Text
ff. 1a–444a · 887 folio sides
- 1a
sangs rgyas kyi spyod pa zhes bya ba'i snyan dang/ sa slob dpon rta dbyangs kyis mdzad pa bzhugs so/ /
- 1b
rgya gar skad du/ bud+d+ha tsa ri tra ma hA kA bya nA ma/ bod skad du/ sangs rgyas kyi spyod pa zhes bya ba'i snyan ngag chen po/ sangs rgyas dang byang chub sems dpa' thams cad la phyag 'tshal lo/ /dpal ldan yon tan tshogs kyis gang/ /bdag nyid chen po sems can gyi/ /don mdzad yang dag sangs rgyas dang/ /chos dang dge 'dun la phyag 'tshal/ /bu ram shing par mthu mnyam bu ram shing pa'i rgyud/ /thub dka' shAkya rnams la spyod pa rnam dag pa/ /
- 2a
'phrog byed zla ba lta bur skye dgu rnams la sdug/ rgyal po zas gtsang zhes bya'i ming can byung bar gyur/ /dbang po dang mtshungs de yi bdag po ldan ma yin/ /nus mthu rjes mtshungs gzi brjid lha mo bde sogs dang/ /padmo can 'dra phun sum tshogs pas bzhin brtan/ /sgyu ma chen mo zhes bya dpe med sgyu 'dra byung/ /mi skyong rgyal po 'di ni de dang thabs cig tu/ /dga' ba nyer ldan rnam thos sras kyi dpal bzhin rol/ /de nas yang dag ting 'dzin ldan pa'i rig ma bzhin/ /sdig bral ma de mngal ni rnam par
- 2b
bzung bar gyur/ /mngal dang nye bar ldan pa nyid kyi sngon rol tu/ /de ni gnyid song glang po'i dbang po dkar po zhig/ rang nyid la ni rab tu zhugs sogs mthong gyur la/ /de yi mtshan ma nyam thag pa yang thob ma yin/ /lha dang rab tu mtshungs pa de yi lha mo de/ /mngal gyi rigs kyi dpal ni rab tu 'dren byed cing/ /sgyu ma ngal pa dang ni mya ngan sgyu med par/ /gtsang la nyon mongs med pa'i dgon par blo gros mdzad/ /de ni lum bi zhes bya'i nags mthar gyur pa'i sa/ /sna tshogs ljon shing sna tshogs shing rta mngon dga' bar/ /bsam gtan la bzod dben pa'i nags kyi mdza' bzhed ma/ /'gro ba'i ched dang gnas phyir mi skyong la zhus so/ /de yi chos dang ldan la 'phags pa'i zhe 'dod dag/ rnam par shes nas ya mtshan dga' ba yis gang ste/ /zhi ba'i grong nas sa yi bdag po gshegs gyur te/ /de yi dga' ba'i rgyu
- 3a
yin rnam par rgyu phyir min/ /dpal dang ldan pa'i nags der rgyal po'i bdag ldan ma/ /rab tu bltams pa'i dus ni yang dag mngon gzigs shing/ /bla re nye bar phul ba'i gzims mal rab thob ste/ /mi mo stong phrag dag gis mngon par dga' bar byed/ /de nas skar ma rgyal rab ldan par gyur pa'i tshe/ /brtul zhugs legs par 'dus byas lha mo de yi ni/ /rtsibs logs dag nas 'jig rten phan phyir sras bltams te/ /tshor ba dang ni bral zhing nad dang bral ba nyid/ /ji ltar brla skyes brla nas rgya chen lag pa nas/ /dbang po dang mtshungs nga la nu ni spyi bo nas/ /mtshan ldan nyid kyang lag pa'i cha shas gsang ba nas/ /rnam pa de ltar de yi skye ba 'byung bar 'gyur/ / mngal nas mngon par nges par byung ba gzugs mdzes te/ /nam mkha' dag las 'phos 'dra skye gnas las ma skyes/ /bskal pa gcig min rnams su bsgoms pa'i
- 3b
bdag nyid ni/ /gang zhig yang dag rab tu shes na skyes gyur blun po min/ /nyi ma gzhon nu sa la mngon par babs pa bzhin/ /gsal ba dang ni brtan pas gang zhig mdzes pa ste/ / de ltar shin tu gsal yang nges par rtog pa na/ /ri bong gis mtshan ji ltar mig dag phrogs par gyur/ /de ni rang gi lus kyi 'od rab 'bar ba yis/ /sgron ma'i 'od kyang gsal bar byed pas ltar bcom ste/ /rin thang chen po 'dzam bu chu gser mdzes pa'i mdog/ phyogs rnams thams cad rnam par snang zhing gsal bar mdzad/ /'khrugs pa ma yin yon po'i skyon dag rab bsal zhing/ /shin tu brtan pa dang ldan rnam par yangs pa'i 'gros/ /de ltar mi g.yo rab tu brtan pa'i gom pa bdun/ /drang srong skar ma bdun dang rab mnyam gshegs par gyur/ /byang chub phyir dang 'gro la phan pa'i phyir skyes shing/ /'di ni bdag gi srid pa'i skye ba tha ma zhes/ /seng ge'i 'gros 'dra phyogs bzhi dag tu rnam gzigs nas/ /snod ldan rnams kyi don byed dag kyang smras par gyur/ /nam mkha' dag las rab babs zla ba'i 'od zer dkar/ /drang dang dro ba'i chu rgyun rnam pa gnyis kyi shugs/ /lus la yang dag reg pas
- 4a
bde ba bskyed pa'i phyir/ /mdzes shing yid 'ong de yi spyi bor babs par gyur/ /dpal ldan bla bre bres par gser gyi 'bar zhing mtshan/ /bai DUrya yi rkang pa'i gzims mal la gzims pa/ /de la gus phyir gser gyi pad+ma'i phyag mnga' ba'i/ /gnod sbyin bdag rnams kun nas yongs su bskor nas gnas/ /mi mngon gyur pa'i lha rnams kyis kyang nam mkha' la/ /gang gi mthu las mgo bo yis ni rab btud cing/ /kun nas gdung ba skyob pa'i gdugs dkar rnams bzung ste/ /byang chub ched du mchog gi bsngags pa dag kyang smras/ /'das pa'i sangs rgyas rnams la lhag par mchod byas pa'i/ /lto 'phye che rnams khyad 'phags chos la sred pa'i phyir/ /gang la rlung yab kyis g.yab gus pa'i mig gzir cing/ /man dar pa'i me tog rnams kyis yang dag 'thor/ /de bzhin gshegs pa bltams pa'i yon tan gyis tshim pa'i/ /gtsang mar lhag par gnas pa'i rnam dag sems can rnams/ /sdug bsngal nyid du bying ba'i 'gro la phan pa'i phyir/ /lha rnams 'dod chags bral ba na yang dga' bar gyur/ /gang gis rab tu bltams che rang rgyal phur bu nyid/ /rlung gis bsnun pa'i gru ltar sa gzhi g.yas gyur cing/ /tsan dan dang bcas utpal pad+ma'i snying po yi/ /
- 4b
char ba dag ni nam mkha' i sprin dang bral bas babs/ /yid 'ong rag na bde ba'i rlung dag byung gyur te/ /lha yi na bza' dag ni mngon bar 'bebs byed cing/ /nyi ma de nyid lhag par mngon par gsal pa ste/ /zhi ba'i 'od zer 'dus ma byas pa'i me 'bar ro/ /shar dang byang gi mtshams kyi khang pa'i phyogs gcig na/ /bsil ba'i chu yi khron pa rang byung gyur pa ste/ /pho brang btsun mo'i 'khor rnams ya mtshan gyur rnams kyis/ /gang la bya ba rnams ni stegs bzhin rab tu byas/ /chos dang ldan pa'i lha dang 'byung po'i tshogs rnams kyis/ /da ni blta ba'i don du nags tshal rab gang ste/ /rmad byung ngo mtshar gyur pa nyid kyi shing las kyang/ /me tog rnams ni dus ma yin par nges par brul/ /'tshe bar byed pa'i sems can rnams kyang de yi tshe/ phan tshun dag tu phyin te gnod pa mi byed la/ /'tsho ba'i 'jig rten dag na nad gang ji snyed ba/ /de dag rnams kyang 'bad pa med par de tshe bcom/ /mkha' 'gro'i bya ni mtho min sgra sgrogs ri dags kyang/ /chu klung dang ni chu yang zhi bar bab gyur la/ /phyogs rnams rab snang dge ba'i nam mkha' rab mdzes shing/ /lha yi rnga rnams mkha' la rab tu grags par gyur/ /rgyud par gyur la mgon ni nye bar thob nas bzhin// 'jig rten dag kyang mchog tu rab zhi thob gyur la/ /'jig rten rnams kyi thar pa'i bla ma rab bltams che/ /'dod pa'i lha nyid kho na dga' ba med par gyur/ /shin tu ngo mtshar sras kyi skye ba mthong gyur nas/ /mi bdag brtan pa yin yang rnam par 'gyur nas song/ /rab dga' skyes pa nyid dang yid mi bde skyes te/ /brtse ba las ni mchi ma rnam pa gnyis byung ngo/ /mi ma yin pa'i sras po nyid kyi nus pa dang/ /ma yi rang bzhin kyang ni stobs chung nyid kyi phyir/ /grang dang dro ba'i chu dag 'dres pa'i chu klung bzhin/ /lha mo 'jigs pa dang ni dga' bas gang par gyur/ /lhag ma spangs te 'jigs pa nyid ni shes byas nas/ /yid 'ong 'dod ba'i ched du rtogs pa ma yin pa'i/ /bud med rgan mo rnams kyi bde legs gyur byas shing/ /gtsang mar byas te lha rnams dag la phyag 'tshal lo/ /de yi mtshan nyid dag kyang shes shing thos gyur nas/ /spyod dang thos dang tshig
- 5a
la grags thob bram ze rnams/ /rnam rgyas zhal ni ya mtshan dga' ba yid gang ste/ /dga' dang 'jigs par gyur pa'i mi yi lha la smras/ mi dag sa la bu ma gtogs pa'i khyad 'phags pa/ /gzhan gang cung zad 'dod min zhi ba de yi phyir/ /khyod kyi sgron ma 'di ni rigs kyi sgron ma ste/ /khyod nyid dga' bar mdzod cig dga' ston da lta bgyi/ /de phyir brtan par rnam dpyod med pa gar mdzod dang/ /rigs ni nges pa nyid du mchog tu 'phel bar 'gyur/ /'dir ni khyod kyi bu zhes skyes par gyur pa ste/ /'jig rten sdug bsngal dag gis mngon par bcom pa'i mgon/ /mchog gyur 'di la mchog gyur gser gyi 'od mnga' zhing/ /sgron ma'i 'od zer dag gis mtshan rnams gang gyur pas/ /de nyid rtogs par gyur pa'i thub par 'gyur pa 'am/ /yang na mi dag sa stengs 'khor los sgyur bar 'gyur/ /sa yi bdag po nyid la gal te dga' 'gyur na/ /stobs dang chos dag gis ni de'i tshe sa steng du/ /rgyal po kun gyi thog tu 'di ni gnas 'gyur te/ /skar ma'i 'od rnams la ni nyi ma'i 'od bzhin no/ /de ni gal te thar bzhed nags su gshegs gyur na/ /mkhyen dang de nyid kyis ni de tsha sa steng du/ /lugs kun zil gyis mnan nas 'di ni gnas 'gyur te/ /mtho ba kun la ri rab ri yi rgyal po bzhin/ /ji ltar lcags rnams la ni gser dag mchog yin la/ /ri rnams la ni ri rab chu bo rnams la mtsho/ /gza' rnams la ni zla ba dung byed rnams la nyi/ /de ltar khyod kyi sras ni rkang gnyis rnams kyi mchog /gang gi spyan ngag mi 'dzum mi gzir rnam par spangs pa ste/ /brtan zhing shin tu ring la dkar min rdzi ma dang/ /gzi brjid ldan pa yin yang 'on kyang zhi ba nyid/ /'di ni kun nas gzigs pa'i spyan mgna' ci la min/ /de na gnyis skyes rnams la mi dag gis smras pa/ /bdag nyid chen po mi skyod snga mas ma mthong ba/ /mthong zhes khyad 'di gang yin 'di la rgyu
- 5b
mtshan ci/ /de nas bram ze rnams kyi de nyid la smras pa/ /blo dang thos pa las dang grags pa rnams la ni/ /mi skyong sngon dang phyi ma nyid ni tshad ma min/ /dngos po'i lugs la 'dir ni bya ba rgyu yin la/ /'dir yang bdag gis dper brjod dag ni mkhyen par mdzod/ /gang zhig rgyal po'i bstan bcos shes ldan ngan spong dag/ rig byed drang srong de gnyis kyis ni ma byas pa/ /de dag gis sras zhib pa pa sings dang ni/ /phur bu yis ni dus kyi de nyid bskyed par gyur/ /nyams gyur snga ma rnams kyis ma mthong rig byed gang/ /dbyangs can ma yi bu yis kyang ni slar smras pa/ /nus med gnas 'jog gis ni ma byas gyur pa gang/ /rgyas pa yis ni de ltar rnam pa mang por brjod/ /'pho byed drang srong chen pos ma bsdebs gyur pa gang/ /tshig gi rkang pa grog mkhar gyis ni dang por bskyed/ /gso ba gang yang rgyun shes kyis ni ma mthong ba/ /phyi nas de ni drang srong rgyun shes bu yis byas/ /gang yang gnyis skyes nyid ni kun shes ma rnyed pa/ /de ni gting dpogs zu yis rgyal po la thob po/ /bu ram shing pas dang por ma bsdams gyur pa gang/ /rgya mtsho la ni dug bcas kyis kyang mtshams bzung ngo/ /slob dpon nyid du bram ze'i rnal 'byor chog la/ /gzhan rnams kyis mthong ba skyed byed gshegs par gyur/ /khyab 'jug gis ni grags pa'i las rnams gang yin pa/ /de rnams la ni dpa' bo la sogs stobs med gyur/ /de phyir lang tsho dang ni rigs dag chad ma yin/ /la la la lar mchog nyid nyer thob 'jig rten na/ /rgyal dang drang srong rnams kyi snga mas ma byas pa/ /de dang de dag rnams ni bu rnams dag gis byas/ /de ltar gnyis skyes de rnams kyis ni yid ches te/ /mi skyong dbugs 'byin dang yang mngon par dga' gyur la/ /mi 'dod the tshom dag ni yid la rnam bsal te/ /rab tu dga' ba nyid la lhags par 'jogs par gyur/ /dga' ba yis ni gnyis skyes dam pa de
- 6a
rnams la/ /bkur sti sngon du 'gro ba'i nor rnams rab phul te/ /ji skad smras bzhin 'di ni sa yi bdag por gyur/ /rgas pa thob nas nags rnams su ni 'gro bar shog /de nas mtshan ma rnams dang dka' thub stobs las ni/ /skye ba mthar mdzad bltams pa de ni rtogs gyur nas/ /dam pa'i chos la gus pa'i shAkya'i dbang phyug gis/ gnas su dkar min drang srong chen po gshegs par gyur/ /tshangs pa'i dpal nyid kyis dang dka' thub dpal gyis ni/ /'bar ba'i tshang rig rnams kyi tshad rig de la ni/ /rgyal po'i bla mas gus pa dang ni bkur sti'i phyir/ /mi dbang pho brang du ni rab tu spyan drangs so/ /de ni sa bdag btsun mo'i 'khor gyi nye logs su/ /gzhon nu bltams pa la ni dga' ba'i shugs kyis 'ongs/ /dka' thub mchog las dang ni rgas pa la bsten nas/ /brtan pa nags kyi 'du shes kyis ltar rnam par zhugs/ /de nas thub pa gdan la gnas pa de la mi skyong gis/ /zhabs bsil mchod yon sngon 'gro yang dag rab mchod nas/ /sngon tshe gnas mchog la ni mdza' can lhas bzhin des/ /ji ltar nye bar spyod la snyan gsan phab pa'o/ /bdag gis rigs ni rjes su ni bzung phyir nor ldan des/ /gang zhig bdag la gzigs phyir bcom ldan nyer gshegs la/ /bka' drin gnang bar mdzod cig zhi ba ci bgyi bgyi/ kho bo slob ma lags so thugs ches mdzad par rigs/ /de ltar mi skyong gis ni dngos po thams cad kyis/ /nye bar gsol btab gyur pa'i thub pa ji lta bzhin/ /rab rgyas yangs pa'i spyan ni ya mtshan dang bcas pas/ /zab pa dang ni brtan pa'i tshig rnams smras pa'o/ /chos 'dod gtong ba dang ldan 'gron la sdug cing 'phangs/ /bdag nyid chen po khyed la 'thad pa 'di yin la/ /sems dpa' rjes 'gro ye shes lang tsho rjes mthun pa/ /khyod kyi blo gros gnyen gang de ltar bdag la yin/ /de dang
- 6b
de ni gang gis mi skyong drang srong des/ /phra mo'i chos kyis nor rnams rab thob byas nas/ /rtag par cho ga bzhin du mchod sbyin byas gyur pa/ /dka' thub rnams kyis phyug cing nor rnams dag gis dbul/ /bdag gi nye bar 'ongs la dgos pa gang yin pa/ /bdag gi de ni gson mdzod dga' bar nyer song khyed/ /byang chub rtogs pa'i ched du khyod kyis sras bltams zhes/ /lha yi ngag dag bdag gi nyi ma'i lam du thos/ /ngag de thos nas dang ni yid la bsgoms nas/ /mtshan ma rnams kyis shes nas de nas nye bar 'ongs/ /brgya byin gyi ni rgyal mtshan yang dag bsgreng ba bzhin/ /shAkya'i rigs kyi rgyal mtshan blta bar 'dod pa yis/ /zhes pa'i tshig 'di de ltar thos par gyur nas ni/ /mi dbang rab tu dga' bas kun nas g.yos gyur te/ / yum gyi bang du son las gzhon nu blangs nas ni/ /dka' thub nor can la ni yang dag bstan par gyur/ /de nas drang srong tshe des zhabs la 'khor los mtshan/ /phyag dang zhabs kyi sor mo dra bas 'brel ba dang/ /glang po bzhin du 'doms nub smin ma mdzod spur bcas/ /ya mtshan dang bcas rgyal po sras ni mthong bar gyur/ /lha mo'i pang na zhugs pa me yi bu bzhin/ /ma ma'i bdan bzhugs pa mngon par mthong nas ni/ /byung gyur rdzi ma'i mdza' ru mchi ma rnams byung ste/ /dbugs med gyur nas gyen du lha la zhal phyogs gyur/ /mig dag mtshims yongs gang dkar min mthong nas ni/ /bu la brtse ba'i phyir ni mi skyong 'dar gyur te/ /mchi ma dang ni gre ba kha zhing ldab ldib bcas/ /thal mo sbyar zhing yan lag btud de dris par gyur/ /gang gi lus ni lha las bar na cung zad gcig /gang gi skye ba ngo mtshar mang po'i sgron ma ste/ /gang gi don ni mchog tu 'gyur bar smra ba ste/ /rab tu mthong nas brtan pa gang phyir mchi ma 'ong/ /bcom ldan gzhon nu brtan pa'i tshe can yin snyam mam/ /bdag gi mya
- 7a
ngan ched du skyes pa min nam ci/ /bdag la chu yi snyim ba ci zhig ltar rnyed de/ /'di ni dus kyis 'thung phyir nye bar 'ongs ma yin no/ /bdag gi snyan grags gter ni mi zad yin snyam mam/ /nges par bdag gi rigs kyi lag nor yin snyam ci/ /bde bar pha rol tu ni rab tu 'gro snyam mam/ /gnyid par gyur kyang bu ni phye ba'i mig gcig yong/ /bdag gi rigs kyi myu gu skyes par ma rgyas par/ /yongs su sgams pa'i skal ba can zhig min snyam mam/ /khyab bdag myur bar gsungs shig bdag la zhi ba med/ /gnyen 'dun rnams kyi bu la brtse ba khyed kyis rig /de ltar mi 'dod blo yis 'khrul ba byung gyur pa/ /rig nas mi dbang rgyal la thub pa des smras pa/ /bdag gis smras pa gang de the tshom med pa de/ /mi skyod khyed kyi blo gros gzhan gang ma gyur cig /'di yi gzhan gyur mtshon min bdag gi rnam 'gyur te/ /'on kyang rang la slu bar rab mtshon rnam par 'khrugs/ /skye ba zang pa'i rnyed par bla min rtags pa po/ /'di skyes bdag gi 'gro ba la ni dus yin no/ /rgyal srid rnam par spangs nas yul rnams la mi gnas/ /'bad pa drag po rnams kyis de nyid thob byas nas/ /'di ni 'gro la gti mug mun pa rnams 'joms phyir/ /ye shes rang bzhin nyi ma rab tu 'bar bar 'gyur/ /sdug bsngal rgya mtsho nang rnams bkram pa'i lpu ba can/ /rga ba'i dba' rlabs 'chi ba'i shugs ni drag po las/ /'gro ba nyam thag byid bar gyur rnams 'di yis ni/ /ye shes grub bo chen po yis ni sgrol bar byed/ /shes rab chu yi shugs la brten pa'i tshul khrims dogs/ /ting nge 'dzin ni bsil ba'i brtul zhugs dang pa 'phyo/ /'di yi mchog gi chos kyi chu bo rab skor la/ srid pas nyam thag gson pa'i 'jig rten 'thung bar byed/ /sdug bsngal gyis nyam thag dang yul gyis bsgribs rnams dang/ /'khor ba'i 'brog
- 7b
dgon 'jigs par gnas pa rnams la ni/ /lam rab chung zos rnams la lam 'gro rnams bzhin du/ /'dis ni rnam par dag pa'i lam dga' chad par 'gyur/ /yul gyi bud shing can gyi 'dod chags me yis ni/ /'jig rten skye bo rnam par bsreg par gyur pa la/ sos ka'i tha mar sprin chen gyis ni char bzhin du/ /'di yis chos kyi char gyis rab tu sim byed 'gyur/ /sred pa'i sgo gtan ma rig mun pa'i sgo glegs can/ /sgo la skye dgu rnams kyi 'thon pa'i rgyu las ni/ /'di yis mchog rab kun nas rnyed par dka' ba yi/ /dam pa'i chos kyi sgras ni nam par 'byed par 'gyur/ /rang gi las kyi zhags pa rnams kyi yangs dkris shing/ /sdug bsngal dag gis mngon par zil non rten med pa'i/ /'jig rten rnams kyi rdzogs pa'i byang chub rnyed nas kyang/ /chos kyi rgyal po 'dis ni 'ching ba mthar mdzad 'gyur/ smongs sam 'dod pa'i bde ba yis sam rgyags las rung/ /'di yi mthar thug chos gang thos par mi byed pa/ /mi yi 'jig rten 'dir de mya ngan bya ba'i gnas/ /de phyir khyod nyid 'di la mya ngan ma byed cig/ yon tan rgya mtsho 'di las 'khrul gyur bdag gi ni/ /bsam gtan rnams ni thob kyang don byas med nyid de/ /de yi dam chos ma thos pa la kho bo ni/ /mtho ris dag na gnas kyang phun tshogs med pa snyam/ /de ltar don thos bshes dang bcas shing btsun mor bcas /yid mi bde ba der nas mi dbang dgar gyur la/ /rnam pa de ltar bdag gi bu ni 'di'o zhes/ /des ni bdag nyid la ni snying po ldan par bsam/ 'phags pa'i chos rnams kyis kyang 'gro bar 'gyur ro zhes/ /bsam pa'i rnam par bzung bya snying la byas gyur te/ /nges par 'di ni mi sdug chos kyi phyogs min la/ /rigs rgyud nyams pa las ni 'on kyang 'jig ba mthong/ /de nas bu la rnam par 'khrugs pa'i rgyal po la/
- 8a
bu yi nges pa'i de nyid rig par byas nas su/ /gus bcas gyen du gzugs mthong dkar min thub pa ni/ /rlung gi lam gyis ji ltar 'ongs bar gshegs par gyur/ /blo gros byas pa'i sring mo'i bu yang mthong nas ni/ /thub pa'i gsung mnyan pa dang de'i lugs la ni/ /rnam mang rjes su brtse ba yin nas legs pa des/ /sdug pa bu bzhin du ni sbyor ba byed du bcug /sras po skyes pas tshim pa'i mi yi bdag po yang/ /yul la song ba'i 'ching ba rnams ni rnam spangs te/ /sras kyi yid 'ong sras po bltams pa'i las dag ni/ /rigs dang 'dra bar ji lta ba bzhin byed du bcug /zhag bcu yongs su 'ongs par gyur pa nyid kyi tshe/ /mchog gi dga' ba rab ldan snyoms par gyur pa yis/ /sras las mchog tu 'gyur phyir lta yi mchod pa ni/ /bzlas brjod dang ni sbyin sreg bkra shis la sogs byas/ /gzhan yang brgya dang stong phrag yongs su gang ba'i grangs/ /brtan dang stobs ldan bu rnams gser gyi rwar bcas shing/ /rgas pa nye bar 'ongs min so ma ldan pa'i ba/ /rang gi sras 'phel phyir na gnyis skyes rnams la byin/ /de nas snyoms pa'i bdag nyid kyis ni rnam mang yul/ /rang sems tshim par byed pa'i bya ba rnams byas nas/ /yon tan ldan shing dge ba'i yud tsam nges pa na/ /grong khyer rab tu 'jug la dga' bas blo gros mdzad/ de nas mchi gnyis mche ba las byung rin thang che/ /dkar po'i me tog gis spras nor bu'i sgron/ khri la dge ba'i phyir ni lha mo sras ldan ma/ /lha rnams la ni rab tu btung nas bsnyan par gyur/ /de nas gnas brtan skye mo rjes 'brang sras mgon ma/ /bdag po ldan ma grong la mdun du rab zhugs nas/ /mched ldan lha ni lha rnams kyis ni brgya byin bzhin/ /mi bdag nyid kyang grong ba'i tshogs kyis gshags par gyur/ /de nas gdod drug skyes pas yis ched dbang phyug bzhin/ /shAkya'i
- 8b
rgyal pos grong khyer rnam par khyab mdzad de/ /zhal ni dka' bas rab gang 'di dang 'di zhes pa'i/ /srid 'phel rgyas pa dang ni grags dang snyan pa mdzad/ /de nas mi yi bdag po'i sras bltams cher skyes pas/ /ser skya zhes pa'i grong khyer ljongs dang bcas pa de/ /gnod sbyin grong na phun tshogs 'dod pa skyes pa na/ /lha yi bu mo rnams kyis bkram bzhin dga' bar gyur/ /sangs rgyas kyi spyod pa zhes bya ba'i snyan ngag chen po las gzhon nu sku bltams pa'i le'u ste dang po'o// // skye dang rga ba mthong song bdag skyes bdag pham de'i/ /skyes pa nas brtsams mi nyid nyi mas rgyal po de/ /chu yi shugs rnams kyis ni chu bo sind+hu bzhin/ /nor dang glang po rta dang bshes rnams 'phel bar gyur/ /nor rnams dang ni rin po che dang bzang po'i gser/ /de dbang ni byas dang ma byas pa nyid kyang/ /yid la re ba yi rang khur gyur pa/ /de la gcig tu phan pa'i cha shas gter rnyed gyur/ /gang zhig pad+ma dang mtshungs gnyis 'thung rnams kyis kyang/ /dkyil 'khor 'di la nye bar 'od bar mi nus pa'i/ /gang dang ldan pa'i gang chen chad gis dregs de rnams/ /'bad pa las kyang gzhan du de la nye bar gnas/ /sna tshogs mtshan mas mtshan zhing gsar pa'i gser sga dang/ /de bzhin gzhan rnams dag gis brgyan byas rdog ma 'chad/ stobs dang byams pa dang ni nor gyis thob pa yi/ /'di yi mgyogs 'gro rnams kyi grong khyer phye mar byas/ /de bzhin 'di yi yul 'khor du ni chim dang rgyas/ /legs la rdul ldan yon tan ldan pa'o mar ldan/ /rab mchog le'u rnams dang bcas pa'i ba rnams ni/ /'o ma mang po 'jo ba mang po byung bar gyur/ /'di yang dgra bo dbus gnas nyid du song gyur pa/ /dbus gnas gyur pa mja' bshes nyid du rab tu song/ /khyad par du ni bshes gnyen brtan por song ba ste/ 'di yi phyogs
- 9a
dag gnyis te dgra yang yod ma yin/ /de bzhin du ni 'di yi 'jam rlung 'brug gi sgra/ /glog gi 'phreng ba 'khyil ba yis ni brgyan pa'i sprin/ /rdo char dang ni thog lhung nyes pa rnams kyis gzhan/ /yul du dus la lha yis char pa phab par gyur/ /zhing gi las kyi ngal dub byed pa nyung dus kyang/ /'bru ni 'bras bu ldan pa dus sbyor bzhin skyes te/ /de rnams nyid kyang 'di yi sman du byung gyur la/ /bcud dang snying po yis kyang mngon par lhags pa nyid/ /g.yul du rab tu zhugs la kun tu 'joms pa bzhin/ /lus la the tshom za bar byed pa'i dus na yang/ /rang bzhin gnas shing bde ba nyid du nad med par/ /dus kyi dbang gis mi mo rnams ni rab tu btsas/ /brtul zhugs ldan rnams ma gtogs nor rdzas dman na yang/ /mi rnams pha rol rnams las don du gnyer mi byed/ /mngon par don du gnyer la 'phags pa nor 'phra yang/ /de tshe 'ga' zhig dag ni rgyab kyis phyogs ma gyur/ /de tshe rgyal po de yi rgyal srid la ni 'ga' // gnyen la zhe sa med min mi ster ba yang med/ /brtul zhugs med pa nyid min rdzun med 'tshe med pa/ /sgra mi bsgrags kyi sras po lta bu byung bar gyur/ /der yang skyed mos tshal dang lha gnas dka' thub gnas/ /khron pa rdzing dang dge bcu 'du ba'i gnas rnams kyi/ /bya ba rnams ni mtho ris bzhin du nyer thob nas/ /chos 'dod rnams kyi mngon sum du ni rab tu mdzad/ /mu ge dang ni 'jigs dang nang rnams las grol zhing/ /dga' ? gyur skye ba mtho ris gzhan du mngon par dga' / /bdag mos bdag po la 'am mo yis bdag por rung/ /phan tshun log par mngon par spyod pa dag kyang med/ /dga' ba'i ched du 'dod la 'ga' zhig gis ma bsnyen/ /'dod pa'i don du nor ni 'ga' zhig gis ma bsrungs//
- 9b
nor gyi don du chos la 'ga' zhig gis ma spyad/ /chos kyi ched du 'tshe ba 'ga' zhig gis ma byas/ /rkun po sogs dang dgra yang nyams par rang gnas te/ /pha rol mya ngan med pa ji lta ba nyid bzhin/ /rang gi 'khor lo pha rol 'khor lo las grol te// rgyal po de la bde dang lo legs byung bar gyur/ /de yi tshe na rgyal po de yi rgyal srid la/ /de skyes pa na nyi ma'i sras po'i yid shes bzhin/ /dga' bar spyad par gyur la sdig pa rab nyis shing/ /chos rnams 'bar zhing nyon mongs rnams ni zhi bar gyur/ /gang phyir rnam pa de ltar don kun grub pa dang/ /rgyal po'i rigs kyi phun sum tshogs pa byung gyur te/ /de phyir mi skyong gis ni sras po de yi mtshan/ /don kun grub pa zhes bya 'di ni rab tu mdzad/ /lha mo sgyu ma yang ni lha yi drang srong mtshungs/ /bu yi nus mthu rnam par spangs pa mthong nas ni/ /bltams la rab tu dga' mas bzod par ma nus te/ /de nas gnas pa'i phyed du ltar ni gshegs par gyur/ /de nas lha yi mngal dang mtshungs pa'i gzhon nu la/ /byams pa'i rang bzhin gyis kyang khyad par med pa yi/ /ma yi nu mo mdangs mnyam pa yi rang bzhin la/ /yang dag skyed bcud bdag las skyes pa ltar bur gyur/ /de nas nyi ma gzhon nu 'char rir gnas 'dra dang/ /rlung gis rab tu bud par gyur pa'i me bzhin dang/ /skar ma'i bdag po mun min phyogs la gnas ba ltar/ /gzhon nu de ni rim gyis yang dag 'phel bar gyur/ /de nas rin thang chen po'i tsandan rnams dang ni/ /rin chen 'phreng ba sman gyi snying por bcas rnams dang/ / ri dags rab tu sbyar ba'i gser gyi shing rta dang/ /'di yi ched du gshegs kyi khyim rnams dag nas blangs/ /lang tsho nyid dang rjes su mthun pa'i rgyan rnams dang/ /gser gyi rang bzhin ri dags glang chen rta rnams dang/ /gser dang dngul
- 10a
gyis bris pa'i mi chung gzugs rnams dang/ /shing rta ba glang byung dus yang dag sbyar rnams blangs/ /de ni lang tsho rjes mthun yul la nye spyod pa/ /de rnams kyis ni yul la nyer spyad la/ /dpal dang brtan pa yis dang blo dang dpal gyis kyang/ /byis pa yin yang byis min rab mtshungs byung bar gyur/ /lang tsho gzhon nu shin tu 'das nas yang dag par/ /'du byed las ni rab tu thob nas dus su ni/ /lo mar dag gis rtogs bya nyin zhag nyung du yis/ /rab? dang rjes su mthun pa'i rig pa rnams ni blangs/ /drang srong chen po dkar min las ni sngon rol du/ /de yis nye legs don gyi skal ba thos nas ni/ /nags su gshegs par 'gyur zhes shAkya'i rgyal po yis/ /'dod pa rnams la chag pa bskyed du bcug par gyur/ /brtan pa'i tshul khrims spyod pa spyan gyis rigs de las/ /ngo tsha ngang ni dul ba nyer ldan legs ldan ma/ /grags 'dzin ma zhes grags pa rnam bar yangs sam/ /btsun mor mngon par brjod pa'i dpal mo 'di la blangs/ /kun 'gyed gzhon nu dang ni rab tu mtshungs pa yis/ /mchog gi lus kyi snar zhing gsal ba de nyid ni/ /shAkya'i rgyal po'i mna' ma de dang thabs cig tu/ /bde sogs ma dang mig stong ldan bzhin mngon par dga' / / yid kyang spyod par byed la cung zhig rab logs pa/ /gang gis mthong mi 'gyur zhes rjes su bsams byas nas/ /sa la rab tu spyod min lding? khang lta nyid du/ /gnas ngag mi skyong gis ni de la rnam bar bstan/ /de nas gzhal med nam mkhar sa la spyod pa bzhin/ /ston ka'i dus kyi chu gter sprin ni dkar po yi/ /dus sbyor kun tu bdo? ba'i gzhi yi lding khang la/ /bud med? rnams kyi sel snyan rgya chen rnams kyi rnam par gshegs/ /gser gyis gdams pa'i ?
- 10b
shing can gyi rdza rnga'i skang/ /mi mo'i lags ba'i rtse pmos mngon par brdungs pa yi/ /lha mchog ma yi gar dang mnyam pa'i gar rnams kyis/ /ti se'i gangs ltar de yi pho brang mdzes par gyur/ /dag dang bzo dang rnam 'gyur rnams kyis kyang// rgyags dang rtse dang rgod pa dngar mo rnams kyis dang/ /smin ma bskyod pa yid dang phyed mig lta? rnams kyis/ /de la der ni mi mo rnams ni dga' bar gyur/ /de nas de ni 'dod pa brten par mkhas pa yis/ /dga' bas dregs pa'i bud med rnams kyis bzung gyur la/ /gzhal med khang ni rgyab nas bsod nams las can bzhin/ /gzhal med khang gi rgyab nas sa lam gshegs so/ /mi skyong gis kyang de nyid bskyed pa'i ched las ni/ /de yi 'byung bar 'gyur ba'i don gyis bskul gyur te/ /sdig pa las ni dga' bral zhi la mngon dga' zhing/ /legs la skal bar bgos shing dul la bsnyen par gyur/ /brtan min bzhin du 'dod pa'i bde la ma zhen la/ /ma rungs bskyed mal ni yang dag chags ma gyur/ /brtan las? dbang ba'i rta ni stabs las rnam thul zhing/ /gnyen dang grong khyer ba rnams yon tan rnams kyis rgyal/ /gzhan gyi sdug bsngal phyir ni rig pa ma brjod la/ /ye shes dge ba gang yang de la lhag par brjod/ /des ni rang gi skye dgu rnams la ji lta bar/ /de ltar skye dgu rnams la dge ba'i bsngags pa mdzad/ /skar ma rgyal snang shes ldan sras de lhag pa'i lha/ /ji lta bar ni de yi tshe ring phyir mchod de/ /chung min me la bsreg bya rnams ni bsregs gyur la/ /gnyis skyes rnams la gser dang ba lang rnams kyang byin/ /'gram stegs chab rnams kyis dang yon tan chab rnams kyis/ /gtsang spra'i ched du lus dang yid la khrus byas te/ /rig byed du ni nye bar bstan pa'i chab rnams dang/ /zhi ba bdag
- 11a
skyes snying la zhi ba'i bde la 'thungs?/ /gang zhig don dang mi ldan zhi bas smras la/ /gang zhig dga' ba dang bral de nyid ma brjod de/ /zhi ba de nyid me dang rtsub ba'i de nyid phyir/ /ngo tsha ba yis bdag nyid kho na brjod ma nus/ / don ldan 'dong? pa rnams dang mi 'dod pa rnams la/ /chags pa'i skyon la brten nas rab tu 'thob min te/ /dge ba'i tha snyad gtsang ma la ni bsnyen gyur la/ /mchod sbyin la yang ma mos de ltar ji lta bzhin/ /sred pa dang ldan mngon par 'ongs la de ma thag/ sbyin bya chu 'dra rnams kyi skom pa bcas gyur la/ /g.yul las ma gtogs ye shes kyi ni sta re yis/ /dgra bo rnams kyi nga rgyal chen po bcom par 'gyur/ /gcig ni rnam par dul la des ni bdun bsrungs shing/ /bdun po nyid ni dor la lnga po dag ni bsrungs/ /sde tshan gsum po thob la sde tshan gsum rtogs shing/ /sde tshan gnyis po shes la sde mtshan gnyis po spangs/ /nyes pa byas kyang rab tu bskyangs nas gzhom bya la// 'tshe bar mi byed khro bas kyang ni gzigs ma yin/ /de rnams dag la 'bras bu zhi bas bcings gyur la/ /de rnams dag ni 'dor ba tshul ma yin phyir mthong/ /drang srong rnams kyi mchog gi brtul zhugs spyad gyur la/ /yun ring yang dag bzung ba'i shar? kho na zhugs rnams dor/ /yon tan dri ldan snyan ngag? rnams ni thob gyur la/ /dri ma can du byed pa'i rdul rnams rnam par ngor/ /rab tu mi gnas gtor ma'i dbya ni ma blangs la/ /pha rol dngos po rnams la mngon par rlom ma byas/ /dgra rnams la ni chos ma yin pa ma smras la/ /khro ba rnams ni snying gis bzung ba ma yin no/ /zhi ba'i bdag nyid sems ni rnam par rab dang la/ /rnal 'byor rab tu ldan pa'i dbang po rnams ci ltar/ /der
- 11b
ni de ltar sa bdag rab tu sgyur ba can/ /'bangs dang grong khyer pa rnams de lta nyid du byas/ /de nas mdzes pa'i 'o ma 'dzin pa dang ldan ma/ /grags 'dzin ma ni rang gi grags pa 'dzin ma la/ /zas gtsang sras po'i sras po sgra gcan sgra yi zhal/ /sgra gcan 'dzin zhes bya ba dus su skyes par gyur/ /de nas 'dod pa'i bu mnga' mchog gis yid ches te/ /rigs rgyud 'phel ba rab mtshon sa skyong rgyal po ni/ /ji lta nyid du sras po rab tu skyes la dga' / /de lta nyid du sras po'i sras po skyes la dga' / /bdag gi bu yi bur gyur ba la brtse ba ni/ /bdag bzhin gang las yin zhes dga' ba skyes gyur te/ /dus su des ni cho ga de dang de dmigs shing/ /bu la dga' ba mtho ris bzhin du 'dzags par gyur/ /rgyal po'i khyu mchog grags dang snyan pas mtshan rnams kyis/ /dang po'i skal ba rnams kyi lam la gnas nas ni/ /dkar po ma dor dka' thub rnams la dka' thub dang/ /'tsho ba dor ba'i mchod sbyin rnams kyi ? mchod par gyur/ /rgyal po'i dpal gyis dang ni dka' thub dpal gyis kyang/ /bsod nams las can de ni de nas 'bar gyur la/ /rigs dang blo dang mdzad spyod kyis kyang gsal ba ste/ /gzi brjid stong gi 'od zer bzhin du rab tu 'phro/ /rang byung las byung mchod byed sngags ni mchod byas nas/ /sras nas ched du brtan pa'i dpal gyis bzlas byas shing/ /dkar thub byed pa'i las rnams byas gyur skye dgu rnams/ /skyed 'dong skye dgu'i bdag bzhin dang po'i dus su'o/ /mtshon cha spangs shing bstan bcos rnam par shes gyur la/ /nye bar zhi la bsnyen zhing des la rnam par bzod/ /dbang ldan bzhin du yul rnams gang la ma bsnyen la/ /yab mes bzhin du yul rnams kun la gzigs par gyur//
- 12a
des kyang bu yi ched du rgyal srid bzung gyur la/ /bu ni rigs kyi don du rigs ni grags pa'i phyir/ /grags pa mtho ris ched du mtho ris bdag nyid phyir/ /chos kyi don du bdag nyid gnas la 'dod par 'gyur/ /de ltar des ni dam pa rnams kyis nges thob pa'i/ /thos pa las grub chos ni rnam pa sna tshogs byas/ /gang las bdag gi bus ni bu yi ngo mthong nas/ /nags tshal nyid du 'gro mi 'gyur zhes mgon blangs so/ /bdag la yang dag gnas pa'i dpal ni bsrung 'dod pa'i/ /sa skyong rnams kyis sa la bu ni bsrung? ba ste/ /chos ni 'dod pa'i ma yi dbang po de yis kyang/ /yul rnams 'dor ba med par bu ni chos las bsrungs/ /byang chub sems dpa' yul la bde ba'i ro zhes thams cad kyang/ /sras bskyed pa na dpe med sems dpa' nags su gshegs gyur te/ /de phyir nye bar bsags pa'i las ni rtsa nas bskyed pa'i phyir/ /de ni zhi ba ma thob de srid dga' ba bsnyen par gyur/ /sangs rgyas kyi spyod pa zhes bya ba snyan dngags? chen po las/ /btsun mo'i 'khor na gnas pa'i le'u ste gnyis pa'o// //de nas re zhig dus nas 'jam po'i rtswa rnams dang/ /khu byug pho ni gyen du skad? 'don rkang 'thung rnams/ /glu rnams dang ni nges ldan skyed mos tshal rnams ni/ /pad+ma'i 'byung gnas kyis brgyan des ni thos par gyur/ /de nas bud med skye bo rnams ni dga' ba yi/ /grong khyer skyed mos tshal gyi yid 'ong dngos thos te/ /khyim gyi nang du mngon par bkag pa'i glu bzhin du/ /phyi rol rab tu 'gro ba'i ched du blo mdzad do/ /de nas sras su mngon brjod yid 'ong de yi ni/ /dgongs pa mi skyong gis ni zhes? par thos gyur nas/ /brtse ba'i phun sum tshogs pas lang tshor 'ongs pa ru/ /ltad
- 12b
mo dag? la rnam par gshegs par dka' stsal to/ /gzhon nu shin tu gzhon nu'i sems dang ldan pa ni/ /yang dag skyo ba'i sems su ma gyur zhes sems shing/ /nyam thag tha dang skye bo kun nas 'dus pa ni/ /rgyal po'i lam du phyir la rnam par bzlog pa ste/ /nying lag dman pa rnams dang dbang po ma tshang rnams/ /'khog ba nad pa la sogs bkren rnams phyogs rnams su/ /de nas mchog tu zhi bas yang dag rab ston nas/ /rgyal po'i lam rnams ngag? ni mchog tu m? par byas/ /de nas dpal ldan rgyal po'i lam ni byas pa na/ /dpal ldan rnam par dul ba rjes 'brang gzhon nu ni/ /gzhal yas khang pa'i logs nas dus su mngon babs nas/ /mngon par rjes gnang byas pa mi skyong la mngon gshegs/ /de nas mi dbang bu la mchi ma byung gyur te/ /mgo la nye bar bsnoms te yun ring rnam gzigs nas/ /song zhig ces? ni tshig gi bka' dag bstsal gyur la/ /brtse ba dag las de ni yid kyis ma btang ngo/ /de nas de ni 'dzam bu chu gser sga 'dzin pa'i/ /legs par bslabs pa'i mgyogs 'gro bzhi yis sbyar ba yi/ /dbang po ma nyams mkhas shing gtsang la 'od zer 'chang/ /gser gyi rang bzhin shing rta la ni yang dag 'dzegs/ /de nas 'bras sbos me tog 'bar ba rab bkram shing/ /phreng ba rnam dbyangs rab tu g.yo ba'i ba dan can/ /zla ba skar ma dang bcas bar snang la bzhin du/ /'brang ba rjes 'brang lam ni rab tu thob par gyur/ /ya mtshan gyur las rab tu rgyas pa'i mig rnams ni/ /utpal sngon po'i phyed 'dra rnams kyis bkram pa ni/ /rgyal po'i lam la ngal bus gshegs gyur te/ /grong khyer skye bo rnams kyis kun nas mngon par dga' / /kha cig de la zhi ba'i yon tan gyis bstod la/ /de bzhin gzhan
- 13a
rnams gsal ba nyid kyis phyag 'tshal zhing/ kha cig dag ni 'di la mngon du phyogs nas kyang/ /dpal dang tshe yi rnams par rgyas la shis pa brjod/ /zhar ba skur? po nang ba mi'u thung rnams kyi/ /tshogs pa rnams ni rigs chen rnams la nges dral nas/ /mi mo rnams ni nges par zhugs gnas phra rnams las/ /lha yi rjes 'gro rgyal mtshan bzhin du rab tu btung/ /de nas gzhon nu nges par gshegs zhes gtam ngag ni/ /bsgo bya skye las bud med rnams kyis thos gyur nas/ /bkur 'os skye bos mngon par rjes gnang byas pa rnams/ /blta bar 'dod pas lding khang shong du song bar gyur/ /yon tan ska rags brul zhing gegs byas de rnams ni/ /gnyid log rab tu sang pas lta byed 'khrugs pa rnams/ /gnas lugs gtam gyis rnam par brgyan rnams rnam gzhag ste/ /ya mtshan gyur pas dogs med par ni yongs su song/ /gzhal yas khang gi skad kyi 'og gi sgra rab dang/ /dril chung sgra rnams dang ni gdu? bu'i skra rnams kyis/ /rnam par skrag gyur khyim gyi bya ba'i tshogs rnams ni/ /phan tshun shugs rnams las kyang yang dag kun nas gtor/ /gang zhig 'dir ni yan lag rab mchog ma rnams ni/ /myur ba rab tu skyes gyur tsam tsam skyes rnams kyi/ /'o ma 'dzin rnams rgyas shing skyed smad shing rta ni/ /yangs pa rnams kyis lci ba nyid phyir 'gro ba bzung/ /mdza' gcig legs par rab tu sbyar ba'i rgyan rnams ni/ /rnam par spas pa rnam par gsal bas ngo tsha bas/ /skyen por 'gro bar nus pa yin yang gzhan ma yis/ /'gro ba nges par bzung ste myur min song bar gyur/ /phan tshun rab tu gcer bas ril por gyur pa rnams/ /yang dag drung las bskyod gyur rna lung 'khyil? ba?
- 13b
can can? de dag rnams kyi de tshe sgra bcas rgyan rnams ni/ /rlung bgros skar khung rnams su rab tu zhi bar gyur/ /rlung bgrod skar khung rnams las rnam par 'thon pa rnams/ /phan tshun thang ched gyur pa'i rna lung 'khyil ba rnams/ / bud med rnams kyi 'dam skyes 'dra ba'i 'dam skyes zhal/ /lding khang rnams su bkod pa rnams ni rnam par mdzes/ /de nas khang bzang lang tsho ma rnams kyis khyab cing/ /ya mtshan la ni rab phye skar khung rnams kyis ni/ /lha mo dang bcas gzhal med rnams kyis nam mkha' bzhin/ /dpal dang ldan pa'i grong khyer kun nas mdzes par gyur/ /skar khung rnams kyi rnam par spangs pa ma yin las/ /phan tshun 'gram par bkod pa'i rna lung can rnams kyi/ / 'dam skyes pad+ma rnams kyi tshogs rnams bcings pa bzhin/ /rab myos mchog ma rnams kyi zhal ni mdzes par gyur/ /gzhon nu de la lam du rnam par lta ba yi /bud med de rnams sa la 'gro 'dod ltar mdzes shing/ /gyen du gdong phyogs de la rab tu blta ba yi/ /mi rnams gnam la 'gro bar 'dod bzhin mdzes par gyur/ /lus dang dpal gyis mchog tu 'bar bar gyur pa yi/ /rgyal po'i sras de mthong nas bud med de rnams ni/ /nges par dgongs bar gzhan min bsam pa dag pa yis/ /'di yi chung ma skal ba bzang zhes ngal bus smra/ /gzugs kyi dngos su me tog tog can dang mtshungs shing/ /rnam par ring zhing rgyas pa'i dpung pa can 'di ni/ /dpal nyid dor nas chos la nye bar gshegs zhes te/ /de la de dag rnams kyi zhes kho na byas/ /rnam par dul la gtsang zhing brtan pa'i cha lugs can/ /grong pa rnams kyi de ltar rgyal po'i lam khyab pa/ /de ni sngon du gzhon nus mthong nas dga' bas te/ /bdag gi
- 14a
srid pa gzhan ma cung zhig brtags pa 'dra/ /grong khyer de yang mtho ris bzhin du rab dga' ba/ /mngon par gzigs nas gtsang mar gnas pa'i lha rnams kyis/ /snga gzhi skyob ba'i sras po yang dag bskul don du/ /'khegs? pa'i mi rgan rab tu 'gro bar sprul gyur to/ /de nas gzhon nu yis ni rga bas zil non zhing/ /mi rnams las ni tha dad dbyibs can de gzigs nas/ /g.yo ba mang cing de nyid du ni zhugs pa'i spyan// chags par gyur cing kha lo 'dzin pa la smas so/ /mngon par nyer 'od mi re su yin 'dren pa kye/ /skra rnams dkar zhing dbyug pa la ni lag pas brten/ /smin mas kun nas mig g.yogs 'khogs shing yan lag drung/ rnam 'gyur 'di ni tha mal gang 'dod yin nam ci/ /de skad cas smre shing rta rab tu 'dren pa po/ /lha mchog de rnams de rnams nyid kyi blo ni rmongs byas shing/ /don ni bsrung bya yin yang skyon med mthong gyur te/ /de yis sa skyong bdag nyid skyes la nges par gsol/ /gzugs kyi gnod byed stobs kyi rnam par zab po/ /rga ba rnams kyis 'joms byed mya ngan rnams kyi sa/ /dran pa rnams kyi nyams byed dbang po rnams kyi dgra/ /'di ni rgas pa zhes bya gang gis 'di bcom mo/ /'dis kyang byas pa nyid na'am 'thungs gyur cing/ /dus kyi sa la yongs su gnyid log gyur pa ste/ /rim gyis lus rab ldan pa'i lang tshor gyur nas kyang/ /rim gyis de nyid kha nas rga bar nye bar song/ /de skad ces smras rgyal po'i bdag nyid skyes pa ste/ /cung zhig 'dar zhing kha lo sgyur la 'di skad smras/ /skyon 'di kho bo la yang 'byung ba min nam ci/ /de bzhin 'di la kho lo sgyur ba yis gsol
- 14b
to/ /'di ni na tshod rab mchog tshe dang ldan pa'i yang/ /gdon mi za bar dus kyi dbang gis 'byung bar 'gyur/ /de bzhin rgas pa gzugs kyi rnam par nyams pa por/ /'jig rten pa yis shes pa nyid dang mthong ba nyid// de nas sngon gyi bsam pa dag pa'i blo mnga' ba/ /rnam rgyas bskal par bsags pa'i bsod nams las can de/ /rdo rje chen po'i sgra la nye sar ba lang bzhin/ /rgas pa thos nas gzhon nu kun nas yi mug gyur/ /dbugs ni ring du rgyus nas rang gi mgo bsgul zhing/ /'khogs pa de la spyan ni rnam par zhugs nas su/ /rga ba dang bcas skye ba de rnams gzigs gyur nas/ /sems ni khong du chud pa de yi tshig 'di smras/ /dran pa dang ni gzugs dang pha rol gnon pa yang/ /de ltar rgas pas rnam dpyod med par 'joms pas de/ /'di lta bur ni mngon sum nyid du mthong na yang/ /'jig rten pa dag skyo med nyer 'gro kho na'o/ /de ltar song na 'dren pa rta rnams phyir bzlog la/ / khyod ni khyim nyid du ni skyen par rab tu song/ /rgas pa'i 'jigs pa'i sems su gnas pa kho bo la/ /skyed mos tshal gyi sa la bde ba ga la yod/ /de nas rgyal po'i sras po nga yi bka' lung gis/ /kha lo sgyur bas shing rta phyir la bzlog par gyur/ /de nas gzhon nus pho brang de nyid kho nar ni/ /bsam pa'i dbang gis stong pa bzhin du rab tu thob/ /gang gis tshe na der yang bde ba ma rnyed de/ /rgas pa rgas pa zhes ni rab tu yongs su rtog/ de nas mi dbang gis ni rjes gnang de ni slar/ /rim gyis de nyid kho nas phyi rol gshegs par gyur/ /de nas gzhan yang lus la nad dang yongs ldan pa/ /lha mchog de rnams nyid kyis bskyed cing sprul pa'i mi/ /zas gtsang rgyal po'i sras po spyan
- 15a
der song nyid kyis/ /gzigs nas kha lo sgyur ba de nyid la smras pa/ /gsus pa sbom zhing dbugs dag skyod pa'i lus po can/ /lag pa cha shas zha zhing ring la skya bas lus/ /a ma zhes ni snying rje'i ngag? ngag smra ba po/ /gzhan la rten nas gnas pa'i mi de su zhig yin/ /de nas kha lo sgyur bas smras pa zhi ba kye/ /'di yi khams ni rab 'khrugs rab stobs rab tu 'phel/ /nad ces bya ba mngon brjod shin tu don med chen po ste/ /nus kyang gang gis de ni rang dbang med par byas/ /rjes su brtse bcas mi ni de la gzigs bzhin du/ /rgyal po'i sras des slar yang 'di skad ces smras pa/ /skyes gyur skyon de so sor 'di nyid kho na'i 'am/ /nad kyi 'jigs la skye dgu rnams kyi spyi la yin/ /de nas shing rta rab tu 'dren pa des smras pa/ /gzhon nu nyes pa de ni thun mong gyur pa ste/ /de ltar nad rnams dag ni yongs su bcod? pa ni/ /nad thar phyin na 'jig rten dga' bar nye bar gshegs/ / de lta don? thos sems ni khong du chud pa de/ /chu rlabs nang song ri bong can bzhin rab 'dar zhing/ /brtse ba thugs rje mnga' bas gsung dag tshig 'di ni/ /cung zhig dngar ba'i dbyangs kyi rab tu smras pa'o/ /skye dgu rnams la rnam par zhen pa'i nad 'di ni/ /'jig rten pa dag rang bzhin gnas shing blo gtang byed/ /mi shes rnam par rgya chen e ma min rnams kyi/ /gang zhig nad? las rnam par grol rnams bzhad gang byed/ /'dren pa'i phyi rol rab tu 'gro las phyir log la/ /mi dbang pho brang nyid du shing rta rab tu song/ /bdag gi nad kyi 'jigs pa thos nas dga' ba las/ /sems ni 'khums pa bzhin du rab tu bcom par gyur/ /de ltar lan gnyis phyir log de ni rab gzigs nas/ /
- 15b
sa yi bdag po yis kyang yongs su gros byas so/ /de yi phyir log nges pa'i mtshan ma thos byung? nas/ /bdag cag rnams ni 'di yis yang dag 'dor snyam ste/ /lam rnams gtsang mar lhag par byed pa po rnams la/ /khros shing 'khrugs kyang chad pa drag pas gcod pa med/ /slar yang sras po de la khyad par 'phags pa dang/ /ldan pa'i yul la rab tu spyod pa rnams mdzad cing/ /dbang po g.yo ba nyid kyi phyir yang cha ba snyam ste/ /bdag cag rnam par mi 'dor zhes ni mgon bslangs so/ /gang gi tshe na sgra sogs dbang po'i don rnams kyis/ /sras po 'di la pho brang 'khor na dga' ba med/ /de nas ro gzhan ro la gyur cig ces sems shing/ /phyi rol ltad mo la ni rnam par bka' stsal to/ /brtse ba las ni sras po'i dgongs pa rtogs nas su/ /de la chags pa'i skyon rnams 'ga' zhig ma bsam nas/ /sgyu rtsal rnams la mngon par shes zhes res ma'i gtso/ /'dzangs ma rnams la des na yang dag bka' stsal to/ /de nas khyad par du yang mi yi dbang po'i lam/ /legs par brgyan byas nyid dang yongs su brtags pa la/ /'dren pa dang ni shing rta rjes nas rgyal po yis/ /gzhon nu phyi rol du ni rab tu gshegs su gzhug/ de nas de ltar rgyal po'i bu ni gshegs pa na/ /lha mchog de rnams nyid kyis rnam par sprul pa yi/ /srog song shi ba'i ro de lam du btegs pa ni/ /'dren pa dang ni gzhon nus mthong ste gzhan gyis min/ /de nas 'dren la rgyal po'i sras po des smras pa/ /zhan zhing sdug pa'i mi rnams dag ni rjes 'brang zhing/ /rgyan gyis brgyan pha yin yang kun nas du ba ste/ /mi bzhi rnams kyis btegs pa pha gi su zhig yin/ /da nas
- 16a
gtsang ba'i bdag nyid gtsang mar gnas pa yi/ /lha rnams dag gis sems ni zil non 'dren pa po/ /des ni brjod par bya ba min kyang don 'di ni/ /don ldan dbang phyug la ni rab tu rnam par gsol/ /blo dang dbang po srog gi yon tan dang bral zhing/ /gnyid log ming bral rtswa dang shing du gyur pa ste/ /brtson 'grus ldan pa rnams kyis bskyed nas bsrungs nas kyang/ /sdug pa sdug pa rnams kyis spangs pa de ni su yin nam/ /de ltar tshig ni rab tu 'dren pa las thos nas/ /cung zhig kun nas bskyod nas de nyid la smras pa/ /chos 'di nyid ni skye ba 'di nyid kyang gi 'am/ /mthar gyur 'di 'dra skye dgu kun gyi yin nam ci/ /de nas rab tu 'dren pas 'di nyid la gsol pa/ /mthar gyur las 'di skye dgu rnams ni kun gyi ste/ /dman dang 'bring dang bdag nyid chen po thams cad kyi/ /'jig rten ngag ni nges par rnam par nyams par gyur/ /de nas mi dbang sras po de ni brtan na yang/ /'chi ba thos nas de ma thag tu yi mug cing/ /dpung pas shing rta'i shing gi rtse la rab 'khyung? nas/ /gdangs snyan dang ldan dbyangs kyis rab tu smras pa'o/ /'di ni nges par skye dgu rnams kyi mthar thug ste/ / 'jig rten pa dag 'jigs pa spangs shing bag med la/ /mi rnams dag gis sems rnams sra ba snyam pa ste/ /lam la gnas rnams de ltar rang bzhin nyid du gnas/ /de phyir 'dren pa shing rta'i kha ni phyir bzlog dang/ /bdag cag sa la rnam par rgyu ba'i yul dus ni/ nyam thag dus su rnam par nyams pa shes nas ni/ /sems dang bcas pa gang 'dra 'di na bag med yin/ /mi bdag bdag skyes kyis ni de skad smras na yang/ /de yis shing rta de ni phyir la
- 16b
ma bzlog ste/ /khyab par ldan pa yin yang mi dbang brtan pa la/ /pad+ma'i tshogs bcas nags nyid du ni gshegs par gyur/ /de nas me tog rgyas ldan gzhon nu'i rkang 'thung zhing/ /yongs su bskor zhing rab dga' mos pa'i khu byug can/ /gzhal med khang ldan pad+ma dang bcas mdzes pa'i rdzing/ /dga' ba'i tshal 'dra dge ba'i nags te gzigs par gyur/ /lha mchog mas bskor grong khyer rgyan byed bdag po'i gzhir/ /brtul zhugs gsang ldan thub pa bgegs kyis 'jigs pa bzhin/ /yan lag mchog ma'i tshogs khyab mi skyong bdag skyes sras/ /de nas stobs las nags der shin tu spyan drangs so/ /sangs rgyas kyi spyod pa zhes bya ba'i snyan ngag chen po las/ /thugs skyo ba skyes pa'i le'u ste gsum pa'o// //de nas skyed mos tshal de nas/ /ya mtshan gyis ni mig g.yos rnams/ /bud med rnams ni khyo thob bzhin/ /mi skyod sras la mdun du 'ongs/ /'ongs nas de la de rnams kyis/ /ya mtshan rab rgyas spyan ma rnams/ /pad+ma'i mdzad? 'da' i phyag rnams kyis/ /phrin las yang dag spyod pa byas/ /g.yo med dga' ba rnams gsal ba'i/ /spyan mig rnams kyis 'thung ba bzhin/ /yid dkrug 'dod pas sems g.yengs rnams/ /de la yongs su bskor nas gnas/ /lhan skyes rgyan rnams kyis bzhin du/ /mtshan ni mdzes rnams kyis brgyan pa/ /'dod lha lus dang ldan no zhes/ de la mi mo de rnams snyam/ /zhi ba nyid phyir bstan nyid phyir/ /gsang ba'i 'od zer zla ba ni/ /sa la dngos su bab pa bzhin/ /de la kha cig rnams kyis shes/ /de yi lus kyis g.yengs de rnams/ /des bzung lus ni rnams 'gyur zhing/ /phan
- 17a
tshun mig rnams kyis bsnun nas/ /dal bus dbugs ni rnam par brgyus/ /de ltar mi mo de rnams kyis/ /de ni mig tsam gyis mthong nyid/ /smra ba med cing dga' med par/ /'di yi mthu yi non par gyur/ / de ltar de rnams rtsom bral zhing/ /snying rjes rnam par 'khrugs mthong nas/ /bram ze mdun na 'don gyi sras/ /blo ldan 'char kas tshig smras so/ /kun gyi sgyu rtsal kun shes shing/ /dgongs pa len la mkhas pa rnams/ /gzugs dang 'dzangs dang ldan pa ste/ /rang gi yon tan gtsor phyin no/ /lus ngan gyi yang skyed tshal dang/ /byang gi sgra mi snyan na yang/ /yon tan 'di rnams kyis mdzes te/ /nor 'dzin 'di na sngon nyid do/ /chags bral rnams dang drang srong yang/ /khyed cag rnams kyis g.yo nus shing/ /lha mo rnams kyis shes pa yis/ /lha rnams la yang len par ro/ /dgongs pa shes dang rtse 'jo dang/ /'dzangs dang gzugs ni phun tshogs pas/ /bud med rnams kyi chags nus na/ /skyes pa rnams kyi smos ci dgos/ /rnam pa de ltar rab sbyar ba/ /de yi rang gi spyod yul las/ /rnam pa de ltar spyod pa 'di/ /khyod kyi drang po'i tshig ma gyur/ /khyod kyi 'di ni ngo tsha bas/ /mig 'khums bag ma gsar pa yi/ /spyod pa dang mtshungs yang na ni/ /ba glang skyong gi chung ma'i 'os/ /gang yang 'di ni dpa' ba ste/ /dpal gyi mthu las chen po yin/ /bud med kyi yang gzi che ste/ /de phyir 'di yang nges par bya/ /sngon yang ka shi'i mdzes ma ni/ /smad 'tshong ma yis drang srong che/ /lha yis thub par dka' ba yang/ /drang srong rgyas pa rkang bas brdungs/ /mAn thal gau tam dge slong ni/ /smad 'tshong gtso mo byin ma yis/ /dga' 'dod de yi don
- 17b
ched du/ /sngon gyi tshe na ro rnams bton/ /gau ta ma mun ring ming/ /drang srong chen po tshe ring po/ /kha dog dbyibs mchog ma yin pa'i/ /bud med kyis ni tshim par byas/ /drang srong rwa skyes thub pa mchog /bud med yul la mi mkhas pa rnam pa sna tshogs thabs rnams kyis/ /zhi mas de ltar blangs shing pham/ /sna tshogs bshes gnyen drang srong che/ /brtul zhugs chen po bstan pa yang/ /lha mo mar bsrungs mas phrogs te/ /lo bcu rnams la nyi mar shes/ drang srong de rnams de rnams sogs/ /bud med kyis bsgyur blangs gyur na/ /rol zhing lang tsho snga ma yis/ /mi bdag sas po smos ci dgos/ /de ltar gyur na yid ches shing/ /'di ni mi skyong rigs kyi dpal/ /'di las phyir phyogs ma yin pa/ /ji ltar de ltar nan tan mdzod/ /lang tsho ldan ma dga' zhig rnams/ /mtshungs pa'i skye bo 'phrog pa ste/ /mchog dang mchog min dag gi sems/ /len pa gang de bud med rnams/ /de ltar 'char ka'i tshig thos nas/ /bud med de rnams phug pa bzhin/ /gzhon nu len par rab mtshon te/ /bdag nyid yang dag kun nas 'dzegs/ /'jigs las 'jigs bzhin yan lag ma/ /de rnams smin dang lta dang sgeg /rgod dang rol dang 'gro ba yis/ /kun nas bskyod pa'i spyod pa byas/ /rgyal po'i bka' lung sbyar phyir dang/ /gzhon nu nyid kyang 'jam phyir dang/ /rgyags pa yis ni myos pa'i phyir/ /yid mi ches la myur bar dor/ /glang mo'i tshogs dang thabs cig tu/ /glang po gangs can nags na ltar/ /de nas mi mo'i skye bo yis/ /gzhon nu bskor zhing nags na spyad/ /rnam par mdzes pa'i skyed tshal na/ /lha mos bskor ba'i nyi ma bzhin/ /yid 'ong
- 18a
nags der gzhon nu de/ /bud med rnams kyi mdun 'gro 'bar/ /rnam par sgeg bcas gzhon nu ma/ /rgyags bsam yangs de rnams dga' / /sra zhing zlum rgyas lhan cig pa'i/ /num rnams kyis de la dregs dpung ba las brul 'jam ring gnyen/ /lag pa'i ljon shing stobs med ma/ /kha cig bden min 'khrul pa ru/ /byas nas de la stobs las khyud/ /kha cig zengs mchu ma mchu can/ /kha yi chang gi dri ngag gis/ /gcig po dben bar stong cig ces/ /'di yi rna bar shab shib byed/ /kha cig bka' lung stsol ba bzhin/ /byug pa gsher mas rab smras te/ /'dir ni gus par gyis shig ces/ /rgod dang 'khyud dang 'dod pas so/ /kha cig gser gyi ska rags kyi/ /cal col rnams kyi tsam tsom dang/ /phra mo'i dar gyis gos gyon zhing/ /'di la ro smrad ston cing bskor/ /yang dang yang du mos ma'i sgyus/ /gzhan ma dar sngon nyil ba de/ /ska rags phan tshun sdud pa ni/ / mtshan mo glog phreng bzhin du mdzes/ /tsu ta'i yal ga me tog rgyas/ /bzung nas gzhan ni 'chang gyur la/ /gser gyi bum par mtshungs pa yi/ /'o ma 'dzin pa ston par byed/ /kha cig pad+ma'i nags tshal nas/ /'ongs nas bab bcas pad+ma'i spyan/ /pad+ma'i zhal gyi logs gnas shing/ /pad+ma'i dpal bzhin bsdad? par gyur/ /rang gnas de la bskul ba bzhin/ /bslus par gyur ces mig rnams kyis/ /kha cig mngon par 'dren bcas lag / don ldan dngar ba'i klu len no/ /dge ba'i gdong gis gzhan mas ni/ /smin ma'i gzhu ni rnam bkang ste/ /bskor gnas bstan dang rol pa yis/ /'di yi spyod la rjes 'dod byas/ /rgyas zlum nu ldan kha cig ni/ /rgod pas
- 18b
rna lung g.yos gyur cing/ /khyod ni thob par gyur cig ces/ /mthon po rnams kyis bzhad cing smras/ /gzhan ni de bzhin 'gro 'dod pa/ /me tog phreng ba'i tsar gyis bcings/ /kha cig cong bcas dngar mo yi/ /dag gzhags ba rnams kyis bzung/ /so sor 'bral ba don gnyer dga' / /cu ta'i snyem bzung nas ni/ /me tog 'di ni gang gi zhes/ /rgyags par rnam par 'khrugs shing dris/ /kha cig 'gros dang cha lugs ni/ /skyes pa bzhin du byas nas ni/ /sa 'dir rgyal bar gyur cig kye/ /bud med kyis 'pham de la smras/ /de nas g.yo ba'i mig can 'gas/ /utpal sngon po snom byed cing/ /cung zhig rgyags skad tshig rnams kyis/ /mi skyong bdag skyes la smras so/ /gzigs shing jo bo tsU ta'i shing/ /me tog sbrang rtsi'i dris khyab la/ /khu byug 'dir ni skad 'don pa/ /gser gyi gur na bkag pa 'dra/ /mya ngan med pa'i shing 'di gzigs/ /'dod pa can gyi mya ngan 'phel/ /bud pa 'dir ni sgra grags pa/ /me yis chig pa yin pa 'dra/ /tsu ta'i shing gis yang dag 'khyud/ /gzigs shing til ka yi shing/ /bud med lus ser chags pa yis/ /skyes pa gos dkar gon pa 'dra/ /rab rgyas kur ba ka gzigs/ /ma zos pa yi smug rtsi'i 'ong/ /bud med rnams kyi san 'od kyis/ /rma phab gyur te dud pa 'dra/ /gzhon nu mya ngan med 'di gzigs/ /'dab ma rnams kyi spras pa gang/ /kho mo'i lag pa mdzes pa yis/ /ngo mtshar gyur te gnas pa 'dra/ /rdzing bu gzigs shing 'gram skyes pa'i/ /lcang ma rnams kyis rab tu bskor/ /dkar po'i dar gyi gos gyon pa'i/ /rab myos ma rnams nyal ba 'dra/ /bud med rnams la
- 19a
bdag nyid che/ /gzigs shig ngang pa chu 'di la/ /rgyab na bsgo bya'i bran bzhin du/ /ngang mo rjes 'jug rjes su 'gro/ /rab tu myos pa'i khu byug ni/ /skad brag sgra ni gson mdzod cig /khu byug gzhan ni mngon sum du/ /kum 'debs brag ca'i sgra brnyan 'dra/ /mkha' la rgyu ba rnams kyi yang/ /rgyags pa dpyid kyis khyer te 'ongs/ /bsam bya min sems skye bo ni/ /shes rab can du rloms pa med/ /de ltar dar la bab pa rnams/ /yid dkrugs 'dod pas sems dregs shing/ /sna tshogs tshul ni de dang nges/ /gzhon nu la ni nye bar brtsams/ /de ltar kun nas g.yengs na yang/ /bstan pas dbang po dkris pa de/ /'chi bar bya zhes skyo byas shing/ /dga' dang 'jigs pa med par 'gyur// de rnams kyi ni gnas skabs de/ /gzigs nas skyes mchog ngan pa des/ /mnyam la skyo dang bstan pa yis/ /thugs kyis bsams par gyur pa'o/ /ci zhig bud med 'di rnams ni/ /lang tsho g.yo bar rtogs pa min/ /gang phyir gzugs kyi myos pa ni/ /gang zhig dga' bas nyams par 'gyur/ /gang gi nang du bying ba ru/ /nges par de rnams kyis mi mthong/ /'gro ba nad kyi chos can la/ /'jigs pa spangs te de ltar dga' / /thams cad 'phrog byed 'chi ba yi/ /nges bar mngon par shes min zhing/ /de ltar rang gnas skyo med par/ /rtsed mo dang ni bzhad gang byed/ /rga dang na dang 'chi ba yang/ /shes ldan yin na sems ldan su/ /rang gnas langs dang 'dug pa 'am/ /nyal byed rgod pa smos ci dgos/ nad dang 'chi ba nyid dang ni/ /mchog tu 'khogs gang de mthong nas/ /rang gnas gyur cing skyo med pa/ /ji ltar sems med de ltar de/ /me tog rnams dang 'bras bu yis/ /rnam par spangs par gyur pa'i shing/ /'gyel lam yang na
- 19b
bcad pa ste/ /shing gzhan mdzes par byed ma yin/ /de ltar bsam gtan mchog mthong nas/ /yul rnams la ni 'dod pa thal/ /'char ka tshul lugs bstan bcos shes/ /mdza' bo nyid kyis de la smras/ /kho bo mi skyod gis byin te/ /khyod la grogs su nus pa lo/ /gang phyir khyod la smra 'dod pa/ /rab dga' ldan pa de phyir ro/ /phan pa min las rab 'gegs shing/ /phan pa la yang rjes rab 'jug /sdug pa na yang yongs mi gtod/ /yongs rdzogs shes kyi mtshan nyid do// bdag de byams par dam bcas nas/ /skyes bu'i don la phyir phyogs pa/ /gal te khyod la btang snyoms byed/ /grogs po nyid kyang ma yin no/ /de phyir mdza' bor gyur nas smras/ /gzhon nu'i lus dang ldan pa ni/ /khyod kyi 'di 'dra bud med kyi/ /yul la mkhas pa'i gzugs brnyan min/ /de yi ngo tsha'i rgod don dang/ /bdag nyid dga' ba'i don nyid du/ /bden min gyis kyang mi mo yi/ /rjes su 'jug pa rigs pa yin/ /yang dag 'dud dang rjes 'jug gi / bud med rnams kyi sems 'ching ste/ /brtse ba'i yon tan skye gnas phyir/ /yid la 'dod pa bud med yin/ /de phyir rnam par spangs pa'i spyan/ /snying la gzhan du phyir bltas kyang/ /'di yi tshul dang rjes mthun par/ /mkhas bar rnam par dpyad par 'os/ /mkhas pa sman yin bud med la/ /mkhas pa rab mchog rgyan yin no/ /mkhas pa dang bral gzugs dag ni/ /me tog med pa'i nags dang 'dra/ /yang na mkhas pa'i rang bzhin gyis/ /bsam pa rang bzhin khas len mdzod/ /yul rnams rnyed par dka' thob nas/ /phyi shol byed pa 'os ma yin/ /sngon tshe lha yi dbang pos kyang/ /'dod pa'i chog ces shes byas nas/ /gau ta ma thub pa'i bdag ldan ma/ /bshol med ma la
- 20a
'dod pa byas/ /zla ba'i chung ma snar ma ni/ /drang srong ri byis don du gnyer/ /de nas de dang 'dra ba yi/ /bskam bya ma ni rnyed ces thos/ /u b+ha thya yi chung ma ni/ /rlung gi bu mo 'thun ma la/ /dka' thub chen po'i phur bu yis/ /b+ha ra d+hwa dza bskyed par gyur/ /drang srong phur bu'i chung ma ni/ /sbyin sreg ma la sbyin sreg mchog /zla ba yis ni lag pa yi/ /lha yi las byed bskyed par gyur/ /sngon tshe bu mo nag mo ni/ /chur skyes pa las skyes ma la/ / rtsibs logs skyes ni chags skyes shing/ /ya mu na'i gling du phyin/ /gnod sbyin 'phrang ma rigs ngan ma/ /smod ma la ni dga' 'dod pas/ /gong ma sreg ni za ba'i bu/ /thub pa gnas 'jog gis bskyed do/ /'gro mgyogs rgyal bo drang srong nyid/ /na tshod rnam par song ba yi/ /lha mo sna tshogs mchod mar bcas/ /sna tshogs shing rta'i nags su dga' / /bud med 'grogs min zhi ba ni/ /skya bseng gis ni shes nas kyang/ /dga' ma'i gzugs yon gyis bkug ste/ /'dod las skyes pa'i bde ba bsten/ /skyed mdzad rgyal po dmar ser yang/ /bram ze'i bu mo phrogs nas ni/ /na babs thob pa nyid yin kyang/ /yid dkrugs 'dod pa ma bsten min/ /de la sogs pa bdag nyid ches/ /yul rnams smad pa yin na yang/ /dga' ba'i ched du longs spyad de/ /yon tan ldan la sngon nyid do/ /khyod kyang rigs pa las thob cing/ /stobs ldan gzugs ldan dar la bab/ /gang du skye 'gro 'di 'chags na/ /yul rnams la ni phyi shol byed/ /de ltar 'jam zhing lung dang bcas/ /de yis tshig ni gsan gyur nas/ /'brug gi sgra skad dbyangs kyis ni/ /gzhon nu yis ni lan smras so/ /dam tshig 'di ni 'thad pa ste/ /khyod la
- 20b
mdza' bo nyid du gsal/ /gang du bdag la ngan par sems/ /'dir ni khyod la rjes zhi bgyi/ /yul rnams la ni phyi shol min/ /'jig rten de'i bdag nyid du shes/ /'gro ba mi rtag par shes nas/ /'dir ni bdag yid dga' ba min// rga dang na dang 'chi ba ste/ /gal te 'di gsum ma yin na/ /yid du 'ong ba'i yul rnams la/ /kho bo yang ni dga' bar 'gyur/ /gal de bud med rnams kyi lus/ /de nyid rtag par 'gyur na ni/ /skyon ldan 'dod pa rnams la yang/ /kho bo'i sems ni 'dod la phyogs/ /gang tshe 'di dag rnams kyi gzugs/ /rgas pas 'thung ba 'byung 'gyur zhing/ /bdag nyid kyi yang 'dod med na/ /rmongs las der ni dga' bar 'gyur/ /rga dang na dang 'chi ba'i chos/ /rga na 'chi ba'i bdag nyid kyis/ /skyo ba med par rol ba ni/ /ri dags dang ni bya dang mtshungs/ /bdag nyid chen po 'di rnams kyang/ /'dod pa'i bdag nyid ces smras gang/ /rmongs las der ni dga' bar 'gyur/ /rga dang na dang 'chi ba'i chos/ / 'dir ni skyo bar bya ba ste/ /gang che de rnams kyi yang tshad/ /gang du ci las zad pa ste/ /bdag nyid chen por mi sems te/ /yul rnams la ni chags pa 'am/ /sbyor min bdag nyid ldan nyid kyis/ /mkhas pa yis kyang dpe brjod cing/ /bden min gyis kyang bud med kyi/ /skye la zhugs shes smras pa gang/ /de min bdag gis shes ma yin/ /gang du drang min rjes 'jug pa/ /de la bdag gi srid pa med/ /dngos po kun gyi tshogs pa de/ /gal te med na smod par shog /mi brtan pa yi dad pa dang/ /skyon du mthong ba'i nus pa yis/ /chags pa skyes bar gyur pa'i sems/ /bslu bar bya ba ci zhig yin/ /bud med skyes pa'i chags skyes shing/ /bud med skyes pa phan tshun du/ /gal
- 21a
te de ltar bslu na ni/ /lta bar nus pa nyid ma yin/ /de ltar gyur na sdug bsngal gyis/ /nyam thag rga 'chi'i skal ba can/ /bdag ni 'phags min 'dod pa la/ /slu bar 'os pa ma yin no/ /e ma shin tu brtan la stobs ldan khyod kyi sems/ /'dod pa g.yo ba rnams su snying po mthong gyur la/ /shin tu rno zhing 'jigs pa'i yul la zon mdzad cing/ /rga dang rgud pa nang kyi 'jigs pa rnam sems shing/ /'gro ba rnams ni me yis tshig pa bzhin thos nas/ /zhi ba 'thob min brtan min dga' ba ga la zhig /the tshom med par 'chi zhes rab tu shes pa yi/ /mi rnams gang gi snying la chags ba rab bskyed pa/ /de yi sems ni lcags las gyur par shes pa ste/ /'jigs pa che la chags pa gang zhig du ba med/ /de nas gzhon nu yis ni 'dod pa rnams kyi rten/ /'joms byed gtam ni rnam par nges pa'i bdag nyid mdzad/ /skye bo rnams kyi mig gi 'gro bya gsal byed kyi/ / dkyil 'khor sa 'dzin ri bo la ni nub par gyur/ /de nas rgyan tog phreng ba 'bras med 'dzin/ /sgyu rtsal yon tan gyis dang rab dags 'bras med rnams/ /rang gi sems la yid dkrug 'dod pa rnams smad nas/ /yid la re nyams bud med rnams ni grong du thal/ /de nas grong khyer skyed mas tshal song skye bo'i dpal/ /legs par brtags nas srod la so sor brtul te yang/ /thams cad mi rtag par gyur rnam par sems bzhin du/ /slar yang mi skyong bdag skyes grong du rnam par zhugs/ /de nas de yi yid na yul la rnam par phyir phyogs rgyal pos thos gyur nas/ /snying la song ba'i zug la glang chen bzhin du mtshan mo de la gnyid ma log /de nas sngags mang
- 21b
rnam pa sna tshogs lam rnams dag gi thang chang blon por bcas/ /des ni 'dod pa las gzhan sras kyi bla yi nges pa gzigs ma gyur/ /sangs rgyas kyi spyod pa zhes bya ba'i snyan dngags chen po las/ /bud med kyis gegs byas pa'i le'u ste bzhi pa'o// //de ltar yul rnams dam pa'i mchod pa rnams kyis ni/ /sred du bcug kyang shAkya'i rgyal po'i sras po de/ /dug bsgos mda' yis snying la phug pa'i seng ge bzhin/ / bde brnyed pa ma yin brtan par gshegs ma gyur/ /de nas res dga' zhig na blon po'i bu mkhas shing/ /grogs gyur sna tshogs gtam gyis rjes su 'brangs byas pa/ /nags kyi sa la 'gro 'dod lta bar 'dod pa yis/ mi yi lha yis rjes snang phyi rol rab tu gshegs/ /gsar pa'i gser gyi srab dang dril bu chung ngu dang/ /rab tu g.yo ba'i rnga yab mdzes pa'i gser rga dang/ /stan bcas dam pa'i rta la mngon par zhon nas ni/ /tog la ljon dang chu skyes tog can bzhin du gshegs/ / de ni mchog tu rnam par rgyang ring nags mdza' i sa/ /nags tshal 'dod dang sa yi yon tan las gshegs te/ /chu gnyer bzhin du rnam par bkram pa'i bshol lam can/ /nor 'dzin sa la zhing dag rma ba gzigs? par gyur/ /gshol gyis phye las rnam bkram rtswa myu ka ku sha dang/ /shi gyur 'bu srin srog chags phra mos khyab pa ste/ /rnam par de 'dra'i sa de yang dag mngon gzigs nas/ /rang gi skye bo bsad pa las zhin mya ngan gyur/ /zhing dag rmo ba'i skyes bu rnams ni rnams gzigs pa/ /rlung gis gtor ba'i rdul gyis rnam 'gyur kha dog can/ /khur bas thang chad rnam par 'khrugs pa'i glang rnams la/ /'phags pa mchog gi mchog tu brtse ba'i snying rje mdzad/ /de nas mgyogs 'gro'i rgyab
- 22a
nas dal bus babs nas ni/ /sa la rnam par rgyu zhing mya ngan dang ldan pa/ /skye bo dag gi skye dang 'god pa rnam sems shing/ /nges par bkren pa 'di zhes smras shing nyam thag gyur/ /bsam pa yis kyang rnam par dban? pa mngon bzheng cing/ /rjes su 'ongs pa'i mdza' bshes de rnams phyir bzlog nas/ /kun nas mngon par g.yo zhing mdzes pa'i lo 'dab can/ /'dzam bu'i rtsa ba skye bo med par de gshegs so/ /rin chen bai DUrya dang mtshungs pa'i rtswa 'jam can/ /gtsang mar ldan pa'i sa gzhi der ni de zhugs te/ /'gro ba'i skye ba dang ni 'god pa rnam sems shing/ /yid ni gnas shing brtan pa'i lam la dmigs pa'o/ /yul la 'dod sogs sems kyi nang las rnam grol ba'i/ /sems gnas pa ni de ma thag tu thob gyur la/ /bsam gtan dang po zag pa med pa'i rab bskyod pa/ /rtog pa dpyod pa dang bcas zhi ba thob par gyur/ /rnam par dben pa las skyes thob nas de nas ni/ /mchog tu dga' ba'i bde ba sems kyi ting nge 'dzin/ /yid kyis 'jig rten 'gro ba yang dag rab brtags nas/ /'di nyid de nas gzhan ni rab tu rtogs par gyur/ /kye ma skye bo bkren pa gang zhig rang dbang ni yod min rga dang na dang rnam par nyams pa'i chos/ /nad pa dang ni shi dang rga bas nyam thag gam/ /gzhan la rgyags pas long zhing shes pa med pas smod/ /'dir ni gal te bdag gis rang dang mtshungs gyur pa/ /gzhan gyi rang bzhin dag la de ltar smod pa ni/ /mchog gi chos 'di rnam par rtog pa kho bo yi/ /mtshungs par gyur pa ma yin nus pa'ang gzhan med do/ /'gro ba'i rga dang na dang rgung pa'i nyes pa rnams/ /de ltar ji lta ba bzhin rnam par
- 22b
gzigs te yi/ /stobs dang lang tsho dang ni srog la rab zhugs pa'i/ /bdag tu gyur pa'i rgyags pa skad cig gis med gyur/ /de ni dga' ba med cing rjes su gdung med la/ /the tshom som nyid ma gyur gnyid dang rmugs pa med/ / 'dod pa'i yon tan rnams la yang dag ma chags shing/ /gzhan la rnam par sdang bar ma gyur phyi shol med/ /de ltar bdag nyid chen po de yi rdul med cing/ /rnam par dag pa'i blo gros 'di ni 'phel gyur la/ /skyes bu gzhan dag rnams kyis mthong bar ma gyur pa'i/ /dge slong cha lugs ldan pa'i skyes bu nye bar 'ongs/ /su zhig yin pa smos zhes mi yi lha sras kyis/ /de la mngon par dris gyur de la des smras pa/ /mi yi skyes mchog skye dang 'chi bas 'jigs pa yi/ /thar pa'i phyir ni rab tu zhugs pa'i dge sbyong yin/ /bdag ni 'gro ba zad pa'i chos ni thar 'dod cing/ /dge zhing 'gyur ba med pa'i gnas de tshol ba ste/ /yul rnams la ni chogs pa'i nyes pa phyir log pa'o/ /skye bo med pa'i gnas khang dang ni ri 'am nags/ /shing gi rtsa ba 'ga' zhig tu ni gnas pa yi/ /don dam phyir ni ji ltar nyer ldan slong mo ba/ /sred bral yongs su 'dzin pa med par rnam par rgyu/ /de ltar gzigs pa'i rgyal po'i sras po de nyid la/ /'di skad smras nas nam mkha' la ni gshegs par gyur/ /de ni de yi lus kyis sangs rgyas gzhan gzigs shing/ /lhan gnas pa de yi dran pa'i ched du 'ongs/ /mkha' la mkha' 'gro bzhin du gshegs pa de la ni/ /mi mchog yang dag dga' bar gyur cing ya mtshan gyur/ /de nas chos kyi 'du shes nye bar thob gyur nas/ /mngon par nges 'byung cho ga la ni blo gros mdzad/ /de nas dbang po dang mnyam dbang po'i rta thul ba/ /grong
- 23a
la rab tu 'jug 'dod rta la rab 'dzegs shing/ /'khor gyi skye bo dag kyang mngon par 'dod pa ste/ /de nyid phyir na mngon 'dod nags ni ma bsten to/ /de ni rga dang 'chi ba zad par byed 'dod pa/ /nags su gnas phyir blo gros dran pa la bzung nas/ /gnyis 'thung dbang po nags kyis nas grong du ltar/ /'dod pa las min grong la slar yang rab tu zhugs/ /de ni yang dag mthong nas shAkya'i bu mo zhig /rab zhugs lam na thal mo sbyar ba dang bcas shing/ /kye ma spyan yangs gang gis bdag po 'di 'dra 'dir/ /mo de bde ma mya ngan 'das ma zhes smras so/ /de nas dbyangs 'di sprin chen dbyangs dang ldan pa yi/ /yongs su thos nas mchog tu zhi ba rnyed gyur la/ /mya ngan 'das zhes sgra skad thos pa dang ldan des/ /yongs su mya ngan 'da' ba' i chos gar blo gros mdzad/ /de nas gser gyi ri bo'i rtse mo'i sku mnga' zhing/ /glang chen phyag dang 'brug gi sgra dbyangs khyu mchog spyan/ /seng ge'i stobs dang ri bong can gyi zhal mnga' bas/ /mi bzad chos la chags skyes pho brang rab tu thob/ /de nas mtho ris dag na lha yi mdun sa ru/ /lha dbang 'bar ba la ni kun 'gyed gzhon nu bzhin/ /blon po'i tshogs kyis nye bar bsnyen ba'i mi bdag la/ /ri dags dbang po'i 'gros dang ldan pa mngon par gshegs/ /rab tu btud nas thal mo dang bcas smras gyur pa/ /mi dbang bdag la legs par rjes su gnang ba byin/ /nges par skye bo 'di ni rnam par 'bral ba ste/ /thar pa'i ched du yongs su rnam par gshags par bgyi/ /de ltar de'i tshigs nges par thos nas rgyal po ni/ /lag ldan gyis ni mngon bsnun ljon pa ltar g.yos shing/ /ka ma la dang rab mtshungs thal mo dag
- 23b
bzung nas/ /mchi ma dang ni gro ba kha zhing tshig 'di smras/ /brtse ba'i blo gros 'di ni rab tu thong mdzod cig /khyed kyi chos la bsnyen pa'i dus ni ma yin te/ /na tshod dang po dang ni blo gros g.yo ba na/ /chos kyi spyod pa gsungs pa rnams ni skyon mang ngo/ /yul rnams su ni dbang po ya mtshan glo bur zhing/ /brtul zhugs g.yo ba rnams su nges par nus med la/ /khyad par du ni dben par mngon par mi shes pa/ /dar la bab pa'i yid ni dgon pa nas g.yo'o/ / mtshon gyur khyod la phun sum tshogs pa gtad nas ni/ /kho bo yi yang chos dga' chos kyi dus yin te/ /rnam par gnon pa brtan pa rnam par gnon pa yis/ /bla ma spangs nas khyod kyi chos kyis chos ma yin/ /de phyir khyod kyis nan tan nges pa 'di dor la/ /khyod ni re zhig khyim gnas chos la dga' bar gyis/ /dar la bab pas bde ba rnams ni longs spyod nas/ /skyes bu'i dka' thub nags su 'jugs pa nyams dga' o/ /de ltar rgyal po'i tshig 'di rnam par gsan nas ni/ /ka la bing ka'i dbyangs kyis lan ni smras pa ste/ /rgyal po gal te bdag gi khas len bzhi rnams su/ /khyod kyis 'gyur na dka' thub nags ni mi bsnyen to/ /bdag gi srog ni 'chi ba nyid du mi 'gyur zhing/ /bdag gi rang gnas gyur 'di nad kyis mi 'phrog la/ /bdag gi lang tsho rgas pa yid ni mi g.yeng zhing/ /phun sum tshogs pa 'di ni rgud pas ma gtor na'o/ /de ltar rnyed par dga' ba'i don smras gyur ba yi/ /sras po la ni shAkya'i rgyal pos tshig smras pa/ /shin tu rab tu zhugs pa'i blo 'di thong mdzod cig /shin tu yid la re ba 'phya zhing sha thang 'chang/ /de nas lhun po ltar lcis bla ma la smras pa/ /gal te rim pa de dag med de shol mi thabs/ /'bar ba'i me yis tshig
- 24a
ba'i khang pa nas/ /phyi rol 'byung bar 'dod pa 'dzin par nus ma yin/ /gang gi tshe na 'gro ba nges par 'bral ba ste/ /chos phyir ma yin 'di ni rnam par 'bral bar mchog /'o na bdag la 'chi bas dbang med 'bral byed cing/ /rang gi don ma byas shing tshim pa ma yin nyid/ /de ltar mthar bzheng sras po de yis nges pa ni/ /sa yis bdag po yis ni nges par thos nas ni/ /'gro bar mi bya zhes ni mngon par brjod nas su/ / slar yang bsrung ba dag ni 'dod pa mchog rnams mdzad/ /dga' zhing zhi ba sngon 'gro bkur sti mang po las/ /blon po rnams kyis ji lta ba bzhin dpe bstan cing/ /bla mas mchi ma lhung ba rnams kyi shol btab ste/ /de nas de ni mya ngan bzhin du khyim la zhugs/ /rna lung mkhyil ba g.yo bas 'o byas gdong ldan ma/ /dbugs rlung stug pos rnam par bskyod pa'i nu ma can/ /brtan pa min pa'i mig ldan bud med rnams kyis ni/ /ri dags mo rnams kyis bzhin mngon par gyen du lta/ /gser gyi ri bo dang 'dra dkar ser mdog de ni/ /yan lag mchog ma rnams kyi snying ni myos mdzad cing/ /ngag dang reg bya dang ni lus dang yon tan gyis/ /thos byed lus dang lta byed bdag gi dngos rnams phrog /nyin mo rnam par thal che de nas khang bzangs la/ /lus kyis nyi ma bzhin du mngon par gsal ba ni/ /rab rib rnam par 'joms 'dod bdag nyid snang ba yis/ /nyi ma shar ba lhun po la bzhin kun nas 'dzegs/ /gser gyis 'bar zhing gsal ba'i sgron ma'i shing dang ni/ /a ka ru mchog nag po'i bdug mas gang ba'i ltor/ /mngon par 'dzegs nas rdo rje spras shing sna tshogs
- 24b
pa/ /rab mchog gser gyi bzhugs gdan la ni bsnyen pa'o/ /zla ba ltar dkar gangs dang ldan pa'i rtse mo na/ /nor dbang bdag nyid skyes la lha mo'i tshogs 'dus bzhin/ /de nas lus mchog ma rnams dbang po dang mtshungs mchog /de la mtshan mor sil snyan rnams kyi nye bar gnas/ /mchog rab lha yi sil snyen 'dra ba rnams kyis kyang/ /de yang de yis bskyed par ma gyur dga' ba med/ /dam pa'i don gyi bde phyir legs pa de yi ni/ /mngon par nges par 'byung 'dod gang la dga' ma gyur/ /de nas der ni brtul zhugs mchog gyur 'og min gyi/ /lha rnams kyis ni 'di yi nges pa rtogs nas ni/ /lus kyi rnam 'gyur rnam bar 'gyur byas dus gcig la/ /mos pa'i skye bo rnams ni gnyid du 'gro bar byas/ /de la kha cig dga' ba yin yang 'khros pa bzhin/ /pang du son pa'i gser gyi snod na sna tshogs pa'i/ /pi wang rnam par spangs nas lag pa g.yo ba la/ /'gram pa rnam par bkod nas nyal bar gyur ba'o/ /'khyog min bum pa'i phreng ba sgra sgrog pad+ma dang/ /chu bo'i ngogs na chu spul rab tu rgod pa bzhin/ /gzhan rnams nu mar rnam nyil dkar po'i dar gon zhing/ /gling bu lag par 'byar zhing gnyid log rnam par mdzes/ /de bzhin gzhan rnams pad+ma gsar pa'i snying po ltar/ /'jam zhing gdung bya gser gyis 'bar ba'i dpung rgyan ni/ /'dus pa'i lag pa dag gis dga' ba bzhin du ni/ /rdza rnga nyid ni yongs su 'khyud nas gnyid log gyur/ /de bzhin gzhan ni gsar ba'i gser gyis rnam brgyan cing/ /bgo ba'i gos ni ser po mchog dag gon pa ste/ /dkar ni ka ri yal ga glang pos bskyel ba bzhin/ /dbang med par ni sdug ma gnyid kyis 'gyel bar gyur/ /de bzhin gzhan ni skar?
