pha rol tu phyin pa ma yin/ 'dod pa'i khams dang /

  86. 44a

    gzugs kyi khams dang / gzugs med pa'i khams su gtogs pa'ang shes rab kyi pha rol tu phyin pa ma yin/ 'dus byas dang 'dus ma byas su gtogs pa'ang shes rab kyi pha rol tu phyin pa ma yin/ 'jig rten pa dang / 'jig rten las 'das pa dang / zag pa dang bcas pa dang / zag pa med pa'i chos su gtogs pa'ang shes rab kyi pha rol tu phyin pa ma yin/ dge ba dang mi dge ba'i chos su gtogs pa'ang shes rab kyi pha rol tu phyin pa ma yin/ sems can gyi khams su gtogs pa'ang shes rab kyi pha rol tu phyin pa ma yin zhing / chos de dag las rnam par grol ba'ang shes rab kyi pha rol tu phyin pa ma yin pa'i phyir ro// rab kyi rtsal gyis rnam par gnon pa/ shes rab kyi pha rol tu phyin pa ni/ chos gang du'ang gtogs pa'ang ma yin/ mi gtogs pa'ang ma yin te/ gang gtogs pa dang / gang mi gtogs pa'i chos rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol tu phyin pa'o// rab kyi rtsal gyis rnam par gnon pa/ de bzhin nyid ces bya ba de gang gi tshig bla dgas yin zhe na/ rab kyi rtsal gyis rnam par gnon pa/ ji ltar byis pa so so'i skye bo rnams kyis dmigs

  87. 44b

    pa'i chos de dag ni/ de bzhin du ma yin zhing / gzhan du'ang ma yin/ ji ltar chos rnams de bzhin gshegs pa dang / de bzhin gshegs pa'i nyan thos dang / byang chub sems dpas mthong ba'i chos de lta bu ni de bzhin nyid/ ma nor ba de bzhin nyid/ gzhan ma yin pa de bzhin nyid de/ de'i phyir de bzhin nyid ces bya'o// rab kyi/ rtsal gyis rnam par gnon pa/ 'di ni byang chub sems dpa' sems dpa' chen po rnams kyi shes rab kyi pha rol tu phyin pa bstan pa'o// rab kyi rtsal gyis rnam par gnon pa shes rab kyi pha rol tu phyin pa 'di ni/ chos gang 'bri ba'i phyir ram/ 'phel ba'i phyir nye bar gnas pa ma yin no// chos gang 'du ba'i phyir ram/ 'bral ba'i phyir ram/ bri ba'i phyir ram/ gang ba'i phyir ram/ sogs pa'i phyir ram/ mi sogs pa'i phyir ram/ 'pho ba'i phyir ram/ mi 'pho ba'i phyir ram/ skye ba'i phyir ram 'gog pa'i phyir ram/ kun nas nyon mongs pa'i phyir ram/ rnam par byang ba'i phyir ram/ 'jug pa'i phyir rama?/ ldog pa'i phyir ram/ kun 'byung ba'i phyir ram/ nub pa'i phyir ram/ mtshan nyid kyi phyir ram/ mnyam pa'i phyir ram/ mi mnyam pa'i phyir ram/ kun rdzob kyi phyir ram/ don dam pa'i phyir ram/ bde ba'i phyir ram

  88. 45a

    sdug bsngal gyi phyir ram/ rtag pa'i phyir ram/ mi rtag pa'i phyir ram/ sdug pa'i phyir ram/ mi sdug pa'i phyir ram/ bdag gi phyir rama?/ bdag med pa'i phyir ram/ bden pa'i phyir ram/ rdzun pa'i phyir ram/ byed pa po'i phyir ram/ byed pa po med pa'i phyir ram/ 'byung ba'i phyir ram/ mi 'byung ba'i phyir ram/ ngo bo nyid kyi phyir ram/ ngo bo nyid med pa'i phyir ram/ 'chi 'pho ba'i phyir ram/ skye ba'i phyir ram/ skyes pa'i phyir ram/ mngon par 'grub pa'i phyir ram/ skye ba'i phyir ram/ skye ba kun 'byung ba'i phyir ram/ tshogs pa'i phyir ram/ ma tshogs pa'i phyir ram/ 'dod chags dang bcas pa'i phyir ram/ 'dod chags dang bral ba'i phyir ram/ zhe sdang dang bcas pa'i phyir ram/ zhe sdang dang bral ba'i phyir ram/ gti mug dang bcas pa'i phyir ram/ gti mug dang bral ba'i phyir ram/ phyin ci log gi phyir ram/ phyin ci log ma yin pa'i phyir ram/ dmigs pa'i phyir ram/ dmigs pa med pa'i phyir ram/ zad pa'i phyir ram/ mi zad pa'i phyir ram/ shes pa'i phyir ram/ mi shes pa'i phyir ram/ dma' ba'i phyir ram/ mtho ba'i phyir ram/ phan pa'i phyir ram/ mi phan pa'i phyir ram/ 'gro ba'i phyir ram

  89. 45b

    mi 'gro ba'i phyir ram/ yod pa'i phyir ram/ med pa'i phyir ram/ rjes su chags pa'i phyir ram/ khong khro ba'i phyir ram/ snang ba'i phyir ram/ mun pa'i phyir ram/ le lo'i phyir ram/ brtson 'grus brtsam pa'i phyir ram/ stong pa nyid kyi phyir ram/ stong pa nyid ma yin pa'i phyir ram/ mtshan ma'i phyir ram/ mtshan ma med pa'i phyir ram/ smon pa'i phyir ram/ smon pa med pa'i phyir ram/ mngon par 'du byed pa'i phyir ram/ mngon par 'du mi byed pa'i phyir ram/ nub pa'i phyir ram/ nub pa ma yin pa'i phyir ram/ rig pa'i phyir ram/ rnam par grol ba'i phyir ram/ zhi ba'i phyir ram/ nye bar zhi ba'i phyir ram/ 'grub pa'i phyir ram/ mi 'grub pa'i phyir ram/ tshul bzhin gyi phyir ram/ tshul bzhin ma yin pa'i phyir ram/ yongs su shes pa'i phyir ram/ yongs su mi shes pa'i phyir ram/ nges par 'byung ba'i phyir ram/ nges par 'byung ba ma yin pa'i phyir ram/ 'dul ba'i phyir ram/ 'dul ba ma yin pa'i phyir ram/ tshul khrims kyi phyir ram/ 'chal ba'i tshul khrims kyi phyir ram/ rnam par g.yeng ba'i phyir ram/ rnam par g.yeng ba ma yin pa'i phyir ram/ shes rab kyi phyir ram/ 'chal pa'i shes rab kyi phyir ram/ rnam par shes

  90. 46a

    pa'i phyir ram/ rnam par shes pa ma yin pa'i phyir ram/ gnas pa'i phyir ram/ mi gnas pa'i phyir ram/ skal ba mnyam pa'i phyir ram/ skal ba mi mnyam pa'i phyir ram/ 'byung ba'i phyir ram/ 'jig pa'i phyir ram/ thob pa'i phyir ram/ ma thob pa'i phyir ram/ mngon par rtogs pa'i phyir ram/ mngon par rtog pa ma yin pa'i phyir ram/ mngon sum du bya ba'i phyir ram/ mngon sum du bya ba ma yin pa'i phyir ram/ rab tu rtogs pa'i phyir ram/ rab tu rtogs pa ma yin pa'i phyir nye bar gnas pa ma yin no/ / de bzhin nyid kyi lo'u ste gsum pa'o// // bam po gsum pa// / rab kyi rtsal gyis rnam par gnon pa 'di lta ste/ dper na skyes bu rmi lam rmis pas/ rmi lam gyi rang bzhin bshad pa bstan kyang / rmi lam gyi rang bzhin bstan pa med do// de ci'i phyir zhe na/ rmi lam nyid kyang med na/ rmi lam gyi rang bzhin bstan pa lta ga la yod/ rab kyi rtsal gyis rnam par gnon pa/ de bzhin du shes rab kyi pha rol tu phyin pa'i rang bzhin ston kyang shes rab kyi pha rol tu phyin pa'i rang bzhin gang yang med do/ / rab kyi rtsal gyis rnam par gnon pa/ 'di lta ste/ dper na rmi lam ni chos gang bstan par yang nye bar gnas

  91. 46b

    ba ma yin no/ / de bzhin du shes rab kyi pha rol tu phyin pa'ang chos gang yang bstan par nye bar gnas pa ma yin no// rab kyi rdul gyis rnam par gnon pa/ 'di lta ste/ dbar na sgyu ma mthong ba'i skyes bu sgyu ma'i rang bzhin bshad pa ston kyang / sgyu ma'i rang bzhin gang yang med na/ sgyu ma'i rang bzhin bstan pa'i ngo bo nyid lta ga la yod/ de bzhin du shes rab kyi pha rol tu phyin pa ston kyang / shes rab kyi pha rol tu phyin pa'i rang bzhin bstan pa gang yang med do// rab kyi rtsal gyis rnam par gnon pa/ 'di lta ste/ dper na sgyu ma ni chos gang mngon par 'grub pa'i phyir yang nye bar gnas pa ma yin no// de bzhin du shes rab kyi pha rol tu phyin pa'ang chos gang mngon par 'grub pa'i phyir yang nye bar gan pa ma yin no/ / rab kyi rtsal gyis rnam par gnon pa/ 'di lta ste/ dper na mig yor mthong ba'i skyes bu mig yor gyi rang bzhin ston kyang / mig yor gyi rang bzhin gang yang med na/ mig yor gyi rang bzhin bstan pa lta ga la yod/ rab kyi rtsal gyis rnam par gnon pa/ de bzhin du shes rab kyi pha rol tu phyin pa ston kyang / shes rab kyi pha rol tu phyin pa la rang bzhin med na/ shes rab kyi pha rol tu phyin pa'i rang bzhin bstan pa lta ga la yod/ rab kyi rtsal gyis rnam par gnon pa/ 'di lta ste/

  92. 47a

    dper na mig yor ni chos gang bstan par nye bar gnas pa ma yin no// de bzhin du shes rab kyi pha rol tu phyin pa'ang chos gang bstan par yang nye bar gnas pa ma yin no/ / rab kyi rtsal gyis rnam par gnon pa/ 'di lta ste/ dper na smig rgyu mthong ba'i skyes bu smig rgyu bshad pa bstan kyang / smig rgyu bstan pa gang yang med na/ smig rgyu bstan pa'i rang bzhin lha ga la yod/ rab kyi rtsal gyis rnam par gnon pa/ de bzhin du shes rab kyi pha rol tu phyin pa bstan kyang / shes rab kyi pha rol tu phyin pa'i rang bzhin bstan pa gang yang med do/ / rab kyi rtsal gyis rnam par gnon pa/ 'di lta ste/ dper na smig rgyu ni chos gang yang bstan par yang nye bar gnas pa ma yin no/ / de bzhin du shes rab kyi pha rol tu phyin pa'ang chos gang bstan par yang nye bar gnas pa ma yin no// rab kyi rtsal gyis rnam par gnon pa/ 'di lta ste/ dper na brag cha'i spyod yul la gnas pa'i skyes bus brag cha'i sgra thos kyi/ de ni mi mthong ste/ nam bdag gis sgra phyung ba de'i tshe sgra de thos so// de bzhin du shes rab kyi pha rol tu phyin pa bstan pa'i tshig thos par 'gyur yang / chos gang bstan pa thos par 'gyur ba med de/ gzhan du na nam mngon par bshad pa de'i tshe/ kun shes shing thos pa'i lam du

  93. 47b

    'gyur ro/ / rab kyi rtsal gyis rnam par gnon pa/ 'di lta ste/ dper na lbu ba rdos pa mthong ba'i skyes bu lbu ba rdos pa'i rang bzhin bstan kyang / lbu ba rdos pa'i rang bzhin nang dang phyi nas kyang mi dmigs na/ de bstan pa'i rang bzhin dmigs par lha ga la 'gyur/ rab kyi rtsal gyis rnam par gnon pa/ de bzhin du shes rab kyi pha rol tu phyin pa ston kyang / shes rab kyi pha rol tu phyin pa'i rang bzhin yang mi dmigs so// rab kyi rtsal gyis rnam par gnon pa/ 'di lta ste/ dper na lU bya de ni chos gang mngon/ par 'grub pa'i rang bzhin du'ang mi 'gro'o// rab kyi rtsal gyis rnam par gnon pa/ de bzhin du shes rab kyi pha rol tu phyin pa'ang chos gang mngon par 'grub pa'i rang bzhin du'ang nye bar mi 'gro'o/ / rab kyi rtsal gyis rnam par gnon pa/ 'di lta ste/ dper na chu'i chu bur gyi rang bzhin ston kyang / chu'i chu bur gyi rang bzhin yang med na/ chu'i bur gyi rang bzhin bstan pa lta ga la yod/ rab kyi rtsal gyis rnam par gnon pa/ de bzhin du shes rab kyi pha rol tu phyin pa ston kyang / shes rab kyi pha rol tu phyin pa'i rang bzhin med do/ / rab kyi rtsal gyis rnam par gnon pa/ 'di lta ste/ dper na chu'i chu bur ni chos gang mngon par 'grub pa 'byung bar nye bar gnas pa ma yin no// rab kyi

  94. 48a

    rtsal gyis rnam par gnon pa/ de bzhin du shes rab kyi pha rol tu phyin pa'ang chos gang mngon par 'grub par 'byung bar nye bar gnas pa ma yin no// rab kyi rtsal gyis rnam par gnon pa/ 'di lta ste/ dper na skyes bus chu shing gi snying po kun tu btsal kyang mi rnyed mod kyi/ 'on kyang de'i 'dab ma rnams kyis dgos pa byed do// rab kyi rtsal gyis rnam par gnon pa/ de bzhin du shes rab kyi pha rol tu phyin pa'ang snying po med mod kyi/ shes rab kyi pha rol tu phyin pa bstan pas dgos pa'ang byed do// rab kyi rtsal gyis rnam par gnon pa/ 'di lta ste/ dper na skyes bu nam mkha' ston par tha snyad 'dogs kyang / nam mkha' la ni bstan pa ci'ang med do// rab kyi rtsal gyis rnam par gnon pa de bzhin du shes rab kyi pha rol tu phyin pa zhes tha snyad 'dogs kyang / chos gang bstan par yang tha snyad gdags par bya ba med do// rab kyi rtsal gyis rnam par gnon pa/ 'di lta ste/ dper na nam mkha' zhes tha snyad 'dogs kyang / chos gang bstan par yongs su grub cing tha snyad gdags pa med do// rab kyi rtsal gyis rnam par gnon pa/ de bzhin du shes rab kyi pha rol tu phyin pa zhes tha snyad 'dogs kyang / chos gang bstan par tha snyad gdags pa med do// rab kyi rtsal gyis rnam par gnon pa/ 'di lta ste

  95. 48b

    dper na grib ma dang nyi logs shes tha snyad 'dogs kyang / de gnyis ni chos gang yongs su grub pa'i phyir yang nye bar mi gnas la/ snang ba'ang mngon no// rab kyi rtsal gyis rnam par gnon pa/ de bzhin du shes rab kyi pha rol tu phyin pa zhes tha snyad 'dogs pa'i tshig tu 'gro'ang / chos gang bstan par yang tha snyad kyi tshig tu mi 'gro la/ chos rnams snang bar yang byed do/ / rab kyi rtsal gyis rnam par gnon pa/ 'di lta ste/ dper na nor bu rin po che sbyangs pa na/ snang ba chen por nye bar gnas par gyur kyang / snang ba de nang ngam/ phyi rol na med do// rab kyi rtsal gyis rnam par gnon pa/ de bzhin du shes rab kyi pha rol tu phyin pa snang ba'i bya ba chen pos nye bar gnas kyang / snang ba de ni nang ngam/ phyi rol tu nye bar gnas par mi 'gro'o// rab kyi rtsal gyis rnam par gnon pa/ 'di lta ste/ dper na yungs mar gyi mar me bus na de'i 'od 'phro ba yud tsam yang mi gnas mod kyi snang bar yang byed kyi/ snang ba nges gzugs rnams kyang mthong bar 'gyur ro// rab kyi rtsal gyis rnam par gnon pa/ de bzhin du shes rab tu pha rol tu phyin pa chos gang la'ang mi gnas mod kyi/ chos rnams kyi snang ba'i bya ba'ang byed de/ snang ba des 'phags pa rnams chos thams cad yang dag pa ji lta ba bzhin

  96. 49a

    du mthong bar 'gyur ro/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das shes rab kyi pha rol tu phyin pa bstan pa dang / shes rab kyi pha rol tu phyin pa yongs su ma grub pa bstan pa ngo mtshar lags so// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// de de bzhin te/ shA ri'i bu de de bzhin no// gzugs yongs su ma grub pas shes rab kyi pha rol tu phyin pa yongs su ma grub bo/ / tshor ba dang / 'du shes dang / 'du byed rnams dang / rnam par shes pa yongs su ma grub pas/ shes rab kyi pha rol tu phyin pa yongs su ma grub bo/ / ma rig pa yongs su ma grub pas/ shes rab kyi pha rol tu phyin pa yongs su ma grub bo// 'du byed yongs su ma grub pa dang rnam par shes pa yongs su ma grub pa dang / ming dang gzugs su yongs su ma grub pa dang / skye mched drug yongs su ma grub pa dang / reg pa yongs su ma grub pa dang // tshor ba yongs su ma grub pa dang / sred pa yongs su ma grub pa dang / len pa yongs su ma grub pa dang / srid pa yongs su ma grub pa dang / skye ba yongs su ma grub pa

  97. 49b

    dang rga ba dang / nA ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa yongs su ma grub pas/ shes rab kyi pha rol tu phyin pa yongs su ma grub bo// khams dang skye mched yongs su ma grub pas/ shes rab kyi pha rol tu phyin pa yongs su ma grub bo// mi rtag pa dang / sdug bsngal ba dang / bdag med pa dang / zhi ba dang / phyin ci log dang / sgrib pa dang / lta ba rnam par spyod pa dang / sogs pa dang / nye bar sogs pa yongs su ma grub pas/ shes rab kyi pha rol tu phyin pa yongs su ma grub bo// bde ba dang / sdug bsngal ba dang / bde ba'ang ma yin/ sdug bsngal ba'ang ma yin pa yongs su ma grub pas/ shes rab kyi pha rol tu phyin pa yongs su ma grub bo// skye ba dang / 'jig pa dang / gnas pa dang / gzhan du 'gyur ba yongs su ma grub pas/ shes rab kyi pha rol tu phyin pa yongs su ma grub bo// kun 'byung ba dang / nub pa dang / bdag dang / sems can dang / srog dang / gso ba dang / skyes bu dang / gang zag dang / shing las skyes pa dang / shed bu dang / byed pa po dang / byed du 'jug pa dang / slong ba po dang / kun nas slong ba po dang /

  98. 50a

    tshor ba po dang / tshor bar byed pa po dang / shes par byed pa dang / shes par byed du 'jug pa yongs su ma grub pas/ shes rab kyi pha rol tu phyin pa yongs su ma grub bo/ / bden pa dang / brdzun pa dang / 'dus byas dang / 'dus ma byas dang / 'gro ba dang / mi 'gro ba dang / mthong ba dang bcas pa dang / mi mthong ba dang / nang dang / phyi yongs su ma grub pas/ shes rab kyi pha rol tu phyin pa yongs su ma grub bo// sa dang / chu dang / me dang / rlung dang / 'dod pa dang / gzugs dang / gzugs med pa dang / nam mkha' dang / rnam par shes pa dang / chos kyi khams yongs su ma grub pas/ shes rab kyi pha rol tu phyin pa yongs su ma grub bo/ / las kyi rnam par smin pa dang / rgyu dang / rkyen dang / chad pa dang / rtag pa dang / 'das pa dang / ma 'ongs pa dang / da ltar byung ba dang / mngon gyi mtha' dang / phyi ma'i mtha' dang / dbus dang / tshul khrims dang / 'chal pa'i tshul khrims dang / bzod pa dang // gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab dang /

  99. 50b

    sems dang / yid dang / rnam par shes pa dang / de ma thag pa dang / 'chi 'pho ba dang / skye ba dang / kun nas nyon mongs pa dang / rnam par byang ba dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang 'phags pa'i bden pa dang / tshad med pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / stong pa nyid dang / mtshan ma med pa dang / smon pa med pa dang / dge ba dang / mi dge ba dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas dang / lung du bstan pa dang / lung du ma bstan pa dang / dkar po dang / nag po dang / dkar gnag ma yin pa dang / gtogs pa dang / mi gtogs pa dang / ngan pa dang / bzang po dang / 'bring dang / 'dod chags dang / zhe sdang dang / gti mug dang / mthong ba dang / thos pa dang / bye brag phyed pa dang / rnam

  100. 51a

    par shes pa dang / rlom sems dang / gnas dang / rtogs pa dang / rnam par rtog pa dang / dpyod pa dang / rnam par dpyod pa dang dmigs pa dang / rgyu dang / phrag dog dang / ser sna dang / 'du ba dang / gnyis kyi mtshan nyid dang / ma skyes pa dang / mngon par 'du mi byed pa dang / zhi gnas dang / lhag mthong dang / rig pa dang / rnam par grol ba dang / zad pa dang / 'dod chags dang bral ba dang / 'gog pa dang / phung po thams cad nges par 'dor ba dang / 'byung ba dang / kun rdzob dang / don dam pa dang / nyan thos dang / rang sangs rgyas kyi sa dang / thams cad mkhyen pa'i ye shes dang / chags pa med pa'i ye shes dang / rang byung gi ye shes dang / mi mnyam pa dang mnyam pa'i ye shes dang / byang chub sems dpa'i smon lam dang / nyan thos kyi dge 'dun dang / rang sangs rgyas kyi phun sum tshogs pa dang / tshad med par gtogs pa dang / mi mnyam pa dang mnyam pa'i chos kyi ye shes dang / chos thams cad kyi ji lta ba bzhin du bstan du med pa dang / chos thams cad shes pa dang / mthong ba yongs su ma grub pas/ shes rab kyi pha rol tu phyin pa yongs su ma grub bo// gsil

  101. 51b

    par gyur pa dang / zhi ba dang / rab tu zhi ba yongs su ma grub pas/ shes rab kyi pha rol tu phyin pa yongs su ma grub bo// sems can yongs su smin par bya ba yongs su ma grub pas/ shes rab kyi pha rol tu phyin pa yongs su ma grub bo// mtshan phun sum tshogs pa dang / sangs rgyas kyi zhing yongs su dag pa dang / sangs rgyas kyi stobs dang / mi 'jigs pa dang / sangs rgyas kyi chos ma 'dres pa bco brgyad yongs su ma grub pas/ shes rab kyi pha rol tu phyin pa yongs su ma grub bo/ mya ngan las 'das pa yongs su ma grub pas/ shes rab kyi pha rol tu phyin pa yongs su ma grub bo// dge ba dang mi dge ba'i chos thams cad kyi bar du yongs su ma grub pas/ shes rab kyi pha rol tu phyin pa yongs su ma grub ste/ de bzhin du thams cad la'ang rgyas par sbyar ro// shA ri'i bu/ 'di lta ste/ dper na nam mkha' ni gzugs med/ bstan du med/ dngos po med de/ yongs su ma grub bo// de bzhin du shes rab kyi pha rol tu phyin pa'ang gzugs med/ bstan du med/ dngos po med de/ yongs su ma grub bo// shA ri'i bu/ 'di lta ste/ dper na 'ja' ni tshon gyi rnam pa sna tshogs su kun tu snang yang / de la tshon gang yang yongs su grub pa med

  102. 52a

    de mi dmigs so/ / de bzhin du shes rab kyi pha rol tu phyin pa'ang bstan pa sna tshogs su nye bar gnas mod kyi/ de bstan pa'i rang bzhin mi dmigs so// shA ri'i bu/ 'di lta ste/ dper na nam mkha' la sor mo lnga yongs su grub par sngon nam yang sus kyang ma mthong ngo // shA ri'i bu de bzhin du shes rab kyi pha rol tu phyin pa yongs su grub pa'i rang bzhin sngon nam yang sus kyang ma mthong ngo / / de skad ces bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das shes rab kyi pha rol tu phyin pa 'di ni mthong bar dka' ba lags so// bka' stsal pa/ shA ri'i bu/ 'di ltar su la'ang mthong bar nye bar mi 'gro'o// gsol papabacom ldan 'das shes rab kyi pha rol tu phyin pa ni khong du chud par dka' ba lags so/ / bka' stsal pa/ shA ri'i bu/ 'di ltar 'di la ni gang mngon par rdzogs par rtogs pa yongs su grub pa'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni bstan tu ma mchis pa lags so// bka' stsal pa/ shA ri'i bu/ 'di ltar chos gang bstan par yang nye bar gnas pa ma yin no// gsol pa/ bcom ldan 'das shes rab kyi pha rol tu phyin pa 'di ni

  103. 52b

    rang bzhin ma mchis pa lags so/ / bka' stsal pa/ shA ri'i bu/ gzugs dang / tshor ba dang / 'du shes dang / 'du byed rnams dang / rnam par shes pa rang bzhin med pas/ shes rab kyi pha rol tu phyin pa 'di rang bzhin med do// khams dang / skye mched dang / rten cing 'brel par 'byung ba rang bzhin med pas/ shes rab kyi pha rol tu phyin pa'i rang bzhin med do// phyin ci log dang / sgrib pa dang / lta bar gyur pa dang / sred pa rnam par spyod pa rang bzhin med pas/ shes rab kyi pha rol tu phyin pa rang bzhin med do/ / bdag dang / sems can dang / srog dang / gso ba dang / skyes bu dang / gong zag dang / shed las skyes pa dang / shed bu dang / byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa po rang bzhin med pas/ shes rab kyi pha rol tu phyin pa rang bzhin med do// sa dang / chu dang / me dang / rlung dang / nam mkha' dang / rnam par shes pa dang / chos kyi khams rang bzhin med pas/ shes rab kyi pha rol tu phyin pa rang bzhin med do// 'dod pa dang / gzugs dang / gzugs med pa'i khams rang bzhin med pas/ shes rab

  104. 53a

    kyi pha rol tu phyin pa rang bzhin med do/ / tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab rang bzhin med pas/ shes rab kyi pha rol tu phyin pa rang bzhin med do/ / byang chub kyi phyogs kyi chos rnams rang bzhin med pas/ shes rab kyi pha rol tu phyin pa rang bzhin med do// 'phags pa'i bden pa dang / zhi gnas dang / lhag mthong dang / mngon par shes pa dang / bsdam gtan dang / rnam par thar pa dang / ting nge 'dzin dang / snyoms par 'jug pa rang bzhin med pas/ shes rab kyi pha rol tu phyin pa rang bzhin med do// rig pa dang rnam par grol ba rang bzhin med pas/ shes rab kyi pha rol tu phyin pa rang bzhin med do// zad pa dang / 'dod chags dang bral ba dang / 'gog pa rang bzhin med pas/ shes rab kyi pha rol tu phyin pa rang bzhin med do// mau skye ba shes pa dang / 'gog pa shes pa rang bzhin med pas/ shes rab kyi pha rol tu phyin pa rang bzhin med do// mya ngan las 'das pa rang bzhin med pas/ shes rab kyi pha rol tu phyin pa rang bzhin

  105. 53b

    med do/ / nyan thos kyi sa dang / rang sangs rgyas kyi sa dang / sangs rgyas kyi sa rang bzhin med pas/ shes rab kyi pha rol tu phyin pa rang bzhin med do// don dam pa shes pa bstan pa dang / kun rdzob rang bzhin med pas/ shes rab kyi pha rol tu phyin pa rang bzhin med do// chags pa med pa'i ye shes dang / thams cad mkhyen pa'i ye shes rang bzhin med pas/ shes rab kyi pha rol tu phyin pa rang bzhin med do// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das shes rab kyi pha rol tu phyin pa 'di ni/ chos gang yang yongs su grub pa'i slad du nye bar gnas pa ma lags/ 'gog pa'i slad du ma lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang yang skye ba'i phyir ram/ yongs su grub pa'i phyir ram 'gog pa'i phyir ram/ bdag med pa'i phyir nye bar gnas pa ma yin no// gsol pa/ bcom ldan 'das shes rab kyi pha rol tu phyin pa 'di ni/ chos gang la'ang dmigs pa'i tshul gyis nye bar gnas pa ma lags so/ / bka' stsal pa/ shA ri'i bu/ 'di ltar chos nyid kyang med na/ gang la ngomigs par 'gyur te/ 'di ltar

  106. 54a

    chos thams cad dmigs pa med do/ / gsol pa/ bcom ldan 'das shes rab kyi pha rol tu phyin pa 'di ni/ chos gang bri ba 'am/ 'phel ba'i slad du nye bar gnas pa ma yin lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang 'bri bar 'gyur ba 'am/ 'phel bar 'gyur ba'i chos gang yang yang dag par rjes su mi mthong ngo // gsol pa/ bcom ldan 'das shes rab kyi pha rol tu phyin pa 'di ni/ chos gang las yang dag par 'da' ba'i slad du nye bar gnas pa ma lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa 'di ni/ yang dag par 'da' bar bya ba'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ chos gang yang 'bri ba 'am/ sogs pa'i slad du nye bar gnas pa ma lags so/ bka' stsal pa/ shA ri'i bu/ 'di ltar shes rab kyi pha rol tu phyin pa ni/ gang 'bri ba 'am/ sogs par 'gyur ba'i chos gang yang mi dmigs so// gsol ba/ bcom ldan 'das shes rab kyi pha rol tu phyin pa 'di ni/ chos gang yang 'du ba 'am/ 'bral ba'i slad du nye bar gnas pa ma lags so// bka' stsal pa/

  107. 54b

    shA ri'i bu/ 'di ltar shes rab kyi pha rol tu phyin pa 'di ni/ kun tu sbyor ba 'am/ kun tu mi sbyor ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang gi tshul lam/ tshul ma lags pa'i slad du nye bar gnas pa ma lags so// bka' stsal pa/ shA ri'i bu/ 'di ltar/ shes rab kyi pha rol tu phyin pa ni/ chos gang bkur ba dang / rnam par bkur ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang la'ang phan pa dang gnod pa'i slad du nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni// gang la phan pa 'am/ gnod par bya ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang 'byung ba'am/ mi 'byung ba'i slad du nye bar gnas pa mi lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ gang 'byung ba 'am/ mi 'byung ba'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ chos gang la'ang sbyor ba 'am/ mi sbyor ba'i slad du nye bar

  108. 55a

    gnas pa ma lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang sbyor ba 'am/ mi sbyor ba'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'dzin/ chos gang dang yang gnas pa 'am/ mi gnas pa'i slad du nye bar gnas pa ma lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa 'di ni/ chos gang gnas par byed pa 'am/ gnas par mi byed pa'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ chos gang 'jug pa 'am/ ldog pa'i slad du nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang 'jug pa 'am/ ldog pa'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang gis bya ba 'am/ byed pa'i slad du nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang gis bya ba 'am/ byed par 'gyur ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin

  109. 55b

    pa 'di ni/ chos gang gi mnyam pa dang mi mnyam pa'i slad du nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang mnyam pa dang mi mnyam pa'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ chos gang yang sdud pa 'am/ kun sdud pa'i slad du nye bar gnas pa ma lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa 'di ni/ chos gang bsdu bar bya ba 'am/ dor bar bya ba'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ bgyi ba gang gis kyang nye bar gnas pa ma lags so// bka' stsol pa/ shA ri'i bu/ 'di ltar shes rab kyi pha rol tu phyin pa ni/ chos gang bya ba byed pa'i chos gang yang mi dmigs/ gsol pa/ bcom ldan 'das shes rab kyi pha rol tu phyin pa 'di ni zab lags so/ / bka' stsal pa/ shA ri'i bu/ gzugs zab pas/ shes rab kyi pha rol tu phyin pa zab bo// shA ri'i bu/ tshor ba dang / 'du shes dang / 'du byed rnams dang / rnam par shes pa zab pas/ shes rab kyi pha rol tu phyin pa zab bo// ma rig pa zab pas/ shes rab kyi pha rol tu phyin pa

  110. 56a

    zab bo/ / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa zab pas/ shes rab kyi pha rol tu phyin pa zab bo// phyin ci log zab pas/ shes rab kyi pha rol tu phyin pa zab bo// sgrib pa lnga zab pas/ shes rab kyi pha rol tu phyin pa zab bo// lta ba zab pas/ shes rab kyi pha rol tu phyin pa zab bo// bdag zab pas/ shes rab kyi pha rol tu phyin pa zab bo/ / sems can zab pas/ shes rab kyi pha rol tu phyin pa zab bo// spros pa zab pas/ shes rab kyi pha rol tu phyin pa zab bo// spros pa med pa zab pas// shes rab kyi pha rol tu phyin pa zab bo// tshul khrims dang / 'chal pa'i tshul khrims zab pas/ shes rab kyi pha rol tu phyin pa zab bo// bzod pa dang / gnod sems dang / brtson 'grus dang / le lo dang / bsam gtan dang / rnam par g.yengs pa dang / shes rab dang / 'chal pa'i shes rab dang / dbang po dang /

  111. 56b

    stobs dang / byang chub kyi yan lag dang / dran pa nye bar gzhag pa dang / yang dag par spong ba dang / phyin ci ma log pa dang / lam yan lag brgyad pa dang / sdug bsngal dang / kun 'byung ba dang / 'gog pa dang / lam dang / rnam par grol ba'i ye shes mthong ba dang / 'das pa dang / ma 'ongs pa dang / da ltar byung ba dang / dus gsum mnyam pa nyid zab pas/ shes rab kyi pha rol tu phyin pa zab bo// mi 'jigs pa dang / rdzu 'phrul gyi rkang pa dang / mngon par shes pa zab bas/ shes rab kyi pha rol tu phyin pa zab bo// 'das pa dang / ma 'ongs pa dang / da ltar byung ba la thogs pa med pa'i ye shes zab pas/ shes rab kyi pha rol tu phyin pa zab bo/ / sangs rgyas dang / chos dang / dge 'dun zab pas/ shes rab kyi pha rol tu phyin pa zab bo// zad pa shes pa dang / mi skye ba shes pa dang / 'gog pa shes pa dang / mngon par 'du mi byed pa shes pa dang / 'dod chags dang bral ba shes pa zab pas/ shes rab kyi pha rol tu phyin pa zab bo// sgrib pa zab pas/ shes rab kyi pha rol tu phyin pa zab bo// shA ri'i bu/ 'di lta ste/ dper na rgya mtsho ni rgya che zhing zab ste dpag tu med do// de bzhin du shes rab kyi pha rol

  112. 57a

    phyin pa'ang rgya che zhing zab ste dpag tu med do/ / shA ra dwa ti'i bu/ zab ces bya ba ni chos rin po che dpag tu med pa bsags par gyur pa gang gting mi rnyed pa'o// shA ra dwa ti'i bu/ zab ces bya ba ni de la 'gro ba mi rnyed pa'o// shA ra dwa ti'i bu/ zab ces bya ba ni de'i yon tan gyi mtha' mi rtogs pa'o// shA ra dwa ti'i bu/ zab mo 'di lta ste/ dper na mtsho chen po rgya mtsho ni/ rin po che thams cad bsags pa/ rin po che dpag tu med pas gang ba/ rin po che chen pos rab tu gang ba'o// de bzhin du shes rab kyi pha rol tu phyin pa'ang chos rin po che thams cad bsags pa/ chos rin po che chen po bsags pa/ chos rin po che dpag tu med pa bsags pa'o// gsol pa/ bcom ldan 'das shes rab kyi pha rol tu phyin pa 'di ni/ chos gang bstan par yang nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang bstan pa'i chos gang yang dmigs par nye bar gnas pa ma yin no// gsol pa/ bcom ldan 'das shes rab kyi pha rol tu phyin pa 'di ni/ chos gang 'tshal ba 'am/ ma 'tshal bar nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang shes pa

  113. 57b

    'am/ mi shes par 'gyur ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni chos gang yang bsrung ba 'am/ ba'i slad du nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang bsrung ba 'am/ sba bar bya ba'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ chos gang yang kun tu sdud pa 'am/ yongs su sdud pa'i slad du nye bar gnas pa ma lags so/ / bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang kun tu bsdu ba 'am/ yongs su bsdu bar bya ba'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ chos gang gi gnas su'ang nye bar gnas pa ma lags so// bka' stsal pa shA ri'i bu/ 'di ltar shes rab kyi pha rol tu phyin pa ni/ gang la gnas bca' ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang gi gnas sam/ gzhir yang nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu

  114. 58a

    phyin pa ni/ gang la gnas sam/ gzhir bya ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni// chos gang yang mngon par zhen par nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ gang la mngon par zhen par bya/ ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang la'ang lhag par zhen par nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang la'ang lhag par zhen par bya ba'i chos gang yang yang dag par rjes su mi mthong ngo // gsol pa/ bcom ldan 'das shes rab kyi pha rol tu phyin pa 'di ni/ chos gang dang yang gnas pa 'am/ mi gnas par nye bar gnas pa ma lags so// bka' stsal pa shA ri'i bu/ 'di ltar shes rab kyi pha rol tu phyin pa ni/ chos gang dang lhan cig tu gnas pa'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang gis mtshams sbyar ba 'am/ mtshams sbyar ba ma lags par yang nye bar gnas pa ma lags so// bka' stsal pa/

  115. 58b

    shA ri'i bu/ 'di ltar shes rab kyi pha rol tu phyin pa ni/ chos gang mtshams sbyar bar bya ba 'am/ mtshams sbyar bar bya ba ma yin pa'i chos gang yang mi dmigs so// gsol pa bcom ldan 'das shes rab kyi pha rol tu phyin pa 'di ni/ chos gang la'ang 'dod chags sam/ 'dod chags dang bral bar nye bar gnas pa ma lags so// bka' sprul pa/ shA ri'i bu/ 'di ltar shes rab kyi pha rol tu phyin pa ni/ chos gang la chags par 'gyur ba 'am/ mi chags par 'gyur ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang la'ang zhe sdang ngam/ zhe sdang ma mchis par nye bar gnas pa ma lags so// bka' stsal pashA ri'i bu/ 'di ltar shes rab kyi pha rol tu phyin pa ni/ chos gang la zhe sdang dang bcas pa 'am/ ne sdang med pa'i chos gang yang mi dmigs so// gsol pa bcom ldan 'das shes rab kyi pha rol tu phyin pa 'di ni/ chos gang la'ang gti mug gam/ gti mug dang bral bar nye bar gnas pa ma lags so// bka' stsal pa/ shA ri'i buH'di ltar shes rab kyi pha rol tu phyin pa ni/ chos gang la rmongs pa 'am/ rmongs par mi 'gyur ba'i chos gang yang mi dmigs so// gsol pa/ bcom ldan 'das

  116. 59a

    shes rab kyi pha rol tu phyin pa 'di ni/ chos gang la shes pa po 'am/ shes par bgyid pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang shes pa 'am/ chos gang shes par byed par 'gyur ba'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni/ chos gang gi rang bzhin nam/ rang bzhin ma lags par nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang gi rang bzhin nam/ rang bzhin ma yin pa yang dag par rjes su mi mthong ngo // gsol pa/ bcom ldan 'das shes rab kyi pha rol tu phyin pa 'di ni/ chos gang gi dag pa 'am/ rnam par dag par yang nye bar gnas pa ma lags so// bka' stsal pa/ shA ri'i bu/ 'di ltar shes rab kyi pha rol tu phyin pa ni/ chos gang sbyong ba 'am/ rnam par sbyong ba'i chos gang yang yang dag par rjes su mi mthong ngo // gsol pa/ bcom ldan 'das shes rab kyi pha rol tu phyin pa 'di ni/ rang bzhin gyis yongs su dag pa lags bka' stsal pa/ shA ri'i bu/ gzugs yongs su dag pas/ shes rab kyi pha rol tu phyin pa yongs

  117. 59b

    su dag go/ shA ri'i bu/ tshor ba dang / 'du shes dang / 'du byed rnams dang / rnam par shes pa yongs su dag pas/ shes rab kyi pha rol tu phyin pa yongs su dag go/ ma rig pa yongs su dag pas/ shes rab kyi pha rol tu phyin pa yongs su dag go// 'du byed yongs su dag pa dang / rnam par shes pa yongs su dag pa dang / ming dang gzugs yongs su dag pa dang / skye mched drug yongs su dag pas/ shes rab kyi pha rol tu phyin pa yongs su dag go/ reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba yongs su dag pas/ shes rab kyi pha rol tu phyin pa yongs su dag go/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa yongs su dag pas/ shes rab kyi pha rol tu phyin pa yongs su dag go// phyin ci log dang / sgrib pa dang / lta bar gyur pa yongs su dag pas/ shes rab kyi pha rol tu phyin pa yongs su dag go/ 'dod chags dang / zhe sdang dang / gti mug yongs su dag pas shes rab kyi pha rol tu phyin pa yongs su dag go/ / bdag dang / sems can dang / srog dang / gso ba dang / skyes bu dang / gang zag dang / sheng las skyes

  118. 60a

    pa dang / shed bu dang / byed pa po dang / byed du 'jug pa dang / tshor ba po dang / tshor bar byed pa dang / slong ba po dang / kun nas slong ba po dang / mthong ba po yongs su dag pas/ shes rab kyi pha rol tu phyin pa yongs su dag go// chad pa dang rtag pa yongs su dag pas/ shes rab kyi pha rol tu phyin pa yongs su ngag go/ / mtha' dang mtha' med pa yongs su dag pas/ shes rab kyi pha rol tu phyin pa yongs su dag go/ sbyin pa yongs su dag pas/ shes rab kyi pha rol tu phyin pa yongs su dag go/ / tshul khrims dang / bzod pa dang / brtson 'grus dang / bsam gtan dang / shes rab yongs su dag pas/ shes rab kyi pha rol tu phyin pa yongs su dag go/ / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa yongs su dag pas/ shes rab kyi pha rol tu phyin pa yongs su dag go/ byams pa dang / snying rje dang / dga' ba dang / btang snyoms yongs su dag pas/ shes rab kyi pha rol tu phyin pa yongs su dag go/ dran pa nye bar gzhag pa dang / yang dag par spong ba yongs su dag pas/ shes rab kyi pha rol tu

  119. 60b

    phyin pa yongs su dag go/ phyin ci ma log pa yongs su dag pas/ shes rab kyi pha rol tu phyin pa yongs su dag go// sdug bsngal ba dang / kun 'byung ba dang / 'gog pa dang / lam yongs su dag pas/ shes rab kyi pha rol tu phyin pa yongs su dag go// mngon par shes pa yongs su dag pas/ shes rab kyi pha rol tu phyin pa yongs su dag golam yongs su dag pas/ shes rab kyi pha rol tu phyin pa yongs su dag go// nyan thos kyis yongs su dag pas/ shes rab kyi pha rol tu phyin pa yongs su dag go/ rang sangs rgyas kyi sa yongs su dag pas/ shes rab kyi pha rol tu phyin pa yongs su dag go/ sangs rgyas kyi sa yongs su dag pas/ shes rab kyi pha rol tu phyin pa yongs su dag go/ sangs rgyas dang / chos dang / dge 'dun yongs su dag pas/ shes rab kyi pha rol tu phyin pa yongs su dag go// 'das pa dang / ma 'ongs pa dang / da ltar byung ba mthong ba yongs su dag pas/ shes rab kyi pha rol tu phyin pa yongs su dag go/ thogs pa med pa'i ye shes yongs su dag pas/ shes rab kyi pha rol tu phyin pa yongs su dag go/ / sangs rgyas kyi chos ma 'dres pa bco brgyad yongs su dag pas/ shes rab kyi pha rol tu phyin pa yongs su dag go// 'dod pa'i khams yongs su dag pa

  120. 61a

    dang / gzugs kyi khams yongs su dag pa dang / gzugs med pa'i khams yongs su dag pas/ shes rab kyi pha rol tu phyin pa yongs su dag go// sa'i khams yongs su dag pas/ shes rab kyi pha rol tu phyin pa yongs su dag go// chu dang / me dang / rlung gi khams yongs su dag pas/ shes rab kyi pha rol tu phyin pa yongs su dag go/ sems can gyi khams yongs su dag pa dang / chos kyi dbyings yongs su dag pa dang / nam mkha'i khams yongs su dag pas/ shes rab kyi pha rol tu phyin pa yongs su dag go/ / de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'di ltar shes rab kyi pha rol tu phyin pa rang bzhin gyis yongs su dag pa ngo mtshar lags so/ / bka' stsal pa/ shA ra dwa ti'i bu/ nam mkha' yongs su dag pas/ shes rab kyi pha rol tu phyin pa yongs su dag go/ / gsol pa/ bcom ldan 'das shes rab kyi pha rol tu phyin pa ni/ gzugs ma mchis/ bstan du ma mchis pa lags so// bka' stsal pa/ shA ra dwa ti'i bu/ 'di ltar shes rab kyi pha rol tu phyin pa ni/ chos gang gi gzugs yongs su grub pa 'am/ bstan par nye bar gnas pa ma yin no//

  121. 61b

    gsol pa/ bcom ldan 'das shes rab kyi pha rol tu phyin pa 'di ni/ thogs pa ma mchis pa lags so// bka' stsal pa/ shA ra dwa ti'i bu/ 'di ltar shes rab kyi pha rol tu phyin pa ni/ gang la thogs pa'i chos gang yang yang dag par rjes su mi mthong ngo // gsol pa/ bcom ldan 'das shes rab kyi pha rol tu phyin pa 'di ni ma bgyis pa'o/ / bka' stsal pa/ shA ra dwa ti'i bu/ byed pa po mi dmigs pa'i phyir ro// gsol pa/ bcom ldan 'das shes rab kyi pha rol tu phyin pa 'di ni/ yang dag par 'du ba ma lags so/ / bka' stsal pa/ shA ra dwa ti'i bu/ 'di ltar shes rab kyi pha rol tu phyin pa ni/ chos gang dang lhan cig 'du bar 'gyur ba'i chos gang yang yang dag par rjes su mi mthong ngo / / gsol pa/ bcom ldan 'das shes rab kyi pha rol tu phyin pa 'di ni/ gdags su ma mchis pa lags so// bka' stsal pa/ shA ra dwa ti'i bu/ 'di ltar shes rab kyi pha rol tu phyin pa ni/ chos gang gis gdags pa'i chos gang yang mi dmigs so// gsol pa/ bcom ldan 'das shes rab kyi pha rol tu phyin pa 'di ni thun mong ba ma lags so/ / bka' stsal pa/ shA ra dwa ti'i bu/ 'di ltar shes rab kyi pha rol tu phyin pa ni/ chos gang dang thun mong du 'gyur

  122. 62a

    pa'i chos gang yang mi dmigs so/ / gsol pa/ bcom ldan 'das shes rab kyi pha rol tu phyin pa 'di ni/ mtshan nyid ma mchis pa lags so// bka' stsal pa/ shA ra dwa ti'i bu/ mtshan nyid mi dmigs pa'i phyir ro// gsol pa/ bcom ldan 'das shes rab kyi pha rol tu phyin pa 'di ni/ snang ba ma mchis pa lags so/ / bka' stsal pa/ snang ba mi dmigs pa'i phyir ro// gsol pa/ bcom ldan 'das shes rab kyi pha rol tu phyin pa 'di ni/ mtha'i yus pa'i pha rol tu phyin pa lags so/ / bka' stsal pa/ shA ra dwa ti'i bu/ gzugs mtha' yas pas/ shes rab kyi pha rol tu phyin pa 'di mtha' yas so// tshor ba dang / 'du shes dang / 'du byed rnams dang / rnam par shes pa mtha' yas pas/ shes rab kyi pha rol tu phyin pa 'di mtha' yas so// phyin ci log mtha' yas pas// shes rab kyi pha rol tu phyin pa 'di mtha' yas so// sgrib pa mtha' yas pas/ pha rol tu phyin pa 'di mtha' yas so// ma rig pa mtha' yas pa dang / 'du byed rnams mtha' yas pa dang / rnam par shes pa mtha' yas pa dang / ming dang gzugs mtha' yas pa dang / skye mched drug dang / reg pa dang / tshor ba dang / sred

  123. 62b

    pa dang / len pa dang / srid pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa mtha' yas pas/ pha rol tu phyin pa 'di mtha' yas so// lta bar gyur pa mtha' yas pa dang / 'dod chags dang / zhe sdang dang / gti mug mtha' yas pa dang / chang pa dang rtag pa mtha' yas pa dang / sngon gyi mtha'i mu mtha' yas pas/ pha rol tu phyin pa 'di mtha' yas so// phyi ma'i mtha'i mu mtha' yas pas/ pha rol tu phyin pa 'di mtha' yas so// sbyin pa mtha' yas pa dang / tshul khrims mtha' yas pa dang / bzod pa mtha' yas pa dang / brtson 'grus mtha' yas pa dang / bsam gtan mtha' yas pa dang / shos rab mtha' yas pas/ pha rol tu phyin pa 'di mtha' yas so// dran pa nye bar gzhag pa mtha' yas pa dang // yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag mtha' yas pa dang / phyin ci ma log pa mtha' yas pas/ pha rol tu phyin pa 'di mtha' yas so// bsam gtan dang / rnam par thar pa dang / ting nge 'dzin dang / snyoms par 'jug pa mtha' yas pas/ pha rol tu phyin pa

  124. 63a

    'di mtha' yas so/ / dmigs pa mtha' yas pas/ pha rol tu phyin pa 'di mtha' yas so// rig pa dang rnam par grol ba'i ye shes mthong ba mtha' yas pas/ pha rol tu phyin pa 'di mtha' yas so// nyan thos kyi sa dang / rang sangs rgyas kyi sa mtha' yas pas/ pha rol tu phyin pa 'di mtha' yas so// nyan thos kyi chos dang / rang sangs rgyas kyi chos dang / sangs rgyas kyi chos mtha' yas pas/ pha rol tu phyin pa 'di mtha' yas so// bdag dang sems can mtha' yas pas/ pha rol tu phyin pa 'di mtha' yas so/ / 'dod pa'i khams mtha' yas pas/ pha rol tu phyin pa 'di mtha' yas so// gzugs kyi khams mtha' yas pa dang / gzugs med pa'i khams mtha' yas pas/ pha rol tu phyin pa 'di mtha' yas so// mngon par shes pa mtha' yas pa dang / sgrib pa mtha' yas pas/ pha rol tu phyin pa 'di mtha' yas so/ / 'das pa dang / ma 'ongs pa dang / da ltar byung ba'i ye shes mthong ba mtha' yas pas/ pha rol tu phyin pa 'di mtha' yas so// chags pa med pa mtha' yas pa dang / nam mkha' mtha' yas pa dang / chos kyi dbyings mtha' yas pas/ pha rol tu phyin pa 'di mtha' yos so// shA ri'i bu/ shes rab kyi pha rol tu phyin

  125. 63b

    pa ni/ thog ma dang / bar ma dang / tha ma mi dmigs so// gang gis kyang mi dmigs so// shA ri'i bu/ 'di lta ste/ shes rab kyi pha rol tu phyin pa 'di ni/ mtha' yas mu med pa'o/ / 'di lta ste/ dper na nam mkha'i mtha' mi dmigs pa de bzhin du/ shes rab kyi pha rol tu phyin pa'i mtha' yang mi dmigs so// sa'i khams mtha' yas pas/ shes rab kyi pha rol tu phyin pa mtha' yas par blta'o// chu'i khams mtha' yas pa dang / me'i khams mtha' yas pa dang / rlung gi khams mtha' yas pa dang / rnam par shes pa'i khams mtha' yas pa/ shes rab kyi pha rol tu phyin pa mtha' yas par khong du chud par bya'o// shA ri'i bu/ shes rab kyi pha rol tu phyin pa ni/ mtha' med/ dbus med/ mu med par khong du chud par bya'o// shA ri'i bu/ 'di ltar shes rab kyi pha rol tu phyin pa ni/ yul ni mi gnas/ phyogs na mi gnas so// shA ri'i bu/ gzugs mu med pas/ shes rab kyi pha rol tu phyin pa mu med par rig par bya'o// de bzhin du sbyar te/ 'di ltar tshor ba dang / 'du shes dang / 'du byed rnams dang / rnam par shes pa mu med pas/ shes rab kyi pha rol tu phyin pa mu med par rig par bya'o// ma rig pa mu med pa nas/ rga shi dang / mya ngan dang / smre sngags 'don pa

  126. 64a

    dang / sdug bsngal ba dang / yid mi bde ba dang / 'khrug pa'i bar du mu med pas/ shA ri'i bu/ shes rab kyi pha rol tu phyin pa mu med par rig par bya'o/ / phyin ci log mu med pa dang / sgrib pa mu med pa dang / lta bar song ba mu med pas/ shA ri'i bu/ shes rab kyi pha rol tu phyin pa mu med par rig par bya'o/ / bdag mu med pa dang / sems can mu med pas/ shes rab kyi pha rol tu phyin pa mu med par rig par bya'o// sbyin pa mu med pa dang / tshul khrims mu med pa dang / bzod pa mu med pa dang / brtson 'grus mu med pa dang / bsam gtan mu med pa dang / shes rab mu med pas/ shes rab kyi pha rol tu phyin pa mu med par rig par bya'o/ / dran pa nye bar gzhag pa dang / yang dag par spong ba mu med pas/ shes rab kyi pha rol tu phyin pa mu med par rig par bya'o// dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa mu med pas/ shes rab kyi pha rol tu phyin pa mu med par bya'o/ / shA ri'i bu/ sdug bsngal ba dang / kun 'byung ba dang / 'gog pa dang / lam mu med pas/ shes rab kyi pha rol tu phyin pa mu med par rig por bya'o// shA ri

  127. 64b

    bu mngon par shes pa mu med pa dang / rnam par grol ba mu med pa dang / rnam par grol ba'i ye shes mthong ba mu med pas/ shes rab kyi pha rol tu phyin pa mu med par rig par bya'o/ / shA ri'i bu/ so so skye bo'i chos mu med pa dang / nyan thos kyi chos mu med pa dang / rang sangs rgyas kyi chos mu med pa dang / sangs rgyas kyi chos mu med pas/ shes rab kyi pha rol tu phyin pa mu med par rig par bya'o// shA ri'i bu/ rig pa mu med pa dang / rnam par grol ba mu med pa dang / rnam par grol ba'i ye shes mthong ba mu med pa sa/ shes rab kyi pha rol tu phyin pa mu med par rig par bya'o// shA ri'i bu/ mu dmigs su med pas/ shes rab kyi pha rol tu phyin pa mu med pa zhes bya'o// mtha' dmigs su med pas/ mtha' yas pa zhes bya'o// shA ri'i bu/ mtha' med pa zhes bya ba de ni/ mu med pa'i tshig go// shA ri'i bu/ bdag ma skyes pas/ chos thams cad mtha' yas par rig par bya'o/ / shA ri'i bu/ nam mkha' mtha' yas pas/ chos thams cad mtha' yas pa med par rig par bya'o// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das chos 'di byang chub sems dpa' ji lta bu dag gi yul du 'gyur ba lags//

  128. 65a

    bcom ldan 'das kyis bka' stsal pa/ shA ri'i bu/ chos 'di ni byang chub sems dpa' gang dag chos kyang mi dmigs na/ chos ma yin pa lta ci smos/ lam yang mi dmigs na/ lam ma yin pa lta ci smos/ tshul khrims kyang mi dmigs shing rlom sems su mi byed na/ 'chal ba'i tshul khrims lta ci smos/ khams gsum thams cad du'ang mi gtogs/ srid par 'gro ba dang / 'chi 'pho dang / skye ba thams cad du'ang mi gtogs/ lus dang srog la'ang mi chags na/ phyi rol gyi dngos po rnams la lha ci smos te/ 'khor ba'i rgyud mthar byas pa/ srid pa'i rgya mtsho chen po las brgal ba/ g.yul chen po las 'das pa'i byang chub sems dpa' de dag gi g.yul dang baglod pa yin no/ / yul thams cad yul ma yin par gang gis yongs su shes pa de dang de dag ni rnam pa de lta bu'i skyes bu dam pa dag ste/ yul thams cad la mi chags pa de dang de dag ni seng ge chen po'o/ / yul thams cad la ma zhugs pa de dang de dag ni rnam pa de lta bu dag go// yul thams cad du sa mi gos pa de dang de dag ni yul ma 'dres pa'o// yul thams cad las yang dag par 'das pa de dang de dag ni ded dpon chen po ste/ shA ri'i bu/ chos 'di ni de dag gi yul dang bgrod pa yin no// shA ri'i bu/ 'khor 'di

  129. 65b

    na gang chos 'di la ma mos shing yul du ma gyur pa 'am/ gang chos rnams 'di lta bu 'di la som nyi dang bcas pa'am/ the tsom dang bcas pa'i byang chub sems dpa' gcig kyang ngas ma mthong ngo / / shA ri'i bu/ 'khor 'ad chos 'di la the tsom med do// nem nur med do// yid gnyis med do// shA ri'i bu/ byang chub sems dpa' 'di dag ni chos 'di la yid gnyis med de/ shA ri'i bu/ skyes bu dam pa 'di dag ni sems can thams cad kyi yid gnyis yang dag par gzhom pa'i phyir gnas pa'o// shA ri'i bu/ 'di dag ni de lta bu'i chos la som nyi med de/ som nye las yang dag par 'das so// shA ri'i bu/ gang yang phyi ma'i tshe phyi ma'i dus na/ chos bstan pa 'di nyan pa de dag kyang / chos thams cad la the tsom med par gnas te/ sems can thams cad kyi the tsom bcad pa'i phyir zhugs par 'gyur ro// shA ri'i bu/ sems can dge ba'i rtsa ba chung ngu rnams ni/ chos 'di la mos par ngas ma bshad do/ / chos 'di la de dag gi go skabs med de/ 'di ni de dag gi nor ma yin no// shA ri'i bu/ chos bstan pa 'di gang dag gi rna lam du thos pa'i sems can de dag kyang dge ba'i rtsa ba chung ngu dang ldan pa ma yin na/ gang dag 'dzin pa dang / 'chang ba dang / klog pa dang / kun chub par byed pa lta ci smos te/ de dag sangs rgyas

  130. 66a

    bcom ldan 'das rnams kyis/ sangs rgyas kyi chos la nges par lung bstan te/ ji ltar da ltar nga seng ge'i sgra sgrog pa dang / 'jigs pa med pa'i sgra dang / skyes bu chen po'i sgra dang / rang byung gi sgra sgrog pa bzhin du/ de dag kyang seng ge'i sgra sgrog par 'gyur ro// gang dag tha na chos 'di la dad pa bskyed nas/ bla na med pa yang dag par rdzogs pa'i byang chub la 'dun pa skyed par 'gyur ba de dag gi chos bstan pa'ang de nyid yin no/ / de ci'i phyir zhe na/ shA ri'i bu/ sems can gang dag chos zab mo thos nas/ dga' ba skyed cing / mchog tu dga' ba dang / mos pa skyed pa de dag ni shin tu rnyed par dka' 'o// shA ri'i bu/ de bas kyang sems can gang chos zab mo thos nas kyang / bla na med pa yang dag par rdzogs pa'i byang chub tu sems skyed cing mos pa skyed de/ dge ba chen po dang ldan pa ni shin tu rnyed par dka' ste/ shA ri'i bu/ shes rab kyi pha rol tu phyin pa 'di gang dag gi rna lam du thos par 'gyur ba dang / thos nas klog pa dang / mos pa dang / dga' ba dang / yid bde ba chen po skyed pa dang / phyi zhing nyan pa'i phyir chos 'di la 'dun pa skyed pa'i sems can de dag kyang / 'khor ba chen por zhugs par ngas ma bshad na/ lung nod pa dang / kha ton byed pa dang / gzhan la ston pa lta ci smos//

  131. 66b

    / shA ri'i bu/ nyan thos dang rang sangs rgyas kyi theg pa la nges par 'gyur bar ma zhugs shing ma nges pa ni/ ngas bla na med pa yang dag par rdzogs pa'i byang chub tu lung bstan to// shA ri'i// bu chos kyi mchog 'di la chos chung ngu dang ldan pa'i sems can rnams kyi go skabs ngas ma mthong ngo // shA ri'i bu/ sangs rgyas kyi byang chub 'di ni rgya chen/ sems can ni phel cher dman pa la mos shing / chos chung ngu dang ldan te/ 'di lta bu'i chos zab mo chags pa med pa la dge bar ma byas shing mi mkhas so// shA ri'i bu/ 'di ni sems can gang dag rgya che zhing / mos pa rgya chen po la mos pa/ theg pa chen po la yang dag par zhugs pa/ dgos pa shin tu yongs su rnyed pa/ go cha chen po shin tu bgos pa/ don legs pa rnam par rtogs pa/ lam chen po drang zhing nyam nga ba med pa/ tshang tshing med pa/ mnyam pa/ smyig ma dang tsher ma med pa/ ngam grog dang g.yang sa med pa/ gtsang ba/ gnod pa med pa/ gya gyu med pa/ yon po ma yin par zhugs pa dang / shA ri'i bu/ gang dag 'jig rten la phan pa dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs pa/ snang ba byed pa/ sems can rnams kyi mu stegs su gyur pa/ snying rje chen po dang ldan pa/ phan par

  132. 67a

    snying brtse ba/ phan par 'dod pa/ bde bar 'dod pa/ grub pa dang bde bar 'dod pa/ sems can thams cad la bde bar sbyar bar nye bar gnas pa'i byang chub sems dpa' sems dpa' chen po de lta bu de dag gi nor chen po yin no/ / shA ri'i bu/ sems can chen po de dag ni chos dkon mchog 'di tshol po ste/ 'di ni de dag gi nor dam pa'o/ / de ci'i phyir zhe na/ shA ri'i bu/ sems can bsod nams ma byas pa/ dman pa la mos pa/ dad pa rab tu nyams pa rnams ni chos kyi nor rgya chen po 'di la mos pa mi skye'o/ / shA ri'i bu/ ngas de la dgongs te/ sems can dman pa la mos pa rnams kyang dman pa la mos pa dang / rgya chen po la mos pa rnams kyang rgya chen po la mos par/ khams so sor sbyor ro zhes bshad do// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das shes rab kyi pha rol tu phyin pa'i spyod yul gang lags/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ri'i bu/ shes rab kyi pha rol tu phyin pa'i yul dang spyod yul ni mtha' yas so// shA ro'i bu/ 'di lta ste/ dper na rlung gi khams kyi yul dang spyod yul ni mtha' yas

  133. 67b

    so/ / de bzhin du shes rab kyi pha rol tu phyin pa'i yul dang spyod yul yang mtha' yas so// shA ri'i bu/ 'di lta ste/ dper na nam mkha'i khams kyi yul dang spyod yul ni mtha' yas so/ / de bzhin du shes rab kyi pha rol tu phyin pa'i yul dang spyod yul ni nam mkha' 'o// shA ri'i bu/ 'di lta ste/ dper na nam mkha'i khams kyi yul dang spyod yul ni mtha' yas so/ / de bzhin du shes rab kyi pha rol tu phyin pa'i yul dang spyod yul yang mtha' yas so// shA ri'i bu/ 'di lta ste/ dper na nam mkha'i khams dang / rlung gi khams ni/ gang na'ang mi snang zhing / chos gang mngon par grub pa'i mtshan nyid du'ang nye bar gnas pa ma yin no// shA ri'i bu de bzhin du shes rab kyi pha rol tu phyin pa'ang chos gang la'ang mi snang zhing / chos gang mngon par grub pa'i mtshan nyid du'ang nye bar gnas pa ma yin no// shA ri'i bu/ 'di lta ste/ dper na nam mkha'i khams dang / rlung gi khams ni gzung du med cing / yongs su ma grub pas/ kha dog gi mtshan ma'i grangs su mi 'gro'o// shA ri'i bu de bzhin du shes rab kyi pha rol tu phyin pa'ang gzung du med cing / yongs su ma grub pas/ kha dog dang mtshan ma gang gis kyang / gang gi grangs su'ang nye bar 'gro ba ma yin no// shA ri'i bu/ 'di lta ste/ dper na nam mkha'i khams dang /

  134. 68a

    rlung gi khams ni chos gang yongs su grub par mthong bar nye bar 'gro ba ma yin no// de bzhin du shes rab kyi pha rol tu phyin pa'ang chos gang yongs su grub par mthong bar nye bar 'gro ba ma yin no/ / gsol pa/ bcom ldan 'das shes rab kyi pha rol tu phyin pa'i mtshan nyid gang lags/ bka' stsal pa/ shA ri'i bu/ shes rab kyi pha rol tu phyin pa 'di ni mtshan nyid med do/ / shA ri'i bu/ 'di lta ste/ dper na nam mkha'i khams dang / rlung gi khams ni chos gang gi yongs su grub pa'i mtshan nyid du'ang nye bar 'gro ba ma yin no/ / shA ri'i bu de bzhin du shes rab kyi pha rol tu phyin pa'ang chos gang yongs su grub pa'i mtshan nyid du'ang nye bar 'gro ba ma yin te/ shA ri'i bu/ 'di ltar med pas shes rab kyi pha rol tu phyin pa ni mtshan nyid med pa'o/ / shA ri'i bu/ 'di lta ste/ dper na nam mkha'i khams ni gang du'ang mi chags so// de bzhin du shes rab kyi pha rol tu phyin pa'ang gang du'ang mi chags te/ de'i phyir chags pa med pa'i mtshan nyid ces bya'o// shA ri'i bu/ chags pa med pa la mtshan nyid ci'ang med mod kyi/ 'on kyang gang gi phyir shes rab kyi pha rol tu phyin pa chags pa med pa'i mtshan nyid do zhes bya ba de ni tha snyad kyi tshig go/ / shA ri'i bu/ chags pa med pa la ni mtshan nyid med cing mtshan ma med de/ de nyid

  135. 68b

    mtshan nyid med par bstan to/ / shA ri'i bu/ chags pa med pa zhes bya ba de ni chags pa yongs su shes pa'o// de ni chags pa mi dmigs pa'o// de ni chags pa'i yang dag pa ji lta ba bzhin no/ / de ni chags pa'i phyin ci log yongs su shes pa'o// shA ri'i bu/ chags pa la chags pa med de/ de'i phyir chags pa'i yang dag pa ji lta ba nyid dang / chags pa mi dmigs pa ni chags pa med pa zhes bya'o/ / shA ri'i bu/ ye shes bstan pas/ shes rab kyi pha rol tu phyin pa 'di chags pa med pa'i mtshan nyid do// shA ri'i bu/ chos thams cad ni chags pa med pa'i mtshan nyid de/ chos gang gi mtshan nyid gang yin pa de ni mtshan nyid med pa ste/ chos gang yang mtshan nyid mngon par 'grub pa'i phyir nye bar gnas pa ma yin no/ / gang la mtshan nyid med pa de ni mtshan nyid med pa zhes bya'o// gang mtshan nyid med pa de la chags pa med do// gal te chos kyi dbyings mtshan nyid gcig/ yod na ni/ chos thams cad la chags par yang 'gyur na/ gang gi phyir chos thams cad mtshan nyid med pa de'i phyir de dag la chags pa med de/ de nas chos thams cad chags pa med pa'i mtshan nyid ces bya ste/ ji skad du brjod pa de bzhin du ni ma yin no// gang chags pa med pa'i mtshan nyid de ni brjod par mi nus so// de ci'i phyir zhe na/ med pa'i

  136. 69a

    phyir chags pa med pa'i mtshan nyid do/ / dben pa'i phyir chags pa med pa'i mtshan nyid do// mi dmigs pa'i phyir chags pa med pa'i mtshan nyid do// shA ri'i bu chos gang chags pa med pa'i mtshan nyid kyi chos gang yin pa de ni/ mthong ba cir yang nye bar gnas pa ma yin zhing / mi mthong bar yang ma yin mod kyi/ 'on kyang de sems can rnams la chags pa med pa'i mtshan nyid ces bstan pa byas so/ / shA ri'i bu/ kun nas nyon mongs pa'i mtshan nyid gang yin pa de ni mtshan nyid med pa ste/ kun nas nyon mongs pa ni mtshan nyid kyi nye bar gnas pa ma yin gyi/ shA ri'i bu/ kun nas nyon mongs pa ni phyin ci log gi nye bar gnas pa'o// phyin ci log gang yin pa de ni mtshan nyid med pa'o/ / gang mtshan nyid med pa de tha snyad kyis kyang mtshan nyid med de/ de mtshan nyid med pa kho na'o// shA ri'i bu/ rnam par byang ba gang yin pa de'ang mtshan nyid med pa'o// de ci'i phyir zhe na/ shA ri'i bu/ kun nas nyon mongs pa nyid kyang mtshan nyid med na/ rnam par byang ba lta ci smos/ shA ri'i bu/ gang kun nas nyon mongs pa yongs su shes pa de ni/ yang dag pa ji lta ba bzhin te/ de la kun nas nyon mongs pa ci'ang med mod kyi/ sems can rnams ni phyin ci log pas/ kun nas nyon mongs so// gang phyin

  137. 69b

    ci log pa de yang dag pa ma yin no/ / gang yang dag pa ma yin pa de yang dag pa yongs su grub pa 'am/ mtshan nyid med do// shA ri'i bu/ gang de ltar shes pa de ni rnam par byang ba zhes bya'o/ / kun nas nyon mongs pa nyid kyang mtshan nyid med na/ rnam par byang ba lta ci smos/ shA ri'i bu/ 'di lta ste/ kun nas nyon mongs pa 'am/ rnam par byang ba'i chos 'di gnyis ni mtshan nyid med cing yongs su ma grub pa'o/ / shA ri'i bu/ chos thams cad ni mtshan nyid med cing yongs su ma grub pa ste/ de ni chags pa med pa zhes bya'o// chos thams cad chags pa med pa'i mtshan nyid ces bya ba ni/ chos thams cad chags pa med pa yin na/ shA ri'i bu/ byis pa so so'i skye bo thams cad ni chags pa med pa la chags so/ shA ri'i bu/ 'di ni chos thams cad chags pa med pa'i mtshan nyid de/ ye shes kyi spyod yul zhes bstan to// shA ri'i bu/ 'di ni shes rab kyi pha rol tu phyin pa'i spyod yul lo/ / chags pa med pa'i mtshan nyid ye shes kyi spyod yul ni/ shes rab kyi pha rol tu phyin pa ste/ de'i phyir shes rab kyi pha rol tu phyin pa'i spyod yul mtha' yas shes bya'o/ / gang chags pa med pa'i de'i yul dang spyod yul mtha' yas so// shA ri'i bu/ spyod yul zhes bya ba de ni/ spyod yul med pa'i chog bla dgaso so// shA ri'i bu/ shes

  138. 70a

    rab kyi pha rol tu phyin pa ni/ spyod yul bstan pa'i mtshan nyid kyi phye ba yin no// shA ri'i bu/ yul zhes bya ba de ni/ chos thams cad yul med pa'o// de ni yang dag pa ji lta ba nyid dang / ji lta ba bzhin pa'o// med pa'i phyir chos thams cad yul med do// chos thams cad de ltar yongs su shes pa de ni/ yul dang spyod yul zhes bya ste/ ji skad du brjod pa bzhin du ni ma yin no// gang chos rnams de ltar yongs su shes pa de ni/ gang la'ang chags pa med de/ chags pa med pa'i mtshan nyid ces bya'o// / de'i phyir shes rab kyi pha rol tu phyin pa chags pa med pa'i mtshan nyid ces bya'o// shA ri'i bu/ 'di lta bu'i chos 'di la grogs mang du ma rnyed do// 'di lta bu'i chos 'chad pa dang yang dag par rab tu ston pa dang / rnam par 'byed pa gang yin pa de ni/ de bzhin gshegs pa'i ye shes kyi yul bstan pa'o// shA ri'i bu/ chos 'di la bden pa mthong ba'i nyan thos dang / byang chub sems dpa' sems dpa' chen po phyir mi zlog pa/ lta ba phun sum tshogs pa'i gang zag phyir mi zlog pa rnams ma gtogs par/ grogs gzham gang yang med de/ lta ba phun sum tshogs pa chos 'di la spyod pa de dag kyang the tsom du 'gyur ro// shA ri'i bu/ byang chub sems dpa' the tsom med pa/ lus mngon sum du

  139. 70b

    gyur pa rnams chos 'di la bzod pa thob par 'gyur gyi/ shA ri'i bu/ byis pa so so'i skye bo rnams ni ma yin no// shA ri'i bu/ shes rab kyi pha rol tu phyin pa 'di ni dman pa la mos pa'i sems can rnams kyi lag tu 'gro bar mi 'gyur gyi/ shA ri'i bu/ shes rab kyi pha rol tu phyin pa bstan pa 'di ni sems can gang dge ba'i rtsa ba yongs su dag pa dang ldan pa/ sangs rgyas mang po la bsnyen bkur byas pa de dag gi lag tu 'gro bar 'gyur ro// shes rab kyi pha rol tu phyin pa bstan pa 'di ni sems can gang dag dge ba'i rtsa ba bskyed pa/ bsam pa dge ba/ sangs rgyas bcom ldan 'das rnams la lhag par bya ba byas pa/ byang chub kyi phyir sa bon bskyed pa/ sangs rgyas kyi theg pa la zhugs pa/ sangs rgyas bcom ldan 'das rnams dang nye bar gnas pa/ tshul bzhin kun 'dri ba de dag gi lag tu 'gro bar 'gyur ro// shes rab kyi pha rol tu phyin pa bstan pa 'di ni/ gang dag bzod pa 'thob pa dang nye bar gyur pa dang / bzod pa thob pa de dag gi lag tu 'gro bar 'gyur ro// gang dag lung bstan pa de dag kyang myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ smon lam gyi dbang gis ni ma gtogs so// gang dag lung ma bstan pa de dag kyang myur du mngon par lung bstan pa thob par 'gyur ro// shA ri'i

  140. 71a

    bu sems can gang dag dge ba'i rtsa ba yongs su ma smin pa'i rna lam du mdo sde 'di thos par gyur pa de dag kyang lung bstan pa nyid du rig par bya na/ gang mdo sde 'di rnyed pa dang / yi ger 'dri ba dang / 'chang ba dang / lung nod pa dang / kha ton byed pa dang / gzhan la'ang rgya cher rab tu ston pa lta ci smos/ shA ri'i bu/ sems can gang dag dge ba'i rtsa ba yongs su ma smin pa de dag gis/ mdo sde 'di mnyan pa dang / yi ger bri ba dang / klog pa dang / kha ton byed pa de ni gnas med de/ shA ri'i bu/ chos kyi rnam grangs 'di ni/ sems can dge ba'i rtsa ba 'bar ba rnams kyi lag tu 'gro bar 'gyur ro// shA ri'i bu khyod mos par bya'o// khyod kyis khong du chud par bya'o// byang chub sems dpa'i theg pa can nam/ nyan thos kyi theg pa can gyi rigs kyi bu 'am/ rigs kyi bu mo des chos 'di rnyed na/ spro ba chung ba dang / le lo dang gnyid che ba dang / shes bzhin med pa dang / dran pa nye bar mi 'jog pa dang / sems g.yengs pa dang / zang zing la chags pa dang / brkam pa dang / mu cor smra ba dang / smon thabs dang / kha phyar dang / dbang po phyal par mi bya'o// shA ri'i bu/ dge ba'i rtsa ba byas pa dag mi bslu'o// byang chub sems dpas chos 'di rnyed nas/ bag yod pa dang

  141. 71b

    brtson 'grus dang / spo ba dang / mos pa dang / le lo med pa dang / dbang po bsdams pa dang / mu cor mi smra ba rab tu bsten par bya'o// dran pa nye bar gzhag pa dang / mang du thos pa la sbyor bar bya'o// brtson 'grus brtsams la/ 'di lta bu'i yon tan 'di dag yongs su bskang ba'i phyir 'bad par bya'o// shA ri'i bu/ 'di lta bu'i chos thos pa'i 'bras bu ni 'di ma yin te/ gang byang chub sems dpa' dang nyan thos 'di lta bu'i chos thos na/ bag med par mi 'gyur ba dang / yid ston par mi 'gyur ba dang / 'dun pa yongs su nyams pa dang / brtson 'grus bri ba dang / ma grims pa ston pa dang / gnod sems mang du 'gyur ba de ni thos pa'i 'bras bu ma yin no// de dag gis 'di lta bu'i chos 'di thos pa ma yin no/ / shA ri'i bu/ thos shes bya ba de ni yang dag pa'i nan tan gyi tshig bla dgas te/ log pa'i nan tan gyi ma yin no// shA ri'i bu/ log par zhugs pas ni/ chos 'di thos par mi 'gyur ro// shA ri'i bu/ thos nas khyod don la mkhas shing / nan tan gyis gnas par bya'o// shA ri'i bu/ log par zhugs pa rnams la rjes su 'thun pa'i bzod pa'ang med do/ / shA ri'i bu/ gang ji skad bstan pa'i chos 'di la log par mi sgrub pa de ni/ chos 'di la nan tan byed pa zhes bya'o// /

  142. 72a

    shA ri'i bu/ bzod pa phun sum tshogs pa'i gang zag nan tan la gnas pa dag ni/ phyir ngan song du 'gro bar mi 'gyur gyi/ myur du chos 'di yang dag par sgrub par 'gyur ro/ / dge ba'i rtsa ba ngan ngon tsam la yid brtan par mi bya ste/ chos 'di yongs su ma grub kyi bar du brtson pa mi gtong ba'ang yid brtan par mi bya'o// shA ri'i bu/ gang chos 'di bslabs pa dang / yongs su grub pa dang / bzod pa thob pa de ni phyir ngan song du 'gro bar 'gyur ba'i las mi byed do// de ni phyir le lo dang 'bri ba la rten par mi 'gyur/ te/ de phyir ldog pa'i 'jigs pa med par 'gyur ro// de lhod par yang mi 'gyur ro// de ci'i phyir zhe na/ shA ri'i bu/ 'di ni kun nas nyon mongs pa dang / rnam par byang ba yongs su shes pa yin no/ / des chos thams cad ni phyin ci log las byung ste/ yang dag pa ma yin pa'o// zhes yang dag pa ji lta ba bzhin du mthong ba yin no// de ltar yad dag pa mthong ba de ni/ bzod pa phun sum tshogs pa yin no// nges pa dang / tshig nyung ba dang / tshul khrims rnam par dag pa la gnas pa dang / cho ga dang / spyod yul dang / spyod pa dang / sdom pa phun sum tshogs pa yin te/ shA ri'i bu/ sems can de lta bu la lha rnams kyang mos par 'gyur na/ mi rnams lta ci smos

  143. 72b

    sems can de lta bu la lha rnams dga' bar 'gyur na/ mi rnams lta ci smos/ de dag gi gan du lha rnams kyang 'gro bar 'gyur na/ mi rnams lta ci smos/ de dag lha rnams kyis kyang bkur sti bya bar 'os pa yin na/ mi rnams lta ci smos/ de dag la lha rnams kyang srung bar 'gyur na/ mi rnams lha ci smos/ de bzhin du klu dang / gnod sbyin dang / srin po dang / nam mkha' lding dang / dri za rnams kyang de dag la srung bar 'gyur/ de dag la srung ba dang / sgrib pa dang / sbed pa'i phyir 'bad par 'gyur ro// dpe'i le'u zhes bya ste bzhi pa'o// / kham po bzhi pa// / de nas tshe dang ldan pa shA ri'i bu sa/ tshe dang ldan pa rab 'byor la 'di skad ces smras so/ tshe dang ldan pa rab 'byor la/ ston pa'ang 'di na mngon sum du gyur/ 'khor 'di'ang chos zab mo bstan pa'i snod du gyur te/ tshe dang ldan pa rab 'byor 'khor 'di ni ngag cing zab mos chos thos par 'dod na/ khyod ci'i phyir shes rab kyi pha rol tu phyin pa la brtsams te spobs par mi byed par cang mi smra bar 'dug/ de skad ces smras pa dang / dang ldan pa rab 'byor gyis 'di skad ces smras so// tshe dang ldan pa kho bos ni gang brtsams te spobs par bya ba'i chos de yang dag par rjes su mi mthong ngo // tshe dang ldan pa shA ri'i bu

  144. 73a

    kho bos ni shes rab kyi pha rol tu phyin pa yang dag par rjes su mi mthong / byang chub sems dpa' dang / spobs pa dang / gang spobs par 'gyur ba dang gang gis spobs par 'gyur ba dang / gang las spobs pa'ang mi mthong ste/ tshe dang ldan pa shA ri'i bu/ kho bos de ltar shes rab kyi pha rol tu phyin pa dang / byang chub sems dpa' sems dpa' chen po dang / gang spobs par 'gyur ba dang / gang gis spobs par 'gyur ba dang / gang las spobs par 'gyur ba dang / gang la spobs par 'gyur ba mi mthong na/ ji skad du bstan par bya/ kho bos gang la brtsams te spobs par bya/ shA ri'i bu/ 'di la shes rab kyi pha rol tu phyin pa 'di ni tha snyad med pa/ smra ra med pa/ brjod du med pa'o// tshe dang ldan pa shA ri'i bu/ shes rab kyi pha rol tu phyin pa ni smra ba 'am/ bsnyad pa 'am/ brjod par mi nus te/ gang de ltar lan 'debs pa ni shes rab kyi pha rol tu phyin pa'o/ / tshe dang ldan pa shA ri'i bu/ shes rab kyi pha rol tu phyin pa ni 'das pa dang / ma 'ongs pa dang / da ltar byung ba ma yin no/ tshe dang ldan pa shA ri'i bu/ shes rab kyi pha rol tu phyin pa ni 'das pa'i mtshan nyid dang / ma 'ongs pa'i mtshan nyid dang / da ltar byung ba'i mtshan nyid du bstan

  145. 73b

    par mi nus so/ / tshe dang ldan pa shA ra dwa ti'i bu/ shes rab kyi pha rol tu phyin pa 'di ni tha snyad ma yin te/ tha snyad med pa'o// tshe dang ldan pa shA ra dwa ti'i bu/ mtshan nyid gang gis shes rab kyi pha rol tu phyin pa bstan pa'i mtshan nyid de yang dag par rjes su mi mthong ngo / / tshe dang ldan pa shA ra dwa ti'i bu/ gzugs kyi 'das pa'i mtshan nyid dam/ ma 'ongs pa'i mtshan nyid dam/ da ltar byung ba'i mtshan nyid gang yin pa de shes rab kyi pha rol tu phyin pa ma yin no// tshor ba dang / 'du shes dang / 'du byed rnams dang / rnam par shes pa'i 'das pa'i mtshan nyid dang / ma 'ongs pa'i mtshan nyid dang / da ltar byung ba'i mtshan nyid gang yin pa de shes rab kyi pha rol tu phyin pa ma yin no// tshe dang ldan pa shA ra dwa ti'i bu/ 'das pa dang / ma 'ongs pa dang / da ltar byung ba'i gzugs kyi mtshan nyid kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de shes rab kyi pha rol tu phyin pa'o// 'das pa dang / ma 'ongs pa dang / da ltar byung ba'i tshor ba dang 'du shes dang / 'du byed rnams dang / rnam par shes pa'i mtshan nyid kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang

  146. 74a

    ba bzhin gyi de bzhin nyid gang yin pa de shes rab kyi pha rol tu phyin pa'o/ / tshe dang ldan pa shA ra dwa ti'i bu/ 'das pa dang / ma 'ongs pa dang / da ltar byung ba'i gzugs dang / tshor ba dang / 'du shes dang / 'du byed rnams dang / rnam par shes pa'i mtshan nyid kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de ni/ gdags pa 'am/ tshig gi las kyis brjod par ram/ bsnyad par ram/ lan gdab par mi nus so/ / tshe dang ldan pa shA ra dwa ti'i bu/ gang de ltar shes rab kyi pha rol tu phyin pa la 'jug pa des shes rab kyi pha rol tu phyin pa rtogs so// tshe dang ldan pa shA ra dwa ti'i bu/ shes rab kyi pha rol tu phyin pa ni/ chos gang bstan pa'i mtshan nyid du'ang nye bar gnas pa ma yin te/ gzugs bstan pa'i mtshan nyid dang / tshor ba dang / 'du shes dang 'du byed rnams dang / rnam par shes pa bstan pa'i mtshan nyid du nye bar gnas pa ma yin no// rten cing 'brel par 'byung ba'i mtshan nyid du nye bar gnas pa ma yin no// ming dang gzugs kyi mtshan nyid dang / bdag gi mtshan nyid dang / sems can gyi mtshan nyid dang / chos kyi dbyings kyi mtshan nyid dang / 'du ba'i mtshan nyid dang /

  147. 74b

    'bral ba'i mtshan nyid dang / rkyen gyi mtshan nyid dang / sdug bsngal gyi mtshan nyid dang / bde ba'i mtshan nyid dang / rnam par gzhag pa'i mtshan nyid dang / skye ba'i mtshan nyid dang / 'jigs pa'i mtshan nyid dang / kun nas nyon mongs pa'i mtshan nyid dang / rnam par byang ba'i mtshan nyid dang / rang bzhin gyi mtshan nyid dang / kun rdzob kyi mtshan nyid dang / don dam pa'i mtshan nyid dang / bden pa'i mtshan nyid dang / brdzun pa'i mtshan nyid dang / 'pho ba'i mtshan nyid dang / 'jug pa'i mtshan nyid du nye bar gnas pa ma yin no/ / de ci'i phyir zhe na/ tshe dang ldan pa shA ra dwa ti'i bu/ shes rab kyi pha rol tu phyin pa ni mtshan nyid thams cad dang bral ba ste/ 'di ni shes rab kyi pha rol tu phyin pa zhe 'am/ 'di na shes rab kyi pha rol tu phyin pa zhe'am/ 'dis shes rab kyi pha rol tu phyin pa 'am/ 'dis shes rab kyi pha rol tu phyin pa zhes de su'i mthong bar yang nye bar mi 'gro'o/ / tshe dang ldan pa shA ra dwa ti'i bu/ chos gang gi shes rab kyi pha rol tu phyin pa bstan pa'i chos de kho bos yang dag par rjes su mi mthong ngo / / tshe dang ldan pa shA ra dwa ti'i bu/ shes rab kyi pha rol tu phyin pa ni/ chos gang nges par bstan par yang nye bar 'gro ba 'am/ nye bar 'gro bar 'gyur ba ma yin