- 25a
khung logs la sngas nas ni/ /nyal bar gyur pa'i lus kyi mchod sdong rnam 'khyog pa/ /rta babs la ni shA la b+han dza ka bzhin du/ /mdzes pa'i do shal rnam par 'phyang ba rnam par mdzes/ /de bzhin gzhan gyi zhal gyi pad+ma rnam rgyas shing/ /'gram pa'i logs la nor bu'i rna lung gis dmugs pa/ /mdab ma brgya pa'i sdong bu'i phyed ni khyog pa la/ /gnas pa'i ka ra Ni Da bas skyod bzhin g.yos par gyur/ /gzhan ni ji ltar rnam par zhugs bzhin gnyid log cing/ nu ma'i khur gyis mngon par dud pa'i lus po rnams/ /lag pa'i zhags pa gser gyi gdu bu can rnams kyis/ /phan tshun nye bar 'khyung nas rnam par gnas te mdzes pa'o/ /rnam par g.yo zhing bskyod pa'i gser gyi skud pa can/ /rna ba'i shog dril kun nas 'khrugs pa'i gdong gis ni/ /yongs su smra ldan pi wang chen po 'khyud nas ni/ /bud med kha cig grogs mo bzhin du gnyid log go /lang tsho ma gzhan lag pa'i dpung pa'i yul las ni/ /kun nas rnam 'phyang mdzes pa'i logs can paN wa/ /sgeg bcas dga' ba'i mthar ni thang chad sdug pa bzhin/ /brla gnyis dag ni dbus su blangs nas nyal ba'o/ /rab tu yang dag 'khums gyur pad+ma dmar po'i mdzod/ /nyi ma nub par gyur tshe rdzing bu rnams ji ltar/ /rnam rgyas mig dang mdzes pa'i smin ma yod na yang/ /gzhan rnams mig rnams btsums shing mdzes par ma gyur to/ /de bzhin gzhan ni mgo skyes lhod pa las 'khrugs shing/ /rgyan dang dar rnams dpyi la rnam nyil de rnams ni/ /yan lag ma yi gzugs brnyan glang pos bcom pa bzhin/ /mgrin pa'i skud pa'i do shal rnam par bkram zhing nyal/ /brtan ldan lus ni yon tan rnams dang
- 25b
ldan na yang/ /gzhan rnams kyang ni dbang med ngo tshas rnam spangs shing/ /rnam par 'gyur zhing bskyod pa'i yan lag gya gyu dang/ /dbugs ni rnam par rgyu zhing lus po gsal bar gnyid/ /gzhan ni rgyan dang me tog phreng ba rnam brul zhing/ /mdud pa'i gos rnams rnam par nyil gyur 'du shes med/ /btsums pa ma yin dkar po g.yo ba dang bral mig/ srog song ro ltar nyal ba rnam par mdzes mar gyur/ /kha sbyar rnam par gdangs te lus po rab brkyang zhing/ /kha yi chu ni rab 'dzag gsang ba rnam rab gsal/ /gzhan ma dag ni chang gis 'khrul par gyur pa nyid/ /lus rgyas rnam par 'gyur bar gnyid log mdzes ma gyur/ /de ltar sems pa dang ni rigs kyi rjes 'gro'i gzugs rnam pa sna tshogs rab myos skye bo de nyal ba/ /rlung gis kun nas bskyod gyur gser gyi pad+ma yi/ /rdzing bu dang ni mtshungs pa'i gzugs ni mdzes par gyur/ /de ltar rnam par 'gyur la brtan min spyod pa can/ /de ltar nyal ba'i lang tsho ldan ma de mthong nas/ /lus ni yon tan ldan zhing smra ba yid 'ong yang/ /mi skyong sras po des ni rnam par smad par gyur/ /mi gtsang rnam par 'gyur ba gson pa'i 'jig rten te/ /bud med rnams kyi rang gi ngo bo 'di 'dra ba// bgo ba rnams kyang rgyan rnams kyis kyang slu ba ste/ /bud med rnams kyis yul la skyes ba chags par 'gro/ gal te skyes pas bud med rnams kyi rang bzhin ni/ /rmi lam rnam par 'gyur ba bzhin du rnam dpyad na/ /nges par 'dir ni bag med 'phel ba ma yin la/ /'on kyang yon tan rtog pa bcom ste chags par 'gro/ de ltar de yi go skabs rnam par rig nas ni/ /mtshan mor phyir ru 'gro 'dod yang dag skyes par gyur/ /'di yis sems ni kun nas
- 26a
rtog nas de nas ni/ /lha rnams dag gis khang pa'i sgo ni phye bar gyur/ /de nas lang tsho ldan ma nyal ba de rnams ni/ /smad cing de ni lding khang logs nas babs pa ste/ /mngon par babs nas de nas som nyi rnam bral bar/ /khang pa'i rim pa dang por phyir ru rnam par gshegs/ /de ni mgyogs 'gro bsrung la go bar byas nas ni/ /skyen par 'dun pa la ni 'di skad ces smras so/ /bsngags ldan rta ni khyer shog myur ba dang ldan pas/ /bdud rtsi thob phyir 'di las di ring bdag sgom mo/ /bdag gi snying la de ring tshim pa skyes gyur cing/ /nges pa yang ste ji ltar blo gros la zhugs la/ /skye bo me pa la yang mgon dang ldan pa ste/ /nges par 'dod pa'i don ni mngon du phyogs par 'du/ /ngo tsha nyid dang yang dag 'dud pa spangs nas ni/ /lang tsho ma rnams bdag gi gdod du ji bzhin nyal/ /sgo ni rang bzhin ji ltar rnam par bye ba la/ /nges par bdag ni 'di nas di ring 'gro ba'i dus// mi dbang bstan pa'i don ni rnam par rig na yang/ /jo go bka' lung des ni de nas rab bzung nas/ /yid la pha rol po yis yang dag bskul ba bzhin/ /mgyogs 'gro khyer te 'ong ba la ni blo gros byas/ /de nas gdong gi gser gyi srab kyis gang ba ste/ /rgyab na yang ba'i stan g.yogs dag gis nye bar g.yogs/ /stobs dang sems pa mgyogs dang rjes 'gro nyer ldan pa/ /de yis rta mchog de la der ni nye bar 'ongs/ /snga ma'i rtsa ba rtsib log gsum ga rab rgyas shing/ /rgyab dang rna ba lus skyes spu ni thung zhing dul/ /rgyab kyi rtsib ma dag ni dung cing rnam rgyal la/ /mchu dang dpral ba brang dang dbyi ni rab rgyas pa'o/ /zhi zhing ka ma la dang mtshungs pa'i phyag gis
- 26b
kyang/ /sku stod rnam par spangs des de la nyer 'khyud nas/ /rgyal mtshan sde la dmag dpon rab tu 'jug pa bzhin/ /mngar mo'i yi ge'i tshig gis zhal ta mdzad pa'o/ /g.yul du khyod la mngon par zhon nas sa skyong gis/ /dgra bo rnams ni lan grangs mang por nges par gtor/ /bdag kyang 'chi med go 'phang ji ltar ba bzhin du/ /mgyogs 'gro'i gtso bo nye bar thob pa de ltar mdzod/ /yul thob bde ba la dang nor bsgrub pa la rung/ /g.yul 'gyed pa na 'khor ni nges par rnyed bla ste/ /rgyud par lhung ba la dang chos la brten par rung/ /skyes bu yi yang 'khor ni rnyed par dka' ba'o/ /'di nyid du yang gang zhig 'khor du gyur pa ni/ /sdig pa'i las la dang ni chos dang ldan la rung// ji ltar bdag gi nang gi bdag nyid kyis rtogs pa/ mi de rnams kyang de yi cha shas skal ba yis/ /de phyir chos dang ldan pa 'di ni yongs shes nas/ /bdag ni 'di las nges 'byung 'gro la phan pa'i phyir/ /mgyogs 'gro mchog skye shugs dang rnam par gnon pa yis/ /bdag phan la dang 'gro phan la ni 'bad par gyis/ /de ltar mdza' shes bzhin du rjes su bslabs nas ni/ /mgyogs 'gro mchog la mi mchog 'gro 'dod de/ /dkar la dkar min 'gros kyi 'od zer lus ldan pa/ /nyi ma ston ka'i sprin la bzhin du yang dag 'dzegs/ /de nas 'khor gyi skye bos go bar byed pa'i skad/ /mtshan mor gtum pa dam pa'i rta des yongs bkag cing/ /'gram pa'i sgra med 'tsher ba'i skad ni rab zhi bar/ /'jigs pa'i sgra ni dor ba'i gem pa'i 'gros kyis gshegs/ /gser gyi gdu bu'i rgyan ni lag pa'i 'khrim ma la/ /ka ma la 'dras ka ma la rnams rnam byas nas/ /lus 'dud gnod
- 27a
sbyin rnams ni de nas 'di yis ni/ /tshim gyur lag pa'i rtse mos rmig pa rnam bzung ngo/ /lci mo'i sgo gtan sgo glegs yang dag bcas pa gang/ /bde par gnyis mthung gis kyang phyed pa ma yin pa/ /mi skyong sras po gshegs tshe skang med grong khyer dang/ /sgo khang de rnams rang nyid rnam par bye bar gyur/ /mngon par gdong phyogs yab dang sras po byi pa dang/ /skye bo rjes su chags dang phun tshogs mchog dang ni/ /blo gros byas shing ltas pa med par dor nas ni/ /yab kyi grong nas de ci de nas rnam par gshags/ /de nas de ni rnam rgyal 'dam skyes yangs pa'i spyan/ /grong khyer kun nas gzigs nas seng ge'i sgra bsgrogs pa/ /skye dang 'chi ba dag gis pha rol ma mthong bar/ grong khyer ser skya zhes bya rab tu mi 'jug go /de ltar de yi gsung 'di nges par thos nas ni/ /nor gyi bdag po'i 'khor rnams dag ni dga' bar gyur/ /rab tu dga' ba'i yid can lha yi tshogs rnams ni/ /nan tan pha rol song ba de la bsngags pa byas/ /me yi lus can mtho ris gnas pa gzhan rnams ni/ /'di yi nges pa shin tu dka' ba rnam rig nas/ /sprin stug gseb nas zla ba'i 'od zer 'thon pa bzhin/ /mtshan mo'i mun pa'i lam ni rab tu bsal bar byas/ /nyi ma'i mgyogs 'gro lta bu'i mgyogs 'gro de/ /yid kyis sprul pa bzhin du rnam par rgyu bzhin du/ /shing rta 'dren pas gzi nyams skar ldan par snang la/ /de ni shin tu mang po'i dpag tshang rnams su gshegs/ /sangs rgyas kyi spyod pa zhes bya ba'i snyan dngags chen po las/ phyi rol tu mngon par 'byung ba'i le'u ste lnga pa'o// //de nas 'gro mig nyi ma ni/ /mngon par shes pa'i
- 27b
yul tsam na/ /ngan spong bu yi dka' thub gnas/ /mi mchog des ni gzigs par gyur/ /blo phab gnyid log ri dags dang/ /rang gnas gnas par bya gang zhig/ /gzigs nas ngal bsos bzhin du dang/ /don ni byas pa bzhin du gyur/ /de ni rgyags pa med don dang/ /dka' thub mchog pa'i don nyid dang/ /rang gi rjes su bsrung ba la/ /rta yi rgyab nas babs par gyur/ /mngon par babs nas kyang reg cing/ /dga' zhing mig gis 'khru ba bzhin/ nges par 'khor zhes rta dang ni/ /'dun pa la ni smras pa'o/ /'di ni mkha' lding dper mgyogs la/ /mgyogs 'gro la ni rjes su 'ongs/ /'dis ni bdag gis stobs dang ni/ /zhi ba bdag la gus pa brtan/ /thams cad nas don gzhan yin kyang/ /khyod kyis snying la bzung ba ste/ /gang gi jo bo dag la dga' / /'di ni de 'dra dag la nyid/ /gus pa med la nus pa yod/ /nus pa med la gus pa ldan/ /gus pa ldan dang nus pa ste/ /khyod 'dra sa stengs rnyed par dka' / /de phyir skal ba chen po'i las/ /khyod kyi 'dis ni bdag dga' o/ /gang zhig khyod kyi bsams pa 'di/ /'bras bu las kyang gzhan du phyogs/ /skye bo 'bras bu la gnas pa'i/ /mthun phyogs skye bo gang gis min/ /zlog la rang gi skye bo yang/ /phal chen pha rol skye bor gyur/ /rigs kyi don du bu bzung zhing/ gsos pa'i don du pha bskyed la/ /srid pa'i bsam pas chags skye ste/ /byed pa med par rang nyid med/ /mang po brjod cing mdor bsdus nas/ /bdag gi dga' chen legs byas te/ /rta blangs nas ni phyir log dang/ /bdag ni 'dod pa'i gnas rab thob/ /de skad smras nas phyag chen de/ /rjes su bsngags pa byed 'dod pas/ /rgyan rnams kun nas
- 28a
btogs nas ni/ /gdung sems ldan pa'i nga la byin/ /dbu rgyan dag nas nor bu gsal/ /sgron ma'i las la blangs nas ni/ /nyi ma 'bigs byed la bzhin des/ /tshig 'di smras bzhin bzhugs par gyur// 'dun ba nor bu 'di long la/ /lan mang btud nas mi skyong ni/ /kun nas gdung ba bzlog pa'i phyir/ /blo phebs par ni gsol bar bya/ /skye dang 'chi ba nyams don du/ /dka' thub nags tshal rab thob ste/ /mtho ris skom bas nges min zhing/ /brtse ba med min khros pa min/ /de phyir de ltar mngon byung ba/ /bdag la mya ngan 'os ma yin/ /yun rings 'dus par gyur nas kyang/ /dus kyis 'gyur ba ma yin no/ /gang phyir nges par 'bral ba ste/ /de phyir thar phyir bdag gi blo/ /slar yang rang gi skye bo las/ /rnams par 'bral ba gang las min/ mya ngan spong phyir nges 'byung ba/ /bdag la mya ngan 'os ma yin/ /mya ngan rgyud ni 'dod la chags/ /chags pa can la mya ngan bya/ /'di yang snga ma rnams la grags/ /kho bo cag la nges par gnas/ /de ltar ster byar gyur pas na/ /mya ngan 'os min lam gyis 'gro/ /skyes bu rnams la phyin log tu/ /nor gyis gter byar gyur pa ste/ /sa la chos kyi bdag po yang/ /rnyed dka' yang na mi yin no/ /gang yang 'di ni dus min par/ /nags su song ba yin zhe na/ /srog kyang g.yo bar gyur pa na/ /chos la dus yong ma yin no/ /de phyir da lta nyid du bdag/ /dge ba bsag ces nges pa de/ / 'chi ba'i dgra ni gnas pa na/ /gson pa la ni blo gtang cing/ /zhi ba khyod kyis de la sogs/ /sa 'dzin bdag la zhu bya ste/ /ji ltar bdag ni mi dran pa/ /de ltar nyid du 'bad pa gyis/ /gzhan yang bdag la yon tan med/ /khyod
- 28b
kyis mi bdag la smra bya/ /yon tan med las brtse ba 'dor/ /brtse ba dor las mya ngan med/ /de ltar tshig 'di thos gyur nas/ /'dun pa gdung bas rnam 'khrugs shing/ /mchi mas 'dud pa'i tshig nyid kyis/ /thal mo sbyar te lan gsol pa/ /jo bo khyed kyi dgongs pa ni/ /gnyen la ral ba ster ba 'dis/ /chu bo'i 'gram na gnyis 'thung bzhin/ /bdag gi sems 'di 'gyur ba'o/ /khyod kyi nges pa 'di lta bus/ /su yis mchi ma 'byung ba med// lcags las gyur ba'i snying la'ang ste/ /brtsebs 'khrug la smos ci dgos/ /gzhal med khang gi lam 'os pa'i/ /shin tu gzhon nu 'di gang na/ /ku sha'i myu gu rno ba can/ /dka' thub nags kyis gang na/ /khyod kyi 'bad pa thos nas kyang/ /rta gang bdag gis blangs pa 'di/ /mgon po de ni stobs kyis ni/ /lha yis byed du bcug pa 'dra/ /khyod kyi nan tan nges pa 'di/ /rang dbang shes na gang gi phyir/ /nye bar len te mgyogs 'gro'i rta/ /ser skya'i gzhi yi mya ngan gnas/ /med pa po yis dam chos bzhin/ /rgyal po brtse ba bgres pa dang/ /sras po sdug go 'dor ba ni/ /phyag chen de ni 'os ma yin/ /dam pa'i bya ba byed bcom bzhin/ /yang dag bskyed pas yongs su ni/ / thang chad gnyis pa'i ma de dang/ /lha mo brjod par 'os ma yin/ /ma ni rigs ni dpal thob bzhin/ /sras po byis pa yon tan ldan/ /rigs btsun bdag po'i brtul shugs ma/ /lha mo 'dor bar 'os ma yin/ /bsngags 'os sras po grags pa 'dzin/ /snyan grags chos ni 'dzin pa'i mchog /bzhen pa ldan pas grogs mchog bzhin/ /byis pa 'dor bar 'os ma yin/ /ci ste gnyen dang rgyal srid dag/ 'dor ba nyid du blo gros mdzad/ /bdag gis 'gros
- 29a
ni khyod zhabs na/ /khyab bdag bdag 'dor 'os ma yin/ /ra g+hu'i bu ni bshes bzang bzhin/ /khyod ni dgon par dor nas su/ /me yis tshig pa'i sems kyis ni/ /grong du 'gro bar nus pa med/ /khyod 'dor grong du 'gro ba na/ /rgyal pos bdag la ci zhig gsung/ /khyod kyi btsun mo'i 'khor du 'am/ /'os pa mthong na ci zhig smra/ /gang yang yon tan med pa yang/ /mi bdag la smros gsung ba yang/ /skyon med thub pa'i bzhin khyod kyi/ /ma gyur pa de ci zhig smra/ /ngo tsha dang bcas sems kyis ni/ /lce ni thogs par gyur ba yis/ /bdag ni gal te yang smra ba/ /de la dad par 'os pas su/ /gang zhig zla ba'i rno bar/ /smra bar dad par 'dzin pa 'am/ /khyod kyis skyon shes des skyon ni/ /smra ba dad par 'dzin pa 'am/ /rtag tu rjes su brtse bcas dang/ /rtag par snying rje shes pa yi/ /brtse ba spong ba tshul min te/ /phyir log bdag la bka' i drin mdzod/ /de ltar mya ngan gyis non pa'i/ /'dun ba'i tshig 'di gsan gyur nas/ /rang gnas mchog tu brtan pa yis/ /smra ba'i mchog gis bka' stsal to/ /'dun pa bdag dang bral ba la/ /kun nas gdung ba 'di thong zhig /lus can 'gro ba tha dad la/ /dgos pa sna tshogs nges pa yin/ /gang yang brtse las rang gi skye/ /bdag gis rang ni mi 'dor te/ /'chi bas phan tshun dbang med par/ /bdag cag rnams ni 'dor bar 'gyur/ /sred pa chen po'i sdug bsngal gyi/ /mngal gang gis ni bdag bzung ste/ /'bral med 'bad pa ma de yis/ /bdag su bdag gi de su yin/ /ji ltar sgong skyes gnas shing la/ /yang dag 'dus nas rnam par bral/ /de ltar 'byung po 'dus pa ni/ /nges par 'bral ba'i mdza' yin no/ /ji
- 29b
ltar sprin rnams 'dus nas ni/ /slar yang rnam par 'byed pa'o/ /de ltar 'du dang 'bral ba ni/ /bdag dang srog chags rnams kyi lugs/ /gang phyir phyir na 'jig rten 'di/ /bslus nas rnam par 'bral ba ste/ /de phyir rmi lam 'dus gyur la/ / bdag gi ba nyid bzod ma yin/ /shing rnams 'dab ma dmar po dang/ /lhan cig skyes te rnam par 'bral/ /gzhan dang gzhan gyi 'bral bar ni/ /'gyur ba ma yin smos ci dgos/ /de phyir de ltar gyur na ni/ /zhi ba gdung ba ma byed song/ /gal te yang ni brtse ba 'babs/ /song nas kyang ni slar yang shog /kho bo cag la ltos byas pa'i/ /ser skya'i gzhi ni skye bo la/ /der song brtse ba thong zhig dang/ /'di yi nges la nyon cig smros/ /rga dang 'chi ba zang byas nas/ /yang na myur du 'ong ba'i gtam/ /rtsom pa nyams shing don ma byas/ /yang na nyams par 'gyur ba smros/ /de ltar 'di yi tshig thos nas/ /bsngags ldan mgyogs 'gro'i mchog gis ni/ /lce yis zhabs la rab blngags te/ mchi ma dron mo phyung bar gyur/ /dran pa dang ni bkra shis rtags/ /'khor lo dbus ldan phyag gis ni/ /gzhon nus de la reg gyur cing/ /na tshod bzhin du rnam par smras/ /bsngags ldan mchi ma ma 'don cig /dam pa'i rta nyid 'di bstan to/ /sron mdzod khyod kyi dal ba 'dis/ /myur du 'bras bu bcas par 'gyur/ /de nas ral gri rnon po nor bu'i yu ba can/ /gser gyi phra ni sna tshogs dang ldan 'dun pa yi/ /lag na yang dag gnas pa brtan pa des bsnams nas/ /khung bu dag nas sprul bzhin zhugs nas rab tu drangs/ /utpa la yi 'dab ma sngon po de drangs nas/ /sna tshogs dbu rgyan dbu skrar bcas pa rab bcad cing/ /rdzing bu dag na dad pa bzhin du rnam bkram pa/ /'od zer dang ldan par snang rag la de gtor ro/ /mi chod pa mngon par 'dod phyir rnam mang bkur sti'i phyir/ /lha ni gnas
- 30a
pas rab tu bkram pa de bzung ste/ /ji lta ba bzhin de ni lha ni lha tshogs rnams/ /lha yi khyad par 'phags pa rnams kyis mchod par byas/ /rgyan gyi bu smad ldan pa rnam par spangs nas kyang/ /dbu las dpal ni rnam par rgyang ring byas nas ni/ /nags su gser gyi ngang pa'i mtshon ma gos gzigs nas/ /brtan pa des ni gos dag mngon par 'dod par gyur/ /de nas lha ni gnas par rig dags rngon pa'i lus/ /dgongs pa rnam dag 'di yi dgongs pa rnams rigs nas/ / kha bsgyur ngur smrig gos can nyer logs mngon par 'ongs/ /de la shAkya'i rgyal po skyes kyis mngon par smras/ /khyod kyi dge yi ngur smrig drang srong rgyal mtshan dang/ /'tsho ba byed pa'i gzhung 'di rigs pa ma yin te/ /de phyir zhi ba gal te 'dir ni chags med na/ /bdag la rab tu byin la 'di dang 'di snoms mdzod/ /rngon pas smras pa 'dod sbyin 'dod pa snying po las/ /'di yis blo ni phab nas ri dags rnams gsod do/ /brgya byin mtshungs pa gang de 'dis ni don 'gyur na/ /e ma rab tu bzhes la dkar po de gsol mdzod/ /de nas de ni mchog tu rab tu dga' ba yis/ /nags su byung ba'i na bza' blangs shing gos dor la/ /sngon pa nyid kyang lha yi lus nyid rnam bzung ste/ /dkar po de nyid blangs nas lha ni gshegs par gyur/ /de nas gzhon nu dang ni rta mchog skyong ba des/ /de ltar gshegs pa de la ya mtshan skyes gyur te/ /nags nas byung ba'i na bza' nyid dang de la ni/ /slar yang ri mor bya ba mang po skyen par mdzad/ /de nas gdong ni mchi ma dang bcas 'dun pa rnams bzlog nas/ /bdag nyid chen po brtan dang grags pa 'chang ba ste/ /mtshams kyi sprin gyis g.yogs pa'i skar ma'i rgyal po bzhin/ /ngur smrig gyon zhing gdung gnas gang yin de nas gshegs/ /de nas de ltar jo bo rgyal srid mi bzhed par/ /dka' thub nags su
- 30b
gshegs pa mdog nyams snang ba na/ /mgyogs 'gro 'chad de phyag rgyas gyen du bskyod byas nas/ /shin tu rnam par du zhing sa la 'gyel gyur to/ /rnam par bltas nas slar yang sgra bcas par du zhing/ /bsngags ldan rta la lag pa ngag gis nyer 'khyud nas/ /de nas kho chang yang dang yang du zlos bzhin du/ /lus kyi song bar gyur kyang sems kyis ma yin no/ /la lar rab tu sems shing la lar rnam par du/ /la lar sa la rab tu 'brad cing la lar 'gyel/ /de nas 'gro bzhin gus pa'i dbang gi sdug bsngal zhing/ /dbang med lam na bya ba mang po byas ba'o/ /sangs rgyas kyi spyod pa zhes bya ba'i snyan dngags chen po las/ /sngags ldan phyir la bzlog pa'i le'u ste drug pa'o// //de nas 'dun po du zhing gdong ni mchi ma can/ /bzlog nas nags su 'dun pa'i dka' thub chags med pa/ /don kun grub pa'i lus kyis mngon par zil mnan nas/ /dka' thub gnas te grub pa bzhin du rab tu thob/ /de nas ri dags rgyal po'i 'gros can rgyal po'i sras po de/ /ri dags gnas der ri dags bzhin du rab zhugs pa/ /phun tshogs rnams dang bral yang lus kyi phun tshogs kyis/ /dka' thub gnas ldan kun gyi mig ngag phrogs par gyur/ /khur ldan rnams bzhin mgo po rnams ni phyed bdud pas/ /lag na gnya' shing bcas par 'gro gyur ya mtshan las/ /de bzhin 'khor los sgyur ba chung ma dang bcas pa/ /dbang po dang mtshungs de mthong song bar ma gyur ro/ /sbyin sreg bud shing phyir ni bram ze rnams phyir nas/ /me tog lo 'dab thob pa'i lag pa gtsang ma rnams/ /dka' thub gtso bo rnams ni blo rnams byas na yang/ /gshegs pa mthong ste klog grar sang bar ma gyur to/ /chu gter sngon po bzhin du mthong nas rma bya rnams/ /dga' zhing gyen du dud cing skad dag 'don gyur la/ /rgya skyags ri dags spyod ldan rnams dang ri dags rnams/ /'bru rnams bor nas mngon par gdong phyogs gnas par gyur//
- 31a
'od zer ldan pa shar ba lta bur 'bar ba yis/ /bu ram shing ba'i rigs kyi sgron ma de mthong nas/ /sbyin sreg 'jo rnams bzhos pa yin na yang/ /rab tu dga' ba skyes te rab tu 'jo gyur to/ /'di ni nor sbyin rnams kyi brgyad pa yin nam ci/ /tha skar dag gi nang nas gcig ni 'phos sam zhes/ /de mthong ba la ya mtshan skyes par gyur pa yi/ /thub pa rnams kyi tshig der mthon por sgrogs par gyur/ /lha yi khyu mchog gnyis pa'i lus po lta bu dang/ /'jig rten rgyu dang mi rgyu'i snying po lta bu dang/ /gang 'dod pa yis nyi ma mngon par babs 'dra ba/ /des ni nags tshal mdza' dag rab tu snang bar mdzad/ /de nas gdung gnas pa de rnams kyi ji lta bzhin/ /nye bar snyan gsan phab cing mngon par mchod gyur la/ /de ni chu bcas chu 'dzin lta bu'i dbyangs kyis ni/ /chos 'dzin rnams la slar yang rab tu mchod par gyur/ /de nas rnam par thar bzhes brtan pa de yis ni/ /dka' thub sna tshogs rnams la nges par rnam gzigs shing/ /mtho ris mngon 'dod bsod nams byas pa'i skye ba yis/ /khyab pa'i dka' thub gnas der rjes su spyad par gyur/ /dka' thub nor can rnams kyi dka' thub nags tshal der/ /dka' thub rnam par 'gyur ba rnams ni nges gsan nas/ /rjes su gshegs pa'i dka' thub ldan pa kha cig la/ /zhi bas de nyid rnam par shes bzheng? 'di gsungs so/ /gang phyir chos kyi cho ga 'di ni mi shes pa/ /bdag gis dka' thub gnas mthong de ring snga ma'o/ /de phyir khyod kyis bdag la smra bar 'os min te/ /nges pa gang zhig gang la rab tu 'jug pa'o/ /de nas dka' thub rnam par rgyu ba'i gnyis skyes nges/ /shAkya'i khyu mchog khyu mchog rnam par gnon pa po/ /de la rim gyis dka' thub khyad par rnams dang ni/ /dka' thub 'bras bu dang bcas gtam dag byas pa'o/ /grong byung bza' ba ma yin chu la rab skyes pa'i/ /'dab ma rnams dang chu dang 'bras bu rtsa ba nyid/ /thub pa rnams kyi spyod
- 31b
pa 'di ni lung ji ltar/ /dka' thub rnams kyi rnam rtog tha dad de de'o/ /kha cig ri dags bzhin du rtswa rnams la spyod de/ /gzhan rnams bor ba yis ni mkha' la rgyu ba'i bya ltar 'tshe?/ /kha cig lag 'gro rnams dang lhan cig 'tsho ba ste/ /grog mkhar gyur pa rnams ni nags na rlung gis so/ /rdo yis rab 'bad bsgrub pa'i spyod pa gzhan rnams te/ /kha cig rang gi so yis nye bar blangs shing za/ /de bzhin gzhan ni gzhan gyis don du btsos byas nas/ /gal te lhag ma yod na bya ba byed pa'o/ /chu yis gsher ba'i ral pa'i tshogs can kha cig ni/ /gsang sngags sngon 'gro lan gnyis me la sbyin sreg cing/ /kha cig nya dang mnyam par chu la rnams zhugs nas/ /rus sbal bzhin du lus rnams rab tu bskum pa'o/ /de ltar dus su bsags pa'i dka' thub nags tshogs kyi/ /mchog gis lhar 'gro gzhan gyis mi yi 'jig rten te/ /sdug bsngal lam gyis bde ba nye bar thob phyir dang/ /chos kyi rtsa ba bde ba nyid du gsungs phyir ro/ /de skad ces sogs rkang gnyis dbang po'i sras po yis/ /dka' thub nor dang ldan pa de yi tshig gsan nas/ /de nyid gzigs pa min yang ngom par ma gyur la/ /bdag tu song ba 'di ni dal bus gsungs par gyur/ /sdug bsngal bdag nyid dka' thub rnam pa dum ste/ /dka' thub dag gi 'bras bu mtho ris gtso bo'o/ /'jig rten thams cad yongs su 'gyur ba dang ldan la// nyung ngu la dal 'di ni gdung gnas rnams kyi'o/ /'phangs pa rnams dang gnyen dang yul rnams bor nas ni/ /gang zhig mtho ris phyir ni rnam par spyod byed la/ /de rnams rnam par bral te nges par 'gro 'dod la/ /slar yang shin tu 'ching ba chen po nyid yin no/ / lus kyi dal dub gdung ba'i bya ba rnams kyis ni/ /'dod pa'i rgyu las rab tu 'jug par 'dod pa'o/ /'khor ba'i rgya mtsho'i skyon rnams yongs su mi rtogs par/ /sdug bsngal gyis des sdug bsngal kho na rjes su tshol/ /'chi las skye dgu rnams kyi rtag par
- 32a
'jigs pa ste/ /'bad pa yis ni slar yang rab tu 'jug par 'dod/ /rab tu zhugs par gyur na nges par 'chi ba ste/ /'di nyid du ni gang las 'jigs pa rnams lhung ngo/ /'di yi don du gcig rnams dal bar rab 'jug cing/ /gzhan rnams mtho ris don du dal ba 'thob pa ste/ /bde ba'i don du sred pa'i bkren pa don ma byas/ /gson ba'i 'jig rten nges par don med nyid du lhung/ /gang zhig dman pa dor nas khyad 'phags 'gro ba can/ /'bad pa 'di ni nges par smad pa ma yin la/ shes ldan rnams dang mnyam pa'i yongs su gdung pa yis/ /bya ba ma yin de 'dir slar yang byed pa'o/ /lus kyi gtser bas gal te 'dir ni chos yin na/ /lus kyi bde ba chos ma yin par 'gyur ba ste/ /pha rol tu ni bde ba chos kyis kyang 'thob la/ / de'i phyir 'di yis chos kyis chos min 'bras bu'o/ /gang gis phyir na bsam pa'i dbang gis lus yin la/ /rab tu 'jug pa dang ni ldog pa dag kyang ngo/ /de phyir sems kyi dul ba nyid ni rigs pa ste/ /sems las gzhan pa'i lus ni shir dang mnyam ba'o/ /bza' ba gtsang bas gal te bsod nams 'dod na ni/ /de phyir ri dags rnams kyang bsod nams yod pa ste/ /phyi rol skyes bu gang dag rnams kyang 'bras bu las/ /bskal pa'i nyes pas don rnams gzhan du kha bltas so/ /bsod nams phyir ni sdug bsngal mngon par mtshams sbyor na/ /'o na sdug la mngon par mtshams sbyor tshad ma min/ /de ltar gang dag las ni rnam par dag pa'i phyir/ /stegs shes rab tu zhugs te chu la reg par byed/ /der yang de yi snying la tshim pa tsam yin te/ chu yis sdig pa dag par byed pa ma yin phyir/ /yon tan ldan pa'i reg pa'i chu ni gang dang gang/ /de dang de ni sa la gal te stegs 'dod na/ /chu yang the tshom med par chu nyid kho na ste/ /de phyir yon tan ldan rnams kho na stegs su go /de ltar rigs
- 32b
pa mang po ldan pa de dang de/ /smras te rnam par mdzes pa'i nyi ma nub par gyur/ /de nas sbyin sreg du bas kha dog 'gyur ba'i shing/ /dka' thub rab tu zhi ba'i khrus sar rnam par zhugs/ /mngon par bton pa'i rab tu 'bar ba'i me yis thab la ni/ /dbang bskur byas pa'i drang srong skye bos khyab pa ste/ /bzlas pa bya yi dbyangs kyis kun nas skad sgrogs lha yi tshogs/ /chos kyi lam gyi las gyi mdza' bzhin rab tu zhugs pa'o/ /de ni mtshan mo thang 'ga' mtshan mor byed 'od kyi/ /dka' thub rnams la yongs su rtog cing zhugs gyur la/ /dka' thub thams cad yongs su brtags shing mkhyen gyur na/ /dka' thub zhing gi thang de las ni gshegs par gyur/ /de'i gzugs bdag nyid chen por song ba'i yid rnams kyis/ /dka' thub gnas ldan rnams ni de nas de rjes gshegs/ /'phags min sdig pa rnams kyis zil non yul las ni/ /srang srong chen po rnams ni chos bzhin pha rol gshegs/ /de nas ral pa shing shun zur phud kyis rol pa'i/ /dka' thub nor dang ldan pa de rnams des gzigs shing/ /de dag rnams kyi bka' thub rnams la rjes brten te/ /dpal dang ldan la dge ba'i shing gi rtsa bar gnas/ /de nas dka' thub gnas ldan rnams ni nyer 'ongs nas/ /mi mchog de la yongs su bskor nas gnas gyur la/ /de dag rnams kyi rgyan pos mchod ma sngon btang ste/ dus kyi zhi bas tshig 'di rab tu 'di smras so/ /khyod kyis byon tshe gdung gnas gang ba bzhin gyur la/ /rab tu gshegs tshe stong pa bzhin du rab tu thob/ /de phyir brtse ba 'di ni 'bor bar 'os min te/ /'tsho bar 'dod pa'i phangs pa'i tshe yis lus bzhin no/ /lha yi drang srong tshangs pa'i drang srong rgyal po yis/ /drang srong gis bsnyen bsod nams nye bar gang ldan ri/ /dka' thub nor ldan rnams kyi dka' thub de rnams ni/ /gang gi nye logs dag nas mang por 'gyur ba'o/ /de bzhin kun nas bsod nams dag gi stegs
- 33a
gyur la/ /nam mkha' i 'og gi them skas dag tu gyur pa ste/ /lha yi drang srong rnams dang drang srong chen po ni/ /chos kyi bdag nyid bdag nyid chen po rnams kyis bsnyen/ /'di nas slar yang khyad 'phags chos kyi che las ni/ /byang gi phyogs nyid kho nar bsnyen par nus pa ste/ /blo dang ldan pas gom pa gcig tu gyur pa yang/ /lho yi phyogs su 'gro bar nus ba ma yin no/ /dka' thub nags 'dir ji ste bya ba ngan pa 'am/ /bsre ma'i chos bsam lhung ba min nam mi gtsang bar/ /khyed kyis mthong ste gang gis khyed 'di bzhugs 'dod min/ /de ni gsung la re zhig sred bar bzhugs mdzod cig/ dka' thub gter dang rab tu mtshungs par gyur pa la/ /'di rnams kyis ni dka' thub grogs su 'dod pa ste/ /dbang po dang mnyam khyed dang lhan gcig gnas pa ni/ /phur bu yi yang mngon par mtho ba 'dren pa yin/ /dka' thub ldan pa'i gtso bos de skad ces smras te/ /srid par rab tu nyams phyir dam bca' byas pa yis/ /mkhas pa'i gtso bo des ni dka' thub ldan dbus su/ /nang du song ba'i rang bzhin smras par gyur pa'o/ /'gron la sdug cing rang gi skye bo dang mtshungs pa'i/ /drang po'i bdag nyid chos 'dzin thub pa rnams kyi ni/ /bdag la rnam pa de ltar bsam pa skyes pa yis/ /bdag gis dga' ba mchog dang bkur sti skyes par gyur/ /mdor bsdus gyur na brtse zhing gnyen pa 'di rnams dag/ snying la song ba'i dag rnams dag gis khrus byas bzhin/ /kun nas 'dzin med chos can bdag gi dga' ba ni/ /de ring slar yang cung zhig g.yos bar gyur ba nyid/ /de ltar rab tu zhugs pa'i khyed cag skyabs 'os rnams/ /shin tu phyogs su lhung ba yang dag bstan pa rnams/ /bor nas 'gro zhes kho bo yi yang sdug bsngal te/ /ji ltar gnyen 'dun rnams ni spangs pa de ltar ro/ /khyed cag rnams kyi chos 'di mtho ris ched du ste/ /bdag gi mngon par mtho ba yang
- 33b
srid ma yin phyir/ /nags der gang gi bdag ni sdod 'dod ma yin te/ /chos las ldog pa rab tu 'jug pa tha dad phyir/ /de phyir nags 'di dag na gang gis yongs 'gro ba/ /bdag gi ma dga' ma yin pha rol spyod log min/ /sngon gyi dus na rjes mthun chos la gnas pa yi/ /drang srong chen po thams cad rnams dang mtshungs par gyur/ /de nas don dang ldan la bde zhing yid du 'ong/ /legs mthun mdangs dang ldan la snying po dang ldan pa/ /gzhon nu'i tshig ni dka' thub ldan pa de rnams kyis/ /thos nas khyad 'phags dang ldan bkur sti mang pos gshegs/ /de nas gnyis skyes thal ba la nyal kha cig ni/ /lus ring gtsug gtor dang ldan shing shun gos gyon zhing/ /mig ni cung zad dkar ser sna ni phra la ring/ /lag gcig spyi blugs ldan pas tshig 'di smras pa'o/ /khyod kyi des pa nyid du rgya chen blo ldan zhing/ /gzhon nu khyed kyis skye ba la ni nyes pa gzigs/ /mtho ris dang ni thar pa yang dag rnam spyod phyir/ /thar pa gang gi blo gros yod pa de yin no/ /mchod sbyin dka' thub nges pa de dang de rnams kyis/ /chags pa dang ldan mtho ris la ni 'gro bar 'dod/ /dgra bo bzhin du chags dang lhan cig g.yul spyad nas/ /sems pa rang ldan thar ba du ni 'gro bar 'dod/ /de phyir gal te khyod kyi blo gros 'di nges na/ /skyen par khyed nyid 'bigs byed phug par gshegs mdzod cig/ gang zhig mthar thug nges par legs pa thob pa'i mig/ thub pa 'di ni de ru mtshan mo min par gnas/ /da phyir khyod kyis de nyid lam ni thob gyur la/ /sred par gyur na yang dag rab tu 'thob par 'gyur/ /bdag gi mthong ba ji ltar blo gros de de ltar/ /de nyid kyi yang blo gros bor nas 'gro bar 'gyur/ /gsal zhing mtho ba'i shangs dang rnam rgyas yangs pa'i spyan/ /zangs mdog ya chu ma mchu rno dkar mche ba can/ /ljags ni dmar zhing phra ba'i zhal dang ldan pa 'di/ /shes bya'i rgya mtsho mdza' dag la ni 'gro ba nyid/ /khyod kyi zab
- 34a
pa dang ni gting dpag dka' gang dang/ /gang zhig sgron ma nyid dang mtshan rnams gang yin pas/ /sngon gyi bskal bar drang srong gis gang ma mthong ba'i/ /slob dpon nyid des la mngon par dga' nas gshegs/ /dka' thub ldan ba de rnams kyis kyang nga la yang/ /cho ga bzhin rjes byas nas dka' thub nags der gshegs/ /sangs rgyas kyi spyod pa zhes bya ba'i snyan dngags chen po las /dka' thub kyi nags su zhugs pa'i le'u ste bdun pa'o// /de nas mgyogs 'gro spyod de yid mi bde gyur te/ /de ltar jo bo nags su nga med par gshegs la/ /lam du mya ngan med pa 'bad par byas gyur te/ /de ltar na yang de'i mchi ma khog ma gyur/ gang la jo bo'i bka' la mtshan mo gcig gis ni/ /mgyogs 'gro de dang gshegs par gyur pa'i lam/ /lam de nyid la 'gro zhag dag ni brgyad rnams kyis/ /jo bo nyid dang bral ba de yis sems zhing 'ongs/ /'thon pa med pas rgyags pa med bar gyur ba yi/ /sngags ldan mgyogs 'gro nyid kyang mdangs med rgyu ba ste/ /de ltar rgyan de rnams kyis brgyan par byas na yang/ /de yis dor bas dpal ni song ba bzhin du gyur/ /phyir log nas kyang dka' thub nags su mngon phyogs te/ /snying rje bar ni yang dang yang du drag tu 'tshe ba/ lam na rtogs pa ldan pa yin yang 'bru 'am chu/ /ji ltar sngon bzhin mngon par ma dga' ma bslangs so/ /de nas 'gro la phan pa'i bdag nyid bdag nyid chen po des/ /ser skya zhes bya'i grong khyer rnam par dman pa la/ /nyin mor byed pas bor ba'i nam mkha' 'bras med bzhin/ /rim gyis de gnyis stong ba bzhin du nye bar song/ / pad+ma dkar po dang bcas chu yis mdzes gyur cing/ /me tog 'dzin pa'i shing rnams kyis ni brgyan na yang/ /grong khyer ba rnams rab tu dga' ba song gyur te/ /de yi nye ba'i nags de nags ltar mdzes ma gyur/ /de ltar lta byed mchi mas bcom pa'i mi rnams
- 34b
ni/ /rab tu 'bar min zhan pa'i yid kyis phyogs su skor/ /'ong du mi ster ba bzhin gnyis po de grong du/ dal bus log pa'i khrus bzhin mngon par song bar gyur/ /shAkya'i rigs kyi drang srong dang bral 'ongs pa yi/ /lus zags 'gros dang ldan bde gnyis mthong nas kyang sngon tshe shing rta bcu ba'i shing rta 'ongs pa bzhin/ /grong khyer skye bo rnams ni lam du mchi ma phyung/ /de nas mya ngan nye bar ldan pa'i skye bo dang/ mchi ma phyung ba rnams kyis 'dun pa la smas? pa/ /grong khyer yul 'khor dga' mdzad rgyal po'i sras po de/ /khyed kyis gang du bor zhes rgyab nas rjes su 'gro /de nas gus ldan skye bo de la des smras pa/ /mi dbang sras po bdag gis yongs su por ba min/ /du bzhin skye bo med pa'i nags su kho bo dang/ /khyim gnas cha lugs dag kyang de yis rnam par spangs/ /de yi tshig ni skyed bo de rnams kyis thos nas/ /des par shin tu dka' ba nyid ces nges par song gyur la/ /'gyel? zhing mig skyes chu ni rnam par mthong ba ste/ /yid la smrod cing bdag nyid kyis ni 'bras bu long/ /de nas smras pa gnyis skyes rgyal po'i shugs mda' ste/ /gang du gshegs pa'i nags der di? ring zhugs bar bgyi/ /lus can dbang po ma tshang rnams kyi ji lta bar/ /de dag bral bas bdag cag 'tsho bar 'dod pa med/ nga dang bral ba'i grong khyer 'di ni nags yin la/ /de dang yang dag ldan pa'i nags de grong khyer yin/ /lha ni lha min gsod tshe brgya byin gyis ji ltar/ /de dang bral bas bdag gi grong khyer mdzes ma gyur/ /de nas slar yang gzhon nu phyir la log ces te/ /yan lag ma rnams skar khung phrad rnams rab thob ste/ /mgyogs 'gro'i rgyab ni rnam bar dbyen pa mthong gyur nas/ /slar yang skar khung rnams ni rnam par bkag nas du/ /brtul zhugs dang ni mya ngan dag gis yid du bcing/ /brtul zhugs la rab zhugs pas sras bo nyer thob phyir/ /bzlas byas shing gi lha yi khang par mi bdag gis/ /bsam pa ji ltar de dang de rnams byas/ /de nas
- 35a
mig dag mchi mas rab tu gang ba des/ /mgyogs 'gro blangs nas mgyogs 'gro rjes su 'gro ba ste/ g.yul 'gyed pa na dgra bos jo bo khyer ba ltar/ /mya ngan dag gis mngon bcom mi skyong khang par zhugs/ /mi dbang rgyal po'i khab tu rnam par zhugs pa na/ /rnam par blta zhing mig dang/ mchi ma 'bab pa yis/ /skye bo la ni sdug bsngal rab tu rtogs 'jug bzhin/ /sngags ldan mgyogs 'gro bsal pa'i dbyangs kyis dus par gyur/ /de nas khang pa'i dbus na spyod pa'i bya rnams dang/ /nye bar brtag pa'i mgyogs 'gro dam par byed rnams kyis/ /mi dbang sras po log par gshegs la the tshom ste/ /mgyogs 'gro de yid dbyangs la so sor ram 'degs byas/ /ji ltar sngags ldan mgyogs 'gro 'tsher bar byed pa ste/ /nges par gzhon nu khab tu rnam par zhugs snyam ste/ /dga' ba phul du byung bas bslus pa'i skye bo rnams/ /skye bo'i bdag po'i btsun mo'i 'khor gyi nye logs so/ /shin tu dga' ba las ni mya ngan gyis brgyal rnams/ /gzhon nu blta ba la ni g.yo ba'i spyan ma rnams/ /ston ka'i chu gter sprin las glog ni g.yo ba bzhin/ /bud med rnams ni sred pas khyim nas phyir la mthon/ /lan bu rnam par 'phyar zhing dar gos dri ma can/ /mig rtsi dang bral mchi mas mig bcom gdong rnams kyis/ /mtshan mo zad tshe skya reng gis mkhar skar ma bzhin/ /phyi dor dang bral bud med rigs rnams mdzes ma gyur/ /rkang pa rkang gdub dang bral zangs mdog ma chags rnams/ /gdod pa rna lung dang bral mgrin pa drang po rnams/ /rang bzhin gyis rgyas brla ni 'og pa ba dang bral rnams/ /nu ma do shal dang bral stor g.yogs chad rnams so/ /rten dang bral ba'i 'dun pa dang ni mgyogs 'gro nyid/ /mig ni mchi ma dang ldan de rnams kyis mthong nas/ /nags mthar khyu mchog dang bral ba glang rnams bzhin du/ /sems khral gdong ldan yan lag mchog ma rnams ni dus/ /de nas rgyal ba'i btsun mo mchi ma dang bcad par//
- 35b
be'u nyams pa'i ma he mo ltar mnyes pa shin ma/ /gser gyi chu shing lo 'dab rnam par g.yo ba bzhin/ /gau ta ma mas ni lag pa bzung nas 'gyel/ /dbur? pa lag pa snyoms shing gzi brjid bcom pa yi/ /bud med gzhan rnams yid mi bde bas sems med bzhin/ /mchi ma ma bton 'o dod 'bod min dbugs med par/ /g.yo bral ri mo bris pa bzhin du gnas par gyur/ /brtan min bdag po'i mya ngan gyis brgyal bud med gzhan/ /rnam par lta byed nas 'bab rgyun gyi gdong rnams kyis/ /sa 'dzin ri bo nas 'bab rgyun gyi rdob? ltar/ /tsan dan rab bskud nu ma rnams la rnam par 'thor/ /de rnams kyis ni mig chus btags pa'i gdong rnams kyis/ /rgyal po'i kha ba de de tshe mdzes par gyur pa ni/ /chu gser dus na chu gter char gyis btags pa yi/ /chu 'dzin pad+ma rnams kyis rdzing bu ji ltar ro/ /rgyas shing bar med legs par zlum pa'i ser mo can/ /rgyan bral rtsa mi mngon tha'i yan lag mchog ma rnams/ /rlung gis g.yos pa'i ljon shing rang gi 'dab mas ltar/ /pad+ma lta bu'i lag pa rnams kyis brang rnams brdungs/ /nags rlung gis bsgul pad+ma lta bur g.yos pa yis// dang ba rnams kyi 'khrigs pa rnams kyi chu klung ltar/ /brang brdungs rab bskyod 'brel mtho'i nu ma rnams kyis ni/ /de lta na yang mi mo de rnams mdzes par gyur/ /ji ltar brang rnams la ni lag pas zug byas pa/ /de ltar lag pa rnams la brang na zug byed cing/ /le lo can ma brtse med stobs med ma yis der/ /lag pa'i rtse dang brang rnams phan tshun zug byas so/ /de nas khros pas rab tu dmar ba'i spyan ldan ma/ /sems khral gyis sbrel mgrin pa kha zhing ldab ldib dang/ /shugs rings phyur bas 'o ma 'dzin g.yo brtan pa yi/ /mya ngan mchi ma 'dzin pa'i grags 'dzin mas smras pa/ /mtshan mo gnyid log dbang med bdag ni rnams spangs nas/ /'dun pa 'dod pa'i shing rta de ni gang du thal/ /gsum po mnyam du song la khyod dang sngags ldan ni/ /nye bar 'ongs pas kho mo'i yid ni g.yos par gyur/
- 36a
kho mo 'phags min brtse min bshes ma yin pa'i las/ /phul phyung de 'dir byas nas da ni ci la du/ /mchi ma ma 'don khyod kyi sems ni sim par 'gyur/ /khyod kyi mchi ma dang ni las de gtam ma yin/ /dga' dang song dang phan dang legs pa dang/ /ci lta ba bzhin don byed khyod nyid dang 'grogs shing/ /slar mi ldog pa'i ched du jo bo sras po thal/ /khyod kyi nga la 'bras bcas sems ni dga' bar gyis/ /mi yi dbang po'i dgra po dag ni mchog yin la/ /sbyor min la mkhas shes rab med pa'i bshes mchog min/ /nges bar mdza' bshes rnam par mi mkhas khyod kyis ni/ /'di yi rigs kyi nye bar ub pa chen po byas/ /rab chags dri mas 'dres shing dmar pa'i mig can ma/ /kun nas rgyan dang dral ba 'di rnams mya ngan byed/ /gangs ldan ri bo dang mnyam bdag po gnas na yang/ /bud med rnams ni yugs mo bzhin mdzes pa nyams/ /'di dag rnams kyang bya 'dab lag pa rnam bskyod cing/ /rtag par phug ron rnams kyi ring ba'i skad rnams dang/ /de dang bral bas 'bras med pho brang 'khor dang bcas/ /gzhal med khang pa'i gtsar rnams shin tu ngu ba 'dra/ /skye bo 'di ni kun nas don med 'dod pa ste/ /bsngags ldan mgyogs 'gro de yang nges pa nyid du'o/ /mtshan mo skye bo gnyid tshe rkun pos rin chen bzhin/ /bdag gi 'di ltar 'di nas nor rdzas thams cad stor/ /mgyogs 'gro 'dis ni mnga' yi rma srol byung rnams kyang/ /sron bar nus shes grags na lcags rnams smos ci dgos/ /bdag gi snying dang 'dra ba'i dpal ni blangs gyur nas/ /'dis ni lcags lhung 'jigs la long ba yin nam ci/ /mi dbang pho brang yongs su gang ba bzhin du ni/ /'phags pa min las da lta drag tu 'tsher bar byed/ /gang gi tshe na mgyogs 'gro lkugs la thang chad gyur/ /gal te skye bo dag la go bar 'tshor byed dam/ /yang na rmig pas sa la rmig pa'i sgra byed dam/ /yang na 'gram pa'i sgra ni mchog tu
- 36b
bskyod na ni/ /bdag la bsdug bsngal 'di 'dra 'byung ba ma yin no/ /de ltar 'dir ni lha mo'i smre sngags la brten cing/ /mchi mas mdud pa yi ge'i tshig dag thos gyur nas/ /'og tu gdong phyogs mchi ma dang bcas thal sbyar te/ /'dun pas lan 'di dal bur smras par gyur pa'o/ /lha mo bsngags ldan la ni smod par 'os min zhing/ /kho bo la yang khro bar mdzad pa 'os ma yin/ /kho bo cag gi skyon min lha mo mkhyen bar mdzod/ /mi yi lha de lha bzhin bkra shis kun gyis gshegs/ /bdag gis rgyal po'i bstan pa shes pa yin na yang/ /lha nyid gang dag gis ni stobs las byas pa bzhin/ /bdag gis mgyogs 'gro 'di ni nye bar 'ongs pa ste/ /lam na ngal ba med par de ltar rjes su song/ /mgyogs 'gro mchog 'di nyid kyang gshegs tshe sa la ni/ /bar snang dag na bzung bzhin rmig pas ma reg cing/ /de bzhin lha yi ched du gdong ni sngogs byas bzhin/ /'gram pa'i sgra ni byas min 'tsher ba dag kyang med/ /gang las sa skyong bdag nyid skyes pa gshegs pa na/ /de tshe sgo ni rang nyid bye bar gyur pa ste/ /mtshan mo'i mun pa nyi mas bzhin du bsal gyur te/ /de'i phyir yang lha yi chog de zung gi/ gang phyir mi dbang bka' las skye bo stong phrag dag/ /bad? pa dang ni grong khyer nyid du bag yod kyang/ /de tshe de ni gnyid kyi phrogs shing ma sad de/ /de yi phyir yang lha yi cho ga de zung zhig /gang phyir nags na gnas la mthun pa'i gos dag ni/ /lhan gnas pas dus su 'di la byin gyur la rgyan dag mkha' la rab tu gtor ba de khyer te/ /de yi phyir yang lha yi chog de zung gi/ de phyir de ltar lha mo ded gnyis la skyon du/ /ji ltar song pa de la rtog par 'os ma yin/ /mgyogs 'gro 'di dang bdag gi 'dod pa mi mdzad par/ /de ni lha rnams dag gis rjes 'gro byas shing gshegs/ /de ltar bdag nyid chen po de yi rab gshegs ba/ /lha yi mtshar mar bud med de rnams kyis thos nas/ /rab tu gshegs las yid la 'bar ba yang thob ste//
- 37a
mya ngan rab tu nyams bzhin ngo mtshar ldan par thal/ /de nas yid mi bde bas yongs lding min can ma/ /phrug gu rab tu nyams pa'i 'os ba sdug bsngal bzhin/ /rmongs gyur nyid kyang mchi ma dang ldan gdong gis smras/ /rlabs chen dang ldan 'jam zhing dkar min dge ba ste/ /so so so sor rtsa ba nas 'khrungs byen du 'khyil/ /de yi dbu skyes sa la 'thor ba de rnams ni/ /mi dbang dbu rgyan la ni yongs su bkri bar 'os/ /phyag na rib 'phyang ri dags rgyal po'i stobs mnga' zhing/ /khyu mchog chen po'i spyan ldan gser 'bar 'od mnga' ba/ /'brug dang rnga yi sgra ldan sku stong rnam par yang/ /de ltar gyur kyang dka' thub gnas su gnas par 'os/ /sor mo legs skyes 'jam zhing dra bas 'brel ba dang/ /long bu mi mngon pad+ma'i rtsa ba ltar 'jam la/ /dbus na 'khor lo dang bcas zhabs ni de dag gis/ /drang srong rnams kyi nags mdza' i sa la 'gro 'am ci/ /khang bzang logs na khri dang gdan la 'os pa ste/ /rin chen na bza' lci min tsan dan gyis spras shing/ /de yi lus ni mdangs dang ldan pa nags dag tu/ /grang dang dro dang chu 'obs rnams su skor ram ci/ /rigs dang gzugs dang stobs dang sems pa dag dang ni/ /thos dang phun sum tshogs dang na tshod kyis khengs shing/ /slong bar ma yin ster ba nyid du mngon 'ongs pa/ /de ni pha rol dag la slongs mo rgyu 'am ci/ /gser khri dang zhing gzims mal dag la gzims nas ni/ /mtshan mo sil snyan sgra rnams dag gis rab smos pa/ /gos kyi phyogs gcig par nas yi logs la ni/ /bdag gis tul zhugs ldan de de ring ji ltar gzims/ /snying rje'i smre sngags rab tu zlos pa 'di thos nas/ /bud med de rnams phan tshun lag pas yongs 'khyud de/ /ljon shing ba yos las me tog las ni sbrang rtsi bzhin/ /rnam par lta byed dag nas chu dag 'thor ba'o/ /de na dad pa med pa'i ngang mo bzhin du ni/ /grags 'dzin ma ni nor 'dzin sa la 'gyed gyur la/ /rnam
- 37b
par 'khrugs shing yang dang yang du ldab ldib kyi/ /skad kyis de dang de dag rnam par smras pa'o/ /chos dang lhan cig spyod ma mgon med kho mo ni/ /de yis dor nas gal te chos ni byed 'dod cing/ /chos dang lhan cig spyod ma dang bral dka' thub gang/ /yongs su longs spyod 'dod 'di'i chos ni ga la zhig /sngon gyi sa skyong rnams des nges par mthos te/ /legs mthong chen po la sogs mes po chen po rnams/ /bdag po ldan ma dang bcas nags su gshegs gyur la/ /kho mo dang bral chos byed 'dod pa de ltar ltos/ /mchod sbyin du 'am rig byed chogs 'dus byas shing/ /pho mo gnyis la dbang bskur de yi 'bras bu ni/ /gzhan du mnyam por longs spyod 'dod pa ma mthong ste/ /de nas bdag la 'di yi chos la ser sna skyes/ /bdag ni yid la sdug dang phan tshun phrag dog cing/ /yang yang rtsod par chos dga' des ni nges par shes/ /khro ba kho mo spangs nas dbang chen 'jig rten du/ /'jigs med lha mo las ni dga' ba len par 'dod/ /de la lus kyi yon tan bzung ba'i btsun mo de/ /ci 'dra zhig gam 'di ni bdag gis bsam mno ste/ /bdag gi gus pa nyid dang bud med bor nas ni/ /nags su gang phyir dka' thub rnams la gdung/ /nges par bdag gi 'dod 'di mtho ris bde phyir min/ /sems ldan skye bo'i de ni rnyed par dka' ba min/ /sdug pa des kyang bdag la 'di 'am gzhan du rung/ /gang gi ma spong zhes ni bdag gi yid la re/ /gal te bdag ni jo ba'i gzigs byed yangs pa'i zhal/ /gtsang zhing bzhad pa gyen du blta ba'i skal med na/ /skal ba dman par 'os min sgra gcan 'dzin 'di yang/ /pha'i pang na yongs su gnas par nam zhig 'gyur/ /e ma yin mnga' 'di yi lus ni shin tu gzhon/ /yid ni mi rnams kyis bsngags shin tu sra ba ste/ /ngag gi skad grag rab zlos dgra yang dga' ba yi/ /bu ni byis pa 'di 'dra kyem spong bar byed/ /bdag gi 'dod pa'i sems yang shin tu sra ba ste/ /rdo las gyur ram yang na lcags las byas pa 'am/ /bder 'os jo bo dpal dor nags su song
- 38a
ba la/ mgon med ldan pa gang zhig dum bur ma song ngo/ /de ltar lha mo bdag po'i mya ngan gyis brgyal te/ /sems shing rnam zlos lan cig ma yin 'dis dus la/ /rang bzhin brtan yang dam pa mo de mya ngan gyis/ /brtan pa dran pa ma yin ngo tsha ma byas so/ /de nas de ltar mya ngan gyis smra rnams 'khrugs pa'i/ /grags 'dzin ma ni sa la 'gyel ba mthong nas ni/ /char gyis btags pas pad+ma chen po bzhin du ni/ /mchi byas gdong gi bud med rnams ni cho de 'debs/ /bzlas brjod rdzogs shing sbyin sregs bkris byas gyur te/ /mi skyod nyid kyang lha khang dag nas phyir gshegs pa/ /rdo rje'i sgra yis glang po ji bzhin skye ba yi/ /nyam thag sgra des kun nas bcom zhing g.yos par gyur/ /'dun pa dang ni bsngags ldan gnyis po mthong nas kyang/ /sras kyi nges par brten pa yang dag gsan nas ni/ /bde sogs bdag po'i ltad mo zin pa'i rgyal mtshan bzhin/ /mya ngan gyis bcom sa yi bdag po 'gyel bar 'gyur/ /de nas sras po'i mya ngan gyis rmongs yud tsam zhig/ skye bo mtshungs mnyam mngon pa'i skye bos bzung gyur la/ /chab kyi gang ba'i spyan gyis mgyogs 'gro la gzigs nas/ /sa yi 'ogs nas sa skyong gis ni smre sngags bton/ /g.yul 'gyed pa na dga' chen mang po byas nas ni/ /bsngags ldan khyod kyi bdag gi dga' ba ma yin byas/ /bdag gi dga' ba yon tan dga' de gang gis ni/ /dga' ba yin yang dga' ba med bzhin nags su bor/ /de phyir de nyid gang du gshegs pa der bdag khyer/ /yang na der ni slar yang skyen par khyer la shog /tshabs chen na ba'i sman dang bral bas de bzhin du/ /de dang bral bas bdag gi 'tsho ba med pa'o/ /rgyal bu gser 'bab 'chi bas phrogs par gyur pa na/ /dka' thub gang las yang dag rgyal ba shi ma gyur/ /bdag kyang chos 'dzin sras po gshegs par gyur pa na/ /bdag nyid thar 'dod bdag nyid med pa lta bur gyur/ /rgyal rigs bcu byas khyab bdag skye dgu'i bdag po ni/ /mchog
- 38b
dang mchog min shes pa nyi ma'i sras po yi/ /du ni 'phangs shing sdug bsngal dam pa dang bral la/ /yid mi bde byas yid kyi rmongs pa gang las min/ /rgyal po a dza'i sras po blo dang ldan pa ni/ mi bdag dbang po'i grogs la bdag gi 'dod pa ste/ /sras po nags su song la gang zhig ltar song la/ /mchi ma don yod ma yin bkren pas 'chos so kye/ /khyod kyis bdag gi chu yi snyim bde gang du/ /phrogs pa'i dka' thub gnas der bzang po bdag la smros/ /de la bdag gi skom pa 'dis ni yongs 'dod de/ /bdag gi srog ni yi dags 'gro bar 'dong/ /de ltar sras dang bral ba'i sdug bsngal skyes gyur te/ /sa dang 'dra ba'i lhan skyes brtsam pa rnam spangs nas/ /rA ma'i mya ngan dag gis shing rta bcu pa bzhin/ /mi skyong 'du shes bral bzhin mang po rnam par labs/ /de nas de la thos dang dul dang yon tan ldan/ rab 'gres mdun na 'don dang blon po blo gros kyis/ /mnyam par bzhag 'di ji lta ba bzhin smras gyur te/ /yongs su gdung ba'i gdong min mya ngan med pa'ang min/ /mi mchog brtan pa mya ngan mthong la brtan par gshegs/ /mya ngan bzhin du mchi ma 'don par 'os ma yin/ me tog phreng ba rnying bzhin phun tshogs bor nas ni/ /sa na mi skyong mang po nags su shin tu song/ /gzhan yang de yi dgongs pa nges pa 'di sngon tshe/ /drang srong dkar min de yi tshig ni dran par mdzod/ /mtho ris su dang 'khor los sgyur ba'i rgyal srid la/ /skad cig kyang de gnas par bde bas nus ma yin/ /gal te yang de mi mchog 'bad pas byas pa ste/ /myur bar bka' lung stsol mdzod ji snyed 'dir 'gro bgyi/ /sna tshogs rnams kyi sras po de yi ni/ /sna tshogs mang po'i 'thab mo de snyed der byed shog/ /de nas de gnyis la ni mi bdag gis bslabs la/ /de phyir nges par 'di nas khyed gnyis mngon par song/ /bu la lhag par chags pa'i nags kyi bya yi bzhin/ /bdag gi sems ni dga' bar rab tu song ma yin/ /dam pa zhes ni mi dbang brtan las blon po dang/ /mdun na 'don pa de gnyis
- 39a
nags der song bar gyur/ /byas zhes mna' ma'i skye bo dang bcas btsun mor bcas/ /mi skyong gis kyang bya ba lhag ma rab tu mdzad/ /sangs rgyas kyi spyod pa zhes bya ba'i snyan dngags chen po las/ /btsun mo'i 'khor smra sdabs bton pa'i le'u ste brgyad pa'o// //de nas de'i tshe mdun na 'don dang blo po de/ /mi skyong mchi ma'i lcag gis mngon par bsnun pa dag/ /phug pa'i dam pa'i rta bzhin 'bad pa thams cad las/ /bsam pa bzang pos skyen par nags der song bar gyur/ /'dra ba'i rjes 'brang dal ba skyes pa de gnyis ni/ /dka' thub nags der dus su nye bar phyin nas ni/ /rgyal po'i rdzu 'phrul dor de dul ba'i spyod pa yis/ /drang srong shes ldan bu yi khang par nye bar song/ /de dag gis ni tshul bzhin bram ze de mchod nas/ /de ni de dag la yang rjes mthun mchod pa ste/ /gdan byas pa dag bdag tu lta ba bcas nas ni/ /shes ldan sras po gdan gnas pa la gtam smras so/ /mdangs gtsang gtsang zhing rnam par yangs pa'i grag pa mnga' / /bu ram shing pa'i rigs su rab 'khrungs rgyal po yis/ /sh+ru ka rab tu 'dzin dang gsang sngags yongs 'dzin la/ /nag por skye bo 'di ni khyod kyis rigs par mdzod/ /dbang po dang mtshungs de yi rgyal ba dang mtshungs sra/ /rga dang 'chi ba'i 'jigs pa dag ni sgrol 'dod de/ /'di na mngon par nye bar 'ongs grag de yi phyir/ /bdag cag nye bar 'ongs par bcom ldan mkhyen par mdzod/ /de dag la des smras pa phyag ring gyur pa de/ /rab tu thob gyur gzhon nu shes ba min pa min/ /chos 'di 'khor bar byed ces mngon par mkhyen nas ni/ /mngon par gdong phyogs ma yin thar bzhed skyen par gshegs/ /de nas de las de nyid de dag nyer thob nas/ /bram ze de la snyan dngags phab nas de ma thag/ dub kyang ma dub pa bzhin rgyal po la gus pas/ /de nyid gang nas gshegs de nas rab tu 'ong/ /song
- 39b
ste de nas de dag gi ni rngon pa dang/ /rnam par bral ba'i sku lus rab tu 'bar ba de/ /nyi ma stug po'i longs spyod dag la zhugs pa ltar/ /lam ni shing gi rtsa bar nye bar zhugs pa mthong/ /de nas de la mdun na 'don dang sngags 'dzin bcas/ /theg pa rnam par spangs nas nye bar gshegs pa ste/ /slar gnas thub pa'i bu ni g.yon gyi lhar bcas pas/ /nags gnas lhag spyod blta bar 'dong pa ji ltar ro/ /lha ni pa pa sangs dang phur bus dbang chen bzhin/ /de dag gi ni de nyid bskyed cing mchod pa'o/ /lha ni pa sangs phur bu dag la dbang chen bzhin/ /mchod 'os des ni de gnyis dag la slar mchod do/ /sbyor bar song ba'i zla ba'i nye sar nabs so bzhin/ /de nas kun nas mngon par rjes gnang byas pa ni/ /de dag shAkya'i rigs kyi rgyal mtshan de yi ni/ /nye logs dag tu song ba rnam par mdzes par gyur/ /shing gi rtsa bar gnas pa mngon par 'bar ba yi/ /rgyal po'i sras po de la mdun na 'don gyis smras/ /lha ni yongs 'dus dag la brgya byin sras po ni/ /rgyal ba nye bar gnas la phur bus ji ltar ro/ /khyod kyi mya ngan zug rdu snying la brtags pa na// sa yi logs la rmongs shing brgyal bar gyur ba ste/ /gzhon nu mig gi chu yi char ldan rgyal po yis/ /gang zhig khyod la smras pa 'di ni mkhyen par mdzod/ /khyod kyis chos la rab dmigs nges par shes pa ste/ /khyod kyi 'byung bar 'gyur ba'i don ni shes pa'o/ /khyod kyi dus ma yin par nags su bsnyen las bdag /me dang rab mtshungs mya ngan me yis tshig pa'o/ /de phyir tshur spyon chos dga' dag ni dga' ston du/ /chos kyi don du blo gros de nyid mthong mdzod dang/ /chu bo'i shugs kyis 'gram dogs mngon par bcom pa bzhin/ /bdag la mya ngan shugs 'di rab tu 'phrel ba'o/ /rlung dang nyi ma me dang thog chen rnams kyi ni/ /'jug pa gang zhig sprin dang chu me ni rnams su/ /rnam par 'byer dang skems dang sreg dang 'byed rnams kyis/ /bdag cag rnams la mya ngan gyis 'jug pa de byed/ /de phyir re zhig nor 'dzin
- 40a
bdag nyid longs spyod la/ /dus su bstan bcos mthong ste nags su gshegs gyur te/ /'byung po thams cad la ni brtse ba chos yin phyir/ /mi 'dod gnyen 'dun kho bo la ni ltos par mdzod/ /chos de nags nyid kho nar 'grub pa ma yin te/ /sdom brtson rnams kyi nges par grong khyer na yang 'grub/ /'dir ni blo dang 'bad pa dag ni mtshan ma ste/ /nags dang ltag ni 'jigs pa dag gi mtshan ma'o/ /dbu rgyan 'dzin cing dpung par rna cha do shal dang/ /dpung rgyan rnam par nges pa'i phyag mnga' mi dbang rnams/ /phun tshogs yan lag dbus na yongs su gnas rnams kyis/ /khyim na gnas kyang thar pa'i lam ni rab tu 'thob/ /brtan pa'i nu bo stobs dang rdo rje'i lag pa dang/ /rnam mdzes bu dang chu stong de nas mthar gnas lha/ /lus 'phags rgyal po skyes byed dang ni de bzhin du/ /'gro dang ljon shing tsan dang sde rgyal rgyal po rnams/ /nye legs chos kyi cho ga la ni rnam dul ba'i/ /mi bdag khyim na gnas pa de rnams mkhyen mdzod la/ /nor gyi bdag po dang ni mi skyong dpal dag ste/ /gnyis po dag kyang de phyir dus gcig mkhyen par mdzod/ /mngon par dbang bskur byas pa'i chu yis brlan pa nyid/ /gdung ba skyob pa'i gdugs bzung khyed la drag tu ni/ /nye bar 'khyud nas kun nas gyen du blta pa ste/ /dga' ba des ni nags su rab tu 'jug par 'dod/ /de ltar mchi mas 'dud pa'i ye ge'i tshig gis ni/ /khyed nyid la ni sa yi bdag pos smras pa ste/ /thos nas de la brtse shing de la dga' don du/ /khyed kyi brtse bas rjes su 'gro bar 'os pa'o/ /khyod las byung ba'i mya ngan chu ni gting med pa'i/ /sdug bsngal rgya mtshor shAkya'i rgyal po nub gyur te/ /de phyir mgon po rgya mtshor bying la gru bzhin du/ /dman zhing rten dang bral pa de ni sgrol mdzod cig /chu bo gang+gA'i lto nas byung ba 'jigs byed dang/ /lhag spyod dang ni ngan spongs sras po lhag spyod kyis/ /pha yi dga'
- 40b
ba'i don du las byas thos nas ni/ /khyed kyang yab kyi bzhed pa mdzad par 'os pa lags/ /gnyen bshes pe'u nyams par 'gyur ba'i ba bzhin du/ /rgyun mi chad par nyam thag snying rjer du ba mo/ /srang srong ri byi bsnyen zhing phyogs su ma song ba/ /yang dag skyed par byed pa'i lha mo mkhyen par mdzod/ /dad pa rnam par bral ba'i dad mo lta bu dang/ /nags na glang po dang bral glang mo lta bu ni/ /dgon dang bcas kyang mgon med dman zhing nyam thag pa'o/ /btsun mo gzigs pa yis ni skyob par 'os pa yin/ /sras gcig byis pa sdug bsngal 'os pa ma yin pa/ /kun nas gdung ba mthar gyur pa ni 'dren pa ste/ /gang ba'i zla sgra gcan nye bar bsgyur las bzhin/ /sgra gcan 'dzin de gnyen byi mya ngan las thar mdzod/ /pho brang btsun mo'i 'khor dang grong khyer mdza' dag ni/ /khyed dang bral pa'i bud shing can gyi mya ngan med/ /phyir 'byung dbugs ni du ba mun pa'i rtse mo yis/ /tshig pa dag ni khyed la lta ba'i chu 'dong ngo/ /mdun na 'don pa de yi tshig dag gsan gyur nas/ /byang chub sems dpa' yongs su gang ba'i sems dpa' des/ /yon tan ldan zhing yon tan shes pas yud tsam zhig /bsam gtan mdzad nas rigs pa'i lan 'di smras pa'o/ /pha rnams kyi ni bu la dgongs pa shes pa ste/ /gang zhig bdag la sa skyong gi ni khyad par du/ /shes pa yin yang na dang rga dang rgud pa las/ /'jigs te nags su phyin nas rang gi skye bo dor/ /mthar ni gal te dga' ba dang bral ma yin na/ /rang gi skye bo dga' ba lta 'dod cis ma yin/ /gang tshe yun ring gyur kyang rnam par 'bral ba ste/ /de phyir bla ma brtse ba yin yang 'dor bar bgyi/ /gang yang bdag gi ched du mi yi bdag po yis// mya ngan khyod kyis smras des bdag la dga' ba med/ /gang phyir rmi lam yang dag 'dus par gyur rnams su/ /rnam par bral bar 'gyur la kun nas gdung bar byed/ /'gro ba'i spyod pa rnam pa sna tshogs mthong nas ni/ /de bzhin du yang khyod kyis blo gros nges par
- 41a
song/ /bu min gnyen min kun nas gdung ba'i rgyu yin bzhin/ /'ching ba de ni shes pa med pa'i mtshan ma nyid/ /lam du 'gro rnams 'dir ni 'dus pa ji lta ba'i/ /skye dgu rnams ni dus su nges par 'bral ba ste/ /gnyen 'dun dam 'cha' skye bos rnam par dman pa yi/ /shes rab ldan pa'i skye bos mya ngan bsnyen nam ci/ /gzhan du rang gi skye bo der nas 'dir 'ongs la/ /'dir yang rab tu bslus nas slar yang 'gro ba ste/ /der song nas kyang pha rol gzhan du 'gro 'gyur la/ /de ltar 'dor ldan skyo la rjes su brten rnam ci/ /gang tshe mngal nas gzung ste gnas skabs thams cad du/ /gsod pa'i phyir ni 'chi ba rab tu gnas pa ste/ /bu la dga' ba der ni khyed kyis smras pa yi/ /bdag gi nags su brten pa gang phyir dus ma yin yul la mngon par lhung tshe dus ma yin pa de/ /de bzhin nor gyi cho gar zhugs pa dus yin no/ /dus rnams kun tu dus kyi 'gro ba khyab pa ste/ /dge legs nges par thob la dus yod ma yin no/ /gang yang rgyal pos bdag la rgyal srid 'dir bzhed pa/ /de yang yab kyi rgya chen mtshungs shing 'dra ba ste/ /sred pa las ni nad pa'i mi 'phrod zas bzhin du/ /bdag gi rab tu 'dzin par nus pa ma yin no/ /gti mug rmongs pa'i gzhi ma mi skyong rgyal po nyid/ /rab tu 'thob par mi ni mkhas pas gang phyir nus/ /gang du skyo ba dang bcas rgyags dang lang dub dang/ /pha rol log par spyod pas chos la gnod pa'o/ /dzam+bu chu gser bzhin du bgal ba'i lding khang na/ /dug dang 'dres pa'i kha zas bzang po lta bu dang/ /gza' yis 'khrugs pa'i pad+ma dang bcas chu lta bu/ /rgyal srid dang ni gser dag sdug bsngal dag gi rten/ /de ltar rgyal srid chos min bde ba ma yin pa/ /ji ltar mi gtsang skyes te mi dbang snga ma rnams/ /sdug bsngal yongs su spang bya na tshod rab mchog tshe/ /rgyal srid nges par dor nas nags su song bar gyur/ /rin chen
- 41b
bzhin du tshim pa mchog ni nyer khyung nas/ /'brog dgon dag na rtswa dang zos pa mchog yin la/ /sbrul nag bzhin du mthong ba ma yin nyes pa ni/ /rnyed bla'i dpal dang lhan cig nyal ba mchog ma yin/ /rgyal srid rnam par spangs pa rgyal po rnams kyi chos/ /mngon par 'dod pas nags su rab 'jug bsngags pa ste/ /nags tshal yongs su dor nas khyim du rab 'jug pa/ /dam bca' nye bar bcom pa'i 'thad pa ma yin no/ /rigs su skyes shing sems pa dang bcas mi gang gis/ /chos ni mngon par 'dod pas nags su rab zhugs la/ /ngur smrig rab tu dor nas ngo tsha rnam spangs pa/ /grong khyer 'joms pa yi yang grong la bsnyen ma yin/ /sred dang rnam par rmongs dang yang na 'jigs pa yis/ /gang zhig bskyugs pa'i bza' ba slar yang len byed la/ /sred dang de ni rmongs dang yang na 'jigs pa yis/ /'dod pa rnams ni dor nas slar yang len par byed/ /gang zhig rab 'bar khang pa dag nas ci zhig ltar/ /byung nas slar yang de nyid kho nar rab 'jug la/ /nyes pa mthong de khyim na gnas pa dor nas ni/ /rmongs pas slar yang len par mngon par 'dod pa'o/ /gang yang mi skyong khyim na gnas pas thar pa ni/ /'thob pa dang ldan zhes thos de ni med pa ste/ /zhi ba gtso bo'i thar pa'i chos ni gang la 'ang/ /chad pa gtso bo'i rgyal po'i chos ni gang du'o/ /zhi la dga' ba gal te rgyal srid dman pa ste/ /rgyal srid la blo gal te zhi ba rnam par nyams/ /drang dang dro dang me dang chu yi gcig nyid bzhin/ /zhi ba dang ni rno nyid 'thad pa ma yin no/ /me dang chu yi 'du ba yod pa ma yin la/ /khram dang drang po'i 'du ba yod pa ma yin zhing/ /'phags dang sdig pa'i 'du ba yod pa ma yin te/ /zhi dang chad pa'i 'du ba yod pa ma yin no/ /de phyir sa 'dzin bdag po de rnams nges pas sam/ /rgyal po'i srid rnams spangs te zhi ba thob pa can/ /rgyal srid dag la snyen nas dbang po spas nyid las/ /mthar ma thug par thar par mngon pa'i nga rgyal byas//
- 42a
de dag rnams kyi rgyal srid la zhi ji lta bzhin/ /bdag ni nags tshal rab thob des bas ma yin zhing/ /khyim dang gnyen gyi 'du shes zhags pa bcad nas ni/ /thar gyur slar yang rab tu 'jug par 'dod ma yin/ /de ltar bdag nyid rnam shes yon tan rjes mthun pa/ /re 'dod spangs shing gtan tshigs ldan pa sgrogs pa ste/ /mi dbang bdag nyid skyes kyi smra ldan thos gyur nas/ /gsang sngags 'dzin pa yis kyang lan ni smras pa'i/ /gang zhig chos kyi cho gas des pa khyod kyi 'di/ /rig pa min pa ma yin 'di ni dus rig yin/ /na tshod la gnas yab ni mya ngan phyir byin nas/ /chos 'dod khyod kyi chos ma yin par gyur pa'o/ /nges par khyed kyi blo ni shin tu phra min zhing/ /yang na chos dang don dang 'dod par mkhas ma yin/ /gang zhig ma mthong 'bras bu'i don du khyed nyid kyis/ /mngon sum don ni yongs su brnyes par mdzad nas gshegs/ /yang srid yod ces kha cig dge ni smra ba ste/ /med ces kha cig dang ni nges par dam 'cha'o/ /de ltar gang tshe? don 'di the tshom gyur pa ste/ /de phyir longs spyod par nus dpal ni nye bar gnas// gal te slar yang rab tu 'jug pa gang yang yod/ /der ni ji ltar 'bad pa dag la dga' bar bgyi/ /ci ste gzhan du rab tu 'jug la gang yang med/ /'gro ba 'di yi 'bad rtsol med las thar pa 'grub/ /kha cig 'jig rten pha rol yod ces smra ba ste/ /thar pa'i sbyor ba la ni bsngags pa byed ma yin/ /ji ltar me yi dro dang chu yi gsher ba nyid/ /de ltar rab tu 'jug par rang bzhin nyid du smra/ /dge dang mi dge nyid dang srid dang srid min la/ /kha cig rang bzhin las zhes bsngags pa byed pa ste/ /gang phyir 'di dag thams cad rang bzhin las yin te/ /de yi phyir yang rab tu 'bad pa don med 'gyur/ /gang zhig dbang po rnams kyis des par rab spyod pa/ /yul rnams la ni dga' ba dang ni mi dga' nyid/ /gang zhig dga' dang nad rnams dag gis sbyor byed de/ /de la gang gis 'bad dam de ni rang bzhin no/ /chu
- 42b
rnams kyis ni ma rnams zhi bar nye 'gro zhing/ /'od zer rnams kyi chu ni skems par byed pa ste/ /lus la yang dag gnas pa'i 'byung ba tha dad rnams/ /gcig nyid gyur nas 'gro ba dag ni 'dren par byed/ /gang zhig lag pa rkang pa lto rgyab mgo rnams kyi/ mngal du song ba'i ngo bo nges par sgrub byed la/ /gang tsheb bdag nyid de yi de yis sbyor ba ste/ /rang bzhin las byung de shes rnams kyis de smra'o/ /bya dang ri dags rnams kyi sna tshogs ngo bo dang/ /tsher ma'i rnon po nyid du rab tu byed pa su/ /rab tu 'jug pa 'di kun rang bzhin las yin la// 'dod pa byed pa yod min 'bad pa gang las so/ /de bzhin gzhan rnams dbang phyug las skyes smra ba ste/ /der ni skyes bu'i rab tu 'jug pa la don ci/ /'gro ba'i rab tu 'jug la gang nyid rgyu yin zhing/ /ldog pa la ni nges par de nyid rgyu yin no/ /kha cig bdag gi mtshan ma nyid du smra ba ste/ /rab tu skye ba nyid dang srid pa zad pa yang/ /'bad pa med las rab tu skye bar smra ba ste/ /'bad pa yis ni thar pa 'thob par smra ba'o/ /lha yi mchod sbyin drang srong rnams kyi rig byed dang/ /pha yi bu lon med pa bu rnams kyis te mi/ /gang gis grol ba yod pa de yi thar pa zhes/ /bu lon gsum po de dang lhan cig skyes pa'o/ /de ltar cho ga'i bya ba'i rim pa 'di yis ni/ /'bad rtsol bcas pa'i thar pa de shes rnam smra la/ /'bad rtsol ldan pa yin yang rnam par gnon pa yis/ /thar pa 'dod pa rnams ni ngal ba thob par byed/ /de phyir zhi ba gal te thar la gus yod na/ /cho gar brjod pa ji ltar rigs pas bsnyen mdzod dang/ /'di yi nye bar 'thad pa de ltar gyur pa ste/ /mi yi bdag po'i kun nas gdung ba nyams par 'gyur/ /dka' thub nag 'tshal dag nas khang par 'jug pa la/ /khyod kyi skyon gyi blo gros gang zhig rab zhugs te/ /yab gcig der yang khyod kyi bsam par ma gyur dang/ /snga ma rnams kyang nags nas rang gi khang par gshegs/ /dka' thub nags na gnas pa bu rnams kyis bskor te/ /rgyal po a mA ri Sha grong du
- 43a
zhugs gyur la/ /de bzhin 'phags min rnams kyis sa ni rnam bcom pa/ /dka' thub nags nas 'ongs nas rangs byed kyis bsrungs so/ /de bzhin do ba dang bcas mdag po'i ljon shing ming/ /nags gnas bu dang bcas pa grong du zhugs pa ste// tshangs pa'i drang srong gyur dang thub pa gnas 'jog las sbyin sreg dang bcas mdza' can lha yis dpal gzung ngo/ /rnam pa de ltar chos dang grags par rab zhugs pa/ /nags rnams por nas khang khyim rnams su song ba ste/ /de phyir dka' thub nags nas chos kyi ched du nyid/ /khyim na rab tu 'gro ba skyon yod ma yin no/ /de nas mi skyong rgyal po'i dga' dang phan pa nyid/ /byas pa'i blon po de yi tshig dag gsan nas ni/ /dman min ma 'khrug chags min brtan dang gnas pa la/ /myur min tshig ni rgyal po sras kyi smras pa'o/ /'dir ni yod dang med ces the tshom gang de ni/ /gzhan gyi tshig gis bdag la 'di na nges pa med/ /dka' thub dang ni zhi bas de nyid rtogs gyur nas/ /gang 'dir nges par bdag nyid kyis ni bzung bar bgyi/ /phan tshun gnod cing mi gsal the tshom skye ba yi/ /lta ba ngag ni len par bdag gis nus ma yin/ /mun par long bas long ba'i lam mkhan byed pa bzhin/ /mkhas pa'i skye bo su zhig gzhan gyi rkyen gyi 'gro/ /de nyid ma mthong gyur kyang 'on kyang kho bo yi/ /dge dang mi dger the tshom na dge blo gros gyur/ /'bras bu med phyir la yang dge ba'i bdag nyid mchog /smod pa'i bdag nyid de nyid la yang bde ba med/ /rnam gzhag med pa'i lung 'ang yang na mthong gyur nas/ /tshad ldan rnams kyi gang smras de ni legs rtogs mdzod/ /nyes la rab dman tshad ldan nyid ni rtogs mdzod dang/ /nyes pa rab tu dman pas bden min smra ba yin/ /khyim la 'jug par dmigs gang bdag la khyod kyis ni/ /smras shing rengs byed la sogs rnams ni dper bstan te/ /de rnams tshad min chos nges rnams su nus med cing/ /tshang ma'i ched du brtul
- 43b
zhugs rnams ni yongs su zad/ /de lta na yang nyi mas la lhung gyur la/ /gangs dang ldan pa'i ri bos brtan nyid 'dor na yang/ /de nyid ma mthong yul la kha bltas dbang po ni/ /khyim rnams dag la so so skye bo mi bsnyen to/ /bdag ni 'bar bar gyur pa'i me la 'jug pa ste/ /don ma byas par khyim gyi gzhi la rab mi 'jug/ de ltar thugs rgyal ldan des dam bca' mdzad gyur cing/ /ji ltar 'dod bzhin bzhengs nas sngar 'dzin med par gshegs/ /de nas mchi ma dang bcas blon dang gnyis skyes gnyis/ /de yi brtan pa nyid dang nges pa thos gyur nas/ /yi mug bzhi ldan rjes su song nas sdug bsngal ba/ /dal bus song nas grong khyer nyid du song bar gyur/ /de nas de la brtse dang mi skyod la gus las/ /de dag ltos bcas rab tu song zhing gnas gyur la/ /gsal zhing snang bas nyi ma blta bar dka' ba ltar/ /de ni lam du blta bar ma nus dor bar min/ /mchog tu gshegs te gshegs pa shes phyir de dag gis/ /so ba'i skyes bu gtsang ma spas pa rnams byas nas/ /dga' zhing sras po 'dod pa'i rgyal po la song nas/ /ji ltar blta 'am zhes ni ji ltar yang song ngo/ /sangs rgyas kyi spyod pa zhes bya ba'i snyan dngags chen po las/ /gzhon nu rjes su tshol ba'i le'u ste dgu pa'o// //sku stong rgyas shing rgya chen rgyal po'i sras po ste/ /bsreg bya dang sngags bdag po de dag rnams spangs te/ /dpa' rlabs g.yo ba'i chu bo gang+gA brgal nas ni/ /dpal dang ldan pa'i rgyal po'i khab tu gshegs par gyur/ /ri rnams dag gis legs par spas dang brgyan pa dang/ /dge dang dka' thub gter bas gzung dang gtsang ba ste/ /zhi bar rang byung tshangs pa mtho ris logs su bzhin/ /rig sngags mtshan ma'i grong khyer rab tu thob par gyur/ /zab mor gyur pa'i mdangs dang de yi lugs gsal ba/ /skyes bu rnams ni shin tu gnon pa mthong gyur nas/ /khyu mchog rgya ba mtshan de yi brtul zhugs brtan
- 44a
pa bzhin/ /der ni de tshe skye bo rnams ni ya mtshan gyur/ /de rab mthong nas gzhan gang ma song de gnas shing/ /der ni gang zhig lam na gnas de rjes 'gro zhing/ /gang zhig skyen por song de brtan por song gyur la/ /kha cig bsdad pa gang yin de ni langs pa'o/ /skye bo kha cig de la mchod pa'i lag pa yis/ /bsti stang byas nas kha cig mgo bos phyag 'tshal zhing/ /kha cig mnyen pa'i tshig gis mngon par stong byed cing/ /kha cig de la rab tu mchod nas song bar gyur/ /de rab mthong nas sna tshogs cha lugs rnams ngo tsha/ /rab bkram tshig ni lam du smra ba med par song/ /dngos su gzhan du chos rnams dag gi nye logs su/ /kha cig tshul ma yin pa'i blo gros ma gyur to/ /lha dang mtshungs pa'i mi dbang sras po de mthong nas/ /bya ba gzhan ma rnams kyang rgyal po'i lam du ni/ /mchod mar bkur sti sngon 'gro bud med rnams kyi 'am/ /skyes ba rnams kyi mig dang dom par ma gyur to/ /dpral ba 'am smin ma dag dang zhal lam spyan dag dang/ /sku 'am phyag dag dang ni 'gros sam zhabs dag ni/ /gang gis de yi gang nyid der ni mthong gyur pa/ /de nyid kyis ni de yi mig dag bcings par gyur/ /smin ma mdzod spu dang bcas spyan dag yangs pa dang/ /sku lus mdzes shing dge ba'i dra ba dang ldan phyag /sa skyong nyid du 'os pa'i dge slong cha lugs de/ /mthong nas rgyal po'i khab kyi phun tshogs g.yos par gyur/ /de nas khang pa'i phyi nas rnam rgyal skye bo'i tshogs/ /ma ga d+ha yi khyim gyi jo bo bzo spyangs kyis/ /mthong bar gyur te de yi rgyu mtshan dris pa ste/ /de nas 'di la skyes bu rnams kyis de smras so/ ye shes mchog gam yang na sa yi dpal ngag ni// thob par 'gyur zhes bram ze rnams kyis gang smras pa/ /rab tu gshegs par skye bos nges par mthong ba yi/ /shAkya'i bdag pa'i sres po de ni 'di yin no/ /de nas don thos yid kyi chags shing zhen gyur pa'i/ /rgyal ba'i sa ni skyes bu de nyid la smras pa/ /de ni gang
- 44b
du song zhes rnam par shes par mdzod/ /de nas de ltar bgyi zhes skyes bu rjes su song/ /g.yo mi spyan ni gnya' shing gang tsam gzigs pa ste/ /gsung ni kun nas snyoms shing zab mo'i 'phros mnga' ba/ /g.yo ba'i sems dang lus rnams dag ni des bsdams na/ /dge slong mchog nyid de yang bsod snyom la gshegs so/ /ji ltar nye bar 'thad pa'i bsod snyoms bsnams nas ni/ /rnam par dben zhing char rab 'bab par rab gshegs la/ /der ni tshul bzhin rigs pas mngon par gsol gyur nas/ /de ni sa 'dzin ri bo skya bsed la 'jegs so// ro d+ha'i nags kyis nye bar spas pa'i ri bo der/ /rma bya'i skad kyis rab gang lo ma'i spyil bo na/ /'char ri'i steng na nyi ma gzhon nu ji lta bar/ /ngur smrig gos kyi nyi ma'i nyi ma de mdzes so/ /der ni de nyid rgyal po'i 'khor de mthong gyur nas/ /bzo sbyangs rgyal po la ni gtam dag byas pa ste/ /thos nas rgyal po des kyang mchod pa mang po las/ /der ni spas pa'i rjes su 'brang bas rab tu song/ /skya bseng ri bo mchog la skya bseng na dang ni/ /brtson 'grus mnyam zhing ri bo dang mnyam sku lus can/ /mi yi seng ge'i 'gros can cod pan 'dzin ba ste/ /ral pa g.yo ba'i seng ge gzhin du 'dzegs par gyur/ /de nas de yi steng na rtse mor gyur pa yi/ /byang chub sems dpa' dbang po nyer bar zhi ba ni/ /ri bong gis mtshan sprin gyi spubs nas byung ba bzhin/ /skyil mo krung gis bzhugs nas rnam par mdzes pa mthong/ gzugs dang phun sum tshogs dang nye bar zhi ba yis/ /chos kyi sprul ba bzhin du nye bar bzhugs de la/ /ya mtshan dang bcas rab tu bsnyen ldan mi dbang po/ /rang byung la ni brgya byin gyis bzhin nye bar gnas/ /rigs pa yis ni rigs pa rig pa rnams kyi mchog/ khams mnyam gyur pa ni la song nas dris pa ste/ /de nyid kyis kyang mtshungs shing zhi bas mi skyong la/ /yid ni rang bzhin gnas dang nad med smras par gyur/ /de nas gtsang la blang ngo'i rna ba ltar sngo ba'i/ /rdo ba'i logs la rgyal po yang dag des gnas shing//
- 45a
nye sar nye bar bsdad nas rjes su mthun pa yis/ /de yi dgongs pa rnam par shes 'dod 'di smras so/ /rim pas 'ongs pa nyid dang yongs su brtags pa ste/ /khyod kyi rigs kyis bdag gi dga' ba mchog yin la/ /gang phyir bdag la rang gi na tshod smra 'dod pa/ /skyes te de phyir brtse ba'i tshig 'di mkhyen par mdzod/ /khyod kyi rigs ni rnam rgyas sngon du nyi ma ste/ /lus kyang na tshod gsar pa gsal la mdzes pa 'di/ /gang phyir 'di ni khyod kyis blo gros rim med pas/ /slong mo nyid la mngon dga' rgyal srid lam yin/ /khyod kyi lus 'di tsan dan dmar po 'os pa ste/ /ngur smrig gis dkris de ni 'os pa ma yin no/ /lag pa 'di ni skye dgu skyod bar 'os pa ste/ /gzhan gyis byin pa'i bza' ba za bar 'os ma yin/ /de phyir zhi ba gal te yab kyi rgyal srid la/ /khyod kyi yab kyi brtse las stobs kyis mi 'dod cing/ /khyod kyi blo gros rim par bzod par ma gyur na/ /skyen par kho bo'i yul gyi phyed la longs spyod mdzod/ /de lta na ni rang gi skye la gnod min zhing/ /dus kyi rim pa yid kyang dpal gang bsngags pa ste/ /de phyir khyod kyis bdag la brtse ba mdzod cig dang/ /dam pa rnams dang bcas pas dam pa'i dpal 'phel lo/ /ci ste de? ni rigs kyi khengs pa nyid las ni/ /bdag cag rnams la khyod la blo gtad yon tan med/ /sde rgyas rnams ni mda' yis rnam par dkrugs byas nas/ /bdag dang bcas pas pha rol rnams ni pham par mdzod/ /de phyir 'dir ni gnyis dbus gcig blo tshol mdzod la/ /chos don 'dod pa rnams la cho ga bzhin bsnyen mdzod/ /'di na sde tshan gsum po chags las rnam bzlog nas// 'di dang gzhan du phyin nas lhung ba kun nas 'thob/ /gang zhig don dang chos la gnod nas 'dod pa dang/ /chos dang 'dod pa yongs su brnyas nas don dang ni/ /'dod dang don dag nye bar zhi bas chos de ni/ /don byas gal te mdza' dag 'dod na don yin no//
- 45b
de phyir sde mtshan gsum la nges par snyen pa yis/ /khyod kyi gzugs 'di 'bras bu bcas pa nyid du mdzod/ /chos dang don dang 'dod pa dman min thob pa la/ /mi rnams dag gi dman min skye ba'i don du smra/ /de phyir gzhu ni rnam par 'gengs 'os rgyas pa'i phyag /'di dag 'bras bu med par byed par 'os min te/ /nga la nu bzhin 'dis ni 'jig rten gsum rnams kyang/ /phan par 'os pa yin na sa 'dir smos ci dgos/ /brtse bas nges par de ni bdag gis smra ba ste/ /ya mtshan gyis min dbang phyug nyid kyi chags pas min/ /khyod kyi dge slong nyid kyi cha lugs 'di mthong nas/ /rjes su brtse ba skyes nas mchi ma yang byung ngo/ /de phyir rang rigs rab mtshungs khyod kyi gzugs ji srid/ /rga bas zil gyis mnan nas slar yang ma 'ongs par/ /slor? mo'i gnas 'dod 'dod pa rnams la longs spyod la/ /dus su chos la dga' ba chos ni gyis mdzod cig /khogs pas nges par chos ni 'thob par nus pa ste/ /'dod pa nye bar spyod la rgas pa'i 'gro ba med/ /de phyir dar la bab pa'i 'dod pa rnams smra ste// bar ma'i nor yin rgan po rnams kyi chos yin no/ /gson pa'i 'jig rten dag na chos dang don dag ni/ /rnam par dag la bar gyur pa yin phyir lang tsho rnams/ /yang dag bsrung ba yin yang thub par dka' ba ste/ /gang phyir 'dod pas lam de las ni 'phrog par byed/ /na tshod 'khogs pa rnams ni rnams ni rnam dpyod ldan pa ste/ /shin tu brtan pa'i gnas skabs mchog tu song ba rnams/ /ngo tsha ba nyid phyir dang song ba ma yin phyir/ /'bad pa nyung ngus zhi ba'i bdag nyid gyur pa'o/ /de nyid phyir na g.yo zhing yul ni gtso bo dang/ /rab mos bzod pa ma yin ring por mthong min la/ /'brog dgon dag la nges par thar nas dbugs phyung bzhin/ /g.yo sgyu mang po'i lang tsho shin tu 'das nas so/ /de phyir mi brtan g.yo la bag med ldan pa yi/ /na tshod gsar ba 'di ni re zhig rnam
- 46a
bar 'ong/ /'dod pa'i lha yi sngon du na tshod 'ben yin la/ /dbang po rnams las bsrung bar nus pa ma yin no/ /ci ste khyed kyi chos nyid mdzad par 'dod pa ni/ /mchod sbyin gyis lha mchod mdzod 'di ni rigs kyi chos/ /mchod sbyin rnams kyis mtho ris logs ni byin rlabs nas/ /lha dbang nyid kyang mtho ris logs su gshags par gyur/ /gser gyi dpung rgyan rnam par bcings pa'i phyag rnams dang/ /nor bu'i sgron mas 'bar ba'i dbu rgyan sna tshogs can/ /mi skyong dang srong rnams dang drang srong chen po rnams ngal bas gar gshegs 'gros der mchod sbyin rnams kyis gshegs/ /de ltar ma ga d+ha yi bdag pos tshig smras pa/ /gang zhig dbang po'i bzhin du smra ba yang dag mdzes/ /sna tshogs du ma'i sa phyogs te se'i? gangs ri ltar/ /rgyal po sras des de thos gyur nas rnam ma g.yos/ sangs rgyas kyi spyod pa zhes bya ba'i snyan dngags chen po las/ /bzo sbyangs sngon du song ba'i le'u ste bcu pa'o// //de nas bshes kyi sgo nas phan pa yin pa'i don/ de ltar ma ga d+ha yi bdag po smras pa yis/ /rang gnas rnam par 'gyur min rigs gtsang gtsang ba'o/ /zas gtsang rgyal po'i sras kyi tshig 'di smras pa'o/ /seng gas? mtshan pa'i yangs pa'i rigs su rab skyes pa/ /khyed kyi cho ga de ni ngo mtshar chem yin/ /gang phyir bshes gnyen phyogs su gshegs 'dod khyod kyi ni/ /yongs su dag pa'i spyod pas spyod pa de yin no/ /rang rigs rjes su spyod pas dam pa min la byams/ /dbang po ma tshang ba la dpal bzhin gnas min la/ /snga mas byas pa'i dga' ba rims rnams kyis/ /de ni dam pa rnams kyis rnam par 'phel bar byed/ /don ni dka' ba rnams su mi rnams gang zhig gis/ /mdza' bo rnams kyi mnyam pa'i don gyur 'jig rten na/ /gshes gnyen de rnams blo yi yongs su shes bgyi
- 46b
sde sta? rang gnas dag ni 'phel bar gang gi phyir ma yin/ /de ltar gang gis rdzas dag thob nas 'jig rten na/ bshes rnams dang ni chos la nges par spyor byed pa/ /de rnams kyis ni nor gyi snying po thob pa ste/ /mthar ni nyams las gdung pa skyed par byed ma yin/ /rgyal po mdza' bo nyid dang 'phags pa nyid kyis kyang/ /khyod kyi nges pa gang zhig bdag la dmigs pa 'di/ /mdza' bo nyid kyi 'dir ni rjes su bsnyad bgyi ste/ /rgol ba gzhan min 'dir ni bdag gis smra bar bgyi/ /bdag gis rga dang 'chi ba'i 'jigs pa rnam rigs nas/ /thar pa 'dod pas chos 'di rab tu thob pa ste/ /gnyen 'dun dga' ba mchi ma'i gdong ldan rnams spangs nas/ /mi dge'i rgyur gyur 'dod pa rnams ni sngon nyid do/ /bdag gi yul rnams dag las ji ltar 'jigs pa nyid/ /de ltar sprul gyi dug rnams la ni mi 'jigs shing/ /nam mkha' dag las 'phos pa'i thog rnams las min la/ /rlung dang bcas pa'i me rnams dag las ma yin no/ /mi rtag 'dod pa rnams kyis dge ba'i nor brku zhing/ /stong pa rmi lam sgyu ma dang mtshungs 'jig rten na/ /yid la smos pa yis kyang smongs par byed pa ste/ /me yi sems ni bdag nyid gnas pa smos ci 'tshal/ kye ma 'dod pas zil gyis non na mtho ris su/ /bde ba thob min 'chi ba'i 'jig rten na smos ci/ rlung grogs ldan pa'i me yi bud shing gis ji ltar/ /sred dang bcas pa'i 'dod pa rnams gyis tshim pa med/ /'gro na 'dod pa rnams dang mnyam pa'i don med med/ /smongs las de rnams kho nar skye bo rab tu chags/ /de nyid shes nas de ltar don med 'jigs pa ste/ /shes ldan su zhig rang gis don med mngon par 'dod/ /rgya mtsho'i gos can sa ni kun nas kyang/ rgya mtsho chen po'i pha rol dral bar 'dod pa ste/ /rgya mtsho'i chu rnams dang chu bran rnams kyis ltar/ /'jig rten pa yi 'dod pa rnams kyis ngoms pa med/ /lha yis gser gyi char pa dag kyang phab gyur la/ /gling rnams bzhi po mdza' dag la yang longs spyad de/ /brgya byin gyis kyang gdan phyed dag kyang rab thob nas/ nga la
- 47a
nu ni yul rnams dag la ngoms pa med/ /lha na lha rnams kyi yang rgyal srid longs spyad nas/ /mchod sbyin brgya pa lha min 'jigs las rab nyams tshe/ /rgyags las drang srong chen po rnams la'ang khur bcol nas/ /'dod pa rnams la ngoms med sgra med lhung bar gyur/ /e la'i rgyal pos mtho ris rnams ni rnam dkrugs te/ /brla mdzes lha mo de nyid dbang du byas nas kyang/ /sred phyir drang srong rnams la gser dag phrogs pa ste/ /yul rnams la ni ngoms med nyams par song bar gyur/ /lha min las ni dbang chen dbang chen las dgra med/ /dgra med las slar dbang chen gang du nyer song ste/ /mtho ris dang ni sa 'am yul ni de rnams su/ /bskal pa'i tshogs 'khrugs rnams la su zhig blo gtang byed/ /shing shun gos can rtsa ba 'bras bu chu za zhing/ /lag 'gro'i sprul ltar ring ba'i ral pa'i khur rnams kyang/ /gang gis don gzhan ma yin thub pa yang nyams te/ /'dod pa zhes bya'i dgra bo rnams ni su yis chol/ /rno ba'i mtshon cha dang ni rno 'dzin mtshon cha yang/ /gang gi don du 'jigs te las ni 'chi thob la/ /de dag rnams kyi dge min sems kyang spyod rnams kyi/ /'joms phyir de phyir brtul zhugs rnams kyis smos ci dgos/ /yul rnams su ni mya ngan nyung ngur shes gyur nas/ /kun nas sbyor zhing mchog tu ngoms pa med pa nyid/ /dam pa rnams kyis smod cing nges par sdig pa ste/ /'dod pa'i ming can dug ni su yis len par byed/ /zhing gis las la sogs pa rnams kyis nyam thag cing/ /'dod pa rnams la mi char rnams kyi rang gnas dang/ /'dod pa'i bdag nyid rnams kyi rang gnas thob nas ni/ /'dod pa rnams ni spong bar sems ldan rnams kyis nus/ /grub 'gyur 'dod pa rnams su rgyags pa nyer 'thob phyir/ /'dod pa can la 'dod 'byor rgud pa shes bya ste/ /rgyags las bya ba min byed bya ba ma yin la/ /gang gis zad cing ngan 'gror nye bar 'gro bar 'gyur/ /gang la
- 47b
'bad pas thob cing yongs su bskyangs pa rnams/ rnam par bslus nas slar yang so sor 'gro ba ste/ /bdag nyid ldan pas g.yar bo dang mtshungs de rnams su/ /'dod pa rnams la 'di na mkhas pa su zhig dga' / /btsal nas dang ni blangs nas skom pa skyes pa yi/ gang rnams mi 'dor sdug bsngal bar ni yongs 'gro la/ /'jig rten dag na rtswa sgron dang mtshungs de rnams su/ /'dod pa rnams la sems ldan su yi dga' ba yin/ /bdag ldan min pa'i snying la gang gis rnam rmugs te/ /rnam par nyams par 'gro 'gyur bde bar 'gro min zhing/ /kun nas khros pa'i sprul dang rab mtshungs de rnams su/ /'dod pa rnams la sems ldan su yi dga' ba yin/ /ltogs pas nyam thag khyi bzhin rus pa zos nas kyang/ /gang rnams la ni ngoms par 'gyur ba ma yin nyid/ /'khogs pa'i rus pa'i keng rus dang mnyam de rnams su/ /'dod pa rnams la sems ldan su yi dga' ba yin/ /gang gi rgyal po rkun po chu dang me rnams las/ /thun mong gyur ba nyid phyir sdug bsngal skyed byed de/ /rab tu gtor ba'i sha dang mtshungs pa de rnams su/ /'dod pa rnams la sems ldan su yi dga' ba yin/ /dgra bo dang ni gnyen 'dun 'brel pa rnams las kyang/ /gang la gnas pa rnams ni skyen par rgud pa ste/ /skye mched dang mtshungs nye bar 'tshe ba de rnams su/ 'dod pa rnams la sems ldan su yi dga' ba yin// ri dang nags dang chu dang rgya mtsho rnams su yang/ /gang la rnam par 'phyo ba rnams ni lhung 'gyur te/ /ljon shing rtse mo'i 'bras bu dang mtshungs de rnams su/ /'dod pa rnams la sems ldan su yi dga' ba yin/ /rnam pa sna tshogs 'bad pa drag po 'thob pa rnams/ gang gi skad cig gis 'dir nyams par 'gyur ba ste/ /rmi lam nye bar longs spyod dang mtshungs de rnams su/ /'dod pa rnams la sems ldan su yi dga' ba yin/ /gang rnams bsgrubs nas dang ni snam par spel nas dang/ /yongs? su? skyangs nas kyang ni bde
- 48a
bar 'gro min la/ /lci ba'i me ma mur dang rab mtshungs de rnams su/ /'dod pa rnams la sems ldan su yi dga' ba yin/ /gang gi don du sgra ngan rnams ni nyams gyur la/ /ro bsregs shing dang rab tu mtshungs pa de rnams su/ 'dod pa rnams la bdag ldan su yi dga' ba yin/ /lha min mdzes sbyin dang ni nye ba'i mdzes sbyin dag/ /gang gi don du phan tshun dgrar song nyams gyur la/ /mdza' bshes gyur cing rnam par 'bral ba de rnams su/ /'dod pa rnams la sems ldan su yi dga' ba yin/ /gang dag rnams kyi don du chu dang me la dang/ /sha za rnams la bdag nyid 'dir ni 'dor ba ste/ /dge ba ma yin dgra bor gyur pa de rnams su/ /'dod pa rnams la sems ldan su yi dga' ba yin/ /bshes med 'dod pa'i don du bkren por byed pa ste// gsod dang 'ching ba la sogs sdug bsngal rab thob la/ /'dod pa'i don du sems ni bkren pa'i dka' thub can/ /gson pa'i 'jig rten 'ching ba dang ni ngal bar 'gro/ /ri dags rnams ni gsod phyir glu yis 'phrog byed la/ /gzugs kyi don du phye ma leb rnams mer mchong zhing/ /sha dag don gnyer nya yis lcags ni za ba ste/ /de phyir yul rnams don med nyid du 'bras bu smin/ /'dod pa'i longs spyod yin zhes gang gi blo yin la/ /kha cig longs spyod rnams ni yongs su spyod pa ste/ /gos sogs rdzas kyi yon tan yin phyir 'jig rten na/ /sdug bsngal zhi bar byed ces rab tu gzung bar bya/ /skom pa rab tu zhi phyir chu dag 'dod pa ste/ /bkres pa rnam par nyams phyir bza' ba de bzhin du/ /rlung dang gdung ba sgrib pa'i ched du khang pa ste/ /'doms dang grang ba sgrib pa'i phyir ni bgo ba'o/ /de bzhin nyid ni rnam par 'joms phyir gnas yin la/ /de bzhin lam la dal ba nyams phyir theg pa ste/ /de bzhin gnas ni rnam par spyod phyir stan yin la/ /gtsang dang nad med stobs la brten phyir khrus yin no//
- 48b
sdug bsngal rab tu zhi ba'i ched du gyur pa ste/ /de bzhin skye dgu rnams kyi yul nas longs spyod min/ /rab tu zhi ba'i tshe gdar? bzhugs shes rab can/ /longs spyod rnam ni bza' zhes su yis khas len byed/ /gang zhig 'gro ba'i gdung bas rnam par gdungs pa yin/ /longs spyod yin zhes grang ba'i bya bar nan tan byed/ /sdug bsngal zhi ba'i bdag nyid la ni rab 'jug cing/ /des ni 'dod pa rnams la longs spyod 'du shes byed/ /gang phyir 'dod pa rnams la mdza' gcig gyur min te/ /de phyir bdag gi de la longs spyod 'du shes med/ /dngos po gang nyid kyis ni bde ba ster byed pa/ /de nyid kyis ni slar yang sdug bsngal 'dren par byed/ /bgo ba lci mo dang ni lci ba ma yin nyid/ /grang dang dro ba'i tshe na bde dang bde min la/ /zla 'od rnams dang tsan dan nyid kyang dro ba na/ /bde ba'i phyir dang sdug bsngal phyir yin grang ba na'o/ /gang phyir rnyed dang ma rnyed? la sogs 'jig rten na/ /kun gyi gnyis su 'dzin pa rnams ni rab zhugs te/ /de phyir mdza' gcig bde ba yod pa ma yin zhing/ /sa na skyes bu kha cig mdza' cig sdug bsngal min/ /bde dang sdug bsngal nyid ni rnam par 'dres mthong nas/ /rgyal srid dang ni bran nyid mnyam pa bdag gi lugs/ /rgyal po nyid ni rtag par rgod pa ma yin zhing/ /dran ni kun nas gdung ba nyid kyang ma yin no/ /gang phyir mi skyong nyid du bka' lung lhag par gyur/ de phyir rgyal po'i sdug bsngal dag ni chen po nyid/ /kun nas bsten pa'i shing dang rab mtshungs rgyal po ni/ /sred pa'i rgyu las yongs su dal bar 'gro ba nyid/ /rgyal srid 'dor ldan bshes min mang por mi skyong gis/ /gal te blo gtad 'cha' bar gyur na rgud? pa ste/ /ci ste yang na blo gtad nye bar byed min na/ /'dir ni 'jigs ldan rgyal po'i bde ba zhes bya ci/ /gang tshes ni mdza' dag rgyal bar gyur nas kyang/ /gnas pa'i ched du grong khyer gcig pu nyid mthong zhing/ /de nyid la yang pho brang gcig pu bsnyen
- 49a
bya ste/ /rgyal por gyur pa pha rol don du ngal lam ci/ /rgyal po sdod pa'i gnas kyang mnya' shing gcig nyid de/ /de bzhin bkres pa 'gegs phyir bza' ba tsam yin la/ /de bzhin nyal lam gcig dang stan ni gcig nyid de/ /lhag dang lhag min mi skyong gis ni rgyags phyir ro/ /gal te tshim pa'i don du 'bras bu de 'dod na/ /rgyal srid rnams dang bral yang bdag ni tshim pa yod/ /tshim pa yod par gyur na skyes bu'i 'jig rten na/ /khyad par med pa ma yin thams cad khyad par ro/ /de phyir dge dang zhi ba'i lam ni rab thob pa/ /kho bo 'dod pa rnams la bslu bya ma yin la/ /mdza' bshes nyid du dran par byas nas yang dang yang/ /dam bca' nges par skyong zhes bdag la smras pa'o/ /bdag ni nags su zhugs pa mi bzod pas min la/ /dgra bo'i mnga' rnams kyis ni mgo bo 'dar ba min/ /'bras bu lhag pa rnams las re ba byas min te/ /de phyir khyed kyi tshig de bzung ba ma yin no/ /gang zhig yang yang shin tu sos 'debs khros pa'i sbrul/ /spangs nas slar yang len pa la ni nan tan byed/ /yang na sreg pa'i rang bzhin 'bar ba'i rtswa yi me/ /spangs nas 'dod pa rnams ni slar yang de yis brten/ /gang zhig ma long long ba'i phyir ni 'dod pa ste/ /grol ba 'ching ba'i phyir dang phyug po nor mod phyir/ /rang bzhin gnas pa'i sems ni bsnyon pa'i sems phyir la/ /yul gyi bdag nyid phyir ni 'dod par de yis byed/ /gang zhig 'dir ni mchog tu zhi ba'i bde ba dang/ /gzhan du sdug bsngal rnams ni kun nas sgrib pa ste/ /byed ldan rga dang 'chi ba'i 'jigs las sgro pa 'dod pa/ /slongs mo nye bar rgyu zhes rjes su brtse bya min/ /gang zhig 'dir ni zhi ba'i bde ba 'thob min la/ /gzhan du sdug bsngal rnams kyis rab tu 'dzin byed cing/ /phun tshogs chen po'i bdag nyid la yang rnam gnas pa'i/ /sred pa zil gyis non la
- 49b
rjes su brtse bar bya/ /sems dpal yi dang spyod pa yi dang rigs nyid kyi/ /khyod kyis brjod pa la ni rjes su mthun pa ste/ /sems dpa' yi dang spyod pa yi dang rigs nyid kyis/ /kho bo yi yang dam bca' 'dren par mtshungs pa'o/ /bdag kyang 'khor ba'i mnga' yis rnam phug pa/ /zhi ba thob pas 'dod pas rnam par nges 'byung ste/ /nad med mtho ris na yang rgyal srid 'thob pa ru/ /'dod pa med na kye ma mi rnams su smod ci/ /mi skyong gang yang sde gsum mdza' dag brten pa 'di/ /rab mchog mi yi don zhes khyed kyis bdag la smras// de ltar don med ces ni bdag gis brten pa 'dir/ /mdzad ldan sde mchan gsum ni tshim byed kyang ma yin/ /gang du dga' bar 'gro min 'jigs min nang ma yin/ /skyo min nye bar 'da' min sems kyi nang rnams ni/ /gang na yang dang yang du bya ba yod min pa/ /de nyid skyes bu'i don ni mchog tu shes pa'o/ /ji srid na tshod so ma rnam par 'gyur bar 'gro/ /de srid dga' ba yongs su skyongs mdzod zhes smras pa/ /'di ni nges pa ma yin g.yo bar mthong ba ste/ /rga ba brtan pa min dang lang tsho brtan ldan mthong/ /rang gi las mkhan mthar byed gang gi 'gro ba ni/ /na tshod kun la dbang med rnam par 'gugs pa ste/ /rnam gzhag ma yin rnam par nyams tshe gang ltar ni/ /zhi 'dod mkhas pa dag gis dga' ba rtogs par byed/ /gang tshe rga ba'i gzhu dang nad rnams bkram pa'i mda'/ /mthar byed dge ba ma yin rngon pa bzhin gnas pas/ /skye dgu'i ri dags bskal pa'i nags rten rnams gtor te/ /na tshod rab mchog la dmigs yid la re ba yi/ /de phyir gzhon nam rgan dang yang na byis pa ni/ /rab tu 'jug par 'dod ngam rnam par ldog pa nyid/ /chos ldan bdag nyid byas pa ji lta bar gyur pa/ /de ltar myur ba ldan pas 'dir ni bya bar 'os/ bdan? 'dod pa'i 'bras bu rigs su 'os pa rnams/ /chos phyir mchod sbyin bya ba gyis zhes gang smras pa/ /gang zhig gzhan gyi sdug bsngal bya bas 'dod pa ste/ /mchod sbyin rnams
- 50a
la phyag 'tshal bde ba 'dod ba med/ /'bras bu 'dod pas dbang med pa rol gsod pa la/ /snying rje'i bdag nyid dam pa rnams kyi rigs tshul man/ /gang yang mchod sbyin dag gis 'bras bu rtag gyur pa/ /snying rje'i bdag nyid gang gi da? ltar byas nas ci/ /sems ni zhi ba yis sam tshul khrims brtul zhugs kyis/ /gal te chos tshul gzhan gyi cha ga ma yin la/ /de lta na yang mchod sbyin bsnyen par 'os yin te/ /gang du gzhan la 'ches nas 'bras bur brjod pa'o/ /'di nyid du yang re zhig skyes bu gnas pa yi/ /bde ba gang zhig pha rol 'tshe bas rab zhugs pa/ /de yang brtse bcas blo dang ldan pa'i 'dod yin te/ /gang zhig srid pa'i tha mar mi mthong kye ma ci/ /rgyal po 'khor bar bdag gi yid ni dga' med cing/ /'bras bur rab tu 'jug phyir bdag ni bslu bya min/ /chu 'dzin char gyis brgyab pa'i ljon shing bzhin du ni/ /kun tu song ba'i rab tu 'jug pa rnams ni g.yo/ /rnam par thar pa smra ldan rtsibs phur thub pa ni/ /blta bar 'dod pas bdag ni 'dir yongs de yi phyir/ mi skyong khyod la dge bar gyur cig nga ni 'gro/ /bdag gi nga nyid ltos med dag ni bzod par mdzad/ /lha na dbang po bzhin bsrungs rtag par nyid bzhin bsrungs/ /yon tan gyis bsrungs sa srungs 'dir ni dge legs bsrungs/ /tshe srungs 'phags pa yis srungs ngam pa'i bu rnams dang/ /dpal srungs rgyal po'i bdag nyid kyis ni chos srungs shig/ /kha pa'i dgra yi rtag las skyes pa las skyes nas/ /ji ltar gnyis skyes gang zhig lus ni rnam thar 'gro/ /kha ba'i dgra? yi dgra yis khyim gyi dgra 'joms nang/ /nang du de ltar gang zhig yid ni rnam par thar gshogs mdzod/ /thal mo sbyar bcas re thob mi skyongs gis smras pa/ /khyed kyis ji ltar 'dod pa gags med thob par shog /bya ba byas pa kun nas thob pa dus su 'dod/ /kho bo yi
- 50b
yang rjes su 'dzin pa khyed kyis mdzad pa'o/ /de ltar gyur ces brtan pa'i dam bca' mdzad nas sa skyong la/ /da nas de ni thams cad sgrol gyi dka' thub gnas su gshegs/ /yongs su gshegs pa de mthong nas kyang ya mtshan gyur pa yi/ /mi skyong nyid kyang ri yi cho gas kyi grong khyer nyid du song/ /sangs rgyas kyi spyod ba zhes bya ba'i snyan dngags chen po las/ /'dod pa la rnam par smod pa'i le'u ste bcu gcig pa'o// //de nas lus kyi gang ba bzhin/ /bu ram shing pa'i zla ba yis/ /zhi bar gnas pa'i thub pa yis/ /rtsibs phur gyis na gnas su bsnyen/ /sgyu rtsal shes kyi rigs de yis/ /rgyang nas gzigs nas mthon po yis/ /legs par 'ongs zhes smras pa ste/ /drung du nye bar gshegs pa'o/ /de gnyis phan tshun rigs par ni/ /khams ni snyoms par dris nas su/ /shing gtsang brtul zhugs gdan dag la/ /sa phyogs gcad bar bzhugs pa'o/ /bkur mang rnam par yang pa yi/ /lta byed dag gis 'thung ba bzhin/ /mi skyong sras po bzhugs de la/ /thub pa mchog nges smras pa'o/ /zhi ba nga? dag gis shes pa ltar/ /khyim nas nges par 'byung bar 'gyur/ /gnyis 'thung rgyags pas zhags pa ltar/ /rtse ba'i zhags pa bcad nas 'ongs/ /khyod kyi yid ni shes rab dang/ /kun nas brtan pa ldan pa nyid/ /dug gi ljon pa'i 'bras bu bzhin/ /gang khyod dpal dong nas 'ongs so/ /longs spyad lhag ma'i phreng ba bzhin/ /bu rnams dag la dpal byin nas/ /sa skyong 'khogs pa'i na tshod rnams/ /gang zhig nags 'ongs ngo mtshar min/ /bdag gi lugs ni ngo mtshar te/ /so ma'i na chad la khyod kyis/ /yul gyis spyod yul la gnas pa/ /dpal nyid longs ma spyad nas 'ongs/ /de phyir chos 'di shes pa la/ /khyod ni dam pa'i snod yin la/ /ye shes grub bo byin rlabs nas/ /skyen par sdug bsngal rgya mtsho sgrol/ /gang yang slob mar shes pa na/ /dus kyis bstan bcos la 'jug ste/ /
- 51a
zab pa las dang nan tan las/ /bdag gis yongs rtog khyod me yin/ /de ltar rtsib 'phur nyid kyi tshig /mi yi drang srong des gsan nas/ /mchog tu bka' bar gyur pa yis/ /lan gnyis rab tu smras pa'o/ /don ma byas kyang 'di yi ni/ /don byas bzhin du da lta nyid/ /chags dang bral ba gang 'di ni/ /dam pa khyed kyi mngon du gyur/ /blta bar 'dod pas 'od bzhin dang/ /sgrol bar 'dod pas gru bzhin dang/ /'gro bar 'dod pas lam mkhan bzhin/ /khyed mthong ba la bdag gis shes/ /rga dang 'chi ba'i 'jigs rnams las/ /gal te gsung byar dgongs nas ni/ /de phyir gsung bar 'os pa'o/ /de ltar rtsibs 'phur gyis gzhon nu'i/ /bdag nyid che las bskul ba nyid/ /rang nyid kyi ni bstan bcos kyi/ /nges par mdor bsdus gsungs pa'o/ /ji ltar 'khor ba yin pa la/ /ji ltar nges par ldog pa nyid/ /nyan pa rnams kyi mchog grub mdza' / /kho bo'i 'di ni gson mdzod cig /rang bzhin dang ni rnam 'gyur dang/ /skye dang 'chi dang rga ba ste/ /re zhig sems dpa' zhes brjod pa/ /brtan pa'i sems dpa' de shes mdzod/ /de la rang bzhin shes bya ba/ /rang bzhin shes pa shes par mdzod/ /'byung ba lnga yi bdag nyid dang/ /blo dang mi gsal ba nyid do/ /rnam 'gyur zhes bya mkhyen par mdzod/ /yul rnams dang ni dbang po rnams/ /lag pa rkang pa dag dang ni/ /'phongs dang 'doms dang de bzhin yid/ /'di yi zhing ni shes pa la/ /zhing shes pa zhes bya ba ste/ /zhing shes pa zhes bdag nyid du/ /bdag tu bsam byed rnams kyi smras/ /slob ma dang bcas ser skya yis/ /'dir ni rab tu rtogs zhes don/ /bu dang bcas pa'i rtogs pa dang/ /skye dgu'i bdag por 'di brjod do/ /skye ba nyid dang rka ba dang/ /na ba dang ni 'chi ba gang/ /de ni gsal zhes rtogs bya ste/ /bzlog las mi gsal ba yang ngo/ /mi shes
- 51b
pa dang las dang sred/ /'kher pa'i rgyu rnams shes bya ste/ /gsum po 'dir gnas 'gro ba ni/ /snying stobs de ni 'da' ba med/ /log pa las dang ngar 'dzin las/ /the tshom las dang mngon 'phyo las/ /khyad par steng? las thabs min las/ /chags pa las dang mngon lhung las/ /de la log pa zhes bya ba/ /phyin ci log tu 'jug pa ste/ /bsam par bya ba gzhan sems zhing/ /bya ba gzhan ni phyed pa'o/ /smra pa nga dang rig pa nga/ /'gro ba nga dang gnas pa nga/ /de ltar 'di ni ngar 'dzin pa/ /ngar 'dzin med kyi 'jug pa'o/ /gang zhig the tshom med dngos rnams/ /gcig tu gyur pas mthong ba ste/ /the tshom med pas 'jim gang ltar/ /de 'dir the tshom du brjod do/ /gang zhig nga nyid de nyid 'di/ /yin dang blo dang las yin la/ /gang zhig drangs te de nyid ded/ zhes gang de ni mngon par 'phyo/ /rab rgyas rab rgyas ma yin pa'i/ /khyad par med pa'i khyad shes kye/ /rang bzhin rnams kyi gang shes pa/ /de ni khyad par med ces dran/ khyag 'chal ba dang gzhi mi 'grib/ /gsang gtor ngar ni mngon mthor sogs/ /thabs min zhes ni shes ldan gyis/ /rab tu rtogs bya thabs shes kye/ /chags la mi skye yul rnams la/ /yi dag blo dang las rnams kyis/ /blo ngan gang gis chags byed pa/ /de ni mngon par chags zhes dran/ /bdag gi 'di dang 'di bdag ces/ /gang zhig sdug bsngal mngon snyam ste/ /gang zhig 'khor bar ltung zhes bya/ /de ltar mkhas kyi ma rig pa/ /gnas skabs lnga ni rab theb ste/ /mun pa smongs pa smongs pa che/ /mun las gyur pa gnyis nyid do/ /de la mun pa le lor dang/ /rmongs pa skye 'chir rtogs par mdzod/ /rmongs pa chen po 'dod pa zhes/ /kun nas rmongs med mkhyen par mdzod/ /gang phyir 'di na 'byung rnams kyi/ /chen por yang na rab rmongs byed/ /de phyir phyag chen 'di dag ni/ /rmongs pa chen po zhes dran ne/ /mun las gyur pa khro nyid du//
- 52a
lhag par byed pa'o bro med kyi/ /mi shes mun las gyur pa ni/ /skyo bar rab bshad skye med kye/ /ma rig pa 'dis byis pa ni/ /gnas skabs lnga dang ldan pa ste/ /'khor bar sdug bsngal gyur pa yi/ /skye ba rnams su bab par byed/ /lta bo nyam? po shes pa po/ /bya ba dang ni rgyu nyid dag/ da zhes de ltar 'ongs nas ni/ /'khor bar yongs su 'khor bar byed/ /blo ldan rgyu 'di rnams kyis 'di/ /skye ba'i rgyun la rab tu 'jug /rgyu med pa las 'bras bu med/ /de ltar rnam par shes par 'os/ /de la rab rgyas rab rgyas mig/ gsol ba dang ni mi gsal nyid/ /thar pa 'dod pa bzhin rnams te/ /yang dag 'gro ba rigs par mdzod/ /bzhi po de dag ji lta bzhin/ /'gyur med go 'phang 'thob par byed/ /de phyir 'jig rten na tshangs pa/ mchog tu tshangs par smra ba rnams/ /tshangs pa'i spyod pa spyod byed 'dir/ /tshangs pa rnams kyi gnas par byed/ /mi skyong sras kyis thub pa de'i/ /tshig 'di de ltar gsan nas ni/ /mthar thug go 'phang nyid dang ni/ /thabs mngon pa dag dran pa'o/ /ji ltar ji srid gang du ni/ /tshangs pa'i spyod pa 'di spyad cing/ /chos 'di yis ni mthar thug pa/ /khyod kyis rnam par bshad par 'os/ /de ltar thub pas bstan bcos lta/ /rnam gsal don ni mdor bsdus pas/ /cho ga'i rtog pa gzhan nyid kyis/ /chos de de la smras pa'o/ /'dis ni dang por khyim spangs nas/ /slongs mo'i rtags ni brten pa ste/ /phrin las rnam par rgyas pa yi/ /tshul khrims blangs nas 'jug par byed/ khyed ldan rtsod med bstan bcos rig/ mchog tu tshim pa la gnas nas/ /gang dang de yis gang dang der/ /rnam dben gnas ni brtan pa'o/ /de nas chags las 'jigs mthong nas/ /chags pa med las mchog zhi yang/ /dbang po'i grong ni nges bzung ste/ /yid la zhi ni 'bad pa byed/ /de nas
- 52b
'dod pa zas las dang/ /gnod sems sogs las rnam dben nyid/ /bsam gtan dang po rnam dpyod ldan/ /rnam par dben pa las skyes thob/ /bsam gtan bde ba de thob nas/ /de dang de nyid rnam dpyod cing/ /sngar med bde ba thob pa yis// byis pa'i skye bo 'phrog par byed/ /'dod dang sdang ba rnam smad pa'i/ /zhi ba'i cho ga de 'dra 'dis/ tshangs pa'i 'jig rten thob pa ste/ /yongs su tshim pas gnas pa'o/ /rnam dpyod yid ni skyo byed rnams/ /mkhas par rnam par shes nas kyang/ /de las rnam par grol pa ni/ /bsam gtan dga' ba'i bde ldan thob/ /gang zhig khyad par ma mthong zhing/ /dga' ba de yis phrogs pa de/ /'od gsal ba yi lha rnams su/ /'od gsal ba yi gnas 'thob bo/ /gang yang dga' ba'i bde de las/ /yid ni rnam par dben byed pa/ /dga' ba'i bde ba dang brel ba/ /bsam gtan gsum pa thob par byed/ /de 'dra'i bde ba 'dir thob nas/ /gang zhig chags min btang snyoms shing/ /bde dang sdug bsngal rnam spangs pa'i/ /bsam gtan bzhi pa thob par byed bde dang sdug bsngal zhi phyir dang/ /sems kyi bya ba med pa'i phyir/ /thar zhes mngon pa'i nga rgyal gyis/ /der yang kha cig 'bad pa byed/ /bsam gtan de yi 'bras bu ni/ /'bras bu che bas lhas mnyam par/ /yongs spyod shes rab che rnams kyis// chen po'i dus su smra ba'o/ /ting 'dzin de las rnam langs sing/ /lus skyes skyon rnams mthong nas ni/ /lus la rnam par ldog pa'i phyir/ /shes ldan bsam gtan la 'jog go /de nas bsam gtan de bor nas/ /khyad par la ni nges byas pa'i/ /shes rab ldan de 'dod las bzhin/ /gzugs rnams las kyang chags pa med/ /lus 'di la ni kha gang du/ /de la yongs su rtog pa ste/ /de nas rdzas sdug rnams la yang/ /nam mkhar lhag par mos par byed/ /nam khar song ba'i bdag nyid du bsdus nas gzhan du blo
- 53a
ldan gyis/ de nyid mdza' med par mthong zhing/ /khyad par 'phags pa lhag par 'thob/ /nad la mkhas pa gzhan dag ni/ /bdag nyid bdag nyid kyis bzlog nas/ /ci yang med ces mthong ba ni/ /ci yang med pa zhes dran no/ /de nas gyur nas bya bzhin dang/ /lgang bu dag nas srin bal bzhin/ /zhing shes lus las 'thon pa las/ /thar pa zhes ni mngon par brjod/ /de nyid shes pa'i mkhas pa yis/ /gang zhig thar pa zhes brjod pa/ /'di de tshangs pa dam pa ste/ /rtags med rtag cing 'gyur ba med/ /de ltar thabs dang thar ba dag /bdag gis khyod la brtan pa ste/ /gal te shes shing gal te seng/ /ji lta ba bzhin rtogs par mdzod/ /rgyal 'dod bu dang skyed byed dang/ /gzhan mi 'brang ba rgan po dang/ /thar pa 'dod pa gzhan rnams kyang/ /lam 'di thob nas grol bar 'gyur/ /de yi dam pa'i tshig 'di dang/ /rnam par dpyod pa yang bzung nas/ /sngon du rgyu yi stobs thob pas/ /lan ni smras par gyur pa'o/ /gong nas gong du zhi ba yi/ /ye shes phra mo 'di thos shing/ /zhing shes yongs su ma btang phyir// de ni mthar thugs min par go/ /rnam 'gyur dang ni rang bzhin las/ /zhi dang shes grol yang kho bo yis/ /rab tu skye ba'i chos su dang/ /sa bon chos su snyam pa'o/ /gang yang rnam dag bdag nyid ni/ /nges par thar zhes rtog pa ste/ /slar yang rkyen dag yod pa las/ /de ni grol bar mi 'gyur ro/ /ji ltar dus sbyor sa dang chu/ /me las sa bon skye ma yin/ /de bzhin rkyen ni de rnams kyis/ /skye ba de yang bdag gi lugs/ /gang zhig mi shes las sred rnams/ /spangs las thar ba rtogs byed pa/ /de ni mchog tu yongs spong ba/ bdag yod gyur na yod ma yin/ /spangs nas spangs nas gsum po 'di/ /khyad par du yang nyer 'thob cing/ /gang du bdag ni gnas gyur pa/ /der ni gsum po 'di phra'o/ /skyon rnams phra ba nyid las dang/ /sems kyi bya ba med
- 53b
las dang/ tshe ni ring ba nyid las kyang/ /thar par kyang ni yongs su rtogs/ /dar 'dzin par ni yongs spong bar/ /gang de yongs su rtog byed la/ /bdag spyod gyur nas dar 'dzin pa/ /yongs su spong ba yod ma yin/ /drang srong rnams kyis ma spangs pa/ /'di ni yon tan med ma yin/ /de phyir yon tan med gyur na/ /'di yi thar par mi brjod do/ /yon tan can gyi yon tan gyi/ /ldog pa yod pa ma yin te/ /gzugs dang do ba dang bral ba'i/ /me ni nye bar 'thob ma yin/ /lus las sngon lus can dang ni/ /yon tan las sngar yon tan can/ /ma yin de phyir dang por grol/ /lus bzhin slar yang 'chad par byed/ /zhing shes lus dang rnam bral ba/ /shes pa yin nam shes min nyid/ /gal te shes 'di shes bya yod/ /shes bya yod na mi grol lo/ /ci ste khyod la shes mi 'grub/ /bdag tu rtog pas ci zhig bya/ /bdag dang bral yang shes pa ni/ /rab grub shing dang rtsig pa bzhin/ /gang phyir gong nas gong du ni/ /de ltar rtsibs 'phur gyi ni chos/ /mkhyen nas de ni ma chim zhing/ /mdza' dag min zhes shes nas su/ /de nas so sor gshegs pa'o// de nas khyad par tshos 'dod pa/ /lhag spyod kyi ni gnas su gshegs/ /de yi bdag tu 'dzin las kyang/ /des ni lta bar sred ma gyur/ /'du shes 'du shes med pa'i skyon/ /thub pa lhag spyod kyis shes nas/ /'du shes 'du shes med bdag min/ /cung zad med las gzhan 'gro thob/ /gang phyir dmigs pa phra mo ni/ /'du shes 'du shes med las gzhan/ /'du shes med min 'du shes min/ /de phyir der ni re 'dod med/ gang phyir der ni bla gnas shong shing/ /gzhan du rab tu rgyu ba med/ /phra zhing rno ldan de phyir der/ /'du shes med min 'du shes med/ /de phyir de yang rab thob nas/ /slar yang 'gro ba 'khor ba ste/ /byang chub sems dpa' mchog 'dod pas/ /de phyir ltag spyod dor ba'o/ /de nas de yi gnas thob nas/ /dge legs de na gnyer nges byas nas/ /gang yang rgyal ba'i drang srong
- 54a
gi/ grong khyer zhes bya'i gnas bsnyen no/ /de nas nai rany+dzana'i 'gram/ /gtsang mar gtsang zhing pha rol gnon/ /dben pa'i gnas ni mngon 'dod pa'i/ /thub pa yis ni gnas mdzad do/ /de nas de ni sngar brten zhing/ /dbang po lnga yi dbang las khengs/ /mun pas bsnyen pa'i brtul zhugs can/ /dge slong lnga rnams nges gzigs so/ /bsod nams kyis bsgrubs nor nad med/ dbang don rnams kyis dbang phyug bzhin/ /dge slong de rnams kyis kyang 'dir/ /de mthong gyur nas nye bar gnas/ /de'i dbang gi gnas slob ma rnams/ /dbang po g.yos pas yid bzhin du/ /rab tu de rnams kyis mchod cing/ /rnam par dul las rjes su 'jug /'chi dang skyes pa mthar byed la/ /de nas thabs ni 'di yis zhes/ /bza' ba med par de yis ni/ /dka' thub gdung ba rnams brtsams so/ /bsnyun gnas cho ga du ma rnams/ /mi yis spyod dka' rnams mdzad cing/ /las ni thob bzhed lo drug tu/ /bdag gis sku lus ring par mdzad/ /pha mdza' med pa'i 'khor ba yi/ /pha rol thob par 'dod pa nges/ bza' ba'i dus su til dang 'bru/ rab sha rnams ni re re gsol/ /dka' thub gdung ba des de yi/ /sku las bri bar byas pa gad/ /slar yang de yi gzi brjid kyis/ /sku lus nye bar 'phel byas gyur/ /ston ka'i dkar phyogs dang po yi/ /zla bas ku mu da rnams bzhin/ /rid kyang dpal grags ris min zhing/ /gzhan gyi mig rnams tshim par mdzad/ /rus lpags lhag ma lhag med par/ /tshil dang sha dang khag rnams kyis/ /zad kyang zab mo ma zad par/ /rgya mtsho bzhin du de mdzes so/ /de nas sangs rgyas nyid 'dod pas/ /dal dub gdung bas don med bsal/ /nyon mongs lus can thub pa ni/ /srid las 'jigs pa blo mdzad do/ /chos 'di chags bral phyir min zhing/ /rtogs phyir ma yin thar phyir min/ /de tshe 'dzam bu'i rtsa bar gang/ /bdag gis thos te nges
- 54b