  148. 75a

    no/ / tshe dang ldan pa shA ra dwa ti'i bu/ shes rab kyi pha rol tu phyin pa ni/ gzugs nges par bstan par nye bar 'gro ba ma yin/ tshor ba dang / 'du shes dang / 'du byed rnams dang / rnam par shes pa nges par bstan par nye bar 'gro ba ma yin/ mig dang / rna ba dang / sna dang / lce dang / lus dang / yid nges par bstan par nye bar 'gro ba ma yin no/ / khams rnams nges par bstan par nye bar 'gro ba ma yin/ rten cing 'brel par 'byung ba nges par bstan par nye bar 'gro ba ma yin// rig pa dang rnam par grol ba nges par bstan par nye bar 'gro ba ma yin no// tshe dang ldan pa shA ra dwa ti'i bu/ gang 'jig rten las 'das pa'i shes rab nges par byed par 'gro ba'ang / shes rab kyi pha rol tu phyin pa nges par bstan par nye bar mi 'gro'o// shA ri'i bu/ 'di lta ste/ chos gang nges par bstan par yang nye bar mi 'gro ba'i chos de ji ltar brjod cing nges par bstan par 'gyur/ tshe dang ldan pa shA ri'i bu/ gang dag chos rnams kyi chos de ltar rab tu shes pa de dag gis shes rab kyi pha rol tu phyin pa bstan pa rab tu shes so// tshe dang ldan pa shA ra dwa ti'i bu/ shes rab kyi pha rol tu phyin pa ni/ chos gang bstan pa dang / nges par bstan par yang nye bar gnas pa ma yin no// tshe dang ldan pa shA ra dwa ti'i

  149. 75b

    bu shes rab kyi pha rol tu phyin pa ni/ gzugs bstan pa dang / nges par bstan par nye bar gnas pa ma yin no// tshor ba dang / 'du shes dang / 'du byed rnams dang / rnam par shes pa bstan par nye bar gnas pa ma yin/ ming dang gzugs bstan pa dang / nges par bstan par nye bar gnas pa ma yin/ kun nas nyon mongs pa dang / rnam par byang ba bstan pa dang / nges par bstan par nye bar gnas pa ma yin/ rten cing 'brel par 'byung ba bstan pa dang / nges par bstan par nye bar gnas pa ma yin/ phyin ci log rnams bstan pa dang / nges par bstan par nye bar gnas pa ma yin/ sems can gyi khams dang / bdag gi khams bstan pa dang / nges par bstan par nye bar gnas pa ma yin/ sa'i khams dang / chu'i khams dang / me'i khams dang / rlung gi khams bstan pa dang / nges par bstan par nye bar gnas pa ma yin// 'dod pa'i khams dang / gzugs kyi khams dang / gzugs med pa'i khams bstan pa dang / nges par bstan par nye bar gnas pa ma yin/ tshul khrims dang / 'chal pa'i tshul khrims bstan pa dang / nges par bstan par nye bar gnas pa ma yin/ bzod pa dang / gnod sems dang / brtson 'grus dang / le lo dang /

  150. 76a

    bsam gtan dang / rnam par g.yeng ba dang / shes rab dang / 'chal pa'i shes rab bstan pa dang / nges par bstan par nye bar gnas pa ma yin// dran pa nye bar gzhag pa dang / yang dag par spong ba dang / rdzu 'phrul gyi rkang pa dang / tshad med pa dang / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa bstan pa dang / nges par bstan par nye bar gnas pa ma yin/ bden pa dang / lam dang / 'bras bu bstan pa dang / nges par bstan par nye bar gnas pa ma yin/ nyan thos dang / rang sangs rgyas dang / byang chub sems dpa' bstan pa dang / nges par bstan par nye bar gnas pa ma yin/ nyan thos dang rang sangs rgyas kyi chos dang / byang chub sems dpa'i chos bstan pa dang / nges par bstan par nye bar gnas pa ma yin/ chos gang shes pa dang / mi shes pa dang / bstan pa dang / bstan du med par nye bar gnas pa ma yin/ mi skye ba shes pa dang / zad pa shes pa dang / 'gog pa shes par bstan pa 'am/ bstan pa ma yin par nye bar gnas pa ma yin/ mya ngan 'das pa bstan pa 'am/ bston pa ma yin

  151. 76b

    par nye bar gnas pa ma yin no/ / tshe dang ldan pa shA ra dwa ti'i bu/ 'di lta ste/ chos gang bstan pa 'am/ bstan pa ma yin par nye bar gnas pa ma yin par de'i tha snyad ji ltar// bstan par bya/ tshe dang ldan pa shA ra dwa ti'i bu/ su shes rab kyi pha rol tu phyin pa ni/ chos gang bstan pa 'am/ bstan pa ma yin par nye bar gnas pa ma yin par bstan pa 'di lta bu khong du chud pa des shes rab kyi pha rol tu phyin pa'ang shes shing / shes rab kyi pha rol tu phyin pa bstan pa'ang shes so// tshe dang ldan pa shA ra dwa ti'i bu/ shes rab kyi pha rol tu phyin pa ni/ chos gang la'ang sbyor ba 'am mi sbyor bar nye bar gnas pa ma yin no// de ci'i phyir zhe na/ tshe dang ldan pa shA ra dwa ti'i bu/ shes rab kyi pha rol tu phyin pa ni gzugs la kun tu sbyor bar yang mi byed/ kun tu mi sbyor bar yang mi byed do// de bzhin du tshor ba dang / 'du shes dang / 'du byed rnams dang / rnam par shes pa la kun tu sbyor bar yong mi byed/ kun tu mi sbyor bar yang mi byed do// rten cing 'brel par 'byung ba la kun tu sbyor bar yang mi byed/ kun tu mi sbyor bar yang mi byed do// / 'dod pa'i khams dang / gzugs kyi khams dang / gzugs med pa'i khams la kun tu sbyor bar yang mi byed/ kun tu mi sbyor bar yang mi byed do// sa'i khams dang /

  152. 77a

    chu'i khams dang / me'i khams dang / rlung gi khams la kun tu sbyor bar yang mi byed/ kun tu mi sbyor bar yang mi byed do// sems can gyi khams dang / bdag gi khams dang / chos kyi dbyings dang / nam mkha'i khams la kun tu sbyor bar yang mi byed/ kun tu mi sbyor bar yang mi byed do// tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal ba'i shes rab la kun tu sbyor bar yang mi byed/ kun tu mi sbyor bar yang mi byed do// dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / tshad med pa rnams dang / dbang po rnams dang / stobs rnams dang / byang chub kyi yan lag rnams dang / bsam gtan dang / rnam par thar pa dang / ting nge 'dzin dang / snyoms par 'jug pa la kun tu sbyor bar yang mi byed/ kun tu mi sbyor bar yang mi byed do// lam dang / lam gyi 'bras bu dang / sdug bsngal ba dang / kun 'byung ba dang / 'gog pa la kun tu sbyor bar yang mi byed/ kun tu mi sbyor bar yang mi byed do// nyan thos kyi sa dang / rang sangs rgyas kyi

  153. 77b

    sa dang / byang chub sems dpa'i sa la kun tu sbyor bar yang mi byed/ kun tu mi sbyor bar yang mi byed do// nyan thos kyi chos dang / rang sangs rgyas kyi chos dang / byang chub sems dpa'i chos la kun tu sbyor bar yang mi byed/ kun tu mi sbyor bar yang mi byed do// 'das pa dang / ma 'ongs pa dang / da ltar byung ba shes pa dang / dus gsum mnyam pa nyid la kun tu sbyor bar yang mi byed/ kun tu mi sbyor bar yang mi byed do// thog ma med pa dang / mi skye ba shes pa dang / zad pa shes pa dang / mya ngan 'das pa la kun tu sbyor bar yang mi byed/ kun tu mi sbyor bar yang mi byed do// tshe dang ldan pa shA ra dwa ti'i bu/ 'di lta ste/ chos gang la'ang kun tu sbyor ba 'am/ kun tu mi sbyor bar nye bar gnas pa ma yin pa ste/ ji ltar bstan par bya/ tshe dang ldan pa shA ra dwa ti'i bu/ kho bos chos gang la spobs par 'gyur ba dang / gang gis kho bos spobs par 'gyur bab dang / gang la kho bos spobs par 'gyur ba dang / gang la kho bos brtsams par spobs par 'gyur ba'i chos de yang dag par rjes su mi mthong ste/ kho bos dbang de mthong bas kho bos de skad ces smras so/ / rab 'byor gyi le'u zhes bya ste lnga pa'o// // de nas bcom ldan 'das kyis/ byang chub sems dpa' sems dpa' chen

  154. 78a

    po rab kyi rtsal gyis rnam par gnon pa la 'di skad ces bka' stsal to/ / rab kyi rtsal gyis rnam par gnon pa/ 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ chos gang la'ang mi spyod do// de ci'i phyir zhe na/ rab kyi rtsal gyis rnam par gnon pa/ chos thams cad ni phyin ci log las byung ba/ bden pa ma yin pa/ med pa/ log pa/ yang dag pa ma yin pa ste/ rab kyi rtsal gyis rnam par gnon pa/ de'i phyir gang chos 'ga' zhig la spyod pa de ni phyin ci log la spyod pa'o// de ni yang dag pa ma yin pa la spyod pa'o// rab kyi rtsal gyis rnam par gnon pa/ byang chub sems dpa' ni phyin ci log la spyod pas rab tu rab tu phye ba 'am/ yang dag pa ma yin pa spyod pa rab tu phye ba ma yin no// byang chub sems dpas phyin ci log gam/ yang dag pa ma yin pa la spyod pa de ni/ shes rab kyi pha rol tu phyin pa la spyod pa ma yin no// gang phyin ci log dang yang dag pa ma yin pa de la spyod pa gang yang med pas/ de'i phyir byang chub sems dpa' de la mi spyod do/ / rab kyi rtsal gyis rnam par gnon pa/ phyin ci log ces bya ba 'di ni log pa byis pa so so'i skye bo rnams kyis bzung ba ste/ chos de ni ji lta ba bzhin du ma yin no/ / gang dag ji ltar bzung ba de bzhin du ma yin pa de ni/ phyin ci log dang yang dag pa ma yin pa zhes bya'o// rab kyi rtsal gyis rnam par gnon pa/ byang

  155. 78b

    chub sems dpa' ni phyin ci log dang yang dag pa ma yin pa la mi spyod do/ / rab kyi rtsal gyis rnam par gnon pa/ byang chub sems dpa' ni yang dag par smra ba ste/ phyin ci log ma yin pa la spyod pa'o/ / gang du yang dag pa la phyin ci log pa de la spyod pa gang yang med de/ de'i phyir spyod pa gang yang med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ spyod pa thams cad yang dag par chod pa ni/ byang chub sems dpa'i spyod pa ste/ 'di ni byang chub sems dpa'i spyod pa'o// 'dis byang chub sems dpa'i spyod pa'o/ / 'di'i byang chub sems dpa'i spyod pa'o// 'di las byang chub sems dpa'i spyod pa'o zhes byang chub sems dpa'i spyod pa de kun tu bstan par mi nus te/ byang chub sems dpa'i spyod pa ni de lta bus rab tu phye ba ma yin no// byang chub sems dpa' dag ni/ so so'i skye bo'i spyod pa bzlog pa dang / nyan thos kyi spyod pa bzlog pa dang / rang sangs rgyas kyi spyod pa bzlog pa dang / spyod pa thams cad bzlog pa'i phyir/ byang chub sems dpa'i spyad pa spyod do// rab kyi rtsal gyis rnam par gnon pa/ byang chub sems dpa' 'di dag sangs rgyas kyi chos de dag go/ / 'di sangs rgyas kyi chos de dag go// 'di ni sangs rgyas kyi chos de dag go// 'di'i sangs rgyas kyi chos de dag go zhes sangs rgyas kyi chos

  156. 79a

    gang yin pa de dag la'ang mi spyod cing mngon par zhen pa med de/ rab kyi rtsal gyis rnam par gnon pa/ byang chub sems dpa' ni de ltar mi spyod do// rab kyi rtsal gyis rnam par gnon pa/ 'di dag thams cad ni rnam par rtog pa spyod pa'o// byang chub sems dpa'i spyod pa ni rtog pa thams cad spangs pa yin pas/ byang chub sems dpa' ni rnam par rtog pa dang mi rtog pa la spyod do/ / rab kyi rtsal gyis rnam par gnon pa/ rtog pa zhes bya ba de ni chos rnams la rnam par rtog pa'o// chos thams cad ni rnam par mi rtog pa yin pas/ chos thams cad la brtag par mi nus so// de phyir gang chos la rtog pa de log par rtog pa'o// rab kyi rtsal gyis rnam par gnon pa/ chos ni rtog pa 'am/ mi rtog pa ma yin no// rab kyi rtsal gyis rnam par gnon pa/ rtog pa zhes bya ba de ni mtha' gcig/ mi rtog pa zhes bya ba de ni mtha' gnyis te/ rab kyi rtsal gyis rnam par gnon pa/ byang chub sems dpa' ni mtha' dang mtha' med pa la mi spyod do// gang mtha' dang mtha' med pa la mi spyod pa des ni/ dbus yang dag par rjes su mi mthong ngo / / rab kyi rtsal gyis rnam par gnon pa/ dbus yang dag par rjes su mthong zhing / dbus la spyod na ni mtha' gnyis lo spyod do// rab kyi rtsal gyis rnam par gnon pa/

  157. 79b

    dbus la ni spyod pa bstan pa 'am/ nges par bstan pa gang yang med do// rab kyi rtsal gyis rnam par gnon pa/ dbus shes bya ba de ni 'phags pa'i lam yan lag brgyad pa'i tshig / dgas so// rab kyi rtsal gyis rnam par gnon pa/ 'phags pa'i lam yan lag brgyad pa ni chos gang dmigs pa dang / chos gang mthong ba'i phyir nye bar gnas pa ma yin no// rab kyi rtsal gyis rnam par gnon pa/ nam chos gang la'ang sgom par mi byed/ mi sgom par yang mi byed pa de'i tshe/ lam gyi rgyun ces bya'o// de thams cad la sgom par yang mi byed/ mi sgom par mi byed pas/ sgom pa las yang dag par 'das nas/ chos mnyam pa nyid rnyed de/ chos mnyam pa nyid nges lam gyi 'du shes kyang mi 'byung na/ lam mthong bar lta ga la 'gyur/ rab kyi rtsal gyis rnam par gnon pa/ lam gyi rgyun bcad ces bya ba de ni dge slong zag pa zad pa/ dgra bcom pa'i tshig bla dgas so// de ci'i phyir zhe na/ des bsgom pa'ang med cing / bsgom pa med pa'ang ma yin par lam bsgoms pa med pas/ de'i phyir bsgoms pa med ces bya'o// bsgoms pa med pa'ang de la med pas de'i phyir sgom pa med ces bya'o/ / de bsgom pa dang bral bas de'i phyir bsgoms pa med ces bya'o// rab kyi rtsal gyis rnam par gnon pa/ gal te sgom pa 'am/ bsgom pa

  158. 80a

    med pa zhig yod na ni de dmigs par 'gyur te/ de bsgom pa med par 'gyur ro// rab kyi rtsal gyis rnam par gnon pa/ bsgom pa med pa zhes bya ba ni// de bsgom pa dang bral bas bsgom pa med pa ste/ 'di dngos po dang bral bas/ de'i phyir bsgom pa med pa zhes bya ste/ ji skad du brjod pa de bzhin du ni ma yin no// de ci'i phyir zhe na/ bsgom pa med pa 'di ni brjod du med pa'o// bsgom pa med pa 'di ni bral ba'o// bral ba gang zhe na/ gang phyin ci log kun nas mi ldang ba dang / gang yang dag pa ma yin pa kun nas mi ldang ba'o/ / rab kyi rtsal gyis rnam par gnon pa/ phyin ci log gis phyin ci log kun nas mi slong ste/ phyin ci log gi kun nas langs pa nyid ma yin no// de la kun nas slong ba ci'ang med do// gal te de la slong ba 'ga' zhig yod na ni/ de gang yang brjod na 'di ltar yang dag pa ma yin pa las byung ba de'i phyir phyin ci log ces bya'o// rab kyi rtsal gyis rnam par gnon pa/ byang chub sems dpas ni chos thams cad phyin ci log med par khongs su chud do// de ci'i phyir zhe na/ des phyin ci log ni yang dag pa ma yin par shes pa'i phyir ro/ / phyin ci log la ni phyin ci log med de/ gang gis phyin ci log yang dag pa ma yin pa dang / phyin ci log la phyin ci log med par shes pa

  159. 80b

    / des/ chos thams cad phyin ci log ma yin par khong du chud do// gang phyin ci log med par khong du chud pa de la/ phyin ci log gang yang mi 'byung ngo // gang la phyin ci log gang yang med pa de la spyod pa gang yang med do/ / rab kyi rtsal gyis rnam par gnon pa/ spyod pa thams cad ni spyod pa las byung ba dang / spyod pa la rnam par rtog pas phyin ci log go/ byang chub sems dpa' ni spyod pa la rnam par mi rtog ste/ de'i phyir de phyin ci log med par gnas pa zhes bya'o// gang phyin ci log med pa de ni phyir gang la'ang mi spyod de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ spyod pa med pa zhes bya ba ni/ chos gang la'ang mi spyod/ rnam par mi spyod cing / spyod pa'i mtshan nyid mi ston pa'o// de ni byang chub sems dpa'i spyod pa zhes bya ste/ gang 'di lta bur spyod pa de ni/ shes rab kyi pha rol tu phyin pa la spyod pa'o// rab kyi rtsal gyis rnam par gnon pa/ byang chub sems dpa' gzugs kyi dmigs pa la spyod na/ shes rab kyi pha rol tu phyin pa la spyod pa ma yin no// tshor ba dang / 'du shes dang / 'du byed rnams dang / rnam par shes pa'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ des dmigs pa

  160. 81a

    thams cad rab tu dben par shes pa'i phyir ro/ / dben pa gang yin pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' mig gi dmigs pa la spyod na/ shes rab kyi pha rol tu phyin pa la spyod pa ma yin no// rna ba dang / sna dang / lce dang / lus dang / yid kyi dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ des dmigs pa thams cad yang dag pa ma yin par shes pa'i phyir ro/ / gang dmigs pa thams cad yang dag pa ma yin par shes pa de ni gang la'ang mi spyod de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' gzugs dang / sgra dang / dr-i dang / ro dang / reg bya dang / chos kyi dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ des dmigs pa thams cad phyin ci log las byung bar shes shing / gang phyin ci log pa de yang dag pa ma yin par yongs su shes pa'i phyir ro/ / gang gis phyin ci log yang dag pa ma yin par yongs su shes pa de ni/ dmigs pa gang la'ang mi spyod de/ de'i phyir spyod pa med pa

  161. 81b

    ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' ming dang gzugs kyi dmigs pa la spyod na/ shes rab kyi pha rol tu phyin bapa la spyod pa ma yin no/ / de ci'i phyir zhe na/ des dmigs pa thams cad dmigs su med pa'i rnam par mthong ba'i phyir ro// gang gis dmigs pa thams cad dmigs pa med par khong du chud pa de ni/ dmigs pa gang la'ang mi spyod de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' sems dpa' chen po dag/ sems can dang bdag gi dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis sems can du 'du shes pa dang / bdag tu 'du shes pa de yang dag pa ma yin par shes pa'i phyir ro// gang gis sems can du 'du shes pa dang / bdag tu 'du shes pa yang dag pa ma yin par shes pa de spyad pa gang la mi spyod do/ / gang spyad pa gang la'ang mi spyod pa de spyod pa med pa ste/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' srog tu 'du shes pa dang / gso ba dang / skyes bu dang / gang zag dang / shed las skyes pa dang /

  162. 82a

    shed bu dang / slong ba po dang / kun nas slong ba po dang / byed pa po dang / byed du 'jug pa dang / tshor ba po dang / tshor bar byed par 'du shes pa dang / shes par byed pa dang / shes pa por 'du shes par spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis 'du shes thams cad rnam par shes pa'i phyir ro/ / gang dag gis 'du shes thams cad rnam par bshig pa de dag phyir 'du shes gang la'ang mi spyod de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' phyin ci log dang / lta bar gyur pa dang / sgrib pa la spyod na/ shes rab kyi pha rol tu phyin pa la spyod pa ma yin no/ / phyin ci log dang / lta bar gyur pa dang / sgrib pa'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis phyin ci log dang / lta bar gyur pa dang / sgrib pa'i dmigs pa yongs su shes pa'i phyir ro// gang yongs su shes pa de spyod pa med de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' rten cing 'brel par 'byung ba'i dmigs pa la spyod na/ shes rab kyi

  163. 82b

    pha rol tu phyin pa la spyod pa ma yin no/ / de ci'i phyir zhe na/ de dag gis rten cing 'brel par 'byung ba'ang shes shing / rten cing 'brel par 'byung ba'i dmigs pa'ang shes pa'i phyir ro/ / gang rten cing 'brel par 'byung ba'i dmigs pa shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag 'dod pa'i khams kyi dmigs pa la spyod na/ shes rab kyi pha rol tu phyin pa la spyod pa ma yin/ gzugs dang / gzugs med pa'i khams kyi dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis 'dod pa'i khams dang / gzugs kyi khams dang / gzugs med pa'i khams kyi dmigs pa rnam par bshig pa'i phyir ro// gang 'dod pa'i khams dang / gzugs kyi khams dang / gzugs med pa'i khams kyi dmigs pa rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag tshul khrims dang / 'chal pa'i tshul khrims kyi dmigs pa la spyod na/ shes rab kyi pha rol tu phyin pa la spyod pa ma yin

  164. 83a

    no/ / de ci'i phyir zhe na/ de dag gis tshul khrims dang / 'chal pa'i tshul khrims kyi dmigs pa yongs su shes pa'i phyir ro// gang tshul khrims dang / 'chal pa'i tshul khrims kyi dmigs pa shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag bzod pa dang / gnod sems dang / brtson 'grus dang / bsam gtan dang / rnam par g.yeng ba dang / shes rab dang / 'chal pa'i shes rab kyi dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis dmigs pa thams cad yongs su shes pa'i phyir ro/ / gang dmigs pa thams cad yongs su shes pa de la ni spyod pa gang yang med do// de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag phyin ci log ma yin pa dang / yang dag par spong ba dang / dran pa nye bar gzhag pa dang / tshad med pa'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis dmigs pa thams cad ya ma brlar shes pa'i phyir ro// gang dmigs pa

  165. 83b

    thams cad ya ma brlar yongs su shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa'i dmigs pa la spyod na/ shes rab kyi pha rol tu phyin pa la spyod pa ma yin no/ / de ci'i phyir zhe na/ de dag gis dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa'i dmigs pa rnam par bshig pa'i phyir ro/ / gang rnam par 'jig pa de la spyod pa gang yang med de/ de'i phyir spyod pa med pa zhes bya ba ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' dag sdug bsngal dang / kun 'byung ba dang / 'gog pa dang / lam gyi dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis sdug bsngal dang / kun 'byung ba dang / 'gog pa dang / lam gyi dmigs pa rnam par bshig pa'i phyir ro/ / gang rnam par 'jig pa de la rnam par 'jig pa gang yang med cing / de la'ang spyod pa gang yang med de/ de'i phyir spyod pa med pa ni byang chub sems dpa'i

  166. 84a

    spyod pa zhes bya'o/ / rab kyi rtsal gyis rnam par gnon pa/ byang chub sems dpa' dag rig pa dang rnam par grol ba'i dmigs pa la spyod na/ shes rab tu pha rol tu phyin pa la spyod pa ma yin no/ / de ci'i phyir zhe na/ de dag gis rig pa dang rnam par grol ba'i dmigs pa rnam par bshig pa'i phyir ro// gang rnam par 'jig pa de la spyod pa med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag mi skye ba'i dmigs pa 'am/ zad pa'i dmigs pa 'am/ mngon par 'du mi byed pa'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag mi skye ba dang / zad pa dang / mngon par 'du mi byed pa'i dmigs pa rnam par bshig pa'i phyir ro// gang rnam par 'jig pa de la'ang spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' dag sa dang / chu dang / me dang / rlung dang / nam mkha'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis sa dang / chu dang / me dang / rlung dang / nam mkha'i dmigs

  167. 84b

    pa rnam par bshig pa'i phyir ro/ / gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag nyan thos dang rang sangs rgyas kyi sa'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis nyan thos dang rang sangs rgyas kyi sa'i dmigs pa rnam par bshig pa'i phyir ro// gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' dag nyan thos dang rang sangs rgyas kyi chos kyi dmigs pa la spyod na/ shes rab kyi pha rol tu phyin po la spyod pa ma yin no// de ci'i phyir zhe na/ de dag gis nyan thos dang rang sangs rgyas kyi chos kyi dmigs pa rnam par bshig pa'i phyir ro// gong rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ byang chub sems dpa' dag mya ngan las 'das pa'i dmigs pa la spyod na/ shes rab kyi pha rol tu phyin pa la spyod pa ma yin no// de ci'i phyir zhe na/ de dag gis mya ngan las 'das pa'i

  168. 85a

    dmigs pa yongs su shes pa'i phyir ro/ / gang yongs su shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ / rab kyi rtsal gyis rnam par gnon pa/ byang chub sems dpa' dag mtshan yongs su dag pa'i dmigs pa la spyod ngam/ sangs rgyas kyi zhing yongs su dag pa'i dmigs pa la spyod dam/ nyan thos phun sum tshogs pa'i dmigs pa la spyod dam/ byang chub sems dpa' phun sum tshogs pa'i dmigs pa la spyod na/ shes rab kyi pha rol tu phyin pa lo spyod pa ma yin no/ / de ci'i phyir zhe na/ de dag gis mtshan yongs su dag pa'i dmigs pa dang / sangs rgyas kyi zhing yongs su dag pa'i dmigs pa dang / nyan thos phun sum tshogs pa'i dmigs pa dang / byang chub sems dpa' phun sum tshogs pa'i dmigs pa rnam par bshig pa'i phyir ro// gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o// rab kyi rtsal gyis rnam par gnon pa/ de ltar spyod pa'i byang chub sems dpa' ni shes rab kyi pha rol tu phyin pa la spyod pa'o/ / 'di ni byang chub sems dpa'i shes rab kyi pha rol tu phyin pa la spyod pa'i dmigs pa thams cad yongs su shes pa'i spyod pa dang /

  169. 85b

    dmigs pa thams cad rnam par 'jig pa'i spyod pa'o// rab kyi rtsal gyis rnam par gnon pa/ byang chub sems dpa' da ltar spyod na/ gzugs kyi dmigs pa rnam par dag pa la mi spyod do/ / de bzhin du tshor ba dang / 'du shes dang / 'du byed rnams dang / rnam par shes pa'i dmigs pa rnam par dag pa la mi spyod do// de ci'i phyir zhe na/ des gzugs kyi dmigs pa rang bzhin gyis rnam par dag par yongs su shes pa'i phyir ro// spyod pa de lta bu gang yin pa de byang chub sems dpa'i shes rab kyi pha rol tu phyin pa la spong pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ mig gi dmigs pa rnam par dag pa la mi spyod do// rna ba dang / sna dang / lce dang / lus dang / yid kyi dmigs pa rnam par dag pa la mi spyod do// de ci'i phyir zhe na/ des yid kyi bar gyi dmigs pa rang bzhin gyis rnam par dag par yongs su shes pa'i phyir ro/ / spyod pa de lta bu gang yin pa de byang chub sems dpa'i shes rab kyi pha rol tu phyin pa la spyod pa'o// rab kyi rtsal gyis rnam par gnon pa/ de ltar spyod pa'i byang chub sems dpa' ni gzugs dang / sgra dang / dri dang / ro dang / reg bya dang / chos kyi dmigs pa rnam par dag pa la mi spyod do// de ci'i phyir zhe na/ des chos

  170. 86a

    kyi bar gyi dmyigs pa rang bzhin gyis rnam par dag par yongs su shes pa'i phyir ro/ / spyod pa de lta bu gang yin pa de byang chub sems dpa'i shes rab kyi pha rol tu phyin ba la spyod pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ ming dang gzugs kyi dmigs pa rnam par dag pa la mi spyod do// ci'i phyir zhe na/ des ming dang gzugs kyi dmigs pa rang bzhin gyis rnam par dag par yongs su shes pa'i phyir ro// spyod pa de lta bu gang yin pa de byang chub sems dpa'i shes rab kyi pha rol tu phyin pa la spyod pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ bdag dang sems can gyi dmigs pa rnam par dag pa la mi spyod do/ / de ci'i phyir zhe na/ des bdag dang sems can gyi dmigs pa rang bzhin gyis rnam par dag par yongs su shes pa'i phyir ro// spyod pa de lta bu gang yin pa de byang chub sems dpa'i shes rab kyi pha rol tu phyin pa la spyod pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni srog dang / 'byung ba dang // gang zag dang / byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / lta ba'i dmigs pa rnam par

  171. 86b

    dag pa la mi spyod do/ / de ci'i phyir zhe na/ des srog dang / 'byung ba dang / gang zag dang / byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / lta ba'i dmigs pa rang bzhin gyis rnam par dag par yongs su shes pa'i phyir ro// smod pa de lta bu gang yin pa de byang chub sems dpa'i shes rab kyi pha rol tu phyin pa la spyod pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni phyin ci log dang lta bar gyur pa'i rang bzhin gyis dmigs pa rnam par dag pa la mi spyod do/ / de ci'i phyir zhe na/ des phyin ci log dang lta bar gyur pa'i dmigs pa rang bzhin gyis rnam par dag par yongs su shes pa'i phyir ro// rab kyi rtsal gyis rnam par gnon pa/ de ltar spyod pa'i byang chub sems dpa' ni/ sgrib pa'i dmigs pa rnam par dag pa la mi spyod do// de ci'i phyir zhe na/ des sgrib pa'i dmigs pa rang bzhin gyis rnam par dag par yongs su shes pa'i phyir ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ rten cing 'brel par 'byung ba'i dmigs pa rnam par dag pa la mi spyod do/ / ngo ci'i phyir zhe na/ des rten cing 'brel par 'byung ba'i dmigs pa rang bzhin gyis rnam par dag par yongs su shes

  172. 87a

    pa'i phyir ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ 'dod pa'i khams dang / gzugs kyi khams dang gzugs med pa'i khams kyi dmigs pa rnam par dag pa la mi spyod do/ / de ci'i phyir zhe na/ des 'dod pa'i khams dang / gzugs kyi khams dang / gzugs med pa'i khams kyi dmigs pa rang bzhin gyis rnam par dag par yongs su shes pa'i phyir ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ tshul khrims dang / 'chal pa'i tshul khrims kyi dmigs pa rnam par dag pa la mi spyod do// de ci'i phyir zhe na/ des tshul khrims dang / 'chal pa'i tshul khrims kyi dmigs pa rang bzhin gyis rnam par dag pa yongs su shes pa'i phyir ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab kyi dmigs pa rnam par dag pa la mi spyod do/ / de ci'i phyir zhe na/ des bzod pa dang / gnod sems dang / brtson 'grus dang / le lo dang / bsam gtan dang / rnam

  173. 87b

    par g.yengs pa dang / shes rab dang / 'chal pa'i shes rab kyi dmigs pa rang bzhin gyis rnam par dag par yongs su shes pa'i phyir ro// rab kyi rtsal gyis rnam par gnon pade ltar spyod pa'i byang chub sems dpa' ni/ 'das pa dang / ma 'ongs pa dang / da ltar byung ba'i dmigs pa rnam par dag pa la mi spyod do// de ci'i phyir zhe na/ des 'das pa dang / ma 'ongs pa dang / da ltar byung ba'i dmigs pa rang bzhin gyis rnam par dag par yongs su shes pa'i phyir ro// rab kyi rtsal gyis rnam par gnon pa/ de ltar spyod pa'i byang chub sems dpa' sems dpa' chen po ni/ thogs pa med pa'i dmigs pa rnam par dag pa la mi spyod do// de ci'i phyir zhe na/ des thogs pa med pa'i dmigs pa rang bzhin gyis yongs su dag par shes pa'i phyir ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ mngon par shes pa'i dmigs pa rnam par dag pa la mi spyod do/ / de ci'i phyir zhe na/ des mngon par shes pa'i dmigs pa rang bzhin gyis yongs su dag par shes pa'i phyir ro// rab kyi rtsal gyis rnam par gnon pa/ de ltar spyod pa'i byang chub sems dpa' ni/ thams cad mkhyen pa'i dmigs pa rnam par dag pa la mi spyod do// de ci'i phyir zhe na/ nges thams cad

  174. 88a

    mkhyen pa'i dmigs pa rang bzhin gyis yongs su dag par shes pa'i phyir ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni// shes rab kyi pha rol tu phyin pa la spyod de/ de ni dmigs pa rnam par dag pa gang la'ang mi spyod do// de ci'i phyir zhe na/ dmigs pa thams cad rang bzhin gyis yongs su rnam par dag pa'i phyir ro/ / rab kyi rtsal gyis rnam par gnon pa/ 'di ni byang chub sems dpa' sems dpa' chen po'i dmigs pa thams cad rang bzhin gyis yongs su dag pa shes rab kyi pha rol tu phyin pa la spyod pa'o/ / rab kyi rtsal gyis rnam par gnon pa/ de ltar spyod pa'i byang chub sems dpas/ 'di ni gzugs so zhes yang dag par rjes su mi mthong / 'dis gzugs shes yang dag par rjes su mi mthong / 'di'i gzugs shes yang dag par rjes su mi mthong / 'di las gzugs shes yang dag par rjes su mi mthong ste/ de de ltar gzugs yang dag par rjes su mi mthong bas/ gzugs mi 'deg/ mi 'jog/ gzugs mi skyed/ mi 'gog/ gzugs la mi spyod/ rnam par mi spyod do// gzugs kyi dmigs pa la mi spyod/ rnam par mi spyod // rab kyi rtsal gyis rnam par gnon pa/ de ltar spyod pa'i byang chub sems dpas/ 'di ni tshor ba'o// 'du

  175. 88b

    shes so/ / 'du byed rnams so// 'di ni rnam par shes pa'o zhes yang dag par rjes su mi mthong / 'dis rnam par shes pa zhes yang dag par rjes su mi mthong / 'di'i rnam par shes pa zhes yang dag par rjes su mi mthong / 'di las rnam par shes pa zhes yang dag par rjes su mi mthong ste/ de de ltar rnam par shes pa yang dag par rjes su mi mthong bas/ rnam par shes pa mi 'deg/ mi 'jog/ rnam par shes pa mi skyed/ mi 'gog/ rnam par shes pa la mi spyod/ rnam par mi spyod do// rnam par shes pa'i dmigs pa la mi spyod/ rnam par mi spyod do// rab kyi rtsal gyis rnam par gnon pa/ de ltar spyod pa'i byang chub sems dpa' ni/ shes rab kyi pha rol tu phyin pa la spyod pa'o// rab kyi rtsal gyis rnam par gnon pa/ gzhan yang de ltar spyod pa'i byang chub sems dpa' ni/ gzugs la 'das pa zhes mi spyod/ gzugs la ma 'ongs pa zhes mi spyod/ gzugs la da ltar byung ba zhes mi spyod do/ / de bzhin du tshor ba dang / 'du shes dang / 'du byed rnams dang / rnam par shes pa la 'das pa dang / ma 'ongs pa dang / da ltar byung ba zhes mi spyod do/ / gzugs bdag ces mi spyod/ gzugs la bdag gi zhes mi spyod do// de bzhin du tshor ba dang / 'du shes dang / 'du byed rnams dang

  176. 89a

    rnam par shes pa la bdag ces mi spyod/ rnam par shes pa la bdag gi zhes mi spyod do// gzugs la sdug bsngal lo zhes mi spyod do// de bzhin du tshor ba dang / 'du shes dang / 'du byed rnams dang / rnam par shes pa la sdug bsngal lo zhes mi spyod do// gzugs la bdag gi dang / gzhan gyi zhes mi spyod do/ / de bzhin du tshor ba dang / 'du shes dang / 'du byed rnams dang / rnam par shes pa la bdag gi dang / gzhan gyi zhes mi spyod do// rab kyi rtsal gyis rnam por gnon pa/ de ltar spyod pa'i byang chub sems dpa' ni/ shes rab kyi pha rol tu phyin pa la spyod pa'o// rab kyi rtsal gyis rnam par gnon pa/ gzhan yang byang chub sems dpa' shes rab kyi pha rol tu phyin pa la spyod pa ni/ gzugs kyi kun 'byung ba la mi spyod/ gzugs kyi 'gog pa la mi spyod/ gzugs zab ces mi spyod// gzugs la mi zab ces mi spyod/ gzugs la stong zhes mi spyod/ gzugs la mi stong zhes mi spyod/ gzugs la mtshan ma zhes mi spyod/ gzugs la mtshan ma med pa zhes mi spyod/ gzugs la smon pa zhes mi spyod/ gzugs la smon pa med pa zhes mi spyod/ gzugs la mngon par 'du byed pa zhes mi spyod/ gzugs la mdo

  177. 89b

    par 'du mi byed pa zhes mi spyod do/ / de bzhin du tshor ba dang / 'du shes dang / 'du byed rnams dang / rnam par shes pa'i kun 'byung ba la mi spod/ rnam par shes pa'i 'gog pa la mi spyod/ rnam par shes pa la zab ces mi spyod/ rnam par shes pa la mi zab ces mi spyod/ rnam par shes pa la stong zhes mi spyod/ rnam par shes pa la mi stong zhes mi spyod/ rnam par shes pa la mtshan ma zhes mi spyod/ rnam par shes pa la mtshan ma med pa zhes mi spyod/ rnam par shes pa la smon pa zhes mi spyod/ rnam par shes pa la smon pa med pa zhes mi spyod/ rnam par shes pa la mngon par 'du byed pa zhes mi spyod/ rnam par shes pa la mngon par 'du mi byed pa zhes mi spyod do// de ci'i phyir zhe na/ rab kyi rtsal gyis rnam par gnon pa/ 'di dag thams cad ni rlom sems su gyur pa dang / g.yos pa dang / spros pa dang / sred par gtogs pa'i phyir ro// bdag gis spyad par bya'o zhes bya ba de ni g.yos pa'o// 'dir spyad par bya'o zhes bya ba de ni spros pa'o// 'dis spyod do zhes bya ba de ni sred par gtogs pa'o// 'di la spyad par bya'o zhes bya ba de ni rlom sems so/ / rab kyi rtsal gyis rnam par gnon pa/ de la byang chub sems dpa' dag ni/ de dag thams cad rlom sems dang / g.yos pa dang /

  178. 90a

    spros pa dang / sred par gtogs par shes nas/ mi shes pa thams cad yang dag par gzhom pa'i phyir/ ci la'ang rlom sems su mi byed do// rlom sems su mi byed pas/ gang la'ang mi sbyor ro// de dag gnas med cing / 'du ba'ang med/ 'bral ba'ang med pas/ ci'ang ldan par yang mi byed do// rab kyi rtsal gyis rnam par gnon pa/ 'di ni byang chub sems dpa' sems dpa' chen po shes rab kyi pha rol tu phyin pa la spyod pa'i rlom sems thams cad yang dag par 'joms pa'o// rab kyi rtsal gyis rnam par gnon pa/ gzhan yang byang chub sems dpa' shes rab kyi pha rol tu phyin pa la de ltar spyod pa ni gzugs rtag ce'am/ mi rtag ces mi spyod do// gzugs la stong zhe 'am/ mi stong zhes mi spyod do// gzugs la sgyu ma lta bu zhes mi spyod do// gzugs la rmi lam lta bu zhes mi spyod do// gzugs la mig yor lta bu zhes mi spyod do/ / gzugs la brag cha lta bu zhes mi spyod do// de bzhin du tshor ba dang / 'du shes dang / 'du byed rnams dang / rnam par shes pa la rtag ce 'am/ mi rtag ces mi spyod do/ / rnam par shes pa la stong zhe 'amo/ mi stong zhes mi spyod do// rnam par shes pa la sgyu ma lta bu zhes mi spyod do// rnam par shes pa la rmi lam lta bu zhes mi spyod do//

  179. 90b

    rnam par shes pa la mig yor lta bu zhes mi spyod do// rnam par shes pa la brag cha lta bu zhes mi spyod do// de ci'i phyir zhe na/ rab kyi rtsal gyis rnam par gnon pa/ de dag rnam par brtags pa dang / rnam par spyad pa dang / spyad pa dang / rnam par spyod pa yin pa'i phyir ro// rab kyi rtsal gyis rnam par gnon pa/ byang chub sems dpa' ni de dag thams cad rnam par brtags pa dang / rnam par spyad pa dang / spyad pa dang / rnam par spyod pa yin par shes nas/ spyod pa thams cad yang dag par gzhom pa dang / spyod pa thams cad yongs su shes par bya ba'i phyir shes rab kyi pha rol tu phyin pa la spyod de/ rab kyi rtsal gyis rnam par gnon pa/ 'di ni byang chub sems dpa'i spyod pa bstan pa'o// de skad ces bka' stsal pa dang / bcom ldan 'das la/ byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to// byang chub sems dpa'i shes rab kyi pha rol tu phyin pa la spyod pa 'di ni bsam gyis mi khyab pa lags so/ / bka' stsal pa/ rab kyi rtsal gyis rnam par gnon pa/ de de bzhin te/ gzugs bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// de bzhin du tshor ba dang / 'du shes dang / 'du byed

  180. 91a

    rnams dang / rnam par shes pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// ming dang gzugs bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// rten cing 'brel par 'byung ba bsam gyis mi khyab pa dang / kun nas nyon mongs pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// las kyi / rnam par smin pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// phyin ci log bsam gyis mi khyab pa dang / lta bar gyur pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// 'dod pa'i khams bsam gyis mi khyab pa dang / gzugs kyi khams dang / gzugs med pa'i khams bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo/ / bdag bsam gyis mi khyab pa dang / sems can bsam gyis mi khyab pa dang / sbyin pa bsam gyis mi khyab pa dang / sor sna bsam gyis mi khyab pa dang /

  181. 91b

    tshul khrims bsam gyis mi khyab pa dang / 'chal pa'i tshul khrims bsam gyis mi khyab pa dang / bzod pa bsam gyis mi khyab pa dang / gnod sems bsam gyis mi khyab pa dang / brtson 'grus bsam gyis mi khyab pa dang / le lo bsam gyis mi khyab pa dang / bsam gtan bsam gyis mi khyab pa dang / rnam par g.yeng ba bsam gyis mi khyab pa dang / shes rab bsam gyis mi khyab pa dang / 'chal pa'i shes rab bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo/ / 'dod chags dang / zhe sdang dang / gti mug bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo/ / dran pa nye bar gzhag pa bsam gyis mi khyab pa dang / yang dag par spong ba dang / phyin ci log pa dang / tshad med pa dang / rdzu 'phrul gyi rkang pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di'ang bsam gyis mi khyab bo// dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi

  182. 92a

    khyab bo/ / sdug bsngal ba dang / kun 'byung ba dang / 'gog pa dang / lam bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo/ / rig pa dang rnam par grol ba bsam gyis mi khyab pa dang / zad pa shes pa dang / mi skye ba shes pa dang / mngon par 'du mi byed pa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// nyan thos dang rang sangs rgyas kyi sa bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// nyan thos dang rang sangs rgyas kyi chos bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo/ / mngon par shes pa bsam gyis mi khyab pa dang / 'das pa dang / ma 'ongs pa dang / da ltar byung ba bsam gyis mi khyab pas/ byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// // bam po lnga pa// / thogs pa med pa'i spobs pa bsam gyis mi khyab pa dang / mya ngan las 'das pa bsam gyis mi khyab pa dang / sangs rgyas kyi chos bsam gyis mi khyab pas/

  183. 92b

    byang chub sems dpa'i shes rab kyi pha rol tu phyin pa la spyod pa 'di bsam gyis mi khyab bo// de ci'i phyir zhe na/ rab kyi rtsal gyis rnam par gnon pa/ byang chub sems dpa'i shes rab kyi pha rol tu phyin pa ni/ sems bskyed pa ma yin pa'i phyir te/ de'i phyir bsam gyis mi khyab pa zhes bya'o// rab kyi rtsal gyis rnam par gnon pa/ sems bskyed ces bya ba de ni phyin ci log go/ / rab kyi rtsal gyis rnam par gnon pa/ sems shes bya ba de ni sems rab tu rtogs pa'o// rab kyi rtsal gyis rnam par gnon pa/ sems kyi rang bzhin gang yin pa de skye ba dang 'byung ba med do/ / rab kyi rtsal gyis rnam par gnon pa/ phyin ci log dang ldan pa ni sems skye ste/ de la sems kyang sgrib pa med la/ phyin ci log gang gis bskyed pa de'ang sgrib pa med pa yin no/ / rab kyi rtsal gyis rnam par gnon pa/ byis pa so so'i skye bo rnams ni sgrib pa med pa dang / gang du skye ba de'ang sgrib pa med pa dang / gang gis bskyod pa de'ang sgrib pa med par mi shes so// de dag ni sems dben par mi shes shing / dmigs pa dben par mi shes pas bdag sems/ bdag gi sems// 'di'i sems/ 'di las sems shes mngon par bzhen to// de dag sems la mngon par bzhen pas/ dge ba zhes mngon par zhen/ sgrib pa zhes mngon par zhen/

  184. 93a

    bde ba zhes mngon par zhen/ sdug bsngal zhes mngon par zhen/ chad pa zhes mngon par zhe na/ rtag pa zhes mngon par zhe na/ lta bar gyur pa zhes/ mngon par zhe na/ sgrib pa zhes mngon par zhe na/ tshul khrims dang / 'chal pa'i tshul khrims shes mngon par zhe na/ 'dod pa'i khams dang / gzugs kyi khams dang / gzugs med pa'i khams zhes mngon par zhe na/ rten cing 'brel par 'byung ba zhes mngon par zhe na/ ming dang gzugs shes mngon par zhe na/ 'dod chags dang zhe sdang dang / gti mug ces mngon par zhe na/ phrag dog dang ser sna zhes mngon par zhe na/ nga'o snyam pa'i nga rgyal zhes mngon par zhe na/ sdug bsngal zhes mngon par zhen/ kun 'byung zhes mngon par zhe na/ 'gog pa zhes mngon par zhe na/ lam zhes mngon par zhe na/ dran pa nye bar gzhag pa dang / yang dag par spong ba dang / phyin ci ma log pa dang / rdzu 'phrul gyi rkang pa dang / dbang po dang / stobs dang / byang chub kyi yan lag ces mngon par zhe na/ bsam gtan dang / rnam par thar pa dang / ting nge 'dzin dang / snyoms par 'jug pa zhes mngon par zhe na/ mi skye ba dang / zad pa dang / mngon par 'du mi byed pa zhes mngon par zhe na/ nyan thos dang rang sangs rgyas

  185. 93b

    kyis zhes mngon par zhen/ nyan thos dang rang sangs rgyas kyi chos la'ang mngon par zhe na/ mngon par shes pa la'ang mngon par zhe na/ mya ngan las 'das pa la'ang mngon par zhen// sangs rgyas kyi ye shes la'ang mngon par zhe na/ mtshan ma la'ang mngon par zhe na/ sangs rgyas kyi zhing la'ang mngon par zhe na/ nyan thos phun sum tshogs pa la'ang mngon par zhen/ byang chub sems dpa' phun sum tshogs pa la'ang mngon par zhen to// rab kyi rtsal gyis rnam par gnon pa/ de la byang chub sems dpas mngon par zhen pa 'di lta bu dag ni/ sems can rnams kyi phyin ci log gi sems las byung bar mthong nas/ phyin ci log gang la'ang sems mi bskyed do// de ci'i phyir zhe na/ shes rab kyi pha rol phyin pa ni sems dang bral ba'i phyir ro/ / rab kyi rtsal gyis rnam par gnon pa/ gang sems rang bzhin gyis 'od gsal ba dang / rang bzhin gyis yongs su dag pa de la sems bskyed pa gang yang med do/ / rab kyi rtsal gyis rnam par gnon pa/ dmigs pa yod pas byis pa so so'i skye bo rnams sems skyed do// de la byang chub sems dpa' dmigs pa'ang/ rab tu shes shing / sems gang nas skye zhes sems skye ba'ang rab tu shes pas/ de 'di snyam du sems 'di ni rang bzhin gyis 'od gsal ba'o zhes rtog cing 'di snyam du sems

  186. 94a

    te/ dmigs pa la brten nas sems skye'o snyam mo// nges dmigs pa yongs su shes pas sems mi skyed/ mi 'gog pa ste/ de'i sems de 'od gsal dang / kun nas nyon mongs pa can ma yin par/ ying du 'ong ba dang yongs su dag pa yin no// de sems mi skye ba la gnas pas/ chos gang yang mi skye/ mi 'gog gorab kyi rtsal gyis rnam par gnon pa/ 'di ni shes rab kyi pha rol tu phyin pa la spyod pa'i byang chub sems dpa'i sems skye ba gnas pa ste/ chos gang 'di ltar spyod pa'i byang chub sems dpa' de ni/ shes rab kyi pha rol tu phyin pa la spyod pa'o// de ltar spyod pa de bdag shes rab kyi pha rol tu phyin pa la spyod do zhe 'am/ 'di ni shes rab kyi pha rol tu phyin pab la spyod do zhe 'am/ 'dis shes rab kyi pha rol tu phyin pa la spyod do zhe 'am/ 'di nas shes rab kyi pha rol tu phyin pa la spyod do zhes de snyam du mi sems so// gal te 'di ni shes rab kyi pha rol tu phyin pa zhe 'am/ 'dis shes rab kyi pha rol tu phyin pa zhe 'am/ 'di'i shes rab kyi pha rol tu phyin pa zhe 'am/ 'di nas shes rab kyi pha rol tu phyin pa zhes kun shes na ni shes rab kyi pha rol tu phyin pa la spyod pa ma yin no/ / bdag shes rab kyi pha rol tu phyin pa la spyod do snyam pa'i shes rab kyi pha rol tu phyin pa de'ang yang dag par rjes

  187. 94b

    su ma mthong mi dmigs pa ni/ shes rab kyi pha rol tu phyin pa la spyod pa'o// de skad ces bka' stsal pa dang / bcom ldan 'das la/ byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ / bcom ldan 'das/ 'di lta ste/ shes rab kyi pha rol tu phyin pa la spyod pa/ byang chub sems dpa'i spyod pa 'di ni bla na ma mchis pa lags so/ / bcom ldan 'das/ 'di lta ste/ shes rab kyi pha rol tu phyin pa la spyod pa/ byang chub sems dpa'i spyod pa 'di ni 'od gsal ba lags so/ / bcom ldan 'das/ 'di lta ste/ shes rab kyi pha rol tu phyin pa la spyod pa/ byang chub sems dpa'i spyod pa 'di ni lhag na ma mchis pa lags so/ / bcom ldan 'das/ 'di lta ste/ shes rab kyi pha rol tu phyin pa la spyod pa/ byang chub sems dpa'i spyod pa 'di ni mngon par 'phags pa lags so// bcom ldan 'das/ 'di lta ste/ shes rab kyi pha rol tu phyin pa la spyod pa/ byang chub sems dpa'i spyod pa 'di ni mi non pa lags te/ bdud dam/ bdud kyi 'khor tam/ gzhan yang mtshan ma la spyod pa dang / dmigs pa la spyod pa dang / bdag tu lta ba dang / sems can du lta ba dang / srog tu lta ba dang / gang zag tu lta ba dang / chad

  188. 95a

    par lta ba dang / rtag par lta ba dang / phung por lta ba dang / khams su lta ba dang / skye mched du lta ba dang / sangs rgyas su lta ba dang / chos su lta ba dang / dge 'dun du lta ba dang / mya ngan las 'das par lta ba dang / thob par 'du shes pa dang / nga rgyal can dang / 'dod chags dang / zhe sdang dang / gti mug la spyod pa dang / phyin ci log la spyod pa dang / log pa'i lam la rab tu gnas pa gang gis kyang mi non pa lags so// bcom ldan 'das/ 'di lta ste/ shes rab kyi pha rol tu phyin pa la spyod pa/ byang chub sems dpa'i spyod pa 'di ni 'jig rten thams cad las mngon par 'phags pa lags so// de skad ces gsol pa dang / bcom ldan 'das kyis/ byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to// de de bzhin no// rab kyi rtsal gyis rnam par gnon pa/ de bzhin te/ byang chub sems dpa'i spyod pa 'di ni bdud dam/ bdud kyi ris kyi lha'i bu 'am/ bdud kyi 'khor gyis mi non pa'o// mya ngan las 'das par lta ba 'am/ mya ngan las 'das pa la mngon par zhen pa'i byis pa so so'i skye bo thams cad kyis mi non pa'o/ / rab kyi rtsal gyis rnam par gnon pa/ 'di ni byang chub sems dpa' rnams kyi spyod pa yin

  189. 95b

    gyi'adi ni so so'i skye bo thams cad kyi spyod pa ma yin/ 'di ni slob pa dang / mi slob pa dang / nyan thos kyi theg pa can/ rang sangs rgyas kyi theg pa can rnams kyi spyod pa ma yin no/ / rab kyi rtsal gyis rnam par gnon pa/ gal te 'di nyan thos kyi theg pa can nam/ rang sangs rgyas kyi theg pa can rnams kyi spyod par gyur tu zin na ni/ de dag la nyan thos kyi theg pa can nam/ rang sangs rgyas kyi theg pa can zhes bya ba'i tha snyad 'di gang yang med par 'gyur te/ byang chub sems dpa' nyid du 'gyur zhing / de dag mi 'jigs pa bzhi thob pa'i de bzhin gshegs par 'gyur ba zhig na/ rab kyi rtsal gyis rnam par gnon pa/ 'di ltar spyod pa 'di nyan thos kyi theg pa can rnams kyi ma yin/ rang sangs rgyas kyi theg pa can rnams kyi ma yin te/ de'i phyir de dag byang chub sems dpa' zhes bya ba'i grangs su mi 'gro/ mi 'jigs pa bzhi thob pa'i de bzhin gshegs par yang mi 'gyur ro// rab kyi rtsal gyis rnam par gnon pa/ gang shes rab kyi pha rol tu phyin pa la spyod pa 'di ni mi 'jigs pa'i sa'i las so// rab kyi rtsal gyis rnam par gnon pa/ de ltar spyod pa'i byang chub sems dpa' dag ni bla na med pa yang dag par rdzogs pa'i byang chub mngon par rdzogs par sangs ma rgyas smon lam gyi dbang dang / sangs rgyas bcom ldan 'das rnams kyi byin gyi rlabs

  190. 96a

    kyi dbang gis myur du mi 'jigs pa bzhi thob par 'gyur ro/ / rab kyi rtsal gyis rnam par gnon pa/ nyan thos kyi theg pa can rnams dang / rang sangs rgyas kyi theg pa can rnams la mi 'jigs pa bzhi med de/ de dag la de bzhin gshegs pa'ang mi 'jigs pa bzhi byin gyis mi rlob bo// rab kyi rtsal gyis rnam par gnon pa/ smon lam gyi dbang gis gang gis mi 'jigs pa bzhi 'thob par 'gyur ba de ni byang chub sems dpa'i sa'o/ / de ci'i phyir zhe na/ rab kyi rtsal gyis rnam par gnon pa/ shes rab kyi pha rol tu phyin pa la spyod pa'i byang chub sems dpa' dag ni/ so so yang dag par rig pa bzhi thob par 'gyur ba'i phyir te/ bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// so so yang dag par rig pa 'di bzhi dang ldan pa de dag mngon par rdzogs par sangs rgyas kyang / smon lam gyi dbang gis mi 'jigs pa bzhi rab tu 'dzin to// de bzhin gshegs pas kyang / de dag dge ba'i rtsa ba dang ldan par mkhyen/ shes rab kyi pha rol tu phyin pa'i sa'ang rjes su thob par mkhyen nas/ mi 'jigs pa bzhi byin gyis rlob bo// rab kyi rtsal

  191. 96b

    gyis rnam par gnon pa/ de'i phyir byang chub sems dpa' so so yang dag par rig pa bzhi thob par 'dod cing / myur du mi 'jigs pa bzhi la mkhas par 'gyur bar 'dod na/ shes rab kyi pha rol tu phyin pa la bslab par bya'o// spyad par bya'o// rab kyi rtsal gyis rnam par gnon pa/ gzhan yang shes rab kyi pha rol tu phyin pa la spyod pa'i byang chub sems dpas chos thams cad kyi rgyu dang / kun 'byung ba dang / nub pa dang / 'gog pa'ang rab tu shes te/ des shes rab kyi pha rol tu phyin pa la chos gang yang mi sbyor ro/ / chos thams cad kyi rgyu dang / kun 'byung ba dang / 'gog pa dang / lam dang / mtshan nyid rab tu shes pas/ gzugs la sgom par yang mi byed/ mi sgom par yang mi byed/ de bzhin du tshor ba dang / 'du shes dang / 'du byed rnams dang / rnam par shes pa la sgom par yang mi byed/ mi sgom par yang mi byed/ ming dang gzugs la sgom par yang mi byed/ mi sgom par yang mi byed/ kun nas nyon mongs pa dang / rnam par byang ba la sgom par yang mi byed/ mi sgom par yang mi byed/ phyin ci log dang / sgrib pa dang / lta bar gyur pa la sgom par yang mi byed/ mi sgom par yang mi byed/ 'dod chags dang / zhe sdang dang /

  192. 97a

    gti mug la sgom par yang mi byed/ mi sgom par yang mi byed/ 'dod pa'i khams dang / gzugs kyi khams dang / gzugs med pa'i khams la sgom par yang mi byed/ mi sgom par yang mi byed/ sems can gyi khams dang / bdag gi khams la sgom par yang mi byed/ mi sgom par yang mi byed/ chad par lta ba dang / rtag par lta ba la sgom par yang mi byed/ mi sgom par yang mi byed/ sbyin pa dang / ser sna dang / tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab la sgom par yang mi byed/ mi sgom par yang mi byed/ dran pa nye bar gzhag pa dang / yang dag par spong ba dang / phyin ci log pa dang / rdzu 'phrul gyi rkang pa dang / tshad med pa la sgom par yang mi byed/ mi sgom par yang mi byed/ dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa la sgom par yang mi byed/ mi sgom par yang mi byed/ rten cing 'brel par 'byung ba la sgom par yang mi byed/ mi sgom par yang mi byed/ sdug bsngal dang / kun 'byung

  193. 97b

    ba dang / 'gog pa dang / lam la sgom par yang mi byed/ mi sgom par yang mi byed/ zad pa shes pa dang / mngon par 'du mi byed pa shes pa la sgom par yang mi byed/ mi sgom par yang mi byed/ so so'i skye bo'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa la sgom par yang mi byed/ mi sgom par yang mi byed/ so so'i skye bo'i chos dang / nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos la sgom par yang mi byed/ mi sgom par yang mi byed/ zhi gnas dang / lhag mthong la sgom par yang mi byed/ mi sgom par yang mi byed/ mya ngan las 'das pa la sgom par yang mi byed/ mi sgom par yang mi byed/ 'das pa dang / ma 'ongs pa dang / da ltar byung ba'i ye shes mthong ba la sgom par yang mi byed/ mi sgom par yang mi byed/ thogs po meng ba'i ye shes la sgom par yang mi byed/ mi sgom par yang mi byed/ sangs rgyas kyi ye shes dang / sangs rgyas kyi mi 'jigs pa la sgom par yang mi byed/ mi sgom par yang mi byed do/ / de ci'i phyir zhe na/ rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par

  194. 98a

    shes pa ni bsgom par bya ba ma yin pa'i phyir ro/ / ming dang gzugs dang / phyin ci log dang / lta bar gyur pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / phyin ci ma log pa dang / tshad med pa dang / dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa dang / mngon par shes pa dang / zad pa shes pa dang / mngon par 'du mi byed pa shes pa ni bsgom par bya ba ma yin pa'i phyir ro// so so'i skye bo'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa ni bsgom par bya ba ma yin pa'i phyir ro// so so'i skye bo dang / nyan thos dang / rang sangs rgyas dang / byang chub sems dpa'i chos ni bsgom par bya ba ma yin pa'i phyir ro// mya ngan las 'das pa ni bsgom par bya ba ma yin pa'i phyir ro// 'das pa dang / ma 'ongs pa dang / da ltar byung ba'i ye shes mthong ba ni bsgom par bya ba ma yin pa'i phyir ro// thogs pa med pa'i ye shes ni bsgom par bya ba ma yin pa'i phyir ro/ / yang dag par rdzogs pa'i sangs rgyas kyi ye shes kyang bsgom par bya ba ma yin pa'i phyir ro// do ci'i phyir zhe na/ rab kyi rtsal gyis rnam par gnon pa/ dngos

  195. 98b

    bo yongs su grub pa gang yang med pa'i phyir/ tha snyad 'di dag thams cad ni yang dag pa ma yin pa ste/ de la ngo bo nyid gang yang med do// rab kyi rtsal gyis rnam par gnon pa/ chos thams cad ni yang dag pa ma yin pa/ ma byung ba ste/ dngos po med pa'i rang bzhin no// de ci'i phyir zhe na/ phyin ci log gang yin pa de ni yang dag pa ma yin pa ste/ chos thams cad ni phyin ci log las byung ba'i phyir ro/ / phyin ci log gang yin pa de yang dag pa ma yin pa'o// rab kyi rtsal gyis rnam par gnon pa/ chos thams cad ni dngos po med pa ste/ rang bzhin med pa'i phyir dngos po mi dmigs so// rab kyi rtsal gyis rnam par gnon pa/ dngos po med pa zhes bya ba de ni yang dag pa ma yin zhing ma byung ba ste de'i phyir dngos po med pa zhes bya'o/ / rab kyi rtsal gyis rnam par gnon pa/ dngos po med pa zhes bya ba 'di ni med pa yongs su bstan pa'o// gang la dngos po med pa de la bsgom pa'ang med/ mi bsgom pa'ong med do// rab kyi rtsal gyis rnam par gnon pa/ sems can rnams ni phyin ci log las byung bas sgom par yang byed/ mi sgom par yang byed de/ de la dngos po ci'ang med do// de ci'i phyir zhe na/ rab kyi rtsal gyis rnam par gnon pa/ chos thams cad ni dngos po med pa'i phyir ro// dngos po med pa'i rang

  196. 99a

    bzhin te/ dngos po dang bral bas/ de la ni bsgom par bya ba ci'ang med do// rab kyi rtsal gyis rnam par gnon pa/ gang gi tshe byang chub sems dpa' chos 'di dag la chos kyi rjes su lta zhing gnas te/ shes rab kyi pha rol tu phyin pa la spyod cing / chos gang la'ang sgom par yang mi byed/ mi sgom par yang mi byed pa de shes rab kyi pha rol tu phyin pa la bsgom pa zhes bya'o/ / rab kyi rtsal gyis rnam par gnon pa/ de ltar spyod cing de ltar gnas na/ byang chub sems dpa' shes rab kyi pha rol tu phyin pa la bsgom pa yongs su rdzogs par 'gyur ro/ / rab kyi rtsal gyis rnam par gnon pa/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ gzugs dang 'phrad pa'i rgyur sems mi skyed do// tshor ba dang / 'du shes dang / 'du byed rnams dang / rnam par shes pa dang 'phrang pa'i rgyur sems mi skyed/ tha ba dang ldan pa'i sems mi skyedaganod sems dang ldan pa'i sems mi skyed/ ser sna dang ldan pa'i sems mi skyed/ kun nas nyon mongs pa dang ldan pa'i sems mi skyed/ le lo dang ldan pa'i sems mi skyed/ rnam par g.yeng ba dang ldan pa'i sems mi skyed/ 'chal pa'i shes rab dang ldan pa'i

  197. 99b

    sems mi skyed/ 'dod pa dang ldan pa'i sems mi skyed/ gzugs kyi dmigs pa la mngon par zhen pa dang ldan pa'i sems mi skyed/ brnab sems dang ldan pa'i sems mi skyed/ phra ma dang ldan pa'i sems mi skyed/ log par lta ba dang ldan pa'i sems mi skyed/ longs spyod la mngon par zhen pa dang ldan pa'i sems mi skyed/ dbang phyug la mngon par zhen pa dang ldan pa'i sems mi skyed/ longs spyod chen po'i rigs su skye ba la mngon par zhen pa dang ldan pa'i sems mi skyed/ lhar skye ba la mngon par zhen pa dang ldan pa'i sems mi skyed/ 'dod pa'i khams la mngon par zhen pa dang ldan pa'i sems mi skyed/ gzugs dang gzugs med pa'i khams la mngon par zhen pa dang ldan pa'i sems mi skyed/ nyan thos kyi sa dang ldan pa'i sems mi skyed/ rang sangs rgyas kyi sa dang ldan pa'i sems mi skyed/ byang chub sems dpa'i spyod pa la mngon par zhen pa dang ldan pa'i sems mi skyed/ tha na mya ngan las 'das par lta ba dang ldan pa'i sems mi skyed do// de sems rnam par dag pa 'di dang ldan pas/ sems can rnams la byams pa dang / snying rje dang / dga' ba dang / btang snyoms kyis khyab par byed do// des sems can du 'du shes pa rnam par bshig pa yin te/ sems can

  198. 100a

    du 'du shes pa la'ang mi gnas/ tshangs pa'i gnas pa bzhi po dag la'ang mngon par ma zhen te/ thabs la mkhas pa dang ldan pa shes rab dang ldan par 'gyur ro/ / chos de dag dang ldan zhing / shes rab kyi pha rol tu phyin pa la spyod pa'i shes rab kyi pha rol tu phyin pa bsgom pa myur du yongs su rdzogs par 'gyur ro// de ltar shes rab kyi pha rol tu phyin pa bsgom pa de ni gzugs khas mi len mi 'dzin to/ / tshor ba dang / 'du shes dang / 'du byed rnams dang / rnam par shes pa khas mi len mi 'dzin to// / phyin ci log dang / sgrib pa dang / lta bar gyur pa khas mi len mi 'dzin to// 'dod pa'i khams dang / gzugs kyi khams dang / gzugs med pa'i khams khas mi len mi 'dzin to/ / chad pa dang rtag pa khas mi len mi 'dzin to// rten cing 'brel par 'byung ba khas mi len mi 'dzin to// sa dang / chu dang / me dang / rlung gi khams khas mi len mi 'dzin to/ / 'dod chags dang / zhe sdang dang / gti mug khas mi len mi 'dzin to// nam mkha'i khams khas mi len mi 'dzin to// tshul khrims dang / 'chal pa'i tshul khrims khas mi len mi 'dzin to// bzod pa dang / gnod sems khas mi len mi 'dzin to// brtson 'grus dang / le lo dang /

  199. 100b

    bsam gtan dang / rnam par g.yeng ba dang / shes rab dang / 'chal pa'i shes rab khas mi len mi 'dzin to// dran pa nye bar gzhag pa dang / yang dag par spyod ba dang / tshad med pa dang / rdzu 'phrul gyi rkang pa khas mi len mi 'dzin to// dbang po dang / stobs dang / byang chub kyi yan lag dang / ting nge 'dzin dang / snyoms pa 'jug pa khas mi len mi 'dzin to/ / mngon par shes pa khas mi len mi 'dzin to// sdug bsngal ba dang / kun 'byung ba dang / 'gog pa dang / lam khas mi len mi 'dzin to/ / mi skye ba shes pa dang / zad pa shes pa dang / mngon par 'du mi byed pa shes pa khas mi len mi 'dzin to// bdag gi khams dang / sems can gyi khams dang / chos kyi dbyings khas mi len mi 'dzin to// so so'i skye bo dang / nyan thos dang / rang sangs rgyas kyi sa khas mi len mi 'dzin to// so so'i skye bo'i chos dang / nyan thos dang / rang sangs rgyas kyi chos khas mi len mi 'dzin to// 'das pa dang / ma 'ongs pa dang / da ltar byung ba'i ye shes mthong ba khas mi len mi 'dzin to/ / thogs pa med pa'i ye shes mthong ba khas mi len mi 'dzin to// sangs rgyas kyi ye shes dang / stobs dang / mi 'jigs pa khas mi len mi 'dzin to// sgrib

  200. 101a

    pa khas mi len mi 'dzin to/ / de ci'i phyir zhe na/ rab kyi rtsal gyis rnam par gnon pa/ chos thams cad khas mi len cing 'dzin pa med de/ gang gis/ kyang khas blangs pa med pa'i phyir ro// rab kyi rtsal gyis rnam par gnon pa/ gzung bar bya ba'i chos gang yang med de/ sus kyang ma bzung ngo // de ci'i phyir zhe na/ de la gzung bar bya ba 'am/ 'dzin par 'gyur ba ci 'dra med pa'i phyir ro// de ci'i phyir zhe na/ chos thams cad ni sgyu ma lta bu'i phyir snying po med pa'o// chos thams cad ni snying po mi dmigs pas ya ma brla'o/ / chos thams cad ni gzung du med pas mig yor dang mtshungs so// chos thams cad ni rang bzhin med pas gsog go/ chos thams cad ni mnye mi bzod pa'i phyir dbu brdos pa lta bu'o/ / chos thams cad ni byung nas 'jig cing 'ju bas chu'i chu bur dang mtshungs so// chos thams cad ni phyin ci log las byung bas smig rgyu dang 'dra'o/ / chos thams cad ni snying po med pas chu shing gi snying po lta bu'o// chos thams cad ni gzung du med pas chu zla dang mtshungs so// chos thams cad ni yod pa ma yin pa la yongs su brtags pas 'ja' tshon dang 'dra'o/ / chos thams cad ni kun nas ldang ba med pas g.yo ba med do// chos thams cad ni ya ma brla'i rang bzhin la rtog pas chang pa

  201. 101b

    stong pa dang mtshungs so/ / rab kyi rtsal gyis rnam par gnon pa/ de ltar chos thams cad yang dag par rjes su mthong ba'i byang chub sems dpa' ni ci'ang khas mi len mi 'dzin to// / mi 'dug go/ lhag par chags nas mi gnas so// rab kyi rtsal gyis rnam par gnon pa/ 'di ni byang chub sems dpa'i shes rab kyi pha rol tu phyin pa la spyod pa'i chos thams cad la dad pa dang / mi gnas pa dang / lhag par chags pa med pa dang / mngon par mi chags pa'o// rab kyi rtsal gyis rnam par gnon pa/ de ltar spyod pa'i byang chub sems dpa'i shes rab kyi pha rol tu phyin pa bsgom pa yongs su rdzogs par 'gyur ro/ / rab kyi rtsal gyis rnam par gnon pa/ gzhan yang de ltar slob pa'i byang chub sems dpa' ni gzugs la mi slob/ gzugs las yang dag par 'da' bar bya ba'i phyir mi slob/ tshor ba dang / 'du shes dang / 'du byed rnams dang / rnam par shes pa la mi slob/ tshor ba dang / 'du shes dang / 'du byed rnams dang / rnam par shes pa las yang dag par 'da' bar bya ba'i phyir yang mi slob gzugs skye ba la mi slob/ gzugs 'gag pa la mi slob/ tshor ba dang / 'du shes dang / 'du byed rnams dang / rnam par shes pa skye ba la mi slob/ rnam

  202. 102a

    par shes pa 'gag pa la mi slob/ gzugs 'du ba dang mi 'du ba'i phyir mi slob/ tshor ba dang / 'du shes dang / 'du byed rnams dang / rnam par shes pa 'du ba dang mi 'du ba'i phyir yang mi slob/ gzugs las 'da' ba dang / 'jug pa dang / gnas pa dang / mi gnas pa'i phyir yang mi slob/ tshor ba dang / 'du shes dang / 'du byed rnams dang / rnam par shes pa las 'da' ba dang / 'jug pa dang / gnas pa dang / mi gnas pa'i phyir mi slob bo// rab kyi rtsal gyis rnam par gnon pa/ de ltar slob pa'i byang chub sems dpa' ni gzugs rtag par yang mi slob/ gzugs bde ba dang / gzugs sdug pa dang / gzugs bdag tu'ang mi slob/ tshor ba dang / 'du shes dang / 'du byed rnams dang / rnam par shes pa rtag par yang mi slob/ rnam par shes pa bde ba dang / rnam par shes pa sdug pa dang / rnam par shes pa bdag tu'ang mi slob bo// rab kyi rtsal gyis rnam par gnon pa/ de ltar slob pa'i byang chub sems dpa' ni gzugs 'das pa'i dmigs pa la mi spyod/ gzugs ma 'ongs pa'i dmigs pa la mi spyod/ gzugs da ltar byung ba'i dmigs pa la mi spyod/ tshor ba dang / 'du shes dang /

  203. 102b

    'du byed rnams dang / rnam par shes pa 'das pa'i dmigs pa la mi spyod/ ma 'ongs pa'i dmigs pa la mi spong da ltar byung ba'i dmigs pa la mi spyod do// kyi rtsal gyis rnam par gnon pa/ de ltar spyod pa'i byang chub sems dpa' ni/ 'das pa la stong pa'i rnam pa dang / zhi ba'i rnam pa dang / bdag med pa'i rnam par so sor rtog ste/ gang 'das pa de la stong pa dang / zhi ba dang / bdag med pa zhes de ltar yang mi spyod do// ma 'ongs pa la stong pa'i rnam pa dang / zhi ba'i rnam pa dang / bdag med pa'i rnam par so sor rtog ste/ gang ma 'ongs pa de la stong pa dang / zhi ba dang / bdag med pa zhes de ltar yang mi spyod do// da ltar byung ba la stong pa'i rnam pa dang / zhi ba'i rnam pa dang / bdag med pa'i rnam par so sor rtog ste/ gang da ltar byung ba de la stong pa dang / zhi ba dang / bdag med pa zhes de ltar yang mi spyod do// / 'das pa la stong pa 'am/ bdag gam/ bdag gi 'am/ rtag pa 'am/ brtan pa 'am/ ther zug pa 'am/ mi 'gyur ba'i chos can zhes de ltar yang mi spyod do// ma 'ongs pa la stong pa 'am/ bdag gam/ bdag gi 'am/ rtag pa 'am/ brtan pa 'am/ ther zug pa 'am/ mi 'gyur ba'i chos can zhes de ltar yang mi spyod

  204. 103a

    do/ da ltar byung ba la stong pa dang / bdag gam/ bdag gi 'am/ rtag pa 'am/ brtan pa 'am/ ther zug pa 'am/ mi 'gyur ba'i chos can zhes de ltar yang mi spyod do/ / rab kyi rtsal gyis rnam par gnon pa/ da ltar byung ba'i byang chub sems dpa'i shes rab kyi pha rol tu phyin pa bsgom pa yongs su rdzogs par 'gyur ro/ / rab kyi rtsal gyis rnam par gnon pa/ de ltar spyod pa'i byang chub sems dpa' la bdud sdig can gyis skabs mi rnyed do// de ltar spyod pa ni bdud kyi las thams cad khong du chud pas/ bdud kyi las de dag gis mi 'phrogs so// rab kyi rtsal gyis rnam par gnon pa/ gzhan yang de ltar spyod pa'i byang chub sems dpa' ni/ gzugs la mi dmigs/ tshor ba dang / 'du shes dang / 'du byed rnams dang / rnam par shes pa la mi dmigs/ phyin ci log dang lta bar gyur pa la mi dmigs/ bdag tu mngon par zhen pa la mi dmigs/ sems can du mngon par zhen pa la mi dmigs/ chad pa dang rtag pa la mi dmigs/ mtha' dang mtha' med pa la mi dmigs/ gzugs dang / sgra dang / dri dang / ro dang / reg pa la mi dmigs/ 'dod pa'i khams dang / gzugs kyi khams dang /

  205. 103b

    gzugs med pa'i khams la mi dmigs/ rten cing 'brel par 'byung ba la mi dmigs/ sa dang / chu dang / me dang / rlung gi khams dang / nam mkha'i khams la mi dmigs/ bden pa dang brdzun pa la mi dmigs/ 'du ba dang 'bral ba la mi dmigs/ 'dod chags dang / zhe sdang dang / gti mug la mi dmigs/ 'dod chags dang / zhe sdang dang / gti mug spong ba la mi dmigs/ tshul khrims dang / 'chal pa'i tshul khrims la mi dmigs/ bzod pa dang / gnod sems la mi dmigs/ brtson 'grus dang / le lo la mi dmigs/ bsam gtan dang / rnam par g.yeng ba la mi dmigs/ shes rab dang / 'chal pa'i shes rab la mi dmigs/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / phyin ci ma log pa la mi dmigs/ dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa la mi dmigs/ byams pa dang / snying rje dang / dga' ba dang / btang snyoms la mi dmigs/ mi skye ba shes pa dang / zad pa shes pa dang / mngon par 'du mi byed pa shes pa la mi dmigs/ so so'i skye bo dang / nyan thos dang / rang

  206. 104a

    sangs rgyas kyi sa la mi dmigs/ so so'i skye bo dang / nyan thos dang / rang sangs rgyas kyi chos la mi dmigs/ kun 'byung ba dang / 'gog pa dang / lam la mi dmigs/ mngon par shes pa dang / ye shes mthong ba la mi dmigs/ rnam par grol ba la mi dmigs/ rnam par grol ba'i ye shes mthong ba la mi dmigs/ mya ngan las 'das pa la mi dmigs/ 'das pa dang / ma 'ongs pa dang / da ltar byung ba'i ye shes mthong ba la mi dmigs/ thogs pa med pa'i ye shes la mi dmigs/ sangs rgyas kyi ye shes la mi dmigs/ sangs rgyas kyi stobs dang / mi 'jigs pa la mi dmigs/ sangs rgyas kyi zhing yongs su dag pa la mi dmigs/ mtshan yongs su dag pa la mi dmigs/ nyan thos phun sum tshogs pa la mi dmigs/ rang sangs rgyas phun sum tshogs pa la mi dmigs/ byang chub sems dpa'i phun sum tshogs pa la mi dmigs so/ / de ci'i phyir zhe na/ rab kyi rtsal gyis rnam par gnon pa/ gang du 'di dag la dmigs par 'gyur ba'i 'dzin pa gang yang chos thams cad la med de/ chos thams cad la mi dmigs pa med pa'i phyir/ rab kyi rtsal gyis rnam par gnon pa/ ji srid du dmigs pa de srid du lhag

  207. 104b

    par chags pa dang / de srid du mngon par zhen pa dang / de srid du len pa dang / de srid du sdug bsngal dang / yid mi bde ba dang / de srid du mya ngan mi zad pa'i zug rngu dang / 'khrug pa dang / sme sngags 'don pa 'byung bar 'gyur ro// rab kyi rtsal gyis rnam par gnon pa/ ji srid du dmigs pa de srid du 'chi ba'o// de srid du lam med pa'o/ / de srid du sdug bsngal dang / yid mi bde ba ji srid du dmigs pa de srid du rlom sems dang / g.yo ba dang / spros pa'o// ji srid du dmigs pa de srid du 'thab pa dang / rtsod pa dang / 'gyed pa'o// ji srid du dmigs pa de srid du ma rig pa'i mun pa dang gti mug go/ ji srid du dmigs pa de srid du 'jigs pa'o// de srid du skrag pa'o/ / ji srid du dmigs pa de srid du bdud kyi zhags pa dang / bdud kyis 'joms pa'o// ji srid du sdug bsngal gyis rab tu nyen cing / bde ba kun tshol bar 'gyur ba'o// rab kyi rtsal gyis rnam par gnon pa/ de la byang chub sems dpas nyes dmigs 'di dag mthong nas/ chos gang la'ang mi dmigs so// de mi dmigs pas chos gang la'ang mi 'dzin to/ / de chos thams cad la 'dzin pa 'am/ kun 'dzin par mi gnas so// dmigs pa med pa dang / dmigs pa ya ma brla de dag la'ang rlom sem

  208. 105a

    su mi byed do/ / rab kyi rtsal gyis rnam par gnon pa/ de ltar spyod pa'i byang chub sems dpa' sems dpa' chen pos ni chos gang la'ang mngon par mi zhen chos gang la'ang mngon par mi dga' 'o/ / chos gang la'ang lhag par chags nas mi gnas so// rab kyi rtsal gyis rnam par gnon pa/ 'di ni byang chub sems dpa' shes rab kyi pha rol tu phyin pa la spyod pa'i chos thams cad la dmigs pa dang bral ba'o/ / rab kyi rtsal gyis rnam par gnon pa/ de ltar spyod pa'i byang chub sems dpa' shes rab kyi pha rol tu phyin pa bsgom pa yongs su rdzogs par 'gyur te/ de la bdud sdig can dang / bdud kyi ris kyi lha dang / bdud kyi 'khor dang / bdud kyi byin gyis brlabs pa dag gis bar chad bya bar mi nus so/ / gang de la mtho 'tsham pa dang / gang bzung nas 'dul bar 'gyur ba'i glags rnyed par mi 'gyur ro// rtag tu bdud kyi las thams cad kyang khong du chud par 'gyur ro/ / bdud kyi las kyi dbang du 'gro bar mi 'gyur ro// bdud kyi gnas thams cad spa 'gong bar byed do// gzhan mu stegs can thams cad tshar bcad pa'i phyir gnas par 'gyur ro/ / gzhan mu stegs can spyod pa pa dang / kun tu rgyu thams cad zil gyis gnon par 'gyur ro// phas kyi rgol ba thams cad kyis mi brdzi bar

  209. 105b

    'gyur ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni gzugs su rtogs pa dang / mi rtog pa la mi gnas pa yin/ de bzhin du tshor ba dang / 'du shes dang / 'du byed rnams dang / rnam par shes par rtog pa dang / mi rtog pa la mi gnas pa yin te/ gzugs la rtog par yang mi byed/ mi rtog par yang mi byed/ tshor ba dang / 'du shes dang / 'du byed rnams dang / rnam par shes pa la rtog par yang mi byed/ mi rtog par yang mi byed/ sgrib pa dang lta bar gyur pa la rtog par yang mi byed/ mi rtog par yang mi byed/ 'dod pa'i khams dang / gzugs kyi khams dang / gzugs med pa'i khams la rtog par yang mimi byed/ mi rtog par yang mi byed/ 'dod chags dang / zhe sdang dang / gti mug la rtog par yang mi byed/ mi rtog par yang mi byed/ bden pa la rtog par yang mi byed/ mi rtog par yang mi byed/ brdzun pa la rtog par yang mi byed/ mi rtog par yang mi byed/ sa dang / chu dang / me dang / rlung gi khams la rtog par yang mi byed/ mi rtog par yang mi byed/ 'du ba dang 'bral ba la rtog par yang mi byed/ mi rtog par yang mi byed/ rten cing 'brel par 'byung ba la rtog par yang mi byed//

  210. 106a

    mi rtog par yang mi byed/ bdag tu 'du shes pa la rtog par yang mi byed/ mi rtog par yang mi byed/ sems can du 'du shes pa dang / srog tu 'du shes pa dang / gang zag tu 'du shes pa la rtog par yang mi byed/ mi rtog par yang mi byed/ gtong ba dang / ser sna la rtog par yang mi byed/ mi rtog par yang mi byed/ tshul khrims dang / 'chal po'i tshul khrims la rtog par yang mi byed/ mi rtog par yang mi byed/ bzod pa dang / gnod sems la rtog par yang mi byed/ mi rtog par yang mi byed/ brtson 'grus dang / le lo la rtog par yang mi byed/ mi rtog par yang mi byed/ bsam gtan dang / rnam par g.yeng ba la rtog par yang mi byed/ mi rtog par yang mi byed/ shes rab dang / 'chal pa'i shes rab la rtog par yang mi byed/ mi rtog par yang mi byed/ phyin ci ma log pa dang / yang dag par spong ba dang / rdzu 'phrul gyi rkang pa dang / dran pa nye bar gzhag pa rnam la rtog par yang mi byed/ mi rtog par yang mi byed/ dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa la rtog par yang mi byed/ mi rtog par yang mi byed/ sdug bsngal dang / kun 'byung ba dang /

  211. 106b

    'gog pa dang / lam la rtog par yang mi byed/ mi rtog par yang mi byed/ byams pa dang / snying rje dang / dga' ba dang / btang snyoms la rtog par yang mi byed/ mi rtog par yang mi byed/ mi skye bo shes pa dang / zad pa shes pa dang / mngon par 'du mi byed pa shes pa la rtog par yang mi byed/ mi rtog par yang mi byed// so so'i skye bo'i chos dang / nyan thos kyi chos dang / rang sangs rgyas kyi chos dang / sangs rgyas kyi chos la rtog par yang mi byed/ mi rtog par yang mi byed/ sa so'i skye bo'i sa dang / nyan thos kyi sa dang / rang sangs rgyas kyi sa la rtog par yang mi byed/ mi rtog par yang mi byed/ sgrib pa la rtog par yang mi byed/ mi rtog par yang mi byed/ 'das pa dang / ma 'ongs pa dang / da ltar byung ba'i ye shes mthong ba la rtog par yang mi byed/ mi rtog par yang mi byed/ thogs pa med pa'i ye shes la rtog par yang mi byed/ mi rtog par yang mi byed/ rig pa dang / rnam par grol ba la rtog par yang mi byed/ mi rtog par yang mi byed/ rnam par grol ba'i ye shes mthong ba la rtog par yang mi byed/ mi rtog par yang mi byed/ sangs rgyas kyi ye shes mthong ba dang / mi 'jigs pa la rtog par yang mi byed

  212. 107a

    rtog par yang mi byed/ mtshan yongs su dag pa la rtog par yang mi byed/ mi rtog par yang mi byed/ sangs rgyas kyi zhing yongs su dag pa la rtog par yang mi byed/ mi rtog par yang mi byed/ nyan thos phun sum tshogs pa la rtog par yang mi byed/ mi rtog par yang mi byed/ rang sangs rgyas phun sum tshogs pa la rtog par yang mi byed/ mi rtog par yang mi byed/ byang chub sems dpa' phun sum tshogs pa la rtog par yang mi byed/ mi rtog par yang mi byed do// de ci'i phyir zhe na/ rab kyi rtsal gyis rnam par gnon pa/ rtog pa yod na rtog pa dang bral bar 'gyur ba'i phyir ro// rab kyi rtsal gyis rnam par gnon pa/ gang na rtog pa med pa de na mi rtog pa med ngo // rab kyi rtsal gyis rnam par gnon pa/ byis pa so so'i skye bo thams cad ni rtog pa las byung ste/ de dag gi 'du shes ni log par rtog pa las byung bas/ de dag rtog par yang byed/ mi rtog par yang mi byed/ rab kyi rtsal gyis rnam par gnon pa/ rtog ces bya ba de ni mtha' gcig go/ mi rtog ces bya ba de ni mtha' gnyis te/ gang na rtog pa dang mi rtog pa med pa de na mtha' dang dbus med do/ / rab kyi rtsal gyis rnam par gnon pa/ dbus shes bya bar rtog na/ de nyid kyang mtha' yin no// ji srid du rtog pa de srid du mi rtog pa ste/

  213. 107b

    la mi rtog pa chad par mi 'gyur ro// rab kyi rtsal gyis rnam par gnon pa/ gang na rtog pa med cing mi rtog pa'ang med pa de na rtog pa yang dag par chad do// rab kyi rtsal gyis rnam par gnon pa/ rtog pa chad ces bya ba de la chad pa gang yang med do// de ci'i phyir zhe na/ rab kyi rtsal gyis rnam par gnon pa/ rtog pa dang mi rtog pa ni phyin ci log las byung bas med pa'i phyir ro/ / de dag gi rnam par zhi ba gang yin pa de ni phyin ci log ma yin pa ste/ de la chad pa gang yang med do// rab kyi rtsal gyis rnam par gnon pa/ chad pa med pa zhes bya ba de ni sdug bsngal yang dag par chad pa'i tshig bla dgas te/ sdug bsngal yang dag par chad pa gang yang med do// gal te sdug bsngal yang dag par chad par 'gyur na ni/ sdug bsngal yongs su grub pa 'ga' zhig kyang yod par 'gyur te/ sdug bsngal yang dag par chad pa zhes pa de ni/ yongs su grub pa med par mthong ba'o/ / gang 'di sdug bsngal yang dag par chad ces bya ba de ni/ sdug bsngal yongs su shes pa'o// gang sdug bsngal la rtog par yang mi byed pa de ni/ sdug bsngal rnam par zhi ba'o/ / de ni sdug bsngal mi skye/ mi 'byung ba ste/ rab kyi rtsal gyis rnam par gnon pa/ de ltar mthong ba'i byang chub sems dpa' ni/ chos gang

  214. 108a

    la'ang rtog par yang mi byed/ mi rtog par yang mi byed/ rab kyi rtsal gyis rnam par gnon pa/ 'di ni byang chub sems dpa' shes rab kyi pha rol tu phyin pa la spyod pas rtog pa dang mi rtog pa thams cad yongs su shes pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa'i shes rab kyi pha rol tu phyin pa bsgom pa yongs su rdzogs par 'gyur te/ de la bdud sdig can dang / bdud kyi 'khor rnams bar chad bya ba'i phyir gnas par mi 'gyur ro// bdud kyi las byung zhing skyes pa rnams kyang khong du chud par 'gyur ro/ / bdud kyi las byung zhing skyes pa rnams kyi dbang du 'gro bar mi 'gyur ro// bdud sdig can pham par byed do// spa 'gong pa dang de'i phyogs nyung bar byed do/ / 'jigs pa dang skrag pa med par 'gyur ro// bdud kyis mi thul bar 'gyur ro// de'i ngan song du 'gro ba thams cad rgyun chad par 'gyur ro// des lam ngan pa bkag par 'gyur ro// chu bo thams cad las brgal bar 'gyur ro// gti mug gi mun pa dang bral bar 'gyur ro// mig thob pas sems can thams cad la snang bar 'gyur ro/ / sangs rgyas kyi rigs rgyun mi gcod par gnas par 'gyur ro// lam mnyam pa nyid kyi phyir lam rgyun gcad par 'gyur ro// sems can thams cad

  215. 108b

    la snying brtse bar 'gyur ro/ / chos la mig rnam par dag par 'gyur ro// le lo med cing brtson 'grus phun sum tshogs par 'gyur ro// gnod sems kyi sems med pas bzod pa thob par 'gyur ro/ / mi gnas pa'i bsam gtan pas bsam gtan par 'gyur ro// nges par rtogs pa'i shes rab dang ldan pas shes rab thob par 'gyur ro// sgrib pa med cing 'gyod pa dang bral bar 'gyur ro// bdud kyi zhags pa thams cad dang bral bar 'gyur ro// sred pa'i dra ba thams cad dang bral bas bcings pa bcad par 'gyur/ ro// brjed pa med par dran pa nye bar gnas par 'gyur ro// tshul khrims yongs su dag pa'i pha rol tu phyin pa thob pas tshul khrims rnam par dag par 'gyur ro// skyon thams cad bsal bas yon tan la gnas par 'gyur ro/ / rab tu g.yo ba med pas shes rab kyi stobs bskyed pa rnyed par 'gyur ro// phas kyi rgol ba thams cad kyis mi brdzi bar 'gyur chos thams cad rnam par dag pa'i pha rol tu phyin pa thob pas chos yongs su mi nyams par 'gyur ro/ / chos ston pa la bag tsha ba med par 'gyur ro// 'khor gyi nang du 'gro ba la spa 'gong ba med par 'gyur ro/ / chos kyi sbyin pa la 'dzin pa med cing lhug par gtong bar 'gyur ro// lam mnyam pas lam rnam par sbyangs par 'gyur ro//

  216. 109a

    lam ngan pa yongs su shes pas bsgom pa bsgoms par 'gyur ro// chos rnam par dag pas bag chags bsgoms par 'gyur ro// shes rab rnam par dag pas sbyang ba sbyangs par 'gyur ro/ / rgya mtsho dang mtshungs pa'i phyir shes rab zab par 'gyur ro// bag tsha ba med pas gting dpag dka' bar 'gyur ro// chos rgya mtsho dpag tu med pas dpag tu med par 'gyur ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ yon tan de rnams dang gzhan dag dang yang ldan pa yin te/ de dag gi yon tan ni rtog par mi nus so// rab kyi rtsal gyis rnam par gnon pa/ gzhan yang byang chub sems dpa' de ltar shes rab kyi pha rol tu phyin pa la spyod pa ni/ gzugs dang mi ldan par mi 'gyur/ longs spyod dang mi ldan par mi 'gyur/ g.yog dang mi ldan por mi 'gyur/ rus dang mi ldan par mi 'gyur/ rigs dang mi ldan par mi 'gyur/ yul dang mi ldan par mi 'gyur/ mtha' 'khob kyi yul du skye bar mi 'gyur/ mi ngal bar rnyed par mi 'gyur/ sems can yongs su ma ngag pa las kyi mtha' yongs su ma dag pa rnams dang 'dul bar mi 'gyur/ rang gi sems mi 'dor/ shes rab nyams par mi 'gyur te/ de chos gang pha rol las

  217. 109b

    thos pa de chos thams cad mnyam pa nyid dang sbyor ro/ / sangs rgyas kyi rigs dang / thams cad mkhyen pa'i rigs mi gcod par gnas par 'gyur ro// sangs rgyas kyi chos la snang ba thob par 'gyur ro/ / thams cad mkhyen pa dang nye bar 'gyur ro// gal te de la bdud sdig can mtho 'tsham pa'i phyir 'ongs na/ des de dag gi spobs pa gcod cing bdud kyi zhags pa thams cad gcod de/ bdud 'khor dang bcas pa thams cad thal bar rlog go// bdud kyi rigs bdud bye ba thams cad kyis kyang thul bar mi 'gyur gyi/ nges bdud rnams 'jigs skrag nas 'bros par 'gyur ro// bdud sdig can 'di snyam du/ de ni bdag gi yul las rab tu 'das/ de ni phyir bdag gi yul mi spyod/ de'i phyir bdag gi yul la mi gnas/ de'i phyir bdag gi yul la 'dug par mi 'gyur/ sems can gzhan yang bdag gi yul las grol bar byed/ sgrol bar byed do snyam du sems te/ de la byang chub sems dpa' nges phyogs nyung ngur byed do snyam nas mya ngan byed de ngu zhing smre sngags 'don to// de nyams dmas la sdug bsngal zhing yid mi bde ste/ yid la gcags par 'gyur ro// rab kyi rtsal gyis rnam par gnon pa/ gang gi tshe byang chub sems dpa' shes rab kyi pha rol tu phyin pa la spong/ shes rab

  218. 110a

    kyi pha rol tu phyin pa la sgom/ shes rab kyi pha rol tu phyin pa la sbyor bar byed pa de'i tshe/ bdud kyi gnas thams cad gagi rlung zhing myog mog por 'gyur ro/ bdud sdig can yang 'di snyam du/ 'dis bdag gi yul nas sems can rnams skyabs par 'gyur/ 'dis bdag gi yul nas sems can sgrol bar 'gyur 'dis bdag gi yul nas sems can rnams yongs su grol bar byed par 'gyur/ 'dis sems can rnams bdag gi yul nas 'dren par 'gyur/ 'dis bdud kyi zhags pa gcod par 'gyur/ 'dis sems can 'dod pa'i 'dam du bying ba rnams 'byin par 'gyur/ 'dis sems can rnams lta ba'i dra ba las thar par byed par 'gyur/ 'dis sems can rnams sgrib pa'i lam las 'don par 'gyur/ 'dis sems can rnams yang dag pa'i lam la rab tu 'god par 'gyur/ 'dis sems can rnams lta ba'i thibs po las sgrol bar 'gyur ro snyam du sems shing / sdug bsngal ba dang yid mi bde bar 'gyur/ mya ngan gyi zug rngu dang ldan zhing mya ngan gyi zug rngu chen pos zug par 'gyur ro/ / rab kyi rtsal gyis rnam par gnon pa/ bdud de dag gis don gyi dbang 'di mthong bas/ sdug bsngal zhing yid mi bde ste/ mya ngan gyi zug rngus zug par

  219. 110b

    'gyur ro/ / rab kyi rtsal gyis rnam par gnon pa/ 'di lta ste/ dper na skyes bu nor gyi phung po chen po nyams par gyur pa ni/ sdug bsngal bar gyur te/ mi dga' zhing yid mi bde ba chen po dang ldan no/ / de bzhin du gang gi tshe byang chub sems dpa' shes rab kyi pha rol tu phyin pa la spyod/ shes rab kyi pha rol tu phyin pa la sgom/ shes rab kyi pha rol tu phyin pa la sbyor bar byed pa ni/ bdud sdig can yang sems mi bde ba dang / yid la gcags pa dang / mya ngan gyi zug rngus zug ste/ sdug bsngal zhing rang gi gnas la'ang mi dga' bar 'gyur ro/ / rab kyi rtsal gyis rnam par gnon pa/ gzhan yang bdud sdig can de dag bdag gi gnas su 'dus nas ji ltar bya/ ci zhig bya snyam sems shing / the tsom dang mya ngan gyi zug rngus zug par 'gyur ro// de dag the tsom dang mya ngan gyi zug rngus zug par gyur nas/ byang chub sems dpa' sems dpa' chen po shes rab kyi pha rol tu phyin pa la spyod pa la glags btsal ba'i phyir dong yang / de na byang chub sems dpa'i spu'ang mi g.yos na/ lus dang sems gzhan du 'gyur ba lta ci smos te/ 'jigs shing spu zing zhes byed pa dang bral bar 'gyur/ bdud sdig can du'ang shes par 'gyur ro// shes nas kyang byin gyis rlob bo// des bdud sdig

  220. 111a

    can byin gyis brlabs nas nyams smad par 'gyur/ 'jigs shing sems zhum par 'gyur te/ de la glags rnyed par ma nus nas/ de 'di snyam du bdag gis kyang de la glags rnyed par ma nus na/ bdag gi 'khor gyis lha ci smos te/ gang gzhan dag gis byin gyis brlabs par lha ga la 'gyur snyam du sems so// de'i phyir bdud sdig can de dag 'jigs shing spro ba yongs su nyams nas sdug bsngal dang yid mi bde ba skyes te/ rang gi gnas su dong nas sems khongs su chud cing 'khod de/ shes rab kyi pha rol tu phyin pa la spyod pa'i byang chub sems dpa' la se gol gtogs pa srid du'ang sems rmongs par byed mi nus na/ gzhan bar chad bya bar lta ci smos/ rab kyi rtsal gyis rnam par gnon pa/ 'di byang chub sems dpa' shes rab kyi pha rol tu phyin pa la spyod pas/ de lta bu'i shes rab kyi stobs bskyed par 'gyur ba'o// shes rab kyi stobs bskyed pa de lta bu dang ldan pas/ gal te stong gsum gyi stong chen po'i 'jig rten gyi khams kyi sems can bdud du gyur la/ de dag thams cad kyang 'khor bdud mang po lhan cig tu/ shes rab kyi pha rol tu phyin pa la spyod pa'i byang chub sems dpa' la mtho 'tshams pa'i bsam pas dong yang / rab kyi rtsal gyis rnam par gnon pa

  221. 111b

    bdud sdig can de dag thams cad kyis bar chad bya bar mi nus so/ / de ci'i phyir zhe na/ de'i tshe byang chub sems dpa' de lta bu'i shes rab kyi stobs bskyed pa dang / shes rab kyi ral gri dang / shes rab kyi mtshon cha dang ldan par 'gyur ba'i phyir ro// rab kyi rtsal gyis rnam par gnon pa/ de'i tshe byang chub sems dpa' shes rab bsam gyis mi khyab pa dang / dpag tu med pa dang / mi mnyam pa dang mnyam pa dang ldan par 'gyur ro/ / de'i phyir de la bdud sdig can gyi zil gyis gnon mi nus so// rab kyi rtsal gyis rnam par gnon pa/ 'di lta ste/ shes rab kyi pha rol tu phyin pa'i mtshon cha de ni mtshan cha chen po'o/ / rab kyi rtsal gyis rnam par gnon pa/ 'di lta ste/ shes rab kyi ral gri de ni ral gri chen po ste/ de ni bdud sdig can rnams kyi yul ma yin/ spyod yul ma yin no// rab kyi rtsal gyis rnam par gnon pa/ 'di lta ste/ byang chub sems dpa'i shes rab dang / tha mal pa de lta bu'i shes rab kyang phyi rol gyi drang srong gang dag bsam gtan bzhi dang / gzugs med pa'i snyoms par 'jug pa bzhi rnyed pa dang / gang dag bdud kyi yul 'dod pa'i khams las 'das nas/ tshangs pa'i 'jig rten dang / gzugs med pa'i lha'i ris bzhir skye ba de dag gi yul yang ma yin/ spyod yul yang ma yin na/ shes rab kyi pha rol tu phyin

  222. 112a

    pa la spyod pa'i shes rab lta ci smos te/ gang gzugs dang / gzugs med pa'i khams kyi yul ma yin pa de/ bdud sdig can rnams kyi yul ga la yin/ rab kyi rtsal gyis rnam par gnon pa/ stobs bskyed pa rnyed pa'i byang chub sems dpa' ni/ de'i tshe 'di lta ste/ stobs chen po'i shes rab kyi pha rol tu phyin pa'i stobs dang ldan par 'gyur ro/ / rab kyi rtsal gyis rnam par gnon pa/ gang su dag shes rab kyi pha rol tu phyin pa'i stobs dang ldan par 'gyur ba dang / shes rab kyi mtshon rnon po dang ldan par 'gyur ba de dag ni bdud sdig can rnams kyis mi tshugs mi thub bo/ / rab kyi rtsal gyis rnam par gnon pa/ gang la la shes rab kyi stobs dang / shes rab kyi mtshon rnon po dang ldan pa de dag gang la'ang gnas par mi byed/ de dag mi gnas par 'gyur ro// de ci'i phyir zhe na/ rab kyi rtsal gyis rnam par gnon pa/ gnas par gyur na ni g.yo bar 'gyur ro/ / g.yo bar gyur na ni 'gul bar 'gyur ro// 'gul bar gyur na ni spros par 'gyur ro// rab kyi rtsal gyis rnam par gnon pa/ gang dag gnas par 'gyur ba dang / g.yo bar 'gyur ba dang / 'gul bar 'gyur ba dang / spros par 'gyur ba de dag ni bdud sdig can gyi dbang du 'gro ba yin te/ bdud kyi zhags pa

  223. 112b

    las yongs su grol bar mi 'gyur ro/ / rab kyi rtsal gyis rnam par gnon pa/ gang srid pa'i rtse mor skyes pa'i sems can gnas shing gnas dang 'brel ba/ gnas la chags de dag kyang yang bdud kyi yul du 'ongs par 'gyur te/ 'di lta ste/ rangs byed kyi bu lhag spyod dang / sgyu rtsal shes kyi bu ring 'phur dang / gang gzhan gzugs med pa na gnas shing gnas dang 'brel pa/ gnas la chags pa de dag kyang bdud kyi zhags pa las yongs su ma grol zhing / bdud kyi zhags pas mtshams bcad pa'o// rab kyi rtsal gyis rnam par gnon pa/ byang chub sems dpa' shes rab kyi pha rol tu phyin pa la spyod/ shes rab kyi pha rol tu phyin pa la sgom/ shes rab kyi pha rol tu phyin pa la sbyor bar byed pa na/ gang la'ang gnas par mi byed de/ thams cad du'ang mi gnas par 'gyur ro// rab kyi rtsal gyis rnam par gnon pa/ gang gi tshe byang chub sems dpa' shes rab kyi pha rol tu phyin pa sgom pa dang ldan par gnas pa de'i tshe/ gzugs la gnas par mi 'gyur/ tshor ba dang / 'du shes dang / 'du byed rnams dang / rnam par shes pa la gnas par mi 'gyur/ phyin ci log dang / sgrib pa dang / lta bar gyur pa la gnas par mi 'gyur/ ming dang gzugs la gnas par mi 'gyur/ 'dod

  224. 113a

    pa dang / gzugs dang / gzugs med pa'i khams la gnas par mi 'gyur/ bdag dang sems can du 'du shes pa la gnas par mi 'gyur// srog dang / gang zag dang / khams dang / skye mched la gnas par mi 'gyur/ sa dang / chu dang / me dang / rlung dang / nam mkha' dang / rnam par shes pa dang / 'du shes med 'du shes med min skye mched la gnas par mi 'gyur/ srid pa'i sred pa la gnas par mi 'gyur/ rnam par 'byor pa'i sred pa la gnas par mi 'gyur/ chad pa dang rtag pa la gnas par mi 'gyur/ mtha' dang mtha' med pa la gnas par mi 'gyur/ rten cing 'brel par 'byung ba la gnas par mi 'gyur/ sbyin pa dang / ser sna la gnas par mi 'gyur/ tshul khrims dang / 'chal pa'i tshul khrims la gnas par mi 'gyur/ bzod pa dang / gnod sems la gnas par mi 'gyur/ brtson 'grus dang / le lo la gnas par mi 'gyur/ bsam gtan dang / rnam par g.yeng ba la gnas par mi 'gyur/ shes rab dang / 'chal pa'i shes rab la gnas par mi 'gyur/ phyin ci ma log pa dang / yang dag par spong ba dang / tshad med pa dang / dran pa nye bar gzhag pa la gnas par mi 'gyur/ dbang po dang / stobs

  225. 113b

    dang / byang chub kyi yan lag dang / ting nge 'dzin dang / snyoms par 'jug pa la gnas par mi 'gyur/ sdug bsngal dang / kun 'byung ba dang / 'gog pa dang / lam la gnas par mi 'gyur/ mi skye ba dang / zad pa shes pa dang / mngon par 'du mi byed pa shes pa la gnas par mi 'gyur/ rig pa dang / rnam par grol ba la gnas par mi 'gyur/ rnam par grol ba dang / rnam par grol ba'i ye shes mthong bas gnas par mi 'gyur/ so so'i skye bo dang / nyan thos dang / rang sangs rgyas kyi sa la gnas par mi 'gyur/ so so'i skye bo'i chos dang / nyan thos kyi chos dang / rang sangs rgyas kyi chos dang / sangs rgyas kyi chos la gnas par mi 'gyur/ mya ngan las 'das pa la gnas par mi 'gyur/ 'das pa dang / ma 'ongs pa dang / da ltar byung ba la thogs pa med pa la gnas par mi 'gyur/ dus gsum mnyam pa nyid la gnas par mi 'gyur/ sangs rgyas kyi ye shes dang / stobs dang / mi 'jigs pa la gnas par mi 'gyur/ thams cad mkhyen pa'i ye shes la gnas par mi 'gyur/ mtshan phun sum tshogs pa la gnas par mi 'gyur/ sangs rgyas kyi zhing phun sum tshogs pa la gnas par mi 'gyur/ nyan thos phun sum tshogs

  226. 114a

    pa la gnas par mi 'gyur/ byang chub sems dpa' bkod pa phun sum tshogs pa la gnas par mi 'gyur/ chos thams cad la gnas par mi 'gyur/ mi g.yo kun tu mi g.yo'o// des gnas thams cad rnam par gsal ba la mi gnas te/ l-i la'ang mngon par mi zhe na/ gnas med pa la'ang rlom sems su mi byed do de 'di ni gnas so zhes mi dmigs/ 'di na gnas so zhes mi dmigs/ 'di'i gnas so zhes mi dmigs/ rlom sems su mi byed/ 'di nas gnas so zhes mi dmigs te/ de gnas thams cad la rlom sems su mi byed/ mi dmigs/ mngon par mi zhen pas/ gnas gang du'ang nye bar mi 'gro/ nye bar mi stom mngon par dga' bar mi 'gyur/ skrag par chags nas mi gnas / gnas thams cad kyis ma gyos/ ma chags pas/ gnas thams cad rnam par dag pa snas thob par 'gyur ro/ / rab kyi rtsal gyis rnam par gnon pa/ 'di ni shes rab kyi pha rol tu phyin pa la spyod pa'i byang chub sems dpa' chos thams cad gnas rnam par dag pa'i ye shes mthong ba ste/ des de la bdud sdig can rnams kyis glags mi rnyed cing / bdud sdig can rnams kyis mi thub ste/ bdud sdig can rnams zil gyis non par

  227. 114b

    'gyur ro/ / spyod pa'i le'u ste drug pa'o// // bam po drug pa// // rab kyi rtsal gyis rnam par gnon pa/ gzhan yang byang chub sems dpa' bla na med pa yang dag par rdzogs pa'i byang chub tu sems ma bskyed par/ thog ma nyid du dge ba'i rtsa ba'i tshogs mang po yang dag par bsgrubs par 'gyur/ sangs rgyas mang po la bsnyen bkur byas par 'gyur/ sangs rgyas mang po la kun 'dri bar 'gyur/ sangs rgyas bcom ldan 'das rnams la bya ba byas par 'gyur/ lhag pa'i bsam pa phun sum tshogs par 'gyur/ sbyin pa 'gyed pa la dga' bar 'gyur/ tshul khrims rnam par dag pa la lhur len par 'gyur/ bzod pa dang nges pa phun sum tshogs par 'gyur// brtson 'grus dang ldan par 'gyur/ bsam gtan rnam par dag pa lhur len par 'gyur/ shes rab dang ldan par 'gyur/ shes rab rnam par dag pa lhur len par 'gyur te/ de bla na med pa yang dag par rdzogs pa'i byang chub tu sems bskyed nas/ shes rab kyi pha rol tu phyin pa la brtson te/ shes rab kyi stobs dang / ye shes kyi stobs des/ nas kyang bdag la bdud sdig can gyis glags rnyed par ma gyur cig/ bdag la gtse bar ma gyur cig/ ces bdud sdig can rnams la byin gyis rlob bo// des byin gyis brlabs

  228. 115a

    pas/ bdud kyis glags mi rnyed cing / de la bar chad bya ba'i phyir nye bar gnas par mi 'gyur te/ byang chub sems dpa' de la bdag gis klan ka btsal ba 'am/ mtho btsam par bya'o snyam du'ang sems mi skyed do// gal te de dag gis bar chad bya ba'i phyir sems bskyed na/ de'i phyir de bdag la sdug bsngal chen po 'byung bar yang dag par shes nas/ de dag la 'jigs pa chen po nye bar gnas par 'gyur bas/ bdag med par mi 'gyur grang snyam ste/ skyo bar gyur nas mtho ba tsam pa'i sems smon par 'gyur zhing / de dag gi sems bskyed pa de dag kyang nub par 'gyur ro// rab kyi rtsal gyis rnam par gnon pa/ rnam grangs 'dis byang chub sems dpa' la bdud sdig can rnams kyis bar chad bya ba'i phyir nye bar gnas shing bar chad bya ba'i skabs mi rnyed do/ / rab kyi rtsal gyis rnam par gnon pa/ gzhan yang shes rab kyi pha rol tu phyin pa 'chad pa dang / byang chub sems dpa' 'dun pa dang / lhag pa'i bsam pa dang / gus pa dang / rim gror bya ba dang / ston par 'du shes skyed par 'gyur/ pha rol tu phyin pa drug dang ldan pa'i gtam brjod pa na dogs dang / the tsom dang / yid gnyis skyed par mi 'gyur/ chos zab mo thos na mgo rmongs pa 'am

  229. 115b

    dogs pa 'am/ the tsom skyed par mi 'gyur/ de nam du'ang chos kyis 'phongs par 'gyur ba'i las sogs par mi 'gyur/ de nam yang chos kyis 'phongs par 'gyur ba'i sems skyed par mi 'gyur te/ sems can gzhan mang po'ang shes rab kyi pha rol tu phyin pa la yang dag par 'dzin du bcug par 'gyur/ pha rol tu phyin pa thams cad la'ang yang dag par dga' ba dang / yang dag par gzengs bstod pa byas par 'gyur ro// de'i sngon gyi bsam pa rnam par dag pa dang / sngon gyi bsam pa kun nas nyon mongs pa med pas/ bdud sdig can rnams bar chad bya ba'i phyir gnas par mi 'gyur/ bdud sdig can rnams kyis de la glags rnyed par mi 'gyur/ bdud kyi las byung zhing skyes pa thams cad khong du chud par 'gyur/ bdud kyi las kyi 'phrogs par mi 'gyur/ bdud kyi las kyi dbang du 'gro bar mi 'gyur ro// rab kyi rtsal gyis rnam par gnon pa rnam grangs 'dis kyang byang chub sems dpa' la bdud sdig can mtho ba tsam pa'i phyir nye bar gnas par mi 'gyur ro/ / rab kyi rtsal gyis rnam par gnon pa/ gzhan yang shes rab kyi pha rol tu phyin pa la spyod pa'i byang chub sems dpa' ni/ gzugs dang 'du ba'i mtshan ma la mi spyod/ gzugs dang 'bral ba'i mtshan ma la mi spyod/ tshor

  230. 116a

    ba dang / 'du shes dang / 'du byed rnams dang / rnam par shes pa dang 'du ba'i mtshan ma la mi spyod/ 'bral ba'i mtshan ma la mi spyod/ gzugs kyi mtshan nyid dang 'du ba'i mtshan ma la mi spyod/ gzugs kyi mtshan nyid dang 'bral ba'i mtshan ma la mi spyod/ tshor ba dang / 'du shes dang / 'du byed rnams dang / rnam par shes pa'i mtshan nyid dang 'du ba'i mtshan ma la mi spyod/ 'bral ba'i mtshan ma la mi spyod/ gzugs rnam par dag pa'i mtshan ma la mi spyod/ gzugs rnam par dag pa'i mtshan ma med pa la mi spyod/ tshor ba dang / 'du shes dang / 'du byed rnams dang / rnam par shes pa rnam par dag pa'i mtshan ma la mi spyod/ rnam par dag pa'i mtshan ma med pa la mi spyod/ gzugs kyi dmigs pa rnam par dag pa'i mtshan ma la mi spyod/ gzugs kyi dmigs pa rnam par dag pa'i mtshan ma med pa la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa rnam par dag pa'i mtshan ma la mi spyod/ rnam par shes pa'i dmigs pa rnam par dag pa'i mtshan ma med pa la mi spyod/ gzugs 'byung ba rnam par dag pa dang 'du ba la mi spyod/ gzugs 'byung ba rnam par dag pa dang 'bral bar mi spyod/ tshor ba dang /

  231. 116b

    'du shes dang / 'du byed rnams dang / rnam par shes pa 'byung ba rnam par dag pa dang 'du ba la mi spyod/ rnam par shes pa 'byung ba rnam par dag pa dang 'bral ba la mi spyod/ gzugs kyi dmigs pa ngo bo nyid rnam par dag pa dang 'du ba la mi spyod/ gzugs kyi dmigs pa ngo bo nyid rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa'i ngo bo nyid rnam par dag pa dang 'du ba la mi spyod/ rnam par shes pa'i dmigs pa'i ngo bo nyid rnam par dag pa dang 'bral bar mi spyod/ gzugs kyi rang bzhin rnam par dag pa la mi spyod/ tshor ba dang / 'du shes dang / 'du byed rnams dang / rnam par shes pa'i rang bzhin rnam par dag pa la mi spyod/ gzugs kyi dmigs pa rang bzhin rnam par dag pa dang 'du ba la mi spyod/ gzugs kyi dmigs pa rang bzhin rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa rang bzhin rnam par dag pa dang 'du ba la mi spyod/ rnam par shes pa'i dmigs pa rang bzhin rnam par dag pa dang 'bral ba sa mi spyod/ gzugs 'das pa dang / ma 'ongs pa dang / da ltar byung ba'i rnam par dag pa la mi spyod/ tshor ba

  232. 117a

    dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba'i rnam par dag pa la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba'i rnam par dag pa la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba'i rnam par dag pa la mi spyod/ gzugs 'das pa dang / ma 'ongs pa dang / da ltar byung ba'i rnam par dag pa dang 'du ba la mi spyod/ gzugs 'das pa dang / ma 'ongs pa dang / da ltar byung ba'i rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba'i rnam par dag pa dang 'du ba lo mi spyod/ rnam par shes pa 'das pa dang / ma 'ongs pa dang / da ltar byung ba'i rnam par dag pa dang 'bral ba la mi spyod/ gzug kyi dmigs pa rnam par dag pa 'das pa dang / ma 'ongs pa dang / da ltar byung ba'i rnam par dag pa dang 'du ba la mi spyod/ gzugs kyi dmigs pa 'das pa dang / ma 'ongs

  233. 117b

    pa dang / da ltar byung ba'i rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba rnam par dag pa dang 'du ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba'i rnam par dag pa dang 'bral ba la mi spyod/ de ltar spyod pa ni gzugs dang 'du bar yang mi byed/ 'bral bar yang mi byed/ tshor dang / 'du shes dang / 'du byed rnams dang / rnam par shes pa dang 'du bar yang mi byed/ 'bral bar yang mi byed/ ming dang gzugs dang 'du bar yang mi byed/ 'bral bar yang mi byed/ phyin ci log dang / lta bar gyur pa dang 'du bar yang mi byed/ 'bral bar yang mi byed/ 'dod pa dang / gzugs dang / gzugs med pa'i khams dang 'du bar yang mi byed/ 'bral bar yang mi byed/ 'dod chags dang / zhe sdang dang / gti mug dang 'du bar yang mi byed/ 'bral bar yang mi byed/ bdag dang / sems can dang / srog dang / gang zag dang / dngos po dang / dngos po med par 'du shes pa dang

  234. 118a

    'du bar yang mi byed/ 'bral bar yang mi byed/ chad pa dang / rtag pa dang 'du bar yang mi byed/ 'bral bar yang mi byad/ khams dang / mched dang 'du bar yang mi byed/ 'brel bar yang mi byed/ sa dang / chu dang / me dang / rlung dang / nam mkha' dang / rnam par shes pa'i khams dang 'du bar yang mi byed/ 'bral bar yang mi byed/ rten cing 'brel par 'byung ba dang 'du bar yang mi byed/ 'bral bar yang mi byed/ 'dod pa'i yon tan lnga dang 'du bar yang mi byed/ 'bral bar yang mi byed/ kun nas nyon mongs pa dang / rnam par byang ba dang 'du bar yang mi byed/ 'bral bar yang mi byed/ gtong ba dang / ser sna dang 'du bar yang mi byed/ 'bral bar yang mi byed/ tshul khrims dang / 'chal pa'i tshul khrims dang 'du bar yang mi byed/ 'bral bar yang mi byed/ bzod pa dang / gnod sems dang 'du bar yang mi byed/ 'bral bar yang mi byed/ brtson 'grus dang / le lo dang 'du bar yang mi byed/ 'bral bar yang mi byed/ bsam gtan dang / rnam par g.yeng ba dang 'du bar yang mi byed/ 'bral bar yang mi byed/ shes rab dang / 'chal pa'i shes rab dang 'du bar yang mi byed/ 'bral bar yang mi byed/ phyin ci ma log

  235. 118b

    pa dang / yang dag par spong ba dang / tshad med pa dang / dran pa nye bar gzhag pa dang / rdzu 'phrul gyi rkang pa dang 'du bar yang mi byed/ 'bral bar yang mi byed/ dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa dang 'du bar yang mi byed/ 'bral bar yang mi byed/ sdug bsngal dang / kun 'byung ba dang / 'gog pa dang / lam dang 'du bar yang mi byed/ 'bral bar yang mi byed/ zhi gnas dang / lhag mthong dang 'du bar yang mi byed/ 'bral bar yang mi byed/ rig pa dang / rnam par grol ba dang 'du bar yang mi byed/ 'bral bar yang mi byed/ rnam par grol ba'i ye shes mthong ba dang 'du bar yang mi byed/ 'bral bar yang mi byed/ mngon par shes pa dang 'du bar yang mi byed/ 'bral bar yang mi byed/ so sora'i skye bo dang / nyan thos dang / rang sangs rgyas kyi sa dang 'du bar yang byed/ 'bral bar yang mi byed/ so so'i skye bo dang / nyan thos dang / rang sangs rgyas kyi chos dang 'du bar yang mi byed/ 'bral bar yang mi byed/ mi skye ba dang / zod pa dang / mngon par 'du mi byed pa shes pa dang 'du bar yang mi byed/ 'bral bar yang mi byed/ 'khor ba dang mya ngan las 'das pa dang 'du bar yang mi byed/ 'bral

  236. 119a

    bar yang mi byed/ sangs rgyas kyi ye shes dang / stobs dang / mi 'jigs pa dang 'dra bar yang mi byed/ 'bral bar yang mi byed/ mtshan phun sum tshogs pa dang 'du bar yang mi byed/ 'bral bar yang mi byed/ sangs rgyas kyi zhing gi bkod pa dang 'du bar yang mi byed/ 'bral bar yang mi byed/ nyan thos dang / rang sangs rgyas dang / byang chub sems dpa' phun sum tshogs pa dang 'du bar yang mi byed/ 'bral bar yang mi byed/ de ci'i phyir zhe na/ rab kyi rtsal gyis rnam par gnon pa/ chos thams cad ni 'du bar yang mi byed/ 'bral bar yang mi byed pa'i phyir ro// de ci'i phyir zhe na/ rab kyi rtsal gyis rnam par gnon pa/ chos thams cad ni 'du ba dang 'bral bar nye bar gnas pa ma yin pa'i phyir ro/ / rab kyi rtsal gyis rnam par gnon pa/ 'du ba zhes bya ba'i tshig de ni rtag pa'o// 'bral ba zhes bya ba'i tshig de ni chad pa'o// rab kyi rtsal gyis rnam par gnon pa/ gang gis kyang chos thams cad 'du ba 'am 'bral bar gyur pa khong du chud pa med do// rab kyi rtsal gyis rnam par gnon pa/ chos thams cad ni 'du ba 'am 'bral ba'i phyir nye bar gnas pa gang yang med do/ / rab kyi rtsal gyis rnam par gnon pa/ gal te chos rnams la 'du ba 'am 'bral bar 'gyur ba 'ga' zhig yod na

  237. 119b

    nichos rnams kyi byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / shes par byed pa po dang / 'du ba dang 'bral ba rnyed par 'gyur te/ de bzhin gshegs pas kyang chos rnams kyi byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / shes par byed pa po dang / 'du bar byed pa po dang / 'bral bar byed pa po de ni 'di'o zhes bcas par 'gyur ba zhig na/ rab kyi rtsal gyis rnam par gnon pa/ gang gi phyir chos thams cad kyi 'du ba dang 'bral ba nye bar gnas pa gang yang med pa de'i phyir/ chos rnams kyi byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / shes par byed pa po dang / 'du bar byed pa po dang / 'bral bar byed pa po gang yang mi dmigs te/ mi dmigs pas de bzhin gshegs pas kyang ma bcas so/ / rab kyi rtsal gyis rnam par gnon pa/ chos thams cad ni phyin ci log las byung ste/ phyin ci log de la'ang 'du ba dang 'bral ba gang yang med // de ci'i

  238. 120a

    phyir zhe na/ rab kyi rtsal gyis rnam par gnon pa/ phyin ci log gi dngos po dmigs su med do// de'i 'byung ba'ang mi dmigs pa'i phyir ro// de ci'i phyir zhe na/ rab kyi rtsal gyis rnam par gnon pa/ phyin ci log ni med pa/ yang dag pa ma yin pa/ brdzun pa/ gsob/ slu ba'i chos can te/ de la chos gang yang mi dmigs pas/ de ni phyin ci log ces bya'o// rab kyi rtsal gyis rnam par gnon pa/ phyin ci log ces bya ba 'di ni sems can rnams slu ba'o// 'di ni sems can rnams la 'drid pa'o/ / 'di ni sems can rnams kyi yang dag pa ma yin pa kun rtog pa'o// 'di ni sems can rnams kyi rlom sems dang / g.yo ba dang / spros pa'o// rab kyi rtsal gyis rnam par gnon pa/ 'di lta ste/ dper na byis pa ni chad pa stong pas brid na/ de yang dag pa snyam du 'dzin to// rab kyi rtsal gyis rnam par gnon pa/ de bzhin du byis pa so so'i skye bo rnams kyang gsog dang phyin ci log gis brid pa/ rmongs nas 'di yang dag pa yin pa snyam du sems so// de dag yang dag pa ma yin pa la yang dag par 'du shes shing phyin ci log pas/ de'i phyir phyin ci log de las dgrol dka' bar 'gyur ro// rab kyi rtsal gyis rnam par gnon pa/ de ltar na byis pa so so'i skye bo thams

  239. 120b

    cad phyin ci log gi bcing bas bcings nas/ kun tu 'khyam ste 'du ba dang 'bral ba med par de dag 'du ba snyam du sems/ 'du ba snyam du dmigs/ 'du ba zhes bzhag par mthong zhing 'bral bar zhes mngon par zhen to/ / rab kyi rtsal gyis rnam par gnon pa/ gang na 'du bar 'gyur ba de na 'bral bar 'gyur ro// gang 'du ba dang 'bral bar mi dmigs rlom sems su mi byed/ mngon par mi zhen pa de ni rab tu grol ba'o// gal te 'bral ba snyam du sems shing dmigs la/ mngon par zhen na ni de 'du ba nyid du 'gyur gyi/ 'bral bam yin no/ / rab kyi rtsal gyis rnam par gnon pa/ de la byang chub sems dpas don gyi dbang 'di mthong bas/ chos gang dang yang 'du bar yang mi byed/ 'bral ba yang mi byed/ chos gang 'du ba'i phyir ram/ 'bral ba'i phyir yong nye bar gnas par mi 'gyur ro// rab kyi rtsal gyis rnam par gnon pa/ shes rab kyi pha rol tu phyin pa la spyod pa'i byang chub sems dpa' 'dzu ba dang 'bral ba yongs su shes pa'o/ / rab kyi rtsal gyis rnam par gnom pa/ de ltar na byang chub sems dpa' myur du chos thams cad kyi ral khong du chung bar 'gyur ro/ / rab kyi rtsal gyis rnam par gnon pa/ gzhan yang shes rab kyi pha rol tu phyin pa la spyod pa'i byang chub sems dpa' ni gzugs la

  240. 121a

    chags pa nyid la myi spyod/ tshor ba dang / 'du shes dang / 'du byed rnams dang / rnam par shes pa la myi chags pa nyid la mi spyod/ gzugs la mi chags pa nyid kyi rnam par dag pa la mi spyod/ tshor ba dang / 'du shes dang / 'du byed rnams dang / rnam par shes pa la mi chags pa nyid kyi rnam par dag pa spyod/ gzugs la mi chags pa nyid kyi dmigs pa la mi spyod/ tshor ba dang / 'du shes dang / 'du byed rnams dang / rnam par shes pa la mi chags pa nyid kyi dmig po la mi spyod/ gzugs la mi chags pa nyid dang 'du ba la mi spyod/ gzugs la mi chags pa nyid dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa la mi chags pa nyid dang 'du ba la mi spyod/ rnam par shes pa la mi chags pa nyid dang 'bral ba la mi spyod/ gzugs la mi chags pa nyid kyi rnam par dag pa dang 'du ba la mi spyod/ gzugs la mi chags pa nyid kyi rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa la mi chags pa nyid kyi rnam par dag pa dang 'du ba la mi spyod/ rnam par shes pa la mi chags pa nyid kyi rnam par dag pa dang 'bral ba la mi spyod

  241. 121b

    gzugs kyi dmigs pa rnam par dag pa dang 'du ba la mi spyod/ gzugs kyi dmigs pa rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa rnam par dag pa dang 'du ba la mi spyod/ rnam par shes pa'i dmigs pa rnam par dag pa dang 'bral ba la mi spyod/ ci'i phyir zhe na/ rab kyi rtsal gyis rnam par gnon pa/ byang chub sems dpas mi g.yo ba dang / rlom sems dang / 'gul ba dang / spyod pa dang / rnam par spyod pa de dag thams cad yongs su shes nas/ gang la'ang mi spyod/ rnam par mi spyod pa'i phyir ro// rab kyi rtsal gyis rnam par gnon pa/ gzhan yang shes rab kyi pha rol tu phyin pa la spyod pa'i byang chub sems dpa' ni/ gzugs 'das pa dang / ma 'ongs pa dang / da ltar byung ba la chags par mi spyod/ gzugs 'das pa dang / ma 'ongs pa dang / da ltar byung ba la mi chags par mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba la chags par mi spyod/ rnam par shes pa 'das pa dang / ma 'ongs pa dang / da ltar byung ba la mi chags par mi spyod//

  242. 122a

    gzugs 'das pa dang / ma 'ongs pa dang / da ltar byung ba rnam par dag pa la mi spyod/ gzugs 'das pa dang / ma 'ongs pa dang / da ltar byung ba rnam par dag pa ma yin pa la mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba rnam par dag pa la mi spyod/ rnam par shes pa 'das pa dang / ma 'ongs pa dang / da ltar byung ba rnam par dag pa ma yin pa la mi spyod/ gzugs 'das pa dang / ma 'ongs pa dang / da ltar byung ba la mi chags pa'i dmigs pa rnam par dag pa la mi spyod/ gzugs 'das pa dang / ma 'ongs pa dang / da ltar byung ba la mi chags pa'i dmigs pa rnam par dag pa ma yin pa la mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang da ltar byung ba la mi chags pa'i dmigs pa rnam par dag pa la mi spyod/ rnam par shes pa 'das pa dang / ma 'ongs pa dang / da ltar byung ba la mi chags pa'i dmigs pa rnam par dag pa ma yin pa la mi spyod do/ / de ci'i phyir zhe na/ rab kyi rtsal gyis rnam par gnon pa/ shes rab kyi pha rol tu phyin pa la spyod pa'i byang chub sems dpa'

  243. 122b

    ni spyod pa yang dag par rjes su mi mthong ba'i phyir ro/ / rab kyi rtsal gyis rnam par gnon pa/ shes rab kyi pha rol tu phyin pa la spyod pa'i byang chub sems dpa'i spyod pa thams cad la 'jug pa de ni spyod pa med pa'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ myur du thams cad mkhyen pa nyid kyi chos yongs su rdzogs par 'gyur ro/ / rab kyi rtsal gyis rnam par gnon pa/ gzhan yang shes rab kyi pha rol tu phyin pa la spyod pa'i byang chub sems dpa' ni/ gzugs la ma bsgribs pa zhes mi spyod/ ma bsgribs pa ma yin pa zhes mi spyod/ tshor ba dang / 'du shes dang / 'du byed rnams dang / rnam par shes pa la ma bsgribs pa zhes mi spyod/ rnam par shes pa la ma bsgribs pa ma yin pa zhes mi spyod/ gzugs la zhi ba zhes mi spyod/ gzugs la ma zhi ba zhes mi spyod/ tshor ba dang / 'du shes dang / 'du byed rnams dang / rnam par shes pa la zhi ba zhes mi spyod/ rnam par shes pa la ma zhi ba zhes mi spyod/ gzugs la rang bzhin gyis ma bsgribs pa zhes mi spyod/ gzugs la rang bzhin gyis ma bsgribs pa ma yin pa zhes mi spyod/ tshor ba dang / 'du shes dang / 'du byed rnams dang / rnam par

  244. 123a

    shes pa la rang bzhin gyis ma bsgribs pa zhes mi spyod/ rnam par shes pa la rang bzhin gyis ma bsgribs pa ma yin pa zhes mi spyod/ gzugs la rang bzhin gyis zhi ba zhes mi spyod/ gzugs la rang bzhin gyis ma zhi ba zhes mi spyod/ tshor ba dang / 'du shes dang / 'du byed rnams dang / rnam par shes pa la rang bzhin gyis zhi ba zhes mi spyod/ rnam par shes pa la rang bzhin gyis ma zhi ba zhes mi spyod/ gzugs 'das pa dang / ma 'ongs pa dang / da ltar byung ba la rang bzhin gyis dben pa 'am/ rang bzhin gyis zhi ba zhes mi spyod/ gzugs 'das pa dang / ma 'ongs pa dang / da ltar byung ba la rang bzhin gyis dben pa ma yin pa 'am/ rang bzhin gyis zhi ba ma yin pa zhes mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba la rang bzhin gyis dben pa 'am/ rang bzhin gyis zhi ba zhes mi spyod/ rnam par shes pa 'das pa dang / ma 'ongs pa dang / da ltar byung ba la rang bzhin gyis dben pa ma yin pa 'am/ rang bzhin gyis zhi ba ma yin pa zhes mi spyod do// rab kyi rtsal gyis rnam par gnon pa/ de ltar spyod pa'i byang chub sems dpa' ni/ myur du thams cad mkhyen pa

  245. 123b

    da kyi chas yongs su rdzogs par rgya / / rab kyi sal gyis rnam par gnos/ gzhan la sa shes ra sa rol tu phyin bu la spyod smra byung chub sems pa sa gzugs la rlom sems su mi byed/ de bzhin du tshor ba dang / 'du shes dang / 'du byed rnams dang / rnam par shes pa la rlom sems su mi byed/ gzugs kyi dmigs pa la rlom sems su mi byed/ gzugs kyi dmigs pa rnam par dag pa la rlom sems su mi byed/ de bzhin du tshor ba dang / 'du shes dang / 'du byed rnams dang / rnam par shes pa'i rnam par dag pa la rlom sems su mi byed/ rnam par shes pa'i dmigs pa rnam par dag pa la rlom sems su mi byed/ rab kyi rtsal gyis rnam par gnon pa/ gzhan yang shes rab kyi pha rol tu phyin pa la spyod pa'i byang chub sems dpa' ni/ gzugs la mngon par mi zhe na/ de bzhin du tshor ba dang / 'du shes dang / 'du byed rnams dang / rnam par shes pa la mngon par mi zhen/ gzugs kyi rnam par dag pa la mngon par mi zhe na/ tshor ba dang / 'du shes dang / 'du byed rnams dang / rnam par shes pa'i rnam par dag pa la mngon par mi zhe na/ gzugs kyi rnam par dag pa la mngon par mi zhe na/ tshor ba dang / 'du shes dang / 'du byed rnams dang / rnam

  246. 124a

    par shes pa'i dmigs pa rnam par dag pa la mngon par mi zhen to/ / rab kyi rtsal gyis rnam par gnon pa/ de ltar spyod pa'i byang chub sems dpa' ni// myur du thams cad mkhyen pa nyid kyi chos rnams yongs su rdzogs par 'gyur ro// rab kyi rtsal gyis rnam par gnon pa/ de ltar spyod pa'i byang chub sems dpa' ni/ de bzhin gshegs pa'i stobs bcu dang / de bzhin gshegs pa'i mi 'jigs pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / dga' ba chen po dang / btang snyoms chen po dang nye bar 'gyur ro// rab kyi rtsal gyis rnam par gnon pa/ de ltar spyod pa'i byang chub sems dpa' ni/ skyes bu chen po'i mtshan sum cu rtsa gnyis dang nye bar 'gyur/ gser gyi kha dog gi mdog dang nye bar 'gyur/ de bzhin gshegs pa'i 'od mtha' yas pa dang nye bar 'gyur/ glang po ltar lta ba dang nye bar 'gyur/ spyi gtsug ltar mi mthong ba dang nye bar 'gyur/ 'das pa dang / ma 'ongs pa dang / da ltar byung ba la thogs pa med pa'i ye shes mthong ba dang nye bar 'gyur/ de bzhin gshegs pa'i rjes su gdams pa dang cho 'phrul dang nye bar 'gyur/ 'das pa dang / ma 'ongs pa dang / da ltar byung ba la thogs pa med

  247. 124b

    pa'i ye shes mthong ba la lung bstan pa dang nye bar 'gyur ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ myur du sangs rgyas kyi chos yongs su dag pa thams cad thob par 'gyur ro/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ myur du sangs rgyas kyi zhing yongs su dag pa thob par 'gyur/ myur du nyan thos dang byang chub sems dpa'i bkod pa phun sum tshogs pa yongs su 'dzin par 'gyur ro// rab kyi rtsal gyis rnam par gnon pa/ de ltar spyod pa'i byang chub sems dpa' ni/ gzugs la rab tu mi gnas/ tshor ba dang / 'du shes dang / 'du byed rnams dang / rnam par shes pa la rab tu mi gnas/ ming dang gzugs la rab tu mi gnas/ phyin ci log dang / sgrib pa dang / lta bar gyur pa la rab tu mi gnas/ 'dod pa dang / gzugs dang / gzugs med pa'i khams la rab tu mi gnas/ bdag gi khams dang / sems can gyi khams la rab tu mi gnas/ gang zag dang / srog tu 'du shes pa la rab tu mi gnas/ tshul khrims dang / 'chal ba'i tshul khrims dang / sa dang / chu dang / me dang / rlung dang / nam mkha' dang / rnam par shes pa'i khams la rab tu mi gnas/

  248. 125a

    khams dang / skye mched la rab tu mi gnas/ kun nas nyon mongs pa dang / rnam par byang ba la rab tu mi gnas/ rten cing 'brel par 'byung ba la rab tu mi gnas/ gtong ba dang / ser sna la rab tu mi gnas/ tshul khrims dang / 'chal pa'i tshul khrims la rab tu mi gnas/ bzod pa dang / gnod sems la rab tu mi gnas/ brtson 'grus dang / le lo la rab tu mi gnas/ bsam gtan dang / rnam par g.yeng ba la rab tu mi gnas/ shes rab dang / 'chal pa'i shes rab la rab tu mi gnas/ dran pa nye bar gzhag pa dang / yang dag par spong ba dang / tshad med pa dang / rdzu 'phrul gyi rkang pa dang / dbang po dang / stobs dang / byang chub kyi yan lag la rab tu mi gnas/ bsam gtan dang / rnam par thar pa dang / ting nge 'dzin dang / snyoms par 'jug pa la rab tu mi gnas/ sdug bsngal dang / kun 'byung ba dang / 'gog pa dang / lam la rab tu mi gnas/ zad pa dang / mngon par 'du mi byed pa dang / mi skye ba shes pa la rab tu mi gnas/ zhi gnas dang / lhag mthong la rab tu mi gnas/ mngon par shes pa la rab tu mi gnas/ rig pa dang / rnam par grol ba la rab tu

  249. 125b

    mi gnas/ so so'i skye bo dang / nyan thos dang / rang sangs rgyas dang / sangs rgyas kyi sa la rab tu mi gnas/ so so'i skye bo dang / nyan thos dang / rang sangs rgyas dang / sangs rgyas kyi chos la rab tu mi gnas/ mya ngan las 'das pa la rab tu mi gnas/ sangs rgyas kyi ye shes dang / stobs dang / mi 'jigs pa la rab tu mi gnas/ thogs pa med pa'i ye shes la rab tu mi gnas/ 'das pa dang / ma 'ongs pa dang / da ltar byung ba'i ye shes mthong ba la rab tu mi gnas/ sangs rgyas kyi zhing phun sum tshogs pa la rab tu mi gnas/ nyan thos bkod pa phun sum tshogs pa la rab tu mi gnas/ byang chub sems dpa' bkod pa phun sum tshogs pa la rab tu mi gnas/ de ci'i phyir zhe na/ rab kyi rtsal gyis rnam par gnon pa/ chos thams cad mi gnas pa'i phyir ro// rab kyi rtsal gyis rnam par gnon pa/ chos thams cad ni gnas pa med pa'o/ / de ci'i phyir zhe na/ rab kyi rtsal gyis rnam par gnon pa/ chos thams cad ni gzhi med pa ste/ gzhi med pa'i phyir mi gnas so// rab kyi rtsal gyis rnam par gnon pa/ gal te chos rnams la gnas yod par gyur na ni/ chos rnams kyi gzhi yod pa 'am/ ther zug tu gnas par 'gyur te/ de bzhin gshegs/

  250. 126a

    pas kyang 'di ni chos rnams kyi rten/ 'di ni chos rnams kyi gzhi/ 'di ni chos rnams kyi bsags pa zhes chos thams cad kyi gnas ston par 'gyur ba zhig na/ rab kyi rtsal gyis rnam par gnon pa/ gang gi phyir chos thams cad mi gnas shing / gzhi med pa dang / sogs pa med pa de'i phyir chos gang yang ther zug tu gnas pa med de/ de bas na de bzhin gshegs pas chos rnams kyi gnas dang / gzhi dang / sogs pa ma bstan to// rab kyi rtsal gyis rnam par gnon pa/ chos tham cad ni yongs su ma grub pa ste/ rang bzhin med pa'o// chos gang la'ang med cing yongs su ma grub pas chos rnams ni gang du'ang mi gnas te/ de'i phyir chos thams cad ni mi gnas pa zhes bya'o/ / rab kyi rtsal gyis rnam par gnon pa/ gnas med pa'i tshul dang / rten med pa'i tshul gyis chos thams cad mi gnas pa ste/ rab kyi rtsal gyis rnam par gnon chos thams cad ni gnas med do/ / rab kyi rtsal gyis rnam par gnon pa/ 'di lta ste/ dper na klung chen po bzhi ni mtshem dros pa las 'bab ste/ rgya mtsho chen kho la ma thug par rgyun mi 'chang ngo / / rab kyi rtsal gyis rnam par gnon pa/ de bzhin du chos thams cad kyang mngon par 'du byed pa zang par ma gyur gyi bar du gnas pa med /

  251. 126b

    rab kyi rtsal gyis rnam par gnon pa/ mngon par 'du mi byed ces bya ba de la gnas kyang med/ gnas ma yin pa'ang med/ rgyun mi 'chad pa'ang med/ bgrang ba de thams cad de la med do/ / rab kyi rtsal gyis rnam par gnon pa/ gnas zhes bya ba 'am/ rgyun chad ces bya ba 'am/ gnas med ces bya ba 'am/ mngon par 'du byed pa zhes bya ba de dag ni bgrang bar bstan pa'o/ / rab kyi rtsal gyis rnam par gnon pa/ gnas sam/ rten tam/ gzhi zhes bya ba sems can rnams kyi ji ltar 'jug pa bstan pa byas pa'o// mngon par 'du byed pa med pa la ni bgrang ba 'di gang yang med de/ de'i phyir chos thams cad mi gnas pa zhes bya'o// rab kyi rtsal gyis rnam par gnon pa/ 'di ni shes rab kyi pha rol tu phyin pa la spyod pa'i byang chub sems dpa' chos thams cad la mi gnas par sbyor ba'o/ / rab kyi rtsal gyis rnam par gnon pa/ de ltar spyod pa'i byang chub sems dpa' ni/ myur du thams cad mkhyen pa nyid kyi chos rnams yongs su rdzogs par 'gyur/ bla na med pa yang dag par rdzogs pa'i byang chub la nye bar 'gyur/ myur du byang chub snying por 'gro bar 'gyur/ myur du thams cad mkhyen pa'i ye shes thob par 'gyur/ myur du 'das pa dang / ma 'ongs pa dang / da ltar byung ba'i ye shes yongs su rdzogs par 'gyur/ sems

  252. 127a

    can thams cad kyi sems bskyed pa dang / g.yos pa'i pha rol tu 'gro bar 'gyur ro// rab kyi rtsal gyis rnam par gnon pa/ de bas na byang chub sems dpa' sems dpa' chen po sems can thams cad kyi don byed par 'dod pa dang / sems can thams cad la sbyin pa sbyin par 'dod pa dang / sems can thams cad la chos kyi sbyin pas tshims par byed par 'dod pa dang / sems can thams cad kyi ma rig pa'i sgo nga'i sbubs gcog par 'dod pa dang / sems can thams cad la ye shes chen po sangs rgyas kyi ye shes sgrub par 'dod pa dang / sems can thams cad la snying brtse bar 'dod pa dang / sems can thams cad la phan pa tshol bar 'dod pa dang / sems can thams cad la chos kyi lo legs par byed par 'dod pa dang / sems can thams cad la longs spyod kyi lo legs par byed par 'dod pa dang / sems can thams cad la tshul khrims kyi lo legs par byed par 'dod pa dang / sems can thams cad la bzod pa dang nges pa'i lo legs par byed par 'dod pa dang / sems can thams cad la brtson 'grus kyi lo legs par byed par 'dod pa dang / sems can thams cad la bsam gtan gyi lo legs par byed par 'dod pa dang / sems can thams cad la shes rab kyi lo legs par byed par 'dod pa dang / sems can thams cad la rnam

  253. 127b

    par grol ba'i lo legs par byed par 'dod pa dang / sems can thams cad la mtho ris su skye ba'i lo legs par byed par 'dod pa dang / sems can thams cad la rig pa dang rnam par grol ba'i lo legs par byed par 'dod pa dang / sems can thams cad la rig pa dang rnam par grol ba'i ye shes mthong ba'i lo legs par byed par 'dod pa dang / sems can thams cad la mya ngan las 'das pa'i lo legs par byed par 'dod pa dang / sems can thams cad la sangs rgyas kyi chos kyi lo legs par byed par 'dod pa dang / sems can thams cad la yon tan phun sum tshogs pa thams cad kyi lo legs par byed par 'dod pa dang / dge sbyong dang / bram ze dang / lha dang / bdud dang / gzhan sus kyang chos dang 'thun par sngon ma bskor ba'i chos kyi 'khor lo bskor bar 'dod pa dang / chos kyi gtam byed par 'dod pa dang / sangs rgyas kyi sar lung bstan par 'dod pa dang / nyan thos kyis la lung bstan par 'dod pa dang / rang sangs rgyas kyi sa la lung bstan par 'dod pa dang / sems can rnams kyi sngon gyi smon lam dang / dge ba'i rtsa ba bskul bar 'dod pas// shes rab kyi pha rol tu phyin pa 'di la bslab par bya'o// brtson par bya'o// 'bad par bya'o// shes rab kyi pha rol tu phyin pa la bsgom par sbyor ba la brtson par bya'o// rab kyi

  254. 128a

    rtsal gyis rnam par gnon pa/ ji ltar shes rab kyi pha rol tu phyin pa la bstan pa 'di la brtson pa dang / nan tan byed pa dang / 'di lta ste/ shes rab kyi pha rol tu phyin pa la gnas pa'i gnas pa de ni mi 'dor ba la sa/ sangs rgyas kyi chos thams cad myur du yongs su rdzogs par byed pa de lta bu byang chub sems dpa'i chos gzhan gang yang ngas ma mthong ngo / / rab kyi rtsal gyis rnam par gnon pa/ byang chub sems dpa' gang la la shes rab kyi pha rol tu phyin pa 'di la spyod na/ byang chub sems dpa' de bla na med pa yang dag par rdzogs par byed pa'i byang chub dang nye zhing / der thug par rig par bya'o// rab kyi rtsal gyis rnam par gnon pa/ shes rab kyi pha rol tu phyin pa 'di gang la la'i rna lam du thos pa dang / thos nas kyang mos pa dang / mngon par dga' ba dang / yang dag par 'du shes skyed pa de dag kyang / dge ba'i rtsa ba des bla na med pa yang dag par rdzogs pa'i byang chub tu grub par 'gyur ro zhes ngas bshad de/ der thug par yang rig par bya'o// rigs kyi bu 'am/ rigs kyi bu mo de dag ni tshogs chen po bsags pas/ dge ba'i rtsa ba gzhan yang yongs su sdud par 'gyur/ rab kyi rtsal gyis rnam par gnon pa/ shes rab kyi pha rol tu phyin pa'i thabs mkhas pa bstan pa'i le'u 'di byang chub sems dpa' dag gi lag tu song bar

  255. 128b

    'gyur ba de dag kha cig sangs rgyas bcom ldan 'das rnams kyis mngon sum du lung bstan kyang / de dag ni lung bstan pa dang nye ste/ de dag ni ring po mi thogs par mngon sum du lung bstan pa thob par 'gyur bar rig par bya'o/ / rab kyi rtsal gyis rnam par gnon pa/ 'di lta ste/ dper na sems can gang dag dge ba bcu'i las kyi lam yang dag par bzung ste 'dug pa'i sems can de dag byang gi sgra mi snyan du skye ba dang nye ba ste/ der thug par rig par bya'o// rab kyi rtsal gyis rnam par gnon pa/ de bzhin du shes rab kyi pha rol tu phyin pa 'di byang chub sems dpa' gang gi lag tu 'gro bar 'gyur ba de'ang bla na med pa yang dag par rdzogs pa'i byang chub dang nye ba yin par rig par bya'o/ / rab kyi rtsal gyis rnam par gnon pa/ 'di lta ste/ dper na sems can gang dag sbyin pa sbyin zhing lhug par gtong bar gyur la/ sems can rnams kyang sbyin pa dang / snyan par smra ba dang / don spyod pa dang / don mthun pas kun sdud cing / tshul khrims kyang srung la/ nga rgyal bcom pa'i sems can de dag myur du rigs mthon po dang longs spyod chen por 'gyur te/ der thug par rig par bya'o// rab kyi rtsal gyis rnam par gnon pa/ 'di lta ste/ dper na sems can gang dag sbyin pa'i ngang tshul can du gyur pa/ tshul khrims phun sum tshogs par gyur pa/ bzod pa phun sum

  256. 129a

    tshogs par gyur pa/ sems can la byams paskyed pa/ sems can rnams kyang tshul khrims 'dzin du 'jug cing / dbang por gyur pa'i las bsags pa de ngadag ni myur du 'khor lo sgyur ba'i rgyal po byed par 'gyur bar rig par bya'o/ / rab kyi rtsal gyis rnam par gnon pa/ de bzhin du shes rab kyi pha rol tu phyin pa 'di byang chub sems dpa' gang gi lag tu 'gro bar 'gyur ba de myur du byang chub kyi snying por 'gro bar rig par bya'o/ / rab kyi rtsal gyis rnam par gnon pa/ 'di lta ste/ dper na rgyal po rgyal rigs gang zla ba nya tshes bco lnga la don byed cing 'dug pa'i mdun du 'khor lo rin po che byung bar gyur na/ de nyid 'khor lo sgyur bar 'gyur zhing / myur du de rin po che sna bdun thams cad kyang 'byung bar 'gyur bar rig par bya'o/ / rab kyi rtsal gyis rnam par gnon pa/ de bzhin du shes rab kyi pha rol tu phyin pa'i le'u 'di byang chub sems dpa' gang gi lag tu 'gro bar 'gyur pa de myur du thams cad mkhyen pa'i dmigs pa dang ldan par 'gyur bar rig par bya'o/ / rab kyi rtsal gyis rnam par gnon pa/ 'di lta ste/ dper na sems can gang dag dge ba'i rtsa ba mchog dang ldan par gyur cing / spyod pa'ang bzang / rgya chen po la'ang mos par gyur la/ de dag mi'i lus la mi mthun par 'du shes 'jog cing / tshul khrims phun sum tshogs par gyur pa/

  257. 129b

    skye bo mang po'i bya ba byed par gyur pa lhar skye bar 'dod na/ de dag myur du rgyal chen bzhi'i ris kyi lha rnams dang skal ba mnyam par skye zhing / de na'ang dbang po byed par 'gyur bar rig/ par bya'o// rab kyi rtsal gyis rnam par gnon pa/ gang su dag dge ba'i rtsa ba yongs su dag pa dang / dge ba'i rtsa ba mchog dang ldan la/ sngar sbyin pa sbyin zhing phyis bdag spyod pa dang / sngar sems can gzhan dag gi bya ba byed de/ phyis bdag gi byed pa dang / chos ma yin pa la 'dod cing chags pa med pa dang / mi zad pa'i 'dod pa dang chags pa med pa dang / lha'i dbang po dang bdag por 'dod po de dag ni/ ring por mi thogs par mi g.yo mi bskyod par sum cu rtsa gsum gyi lha rnams kyi dbang po dang bdag po byed par 'gyur te/ lha'i dbang po brgya byin du'ang 'gyur bar rig par bya'o// rab kyi rtsal gyis rnam par gnon pa/ de bzhin du shes rab kyi pha rol tu phyin pa 'di byang chub sems dpa' gang la nye bar gyur papa de myur du chos thams cad la dbang byed pa'i dbang po rjes su thob par 'gyur zhing / der thug par rig par bya'o// rab kyi rtsal gyis rnam par gnon pa/ 'di lta ste/ dper na sems can gang dag tshangs pa'i gnas pa bzhi rnyed par 'gyur ba de dag ni myur du tshangs pa'i 'jig rten du skye bar 'gyur bar rig par bya'o/ / rab kyi rtsal gyis rnam par gnon pa/ de bzhin

  258. 130a

    du shes rab kyi pha rol tu phyin pa 'di byang chub sems dpa' gang la nye bar 'gyur ba de myur du chos kyi 'khor lo bskor bar 'gyur bar rig par bya'o/ / rab kyi rtsal gyis rnam par gnon pa/ 'di lta ste/ dper na dbyar gyi zla ba nye bar gnas pa na/ sa chen po 'di sprin la brten nas snum par 'gyur zhing / char mthar gyis bab pos bangs nas chu byung ste/ gang chu mig mang po byung ba des sa chen po'i steng 'di tshim par byed/ de bzhin du sa chen po'i 'khor yang bangs par 'gyur zhing / steng 'di chus yog nas gang ljongs dang thang rnams tshim par byed de/ de ltar sa chen po 'di'i thang sprin gyis bangs par byas pas/ rtswa dang / shing gel ba dang / sman dang / nags tshal rnams kyang ngoms par 'gyur ro// de dag ngoms pas yal ga dang / lo ma dang / 'dab ma mang po skye bar 'gyur/ me tog dang 'bras bu mang po'ang chags par 'gyur ro// de'i tshe sa chen po 'dis yid du 'ong ba'i dri 'byin to// de'i tshes chen po 'di me tog dang / 'bras bu dang / chu mig dang / mtshe'u dang / lteng ka dag gis mdzes par byas par 'gyur/ de na mi dang mi ma yin pa rnams me tog dang 'bras bu de dag la za zhing / dri de dag la'ang snom pas dga' bar 'gyur ro// rab kyi rtsal gyis rnam par gnon pa/ de bzhin du nam byang chub sems dpa' la shes rab kyi pha rol tu phyin pa 'di mngon du

  259. 130b

    gyur cing / shes rab kyi pha rol tu phyin pa 'di la sbyor bar byed na/ rab kyi rtsal gyis rnam par gnon pa/ byang chub sems dpa' de ring por mi thogs par thams cad mkhyen pa'i ye shes kyis brlan par byas nas/ thams cad mkhyen pa'i ye shes rnam par 'byed par 'gyur/ thams cad mkhyen pa'i ye shes rab tu ston par 'gyur te/ des bla na med pa'i chos rin po che rab tu bstan pa'i phyir/ sems can rnams rlan par byed par rig par bya'o// rab kyi rtsal gyis rnam par gnon pa/ 'di lta ste/ dper na gang dag klu'i rgyal po ma dros pa'i gnas su skyes pa'i sems can de dag kyang klung chen po bzhi 'bebs shing / rgya mtsho chen po 'gengs par 'gyur ro// rab kyi rtsal gyis rnam par gnon pa/ de bzhin du shes rab kyi pha rol tu phyin pa 'di byang chub sems dpa' gang dag gi lag tu song zhing / 'di la slob pa de dag thams cad kyang chos chen po'i rgyun rab tu 'bebs shing / chos kyi sbyin pa des sems can thams cad la tshim par byed par 'gyur ro/ / rab kyi rtsal gyis rnam par gnon pa/ 'di lta ste/ dper na sems can gang dag ri'i rgyal po ri rab kyi drung du phyin/ pab de dag thams cad ni/ 'di lta ste/ gser gyi kha dog tu gcig par 'gyur/ rab kyi rtsal gyis rnam par gnon pa/ de bzhin du shes rab kyi pha rol tu phyin pa bstan pa 'ang byang

  260. 131a

    chub sems dpa' gang gi lag tu song ba de dag thams cad kyang / 'di lta ste/ de bzhin gshegs pa'i 'gro ba 'am/ thams cad mkhyen pa'i 'gro bar 'gro ba gcig tu 'gyur ro/ / rab kyi rtsal gyis rnam par gnon pa/ 'di lta ste/ dper na mtsho chen po rgya mtsho ni thams cad kun tu 'dzin te/ der rtag tu chu thams cad 'bab bo// rab kyi rtsal gyis rnam par gnon pa/ de bzhin du shes rab kyi pha rol tu phyin pa bstan pa 'di byang chub sems dpa' gang gi lag tu 'gro ba de myur du chos thams cad kyi rgya mtsho dang / chos thams cad kyi stong dang / chos thams cad yang dag par 'du bar 'gyur te/ myur du chos thams cad kyi brdas mi 'khrugs par 'gyur zhing / der thug par rig par bya'o// rab kyi rtsal gyis rnam par gnon pa/ 'di lta ste/ dper na nyi ma'i dkyil 'khor shar na 'od thams cad mog mog por 'gyur ro// rab kyi rtsal gyis rnam par gnon pa/ de bzhin du shes rab kyi pha rol tu phyin pa 'di la shar ba'i byang chub sems dpa' yang / sems can thams cad la chos kyi snang bar byed par nye bar gnas par 'gyur te/ rab kyi rtsal gyis rnam par gnon pa/ byang chub sems dpa' 'di la shar bas/ sems can thams cad kyi dge ba'i snang bar byed par nye bar gnas par 'gyur/ sems can thams cad kyi sbyin gnas su 'gyur/ sem/

  261. 131b

    can thams cad kyi bsod nams kyi zhing rnam par dag par 'gyur/ sems can thams cad kyis 'gro bar bya bar 'gyur/ sems can thams cad kyis mchod par 'gyur/ rab tu bstod par 'gyur ro/ / rab kyi rtsal gyis rnam par gnon pa/ shes rab kyi pha rol tu phyin pa 'di la slob pa'i byang chub sems dpa' ni/ byang chub sems dpa'i mchog la slob pa'o// sems can thams cad kyang mya ngan las 'das pa'i lam rnam par sbyangs pa'i phyir slob pa'o// de ci'i phyir zhe na/ rab kyi rtsal gyis rnam par gnon pa/ shes rab kyi pha rol tu phyin pa'i bslab pa 'di mchog dam pa rab phul du byung ba/ bla na med pa'i slob pa'o// rab kyi rtsal gyis rnam par gnon pa/ 'di la slob pa'i byang chub sems dpa' ni slob pa thams cad kyi dam pa'i mchog rnyed par 'gyur/ bslab pa thams cad bzung bas 'byung bar 'gyur/ bslab pa thams cad kyang ston par 'gyur/ bslab pa thams cad thob par byed par 'gyur/ ro// rab kyi rtsal gyis rnam par gnon pa/ 'das pa dang / ma 'ongs pa dang / da ltar byung ba'i sangs rgyas bcom ldan 'das byang chub sems dpa'i spyad pa spyod pa na/ bslab pa 'di las bslabs so/ / slob bo// slob par 'gyur ro// sangs rgyas bcom ldan 'das rnams bslab pa 'di la shin tu gnas nas/ sems can thams cad la bla na med pa'i

  262. 132a

    bslab pa yongs su dag pa yang dag par rab tu bstan/ yang dag par rab tu ston/ yang dag par rab tu ston par 'gyur ro// de ci'i phyir zhe na/ rab kyi rtsal gyis rnam par gnon pa/ 'di lta ste/ shes rab kyi pha rol tu phyin pa'i bslab pa 'di ni 'jig rten thams cad las mngon par 'phags pa'i bslab pa yin pa'i phyir ro// 'di lta ste/ shes rab kyi pha rol tu phyin pa'i bslab pa ni 'jig rten thams cad kyi mchog/ 'jig rten thams cad na rang byung gi bslab pa'o// rab kyi rtsal gyis rnam par gnon pa/ shes rab kyi pha rol tu phyin pa la slob pa'i byang chub sems dpa' ni/ 'jig rten pa dang / 'jig rten las 'das pa dang / 'dus byas dang / 'dus ma byas dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / chos gang la'ang slob par mi 'gyur/ gang du'ang chags pa mi skyed de/ chos thams cad la mi chags par gnas par 'gyur ro/ / de ci'i phyir zhe na/ rab kyi rtsal gyis rnam par gnon pa/ chos thams cad ni chags pa med/ bcings pa med/ grol ba med de/ chos gang la'ang 'du bar ram bcings par nye bar gnas pa ma yin pa'i phyir ro// rab kyi rtsal gyis rnam par gnon pa/ gzugs ni ma chags

  263. 132b

    ma bcings ma grol ba'o/ / tshor ba dang / 'du shes dang / 'du byed rnams dang / rnam par shes pa'ang ma chags ma bcings ma grol ba'o// ming dang gzugs kyang ma chags ma bcings ma grol ba'o/ / phyin ci log dang / sgrib pa dang / lta bar gyur pa'ang ma chags ma bcings ma grol ba'o// 'dod chags dang / zhe sdang dang / gti mug kyang ma chags ma bcings ma grol ba'o/ / nang gi skye mched drug kyang ma chags ma bcings ma grol ba'o// phyi'i skye mched drug kyang ma chags ma bcings ma grol ba'o// 'dod pa dang // gzugs dang / gzugs med pa'i khams kyang ma chags ma bcings ma grol ba'o// bdag gi khams dang / sems can gyi khams kyang ma chags ma bcings ma grol ba'o// rten cing 'brel par 'byung ba'ang ma chags ma bcings ma grol ba'o// kun nas nyon mongs pa dang / rnam par byang ba'ang ma chags ma bcings ma grol ba'o// de bzhin du gtong ba dang / ser sna dang / tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab kyang ma chags ma bcings ma grol ba'o// sdug bsngal dang / kun 'byung ba dang /

  264. 133a

    'gog pa dang / lam yang ma chags ma bcings ma grol ba'o// dran pa nye bar gzhag pa dang / yang dag par spong ba dang / rdzu 'phrul gyi rkang pa dang / tshad med pa dang / phyin ci log pa'ang ma chags ma bcings ma grol ba'o// dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa'ang ma chags ma bcings ma grol ba'o/ / sa dang / chu dang / me dang / rlung dang / nam mkha' dang / rnam par shes pa'i khams kyang ma chags ma bcings ma grol ba'o/ / mi skye ba dang / zad pa dang / mngon par 'du mi byed pa shes pa'ang ma chags ma bcings ma grol ba'o// rig pa dang / rnam par grol ba'ang ma chags ma bcings ma grol ba'o/ / mngon par shes pa'ang ma chags ma bcings ma grol ba'o// rnam par grol ba'i ye shes mthong ba'ang ma chags ma bcings ma grol ba'o// so so'i skye bo dang / nyan thos dang / rang sangs rgyas kyi chos kyang ma chags ma bcings ma grol ba'o// mya ngan las 'das pa'ang ma chags ma bcings ma grol ba'o// sangs rgyas kyi ye shes dang / stobs dang / mi 'jigs pa'ang ma chags ma bcings ma grol ba'o// 'das pa dang / ma 'ongs pa dang / da ltar byung ba la thogs pa med pa'i ye shes

  265. 133b

    mthong ba'ang ma chags ma bcings ma grol ba'o/ / de ci'i phyir zhe na/ rab kyi rtsal gyis rnam par gnon pa/ chos thams cad la bcings pa mi dmigs pas/ chos thams cad ni chags pa med cing bcings pa med do/ / de ci'i phyir/ de dag gi grol ba mi dmigs so// rab kyi rtsal gyis rnam par gnon pa/ chags pa med ces bya ba ni/ de dag la grol ba gang yang med mod kyi/ 'on kyang gang de ltar chos rnams mthong ba ni/ chags pa med pa'i ye shes mthong ba zhes bya'o// rab kyi rtsal gyis rnam par gnon pa/ mi chags shes bya ba ni/ chags pa mi dmigs shing / chags pa med la/ chags pa yang dag pa ma yin pa'i phyir/ chags pa med pa zhes bya ste/ de la ni gang chags par 'gyur ba 'am/ 'ching bar 'gyur ba ci'ang mi dmigs so// gang gi phyir gang chags par 'gyur ba dang / 'ching bar 'gyur ba mi dmigs pa de'i phyir/ mi chags pa zhes bya'o/ / rab kyi rtsal gyis rnam par gnon pa/ rtog pa med pa zhes bya ba ni/ rtogs pa mi dmigs shing / rtogs pa yod pa ma yin pa'i phyir/ rtogs pa med pa zhes bya ste/ de la ni rtogs par 'gyur ba ci'ang med do// de la gang rtogs pa ci'ang mi dmigs te/ gang phyir gang rtogs pa mi dmigs pa de'i phyir/ rtogs pa

  266. 134a

    med pa zhes bya'o/ / gang chags pa med cing rtog pa med pa de la rnam par grol ba ga la yod/ gang chags par mi 'gyur/ 'ching bar mi 'gyur ba ni/ grol ba bral ba/ bsil bar gyur pa/ rab tu rnam par grol ba ste/ de la ni phyir yang rtog par bya ba gang yang med pas/ de'i phyir grol ba zhes bya ste/ de la thar pa'ang med do/ rab kyi rtsal gyis rnam par gnon pa/ 'di ni shes rab kyi pha rol tu phyin pa la spyod pa'i byang chub sems dpa' chos thams cad ma chags ma bcings ma grol ba'i ye shes mthong ba la 'jug pa'o/ / rab kyi rtsal gyis rnam par gnon pa/ de ltar byang chub sems dpa' ni bla na med pa yang dag par rdzogs pa'i byang chub la nye bar 'gyur ro// myur du thams cad mkhyen pa'i ye shes thob par 'gyur ro/ / rab kyi rtsal gyis rnam par gnon pa/ shes rab kyi pha rol tu phyin pa la brtson pa/ shes rab kyi pha rol tu phyin pa la spyod pa'i byang chub sems dpa' thams cad kyi the tsom gcod pa'i phyir ngas phyag rgya 'di bzhag go/ rab kyi rtsal gyis rnam par gnon pa/ phyi ma'i tshe phyi ma'i dus lnga brgya pa tha ma la nga'i nyan thos rnams shes rab kyi pha rol tu phyin pa 'di 'dzin mi nus pa'i phyir/ ngas phyag rgya 'di bstan cing byin gyis brlabs so// de nas bcom ldan 'das kyis/ bzang skyong dang

  267. 134b

    ded dpon bzang po la sogs pa byang chub sems dpa' lnga brgya dang / byang chub sems dpa' sems dpa' chen po rab kyi rtsal gyis rnam par gnon pa la bka' stsal pa/ rig kyi bu dag khyed kyis de bzhin gshegs pa yongs su mya ngan las 'das nas phyi ma'i tshe phyi ma'i dus dam pa'i chos nub cing rab tu rnam par 'jig ste/ zad par 'gyur ba'i dus na/ de bzhin gshegs pas bskal pa bye ba khrag khrig 'bum phrag mang por yang dag par bsgrubs pa'i chos rin po che'i mdzod/ shes rab kyi pha rol tu phyin pa sngon du 'gro ba/ shes rab kyi pha rol tu phyin pa 'byung ba/ shes rab kyi pha rol tu phyin pa'i gnas 'di gzung ba dang / gzhan dag la'ang rgya cher yang dag par ston nus sam/ de skad ces bka' stsal pa dang / bcom ldan 'das la/ byang chub sems dpa' de dag gis 'di skad ces gsol to// bcom ldan 'das bdag cag gis de bzhin gshegs pas bskal pa bye ba khrag khrig 'bum phrag mang por yang dag par bsgrubs pas bla na med pa'i chos rin po che'i mdzod/ shes rab kyi pha rol tu phyin pa sngon du 'gro ba/ shes rab kyi pha rol tu phyin pa 'byung ba/ shes rab kyi pha rol tu phyin pa'i gnas 'od gzung ba dang / gzhan dag la rgya cher yang dag par rab tu ston pa'i rngo thogs lags so// bcom ldan 'das dus de ni 'jigs pa chen po/ mya ngan chen

  268. 135a

    bo ma rung ba chen por 'gyur te/ sems can chos la 'phongs par 'gyur ba'i las dang ldan pa phal cher byung / log par chags pa/ brkam pa/ log pa'i 'dod chags kyis chags pa/ chos ma lags pa la 'dod chags kyis chags pa/ phrag dog dang 'dod pas yongs su zin pa'i sems dang ldan pa/ khro ba/ gtum pa brlang ba/ bka' blo mi bde ba/ g.yon can/ mi bsrun pa/ rgyun can/ chos ma lags pa spyod pa/ 'thab pa dang / rtsod pa dang / mtshang 'dru ba dang / 'breg pa mang ba/ sdom pa la mi gnas pa/ 'dod pa dang brkam pa'i zil gyis gnon pa/ le lo can/ brtson 'grus chung ba/ dran pa nyams pa/ shes bzhin can ma lags pagatsam bu mu cor smra ba/ kha phyar can/ sdig pa'i las khong du sbed cing 'chab pa/ 'dod chags dang / zhe sdang dang / gti mug che ba/ ma rig pa'i sgo nga'i sbubs dang / gti mug gi mun nag gi zil gyis non pa/ bdud kyi phyogs dang 'thun par spyod pa/ chos 'dul ba zab mo/ chos rin po che'i mdzod 'di la phyir rgol ba 'byung / mi slu ba'i ngang tshul can 'byung lags mod kyi/ bcom ldan 'das bdag cag rnams de bzhin gshegs pas bskal pa bye ba khrag khrig 'bum phrag mang por dge ba'i rtsa ba bsgrubs pa/ bla na med

  269. 135b

    pa'i chos rin po che'i mdzod 'di 'dzin cing klag par spro lags so/ / gang dag tha ma'i dus de na/ chos 'di tshol ba/ chos 'di la slob 'tshal ba/ g.yo ma mchis pa/ drang bsgyu ma mchis pa/ gang srog gi phyir yang mi gtong ba/ chos 'di la slar mi rgol ba/ chos kyi rnam grangs 'di spong bar mi 'gyur ba/ chos kyi rnam grangs 'di la rgyab kyis phyogs par mi 'gyur ba ni rab tu nyung bar 'gyur te/ de dag gi don bgyi zhing spro bar stsal nas/ chos 'di lta bu 'di la yang dag par gzengs bstod par bgyi/ yang dag par rab tu dga' bar bgyi lags so/ / de nas bcom ldan 'das kyis de'i dus na/ chos kyi gnas shes rab kyi pha rol tu phyin pa bstan pa 'di byin gyis brlabs te/ chos kyi rnam grangs 'di la/ bdud sdig can rnams kyi zhags pa gcad pa'i phyir byin gyis brlab pa mdzad do// de nas bcom ldan 'das 'dzum pa mdzad pa dang / stong gsum gyi stong chen po'i 'jig rten gyi khams 'di snang ba chen pos khyab par gyur to// lha rnams kyis kyang mi mthong / mi rnams kyis kyang lha mthong ngo // gang der 'dus ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag thams cad kyis lha'i me tog