pa yin/ /'di ni stobs chung gis thob par/ /nus pa med phyir gus 'ongs shing/ /sku yi stobs ni 'phel don du/ /slar yang 'di ni rjes su bsam/ /bsres dang skom pas yongs bcer zhing/ /dal las rang gnas med pa'i sems/ /yid kyis theb bya'i 'bras bu ni ldog pa med pa gang gis 'thob/ /rtag par dbang po tshim pa las/ /yang dag gnas pa 'thob pa ste/ /dbang po yang dag tshim nyid kyi/ /yid ni rang bzhin gnas pas thob/ /dang zhing rab dang yid kyi ni/ /ting 'dzin nye bar skye ba ste/ /ting 'dzin gyis sbyar sems kyi ni/ /bsam gtan sbyor ba rab tu 'jug/ /bsam gtan rab tu zhugs pa las/ /rnyed dka' zhi zhing dga' med mchog /'chi med go 'phang de chos rnams/ /gang gis thob par ba thob bo/ /de phyir bza' ba rtsa ba ste/ /'di ni thabs zhe nges pa yin/ /bza' ba byed la brtan pa ni/ /dpag med blo yis blo mdzad nas/ /khrus byas nai rany+dza 'gram nas/ /lag byin 'gram gyi ljon shing ni/ /gud pa yid dung yal ga'i rtses/ /sku lus red pa dal bus drangs/ /de nas lha rnams kyis bskul ba'i/ /ba glang skyong ba bdag mo ni/ /snying la dga' skyes 'gyur ba yi/ /dga' stobs ma ni der 'ongs so/ /dung dkar gyis 'bar lags pa can/ /la ba sngon po gon pa mo/ /lpu ba dang bcas chu sngon phreng/ /chu mchog ya mu na bzhin no/ /spyan mig utpal rab rgyas shing/ /dad pas 'phel ba'i dga' ma nges/ /de la mgo yis rab btung nas/ /'o ma drangs par gyur pa'o/ /des de gsol nas nga la ni/ /skye ba'i 'bras bu thob byas nas/ /yang dag dbang po drug tshim ste/ /byang chub 'theb par nus par gyur/ /phul byung rgyas pa'i sku mnga' zhing/ /rang gi grags bcas thub pa ni/ nus gyur rgya mtsho gnyis dag gi/ /mdzes dang brtan pa gcig pos bzung/ /bdag ni nges par grol ba la/ /blo ldan khams lnga rnams kyis ltar/ /kun nas 'jug ces rnam shes nas/ /dge slong lnga rnams kyis de dor/ /de nas 'bad rtsol gnyis pa ni/ /byang chub ched du nges
- 55a
mdzad de/ /rtswa 'jam bkram pa'i sa gzhi la/ /a shwadThA yi rtsa bar gshegs/ /de tshe glang po'i 'gros mnga' ba'i/ /dpe med zhabs kyi sgra yis sad par byas pa ni/ /thub pa chen po'i byang chub nges par rtogs pa yis/ /grub mchog nag po zhes byas stod pa smras par gyur/ /ji ltar thub pa khyod kyi zhabs kyis brdzis pa ni/ /yang nas yang du sa ni sgra skad sgrogs pa 'dra/ /ji ltar khyod kyi 'di ni nyi ltar snang ba ste/ /khyod kyi nges par 'dod pa'i go 'phang mkhyen pa nyid/ /ji ltar mkha' la khug rta'i phreng ba rnam bskor zhing/ /pad+ma'i spyan mnga' khyed la skor ba byed pa nyid/ /ji ltar mkha' la rlung rnams zhi bar 'gro ba ste/ /khyod kyis nges par de ring sangs rgyas 'gyur ba nyid/ /de nas klu mchog gis ni yang dag bstod pa ni/ /lcog las ni gtsang ma'i rtswa rnams nyer smangs nas/ /byang chub shing chen rtsa ba dge la rab brten cing/ /byang chub ched du dam bca' mdzad cing bzhugs pa'o/ /de nas gnyid log lto 'phye'i gdengs skad bsdus pa la/ /des ni rdo rje'i skyil krung g.yo med mchog bcings te/ /ji srid bya ba byas pa nyid na ma thob par/ /de srid sa la gdan de 'byed par mi bgyi'o/ /de nas nges pa'i bdag nyid bcom ldan gdan mdzad tshe/ /lha na gnas rnams mnyam med dga' ba thob gyur la/ /ri dags tshogs rnams gnas par ma gyur bya rnams dang/ /rlung gis bsnun pa'i nags kyi ljon shing sgra med gyur/ /sangs rgyas kyi spyod pa zhes bya ba'i snyan dngags chen po las/ ring phur dang lhag spyod drung du gshegs pa'i le'u ste bcu gnyis pa'o// // der ni rnam par mthar phyin dam bca' mdzad pa na/ /rgyal po'i rigs las rab 'khrungs drang srong chen po ni/ /der ni nye bar zhugs tshe 'jig rten rab dga' zhing/ /dar ni bdud kyang dam pa'i chos kyi dgrar gyur to/ /gang la 'dod pa'i ltar ni 'jig rten
- 55b
nas ba/ /sna tshogs mtshon cha ma tog mda' can de bzhin na ru/ /'dod pa rab tu spyod pa'i bdag po de nyid la/ /thar pa'i dgra bo bdud du dpe brjod byed pa'o/ /de yi bu ni rol pa dga' ba rgyags pa dang/ /bu mo dga' ma dges ma sred ma gsum rnams kyi/ /de la sems kyi rnam par 'gyur ba dris pa ste/ /des ni de rnams la tshig mngon par smras/ /thub pa 'dis ni nges pa'i go cha rnams gzung zhing/ /sems dpa' i mtshon cha blo yi mda' ni bsdogs byas nas/ /bdag cag yul rnams la ni rgyal 'dod bsad pa ste/ gang phyir 'dis? ni bdag gi yid ni rnam par 'gyur/ /gal te 'dis bdag zil gyis mnan nas 'gro ba ste/ /'jig pa la yang thar pa'i lam dag 'chad byed cing/ /lus 'phags jo bo spyod las lhung ba'i bzhin du ni/ /de phyir 'di yis bdag gis yul ni de rang stongs/ /de phyir ji srid 'das ni spyan mig ma thob cing/ /ji srid bdag gi spyod yul dag na gnas pa nyid/ /chu bo shin tu 'phel ba'i shugs kyis zam pa bzhin/ de srid 'di yi brtul zhugs 'joms su 'gro ba'o/ /de nas me tog las byas gzhu ni bzung nas dang/ /kun tu rmongs par byed pa'i mda' lnga rnams bzung nas/ /skye dgu rnams kyi rang gnas mi byed pa/ /de ni bur bcas a shwadtha? yi rtsa bar song/ /de nas srid pa 'khor ba'i pha rol rgal 'dod pa'i/ /thub pa rab tu zhi bar gdan la bzhugs pa la/ /lag pa g.yas pa mtshon cha'i rtse mor brdungs nas ni/ /mda' yis rol zhing bdud kyis 'di ni smras pa'o/ /kye ho rgyal rigs 'chi bas 'jigs pa longs mdzod cig /thar pa'i chos ni spongs la 'jig rten mdzod/ /mda' dang mchod sbyin rnams kyis 'jig rten pham byas nas/ /'jig rten dag nas dbang po'i go 'phang thob par mdzod/ /gang zhig mi dbang snga ma rnams kyis 'drems pa ste/ /nges par 'byung la 'di ni grags pa'i lam yin zhing/ /rgyal po'i drang srong rnams yangs rigs su skyes pa yis/ /slong mor ba thob
- 56a
la ni 'di ni bsngags ma yin/ /ji srid nges pa'i bdag nyid de ring mid ldang na/ /dam bca' rnam par ma dor brtan par gyur cig dang/ /gang zhig nya dgra sUdra ka la rnam spangs pa'i/ /de nyid bdag gi mda''di 'bar bar byas pa'o/ /'dis ni cung zhig reg pa tsam gyis e la de/ /zla ba'i tsha bo yin yang sems med gyur pa ste/ /zhi ba'i lus zhes bya ba de yang der 'gyur nas/ /zad pa'i dus su kye ma mi gzhan smos ci dgos/ /de phyir skyen par longs la 'du shes thob gyis dang/ yang yang shin tu ro myang mda' ni mnan pa ste/ /dga' ma'i byar 'os dga' zhing dges pa rnams la ni/ /gang zhig dad pa rnams la bzhin du mi 'phen no/ /gang ste de skad brjod kyang chags pa dang bral ba'i/ /shAkya thub pas gdan ni bshig pa ma yin nyid/ /de nas 'di la bdud kyi mda' ni 'phangs pa ste/ /bu mo rnams dang bu rnams bdun nas byas nas so/ /der ni de yi mda' ni rab tu 'phangs na yang/ /chags par byas pa med cing brtan las g.yos pa med/ /de ltar de mthong gyur nas bdud ni yi mug cing/ /bsam mno yongs su ldan pa dal bu smras par gyur/ /ri dbang bu mo la dmigs gang gis phug pa yi/ /bde 'byung lha yang yongs su g.yos par gyur pa ste/ /'dis ni mda' de nyid la sems par mi byed pa/ /sems med yin nam mda''di de ma yin nam ci/ /de phyir me rtog mda'i 'di 'os pa ma yin zhing/ /dga' ba ma yin sbyor ba 'os ma yin/ /'di ni zhi ba ma yin 'byung po'i tshogs rnams kyis/ /'jigs dang bsdigs dang rdeg pa rnams ni 'os pa'o/ /de nas bdud kyis rang gi sde ni dran pa ste/ /shAkya thub pa'i bgegs ni mnyam por byed 'dod pa/ /ral gri be con shing rtse ljon shing rtse gsum mdung lag rnams/ /sna tshogs bsam pa dang ldan rjes su 'brang rnams 'os//
- 56b
phag dang nya dang bong bu rnga mo'i gdong can rnams/ /stag dang dom dang seng ge gnyis 'thug gdon can rnams/ /mig gcig kha ni du ma mgo bo gsum ldan rnams/ /gsus pa 'phyang ba rnam dang gsus ba che ba rnams/ /brla rnams pus mo'i bar du bum pa'i pus mo rnams/ mche ba'i mtshon cha rnams dang sen mo'i mtshon cha rnams/ /keng rus gdong can rnams dang gzugs ni mang po rnams/ /gdong phyed zhog ba rnams dang gdod ni chen po rnams/ /thal skya rnams dang thig le dmar po sna tshogs rnams/ /kha TwAM ga rnams dang ni spe'u ltar dung sgra rnams/ /'phongs 'phyang rnams dang glang po'i rna ba'i rna ba rnams/ /pags pa'i gos can rnams dang gos dang bral ba rnams/ /gded phyed dkar po rnams dang lus phyed ljang khu rnams/ /zangs mdog dung mdog rnams dang ljang gu dkar po rnam/ /sbrul gyi sham thabs rnams dang de bzhin lag pa rnams/ /rab tu sgra sgrogs dril bu 'khrugs pa'i ska rags rnams/ /ta la'i tshad mnyam rnams dang mdung rnams bzung ba rnams/ /byis pa'i tshad mnyam rnams dang mche ba gtsigs pa rnams// lug gi gdong can rnams dang bya yi mig can rnams/ /byi la'i gdong can rnams dang mi yi lus can rnams/ /skra bkam rnams dar ral pa can dang byi bo rnams/ /gos dmar rnams dang rnam par 'khrugs pas dkris pa rnams/ /rab dga' i gdong can rnams dang gnyed ma'i gdong can rnams/ /gzi brjid 'phrog pa rnams dang yid ni 'phrog pa rnams/ /kha cig dag ni 'bo zhing drag tu phan tshun du/ /mtshan khung 'khyud cing de bzhin gzhan rnams mchongs/ /mkha' la 'gro ba rnams ni kha cig rtse ba ste/ /kha cig shing gi rtse mo rnams la zhon pa'o/ /kha cig rtse gsum skor zhing gar ni byed pa ste/ /kha cig dbyug pa gdengs shing thog sgra sgrogs pa'o/ /kha cig dga' bas khyu mchog bzhin du skad 'don zhing/ /kha cig lus 'phos rnams las rab tu 'bar bar gyur/ /'dzin par 'dod
- 57a
ba rnams dang 'joms par 'dod pa rnams/ /jo bo'i bka' ni rab tu skyong bar byed pa ste/ /rnam pa de ltar 'byung po'i tshogs rnams kun nas ni/ /byang chub sems dpa' de la yongs su bskor nas gnas/ /mtshan mo snga ma la ni shAkya'i khyu mchog dang/ /bdud kyi 'thab mo dus de rab tu mthong nas ni/ /nam mkha' gsal ba ma yin sin g.yos gyur la/ /phyogs rnams sgra dang bcas pa rab tu 'bar bar gyur/ /drag po'i shugs can rlung ni kun tu g.yos gyur la/ /skar ma rnams ni mi snang zla ba gsal ma gyur/ /slar yang mtshan mor mun pa rnam par rgyas gyur la/ /rgya mtsho rnams ni thams cad kun tu g.yos par gyur/ /sa gzhi 'dzin cing chos dag 'dzin pa'i klu rnams ni/ /thub pa chen po'i bgegs la bzod pa ma yin zhing/ /bdud las khros pas rnam par log pa'i mig can rnams/ /rngam pa bton zhing lus ni rnam par 'gyur pa'o/ /gtsang mar lhag par gnas pa'i lha yi drang srong ni/ /dam chos bsgrub pa'i don du mngon par zhugs pa rnams/ /bdud las yid kyi rjes su brtse ba byas pa ste/ /chags dang bral ba las kyang khros par ma gyur to/ /'tshe ba'i bdag nyid bdud kyi dpung ni de yis ni/ /byang chub rtsa ba de ni khyab pa mthong nas ni/ /chos kyi bdag nyid 'jig rten thar pa 'dod rnams kyis/ /nam mkha' dag la ha ha'i sgra dag byas par gyur/ /chos kyi chog de ni nye bar nyams byed pa/ /bdud dpung gnas pa drang srong chen pos gzigs nas ni/ /ba lang rnams kyi dbus su seng ge gnas pa bzhin/ /g.yo 'gul med cing rnam par 'gyur bar yang ma gyur/ de nas de yi 'jigs pa'i ched du bdud kyis ni/ /'byung po'i sde ni drang po rnams la bka' stsal cing/ /de nas 'di yi sde des rang rang? mthu rnams kyis/ /de yi brtan pa dbye phyir blo gros byas pa'o/ /kha cig lce rnams g.yo zhing du mas rnam 'chad
- 57b
zhing/ /mche ba'i rtse mo rnams rno mig rnams ljang ser zlum/ /kha rnams gdangs shing phur bu'i rna ba rnams brtan cing/ /kun nas smrag par byed pa snyam du gnas zhes grag /des ni gzugs dang bsam pa dag gis mi zad pa/ /rnam pa de lta nyid du de nas pa de rnams las/ /rtsed mo byed pa'i byis pa rgyags pa rnams las ni/ /drang srong chen po zug med skyo bar ma gyur to/ /de nas kha cig khros pas lta byed rnam 'gyur zhing/ /'di la dbyug pa brdeg par 'bad pa bya ba ste/ /sngon tshe grong khyer 'joms pa'i rdo rje dang bcas ltar/ /de nas 'di yi dbyug pa dang bcas lag ma rengs/ /kha cig rdo dang shing rnams gyin du 'phyar ba ni/ /thub pa la ni rnam par 'phen par ma nus te/ /'bigs byed ri brag rnams ni rdo rjes bcom pa bzhin/ /shing rnams dang bcas rdo rnams bcas pa de bzhin ltung/ /kha cig mkha' la gyen du 'phur bas rdo rnams dang/ /dgra sta rnams dang shing rnams rnam par 'phang ba rnams/ /kha dog gcig min mtshams sprin rkang pa rnams bzhin du/ /mngon par lhung ba ma yin nam mkhar gnas par gyur/ /gzhan ni de yi steng du 'phar ba'i khyu mchog gis/ /glang po ri bo tsam pa'i rwa can 'phangs pa ste/ /de ni 'phangs pa tsam na nam mkha' gnas pa nyid/ /de yi mthu las rnam pa brgyar ni gas par gyur/ 'jig rten 'jig tshe lhun po rab tu 'bar ba yis/ /gser gyi bya skyabs? rnams kyi phye ma rnam bzhin du/ /kha cig nyi ma shar ba bzhin du 'bar ba yis/ /mi mdag char pa chen po mkha' las phab par gyur/ /byang chub shing gi rtsa bar rab tu rnam 'phangs pa'i/ /me stag 'phro ba dang bcas me mdag chad ba de/ drang srong dam pa mchog gi byams pa'i gnas pa las/ utpal dmar po'i 'dab ma'i chad par gyur pa'o/ /lus dang sems la rnam par gnod par bya ba'i phyir/ /rnam pa de ltar phab pa de dang de rnams kyis/ /rang gi nges pa'i gnyen 'dun
- 58a
nye bar 'khyud nas bzhin/ /shAkya thub pa gdan las g.yos par ma gyur to/ /de nas gzhan rnams 'khogs pa'i ljon shing rnam nas ltar/ /kha nas las ni sprul rnams rnam par skyugs pa ste/ /sngags kyis bcings bzhin de rnams de yi drung du ni/ /song ba ma yin dbugs min g.yos par ma gyur to/ /gzhan rnams glog dang bcas shing thog dang bcas pa yis/ /chu 'dzin chen po gtum pa'i dbyangs ldan rnams gyur nas/ /ljon shing de la rdo pa'i char pa phab pa ste/ de ni me tog chad pa mdzes par 'gyur pa'o/ /dbang phyug ma yin sron par dka' ba'i mi yi ni/ /snying la yongs su g.yos pa'i khro ba bzhin du ni/ /de nas gzhan gyi gzhu la mda' dag bkod pa ni/ /de nyid du ni 'bar zhing lhung bar ma gyur to/ /yul la rab tu 'jug la 'khor ba la 'jigs pa/ /yongs su rtog pa po yi dbang po lnga rnams bzhin/ /gzhan rnams dag gis mnga' lnga rab tu 'phangs pa rnams/ /nam mkhar gnas shing thub pa la ni ma ltung ngo/ /gzhan ni brdeg par 'dod pas khros shing rab bskor zhing/ /dbyug pa bzung nas drang srong chen po'i mngon du phyogs/ /don med byed pa'i nyes pa rnams la 'jig rten las bzhin/ /des ni 'dod pa ma thob dbang med 'gyel bar gyur/ /bud med sprin pa nag mo lag na thod pa can// drang srong chen po'i thugs ni rmongs par byed ces grag /g.yo ba'i bdag nyid can gyi blo ni lung la bzhin/ /der ni nges pa med par skor zhing gnas ma yin/ /kha cig mig ni rab tu 'bar bar byas nas ni/ /mig gi me yi sprul gyi dgu bzhin bsreg 'dod pas/ /'dod pa'i bdag nyid can gyis nyer gnas dpal bzhin du/ /der ni drang srong bzhugs pa mthong par ma gyur to/ /ye shes ting 'dzin dag gis 'gro bya nyes legs chos/ /lus kyi ngal ba rnams kyis 'thob par 'dod pa bzhin/ /de
- 58b
bzhin gzhan ni rdo ba lci mo bteg pa ni/ /rab tu 'bad pa rnams bcom don med ngal bar gyur/ /de bzhin gzhan rnams dred dang seng ge'i rnam pa yi/ /chen po'i sgra rnams mthon por rab tu sgrogs pa ste/ /rdo rjes bsnun pa'i nam mkha' 'gas pa zhes snyam nas/ /sems can rnams ni gang gis kun nas 'khums par gyur/ /ri dags glang po rnams ni nyam dag skad 'don zhing/ /rnam par 'bros shing thig pa nyid du gyur pa ste/ /de yi mtshan mor phyogs rnams las ni nyin mo bzhin/ /nyam thag bya rnams skad 'don yongs su babs par gyur/ /rnam pa de ltar de rnams kyi sgra de rnams kyis/ /'byung po thams cad rnams su g.yos pa yin na yang/ /khab rnams dag gi sgra rnams dag gis mkha' lding ltar/ /thub pa 'jigs pa ma yin 'khums par ma gyur to/ /'jigs pa 'dron pa yongs su bskor ba'i tshogs rnams las/ /ji ltar ji ltar thub pa'i 'jigs pa ma yin pa/ /de lta de ltar chos 'dzin rnams kyi dgra bo yi/ /bdud rnams mya ngan las dang khros nas byer ba'o/ /de nas 'byung po cung zhig gzugs ni mtho ba ma yin zhing/ /khyad par 'phags par gyur pa nam mkhar gnas nyid kyis/ /drang srong la gnod dgra ma yin la khros mthong nas/ /bdud lha chen po'i dbyangs kyis smras par gyur pa'o/ /don med ngal bar byed par 'os pa ma yin bdud/ /'tshe ba'i bdag nyid spod la bde bar song mdzod dang/ /ri bo chen po lhun po rlung rnams kyis bzhin du/ /khyod kyis bskyod cing bsgul bar nus pa ma yin no/ /sa yi brtan pa nyid dang chu yis gsher ba nyid/ /me yis dro ba nyid ni rab tu 'dor ba yang/ /bskal pa du mar bsrub pa'i bsod nams las mnga' ba/ /'dis ni nan tan des par 'dor ba ma yin no/ /'di yi des pa gang dang pha rol gnon pa dang/ /gzi brjid gang dang brtse ba skye dgu rnams la ste/ /'od zer stong gis mun rnams ma
- 59a
bcom gnas bzhin du/ /'di ni de nyid ma thob nas ni ldang ma yin/ /shing la bsrubs nas me ni rnyed par 'gyur ba ste/ /sa la brkos na chu yang 'thob par 'gyur ba nyid/ /rigs pa dang ni ldan pa'i thams cad byas pa ste/ /brtson 'grus ldan pa'i bsgrub bya ma yin ci yang med/ /de phyir chags sogs nang rnams dag la gnas pa yi/ /'jig rten nyam thag pa la thugs rje mnga' ba ni/ /ye shes dman gyi don du yongs su ngal ba po/ /smran pa chen po 'di la bgegs? 'os ma yin no/ /lam ngan mang po rnams kyis 'jig rten stor ba la/ /gang zhig zhi bas dam pa'i lam ni rjes tshol ba/ /chung zos pa la legs par ston byed ded dpon bzhin/ /ston mdzad de ni bskyod par rigs pa ma yin no/ /mun pa chen po sems can chung zos rnams la ni/ /ye shes sgron ma rab tu gsal bar mdzad pa 'di/ /mun pa la ni rab tu 'bar ba'i sgron ma bzhin/ /'phags pa'i mya ngan 'da' bar byed par 'os ma yin/ /'khor ba'i rnam 'gyur chu bo chen por 'gro ba ni/ /pha rol ma thob par ni bying bar gzigs nas ni/ /gang gis de ni sgrol bar byed la rab zhugs te/ /de la sdig pa 'phags pa su yi sems par byed/ /bzod pa'i chu rgyus brtan pa'i rtsa ba brtan pa ste/ /spyod pa'i me tog blo dang dran pa'i yal gcan/ /ye shes ljon shing chos kyi 'bras bu ster ba po/ /'phel bzhin pa ni zlog par 'os pa ma yin no/ /gang gis snying la smongs pa'i zhags pa sra rnams kyis/ /bcings pa'i skye dgu rnams kyis grol phyir blo mnga' zhing// 'gro ba bcings pa thar pa'i ched du'o rgyal ba/ /de la brdeg pa khyod kyi 'thad pa ma yin no/ /byang chub ched du las gang dag ni mdzad pa rnams/ /de rnams kyi ni nges par de ring dus yin la/ /ji ltar thub pa snga ma rnams ni de bzhin du/ /gnas der de bzhin
- 59b
'di ni nye bar bzhugs pa'o/ /dbyig 'dzin sa gzhi yi ni lte ba 'di yin zhing/ /snying po dam pa mdza' dag dang ni ldan pa nyid/ /gang zhig 'di yi ting nge 'dzin gyi shugs bzod pa'i/ /sa yi phyogs de 'di las gzhan pa yod ma yin/ /de phyir khro bar ma byed zhi bar nyer song la/ /bdud ni khyod kyi dregs pas nga rgyal ma gyur cig /dpal ni mi brtan blo gtad par ni nus min zhing/ /go 'phang g.yo la rgyags par mngon par nyer 'gro zhing/ /de nas de yi tshig de yang dag thos nas kyang/ /thub pa chen po'i g.yo ba med? ba nyid mthong nas/ /gang gi mda' yi 'gro ba'i snying la rdeg byed pa'i/ /bdud ni 'bad pa bcom zhing yid mi bde bar song/ /dga' ba med cing 'bras med dal ba byas pa rnams/ /pha 'ong rnams ni khyu mchog ljon shing rnams gtor te/ /dgrar gyur dgra bo'i dpung ni gtso bo bsad pa ltar/ /de nas 'di yi dpung ni phyogs phyogs bros pa'o/ /me tog tog can 'khor dang bcas pa bros shing nges par 'pham pa na/ /drang srong chen po mun pa 'pham zhing rdul dang dral ba rgyal ba na/ /rgod pa dang bcas lang tshom bzhin zla ba dang bcas mkha' gsal zhing/ /chu yi snying po can gyi dri zhim me tog char ba bab par gyur pa'o/ /de ltar sdig pa can ni nges par pham pa na/ /de tshe phyogs ni rab snang mtshan mor byed pa mdzes/ /mkha' la me tog char rnams sa la bab pa ste/ /lang tshom bzhin dal ba med par mtshan mo gsal/ /sangs rgyas kyi skyod pa zhes bya ba'i snyan dngags chen po las/ bdud las rnam par rgyal ba'i le'u ste bcu gsum pa'o// //de nas brtan dang zhi ba yi/ /bdud kyi stobs ni pham mdzad nas/ /don dam rnam par mkhyen bzhed pa/ /bsam gtan mkhas te bsam gtan mdzad/ /bsam gtan cho ga thams cad la/ /dbang phyug dam pa rab bsnyes nas/ /sngon gyi skye ba rim pa ni/ /dang po'i thun la dran pa'o/ /che ge mo bdag
- 60a
ming 'di ni/ /de nas 'phos te 'dir 'ongs pa'o/ /zhes ni skye ba stong phrag rnams/ /rjes su rmyong pa bzhin du dran/ /'thad pa de dang de rnams su/ /skye bar 'chi ba dran nas ni/ /de nas sems can la thugs rje/ /thugs rje'i bdag nyid can gyis mdzad/ /rang gi skye bo bor nas ni/ /slar yang gzhan du bya ba rnams/ /nges par 'jig rten mgon med 'di/ /'khor lo bzhin du yongs su 'khor/ /de ltar nges pa'i bdag nyid ni/ /de yi dran par gyur pa ste/ /chu shing snying po snying po med/ /'khor ba de ltar nges par ro/ /thun ni gnyis pa byung ba na/ /gnyis med pha rol gnon pa de/ /mig dang ldan pa kun gyi mchog /lha yi spyan ni thob par gyur/ /de nas nges ni lha yi spyan/ /yongs su dag pa de yis ni/ /me long dri ma med pa ltar/ /'jig rten mdza' dag la gzigs so/ /mchog dang mchog min las rnams kyis/ /sems can rnams kyi 'chi 'pho dang/ /skye ba gzigs pa de yi ni/ /thugs rje'i bdag nyid 'phel bar 'gyur/ /'di rnams sdig pa'i las can rnams// srog chags rnams ni ngan 'gror 'gro/ /'di gzhan dge ba'i las can rnams/ /mtho ris su ni rab gnas so/ /shin tu mi bzad myal ba ru/ /rab tu 'jigs par gyur pa rnams/ /'di rnams sdug bsngal sna tshogs kyi/ /kye ma bkren par btser? bar byed/ /kha cig me yi kha dog gi /lcags khu khol ma 'thung bar byed/ /lcags kyi ka ba tshan mo la/ /gzhan rnams cho des 'debs shing 'dzegs/ /lcags zangs rnams su khas bub rnams/ /kha cig thug pa bzhin du 'chod/ /me bdag phung po 'bar rnams su/ /kha cig snying rje rab sreg go /kha cig lcags kyi mtshan can/ /mi bzad khyi rnams kyis za zhing/ /kha cig ma rungs lcags mchu can/ lcags 'dra'i bya rog rnams kyi za/ /kha cig gdung bas yongs dal? rnams/ /bsil ba'i
- 60b
grib ma mngon 'dod pas/ /ral gri'i lo ma'i nags sngon por/ /'di rnams bcings pa bzhin du zhugs/ /kha cig sta re rnams kyis ni/ /lag pa bteg rnams shing ltar 'gems/ /las rnams kyis bzung srog rnams ni/ /sdug bsngal na yang rnams mi smrin// sdug bsngal bzlog pa'i don ched du/ /bde ba yin zhes las gang byas/ /da yi 'bras de dbang med kyis/ /sdug bsngal kho na nyer longs spyod/ /bde don mi dge ba byas nas/ /gang de shin tu sdug bsngal rnams/ /de dag rnams kyi ro myang des/ /bde ba phra mo yang byed dam/ /sdig pa'i bdag nyid rgod rnams kyis/ /sdig pa'i las ni byas pa gang/ /de ni sngon du gyur pa'i tshe/ /tshe? de rnams kyis rjes su myong/ /gal ge de ltar sdig las can/ /las kyi 'bras bu mthong ba ste/ /dmigs su mngon par bsnun pa bzhin/ /skyen par khrag ni skyug pa nyid/ /lus kyi sdug bsngal rnams las dang/ /dmyal ba'i rnams las sems ldan gyi/ /'phags min rnams dang lhan cig 'grogs/ /ngal ba mchog ni bdag gi lugs/ /gzhan 'di sems kyi rnam g.yo las/ byung ba'i las rnams sna tshogs kyis/ /byol song skye gnas sna tshogs su/ /nye bar skyes rnams gdung ba can/ /she lpags spu dang so yi phyir/ /chags pa las sam rgyags pa las/ /gnyen 'dun rnams kyis mthong na yang/ /gang du snying brje bar bsod do/ /nus med ldan yang dbang med rnams/ /bkres skom ngal bas tser ba rnams/ /lcags kyis bsnun pa'i dbyibs can rnams/ /rta dang ba lang gyur rnams 'khol/ /stobs can rnams kyang stobs chung gi/ glang por gyur ba rnam 'khol te/ /lcags kyus nyon mongs mgo bo rnams/ /rkang pa'i rting pa rnams kyis btags/ /phan tshun rnam par rtsod las dang/ /gzhan gyi dbang du gyur nyid gyis/ /sdug bsngal gzhan rnams la spyod kyang/ /gang la sdug bsngal khyad par ldan/ /phan tshun du ni rab phrad
- 61a
nas/ /me gnas skam gnas rnams kyi dang/ /chur gnas chur gnas rnams kyis dang/ /mkhar gnas mkhar gnas rnams kyis 'joms/ sems nas non pa'i sems ldan rnams/ /yi dags 'jig rten snang med du/ /skyes pa 'di rnams de bzhin du/ /bkran pa 'bras bu la longs spyod/ /khab mig lta bu'i kha rnams dang/ /ri bo lta bu'i lto ba rnams/ /bkres skom gyis bskyed sdug bsngal gyis/ /sdug bsngal skal can rnams bcer? to/ /ser sna'i 'bras bu 'di 'dra ba/ skyes bus gal te shes na ni/ /lus kyi cha shas rnams kyang ni/ /zhi ba bzhin du kun nas gtod/ /rang gi las rnams kyis bzung zhing/ /sred pas shin tu non pa rnams/ /bor ba'i mi gtsang pa rnams kyang/ /longs spyod par ni 'dis mi rnyed/ /'di gzhan dmyal ba dang mchungs pa'i/ /mngal min mi gtsang khu ba ru/ /nye bar skyes rnams mi rnams su/ /'gro ba rnams ni sdug bsngal 'thob/ /de sngon skye ba tsam na yang/ /lag ba rnon pos bzung ba rnams/ /ral bri rnams kyis gshegs pa ltar/ /gang du snying rje bar ni du/ /byams dang bsrung dang skyong rnams kyis/ /gnyen 'dun rnams kyis 'bad nas sos/ /sdug bsngal las slar sdug bsngal drag/ rang rang las kyis nyon mongs so/ /bya ba 'di dang bya ba 'di/ /zhes ni gang du lhag par la/ /sred dang yongs ldan byis rnams gyis/ /rgyun chad med par rjes su myong/ /'di gzhan bsod nams las rnams kyis/ /mtho ris su ni skyes pa rnams/ /'dod chags ma yis drag tu ni/ /me ltar rab tu sreg bar byed/ /yul rnams kyis ni ngoms med rnams/ /gang las 'di rnams gzi bcom ste/ /phreng ba yongs rnyings zhan pa rnams/ /gyen du mig phyogs rnam lhung ngo/ /gang du lha mo rnams kyis ni/ /sdug pa dbang med ltung ba la/ /snying la brtse ba ltos rnams kyis/ /lag pa
- 61b
rnams kyis gos rnams 'dzin/ /gang zhigs la ltung ba bzhin/ /lud 'dod do shal g.yo rnams kyis/ /sdug rnams gzhal med khang rnams nas/ /snying rje dang bcas ltung la lta/ /rnam pa sna tshogs rgyan phred can/ /gzhan 'dis sdug bsngal ltung rnams la/ /gdung rnams brtse dang g.yo ba yi/ /lta byed rnams kyis rjes su 'gro/ /'dod pa can rnams ltung ba la/ /lag pa rnams kyis brang brdung zhing/ /'khrugs chen gyi ltar nyam thag pa/ /lha mo'i tshogs rnams kyis brten to/ /kyi hud shing rta sna tshogs rdzing/ /kyi hud sdug pa gang na zhes/ /nyam thag pa rnams rnam zlos shing/ /lha la gnas rnams sa la lhung/ /las mad rnams kyis thob pa yi/ mtho ris mi brtan g.yo ba la/ /'bral bas byas pa'i sdug bsngal ni/ /gang du 'di 'dra thob par 'gyur/ /kye ma nges las khyad par du/ /'jig rten mdzad pa'i chos nyid de/ /'dod chags bral ba thob nas kyang/ /gzhan rnams lha nas nges par lhung/ /'di ni rtag par gnas pa ste/ /zhes ni nges pa'i sems ldan rnams/ /'jig rten 'di yi rang bzhin ni/ /'di ltar bur ni mthong ma yin/ /dmyal ba rnams su sdug bsngal drag/ /dud 'gro rnams su phan tshun za/ /bkres skom sdug bsngal yi dags su/ /mi la tshol ba'i sdug bsngal lo/ /lha na sdug pa dang bral bas/ /bskyed pa'i sdug bsngal phul phyung ste/ /skor ba gson pa'i 'jig rten gyis/ /gang na zhi ba nges par med/ /'khor ba'i chu bo rten med du/ /'di ni 'chi bas bskor ba ste/ /tsam tsom du ni bskor ba yi/ /'gro bas gnas ni thob ma yin/ /de ltar des ni 'gro ba lnga/ /lha yi spyan gyis gzigs pa ste/ /chu shing bshags pa bzhin du ni/ /srid par snying po rnyed ma yin/ /de nas de yi mtshan mo'i thun/ /gsum pa nye bar gnas pa na/ /'jig rten 'di yi rang bzhin ni/ /bsam gtan
- 62a
rig pa mchog gis bsgoms/ /kye ma 'jig rten ngal thob gang/ /yang dang yang du skye ba dang/ /'khogs pa dang ni 'chi ba dang/ /'pho ba dang ni skye ba nyid/ /yang na sdug bsngal che 'di las/ /chags pas long min gyis bsgribs pa/ /skyes long shin tu dogs sa nas/ /phyi rol 'gro ba shes ma yin/ /de ltar bsams pa de yis ni/ /thugs kyi rnam dpyod gyur pa ste/ /gang du gyur na nges sam zhes/ /rga bas 'chi ba mngon par song/ /skye gnas nas de nyid bsgoms pa// de yis mngon par rtogs par gyur/ /rga dang 'chi ba dag gis ni/ /skye ba yod na rdzogs pa'o/ /mgo bo yod na mgo bo yi/ /nad 'di 'byung ba mthong ba ste/ /shing gi skye ba yod gyur na/ /'gyel ba 'byung bar 'gyur pa'o/ /de nas de yi slar gyur pa// skye ba 'di slar gang la zhes/ /de nas las srid las skye bar/ /skye ba yang dag mkhyen pa'o/ /des ni lha'i spyan gyis ni/ /las las 'jug par mkhyen pa ste/ /dbang phyug las min rang bzhin min/ /bdag las ma yin rgyu med min/ /ji ltar rig pa las gling bu/ /dang po'i tshig ni bcad pa na/ /cho ga bzhin du kun myur 'gro/ /de ltar ye shes go rims so/ /de nas srid pa'i skye ba ni/ /mkhyen phyir thub pas blo gros mdzad/ /de nas srid pa'i skye ba des/ /nye bar len las byung bar mkhyen/ /tshul khrims brtul zhugs mchog 'dzin dang/ 'dod blo bdag tu lta rnams kyis/ /bud shing rnams kyis me bzhin du/ /'di yi las ni nye bar len/ /gang gis rgyu las len pa zhes/ /de nas de yi gyur pa ste/ /de nas nye bar len pa'i rkyen/ /sred par des ni mkhyen pa'o/ /chung ngu'i me yis nags kyi me/ /rlung gis bus te bskyed pa bzhin/ /'dod sogs nyon mongs rgya chen rnams/ /sred pa yis ni skyed par byed/ /de nas de yis bsam pa yi/ /sred pa gang las byung zhes so/ /tshor ba'i rkyen gyis sred pa zhes//
- 62b
de nas rnam par des pa mdzad/ /tshor bas mngon bcom skye dgu rnams/ /gnyen por byed la breng? pa ste/ /sgom pa med na chu la mi/ kha cig mngon par dga' ba yin/ /de nas slar yang tshor ba yi/ /skye ba'i gnas ni gang zhes bsams/ /tshor ba tshor ba mthar byed gyis/ /reg pa'i rgyu can nyid du mkhyen/ /yul dang dbang po blo rnams kyis/ /'dus pa reg par brjod bya ste/ /gtsubs shing las ni me bzhin du/ /gang las tshor ba skye ba'o/ /de nas reg pa rgyu yin zhes/ /de yis bsam par gyur pa'o/ /de nas skye mched drug gi ni/ /rgyu can nyid du des mkhyen to/ /long bas gzugs ni mi rig cing/ /mig ni blo yis mi sbyor phyir/ /mig yod gyur na des sbyor to/ /de phyir dbang po yang na reg/ de nas skye mched drug gi ni/ /skye ba mkhyen phyir blo gros mdzad/ /de nas de'i rgyu ming dang gzugs/ /rgyu la mkhas pas mkhyen pa'o/ /ji ltar myu gu yod pa las/ /lo ma sdong bu yod par dran/ /de ltar ming dang gzugs yod na/ /skye mched drug ni 'byung ba'o/ /ming dang gzugs kyi rgyu gang zhes/ /de ya de nas gyur de nas/ /de yi skye ba rnams shes su/ /ye shes pha rol son pas mkhyen/ /rnam par shes pas mkhyen pa na/ /rnam par shes pa 'das pa na/ /ming dang gzugs ni rig gnas te/ /sa bon bskrun pa rdzogs pa na/ /myu gu rnam par 'dzin pa'o/ /de nas rnam par shes pa ni/ /gang las yin zhes bsam par gyur/ /ming dang gzugs la brten nas de/ de nas de yi skye ba mkhyen/ /de nas rgyu yi go rims ni/ /mkhyen nas de yi blor gyur te/ /sems na lugs 'byung bskor ba ste/ /gzhan du lugs las bzlog par min/ /rnam par shes pa'i rkyen las ni/ /ming dang gzugs te skye ba ste/ /ming dang gzugs la brten nas ni/ /slar yang rnam par shes pa skye/ /ji ltar bru yis me 'dren zhing/ /de bzhin rnam par shes pa dang/ /ming gzugs phan rkun gyi rgyu'o/ /ji ltar lcags ni 'bar
- 63a
yis/ /rtswa rnams 'bar bar byed na yang/ /'bar ba de yis de gdung ste/ /de bzhin phan tshun rgyu nyid do/ /de ltar rnam par shes pa las/ /ming gzugs 'byung ba me mkhyen gyur pa/ /de nas dbang po 'byung 'gyur zhing/ /dbang po las 'byung reg pa'o/ /reg pa las skyes tshor ba mkhyen/ /tshor ba las skyes sred pa'o/ /sred pa las skyes len pa'o/ /len pa las ni de bzhin srid/ /srid pa las ni skye ba dag /skye las rga shi 'byung bar mkhyen/ /'gro ba dag ni rkyen rnams las// skyes shes yang dag mkhyen pa'o/ /de nas 'di yi blo gros nges par song ba ni/ /skye ba zang las 'chi dang rga ba 'gag pa ste/ /srid pa nyams pa las skye ba nyams pa nyid/ /len pa 'gag pa las ni srid pa rnams ldog cing/ /de nas srid 'gags pa las de ni 'gag pa ste/ /tshor ba yod pa min na sred pa yod ma yin/ /reg las chud zos gyur na tshor ba yod min zhing/ /skye mched 'jug pa med las reg pa zad pa'o/ /de bzhin ming dang gzugs ni yang dag 'gags pa las/ /skye mched drug po thams cad rnam par nyams pa nyid/ /rnam par shes pa 'gags las de dag 'gag ba ste/ /'du byed 'gags pa las kyang de ni 'gag pa'o/ /ma rig pa ni mdza' dag med las de bzhin du/ /'du byed 'gag par drang song chen pos mkhyen pa ste// 'di las mkhyen bya 'di ni yang dag mkhyen mdzad nas/ /sangs rgyas zhes ni 'jig rten na rab gnas par gyur/ /yan lag brgyad dang ldan pa rab tu shar ba yi/ /rtse mor myur 'gro dam pa'i lta ba'i lam gyis ni/ /srid rtse'i bar las mchog gyur ba dag med rnams gzigs nas/ /bud shing tshig ba'i me bzhin zhi bar gshegs par gyur/ /de nas bdag nyid mdzad pa de yi gyur pa ni/ /mchog gi drang srong mchog dang mchog min mkhyen pa'i chogs/ /mna' ma rnams kyi don dam rgyu las gshegs pa
- 63b
yi/ /snying po'i lam 'di bdag gis lhag par thob par gyur/ /thun ni bzhi pa'i skya rengs shar ba'i yud tsam na/ /rgyu dang mi rgyu'i 'byung po rnams ni zhi ba na/ /drang srong mchog gis 'gyur ba med pa'i go 'phang dang/ /kun gyi mgon gyis thams cad mkhyen pa nyid brnyes so/ /de nyid 'di ni sangs rgyas nyid kyis mkhyen pa na/ /bud med chang gis myos bzhin sa ni g.yos gyur la/ /grub pa rnams kyis mngon gang phyogs ni rab snang ste/ /nam mkha' la rnga bo che rnams rab tu grag par gyur/ /dge ba'i rlung rnams rab tu zhi bar g.yos gyur cing/ /sprin med 'o ma rnams ni lha yis char phab ste/ /ljon shing rnams las dus min me tog 'bras bu rnams/ /mchod pa rab tu sbyor ba'i ched bzhin bru bar gyur/ /mandar ba'i me tog rnams dang pad+ma dang/ /gser dang bai DU rya yi rang bzhin pad+ma ni/ /mkha' las bab pa rnams kyis shAkya thub pa'i sa/ /de che mtho ris bzhin du kun nas bkram par gyur/ /yud tsam de ni kha cig khro ba med gyur la/ /nad med gyur cing mi dga' bar yang ma song ste/ /sdig pa bsnyen pa ma yin rgyags par ma byas shing/ /grub pa brnyes pa bzhin du 'jig rten zhi bar gyur/ /thar pa 'dod pa'i lha yi tshogs rnams dga' ba ste/ /sems can 'og tu song ba rnams kyang dga' bar gyur/ /yon tan phyogs kyis 'phel bas chos ni rgyas pa ste/ /rdul dang mun pa dag las 'gro ba gyen du byung/ /de yi las kyis ya mtshan dga' bas gang ba yi/ /bur ma shing pa'i rigs kyi mi skyong drang srong rnams/ /rgyal po'i drang srong rnams dang drang srong che rnams kyis/ /yang dag mchod rnams mkha' la gzhal med rnams su gnas/ /mthong min 'byung bo'i tshogs kyi drang srong chen po yi/ /bstod pa rnams ni mthon por mthon zhing sgrogs pa ste/ /gson pa'i 'jig rten 'phel ba bzhin du dga' gyur zhing/ /ltung ba mchog la bzhin du bdud ni yi mug gyur
- 64a
de nas nang mi mnga' ba zhag bdun bdag nyid kyi/ /sems la gzigs shing sbyan mi 'dzum par bzhugs pa ste/ /kho bos 'dir ni rnam par thar pa brnyes so zhes/ /thub pa yid la re ba yongs su rdzogs par gyur/ /de nas rkyen nyid thob pa 'di ni thub pa nyid/ /bdag med cho gar rnam par bzhag pas gsan nas ni/ /zhi phyir 'jig rten dag la mchog tu brtse bas so/ /sangs rgyas spyan gyis rnam par gzigs par gyur pa'o/ /lta ba ngan pas chud zos 'bad la 'khrugs pa yi/ /'gro ba rdul ni rgya chen dang ldan gzigs nas dang/ /rnam thar chos ni mchog tu phra ba nyid gzigs nas/ /g.yo ba med pa nyid phyir thugs ni mdzad par gyur/ /de nas sngon gyi dam bca' yang dag mkhyen gyur nas/ /zhi ba'i gdams pa la ni so sor nges par gshegs/ /de nas chen po'i rdul dang chung ngu'i rdul nyid dang/ /ldan pa'i skye bor yid ni rnam par dpyad pa'o/ /de nas zhi ba'i don du gdams pa'i ched du nges par ni/ /gzung ba'i bde bar gshegs pa'i thugs ni shes gyur nas// mngon par snang zhing 'gro la phan par 'dod pa can/ /mtho ris gnas pa'i gtso bo gnyis ni nye bar 'ongs/ /sdig pa spangs shing don mdzad gdan la bzhugs pa'o/ /mchog gi chos ni gzigs pa de la mchog gnyis so/ /mchog tu zhi bas rab tu bstod nas de gnyis kyis/ /'jig rten phan pa'i don du tshig 'di gsol ba'o/ /e ma 'gro ba 'di gang nor 'os 'di lta bu/ /skye dgu rnams la rjes su brtse mdzed khyod kyi thugs/ /'jig rten na yod skye bo rnam dpar bsre ma'i rgyu/ /chen po'i rdul dang chung ngu'i rdul nyid ldan pa'o/ /thub pa srid pa'i mtsho las rang nyid rab brgal nas/ /'gro ba sdug bsngal byid ba rab tu drongs mdzod cig/ /legs pa'i dbang phyug gis ni phun sum tshogs pa thob nas bzhin/ /gzhan rnams la yang
- 64b
rang gi yon tan gyis sbyor mdzod/ /don mkhyen 'di na'i don dang pha rol du 'am gang/ /skye bo kha cig 'di ni bdag gi phan pa byed/ /gang zhig 'jig rten dge ba'i ched du rab zhugs de/ /mi yi 'jig rten dang ni mtho ris su rnyed dka' / /de ltar drang srong chen la tshig 'di gsol nas ni/ /lha na gnas pa de nyid ji ltar 'ongs par gshegs/ /thub pa yis kyang de yis tshig de rab mnon nas/ /'gro ba rnam par thar phyir nges par rgyas par mdzad/ /de nas bsod snyoms dus su phyogs bzhir drang srong la/ /lha na gnas pas lhung bzed rnams ni phul ba ste/ /gau ta mas ma zhi po de rnams rab pa zhes nas/ /de yi chos kyi ched du gcig nyid mdzad pa'o/ /de nas de tshe don bcas rab song tshong dpon gnyis/ /mdza' bshes nyid kyis lha yis rab tu bskul ba dag /rgya chen thugs mnga' drang srong che la thog ma ru/ /dga' ba dang ldan phyag byas nas ni bsod snyoms phul/ /rtsi bas 'phur dang ni rangs byed bu ste de gnyis ni/ /chos 'dzin nus pa'i blo gros thub pas gzigs pa ste/ /de gnyis lhan gshegs par thug kyis mngon gzigs nas/ /dge slong lnga po rnams la thugs kyis gshegs pa'o/ /de nas zhi ba'i gdams pa las ni gau ta mas/ /nyi ma shar bas mun bzhin mun pa rnam 'joms phyir/ /ba rA Na ses brgyan pa'i sna tshogs nags tshal can/ /'jigs byed shing rtas bsnyen pa'i grong khyer dge bar gshegs/ /de nas khyu mchog 'dra ba'i spyan mnga' glang chen myos pa'i 'gros ldan pa/ /'gro ba mngon par rnam par 'dus phyir kA shis la gshegs bzhed pa/ /glang chen bzhin du rang gi sku lus ma lus phyir la rab log nas/ /thub pas spyan mig mi 'dzum par ni byang chub shing gi rtsa bar gzigs/ /sangs rgyas kyi spyod pa zhes bya ba'i snyan dngags chen po las/ mngon par rdzogs par byang chub pa'i le'u ste bcu bzhi ba'o// //
- 65a
zhi zhing mdangs ldan mdzad pa kun nas brnyes pa de/ /gcig pur rab gshegs mang po dang ni thabs cig bzhin/ /lam na dge slong chos ldan kha cig gis mthong nas/ /ya mtshan dang bcas thal mor bcas pas 'di skad gsol// dbang po'i rta ni g.yo bar dbang po'i rta thul zhing/ /sems can chags rnams ji ltar chags ma gyur/ /shin tu ro ldan gsar ba'i shes rab ro yis ni/ /ri bong gis mtshan dang mtshungs tshim par gyur pa rnams/ /brtan pa khyod kyi zhal ni rab rgyas shing// 'dir ni dbang po rnams kyi dbang phyug mdzad pa ste/ /khyu mchog chen po'i spyan mnga' nges par don mdzad cing/ /khyod kyi bla ma su lags gang las grub pa gsungs/ /de rnams las des smras pa bdag la ston pa med/ /bdag la mchod bya med cing su yang smad bya med/ /mya ngan 'das pa thob cing gzhan rnams dang mi mnyam/ /bdag ni chos la rang byung du ni shes par mdzod/ /gang phyir gzhan rnams kyis ma rtogs pa'i rtogs bya ni/ /bdag gis mdza' dag rtogs pa de phyir sangs rgyas te/ /gang phyir bdag gi nyon mongs rnams ni dgra bzhin pham/ /de phyir zhi ba bdag ni kun nas shes par mdzod/ /sdug bsngal rnams kyis nyam thag grogs la phan don du/ /zhi ba kho bo 'di yang ba rA Na ser 'gro/ /der ni 'chi med chos kyi rnga dag brdung ba ste/ /snyan grags bde ba'i phyir min nga rgyal phyir ma yin/ /rgal bas 'gro ba rnams ni rgal bar 'gyur bgyi zhing/ /grol bas sems can rnams ni yongs su thar bar bgyi/ /de ltar gson pa'i 'jig rten nyam thag par mthong nas/ /sngon du bdag gi dam bca' 'di ni gyur pa'o/ /'di na kha cig nor ni thob nas bdag nyid ni/ /gcig pu nyid gang 'dzin par byed pa ngo mtshar cing/ /skye bo chen po ma btsum mig la gang gis kyang/ /khyad 'phags thob nas rnam par 'dzin pa de don yin/ /gang zhig skam la gnas pas
- 65b
mi ni chus khyer ba/ /'dren par 'dod min de ni legs pa'i gzugs ma yin/ /gang zhig gter ni thob nas skye bo dbul po la/ /nor gyis sbyor ba med pa de ni spyad po min/ /rang bzhin gnas pas nad kyis mngon par bcom pa la/ /lag tu song ba'i sman gyis gso bar rigs pa ste/ /de ltar lam ngan song ba'i ched du lam dag ni/ /nges par bya ba'i lam gyis bshad par 'thad pa yin/ /ji ltar sgron ma rab tu gsal bar byed pa ste/ /de yi rgyu can dmar por 'gro ba ma yin nyid/ /de bzhin sangs rgyas nyid kyis ye shes rab gsal bar/ /mdzad de de phyir chags par 'gro ba ma yin no/ /ji ltar shing rnams la ni med dag nges pa dang/ /mkha' la rlung dang sa la chu ni nges pa ste/ /de bzhin gang yang rnams su thub pa rnams kyis ni/ /byang chub nges shing kA shi rnams dang chos smra nges/ /de nas nye bar 'ongs las a la la zhes pa/ /rnam par rjod nas ji ltar 'dod bzhin rab spangs nas/ /yang dang yang du ya mtshan mig ni g.yo ba yis/ /re 'dod skyes shing sangs rgyas la ni lta bzhin song/ /de nas thub pas rim gyis kA sa'i grong khyer ni/ /nor gnas snying po dang ni rab mtshungs gzigs pa ste/ /grogs mo bzhin du 'khyur nas yang dag 'dus pa 'di/ /skal ldan shing rta dang ni ba rA Na se nyid/ /mthu dang gzi brjid ngag gis mngon par mdzes pa des/ /khu byug rnams kyis sgra sgrogs shing gi tshogs ldan zhing/ /drang srong chen pos bsnyen pa'i ri dags nags nyid du/ /rnam par mdzes pas nyi ma bzhin du rab thob po/ /kau Na Di n+ya'i rigs dang de nas ming chen dang/ /rlangs pa dang ni rta thul de bzhin bzang rgyal te/ /dge slong ldi yas de ni rkyang ring nas gzigs nas/ /phan tshun du ni tshig 'di smras par gyur pa'o/ /bde ba'i bdag nyid dge slong gau ta ma 'di/ /dka' thub de las phyir log mngon par 'ongs pa ste/ /mngon du 'gro bya ma yin nges par phyag 'os min/ /dam bca' bcom pa mchod par
- 66a
'os pa ma yin no/ /de ni brgya la gal te sdod par 'dod gyur na/ /de nyid la ni gtam ni rab tu gsol mdzod dang/ /'gron po nye bar 'ongs pa gang dang su la ni/ /'phags pa rnams kyis mi byed par ni 'os ma yin/ /de ltar bya ba byas nas dge slong de rnams ni/ /nye bar gnas pa'i nye bar sangs rgyas gshegs pa ste/ /ji lta ji ltar de rnams la ni nye bar gshegs/ /de lta de ltar de rnams dam bca' nyams par gyur/ /de nas kha cig 'di yin bza' slangs pa ste// de bzhin bzhan ni phyag 'tshal nas ni lhung bzed bzung/ /kha cig 'di la 'os pa'i gdan ni phul ba ste/ /de bzhin gzhan gnyis zhabs bsil nye bar phul ba'o/ /de ltar rab byed mchod pa mang po ldan pa rnams/ /'di la thams cad kyis ni bla mar spyod pa byas/ /rigs su mngon brjod de rnams kyis kyang ma spangs shing/ /de rnams la rjes brtse bcas bcom ldan gyis smras pa/ /mchod 'os dgra bcom la ni gus pa ma yin pas/ /sngar gyis spyod pas dge slong rnams kye ma smra zhig /bstod dang smad pa nges par bdag gis mnyam pa ste/ /khyod rnams bsod nams min las rnam par zlog par bgyi/ /sangs rgyas 'jig rten phan pa'i ched du sangs rgyas shing/ /'byung po kun la phan pas rab tu zhugs pa la/ /bla ma nye bar 'joms las ming gis gang smra ste/ /ma rungs pa yi pha ma bzhin du chos 'chad do/ /de ltar drang srong chen po thugs rje'i bdag nyid can/ /smra ba rnams kyi mchog gis de skad gsungs pa ste/ /rmongs las snying po med pas chud zos de rnams kyis/ /gdong ni cung zad bzhad pa dang ldan rgol smras pa'o/ /gau ta ma re zhig dka' thug mchog dang ni/ /dam pa de yis de nyid rtogs pa ma yin te/ /don ni dga' bas bsgrub bya bde bas gnas pa'o/ /khyod kyis mthong zhes bya ba 'dir ni gtan tshigs gang/ /gang tshe
- 66b
de ltar de bzhin gshegs pa'i de nyid la/ /de nas dge slong de rnams dad par gyur min te/ /byang chub pa yi lam ni de las gzhan du shes/ /de nas lam mkhyen pa yi lam ni dka' stsal pa/ /byis pa'i skye bo bdag nyid ngal bar ldan pa dang/ /dbang po'i spyod yul rnams la de bzhin chags pa ste/ /'chi ba med pa'i lung gi lam ma yin pa'i phyogs/ /skyon dang ldan pa gnyis po de la bltos mdzod cing/ /gdung bar mngon par brjod pa'i lus kyi ngal rnams kyis/ /yongs su 'khrugs shing rnam par gnon pa'i sems la ni/ /'jig rten tha snyad kyang ni brgyal shes min ni/ /dbang po las 'das de nyid lam ni kye ma ci/ /ji ltar sgron mas mtshan mo'i mun pa nyams pa ru/ /'dir ni mngon par nyer 'gro chu rnams gtor bas min/ /de bzhin ye shes me yis mi shes mun pa ni/ /nyams par sngon 'gro lus kyi dal ba rnams kyis min/ /ji ltar me ni 'dod pas shing la 'bigs pa dang/ /rnam par 'gems pas me ni thob pa ma yin la/ /de nyid mngon pa'i thabs las bsrubs pas thob pa ste/ /de bzhin sbyor las 'chi ba med thob ngal las min/ /de ltar don med 'dod pa rnams la chags pa ni/ /rdul dang mun pa dag gis zil non sems ldan rnams/ /bstan bcos don la nus kyang grub pa thob min na/ /chags bral 'gog pa'i cho ga la ni sngon nyid do/ /ji ltar nad kyis mngon par bcom pa'i srog chags kyis/ /mi phan bza' ba za ba'i gso ba 'dir yod min/ /de bzhin mi shes nad kyis mngon par bcom pa'o/ /'dod pa rnams la chags pa'i zhi ba gang las so/ /ji ltar skam po'i rten la gnas pa'i rlung gis ni/ /bus pa'i me yi zhi ba yod pa ma yin no/ /de bzhin 'dod pa'i rten la gnas pa'i chags pa yis/ /rjes su song ba'i sems kyi zhi ba yod ma yin/ /mdza' 'di gnyis pa dag kyang rnam par dor byas nas//
- 67a
bdag gis lam gzhan dbu mas lhag par rtogs pa ste/ /shin tu sdug bsngal nye bar zhi ba'i 'dren pa'o/ /bde ba dang ni dge ba nyid dang bral ba'o/ /yang dag lta ba'i nyams rab tu gsal byas shing/ /rnam dag yang dag rtogs pa'i shing rtas drangs pa ste/ /yang dag brjod pa'i yang dag dag ni gtsug lag khang/ /dge ba'i bya ba'i skyed tshal brgya phrag mngon par dga' / /smad pa med pa'i 'tsho ba lo lags chen po ste/ /yang dag rtsol bas stobs rab rjes su 'gro ba can/ kun tu yang dag dran pa'i spas pas spas pa ste/ /ting 'dzin gzigs mal dang ni gdan dang bzhugs pa yis/ /de ltar mchog gi yan lag brgyad 'dir 'di lam ste/ /'chi dang rga dang na ba rnams las 'dren pa'o/ /gang la drangs nas bya ba thams cad byas pa ste/ /'di dang che ge mor ni slan chad 'gro ba med/ /'di ni sdug bsngal mdza' dag 'di ni mtshan ma ste/ /'di ni 'gog pa 'di ya lam ni 'di yin te/ /de ltar ma thos chos kyi cho ga sngar med pa'i/ /rnam par thar phyir bdag gi spyan mig skyes pa'o/ /skye dang rga dang na dang de nas rgud pa dang/ /sdug pa dang bral mi sdug pa dang sbyor ba dang/ /'dod pa'i don ni rab tu thob pa med pa ste/ /rnam pa sna tshogs sdug bsngal 'di ni yongs su 'thob/ /'dod pa'i bdag can gyi 'am bdag rgyal can gyi 'am/ /lus can gyi 'am yang na lus can ma yin pa'i/ /gang zhig yon tan med pa gang la rab zhugs kyang/ /mdor bsdus nas de sdug bsngal du ni shes par mdzod/ /de ltar 'bar bzhi pa'i me ni chung na yang/ /lhan cig skyes pa dro ba'i ngo bo spong min nyid/ /de bzhin bdag tu 'du shes zhi sogs kyis phra yang/ /sdug bsngal bdag nyid can zhes bdag gi shin tu nges/ /ji ltar sa chu sa bon dus rnams myu gu'i bzhin/ /'dod chags la sogs rnam pa sna
- 67b
tshogs skyon rnams dang/ /skyon las rab tu skyes pa'i las rnams nyid dag ni/ /sdug bsngal dag gi rgyud ni nges par shes par mdzod/ /mtho ris su 'am 'og tu srid pa'i rgyun las ni/ /'dod chags la sogs skyon gyi tshogs rnams rgyu yin zhing/ /dman dang 'bring dang mchog ste sna tshogs nyid kyi ni/ /de dang der ni las rnams dag ni rtsa ba'o/ /nyes pa zad las 'khor ba'i rgyu ni yod min te/ /las zad pa las sdug bsngal de ni yod ma yin/ gang phyir don gang yod pa las ni kun 'byung ste/ /de phyir med pa las te slar yang 'byung pa med/ /gang du skye ba med cing rga med 'chi ba med/ /me med sa med chu med mkha' med rlung med la/ /thog ma bar dang mdza' med 'phags pa dbrog bya min/ /dge zhing 'gyur med 'gog pa de ni shes par mdzod/ /yan lag brgyad ldan gang zhig mngon brjod de lam ste/ /lhag par rtogs phyir 'di yi thabs de'i gzhan ma yin/ /lam 'di yi ni ma mthong ba las 'jig rten rnams/ /de nyid dang ni nye du rnams ni yongs su 'khor/ /sdug bsngal yongs su shes par bya zhing rgyu 'di ni/ /spang bya 'gog pa yang ni dbang du bya ba'o/ /de bzhin lam 'di yang ni bsgom par bya ba ste/ /de ltar 'di ni bdag gi blo gros rab zhugs so/ /sdug bsngal 'di ni yongs shes rgyu ni spangs pa ste/ /de bzhin du ni 'grog pa mngon du byas pa'o/ /de bzhin du ni 'di yi lam 'di bsgoms pa ste/ /da ltar 'dir ni bdag gi spyan mig rab zhugs so/ /ji srid du ni yang dag 'phags pa'i bden pa ni/ /bzhi pa'i rkang pa 'di rnams mthong ba ma yin pa/ de srid bdag 'dir grol ba med par zhes brjod cing/ /bdag nyid la ni don byas nyid du yang ma mthong/ /gang tshe 'phags pa'i bden pa rnams ni rtogs pa ste/ /rtogs nas kyang ni don byad 'os pa byas
- 68a
pa'o/ /de tshe bdag 'dir rnam par grol zhes brjod pa de/ /bdag nyid la ni don byas nyid du yang mthong ngo/ /de ltar drang srong chen po thugs rje mnga' ba yi/ /'dir ni chos dag de skad mngon par gsungs pa na/ /kauN+Di n+ya'i rigs dang lha ni brgya phrag rnams/ /gtsang zhing rdul dang bral ba'i mig ni thob par 'gyur/ /bya ba thams cad des par byas shing zhi ba de la ni/ /thams cad mkhyen pas khyu mchog bzhin du mthon po'i dbyangs kyis gsungs/ /khyod kyis ye shes bdag nyid chen pos des ni tshig gsol pa/ /legs so khyod kyi blo gros mchog ni bdag gis shes pa'o/ /legs so bdag gis shes shes de nas des ni 'jig rten ni/ /kauN+Di n+yas de'i go 'phang rigs ni bzung ba ste/ /bla ma dam pa de bzhin gshegs pa slob ma rnams kyis ni/ /gtso bo nyid du chos la yang dag lhag par gshegs pa'o/ /sgra de sa la rgyu ba'i gnod sbyin rnams kyis thos nas ni/ /rnam par rgyas pa'i dbyangs ni rab tu gsol bar gyur pa ste/ /'byung po rnams kyi 'chi med zhi ba'i ched du nges par ni/ /dam pa gzigs pas chos kyi 'khor lo bskor bde legs so/ /tshul khrims rtsibs dang zhi dang dul ba'i mu khyud blo rnams yangs/ /dran pas blo gros brtan pa brtson 'grus lte ba ngo tsha'i gzer/ /zab pa'i phyir dang rdzun med phyir dad legs par bstan nyid phyir/ /'jig rten gsum na bstan zhing bstan bcos gzhan rnams kyis mi ldog /sa 'dzin gnod sbyin rnams las sgra ni nye bar thob byas nas/ /mkha' la lha yi tshogs rnams kyis ni dbyangs byas shing/ /de ltar thos nas mtho ris rim dang rim rnams kyis mthon por/ /tshangs pa'i 'jig rten bar du sgra yis nye bar 'dzegs pa'o/ /mtho ris dag na gnas pa'i bdag nyid ldan pa kha cig gis/ /drang srong che las 'jig rten gsum ni g.yos zhes thos nas
- 68b
ni/ /sna tshogs yul rnams la ni chags par gshegs pa ma yin zhing/ yang dag skyo las srid pa gsum na zhi ba nyid du gshegs/ /de ltar 'jig rten rnams kyi mchog tu zhi ba'i ched du ni/ /mtho ris dang nis na chos kyi 'khor lo bskor tsam nas sprin bral mkha' las me tog dang bcas chu yi char bab cing/ /srid gsum gnas pa rnams kyis rnga bo che rnams mngon par brdungs/ /sangs rgyas kyi spyod pa zhes bya ba'i snyan dngags chen po las/ /chos kyi 'khor lo bskor ba'i le'u ste bco lnga pa'o// // de nas thams cad mkhyen pa yis/ /rta thul la sogs dge slong rnams/ /rab snyoms sems ldan de rnams kun/ /thar pa'i chos la bkod pa'o/ /nyi ma dang ldan skar ma lngas/ /nam mkhar zla ba ldan pa bzhin/ /lnga sde tham pa'i lnga sde yis/ /kun nas bskor ba de mdzes so/ /de nas ngo tshe kha cig ni/ /mo rnams blo phab nyal mthong nas/ /grags pa zhes bya chen po'i bu/ /yang dag skyo bar nye bar song/ /'di kun nye bar brtse ba ste/ /zhes ni tshig dang brjod bzhin du/ /dpal ldan mchog gi rgyan ldan pa/ /sangs rgyas gal ba der song/ /sems dang nyon mongs mkhyen pas des/ /gzigs nas de bzhin gshegs pas gsungs/ /mya ngan 'das la nyer tshe med/ /tshur shog dge ba thob par gyis/ /de ltar rnam rgyas grags pa'i gsung/ /'di ni thos nas tshal ba yis/ /nyam thag chu la 'dzul nas dang/ /mchog tu tshim pa nye bar song/ /sngon gyi rgyu yi stobs brten nas/ /de nas lus de nyid bzung ste/ /lus kyis dang ni sems kyis ni/ /dgra bcom nyid ni nye bar thob/ /ston ka'i chu yis bkrus pa yis/ /gos la tshon ni bkod pa bzhin/ /dkar po'i blo yi dam pa'i chos/ /thos nas rab tu rtogs pa nyid/ /cha lugs de yi ngo tsha bzhin/ /gnas pa de ni gzigs gyur na/ /don mdzad dam pa'i don mkhyen pa/ /smra ba rnams kyi mchog gis smros/ /rtags ni chos kyi rgyu min zhing//
- 69a
'byung po rnams la snyoms pa ste/ /zhi zhing dul la dbang po dul/ brgyan pa yin yang chos la spyod/ /gang zhig lus ni mthon po ste/ /sems kyis 'thon pa ma yin pa/ /nags na gnas kyang chags pa can/ /khyim na gnas shes de shes bya/ /gang zhig sems ni mthon pa ste/ /lus kyis mthon pa ma yin pa/ /khyim na gnas kyang nga med pa/ /nags na gnas shes de shes bya/ /khyim na gnas par gyur pa'i 'am/ /rab tu byung bar gyur pa'i yang/ /gang gis bsgrubs pa yod na ni/ /de yi thar pa mngon par brjod/ /ji ltar rgyal 'dod dgra sde la/ /rgyal phyir go cha 'dzin pa ste/ /de bzhin nyon mongs dgra de la/ /rgyal phyir brtags ni 'dren pa'o/ /de nas dge slong tshur shog ces/ /de bzhin gshegs pas de la gsungs/ /des ni dge slong rtags bzung ste/ /skad cig de nyid kyis grol to/ /de nas de yi rjes chags pas/ /de yi 'khor ni lnga bcu dang/ /gsum rnams nyid dang gcig nyid dang/ /chos de rab tu thob par 'gyur/ /'dag chal gyis bsgos gos rnams ni/ /chu yi yang dag reg pa bzhin/ /sngon tshe bsgoms pa'i las can rnams/ /de rnams myur du dag par gyur/ /de nas de tshe dgra bcom slob ma yis/ /dang po don bcas drug cu thams cad la/ /dgra bcom rnams kyis mngon mchod dgra bcom pas/ ji ltar 'os par yang dag bka' stsal to/ /dge slong rnams kyi sdug bsngal rgal/ /rang gi bya ba legs chen byas/ /pha rol sdug bsngal rnams la yang/ /rjes su 'dzin pa byed pa'i rigs/ /de phyir re re thams cad kyis/ /sa 'dir yongs su gshegs mdzod la/ /nyam thag 'jig rten ched du chos/ /rjes su brtse bas bstan par bya/ /grub phyir rdzu 'phrul ldan pa'i spun/ /'od srungs drang srong rnams 'dul phyir/ /rgyal po'i drang srong gis bsnyen pa'i/ /ga yar kho bo 'di yang 'gro/ /de nas de nyid
- 69b
mthong de rnams/ /de yi bka' las phyogs su song/ /rtsod bral bde bar gshegs pa ni/ /drang srong che yang ga yar gshegs/ /de nas dus su der gshegs nas/ /chos kyi dgon pa nye bar gshegs/ /dka' thub dngos su gnas pa bzhin/ /der ni 'od srungs gzigs pa'o/ /ri rnams dang ni nags rnams su/ /gnas rnams yod pa na yang de/ /rnam par 'dul bzhed stobs bcu pas/ /rab tu brten nas blangs pa'o/ /de nas grub pa nyams tshad phyir/ /me khang lto 'phye ches bsnyen par/ /ma rungs gnas des 'di la byin/ /der gzigs mtshan mor rang gnas shing/ /thos bral thub pa chen po la/ /mthong ba'i dug can khros pa yi/ /sprul nges mthong nas dbugs phyung ngo/ /de yi khro bas 'bar ba yi/ /me yi khang par gyur pa des/ /drang srong chen po'i sku lus la/ /'jigs pa bzhin du mes ma reg /dus mdza' i me nyer zhi ba na/ /tshangs pa bzhugs pa mdzes pa ltar/ /me yi khang par bsregs na yang/ /gau ta ma rnams 'gyur med/ /gang tshe sangs rgyas der bzhugs tshe/ /gnod med g.yo ba med pa ste// de tshe klu de ya mtshan zhing/ /drang srong mchog la phyag 'tshal lo/ /ri dags nags der skye bo yi/ /thub pa der bzhugs shes gyur nas/ /sdug pa 'o rgyal 'di 'dra ba'i/ /dge slong tshig ces rjes su brtse/ /de nas mtshan mo 'das pa na/ /rnam par 'dren pas 'ong srungs la/ /sprul ni zhi bas lhung bzed kyis/ /blangs nas de la bstan pa'o/ /de nas sangs rgyas che bdag nyid/ /thos nas de ni ya mtshan gyur/ /de lta na yang bdag nyid kyis/ /che zhing gong na med pa snyam/ /de nas dus su rab sbyar ba'i/ /sna tshogs rdzu 'phrul gzugs rnams kyis/ /de yis sems de mkhyen nyid las/ /zhi ldan thub pas thugs dgongs mdzad/ /ji ltar bdag las rdzu 'phrul gyis/ /sangs rgyas khyad par 'phags pa snyam/ /de yi chos ni rab bsgrub phyir/ /de tshe des ni nges par
- 70a
byas/ /kun nas slar log gnas pa yis/ /lter rgyas 'od srungs mthong nas ni/ /slob pa rnams kyi tshogs rnams kyang/ /lnga brgyas de yi chos la bsnyen/ /der ni spun zla slob mar bcas/ /mthar phyin shun lpags spangs pa na/ /g.yo chu klung zhes byas kyang/ /der song lam la bsnyen pa'o/ /de nas thub pas slob mar brdzas?/ /'od srungs gsum po de rnams la/ /sa 'dzin g.ya'i rtse mor ni/ /nges par mthar phyin gtam mdzad do/ /rnam par rtogs pa'i skye gnas dang/ gti mug rnam bkram du ba can/ /chag sdang me yi 'gro ba ni/ /thams cad dbang med par bsrag go /de lta nyon mongs mes tshig cing/ /rab tu ma zhi mgon med can/ /rga na 'chi ba'i me rnams kyis/ /slar yang rgyun mi chad par sreg / rnam pa sna tshogs mes tshig pa'i/ /'gro ba skyabs med 'di mthong nas/ /yid bcas dbang po dang bcas pa'i/ /gzugs la blo ldan skyo ba ste/ /skyo ba las ni chags bral 'gro/ /chags bral las ni rnam grol zhing/ /rnam grol de nas thams cad na/ /rnam par grol zhes shes pa'o/ /skye ba'i rgyun ni yongs mdzad cing/ /tshangs pa'i spyod pa 'dir gnas la/ /byed pa thams cad byas pa ste/ /sred pa gzhan ni yod ma yin/ /bcom ldan gyi gsung 'di thos nas/ /dge slong stong phrag dag gi sems len pa med nas zag pa las/ /de ma thag tu rnam par grol/ /sbyin pa tshul khrims dul rnams kyis/ /chos ni dngos su yongs bskor bzhin/ /de nas shes rab rgya che ba'i/ /'od srungs gsum gyis sangs rgyas mdzes/ /chos don 'dod pa dang bral ba'i/ /sems can na ba'i srog bzhin du/ /bgres mchog de rnams kyis bor ba'i/ /dka' thub nags de mdzes ma gyur/ /de nas de rnams kyis yongs bskor/ /thub pa rgyal po'i khab tu gshegs/ /ma ga d+ha yi mi dbang phyir/ /sngon gyi dam
- 70b
bca' dran pa'o/ /de nas 'od ma'i tshal yul ni/ /de bzhin gshegs pas rab tu thob/ /blon po rnams ni rjes 'gro bas/ /thos nas rgyal po mngon du song/ /de nas rang gi skal mtshungs pa'i/ /rkang pa bzhon pas skye bo ni/ /ya mtshan gyis ni rnam yangs mig /ri yi lam nas phyi rol byung/ /ma ga d+ha yi mi dbang gis/ /thub mchog rgyad ma? nas mthong nas/ /skyen pa dang bcas ma chos pa'i phyir/ /shing rta las ni sa la babs/ /des ni rnga yab rlung yab dang/ /rjes su 'brang ba rnams spangs nas/ /tshangs pa la ni dbang pos bzhin/ /thub la rgyal po sngon du song/ /cod pan rab g.yo mgon po yis/ /drang srong mchog la phyag 'tshal nas/ /sa yi 'ogs la rtswa 'jam la/ /mngon par rjes gnang bsdad pa'o/ /der mi rnams kyi bsams pa gyur/ /e ma shAkya thub pa'i stobs/ /'od srungs bcom ldan drang srong ni/ /'di yi slob ma nyid du gyur/ /de nas de'i sems sangs rgyas kyis/ /mkhyen nas 'od srungs la smras pa/ /'od srungs yon tan gang mthong nas/ /khyed kyi me ni spangs pa'o/ /chu sbyin chen po'i dbyangs kyis ni/ /bla mas de ltar de bskul te/ /mthon pos skye bo kun khyab par/ /thal mo sbyar zhing rnam par gsol/ /gang phyir mchod dang sbyin sreg gis/ /'bras bu yongs su 'khor ba ste/ /sems nang sna tshogs dang ldan te/ /de phyir mi rnams bdag gis spangs/ /gang phyir yul la skoms pa yis/ /bzlas dang sbyin sreg la sogs 'jug /yul rnams dag gis skom pa med/ /de phyir me rnams bdag gis spangs/ /gang phyir bzlas nas sreg nas kyang/ /skye ba la? ni thar min zhing/ /skye ba yi ni sdug bsngal che// de phyir me rnams bdag gis spangs/ /gang phyir mchod sbyin dka' thub kyis/ /dge legs yin zhes 'di? 'gyur pa/ /de ni brdzun pa nyid yin te/ /de phyir me rnams bdag gis spangs/ /gang phyir skye 'chi las drol ba/ /'gyur med go 'phang dge bar ni/ /brjod pa
- 71a
bdag gis shes pa ste/ /de phyir me rnams bdag gis spangs/ /de ltar de'i tshig dang skyed cing/ /don dang ldan pa'i gsan gyur nas/ /'dul ba'i slob dpon gau ta mas/ /dul ba'i 'od srungs la gsungs so/ /skal chen khyod ni legs par 'ongs/ /'di ni legs byas byas min min/ /gang khyod tha dad chos rnams su/ /dge legs gang de nye bar thob/ /de phyir re zhig 'khor rnams ni/ /rnam rgyas yang dag 'phel ba bzhin/ /sna tshogs rdzu 'phrul ston bzhin du/ /yid ni yang dag skyo bar gyis/ /de nas mchog ces smras nas ni/ /bdag la bdag ni yongs bsdus nas/ /mkha' 'gro'i bya ltar 'od srungs ni/ /klung gi lam la 'phur ba'o/ /de mkhar sdong dum bzhin gnas shing/ sa la bzhin du rnam par rgyu/ khri la bzhin du bzhugs pa dang/ /rdzu 'phrul mkhas gzims pa'o/ /slar yang me bzhin 'bar ba dang/ /slar yang sprin bzhin char 'bab ste/ /slar yang cig car shin tu ni/ /'bar ba dang ni 'bab pa'o/ /glog gi sna ba'i 'od ldan pa'i/ /rab 'bab chu gter sprin bzhin du/ 'bar ba dang ni 'bab pa yis/ /rgya cher rnam par gnon te mdzas/ /der ni mig rnams chags byas nas/ /ya mtshan gyen phyogs skye bo rnams/ /mchod mang po las phyag 'tshal zhing/ /seng ge'i sgra ni sgrogs pa'o/ /de nas rdzu 'phrul bsdus nas des/ /bya ba byas pa'i slob ma ni/ /bdag gi ston pa bcom ldan zhes/ /thub la mgo bos phyag 'tshal lo/ /drang srong mchog la de bzhin du/ /phyag 'tshal 'od srungs rab mthong nas/ /bde bar gshegs la kun mkhyen zhes/ /ma ga d+ha pa rnam des so// de nas zhing byas mkhyen nas ni/ /dge phyir dge legs la gnas pas/ /chos thos par ni 'dod pa yi/ /bzo sbyangs la ni bka' stsal pa/ /gzi chen ldan pa yid bcas shing/ /dbang po thul ba dbang por bcas/ /sa yi bdag po gzugs nyid ni/ /skye
- 71b
ba dang ni rnam par nyams/ /yon tan 'phel phyir 'di yi ni/ /skye dang 'gag pa shes bya ste/ /zhes nas de gnyis yang dag par/ /lus ni yang dag rig par mdzod/ /skye dang 'gag pa'i chos can du/ /dbang po dang bcas lus shes nas/ /bdag ldan bdag ces cung zhig ni/ /nye bar len min nye re 'gro min/ /lus dang dbang po blo rnams las/ /gzhan ni dmigs pa ma yin te/ /sdug bsngal nyid ni skye ba ste/ /sdug bsngal nyid ni 'gag pa'o/ /gang tshe 'di kun mden par 'gro/ /bdag med bdag gi ba yang med/ /de tshe mchog tu mi g.yo ba'i/ /mya ngan 'das pa thob pa'o/ /dar 'dzin la sogs nyon mongs kyis/ /bdag tu 'dzin las 'ching ba ste/ /'jig rten bdag med par mthong na/ /chags pa rnams las rnam par grol/ /mi bden par mthong 'ching ba ste/ /bden pang mthong ba rnam par grol/ /bdag yod ces ni 'jig rten 'dir/ /rab tu 'jug 'di bden mi 'dzin/ /gal te bdag yod gyur na de/ /rtag gam yang na mi rtag nyid/ /phyogs ni gnyis po 'di dag la/ /nyes pa chen po rab tu chags/ /gal te re zhig mi rtag gyur/ /las kyi 'bras bu med par 'gyur/ /yang srid yod pa ma yin zhing/ /thar pa 'bad pa med par gyur/ /ci ste rtag cing khyad par 'gyur/ /skye ba med dang skye ba min/ /nam mkha' khyab cing rtag pa ni/ /'god pa med cing skye ba med/ /gal te bdag 'di khyab bdag 'gyur/ /gang du mi gnas pa ma yin/ /'di dang song nas dang thar par/ /thams cad 'du ni cig car 'gyur/ /khyab bdag nyid phyir bya med 'di'i/ /las kyi bya ba med par 'gyur/ /las rnams ma byas pa las ni/ /'bras bur sbyor bar gang gis 'gyur/ /gal te 'di yi byed par 'gyur/ /bdag gi sdug bsngal byed ma yin/ /rang dbang gyur na sdug bsngal ni/ /bdag gis bdag gi byed pa su/ /bdag ni rtag pa nyid las ni/ /rnam par 'gyur ba skye min zhing//
- 72a
bde dang sdug bsngal thob pa las/ /de yi rnam par 'gyur ba mthong/ /ye shes thob pas dang nyon mongs/ /spangs las thar ba yod pa ste/ /bya med khyab bdag 'di yi ni/ /de phyir thar pa yod ma yin/ /yod min gyur las de nyid gyis// bdag ste 'di ni brjod min la/ /rgyur gyur pas kyang ma yin zhing/ /'di ni cung zad byed ma yin/ /bya ba las kyang gsal min zhing/ /gang rnams kyis 'di byas min la/ /rnam pa de ltar gyur min smra/ /de phyir bdag gi yod ma yin/ /byed pa po med 'dir ni rig pa po yang med/ /bdag po med pa'i lus po 'di ni 'dren par byed/ /ji ltar 'khor ba'i chu bo rab tu bskor ba ste/ /smra ba de ni nyon mdzod nyan pa rnams kyi mchog /dbang po drug dang dbang po'i spyod yul drug rnams la/ /brten nas rnam par shes pa rnam drug 'char pa ste/ /gsum po so sor rig pa'i cho ga rab bskor zhing/ gang las dran dang blo dang las kyi 'jug par yin/ /nor bu bud shing nyi ma yang dag phrad pa las/ /ji ltar me ni sbyar ba'i dbang gis skye ba ste/ /de bzhin blo dang dbang don dbang po la brten nas/ /skyes bu la brten bya ba rnams ni thams cad 'gyur/ /ji ltar sa bon las ni myu gu skye ba ste/ /myu gu des ni sa bon de ni shes min zhing/ /gzhan las gzhan du ma yin de las de ma yin// de bzhin lus dang dbang po blo yi rim pa'o/ /de ltar thub pa mchog gi gsung ni mchog tu dge /dam pa'i don du bsngags pa yang dag thos nas ni/ /dri ma med pa'i rdul med gzhal du med pa'o/ /ma ga d+ha yi bdag po chos mig skyes par gyur/ /'khor der ma ga d+ha yi grong na gnas pa yi/ /mi ni du ma rnams dang lhan gnas pa rnams/ /thub pa'i gsung thob pa la rnam dag bsam ldan rnams/ /'gyur med 'chi ba med pa'i go 'phang thob par gyur/ /sangs rgyas kyi
- 72b
spyod pa zhes bya ba'i snyan dngags chen po las/ slob ma mang po dang ldan pa'i le'u ste bcu drug pa'o// //de nas rgyal po des ni thub la rnam gnas phyir/ /dpal ldan nags tshal 'od ma'i tshal ni rab phul nas/ /de nyid khong du chud phyir kun nas gnyis pa ni/ /mngon par rjes gnang byas pa grong khyer la zhugs so/ /de nas gtsug lag khang der 'gro la phan pa'i phyir/ /ye shes las gyur dge ba'i sgron ma bsnams pa ste/ /tshangs dang lha dang de bzhin 'phags pa rnams kyi ni/ /gnas pa de dang de yis sangs rgyas rnam par gnas/ /de nas rta thul dbang po'i rta ni kun bsdams shing/ /bsod snyoms 'dod pas rgyal po'i khab ni rab thob ste/ /gzugs kyi dang ni zhi ba yis dang rnam 'gyur gyis/ /skye bo chen po rnams kyi mig rnams phrogs par gyur/ /ser skya'i rigs kyi dge slong slob ma du ma can/ /sha radwa ti'i bu zhes rab tu grags pa yis/ /dbang po zhi bar 'ongs pa de ni mthong ba ste/ /lam na rjes su gnas nas tshig ni mngon par smras/ /khyod kyi gsar ba'i rtags mtshan dang ni zhi ba nyid/ /mthong nas kho bo'i blo gros ya mtshan mchog gyur te/ /de phyir re zhig gal te de nyid rig pa dang/ /khyod kyi ston pa'i mtshan ci smra ba gang yin smros/ /de ltar mchod mang sngon 'gro bram ze de yis ni/ /de skad brjod cing rta thul gyis kyang smras pa ste/ /bu ram shing pa'i rigs su rab 'khyud thams cad mkhyen/ /bdag gi ston pa bla na med pa shes par mdzod/ /byis pa gser bu chos las skyes par gyur pa yis/ /khyod la ston pa brjod par nus pa ma yin no// smras pa mkhyen pa'i mchog gyur thub pa chen po'i gsungs/ /nyung ngu cung zad tsam zhig nges par rtogs par mdzod/ /gang zhig chos rnams mtshan ma las ni byung ba ste/ /de dag rnams kyi mtshan ma bcom ldan gyis gsungs shing/ /gang zhig de
- 73a
dag rnams kyis nges par 'gog pa dang/ /yang dag 'gog pa de yi thabs gang gsungs pa'o/ /de ltar rta thul gyis ni tshig 'di thos nas ni/ /gnyis skyes nyer rgyal zhes bya'i ming can de yi ni/ /skyen par chos la mig ni rdul dang bral ba ni/ /dge zhing rnam par dag par nges par gyur pa'o/ /rgyu med pa dang bya ba med dang dbang phyug ste/ /zhing zhes pa ni nges par de yis sngon rig cing/ /rgyu las 'di rnams rab tu 'jug par thos nas ni/ /bdag med gyur pa mthong nas dam pa'i bden pa gzigs/ /sbom po'i nyon mongs tshogs kyi rnam par nyams pa ni/ /grangs can lus las cha shas dang bcas mthong ba ste/ /spom po dang ni phra mo de yis nyams pa ni/ /sangs rgyas pa yi bstan las 'gyur zhes snyim par gyur/ /bdag tu 'du shes skyes pa nye bar ma khyud nas ni/ /ngar 'dzin spong ba ma yin de nas nga yi nyid/ /sgron pa dang ni nyen mor byed ba yod pa na/ /'od kyi rnam par nyams par gtan tshigs shes bya ci/ /ji ltar pad+ma'i chu ba che bar gyur pa yi/ /snal ma phra mo nyid ni gzhan dang brel ba ste/ /thar pa'i cho ga thar thug min par de snyam zhing/ /sangs rgyas pa yis rde ba phye dang mnyam par rtogs/ /de nas bram zes rta dul de la mngon mchod nas/ /tshim zhing rang nyid kyis ni khang par rnams song zhing/ /bsod snyoms rim bzhin rta thul gyis kyang rab thob nas/ /rang bzhin gnas shing mkhas pa 'od ma'i chal du ni/ /de bzhin rab tu dang bas mchog dang ldan pa yi/ /nye rgyal kyang ni mngon du zhugs pa mthong nas ni/ /thos pa dang ni bsam pas bya ba snyam pa yi/ /maung+ga la rigs su rab tu skyes pas smras pa'o/ /dge slong de nyid gang gis gzhan bzhin gyur pa ste/ /brtan yin yang dag dga' zhing nye bar song/ /khyed kyis 'chi med ci zhig de ring thob pa ste/ /bzhin ni rab tu dad 'di gtan
- 73b
tshigs med ma yin no/ /de nas 'di ltar bgyi zhes 'di la nges bden smras/ /de nas des ni bdag la smos pa shes nges smras/ /de nas tshig de nyid ni de yis smras pa ste/ /thos nas nyid kyi yang dag mig ni skyes par gyur/ /las dang bsam pa rnam dag blo ldan de gnyis ni/ /lag gnas sgron ma bzhin du de nyid mthong ba ste/ /shes pas ston la rnam par g.yo min bsam ldan dag /de ni blta ba'i don du da lta nyid du gshegs/ /slob ma'i sde bcas de nyid rgyang ma nas gzigs nas/ /bcom ldan drang srong chen pos dge slong rnams la gsungs/ /shes rab can dang rdzu 'phrul ldan pa rnams kyi gtso/ /kho bo'i mchog gi slob ma 'di gnyis 'dir 'ongs so/ /de nas zab dang brtan pa'i gsung ni zhi ba yi/ /thub pas de gnyis la ni gtam ngag mdzad pa ste/ /dge slong 'dir ni ma don par nyer 'ongs rab zhi'i phyir/ /chos 'di ji lta ba bzhin yang dag thob par gyis/ /myu gu gsum lag gtsug phud dang ldan gnyis skyes te/ /gnyis la de bzhin gshegs pas 'di skad ces gsungs te// sangs rgyas mthu yis ngur smrig gos dang ldan pa yi dge slong nyid du skad cig gis ni gyur pa'o/ /slob ma'i sder bcas cha lugs de yis de gnyis kyis/ /mgo bo dag gis thams cad mkhyen la mchod pa ste/ /de nas sangs rgyas kyis chos de gnyis la gsungs shing/ /dus kyi nga gnyis kyis ni nges legs thob par gyur/ /de nas 'od srungs rigs kyi sgron ma gnyis skyes ni/ /kha tog dang ni gzugs dang ner dang nyer ldan pas/ /rdzu 'phrul dang ni bdag ldan bzang mo rnam spangs nas// thar pa'i ched du ngur smrig bzung zhing gshegs pa'o/ /mdog bzangs gser gyi 'chod sdong dang mtshungs 'bar ba ni/ /bum das ming bcas mchod rten du ni des mthos nas/ /dngos po thams cad spangs shing ya mtshan dang bcas pas/ /thams
- 74a
cad mkhyen la thal mo rab sbyar mngon par song/ /thub pa la ni rgyang nas mgo bos phyag 'tshal zhing/ /phyag 'tshal nas ni ji lta ba bzhin mthon por gsol/ /bdag ni slob ma bcom ldan bdag gi ston pa lags/ /mun pa rnams su brtan pa bdag gi sgron mar gyur/ /gnyis skyes skom pa skyes shing nye bar 'ongs par ni/ /mkhyen nas bsam pa rnam dag thar 'dod de la ni/ /sems la gsung gi chab kyis rab tu tshim mdzad pa/ /de bzhin gshegs pas legs par 'ongs zhes bka' stsal to/ /gsung 'di yis ni ngal ba rnam par sos bzhin te/ /nges par legs par rtogs pa'i ched du gnas pa ste/ /de nas dag pa'i bdag nyid 'di la thugs rje can/ /thub pas chos ni mdor ma sdus pa yis gsungs pa'o/ /gang phyir thub pas chos ni phra mor gsungs tsam na/ /de yis don ni mdza' dag yang dag thob gyur te/ /de phyir yang dag rig dang na tshod che nyid las/ /dgra bcom 'od srungs chen po nyid du mtshan gyur to/ /gang gi lus las gzhan dang yang na lus su ni/ /bdag dang bdag gi ba zhes bdag tu rtogs pa ste/ /de yis bdag tu lta ba de ni des spangs shing/ /nyi tshe ba min sdug bsngal 'di ni mthong bar gyur/ /tshul khrims brtul zhugs dag gis dag par byed cing gang/ /rgyu med pa dang rgyu las de yis rtogs pa ste/ /sdug bsngal nyid du dang lam ni yang dag thob nas te/ /tshul khrims dang ni brtul zhugs mchog tu ma bzung ngo/ /phyin ci log tu gyur par song ba gang gi ni/ /mngon du bskor zhing mchog ni rab tu thob ma yin/ /bden pa bzhi po'i gong 'phang rnams ni mthong gyur nas/ the tshom som nyir gyur te yang dag mchod par gyur/ /'dod pa gang rnams su ni yang dag brgyar nyid dang/ /brgyal bar gyur dang brgyal bar 'gyur nyid 'jig rten pa/ /mi gtsang bden pa ma yin de rnams des shes nas/ /'dod chags shes bya'i yul
- 74b
de spangs par gyur pa'o/ /de bzhin du ni byams par gyur pa'i sems kyis des/ /bshes dang bshes min rnams su khyad par med pa ste/ /'byung po kun la rjes su gtso ba byas pa yis/ /nad du song ba'i gnod sems yang bar gyur pa'o/ /gzugs la brten pa rnams dang grong khyer brten pa rnams/ /sna tshogs nyid dang ldan pa'i 'du shes rnams spangs nas/ /des ni gzugs kyi khams su chags pa rnams btsam ste/ /gzugs la 'jug pa'i nyes pa rnams ni rtogs nas so/ /rmongs las snyoms 'jug rnams su thar pa'i 'du shes dang/ /gzugs med lha rnams mdzad pa can du rtogs nas ni/ /zhi zhing mtshan ma med pa'i sems ni gzung nas su/ /gzugs med sred pa las ni chags dang bral bar song/ /chu bo sind+hu'i shugs chen rab tu 'jug pa bzhin/ /sems kyi g.yo zhing bskyod par byed pa shes nas ni/ /brtan pa'i rten las rgod pa rnam par spangs pa ste/ /zhi zhing rdzing bu gang ba bzhin du gnas par gyur/ /snying po med pa'i phyir dang 'god pa'i chos nyid phyir/ /bdag med nyid phyir dngos rnams yang dag rab mthong nas/ /khyad 'phags nyid dang mnyam dang mchog nyid mthong ba ste/ /nga rgyal rnam par spangs nas yod ma yin zhes rtogs/ /ye shes me yis mi shes mun pa rnams bcom nas/ /zad pa can dang zad pa med par sna tshogs mthong/ /rnal 'byor gyis ni rig pa nyid ni yongs bsgoms nas/ /ma rig pa ni mdza' dag ji lta ba bzhin spangs/ /mthong dang bsgom pa dag gi kun tu sbyor ba ni/ /bcu po 'di dag rnams kyis rnam par gro 'gyur cing/ /thal mo sbyar byas sangs rgyas nyid la lta bzhin du/ /bya ba kun byas rang bzhin gnas te gnas par gyur/ /skar ma gsum gyi gnas skabs gsum skyod rjes skyes lha dang ni/ /ldan pa'i lnga gsum tshes kyi dus su skar ma'i rgyal po bzhin/ /gsum ni chud zos gyur cing gsum ni lhag par thob pa yi/ /gsum rig slob ma gsum gyis bde bar gshegs pa rnam par mdzes/ /sangs rgyas kyi spyod pa zhes bya ba'i snyan
- 75a
dngags chen po las/ nyan thos chen po rab tu gshegs par mdzad pa'i le'u ste bcu bdun pa'o/ //de nas 'ga' zhig tshe na nor ldan khyim bdag ni/ /skal ba med pa rnams la nor ni rab sbyin pa/ /bzang sbyin zhes ni rab tu grags pa'i ming ldan pa/ /byang phyogs yul ko sa la rnams nas der song gyur/ /de yis der ni thub pa bzhugs pa thos pa ste/ /thos nas blta bar 'dod pas mtshan mo rab tu song ngo/ /rnam dag sems dpa' des ni rab sleb rab mkhyen nas/ /rab tu phyag byas pa la bde bar gshegs pa bstan/ /gang phyir chos la bsgoms pas nyid ni rnam spangs nas/ /blo ldan mtshan mor bdag la lta 'dod rab slebs te/ /de lta nyid du 'ongs pa de yi de ma thag /nges par legs pa'i 'gron 'dir rab tu longs jod cig /gang zhig khyod kyi lhag bsam gang zhig bstan pa dang/ /bdag gis grags pa nyid las gang zhig dang ba dang/ /gang zhig sngon gyi rgyu las blo gros rab zhugs te/ /des ni yon tan chen po rnams kyi snod yin no/ /de phyir 'jig rten dag na grags dang gzhan du ni/ /'bras bu sbyin pa mchog las byung bar rig nas ni/ /bkur sti byas nas dus su snyoms pa'i bdag nyid kyis/ /chos las thob pa'i nor ni sbyin par bya ba'o/ /tshul khrims yang dag blangs nas spyad par bya ba ste// tshul khrims nyid ni bsrungs pa dang ni rgyan yin zhing/ /'og tu song ba rnams kyi rnam par ldog byed do/ /nam mkha' i steng gi nges par rdzogs pa po nyid yin/ /'dod pa rnams su gcig min zhen pas rjes bcings pa'i/ /yongs su tshol ba la sogs skyon rnams thos nas ni/ /nges par 'byung ba'i cho gar yon tan rnams shes nas/ rnam dbyen las skyes shi ba'i bden pa bsnyen par mdzod/ /'chi bas nye bar gzir zhing rga bas zil non pa'i/ /'jig rten rab tu bskor bar yang dag yongs shes
- 75b
nas/ /zhi ba skye ba med phyir 'bad pa mdzod cig dang/ /skye ba bden pa med na rga med 'chi ba med/ /ji ltar mi rnams la ni mi rtag bdag nyid kyis/ /rab chags sdug bsngal mngon sum du ni rig mdzod la/ /de bzhin lha rnams la yang sdug bsngal rig mdzod dang/ /'jug pa rtag pa nyid ni su yang yod ma yin/ /gang du mi rtag pa nyid der ni sdug bsngal zhing/ /gang du rang nyid med par der yang sdug bsngal te/ /gang du bdag ces pa dang bdag gi ba zhes pa/ /de tshe mi rtag sdug bsngal bdag med gang la yin/ /de phyir sdug bsngal las ni sdug bsngal 'di dag ni/ /mtshan ma las ni 'di yi mtshan ma ltos mdzod la/ /rnam par nye bar zhi las sdug bsngal zhi ba dang/ /lam las khyod kyis lam ni dge ba shes par gyis/ /'gro ba g.yo ba sdug bsngal 'di ni shes nas su/ /me dang rab mtshungs dus kyi me yis 'jig rten ni/ /mdza' dag rab tu tshig par yongs su rtog bzhin du/ /srid dang srid min rnams su smon pa med par gyis/ /stong pa nyid dang bdag med bdag gi ba med pa/ /sgyu ma dang mtshungs 'jig rten 'di ni shes byas nas/ /'du byed tsam zhig rab tu yongs su rtogs bzhin du/ /lus 'di la ni khams kyi 'du shes nyid du gyis/ /sems ni srid pa g.yos las yang dag g.yos nas dang/ /'khor ba'i 'gro ba rnam pa sna tshogs mthong nas ni/ /rtog pa med cing zhi la bden zhing chags med par/ /sems ni snyoms zhing mtshan ma med pa bsnyon par gyis/ /de nas drang srong chen po'i chos de thos pa las/ /chos kyi cho ga'i sngon gyi 'bras bu thob gyur cing/ /gang zhig thob nas 'di yi sdug bsngal las lhag ma/ /rgya mtsho chen po las ni thig pa gcig bzhin gyur/ /chags bral rnams kyi dgon par yang dag gnas kyang ngam/ /lus med rnams kyi srid tser yang dag gnas na yang/ /nags sam lha na de nyid mthong min ma yin la/ /khyim na gnas pa yin
- 76a
yang lta bas dge legs gyur/ rnam pa sna tshogs lta ba'i dra ba rnams kyis dang/ /'khor ba'i sdug bsngal rnams kyi de rnams rnam mi grol/ /de phyir rab tu nyams shing de nyid ma mthong bar/ chags pa rnam par bsal nas khyad par 'phags par gshegs/ lta ba legs skyes des ni lta ba ngan de rnams/ /ston ka'i sprin gyis rdo yi char bzhin spangs pa ste/ dbang phyug la sogs mi mthun rgyu las ma yin zhing/ des ni 'jig rten rgyu med par min zhes rtags so/ der phyir mi mnyam rgyud ni 'thad pa ma yin zhing/ /rgyu med par ni 'gal ba chen po yod pa nyid/ /'di yang rigs pas shes pas so sor mthong bas te/ the tshom med pas de nyid mthong ba kye ma ci/ /gal te dbang phyug gis na 'gro ba skyed gyur na/ 'gro ba rim gyis rab tu 'jug pa ma yin la/ /skye dgu rnams kyi 'khor ba'i 'khor lo ma yin zhing/ /gang du gang zhig bskyes nas de dang de nyid 'gyur/ /lus can rnams kyi mi 'dod 'thab pa ma yin zhing/ /de yi bdag nyid rnams kyi 'dod pa'i spyod pa med/ /gang zhig lus can rnams kyi dge dang mi dger gyur/ /de ni dbang phyug nyid phyir dbang phyug la yin no/ /de yi dbang phyug nyid la the tshom 'gyur min zhing/ /der ni mi rnams dag gis byams pa pha bzhin 'gyur/ /de la nyam thag pas ni smos pa smra min zhing/ /lha rnams de dang de la 'jig rten mchod ma yin/ /gal te 'di mi skyed la dgongs par gyur na ni/ /bya ldan nyid phyir deng 'dir dbang phyug ma yin zhing/ /gal te 'di yi 'jug la 'dod par gyur na ni/ /de nyid dbang phyug yod pa nyid la byed bar gyur/ /ci ste 'di yi skye la nus pa cung zhig med/ /byis pa bzhin du 'di yis spyod rnams rgyu med do/ /gal te dbang phyug gi ni bdag la mnga' nyid med/ /'jig rten bskyed la 'di yi stobs de ci zhig yod//
- 76b
ji ltar 'dod la gal te bde sdug las bsnyen na/ /'byung po rnams ni 'jig rten na des byas pa nyid/ gang phyir 'dod la chags pa khong khro la 'jug ste/ /de phyir de yi dbang nyid yod pa ma yin no/ /de'i rten nyid la sems med rnams kyis gnas bya ste/ /skyes pa'i 'bad rtsol tshang mar gyur pa nyid yin no/ /las 'bras med par 'gyur zhing lus ni byas min la/ /las kyi sbyor ba rnams ni de yi rten yin na/ /gal te dbang phyug rang gi las kyis 'gyur na ni/ /thun mong gyur pa'i las la dbang phyug gyur ma yin/ /ci ste de yi khyab bdag rgyu med gyur na ni/ /'gro ba kun gyi dbang phyug nyid ni rab tu grub/ /ci ste de yi dbang phyug nyid gzhan las yin zhing/ /de nyid kyi yang byed pa po yi dbang phyug gzhan yin la/ /de yis gzhan zhes de ltar 'dir ni rnam gzhag med/ /de phyir 'gro ba skyed pa yod pa ma yin nyid/ /dbang phyug skyed por gyur na rigs pas tha dad du/ /rnam par 'gal ba rnam pa du ma mthong ba ste/ /de yi phyir yang rang bzhin la ni nyes pa de/ /slar yang rab tu chags par 'gyur ba nyid yin no/ /rgyu shes rnams kyi rten ni cung zad rnams log pa'o/ /rgyu ni bya ba'i cho gar smra ba ma yin zhing/ /bya ba'i cho gar sa bon la sogs de dang de/ ltos pa yin te de phyir rang bzhin rgyu ma yin/ /'bras mi rdzogs par byed pa po ni gcig pa nyid/ /'ga' zhig gi yang rgyu ni cung zad yod ma yin/ /gcig gi bdag nyid can gyi rang bzhin rab bstan te/ /de phyir rab tu 'jug la rang bzhin rgyu ma yin/ /gang gi rang bzhin gyis ni khyab pa nyid 'dod pa/ de yi bya ba med pa nyid kyang rab chags shing/ /bya ba ma gtogs 'bras bu'i cho ga mthong min te/ /de yi phyir yang bskyed la rang bzhin rgyu ma yin/ de yi khyab pa po nyid la ni rgyu nyid phyir/ /thams cad las ni thams cad rgyun mi chad par 'gyur/ /'bras bu'i rab tu 'jug la nges pa mthong ba ste/ /de phyir skyed pa la ni rang
- 77a
bzhin rgyu ma yin/ /ji ltar 'di yi yon tan med nyid grub pa ste/ /de ltar 'bras bu la ni yon tan can rnams 'jig rten na mthong ste/ /de phyir rab tu 'jug la rang bzhin rgyu ma yin/ /rtag pa'i rgyu las khyad par 'gyur ba ma yin zhing/ /rnam 'gyur la ni tha dad yon tan nyid ma yin/ /rnam 'gyur la ni tha dad yon tan zhugs pa ste/ /de phyir rang bzhin las ni skyed pa rigs ma yin/ /rang bzhin gyi ni bskyed pa'i bdag nyid can nyid la/ /'bras bu rnams su nyams pa'i rgyu ni grub ma yin// gang phyir rnams gyur gyis ni nyams pa mthong ba ste/ /de phyir rtog par bya ba rgyu ni gzhan nyid do/ /nus par gyur pa'i sbyor la shin tu mthar thug pa'i/ /thar pa 'dod pa'i sdom brtson rnams kyi ma yin zhing/ /skye dgu rnams kyi rang bzhin rab tu 'jug pa'i phyir// gang las mthar pa'i ched dang pha rol gnon par gyur/ /skyed pa'i bdag nyid rang bzhin gyis ni des nyid phyir/ /de yi bdag nyid rnams 'gyur la ni des nyid yin/ /'jig rten dag na rnam 'gyur la ni brtan nyid med/ /de phyir rang bzhin gyis ni skyed par rigs ma yin/ /sems kyi spyod pa mi bsal rang bzhin zhes bya zhing/ /rnam 'gyur gsal ba 'di ni de nas grags pa ste/ /de phyir rab tu 'jug la rang bzhin rgyu min zhing/ /gsal ba'i rgyu la 'dir ni 'bras bu grub pa nyid/ /sems med rang bzhin las ni sems dang bcas pa yi/ /rta glang bong bu la sogs 'bras bu rigs ma ma yin zhing/ /sems dang rnam par bral ba'i gyu rnams dag las ni/ /sems dang ldan pa cung zad zhig ni 'jug ma yin/ /gal te 'gro ba skyed phyir dus ni nges pa ste/ /de phyir yongs su rtog byed rnams kyi thar pa med/ /gang phyir skye dgu rnams kyi mdza' ni byas min te/ /de phyir 'jig rten rgyu chad med par skye bar 'gyur/ /gang zhig yon tan rnams kyi gcig dang du mas byas/ /rjes rnams su ni rang nyid nges pa mthong ba
- 77b
ste/ /gal te rgyu gcig nyid du gnas par gyur pa na/ /de yang tha dad khyad par gyur pa nyid/ /gang zhig smin pa las skyes rdzas kyi cho gar sar/ /yon tan shes pas yon tan tha dad nyid du mthong/ /gang phyir rgyu ni khyad par min pa 'dod pa ste/ /stong pa'i rdzas rnams su yang nges par gyur pa nyid/ /gang gi mi gsal ba las rdzas ni 'char ba ste/ /de yi rjes su dpag pa nges par grub ma yin/ /'bras bu gsal ba yi ni yang dag rab 'jug pa/ /mi gsal ba las gang gis mngon du mthong ma yin/ /gsal ba gnyis pa ngag las rab tu 'jug pa bzhin/ /mi gsal ba las gang gi 'bras bu dang por gyur/ /de yi 'dod pa las 'dir mi 'dod chen po'o/ /rang bzhin nyid kyis nyes pa gnyis ni rab tu chags/ /ji ltar gser gyi phreng ba khyad par 'phags pa ste/ /de ltar rang bzhin gyi ni rnams gyur khyad par 'phags/ /'bras bu khyad par yin zhing rgyu yi ma yin te/ /de phyir bskyed la rang bzhin rigs pa ma yin no/ /gal te bya bar skyes bu de ni rgyu yin na/ /gang gis nges par gang 'dod nges de 'thob par 'gyur// 'dod kyang kha cig don ni 'thob pa ma yin la/ /mi 'dod na yang dbang med 'dir mi thob par 'gyur/ /gang gis ba lang rta bong rnga mo'i skye gnas 'gro/ /mnga' bdag nyid du gyur na de ni bsnyen min zhing/ /de ru 'gro ba'i sdig pa'i las ni byed pa dang/ /sdug bsngal mi 'dod su yis sdug bsngal byed par 'gyur/ /gal te 'jig rten dag na skyes bu byed par gyur/ /sdug bsngal byed pa ma yin bde ba kho na byed/ /'dod pa byed par 'dod kyang mi 'dod byed pa ste/ /dbang phyug chen por gyur na mi 'dod su yis spyod/ /gang che mi ni chos min pa las rnam 'jigs shing/ /'bad pas chos ni rab tu son par byed pa nyid/ /sna tshogs nyon mongs rnams kyis dbang med 'phrog pa ste/ /de phyir 'di na mi ni pha rol rgyud du gyur/ /grang dang dro dang char dang thog dang glog
- 78a
sogs kyi/ /bya ba rnams ni mi la bzlog nas mthong ba ste/ /gang phyir rang dbang ma yin mi ni gzhan ldan te/ /de phyir bya ba rnams su skyes bu dbang phyug min/ /gang tshe sa bon las dang sa chu'i rten las ni/ /dus sbyor rab tu 'jug la lo tog phun tshogs shing/ /mar me dag las rab gsal shing las mo yin te/ /rgyu med las yin zhes pa rgyu med ma yin no/ /rgyu med pa las gal te 'gro ba'i rab 'jug na/ /mi yi byed pa yis ni med par 'gyur ba ste/ /thams cad kyis ni thams cad nges par 'thob byed cing/ /rtag na 'di ni thams cad du ni song bar grub/ /de dang sdug bsngal gal te rgyu med las yin na/ /gang char kun gyi bde dang sdug bsngal skar min zhing/ /rgyu med las kyang bde dang sdug bsngal rtogs min te/ /de phyir rgyu med pas shes 'di ni rgyu ma yin/ /de skad ces pa la sogs mi mnyam rgyu rnams nges/ /'jig rten rab tu 'jug la rgyu rnams shes ma yin/ /rgyu med par ni 'jig rten mthong ba ma yin zhing/ /nyes pa 'di rnams rgyu med las ni yang dag rtogs// ba rtan pa dang ni g.yo ba'i 'byung po rnams su yang/ /de dang de la brten nas de dang de 'byung ste/ /'jig rten dag na rgyu med ci yang yod min zhing/ /kun gyi rgyu ni 'jig rten pa yis shes ma yin/ /de nas sbyin pa bzang por byin pa'i bzang byin des/ rgya che'i chos kyi dam pa'i chos ni rnams shes nas/ /g.yo ba med pa'i blo gros nges par rab dang bas/ /drang srong chen po la ni tshig 'di gsol ba'o/ /mnyan yod rta ljang rta rid kyis bsnyen grong khyer ni/ /bdag gi gnas kyi gnas ni bsod nams grags pa can/ /der ni bdag gis khyed kyi gnas ni byed 'dod de/ /sdig med gnas mchog dam ma de ni bsnyen par mdzod/ /gang lta na yang thub pa khyed kyi gnas su snyoms pa ni/ /gzhal yas khang gi logs sam rnam dben nags su ni//
- 78b
bdag la rjes su brtse phyir gnas kyi ched du ni/ /dgra bcom rab tu gzhes par mdzad par 'os pa lags/ /de nas gtong bar lhag par mos pa 'di yis ni/ /rnam par grol ba'i sems ni rnam par mkhyen nas ni/ /chags pa med pa'i blo mnga' blos gros mkhyen ba yis/ /mchog tu zhi bas blo gros yang dag bka' stsal to/ /sems dpa' brtan kye gang zhig rdzas glog g.yo rnams su/ /khyod kyi sems dpa' gtong la lhag par mos pa ste/ /rang bzhin gyis ni sbyin la dga' zhing chos la dgyes/ /de nyid mthong ba khyod la de ni ngo mtshar min/ /gang zhig khyim ni tshig las phyi rol 'thon byed pa/ /de yi don de 'tshig gam byed pa ma yin te/ /de bzhin dus kyi me yis 'gro ba tshig pa na/ /gang gis gang zhig sbyin pa de yis de nyer thob/ /de phyir rnam spangs sems dpa' rnams kyis sbyin pa dang/ /yul rnams yang dag longs spyod par ni shes pa nyid/ /bkren pa 'jig rten dag ni zad pa'i skyon mthong bas/ /nye bar longs spyod ma yin 'jigs las sbyin ma yin/ /dus su smod la don ni rnam par gtong ba dang/ /dpa' dang nga rgyal las ni de bzhin g.yul 'gyed par/ /sems dpa' lhag pa nyid kyis shes te gzhan gyis min/ /sems dpa' yis ni sbyin pa nyid dang g.yul 'gyed do/ /sbyin byed dga' ba nyid du 'gro la 'gro ba ste/ /snyan pa dang ni dam par grags pa rab tu 'thob sbyin pa po yod gang zhes dam pa rnams sbyin nas/ /yang dag bkur ba dang ni mngon du 'gro bar byed/ /de bzhin 'jig rten dag na blo gtad nyid 'gyur zhing/ /mi bzod pa rnams las kyang nyes pa 'thob ma yin/ /bsod nams rnams ni bdag gis byas zhes tshim pa ste/ /'chi ba'i dus su skrag par mngon par 'gro ma yin/ /sbyin pa'i 'bras bu 'dir ni me tog tsam zhig ste/ /sbyin pa po yi 'bras bu gzhan nyid rab tu 'thob/ /'khor ba'i 'khor lo la ni 'khor ba'i skye bo yi/ /gtong ba dang mnyam gnyen ni yod pa
- 79a
ma yin no/ /mi yi 'jig rten na dang lhan skyes pa rnams/ /gtong pa las dang mnyam pa rnams las lhag par gyur/ /rta dang glang po'i skye gnas su yang gnas pa rnams/ /'bras du de ni gtso bo thob par 'gyur pa'o/ /sbyin pas longs spyod rnams kyis yongs su 'dzin pa ste/ /tshul khrims kyis bsrungs mtho ris su ni 'gro bar 'gyur/ /ye shes sngon du 'gro ba can gyi zhi ba yis kyang ni/ /rten dang bral ba gang na grangs su 'gro ba 'gro ma yin/ /cha med bdud rtsi de yis 'thob pa'i ched du yang/ /sdom par gyur pa rab tu sbyin pa yin pa yid/ /sbyin pa dran nas rab tu dga' bar gyur pa ste/ /yid ni rab tu dga' las nges par ting 'dzin yin/ /mnyam par bzhag na yang dag mtho ba 'di ru ni/ /skye dang 'god pa shes par rim gyis 'gyur ba ste/ /gzhan la sbyin pa sbyin pa'i sbyin pa bo yis ni snying la gnas pa'i nyon mongs rnams ni bsrab par 'gyur/ /gang zhig sbyin pa sbyin byed de yi don rnams su/ /chags par grags pa de ni dang por chos pa nyid/ /gang la rab tu byams pa'i sems kyis sbyin pa ste/ /de phyir zhe sdang dang ni nga rgyal spangs par gyur/ /rab tu len pa po ni bde ldan rnams mthong nas/ /gang zhig dga' ste des na ser sna yod ma yin/ /sbyin pa pos ni sbyin pa'i 'bras bu mngon rtogs nas/ /med pa nyid dang mi shes mun pa 'joms pa po/ /de phyir zhi ba 'phags min gyis bsnyen ser sna dang/ /sred pa gang las sbyin pa byed pas bcom pa ste/ /des na thar pa'i yan lag gyur pa sbyin pa ni/ yin zhing nyes pa rab tu nyams phyir thar pa'o/ /ji ltar gzhan rnams grib ma'i don du shing 'dod cing/ /kha cig 'bras bu'i don du gzhin rnams me tog phyir/ /de ltar sbyin pa yongs su sgyur bar byed pa ste/ /kha cig zhi ba'i don du gzhan rnams nor gyi phyir/ /de phyir khyad par du ni khyim na gnas rnams kyis//
- 79b
sbyin pa ji ltar nus pa mchog ni gter yin zhing/ /sbyin pa snying po med pa'i nor gyi snying po ste/ /dam pa rnams kyi rjes su song ba lam 'di yin/ /bza' ba rab tu sbyin par stobs ni rab ster zhing/ /bgo ba sbyin byed la yang lus ni ster ba'o/ gang gis dam pa rnams la gnas ni sbyin byed pa/ /des kyang 'jig rten dag na thams cad byin pa yin/ /theg pa sbyin byed la yang bde ba sbyin pa ste/ /mar me sbyin byed la ni spyan mig sbyin pa nyid/ de nas dbrog bya ma yin 'chi med rab sbyin zhing/ /gang gis mthar thug gyur pa'i chos kyis ston pa nyid/ /kha cig 'dod pa'i ched du sbyin pa gtong ba ste/ gzhan ni don gyis don du gcig ni grags pa'i phyir/ /kha cig mtho ris don du gzhan mi brtse ba'i phyir/ /khyod kyi sbyin pa 'di ni chags pa med pa yin/ /de phyir legs so khyod ni sred pa de ltar gyur/ /gang zhig yang dag bsgrubs mdzod 'dod pa tshim par shog /rdul bcas mun pa dang ldan gang khyed 'ongs nas ni/ /ye shes rnam dag blo ni rab tu 'gro bar 'gyur/ /de nyid de ni gshegs pas lam gyis yang dag par dga' ba byas pa dang yang gzhug pa byas pa ni/ /gtsug lag khang de snying la rnam par byas nas ni/ /nye rgyal dang ni lhan cig dus su song bar gyur/ /song nas de na kau sham rgyal po'i khab dang ni/ /gtsug lag khang gi sa la so sor yang dag rgyus/ / dpal ldan mnyam zhing mdze sla yid 'ong shing ldan pa/ /der ni de yis rgyal byed kyi ni tshal mthong ngo/ /de nas de yi don du rgyal byed la zhugs te/ /de yis chags pa las ni de la ma byin no/ /khyod kyi gal te don gyis kun nas bkram na yang/ /sa ni bdag gis sbyin pa ma yin zhes smras so/ /de nas der ni bzang sbyin gyis de la smras pa/ /tshal de la ni rim byas shes ni mngon 'dod do/ /de nas des ni nor gyi sa ni yongs g.yogs nas/ /chos kyi tha snyad mthong zhing nyos par gyur pa'o/ /de yis
- 80a
gtong ba des ni mthong nas rgyal byed kyis/ /sangs rgyas la ni mchog tu rab tu dang ba byas/ /nags tshal de yi lhag ma dag ni kun nas ni/ /de bzhin gshegs pa la ni phul bar gyur pa'o/ /de nas mgon med zas sbyin gyis ni drang srong chen po yis/ /nye rgyal gyis ni nges par gzigs par bya ba'i don ldan par/ /myur ba'i blo gros dang ldan ma chags grol ba'i sems kyi ni/ /mdzes shing dge ba mchog gi gtsug lag khang ni byed du bcug /nor gyi dbang phyug nyid kyi gnas ni 'phongs pa lta bu dang/ /byang phyogs ko sha la yi khang pa'i bde ba lta bu dang/ /de bzhin gshegs pa nyid kyi gzhi ni mtshungs pa lta bu dang/ /rang gi nor dang stobs kyi dang ni lta ba yid yang ngo/ /sangs rgyas kyi spyod pa zhes bya ba'i snyan dngags chen po las/ /mgon med zas sbyin la rjes su ston pa'i le'u ste bco brgyad pa'o// //de nas thub pa sna tshogs tha dad blo can gyi/ /ston pas thams cad ye shes kyis ni zil mnan nas/ /bcu phyed phrag ri nas dang grong khyer nas rim gyis/ /rgyal po bum pas bsnyen pa'i grong khyer du gshegs so/ /de nas slob ma stong phrag tsam ni dul ba ni/ /gshegs so des ni yab kyi yul ni rab tu thob/ /de nas de la rjes su 'dzin pa mdzad bzhed pa/ /rang gi grong gi gnas la mdza' ru bsnyen pa'o/ /de nas 'dun na 'don dang blon po blo gros can/ /dga' ba'i gtam la dam pa rgyu ba de rnams kyis/ /yongs su rdzogs pa'i rab rnyed 'phags pa ste/ /sa skyong rgyal po de la zhus shing gsol ba'o/ /de nas de ni 'ongs pa thos nas sa skyong ni/ /dga' ba yongs ldan sems kyis lta bar 'dod pa yis/ /grong khyer pa ni kun gyi rjes su 'gro byas pa/ /myur bas bstan pa spangs shing bsu ba la gshegs so/ /drang srong dbus su tshangs pa bzhin du ni/ /slob mas
- 80b
bsgor ba de ni rgyang ring nas gzigs nas/ /drang srong chen po'i chos la rjes su 'gro bas ni/ /shing rta spangs nas rkang pa rnams kyis nye bar gshegs/ /myur bar de yi nye logs su ni yongs phyin nas/ /thub pa mthong ba nyid de des ni ma smras so/ /de lta bu zhes smra bar nus pa ma yin zhing/ /de bzhin dge slong zhes ni nus pa ma yin no/ /de nas de yi dge slong cha lugs de mthong zhing/ /bdag tu song ba'i sna tshogs dpal la brtags nas ni/ /dbugs rings rgyus nas mchi ma rnam par bton pa ste/ /drag tu min par gyur cing rnam par zlos pa nyid/ /lam 'gro sgom par gyur pa mngon par song ba yi/ /rgyang ring dag nas rdzing bu skam po mthong nas ltar/ /rang gnas rnam pa dang bral nye bar nyer bzhugs pa/ /mthong nas bdag gi nyam thag stobs ldan mchog tu gyur/ /'jig rten mdza' ru gnas pa'i sems gyur thim pa na/ /sdug pa'i rnam 'gyur ri mor song ba ji lta bar/ /gzugs de nyid ni mthong ba na ni bdag la ni/ /dga' ba yod pa ma yin 'di la dga' ba thal/ /gang gi mdza' dag ri yis bzlums pas sa gzhi ni/ /dang po'i dus su nga la nu ni gnas pa bzhin/ /gang zhig dbang po la yang slong par 'os min pa/ /bdag gi de ni pha rol rnams la slong mos 'tsho/ /ga sa 'di snying po lhun po la ni khyad 'phags shing/ /gsal bas nyi ma la dang mdzes pas zla ba la/ /'gros kyis glang po che la dbyangs kyi khyu mchog la/ /des ni slong mo za zhing sa ni rdzogs la min/ /de nas bu yi 'du shes kyis ni 'phyo ba nyid/ /rgyal po'i bsam pa 'di ni rnam par mkhyen nas dang/ /'jig rten lhag ma lha yang rjes su brtse ba ste/ /de yi don du sangs rgyas mkha' la 'phur bar gyur/ /nyi ma'i shing rta phyag gis reg par mdzad nas ni/ /rlung gis bsnyen pa'i lam la zhabs dag gis gshegs shing/ /sku la gcig tu gyur cing du mar 'gyur ba dang/ /mang po nyid du gyur nas gcig tu gyur
- 81a
pa'o/ /sa la chu bzhin du yang zhugs shing thogs med la/ /chu yi logs la sa la bzhin du spyod pa dang/ /rab dang ni ri la thang kar mdzad pa dang/ /thogs pa med cing mkha' la bzhin du rab tu bzhugs/ /lus kyi phyed kyis chu yi char ba 'bebs pa dang/ /phyed kyi me bzhin du ni 'bar bar gyur pa ste/ /ri bos 'bar ba'i sman dang rab tu 'bar ba bzhin/ /mkha' la gang zhig 'bar dang 'bar bas mdzes par gyur/ /dbang phyug mngon par 'dod pa'i skye bo de yi ni// sems kyi rab tu dga' ba de ltar bskyed nas ni/ /nyi ma gnyis pa bzhin du mkha' la bzhugs nas su/ /mi skyong la ni chos dag bgro bar mdzad pa'o/ /mi skyong khyed kyi bdag la gang zhig ltos pa dang/ /mya ngan rjes su zhugs pa snying rje'i bdag nyid shes/ /bu la dga' ba de ni chod mdzod zhi bar gshegs/ /bdag las bu yi gsar pa bsnoms mdzod cig /gang zhig sngon chad bu yis pha la ma byin zhing/ /sngon ni pha yis bu las rab tu ma thob pa/ /rgyal srid las khyad 'phags shing mtho ris las khyad 'phags/ /rgyal po mchog gi bdud rtsi de ni bzhes mdzod cig /sa skyong las kyi bdag nyid las kyi skye gnas dang/ /las kyi rten dang? las kyi rnam smin skal ba dang/ /las kyi dbang gis gnas par 'gro ba shes nas ni/ /phan pa'i ched du las gang gyur pa de bsnyen mdzod/ 'jig rten de nyid rtogs nas dang ni btsal nas su/ /dam pa'i las ni mi yi bshes yin gzhan ma yin/ /thams cad bor nas las dang lhan cig khyod kyi ni/ /rten dang bral zhing gcig pur 'gro bar bya ba'o/ /lha 'am dmyal ba dud 'gro mi yi 'jig rten du/ /las kyi rten las son pa'i 'jig rten 'gro ba ste/ /srid pa'i rgyu ni rnam pa gsum dang skye gnas gsum/ /sna tshogs las ni 'jig rten pa yis rab tu byed//
- 81b
de phyir sde tshan gnyis ni yang dag 'jug par dang/ /lus dang ngag gi las 'di rnam par dag pa dang/ /yid kyi rab tu zhi la 'bad par bya ba ste/ /de ni bdag gi don yin gzhan don ma yin no/ /'gro ba chu yi dpa' rlabs g.yo bar shes nas ni// brtags nas khyod kyi srid pa rnams su dga' mi bya/ /las ni yongs su zad phyir dam pa'i las gang des/ /mchog tu bde ba'i don du gang gyur bsnyen par bya/ /rgyu skar 'khor lo mkha' la bzhin du rtag par ni/ /'jig rten yongs su 'khor bar shes par byas nas ni/ /rtse mo 'das nas lha nas lha yang lhung ba ste/ /kye ma mir gyur smos ci blo gtang byed pa su/ /bde ba rnams las mchog tu thar pa'i bde ba dang/ /dga' ba rnams las bdag tu dga' bas btsor shes nas/ /lag 'gro rnams kyi brang la bzhin du bdag ldan ni/ /su zhig 'jigs pa du ma'i dpa' gyi bde la dga' / /de phyir rten pa khyim na med bzhin 'jig rten ni/ /'jigs pa chen po dang ni yongs ldan mthong nas ni/ /gang zhig skye 'chi ngal ba mya ngan dang bral ba/ /zhi zhing brten pa'i go 'phang de ni slongs mdzod cig /don gyis ma yin yul gyis na yin mtshon gyis min/ gang la rta dang glang pos don ni yod ma yin/ /skyon ni dgra bo rnams kyi sde de mtshoms mdzod dang/ /de las rgyal na rnam par rgyal ba gzhal du med/ / sdug bsngal dang ni bsdug bsngal gyi rgyu zhi ba dang/ zhi ba yi yang mngon pa'i thabs ni shes par mdzod/ /bzhi po 'di yi kun nas khong du chud pa las/ /'jigs pa chen po dang ni ngan 'gro rnams 'gog go /de nas bde bar gshegs pas rdzu 'phrul gyis sngon du/ /zhing du byas pa'i sems la dga' ba skyes pa ste/ /thos nas mi skyong de yis chos ni rab thob cing/ /dga' bzhin thal mo sbyar nas 'di skad ces gsol to/ /blo ldan dang bcas 'bras bu dang bcas khyed dgyis shing/ /sdug bsngal
- 82a
chen po las ni rnam grol khyed dgyes so/ /mya ngan ched du don med sa sbyin bdag dga' la/ /bu yis 'bras bu dang ldan bdag ni dga' bar gyur/ /phun tshogs spangs nas gshegs pa khyed ni gnas su gyur// ngal ba chen pos dub pas khyed ni gnas su gyur/ /dga' ba'i gnyen 'dun dga' ba khyod kyis bor ba rnams/ /bdag cag rnams ni snying rje bar du gnas su gyur/ /lha yi drang srong rnams sam rgyal po'i drang srong rnams/ /de rnams sngon dus na yang gang la ma gshegs pa/ /nyam thag 'jig rten dag gi dge ba'i ched du lam/ /nges par legs pa 'di dang khyed kyis lhag par thob/ /khyed ni 'khor los sgyur bar gal te gyur na ni/ /bdag gi dga' ba de ltar 'gyur ba ma yin zhing// rnam pa de ltar? rdzu 'phrul 'di dang khyod kyis chos/ /mthong ba? ji ltar bdag gi brtan pa dga' bar 'gyur/ /'dir ni yang srid nyid du sbyor ba'i chos la ni/ /'khor los sgyur bas skye dgu rnams ni skyong pa ste/ /'khor ba'i sdug bsngal chen po rnams ni 'dzoms pa la/ /'jig rten ched du chos kyang thub pa khyod kyis gsungs/ /gang gi rdzu 'phrul 'di dang rnam gyis blo gros dang/ /'khor ba'i 'jigs pa mdza' dag nges par log pa ni/ /dpal dang bral yang 'jig rten na khyod dbang phyug ste/ /dpal ni 'phel yang dbang med sred bcas ma yin no/ /brtse ba'i chos kyi bstan pa'i 'os gyur pa/ /shAkya'i rgyal pos mang po de skad smas nas ni/ /rgyal po nyid dang yab nyid du ni gnas na yang/ /sras la de nyid khong du chud phyir phyag byas so/ /thub pa'i mthu ni lhag par thob pa mthong nas dang/ /de nyid rab tu 'bigs pa'i bstan bcos mthong nas dang/ /bla ma rgyal pos sbyar ba'i mchod pa mthong nas ni/ /du ma rnams kyis rab tu 'byung phyir re 'dod byas/ /de
- 82b
nas gzhon nu mang po 'bras bu la gnas rnams/ /chos kyi cho ga de nyid rab tu thob gyur te/ /sngags dang 'dod pa chen po rnams la bltos med nas/ /byams pa'i gnyen 'dun du ba rnams ni spangs nas so/ /kun dga' mdzes dga' kra mi la dang ma 'gags ba/ /dga' bo nye dga' dag dang de nas 'khyil ba 'dzin/ /slob ma'i lkog tu ston pa yis ni lhas byin te/ /thub pas rjes su bslabs pa de rnams byung bar gyur/ /de nas mdun na 'don gyi bu ni bdag nyid che/ /'char kas lam de nyid la rab tu song ba ste// de yis nges pa rab tu mthong nas de bzhin du/ /nye bar 'khor dang rgyun shes bu yis blo byas so/ /rgyal po yis kyang sras kyi mthu ni mthong nas dang/ /mchog gi bdud rtsi'i rgyun ni rab tu thob byas nas/ /chags pa med par rgyal srid spun zla la byin zhing// rgyal po'i drang srong spyod pas khyim rnams la bsnyen to/ /de skad ces pa la sogs legs pa'i gnyen rnams dang/ /'khor dang gnyen rnams rjes su brtul nas sangs rgyas ni/ /mchi ma dang bcas grong khyer ba yis mngon dga' ba/ /rang gnas grong khyer la ni dus su rab zhugs pa/ /don kun grub pa zhes pa rgyal po'i sras po ni/ /don mdzad grub pa grong khyer du ni rab zhugs pa/ /zhes ni don thos khang pa rnams su mi mo rnams/ /sgo rnams dang ni skar khur rnams la mnyam par brten/ /mtshams kyi sprin gyis phyed bka' 'od zer ldan pa bzhin/ /ngur smrig bsnams shing mdzes pa de ni rab mthong nas/ bud med de rnams mig nas mchi ma phyung ba ste/ /pad+ma dang mtshungs thal mo rnams kyis phyag 'tshal lo/ /chos kyi dang ni gzugs kyi bsal bar gyur pa ni/ /'og tu zhal gzigs gshegs pa de ni mthong gyur nas/ /brtse ba dang ni gus pa rnam par ston pa ste/ /mchi mas rnyogs pa'i mig can rab myos ma rnam zlos/ /legs skyes dbu ni bzhar bar rnam par mdzad nas dang//
- 83a
na bza' rnying pa yongs su gsol nas dang/ /sku las gser gyi kha dog rab tu g.yogs nas dang/ /des ni spyan mig rab tu bkod nas gshegs/ /gang zhig gdung ba skyob pa'i gdugs dkar bsnyen phyir dang/ /sras po rnam par dul ba blta ba'i phyir 'ong zhing/ /kun nas gnas phyir 'os shing rgyal ba'i phyir 'os pa/ /des ni lhung bzed yang dag yongs su gzung nas gshegs/ /'gram par tam la yi lo ma rnam bkod pa'i/ /mdzes ma'i gdong dang gdung ba skyob pa'i gdugs dkar ni/ /gang gis bsnyen par 'os zhing mgyogs 'gro 'os pa ste/ /des ni lhung bzed yongs su bzung nas rkang pas gshegs/ /sa skyong bdag skyes rnams kyi dgra rnams zad pa dang/ /dga' ba rnams kyi chags dang 'gro ba'i rjes chags par/ /blta bar 'os shing sna tshogs dbu rgyan bsnams pa gang/ /des ni sa yi gnya' shing gang tsam gzigs shing gshegs/ /'di yi lta ba ci zhig mtshan nyid de ni ci/ /don gnyer ci zhig rol bas dgra bor gyur pa ci/ /gang 'di brtul zhugs dang ni lhan cig rol pa ste/ /bu byis rnams dang mo btsun 'dzangs ma rnams dang min/ /rgyal po'i mna' ma nges par mya ngan 'dzin ma'o/ /grags 'dzin ma de shin tu dka' thub byed pa ste/ /gang zhig jo bo'i rab tu spyod pa 'di thos shing/ /thos nas kyang ni gnas shing nyams par 'gro ba med/ /'di yi gzugs ni nges par rjes su mthun pa dang/ /kha dog ngan pa'i gzugs 'di snang ba mthong nas kyang/ /sras 'dod mi dbang rgyal po ji lta bur gyur cing/ /'tshe ba'i dgra bo la yang ji lta bur byed dam/ /mchi mas gang ba'i sras po sgra gcan 'dzin mthong nas/ /gal te de lta nyid du 'di ni chags ma yin/ /byams pa'i gnyen rnams las kyang gzhan du kha bltas pa/ /'di 'dra nges pa'i brtul zhugs la ni dge legs shog /gzi mdangs dang ni lus kyi dbyibs dang/
- 83b
'thos? sam ste/ /bde ba'i rab tu 'jug la nges par tshad ma yin/ /yon tan des rnams dag gis 'di ni mdzes pa ste/ /zhi bas ldan zhing yul rnams kyis ni rnam par bral/ /sna tshogs ston ni rab mtshungs bsam pa yang dag yongs bzung nas/ /de skad ces sogs rab myos ma rnams mang po rnam par labs/ /sangs rgyas ma chags thugs kyang rang gi grong khyer la gshegs nas/ /bsod snyoms bsnyes shing n+ya gro d+ha yi mtshan ba'i nags su gshegs/ /nyung ngu nyung ngu'i bsod snyoms sbyin pa rnams kyis nor rdzas phra zhing dge ba ma byas skye bo sgrol bar mdzad bzhed pa/ /spyod pa 'di yis yang dag tshim pa ma yin dge sbyong skye bo bsam pa ma thul ba la brten pa mdzad bzhed la/ /'jigs rten dag na skyid de ba zhes rgol ba nub par mdzad bzhed de bzhin yongs su bris nyid ston par mdzad bzhed pa/ /rtag par bsnyam pa bsod snyoms phyir ni yab kyi grong khyer la ni sred med thugs mnga' de bzhin gshegs pa zhugs bar gyur/ /sangs rgyas kyi spyod pa zhes bya ba'i snyan dngags chen po las/ /yab dang sras mdzal ba'i le'u ste bcu dgu pa'o// //nga rgyal nyid kyis skye bo dam pa ma rmong cig /bshes gnyen 'du shes dka' thub rnams 'joms shig /nyon mongs dbang gis dam pa'i brtul zhugs ma byed cig /dam pa min pa'i lta ba cung zad ma bsnyan cig /mtshar la ma 'gro mi dge'i las la ma gnas shig /rgyags par ma 'gro dga' min ma bzod ma nyan cig /snyan grags mi bzang brdzun la blo gros ma 'dzin cig/ /bstan bcos mthong la lhag par btor ma ma 'phrog cig /blo ni mnyam par zhog cing chos ni gyis mdzod cig /dam pa rnams dang sprel mdzod ri mo khong mdzod cig /ji ltar phul byung 'di ni thob nas slar yang ni/ /rgya cher mngon par 'gro ba de ltar gyis mdzod cig /brtson 'grus brtsams nas dang ni bstan
- 84a
pa yongs bzung nas/ /rig pa rnams ni bskyed nas skyon rnams zil mnan nas/ /'chi pa yang dag dran nas 'phags pa'i bya ba gyis/ /che ba'i bdag nyid thob nas zhi lam thob par gyis/ /gang gi 'bras bu 'di ni zhi ba skyong ba ni/ /las de nyid ni slar yang byed pa 'os pa ste/ /yid gzhungs ldan pa 'di dang byed pa byas pa nyid/ /'bras bu gang zhig mthong bas sa bon skrun? par byed/ /'di na mchog gyur gang zhig sdig pa byed pa ste/ /snang ba de ni mun par gnas pa bdag gi lugs/ /chos ni btso bo skyes bu gtso bo ma yin pa/ /mun pa snang ba la ni gnas pa bdag gi lugs/ /khyad 'phags gang zhig chos kyi cho gar 'jug pa ste/ /dkar po dkar por mchog tu 'gro ba bdag gi lugs/ /dman pa gang zhig sdig pa'i las ni byed pa ste/ /de yang mun pa mun pa'i mdza' ru 'gro ba lugs/ /de phyir phung po bzhi po de rnams shes byas nas/ /rgyal po 'bad pa gyis shig de ltar ji ltar 'dir/ /de nas bde bar gal te 'gro bar 'dod na ni/ /phyogs ni gsum pa bsnyen zhing snga ma ma yin no/ /gzhan gyi gzhan la dge ba byed pa ma yin zhing/ /ci ste byed na de la rjes su 'gro ma yin/ /byis pa'i nyams pa yod min rang la thob pa ste/ /ma byas pa yi 'ong pa 'grub pa yod ma yin/ /ma byas pa yang brgya la byed pa ma yin zhing/ /ma byas pa ni gzhan du dge legs 'gyur ma yin/ /der ni 'gro ba la yang nor ni yod min te/ de phyir dge ba'i las kyi cho gar 'bad pa gyis/ /gang zhig sdig pa lhag par spyod pa legs min zhing/ /gson pa'i 'jig rten na de'i bdag la dga' ma yin/ /bdag gi ched du bdag gi sdig pa byas nas ni/ gzhan du 'bras bu bdag nyid kho na la longs spyod do/ /rgyal po chen po dri? bo chen po bzhi rnams ni/ /'ongs pa rnams su 'gro ba kun nas srub pa ste//
- 84b
chos kyi bya ba rnam pa sna tshogs bsten las ni/ /ji ltar 'thad pas gzhan na bya ba ci zhig yang/ /rga dang rgud pa nad dang de nas 'chi ba ste/ /bzhi po 'di rnams de bzhin du ni 'ongs pa ste/ /chi bo rnams kyi kun nas bskor ba bzhin du ni/ /'jig rten mdza' ngag dbang med 'khol bar byed pa'o/ /de nas 'ongs pa rnams su dbang med sdug bsngal te/ /rten ni yod min mngon du 'thab min bsrung ba med/ /der ni byed pa'i ched du nor med chad pa med/ /chos las ma gtogs sman gzhan yod min no/ /de ltar mi rtag gyur pa gson pa'i 'jig rten na/ /glog ni g.yo ba'i yul la rab tu zhugs pa na/ /'chi ba'i lag pa'i rtse la yongs su gnas pa ste/ /chos ma yin pas 'bras bu longs spyod par 'os min/ /dbang chen dang mtshungs mi dbang de dang de rnams ni/ /g.yul du lha yi mngon par 'thab la phyin nas kyang/ /rab tu rgyas pa rnams dang nges par zum pa rnams/ /dus kyi dus su de dang sdug bsngal skal ba'o/ /'byung po 'dzin pa'i sa yang zad par 'gro ba ste/ /'jig pa'i mes ni lhun po de bzhin sreg par byed/ /rgya mtsho chen po yongs su bskams par 'gro ba ste/ /lbu ba dang mtshungs mi yi 'jig rten kye ma ci/ /shugs byas nas kyang rlung ni zhi bar 'gro ba ste/ /'jig rten gdungs nas kyang ni nyi ma nub par 'gro/ /bsregs nas kyang ni me nyid 'da' bar nyer 'gro ste/ /gang de de ltar gnas par 'gyur ba yin snyam mam/ /lus po 'di ni yun ring dus su bsrungs kyang ngam/ /sna tshogs longs spyod rnams kyis nye bar bskyangs kyang ni/ /de yis 'dir ni nyin zhag 'ga' zhig bzhugs nas su/ /skye bo chen po'i rjes su brtse ba mdzad nas ni/ /sde rab 'pham byed kyis ni phyag gis mngon bsrungs pa'i/ /grong khyer la ni chen po'i tshogs kyi rab tu dpags/ /me tog rab rgyas mya ngan med pas gsal byas shing/ /yan lag dmar por gyur cing khu?