  270. 136a

    bcom ldan 'das la gtor/ sgra'i gos kyang phul nas sgra skad chen po phyung ste/ a la la/ de bzhin gshegs pas bdud sdig can rnams kyi spyod yul ma lags pa byin gyis brlabs pa 'di ni byin gyi rlabs chen po lags te/ chos kyi byin gyi rlabs 'dis bdud kyi zhags pa thams cad bkum mo// rigs kyi bu 'am/ rigs kyi bu mo de dag bdud sdig can gyis 'jigs so snyam pa'i dog pa mi bgyi'o// gang chos kyi rnam grangs 'di 'dzin pa dang / klog pa dang / gzhan dag la'ang rgya cher yang dag par rab tu ston pa'i byang chub sems dpa' de dag ni brgal bar 'gyur lags so/ / gang chos kyi rnam grangs 'di 'dzin pa dang / klog pa dang / gzhan dag la'ang rgya cher yang dag par ston pa de dag ni/ bdud sdig can sde dang bcas pa las rgyal bar 'gyur lags so// de nas bcom ldan 'das kyis/ byang chub sems dpa' rab kyi rtsal gyis rnam par gnon pa la 'di skad ces bka' stsal to/ / de de bzhin no// rab kyi rtsal gyis rnam par gnon pa/ de de bzhin te/ lha'i bu de dag gis tshig ji skad smras pa bzhin te/ rab kyi rtsal gyis rnam par gnon pa/ de bzhin gshegs pas chos kyi rnam grangs 'di la bdud sdig can rnams kyi mtshams bcad do// rab kyi rtsal gyis rnam par gnon pa/ rigs

  271. 136b

    kyi bu 'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / gzhan dag la'ang rgya cher yang dag par rab tu bstan pa de dag ni/ bdud sdig can rnams kyi spyod yul du mi 'gyur te/ rigs kyi bu 'am/ rigs kyi bu mo de dag ni/ bdud sdig can rnams kyis mi tshugs par 'gyur ro// gang dag chos kyi rnam grangs 'di 'dzin pa dang / 'chang ba dang / klog pa dang / gzhan dag la'ang rgya cher yang dag par rab tu ston pa de dag ni/ bdud dang phyir rgol ba tshoms par 'gyur/ g.yul las rgyal bar 'gyur ro/ / rab kyi rtsal gyis rnam par gnon pa/ chos kyi rnam grangs 'di ni kun nas nyon mongs pa can dang / bdud kyi zhags pas bcings pa'i sems can rnams kyi lag tu 'gro bar mi 'gyur te/ rab kyi rtsal gyis rnam par gnon pa/ 'di ni cang shes pa rnams kyi sa yin gyi/ cang mi shes pa rnams kyi sa ni ma yin no// rab kyi rtsal gyis rnam par gnon pa/ 'di lta ste/ dper na glang po che cang shes dang / rta cang shes gang yin pa de dag ni/ khams kyi rgyal po rnams kyi yongs su spyod pa mi byed do// de dag ni skye bo gtum po rnams kyis mthong bar yang mi 'gro'o/ / rab kyi rtsal gyis rnam par gnon pa/ glang po che cang shes dang / rta cang shes de lta bu ni/ 'khor lo sgyur ba'i rgyal pos mthong bar nye bar 'gro

  272. 137a

    ste/ de dag gi longs spyod dang / bsnyen bkur bya ba dang / yongs su spyod pa'i phyir mngon par byung bas/ de dag ni 'khor lo sgyur ba'i rgyal po rnams kyis yongs su spyod par 'gyur ro/ / rab kyi rtsal gyis rnam par gnon pa/ de bzhin du 'di lta bu'i chos kyi rnam grangs 'di ni/ mi cang shes kyi sems can rnams kyi longs spyod kyi phyir lag tu 'gro bar 'gyur ro/ / rab kyi rtsal gyis rnam par gnon pa/ 'di lta ste/ dper na klu'i rgyal po nyer rtsi dang / klu'i rgyal po rab gnas dang / klu'i rgyal po sa srungs kyi bu dang / de dag ni mi rnams kyi longs spyod kyi phyir nye bar mi 'gro/ mi rnams kyis mthong bar nye bar mi 'gro/ de dag ni gzhan gyi nye bar spyod pa dang / longs spyod kyi phyir yang nye bar mi 'gro'i/ klu'i rgyal po de dag ni lha cang shos rnams kyi longs spyod kyi phyir nye bar 'gro'o/ / ji lta ji lta bur lha'i dbang po brgya byin bkod pa byas nas 'gro ba na/ klu'i rgyal po de dag kyang de lta de lta bur de 'dra ba'i bkod pa byas nas longs spyod kyi phyir yang nye bar 'gro'o/ / rab kyi rtsal gyis rnam par gnon pa/ de bzhin du chos kyi rnam grangs 'di ni/ 'di lta ste/ mi'i dbang po me cang shes rnams kyis klag pa dang / bshad pa dang / rab tu bstan pa'i nye bar spyod pa dang / longs spyod du 'gyur te/ chos kyi rnam grangs 'di ni de dag gi bkod pa chen po dang / rgyas pa chen po dang /

  273. 137b

    chos kyi snang ba chen po byed par 'gyur/ de dag chos kyi rnam grangs 'di la chos kyi dga' ba chen po myong bar 'gyur ro// gang chos kyi rnam grangs 'di las tshul gcig tsam 'dzin pa de dag kyang mchog tu dga' ba dang ldan par 'gyur na/ gang thams cad rdzogs par bris pa dang / 'dzin pa dang / 'chang ba dang / mchod pa dang / rgyas par byed pa lta ci smos/ chos kyi rnam grangs 'dis mi'i dbang po dang / mi cang shes de dag gzung bar 'gyur ro// 'di cang shes pa ma yin pa rnams kyi spyod yul ma yin no// rab kyi rtsal gyis rnam par gnon pa/ 'don the tsom thams cad gcod pa'i phyir ngas de dag smras so/ / chos kyi rnam grangs 'di bshad pa na/ byang chub sems dpa' du ma dpag tu med pa dag gis mi skye ba'i chos la bzod pa thob par gyur to/ / sems can grangs med dpag tu med pa dag gis bla na med pa yang dag par rdzogs pa'i byang chub tu sems bskyed de/ de dag byang chub tu nges par 'gyur bar de bzhin gshegs pas bstan to/ / bcom ldan 'das kyis de skad ces bka' stsal nas/ byang chub sems dpa' sems dpa' chen po rab kyi rtsal gyis rnam par gnon pa/ 'khor bzhi dang / lha dang / mi dang / lha ma yin dang / klu dang / gnod sbyin dang / dri za dang / nam mkha' lding dang / mi 'am ci dang / lto 'phye chen po dang bcas pa'i 'jig rten yi rangs te/

  274. 138a

    bcom ldan 'das kyis gsungs pa la mngon par bstod do// phan yon gyi le'u zhes bya ste bdun pa'o// / 'phags pa rab kyi rtsal gyis rnam par gnon pas zhus pa/ shes rab kyi pha rol tu phyin pa bstan pa rdzogs so// / rgya gar gyi mkhan po shI len dra bo d+hi dang / dzi na mi tra dang / zhu chen gyil tsa ba ban d+he ye shes sdes bsgyur cing zhus nas/ skad gsar bcad kyis bcos te gtan la phab pa// rgya gar skad du/ Ar+ya sa pa ta sha ti ka na nA ma pradz+nyA pA ra mi tA ma hA yA na sU tra/ bod skad du/ 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo// // bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong tham pa'i dge slong gi dge slong gi dge 'dun chen po dang thabs cig tu bzhugs so// byang chub sems dpa' sems dpa' chen po go cha 'gos pa so ya thams cad kyang / bla na med pa yang dag par rdzogs pa'i byang chub las phyir mi ldog pa sha stag la 'di lta ste/ 'jam dpal gzhon nur gyur pa dang / byam

  275. 138b

    pa dang / spobs pa thogs pa med pa dang / brtson pa mi 'dor dang / de dag la sogs pa byang chub sems dpa' sa ya dang yang thabs cig go// de nas 'jam dpal gzhon nur gyur pa/ de bzhin gshegs pa la blta ba dang / phyag bya ba dang / bsnyen bkur bya ba'i phyir skya rengs shar ba'i dus kyi tshe/ rang gi gnas nas byung ste/ de bzhin gshegs pa'i pho brang gi sgo ga la ba der song nas phyin pa dang / pho brang gi sgo'i phyi rol tu 'dug go// de nas tshe dang ldan pa shA ra dwa ti'i bu'ang / bcom ldan 'das la blta ba dang / phyag bya ba dang / bsnyen bkur bya ba'i phyir rang gi gnas nas byung ste/ de bzhin gshegs pa'i pho brang ga la ba der song ngo // de nas tshe dang ldan pa byams ma'i bu gang po dang / tshe dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang ldan pa ka t+ya'i bu chen po dang / tshe dang ldan pa gsus po che dang / de dag thams cad dang / gzhan yang nyan thos chen po rnams rang rang gi gnas nas byung ste/ bcom ldan 'das kyi pho brang ga la ba der dong nas phyin pa dang / phyogs gcig tu 'khod do// de nas bcom ldan 'das kyis nyan thos chen po 'ongs shing lhags te 'dus par mkhyen nas/ bdag pho brang nas byung ste/ pho brang gi phyi rol phyogs gcig tu gdan bting ba la bzhugs so// bzhugs nas kyang /

  276. 139a

    bcom ldan 'das kyis mkhyen bzhin du/ tshe dang ldan pa shA ra dwa ti'i bu la bka' stsal pa/ shA ra dwa ti'i bu khyod ci'i phyir zhogs pas 'ongs te/ de bzhin gshes pa'i pho brang gi sgo na 'dug/ de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das thams cad kyi thog ma nyid du/ 'jam dpal gzhon nur gyur pa/ de bzhin gshegs pa'i pho brang gi chab sgor mchis so// bdag ni bcom ldan 'das la blta bar 'tshal ba'i slad du slad kyis mchis so/ / de nas bcom ldan 'das kyis mkhyen bzhin du/ 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la blta ba dang / phyag bya ba dang / bsnyen bkur bya ba'i phyir thams cad kyi thog ma nyid du/ de bzhin gshegs pa'i pho brang gi sgo na 'dug pa bden nam/ de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das de de lta lags/ bde bar gshegs pa de de lags te/ bdag de bzhin gshegs pa la blta ba dang / phyag bgyi ba dang / bsnyen bkur bgyi ba'i slad du thams cad kyi thog ma nyid du rang gi gnas nas byung ste/ de bzhin gshegs pa'i pho brang ga

  277. 139b

    la ba der mchis nas/ phyogs gcig tu mchis so// de ci'i slad du zhe na/ bcom ldan 'das 'di ltar bdag ni/ de bzhin gshegs pa la blta ba dang / phyag bgyi ba dang / bsnyen bkur bgyi bas ma 'ongs pa'i slad du'o// bcom ldan 'das 'di ltar bdag/ de bzhin gshegs pa blta ba dang / phyag bgyi ba dang / bsnyen bkur bgyi ba'i slad du mchi ba de'ang / sems can thams cad kyi don gyi slad du ste/ bcom ldan 'das gal te de bzhin gshegs pa la blta ba dang / phyag bgyi ba dang / bsnyen bkur bgyi na/ ji ltar bdag gis mthong ba dang / ji ltar phyag bgyi ba dang / bdag bsnyen bkur bgyid pa'o// de ltar phyag bgyi'o// de ltar bsnyen bkur bgyi'o// de lta na de bzhin gshegs pa mthong ba nas/ bsnyen bkur bgyis pa'i bar du 'gyur ro/ / bcom ldan 'das bdag ni sems can thams cad kyi slad du/ de bzhin gshegs pa la blta ba lags so// bcom ldan 'das kyis bka' stsal pa 'jam dpal de bzhin gshegs pa la ji ltar blta/ 'jam dpal gyis gsol pa/ mi dmigs pa'i tshul gyis de bzhin nyid kyi rnam pa dang / rnam par mi rtog pa'i rnam par de bzhin gshegs pa blta bar bgyi'o/ / de bzhin gshegs pa la mi skye ba'i rnam par blta ba nas/ dngos po ma mchis pa'i rnam pa'i bar du de bzhin gshegs pa la blta

  278. 140a

    bar bgyi'o/ / de bzhin nyid la kun nas 'byung ba ma mchis te/ de ltar de bzhin gshegs pa la blta bar bgyi'o// de bzhin nyid ni 'byung ba'ang ma lags/ 'jig pa'ang ma lags te/ de ltar de bzhin gshegs pa la blta bar bgyi'o// de bzhin nyid ni yul na mi gnas/ phyogs na mi gnas te/ de ltar de bzhin gshegs pa la blta bar bgyi'o/ / de bzhin nyid ni 'das pa ma lags/ ma 'ongs pa ma lags/ da ltar byung ba ma lags te/ de ltar de bzhin gshegs pa la blta bar bgyi'o// de bzhin nyid ni gnyis kyis rab tu phye ba ma lags/ gnyis su ma mchis pas rab tu phye ba'ang ma lags te/ de ltar de bzhin gshegs pa la de bzhin nyid ni kun nas nyon mongs par 'gyur ba ma lags/ rnam par byang bar 'gyur ba ma lags te/ de ltar de bzhin gshegs pa la blta bar bgyi'o// de bzhin nyid ni mi skye mi 'gag ste/ de ltar de bzhin gshegs pa la blta bar bgyi'o/ / de ltar na de bzhin gshegs pa mthong ba dang / phyag bgyis pa dang / bsnyen bkur bgyis par 'gyur ro// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal khyod kyis de ltar bltas na ci zhig mthong / 'jam dpal gyis

  279. 140b

    gsol pa/ bcom ldan 'das bdag gis de ltar bltas na/ ci'ang mthong ba ma mchis so// bcom ldan 'das de bzhin du/ bdag gis chos gang la'ang skye ba'ang ma mthong/ 'gag pa'ang ma mthong ngo // de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal khyod kyis/ de bzhin gshegs pa de ltar mthong ba dang / de ltar bsnyen bkur byas pa gang yin pa dang / khyod kyi byams pa chen po sems can thams cad la nye bar gnas kyang / khyod la sems can du dmigs pa dang / sems can du mngon par zhen pa ci'ang med cing / sems can thams cad yongs su mya ngan las bzla ba'i phyir zhugs kyang / khyod la sems can du mngon par zhen pa gang yang mi 'byung ba dang / khyod mi dmigs pa'i tshul dang / dngos po med pa'i tshul dang / sgyid lug pa med pa'i tshul gyis sems can thams cad kyi ched du go cha bgos pa de ni khyod dka' ba byed pa'o/ / de skad ces smras pa dang / 'jam dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu ji skad smras pa de de bzhin te/ sems can thams cad yongs su mya ngan las 'da' ba'i phyir go cha 'di'ang bgos te/ bdag la sems can du dmigs pa 'am/ sems can la mngon par

  280. 141a

    zhen pa gang yang med do/ / btsun pa shA ra dwa ti'i bu go cha de ni ji ltar bdag gis sems can gyi khams bri ba 'am/ gang bar bya zhes de ltar ma bgos so// btsun pa shA ra dwa ti'i bu yongs su brtag pa nye bar bzung ste/ gal te sangs rgyas kyi zhing re re na gang+gA'i klung gi bye ma snyed kyi sangs rgyas bcom ldan 'das rnams bzhugs shing / de bzhin gshegs pa de dngag so so nas nyin mtshan du chos ston te/ gang+gA'i klung gi bye ma snyed kyi bskal par bzhugs par gyur la/ gang+gA'i klung gi bye ma snyed kyi sangs rgyas bcom ldan 'das rnams kyi chos bstan pa re res sems can ji snyed btul ba de snyed kyi sems can/ de bzhin gshegs pa re res chos bstan pa re res btul bar gyur tu zin kyang / sems can gyi khams la bri ba 'am/ gang bar mngon pa med do/ / de ci'i phyir zhe na/ sems can dben pa dang / sems can sems can ma yin pa'i phyir te/ btsun pa shA ra dwa ti'i bu sems can gyi khams ni bri ba 'am/ gang bar mi mngon mo// de skad ces smras pa dang / tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal gal te sems can dben pa dang / sems can sems can ma yin pa'i sems can gyi kham 'bri ba 'am/ gang bar mi mngon na/ 'o na byang chub mngon par rdzogs par sangs rgyas nas su la chos ston/ de skad ces smras pa dang / 'jam

  281. 141b

    dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu gang gi tshe/ sems can shin tu mi dmigs pa de'i tshe/ su zhig mngon par rdzogs par 'tshang rgya/ su la chos bstan par bya/ de ci'i phyir zhe na/ btsun pa shA ra dwa ti'i bu 'di ltar chos thams cad shin tu mi dmigs pa'i phyir ro// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal gang gi tshe/ chos thams cad shin tu mi dmigs pa de'i tshe/ ci sems can du'ang 'dogs sam/ yang gal te 'jam dpal khyod la 'ga' zhig sems can ji snyed yod ces de skad 'dri na/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la/ bdag gis 'di skad du/ sangs rgyas kyi chos ji snyed pa de snyed do zhes bgyi'o// bcom ldan 'das gal te yang sems can gyi khams kyi tshad ji tsam zhes 'dri na/ de skad 'dri ba de la/ bdag gis 'di skad du/ sangs rgyas kyi yul gyi tshad ji tsam pa de tsam mo zhes bgyi'o// bcom ldan 'das kyis bka' stsal pa/ 'jam dpal khyod gal te yang la la zhig 'di skad du/ sems can gyi khams gang du gtogs shes 'dri na/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri

  282. 142a

    ba de la/ bdag gis 'di skad du/ skye ba med pa bsam gyis mi khyab pa gang du gtogs par gtogs so zhes bgyi'o// bcom ldan 'das kyis bka' stsal pa'ajam dpal gal te yang la la zhig khyod la 'di skad du/ sems can gyi khams ci la gnas shes 'dri na/ de la khyod kyis ji skad du/ 'jam dpal gyis gsol pa/ bcom ldan 'das de skad 'dri ba de la/ bdag gis 'di skad du/ skye ba med pa'i khams ci la gnas pa de la sems can gyi khams kyang gnas so zhes bgyi'o// bcom ldan 'das kyis bka' stsal pa/ 'jam dpal khyod gang gi tshe/ shes rab kyi pha rol tu phyin pa bsgom pa de'i tshe/ ci la gnas te shes rab kyi pha rol tu phyin pa bsgom/ 'jam dpal gyis gsol papabacom ldan 'das gang gi tshe/ bdag shes rab kyi pha rol tu phyin pa sgom pa'i tshe/ mi gnas par shes rab kyi pha rol tu phyin pa sgom lags so// bcom ldan 'das kyis bka' stsal pa/ 'jam dpal mi gnas pa la shes rab kyi pha rol tu phyin pa sgom du'ang ci yod/ 'jam dpal gyis gsol pa/ bcom ldan 'das gang ci'ang mi gnas pa de nyid shes rab kyi pha rol tu phyin pa sgom pa lags so/ / bcom ldan 'das kyis bka' stsal pa/ 'jam dpal khyod gang gi tshe/ shes rab kyi pha rol tu phyin pa sgom pa de'i tshe/ khyod kyi dge ba'i rtsa ba gang 'phel ba

  283. 142b

    'am 'bri bar 'gyur/ 'jam dpal gyis gsol pa/ bcom ldan 'das de'i tshe/ bdag gi dge ba'i rtsa ba 'phel ba 'am/ 'bri bar 'gyur ba ci'ang ma mchis so// bcom ldan 'das gang la chos 'ga' zhig 'phel ba 'am/ 'grib pa mchis na/ de ni shes rab kyi pha rol tu phyin pa sgom pa ma lags te/ bcom ldan 'das gang chos gang yang chos 'ga' zhig 'phel ba'i slad du 'am/ 'bri ba'i slad du nye bar gnas pa de ni/ shes rab kyi pha rol tu phyin pa sgom pa ma lags par rig par bgyi'o// bcom ldan 'das gang so so'i skye bo'i chos rnams kyang mi spong la/ sangs rgyas kyi chos rnams kyang mi len pa de ni/ shes rab kyi pha rol tu phyin pa la sgom pa lags so// de ci'i slad du zhe na/ bcom ldan 'das 'di lhar shes rab kyi pha rol tu phyin pa sgom pa ni/ chos gang spang ba 'am/ blang bar dmigs pas chos gang la'ang mi gnas pa'i slad du'o// bcom ldan 'das la gang 'khor ba'i skyon du'ang mi mchi lamya ngan las 'das pa'i yon tan du'ang mi mchi ba de/ shes rab kyi pha rol tu phyin pa sgom pa lags so// de ci'i slad du zhe na/ bcom ldan 'das 'di ltar 'khor ba nyid kyang mi mthong na/ 'khor ba'i skyon lta smos kyang ci 'tshal/ mya ngan las 'das pa nyid kyang mi dmigs na/ mya ngan las 'das pa'i yon tan lta smos kyang ci 'tshal te/ bcom ldan 'das gang chos gang la'ang blang ba'am/ gzung ba 'am/ dor ba

  284. 143a

    ma mchis pa de/ shes rab kyi pha rol tu phyin pa sgom pa lags so// bcom ldan 'das gang chos gang la'ang 'grib pa dang / 'phel bar mi dmigs pa de shes rab kyi pha rol tu phyin pa sgom pa lags so/ / de ci'i slad du zhe na/ bcom ldan 'das skye ba ma mchis pa la 'grib pa dang / 'phel ba ma mchis pa'i slad du'o// bcom ldan 'das gang de ltar sgom pa de/ shes rab kyi pha rol tu phyin pa sgom pa lags so// bcom ldan 'das gang chos gang yang skye ba 'am/ 'gag par mi bgyid pa de/ shes rab kyi pha rol tu phyin pa sgom pa lags so/ / bcom ldan 'das gang chos gang la'ang 'bri ba 'am/ rgyas par mi bgyid pa de/ shes rab kyi pha rol tu phyin pa sgom pa lags te/ bcom ldan 'das gang de ltar sgom pa de/ shes rab kyi pha rol tu phyin pa sgom pa lags so// bcom ldan 'das gzhan yang bsam gyis mi khyab pa'i chos la'ang mi smon cing / nyi tshe ba la mi smon gyis// bcom ldan 'das gang la smon pa dang / gang gis smon pa de nyid ma mchis pa de/ shes rab kyi pha rol tu phyin pa sgom pa lags te/ bcom ldan 'das de ltar sgom na/ shes rab kyi pha rol tu phyin pa sgom pa lags so/ / bcom ldan 'das shes rab kyi pha rol tu phyin pa sgom pa ni/ 'di ltar chos 'di dag ni mchog go// chos 'di dag ni tha ma'o zhes bgyi bar nye bar mi

  285. 143b

    gnas shing / chos gang dag mchog dang tha mar 'gyur ba'i chos de dag kyang mi dmigs te/ de ltar shes rab kyi pha rol tu phyin pa sgom pa'i rnal 'byor la brtson pa'i rigs kyi bu na chos thams cad mi dmigs so/ / bcom ldan 'das shes rab kyi pha rol tu phyin pa sgom pa ni/ chos gang yang mchog ces bya ba 'am/ tha ma zhes mi rtog go// de ci'i slad du zhe na/ bcom ldan 'das skye ba ma mchis pa la mchog gam/ tha ma zhes bgyi ba gang yang ma mchis pa'i slad du'o// de bzhin nyid dang / yang dag pa'i mtha' dang / chos thams cad kyi bar la'ang mchog gam/ tha ma ma mchis te/ de ltar sgom na/ shes rab kyi pha rol tu phyin pa sgom pa lags so// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal sangs rgyas kyi chos rnams mchog ma yin nam/ 'jam dpal gyis gsol pa/ bcom ldan 'das gzung du ma mchis pa'i slad du/ sangs rgyas kyi chos rnams ni mchog lags so// bcom ldan 'das chos thams cad stong par de bzhin gshegs pas mngon par rdzogs par sangs rgyas pa lags sam/ bcom ldan 'das kyis bka' stsal pa/ 'jam dpal de de bzhin te/ de bzhin gshegs pas chos thams cad stong par mngon par rdzogs par sangs rgyas so//

  286. 144a

    'jam dpal gyis gsol pa/ bcom ldan 'das stong pa nyid la mchog gam/ tha ma zhes bgyi ba mchis lags sam/ bcom ldan 'das kyis bka' stsal pa/ 'jam dpal legs so legs so// 'jam dpal de de bzhin te/ ji skad smras pa bzhin no// 'jam dpal sangs rgyas kyi chos rnams bla na med pa ma yin nam/ 'jam dpal gyis gsol pa/ de de ltar lags te/ sangs rgyas kyi chos rnams ni bla na ma mchis pa lags so// de ci'i slad du zhe na/ bcom ldan 'das 'di ltar de dag la chos cung zad tsam yang ma mchis shing mi dmigs te/ de bas na sangs rgyas kyi chos de dag ni bla na ma mchis pa/ bcom ldan 'das gzhan yang gang sangs rgyas kyi chos rnams sgrub par yang mi bgyid la/ so so'i skye bo'i chos rnams spong bar yang mi bgyid cing / sangs rgyas kyi chos rnams 'dul ba'ang ma lags la/ 'dzin pa'ang ma lags pa de shes rab kyi pha rol tu phyin pa sgom pa lags so// bcom ldan 'das gzhan yang chos gang la'ang mi sems la/ rnam par mi rig pa de shes rab kyi pha rol tu phyin pa sgom pa lags so/ / bcom ldan 'das kyis bka' stsal pa/ 'jam dpal khyod sangs rgyas kyi chos rnams la mi sems sam/

  287. 144b

    'jam dpal gyis gsol pa/ bcom ldan 'das gal te bdag gis sangs rgyas kyi chos rnams yongs su grub par mthong na ni/ bdag sangs rgyas kyi chos rnams la sems lags so/ / bcom ldan 'das shes rab kyi pha rol tu phyin pa sgom pa ni/ 'di dag ni so so'i skye bo'i chos so// 'di dag ni nyan thos kyi chos so// 'di dag ni rang sangs rgyas kyi chos so/ / 'di dag ni yang dag par rdzogs pa'i sangs rgyas kyi chos so zhes/ chos gang la'ang rnam par rtog pas nye bar gnas pa ma lags so// de ci'i slad du zhe na/ bcom ldan 'das shes rab kyi pha rol tu phyin pa sgom pa'i rnal 'byor la brtson pa'i rigs kyi bus chos de nyid kyang mi dmigs te/ gang la chos de dag so so'i skye bo'i chos shes brjod pa'am/ slob pa'i chos shes brjod pa 'am/ mi slob pa'i chos shes brjod pa 'am/ rang sangs rgyas kyi chos shes brjod pa'am/ yang dag par rdzogs pa'i sangs rgyas kyi chos shes brjod pa'ang / mtha' las 'das pa'i chos nyid lags pas/ chos de mi dmigs shing yang dag par rjes su mi mthong ba'i slad du'o// bcom ldan 'das de ltar sgom na/ shes rab kyi pha rol tu phyin pa sgom pa lags/ bcom ldan 'das shes rab kyi pha rol tu phyin pa sgom pa'i rnal 'byor la brtson pa'i rigs kyi bu ni/ 'di ltar 'di

  288. 145a

    ni 'dod pa'i khams so/ / 'di ni gzugs kyi khams so// 'di ni gzugs med pa'i khams so zhes bgyi ba nas/ 'di ni 'gog pa'i dbyings so zhes bgyi ba'i bar du'ang mi shes so/ / de ci'i slad du zhe na/ bcom ldan 'das 'di ltar de 'gog pa'i chos gang lags pa'i chos de gang yang mi mthong ste/ bcom ldan 'das de ltar sgom pa ni/ shes rab kyi pha rol tu phyin pa sgom par rig par bgyi'o// bcom ldan 'das gzhan yang gang chos gang la'ang phan pa 'am/ gnod pa mi bgyid pa de/ shes rab kyi pha rol tu phyin pa sgom pa lags so// bcom ldan 'das shes rab kyi pha rol tu phyin pa sgom pa ni/ sangs rgyas kyi chos rnams sbyin par bgyid pa'ang ma lags so so'i skye bo'i chos rnams gcod par bgyid pa'ang ma lags so/ / bcom ldan 'das gang so so'i skye bo'i chos rnams kyang mi 'gog la/ sangs rgyas kyi chos rnams kyang mi 'thob pa de/ shes rab kyi pha rol tu phyin pa sgom pa lags so// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal khyod kyis zab mo 'di lta bu 'di bstan pa legs so legs so// 'jam dpal khyod kyis/ byang chub sems dpa' sems dpa' chen po

  289. 145b

    rnams dang / nyan thos kyi theg pa pa mngon pa'i nga rgyal can rnams dang / byang chub sems dpa'i theg pa pa dmigs pa can rnams yang dag pa ji lta ba bzhin du rtogs par bya ba'i phyir/ rgya 'di bzhag go/ 'jam dpal rigs kyi bu 'am/ rigs kyi bu mo gang dag shes rab kyi pha rol tu phyin pa zab mo bstan pa 'di thos nas/ mi skrag/ mi dngang // sdang bar mi 'gyur ba de dag ni/ sangs rgyas gcig la bsnyen bkur byas pa ma yin/ sangs rgyas gcig la dge ba'i rtsa ba bskyed pa ma yin no// de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bdag ni shes rab kyi pha rol tu phyin pa rgya cher ston par spobs lags so// bcom ldan 'das kyis bka' stsal pa/ 'jam dpal spobs par gyis shig/ 'jam dpal gyis gsol pa/ bcom ldan 'das gang chos gang gi gnas pa mi dmigs pa dang / mi gnas pa'ang mi dmigs pa de/ shes rab kyi pha rol tu phyin pa sgom pa lags so// de ci'i slad du zhe na/ chos thams cad ni mi gnas pa'i slad du mi dmigs pa ste/ bcom ldan 'das gang chos gang la'ang lhag par dmigs pa'i slad du nye bar mi gnas pa de/ shes rab kyi pha rol tu phyin pa sgom par rig par bgyi'o// de ci'i slad du zhe na/ bcom

  290. 146a

    ldan 'das 'di ltar chos thams cad ni dmigs pa ma mchis pa'i slad du ste/ bcom ldan 'das de ltar bsgom pa ni/ shes rab kyi pha rol tu phyin pa sgom pa lags so/ / bcom ldan 'das gzhan yang gang la sangs rgyas kyi chos rnams kyang mngon du mi 'gyur na/ rang sangs rgyas kyi chos lta smos kyang ci 'tshal/ nyan thos kyi chos rnams kyang mngon du mi 'gyur na/ so so'i skye bo'i chos rnams lta smos kyang ci 'tshal ba de/ shes rab kyi pha rol tu phyin pa sgom par blta bar bgyi'o// bcom ldan 'das gzhan yang sgom pa gang la brten nas/ sangs rgyas kyi chos rnams bsam gyis ma khyab pa la'ang/ sangs rgyas kyi chos rnams bsam gyis mi khyab pa'o zhes rnam par mi rtog pa de// shes rab kyi pha rol tu phyin pa sgom pa lags so// bcom ldan 'das shes rab kyi pha rol tu phyin pa sgom pa 'di ni/ byang chub sems dpa' sems dpa' chen po rnams kyi chos thams cad la rnam par mi rtog par blta bar bgyi'o/ / bcom ldan 'das gzhan yang sgom pa gang la brten nas mthong ba ma mchis par/ chos thams cad sangs rgyas kyi chos su mthong ba dang / chos thams cad bsam gyis mi khyab pa'i chos su mthong ba de/ shes rab kyi pha rol tu phyin pa sgom pa lags so// rigs kyi bu 'am/ rigs kyi bu mo

  291. 146b

    gang dag shes rab kyi pha rol tu phyin pa bstan pa 'di thos nas/ mi skrag/ mi dngang / dngang bar mi 'gyur ba de dag sangs rgyas brgya stong mang po la bsnyen bkur bgyis par 'gyur ro/ / bcom ldan 'das gzhan yang gang kun nas nyon mongs pa 'am/ rnam par byang ba'i chos gang yang yang dag par rjes su mi mthong ba de/ shes rab kyi pha rol tu phyin pa sgom pa lags te/ bcom ldan 'das de ltar sgom na/ shes rab kyi pha rol tu phyin pa sgom pa lags so// bcom ldan 'das shes rab kyi pha rol tu phyin pa sgom pa de ni so so'i skye bo dang / nyan thos dang / rang sangs rgyas dang / yang dag par rdzogs pa'i sangs rgyas kyi bar du'ang tha dad par mi bgyid pa ste/ bcom ldan 'das de ni shes rab kyi pha rol tu phyin pa sgom pa lags so/ / de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal khyod kyis de bzhin gshegs pa ji snyed cig la bsnyen bkur byas/ 'jam dpal gyis gsol pa/ bcom ldan 'das sgyu ma'i skyes bu sems dang / sems las byung ba ji snyed 'gags pa snyed la ste/ bcom ldan 'das bdag gis de bzhin gshegs pa de snyed la bsnyen bkur bgyis so// bcom ldan 'das kyis bka' stsal pa/ 'jam dpal khyod sangs rgyas kyi chos la yang dag

  292. 147a

    par ma zhugs sam/ 'jam dpal gyis gsol pa/ bcom ldan 'das gang sangs rgyas kyi chos la yang dag par zhugs pa'i chos de gang yang dmigs su mchis sam/ bcom ldan 'das kyis bka' stsal pa/ 'jam dpal 'o na sangs rgyas kyi chos de dag su la yod/ 'jam dpal gyis gsol ba/ bcom ldan 'das nyid la'ang sangs rgyas kyi chos shes bgyi ba de dag gi ming yang ma mchis te mi dmigs na/ gzhan rnams la mchis par 'gyur ba lta ci smos bcom ldan 'das kyis bka' stsal pa/ 'jam dpal khyod kyis chags pa med pa nyid rnyed dam/ 'jam dpal gyis gsol pa/ bcom ldan 'das bdag nyid chags pa ma mchis pa nyid lags na/ bdag gis yang chags pa ma mchis pa nyid thob par 'gyur ram/ bcom ldan 'das kyis bka' stsal pa/ 'jam dpal khyod ci byang chub kyi snying po la 'dug gam/ 'jam dpal gyis gsol pa/ yang dag pa'i mtha' brtsan par gyis na/ bcom ldan 'das nyid kyang byang chub snying po la ma bzhugs na/ bdag lta mchis par ji ltar 'gyur/ bcom ldan 'das kyis bka' stsal/ / 'jam dpal yang dag pa'i mtha' zhes bya ba de gang gi tshig bla dwags/ 'jam dpal gyis gsol pa/ bcom ldan 'das yang dag

  293. 147b

    pa'i mtha' zhes bgyi ba de ni 'jigs tshogs kyi tshig bla dgas lags so/ / bcom ldan 'das kyis bka' sprul pa/ 'jam dpal khyod ci las bsams te de skad smra/ 'jam dpal gyis gsol pa/ bcom ldan 'das tshogs de ni ma mchis pa ste/ 'jigs tshogs ma lags pas de ni mi 'pho/ 'pho ba dang 'bral ba'ang ma lags te/ de'i slad du tshogs 'di 'jigs tshogs ma lags so/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dag ni/ byang chub tu nges par 'gyur ba lags so// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dag ni/ byang chub la nye bar gyur pa lags so// de ci'i slad du zhe na/ bcom ldan 'das gang chos de dag rjes su rtogs pa de nyid byang chub mchog lags pa'i

  294. 148a

    slad du'o/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dag ni/ sangs rgyas nyid du blta bar bgyi'o/ / de ci'i slad du zhe na/ bcom 'das sangs rgyas shes bgyi ba de ni/ don dam par na skye ba ma mchis pa'i tshig bla dgas lags pa'i slad du'o// de nas bcom ldan 'das la/ sring mo dmigs pa med pas 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa 'di zos nas mos te/ mi skrag/ mi dngang / dngang bar mi 'gyur ba de dag ni/ so so'i skye bo'i chos rnams dang / nyan thos kyi chos rnams dang / rang sangs rgyas kyi chos rnams dang / yang dag par rdzogs pa'i sangs rgyas kyi chos rnams la lhag par dmigs par mi 'gyur ba lags so// de ci'i slad du zhe na/ bcom ldan 'das 'di ltar chos thams cad ni ma mchis pa'i slad du mi dmigs pa ste/ de'i slad du de dag la dmigs pa ma mchis so// de nas bcom ldan 'das kyis/

  295. 148b

    tshe dang ldan pa shA dwa ti'i bu la bka' stsal pa/ de de bzhin no// shA ra dwa ti'i bu de ngo bzhin de/ rigs kyi bu dang / rigs kyi bu mo gang dag shes rab kyi pha rol tu phyin pa zab mo bstan pa 'di thos nas mos te/ mi skrag/ mi dngang / dngang bar mi 'gyur ba de dag ni/ byang chub tu nges par 'gyur ro// shA ra dwa ti'i bu rigs kyi bu dang / rigs kyi bu mo gang dag shes rab kyi pha rol tu phyin pa zab mo bstan pa 'di thos nas mos te/ mi skrag/ mi dngang / dngang bar mi 'gyur zhing / spyi bos len pa de dag ni phyir mi ldog pa'i sa la gnas pa yin par khyod kyis shes par gyis shig/ shA ra dwa ti'i bu gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dang de dag ni/ sbyin bdag dam par 'gyur/ sbyin bdag chen por 'gyur/ sbyin bdag khyad par du 'phags par 'gyur ro/ / shA ra dwa ti'i bu de dang de dag gi tshul khrims phun sum tshogs par 'gyur ro// tshul khrims dang ldan pa'i mchog tu 'gyur/ tshul khrims dang ldan pa'i khyad par du 'phags par 'gyur/ tshul khrims kyi yon tan gyi lam rnyed par 'gyur ro// shA ra dwa ti'i bu gang dag shes rab kyi pha rol tu phyin pa bstan pa 'di thos nas mos te/ mi skrag/

  296. 149a

    mi dngang / dngang bar mi 'gyur ba de dang de dag ni/ bzod pa'i mchog dang / brtson 'grus kyi mchog dang / bsam gtan gyi mchog dang mtshungs pa med pa'i shes rab kyi mchog dang ldan par 'gyur/ shA ra dwa ti'i bu byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dag ni/ rnam pa thams cad kyi mchog dang ldan pa'i thams cad mkhyen pa'i ye shes dang ldan pa'i bar du 'gyur ro/ / bcom ldan 'das kyis/ 'jam dpal gzhon nur gyur pa la gzhan yang 'di skad ces bka' stsal pa/ 'jam dpal khyod kyis don gyi dbang ci zhig mthong na/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'dod/ 'jam dpal gyis gsol pa/ bcom ldan 'das gal te bdag bya chub tu zhugs na ni de ltar na/ bdag mngon par rdzogs par 'tshang rgya bar yang 'tshal na/ bcom ldan 'das bdag ni byang chub tu smon pa ma lags so// de ci'i slad du zhe na/ 'jam dpal gzhon nur gyur pa gang lags pa de byang chub nyid do// de skad ces gsol ba dang / bcom ldan 'das kyis/ 'jam dpal gzhon

  297. 149b

    nur gyur pa la 'di skad ces bka' stsal to/ / 'jam dpal khyod zab mo zab pa'i gnas 'di lta bu 'di bstan pa legs so legs so// 'di ltar khyod ni sngon gyi rgyal ba la bya ba byas pa ste/ mi dmigs par tshangs par spyod pa la yun ring du spyod pa'o// 'jam dpal gyis gsol ba/ bcom ldan 'das gal te bdag mi dmigs par spyod pa lags na ni/ chos thob pa nyid du 'gyur ba lags so// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal khyod kyis nga'i nyan thos phun sum tshogs pa 'di dag mthong ngam/ 'jam dpal gyis gsol pa/ bcom ldan 'das mthong lags so// bcom ldan 'das kyis bka' stsal pa/ ji ltar ci 'dra bar mthong / 'jam dpal gyis gsol pa/ bcom ldan 'das ji ltar so so'i skye bor mi mthong ba dang / slob par mi mthong ba dang mi slob par mi mthong ba dang / mthong ba'ang ma mchis/ mi mthong ba'ang ma mchis pa de ltar mthong ngo // 'di ltar mang du'ang mi mthong ba dang / nyung ngu'ang mi mthong ba dang / dul bar yang mi mthong ba dang / ma dul bar yang mi mthong ba de ltar mthong ngo // de nas tshe dang ldan pa shA ra dwa ti'i bus/ 'jam dpal

  298. 150a

    gzhon nur gyur pa la 'di skad ces smras so/ / 'jam dpal khyod kyis nyan thos kyi theg pa pa rnams de ltar mthong na/ yang dag par rdzogs pa'i sangs rgyas kyi theg pa pa rnams khyod kyis ji ltar mthong / 'jam dpal gyis smras pa/ btsun pa shA ra dwa ti'i bu byang chub sems dpa' zhes bya ba'i chos kyang rjes su mi mthong / byang chub tu zhugs pa zhes bya ba'i chos kyang rjes su mi mthong / byang chub kyi phyir spyod do zhes bya ba'i chos kyang rjes su mi mthong / mngon par rdzogs par sangs rgyas shes bya ba'i chos kyang rjes su mi mthong ba ste/ btsun pa shA ra dwa ti'i bu yang dag par rdzogs pa'i sangs rgyas kyi theg pa pa dag de ltar mthong ngo // shA ra dwa ti'i bus smras pa/ 'jam dpal khyod kyis de bzhin gshegs pa ji ltar mthong / 'jam dpal gyis smras pa/ btsun pa shA ra dwa ti'i bu glang po chen po zhog cig/ glang po chen po ma spyod cig/ de skad ces smras pa dang / tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal sangs rgyas shes bya ba de gang gi tshig bla dgas/ 'jam dpal gyis smras pa/ btsun pa shA ra dwa ti'i bu bdag ces bya ba de gang gi tshig bla dgas/ shA ra dwa ti'i

  299. 150b

    bus smras pa/ 'jam dpal 'di lnga ste/ bdag ces bya ba de ni skye ba med pa'i tshig bla dgas so// 'jam dpal gyis smras pa btsun pa shA ra dwa ti'i bu de de bzhin te/ bdag ces bya ba de gang gi tshig bla dgas yin pa/ sangs rgyas shes bya ba de'ang de'i tshig bla dgas so// btsun pa shA ra dwa ti'i bu yang 'di lta ste/ sangs rgyas shes bya ba de ni gzhi med pa'i tshig bla dgas so/ / btsun pa shA ra dwa ti'i bu sangs rgyas shes bya ba de ni tshig gis shes par byar dka' ba'o// btsun pa shA ra dwa ti'i bu tshig kyang 'di ni tshig go zhe ba rtag par dka' ba na/ sangs rgyas shes bya ba lta ci smos/ btsun pa shA ra dwa ti'i bu sangs rgyas shes bya ba de gang gi tshig bla dgas shes de skad smra ba ni/ gang yang dag par ma grub pa dang / ma skyes pa dang / mi 'gag pa ste/ chos gang dang yang mi ldan pa de la gzhi ci'ang med cing / gzhi dbyer med la/ gzhi med pa ste/ btsun pa shA ra dwa ti'i bu/ 'di lta ste/ sangs rgyas shes bya ba de ni de'i tshig bla dgas so// btsun pa shA ra dwa ti'i bu de bzhin gshegs pa tshol bar 'dod pas ni bdag btsal bar bya'o// btsun pa shA ra dwa ti'i bu bdag ces bya ba de ni/ sangs rgyas kyi tshig bla dgas te/ ji ltar bdag ces bya ba shin tu med cing mi dmigs pa de bzhin du/ sangs rgyas kyang shin tu med cing mi

  300. 151a

    dmigs so/ / ji ltar bdag ces bya ba'i chos tshig gang gis kyang tshig tu brjod pa ma yin pa de bzhin du/ sangs rgyas kyang chos gang gis kyang tshig tu brjod pa ma yin no// gang la grangs su bya ba med pa de ni/ sangs rgyas shes bya ste/ btsun pa shA ra dwa ti'i bu bdag ces bya ba'i gzhi'i tshig bla dgas de ni shes par sla ba ma yin no// btsun pa shA ra dwa ti'i bu de bzhin du/ sangs rgyas shes bya ba'i gzhi'i tshig bla dgas 'di'ang shes par sla ba ma yin no// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das 'jam dpal gzhon nur gyur pa 'di ni ji ltar las dang po pas 'tshal bar 'gyur ba de lta bu mi ston to// de skad ces gsol pa dang 'jam dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu kho bo ni ji ltar dgra bcom pa byas pa rtogs pa can gyis kyang shes par 'gyur ba de lta bu'i chos mi ston to/ / kho bo ni ji ltar sus kyang shes par 'gyur ba de lta bur yang mi ston to// de ci'i phyir zhe na/ byang chub ni sus kyang ma shes// sus kyang rnam par ma shes/ sus kyang mngon par rdzogs par ma rtogs/ ma mthong / mthos/ ma dran ma skyes ma 'gags/ ma smras

  301. 151b

    ma bstan pa'i phyir ro/ / btsun pa shA ra dwa ti'i bu byang chub ni de lta bu ste/ byang chub de'ang dngos po ma yin no// de ci'i phyir zhe na/ byang chub kyi mngon par rdzogs par 'tshang rgya bar bya ba ci'ang med cing / byang chub kyang byang chub kyis mngon par rdzogs par 'tshang rgya ba ma yin pa'i phyir ro// shA ra dwa ti'i bus smras pa/ 'jam dpal bcom ldan 'das kyis chos kyi dbyings mngon par rdzogs par sangs ma rgyas sam/ 'jam dpal gyis smras pa/ btsun pa shA ra dwa ti'i bu do ni ma yin no// de ci'i phyir zhe na/ btsun ba shA ra dwa ti'i bu 'di ltar chos kyi dbyings nyid bcom ldan 'das yin pa'i phyir ro/ / btsun pa shA ra dwa ti'i bu gal te bcom ldan 'das kyis chos kyi dbyings mngon par rdzogs par sangs rgyas par gyur na/ 'o na ni skye ba med pa'i dbyings de dang yang 'gal bar 'gyur ro// btsun pa shA ra dwa ti'i bu chos kyi dbyings de nyid byang chub bo// de ci'i phyir zhe na/ chos kyi dbyings ni sems can med pa'i phyir ro/ / chos thams cad ngo bo nyid med pa'o zhes bya ba de ni/ byang chub kyi tshig bla dgas te/ de ni chos kyi dbyings kyi grangs su 'gro'o// de ci'i phyir zhe na/ chos thams cad ni sangs rgyas kyi yul du tha dad pa med pa'i phyir ro// btsun pa shA ra dwa ti'i bu tha dad pa med ces bya ba de ni rnam par rig pa med pa'o// btsun pa shA ra dwa ti'i bu rnam

  302. 152a

    par rig pa med pa zhes bya ba de ni rnam par shes par mi nus pa ste/ 'dus byas su rnam par rig par mi nus pa nas/ 'dus ma byas kyi bar du'ang rnam par rig par mi nus pa ste/ de la rnam par rig pa gang yang med pas/ de ni rnam par rig pa med pa'o// btsun pa shA ra dwa ti'i bu chos thams cad ni rnam par rig par mi nus pa ste/ de ci'i phyir zhe na/ 'di ltar chos thams cad ni gang la gnas te/ rnam par rig par 'gyur ba'i skye ba med pa'i phyir ro// gang dag mtshams med pa la zhugs pa de dag ni bsam gyis mi khyab pa la zhugs pa'o// gang dag bsam gyis mi khyab pa la zhugs pa de dag ni yang dag par zhugs pa pa'o/ / de ci'i phyir zhe na/ btsun pa shA ra dwa ti'i bu yang dag pa zhes bya ba de ni gzhi med pa'i phyir ro// gang dag bsam gyis mi khyab pa dang ldan pa de dag ni mtho ris su 'gro ba ma yin/ ngan song du 'gro ba ma yin/ mya ngan las 'das par 'gro ba ma yin no// de ci'i phyir zhe na/ bsam gyis mi khyab pa ni 'gro ba dang mi 'gro bar nye bar gnas pa ma yin pa nas/ mya ngan las 'das pa'i bar du 'gro ba dang mi 'gro bar nye bar gnas pa ma yin pa'i phyir ro// btsun pa shA ra dwa ti'i bu gang dag ltung ba'i rtsa ba bzhi la gnas pa de dag kyang / rtsa ba med pa la gnas pa'o// de ci'i phyir zhe na/ btsun pa shA ra dwa ti'i bu skye ba med pa la rtsa ba 'am/ rtse mo zhes bya ba med pa'i phyir ro//

  303. 152b

    rtsa ba med pa'i dge slong zhes bya ba de ni/ mi gnas pa'i dge slong gi tshig bla dgas so// rtsod pa byung zhes bya ba ni/ lhag par sgro 'dogs pa zhes bya ba'i tshig bla dgas so// btsun pa shA ra dwa ti'i bu lhug par sgrog 'dogs pa la spyad pa ni/ 'jig rten na sbyin gnas su 'gyur ro// de ci'i phyir zhe na/ 'di ltar mnyam pa de la lhag par sgro btags pa'i phyir ro// btsun pa shwa dra ti'i bu dge slong dad pa ni// dad pas byin pa spyod pa'i 'os ma yin no// btsun pa shA ra dwa ti'i bu dge slong ma dad pa ni/ dad pas byin pa spyad pa'i 'os so// btsun pa shA ra dwa ti'i bu rung ba can gyi dge slong ni/ dad pas byin pa spyad pa'i 'os ma yin no// btsun pa shA ra dwa ti'i bu rung ba can ma yin pa'i dge slong ni dad pas byin pa spyad ba'i 'os so/ / tshul yang dag par ma bcom pa'i dge slong ni/ dgra bcom pa zag pa zad pa zhes bya'o// shA ra dA ti'i bus smras pa/ 'jam dpal ci'i las bsams te de skad ces smras 'jam dpal gyis smras pa/ mnyam pa nyid gang mnyam pa nyid yang dag par 'joms par mi byed pa de nyid tshul yin te/ btsun pa shA ra dwa ti'i bu de las bsams na/ tshul yang dag par ma bcom pa'i dge slong ni/ dgra bcom pa zag pa zad pa zhes bya'o zhes de skad smras so// btsun pa shA ra dwa ti'i bu 'jigs pa las ma brgal ba zhes bya ba de ni/ dgra

  304. 153a

    bcom pa zag pa zad pa zhes bya ba'i tshig bla dgas so/ / shA ra dwa ti'i bus smras pa/ 'jam dpal ci las bsams te de skad smra 'jam dpal gyis smras pa/ de'i 'jigs pa cung zad tsam yang med na/ ci zhig las brgal bar 'gyur/ shA ra dwa ti'i bus smras pa/ 'jam dpal ma skyes pa'i bzod pa can zhes bya ba de gang gi tshig bla dgas 'jam dpal gyis smras pa/ btsun pa shA ra dwa ti'i bu gang gis chos cung zad tsam yang ma bskyed pa de/ ma bskyed pa'i bzod pa can zhes bya'o// shA ra dwa ti'i bus smras pa/ 'jam dpal dge slong ma dul ba zhes bya ba dri gang gi tshig bla dgas 'jam dpal gyis smras pa/ btsun pa shA ra dwa ti'i bu dge slong ma dul ba zhes bya ba de ni/ dgra bcom pa zag pa zad pa'i tshig bla dgas so/ / de ci'i phyir zhe na/ ma dul ba ni dul la/ dul ba ni ma dul bas/ btsun pa shA ra dwa ti'i bu 'di la bsams te/ dge slong ma dul ba zhes bya ba de ni/ dgra bcom pa zag pa zad pa'i tshig bla dgas so zhes de skad smras so// btsun pa shA ra dwa ti'i bu skrag pa'i sems la spyod do zhes bya ba de ni/ so so'i skye bo'i tshig bla dgas so/ / shA ra dwa ti'i bus smras pa/ 'jam dpal ci las bsams te de skad smras 'jam dpal gyis spras pa/ btsun pa shA ra dwa ti'i bu 'di ltar de dag lhag par byed pa'i

  305. 153b

    phyir ro/ / de skad ces smras pa dang / tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal khyod kyis dgra bcom pa zag pa zad pa ji lta ba de bzhin du smras pa legs so legs so/ / 'jam dpal gyis smras pa/ btsun pa shA ra dwa ti'i bu de de bzhin te/ ji skad smras pa bzhin no// kho bo ni zag pa zang mod kyi/ dgra bcom pa ni ma yin no// de ci'i phyir zhe na/ btsun pa shA ra dwa ti'i bu 'di ltar nyan thos kyi sa dang / rang sangs rgyas kyi sar kho bo'i bsams pa zad pa'i phyir te/ btsun pa shA ra dwa ti'i bu rnam grangs 'dis na kho bo zag pa zang mod kyi dgra bcom pa ni ma yin no// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal byang chub sems dpa' sems dpa' chen po byang chub kyi snying por 'dug la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba med par 'gyur ba'i rnam grangs song ngam/ 'jam dpal gyis gsol pa/ bcom ldan 'das byang chub sems dpa' sems dpa' chen po byang chub kyi snying por mchis la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba ma mchis par 'gyur ba'i rnam grangs mchis so// de ci'i slad du zhe na/ 'di

  306. 154a

    ltar byang chub cung zad tsam gyi chos kyang ma mchis shing mi dmigs pas/ de'i slad du bla na med pa yang dag par rdzogs pa'i byang chub ces bgyi'o// byang chub de'ang ma skyes pa ste/ de la gang byang chub kyi snying po la mchis pa 'am/ su byang chub mngon par rdzogs pal tshang rgya ba 'am/ gang gis byang chub mngon par rdzogs par 'tshang rgya ba'am/ byang chub tu mngon par rdzogs par 'tshang rgya ba 'am/ gang byang chub kyi snying po las ldang ba gang yang ma mchis shing mi dmigs te/ bcom ldan 'das rnam grangs 'dis na/ byang chub sems dpa' sems dpa' chen po byang chub kyi snying por mchis la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba ma mchis so// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal byang chub ces bya ba de gang gi tshig bla dgas/ 'jam dpal gyis gsol pa/ bcom ldan 'das byang chub ces bgyi ba de ni mtshams ma mchis pa lnga po dag gi tshig bla dgas so// de ci'i slad du zhe na/ bcom ldan 'das 'di ltar dngos po ma mchis pas mtshams ma mchis pa lnga po de dag nyid byang chub kyi rang bzhin te/ de'i slad du byang chub de ni mtshams ma mchis pa lnga'i rang bzhin can lags so//

  307. 154b

    mtshams ma mchis pa rnams mngon par rdzogs par rtogs pa byang chub ma lags/ chos thams cad mngon sum du gyur pa'ang byang chub ma lags so// de ci'i slad du zhe na/ chos thams cad ni shin tu mngon sum du ma lags te/ de dag gang gis kyang mngon par rdzogs par ma rtogs/ ma mthong // ma thos// ma 'tshal ba nas/ ma rtogs pa'i bar gyi slad du ste/ de lta bu de ni byang chub bo// de lta lags kyis kyang / bcom ldan 'das mngon pa'i nga rgyal can dag gis ni mngon par rdzogs par sangs rgyas pa nas/ mngon sum du bgyid pa'i bar du de dag bzhag go/ / de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal ci khyod nga la 'di snyam du/ de bzhin gshegs pa ni bdag gi de bzhin gshegs pa'o snyam sems sam/ 'jam dpal gyis gsol pa/ bcom ldan 'das de ni ma lags so/ / de ci'i slad du zhe na/ bcom ldan 'das 'di ltar de bzhin gshegs pa ni bdag gi de bzhin gshegs pa'o snyam du mi sems pa'i slad du'o// de ci'i slad du zhe na// bcom ldan 'das 'di ltar de bzhin nyid bdag gi de bzhin gshegs pa nyid de/ de bzhin nyid kyis de bzhin gshegs pa rnam par rig par mi bgyid cing / de bzhin gshegs pas

  308. 155a

    kyang de bzhin nyid rnam par rig par mi bgyid pa'i slad du'o/ / de ci'i slad du zhe na/ bcom ldan 'das 'di ltar don dam par na de bzhin nyid dngos po ma mchis shing de bzhin gshegs pa'ang dngos po ma mchis pa'i slad du'o/ / bcom ldan 'das de bas na bdag ni 'di snyam du/ de bzhin gshegs pa bdag gi ni de bzhin gshegs pa'o snyam du mi dmigs so/ / bcom ldan 'das de bzhin gshegs pa zhes bgyi ba de ni ming tsam du bas na/ gang la bdag 'di snyam de bzhin gshegs pa ni bdag gi de bzhin gshegs pa'o snyam du sems par 'gyur ba'i de bzhin gshegs pa de gang lags/ bcom ldan 'das kyis bka' stsal pa/ 'jam dpal khyod de bzhin gshegs pa la the tsom za 'am/ 'jam dpal gyis gsol pabacom ldan 'das de ni ma lags so/ / bcom ldan 'das gal te de bzhin gshegs pa byung ba 'am/ de bzhin gshegs pa yongs su mya ngan las 'das pa'ang rung ste/ de bzhin gshegs par yongs su grub pa 'ga' zhig mchis na ni/ de la bdag the tsom 'tshal lo// de skad ces gsol ba dang / bcom ldan 'das kyis/ 'jam dpal gzhon/ nur gyur pa la 'di skad ces bka' stsal to// 'jam dpal khyod de bzhin gshegs pa byung ngo snyam du mi sems sam/ 'jam dpal gyis gsol ba/ bcom ldan 'das bdag

  309. 155b

    gal te chos kyi dbyings la 'byung ba mchis na ni/ bdag de bzhin gshegs pa byang ngo snyam du sems par 'gyur ro// bcom ldan 'das kyis bka' stsal pa/ 'jam dpal khyod sangs rgyas bcom ldan 'das gang+gA'i klung gi bye ma snyed yongs su mya ngan las 'das par khyod mi mos sam/ / 'jam dpal gyis gsol pa/ bcom ldan 'das sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig pa ma lags sam/ bcom ldan 'das kyis bka' stsal pa// 'jam dpal de de bzhin te/ sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig go/ / 'jam dpal gyis gsol pa/ bcom ldan 'das da ltar bzhugs sam/ bcom ldan 'das kyis bka' stsal pa/ / 'jam dpal de de bzhin no// 'jam dpal gyis gsol pa/ bcom ldan 'das de'i slad du gang+gA'i klung gi bye ma snyed kyi sangs rgyas bcom ldan 'das de dag yongs su mya ngan las ma 'das so/ / de ci'i slad du zhe na/ bcom ldan 'das sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig pa'i slad du ste/ bsam gyis mi khyab pa nyid ni skyes pa ma lags/ 'gag pa ma lags so// bcom ldan 'das de bas na/ bcom ldan 'das nyid kyis mngon par rdzogs

  310. 156a

    par sangs rgyas nas/ gang dag ma mchis pa'i ces na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ba de dag kyang / de bzhin du mngon par rdzogs par sangs rgyas pa nyid do// de ci'i slang du zhe na/ bsam gyis mi khyab pa la 'das pa 'am/ ma 'ongs pa 'am/ da ltar byung ba zhes bgyi ba ma mchis ba'i slad du'o/ / bcom ldan 'das de bas na/ su dag 'ad snyam du de bzhin nyid dang / de bzhin gshegs pa skyes so zhes bgyi ba nas yongs su mya ngan las 'das pa'i bar du sems pa de dag gi 'jig rten gnas pa 'khrul pa ste/ bcom ldan 'das de dag ni 'jig rten gnas pa 'bros par bgyid pa lags so// de skad ces gsol pa dang bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal de'i phyir khyod kyis de bzhin gshegs pa'i bsam gyis mi khyab pa bsam du med pa bsam gyis mi lang ba/ bsam pa las 'das pa 'di de bzhin gshegs pa 'am/ phyir mi ldog pa'i byang chub sems dpa' sems dpa' chen po 'am/ dgra bcom pa zag pa zad pa'i mngon du brjod na rjod cig/ de ci'i phyir zhe na/ 'di ltar de dag ni zos nas bsngags par yang mi 'gyur/ spong bar yang mi 'gyur ba'i phyir ro//

  311. 156b

    ci'i phyir zhe na/ 'di ltar bsam gyis mi khyab pa/ dpag tu med pa/ bsam gyis mi lang ba'i phyir ro// 'jam dpal gyis gsol pa/ bcom ldan 'das chos thams/ cad bsam gyis mi khyab cing / bsam du ma mchis pa 'di la su zhig bsngags pa 'am/ spong bar 'gyur// bcom ldan 'das kyis bka' stsal ba/ 'jam dpal ji ltar de bzhin gshegs pa bsam gyis mi lang ba de ltar so so'i skye bo rnams kyang bsam gyis mis lang ba yin nam/ 'jam dpal gyis gsol ba// bcom ldan 'das so so'i skye bo rnams kyang de bzhin du bsam gyis mi lang ba lags so/ / bcom ldan 'das kyis bka' stsal pa/ 'jam dpal de de bzhin no// de ci'i phyir zhe na/ 'di ltar bsam pa thams cad ni bsam gyis mi lang ba'i phyir ro/ / 'jam dpal gyis gsol pa/ bcom ldan 'das 'o na ji ltar de bzhin gshegs pa bsam gyis mi lang ba de bzhin du/ so so'i skye bo rnams kyang bsam gyis mi lang ba zhes/ bcom ldan 'das kyis ci'i slad du de skad ces bka' stsal pa/ bcom ldan 'das so so'i skye bo nyid kyang bsam gyis mi lang ba ma lags sam/ de ci'i slad du zhe na/ bcom ldan 'das chos thams cad bsam gyis mi lang ba'i slad du/ bcom ldan 'das gang la la dag mya ngan las 'das pa'i slad du zhugs na/ bcom ldan 'das de dag ni nyam

  312. 157a

    zag par 'gyur ro/ / de ci'i slad du zhe na/ gang bsam gyis mi lang ba de nyid mya ngan las 'das pa lags pa'i slad du ste/ bcom ldan 'das de'i slad du bsam gyis mi lang ba la tha dad pa ma mchis so/ / bcom ldan 'das gang dag 'di skad du/ 'di dag ni so so'i skye bo'i chos rnams so// 'di dag ni 'phags pa'i chos rnams so zhes mchi ba de dag la re zhig dge ba'i bshes gnyen rnams la bsnyen bkur gyis shig dang / de nas gzod 'di dag ni so so'i skye bo'i chos rnams so// 'di dag ni 'phags pa'i chos rnams so/ zhes bya bar shes par 'gyur ro// zhes de dag la 'di skad brjod par bgyi'o// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal khyod de bzhin gshegs pa sems can thams cad kyi mchog tu 'dod dam/ 'jam dpal gyis gsol pa/ bcom ldan 'das gal te 'di la sems can du yongs su grub pa 'ga' zhig mchis na ni/ bdag de bzhin gshegs pa sems can thams cad kyi mchog tu 'tshal lo// bcom ldan 'das kyis bka' stsal pa 'jam dpal khyod de bzhin gshegs pa bsam gyis mi khyab pa'i chos dang ldan par 'dod dam/ 'jam dpal gyis gsol pa/ bcom ldan 'das gal te bsam gyis mi khyab pa'i

  313. 157b

    chos dang ldan pa 'ga' zhig mchis na ni/ bdag de bzhin gshegs pa bsam gyis mi khyab pa'i chos dang ldan par 'tshal lo// bcom ldan 'das kyis bka' stsal pa/ 'jam dpal khyod 'di ltar nyan thos 'di ni de bzhin gshegs pas btul lo zhes bya bar 'dod dam/ 'jam dpal gyis gsol pa/ bcom ldan 'das gal te la la zhig bsam gyis mi khyab pa'i dbyings 'dul bar 'gyur na ni/ / bdag nyan thos 'di dag de bzhin gshegs pas 'dul lo zhes bgyi bar de ltar 'tshal lo// bcom ldan 'das sangs rgyas 'byung ba ni gang la phan pa 'am/ / gnod par yang nye bar gnas pa ma lags so// de ci'i slad du zhe na/ 'di ltar dbyings 'di ni gnas pa nyid dang / dbyings 'di ni mi 'dres pa nyid de/ 'di lta ste/ bsam gyis mi khyab pa'i dbyings lags pa'i slad du'o// dbyings de la ni nyan thos tha dad pa nas/ so so'i skye bo tha dad pa'i bar du mi dmigs so/ / bcom ldan 'das kyis bka' stsal pa/ 'jam dpal khyod 'di ltar de bzhin gshegs pa bsod nams kyi zhing bla na med pa yin par mi 'dod dam/ 'jam dpal gyis gsol pa/ bcom ldan 'das dngos po ma mchis pa'i slad du/ de bzhin ga shegs pa bsod nams kyi zhing ste/ de'i slad du de ni bsod nams kyi zhing bla na ma mchis pa'o//

  314. 158a

    de ni zhing gang ma lags zhing ma gang ba'ang ma lags shing / zhing ma lags pa'ang ma lags te/ de'i slad du de ni bsod nams kyi zhing bla na ma mchis pa'o// bcom ldan 'das yang de la chos gang yang dag par 'grub par mi 'gyur/ bas par mi 'gyur te/ de ltar na de bsod nams kyi zhing lags so// 'di la sa bon btab pa ni rnam par mi 'phel zhing yongs su mi 'grib bo/ / bcom ldan 'das kyis bka' stsal pa/ 'jam dpal khyod kyis ci las bsams te/ zhing de la sa bon btab pa rnam par mi 'phel zhing yongs su mi 'grib bo zhes de skad smra/ 'jam dpal gyis gsol pa/ bcom ldan 'das 'di ltar zhing de ni bsam gyis mi khyab pa ste/ de ltar de bsod nams kyi zhing lags so// de nas de'i tshe sangs rgyas kyi mthus sa chen po rnam pa drug tu g.yos par gyur to// dge slong khri drug stong ni len pa med par zag pa rnams las sems rnam par grol lo// dge slong ma bdun brgya dang / dge bsnyen sum brgya dang / dge bsnyen ma bzhi khri dang / 'dod pa na spyod pa'i lha bye ba khrag khrig drug cu ni chos la chos kyi mig rdul dang bral zhing dri ma med pa skyes so/ / de nas tshe dang ldan pa kun dga' bo stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te

  315. 158b

    bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das 'jig rten du ngog sa cher g.yos par byung ba 'di'i rgyu gang lags/ rkyen gang lags/ de skad ces gsol ba dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo bsod nams kyi zhing bstan pa zhes bya ba'i chos kyis rnam grangs 'di sngon gyi sangs rgyas bcom ldan 'das rnams kyis kyang sa phyogs 'di nyid du gsungs te/ kun dga' bo 'jig rten du sa g.yos pa byung ba 'di'i rgyu ni de yin no/ / rkyen ni de yin no// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'jam dpal 'di ni bsam gyis mi khyab pa'i dpal lo// de ci'i slad du zhe na/ 'di ltar 'di'i spobs pa gang dang gang lags pa'i spobs pa de dang de nyid bsam gyis mi khyab pa nyid lags so/ / de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal dge slong shA ra dwa ti'i bus tshig ji skad smras pa de de bzhin te/ 'jam dpal gzhon nur gyur pa'i spobs pa gang dang gang yin pa'i spobs pa de dag thams cad ni bsam gyis mi khyab pa nyid do// de skad ces bka' stsal pa dang /

  316. 159a

    bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bsam gyis mi khyab na spobs par mi 'gyur ro// gal te bsam gyis mi khyab pa spobs par 'gyur na ni bsam du mchis pa nyid du 'gyur ro// yang gang bsam gyis mi khyab pa lags pa'i bsam gyis mi khyab pa ni ci'ang ma mchis so// bcom ldan 'das sgra thams cad ni bsam gyis mi khyab ste/ bsam gyis mi khyab pa ni sgra ma lags so// sgyu ma lags pa dang / sgra ma lags pa'ang ma lags pa ni bstan par mi nus so/ / bcom ldan 'das kyis bka' stsal pa/ 'jam dpal khyod bsam gyis mi khyab pa'i ting nge 'dzin la snyoms par 'jug gam/ 'jam dpal gyis gsol ba/ bcom ldan 'das de ni ma lags te/ bsam gyis mi khyab pa'i ting nge 'dzin la bdag snyoms par mi 'jug go// de ci'i slad du zhe na/ bcom ldan 'das 'di ltar bdag nyid bsam gyis mi khyab pa'i ting nge 'dzin lags pa'i slad du'o/ / bcom ldan 'das gal te bdag bsam du rung ba lags na ni bsam gyis mi khyab pa'i ting nge 'dzin la snyoms par 'jug bcom ldan 'das ting nge 'dzin ces bgyi ba de ni bsam du ma mchis pa/ bsam gyis mi khyab pa/ bsam gyis mi lang ba lags na/ ji ltar bsam gyis mi khyab pa'i

  317. 159b

    ting nge 'dzin la snyoms par 'jug par bgyi/ de lta lags kyis kyang / bcom ldan 'das bdag sngon gyi las dang po'i tshe na bsam gyis mi khyab pa'i ting nge 'dzin la snyoms par 'jug go snyam du de snyam bsams par gyur to/ / bcom ldan 'das da ltar ni bdag bsam gyis mi khyab pa'i ting nge 'dzin la snyoms par 'jug go snyam du'ang de la sems pa kun 'byung ba ma mchis so/ / bcom ldan 'das/ 'di lta ste/ dper na 'phong gi slob dpon ni/ sngon las dang po pa'i sa na slob pa'i tshe/ 'di snyam du ba lang gi bur ba dag la phog par bya'o/ snyam du sems so// de gang gi tshe skra la phog pa grub par gyur pa de'i tshe/ 'di ltar sgra la phog par legs par lobs pa'i slad du/ de yang 'di snyam du bdag gis ba lang gi phur pa dag la phog par bya'o snyam du sems mi 'byung ngo / / ji ltar gang gi tshe skra la phog par 'tshal ba de'i tshe bsgrim mi 'tshal bar phog par 'gyur ro// bcom ldan 'das de bzhin du bdag sngon ni bsam gyis mi khyab pa'i ting nge 'dzin la snyoms par 'jug go snyam du de snyam bsams par gyur to/ / gang gi tshe bdag gi ting nge 'dzin la snyoms par 'jug nas/ ting nge 'dzin 'dris gnas pa de'i tshe/ bdag thar yang ting nge 'dzin 'dis gnas par bgyi'o snyam du mi sems so// de ci'i slad du zhe na/ gang dang gang gi tshe ting nge 'dzin 'dis gnas pa de dang de'i tshe/

  318. 160a

    ting nge 'dzin 'di gdags su ma mchis pa'i slad du'o// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'jam dpal gzhon nur gyur pa ni bsam gyis mi khyab pa'i ting nge 'dzin 'dis gnas pa'i tshe/ 'di la yid mi rton na/ bcom ldan 'das bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan la lnga mchis sam/ de nas 'jam dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu 'di skad du/ bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan lha mchis sam zhes 'dri na/ btsun pa shA ra dwa ti'i bu khyod kyis bsam gyis mi khyab pa'i ting nge 'dzin 'di zhi ba yin par ji ltar shes/ btsun pa shA ra dwa ti'i bu gal te bsam gyis mi khyab pa'i ting nge 'dzin 'di yod cing dmigs na ni/ bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan yod par 'gyur ro/ / shA ra dwa ti'i bus smras pa/ 'jam dpal bsam gyis mi khyab pa'i ting nge 'dzin 'di med cing mi dmigs pa yin nam/ 'jam dpal gyis spras pa/ btsun pa shA ra dwa ti'i bu 'di ltar de ni bsam gyis mi khyab pa'i ting nge 'dzin te/ de bas na bsam gyis mi khyab pa'i ting nge 'dzin

  319. 160b

    'di ni med de mi dmigs so/ / de lta mod kyis/ btsun pa shA ra dwa ti'i bu bsam gyis mi khyab pa'i ting nge 'dzin ma thob pa ni su'ang med do// btsun pa shA ra dwa ti'i bu sems can thams cad kyang bsam gyis mi khyab pa'i ting nge 'dzin thob bo/ / de ci'i phyir zhe na/ bsam pa thams cad ni bsam gyis mi khyab pa yin la/ gang bsam gyis mi khyab pa de ni bsam gyis mi khyab pa'i ting nge 'dzin te/ de bas na sems can thams cad bsam gyis mi khyab pa'i ting nge 'dzin 'di thob pa'o// // bam po gnyis pa ste tha ma'o// / / de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal khyod kyis zab mo zab pa'i gnas 'di lta bu thams cad bstan pa legs so legs so/ / ji ltar 'jam dpal khyod ni sngon gyi rgyal ba la bya ba byas pa ste/ mi dmigs par tshangs par spyod pa yun ring du spyod pa'o// ci 'jam dpal khyod shes rab kyi pha rol tu phyin pa la gnas te/ de skad smra'o snyam du sems sam/ 'jam dpal gyis gsol pa/ bcom ldan 'das gal de bdag 'di ltar shes rab kyi pha rol tu phyin pa la gnas nas 'di skad mchi na ni/ 'o na dmigs pa la gnas te/ de skad mchi bar 'gyur/ bdag tu 'du shes pa la gnas nas/ dngos po'i 'du shes kyi bar la gnas te/

  320. 161a

    de skad mchi bar 'gyur ro// de bas na shes rab kyi pha rol tu phyin pa la gnas te/ 'di skad ces mchi'o// de ci'i slad du zhe na/ bcom ldan 'das gal te shes rab kyi pha rol tu phyin pa la gnas su gyur tam/ ci ste gnas ma lags pa zhig tu gyur na/ shes rab kyi pha rol tu phyin pa ma lags par 'gyur ro// bcom ldan 'das bdag shes rab kyi pha rol tu phyin pa'i gnas te/ gnas ma mchis pa/ kun nas 'byung ba ma mchis pa/ go skabs ma mchis pa/ 'byung ba ma mchis pa lags so/ / de ltar na gnas pa de ni chos gang gi gnas kyang ma lags so// de'i slad du gnas de ni bsim gyis mi khyab pa'i gnas te/ shes rab kyi pha rol tu phyin pa'i gnas lags so/ / bcom ldan 'das shes rab kyi pha rol tu phyin pa zhes bgyi ba ni chos thams cad kyi skye ba ma mchis pa gang lags pa de shes rab kyi pha rol tu phyin pa lags so// shes rab kyi pha rol tu phyin pa zhes bgyi ba de ni/ 'di lta ste/ bsam gyis mi khyab pa'i dbyings kyi tshig bla dgas so// bsam gyis mi khyab pa'i dbyings gang lags pa de skye ba ma mchis pa'i dbyings so/ / skye ba ma mchis pa'i dbyings gang lags pa de chos kyi dbyings so// chos kyi dbyings gang lags pa de ni kun tu 'byung ba ma mchis pa'i dbyings so//

  321. 161b

    kun tu 'byung ba ma mchis pa'i dbyings gang lags pa de bsam gyis mi khyab pa'i dbyings so// bsam gyis mi khyab pa'i dbyings gang lags pa de bdag gi dbyings so// bdag gi dbyings gang lags pa de shes rab kyi pha rol tu phyin pa'i dbyings te/ de ltar na shes rab kyi pha rol tu phyin pa'i dbyings dang / bdag gi dbyings 'di ni gnyis su ma mchis te/ gnyis su dbyer ma mchis so/ / gang gi slad du 'dri gnyis su ma mchis te/ gnyis su dbyer ma mchis pa de'i slad du/ 'di ni bsam gyis mi khyab pa'i dbyings so// gang gi slad du 'di bsam gyis mi khyab pa'i dbyings lags pa de'i slad du/ 'di ni skye ba ma mchis pa'i dbyings so// gang gi slad du de ni skye ba ma mchis pa'i dbyings legs pa de'i slad du/ 'di ni chos kyi dbyings lags so/ / gang gi slad du 'di chos kyi dbyings lags pa de'i slad du/ 'di ni kun tu 'byung ba ma mchis pa'i dbyings so// gang gi slad du 'di kun tu 'byung ba ma mchis pa'i dbyings lags pa de'i slad du/ 'di ni bsam gyis mi khyab pa'i dbyings so// gang gi slad du 'di bsam gyis mi khyab pa'i dbyings lags pa de'i slad du/ 'di ni bdag gi dbyings so/ / gang gi slad du 'di bdag gi dbyings lags pa de'i slad du/ 'di ni shes rab kyi pha rol tu phyin pa'i dbyings so// gang gi slad du 'di shes rab kyi pha rol tu phyin pa'i

  322. 162a

    dbyings lags pa de'i slad du/ 'di ni bsam gyis mi khyab pa'i dbyings so// gang gi slad du 'dri bsam gyis mi khyab pa'i dbyings lags pa de'i slad du/ 'di ni yang dag par 'grub par mchis pa'i dbyings so/ / yang dag par 'grub pa ma mchis pa gang lags pa de mchis pa ma lags so// gang mchis pa ma lags pa de ni 'jig par mi 'gyur ro// gang 'jig par mi 'gyur ba de ni bsam gyis mi khyab pa ste/ de ltar na de bzhin gshegs pa'i dbyings dang / bdag gi dbyings 'di ni gnyis su ma mchis te/ gnyis su dbyer ma mchis so/ / bcom ldan 'das kyis gang bdag bsgom pa ni shes rab kyi pha rol tu phyin pa bsgom pa'o zhes bka' stsal pa de'ang / ci'i slad du zhe na/ bcom ldan 'das shes rab kyi pha rol tu phyin pa zhes bgyi ba 'di ni bdag gi dbyings kyi tshig bla dgas lags pa'i slad du'o/ / de ci'i slad du zhe na/ bcom ldan 'das bdag gis bdag gi dbyings 'tshal ba des chags pa ma mchis pa'i dbyings 'tshal to/ / bdag gis chags pa ma mchis pa nyid 'tshal ba des chos gang yang 'tshal ba ma mchis te/ de ci'i slad du zhe na/ 'di ltar bsam gyis mi khyab pa'i ye shes ni sangs rgyas kyi ye shes lags te/ chos gang la'ang shes pa ma mchis pa ni/ sangs rgyas kyi ye shes lags pa'i slad du'o// de ci'i phyir zhe na/ ye shes

  323. 162b

    de ni don dam par mchis pa ma lags te/ gang don dam par ma mchis pa de chos kyi 'khor lo skor ba'ang ji ltar 'gyur/ gang gi tshe ye shes de don dam par ma mchis pa de'i tshe/ ye shes de ni chags pa ma mchis pa'o/ / gang gi ye shes de chags pa ma mchis pa de'i tshe/ ye shes de ni dngos po ma mchis pa'o// gang gi tshe ye shes de dngos po ma mchis pa de'i tshe// ye shes de ni yul ma mchis pa'o// gang gi tshe ye shes de la yul ma mchis pa de'i tshe/ ye shes de ni mi gnas pa'o// gang gi tshe ye shes de mi gnas pa de'i tshe/ ye shes de ni ma mchis pa'o/ / gang gi tshe ye shes de rten ma mchis pa de'i tshe/ ye shes de ni ma skyed pa'o// ma thob pa'o// skye bar mi 'gyur ba'o// de ci'i slad du zhe na/ ye shes de ni yon tan gyis 'dus bgyis pa 'am/ yon tan ma lags pas 'dus bgyis pa ma lags pa'i slad du'o// de ci'i slad du zhe na/ 'di ltar ye shes de ni bsam gyis mi khyab pa ste/ de'i slad du yon tan nam/ yon tan ma lags par yang ji skad du bstan par bgyi/ gang gi slad du ye shes bsam gyis mi khyab pa de'i slad du// ye shes bsam du ma mchis pa ste/ gang de ltar shes pa de ni mi dmigs pa'i tshul du sangs rgyas kyi ye shes lags so// ye shes de ni chos gang yang mngon par rdzogs par sangs rgyas pa 'am/

  324. 163a

    mkhyen pa ma mchis so// ye shes de ni sngon gyi mtha' 'am/ phyi ma'i mtha' nas pa ma lags so// ye shes de ni sngon skye ba'ang ma lags/ ye shes de ni sngon ma skyes pa'ang ma lags te/ sngon ma skyes pa'i slad du gang ma skyes pa de ni nub par yang mi 'gyur ro// chad par yang mi 'gyur/ ye shes de dang 'dra ba'i ye shes gang yang ma mchis te/ de'i slad du ye shes de ni bsam gyis mi khyab cing 'dra ba ma mchis pa'o// ye shes de ni thog ma dang / dbus dang / tha ma mi dmigs pa ste/ de'i slad du ye shes de ni nam mkha' dang 'dra'o// ye shes de la mnyam pa 'am/ mi mnyam pa mi dmigs te/ de'i slad du ye shes de ni mi mnyam pa dang mnyam pa'o// ye shes la ni de dang 'dra ba'i ye shes gzhan mi dmigs te/ de'i slad du ye shes de ni mtshungs pa ma mchis pa'o// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal ye shes 'di mi 'gyur ba yin nam/ 'jam dpal gyis gsol pa/ bcom ldan 'das 'di ni ma bgyis pa ste/ de'i slad du 'di mi 'gyur ba lags so/ / bcom ldan 'das/ 'di lta ste/ dper na kar sha pa Na rtags ma btab pa na bsgyur ba'ang ma lags/ mi bsgyur ba'ang ma lags pa'i grangs

  325. 163b

    su mchi'o/ / bcom ldan 'das de bzhin du/ ye shes 'di'ang ma bgyis pa/ ma bsgrubs pa/ ma bskyed pa/ ma byung ba/ ma 'gag pa ste/ de'i slad du mi bsgyur ba lags so/ / de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal de bzhin gshegs pa'i ye shes bstan pa 'di la 'di ltar bstan par su dag mos/ 'jam dpal gyis gsol pa/ bcom ldan 'das gang dag 'khor ba'i chos can yang ma lags/ yongs su mya ngan las 'das pa'i chos can yang ma lags pa dang / gang dag 'jigs tshogs las kyang ma bskyod pa dang / gang dag 'dod chags dang / zhe sdang dang / gti mug kyang ma bas pa de dag mos so// de ci'i slad du zhe na/ mi bas pa na bas par mi 'gyur te/ yongs su bas par yang mi mchi'o// gang dag 'khor ba las kyang ma 'das la/ 'khor ba'i grangs su'ang mi mchi ba dang / gang dag lam dang bral ba'ang ma lags shing / lam gyi 'du shes kyang mi bskyed pa de dag gis bstan pa 'di'i don 'tshal bar 'gyur ro// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal legs so legs so// khyod kyi tshig 'di legs par smras pa'o// de nas de'i tshe bcom ldan 'das la/

  326. 164a

    tshe dang ldan pa 'od srungs chen pos 'di skad ces gsol to// bcom ldan 'das ma mchis pa'i dus na/ gang la la chos 'dul ba zab mo 'di dang / shes rab kyi pha rol tu phyin pa zab mo 'di la nyan pa dang / mos pa dang / kun 'tshal ba dang / rab tu 'dzin par 'gyur ba 'byung ba mchis sam/ de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs 'khor 'di nyid na'ang gang dag ma 'ongs pa'i dus na/ chos 'dul ba zab mo 'di dang / shes rab kyi pha rol tu phyin pa zab mo 'di la nyan pa dang / mos pa dang / kun shes pa dang / rab tu 'dzin par 'gyur ba'i dge slong dang / dge slong ma dang / dge bsnyen dang / dge bsnyen ma de dog yod do// 'od srungs 'di lta ste/ dper na khyim bdag gam/ khyim bdag gi bu zhig gi nor bu rin po che brgya stong ri ba stor nas/ sdug bsngal ba dang yid mi ba bar 'gyur ro/ / de nyid rnyed na bde ba dang yid bde ba skye zhing / kun nas dkris pa'i yid la byed pa med par 'gyur ro// 'od srungs de bzhin du/ dge slong dang / dge slong ma dang / dge bsnyen dang / dge bsnyen ma de dag kyang shes rab kyi pha rol tu phyin pa zab mo 'di ma skyes pa dang / ma byung ba dang / rang bzhin gyis yongs su mya ngan las 'das pa nas/ dngos

  327. 164b

    po med pa'i bar du ma zos pa na 'di snyam du/ bdag cag gis shes rab kyi pha rol tu phyin pa zab mo ma skyes pa dang / ma byung ba dang / rang bzhin gyis yongs su mya ngan las 'das nas/ dngos po med pa'i bar 'di lta bu 'di thos so snyam du sems so// de dag gi dus gzhan na thos par gyur na dga' ba dang / bde ba dang / yid dga' bar 'gyur zhing kun nas dkris pa'i yid la byed pa med par 'gyur te/ tshig 'di skad du 'di ltar bdag cag gis shes rab kyi pha rol tu phyin pa zab mo ma skyes pa dang / dngos po med pa dang / ma byung ba 'di thos pas deng bdag cag gis sangs rgyas mthong zhing / de bzhin gshegs pa la bsnyen bkur yang byas so zhes smra bar 'gyur ro// 'od srungs 'di lta ste/ dper na sum cu rtsa gsum pa'i lha rnams ni shing yongs 'dus brtol kha 'bus pa de mthong nas/ kye ma yongs 'dus brtol 'di ring po mi thogs par me tog thams cad rgyas par 'gyur ro snyam ste/ yid dga' ba dang / rab tu dga' bar 'gyur ro// 'od srungs de bzhin du/ dge slong dang / dge slong ma dang / dge bsnyen dang / dge bsnyen ma de dag kyang / shes rab kyi pha rol tu phyin pa zab mo ma skyes ma byung ba nas/ dngos po med pa'i bar 'di thos na/ yid dga' ba dang / rab tu dga' bar 'gyur ro// gang dag ma 'ongs pa'i dus na/

  328. 165a

    shes rab kyi pha rol tu phyin pa zab mo ma skyes pa dang ma byung ba nas/ dngos po med pa'i bar 'di thos na/ yid dga' ba dang / rab tu dga' bar 'gyur ba de ngag kyang nga'i 'khor 'di nyid na gnas par/ 'od srungs khyod kyis shes par gyis shig/ gang dag ma 'ongs pa'i dus na/ yid dga' ba dang / rab tu dga' bar 'gyur ba de dag/ yid dga' ba de dang / rab tu dga' ba des ring por mi thogs par/ sangs rgyas kyi chos thams cad kyi me tog rgyas par 'gyur bar shes par gyis shig/ 'od srungs 'di ltar shes rab kyi pha rol tu phyin pa zab mo ma skyes pa dang ma byung ba nas/ dngos po med pa'i bar 'di ma 'ongs pa'i dus na/ de bzhin gshegs pa 'das pa'i phyir na gnas par 'gyur ba dang / spyod par 'gyur ba gang yin pa de'ang / 'od srungs sangs rgyas kyi byin gyi rlabs dang / sangs rgyas kyi mthu yin par shes par bya'o// 'od srungs de bas na gang dag shes rab kyi pha rol tu phyin pa zab mo ma skyes pa dang ma byung ba nas/ dngos po med pa'i bar 'di thos nas dga' na/ 'od srungs de ni de dag gis thos pa 'di dang po ma yin no// 'od spangs/ 'di lta s+t+wa~M/ dper na nor bu mkhan zhig gis nor bu rin po che mthong nas/ gang gi tshe dga' bar gyur pa de na/ nor bu mkhan des nor bu rin po tshad gdong mthong ba ma

  329. 165b

    yin gyis/ don sngon nas rgyun du nor bu rin po che mthong ba'o zhes shes par bya'o// 'od spangs de bzhin du/ gang dag shes rab kyi pha rol tu phyin pa zab mom skyes pa dang ma hA ba nas/ dngos po med pa'i bar 'di zos nas/ yid dga' ba dang / rab tu dga' bar gyur cing / mgu ba dang / rangs pa dang / yid bde ba skyes na/ 'od srungs 'di ni de dag gi thos pa'i dang po ma yin no/ / 'od srungs de dag ni 'di skad du smra bar 'gyur te/ gang 'di 'jam dpal gzhon nur gyur pas ma skyes pa nas/ dngos po med pa dang ma byung ba'i bar du bstan pa 'di nyid smros shig ces zer bar gyur te/ de dag ni sngon rgyun du 'jam dpal gzhon nur gyur pa la bsnyen bkur byas par gyur pa'o// 'od srungs 'di lta ste/ dper na mi la la zhig grong ngam/ grong khyer ram/ grong rdal lam/ grong gang yang rung ba zhig tu dgos pa la la'i phyir son par gyur la/ yang dus gzhan zhig na de'i drung du mi la la zhig song ste/ grong khyer de'i bsdogs pa brjod cing / kun dga'i ra ba nyams dga' ba dang / yul nyams dga' ba dang / rdzing bu nyams dga' ba dang skyed mos tshal nyams dga' ba dang / chu mig dang / mtshe'u dang / mtsho bran nyams dga' ba dang / me tog dang 'bras bu nyams dga' ba de dag gi bsngags pa brjod ras

  330. 166a

    des de thos pa dang dga' bar tshor te/ yid bde ba skyes nas yang dang yang 'di skad du/ kye skyes bu de nyid zlos te rjod cig cis 'tshol na/ mi des ni sngon yang grong khyer de dang / kun dga'i ra ba nyams dga' ba dang / yul nyams dga' ba dang / rdzing bu nyams dga' ba dang / skyed mos tshal nyams dga' ba dang / chu mig dang mtsho'u dang / mtsho bran nyams dga' ba dang / me tog dang 'bras bu nyams dga' ba dag kyang myong ba yin par mi des de ltar rtogs par 'gyur ro// de ci'i phyir zhe na/ 'di ltar de zos nas yid cher dga' ba dang / rab tu dga' bar 'gyur te/ mgu ba dang / rangs pa dang / yid bde ba skyes pa'i phyir ro// 'od srungs de bzhin du/ gang dag gis 'jam dpal gzhon nur gyur pa la bsnun bkur byas par gyur pa dang / yang dang yang drung du 'gro zhing 'dri ba byas par gyur pa dang / de dag shes rab kyi pha rol tu phyin pa zab mo ma skyes pa dang ma byung ba nas/ dngos po med pa'i bar 'di thos na/ rab tu dga' zhing mgu bar 'gyur te/ dga' ba dang mgu ba cher skyed cing tshig 'di skad du/ ma la 'di lta ste/ skyes pa dang ma byung ba nas/ dngos po med pa'i bar du bstan pa'i shes rab kyi pha rol tu phyin pa 'di lta bu 'di nyid ci mnyan to zhes smra bar 'gyur ro// de skad ces bka' stsal pa dang /

  331. 166b

    bcom ldan 'das la tshe dang ldan pa 'od srungs chen pos 'di skad ces gsol to// bcom ldan 'das ma mchis pa'i dus na/ dad pa'i rigs kyi bu 'am rigs kyi mo 'byung ba dag gi rnam pa dang / rtags dang / mtshan ma bcom ldan 'das kyis gang dag bka' stsal pa de dag nyid lags sam/ bcom ldan 'das kyis bka' stsal pa 'od srungs ji skad smras pa de de bzhin te/ ma 'ongs pa'i dus na dang pa'i rigs kyi bu 'am/ rigs kyi bu mo 'byung ba de dag gi rnam pa dang / rtags dang / mtshan ma ni gang dag ngas da ltar bstan pa 'di dag nyid yin no/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das chos de ni rnam pa ma mchis shing rtags ma mchis pa dang / bcom ldan 'das kyis shes rab kyi pha rol tu phyin pa'ang rnam pa ma mchis pa nas/ mtshan ma mchis pa'i bar du lags na/ rnam pa'am/ rtags sam/ mtshan ma ji lta ba zhig mchis par 'gyur/ bcom ldan 'das kyis chos bstan pa gang lags pa de'ang rnam pa ma mchis/ rtags ma mchis// mtshan ma ma mchis pa'i bar du lags na/ bcom ldan 'das rnam pa ma mchis pa dang / rtags ma mchis pa dang / mtshan ma ma mchis pa ji ltar bstan par 'gyur/ de skad ces

  332. 167a

    gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal shes rab kyi pha rol tu phyin pa zab mo shin tu ma skyes pa dang / dngos po med pa'i bar 'di bstan na/ gang dag mos pa nas/ kun chub par byed pa'i bar du byed pa de dag nyid rigs kyi bu dang / rigs kyi bu mo de dag gi rnam pa dang / rtags dang / mtshan ma yin no// 'jam dpal gang du shes rab kyi pha rol tu phyin pa bstan pa der/ sangs rgyas kyis chos thams cad bstan par blta'o// der bsam gyis mi khyab pa bstan par blta'o// 'jam dpal ngas sngon byang chub sems dpa'i spyad pa spyod pa na/ dge ba'i rtsa ba gang dag yang dag par bsgrubs te/ dge ba'i rtsa ba gang dag gis bla na med pa yang dag par rdzogs pa'i byang chub 'di mngon par rdzogs par sangs rgyas pa'i dge ba'i rtsa ba de dag yang dag par bsgrub par 'dod pa'i rigs kyi bu 'am/ rigs kyi bu mos shes rab kyi pha rol tu phyin pa 'di nyid mnyan par bya/ mos par bya/ yi ger bri bar bya/ gzung bar bya/ bklag par bya/ lung nod par bya/ kha ton du bya/ tshig tu gdon par bya/ kun chub par bya/ tshul bzhin du yid la bya/ bsgom par bya/ me tog dang / bdug pa dang / spos dang / 'phreng ba dang / byug pa dang /

  333. 167b

    phye ma dang / gos dang / gdugs dang / rgyal mtshan dang / ba dan dang / rnam par rgyal ba'i ba dan dang / mar me la sogs pas ci nus ci phod du mchod pa'i bar du bya'o/ / rim gror bya'o// nyan thos dang rang sangs rgyas thams cad kyis las 'da' bar 'dod pa'i rigs kyi bu 'am/ rigs kyi bu mos kyang / shes rab kyi pha rol tu phyin pa 'di nyid mnyan par bya ba nis/ rim gro'i bar du'o// 'jam dpal ji ltar phyir mi ldog pa'i sa la 'jug par 'gyur ba de lta bu nyan par 'dod pa'i rigs kyi bu 'am/ rigs kyi bu mos kyang / shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// 'jam dpal chos gang yang rung ste/ de dag thams cad ma skyes par mnyam ba nyid du mos par 'dod pa'i rigs kyi bu 'am/ rigs kyi bu mos kyang / shes rab kyi pha rol tu phyin pa 'di nyid mnyan par bya ba nas/ rim gro'i bar du'o// 'jam dpal sangs rgyas kyi chos thams cad mngon par rdzogs par byang chub par 'dod pa'i rigs kyi bu 'am/ rigs kyi bu mos kyang / shes rab kyi pha rol tu phyin pa 'di nyid mnyan par bya ba nas// rim gro'i bar du bya'o// 'jam dpal chos thams cad de bzhin gshegs pas mngon par rdzogs par sangs rgyas so// zhes shin tu bstan pa 'di la mos par 'dod pa'i rigs kyi bu 'am/

  334. 168a

    rigs kyi bu mos kyang / shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// de ci'i phyir zhe na/ gang mngon par rdzogs par 'tshang rgyas par byed pa 'am/ gang gi mngon par rdzogs par 'tshang rgya bar byed pa 'am/ gang mngon par rdzogs par 'tshang rgya bar bya ba'i chos de gang yang med de/ mi dmig ba'i phyir ro/ / de ltar don 'di rtogs shing mos par 'dod pa'i rigs kyi bu 'am/ rigs kyi bu mos kyang / shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o/ / gang byang chub ma yin pa'i chos de gang yang med do// zhes de ltar mos par 'dong ba'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// chos thams cad la rnam par mi rtog par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// de ci'i phyir zhe na/ shes rab kyi pha rol tu phyin pa ni/ chos gang gi yongs su grub pa rnam par gzhog pa 'am/ skyed pa 'am/ rton pa ma yin pa'i phyir ro// chos thams cad kun nas nyon mongs pa ma yin/ rnam par byang ba ma yin zhes bya bar 'jug par 'dod pa'i rigs kyi bu 'am/ rigs kyi bu mos kyang //

  335. 168b

    shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// chos thams cad 'das pa ma yin/ ma 'ongs pa ma yin/ da ltar byung ba ma yin zhes bya bar mos par bya bar 'dod cing / 'jug par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o/ / de ci'i phyir zhe na/ 'jam dpal skye ba med pa ni 'das pa ma yin/ ma 'ongs pa yin/ da ltar byung ba ma yin pa'i phyir ro// de ci'i phyir zhe na/ 'jam dpal chos thams cad ni skye ba med pa la ston pa'i phyir ro/ / de lta bu'i chos thams cad la the tsom med par rtogs par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// 'jam dpal lan gsum du bzlas te/ rnam pa bcu gnyis su bskor ba'i chos kyi 'khor lo ji ltar gyur pa de nyan par 'dod pa dang / de rtogs par 'dod pa dang / de la mos par 'dod pa dang / de la 'jug par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// sems can thams cad la byams pas khyab par bya bar yang 'dod la/ sems can du 'du

  336. 169a

    shes pa la'ang mi gnas par 'dod pa dang / 'jig rten thams cad dang rtsod pa med par yang 'dod cing / 'jig rten thams cad mi dmigs par rtogs par yang 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// chos thams cad skye ba med pa'i bar du rtogs par yang 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis brlab par bya'o// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das shes rab kyi pha rol tu phyin pa yon tan ma mchis pa'i yon tan gang lags phan yon gang lags/ bcom ldan 'das shes rab kyi pha rol tu phyin pa ni nus pa ci'ang ma mchis pa/ kun nas slong bar mi bgyid pa/ rnam par 'jig par mi bgyid pa chos gang yang mi len mi 'dor ba/ g.yo ba ma mchis pa/ byed pa ma mchis pa lags/ shes rab kyi pha rol tu phyin pa ni ngo bo nyid shes pa ma lags/ ngo bo nyid mthong ba ma lags pa/ chos gang yang sbyin par mi bgyid pa/ chos thams cad dang mi 'gal ba/ chos thams cad tha dad par mi bgyid pa lags na/ bcom ldan 'das shes rab kyi

  337. 169b

    pha rol tu phyin pa'i yon tan gang lags/ phan yon gang lags/ bcom ldan 'das shes rab kyi pha rol tu phyin pa chos thams cad gcig tu bgyid pa ma lags/ chos thams cad tha dad par bgyid pa ma lags pa/ ma bgyis pa bgyis pa/ ma mchis pa/ mi bas pa/ rnam par 'jig par mi bgyid pa/ so so'i skye bo'i chos rnams dang / dgra bcom pa'i chos rnams dang / byang chub sems dpa'i chos rnams dang / sangs rgyas kyi chos rnams kyang sbyin par bgyid pa ma lags pa/ 'grib par bgyid pa ma lags pa/ 'khor ba len par mi bgyid pa/ mya ngan las 'das pa 'dor bar mi bgyid pa/ sangs rgyas kyi chos rnams sbyin par bgyid pa ma lags pa/ rnam par 'jig par bgyid pa ma lags pa/ bsam par bgyi ba ma lags pa/ bsam du ma mchis pa ma lags pa/ bgyid pa ma lags pa/ 'jig par bgyid pa ma lags pa/ chos thams cad skyed pa ma lags pa/ 'gog pa ma lags pa/ chad par bgyid pa ma lags pa/ rtag par bgyid pa ma lags pa/ 'ong bar bgyid pa ma lags pa/ 'gro bar bgyid pa ma lags pa/ dben par bgyid pa ma lags pa/ mi dben par bgyid pa ma lags pa/ gnyis su bgyid pa ma lags pa/ mi gnyis par bgyid pa ma lags pa'i yon tan gang lags/

  338. 170a

    phan yon gang lags/ de skad ces gsol pa dang / bcom ldan 'das kyis/ 'jam gzhon nur gyur pa la 'di skad ces bka' stsal to// 'jam dpal dngos po med pa nas/ byed pa med pa'i bar 'di nyid shes rab kyi pha rol tu phyin pa 'di'i yon tan du rig par bya'o// 'jam dpal yang byang chub sems dpa' sems dpa' chen po byang chub sems dpa'i ting nge 'dzin la slob par 'dod pa dang / byang chub sems dpa'i ting nge 'dzin la sgrub par 'dod pa dang / ting nge 'dzin gang la gnas nas/ sangs rgyas bcom ldan 'das thams cad snang ba dang / de dag gi sangs rgyas kyi zhing rnams kyang mthong bar 'dod pa dang / de dag gi ming yang shes par 'dod pa dang / de dag la mchod pa bla na med ba'ang byed par 'dod pa dang / de dag gi chos bstan pa la'ang 'jug par 'dod pa dang / mos par 'dod pas mi bslab pa'i tshul du shes rab kyi pha rol tu phyin pa 'di nyid la bslab par bya'o// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das ci'i slad du 'di la shes rab kyi pha rol tu phyin pa zhes gyibacom ldan 'das kyis bka' stsal ba/ 'jam dpal ma skyes pa ma 'gags pa'i phyir/ shes rab kyi pha rol tu phyin pa zhes bya'o// 'di ltar yang gzod ma nas ni bdang

  339. 170b

    'byung ba med pa dang / byed pa med pa nas/ dngos po med pa'i bar gyi phyir te/ gang chos thams cad spyod yul ma yin pa de ni/ byang chub sems dpa' sems dpa' chen po rnams kyi spyod yul te/ 'di la spyod na byang chub sems dpa' sems dpa' chen po spyod yul la zhugs pa zhes bya'o// 'di lta ste/ spyod yul ma yin pa theg pa thams cad pa 'di nyid spyod yul yin no/ / de ci'i phyir zhe na/ spyod yul 'di ni ma byas pa ste/ de'i phyir spyod yul ma yin pa zhes bya'o// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das gang la sbyar na/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal shes rab kyi pha rol tu phyin pa la spyad na/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur 'jam dpal bkod pa gcig pa zhes bya ba'i ting nge 'dzin de la spyad na/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par

  340. 171a

    rdzogs par 'tshang rgya bar 'gyur ro/ / de skad ces bka' stsal pa dang bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das bkod pa gcig pa'i ting nge 'dzin la byang chub sems dpa' sems dpa' chen pos ji ltar 'jug par bgyi/ ci'i slad du bkod pa gcig pa'i ting nge 'dzin ces bgyi bcom ldan 'das kyis bka' stsal pa/ 'jam dpal bkod pa gcig pa zhes bya ba 'di ni/ skye ba med pa'i tshig bla dgas so// bkod pa gcig pa'i ting nge 'dzin la 'jug par 'dod pa'i rigs kyi bu 'am/ rigs kyi bu mos thog ma nyid du shes rab kyi pha rol tu phyin pa yongs su dri ba dgos te/ de'i 'og tu bkod pa gcig pa'i ting nge 'dzin la 'jug par 'gyur ro/ / de ci'i phyir zhe na/ 'jam dpal skye ba med pa ni mi 'khrugs pa ste/ dkrug tu mi rung / dkrug par bya ba ma yin pa/ bsam gyis mi khyab pa/ bsam par mi bya ba/ bsam gyis mi lang ba'o// 'jam dpal bkod pa gcig pa'i ting nge 'dzin la 'jug par 'dod pa'i rigs kyi bu 'am/ rigs kyi bu mos dben pa'i mal stan rnams la brten par bya/ 'dra 'dzimed pa la dga' bar byas la/ mtshan ma thams cad yid la mi bya bar skyil mo krung bcas te 'dug nas/ der mi dmigs pa'i tshul gyis de bzhin gshegs

  341. 171b

    pa gcig yid la bya'o/ / chos thams cad kyang yid la bya'o// de bzhin gshegs pa gang yid la byed pa de'i ming yang gzung bar bya'o// ming de'ang zos te dmigs nas/ de bzhin gshegs pa phyogs ga la bzhugs pa'i phyogs der mngon du bltas te 'dug par bya'o/ / yid la bya'o// de bzhin gshegs pa de nyid yid la byas na/ yid la byas pas 'das pa dang ma byon pa dang / da ltar byung ba'i sangs rgyas bcom ldan 'das rnams yid la byas par 'gyur ro// de ci'i phyir zhe na/ de bzhin gshegs pa nyid gcig pa'i phyir ro// 'jam dpal ji ltar de bzhin gshegs pa gcig gi sangs rgyas kyi yon tan tshad med pa dang / de spobs pa tshad med pa de bzhin du/ 'jam dpal bkod pa gcig pa'i ting nge 'dzin thob nas skye ba med pa gcig chos kyi rnam grangs kyi bye brag tshad med par shes par bya'o/ / 'dir gang dag chud par 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas kyis gang dag gsungs pa dang / kun dga' bos ji snyed yongs su gzung ba de snyed kyi chos kyi rnam grangs 'dir snang bar 'gyur ro// bkod pa gcig pa'i ting nge 'dzin 'di bsgrubs pas de'i tshe tshad ji tsam pa de tsam du gnas shing / gleng gzhi dang bcas pa'i chos bstan par 'gyur ro// 'jam dpal de la byang chub sems dpa'i theg pa pa kha cig

  342. 172a

    'di snyam bkod pa gcig pa'i ting nge 'dzin 'di gang yin snyam du sems na/ de dag la 'di skad ces yon tan bsam gyis mi khyab pa yongs su bsgrubs pa 'di yang dag par bzung la 'dug cig dang / ji lta ji ltar yang dag par blangs te gnas pa de lta de ltar ting nge 'dzin 'di'i yon tan mthong bar 'gyur gyis ji skad bstan pa'i tshul gyis zhum pa med par gyis shig ces brjod par bya'o/ / ting nge 'dzin 'di ni dmigs pa'i lta ba can dag dang / dngos por lta ba can dag nas/ yod par lta ba can dag gi bar gyis bsgrub par mi nus so// 'jam dpal/ 'di lta ste/ dper na mi zhig la rin zang med pa'i nor bu rin po che byi dor ma byas pa zhig bdog la/ mi gzhan zhig gis der mi de la 'di skad du/ kye skyes bu nor bu rin po che 'di'i rin thang ji tsam/ nor bu rin po che 'di la yon tan ci zhig yod ces zer la/ mi nges kyang de la 'di skad du/ kye skyes bu nor bu rin po che 'di'i yon tan tshad med pa nyid du shes par gyis shig ces smras te/ de nas mi des nor bu rin po che de byi dor bya ba'i phyir mi de la bzhag nas/ kye skyes bu rin po che 'di re zhig byi dor gyis shig dang / de nas shes par 'gyur ro zhes byas la/ de nas des nor bu rin po che de mi de las blangs te/ phyi bdar bya ba'i yo byad rnams kyis byi dor byas pa dang / de ltar byi dor byas pas nor bu

  343. 172b

    rin po che de rin thang med de/ des ji lta ji ltar nor bu rin po che de'i phyi bdar byas pa de lta de ltar nor bu rin po che de'i yon tan mthong bar 'gyur ba de bzhin du/ 'jam dpal gang dag gang gi tshe rigs kyi bu 'am/ rigs kyi bu mo de ting nge 'dzin la mnyam par 'jog pa dang / 'jog pa de dang de'i tshe ting nge 'dzin de'i yon tan mthong bar 'gyur ro// 'jam dpal/ 'di lta ste/ dper na nyi ma'i dkyil 'khor gyi 'od zer dag gis dkyil 'khor gyi mtha' gar yang ma khyab pa med do// 'jam dpal de bzhin du bkod pa gcig pa'i ting nge 'dzin 'di thob cing zhugs nas rnyed pa de/ shes rab kyi pha rol tu phyin pa ston pa ma yin pa'i chos gang yang mi ston to// gang la las 'di bzhin du shes na/ des skye ba med pa dang 'gal ba'i chos gang yang mi mthong ngo / / 'jam dpal/ 'di lta ste/ dper na rgya mtsho chen po'i phyogs bzhi nas skyes bu bzhi chu 'chu na/ de thams cad 'di lta ste/ lan tshwa'i ror ro/ gcig pa nyid du 'chu zhing len to// 'jam dpal de bzhin du ngas chos gang ci bstan pa de dag thams cad ni/ 'di lta ste/ skye ba med pa'i ro dang / dngos po med pa'i ro dang / 'dod chags dang bral ba'i ro dang / rnam par grol ba'i ro dang / 'gog pa'i ror ro gcig pa'o// 'jam dpal de lta bas na rigs kyi bu 'am/ rigs kyi bu mo ting nge 'dzin

  344. 173a

    dang ldan pa de chos gang dang gang ston kyang de thams cad 'di lta ste/ skye ba med pa'i ro dang / dngos po med pa'i ro dang / 'dod chags dang bral ba'i ro dang rnam par grol ba'i ro dang / 'gog pa'i ror ro gcig par ston par 'gyur ro// ting nge 'dzin 'di thob nas rigs kyi bu 'am/ rigs kyi bu mo de 'dod na ngas chos gang ci bstan pa de 'chang ba dang / rnam par ston pa dang / nye bar ston par 'gyur ro// 'jam dpal de ltar na rigs kyi bu 'am/ rigs kyi bu mo de ting nge 'dzin 'di thob nas gang ci bstan kyang / de dag thams cad mi dmigs pa'i tshul du ma skyes pa dang / ma byung ba dang / dngos po med par ston par 'gyur ro// 'jam dpal gzhan yang ting nge 'dzin 'di thob pa'i byang chub sems dpa' sems dpa' chen po myur du byang chub kyi phyogs kyi chos rnams yongs su rdzogs nas/ myur ba nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur / 'jam dpal gzhan yang byang chub sems dpa' sems dpa' chen pos gang gi tshe bdag gi dbyings nas/ chos kyi dbyings kyi bar du skye ba dang / 'gag pa dang / gcig kho nar za da pa kho nar yang mi mthong na/ 'jam dpal de lta bu'i bzod pa can gyi byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya'o//

  345. 173b

    rigs kyi bu gang bla na med pa yang dag par rdzogs pa'i byang chub la mi sems pa dang / rnam par mi rtog pa de'i bzod pa 'di'ang byang chub sems pa'i chos rnams dang / sangs rgyas kyi chos rnams 'thob par 'gyur ba'o/ / gang yang sangs rgyas nyid kyi phyir/ byang chub tu mi smon pa de lta bu'i bzod pa 'di yang / rigs kyi bu de bla na med pa yang dag par rdzogs pa'i byang chub tu myur bar 'gyur ba bshad do/ / chos thams cad ni sangs rgyas kyi chos so zhes su de ltar mos shing zhum par mi 'gyur ba de bla na med pa yang dag par rdzogs pa'i byang chub las phyir mi ldog par ngas bshad// de ni sangs rgyas kyi chos thams cad dang ma bral bar brjod par bya'o// rigs kyi bu 'am/ rigs kyi bu mo gang gis bstan pa 'di thos nas rmongs par mi 'gyur ba dang / som nyi za bar mi 'gyur ba de'ang / sangs rgyas kyi chos thams cad dang mi 'bral bar 'dod par bya'o// de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das bla na med pa yang dag par rdzogs pa'i byang chub rgyu las nges par 'byung ba lags sam/ bcom ldan 'das kyis bka' stsal pa// 'jam dpal de ni ma yin te/ bla na med pa yang dag par rdzogs pa'i byang chub ni rgyu ma yin zhing / rgyu las nges par byung ba'ang ma yin no// de ci'i phyir zhe na/ skye ba med pa dang

  346. 174a

    dngos po med pa ni rgyu'ang ma yin la/ rgyu las nges par 'byung ba'ang ma yin pa'i phyir ro// de ci'i phyir zhe na/ chos thams cad ma skyes pa'i phyir ro// 'jam dpal de lta bas na rigs kyi bu 'am/ rigs kyi bu mo gang gis bstan pa 'di thos nas nur bar mi 'gyur ba de'ang / bla na med pa yang dag par rdzogs pa'i byang chub las phyir mi ldog par ngas bshad do/ / 'jam dpal de lta bas na dge slong ngam/ dge slong ma 'am/ dge bsnyen nam/ dge bsnyen ma gang dag shes rab kyi pha rol tu phyin pa zab mo 'di la zhum par mi 'gyur ba nas/ nur ba'i bar du mi 'gyur ba de dag ni nga la skyabs su dong ba'o// de dag ni nga'i rjes su rab tu byung ba'o// de dag gi ston pa ni nga yin no// 'jam dpal rigs kyi bu 'am/ rigs kyi bu mo gang shes rab kyi pha rol tu phyin pa zab mo 'di la mi slob pa de byang chub sems dpa'i bslab pa la mi slob pa'o// 'jam dpal/ 'di lta ste/ dper na 'byung ba'i tshogs dang / sa bor gyi tshogs dang / rtswa dang / shing dang / gel ba dang / sman dang / nags tshal gang ci yod pa de dag thams cad ni sa chen po la brten nas skye'o// 'jam dpal de bzhin du byang chub sems dpa' sems dpa' chen po rnams kyi dge ba'i chos gang ci'ang rung ba de dag thams cad shes rab kyi pha rol tu phyin pas yongs su zin na/ 'phel zhing

  347. 174b

    rgyas pa dang yang bar 'gyur te/ bla na med pa yang dag par rdzogs pa'i byang chub tu slu bar mi byed do// de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das bcom ldan 'das kyis shes rab kyi pha rol tu phyin pa bstan pa gang lags pa'i shes rab kyi pha rol tu phyin pa bstan pa 'di/ 'dzam bu gling 'dir grong ngam/ grong khyer ram/ yul lam/ ljongs dag tu gang la la dag 'dzin par 'gyur ba nas/ ston pa'i bar du 'gyur ba mchis sam/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal gang dag gis shes rab kyi pha rol tu phyin pa bstan pa 'di da ltar gyi tshe la thos nas/ bdag tshe 'di brjes nas kyang shes rab kyi pha rol tu phyin pa bstan pa 'di mnyan to// zhes smon lam btab pa de dag ni nyan pa nas/ rgya cher ma sgom pa'i tshul gyis sgom par byed pa'i bar du 'gyur ro/ / 'jam dpal gang dag shes rab kyi pha rol tu phyin pa zab mo 'di thos te/ thos nas kyang dga' ba dang mgu ba yangs pa 'thob pa de dag ni dge ba'i rtsa ba chung bar nga mi 'chad do/ / 'jam dpal gang zhig shes rab kyi pha rol tu phyin pa bstan pa 'di la nyan 'dod par 'gyur na/ de la 'di skad ces rigs kyi bu khyod don mnyan

  348. 175a

    pas ci zhig b+h+ya/ thos nas ma dad cing b+he nAr+yAt+tAr/ de ci'i phyir ldan/ 'di la chos gang yang yongs su 'grub pa ma bstan te/ ma ma zo'i chos rnams skye ba 'am/ 'jig par yang ma bstan/ slob pa'i chos rnams dang / mi slob pa'i chos rnams dang / rang sangs rgyas kyi chos rnams dang / sangs rgyas kyi chos rnams skye ba'am/ 'jig pa 'am/ 'thob par ma bstan pa'i phyir ro zhes brjod par bya'o// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das dge slong ngam dge slong ma 'am/ dge bsnyen nam/ dge bsnyen ma gang la la bdag la 'du rkang du/ deng de bzhin gshegs pa'i chos kyi gtam mdzad pa de gang yin zhes mchi na/ bcom ldan 'das de skad 'dri ba dang / bdag gis 'di bang du/ chos thams cad dang mi 'gal ba'i gtam mo zhes brjod par bgyi'o/ / de ci'i phyir zhe na/ bcom ldan 'das gang skye ba ma mchis pa dang 'gal ba'i chos de gang yang ma mchis te/ bka' mchid de ni sems can gang gis kyang 'tshal bar sra ba ma lags so/ / de ci'i slad du zhe na/ 'di ltar sems can gang yang dmigs su ma mchis pa'i slang du'o// bcom ldan 'das gzhan yang bdag gis

  349. 175b

    de la 'di skad du mi skye ba zhes bya ba'i chos de bstan par gyur to zhes brjod par bya'o/ / de ci'i phyir zhe na/ bcom ldan 'das 'di ltar chos thams cad ni skye ba ma mchis par mnyam pa'i slad du'o/ / bka' mchid der ni ji ltar dgra bcom pa'i chos rnams kyis so so'i skye bo'i chos de dag rnam par bshig pa ma lags pa/ dgra bcom pa rnams kyi gong ma rtogs pa ma bstan to// bcom ldan 'das gzhan yang de la bdag gis 'di skad du/ chos bstan pa 'di la sems can gang yang mya ngan las 'das pa dang / mya ngan las 'da' ba dang / mya ngan las 'da' bar 'gyur ba med do zhes brjod par bgyi'o/ / de ci'i slad du zhe na/ bcom ldan 'das 'di ltar sems can shin tu mi dmigs pa'i slad du ste/ bcom ldan 'das de skad 'drin bdag gis de skad ces bgyi'o/ / bcom ldan 'das gzhan bdag gi las shes rab kyi pha rol tu phyin pa zab mo 'di nyan par 'tshal te/ deng khyod bcom ldan 'das dang gtam ci zhig byas shes 'dri na/ de la bdag gis de skad du/ gal te khyod de nyan par 'dod na/ de mnyan to snyam du yid ma gtod cig/ mnyan to snyam du sems ma skyed cig/ kye skyes bu sgyu ma'i skyes bu'i shes rab ci 'dra ba de lta bu'i shes rab skyed cig/ de lta bus chos bstan pa 'di shes par nus so// kye skyes bu gal te khyod kyis chos bstan pa 'di mnyan par 'dod na/

  350. 176a

    de'i phyir 'di lta ste/ dper na nam mkha' la bya'i rjes lta bur gnas par gyis shig/ de lta bus chos bstan pa 'di mnyan par nus so// kye skyes bu gal te khyod kyis chos bstan pa 'di mnyan par 'dod na/ de'i phyir gnyis la ma dmigs shig/ mi gnyis pa la'ang ma dmigs shig/ de ci'i phyir zhe na/ 'di la gnyis su brjod par bya ba yongs su brjod pa 'am/ mi gnyis par brjod par bya ba gang yang med pa'i phyir ro// gal te chos bstan pa 'di mnyan par 'dod na/ bdag tu 'du shes rnams kyang ma dmigs shig/ ltalnga bar gyur pa rnams las kyang ma 'da' zhig/ sangs rgyas kyi chos rnams la'ang lhag par ma dmigs shig/ so so'i skye bo'i chos rnams las kyang ma spyod cig ces brjod par bgyi'o// bcom ldan 'das gang zhig bdag la nyan par 'tshal te 'dri na/ de la bdag gis de skad brjod par bgyi'o// de skad rjes su bstan par bgyi'o// de ltar 'di la gzhag par bgyi'o// gal te 'dri ba'i rigs kyi bu 'am/ rigs kyi bu mo de ltar gnas shing / de ltar bzhugs na/ spobs pa'i phyag rgya 'di la gnas pa de la slad kyis/ shes rab kyi pha rol tu phyin pa ma skyes pa dang / dngos po ma mchis pa dang / ma byung ba'i bar 'di bstan par bgyi'o// de skad ces gsol pa dang / bcom ldan 'das kyis/ 'jam dpal gzhon nur gyur pa

  351. 176b

    la 'di skad ces bka' stsal to/ / 'jam dpal legs so legs so// 'jam dpal khyod kyis tshig 'di legs par smras pa legs so// rigs kyi bu 'am/ rigs kyi bu mo la'ang phyis 'di skad gyis shig/ de bzhin gshegs pa la blta bar 'dod na/ shes rab kyi pha rol tu phyin pa 'di nyid la mi bsgom pa'i tshul gyis bsgom par bgyi'o// de bzhin gshegs pa la bsnyen bkur bya bar 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o// de bzhin gshegs pa ni bdag/ gi ston pa'o// zhes smra bar 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis brlab par bya'o// bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mngon par 'du bya ba med pa'i tshul gyis bslab par bya'o/ / ting nge 'dzin thams cad la mkhas pa bsgrub par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o/ / ting nge 'dzin thams cad la snyoms par 'jug par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di la mi dmigs pa'i tshul gyis bslab

  352. 177a

    par bya'o/ / de ci'i phyir zhe na/ ting nge 'dzin de dag byas pa ma yin pa'i phyir ro// rnam pa thams cad kyi mchog dang ldan pa'i thams cad mkhyen pa'i ye shes kyi bar du bsgrub par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i tshul gyis bslab par bya'o// de ci'i phyir zhe na/ 'di par rnam pa thams cad kyi mchog dang ldan pa'i thams cad mkhyen pa'i ye shes kyi bar du byas pa ma yin pa dang / ma skyes pa dang / dngos po med pa'i phyir ro// chos thams cad ni nges par 'byung ba dang bcas pa ste/ gang nges par mi 'byung ba'i chos de gang yang med do zhes de ltar shes par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bsgrub par bya'o/ / chos thams cad ni nges par mi 'byung bste/ gang nges par 'byung ba dang bcas pa'i chos de dag gang yang med do// de ci'i phyir zhe na/ chos thams cad ma skyes pa'i phyir ro// chos de dag ni ji ltar brjod pa de ltar yod pa ma yin te/ brjod du med pa ni yod pa ma yin zhing dmigs su med do zhes de ltar shes par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o// sems can thams

  353. 177b

    cad ni byang chub kyi phyir spyod pa ste/ gang byang chub kyi phyir mi spyod pa'i sems can de gang yang med do zhe na yang / de la zhum pa med par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o/ / de ci'i phyir zhe na/ 'di ltar chos thams cad ni byang chub dang mnyam pa'o// ji ltar chos thams cad byang chub dang mnyam pa dang / byang chub ji lta bar sems can thams cad kyang de bzhin no// sems can thams cad ci 'dra bar spyod pa de'ang de bzhin no// med pa'i phyir spyod pa thams cad ni spyod pa med pa'o/ / de'ang byang chub ste/ byang chub gang yang skye ba med pa'ang de yin/ 'byung ba med pa'ang de yin te/ de lta bu'i chos 'di la zhum pa med par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa dang / skye ba med pa'i bar gyi tshul gyis bslab par bya'o zhes gyis shig/ 'jam dpal gang de bzhin gshegs pa'i rnam par 'phrul pa nas/ de bzhin gshegs pa'i rnam par rol pa'i bar de dag kyang / shes rab kyi pha rol tu phyin pa nyid las bstan to// de tso'i phyi me na/ de ni bstan du med pa ste/ shes rab kyi pha rol tu phyin pa ni mi ston pa'i phyir ro// 'jam dpal dge slong ngam/ dge slong ma 'am/ dge bsnyen nam/

  354. 178a

    dge bsnyen ma gang dag shes rab kyi pha rol tu phyin pa 'di las tshig bzhi pa'i tshigs su bcad pa tsam yang 'dzin pa dang / kun chub par byed pa dang / 'chang ba dang / klog pa nas/ yang dag par bstan pa'i bar du byed pa de dag kyang phyir mi ldog par nga 'chad na/ gang dag de bzhin nyid du sgrub pa lta ci smos te/ rigs kyi bu 'am/ rigs kyi bu mo de dag byang chub tu nges par rig par bya'o/ / gang dag shes rab kyi pha rol tu phyin pa zab mo ma skyes pa dang / dngos po med pa dang / 'byung ba med pa'i bar 'di thos nas mi skrag/ mi dngang dngang bar mi 'gyur ba de dag ni/ sangs rgyas kyi yul la gnas pa'o// gong du'ang mos par byed na/ de dag ni sangs rgyas kyi chos thams cad la nges par 'gyur ro// 'jam dpal sangs rgyas kyis gnang ba/ de bzhin gshegs pas rnam par mkhyen pa/ dgra bcom pa thams cad kyis yang dag par mnos pa'i rgya 'di gzhag par bya ste/ rgya 'di ni mnyam pa nyid du rtogs pa rnams la bzhag go/ / 'di ni sangs rgyas kyi chos thams cad kyi bar du'ang chags pa med pa yongs su ston pa'o// 'jam dpal byang chub sems dpa'i theg pa pa'i rigs kyi bu 'am rigs kyi bu mo rgya 'dis btab pa ni/ ngan song du 'gro ba'i skal ba can ma yin no// nyan thos dang rang sangs rgyas kyi sar 'gro ba 'am/ 'jug pa'i skal ba can ma yin no// de nas

  355. 178b

    de'i tshe lha'i dbang po brgya byin dang / sum cu rtsa gsum pa'i lha'i bu rnams kyis lha'i tsan dan gyi phye ma dang / lha'i gser gyi phye ma dang / lha'i me tog man da ra ba dang / man da ra ba chen po dang / lha'i spos dang / lha'i ut+pa la dang / ku mu da dang / pad+ma dkar po dang / lha'i rol mo'i sgra dag gis shes rab kyi pha rol tu phyin pa 'di la'ang mchod cing / bcom ldan 'das dang / 'jam dpal gzhon nur gyur pa la'ang gtor/ mngon par gtor nas 'di skad ces dge ba'i rtsa ba 'dis gang dag phyag rgya 'dis btab pa de dag gis bla na med pa'i chos rin po rore'adi mchod pa dang / phyi phyir zhing thos par gyur cig ces smras so// lha'i dbang po brgya byin gyis kyang tshig 'di skad ces smras so// bcom ldan 'das bdag gis kyang ma byung ba dang / ma skyes pa'i bar gyi shes rab kyi pha rol tu phyin pa zab mo 'di 'dzam bu'i gling 'dir spyod par 'gyur ba dang / rigs kyi bu 'am/ rigs kyi bu mo de 'dra ba dag gi rna lam du zag par 'gyur ba nas de dag nyid sangs rgyas kyi chos thams cad yongs su bsgrub par 'gyur bar bgyid pa'i bar gyi slad du brtson par bgyi'o/ / bcom ldan 'das shes rab kyi pha rol tu phyin pa bstan pa 'di rigs kyi bu 'am rigs kyi bu mo gang dag gi rna lam du tshegs chung ngus grags la/ thos nas kyang mos pa dang / mos nas kyang 'dzin pa dang / kun chub par bgyid pa dang / 'chang ba'i bar du bgyis

  356. 179a

    pa'i rigs kyi bu 'am/ rigs kyi bu mo de dag gis/ bdag gi 'di ni lhas bsgrubs pa'o zhes the tsom ma mchis par 'tshal bar bgyi'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ko'u shi ka de de bzhin no// rigs kyi bu 'am/ rigs kyi bu mo de dag la/ sangs rgyas kyi chos thams cad 'grub par blta'o/ / de dag bla na med pa yang dag par rdzogs pa'i byang chub tu'ang nges par shes par bya'o// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das rigs kyi bu 'am/ rigs kyi bu mo de dag gi don du/ shes rab kyi pha rol tu phyin pa bstan pa 'di byin gyis brlab tu gsol/ bde bar gshegs pas byin gyis brlab tu gsol/ tshig 'di smras ma thag tu de'i tshe skad cig de nyid la sangs rgyas kyi mthus sa chen po rnam pa drug tu g.yos par gyur to// sa chen po g.yos ma thag tu/ de nas de'i tshe bcom ldan 'das kyis 'dzum pa mdzad do// bcom ldan 'das kyis 'dzum pa mdzad ma thag tu/ de nas de'i tshe shes rab kyi pha rol tu phyin pa bstan pa 'di la de bzhin gshegs pas byin gyis rlob pan/ stong gsum gyi spong chen po'i 'jig rten gyi khams 'di snang ba chen pos khyab par gyur to// de nas bcom ldan 'das la/ 'jam dpal gzhon nu

  357. 179b

    gyur pas 'di skad ces gsol to/ / bcom ldan 'das 'di ni de bzhin gshegs pas shes rab kyi pha rol tu phyin pa bstan pa 'di byin gyis brlabs pa'i snga ltas lags so// bcom ldan 'das kyis bka' stsal pa/ 'jam dpal de de bzhin no// 'jam dpal 'di dag ni shes rab kyi pha rol tu phyin pa bstan pa 'di byin gyis brlabs pa'i snga ltas rnams te/ lngas 'di dag gis shes rab kyi pha rol tu phyin pa 'di byin gyis brlabs par shes par bya'o/ / 'jam dpal gang dag chos gang yang mi spong zhing mi zlog la/ bsngags par yang mi byed pa de dang de dag ni phyag rgya 'dis btab par shes par bya'o/ / de ci'i phyir zhe na/ 'jam dpal dmigs pa yod na spong bar byed pa dang / bsngags par byed par 'gyur ba'i phyir ro// 'jam dpal de lta bas na gang dag rgya 'dis btab pa de dag gi ched du/ ngas rgyu 'di bzhag ste/ 'di ltar de dag gis thos nas kyang chos gang yang ston pa 'am/ rnam par rtog pa med do// de ci'i phyir zhe na/ 'jam dpal chos thams cad don dam par ma skyes pa'i phyir ro// bcom ldan 'das kyis de skad ces bka' stsal nas/ 'jam dpal gzhon nur gyur pa dang / byang chub sems dpa' chen po de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis

  358. 180a

    gsungs pa la mngon par bstod do/ / 'phags pa shes rab kyi pha rol tu phyin pa bdud brgya pa rdzogs so// skad gsar bcad kyis bcos nas gtan la phab bo/ / / rgya gar skad du/ Ar+ya pany+tsa sha ti ka pradz+nyA pA ra mi tA/ bod skad du/ 'phags pa shes rab kyi pha rol tu phyin pa lnga brgya pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab na bya chod phung po'i ri la/ dge slong gi dge 'dun chen po dang / byang chub sems dpa'i tshogs chen po dang thabs cig tu bzhugs te/ de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor gzugs ni dngos po med pa/ dngos po ngan pa dang / dngos po yod pa'o// rab 'byor tshor ba dang / 'du shes dang / 'du byed rnams dang rnam par shes pa ni dngos po med pa/ dngos po ngan pa/ dngos po yod pa'o// rab 'byor mig dang / gzugs rnams dang / mig gi rnam par shes pa dang / rna ba sgra rnams dang / rna ba'i rnam par shes pa dang / snga dang / dri rnams dang / sna'i rnam par shes pa dang / s+ye dang / ro rnams dang / kye'i rnam par shes pa dang /

  359. 180b

    lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa ni dngos po med pa/ dngos po ngan pa/ dngos po yod pa'o/ / de ltar gzugs re le'u gsum du byis pa so so'i skye bo rnams kyis yang dag pa ji lta pa bzhin du rab tu mi shes pas/ gzugs de la mngon par zhen to// mngon par grub bo// sgrib par byed do// de dag gzugs de la mngon par zhen cing mngon par sgrub ste sgrib par byed pa/ nyan thos kyi theg pa 'am/ rang sangs rgyas kyi theg pas kyang nges par 'byung bar mi 'gyur na/ theg pa chen pos snga smos kyang ci dgos de ltar mngon par zhen cing mngon par sgrub ste sgrib par byed pas/ 'di lta ste/ sems can dmyal ba rnams dang / dud 'gro rnams dang yi dgas rnams dang / sgra rnams dang / mi rnams kyi nang du sun ring por na shi myong ngo // rab 'byor de bzhin du tshor ba dang / 'du shes dang / 'du byed rnams dang / rnam par shes pa dngos po med pa dang / dngos po ngan pa dang / dngos po yod pa dang / rab 'byor mig dang / gzugs rnams dang / mig gi rnam par shes pa dang / rna ba dang / bla rnams dang / rna ba'i rnam par shes pa dang / rtswa dang / dri rnam pa dang / rtswa'i rnam par shes pa dang / lce dang / ro rnams dang / rtse'i rnam par shes pa dang /

  360. 181a

    lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa dngos po meng pa dang dngos po ngan pa dang / dngos po yod pa de ltar yid kyi rnam par shes pa de le'u gsum du byis pa so so'i skye bo rnams kyis yang dag pa ji lta ba bzhin du rab tu mi shes pas/ rnam par shes pa de la mngon par bstod / / mngon par sgrub bo// sgrib par byed do// de dag rnam par shes pa de la mngon par zhen cing mngon par sgrub pa ste sgrib par byed pas/ nyan thos kyi theg pa 'am/ sangs rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos de ltar mngon par zhen cing mngon par sgrub ste sgrib par byed pas/ 'di lta ste/ sems can dmyal ba rnams dang / dud 'gro dang yi dgas rnams dang / lha dang mi rnams kyi nang du yun ring por rga shi myong ngo // mkhas pa rnams kyi ni gzugs de de ltar le'u gsum du yang dag pa ji lta ba bzhin du rab tu shes pas/ mngon par zhen par mi byed cing / mngon par sgrub par mi byed kyi/ gsal bar byed do// mngon par zhen par mi byed cing / mngon par sgrub par mi byed kyi/ gsal bar byed pas/ theg pa chen pos kyang nges par 'byung bar 'gyur na/ nyan thos kyi theg pa 'am/ rang sangs rgyas kyi theg pas lta smos kyang ci

  361. 181b

    dgos/ de ltar mngon par zhen par mi byed cing / mngon par sgrub par mi byed kyi/ gsal bar byed pas/ 'di lta ste/ sems can dmyal ba rnams dang / dud 'gro dang yi dgas rnams dang / lha dang mi rnams kyi nang du rga shi myong ba ma yin no// rab 'byor de bzhin du tshor ba dang / 'du shes dang / 'du byed rnams dang / rnam par shes pa dang / mig dang / gzugs rnams dang / mig gi rnam par shes pa dang / rna ba dang / sgra rnams dang / rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa le'u gsum du mkhas pa rnams kyis yang dag pa ji lta ba bzhin du rab tu shes pas/ mngon par zhen par mi byed cing / mngon par sgrub par mi byed kyi/ gsal bar byed do// mngon par zhen par mi byed cing / mngon par sgrub par mi byed kyi/ gsal bar byed pas/ theg pa chen pos kyang nges par 'byung bar 'gyur na/ nyan thos kyi theg pa 'am/ rang sangs rgyas kyi theg pas sde thos kyang ci dgos de ltar mngon par zhen par mi byed cing mngon par sgrub par mi byed kyi gsal bar byed pas/ 'dis

  362. 182a

    sems can dmyal ba rnams dang / dud 'gro dang yi dgas rnams dang / lha dang mi rnams kyi nang du rga shi myong ba yin no// rab 'byor gzugs ni skye ba'o// 'jig pa'o/ / gzugs kyi skye ba gang yin pa de ni/ gzugs kyi skye ba med pa'o// gzugs kyi skye ba med pa gang yin pa de ni/ gzugs kyi skye ba med pa'i rang bzhin te/ byang chub sems dpa' sems dpa' chen po gzugs kyi skye ba med pa'i rang bzhin de yang dag pa ji lta ba bzhin du rab tu shes pas/ gzugs kyi skye ba med pa gang yin pa de yang dag par sgrub bo// rab 'byor de bzhin du tshor ba dang / 'du shes dang / 'du byed rnams dang / rnam par shes pa ni skye ba'o// 'jig pa'o// rnam par shes pa'i skye ba gang yin pa de ni/ rnam par shes pa'i skye ba med pa'o/ / rnam par shes pa'i skye ba med pa gang yin pa de ni/ rnam par shes pa'i skye ba med pa'i rang bzhin te/ byang chub sems dpa' rnam par shes pa'i skye ba med pa'i rang bzhin de yang dag pa ji lta ba bzhin du rab tu shes pas/ rnam par shes pa'i skye ba med pa gang yin pa de yang dag par sgrub bo// rab 'byor gang la la zhig gzugs ni bdag gam bdag gi'o zhes de skad smra na/ de ni phyir rol gyi byis pa so so'i skye bo'i phyogs la gnas pa ste/ log par lta'o zhes nga smra'o// rab 'byor gang la la zhig tshor ba dang / 'du shes dang / 'du byed rnams dang / rnam par

  363. 182b

    shes pa ni sngon byas pa'i rgyu las byung ba'o zhe 'am/ dbang phyug gis sprul pa'i rgyu las byung ba'o zhe 'am/ rgyu med rkyen med pa'o zhes de skad smra na/ de ni phyi rol gyi byis pa so so'i skye bo phyogs la gnas pa ste/ log par lta ba'o zhes nga smra'o// rab 'byor gang yang gzugs ni gzugs su yod pa'i mtshan nyid do// tshor ba ni myong ba'i mtshan nyid do// 'du shes ni kun tu shes pa'i mtshan nyid do/ / 'du byed rnams ni mngon par 'du byed pa'i mtshan nyid do// rnam par shes pa ni rnam par shes pa'i mtshan nyid do zhes de skad smra na/ de phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o// rab 'byor gang yang gzugs ni sdug bsngal ba ste/ rab tu ma zhi ba'o// gzugs 'gog pa ni bde ba dang zhi ba zhes de skad smra na/ de ni phyi rol pas kyang phyi rol zhes bya ba nas/ log par lta ba'i bar du'o zhes nga smra'o// rab 'byor gang yang tshor ba dang / 'du shes dang / 'du byed rnams dang / rnam par shes pa ni sdug bsngal ba ste/ rab tu ma zhi ba'o// rnam par shes pa 'gog pa ni bde ba dang zhi ba'o zhes de skad smra na/ de ni phyi rol pas kyang phyi rol zhes bya ba nas/ log par lta ba'i bar du zhes nga smra'o// rab 'byor gang yang gzugs ni med pa nyid do zhes skad smra na/ de ni phyi rol pas kyang phyi rol so so'i skye bo'i phyogs la gnas pa ste/ log par lta

  364. 183a

    nas m+b+han/ / rab 'byor gang yang nor ba dang / 'dushes dang / 'du byed rnams dang / rnam par shes pa ni med pa nyid rdo zhes de skad bla na phyi rol pas kyang phyi rol so so'i skye bo'i phyogs la gnas pa ste/ log par lta ba'o zheng smra'o// rab 'byor gang yang bcom ldan 'das kyis/ gzugs rang bzhin med pa dang / skye ba med pa dang / 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni ldem por dgongs pa ma yin te/ sgra ji bzhin pa nyid du shes par bya'o zhes de skad smra na/ de phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o// rab 'byor gang yang bcom ldan 'das kyis/ tshor ba dang / 'du shes dang / 'du byed rnams dang / rnam par shes pa rang bzhin med pa dang / skye ba med pa dang / 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni ldem por dgongs pa ma yin pa ste/ sgra ji bzhin pa nyid du shes par bya'o zhes de skad smra na/ de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o// rab 'byor gzugs ni yod de/ gang gzugs la mngon par zhen pa dang /

  365. 183b

    skye ba dang / bstan par 'gyur ba'o// gzugs ni yod de/ gang gzugs la kun nas nyon mongs pa dang / gnas pa dang / 'jug par 'gyur ba'o// gzugs ni yod de/ gang gzugs la rnam par byang ba dang / 'byor pa dang / dbang du gyur pa'o// rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang rnam par shes pa la mngon par zhen pa dang / skye ba dang / bstan par 'gyur ba'o// rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang rnam par shes pa la kun nas nyon mongs pa dang / gnas pa dang / 'jug par 'gyur ba'o// tshor ba dang / 'du shes dang / 'du byed rnams dang / rnam par shes pa ni yod de/ gang rnam par shes pa la rnam par byang ba dang / 'byor pa dang / dbang du 'gyur ba'o// rab 'byor gzugs ni yod de/ gang byang chub sems dpa' rnams kyis spangs shing yongs su shes te/ bstan na dbang du 'gyur ba'o// rab 'byor gzugs ni yod de/ gang spangs shing yongs su shes te/ yang dag par bstan na dbang du 'gyur ba'o// rab 'byor gzugs ni yod de/ gang spangs shing yongs su shes na/ chos dkar po dang ldan pa dang / chos thams cad la dbang sgyur ba dang / bde ba chen po la gnas par 'gyur ba'o//

  366. 184a

    rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang byang chub sems dpa' rnams kyis spangs shing yongs su shes pa bstan na dbang du 'gyur ba'o/ / rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang spangs shing yongs su shes te/ yang dag par bstan na dbang du 'gyur ba'o/ / rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang spangs shing yongs su shes na/ chos dkar po dang ldan pa dang / chos thams cad la dbang sgyur ba dang / bde ba chen po la gnas par 'gyur ro// rab 'byor byang chub sems dpa' gang la la zhig gzugs la gzugs tsam dang / sdug bsngal tsam du yang dag par rjes su mi mthong ba de/ gzugs la bdag tu dmigs so// gang gzugs la bdag tu dmigs pa de/ gzugs la bdag tu lta bar dmigs so// gang gcug la bdag tu lta bar dmigs pa de/ gzugs la thams cad dmigs so// gang gzugs la thams cad dmigs pa de/ gzugs la thams cad mi dmigs so// gzugs la thams cad dmig pa ni/ thams cad mi dmigs pa yongs su grub pa yin no// de dmigs pa la gnas na/ nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na/

  367. 184b

    theg pa chen pos lta smos kyang ci dgos/ rab 'byor byang chub sems dpa' gang la la zhig tshor ba dang / 'du shes dang / 'du byed rnams dang / rnam par shes pa la rnam par shes pa tsam dang / sdug bsngal tsam du yang dag par rjes su mi mthong ba de/ rnam par shes pa la bdag tu dmigs so// gang rnam par shes pa la bdag tu dmigs pa de/ rnam par shes pa la bdag tu lta bar dmigs so/ / gang rnam par shes pa la bdag tu lta bar dmigs pa de// rnam par shes pa la thams cad dmigs so// gang rnam par shes pa la thams cad dmigs pa de/ rnam par shes pa la thams cad mi dmigs so// gang rnam par shes pa la thams cad dmigs pa na/ thams cad mi dmigs pa de'i dmigs pa de yongs su grub pa yin no// de dmigs pa de la gnas na/ nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na/ theg pa chen pos lha spos kyang ci dgos/ rab 'byor gang yang gzugs la gzugs tsam dang / sdug bsngal tsam du yang dag par rjes su mthong ba de/ gzugs la bdag mi dmigs so// gang gzugs la bdag tu mi dmigs pa de/ gzugs la bdag tu lta bar mi dmigs so/ / gang gzugs la bdag tu lta bar mi dmigs pa de/ gzugs la thams cad mi dmigs so// gang gzugs la thams cad mi dmigs pa de/ gzugs la thams cad

  368. 185a

    dmigs so/ / gang gzugs la thams cad mi dmigs pa na/ thams cad dmigs pa de'i dmigs pa de yongs su grub pa yin no// de dmigs pa de la gnas na/ nyan thos dang rang sangs rgyas kyi theg pas nges par 'byung bar 'gyur gyi/ theg pa chen pos ni ma yin no// rab 'byor gang yang tshor ba dang / 'du shes dang / 'du byed rnams dang / rnam par shes pa la rnam par shes pa tsam dang / sdug bsngal tsam du yang dag par rjes su mthong ba de/ rnam par shes pa la bdag tu mi dmigs so// gang rnam par shes pa la bdag tu mi dmigs pa de/ rnam par shes pa la bdag tu lta bar mi dmigs so// gang rnam par shes pa la bdag tu lta bar mi dmigs pa de/ rnam par shes pa la thams cad mi dmigs so// gang rnam par shes pa la thams cad mi dmigs pa de/ rnam par shes pa la thams cad dmigs so// gang rnam par shes pa la thams cad mi dmigs pa na/ thams cad dmigs pa de'i dmigs pa de yongs su grub pa yin no/ / de dmigs pa de la gnas na/ nyan thos kyi theg pa dang / rang sangs rgyas kyi theg pas nges par 'byung bar 'gyur gyi/ theg pa chen pos ni ma yin no// rab 'byor gang la la zhig gzugs la yang dag pa ma yin pa kun btags pa tsam dang / 'khrul pa tsam du yang dag par rjes su mi mthong ba de/ gzugs la gzugs su dmigs so// gang gzugs

  369. 185b

    la gzugs su dmigs pa de/ gzugs la gzugs su lta bar dmigs so// gang gzugs la gzugs su lta bar dmigs pa de/ gzugs la thams cad dmigs so// gang gzugs la thams cad dmigs pa de/ gang gzugs la thams cad dmigs so// gang gzugs la thams cad dmigs pa na/ thams cad mi dmigs pa de'i dmigs pa de yongs su grub pa yin no// de dmigs pa de la gnas na/ nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos/ rab 'byor gang yang tshor ba dang 'du shes dang / 'du byed rnams dang / rnam par shes pa la yang dag pa ma yin pa kun tu btags pa tsam dang / 'khrul pa tsam du yang dag par rjes su mi mthong ba de/ rnam par shes pa la rnam par shes par dmigs so/ / gang rnam par shes pa la rnam par shes par dmigs pa de/ rnam par shes pa la rnam par shes par lta bar dmigs so// gang rnam par shes pa la rnam par shes par lta bar dmigs pa de/ rnam par shes pa la thams cad dmigs so// gang rnam par shes pa la thams cad dmigs pa de/ rnam par shes pa thams cad dmigs so// gang rnam par shes pa thams cad dmigs pa na/ thams cad dmigs pa de'i dmigs pa de yongs su grub pa yin no// de dmigs pa la gnas na/ nyan thos kyi theg pa 'am/ rang sangs

  370. 186a

    rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos/ rab 'byor gang gzugs la yang dag pa ma yin pa kun btags pa tsam dang / 'khrul pa tsam du yang dag par rjes su mthong ba ste/ gzugs la gzugs su mi dmigs so// gang gzugs la gzugs su mi dmigs pa na/ gzugs la gzugs su lta bar mi dmigs so// gang gzugs la gzugs su lta bar mi dmigs pa de/ gang gzugs la thams cad mi dmigs so// gang gzugs la thams cad mi dmigs pa na/ thams cad dmigs pa de'i dmigs pa de yongs su grub pa yin no/ / de mi dmigs pa de la gnas na/ theg pa chen pos kyang nges par 'byung bar 'gyur na/ nyan thos kyi theg pa 'am/ rang sangs rgyas kyi theg pas lta smos kyang ci dgos/ rab 'byor gang tshor ba dang / 'du shes dang / 'du byed rnams dang / rnam par shes pa la yang dag pa ma yin pa kun tu btags pa tsam dang / 'khrul pa tsam du yang dag bar rjes su mthong ba ste/ rnam par shes pa la rnam par shes par mi dmigs so// gang rnam par shes pa la rnam par shes par mi dmigs pa na/ rnam par shes pa la rnam par shes par bya bar mi dmigs so/ / gang rnam par shes pa la rnam par shes par lta bar mi dmigs pa de/ rnam par shes pa la thams cad dmigs so// gang rnam par shes pa la thams cad mi dmigs pa na/

  371. 186b

    thams cad dmigs pa de'i mi dmigs pa de yongs su grub pa yin no// de mi dmigs pa de la gnas na/ theg pa chen pos kyang nges par 'byung bar 'gyur na/ nyan thos kyi theg pa 'am/ rang sangs rgyas kyi theg pas lnga smos kyang ci dgos/ rab 'byor byang chub sems dpa' gzugs la sgra ji bzhin du mngon par zhen te/ tha snyad du kun tu spyod na/ 'jig tshogs la lta bar kun tu spyod pa yin/ yang 'byung ba'i sred pa la kun tu spyod pa yin// 'jig pa yongs su tshol bar kun tu sbyong ba yin te/ gzugs yongs su mi shes pa'i rtags yin no// de bzhin du byang chub sems dpa' tshor ba dang / 'du shes dang / 'du byed rnams dang / rnam par shes pa la sgra ji bzhin du mngon par zhen te/ tha snyad du kun tu spyod na/ 'jig tshogs la lta bar kun tu spyod pa yin/ yang 'byung ba'i sred pa la kun tu spyod pa yin/ 'jig pa yongs su tshol bar kun tu spyod pa yin te/ rnam par shes pa yongs su mi shes pa'i rtags yin no// rab 'byor byang chub sems dpa' gzugs la sgra ji bzhin du mngon par ma zhen te/ tha snyad du kun tu mi spyod na/ 'jig tshogs la lta bar kun tu spyod pa ma yin/ yang 'byung ba'i sred pa la kun tu spyod pa ma yin 'jig pa yongs su tshol bar kun tu spyod pa ma yin te/ gzugs yongs su shes pa'i rtags yin no// rab 'byor byang chub sems dpa' tshor ba dang / 'du shes dang / 'du byed rnams dang

  372. 187a

    rnam par shes pa la kA ji bzhin du mngon par ma zhen te/ tha snyad du kun tu mi spyod na/ 'jig tshogs la lta bar kun tu sbyong ba ma yin/ yang 'byung ba'i sred pa la kun tu sbyong ba ma yin/ 'jig pa yongs su tshol bar kun tu spyod pa ma yin te/ rnam par shes pa yongs su shes pa'i rtags yin no// rab 'byor byang chub sems dpas gzugs la rkyen gang dag yongs su bzung na/ rnam par byang bar 'gyur ba'i sems kyi sa bon ni gsum po 'di dag ste/ mos pa sems kyi sa bon dang / yid 'byung ba sems kyi sa bon dang / chud mi gzon pa sems kyi sa bon dang / rab 'byor byang chub sems dpas gzugs la mngon par zhen pa med pa'i sems dang / 'bral ba med pa'i sems dang / yongs su sbyong ba'i sems dang / sems gsum po 'di dag bskyed par bya'o// rab 'byor byang chub sems dpas gzugs la sems skye ba dang / mi skye ba dang / cher skye ba dang / mnyam du skye ba de yang dag par rjes su mthong ba ste/ de ltar yang dag par rjes su mthong na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la rkyen gang dag yongs su bzung na/ rnam par byang bar 'gyur ba'i sems kyi sa bon ni gsum po 'di dag ste/ mos pa sems kyis

  373. 187b

    bon dang / yid 'byung ba sems kyi sa bon dang / chung mi gzon pa sems kyi sa bon no// rab 'byor byang chub sems dpas tshor ba dang / 'du shes dang / 'du byed rnams dang rnam par shes pa la sems skye ba dang / mi skye ba dang / cher skye ba dang / mnyam du skye ba de yang dag par rjes su mthong ste/ de de ltar yang dag par rjes su mthong na/ myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ / rab 'byor gal te byang chub sems dpas gzugs la yod pa nyid dang / de bzhin du yod pa nyid dam/ med pa nyid du yang dag par rjes su mthong na/ de kho na mi shes pa'i byang chub sems dpar rig par bya'o// rab 'byor gal te byang chub sems dpas tshor ba dang / 'du shes dang / 'du byed rnams dang / rnam par shes pa yod pa nyid dang / de bzhin du yod pa nyid dam/ med pa nyid du yang dag par rjes su mthong na/ de kho na mi shes pa'i byang chub sems dpar rig par bya'o// rab 'byor gal te byang chub sems dpas gzugs la yod pa ma yin pa dang / de bzhin du yod pa ma yin pa dang / yod pa'ang ma yin/ med pa'ang ma yin par yang dag par rjes su mthong na/ de kho na shes pa'i byang chub sems dpa' zhes bya'o/ / rab 'byor gal te byang chub sems dpas tshor ba dang / 'du shes dang / 'du byed rnams dang / rnam par shes pa la yod pa ma yin pa dang / de bzhin du song

  374. 188a

    kha ma yin pa dang / song pa'ang ma yin/ med pa'ang ma yin par yang dag par rjes su mthong na/ de kho na shes pa'i byang chub sems dpa' zhes bya'o// rab 'byor byang chub sems dpa' gzugs la sems mnyam par gzhag par 'dod cing / gzugs la mos la/ gzugs la sems de spyod/ kun tu skyod/ rnam par skyong na/ mos pa ngan pa'i byang chub sems dpar rig par bya'o/ / rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la sems mnyam par gzhag par 'dod cing rnam par shes pa la mos la/ rnam par shes pa la sems de spyod/ kun tu spyod/ rnam par spyod na/ mos pa ngan pa'i byang chub sems dpar rig par bya'o// rab 'byor byang chub sems dpa' gzugs la sems mnyam par gzhag par 'dod cing / sems de gzugs la mo sa pa na/ gzugs la sems mi 'dogs/ kun tu mi 'dogs/ rnam par mi 'dogs na/ mos pa bzang po'i byang chub sems dpar rig par bya'o/ / rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la sems mnyam par gzhag par 'dod cing / sems de rnam par shes pa la mos pa na/ rnam par shes pa la sems mi 'dogs/ kun tu mi 'dogs/ rnam par mi 'dogs na/ mos pa bzang po'i byang chub sems

  375. 188b

    dpar rig par bya'o/ / rab 'byor byang chub sems dpa' gzugs la mtshan nyid med pa'i chos yongs su shes par bya ba dang / sdug bsngal rab tu zhi bar bya ba dang / mya ngan las 'das pa la gcig tu nges par bya ba'i phyir zhugs na/ yang dag par zhugs par rig par bya'o// byang chub sems dpa' de ltar yang dag par zhugs na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la mtshan nyid med pa'i chos yongs su shes par bya ba dang / sdug bsngal rab tu zhi bar bya ba dang / mya ngan las 'das pa la gcig tu nges par bya ba'i phyir zhugs na/ yang dag par zhugs par rig par bya'o// byang chub sems dpa' de ltar yang dag par zhugs pa ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / mtshan nyid med par shes pa dang // sdug bsngal zhi bar bya ba dang / zhi ba gcig tu nges bya bar/ / byang chub sems dpa' sgrub par byed// rab 'byor byang chub sems dpa' gzugs la snang ba med pa dang / kun tu snang ba dang / de la gnas pa dang / de 'jug pa'i chos yang dag pa ji lta ba bzhin du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor byang chub sems dpa' tshor ba dang /

  376. 189a

    'du shes dang / 'du byed rnams dang / rnam par shes pa la snang ba med pa dang / kun tu snang ba dang / de la gnas pa dang / de la 'jug pa'i chos yang dag pa ji lta ba bzhin du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// chos gang snang ba med pa dang / kun tu snang ba nyid dang ni// de la gnas dang rab 'jug pa/ de shes nas ni byang chub thob// rab 'byor byang chub sems dpa' gzugs la gzugs yongs su tshol ba na/ de mi dmigs te/ gzugs su mi snang bar byas shing / gzugs kyi chos nyid kyang rab tu rtogs par byas nas/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la rnam par shes pa yongs su tshol ba na/ de mi dmigs te/ rnam par shes pa mi snang bar byas shing rnam par shes pa'i chos nyid kyang rab tu rtogs par byas nas/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab tu rtsal nas mi dmigs chos// sems la dngos por mi snang ba// chos nyid legs par shes pa yi// blo ldan byang chub thob par 'gyur// rab 'byor byang chub sems dpa' gzugs la dngos po med par mkhas pa ni/ gzugs

  377. 189b

    'jigs pa dang ldan zhing / gzugs kyi chos kyi dbyings las mi g.yo bar/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la dngos po med par mkhas pa ni/ rnam par shes pa 'jig pa dang ldan zhing / rnam par shes pa'i chos kyi dbyings las mi g.yo bar/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// blo ldan dngos po mod mkhas pa// rnam par 'jig dang ldan gyur cing // chos kyi dbyings las mi g.yo bar/ thams cad mkhyen pa nyid thob 'gyur// rab 'byor byang chub sems dpas gzugs la don dang bral ba dang / don med pa dang / don chen por yang dag pa ji lta ba bzhin du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la don dang bral ba dang / don med pa dang / don chen por yang dag pa ji lta ba bzhin du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / don bral ba dang don med dang // don che ba yi don du ni// shes nas byang chub sems dpa' rnams// byang chub chen po thob par 'gyur// rab 'byor

  378. 190a

    byang chub sems dpa' sems dpa' chen pos/ gzugs la rnam par rtog ge'i 'dod chags dang / rab tu rtog pa'i 'dod chags dang / rnam par rtog pa'i 'dod chag dang 'dod chags dang / 'dod chags chen po dang / 'dod chags lnga yongs su shes par bya ste/ yongs su spang bar bya'o// rab 'byor byang chub sems dpa' sems dpa' chen bos tshor ba dang / 'du shes dang / 'du byed rnams dang / rnam par shes pa la rnam par rtog ge'i 'dod chags dang / rab tu rtog pa'i 'dod chags dang / rnam par rtog pa'i 'dod chags dang / 'dod chags dang / 'dod chags chen po dang / 'dod chags lnga yongs su shes par bya ste/ yongs su spang bar bya'o// rab 'byor byang chub sems dpas gzugs la 'dod chags lnga po 'di dag yongs su spangs nas/ gzugs kyi rang bzhin mi dmigs so// gzugs kyi rang bzhin mi dmigs pas/ gzugs la gzugs su mi dmigs so// gzugs la gzugs su mi dmigs pas/ gzugs la gzugs su dmigs te/ gang gzugs la gzugs kyi dmigs pa de nyid/ gzugs la gzugs mi dmigs pa'o// de gzugs dmigs pa mi dmigs pa des/ gzugs rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang

  379. 190b

    chub sems dpas tshor ba dang / 'du shes dang / 'du byed rnams dang / rnam par shes pa la 'dod chags lnga po 'di dag yongs su spangs nas/ rnam par shes pa'i rang bzhin mi dmigs rnam par shes pa'i rang bzhin mi dmigs pas/ rnam par shes pa la rnam par shes par mi dmigs so// rnam par shes pa la rnam par shes par mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid/ rnam par shes pa la rnam par shes pa mi dmigs pa'o// de rnam par shes pa dmigs pa mi dmigs pa des/ rnam par shes pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang chub sems dbas gzugs la rnam par rtog ge dang / rnam par spyod pa'i zhe sdang dang / rab tu rtog pa dang / rnam par spyod pa'i zhe sdang dang / rnam par rtog pa dang / rnam par spyod pa'i zhe ldang dang / zhe sdang dang / zhe sdang chen po dang / zhe sdang lnga yongs su shes par byas te/ yongs su spang bar bya'o// rab 'byor byang chub sems dpas tshor ba dang / 'du shes dang 'du byed rnams dang / rnam par shes pa la rnam par rtog ge dang / rnam par spyod pa'i zhe sdang dang / rab tu rtog pa dang / rnam par spyod pa'i zhe sdang dang / rnam par rtog pa

  380. 191a

    dang / rnam par dpyod pa'i zhe sdang dang / zhe sdang dang / zhe sdang chen po dang / zhe sdang lnga yongs su shes par byas te/ yongs su spang bar bya'o// rab 'byor byang chub sems dpas gzugs la zhe sdang lnga po 'di dag yongs su spangs nas/ gzugs kyi rang bzhin mi dmigs so// gzugs kyi rang bzhin mi dmigs pas/ gzugs la gzugs su mi dmigs so/ / gzugs la gzugs su mi dmigs pas/ gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o// de gzugs dmigs pa mi dmigs pa des gzugs rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la zhe sdang lnga po 'di dag yongs su spangs nas/ rnam par shes pa'i rang bzhin mi dmigs so/ / rnam par shes pa'i rang bzhin mi dmigs pas/ rnam par shes pa la rnam par shes par mi dmigs so// rnam par shes pa la rnam par shes pa mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o// de rnam par shes pa dmigs pa mi

  381. 191b

    dmigs pa des rnam par shes pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang chub sems rapas gzugs la 'khrul pa'i gti mug dang / 'khrul pa'i rgyu'i gti mug dang / mi 'khrul pa'i rgyu'i gti mug dang / gti mug dang / gti mug chen po dang / gti mug lnga yongs su shes par byas te/ yongs su spang bar bya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la 'khrul pa'i gti mug dang 'khrul pa'i rgyu'i gti mug dang / mi 'khrul pa'i rgyu'i gti mug dang / gti mug dang / gti mug chen po dang / gti mug lnga yongs su shes par byas te/ yongs su spang bar bya'o/ / rab 'byor byang chub sems dpas gzugs la gti mug lnga po 'di dag yongs su spangs nas/ gzugs kyi rang bzhin mi dmigs so// gzugs kyi rang bzhin mi dmigs pas gzugs la gzugs su mi dmigs so/ / gzugs la gzugs su mi dmigs pas/ gzugs la gzugs dmigs te/ gang gzugs la gzugs dmigs pa de nyid/ gzugs la gzugs mi dmigs pa'o/ / de gzugs dmigs pa mi dmigs pa des/ gzugs rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges

  382. 192a

    par 'byung ngo / / rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la gti mug lnga po 'di dag yongs su spangs nas/ rnam par shes pa'i rang bzhin mi dmigs so// rnam par shes pa'i rang bzhin mi dmigs pas/ rnam par shes pa la rnam par shes pa mi dmigs so// rnam par shes pa la rnam par shes pa mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ / de rnam par shes pa dmigs pa mi dmigs pa nges rnam par shes pa rnam pa thams cad du zil gyis mnan nas/ 'di lta ste/ bla na med pa yang dag par rdzogs ba'i byang chub tu nges par 'byung ngo / / rab 'byor byang chub sems dpas gzugs la mang du thos pa'i nga rgyal dang / mngon par thos pa'i nga rgyal dang / mngon pa'i nga rgyal dang / nga rgyal dang / nga rgyal chen po dang nga rgyal lnga yongs su shes par byas te/ yongs su spang bar bya'o// rab 'byor byang chub sems dpas tshor ba dang / 'du shes dang / 'du byed rnams dang rnam par shes pa la mang du thos pa'i nga rgyal dang / mngon par thos pa'i nga rgyal dang / mngon pa'i nga rgyal dang / ngargyal dang / nga rgyal chen po dang / nga rgyal lnga yongs su shes par

  383. 192b

    byas te/ yongs su spang bar bya'o// rab 'byor byang chub sems dpas gzugs la nga rgyal lnga po 'di dag yongs su spangs nas gzugs kyi rang bzhin mi dmigs so// gzugs kyi rang / bzhin mi dmigs pas/ gzugs la gzugs su mi dmigs so// gzugs la gzugs su mi dmigs pas/ gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ / de gzugs dmigs pa mi dmigs pa des/ gzugs rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo / / rab 'byor byang chub sems dpas tshor ba dang / 'du shes dang 'du byed rnams dang / rnam par shes pa la nga rgyal lnga po 'di dag yongs su spangs nas/ rnam par shes pa'i rang bzhin mi dmigs so// rnam par shes pa'i rang bzhin mi dmigs pas/ rnam par shes pa la rnam par shes par mi dmigs so// rnam par shes pa la rnam par shes par mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ / de rnam par shes pa dmigs pa mi dmigs pa nges rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub

  384. 193a

    tu nges par 'byung ngo / / rab 'byor byang chub sems dpas gzugs la rang bzhin la phyin ci log gi lta ba dang / yod do snyam pa'i lta ba dang / skur pa 'debs pa'i lta ba dang / lta ba dang / lta ba chen po dang / lta ba lnga yongs su shes par byas te/ yongs su spang bar bya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la rang bzhin la phyin ci log pa'i lta ba dang / yod do snyam pa'i lta ba dang / skur pa 'debs pa'i lta ba dang / lta ba dang / lta ba chen po dang / lta ba lnga yongs su shes par bya/ yongs su spang bar bya'o// rab 'byor byang chub sems dpas gzugs la lta ba lnga po 'di dag yongs su spangs nas gzugs kyi rang bzhin mi dmigs so// gzugs kyi rang bzhin mi dmigs pas/ gzugs la gzugs su mi dmigs so// gzugs la gzugs su mi dmigs pas/ gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ / de gzugs dmigs pa mi dmigs pa des gzugs la rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo / / rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la lta ba lnga po 'di dag yongs su spangs nas

  385. 193b

    rnam par shes pa'i rang bzhin mi dmigs so/ / rnam par shes pa'i rang bzhin mi dmigs pas/ rnam par shes pa la rnam par shes par mi dmigs so// rnam par shes pa la rnam par shes par mi dmigs pas/ rnam par shes pa la rnam par shes pa mi dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o// / de rnam par shes pa dmigs pa mi dmigs pa des/ rnam par shes pa rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang chub sems dpas gzugs la chos la yid gnyis za ba dang / 'gro ba dang / sdug bsngal la yid gnyis za ba dang / mya ngan las 'das pa dang / sangs rgyas dang / byang / chub sems dpa' la yid gnyis za ba dang / yid gnyis za ba dang ming gnyis za ba chen po dang / ming gnyis za ba lnga yongs su shes par byas te/ yongs su spang bar bya'o// ra 'byor byang chub sems dpas tshor ba dang / 'du shes dang / 'du byed rnams dang / rnam par shes pa la chos la yid gnyis za ba dang / 'gro ba dang / sdug bsngal la yid gnyis za ba dang / mya ngan las 'das pa dang / sangs rgyas dang / byang chub sems dpa' la yid gnyis za ba dang / yid gnyis zab dang / yid gnyis za ba chen po dang / yid

  386. 194a

    gnyis za ba lnga yongs su shes par byas te/ yongs su spang bar bya'o// rab 'byor byang chub sems dpas gzugs la yid gnyis za ba 'di dag yongs su spangs nas gzugs kyi rang bzhin mi dmigs so/ / gzugs kyi rang bzhin mi dmigs pas/ gzugs la gzugs su mi dmigs so// gzugs la gzugs su mi dmigs pas/ gzugs la gzugs su dmigs te/ gang gzugs la gzugs dmigs pa de nyid/ gzugs la gzugs mi dmigs pa'o// de gzugs dmigs pa mi dmigs pa des/ gzugs rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la yid gnyis za ba lnga po 'di dag yongs su spangs nas/ rnam par shes pa'i rang bzhin mi dmigs so// rnam par shes pa'i rang bzhin mi dmigs pas/ rnam par shes pa la rnam par shes par mi dmigs so// rnam par shes pa la rnam par shes par mi dmigs pas/ rnam par shes pa la rnam par shes par dmig gang rnam par shes pa la rnam par shes pa dmigs pa de nyid/ rnam par shes pa la rnam par shes par mi dmigs pa'o// de rnam par shes pa dmigs pa mi dmigs pa des

  387. 194b

    rnam par shes pa rnam pa thams cad du zil gyis mnan nas/ 'di lta ste/ bla na med pa yang dag par rdzogs pa'i byang chub tu nges par 'byung ngo // rab 'byor byang chub sems rapas gzugs yongs su tshol zhing / gzugs kyi chos ston la/ gzugs la lus dang / ngag dang / yid kyi las yongs su sbyong zhing / gzugs de ji ltar brjod pa dang ltar bstan pa dang / ji ltar bsnyad pa bzhin du yongs su tshol zhing chos ston te/ de la lus dang / ngag dang / yid kyi las yongs su sbyong na/ gzugs la nyes par yongs su tshol ba'i byang chub sems dpar rig par bya'o/ / gzugs la dam pa'i chos ma yin pa'i gtam can gyi byang chub sems dpar rig par bya'o// gzugs la lus dang / ngag dang / yid kyi las yongs su ma dag pa'i byang chub sems dpar rig par bya'o/ / rab 'byor byang chub sems dpa' gzugs yongs su tshol zhing / gzugs kyi chos ston la/ gzugs la sus dang ngag dang / yid kyi las yongs su sbyong zhing / gzugs de la ji ltar brjod pa bzhin du ma yin/ ji ltar bstan pa bzhin du ma yin/ ji ltar bsnyad pa bzhin du ma yin par yongs su tshol zhing chos ston te/ de la lus dang / ngag dang / yid kyi las yongs su sbyong na/ gzugs la legs par tshol ba'i byang chub sems dpa' ste/ yang dag pa'i ngag gi las

  388. 195a

    kyi gtam can gyi byang chub sems dpar rig par bya'o/ / gzugs de la lus dang / ngag dang / yid kyi las yongs su dag pa'i byang chub sems dpar rig par bya'o/ / rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa yongs su tshol zhing / rnam par shes pa'i chos ston la/ rnam par shes pa la lus dang / ngag dang / yid kyi las yongs su sbyong zhing / rnam par shes pa de ji ltar brjod pa dang / ji ltar bstan pa dang / ji ltar bsnyang ba bzhin du yongs su tshol zhing chos ston te/ de'i lus dang / ngag dang / yid kyi las yongs su sbyong na/ rnam par shes pa la nyes par yongs su tshol ba'i byang chub sems dpar rig par bya'o// rnam par shes pa la dam pa'i chos ma yin pa'i gtam can gyi byang chub sems dpar rig par bya'o// rnam par shes pa la lus dang / ngag dang / yid kyi las yongs su ma dag pa'i byang chub sems dpar rig par bya'o/ / rab 'byor byang chub sems dpa' rnam par shes pa yongs su tshol zhing / rnam par shes pa'i chos ston la/ rnam par shes pa la lus dang / ngag dang yid kyi las yongs su sbyong zhing rnam par shes pa de la ji ltar brjod pa bzhin du ma yin/ ji ltar bstan pa bzhin du ma yin/ ji ltar bsnyad pa bzhin du ma yin par yongs su tshol zhing chos

  389. 195b

    ston te/ de la lus dang / ngag dang / yid kyi las yongs su sbyong na/ rnam par shes pa la legs par tshol ba'i byang chub sems dpa' ste/ yang dag pa'i ngag gi las kyi gtam can gyi byang chub sems dpar rig par bya'o/ / rnam par shes pa de la lus dang / ngag dang / yid kyi las yongs su dag pa'i byang chub sems dpar rig par bya'o// rab 'byor byang chub sems dpa' gzugs la sems mnyam par gzhag par 'dod cing / gzugs de la nang du mos na/ gzugs la mos par bya ba'i gzugs dang / mos pa'i gzugs gnyis dmigs par 'gyur ro// de la byang chub sems dpa' mos pa'i gzugs la mos par bya ba ji lta ba bzhin du ston tam/ mos par bya ba ji lta ba bzhin du ston na/ gzugs la yang dag pa ma yin par ston pa'i byang chub sems dpar rig par bya'o/ / de ci'i phyir zhe na/ rab 'byor mos par bya ba'i gzugs las/ mos pa'i gzugs kyi mtshan nyid gud na med do// rab 'byor gal te mos par bya ba'i gzugs las/ mos pa'i gzugs kyi mtshan nyid gud na yod na ni/ mos par bya ba la sems can mos pa tha dad pa rnams dang mtshungs par lta ba tha dad par dmigs par 'gyur zhing / rmi lam la sogs pa la dmigs pa med pa'i mos pa dmigs par yang mi 'gyur la/ byis pa so so'i skye bo rnams kyang gzugs la de kho na nyid mthong bar yang 'gyur zhing / rnam par mi rtog pa'i mos pa grub pa

  390. 196a

    @rig pa la'ang mos par bya ba'i gzugs rjes su 'jug par mi 'gyur ba zhig na/ rab 'byor 'di ltar mos par bya ba la/ sems can mos pa tha dad pa rnams dang mtshungs par lta ba tha dad par yang ma gyur cing / rmi lam la sogs pa la'ang dmigs pa med pa'i mos pa de dmigs la/ byis pa so so'i skye bo rnams kyang gzugs la de kho na mthong bar ma gyur te/ rnam par mi rtog pa'i mos pa grub pa/ rig pa la'ang mos par bya ba'i gzugs rjes su 'jug ste/ de'i phyir byang chub sems dpas mos pa'i gzugs las/ mos par bya ba'i gzugs kyi mtshan nyid gud na med par blta bar bya'o/ / gzhan du na mos par bya ba'i gzugs de ji lta ba bzhin du/ mtshan ma dang bcas pa'i lta ba'i mos pa'i gzugs kyang yang dag par byung ba ni ma gtogs so/ / de bas na don gzhan snang ngo // de ltar mthong ba'i byang chub sems dpas mos par bya ba'i gzugs kyi 'du shes rnam par 'jig ste/ de 'di snyam du sems so// mos bar bya ba'i gzugs yod na/ mos pa'i gzugs kyang rig par 'gyur gyi/ med na ni ma yin par rig nas/ gzugs la 'khrul pa'i sems dmigs te/ mos pa'i gzugs kyi 'du shes kyang rnam par 'jig go/ / de gzugs thams cad kyi 'du shes rnam par bshig cing / gzugs kyi 'du shes thams cad bshig nas/ gzugs thams cad mi dmigs so//