- 85a
byug skad sgrogs pa/ /ti si'i gangs ltar mtho ba'i lding khar phreng ba can/ /dpal ldan rgyal byed tshal ni de nas rab tu thog /des ni gtsang ma'i chus gang phreng ba dkar po can/ /gser gyi bum pa dang bcas bum pa blangs nas ni/ /de nas dus su rgyal byed tshal ni bzang sbyin gyis/ /de bzhin gshegs pa la ni rab tu phul bar gyur/ /de nas shAkya thub pa lta 'dod rgyal po ni/ /sde rab 'pham byed rgyal byed tshal du song ba ste/ /song nas de nas bkur sti byas te thub pa la/ /rab tu btud cing gdan byas tshig 'di gsol pa'o/ /thub pa grong khyer 'dir ni khyed kyi gnas bzhed pa/ /nges par dang ni ko sa la rnams kyi dge ba'o/ /de nyid gzigs pa 'di 'dra brten pa med pa ni/ /nye bar 'chi byas yul ni skal ba med pa 'am/ /khyed mthong ba'am yang na mngon par phyag 'tshal ba/ /yang dag thob po bdag cag rnams kyi rjes bzung phyir/ /dam pa rnams kyi 'dus pa thob nas 'jig rten na/ /tshim pa med kyang ji ltar tshim pa nyid yin no/ /gang gi rten can rlung ni rab tu g.yos pa ste/ /de yi bdag nyid las ni nye ba las 'gro ste/ /mkha' 'gro'i bya rnams lhun po'i 'dus pa nyer thob nas/ /rang bzhin rnam par spangs nas gser du 'gyur ba'o/ /de phyir 'di dang che ge mo rin mgon gyur cing/ /skye bo legs pa'i rten las gzhan min bdag gi nags/ /gA d+hi'i sras po thub ba chen po rab thob nas/ /phur bu gsum pa'i khyil ltar lta na mdzes par gyur/ /'jig rten dag na snyed pa rab rnyed sna tshogs pa/ /chad dang/ ldan pa dag ni mdzad pa can yin la/ /khyed kyi nye ba las ni don gang yin pa rnams/ /de dag rnams kyi grangs med nyams pa yod ma yin/ /legs pa khyed kyi nges pa'i lta ba'i lta ba las/ /'di las gzhan du rnyed pa shes pa ma yin zhing/ /khyab bdag
- 85b
pa dag ni gnod pa rnyed la sdug bsngal ba/ /chags pa dang ldan rgyal po'i chos la spyod par gyur/ /de ltar dbang po dang/ tshungs rgyal por yis ni/ /rnam pa de ltar mngon du gyur te gsan nas ni/ /don dang 'dod pa dag gi chags pa mkhyen nas su// nga yi bsam pa yang dag bskul ba thub pas gsungs/ /mi dbang khyod kyi tshig 'di ngo mtshar che ma yin/ /khyod kyi spyod pa 'di ni legs pa rnams la min/ /'og nas 'phos pa 'gro bar 'dod pa rnams kyis ni/ /phan pa 'dod pa'i dam pa'i skyes bu rnams la ni/ /gang phyir sa skyod khyed kyi dgongs pa de nyid ni/ /des na khyod la 'dir ni cung zad smra 'dod te/ /de ni shes par gyis shig bdag gi lta ba ni/ /'bras bcas ji ltar gyur pa khyed kyi de ltar gyis/ /mi skyong rgyal po'i dus kyis bcings nas bkug pa na/ /mdza' bshes ma yin gnyen min phun tshogs rjes 'gro min/ /thams cad kyis ni dman zhing dbang med 'gro ba ni/ /grib ma bzhin du las cig rjes su 'gro ba nyid/ /de phyir mtho ris dang ni grags pa dam pa ni/ /mngon par 'dod bzhin chos kyi rgyal srid rjes su skyongs/ /rmongs pa las ni chos la 'khrul pa'i rgyal po yi/ /rgyal srid de nyid mtho ris na yang ma yin no/ /'dir ni rgyal srid yang dag yongs su bskyangs nas ni/ /chos las rin min d+ha ring mtho ris rab thob nas/ /'dir ni rmongs las mi yi bdag po ni kun b+ha/ /chos las 'phos shing ga shi rnams su sa la zhugs/ /'phags pa yi dang sdig pa yi ni las kyi ni/ /khyod la dper bstan zhi ba bdag gis de smras te/ /rang gis skye dgu rnams ni rtag tu legs bsrung zhing/ /dpyad nas de phyir brtan pa dge la 'bad pa gyis/ /ji ltar srog chags rnams ni gtse bar ma byed cig /rtag par dbang po rnams ni rol par ma byed cig /'phags min gyis bsnyen khro ba 'dzin par ma byed cig/ /
- 86a
mchog min bya bar sems ni g.yo bar ma byed cig /nga rgyal dang ni rgyags pa khur nas dus su ni/ /rab tu mthor? zhing shin tu gyur pa nyid log gyur/ /rnam pa de ltar 'jig rten 'gro ba shes nas su/ /de la mnyal dge ba la ni gnyid ma log/ 'khor ba'i phyogs ni g.yo bar 'dzegs nas su/ /nges par ltung na sa gzhi bag med 'gyur ba'o/ /gang zhig bde la 'brel min de ni bsnyen bya min/ /gang gis 'bras bu legs min gang de bya ba min// gang zhig dge la spyod min de ni bshes ma yin/ /sdug bsngal rnam par 'joms min gang de ye shes min/ /gal te ye shes yin na yang srid ma yin zhing/ /srid par gyur na lus med nyid la yin pa ste/ /lus su gyur na yul las thar pa ma yin zhing/ /nyi tshe ma yin 'dod pa'i srid pa don med do/ /gang phyir lhan gnas rnams dus kyi dbang gis ni/ /gzugs med rnams kyang mdzad pa can phyir mi rtag ste/ /de bzhin 'jug pa min la blo gros zhugs bya zhing/ /gal te 'jug pa med na sdug bsngal yod pa yin/ /gang phyir lus ni 'gro dang gnas pa la sogs pa'i/ /sna tshogs rten gyi sdug bsngal dag gi rtsa ba ste/ /de phyir lus med dus ni ye shes nus pa gang/ /de yod lus kyi bu lon yod pa ma yin no/ /gang las 'gro bas 'dod pa'i ched du bskyed pa yis/ /sdug bsngal chen po du ma rnams la nyer 'gro ste/ /'di las 'dod pa'i srid pas rnam par dben nus shing/ /sdug bsngal chags med nyam thag yod ma yin/ /de phyir gzugs dang bral ba'i lha rnams na yang ngam/ /'dod pa rnams dang ldan pa'i gzugs ldan rnams na yang/ /skor ba nyid phyir 'jug pa zhi ba ma yin na/ /'dod par spyod pa drug po rnams su sngon nyid do/ /rnam pa da ltar mi rtag sdug
- 86b
bsngal ba med ci brtag par 'bar ba'i 'jig rten gsum po nyid mthong nas/ /bya cher shing la sgong skyes rnams kyi gdung ba ltar/ /gang du 'jug la smon lam rigs pa ma yin no/ /mchog de rig par bya zhing gzhan ni rig bya min/ /mchog de blo gros yin zhing gzhan ni blo gros min/ /mchog de bya ba yin zhing gzhan ni grub pa min/ /chos 'di khyim dang ldan pa'i skye bo rnams kyis te/ /yod pa min zhes de ltar nges par rig bya min/ /nags sam khyim na gnas pa dag gi zhi ba ni/ /gang gis sgrub tha yod pa de yi yod pa'o/ /tshad pas mngon par gdungs pa chu la rnam zhugs te/ /sprin las thams cad tshim pa nye bar 'gro ba nyid/ /sgron ma dang ldan mun pa ru ni mthong ba ste/ /rnal 'byor chad ma'o na tshad ma yin rigs ma yin/ /kha cig nags na gnas kyang na tshong la mi sbyor/ /brtul zhugs zad cing ngan 'gro la ni bsnyen pa nyid/ /kha cig khyim na gnas kyang rnam dag las can ni/ /bag dang ldan pa des legs pa ni bsnyan pa'o/ /mun pa'i rgya mtsho la ni lta ngan dba' blabs can/ /srid pa'i chu la srog chags rnam bar 'phyo rnam su/ shes rab gru po dran dang la rtson 'grus skye ba ni/ /gang gis yod pa de ni de la sgrol ba yod/ /de ltar yul la mchog tu song ba'i rgyal po de yis ni/ /thams cad mkhyen las chos kyi de nyid 'dzin nyer thob nas/ /rgyal srid ngan pa mi rtag g.yo zhes nyer skyes blo can ni/ /myos pa dang bral gnyis 'thung bzhin du mnyan yod nyid du zhugs/ /sa dbang btud pa de ni shes nas mu stegs can gzhan rnams/ /der ni stobs bcu pa la rdzu 'phrul gyis ni 'gran bcug gyur/ /sa skyong las ni rnam par gsol las de nas bdag pham pa'i/ /drang srong gis ni rdzu 'phrul ched du sdug pas gnas pa byas/ /de nas gsal zhing 'od zer 'gro ba dang bcas dkyil 'khor can/ /skar ma rnams ni 'bar ba gyur pa'i nyi ma shar ba gzhin/ /yang dag
- 87a
dga' zhing rnam pa sna tshogs blo can ston pa rnams/ /der ni thub pas rdzu 'phrul rnam pa mang pos pham par mdzad/ /de nas mnyan yod kyis ni de las skyes pa'i grags pa dang/ /bkur sti nges pa mchog gi dpal gyis yongs su spangs par gyur/ /de nyid kyis ni srid pa gsum las gyen du 'dzegs pa ste/ /de phyir chos dag bsrung bar bzhed cir yum la phan phyir ro/ /de nas thub pa mthe ris gnas pa'i yum ni ye shes kyis/ /rnam par brtul nas mtho ris gshegs pa la ni rnam phul des/ /mkha' la lha yi rgyal po'i bsod snyoms cho ga bzhin bzhes nas/ /lha yi 'jig rten dag nas sAM ga sar ni yang dag babs/ /de la gzhal med gnam sa'i logs la babs pa yi/ /zhi ba thob cing ltos pa dang bcas lha rnams rjes su 'ongs/ /sar gnas nam mkha' i logs la gyen du gdong phyogs rgyal po ni/ /de dang de rnams mgo bo rnams kyis btung cing rab tu bzung/ /sangs rgyas kyi spyod pa zhes bya ba'i snyan dngags chen po las/ /rgyal byed kyi tshal rab tu bzhes pa'i le'u ste nyi shu ba'o// //thar 'dod lha na gnas rnams dang/ /skyed ma mtho ris su btul nas/ /thub pas gdul bya rnams 'dul zhing/ /de nas de ni 'jig rten rgyus/ /ri lnga'i dbus kyi grong khyer du/ /'od ldan 'tsho byed dbang po dang/ /gro bzhin skyes dang yan lag sbyin/ /rnam par 'dren pas de nas btul/ /rgyal po'i bu ni 'jigs med dang/ /dpal sbas dang ni nye bar 'khor/ /n+ya gro d+ha sogs mthar ldan rnams/ /snga ma'i lta ba las bzlog go /chos kyi thos pa nyid las ni/ /mi skyong dpal ni spangs pa can/ /spos 'dzin gyis ni dbang phyug 'dir/ /pad+ma zhes bya rnam par btul/ de nas gnod sbyin gar ldan dang/ /rtse mo rgyas pa de nas ni/ /rnam rgyas pha rol
- 87b
gnon pa yis/ /rnam rgyas ri por btul pa'o/ /yon tan gzigs pas mi skyong ni/ /lta byed btsun mo'i 'khor bcas la/ /'tsho byed a mra'i nags tshal du/ /mtshan mo dang par sbyar bar mdzad/ /de nas pha rol 'gro ba can/ /bram ze zhi bar 'gro rnams des/ /rdo ba'i ri bor pha mo yi/ /tshigs bcad don rnams klog tu bcug /de nas dam pa dran mdzad pas/ /dngos su nor sbyin mthong ba mo/ dga' ba'i skyed ma legs ldan ma/ /'od ma'i tsher ma can du btul/ /de nas brtan ldan grong khyer du/ /rtsegs sbyin gnyis skyes dam pa ni/ /mchod sbyin rnam pa sna tshogs kyis/ /mchod 'dod thar pa'i chos la bcud/ /de nas lus 'phags ri bo ru/ /bcud phyed rtse mo nyid dang ni/ /lha min skyes ma dang lha rnams/ /nges par 'dzin du bcud par gyur/ /de nas ang+ga'i grang khyer du/ /gnod sbyin gang ba bzang po dang/ /mchog dang dbyug pa dkar dmar dang/ /gtum po lto 'phye che rnams btul/ /a pa Na yi grong khyer du/ /bram ze ke bya she la dag /dka' thub thob pa thar par sbyar/ /'tshe byed sor mo'i phreng ba can/ /bran bzangs dang mtshungs gnyis skyes ni/ /bcom ldan rdzu 'phrul phun tshogs kyis/ /phra mo rnams su btul bar mdzad/ /gang ba bzang po dang mtshungs rdzas/ /lug ces bya ba bzang pos 'tsho/ /nor sbyin bzang dang bzang po'i bu/ /bzang por yang dag rtogs par mdzad/ /de nas tshangs pa'i tshe ldan ming/ /rnam rgyal tshangs pas tshe ldan pa/ /rang gi smra bar smra mchog gis/ /lus 'phags po yi grong du pham/ /yangs pa can gyi rdzing bu ru/ /srin bu sha za dang seng ge /la sogs lits+tsha bi rnams dang/ /mchog dang bden byed nyid btul to/ /de nas las bzar pos gnod sbyin/ /bzang po bzang po'i sems ldan pa/ /rgyan byed dang mtshungs grong khyer du/ /chos kyi lam la bcud pa'o/ /de nas blo dang ldan pa yis/ /shin tu mi bzang 'brog tu ni/ /gnod
- 88a
sbyin 'brog gnas zhes bya dang/ /gzhon nu legs 'ongs la bstan to/ /de nas gnod sbyin sdig med la/ /gnod sbyin bdag pos phyag byas pas/ /bde dga' i grong du thar pa ni/ /thar pa gzigs pas gdams pa mdzad/ /thub pa dregs pa yangs rnams dang/ /gnod sbyin drag po'i las can dang/ /kha spu ldan pa gnyis la ni/ /g.yar drang srong gis bstan to/ /de nas drang srong dkar min gyi/ /tsha bo ka tyA ya ni na/ /ba ra NA si'i grong du mngon/ /gnyis skyes stobs bcu ldan pas btul/ /mtsho 'obs bde bar pha rol 'gro'o/ /grong la rdzu 'phrul gyis gshegs nas/ /dus su tshong pa sna stod la/ /de nas des ni rjes su bstan/ /rjes su bstan de rab dang bas/ /drang srong mchog gi gtsug lag khang rtag par dri ldan mkha' la reg/ tsan dan rang bzhin byed tu bcug/ de nas gang du thub pa'i zhabs/ /rdo las 'khor lo'i mtshan mthong bar/ /ser skya dka' thub ldan pa ni/ /'od zer ldan par des btul lo/ /de nas gnod sbyin glang po la/ /glang po ldan par bstan pa ni/ /de bzhin drag po bong bu ni/ /bcom rlag tu ni btul ba'o/ /yul 'khor skyong dang rdzas mnyam pa/ /yul 'khor skyong zhes dran pa ni/ /drong rdal rags pa'i mdzod ldan du/ /ston pas de nas rnam par btul/ /tshangs pa dang 'dra skye bo mchog/ dgra can du ni btul ba ste/ /mkhas ba rgya chen skyes bu can/ /nyon mongs dul bar de bzhin no/ /'jigs bcas kyi dad mtshams bzangs kyi/ /bu'i bu mos 'jug bu dag dang/ /mu stags gzhan rnams kyis mun pa/ /mnyan yod nyid du thub pas bcom/ /'dir ni bram ze mchod sbyin can/ /dge sogs rnams dang rigs gtsang dang/ /ko sha la yi dbang phyug ni/ /sangs rgyas nyid kyi dad pas sbyar/ /de nas bram
- 88b
ze mkhas pa ni/ /bram ze su ka sA ri la/ /she ta bika'i? 'brog zhi bar/ /bstan pa mchog gis bstan pa'o/ /de nas 'thob pa'i grong khyer du/ /grong khyer gtso dang dus byed dang/ /'jigs pa'i las can chu srin klu/ /rab tu ma zhi zhi bar mdzad/ de nas b+har gas rnams su des/ /gnod sbyin 'jigs byed btul mdzad cing/ /rigs med kyi ni bla ma gnyis/ /rgan po de bzhin rjes su bzung/ /nor ldan gyi mchog dbyangs ldan dang/ /bud med sgur mchog sogs rnams dang/ /skyes chen de rnams de rnams ni/ /kau shAM bIr ni rjes su bzung/ /de nas spos 'dzin yul nyid dang/ /klu chen sogs ma med pa ni/ /dul ba'i bdag nyid dul ba la/ /nang gi pha rol son pa gshegs/ /'bar zhing 'jigs pa'i las can ni/ /mthar byed bzhin du sreg 'dod pa/ /rnam par btul nas mkhas pa des/ /dus su de nas gdams ngag bstan/ /de la sogs pa'i 'byung po rnams/ /sa la rnams dang mkha' 'gro rnams/ /btul nas tshigs su rgya mtsho bzhin/ /sangs rgyas grags pa 'phel bar 'gyur/ /che ba'i bdag nyid de mthong nas/ /lhas byin rlom sem byas pa ste/ /bsam gtan rnams las 'khrul thob cing/ /dran pa min pa mang po byas/ /nye bar bcom pa'i sems ldan des/ /thub pa dge 'dun dbyen byas shing/ /phye las 'dod pa ma byas te/ /de la gnod pa'i phyir brtsams so/ /de nas bya rgod phung po'i rir/ /rngo ba'i 'khrul 'khor byas pa ste/ /thub pa'i steng du gang 'phangs pa/ /ltung ba ma yin gnyis gyur/ /'jig rten dus su chu 'dzin sngon po sgra sgrogs pa/ /zla ba 'gog pa la ni mkha' la rlung bzhin du/ /de bzhin gshegs pa la ni mngon du gdong phyogs par/ /glang po'i dbang po'i rgyal po'i lam la gtad pa'o/ /lus kyis bsnun? pas yan lag mchog ni nyer blangs shing//
- 89a
mche bas phug ? pas sgyu ma'i dra ba rab bkram pa'i/ /lus po rnams kyis rgyal po'i khab kyi lam rnams ni/ /rgyu bar dka' bar byed par byed la mngon par rab tu zhugs/ /sha ni 'dod pas mi yi brla la dmugs pa ste/ /mche ba'i rtse mo reg cing g.yo ba'i rgyu ma'i phreng/ /khrag gis gsher ba'i mgo bo sna ljags drag po yis/ /'ben? pa'i don du rdo rnams bzhin du gyen du 'phen/ /gsum du rab dga' i chang gis mthor ma'i dri ldan zhing/ /rul ba'i khrag dang zhag gi dri yis bsgos rnams kyis/ /de tshe bskor zhing mdza' med khro ba dang ldan pa/ /grong khyer skye bo de la skyo bas 'jigs par byed/ /gnyis 'thung myos pa dus kyi dbyug pa 'jigs 'dra ba/ /khengs las gdong? ni bcos shing sgra skang 'thon pa ste/ /khros pas rnam par log pa'i mig can de mthong nas/ /ha ha zhes ba rgyal po'i khab nas byung bar gyur/ /kha cig yid mi bde bas phyogs su bros pa ste/ /gzhan ni mthong ba min pa'i yul rnams la thim zhing/ /de bzhin 'jigs pa las gzhan 'jigs pa ma gzung nas/ /gzhan rnams gzhan rnams dag gi khyim rnams la zhugs so/ /kha cig rnams par 'dug pa'i seng ge'i sgra rnams ni/ /rang gi srog la the tshom yang dag ma bsams shing/ /sangs rgyas la ni mngon par 'tshe ba ma byed ces// rab tu bzung nas gnyis 'thung de la rgyab nas 'bod/ /de bzhin gzhan rnams glang po skyod? la 'bod pa ste/ /gzhan rnams 'di la thal mo dag gis phyag 'tshal lo/ /de nas de la gzhan rnams de la bsdigs par byed pa ste/ /kha cig nor gyi sred cing 'dod par byed ba'o/ /rlung 'gros skar khung dag nas rnam par lta bzhin du/ /lang tsho ma rnams lag pa g.yo zhing du ba ste/ /'jigs ma gzhan rnams gser gyi gdu bu dag dang ldan pa yis/ /zangs mdog lag pa rnams kyis mig rnams 'gebs
- 89b
pa'o/ /yongs su ro myang glang pos 'joms par 'dod pa na/ /gyen du lag bteg skye bo du bar gyur na yang/ /gshegs pa 'byed pa med cing gnod pa mi mnga' bar/ /bde bar gshegs pa dang gnas rnam 'gyur med par gshegs/ /byams pas 'byung po rnams la rjes su brtse ba ni/ /gus pas lha rnams kyis ni rjes su 'gro ba ste/ /de la dbang po ches kyang reg pa ru?/ /nus pa ma yin gang phyir thub pa brtan par gshegs/ /gang zhig sangs rgyas la ni rjes 'gro dge slong ste/ /des ni rgyad nas glang chen mthong nas bros ba ste/ /sna tshogs bdag nyid 'jig rten rang nyid kyis bzhin du/ /kun dga' po gcig sangs rgyas la ni rjes su song/ /de nas glang chen khros pa de ni nyer 'ongs nas/ /thub pa'i mthu las 'du shes nye bar thob pa ste/ /mig sman ri bo no rjes phye mar bcom pa bzhin/ /lus po rab tu zags shing spyi bos 'gyel bar 'gyur/ /de la shin tu mdzes shing 'dam skyes 'jam po yis/ /legs skyes sor mo'i dra ba'i phyag gis mgo bo la/ /zla ba chu 'dzin la ni 'od zer gyis gzhin du/ /gnyis 'thung dbang po la ni thub pas reg par gyur/ /chu yi shin tu khur las dus kyi sprin bzhin du/ /zhabs kyi rtsa bar gnyis 'thung de ni bsdad? pa ste/ /thub pas rna ba'i ta la g.yo med la gzigs shing/ /de la sems can la 'os zhi bas bstan pa'o/ /sdig med dang bcas rnam par 'joms pa sdug bsngal te/ /sdig mang nyid la glang chen gnod pa ma byed cig/ srid ba srid par sdig med bcom pa'i srog chags kyis/ /bde 'gro brgyad la glang chen 'gyur ba ma yin no/ /'dod chags dang ni zhe sdang de bzhin gti mug ste/ /glang chen gsum po bzod par dka' ba'i chang yin la/ /chang gsum rnams dang thub pa rnams ni bral ba ste/ /rims nad med cing mya ngan 'das pa mngon par bsnyes/ /de phyir mun par 'dod pa 'di ni spong 'dod pa/ /chang ni spong
- 90a
la rang bzhin 'du shes thob par gyis/ 'khor ba'i rgya mtsho'i 'dam ni rgyas par chags pa ste/ /slar yang de ltar gnyis thung dbang po ma ltung zhig/ /de nas glang po des ni gsung 'di thos nas su/ /chang ni spangs shing yang dag rig par song ba ste/ /bdud rtsi 'thungs nas nad rnams dag las grol ba bzhin/ /nang du song ba'i bde ba dam pa thob par gyur/ /slo ma bzhin du thub la rab btung de ma thag/ chang ni yongs spangs glang po'i dbang po de mthong nas// kha cig gos rnams bskor zhing g.yug par gyur ba des/ /gzhan rnams lag pa rnams ni rdebs shing de 'don to/ /gzhan rnams kyis ni thub pa phyag 'tshal zhing/ /de nas de la gzhan rnams bskor ba byas pa ste/ /gzhan rnams 'phags pa nyid las glang chen la bstod cing/ /ya mtshan dang bcas gzhan rnams rig par gyur pa'o/ /lding khang la gnas bud med gzhan rnams de la ni/ /gtsang zhing rin thang chen po'i gos rnams kyis mchod cing/ /gzhan rnams gsar pa'i phreng ba yon tan yid 'ong dang/ /rgyan ni de dang de dag rnams kyis mngon par 'thor/ /dus dang mtshungs pa'i glang po dul bar gnas pa na/ /skye bo dad pa med pa dbus nas song ba ste/ /dbus nas khyad par las ni dang bar rab song zhing/ /dad? pa rnams kyang gang de brtan par nye bar song/ /dad pa la gnas ma skyes dgra ni thub pa yi/ /glang chen dbang po de ni btul ba mthong nas ni/ /ya mtshan gyur cing de nas dga' ba skyes pa ste/ /sangs rgyas la ni mchog tu dad pa byas pa'o/ /nyon mongs rtsod ldan dus ni nges par log pa na/ /rdzogs ldan dus ni 'ongs nas slar yang chos don bzhin/ /de ltar rdzu 'phrul dang ldan snyan grags mchog rnams kyis/ rab tu gnas pa'i dkal ldan thub pa mchog 'phel to/ /mi dge ba dang yongs su ldan pa'i lhas byin
- 90b
ni/ /nyon mongs sdig pa'i las ni mang po byas nas ni/ /mi skyod sten rgu ba gnyis skyes drang srong gi/ dmod pa las bzhin pa yi 'og tu phying bar gyur/ /sangs rgyas kyis spyod pa zhes bya ba'i snyan dngags chen po las/ las kyi rgyun gyi le'u ste nyi shu rtsa gcig pa'o// //de nas 'jig rten rjes bzung nas/ /dus kyis smra ba rnams kyi mchog/ chos kyis ni khyab mdzad nas/ /mya ngan 'da' ba dang mtshungs dgongs/ /de nas dus su rgyal khab nas/ /pha? TA li yi grong du gshegs/ mchod? rten pA Ta li mtshon pa/ /der ni 'phags pa de bzhugs so/ /dus ni de tshe grong khyer gyi/ /lits+tsha wi ni zhi ba'i phyir/ /ma ga d+ha yi rgyal po yi/ /blon po char dbyibs kyis byas so/ /lha rnams kyis der rang gi nor/ /nye bar len pa rab gzigs nas/ /grong de 'gro na phul byung du/ /de bzhin gshegs pa rnam par gsungs/ /de tshe char ba'i rnam pa yi/ /bkur byas byed pa rnams kyi mchog/ rgya mtsho'i chung ma gtse mo la/ /mngon phyogs slob ma dang bcas gshegs/ /gang+gA'i 'gram du de gshegs nas/ /ji ltar rnyed gru de dang nges?/ /skye bo rnams ni sgrol ba gzigs/ /de rnams gzigs nas thugs mdzad do/ /'bad pas chu bo sgrol ba la/ /bdag gi de ltar 'dra ma yin/ /de phyir rdzu 'phrul mthu yis ni/ /bdag gi gru med rab tu 'gro/ de ltar der ni slob mar bcas lha yi rnams la mi snang zhing/ /rlung gi 'gros kyang phan mdzad nas/ /skad cig gis ni pha rol 'gyur/ /sdug bsngal mtsho yis pha rol sngon/ /ye shes gru pos de mkhyen nas/ /slar yang gru 'di ma dmigs nas/ /thub pas gang+gA bsgral ba'o/ /bcom ldan nyi ma mdzes pa ni/ /gang gi sgo las nges 'byung pa/ /de ni de tshe gau tam sgor/ /de la mchod don nyid du byas/ /'gram gang dag las rnam 'dren pa/ /gang+gA'i pha rol tu gshegs pa/ /de ni stegs su 'gro la grags/ /de yi rigs kyi mngon par brjod//
- 91a
de nas sgrol 'dod mi rnams dang/ /rgal ba rnams dang sgrol ba rnams/ ya mtshan rnams rgyas gdang rnams kyi/ /mig rnams de la ltung par gyur/ /de nas gang+gA'i 'gram nas ni/ /sangs rgyas kun di'i? grong du gshegs// der ni chos bstan gtam mdzad nas/ /nA dA'i kar ni mngon par gshegs/ /dus ni de tshe de na ni/ /skye bo chen po chung pa ste/ /gang gi gang du gang 'gro ba/ /de rnams la der thub pas gsungs/ /der ni mtshan mo gcig phul bas/ /yangs ba can gyi grong du gshegs/ /de nas a mra skyod ma'i sa/ /dpal ldan tshal du dpal sdug gshegs/ /a mra skyong ma re ma'i gtso/ /rnam par 'dren pa der thos nas/ /rnam dul theg pa la gnas nas/ /mchog tu dga' bas rab tu song/ /phra ba'i gos dkar 'dzin pa mo/ /phreng ba med cing byug bral ma/ /lha yi bya ba'i dus su ni/ /lags pa rigs kyi mna' ma 'dra/ /rang gi gzugs kyis khengs pa yi/ /dam pa lits+tsha wi rnams kyi/ /sems rnams dang ni nor rnams dang/ /yon tan mdza' dag rnams kyi phrogs/ /dpal dang mdzes pa brten pa yis/ /nags kyi lha mo'i gzugs 'dra ba/ /de ni theg pa la babs nas/ /skyen par nags der rab tu zhugs/ /rigs kyi mo btsun gdung ba mo/ /mig rab g.yo ba de gzigs nas/ /bde par gshegs pas rnga dbyangs kyis/ /dge slong rnams la bka' stsal pa/ /stobs chung rnams kyis yid kyi rims/ /a mra skyong ma 'di sngon 'ongs/ /dran ldan bdud rtsi'i sems ldan rnams/ /ye shes kyis ni khyed rnams gnas/ /nye sar sbrul ni mchog yin zhing/ /ral gri gdongs pa'i dgra bo mchog /dran dang ye shes rnam bral ba'i/ /nye sar bud med rnams ma yin/ /bsdad pa 'am ni nyal pa 'am/ /'gro ba 'am yang na gnas pa 'am/ /bud med ri mor bris pas kyang/ /mi rnams
- 91b
kyi ni yin 'phrog go /'di rnams zhen pas nyam thag gam/ /gyen du lag bteg du na yang/ /skra ba gram rnams kyi bsreg pa ru/ /nus na mo btsun rnams sngon nyid/ /pha rol po 'bral rnam mang po'i/ /dbrog bya yon tan gyis bslus rnams/ /de yi rang bzhin ma mthong ste/ /bud med rnams la byis rnams rmongs/ /mi rtag sdug bsngal bdag med dang/ /mi dge ba zhes mthong nas ni/ /lta zhing bsgom pa pa rnams kyi/ /sems ni zil gyis non ma yin/ /gnas de rnams su legs goms blo/ /spyod yul rnams su ba lang bzhin/ /lha yi yul rnams kyis 'joms par/ /nus mi rnams kyi ci zhig smongs/ /de phyir shes rab mda''dzin zhing/ /brtson 'grus gzhu ni lag pa na/ /dran pa'i go cha yongs bgos shing/ /yul gyi 'du shes can du mnos/ /lcags kyi thur ma tsha mo yis/ /mig la reg pa mchog yin zhing/ /g.yo ba'i mig? can bud med la/ /ma rungs dran pas lta phyir min/ /gal te dus ni de yi tshe/ /chags pa'i sems kyi dus byed na/ /dud 'gro 'am ni 'og nyid du/ /dbang med bcings nas 'khrid par byed/ de phyir 'jigs pa 'di shes nas/ /mtshan mar spongs pa mi bya zhing/ /lus po la ni gzugs tsam du/ /gang gis mthong ba de mthong ngo/ /dbang pos 'jig rten na yul rnams/ /'chi med dbang po rnams des min/ /gang zhig de rnams la chags gyur/ /de ni de rnams las 'chid do/ /ba lang gnyis kyi sbyor ba'i phyir/ /sgyor ba la gcig ji ltar 'gyur/ /yul dang dbang po de dag ni/ /chags pa phan tshun de ltar min/ /mig gis gzugs ni 'dzin pa ste/ /sems kyis rnam par rtog par byed/ /rnam par rtog las der skye zhing/ /chags dang chags bral nyid kyang ngo/ /rnam bar ma brtags dbang po'i don?/ gal te don med cher gyur na/ /dbang po'i spyod yul la spyod pa/ /thams cad don med kyis sbyor to/ /de phyir ma dor dran pas dang/ /ba g.yang
- 92a
mchog tu 'gro bas dang/ /rang don rjes su mthong bas dang/ /gdung med sems kyis bsgom par bya/ /de ltar don mthar ma gyur pa'i/ /dge slong rnams de rjes bstan/ /ltos byas a ma skyong ma ni/ /thal mo sbyar byas nye bar 'ongs/ /des ni thugs zhi drang srong ma/ /shing drung gnas pa mthong nas ni/ /nags kyi yongs su longs spyod kyis/ /mchog tu rjes su 'dzin pa snyam/ /de nas bkur ti mang po las/ /g.yo yang lta byed rab bkod nas/ /me tog tsam pa ka rgyas ltar mgo bos thub pa la phyag 'tshal/ /kun mkhyen gyis kyang rjes gnas ma/ /de nas sa la bsdad pa ste/ /de yis blo la bzod gsung gis/ /thub pas de la bka' stsal to/ /bsam pa 'di ni yon tan ldan/ /rnam dag sems pa nyid bstan te// bud med byis pa phul gnas pa/ /chos la 'dod pa rnyed par dka' / /gal te chos kyi bdag nyid gyur/ /zhen pas bcom pa'i sems ldan pa'i/ /na rab mi? mo rnams kyis dang/ /blo ldan mi rnams kyi mtshar ci/ /rang bzhin gyis ni blo chung zhing// g.yo ba'i sems ldan lang tsho ma/ /yul gcig ro yis 'jig rten na/ /chos shes shes pa ya mtshan no/ /khyod kyi chos la yid gyur pa/ /de ni khyod kyi bdag nyid don/ /mi rtag gson pa'i 'jig rten na/ /chos las gzhan na nor yod min/ /nad kyi nad med 'joms pa ste/ /rga bas lang tsho gcod pa nyid/ /'chi bas srog ni len pa ste/ /chos kyis rgud pa yod ma yin/ /gang phyir dga' ba rnams dang bral/ /mi dga' ba rnams dang sbyor zhing/ /mngon par 'dod pa thob pa na/ /de phyir chos ni mchog tu 'gro/ /gzhan dbang sdug bsngal chen po ste/ /rang dbang mchog tu bde ba nyid/ /ma nu'i rigs su skyes na yang/ /bud med thams cad gzhan dbang ngo/ /gang phyir gzhan dbang nyid phyir dang/ /de bzhin phru gu 'dzin pa'i phyir/ /bud med rnams kyi
- 92b
sdug bsngal lhag /de phyir yang dag nges par 'os/ /de ltar thub pa chen po'i gsung/ rang bzhin gyis dang mkhas las dang/ /brtan las byis kyang byis min bzhin/ /thos shing mngon par dga' ba'o/ /de bzhin gshegs pa'i chos kyi smra ba yis/ /'dod pa'i bdag nyid can gyi sems la brabs pa ni/ /bud med nyid ni smrad cing yul las log pa ste/ /rang gi skye bo'i rten la brtsog par byas pa'o/ /je nas me tog khur las tsu ta'i mchod sdong bzhin/ /yang dag kun nas dud pa'i lus kyi mchod sdong can/ /thub pa chen po la ni gus pas mig zhugs shing/ /yang yang chos ni rnam par dag pa'i lta bas gnas/ /rang bzhin gyis ni ngo tsha dang ldan bud med de/ /chos ni mngon par 'dod pas yang yang bskul ba ni/ /'dam skyes mdzod dang 'dra bas thal mo sbyar nas ni/ /dal bud smra pa'i skad kyi gdangs kyi gsol ba'o/ /bcom ldan don mdzad bdag la rjes su gsung don du/ /nad par bsod snyoms dus su dge slong sder bcas pa/ /sdug bsngal nye bar zhi ba'i mdzad pa 'jig rten na// 'bras bur 'gyur ba'i bdag la 'bras bur mdzad du gsol/ /de nas de yi gus pa de ltar gzigs nas dang/ /sems can rnams ni bza' ba'i dbang nyid mkhyen nas ni/ /gsung ma phye nas bde bar gshegs pas de ltar zhes/ /de la nges par rnam 'gyur brda yis mdzad pa'o/ /skad cig mdzad pa dang ldan spyan yang mchog gi chos mnga' zhing/ /chos kyi snod la des ni dga' zhing mgu la rangs pa ste/ /gus pas rnyed pa mchog ni rnam par nges shing bstod par gyur/ /sangs rgyas kyi spyod pa zhes bya ba'i snyan dngags chen po las/ /a mra skyong ma'i nags gzigs pa'i le'u ste nyi shu rtsa gnyis pa'o// //de nas thub pa'i thugs rig nas/ /phyag 'tshal nas kyang grong du song/ /de ni lots+tsha bas
- 93a
thos nas/ /lta 'dod sangs rgyas la song ngo/ /dkar po'i rta dang shing rta gdugs/ /phreng ba rgyan dang bgo ba rnams/ /kha cig kha cig de rnams dang/ /dmar ser rnams dang de bzhin gzhan/ /kha cig baiDUrya ljang dang/ /gzhan rnams rma bya'i mjug ma ste/ /de ltar cha lugs rgya chen po/ /bdag gi dga' byed rnams dang song/ /ri bo rnams rgyas ro stong can/ /gser gyi gnya' shing lag pa rnams/ /dpal ldan bong ring dngos su ni/ /de rnams mtho ris bzhin du mdzes// mchams sprin rkang la sna tshogs rnams/ /glog ni rab tu snang ba bzhin/ /shing rta rnams las babs 'dod pas/ /de rnams gnas pa rnam par mdzes/ /dbu rgyan rnam g.yo rnam btud pa'i/ /brtan rnams thub la phyag 'tshal nas/ /nga rgyal ldan rnams rgyags med bzhin/ /chos la dga' bas de rnams gnas/ /nyi ma sprin dang bral ba yis/ /logs su khyer 'jigs bzhu bzhin du/ /thub pa'i drung der de rnams kyi/ /chags bral dkyil 'khor mdzes pa'o/ /sa la seng ge gnas pa rnams/ /gser gyis spras pa'i seng ge'i gdan/ /seng ge la sogs de rnams la/ /mi yi seng ges de nas gsungs/ /gzugs dang dpal dang stobs la sogs/ /bkur mang rnams dang ldan pa ni/ /khyed kyi chos la gus 'dir gang/ /de las lhag par mdzes pa nyid/ /tshul khrims la sogs yon tan gyis/ /ji ltar 'jig rten mdzes de ltar/ /lus ni sna tshogs gos sam rgyan/ /phreng ba rnams kyi ma yin no/ /gang du khyed cag bdag po rnams/ /chos shes 'dul ba 'dod ba rnams// spong byed pa rnams rjes bzung zhing/ /skal ba bcas rnams bdag gi lugs/ /'phags kye rnyed bar dka' dus su/ /chos la gnas rnams srung byad gyur/ /phyis 'byung ma yin yul rnams kyi/ /skal bas dman pa rnams kyi min/ /dpal ldan
- 93b
skal ba chen po rnams/ /chos shas srung bar byed rnams kyi/ /bsrung pa nyid kyi yul 'di ni/ /chos kyis kyang ni rjes su 'dzin/ /klung rnams rgal 'dod pa la rnams/ /khyu mchog rgyal ba rnams kyi bzhin/ /rgyal po rnams kyis gang bzung ba'i/ /yul la de nas skye dgu 'gro/ /khyed cag rnams la tshul khrims de/ /rtag par 'gyur bar 'os pa ste/ /bdag gi don ni 'dod rnams kyi/ /'dir dang song? nas dbrog bya min/ /yid ni tshim zhing bkur mang dang/ /rnyed dang grang pa yid ches nyid/ /dga' ba nyid dang song nas bde/ /tshul khrims kyi ni 'bras bu che/ /'byung po rgyu dang mi rgyu yi// rten ni ji ltar sa yin pa/ /de ltar yon tan thams cad kyi/ rten ni tshul khrims dam pa'o/ /'phrur 'dod gshog pa med pa dang/ /rgal 'dod gru med ji lta bar/ /mi ni tshul khrims rnam spangs bar/ dge legs 'dod pa de ltar shes/ /me tog 'bras bus khyab pa'i shing/ /tshor ma can gyur ji lta bar/ /thos dang gzugs don phun tshogs pa/ /tshul khrims 'chal pa de ltar re/ /sna tshogs gos dang rgyan ldan zhing/ /khang bzang rnams su gnas na yang/ /tshul khrims dang ldan skye bo gang/ /de yi drang srong dang mnyam 'gros/ /ngur smrig shing shun zur phud dang/ /gtsug phud spyi bo ral pa rnams/ /tshul khrims nyams pa kun rnams kyi/ /bcos pa nyid du shes bar bya/ /stegs las dus gsum khrus byas nas/ /ma la lan gnyis bsregs nas dang/ /gdung ba drag por gdungs nas kyang/ /tshul khrims med na bdag ma yin/ /sha za rnams la lus byin nas/ /ri yi legs nas bor nas sam/ /me 'am chur ni bdag mchongs na/ /tshul khrims med na bdag ma yin/ /'bras bu rtsa ba chung za zhing/ /ri dags bzhin du rtswa za 'am/ /rlung gi bza' ba 'dod pa yang/ /tshul khrims med na dag mi 'gyur/ /mi gang tshul khrims kyis dman pa/ /de na bya dang ri dags mtshungs/ /rdol ba'i snod
- 94a
ni chu yi bzhin/ /de ni chos kyi snod ma yin/ /'jigs pa dang ni gtam ngan dang/ /yid mi ches pa mi dga' i nyid/ /mngon sum 'dir ni thob pa ste/ /seng nas don med za bar 'gyur/ /de phyir tshul khrims gzhom mi bya 'brog dgon dag ni lam mkhan bzhin/ /rang dbang dag ni rnyed dka' ba'i/ /tshul khrims mtho ris dag na gru/ /skyon rnams kyis bcom sems kyis ni/ /thams cad bcom nas 'jug pa ste/ /tshul khrims rab tu gnas byas nas/ /nyon mongs 'joms la dad pa gyis/ de phyir dang por nga snyam pa/ /brgyan par 'dod pas spang bar bya/ /bsreg bya za ba'i du ba bzhin/ /yon tan rnams kyi nga snyom nyid/ /skar ma nyi ma zla ba rnams/ /sprin gyi dra ba chen pos bzhin/ /nga rgyal gyis bcom yon tan rnams/ /yod par gyur kyang mjes ma yin/ /dregs pa ngo tsha 'joms pa ste/ /mya ngan gyis gtan dga' bas lus/ /yon tan rnams kyi rtsa ba nas/ /'joms phyir nga'o snyam pa skye/ /'gran pa dang ldan nga rgyal las/ /lha min lha rnams kyis bcom zhing/ /mi skyong tA la'i byin pa dang/ /dong gsum pa rnams zad par gyur/ /gang zhig mi rtag dngos rnams su/ /mchog ni ma yin snyam pa dang/ /mi dman pa ni nga zhes snyam/ /de ni mkhas pa min par rtogs/ /gzugs ni brtan pa ma yin zhing/ /'jig pa'i chos can g.yo ba yis/ /nga zhes gang zhig nga rgyal te/ /yongs su rtog pa min gzhan ci/ /'dod pa'i 'dod chags stobs ldan pa/ /rab gab lhan skyes dgra bo ste/ /bshes min ngan na spyod pa bzhin// gang gis bshes kyi sgo nas 'joms/ /'dod chags med dang me nyid ni/ /sreg pa'i bdag nyid kyis mnyam ste/ /'dod chags me ni 'bar ba na/ /mtshan mo de nyid ring bar 'gyur/ /'dod chags me'i stobs ji 'dra ba/ /me yi 'obs
- 94b
ni de 'drar smin/ /me ni chu rnams kyis shes te/ /'dod chags me ni mtshos kyang min/ /dus su nags su mes tshig rnams/ /nags kyi shing rnams skye ba ste/ /'dod chags mes tshig blo me rnams/ /chos la skye ba ma yin no/ /chags las bde ba tshol ba ste/ /bde phyir mi dge ba byed cing/ /mi dge ba las dmyal bar 'gro/ /chags pa dang mnyam dgra po med/ /chags las sred pa skye ba ste/ /sred las 'dod pa rnams la chags/ /'dod pa rnams las sdug bsngal 'thob/ /chags pa dang mnyam yul med do/ /chags pa zhes bya'i nad chen po/ /de ni byis pas rtogs ma yin/ /mi rtag nyid las mi gtsang las/ /sdug bsngal nyid las bdag med las/ /gal te mthong nas mi chags te/ /log pa'i blo yis chags pa'o/ /de phyir dngos po la chags pa/ /gang du nye bar skye ba na/ /der ni ji ltar 'gyur brtag ste/ /gyur pa mthong ba zhes brjod do/ /yon tan yongs su rtog pa na/ /ji ltar chags par nyer bar 'gro/ /yon tan med na yongs rtog na/ /de bzhin khro ba 'gugs par byed/ / de phyir khro ba spong 'dod pas/ /zhe sdang yongs su brtag mi bya/ /dkar min 'gros las du ba bzhin/ /khro ba las ni zhe sdang 'dzag/ /khro ba gzugs ldan rnams kyi rga /mig ldan rnams kyi mun pa yang/ /chos don 'dod pa rnams kyi bshed/ /thos pa'i mi mthun pa nyid do/ /khro ba blo yi mun pa mchog /mdza' bshes gyur pa'i dgra bo mchog /bkur sti mang po'i gcod pa po/ /zil gyis gnon pa'i byed pa po/ /de bzhin khro ba mi bya zhing/ /byas nas kyang ni dor bar bya/ /dmug pa'i rang bzhin lto phye bzhin/ /khro ba'i rjes su 'jug mi bya/ /skor ba'i shing rta bzhin gang gis/ /khro ba brtan pas thag pas bzung/ /de bdag kha lo sgyur snyam ste/ /cig shes skye bo thag pa 'dzin/ /gang zhig khro ba 'dod pa ste/ /skye ba 'gog par 'dir ma yin/ /phyis de khro ba
- 95a
med pa na/ /me la reg pa bzhin du bsreg /khro ba skyes pas sngon rol du/ /bdag nyid kyi ni sems sreg ste/ /rnam par 'phel zhing phyi nas ni/ /gzhan gyi sreg nas mi sreg gam/ /nad sogs nye bar 'tshe rnams kyis/ / gang tshe 'jig rten btser ba na/ /lus can bshes ma yin rnams la/ /gnod sems byas nas yon tan ci/ /de phyir 'jig rten sdug bsngal ba/ /shes nas khro ba bzlog pa'i phyir/ /'byung po kun la byams pa dang/ /snying rje nyid ni bsgom par bya/ /de ltar nyon mongs lhag pa gang/ /de yi de tshe gzigs pa ste/ /de la brtse bas sangs rgyas kyis/ /de rnams la gsungs smad pa'o/ /sems can nyam thag rnams la ni/ /ji ltar rang bzhin gyis mkhas pa'i/ /sman pas sman ni gsungs pa ste/ /nad rnams nye bar zhi phyir ro/ /de bzhin chags dang rga sogs kyi/ /nad kyis 'byung po nyam thag la/ /thub las bsam pa mkhyen nas ni/ /de nyid shes pa'i sman byin to/ /de ltar thub ba'i gsungs la ni/ lits+tsha bi rnams mngon dga' ste/ /rab 'phyad gtsug gi nor bu can/ /mgo bo rnams kyis phyag 'tshal lo/ /de nas thal mo rnam sbyar nas/ /cung zhig dud pa'i lus rnams kyis/ /phung bu la ni lha rnams bzhin/ /sangs rgyas la ni byon par zhus/ /dang po a mra skyong ma'i rigs/ /thub pas de rnams la gsungs shing/ /dam pa rnams kyi thog mar ni/ /snyan mnan 'dor bya min par gsungs/ /de rnams bud med de yis ni/ /bdag la bslus par shes ba ste/ /de bzhin gshegs la mchod mang po/ /nyid 'gyur nyid du byas pa'o/ /legs brjod drang srong sngags rnams kyis/ /sprul rnams kyi ni dug bzhin du/ /kun mkhyen gyis bsten de rnams ci/ /rab tu zhi ba'i yid rnams song/ /de yi mtshan mo 'das nas ni/ /a
- 95b
mra skyong mas bkur byas te/ /'o ma ldan ba'i grong du ni/ /dbyar rnams rnam par 'das pa na/ /yangs pa can nyid du gshegs shing/ /spre'u rdzing gi 'gram du ni/ thub la chen po bzhugs pa'o/ /shing gi rtsa bar de bzhugs so/ /de bzhin du ni 'bar ba la/ /nags tshal de ni snang byas shing/ /nye bar 'ongs nas 'dud kyis smras/ /nai rany+dza na'i 'gram du sngon/ /thub pa khyod la bdag gis smras/ /bya ba byas pa mya ngan zlos/ /zhes 'dir khyod kyis lan smras so/ /nyam thag pa rnams 'jigs med cing/ /nyon mongs rnams ni don byas par/ /bdag gis ji srid ma gyur bar/ /de srid mya ngan mi 'da' zhes/ /de 'di mang po rnam grol zhing/ /de bzhin grol bar 'dod rnams dang/ /grol bar 'gyur ba rnams nyid de/ /de phyir mya ngan 'da' bar 'os/ /de nas tshig 'di gsan gyur nas/ /zla ba gsum na mya ngan 'da' / /mi brtan pa ni dor cig ces/ /dgra bcom rnams kyi mchog gi gsung/ /de nas dam bca' 'di shes nas/ /yid la re ba gang ba ste/ /rab tu dga' zhing mgu ba ni/ /de nyid du ni mi snang gyur/ /de nas drang srong chen po'i thugs kyi ting nge 'dzin/ /rnam pa de ltar rnal 'byor stobs las mdzad pa nyid/ /sku tshe ji ltar gyur ba sngon du btang ba ste/ /rdzu 'phrul mthu las mtshungs pa med pa 'tsho bar 'gyur/ /des ni sku tshe btang ba'i yud tsam de la ni/ /bud med? myos pa bzhin du sa ni g.yos gyur la/ /me yis tshos pa'i lhun po'i rdo ba rim bzhin du/ /phyogs rnams dag las sgron ma chen po rnams lhung ngo/ /de bzhin kun nas dbang po'i rdo rje mi zad rnams/ /glog dang bcas shing me yis snying po can g.yos shing/ /bskal pa 'jig che 'jig rten bsreg par 'dod pa bzhin/ /phyogs rnams thams cad rnams su me dag 'bar bar gyur/ /shing rnams kyi ni phung po 'khogs pa rnams bor zhing/ /ri rnams kyis ni rtse mo rnams ni dor ba ste//
- 96a
rlung gis mngon par gang ba'i rdo ba'i phug bzhin du/ /mkha' la rda rnams kyi ni ma rungs sgra rnams bsgrags/ /de nas de ltar kun tu bskyod tshe yang tsam la/ /mi yi 'jig rten na dang lha dang nam mkha' la/ /ting 'dzin chen po de las rnam par bzhengs mdzad nas/ /thub pa chen pos gsung ni 'di nyid gsungs pa'o/ /shing rta srog shing rnam par nyams pa dang 'dra ba'i/ che btang lus po nang gi stobs las 'dren bgyi zhing/ /sgo nga'i skye gnas pa rnams sgo nga phye nas bzhin/ /srid pa'i 'ching las tshe dang lhan cig 'grol bar bgyi/ /sangs rgyas kyi spyod pa zhes bya ba'i snyan dngags chen po las/ /sku tshe'i 'du byed byin gyis brlabs pa'i le'u ste nyi shu rtsa gsum pa'o// // de nas bskyod pa de mthong nas/ /kun dga' bo ni spu langs shing/ /ci zhig gyur zhes shugs 'ongs te/ /'dar bar gyur cing dga' ma gyur/ /kun mkhyen gtan tshigs mkhas pa la/ /des der gtan tshigs dris pa ste/ /de nas de la thub pas ni/ /khyu mchog mos pa'i dbyangs kyis gsungs/ /rgyu mtshan gang gis g.yos pa 'di/ /bdag gi tshe 'di btang ba la/ /zla ba gsum ni yongs bgrangs par/ /byin gyis brlabs nas da ni 'tshe/ /de ltar thos nas kun dga' bo/ /tsan dan ljon? pa'i thang chu ni/ /glang po che yis brabs pa bzhin/ /mchi ma phyung zhing g.yos par gyur/ /des gnyen nyid phyir bla ma'i phyir/ /chags bral min phyir sdug bsngal zhing/ /snying rje rab ni rnam blog ste/ /yongs su dga' ba med par dus mgon gyi nges pa thos gyur nas/ /bdag gi lus ni ltung ba bzhin/ /bdag gi phyogs rnams sbobs pa med/ /bdag gi chos rnams thos pa rmongs/ /gangs kyis btser rnams lam me bzhin/ /rga ba rnyings pa'i gos rnams su/ /kyi hud mis
- 96b
bsngags skyon par ni/ /de bzhin gshegs pa mya ngan 'da' / /nyon mongs 'brog dgon chen po ru/ /chud zos lus dang ldan rnams la/ /lam mkhyen shin tu skyen pa ru/ /lam mkhan nges par nyams par 'gyur/ /thag rings lam la rab zhugs pa'i/ /sred pa yongs ldan bdag rnams kyi/ /lam ni rdzing bu bsil ba'i chu/ /shin tu myur bar skam par 'gyur/ /blo ni rdzing ma zhi ba bzhin/ /'das dang ma 'das da ltar gzigs/ /ye shes rnam spangs 'jig rten gyi/ /mig ni nges par zum par 'gyur/ /ngas bar lo tog skyes rnams su/ /chu ni don gnyer ngal rnams la/ /char phab gyur nas skyen pa ru/ /chu sbyin sprin ni nub par 'gyur/ /mi shes mun pas phrogs rnams su/ /sems can lam gol ba la rnams/ /rab tu gas pa'i sgron ma ni/ /shin tu skyen par zhi bar 'gyur/ /de nas de ltar mya ngan gyis/ /sems gzir kun dga' bo gzigs nas/ /zhi byed mgon pos de nyid ni/ /de nyid rig pa'i mchog gi gsungs/ /'gro ba'i rang bzhin shes nas ni/ /mya ngan ma byed kun dga' bo/ /'dus byas ngo bo mi rtag cing/ /'gro ba 'di kun mdzad pa nyid/ /lus can brtsod pa'i skyed tshul du/ /sdug pa kun dang 'bral ba ste/ /brtse ba kun nas thong zhig ces/ /sngon du bdag gis smras pa nyid/ /'du byas g.yo ba skyes pa gang/ /rten nas 'byung ba dbang med de/ /bdag gis rtag bar gyur cig ces/ /'di ni rnyed par mi nus so/ /sa steng 'byung po rtag gyur na/ l/'jug pa g.yo ba ma yin zhing/ /thar pas bya ba su yis 'gyur/ /de phyir mthar thug gdong pa'o/ /ci ste khyod dam skye bo gzhan/ /bdag la khyod kyi sred pa ci/ /gang phyir ngal ba skyes pa 'di/ /khyod kyis bdag dang bral bas byas/ /lam ni mdza' dag khyed cag la/ /bdag gis brtan cing bshad pa de/ /sangs ryas rnams la slob dpon gyis/ /dpe ma khyud med
- 97a
ces bzung mdzod cig /bdag gi gnas sam nyer zhi na/ /don ni de tsam nyid yin te/ /de bzhin gshegs rnams chos kyi sku/ /lus kyis khyed cag la don ci/ /de phyir dang dam bdag 'das tshe/ /skyo ba yis dang bag yod dang/ /bdag gi sgron mas gsal byas te/ /chos kyi sgron ma rtag par ro/ /der zhugs brtson 'grus brtan pa dang/ /rtsod med bdag gi don la mkhas/ /blo ni gzhan dbang ma yin pa/ /bdag gi sgron ma zhes shes bya// rig pa dang ldan mkhas pa ni/ /gang gis sgron mas mun pa bzhin/ /shes rab sgron mes 'joms pa ni/ /chos kyi sgron mar shes par bya/ /dge legs nye bar thob bya'i phyir/ /de dag rnams kyi spyod yul zhi/ /lus dang tshor ba nyid dang ni/ /sems dang bdag med pa nyid do/ /rus lpags khrag dang rgyus pa dang/ /sha dang spu sogs rnams kyis dkris/ /mi gtsang lus su mthong bas ni/ /lus la chags pa ma yin no/ /de lta de ltar rkyen rnams kyis/ /'jug pa'i tshor ba rnams su ni/ /sdug bsngal zhes de ltar mthong ba'i/ /bde ba'i shes rab rab tu 'joms/ /skye ba dang ni gnas pa dang/ /chos kyi 'god pa nyid dag ni/ /zhi ba'i sems kyis mthong ba yi/ /rtag par 'dzin pa ldog pa'o/ /rkyen rnams las ni skyes pa rnams/ /phung po rnams ni mthong ba yi/ /ngar 'dzin gyis ni skyed pa'o/ /bdag tu 'dzin pa 'jug ma yin/ /sdug bsngal nye bar zhi ba'i phyir/ /bgrong ba gcig pa'i lam 'di ni/ /lam ni bzhi po de rnams su/ /de ltar dran pa nye bar gzhag /de ltar ram ni bdag 'das tshe/ /gang rnams 'di la gnas 'gyur ba/ /de rnams 'god med go 'phang mchog /nges par legs pa 'thob par 'gyur/ /de ltar kun dga' bo la gtams/
- 97b
de rnams rnam par 'dren pas mdzad/ /li tsa ba'i rnams kyis thos nas/ /de la gus phyir skyen par song/ /thub la brtse dang gus pa'i phyir/ /gdung pas phrog pa'i sems can rnams/ /spyod mdza' bkod pa'i don rnams kun/ /myur las rdzu 'phrul don rnams so/ /ston pa la ni smra 'dod na/ /de rnams btud nas nye bar gnas/ /smra bar 'dod rnams rton pa yis/ /mkhyen nas thub pas tshigs gsungs so/ /gang 'di bdag la song ba'i sems/ /khyed cag rnams kyi de kun shes/ /de nyid gzhan bzhin mya ngan gyis/ /de ring khyed kyis spobs par gyur/ /dpal gyi sde rnams la gnas kyang/ /khyed cag rnams kyis thams cad nas/ /mngon par zhugs pa 'di yis ni/ /gsal ba nyid dang chos mkhas nyid/ /gal te ye shes bdag las kyang/ /cung zhig thos shing shes pa na/ /bdag gi zhing ba rab dmigs te/ /gdung ba ma byed brtan par song/ /mi rtag 'dus byas dngos po rnams/ /g.yo zhing yongs su 'gyur pa can/ /snying po dang bral blo gtang min/ /cung zhig brtan par gnas pa med/ /gnas 'jog rgyun shes la sogs dang/ /gang gzhan thig le gyen rnams dang/ /dus kyi dbang du song ba ste/ srid pa 'di ni ma rung nyid/ /sa 'dzin ral nu dang ni/ /brgya byin dang mtshungs dbyibs nor dang/ /bskal pa che dang skal med min/ /'byung por mnyes gshin 'byung ba'o/ /'gro mgyogs de nas 'gro byar 'gro/ /skal ldan shing rta shing rta bzang/ /sgra ngan gyis smad sgra ngan rdzogs/ /rangs byed ri mo rdul ma skyes/ /mi skyong drang srong bdag nyid che/ de rnams dang gzhan mang po rnams/ /dbang chen dang mtshungs nyams pa ste/ /mi nyams pa ni yod ma yin/ /nyi ma gnas las 'phos pa ste/ /nor lha rnams ni sa la song/ /dbang po brgya rnams 'das pa ste/ /rtag pa ci yang yod ma yin/ /gang gzhan yang dag sangs
- 98a
rgyas rnams/ /'gro ba'i snang ba mdzad nas su/ /mar me snum zad bzhin du ni/ /de rnams mya ngan 'das par gyur/ /gang gzhan bdag nyid chen po rnams/ /'byung 'gyur de bzhin gshegs rnams kyang/ /bud shing tshig pa'i me bzhin du// de rnams mya ngan 'da' bar 'gyur/ /thar 'dod dka' thub nags su bzhin/ /de phyir bdag kyang 'gro bar bgyi/ /bdag gi don med lus min ni/ /'dren pa la ni rgyu mtshan med/ /gang du gdul bya 'ga' zhig yod/ /gang phyir 'di nas 'gro bar blo// nyams dga' yangs pa can la ni/ /khyed cag blo gzhan ma gyur cig /de phyir 'jig rten skyabs med cing/ /dbang med g.yo bar shes nas su/ /chags bral la ni 'gro bar dang/ /skyo ba 'thob par 'os pa'o/ /de ltar gtams bcas nas dus su/ ltos med de bzhin gshegs pa ni/ /snron gyi zla bar snang byed bzhin/ /lus ngan phyogs su rab tu gshegs/ /de la mchi mas yongs gang mig /li tsa ba'i rnams rjes song zhing/ /rgyan bcas lag pa rgyas rnams kyis/ /thal mo sbyar nas rnam par smras/ /kyi hud 'o rgyal gser mtshungs shing/ /sum cu rtsa gnyis mtshan mda' ba/ /ston pa'i sku lus 'bye 'gyur zhing/ /thugs rje mnga' ba mi rtag nyid/ /srid cing 'o ma med pa yi/ /sems ma thob pa'i be'u ni/ /bkren rnams ye shes 'jo ba'i bas/ /kye ma shin tu skyen par 'bor/ /'gro na mi ldan mi rnams kyis/ /rmong ba'i mun pa bcom mdzad nas/ /ye shes 'od zer skyen pa ru/ /thub pa nyi ma nub par 'gyur/ /mi shes rgyun gyi 'jig rten na/ /de las de las khyer ba la/ /rnams yangs chos kyi zam pa ni/ /shin tu myur bar 'chag par 'gyur/ /brtse ldan sman pa chen po ni/ /ye shes mchog gi sman mnga' bas/ /sems nad kyis na 'jig rten ni/ /bor nas nges par gshegs par 'gyur/ /sems kyis gzer du'i
- 98b
yo byad dang/ /shes rab rgyan gyis brgyan pa ste/ /ltad mo la ni skom rnams kyis/ /dbang po'i tog ni 'gyel bar 'gyur/ /'gro ba sdug bsngal skal ba can/ /'khor ba'i 'ching bas bcings pa la/ /gal te thar pa'i sgo 'di ni/ /dus kyis sdom par 'gyur pa'o/ /de ltar rnam zlog lits+tsha ba'i/ /mig rnams mchi mas rnam 'khrugs pa/ /rjes su 'ongs pa de rnams ni/ /thub pas slar la bzlog par mdzad/ /de nas thub pas bcad shes nas/ /bstan pa rab tu bzung nas su/ /phyir la ldog phyir nges pa ni/ /sdug bsngal sdug bsngal gyis byas so/ /rlung gis bskyod pa'i me tog rnams/ /dkar ni ka ra'i ljon shing bzhin/ /gser gyi ri ltar dkar de rnams/ /thub pa'i zhabs la phyag 'tshal to/ /de la sems rnams kyis chags shing/ /rkang pa rnams kyang 'khyar ba ste/ /gnyen po'i klung la chu gnyer bzhin/ /'gro ba med par de rnams log /zhes pa yin zhing dga' ma yin/ /dga' ba yin zhing zhes min/ /thub pa la ni de dag gis/ /dga' dang zhes g.yo ba med/ /'brog mdza' nas 'thon khyu mchog che/ /khyu mchog chen po rnams kyis bzhin gnas na gnas nas de rnams kyis/ /yang yang stobs bcu ldan la lta/ /de bzhin gshegs par sems 'ong ba/ /lus dang ldan yang 'od med rnams/ /rkang pas de nas mya ngan 'das/ /log pa'i khrus bzhin rjes su 'ongs/ /rnam par ma 'khrugs mda' gzhu rnams kyis dgra rnams zil mnan nas/ /de rnams nga rgyal ldan yang stobs dang ldan yang 'gugs ldan yang/ /'gro na dpal 'dod lits+tsha bI ni 'dod pa chen po rnams/ /mya ngan gyis 'khrugs gdong rnams rang gi khang pa rnams su 'ongs/ /sangs rgyas kyi spyod pa zhes bya ba'i snyan dngags chen po las/ lits+tsha bI rnams la thugs brtse ba'i le'u ste/ nyi shu rtsa bzhi pa'o// //snang byed 'dzin par gyur pa na/ /mun bcas kyis 'khrugs nam mkha' bzhin/ /thub pa 'da'
- 99a
phyir gshegs pa na/ /de phyir yangs pa can ma mdzes/ /dpal ldan dregs pa mi ldan zhing/ /thams cad du ni nyams dga' yang/ /bdag po nyams las bud med bzhin/ /kun nas gdungs pas mdzes ma gyur/ / thos pa'i dman pa'i gzugs bzhin dang/ /yon tan dang bral rig pa bzhin/ /ngag gis dman pa'i blo bzhin dang/ /'du byed dang bral ngag bzhin no/ /spyod pas dman pa'i dpal bzhin dang/ /dang po dang bral byams pa bzhin/ /rnam gnon phun sum tshogs pa bzhin/ /chos kyi dman pa'i bya ba bzhin/ /ston dkar char ni log pa na/ /shA la'i bskams pa nor 'dzin bzhin/ /de che mya ngan las ma mdzes/ /gang du de ni ma btsos shing/ /zos pa ma yin mya ngan des/ /kun tu ngu zhing thams cad kyis/ /grags ldan thub pa grags pa byas/ /gzhan ni ma gtam ma byas shing/ /sus kyang bsams pa ma yin la/ /mya ngan dang ni ngu ba ste/ /grong khyer pa kun bya ba gcig /de nas dga' 'dun gtso bo la/ /brtan kyang mya ngan gyis nyam thag / bde chen bdag po seng ge ni/ /bsams shing rnam par zlos pa'o/ /lam log mu stegs rnams pham nas/ /'di 'dra'i lam la gshegs nas su/ /gang gis dam pa'i lam brtan te/ /slar mi ldog phyir gshegs pa nyid/ /nyam thag nyams par gyur pa yi/ /snang med 'jig rten bor nas su/ /skye dgu mgon med mdzad nas ni/ /mgon pa de ni zhi phyir gshegs/ /rnal 'byor gtso bo bla ma mchog/ /mthar thug zhi la mngon phyogs nas/ /tshe zad pa las gzi mdangs bzhin/ /bdag gi brtan pa nyams par 'gyur/ /mi skyong sgra ngan mtho ris las/ /rdzu 'phrul dang ldan ltung ba bzhin/ /de dang bral ba rtse byar gyur/ /sal mi shes bya ba ci/ /tsha bas dub pa chur bzhin dang/ /grang bas nyam thag me la bzhin/ /the tshom gcod pa
- 99b
skye bo rnams/ /nga ni su la brten par 'gyur/ /me ni 'phel phyir spud ba bzhin/ /gang gis spud pa dge legs phyir/ /'jig rten slob dpon thub pa der/ /nyams tshe chos ni nyams par 'gyur/ /tshul med tshul ngan gyis bcings pa'i/ rga shi dbang bdag rnams kyi ni/ /sdug bsngal 'khrul 'khor chen po yi/ /gshig byed de 'dra su zhig yod/ /sin d+hur shing ni bskams pa rnams/ /dpyid mthar chu gter gyis bzhin du/ /chags skyes rgod pa'i mi rnams ni/ /gsung gis tshim mdzad su zhig lags/ /gang du bla ma lhun po'i snying/ /kun mkhyen nyid kyang rgud 'gyur na/ /blo gros ldan pa 'jig rten na/ /blo gtad la 'gro 'os pa su/ /ji ltar gsad bya bskyang byas nas/ /'chi ba'i ched du 'khrid par byed/ /de bzhin gson pa'i 'jig rten sdug /'chi ba'i ched du skye bar byed/ /ji ltar shing ni rno ba yi/ /sog le yis ni gshegs par byed/ /de bzhin 'gro 'di nyams pa yis/ /sog le yis ni gshegs par byed/ /nyon mongs mdza' dag bsregs nas kyang ye shes kyi ni stobs ldan kyang/ /'gro ba'i mchog gi slob dpon ni/ /rab tu nyams phyir gshegs par 'gyur/ /lta ngan srog chags ngan pa chu/ /srid pa'i dba' rlabs rdul ni nya/ /ye shes gru bo chen po yis/ /gang gis srid pa'i mtsho las rgal/ /rga ba'i yal ga nang me tog/ /'chi ba'i rtsa ba srid myu gu/ /ye shes mtshon cha chen po yis/ /gang gos srid pa'i ljon shing bcas/ /ma rig tsub shing las skyes shing/ /'dod chags me lce yul bud shing/ /gang gi ye shes bsil ba'i chus/ /skyon gyi me ni zhi bar mdzad/ /gang gi zhi ba'i lam la gshegs/ /gang gis mun pa chen po spangs/ /gang gis dge legs mchog mkhyen zhi/ /mkhyen nas byams pa yis bstan to/ /des kyang nyon mongs kun mthar phyin
- 100a
kun tu zhi ba gzigs pa ste/ /kun mkhyen kun la phan pa mdzad/ /kun spangs ched du gshegs pa nyid/ /mnyen zhing rnam yangs dbyangs mnga' ba'i/ /phyag ring thub pa chen po de'i/ /gal te mdza' na su yi mdza' 'byung 'gyur ma yin 'byung 'gyur min/ /'brog dgon dag na chu mthong nas/ /lam 'gro don bcas 'khrul pa bzhin/ /myur ba dang ldan mkhas pas ni/ /de phyir chos la bsnyon par 'os/ /nyams phyir khyad par med pa yi/ /sdig pa mi rtag nyid shes nas/ /gang zhig chos la gnyid ma log /de ni nyal yang gnyid ma log /de nas mi yi seng ge yi/ /ye shes za pas seng ge des/ /skye ba'i nyes pa rnams smad cing/ /srid pa zang pa'i bstod pa nyid/ /srid pa'i rtsa ba 'dor 'dod cing/ /brtul zhugs dam pa len 'dod la/ /g.yo ba'i sems ni thul 'dod de/ /dge ba'i lam la gnas par 'dod/ /zhi ba'i lam la 'go 'dod cing/ /srid pa'i mtsho las rgal 'dod la/ /rtag par sbyin pa gtong 'dod de/ /yang srid gcod par 'dod pa'o/ /sbyin pa byin zhing nga rgyal spangs/ /chos ni bsams shing zhi bar song/ /thub pa mya ngan 'da' bzhed tshe/ /de yis sa ni stong par go /de nas sku lus thams cad kyis/ /gnyis 'thung rgyal po bzhin bzlog nas/ /grong khyer la ni gzigs shin tu/ /thub pas 'di skad bka' stsal to/ /yangs pa can gyi bdag po 'di/ /khyod la lta ba'i phyi ma yin/ /gyang gnas kyi tshe tshod dus su/ /mya ngan 'da' phyir 'gro bar gyis/ /de nas gus ldan chos 'dod pa/ /nye bar 'ongs pa rnams gzugs nas/ /de yi rab spyod las rnams la/ /thub pas mngon par rjes gnang mdzad/ /de nas rim gyis rnam 'dren pa/ /longs spyod grong la bsnyen pa ste/ /de zhugs thams cad mkhyen pa yis/ /
- 100b
dge slong rnams la mngon par gsungs/ /da ltar ram ni bdag 'das nas/ /chos la mchog tu gzhol bar bya/ /de ni khyed kyis don mchog ste/ /gang gzhan de ni ngal par 'gyur/ /gang zhig mdo sder ma zhugs shing/ /'dul ba na yang mi snang la/ /rigs par so sor gnod pa ste/ /de ni cis kyang bzung mi bya/ /de ni chos min 'dul ba min/ /de ni bdag gi tshig ma yin/ /mang po rnams kyi tshig yin kyang/ /nag po'i gdams pa de dor byas/ /dag pa'i gdams pa bzung bya zhing// gang la yod min bzlog pa ste/ /de ni chos yin 'dul ba ste/ /de ni bdag gis tshig yin no/ /de phyir bdag gi mdor bsdus nas/ /tshang ma 'di rnams bshad pa ste/ /gang zhig byed de tshang ma yin/ /'di las gzhan du tshang ma min/ /bdag gis dgongs pa phra mo de/ /rnam par ma bzhag ma shes nas/ /rmongs nas chos ma yin pa la/ /chos kyi blo rnams 'byung bar 'gyur/ /mun pa dang bcas blta bas sam/ /khyad par rnams ni shes min las/ /gser dang rab tu mtshungs pa yi ji lta zangs kyis slu bar byed/ /shes rab khyab pa med pas sam/ /de nyid 'dzin pa ma yin pas/ /dam pa'i chos kyi gzugs bsnyan gyi/ /de ltar chos ma yin pa slu/ /brdar las bcad las bsregs pa las/ /mkhas pa rnams kyi gser bzhin du/ /'dul ba mdo las rigs pa las/ /de phyir yongs su rtog par rigs/ /bstan pa ces rnam par mi shes pas/ /mkhas pa rnams ni ma yin zhing/ /tshul min la tshul blo gros dang/ /tshul la tshul min mthong ba nyid/ de phyir don dang tshig gis ni/ /yang dag thos pas gzung bya ste/ /bstan bcos log par bzung ba yis/ /mtshon bya bzhin du rnam par 'joms/ /sngar med ldan pas 'khyogs mang pa'i/ /mtshan mo'i 'ong
- 101a
byed khyim la bzhin/ /tshig ni log par brjod pa yi/ /don la sdug bsngal gyis 'jug go /don nyams pa las chos nyams shing/ /chos nyams pa las nus pa ste/ /de phyir ma log don la ni/ /gang gi blo de blo ldan no/ /dge mangs de skad gsungs nas ni/ /dus su sdig pa'i grong la gshegs/ /der ni 'di la khyed rnams kyis/ /bsnyen bkur dam pa byed pa'o/ /de nas der ni gus ldan pa/ /skul byed legs pa'i khyim nyid du/ /bcom ldan 'das kyis zas mdzad de/ /de yi phyir yin rgyas phyir min/ /de nas nyan thos tshogs bcas te/ /de bzhin gshegs pas zas mdzad nas/ /skul byed la ni chos gsungs te/ /ku sha ldan pa'i grong du gshegs/ /de bzhin nor ldan zhes byi'i klung/ /skul byed bcas pa de brgal nas/ /grong khyer de ni zhi ba yi/ /pad+ma'i gnas bcas nags su bsnyen/ /gser dang 'dra ba'i 'od mnga' des/ /gser ldan la ni khrus mdzad nas/ /kun dga' bo ni dga' med la/ /'jig rten dga' la bka' stsal to/ /kun dga' gshin rje'i ra ba yi/ /dbus su dag gi khri ba shom zhig /de ring nam gyi cha smad la/ /de bzhin gshegs pa mya ngan 'da' / /zhes gsungs kun dga' bos thos nas/ /mchi mas zhag na mig ldan pas/ /thub pa'i gzims mal bshams pa ste/ /bshams nas bstod cing kyi hud do/ /de nas gzims mal stabs pa la/ /rkang gnyis rnams kyi mchog byon te/ /yang yang sang pa med phyir dang/ /sdug bsngal thams cad zad phyir ro/ /de ni rtsibs logs g.yas kyi ni/ /phyag la dbu ni rnam gzhag nas/ /zhabs la zhabs ni bkod nas su/ /slob mas mdun pa dar gzims pa'o/ /de nas yud tsam de na der/ /bya rnams skad ni mi sgrogs te/ /zags shing snyoms pa'i lus rnams kyis/ /
- 101b
bsam gtan la ni gzhol bzhin gnas/ /de tshe 'dab mi g.yos rnams las/ /rlung rnams kyis kyang ma g.yos pa'i/ /ljong shing rnams kyis mchi ma bzhin/ /mdog ngan me tog rnams gtor to/ /nub ril rtsel nyin mor byed/ /gnas la la mi 'gro rnam pa bzhin/ /khri lo thub pa lta bzhin du/ /don dam mthong rnams skyen par gyur/ /de nas mthar thugs gzims mal la/ /thams cad mkhyen pa gzims pa yis/ /mchi mas rnam 'khrugs kun dga' la/ /rjes su brtse bas bka' stsal to/ /bdag gi mya ngan 'da' ba'i dus/ /gyad? rnams la smros kun dga' po/ /mya ngan 'da' ba ma mthong na/ phyis na bdag la gdung bar 'gyur/ /de nas gsung ni rab bzung nas/ /mchi mas brgyal ba'i kun dga' bos/ /thub pa'i gzims mal mthar thug pa/ /gyad rnams la ni smras pa'o/ /de nas de tshe kun dga' bo yi tshig thos nas/ /mig nas chu yi char ldan de rnams du bzhin du/ /seng ge'i 'jigs las sa 'dzin dag nas khyu mchog ltar/ /brtan min rnams par gnon rnams grong khyer nas thon to/ /zhen pa med pas gos rnams g.yengs shing rnam bkram te/ /'gros kyis kun nas bskyod pas cod pan g.yo ba rnams/ /lhan gnas nams bsod nams yongs su zad las bzhin/ /de nas nyam thag 'ongs pa rnams ni nags der song/ /de ltar 'ongs pa rnams kyis thub pa mthong ba ste/ /mthong nas mchi ma'i gdong ldan rnams kyis phyag 'tshal zhing/ /phyag 'tshal nas ni yongs gdung sems rnams gnas pa ste/ /gnam pa de rnams la ni thub pas bka' stsal to/ /dga' ba'i dus su mya ngan byed pa rigs min zhing/ /yid mi bde bas don med brtan pa bsnyen par gyis/ /bskal pa du ma rnams su bdag gis 'dod pa gang/ /shin tu rnyed dka' i don de bdag la nye bar gnas/ /sa dang chu dang me dang rlung dang mkha' med pa'i/ /dge zhing 'gyur med dbang po'i dbang don las 'das pa/ zhi
- 102a
zhing dprog bya ma yin mchog de gang thos nas/ /skye ba med cing 'pho ba med la mya ngan med/ /ga ya rnams su byang chub tshe na bdag gis sngon/ /dge min srid pa'i rgyu rnams sprul bzhin dor ba ste/ /sngon che bsags ba'i las kyi rnam par gnas pa 'di/ /lus 'di nyid ni de ring nye bar 'gro bar 'gyur/ /sdug bsngal gyi ni gter chen phung po song ba na/ 'jigs pa chen po yang srid nye bar zhi ba na/ /gang tshe sdug bsngal chen po las ni byung ba ste// gang gis du ba bdag la mya ngan 'os ci yod/ /rab tu zhi ba'i dus yin na yang 'brug gi dbyangs/ /shAkya thub pa'i gsung ni de rnams kyis thos nas/ /de nas kha rnams bye zhing smra 'dod gyur pa ste/ /de dag rnams kyi tshig de gnas brtan gyis gsol to/ /gang gi du ba khyod kyi mya ngan 'os ci yod/ /me ni khang pa 'bar las rnam par mthon pa ltar/ /de ltar thub pa des ni lha gtso rnams kyis kyang/ /nges par bsnyen bya yin na mi rnams kyis smos ci/ /khyab bdag skye bo gang 'di de bzhin gshegs pa ni/ /mya ngan 'das 'di mthon min des na mya ngan byad/ /'brog dgon dag na song ba'i lam mkhan bzang po ni/ /rnam par nyams tshe kun nas 'khrul par cis mi 'gyur/ /bla ma drang srong chen po thams cad gzigs pa ni/ /dngos su mthong nas gal te khyad par ma thob na/ /gser gyi 'byung gnas dag nas dbul po song rnams bzhin/ /de tshe 'di na bzhad gang nyid du 'gro ba nyid/ /de ltar don ldan mang po de de smra ba rnams// bu rnams la bzhin gus ldan thal mo sbyar ba rnams/ /dge zhing zhi la dam pa'i don ni bsngags pa yis/ /gyad rnams dag la mchog bdag rnams kyi mchog gis gsungs/ /de ltar nges pa de ni kho bo mthong ba las/ /rnal 'byor
- 102b
cho gar 'bad rtsol med par grol min te/ bdag gis chos 'di gang zhig rjes su rtog byed pa/ /sdug bsngal dra ba las de ma mthong na yang grol/ /ji ltar sman ni bsnyen par mi byed skyes bu yis/ /sman pa mthong ba las kyang nad ni 'joms min te/ /de bzhin bdag gi ye shes 'dir la bsgoms na/ bdag ni mthong ba las kyang sdug bsngal 'joms ma yin/ /'di ni bdag ldan gang zhig pa dag gi chos mthong ba/ /rgyang ring dag na gnas kyang nges ni bdag mthong ste/ gang zhig dge legs la ni bzhol zhing mi 'jug pa/ /bdag gi nye bar gnas kyang de ni rgyang ring nyid/ /de phyir brtson 'grus ma spangs bsdams pa'i sems rnams kyis/ /dge ba'i las rnams la ni bag dang ldan par gyis/ /sdug bsngal du ma nye bar 'dus shing g.yo ba ste/ /sreg ni tho rangs mar me dang ni mtshungs pa nyid/ /de ltar thub pa'i skyes mchog gis brtan de rnams ni/ /mig nas chu ni rnam byung nyam thag yid rnams kyis/ /chu bo'i gzhung ni so sor sgrol bar byed pa bzhin/ /ku she zhes bya'i grong la dal bus dbang med zhugs/ /sangs rgyas kyi spyod pa zhes bya ba'i snyan dngags chen po las/ /mya ngan las 'da' bar gshegs pa'i le'u ste/ /nyi shu rtsa lnga pa'o// //de nas bzang pos yang dag nyer ldan legs bzangs ni/ /dbyu gu gsum 'dzin 'byung po'i tsho gsum mi mchod pa/ /bde bar gshegs pa lta 'dod dge slong thar 'dod pas/ /kun dga' byed pa'i kun dga' bo la smras pa'o/ /thub pa'i mya ngan 'da' ba' i dus ni bdag gis thos/ /gang gi ched du bdag gis lta 'dod skyes pa ste/ /'jig rten dag na mchog gi chos kyi rtog pa'o/ /zla ba gnam stong la bzhin mthong bar bla ma min/ /sdug bsngal mdza' dag rnams kyi tha mar gshegs bzhed pa//
- 103a
khyod kyi 'dren pa de ni lta bar 'dod pa ste/ /sprin gyi mngon par bkag pa'i mkha' la nyi ma bzhin/ /bdag gis ma mthong bar de nub par 'gro ma yin/ /de nas yongs su 'gro ba po ni 'ongs pa ste/ /smra bar 'dod cing chos 'dod pa ni des shes nas/ /lab dang ni ldan pa'i sems ldan kun dga' bos/ /dus ma yin zhes mchi ma'i gdong gis smras pa'o/ /de ni zla ba'i 'od mda' bsam pa mkhyen pa'o/ /'dab ma rgyas pa'i spyan yang rnam par mkhyen nas su/ /gang phyir kho bo 'jig rten phan phyir skyes pa ste/ /kun dga' bo skyes gnyis skyes ma 'gogs zhes gsungs so/ /de las legs bzang mchog tu dga' zhing yid ches shing/ /dpal sdug dge legs mdzad la mngon du song ba ste/ /de nas dus kyi rjes su mthun pas zhi ba yis/ /gsung ni mngon par gsung nas slar yang de gsol to/ /kho bo lta bu'i yongs su rtog pa po rnams las/ /thar pa'i lam gzhan lhag par thob ces grag /de phyir bdag la gsungs mdzad bdag la 'dzin 'dod yod/ /bdag gi lta la dod brtse bar rtsod par phyir ma yin/ de nas gnyis skyes mngon par 'ongs pa de la ni/ /yan lag brgyad kyi lam ni sangs rgyas kyis gsungs shing/ /rab tu chung zos lam ni yang dag dran pa bzhin/ /thos nas gang gis yang dag rtags/ /des ni sngon du mthong bar gyur pa'i lam gzhan la/ /des ni mthar thug dam pa nye bar ma thob ste/ /sngon du ma mthong lam ni lhag par thob nas su/ /snying la mun pa dang bcas lam de dor bar gyur/ rdul dang lhan cig mun pa rab tu thob pa ste/ /de dag rnams kyi mi dge'i las ni sog ces grag/ /snying stobs dang bcas rdul ni rab tu 'phel ba ste/ /de dag rnams kyi dge ba'i las ni
- 103b
byas zhes grag /thos dang blo dang 'bad pas snying stobs 'phel ba na/ rdul dang mun pa dag ni rnam pa med pa'i phyir/ /las nyams pa las las ni zad par 'gro ba ste/ /de dag rnams kyi las de 'bad pa min zhes grag /yid ni rmongs par byed pa rdul dang mun pa dag /rang bzhin par ni 'jig rten dag na sma ba ste/ /de phyir de gnyis zad pa yod min brten nyid phyir/ /rang bzhin par ni brtan pa nyid du rab tu grub/ /snying stobs sbyor las de dag de bar gyur na yang// dus kyi dbang gis slar yang 'byung bar 'gyur ba ste/ /bsil ba'i chu ni mtshan mo bzhin du rim gyis ni/ /dus kyi rim las rang bzhin du ni 'gro bar 'gyur/ /rtag pa'i bdag nyid snying stobs de ltar 'bel ba ru/ /thos pa blo dang 'bad pa rnams kyi ni nus te/ /de ma 'phel na de dag nyams pa yod min zhing/ /de dag ma nyams pa las zhi ba yod ma yin/ /sngon du des ni rang bzhin las ni skyes snyam ste/ /des kyang der ni thar pa mthong ba ma yin zhing/ /me yi 'bar ba'i 'od kyi nyams pa ji lta bar/ /rang bzhin las ni gnas na mthar thug gang las yin/ /sangs rgyas pa yi lam gyis de nyid mthong ba ste/ srid pa la ni brten nas 'jig rten des rtogs shing/ /de yis rnam par nyams bzhi ba rig pa ste/ /rgyun ni rab tu nyams phyir 'bras bu nyams pa'o/ /gsal ba 'di yin rnam par 'gyur ba med pa'i bdag /lus las gzhan ni de yis sngon du rtogs pa ste/ /thub pa'i gsung ni yongs su thob nas 'jig rten ni/ /bdag med pa dang bdag tu bya ba mang par shes/ /chos ni du ma so sor brten nas skyes pa ste/ /rang nyid dbang med yongs su shes nas ni/ des ni rab tu 'jug pa sdug bsngal nyid du dang/ nges par ldog ste sdug bsngal nyid du kye ma mthong/ /ji ltar 'jig rten dag ni skye ba rtogs nas su/ /des
- 104a
ni chad pa'i lta ba rnam par spangs pa ste/ /'jig rten dag gi nub par 'gro ba shes nas su/ /rtag pa'i lta ba brtan po skyen par spangs pa'o/ /drang srong chen po'i gsungs ni thos nas bzung ba ste/ de ltar 'di na des ni sngon gyi lta ba btang/ /de yis sngon du yongs su las ni byas pas te/ /gang gis skyen par dam pa'i chos la rjes su song/ yid ni rab tu dang bas mchog dang ldan pa des/ /zhi zhing 'gyur med go 'phang de ni rab thob nas/ /thub pa gzim pa la ni bsngags pa byas pa ste/ /lta bzhin 'di las blo 'di rnams ni byas pa'o/ /mchod 'os dam pa mya ngan 'da' bar 'os pa yis/ /mgon po mthong nas bdag ni gnas par 'os ma yin/ /ston pa thugs rje ldan pa mya ngan 'da' ba yis sngon du re zhig bdag ni mthar thug la 'gro'o/ /de nas des ni thub pa la ni phyag 'tshal nas/ sprul bzhin g.yo ba med pa'i gdan ni bcings nas su/ /sprin rlung gis ni phra mor byed pa bzhin/ /de ma thag tu zhi ba mya ngan 'da' bar gshegs/ /de nas de phyir gdung gi 'du byed cho ga ni/ /cho ga mkhyen pa'i thub pas bka' stsal pa/ /mthar gyur de ni skye ba mthar mdzad drang srong che/ /rgya chen slob ma mda' ba' i slob mar gyur pa'o/ /de nas nam gyi thun ni 'das pa na/ /zla bas skar ma rnams kyi 'od ni phrogs pa na/ /nags rnams nyal ba bzhin du sgra med gyur pa na/ /dge slong rnams la thugs rje chen po mnga' bas bstan/ /slob dpon bzhin du sgron ma bzhin du don bzhin du/ /bdag 'das tshe na so sor thar pa bsten bya ste/ /khyed kyi ston pa de yin de'i dbang gis 'gyur bya/ /kho bo gnas pa na yang de tsam nyid smra'o/ /lus dang ngag gi las ni rnam par dag 'dod pas/ /de bzhin 'jig rten tha snyad thams cad 'dor ba dang/
- 104b
sa dang srog chags sa bon rdzas la sogs rnams kyi/ /rab tu 'dzin pa las ni me bzhin ldog pa'o/ /sa la skye ba gcod dang 'byed pa dag las dang/ /sa yi logs la rko dang rmo ba dag las dang/ /gso ba dang ni skar rtsis mtshan nyid rnams las ni/ /ngos par ldog pa bza' ba'i cho ga dus yin no/ /pho nya'i 'jig pa sman drang sngags ni bsnyen rnams la/ /sbyor min nyid dang 'chab pa nyid ni med pa nyid/ /chos las ma bkag pa yi sgrub pa rnams la ni/ /tshod shes nyid dang tshim dang srog pa ma yin no/ /rnam pa de ltar tshul khrims yang dag bsdus pa 'di/ /thar pa'i rtsa ba so sor thar pa ste/ /'di las ting nge 'dzin rnams rab tu skye ba ste/ /ye shes thams cad rnams dang mthar thug rnams 'di'o/ /de phyir ma ral ma nyams 'brog bya ma yin pa'i/ /gang gi tshul khrims gtsang ma yod pa de yi chos/ /de med gal te 'di yi thams cad med pa ste/ /tshul khrims yon tan dam pa rnams kyi rten yin no/ tshul khrims ma nyams rnam par dag pa gnas pa na/ /dbang po spyod yul rnams la 'jug pa ma yin zhing/ dbyug pas ba glang tshogs rnams lo tog las bzhin du/ /brtan las dbang po drug rnams sgrib par bya ba'o/ /dang po'i rta rnams yul rnams la grol gang zhig gzhan/ /len zhing de rnams las ni de tsam nyid ma yin// g.yo ba'i rta rnams kyis phrogs lam ngan la bzhin du/ /des ni de yi ched du don med thob par 'gyur/ /dgra bo chen po rnams kyi dbang du song ba rnams/ /'di na kha cig sdug bsngal thob par 'gyur ba ste/ /rmongs pas yul rnams dag gi dbang du song nas ni/ /song nas deng 'dir dbang med rnams ni sdug bsngal 'os/ /de phyir dgra bo ma rungs dbang po rnams kyi bzhin/ /dbang po rnams kyi 'gro ba 'gro bya ma yin zhing/ /dbang po rnams kyi dga' ba 'jig? rten na byas nas/ /dbang po
- 105a
rnams kyi gshed ma 'jig rten na mthong ngo/ /rang gi g.yo ba'i sems las 'jig pa ji lta bar/ /rtag rnams las dang sprul dang 'bar ba'i me las dang/ /dgra bo las ni de ltar 'jigs par mi bya ste/ /gang gi sbrang rtsi dang ni yang dag rtog pa med/ /lcags kyu med pa'i gnyis 'thung myos pa lta bu dang/ /yal ga'i ri dags shing la rab tu ma zhi ltar/ /sems ni ji ltar 'dod bzhin phyogs su bskor ba ste/ /g.yo zhing bskyod pa de la go skabs sbyin mi bya/ /de ni rang dbang yin na zhi ba yod min zhing/ /de yis gnas par yin na byed pa byas pa nyid/ /de phyir sems 'di ji ltar rnam par mi g.yo ba/ /de ltar rab tu 'bad pa yis ni gyis mdzod cig/ bza' ba tsam ni sman bzhin nges par bsten bya ste/ /'dir ni khong khro bya ba ma yin chags pa min/ /ji srid bkres pa nyid ni ldog pa'i ched du dang/ /lus kyi 'khrul 'khor gyis 'dzin pa yi ched du'o/ /ji ltar nags su bung ba rnams kyis me tog ro// 'thung ste me tog rnams ni nyams par byed ma yin/ /de bzhin dus kyi dbang las bsod snyoms rgyu ba ste/ /pha rol dad pa rnams ni nyams par byed ma yin/ /drang pos rtag par khur bar byed ces khur bya dang/ /skye bo sbyin pa po yang yod pa ma yin te/ /'di na sbyor ba min las khur ba ltung ba ste/ /ji ltar khur bu de ltar sbyin pa po yin no/ /rnal 'byor rim las nyin mo mdza' dag phul nas dang/ /mtshan mo'i dang po'i thun dang cig shos dag kyang ste/ /dran pa dang bcas snga ma'i cig shos la nyol la/ /gnyid kyi tshe ni don med byed pa ma yin no/ /dus kyi me yis 'di na 'gro ba sreg pa ma/ mtshan mo mdza' dag la ni gnyis par 'os pa su/ /nyon mongs dgra bo dang mtshungs 'joms pa
- 105b
po rnams ni/ /snying la gnas pa yin na su yi gnyid log 'gyur/ /de phyir khyim na nag po'i sprul rnams nyal ba ltar/ /yid la nyes skyon sprul rnams rab tu nyal ba rnams/ /rigs pa dang ni rkang pa'i smin gyis ston nas su/ /gnyid log par 'os 'di las gzhan du ngo tsha'o/ /ngo tsha rgyan nyid dang ni mchog gi gos yin zhing/ /ngo tsha lam las 'khyogs pa rnams kyi lcags kyus te/ /ngo tsha ldan pas de ltar gyur na 'jug bya zhing/ /ngo tshas rnam par spangs pa'i yon tan rnams kyi spangs/ /ji srid pa la skyes bu ngo tsha dang bcas pa/ /de srid de yi ngo bo nyid yin te/ /don dang don min rnams la rnam dpyod med pa ni/ /ngo tshas rnam par dman pa phyug dang mnyam pa'o/ /gang yang yan lag nying lag rnams ni ral gris gcod// dar yang yid kyi nyes pa bya ba ma yin zhing/ /zhi ba ma yin ngag gi brjod par mi bya ste/ /bdag gi de yi khyed cag rnams kyi bar chod yin/ /bzod pa dang mnyam dka' thub yod ba ma yin zhing/ /gang gi bzod pa de yi stobs dang brtan pa ste/ /gang rnams pha rol rnams las rtsub mo mi bzod pa/ /de rnams chos byed rnams kyi lugs min grol ba min/ /chos kyi 'byed pa po dang grags pa'i 'joms pa po/ /gzugs kyi dgra bo dang ni snying gi me yin te/ /khro ba de yi go skabs rab 'jam mi sbyin zhing/ /yon tan rnams kyi dgra bo de 'dra gzhan ma yin/ /yongs su bsil ba'i chu las glog gi me bzhin du/ /ji ltar rab byung las ni khro ba 'gal ba ste/ /de ltar khyim pa rnams kyi skyes pa mi 'gal te/ /chags ldan de rnams de la dam bca' ma yin no/ /mdzes pa'i skra ni rgyang ring mgo la reg nas dang/ /rnam par 'gyur pa'i gos dang lhung bzod mthong nas dang/ /gzhan las mthar gyur spyod pa rnam par bsams nas su/ /snying la skyes pa'i nga rgyal rab tu spang bar bya/
- 106a
phyi ma la brten pa khengs pa rnams kyi yang/ /nga rgyal rnam par 'joms pa'i phyir yin na/ /slo ma za bas bdag nyid yongs su rtogs pa bo/ /thar pa la dmigs skra bzhar rnams kyi sngon nyid do/ /ngan g.yo dang ni chos kyi mtshams sbyor yod min te/ /gang phyir 'di las 'khyog po nyid ni bsnyen mi bya/ /na g.yo nyid dang sgyu ni sla ba'i don du ni/ chos kyi bdag nyid rnams kyi bslu bya yod ma yin/ /gang zhig rgya chen rnams las sdug bsngal 'ong ba ste/ /nyung ngu 'dod la 'ong ba ma yin de dang bral/ /de yi phyir yang nyung ngu 'dod nyid bsnyen bya ste/ /gang zhig yon tan rnams kyi rdzogs byed kye ma ci/ /de ni bkren pa'i lta ba rnams la mi 'jigs shing/ /dbang po rnams las gang zhig cung zad 'jigs min la/ /gang zhig thos nas med ces mya ngan med pa ste/ /gang gi nyung ngu 'dod de yi thar pa min/ /gal te grol ba 'dod na tshim pa bsnyen mdzod dang/ /tshim pa na ni 'di bde de 'di chos yin zhing/ /tshim pa rnams ni sar yang bde par gnyid log ste/ /tshim med rnams ni mtho ris na yang nye bar bsreg/ phyug kyang tshim pa med pa rtag tu dbul po ste/ /dbul yang tshim pa dang ldan rtag tu phyug po nyid/ /tshim pa med pa sdug pa'i yul rnams dang 'bye zhing/ /tshim par 'gro ba dal ba ldan la mya ngan byed/ /zhi ba'i bde ba dam pa thob par 'dod rnams kyis/ /de ltar tshogs la dga' ba rnams su 'gyur mi bya/ /zhi ba'i bdag nyid gcig tu rgyu phyir 'jig rten na// brgya byin la sogs lha rnams kyis kyang re 'dod byed/ /chags po sdug bsngal gyi ni gnas pa'i shing yin te/ /rang gi skye bo la 'am skye la chags pa spangs/ /chags pa rnams rgyas sdug bsngal la ni 'jig rten na/ /gnyis 'thung
- 106b
'khogs pa 'dam la bzhin du 'chags par 'gyur/ /rtag par rab zhugs chu yi rgyun ni mnyen na yang/ /rdo? ba'i logs la dus su rnam par 'bigs pa ste/ /brtson 'grus gyis ni rnyed par dka' ba ci yang med/ /de phyir khur rnams mi ' bor bar ni bzo bgyis dang/ /gang zhig yang yang ngal gso nas ni srung byed pa/ /de yis shing la me ni rnyed par sla min zhing/ /brtson 'grus brtsams pas rnyed par sla bar 'gyur ba ste/ /de phyir sbyor ba yod na bya ba grub pa nyid/ /dran pa yod na skyon rnams 'jug pa ma yin te/ /dran pa dang mnyam mdza' bo med cing bsrung ba med/ /dran pa nyams las nges par thams cad nyams pa ste/ /de phyir lus la song ba'i dran pa spang mi bya/ /ji ltar dpa' bo rnams na go cha bzung nas su/ /dgra bo'i sde la 'jigs pa med rnams 'jug pa ste/ /de bzhin lus la dran pa'i go cha ba gos nas su/ /brtan ba rnams ni yul gyi g.yul rnams la spyod do/ /mnyam par bzhag pa blo dang sems ni yongs sdams shing/ /'jig rten dag gi skye dang 'gog par shes pa ste/ de phyir ting nge 'dzin la yongs su 'jug bya ste/ /ting 'dzin rab tu thob pa'i sems nad yod ma yin/ /rnam par 'thor ba'i chu ni rnam par 'dzin don du/ /ji ltar 'bad bas dong dang 'obs ni byed pa ste/ /ye shes chu ni gnas pa'i don du ting nge 'dzin/ /de ltar dod dang 'obs dang mtshungs par rab tu bstan/ /shes rab ldan pa yongs su 'dzin pa btang ba yi/ /chos 'di nang la mchog tu gzhol ba dag gis te/ /de ltar gnas pa'i grol ba yod cing 'di yi ni/ /phyin ci log ni khyim pa ma yin dge slong min/ /shes rab rga dang shi ba'i mtsho rchen dag la gru/ /rmongs pa'i mun pa rnams la ji ltar sgron ma ste/ /nad rnams thams cad 'joms pa dag gis sman yin zhing/ /nyon mongs ljon shing 'joms byed mtshon cha rnon
- 107a
po yin/ /de phyir thos pa bsam pa bsgom pa rnams kyi ni/ /shes rab rnams par 'phel la rab tu 'jug par bya/ /gang gis shes rab rang bzhin lta byed mig yod pa/ /de ni mig dang bral yang mig dang ldan pa nyid/ /sems la rgyu ba'i spros pa de dang de rnams kyis/ /khyim na gnas pa spangs nas kyang ni grol min nyid/ /mchog tu zhi ba thob par 'dod pa rnams kyi 'di/ /shes nas spros pa med pa rnams su 'gyur bar bya/ /de phyir bag yod bla ma bzhin du bsnyen mdzod la/ /bag med dgra bo bzhin du rnam par spongs mdzod dang/ /bag yod pa las brgya byin gyis ni dpal thob cing/ /bag med pa las lha min khengs rnams rnam par nyams/ /phan pa dang ldan rjes su brtse ba mnga' ba yi/ /ston pa thugs rje mnga' bas mdzad bya gang yin pa/ /de ni bdag gis byas shing dang ni rab bsdams pa/ /khyed cag rnams kyi sems ni zhi bas byas pa'o/ /ci ste ri rnams dang ni khang pa stong pa rnams/ /dgon pa de ni gang dang der ni yod pa na/ /rab tu sbyor la rtag tu 'bad pa bya ba ste/ /phyi nas yongs su gdung ba ldan par ma gyur cig/ sman pa rang bzhin yang dag legs par shes nas na/ /nad pa rnams la dam pa'i sman ni brjod bya ste/ /de yi dus kyis sbyar bar nges par bstan pa la/ /nad pa gang de bdag po yin te sman pa min/ /dpal ldan drang zhing mnyam la 'jigs pa med pa yi/ /lam ni lam mkhan gyis ni rnam par bstan pa na/ /thos nas gang zhig mi 'gro de yi nyams pa ste/ /bstan pas 'dren pa po ni bu lon yod ma yin/ /sdug bsngal la sogs bden pa bzhi po kho bo yis/ /bstan pa rnams la 'di ni gang gis 'dod pa yod/ /de ni myur zhing spobs par bdag la smros shig dang/ /the tshom shin tu rnam par dbyad bya bcad
- 107b
par bgyi/ /de ltar mthon por gsung ba'i drang srong chen po la/ /the tshom med pa de rnams ci yang ma gsol to/ /sems kyi de dag rnams kyi sems kyi gting dpag nas/ /byed ldan ma 'gags pas kyang tshig 'di smras pa'o/ /rlung ni g.yo ba ma yin nyi ma bsil ba dang/ /ri bong mtshan ma can ni dro ba nyid na yang/ /'jig rten dag na rkang pa bzhi po rnams la ni/ /bden pa min par byed par nus pa ma yin no/ /gang zhig sdug bsngal brjod pa de ni bde ba min/ /'di yi rgyu gang rab tu skye bo de bzhan min/ /rgyu ni 'gags pa las ni nges par thar pa ste/ /gang zhig 'di yi lam ni thabs ma yin pa min/ /de phyir bdag nyid chen po bden pa bzhin rnams la/ /dge slong skye bo nges 'di gtam ci yod ma yin/ /sdom pa mya ngan 'da' ba brnyed par 'gyur zhes te/ /gang zhig don ni rdzogs pa ma yin sdug bsngal te/ /gang zhig tshogs pa 'di ni brtul zhugs gzhon nyid las/ /sngon du don ni mthong bar gyur pa ma yin pa/ /de yang khyod kyi gsung 'dis da ni de ma thag/ glog gi 'od kyi lam bzhan yang dag mthong bar gyur/ /gang gi don gyi ltag ma yod pa ma yin zhing/ /gang yang srid pa'i mtsho yi pha rol phyin pa ste/ /mgon po shin tu brgyan pa nges par gshegs thos te/ /de dag gi yang snying la bsam bar gyur pa nyid/ /de ltar 'phags pa ma 'gags pa yi tshig de yis/ /don ni rnam par shes kyang shes nas slar yang ni/ /gus ldan rnams kyi blo gros brtan po mdzad bzhed pa/ /byams pas slar yang sangs rgyas kyis ni bka' stsal to/ /gang phyir bskal par gnas kyang de ni nyams pa ste/ /phan tshun du ni 'du ba nges par yongs ma yin/ /bdag nyid kyi rang? gzhan gyi don ni byas nas ni/ /kho bo'i gnas pa la ni dgos pa yod ma yin/ /gang rnams mkhar dang sa na bdag gi gdul bya rnams/ /de rnams thar
- 108a
bar byas shing rgyun la bcug pa ste/ /'di las gzhan du slob ma rim dang rim rnams kyis/ /nga yi chos 'di skye dgu rnams la gnas par 'gyur/ /de phyir 'gro ba'i rang bzhin rnam par shes byas nas/ /bsam mno ma byed? des par rnam par 'bral ba ste/ /rnam pa de ltar 'gral bar shes nas su/ /ji ltar 'di ltar ma yin da ltar gyis mdzod cig/ ye shes sgron mas mun pa rnam par bsal byas nas/ /srid pa rnams la snying po med par mthong nus su/ /ji ltar nad ni nye bar zhi ba de ltar na/ /tshe? ni rnam par 'gags na tshim pa nyid yin no/ /dor bar bya zhing rtsod ldan lus zhes bya ba ni/ /srid pa'i mtsho yi rgyun ni rnam par 'gags pa na/ /don med byed pa'i dgra bo'i rnam par nyams las bzhin/ /tshe ni nye bar zhi bas tshim pa ma yin su/ /rgyu dang mi rgyu thams cad rnam par 'god pa ste/ /de phyir khyed cag rnams ni legs par bag yod kyis/ /mya ngan 'da' ba' i dus ni yongs su gyur pa ste/ /khyed cag ma smra 'di ni bdag gi phyi ma'i tshig/ de nas bsam gtan rig pa rnams kyi mchog gis ni/ /yud tsam de las sam gtan dang po thob mdzad nas/ /de las rnam par bzhengs nas gnyis par gshegs pa ste/ /rim gyi ma tshad med par thams cad la gshegs so/ /de nas rjes su rim pas rab tu byed pa dgu/ /snyoms par 'jug pa'i tshogs ni mdza' dag bsam gtan mdzad/ /de nas drang srong chen pos slar yang rim gyis ni/ /bsam gtan dang po de nyid la ni babs pa'o/ /de las rnam par bzhengs nas kyang ni rim gyis ni/ /bsam gtan bzhi pa la ni slar yang 'jigs pa ste/ /bsam gtan bzhi pa'i cho ga las de rnams bzhengs shing/ /mngon sum nyid du nye bar zhi ba la gshegs so/ /
- 108b
de nas thub pa mya ngan 'da' bar gshegs pa na/ /tshar gyis bsnun pa'i ba lang bzhin du sa g.yos shing/ /phyogs kyi glang po rnams kyi sbyang ba bzhin du ni/ /nam mkha' las kyang sgron ma rnams ni lhung bar gyur/ /lha yi nags tshal sna tshogs shing rta sreg 'dod pa'i/ /nags kyi me ni bar snang dag ma byung ba bzhin du bud shing med cing rlung med du ba med pa'i me/ /phyogs ni sreg par byed pa byung bar gyur pa nyid/ /lha min 'dzems par 'dod pa g.yul du 'jug pa na/ /khro ba brgya bas khro ba rnam par gtong ba bzhin/ /de bzhin me stag brgya ba'i me ni skyug pa yi/ /dbang po'i rdo rje mi bzad pa rnams lhung bar gyur/ /'jig pa'i rlung rnams ngag gis btags pa rnams kyis bzhin/ /'dzin pa 'dzin pa rnams kyi rtse mo rnams lhung bzhin/ /'khri shing shing rnams dag ni zug rngu byed pa yi/ /phyag dar khur ba'i rlung ni drag tu g.yos par gyur/ /'dam gyis chus bsgos sdong bu gzhon nu rnams kyis ni/ /lus ni yongs su dkris pa'i dad pa'i rgyal po bzhin/ /cung zhig 'od zer kha dog ngan pa de rnams kyis/ /'od ni bcom ste zla ba mngon par gsal bar gyur/ /sprin dang bral yang mkha' la zla ba gnas na yang/ /mun pa mi bzad rnams kyis phyogs rnams rgyas pa ste/ /yud tsam de la mya ngan gyis ni zil non zhing/ /chu bo rnams ni de ma thag tu chu dron 'bab/ /de nas nyes sar skyes pa'i shA li'i shing dag gis/ /rang gi me tog mdzes pa jug pa dus min la/ /rnam par btud nas drang srong chen po'i sku lus ni/ /gser gyi stegs bu'i gzugs brnyen la ni yang dag gtor/ /mkha' la mgo bo lnga rnams mi g.yo klu rnams ni/ /mya ngan gyis slar so sor dmar ba'i mig can rnams/ /rab tu gnyid log gdengs ka bstod pa'i lus rnams kyis/ /thub pa la ni gus pas
- 109a
lta bzhin gnas par gyur/ /nang du song ba'i kun nas gdung ba rnams/ /de rnams shin tu dron mo'i dbugs ni rgyus pa ste/ /'gro ba'i rang bzhin mi brtag pa ni rtogs nas su/ /mya ngan 'ongs pa min rnams mya ngan smad par gyur/ /nges par legs pa'i chos kyi cho gar rab zhugs pa/ /rgyal po rnams thos sras kyi 'dus pa dam pa de/ /chos la mngon par chags pa'i mya ngan ma byas shing/ /lha yi rten la mchi ma chung bar ma gyur to/ /gcang mar lhag par gnas pa'i byed ldan lha rnams kyang/ /drang srong chen po'i yang dag shin tu gus ldan rnams/ /rang gnas gyur cing rnam par 'gyur ba ma song ste/ /'jig rten dag ni rang bzhin rnam par smad pa'o/ /dri za'i rgyal po rnams dang de nas klu yi rgyal po rnams/ /gnod sbyin rnams dang dam chos la dga' lha rnams ni/ /mya ngan byed cing mya ngan mchog la gzhal rnams kyis/ /rigs chen po yi nyam thag bzhin du mkha' 'gyur/ /yid la re ba thob pa'i bdud kyi sde rnams ni/ /rab tu dga' bas skad ni mthon zhing rgod pa ste/ /'phyo zhing klu dbyangs gar byas dga' bar gyur pa rnams/ /rnga bo che dang rdza rnga pa Ta ha rnams brdungs/ /de nas rdo rje rtse mo bcom pa'i ri bo bzhin/ /chang dang bral ba'i gnyis 'thung dga' ba med pa bzhin/ /nog gis rnam par dman pa'i dbyibs can khyu mchog bzhin/ /thub pa'i khyu mchog nub pan ni 'jig rten gyur/ /nyin mor byed pas rab tu dman pa'i nam mkha' bzhin/ /ba mos bsred pa'i pad+ma dang ldan rdzing bu bzhin/ /nor dang bral zhing bya ba med pa'i rigs bzhin du/ /srid pa nyams mdzad rab tu nyams las 'gro bar gyur/ /sangs rgyas kyi spyod pa zhes bya ba'i snyan dngags chen po las/ /yongs su mya ngan las 'da' ba chen po'i le'u ste/ nyi shu rtsa drug pa'o//
- 109b
de nas dad? pa stong? dang? ldan pa'i lha yin no/ /gzhal med khang nas gdong ni cung zhig rab btud nas/ /yud tsam thams cad mkhyen pa ni bltas nas su/ /lhan gnas pa chen po gzhan zhig gis smras so/ /kye ma 'gro na dngos po thams cad mi rtag cing/ /skye ba'i chos can dang ni 'dzad pa'i chos can la/ /skye ba nams ni sdug bsngal skyed par byed pa ste/ /de dag rnams kyi lhag med zhi bas zhi ba nyid/ /skye ba'i bung shing tshad ma min pa bsregs mdzad nas/ /ye shes me lce grags pas rnam khyab du ba can// chu yi me bzhin du ni dus kyi chu yis ni/ /de bzhin gshegs pa'i me de mya ngan 'da' bar bya/ /de nas mchog gi drang srong dang mtshungs drang srong bzhin/ /mtho ris gnas kyang 'bras bu rnams la ma chags pas/ /rab tu zhi ba'i dgra bcom drang srong mthong nas su/ /ri dbang bstan pas tshig ni rnam par smas pa'o/ /'jig rten dag na dga' zhig nyams par mi 'gro med/ /de ltar 'gro ba med cing song ba med pa ste/ /mchog dang mchog mkhyen mchog gis don rig pa/ /ston pa mtshungs med gang du rab tu zhi bar gyur/ /shes rab rnam par dag cing mchog gi spyan mnga' ba/ /yongs su 'dren pa po nyid 'di yis dman pa ni/ /rmongs pa nges par mig long gson pa'i 'jig rten no/ /'du shes nyams shing lam ngan la ni gnas par gyur/ /de nas 'gro ba'i 'gal ba ma yin ma 'gags pa/ /rjes su chags pa nyams shing skye ba 'gags byas pas/ /'jig rten snang bas dman pa mthong nas su/ /thub pa zhi ba na ni zhi ba'i yid kyis smras/ /shes rab ldan pa 'du byed cho ga la gnas pa/ /dus 'dir nges par blo gtad bya ba ma yin zhing/ /mi rtag nyid kyi rdo rje nges par ltung ba yi/ /gang du thub pa ri bo chen po bcom par gyur/ /snying po med cing de med rnam par nyams pa'i chos/ /'jig rten son pa'i 'jig rten gyi ma smod par shog/ gang du thub dga' drang srong chen po
- 110a
seng ge yang/ /nyes pa'i gnyis 'thung rnams ni nyams par mdzad nas nyams/ /'dod chags bral ba min pa'i 'gro ba 'jug pa la/ /da ni 'jigs pa chen po ma yin su yi lags/ /thun mong las ni gang du de bzhin gshegs pa yang/ /gser gyig ba lta bu kun nas chags par gyur/ /sa bon drug dang myu gu gcig dang gtor ma gcig/ /rtsa ba drug dang 'bras bu lnga dang yal ga gnyis/ /phung po gsum dang bdag nyid gcig la nyon mongs kyis/ /sdong po 'di ni bcag nas thub pa gnyis 'thung gzims/ /'gro rgyal mnga' bzhin dgra bo rnams ni bcom nas su/ /chu med pa ni rma bya bzhin du chags bral zhing/ /mgyogs 'gro rta bzhin du ni rnam rgyal lam song ba/ /me bzhin thub pa skye pa med cing zhi bar gyur/ /tho ris dbang phyug rdo rje 'dzin pa mig 'phel na/ rab tu tshim byed rgyun bzhin gsung rnams gtang nas su/ /'od kyi nyam thag ba lang bzhin sar rnam rgyus nas/ /grags pas phyogs ni mngon par bkang nas bla ma gzims/ /snyan grags ldan pa nyid dang 'od zer ldan pa ste/ /chu bi sin d+hu bzhin du gser skyug shugs ldan pa/ /rnam thos bu yi rdzu 'phrul mi skyong sder bcas pa/ /lam la bcug nas mi yi nyi ma nub par gyur/ /rmugs pa'i do shal gyis ni phyogs dag bkris pa bzhin/ /rgya chen sprin rnams kyis dkris nyi ma'i 'od rnams bzhin/ /mchod sbyin rdzogs che mar gyi sman pa'i me bzhin du/ /thub pa zhi che de ring 'jig rten gsal ma gyur/ /mdud pa med pa bden ba'i lam ni bsnyen nas su/ /mdud ba med pa zhi ba'i chos ni bsnyes nas ni/ /rdzu 'phrul gyis ni sku lus 'dren par nus na yang/ /sdug bsngal dag gis gter ni lus yin zhes spangs so/ /mun pa mun pa nyi mas bzhin du zil mnan nas/ /rdul ni rdul
- 110b
ni char pa bzhin du mngon bcom nas/ /slar yang slar yang sdug bsngal 'khrul 'khor mi len te/ /thub pa thub pa skar rgyal bzhin du mngon par gshegs/ /gang zhig skye bas sdug bsngal 'joms phyir skyes pa skyes pa ste/ /gang la 'jig rten pas ni zhi ba'i ched du bsnyen/ /gang zhig 'od zer mchog gi rnam par gsal ba dang/ /khyad par 'phags pa'i blo yis rnam par gsal bar gyur/ /gang gis skye dgu rnams ni dge legs la bcug ste/ /yon tan rgya chen rnams kyi sa la rgyas pa nyid// 'dod pa'i snyan grags gsal ba rnams kyis 'phel ba ste/ /khyim na gnas pa yin kyang grags pas 'phel ba nyid/ /gang gis mkhyen zhes smod pas 'dong? ? shing/ /mi ni nyam thag rnams la brtse bas pos pa ste/ /bza' ba dan par rab tu 'joms shing ma gsol la/ /bza' ba legs pa rjes su 'gro zhing ma gsol to/ /mi gnas dbang po zhi ba gang zhig yul rnams la/ /stobs rab dbang po nyid las yang dag mi gnas shing/ /gzhan rnams kyis ma thob pa'i lam bzangs thob pa ste/ /ro mkhyen pas ni nges par 'byung ba'i ro gsol to/ /gang gis sngar ma byin pa'i sbyin pa ste/ /'bras bu 'dod pas cung zad zhig ni ma byin la/ /mnyam nyid rjes mthun phun sum tshogs pa dor ba ste/ /dam pa rnams kyi yid rnams yon tan rnams kyis phrogs/ /brtan pa rnams kyis g.yo ba'i spyan ni bsrungs pa ste/ /brtan par gshegs shing sems ni bsrung du bcug gyur la/ /dge legs rnams ni bsrungs shig 'phel bar mdzad pa ste/ /chos skyes pa ni cung zhig 'dod par ma mdzad do/ /brtan pas mi dge ba las mi dge rnams spangs nas/ /dge legs kyis ni dgra bo skyon rnams spangs pa ste/ /gang zhig blo yis nyes pa rnams ni kun spangs la/ /de ni 'phags min mi rtag nyid kyis nub par gyur/ /gang la chos ni yang dag
- 111a
rjes song zhing/ dga' bas mchog tu nges pa rnam par bzung ba ste/ /me yis nor ni zos pa ji lta ba bzhin du/ /khyab bdag ye shes nor can de yang srog song ngo/ /brgyad po rnams la mchog tu sde mtshan lnga thul zhing// gsum gzigs spyod pa gsum ni zad byed spyan gsum pa/ /gcig ni bsrungs nas gcig ni thob nas gcig rtogs nas/ /lci ba bdun rnams spangs nas bla ma gzims par gyur/ /gang gis zhi ba'i ched du lam ni gsal mdzad de// legs pa'i skye bo zhi bas rab tu dang mdzad cing/ /nyon mongs ljon shing rab tu chags pa bcad pa ste/ /srid pa rnams las gus pa ldan pa rnams bsgral to/ /gsung gi bdud rtsis 'jig rten shin tu tshim mdzad cing/ /bzod pa yis ni khro ba yongs su bzung ba ste/ /slob ma'i sde ni dge legs la ni rol mdzad la/ /dge legs don du gnyer rnams phra mo rtogs su bcug /legs pa rnams la chos kyi sa bon skyed mdzad cing/ /rgyu yi bdag nyid 'phags pa'i lam ni thob mdzod la/ /'jig rten 'das pas 'phags pa min pa ma bstan cing/ /chos las ma gtogs gzhan la sbyar ba ma yin no/ /kA shi gnas su chos kyi 'khor lo bskor ba ste/ /blo dang ldan pa nyid kyis 'jig rten tshim mdzad cing// gdul bya rnams kyi chos kyi cho gar spyad mdzad la/ /bdag cag rnams la phan pa'i ched du dge ba mdzad/ /gzhan rnams ma mthong ba yi de nyid mthong mdzad cing/ /yon tan rnams kyis chos byed rnams la sbyar ba ste/ /gzhan gyi lugs rnams tshar bcad nas ni bskul gyur la/ /rtogs par dka' ba'i don ni rnam par shes par mdzad/ /thams cad mi rtag pa dang bdag med par gsungs shing/ /srid pa rnams su bde ba cung zad ma gsungs la/ /snyan pa'i ba
- 111b
dan gyen du rnam par bsgreng ba ste/ /nga rgyal kab? mthon po rnam par bsgyel bar mdzad/ /smad kyang rang gi thugs ni bskyod pa ma yin zhing/ /thams cad la ni 'jug pa rnams la sred ma mdzad/ /rang nyid rgal zhing bying ba bsgral bar mdzad pa ste/ /zhi zhing pha rol 'khrul pa zhi bar mdzad rgyur la/ /grol zhing pha rol bcing ba grol bar mdzad pa ste/ /rtogs shing pha rol rmongs pas rtogs par mdzad pa'o/ /thub pa thub pas tshul dang tshul min mkhyen 'di nges/ /sems can rnams ni yang dag gtam gyis rjes bzung nas/ /tshul min la dga' tshul min 'byung po rnams la ni/ /bskal pa 'jig pa'i chen chos bzhin rab tu gzims/ /tshu ldan sprin bzhin sa 'dzin ri bo nags tshal bzhin/ /'od ldan rgan po bzhin du 'od ldan gzhon du bzhin/ /'jig rten dag gi lta byed bcom nas 'jig rten gyis/ /lta byed nye bar phrogs nas 'gros su 'di gshegs so/ /dbang phyug dam pa gang la ltung bas me reg cing/ /gang gi mchog tu zhi ba'i lam ni rnyed pa ste/ zhi ba brnyes pa de ni gus pas mthong nas su/ /de ring 'jig rten gnyen bdun med cing gus pa 'dra/ /'joms par 'dod cing stobs ni rab zhugs bdud kyang ni/ /sde dang bcas pas gang ni thub par ma nus pa/ /'joms par 'dod cing stobs zhugs bdud kyis de ring ni/ /de ni bdud kyis sbyor las 'joms par nus par gyur/ /'byung po rnams ni thams cad rnams ni 'dus pa rnams/ /sdug bsngal rnams kyis zil non lha dang bcas pa rnams/ /'khor ba'i 'jigs pa gang rnams zad pa ma yin zhing/ /de ltar mchog tu mya ngan 'das pa thob ma yin/ /skye dgu'i rnams kyi snang mdzad gang gis 'jig rten ni/ /nye par skye ba me long bzhin du gzigs pa ste/ /rgyang ring du 'am nye bar mtho ris su 'am mthar//
- 112a
lha yi rna bas sgra ni rnam par thos pa'o/ /bar snang dag la skar ma'i khang par 'dzegs pa ste/ /sa la rab tu zhugs kyang thig pa ma yin zhing/ /chu la rab tu gshegs kyang nub pa ma yin la/ /sku yis rnam par 'gyur ba mang po rnams mdzad do/ /de rnams de rnams gnas rnams lam 'gros lam na bzhin/ /gang gis skye ba du ma rnams kyang dran pa ste/ /yid kyi pha rol rnams kyi yid kyi spyod pa rnams/ /dbang po las 'das sna tshogs rnams kyang mkhyen pa'o/ /thams cad mnyam par rab zhugs thams cad mkhyen pa des/ /zag pa thams cad bcad cing bya ba thams cad mdzad/ /ye shes kyis ni nyon mongs thams cad rnam spangs nas/ /ye shes de nyid kun nas brnyes nas gzims par gyur/ /skyes bu rnams kyi rno ba'i sems rnams btul ba de/ /rno ba ma yin blo rnams rim gyis drag bar mdzad/ /rigs las chos kyi nyes pa spang bar mdzad pa ste/ /'chi med ched du chos ni su yis ston par 'gyur/ /steng dang bral ba'i 'jig rten nyam thag pa la ni/ /zhi ba'i ched du chos kyi 'thor ma su yis ster/ /thugs rje'i bdag nyid ldan las rang gi don mdzad nas/ /gzhan gyi nyon mongs dra ba su yis byed par 'gyur/ /'khor ba'i rgya mtshor gzhol ba'i 'jig rten dag gi ni/ /zhi ba'i ched du ye shes dam pa su yis smra/ /shes pa med par gzhol ba'i 'jig rten dag gi ni/ /dge ba'i ched du ye shes dam pa su yis smra/ /ji ltar nyin mor byed pa 'od zer med pa dang/ /ji ltar chu bo sin d+hu 'bab pa med pa dang/ /sa bdag rgyal srid dang ni rnam par bral ba 'am/ /de ltar 'jig rten 'jig rten mkhyen pas rnam par dman/ /blo yis rig pa bzhin du bde bas dbyangs bzhin du/ /dpal gyis mi skyod bzhin du bzod pas chos bzhin
- 112b
du/ /de bzhin skyes bu mchog gis rnam par dman pa ni/ /'gro ba de ni yod pa dang ni med pa nyid/ /ji ltar kha lo sgyur bas shing rta bor ba dang/ /skya ba 'dzin pas gru dang tshul gyis sde dang ni/ /tshong dpon gyi mi tshong pa slan pas nad pa ste/ /de bzhin 'jig rten bde bar gshegs pa rnam par dman/ /dbyar tha dang ni ston rar mkha' la sprin med na/ /rlung gis kyang ni mkha' ral bsnyen pa med pa na/ /'tsho bar 'dod pa rnams kyi sdug bsngal ji lta ba/ /de ltar thar 'dod rnams kyi nga ni nyam thag 'di/ /de ltar dam pa'i don mdzad dgra bcom yin na yang/ /byed pa shes pa nyid kyi bla ma la zhugs pa/ de ni chags bral yin kyang srid pa'i skyon rnams dang/ /ston pas yon rnams la ni mang po rnams smras so/ /de nas chags bral mi rnams mchi ma 'thon pa ste// stan pa btang nas dge slong tshogs ni mya ngan dang/ /'jig rten 'god pa'i bdag nyid can zhes rab bzung nas/ /bya ba'i 'khor lo rnams ni brtan las ma g.yos so/ /de nas dus kyi dbang gis gyad? rnams kyis thos nas/ /gung pa'i dbang gis skyen par 'thon zhing song ba ste/ /khra yis stobs kyi zil mnan khrung khrung rnams bzhin du/ /kyi hud 'o rgyal zhes ni nyam thag 'thon pa'o/ /mun pa rab tu rgyas phyir thub pa rab gzims pa/ nyi ma 'ong med bzhin du de rnams kyis mthong nas/ /seng ge khyu mchog dmugs tshe ba lang rnams bzhin du/ /gus pas drag tu cho des btab cing dus pa'o/ /chos dka' chos kyi bla ma rab tu zhi ba na/ /gus pa ji lta ba dang bsam pa ji lta bar/ /'o dod 'bod cing mchi mas mig bcom de rnams kyis/ /dpal ldan dam pa 'ga' zhig 'di ni smras pa'o/ /gang zhig son pa'i 'jig rten gnyid tshe rab sad pa/ /'di de mthar thug gzims mal la ni gzims pa ste/ /chos ni rnam par 'dzin pa'i rgyal mtshan 'di de ni/ /mchod sbyin mdza' na dbang po'i rgyal mtshan bzhin du brtul/ /de
- 113a
bzhin gshegs pa'i nyi ma nges par blo gsal zhing/ /brtson 'grus tshad gdungs ye shes 'od zer stong ldan pa/ /nub par gyur tshe mi shes mun pa rnam bcom nas/ /'jig rten dag na slar yang mun pa 'di mdzad do/ / 'das dang ma 'ongs pa dang da ltar gzigs nas su/ /da ni nges par 'jig rten mig ni bsgribs pa ste/ /sdug bsngal rgya mtsho chen po rgod pa'i dpa' rlabs las/ /'dren mdzad zam pa 'di ni nges par de ni rgud/ /de ltar 'di na kha cig snying rje bar zlas shing/ /gzhan rnams shing rta'i rta rnams dud pa bzhin du sems/ /gzhan rnams skad bton gzhan rnams sa la 'gyel ba ste/ /bya ba de rnams de rnams sems can dbang gis byas/ /de nas dus su gser gyis spras shing sna tshogs pa/ /mche ba rin thang chen po longs ma spyad pa'i khyogs/ /gyad rnams ngu bzhin drang srong la ni glang chen gyi/ /lag pa dang mtshungs lag pa rnams ni bcug pa'o/ /de nas dus dang mthun pa'i cho ga byas nas su/ de la phreng ba yid 'ong rnams pa sna tshogs dang/ /che ba dri mchog dam pa rnams kyis de rnams kyis mchod cing/ /de nas dga' dang gus pas mdza' dag bzung ba'o/ /re nas shin gzhon lus can gzhon nu ma rnams kyi/ /gdu bu rab 'khrol zangs mdog lag pa rnams kyis ni// glog gi 'phan rnams dag gis sprin ni dkar po bzhin/ /'di la rin thang mchog gi bla bre bzung ba'o/ /de bzhin mi rnams kha cig dag gis gdugs rnams ni/ /phreng ba dkar po ldan rnams kun nas bzung pa ste/ /kha cig dag gis gser gyi yo byad dang ldan pa'i/ /rnga yab dkar po rnams ni rnam par g.yabs pa'o/ /de nas khyu mchog rnams kyis bzhin du ngal ba yis/ /mig dmar gyad rnams dag gis khyogs ni bzung ba ste/ /sil snyan rnams ni rna ba'i yid du 'ong ba rnams
- 113b
dbyar dus chu gter bzhin du mkha' la rab tu grags/ /phyogs kyi glang po'i dbang po rnams kyi bsgul ba yi/ /mdzes pa dang ni rtsub gyur shing rnams las bzhin du/ /me tog pad+ma la sogs de rnams de rnams ni/ /lha yi me tog rnams ni lha nas lhung bar 'gyur/ /dbang po'i glang po las skyes glang po chen rnams kyis/ /nor gnas snying po'i chu skyes pad+ma rnams dang ni/ /man dA ra yi me tog 'bab bcas chags pa rnams/ /chu thigs zer mas 'thor ba rnams kyis mngon par 'thor/ /de nas dga' ba'i tshal skyes lus mchog ldan pa yi/ /tsan dan dmar po'i ro ni rnam par dul ba dang/ /'bad pas ma bsgrubs bgo ba rnams ni dkar po rnams/ /dri za'i bu mo rnams kyis yang dag 'thor ba'o/ /rab tu g.yo ba'i ba dan rnams ni bzung ba ste/ /phreng ba sna tshogs rnams kyis bkram pa ste/ /sil snyan rgya chen rnams kyis rjes su 'gro ba ste/ /zhi ba'i ched du zhi ba'i lam nas khyogs te drangs/ /gus pa dang ldan gyad rnams kyis te yongs bzung nas/ /thub pa'i mthu las lan brgyar mngon par phyag 'tshal zhing/ /de yi rnam par nyams pa kun nas ngu ba ste/ /grong khyer gyis ni dbus nas yongs su drangs pa'o/ /klu yi sgo nas zhugs te phyir rol byung nas ni/ /chu bo gser ldan zhes pa yang dag rgal nas su/ /cod pan zhes bya'i mchod rten gyi ni rtsa ba ru/ /grags pas bsags pa de rnams kyis byas so/ /de nas shun pa 'dab ma dri bzangs a ka ru/ /tsan dan e la klu rnams kyis bsags bsags pa ru/ /mya ngan las ni sprul bzhin dbugs sgyu de rnams ni/ /brtan min mig can rnams kyis thub pa'i sku bzhugs so/ /de nas lan gsum bkod kyang me yi sgron ma yis/ /de tshe drang srong chen po'i bsags pa ma 'bar ste/ /bab med ldan pa gzhu ni rnam par
- 114a
'khrugs pa yis/ ma ning rang bzhin sa yi bdag po'i dpal bzhin no/ /lam dag tu ni rnam par 'ong ba'i 'od srungs ni/ /rnam par dag pa'i sems kyis sems ni gyur pa'o/ /bcom ldan 'das kyi sku gdung tshangs pa lta 'od de/ /gang gi mthu las me yis 'bar ba ma yin no/ /de nas de tshe bla ma blta ba'i don du ni/ /der ni dge slong skyen par nye bar song pa na/ /thub pa mchog la rab tu btung ba byas pa na/ /de ma thag tu me ni rang nyid 'bar bar gyur/ /nyon mongs rnams kyis ma tshig thub pa'i sku gdung la/ /lpags pa sha dang spu dang cha shas rnams tshig nas/ /mar dang rlum dang bud shing yongs su rgyas na yang/ /mi yis rul pa tshig par nus pa ma yin no/ /de nas bdag nyid chen po 'das pa'i de rnams ni/ /chu mchog gis ni dang bar byas nas dus su ni/ /mngon par bstod cing gyad rnams dag gi grong khyer du/ /gser gyi bum pa rnams kyis rab tu spyan drangs so/ /'di ni ri bo chen po'i rin chen khams bzhin du/ /dge legs gang ba chen po rnams ni 'dzin pa ste/ /mtho ris dag na lha yi gtso bo'i khams bzhin du/ /khams ni me yis log par sbyor ba ma yin nyid/ /byams pas yongs su rnam par bsgoms pa 'di rnams ni/ 'dod chags me yis tshig pas rnam par spangs pa ste/ /de yi gus pa'i dbang gis bzung ba'i gdung rus rnams/ /bsil ba yin kyang bdag cag rnams kyi yid rnams sregs/ /sred pa 'joms mdzad gang gi mthu las khyab 'jug gi/ mkha' lding gis kyang khur bar nus pa ma yin pa/ /'jig rten dag na mtshungs med de yi rus pa rnams/ /mi ru gyur pa kho bo cag kis khur bar bgyi/ /e ma 'jig rten chos ni nges par stobs ldan te/ /chos la nus kyang nus
- 114b
pas gang gis ma bzlog ci/ /gang zhig nyan pas 'gro ba mdza' dag khyab pa ste/ /de yi sku yi cha shas 'di ni bum par gnas/ /gang zhig bdag gi snang bas nyi ma bzhan snang zhing/ /de yi sa ni snang bas snang bar mdzad pa ste/ /gser gyi mdog dang ldan pa de yi sku lus ni/ /me rnams kyis ni rus pa lhag mar byas pa'o/ /gang gis nyon mongs ri bo byas pa rnams phye ste/ /sdug bsngal thob pa na yang bstan pa ma phye zhing/ /sdug bsngal mdza' dag rnams ni bkag par gyur pa ste/ /drang srong de yi sku lus me yis bsregs pa'o/ /g.yul du dgra bo rnams kyi mchi ma phyung nas su/ /skyabs 'ongs rnams kyi mchi ma rnam par btul nas su/ /sdug pa na yang mchi ma ston pas ma bton pa/ /lam du mchi ma 'thon zhing de rnams rnam par zlos/ /de rnams nga rgyal ldan zhing lag pa stobs dang ldan na yang/ /de ltar mya ngan byed cing nags bzhin grong khyer der zhugs shing/ /lam rnams su ni gdung de rnams ni skye pos mchod pa ste/ /mchod pa'i don du gzhal yas khang par mdzes par byas pa'o/ /sangs rgyas kyi spyod pa zhes bya ba'i snyan dngags chen po las mya ngan las 'da' ba bsngags pa'i le'u ste/ nyi shu rtsa bdun pa'o// //ji lta ba bzhin nyin zhag 'ga' zhig de rnams kyis/ /de rnams mchod pa dam pa rnams kyis mchod pa ste/ /chab 'og rgyal phran pho nya bdun rnams rim gyis ni/ /de yi ched du grong mar deng ni nye bar 'ongs/ /de nas de'i tshe gang rnam thos nas dus su ni/ /nga rgyal las dang de yi gus pa'i dbang las ni/ /gyad rnams thab mo la yang nges par song ba ste/ /sbyin pa la ni yid rnams byas pa ma yin no/ /de nas de dag rnams kyi rnam gzhan 'di rtogs nas/ /rlung bdun bzhin du mi dbang bdun po de rnams ni/ /gyen du zhugs
- 115a
pa'i gang gA'i shugs 'dra stobs tshogs ni/ /shin tu drag po rnams kyi ku sha zhes byar 'ongs/ /de nas grong ba'i skye bo nags mthar nas skyen par/ /mi skyong de dag rnams kyi 'khyogs 'gro'i sgra yis ni/ /'khras pa las ni mgo bo rnams la bzung ba bzhin/ /'jigs pas rgyas pa'i gdong rnams grong khyer la zhugs so/ /de nas mi skyong de rnams grong khyer de bkag nas/ /glang po'i dbang po rnams bcings rtse mo'i nags rnams su/ /gyad mchog rnams kyi mi mthun spyad du gyur pa rnams/ /rigs kyi rjes mthun cha lugs ldan rnams la gsos so/ /de nas mnga' yab mjes shing ring ba'i smin ma de/ /sgo yi mig ni rnam par btsums shing grong khyer de/ /mi dga' ba dang 'dus pa'i yan lag ma bzhin du/ /dpung pa'i khyogs ni bteg pa nyam thag par gyur pa'o/ /rgyal po bdun po rnams ni bya ba gcig pa ste/ /dpal gyis 'bar zhing shugs kyis 'phro ba rnams kyis ni/ /mnyam du dus gcig la ni bza' bdun rnams kyi ni/ /'jigs pa dang bcas nam mkha' bzhin du sa gyur to/ /sna rnams gnyis 'thung mos pa'i chang dri rnams kyis dang/ /mig rnams dpung gis bsnun pa'i rdul rnams dag gis dang/ /rna ba rnams ni rta glang rnga yi dbyangs rnams kyis/ /mi mo'i skye bo yi yang der ni bcom par gyur/ /de nas skyogs rnams nang du khu ba 'bab pa ni/ /mdun du bdar rnams sdogs byas rta ba'i tshogs rnams dang/ /glang po rnams kyis yongs bskor sgo ni phyed bkag ste/ /'gegs shing g.yul la phyogs rnams kyis byas so// de nas shag ti ral gri mda' lag grong khyer pa/ /skrag pas dang ni dpa' bas ngo tsha btang ba rnams/ /khra rnams bzhin du dgra bo rnams la lta bzhin du/ /nye ba'i 'thab ra rnams su kun nas gnas pa'o/ /brtan min ldan pa kha cig 'od do?