  391. 196b

    gzugs thams cad mi dmigs pas/ gzugs la 'khrul par dmigs so// gzugs la 'khrul par dmigs pas/ gzugs la 'khrul pa'i rgyu dmigs so// gzugs la 'khrul pa'i rgyu dmigs pas/ gzugs la 'khrul pa med pa'i chos yang dag par sgrub bo// gzugs la 'khrul pa med pa'i chos yang dag par sgrub pas/ gzugs la 'khrul pa med pa'i rgyu/ dmigs so// gzugs la 'khrul pa med pa'i rgyu dmigs pas/ gzugs la 'khrul pa med pa'i chos yang dag par sgrub bo// gzugs la 'khrul pa med pa'i chos yang dag par sgrub pas gzugs la 'khrul pa'i rgyu 'thun pa'i chos yang dag par sgrub ste/ des gzugs la 'khrul pa dang / 'khrul pa med pa'i chos snga nas yang dag par bsgrubs pa yin no// de gzugs la 'khrul pa med pa'i chos dang / 'khrul pa med pa'i rgyu 'thun pa'i chos la brten nas/ sangs rgyas kyi chos thams cad sgom mo// sems can rnams kyang yongs su smin par byed do// sangs rgyas kyi zhing yang yongs su sbyong ngo / / myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o// byang chub sems dpa' gzugs la de ltar ston na yang dag par ston pa yin no/ / rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la sems mnyam par gzhag par 'dod cing / rnam par shes pa

  392. 197a

    de la nang du mos na/ rnam par shes pa la mos par bya ba'i gzugs dang / mos pa'i gzugs gnyis dmigs par 'gyur ro// de la byang chub sems dpa' mos pa'i rnam par shes pa la mos pa la/ mos par bya ba la mos pa ji lta ba bzhin du ston na/ rnam par shes pa la yang dag pa ma yin par ston pa'i byang chub sems dpar rig par bya'o// de ci'i phyir zhe na/ rab 'byor mos par bya ba'i rnam par shes pa las/ mos pa'i rnam par shes pa'i mtshan nyid gud na med do// rab 'byor gal te mos par bya ba'i rnam par shes pa las mos pa'i rnam par shes pa'i mtshan nyid gud na yod na ni/ mos par bya ba la sems can mos pa tha dad pa rnams dang mtshungs par lta ba tha dad par dmigs par 'gyur zhing / rmi lam la sogs pa la dmigs pa med pa'i mos pa dmigs par yang mi 'gyur la/ byis pa so so'i skye bo rnams kyang rnam par shes pa de la de kho na nyid mthong bar yang 'gyur zhing / rnam par mi rtog pa'i mos pa grub pa/ rig pa la'ang mos par bya ba'i rnam par shes pa rjes su 'jug par mi 'gyur ba zhig na/ rab 'byor 'di ltar mos par bya ba la/ sems can mos pa tha dad pa rnams dang mtshungs par lta ba tha dad par yang ma gyur cing / rmi lam la sogs pa la'ang dmigs sa med pa'i mos pa de dmigs la/ byis pa so so'i skye bo rnams kyang rnam par shes pa de kho na mthong bar ma gyur te/

  393. 197b

    rnam par mi rtog pa'i mos pa grub pa/ rig pa la'ang mos par bya ba'i rnam par shes pa rjes su 'jug ste/ de'i phyir byang chub sems dpas mos pa'i rnam par shes pa las/ mos par bya ba'i rnam par shes pa'i mtshan nyid gud na med par blta bar bya'o/ / gzhan du na mos par bya ba'i rnam par shes pa de ji lta ba bzhin du/ mtshan ma dang bcas pa'i lta ba'i mos pa'i rnam par shes pa'ang yang dag par byung ba ni ma gtogs so/ / de bas na don gzhan sdang ngo // de ltar mthong ba'i byang chub sems dpas mos par bya ba'i rnam par shes pa'i 'du shes rnam par 'jig ste/ de 'ang snyam du sems so/ / mos par bya ba'i rnam par shes pa yod na/ mos pa'i rnam par shes pa'ang rig par 'gyur gyi/ med na ni ma yin par rig nas/ mos pa'i rnam par shes pa la mos pa'i rnam par shes pa'i 'du shes kyang rnam par 'jig go/ / rnam par shes pa gnyis kyi 'du shes rnam par bshig nas/ rnam par shes pa thams cad mi dmigs so// rnam par shes pa thams cad mi dmigs pas/ rnam par shes pa la 'khrul par dmigs so// rnam par shes pa la 'khrul par dmigs pas/ rnam par shes pa la 'khrul pa'i rgyu dmigs so// rnam par shes pa la 'khrul pa'i rgyu dmigs pas rnam par shes pa la 'khrul pa med pa'i chos yang dag par sgrub bo// rnam par shes pa la 'khrul pa med pa'i chos yang dag par sgrub pas

  394. 198a

    rnam par shes pa la 'khrul pa med pa'i rgyu 'thun pa'i chos yang dag par sgrub ste/ des rnam par shes pa la 'khrul pa dang / 'khrul pa med pa'i chos snga nas yang dag bar bsgrubs pa yin no/ / de rnam par shes pa 'khrul pa med pa'i chos dang / 'khrul pa med pa'i rgyu 'thun pa'i chos la brten nas/ sangs rgyas kyi chos thams cad sgom mo// sems can rnams kyang yongs su smin par byed do// sangs rgyas kyi zhing yang yongs su sbyong ngo // myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o/ / byang chub sems dpa' rnam par shes pa la de ltar ston na/ yang dag par ston par rig par bya'o// rab 'byor byang chub sems dpas gzugs la dam pa'i chos nye bar bsgrub pa'i byams pa dang / 'jig rten pa'i bde ba nye bar bsgrub pa'i byams pa dang / 'jig rten las 'das pa'i bde ba nye bar bsgrub pa'i byams pa dang / byams pa dang / byams pa chen bopo dang / byams pa rnam pa lnga bsgom par bya'o// rab 'byor byang chub sems dpas tshor ba dang / 'du shes dang 'du byed rnams dang / rnam par shes pa la dam pa'i chos nye bar bsgrub pa'i byams pa dang / 'jig rten pa'i bde ba nye bar bsgrub pa'i byams pa dang / 'jig rten las 'das pa'i bde ba nye bar bsgrub pa'i byams pa dang / byams pa dang /

  395. 198b

    / byams pa chen po dang / byams pa rnam pa lnga bsgom par bya'o// rab 'byor byang chub sems dpas gzugs la mi sdang ba'i snying rje dang 'dra ba'i snying rje dang / 'bral ba'i snying rje dang snying rje dang / snying rje chen po dang / snying rje rnam pa lnga bsgom par bya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la mi sdud pa'i snying rje dang / 'du ba'i snying rje dang / 'bral ba'i snying rje dang / snying rje dang / snying rje chen po dang / snying rje rnam pa lnga bsgom par bya'o// rab 'byor byang chub sems dpas gzugs la dam pa'i chos dad pas brlan pa dang / phan 'dogs pa dang / rjes su yi rang ba'i dga' ba dang / 'jig rten pa'i bde bas brlan pa dang / phan 'dogs pa dang / rjes su yi rang ba'i dga' ba dang / 'jig rten las 'das pa'i bde bas brlan pa dang / phan 'dogs pa dang / rjes su yi rang ba'i dga' ba dang / dga' ba dang / dga' ba chen po dang / dga' ba rnam pa lnga bsgom par bya'o// rab 'byor byang chub sems pas tshor ba dang / 'du shes dang / 'du byed rnams dang / rnam par shes pa la dam pa'i chos la dad pas brlan pa dang / phan 'dogs pa dang / rjes su yi rang ba'i dga' ba dang / 'jig rten pa'i bde bas brlan pa dang /

  396. 199a

    phan 'dogs pa dang / rjes su yi rang ba'i dga' ba dang / 'jig rten las 'das pa'i bde bas brlan pa dang / phan 'dogs pa dang / rjes su yi rang ba'i dga' ba dang / dga' ba dang / dga' ba chen po dang / dga' ba rnam pa lnga bsgom par bya'o// rab 'byor byang chub sems dpas gzugs la lta ba ngan pa dang / kun nas nyon mongs pa med pa brtul ba'i btang snyoms dang / nyes pa thams cad yongs su spang ba dang / kun nas nyon mongs pa med pa brtul ba'i btang snyoms dang / yon tan thams cad yongs su bsdu ba dang / kun nas nyon mongs pa med pa brtul ba'i btang snyoms dang / btang snyoms dang / btang snyoms chen po dang / btang snyoms rnam pa lnga bsgom par bya'o/ / rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la lta ba ngan pa dang / kun nas nyon mongs pa med pa brtul ba'i btang snyoms dang / nyes pa thams cad yongs su spang ba dang / kun nas nyon mongs pa med pa brtul ba'i btang snyoms dang / yon tan thams cad yongs su bsdu ba kun nas nyon mongs pa med pa brtul ba'i btang snyoms dang / btang snyoms dang / btang snyoms chen po dang / btang snyoms lnga bsgom par bya'o// rab 'byor byang

  397. 199b

    chub sems dpa' sbyin pa'i pha rol tu phyin pa la brtson pas/ gzugs la dam bcas pa'i sbyir ba dang / zang zing dang / mi 'jigs pa bsgrub pa'i sbyin pa dang / chos bsgrub pa'i sbyin pa dang / sbyin pa dang / sbyin pa chen po dang / sbyin pa rnam pa lnga bsgom par bya'o// rab 'byor byang chub sems dpa' sbyin pa'i pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la dam bcas pa'i sbyin pa dang / zang zing dang / mi 'jigs pa bsgrub pa'i sbyin pa dang / chos bsgrub pa'i sbyin pa dang / sbyin pa dang / sbyin pa chen po dang / sbyin pa rnam pa lnga bsgom par bya'o// rab 'byor byang chub sems dpa' tshul khrims kyi pha rol tu phyin pa la brtson pas/ gzugs la yang dag par blangs pa dang / brda can gyi sdom pa'i tshul khrims dang / bsam gtan gyi sdom pa'i tshul khrims dang / zag pa med pa'i sdom pa'i tshul khrims dang / tshul khrims dang / tshul khrims chen po dang / tshul khrims rnam pa lnga bsgom par bya'o// rab 'byor byang chub sems dpa' tshul khrims kyi pha rol tu phyin pa la brtson pas/ tshor ba dang 'du shes dang / 'du byed rnams dang / rnam par shes pa la yang dag par blangs pa dang / brda can gyi sdom pa'i tshul khrims dang / bsam gtan gyi sdom pa'i tshul khrims dang

  398. 200a

    zag pa med pa'i sdom pa'i tshul khrims dang / tshul khrims dang / tshul khrims chen po dang / tshul khrims rnam pa lnga bsgom par bya'o// rab 'byor byang chub sems dpa' bzod pa'i pha rol tu phyin pa la brtson pas/ gzugs la sems can gnod pa byed pa la mi snyam pa'i bzod pa dang / sdug bsngal dang du len pa'i bzod pa dang / chos la nges par sem papa'i bzod pa dang / bzod pa dang / bzod pa chen po dang / bzod pa rnam pa lnga bsgom par bya'o// rab 'byor byang chub sems dpa' bzod pa'i pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la sems can gnod pa byed pa la mi snyam pa'i bzod pa dang / sdug bsngal dang du len pa'i bzod pa dang chos la nges par sems pa'i bzod pa dang / bzod pa dang / bzod pa chen po dang / bzod pa rnam pa lnga bsgom par bya'o// rab 'byor byang chub sems dpa' brtson 'grus kyi pha rol tu phyin pa la brtson pas/ gzugs la lung nod pa dang / kha ton bya bar sems pa'i brtson 'grus dang / nyes pa thams cad yongs su spang ba'i brtson 'grus dang / yon tan thams cad yongs su bsdu ba'i brtson 'grus dang / brtson 'grus dang / brtson 'grus chen po dang / brtson 'grus rnam pa lnga bsgom par bya'o// rab 'byor byang chub sems dpa'

  399. 200b

    brtson 'grus kyi pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la lung nod pa dang / kha ton bya bar sems pa'i brtson 'grus dang / nyes pa thams cad yongs su spong ba'i brtson 'grus dang / yon tan thams cad yongs su bsdu ba'i brtson 'grus dang / brtson 'grus dang / brtson 'grus chen po dang / brtson 'grus rnam pa lnga bsgom par bya'o// rab 'byor byang chub sems dpa' bsam gtan gyi pha rol tu phyin pa la brtson pas/ gzugs la tshig 'bru la bltos pa'i dge ba'i bsam gtan dang / tshig 'bru la mi ltos pa'i dge ba gdod ma nas dag pa 'jig rten pa'i bsam gtan dang / 'jig rten las 'das pa'i bsam gtan dang / bsam gtan dang / bsam gtan chen po dang / bsam gtan rnam pa lnga bsgom par bya'o// rab 'byor byang chub sems dpa' bsam gtan gyi pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la tshig 'bru la bltos pa'i dge ba'i bsam gtan dang / tshig 'bru la mi ltos pa'i dge ba gdod ma nas dag pa 'jig rten pa'i bsam gtan dang / 'jig rten las 'das pa'i bsam gtan dang / bsam gtan dang / bsam gtan chen po dang / bsam gtan rnam pa lnga bsgom par bya'o// rab 'byor byang chub sems dpa' shes rab kyi pha

  400. 201a

    rol tu phyin pa la brtson pas/ gzugs la tshig 'bru la bltos pa'i dge ba'i bsam gtan la brten pa'i shes rab dang / tshig 'bru la mi ltos pa'i dge ba gdod ma nas dag pa 'jig rten pa'i bsam gtan la brten pa'i shes rab dang / 'jig rten las 'das pa'i bsam gtan la brten pa'i shes rab dang / shes rab dang / shes rab chen po dang / shes rab rnam pa lnga bsgom par bya'o// rab 'byor byang chub sems dpa' shes rab kyi pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la tshig 'bru la bltos pa'i dge ba'i bsam gtan la brten pa'i shes rab dang / tshig 'bru la mi ltos pa'i dge ba gdod ma nas dag pa 'jig rten pa'i bsam gtan la brten pa'i shes rab dang / 'jig rten las 'das pa'i bsam gtan la brten pa'i shes rab dang / shes rab dang / shes rab chen po dang / shes rab rnam pa lnga bsgom par bya'o// rab 'byor byang chub sems dpa' dge ba'i bshes gnyen la brten pa dang ldan pas/ mnyan pas bsten pa dang / bsnyen bkur bya ba dang / yongs su spyad pa dang / bslab ba'i cho ga dang 'thun pas bsnyen pa dang / nan tan gyis mgu bar bya bas brten pa dang / brten pa dang / brten pa chen po dang / dge ba'i bshes gnyen la brten pa lngas gzugs

  401. 201b

    la dge ba'i bshes gnyen la brten par bya'o/ / rab 'byor byang chub sems dpa' dge ba'i bshes gnyen la brten pa dang ldan pas/ mnyan pas bsnyen pa dang / bsnyen bkur byas pa dang / yongs su spyad pa dang / bslab pa'i cho ga bzhin du bsten pa dang / nan tan gyis mgu bar bya bas brten pa dang / brten pa dang / brten pa chen po dang / dge ba'i bshes gnyen la brten pa rnam pa lngas tshor ba dang / 'du shes dang / 'du byed rnams dang / rnam par shes pa la dge ba'i bshes gnyen la brten par bya'o// de ltar dge ba'i bshes gnyer la brten pa'i byang chub sems dpa' ni/ rnam par thar pa'i thabs kyang yongs su 'dzin cing / bsod nams mang po'ang rab tu bskyed de/ myur du bla na med pa yang dag par rdzogs pa'i byang chub tu'ang nges par 'byung ngo / / rab 'byor byang chub sems dpa' de bzhin gshegs pa mchod pa la brtson pas/ bstod pa sna tshogs nye bar bsgrub pa'i mchod padang / 'thob pa dang / bkur sti nye bar bsgrub pa'i mchod pa dang / nan tan gyis mnyes par bya ba'i mchod pa dang / mchod pa dang / mchod pa chen po dang / mchod pa rnam pa lngas gzugs la de bzhin gshegs pa la mchod par bya'o/ / rab 'byor byang chub sems dpa' de bzhin gshegs pa la mchod pa la brtson pas/ bstod pa sna tshogs nye bar bsgrub pa'i mchod

  402. 202a

    pa dang / 'thob pa dang / bkur sti nye bar bsgrub pa'i mchod pa dang / nan tan gyis mnyes par bya ba'i mchod pa dang / mchod pa dang / mchod pa chen po dang / mchod pa rnam pa lngas tshor ba dang / 'du shes dang / 'du byed rnams dang / rnam par shes pa la de bzhin gshegs pa la mchod par bya'o// de ltar de bzhin gshegs pa la mchod par brtson pa'i byang chub sems dpa' la/ phyogs bcu'i 'jig rten gyi khams mtha' yas pa'i sangs rgyas bcom ldan 'das rnams kyis bsngags pa brjod pa mdzad do// lha dang mi dang / lha ma yin du bcas pa'i 'jig rten las kyang / 'thob pa dang / bkur sti rnyed do// sems can tshad med pa'ang yongs su smin par byed do// sangs rgyas kyi zhing yongs su dag par byed de/ myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o// rab 'byor byang chub sems dpa' sbyin pa'i pha rol tu phyin pa dang ldan pa gzugs la mtshan ma dang bcas pa'i byin pa sgom na/ myur du sbyin pa'i pha rol tu phyin pa yongs su rdzogs par mi byed do// mtshan ma med pa'i sbyin pa sgom na ni/ myur du sbyin pa'i pha rol tu phyin pa yongs su rdzogs par byed do/ / rab 'byor byang chub sems dpa' gzugs la mtshan ma dang bcas pa 'am/ mtshan ma med pa'i sbyin pa ji ltar bsgom zhe na/ rab 'byor gal te byang

  403. 202b

    chub sems dpa' gzugs la sbyin pa la mos na/ mos par bya ba'i sbyin pa 'am/ myos pa'i snyir ba dwa migs te/ byang chub sems dpa' gzugs la mar ram dang brnam pa'i rgyu bsgom par rig par bya'o/ / rab 'byor gal te byang chub sems dpa' gzugs su sbyin pa la mos na 'di lta ste/ gzugs ngo bo nyid kyis dmigs su med pa dang / de ltar dngos po dmigs su med pa dang / rang bzhin gyis dmigs su med pas/ mos par bya ba'i sbyin pa mi dmigs shing / mos pa'i sbyin pa mi dmigs te/ byang chub sems dpa' gzugs la mtshan ma med pa'i sbyin pa bsgom par rig par bya'o/ / rab 'byor byang chub sems dpa' sbyin pa'i pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la mtshan ma dang bcas pa'i sbyin pa sgom na/ myur du sbyin pa'i pha rol tu phyin pa yongs su rdzogs par mi byed do// mtshan ma med pa'i sbyin pa bsgom na ni/ myur du sbyin pa'i pha rol tu phyin pa yongs su rdzogs par byed do// rab 'byor byang chub sems dpa' rnam par shes pa la mtshan ma dang bcas pa 'am/ mtshan ma med pa'i sbyin pa ji ltar bsgom zhe na/ rab 'byor gal te byang chub sems dpa' rnam par shes pa la sbyin pa la mos na/ mos par bya ba'i sbyin pa 'am/ mos pa'i sbyin pa dmigs te/ byang chub sems dpa' rnam par

  404. 203a

    shes pa la mtshan ma dang bcas pa'i sbyin pa bsgom par rig par bya'o/ / rab 'byor gal te byang chub sems dpa' rnam par shes pa la sbyin pa la mos na/ 'di lta ste/ rnam par shes pa ngo bo nyid kyis dmigs su med pa dang / de ltar dngos po dmigs pa med pa dang / rang bzhin gyis dmigs su med pas/ mos par bya ba'i sbyin pa mi dmigs shing mos pa'i sbyin pa mi dmigs te/ byang chub sems dpa' rnam par shes pa la mtshan ma med pa'i sbyin pa bsgom par rig par bya'o// tshul khrims dang / bzod pa dang / brtson 'grus dang bsam gtan dang / shes rab la'ang de bzhin sbyor bar bya'o// rab 'byor byang chub sems dpas gzugs la stong pa nyid kyi ting nge 'dzin yongs su shes par bya'o// rab 'byor gzugs la stong pa nyid kyi ting nge 'dzin gang zhe na/ rab 'byor gang gzugs la dngos po med pa stong pa nyid dang / de ltar dngos po stong pa nyid dang / rang bzhin stong pa nyid la dmigs nas/ sems rtse gcig tu byed pa 'di ni stong pa nyid kyi ting nge 'dzin te/ rab 'byor byang chub sems dpa' de ltar gzugs la stong pa nyid kyi ting nge 'dzin yongs su shes par bya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la stong pa nyid kyi ting nge 'dzin yongs su shes par bya'o// rab 'byor rnam par shes pa la stong pa

  405. 203b

    nyid kyi ting nge 'dzin gang zhe na/ rab 'byor gang rnam par shes pa la dngos po med pa stong pa nyid dang / de ltar dngos po stong pa nyid dang / rang bzhin stong pa nyid la dmigs nas sems rtse gcig tu byed pa 'di ni stong pa nyid kyi ting nge 'dzin te/ rab 'byor byang chub sems dpa' de ltar rnam par shes pa la stong pa nyid kyi ting nge 'dzin yongs su shes par bya'o// rab 'byor byang chub sems dpas gzugs la mtshar ma med pa'i ting nge 'dzin yongs su shes par bya'o/ / rab 'byor gzugs la mtshan ma med pa'i ting nge 'dzin gang zhe na/ rab 'byor gang byang chub sems dpa gzugs la dngos po med pa stong pa nyid dang / de ltar dngos po stong pa nyid dang / rang bzhin stong pa nyid du de ltar yid la byed cing / gzugs la dngos po'i mtshan ma 'gags te/ dngos po med pa'i mtshan ma'i rjes su 'brang ba'i rnam par shes pa dang yang bral/ de ltar dngos po'i mtshan ma'i rjes su 'brang ba'i rnam par shes pa dang yang bral/ dngos po dang / dngos po med pa'i mtshan ma'i rjes su 'brang ba'i rnam par shes pa dang yang bral bar sems rtse gcig tu byed pa 'di ni/ rab 'byor gzugs la mtshan ma med pa'i ting nge 'dzin te/ byang chub sems dpa' de ltar gzugs la mtshan ma med pa'i ting nge 'dzin yongs su shes par bya'o/ / rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la

  406. 204a

    mtshan pa med pa'i ting nge 'dzin yongs su shes par bya'o/ / rab 'byor rnam par shes pa la mtshan ma mang ba'i ting nge 'dzin gang zhe na/ rab 'byor gang byang chub sems dpas rnam par shes pa la dngos po med pa stong pa nyid dang / de sngar dngos po stong pa nyid dang / rang bzhin stong pa nyid du de ltar yid la byed cing / rnam par shes pa la dngos po'i mtshan ma 'gas dngos po med pa'i mtshan ma'i rjes su 'brang ba'i rnam par shes pa dang yang bral/ de ltar dngos po'i mtshan ma'i rjes su 'brang ba'i rnam par shes pa dang yang bral/ dngos po dang dngos po med pa'i mtshan ma'i rjes su 'azang ba'i rnam par shes pa dang yang bral bar sems rtse gcig tu byed pa 'di ni/ rab 'byor rnam par shes pa la mtshan ma med pa'i ting nge 'dzin te/ chub sems dpas de ltar rnam par shes pa la mtshan ma med pa'i ting nge 'dzin yongs su shes par bya'o// rab 'byor byang chub sems dpas gzugs la smon pa med pa'i ting nge 'dzin yongs su shes par bya'o/ / rab 'byor gzugs la smon pa med pa'i ting nge 'dzin gang zhe na/ rab 'byor gang gzugs la stong pa nyid dang / mtshan ma med pa'i ting nge 'dzin rnyed pa bas/ gzugs la dngos po med pa'i mtshan ma dang mi mthun pa'i dmigs pa dang / de ltar dngos po med pa'i mtshan ma dang mi mthun pa'i dmigs pa dang / dngos po dang / dngos po med pa'i mtshan ma nga

  407. 204b

    mi mthun pa'i dmigs pa la sems rtse gcig tu byed pa 'di ni/ rab 'byor gzugs la smon pa med pa'i ting nge 'dzin te/ rab 'byor byang chub sems dpas de ltar gzugs la smon pa med pa'i ting nge 'dzin yongs su shes par bya'o/ / rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la smon pa med pa'i ting nge 'dzin yongs su shes par bya'o/ / rab 'byor rnam par shes pa la smon pa med pa'i ting nge 'dzin gang zhe na/ rab 'byor gang rnam par shes pa la stong pa nyid dang / mtshan ma med pa'i ting nge 'dzin rnyed pa bas/ rnam par shes pa la dngos po med pa'i mtshan ma dang mi mthun pa'i dmigs pa dang / de ltar dngos po med pa'i mtshan ma dang mi mthun pa'i dmigs pa dang / dngos po dang / dngos po med pa'i mtshan ma dang mi mthun pa'i dmigs pa la sems rtse gcig tu byed pa 'di ni/ rab 'byor rnam par shes pa la smon pa med pa'i ting nge 'dzin te/ rab 'byor byang chub sems dpas de ltar rnam par shes pa la smon pa med pa'i ting nge 'dzin yongs su shes par bya'o// rab 'byor byang chub sems dpas gzugs la med pa'i don dang / rnam par 'jog pa'i don dang / dri ma dang bcas pa dang / dri ma med pa'i don dang / don gsum gyis mi rtag pa nyid yongs su shes par bya'o// rab 'byor byang chub sems dpas

  408. 205a

    tshor ba dang / 'du shes dang / 'du byed rnams dang / rnam par shes pa la med pa'i don dang / rnam par 'jig pa'i don dang / dri ma dang bcas// pa dang / dri ma med pa'i don dang / ngor gsum gyis mi rtag pa nyid yongs su shes par bya'o// rab 'byor byang chub sems dpas gzugs la mngon par zhen pa'i don dang / mtshan nyid rnam pa gsum gyi dor dang 'brel ba'i ngor dang / don gsum gyis sdug bsngal nyid yongs su shes par bya'o// rab 'byor byang chub sems dpas tshor ba dang / 'dra shes dang / 'du byed rnams dang / rnam par shes pa la mngon par zher pa'i ngor da mtshan nyid rnam pa gsum gyi dor dang / 'brel ba'i dor dang / don gsum gyis sdug bsngal yongs su shes par bya'o/ / rab 'byor byang chub sems dpas gzugs la dngos po med pa bdag med pa'i ngor dang / de ltar dngos po bdag med pa'i don dang / rang bzhin bdag med pa'i don dang / don gsum gyis bdag med pa nyid yongs su shes par bya'o// rab 'byor byang chub sems dpas tshor ba dang / 'du shes dang / 'du byed rnams dang rnam par shes pa la dngos po med pa bdag med pa'i don dang / de ltar dngos po bdag med pa'i don dang / rang bzhin bdag med pa'i don dang / don gsum gyis bdag med pa nyid yongs su

  409. 205b

    shes par bya'o/ / rab 'byor byang chub sems dpas gzugs la gzugs dngos po med pa shin tu zhi ba'i don dang / de ltar dngos po zhi ba'i don dang / rang bzhin gyis rnam par dag pa'i ba'i don dang / don gsum gyis mya ngan las 'das pa zhi ba nyid yongs su shes par bya'o// rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la rnam par shes pa dngos po med pa shin tu zhi ba'i don dang / de ltar dngos po zhi ba'i don dang / rang bzhin gyis rnam par dag pa zhi ba'i don dang / don gsum gyis mya ngan las 'das pa zhi ba nyid yongs su shes par bya'o/ / bcom ldan 'das kyis de skad ces bka' stsal nas/ gnas brtan rab 'byor dang / dge slong dang / dge slong ma dang dge bsnyen dang / dge bsnyen ma de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod ngo / / 'phags pa shes rab kyi pha rol tu phyin pa lnga brgya pa rdzogs so// / skad gsar bcad kyis bcos te gtan la phab pa'o// rgyar gang skang du/ Ar+ya pradz+nyA pA ra mi tA sany+tsa ya gA thA/ bod skad du/ bcom ldan 'das ma shes rab kyi pha rol tu phyin pa sdud pa tshigs su bcad pa/ sangs

  410. 206a

    rgyas dang byang chub sems dpa' thams cad la phyag 'tshal lo/ / de nas yang bcom ldan 'das kyis 'khor bzhi po de dag yang dag par rab tu dga' bar mdzad pa phyir yang shes rab kyi pha rol tu phyin pa 'di ston cing / de'i tshe tshigs su bcad pa 'di dag bka' stsal to// dga' dang gus dang dad pa'i mchog ni nyer bzhag ste// thib padon mongs bsal nas dri ma las 'das pa/ 'gro dor mngon zhugs nges pa'i shes rab pha rol byin// gang la dpa' rnams spyod pa de ni mnyan par gyis// 'dzam bu'i gling 'dir chu klung ljid ci babab cing / / me ton 'bras lan ldan dang nags tshal skyeng byed pa// madros gnas pa'i klu dbang klu bdag brten gnas te// da ni klu li bdag po de yi mthu dpal yin/ ba'inyan thos pa dag ji snyed chos ston dang // 'chang dang rigs pa dag dang ldan par brjod pa dang // mchog 'phags bde ba byed dang de yi 'bras thob pa// de dag kun kyang de bzhin gshegs pa'i skyes bu'i mthu/ / ci'i phyir zhe na rgyal bas chos tshul gang bstan pa// de la mi mchog slob mar gyur pas mngon bslabs shing // mngon sum byas nas bslab pa ji bzhin ston byed pa sangs rgyas mthus byed rang gi spobs kyi mthus ma yin/ / bang la shes rab pha rol byin mchog mi dmigs shing / byang chub sems dpa' mi dmigs byang chub sems mi dmigs

  411. 206b

    skad thos nas rmongs pa med cing mi skrag pa/ / byang chub sems dpa' de ni bde gshegs shes rab spyod// gzugs med tshor ba med cing 'du shes sems pa med// de la rnam shes gnas ni rdul tsam yod pa yin/ / de chos kun la mi gnas gnas pa med par sbyor// yongs su gzung med bde gshegs rnams kyi byang chub 'thob// ji ltar kun tu rgyu ba bzo sbyangs shes pa yis/ / dmigs med phung po rnam par 'jig par 'byung ba ltar// byang chub sems dpa' gang zhig de ltar chos shes pa// mya ngan 'das la mi reg de ni shes rab gnas// yang 'di shes rab 'di ni gang yin su yi yin/ / gang las yin zhes chos 'di thams cad stong par rtog/ nye bar brtags nas zhum pa med cing skrag med pa// byang chub sems dpa' de ni byang chub nye ba yin/ / gal te mi shes bzhin du gzugs su 'du shes shing // tshor ba sems pa rnam shes phung por spyod byed na// phung 'di stong zhes rtog na'ang byang chub sems dpa' ni// mtshan ma la spyod skye med gnas la dang ma yin// gang zhig gzugs min tshor min 'du shes sems pa min// rnam par shes la mi spyod gnas pa med par spyod// de ni spyod ces bya/ bar mi dmigs shes rab brtan// skye med blo ldan ting 'dzin zhi ba mchog la reg/ byang chub sems gang de ltar 'dir bdag zhir gnas pa// de ni sngon gyi de bzhin gshegs pas lung

  412. 207a

    bstan yin/ / bdag ni mnyam par gzhag ce'am langs shes rlom sems med// ci'i phyir zhe na chos kyi rang bzhin yongs shes phyir// de ltar spyod na bde gshegs rnams kyi shes rab spyod/ / des ni spyod med spyod pa yin par rab shes phyir// chos gang spyod pa de yang dmigs par mi 'gyur te// 'di ni shes rab pha rol phyin mchog spyod pa yin/ gang zhig yod pa ma yin de ni med ces bya// byis pa rnams kyis de brtags yod dang med par byed// yod dang med pa 'di gnyis med pa'i chos yin te// byang chub sems dpa' gang gis 'di shes nges par 'byung / / gang 'dir phung po lnga dag sgyu ma 'dar shes shing // sgyu ma gzhan dang phung po gzhan du mi byed la// sna tshogs 'du shes bral zhing nye bar zhi spyod pa// 'di ni/ shes rab pha rol phyin mchog spyod pa yin// dge ba'i bshes dang ldan zhing lhag mthong ldan gyur pa// rgyal ba rnams kyi yum mthus skrag par yongs mi 'gyur// gang zhig sdig pa'i grogs ldan gzhan gyi dring mi 'jog/ de ni snod so ma btang chu reg zhig pa bzhin// ci phyir 'di ni byang chub sems dpa' bya zhe na// chags pa gcod byed kun la chags pa zad par 'dod/ rgyal ba rnams kyi byang chub chags med gyur la reg/ des na 'di ni byang chub sems dpa'i ming thob bo// ci phyir 'di ni sems dpa' che zhes bya zhe na// sems can tshogs mang po yi mchog

  413. 207b

    tugyur pa dang / / sems can khams kyi lha rnams chen po gcod pa ste// de phyir sems dpa' chen po zhes ni rab brjod do// gtong ba che dang tho che ba dang mthu che dang // rgyal ba rnams kyi theg chen mchog la zhugs pa dang / go cha chen po bgos shing bdud kyi sgyu 'dul ba// de yi phyir na sems dpa' che zhes rab tu brjod// dper na rgyu ma mkhan gyis bzhi mdor sbrul b+h+yas skye bo phal cher mgo mang bye ba gcod byed pa'i/ / gsang bya de dag ci 'dra de ltar byang chub sems// 'gro kun sprul 'drar rab shes de la 'jig pa med// gzugs dang 'du shes tshor ba dang ni sems pa dang / / rnam par shes pa ma bcings ma chol yod pa min// de ltar byang chub la 'jug zhum pa'i sems med pa// 'di ni gang bag dam pa rnams kyi go cha mchog ci phyir 'di ni byang chub theg chen bya zhe na/ / de gang bzhon nas sems can thams cad mya ngan zlo// theg pa 'di ni mkha' 'dra gzhal med khang chen te// dga' spring bde ba mngon par thob byed theg pa'i mchog/ gang zhig zhon na phyogs su 'gro ba dmigs su med// mya ngan 'das par 'gro bar gsungs pa 'gro mi dmigs// dper na mi shi de yi 'gro rgyu med pa bzhin// rgyu des na ni mya ngan 'das shes rab tu brjod/ / byang chub sems dpa' sngon gyi mtha' dang phyi mtha' dang // da ltar byung ba mi dmigs dus gsum dag pa ste// gang dag de ni 'dus ma byas yin spos med de/

  414. 208a

    'dzin shes rab param phyin btsug spyong pa na/ byang chub sems mkhas rig pagang gi dus kyi// rtse meng rnam par bsams te 'di lar spyod kyang ci// rje chen po phyung kyang sems can 'du shes med// 'di ni shes rab pha rol phyin mchog sbyong ba yin// gal te sems can 'du shes sdug bsngal 'du shes skyed// 'gro ba rnams kyi don bya rdzug bsngal tsang snyam ste/ / bdag dang sems can yongs rtog byang chub sems dpa' s+ho// 'di ni shes rab pha rol phyin mchog spyod ma yin// bdag ci 'dra ba de 'drar sems can thams cad shes/ / sems can thams cad ci 'dra de 'drar chos kun shes// skye ba med dang skye ba gnyis kar mi rtog pa// 'di ni shes rab pha rol phyin mchog spyod pa yin// 'jig rten dag na chos ming ji snyed yongs rjod pa/ / kun la skye ba dang ni yang dag 'das spangs nas// ye shes 'chi med dam pa de las gzhal med 'thob// de phyir 'di ni shes rab pha rol phyin ces bya// byang chub sems dpa' gang zhig ngogs med de ltar spyod// shes rab ldan de mnyam nyid gnas par shes par bya// chos rnams rang bzhin med par yongs su shes gyur pa// 'di ni shes rab pha rol byin mchog spyod pa yin/ / gang zhig gzugs la mi gnas tshor la mi gnas shing // gang zhig 'du shes mi gnas sems par mi gnas la// rnam shes gang mi gnas pa chos nyid gnas

  415. 208b

    / 'di ni shes rab pha rol phyin mchog stod pa yin// rtag dang mi dag pade dang sdug bsngal sdug mi thug/ bdag dang bdag med de bzhin cid dang de bzhin stong // 'bras batho/ rang dgra bcoms la mi gnas shing // rang rgyal sa dang de bzhin sangs rgyas sar mi gnas// ji ltar 'dren pa 'dus ma byas khams mi gnas shing // de bzhin 'dus byas la yang mi gnas gnas med spyod/ / de ltar byang chub sems dpa' gnas la gnas med gnas// gnas med gnas yin 'di ni rgyal bas gnas par gsungs// gang dag bde gshegs nyan thos 'gyur bar bya/ snyam dang // rang sangs rgyas dang de bzhin chos rgyal 'gyur 'dod pa// bzod pa 'di la ma brten thob par mi nus te// dper na tshu rol pha rol 'gro dogs mi mthong bzhin// chos 'chad pa dang nyan dang bshang bya gang yin pa/ / 'bras bu thob dang rkyen rgyal de bzhin 'jig rten mgon// mkhas pa gsal bas thob pa'i mya ngan 'das gang yin// de kun sgyu ma lta bur de bzhin gshegs pas bstan/ / gang zag bzhi po 'di dag de la mi skrag ste// rgyal sras bden la mkhas dang phyir mi ldog pa dang // dgra bcom dri ma bsal cing som nyi spangs pa dang // bzhi pa dge ba'i bshes kyis yongs su zin pa'o/ / byang chub sems dpa' mkhas rig de ltar spyod pa ni// dgra bcoms la mi rtog rkyen rtogs sa la min// thams cad mkhyen nyid ched du sangs rgyas chod

  416. 209a

    rjes skyob/ / gang zhig slob mi slob la mi slob de slob yin// gzugs 'phel yongs su nyams dang yongs su bzung phyir min// chos rnams sna tshogs yongs su gzung phyir mi slob par/ / slob cing thams cad mkhyen pa nyid kyang yongs su 'dzin// nges 'byung gang yin 'di ni yon tan dga' ba'i slob// gzugs ni shes rab ma yin gzugs la shes rab med/ / rna shes 'du shes tshor dang sems pa 'di dag ni// shes rab ma yin 'di dag la yang shes rab med// 'di ni nam mkha'i khams dang mtshungs te tha dad med// dmigs pa rnams kyi rang bzhin de ni pha mtha' med/ / sems can rang bzhin gang yin de yang pha mtha' med// nam mkha'i khams kyi rang bzhin de yang pha mtha' med// 'jig rten mkhyen pa'i shes rab de yang pha mtha' med/ / 'du shes tshu rol yin zhes 'dren pas yongs su bsgrags// 'du shes rnam par bshig nas spong ba pha rol 'gro// gang dag 'du shes bral ba 'di ni rjes thob pa// de dag pha rol phyin nas ston pa'i bka' la gnas// gal te ston pas kyang ni gang+gA'i bye snyed kyi// bskal par bzhugs te sems can zhes sgra yongs sgrags kyang // gzod nas dag pas sems cad skye bar ga la 'gyur/ / 'di ni shes rab pha rol phyin mchog spyod pa yin// gang gis nga ni pha rol phyin pa'i mchog 'di dang // 'thun par smra gyur de tshe sngon gyi skyes mchog gis//

  417. 209b

    ma 'ongs pa yi dus na sangs rgyas 'gyur ro zhes// nga lung bstan par gyur ces rgyal ba de skad gsungs// shes rab pha rol phyin pa gang la mgon spyod pa// 'di ni gang zhig gus byas 'dzin rang chub byed pa/ / de la dug dang mtshon dang me dang chus mi tshugs// bdud dang bdud kyi phyogs kyis glags kyang rnyed mi 'gyur// la las bde gshegs yongs su mya ngan 'das pa yi// mchod rten rin chen bdun las byas shing mchod byed la// bde bar gshegs pa'i mchod rten de dag gang+gA yi// bye ma snyed kyis bye ba phrag stong zhing bkang ste// yongs su brtags gzung zhing rnams bye ba mtha' yas na/ / sems can ji snyed 'khod pa de dag thams cad kyis// las gzhan mi byed lha yi me tog spos rab dang // byug pas dus gsum bzhal ba'am de bas lhag mchod la/ / gang zhig gang las rnam 'dren stobs bcu 'byung 'gyur ba// bde bar gshegs pa'i yum 'di glegs bam la bris te// 'chang zhing me tog byug pas bsti stang byed 'gyur na// mchod rten byas mchod bsod nams des ni char mi phod// rgyal ba'i shes rab pha rol phyin 'di rig sngags che// sems can khams yang mya ngan sdug bsngal chos zhi byed// gang dag 'das dang gang dag phyogs bcu'i 'jig rten mgon/ / rig sngags 'di bslabs sman pa'i rgyal po bla med gyur// gang dag phan dang snying rjer bcas par spyad spyod pa// rig sngags 'di la bslabs

  418. 210a

    nas mkhas pa byang chub rag/ 'dus byas bde gang 'dus ma byas bde gang yin pa// bde ba de kun 'di la byung bar rig par bya// sa bon btab nas sa la gnas/ / 'byung 'gyur ba// tshogs pa rnyed nas rnam mang gzugs dag rnam par bskyed// pha rol phyin lnga byang chu yon tan ji snyed pa// de dag kun kyang shes rab pha rol phyin las skyes// 'khor los sgyur rgyal lam gang nas ni rtag 'gro ba/ / lam de nyid nas rin chen bdun dang dpung tshogs kun// gang nas rgyal ba'i shes rab pha rol byin 'di 'gro// de nyid nas ni yon tan chos kun 'gro bar 'gyur/ / rgyal bas brgya byin dri ba yongs dris lan gsol pa/ gal te gang+gA'i bye snyeng sangs rgyas zhing gyur la// de kun rgyal ba'i ring bsrel byur bur gtams gyur kyang bdag ni shes rab pha rol phyin pa 'di nyid len ci slad ce na sku gdung mi gus bdag ma lags/ 'on kyang shes rab yongs su bsgoms pas mchod bgyid de// dper na rgyal po rten mi rim 'gro 'thob bsngar/ sangs rgyas ring bsrel shes rab pha rol phyin la brten/ nor bu rin chen yon tan kun ldan rin tang med// gab tshe gang du stsal ba de ni phyag bgyi 'os// de byung gyur kyang gab tshe la ri dga' bgyid de/ / yon tan de dag nor bu rin chen de yi lags// de bzhin shes rab pha rol phyin mchog yon tan gyis/ rgyal ba mya ngan 'das kyang ring bsrel mchod pa brnyes//

  419. 210b

    de ltas gang zhig rgyal ba'i yon tan 'dzin 'tshal des// shes rab pha rol phyin blang 'di ni thar pa lags// sbyin pa sbyin pa'i sngon du 'gro ba shes rab ste// tshul khrims bzod pa brtson 'grus bsam gtan re bzhin no/ / dge chos chung mi gzan phyir yongs su 'dzin pa yin// 'di ni chos rnams thams cad tshul gcig ston par byed// dper na 'dzam bu gling na shing rnams bye ba sdong / rnam pa sna tshogs rnam pa du ma gzugs mang ba// grib mar gyur pa'i grangs su brjod pa ma gtogs par/ grib ma sna tshogs med cing bye brag yod ma yin// de bzhin rgyal ba'i pha rol phyin lnga 'di dag kyang // shes rab pha rol byin pa'i ming nyid thob par 'gyur/ thams cad mkhyen pa nyid phyir yongs su bsngos byas na// byang chub ces byar drug po 'di kun ro gcig 'gyur/ / byang chub sems dpa' ba la te rab tu mi shes bzhin// gzugs dang 'du shes tshor dang sems pa rnam par shes// mi rtag yongs su ston pa bcos la stong pa ste/ / mkhas pa nam yang chos rnams 'jig par mi byed do// gang la gzugs mir tshor min 'du shes mi dmigs shing / rnam par shes pa ma yin sems pa mi tsam par gyi meng grang pa'i tshul ma gas pa 'tshigs rab par ma phyin mchos myong ba / lams pana'i zung sa kyi ming nga mas/ sems

  420. 211a

    snyed 'khod kun dgra bcom nyid btul bas/ / gang gis shes rab pha rol phyin 'di yig bris te// sems can mchog la glegs byin bsod nams khyad par 'phags// ci phyir zhe na smra mchog de dag 'dir bslabs nas// chos rnams mtha' dag stong pa nyid du 'dir ston byed// de dag nyan thos myur du rnam par grol la reg/ rang rgyal byang chub dang ni sangs rgyas byang chub reg/ myu gu med par 'jig rten sdong byung yong med na// de la yal 'dab me tog 'bras bu ga la 'byung // byang chub sems med rgyal 'byung 'jig rten yong med na// 'bras bu brgya byin tshangs pa nyan thos ga la 'byung / / nyi ma'i dkyil 'khor gang tshe 'od kyi dra ba 'gyed// de tshe sems can las byed brtson pa de bzhin du// mkhas pa'i shes phyir 'jig rten byang chub sems byung ra/ / ye shes kyis ni sems can yon tan chos dang ldan// dper na ma dros gnas pa'i klu bdag med gyur na// 'dzam bu gling 'dir chu klung 'bab par ga la 'gyur// chu klung med na me tog 'bras bu 'byung mi 'gyur// rgya mtsho la yang rin chen gzugs mang med par 'gyur// de bzhin 'dir yang byang chub sems med bder gshegs kyi// ye shes 'jig rten 'di dag kun kyang ga la 'byung / / ye shes med na yon tan 'phel med byang chub med/ rgya mtsho 'dra ba'i sangs rgyas chos kyang med par 'gyur// 'jig rten 'di na snang byed srog

  421. 211b

    chags ji snyed pa/ / kun gyis snang bar bya phyir 'od rnams phyung ba bas// nyi ma'i dkyil 'khor 'od zer gcig phyung ches mchog ste// snang byed tshogs kyi 'od rnams kun gyis char mi phod/ / nyan thos tshogs rnams ji snyed sbyin dang tshul khrims dang // bsgom dang rab tu ldan pa'i bsod nams tshogs bskyed pa'am// byang chub sems dpa'i rjes su yi rang sems gcigs nyan thos tshogs kyi bsod nams phung pos char mi phod/ / 'das dus sngon gyi sangs rgyas bye ba khrag khrig gang // zhing mang mtha' yas bye stong dag na gang bzhugs dang // gang yang mya ngan 'das pa 'jig rten mgon po rnams/ / sdug bsngal zad par bya phyir rin chen chos ston pa// dang po byang chub mchog tu sems skyed bskyed pa nas// rnam par 'dren pa rnams kyi dam chos zad kyi dus/ / de bar rgyal ba de dag bsod nams gang yin pa// pha rol phyin dang ldan dang sangs rgyas chos gang dang // gang yang sangs rgyas sras rnams dang ni nyan thos dang // slob dang mi slob dge ba zag bcas zag med pa/ / bsdus dang byang chub sems dpa' rjes su yi rang zhing // 'gro ba'i don rgyu byang chub phyir ni thams cad sngo// yongs sngo gal te sems su 'du shes 'byung 'gyur zhing / / byang chub 'du shes yongs sngo sems can 'du shes na// 'du shes phyir na lta gnas sems ni gsum la chags// dmigs pa yod pas yongs su bsngos par chud

  422. 212a

    ma yin/ / gal te 'di ltar chos 'di 'phags shing zang ba dang / gang du yongs su bsngo ba de yong zad pa dang // chos kyis chos la nam yang mi sngo shes gyur ma de ltar rab tu shes pas yongs su bsngos pa yin/ / gal te mtshan mar byed na de ni bsngo ma yin// ci ste mtshan ma med na byang chub bsngo ba yin// ji ltar dug dang 'dres pa'i kha zas bzang za ba/ / dkar po'o chos la dmigs pa'ang de 'drar rgyal bas gsungs// de ltas 'di ltar yongs su bsngo ba bslab bya ste// ji ltar rgyal ba de dag dge ba de mkhyen pa// rnam pa gang yin 'byung gang yin nyid gang yin la/ / rjes su yi rang de lta de ltar yongs su bsngo// de ltar bsod nams byang chub yongs su sngo byed na// dug med sangs rgyas mi spongs rgyal bas gsungs pa smra/ / de ltar yongs sngo dpa' bo 'jig rten dmigs can gyi// byang chub sems dpa' ji snyed thams cad zil gyis non// dmus long dmigs bu med pa bye ba khrag khrig rnams/ lam yang mi shes grong khyer 'jug par ga la 'gyur// shes rab med na mig med pha rol phyin lnga 'di// dmigs bu med pas byang chub reg par rus ma yin// gang tshe shes rab kyis ni rab tu zi gyur pa/ de tshe mig rnyed gyur cing 'di mi ming thob bo// dper na ri mo'i las ni yongs zin mig med pa// ji srid mig ma bris par rngan pa mi thob bzhin// gang tshe 'dras byas 'dus

  423. 212b

    ma byas dang dkar gnag chos/ / shes rab rnam par bshig nas rdul tsam mi dmigs tshe// 'jig rten dag na shes rab pha rol phyin grangs 'gro// nam mkha' gang la'ang cung zad mi gnas de dang 'dra/ / gal te bdag ni rgyal ba'i shes rab spyod bya zhing // sems can sdug bsngal reg pa khrag khrig mang dgrol sems// sems can 'du shes yongs rtogs byang chub sems dpa' ste/ / de ni shes rab pha rol phyin mchog spyod ma yin// byang chub sems dpa' gang zhig sngon chad spyod pa'i tshe// pha rol phyin 'dir spyod pa mkhas pa som nyi med// thos ma thag tu de ni ston pa'i 'du shes skyed// de nas byang chub zhi ba myur du rtogs par 'gyur// sngon spyad tshe na sangs rgyas khrag khrig bkur byas kyang // rgyal ba'i shes rab pha rol phyin la ma dad na/ / thos nas zo chung de yis 'di ni spyong byed de// spangs nas skyabs med gyur pa de ni mnar med 'gro// de lta bas na gal te sangs rgyas ye shes mchog/ reg par 'dod na rgyal ba'i yum 'dir dad par gyis/ / dper na tshong ba rin chen gling du song nas ni/ zong zad slar log lta bur gyur na mi rung ngo // gzugs kyi dag pa 'bras bu dag par rig par bya/ 'bras bu gzugs dag thams cad mkhyen nyid dag par gsungs// thams cad mkhyen nyid 'bras bu dag dang gzugs dag pa// nam mkha'i khams dang mtshungs te dbyer med gcad du med//

  424. 213a

    @dpa' bo gar spyod shes rab pha rol phyin pa yis// khams gsum yang dag 'das la rnam par grol ba'ang min// nyon mongs bsal bar gyur kyang skye ba ston par byang / / rga dang na dang 'chi ba med kyang 'chi 'pho ston// 'gro ba 'di dag ming dang gzugs kyi 'dam la chags// rlung gi 'khor lo lta bu'i 'khor ba'i 'khor lor 'khyam// 'gro ba 'khrul pa ri dgas rgyar chung 'drar shes nas// shes rab ldan pa mkha' la bya bzhin rnam par rgyu// spyod pa yongs dag gang zhig gzugs la mi spyod cing // rnam shes 'du shes tshor ba sems par mi spyod na/ / de ltar spyod pa chags pa thams cad yongs spangs shing // chags las rnam grol ba de gshegs rnams kyi shes rab spyod// de ltar spyod pa'i byang chub sems dpa' mkhas gsal ba/ chags pa bcad nas 'gro la chags pa med par 'gro// nyi ma sgra gcan gza' bral sdang nger 'dug pa dang / me btang rtsa dang shing ngang nags tshal sreg pa bzhir/ / chos rnams thams cad rang bzhin dag cing yongs dag par// byang chub sems dpa' shes rab pha rol phyin lta na// byed pa po yang mi dmigs chos kun mi dmigs te/ / 'di ni shes rab pha rol phyin mchog spyod ba yin// rgyal ba la ni lha rgyal brgya byin gyis zhus pa// byang chub sems dpa' shes rab spyod pa ji ltar brtson/

  425. 213b

    po khams la rdul tsam brtson par mi byed cing // phung por mi brtson de ni byang chub sems dpa' brtson// gang zhig chos 'di sbrul dang rgyu ma 'drar shes nas// som nyi med cing slob la phyir zhing sbyor byed pa/ / sems can de ni ring nas theg chen zhugs rig bya// sangs rgyas bye ba khrag khrig mang la lhag byas yin// dgon pa'i lam ni dpag tshad mang bar zhugs pa'i mis/ / gnag rdzi mtshams kyi nags tshal phun sum tshogs mthong na// de dag grong dang grong khyer nye ba'i rtags snyam ste// dbugs phyin rnyed par gyur cing chom rkun 'jigs pa med// de bzhin byang chub yongs su tshol tshe rgyal rnams kyi// shes rab pha rol byin 'di mnyan pa gang thob pa// de ni dbugs byin thob par gyur cing 'jigs med de// dgra bcom sa la ma yin rkyen rtogs sa la min/ / mi zhig rgya mtsho'i chu ni bsdu phyir 'gro ba yis// gal te shing dang nags tshal ri mthong da rung ring // ci ste rtags ma mthong na rgya mtsho chen po ni// nye bar gyur to snyam na de la som nyi med/ / de ltar byang chub dam par rab zhugs rgyal ba yi// shes rab pha rol phyin pa 'di nyan rig par bya// rnam par 'dren pas mngon sum lung bstan ma gyur kyang / sangs rgyas byang chub ring por mi thogs bdag reg 'gyur// dpyid dus bzang la sdong po lo ma lpags gyur na// yal gas ring po mi thogs lo 'bras me tog kun// shes

  426. 214a

    ganganas kyis du phyug / dza ya ma rdzogs ldan pa rnams kya sa jog/ dang na thang med thA gang thu bcwa shin / dan bya rnams pa shes na/ de bzhi byung chub sams dab rgyas pa rigs smra m+b+ha/ dag dang 'dun bskyed pargyu byang chubar/ sa rab sa byin mcho/ rnal 'byor ba// gzugs kyi 'phel ba dang ni yongs su 'grib mi mthong // gang zhig chos dang chos min chos dbyings mi mthong zhing // mya ngan 'das la mi reg de ni shes rab gnas/ gang zhig 'dir spyod sangs rgyas chos rnams mi rtog ste// stobs dang rdzu 'phrul rkang pa byang chub zhi mi rtog/ rnam par mi rtog rtog bral byin gyi rlabs kyis spyod// 'di ni shes rab pha rol phyin mchog spyod pa yin/ / smra ba'i zla ba sangs rgyas la ni rab 'byor zhus// yon tan dga' ba rnams kyi bar du gcod gang lags// ston pas bka' stsal bar du gcod par 'gyur mang ste/ / de las re zhing cung zad tsam zhig yongs su brjod// rgyal ba'i shes rab pha rol phyin 'di yig 'bri tshe// spobs bza dang rnam pa du ma 'byung 'gyur zhing // 'gro ba'i don ma byas par glog bzhin myur du yang / / yongs su nyams par 'gyur ba 'di ni bdud kyi las// 'di bshang tshe na kha cig som nyi za 'gyur te// 'dren pas 'dir ni bdag gi ming yang

  427. 214b

    yongs ma brjod/ / rigs dang sa dang rus kyang yongs su ma brjod ces// de ni nyan par mi 'gyur spong 'gyur bdud kyi las// de ltar mi shes de dag rtsa ba bor nas ni// rmongs pas yal ga dag dang 'dab ma tshol bar 'gyur/ / glang po rnyed kyang glang po'i rjes ni tshol ba ltar// shes rab pha rol phyin pas mdo tshol de bzhin no// dper na la la ro brgya ldan pa'i zas rnyed la/ zas mchog rnyed nas zas ngan tshol bar byed pa ltar// byang chub sems dpa' pha rol phyin pa 'di rnyed nas// dgra bcom sa yis byang chub tshol byed de bzhin no// bsti stang 'dod par 'gyur zhing rnyed pa 'dod 'gyur dang / / lha dang bcas dpa'i sems kyi khyim 'dris byed ldan zhing // chos btang nas ni chos min bya ba spyod 'gyur ba// lam bor lam gol 'gro ba 'di ni bdud kyi las// gang dag de yi tshe na 'dun cing dang gyur nas// chos kyi dam pa 'di ni nyan du song ba las// de dag gis ni chos smra bya ba ldan rig nas// dga' ba med cing yid mi bde bar gyur nas 'gro// de yi tshe na bdud kyi las 'di 'byung bar 'gyur// de tshe gang dag gis ni dge slong mang dkrugs nas// shes rab pha rol phyin 'di 'dzin par mi 'gyur ba'i// bar du gcod pa rnam mang gzhan yang 'byung bar 'gyur/ / rin chen rin tang med pa rnyed gyur gang dag yin// de dag dkon la dus rnams rtag tu 'tshe ba'ang mang // de bzhin rgyal ba'i shes rab pha rol byin pa mchog/ rin

  428. 215a

    chen chos kyang dkon la rtag tu 'tshe ba'ang mang / / theg pa gsar du zhugs pa'i sems can tho chung ba// gang zhig dkon pa'i rin chen 'di ni ma rnyed na// de la bar chang bya phyir bdud ni spro bar 'gyur/ / phyogs bcu'i sangs rgyas de dag yongs su 'dzin la sbyor// ma zhig na bar gyur la bu ni mang yod pa// de kun yid mi bde zhing de la rim gror byed// de bzhin phyogs bcu'i 'jig rten khams kyi sangs rgyas kyang // sum gyur shes rab dam pa 'di la dgongs pa mdzad// gang dag 'das dang phyogs bcu'i 'jig rten mgon gang dang / 'ongs dus na 'byung 'gyur de dag 'di las 'byung // 'jig rten ston pa rgyal ba rnams kyi skyed byed yum// sems can gzhan dang sems kyi spyod pa ston par byed// 'jig rten de bzhin nyid dang dgra bcom de bzhin nyid/ / rang rgyal de bzhin nyid dang rgyal sras de bzhin nyid// gcig pa nyid de dngos bral gzhan min de bzhin nyid// shes rab pha rol phyin pa de bzhin gshegs bas mkhyen/ / mkhas pa 'jig rten gnas sam mya ngan 'das kyang rung // chos kyi skyon med chos rnams stong pa 'di gnas te// byang chub sems dpas de bzhin nyid 'di rjes su rtogs// de phyir de bzhin gshegs shes sangs rgyas mtshan gsol to// shes rab pha rol phyin pa dga' tshal la brten pa// stobs bcu rnam 'dren rnams kyi spyod yul 'di yin te// sems

  429. 215b

    can sdug bsngal ngan song gsum las yongs 'don kyang / / de dag nams kyang sems can 'du shes 'gyur ba med// dper na seng ge ri sul brten nas 'jigs med par// ri dgas pa mo mang skrag byed cing sgra sgrog ltar/ / mi yi seng ge shes rab pha rol phyin brten nas// mu stegs can mang skrag byed 'jig rten sgra yang sgrog/ dper na nam mkhar gnas pa nyi ma'i 'od zer ni/ / sa 'di skems par byed cing gzugs kyang rab tu ston// de bzhin chos rgyal shes rab pha rol phyin brten pa// sred pa'i chu klung skems shing chos kyang rab tu ston// gzug rnams mi mthong tshor ba dag kyang mi mthong zhing / / 'du shes mthong ba med la sems pa mi mthong zhing // gang la rnam par shes dang sems yid mthong med pa// 'di ni chos mthong yin zhes de bzhin gshegs pas bstan/ / nam mkha' mthong zhes sems can tshig tu rab brjod pa// nam mkha' ji ltar mthong ste don 'di brtag par gyis// de ltar chos mthong ba yang de bzhin gshegs pas bstan/ / mthong ba dpe gzhan gyis ni bsnyad par rus ma yin// gang gis de ltar mthong ba de yis chos kun mthong // rgyal po btang snyoms 'dug cing blon po kur byed ltar/ sangs rgyas mdzad dang nyan thos chos rnams ji snyed pa// de dag thams cad shes rab pha rol phyin pa byed// rgyal po grong du mi 'gro yul 'khor mi 'gro bar// rang gi yul na/

  430. 216a

    'du ba thams cad sdud pa ltar// byang chub sems dpa' chos nyid gang du'ang mi 'gro la// sangs rgyas sa yi yon tan gang yin thams cad sdud// gang la bde gshegs byang chub sems dpa' dang bstan yod/ / shes rab pha rol phyin pa mchog la bsam sbyor ba// nyan thos rang rgyal sa gnyis shin tu 'das byas nas// zil gyis mi non rgyal ba'i byang chub myur du 'thob/ / dper na rgya mtshor 'jug pa'i gru ni chag 'gyur la// mi gang ro 'am rtswa 'am shing ni mi 'dzin par// chu dbus 'jig par 'gyur te ngogs su phyin mi 'gyur/ / gang zhig 'dzin pa rgya mtsho'i pha rol phyin par 'gyur// de ltar dang ldan dang ba thob pa gang zhig ni// shes rab pha rol phyin yum rjes su mi 'jug min// de dag thabs kyi yon tan shes rab yongs zin na/ / mchog tu rmad byung bde gshegs byang chub myur du reg/ dper na la la rdza so ma gtang chu skyed na// nyam chung phyir ni myur du 'jig par rig par bya// so btang bum par chu bskyed lam du 'jig pa yi// 'jigs pa med cing bde bar khyim du phyin par 'gyur// de bzhin byang chub sems dpa' dad pa mang gyur kyang // shes rab rnam par nyams na myur du ma rungs 'gyur/ / dad pas shes rab de ni yongs su zin gyur na// sa gnyis shin tu 'das te byang chub mchog thob 'gyur// dper na bcos legs ma byas gru ni rgya mtsho'i

  431. 216b

    nang / nor dang bcas shing tshong par bcas te 'jig par 'gyur// gru de legs par bcos legs byas dang ldan gyur na// mi 'jig nor dang bcas par ngogs su phyin par 'gyur/ de ltar byang chub sems dpa' dad pas yongs bsgoms kyang // shes rab med na byang chub las ni myur nyams 'gyur// de nyid shes rab pha rol phyin pa mchog ldan na// ma smas ma nyams rgyal ba'i byang chub reg par 'gyur/ / lo brgya nyi shu lon te rgas shing sdug bsngal mi// langs kyang bdag nyid 'gro bar nus pa ma yin te// de ni g.yas g.yon gnyis nas mi yis brten byas nas/ / 'gyel ba'i 'jigs pa med cing bde blag 'gro bar 'gyur// de bzhin byang chub sems dpa' shes rab stobs chung bas// rab tu zhugs par gyur kyang rab tu nyams par 'gyur// de nyid thabs dang shes rab mchog gis yongs zin na// mi nyams de bzhin gshegs kyi byang chub reg par 'gyur// byang chub sems dpa' dang po'i las kyi sar gnas gang / lhag pa'i bsam pas sangs rgyas byang chub mchog zhugs pa// slob ma bzang po bla ma gus ldan de dag gis// bla ma mkhas pa rnams la rtag tu bsten par bya// ci phyir zhe na/ mkhas pa'i yon tan de las 'byung // de dag shes rab pha rol phyin pa rjes su ston// sangs rgyas chos rnams dge ba'i bshes la bstan to zhes// yon tan kun gyi mchog mnga'

  432. 217a

    rgyal ba de skad gsungs/ / sbyin dang tshul khrims bzod dang de bzhin brtson 'grus dang // bsam gtan shes rab byang chub yongs su bsngo bar gyis// byang chub phung por zhen nas mchog 'dzin ma byed ces/ / dang po'i las can de la de skad bstan par bya// de ltar spyod pa legs mtsho smra ba'i zla ba rnams// 'gro ba'i skyabs dang dpung gnyen dang ni gnas yin te/ / rten dang blo dang gling dang yongs 'dren don 'dod pa// gsal byed sgron ma chos mchog smra ba mi 'khrugs yin// grags chen ldan rnams bya dka' go cha gyon byed de// phung po khams dang skye mched rnams kyi go cha min// theg gsum 'du shes bral zhing yongs su bzung ba min// mi ldog g.yo ba med cing mi 'khrugs chos can yin// de dag de 'dra'i chos dang ldan zhing spos pa med/ / the tsom som nyi ying gnyis bral zhing don dang ldan// shes rab pha rol phyin pa thos nas mi rur ba// gzhan gyi dring mi 'jog cing mi ldog rig par bya/ 'dren pa rnams kyi chos 'di zab ste mthong bar dka'// sus kyang rtogs pa med cing thob par gyur med pa// de phyir phan mdzad brtser ldan byang chub brnyes nas 'di// sems can tshogs sus shes snyam thugs khral chung bar mdzad/ / sems can rnams ni gnas la dga' zhing yul rnams 'dod// 'dzin la gnas shing mi mkhas thur rmongs mun pa bzhin/ 'ob

  433. 217b

    par bya ba'i chos ni gnas med 'dzin med de/ / des na 'jig rten dag dang rtsod pa 'byung ba yin// nam mkha'i khams ni shar gyi phyogs dang lho phyogs dang // de bzhin nub kyi phyogs dang byang phyogs pa mtha' yas/ / steng dang 'og dang phyogs bcu'i ji snyed rnams na'ang yod// za dad gyur pa med cing bye brag gyur pa med// 'das pa'i de bzhin nyid gang ma phyin de bzhin nyid/ / da ltar de bzhin nyid gang dgra bcom de bzhin nyid// chos kun de bzhin nyid gang dgra bcom de bzhin nyid// chos kyi de bzhin nyid 'di thams cad bye brag med// bde gshegs byang chub tha dad chos dang bral gyur pa/ / 'di ni byang chub sems dpa' gang zhig thob 'dod pa/ thabs dang ldan pas shes rab pha rol phyin la sbyor/ 'dren pa'i shes rab med na thob par 'gyur ma yin/ / bya zhig lus che dpag tshad brgya rtsa lnga bcu par// gyur la 'dab gshog zad de nyams rtsa la yod min na// de yis sum cu rtsa gsum gnas nas 'dzam gling 'dir/ bdag nyid mchongs na der ni nyam nyes 'gyur ba yin// rgyal ba rnams kyi pha rol phyin pa lnga 'di yang // bskal ba bye ba khrag khrig mang por bsgrubs byas shing / rnon la mtha' yas rgya chen 'jig rten chag brten kyang / thabs med shes rab bral ba nyan thos nyid du spang // sangs rgyas theg pa 'di la nges par 'byung 'dod gang / 'gro ba kun

  434. 218a

    la'ang sems snyoms pa ma'i 'du shes dang / / phan pa'i sems dang byams pa'i yid kyis brtul bya zhing // za ba med cing drang la tshig 'jam smra bar bya/ 'a rten mgon la gnas brtan rab 'byor yongs nus pa/ / yon tan rgya mtsho nyon mongs ma mchis rtags bstan gsol// mthu che ba dag ji ltar slar ldog mi 'gyur ba// de ltar yon tan phyogs tsam rgyal bas lung bstan gsol/ / tha dang 'du shes bral zhing rigs pa ldan tshig smra// dge sbyong dag dang bram ze gzhan la rten mi byed// mkhas pa dus rnams rtag par ngan song gsum po spangs/ / de dag dge bcu'i las kyi lam la mngon par brtson// zang zing med par 'gro la chos ni rjes su ston// chos la gcig tu dga' zhing rtag tu tshig 'jam ldan/ 'gro 'chag nyal dang 'dug par shes bzhin rab tu ldan/ gnya' shing gang tsam lba zhing 'gro la sems 'khrul med// gtsang byas gtsang ma'i gos 'chang gsum po dben zhing dag/ rnyed 'dod ma yin khyu mchog rtag tu chos 'dod pa// bdud kyi yul las 'das shing gzhan gyi dring mi 'jog bsam gtan bzhi la bsam gtan bsam gtan rer mi gnas/ / grags pa 'dod pa ma yini khro bas sems dkris med// khyim par gyur na rtag tu dngos po kun ma chags// 'tsho ba'i phyir ni ya ngas longs spyod tshol mi byed/

  435. 218b

    drag shul spyod sngags mi byed bud med sbyor sngags min// 'dod pa'i las can pho mor 'gyur zhes ston mi byed// rab tu dben pa'i shes rab pha rol phyin mchog brtson// 'thab dang brtso dang bral zhing byams pa'i sems kyang brtan/ / kun mkhyen 'dod cing bstan la rtag tu gzhol sems ldan// mtha' 'khob kla klo'i skye bo'i yul mtha' rnam par spangs// rang gi sa la dogs med rtag tu ri rab 'dra// chos phyir srog kyang 'dor zhing rnal 'byor rab tu brtson// mi ldog rtags ni 'di dag yin par shes par bya// gzugs dang tshor dang 'du shes sems pa rnam shes rnams/ / zab ste rang bzhin mtshan ma med cing rab zhi ba// dper na mnga' yis rgya mtsho'i gting thug tshol ba ltar// shes rab kyis ni brtags na phung po'i gting mi rnyed/ / byang chub sems dpa' gang zhig de ltar zab gyur cing // theg pa don dam chags med gang la phung po dang // khams dang skye mched yong min chos 'di rtogs pa de'i// bsod nams yang dag 'grub pa de las ci zhig yod// dper na 'dod chags chos la spyod pa'i skyes bu zhig/ bud med dus btab de dang ma phrang de yi ni// nyin gcig sems kyi rnam rtog spyod pa ji snyed pa/ / de snyed bskal par byang chub sems dpas thob par 'gyur// byang chub sems dpa' gang zhig bskal mang bye stong du// dgra bcom rang rgyal sbyin byed tshul khrims

  436. 219a

    srung byed dang / gang zhig shes rab pha rol phyin mchog snun pa'i chos/ brjod pa'i legs pa bzhi dang tshul khrims char mi bod/ byang chub sems dpa' gang zhig shes rab mchog bsgoms te/ / de las langs nas gos pa med pa'i chos brjod cing // de yang 'gro ba'i don du byang chub rgyur sngon// dge ba de dang mnyam pa 'jig rten gsum na med/ / bsod nams de dang gsog dang de bzhin stong pa dang // gsob dang ya ma brla dang snying po med shes pa// de ltar bde gshegs rnams kyi shes rab spyad spyod na// spyod tshe bsod nams dpag tu med pa yongs su 'dzin// sangs rgyas kyis bshad rab tu spyod cing rab bstan pa'i// chos 'di thams cad brjod pa tsam du zad shes na// bskal pa bye ba khrag khrig mang por brjod byas kyang / chos kyi dbyings la zad pa med cing 'phel ba med// rgyal ba rnams kyi pha rol phyin ces bya ba gang // chos de rnams kyang ming tsam du ni yongs smra bsgrags/ / yongs sngo rlom sems med pa'i byang chub sems dpa' ni// nyams pa med cing sangs rgyas byang chub mchog reg 'gyur// 'bru mar snying po 'bar ba phrad pa dang po yis/ / snying po tshig min de med par yang de mi tshig/ me lce zad pa thams snying po tshig min la// me lce za ma med par snying po tshig min lngar// dang po'i sems kyis byang chub

  437. 219b

    mchog reg ma yin la/ / de med par yang de la reg par nus ma yin// bla ma'i sems kyis byang chub zhi ba thob min la// de med par yang de 'thob nus pa ma yin no// sa bon las ni myu gu me tog 'bras bu 'byung / / de yang 'gags la shing yang med pa de min ltar// de bzhin dang po'i sems kyang byang chub rgyu yin te// de yang 'gags la byang chub med pa de ma yin/ / chu yi thigs pas bum pa dang po tha ma'i bar// rim gyis nyung ngu nyung ngus de yongs 'gengs pa ltar// de bzhin dang po'i sems kyang byang chub mchog rgyu ste// rim gyis dkar po'i yon tan rdzogs pa'i byang chub 'gyur/ / stong pa mtshan med smon pa med par chos spyod cing // mya ngan 'das la mi reg mtshan mar mi spyod pa// dper na mnyan pa mkhas ba phar 'gro tshur 'gro yang / / mtha' gnyis mi gnas rgya mtshor gnas pa med pa bzhin// de ltar spyod pa'i byang chub sems dpa' 'di mnyam bdag/ stobs bcus lung bstan byang chub reg 'gyur rlom sems med/ / 'di la ci yang med ces byang chub skrag pa med// de ltar spyod pa bde gshegs shes rab spyod pa yin// 'jig rten dgon pa'i lam dang mu ge nad bcas par/ / mthong nas skrag pa med cing de nas go gyon te// phyi ma'i mu mthar rtag tu brtson zhing rab shes nas// yongs su skyo ba'i yid ni rdul tsam skyed mi byed// byang chub sems dpa'

  438. 220a

    rgyal ba'i shes rab spyod byed cing / / phung po 'di dag gdod nas spong zhing skye med shes/ mnyam par ma bzhag sems can khams la snying rje 'jug/ par skabs der yang sangs rgyas chos las yongs mi nyams/ / dper na skyes bu mkhas pa yon tan dang ldan zhing // stobs ldan mi thub brtson byas sgyu rtsal cho ga shes// 'phong dang bzo gnas mang po'i pha rol phyin gyur cing / / sgyu ma sgrub shes 'gro don rab tu 'dod pa zhig/ pha dang ma dang chung mar bcas pa yongs bsdus nas// dag byed mang ba dgon pa'i lam du phyin pa dang / de yis dpa' zhing rtul pod skyes bu meng sprul te// bde bar song zhing phyir yang khyim du 'ong ba ltar// de bzhin de tshe byang chub sems dpa' mkhas pa yang // sems can khams rnams kun tu snying rje che skyed cing / / bdud bzhi dag dang sa gnyis las kyang rab 'das nas// ting 'dzin mchog la gnas shing byang chub reg mi byed// mkha' la rlung brten de la chu yi phung po brten// del sa chen 'di brten de la 'gro ba brten// sems can las la spyod pa'i rgyu ni de 'dra ste// nam mkha' gang la gnas yin don 'di bsam par gyis// de bzhin byang chub sems dpa' stong pa nyid gnas pa/ / 'gro la sems can shes pa'i smon lam rten can gyi// bya ba rnam pa sna tshogs du ma ston byed cing // mya ngan 'das la mi reg sdong par gnas med pa// gang

  439. 220b

    gI tshen byang chub sems dpa' mkhas gsal ba/ / sbyong ba zhi ba'i ting 'dzin dam pa 'di spyod pa// bar skabs der ni mtshan ma rab tu sgom mi byed/ mtshan ma med par gnas shing zhi la rab zhi spyod/ / bar sna 'phur ba'i bya la gnas yod ma yin te// de la gnas pa ma yin sa la ltung mi 'gyur// de ltar byang chub sems dpa' rnam thar sgor sbyong ba// mya ngan 'das la mi reg mtshan mar spyod ma yin/ / dper na 'phong bslabs skyes bus gnam du mnga' 'phangs te// mnga' gzhan dag ni phyi bzhin brgyud mar long btags nas// snga ma'i mnga' de sa la ltung ba'i skabs mi byed/ / mi de 'dod na mda' de sa la ltung bar 'gyur// de ltar shes rab pha rol phyin pa mchog spyod pa// shes rab thabs stobs rdzu 'phrul gyis ni rnam spyod pa/ / de dag dge ba'i rtsa ba ji srid ma rdzogs par// de sring stong nyid dam pa de ni thob mi byed// dper na dge slong rdzu 'phrul stobs mchog ldan pa zhig/ nam mkhar / nas te c-ig car cho 'phrul rnam par 'phrul/ 'gro dang 'chag pa dang ni nyal dang 'jug pa ston// de ni skyo ba med cing de la drab pa med// de bzhin byang chub sems dpa' mkhas pa stong gnas shing / / mi shes rdzu 'phrul pha rol byin la gnas pa med// 'gro ba dgas bya ba rnam pa mtha' yas thon/ bzhal pa bye bar skyo ba med cing drab pa med/ dbar na mi

  440. 221a

    @/ g.yang sa chen por 'dug byed cing / lag pa gnyis kas gdugs gnyis 'dzin cing nam mkha' la/ mchong bar byed cing g.yangs chen por lus bor nas/ ltung bar mi 'gyur ji srid der ni 'gro bar 'gyur/ / de bzhin byang chub sems dpa' mkhas pa snying rjer gnas// thabs dang shes rab gnyis kyi gdugs ni yongs bzung ste// chos rnams stong pa mtshan med smon pa med rdog cing / / mya ngan 'das la reg pa med la chos kyang mthong // dper na rin chen 'dod pa rin chen gling song ste// rin chen rnyed nas phyir yang khyim du 'ongs gyur pa// der ni ded dpon 'ba' zhig bde bar 'tsho byed cing // gnyen bshes tshogs yid mi bder 'jog pa min pa ltar// de bzhin byang chub sems dpa' stong nyid rin chen gyi// gling du song ste/ bsam gtan dbang po stobs thob pa// mya ngan 'das la reg pa 'ba' zhig mngon dga' zhing // sems can sdug bsngal yid du 'jog par 'gyur ma yin// dper na don gnyer tshong pa rgyas shes bya ba'i phyir/ / bar gyi grong khyer grong rdal gang yin bde bar 'gro// der yang mi gnas rin chen gling du'ang mi gnas la// rig pa khyim du mi gnas lam la mkhas par 'gyur// de bzhin byang chub sems dpa' gsal de nyan thos dang / / rang rgyal rnams kyi shes pa rnam grol kun la mkhas// de la mi gnas sangs rgyas ye shes gnas ma yin// 'dus ma byas la mi

  441. 221b

    gnas lam gyi tshul shes yin/ / gang tshe 'gro la byams pa rjes su 'brel byas nas// ting 'dzir stong pa mtshan med smon pa med spyod pa// de ni mya ngan 'das pa 'thob par 'gyur zhe 'am/ 'dus byas yin par gdags nus de ni gnas med do// dper na sprul pa'i mi lus mi snang ba yin zhing // de ni ming gis kyang ni gdags par nus pa lngar// de bzhin byang chub sems dpa' rnam thar sgor sbyong ba/ / de ni ming gis kyang ni gdags par nus pa yin// gal te spyod pa dang ni dbang po yongs 'dris la// byang chub sems dpa' stong pa mtshan ma med pa'i chos/ yongs su mi ston phyir mi ldog pa'i sa yi chos/ mi 'chang de ni lung ma bstan pa yin rig bya// dgra bcom sa dang rkyen gyi sangs rgyas ye shes dang // khams gsum dag la rmi lam na yang mi 'dod cing / sangs rgyas rnam mthong 'gro la chos kyang ston byed pa// de ni mi ldog lung bstan yin par rig par bya// rmi lam na ni sems can ngan song gsum gnas mthong // gang cig de la ngan song rgyun gcad smon lam 'debs// bden pa'i byin gyis brlabs kyis me yi phung po ni// de ni mi ldog lung bstan yin par rig par bya// mi yi 'jig rten 'byung bo'i gdon dang nad mang ba/ / phan dang snying brtser ldan pa'i bden pa'i byin gyis zhi// 'on kyang chom sems med cing nga rgyal skye med pa// de ni mi ldog lung bstan yin par rig par bya//

  442. 222a

    na pa na pa'i rgyu rnangs nagasapa/ sbyor bas bdas lan byam rnam sems 'byung / tu byang chub mamam dpa' na gyis b kar rlom/ / chom sems gnas pa de ni tho chung shes par bya// ming gi gzhi las bdud mi'i bar 'ongs byung na// 'di 'ang sbas te 'din khyod dang bam dang / khyod kyi bdu ma brgyad kyi bar gyi ming yin zhing / / gang me khyod ni sangs rgyas 'gyur ba'i ming 'di yin// spangs sdom rnal 'byor ldan pa ci 'dra 'byung 'gyur la// khyod sngon yon tan tshul yang 'di 'dra zhes brjod de/ / de skang gang thos rlom sems byang chub sems dpa' ni// bdud kyis yongs su brlang zhing blo chang rig par bya// rab tu dben pa'i grong dang zong khyer ri sus dang / dgon dben pa nags khrod rab tu rten byed cing / / bdag stong gzhan la smod pa'i byang chub sems dpa' ni// bdud kyis yongs su bzang shing tho chung rig par bya// rtag tu grong dang yul 'khor / grong rdal gnas byed cing // sems can smin byed byang chub brtson pa ma gtogs par// de ni dgra bcom rang rgyal 'dod pa gzhar mi skyed// 'di ni bde bar gshegs pa'i sras kyi dben par gsungs/ / gang zhig dpag tshad lnga brgya yod pa'i ri yi sul// sbrul gyis gang bar lo mang bye bar gnas byed kyang // dben pa 'di mi shes pa'i byang chub sems dpa' de// lhag

  443. 222b

    pa'i nga rgyal rnyed nas 'dre bar gnas pa yin/ / byang chub sems dpa' 'gro ba'i don brtson bsam gtan dang / stobs dang dbang po rnamathar ting 'dzin thob de la// 'di ni dgon dben spyod pa min snyam brnyas byed pa/ / de ni bdud kyi spyod yul gnas shes rgyal bas gsungs// gang zhig grong ngam 'on te dgon par gnas kyang rung // theg pa gnyis kyi sems bral byang chub mchog nges na/ / 'di ni 'gro don zhugs pa rnams kyi dben pa ste// byang chub sems dpa' drod nyam de ni bdag nyid nyams// de lta bas na byang chub dam pa tshol ba yi// bsam pa drag ldan mkhas pas nga rgyal nges bcom te// nad pa'i tshogs kyis gso phyir sman pa bsten pa ltar// g.yel ba med par dge ba'i bshes gnyen bsten par bya// sangs rgyas byang chub mchog zhugs byang chub sems dpa' dag/ pha rol phyin dang bcas te dge ba'i bshes su bstan// de dag rjes su ston byed 'di ni bsgrub pa yis// rgyu rnams gnyis kyis sangs rgyas byang chub myur du rtogs/ / rgyal ba 'das dang ma byon phyogs bcu gang zhugs pa// kun lam pha rol phyin pa 'di yin gzhan ma yin// pha rol phyin 'di byang chub mchog la zhugs rnams kyi/ / gsal dang smon dang sdang dang ston mchog yin zhes bshad// ji ltar shes rab pha rol phyin pa mtshan nyid stong // chos 'di thams cad mtshan nyid de dang

  444. 223a

    'drar gnas shing / / chos rnams stong zhing mtshan ma med par rab shes na// de ltar spyod pa bde gshegs shes rab spyod pa yin// sems can yongs su lhogs pas zas la 'dod byed cing / / 'khor bar chags pa'i yid dang ldan rnams rtag tu 'khor// bdag dang bdag gi chos gnyis yang dag min stong ste// byis pa bdag nyid kyis 'di mkha' la mdud pa bor/ / dper na dogs pa'i 'du shes kyis ni dug langs pa// dug de khong du song ba med kyang brgyal bar 'gyur// de bzhin byis pa bdag dang bdag gir khas len pa/ / bdag der 'du shes yang dag min rtog skye zhing 'chi// ji ltar 'dzin pa de ltar kun nas nyon mongs bstan// bdag dang bdag gir mi dmigs rnam par byang bar gsungs/ / 'di la gang yang nyon mongs rnam dag 'a med par// byang chub sems dpas shes rab pha rol phyin pa rtogs// 'dzam bu gling na sems can ji snyed ma lus pa/ / de dag thams cad byang chub mchog tu sems bskyed nas// lo stong bye ba mang por sbyin pa byin byas la// kun kyang 'gro ba'i don phyir byang chub rgyur sgo yang / / gang zhig shes rab pha rol phyin la mngon brtson pa// tha na nyi ma gcig cig rjes su 'thun byed na// de la sbyin pa'i phung po'i bsod nams char mi phod// de phyir

  445. 223b

    g.yel med rtag tu shes rab 'jug par bya/ / shes rab pha rol phyin mchog spyod pa'i rnal 'byor pa/ snying rje chen po skyed cing sems can 'du shes med// de tshe mkhas pa 'gro ba kun gyi sbyin gnas 'gyur/ / rtag tu yul 'khor bsod snyoms don yod yongs su sbyong// byang chub sems dpa' gang 'dir yun ring 'brel ba yi// wa mi ngan song gsum gyi sems can 'grol ba'i phyir/ / lam yangs pha rol sems can khams la ston 'dod pa// nyin mtshan shes rab pha rol phyin la brtson par bya// mi zhig sngon chad ma rnyed pa yi rin chen mchog dus gzhan zhig na rnyed par gyur te dga' ba las/ / rnyed ma thag tu bag med gyur te stor na ni// stor bas rin chen mngon 'dod rtag tu sdug sngal lo// de ltar byang chub mchog zhugs rin chen lta bu yis/ / shes rab pha rol phyin la rnal 'byor dor mi bya// rin chen rnyed nas blangs te rab tu brtson dkris nas// myur du 'gro bar byed pa zhi bar 'gyur ba bzhin/ nyi ma smin dang bral ba'i 'od zer dra ba can/ / mun nag thobs po'i mun pa thams cad 'joms 'char ba// srin bu me khyer srog chags 'byung po thams cad dang / skar ma'i tshogs dang zla ba'i 'od kun zil gyis gnon/ / de bzhin byang chub sems dpa' shes rab pha rol phyin// mchog spyod stong pa dang ni mtshan ma med spyod pa/ mkhas pas lta ba'i thibs po bcom nas 'a

  446. 224a

    @kun dang / / dgra bcom rang rgyal byang chub sems mang zil gyis gnon// dper na rgyal po'i bu zhig nor stong don 'dod pa// kun gyi gtso bor 'gyur te mngon par 'gro bya 'os/ / 'di ni de lta na yang sems can mang dga' byed// thabs thob gyur te rgyal srid gnas nas spos ci dgos// de ltar shes rab spyod mkhas byang chub sems dpa' yang / / bdud rtsi sbyin par byed cing lha dang mi rnams dga'// 'di ni da lta na yang sems can mang phan brtson// chos kyi rgyal por gnas par gyur nas smos ci dgos// de yi tshe na bdud ni zug rngu ldan par 'gyur// mya ngan nyam thag sdug bsngal yid mi bde nyam chung // ji ltar byang chub sems dpa' 'di yid nur 'gyur zhes// 'jigs pa bstan phyir phyogs rnams sreg cing skar mnga' gtong / / gang tshe mkhas pa de dag bsam pa rab ldan zhing // nyin mtshan shes rab pha rol phyin pa mchog don lha// de tshe lus sems ngag ni mkha' 'gro bya lngar 'gyur/ / nag po'i rtsa lag rnams kyis glags rnyed ga la 'gyur// gang tshe byang chub sems dpa' 'thab dang rtsod gyur cing // phan tshun mi mthun khros pa'i sems dang ldan gyur pa/ / de tshe bdud ni dga' zhing mchog tu nyams bder 'gyur// de gnyis rgyal ba'i ye shes las ni ring 'gyur snyam// de gnyis ring du 'gyur zhing sha za 'dra bar 'gyur/ gnyis

  447. 224b

    ka rang gis dam bcas nyams par byed par 'gyur/ / sdang zhing bzod dang bral la byang chub ga la yod// de tshe bdud rnams phyogs dang bcas te dga' bar 'gyur// lung bstan ma thob byang chub sems dpa' gang zhig gis/ / lung bstan thob la sems khros rtsod pa rtsom byed na// tha ba skyon ldan sems kyi skad cig ji snyed pa// de snyed bskal par gzhi nas go cha bgo dgos so/ / sangs rgyas bzod pa'i pha rol phyin pas byang chub reg/ sems 'di bzang ba min snyam dran pa skyed byed cing // so sor 'chags par byed cing phyis kyang sdom byed la// dga' bar mi byed de ni sangs rgyas chos 'dir slob// gang zhig slob tshe bslab pa gang yang khas mi len// slob pa po dang bslab pa'i chos rnams mi dmigs shing // bslab dang bslab pa ma yin 'di gnyis mi rtog pa/ / de ltar gang slob de ni sangs rgyas chos 'dir slob// byang chub sems dpa' gang zhig de lha'i bslab 'di shes// der ni gzhar yang bslab nyams tshul khrims 'tshal mi 'gyur/ / de ni sangs rgyas chos brnyes bya phyir 'di la slob// de ni bslab la mkhas te de ni dmigs pa med// mkhas pa 'od byed rnams kyis shes rab de ltar slob// dge ba ma yin sems gcig tsam yang skyed mi byed/ / nyi ma mkha' la 'gro ba'i zer gyis zil gnon pa'i// mdun gyi bar snang la ni mun pa mi gnas shing // shes rab pha rol phyin la bslab par byas

  448. 225a

    rnams kyi/ / pha rol phyin pa thams cad 'dir ni 'dus par 'gyur// 'jig tshogs lta bar lta ba drug cu gnyis 'dus ltar// de bzhin pha rol phyin par 'di dag 'dus par gsungs/ / dper na srog gi dbang po 'gags na dbang po gzhan// gang dag ji snyed yod pa thams cad 'gag par 'gyur// de ltar shes rab spyod pa mkhas pa mchog rnams kyi/ / pha rol phyin pa thams cad 'dir ni 'dus par gsungs// byang chub sems dpas nyan thos yon tan gang dag dang // de bzhin rang rgyal yon tan kun la slob byed cing / / de dag de la mi gnas 'dod pa mi skyed de// 'di ni bdag gi bslab bya yin snyam de phyir slob// mi ldog byang chub mchog la rab tu zhugs pa yi// sems bskyed pa la bsam pa thag pas yi rang ba/ / stong gsum ri rab srang la gzhal bas tshad gzung rung // rjes su yi rang dge ba de ni de ltar min// dge ba don gnyer phan 'dod sems can ji snyed pa/ kun gyi bsod nams phung po la'ang yi rang 'gyur// de phyir de dag rgyal ba'i yon tan thob gyur nas// sdug bsngal zad par bya phyir 'jig rten chos sbyin byed// byang chub sems dpa' gang zhig mi rtog chos rnams kun/ / stong dang mtshan ma med dang spros med yongs shes pa// de ni shes rab gnyis kyis byang chub tshol mi byed// rnal 'byor pa de shes rab pha rol phyin

  449. 225b

    mchog brtson/ / nam mkha'i khams de dang ni nam mkha' der 'gal ba// yod pa ma yir gang gis kyang ni de ma thob// de bzhin shes rab spyod mkhas byang chub sems dpa' yang / nam mkha' lta bu yin te nye bar zhi bar spyod// skye bo'i dbus na sgyu ma'i skyes bu 'di snyam du// skye bo 'di mgu bya snyam mi sems de yang byed// rdzu 'phrul sna tshogs rab tu ston par byed mthong yang / / de la lus med sems med ming yang yod ma yin// de bzhin shes rab spyod mkhas nam yang 'di snyam du// byang chub rtogs nas 'gro ba yongs su dgrol mi sems// skye ba sna tshogs dang ni bya ba mang ldan pa// sgyu ma lta bur ston kyang rnam par mi rtog spyod// dper na sangs rgyas sprul pa sangs rgyas mdzad pa byed/ byed pa de la dregs pa cung zad skye mi 'gyur/ / de bzhin shes rab spyor mkhas byang chub sems dpa' yang // sprul pa sgyu ma bzhin du bya ba thams cad ston// shing mkhan bzo bo mkhas pas skyes pa bud med dang / 'dra ba'i bzo byas de yang bya ba thams cad byed// de bzhin shes rab spyod mkhas byang chub sems dpa' yang // rnam par mi rtog ye shes bya ba thams cad byed// de ltar spyod mkhas rnams la lha tshogs mang po dag/ thal mo sbyar ba btud nas phyag kyang 'tshal bar byed// phyogs bcu'i 'jig rten khams kyi sangs rgyas ji snyed pa'ang / yon tan bsngags pa'i

  450. 226a

    'phreng ba yongs su brjod pa mdzad/ / gang+gA'i klung mnyam zhing na sems can ji snyed pa// de kun yongs su brtag pa bzung ste bdud gyur la/ ba spu nyag re las kyang de snyed sprul byas kyang / / de dag kun gyis mkhas la bar chad bya mi nus// rgyu rnam bzhi yis byang chub sems dpa' mkhas stobs ldan// bdud bzhis thub par dka' zhing bskyod par mi nus te/ / stong par gnas dang sems can yongs su mi gtong dang // ji skad smras bzhin byed dang bde gshegs byin rlabs can// de bzhin gshegs yum shes rab pha rol phyin pa 'di/ / 'chang tshe byang chub sems dpa' gang zhig mos byed cing // bsam pa dag pas bsgrub par mngon par brtson byed na// nges pa thams cad mkhyen pa nyid la zhugs rig bya/ / chos dbyings de bzhin nyid la gnas par mi 'gyur zhing // dper na bar snang sprir bzhin gnas pa med par gnas// rig sngags 'chang ba gnas med mkhar rgyu gnas 'dod pa/ sngags mthus dus min me tog ldan zhing byin gyis rlob// de ltar spyod pa byang chub sems dpa' mkhas gsal ba// rtogs par byed dang sangs rgyas chos rnams dmigs mi 'gyur// 'chad par byed dang chos 'dod lta bar byed mi dmigs// 'di ni zhi 'dod yon tan dga' ba'i gnas pa yin// dgra bcom rnam thar de bzhin gshegs kyi ma gtogs par// gnas pa

  451. 226b

    'di ni nyan thos rang rgyal bcas pa yi/ / gnas pa zhi ba'i ting 'dzin rab zhi bde ldan pas// ji snyed kun gyi mchog dang gong na med pa yin// 'dab chags mkha' la gnas kyang ltung bar 'gyur ma yin/ / nya ni chu na gnas kyang 'tshubs te 'chi ba med// de ltar byang chub sems dpa' bsam gtan stobs ngag gis// pha rol son pa stong gnas mya ngan 'da' mi 'gyur/ / sems can kun gyi yon tan mchog tu 'gro ba dang // sangs rgyas ye shes mchog tu rmad byung mchog reg dang // chos kyi sbyin pa rab mchog dam pa sbyin 'dod gang // phan mdzad rnams kyi gnas mchog 'di la brten par gyis// bslab pa 'di ni 'dren pas bslab pa yongs brjod pa// bslab pa ji snyed kun gyi mchog dang gong na med// mkhas pa gang zhig bslab kun pha rol 'gro 'dod pas/ / sangs rgyas bslab pa shes rab pha rol phyin 'di slob// 'di ni chos gter mchog dang chos mdzod dam pa yin// sangs rgyas rigs yin 'gro ba'i bde dang skyid pa'i mdzod/ / 'das dang ma byon phyogs bcu'i 'jig rten mgon po rnams// de dag 'di las 'khrungs kyang chos dbyings zad mi 'gyur// shing dang 'bras bu me tog nags tshal ji snyed pa/ / de dag thams cad sa la yang dag 'byung zhing 'thon// 'on kyang sa la zad pa med cing 'brel ba med// yongs su mi nyams rnam par mi rtog skyo ba med// sangs

  452. 227a

    rgyas sras dang nyan thos rang rgyal lha rnams dang / / 'gro ba kun gyi bde skyid chos rnams ji snyed pa// de kun shes rab pha rol phyin pa mchog las byung // shes rab nams kyang zad pa med cing 'phel ba med/ / sems can tha ma 'bring dang mchog kyur ji snyed pa// de kun ma rig las byung bde bar gshegs pas gsungs// rkyen rnams tshogs nas sdug bsngal 'khrul 'khor rab tu 'byung / / ma rig 'khrul 'khor de ni zad med 'phel ba med// ye shes tshul sgo thabs dang rtsa ba ji snyed pa// de kun shes rab pha rol phyin pa mchog las byung / / rkyen rnams tshogs nas las kyi 'khrul 'khor rab tu 'byung // shes rab pha rol phyin la zad med 'phel ba med// byang chub sems dpa' gang zhig rten cing 'brel 'byung la/ skye med zad pa med par shes rab 'dis shes te// nyi ma sprin med 'od zer 'phro bas mun bsal ltar// ma rig thibs po bcom nas rang byung thob par 'gyur// mthu chen ldan pa bsam gtan bzhis kyang gnas byed pa/ / rten par byed pa ma yin gnas par byed pa med// 'on kyang bsam gtan yan lag bcas pa bzhi po 'dis// byang chub sems dpa' mchog thob pa yi rten du 'gyur/ / shes rab mchog thob bsam gtan dag la gnas pa ni// gzugs med ting 'dzin dam pa bzhi yang nyams su myong // bsam gtan 'di dag byang chub dam pa

  453. 227b

    mchog la phan/ / byang chub sems dpa' zag pazang phyir slob pa min// 'di ni yon tan sogs pa'i ngo mtshar rmad byung ste// bsam gtan ting nge 'dzin la gnas nas mtshan ma med/ / de la gnas rnams gal te lus ni zhig gyur na// bsam pa ji bzhin 'dod pa'i khams su yang skye'o// dper na 'dzam gling mi zhig sngon chad lha yul gyi// lha yi grong khyer mchog tu ma phyin phyis song ste/ / de ni yongs su bzung ba'i yul de rnams mthong nas// phyir 'dir 'ong bar gyur na chags par mi byed ltar// de bzhin byang chub sems dpa'i yon tan mchog 'chang ba/ / rnal 'byor brtson de bsam gtan ting 'dzin la gnas nas// phyir yang 'dod pa'i khams su gnas te chags pa med// chu yi pad+ma bzhin du byis pa'i chos mi gnas/ / bdag nyid chen po sems can yongs su smin bya dang // zhing sbyong pha rol phyin rdzogs don byed kho nar zad// byang chub yon tan pha rol phyin nyams 'gyur 'ong zhes// gzugs med khams su skye ba don du gnyer mi byed// dper na mi zhig rin chen gter rnams rnyed gyur nas// de la 'dod pa'i blo ni skyed par ma byas la// des kyang dus gzhan zhig na de dag yongs blangs shing / / blangs nas khyim du song sde chags par mi byed lngar// de bzhin sems dpa' mkhas pa dga' ba dang // bde sbyin bsam gtan ting 'dzin zhi ba bzhi thob nas//

  454. 228a

    bsam gtan bde ldan bsam gtan ting 'dzin thob btang ste// 'gro la snying brtser ldan pa phyir yang 'dod khams 'jug/ gal te byang chub sems dpa' ting 'dzin bsam gtan gnas/ / dgra bcom rang rgyal theg par 'dod pa'i blo skyed na// mnyam par ma gzhag chod cing sems g.yengs gyur ba ste// sangs rgyas yon tan yongs nyams mnyan pa gru zhig bzhin/ / gzhan yang gzugs dang sgra dang de bzhin dri dang ro// reg dang 'dod pa'i yon tan lnga la brtson gyur kyang // dgra bcom rang rgyal theg bral byang chub sems dpa' na/ / dpa' bo rtag tu mnyam gzhag yin par shes par bya// sems can gang zag gzhan phyir sems dpa' rnam dgu pa// brtson 'bras pha rol phyin la mngon brtson rnam par spyod/ dper na zan mo chu chun dbang med jo bo'i dbang // de bzhin dpa' rnams sems can kun gyi dbang gis 'gro// skyo ba byas sam 'on te rtag tu brdegs kyang rung // bran mo jo bo la ni zlog tshog mi sgra yi/ / 'di yis bdag ni gsad par 'gyur du 'ong snyam nas// shin tu skrag pa'i yid kyis 'jigs bcas zil gyis gnon// de bzhin byang chub ched du byang chub mchog zhugs pa/ 'gro bkun la bran gyur bzhin du gnas par bya// 'di las byang chub 'thob cing yon tan rdzogs par 'gyur// rtswa rang shing las me byung bas ni de nyid sreg/ bdag gi brda

  455. 228b

    ba btang nas re ba med sems kyis/ / sems can gzhan gyi dgos la nyin mtshan mngon par brtson// bu gcig pa la ma ni rim gro byed pa ltar// bsam pa thag pas rnam par skyo med gnas bar gyis/ / byang chub sems dpa' gang zhig yun ring 'khor 'dod cing // sems can don dang zhing sbyong brtson pa'i rnal 'byor pa// skyo ba'i blo ni rdul tsam skyed par mi 'gyur na// de ni brtson 'grus pha rol phyin ldan g.yeng ba med// byang chub sems dpa' mi mkhas bskal pa bye bar bgrang // gal te ring bar 'du shes sdug bsngal byang chub sgrub// yang dag chos sgrub byed tshe yun ring sdug bsngal 'gyur/ / des na brtson 'grus pha rol phyin nyams le lo can// byang chub mchog tu sems bskyed dang po nas bzung ste// byang chub bla na med pa thob par gyur gyi bar/ / nyin mtshan gcig tsam du ni yid la sems byed na// mkhas pa gsal bas brtson 'grus brtsams par rig par bya// gal te 'ga' zhig 'di skad ri rab ri bshig pa'i/ rjes la byang chub thob par 'gyur zhes smra ba las// ci ste skyo ba'i blo sred tshad kyang sems byed na// de tshe byang chub sems dpa' le lor gyur pa yin// ci ste de ni 'di rtsam chongs ji dka sems/ / yang cig tsam la ri rab thal bar rlag sems skyed// byang chub sems dpa' mkhas pas brtson 'grus brtsams pa the// ring por mi thogs 'dren pa'i byang chub mchog thob 'gyur

  456. 229a

    'gro ba yongs su smin par byas nas don bya zhes/ / gal te lus dang ngag dang yid kyis brtson byed na// bdag tu 'du shes gnas pas le lor gyur pa ste/ thams cad mkhyen pa nyid la ring 'gyur gnam sa bzhin// gang tshe lus dang sems dang sems can 'du shes med// 'du shes rnam par log nas gnyis su med chos spyod// 'di ni byang chu ba zhi pa mi nyams mchog 'dod pa'i/ / brtson 'grus pha rol phyin ces phan pa mdzad pas gsungs// gal te gzhan las ngan brjod tshig rtsub thos gyur na// bdag bde yin zhes byang chub sems dpa' mkhas pa dga'/ / sus smras sus thos gang gis gang zhig gang gi phyir// bzod pa'i pha rol phyin mchog ldan pa mdzangs pa yin// byang chub sems dpa' gang zhig bzod pa'i legs chos lngar/ / gang zhig stong gsum rin chen bkang ste 'jig rten mkhyen// sangs rgyas rnams dang dgra bcom rang rgyal phul byas pa'i// sbyin pa'i phung pos de la bsod nams char mi phod/ / bzod la gnas pa'i lus ni yongs su dag 'gyur te// sum cu rtsa gnyis mtshan dang mthu stobs pa mtha' yas// sems can rnams la chos rab stong pa sgrog par byed/ / 'di ni bzod ldan de la 'gro ba dgar 'gyur mkhas// gal te sems can la las tsan ngan phur ma blangs// rab gus byang chub sems dpa' la ni nyug byed la// gzhan zhig

  457. 229b

    me mngag mgo la 'thor byed gnyis ka la/ / de yis mnyam zhing snyoms pa'i yid ni bskyed par bya// byang chub sems dpa' mkhas pas de ltar bzod byas nas// sems bskyed de ni byang chub mchog tu yongs bsngos nas/ / dpa' bo 'jig rten kun la bzod pas dgra bcom dang / rang rgyal sems can khams kyi ji snyed zil gyis gnon// bzod byed 'di snyam du yang sems ni bskyed byas te/ / sems dmyal dud 'gro gshin rje'i 'jig rten sdug bsngal mang // 'dod pa'i yon tan rgyu yis dbang med gnod myong na// byang chub ched du ci phyir nga bzod mi bya snyam// lcag dbyug mtshon dang bsad dang bcing dang brdeg pa dang / mgo gcod pa dang rna ba rkang lag sna gcod dang / 'jig rten sdug bsngal ji snyed bdag gis bzod snyam pa/ byang chub sems dpa' bzod pa'i pha rol phyin la gnas/ / tshul khrims kyis ni zhi ba 'dod rnams 'phags par 'gyur// stobs bcu'i spyod yul gnas shing tshul khrims nyams pa med// sdom pa'i bya ba ji snyed kun gyi rjes su 'jug/ sems can kun la phan phyir de yang byang chub sngo// gal te rang rgyal dgra bcom byang chub reg 'dod na// tshul khrims 'chal cing mi mkhas de bzhin spyod pa nyams/ / ci ste byang chub zhi ba mchog tu yongs sngon// 'dod yon brtson yang tshul khrims pha rol phyin la gnas// chos gang nges pa'i byang chub yon tan 'byung 'gyur ba// de ni

  458. 230a

    @#yon tan chos ldan rnams kyi tshul khrims don/ / chos gang phan byed rnams kyi byang chub yongs nyams pa// 'di ni tshul khrims 'chal ces rnam par 'dren pas gsungs/ / gal te byang chub sems dpa' 'dod yon lnga spyod kyang // sangs rgyas chos dang 'phags pa'i dge 'dun skyabs song ste// sangs rgyas 'grub bya snyam du kun mkhyen yid byed na/ / mkhas pas tshul khrims pha rol phyin gnas rig par bya// gal te bskal pa bye bar dge ba'i las lam bcu// spyod kyang rang rgyal dgra bcom nyid la 'dod skyed na// de tshe tshul khrims skyon byung tshul khrims nyams pa yin/ / sems bskyed de ni phas pham pas kyang shin tu lci// tshul khrims srung zhing byang chub mchog tu yongs sngol// de yis rlom sems med cing bdag bstod mi byed la/ / nga yi 'du shes sems can 'du shes yongs su spangs// byang chub sems dpa' tshul khrims pha rol phyin gnas brjod// gal te byang chub sems dpa' rgyal ba'i lam spyod pa/ / sems can 'di dag khrims ldan 'di dag khrims 'chal ces// sna tshogs 'du shes zhugs pa shin tu tshul khrims 'chal// tshul khrims nyams shing de la yongs dag tshul khrims med/ / gang la bdag gi 'du shes sems can 'du shes med// 'du shes 'dod chags bral la sdom min ga la yod// gang la sdom dang sdom pa ma yin rlom

  459. 230b

    sems med/ / 'di ni tshul khrims sdom par rnam par 'dren pas gsungs// sems can dag pa gang zhig de ltar khrims ldan pa// sdug dang mi sdug kun la lta ba med pa yin/ mgo dang rkang lag gtong zhing zhum pa'i sems kyang med// bdog pa thams cad gtong zhing rtag tu zhen pa med// chos rnams rang bzhin bdag med ya ma brlar shes nas// bdag gi sha yang gtong la zhum pa'i sems med na/ / de tshe phyi rol dngos po gtong ba smos ci dgos// gal te ser sna byed pa de ni gnas med do// bdag tu 'du shes dngos la bdag gir 'dzin pas chags/ / blun po rnams la gtong ba'i blo lha ga la yod// ser sna can ni yi dgas gnas su skye bar 'gyur// ci ste mir skyes na yang de tshe dbul por 'gyur// de tshe byang chub sems dpa' sems can dbul shes nas/ / gtong la mos par 'gyur zhing rtag tu lkug par gtong // gling bzhi legs par brgyan pa mchil ma'i thal ba 'dra// byin nas dga' bar 'gyur gyi gling thob de ltar min/ / byang chub sems dpa' mkhas pa gsal ba srid gsum gyi// sems can ji snyed de dag kun la sbyin pa 'di// byin par gyur cig snyam du bsams nas sbyin gyur la/ / de yang 'gro ba'i don phyir byang chub mchog tu bsngo/ sbyin pa byin nas dngos la gnas par byed pa med// de ni nam du'ang rnam par smin la re ba

  460. 231a

    @mang / / de ltar gdong ba mkhas pa thams cad gtong ba ste// chung ngu btang la mang po dpag tu med par 'gyur// sring ba gsum na sems can ma lus ji skad pa/ / yongs su brtag pa bzung ste de dag thams cad kyis// 'jig rten mkhyen pa sangs rgyas dgra bcom rang rgyal la// bskal pa mtha' yas sbyin byin nyan thos legs tshol na// byang chub sems dpa' mkhas pa thabs mkhas gang zhig gis// de dag bsod nams bya ba'i dngos la yi rangs nas// sems can don du byang chub mchog rab yongs bsngo na// yong+ga su sngo bas 'gro ba thams cad zil gyis non/ / nor bu mching bu'i phung po chen por gyur pa yang // rin chen bai DUr+ya gcig de kun zil gyis gnon// de bzhin 'gro kun sbyin pa'i phung po rgya chen kun/ / rjes su yi rang byang chub sems dpas zil gyis non// gal te byang chub sems dpas 'gro la sbyin byin nas// de la bdag gir mi byed dngos po 'phangs med na// de las dge ba'i rtsa ba rgya chen 'phel 'gyur te// sbyin med 'od ldan zla dkyil yar gyi ngo bzhin no// byang chub sems dpa'i sbyin pas yi dgas 'gro ba gcod// dngul ba dang ni de bzhin nyon mongs thams cad gcod/ / spyong tshe longs spyod mtha' yas rgyas pa thob par 'gyur// sbyin pas sdug bsngal gyur pa'i sems can yongs smin byed// khrims kyis dud

  461. 231b

    'gro'i 'gro ba du ma'i ngo bo dang / ma khar brgyad sbrang de yas ngal ba rtag tu rAd// bzed pas gzugs bzang dam pa rgya chen thob gyur te// gser mdog sdug cing 'gro bas blta ba'i 'os su 'gyur/ / brtson 'grus kyis ni dkar po'i yon tan 'grib mi 'gyur// ye shes mtha' yas rgyal ba'i bang mdzod rnyed par 'gyur// bsam gtan gyis ni 'dod pa'i yon tan smad pa 'dor/ / rig dang mngon par shes dang ting 'dzin mngon par sgrub// shes rab kyis ni chos kyi rang bzhin yongs shes nas// khams gsum ma lus pa las yang dag 'da' bar 'gyur/ / mi yi khyu mchog 'khor lo rin chen bsor byas nas// sdug bsngal zad par bya phyir 'gro la chos kyang ston// chos 'di yongs rdzogs byas nas byang chub sems dpa' de// yongs dag zhing dang sems can dag pa yongs su 'dzin// sangs rgyas rgyu dang chos kyi rgyud kyang yongs su 'dzin// de bzhin dge 'dun rgyud dang chos kun yongs su 'dzin// 'gro ba'i nang gso mdzad pa sman pa'i mchog gyur pas/ / shes rab bstan pa byang chub lam ldan 'di gsungs te// ming ni yon tan rin chen sdud pa byang chub lam// lam 'di sems can rnams kyis thob par bya phyir bshad/ / shes rab kyi pha rol tu phyin pa sdud pa tshigs su bcad pa rdzogs so// // gsar 'gyur gtan la phab pa//

  462. 232a

    rgya gar skad du/ Ar+ya badz+ra tshe di kA na ma pradz+nyA bA ra mi tA nA ma mahA yA na sU tra/ bod skad du/ 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na// dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de nas bcom ldan 'das snga dro'i dus kyi tshe/ sham thabs dang chos gos gsol te/ lhung bzed bsnams nas// mnyan yod kyi grong khyer chen por bsod snyoms kyi phyir zhugs so// de nas bcom ldan 'das mnyan yod kyi grong khyer chen por bsod snyoms kyi phyir gshegs nas bsod snyoms kyi zhal zas mjug tu gsol te/ zhal zas kyi bya ba mdzad/ lhung bzed dang chos gos bzhag nas/ zhabs bsil te gdan bshams pa la skyil mo krung bcas nas sku drang por bsrang ste/ dran pa mngon du bzhag nas bzhugs so// de nas dge slong mang po bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/

  463. 232b

    bcom ldan 'das la lan gsum bskor ba bas nas phyogs gcig tu 'khod do// yang de'i tshe tshe dang ldan pa rab 'byor de nyid du 'dus par gyur te 'dug go// de nas tshe dang ldan pa rab 'byor stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rnams la phan gdags pa'i dam pa ji snyed pas phan btags pa dang / de bzhin gshegs pa dgra bcom pa yang dag par rdzogs pa'i sangs rgyas kyis// byang chub sems dpa' sems dpa' chen po rnams la yongs su gtad pa'i dam pas yongs su gtad pa ni/ bcom ldan 'das ngo mtshar to// bde bar gshegs pa ngo mtshar to// bcom ldan 'das byang chub sems dpa'i theg pa la yang dag par zhugs pas ji ltar gnas par bgyi/ ji ltar bsgrub par bgyi/ ji ltar sems rab tu gzung bar bgyi/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor legs so legs so// rab 'byor de de bzhin no//

  464. 233a

    de de bzhin te/ de bzhin gshegs pas byang chub sems dpa' sems dpa' chen po rnams la phan gdags pa'i dam pas phan btags so// de bzhin gshegs pas byang chub sems dpa' sems dpa' chen po rnams la yongs su gtad pa'i dam pas yongs su gtad do/ / rab 'byor de'i phyir nyon la legs par rab tu yid la zung zhig dang / byang chub sems dpa'i theg pa la yang dag par zhugs pas/ ji ltar gnas par bya ba dang / ji ltar bsgrub par bya ba dang / ji ltar sems rab tu gzung bar bya ba ngas khyod la bshad do/ / bcom ldan 'das de bzhin no zhes gsol nas/ tshe dang ldan pa rab 'byor bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rab 'byor 'di la byang chub sems dpa'i theg pa la yang dag par zhugs pas 'di snyam du/ bdag gis sems can ji tsam sems can du bsdus pa/ sgong las skyes pa 'am/ mngal las skyes pa 'am/ drod gsher las skyes pa 'am/ rdzus te skyes pa 'am/ gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min nam/ sems can gyi khams ji tsam sems can du gdags pas btags pa de dag thams cad phung po lhag ma med pa'i mya

  465. 233b

    ngan las 'das pa'i dbyings su yongs su mya ngan las bzla'o/ / de ltar sems can tshad med pa yongs su mya ngan las 'das kyang / sems can gang yang yongs su mya ngan las 'das par gyur pa med do snyam du sems bskyed par bya'o/ / de ci'i phyir zhe na/ rab 'byor gal te byang chub sems dpa' sems can du 'du shes 'jug na/ de byang chub sems dpa' zhes mi bya ba'i phyir ro/ / de ci'i phyir zhe na/ rab 'byor gang sems can du 'du shes 'jug pa 'am/ srog tu 'du shes pa 'am/ gang zag tu 'du shes 'jug na/ de byang chub sems dpa' zhes mi bya ba'i phyir ro/ / yang rab 'byor byang chub sems dpas dngos po la mi gnas par sbyin pa sbyin no// ci la'ang mi gnas par sbyin pa sbyin no// gzugs la'ang mi gnas par sbyin pa sbyin no/ / sgra dang / dri dang / ro dang / reg bya dang / chos la'ang mi gnas par sbyin pa sbyin no// rab 'byor ci nas mtshan mar 'du shes pa la'ang mi gnas pa de ltar byang chub sems dpas sbyi pa sbyin no/ / de ci'i phyir zhe na/ rab 'byor byang chub sems dpa' gang mi gnas par sbyin pa sbyin pa de'i bsod nams kyi phung po ni// rab 'byor tshad gzung bar bla ba ma yin pa'i phyir ro// rab 'byor 'di ji snyam du sems/ shar phyogs kyi nam mkha'i tshad gzung bar bla ba 'am/ rab 'byor gyis gsol pa

  466. 234a

    bcom ldan 'das de ni ma lags so/ / bcom ldan 'das kyis bka' stsas pa/ de bzhin du b+h+yo dang / nub dang / byang dang / steng dang 'og dang / phyogs mtshams dang / phyogs bcu'i nam mkha' tshad gzung bar bla snyam mam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du byang chub sems dpa' gang mi gnas par sbyin pa sbyin pa de'i bsod nams kyi phung po'ang tshad gzung bar bla ba ma yin no// rab 'byor 'di ji snyam du sems mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ mtshan phun sum tshogs pa de bzhin gshegs par mi lta'o// de ci'i thad du zhe na/ de bzhin gshegs pas mtshan phun sum tshogs par gang gsungs pa de nyid mtshan phun sum tshogs pa ma mchis pa'i slad du'o/ / de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor ji tsam du mtshan phun sum tshogs pa de tsam du brdzun no/ / ji tsam du mtshan phun sum tshogs pa med pa de tsam du mi brdzun te/ de ltar de bzhin gshegs pa la mtshan dang mtshan ma med par blta'o//

  467. 234b

    de skad ces bka' stsal ba dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ma 'ongs pa'i dus lnga brgya tha ma la dam pa'i chos rab tu rnam par 'jig par 'gyur ba na/ sems can gang la la dag 'di lta bu'i mdo sde'i tshig bshad pa 'di la yang dag par 'du shes skyed par 'gyur ba lta mchis sam/ bcom ldan 'das kyis bka' stsal pa/ rab 'byor khyod 'di skad du ma 'ongs pa'i dus lnga brgya tha ma la dam pa'i chos rab tu rnam par 'jig par 'gyur ba na/ sems can gang la la dag 'di lta bu'i mdo sde'i tshig bshad pa 'di la yang dag par 'du shes skyed par 'gyur ba mchis sam zhesam zer cig/ yang rab 'byor ma 'ongs pa'i dus lnga brgya pa tha ma la dam pa'i chos rab tu rnam par 'jig par 'gyur ba na/ byang chub sems dpa' sems dpa' chen po tshul khrims dang ldan pa/ yon tan dang ldan pa/ shes rab dang ldan pa dag 'byung ste/ rab 'byor byang chub sems dpa' sems dpa' chen po de dag kyang sangs rgyas gcig la bsnyen bkur byas pa ma yin/ sangs rgyas gcig la dge ba'i rtsa ba bskyed pa ma yin gyi rab 'byor sangs rgyas brgya stong mang po la bsnyen bkur byas shing / sangs rgyas brgya stong du ma la dge ba'i rtsa ba dag bskyed pa'i byang chub sems dpa' sems dpa' chen po dag byung ngo //

  468. 235a

    gang dag 'di lta bu'i mdo sde'i tshig bshad pa 'di la sems dngad pa cig tsam rnyed par 'gyur ba de dag ni/ rab 'byor de bzhin gshegs pas mkhyen to// rab 'byor de dag ni de bzhin gshegs pas gzigs te/ rab 'byor sems can de dag thams cad ni bsod nams kyi phung po dpag tu med pa skyed cing rab tu sdud par 'gyur ro// de ci'i phyir zhe na/ rab 'byor byang chub sems dpa' sems dpa' chen po de dag ni bdag tu 'du shes 'jug par mi 'gyur zhing / sems can du 'du shes pa ma yin/ srog tu 'du shes pa yin/ gang zag tu 'du shes 'jug par mi 'gyur ba'i phyir ro/ / rab 'byor byang chub sems dpa' sems dpa' chen po de dag chos su 'du shes pa dang / chos med par yang 'du shes mi 'jug ste/ de dag ni 'du shes dang / 'du shes med par yang 'jug par mi 'gyur ro// de ci'i phyir zhe na/ rab 'byor gal te byang chub sems dpa' sems dpa' chen po de dag chos su 'du shes 'jug na/ de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro// gal te chos med par 'du shes 'jug na'ang de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir

  469. 235b

    ro/ / de ci'i phyir zhe na/ yang rab 'byor byang chub sems dpas chos kyang log par gzung bar mi bya ste/ chos ma yin pa'ang mi gzung ba'i phyir ro// de bas na de las dgongs te/ de bzhin gshegs pas chos kyi rnam grangs gzings lta bur shes pa rnams kyis chos rnams kyang spang bar bya na/ chos ma yin pa rnams lta ci smos shes gsungs so// gzhan yang bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di ji snyam du sems de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam de bzhin gshegs pas chos gang yang ston tam/ de skad ces bka' stsal nas/ bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das bcom ldan 'das kyis gsungs pa'i don bdag gis 'tshal ba ltar na/ de bzhin gshegs pas gang tha na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang ma mchis so/ / de bzhin gshegs pas gang bstan pa'i chos de gang yang ma mchis so// de ci'i slad du zhe na/ de bzhin gshegs pas chos gang yang mngon par rdzogs par sangs rgyas pa 'am/ bstan pa de gzung du ma mchis brjod du ma mchis te/ de ni chos kyang ma lags//

  470. 236a

    chos ma mchis pa'ang ma lags pa'i slad du'o// de ci'i slad du zhe na/ 'phags pa'i gang zag rnams ni 'dus ma bgyis kyis rab tu phye ba'i slad du'o// bcom ldan 'das kyis bka' stsal pa/ rab 'byor 'di ji snyam du sems rigs kyi bu 'am/ rigs kyi bu mo gang la la zhig gis/ stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te sbyin pa sbyin na/ rigs kyi bu 'am/ rigs kyi bu mo de gzhi de las bsod nams kyi phung po mang du bskyed dam/ ra 'byor gyis gsol pa/ bcom ldan 'das mang lags so// bde bar gshegs pa mang lags te/ rigs kyi bu 'am/ rigs kyi bu mo de gzhi de las bsod nams kyi drang po mang du bskyed do/ / de ci'i slad du zhe na/ bcom ldan 'das bsod nams kyi phung po nyid phung po ma mchis pa'i slad du / des na de bzhin gshegs pas bsod nams kyi phung po zhes gsungs so/ / bcom ldan 'das kyis bka' stsal pa/ rab 'byor rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyi k hams 'di rin po che sna bdun gyis rab tu gang bar byas te sbyin pa sbyin pa bas gang gis chos kyi rnam grangs 'di las tha na tshig bzhi pa'i tshigs su bcad pa gcig tsam bzung nas

  471. 236b

    gzhan dag la'ang 'chang cing yang dag par rab tu ston na/ de gzhi de las bsod nams kyi phung po ches mang du grangs med dpag tu med pa bskyed do// de ci'i phyir zhe na/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi bla na med pa yang dag par rdzogs pa'i byang chub ni 'di las byung ste/ sangs rgyas bcom ldan 'das rnams kyang 'di las skyes pa'i phyir ro/ / de ci'i phyir zhe na/ rab 'byor sangs rgyas kyi chos rnams sangs rgyas kyi chos rnams shes bya ba ni/ sangs rgyas kyi chos de dag med par de bzhin gshegs pas gsungs pa'i phyir te/ des na sangs rgyas kyi chos rnams shes bya'o// rab 'byor 'di ji snyam du sems/ rgyun du zhugs pa 'di snyam du/ bdag gis rgyun du zhugs pa'i 'bras bu thob bo snyam du sems sam/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ bcom ldan 'das de ci la'ang zhugs pa ma mchis pa'i slad du ste/ des na rgyun du zhugs pa zhes bgyi'o// gzugs la'ang ma zhugs/ sgra la ma lags/ dri la ma lags/ ro la ma lags/ reg bya la ma lags/ chos la'ang ma zhugs te/ des na rgyun du zhugs pa zhes bgyi'o// bcom ldan 'das gal te rgyun du zhugs pa de 'di snyam du/ bdag gis rgyun du

  472. 237a

    zhugs pa'i 'bras bu thob bo snyam du sems par gyur na/ de nyid de'i bdag tu 'dzin par 'gyur ro// sems can du 'dzin pa dang / srog tu 'dzin pa dang / gang zag tu 'dzin par 'gyur ro// bcom ldan 'das kyis bka' stsal ba/ rab 'byor 'di ji snyam du sems/ lan cig phyir 'ong ba 'di snyam du/ bdag gis lan cig/ phyir 'ong ba'i 'bras bu thob bo snyam du sems sam/ rab 'byor gyis gsol ba/ bcom ldan 'das de ni ma lags so// de ci'i slad du zhe na/ gang lan cig phyir 'ong ba'i chos de gang yang ma mchis pa'i slad du ste/ des na lan cig phyir 'ong ba zhes bgyi'o// bcom ldan 'das kyis bka' stsal pa/ rab 'byor 'di ji snyam du sems phyir mi 'ong ba 'di snyam du/ bdag gis phyir mi 'ong ba'i 'bras bu thob bo snyam du sems sam/ rab 'byor gyis gsol pa/ bcom ldan 'das de ni ma lags so// de slad du zhe na/ gang phyir mi 'ong ba nyid du zhugs pa'i chos de gang yang ma mchis pa'i slad du ste/ des na phyir mi 'ong ba zhes bgyi'o// bcom ldan 'das kyis bka' stsal pa rab 'byor 'di ji snyam du sems/ yang dgra bcom pa 'di snyam du/ bdag gis dgra bcom pa nyid thob bo snyam du sems sam/ rab 'byor gyis gsol pa/ bcom ldan

  473. 237b

    'das de ni ma lags so/ / de ci'i slad du zhen/ dgra bcom pa zhes bgyi ba'i chos de gang yang ma mchis pa'i slad du'o// bcom ldan 'das gal te dgra bcom pa 'di skam du bdag gis dgra bcom pa nyid thob bo snyam du sems par gyur na/ de nyid de'i bdag tu 'dzin par 'gyur ro// sems can du 'dzin pa dang / srog tu 'dzin pa dang / gang zag tu 'dzin par 'gyur ro/ / bcom ldan 'das bdag ni de bzhin gshegs pa dgra bcom pa yang dag par rdzogs pa'i sangs rgyas kyis nyon mongs pa med par gnas pa rnams kyi mchog tu bstan bcom ldan 'das bdag 'dod chags dang bral ba dgra bcom pa lags kyang / bcom ldan 'das bdag 'di snyam du/ bdag ni dgra bcom pa'o snyam du mi sems so// bcom ldan 'das gal te bdag 'di snyam du/ bdag gis dgra bcom pa nyid thob bo snyam du sems par gyur na/ de bzhin gshegs pas bdag la rigs kyi bu rab 'byor ni nyon mongs pa med par gnas pa rnams kyi mchog yin te/ ci la'ang mi gnas pas na nyon mongs pa med par gnas pa zhes lung mi ston to// bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang yod dam/ rab

  474. 238a

    'byor gyis gsol pa/ bcom ldan 'das de ni ma lags te/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang ma mchis so/ / bcom ldan 'das kyis bka' stsal pa/ rab 'byor byang chub sems dpa' gang la la zhig 'di skad du/ bdag gis zhing bkong pa rnams bsgrub par bya'o zhes zer na/ de ni mi bden par smra'o// de ci'i phyir zhe na/ rab 'byor zhing bkod pa rnams shes bya ba ni/ bkod pa de dag med par de bzhin gshegs pas gsungs pa'i phyir te/ des na zhing bkod pa rnams shes bya'o// rab 'byor de lta bas na byang chub sems dpa' sems dpa' chen pos 'di ltar mi gnas par sems bskyed par bya'o/ / ci la'ang mi gnas par sems bskyed par bya'o// gzugs la'ang mi gnas par sems bskyed par bya'o// sgra dang / dri dang / ro dang / reg pa chos la'ang mi gnas par sems bskyed par bya'o/ / rab 'byor/ 'di lta ste/ dper na skyes bu zhig lus 'di lta bur gyur te/ 'di lta ste/ ri'i rgyal po ri rab tsam du gyur rab 'byor 'di ji snyam du sems lus de che ba yin nam/ rab 'byor gyis gsol ba/ bcom ldan 'das lus de che ba lags so// bde bar gshegs pa lus de che

  475. 238b

    ba lags so/ / de ci'i slang du zhe na/ de bzhin gshegs pas de dngos po ma mchis par gsungs pa'i slad du sde/ des nu lus shes bgyi'o// de dngos po ma mchis par de bzhin gshegs pas gsungs te/ des na lus shes bgyi'o// bcom ldan 'das kyis bka' stsal pa/ rab 'byor 'di ji snyam du sems/ gang+gA'i klung gi bye ma ji snyed pa pang+gA'i klung yang de snyeng kho nar gyur na/ de dag gi bye ma gang yin pa de mang ba yin nam/ rab 'byor gyis gsol pa/ bcom ldan 'das gang+gA'i klung de dag nyid kyang mang ba lags na/ de rig gi bye ma lta smos kyang ci 'tshal/ bcom ldan 'das kyis bka' stsal pa/ rab 'byor khyod mos par bya/ khyod kyis khong du chung bar bya'o// gang+gA'i klung de dag gi bye ma ji snyed pa snyed kyi 'jig rten gyi khams kyi skyes pa'am/ bud med la la zhig gis rin po che sna bdun gyis rab tu gang bar byas te/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin na/ rab 'byor 'di ji snyam du sems/ skyes pa 'am/ bud med de gzhi de las bsod nams mang du bskyed dam/ rab 'byor gyis gsol bcom ldan 'das mang lags so/ / bde bar gshegs pa mang lags te/ skyes pa 'am/ bud med de gzhi de las bsod nams mang du bskyed do// bcom ldan

  476. 239a

    'das kyis bka' stsal pa/ rab 'byor gang gis 'jig rten gyi khams de snyed rin po che sna bdun gyis rab tu gang bar byas te/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin pa bas/ gang gis chos kyi rnam grangs 'di las tha na tshig bzhi pa'i tshigs su bcad pa tsam bzung nas gzhan dag la'ang bkra de yang dag par rab tu bstan na/ de nyid gzhi de las bsod nams ches mang du grangs med dpag tu med do// yang rab 'byor sa phyogs gang na chos kyi rnam grangs 'di las tha na tshig bzhi pa'i tshigs su bcad pa tsam 'don tam/ ston pa'i sa phyogs de lha dang / mi dang / lha ma yin du bcas pas 'jig rten gyi mchod rten du gyur pa yin na/ su zhig chos kyi rnam grangs 'di len pa dang / 'dzin pa dang / klog pa dang / kun chub par byed pa dang / tshul bzhin du yid la byed pa dang / ngo mtshar rab dang ldan par 'gyur ba lta ci smos sa phyogs de na ston pa'ang bzhugs te/ bla ma'i gnas gzhan dag kyang gnas so// de skad ces bka' stsal ba dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das chos kyi rnam grangs 'di'i ming ci lags ji ltar gzung bar bgyi de skad ces gsol pa dang / bcom ldan 'das kyis/

  477. 239b

    tshe dang ldan pa rab 'byor la 'di skad ces bka' stsal to// rab 'byor chos kyi rnam grangs 'di shes rab kyi pha rol tu phyin pa zhes bya ste/ 'di de lhur zung zhig/ de ci'i phyir zhe na/ rab 'byor de bzhin gshegs pas shes rab kyi pha rol tu phyin pa gang gsungs pa de nyid pha rol tu phyin pa med pa'i phyir te/ des na shes rab kyi pha rol tu phyin pa zhes bya'o// rab 'byor 'di ji snyam du sems/ de bzhin gshegs pas gang gsungs pa'i chos de gang yang yod dam/ yang rab 'byor gyis gsol pa/ bcom ldan 'das de bzhin gshegs pas gang gsungs pa'i chos de dag gang yang ma mchis so/ / bcom ldan 'das kyis bka' stsal pa/ rab 'byor 'di ji snyam du sems stong gsum gyi stong chen po'i 'jig rten gyi khams na sa'i rdul phra rab ji snyed yod pa de mang ba yin nam/ rab 'byor gyis gsol pa/ bcom ldan 'das sa'i rdul de mang lags so// bde bar gshegs pa mang lags so// de ci'i srad du zhe na/ bcom ldan 'das sa'i rdul gang lags pa de rdul ma mchis par de bzhin gshegs pas gsungs pa'i slad du ste/ nges na sa'i rdul ces bgyi'o// 'jig rten gyi khams gang lags pa de khams ma mchis par de bzhin gshegs pas gsungs te/ des na 'jig rten gyi khams shes bgyi'o// bcom ldan 'das kyi bka' stsal pa/ rab

  478. 240a

    ' byor 'di ji snyam du sems skyes bu chen po'i mtshan sum cu rtsa gnyis po de dag gis de bzhin gshegs pa dgra bcom pa yang dag par rdzogs pa'i sangs rgyas su blta 'am/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ skyes bu chen po'i mtshan sum cu rtsa gnyis po gang dag de bzhin gshegs pas gsungs pa de dag mtshan ma mchis par de bzhin gshegs pas gsungs pa'i slad du ste/ des na de bzhin gshegs pa'i mtshan sum cu rtsa gnyis shes bgyi'o// bcom ldan 'das kyis bka' stsal pa/ yang rab 'byor skyes pa 'am/ bud med gang gis gang+gA'i klung gi bye ma snyed kyi lus yongs su btang ba bas/ gang gis chos kyi rnam grangs 'di las tha na tshig bzhi pa'i tshigs su bcad pa tsam bzung ste/ gzhan dag la'ang bstan na/ de gzhi de las bsod nams ches mang du grangs med dpag tu med pa bskyed do// de nas tshe dang ldan pa rab 'byor chos kyi shugs kyis mchi ma byung ste/ des mchi ma phyis nas/ bcom ldan 'das la 'di skad ces gsol to// 'di ltar chos kyi rnam grangs 'di de bzhin gshegs pas gsungs pa ni bcom ldan 'das ngo mtshar to/ / bing bar gshegs pa ngo mtshar to// bcom ldan 'das bdag gis ye shes skyes tshun chad bdag gis

  479. 240b

    chos kyi rnam grangs 'di sngon nam yang ma thos so/ / bcom ldan 'das mdo sde bshad pa 'di la/ gang dag yang dag par 'du shes skyed par 'gyur ba'i sems can de dag ni ngo mtshar rab dang ldan par 'gyur ro/ / de ci'i slad du zhe na/ bcom ldan 'das yang dag par 'du shes pa gang lags pa de nyid 'du shes ma mchis pa'i slad du ste/ de bas na yang dag par 'du shes yang dag par 'du shes shes de bzhin gshegs pas gsungs so/ / bcom ldan 'das bdag chos kyi rnam grangs 'di bshad pa la rtog cing mos pa ni/ bdag la mos pa ma lags kyi/ bcom ldan 'das slad ma'i tshe slang ma'i dus lnga brgya pa tha ma la/ sems can gang dag chos kyi rnam grangs 'di len pa dang / 'dzin pa dang / klog pa dang / kun chub par bgyid pa de dag ni ngo mtshar rab dang ldan par 'gyur ro// yang bcom ldan 'das de dag ni bdag tu 'du shes 'jug par mi 'gyur// sems can du 'du shes pa dang // srog tu 'du shes pa dang / gang zag tu 'du shes 'jug par mi 'gyur ba lags so// de ci'i slad du zhe na/ bcom ldan 'das bdag tu 'du shes pa dang / sems can du 'du shes pa dang / srog tu 'du shes pa dang / gang zag tu 'du shes pa gang lags pa de dag nyid 'du shes pa ma mchis pa'i slad du'o// de ci'i slad du zhe na/ sangs rgyas

  480. 241a

    bcom ldan 'das rnams ni 'du shes thams cad dang bral ba'i slad du'o/ / de skad ces gsol ba dang / bcom ldan 'das kyis/ tshe dang ldan pa rab 'byor/ la 'di skad ces bka' stsal to// rab 'byor de de bzhin no// de de bzhin te/ mdo bshad pa 'di la gang dag mi skrag mi dngang zhing / dngang bar mi 'gyur ba'i sems can de dag ni ngo mtshar rab dang ldan par 'gyur ro/ / de ci'i phyir zhe na/ rab 'byor pha rol tu phyin pa 'di ni de bzhin gshegs pas gsungs te/ pha rol tu phyin pa'i dam pa gang dag de bzhin gshegs pas gsungs pa ste/ sangs rgyas bcom ldan 'das dpag tu med pa rnams kyis kyang gsungs pa'i phyir te/ des nu pha rol tu phyin pa dam pa zhes bya'o// yang rab 'byor de bzhin gshegs pa'i bzod pa'i pha rol tu phyin pa gang yin pa de nyid pha rol tu phyin pa med do/ / de ci'i phyir zhe na/ rab 'byor gang gi tshe ka ling ka'i rgyal pos nga'i yan lag dang nying lag rnams bcad par gyur pa de'i tshe/ nga la bdag tu 'du shes sam/ sems can du 'du shes sam/ srog tu 'du shes sam/ gang zag tu 'du shes kyang ma byung zhing nga la 'du shes ci'ang med la/ 'du shes med par gyur pa'ang ma yin pa'i phyir ro// de ci'i phyir zhe na/ rab 'byor gal te de'i tshe nga la bdag tu 'du shes byung na/ de'i tshe gnod/

  481. 241b

    sems kyi 'du shes kyang 'byung ba'i phyir ro// sems can du 'dra shes pa dang / srog tu 'du shes pa dang / gang zag tu 'du shes pa byung na/ de'i tshe gnod sems kyi 'ang shes kyang 'byung ba'i phyir ro/ / rab 'byor ngas mngon par shes te 'das pa'i dus na tshe rabs lnga brgyar bzod pa smra ba zhes bya ba'i drang srong du gyur pa de na yang / nga la bdag tu 'dra shes ma byung / sems can du 'du shes pa dang / srog tu 'du shes pa dang / gang zag tu 'du shes ma byung ngo // rab 'byor de lta bas na byang chub sems dpa' sems dpa' chen pos 'du shes thams cad rnam par spangs te/ bla na med pa yang dag par rdzogs pa'i byang chub tu sems bskyed par bya'o// gzugs la'ang mi gnas par sems bskyed par bya'o// sgra dang / dri dang / ro dang / reg bya dang / chos la'ang mi gnas par sems bskyed par bya'o// chos med pa la'ang mi gnas par sems bskyed par bya'o// ci la'ang mi gnas par sems bskyed par bya'o/ / de ci'i phyir zhe na/ gnas pa gang yin pa de nyid mi gnas pa'i phyir te/ de bas na de bzhin gshegs pas 'di skad du/ byang chub sems dpas mi gnas par sbyin pa sbyin par bya'o/ / zhes gsungs so// yang rab 'byor byang chub sems dpas 'di ltar sems can thams cad kyi don gyi phyir sbyin pa yongs su gtang bar bya'o// sems

  482. 242a

    can du 'jugs pa gang yin pa da kya 'dugs mang baH/ ra bzhin gshegs pas sem pan mams cad ce gsungs pa de pa med pan/ @ / phyir zhe na/ rab 'byor de bzhin gshegs pa ni yang dag par gsungs pa/ bden pa gsung ba/ de bzhin nyid gsung ba ste/ de bzhin gshegs pa ni ma nor ba de bzhin nyid gsung ba'i phyir ro/ / yang rab 'byor de bzhin gshegs pas/ chos gang mngon par rdzogs par sangs rgyas pa'am/ bstan pa de la ni bden pa'ang med/ brdzun pa'ang med do// rab 'byor/ 'di lta ste/ dper na mig dang ldan pa'i mi zhig mun par zhugs nas ci'ang mi mthong ba de bzhin du gang dngos por lhung bas sbyin pa yongs su gtang ba'i byang chub sems dpar blta'o/ / rab 'byor/ 'di lta ste/ dper na nam langs te nyi ma shar nas mig dang ldan pa'i mis gzugs rnam pa sna tshogs dag mthong ba de bzhin du/ gang dngos por ma lhung bas sbyin pa yongs su gtong ba'i byang chub sems dpar blta'o/ / rab 'byor rigs kyi bu 'am/ rigs kyi bu mo gang dag chos kyi rnam grangs 'di len pa dang / 'dzin pa dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa de dag ni de bzhin gshegs pas mkhyen/ de dag ni de bzhin gshegs pas

  483. 242b

    gzigs te/ sems can de dag thams cad ni bsod nams kyi phung po dpag tu med pa skyed par 'gyur ro// yang rab 'byor rgyas pa'am/ bud med gang zhig rdza dro'i dus kyi lus gang+ga'i klung gi bye ma snyed kyi lus yongs su gtong la/ byed kyi dus dang / phyi dro'i dus kyi tshe'ang lus gang+gA'i klung gi bye mo snyed yongs su btang / rnam grangs 'di lta bur bskal pa bye ba khrag khrig brgya stong du lus yongs su gtong ba bas/ gang gis chos kyi rnam grangs 'di thos nas mi spong na/ de nyid gzhi de las bsod nams ches mang du grangs med dpa tu med pa bskyed na/ gang gis yi ger bris nas len pa dang / 'dzin pa dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa lta ci smos/ rab 'byor chos kyi rnam grangs 'di ni bsam gyis mi khyab cing mtshungs pa med de/ 'di'i rnam par smin pa'ang bsam gyis mi khyab pa nyid du rig par bya'o// chos kyi rnam grangs 'di ni theg pa mchog la yang dag par zhugs pa'i sems can rnams kyi don dang / theg pa phul du phyin pa la yang dag par zhugs pa'i sems can rnams kyi don gyi phyir/ de bzhin gshegs pas gsungs so/ / gang dag chos kyi rnam grangs 'di len pa dang / 'dzin pa dang / klog pa dang / kun chub par byed pa dang / gzhan dag la'ang rgya cher yang dag

  484. 243a

    bar rab tu ston pa de dag ni de bzhin gshegs pas mkhyen/ de dag ni de bzhin gshegs pas gzigs te/ sems can de dag thams cad ni bsod nams kyi phung po dpag tu med pa dang ldan par 'gyur ro/ / bsod nams kyi phung po bsam gyis mi khyab pa dang / mtshungs pa med pa dang / gzhal du med pa dang / tshad med pa dang ldan par 'gyur te/ sems can de dag thams cad nga'i byang chub phrag pa la thogs par 'gyur ro// de ci'i phyir zhe na/ rab 'byor dman pa la mos pa rnams kyis chos kyi rnam grangs 'di mnyan par mi nus te/ bdag tu lta ba rnams kyis ma yin/ sems can du lta ba rnams kyis ma yin/ srog tu lta ba rnams kyis ma yin/ gang zag tu lta ba rnams kyis mnyan pa dang / blang ba dang gzung ba dang / klog pa dang / kun chub par byed mi nus te/ de ni gnas pa'i phyir ro// yang rab 'byor sa phyogs gang na mdo sde 'di ston pa'i sa phyogs de lha dang / mi dang / sgra ma yin du bcas pa'i 'jig rten gyis mchod par 'os par 'gyur ro// sa phyogs de phyag bya bar 'os pa dang / bskor ba bya bar 'os par yang 'gyur te/ sa phyogs nge mchod rten lta bur 'gyur ro/ / rab 'byor rigs kyi bu 'am/ rigs kyi bu mo gang dag 'di lta bu'i mdo sde'i tshig 'di dag len pa dang / 'dzin pa dang / klog pa dang / kun

  485. 243b

    chub par byed pa de dag ni mnar bar 'gyur/ shin tu mnar bar 'gyur ro// de ci'i phyir zhe na/ rab 'byor sems can 'di dag tshe rabs snga ma'i mi dge ba'i las ngan song du skye bar 'gyur ba gang dag byas pa dag tshe 'di nyid la mnar bas/ tshe rabs snga ma'i mi dge ba'i las de dag byang bar 'gyur ro// sangs rgyas kyi byang chub kyang 'thob par 'gyur ba'i phyir ro// rab 'byor ngas mngon par shes te 'das pa'i dus bskal pa grangs med pa'i yang grangs med pa na/ de bzhin gshegs pa dgra bcom pa yang dag par rdzogs pa'i sangs rgyas mar mi mdzad kyi pha rol gyi yang ches pha rol na/ sangs rgyas bye ba khrag khrig stong phrag brgyad cu rtsa bzhi dag byung ba ngas mnyes par byas te/ mnyes par byas nas thugs ma byung bar byas te/ rab 'byor sangs rgyas bcom ldan 'das de dag ngas mnyes par byas nas/ thugs byung bar ma byas pa gang yin pa dang / phyi ma'i dus lnga brgya tha mar gyur pa na/ mdo sde 'di len pa dang / 'dzin pa dang / klog pa dang / kun chub par byed pa gang yin pa las/ rab 'byor bsod nams kyi phung po 'di la bsod nams kyi phung po snga mas brgya'i char yang mi bod// stong gi cha dang / brgya stong gi cha dang / grangs dang / cha dang / bgrang ba dang / dpe dang / zla dang / rgyur yang mi bzod do// rab 'byor gal te de'i tshe rigs kyi bu 'am/ rigs kyi

  486. 244a

    bu mo dag bsod nams kyi phung po 'di snyed rab tu 'dzin par 'gyur ba/ rigs kyi bu 'am/ rigs kyi bu mo de dag gi bsod nams kyi phung po ngas brjod na sems can rnams myo myo bor 'gyur/ sems 'khrugs par 'gyur ro// rab 'byor chos kyi rnam grangs 'di bsam gyis mi khyab ste/ 'di'i rnam par smin pa'ang bsam gyis mi khyab par rig par bya'o/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa'i theg pa la yang dag par zhugs pas ji ltar gnas par bgyi/ ji ltar bsgrub par bgyi/ ji ltar sems rab tu gzung bar bgyi/ de skad ces gsol pa dang / bcom ldan 'das kyis bka' stsal pa/ rab 'byor 'di la byang chub sems dpa'i theg pa la yang dag par zhugs pas/ 'di snyam du bdag gis sems can thams cad phung po'i lhag ma med pa'i mya ngan las bzlas pa'i dbyings su yongs su mya ngan las bzla'o/ / de ltar sems can yongs su mya ngan las 'das kyang / sems can gang yang yongs su mya ngan las bzlas par gyur pa med snyam du sems bskyed par bya'o// de ci'i phyir zhe na/ rab 'byor gal te byang chub sems dpa' sems can du 'du shes 'jug na/ byang chub sems dpa' zhes mi bya/ gang zag gi bar du shes 'jug na'ang

  487. 244b

    de byang chub sems dpa' zhes mi bya ba'i phyir ro/ / de ci'i phyir zhe na/ rab 'byor gang byang chub sems dpa'i theg pa la yang dag par zhugs pa zhes bya ba'i chos de gang yang med pa'i phyir ro// rab 'byor 'di ji snyam du sems/ de bzhin gshegs pas de bzhin gshegs pa mar me mdzad las/ gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de bzhin gshegs pas de bzhin gshegs pa mar me mdzad las/ gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang ma mchis so// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal pa/ rab 'byor de de bzhin te/ de de bzhin no// de bzhin gshegs pas de bzhin gshegs pa mar med mdzad las/ gang bla na med pa yang dag par rdzogs pa'i byang chub mngon par rdzogs par sangs rgyas pa'i chos gang yang med do// rab 'byor gal te de bzhin gshegs pas/ gang mngon par rdzogs par sangs rgyas pa'i chos de 'ga' zhig yod par gyur na/ de bzhin gshegs pa mar me mdzad kyis/ nga la bram

  488. 245a

    @#ze'i khye'u khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung mi ston pa zhig na/ rab 'byor 'di ltar de bzhin gshegs pas/ gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med pas/ de'i phyir de bzhin gshegs pa mar me mdzad kyis/ nga la bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to/ / de ci'i phyir zhe na/ rab 'byor de bzhin gshegs pa zhes bya ba ni yang dag pa'i de bzhin nyid kyi tshig bla dgas yin pa'i phyir ro// rab 'byor gang la la zhig 'di skad du/ de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub mngon par rdzogs par sangs rgyas so/ zhes zer na/ de log par smra ba yin no// de ci'i phyir zhe na/ rab 'byor de bzhin gshegs pas/ gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med pa'i phyir ro/ / rab 'byor de bzhin gshegs pa chos gang mngon par rdzogs par sangs rgyas pa de la bden pa'ang med/ brdzun pa'ang med/ de bas

  489. 245b

    na de bzhin gshegs pa chos thams cad sangs rgyas kyi chos shes gsung ngo / / rab 'byor chos thams cad ces bya ba ni/ de dag thams cad chos med pa yin te/ des na chos thams cad sangs rgyas kyi chos shes bya'o/ / rab 'byor/ 'di lta ste/ dper na mi zhig lus dang ldan zhing lus chen por gyur pa bzhin no// tshe dang ldan pa rab 'byor gyis gsol pa/ bcom ldan 'das de bzhin gshegs pas mi lus dang ldan zhing lus chen po zhes gang gsungs pa de/ de bzhin gshegs pas lus ma mchis par gsungs te des na lus dang ldan zhing lus chen po zhes bgyi'o/ / bcom ldan 'das kyis bka' stsal pa/ rab 'byor de de bzhin te/ byang chub sems dpa' gang 'di skad du/ bdag gis sems can rnams yongs su mya ngan las bzla'o zhes zer na/ de byang chub sems dpa' zhes mi bya'o// de ci'i phyir zhe na/ rab 'byor gang byang chub sems dpa' zhes bya ba'i chos de gang yang yod dam/ rab 'byor gyis gsol pa/ bcom ldan 'das de ni ma mchis so// bcom ldan 'das kyis bka' stsal pa/ rab 'byor de bas na de bzhin gshegs pa chos thams cad ni sems can med pa/ srog med pa/ gang zag med pa zhes gsung ngo // rab 'byor byang chub sems dpa' gang zhig 'di skad du/ bdag gis zhing

  490. 246a

    bkod pa rnams bsgrub bo zhes zar na/ de'ang de bzhin du brjod par bya'o// de ci'i phyir zhe na/ rab 'byor zhing bkod pa rnams ning bkod pa rnams shes byab / de bkod pa med par de bzhin gshe sa las gsungs pa'i phyir te/ des na zhing bkod pa rnams shes bya'o// rab 'byor byang chub sems dpa' gang zhig chos rnams ni bdag med pa'o/ chos rnams ni bdag med pa'o zhes mos pa de ni/ de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' byang chub sems dpa' zhes brjo/ // rab 'byor 'di ji snyam du sems/ de bzhin gshegs pa la sha'i spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la sha'i spyan mnga'a'o/ / bcom ldan 'das kyis bka' stsal pa/ rab 'byor 'di ji snyam du sems de bzhin gshegs pa la lha'i spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la lha'i spyan mnga'a'o// bcom ldan 'das kyis bka' stsal ba/ rab 'byor 'di ji snyam du sems/ de bzhin gshegs pa la shes rab kyi spyan mnga' 'am/ rab 'byor gyis gsol ba/ bcom ldan 'das de de lha lags te/ de bzhin gshegs pa la

  491. 246b

    shes rab kyi spyan mnga' 'o/ / bcom ldan 'das kyis bka' stsal ba/ rab 'byor 'di ji snyam du sems de bzhin gshegs pa la chos kyi spyan mnga' 'am/ rab 'byor/ gyis gsol pa/ bcom ldan 'das de de lta lags te/ de bzhin gshegs pa la chos kyi spyan mnga' 'o// bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa la sangs rgyas kyi spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la sangs rgyas kyi spyan mnga' 'o/ / bcom ldan 'das kyis bka' stsal pa/ rab 'byor 'di ji snyam du sems/ gang+gA'i klung gi phyis ji snyed pa gang+gA'i klung yang de snyed du gyur la de dag gi bye ma snyed kyi 'jig rten gyi khams su gyur na/ 'jig rten gyi khams mang ba yin nam/ rab 'byor gyis gsol pa/ bcom ldan 'das de de lta lags te/ 'jig rten gyi khams de'ang mang ba lags so/ / bcom ldan 'das kyis bka' stsal pa/ rab 'byor 'jig rten gyi khams de dag na sems can ji snyed yod pa de dag gi bsam pa tha dad pa'i sems kyi rgyun ngas rab tu shes so/ / de ci'i phyir zhe na/ rab 'byor sems kyi rgyun sems kyi rgyun ces bya ba ni/ de rgyun med par de bzhin gshegs pas gsungs pa'i phyir te/

  492. 247a

    des na sems kyi rgyun ces bya'o// de ci'i phyir zhe na/ rab 'byor 'das pa'i sems kyang dmigs pa med/ ma 'ongs pa'i sems kyang dmigs su med/ da ltar byung ba'i sems kyang dmigs su med pa'i phyir ro// rab 'byor 'di ji snyam du sems gang gis stong gsum gyi stong chen po'i 'jig rten gyi khams 'di rin po che sna bdun gyis yongs su gang bar byas te sbyin pa byin na/ rigs kyi bu 'am/ rigs kyi bu mo de gzhi de las bsod nams mang du bskyed dram/ rab 'byor gyis gsol pa/ bcom ldan 'das mang lags so/ / bde bar gshegs pa mang lags so// bcom ldan 'das kyis bka' stsal pa/ rab 'byor de de bzhin no// de de bzhin te/ rigs kyi bu 'am/ rigs kyi bu mo de gzhi de las bsod nams kyi phung po mang du bskyed do/ / rab 'byor gal te bsod nams kyi phung por gyur na/ bsod nams kyi phung po bsod nams kyi phung po zhes de bzhin gshegs pa mi gsung ngo // rab 'byor 'di ji snyam du sems gzugs kyi lus yongs su grub pas/ de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ gzugs kyi sku yongs su grub pas/ de bzhin gshegs par mi blta'o// de ci'i phyir zhe na/ bcom ldan 'das gzugs kyi sku yongs su grub pa/ gzugs kyi sku yongs

  493. 247b

    su rdzogs pa zhes bgyi ba ni de yongs su grub pa ma mchis par de bzhin gshegs pas gsungs pa'i slad du ste/ des na gzugs kyi sku yongs su grub pa zhes bgyi'o// bcom ldan 'das kyis bka' stsal pa/ rab 'byor 'di ji snyam du sems/ mtshan phun sum tshogs pas de bzhin gshegs par blta'o// rab 'byor gyis gsol pa/ bcom ldan 'das de ni ma lags te/ mtshan phun sum tshogs pas de bzhin gshegs par mi blta'o// de ci'i phyir zhe na/ de bzhin gshegs pas mtshan phun sum tshogs par gang gsungs pa de mtshan phun sum tshogs pa ma mchis par de bzhin gshegs pas gsungs pa'i slad du ste/ des na mtshan phun sum tshogs pa zhes bgyi'o// bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa 'di snyam du/ ngas chos bstan to zhes dgongs so snyam na/ rab 'byor de ltar mi blta ste/ de bzhin gshegs pas gang bstan pa'i chos de gang yang med do// rab 'byor su zhig 'di skad du/ de bzhin gshegs pas chos bstan to zhes zer na/ rab 'byor de ni med pa dang log par zin pas ngal skur par 'gyur ro/ / de ci'i phyir zhe na/ rab 'byor chos bstan pa zhes bya ba dmigs par 'gyur ba'i chos bstan pa zhes bya ba de gang yang med pa'i phyir ro// de nas

  494. 248a

    bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ma 'ongs pa'i dus na/ sems can gang dag 'di lta bu'i chos bshad pa thos nas/ mngon par yid ches par 'gyur ba mchis sam/ bcom ldan 'das kyis bka' stsal pa/ rab 'byor de dag ni sems can yang ma yin/ sems can med pa'ang ma yin no/ / de ci'i phyir zhe na/ rab 'byor sems can rnams shes bya ba ni/ de bzhin gshegs pas de dag sems can med par gsungs pa'i phyir te/ des na/ sems can rnams shes bya'o// rab 'byor 'di ji snyam du sems/ de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ tshe dang ldan pa rab 'byor gyis gsol pa/ bcom ldan 'das de bzhin gshegs pas/ gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang ma mchis so/ / bcom ldan 'das kyis bka' stsal pa/ rab 'byor de de bzhin no// de de bzhin te/ de chos cung zad kyang med cing mi dmigs te/ des na bla na med pa yang dag par rdzogs pa'i byang chub ces bya'o// yang rab 'byor chos de ni mnyam pa ste/ de la mi mnyam pa gang yang med pas/ des na bla na med pa yang

  495. 248b

    dag par rdzogs pa'i byang chub ces bya'o/ / bla na med pa yang dag par rdzogs pa'i byang chub ni bdag med pa dang / sems can med pa dang / srog med pa dang / gang zag med par mnyam pa ste/ dge ba'i chos thams cad kyis mngon par rdzogs par 'tshang rgya'o// rab 'byor dge ba'i chos rnams dge ba'i chos rnams shes bya ba ni/ de dag de bzhin gshegs pas chos med pa nyid du gsung te/ des na dge ba'i chos rnams shes bya'o// yang rab 'byor rigs kyi bu 'am/ rigs kyi bu mo gang la la zhig gis stong gsum gyi stong chen po 'jig rten gyi khams na/ ri'i rgyal po ri rab dag ji snyed yod pa de tsam gyi rin po che sna bdun gyi phung po mngon par bsdus te sbyin pa byin pa bas/ gang gis shes rab kyi pha rol tu phyin pa 'di las tha na tshig bzhi pa'i tshigs su bcad pa tsam bzung nas/ gzhan dag la'ang bstan na/ rab 'byor bsod nams kyi phung po 'di la/ bsod nams kyi phung po snga ma des brgya'i char yang nye bar mi phod pa nas/ rgyu'i bar du'ang nye bar mi bzod do// rab 'byor 'di ji snyam du sems de bzhin gshegs pa 'di snyam du/ ngas sems can rnams bkrol lo zhes dgongs snyam na/ rab 'byor de de ltar mi blta'o// de ci'i phyir zhe na/ rab 'byor de bzhin gshegs pas gang bkrol ba'i sems can de dag gang yang med pa'i phyir ro// rab

  496. 249a

    'byor gal te de bzhin gshegs pas sems can gang la la zhig bkrol bar gyur na/ de nyid de bzhin gshegs pas bdag tu 'dzin par 'gyur/ sems can du 'dzin pa dang / srog tu 'dzin pa dang / gang zag tu 'dzin par 'gyur ro// rab 'byor bdag tu 'dzin ces bya ba ni/ nge 'dzin pa med par de bzhin gshegs pas gsungs na/ de'ang byis pa so so'i skye bo rnams kyis gzung ngo // rab 'byor byis pa so so'i skye bo rnams shes bya ba ni/ de dag skye bo med par de bzhin gshegs pas gsungs te/ des na byis pa so so'i skye bo rnams shes bya'o/ / rab 'byor 'di ji snyam du sems mtshan phun sum tshogs pas/ de bzhin gshegs par blta 'am/ rab 'byor gyis gsol ba/ bcom ldan 'das de ni ma lags te/ mtshan phun sum tshogs pas/ de bzhin gshegs par mi blta'o// bcom ldan 'das kyis bka' stsal pa/ rab 'byor de de bzhin te/ mtshan phun sum tshogs pas/ de bzhin gshegs par mi blta'o// rab 'byor gal te mtshan phun sum tshogs pas/ de bzhin gshegs par blta bar gyur na// 'khor lo sgyur ba'i rgyal po'ang de bzhin gshegs par 'gyur te/ de bas na mtshan phun sum tshogs pas/ de bzhin gshegs par mi blta'o// de nas bcom ldan 'das la/

  497. 249b

    tshe dang ldan pa rab 'byor gyis 'di skad ces gsol to// bcom ldan 'das kyis gsungs pa'i don bdag gis 'tshal ba ltar na/ mtshan phun sum tshogs pas/ de bzhin gshegs pabar mi blta'o/ / de nas bcom ldan 'das kyis de'i tshe tshigs su bcang ba 'di dag bka' stsal to// gang dag nga la gzugs su mthong // gang dag nga la slar shes pa// khos bapar spong bas zhugs pa ste/ / skye bo de dag mi mthong // sangs rgyas rnams ni chos nyid baH/ 'dren pa rnams ni chos kyi sku// chos nyid rig par bya min pas// de ni rnam par shes mi nus/ / rab 'byor 'di ji snyam du sems mtshan phun sum tshogs pas/ de bzhin gshegs pa dgra bcom pa yang dag par rdzogs pa'i sangs rgyas so zhes 'dzin na/ rab 'byor khyod kyis de ltar mi bsta ste/ rab 'byor mtshan phun sum tshogs pas/ de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas pa med do/ / rab 'byor 'di snyam du byang chub sems dpa'i theg pa la yang dag par zhugs pa rnams kyis chos la la zhig rnam par bshig gam/ chad par btags pa snyam du 'dzin na/ rab 'byor de ltar mi blta ste/ byang chub sems dpa'i theg pa la yang dag par zhugs pa rnams kyis/

  498. 250a

    chos gang yang rnam par bshig pa 'am/ chad par btags pa med do// yang rab 'byor rigs kyi bu'am/ rigs kyi bu mo gang gis 'jig rten gyi khams gang+gA'i klung gi bye ma snyed dag rin po che sna bdun gyis rab tu gang bar byas te sbyin pa sbyin pa bas/ byang chub sems dpa' gang zhig chos rnams dpag tu med cing skye ba med pa la bzod pa thob na/ de nyid gzhi de las bsod nams kyi phung po ches mang du bskyed do// yang rab 'byor byang chub sems dpas bsod nams kyi phung po yongs su gzung bar mi bya'o// tshe dang ldan pa rab 'byor gyis gsol pa/ bcom ldan 'das byang chub sems dpas bsod nams kyi phung po yongs su gzung bar mi bgyi lags sam/ bcom ldan 'das kyis bka' stsal pa/ rab 'byor yongs su gzung mod kyi/ log par mi bzung ste/ des na yongs su gzung ba zhes bya'o// rab 'byor gang la la zhig 'di skad du/ de bzhin gshegs pa bzhud dam/ byon tam/ bzhengs sam/ bzhugs sam/ mnal mdzad do zhes de skad zer na/ des ngas bshad pa'i don mi shes so// de ci'i phyir zhe na/ rab 'byor de bzhin gshegs pa zhes bya ba ni gar yang ma bcud gang nas kyang ma byon pa'i phyir te/ nges na de bzhin gshegs pa dgra bcom pa yang dag par rdzogs pa'i sangs rgyas shes bya'o// yang rab

  499. 250b

    'byor rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyi khams na sa'i rdul rnams ji snyed yod pa dag/ 'di lta ste/ dper na rdul phra rab kyi tshogs bzhin phye mar byas na/ rab 'byor 'di ji snyam du sems/ rdul phra rab kyi tshogs de mang ba yin nam/ rab 'byor gyis gsol pa/ bcom ldan 'das de de lta lags te/ rdul phra rab kyi tshogs de mang ba lags so// de ci'i slad du zhe na/ bcom ldan 'das gal te tshogs shig mchis par gyur na/ bcom ldan 'das kyis rdul phra rab kyi tshogs shes bka' mi stsal pa'i slad du'o/ / de ci'i slad du zhe na/ bcom ldan 'das kyis rdul phra rab kyi tshogs shes gang gsungs pa de/ tshogs ma mchis par de bzhin gshegs pas gsungs pa'i slad du ste/ des na rdul phra rab kyi tshogs shes bgyi'o// de bzhin gshegs pas stong gsum gyi stong chen po'i 'jig rten gyi khams shes gang gsungs pa de/ khams ma mchis par de bzhin gshegs pas gsungs te/ nges na stong gsum gyi stong chen po'i 'jig rten gyi khams shes bgyi'o// de ci'i slad du zhe na/ bcom ldan 'das gal te khams shig mchis par gyur na/ de nyid ril por 'dzin par 'gyur ba'i slad du'o// de bzhin gshegs pas ril por 'dzin par gsungs pa de/ 'dzin pa ma mchis par de bzhin gshegs pas gsungs te/

  500. 251a

    des na ril por 'dzin pa zhes bgyi'o// bcom ldan 'das kyis bka' bral pa/ rab 'byor ril por 'dzin pa nyid ni tha snyad de/ chos de ni brjod du med pa yin na/ de'ang byis pa so so'i skye bo rnams kyis gsung ngo // rab 'byor gang la la zhig 'di skad du/ de bzhin gshegs pas bdag tu lta bar gsungs// de bzhin gshegs pas sems can du lta ba dang / gang zag tu lta bar gsungs so zhes zer na/ rab 'byor de'ang yang dag par lta ba yin nam/ rab 'byor gyis gsol pa/ bcom ldan 'das de ni ma lags so// bde bar gshegs pa de ni ma lags so// de ci'i slad du zhe na/ bcom ldan 'das de bzhin gshegs pas bdag tu lta bar gsungs pa de/ rtsa ba ma mchis par de bzhin gshegs pas gsungs pa'i slad du ste/ des na bdag tu lta ba zhes bgyi'o// bcom ldan 'das kyis bka' stsal pa/ rab 'byor 'di ltar byang chub sems dpa'i theg pa la yang dag par zhugs pa rnams kyis chos thams cad shes par bya'o/ / bska bar bya'o// mos par byas te/ ci nas chos su'adu shes pa la'ang mi gnas pa de sar mos par bya'o// de ci'i phyir zhen/ rab 'byor chos su 'du shes shes bya ba ni/ 'du shes med par de bzhin gshegs pas gsungs pa'i phyir te/ des na chos su 'du shes shes bya'o// yang rab 'byor byang chub sems

  501. 251b

    dpa' sems dpa' chen po gang gis 'jig rten gyi khams grangs med dpag tu med pa dag ri po che sna bdun gyis rab tu gang bar byas te sbyin pa byin pa bas rigs kyi bu 'am/ rigs kyi bu mo gang gis shes rab kyi pha rol tu phyin pa 'di las tha na tshig bzhi pa'i tshigs su bcad pa tsam blangs nas 'dzin tam/ klog gar/ kun chub par byed dam/ gzhan dag la'ang rgya cher rab tu ston na/ de nyid gzhi de las bsod nams mang du grangs med dpag tu med pa bskyed do// ji ltar yang dag par rab tu ston ce na/ ji ltar yang dag par rab tu ston pa de bzhin duste/ des na yang dag par rab tu ston pa zhes bya'o// skar ma rab rib mar me dang // rgyu ma zil pa chu bur dang // rmi lam glog dang sprin lta bur// 'dus byas de ltar blta bar bya/ / bcom ldan 'das kyis de skad ces bka' stsal nas/ gnas brtan rab 'byor dang / dge slong de dag dang / byang chub sems dpa' de dag dang / 'khor bzhi po dge slong dang / dge slong ma dang / dge bsnyen dang / dge bsnyen ma de dag dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i

  502. 252a

    mdo rdzogs so/ / rgya gar skad du/ Ar+ya pradz+nyA pA ra mi tA na ya ar+d+ha sha nI/ bod skad du/ 'phags pa shes rab kyi pha rol tu phyin pa'i tshul brgya lnga bcu pa/ bcom ldan 'das shes rab kyi pha rol tu phyin pa la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi mchog dang mkhyen pa'i bye brag rnam pa tha dad pa dang ldan pa/ de bzhin gshegs pa rin po che thams cad kyi cod pan gyis khams gsum du dbang bskur ba/ de bzhin gshegs pa thams cad mkhyen pa'i ye shes dang ldan pa/ rnal 'byor can chen po'i dbang phyug/ de bzhin gshegs pa thams cad kyi phyag rgya thams cad kyi mnyam pa nyid thugs su chud pa/ sna tshogs kyi bya ba mdzad de/ ma lus pa na sems can gyi khams lus pa med pa/ thams cad kyi re ba thams cad yongs su skong ba'i las mdzad pa/ thugs rje che ba/ rnam par snang mdzad chen po rtag pa/ khams gsum mnyam pa nyid la zhugs pa/ rgyu dang / gsung dang / thugs thams cad de bzhin gshegs pa lha'i rgyal po gzhan 'phrul dbang byed kyi gnas/ 'dod pa'i khams thams cad na nor bu rin po che chen pos rab tu sbas pa dang / ba dan kha dog

  503. 252b

    snasnga tshogs dril bu brgyus pa rlung gis bskyod ba dang me tog gi 'breng ba dang / rnga ma dang / rgyan 'phreng dang / chun 'chang dang zla ba lta bus mdzes par byas pa/ de bzhin du thams cad bzhugs pa shes pa bstod pa na/ byang chub sems dpa' bye ba phrag brgyad dang thabs cig tu bzhugs pa la/ 'di lta ste/ byang chub sems dpa' sems dpa' chen po lag na rdo rje dang / spyan ras gzigs dbang phyug dang / nam mkha'i snying po dang / rdo rje'i khu tshur dang / 'jam dpal dang sems bskyed ma thag tu chos kyi 'khor lo skor ba dang / nam mkha'i mdzod dang / byang chub sems dpa' sems dpa' chen po bdud kyi stobs thams cad rab tu 'joms pa dang / de dag la sogs pa byang chub sems dpa' bye ba phrag brgyad dang thabs cig ste/ yongs su bskor cing mdun gyis bltas nas chos ston te/ shes rab kyi pha rol tu phyin pa'i tshul chos thams cad kyi ngo bo nyid rnam par dag pa'i sgo zhes bya ba/ thog mar dge ba/ bar du dge ba/ za mar dge ba/ don bzang po tshig 'bru bzang po/ ma 'dres pa/ yongs su rdzogs yongs su dag pa/ yongs su byang ba yang dag par ston te/ 'di ltar rab tu dga' ba rnam par dag pa'i gnas de ni/ 'di lta ste/ byang chub sems dpa'i gnas so// /

  504. 253a

    'dod chags kyi mda' rnam par dag pa'i gnas de ni/ 'di lta ste/ byang chub sems dpa'i gnas so// reg pa rnam par dag pa'i gnas de ni/ 'dis te/ byang chub sems dpa'i gnas so// sdug pa'i 'ching ba rnam par dag pa'i gnas de ni/ 'di lta ste/ byang chub sems dpa'i gnas so// thams cad la dbang brag dang dbang po rnam par dag pa'i gnas ra'adas te/ byang chub sems dpa'i gnas sa// snrub rnam byung dag pa'i gnas de ni 'an/ byang chub sems dpa'i gnas so/ / dga' ba rnam par dag pa'i gnas de ni/ 'di lta ste/ byang chub sems dpa'i gnas so// sreng pa rnam par dag pa'i gnas de ni/ 'di / byang chub sems dpa'i gnas so// snyems pa rnam par dag pa'i gnas don 'di swAn+te/ byang chub sems dpa'i gnas so// can rnam par dag pa'i gnas de ni/ 'di ltaste/ byang chub sems dpa'i gnas so// yid tshim par byed pa rnam par dag pa'i gnas de ni/ 'di lta ste/ byang chub sems dpa'i gnas so// spang ba rnam par dag pa'i gnas don 'di sa ste/ byang chub sems dpa'i gnas so// lus bde ba rnam par dag pa'i gnas de ni 'di lta ste/ byang chub sems

  505. 253b

    da ba'i gnas so/ / gzugs rnam par dag pa'i gnas de ni/ 'di lta ste/ byang chub sems dpa'i gnas so// sgra rnam par dag pa'i gnas de ni/ 'di lta / byang chub sems dpa'i gnas so// dri rnam par dag pa'i gnas de ni/ 'di lta ste/ byang chub sems dpa'i gnas so// ro rnam par dag pa'i gnas de ni/ 'di lta ste/ byang chub sems dpa'i gnas so// de ci'i phyir zhe na/ 'di sa te/ chos thams cad ni ngo bo nyid kyis rnam par dag pa ste/ chos thams cad ngo bo nyid kyis stong pa nyid pas/ shes rab kyi pha rol tu phyin pa yongs su dag pa'o// lag na rdo rje su la la thams cad kyi ngo bo nyid rnam par dag pa'i sgo bsgrub pa/ shes rab kyi pha rol tu phyin pa'i tshul 'di lan cig thos na'ang de byang chub kyi snying po'i bar du/ sgrib pa thams cad dang / chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po bsags kyang / sems can dmyal ba la sogs pa ngan song du nams kyang skye bar mi 'gyur/ sdig pa'ang byas ma thag tu sdug bsngal med par byang bar 'gyur ro// su zhig 'dzin pa dang / nyin re zhing klog pa dang / kha ton byed pa dang / tshul bzhin yod la byed pa de/ tshe 'di nyid la chos thams cad kyi mnyam pa nyid rdo rje'i ting nge 'dzin thob pas/ chos thams