- 115b
'bod pa ste/ /de bzhin gzhan rnams tshogs nas dung ni rab tu sgrogs/ /drag tu dregs rnams kha cig rab tu 'phen pa ste/ /de bzhin gzhan rnams ral gri sngon po rnams 'debs so/ /de nas rgyal ba'i ched du gyad rnams 'thab 'dod cing// gyad rnams bzhin du mtshan rnams sgrogs pa mthong nas ni/ /g.yul 'gyed yan lag ma rnams dag gis sems rnams dang/ /sman rnams dang mnyam mchod yon rnams ni g.yos par gyur/ /g.yul der thog mar 'gro bar 'dod pa'i bu la ni// g.yul 'gyed yan lag ma rnams der ni yongs 'dar zhing/ /go cha bcings nas zhi ba'i shis pa byed pa ste/ /sems khral gdong rnams mchi ma bton pa ma yin no/ /sems khral gdong las gzhan rnams ri dags mo bzhin du/ /khyim thab 'gro bar 'dod pa'i gzhu la 'phyangs pa ste/ /gang gi gdong ni 'thab la dpa' ba de mthong nas/ /bcings pa'i 'phro ba ma yin gnas ma yin/ /bum pa'i nang du yang dag bkag pa'i sprul rnams bzhin/ /stobs kyis de ltar rab tu 'phro ba de rnams ni/ /de ltar rnam par bzhag pa'i gyad rnams mthong nas ni/ /mi dbang rnams kyis g.yul gyi ched du blo bsams so/ /shing rta glang po rta dang rkang thang dregs pa ni/ /g.yul la kun nas nye bar gzhol bar mthong nas ni/ /mkhas pa nyid kyis dang ni mdza' bo nyid kyis ni/ /gnyis skyes bre bos tshig ni 'di skad ces smras so/ /g.yul du dgra bo rnams kyi srog dang dregs pa ni/ /khyed cag rnams ni mda' yis 'joms par nus pa ste/ /rjod? pa tha dad gnas rnams bde bar mi nus na/ /pha rol bya ba gcig pa rnams ni smos ci dgos/ /ci ste kun nas bkag pas pha rol 'joms pa la/ /blo ni byas rnams de ni rnam par zlog mdzod dang/ /nyes pa med pa'i grong ba'i skye bo 'gegs pa yi/ /rtser bar byed pa de ni chos ni ci zhig yin pa? dong du zhugs pa'i
- 116a
nag po'i sprul rnams bgrod pa ni/ /gcig la gnas pa rnams kyis dus su dbugs pa bzhin/ /bkag nas rgyal ba mdza' gcig yod pa ma yin zhing/ /brgya la bkag pa rnams kyis rgyal ba 'thob par 'gyur/ /grong gi nang du bkag pa'i gtam rnams bzhugs pa rnams/ /yid dang ldan pa nyid las mi rnams kyis thos nas/ /sreg bya rnams kyis mthong ba'i chung ngu'i me bzhin du/ /gzi brjid dman kyang legs pa chen por 'gro bar 'gyur/ /chos kyi bdag nyid can rnams grong du bkag na yang/ /'joms 'dod thob pa rnams ni dka' thub gyis gtor te/ /dpung ni zad par gyur kyang ku sha'i grong khyer du/? /lag pa sgra byed chos kyi stobs las rnam par rgyal/ /snyan grags ched dam yul ni 'thob pa'i ched dus/ mthar dag gang rnams kyis kyang mngon par thob pa ste/ /ba lang rnams kyis chu gnas nas chu 'thung nas bzhin/ /bor nas nor 'dzin bdag po de rnams sa la song/ /de phyir chos dang don ni yang dag mthong nas su/ /khyed cag rnams kyi zhi pas 'bad pa mdzod cig dang/ /mda' yi 'pham pa rnams ni slar yang 'bar ba ste/ /zhi bas 'pham pa rnams kyi rnam 'gyur yod ma yin/ /'di kun khyed cag rnams kyi tshad ma ma yin te/ /khyed kyi stobs ni dgra'i stobs las 'gro bar nus/ /shAkya thub pa gdal mchod par blo yod na/ /de nyid kyi ni gsung la bzod pas bsnyen mdzod cig /de skad ces sogs 'dod pa rnam par nges pa ni/ /bram ze'i drang pos dang ni rab tu dga' ba yis/ /rgyal po yin yang rjes su bstan nas legs pa nges/ /dge legs smras? shing de nas de rnams kyis smras so/ /dus dang sbyar te mkhas shing phan la bshes kyis ni/ /tshig 'di khyed kyis rnam par smras pa ste/ /chos la dga' ba nyid dang stobs la rten pa las/ /rgyal po rnams kyis bsam pa nges par shes par mdzod/ /'dod pa'i
- 116b
phyir dang khro phyir stobs phyir 'chi ba'i phyir/ /phal che bar ni bya bar song zhing 'gro ba ste/ /mngon pa'i nga rgyal dang bcas kho bo cag rnams kyis/ /sangs rgyas nyid la mchod pa la ni gzhu rnams bzung/ /nga rgyal don du mchod yon blangs la rtsod pa ni/ byis pa skyon dang drag po dag gis khyab 'jug byung/ /nga rgyal spang phyir mchod pa'i don du nged rnams kyis/ /tshe rnams dag kyang 'dor bar mi bgyi gang las yin/ /bu mo la ni sa skyong dag gi rgyal po rnams/ /gtum po long byed rnams ni rtsod par song ba ste/ /'dod pa 'joms phyir mchod pa'i don du nged rnams kyis/ /tshe rnams dag kyang 'dor bar mi bgyid gang las yin/ /rgyal rigs zad phyir drang srong drag tu khros pa ni/ /ngan spong bu yis g.yul du mtshon rnams bzung ba ste/ /khro ba 'joms phyir mchod pa'i don du nged rnams kyis/ /tshe rnams dag kyang 'dod par mi bgyid gang las yin/ /lha mo sI tar mngon brjod 'chi ba yongs bzung nas/ /srin po shin tu dregs pa yang ni nyams pa ste/ /yongs 'dzin spong phyir mchod pa don du nged rnams kyis/ /tshe rnams dag kyang 'dor bar mi bgyid gang las yin/ /e Di 'am ni pa ka zhes ni dgra 'phen zhing/ /rgyal rigs bya ba rnams ni de ltar nyams pa ste/ /rmongs min gtor phyir mchod pa'i don du nged rnams kyis/ /tshe rnams dag kyang 'dor bar mi bgyid gang las yin/ /de skad ces sogs 'jig rten dag na 'thab mo ni/ /skyon las skyes pa mang po rnams ni byung gyur te/ /ston pa bla na med pa'i gus pas 'chid ba dang/ /bcas pa yin yang 'thab mo mi bgyid gang las yin/ /de lta na yang bdag cag rnams kyi nges pa 'di/ /khyed kyi pho nyar gyur cig skyen par gshegs mdzod la/ /ji ltar don 'di 'thab mo min pas 'grub pa cig /de ltar bdag nyid kun gyis 'bad pa gyis mdzod cig /khyed kyi chos ldan tshig rnams
- 117a
kyis ni ded? cag rnams/ /'thab par 'dod cing mda' yi tshe ba rnon po can/ /nang du rab tu 'phel ba'i dug ni 'thung ba rnams/ /sngags rnams kyis ni sprul rnams bzhin du bkag pa'o/ /de ltar bgyi zhes rgyal po rnams kyi tshig gzung nas/ /bram ze de ni grong khyer de la rab zhugs shing/ /ji ltar rim gyis gyad rnams dag ni mthong ba ste/ /mthong nas dus su tshig ni 'di skad ces smras so/ /gzhu rnams lag na gnas pa'i mi dbang 'di rnams ni/ /nyi ltar byi dor go cha 'bar rnams kyis/ /khyed cag rnams kyi grong 'dir nges par ro myang zhing/ /seng ge bzhin du rnam par 'gyid zhing gnas pa'o/ /de rnams kyi ni shubs su bkod pa'i ral gri dang/ /gser gyi rgyab ldan gzhu rnams nges par rtogs pa ste/ /thub pa'i chos dran nas ni chos min gyis 'jigs shing/ /zhu ba gsol bar byed de g.yul la 'jigs rnams min/ /de rnams mngon par 'ongs rnams sa yi phyir min zhing/ /nor phyir ma yin rgyags phyir ma yin dgra phyir min/ /thub pa'i gus pas nged cag rnams kyi zhes 'di/ /de phyir khyed cag rnams kyi bya bas bkur sti mdzad/ /thub pa de la khyed cag gi dang deng cag gi /bla ma nyid du mnyam ste 'di las dal ba 'di/ /de phyir spun gyi tshogs ni 'dus nas 'ongs pa ste/ /bla ma'i gdung rnams mchod pa la ni bya ba gcig /ji ltar chos kyi cho ga la ni ser sna nyid/ /nor rnams la ni ser sna de ltar skyon ma yin/ ser sna smra ba des pa nyid du skyon yin zhing/ /skyon ni chos kyi dgra bor gyur pa nyid yin no// gal te mi sbyin par ni khyed rnams kyis nges na/ rdzong nas 'thon nas 'gron po rnams la bsnyen par mdzod/ /gang rnams kyis stobs mnga' rnams ma yin sgo glegs rnams/ /de rnams rigs su skyes pa'i rgyal rigs ma yin no/ /byams
- 117b
pa dang ni gzi brjid ston par byed bzhin du/ /mi dbang rnams kyis khyed cag rnams la de skad smras/ /bdag gi smra 'dod gang yang rang gi rtogs nas su/ /dga' las bdag gis de ni khyed cag rnams kyis nyon/ /'ga' zhig rtsod pa dge ba ma yin chos min te/ /rnam par 'gras par ma 'gro zhi ba bsnyen par mdzod/ /thub pa des ni bzod pa rab tu bsngags pa ste/ /gang gis gus pas me ni kun nas 'phel bar 'gyur/ /nor dang 'dod pa dag gi gcig gi ched du ni// rnam par rtsod pa tshul ni nye bar gyur pa ste/ /chos kyi ched du slar yang 'phags par gyur pa ni/ /zhi ba dang ni dgra bo rnam par rtsod par smra/ /gang zhig nye bar zhi zhing byams pa'i thugs kyi ni/ /sems can thams cad rnams la brtsi ba gsungs pa ste/ /thugs rje mnga' ba de la mchod pa ni/ /'tshe ba byas nas bdag gi lugs dang mtshungs ma yin/ /de phyir gdung ni rab tu sbyin las 'di rnams la/ /grags pa dang ni chos kyi yan lag bgo ba mdzod/ /de ltar gyur na khyed kyi rtsod min de dag dang/ /de dag gis kyang chos dang grags pa 'thob par 'gyur/ /chos ldan skyes bu rnams kyis chos las g.yos pa ni/ /chos la 'bad pa las kyang ded? rnams kyis sbyor na/ /gang dag rnams kyi gzhan dag chos la sbyor byed pa/ /de dag rnams kyis chos ni gnas pa'i ched du 'jug /drang srong dam pa mchog gis chos kyis sbyin pa ni/ /sbyin pa thams cad kyis ni khyad par 'phags par gsungs/ /gang zhig la las nor la sbyor bar byed pa ste/ /chos kyi sbyin pa po ni rnam par bsags pa yin/ /de nas snyan grags dang ni bde ba 'dren pa dang/ /chos kyi tshig ni de las nye bar thob nas ni/ /ngo tsha dang bcas phan tshun lta ba de rnams kyis/ /bre bo'i rigs mnyam bram ze la ni smras pa'o/ /e ma mdza'
- 118a
bo'i dge la khyod kyis nges pa ste/ /yon tan rnams la bram ze'i rjes su mthun pas chags/ /lam gzhan gyis ni 'khrul pa'i rta ngan rnams bzhin du/ /gang gis legs par bsnyen pa'i lam la bkod par gyur/ /ji ltar smras pa de ltar de ni ldan 'gyur zhing/ /brtse zhing gnyen pa'i tshig 'di 'dzin par rig pa ste/ /mdza' bo'i skye bo'i tshig la shin tu 'das nas su/ /phyi nas sdug bsngal nyid du lhung rnams mya ngan 'gyur/ /de nas 'gro ba'i khams rig gdung ni gyad rnams kyis/ /de rnams brgyad du gus pas yon tan las bgos so/ /de nas rang nyid kyis ni cha shas bzung nas ni/ /bdun po so so so sor gzhan rnams la sbyin to/ /gyad rnams dag gis mngon mchong sa skyong de rnams kyang/ /dga' zhing don byas rnams ni rang yul rnams su gshegs/ /de nas drang srong gyis gdung de rnams cho ga bzhin/ /rang grong rnams su mchod rten rab gnas rnams de byas/ /de nas rang gi yul du thub pa'i mchod rten ni/ /byed 'dod bre bos so so bgos pa'i bum pa blangs/ /sol ba lhag ma rnams kyang pi sa la zhes pa'i/ /gus pas rjes su rab ldan rnams kyi bsgangs? par gyur/ /de nas gdung gi snying po can gyi sngon du brgyad/ /brag ri dkar po dang mtshungs/ mchod rten rnams gyur cing/ /de yi bum bas bsnyen pa bram ze'i dgu pa ste/ /sol ba'i snying po dang ldan bcu pa byung bar gyur/ /thub pa'i mchod rten sna tshogs pa ngan g.yo ba rnams/ /ti se'i gangs ri'i rtse mo dang mtshungs de rnams la/ /rang gi skye bo dang bcas mi skyong de rnams dang/ /skye dgu dang bcas bram ze rnams kyis na mchod/ /phreng ba mngon sbyar rnams dang dri bzangs mchog rnams dang/ /phreng ba dge ba rnams dang sil snyan dbyangs rnams kyis/ /mchod
- 118b
pa dam pa mi skyong de rnams de rnams kyis/ /rgyal ba'i gdung ni 'dzin pa de rnams la byas so/ /de nas dus su dgra bcom rnams kyi lnga brgya rnams/ /ri bo lngas mtshan grong khyer du ni yongs 'dus nas/ /slar yang ji lta ba bzhin chos ni gnas pa'i phyir/ /thub pa'i gsung ni ri yi logs su yang dag bsdus/ /gnas skabs kun tu drang srong che las thos pa ni/ /kun dga' bo nyid yin zhes nges par gyur pa yi/ /dge slong de rnams kyis ni 'dus pa mthun pa ru/ /gsung rab zhu zhes lus 'phags thub pa la zhus so/ /de nas de dag rnams kyi dbus su de bzhugs nas/ /smra ba rnams kyi mchog gis ji ltar gsungs pa'i tshig /gang du gang la gang gi tshe na gang zhig dang/ /'di skad bdag gis 'di ni thos zhes gsungs par gyur/ /de phyir dgra bcom rnams kyis rjes su bcings pa des/ /thub pa chen pos chos kyi bstan bcos gnas pa ste/ /gang zhig 'bad pas yang dag rab tu thob pa ni/ /mya ngan 'das shing 'da' la mya ngan 'da' bar gyur/ /dgra bo khengs pa rnams kyi mya ngan ster ba po/ /skye dgu sdug bsngal rnams kyi mya ngan gcod pa'o/ /me tog 'bras ldan mya ngan med ltar blta na sdug /dus su de gus sa bdag mya ngan med pa byung/ /'phags pa maurya? dpal te skye dgu'i phan don du/ /'jig rten kun la mchod rten mtshan ma byed du bcug /gtum po mya ngan med nyid thob nas sa la ni/ /chos rgyal mya ngan med nyid las nges thob par gyur/ /mngon du byas pa'i mchod rten bdun po de rnams las// drang srong de yi gdung rnams maurya des blangs nas/ /dpal ldan mchod rten ston ka'i sprin gyi 'od rnams kyi/ /stong phrag brgyad cur babs pa dus su zhag gis byas/ /dga' byed grong gnas mchod rten brgyad pa dang po ni/ /de yi dus su gus
- 119a
ldan klu rnams kyis bsrungs te/ /de phyir gdung rnams thob pa ma yin rgyal po des/ /der byas pa lam dang rgya chen gyur pa'o/ /de phyir yid kyi dgra bo 'bras bu rnams la ni/ /kun nas gnas shing g.yo ba'i dpal ni bsrungs na yang/ /mi skyong des ni ngur smrig gon pa las gzhan du/ /lta ba rnam par dag cing 'bras bu dang po thob/ /de las gzhan du gzhan gyis thub pa'i mchod pa ni/ /gang gis byas shing byed la byed par 'gyur ba ste/ /dam pa'i skye bos bsnyen pa'i 'bras bu bla na med/ /de yis thob cing 'thob la 'thob par 'gyur ba nyid/ /drang srong bzhugs pa la ni mchod pa sbyar nas sam/ /yongs su mya ngan 'das pa'i gdung la phyag byas nas/ /yid kyi dang ba mnyam na 'bras bu mnyam pa ste/ /sangs rgyas yon tan rnams ni mkhas rnams shes par mdzod/ /de phyir rtag tu mchog gi chos ni mkhyen pa'o/ /mchog tu mi 'gyur 'pho ba med pa brnyes ldan pa/ /brtse ba dang bcas thub pa blo gros chen po ni/ /mchod 'os mchog la mchod pa dam pa 'ongs pa'o/ /mchog tu thugs rje dang ldan mchog gi thugs mkhyen pa/ /gzhan la phan phyir mchog tu ngal bar byon pa de/ /mdzad pa mkhyen pa nyid kyi dam pa mkhas rnams kyi/ /'di na gtang rag mchod pa gang phyir 'os ma yin/ /sa na 'chi dang rga ba dang mnyam 'jigs pa dang/ /mtho ris dag na 'pho ba dang mnyam yod min te/ /'gro ba'i de gnyis mkhyen nas gang zhig gnas pa ste/ /de phyir mchod par bya ba dam pa su 'dra yod/ /skye ba yod na bde ba min 'byung ba ste/ /yang srid med las shin tu bde bas bde ba med/ /de ni brnyes shing gang gis 'gro la byin pa ste/ /de phyir mchod par bya ba dam pa su 'dra yod/ /de ltar thub pa'i skyes mchog de yi gus pa yis//
- 119b
mkhas nyid yon tan las min snyan dngags nus pas min/ /thub pa'i lung gi rjes su 'brangs nas 'di brtsams te/ /skye dgu rnams kyi phan dang bde ba'i phyir gyur cig /yul shA ke ta ka'i gser mig ma'i bu dge slong slob dpon snyan dngags mkhan chen po/ /smra ba dang ldan pa phyogs su rnam par grags pa/ /btsun pa rta dbyangs kyis mdzad pa'i/ /sangs rgyas kyi spyod pa zhes bya ba'i snyan dngags chen po las sku gdung rnam par bgo ba'i le'u ste/ nyi shu rtsa brgyad pa yongs su rdzogs so// //sa stengs brgya mtsho'i mthar thugs bstan pa'i bdag po'i mchog /yon tan mtshungs med phul byung du ma'i gter chen po/ /mkhas pa rnams kyi bla ma skye dgu rnams kyi dpal/ /bla ma dam pa chos kyi rgyal po'i bka' lung gis/ /'jig rten kun na zla bral skyes mchog de nyid kyi/ /phrin las sgrub pa brnyes pa'i thugs dgongs rnams dag dang/ /mi rje lha sras gung thang rgyal mo yum sras dang/ /chos la gcig tu dkar pa'i lha cig kun dga' 'bum/ /mang yul skyi rong bzo mo yon tan skyid la sogs/ /chos ldan dam pa rnams kyis sbyin bdag 'gyid pa'i dor/ /'phags pa rta dbyangs kyis mdzad thub pa'i mdzad pa 'di/ /sa dbang? bzang po dang ni blo gros rgyal pos bsgyur/ /'di bsgyur bsod nams rgyal po gang des pha ma dang/ /'gro rnams lam gyi rgyal po 'dir zhugs te/ /nyes tshogs tshang tshing kun dang bdud bzhi'i rgyal po rnams/ /bcom nas chos kyi rgyal po thob par shog /dge des thub bstan yun du gnas par shog/ //byang chub sems dpa' i skyes rabs chos kyi gaN+Da'i sgra sgrags pa slob dpon dpa' bos mdzad pa bzhugs so// // */ /rgya gar skad du/ bo d+hi satwa dzA ta ka sya d+harmma gaN+Di/ bod skad du/
- 120a
byang chub sems dpa' skyes pa rabs kyi chos kyi gaN+Di/ sangs rgyas dang byang chub sems dpa' thams cad la phyag 'tshal lo/ /rab mtho brag ri'i rtse yi yul rab zhi bde ba'i longs spyod 'dug 'dug pas/ /de 'og stag mo bkres pas rnam g.yos mdza' dag phyogs su mchi mar ldan zhum mig blta ba/ /bdag nyid bu yang bsad 'dod der ni thugs brtses rang gi lus byin mdag pa gang/ /de ni 'jig rten gsum gyis phyag byas 'dod lha'i stobs 'joms chos kyi gaN+Di'i sgra bsgrags so/ 1 /rab tu dbang sbyor bdag po shi ba'i sa mi bdag dus rnam pa thams cad du/ /'jig rten gcig tu thugs brtses bskul te rgyas par sbyin pa'i chu yi char gyis mchi ma mdzad la/ /long ba'i bram zes spyan ni gcig blangs pa las gnyis ka yang ni byin par gyur/ /rang dga' i mchog brnyes des ni srid pa gsum po'i 'jigs bcom chos kyi gaN+Di'i sgra sgrags so/ 2 /grong khyer 'dir ni dman pa'i gla mis rang nyid zas bcad don gnyer rang sangs rgyas zhig la/ /lhag zan changs pas yang dag bkur byas mchod pa de yis grong khyer der ni ko sa la'i/ /dbang phyug nyid thob dge ba yongs gyur rmad du byung ba'i rgyal por gyur te de la 'dir/ /'jig rten gsum du ngo mtshar sgra sgrogs 'dir ni thub pa'i chos kyi gaN+Di'i sgra bsgrags so/ 3 /bsod snyoms don gnyer 'dod chags bral la bdag nyid mngon skyid bsod snyoms sbyin pa las/ /rab tu rab 'jigs dmyal ba sprul te mngon par log brjod lha yi bu yis bkag pa las/ /de dag ma mnyan dmyal skyes pad+ma'i sdong bu mdzes la rim gyis gom pa dor nas ni/ /de 'dir bdud las rgyal gyur lha mi'i bla ma de yis chos kyi
- 120b
gaN+Di'i sgra bsgrags so/ 4 /sbyin la goms pas rab tu phul byung mdza' dag rtogs pa'i tshod dpon gang gi nor/ /lha yi dbang pos de yis nor spas na yang zad par ma nus de sbyin pa yi chos dang ldan/ /'di ltar des ni phongs pa zil mnan nyams par byed bcom pa de yi/ /nyon mongs rab zad stobs bcu'i stobs mnga' ston pa'i chos kyi gaN+Di'i sgra bsgrags so/ 5 /ri 'od lus 'dzin brgya byin lus gzhan bsgyur ba gang de rnam sprul du med pa yi me// rab gsal gser gyi 'od 'tsher me stag tshogs 'phro mi bzad par ni mchongs nas byin par gyur/ /de ni dbang pos mngon par bsal bar bstan pa'i don du sbyin pa 'di ni ngo mtshar tshul/ /zla ba'i dkyil 'khor la mtshan de rjes thub pa mchog gi chos kyi gaN+Di'i sgra bsgrags so/ 6 /bram ze a ka ti zhes bya ba gang byung rgyas pa'i khyim skyes rtsa dang 'dra bar ni/ /bde bas yid byung rab zhi nges par byung ba'i gling ni nye gyur te/ /'dab ma bcos pa tsam zhig gis tshim de yang dbang pos sbas byas mdza' dag rig mod kyi/ /gang 'dug des tshim bsten pas phun tshogs mdza' dag rtsod rgyal chos kyi gaN+Di'i sgra bsgrags so/ 7 /sa yi bdag po'i bla ma byams pa'i stobs ni byung gyur gang gi don gyi ming/ /bdag nyid lus ni bdag gis bcad cing phug ste sha dang khrag dag zos shing 'thung gyur gang/ /gnod sbyin lnga ni thog mar mngon par byung pas de kho na nyid thob pas tshim mdzad rgyal ba nyid/ /gcig pu rjes brtse dri ma med pa'i rgya mtsho'i chos kyi gaN+Di'i sgra bsgrags so/ 8 /rang gi srog dang mnyam pa'i bu ni gsar ba'i lus dang yid 'ong btsun mo rjes su mthun pa dag /sdug bsngal zug rngur ldan pa'i mun sprul bram ze rab 'gyed bzhin yang rab dags? legs par byin/ /yang dag rdzogs pa'i byang chub
- 121a
tu ni smon lam mi g.yo gang gis thams cad sgrol de yi/ /srid gsum sman pa'i 'dod las rnam par rgyal par gyur pa'i chos kyi gaN+Di'i sgra bsgrags so/ /mchod sbyin brtsams phyir rang gi 'jig rten dag la 'di skad smras te skyes bu dag/ 'di ltar skye bo sdig pas mchod sbyin byad rnams myur du brlag byar 'gyur ro zhes thos kyis/ /'dir ni skye po'i tshogs rnams sdig pa las ldog dge ba bcu'i lam nyid la bzhag cing/ /'phel bar byed pa gang yin thub de'i rjes su snyan pa'i chos kyi gaN+Di'i sgra bsgrags so/ 10 /lha min grong khyer tshal du lha rnams pa ma? gyur lhan cig bros tshe brgya byin gzugs 'dzin gyis/ /mkha' lding phru gu shing rta'i lam gnas nyams par mthong ste lha rnams la smras brtse ba yis/ /bdag nyid gcig pu'i shing rta phyir log grong khyer sa gzhir zhugs te gang gis lha min las/ /rgyal gyur de'i rjes brtses 'gro ba gsum las rnam rgyal chos kyi gaN+Di'i sgra bsgrags so/ 11 /bram ze gang zhig legs par spyod dang yul gzhan brtan zhing zab mo'i shas dang ldan dbul por/ /rang gi rnams gsal byas nas sus kyang ma tshor bar ni brkur rung zhes/ /mkhan po'i cho gas gzhan nor brlag bstan 'gog par byed ldan de ni slob mas ma mnyan te/ /gzhan gyi nor brlag mi byed rnyog pa med pa'i chos kyi gaN+Di'i sgra bsgrags so// 12 //bud med rin chen gang zhig ji bzhin don min mdza' dag 'jig rten myos byed byung bar gyur/ /sa yi bdag po shin tu gzhon sdug de las skyes pa'i chags thob gyur na'ang gang de la/ /de las byung ba'i me yis bdag gi srog bsregs kyang ni tshul khrims lhod cing nyams ma gyur/ /de lha'i tshul khrims phung pos gsal zhing rab tu snyan pa'i chos kyi gaN+Di'i sgra
- 121b
bsgrags so/ 13 /gang zhig gru po'i chod pas 'gron bsgrubs 'dod pas gsol btab de dag bltas nas gru bor ni/ /dka' bas bdag nyid zhugs gyur rlung chen shugs rlabs kyis ni rgya mtshor bying? bar gyur pa'i tshe/ /bden pa'i tshig brjod pas ni rlung gi grub bo phyir log dga' mdza' i ngos su khyer song gyur/ /rab mtho brten pa'i tshig des chos kyi gaN+Di'i sgra bsgrags so/ 14 /lteng ka nyi ma'i zer gyis bskams par gnyen tshogs dang bcas nya dag la ni kha la sogs/ /bya tshogs rgyags pas phyogs kun nas bskor za bar 'dod pa rnams la bden pa'i tshig dag gis/ /byin rlabs gang brjod myur bar lha yi bdag pos char gyi rgyun phab? srog chags rnams la yid mthun pas/ /rjes su srung byed rab zhi'i rang bzhin blo gros can de'i chos kyi gaN+Di'i sgra bsgrags so/ 15 /gang zhig chu 'dzin bzhin gyi zer las rgyal ba'i me yis bsregs te de dag rlung gis skyod pa yi/ /me rnams kyis ni nam mkha' khyab par byas te sreg pa phru gu za bar 'dod 'dra la /des ni zhi byed bden pa'i tshig gi byin gyis brlabs brjod pa las zhi ba thob par gyur/ /rdzun gyi tshig las slar log bzod pa dang ldan de yis chos kyi gaN+Di'i sgra bsgrags so/ 16 /mi yi bdag po thams cad bshes gnyen chad 'thung ba las mngon par dga' ba nyid gyur dbang pos ni/ /skyes bu de dag mthong ste bram ze'i gzugs bsgyur chad gis gang ba'i bum pa gang zhig thogs/ /mi bdag skye tshogs bcas pa de dag mdun du chang gi nyes pa gang dag bstan pa yis/ /de las des ni thams cad rnam par btul te skyon spangs pa yi mthu ldan chos kyi gaN+Di'i sgra bsgrags so/ 17 /bdag nyid rigs dang ldan pa 'ga' zhig byung gyur 'dod pa rgyas pa'i khyim las yid byung nas/ /zhi bde 'dod pas zhi ba'i nags mthar song ste rab tu byung gyur pha
- 122a
mtshungs nges/ /nye bar 'dod pa'i yid las gnyen cig de la rang khyim nyes pa mngon par bstan nas kyang/ /'dod bya? min blo sa rab mchog gnas kyi bde rnyed de yi chos kyi gaN+Di'i sgra bsgrags so/ 18 /pham dus 'das khyim gyi bde las skyo bar gang gyur bas mdza' i nags su gnas bcas te/ /des ni dran gzhag bi sa la yi 'dab ma rtag tu rung ba kham gyi zas kyis 'tsho byed do/ /bstan de nyams sad phyir lha yi dbang po de song rang gang gi skal ba'i 'dab min/ /nyin lnga brkus na'ang bsam gtan brtan pa bdud rtsi'i ros 'tsho de yi chos kyi gaN+Di'i sgra bsgrags so/ 19 /rgyal po'i gnas chen gyur nas nor gyi bdag po na chod thog ma nad med pa ye? lus ldan zhing/ /gnyen tshogs rnams la byams dang ldan pa'i 'jig rten dag gis de dpen mchog tu gyur pa gang/ /rab tu byung bar gyur ces 'di ltar mi bden par yang yon tan bsgrags pas bskul nas ni/ /legs par rab byung mdza' dag yon tan gtam gyi 'bras bcas de yi chos kyi gaN+Di'i sgra bsgrags so/ 20 /khyim gnas dga' yang nye bar spangs gyur gang gar brtse ba kho nas chung ma gcig yod las/ /bas mdza' gnas bcas rab ni? dga' bas gnas las der na rgyal po gang gis de brtag phyir brtul zhugs legs zhes bston nas khyim 'thab 'phrog kyang rab tu khro ba nges? bcom ste/ /de la slar chos bstan rnams rgyal de'i rjes su chos kyi gaN+Di sgra bsgrags so/ 21 /sna tshogs yid bzhin mtsho ni dri ma med par bzhin bzang mdun bdar dang pa'i rgyal po ni/ /rgyal po thob gyur blon por bcas bzung nas ni tshangs pas byin gyis rgyal po thob gyur te/ /chos bstan kun nas nyon mongs sra ba'i bya rnyi las grol gyur te 'gro ba gsum pa yi/ /nyon
- 122b
mongs rnyi rnams rab tu bcom pa'i mkhas pa de yi chos kyi gaN+Di'i sgra bsgrags so// 22 /rgyal po gang gi gnas na gcig tu byams dang ldan pa'i kun tu rgyu zhig yod gyur la/ /de yi bka' rig nas ni bdag nyid de gnas log song? gang zhig gcig tu zhi ba'i nags mthar gnas/ /der ni mngon shes ye shes thob byas slar yang mi bdag gi yi log lta'i dra ba las/ /rab tu bspungs te lta bu spangs gyur sman ba de yis chos kyi gaN+Di'i sgra bsgrags so/ 23 /bas mdza' gang du spre'u'i bdag nyid gyur nas mi yi yon tan las rgyal legs pa'i yon tan can/ /der ni mi zhig sdong po mchog chag g.yang sa cher lhung khud? bur tsho des 'don pa mthong bar gyur/ /mthong nas kyang ni 'di ltar snying la rjes brtse yongs ldan gang des mchongs nas phyung ste ltas so/ /mi de rnams las srid gsum phan par mdzad pa de yi chos kyi gaN+Di'i sgra bsgrogs so/ 24 /mi bdag gang zhig dngos su ri dags shar b+ha yi ri dags bsad phyir rta la zhon nas ni// mgyags brgyugs pa las khron par lhung nas de mngon song de g.yang sa las gang phyung gyur ba/ /mi nyes? pa dang bu yang mtshungs nyid lta bu kho nar byas te rjes su brtse ba yis/ /sems can rnams kyi sdug bsngal kun zang 'dzangs par gyur de'i chos kyi gaN+Di'i sgra bsgrags so/ 25 /mi gang chu bos khyer gyur sna tshogs mdzes pa'i ru ru 'di tshigs kyis phyung nas su/ /'di skad mdags te 'jig rten su la 'ang ma smra kho bo gnas gang ma brjod ces pa las/ /des ni sa 'dzin ? ni lag pas mi rnams la bstan 'khrig ma gcig ni tshang bar gyur/ /mi de'ang bskyabs shing ma'i bdag po la ni gdams byas de yi chos kyi gaN+Di'i sgra bsgrags so/ 26 /gnas gang zhig na ljon pa'i ri dang ldan pa'i 'bras bu lhung gyur chu
- 123a
pos khyer pa zhig/ rgyal po de yi mthu rtsal rjes su 'tshol bas rang gi gnyen rnams bsad 'dod ri ba'i rtser/ /rang gi rkang pa gnyis btsar rab tu sra bar bcings te sra bar byas nas mthar phyung nus/ /ngal bas der ni bdag nyid dor gyur de yi rjes su chos kyi gaN+Di'i sgra bsgrags so/ 27 /brdzun las rab tu brtag pa'i skyon gyis nyams par 'os pa'i blo gros can yid rang gi lus/ /'dar zhing khro bas mi bdag 'jigs byed mig ni dmar zhing nyon mongs ral gri rab tu bcom/ /bden pa'i don can bzod par smra bas rang lus ltos dor gang zhig 'gar yang mi bzod pas/ /rab tu gnod par byed la gnod bzod yid la byed pa'i chos kyi gaN+Di'i sgra bsgrags so/ 28/ mi yi bdag po yan lag byin ni mi dge chad lta rab tu bskyed la tshangs par gyur pa yis/ /mdun gyi nam mkhar gnas te rab tu gsal ba'i tshig gis sun phyung 'jig rten gzhan pa ni/ /thugs brtses bsrungs te mi shes pa yi mun pas mdza' dag rab tu bcom nas mi bden pa'i/ /lta ba'i dra ba gcod byed blo gros ldan pa de yis chos kyi gaN+Di'i sgra bsgrags so/ 29 /shin tu 'thug pa'i nags su gnas nas phyung tshe mi bdun brgya mthong nas nye ba'i// ri ba'i steng na glang chen mchog ni shi ba'i sha yod song la lam rgyags byos zhes smras/ /glang po'i rgyal po gang zhig brtse bar ldan bya'i ri bo'i rtse nas bdag nyid lus mchongs ngor/ /srog chags rnams la byams ldan rdul rnams spangs pa de yi chos kyi gaN+Di'i sgra bsgrags so/ 30 /gang zhig shin tu dul bas tsha gdung mi yi rgyu ma dang ni sha tshil glo bas mngon gang bar/ /su nga sa ni chos kyi dbyig gus dpe med brtse ba brtson 'grus bden pa rab tu
- 123b
'khrugs/ /de thabs smon pas srog chags sman pa dad ni bde ba'i chogs srid pa'i gnas/ /sdug bsngal rgyu dang sdug bsngal slar bzlog pa yi don byas chos kyi gaN+Di'i sgra bsgrags so/ 31 /na dang skye ba la sogs zug rdur 'jigs pa mang po mthong ste 'bar ba'i me stag rab 'phro ba'i/ /khang pa nye bar zhi ba'i phyir ni 'gro ba'i mdza' dag skyo ba'i sems gyur cing/ /rgyal po'i phun tshogs ji ltar rtsa bzhin gang spangs lcags khyim chen por bsrungs na yang/ /nags mthar rab tu song gyur de yi rjes su legs pa'i spyod ldan chos kyi gaN+Di'i sgra bsgrags so/ 32 /rtag tu mang po'i rnam pa rnam par gnod byed yal ga ri dags gdug pa 'khrugs pas ni/ /gang 'dod mchog gi lus can lang tsho ldan pa'i ma he la ni gnod sbyin gyis bskul nas/ /gang brjod mdza' dag shin tu bzod ldan yon tan gter gyur thar pa'i lam gyi gtso/ /bzod pa'i 'byung gnas dang mtshungs pa yi mi g.yo de yi chos kyi gaN+Di'i sgra bsgrags so/ 33 /gang zhig 'dab shog rgyas pa yon tan brgya phrag rab mchog yang dag brgyan pa'i bdag nyid kyi/ /bya zhig byung gyur ri dags dgra yi mgrin par rus pa'i dum bu ring po zug pa phyung byas te/ /ri dags nges slar bsad cing za phyir brnyas thob gyur mong de ni nus na'ang khro ma gyur/ /bzod pa'i zhing de'i mchi med rang bzhin 'bras bu bcas gyur chos kyi gaN+Di'i sgra bsgrags so/ 34 /ji srid ri rab nyi ma zla bas rab gsal rtse nas 'ong chen 'phros pas snang bar byas ljongs dang/ /ji srid chu bo 'dzin khri nya dang chu srin rlung rnams kyis dkrugs gnas ni lany+tshwa'i rgya mtsho dang/ /ji srid sa ni ri dang ljon shing nags chal grong dang grong khyer ljongs dang stong rgyun 'bab bcas gnas/ /de srid mdor na ston
- 124a
pa'i bka' yis srid pa'i khang pa mi bzad lhung gyur 'gro ba mdza' dag rab zhi shog/ byang chub sems dpa' i skyes pa'i rabs kyi chos kyi gaN+Di'i sgra bsgrags pa snyan dngags mkhan chen po slob dpon dpa' bos mdzad pa rdzogs so/ //dpal chos kyi rje sa'i steng na 'gran zla dang bral ba'i paN+Di ta chen po la che shAkya sh+rI bzang? po dang/ lo tsA ba dge slong byams pa'i dpal gyis bsgyur// //dge legs su gyur cig/ / rgyal po la gtam bya ba rin po che'i phreng ba slob dpon klu sgrub kyis mdzad pa bzhugs so/ /rgya gar skad du/ rA dza pa ri ka thA radna mA li/ bod skad du/ rgyal po la gtam bya ba rin po che'i phreng ba/ /sangs rgyas dang byang chub sems dpa' thams cad la phyag 'tshal lo/ /nyes pa kun las rnam grol zhing/ /yon tan kun gyis brgyan pa po/ /sems can kun gyi gnyen gcig po/ /thams cad mkhyen la bdag phyag 'tshal/ /rgyal po khyod la chos bsgrub phyir/ /gcig tu dge ba'i chos kyi bshad de/ /dam pa'i chos kyi snod la ni/ /chos 'grub 'gyur te gang zhig la/ /dang bor mngon par mtho ba'i chos/ /phyi sa ni nges par legs 'byung ba/ /gang phyir mngon par mtho thob nas/ /rim gyis nges par legs pa 'ong/ /de la mngon mtho bde ba ste/ /nges par legs pa thar par 'dod/ /de yi bsgrub pa mdor bsdu na/ /mdor na dad dang shes rab bo/ /dad can nyid phyir chos la brten/ /shes rab ldan phyir yang dag rig /'di gnyis gtso bo shes rab ste/ /'di sngon 'gro ba dad pa yin// 'dun dang zhe sdang 'jigs pa dang/ /rmongs pas gang zhig chos mi 'da' / /de ni dad pa can zhes bya/ /des par legs pas snod mchog yin/ /gang zhig lus ngag yid kyi las/ /thams cad legs par yongs brtags te/ /bdag dang
- 124b
gzham la phan shes nas/ /rtag tu byed pa de mkhas pa/ /mi bsod pa dang rku spod dang/ /gzhan gyi chung ma spong ba dang/ /log dang phra ma rtsub nyid dang/ /ma 'brel smra pa yang dag sdom/ /chags dang gnod sems med pa la/ /nyid kyi lta ba yongs sped pa/ /'di dag las lam dkar bcu ste/ /bzlog pa dag ni nag po yin/ /chad mi 'thung rang 'tsho ba bzad/ /rnam mi 'che dad gus sbyin dang/ /mchod 'os mchod dang byams pa ste/ /mdod na chos ni de yin na/ /lus gdung byed pa 'ba' zhig las/ /chos med 'di ltar de yis ni/ /gzhan la gnod pa spong med cing/ /gzhan la phan 'dogs yod ma yin/ /sbyin dang tshul khrims bzod gsal ba// /dam chos lam po che la gang/ /ma gus lus gdung gnag lam lta'i/ /lam gol dag nas 'gro ba de/ /'khor ba'i 'brog ni mi bzad pa'i/ /mdza' yas skye bo shing can du/ /nyon mongs gdug pas 'khyud pa'i lus/ /shin tu yun ring 'jug par 'gyur/ /gsod pa yis ni che thung 'gyur/ /rnam par 'che bas gnod pa mang/ /brku ba yis ni longs spyod phongs/ /byi bo byed pas dag dang bcas/ /brdzun du smra bas skur ba ste/ /phra ma yis ni bshes dang 'byed/ /tshig rtsub nyid gyis mi snyan thos/ /ma 'brel ba yis tshig mi bcun/ /brnab sems yid la re? ba 'joms/ /gnod sems 'jigs pa sbyin par byed/ /log par lta bas lta ngan nyid/ /chang 'thung bas ni blo 'khrul te/ /sbyin pa ma gtang dbul ba nyid/ /log par 'tsho? bsab slus pa ste/ /khengs pa yis ni rigs ngan nyid khrag dog gis ni gzi chung nyid/ /khro pas kha dog don ba nyid/ /mkhas la mi 'dri blun pa nyid/ /mi nyid la ni 'bras bu nyid/ /kun gyis dang po ngan 'gror ro/ /mi dge zhes
- 125a
bya de dag gi/ rnam smin bsgrags ba gang yin pa/ /dge ba dag ni thams cad la/ /'bras bu de ni bzlog te 'byung/ /chags dang zhe sdang gti mug dang/ /des bskyed las ni mi dge ba/ /ma chags zhe sdang gti mug med/ /des bskyed las de dge ba yin/ /mi dge ba las sdug bsngal kun/ /de bzhin ngan 'gro thams cad do/ /dge las bde 'gror thams cad dang/ /skye ba kun tu bde ba dag/ yid dang lus dang ngag gis ni/ mi dge kun las ldog bya zhing/ /dge la rtag? tu 'jug bya ba/ /chos 'di rnam pa gnyis su bshad/ /chos 'dis dmyal pa yi dags dang/ /dud 'gro dag las rnam grol zhing/ /lha dang mi yi nad dag tu/ /bde dpal rgyal srid rgyas pa 'thob/ /bsam gtan tshad med gzugs med kyi// tshangs sogs bde ba myong bar byad/ /de ltar mngon mtho'i chos 'di dang/ /de yi 'bras bu mdor bsdus pa'o/ /nges par legs pa'i chos dag kyang/ /phra zhing zab par snang ba dang/ /byes pa thos dang mig ldan la/ /skrag par byed par rgyal bas gsungs/ /bdag yod ma yin yod mi 'gyur/ /bdag gi yod min mi 'gyur zhes/ /byis pa dag ni de ltar skrag/ mkhas pa la ni skrag pa zad/ /skye dgu 'di ni ma lus pa/ /ngar 'dzin pa las byung ba dang/ /de yir 'dzin ldan skye dgu la/ /phan pa gcig tu gsung bas gsungs/ /bdag yod bdag gi yod ces pa/ /'di ni dam pa'i don du log /gang phyir yang dag ji lta ba/ /yongs su shes pas gnyis mi 'byung/ /ngar 'dzin las byung phung po rnams/ /ngar 'dzin de ni don du brdzun/ /gang gis sa bon brdzun pa de'i/ /skye ba bden pa ga la zhig /phung po de ltar mi bden par/ /mthong nas ngar 'dzin spong par 'gyur/ /ngar 'dzin ba dag spangs nas ni/ /phyis ni phung po 'byung mi 'gyur/ /ji ltar me long
- 125b
brten nas su/ /rang bzhin gzugs brnyan? snang mos kyi/ /de ni yang dag nyid du na/ /cung bzad kyang ni yod min pa/ /de bzhin phung po rnams brten nas/ /ngar 'dzin pa ni dmigs par 'gyur/ /rang gi bzhin gyi gzugs rnyan bzhin/ /yang dag nyid du de dga' med/ /ji ltar me long ma brten par/ /rang bzhin gzugs brnyan mi snang ltar/ /phung po rnams la ma brten par/ /ngar 'dzin pa'ang de dang 'dra/ /'phags pa kun dga' bo yis ni/ /de lta bu yi don thos nas/ /chos la mig thob bdag nyid kyi/ /dge slong rnams la bzlas te smras/ /ji srid phung por 'dzin yod pa/ /de srid de la ngar 'dzin yod/ /ngar 'dzin yod na yang las te/ /de las yang ni skye ba yin/ /lam gsum thog mdza' dbus med pa// 'khor ba'i dkyil 'khor mgal me yi/ /dkyil 'khor lta bur phan tshun gyi/ /rgyu can 'di ni 'khor bar 'gyur/ /de ni rang bzhin gnyis ka dang/ /dus gsum nyid duAng ma thob phyir/ /ngar 'dzin pa ni zad par 'gyur/ /de nas las dang skye ba yang/ /de ltar rgyu 'bras skye ba dang/ /de dag zad pa nyid mthong nas/ /yang dag nyid du 'jig rten la/ /yod med nyid du mi sems so/ /sdug bsngal thams cad zad pa yis/ /chos 'di thos nas rtog med pa/ /mi 'jigs gnas la sngar ba dag/ yongs su mi shes phyir skrag go/ mya ngan 'das la 'di dag kun/ /med par gyur na khyod mi 'jigs/ /'dir de med par bshad pa la/ /khyod ni ji ste 'jigs par byed/ /mthar la bdag med phung po med/ /gal te thar ba de 'dra 'dod/ /bdag dang phung po gsal ba la/ /'dir ni khyod ko cis mi dga' / /mya ngan 'das pa dngos med pa'ang/ /min na de dngos ga la yin/ /dngos dang dngos med der 'dzin pa/ /zad pa mya ngan 'das shes bya'o/ /mdor na med par lta
- 126a
ba nyid/ /las kyi 'bras bu med ces pa/ /bsod nams ma yin ngan song ba/ /de ni log par lta zhes bshad/ /mdor na yod par lte ba nyid/ /las kyi 'bras bu yod ces pa/ /bsod nams bde 'gro rgyu mthun pa/ /yang dag lta pa zhes bshad do/ /shes pas med dang yod zhi'i phyir/ /sdig dang bsod nams las 'das pa/ /de yi ngan 'gro bde 'gro la/ /de ni thar par dam pas bshad/ /rgyu dang bcas pas skye mdza' bas/ /med pa nyid las 'das pa yin/ /rgyu dang bcas pas 'gag mthong bas/ /yod pa nyid duAng khas mi len/ /sngar skyes pa dang lhan cig skyes/ /rgyu min don du rgyu med do/ /gtags dang yang dag nyid du na/ /skye pa 'ang rab tu ma grags phyir 'di yod pas na 'di 'byung dper/ /ring po yod pas thung ngu bzhin/ /'di skyes pas na 'di skyes dper/ /mar me skyes pas 'od bzhin no/ /ring po lta na thung du nyid/ /rang gi ngo bo las ma yin/ /mar me byung ba med ba'i phyir/ /'od kyang 'byung ba med pa bzhin/ /de ltar rgyu 'bras skye mthong zhing/ /'jig rten 'di na ji bzhin du/ /spros las byung bar khas blangs pas/ /med pa nyid du khas mi len/ /'gog pa spros las ma byung pa/ /yang dag ji bzhin nyid gyur pa// khas len yod pa nyid mi 'gyur/ /des na gnyis med rten pa grol/ /thag rings nas ni mthong ba'i gzugs/ /nye ba rnams kyis gsal bar mthong/ smig rgyu gal te chu yin na/ /nye ba rnams kyi cis mi mthong/ /ji ltar ring ba rnams kyis ni/ /'jig rten 'di ni yang dag mthong/ /de ltar de dang nye rnams kyi/ /mi mthong mtshan med smig rgyu bzhin/ /ji ltar smig rgyu chu 'dra ba/ /chu min don du ma yin pa/ /de bzhin phung po bdag 'dra ba/ /de dag bdag min don du min
- 126b
smig rgyu la ni 'di chu zhes/ /bsam de de ni song ba las/ /gal te chu de med do zhes/ /'dzin pa de ni blun pa nyid/ /de bzhin smig rgyu lta bu yi/ /'jig rten yod pa 'ang med pa zhes/ /'dzin pa de ni rmongs pa ste/ /rmongs pa yod na mi grol lo/ /med pa pa ni ngan 'gror 'gro/ yod pa pa ni bde 'gror 'gro/ /yang dag ji bzhin yongs shes phyir/ /gnyis la mi bden thar par 'gyur/ /yang dag ji bzhin yongs shes pas/ /med dang yod par mi 'dod pa/ /de phyir med pa par gyur na/ /ci phyir yod pa par mi 'gyur/ /gal te yod pa sun phyung bas/ /don gyis 'di ni med par bslan/ /de bzhin med pa sun phyung bas/ /yod par ci yi phyir mi ba slan/ /gang dag don gyi de nyid du/ /dam ni 'cha' zhing mi spyod pa/ /byang chub rten phyir sems med na/ /de dag ji ltar med par bshad/ /gang zag phung por smra ba yi/ /'jig rten grangs can 'ug phrug dang/ /gos med bcas la gal te zhig/ yod med 'das pa sman dris/ /de phyir sangs rgyas rnams kyi ni/ /bstan pa 'chi med yod med las/ /'das pa zab mo 'di bshad pa/ /chos kyi khud pa yin zhes kyis/ /zhig gnas 'gro med 'od med cing/ /skad cig kyang ni mi gnas pa/ /de ltar dus gsum 'das pa'i bdag/ 'jig rten don du ci yod dam/ /gang phyir gnyis ka'ang yang dag tu/ /'gro dang 'od dang gnas med pa/ /de phyir 'jig rten mya ngan 'das/ /don du khyad par ji lta bu/ /gnas pa med phyir skye ba dang/ /'gag pa yang dag nyid min na/ /skye ba dang ni gnas pa dang/ /'gag pa don du ga la zhig/ gal te rtag tu gyur na ni/ /ji ltar skad cig ma yin dngos/ /gal te 'gyur ba med na ni/ /don du gzhan nyid ga la 'gyur/ /phyogs gcig gam ni thams cad du/ /zad pa
- 127a
skad cig 'gyur grang na/ /mi 'dra ba nyid mi dmigs phyir/ /de rnams gnyis ka rang rigs ldan min/ /skad cig yin na ril med phyir/ /rnying ba 'ga' lta ga la zhig/ brtan phyir skad cig min na yang// rnying pa dga' lta ga la zhig/ ji ltar skad cig mdza' yod pa/ /de bzhin thog ma dbus brtag go /de ltar skad cig gsum bdag phyir/ /'jig rten skad cig gnas pa min/ /thog ma dbus dang tha ma yang/ /skad cig bzhin du bsam par bya/ /thog ma dbus dang tha ma nyid/ /rang bzhin las kyang ma yin no/ /tha dang phyogs phyir gcig bu min/ /phyogs med pa ni 'ga' yang med/ /gcig med par ni du ma'ang med/ /yod pa med phyir med pa'ang med/ / zhig pa'am ni gnyen po yis/ /yong nyid med par 'gyur gras? na/ /yod pa srid pa ma yin phyir/ /'jig pa'am gnyen por ji ltar 'gyur/ /de phyir mya ngan 'das pa yis/ /'jig rten don du 'grib mi 'gyur/ /'jig rten mdza' dang ldan nam zhes/ /zhus na rgyal ba mi gsung phyir/ /de ltar zab pa'i chos rnams ni/ /snod min 'gro la mi gsung ba/ /de nyid phyir na mkhas rnams kyis/ /kun mkhyen thams cad mkhyen par shes/ /de ltar nges par legs? pa'i chos/ /zab mo yongs su 'dzin med cing/ /gnas med ces ni rdzogs sangs rgyas/ /thams cad gzigs pa rnams kyis gsungs/ /gnas med chos 'dis skrag pa yis/ /skye bo rnams la mngon dga' zhing/ /yod dang med las ma? 'das pa/ /mi mkhas pa rnams ni 'phung bar 'gyur/ /'jigs min gnas 'jigs de dag ni/ /phung la gzhan yang phung bar byed/ /rgyal po phung pa de dag gis/ /ci nas mi phur de ltar gyis/ /rgyal po khyod ni mi phung bar/ /bgyi slad? 'jig rten 'das kyi tshul/
- 127b
gnyis la mi rten yang dag pa/ /ji bzhin lung gi dbang gis bshad/ /sdig dang bsod nams bya ba 'das/ /zab mo bkrol ba'i don dang ldan/ /mu stegs gzhan dang rang gi yang/ /gnas med 'jigs pas ma myongs pa'o/ /skyes bu sa min chu ma yin/ /me min rlung min nam mkha' min/ /rnam shes ma yin kun min na/ /de las gzhan don skyes bu gang/ /skyes bu khams drug 'dus pa'i phyir/ /yang dag ma yin ji lta ba/ /de bzhin khams ni re re la'ang/ /'dus phyir yang dag nyid du min/ /phung po bdag min der de min/ /de la de min de med min/ /phung bdag me shing ltar 'dres min/ /de phyir bdag ni ji ltar yod/ /'byung gsum pa min 'di la min/ /de la 'di min de med min/ /re re'ang de bzhin de yi phyir/ /'byung ba rnams kyang bdag bzhin brdzun/ /sa chu me dang rlung rnams ni/ /re re'ang ngo bo nyid du med/ /gang gsum med par re re med/ /gcig med par yang gsum med do/ /gal te gsum med re re med/ /gcig med par yang gsum de min/ / so sor yod pa ma yin te/ /ji ltar 'dus pa skyed par 'gyur/ /'on te so sor rang yod na/ /bud shing med par me cis med/ /g.yo dang thogs dang spud pa dang/ /chu dang rlung dang sa de bzhin/ /'on te mi'ang grags yin na/ /ji ltar khyod kyis gsum gzhan rang/ /gsum po rten cing 'byung ba dang/ /chos mi mthun par rung ba'ang min/ /so sor rang yod de dag ni/ /ji lta bur na phan tshun yod/ /so sor rang yod ma yin pa/ /de dag ji ltar phan tshun yod/ /gal te so sor rang med kyi/ /gang na gcig der lhag ma rnams/ /so so rang gi yod ce na/ /ma 'dres pa rnams gcig gnas med/ /'dres pa so sor rang yod min/ /so sor rang yod 'byung ba rnams/ /so so'i rang mtshan ga la yod/ /so so rang med
- 128a
shas cher med/ /mtshan nyid dag ni kun rdzob bshad/ /kha dog dri ro reg pa dag /de da gla yang tshul 'di yin/ /mig dang rnam shes gzugs rnams dang/ /ma rig las dang skye ba dang/ /byed po las dang bya ba grangs/ /ldan dang rgyu 'bras dus dang ni/ /thung dang ring sogs shes bya dang/ /ming dang ming can de bzhin no/ /sa dang chu dang me dang rlung/ /ring thung phra dang spom nyid dang/ /dge sogs nyid ni rnams shes su/ /'gag par 'gyur zhes thub pas gsungs/ /rnams shes bstan med mdza' yas pa/ /kun tu bdag po de la ni/ /sa dang chu dang me dang ni/ rlung gi gnas thos 'gyur ma yin/ /'dir ni ring dang thung ba dang/ /phra spom dge dang mi dge dang/ /'dir ni ming dang gzugs dag kyang/ /ma lus par ni 'gag par 'gyur/ /gang ma shes phyir rnam shes la/ /sngon chad 'byung ba de kun ni/ /de shes phyir na rnams shes su/ /phyis ni ji ltar 'gag par 'gyur/ /rnam shes me yi bud shing ni/ /'gro chos 'di kun yin par 'dod/ /de dag ji bzhin rab 'byed ba'i/ /'od dang ldan pas bsregs nas zhing/ /mi shes pa ni sngon brtags pa/ phyis ni de nyid nges pa dang/ /gang tshe dngos po mi rnyed pa/ /de tshe dngos med dag la 'gyur/ /gzugs kyi dngos po ming tsam phyir/ /nam mkha' yang na ming tsam mo/ /'byung med gzugs lta ga la yod/ /de phyir ming tsam nyid kyang yin/ /tshor dang 'du shes 'du byed dang/ /rnam shes 'byung ba lta bu dang/ /bdag nyid du ni bsam bya ste/ /de phyir khams drug bdag med do/ /rin po che'i phreng ba las/ /mngon par mtho pa dang nges par legs pa bston pa ste le'u dang po'o// //ji ltar chu shing yan lag dag/
- 128b
ma lus bcas te bshig byas na/ /ci yang med ltar skyes bu yang/ /khams bcas bshig na de dang 'dra/ /chos rnams thams cad bdag med ces/ /de phyir rgyal ba rnams kyis gsungs/ /khams drug de kun bdag med par/ /khyod la gtan la phab pa yin/ /de ltar bdag dang bdag med par/ /yang dag ji bzhin dmigs su med/ /bdag dang bdag med lta ba dag/ /de phyir thub pa chen pos bzlog /mthong dang thos sogs thub pa yis/ /bden min brdzun pa min par gsungs/ /phyogs las mi mthun phyogs 'gyur na/ /de ni gnyi ga don du min/ /de ltas dam pa'i don du na/ /'jig rten 'di ni bden brdzun 'das/ /de nyid phyir na yang dag tu yod ces med ces zhal mi gzhes/ /gang zhig de ltar rnams kun tu/ /yod min de ni kun mkhyen gyis/ /mdza' yod mdza' med gnyi dag dang/ /gnyis ma yin zhes ji skad bstan/ /sangs rgyas grangs med gshegs de bzhin/ /byon gyur pa dang da ltar bzhugs/ /sems can mdza' ni dus gsum skyes/ byed pa de dag las 'dod cing/ /'jig rten 'phel ba'i rgyu med la/ /zad pa dus gsum du srid na/ /thams cad mkhyen pas ji ltar de'i/ /phyin chad lung ma bstan par mdzad/ /so so'i skye bo la gsang ba/ /gang yin de ni zab mo'i chos/ /'jig rten sgyu ma lta bu nyid/ /sangs rgyas bstan pa bdud rtsi yin/ /ji ltar sgyu ma'i glang po la/ /skye dang 'jig pa nyid snang yang/ /de la don gyi yang dag du/ /skye dang 'jig pa nyid med ltar/ /de bzhin sgyu 'dra'i 'jig rten la/ /skye dang 'jig pa nyid snang yang/ /dam pa'i don du skye pa dang/ /'jig pa nyid ni yod ma yin/ /ji ltar sgyu ma'i glang po ni/ /gang nas ma 'ongs gar mi 'gro/ /sems rmongs tsam du zad pas nas/ /yang dag nyid du gnas
- 129a
pa med/ /de bzhin sgyu 'dri'i 'jig rten ni/ /gang nas ma 'ongs gar mi 'gro/ /sems rmongs tsam du zad pas na/ /yang dag nyid du gnas pa med/ /de ltar dus gsum 'das bdag nyid/ /tha snyad gdags par ma gtogs pa/ /gang zhig yod dam med 'gyur ba'i/ /'jig rten don du ci zhig yod/ /sangs rgyas kyi ni rgyu 'di las/ /mdza' yod pa dang mdza' med dang/ /gnyis dang gnyis min rnam pa bzhi/ /lung bstan ma mjad gzhan las min re zhig lus 'di mi gtsang nyid/ /rags shing mngon sum spyod yul ba/ /rtag tu snang ba gang gi tshe/ /sems la snang ba ma yin pa/ /de tshe dam chos gnas med pa/ /phra rab mngon sum ma yin pa/ /zab mo de ko ji lta bu re/ /sems la bde blag 'char bar 'gyur/ /chos 'di zab phyir skye bo yis/ /shes par dka' bar thugs chud de/ /des na thub pa sangs rgyas nas/ /chos bstan pa las log par gyur/ /chos 'di log par shes gyur na/ /mi mkhas pa ni chud kyang za/ /'di ltar med par lta ba yi/ /mi gtsang der ni bying bar 'gyur/ /gzhan yang de ni log bzung nas/ /blun pa mkhas pa'i nga rgyal can/ /spong bsam rungs bdag nyid can/ /mnar med pa ni spyi'u tshugs 'gro/ /ji ltar kha zas bza' nyes pas/ /phung po dag tu 'gyur ba dang/ /bza' legs tshe dang nad med dang/ /stobs dang bde bar 'gyur ba lta/ /de bzhin log par bzung ba de/ /phung po dag ni thob 'gyur zhing/ /legs par shes pas bde ba dang/ /byang chub bla na med pa thob/ /de phyir 'di la spong ba dang/ /med pa'i lta ba spangs nas ni/ /don kun bsgrub phyir yang dag pa'i/ /shes la nan tan mchog mdzod cig /chos 'di yongs su ma shes na/ /ngar 'dzin pa ni rjes su 'jug /de las
- 129b
dge dang mi dge'i las/ /de las skye ba bzang dang ngan/ /de phyir ji srid ngar 'dzin la/ /sel ba'i chos 'di ma shes pa/ /de srid sbyin dang tshul khrims dang/ /bzod pa'i chos la gus par mdzod/ /las rnams sngon du chos gtong zhing// bar du chos ldan tha mar yang/ /chos ldan bsgrub pa'i sa bdag ni/ /'di dang gzhan du gnod mi 'gyur/ /chos kyis 'dir grags bde ba dang/ /'di dang 'chi gar 'jigs pa med/ /'jig rten gzhan du bde ba rgyas/ /de bas rtag tu chos brten mdzod/ /chos ni lugs kyi dam pa ste/ /chos kyi 'jig rten mngon pa gar 'gyur/ /'jig rten dga' bar gyur pas kyang/ /'di dang gzhan du bslus mi 'gyur/ /chos min pas ni lugs 'dod gang/ /de yis 'jig rten mi dgar 'gyur/ /'jig rten mi dga' nyid kyi phyir/ /'di dang gzhan du dga' mi 'gyur/ /don med rig pa ngan 'gro'i lam/ /gzhan bslu lhur len mi bzad pa/ /shes rab 'chal pa rnams kyis ni/ /ji ltar don gyis rig par byas/ /pha rol slu ba lhur len pa/ /don du ji ltar lugs ldan yin/ /des ni tshe rabs stong phrag tu/ /bdag nyid kho na bslus par 'gyur/ /dgra la gnod par byas na yang/ /skyon rnams btang ste yon tan bsten/ /des ni khyod kyis rang phan 'thob/ /dgra bo yang ni mi dgar 'gyur/ /sbyin dang snyan par smra ba dang/ /phan dang don cig spyod pa ste/ /de dag rnams kyi 'jig rten dang/ /chos kyang bsdu ba nyid du mdzod/ /rgyal po dag la ji lta bur/ /bden cig yid ches bstan bskyod pa/ /de las bzlog ste brdzun pa ni/ /yid ma ches par byed pa'i mchog/ /slu ba mi ldan bden min te/ /sems dpas bsgyur ba don du min/ /gzhan la gcig tu phan pas bar? ni/ /mi phan phyir ni
- 130a
cig shos min/ ji ltar rgyal po'i nyes pa dag /sbyin gsal gcig gis sped pa ltar/ /de bzhin 'dungs pa'ang de dag gi/ yon tan bdog pa thams cad 'joms/ /nye bar zhi ba zab pa'i phyir/ /mchog tu gus pa byed par 'gyur/ /gus pas brjid la bka' yang btsan/ /de bas nye bar zhi ba bsten/ /shes rab ldan pas blo mi 'phrogs/ /gzhan gyi drid mi 'jog cing brtan/ /slu bas mi tshugs rgyal po ste/ /de bas shes rab lhur blang mdzad/ bden gtong zhi dang shes rab dang/ /bzang po bzhi ldan mi dbang ni/ /chos bzang rnam pa bzhi lta bur/ /lha mi rnams kyis stong par gyur/ /phebs par smra zhing dag gyur pa/ /shes rab snying rje dri med dang/ /lhan cig 'grogs na rtag tu yang/ /shes rab dang ni chos kyang 'phel/ /phan par smra ba dkon pa ste/ /nyan par byed pa shin tu dkon/ /de dag pas kyang mi snyan yang/ /phan pa'i rjes su byed pa dkon/ /de lta bas na mi snyan yang/ /phan par mkhyen nas myur du spyad? nad gso'i don du bdag byams pa/ /mi bzad nga? ba'i sman yang 'thung/ /srog dang nad med rgyal srid dag /mi rtag nyid ni rtag dgongs te/ /deng nas yang dag brtson ldan par/ /chos la gcig tu nan tan mdzod/ /gdon mi za bor 'chi 'gyur zhing/ /shi nas sdig pas sdug bsngal ba/ /gzigs te 'phral du bden yang/ /sdig pa bgyi bar mi rigs so/ /la lar 'jigs pa med mthong zhing ka dus 'gar 'jigs pa mthong gyur pa/ /gal te cig la yid brtan na/ gcig la khyod ko cis ma 'jigs/ /chang gi 'jig rten bsnyad 'gyur zhing/ /don yal nor yang zad par 'gyur/ /rmongs pas khyab ma yin byed/ /de bas chad ni rtag tu spongs/ /rgyad po chags dang ming dga' dang/ /zhe sdang g.yo rgyu
- 130b
dgod pa'i gnas/ /brdzun dang bkyal pa tshig rtsub sgyu/ /de bas rtag tu spang bar mdzod/ /bud med chags pa phal cher ni/ /bud med gzugs bzang sems las byung/ /bud med lus la don du ni/ gtsang ba cung zad yod ma yin/ /kha ni kha chu rul ba dang/ /so skyag mi gtsang snod yin te/ /sna ni snag snab sna chu'i snod/ /mig ni mig sdul mchi ma'i snod/ /lto ba'i khong ni bshang gci dang/ /glo ba mchin sogs snod yin par/ /rmongs pas bud med ma mthong ba/ /de yi lus la chags pa byed/ /mi shes 'ga' zhig mi gtsang ba'i/ /bum pa rgyan la chags pa ltar/ /'jig rten mi shes rmongs pa yis/ /bud med rnams la de bzhin no/ /lus yul shin tu dri nga ba/ /chags bral rgyu ni gang yin pa/ /de la'ang 'jig rten ches chags na/ /gang gi 'dod chags bral bar bkri/ /ji ltar bshang dang gci bzhi la/ /ngan skyugs phag rab chags par ltar/ /de bzhin bshang dang gci bzhi la/ /'dod ldan ngan skyugs phag rnams chags/ /lus kyi grong khyer mi gtsang ba// 'byung ba'i bu ga 'dod pa gang/ /de ni skye bo blun pa yis/ /dga' ba'i don du nye bar brtag /khyod bdag nyid kyis bshang gci sogs/ /so sor mi gtsang mthong nas ni/ /de 'dus yus la ji lta bur/ /yid du 'ong ba nyid du gyur/ /khrag dang khu ba 'dres pa yis/ /sa bon mi gtsang snying po bskyed/ /mi gtsang ngo bor shes bzhin du/ /'di la 'dod can gang zhig chags/ /mi gtsang phung po de'i brlan gyis/ /brlan pa'i pags pas g.yogs pa gang/ /nyal ba de ni bud med kyi/ /chu so'o khong/ nas nyal bar zad/ /gzugs bzang ba dang gzugs ngan nam/ /rgan nam yang na gzhon yang rung/ /bud med gzugs kun me gtsang na/ /khyod chags khyad par gang la bskyed/ /gal te mi gtsang kha dog bzang/ /shin tu gsar la dbyibs
- 131a
legs kyang/ /de la chags par mi 'os ltar/ /bud med gzugs la'ang de bzhin no/ /khong rul phyi rol phags pas g.yogs/ /ro myags 'di yi rang bzhin ni/ /shin tu mi bzad snang bzhin du/ ji lta bur na mthong ma gyur/ /pags pa 'di yang mi gtsang min/ /ral bu bzhin du 'dug ce na/ /mi gtsang phung po'i pags pa ltar/ /ji lta bur na gtsa' mang 'gyur/ /mi gtsang ba yi bum pa ni/ /phyi rol bkra yang smad pa yin/ /mi gtsang ba yi rang bzhin lus/ /mi gtsang gang ba cis mi snang/ /gal te khyod ni mi gtsang smod/ /dri dang phreng ba bza' btung ni/ /gtsang ma'ang mi gtsang byed pa gang/ /lus 'di ci yi phyir mi smad/ /ji ltar rang dam gzhan dag gi /mi gtsang smad par bya ba gang de bzhin rang dang gzhan dag gi /mi gtsang gzugs ko cis mi smad/ /ji ltar bud med gzugs mi gtsang/ /khyod kyi rang lus de dang 'dra/ /de bas phyi dang nang nyid la/ /'dod chags bral bar rigs min nam/ /snang gu dag nas 'jag pa can/ /bdag nyid mngon sum 'khru byed kyang/ /lus mi gtsang bar mi rtog na/ /khyod la bshad pas ci zhig phan/ /gang dag mi gtsang lus 'di la/ /steg chos snyan dngags byed pa ni/ /e ma'o gzu lums e ma'o blun/ /e ma'o skye bos khrel du rung/ mi shes mun pas bsgribs pa yi/ /sems can 'dir ni phal cher yang/ /'dod pa'i don du brtsod 'byung ba/ /mi gtsang don du khyi rnams bzhin/ /g.yan pa phrugs na bder 'gyur ba/ /de bas g.yan pa med na bde/ /de bzhin 'jig rten 'dod ldan pa de/ /'dod pa med pa de bas bde/ gal te de ltar rtags na khyod/ /'dod chags bral ba ma grub kyang/ /'on kyang 'dod chags srabs pa yis/ /bud med chags par mi 'gyur ro//
- 131b
mthung 'jig dang sdug bsngal dang/ /dmyal ba'i rgyu ni mi bzang ba/ /ri dags lings te de lta bas/ /rtag tu gsod med brtan por mdzod/ /yan lag thams cad mi gtsang bas/ /bskus pa'i sbrul gdug 'jig pa ltar/ /gang la rten nas lus can rnams/ /skrag par 'gyur ba de re ngan/ /char sprin chen po langs pa na/ /zhing pa rnams ni ji lta bar/ /gang la rten nas lus can rnams/ /dga' bar 'gyur ba de re bzang/ /de bas chos min yang bya ste/ /g.yel ba med par chos la brten/ /bdag nyid dang ni 'jig rten 'dis/ /bla med byang chub 'thob 'dod na/ /de yi rtsa ba byang chub sems/ /ri dbang rgyal po ltar brtan dang/ /phyogs mdza' gtugs pa'i snying rje dang/ /gnyis la mi brten ye shes lags/ /rgyal po chen po skyes chen gyis/ mtshan ni sum cu rtsa gnyis kyis/ /ji ltar khyod sku brgyan gyur pa/ /de lta bu dag gsan par mdzod/ /mchod rten mchod bya 'phags pa dang/ /rgan rabs rnams ni legs bskur bas/ /dpal ldan phyag zhabs 'khor lo yis/ /mtshan pa'i 'khor los sgyur bar 'gyur/ /rgyal po chos la rtag par ni/ /yang dag blangs pa brtan par mdzod/ /des ni shin tu zhabs gnas pa'i/ /byang chub sems dpar 'gyur ba lags/ /sbyin dang snyan pa'i tshig dang ni/ /phan dang don cig spyod pa yis/ /dpal ldan phyag sor dra ba yis/ /'brel pa'i phyag ris can du 'gyur/ /bza' ba dang ni btung ba'i mchog /rab tu mang po byin pa yis/ /dpal ldan phyag rang zhabs mnyen zhing/ /phyag dang zhabs dang thal gong dang/ /ltog pa'i phyogs rnams mtho ba'i phyir/ /sku tshe bdun yang mtho bar 'gyur/ /'tshe med bsad pa thar byas pas/ /sku mdzes drang zhing che ba dang/ /tshe ring sor mo ring ba dang/ /rting ba yangs pha? dag? tu 'gyur/ /yang dag blangs pa'i
- 132a
chos rnams ni/ /spel bas dpal ldan mdog bzang zhing/ /zhabs kyi long bu mi mngon dang/ /ba spu gyen du phyogs mtshan 'gyur/ /rig dang bzo la sogs pa'i gnas/ /gus pas len dang sbyin pas khyod/ /e Na ya yi byin pa dang/ /yid rno shes rab chen por 'gyur/ /rang gi nor bdog blangs gyur na/ /myur du btang ba'i brtul zhugs kyis/ /phyag rgya bde dang 'jig rten gyi/ /rnam par 'dren pa nyid du 'gyur/ /gnyen bshes phan tshun bye ba dag/ yang dag bsdum par byas pa yis/ /dpal ldan 'doms kyi sba ba ni/ /spubs su nub pa'i dam par 'gyur/ /khang bzang gding ba brgyan dag ni/ /bde zhing bzang ba rab byin pas/ /gser ni gtso ma dri med pa/ /shin tu 'jam pa'i mdog 'drar 'gyur/ /bla na med pa'i dbang byin zhing/ /rigs par bla mas rjes 'jug pa/ /dpal ldan ba spu nyag re dang/ /zhal ni mdzod spus rgyan par 'gyur/ /snyan cing dga' bar smras pa dang/ /legs par smras dang mthus byas pas/ /khyod ni dpung mgo zlum pa dang/ /ro stong seng ge 'dra bar 'gyur/ /nang pa rnams la rims gro dang/ /gsos pas thal gong rgyas pa dang/ /bdag nyid rnal du gnas pa dang/ /ro bro ba yi mchog tu 'gyur/ /chos dang mthun pa'i bya ba la?/ /thog drangs khyod kyi dbu gtsug gtor/ /legs nas n+ya gro d+ha lta bur/ /chu zhed gab pa dag tu 'gyur/ /tshig ni bden pas ? po dag/ /yun ring dus su brjod pa yis/ /mi yin dbang po ljags yangs shing/ /tshangs pa yis ni dbyangs ldan 'gyur/ /rtag tu rgyun mi chad pa ru/ /bden pa'i tshig ni brjod pa yis/ /'gram pa seng ge'i lta bu dang/ /dpal ldan thub pa dka' bar 'gyur/ /lhag
- 132b
par gus dang bkur sti dang/ /ji ltar rig par rjes 'jug par/ /tshems ni shin tu dkar ba dang/ /mdog ldan mnyam pa'i tshems su 'gyur/ /dbyen dang phra ma med pa yi/ /tshig ni yun rings goms pa yis/ /dpal ldan tshems ni bzhi bcu tshang/ /mnyam par thags kyang bzang bar 'gyur/ /chags dang sdang dang rmongs med cing/ /byams pas sems can bltas pa yis/ /spyan ni bkrag can mtho na mthing la/ /rdzi ma ba yi lta bur 'gyur// de ltar mdor na rgyur byas pa'i/ /sum cu rtsa gnyis de dag ni/ /skyes bu seng ge chen po yis/ /mtshan rnams legs par mkhyen par mdzod/ /dpe byad bzang pa brgyad cu ni/ /byams pa'i rgyu mthun las byung ba/ gzhung ni mangs su dogs pa yis/ /rgyal po khyod la ma bshad do/ /'khor los sgyur ba thams cad la/ 'di dag yod par 'dod mod kyi/ /dag dang mdzes dang gsal ba ni/ /sangs rgyas rnams kyi char mi phod/ /'khor los gyur ba'i mtshan dang ni/ /dpe byad bzang po gang dag gcig /thub dbang po la sems dad pa'i yan lag gcig las 'byung bshad pa'i/ /bskal pa bye ba brgya phrag ni/ /gcig tu bsags pa'i dge bas kyang/ /sangs rgyas ba slu? nyag? gcig kyang/ /bskyed par nus pa ma yin no/ /nyi ma rnams kyi 'od byed pa/ /me khyer rnams dang bag 'dra ltar/ /sangs rgyas rnams kyi mtshan yang ni/ /'khor los sgyu ba rnams dang 'dra/ /rin po che'i phreng ba las/ /spel ma zhes bya ba ste le'u gnyis pa'o// //bsod nams bsam gyis mi khyab las/ /ji ltar sangs rgyas mtshan 'byung ba/ /theg pa chen po'i lung chen las/ rgyal po chen po de bzhin gson/ /rang sangs rgyas kun las byung? ?
- 133a
slob dang mi slob las byung dang/ /'jig rten ma lus kun bsod nams/ /'jig rten bzhin du dpag med gang/ /de bcur bsgres par gyur pa yis/ /ba spu'i bu ga gcig 'grub ste/ /sangs rgyas ba spu'i ba ga ni// thams cad de dang 'dra bas 'byung/ /ba spu'i bu ba thams cad ni/ /skyed par byed pa'i bsod nams gang/ /de dag brgyar ni bsgyur ba yis/ /dpe byad bzang po gcig tu bzhed/ /bsod nams de snyed de snyed kyis/ /rgyal po dpe byed bzang po ni/ /gcig mthar phyin te de lta bar/ /brgyad cu'i bar du 'byung bar 'gyur/ /dpe byad bzang po brgyad cu dag/ 'grub pa'i bsod nams tshogs gang yin/ /de dag brgyad ni bsgyur ba yis/ /skyes bu chen po'i mtshan gcig go / mtshan ni sum cu 'grub pa'i rgyu/ /bsod nams rgya chen gang yin pa/ /de dag stong du ba sgyur ba yis/ /zla ba nya 'dra'i 'dzod spu'o/ /mdzod spu yi ni bsod nams dag /stong phrag brgyar ni bsdoms pa yis/ /spyi gtsug bltar ni mi snang ba/ /skyobs pa'i gtsug gtor skyed par byed/ /gtsug gtor bsod nams byed pa ni/ /'bum phrag brgyad ni bsgyur ba las/ /stobs bcu mnga' ba chos kyis gdung/ /gcig 'byung bar ni shes par bya/ /de ltar bsod nams tshang med kyang/ /ji ltar 'jig rten phyogs kun na/ /bcur bsgres ma lus brjod la ltar/ /tshad dang ldan par bag tsam brjod/ /gang tshe sangs rgyas gzugs sku yi/ /rgyu yang de ltar 'jig rten bzhin/ /gzhal med de ltar chos sku yi// rgyu lta de ltar gzhal du yod/ /thams cad kyis ni rgyu chud las/ /'bras bu rgya chen skyed 'gyur na/ /sangs rgyas rgyu ni dpag med las/ /'bras bu dpag yod bsam thag chad/ /sangs rgyas rnams kyi gzugs su ni/ /bsod nams
- 133b
tshogs las byung ste/ /chos kyi sku ni mdor bsdu na/ /rgyal po ye shes tshogs las 'khrungs/ /de lnga bas na tshogs 'di gnyis/ /sangs rgyas nyid ni thob pa'i rgyu/ /de ltar mdor na bsod nams dang/ /ye shes 'di ni rtag brten mdzod/ /rigs pa dang ni lung bstan pa/ /dbugs 'byin byed pa'i rgyu 'di yis/ /byang chub bsgrubs pa'i bsod nams ni/ /'di la bgyid lug mi bya'o/ /phyogs rnams kun tu nam mkha' dang/ /sa dang chu dang me dang rlung/ /ji ltar mdza' yas de bzhin du/ /sdug bsngal sems can mdza' yas 'dod/ /sems can mdza' yas de dag ni/ /byang chub sems dpa' i snying brtse bas/ /sdug bsngal dag las drang bya ste/ /sangs rgyas nyid la 'god par nges/ /de ltar brtan par gnas de ni// mi nyal ba 'am nyal yang rung/ /yang dag blangs pa nas bzung ste/ /bag med gyur kyang sems can rnams/ /mdza' yas phyir na sems can bzhin/ /bsod nams mdza' yas rtag sogs 'gyur/ /mdza' yas des na sangs rgyas nyid/ /mdza' yas thob min dka' zhes bya/ /gang zhig dpag med dus gnas te/ /lus can dpag med don du ni/ /byang chub dpag tu med 'dod cing/ /dge ba dpag tu med 'dod pa/ des ko byang chub dpag med kyang/ /dpag tu med pa rnam bzhi yi// tshegs kyis ring po mi thogs par/ /ji lta bur na 'thob ma 'gyur/ /bsod nams mdza' yas zhes pa dang/ /ye shes mdza' yas zhes pa des/ /lus dang sems kyi sdug bsngal dag/ myur ba nyid du sel bar byed/ /sdig pas ngan 'gror lus kyis ni/ /sdug bsngal bkres skom la sogs 'gyur/ /des sdig ma byas bsod nams kyis/ /srid la gzhan na de med do/ /rmongs pas yid kyi sdug bsngal ni/ /chags sder 'jigs dang 'dod la sogs/ /des rten med pa'i shes pa yis/ /de ni myur
- 134a
ba nyid du spong/ /lus dang yid kyi sdug bsngal gyis/ /de ltar shin tu ma snam na/ /gal te 'jig rten mthas gtugs par/ /'jig rten 'dren kyang cis te skyo/ /sdug bsngal ba la yun thung yang/ /bzod dka' yun ring smos ci dgos/ /sdug bsngal med cing bde ba la/ /mdza' yas dus kyang ji zhig gnod/ /de la lus kyi sdug bsngal med/ /yid kyi sdug bsngal ga la yod/ /de ni snying rjes 'jig rten sdug /de nyid kyis ni yun ring gnas/ /de bas sangs rgyas ring thogs shes// bla dang ldan pa bgyid mi lug/ /nyes zad yon tan don du ni/ /'di la rtag tu 'bad par bya/ /chags dang zhe sdang gti mug dag /nyes par mkhyen nas yongs su spongs/ /ma chags mi sdang gti mug med/ /yon tan mkhyen nas gus pas brten/ /chags pas yi dags 'gro bar 'gro/ /zhe sdang gis ni dmyal bar 'phen/ /rmongs pas phal cher dud 'gror 'gro/ /bzlog pas lha dang mi nyid do/ /skyon spangs yon tan 'dzin pa yis/ /mdor par mtho ba pa yi chos/ shes pas 'dzin pa yang zad pa/ /nges par legs pa pa yi chos/ /sangs rgyas sku gzugs mchod rten dang/ /gtsug lag khang dag gus tshul du/ /shin tu rgya chen gnas lam sogs/ /rgya chen phyug pa bsgrub par mdzod/ /rin chen kun la bgyis pa yis/ /sangs rgyas sku gzugs dbyibs legs shing/ legs par bris pa pad ma la/ /bzhugs pa dag la rin po che/ /kun gyis brgyan pa bgyid du gsol/ /dam chos dge slong dge 'dun dag/ /nan tan kun gyis bskyang bar mdzod/ /gser dang rin chen dra ba dag /nyid kyi mchod rten rnams la thogs/ /gser dang dngul gyi me tog dang/ /rdo rje byu ru mu tig dang/ /enda rnyil dang baiDUrya/ /mthon ka chen pos mchod rten mchod/ /dam chos
- 134b
smra la mchod pa ni/ /rnyed dang bkur sti dang ldan pa/ /dga' bar gyur pa rnams bgyi zhing/ /chos drug gus par rten par mdzod/ /bla ma rim gro gus nyan dang/ /zham ring dang ni mdongs gsol dang/ /byang chub sems dpa' rnams la yang/ /rtag tu gus pas mchod par mdzod/ /mu stegs gzhan la gus pa yis/ /mchod dang phyag kyang mi bgyi ste/ /mi shes pa rnams de'i rkyen gyis/ /skyon dang bcas la chags 'gyur gdal/ /thub dbang gsung dang des byung ba'i// gzhung rnams bri dang glegs bam ni/ /snag tsha dag dang smyu gu dag /sngon du 'gro ba sbyin par mdzod/ /yul du yi ge'i grwa khang du/ /slob dpon 'tsho ba'i bya ba dag /zhing brtsal ba yi nges pa ni/ /ye shes spel ba'i thabs su mdzod/ /rgan dang byis pa nang pa dang/ /sems can sdug bsngal bsal slang du/ /yul du sman pa 'dreg mkhan dag /zhi zhing rngan pa 'jog tu gsol/ /'dron gnas kun dga' chu lon dang/ /rdzing dang mdun khang chu ra dag /mal zas rtswa dang shing ldan pa/ /shes rab bzang po bgyid du gsol/ /grangs dang gtsug lag khang dag dang/ /grong khyer kun tu mdun khang dang/ /chu dkon lam rnams thams cad du/ /chu ra dag ni bgyid du gsol/ /nad pa dgon med sdug bsngal gyis/ nyam thag dman dang ngan pa dag/ /snying rjes rtag tu yongs bzung zhing/ /de dag gso phyir gus brtan mdzod/ /dus su 'byung ba'i zas skom dang/ bca' ba 'bru dang shing tog dang/ /de dag slong ba'i skye bo la/ /ma stsal bar du gsol mi rigs/ /lham dang gdugs dang chu tshags dang/ /tsher ma dbyung ba'i cha sta dang/ /khab dang skud dang bsil yab dang/ /chu ra yi ni gnas su bzhag /'bras bu gsum dang tsha ba gsum/ mar dang sbrang rtsi mig sman dang/ /dug sel chu
- 135a
rang bzhag bgyi zhing/ /grub pa'i sman dang sngags kyang bri/ /lus dang rkang pa mgo bsku dang/ /bal dang khri'u dang skyo ma dang/ /bum ba zangs dang dgra sta sogs/ /chur dag tu 'jog tu gsol/ /til dang 'bras dang 'bru dang zas/ /bu ram snum dang ldan pa yi/ /chu ba chung ngu bsil grib du/ /rung ba'i chus bkang bgyid du gsol/ /grog bur tshad gi sgo dag tu/ /zas dang chub dang bu ram dang/ /'bru yi phung po rtag par ni/ /thugs brtan mi rnams bgyid du gsol/ /bshos gsol sngon dang 'og dag tu/ /yi dags khyi dag gros spur dang/ /bya la sogs pa ci bde bar/ /rtag tu zas dag stsal bar mdzod/ /btses pa dang ni lo nyes dang/ /gnod pa dang ni yams nad dang/ /pham gyur yul du 'jig rten pa/ /rjes su bzung ba rgya chen mdzod/ /zhing pa nyam thag gyur rnams la/ /sa bon zas kyi rjes su bzung/ /nan gyi dpya khral btang ba dang/ /shas rnams kyang ni bskyung ba dang/ /chags nyen pa las yongs skyabs dang/ /sho gam btang dang sho gam dbri/ /de dag sgo na sdod pa yi/ /nyon mongs las kyang bzlog par mdzad/ /rang gi yul dang yul gzhan gyis/ /tshom rkun rnams kyang zhi bar mdzod/ /dbyig gi spobs ni mnyam pa dang rin thang rigs par bgyid du gsol/ /blon pos ci dang ci gsol pa/ /nyid kyis kun tu mkhyen mdzod la/ /'jig rten sman pa gang dag gang/ /de dang de kun rtag tu mdzod/ /bdag phan ci dang ci bya zhes/ /ji ltar khyed la gus yod pa/ /gzhan phan ci dang ci bya zhes/ /de bzhin khyod ni gus par mdzod/ /sa dang chu dang me dang rlung/ /sman dang nags kyi shing bzhin du/ /bdag nyid yud tsam gcig tu yang/ /'dod dgur spyad pa nyid du mdzod/ /gom pa bdun
- 135b
pa'i dus su yang/ /bdog pa kun gtong sems 'chang ba'i/ /byang chub sems dpa' rnams la ni/ /bsod nams mkha' 'dra dpag med skye/ /bu mo gzugs bzang lus mdzes la/ /de don gnyer ba rnams bsal nas/ /des ni dam chos yongs 'dzin pa'i/ /gzungs ni so sor thob par 'gyur/ /rgyan rnams kun dang ldan pa yi/ /bu mo stong phrag brgyad cu dag /yo byad kun dang lhan cig tu/ /thub pa yis ni sngon stsal to/ /sna tshogs pa dang 'od gsal ba'i/ /bgo ba dog dang rgyan rnams dang/ /dri dang phreng ba longs spyod dag /slong ba rnams la brtse bas stsol/ /gang la chos don gang med na/ /shin tu nyam thag gyur pa de/ /de yi mod la bde stsal na/ /de las sbyin mchog ma mchis so/ /gang la dug ni phan gyur na/ /de la dug kyang sbyin par bgyi/ /kha zas mchog kyang mi phan na/ /de la de ni sbyin mi bgyi/ /sprul gyis zin la ji lta bur/ /sor mo bcad pa phan bshad na/ /de bzhin thub pas gzhan phan pa/ /mi bde ba yang bya bar gsungs/ /dam pa'i chos dang chos smra la/ /nyid kyis bkur sti mchog dang ni/ /gus par byas te chos nyan zhing/ /chos kyi sbyin pa dag kyang mdzod/ /'jig rten gtam la dga' ma mdzad/ /'jig rten 'das la dgyes par mdzod/ /bdag la ji ltar de bzhin du/ /gzhan la yon tan bskyed par mdzad do/ /gsan pa'i chos kyis mi ngoms shing/ /don gzung rnam par dbye ba dang/ /bla ma dag la yon dbul ba/ /rtag tu gus par mdzad du gsol/ /'jig rten rgyang pan sogs mi gdon/ /rtsod pa'i don gyi nga rgyal spang/ /rang gi yon tan mi bsngags shing/ /dgra la'ang yon tan brjod par mdzod/ /gnas la dbab par mi bgyi zhing/ /ngan sems
- 136a
kyis ni gleng mi bgyi/ /gzhan rnams kyi dang bdag nyid kyi/ /'khrul ba so sor brtag par bya/ nyes pa gang zhig gzhan dag la/ /mkhas pas rtag tu kha bya ba/ /de ni rang gis yongs spang zhing/ /nus pa gzhan yang bzlog par mdzod/ /gzhan gyis gnod pa bgyis pa la/ /sngon gyi las dgongs khro mi bgyi/ /sdug bsngal yang 'byung mi 'gyur bar/ /rang gi nyes pa med par bgyi/ /lan la re ba ma mchis par/ /gzhan dag la ni phan par mdzod/ /sdug bsngal cig bus gnag bgyi zhing/ /bde ba slong dang lhan cig spyad/ /lha yi phun sum tshogs pas kyang/ /khengs pa nyid du mi bya zhing/ /yi dags bzhin du dbul ba yi/ /rgud pas kyang ni zhum mi bgyi/ bden pa gang gis rang don la/ /rgyal srid nyams par gyur na'ang de/ /rang gdon la rtag brjod cing/ /de la gzhan smra mi bgyi'o/ /ji skad gsungs pa de bzhin du/ /mdzad pa'i brtul zhugs rtag brten mdzod/ /des na dpal ldan sa stengs su/ /tshad ma yin dam par 'gyur/ /khyod ni rtag tu thams cad la/ /legs par brtags te mdzad pa dang/ /yang dag ji bzhin don gzigs pas/ /gzhan gyi drid mi 'jog par mdzod/ /chos las rgyal srid pa de ba dang/ /phyogs rnams kun tu grags pa yi/ /bla ra rgya chen 'byung 'gyur zhing/ /blon po rnams kyang kun tu 'dun/ /'chi ba'i rkyen ni mang ba ste/ /gson pa yi ni nyung zad gcig /de dag nyid ni 'chi ba'i yin/ /de bas rtag tu chos mdzad cig /'di ltar rtag tu chos mdzad na/ /'jig rten kun dang bdag nyid la/ /nyams bder 'gyur ba gang lags pa/ /de nyid re zhig rtog mod lags/ /chos kyi bde bar gnyid log
- 136b
cing/ bde bar sad pa dag tu 'gyur/ /nang gi bdag nyid skyon med par/ /rmi lam dag kyang bde ba mthong/ /pham srid zhu lhur len dang/ /rigs kyi gtso la rim gro dang/ /longs spyod legs spyod bzod gtong dang/ /tshig 'jam phra ma med bden pa'i/ /brtul zhugs rtse cig byas pa ste/ /lhag yi dbang po nyid thob nas/ /da dung du yang lha dbang bgyid/ /de bas de 'dra'i mchod rten mdzod/ /rje'u chos sum brgya'i kha zas dag/ /nyin re dus gsum byin ba bas/ /byams pa yud tsam thang gcig gis/ /bsod nams dag las char mi phod/ /lha mi byams par 'gyur ba dang/ /de dag kyang ni bsrung ba dang/ /yid bde ba dang bde mang dang/ /dug dang mtshon gyi gnod med dang/ /'bab pa med par don thob dang/ /tshangs pa'i 'jig rten skye 'gyur te/ /gal te grol bar ma gyur kyang/ /byams chos yon tan brgyad 'thob bo/ /sems can rnams ni byang chub tu/ /sems bskyed bcug cing brtan byas nas/ /ri dbang rgyal po ltar brtan cing/ /byang chub sems ni rtag tu 'thab/ /dad pas mi khom 'gro mi 'gyur/ /khrims kyi 'gro ba bzang por 'gro/ /stong pa nyid la goms pa yis/ /chos rnams kun la chags med 'thob/ /g.yo med pas ni dran ldan 'thob/ /sems par byed pas blo gros 'thob/ /bkur sti byed pas don rtogs ldan/ /chos srung shes rab can du 'gyur/ /chos mnyan pa dang sbyin pa dag /sgrib pa med par byas pa yis/ /sangs rgyas rnams dang 'grogs pa nyid/ /'dod pa myur du thob par 'gyur/ /ma chags pas ni don 'bru ste/ /ser sna med pas longs spyod 'phel/ /nga rgyal med pas gtso bor 'gyur/ /chos la bzod pa gzungs 'thob po/ /snying po lnga rnams byin pa dang/ /'jigs la mi
- 137a
'jigs phyin pa yis/ /bdud rnams kun gyis mi tshugs shing/ /stobs po che yi mchog tu 'gyur/ /mchod rten mar me phreng ba dang/ mun pa dag tu sgron ma dang/ /mar me 'bru mar byin pa yi/ /lha yi mig ni 'thob bar 'gyur/ /mchod rten mchod pa rol mo dang/ /dril bu dag ni phul ba dang/ /dud dang rnga ni rab phul bas/ /lha yi rna ba 'thob par 'gyur/ /gzhan gyi 'khrul pa mi gleng zhing/ /yan lag nyams pa rnams mi brjod/ /sems ni rjes su bsrungs pas na/ /gzhan gyi sems ni shes pa 'thob/ /lha ma dang bzhon pa byin pa dang/ /nyams chung bkur pa byas pa dang/ /gzhon pas bla ma bkur pa yis/ /mkhas pas rdzu 'phrul thob par 'gyur/ /chos kyi ched dang de bzhin du/ /chos gzhung don dag dran pa dang/ /chos kyis byin pa dri med pas/ /tshe rabs dran pa 'thob par 'gyur/ /dngos rnams ngo bo nyid med par/ /yang dag ji bzhin yongs shes pas/ /mngon shes drug pa zag pa kun/ /zad pa mchog ni 'thog par 'gyur/ /sems can thams cad dgrol ba'i phyir/ /de bzhin nyid shes mnyam ldan pa/ /snying rjes brlan pa bsgoms pa yis/ /rnam pa'i mchog ldan rgyal bar 'gyur/ /smon lam sna tshogs dag pa yis/ /sangs rgyas zhing ni dag par 'gyur/ /thub dbang rin chen phul ba yis/ /mdza' yas 'od ni rnam par 'phro/ /de bas de ltar las 'bras dag/ mthun par mkhyen mdzad don du ni/ /'gro la phan pa brtag du mdzod/ /de nyid khyod la phan pa lags/ /rin po che'i phreng ba las byang chub kyi tshogs bsdus pa zhes bya ba ste le'u gsum pa'o// //gang phyir bzod dam mi bzod pa/ /shes par dka' bas
- 137b
rgyal po ni/ /chos min rigs pa min spyod kyang/ /rjes su 'tsho ba phal cher stong/ /re zhig gzhan suAng rung ba la'ang/ /mi snyan phan pa brjod dka' na/ /sa chen mda' ba' i rgyal khyod la/ /dge slong bdag lta smos ci dgos/ /khyod kyis dgyes pa mdzad slad? dang/ /'gro ba la yang rtse slad du/ /khyod la mi snyan yang sman pa/ /bdag lta cig pus te por gsol/ /bden 'jam don ldan 'phrod ba ni/ /brtse bas dus su slob ma la/ /brjod par bya zhes bcom ldan gsung/ de lta bas na de skad brjod/ /brtan pa khro ba med gyur pa/ /bden pa'i tshig ni bsgrags pa na/ /khrus byed bzang po'i chu bzhin du/ /mnyan 'os nyams su len par bgyid/ /khyod la bdag gis 'di dang ni/ /gzhan du phan pa brjod bgyid pa/ /mkhyen par mdzod de bdag nyid dang/ /gzhan la sman par 'gyur de mdzod/ /slong ba sngon chad sbyin bgyis pas/ /don brnyes gyur nas mi sbyin na/ /byas mi bzod dang chags pa yis/ /phyi nas don rnams 'thob mi 'gyur/ 'jig rten 'di na las byed pa/ /bla med lam rgyags khyer mi btub/ /slong ba dman pa ma brngan par/ /phyi ma'i tshe na brgya 'gyur khyed/ /rtag tu thugs rje chen po dang/ /mdzad pa rgya chen las dgyes mdzod/ /rgya chen las las 'bras bu ni/ /thams cad rgya chen 'byung bar 'gyur/ /rgyal po dman pa rnams kyis ni/ /yid la'ang bsams par ma gyur pa'i/ /chos bzhi dkon mchog gsum gyi rten/ /grags pa dpal dang ldan pa'i mdzod/ /chos bzhi gang zhig kun 'byor pa'i/ /rgyal po ba spu mi ldang ba/ /shi na'ang snyan par mi 'gyur bas/ /rgyal po de ni ma byas bla/ /rgya rab che phyir rgya chen rnams/ /snyems bral spro ba skyed byed cing/ /sman rnams spro bar 'joms byed pa/ /bdog pa thams cad
- 138a
gtugs te mdzod/ /khyod ni bdog pa kun por nas/ /dbang med gshed gshegs 'tshal bas/ /chos kyi slad du spyad pa kun/ /khyod? kyi mdun du mdor pa nyid/ /me dbang snga ma'i bdog pa kun/ /sar pa yis ni dbang gyur na/ /snga ma'i chos sam bde ba 'am/ /grags pa dag tu 'gyur ram ci/ /nor spyad pa yis 'di la bde/ /byin pas gzhan du bde bar 'gyur/ /ma spyad mi byin chud zos pas/ /sdug bsngal 'ba' zhig ga la bde/ /'chi khar blon po rjes ngan? can/ /gces par mi 'dzin rgyal po gsar/ /byams par 'dod pa rnams kyis kyang/ /dbang med byas pas sbyin mi spyod/ /de bas rnal nas myur du ni/ /bdog pa kun gyi chos bzhi mdzod/ /'chi bdag rgyan gyis nang gnas pa/ /rlung dmar nang 'dug mar me bzhin/ /sngon gyi rgyal pos chos kyi gzhi/ /lha khang la sogs gzhan bgyis pa/ /gang dag lags pa de dag kyang/ /sngar lugs bzhin du bskyang bar mdzod/ /de dag 'tshe mang? dge spyod cing/ /brtul zhugs la gnas glo bur byams/ /bden bzod 'thab grol ma mchis pa/ /rtag tu brtson rnams spyod du gsol/ /long ba nad pa dman pa dang/ /mgon med sdug phongs yan lag nyams/ /de dag kyang ni zas dang skom/ /dgag pa med par snyoms thob mdzod/ /chos ldan don du mi gnyer ba/ /rgyal po gzhan yul gnas rnams la 'ang/ /rjes su bzung bar bgyid ba dag/ ci rigs pa ni rab tu mdzod/ /chos kyi gzhi ni thams cad du/ /chos 'khor sna bos mi g.yel ba/ /mi zan mkhas shing chos mthun pa/ /de dag rnams la mi gnod skos/ /lugs shes chos dang ldan la 'byar/ /gtsang zhing snying nye mi bsngar ba/ /rigs bzang dang tshul
- 138b
phun sum tshogs/ /byas pa gzo ba'i glon pos skos/ /gtong phod ma chags dpa' ba dang/ /'jam zhing ran spyod brtan pa dang/ /rtag tu bag ni yod pa dang/ /chos dang ldan pa'i dmag dpon bskos/ /chos kyi ngang tshul gtsang la bzo/ /don shes gtsug lag la mkhas pa/ /tshul ldan snyoms shing dang 'jam pa/ /rgan rabs rnams ni sna bor skos/ /zla re zhing ni de dag las/ /nyid kyis 'du 'god kun gson te/ /gsan nas chos kyi gzhi sogs kyi/ /don kun nyid kyis bka' stsol cig/ khyod kyis rgyal srid chos don du/ /grags don 'dod slad ma lags na/ /de ni shin tu 'bras bur bcas/ /de las gzhan du 'gyur ma mchis/ /mi dbang da lta 'jig rten na/ /phal cher phan tshun ltor 'dzud pas/ /ji ltar khyod kyi rgyal srid dang/ /chos su 'gyur ba de bzhin gson/ /shes pas rgan zhing rigs bzang pa/ /rig pa shes la sdig la 'dzem/ nang gshin dgos pa mthong 'gyur ba/ /mang po rtag tu khyod kyis sogs/ /chad pa gzung dang bsdeg la sogs/ /rigs pa'ang khyod kyi mig gyi ste/ /snying rjes brlan par bgyis nas ni/ /rtag tu rjes su bzung bar mdzod/ /mi bzad sdig pa byed pa yi/ /lus can dag ni thams cad la'ang/ /rgyal po khyod kyi rtag par yang/ /snying rje phan sems kho na bskyed/ /mi zad sdig can gsong byed la/ /khyad par du yang snying rje bgyi/ /bdag nyid nyams pa de dag nyid/ /bdag nyid chen po'i snying rje'i gnas/ /nyin gcig bzhin nam zhag lnga bar/ nyams chung btson rnams gtong bar mdzod/ /lhag pa rnams byang ci rigs mdzod/ /'ga' yang mi dgrol min par mdzod/ /khyod ni 'ga' la'ang btang sems med/ /de las sdom? pa min pa skye/ /sdom pa ma yin de las ni/ /rgyun mi 'chad
- 139a
par sdig pa sogs/ /btson ni ji srid ma btang ba/ /de yi bar du 'dreg mkhan dang/ /khrus dang bza' dang btung ba dang/ /sman? dang ldan pas bde bar byi/ /snod med pa yi bu dag la/ /snod du rung bar bya 'dod ltar/ /snying rje yis ni tshar bcad bya'i/ /sdang? bas ma yin nor phyir min/ /rab sdang gsod par byed pa'i mi/ /brtags te legs par shes bgyis nas/ /mi bsad gnod par mi bgyi par/ /yul nas bskrad pa gang du mdzod/ /rang dbang yod par yul kun yang/ /bya ma rta yi spyan gyis gzigs/ /rtag tu bag yod dran ldan pas/ /chos dang mthun pa'i don mdzod cig/ yon tan gnas la bdag nyid kyis/ /rab sbyin bkur sti rim gro dag/ /rgya che rjes su mthun sbyar zhing/ /lhag ma rnams la'ang ci rigs bgyi/ /rgyal po'i ljon shing bzod grib can/ /bkur sti'i me tog rgyas gyur cig/ /rab sbyin 'bras bu che ldan la/ /dmangs kyi bya rnams brten par 'gyur/ /rgyal po gtong ba'i ngang tshul can/ /brjid dang ldan na dga' 'gyur te/ /sug smel na le sham rtsub pa'i/ /sha kha ra ya li du bzhin/ /de ltar rigs pas spyad na ni/ /khyod kyi rgyal srid 'dod mi 'gyur/ /rigs pa ma yin mi 'gyur zhing/ /chos min ma yin chos? su 'gyur/ /rgyal srid 'jig rten pha rol nas/ bsnams te ma byon bsnams mi 'gyur/ /chos kyi sems pas de'i slad du/ /chos min khyod kyis bgyi mi rigs/ /'tshog chas zod? ni rgyal srid kyis/ /sdug bsngal 'tshog chas brgyud pa dag ci nas bsgrub par mi 'gyur bar/ /rgyal po de ltar nan tan mdzod/ /'tshog chas zod ni rgyal srid kyis/ /rgyal srid 'tshog chas brgyud pa dag/ rgyal po ci nas mnyes 'gyur pa/
- 139b
de lta bur ni nan tan mdzod/ /gling bzhi pa yis thob kyang/ /'khor los sgyur ba'i bde ba ni/ /lus kyi dag dang sems kyi ste/ /'di gnyis kho nar zad bas? 'dod/ /lus kyi tshor ba bde ba ni/ /sdug bsngal phyir na bcos pa tsam/ /sems kyi 'du shes rang bzhin te/ /rtog pas byas pa kho nar zad/ /'jig rten bde bas bdog pa kun/ /sdug bsngal phyir ni bcom tsam dang/ /rtog pa tsam nyid yin de'i phyir/ /de ni don du don med do/ /gling dang yul dang gnas dang khyim/ /khyogs dang stan dang gos rnams dang/ /mal cha bza' btung glang po rta/ /bud med spyad bya re rer zad/ /gang tshe gang la sems 'jug pa/ /de tshe de yis bde zhes grags/ /lhag ma yid la mi byed pas/ /de tshe don du don med nyid/ /mig la sogs pa'i dbang po lngas/ /yul lnga 'dzin tshe gang gi phyir/ /rtog snga mi byed de yi phyir/ /de tshe de la bde ba med/ /gang tshe yul ni gang dang gang/ /dbang po gang gis shes gyur pa/ /de tshe lhag mas lhag ma min/ /gang tshe de phyir don med nyid/ /dbang po yis ni mig gyur pa/ /'das pa'i yul gyi rnam pa la/ /yid kyis dmigs nas rtogs pa ni/ /bde'o snyam du rlom par byed/ /'di ni dbang po gcig gis ni/ /don gcig shes pa gang yin pa/ /de yang don med par don med/ /don yang de med par don med/ /ji ltar pha dang ma dag la/ /brten nas bu ni 'byung bshad pa/ /de bzhin mig dang gzugs brten nas/ /rnam par shes pa 'byung bar bshad/ /yul ni 'ongs? dang ma 'ongs rnams/ /dbang po dang bcas don med la/ /de nyid las tha dad med phyir/ /gang dag da ltar yang don med/ /ji ltar mig ni 'khrul pa yis/ /mgal me'i 'khor lo 'dzin byed pa/ /de bzhin dbang po rnams kyis ni/ /da lta'i yul dag 'dzin par byed/ /dbang po rnams dang dbang don rnams// 'byung
- 140a
ba rnams kyi rang bzhin 'dod/ /'byung ba so sor don med pas/ /'di dag don du don med do/ /'byung rnams so sor tha dad na/ /bud shing med pa'i med thal 'gyur/ /'dus na mtshan nyid med 'gyur to/ /stag ma la yang de ltar des/ /de ltar 'byung rnams rnam gnyis suAng/ /don med pas na 'dus don med/ /'dus pa don med nyid kyi phyir/ /gzugs kyang don du don med do/ /rnam shes tshor dang 'du shes dang/ 'du byed rnams kyang thams cad du/ /so sor bdag nyid don med phyir/ /dam pa'i don du don med do/ /ji ltar sdug bsngal phyir bcos la/ /don du bde bar nga rgyal byed/ /de bzhin bde 'joms 'byung ba la/ /sdug bsngal du yang nga rgyal byed/ /da ltar ngo bo nyid med phyir/ /bde dang phrad pa'i sred pa dang/ /sdug bsngal bral ba'i sred pa spong/ /de phyir de ltar mthong ba grol/ /gang gi sems mthong 'gyur zhe na/ /tha snyad du ni sems brjod de/ /sems byung med par sems mi 'byung/ /don med lhan cig mi 'dod do/ /de ltar yang dag ji bzhin du/ /'gro ba don med shes nas ni/ /rgyu med pa yi me bzhin du/ /gnas med len med mya ngan 'das?/ /de ltar byang chub sems dpas kyang/ /mthong nas byang chub nges par 'dod/ /de ni snying rje 'ba' zhig gis/ /byang chub par du srid mtshams sbyor/ /de bzhin gshegs pas theg chen las/ /byang chub sems dpa' i tshogs bstan na/ /de la kun tu rmongs pa dang/ /rab tu sdang bas smod par byed/ /yon tan skyon du 'du shes pa'am/ /yang na yon tan sdang ba zhig/ /theg pa che la smod byed grangs/ /gzhan la gnod pa skyon dang ni/ /gzhan la phan pa yon tan du/ /shes na theg pa chen po la/ /smod? byed yon tan sdang zhes brjod/ /rang gi don la mi lta zhing/
- 140b
gzhan don ro gcig dga' ba gang/ /yon tan 'byung gnas theg chen te/ /des na des sdang bsregs par 'gyur/ /dad pa can ni bzung nyes pas/ /cig shos sdang zhing khros pa yis/ /dad pa can yang bsregs bshad na/ /sdang bas phyir phyogs smos ci dgos/ /dug gi dug ni gsal bya bar/ /ji ltar sman dbyad las bshad bzhin/ /sdug bsngal gyis kyang mi phan pa/ /gsal bar byed pa ci zhig 'gal/ /chos rnams sngon bu yid 'gro zhing/ /yid ni gtso bo zhes grags pas// sdug bsngal gyis kyang phan yid kyang/ /phan par byed pa cis mi phan/ /mi bde ba'ang phyis rjes phan 'gyur ba/ /byin bdag dang gzhan dag la/ /bde phan lta zhig ci smos te/ /chos 'di gnya' yi lugs yin no/ /gal te bde chung yongs gtad bas/ /bde ba rgya chen mthong 'gyur na/ brtan pas bde chen yang gzigs la/ /bde ba chung ngu btang bar mdzod/ /gal te de yang mi bzod na/ /des na sman pa la sogs pa/ /mi zhig sman ni sbyin byed pa/ /bcom 'gyur 'di ni rtad ma yin// gnod par 'gyur ba gang yin de/ /la lar mkhas pas phan par mthong/ /spyir btang dmigs kyis bsal ba dag /bstan bcos dag ni kun la bsngags/ /theg pa chen po gang zhig las/ /snying rje sngon btang spyod yul dang/ /ye shes dri ma med bshad pa/ /sems yod su zhig de la smod/ /shin tu rgya cher ba zab la/ /sgyid lug bdag nyid ma spyangs pas/ /bdag gzhan dgra rnams rmongs pa yis/ /'di na theg pa che la smod/ /sbyin dang tshul khrims bzod brtson 'grus/ /bsam gtan shes rab snying rje'i bdag/ theg chen yin na de yi phyir/ /'di las? nyes bshad ci zhig yod/ /tshul khrims sbyin pas gzhan gyi don/ /brtson 'grus bzod pas bdag nyid kyis/ /bsam gtan shes rab thar pa'i rgyu/ /theg chen don ni bsdus
- 141a
pa yin/ /bdag dang gzhan phan thar pa'i don/ /mdor na sangs rgyas bstan de dag/ pha rol phyin drug kho na yin/ /de bas 'di ni sangs rgyas bka' / /byang chub lam chen bsod nams dang/ /ye shes rang bzhin sangs rgyas kyis/ /gang las bstan pa'i theg chen de/ /mi shes ldongs rnams mi bzod do/ /yon tan mkha' ltar bsam yas bas/ /rgyal po'i yon tan bsam yas gsungs/ /gang phyir sangs rgyas bdag nyid che/ /theg chen las bshad 'dir bzod kyi/ /'phags pa shA ratwA ti'i bus/ /tshul khrims tsam yang mi shes pas/ /des na sangs rgyas bdag nyid che/ /de bsam yas bar ci mi bzod/ /theg pa che las skye med bstan/ /gzhan gyi zad pa stong pa nyid// zad dang mi skye don du ni/ /gcig pas de phyir bzod par gyis/ /stong nyid sangs rgyas che bdag nyid/ /de ltar rigs pas rjes ltas na/ /theg chen cig shos las gsungs pa/ /mkhas pa rnams la ci mi mnyam/ /de bzhin gshegs dgongs gsungs pa rnams/ /shes par sla min de yi phyir/ /theg gcig theg pa gsum gsungs pas/ /btang snyoms kyis ni bdag bsrung bya/ /btang snyoms kyis ni sdig mi 'gyur/ /sdad bas sdig 'gyur dger mi 'gyur/ /de bas theg chen zhe sdang ba/ /bdag legs 'dod pas byar mi rigs/ /nyan thos theg pa de las ni/ /byang chub sems dpa' i smon lam dang/ /spyod pa yongs bsngo ma bshad des/ /byang chub sems dpa' ? ga la 'gyur/ byang chub sems dpa' i byang chub phyir/ /byin rlabs sangs rgyas kyis ma bshad/ /don 'di la ni rgyal ba las/ /lhag pa'i tshad ma gzhan su yod/ /byin rlabs 'phags pa'i bden don dang/ /byang chub phyogs mthun ldan pa 'di? lam ni nyan
- 141b
thos thun mong las/ /sangs rgyas 'bras bu gang gis lhag/ byang chub spyod la gnas pa'i don/ /mdo sde las ni bka' ma stsal/ /theg pa che las bka' stsal pas/ /de phyir mkhas pa rnams kyis bzung/ /brda sprod ba dag/ ji lta bur/ /yi ge'i phyi mo'ang glog 'jug ltar/ /de bzhin sangs rgyas gdul bya la/ /ji tsam bzod pa'i chos ston to/ /kha cig las ni sdig pa las/ /rnam par bzlog phyir chos ston te/ /kha cig bsod nams 'grub bya'i phyir/ /kha cig la ni gnyis brten pa/ /kha cig la ni gnyis mi brten/ /zab mo khu 'khrig can 'jigs pa/ /stong nyid snying rje'i snying po can/ /byang chub bsgrub pa kha cig la/ /de ltar mkhas pas theg chen la/ /khong khro ba ni zad bya zhing/ /rdzogs pa'i byang chub 'grub bya'i phyir/ /lhag par rab tu dang bar bya/ /theg pa che la rab dang zhing/ /de las bshad pa spyad pa yis/ /bla med byang chub thob 'gyur zhing/ /bde ba kun kyang zhar la 'grub/ /der ni sbyin dang tshul khrims dang/ /bzod pa'i chos ni khyad par du/ /khyim pa la bshad snying rje yi/ /snying po can de brtan goms mdzod/ /'on te 'jig rten mi bsrun phyir/ /chos kyi rgyal srid bgyid dka' na/ /des na chos dang grags don du/ /khyod kyi rab byung thob mdzad rigs/ /rin po che'i phreng ba las rgyal po'i tshul bstan pa ste/ le'u bzhi pa'o// //de nas rab tu byung ba yis/ /dang por bslab la rab gus bya/ /so sor thar pa 'dul bcas dang/ /mar? thos don bstan dbab la bsgrim// de nas nyes pa phran tshogs shes/ /nyes pa'i gzhi rnams spang par bya/ /lnga bcu rtsa bdun bsgrags pa rnams/ /'bad de nges par brtag par bya/ /khro pa sems kyi 'khrug pa ste/ /de dang rjes 'brel kho na du 'dzin/ /'chab pa sdig pa
- 142a
'chab pa ste/ /'chig? pa sdig la zhen pa'o/ /g.yo ni shin tu bslu ba ste/ /sgyu ni sems rgyu bya? byu la/ /phrag dog gzhan gyi yon tan gdung/ /ser sna gtong bas 'jigs pa nyid/ /ngo tsha med pa khrel? med pa/ /rang dang gzhan la mi 'dzem pa'o/ /khengs pa 'dud par mi byed pa/ /nyes rtsom khros pas slad pa'o/ /rgyags pa dregs pa bag med pa/ /dge ba rnams la mi sbyor ba'o/ /nga rgyal rnam pa bdun yin te/ /de ni rab tu phye de bshad/ /de la mngon par rlom byed pa/ /dman pa dman zhing mnyam dang mnyam/ /mnyam pas lhag pa mnyam snyam pa/ /bdag nyid nga rgyal zhes pa'o/ /chos gang bdag nyid khyad 'phags dang/ /mnyam par rlom pa gang yin te/ /lhag pa'i nga rgyal khyad 'phags pas/ / khyad par 'phags par rlom ba gang/ /shin tu mtho bas mtho snyam pa/ /nga rgyal las kyang nga rgyal te/ /'bras kyi steng du phol mig dag/ /byung ba bzhin du thub pa yin/ /nye bar len pa zhes bya ba/ /lnga po stong pa de dag la/ /rmongs pas nga mnyam 'dzin pa gang/ /de ni nga'o snyam par bshad/ /'bras ma thob bar thob mnyam pa/ /gang yin mngon pa'i nga rgyal te/ /sdig las byed la bstod pa ni/ /mkhas pas log pa'i nga rgyal rtogs/ /bdag dgos med pa nyid du zhes// bdag nyid smod pa gang yin des/ /dman pa'i nga rgyal zhes bya ste/ /de dag mdor bdun bshad pa'o/ /tshul chos rnyed dang bkur sti'i phyir/ /dbang po sdoms par byed pa ste/ /kha gsag rnyed dang bkur sti'i chos/ /tshig 'jam sngar ni smra ba'o// gzhogs slong de ni thob bya'i phyir/ /gzhan gyi rdzas la bsngags byed pa/ /thob kyi 'jal ba rnyed pa'i phyir/ /mngon sum gzhan la smod byed pa/ /rnyed pas rnyed pa rnams 'dod pa/ /sngar thob pa la bsngags byed pa'o/ /skyon zlos
- 142b
gzhan gyi 'khrul gyur pa/ /de dang de ni gang zlos pa'o/ /spungs med so sor ma brtags par/ /nad las gyur pa'i slong ba'am/ /bdag gi yo byad ngan pa la/ /chags ngan le lo can gyi yin/ /tha dang 'du shes 'du shes gang/ /chags sdad mun gyis bsgribs pa'o/ /yid la mi byed gang yin de/ /sems la lta ba med par bshad/ /mthun par bya ba rnams la ni/ /le los bkur ste nyams pa gang ga bla mar bcos ldan tshul min te/ /skye ba ngan par yod par 'dod/ /zhen pas kun nas dkris pa chung/ /'dod pa'i 'dod chags las 'byung ba'o/ /yongs zhe na 'dod pa las byung ba'i/ /kun nas dkris pa che rab yin/ /chags pa rang gi rdzas la ni/ /chags pas 'dod chags ldan pa'i yid/ /gzhan gyi rdzas la zhen pa ni/ /mi rigs chags pa zhes bya'o/ /spang bya bud med chags ston pa/ /chags pa ma yin 'dod chags so/ /sdig 'dod yon tan med bzhin du/ /yon tan ldan par tshul 'chos pa'o/ /'dod chen shin tu brkam pa ste// chog shes dpal las 'da' pa'o/ /thob 'dod bdag nyid ci nas kyang/ /yon tan yang dag ldan shes 'dod/ /mi bzod gnod pa byed pa dang/ /sdug bsngal dag kyang mi bzod pa'o/ /tshul med slob dpon bla ma yi/ /bya ba rnams la ma gus pa'o/ /bka' blo bde ba ma yin gang/ /chos mthun tshig smras ma gus pa'o/ /nye du dang 'brel rnam rtog ni/ /nye du la byams chags pa'o/ /de bzhin yul sred de don du/ /de yi yon tan brjod pa'o/ /de bzhin mi 'chi rtog pa gang/ /'chi bo'i 'jigs bas mi dgongs pa/ /rjes rnams rigs dang ldan rtag ni/ /bdag nyid ci nas gzhan dag gi/ yon tan bdog pa'i rnams pa yis/ /bla mar byed par 'gyur snyam pa'o/ /gzhan rjes chags dang ldan pa yi/ /rnam rtog gang yin gzhan
- 143a
dag la/ /chags dang gnod sems reg pa yis/ /phan dang mi rnams sems pa'o/ /mi dga' brtan pa med pa yi/ /phrag dog bsnyogs pa'i yid yin no/ /snyoms pa brtson pa med pa'i lus/ /sgyid lug don ni nyes pa yin/ /'gyur ba nyon mongs dbang gis ni/ /lus dang kha dog 'gyur ba'o/ /zad mi 'dod pa bza' grags pas/ /lus mi bde ba yin par bshad/ /sems ni shin tu dma' pa nyid/ /sems zhum yin pa nyid du brtan/ /'dod 'dun yon tan lnga dag la/ /'dod pa don du gnyer ba nyid/ /gnod sems bdag dang grogs dang dgra'i/ /phyogs la dus gsum don min pa/ /gnod byas gnod pa gnod dog phyogs/ /dogs pa'i gzhan la gnod pa'i sems/ /rgyu dgu las ni byung ba yin/ /lus sems lci phyir las bral ba/ /gang yin pa ni rmi ba'o/ /gnyid ni gnyid nyid rgod pa ni/ /lus sems rab tu ma zhi ba'o/ /'gyod pa ngan? par byas la 'gyod/ /phyis gdung ba las byung ba'o/ /bden dang dkon mchog gsum sogs la/ /blo rnams gnyis ni the tshom mo/ /de dag byang chub sems dpas spang/ /sdom brtson can gyi lhag par spang/ /nyes pa de rnams dang bral na/ /yon tan rnams la bde blag brten/ /de la byang chub sems dpa' yis/ /yon tan mdor brtan bya ba ni/ /sbyin dang tshul khrims bzod brtson 'grus/ /bsam gtan shes rab snying brtse sogs/ /sbyin pa rang nor? yongs su gtong ba/ /tshul khrims gzhan phan bya ba'o/ /bzod pa khro ba spangs ba ste/ /brtson 'grus dge la spro ba nyid/ /bsam gtan rtse gcig nyon mongs med/ /shes rab bden don gtan la 'bebs/ /snying brtse sems can thams cad la/ /snying rje ro gcig blo gros so/ /sbyin pas longs spyod khrims kyi
- 143b
bde/ /bzod bas mdangs ldan brtson bas brjid/ /bsam gtan gyis ni blo yis grol/ /snying brtse bas ni don kun 'grub/ /bdug pa 'di dag ma lus par/ /cig bar pha rol phyin pa yis/ /ye shes bsam gyis mi khyab yul/ /'jig rten mgon po nyid thob 'gyur/ /ji ltar nyan thos theg pa la/ /nyon thos sa ni brgyad bshad pa/ /de bzhin theg pa chen po la/ /byang chub sems dpa' i sa bcu'o/ /de dag dang por rab dga' ba/ /byang chub sems dpa' dga' byed phyir// kun tu sbyor ba gsum spangs shing/ /de bzhin gshegs pa'i rigs skyes phyir/ /de yi rnam par smin pas na/ /sbyin pa'i pha rol phyin mchog 'gyur/ /'jig rten khams ni brgya g.yo zhing/ /'dzam gling dbang phyug chen por 'gyur/ /gnyis pa dri ma med ces bya/ /lus dang ngag dang sems kyi las/ /bcu char dri ma med pa'i phyir/ /dang gis de dag la gnas phyir/ /de yi rnam par smin pas na/ /tshul khrims pha rol phyin mchog 'gyur/ /dpal ldan rin chen bdun gyi bdag/ /'gro phan 'khor los sgyur bar 'gyur/ /sems can rnams kyi 'chal ba'i khrims/ /spong bar byed la mkhas par 'gyur/ /sa gsum pa ni 'od byed pa/ /ye shes zhi ba'i 'od 'byung phyir/ /bsam gtan mngon shes skye ba dang/ /'dod chags zhe sdang yongs zad phyir/ /de yi rnam par smin pas ni/ /bzod dang brtson 'grus lhag par spyod/ /lha yi dbang chen mkhas pa ste/ /'dod pa'i 'dod chags zlog pa yin/ /bzhi pa 'od 'phro can zhes bya/ /yang dag ye shes 'od 'byung phyir/ /byang chub phyogs mthun ma lus pa/ /khyad par du ni bsgoms pa yis/ /de yi rnam par smin pas ni/ /rab 'thab bral nas lha rgyal 'gyur/ /'jigs tshogs lta ba rab byung ba/ /kun nas 'joms byed
- 144a
mkhas pa yin/ /lnga pa shin tu spyad bka' bdud/ /kun gyi shin tu thub dka' phyir/ /'phags pa'i bden sogs phra mo'i don/ /shes la mkhas pa 'byung ba'i phyir/ /de yi rnam par smin pas ni/ dga' ldan gnas kyi lha rgyal 'gyur/ /mu rte bas byed pa thams cad kyi/ /nyon mongs lta gan zlog byed pa'o/ /drug pa mngon phyogs zhes bya ste/ /sangs rgyas chos la mngon phyogs phyir/ /zhi nas lhag mthong gom pa yis/ /'gog pa thob pas rgyas pa'i phyir/ /de yi rnam par smin pas ni/ /lha yi rgyal po rab 'phrul 'gyur/ /nyan thos rnams kyis mi 'phrogs pa/ /lhag pa'i nga rgyal can zhi byed/ /bdun pa ring du song pa ste/ /grangs ni ring du song ldan phyir/ gang phyir skad cig skad cig la/ /der ni 'gog la snyoms par 'jug/ de yi rnam par smin pas ni/ /dbang sgyur lha yi bdag por 'gyur/ /'phags pa'i bden mngon rtogs zhes pa'i/ /slob dpon khyu mchog chen por 'gyur/ /de bzhin brgyad pa gzhon nu'i sa/ /mi g.yo ba de mi rtog phyir/ /mi g.yo de bzhin lus dang ni/ /dag sems spyod yul bsam mi khyab/ /de yi rnam par smin pas ni/ /stong gi bdag po'i tshangs par 'gyur/ /dgra bcom rang sangs rgyas sogs kyis/ /don gtan 'bebs las 'phrogs pa med/ /sa dgu pa ni legs pa yi/ /blo gros zhes bya rgyal tshab bzhin/ /gang phyir so sor yang dag rig/ thob pas 'di la blo gros bzang/ /de yi rnam par smin pas ni/ /stong gnyis bdag po tshangs par 'gyur/ /sems can bsam pa dris pa la/ /dgra bcom sogs kyis 'phrogs pa med/ /bcu pa chos kyi sprin yin te/ /dam pa chos kyi char 'bebs phyir/ /byang chub sems dpa'
- 144b
sangs rgyas kyis/ /'od zer dag gis dbang bskur phyir/ /de yi rnam par smin pas na/ /gnas gtsang lha yi bdag por 'gyur/ /bsam yas ye shes yul gyi bdag/ dbang phyug chen po mchog yin no/ /de ltar bcu po de dag ni// byang chub sems dpa' i sa bcur bsgrags/ /sangs rgyas rnams kyi sa gzhan te/ /rnam pa kun tu gzhal yas bar/ /rgya che de ni stobs bcu dang/ /lta ba yin pa tsam zhig brjod/ /de yi stobs ni re re yang/ /'gro ba kun bzhin dpag tu med/ /sangs rgyas rnams kyi mchod med nyid/ /phyogs rnams kun gyi nam mkha' dang/ /sa chu me rlung ji lta ba/ /de tsam zhig tu brjod pa bas/ /gal te rgyu ni de tsam du/ /tshad med nyid du ma mthong na/ /sangs rgyas rnams kyi tshad med pa/ /de la yid ches mi 'gyur bas/ /de phyir sku gzugs mchod rten gyi/ /spyan snga 'am yang na gzhan yang rung/ /tshigs su bcad pa nyi shu 'di/ /nyin gcig bzhin yang dus gsum brjod/ /sangs rgyas chos dang dge 'dun dang/ /byang chub sems dpa' rnams la yang/ /rnam kun btung de skyabs mchis nas/ /mchod 'os rnams la phyag 'tshal lo/ /sdig pa las ni ldog bgyid cing/ /bsod nams thams cad yongs su bzung/ /lus can kun gyi bsod nams dag /kun la rjes su yi rang ngo/ /bdag ni spyi btung thal sbyar te/ /chos kyi 'khor lo skor slad dang/ /'gro gnas bar du bzhugs slad du/ /rdzogs pa'i sangs rgyas rnams la gsol/ /de ltar bgyis pa'i bsod nams dang/ /bdag gis bgyis dang ma bgyis gang/ /des ni sems can thams cad kyang/ /bla med byang chub sems ldan shog/ sems can thams cad dri med dbang/ /yongs rdzogs mi/ khrom kun 'das shing/ /spyod
- 145a
pa rang dbang yod pa dang/ /'tsho ba bzang dang ldan par shog /lus can dag ni thams cad kyang/ /lag na rin chen nyid ldan zhing/ /yo byad thams cad mdza' yas pa/ /'khor ba srid du mi zad shog /bud med thams cad dus kun tu/ /skyes mchog nyid du 'gyur bar shog /lus can thams cad rig pa dang/ /rkang par ldan pa nyid du shog /lus can kha dog ldan pa dang/ /gzugs bzang gzi brjid che ba dang/ /blta na sdug cing nad med dang/ stobs can tshe dang ldan par shog /thams cad thabs la mkhas gyur te/ /sdug bsngal kun las thar ba dang/ /dkon mchog gsum la gzhol ba dang/ /sangs rgyas chos nor chen ldan shog /byams dang snying rje dga' ba dang/ /nyon mongs btang snyoms gnas pa dang/ /sbyin dang tshul khrims bzod brtson 'grus/ /bsam gtan shes rab kyis brgyan cing/ /tshogs rnams thams cad yongs rdzogs te/ /mtshan dang dpe byad gsal ba dang// bsam gyis mi khyabs bcu dag /rgyun mi chad par bgrod par shog /bdag kyang yon tan de dag dang/ /gzhan kun gyis kyang brgyan ldan te/ /nyes pa kun las grol ba dang/ /sems can kun mchog byams pa dang/ /sems can kun yid re ba yi/ /dge ba thams cad rdzogs bgyid cing/ /rtag tu lus can thams cad kyi/ /sdug bsngal sel bar bgyid par shog /'jig rten kun na skye bo gang/ /su dag 'jigs pas skyo ba rnams/ /bdag gi ming tsam thos pas kyang/ shin tu 'jigs pa med par shog/ bdag ni mthong dang dran pa dang/ /ming tsam thos pas skye bo rnams/ /rab dang 'khrug med snal ma rnams/ /rdzogs pa'i byang chub nges pa dang/ /tshe rabs kun tu rjes 'brang ba'i//
- 145b
mngon shes lnga po thob par shog/ sems can kun la rnam kun tu/ /rtag tu phan bde bgyid par shog /'jig rten kun na skye bo gang/ /sdig pa byed par 'dod gyur pa/ /de dag thams cad gnod med par/ /rtag tu cig car zlog gyur// cig/ sa dang chu dang me dang rlung/ /sman dang dgon pa'i shing bzhin du/ /rtag tu sems can thams cad kyis/ /rang dgar dgag med spyod par shog /sems can rnams la srog bzhin 'phangs/ /bdag las de dag ches 'phangs shog/ bdag la de dag sdig smin cing/ /bdag dge ma lus der smin shog/ ji srid sems can 'ga' zhig kyang/ /gang du ma grol de srid du/ /de phyir bla na med pa yi/ /byang chub thob kyang gnas gyur cig/ de ltar brjod pa'i bsod nams gang/ gal te de ni gzugs can gyur/ /gang gA'i bye ma snyed kyi ni/ /'jig rten khams su shong mi 'gyur/ /de ni bcom ldan 'das kyis gsungs/ /gtan tshigs kyang ni 'di la snang/ /sems can khams ni tshad med la/ /phan 'dod de ni de 'dra'i/ /de ltar bdag gis khyod la ni/ /mdor bsdus chos bshad gang yin te/ /khyod la ji ltar rtag tu sku/ /'phangs pa bzhin du 'phangs par mdzod/ /gang la chos de 'phangs gyur pa/ /de la don du bdag lus 'phangs// 'phangs la phan pa bya dgos na/ /de ni chos kyi byed par 'gyur/ /de bas chos ni bdag bzhin brten/ /chos bzhin du ni bsgrubs pa dang/ /shes rab bzhin du mkhas pa brten/ /gtsang zhing byams la blo ldan pa/ /phebs pas phan pa smra ba la/ /gang zhig bdag ngan dogs byed pa/ /de ni rang don chung kyang son/ /gtsang zhing byams la blo ldan pa/ /spobs pa phan par smra ba la/ /bdag ni dgon dang bcas 'gyur zhes/ /mi dbang bdag thul thugs dam mdzod//
- 146a
dge ba'i bshes gnyen de dag gi /mtshan nyid mdor bsdus mkhyen par mdzod/ /chog shes snying rje tshul khrims ldan/ /nyon mongs sel ba'i shes rab can/ /de dag gis ni khyod brtan na/ /khyod kyi mkhyen gyis gus par mdzod/ /lugs ni phun sum tshogs pa 'dis/ /grub pa yis ni mchog thob 'gyur/ /bden dang sems can 'jam smra zhing/ /bde ba'i ngang tshul bsnyen dka' ba/ /tshul ldan khyad du bsod mi 'dod/ /rang dbang legs par smra bar mdzod/ /legs btul bag la nyal gtod dang/ /brjid bag ldan zhing sems zhi ba/ /rgod ba med cing mdza' mi ring/ /g.yo ba med dang nges par mdzod/ /zla ba nya bzhin des pa dang/ /ston gyi nyi bzhin gzi ldan dang// rgya mtsho bzhin du zab pa dang/ /ri rab bzhin du chos bstan mdzod/ /nyes pa kun las rnam grol zhing/ /yon tan kun gyi rgyan gyur te/ /sems can kun gyi nyer 'tsho dang/ /thams cad mkhyen pa nyid du mdzod/ /chos 'di rgyal po 'ba' zhig la/ /bstan pa kho nar ma bas kyis/ /sems can gzhan la nga ci rigs par/ /phan par 'dod pas bstan pa lags/ /bdag dang gzhan rnams yang dag par/ /rdzogs pa'i sangs rgyas 'grub pa gyi'i slad/ /rgyal po gtam du bgyi ba ni/ /gdugs re zhing yang bsam pa'i rigs/ /tshul khrims skye bo bla ma mchog /bkur bzod de bzhin phrag dog med/ /ser sna dang bral re ba med par byas nas gzhan don nor can dang/ /phongs par gyur la phan byed mchog dang mchog min yongs gzung dor ba dang/ /dam chos yongs bzung byang chub don phyir gnyer ba rnams kyis rtag tu bya/ /rin po che'i phreng ba las/ /byang chub sems dpa' i spyod pa'i le'u bstan pa ste lnga pa'o// //
- 146b
rgyal po la gtam bya ba rin po che'i phreng ba zhes bya ba slob dpon chen po 'phags pa klu sgrub kyis mdzad pa rdzogs so/ //rgya gar gyi mkhan po dz+nyA na gar b+ha dang/ bod kyi lo tsa ba dge slong klu'i rgyal mtshan gyis bsgyur cing zhus te gtan la phab pa'o// //slad kyi rgya gar gyi mkhan po ka na ka warma dang/ bod kyi lots+tsha ba pa tsha ba nyi ma grags kyis rgya dpe gsum la gtugs nas legs par bcos pa'o/ // 'dis kyang 'khor ba sdug bsngal gyi rgya mtsho skem nus par gyur cig/ //gtam bya rin chen phreng ba'i 'grel pa mi 'pham bshes gnyen gyis mdzad pa bzhugs so// // rgya gar skad du/ ratnA ba liTI ga/ bod skad du/ rin po che'i phreng ba'i rgya cher bshad pa/ sangs rgyas dang byang chub sems dpa' thams cad la phyag 'tshal lo/ /bskal pa bye ba brgya phrag na'ang/ /gang zhig mthong ba rnyed dka' ba/ /don rnams kun la thogs med thugs/ /thub pa tshe la phyag 'tshal nas/ /bdag gi bsod nams 'dod pa yi/ /rin chen chos kyi phreng ba gang/ /bden pa gzigs pa mdzad pa de'i/ /don ni gtan la dbab par bya/ /bsdus la dga' ba'i sems can gyi/ /don phyir bdag nyid chen po yis/ /zab cing rgya che'i mdo rnams kyi/ /don ni yang dag bsdus te bstan/ /de la 'dir btsun pa 'phags pa klu sgrub 'jig rten mdza' dag la phan par bzhed pas rgyal po bde spyod kyi dbang du mdzad nas dam pa'i chos rin po che'i phreng ba dgod pa'i nges pa mdzad de dam pa'i spyod pa dang mthun par/ /nyes pa kun las zhes bya ba la sogs pas rje btsun sangs rgyas bcom ldan 'das yon tan brjod
- 147a
pa sngon du 'gro ba'i phyag 'tshal ba dgos pa dang bcas pa brtsom mo/ /'di la dgos pa gang zhig yin zhe na/ bcom ldan 'das yon tan tshad med pa la yon tan brjod pa sngon du 'gro ba'i phyag byas pa'i rgyus bsod nams shin tu rgya chen por 'gyur la/ /de nas rjod par 'dod pa'i don sgrub pa 'bad mi dgos par 'grub par 'gyur te/ /re zhig 'di na gcig yin no/ /'di ni nyan pa'i skye bo yang rnam pa gnyis dmigs te/ de las dad pas rjes su 'brang ba rnams ni yon tan brjod pa sngon du 'gro ba'i phyag 'tshal ba dmigs nas 'di ni bde bar gshegs pas byas so zhes dad pa kho nas 'di nyan pa la sogs pa la 'jug go/ /chos kyi rjes su 'brang ba ston pa grags gang dag yin pa de dag kyang phyag 'tshal ba khyad par dang bcas pa dmigs 'di snyam du sems te/ /gzhan la khyad par 'di mi srid pa'i phyir 'di ni 'jig rten mdza' dag gi sgron ma la phyag 'tshal ba yin no snyam mo/ /de ltar nges pa'i yid can rnams la rab tu dga' ba skye zhing tshig de lta bu la mkhas pa rnams 'di snyi ma du sems te/ /re zhig dad pa can gzhan yang gsum la skyabs su 'gro ba nyams pa'i 'jigs pas gzhan dag la phyag 'tshal ba'i ral ba mi byed na 'phags pa klu sgrub bden pa gzigs pa mi phyed pa'i dad pa brnyes pa lta smos kyang ci dgos/ /de lta bu ni mu stegs can gyis gzhung lugs kyis kun brtags pa'i chos phan tshun 'gal ba ma gsung ste/ /de skad du mjug thogs nas/ gcig tu dge ba'i chos bshad de zhes 'chad par 'gyur ro/ /de lta bas na 'di ni gdon mi za bar skyes bu'i don mchog thob pa dang mthun pa yin no snyam mo/ /de nas 'di
- 147b
nyan pa la sogs pa la 'jug par 'gyur ro/ /rtag pa sngon du gtong bston par ma grags pa gang dag yin pa de dag kyang phyag 'tshal ba la yon tan bsnyad pa thos nas ngo mtshar dang mthun par sad par dbyed pa 'am nyan par byed do/ de nas ni de dag gis 'di'i don bzang po dmigs nas 'di lta bu'i don legs par gsungs pa ni ngas gsungs so zhes sangs rgyas bcom ldan 'das la dad pa thob nas ston pa nyid du khas len pas de dag la ston pa rab tu grub par bya ba'i phyir ro/ /de ltar na yon tan brjod pa sngon du 'gro pa'i phyag 'tshal pa 'di ni de gnyi ga la dgos pa dang bcas pa yin pa'i phyir byas te/ /dam pa rnams kyang de kho na ltar zhugs so/ zhes brjod par bya'o/ /nga ni ji ltar nus pa bzhin don dgrol bar bya ste/ /de la nyes pa ni yon tan gyi mi mthun pa'i phyogs su gyur pa 'dod chags la sogs pa la bya ste/ /lus dang sems kyi rgyud ma rungs par byed pas so/ /kun/ zhes pa'i sgra ni brjod par 'dod pa'i dbang gis mdza' dag la bya'o/ /de dag ni nyes par yang yin la kun kyang yin pas de lta bu'o/ /rnam grol zhes ba ni mi ldan pa ste bral ba zhes bya ba ste bral ba zhes bya ba'i don to/ /yon tan ni/ shes rab la sogs pa ste/ legs pa don du gnyer ba rnams kyis 'dris par bya zhing goms par bya ba yin pas so/ /'dir yang kun/ zhes pa'i sgra ni gong ma bzhin du shes par bya'o/ /de dag gis brgyan pa bo zhes bya ba sdud? pa'o/ /'di dag ni skyes bu rnams kyi rgyan gyi 'byor pa ston par byed pa gdu bu rgyan can dang dpung rgyan dang lag rgyan la sogs pa ni ma yin te/ de skad du gzhen nas/ ljon shing rnams ni me tog dag gis brgyan /char sprin rnams ni glog gi phreng ba yis//
- 148a
mtsho rnams bung ba rgyags lding pad+ma yis/ /lus can khyad par thob ba'i yon tan gyis zhes bshad do/ /de lta yin na go rims zlog pa'i nyes par 'gyur ba ma yin nam/ nyes pa rnams ni mun pa lta bu yis la/ de dag kyang yon tan gyi snang ba 'byung ba med par rten mi gtong ngo/ /de'i phyir nyes pa las rnam par grol ba nyid kyis yon tan gnas par grub na 'dis ci zhig bya zhe na/ /de ni bden na 'on kyang dbang po rtul po blo zhan pa tshig lhur len pa gang dag yin pa de dag gis nyes pa thams cad las rnam par grol ba nyid ni nyes pas las/ rnam par grol ba 'ba' zhig yin par rtogs kyis/ shugs kyi 'phangs pa'i don ni ma yin pas de dag gis gsal bar rtogs par bya ba'i phyir ro/ /yang dbang po rnon po mgo smos pas go ba de dag las yang de skad du brjod par bya ste/ /re zhig srid pa tsam du bya na nyes pa thams cad dang bral la yon tan thams cad kyi brgyan ba ma yin pa yang yod de/ dper na shel dang/ anda rnyil dang markata la sogs pa lta bu'o/ /de bas na khyad par 'di gnyi ga brjod do/ /de lta bu'i thams cad mkhyen pa gang yin pa de la bdag phyag 'tshal nas chos bshad do zhes bya bar sbyar ro/ /phyag 'di su la 'tshal ba yin zhe na/ /sangs rgyas bcom ldan 'das la'o/ /de yin par ci mngon zhe na/ yon tan thun mong ma yin pa bstan pa'i phyir te/ sa mdza' dag gi rgyan nyes pa ma lus pa dang bral ba yon tan gyi tshogs mi g.yo ba dam pa mchog gi mthar phyin pa ni sangs rgyas bcom ldan 'das ma gtogs pa gzhan thams cad mkhyen par yod par srid ba med do/ /mu stegs can rnams kyang rang rang gi ston pa yon tan 'di dag dang ldan par
- 148b
sems pa ma yin nam/ /de dag yod na ji ltar khyad par la gnas she na/ de'i phyir/ sems can kun gyi gnyen gcig pa/ zhes bya ba smras so/ /de rnams ni sems can la gnod pa byer pa yin par grags te/ /'di lta ste/ drag pos ni grong khyer sum rtsegs bsregs so/ /khyab 'jug gis ni dmag sde chen po bco brgyad rmig med par byas so/ /phyogs kyi gos can rnams kyang skye bo phra mo reg pa tsam gyis 'jigs pa rnams kyis nam mkha' gang bar sems shing slob ma rnams gnas nas phyir 'byung ba'i tshe bslab ba dbul bar smra'o/ /drang srong rnams kyang yid khro ba'i mes bsregs nas dpung gi tshogs yan lag bzhi pa rgyal po dang bcas pa yang skad cig tu dmod pa'i me'i bud shing du byed do/ /'on te de dag gi de ni sems can 'dul ba'i thabs yin no zhe na/ de ltar yin du zad de brtsad pa med do/ /sangs rgyas zhes bya ba'i sgra ni rigs mi mthun pa las log pas don de lta bu kho na brjod do/ /bcom ldan 'das de lta bu la phyag 'tshal nas ci zhig bya zhe na/ gcig tu dge ba'i chos zhes bya ba la sogs pa smos so/ /ngan song du ltung ba las 'dzin ba'i phyir ru ma rgyud par ltung ba las 'dzin pas chos te/ chos ni sbyin pa la sogs pa'i sems pa 'am dpe'i? bcug pa lus dang ngag gi sbyor ba yin no/ chos de gcig tu yongs su dge ba ste/ thog ma dang/ bar dang/ tha ma dge ba zhi bya ba'i don to/ /khyad par du bya ba don med de sngar bshad pa'i khyad par can gyi chos gang yin pa de ji ltar gzhan du 'gyur zhe na/ de ni bden na 'on kyang chos ma yin gdung ba lnga la sogs pa la yang chos kyi bsam yas 'jug par snang ngo/ /'on te sdug bsngal dang du len pa de las bzod par 'gyur la/ /sbyor ba de 'dra ba ni nyon
- 149a
mongs pa skye ba'i gags byed pa yang yin no zhe na/ de ltar yang rigs pa ma yin te/ bzod pa'i rgyu byams pa dang snying rje dag yin la/ nyon mongs pa skye ba'i gnyen po yang mi sdug pa la sogs pa bsgom pa'i ngo bo yin pas so/ /sbyin pa la sogs pa'i sems pa dang nges bcug pa'i sbyor ba'i mtshan nyid kyi chos kyang thabs shes rab dang bral ba dug dang bcas pa'i bras bzhin du dag ba ma yin par 'gyur bas sdug bsngal du yang byed pas don dang bcas pa yin te/ /chos de lta bu bshad do zhes bya bar sbyar ro/ /rgyal po zhes bya ba ni bod pa ste/ /rang gi 'khor dang yul zil gyis mnan nas mchog tu dpa' bas na rgyal po'o/ /bshad pa la dgos pa ci yod ce na/ chos 'grub phyir zhes bya ba smos te/ 'grub pa ni mngon par 'phel ba'o/ /chos kyi 'grub pa la de skad ces bya ste/ de yang phul du dbyung du yod pa dan de las gzhan pa ngang rnam pa gnyis so/ /yang rnam pa gnyis te/ mngon par mtho ba dang nges par legs pa'o/ /de dag khyod la bshad do zhes bya ba ni bstan par bya 'o/ /rgyal po kho na ci'i phyir bshad ce na/ dam pa'i chos kyi snod la ni/ /chos shes bya ba la sogs pa smos te/ ni zhes bya ba ni gang gi phyir gyi don yin te/ /gang dang de ni rtag tu 'brel pa'i phyir de'i phyir zhes bya ba khong nas dbyung bar bya'o/ /'grub pa ni grub pa ste/ /rig sngags dang 'bras can grub pa bzhin no/ /rig sngags grub pa la ni 'bras bu grub grub pa yin la/ 'bras chan grub pa la yang de nyid 'bras bu nyid du brjod par 'dod pas de grub grub pa zhes bya ba ma yin nam/ /chos ni ngo bo gcig pa yin pa'i phyir nam yang 'grub pa'i grub pa me dang zhen/ /de ni nyes
- 149b
pa med de/ chos 'grub pa phul du dbyung du yod pa dang/ de las gzhan pa dang rnam pa gnyis su bshad pa la re zhig phul du dbyung du yod pa'i gang yin pa ni de nyid 'bras bu nyid du brjod par 'dod pas nyes pa med do/ /'grub pa de yang gang la chos bshad na 'gyur zhe na/ dam pa'i chos kyi snod la ste/ /dam pa'i chos mnyan pa dang bzung ba la sogs pa'i snod du gyur pa la'o/ /gzhan la ni mi 'grub pa 'ba' zhig tu ma zad kyi rang gi ngo bo yang mi 'thob bo// de lta bas na bsdus pa'i don ni 'di yin te/ de gang gi phyir dam pa'i chos kyi snod las chos bshad na 'grub par 'gyur ba de'i phyir dam pa'i chos kyi snod khyad la chos de lta bu bshad do zhes bya ba yin te/ drug pa dang bdun ba dag khyad par med pa'i phyir ro/ /yang na khyod la chos 'grub par bya ba'i phyir bshad do zhes bdun pa'i don kho na yin par khong du chud par bya'o/ /gang gis phul du 'byung dgos pa de'i tshe ni mngon par mtho ba ba 'bras bu'i ngo bo phul du dbyung du med pa dang nges par lags pa 'grub par 'gyur zhing 'thob bo zhes brjod par bya'o/ /chos bshad do zhes bshad pa'i chos de yang lung gi mtshan nyid dang/ /rtog pa'i mtshan nyid do/ /de la rtog pa'i mtshan nyid ni// so so rang gi rig par bya ba ste/ /de yang lung gi mtshan nyid kyi tshes goms pas rtogs par bya ba yin pas de nyid brjod par bya'o/ /de yang rnam pa gnyis te /mngon par mtho ba dang/ nges par legs pa'o/ /de la nges bar legs ba ni mchog tu zab ba phra ba shes rab kyi spyod yul yin pas de dang par bstan na sems can blo ma byang ba gang dag yin pa de dag yin te de dag gis gting mi sleb bas spong ba lhur blangs nas mtshams med pa'i
- 150a
'gro ba dmyal ba la sogs par 'gro bar 'gyur te/ ji skad du 'dis 'di nyid las/ spong bas ma rung ba dag nyid can/ /mnar med bar ni spyi'u tshugs 'gro zhes 'chad par 'gyur ro/ /kha cig ni don nges ma zin pas chad par lta bar ltung ste/ rang dang gzhan rlag par byed cing sems can gyi 'dron po med po de nas 'khor 'brog dgon par zhugs te sdug bsngal la gzhol bar 'gyur ro/ /de lta na ni chos bshad de zhes smras nas de dag la chos ma yin pa bshad par 'gyur ro/ /rgyal po zhes bstan pa 'di yang phyir bstan pa yin te/ /de skad du/ ma byad ba la dang po bstan pa ni bzang po ma yin no zhes bya ba dang/ /de bzhin du stong pa nyid la lta nyes na/ shes rab chung ldan phung bar 'gyur zhes bshad do/ /rtsa ba'i ltung ba'i skabs nas kyang blo ma sbyangs pa'i sems can la/ stong ba nyid ni ston pa dang/ zhes bshad do/ /de lta bu la dgongs nas 'phags pa chos kyi gral rims shoms par mdzad pa na sems can snod du gyur pa rnams la thabs mi nyams par bya ba'i phyir/ /gang zhig la/ /dang po mngon par mtho ba'i chos zhes bya ba la sogs pa chos kyi go rim ston bar mdzad do/ /gang zhig la/ zhes pa ni mngon par mtho pa'i chos gang zhig la gnas na thos pa dang bsam pa la sogs pa'i rim gyis dus phyis nges par legs pa 'byung ba bsam gtan dang shes rab kyi mtshan nyid 'gyur zhing srid pa'o/ /dang por zhes pa ni sngar ro/ /mngon par mtho ba'i rgyu yin pa'i phyir mngon par mtho ba ste/ rgyu las 'bras bu btags pa'i phyir dper na cho ni mar yin no zhes pa lta bu'o/ /'di ga las she na/ /de la mngon mtho bde bas te/ zhes 'byung ba'i phyir ro/ /bde ba ni chos
- 150b
yin par rigs pa ma yin te/ de'i 'bras bu yin pa'i phyir ro/ /nges par legs pa la de bzhin du brjod par bya'o/ /chos ni bshad pa'i mtshan nyid 'jig rten pa'i phun sum tshogs pa la gnas pa'i bde ba thob pa dang mthun pa'i sbyin pa dang tshul khrims la sogs pa'i mtshan nyid do/ /chos rnam pa gnyi ga'i yang 'bras bu 'brel ba mi slu ba ston pa na sgrub par byed pa kho na'i chos ston par mdzad do/ /mngon par mtho ba dang nges par legs pa sngar bshad pa'i dgongs pa tshigs su bcad pas bshad pa de ma shes pa'i phyir gal te 'ga' zhig 'di skad ces ci'i phyir rim pa 'di la brten zhes smra na/ de'i phyir rgyu gang phyir mngon par mtho thob nas/ zhes bya ba la sogs pa smos te/ rgyu gang gi phyir thob cing rnyed nas so/ /rim ni rim pa'o/ /rim gyis zhes bya ba ni rim pa la brten nas te/ /nas zhes bya ba mi mngon par byas pa'i lnga pa yin no/ /yang na rim gyis zhes bya ba'i ma pas zhes gsum pa'i don yin no/ /'ong par ni 'ong bar 'gyur ba'o/ /bzlog pa ni sngar bshad pa yin no/ /da ni mngon par mtho ba dang nges par legs pa dag mi shes pa rnams la/ /de la mngon mtho bde ba ste/ zhes bya ba la sogs pas bye brag tu ston par byed do/ /gong ma bzhin du bde ba'i rgyu yin pa'i phyir bde ba ste/ /mngon bar mtho ba'i chos gang yin ba de ni 'jig rten pa'i phun sum tshogs pa'i bde ba mdza' dag 'thob pa dang mthun pa'i phyir bde ba zhes bya'o/ /thar pa 'thob pa mthun pa'i chos ni thar pa'o/ /'dod pa ni bzhed ba ste/ /bde ba la yang de bzhin du brjod par bya'o/ /de'i zhes bya ba ni bstan ma thag ba rnam pa gnyi ga'i sgrub pa gang yin pa de'i mdor bsdus pa ni byas pa ni mi mthun pa'i phyogs te brjod pa
- 151a
nyung ba'o/ /dpal? ni las dang 'bras bu dang bden pa dang dkon mchog dag la mngon par yid ches pa'i rnam pa can gyi sems rab tu dang ba'o/ /don phyin ci ma log par rab tu shes pas na shes rab ste blo ye khyad par ro/ //dad pa dang shes rab la de skad ces bya ste/ mdor na de gnyis yin no/ /mdor bsdus na zhes bya ba dang/ mdor na zhes bya ba dag la khyad par ci yod nas 'di ltar gnyis smos zhe na/ snga ma ni sgrub pa'i khyad par ro gzhan na dad pa la sogs pa'i yin pas nyes pa med do/ /yang na sgra rnams kyi don du ma yin pa'i phyir snga ma ni bstan pa'i tshig yin no/ /'di ji ltar don gnyis kyi bsgrub pa yin zhe na/ dad? can nyid phyir chos la brten/ zhes bya ba la sogs pa smos te/ gang la dad pa yod pa de ni dad pa can no/ /de'i ngo bo ni dad pa can nyid do/ /de'i phyir dad pa can la brten nas zhes bya ba rnam par dbye ba snga ma bzhin no/ /rten par byed pa ni byed pa'o/ /don ni 'di yin te gal te chos de la yid ches pa skyes par gyur na de'i 'og tu mnyen ba la sogs pa'i rim gyis chos de la brten par 'gyur gyi gzhan du ni ma yin no/ /shes rab ldan phyir/ zhes bya ba la yang de bzhin du brjod par bya'o/ /yang dag ces bya ba ni yang dag pa ji lta ba bzhin du'o/ /rika ces bya ba ni shes pa'o/ /dad pa yang brgyud pas des par legs pa'i rgyur 'gyur ba nyid de/ ji skad du dkon mchog ta la las 'byung ba lta bu yin mod kyi/ 'on? kyang de kho na nyid rtogs par byed pa ni shes rab kho na yin no snyam du thugs la dgongs nas 'di skad du/ /de gnyis gtso bo shes rab ste/ zhes bya ba la sogs pa smos so/ /gtso bo ni gtso bo ste ces bya ba'i tha tshig go/ /'di'i zhes bya ba
- 151b
ni sgrub pa rnam pa gnyis kyi'o/ /sngon du dang por 'gro zhing 'jug pas na sngon du 'gro ba'o/ /yin zhes bya ba ni nges par gzung ba ste/ /shes rab kho na yin no zhes bya bar dgongs pa'i phyir ro/ /de bzhin du gnyis pa yang dad pa kho na yin no zhes bya ba yin no/ /dad pa can yang gang zhig yin zhe na/ 'dun dang/ zhes bya ba la sogs pa la sogs pa smos te/ 'dun pa ni chags pa'o/ zhe sdang ni kun nas mnar sems kyi bsam pa'o/ /'jigs pa ni bred pa ste/ sems kun nas 'khrugs pa'o/ /rmongs pa ni mi shes pa ste/ /rigs pa dang mi rigs pa dpyod mi nus pa nyid do/ /gang zhig rgyud rnams kyis chos las mi 'da' zhing mi 'dor ba de ni dad pa can yin no zhes bya bar shes par bya zhing khong du chud par bya'o/ /nges par legs pa thar pa'i snod ni gzhi'o/ /mchog ni dam pa'o/ /dad pa can gyi mtshan nyid bshad zin to/ /gang zhig lus ngag la sogs pas ni shes rab kyi mtshan nyid ston to/ /lus ni bsags pa ste lag ba la sogs pa'i tshogs so/ /dag ni tshig go/ lus dang ngag dang yid ni lus dang ngag dang yid do/ /de dag gis byas pa'i las ni lus dang ngag dang yid kyi las te/ 'di ni dge ba'o/ /'di ni mi dge ba'o/ /'di ni lung du ma bstan pa'o zhes phyin ci ma log pa'i thabs kyis yongs su brtags shing dpyad de/ de la mi dge ba dang lung du ma bstan pa dag yongs su shes nas dge ba byed pa'o/ /de yang bla na med pa yang dag par rdzogs pa'i byang chub tu yongs su bsngos pa'i phyir/ /bdag dang gzhan la phan pa ste/ /bdag dang gzhan bdag dang gzhan dag go/ 'di ni de dag gi'am de dag la phan pa'o zhes bya bar shes nas te shes par byas so/ /rtag tu byed pa zhes bya ba ni dus thams cad du'o/ /de mkhas pa ste de ni shes rab dang ldan pa yin no/ /de ltar
- 152a
chos bshad pa'i phyir ci lam reg pa'i cha ba byas nas/ nga? ni mi bsod pa dang rku spong zhes bya ba la sogs pas chos ston par mdzad de/ gsod pa ni srog chags gsod pa'o/ /mi zhes bya ba la ni gsod pa med pa kho na'o zhes med par dgag pa yin pas mi gsod pa ni srog gcod pa spangs pa yin no/ /brku ba ni mthu 'am 'jab bus gzhan gyi nor rang gir byed pa'o/ /de spong ba ni bsam pa thag pa nas log pa ste ma byin par len pa spangs pa yin no/ /bdag la bltos nas skye bo gzhan ni gzhan te de'i chung ma dag go /de dag spong ba ni yongs su spong ba ste/ 'dod pas log par g.yem pa spong ba yin no/ /'dis ni lus kyi nyes pa spong ba bshad do/ /log dang phra ma zhes bya ba la sogs pas ni ngag gi nyes pa spong ba ston te/ log pa ni mi bden pa'o/ /phra ma ni dbyen smra ba'o/ /rtsub ba ni rlang? ba ste mi 'dong? pa'o/ /de'i ngo bo ni rtsub pa nyid do/ /ma 'brel ba ni chos kyi don la sogs pa dad ma 'brel ba ste tshig bkyal? ba'o/ /log pa dang/ phra ma dang/ tshig rtsub bo dang/ /ma 'brel ba ni/ log dang phra ma rtsub nyid dang/ /ma 'brel pa dag go/ smra ba ni smra bar byed pa ste/ /de dag ni log par lta ba la sogs pa yang yin la smra ba yang yin pas zhes tshig rnam par sbyar nas tshig bsdus so/ /de dag yang dag par sdom pa ni sems kyis bag bya ba ste spong ba'o/ /'dis ni dag gis nyes pa spong bar bshad do/ /yid kyi nyes pa spong ba'i dbang du mdzad nas/ chags dang zhes bya ba la sogs pa smos te/ chags ni gzhan gyi nyes pa la sred pa'o/ /gnod sems ni sems can la rnam par snang? ba'o/ /gang la 'jig rten pha rol la sogs pa med do snyam pa'i blo yod
- 152b
pa de ni med pa'o/ /de'i ngo bo ni med pa ba nyid do/ /de'i lte ba ni med pa'i rnam pa can gyi mthong ba'o/ /chags pa dang gnod sems dang mid pa pa nyid kyi lta ba ni zhes bya bar tshig rnam par sbyar nas gnyis pa zhes bya ba'i tshig bsdu ba yin no/ de rnams yongs su spong ba ni kun nas spong ba ste/ nyes pa'i bsam pa rnam pa bcu char yang mi len pa'i phyir ro/ /'di dag ces bya ba ni mi gsod pa la sogs pa la snyegs so/ /las ni gsod pa la sogs pa spong ba'i mtshan nyid bya ba'o/ /de nyid lam yin te/ gnas gzhan du 'gro ba'i thabs yin pa'i phyir ro/ /de dang 'dra bar las nyid lam yin pa las lam mo/ /dkar po ni nyes pa'i dri ma dang bral ba'i phyir ro/ /bcu zhes bgrang ba ni bde blag tu rtogs par bya ba'i phyir ro/ /de dag las bzlog cing mi mthun pa ni sdig pa'i rims dri ma can du byas pa yin pa'i phyir nag po bcu'o/ /ci chos de dag kho na tsam du zad dam zhe na/ /chang mi 'thung /zhes bya ba la sogs pa smos so/ /myos par 'gyur bas na chang ste/ lus dang sems rang dbang med par byed pa'o/ /rang dbang med pas ni mi bya ba ci yang med pas med par dgag pa'i tshul gyis mi zhes bya ba ni dgag pa yin no/ /'thung ba ni ming pa'o/ /chang la 'thung ba ni chang 'thung ba ste de lta bu med pa'o/ /de bzhin du des 'tsho par byed pas na 'tsho ba ste 'tsho ba nyid 'tsho ba'o/ /'dir yang rgyu ba bzas? bu btags pa ni snga ma bzhin no/ /'tsho ba bzang po ni tshul 'chos pa la sogs pa'i nyes pa dang bral ba'i phyir ro// rnam par 'tsho ba ni rna ba dang sna gcod pa dad brdeg pa dang/ 'ching ba la sogs pa'o/ /de lta bu med pas na rnam par mi 'tshe ba'o/ /mi gsod pa dang zhes byas nas bzung ste/ rnam mi 'tshe dang/ zhes bya ba'i bar 'dis ni ldog pa'i mtshan
- 153a
nyid kyis chos bshad do/ /gus sbyin dang zhes bya ba la sogs pas ni 'jug pa'i mtshan nyid kyis chos bshad do/ /gus pa ni bkur sti dus ji lta ba bzhin la sogs pa dang ldan pa'i phyir te/ ji skad du/ dad pa'i chu klung dri med byas pa yid kyis ni/ rang gi lag nas dus su gzhan la gnod med par/ /gus dang bkur sti lhur blangs sbyin pa sbyin pa ni/ /mtshan nyid kun rdzogs yon tan ldan zhes thub rnams gsung zhes bshad pa lta bu'o/ /sems pa'i khyad par gang gis sbyin pa dang/ /des bcug pa don yongs su gtod pa ni sbyin pa'o/ /de ni rang gi don la sogs pa'i rgyu mtshan te/ de yang zang zing dang/ mi 'jigs pa dang/ chos kyi bye brag gis rnam pa gsum mo/ /dang zhes bya ba'i sgra ni bsdu ba min no/ /mchod 'os ni mchod par 'os pa ste/ sangs rgyas bcom ldan 'das la sogs pa'o/ /de rnams mchod pa ste/ de yang zang zing dang/ sgrub pa'i bye brag gis rnam pa gnyis so/ /dang zhes bya ba'i sgra ni snga ma bzhin no/ /byams pa ni sems can thams cad la phan pa nye bar bsgrub pa'i bsam pa 'dod pa'i 'dod chags dang/ lan du phan 'dogs su ra ba spangs pa'o/ /chos ni 'jug pa dang ldog pa'i mtshan nyid do/ /gdung ba lnga la sogs pas kyang lus gdung bar byed pa'i phyir gzhan nas chos su bshad pa ma yin nam/ de ci'i phyir 'dir ma bsdus she na/ de'i phyir/ lus gdung byed pa 'ba' zhig la/ /zhes bya ba la sogs pa smos te/ lus ni khog pa'o/ /gdung ba ni gdung bar byed pa ste gnod par byed zhes bya ba'i tha tshig go /yang dag pa'i
- 153b
thabs dang bral ba de 'ba' zhig la ni chos med cing yod pa ma yin te/ 'di ltar lus gdung ba de ni 'ba' zhig pa yis ni gzhan la gnod pa ste gzhon par byed pa spong bar byed cing ldog pa yang med la/ gzhan dag la phan 'dogs pa ste/ zang zing dang mi 'jigs pa dang/ chos kyi sbyin pa'i bye brag gis phan pa nye bar bsgrub pa yang yor za ma yin pas gnyi ga'i mtshan nyid kyi chos ni kho bos gnyis kyi mtshan nyid can bshad pa gang yin pa 'di kho na yin no/ /gang zhig mi shes pas chos 'di la ma gus te lam ngan pa'i rjes su 'gro zhing mu stegs can gyi chos kyi lam lus la gnod pa byed pa'i mtshan nyid du 'gro ba de ni shin tu yun ring por sdug bsngal gyi snod yin no zhes bstan pa'i phyir/ sbyin dang zhes bya ba la sogs pa smos te/ sbyin ba'i mtshan nyid bshad zin to/ /lus dang sems bsil bar byed pa'i phyir spong ba bdun gyi mtshan nyid kyi don ni tshul khrims so/ /brnab sems med pa la sogs pa ni 'di nyid du 'dus te/ gang zhig ma byin par len pa spangs pa de ji ltar brnab sems bskyed par 'gyur/ gsong ba spangs pa yang ji ltar gnod sems skyed par 'gyur/ /yang dag pa ji lta ba can ni tshul khrims kyis brgyan pa yin pas log par lta ba spangs pa yin no/ bcu pa spangs par gsungs pa ni/ sems can blun pos khong du chud zer bya ba'i don du zad do/ /bzod pa ni khro ba bzod pa'o/ /bzod pa de yang theg pa chen pos 'gro ba'i 'phags pa nams kyi rnam pa gsum du 'gyur te/ sgra'i rjes su 'gro ba ni sa lnga pa'o/ /rjes su mthun pa ni sa gnyis pa la'o/ /mi skye ba'i chos la bzod pa ni sa brgyad pa la'o/ /yang rnam pa gsum ste/ sdug bsngal dang du len pa'i bzod pa dang/ gnod pa byas pa
- 154a
la ji mi snyam pa'i bzod pa dang/ chos la nges par rtog pa'i bzod pa'o/ /sbyin pa dang tshul khrims dang bzod pa dag ni sbyin pa dang tshul khrims dang bzod pa dag ste/ dang zhes bya ba'i don gyi ba gnyis pa yin pas ba gnyis pa'i tshig bsdu ba yin no/ /de dag gi mtshan nyid gsal ba ni shin tu gsal zhing 'thibs po ma yin pa'o/ /dam pa bcom ldan 'das dang byang chub sems dpa' rnams kyi chos ni dam pa'i chos so/ yang na nyes pa thams cad dang bral ba'i phyir bzang po yin no/ /'di ni lam yang yin la chen po yang yin pas na lam po che'o/ /gang gi 'di chen po nyid yin zhe na/ grangs las 'das pa'i rgyal ba rnams gshegs shing rjes su gshegs pa'i phyir ro/ /yang na chen po bcom ldan 'das kyi lam yin la/ de dag gi tshul khrims la sogs pa'i yon tan che ba'i phyir che ba nyid do/ /dam pa'i chos nyid lam po che yin no/ /'di la lam dang chos mthun pa nyid gang yin zhe na/ brjod par 'dod pa'i thams cad mkhyen pa'i grong khyer du phyin pa'i rgyu mtshan nyid yin pa'o/ /gang zhig gti mug pas dam pa'i chos kyi lam po che de lta bu la ma gus shing khyad du bsad de bsnyas pa'i bsam pas 'di ni chos ma yin no/ zhes yongs su bor nas 'gro zhing 'gro bar byed pa'o/ /gang dag tu zhe na/ gnag gi lam lta bu'i lam gol ba dag tu'o/ /gnag rnams kyi lam ste lam gol ba'i ngo bo dag go /de rtag tu ste/ 'di skad du bshad pa yin no/ /dper na gnag gi khyu nas gnag gtso bo lam gol ba gang du 'gro ba der gzhan dag kyang rung ba dang yang ba yongs su mi shes pas 'gro bar byed pa de bzhin du mu stegs can phyugs 'di dag kyang chos kyi lam la
- 154b
ma gus nas chos ma yin pa'i lam gol ba'i ngo bo lus gdung ba la sogs pa'i mtshan nyid du 'khor ba'i sdug bsngal las thar pa'i bsam pas 'gro'o zhes bya ba yin no/ /de gang du 'jug cing/ gnas gang du 'gro zhe na/ 'khor ba'i 'brog dgon par ro/ 'khor ba ni 'khor bar 'gyur ba ste/ phung po'i tshogs 'gro ba gzhan nas 'gro ba gzhan du phyin pa'o/ /'khor ba zhes bya ba de las gzhan ni yod pa ma yin gyi/ phung po de dag nyid 'khor bas na de skad ces bya ste/ dper na bya rog gi nag po dang/ chu skyar gyi dkar po zhes bya blta bu'o/ /de nyid 'brog yin te/ bya dang/ ri dags dang/ rtswa dang shing gis gang zhing skyes bu dam pas spangs pa'i yul la ni 'brog ces bya'o/ /de yang mi dge ba'i grogs po bya dang/ ri dags dang/ rtswa dang/ shing lta bus gang zhing dge ba'i bshes gnyen dang bral ba yin no/ /'brog de ni sems can dmyal ba la sogs pa'i sdug bsngal mang ba'i phyir mi bzad cing bgrod dka' ba yin no/ /mdza' yas skye bo'i shing can du zhes bya ba ni chos mthun pa ston pa yin no/ /de dag ni skye bo yang yin la mdza' yas pa yang yin pas zhes tshig bsdu ste/ grangs dang tshad dag gis mdza' mi zin pas mdza' yas pa'o/ /gang la shing de dag nyid yod pa de la de skad ces bya'o/ /dam pa'i chos dang bral zhing lta ba ngan pa'i thibs bor lhung ba de gang dag dang gnas par gyur pa de dag ni shing lta bu yin te dam pa'i chos sems pa dang bral bas na de skad ces bya'o/ /'dod chags la sogs pa ni lus dang sems kyi rgyud nyon mongs par byed pas na nyon mongs zhes bya'o/ /de dag nyid gnod par byed pa'i phyir gdugs pa'o/ /de dag gi lus 'khyung ba ni khyung pa'i lus te/ nyon mongs dang nye bo'i nyon mongs pas rang dbang
- 155a
med par byas pas shin tu yun ring du zhes bya ba mdza' med par 'jug par 'gyur zhing/ rab tu 'jug par 'gyur ro zhes bya ba'i don to/ /mi gsod pa dang zhes bya ba nas/ byams pa zhes bya ba'i bar ldog pa dang 'jug pa'i mtshan nyid can gyi chos mdor bshad pa gang yin pa de'i mi thun pa'i phyogs gsod pa la sogs pa'i gang dag yin pa de dag gi rnam par smin pa 'dod pa yin pa'i phyir de dag dang 'dra ba rnams la bstan na de rnams rgyas par bstan par 'gyur bas dang por/ gsod pa yis ni zhes bya ba la sogs pas rgyu mthun pa'i 'bras bu rgyu dang 'dra ba ston par mdzad de/ bshad pa'i mtshan nyid can gyi gsod pas so/ /'di la tshe thung ba yod pas na tshe thung ba ste/ 'jig rten gyi khams gang du tshe ji srid par gsungs pa de srid du thams cad mi 'thob pa'o/ /ci'i phyir zhe na/ ji tsam du 'dis gzhan gyi srog bcad pa de tsam du gzhan dag gis srog gcod par 'gyur ro/ /de la mtshon la sogs pas gnod cing lus la gnod pa ste gnod pa yang yin la mang po yang yin zhes bya bar tshig bsdu'o/ /brku ba ni ma byin par len pa ste/ de kun tu bsten pas longs spyod kyi yongs so/ /spyad par bya bas na longs spyod de/ nor dang 'bras bu la sogs pa'o/ de rnams kyis phongs pa ni 'brel ba dang nyams pa'o/ /de 'di la yod pas na ldan pa'i don yin no/ /gzhan gyi chung ma 'phrog bas na byi bo byed pa'o/ /dgra dang bcas par 'dug pas na dgra dang bcas pa ste/ gang gis de'i chung ma rang gir byas pa de la mi mthun par spyod pas na dgra ste/ ji ltar 'dis gzhan la dgra nyid byas pa de bzhin du 'di la yang 'byung bas rgyu dang 'dra ba'i 'bras bu yin no/ /de ltar lus kyi
- 155b
nyes pa'i rgyu mthun pa'i 'bras bu bshad nas/ brdzun du smra bas bskur pa ste/ zhes bya ba la sogs pas ngag gi ston te/ skur pa ni yang dag pa'i don brjod pa chud gson pa'o/ /gang gis der 'gyur zhe na/ brdzun du smra bas te/ 'du shes gzhan du bsgyur ba'i tshig gi don go ba la brdzun smra bas so/ phra mas ni gzhan dbye ba'i phyir nyon mongs pa can gyi tshig smra bas te/ des ni phan par 'dod pa'i bshes dang 'bye zhing 'bral bar 'gyur ro/ /brtsub po ni 'jam bag med pa ste brlang ba'o/ /de'i ngo bo ni rtsub pa nyid de des so/ /mi snyan pa ni mi mthun pa'o/ /de thos pa ni grag pa'o/ /ma 'brel pa ni tshig bkyal pa ste/ des so/ /mi btsun pa ni mi 'dod pa ste/ de tsam ni ngag gi nyes pa'i 'bras bu yin no/ /brnab sems yid la re ba 'joms/ zhes bya ba la sogs pas ni yid kyi nyes pa'i 'bras bu bshad do/ /yid kyis bsams shing mngon par 'dod pa'i don de don med cing/ 'bras bu med par byed do zhes bya ba'i tha tshig go /'jigs pa ster bas na 'jigs pa sbyin pa'o/ /bshad pa ni gsungs pa'o/ /'jig rten pha rol la sogs pa med pa'i rnam pa can gyi lta ba ni log par lta ba ste/ de ni lta ba ngan pa nyid do/ /smad pa'i lta ba ni lta ba ngan pa ste/ lta ba log pa yin no// de'i ngo bo nyid ni lta ba ngan pa nyid do/ /de thob par 'gyur te/ yang log par lta ba kho nar 'gyur ro zhes bya ba'i don to/ blo 'khrul ba ni smyon pa nyid du 'gyur ro zhes bya ba lhag ma yin no/ /log pa'i mtshan nyid can gyi chos kyi mi mthun pa'i phyogs kyi 'bras bu brjod nas 'jug pa'i mtshan nyid can gyi chos kyi mi mthun pa'i phyogs kyi 'bras bu brjod par bzhed de/ /ma byin len pas zhes bya ba la sogs pa smos so/ /dbul ba ni nor mi bdog pa ste/
- 156a
de'i ngo bo ni dbul ba nyid do/ /tshul 'chos la sogs pa'i skyon gyis bsgrub pa'i 'tshe ba ni log par 'tshe ba ste/ bshad pa'i don las bzlog pas 'tshe ba'i phyir ro/ /de kun tu brten pas na bslus pa ste 'thob par 'gyur zhes bya ba lhag ma yin no/ /khengs pa yis zhes bya ba ni mchos gnas mchod pa'i mi mthun pa'i phyogs yin no/ /khengs pa ni gyod? zhing 'gyid ba ste brjid 'chos pa'i nga rgyal gyis zin pa'o/ /'di'i shing chal dang mthun pa nyid gang yin zhe na/ mi 'dud pa ste/ ji ltar shing tshal gang la yang mi 'dud pa ltar nga rgyal gyis zil gyis non pa yang de dang 'dra'o/ /ngan pa ni smad pa yin pas rigs smad pa'o/ /der 'byung bas na rigs ngan pa'o// de'i ngo bo rigs ngan nyid do/ /'di la gzi ste brjid bag chung ba yod pas gzi chud pa'o/ /de'i ngo bo ni gzi chung ba nyid do/ /gang gis der 'gyur zhe na/ phrag dog kun tu bstan pas te/ phrag dog ni gzhan gyi phun sum tshogs pa la sems khong nas 'khrugs pa'o/ /'di skad du bshad pa yin te/ gang zhig mchod nas mchod par mi byed pa de ni nyes pa gnyis kyis te/ nga rgyal dang/ phrag dog dag gis so/ /de gnyis kyi e' bras bu ni mi 'dod pa 'di gnyis yin par dmigs nas spangs par rigs so zhes bya ba yin no/ /gnod pa gsar gyi bskyed pa'i sems kyis 'khrug pa ni khro ba ste/ de ni byams pa'i mi mthun pa'i phyogs yin no/ /des cir 'gyur zhe na/ kha dog ngan pa nyid do// khros na mkhas pa rnams la chos 'dod pas yongs su 'dri'o/ /mi 'dri ba des na blun pa nyid de bshes gnyen med pa nyid du 'gyur ro/ /mi dge ba'i 'bras bu 'di dag 'gro ba gang la yod ce na/ mi nyid la zhes bya ba smos so/ /de
- 156b
ci mi dge ba 'di rnams kyi 'bras bu rgyun mthun pa tsam du zad dam zhe na ma yin te/ kun gyis zhes bya ba la sogs pa smos so/ 'di dag thams cad kyi dang por ngan 'gro'i smad pa'i 'gro ba ni ngan 'gro ste/ dmyal ba dang dud 'gro dang/ yid dags rnams kyi 'gro ba rnams so/ /gang dag pa gsod pa la sogs pa bshad ma thag pa 'di dag gis bsod pa la sogs pa'i mtshan nyid kyi bya ba bde ba ma yin pa'i don dam/ gzugs ngan pa 'grub pa'i phyir mi dge ba zhes bya ba ming yod pa de dag la de skad ces bya'o/ /rnam smin ni yongs gyur pa'o/ /bsgrags pa gang yin pa ni bshad pa gang yin pa ste/ gsod pa yis ni tshe thur 'gyur zhes bya ba nas/ mkhas la mi 'dri blun pa nyid ces bya ba'i bar yin no/ /gnyis ka'i mtshan nyid can gyi chos kyang bde ba'i don tam/ gzugs bzang po 'grub pa'i phyir dge ba zhes bya ste/ de rnams la ni 'bras bu de nyid bzlog cing mi mthun pa yin no/ /'bras bu 'byung ba ni 'bras bu 'byung ba'o/ /de ltar dge ba dang mi dge ba 'bras bu dang bcas pa dag bstan pa mdzad nas/ chags dang zhes bya ba la sogs pas lung las grags pa'i dge ba dang mi dge ba 'bras bu dang bcas pa dag ston par mdzad do/ /gzugs dang sgra dang dri dang ro dang reg bya rnams kyis 'jig rten chags par 'gyur bas na chags pa ste/ srid pa'i 'dod chags zhes bya ba'i don to/ /zhe sdang ni gsod par byed pa'i bdag nyid do/ /gti mug ni mi shes pa'o/ /dang zhes bya ba'i sgra ni chags pa la sogs pa ngo bo nyid kyi mi dge ba yin pa 'ba' zhig tu ma zad kyi nges bskyed pa'i las kyang mi dge ba yin no zhes bsdus pa yin no/ /de dag gis bskyed pa ni des bskyed pa'o/ /lus dang ngag dang yid kyi bya ba ni las so/ /don gang gis na mi dge ba yin zhe na/
- 157a
'gro ba de dang de dag tu lus dang sems kyi rgyud mi bzang bar byed pas na mi dge ba ste/ 'dod chags kyi zil gyis non pa ni 'di dang gzhan du mdog shin tu mi bzang par 'gyur la/ de bzhin du zhe sdang gi zil gyis non pa dang/ gti mug gi zil gyis non pa yang de dang 'dra'o/ /chags pa'i gnyen po 'dod chags dang bral ba ni ma chags pa'o/ /zhe sdang gi gnyen po byams pa ni zhe sdang med pa'o/ /gti mug gi gnyen po shes pa ni gti mug med pa ste/ ngo bo nyid kyis dge ba 'di dag dang/ de dag bcug pa'i las ni 'di dang gzhan du lus dang sems kyi rgyud bzang por byed pas na dge ba yin no/ /de zhes bya ba'i sgra ni ma chags pa la sogs pa dang las la snyegs so/ /mi dge ba las zhes bya ba la sogs pas ni de gnyis kyi 'bras bu ston te/ sdug bsngal ni rdeg pa la sogs pa'i tshor ba'o/ /kun ni 'di dang 'jig rten pha rol tu 'byung ba rnams so/ /ngan 'gro ni dmyal ba la sogs pa'i 'gro ba dag go/ bde 'gro ni lha la sogs pa'i 'gro ba dag go /dzam+bu'i gling la srogs pa'i bye brag gam/ yang dang yang du skye ba'i bye brag gis skye ba kun tu bar bdag ces mang po'i tshig smos so/ /de ltar bsams nas ci zhig bya zhe na/ /mi dge kun las zhes bya ba la sogs pa smos te/ kun las zhes bya ba ni smos pa dang ma smos pa mchod rten 'jig pa dang/ dam pa'i chos dang/ dge 'dun dang/ pha ma dang/ slob dpon dang/ bla ma dang/ mchod gnas dang /rigs kyi nad? na rgan rabs spong pa la sogs pa'i mtshan nyid las so/ /ldog bya zhes bya ba ni phyir ldog pa'o/ /ldog pa dang 'jug pa'i bye brag gis 'di ni rnam pa gnyis so/ /de lta yin na phan yon ci zhig yod ces na/ de ston par mdzad de/ bde ba ni tshim?
- 157b
par byed pa'i tshor ba'o/ /de phul du dbyung ba ni bde ba dpal lo/ /yang na dpal zhes bya ba'i sgra ni phun sum tshogs pa'i rnam grangs so/ /de las ma gtogs pa gzhan ni bde ba'o/ /rgyal srid ni dbang phyug gi khyad par te bdag po nyid do/ /rgyas pa zhes bya ba'i sgra ni thams cad la brjod par bya'o/ /bsam gtan ni sems rtse gcig pa'i mtshan nyid do/ /de yang rnam pa bzhi ste/ rtog pa dang bcas shing dpyod pa dang bcas pa dang/ rtog pa med cing dpyod par yang med pa dang/ de nyid dga' ba med pa'i bde ba can dang/ bzhi pa sdug bsngal yang med pa btang snyoms dang dran pa yongs su dag pa'i yid bde ba dang yid mi bde ba dang bral ba'o/ /tshad med pa ni byams pa dang/ snying rje dang/ dga' ba dang/ /btang snyoms kyi mtshan nyid de/ /sems can tshad med pa la dmigs pa'i phyir ro/ /gzugs med pa ni nam mkha' mdza' yas skye mched la sogs pa snyoms par 'jug pa bzhi ste/ sems mnyam pa nyid du bsgrub pa'i phyir ram/ 'byung ba chen po mnyam pa nyid du bsgrub pa'i phyir ro/ /ni zhes bya ba'i sgra ni de kho na zhes bya ba nges par bzung ba yin no/ /tshangs sogs bde ba zhes bya ba ni/ /gang la changs? pa'i bde ba dang po na yod pa'i bde ba'o/ /myong bar byed pa ni nyams su myong bar byed pa'o// de ltar na mngon par mtho ba'i rgyu dang/ /mngon par mtho ba de'i 'bras bu mdor bsdus te bshad pa yin no zhes bya ba'i tha tshig go/ dang por mngon par thob pa'i chos/ phyis ni nges par legs 'byung ba zhes bshad pa de la mngon par mtho ba'i chos ni bshad zin to/ /de'i 'og tu nges par legs pa'i chos bshad par bzhed nas/ nges par legs pa'i chos dag kyang zhes bya ba la sogs smos so/ /'di las nges par legs shing dag pa thar pa 'grub pas na nges par legs
- 158a
pas te/ de nyid nges par legs pa yin no/ /kyang zhes bya ba'i sgra ni ni zhes bya ba'i sgra'i don yin no/ /phra zhes bya ba ni phra ba ste rnam par shes pa dka' ba yin no/ /zab pa ni gting dpag dka' ba'o/ /snang ba ni mthong ba ste ye shes zab mos mthong ba la de skad ces bya'o/ /yang na snang ba ni dmigs pa ste/ gang la zab par snang pa yod pa de la de skad ces bya'o/ /byis pa so so'i skye bo thos pa dang mi ldan pa rnams te/ thos pa ni 'dir chos rnam pa gsum thos pa yin par brjod do/ /skrag pa ni 'jigs pa'o/ /gang dag gi bdud bzhi las rgyal ba'am sdig pa thams cad las rgyal ba de dag ni rgyal ba'o/ /yod ces bya ba'i sgra ni tshig gi phrad yin te/ ji ltar kun rgyal zer ba bzhin/ bdag la bu ni ye yod min zhes bya ba lta bu'o/ /'jig rten 'dir ni bdag yod pa ma yin la 'jig rten pha rol tu ni yong bar mi 'gyur ro snyam pa ste/ 'di ni nga'o snyam du 'dzin pa'i dbang gis bshad pa yin no/ /nga yir 'dzin pas ni 'drin bdag gi nor la sogs pa yod pa ma yin la/ tshe rabs gzhan du bdag gi yod par mi 'gyur ro snyam pa ste/ de ltar rnam par rtog pa'i byis pa blun po ni skrag par 'gyur ro/ /mkhas pa shes rab can ni chos de lta bu ni thos pas de thams cad ni yang dag pa ma yin zhes mngon par zhen pa las byung ba'i skrag pa gang yin pa de zad cing 'jig par 'gyur te de mi 'byung ngo zhes bya ba'i tha tshig go /ngar 'dzin pa dang nga yir? 'dzin pa dag ni 'khor bar ? 'jug pa'i rgyu yin no/ /ji srid du 'khor ba de srid du sdug bsngal ba yin no/ /de rab tu zhi ba'i rgyu ni chos 'di yin no zhes bya bar bsams nas sgrag bzad par 'gyur ro/ /de ltar yang cis mngon zhe na lung nye bar 'god par/ skye
- 158b
dgu 'di ni ma lus pa/ ngar 'dzin pa las zhes bya ba la sogs pa smos so/ /skye dgu 'di zhes bya bar sbyar te/ /'gro ba lngar yang dang yang du skye pas na skye dgu 'o/ /ma lus pa ni mdza' dag go /nga'o snyam du 'dzin pas na ngar 'dzin pa ste bdag tu lta ba'o/ /de las byung ba ni skyes pa'o/ /'di ni nga'i bo snyam du 'dzin pas nang yir 'dzin pa'o/ /de dang ldan pa ni nye bar 'brel ba ste yang dag par ldan pa zhes bya ba'i don to/ /skye dgu'i de nyid la phan pa la de skad ces bya'o/ /'di la ? gcig tu nges par gsung pa'i ngang tshul yod? pas na de gsung pa'o/ /yang na gsung pa ni bka' stsol pa ste/ /gcig tu gsung ba la de skad ces bya'o/ /de 'di la yod pas na gcig tu gsung ba la de skad ces bya'o/ /de 'di la yod pas na gcig tu gsung pa'o/ /skye dgu la phan pa kho na bya'o zhes gcig tu gsung ba nges gsum zhing bka' stsal to/ /yang ji ltar ngar 'dzin pa dang nga yir 'dzin pa dag mi bden pa yin zhe na/ de dag mi bden pa nyid du bstan pa'i phyir/ bdag yod ces bya ba la sogs pa smos so/ /yod ces bya ba'i sgra ni snga ma bzhin no/ /'di ni zhes bya ba ni bshad ma thag pa'o/ /dam pa'i don du zhes bya ni don dam pa la brten nas zhes bya ba ste gong ma bzhin du lnga pa yin no// tha snyad du ni ma yin no/ don dam pa yang gang zhig yin zhe na mu bzhi dang bral ba'i don yin no/ /de la 'jug pa'i thabs skye ba med pa'i don can yang don dam pa yin no/ /log ces bya ba ni brdzun pa ste mi bden pa zhes bya ba'i tha tshig go/ 'di gnyi ga yang log pa yin no zhes bya bar cis mngon zhe na/ /gang phyir yang dag pa ji lta ba zhes bya ba la sogs pa smos te/ yang dag pa ji lta ba ni bden pa'o/ /'di skad du bshad pa yin te/ gal te gnyi ga bden pa zhig tu gyur
- 159a
na bden pa mthong ba'i dus na yang 'di gnyis yod par 'gyur ba zhig na yod pa yang ma yin no/ /de lta bas na 'di dag ni log pa'o zhes bya ba yin no/ /de ltar 'khor ba'i rgyur gyur pa 'di dag bden pa ma yin pa nyid du bstan nas/ da ni ngar 'dzin las zhes bya ba la sogs pas de las byung ba'i phung po rnams mi bden pa nyid du ston te/ gang dag la ngar 'dzin pa las skye zhing 'byung ba yod pa de dag la de skad ces bya'o/ /phung po ni lnga ste/ gzugs dang/ tshor ba dang/ 'du shes dang/ 'du byed dang/ rnam par shes pa zhes bya ba dag go /don du zhes bya ba ni sngar bshad pa'i tshul gyis don dam par ro/ /brdzun pa ni mi bden par ro/ /sa bon ni rgyu'o/ skye ba 'byung ba'o/ /ga la zhig ces bya ba ni gong du bshad pa'i tshul gyis na med pa kho na yin no/ /phung po rnams ni de'i yul yin pas de rnams med pa'i phyir de yang spong par 'gyur te/ des na rgyu med pa'i phyir phyis 'bras bu mi 'byung ngo zhes bya ba'i don to/ /'di skad du bshad pa yin te/ sngon ni nga yir 'dzin pas bskyed pa'i phung po rnams la brten nas yang ngar 'dzin bskye bar 'gyur gyi/ de med pa'i phyir de rnams spang skye bar mi 'gyur ro zhes bya ba yin no/ /don 'di ni tshad mas 'grub pa yin par brtan pa'i phyir/ ji ltar zhes bya ba la sogs pa smos so/ /mod kyi zhes bya ba ni srid pa'o/ 'di skad du bshad pa yin te/ gang zhig rten cing 'brel bar 'byung ba de ni don dam par na brdzun te/ rten cing 'brel par 'byung ba'i phyir gzugs rnyan bzhin no/ /gang bden pa de ni rten cing 'brel par 'byung ba ma yin te/ dper na 'phags pa rnams kyi spyod yul de bzhin nyid lta bu'o/ /chos thams cad bdag med
- 159b
pa tsam? zhig brjod par 'dod pa'i phyir dpe bsgrub byas stong pa ma yin no/ ji ltar gzugs brnyan brdzun pa ltar ngar 'dzin pa yang de dang 'dra'o/ /mjug thogs kyi tshigs su bcad pas ston to/ /de lta bu'i zhes bya ba la sogs pa la/ de lta bu ni bshad ma thag pa lta bu ste/ don ni don ma yin pa yongs su spangs pa'i phyir ro/ /chos rnams la mig ni bden pa mthong ba'o/ /bzlas te yang dang yang du smras so/ /ji srid phung por 'dzin yod pa/ zhes bya ba la sogs pas ni de ston par byed de/ chu srin 'dzin khri dang 'dra bar 'dzin cing mngon par zhen pa ste/ phung po'i rgyu yin pa'i phyir ro/ /phung por 'dzin pa de las ngar 'dzin pa'o/ /ngar 'dzin pa yang na las so/ de las ni skye ba ste ngar 'dzin pa dang/ las dang skye ba'i mtshan nyid rnam pa de gsum mo/ /de dag nyid rgyun chags su 'jug pa'i phyir lam yin te/ 'di la lam rnam pa gsum yod pas na lam gsum mo/ /gang la thog ma dang tha ma dang dbus med pa yod pa de la de skad ces bya'o/ /'og? ma dang tha ma dang dbus zhes bya ba 'di ci yin zhe na/ gzhan yod pa gang las snga ma med pa de ni thog ma'o/ /gzhan yod la gang las gzhan med pa de ni phyi ma'i mdza' o/ /de gnyis kyi bar mi dbus so/ /'khor ba nyid dkyil 'khor yin pas na 'khor ba'i dkyil 'khor ro/ /'di dkyil 'khor dang chos mthun pa nyid gang zhig yin zhe na/ kun nas 'khor ba'o/ /mgal me ni shing phyed tshig pa'o/ /de dang 'dra bas na de lta bu ste de dang mtshungs pa'o/ /'di skad du bshad pa yin te/ ji ltar mgal ma bskor ba med bzhin du 'khrul bas kor kor ? dmigs pa de zhin? du?/ 'khor ba'i dkyil 'khor 'di yang med bzhin du shes rab kyi mig zum pa dang/ lta ba ngan bar lhung bas dmigs so zhes bya ba yin no//
- 160a
'di nas zhes bya ba ni 'khor ba'i dkyil 'khor te/ phung po la brten nas ngar 'dzin pa/ de la brten nas phung po zhes bya ba phan tshun gyi rgyu can 'gro ba lngar 'khor bar 'gyur ro/ /'khor ba'i dkyil 'khor 'di ji ltar mgal me'i dkyil 'khor lta bu yin zhe na/ de ni rang gzhan zhes bya ba la sogs pa tshigs su bcad pa 'og mas ston to/ /rang las skye ba med ba'i phyir rang las ma thob pa ste/ sngon med pa dngos po med pa'i phyir dang/ rang gi bdag nyid la byed pa 'gal ba'i phyir ro/ /gzhan las kyang ma yin te/ de ni rgyu ma yin pa'i phyir ro/ /ji ltar rgyu ma yin zhin/ 'di ltar rgyu nyid ni 'bras bu la bltos pa yin pas ji srid du 'bras bu ma byung ba de srid du ni rgyu ma yin no/ /gang gi tshe rgyu ma yin pa de'i tshe ni 'bras bu yang mi skye bar snga ma kho na bzhin no/ /gnyi ga las kyang ma yin te phyogs gnyi ga la bshad pa'i nyes pa thal ba'i phyir ro/ /dang zhes bya ba'i sgra ni bsdu ba'o/ /dus gsum po nyid dus gsum nyid do/ /'ang zhes bya ba ni ma thob pa srid do zhes srid pa yin no/ /ji ltar dus gsum nyid du ma thob ce na/ 'di ltar 'das pas ni mi bskyed do/ /de nyid kyi phyir sa bon bul ba bzhin no/ /ma 'ongs pas kyang mi bskyed de/ de nyid kyi phyir mo gsham gyi bu bzhin no/ /da ltar gyis kyang mi bskyed de/ skad cig ma bzhin du mi gnas pa'i phyir ro/ /de nyid dus mnyam pa nyid yin na bskyed bar bya ba dang/ /skyed par byed pa'i nges pa mi rung ba'i phyir ro/ /srang mnga' i mtho dman bzhin zhes bya ba yang rgyu snga bar 'gyur te/ phra pa'i phyir dus mi rtogs par bzad do/ /de ltar brtags na ngar 'dzin pa ni zad par 'gyur/ /de zad pa las so/ /de nas skye ba'o/ /de ltar
- 160b
bshad ma thag pa'i rigs brtags na rgyu ni ngar 'dzin pa'i mtshan nyid kyi gti mug go /gti mug ni phyin ci log gi shes pa'o/ /phyin ci log gi shes pa yang ngar 'dzin pa'i rnam pa can no/ /de yis stobs kyis ni yang srid pa la sred pa dang bcas pa'i las 'khor ba dang mthun pa'o/ /de las ni phung po lnga 'byung ba'i mtshan nyid kyi skye ba'o/ /rgyu dang 'bras bu ni rgyu dang 'bras bu dag ste de dag gi skye ba'o/ /'jig pas na 'jig rten te de la'o/ /sdug bsngal thams cad zad pa'i zhes bya ba la sogs pas ni phan yon te/ 'dis 'jigs pa med pas na mi 'jigs par ste/ mya ngan las 'das pa dngos po med pa mar me shi ba lta bu'o/ /phung po med pa'i mya ngan las 'das pa de la'o/ /'dir zhes pa ni da ltar ro/ /de zhes bya ba ni rgyu dang 'bras bu'i ngo bo'i 'khor ba'o/ /khyod ces bya ba ni khyod de/ ci ste ci'i phyir 'jigs par byed ces bya ba yin no/ /gang zhig de lta bu mi 'dod pa de'i phyir bsam pa ma yin gyi/ gang zhig 'dod pa de la bya ba yin no/ /gal te zhes bya ba ni ci ste zhes bya ba'i don to/ /bsal ba ni med pa'o/ /'dir zhes bya ba ni dus 'di nyid do/ /gal te dmigs pa can la la 'di snyam du mya ngan las 'das pa dngos po yod pa'o snyam du sems na/ de dgag pa'i phyir/ mya ngan las 'das pa'i dngos po med pa'ang zhes bya ba la sogs pa smos so/ /'ang zhes bya ba'i sgra ni snga ma bzhin te/ dngos po yin pas mi srid pa la? zhig tu ma zad kyi/ 'o na ci zhe na/ dngos po med pa yang ngo/ /'o na mya ngan 'das pa'i mtshan nyid ji lta bu yin zhes bya ba ni bshad pa'i lhag ma yin no/ /'dzin pa ni reg pa ste/ de dag gis ma reg cing yul du ma byas pa'o/ /de zad pa ni 'gog pa ste/ so sor ma brtags pa'i 'gog pa'i mtshan nyid
- 161a
yin no/ /gal te rnam pa thams cad du yod pa ma yin no zhes smras na/ med par lta ba la brten bar 'gyur ro zhe na/ de'i mtshan nyid ni de ma yin no/ /de'i mtshan nyid ji lta bu yin zhe na/ 'jug thogs kyi tshigs su bcad pas de ston te/ mdor bsdus na mtshan nyid 'di yin no/ /rgyas par bya ba ni bde ba dang/ dkon mchog dang/ las dang 'bras bu 'brel pa dang/ ting nge 'dzin dang/ bsam gtan la sogs pa med do zhes lta ba ni med par lta ba ste/ 'bras bu ni mi 'dod pa yin pas de'i phyir yongs su spang bar bya ba yin no/ /bsod nams ma yin na zhes bya la sogs pas de'i 'bras bu ston te/ ngan song rnams las bsrung zhing skyob pas na bsod nams so/ /de lta bu ma yin pas na bsod nams ma yin pa'o/ /rang gi ngo bo ngan song gi rgyu mtshan yin bas na ngan? song ba'o/ /yang na ngan song du 'byung ba yin pas na ngan song pa'o/ /log par lta ba ni phyin ci log gi shes pa'o/ /gang na shes pa yod pa de na gzugs can ma yin pa'i phung po bzhi yang yod ba?/ de la rten gzugs kyi phung po yang gdon mi za par yod do/ /sems can ni de tsam du zad pas de'i 'bras bu ngan song gi 'gro ba de yin no zhes bya bar shes par byas nas de la srid pa zhes bya'o/ /mya ngan 'das pa dngos po dang dngos po med par yang med do zhes de skad du smra bas yang dag pa'i lta ba bsal nas med par lta ba la brten pa'i phyir log par lta ba kho na la yang dag par brten par 'gyur ro zhes de dgag pa'i phyir med pa dang/ yod pa dang/ mya ngan las 'das pa gsum char gyi mtshan nyid mdor bstan yin te/ 'di las bde 'gro rgyu mthun par 'byung? zhing
- 161b
'byung bas 'gyur bas 'bras bu bde 'gro can yin no zhes bya ba'i tha tshig go /yang dag pa phyin ci ma log pa'i lta ba ni blo gros dang 'dod pa yin te/ de yang kho bo cag la tha snyad du yod na ji ltar de bsal ba ni/ mya ngan las 'das pa yang thar pa 'ching ba dang bral ba yin la/ de yang don 'ga' yang ma yin na de bzhin du brjod pa la nyes ba ci zhig yod/ mya ngan las 'das pa ni rnam pa gnyis te/ phung po'i lhag ma dang bcas pa dang cig shos so/ re zhig phung po lhag ma med pa gang yin pa de la ni dngos po la sogs pa'i rnam par rtog pa shin tu mi srid do/ /phung po'i lhag ma dang bcas pa la yang med do zhes bstan pa'i phyir/ shes pas med dang yod zhi'i phyir zhes bya ba la sogs smos so/ /shes pa ni 'dir bsgoms pa'i rab kyi mdza' las skyes pa rnam par rtog pa'i tshogs ma lus par rab bsal ba nyams su myong ba'i rnam par zhugs pa don phyin ci ma log par dmigs pa yin par bshad do/ /med pa dang yod pa lta ba nye bar zhi ba'i ngo bo de'i phyir ro/ /bsrung zhes bya ba'i sgra ni bsod nams dang gzhan la bya ste/ bsod nams dang gzhan bsrung bas de'i phyir bsrung ba zhes bya ba'i sgras ni bsod nams brjod do// bsod pa la sogs pa'i mtshan nyid kyi bya ba ni bsod nams bsrung ba thud zhing mi snang bar byed pas na sdig pa zhes bya'o/ /'das pa ni rgal ba ste/ sdig pa dang bsod nams las 'das pa de yis rgyu med pa'i phyir ngan 'gro dang bde dgro las 'das pa zhes bya ba tshig lhag ma yin no/ /de lta bu de ni thar pa yin par dam pa mkhas pa rnams kyis bshad do/ /de ltar thar pa ni ngan 'gro dang bde 'gro las 'das pa yin par bshad la/ 'das pa zhe bya ba'i don yang 'ga'
- 162a
yang yod pa ma yin na ji ltar dngos po la sogs pa'i ngo bo yin par 'gyur/ gzhan la bltos te yang med bar brjod par bya ba ma yin te/ yang dag par na de yang ma grub pa'i phyir ro/ /de ni skye ba rgyu dang bcas mthong bas zhes bya ba la sogs pas chad pa dang rtag par blta ba rmi srid par ston to/ /skye ba ni 'byung ba'o/ 'gro bas na rgyu'o/ /rgyu ni 'gro bas te/ 'bras bu la 'gro zhing sgru par byed pa zhes bya ba'i tha tshig go rgyu dang bcas par 'jug pas na de skad ces bya'o/ /mthong ba ni rtogs pa'o/ /'gog pa ni nye bar zhi pa ste/ sngar bshad pa/ nga yir 'dzin pa yod na yang las te/ de las yang ni skye ba yin/ zhes bya ba des ni skye ba dang rgyu dang bcas pa bshad do/ /de ni rang bzhin gnyi ga dang/ zhes bya ba dang/ ngar 'dzin pa ni zad par 'gyur/ /de nas las dang skye ba yang zhes bya des ni 'gog pa'o// //tshigs su bcad pa 'dis skye ba rgyu dang bcas pa de kun rdzob pa yin gyi/ yang dag pa ma yin no zhes bya bar sngar skyes pa dang zhes bya ba la sogs pas ston par byed de/ 'bras bu bas sngar skyes shing byung ba la de skad ces bya'o/ /lhan cig skyes pa ni dus mnyam du skyes pa'o/ /rgyu min zhes bya ba ni rgyu ma yin pa ste de nyid rgyu med pa'o/ /don du zhes bya ba ni don dam par ro/ /don ni rigs pas bsams pa las byung ba'i shes rab phyin ci ma log par don 'dzin pa la bya ste/ de la 'jug pa'i thabs yin pa'i phyir ro/ /des rgyu ma yin pa nyid du dpyad na rnam pa gnyi ga la yang rgyu med do zhes bya ba'i tha tshig ste/ rgyu ma yin pa nyid ni 'bras bu bas sngar skyes pa'i gnas skabs kyi rgyu
- 162b
can yin no/ /'bras bu byung ba yin na de'i rten skyed par byed pa rgyu yin na/ de med na go ji ltar rgyu yin/ /lhan cig byung ba yang bskyed par byed pa ma yin pas rgyu ma yin te/ de ltar 'byung na nges pa med pa'i yang phyir ro/ /don 'di ni 'di lta bur grags pa ma yin no zhes bstan pa'i phyir ro/ /btags dang yang dag nyid du na zhes bya ba la sogs pa smros so/ /btags pa ni 'dogs pa ste tha snyad do/ /grags pa ni rab tu grags pa ste tha snyad med pa'i phyir ro zhes pa'i tha tshig go /yang dag pa nyid kyi dbang du mdzad nas yang dag pa nyid du skye ba ni 'byung ba'o/ /de yang rab tu ma grags pa'i phyir te/ de ni rang gzhan gnyi ga dang zhes bya ba der skye ba med pa yang bstan zin to/ /de ltar yang dag pa nyid du skye ba bkag pa byas pa dang/ gang la la 'o na rkyen nyid 'di ba tsam yang bkag go zhes zer ba de la brjod par bya ste brkyen nyid 'di pa tsam ni 'di lta ste/ 'di yod pas na 'di 'byung zhes bya ba 'di yin no/ /'di zhes bya ba ni rgyu'o/ /yod pas na zhes bya ba ni yod na'o/ /'di zhes bya ba ni 'bras bu'o/ /'di ji lta bu zhig ce na/ dper na ring po yod na thung ngu bzhin no/ /don de nyid dang? gzhan gyis sgrub par byed de/ /'di zhes bya ba ni rgyu'o/ /'di zhes bya ba ni 'bras bu'o/ ltag ma ni go sla'o/ /'di na jug? thogs pa'i sun 'byin te/ sngar tha snyad du ring po la bltos nas thung ngur bshad pa gang yin pa de nyid yang dag par na ring po med pa'i phyir la/ /thung ngu'i rang gi ngo bo med pa'i phyir de le bltos pa can gyi ring po yang med do/ /'on te thung ngu'i ming med kyang ming can ni yod pa kho na'o zhe na/ de yang rung ba ma yin te/ yang dag par na skye ba med pa'i phyir te/ /gnyi ga yang mi srid do/ /de bzhin du 'di skyes pas na 'di
- 163a
skye ste/ dper na mar me byung na 'od byung ba bzhin no zhes bya ba mar me la yang brjod par bya'o/ /de lta yin dang rgyu dang 'bras bu skye ba ni yang dag pa ma yin no/ /'o na ci zhe na/ tha snyad pa yin no zhes 'jug pas ston par byed de/ rgyu dang 'bras bu ni rgyu dang 'bras bu dag ste de dag gi skye ba'o/ /mthong zhing zhes pa ni shes shing ngo/ /ji bzhin zhes bya ba ni rang gi ngo bo ji lta ba bzhin no/ /rang gi ngo bo ci yin zhe na/ sgro las byung bar zhes bya bar smos te/ spros pa ni rnam par rtog pa'i mngon par brjod pas rgyas par tha snyad 'dogs pa'o zhes bya ba'i don te de las byung ba'o/ /yang dag par skye ba med pa nyid du khas mi len cing nye bar mi 'gro ste med pa nyid kyi lta ba mi 'dzin te/ /yang dag ji bzhin zhes bya ba ni phyin ci ma log pa ste de'i ngo bo la de skad ces bya ba'o/ /de yongs su shes pa des na 'chid pa thams cad dang bsdug bsngal dag las grol bar 'gyur ro/ /yod pa dang med pa'i lta ba gnyis so/ /gnyis po de la mi brten pa ste/ de la mi gnas shing gnyis kyi 'du shes dang bral ba yin no/ /so so skye bo'i gnas skabs na ma shes pa'i dbang gis phyin ci log pa'i blo can rtag pa dang chad pa'i rnam par yod pa dang med par lta ba dag 'byung ngo/ /mya ngan las 'das pa dang bar chad med par gnas pa la mi shes pa chung ngu'i chung ngu yang 'gag pa la mngon du phyogs so/ /de bas na phyin ci log tu 'dzin pa med pa'i phyir de lta bur ma gyur pa ni de la mi brten pa ste/ de'i phyir grol zhes bshad do/ /thag ring nas zhes bya ba la sogs pas ni don de nyid dpes gsal bar byed de/ thag ring po na gnas pa'i mis chu ma yin pas la chu'i rnam par mthong bas na
- 163b
mi bsal pa ltar yul dang dus kyi dbang gis 'khrul pa'i mig gis thag ring po nas mthong ba'i gzugs kyang mi sal lo/ /lag pa dang bong? pa dang dbyug ba la sogs pas gzugs su rung zhing gnod pa byang? rung bas na gzugs so/ /mthong na go bri? ltar mi gsal ba yin de? na/ chu ma yin pa la chu'i rnam par mthong bas so/ /de dang nye ba rnams kyis ni gzugs nyid gsal zhing mngon par mthong gi chu'i rnam par ni ma yin te/ ji ltar thag ring po nas mthong ba'i smig rgyu'i gzugs mi gsal ba zhes bya ba ni tshig lhag ma yin no/ /de bzhin du ji ltar mya ngan las 'das pa dang thag ring ba nyes pa thams cad kyi gzhir gyur pa rnams kyis 'jig rten 'khor bas yang dag pa'i ngo bor mthong de ltar de dang nye ba rnams kyi de mya ngan las 'das pa dang nye ba yon tan thams cad kyi gzhir gyur pa rnams kyis ni ma yin no/ /'jig rten ji lta bu zhig ce na/ mtshan med ces bya ba smos te/ mtshan ma ni bud med la sogs pa ste de dag rtag tu brjod pa dang shes pa'i rgyu yin no/ /gang la mtshan ma med pa yod pa de ni mtshan ma med pa ste stong pa zhes bya ba'i tha tshig go /ji lta bu zhig tu mtshan ma med ce na/ smig rgyu bzhin zhes bya ba smos te/ ji ltar smig rgyu chu'i rnam pas stong pa de bzhin du 'jig rten 'di yang gang dang gang gi rnam par snang ba des thams cad stong ngo/ ji ltar smig rgyu chu 'dra bar mthong ba yang dag par bstags na chu'i ngo bo nyid kyang ma yin la smig rgyu yang ngo bo nyid dang bcas pa ma yin pa de bzhin du phung po chu dang 'dra ba rnams kyang don dam par na bden pa ma yin no/ /de'i phyir bdag gi rang bzhin ma yin la/ phung po'i rang bzhin yang ma yin no/ /de lta bu'i
- 164a
chos rnams la gang dag mngon par zhen pa yod pa de dag ni shin tu blun pa ste 'khor pa ba yin no zhes mjug thogs kyi tshigs su bcad pa gnyis kyis ston to/ /smig rgyu la 'di ni chu yin no zhes bya ba'i rnam par bsams nas te/ der zhes bya ba ni smig rgyu der ngo? smig rgyu dang nye ba la smig rgyu'i sgrar brjod de dper na gang+gA'i gnag lhas zhes bya ba yin no/ /smig rgyu'i phyogs dang nye bar song ba las gal te chu de 'di na med do zhes dzin? pa'o// 'di skad du bshad pa yin te/ gal te lan 'ga' zhig smig rgyu de la chu yod par mthong bar gyur na ni la lar yod par mthong bas 'di na med do zhes bya bar rung ngo/ /gang gi tshe thams cad na de gtan med pa de'i che? chu de med do zhes 'dzin pa ni bdag nyid shin tu blun par sgrogs pa yin no zhes bya ba yin no/ /de bzhin du smig rgyu lta bu'i zhes bya ba ni yang dag par na smig rgyu dang 'dra'o/ /'di skad du bshad pa yin te/ tha snyad du ni de lta ma yin no zhes bya ba yin no/ gal te dngos po'i stobs kyis yod pa nyid spangs pa'i phyir med pa par 'gyur na med pa nyid spangs pa'i phyir yod pa yang ci'i phyir mi 'gyur/ gal te 'di snyam du re zhig mya ngan las 'das pa'i gnas skabs na ni rnam par ma rtog pa'i ye shes yod pas de ltar yang 'gyur srang? na/ so so'i skye bo'i gnas skabs na de 'thob pa'i thabs kyi lam mam/ gzhan la yod pa gang yin pa sun phyung ba byas pa gang yin pa de nyid dngos po'i stobs kyis don gyis med par bslan dgos zhes bya bar sems na de drang ba 'am mthob bo zhes bya ba'i tha tshig go /de ltar thabs des med pa pa nyid kyi don rgyas par bkag pas na gang dag don gyis med nyid du/ dam ni 'cha' zhing zhes bya ba la sogs pa smos
- 164b
ba yin te/ don gyi stobs kyi med pa nyid du bsgrub par bya ba'o/ /yang na? dam 'cha' ba la sogs pa med pa ba zhes bya ba'i gzhan du ni ma yin na de dag thams cad ni 'di la med do zhes bya ba ston pa yin no/ /dam 'cha' ba ni 'jig rten pha rol la sogs pa med do zhes khas len pa yin na tha snyad du thams cad khas? len pa kho bo cag la ni de med do/ /'on te 'jig rten kha zer bas 'jigs pas de mi byed do zhe na/ 'o na ni lus dang dag gi nyes par spyod pa'i mtshan nyid kyi spyod pa yod par 'gyur ba zhig na/ de yang bsam gtan dang bden pa lhung len pa'i tshangs par spyod pa la sogs pa'i yon tan gyis brgyan pa la med do/ /'on te rnyed pa dang bkur sti rnam bar chad kyis dogs bas nye bar spyod pa bor nas legs par spyad pa spyod du zad/ sems ni med par lta bas gnas so zhe na/ byang chub rten phyir sems med pa zhes bya ba smos so/ /byang chub ni bla na med pa'i ye shes te/ don 'di la ni sde pa mi 'jug pa'i phyir ro/ ji ltar zhes bya ba ni rgyu gang gis na'o/ /dmigs pa'i gdon gyis zin? pa rnams kyis bshad cing smras zhes bya ba yin no/ /chos 'di ni dmigs pa can thams cad dang thun mong ma yin no zhes bya bar tshigs su bcad pa gnyis kyis ston to/ /yang na gnyis la mi brten thar par 'gyur zhes bya ba'i don 'di su zhig gis ma smras na gang gi phyir bshad bya ba'i phyogs snga ma 'di la mjug thogs tshigs su bcad pa smos so/ /'di la gang zag dang phung por smra ba'i ngang tshul yod pas na de dag ni de dag tu smra ba'o/ /drang srong ser skya ni 'grad bar byed pas na grangs can zhes bya la/ de'i slob ma ser skya ba rnams la yang zangs can zhes bya'o/ /?? pa ni gzegs zan te gzegs
- 165a
ma za zhing 'ug pa ltar spyod pas so/ /de'i slob ma rnams ni bu dang 'dra bas na 'ug phrug go /gos ni bgo ba'o/ /'di dag gos dang bral bas na de skad ces bya ste gcer bu zhes bya ba'i don to/ /grangs can dang 'ug phrug dang gos med pa rnams la de skad ces bya'o/ /'di dag dang bcas pas na grangs can 'ug phrug dang gos med bcas pa'o/ /gal te dris na yod pa dang med pa las 'das pa gnyis dang bral ba smra na de la dris shig ces bya ba'i tha tshig go /grangs can la sogs pa ji ltar mi smra zhe na/ 'di ltar re zhig grangs can rnams ni skye bu dang gang zag la ni yod pa nyid du shes so/ /sa la sogs pa la ni bskal pa chen po'i bar du'o/ /'das pa dang med pa dag la ni med pa nyid du'o/ /'gyur ba'i tshogs la ni yang dag par na med pa nyid du shes te/ de ltar la la ni yod pa la la ni med pas na yod pa dang med pa las 'das pa yin no zhes smra ba la dgongs nas dris zhes bya ba smos so/ /bye brag pa rnams kyang rdul phra rab rnams dang rdul gnyis pa la sogs pas brtsams pa bum pa la sogs pa la yod pa dang med pa nyid du shes so/ /gos med pa rnams kyang yin par smra ba ste/ yod par yang yin med pa yang yin zhes bya ba dang/ de bzhin du srog la ni yod pa nyid dang/ lhag ma la ni med pa nyid du shes so/ /gang zag dang phung por smra ba gang dag yin pa de dag kyang gang zag la ni yod pa nyid du/ sa la sogs pa la ni bskal pa chen po'i bar du/ 'das pa dang ma 'ongs pa dag la ni med pa nyid du shes te/ de ltar la la ni yod la/ la la ni med pas na yod pa dang med pa las 'das pa yin no zhes smra ba la dgongs nas dris zhes bya ba smos so/ /de ltar bshad ma thag pa'i rgyu de'i phyir sangs rgyas bcom ldan 'das rnams
- 165b
kyi bsnyams ni bya ba dang bya ba ma yin pa blang ba dang dor ba ston pa'o/ /'chi med ces bya ba la/ 'chi ba med pa ni mya ngan las 'das pa ste 'di la 'chi ba med pas na 'chi med do/ /de 'thob pa'i thabs yin pas na de skad ces bya'o/ /ji skad smos pa'i rigs pas yod pa dang med pa las 'das par bshad pa zab mo gting dpag dka' ba de kho na chos kyi khud pa yin no zhes bya bar shes shing khong du chud par gyis shig /sgo ris dang 'dra bas na khud pa ste thun mong ma yin pa zhes bya ba'i don to/ /gong du ni de ni rang gzhan gnyi ga dang/ dus gsum nyid du 'ang ma thob phyir zhes skye ba med par bshad do/ /de ni skye ba khas blangs nas 'jig rten zhes bya ba 'ga' yang med do zhes mjug thogs pas ston to/ /skye ba ni 'byung ba'o/ /'jigs pa ni nyams pa ste 'jug cing nyams pa na yang 'gro ba med cing gang du yang 'pho ba med la/ skye ba na yang gnas gang nas kyang 'ong ba med do/ /skyes pa yang skad cig kyang mi gnas pa ste/ de lta yin dang 'das pa'i dus na yang med/ ma 'ongs pa na yang med/ de ltar yang med pa yin no/ /gang las dus gsum char las 'das shing rnam par 'das pa'i bdag ste/ ngo bo nyid yod pa de la de skad ces bya'o/ /dam zhes bya ba'i sgra ni rnam par rtog pa ste/ de lta bu yang tha snyad du ni yod do snyam du dgongs pa yin no/ /'das ma thag pas 'gro ba dang 'ong pa 'gag pa mdzad nas/ gang phyir gnyi ga'ang zhes bya ba la sogs pas 'jig rten dang mya ngan las 'das pa dag don dam pa na khyad par med par ston to/ /gang phyir zhes bya'i sgra ni gang gi phyir zhes bya ba'i don to/ /gnyi ga zhes bya ba'i don ni 'jig rten dang mya ngan las 'das pa dag go /gal te 'ga' zhig gnas pa yod na ni 'di gnyis rung ba zhig na ma skyes pa la gnas
- 166a
pa med pa'i phyir de ni med do/ /de med pa nyid kyis 'gag pa yang med de/ 'di thams cad yang dag par yod pa ma yin no/ /tha snyad du ni rgyun gyis 'jug pa yod do zhes bya bar gzung ngo/ /lhag ma ni go sla'o/ /de ltar skye ba la sogs pa dgag pa mdzad pa dang/ rgol ba la la 'di snyam du gang dag dngos po thams cad skye zhing 'gag par 'dod pa de dag kho na la nyes pa 'dir 'gyur gyi/ kho bo cag ni skye ba med pa dang 'gag pa med pa dang skad cig ma yin par 'dod de/ de'i phyir kho bo cag la nyes pa 'di med do snyam du sems pa de'i phyir/ gal te rtag par 'gyur na ni/ ji ltar zhes bya ba la sogs pa smos te/ gzhan yang 'jig par mi 'gyur ro zhes bya ba de lta bu la sogs pa'i sun dbyung ba zhig kyang yod na gzhan du bshad zin pas 'dir mi brjod do/ de ji ltar skad cig ma ma yin zhes bya dri ba ste/ rnam pa gang gis yin smos shig ces bya bar dgongs pa yin no/ /ci'i phyir ma yin zhe na/ gal te rtag par 'gyur na ni zhes bya ba smos te/ gal te zhes bya ba ni khas len pa 'am gang gis phyir zhes bya ba'i don to/ /rtag par zhes bya ba ni dus thams cad du'o/ /'gyur ba ni yongs su 'gyur pa ste gnas skabs gzhan 'thob pa'o/ /don ni rtag pa'i don dpyad pa nyid kyis gnas skabs dpyad pa yin no zhes bya ba 'di yin no/ /skad cig ma yin pa'i dngos po ni med de/ rtag tu 'gyur ba'i phyir blo dang sgra dang me lce bzhin no/ /gang zhig skad cig ma ma yin pa de la ni 'gyur ba yang med do/ /dper na nam mkha' lta bu'o/ /'on te des 'jig par 'gyur bar mi 'dod na de'i tshe nyes gzhan gal te 'gyur ba med na ni zhes bya ba la sogs pa smos te/ gal te zhes bya ba
- 166b
ni gal te na zhes bya ba'i don to/ /don du gzhan nyid du mi 'dri ba nyid du gal 'gyur te/ de lta bur snar ba'i phyir med do zhes bya ba brjod par yang mi nus te/ 'on te nyes pa 'dir 'gyur 'ong zhes te/ rtag pa'i phyogs gcig sa? zad pas gcig ma nyid du 'dod la/ phyogs cig dang ldan pa 'ga' zhig ni 'gyur gyi thams cad du ni khas mi len te/ bye brag pa rnams kyi ltar na bum pa la sogs pa rdul phra rab kyi phyogs gcig yin gyi rdul phra rab ni skad cig ma yin no/ zhe na/ /de'i phyir de rnams gnyi ga'ang zhes bya ba la sogs pa smos so/ /rigs pa ni 'thad pa'o/ /de 'di las yod pas na rigs pa dang ldan pa'o/ /de lta bu ma yin pas na rigs ldan min zhes bya'o/ /de ci'i phyir zhe na/ sgyu ma 'dra ba nyid mi dmigs pa'i phyir zhes bya ba smos so/ 'dra ba ni mtshungs pa ste mnyam pa'o/ /de lta bu ma yin pas na mi mnyam pa'o/ /de'i ngo bo ni mi mnyam pa nyid de/ de mi dmigs shing mi snang ba'i phyir ro/ /bstan bcos dang yang 'gal ba'i phyir te/ bstan bcos ni 'ga' las kyang phyogs gcig zad pas skad cig mar mi 'dod do/ /thams cad du zad pas skad cig ma yin par yang rtag par smra ba rnams mi 'dod pas rnam pa gnyi ga yang rig pa dad mi ldan pa yin no/ /rtag pa nyid du yang rung ba ma yin te/ gzhan nyid du gyur pa snang ba'i phyir ro/ /rdul phra rab rnams rdul gnyis la sogs pa'i rim gyis 'bras bu ras yug la sogs pa byed pa na sngon gyi ngo bo dbang pos mi sod pas byed pa ni ma yin te/ de dang 'dra ba kho nar ras yug la sogs pa yang mi dmigs par thal bar 'gyur ba'i phyir ro/ /de'i phyir gdon mi za bar 'gyur bas khas blang dgos so/ /yang na rang gi sde ba dag kho na skad cig ma dgag pa mdzad pa dang/ 'di skad ces skad cig ma
- 167a
ma yin pa ni 'ga' yang med do/ /'o na ci zhe na/ skad cig ma kho na'o zhes zer ba de'i phyir 'di bshad de/ tha snyad du yang mi 'dra ba nyid mi dmigs pa'i phyir dang/ yang dag par na mi 'thad pa'i phyir de ltar skad cig ma ma yin no/ /yang 'di na khyab 'jug pa la kho bo cag gi khyab 'jug ni skye ba thog ma dang tha ma med pas rtag pa rnying pa yin no zhes zer te/ de la nyes pa de dag med kyang skad cig ma ma yin pa'i phyogs la nyes pa gang dag bshad pa de dag go /ji ltar med ces brjod par bya/ gzhan yang dngos po skad cig ma yin na ril gyis med pa'i phyir ga la zhig yod de med pa kho na'o/ /brtan phyir zhes bya ba rtag pa'i phyir ro/ /rtag pa ni ngo bo nyid gcig pa yin pa'i phyir rtag tu sar pa kho na yin no/ /de'i phyir rnying pa nyid mi rigs te/ rnying pa ni rgyas pa nyid yin no/ /phyi nang gi dngos po rnams la rnying pa nyid snang ba ma yin nam/ de ji ltar rnying ba med ce na/ tha snyad du lta skye ba dang/ gnas pa dang 'jig pa ci ste mi snang na/ 'di ni de kho na nyid bsam par brjod pa yin no/ /de lta bu'i zhar la 'ongs pa bzhag nas yang/ /ji ltar zhes bya ba la sogs pas dkyus ma rtsom ste/ mdza' ni tha ma'o// thog ma ni gang las sngon rol na med pa'o/ /dbus ni mdza' gnyis kyis yongs su bcad pa'o/ /brtag dgos zhes bya ba 'dis ni 'di rtog par kun nas bslang ba tha snyad pa yin gyi yang dag pa ni ma yin no zhes ston par byed do/ /de ltar zhes bya ba ni bshad ma thag pa'i tshul gyis so/ /gang la gsum gyi bdag nyid kyis rang gi ngo bo yod pa de ni gsum bdag go /'jig rten ni sems can dang snod du bgrang ba'o/ bskad cig ma ni skyes ma thag tu 'jig
- 167b
pa'i dus so/ /ji ltar skad cig ma'i tha ma la sogs pa la bsam pa byas pa de bzhin du thog ma la sogs pa la yang bya'o/ /de lta yin na gnas med pa'i phyir ngo bo med do kho nar 'gyur gyi skad cig ces bya ba gcig ni yod pa ma yin no// rgya la gal te skad cig ma gcig med na 'o na thog ma la sogs pa yod du snyam du sems na/ rang gzhan las kyang ma yin no zhes bya ba la sogs pa de dgag pa mdzad do/ /'di skad du bshad pa yin te/ cung zad cig skye na rang ngam gzhan las rang gi ngo bo thob grang na/ de la re zhig rang las ni ma yin te 'gal ba'i phyir ro/ /gzhan las kyang ma yin te/ rgyu khyad par med pa las 'bras bu tha dad pa med par thal bar 'gyur ba'i phyir ro/ /de ltar na rang rang gzhan las kyang ma yin pas gsum char yang de lta bu nyid du mi 'gyur ro/ /de ltar na du ma'i bdag nyid yin pa'i phyir gcig ces pa med do/ /gal te de ltar phyogs tha dad pa'i phyir gcig pa med na gang phyir gcig pa med na gang zhig phyogs med cing cha shas med pa gang yin pa de de 'dra ba yin na 'gyur ro/ /de gang zhig yin sems re zhig de ni gcig pa ma yin te/ skye ba dang/ gnas pa dang/ 'jig pa dus mang po dang ldan pa nyid kyis gsum gyi bdag nyid yin pa'i phyir ro/ /'o na rdul phra rab dag yin no zhe na/ de dag kyang cha shas dang bcas pa nyid du brgya ba dang bdun brgya pa las rab tu bsgrubs zin to/ /'o na brda sprod pas brtags pa sgra gsal zhes bya ba'i sgra yin par 'gyur ro zhe na/ de yang cha shas med pa nyid yin na nga ro bzhin gsal bar byed pa ma yin pas cha shas dang bcas pa yin no/ /de dag thams cad kyang skad cig ma yin pa'i phyir cha shas dang bcas pa yin te/ des na sun dbyung ba de nyid yin no/ /de'i phyir
- 168a
de ltar na phyogs med pa ni 'ga' yang med/ gal te 'di snyam du gcig pa ma yin du zad/ ma yin par 'gyur snyam du sems na/ de'i phyir gcig med par ni zhes bya ba la sogs pa smos te/ du ma ni gcig la bltos nas yin gyi/ de med par ni ma yin pas gcig kyang med la du ma yang med do/ /med pa nyid kho nar 'gyur ro zhe na/ de lhag mas dgag go /don ni 'di yin te/ gal te yod pa nyid gcig khas blangs par gyur na ni de la bltos nas de 'gyur ro zhes bya ba yin no/ /gal te ji ltar de lta bu yin zhe na/ don de mjug thogs kyi tshigs su bcad pas ston to/ /yod pa nyid dang ldan pa nyid de/ dper na bya rog nag po nyid ces bya ba lta bu'o/ /de zhig cing zad pa'ang gnyen po ste dper na 'di na sprul yod do zhes sprul gyi dug gis 'jigs par gyur pa las de'i gnyen po me'u le yod pas med do zhes bya ba lta bus ste/ /med pa nyid ni de lta yin par 'gyur grang na/ yod pa srid pa ma yin phyir// yod pa nyid mi srid cing khas ma blangs pa'i phyir gnyi ga mi rigs so/ /gang gi phyir de lta yin pa de'i phyir de mya ngan las 'das pa'i rgyu sems can zhes bya ba'i 'jig rten don du don dam par 'grib cing 'bri bar mi 'gyur nye bar mi 'gro'o/ /de'i phyir 'jig rten 'di mdza' dang ldan nam ci lags zhes zhus na/ bcom ldan 'das cang mi gsung bar bzhugs te/ skye ba yod na yod pa nyid yin la/ de'i mdza' ma ni mdza' yin na de med pa'i phyir de ni med la/ 'di yang chos de lta bu mnyan par bya ba'i skal pa can ma yin pas de yongs su spang bar bzhed nas cang mi gsung bar bzhugs pa yin no/ /don de nyid gsal bar mdzad pa dang/ phan yon brtan par mjug thogs pas smos te/ rgyu gang gi phyir ro//
- 168b
zab mo'i chos ni 'di zab pa yang yin la chos kyang yin pas so/ /mi gsung ba ni bka' mi stsal ba'o/ /gang la zhe na/ snod min zhing snod du ma gyur pa'i 'gro ba la'o/ /rgyu de nyid kyi phyir mkhas pa shes nyen can rnams kyi kun mkhyen pa'i ngo bor thams cad mkhyen pa'o zhes bya bar shes shing rtog so/ /'di skad du bshad pa yin te/ yang dag par ngo bo nyid med pa yin pas chos thams cad ni gnyis su med pa yin la/ de dag kyang bcom ldan 'das kyis mdo sde de dang de dag las de kho na bzhin du gsungs te/ ji skad du/ chos kun rtag tu ngo bo nyid kyis stong/ /rgyal ba'i sras rnams dngos po rnam par 'jig /srid pa thams cad rnam pa kun tu stong/ /nyi tshe'i stong nyid mu stegs can rnams kyis/ zhes gsungs pa dang/ yang gang zhig stong nyid shes pa de bag yod ces gsungs pa lta bu'o/ /brjod pa ni shes pa'i 'bras bu yin no zhes gzhan nas rgyas par bstan zin to/ /don 'di ni 'jig rten thams cad kyis nyams su myong bas grub pa yang yin te/ rnam par bsams nas smra ba'i phyir ro/ /gang la shes pa snang bar gyur pa yod pa de la mi shes pa mun par gyur pa 'gag ste snang ba dang mun pa bzhin no/ /gang la yul thams cad pa'i ye shes yod pa de ni thams cad mkhyen pa zhes bya ba'o/ /de ltar zhes bya ba ni de ltar ji skad bshad pa'i rim pas zhes 'jug sdud pa ston pa yin no/ /gang la yongs su 'dzin pa ste rang gir byed pa de la de skad ces bya'o/ /gnas ni rten no/ /'di la gnas yod pa ma yin pas na gnas med pa'o// rdzogs sangs rgyas ni kun nas mkhyen pa can no/ /thams cad gzigs pa rnams kyis zhes bya ba la/ gzigs pa ni gzigs par byed pa ste spyan gyi rnam par shes pa'o/ /thams cad du gzigs pas na thams cad gzigs pa'o/ /thams cad
- 169a
du 'gro ba'i spyan gyis rnam par shes pha can rnams kyis nye lha'i spyan rnams kyis zhes bya ba'i tha tshig go /yang dang yang du bka' stsal ba ni gsungs pa'o/ /chos 'dis spag pa zhes bya bar sbyar ro/ /khyad par ji lta bu can zhig gis she na/ gnas med pas so/ /ci'i phyir skrag ce na/ gnas la mngon dga' zhe bya ba smos te/ de dang der skye bas na skye ba'o/ /gnas dang bcas pa kho na'i chos la mngon par dga' zhing chags pa zhes bya ba'i tha tshig go /skrag pa'i rgyu gzhan ni 'di yin te/ ma 'das pa ni nyid la gnas pa zhes bya ba'i don to/ /mi mkhas pa ni shes rab can ma yin pa'o/ /de lta bu de dag cir 'gyur zhe na/ phung bar 'gyur te/ mya ngan las 'das pa dang/ bde 'gro la lan mang du mi snang zhing nyams par 'gyur ro/ /de lta bu de bdag nyid phung po yin no zhes de ltar bsam nas ci nas phung bar mi 'gyur ba de ltar sngar bshad pa'i don de la sems brtan por gyis shig /khyod chos kyi snod yin no zhes khyod mi phung zhing yongs su nyams par mi 'gyur bar bya ba'i phyir ro/ /'jig rten 'khor ba las 'das pa ni mchog go /'dis len cing 'thob pas na de skad ces bya'o/ /yang na khyer bar byed pas na tshul de yang dag pa'i gdams ngag go / gnyis pa rten cing 'brel pa med pa de la de skad ces bya'o/ /yang dag pa ji lta bu bzhin ni bden pa'o/ /lung ni yid ches pa'i bka' ste/ de'i dbang gis zhes bya ba ni de gsungs pa'i lugs kyi rjes su 'phrengs nas yin gyi rang gi blos ni ma yin no zhes bya ba yin no/ /sdig dang zhes bya ba la sogs pa ni sdig pa la sogs pa mi srid par ston te/ /sdig pa dang bsod nams ni sdig dang bsod nams dag ste de dag nyid bya ba yin te/ de dag ni lus dang ngag
- 169b
dang yid rab tu 'jug pa'i mtshan nyid yin pa'i phyir ro/ /gang la de dag 'das shing rgal ba yod pa de la de skad ces bya'o/ /tshul de zhes bya bar sbyar ro/ /de ni bkrol zhing rab tu brtan pa yang yin la don yang yin pas bkrol ba'i don to/ /de 'di la yod pas na bkrol ba'i don dang ldan pa'o/ /chu bo dang rgya mtshor 'jug pa'i lam ni mu stegs te/ grub pa'i mdza' thams cad kyang 'khor ba dang mya ngan las 'das pa'i rgya mtsho'i rang gi ngo bo la 'jug pa'i phyir rab tu sbyar ba yin pas mu stegs yin par brtag go /de la 'di yod pas na mu stegs can no/ /gsung rab 'di las gzhan pa 'di dag gis pa myangs shing go myangs pa ste bye brag tu ma shes pa zhes bya ba'i don to/ /gnas ni dmigs pa'o/ /'di la brtan pas na de skad ces bya ste/ des 'jigs shing skrag pa rnams so/ /'jig rten 'das kyi tshul bshad ces smos te/ da skyes bus min zhes bya ba la sogs pas ston to/ /'di skad du bshad pa yin te/ 'jig rten zhes bya ba'am 'khor ba zhes bya ba ni gzugs la sogs pa'i phung po 'di dag kho na la bya'o/ /de la gzugs kyi phung po ni 'byung ba dang 'byung ba las gyur pa'i tshogs yin no/ /tshor ba la sogs pa'i phung po yang sems dang sems las byung ba'i ngo bo yin no/ /'di la ni 'jig rten pho dang mo zhes bya bar mngon par zhen pas de spyod par mdzad de/ re zhig sa 'ba' zhig ni skyes bu ma yin no/ /lhag ma rnams kyang 'ba' zhig ni de dang 'dra'o/ /kun 'dus pa yang ma yin te/ de lta bas na skyes bu ni de ltar ngo bo nyid med do/ /de'i phyir skyes bu ni med pa kho na ste/ khams drug la skyes bu zhes bshad kyi gzhan ni ma yin na de dag kyang de ltar dpyad na khams drug car yang skyes bu ma yin no/ /gal te 'di snyam du skyes bu ma yin du zad/ khams rnams ni yod do snyam du
- 170a
sems na/ mjug thogs nas 'byung bas de 'gog ste/ khams drug la brtags par zad pas khams drug skyes bu 'dus pa'i phyir de'i ngo bo yin pa ji lta ba yin pa de bzhin khams la sogs pa'i mtshan nyid kyang tshul 'di nyid kyis so/ /'di skad du bshad pa yin te/ sa la sogs pa yang rdul phra rab 'dus pa yin pa de'i phyir/ de dag kyang yang dag par nas la sogs pa'i ngo bo nyid du mi 'gyur ro/ /gal te bdag tu smra ba rnams 'di snyam du sems te/ skyes bu dang khams rnams lta med du zad bdag ni yod do zhe na/ mjug thogs nas 'byung bas de 'gog ste/ re zhig phung po rnams ni bdag ma yin te/ de'i ngo bo nyid ma yin no zhes bya ba'i don to/ /bdag der phung po de rdza ma dang rgya shug gi tshul du ni ma yin te/ gal te yin par gyur na so sor rang gi ngo bo dmigs par 'gyur ba zhig na de lta yang ma yin no/ /'on te lus can ma yin pa'i phyir da ltar mi 'gyur ro zhes lus can ma yin pa nam mkha' dang 'dra ba lta rten kyang ji lta bu zhig yin par 'gyur/ chu la sogs pa rlung gi dkyil 'khor la gnas pa zhes bya ba dper byar ni mi rung ngo/ phung po de la bdag de yang ma yin no/ /de med par te phung po de med par yang rigs pa'i sgo nas dmigs pa ma yin no/ /phung po dag dang lhan cig me dang bud shing 'dres shing gcig tu gyur pa yang ma yin te/ de lta yin na ni 'di ni bdag go /'di dag ni phung po zhes bya bar phyed par mi 'gyur te chu dang 'o ma bzhin no/ /de'i phyir ji ltar na yod ces bya bar shes/ ji ltar bdag dang srog med pa ltar sa la sogs pa yang de dang 'dra'o zhes bya bar bstan pa'i phyir/ 'byung gsum sa min zhes pa la sogs pa smos so/ /re zhig sa 'di 'byung ba gsum ma yin te/
- 170b
de'i ngo bo nyid ma yin no/ /sa 'di la 'byung ba gsum yang ma yin te snga ma bzhin no/ /'byung ba gsum la yang sa 'di ma yin no/ /de med par te 'byung ba gsum med par yang ma yin no/ /sa ji lta bar lhag ma gsum yang de dang 'dra' ba' o/ /yin zhes bya ba'i sgra ni de lta bas na zhes pa'i don yin te/ gtan tshigs de'i phyir ro/ /sa la sogs 'byung ba re re yang ngo bo nyid med do zhes bya ba'i gtan tshigs su gang zhes bya ba'i sgra smos te/ gang gi phyir gsum med par re re med la/ gcig med par yang gsum med pa zhes bya ba ni tshig lhag ma yin no/ /gal te zhes bya ba'i sgra ni ci ste zhes bya ba'i don yin te/ ci ste gsum med par yang re re med la/ gcig med par yang gsum med na/ sa la sogs pa so sor rang yod pa ma yin no/ /so so rang ni so so rang ste rang gi ngo bo zhes bya ba'i tha tshig go /yod pa ma yin pa ni med pa ste/ 'di skad du rang gi rang ngo bo yod pa rnams 'dus pa ni 'dres pa yin no zhes bshad pa yin no/ /'on te so sor rang ste rang rang gi ngo bor so so logs shig na yod na'o/ /cis med de/ de ci'i phyir med/ g.yo ba ni rlung ngo/ /thogs pa ni rgyugs pa ste sa'i khams so/ /sdud pa ni 'byar ba'i ngo bo ste/ chu'i khams so// de dag med par chung dang rlung dang re re yang de bzhin no/ /'on te me 'di bud shing med na mi dmigs pa'i phyir/ logs shig tu rang gi ngo bo med na ji ltar thabs gang gis khyod kyi lhag ma gsum po rang bzhin te/ de dag phan tshun ma 'dres par logs shig na so so'i rang gi ngo bor yod do snyam du dgongs pa yin no/ /de lta bas na de ni 'dra bar blta bar bya'o/ /'di la gtan tshigs ci yod snyam na/ lhag mas gtan tshigs smos te/ gsum po
- 171a
ni me ma gtogs pa lhag ma rnams so/ /rgyu la brten cing gnas nas 'byung ba ni skye ba'o/ /chos mi mthun pa ni mi 'dra ba'o/ /'ang zhes bya ba'i sgra ni gang gi phyir zhes bya ba'i don to/ /'di skad du bshad pa yin te/ rnam par shes pa'i rkyen gyi ming dang gzugs zhes bya ba de la gzugs zhes bya ba ni 'byung ba chen po bzhi dang 'byung ba chen po bzhi rgyur byas pa dag yin no/ /gal te me logs shig tu rang gi ngo bor yod par gyur na gsum kho na lhan cig 'byung bas rten cing 'brel par 'byung ba dang chos mi mthun par 'gyur te/ de ltar ni rung ba ma yin no/ /yang na nyes pa gzhan 'di yang yod do zhes bya ba tshig lhag ma yin te/ 'ang zhes bya ba'i sgra ni bsdu ba'i don du bya'o/ /so so rang yod kyang rung med kyang rung phan tshun rten pa yang skyon yin par ni mjug thogs nas byung bas ston to/ /gal te nyes pa der 'gyur du 'ong zhes te/ gang na 'byung ba gcig yod pa de na lhag ma rnams yod do zhes bya bar khas len na gcig tu gnas pa nyid la gzhan du gyur pa mi 'thad pas de lta na gcig tu gnas pa nyid du khas blangs par 'gyur ro/ /gyur du zad mod nyes pa ci yod ce na/ ma 'dres pa rnams gcig gnas med ces bya ba la sogs pa smos te/ 'dres pa rnams ni so so logs shig gi rang gi ngo bo nyams par 'gyur te/ sbrang rtsi dang mar dang 'o ma dang chu bzhin no/ /'byung ba rnams kyi mtshan nyid kyang rung ba ma yin no zhes mjug thogs nas 'byung bas ston te/ shas che ba ni lhag pa'o/ /'o na mtshan nyid ji ltar bka' stsal ce na/ mtshan nyid dag ni kun rdzob bshad ce bya ba smos te/ kun rdzob tu tha snyad du yin la/ 'di ni kho na nyid bsam pa yin pas nyes pa med do/ /'byung ba chen po
- 171b
med par bstan pa'i tshul te/ thabs bshad pa gang yin pa'i thabs de nyid kha dog la sogs pa'i yang yin no/ /'byung ba dgag pa 'das ma thag pas rten pa yang bkag zin pa nyid yin mod kyi gsal bar bya ba'i phyir 'di smos par zad do/ kha dog ni/ gzugs so/ /'di skad du bshad pa yin te/ 'di dag kyang 'dres par 'gyur par 'dod do/ /phra rab rdul ni rdzas brgyad do zhes bya bas so/ /de lta bas na de dag kyang 'byung ba bzhin med par sgrub pa la rigs pa ni de nyid yin no/ /de ltar 'byung ba dang 'byung las gyur pa rnams yod pa ma yin par bstan nas/ /da ni mig ces bya ba nas bzung ste/ ming dang ming can zhes bya ba'i bar sbyir gzugs can ma yin pa'i don rnams la yang tshul ni 'di nyid yin no zhes bya bar de bzhin no zhes bya ba'i sgras ston to/ /mig gis mtshon pa rna ba la sogs pa dang/ gzugs kyis mtshon pa sgra la sogs pa dang/ mig gi rnam par shes pas mtshon pa rna ba'i rnam par shes pa la sogs pa la yang ngo// yang na gzugs zhes bya ba ngo bo nyid kyi rnam grangs su byas nas ming gi ngo bo nyid kyi rnam pa la sogs pa 'byung ba las gyur pa'i ngo bo nyid la brten pa dang/ de bzhin du rnam par shes pa'i ngo bo nyid rna ba'i rnam par shes pa la sogs pa rnam par shes pa'i ngo bo nyid la brten nas so/ /mig la sogs pa'i gzugs rnams ngo bo nyid yin pa ni de dag kyang bsags pa'i ngo bo nyid yin pa'i phyir ro/ /rnam par shes pa la sogs pa yang tshogs pa'i ngo bor 'byung ba'i phyir de dang 'dra bar bsams par bya ba yin no/ /ma rig pa yang nyon mongs pa dang nye ba'i nyon mongs pa dag yin pas de dang 'dra ba nyid do/ /rnam par shes pa smos pas/ sems las byung ba yin pa'i phyir ma rig pa yang smos pa nyid ma yin
- 172a
nam/ yang ci ste smos she na/ de ni bden na 'on kyang de ni gtso bo yin pa'i phyir yang smos te/ 'di ltar de'i stobs kyis ni nyon mongs pa dang nye ba'i nyon mongs pa gzhan dag kyang rab tu 'jug la 'khor ba yang de las 'byung ngo/ /las gnyis smos pa'i phyir 'di gang gis yin par gzung ngo/ /las zhes bya ba 'am bya ba phung po la ma gtogs pa don gyi khyad par gzhan du brjod pa'am dmigs pa ni ma yin te/ rgyu ma rigs pa la sogs pa snga ma la brten nas/ phung po'i tshogs phyi ma phyi ma la las zhes bya bar zad do/ /ma rig pa dang sred pa dang len pa'i rgyu can gyi phung po 'byung ba tshogs pa'i ngo bo ni skye ba'o/ /ma rig pa dang las dang skye ba ni ma rig pa dang las dang skye ba rnams te de rnams la'o/ /byed pas na rang dbang can gyi byed pa ni byed pa po ste phung po lnga'i ngo bo nyid yin no/ /de'i bya bas khyab pa ni las te/ 'dod pa 'am mi 'dod pa yin no/ /yang na 'ga' yang mi 'dod pa dug 'thung ba'am/ g.yang sar 'chod ba med pas gang gis mi 'dod pa res 'ga' de nyid kyi 'dod pa yin pa'i phyir te/ de yang phung po 'dus pa'i ngo bo yin pa'i phyir ro/ /de dag nyid tshogs pa'i stobs kyis de dang der skye ba na zhes pa'i ming 'thob bo/ /grangs ni gcig la sogs pa ste/ de yang bgrang bar bya ba las ma gtogs pa gzhan ni med do/ /rdzas dang rdzas gzhan du sbyor ba ni ldan pa ste/ de yang de las gzhan pa ni ma yin no/ /'on te bsam gtan gyi mtshan nyid yin na yang de'i tshe bsam gtan ni sems rtse gcig pa'i tshogs kyi ngo bo yin no/ /rgyu ni phyi'i sa bon no/ /'bras bu ni de las skyes pa 'bru la sogs pa'o/ /dus ni 'das pa la sogs pa'i ngo bo gsum mo/ /de dag kyang phung po las ma gtogs
- 172b
ba gzhan ni ma yin te/ de skad du de dag nyid dus gtam gzhi dang/ nges par 'byung bcas bzhir bcas pa zhes bshad pas so/ /ring po bas thung ba ni thung ngu'o/ de bas srid du lhag par ni ring ba'o/ /sogs zhes smos pa ni gru bzhi dang zlum po la sogs pa bsdu'o/ /gang dag la thung ngu dang ring po zhes bya ba la sogs pa'i ming yod pas de dag ni de dag ces bya'o/ /de dag thams cad kyang 'dus pa'i ngo bo yin pas tshul ni de nyid yin te/ bdag bzhin du brdzun pa'i don yin no zhes bya ba'i tha tshig go /de ltar rgyas par brjod nas/ yang ming dang zhes bya ba la sogs pas mdor bsdu ba mdzad de/ ming zhes bya ba'i sgra ni ming gi rnam grangs yin no/ /'di la ming du btags pa yod pas na ming can te de dag la'o/ ji ltar 'byung ba dang 'byung ba las gyur pa rnams 'dus pa'i ngo bo yin pa'i phyir brtags na bdag bzhin du brdzun te bden pa ma yin pa ltar 'di dag kyang de bzhin no zhes bya ba'i tha tshig go /bcom ldan 'das kyis de dang de nas sa la sogs pa bshad pa ma yin nam/ de ji ltar de skad ces bya zhe na/ de ni tha snyad du gsungs kyi don dam par ni ma yin no/ /'di ltar yang dag par bsgoms pa'i mthar phyin pa las skyes pa'i rnam par shes par de 'gag par 'gyur te mi dmigs so zhes bya ba'i don to/ /rgyas par ston te/ bye brag tu shes pas na rnam par shes pa'o/ /'di ni 'di na'o/ /pha bi ni pha bi na'o zhes bya bar bstan pas mi nus pas na bstan du med do/ /gzhi mdza' yas pa la dmigs pas na mdza' yas pa ste/ /thams cad mkhyen pa'i ye shes yon tan mdza' yas pa dang ldan pa zhes bya ba'i tha tshig go /de'i stobs kyi thams cad rab tu 'jug ste/ de bas na kun tu chos thams cad la bdag po dang dbang sgyur ba yin no/ /ji skad bshad pa'i rnam par shes pa de la ni gnas thod par 'gyur ba ma
- 173a
yin te/ gnas skabs rnyed bar mi 'gyur ro/ /re re la brten nas gcig gi tshig tu byas te bstan du med ba la de dag gi gnas med do zhes bya ba'i tha tshig go/ 'o na de dag lta med du zad/ gzhan dag yod par 'gyur ro zhe na/ 'dir ni zhes bya ba la sogs pas ston to/ /gang zhes bya ba ni gang gi phyir ram/ gang 'di zhes bya bar thams cad kyi khyad bar yin te/ sngon so so'i skye bo'i gnas skabs kyi rnam par shes pa las byung zhing skyes pa de thams cad ni zag pa dang bcas pa'i rnam bar shes pas brtags pa yin no zhes bya ba'i tha tshig go/ yod pa ma yin pa las brtags pa de shes pa'i phyir te 'di la bden pa gang yin zhes de ltar brtags na yang ji lta ba bzhin yongs su shes pa'i phyir byis ba so so'i skye bo'i gnas skabs kyi 'og rol tu rnam par shes pa kho nar 'gag par 'gyur zhing de la mi snang bar 'gyur ro/ /rnam par shes pa mer gyur pa de lta bu ni bud shing med na yod par mi 'gyur ro zhes bya bar/ rnam shes me'i zhes bya ba la sogs pas ston to/ /skyes nas 'gro ba gzhan de dang der 'gro bas na 'gro ba'o/ /de'i chos ni skye ba la sogs pa'i mtshan nyid do/ /phyin ci ma log par rtog pa ni ji bzhin rab 'byed pa'o/ /'di la 'od zer de nyid yod pas na de lta bu ste/ gang gi tshe rang gi ngo bo nyid kyang mi mthong ba de'i che nye bar zhi ba zhes bya'o/ /de ltar na thams cad med par khas blangs pa'i phyir de nyid dngos po med par smra ba khas blangs pa yin no zhes/ mjug thogs nas 'byung bas de 'gog ste/ nges pa ni de gtan phab pa'o/ /gal te nam mkha' dngos por yong par 'gyur ro zhe na/ gzugs kyi zhes bya ba la sogs
- 173b
pas de 'gog go /'o na gzugs kyi zhes smos pas de ni yong ngo zhe na/ 'byung med ces bya bas de 'gog go /'byung ba med pa'i gzugs med de'i phyir ming can med pas ming yang med pa'i phyir ming tsam yang med do/ /sngar ni khyad par du mig dang/ rnam par shes pa dang/ gzugs dang/ ma rig pa med par bstan to/ /da ni phyir tshong ba dang/ 'du shes dang/ 'du byed dang/ zhes bya ba la sogs pa 'byung ba bzhin dang/ bdag bzhin du med po'i ngo bo zhes ston to// de'i phyir khams drug bdag med do zhes bya ba ni ngo bo nyid med do zhes bya ba'i don to/ /de ltar mngon par mtho ba dang nges bar legs pa'i rgyu'i chos so sor rnam par phye ste bstan nas/ yang ji ltar chu shing yan lag dag ces bya ba la sogs pas rigs pa gzhan gyis bsgres te bstan pa/ ji ltar yan lag ji snyed kyis chu shing bzhin du bsgrubs pa'i yan lag de dag thams cad ma lus pa dang bcas te bshig cing so sor phyen? de la chu shing zhes bya ba ci yang med pa de bzhin du khams ji snyed kyis skyes bur brjod pa de dag ma lus ba dang bcas te bshig cing spyad na mi dmigs so/ /ci yang zhes bya ba ni rdzas la bltos nas so/ /gang gi phyir de lta yin pa de'i phyir rgyal ba sangs rgyas bcom ldan 'das rnams kyis chos thams cad bdag med par gsungs te skyes bu med do zhes bya bar blta bar bya'o/ /khams drug yod par 'gyur ro zhe na/ lhag mas de 'gog go/ gtan la phab pas na med ngo zhes nges par bya ste/ khams drug po de yang gtan la phab pa des na med do/ /de ltar yang dag par na chos thams cad bdag med pa yin dang/ de la bltos nas de yang dngos por yong pa ma yin no zhes lhag mas ston to/ /rgyu de'i phyir
- 174a
sku dang gsung dang thugs thub cing yang dag par bsdoms pas thub pa chen po ste bcom ldan 'das so/ /bzlog pa ni bzlog par 'gyur pa'o/ /de ltar na mthong ba dang thos pa la sogs pa ste/ sogs ba ni dang po'o/ /bye brag phyed pa dang rnam par shes pa gang la dang po mthong ba dang thos pa yod pa de ni mthong ba dang thos pa la sogs pa ste/ de thub pas bden pa ma yin pa ste/ 'di ni de kho na nyid la brten nas gsungs so// brdzun pa ma yin pa ni tha snyad du'o/ /'di gnyi ga bden pa ma yin pa la bsten nas ci ste ma gsungs she na/ phyogs las zhes bya ba la sogs pas de 'gog ste/ mngon zhing gsal bar byed pas na phyogs so/ /gal te don 'ga' zhig sngar phyogs su byas par gyur ba na de la bltos nas 'gal ba'i phyogs mi mthun pa'i phyogs su 'gyur ro/ /de lta bas na thabs 'dis yod pa nyid dang med pa nyid du zhal gyis bzhes par mi mdzad de de'i ngo bo nyid du ma yin no zhes bya ba'i don to/ /'jig rten gang zhig de ltar bshad ba'i lugs kyi rnam pa thams cad du ngo bo nyid yod pa ma yin pa'i 'jig rten de lta bu de la mdza' yod ces bya ba la sogs par ji skad bstan/ ci sangs rgyas bcom ldan 'das kyang tha snyad du yod pa dang med pa'i zhal gyis mi bzhes sam zhe na/ dus gsum du gnas par zhal gyis mi bzhes te/ de kho na nyid du cung zad kyang yod pa ma yin no zhes don de mjug thogs kyi tshigs su bcad pas ston to/ /gang dag la grangs le'u drug cu las 'das ba yod pa de dag ni grangs med pa'o/ /gshegs ba ni 'das pa'o/ /de bzhin zhes bya ba sbyir brjod par bya'o/ /byon par 'byung ba ni ma 'ongs pa'o/ /dang zhes bya ba ni
- 174b
skabs gzhan no/ /yang na de bzhin zhes bya ba ni mgon po rnams ji lta ba bzhin du sems can rnams sor ba dang/ 'od bar 'gyur ba dang/ 'gro'o zhes sems can rnams dang sbyar ba yin no/ /yang na mang po zhes bshad pa yin no// skyes nas 'jig pa'am/ ro myang ba'i dngos po de dang de dag la chags pas na sems can rnams so/ /bye bar gyur ces bya ba la gyur ces bya ba ni lhag ma'o/ /bye ba bas gyur pa ni de bas ches mang ba zhes bya ba'i tha tshig gi 'di ni tha snyad la brten nas bstan pa yin no/ /lhag mas ni de kho na nyid la brten pa'o/ /de dag las dus gsum du gnas pa dgongs shing bzhed de/ chos thams cad bdag med pa yin pas 'dong pa la brten pa med do snyam du dgongs pa yin no/ /don de nyid mjug thogs nas 'byung bzang ba zhes bya ba la sogs pas gsal bar byed do/ 'phel ba ni skye ba'o/ /de'i rgyu de byed rgyu ma yin no/ /gang gi zhe na/ 'jig rten gyi de 'khor pa'o/ /sa yin pa de gang zhe na zad? cing mi skye ba ste zad pa drang 'dra bas so/ /ngo bo ji lta bu zhig ce na/ dus gsum du gnas pa'o/ /'di skad du bshad pa yin/ gang gi tshe dngos po 'di rnams rtag tu mdag? med pa de'i tshe gang zhig ni skye la gang zhig ni bskyed ces bya ba yin no/ /de ltar mkhyen nas kyang bcom ldan 'das thams cad mkhyen pas ji ltar rgyu gang gis 'khor ba de'i sngon dang mdza' lung ma bstan cing lung bstan par bya ba ma yin par mdzad cing bstan ce na/ 'di ni mu bzhi dang bral ba yin pas de'i phyir de ltar mdzad do snyam du dgongs pa yin te/ 'di ni 'og nas ston par 'gyur ro/ /chos 'di kho na sangs rgyas kyi go 'phang thob pa'i rgyu yin gyi gzhan ni ma yin no zhes bstan pa'i phyir/ /so so'i skye bo la gsang ba
- 175a
zhes bya ba la sogs pa smos te/ so so'i skye bo la gsang ba gang yin pa de ni zhes bya ba ni nges par legs pa'i chos kyi skabs su don dam par cung zad kyang med do zhes bshad pa gang yin pa de ste/ chos de lta bu ni thos pa la sogs pa dang dral pa 'am/ log par 'dzin pa la mngon pa bzhin pa'i dmigs pa can la gsang zhing bstan par bya ba ma yin pa'o/ /sgyu ma'i rig sngags la legs par goms pas 'jim pa'i dum bu blangs te gsang sngags kyi stobs kyis bsgrubs pa'i glang po che la sogs pa'i gzugs ni sgyu ma'o/ /'jig rten gang la sgyu ma lta bu ste mtshungs ba yod pa de ni 'jig rten sgyu ma lta bu'o/ /de'i ngo bo ni de nyid de/ 'di kho na sangs rgyas bcom ldan 'das rnams kyi bstan pa bdud rtsi yin gyi/ dmigs pa'i gdon gyis zin pas brtags pa gzhan ni ma yin no/ /'di ji ltar sgyu ma dang 'dra zhe na/ mjug thogs nas 'byung bas ston par byed do/ / sgyu ma'i ngo bo'i glang po che ste slu ba'i glang po che ni sgyu ma'i glang po ste slu ba'i bdag nyid yin pa'i phyir ro/ /de la skye zhing 'byung ba dang 'jig cing 'gag pa ji ltar snang zhing ji ltar dmigs kyang ngo/ /skye ba nyid du snad? gi mi skye bar na ma yin la/ 'jig pa nyid du snad gi ther zug tu ma yin te/ nyid ces bya ba'i don ni de yin no/ /don gyi yang dag tu zhes bya ba ni don dam par te/ de ni don yang yin la yang dag pa yang yin pas so/ /skye ba nyid dang 'jig pa nyid do/ /dpe 'di brjod nas don de bzhin sgyu 'dra'i zhes bya ba la sogs pas dngos dang sbyor bar byed do/ sgyu ma'i blang po che rgyu dang rkyen las byung ba yin yang ji ltar de kho na nyid du ma yin no zhe na/ ji ltar zhes bya ba la sogs pas
- 175b
de bston te/ bden pa'i ngo bor ma skyes pa'i phyir skye ba na yang gang nas kyang ma 'ongs la/ 'jug brtul ba na yang gang du yang mi 'gro'o/ /sems rmongs tsam du zad pas na zhes bya ba rmongs pa ni nor pa'o/ /tsam zhes smos pa ni lhag pa'i don dgag go/ yang dag nyid du ste bden pa'i ngo bor gnas pa med do/ /de ltar zhes bya ba ni ji skad bshad pa'i rigs pas so/ /tha snyad ? gas? pa ma gtogs par/ gang zhig yod pa'am med par gyur pa ste/ ci zhig yod ces bya ba ni rtog pa'o/ da ni sangs rgyas kyis ni rgyu 'di las zhes bya ba la sogs pas thams cad mkhyen pas ji ltar de'i/ sngon mdza' lung ma bstan par mdzad ces gang bshad pa de'i rgyu ston to/ /'di la zhes bya ba ni rgyu'o/ /'jig rten gang la mdza' yod pa la sogs pa rnams bye brag bzhi yod pa de ni rnam bzhi ste/ 'chad par 'gyur ba'i tshul gyis de lta bu la dgong nas zhes bya ba ni tshig lhag ma yin no/ /gal te chos rnams de ltar bdag med pa yin na 'jig rten 'dis de ltar ci ste mi rtogs she na/ /de'i phyir mjug tho kyi tshigs su bcad pa smos so/ /mi cong? nyid ni mi gtsang ba'i ngo bo nyid do/ /rags pa ni che long ngo/ /mngon sum spyod yul ba ni rjes su dpag bar bya ba ma yin pa'o/ /sems la bde blag tu tshogs med par 'gyur te/ de'i spyod yul du mi 'gyur ro/ /skye bo rnams kyis shes par dka' o zhes shes par dka' ba thugs su chud pa de/ rgyu des na sangs rgyas nas te/ thams cad mkhyen pa'i ye shes bsnyes nas chos bstan pa'i dgongs pa log cing spro ba log par gyur to/ /ci'i phyir log par gyur ces na/ /'dir chos 'di logs par shes gyur na zhes bya ba la sogs pa smos te/ log par shes pha ni tha snyad du yad? ci yang med do zhes log par shes
- 176a
pa'o/ /mi mkhas pa ni mkhas pa ma yin pa ste mi shes pa'o/ /ji ltar na chung za zhing phung ba'i rgyur 'gyur zhe na/ 'di ltar zhes rgyu smos so/ med pa nyid du lta ba nyid mi gtsang ba ste sme zhing btsogs pa yin no// der bying bar 'gyur ba ni ltung bar 'gyur ba'o/ /der zhes bya ba ni log par shes pa ste/ yod na'o/ /yang na lta ba mi gtang ba der ro/ /de ltar re zhig la la ni ci yang med do snyam nas log par shes pas log par lta bar lhung bar 'gyur ro/ /gzhan gnyis pa yang chos 'di la med do snyam du shes pas log par bzung na'o/ /blun po ni gzhan gyi bstan bcos thos pa dang ldan yang chos 'di mi shes pa'i phyir ram/ drang ba'i don la nges ba'i don to zhes shes pa mi shes pa ste/ blun po dang 'dra bar blun po yin no/ /mkhas pa nga rgyal can zhes bya ba ni yod pa dang med pa ji lta ba bzhin shes pa'i phyir mkhas pa zhes bya na/ de lta bu ma yin bzhin du nga ni mkhas pa'o snyam du nga rgyal skyed pa'o/ /chos 'di la brnyas pa'i bsams pas tshig ngan pa 'byin pa 'am/ las bzang po ma yin pa la sbyod pa ni spong ba ste/ gang la nges ma rungs pa'i bdag nyid kyi sems yod pa de la de skad ces bya'o/ /ma rungs pa'i don ci zhe na bsod nams sam rang gi don phun sum tshogs pa la mi snang bas nam rungs pa yin no/ /yang na rang dang gzhan gyi don gyi nus pa dang bral bas shi ba yin te/ dge ba chad pa ni ngan song la mngon du phyogs pas so/ /de nyid lhag mas ston par byed do/ /don de nyid ji ltar kha zas bza' nyes pas /zhes bya ba la sogs pas dpe gsal bar byed do/ /nyes zhes bya ba'i sgras ni smad pa'i don te mi 'phros pa brjod pa'o/ /mi
- 176b
'phrod pa zos pa ni kha zas bza' nyes pa ste des so/ /legs zhes bya ba'i sgra ni bsngags pa'i don te 'phrod pa brjod pa'o/ /bde ba ni lus ded sems kyi'o/ /'gyur ba ni 'thob pa'o/ legs pa ni ji lta ba bzhin du'o/ /bde ba ni lha dang mi'o/ /gang gi phyir de lta yin pa de'i phyir chos 'di la'o/ /med pa'i lta ba ni med pa'i rnam pa can no/ /don kun na 'jig rten pa dang 'jig rten las 'das pa ste/ de rnams grub cing grub par bya ba'i phyir ro/ /ji srid du chos 'di nyams su myong ba'i rnam par mi shes pa de srid du 'khor bar 'jug go zhes mjug thogs nas 'byung bas ston te/ yongs su ma shes pa las dmigs pa'o/ /de las dang 'dzin pa'o/ /de las dge ba dang mi dge ba'i las te/ dge legs dang dge legs ma yin pa'o/ /de las skye ba ni bzang po dang ngan pa ste/ bde 'gro dang ngan 'gro'i mtshan nyid 'dod pa dang mi 'dod pa'o/ /chos 'di shin tu myur bar yang mi 'thob ste/ gang gi phyir de lta yin pa de'i phyir ro/ /sel ba ni 'jig pa'o/ /gus pa ni de'i gzhi las yid rab tu dad pa'i lus dang ngag dang yid kyis brtson? pa'i 'bad pa ste/ de dang ldan par mdzod cig ces bya ba'i tha tshig go/ rtag tu sbyin pa la sogs pa'i sems dpa' la gzhol ba'i rgyal po'i bya ba rnams ji lta bu snyam du dgos pa la/ de dag kyang thog ma dang par dang tha mar chos dang ldan par gyis shig ces mjug blogs? nas 'byung bas ston to/ /sngon zhes bya ba'i sgra ni thog ma'i rnam grangs yin gyi phyogs brjod pa ni ma yin no/ /'di skad du bshad pa yin te/ las 'dis chos 'di 'grub par 'gyur ro zhes thog mar chos la brten par byas nas las tsom par byed pa'i las de ni chos sngon tu btang ba yin no/
- 177a
kha cig chos la brten te brtsams nas phyis sdig pa dang 'dres mar byed pa rnams snang bas de bzlog pa'i phyir bar ma dang tha mar zhes bya ba smos te/ tha ma ni 'jug pa'o/ /sgrub pa ni sgrub par byed pa'o/ /sa bdag ni sa'i dbang phyug go /'di ni 'jig rten 'dir ro/ /de ltar sems can rnams dga' bar byed bas chos kyi spags pa'i yon tan dang ldan pa yin te/ de skad du/ lha yi bdag po'i dpal yang yon tan rnams la blta/ /yon tan ldan rnams nyid la yang dag 'dud par 'gyur/ /yon tan rnams la grags pa rab tu 'byung ba nyid/ /de ltas mthu yi bdag nyid chen po yon tan brten/ /sa yi bdag po'i las mchog skyes bu la phan pa/ /de ni 'di phyi gnyi gar 'byor byed lam yin te/ de yang chos la dga' ba'i rgyal po dag la 'byung/ mi dbang spyod pa'i rjes su skye bo 'jug par 'gyur/ zhes 'byung ba dang/ de bzhin du/ dul ba'i sgrub pa dbang po thul ba nyid yin te/ /dul bas yon tan phul tu phyin pa 'thob par 'gyur/ /yon tan spags pa'i mi la skye bo rjes su dga' / /skye bo rjes su dga' bas phun sum tshogs rab 'byung/ zhes bshad pa yin no/ /gzhan tshe rabs gzhan du gnod par mi 'gyur zhing nyam nga? bar gnas par mi 'gyur ro/ /sngar ni lta ba'i skabs kyis chos dang chos ma yin pa bdag gi yon tan dang skyon brjod pa yin no/ /chos kyis zhes bya ba la sogs pa la/ grags pa ni snyan pa'o/ /'chi kha ni 'chi bar 'dod pa'o/ /ci'i phyir 'chi zhe na/ de ni 'chi ba la mngon du phyogs ba zhes bya ba'i tha tshig go /sdig pa byed byed pa na 'chi khar 'jig rten pha rol gyis dgos pas 'jigs par 'gyur gyi bsod nams
- 177b
can ni ma yin no/ /rgyas pa ni rgyas par 'gyur ba ste chen po zhes bya ba'i tha tshig go /bsten mdzod ces bya ba ni bsten cig pa'o/ /gang dag 'jigs rten sdig pa'i rgyu'i don gyi rig pa'i lugs la 'jug par byed pa'i de dag gis gal te na khyod kyang khrid du 'ong ngo zhes de dgag pa'i dogs pa bsu bar mjug thogs kyi tshigs su bcad pa smos te/ lugs ni tshul de bde ba thob pa'i thabs so/ /dam pa ni mchog go /kyang zhes bya ba'i sgra ni rgyu'o/ /ni zhes bya ba'i sgra ni nges par bzung ba ste de kho nas zhes bya ba yin no/ /mi dgar 'gyur zhes bya ba ni phun sum tshogs pas byas pa'i yid bde ba mi 'thob pa'o/ /'dis chos ma yin pa dang mthun pa'i lugs smad pa nyid du bstan nas/ de la phan pa'i rgyur sems pa gang yin pa de smad pa nyid du mjug thogs nas 'byung bas ston to/ /don med pa bsgrubs pas na don med pa'i rig pa'o/ /don med pa'i shes pa ste/ don med pa'i kho na shes pas na de skad ces bya'o// slu zhing 'drid pa lhur len pa ni de gces su byed pa'o/ /mi bzad pa ni ngan pa ste/ don ngan pa bsgrubs pas so/ /ji ltar de skad ces bya zhe na/ 'di ltar de ni ngan 'gro lam ste srol yin pas so/ /shes rab 'chal ba rnams kyis zhes bya ba ni 'khrul pa rnams kyis so/ /don gyis rigs pa ni don rab tu bsgrub pa'i rig pa'o/ /ji ltar zhes bya ba ni rgyu gang gis so/ /byas zhes bya ba ni bsgrub pa'am bshad pa'o/ /bdag gis de shes so zhes rlom pa gang yin pa de yang phyin ci log pa kho na yin no zhes mjug thogs nas 'byung bas ston to/ /chos dang mthun pa la yang gal te 'ga' zhig rang gi nyes pas dag byed na chos dang mthun pas de la byams pa kho na bya dgos pas/ gal te dgra mi dga'
- 178a
bar bya bar 'dod cing don du gnyen na yang yon tan la brten cing brten cig/ yon tan la brten na ji ltar dgra mi dga' bar 'gyur zhe na/ 'di ltar yon tan de dag dang ldan na skye bo dga' bar 'gyur te/ des na phun sum tshogs par 'gyur la/ de lta bu ni zil? gyis gnon par mi nus kyi de nyid kyis zil gyis gnon pas de mi dga' bar 'gyur ro/ /gang gi phyir de lta yin pa de'i phyir 'jig rten gnyi gar yang 'byor pa 'dod pas bsdu ba'i dngos po rnams kyis 'jig rten bsdus shig ces/ sbyin dang zhes bya ba la sogs pas ston to/ /sbyin pa zhes bya ba ni zang zing dang/ mi 'jigs pa dang/ chos kyi mtshan nyid do/ /de ni smra bar bya ba yang Tyin la snyan pa yang yin pas de skad ces bya'o/ /phan pa zhes bya ba ni don spyod pa'o/ /don cig spyod pa ni don mthun par spyod pa ste/ 'di yang sbyin pa'i khyad par gnod pa'i sbyin pa dug dang mtshon la sogs pa spong ba'o/ /de bzhin du don med pa'i rgyu gzhan gang yin pa yang spong ste/ 'di lta ste/ 'dod pa can ni gzhan gyi bud med dag la rjes su chags nas/ 'dod pa dang ldan pa'i tshig snyan pa smra la/ de bzhin du dgra la yang smra bas de 'gog go /bsdu ba ni sems dad bar bya'o/ /de ni rgyal po dag la ji lta bur zhes bya ba la sogs pas rgyal po'i lugs chos dang mthun pa ston to/ /tshig ces bya ba ni bzhi'o/ /de ci zhe na/ bden pa'o/ /yid ches zhes bya ba ni bag phebs pa'o/ /brtan pa zhes bya ba ni mi slu ba'am bag phebs pa'i khyad par ste/ brten pa ni gtan du ba dang mi phyed pa'o/ /bden pa dang cig shos kyi yon tan dang skyon brjod nas/ de gnyis kyi mtshan nyid ston te/ smras pa las gzhan du snang ba ni slu ba'o/ /sems pa ni bsams pa'o/ /des bsgyur ba ni byung ba ste/
- 178b
bden pa ltar snang la don du bden pa ma yin pa'o/ /don ni tha snyad kyi bden pa ste der ma yin no/ /phen pa kho na byed pas sten gcig tu phan pa bden pa yin no/ /bden pa dang/ gtong ba dag rgyal po'i don thams cad sgrub pa yin pa las de la bden pa ni bshad zin to/ /gtong ba ston te nyes pa ni nga rgyal la sogs pa'o/ /sbyin pa ni sbyin pa'i sems pa dang rab tu ldan pa'i nor gtod pa'o/ /bsal pa ni dad pa la sogs pa dang ldan pa'i phyir dang tsha ba'i phyir ro/ /sped pa ni ma mngon par byed pa'o/ /'jungs pa ni ser sna'o/ /yon tan ni shes rab la sogs pa'i rang gi ngo bo thams cad do/ /de dag nyid dam pa rnams kyi bdog pa thams cad de nor thams cad yin no/ /yon tan de rnams 'joms pa ni 'jig par byed pa'o/ /rgod pa la skye bos bkur sti la sogs pa thog 'dren par mi byed de/ de bas na nye bar zhi ba'i rigs so zhes ston te/ nye bar zhi ba ni dbang po yang dag par bsdams pa'o/ /zab pa ni bsam ba'i gting dpag dka' ba'o/ /des na gus pa mi bla mar byed pa'o/ /rgod pa ni tsam? krol byed pas spang ngo/ /des na brjid ba ni bsnyen par dka' ba'o/ /des na bka' btsan pa phun sum tshogs so/ /gang gi phyir yon tan de dag nye bar zhi bas 'thob pa de'i phyir de bstan cig / shes rab dang/ bral pa'i blun po ni gzhan dag gis blo 'phrogs pa'i phyir slu zhing brid par 'gyur bas shes rab thob pa la 'bad par bya'o zhes mjug nas 'byung bas ston to/ /rang gi don las gzhan du bkri bar nus pas na 'phrog pa'o/ de lta bu ma yin pas na mi 'phrogs pa'o/ /gang yang rung ba zhig gis don 'ga' zhig la blo gtad pa las gal te shes rab dang bral bar gyur na de'i blo de g.yon can gzhan dag gis de nas phral te gzhan du khrid do/ /des na gzhan gyi drid
- 179a
'jog pa ni bslus pa yin no/ /de lta pas na rgyal pos shes rab can du bya dgos so zhes ston par byed do/ /ji ltar na blo mi 'phrog par 'gyur zhe na/ shes rab dang ldan pas so/ /ji ltar na shes rab dang ldan zhe na/ de bzhin du rgyu smos pa 'di ltar de ni gzhan gyi dring mi 'jog go /gzhan dag la dring 'jog cing bag 'bebs ba ni de'i stobs kyis phan tshun 'khrid ba zhig na de lta bu ma yin no/ /ci'i phyir zhe na/ shes rab dang ldan pas so// de'i phyir na brtan zhing mi g.yo ste/ gang gis kyang gzhan du bkri bar mi nus so/ /bden pa la sogs pa'i chos bzhi po phan yon dang bcas par bshad pa gang yin pa de dang ldan pa'i phan yon gzhan yang bden gtod zhes bya ba la sogs pas bstan te/ bzang po'i don bsgrub pa'i phyir bden pa la sogs pa yon tan bzhi dang ldan pa ni bzad ba yin no/ /bden pa la sogs pa bzhis bzang na cir 'gyur zhe na/ bstod cing bsngags par 'gyur ro// ji lta bur zhe na/ chos bzhi po 'di bzang ba ji lta bur te/ rnam pa bzhi yang yin la bzang ba yang yin pas de skad ces bya'o/ /mjug thogs nas 'byung bas shes rab dang chos 'phel ba'i thabs ston to/ /gang la lus la gnod pa byas nas phebs par smra ba'i ngang tshul yod pa de dag ni phabs par smra bas te/ de skad du/ dbang phyug can phal cher 'dod pa la chags pas chos ma yin pa'i lam la yang 'jug la/ de dag de las bzlog na mi dga' bas sems la gnod par 'gyur ro zhes bshad do/ /de skad du smra ba thams cad kyi dag bzhin byar mi rung bas dag gyur pa/ zhes smos so/ /bsam pa dag pa ste/ chags pa la sogs pa'i dri ma dang bral ba'i phyir gos dag pa lta bu'o//
- 179b
ji ltar na dag pa yin zhe na/ shes rab ces bya ba la sogs pa smos te/ de la yang dag pa ji lta ba bzhin gyi don 'dzin pa ni shes rab bo/ /snying rje ni snying rje nyid do/ /de dag dang ldan pa'i phyir dri ma med pa yin te/ de dag gi mi mthun ba'i phyogs kyi dri ma dang bral ba'i phyir ro/ /lhan cig 'grogs pa ni rigs pa dang cig shos dpyod pa'i dus na nye bar 'khod pa'o/ /gal te nga la de skad du smra ba mang du yod pas 'dis ci zhig bya snyam du sems na/ de'i phyir phan par smra ba dkon pa ste/ zhes bya ba las sogs pa smos so/ /'phrod pa dang 'dra bar phan pa ste/ ji ltar 'phrod pa'i zas phan par 'gyur ba ltar 'di yang de dang 'dra'o/ /'di dag la phan par smra ba'i dang tshul yod pas na de dag la de skad ces bya'o/ /rnyed cing phrad par dka' bas na de lta bu yin no/ /nyan pa'i skye bo yang phal 'phrod par mi byed pas de dgag par tshig smos te/ gang dag 'di nyan par 'gyur ba de dag kyang shin tu dkon no zhes bya ba'i don to/ /phan pa nyan pa de dag pas kyang ngo/ /mi snyan pa ni mi mthun pa'o/ /phan pa ni 'phrod pa'o/ /gang gi phyir phan par 'dod pa yin pa de'i phyir mi snyan yang phan par dpyad cing bya'o/ /bdag byams pa zhes bya ba ni bdag legs su dga' ba ste/ sems dang bcas pa zhes bya ba'i tha tshig go /gang zhig bdag 'di ni bsod nams kyi 'thob po zhes bdag nyid shes pa de la bdag ste/ sems yod pas na de skad ces bya'o/ /gal te 'di snyam du srog la sogs pa rtag pas de'i phyir bags kyis bya'o snyam du sems na/ de'i phyir mjug thogs nas 'byung bas ston to/ /srog dang nad med pa dang rgyal srid de/ de dag la 'khor ba na gnod pa mi zad pa rnam pa sna tshogs
- 180a
'byung bar mthong nas so/ /de nas skyo ba'i 'bras bu yin pas yang dang brtson pa ste/ /yang dag brtson pa ni yang dag pa'i brtson 'grus so/ /dper na gzhan du brtson pa myur du 'gro ba la bya ba ltar chos la yang de dang 'dra'o/ /'di ni yang dag pa yang yin la brtson pa yang yin pas yang dag brtson pa ste/ yang dag pa'i brtson 'grus zhum pa dang rgod pa la sogs pa dang bral ba'o/ /de nyid de nas zhes bya ba la sogs pas thams cad ston te/ gcig tu zhes bya ba ni de la gtod pa dang lus dang ngag dang yid kyis nges par ro/ /yang dag par brtson pa'i rgyu gzhan gdon mi za bar zhes bya ba 'di yang smos te/ gdon mi za ba ni nges par ro// 'chi ba ni tshe zad pa'o/ /gzigs te zhes bya ba ni blos rtogs te'o/ /bde na yang zhes bya ba ni 'dod pa la log par spyod pa la sogs pas so/ /gal te 'di snyam du sdig pa spyod pa kha cig la ni 'jigs pa ma mthong ste/ dper na bya la sogs pa gsod pa lta bu'o/ /kha cig la ni 'jigs pa yod de/ dper na skya seng dang brtson pa rnam pa sna tshogs la sogs pa ri dags shor pa lta bu'o/ /mi gsod pa yang de dang 'dra'o snyam du sems na/ de'i phyir la lar zhes bya ba la sogs pa smos so/ /chang gi 'bras bu mi 'dod pa gshad zin mod kyi/ /yang chang gi zhes bya ba la sogs pas de'i nyes pa tshe 'di la rgyas par bstan to/ /rgyan po ni phung po'i 'byung gnas yin pas de dgag ba ston to/ /g.yo ni sngan thabs su'o/ /sgyu ni sems gya gyu ba'o/ /rgod pa ni dbang po rnams nye bar ma zhi ba'o/ /gnas ni 'byung ba'i gnas so/ /yul rnams ni chags pa'i gnas yin la de rnams kyi nang na yang bud med kyi
- 180b
gzugs ni chags pa'i gnas yin pas de la 'dod chags dang bral ba skyed pa'i phyir mi gtsang ba'i gtam bya bar bzhed nas/ bud med chags par phal cher ni/ zhes bya ba la sogs pa gsungs so/ /chags pa ni lhag par zhen pa ste 'dzin pa dam pa'o/ /sdug bsngal gyi chags pa ni de'i rgyu can yin pa'i phyir ro/ /bud med la chags pa ni brten pa yin te/ de yang phal cher mang du bud med las byung zhing bud med kyi phyir yin pas des skyed pa yin no zhes bya ba'i tha tshig go /de ji ltar 'byung zhe na/ bud med kyi gzugs gtsang ba ma yin pa la yang gtsang ba'i sems te/ gtsang bar rtog pa yin pas 'chad par 'gyur ba'i rang gi ngo bo ni ma yin no/ /don du zhes bya ba ni tha snyad kyi bden pa la brten gnas so/ /gtsang ba cung zad ces bya ba la sogs pas ni ji ltar gtsang ba med pa de ltar ston te/ kha chu rul ba ni mchil ma'o/ /snod ni gzhi'o/ /snabs ni bad? dkan ma smin pa'o/ /de yang mi gtsang pa'i khyad par ro// mig rdul ni mig gi dri ma'o/ /mchi ma ni mig chu'o/ /lto ba nyid khong yin te/ ngan pa'i phyir ram/ /ngan pa gzung bas na de skad ces bya'o/ /yang na lto ba dang khang pa ni lto ba'i khong ba ste/ gnyis ka yang mi gtsang bas so/ /glo mchin ni snying ga dang glo ral na yod pa'i mi gtsang ba'o/ /rmongs pa glo gros phyin ci log pa'o/ /shin tu dring pa ni kha dang rked pa la sogs pa'o/ /yan lag gang gis sam thabs gang gis so/ /gal te de lta yin na ji ltar 'di la 'jig rten dman pa la sogs pa la chags she na/ de'i phyir ji ltar zhes bya ba la sogs pa smos te/ yul 'dir bcer zhing bsags bas na bcer ba'o/ /dan? skyugs pa'i phag rnams la de skad ces bya'o/ /chags pa ni zhen pa'o/ /de bzhin du
- 181a
bshad gci bcer zhing de dag bsams pa'i gnas la 'dod pa can ngan skyugs kyi phag lta bu rnams chags so/ /sems can du ma'i tshogs kyi rten la grong khyer zhes bya ba de bzhin du lus 'di yang srin bu'i rigs brgyad khri'i rten yin pas grong khyer zhes bshad do/ /de dang mchog ste dngos po bzang po dang bral bas na bu ga ste/ khung bu ngan pa zhes bya ba'i tha tshig go /gzhan la yang don ni de kho na yin par blta bar bya ste/ dag pa rnams kyis ni rnam pa thams cad du mdzes pa'i phyir de lta bu ma yin no/ /dga' ba ni nyams dga' zhing lhag par zhen pa ste/ dbang po yongs su longs spyod pa'i ched du'o/ /ji lta bur zhes bya ba ni ya mtshan du brtsi ba'o/ /'dres pa nyid sa bon no/ /'dod pa gang gis te/ gtsang ba'i 'du shes kyis 'dod chags par 'gyur na de lta bu ni ma yin no/ /de'i rlan gyis shes bya ba ni de'i zhag dang chu ser gyi rlan gyis so/ /gzhon zhing sdug pa la sogs pa dang ldan pas 'dod chags kyi gzhir 'gyur ro zhe na/ rgan nam zhes bya ba la sogs pas de 'gag go/ ji skad du ji ltar mi gtsang ba rnying ba 'am/ bar ma 'am/ gsar ba la yang rung 'dod chags mi 'byung ba ltar 'di la yang de bzhin du rung ba ma yin no zhes bshad pa yin no/ /snang bzhin du ji lta bur zhes bya ba ni ya mtshan che bar ston pa yin no/ /lus kyang gzhan yin la ral ga yang gzhan yin no/ /mi gtsang gang ba'i bum pa zhes bya ba la sogs pas ni dpes don nyid gsal bar byed pa yin no/ /mi gtsang ba'i rang bzhin te de'i ngo bo nyid des gang ba'o/ /phyi ni bud med kyi lus la'o/ /nang ni rang gi lus la'o/ /'dzag pa ni zag pa ste gang la sma'i sgo dgu nas 'dzag pa
- 181b
de ni rma dgu dag nas 'dzag pa can no/ ci zhig phan zhes bya ba ni don med do zhes bya ba'i tha tshig go /bud med kyi lus rgyan gyis brgyan pa la sogs pa la steg chos tshig tu sdebs pa ni steg chos kyi snyan gag byed pa'o/ /e ma'o zhes bya pa ni ya mtshan du brtsi ba'o/ /gzu lums ni ngo tsha dang bral ba'o/ /blun pa ni rang gi ngo bo yongs su mi shes pas so/ /khrel du rung ba ni smres par bye ba la stong par byed pas so/ /de bzhin du phal cher zhes bya ba ni mang du ste/ rgyu gzhan gyis kyang 'byung mod kyi 'di ni 'jig rten 'di na phal cher rtsod pa 'byung ba'i rgyu'i gtso bo yin la/ de yang bde ba la lhag par zhen pa'i phyir yin na 'di la don du ni bde ba cung zad kyang med do zhe ston to/ /g.yan pa phrugs na zhes bya ba la sogs pa ni g.yon pa'i rma phrugs na mdza' sdug bsngal ba'i bde ba 'thob kyi/ gdung ba'i rjes la bde ba ma yin pas de bas de ni don du bde ba ma yin pa nyid du shes par bya'i/ de bas g.yan pa med pas na gdung ba med pas bde ba de bzhin du 'dod pa'i bde ba 'gyur ba'i sdug bsngal can pas gang zhig 'dod pa med pa de nye bar zhi ba'i bde ba zhi bas rtag tu bde ba'o/ /gal te 'di snyam du khyod la bshad pas ci zhig phan zhes smras pa/ gal te bshad pas cung zad kyang mi phan na dal bas ci zhig bya snyam du sems na de'i phyir mjug thogs nas 'byung bas ston to/ /chags pa ni lhag par zhen pa'o/ /ri dags shor bas na ri dags bcings te rngon pa byed pa'am/ ling 'debs pa'o/ /ri dags rnams la gnod pas ni de 'gog ste/ tshe thung zhing zhes bya ba la sogs pas ni rgyu mthun pa'i 'bras bu ston to/ /ji ltar gzhan la byas pa de bzhin du che thung ba dang/ ji ltar 'jigs par byas pa de bzhin du 'jigs pa dang ji ltar sdug bsngal
- 182a
bar byas pa de bzhin du sdug bsngal ba'o/ /dmyal ba'i rgyu ni mi bzad pa zhes bya ba la sogs pas ni rnam par smin pa'i 'bras bu bstan to/ /de thams cad gang 'gyur zhe na/ ri dags lings zhes bya ba la sogs pa smos so/ /bsod pa ni srog chags gsod pa'i bsam pa ste/ 'dis sems can rnams gsod pas so/ /de lta bu ma yin pas na gsod med de/ de brtan zhing mi phyed par mdzod cig pa'o/ /re ngan zhes bya ba ni smad pa ste/ mi gtsang ba dang 'jigs su rung ba zhes bya ba'i tha tshig go /'di dag la zhing las kho na byed pa yod pas na zhing pa ste/ gtsor de tsam gyis 'tsho bar 'gyur ba zhes bya ba'i tha tshig go /bzang ba ni dge ba ste mdzes pa'o/ /ri dags langs zhes bya ba ni khyad par du nye bar mtshon par mdzad pa yin te/ 'dis ni spyir sdig pa byed pa dang smad pa bshad pa yin no/ /da ni de bas zhes bya ba la sogs pas chos ma yin pa phyir 'gog ste/ g.yel ba med par zhes bya ba ni bag yod par te/ bag med pa ni bya ba bzang po dang bzang po ma yin pa rnam par dbye ba la gsal bar mi 'gyur ro/ /rang dang gzhan dag bla na med pa'i byang chub 'thob par 'dod na'o/ / 'dod na de ji ltar 'thob par 'gyur zhe na/ de'i rtsa ba zhes bya ba la sogs pa smos te/ rtsa ba dang 'dra bas na rtsa ba'o/ /rtsa ba ni gtso bo'i rgyu ste/ ji ltar shing gi rtsa ba yal ga la sogs pa thams cad brtan pa de bzhin du 'di la bcom ldan 'das kyi sangs rgyas kyi chos thams cad brten to/ /rtsa ba de ci yin zhe na/ bshad pa/ byang chub bla na med pa'i ye shes kyi sems brtan zhing mi g.yo ba ste/ rtsogs pa'am rgyas par 'gyur ba na
- 182b
sems so/ /ji lta bur brtan pa zhen/ ri dbang rgyal po ltar te ri rab bzhin du zhes bya ba'i don to/ /phyogs mthas gtugs pa ni mdza' yas pa zhes bya ba'i tha tshig go /mchod rten ni sku gdung gi snying po can nam chos kyi dbyings kyi snying po can gyi phyir ram/ /nga gang yin pa de nyid 'di nyid yin no zhes bcom ldan 'das kyis byin gyis brlabs pa'i phyir mchod par 'os pa yin no/ /de bas na 'di skad ces/ /dkar po'i chos rnams bsags phyir dang/ sdig pa'i las rnams spangs pa'i phyir/ /sangs rgyas bcom ldan 'das nyid la/ /mchod rten zhes kyang mngon par brjod/ ces 'byung ngo/ /mchod rten dang/ mchod pa dbye ba rnams dang/ 'phags pa rnams so/ /legs par rjes su mthun par kun nas yongs su bkur pa ste/ gnod pa dang phongs pa rnams las srung ba dang/ yo byad sbyar ba dang/ ci rigs par phyag bya ba dang/ bsnyen bkur dang/ mchod pa la sogs pa bya ba'o/ /dpal ni brjid pa ste zil gyis mi non pa'o/ /mtshan ma ni rtags can no// 'khor los gling bzhin gnas pa'i skye bo'i dkyil 'khor dge ba'i las la sgyur zhing 'jug par byed pas na de skad ces bya'o/ /yang dag blangs pa ni 'di ma byas par bdag gis zas za bar mi bya'o zhes nges pa bya ba'i khyad par ro/ /rkang mthil la mnyam par 'bab pas na shin tu zhabs gnas pa'o/ /'brel pa ni 'brel pa nyid do/ /mnyen la ni 'jam pa nyid do/ /phyag dang zhabs bzhi dang/ thal gong gnyis dang/ ltag pa dang bdun mtho zhing rgyas pa'o/ /mdzes pa ni lta na ldug pa'o/ /drang ba ni ma yo ba'o/ /zhabs kyi long bu mi mngon pa ni zhabs kyi long bu ma 'bur ba'o/ /e Ne ya'i byin pa ni byin gyis phra ba'o/ /len pa ni len par byed pa'o/ /gzhung myur du 'dzin pas na yid rno ba'o/ /rgyas pa ni ring ba'am
- 183a
rgyas pa'o/ /bde ba ni zo mdog mi bde ba ma yin pa'o/ /yang dag bsdum pa byas pa ni kun sprad pa'o/ /bde ba'i rgyu yin pas na bde ba'o/ /shin tu 'jam pa ni legs par byi dor byas pa'o/ /bla na med pa'i dbang byin pa ni rgyal srid byin pa ste/ dbang ni khyod kyis 'di dag ltas shig ces dbang du bskos pa'o/ /'di la ro stong de/ lus kyi stong seng ge'i lta bur 'phel ka che ba yod pas na de skad ces bya'o/ rim gro ni bkur sti'o// rgyas pa ni rgyus par 'gyur ba'o/ /rnal du gnas pa ni khral khrul med pa'am bstan pa'o/ /thog drangs pa ni gtso bo'o/ /legs gnas ni gnas na gnas pa'o/ /n+ya gro d+ha ltar chu zheng gab pa ni srid du ji tsam pa zheng du yang de tsam pa'o/ /rtog tu mnyan kyang snyan la/ yon tan mdza' yas pa dang ldan pa'i sgra ni tshangs pa'o/ /de dang ldan pas na tshangs pa'i dbyangs dang ldan pa'o/ /yang na tshangs pa ni mya ngan las 'das pa ste/ de thob pa dang mthun ba'i sgra la de skad ce bya'o/ /ji skad bshad pa'i bden pa'i mtshan nyid mkhyen par bgyid nas so/ /ji ltar rigs pa ni gang la gang 'os pa'o/ /seng ge dang 'dra bar 'bram slad tshe bas na 'gram ba seng ge'i lta bu'o/ /thub par dka' ba ni bdud la sogs pas thub par dka' ba'o/ /lhag par gus pa ni gus pa khyad par can no/ /bkur sti ni de las gzhan pa'o/ /mdog ldan ni sba ba'o/ /mnyam pa ni mthon dman med pa'o/ /rdzim gnag pas ni rdzim ba'i lta bu'o/ /dag pa ni dri ma med pa'o/ /mdzes pa ni sdug cing yid du 'ong ba nyid do/ /gsal ba ni brjid pa'o/ /'dren ma'i don ston pa'i phyir spel ma'o/ /lus dang ngag gi las de lta bu dang ldan na sangs rgyas kyi go 'phang thob nas
- 183b
mtshan de lta bu can du 'gyur ro zhes bshad kyi/ bsod nams ji tsam gyis de dag ru 'gyur ba ni ma bshad pas/ bsod nams bsam gyis mi khyab las zhes bya ba la sogs pas ston to/ /bsgres pa ni cha dang shas chas te/ gang gis der gyur pa de la de skad ces bya'o/ /gang nas ba spu byung ba de ni ba spu'i bu ga'o/ /mthar phyin pa ni brgyan pa ste grub pa'i phyir ro/ /stobs bcu dang mi 'jigs pa la sogs pa'i mtshan nyid kyi chos ye shes kyi ngo bo ni don thams cad sgrub pa'i phyir lus dang 'dra bar sku yin no/ /de'i rgyu ni ye shes kyi tshogs yin la/ de'i dngos po'i tshogs gzhan thams cad yin no/ /bstan pa ni des pa'o/ /dbugs 'byin byed pa ni dga' ba'am yid bde ba'o/ /rgyu ni bsod nams dang ye shes kyi tshogs kyi mtshan nyid do/ /sgyid lug pa ni sus nus zhes zhum pa nyid do/ /mi mnyam pa'i phyir bstan pa'o/ /bsod nams sogs par 'gyur zhes bya bar sbyar ro/ /sems can mdza' yas pa'i phyir mdza' yas pa rtag par ro/ /rnam bzhin ni bden pa dang gtong ba dang/ dul ba dang/ shes rab kyi mtshan nyid dag go /yang na dus dang/ sems can dang/ byang chub 'dod pa dang/ dge ba tshad med pa'i mtshan nyid dag go /yang mdza' yas pa'i nyid thos nas? dga' zhing sgyid lug par 'gyur na de'i phyir/ lus dang sems kyi sdug bsngal myur ba sel zhes bya ba smos so/ /dgongs pa ni 'di yin par snang ste/ byang chub ma thob kyang sa dang po thob nas spyi'i mtshan nyid rtogs pa'i phyir sdug bsngal gnyi ga myur du sel to zhe bya ba yin no/ /'dod pa la gegs byed pa gsar pa ded bcing ba la sogs pas sdug bsngal ba'o/ /chos thams cad rten med pa'o zhes shes pa la de skad ces bya'o/ /gang dag dus ring bor 'khor bas 'jigs
- 184a
pas byang chub kyi sems mi bskyed pa de dag gis phyir mjug thogs nas 'byung bas smos te/ /de ltar sngar bshad pa'i tshul dang ldan na ma smas pa yin no/ /'jig rten mthas gtugs pa ni 'khor ba'i mthas gtugs pa'o/ /sa dang po nas bzung ste lus kyi sdug bsngal ni med pa nyid do/ /mi snyan pa thos pa la sogs pas yid phyung ba gang yin pa de yang brtan pa'i stobs kyis med do/ /gal te de la sdug bsngal gnyis med na ci'i phyir 'khor bar 'gyur zhing gnas she na/ de'i phyir/ snying rjes 'jig rten sdug bsngal zhes bya ba la sogs pa smos so/ /'jig rten na sdug bsngal ba la de skad ces bya ste/ de yang snying rjes yin no/ /'jig rten sdug bsngal ba de nyid kyis te/ de thar bar bya ba'i bsam pas so/ /de bas zhes bya ba ni/ sdug bsngal gnyis dang bral bas so/ /sems can rnams kyi sdug bsngal sel bar 'dod pa so so'i skye bo'i gnas skabs pas nyes par zad par bya ba'i phyir dang/ yon tan 'grub par bya ba'i phyir ji skad bshad pa'i chos 'di la 'bad par bya'o/ /nyes pa rnams sngar yang bshad zin mod kyi/ yang skabs kyis chags dang zhes bya ba la sogs pas bston to/ /gong du ni nyes pa rnams kyis ngan 'gror 'gro ba tsam zhig bshad do/ /da ni bye brag tu phye nas ston to/ /'phen pa ni thob pa'am 'gro ba'o/ /phal cher zhes bya ba ni mang du ste/ des gzhan du yang ni 'gro'o/ /bzlog pa ni mi mthun pa ste/ chags pa la sogs pa las bzlog pa ma chags pa la sogs pa zhes bya ba'i tha tshig go /mngon par mtho ba dang/ des par legs pa'i chos mdor bsdus nas ston to/ /chu srin 'dzin khri dang 'dra bar 'dzin pa ste/ sdig pa'i lus la za ba'i phyir ro/ /shes
- 184b
pa ni phyin ci ma log pas so/ /'dzin pa ni mngon par zhen pas so/ legs par zhes bya ba 'di ni ri mor bri ba'i khyad par yin no/ /nan tan kun gyis zhes bya ni 'bad pa kun gyis te nub pa thams cad kyis so/ /dga' bar 'gyur ba'i zhes bya ba'i sgra ni mchod pa'i khyad par ram/ chos kyi khyad par yin no/ /bla ma rnams la rim gro'o/ /de dag las nyan pa 'dod pa ni gus pa nyan pa'o/ /de dag gi bya ba byed pa ni yongs su spyad pa'o/ /lha khyab 'jug dang lha chen po la sogs pas bshad pa'i grub pa'i mdza' ni mu'o/ /de la brten pas mu stegs so/ /yang na mu ni chu bo gang+gA'i mchod sbyin la sogs pa skyon mi shes pa rnams so/ /lha la sogs pa skyon dang bcas pa la yang ngo/ /thub pa'i dbang po'i gsung dang/ gsung de las byung ba ni rin po che'i phreng ba la sogs pa'i mtshan nyid do/ /sngon du 'gro ba ni bcas pa'am thog drang pa'o/ /yi ge'i grwa khang ni slob dpon gyi grwa khang ngo/ /'tsho ba ni rngan pa'i 'tsho ba'o/ de yang zhing rtsal ba yis nges pa ni tshang ngam brtan bar byas pa'o/ /sems can rnams dang bdag nyid kyi ye shes spel ba'i slad du'o/ /zhing gis rngan pa ni bla byas pa'am gsos pa'am bzung ba'o/ /chu lon ni chu'i gags so/ /rdzing ni chu rings sam chu'i gnas kyis khyad par ro/ /spyi'i 'dun sa ni 'dun khang ngo/ /chu ra ni chu'i gnas te/ 'dir chu rab tu 'thung bas so/ /mal cha la sogs pa dang yang ldan pas so/ /shes rab bzang po ni ma chags pa la sogs pa'i yon tan dang ldan pa'o/ /'dun khang la sogs pa gang du bya zhe na grong dang zhes bya ba la sogs pas de ston te/ rigs bzhi dang tshod pa dang/ mkhas pa dang yang ldan la/ rab dang yang thog dang rta babs la sogs pa dang yang ldan pa'i gnas ni grong khyer ro/ /'di la mgon skyabs med pas na mgon
- 185a
med pa ste/ gang su yang rung ba'o/ /gzhan ni sdug bsngal la sogs pa'i mya ngan gyis nyam thag pa'o/ /dman pa ni rigs la sogs pas so/ /ngan pa ni brjid bag med pa ste spungs dang bral ba'o/ /snying rjes yin gyi chags pas ni ma yin no/ /yongs bzung ni yongs su skyang ba'o/ /dus ni dpyid la sogs pa'i mtshan nyid drug go /der 'byung bas na dus su 'byung ba'o/ /chu tshags ni chu btsag pa'i thabs kyi khyad par ro/ /tsher ma dbyung ba'i cha sta ni tsher gzungs so/ /grog spur la sogs pa'i ched kyi chu'i gnas su chung ngu ni chung chung ngu'o/ /rtag par ni rtag tu'o/ /thugs brtan pa ni yid brtan du rung ba'o/ /ci bde zhes bya ba nas so/ /gtses pa ni rgyal po la sogs pas byas pa'o/ /gnod pa ni sbyir gnod pa'o/ /yams nad ni dra bar 'byung ba'i nad do/ /btang ba ni yongs su btang ba'o/ /chags nyen pa las yongs su bskyabs pa ni bu lon pas nyams thag pa rnams so/ /sho gam btang ba ni gang la de nyid kyis gnod pa la shog ma btang ba'o/ /la lar ni sho gam dbri ste/ sho gam che bas 'jigs pa rnams la'o/ /dbyig la sogs pa nyo tshong byed byed pas 'tsho ba'i spogs te mnyam pa dang/ /rin che ba spangs pa dang rin thang rigs pa ste/ rin chung ba spangs pa bgyid du gsol cig pa'o/ /'dod dgu ni ci bder ro/ /kha cig bu mo sbyin pa ni bkag go snyam pa de'i phyir/ /rgyan rnams kun dang ldan pa yi zhes bya ba la sogs pa smos so/ /rtsol ces bya ba ni byin cig pa'o/ /'jig rten pa'i gtam ni g.yeng bar byed pas dga' bar ma mdzad cig pa'o/ /rnam par dbye ba ni rab tu brtan pa'o/ /bsngags pa ni bdag ni 'di 'dra'o zhes/ dom pa'o/ /gnad la dbab pa ni gsar ba rab
- 185b
tu sgrogs pa ste/ gnad 'chi ba'i gnas rnams su 'bebs shing bsnun pas na na gnang du dbab pa'o/ /mngon sum du don gzhan gyis gsang ba brjod pa ni gleng ba'o/ /de ngan sems kyis te/ mi phan pa'i sems kyi sa mi bya'o zhes bya ba'i tha tshig go /gzhan rnams kyi zhes bya ba ni gong du sbyar ro/ /nus pas zhes bya ba ni ci nus kyis so/ /nyes pa med pa nyid du bgyi ba'o/ /re ba ni 'dod pa'o/ /khengs pa ni nga rgyal lo/ /yi dags dang 'dra bar ro/ /zhum pa ni yi shi ba ste yid mi bde ba'o/ /brjod pa ni smra ba'o/ /gzhan du zhes bya ba ni gzhan gyi don la'o/ /rang gi dang/ sa gzhan pa'i blon po rnams kyang kun tu bdud cing mang pos bkur pa ste/ de thams cad ni chos spyad pa las 'gyur ro/ /nyams pa de ba ni yid bde ba'o/ /ltog mo ni chog pa ste te bor mang pa'o/ /nang gis bdag nyid ni sems so/ /longs spyod rung ba thun mong du spyod pa'o/ /'jam pa ni rang rung med pa'am mur 'jam pa'o/ /byams pa ni sems so/ /cha ni shin tu nyung ba'i cha'o// gal te grol bar ma gyur kyang zhes bya ba ni gal te thar par ma gyur kyang ngo/ /brgyad ni lha mi byams pa de? 'gyur ba dang zhes bya ba nas bzung ste/ tshangs pa'i 'jig rten skye 'gyur te zhes pa'i bar ro/ /g.yo ni yon po'o/ /de lta bu ma yin pas na g.yo med pa ste drang ba'o/ /de ni dad pa can zhes bya ba'i don te/ lhag pa'i bsam pas mnyan pa de'i don nyams su myong ba gsal bar 'gyur ro/ /de las ni dran pa'o/ /bkur sti ni chos rnams la'o/ /rtogs pa ni khong du chud pa'o/ /sgrib pa med pa ni mnyam par chos ston pas slob dpon gyi dpe mkhyud med pa'o/ 'dod pa ni don grub pa'o/ /snying po lnga ni bu ram dang/ zhun mar dang/ sbrang rtsi dang/ til mar dang/ lan tshwa'o/ /gang la stobs chen po'i mchog
- 186a
gtso bo yod pa de la de skad ces bya ste/ bcom ldan 'das zhes bya ba'i tha tshig go /mchod par zhes bya ba ni mchod pa'i ched du'o/ /yan lag nyams pa ni yan lag dang bral ba ste/ yan lag dman pa zhes bya ba'i tha tshig go /sems rjes su bsrungs pa ni gzhan dag gi'o/ /gzhon pas bla ma bkur ba'i phyir ro/ /dri med pa ni lan la re ba dang bral ba'i phyir ro/ /mnyam ldan pa ni dngos po thams cad la'o/ /brlan pa ni med pa ste/ brlan dang bcas shing mi rlang ba'o/ /de kho na nyid la 'jug pa'i thabs bsgoms pa ste/ yang dang yang mngon du byas pas so/ /sna tshogs ni rnam pa sna tshogs so/ /dag pa ni sems can thams cad dang thun mong du bla na med pa'i byang chub tu yongs su bsngos pa'o/ /'jig rten gyi khams ji snyed nas sangs rgyas gang gis gdul bar bya ba'i sems can rnams 'dus pa de snyed kyi 'jig rten gyi khams de ni sangs rgyas kyi zhing yin te/ der de 'byung ba'i phyir ro/ /rnam par dag pa'i sems can 'byung ba'i phyir dag par 'gyur ro/ /de bas zhes bya ba ni brjod par 'dod pa'i don mjug bsdu ba'o/ /de ltar zhes bya ba ni rgyu dang 'bras bu brjod pa'i tshul bshad ma thag pa'i rgyus so/ /mthun pa ni 'dra ba ste/ rgyu dang mthun pa'i 'bras bu zhes bya ba yin no/ /don du zhes bya ba ni don gyi sgo nas te/ don gyi sgo nas rgyu bsgrub par bya'o zhes bya ba'i tha tshig go /dka' ba ni mi nus pa'o/ /chos min ni chos dang bral ba'o/ /'di ltar de ni rigs pa min pa ni rigs pa dang bral ba'o/ /rjes su 'tsho'ba ni 'bangs so/ /rgyal po la bstod pa ni bsngags pa'o/ /chos ma yin pa spyod bzhin du ci'i phyir bstod ce na/ 'jigs pa'i phyir te/
- 186b
bzlog na gal te na khros nas gnod pa byed par 'gyur ro snyam pas so/ /rgyal po lta zhog go /de las gzhan pa'i phyi ma'i phal ba su yang rung ba la yang ngo/ /brjod dka' ba ni smra dka' ba'o/ /mi snyan pa ji lta bu zhig ce na/ bstad pa de rigs pa'o/ /sa chen mnga' ba ni sa chen po'i dbang phyug ste/ dbang phyug chen po'o/ /dge slong ni slong ba'i ngang tshul can te/ slongs mo zab zhes rtsa? bya ba'i don to/ /khyed kyi bdag la dgyes par mdzad pa de'i slad duAm bdag gis khyod la dga' bar bgyis pa gang yin pa de'i slad du'o/ /mi snyan ni yid la mi 'bab pa'i phyir ro/ /te bor zhes bya ba ni shin tu'o/ /don ldan ni 'dod pa'i don dang ldan pa'o/ /de bas nas de skad ces bya ba ni de bas na de skad du'o/ /'di skad du bshad pa yin te/ dgyes pa 'ba' zhig gi phyir ni mi yin no/ /'o na ci'i phyir zhe na/ bcom ldan 'das kyi bka' las 'byung bas kyang ngo/ /da ni brjod par bya ba gang yin pa de bstan pa khro ba med pa'i zhes bya ba la sogs pas ston te/ khro ba med pa ni byams pa'o// stang ba ni rigs pa ste phan pa'o/ /brjod bgyi zhes bya ba ni brjod par 'os pa'o/ /bdag ni tshig 'di gnyi gar stang ngam mi stang pa'i tshig gi don mkhyen par mdzod de'o/ /sbyin pa gang byas pa de mi shes pas na byas pa mi gze ba'o/ /slong ba ni phan 'dogs pa'i dam pa yin no zhes 'jig rten 'di na zhes bya ba la sogs pas ston to/ /las byed pa ni gla mi'o/ /gla med pa ni ma brdan par ro/ /lam du bza' shing bcas pa gang yin pa de ni lam rgyags te lam gyi rgyags so/ /dman pa ni 'gro ba dman par song ba ste dud 'gro 'am mi ngan pa'o/ /khyer bar ni khyer byed pa'o/ /rgya chen po ni yangs pa dang che ba'o/ /dman pa ni phra mo 'am bsam pa dman pa'o/ /yid la'ang zhes bya ba ni 'dod pa'o/ /bsams par ma gyur pa ni ma myangs pa'am
- 187a
mi 'dod pa'o/ /chos bzhi zhes bya ba ni spyi'o/ /de'i khyad par ni dkon mchog gsum gyi rten te/ rten ni bzhi'o/ /kun nas rnam pa thams cad du longs spyod 'byor ba ni kun 'byor ba'o/ /de'i khyad par ni rgyal po zhes bya ba'i sgra yin te/ rgyal po'i yang rgyal po'o zhes bya ba'i tha tshig go /snyan pa la phan pa ni snyan par mi 'gyur ba'o/ /rgya che sems can rgya chen po rnams so/ /snyoms pa dang bral bas na snyoms bral te nga rgyal chags pa'o/ /spro ba ni brtson 'grus so/ /dman pa ni rgya mi che ba 'am/ sems zhum pa'o/ /rgyal po sar pa'i gang yin pa de yi'o/ /'di dag la byams shing dga' bar 'dod pa'i ngang tshul yod pas na de skad ces bya'o/ /rnal gnas ni ma nyams pa'o/ /chos kyi gzhi ni sa gzhi phul ba la sogs pas spags so/ /lha khang ni lha'i gnas te lha'i khab bo/ /snga lugs bzhin du zhes bya ba ni lhag chad med par ro/ /de dag ni lha khang la sogs pa'o/ /'tshe med ni sems can dang? rdzas pa'o/ /dge sbyong ni bsod rnams byed pa'o/ /brtul zhugs la gnas pa ni srog gcod pa la sogs pa spangs pa'o/ /gang la 'od pa'i dus nges pa med pa yod pa de ni glo bur ba ste 'phral la 'ongs pa'o/ /gang la bden pa la bzod pa yod pa de dag ni bden bzod do/ /rtag tu brtson 'grus brtsams pa'o/ /dman pa ni nor med pa'am slongs mo pa'o/ /sdug 'phongs ni lam du zhugs pa'o/ /dgag pa med pa ni bzlog pa med pa'o/ /snyoms pa ni bye brag med pa'o/ /don du gnyer ba rnams ni bshad zin to/ /don du mi gnyer ba ni chog shes pa'o/ /ci rigs pa ni sbyin pa la sogs pa'i bya ba ste/ chos kyi don gyi dbang du byas pa la de skad ces bya'o/ /mi g.yel ba ni snyom las mi byed pa'o/ /de dag rnams la zhes bya ba ni chos kyi gzhi na gnas
- 187b
ba rnams pa'o/ /lugs ni rgyal po'i bstan bcos te/ de shes pas na lugs shes pa'o/ /de ni sdig pa dang ldan pa la yang yod pas de'i phyir chos dang ldan la zhes bya ba smos so/ /rgyal po la 'jar ba ste/ sems mi rtsub pa'o/ /gtsang ba ni 'dod chen med pa ste/ /chags pa la sogs pa'i rtsa ba dang bral bas dkar ba'o/ /ran par spyod pa'i legs pa spyod pa ste/ drod zin par spyod pa'am bgo bsha' byas te spyod pa'o/ /bag yod pa ni bya ba thams cad la'o/ /dman ni dpung gi tshogs so/ /de'i dpon po ni gtso bo'o/ /gang dag chos kho na byed pa'i dang tshul yod pas de dag ni chos kyi dang tshul lo/ /snyoms pa ni bsam pa mnyam pa'o/ /sna bo ni sna la gtogs pa'o/ /phan tshun ltor 'jug pa ni ma rungs par byed pa ste/ sngar ni chos nyi che ba bstan to/ /de ni rgyal srid dang lhan cig ston to/ /nang gshin pa ni nang 'phrod pa ste nang mthun pa'o/ /gsod byed pa ni gsod pa'i ngang tshul can te/ gsod par byed pa'o/ /sdoms pa min pa ni sdoms pa'i mi mthun phyogs so/ /rgyun mi 'chad pa ni rtag par tshar bcad pa ni tshig dag gis sam gzung bas so/ /brtags te zhes bya ba ni dpyad de'o/ /bag yod pas ni yul rnams kyis 'jigs pa'o/ /yon tan gnas te yon tan can rnams la sbyar zhes bya ba yin no/ /nga rgyal gyis nyams pa rnams la ni bkur sti'o/ /lhag ma rnams la ni tshig gi rim gro'o/ /lhag ma ni yon tan la gnas pa ma yin pa'o/ /rgyas pa ni mang ba ste/ rgyal po me tog dang 'bras bu phun sum tshogs pa'i ljon shing mngon du 'gro bar bya ba lta bur bya'o zhes bya ba'i don to/ gsar dang ldan pa ni nyes pa mi bzod pa'o/ /de ltar zhes bya ba ni sngar bshad pa'i tshul du'o/ /'jig rten na grags pa'i rigs pa ma yin par mi 'gyur ro/ /de'i zhes bya ba ni rgyal srid kyi'o/ /'tshogs chas zod ni nyo tshong bya ba la dgos pa yin
- 188a
par blta bar bya ste/ 'tshog chas nyo bar bya ba'i rin yin pas so/ /rjed 'gyur ba ste/ 'gyur bar 'bod cig pa'o/ /'khor los sgyur ba'i rgyal po yi'o/ /'du shes rang bzhin ni rnam par rtog pas byas pa'o/ /bde ba'i bdog pa kun ni mdor na 'di kho nar zad de/ bde ba nyid bdog pa kun yin no/ /de la lus kyi ni sdug bsngal phyir bcos pa tsam yin la/ sems kyi yang rtog pa tsam du zad na de dag kyang don med de bde ba'i don med pa'i phyir thams cad la dbang yang spyad par bya ba ni de'i tshe re rer? zad do/ /grag ces bya ba ni ma dang par ston pa'o/ /yul rnams yid la byed pa'o/ /de med pa ni yid la mi byed pa'o/ 'dir ji skad yongs su bsgrags pa de rnams ni don med do/ /dgos pa med pa nyid do/ /gang gi phyir zhes bya ba ni gang gi phyir te/ 'di ni yid kyi dbang du byas pa yin no/ /dbang po lhag ma rnams kyis ma yin no/ /gang phyir zhes bya ba ni gang gi phyir de ltar yin pas so/ /rnam pa rang gi ngo bo la phyis yid kyis dmigs nas te/ de yang rtogs pa tsam du zad pa'i phyir bde ba ma yin no snyam du dgongs pa yin no/ /da ni 'di na dbang po gcig gis ni zhes bya ba la sogs pas dbang po dang don dag med pa nyid du ston to/ /gang yang dbang po dang yul la brten nas rnam par shes pa dang/ des drangs pa rnam par rtog pa skye la de nas rnam par rtog pa dang bcas pa de'i tshe yang bde ba ni don med pa nyid de/ de gnyi ga don med pa'i phyir ro/ / rnam par shes pa gnys la brten pa nyid ni ji ltar zhes bya ba la sogs pas ston te/ mig gi rnam par shes pa ni mtshon par zad do/ /sngar ni yan lag cig ma tshang ba las dbang po dang don bdag don med pa nyid du bshad do/ /de
- 188b
ni yul ni 'das dang zhes bya ba la sogs pa dus kyis byas pa ston to/ /de gnyis las ni ma 'das phyir zhes bya ba ni 'das pa dang ma 'ongs pa'i dus gnyis las ma 'das pa'i phyir ro/ /'das pa de dag ni med do/ /ma 'ongs pa rnams ni ma byung ngo/ /gang gi tshe da ltar gyur pa de las yang nyes pa bshad zin to/ /yang na gtan tshigs mjug thogs nas 'byung ba 'di yin te/ ji ltar mgal me'i 'khor lo ma yin pa 'khor lo'i ngo bor snang ba de bzhin du yul da lta'i ngo bo ma yin pa yang da lta nyid du snang ste/ so sor re re'i ngo bor nyams pa'i phyir ro/ /'di dag ces bya ba ni rten dang dbang po dang don rnams so/ so sor tha dad na zhes bya ba ni rnam pa gnyis lta bur so sor tha dad na ste/ yang dag par rang gi ngo bo so so ba yin na'o/ /gzugs kyi mtshan nyid ni 'dus pa yin no zhes bya ba'i tha tshig go /gzugs kyi phung po don med par nyid du brjod nas/ /mjug thogs nas 'byung bas rnam par shes pa la sogs pa'i phung po ston te/ thams cad du zhes bya ba ni rnam pa thams cad du'o/ /bdag nyid don med phyir zhes bya ba ni don dam par bdag med pa'i phyir ro/ /de phyir zhes bya ba ni bde ba dang sdug bsngal gyi rnam par rtog pa med pa'i phyir ro/ /de ltar rigs pas ji skad bshad pa'i tshul du mthong pa'o/ /gal te la la de ltar ngo bo nyid med pa yin na su zhig gi mthong zhe na/ de'i phyir tha snyad du zhes bya ba smos so/ /de ci'i phyir yang dag pa nyid du ma yin zhe na/ 'di skad du bshad pa yin no/ /bde ba dang phrad par? 'dod pa'i sems 'byung pa gang yin pa de brtan pa bzhin du gyur na ni de'i tshe gnyis pa phyis 'byung bas mthong bar 'gyur gyis/ de med na ci zhig mthong bar 'gyur/ don med pa'i phyir sems gnyis lhan cig 'byung bar mi 'dod de/
- 189a
lhan cig byung pa dag ni de ma thag tu 'jig pa'i phyir dmigs par bya ba dang/ dmigs par byed pa'i ngo bo med do/ /don med ces bya ba ni ngo bo nyid med pa'o/ /gnas med ces bya ba ni rten med pa'o/ /len med ces bya pa ni rgyu med pa ste/ len pa ni rgyu yin no/ /de ltar ngo bo nyid med par mthong ba'i mthus rdzogs pa'i byang chub tu nges par 'gyur ro/ /'dod pa ni bzhed pa'o/ /gal te chos de lta bu shes na ci'i phyir 'khor bar 'khor zhe na/ de ni snying rje 'ba' zhig gis zhes bya ba la sogs pa smos te/ de ni rang gis don la mi lta bar snying rje 'ba' zhig gis srid par mtshams sbyor zhing srid pa rgyun chags par byed do/ /gang dag theg pa chen po la sangs rgyas kyi bka' ma yin no snyam du bsams nas spong bar byed pa de dag la theg pa chen po sangs rgyas kyi bka' yin par bsgrub pa'i phyir/ de bzhin gshegs pas zhes bya ba la sogs pa smos so// kun tu rmongs pa ni gti mug gis ldongs pa ste don mi shes pa'o/ /ji lta bu zhe na/ mjug thogs nas 'byung bas de ston te/ yon tan sdang ba zhes bya ba ni 'di ni gzhan la phan 'dogs pa ni yon tan zhes bya na/ de la sdang bas na de skad ces bya'o/ /sdang bas phyir phyogs ni zhe sdang gi phyir phyogs pa ste/ rnying rje med pa'o/ /ji ltar sel bar bshad ce na/ dug gis zhes bya ba'i dpe'i ngo bo smos te/ ji ltar snying rjes sman spyad las bshad pa bzhin 'di la yang de dang 'dra'o/ /phan pa'i bsam pas phan pa byed pa la 'jig rten gyi gnod pa yang med do zhes mjug thogs nas 'byung pas ston te/ /grags pas zhes bya ba ni grags pas so/ /phyi rjes phan 'gyur ba ni ma 'ongs
- 189b
dus ni phan pa'o/ /bden pa ni phyis rjes su phan pa lta ci smos te/ dper na bram ze'i bu skar mkhan la byang chub sems pas reg pa'i mthu bde ba dang phan par gyur pa lta bu'o/ /gna'i lugs ni gna'i 'am yongs su dag pa ste/ sman spyad la sogs pa las de bstan pa'i phyir ro/ /don kha cig la gnod par mthong ba gang yin pa de nyid la lar mkhas pa rnams kyis phan par mthong ngo/ /spyir btang ba ni 'di ni gnod pa'o zhes spyir btang ba ste dper na dug lta bu'o/ /dmigs kyis bsal ba ni bye brag tu bya ba ste/ snga ma cung zad sel bas so/ /bdag nyid ma spyangs pa ni mi mkhas pa'o/ /skye ba med pa dang skad cig ma la don gyi khyad par 'ga' yang med do/ /ji ltar zhe na/ theg pa che las skye med ces bya ba la sogs pa gang smos te/ skye ba med pa ni stong nyid do/ /gzhan dag gi ni zad pa ste/ bskal par gnas pa ma grub pa kho na'o snyam du dgongs pa yin no/ /de ltar bshad pa'i lugs su'o/ /dgongs te gsungs pa ni dgongs pa can gyi bka' / /gzhung las thegs pa gcig dang theg pa gsum gsungs pas so/ /btang snyoms ni mi 'jug pa'o/ /sangs rgyas kyi bka' la btang snyoms byas pas ni nyes par mi 'gyur ro/ /de'i phyir mjug thogs nas 'byung ba smos so/ /dge ba ni bsod nams so/ /gal te 'di snyam du nyan thos kyi theg pa kho nas sangs rgyas nyid 'thob pas glags glags pa 'dis ci zhig bya snyam du sems na/ de'i phyir mjug thogs nas 'byung ba smos te/ byang chub sems dpa' i smon lam du bya ba gang dag yin pa'i 'gro ba'i don 'di lta bu dang 'di lta bu bya'o zhes bya ba de las ma bshad do/ /spyod pa ni pha rol tu phyin pa gom pa'i mtshan nyid do/ /yongs su bsngo ba ni sems can thams cad dang thun mong du bla na med pa'i byang chub tu bsngo ba'o/ /byin rlabs ni sangs
- 190a
rgyas rnams kyis byang chub sems dpa' rnams la'am/ de dag gi sems can gyi don grub par bya ba'i phyir bya ba gang dag yin pa'o/ /gzhan dag gis bshad do snyam na/ de'i phyir/ lhag pa smos te/ byang chub kyi tshogs kyi don nam smon lam gyi don 'di la'o/ /tshang ma ni mi slu ba'o/ /gzhan ni bcom ldan 'das rnams las so/ /byin rlabs ni byin gyi rlabs gang gis nyan thos nyid 'thob pa'o/ /bden pa'i don ni de'i rang gi ngo bo'o/ /byang chub phyogs mthun ni dran pa nye bar gzhag pa dang/ yang dag par spong ba la sogs pa sum cu rtsa bdun no/ ldan pa ni nye bar 'grel pa'o/ /nyan thos rnams dang thun mong ma yin pa las so/ /thabs gang gis te/ rgyu tha dad las 'bras bu tha dad par 'gyur na de med pa'i phyir ji ltar snyam du dgongs pa yin no/ /byang chub kyi spyod pa la gnas pa ni rten cing gnas pa'o/ /mdo sde ni nyan thos kyi theg pas bsdus pa'o/ ci'i phyir chos gzhan dang gzhan du bstan ce na/ de'i phyir mjug thegs nas 'byung ba smos te/ sna tshogs dang khyad par byed pa ste 'dod pas na brda sprod pa pa'o/ /yi ge'i phyi mo klog du 'jug gi thams cad du brda sprod ba yin te rgyas par ni mi ston to/ /sdig pa dag las rnam par zlog pa'i phyir te/ dper na dga' byed la sogs pa'i mdo las 'byung ba lta bu'o/ /bsod nams 'grub bya'i phyir zhes bya ba ni 'phags pa sdong po bkod pa la sogs pa las 'byung pa lta bu'o/ /sngar bshad pa rnams bsod nams bsgrub pa ma yin nam ci zhe na/ sdig pa byed pa rnams ni de las bzlog pa'i sgo nas so/ /bsod nams byed pa rnams ni bsod nams kho na 'grub bar bya ba'i phyir ro/ /gnyis rten pa ni nyan thos la sogs pa'i theg pa pa rnams la'o/ /gnyis mi rten pa ni thegs chen po
- 190b
pa la'o/ /khug khrig can de dmigs pa can rnams 'jigs pa ste/ 'jigs par byed pa'o/ /gang la snying po ste 'byung ba'i gnas stong pa nyid dang snying rje'i bdag yod pa de la de skad ces bya'o/ /de lta bas na zhes 'gras pa rnams kyis de ltar bsams nas so/ /zhe ma 'gras pa ye shes mdza' yas pa 'dod pa gang dag yin pa de dag gis ni rab tu dang ba'o/ /thob pa ni nyes pa'am brten pa'o/ /so sor thar pa ni 'dul ba mdor bsdus pa de rgyas pa'i/ /'dul ba ni 'dul ba bzhi'o/ /mang du thos pa ni mdo la sogs pa'o/ /don gtan la dbab pa ni de dag nyid kyi'o/ /de dang zhes bya ba ni khro ba dang ngo/ /sdig la zhen pa ni chags pa'o/ /khros pas bslang ba ni kun nas dkrugs pa'o/ /khyad par 'phags pa dag dang bdag nyid mnyam par ro/ /khyad 'phags ni mchog ste/ de bas kyang chog snyam pa la de skad ces bya'o/ /mchog pas kyang mchog go snyam pa de skad ces bya'o/ /mchog pas kyang mchog gi snyam pa de ji lta bu zhig ce na/ mjug thogs nas 'byung bas smos te/ 'bras kyi thog du phol mig byung ba bzhin no/ /nye bar len pa zhes bya ba zag pa dang bcas pa'i phung po rnams la'o/ /dgos pa med pa ni nus pa'o/ /tshig 'jam pa ni kha nyan pa'o/ /de sngar smra ba ni je smra ba 'am gtsor? byed pa'o/ mtshan mas tha snyad 'dogs pa de la gnas pa na gzhog slongs byed pa'o/ smad byad pa ni skyon brjod pa'o/ /rnyed pas rnyed pa 'dod pa rnams zhes bya bar sbyar bar bya'o/ /zlos pa ni nyes pa yang dang yang du brjod bya'o/ mgu ba ni rangs pa'o/ /de lta bu ma yin pas na de skad ces bya'o/ /slong ba ni sems so/ /yang na spungs med ba ni 'di lta bu yin no/ /chags pa ni zhan pa 'o/ /de'i phyir spungs med ba ni chags can gyi yid de/ brtson 'grus med pa'i zhan pa yin no/ /tha dad pa nyid kyi 'du shes ni
- 191a
bdag dang gzhan no snyam pa ste/ des na thams cad du bdag ces bya ba'i don sgrub pa'o/ /lta ba med pa ni chags pa 'am sdang ba'am rmongs pa zhig ces dpyod pa med pa'o/ /bkur sti dang ldan pa'i tshul ni bcom ldan 'das kyi tshul yin te/ bcom ldan 'das rnams la bya ba dang 'dra bas so/ /yang na rab tu 'bad pa dang ldan pa'i tshul la de skad ces bya'o/ /lus dang ngag yon tan dang ldan pa ltar ston pa de ni tshul 'chos pa de sgrub pa yin no// dam pa rnams mgu ba ni chog shes pa ste de nyid dpal yin no/ /rjes rnams rig ni phyis shes par 'dod pa'o/ /'dod pa ni re ba'o/ /brnyags pa ni sems yongs su nyams pa'o/ /brtson pa med pa ni brtson 'grus med pa'o/ /sgyid lug pa ni bya ba rnams la sgrim pa med pa'o/ /lus 'gyur ba ni mi thub pa'o/ /'dod pa ni dga' ba'o/ /de lta bu ma yin pas na mi 'dod pa'o/ /yon tan lnga dag la 'dod pa ni don du gnyer ba gang yin pa'o/ /gnod dogs zhes bya ba ni de sems par byed pa zhes bya ba'i tha tshig go /dgu ni 'di bdag la zhes bya ba la sogs pa'o/ /rmya ba ni lus dang sems lci ba nyid de/ /lus las su mi rung ba nyid dang/ sems las su mi rung ba nyid do/ /las bral ba ni bya ba med pa'o/ /gnyid ni sems mngon par sdud pa'o/ /'gyod pa ni yid mi bde ba'o/ /byang chub sems dpa' zhes bya ba ni khyim pas so/ /sdom brtson can gyis shos bya ba ni rab tu byung bas so/ /snying rjes ro gcig pa ni sdug bsngal dang bral bar ro gcig pa'o/ mdangs ni mdzes pa nyid do/ /dge bas zhes bya ba ni brtson 'grus kyis mtshan nyid kyis so/ /brjid pa ni spa ba ste zil gyis mi non pa nyid do/ /zhi ba ni nye bar zhi ba'o/ /ci'i phyir 'di kho na las rnam par bzhag ce na/ mjug thogs nas
- 191b
'byung ba smos te/ sa dang po la kun tu sbyor ba gsum po rjes su chags pa dang/ khong khro ba dang the tshom rnams spangs pa'i phyir ro/ /skyes phyir zhes bya ba ni 'khrungs pa'i phyir ro/ /ngang gis rang bzhin gyis dge ba bcu'i las kyi lam de dag la gnas pa'i phyir ro/ /'dod chags dang zhe sdang chen po dang 'bring yongs su zad pa'i phyir ro/ /bzod pa dang brtson 'grus lhag par spyod pa ni bzod pa dang brtson 'grus kyi mchog ces bya ba'i don to/ /dbang chen ni mang po'i dpon po ste lha'i tshogs chen po'i bdag po'o/ /'dod pa ni gzugs la sogs pa'o/ /de dag la 'dod chags pa ni 'dod chags pa'o/ /zlog pa ni zlog par byed pa'o/ /gang la 'od 'phro ba yod pa de la de skad ces bya'o/ /sa dang po la gnas pa la sogs pa yang de dag sgom par byed pas khyad par du zhes bya ba smos so/ /'jig tshogs la lta ba rab tu 'byung ba ni rgyu yin no/ /'di las rab tu 'byung bas na ma rig pa'o/ /de las ni ngar 'dzin pa rab tu 'byung ste/ ma rig pa bsrabs pa'i phyir de spong ngo/ /kun nas 'joms pa ni drungs 'byin pa'o/ /chos bdag med pa'am rnam par thar pa la sogs pa gang la dang po 'phags pa'i bden pa rnams yod pa ste de rnams shes pa'o/ /de la mkhas pa ni khong bzo pa ste/ de 'byung ba'i phyir ro/ /mu stegs byed pa thams cad kyis nyon mongs pa ni lus kyi gdung ba lnga la sogs pa'o/ /'dis thar ro snyam pa'i log par lta ba'o/ /sangs rgyas kyi chos thob par bya ba la mngon du phyogs shing mthun pa'i phyir ro/ /zhi gnas ni ting nge 'dzin te/ lhag mthong ni shes rab bo/ /de dag goms pa yis zhes bya ba ni yang dang yang du mngon du byed pas so/ /'gog pa ni snyoms par 'jug pa'i mtshan nyid dam nyon mongs pa'i 'og pa'o/ /de thob pas rgyas pa'i phyir
- 192a
ram/ yongs su dag pa'i phyir ram/ yongs su rgyas pa'i phyir ro/ /gang la sprul pa bzang po yod pa de la de skad ces bya'o/ /mi 'phrog pa ni zil gyis mi non pa'o/ /nga rgyal lhag pa ni lhag pa'i nga rgyal te/ de gang dag la yod pa de dag la de skad ces bya'o/ /de dag zhi bar byed pa ni nye bar zhi bar byed pa'o/ /'di ni grangs kyang yin la ring du song pa yang yin pas na grangs ring du song ba ste/ bde dang ldan zhing rjes? su 'brel ba'i phyir ro/ /ring du song ba nyid kyi rgyu smos pa/ gang gi phyir sa 'di thob nas skad cig la 'gog pa la snyoms par 'jug pa de'i phyir sa de dus dang yon tan gyi grangs kyis ring du song ba'i phyir ro/ /'di skad du bshad pa yin te/ gang la grangs dang yon tan gyi sgo nas ring du song pa yod pa de ni 'gog pa'i snyoms par 'jug pa la dbang bar 'gyur gyi gzhan ni ma yin no/ /dbang sgyur ni nyon mongs pa rnams sam 'gog pa'o/ /de nyid kyi phyir 'di'i ming ni kho na yin no/ /byang chub sems dpa' mtshan ma dang/ rtsol ba'i rnam par rtog pa dag gis mi g.yo bas na mi g.yo ba ste/ de nyid mi g.yo ba zhes bya bas stan to/ /ji ltar mi g.yo zhe na mi rtog pa'i phyir ro/ /mi g.yo ba ji lta de bzhin du lus dang ni zhes bya ba la sogs pa smos so/ /sa gang la gnas pa'i lus la sogs pa'i spyod yul bsam par mi nus pa la de skad ces bya'o/ /ji ltar 'jig rten na byis pa'i gnas skabs las 'das pa la gzhon nu zhes bya ba dang 'dra bar theg pa chen po 'dir yang nyon mongs pa'i gnas skabs las 'das pa la gzhon nu zhes bya ba ste/ nyon mongs pa rnams kyis ni byis par 'gyur ro/ /de bzhin du nar son? pa la rgyal tshab ces bya ba dang 'dra bar 'dir yang chos kyi nar son pa la rgyal tshab ces bya'o/ /gang la blo gros
- 192b
sa 'og ma dag las khyad par du 'phags par bzang ba yod pa de ni legs pa'i blo gros so/ /so so yang dag par rig pa ni don la sogs pa'i mtshan nyid bzhi'o/ /sprin zhes bya ba'i sgra ni mang po nyid nye bar mtshon pa'o/ /gang la de bzhin gshegs pa rnams las chos kyi sprin 'thob par yod pa de la de skad ces bya'o/ /de nyid dam pa'i chos kyi char zhes bya ba la sogs pas ston to/ /dbang phyug chen po ni ming do/ /gnas dang gnas ma yin pa la sogs pa'i mtshan nyid kyi stobs bcu dang ngo/ /stobs la sogs sangs rgyas rnams kyis tshad med pa nyid do/ /rgyu tshad med pa de lta bu la 'bras bu sna tshogs tshad med par 'gyur ro zhes tshad med pa nyid la yid ches par gyur pas tshad med pa sangs rgyas nyid 'thob par bya ba'i phyir ro/ /thabs 'dis tshogs tshad med par 'gyur ro zhes bya ba yin no/ /rgyu tshad med pa can de ni tshad med par 'gyur ro/ /bsod nams thams cad yongs su bzung ba nyid ni bsod nams thams cad khas blangs shing yongs su bzung ba ste/ bya ba dang rjes su yi rang ba'i sgo nas bsod nams thams cad yongs su gzung pa yin no/ /gsol ba ni bkur sti dang ldan pas don du gnyer ba'o/ /ma bgyid pa ni ma 'ongs pa'o/ /mi khom pa ni log par 'dzin pa la sogs pa brgyad do/ /de dag las 'das pa ni brgal ba'o/ /spyod pa rang dbang yod pa ni bcom ldan 'das rnams dang/ de dag gi nyan thos zag pa zad pa rnams te/ nyon mongs pa dag gis ni gzhan dbang du 'gyur ro/ /ldan pa ni ldan pa 'gyur ba'o/ /skyes mchog ni sangs rgyas nyid de/ sems can thams cad pas mchog tu gyur pa'i phyir ro/ /yang na des ma bsdus pa skyes bu'i mchog gzhin no/ /rigs pa ni yang dag pa'i lta? ba'o/ /yan lag lhag ma rnams ni rkang pa'o/ /yang na rig pa ni lha'i mig dang/ lha'i rna ba
- 193a
dag go/ lhag ma ni rkang pa'o/ /yang na rig pa ni lhag pa'i sems so/ /lhag ma ni rkang pa'o/ /kha dog ldan pa ni 'dzam bu chu bo'i gser gyi kha dog ltar bzang ba'o/ /gang dag la blta na sdug pa yod pa de dag la de skad ces bya'o/ /stobs can ni srid med gyi bu la sogs pa'i stobs dang ldan pa'am/ tha mal pa'i stobs dang ldan pa'o/ /dga' ba ni mgu ba ste yid dga' ba zhes bya ba'i tha tshig go /gsal ba ni spa ba dang ldan pa'o/ /rgyun mi 'chad pa ni bar chad med pa'o/ /gzhan ni stobs bcu las sogs pa'o/ /sems can kun gyi mchog ni gtso bo'o/ /gang la byams pa ste 'jam zhing byams pa'i mtshan nyid yod pa la de skad ces bya'o/ /gang dag la sems rab tu dad ba ste/ dri ma med pa yod pa de dag ni rab tu dang ngo/ /de'i phyir 'khrug pa dang bral bas na 'khrug med do/ /rnal ma ni khram 'khrul med pa'o/ /ji ltar rab tu dang ba la sogs pa yin zhe na/ mthong ba dang dran pa dag dang ming tsam thos pas so/ /phan pa dang bde ba bgyid pa ste/ bde ba kho nas phan pa zhes bya ba'i don to/ /cig car sprul pa'i sprin rnams kyis so/ /rang dga' ni ci bde ro/ /gang la dgag pa ste sgrib pa med pa yod pa de las de skad ces bya'o/ /srog ni gson pa ste de dang 'dra bar ro/ /de ni bcom ldan 'das kyis mdo gzhan dag las gsungs te/ sems yongs su spyad ba'i phyir dang/ bsod nams kyi tshogs bsags pa'i phyir zhes bya ba lhag ma yin no/ /khyim bdag dpal sbyin gyis zhus pa las ni byang chub kyi sems kyi bsod nams yongs su bsgrags pa'i phyir ro/ /de bzhin du ting nge 'dzin rgyal po'i mdo las ni byams pa'i yon tan bstan pa'i phyir ro/ /'phags pa blo gros mi zad pa'i mdo las ni pha rol tu phyin pa bstan pa'i phyir ro//
- 193b
de ni chos kyis byed par 'gyur/ gang gi phyir chos kyis phan par 'gyur ba de'i phyir ji ltar khyod la bdag nyid phangs pa de bzhin du chos la yang gyis shig pa'o/ /ji ltar shes rab las 'dod pa thams cad 'byung ba de bzhin du mkhas pa rnams las kyang de 'byung ngo zhes mjug thogs nas 'byung bas ston to/ /gtsang ba ni dben zhing dri ma med pa ste/ chags pa la sogs pa'i mi gtsang ba dang bral ba'i phyir ro/ /byams pa ni byams pa dang ldan pa'o/ /gang zhig de dang 'dra ba la dogs shing bag tsha ba skyed par byed pa'o/ /chog shes pa ni rnyed pas chog par 'dzin pa'o/ /snying rje na pha rol sdug bsngal bas sdug bsngal bar 'gyur ro/ /tshul khrims ni spong ba bdun gyi mtshan nyid dam/ sems can gyi don bya ba dang/ dge ba chos sdud pa'i mtshan nyid do/ /shes rab ni mnyam par bzhag pa'i gnas skabs na de kho na nyid yongs su dpyod pa'o/ /gang gis phyir chos de dag sgom par byed pa ni rtag tu bag yod pa yin pa de'i phyir de dag nyid ston pa po zhes bya ste/ de dag gi rang bzhin mkhyen par bgyis nas rjes su mthun pa'i don sgrub par mdzod cig pa'o/ /'dod pa'i gnas thob par byed pas na lugs te/ rgyas pa dang mdor sdus te ji skad bshad pa 'dis so/ /grub pa'i mchog ni sems can rnams kyi nang na'am/ sems can rnams kyi nang du sangs rgyas nyid do/ /bde pa'i ngang tshul ni 'grogs na bde ba lam bde ba'i rang bzhin te/ bde ba skye pa'i rgyu yin pas na bde ba'o/ /bsnyen dga' ba ni brda phrad par dka' ba ste/ zab pa'i phyir ro/ /khyad du bsod pa ni gzhan dag la rnyas pa'o/ /de'i ched du byas pa'i gzhung gang yin pa de la yang de skad ces bya ste/ tshul dang ldan pa ni tshul shes pa yin gyi gzhan ni ma yin no zhes bya ba yin no/ /rang dbang ni shes rab rno ba'i phyir
- 194a
rang la dbang ba'o/ /las byams kyang nyes pa smra smra bas de'i phyir legs par smra ba zhes bya ba smos te/ legs par smra ba brjod pa'o/ /ci rigs par zhes bya ba ni rgyal po'i bya ba ma gtogs pa'o/ /phan par 'dod pas zhes bya ba ni phan par 'dod pa nyid kyis so/ /tshul khrims ni bsrung ba 'am bsten par bya ba'o/ /phrag dog med pa ni gzhan gyi phun sum tshogs pa la'o/ /dogs pa med pa ni dge ba dag la 'jigs pa med pa'o/ /gang ?? gzhan don gyi nor yod pa de la de skad ces bya'o/ /phongs par 'gyur ba ni nyam thag par gyur pa'o/ /yongs gzung ni kun nas gzung pa'o/ /dor ba ni gtong pa'o/ rin chen phreng ba'i tshig don rnams/ /bdag gis rnam par dbye byas nas/ bsod nams cung zad gang bsgrubs des/ /'jig rten thams cad mkhyen par shog /rin po che phreng ba'i rgya cher bshad pa slob dpon mi pham bshes gnyen gyi mdzad pa rdzogs so// // rgya gar gyi mkhan po bidyA ka ra pra b+ha dang/ zhu chen gyi lots+tsha ba bande dpal rtsegs kyis bsgyur cing zhus te gtan la phab pa'o// //rmi lam yid bzhin nor bu zhes bya ba zhugs/ / rgya gar skad du/ swa ba na tsin+ta ma Ni pa ri ka thA/ bod skad du/ rmi lam yid bzhin nor bu'i gtam/ /dkon mchog gsum la phyag 'tshal lo/ /gang zhig rtogs pa'i phyir na rmi lam mthar/ /byang chub sems dpa' rnams las rigs rnyed de/ /phan phyir sems can dga' ba 'ga' zhig ni/ /skye dgu rnams la 'doms par byed pa yin/ /bdag dang sems can thams cad bde sdug mtshungs/ /bde sdug mtshungs pa can ni gnyen yin na/ /bdag gi de dag
- 194b
rab tu spangs nas kyang/ mya ngan la 'das par 'jug pa mi rigs so/ /skye bo 'di dag dang ni lhan cig tu/ /ngan song dag tu bsdug bsngal drag po dang/ /bde 'gro dag tu 'ang bde ba mang po myong/ /gcig tu gnas pas bdag la 'di dag dga' gang gi mngal du lan cig min par bdag /ma gnas pa'am? bdag la gang ma gnas/ /sems can de ni 'di na gang yang? mod?/ /de phyir thams cad gnyen du gyur pa yin/ /gzhan yang bcom ldan 'das la bdag dga' ste/ /gang phyir 'di dag ched du bcom ldan 'das/ /shin tu yun ring por ni skyo gyur pa/ /des kyang bdag ni sems can rnams la dga' / /ji ltar phan dang gnod pa byas pa las/ /bde ba dang ni sdug bsngal tshad med pa/ /gnyis ka'i rgyu ru 'gyur ba de phyir yang/ sems can rnams ni bdag gi bla ma yin/ /'di nyid la ni gsod dang 'chid ba dang/ brdeg dang sdig sogs sdug bsngal myong ba gang/ de ni sems can 'tshe ba'i 'bras bu zhes/ /bde bar gshegs pa rnams kyis bka' stsal to/ /gzugs dang nad med dag gis gnod pa dang/ phongs dang rigs ngan tshe ni thung ba dang/ /chung ma shi dang long bar gyur ba nyid/ sems can gnod pa byas pa'i 'bras bu yin/ /mnar med pa yi bar gyi ngan song gi /gnas su sdug bsngal sna tshogs myong ba gang/ /de dag thams cad rang nyid nyes pa yis/ /sems can rnams la gnod pa byas pas yin/ /gang zhig 'di nyid la ni mchod byas mchod/ /grags dang yid 'ong nor rnams thob pa dag /yid 'od yid du mi 'ong sems can la/ /mngon par phan dang 'tshe ba'i sgo nas so/ /nad med pa dang rigs ni phun sum tshogs/ /gzugs mdzes pa dang tshe ring dbang phyug dang/ /nor la sogs dang chung ma spas pa ni/ /sems can phan
- 195a
pa byed pa'i 'bras bu yin/ sems can rnams la dga' bar byed pa yis/ /rgyal srid rgyal srid che dang yang dag gis rgyal srid 'khor los sgyur ba mchog nyid dang/ dang po'i gnas ni thob par 'gyur ba yin/ skyes bu sems can phan par byed pa yis/ /sangs rgyas go 'phang yang ni thob 'gyur na/ /gang zhig snying po med pa dman pa'i lha/ /thob pa 'di la ngo mtshar ci zhig yod/ /gal te sems can de dag med gyur na/ 'di ni gang gi ched du sbyin pa gtong/ /gal te lus can rnams ni med gyur na/ /gang las 'dul ba'i tshul khrims thob par 'gyur/ /nyes pa byed pa yang ni gang zhig yin/ /gang gi ched du dpa' bo bzod pa bsgom/ /gang zhig mngon par 'dod pa thob bya'i phyir/ /su yi ched du brtson 'grus de de byed/ /gal te lus can rnams ni med gyur na/ /ji ltar byams dang snying rje dga' ba dang/ /gtang snyoms dag la yang dag brten nas ni/ /bsam gtan snyoms 'jug bde ba thob par 'gyur/ /thar pa'i bde ba dngos dang dngos med shes/ /khams dang bsam pa bag la nyal du brjod/ /kun nas nyon mongs rnam par byad ba dag /gal te de dag med na ji ltar shes/ /byang chub phyogs dang mthun pa'i chos rnams kyis/ /rgyu ni 'di ltar sems can rnams yin pa/ /de phyir rdzogs pa'i byang chub 'dod pa yis/ /sems can rnams ni bla ma bzhin du blta/ /de ltar 'byung po rnams ni bde chen gyis/ /sgo ru sems bzhin par ni byed pa la/ 'gro ba na ni dka' ba'i rnam pa ni/ /mi bzod gang yin de la cung zad med/ /gang gi sems la sems can rnams/ /bdag nyid yin pa de ltar gnas/ /de la phyi rol dngos tshogs dang/ /chung ma dag kyang mngon zhen med/ /bdag nyid dang
- 195b
ni pha ma dang/ bu dang chung ma dag la yang/ /gnod pa de 'dra khas blang gi /sems can rnams la gnod mi byed/ nyes pa drag po byed pa yi/ /sems can la bzod phan sems ldan/ /sems can rnams la gus ldan pa/ /nyes pa chung duAng mi byed do/ /'di dag nyid la phan 'dod pa'i/ /brtson 'grus go cha gyon pa ni/ /'bras bu che la bskal stong du/ /dmyal ba'i mer yang gnas par spro/ /bdag gi skye dang 'jig dang rtog pa la/ ji lta ba dang ji snyed gnod pa yi/ /sems can de dag bsam gtan dbang po ni/ /bla ma dang ni bla mar rab tu bsgoms/ /de ltar chos lnga po dag yod na ni/ /legs skyes rtsa can byang chub sems dpa' ni/ /'phags pa shes rab pha rol phyin pa yis/ /nges par gang ba yin par brjod par bya/ /gang zhig rten pas chen po nyid thob cing/ /gnod pas dka' ba'i log par ltung ba 'thob/ /srog kyang yongs su btang bar byas nas kyang/ /de dag dga' bar byas pa nyid du rigs/ mang po gang dag rten pas grub pa ni/ /thob pa de ltar sems can de dag yin/ /sems can de dag las ni zhing gzhan pa'i/ /grub pa'i zhing ni 'gro ba na yod min/ /'di dag yid bzhin nor bu ste/ /bum pa bzang yin 'dod 'jo'i ba/ /de phyir lha dang bla ma bzhin/ /de dag rten par bya ba yin/ /lung dang rigs pas yongs su bltas nas ni/ /sems can kun ni bdag gi snyam rlom pa'i/ /dam pa'i lag tu dge legs thams cad ni/ /yun mi ring bar 'byung bar 'gyur ba yin/ /'di ni thub pa chen po'i spyod pa ste/ /dbang bcas 'di la dpyad pa mi bya'o/ /ji srid 'di ni mngon du ma byas pa/ /de srid grub pa srid pa ma yin no/ /re zhig brtag par bya phyir ji skad du/ /bshad pa 'di la 'bad pa gyis shig dang/ /chen po nyid kyi rgyu mtshan du gyur pa/ /yon tan rang nyid kyis
- 196a
ni thob par 'gyur/ /'di ni chen po nyid kyi lam/ /rigs 'di sems can chen pos bsten/ /sems can kun la bde ster ba'i/ /'phags 'di yid bzhin nor bu yin/ /rmi lam yid bzhin nor bu'i gtam slob dpon 'phags pa klu sgrub kyis mdzad pa rdzogs so// //kha che'i paN+Di ta sh+rA ra tha dad/ lo tsA ba dge slong grags 'byor shes rab kyis bsgyur// //rgya gar skad du/ dA na pa ri ka thA/ bod skad du/ sbyin pa'i gtam/ dkon mchog gsum la phyag 'tshal lo/ /sbyin pa gter chen phyi bzhin 'brang ba yin te chom rkun la sogs dbrog mi nus/ /sbyin pa sems kyi ser sna dang ni chags pa skyon gyi rdul rnams 'khru bar byed/ /sbyin pa 'khor ba'i lam dang ngal ba sal ba yin te bzhon pa bde blag can/ /sbyin pa bde dgung spyod pa du ma dag gi sgo bzang dag gtan gyi mdza' o mchog /'byor cing dag pa phun sum tshogs dang kun tu dga' nyan yon tan rnams dang ni/ sum cu rtsa gsum lha yul grong khyer la gnas byed gzugs mdzes pa'i yon tan rnams/ /ci dang ci 'dod de dag thams cad sbyin pa dag gis nges par 'thob 'gyur te/ /de ltar don ni yongs su brtags par gyur nas su dag sbyin pa sbyin mi byed/ sbyin pa me dang chu dang chom rkun 'jigs pa'i 'khrugs pa rnams kyis bskyod mi nus/ /sbyin pa sgrib pa zad byed sred pa'i 'gro bar phyi bzhin 'brang ba'i mdza' chen yin/ /sbyin pa 'gro ba'i rgyun gyi yul rnams kun tu srog chags rnams kyi 'jugs yin/ /sbyin pa tshe rabs bgrangs pa dag tu phyi bzhin 'brangs te ma phyir be'u 'brang ba bzhin/ /nor rnams kun gyi snying po blang ba dbang phyug rnams kyi gzhi ni sbyin pa yin zhe'o/ /blo can
- 196b
lags par 'dod pa yis/ /legs par bsgrims te sbyin pa sbyin/ /'khor bar yongs su 'khyams pa na/ /sbyin pa ma gtogs gnyen med do/ /sbyin pa 'jig rten rgyan yin te/ sbyin pa ngan 'gro zlog pa yin/ /sbyin pa mtho ris skas yin te/ sbyin pa zhi byed shis pa yin/ /'jig rten dag na rgyal po'i mchog /dpa' brtul dregs shing mthu che la/ /rgyal srid rgyas la dbang byed pa/ /'di 'byung sbyin pa byin las byung/ /sum cu rtsa sum gnas rnams ni/ /brgya byin lha yi dbang byed pa/ de yang sbyin pa'i 'bras bu mchog /dam pa yin zhes mkhas rnams smra/ /mtshan mchog sum cu gnyis mnga' ba/ dri med gzi brjid mtshungs med pa/ /'khor ba'i rgya mtsho rgal ba yang/ /sbyin pa la ni brten te byung/ /lha yi 'jig rten skas kyang yin/ /thar pa'i mthar gyi sgo yang yin/ /ngan song rnams las bzlog pa yin/ /phun sum tshogs kun rgyu yang yin/ /de yi phyir ni mi rnams kyis/ /legs par bsgrims te sbyin pa sbyin/ /chags dang phrag dog la sogs pa/ /med par bsod nams bsags par gyis/ /sangs rgyas 'dra ba'i ston pa med/ /chos dang 'dra ba'i skyob pa med/ /dge 'dun 'dra ba'i zhing med de/ /de phyir gsum la dbul bar gyis/ /phrad par gyur pa'i mdza' ni 'bral bar 'gyur phun sum tshogs pa'i mdza' ni ngan cing rgud/ /tshe ni glog ltar 'gyur zhing 'jig la g.yo/ /nga yi phyir na bag yod brten por gyis/ /'di kun bde ba mngon par 'dod/ /skyes bu bde ba longs spyod med par min/ /longs spyod sbyin las byung bar mkhyen nas ni/ /thub pas dang por sbyin pa'i gtam ngag mdzad/ /slob dpon klu sgrub kyis mdzad pa sbyin pa'i gtam rdzogs so// //srid pa las 'das pa zhes bya ba bzhugs/ rgya gar skad du/
- 197a
b+ha ba sad krAn+ta pa ri ka thA/ bod skad du/ srid pa las 'das pa'i gtam/ /'jam dpal gzhon nur gyur pa la phyag 'tshal/ dngos med dngos las mi skye ste/ /dngos med las kyang skye ma yin/ /dngos po rtag tu skye ba ste/ /dngos 'khrul nam mkha' i me tog bzhin/ /mkha' dang 'dra ba'i chos yod na/ /gzhan ni mkha' dang 'dra ba skye/ brten nas thams cad mkha' dang 'dra/ de nas srid pa med pa can/ /ngo bo nyid kyi las med cing/ /rgyu med 'bras bu yong ma yin/ /'di dag thams cad med pa ste/ /'jig rten pha med 'jigs pa med/ ma skyes pa yi dngos po gang/ /ji ltar gzhan zhig skyes par 'gyur/ /'jig rten dad par ma byung ste/ /'ga' zhig gis kyang sprul pa yin/ /zla ba seng ge'i grong khyer bzhin/ /'jig rten don med gyi na 'khyam/ /'jig rten rnam par rtog las 'byung/ /rnam rtog sems las yang dag byung/ /sems ni lus la brten pa ste/ /de phyir lus ni rnam dpyad do/ /gzugs ni stong pa tshor ba rang bzhin med/ /'du shes med de 'du byed yod ma yin/ /'byung ba sbangs nas sems dang sems byung med/ /de phyir lus ni rtog bral ngo bo yin/ /sems med chos rnams de dag med/ lus med khams rnam yong ma yin/ /gnyis su med pa'i las 'di ni/ /de nyid rigs pa rnams kyis bstan/ /'di dag thams cad dmigs med par/ /gnyis su med par bstan pa yin/ /blo ni dmigs pa med byas nas/ /dmigs pa med par 'byung bar 'gyur/ /sbyin dang tshul khrims bzod brtson 'grus/ /bsam gtan la sogs brten byas nas/ /yun mi ring ba'i dus kyis ni/ /byang chub dam pa thob par 'gyur/ /thabs dang shes rab la gnas te/ /sems
- 197b
can rnams la brtse bar bya/ /myur ba kho nar thams cad mkhyen/ /thob par 'gyur bar the tshom med/ /'di dag thams cad ming tsam ste/ /'du shes tsam la rab tu gnas/ /rjod par byed las tha dad pa'i/ /brjod par bya ba yod ma yin/ chos rnams thams cad med med de/ /bdag med par yang yongs su gsal/ /yang dag min pa'i chos 'di dag/ rnam par rtog pas kun nas bslang/ /gang gis stong pa zhes brtags pa'i/ /rtog pa de yang 'dis stong ngo/ /mig gis gzugs rnams mthong bar ni/ /de nyid gsungs pas gang bshad pa/ /log par zhen pa'i 'jig rten la/ /kun rdzob bden par brjod pa yin/ /gang du tshogs par mthong ba ni/ /'dren pas ston par byed pa yin/ /blo dang ldan pas don dam gyi/ /nye bar brtags pa'i sa de gsungs/ /mig gis gzugs ni mi mthong ste/ yid kyis chos rnams mi rig go /'jig rten pa yi yul min gang/ 'di ni mchog tu bden pa'o/ /mig med gzugs kyang yod min zhing/ /snang ba yid la byed pa med/ /sems ni rmi lam bzhin du 'khrul/ /thams cad yod min med pa'ang min/ /srid pa las 'das pa'i gtam/ /slob dpon 'phags pa klu sgrub kyis mdzad pa rdzogs so// // kha che'i paN+Di ta sh+rid thA dang/ lo tsA ba dge slong grags 'byor shes rab kyis bsgyur ba'o// //rgya gar skad du/ sa pa ta gu Na pa ri brna? ka thA/ bod skad du/ yon tan bdun yongs su brjod pa'i gtam/ 'jam dpal gzhon nur gyur pa la phyag 'tshal lo/ /las ni du ma la brten pa'i/ /sna tshogs yon tan 'dod pa yis/ /'bad byas sa bon med par ni/ /myu gu skye ba yod ma yin/ /nyes med yon tan bsdu ba ni/ /sna tshogs pa dag rnam bya ste/ /nyes pa
- 198a
dag ni gcig pu yis/ /yon tan mang po 'joms par byed/ /tshe ring de bzhin nad med dang/ /gzugs dang bskal ba bzang dang rigs/ /nor dang shes rab dag dang bdun/ /yon tan mdo sde dag las gsungs de las bzlog pa nyes pa yin/ /de dag re res ji ltar na/ /yon tan thams cad 'byung 'gyur ba/ de ltar da ni bshad par bya/ /nad med gzugs dang bskal pa bzang/ /rigs nor shes rab phun sum tshogs/ /tshe ring ba ni med gyur na/ /gsad sar phyin pa'i rgyan dang 'dra/ /tshe dang gzugs sogs yon tan ni/ /'di dag nad med mi ldan na/ /don med par ni nyam pa 'gyur te/ /ma nyid bud med mchog yod mtshungs/ /yon tan ldan pa mthong na yang/ /gzugs ngan skyo ba skye 'gyur te/ /yon tan phun tshogs rgyas par ni/ /rgyal po'i btsun mo mthong dang mtshungs/ /sngar bshad yon tan phun sum tshogs/ /skal pa ngan pas mdangs phrogs pa/ /sdang ba'i gnas su gyur pa'i phyir/ /drang srong bran dang mtshungs par 'dod/ /yon tan dpal ldan dri ma med/ /rigs ngan la brten mya ngan gzhi/ /bran za'i chung ma yon tan can/ /rigs ngan lag na gnas dang mtshungs/ /tshe dang nad med la sogs pa/ sngar bshad yon tan 'di dag ni/ /dbul po la gnas bkur 'os min/ /dur khrod gnas kyi mi dang mtshungs/ /yon tan ji skad bshad phun tshogs/ /glen pa bdag nyid brlag don 'gyur/ /'od ma smyug mchu shing gi 'bras bu phun tshogs lta bu yin/ /ji ltar ji skad bshad yon tan/ /yan lag re re ma tshad nyams/ /yi ge gcig ni ma chad ba'i/ /rig pa 'bras bu med 'gyur mtshungs/ /yon tan yongs rdzogs mdzes pa ni/ /yi ge chad pa'i
- 198b
rig pa 'dra/ /sbyor ba grub las 'bras bu 'thob/ /ma tshang med pa 'byung bar 'gyur/ /de bas legs mdzes rdzogs pa yi/ /yon tan la ni 'bad par gyis/ /'di dag rgyu ni gang yin pa/ /mdo bshad pa las rtogs par gyis/ /gsod sar chud pa legs btang dang/ /de bzhin srog gis phan btags shing/ /srog chags 'tshe ba las ldog pas/ /tshe ring ba ni thob par 'gyur/ /nad pa'i bsnyen bkur byas sman pa/ /sman ni rab tu byin pa dang/ /srog chags po dbang byig sogs kyis/ 'tshe ba med las nad med yin/ /khro ba med la brten pa dang/ /rgyan byin pas ni gzugs bzang nyid/ /phrag dog med pa'i 'bras bu nyid/ /skal ba zang por yongs su bshad/ /dam pa mchod cing bsnyen bkur byas/ /nga rgyal spangs pas rigs mthor 'gyur/ /sbyin byed brku ba las ldog pas/ /longs spyod phun sum tshogs thob 'gyur/ /dge dang sdig pa gang yin zhes/ /yang dag 'dri la brtson pa dang/ /chos kyi bstan bcos byin pa yis/ /blo gros rgya chen thob par 'gyur/ /yon tan bdun yongs su brjod pa'i gtam slob dpon dbyig gnyen gyis mdzad pa rdzogs so// //rgya gar gyi mkhan po paN+Di ta gang got+ta? ra dang/ /zhu chen gyi lo tsA ba dge slong rin chen bzang pos bsgyur cing zhus te gtan la phag pa// //rgya gar skad du/ shI la ba ri ka thA/ bod skad du/ tshul khrims kyi gtam dkon mchog gsum la phyag 'tshal lo/ /rgya mtsho dang ni glang rjes kyi/ /khyad par dag ni gang yin pa/ /sbyin pa dang ni tshul khrims kyi/ /khyad par dag ni de yin no/ /gang zhig dag pa'i sems kyis ni/ /lo brgya sbyin pa byin pa bas/ /gang zhig nyin cig tshul khrims ni/ /bsrung ba de las khyad par 'phags/ /sbyin pa shan pa rnams
- 199a
dang ni/ /rigs ngan dag kyang sbyin par byed/ /gang yang rung bas tshul khrims ni/ /yongs su bsrung bar mi nus so/ /sbyin par rab tu 'byor gyur kyang/ /de ni sbyin bdag chen po min/ /tshul khrims rnam par dag pa yis/ /sbyin bdag chen po yin par bshad/ /mgo bregs pa'am gtsug phung ldan pa rgyu/ /khrus kyi chu yis ral pa khyab par 'chang/ /cha lugs sna tshogs ngag gis spyod gyur kyang/ /gal te tshul khrims med na sgyu spyod yin/ /gang+gA'i bgrong pa'am chu bo na dar song ba'am/ /dbyangs can chuAm rdzing bur song ba'am/ /ne le shar ni brten par byed pa yang/ /gal te tshul khrims kyis rgud la don med/ /ji ltar tshul khrims bla med ldan pa'i dri/ /dam pa tho ris 'di na mi zad ldan/ /de ltar phreng ba'i dri ni khyab min cing/ /de bzhin byug pa'i dri yang 'gyur mi 'gyur/ /'di na bdag 'ga' gzhan du 'gro ba bde/ /grags dang dga' zhing kun gyis bkur ba ste// chos ldan 'bras bu de de mang po mtheng/ /tshul khrims 'bras bu drang srong chen pos gsungs/ /tshul khrims mchog la sman pa'i mchog yin zhing/ /mun pa'i sgron mnyam thag la skyabs dang/ /'jigs la bsrung dang phongs la nye du dang de 'chi ba'i rgya mtsho mdza' med gzings gyur yin/ /gang zhig 'du ba'i tshul khrims rnam 'jig tshe/ /skrag zhugs tshul khrims ldan pa yod ma yin/ /de bas 'jig rten gzhan mdza' rgal sems kyis/ /gang zhig 'gro 'dod des ni tshul khrims bsrungs/ /tshul khrims dri med ma lus ji bzhin bzhag /shes rab zhi bas yid ni yongs smin 'gyur/ /de bas na shi nad 'jigs rnam thar pa/ /gang zhig thob 'dod des ni tshul khrims srungs/ /tshul khrims kyi gtam slob
- 199b
dpon dbyig gnyen gyis mdzad pa rdzogs so/ /rgya gar gyi mkhan po dza ran d+ha na dang/ zhu chen gyi lo tsA ba rin chen bzang pos bsgyur cing gtan la phab pa'o// //tshul khrims gtam gyi 'grel pa bzhugs so// rgya gar skad du/ shI la ka thA brit+ti/ bod skad du/ tshul khrims kyi gtam gyi 'grel pa/ /dkon mchog gsum la phyag 'tshal lo/ /gang zhig bdud las rgyal zhing pha rol phyin drug rdzogs/ /brtse bas gzhan don mdzad pa de la phyag 'tshal lo/ gzhan dag drang bas min la rang nyid dran phyir ni/ /dam pa'i rjes su 'brangs la tshul khrims 'di nyid bshad/ /de bzhin du spyi'i don ni pha rol tu phyin pa'i nang nas tshul khrims ni sa gzhi lta bu yin par dgongs nas/ /de nyid sbyin pa las khyad par 'phags par bsgrub pa'i phyir/ dpe'i sgo nas bstan pa ni/ /rgya mtsho dang ni glang rjes kyi/ /khyad par dag ni gang yin pa/ /sbyin pa dang ni tshul khrims kyi/ /khyad par dag ni de yin no zhes bya ba 'di smos so/ /ni zhes bya ba ni nges par gzung ba'o/ /zhes bya ba ni 'das ma thag pa'o/ /yin no zhes bya ba ni ngag rdzogs pa ste go bar zad do/ /de nyid tshul khrims kyi sgo nas rgyas par bstan pa'i phyir/ gang zhig ces bya ba la sogs smros so/ /de ji ltar mngon zhe na/ /lung dang rigs pa ste/ de la lung ni zla ba sgron ma las/ /bskal pa bye ba gang+gA'i bye snyed du/ /sangs rgyas dag ni gang+gA'i bye snyed la/ /gdugs dang ba dan mar me'i phreng ba dang/ /zas dang skom gyi dad sems mchod byas pas/ /gang gis dam pa'i chos ni 'jig pa'i tshe/ /de bzhin gshegs pa'i bstan pa 'gag pa ni/ /nyin zhag gcig tu bslab pa gcig bzung na/ /de bas bsod nams 'di ni khyad par 'phags zhes 'byung ste/ rgyas par ni mdo nyid las gal te bar bya'o/ /gzhan yang
- 200a
tshul khrims kyi 'bras bu ni mtho ris yin la/ /sbyin pa'i 'bras bu ni 'byor pa yin te/ rgyu de log na cig shos dang ldan du zin kyang ngan song gi 'gro ba dag ni bsod nams bsags pa'i rten du rung ngo snyam du bsams pa yin no/ /gang zhig dad pa'i sems kyis ni/ zhes bya ba la gang zag gi yid ches pa la sogs pa'i sgo nas so/ /lo brgyar sbyin pa byin babs zhes bya ba ni mtshon pa ste dus yun ring por 'bad pa byas kyang zhes bya ba'i don to/ /gang zhig nyin gcig tshul khrims ni/ zhes bya ba ni tshad 'jog pa ste/ dus mnyam par ni ma yin te tha na nyin gcig tsam zhes ngar par bzung ba'o/ /bsrung ba de las khyad par 'phags/ zhes bya ba ni bsrung ba 'am 'bad pa'am ched du gnyer ba ste/ de gang la yod pa de la de skad ces bya'o/ /nga ni de las lhag pa 'am khyad par 'phag pa ste/ mi mtshungs pa zhes bya ba'i tha tshig go /gzhan yang slob dpon gyis de nyid kyi rgyu mtshan bstan pa'i phyir ro// sbyin pa bshan pa rnams dang ni/ zhes bya ba la sogs pa smos te/ rnam shes bya ba'i sgra ni du me ste/ bshan pa dang nya pa dang/ tshong pa la sogs pa thams cad la bya'o/ /rigs ngan rnams kyang ster bar byed/ ces bya ba ni 'jig rten na tha chad du gyur pa rdol pa de dag tshul khrims kyis dbyen la sbyin pa gtong bar byed do/ /gang yang rung bas tshul khrims ni/ /zhes bya ba ni skyes bu dam pa sems pa lus ngag dul ba gnyen po stobs dang ldan pa dag gis kyang ste/ gzhan lta ci smros zhes bya ba'i don to/ /yongs su bsrung bar mi nus so zhes bya ba la/ de'i phyir tshul khrims khyad par du 'phags zhes bya ba'i tshig lhag ma'o/ /ji lta zhe na/ skyes bu dam pas kyang tshul khrims
- 200b
rin po che dang 'dra bar dri mas dben pa rdul phra mo dag gis ma gces pa de lta bu ma byung bar du dka' ste/ bar chad med pa'i phyir dang/ /rigs ma'i sems can dag gis ga la nus snyam du bsams pa yin no/ /yongs su'i sgra ni lung du ste/ khyab pa 'am chub par bsgrub pa'i mthu med do/ /zhes bya ba'i don to/ /rgyu mtshan gnyis bstan pa'i phyir/ sbyin pa rab tu 'byor gyur kyang/ zhes bya ba la don 'di yin te/ de ltar sbyin pa la gnas pa'am de'i 'bras bu la spyod pa ste/ ldan zhes bya ba'i tha tshig go /yang na sbyin pa zhes gsum pa'i sgras blta bar bya'o/ /re ni sbyin bdag chen po min zhes bya ba smos pa yin te/ tshul khrims kyis lus pa'i phyir rta cing shes la sogs pa dag bzhin no// tshul khrims rnam par dag pa yis/ zhes bya ba ni de ltar tshul khrims la gnas pas de'i 'bras bu la spyod pa ste/ rnam par dag pa dang ldan zhes bya ba'i tha tshig go/ /sbyin bdag chen po yin par bshad/ ces bya ba ni bdag nyid chen po ste/ tshul khrims kyis 'phangs pa'i phyir lta'i dbang po la sogs pa bzhin no/ /gal te 'o na sbyin pa dang ldan pa sbyin bdag ma yin na/ 'o na mdo las tshul khrims dang mi ldan pa yang sbyin pa'i las can de la sbyin bdag ces pa ji lta bu zhe na/ de ni sbyin bdag tsam yin yang sbyin bdag chen po ni ma yin te/ pha rol tu phyin pa gzhan gyis ma zin pa'i phyir ro zhes bya ba'i don to/ /ji ltar sbyin pa de mchog yin yang tshul khrims la bltos shing dman par bstan nas/ nga ni tshul gzhan gyi sgo nas tshul khrims de nyid khyad par du 'phags pa bstan pa'i phyir/ mgo bo bregs pa'am gtsug phud ldan par rgyu zhes bya ba la sogs pa smos te/ mgo bo bregs pa ni skra bregs pa 'am zhes pa'o/ /gtsug phud can ni thor gtsug
- 201a
ste kun tu rgyu'i rtags yin no/ /de nyid ldan par zhes pa'i sgrar sbyar te nges rgyu zhing gnas par byed ces bya ba'i tha tshig go /tshul khrims chu yis ral pa khyab par 'chad zhes bya ba ni spyod pa'i tshul bzhag ste/ tshul khrims kyi ched du zhes bya ba'o/ /de nyid khyab pa'i ral pa 'am ral pas khyab pa ste/ de 'chad pa gang yin pa de la de skad ces bya'o/ /cha lugs sna tshogs dag gis spyod gyur kyang/ zhes bya ba ni cha byad du ma dag gi sgo nas dpa' ba byas kyang zhes lhag ma dang ldan par ston pa yin no/ /de ltar 'bad na don dang ldan nam snyam du bsams na/ gal te tshul khrims med na g.yo sgyus spyod ces smos te/ gal te rtag pa'i mdza' bzung nas de yang tshul khrims med na te/ /thog ma nas ma thob ba'am/ thob kyang nyams shing zhig nas bdag nyid slu ba ste/ 'bad pa 'bras bu med ces bya ba'i don to/ /de ltar ci mngon zhe na/ dge slong la rab tu gces pa'i mdo las/ dper na sdong po bzang po las/ /yun ring yal ga 'khrungs pa bzhin/ /mi de rtags tsam yun rings na/ /kha na ma tho rtag 'phel dang/ sdig pa'i las rnams 'phel par bshad/ ces 'byung ba'i don 'di dag yin te/ rgyas par ni mdo nyid du blta'o/ /de tsam du zad dam zhe na/ tshul khrims nyid khyad par du 'phags pa sgrub pa de'i 'thad pa gnyis pa bstan pa'i phyir/ /gang+gA 'grod pa chu bon dar song ba 'am/ zhes bya ba la sogs pa smos te/ 'di dag ni mtshon pa tsam ste/ des ni 'am zhes bsu ba mdzad de bzhin du/ dbyangs can chu 'am rdzing bur song ba 'am zhes bya ba ni dbyangs can gyi chu bo 'am rdzing bur 'jug pa la sogs ba dag /na ye sha ni sten par byed pa yang zhes bya ba ni ?? yod pa der ro?/ /yang
- 201b
zhes bya ba ni de dag kyang de bzhin du chur 'jug pa dang/ mer 'jug pa dang/ nyi ma la lta ba dang/ zla ba la lta ba dang/ g.yang la mchod ba dang/ gsal shing la sogs pa la zhon pa 'di dag don dang bcas pa yin nam snyam pa la/ gal te tshul khrims kyis rgud la don med/ ces gsungs te/ 'bad pa 'bras bu med ces bya bar brnyegs so/ /des na bag chags ngan pa la bdag phyin ci log gi dbang gi lam log par 'jug cing bde bar gshegs pa'i bka' la yang yid mi ches shing lam drang po la 'gror mi btub pa'i snying rje'i gnas yin no/ /de pas na? tshul khrims kyi nor 'di ni gru dang 'dra? ba la 'phags pa'i nor bdag gi nor las mchog yin la pha rol tu phyin pa drug gi nang na yang gtso bo yin te/ rin po che 'di gsum gyis sangs rgyas rnams kyis bsngags so snyam du bsams pa yin no/ /de ltar tshul khrims khyad par du 'phags pa bsgrubs zin nas/ da ni 'di'i yon tan ston pa de nyid dpe'i sgo nas bstan pa'i phyir/ /ji ltar tshul khrims bla med ldan pa'i dri/ /zhes bya ba la sogs pa smos te/ ji ltar zhes pa ni dri ba bkod pa ste/ de ltar zhes 'og ma dang 'brel lo/ /tshul khrims de bslab pa yin pa'i phyir ro/ /bla med ldan pa'i dri zhes bya ba ni gong na med pa de ldan pa 'am de la gnas pa'i dri ni de'i dri ste/ brjod ces bya ba'i don to/ /dam pa mtho ris 'di na mi zad ldan zhes bya ba la/ dam pa ni mchog yin la mtho ris ni gnas bcu la sogs pa'o/ /de nyid la bde 'gro zhes kyang bya ste/ /de'i gnas sam rten 'di ni tshul khrims kyi dri mi zad pa ste/ drag cing mu med par smin zhes bya ba'i tha tshig go /de ltar phreng ba'i dri ni khyab min zhing/ zhes bya ba ni sdom brtson gyi dri med ltar me tog phreng ba la sogs pa'i dris ni khyab mi nus te/ /dman zhing mthun med pa'i phyir ro//
- 202a
'o na sman sna tshogs kyi sbyor ba'i byug pa dag gis nus sam zhe na/ de bzhin byug pa'i dri yang khyab mi 'gyur/ zhes bya ba smos te/ tshul khrims kyi 'khor lo skye ba du mar mtho ris kyi skas la rgyu ba bzhin du/ byug pa dang dpag bsam gyi shing la sogs pa'i dris ni ga la nus zhes ba'i don yin no/ /de ltar yon tan bstan nas de'i 'bras bu bstan pa'i phyir slob dpon gyis 'di na bdag 'ga' gzhan du 'gro ba bde zhes bya ba la sogs pa smos te/ 'di ni zhes bya ba ni sdom brtson gyi gzhi 'di na'o/ /bdag 'ga' zhes bya ba ni mtshon pa ste/ gang zag la la dag go /gzhan du 'gro ba bde zhes bya ba ni gnas gzhan du ste/ 'jig rten pha rol la sogs par 'gro ba na sems bde bar 'gro ba ste de nyid rgyas par mdo dag la blta bar bya'o/ /grags dang dga' nyid kun gyis bkur ba ste bya ba la/ /grags pa ni 'jig rten du grags pa'o/ /dga' ba ni bdag nyid dga' ba ste/ tshul khrims kyi dbang gis ni snying po mthong/ zhes bya ba smos te/ chos ldan zhes bya ba ni khrims ldan can yin pa'i phyir ro/ /kun gyis bkur ba ste zhes bya ba ni gang zag de la sems can mang po dag gis bkur zhing rim gro byed pa'o/ /de bzhin du sangs rgyas dang byang chub sems dpa' rnams kyis kyang dgongs par 'gyur te/ de skad du slob dpon tsanda go mis/ de tshe de la dge ba'i phyir/ rgyal ba sras dang bcas rnams kyis/ dge ba'i thugs kyis rtag par yang/ bu sdug 'dra bar dgongs par 'gyur/ zhes gsungs pa 'di nyid yin te/ de tsam du zad dam zhe na/? chos ldan 'bras bu de de mang por mthong zhes smos te/ chos ldan zhes bya ba ni khrims ldan no/ /'bras bu ni 'bras bu ste 'dod pa'i don yin pa'i
- 202b
phyir ro/ /de de mang por mthong zhes bya ba ni de dang de dag ste/ gzhan dpag tu med do zhes bya ba'i don to/ /ji ltar zhe na/ tshul khrims 'bras bu drang srong chen pos gsungs zhes bya ba ston pa ste/ de'i 'bras bu ni lhag par yang drang srong chen pos gsungs te/ de ni che ba'i bdag nyid yin pa'i phyir ro/ /de nas de nyid rgyas par ni sdang ba dor zhing gus pa bskyod pa brtan bcos dang/ /mdo sde las blta bar bya'o/ /da ni 'bras bu de nyid gnyen po 'am dpe rnam pa drug gi sgo nas bstan pa'i phyir/ tshul khrims nad pa sman pa'i mchog yin zhing zhes bya ba smos te/ dper na shin tu yun rings nad kyis gdungs pa de dag la sman pa mkhas pa dag gi nad kyi rgyu las phye nas sman bzang po dag gis sbyor ba bzhin du/ ngan 'gro sdug bsngal nad dang 'dra ba du ma dag gis gzir ba de dag la tshul khrims ni sman pa'i mchog yin te/ nad de dag las thar bar byed pa'o/ /mun pa'i sgron mnyam thag la skyabs dang zhes bya ba la/ gzhan yang mun pa'i tshogs shin tu chen po dag la mar me la sogs pa chung ngu dag gis de dag thams cad sel ba de bzhin du/ ma rig pa'i mun pa'i tshogs dpag tu med pa dag kyang tshul khrims kyi dngos sam rgyud pa'i sgo nas sgron ma'i mchog yin no/ /de bzhin du sdug bsngal sna tshogs kyis nyam thag pa de dag la tshul khrims ni skyabs kyi mchog yin no zhes bya ba'i don to/ /'jigs la bsrung dang phongs la nye du dang zhes bya ba la/ mi dang mi ma yin pas 'jigs pa'i bsrung ba'i mchog yin zhing/ phongs shing rgud pa las nye du la sogs pa lta bu ste/ tshul khrims zhes sbyor ro/ /'chi ba'i rgya mtsho mdza' med gzings gyur yin zhes bya ba ni dper na rgya mtsho la 'gro ba na gzings la brten nas 'gro bzhin du/ tshul khrims ni 'khor
- 203a
ba'i rgya mtsho chen po la gzings dang 'dra ba'o/ /de dag la sogs pa phan yon dpag tu med pa mdo las bshad de/ tshul khrims yang dag pa'i mdo las/ ston pas tshul khrims rab bsngags bshad/ /tshul khrims ldan pa sangs rgyas 'byung dang phrad/ /tshul khrims ldan rgyan rnam pa kun gyi mchog /tshul khrims ldan pa dri dang byug pa yin zhes 'byung ste/ rgyas par ni mdo nyid las blta'o/ /de ltar tshul khrims rnam par dag pas sems la 'gyod pa med/ sems la 'gyod pa med pas sems dben zhing ting nge 'dzin las su rung ste/ de bas rin po che dang 'dra ba 'di ni lam gyi mchog yin no snyam du bsams pa yin no/ /da ni 'bras bu'i sgo nas gang zag gi khyad par bstan pa'i phyir/ gang zhig 'dul ba'i tshul khrims rnams 'jig tshe/ skrag zhugs tshul khrims ldan pa yod ma yin zhes bya ba smos te/ gang zhig ces bya ba ni gang zag go /'dul ba'i tshul khrims zhes bya ba ni 'dul ba las gsungs pa'i tshul khrims so/ /rnam 'jig tshe zhes bya ba ni btang ba'i tshe ste med par 'gyur zhes bya ba'i don to/ /skrag zhugs zhes bya ba ni de'i dbang gis 'jigs pa'o/ /tshul khrims ldan pa zhes ba ma nyams pa ste/ gang la yod pa de la de skad ces bya'o/ /yod ma yin zhes bya ba 'jigs pa'am bag 'khums pa med pa yin te/ tshul khrims de'i dbang gis bdag nyid dga' bar ma bshad na 'jigs pa lta ga la srid ces bya ba'i don to/ /de ltar 'bras bu bshad zin nas bsrung bar gdams par 'dod nas/ de bas 'jig rten gzhan mdza' rgal sems kyis/ gang zag bgrod 'dod des ni tshul khrims srungs zhes smos te/ de bas zhes bya ba ni de bas na'o/ /'jig rten gzhan mdza' zhes bya ba mdza' gzhan
- 203b
te/ de dag kyang sdug bsngal gyi gzhi yin pa'i phyir ro/ /rgal sems kyis zhes bya ba ni de las 'da' bar 'dod pa ste/ go cha bgos nas zhes bya ba'i don to/ /gang zhig ces bya ba ni gang zag ste skyes bu'o/ /bgrod 'dod des zhes bya ba ni 'gro bar 'dod pa des so/ /ni zhes bya ba'i sgra ni nges par gzung ba ste/ gang zhe na/ tshul khrims te/ de gnas pa'i ched du srungs shig ces brtse ba'i tshul gyis sgo par mdzad do/ /nga ni tshul khrims de nyid bye brag tu bstan pa dang/ zhar la shes rab kyi 'bras bu'i sgo nas gdams pa ni/ tshul khrims dri med ma lus ji bzhin du/ shes rab zhi pas yid ni yongs smin 'gyur zhes bya ba smos te/ thams cad yin nam zhe na/ tshul khrims dri med ces bya ba ni rigs bdun la sogs pa sems pa ngo bo spong ba bdun 'khor dang bcas pa de nyid bsrungs zhing dag pa'o/ /ma lus pa ni lus pa med pa ste/ ltung ba phra mo tsam la 'jom pa'i phyir ro/ /ji bzhin bzhag ces bya ba ni ji skad bshad pa'i bzhin du bzhag cing gdams pa'o/ /tshul khrims kho nar zad dam zhe na/ shes rab zhi zhes bya ba smos te/ shes rab zhi ba ni zhi gnas dang lhag mthong yin no/ /yid ces bya ba ni yid kyi rnam par shes pa ste/ chos mngon pa las rab tu grags pa'i phyir ro/ /yongs su smin 'gyur zhes bya ba ni las su rung ba ste khyad par can no/ /'di dag kyang mtshon pa ste/ de bzhin du gzhan du yang yin no/ /ji skad du slob dpon shan ta de bas/ bzod bya thos pa btsal bar bya/ /de nas nags su gnas par bya/ /'di dag lags par bshad pa yin no/ /da ni de dag tshul khrims la rag lus pas mjug bsdu ba'i tshul gyis bstan pa ni/ de bas rga 'chi nad 'jigs rnam thar pa/ gang zhig thob 'dod des ni tshul khrims srungs zhes bya ba smos te/ de bas zhes bya ba
- 204a
ni de bas na'o/ /rga 'chi nad 'jigs zhes bya ba ni ma rig pa la sogs pa ste/ rten 'brel yan lag bcu gnyis srid pa len pa'i tshul lo/ /rnam thar zhes bya ba ni de las ldog ste spong bar byed ces pa'i tha tshig go / gang zhig ces bya ba ni snga ma bzhin no/ /thob 'dod des zhes bya ba ni don du gnyer pa ste/ bzod pa can gyi skyes bu thabs la mkhas pa des so/ /ji ste des pa kho nar tshul khrims srung ste/ de bas ni zhes bya ba'i sgra smros te/ don dag bstan pa yin no snyam du bsams pa yin no/ /bdag 'dra mkhas pa'i don la mkhas par bsam par mi nus kyang/ /cung zad dman la phan phyir 'phags pa'i rjes 'brangs te/ /lo brgya brtse ba can gyi gtam la rnam bshad pas/ nyes pa mang yod mkhas pa rnams la bzod par gsol/ /'di la bsod nams cung zad bdag gis bskrun des ni/ /'gro la rgyal ba thob nas de bzhin gzhan dag kyang/ myur du dbang phyug thob nas sa la gnas pa dang// pha rol phyin drug thob nas 'gro ba'i don byed shog /tshul khrims kyi gtam gyi 'grel ba slob dpon gsal grags kyis mdzad pa rdzogs so// //tshogs kyi gtam zhes bya ba bzhugs/ / rgya gar skad du/ saM b+ha ra ba ri ka thA/ bod skad du/ tshogs kyi gtam/ gsung gi mnga' bdag 'jam pa'i dbyangs la phyag 'tshal lo/ /bdag gis de ring bsod nams dang/ ye shes tshogs ni gang zhig gam/ /gzhan la phan pa gang byas zhes/ /byang chub sems dpas yang yang bsam/ /bsod nams rang bzhin ye shes tshe/ /tshogs ni gang gis rdzogs 'gyur ba/ /de ni legs par bshad par bya/ /gang gis lus dang srogs dag ni/ /sems can kun la
- 204b
btang bar bya/ /lus can kun la byams pa dang/ /snying rje nyid kyis khyab par bya/ sdig pa kun gyi rnam smin ni/ rang gi rgyud la mngon 'dod cing/ /bsod nams kun la yi rang dang/ /rang sangs rgyas bdag nyid che bsams/ /de ltar yang dang yang phyir?/ /'di ni cho ga gzhan yin no/ /byang chub sems ni sngon 'gro bas/ /rtsom pa kun kyang bya ba yin/ /de lta bu yi thabs de yis/ /rtsom pa'i ngal ba med pa yang/ /bsod nams ye shes tshad med pa/ /yang dang yang du sogs par 'gyur/ /sems can rnams kyi longs spyod dang/ /yongs su bskyab pa'i phyir dang ni/ /rang gi lus dang srog nyid ni/ /yid kyi rjes bzhin gtad bar bya/ /bkres skom ngal dang tsha grang dang/ /rlung dang char gyi gnyen po bzhin/ /chog shes pa las bdag nyid ni/ /'di na bde myong gang yin dang/ /nyams dga' khang bzangs gzhir gnas dang/ /gtsang zhing zhi ba'i gnas gtogs dang/ /bde pa thob pa gang yin dang/ /bsam gtan bde ba thob pa yi/ bde ba'i gnas skabs gang thob dang/ /sangs rgyas byang chub sems dpa' dang/ /dgra bcom shin tu sbyangs zhi nyid/ /de ni sems can thams cad la/ /bye brag med par nye bar bstab/ /phal cher mnyam par ma bzhag tshe/ /de ltar byams pa nyer bsten la// mnyam par bzhag tshe bdag gis rtogs/ /dga' dang shin tu sbyangs pa nyid/ /ji ltar nyams su myong ba dag /de bzhin gzhan la lhag mos bya/ /skye dgu 'di ni sdug bsngal gyi/ /chu bor nub dang de rgyu can/ /ngan 'gro dang ni bde 'gro dag / brtse? la 'bad pas brtag par bya/ /de las kyang ni dmyal ba dag /sdug bsngal mi bzang mang po dang/ /dus ring rgyun mi 'chad pa yi/ /gtsang gshegs me yis gdungs pa dang/ /'tshed cing brtags pa las byung ba'i/ /shin tu nyam thag
- 205a
rab tu 'phel/ /thal chu lta bur rab 'tshed pa'i/ /bsreg cing tsha rims 'drar nyam thag/ dud 'gro phan tshun sdang dang srog/ rang dbang med par bsad sogs kyis/ rtag tu sdug bsngal gyis gdungs pas// phal cher dmyal ba dag dang mtshungs/ /yi dags me lce'i phreng ba yis/ /bskor cing skad gsang mthon po sgrogs/ /la la kha na me 'bar gzhan/ mgrin pa khab mig lto ri tsam/ /rtag tu bkres bskom la sogs pa'i/ /bsreg cing lus ni skams pa dang/ /kha cig skyugs pa za ba ste/ /gzhan dag de yang rab rnyed dga' / /ngan 'gro'i sdug bsngal ma lus pa/ /mi rnams la yang yod par snang/ /sdug bsngal gzid bas dmyal bar mtshungs/ /dbul bas gshin rje'i 'jig rten la/ /'di yi dud 'gro'i sdug bsngal yang/ /mthu ldan stobs kyis mthu med pa/ /rnam par gnod cing 'tshe ba dag/ chu bo lta bu nyid yin no/ /kha cig dbul ba las gyur dang/ /gzhan dag chog mi shes las byung/ yongs tshol sdug bsngal mi bzad dang/ /thams cad 'khu zhing gsod pa yin/ /'dod spyod lha ni gang yin pa/ /de la'ang bde ba'i sems med de/ /'dod pa'i 'dod chags rims gtab pa'i/ /nang gi me yis sregs gyur pas/ gang zhig sems g.yeng gyur pa dag/ /de la bde ba ga la yod/ /g.yengs med sems la skad cig kyang/ /dbang byed pa ni ma yin pas/ /rnam g.yengs dkrugs pa'i bdag nyid can/ /nam yang zhi bar mi 'gyur te/ /rlung bcas 'bar bas khyab pa yi/ /me ni shing dang bcas dang mtshungs/ /shin tu ngoms med tha mar ni/ dbang med shin tu mya ngan byed/ /lha dang mi ni la la dag/ sdug pa'i chags pa dam du zhe na/ /bsod nams sngon byas de dang des/ /
- 205b
'dod pa rmongs pas gdungs par 'gyur/ /de yang nyon mongs sna tshogs dang/ /sdig pa'i las ni rgyun mi 'chad/ /rnam par ltung ba'i mthar gnas pas/ /bag med 'gyur la brtse bya rigs/ /nad sos yun rings ma lon pa'i/ nad pas mi 'phrod zos dang mtshungs/ /gang zhig gzugs can gzugs med pa/ /sdug bsngal sdug bsngal las 'das shing/ /ting 'dzin bde ba'i bdag nyid can/ /bskal bar g.yo ba med par gnas/ /de yang shin tu des grol min/ de yang slar yang ltung par 'gyur/ /ngan 'gro'i sdug bsngal rba slong las/ /'das pa lta bur 'byung 'gyur ba/ /'bad kyang ji ltar rid mor gnas/ /mkha' la lding ba bya dang mtshungs/ /byis pa'i stobs kyis mda''phangs ltar/ de ni ltung ba'i mdza' can yin/ /mar me ring du 'bar ba dag/ skad cig re re 'jig pa ltar/ /'du byed yongs 'gyur zhes bya yi/ /sdug bsngal dag gis nye bar brtses/ /rga shi na ba'i chos can gyi/ /nyon mongs nang na rgyu sogs kyis/ /gang phyir thams cad gdungs pas nas/ de phyir shin tu brtse bya rigs/ /srog chags kun gyi sdig pa rnams/ /thams cad bdag la smin par ni/ /de ltar sdig pa len byed cing/ /'gro ba'i phongs pas sdug bsngal byas/ /sangs rgyas byang chub sems dpa' dang/ 'phags pa dag dang 'gro ba yi/ /dus ni thams cad dag gi yang/ /bsod nams kun la yi rang bya/ /tshogs ni shin tu bya dka' dang/ /sangs rgyas chos ni bla na med pa/ /'gro ba'i don gyi bya ba nyid/ /sangs rgyas rnams kyis rjes su bsam/ /mang du thos la mngon brtson dang/ /ji bzhin don ni sems pa dang/ /'gro ba'i shes pa nye bsdus pa'ang/ /rten 'brel yid la byed pa yis/ /'du byed tsam la skad cig ma/ bya ba med la 'jug par bya/ /thams cad rten
- 206a
'brel las bsams la/ /rtag tu bdag med bsgoms pa yi/ /thams cad mkhyen pa'i ye shes tshogs/ /don dam par ni 'phel bar 'gyur/ /byang chub sems ni nyer 'phel bas/ tshogs ni thams cad rdzogs par 'gyur/ /de ltar bsod nams ye shes kyis/ /rang bzhin chu bos 'gengs pa dag /'gro ba'i thar la gcig tu mkhas/ /byang chub lag pa'i mthil na gnas/ /sbyin dang snyam par smra ba dang/ /don sbyong don ni mthun pa nyid/ de ltar bsdu pa'i dngos po rnams/ /'khor la phan par byed pa nyid/ /de ni gang la sbyin pa byin/ /gang zhig la ni snyan smra 'am/ /don sbyong pa ni byas 'gyur ba/ /gang la don mthun byas 'gyur zhes/ /de ltar rtag tu brtson pa yis/ 'gro ba'i don ni ci nus bya/ /gzhan kun bdag gir bya ba dang/ rang? la? gnas pa gzhan gyir bya/ /tshogs kyi gtam slob dpon dbyig gnyen gyis mdzad pa rdzogs so// //rgya gar gyi mkhan po gang got+ta ra dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ a Sh+nA? a k+Sha? na ka tha/ bod skad du/ mi khom pa brgyad kyi gtam/ 'jam dpal gzhon nur gyur pa la phyag 'tshal lo/ /'dir bcom ldan 'das kyis gsungs pa'i chos gus par mnyan par bya ste phyis ni rjes su rnyed par mi 'gyur ro/ /de ci'i phyir zhe na/ gang gi tshe 'dir mi khom pa brgyad las grol ba'i mi ni shin tu dkon no// mi khom pa brgyad po dag gang zhe na/ 'di lta ste/ dmyal ba dang/ dud 'gro dang/ yi dags dang/ mdza' 'khob tu skyes pa dang/ lha tshe ring ba dang/ dbang po ma tshang ba dang/ log par lta ba dang/ de bzhin gshegs pa mi 'byung
- 206b
pa ste/ de ltar mi khom pa brgyad po 'di dag ldan na/ /mi ma thob pas 'gro ba'i chos dang ldan par mi 'gyur ro/ /de dag ji lta zhe na/ brjod par bya ste/ dmyal ba dang/ dud 'gro dang/ yi dags dang/ sha za'i lam la phal cher gnas pas/ 'dir 'ga' zhig mi 'am ltar 'gyur gyi/ /dge ba'i rtsa ba'i tshogs bsags pa ni dkon pa nyid de/ de 'ga' zhig gis gnya' shing gi bu gar ru spal gyi mgrin pa chung pa bzhin no/ /rin po che'i tshogs thams cad kyi gling du gyur pa/ bkra mi shes pa'i dri ma thams cad la grung? pa/ dam pa'i chos kyi mthar gyur pa/ bskal pa grangs med par nges par 'byung ba/ sna tshogs pa la mkhas par byas pas/ sangs rgyas nyid kyi go 'phang thob cing nges par legs pa ni thob pa mchog tu dka' o/ /bdag nyid kyis dge ba mdun du snying por byas te/ mi dge ba'i chos zhe sdang gis bskyed pas gnyen po dge ba'i chos gtsor bya'o/ /ri'i chu ltar g.yo ba dang/ rlung ltar mi gnas pa dang/ ka sha'i me tog 'thor zhing g.yo ba dang/ ston ka'i sprin dang/ glog dang/ tho rangs kyi mar me dang/ pad+ma'i 'dab ma'i chu thigs dang/ dri zi'i grong khyer dang/ dar la bab pa'i sems ltar g.yo bas/ mi rnams la yid brtan par mi bya'o/ /de bas na 'di ltar bsgrub par bya ste/ ma'i nang du zhugs pa ltar bdag legs su 'dod pas myur du nges par skyabs su 'gro bar bya'o/ /de ci'i phyir zhe na/ 'di ltar gnas skabs thams cad du dge ba'i bshes gnyen du ma rnyed pa ni dkon no/ /gang gi tshe yang sos ngar? theg? nag dang/ bsdus 'joms dang/ ngu 'bod dang/ ngu 'bod chen po dang/ tsha ba dang/ rab tu tsha ba dang/ mnar med pa'i sems can dmyal ba chen po 'di rnams su skyes shing 'khrugs pas bskyur zhing 'don? pa dang/ brdeg? pa dang/ sreg pa
- 207a
dang/ 'tshed pa dang/ 'don cing gtub pa dang/ za ba dang/ gsod pa dang/ 'chid pa dang/ ngu zhing nga ro 'don pas smre zhing/ sdug bsngal sna tshogs shing sdug bsngal du mar byid ste/ chu bor ba med du nub cing lo mar la gri'i nags tshal dang/ tsher ma rnon po'i tshal dang/ spu gri gtams pa'i lam? dang/ rim pa med par 'gro ba dang/ lcags kyi thu lum 'bar ba bza' ba dang/ khro chu 'thung ba dang/ sa gzhi 'bad ba 'dug pa dang/ me'i phreng pas lus sreg pa ni bud? shing rab tu 'bar ba bzhin no/ /yongs su skud zhing 'gros pa dang/ brgyal ba dang/ smre ba dang/ rnam par 'joms pa dang/ nyon mongs pas nga? ro? 'don cing mya ngan byed cing du ba dang/ rnam par sna tshogs pa'i gzugs du mas sdug bsngal brgya stong phrag mang po myong ngo/ /de dag gang du ji lta bar 'gyur zhes kyang gsungs so/ /kyi hud zer ba dang/ a chu zer ba dang/ snying rje rje skad zed ba dang/ ral gri rnon po thogs pa'i gshin rje gtum pos rdeg cing gtub pa dang/ mnar med par skyes nas 'ba' ? ba'i mes bsreg par de dag rab tu sangs nas chos kyi 'du shes ji ltar skye bar 'gyur/ de bas na chos mnyan par bya ste/ phyis rjes su rnyed par mi 'gyur ro zhes bya'o/ /yang gang dag 'di ltar phan tshun za ba dang/ ded pa dang/ skrag par byed pa dang/ 'joms? pa dang bcas shing za ba dang/ ma la 'khrig pa spyod pa dang/ 'di lta ste/ sre mo dang/ ku ra dang/ yi dags dang/ phag dang/ ru ru dang/ sri? shi ta dang/ gnag dang/ spre'u /dang/ srin bu dang/ phye ma leb dang/ chu srin dang/ ma he dang/ glang po dang/ glang dang/ 'ug pa dang/ bya rog dang/ khrung khrung dang/ bya rgod dang/ khyi dang/ wa dang/ ce
- 207b
spyad dang/ rnga mo dang khong bu la sogs par skyes nas/ phen 'dogs pa dang/ blo gros dang/ rtogs pa dang/ dran pa med cing blun por spyod pa dang/ 'grod par bya ba dang/ 'grod par mi bya ba la bltos pa med cing dgra dang/ dgra ma yin pa mi shes shing smra ba dang bral zhing rigs pa mi byed pa/ dpal dang bral ba'i lus dang ldan pa de bas na/ de dag la yang chos kyi 'du shes ji lta skye bar 'gyur/ mgo dang mgrin pa dang kha dang rgyab la lcags kyu dang/ rdo pa dang/ dpyig? ba dang/ gnya' shing la sogs pas nye bar sdug bsngal zhing/ skrag cing 'bros pa dang/ rnam par 'thor ba dang/ rdeg 'chos pa dang/ 'gred pa dang/ rnam pa sna tshogs pa'i ngo bo du mas sdug bsngal brgya phrag du ma nyams su myong ba/ de dag gong du ji ltar zhi bar? 'gyur zhes gsungs so/ /dgun gyi dus su rlung drag po dang/ ba mo mi zad pas 'joms shing dbyar gyi dus su nyi ma'i 'od zer tsha bas gdungs par byed pa dang/ phan tshun bsnyems shing 'chi ba yis 'jigs pas 'jig rten rnams la rtag par skrag pa'i dud 'gro log par ltung ba'i srog chags la/ 'di ji ltar chos kyi 'du shes skye/ de bas na gus par chos mnyan par bya ste/ phyis rjes su rnyed par mi 'gyur zhes bya'o/ /yang gang gi tshe bkres pa dang/ skom? pas gdungs shing lus bsregs pa'i rnam pa lta bu dang/ mgrin pa dang/ rka na dang/ lce dang/ mchu skams shing/ snying dang/ mig dang/ lag pa dang/ rkang pa dang/ khrag dang/ sha dang/ rus pa dang/ gzhung pa dang/ rgyu ma dang/ nad grol rnams chung ba lta bur skams pa dang/ mchil ma dang skyugs pa zas su za ba mes sregs ba lta bu'i lus kyi rnam pa dang ldan pa/ snang ba med pa'i mun par gnas pa/ mi gtsang ba zos pas gos shing pags pa lo brgya phrag du mar zas skom dang bral ba
- 208a
nyon mongs ba rab tu 'bar zhing gcig gnod pas skrag cing sdug bsngal ba/ shing dang bod ba dang dbyug pas rdeg pas skom bzhin du srungs pas/ rim par dbang med par skom pas sdug bsngal ba/ bsod nams dman pa/ gdod? rang gi skras g.yogs pa/ dur khrod mi bzad par gnas pa/ lo brgya stong phrag du mar sdug bsngal brgya stong phrag du mar nyams su myong ba/ de dag dus gang du ji ltar zhi bar 'gyur zhes kyang gsungs so/ /bkres pa dang skom pas skams shing/ lus me 'bar ba drag po'i rnam pa dang ldan pa/ sgal bu rnams nang grol gyis stong pas ri'i khrod lta bu/ nang khrol nyams pas g.yo ba dang bral ba/ kha khab kyi mig ltar phra ba/ skra'i tshogs chen po rtsub cing gyen du brdzes ba/ dge ba cung zad kyang med pas/ mi dge bas yi dags kyi 'jig rten du skye ste/ ri bas na gus par chos gnyan par bya ste/ phyis rjes su rnyed par mi 'gyur ro zhes bya'o/ /yang gang gi tshe mdza' 'khob tu skyes par gyur pa de dag kyang/ rab tu dran pa dang/ bcugs pa dang/ blo gros dang/ rtogs pa dang bral bas spyod cing lo brgyar ltos pa med do/ /de dag dus? gang gi tshe zhi bar 'gyur zhes kyang gsungs so/ /yang gang gi tshe mdza' na gnas pa dang/ gleng nas pa dang/ ri khrod dang/ shul pa dang/ bar sig pa dang/ rta ka ba dang/ mu kha 'jam pa dang/ kur ba pa dang/ kha sha ba dang/ ra ma tha ba dang/ bug na ba dang/ ci ra tha ba dang/ tang ka na ba dang/ la sha na ba dang/ hor dang/ ha ngas ga pa dang/ gnas ldan pa dang/ ya man pa dang/ a tra pa dang/ dri ci la ba dang/ rna can pa dang/ ci na ba dang/ mi tshangs pa la sogs pa'i yul du skyes pas/ gang du bcom ldan 'das kyi nyan thos dus thams cad du mi rgyu par 'di ltar de dag ni skyes
- 208b
bu'i gzugs tsam rten pa yin te/ dud 'gro'i skye gnas su song? ba ltar bya ba yin pa ni mi shes so/ /khyi lta bur za ba dang/ skrag pa dang/ 'dod pa spyod pa mkhas pa'i 'du shes tsam mo/ /gzhan yang spo ba'i rtog pa tsam dang ldan pa dang/ rkyen gyi khro ba dang/ nga rgyal dang phrag dog dang ldan par spyod pa de dag dus gang gi tshe zhi bar 'gyur zhes gsungs so/ /mdza' 'khob pa'i yul na gnas pa gang yin pa mdza' 'khob tu skyes pa dge ba dang mi dge pa'i sems mi shes pa'i mun pa dang ldan pa/ mdza' 'khob pa'i yul na gnas pa gang yin pa/ thos pa dang dul ba dang/ dka' thub pa dang/ shes pa dang/ sbyin pa dang/ rab tu spyod pa med pas/ dud 'gro rnams dang 'bra bar shes par bya'o/ /'di ltar 'di lta bu dang bral zhing mi'i gzugs tsam du zad de chos mnyan par ji ltar nus/ legs pa'i blo gros dang bral zhing/ mi bzad pa'i mun pa dang ldan pa yin no/ /de bas na chos mnyan pa la gus par bya ste/ phyis rjes su rnyed par mi 'gyur ro zhes bya'o yang gang gi che 'di ltar ma da ra'i rtse mo gnas shing/ lus rgyas shing /dga' ba dang mdzes shing gsal ba 'dod pa grub cing phun sum tshogs pa bsdus pa mchog tu gyur pa/ pad+ma dang/ utpa la sna tshogs pa'i mchog dang/ shing sna tshogs pa'i grib ma bsil ba sna tshogs pa'i bya dang/ dur pa'i skad snyan pa sgrogs pa dang/ chu'i rgyun drag tu bab pa/ skyed? mos tshal nyams dga' bas brgyan pa/ 'dod pa'i khams kyi mthar thug pa 'dod pa rtse gcig tu byed pa'i bya bas rtag tu g.yengs pas phyag 'tshal zhing rab tu 'khod pa ni rol zhing rtse mos bskyod pa sna tshogs pa byed cing/ lta ba'i bde ba du ma nyams su myong ba de dag dus gang gi tshe zhi bar 'gyur zhes kyang gsungs so/ /mtho ris kyi bud med dang dga' ybas
- 209a
mtshams sbyor zhing/ g.yengs nas de dang de dag gi rtse zhing/ man da ra'i/ lha mo dang rol cing glang po dang dpa' bo'i pad+ma'i rten pa la zhon nas sum cu rtsa gsum pa'i lha'i dbang po dang skyes mos chal du dga' bas bag med pas chags pa'i phyir/ sangs rgyas kyi gsung bdud rtsi la myang bar ji ltar byed de bas na chos nyan pa la gus par bya ste/ phyis rjes su rnyed par mi 'gyur ro zhes bya'o/ /de yul dbus su skyes kyang lta ba dang mnyan pa dang/ myang ba dang/ dbang po ma tshang bas/ glang po lta bur brngas mtshon pa dang/ 'jig rten pa'i bya ba rnams las yang bya ba'i blo dang bral ba/ gang 'jig rten las 'das pa'i zhi bar dus gang gi tshe yang 'gyur zhes kyang gsungs so// thub pa'i dbang po'i gsung ji ltar dbang po dang bral bas mnyan par nus/ thos pa'i sgo med pas byams pa dang/ snying rje don du gnyer ba las log par gyur ba/ mi'i rjod pa dang bral bar gyur ba/ rang nyid kyis nyes par spyod bas bslus pa/ sems kyi glang po lcags kyu med pas dregs pa ma thul bas yan pa yin te/ de bas na chos gus par mnyan par bya ste/ phyis rjes su rnyed par mi 'gyur zhes bya'o/ /gal te yul dbus su skyes su zin kyang/ /yang dag pa'i lta ba'i mig log par lta bas g.yogs pa'i slos sangs rgyas yongs su spangs shing/ rgyu dang 'bras bu dang thams cad la skur ba 'debs pa/ /dge ba'i rtsa ba'i thams cad mngon par dga' ba dang bral ba/ /nyes pa thams cad kyi stobs kyi nad la gso ba mi byed pa lta bu'i bsam pa phyin ci log gis bya ba byed pa'i dmyal ba nyid do/ /de dag dus gang gi tshe nye bar zhi bar 'gyur zhes kyang gsungs so/ /thams cad mkhyen pa nyi ma yis/ 'gro ba mthar
- 209b
pa smin mdzad pa/ /gang dag yid kyi phug gnas pa'i/ /rmongs pa'i mun chen mi sel ba/ /me khyer dang 'dra'i mu stegs rnams/ /log lta'i yid ldan de dag gis/ /sel bar nus pa ma yin te/ /nyi bdun gyis kyang sel mi 'gyur/ /de bas na gus par chos mnyan par bya ste/ phyis rjes su rnyed par mi 'gyur ro zhes bya'o/ /bcom ldan thub ni rnam rgyas pa/ /sangs rgyas nyi ma ma byung bar/ /nyi ma med par pad+ma bzhin/ /zla ba ma shar bar du ni/ /ku mu ta yi nags bzhin du/ /gdul bya yi ni pad+ma rnams/ /rab tu rgyas par 'gyur ma yin/ /mun pa yis ni mig bsgribs pas/ /rgyal po yi ni lam bzhin dang/ /gru skye med pa'i gru bzhin dang/ /tshong dpon spangs pa'i zod thogs bzhin/ /byang chub phyogs kyi chos rnams kyi/ gru la kun nas ma zhol bar/ /de ni rtse gcig sems kyis su/ /rnam par grol ba'i dga' mi myong/ /khro bral bla ma thar la mos/ /'chi med grong khyer mchog lta ba/ /nyon mongs kun gyi gnyen po ni/ /skad cig gcig la dmigs pa yis zhi ba'i bde ba'i lam la sbyor/ /'gro ba'i nam mkha' i che dkyil du/ /sangs rgyas nyi ma ma shar bar/ /bsgom spangs gdul bya'i pad+ma la/ /ye shes nyi mas rgyas ma yin/ /ngan 'gro'i dus ni thams cad du/ /chos smra ba yis gsal byas pas/ gang zhig 'di la brten pa yi/ /'gro de dge ba'i bshes kyi thul/ /mi rnams thob par gyur pa ni/ /ri rtse glog 'gyu lta g.yo zhing/ /khyogs lta bur ni g.yo ba dang/ /mi bzad mi khom brgyad kyi rtser/ /rab tu 'jigs pa'i gza' yis ni/ ming pa las ni mthar gyur cing/ /'khor ba'i rgya mtshor gnas pa yis/ /sangs rgyas gsung gi rang gzhin gyi/ /dam chos gru la ma zhon par/ /gang zhig pha rol 'gro 'dod pa/ /blo gros shin tu dman pa yin/ /mi yis skye ba 'bras
- 210a
bu med/ /mi khom pa brgyad kyi gtam/ slob dpon rta dbyangs kyis mdzad pa rdzogs so// //rgya gar gyi mkhan po sh+rI a dzi ta b+ha dra dang/ zhu chen gyi lo tsA ba dge slong shAkya 'od kyis bsgyur?// legs bshad rin chen za ma tog slob dpon dpa' bos mdzad pa bzhugs/ /rgya gar skad du/ su b+hA Shi ta ratna ka raN+Da ka ka thA/ bod skad du/ legs par bshad? pa rin po che za ma tog lta bu'i gtam/ 'jam dpal gzhon nur gyur pa la phyag 'tshal lo/ /gang gis glang chen mchog 'dri'i sems kyi lcags kyus ma yin ye shes lcags kyus btab nas thul/ /'dod chags mun pa'i dmag tshogs me yis ma yin ye shes me yis ma lus sregs bdud kyi stobs rnams mtshon chas ma yin blo gros rab zhi bzod pa'i mtshon gyis bzlog/ gus la bsgom pa zhi mdzad sangs rgyas mkhyen pa rab? rgyas thub dbang de la phyag 'tshal lo/ /dka' ba brgya yis rnyed pa yis/ /mi rnams thob pa'i khom pa dkon/ /zlog pa med pa'i 'chi bdag ni/ /rtag tu mdun na gnas pas na/ /gang gis dug sbyin yang dag sdom/ /rgyags tshags mang po ma bsdogs pa/ /mi bzad 'khor ba'i mya ngan du/ /'gro ba de dag sdug bsngal thob/ mi rnams thob pa rnyed dka' ba/ /bar snang glog 'gyu lta bu yin/ /srid pa zad byed mkhas pa yin/ /srid pa rnams su phan pa byas/ /yang dag mi nyid thob pa ni/ /glog dang rba ltar mi brtan pas/ /yid bzhin nor bu lta bu yis/ bsod nams rjes su skyes bus brten/ /da ltar mi rnams thob pa ltar/ /gang gis mthu yis phyis kyang thob/ /bsod nams mchog ni gang yin pa/ /de ni bde ba'i rgyu yin te/ gzugs dang gtong ba rigs mtho sogs/ /yon tan sna
- 210b
tshogs ldan par 'gyur/ /bsod nams de nyid mdza' ba gcig 'khor ba kun tu 'gro ba gnyen/ /de ltar 'dir ni bsod nams kyis/ /phyi phyir yon tan phun sum tshogs/ gang tshe dpal gnas thob bsten pas/ /de sngags 'jig rten bdag po nyid/ /phan pa'i phyogs su 'dren byed pa/ /bsod nams de nyid spel bar gyis/ /bsod nams che gyis sdig dga' spongs/ /yul la g.yo ba nyid kyi rta/ /rtag tu phyin ci log zhi gyis/ /dug stobs mi bzad 'chi sprul/ gyis/ sos ma bzung ba'i bar du ni/ /rtag tu khyed kyis thub dbang bzhin/ /gzhan phan la ni mngon dga' gyis/ /bsod nams la spro ba bskyed pa'i gtam ste dang po'o// //rgya mtsho gnya' shing bu ga ru/ /rul spal mgrin pa chud ba bzhin/ /yud tsam 'dzom ba ngo mtshar che/ /mi brtan 'di la yang dag soms/ /rab tu zhi ba'i grong khyer lam/ /ngan song 'jigs pa 'joms byed pa/ /de ni thub pa'i dbang pos gsungs/ /skad cig tsam yang thob par dka' / /mi khom brgyad kyi nyes spangs mi/ /gang zhig dkon la bskal pa brgyas/ /de ltar bde thob mkhas pa yis/ /dam chos mnyan la 'dir 'bad bya/ /dmyal ba yi dags 'gro ba dang/ /dud 'gro dbang po ma tshang ba/ /'chi med bla ma mdza' 'khob skyes/ log par lta ba sel ba dang/ /thub dbang gsung rab bdud rtsi ni/ /skyes bu mkhas pas 'thung nus pa/ /shes rab 'od mnga' thub dbang ni/ /ma shar bar du yod ma yin/ /de phyir bya min spangs nas ni/ bdag gi bya ba kun shes pas/ /'phags mchog dam chos mnyan par bya/ /chos 'di la ni gang 'bad pa/ /de la yon tan kun yod 'gyur/ /thub dbang gsung las rin chen 'byung/ /mkhas pa 'di yis thog mar dga' / /de ni gang gis thos pas kyang/ /rtag tu stobs
- 211a
ldan brling ba yis/ /mun pa'i tshogs ni 'joms par byed/ /bsams shing bsgoms na mthar thugs gsal/ /'jigs bcas skye ba 'khor ba'i rgyun/ nyon mongs ma lus rim gyis spongs/ /thams cad phun tshogs rtag pa'i gter/ /mi bzad 'khor ba'i rgyun 'joms shing/ /bla na med pa'i dga' bde thob/ /thos pas 'dir yid dri ma med/ /de ltas thub dbang gsung 'di soms/ /chos nyan pa la spro ba skyed ba'i gtam ste gnyis pa'o// // gang zhig thob nas 'khor ba'i rgya mtsho yi/ /pha rol phyin pa'i sa bon bskrun/ /byang chub dpal gyi sa bon mchog/ yid bzhin nor bu las lhag pa'i/ /yon tan rgyun gyi mi rnams ni/ /su zhig 'dir de 'bras med byed/ /gang zhig dge bas phyug pa'i mi/ ba skal pa grangs med kyis thob nas/ /'dir ni smongs pas bsod nams gter/ /cung zad tsam yang mi gsog pa/ /de dag 'jig rten pha rol tu/ /mi bzad mya ngan khang par 'jug/ rin chen gling phyin tshong pa ni/ /lag pa stong par rang khyim bzhin/ /dge bcu las kyi lam med par/ /phyi nas yang ni thob ma yin/ /mi ma thob par de bar ni/ /ci ltar de de sdug bsngal nyid/ de las pha rol slus yod min/ /de las mchog tu rmongs pa med/ 'di 'di'i khom pa thob nas ni/ bsod nams tshogs ni mi gsog pa/ /skad cig gcig las sdig spyad nas/ /mnar med par ni bskal par gnas/ /skye ba du mar sdig spyad pas/ /bde 'gro dka' lta ci zhig smos/ /rgya mtsho cher g.yengs gnya' shing gi/ bu gar rus sbal mgrin chud ltar/ /mi ni shin tu thob dka' bar/ /de skad bcom ldan 'das kyis gsungs/ /mi'i skye ba dkon pa'i gtam ste gsum pa'o// //za skom mal bstan gos mchog dang/ /phreng ba gnas dang rgyan rnams dang/ /grags pa
- 211b
yon tan khyad 'phags pa/ /de kun sbyin las myung bar gsungs/ /ngag snyan mdzes dang longs spyod ldan/ /khyad par 'phags gzugs g.yangs? ba dang/ /tshig snyan gzi ldan yid 'ong dag/ grags dang nad med tshe dag ste/ yid 'ong sdug pa de dang de// sbyin pa rnams kyi 'bras bu ste/ /rta dang dar dang glang po dang/ /rnga yab gdugs dang me tog tshogs/ /khang bzang mdzes dang rol mor bcas/ /sgra snyan rol mo dang ldan zhing/ /me tog phreng ldan bud med dang/ /zas dang rin chen phreng pa gnas/ /gur gum grong yul lha yi gnas/ /rdzogs sangs nyid dang sangs rgyas te/ /sbyin pa dpag bsam ljon shing gi/ 'di dang 'bras bu yin par gsungs/ /utpal sngon po'i 'dab ma 'jam/ /skyus ring dri ma med pa dang/ /bud med gang zhig mig 'grub cing// sked pa 'og bag g.yo bar ldan/ /dmar zhing mdzes pa'i gos ldan zhing/ /nur 'bur rgyas par rnam par g.yo/ /smin ma mdzes ldan de de dag/ de dag ser sna'i sgo phye nas/ /sbyin pa btang la rgyas par 'gyur/ /mgul pa rnga mas brgyan pa'i rta// bzhon pa kha lo srab kyis skyogs/ /mi dbang glang chen dregs zhon nas/ /gdugs bsgrengs rgyan ldan 'khor bcas dang/ /'gro ba thal mo sbyar byas nas/ /rtag tu mchod cing gsol 'debs pa/ /snga mar 'di 'dra sbyin pa yis/ /'bras bu yin par thub pas gsungs/ /gser gyi gdu bu rdo rjes sbras/ /dpung rgyan cod pan rin chen bkod/ /sa bdag mu tig phreng bas brgyan/ /rtag tu seng ge'i khri la gnas/ /'bangs sogs btsun mo'i 'khor brten cing/ /rtsed mo rtse bas rnam rol pa/ seng ge lta bu'i rnam rol de/ /sbyin 'bras yin par thub pas gsungs/ /khang bzangs gser dang rin chen spras/ /gdugs dang rgyal mtshan bsgreng bas brgyan/ /pi waM rdza rnga rig byed sgrogs/ /rin chen rnams kyi 'od 'bar ba/ /brgya byin bde sogs
- 212a
dga' spyod cing/ /lha mo'i tshogs kyi 'khor ldan de/ /snga mar 'di 'dra byin pa yi/ /'bras bu yin par thub pas gsungs/ /sbyin pa'i skye po'i yid du 'ong/ /mkhas pa'i tshogs kyis rtag tu brten pa phyogs rnams dri med phreng bas khyab/ /snyan pa'i gnas ni de dang der/ /'dir ni dri med nye bar gnas/ /lus dang bral nas lha rnams su/ /snyog bral sna tshogs btung ba bsil/ /me tog sna tshogs mgo lcogs rgyas/ /dpag bsam gyi ni shing rnams skyes/ /tsan dan la sogs kyis gang ba'i/ /skyed mos chal ni mchog rnams su/ /yun ring du ni bde spyod cing/ /lha mo gzugs mchog ldan pa yis/ /bsnyen bkur mchog tu byed par thob/ /sbyin ba zhes bya gter chen te/ /rkun sogs mi khyer rjes su 'dred/ /sbyin pas sems kyi ser sna dang/ /chags pa'i rul gyi dri ma 'khru/ /'khor ba'i lam gyi dub pa sel/ /sbyin ba gzhon pa du ma ste/ /sbyin pa bde ba du ma'i rten/ /yang dag grogs mchog bde ba'i sgo/ /sked pa gser gyi ska rags ldan/ /ngag 'jam zur mig bzhin skyob mdzes/ /mig gi skyus ring sna drung gsan/ /me tog phreng ba'i skra bcings mdzes/ /gang zhig rang 'khor yan lag dang/ /rkang gnyis 'gro ba mdzes pa yi/ /zas gtsang gi ni phun sum tshogs/ /de dag sbyin pa'i 'bras bu yin zhes/ /bdag nyid chen pos bka' stsal te/ /ha sa ka ri'i dum bu dang/ /utpal gyis bsgos? dri zhim la/ /bkris gser gyi snod du blugs/ /ban du ka dang zad mdog sa dang/ /btung ba chung ma mna' skyel zhing/ /tshung ma dang bcas yang yang 'thung/ /dga' ba'i bsam pas smra ba de'i/ /rgyu ni sbyin mchog bkra shis yin/ /zhi ba'ang sbyin pa'i yon tan te/ /mdzes pa 'dod pa bdag cag gis/ /sbyin pa 'di la 'bad par gyis/ /srid gsum mi bzad
- 212b
'jigs chen la/ /sbyin las gzhan pa'i gnyen mchog med/ /sbyin pa'i gtam ste bzhi pa'o// //'gro ba gang zhig mdzes yid 'ong/ /gzugs dang rigs dang gnyen dang stobs/ /bde bar mthong ba gang yin pa/ /bsod nams bzo bos de byas bad?/ /'di skad mkhas pa rnams kyis bshad/ /gzhan phan byed pa'i skyes bu yis/ /bsod nams dang mnyam yod ma yin/ /rim pa sna tshogs kyis brgyan pa'i/ /rgyal mtshan dkar po mngon mtho btsugs/ /rta glang rkang thang shing rta yi/ dpung gi tshogs kyis nges 'khrug cing/ yu ba sna tshogs mdzes pa yi/ /rnga yab rnams kyis g.yo ba byed la/ /bsod nams lhag pa dbang sgyur zhing/ /sa rnams la ni spyod byed de/ /dar dang ka sh+ri du gu la/ /sna tshogs gos dang mu tig phreng/ gser dang nor bus yan lag brgyan/ /gang dag lha 'dri'i skyes bu dpal/ /bsod nams gzhon pa la zhon pas/ /de bas yin par shes par gyis/ shin tu tshe ring rigs btsun zhing/ /lus mdzes nad kyi 'jigs pa med/ /nor mang g.yog 'khor phun sum tshogs/ /bsod nams rnam smin chen po yin/ /gang yang 'khor los sgyur ba mchog/ bu ni dpa' bo stong dang ldan/ /rgya mtsho'i mtshams kyis la dbang/ /de dag bsod nams rin po che'i/ /'bras bu yangs pa chen po yin/ /sna tshogs pad+ma'i stan la 'dug/ lha dang lha dbang rtag phyag 'tshal/ /brjid kyis 'khor rnams zil gyis gnon/ /tshangs pa'i 'jig rten snang byed pa/ /de dag nyid dang bsod nams las/ gang la lha klu lha min grub/ /dri za gnod sbyin mi 'am ci/ /mchog tu gyur pa'i tshogs rnams ni/ /rtag tu lha dbang mchod byed pa/ /de ni bsod nams rin po che'i/ /'bras bu yangs pa chen po yin/ /gzugs dang brtson 'grus bzo rnams ni/ /dbang med yang nas mi rnams ni/ /las kyi rlung gis mngags nas ni//
- 213a
'jig rten pha rol 'gro ba na/ bsod nams gcig pu mchog yin te/ /rjes su 'gro zhing bde ba 'char/ /bsod nams gzhan gyi 'phrog mi nus/ /de phyir bsod nams gter gyi mchog /gang gi stobs kyi ro rab kyang// phyogs dang phyogs su rnam 'thor ba'i/ /'jigs pa'i bskal pa'i rlung rnams kyis/ /des kyang bsod nams 'jig mi nus/ /'jig pa'i bskal pa'i chu yis ni/ /lcags kyang dbang med 'jig byed pa/ /rgya mtsho bzhi yi chu rnams kyis/ bsod nams gzhu bar nus ma yin/ /'od zer rab cha gsal ba yi/ /nyi ma bdun shar me rnams kyis/ /sa rnams sreg par byed med kyi/ /bsod nams gcig pu sreg ma yin/ /bsod nams kyi gtam ste lnga pa'o// // sangs rgyas sku gzugs bzhengs gsol ba/ /dang por mya ngan sel bar byed/ /rtsod pa kun spangs mthong na dga' / /skal ldan gter tshogs dpal dang ldan/ /lus stobs ldan zhing snyan pa dang/ /gzi brjid ldan zhing gzugs mdzes la/ gsung rab kun la mkhas gyur cing/ /dbang po'i rta ni thams cad thul/ /blo ldan gtod dang ldan par 'gyur/ /bcom ldan sku gzugs mchod rten la/ /phra rab rdul ni ji snyed song/ /de snyed sa 'og sa steng 'dir/ /de snyed rgyal por nges par 'gyur/ /gzugs dang gzugs med ting 'dzin 'grub/ /thams cad bde bar ma lus spyod/ /tha mar skye rga'i spangs nas/ /de dag byang chub go 'phangs thob/ /bde gshegs sku gzugs bzhengs gsol pa/ /mtshan bzad gis mtshan 'khor los sgyur/ /sum cu gnyis ldan lus mdzes thob/ /nyes pa'i dgra 'joms rgyal par 'gyur/ /dbang po rnams ni ma tshang med/ /dpal ldan ngan 'gro rnams las ring/ /mi yi gis sku skye 'gyur zhing/ /ngag
- 213b
ni brtsan pa nyid du 'gyur/ /skye bar thos dang dran ldan brtan/ /mngon par 'dod par 'byung 'gyur zhing/ /gnas la mngon par dad pa dang/ /'dod chags sogs kyis gnod pa med/ /'di rgyal rdzogs pa'i byang chub kyi/ /khyad 'phags legs pa'i gzhung la brten/ gang 'di rgyal ba'i sku gzugs bzhengs/ /sangs rgyas sku 'am mchod rten nam/ /bzhengs byed srog dang ldan pa de/ bran dang dbul por mi skye zhing/ /mngag gzhug par min rigs dmar min/ /dbang po rnams ni tshang bar 'gyur/ /sku gzugs kyi gtam ste drug pa'o// //dri zhing sna tshogs kyis bsgos pas/ /bde bar gshegs la khrus gsol ba/ /me tog dri yis yan lag mdzes/ /rab tu dga' ba'i yid kyis su/ /rol mo'i sgra ni snyan pa yis/ /dal gyis 'bab dang stegs 'grun brjid/ /gser gyi rang bzhin pad+ma yi/ /ge sar rdul gyis khyab pa ru/ /zus gsol gang zhig mchod byed pa/ /de dag rnyog pa thams cad kyis/ /dri ma bkrus nas thar pa thob/ /lha yi bu mo nu 'bur rgyas mthong zhing/ /sked pa la 'bab g.yo ba dang/ /'dzam bu'i chu 'dra'i pad+ma'i ge sar gyi/ /rdul rnams gtor ba yis ni dri zhim la/ /dal gyis 'bab pa'i nang du lta yi tshogs/ /rgyun tu chu rnams la ni rtse byed pa/ /gang zhig dga' ba sna tshogs dri zhim chus/ /rje btsun khrus gsol ba yi 'bras de yin/ /gla rtsi ga pur tsan dan gur kum bsgos/ /dri zhim chu ni yid 'ong ba/ /kha dog dkar ser bye brag gis/ /yid 'ong thub pa khrus gsol 'dir/ /sems kyi dri ma spangs nas ni/ de ni 'gro ba'i bla mar 'gyur/ /khrus kyi gtam ste bdun pa'o// //khrus byed lha yi bu mo mchog /rked ldan brla dang chu ma rgyas/ /'dab skyes mgo lcags rgyas mthor zhing/ /lha dbang dal bab khrus byed cing/ /mdzes shes 'dod pas
- 214a
g.yo ba ni/ /'gro mchog yang yang mnyes byas yin/ /de ni spos chu rol mo dang/ /mdug pa dang ni me tog phreng/ /sbyin pa btang ba'i 'bras bu yin/ /gang zhig 'khor los sgyur rgyal la/ /mkha' la gur kum sprin tshogs dang/ ga bur gyi ni chu rgyun dang/ /ma la ya yi tsan dan bzhin/ /rdza rnga bi wi rnga mchog gis/ /bde bar gshegs mchog mchod byed pa/ /lha dang mi yi sgra rnams thos/ /khyad 'phags lha yi rna ba thob/ /gur kum la sogs pa'i gtam ste brgyad pa'o// //rta glang rkang thang shing rta dang/ rin chen sna bdun rnams dang ni/ /dpa' bo bu stong dang bcas par/ /mkha' la 'khor los sgyur 'gro zhing/ /zla ba lta bu'i gdugs kyis ni/ /nyi ma'i 'od zer sgrib byed cing/ 'bras bu mang la rgya che ba/ /gdugs phul ba las byung ba yin/ /bud ba yid 'ong sgra yis bskyod/ me tog g.yo ba 'khor bar bkod/ /kha dog sna tshogs dri zhim pa'i/ /me tog tshogs kyis ri mor bris/ /gdugs mdzes sna tshogs dar gyis brgyan/ /mchod rten rnams la phul ba yis/ /'khor los sgyur bas skyong ba/ /gling bzhi'i dbang phyug de yis 'thob/ /nyi ma'i 'od zer gser gdugs thogs/ /dpal ldan dul ba'i glang po mchog /rin chen du mas brgyan pa zhon/ /rdzu 'phrul brgya byin dang 'gran pa'i/ /gling bzhi yi ni 'khor los sgyur/ /sa rnams ma lus skyong bar byed/ /de dag bde gshegs sku gdung la/ /me tog gdugs phul 'bras bu yin/ /gdugs phul ba'i gtam ste dgu pa'o// //bde bar gshegs pa'i 'khrungs gnas dang/ /de yi yid tsam bzhugs pa'i gnas/ /rab tu gsal ba'i grags gyur pa/ /nus pa kun gyis gdung snod sku/ /shin tu khyad 'phags gtsug
- 214b
tor mtho/ /sku gzugs bzhengs nas legs sbyangs la/ /skye bo gang gis sku bzhengs pa'i/ /nang du ring bsrel bcug byas nas/ /kun nas brgya byin las 'phags pa'i/ /mi dbang gling bzhi rnams su ni/ /dpal dang ldan pas longs spyod nas/ /mdza' cu rnam dag go 'phang thob/ /rgyal ba'i sku gdung bcug las yin/ /zla ba dang 'dra ba lta na sdug/ /smin ma legs shing mig dkyus ring/ /mir skyes gser dang nor bur ldan/ /bzod cing nges pa dang ldan pa/ /rgya mtshos gtugs pa'i sa rnams ni/ skyong byed 'khor los sgyur rgyal yang/ /de dag sangs rgyas sku gzugs ni/ /ring bsrel dang bcas gus par 'thob/ /ring bsrel gyi gtam ste bcu pa'o// //bde bar gshegs pa mchog rnams kyi/ /pho brang mchog ni rgyan byed pa// gser gyi mdog dang ldan 'gyur zhing/ /nad rnams kun las grol bar 'gyur/ /lha dang mi las khyad 'phags shing/ /nyi ma'i 'khor lo lta bur mdzes/ /nor dang gser ni mang ba dang/ /rgyal po'i rigs kyi rgyal bar 'gyur/ /'jig rten gsum gyis mchod pa yi/ /sangs rgyas la ni gang zhig 'dir/ /maN+Dal me tog bcas byed pa/ /'gro ba'i bdag po tshe ring zhing/ /sna tshogs nad kyis 'jigs las grol/ /gang yin de yis skad cig thob/ /bde gshegs maN+Dal byed de dag pha rol phyin drug thob 'gyur to/ /chu dang sa bsres btang sbyin pa/ /grog mo sogs sel tshul khrims te/ /bsres nas nyes pa bzod pa yin/ /'bad pa byed pa brtson 'grus yin/ /skad cig de las rtse gcig tu/ /sems 'dzin byed pa bsam tan yin/ /legs par gzo ba shes rab bo/ /sna tshogs bsod nams kyis brgyan la/ /sa gzhi bris pa 'bul byed pa/ /lha yi bde ba thams cad dang/ /longs spyod mchog dang ldan 'gyur zhing/ /mir skyes gser las lhag pa
- 215a
yi/ kha dog dang ldan mdzes pa dang/ /pad+ma'i mdog ltar yan lag tshang/ /mig ni dkyus ring mdzes par 'gyur/ /maN+Dal gyi gtam ste bcu gcig pa'o// //pad+ma'i 'dab 'dra'i lag pa mdzes/ /'od gsal kha dog dri bzang ldan/ /ro zhim? reg na bde ba dang/ /lha dang ma yi khang bzangs na/ /'od gsal gser gyi gzhod pa ru/ /lha yi bdud rtsis bkang za ba/ /de dag sangs rgyas la sogs pa'i/ /dge 'dun yul du lhag pa la/ /zhal zas drangs pa'i 'bras bu yin/ /rdo rje gdan la bzhugs nas ni/ /'dod pa'i dgra dang bcas pa yi/ /tshogs ni byams pas des pham mdzad/ /gang zhig mthar thug dka' ba'i yul/ /mdza' med par ni spyod 'gyur pa'o/ /nyon mongs dka' ba'i dgra las rgyal/ /phung po'i bdud kyang rab bcom nas/ /'chi bdag bdud la mnga' brnyes pa/ /zhal zas phul bar gyur pas yin/ /ro rnams bro ba'i mchog dang ni/ /yan lag chang zhing yongs rdzogs ldan/ /bde zhing dpal ldan stobs dang ldan/ /tshe dang stobs dang kha dog dang/ /gzugs bzang ba dang ldan pa ni/ /mkhas pas zas mchog btang las byung/ /stobs dang brtson 'grus ldan pa yi/ /rnam grangs las ni nges par rgyal/ /yang dag dpal thob mi dbang gi /ro ldan kha zas longs spyod pa/ /rtag tu zas mchog sbyin nges yin/ /zas kyi gtam gyi ste bcu gnyis pa'o// //g.yo zhing utpal gyis bsgos pa/ /dri med pad+ma rA ga bzhin/ /yid 'ong gser gyi song du blugs/ /dri zhim tsan dan gyis bsgos mngar/ /yid du 'ong dang bdar zhing 'thung/ /cung zad mig ni zangs mdog 'dra/ /glu len sgra dang nges ldan pa'i/ /mi mchog de dag sgom? rnams ni/ /sbyin pa byin pa'i 'bras bu yin/ /in+d+ra nI
- 215b
la bai DUrya/ /rin chen mchog rnams kyis spras pa'i/ /gser gyi snod ni gang yin par/ /lha gang lha yi bu mo ni/ brang gi dkyil na nu ma ni/ /bum pa lta bu'i 'bur ldan pa'i/ /rab mdzes bcugs dang lhan cig tu/ /sbrang rtsi ltar mngar btung 'thung ba/ /yon tan ldan pa'i tshogs la ni/ /btung ba yid 'ong byin pa yi/ /'bras bu yin par mkhas rnams gsung/ /gang zhig kha dog dri zhim sogs/ /tshogs ldan skom pa'i sdug bsngal sel/ bad kan rlung drag rab zhi byed// kha ra pi bi ling bsres tshor/ /tsan dan lta bur tsha ba sel/ /zla ba'i 'od zer dang ldan pa'i/ /snod du blugs nas de dag gis/ /gus par dge 'dun la phul bas/ /pha rol gyi ni skye gnas su/ /lha yi ltung ba thob par 'gyur/ /mngar zhim mngar mchog gus pa yis/ /btung ba tshogs mchog la phul bas/ /lha dang mi yi gnas rnams su/ /lha yi bu mo mchog rnams dang/ /yun ring btung ba lha cig 'thung/ /gang zhig sa gnas mi rnams kyis/ /dang pa'i dad pa'i yid kyis ni/ /dge 'dun la ni btung ba mchog /dus la bab par drang ba yis/ /'khor ba'i ri khrod gnas pa na/ /rtag tu btung ba'ang zhim bzang 'thob/ /btung ba'i gtam ste bcu gsum pa'o// //gang zhig sngo ser ljang dmar dkar/ /sna tshogs kha dog 'od bzang la/ /mdzes gsal gos kyi phreng ba ni/ /yon tan mchog dang ldan pa yi/ /'jig rten bla ma la phul bas/ /bsngags pa'i gos mchog thob par 'gyur/ /gang zhig dge 'dun mchog sogs la/ /gang zhig dad dang gus ba yis/ /gos kyi phreng ba 'bul byed pa/ /de ni ngo tsha shes gos dang/ /mchog tu gyur pa'i chos kyi gos/ /nyon mongs gnyen po'i chos gos thob/ /kha dog sna tshogs kyis spras pa'i/ /sngon po ser po dkar po dang/ /gzhan yang dmar po
- 216a
yid 'ong ba/ /shin tu mdzes pa'i gos dag dang/ /chos gos phreng ba 'bul byed pa/ /bde 'gro yi ni bde bar 'gro/ /gzugs dang ldan zhing yid 'ong la/ /lha yi gos ni zad med dang/ /ngo tsha shes pa'i gos kyis brgyan/ dag blo dang gis mkhas pa dang/ /de ni chos kyi dbang phyug 'gyur/ /gos kyi gtam ste bcu bzhi pa'o// //me tog bzang po dge 'dun la/ /rab tu 'thor zhing mchod byed pa/ /brgya byin las lhag longs spyod ldan/ /pad+ma'i dbang po lta bur mdzes/ /mchog tu grags pa dang ldan zhing/ /rtag tu de ni skad cig gis/ /dgra las rnam par rgyal bar 'gyur/ /sa rnams las ni spyod byed pa'i/ /rin chen mchog gi mir gyur pas/ /spos mchog dang ni dri bzangs kyis/ /rgyal ba rnam la 'bul byed pa/ /lus kyi grags pa'i dri yis khyab/ /utpal sngo dang mnyam pa yi/ /mig ni dri med dkyus ring mdzes/ /bai DUrya dang mu tig dang/ /rin po che yis yan lag brgyan/ /lus kun ku sha'i gos kyis g.yogs/ /skye ba kun tu mi yi mchog /gzugs dang ldan par gyur pa ni/ /dge 'dun dri bzang phul ba yin/ /sna tshogs pa yi sman rnams ni/ /de dge dge 'dun la phul bas/ /mdze la sogs pa'i nang rnams kyi// sdug bsngal mi bzad pa las grol/ /bzhin ni mdzed shing gser rnams dang/ /mnyam zhing kha dog yid du 'ong/ /rgyal po yi ni 'tshe ba rnams/ /gang yin pa dang bral ba 'thob/ /me tog la sogs pa'i gtam ste bco lnga pa'o// // sa bdag 'khor los bsgyur gang la/ /thal mo sbyar ba byas nas ni/ /mkhur ba rna rgyan mdzes ltung bas/ /gus ldan legs par spyi bo yis/ /lan mang du ni phyag byed pa/ /de dag sangs rgyas phyag byed pa'i/ /'bras bu yin zhes
- 216b
mkhas rnams smra/ /skyes pa tsam gyis gtsor 'gyur ba'i/ /rtag tu mthon po'i rigs skye zhing/ /rta dang glang pos rgyu byed pa/ /de dag bla ma 'phags pa la/ /legs par phyag ni byas pas yin/ /snyan pa yis ni khyab 'gyur zhing/ /nges par legs par 'dzin pa dang/ /gsal bar byed pa'i 'od kyis ni/ /sdug bsngal thams cad spong byed cing/ /nad ni thams cad 'joms par byed/ /'jig rten du ni bde 'gror des/ /mi dbang gis ni rgyun tu gyur/ /'bras bu dpal dang ldan pa yang// thub dbang phyug byas pa las yin/ /'khor los sgyur rgyal stobs grogs ldan/ /yan lag sum cu gnyis mtshan ldan/ /rgyal 'gyur sa steng gtso bo de/ /sangs rgyas la ni phyag byas pa'i/ /'bras bu yin par blo ldan gsungs// de ltar yon tan tshogs shes par/ /lus 'di 'jigs par shes nas ni/ /mkhas pas sangs rgyas phyag bya zhing/ /lus kyi las ni legs par spyad/ /phyag gcig 'tshal bar gyur pa yis/ /'khor ba spongs pa'i rgyu 'thob cing/ / 'khor ba'i 'jigs mthong gus pa yin/ /de ltar su zhig phyag mi byed/ /phyag gi gtam ste bcu drug pa'o// //griSh+Na sa ri ltar mdzes gzugs/ /stobs ldan 'jam zhing shin tu snum/ /dgun dus sro khang gos bzang bgos/ yid 'ong 'dzes ma la 'khyung nas/ /mi dbang gang zhig rtse byed cing/ /ro mchog sna tshogs ldan pa ni/ /rin chen snod blugs 'thung ba ni/ /de dag sgron ma phul ba yi/ /shin tu 'bras bu mngon yin par/ /yang dag rdzogs sangs rin chen gsung 'bar zhing me lce rgyas dang ldan/ /khang pa'i nang du me 'bar gsal/ /dgun dus grangs ba sel byed pa/ /sna pa thub pa'i dbang po ni/ /mchog tu gyur la phul ba yis/ /lha dang mi yi 'jig rten na/ /gsal zhing rab tu 'bar gyur dang/ /dri
- 217a
za lha min mi 'am ci/ /byad bzhin mdzes dang lhan cig tu/ /ston zla dang 'dra rab mdzes pa/ /sdug pa yang bar 'khyud nas ni/ /lus ni yid du 'ong ba dang/ /mtho ris su ni spyod byed pa/ /de dag gang tshe 'phags tshogs la/ /snang ba dang bas phul ba yin/ /rkyen ma las rgyal bzhon par ldan/ /sa? rnams ma lus rjes su skyong/ /byad bzang gser gyis yan lag brgyan/ /de dag gis ni snang ba rnams/ /phul ba'i 'bras bu 'di dag yin/ /snang ba'i gtam ste bcu bdun pa'o// //ri rnams kyis ni bsgrib pa dang/ /mchog tu ring na gnas pa dang/ /shin tu phra ba'i dngos po dang/? mtshan mo smag gis bsgribs pa dag /gang tshe lag mthil gnas pa ltar/ /dge slong ma 'gag pa yi mthong/ /de ni bde bar gshegs pa la/ /zhu mar phul ba'i 'bras bu yin/ /spyan gyis dngos kun gzigs pa'i phyir/ /bde gshegs mar me phul ba yis/ /sangs rgyas nyid ni mnyen zhes grags/ /phul ba bcom ldan gang zhe na/ /thub dbang dri med spyan la phul/ /ring dang phra dang bsgribs pa dang/ /dpag tshad kyis mchod mthong la ltos/ /rgyal la zhugs mar phul ba yi/ /de 'bras yin par thub pas gsungs/ /sa bdag rgyal po gang yin pa// zla ba lta bu'i gzugs ldan pa/ /utpal lta bur mig dkyus ring/ /gang zhig yis 'jig rten na/ /gser mdog 'od kyis snang ba ltar/ /rang gi 'od kyis snang byed pa'i/ /'khor los sgyur ba'i rgyal po ni/ /nor bu brgya phrag 'od zer gyis/ sa rnams rgyu zhing sna byed pa/ /de dag shAkya seng ge la/ /gus par mar me phul ba yi/ /rgya cher 'phel bar gyur pa yin/ /lha gang 'jig rten gsal byed cing/ /utpal lta bu'i mig ldan la/ /smin ma legs shing gser mchog
- 217b
ldan/ mig stong dang ni ldan pa yi/ /brgya byin lha yi bdag po nyid/ /lha yi stan la 'dug pa dang/ /gang zhig 'dod bral tshangs pa yi/ /'od gsal lha mchog phyag byed cing/ /lha yi shing rta g.yo byed pa/ /ston pa yi ni ring bsrel la/ /mar me'i phreng ba mis phul bas/ /'bras bu rgya chen gyur pa yin/ /mar me'i gtam ste bco brgyad pa'o// //mi dbang dus ni thams cad du/ /nyams dga' ba yi khang bzangs mchog /rol mo'i gnas kyis nyams dga' bar/ /'tsho zhing rgyal ba'i sgra sgrogs par/ /brtson ma'o 'khor dang rol byed pa/ /grang ba sel ba'i khang pa ni/ /phyogs bzhi nas ni byon pa yi/ /dge 'dun bzhugs gnas phul bas yin/ /thub pa 'phags pa'i dge 'dun bcas/ /gtsug lag khang gi don du ni/ tshig gis rab tu bskul ba dang/ /tshogs pa yis ni grogs byed cing/ /nges par dus su 'gro byed pa/ /gnyid log pa 'am langs pa na/ /bsod nams rgyun ni tshad med 'phel/ /shes rab rdo rje'i mtshon tsha yis/ /phyin ci yog gi ri bcom nas/ /sa dang bcas pa'i khang bzang 'gyur/ /dge 'dun la ni yo byad dang/ /longs spyod bzang po dang bcas pa/ /gtsug lag khang ni gang zhig byed/ /rnam par rgyal ba'i khang bzangs ni/ /rin chen mchog gi rang bzhin gyi/ /rtsig pa ka ba dang ldan pa'i/ /mdzes ldan lhan cig dus kun tu/ /de ni lha yi 'jig rten 'dir/ /yun ring du ni mngon par dga' / /dpal dang ldan pa'i bla bre dang/ /sna tshogs kyis ni gos kyis spras/ /khang bzang mchog ni 'od phro ba/ /yang dag gnas par gyur ba ni/ /yon tan tshogs ldan phul pa yis/ /brgya byin gyis ni khang bzang mchog /rnam par rgyal byed thob pa yin/ /gtsug lag khang bzhengs pa'i gtam ste bcu dgu pa'o// //khyogs dang sten ni mnyam pa ru/ /'bol stan la ni chung
- 218a
ma ni/ nu ma rgyas dang lhan gcig tu/ /mal stan la ni sa bdag nyal/ /nyes pa'i tshogs spangs dam pa la/ /de yis mal stan phul ba yin/ /rkang rten dang bcas khri la ni/ /sna tshogs gos kyi rgyan la 'dug /dbyangs snyan rol mo dang mgrin 'debs/ /rin chen rang bzhin stan la ni/ /dri zhim pas ni byug pa yis/ /dad ldan mal stan chen po la/ /dpung ba la ni mgo brtan nas/ /yun ring lha yi khang pa ru/ /'jigs pa med par bde bar nyal/ /de dag mal cha stan rnams ni/ /dge 'dun rnams la phul ba yi/ /'di ni 'bras bu yin par bshad/ /ga bur tsan dan a ga ru/ /lus byug pa yi lha mo ni/ /num zung ldan lus brten nas/ /gos mchog 'bol stan la rtags nyal/ de dag mchod rten rnams la ni/ /gdugs dang gos khri phul bas yin/ /mal cha dang stan gyi gtam ste nyi shu pa'o// //gling bzhi la ni rnam rgyal nas/ /stobs ldan brgya byin gnas yin te/ /nga la nu yis sum cu gsum/ /bdag po'i stan phyed dbang byas nas/ /'dod pa'i bde ba'i dga' ba myong/ /zhag bdun bar du dbyig rnams kyi/ /char ni khang par dpag med phab/ /de dag lhung bzed du gtor ba'i/ /sbyin pa chen po de yis ni/ /'bras bu ngo mtshar chen po yin/ /snod ni de dang de dag gis/ /rgyu bzhi dag la bsten pa yis/ /sdug bsngal la sogs bye brag gis/ /'bras bu tha dad tha dad 'gyur/ /de phyir mi dbang khyad 'phags rgyal/ /zla ba lta bu'i bzhin dang ni// utpal lta bu'i kha dog dang/ /mi rnams nang du rtag par ni/ /dri med mig ldan ro sdod yangs/ /dga' zhing stan dang mal cha dang/ /zas dang snod du ldan pa yi/ mi rnams sbyin pas yang dag 'thob/ /mi mchog gis ni nad pa dang//
- 218b
dman pa dang ni dbul ba rnams/ /snying rje can gyis sbyin btang bas/ /dpal ldan yang dag khyad 'phags 'gro/ /mi dbang brgya byin dang mnyam rtse/ /dga' zhing bu dang bran g.yogs bcas/ /zla ba dang 'dra bzhin gyi mchog /mig yangs lus ni nyi ma bzhin/ /grags pa snyan pa dag dang ldan/ /mi dbang dgra yi stobs 'joms shing/ /bde ba thams cad thob pa ni/ /de yis rang gi bla ma dang/ /pha ma rnams la sbyin las byung/ /gang zhig rta dang shing rta glang/ /zhon la skye bo'i tshogs phyag 'tshal/ gser gyi yu ba dang ldan pa/ /zla ba'i dbyibs dang ldan pa yis/ /nyi ma'i 'od zer zlog byed thogs/ /mi dbang mchog tu gyur pa ste/ /'khor los sgyur byed rgyal po yin/ /sa rnams dbang phyug dang bcas pa'i/ /gang zhig rgyal por gyur pa ni/ yang dag zhing la de dag gis/ /sbyin pa'i sa bon sbyangs pa yi/ /yon tan mchog gi 'bras de yin/ /dman pa'i snod la sbyin pa yis/ /mang du byin yang 'bras bu nyung/ /yur ma tsher ma'i skyon bcas dang/ /rdo ba'i steng gi zhing rnams la/ sa bon mang pa btab pa bzhin/ /'dod chags zhe sdang ti mug spangs/ /yon tan gyis bzhan zhing la sbyin/ /nyung ngu byin yang mang du 'byung/ /n+ya gro d+ha'i sa bon bzhin/ /zhing gi gtam ste nyi shu gcig pa'o// //gang gis chos kyi sbyin byin zhing/ /bri ba dang ni nyan pa dang/ /rtag tu de dag sems nyid dang/ /gal te yang dag sgom byed na/ /skye ba dran pa rtag tu 'thob/ /gang zhig lha yi 'jig rten na/ /dpag bsam gyi ni shing gi mchog /don rnams thams cad 'grub byed pa// lha tshogs bde ba'i mchog gyur pa/ /de ni ba mchog sbyin pa yin/ /rgya che ba yi 'bras bu yin/ /gang zhig mngal du rdzogs par ni/ gtsang zhing yid 'ong ro myong la/ /mar dang sbrang rtsi stobs dang ni/ /gang zhig 'o ma 'thung tshe yang/ /pad+ma'i ge sar
- 219a
mdangs ldan pa/ /bu lce'i dus gang yin par 'thung/ /skyes rdzogs nas kyang de bzhin te/ /bdud rtsi'i mchog kyang 'thung byed pa/ /de ni pa mchog btang las byung/ /seng ge ni khi ni rab dga' zhing/ mdzes pa gus pas chos la ni/ /rim pa bzhin du des phul bas/ /gzhig par mi nus rdo rje'i gdan/ /rab mchog seng ge'i khri la bzhugs/ /lha klu grub pa phyag 'tshal 'gyur/ /gser gyi snod du rtag tu der/ /ro ldan 'o ma rlugs nas ni// mi yi mchog ni 'thung byed cing/ /dpal ldan phun sum tshogs pa dang/ /pad+ma'i mdog ldan bud med snyed/ /de ni ma he mchog btang yin/ /rtag tu nad pa nyam chung la/ /bzhon pa mchog ni sbyin pa dang/ /bla ma rnams ni mnyams? byas nas/ /btsun zhing mi rnams kyis bstod 'gyur/ /gser gyi chas kyi brgyan pa yi/ /rta ni yid du 'ong ba la/ /mi mchog rtag tu zhon nas rgyu/ /shin tu ring ba'i yul rnams su/ /rdzu 'phrul gyis ni 'gro byed pa/ /bzhon pa mchog ni byin pa yis/ /de lta bu yi mi ru 'gyur/ /do shal dang ni do shal phyed/ /'og bag dang ni ldan pa yi/ /yid 'ong lha mo rnams la rtse/ /sum cu gsum bdag dang 'gran pa/ /ltos pa med par byin pa las/ /byung bar mkhas rnams rab tu bshad/ /bdud kyis zil gyi mi non cing/ /legs par gsung pa rtag tu ni/ /bdud rtsi lta bur mnyan par gyis/ /sa gzhi lta bur chos kyi yum/ /nyon mongs dgra ni spong bar byed/ /'khor ba'i bde ba nyams myong zhing/ phun sum tshogs pa thams cad kyi/ /rab mchog nyid ni thob par 'gyur/ /dub pa'i dus ni thams cad du/ /mkhas pa gnas ni phul ba yis/ /mtho ris phyin nas rtag tu dga' / /brgya byin dang ni lhan cig tu/ /rtag tu dga' ba myong
- 219b
bar byed/ /'dir ni skyang mos tshal phul gas? tshogs yin shing rnams la/ /me tog dri zhim dang ldan zhing/ /mngon par mtho ba'i mi thob nas/ /skyed mos tshal rnams longs spyod ldan/ /chu bo rgal ?dka' ba yi/ /gnas su zam pa 'dzugs byed pa/ /mi de longs spyod dang ldan pa'o/ /mtho ris gnas su 'gro bar 'gyur/ /gser mdog lta bu'i lus dang ldan/ /nyams dga' rdzing bu byed pa'i mi/ /mtho ris gnas ni thob par 'gyur/ /'jig rten 'di ru mir gyur nas/ /rgyal po yi ni dga' bde thob/ /khron pa dang ni bu nyen khang/ /sems can rnams ni brten pa dang/ /snyan pa grang ba skyob gyur pa/ /byed pa'i mi mchog gar yin pa/ /lha yi bde ba myong bar 'gyur/ /nyi ma'i 'od zer tsha ba yi/ /shin tu sdug bsngal ldan pa la/ gang zhig gdugs ni sbyin byed pa/ /gdugs dang 'dra bar de dag ni/ /dgra yi tshogs las rgyal 'gyur zhing/ /rtag tu bde ba mchog dang ldan/ /mchil lham rgyan gyis brgyan pa ni/ /sems can thams cad dag la ni/ /gus pa yis ni sbyin byed pa/ /de dag bzhon pa mchog rnams la/ /lha dang mi yi 'jig rten du/ /yun ring zhon par skye bar 'gyur/ /yon tan rnams ni sgrogs pa yis/ /rgyal ba mchog gis bstod byed pa/ /thams cad dag ni bstod pa yis/ /lus kyi phyag ni 'tshal byed pa/ /bla mar bsten pa'i rigs skyes zhing/ /de dag so sor rig pa 'thob/ /rdza rnga bi wang paTa tas?/ /bde bar gshegs mchog mchod byed pa/ /mir gyur nas ni dbyangs snyan la/ /sgra ni shin tu snyan par 'os/ /yid du 'ong ba'i gzugs dang ldan/ /bde bar gshegs pa'i mchod rten la/ /dga' bas srog shing 'dzugs byed cing/ /gdugs dang dril bu rnams dang ni/ /gdugs kyi phreng ba 'bul byed pa/ /de dag ming ni rgya che zhing/ /dpal ni phun sum tshogs pa 'thob
- 220a
mir gyur pa ni ma lus pa'i/ /bdag po nyid ni stobs dang ldan/ /dpung rgyan mu tig brgyan ldan pa/ /sa rnams sbyin par btang ba las/ /yin pa ru ni mkhas pa 'chad/ /mchod rten dang ni rgyal ba yi/ /sku mchog rnams ni bzhengs byed pa/ /gdugs ldan sku gdung 'jug byed pa/ /mtho ris yang dag 'dir thob nas/ /mi rnams kyis ni bstod par 'gyur/ /gang zhig dang por sangs rgyas la/ /sa dang lci bas byugs nas ni/ /me tog 'bras bu zas skoms phul/ /rtag tu mchod pa byed pa ni/ /rgyal po'i mchog ni thob par 'gyur/ /rgyal chen mar me sna tshogs dang/ /dri zhim me tog bdug pa dang/ /bu ram la sogs btung ba rnams/ /dge 'dun la ni 'bul byed pa/ /de yang nor dang ldan 'gyur zhing/ /lha ma'i bde ba dag dang ldan/ /mchod rten gdung bcas gtsug lag khang/ /mi gang 'bad pas nyen 'khor 'chag/ /kun nas dri ma med byed pa/ /gser gyi kha dog 'dra bar 'gyur/ /rtag tu snang ba 'bul byed cing/ /grang dus gos dang khang ba dang/ /rgyan dang bu mo btung ba byin/ /skye gnas rnams su bde ldan 'gyur/ /sa stengs du ni tshe ring zhing/ /thams cad nad las 'grol bar 'gyur/ /mnyam pa med pa'i bde ba thob/ /de dag rtag tu bde dang ldan/ /lha yi bde ba sna tshogs pa/ /nyams su myong zhing 'byung 'gyur pa/ /srog gcod spangs pa las yin par/ /nges par mkhas pa rnams kyis bstan/ /gzhan mthong brnab sems mi byed pa/ /chem rkun las ni dbyen gyur cing// rdzas ni yongs su slang bar byed/ /gseng