  506. 254a

    @#/ cad la dbang bar 'gyur ro// chos thams cad la dga' ba dang / mgu ba dang / mchog tu dga' ba myong bar 'gyur ro// byang chub sems dpa' sems dpa' chen po'i tshe bcu drug gis de bzhin gshegs pa 'am/ rdo rje 'dzin thob par 'gyur ro// de nas bcom ldan 'das lag na rdo rje de bzhin gshegs pa thams cad pa/ theg pa chen po mngon par rtogs pa/ dkyil 'khor thams cad pa/ rdo rje 'dzin mtha' dag gi sems can gyi mchog/ khams gsum ma lus pa mtha' dag na/ 'jig rten gsum po thams cad las rnam par rgyal ba/ sems can gyi khams lus pa med pa 'dul ba/ don thams cad grub pa/ dam tshig chen po pa/ rdo rje gsang ba'i sems can du mas g.yog byas pa de shes rab kyi pha rol tu phyin pa'i tshul gyi don 'di ston te/ bzhin rab tu 'dzum zhing lag pa g.yas pa rdo rje 'gyings te/ thog ma'i rdo rje chen po gsor nas/ rang gi snying khar bstod pa'i tshul gyis 'dzin cing / bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so// hUM nas bcom ldan 'das de bzhin gshegs pa rnam par snang mdzad kyis/ yang de bzhin gshegs pa thams cad kyi zhi ba'i chos nyid mngon par rdzogs par byang chub par sgrub pa zhes bya ba/

  507. 254b

    shes rab kyi pha rol tu phyin pa'i tshul 'di bshad do// rdo rje sra ba nyid kyi phyir/ rdo rje mnyam pa nyid mngon par rdzogs par byang chub pa ni byang chub chen po'o// don gcig pa'i phyir/ don gyi mnyam pa nyid mngon par rdzogs par byang chub pa ni byang chub chen po'o// ngo bo nyid rnam par dag pa'i phyir/ chos kyi mnyam pa nyid mngon par rdzogs par byang chub pa ni byang chub chen po'o/ / thams cad la rnam par mi rtog pa'i phyir/ thams cad kyi mnyam pa nyid mngon par rdzogs par byang chub pa ni byang chub chen po'o// lag na rdo rje su la la chos mngon par sgrub pa bzhi po 'di dag nyan pa dang / 'dzin pa dang / klog pa dang / sgom pa de sdig pa thams cad spyod kyang / byang chub kyi snying pos 'dug gi bar du/ ngan song thams cad las yang dag par 'das par 'gyur ro/ / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro// de nas bcom ldan 'das ye shes kyi khu tshur yongs su 'dzin pa don gnas 'di nyid rgya cher ston cing / bzhin rab tu 'dzum dmul te/ chos thams cad kyi mnyam pa nyid kyi snying po 'di smras so// a nas ma rungs pa thams cad 'dul ba/ bcom ldan 'das de bzhin gshegs pa shAkya thub pas kyang / yang chos thams cad kyi mnyam pa nyid kyis rnam par rgyal ba bsdu ba zhes bya ba

  508. 255a

    shes rab kyi pha rol tu phyin pa bsgrub pa 'di bshad de/ 'dod chags kyi spros pa med pa nyid kyis zhe sdang gi spros pa med pa nyid do// zhe sdang gi spros pa med pa nyid kyis gti mug gi spros pa med pa nyid do/ / gti mug gi spros pa med pa nyid kyis/ chos thams cad kyi spros pa med pa nyid do// chos thams cad kyi spros pa med pa nyid kyis shes rab kyi pha rol tu phyin pa spros pa med par rig par bya'o/ / lag na rdo rje su la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa des 'dul ba'i dbang gis khams gsum du skyes pa'i sems can thams cad gsad kyang ngan song du 'gro bar mi 'gyur te/ myur du bla med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas bcom ldan 'das lag na rdo rje chos nyid 'di'i don rgya cher ston to// 'jig rten gsum las rnam par rgyal ba'i rdo rje zhes bya ba'i phyag rgya bcings nas/ khro gnyer dang bcas shing smin ma bteg ste 'bar bar lta la/ pad+ma'i gdong khro zhing dgod de mche ba gtsigs nas/ rkang pa g.yon parkyang ba'i tshul du gnas nas rdo rje hUM zhes bya ba'i snying po 'di smras so/ / hUM de nas bcom ldan 'das de bzhin gshegs pa ngo bo nyid dag pa'i chos nyid thob pas

  509. 255b

    chos thams cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba/ shes rab kyi pha rol tu phyin pa'i tshul 'di bshad de/ 'dod chags thams cad rnam bapar dag pas/ 'jig rten na zhe sdang thams cad rnam par dag par 'gyur ro// dri ma thams cad rnam par dag pas/ 'jig rten na sdig pa thams cad rnam par dag par 'gyur ro// chos thams cad rnam par dag pas/ 'jig rten na sems can thams cad rnam par dag par 'gyur ro// shes pa thams cad rnam par dag pas/ 'jig rten na shes rab kyi pha rol tu phyin pa rnam par dag par 'gyur ro/ / lag na rdo rje su la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / 'chang ba thams cad kyi nangan 'dug kyang / pad+ma lta bur 'dod chags kyi nyes pa rnams dang / dri ma rnams dang / glo bur gyi nyon mongs pa rnams kyis gos par mi 'gyur te/ b+hur du tha na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas byang chub sems dpa' chen po spyan ras gzigs dbang phyug don gnas 'di nyid rgya cher ston cing // bzhin rab tu 'dzum dmul te/ pad+ma'i 'dab ma kha 'byed pas/ 'dod chags la sogs pa'i dri mas mi gos pa la lta zhing / pad+ma gzugs sna tshogs shes bya ba'i snying po 'di

  510. 256a

    smras so/ / hrI de nas bcom ldan 'das de bzhin gshegs pa khams gsum thams cad kyi dbang pos/ yang de bzhin gshegs pa thams cad kyi dbang sgyur ba las byung ba'i ye shes kyi snying po zhes bya ba/ shes rab kyi pha rol tu phyin pa'i tshul 'di bshad de/ dbang bskur ba sbyin pa ni khams gsum thams cad kyi rgyal srid thob par 'gyur ro/ / nor sbyin pa ni re ba thams cad yongs su rdzogs par 'gyur ro// chos sbyin pa ni chos thams cad kyi mnyam pa nyid thob par 'gyur ro// zang zing sbyin pa ni lus dang / ngag dang / sems kyi bde ba thams cad thob par 'gyur ro// de nas byang chub sems dpa' sems dpa' chen po nam mkha'i snying po bzhin rab tu 'dzum ste/ rang gi ma la rdo rje rin po che'i dbang bskur ba'i 'phreng ba 'ching zhing don 'di nyid rgya cher bstan te/ dbang bskur ba thams cad kyi dam tshig rin po zhes bya ba'i snying po 'di smras so// nas bcom ldan 'das de bzhin gshegs pa thams cad kyi ye shes kyi phyag rgya thob pa/ de bzhin gshegs pa thams cad kyi khu tshur 'dzin pa/ de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i gnas rdo rje zhes bya ba/ shes rab kyi pha rol tu phyin pa'i tshul 'di bshad de/ de bzhin gshegs pa thams cad kyi sku'i

  511. 256b

    phyag rgya yongs su 'dzin pa ni/ de bzhin gshegs pa nyid du 'gyur ro// de bzhin gshegs pa thams cad kyi gsung gi phyag rgya yongs su 'dzin pa ni/ chos thams cad thob par 'gyur ro/ / de bzhin gshegs pa thams cad kyi thugs kyi phyag rgya yongs su 'dzin pa ni/ ting nge 'dzin thams cad thob par 'gyur ro// de bzhin gshegs pa thams cad kyi rdo rje'i phyag rgya yongs su 'dzin pa ni/ lus dang / ngag dang / sems thams cad kyi rdo rje'i dngos grub dam pa thob par 'gyur ro// su la la shes rab kyi pha rol tu phyin pa'i tshul 'di nyan pa dang / 'dzin pa dang / 'chang ba dang / klog pa dang / srang 'bog pa dang / sgom pa des dngos grub thams cad dang / phun sum tshogs pa thams cad dang / shes pa thams cad dang / dgos pa thams cad dang / lus dang / ngag dang / sems thams cad rdo rjer rdo rje'i dngos grub dam pa thob nas/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro/ / de nas byang chub sems dpa' sems dpa' chen po rdo rje khu tshur dam tshig chen bo'i rdo rje phyag rgya yongs su 'dzin pas/ don gnas pa 'di rgya cher bstan te/ bzhin rab tu 'dzum zhing / rdo rje sra ba'i phyag rgya dngos grub thams cad kyi mchog ces bya ba'i snying po

  512. 257a

    'di smras so/ / a de nas bcom ldan 'das chos thams cad spros pa med pa'i de bzhin gshegs pas/ yang 'khor lo ltar yi ge skor ba zhes bya ba shes rab kyi pha rol tu phyin pa'i tshul 'di bshad de/ ngo bo nyid med pa'i tshul gyis chos thams cad stong pa'o// mtshan ma med pa'i phyir/ chos thams cad mtshan ma med pa'o// smon pa med pa'i tshul gyis/ chos thams cad smon pa med pa'o// shes rab kyi pha rol tu phyin pa yongs su dag pas/ chos thams cad rang bzhin gyis 'od gsal ba'o// de nas bcom ldan 'das 'jam dpal gzhon nur gyur pa don 'di nyid rgya cher ston te/ bzhin 'dzum bzhin du/ ral gri des de bzhin gshegs pa thams cad la 'debs shing shes rab kyi pha rol tu phyin pa'i snying po mchog 'di smras so/ / a de nas bcom ldan 'das de bzhin gshegs pa thams cad kyi 'khor lo 'dus pa'i de bzhin gshegs pas 'khor lo chen po la 'jug pa zhes bya ba/ shes rab kyi pha rol tu phyin pa'i tshul 'di bstan te/ rdo rje mnyam pa nyid la 'jug pa ni/ de bzhin gshegs pa thams cad kyi 'khor lo la 'jug par 'gyur ro/ / dor gyi mnyam pa nyid la 'jug pa ni/ byang chub sems dpa' sems dpa' chen po'i 'khor lo la 'jug par 'gyur ro// chos thams cad kyi mnyam pa nyid la

  513. 257b

    'jug pa ni/ dam pa chos kyi 'khor lo la 'jug par 'gyur ro// thams cad kyi mnyam pa nyid la 'jug pa ni/ 'khor lo thams cad la 'jug par 'gyur ro// de nas byung chub sems dpa' sems bskyed ma thag tu chos kyi 'khor lo bskor ba/ chos nyid 'di'i don rgya cher ston cing bzhin 'dzum nas/ rdo rje'i 'khor lo bskor ba'idza rje'i 'khor lo thams cad la 'jug pa zhes bya ba'i snying po 'di smras so/ / hUM de nas bcom ldan 'das de bzhin gshegs pa la mchod pa thams cad kyi cho ga rgyas pa'i snod kyis mchod pa thams cad kyi mchog ces bya ba/ shes rab kyi pha rol tu phyin pa'i tshul 'di bshad de/ byang chub kyi sems bskyed pa ni/ de bzhin gshegs pa thams cad la mchod pa'i cho ga rgyas pa'o/ / sems can gyi khams thams cad yongs su skyob pa ni/ de bzhin gshegs pa thams cad la mchod pa'i cho ga rgyas pa'o// dam pa'i chos yongs su 'dzin ba ni/ de bzhin gshegs pa thams cad la mchod pa'i cho ga rgyas pa'o// shes rab kyi pha rol tu phyin pa yi ger 'dri ba dang / yi ger 'drir 'jug pa dang / 'dzin pa dang klog pa dang / rjod pa dang / ston pa dang / nyan pa dang / sems pa dang / sgom pa dang / mchod pa byed pa ni/ de bzhin gshegs pa thams cad la mchod

  514. 258a

    pa'i cho ga rgyas pa'o/ / de nas byang chub sems dpa' sems dpa' chen po nam mkha'i mdzod don yod de nyid rgya cher ston te/ bzhin rab tu 'dzum zhing / las thams cad don yod pa'i dam tshig tu bya ba'i snying po 'di smras so// oM de nas bcom ldan 'das de bzhin gshegs pa sems can thams cad 'dul nus pas/ yang ye shes kyi khu tshur yongs su 'dzin pa/ sems can thams cad 'dul ba shes pa'i snying po zhes bya ba/ shes rab kyi pha rol tu phyin pa'i tshul 'di bshad de/ sems can thams cad mnyam pa nyid pas/ khro ba mnyam pa nyid do// sems can thams cad 'dul ba nyid pas/ khro ba 'dul ba nyid do// sems can thams cad chos nyid pas/ khro ba chos nyid do/ / sems can thams cad rdo rje nyid pas/ khro ba rdo rje nyid do// de ci'i phyir zhe na/ 'di ltar sems can thams cad 'dul ba ni byang chub bo// de nas byang chub sems dpa' bdud kyi stobs thams cad rab tu 'joms pa/ don de nyid rgya cher ston te/ bzhin rab tu 'dzum zhing rdo rje mche ba'i phyag rgya dang / rdo rje gnod sbyin gyi gzugs kyis rdo rje khro bo'i gad mo zhes bya ba'i snying po 'di smras so/ / ha de nas bcom ldan 'das de bzhin gshegs pa chos thams cad kyi mnyam pa nyid la gnas pas/ yang

  515. 258b

    chos thams cad mchog ces bya ba/ shes rab kyi pha rol tu phyin pa'i tshul 'di bshad de/ thams cad mnyam pa nyid pas/ shes rab kyi pha rol tu phyin pa mnyam pa nyid do// thams cad don nyid pas/ shes rab kyi pha rol tu phyin pa don nyid do// thams cad chos nyid pas/ shes rab kyi pha rol tu phyin pa chos nyid do// thams cad las nyid pas shes rab kyi pha rol tu phyin pa las nyid du rig par bya'o/ / de nas bcom ldan 'das lag na rdo rje de bzhin gshegs pa dang / byang chub sems dpa' thams cad kyi don yod pa'i dam tshig gis dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ don yod pa thams cad kyi dam tshig ces bya ba'i snying po 'di smras so// hUM de nas bcom ldan 'das de bzhin gshegs pa thams cad pa rnam par snang mdzad kyis/ yang sems can thams cad byin gyis rlob pa zhes bya ba/ shes rab kyi pha rol tu phyin pa'i tshul 'di bshad de/ byang chub sems dpa' sems dpa' chen po kun tu bzang po thams cad kyi rang bzhin yin pas/ sems can thams cad ni de bzhin gshegs pa'i snying po can no// thams cad rdo rje'i snying pos dbang bskur ba nyid pas/ sems can thams cad ni rdo rje'i snying po can no// ngag thams cad rab tu 'byung bas/ sems can thams cad chos kyi snying po

  516. 259a

    can no/ / sems can thams cad kyi bya ba byed pa la sbyor bas/ sems can thams cad ni las kyi snying po can no// de nas phyi rol gyi rdo rje rigs rnams kyis ca co'i sgra phyung nas/ chos nyid kyi don rgya cher ston cing snying po phul te/ de nas rdo rje dbang phyug chen pos rang gi de kho na'i snying po 'di phul lo// drI de nas ma mo thams cad kyis bcom ldan 'das la phyag 'tshal te/ mgrin gcig tu thams cad dgug pa dang / gzung ba dang / gzhig pa dang / bsgrub pa'i dam tshig ces bya ba rang gi de kho na'i snying po 'bul lo/ / b+h+yo de nas sbrang rtsi byed la sogs pa ming po gsum gyis bcom ldan 'das la phyag 'tshal te/ mgrin gcig tu rang gi de kho na'i snying po 'di smras so/ / sA de nas sring mo bzhis bcom ldan 'das la phyag 'tshal te/ rang gi de kho na nyid kyi snying po 'di phul lo// hUM/ de nas bcom ldan 'das de bzhin gshegs pa mtha' yas mu med pa la mthar thug cing mu med pa'i chos dang ldan pas/ yang cho ga 'di mthar thug par byin gyis brlab par bya ba'i phyir/ chos thams cad kyi mnyam pa nyid kyi mthar thug pas/ byin gyis brlab pa rdo rje zhes bya ba/ shes rab kyi pha rol tu phyin pa'i tshul 'di bshad de/ shes rab kyi pha rol tu phyin pa mtha'

  517. 259b

    yas pa nyid pas/ de bzhin gshegs pa thams cad mtha' yas pa nyid do// shes rab kyi pha rol tu phyin pa mu med pa nyid pas/ rdo rje thams cad mu med pa nyid do// shes rab kyi pha rol tu phyin pa du ma nyid pas/ chos thams cad du ma nyid do// shes rab kyi pha rol tu phyin pa mthar thug pa med pas/ chos thams cad mthar thug pa med pa yin no// su la la shes rab kyi pha rol tu phyin pa'i tshul 'di nyan pa dang / 'chang ba dang / klog pa dang / ston pa dang / rjod pa dang / sgom pa de sangs rgyas dang byang chub sems dpa'i spyod yul zug pa med pa'i mthar phyin te/ sgrib pa thams cad zad nas/ de bzhin gshegs pa 'am/ rdo rje 'dzin par myur du 'gyur ro// de nas de bzhin gshegs pa thams cad 'dus te/ chos kyi rnam grangs 'di don yod pa dang rdzogs pa med par myur du grub par bya ba'i phyir/ lag na rdo rje la legs so zhes bya ba byin no/ / sems can chen po legs so legs// bde ba chen po legs so legs// theg pa chen po legs so legs// blo gros chen po legs so legs// cho ga 'di ni legs par spras/ / sangs rgyas rdo rje 'dzin kun gyis// 'bras bu yod pa 'dul ba'i mchog/ rdo rje mdo sde byin gyis brlabs// cho ga'i rgyal po bla na med// gang

  518. 260a

    rnams 'di dag 'dzin pa ni/ / bcud la sogs pa thams cad kyis// de dag mi song mi tshugs so// sangs rgyas byang chub sems dpa' dang / dngos grub dam pa thams cad kyang / / sangs rgyas kun gyis gsungs pa bzhin// ring por mi thogs thob par 'gyur// de skad gsungs nas gsang 'grub phyir// rdo rje can gyis bshad pa la/ / kun mchog sangs rgyas mkhas bcas pa// thams cad kyis ni mngon par bstod// de nas bcom ldan 'das de bzhin gshegs pa rnam par snang mdzad/ de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pas yang bde ba chen po rdo rje don yod pa'i dam tshig ces bya ba'i rdo rje don yod pa'i chos mnyam pa nyid shes rab kyi pha rol tu phyin pa'i sgo mchog dang po/ thog ma dang / tha ma dang / dbus med pa'i dam pa 'di gsungs so// byang chub sems dpa' chen po rnams kyi 'dod chags chen po dngos grub dam pa ni/ de bzhin gshegs pa thams cad kyi bde ba chen po dngos grub dam par 'gyur ro// byang chub sems dpa' chen po rnams kyi bde ba chen po dngos grub dam pa ni/ de bzhin gshegs pa thams cad kyi byang chub chen po dngos grub dam par 'gyur ro// byang chub sems dpa' chen po rnams kyi

  519. 260b

    de bzhin gshegs pa thams cad kyi byang chub chen po dngos grub dam pa ni/ bdud chen po'i stobs thams cad rab tu 'joms pa dngos grub dam par 'gyur ro// byang chub sems dpa' chen po rnams kyi bdud chen po'i stobs thams cad rab tu 'joms pa dngos grub dam pa ni/ khams gsum pa thams cad kyi dbang phyug chen po dngos grub dam par 'gyur ro// byang chub sems dpa' chen po rnams kyi khams gsum thams cad kyi dbang phyug chen po'i dngos grub dam pa ni/ ma lus pa na sems can gyi khams lus pa med pa yongs su sbyang bar 'dod pa'i rgyu'i phyir/ 'khor ba la'ang chags shing / brtson 'grus che ba'i byang chub sems dpa' chen po rnams kyi ma lus pa na/ sems can gyi khams lus pa med pa yongs su bskyab pa dang / sems can thams cad la phan pa dang / bde ba'i mchog shin tu bde ba chen po dngos grub dam par 'gyur ro// de ci'i phyir zhe na/ ji srid 'khor ba'i gnas su ni/ / mkhas mchog 'dug par 'gyur ba'i tshe// de srid mtshungs med sems can don// mya ngan mi 'da' byed par 'gyur// shes rab pha rol phyin thabs rab ye shes gnas su bsgrubs pas na/ / chos kun rnam par dag pa'i phyir// 'khor ba yongs su dag par 'gyur// chags la sogs pas 'dul na ni// 'khor ba'i bar du

  520. 261a

    rtag par yang / / 'jig rten sdig byed de byangs phyir// 'khor ba srid du bdag nyid 'dul// ji ltar pad+ma rab dmar yang // tshon gyi nyes pas ma gos pas/ / de bzhin gnas pa'i nyes pa yis// 'gro phan rnams la mi gos so// 'dod chags chen po rnam par dag/ bde ba che zhing nor che la// khams gsum dbang phyug thob pas na/ / sems can don rnams brtan par byed// lag na rdo rje su la la nang par langs nas/ mchog dang po shes rab kyi pha rol tu phyin pa'i tshul gyi sgo'i chos kyi rnam grangs 'di nyin re zhing 'don pa dang / nyan pa dang / 'dzin pa dang / klog pa dang / sgom pa de yid bde ba dang / bde ba thams cad thob par 'gyur ro// bde ba chen po thob/ rdo rje don yod pa'i dam tshig dngos grub kyi mchog kyang tshe 'di la thob par 'gyur ro// de bzhin gshegs pa thams cad kyi gsang ba'i mchog kyang grub ste/ rdo rje 'dzin thams cad kyi chen po 'am/ de bzhin gshegs par 'gyur ro// de nas bcom ldan 'das kyis/ gsang ba pa'i bdag po lag na rdo rje la bka' stsal gsang ba'i bdag po shes rab kyi pha rol tu phyin pa'i tshul gyi sgo'i sngags kyi tshig ni nyi shu rtsa lnga pa 'di rnams so/ / oM chos nyid byang chub kyi sems rdo rje/ oM kun tu bzang

  521. 261b

    po spyod pa/ oM yid bzhin gyi nor bu/ oM 'gog pa med pa/ oM skye ba zlog pa/ oM rnam par shes pa thams cad/ oM 'dod chags dang bral ba'i chos nyid chen po/ oM brtson 'grus kyi go cha/ oM kun tu 'gro ba/ oM rdo rje sra ba'i sems hUM oM de bzhin gshegs pa thams cad/ oM ngo bo nyid rnam par dag pa/ oM chos nyid shes pa rnam par dag pa/ oM las rnam par sbyong ba d+hU ya~M nges par gnod mdzes rdo rje can phaT/ oM 'dod pa la 'dod chags/ maM thong ba'i rdo rje can mar+d+ha thams cad 'dul ba/ oM oM a zhes bya ba'i sgo/ oM shes rab kyi pha rol tu phyin pa/ a baM hUM oM a oM de bzhin gshegs pa thams cad kyi sku'i mchog/ oM de bzhin gshegs pa thams cad kyi gsung rnam par dag pa/ oM de bzhin gshegs pa thams cad kyi thugs rdo rje.oM a sdig pa bcings pa thams cad choms shig/ ngan song gi rgyud thams cad las thar par gyis shig/ oM dam tshig thams cad kyi rdo rje hUM tra Ta/ sdig pa gzhom pa'i phyag rgya dang sngags te/ de bzhin gshegs pa thams cad kyi gsang ba dngos grub dam pa/ rdo rje 'dzin pa chen po dang / de bzhin gshegs par 'gyur ro// lag na rdo rje 'di ni sems can dge ba'i rtsa ba ma bskyed pa rnams kyi rna lam du thos par mi 'gyur ro//

  522. 262a

    'di ni sems can dge ba'i rtsa ba ma bskyed pa rnams kyis mnyan nam/ yi ger bri ba 'am/ yi ger 'drir gzhug pa 'am/ bklag pa 'am 'chang ba 'am/ bsgom pa 'am/ bsti stang du bya ba 'am/ ri mor bya ba 'am/ mchod par mi nus so// gang dag gis shes rab kyi pha rol tu phyin pa'i tshul gyi chos kyi rnam grangs 'di las tha na yi ge 'bru gcig tsam thos na'ang / sems can de dag ni gzhan na sangs rgyas mang po la dge ba'i rtsa ba bskyed pa yin no// mtha' dag rdzogs pa lta/ ci smos/ lag na rdo rje gang la la ngag sangs rgyas bye ba khrag khrig gang+gA'i klung brgyad cu'i bye ma snyed la bkur sti ma byas pa dang / bla mar ma byas pa dang / bsti stang du ma byas pa dang / mchod par ma byas pa de dag gis shes rab kyi pha rol tu phyin pa'i tshul gyi sgo'i chos kyi rnam grangs 'di thos par mi nus so// chos kyi rnam grangs 'di gang na sbyong ba'i sa phyogs de mchod rten du 'gyur ro/ / chos kyi rnam grangs 'di gang gi lus la thogs sam/ glegs bam la bris te spyod pa'i gang zag de phyag bya ba'i gnas su 'gyur ro// de bskal pa bye bab mang por skye ba dran par 'gyur ro/ / de la bdud sdig can bar chad byed par mi 'gyur ro// rgyal po chen po bzhi dang / lha gzhan rnams kyang de la bsrung ba dang / bskyab pa dang /

  523. 262b

    za ba'i phyir rtag tu bzhin 'brang bar 'gyur ro// yang bya ma spangs pas 'chi bar mi 'gyur ro// sangs rgyas dang byang chub sems dpa' thams cad kyis dgongs par 'gyu mdor na sangs rgyas kyi zhing gang dang gang du 'dod pa de dang der skye'o/ / de ltar shes rab kyi pha rol tu phyin pa'i tshul gyi sgo'i chos kyi rnam grangs 'di phan yon mang mod kyi ngas phyogs tsam zhig brjod do/ / bcom ldan 'das kyis de skad ces bka' stsal nas/ byang chub sems dpa' sems dpa' chen po lag na rdo rje dang byang chub semasna par de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa shes rab kyi pha rol tu phyin pa tshul brgya lnga bcu pa rdzogs so// / rgya gar skad du Ar+ya badz+nyA pA ra mi tA nA ma aSh+Ta sha ta ka na/ bod skad du/ 'phags pa shes rab kyi pha rol tu phyin pa'i mtshan brgya rtsa brgyad pa/ bcom ldan 'das ma shes rab kyi pha rol tu phyin pa la phyag 'tshal lo/ / 'das dang ma byon da ltar gyi// rgyal ba gang lags de kun gyi// yum ni dge ma khyod lags te/ khyod ni lha mo rgyal ba'i sras/ rang

  524. 263a

    bzhin med pa'i rang bzhin can/ / sangs rgyas yum gyur de yi mtshan// dge ba bdag gis brjod par bgyi// 'byor par 'dod pas mnyan par gyis/ / shes rab kyi pha rol tu phyin pa dang / thams cad mkhyen pa nyid dang / lam gyi rnam pa mkhyen pa nyid dang / rnam pa thams cad mkhyen pa nyid dang / yang dag pa'i mtha' dang / de bzhin nyid dang / ma nor ba de bzhin nyid dang / gzhan ma nor ba de bzhin nyid dang / bden pa dang / kho na dang / yang dag pa dang // phyin ci ma log pa nyid dang / stong pa nyid dang / mtshan ma med pa dang / smon pa med pa dang / dngos po med pa nyid dang / dngos po med pa'i ngo bo nyid dang / chos nyid dang / chos kyi dbyings dang / chos gnas pa nyid dang / chos mi 'gyur ba nyid dang / chos skyon med pa nyid dang / chos kyi mtshan nyid dang / chos bdag med pa nyid dang / ngo bo nyid med pa nyid dang / sems can med pa nyid dang / srog med pa nyid dang / gso ba med pa nyid dang / skyes bu med pa nyid dang / gang zag med pa nyid dang / brjod par bya ba dang / brjod par bya ba ma yin pa dang / sems dang / yid dang / rnam par shes pa dang bral ba dang / mnyam pa med pa dang /

  525. 263b

    mi mnyam pa dang mnyam pa dang / bdag gi ba med pa dang / chags pa med pa dang / spros pa med pa dang / spros pa dang bral ba dang spros pa thams cad dang bral ba / spros pa thams cad las shin tu 'das pa dang / sangs rgyas thams cad kyi yum dang / byang chub sems dpa' thams cad skyed pa dang / nyan thos thams cad 'dzin pa dang / rang sangs rgyas thams cad bskrun pa dang / 'jig rten thams cad 'dzin pa dang / bsod nams kyi tshogs zad mi shes pa bsags pa dang / ye shes 'bab pa dang / rdzu 'phrul mdzad pa dang / lha'i mig rnam par sbyong bar mdzad pa dang / lha'i rna ba rab tu dang bar mdzad pa dang / pha rol gyi sems shes par mdzad pa dang / sngon gyi gnas rjes su dran par mdzad pa dang / 'chi 'pho ba dang skye ba shes par mdzad pa dang / nyon mongs pa thams cad zad par mdzad pa dang / 'phags pa dang / gtsang ba dang / bsangs pa dang / dran pa nye bar gzhag pa la gnas pa dang / yang dag pa'i spong ba'i dashugs dang ldan pa dang / rdzu 'phrul gyi rkang pa bzhi'i zhabs dang ldan pa dang / dbang po sbyong bar mdzad pa dang / stobs mdzad pa dang / kha na ma tho ba med pa dang / byang chub kyi yan lag bdun gyi rin po ches mdzes par byas pa dang / nor bdun sbyin par mdzad

  526. 264a

    ba dang / 'phags pa'i lam yan lag brgyad pa ston pa dang / mthar gyis gnas pa'i snyoms par 'jug pa dgu ston par mdzad pa dang / dbang bcu bsgrub pa dang / sa bcu la gnas par mdzad pa dang / stobs bcu yongs su rdzogs par mdzad pa dang / zad par gyi skye mched bcus mdzes par byas pa dang / shes pa bcu sgrub pa dang / bag la nyal bcu'i dgra 'jig par mdzad pa dang / bsam gtan rnams bsgrub par mdzad pa dang / gzugs med pa'i khams las yang dag par 'da' bar mdzad pa dang / yang dag par rdzogs pa'i sangs rgyas thams cad kyis bskyod pa dang / shes pa thams cad mdzad pa dang / nang stong pa nyid dang / phyi stong pa nyid dang/ phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med

  527. 264b

    pa'i ngo bo nyid stong pa nyid dang / ma byung ba dang / ma skyes pa dang / ma 'gags pa dang / chad pa med pa dang / rtag pa med pa dang / don gcig pa ma yin pa dang / don tha dad pa ma yin pa dang / 'ong ba med pa dang / 'gro ba med pa dang / rten cing 'brel par 'byung ba rnam par sdom pa dang / rtag tu brtag par bya ba ma yin pa dang / rnam par shes par bya ba ma yin pa dang / gzhi med pa dang / mtshan nyid med pa dang / brtag par bya ba ma yin pa dang / rig par bya ba ma yin pa dang / thog ma dang tha ma 'jig pa med par mdzad pa dang / g.yo ba med par mdzad pa dang / gnyis med pa dang / gnyis med pa ma yin pa dang / zhi ba dang / blo 'jug pa rnam par spangs pa dang / gnyen po med pa dang / ma gos pa dang / nam mkha'i lam dang 'dra ba dang / yod pa dang / med par brjod pa ma yin pa dang / brjod pa ma yin pa dang / rmi lam gyi ngo bo nyid dang / sgyu ma'i chos nyid dang / mgal me bskor ba dang 'dra ba dang / chos thams cad ro gcig pa nyid do// su ritshig shes rab kyi pha rol tu phyin pa'i mtshan brgya rtsa brgyad 'di 'don pa de ngan song thams cad las rab tu thar bar 'gyur ro/ / sangs rgyas thams cad kyis kyang dgongs par 'gyur ro//

  528. 265a

    byang chub sems dpa' thams cad kyis kyang rtag par rgyun du spang ba dang / thob pa dang / theng ba byed par 'gyur ro// de'i gsang sngags kyi tshig 'ang ngag kyang rtag tu rgyun mi 'chang bar dran par bya'o/ / bcom ldan 'das ma/ 'phags ma/ shes rab kyi pha rol tu phyin ma/ mos pa la byams ma/ yon tan dpag tu med pa dang ldan ma/ de bzhin gshegs pa thams cad kyi ye shes kyis rnam par mkhyen pa nyid// sangs rgyas dang byang chub sems dpa' thams cad kyi phyag bzhes pa la phyag 'tshal lo/ / 'di lta ste/ oM prad nye brang nye/ ma hA prad nye/ prad u0f85/ a ba b+hA se/ prad ny+dza e lo ka ka re/ ang ny+dza na bi d+ha ma na/ sid+d+ha su sid+d+hi s id d+ha ma na/ b+ha ga ba ti/ sarba ba sun d+ha ri/ b+ha ga ba te/ bang sa len/ prA sa ri ta ha ste/ sa mA shA sa ka ri tiSh+Tha tiHkam pa kam pa tsa la tsa la/ rA ba rA ba/ gardza gardza/ A gang tsha A gang tsha/ b+ha ga ba ti/ mA na ma bi lam ba swA hA/ shes rab kyi pha rol tu phyin pa 'di 'dzin na/ shes rab kyi pha rol tu phyin pa 'bum gzung bar 'gyur ro/ / rtag tu bzlas brjod byas na/ de'i las kyi sgrib pa thams cad kyang 'byang bar 'gyur ro// 'di nas shi 'bos nas kyang

  529. 265b

    ba dran pa dang / yid gzhungs shing shes rab mtshungs pa med par 'gyur ro// dus gsum gyi de bzhin gshegs pa thams cad kyi chos ma lus pa gzung bar 'gyur ro// gsang sngags dang rig sngags thams cad kyang gzung bar 'gyur ro/ / 'di nas shi 'phos nas kyang skye ba dran pa dang / yid gzhungs shing shes rab chen por 'gyur ro// 'phags pa shes rab kyi pha rol tu phyin pa mtshan brgya rtsa brgyad pa rdzogs so/ / rgya gar skad du/ Ar+ya bA ga ba ti pradz+nyA ar+d+ha sha ti ka/ bod skad du/ 'phags pa bcom ldan 'das ma shes rab kyi pha rol tu phyin pa lnga bcu pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya no phung po'i ri la/ dge slong gi dge 'dun chen po dang thabs cig tu bzhugs te/ brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am lto 'phye chen po dang / dge slong dang / dge slong ma dang / dge bsnyen dang / dge bsnyen ma dag dang yang thabs cig go// de nas bcom ldan

  530. 266a

    'das kyis/ tshe dang ldan pa rab 'byor la bka' stsal ba/ rab 'byor gang la lanyan thos kyi sa la slob par 'dod pa dang / rang sangs rgyas kyis la slob par 'dod pas/ shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ bklag par bya/ kun chub par bya/ byang chub sems dpa' thabs la mkhas pa dang ldan pas/ sangs rgyas dang byang chub sems dpa'i chos thams cad yang dag par bsgrub pa'i phyir/ shes rab kyi pha rol tu phyin pa 'di nyid la mngon par brtson par bya'o/ / de ci'i phyir zhe na/ rab 'byor 'di ltar byang chub sems dpa' sems dpa' chen pos gang la bslab par bya ba dang / rnal 'byor du bya ba sangs rgyas dang byang chub sems dpa'i chos thams cad/ shes rab kyi pha rol tu phyin pa 'di nyid du rgya cher bstan pa'i phyir ro// bla na med pa yang dag par rdzogs pa'i byang chub la slob par 'dod pas kyang / shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ bklag par bya/ kun chub par bya'o/ / byang chub sems dpa' thabs mkhas pa dang ldan pas/ sangs rgyas dang byang chub sems dpa'i chos thams cad yang dag par bsgrub pa'i phyir/ shes rab kyi pha

  531. 266b

    rol tu phyin pa 'di nyid la brtson par bya'o/ / de ci'i phyir zhe na/ rab 'byor 'di ltar byang chub sems dpa' sems dpa' chen pos gang la bslab par bya ba dang / rnal 'byor du bya ba sangs rgyas dang byang chub sems dpa'i chos thams cad/ shes rab kyi pha rol tu phyin pa 'di nyid du rgya cher bstan pa'i phyir ro// rab 'byor dge ba'i chos byang chub kyi phyogs kyi chos rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams gang ngag yin pa de dag thams cad ni/ shes rab kyi pha rol tu phyin pa'i nang du chud cing / 'dus te 'u ba la yang dag par gzhol ba yin no// rab 'byor gyis gsol pa/ bcom ldan 'das shes rab kyi pha rol tu phyin pa la bslab par bya// rnal 'byor du bya ste/ nyan thos kyi sa la bslab par 'dod// rang sangs rgyas kyi sa la slob par 'dod pas/ shes rab kyi pha rol tu phyin pa 'di nyid dang / sangs rgyas kyi chos rnams dang / byang chub sems dpa'i chos rnams kyang mnyan par bya/ gzung bar bya/ bcang bar bya/ bklag par bya/ kun chub par bya'o// dge ba'i chos byang chub kyi phyogs kyi chos rnams dang / nyan thos kyi chos rnams dang / rang sangs rgyas kyi

  532. 267a

    chos rnams dang / byang chub sems dpa'i chos rnams dang / sangs rgyas kyi chos rnams dang / gang dag yin pa rnams shes rab kyi pha rol tu phyin pa'i nang du chud cing / 'dus te 'u ba la yang dag par gzhol ba yin no// zhes bgyi ba de dag gang lags/ bcom ldan 'das kyis bka' stsal pa/ rab 'byor/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid dang / dran pa nye bar gzhag pa bzhi dang /

  533. 267b

    yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam bar thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang / rgyun du zhugs pa'i 'bras bu dang khan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub nyid dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid do// rab 'byor dge ba'i chos byang chub kyi phyogs kyi chos rnams dang / nyan thos kyi chos rnams dang / rang sangs

  534. 268a

    rgyas kyi chos rnams dang / byang chub sems dpa'i chos rnams dang / sangs rgyas kyi chos rnams gang dag lags pa de dag/ shes rab kyi pha rol tu phyin pa'i nang du'ang chud cing / 'dus te 'u ba la yang dag par gzhol ba rnams yin no// rab 'byor gyis gsol pa/ bcom ldan 'das 'di ltar dge ba'i chos byang chub kyi phyogs kyi chos rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams gang dag lags pa de dag/ shes rab kyi pha rol tu phyin pa'i nang du chud cing / 'dus te 'u ba la yang dag par gzhol ba ni/ bcom ldan 'das kye ma a la la shes rab kyi pha rol tu phyin pa ni zab lags so/ / bcom ldan 'das kyis bka' stsal pa/ rab 'byor shes rab kyi pha rol tu phyin pa shin tu dben pa'i phyir ro// rab 'byor gyis gsol pa/ bcom ldan 'das kye ma a la la shes rab kyi pha rol tu phyin pa 'di ni gting dpag dka' ba lags so// bcom ldan 'das kyis bka' stsal ba/ rab 'byor shes rab kyi pha rol tu phyin pa shin tu rnam par dag pa'i phyir ro// rab 'byor gyis gsol pa/ bcom ldan 'das kye ma a la la a la la shes rab kyi pha rol

  535. 268b

    tu phyin pa 'di ni nam mkha' dang mtshungs pa lags so/ / bcom ldan 'das kyis bka' stsal pa/ rab 'byor shes rab kyi pha rol tu phyin pa shin tu rnam par dag pa'i phyir rab 'byor de bas na shes rab kyi pha rol tu phyin pa ni nam mkha' lta bu yin no/ / rab 'byor gyis gsol pa/ bcom ldan 'das kye ma a la la a la la shes rab kyi pha rol tu phyin pa 'di ni mi brtson pas rtogs par dka' ba lags so/ / bcom ldan 'das kyis bka' stsal pa/ rab 'byor de de bzhin te/ de de bzhin no// ji skad smras pa de bzhin te/ shes rab kyi pha rol tu phyin pa ni mngon par mi brtson pa dang / dge ba'i rtsa ba chung ba dang / yid mi gzhungs pa dang / don du mi gnyer ba dang / thos pa dang mi ldan pa dang / shes rab chung ba dang / sdig pa'i grogs pos zin pa dang / sdig pa'i grogs po dang 'dre ba mang ba dang / sdig pa'i grogs pos 'dzin du bcug pa dang / rang ba tsam dang ldan pa dang / las dang po pa dang / skal ba med pa'i tshul can dang / yongs su mi 'dri ba'i tshul dang / shes rab 'chal par gyur pa byas pa dang / le lo can dang / brtson 'grus chung ba dang / snying stobs chung ba dang / mos pa chung ba dang / dge ba'i chos de dag la mngon par mi brtson pas/

  536. 269a

    mos par dka' ba ste/ rab 'byor de lta bas na/ shes rab kyi pha rol tu phyin pa ni mos par dka' ba zhes bya'o// rab 'byor gzhan yang rigs kyi bu 'am/ rigs kyi bu mo la la zhig shes rab kyi pha rol tu phyin pa zab mo 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la'ang rgya cher yang dag par rab tu ston na/ des 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub bzung bab yin no/ / rab 'byor de lta bas na rigs kyi bu 'am/ rigs kyi bu mo gang lhag pa'i bsam pa phun sum tshogs pa myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ rgyun mi 'chad par shes rab kyi pha rol tu phyin pa mnyan par bya/ gzung bar bya/ bcang bar bya/ bklag par bya/ kun chub par bya ste/ des na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// bcom ldan 'das kyis de skad ces bka' stsal nas/ tshe dang ldan pa rab 'byor dang / dge slong de dag dang / byang chub sems dpa' de dag dang / lha dang / mi dang / lha ma yin dang

  537. 269b

    dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// shes rab kyi pha rol tu phyin pa lnga bcu pa rdzogs so// rgya gar skad du/ b+ha ga wa ti pradz+nyA pA ra mi tra sarba ta thA ga ta mA te e ka ak+Sha ri nA ma/ bod skad du/ bcom ldan 'das ma shes rab kyi pha rol tu phyin pa de bzhin gshegs pa thams cad kyi yum yi ge gcig ma zhes bya ba/ shes rab kyi pha rol tu phyin ma la phyags tshal lo// 'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ril/ dge slong gi dge 'dun chen po brgya phrag phyed dang bcu gsum dang / byang chub sems dpa' bye ba khrag khrig brgya stong ma po dag dang thabs cig tu bzhugs te/ yang de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis shes rab kyi pha rol tu phyin pa yi ge gcig ma zhes bya ba 'di/ sems can rnams la phan pa dang bde ba'i phyir zung zhig/ 'di lta ste/ a bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong gi dge 'dun chen po dang / byang chub sems dpa'i 'khor de dag dang / lha dang / mi dang /

  538. 270a

    lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// shes rab kyi pha rol tu phyin pa yi ge gcig ma rdzogs so/ / // rgya gar skad du/ Ar+ya ko'u shi ka pradz+nyA pA ra mi tA/ bod skad du 'phags pa shes rab kyi pha rol tu phyin pa ko'u shi ka zhes bya ba/ sangs rgyas dang byang chub sems dpa' thams cad la phyag 'tshal lo// 'di skad bdag gis zos pa dus gcig na/ bcom ldan 'das rgyal po'i khab na bya rgod phung po'i ri la/ dge slong gi dge 'dun chen po dang / byang chub sems dpa' 'bum phrag du ma thams cad kyang gzhon nur gyur pa sha stag dang thabs cig tu bzhugs te/ de nas bcom ldan 'das kyis/ lha'i dbang po brgya byin la bka' stsal pa/ ko'u shi ka de la shes rab kyi pha rol tu phyin pa'i don ni 'di yin te/ shes rab kyi pha rol tu phyin pa ni/ gnyis su blta bar mi bya/ gnyis ma yin par yang ma yin/ mtshan mar ma yin mtshan mar ma yin par yang ma yin/ blang bar yang ma yin// dor bar ma yin/ bsnan par ma yin/ bsnan pa med par ma yin// kun nas nyon mongs par

  539. 270b

    ma yin/ kun nas nyon mongs pa ma yin par yang ma yin/ rnam par byang ba ma yin/ rnam par byang ba'ang ma yin par yang ma yin/ spang bar ma yin/ spang ba ma yin par yang ma yin/ gnas su ma yin/ gnas ma yin par yang ma yin/ sbyong bar ma yin/ sbyong ba ma yin par yang ma yin/ 'brel bar ma yin/ 'brel ba ma yin par yang ma yin/ rkyen du ma yin/ rkyen ma yin par yang ma yin/ chos su ma yin/ chos ma yin par yang ma yin/ de bzhin nyid ma yin/ de bzhin nyid ma yin par yang ma yin/ yang dag pa'i mtha' ma yin/ yang dag pa'i mtha' ma yin par yang ma yin no// ko'u shi ka de bzhin du/ shes rab kyi pha rol tu phyin pa'i don ni/ 'di lta ste/ chos thams cad mnyam pa nyid kyi phyir/ shes rab kyi pha rol tu phyin pa nyid mnyam mo// chos thams cad zab pa'i phyir/ shes rab kyi pha rol tu phyin pa zab bo/ / chos thams cad dben pa'i phyir/ shes rab kyi pha rol tu phyin pa dben no// chos thams cad g.yo ba med pa'i phyir/ shes rab kyi pha rol tu phyin pa g.yo ba med do/ / chos thams cad rlom sems med pa'i phyir/ shes rab kyi pha rol tu phyin pa rlom sems med do// chos thams cad 'jigs pa med pa'i

  540. 271a

    phyir shes rab kyi pha rol tu phyin pa 'jigs pa med do/ / chos thams cad bag tsha ba med pa'i phyir/ shes rab kyi pha rol tu phyin pa bag tsha ba med do// chos thams cad ro gcig pa'i phyir/ shes rab kyi pha rol tu phyin pa ro gcig go// chos thams cad skye ba med pa'i phyir/ shes rab kyi pha rol tu phyin pa skye ba med do// chos thams cad 'gag pa med pa'i phyir/ shes rab kyi pha rol tu phyin pa 'gag pa med do// chos thams cad nam mkha' lta bu'i phyir/ shes rab kyi pha rol tu phyin pa nam mkha' lta bu'o/ / gzugs mu med pa'i phyir/ shes rab kyi pha rol tu phyin pa mu med do// de bzhin du tshor ba dang / 'du shes dang / 'du byed rnams dang / rnam par shes pa mu med pa'i phyir/ shes rab kyi pha rol tu phyin pa mu med do// sa'i khams mu med pa'i phyir/ shes rab kyi pha rol tu phyin pa mu med do// de bzhin du chu'i khams dang me'i khams dang / rlung gi khams dang / nam mkha'i khams dang / rnam par shes pa'i khams mu med pa'i phyir/ shes rab kyi pha rol tu phyin pa mu med do// ri rab mu med pa'i phyir/ shes rab kyi pha rol tu phyin pa mu med do// rgya mtsho mu med pa'i phyir/ shes rab kyi pha rol tu phyin pa mu med do// rdo rje mnyam pa'i phyir/

  541. 271b

    shes rab kyi pha rol tu phyin pa mnyam mo// chos thams cad dbyer med pa'i phyir/ shes rab kyi pha rol phyin pa dbyer med do// chos thams cad kyi ngo bo nyid dmigs su med pa'i phyir/ shes rab kyi pha rol tu phyin pa dmigs su med do// chos thams cad gsal ba med par mnyam pa'i phyir/ shes rab kyi pha rol tu phyin pa gsal ba med par mnyam mo/ / chos thams cad byed pa med pa'i phyir/ shes rab kyi pha rol tu phyin pa byed pa med do// chos thams cad bsam gyis mi khyab pa'i phyir/ shes rab kyi pha rol tu phyin pa bsam gyis mi khyab bo/ / de bzhin du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa 'khor gsum yongs su dag pas mu med pa'i phyir/ shes rab kyi pha rol tu phyin pa mu med do/ / shes rab kyi pha rol tu phyin pa zhes bya ba ni/ 'di ltar stong pa nyid bco brgyad de/ 'di lta ste/ nang stong pa nyid dang / phyi stong pa nyid dang

  542. 272a

    phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid de/ mdor na stong pa nyid 'di ni shes rab kyi pha rol tu phyin pa zhes bya'o// skar ma rab rib mar me dang / sgyu ma zil ba chu bur dang // rmi lam klog dang sprin lta bu// 'dus byas de ltar blta bar bya// na mo b+ha ga ba t+yaM/ Ar+ya pradz+nyA bA ra mi ta maM/ oM de hi/ hrI shrIH s+thi ti ma ti ga ti bi dza ye swA hA/ 'gag pa med cing skye med la// chad pa med cing rtag pa med// tha dad don min don gcig min// 'od med med cing 'gro mad spros pazhi bas zhi ba yi/ / rten cing 'brel bar 'byung ston pa// rdzogs pa'i sangs rgyas gang yin pa// smra mchog de la phyag 'tshal lo// bcom ldan 'das

  543. 272b

    kyis bka' stsal nas/ tshe dang ldan pa shA ra dwa ti'i bu dang / lha'i dbang po brgya byin dang / dge slong de dag dang / byang chub sems dpa' de dag dang / lha dang / mi dang / sgra ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa ko'u shi ka zhes bya ba rdzogs so/ / rgya gar skad du/ Ar+ya swa l+la/ a k+Sha pradz+nyA bA ra mi tA na ma ma N+Da yA na sU tra/ bod skad du/ 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di rkang bdag gis thos pa'i dus gcig na/ bcom ldan 'das rgyal po'i khab na bya rgod phung po'i ri la/ dge slong khri nyis stong lnga brgya'i dge slong gi dge 'dun chen po dang / byang chub sems dpa' bye ba khrag khrig 'bum phrag du ma dang thabs cig tu bzhugs te/ brgya byin dang / tshangs pa dang / 'jig rten skyong ba la sogs pa/ lha bye ba phrag khrag khrig 'bum gyis yongs su bskor cing mdun gyis bltas te/ dpal gyi snying po'i seng ge'i khri la bzhugs so// de nas byang chub sems dpa' sems dpa' chen po 'phags pa

  544. 273a

    spyan ras gzigs dbang phyug stan las langs te/ zla gos zag pa gcig la gzar nus/ pus mo g.yas pa'i snga nga sa la btsugs te/ bcom ldan 'das ga la ba de logs su thal mo sbyar ba btud nas 'dzum dmyal te/ bcom ldan 'das la 'di skad ces gsol to// bcom ldan 'das shes rab kyi pha rol tu phyin pa yi ge nyung ngudu la bsod nams che ba gang thos pa tsam gyis sems can thams cad kyi las kyi sgrib pa thams cad byang bar 'gyur ba dang / byang chub tu nges par gzhol bar 'gyur ba dang / gang dag sngags bsgrub par brtson pa de dag bgegs ma mchis par gsang sngags 'grub par 'gyur ba bshad du gsol/ de nas bcom ldan 'das kyis/ byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ rigs kyi bu khyod yun ring por sems can thams cad la phan pa'i phyir brtson pa legs so legs so/ / de'i phyir rigs kyi bu legs par rab tu nyon la yid la zung zhig dang / shes rab kyi pha rol tu phyin pa yi ge nyung ngu la bsod nams che ba gang thos pa tsam gyis sems can thams cad kyi las kyi sgrib pa thams cad byang bar 'gyur ba dang / byang chub la nges par gzhol bar 'gyur ba dang / gang dag gsang sngags bsgrub par brtson pa

  545. 273b

    de dag bgegs med par sngags 'grub par 'gyur ba ngas khyod la bshad do/ / de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to// sems can thams cad la sman pa'i slad du bshad du gsol/ de nas bcom ldan 'das kyis de'i tshe sems can thams cad dgrol ba zhes bya ba'i ting nge 'dzin la snyoms par zhugs so/ / mnyam par gzhag pa des smin mtshams kyi mdzod spu'i phrag nas 'od zer 'bum phrag du ma byung ste/ 'od zer de dag gis sangs rgyas kyi zhing thams cad khyab par gyur to// sems can gang dag 'od zer des sems can dmyal ba pa yan chad/ sems can de dag thams cad bla na med pa yang dag par rdzogs pa'i byang chub tu nges par gyur to/ / sangs rgyas kyi zhing thams cad kyang rnam pa drug tu g.yos so// de bzhin gshegs pa'i zhabs kyi drung du lha'i tsan ngan gyi phye ma'i char yang phab bo/ / de nas bcom ldan 'das kyis de'i tshe shes rab kyi pha rol tu phyin pa gsungs pa 'di lta ste/ byang chub sems dpa' mnyam pa'i sems dang / byams pa'i sems dang / byas pa gzo ba dang / sdig pa thams cad dang bral ba'i sems su bya'o// shes rab kyi pha rol tu phyin pa'i snying po 'di'ang gdon par

  546. 274a

    bya'o/ / de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo// tad+ya thA/ oM mu ne mu ne ma hA mu na ye swA hA/ ngas shes rab kyi pha rol tu phyin pa 'di rnyed pas/ bla na med pa yang dag par rdzogs pa'i byang chub thob bo// sangs rgyas thams cad kyang 'di las byung ngo / / de bzhin gshegs pa shAkya thub pa chen po las khyod kyis 'di thob pas/ de'i phyir byang chub sems dpa' sems dpa' chen po rnams kyi mchog tu gyur to// khyod de/ bzhin gshegs pa dgra bcom pa yang dag par rdzogs pa'i sangs rgyas 'od zer kun nas 'phags pa gshegs pa'i dpal brtsegs pa rgyal po zhes bya bar 'gyur ro// zhes sangs rgyas nyid du lung yang bstan to/ / gang dag khyod kyi ming nyan pa dang // 'dzin pa dang / klog pa gzhan dag la'ang rgya cher bstan pa dang / glegs bam du bris nas mchod pa byed pa de dag thams cad ma 'ongs pa'i dus na de bzhin gshegs par 'gyur ro/ / tad+ya nA/ dza ya dza ya/ bad mA b+he/ a ba me/ sa ra sa ra Ni/ d+hi ri d+hi ra/ ra d+hi ri/ de ba tA/ a nu pA la ne/ bud d+hod ta riNi/ pA ra ya b+ha ga ba ti/ sarba A shA ma/ sarba sa twa nAH/ sarba karma/ A ba raH/ d

  547. 274b

    +ha ya rba sho d+ha ya/ bud+d+ha a d+hiSh+Tha ne na swAhA/ don dam pa shes rab kyi pha rol tu phyin pa 'di ni sangs rgyas thams cad rgyas pa/ byang chub sems dpa sum/ 'phral du sdig pa 'phrog pa/ byang chub sbyin par byed pa ste/ 'di lta ste/ bskal pa bye ba brgyar yang sangs rgyas thams cad kyis phan yon brjod par mi nus so// 'di bklags pas dkyil 'khor thams cad du dbang bsgyur bar 'gyur ro// gsang sngags thams cad kyang mngon du 'gyur ro// de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to// bcom ldan 'das ci'i slad du/ 'di shes rab kyi pha rol tu phyin pa zhes bgyi/ bcom ldan 'das kyis bka' stsal pa/ zabs sba ba'i phyir te/ sems can gang dag spro ba chung ba de dag shes rab kyi pha rol tu phyin pa 'dzin pa dang / klog pa dang / yi gar 'dri ba dang / yi ger 'drir 'jug pa de dag thams cad thabs slabs byang chub la gzhol bar 'gyur te/ de'i phyir shes rab kyi pha rol tu phyin pa zhes bya'o// de skad ces bka' stsal pa dang / byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to//

  548. 275a

    bcom ldan 'das ji tsam du sems can thams cad la sman pa dang / sems can bsod nams chung ngu rnams kyi don dang / dran pa dang / ba'i slad du/ chos kyi rnam grangs 'di bka' stsal ba/ bcom ldan 'das ngo mtshar to// bde bar gshegs pa ngo mtshar to// bcom ldan 'ad kyis de skad ces bka' stsal nas/ byang chub sems dpa' sems dpa' chen po 'phags pa spyan ras gzigs dbang phyug dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo rdzogs so// / rgya gar skad du/ Ar+ya pany+tsa bing sha ti ba/ pradz+nyA pA ra mi tA mu kha nA ma ma hA yA na sU tra/ bod rkang du/ 'phags pa shes rab kyi pha rol tu phyin pa sgo nyi shu rtsa lnga pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das

  549. 275b

    ri rab kyi zom la/ lha thams cad kyi mtshan mo'i gnas na/ byang chub sems dpa' bye ba khrag khrig 'bum phrag du ma dang thabs cig tu bzhugs te/ de nas bcom ldan 'das lha dang / mi dang / lha ma yin dang / rlung lha dang / nam mkha' lding dang / klu dang / gnod sbyin dang / mi 'am ci dang / srin po dang rig sngags 'chang ba thams cad dang / 'byung po dang / log 'dren dang / sha za dang / snang ba dang / mi snang ba'i ma mo'i tshogs shin tu mang zhing rgya che ba dpag tshad lnga brgya'i dkyil 'khor du 'dus pa sha stag dang / dge slong stong nyis brgya lnga bcus bskor cing mdun du bdar nas chos ston to// de nas byang chub sems dpa' sems dpa' chen po lag na rdo rje/ rdo rje rigs thams cad kyis yongs su bskor/ rig pa'i tshogs dang / phyag rgya'i tshogs thams cad kyis rig sngags 'chang bye ba phrag du mas yongs su bskor nas/ bcom ldan 'das ga la ba der song ste/ bar snang las babs nas bcom ldan 'das kyi zhabs la mgo bos phyag 'tshal bcom ldan 'das la lan gsum bskor ba byas nas/ phyogs gcig tu 'jug pa dang / de nas bcom ldan 'das kyis/ gsang ba'i bdag po

  550. 276a

    chen po lag na rdo rje la bka' stsal ba/ gsang ba'i bdag zo ga nyi shu rtsa lnga po 'di dag ni nga'i shes rab kyi pha rol tu byin pa'i sgo yin no// sangs rgyas dang byang chub sems dpa' thams cad la phyag 'tshal lo// oM byang chub kyi sems rdo rje shes rab kyi pha rol tu phyin pa'i sgo'o// oM kun tu bzang po spyod pa/ shes rab kyi pha rol tu phyin pa'i sgo'o// oM yid bzhin gyi nor bu/ shes rab kyi pha rol tu phyin pa'i sgo'o// oM 'gog pa med pa/ shes rab kyi pha rol tu phyin pa'i sgo'o/ oM skye bar 'gyur ba/ shes rab kyi pha rol tu phyin pa'i sgo'o// oM rnam par shes pa thams cad/ shes rab kyi pha rol tu phyin pa'i sgo'o// oM 'bar ba chen po'i chos nyid/ shes rab kyi pha rol tu phyin pa'i sgo'o// oM brtson 'grus shes rab kyi pha rol tu phyin pa'i sgo'o// oM thams cad du 'gro ba/ shes rab kyi pha rol tu phyin pa'i sgo'o/ / oM rdo rje thams cad bstan pa'i sems/ shes rab kyi pha rol tu phyin pa'i sgo'o// oM de bzhin gshegs pa thams cad/ shes rab kyi pha rol tu phyin pa'i sgo'o/ / oM rang bzhin rnam par dag pa'i chos nyid ye shes rnam par dag pa/ shes rab kyi pha rol tu phyin pa'i sgo'o// oM las rnam par

  551. 276b

    myong ba/ shes rab kyi pha rol tu phyin pa'i blo'o// oM nges par gnod mdzes rdo rje can phaT/ shes rab kyi pha rol tu phyin pa'i sgo'o// oM 'dod pa la 'dod chags rnam par dag pa/ shes rab kyi pha rol tu phyin pa'i sgo'o// oM mgyogs pa'i rdo rje can/ shes rab kyi pha rol tu phyin pa'i sgo'o// oM hUM thams cad la 'gro ba shes rab kyi pha rol tu phyin pa'i sgo'o/ / oM hri/ shes rab kyi pha rol tu phyin pa'i sgo'o// oM a zhes bya ba/ shes rab kyi pha rol tu phyin pa'i sgo'o// rma shes rab kyi pha rol tu phyin pa/ shes rab kyi pha rol tu phyin pa'i sgo'o// oM a ma ba hUM/ shes rab kyi pha rol tu phyin pa'i sgo'o// oM oM/ shes rab kyi pha rol tu phyin pa'i sgo'o/ / oM de bzhin gshegs pa thams cad kyi sku'i mchog/ shes rab kyi pha rol tu phyin pa'i sgo'o// oM de bzhin gshegs pa thams cad kyi gsung rnam par dag pa/ shes rab kyi pha rol tu phyin pa'i sgo'o// oM de bzhin gshegs pa thams cad kyi thugs rdo rje shes rab kyi pha rol tu phyin pa'i sgo'o// bcom ldan 'das kyis de skad ces bka' stsal nas byang chub sems dpa' sems dpa' chen po lag na rdo rje dang / thams cad dang ldan pa'i 'khor de dang

  552. 277a

    b+hU dang / mi dang / ma yin dang / dri zar bcas pa'i 'jig rten gyi rangs te/ bcom ldan 'das kyis gsungs pa la mngon par bstod do/ / 'phags pa shes rab kyi pha rol tu phyin pa sgo nyi shu rtsa lnga pa zhes bya ba theg pa chen po'i mdo rdzogs so// / rgya gar skad du/ Ar+ya b+ha ga ba ti/ pradz+nyA bA ra mi tA hri da yA/ bod skad du/ 'phags pa shes rab kyi pha rol tu phyin pa'i snying po/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa rus gcig na/ bcom ldan 'das rgyal po'i khab na bya rgod phung po'i ri la/ dge slong gi dge 'dun chen po dang / byang chub sems dpa'i dge 'dun chen po dang thabs cig tu bzhugs te/ de'i tshe bcom ldan 'das zab mo'i chos kyi rnam grangs snang ba zhes bya ba'i ting nge 'dzin la snyoms par zhugs so// yang de'i tshe byang chub sems dpa' sems dpa' chen po 'phags pa spyan ras gzigs dbang phyug shes rab kyi pha rol tu phyin pa zab mo spyod par rnam par blta ste/ phung po lnga po dag la de dag ngo bo nyid kyis stong par rnam par blta'o/ / de nas sangs rgyas kyis mthus tshe dang ldan pa shA ra dwa ti'i bus byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras

  553. 277b

    so/ / rigs kyi bu gang la la shes rab kyi pha rol tu phyin pa zab mo la spyad pa spyod par 'dod pa des ji ltar bslab par bya/ de skad ces smras pa dang / byang chub sems dpa' sems dpa' chen po 'phags pa spyan ras gzigs dbang phyug gis/ tshe dang ldan pa shA ri'i bu la 'di skad ces smras so// shA ri'i bu rigs kyi bu 'am/ rigs kyi bu mo gang la la shes rab kyi pha rol tu phyin pa zab mo spyad pa spyod par 'dod pa des/ phung po lnga po de dag ngo bo nyid kyis stong par yang dag par rjes su mthong ba de ltar blta bar bya ste/ gzugs stong pa'o// stong pa nyid gzugs so// gzugs las stong pa nyid gzhan ma yin no/ / stong pa nyid las gzugs gzhan ma yin no// de bzhin du tshor ba dang / 'du shes dang / 'du byed rnams dang / rnam par shes pa rnams stong pa'o// shA ri'i bu de ltar chos thams cad ni stong pa nyid dang / mtshan nyid med pa nyid dang / ma skyes pa dang / ma 'gags pa dang / dri ma med pa dang / dri ma dang bral ba dang / bri ba med pa dang / gang ba med pa'o// shA ri'i bu de lta bas na stong pa nyid la gzugs med do/ / tshor ba med do// 'du shes med do// 'du byed rnams med do// rnam par shes pa med do// mig med do// rna ba med do// sna med do// lce med do// lus med do// yid med do// gzugs med do// sgra med do// dri med do// ro med do// reg bya med do// chos rnams med do// mig gi khams med cing / mig gi

  554. 278a

    rnam par shes pa'i khams med pa nas/ yid kyi khams med cing / yid kyi rnam par shes pa'i khams kyi bar du med do// ma rig pa med cing / ma rig pa zad pa med pa nas/ rga shi med cing / rga shi zad pa'i bar du med do// sdug bsngal ba dang / kun 'byung ba dang / 'gog pa dang / lam rnams med do// shes pa med do// thob pa med do// ma thob pa'ang med do// shA ri'i bu de lta bas na byang chub sems dpa' rnams thob pa med pa'i phyir/ shes rab kyi pha rol tu phyin pa la brten nas te/ sems kyi sgrib pa med pas 'jigs pa med cing / phyin ci log las 'das te// mya ngan las 'das pa'i mthar phyin to// dus gsum du rnam par zhugs pa'i sangs rgyas thams cad kyang shes rab kyi pha rol tu phyin pa la brten te/ bla na med pa yang dag par rdzogs pa'i byang chub mngon par rdzogs par sangs rgyas so/ / shA ri'i bu de lta bas na shes rab kyi pha rol tu phyin pa'i sngags te/ rig pa chen po'i sngags dang / bla na med pa'i sngags dang / mi mnyag pa dang mnyam pa'i sngags/ sdug bsngal thams cad rab / tu zhi bar byed pa'i gsang sngags te/ ma log pa'i shes rab kyi pha rol tu phyin pa ni/ gsang sngags bden zhing / rig pa yin par shes par bya'o// tad+ya thA/ ga te ga te/ ba ra ga te bA ra sang ga te/ bo d+hi sahA/ shA ri'i bu byang chub sems dpa' sems dpa' chen pos shes rab kyi pha rol tu phyin pa zab mo la de ltar bslab par bya'o// de nas bcom ldan 'das kyis ting

  555. 278b

    'dzin de las bzhengs nas/ byang chub sems dpa' sems dpa' chen po 'phags pa spyan ras gzigs dbang phyug la rigs kyi bu legs so legs so// rigs kyi bu de de bzhin no// de de bzhin/ khyod kyis ji skad bstan pa bzhin du/ shes rab kyi pha rol tu phyin pa zab mo la spyad par bya ste/ de bzhin gshegs pa rnams kyang rjes su yi rang ngo zhes legs so bya ba byin no// bcom ldan 'das kyis de skad ces bka' stsal nas/ tshe dang ldan pa shA ri'i bu dang / byang chub sems dpa' 'phags pa spyan ras gzigs kyi dbang phyug dang / thams cad dang ldan pa'i 'khor de dang lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa bcom ldan 'das ma shes rab kyi pha rol tu phyin pa'i snying po rdzogs so/ / / rgya gar skad du/ Ar+ya pradz+nyA pA ra mi tA sUr+ya gar+b+ha ma hA yA na sU tra/ bod skad du/ 'phags pa shes rab kyi pha rol tu phyin pa nyi ma'i snying po theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das yul ma ga d+ha na chos kyi dgon pa na/ dge slong gi dge 'dun rab tu mang ba dang / byang chub sems dpa' sangs rgyas kyi zhing mtha' yas pa nas 'dus pa chen po dang thabs cig tu bzhugs te/

  556. 279a

    tshe 'khor der byang chub sems dpa' nyi ma rab tu snang ba zhes bya ba 'dug pa de stan las langs te/ bcom ldan 'das ga la ba der song nas/ bcom ldan 'das la 'di skad ces gsol to/ / bcom ldan 'das bdag de bzhin gshegs pa la zhu ba mchis te/ bcom ldan 'das gnang ba'i skabs dbye bar gsol/ bcom ldan 'das kyis bka stsal pa/ ci dang ci 'dod pa dris shig dang bshad par bya'o/ / de nas byang chub sems dpa' nyi ma rab tu snang bas/ bcom ldan 'das la 'di skad ces gsol to// bcom ldan 'das thabs mkhas pa'i byang chub sems dpas ji ltar shes rab kyi pha rol tu phyin pa la bslab par bgyi/ bcom ldan 'das kyis 'di skad ces bka' stsal to// rigs kyi bu thabs mkhas pa'i ting nge 'dzin nyi ma zhes bya ba yod pas/ de la byang chub sems dpa' rnams kyis de ltar bslab par bya'o/ / bcom ldan 'das la gsol ba/ ji ltar bslab par bgyi/ bcom ldan 'das kyis bka' stsal ba/ rigs kyi bu 'di ltar thabs mkhas pa'i nyi ma'i ting nge 'dzin ni rnam pa bdun yod de/ gang zhe na/ dang po ni 'di ltar nyi mas myu gu smin par byed pa ltar/ byang chub sems dpa'i ting nge 'dzin nyi ma lta bus sems can rnams la byang chub kyi myu gu smin par mdzad do// gnyis pa ni nyi ma la dbri dgrol med pa ltar/ byang chub sems dpa'i ting nge 'dzin gyi thugs rje ni sems can thams cad la snyoms par mdzad do// gsum pa ni nyi mas nyal nyil sreg bltar/ byang chub sems dpa'i lhag

  557. 279b

    mthong gi shes rab kyis nyon mongs pa'i nyal nyil rnams sreg par byed do/ / bzhi pa ni nyi mas 'khyags pa 'ju ba ltar/ byang chub sems dpa' ting nge 'dzin gnyen po ye shes dang ldan pas nyon mongs pa 'khyags pa 'ju ba lta bur byed do/ / lnga pa ni nyi mas mun pa sel ba ltar/ byang chub sems dpa'i so sor kun tu rtog pa'i ye shes kyis gzung ba dang 'dzin pa'i mun pa sel bar byed do// drug pa ni nyi mas gling bzhi 'khor bltar/ byang chub sems dpa' 'phrin las phun sum tshogs pas sdug bsngal gyi chu bo bzhi las thar par mdzad do// bdun pa ni nyi mas kun la snyoms par dro ba bzhin du/ byang chub sems dpa'i spyod ba phun sum tshogs pas sems can thams cad la rab tu dga' bar mdzad pa'i thabs ni dro ba'i las lta bu'o/ / gzhan yang rigs kyi bu byang chub sems dpa' rnams kyis shes rab kyi pha rol tu phyin pa la bslab par bya ste/ des 'di ltar chos thams cad rang bzhin med pa dang / mtshan ma med pa dang / mtshan ma thams cad dang rab tu bral ba dang / dngos po med pa dang / dngos po thams cad dang bral ba dang / gang zag pa med ba dang / gang zag pa thams cad dang bral ba dang / ngo bo nyid kyis stong pa nyid la bslab par bya'o// rigs kyi bu chos nyid dang / chos kyi dbyings dang / de bzhin nyid dang / yang dag pa'i mtha' dang / ma nor ba de bzhin nyid dang / gzhan ma yin pa de bzhin nyid dang / bden pa dang / de kho na'i don la byang chub sems dpas bslab par bya'o// de nas bcom ldan 'das kyis byang

  558. 280a

    chub sems dpa' nyi ma rab tu snang ba la 'di skad ces bka' stsal to/ / rigs kyi bu byang chub sems dpas yang chos thams cad mngon par 'du bya ba med pa dang / skye ba med pa/ la bslab par bya'o// chos thams cad rang bzhin med par rnam par dag pa la bslab par bya'o// gzugs la sogs pa'i chos thams cad kyang rang bzhin gyis sbyong bar shes par bya'o// ngo bo nyid kyis dben par shes par bya'o/ / rigs kyi bu gang dag gis shes rab kyi pha rol tu phyin pa'i mdo 'dzin par byed na/ des las kyi sgrib pa byang bar 'gyur ro// de bsod nams kyi tshogs skye bar 'gyur shes rab kyi tshogs tshad med pa dang ldan par 'gyur ro/ / dran pa dang ldan pa dang / tshul khrims dang ldan pa dang / ting nge 'dzin dang ldan par 'gyur ro// rigs kyi bu gzhan yang byang chub sems dpa' rnams kyis shes rab kyi pha rol tu phyin pa la bslab par bya'o/ / de nas bcom ldan 'das kyis de'i tshe tshigs su bcad pa 'di dag gsungs so// mang thos dam pa'i chos la brtson/ / sems can kun la byams par ldan// brtson 'grus go cha phun sum tshogs// bdag dang gzhan gyi don la mos// bsam gtan ting 'dzin sgom la brtson// bdag dang sems can 'du shes med/ / yang dag theg pa'i lam la zhugs// sngon gyi rgyal sras de ltar spyod// mkhas pas ma nor de bzhin slob/ bcom ldan 'das kyis de skad ces

  559. 280b

    bka' stsal pa dang / byang chub sems dpa' nyi ma rab tu snang ba dang / sgyu dang mir bcas pa'i 'jig rten yi rangs te/ bcom ldan 'das kyis gsungs pa la mngon par bskyod po 'phags pa shes rab kyi pha rol tu phyin pa nyi ma'i snying po theg pa chen po'i mdo rdzogs so/ / / rgya gar skad du/ Ar+ya tsan+da gar+b+ha pradz+nyA pA ra mi tA ma hA yA na sU tra/ bod skad du/ 'phags pa zla ba'i snying po shes rab kyi pha rol tu phyin pa theg pa chen po'i mdo sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la/ dge slong gi dge 'dun chen po tshad med grangs med pa dang / byang chub sems dpa' rab tu mang po dang thabs cig tu bzhugs so/ / de'i tshe 'khor der byang chub sems dpa' sems dpa' chen po zla ba'i snying po 'dug pa stan las langs nas/ bcom ldan 'das la 'di skad ces gsol to/ / bcom ldan 'das byang chub sems dpa' rnams kyis shes rab kyi pha rol tu phyin pa la ji ltar bslab par bgyi/ de skad ces gsol ba dang / bcom ldan 'das kyis bka' stsal ba/ zla ba'i snying po chos thams cad dngos po dang bral ba gang yin pa ni shes rab kyi pha rol tu phyin pa'o// 'di lta ste/ dper na zla ba'i dkyil 'khor ni rtog

  560. 281a

    pa med kyang gling bzhir 'khor bar byed cing mun pa rnams rab tu sel to/ / de bzhin du byang chub sems dpa' sems dpa' chen po shes rab kyi pha rol tu phyin pa la sbyong pa ni rtog pa med kyang phyin ci log bzhi rnams la thugs rjes 'khor zhing / rang bzhin gyis nyon mongs pa rnams sel bar byed kyang mi rtog pa'i phyir ro// zla ba'i snying pos gsol pa/ bcom ldan 'das byang chub sems dpa'i shes rab kyi pha rol tu phyin pa la du mchis/ bcom ldan 'das kyis bka' stsal pa/ rigs kyi bu byang chub sems dpa'i shes rab kyi pha rol tu phyin pa la rnam pa gnyis te/ zag pa dang bcas pa dang zag pa med pa'o// rigs kyi bu de la zag pa dang bcas pa'i shes rab ni mos pas spyod pa'i sa'i gnas skabs na gzung bar rtog pa dang 'dzin par rtog pa ste/ de spong bar byed pa ni zag pa dang bcas pa'i shes rab kyi pha rol tu phyin pa'o/ / rigs kyi bu de la zag pa med pa'i shes rab kyi pha rol tu phyin pa ni mthong ba'i lam gyi rnam par mi rtog pa'i ye shes te/ ye shes de ni rtog pa thams cad dang bral ba'i phyir na mi rtog pa'i phyir ro/ / rigs kyi bu/ 'di lta ste/ shes rab kyi pha rol tu phyin pa ni/ pha rol dang tshu rol gyi mtha' gang la'ang mi gnas pa'i phyir ro// shes rab ni gzugs nas/ rnam pa thams cad mkhyen pa nyid kyi bar du rang bzhin med pas/ shes rab kyi pha rol tu phyin pa rang bzhin med par shes par bya'o// gzugs la sogs pa'i chos rnams

  561. 281b

    dus gsum du mi dmigs shing / ma bcings ma grol bar shes par bya'o// rigs kyi bu chos thams cad mnyam pa nyid bas/ shes rab kyi pha rol tu phyin pa mnyam pa nyid do// chos thams cad 'gag pa med pas/ shes rab kyi pha rol tu phyin pa 'gag pa med pa nyid do// chos thams cad mtshan ma med pas/ shes rab kyi pha rol tu phyin pa mtshan ma med pa'o// chos thams cad skye ba med pas/ shes rab kyi pha rol tu phyin pa skye ba med pa'o// chos thams cad chad pa med pas/ shes rab kyi pha rol tu phyin pa chad pa med pa'o// chos thams cad 'ong ba med pas// shes rab kyi pha rol tu phyin pa 'ong ba med pa'o// chos thams cad 'gro ba med pa nyid pas/ shes rab kyi pha rol tu phyin pa 'gro ba med pa nyid do// chos thams cad rtag pa med pas/ shes rab kyi pha rol tu phyin pa rtag pa med pa nyid do/ / chos thams cad tha dad pa med pa nyid pas/ shes rab kyi pha rol tu phyin pa tha dad pa med pa nyid do// chos thams cad don gcig pa nyid pas/ shes rab kyi pha rol tu phyin pa don gcig pa nyid do// chos thams cad dngos po med pa'i ngo bo nyid pas/ shes rab kyi pha rol tu phyin pa dngos po med pa'i ngo bo nyid/ mdor na thams cad mtshan ma dang rang bzhin dang / ngo bo nyid las 'das pas ni shes rab kyi pha rol tu phyin pa'o// des bas na shes rab kyi pha rol tu phyin pa'i sngags so// tad+yathA/ oM prad pra dz+nyA ma hA prad+he tsaN+Da prad+ho sarba

  562. 282a

    sa ka ri swA hA/ chos rnams thams cad rgyu las byung // de nyid kun rdzob bden pa ste// rang bzhin med cing spros med pas// de nyid don dam spyod yul lo// bcom ldan 'das kyis de skad ces bka' stsal pa dang / byang chub sems dpa' zla ba'i snying po dang / thams cad dang ldan pa'i 'khor dang / lha dang / mi dang / lha ma yin dang dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa zla ba'i snying po shes rab kyi pha rol tu phyin pa theg pa chen po'i mdo rdzogs so// rgya gar skad du/ Ar+ya pradz+nyA pA ra mi tA sa man+ta b+ha dra ma hA yA na sU tra/ bod skad du/ 'phags pa shes rab kyi pha rol tu phyin pa kun tu bzang po theg pa chen po'i sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das yul ma ga d+ha dgon par chos kyi snying por bzhugs te/ phyogs bcu'i sangs rgyas kyi zhing tshad med grangs med pa nas 'dus pa'i byang chub sems dpa' sangs rgyas kyi zhing rdul phra mo dang mnyam pa dang thabs cig go// thams cad kyang kun tu bzang po'i smon lam la mnga' brnyes pa spyod pa la gnas pa'o/ / de nas byang chub sems dpa' kun tu bzang pos chos thams cad rnam par mi rtog pa bstan pa zhes bya ba'i ting nge 'dzin la snyoms par zhugs so// ting nge

  563. 282b

    'dzin de'i mthus 'jig rten gyi khams sangs rgyas kyi zhing gi rdul phra mo dang mnyam pa thams cad g.yos so/ / de nas bcom ldan 'das kyis byang chub sems dpa' kun tu bzang po la phyag gis dbul reg par gyur to/ / de ltar reg pas sangs rgyas kyi zhing rnams kyang rab tu g.yos par gyur/ lha rnams kyis mthun par tshigs su bcad pas bstod pa/ 'jig rten sgron ma lha mi'i dpe las 'das/ yon tar rgya mtsho lta bur pha rol phyin// srid pa'i mtsho las 'gro ba khyod kyis sgrol// ded dpon khyod kyis rab tu bskyab par gsol// de nas byang chub sems dpa' kun tu bzang pos bcom ldan 'das la 'di skad ces gsol to/ / bcom ldan 'das ji ltar bslab par bya ba'i don shes rab 'dra ba dang / shes rab yin pa la bslab par bya/ bcom ldan 'das kyis bka' stsal pa kun tu bzang po shes rab 'dra ba ni/ 'jig rten tshogs kyi lam pa rnams kyi shes rab gang yin pa'o// shes rab yin pa ni sa dang po yan chad kyi shes rab gang yin pa'o// bcom ldan 'das kyis de skad ces bka' stsal pa dang / byang chub sems dpa' kun tu bzang po dang / lha dang mir bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa kun tu bzang po theg pa chen po'i mdo rdzogs so// rgya gar skad du/ Ar+ya pradz+nyA pA ra mi tA badz+ra pA Ni ma hA yA na sU tra/ bod skad du

  564. 283a

    @/ 'phags pa shes rab kyi pha rol tu phyin pa lag na rdo rje'i mdo theg pa chen po/ sangs rgyas dang byang chub sems dpa' thams cad la phyag 'tshal lo// 'di skang bdag gis thos pa dus gcig na/ bcom ldan 'das rgyal po'i khab na bzhugs te/ de'i tshe 'khor der byang chub sems dpa' lag na rdo rje 'dug pa stan las langs te/ bcom ldan 'das la 'di skad ces gsol to// bcom ldan 'das byang chub sems dpas shes rab kyi pha rol tu phyin pa la ji ltar bslab par bgyi/ bcom ldan 'das kyis bka' stsal pa/ lag na rdo rje byang chub sems dpas shes rab kyi pha rol tu phyin pa la 'di ltar bslab par bya ste/ chos thams cad skye ba med pa med pas/ shes rab kyi pha rol tu phyin pa la bslab par bya'o// gzhan yang gzugs la sogs pa'i chos thams cad rang bzhin ma mchis pa dang / mtshan ma ma mchis pa dang / dngos po dang bral ba dang mi dmigs pas na/ shes rab kyi pha rol tu phyin pa la bslab par bya'o// nang stong pa nyid nas/ dngos po med pa stong pa nyid kyi phyir/ nang shes rab kyi pha rol tu phyin pa la bslab par bya'o// lag na / rdo rje shes rab kyi pha rol tu phyin pa 'di ni dus gsum gyi sangs rgyas thams cad kyi yum ste/ rig pa chen po'i sngags 'di'i tshig ni 'di dag go// tad+ya thA/ oM mu ni mu ni ma hA mu na ye swA hA/ su zhig shes rab kyi pha rol tu byin pa 'di 'dzin par byed na/ dras gsum gyi sangs rgyas rnams kyi chos rnams gzung bar 'gyur ro// de bye badran par 'gyur ro// mi khom pa thams cad spangs par 'gyur ro// bsong rnams kyi 'bras bu tshang me

  565. 283b

    par thob par 'gyur ro/ / sangs rgyas bcom ldan 'das rnams dang dus rtag tu 'grogs par 'gyur ro// byang chub kyi sems dang ldan par 'gyur ro// bcom ldan 'das kyis de skad ces bka' stsal pa dang / byang chub sems dpa' phyag na rdo rje dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa lag na rdo rje'i mdo theg pa chen po rdzogs so/ / @rgya gar skad du/ Ar+ya pradz+nyA pA ra mi tA badz+ra ke tu ma hA yA na sU tra/ bod skad du 'phags pa shes rab kyi pha rol tu phyin pa rdo rje rgyal mtshan gyi mdo theg pa chen po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bzhugs te/ thams cad dang ldan pa'i 'khor dang thabs cig go// de nas de'i tshe 'khor der byang chub sems dpa' rdo rje rgyal mtshan 'dug pa de stan las langs te/ bcom ldan 'das la 'di skad ces gsol to/ / bcom ldan 'das chos gang dang ldan na/ shes rab kyi pha rol tu phyin pa lags/ bcom ldan 'das kyis bka' stsal pa/ rdo rje rgyal mtshan chos rnam pa bzhi dang ldan na sde bzhi gang zhe na/ 'di lta ste/ chos thams cad stong pa nyid du mngon pa dang / 'dus byas thams cad mi rtag pa dang sdug bsngal bar shes pa dang / spros pa thams cad bral ba'i chos nyid du ldan pa dang / thams cad

  566. 284a

    @#pi rtog mi dmigs par bsgom pa'o/ / gzhan yang chos rnam pa bzhi dang ldan na shes rab skye ba'i rgyu ste/ bzhi gang zhe na 'di lta ste/ dang po gang zag chos smra ba'i mkhan po sten pa dang / gnyis pa de'i dam pa'i chos nyan pa pa gsum pa don la 'jug cing sems pa dang / bzhi pa gzhan la tshul bzhin du ston par mos pa ste/ 'di ni shes rab skye ba'i rgyu'o// rigs kyi bu gzhan yang byang chub sems dpa' rnams kyis 'di lnga ste/ chos thams cad rang bzhin gyis rnam par dag pas stong pa dang / bdag med pa dang / dngos po med pa'i ngo bo nyid dang / mtshan ma med pa dang / ma bcings pa dang / ma grol ba dang / snang ba med pa dang / mun pa med pa'i rang bzhin du shes par bya'o// de lta bas na byang chub sems dpa' rnams kyis shes rab kyi pha rol tu phyin pa la bslab par bya'o/ / chos thams cad skye ba med pa dang / gnas pa med pa'i tshul gyis shes rab kyi pha rol tu phyin pa la bslab par bya'o// bcom ldan 'das kyis bka' stsal pa/ dngos po'i ngo bo nyid du bsgom// shes rab skye ba'i rgyu la mos// mtshan ma thams cad dang bral ba'i// shes rab don la bslab par bya'o// bcom ldan 'das kyis de skad ces bka' stsal nas/ byang chub sems dpa' rdo rje rgyal mtshan la sogs pa lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi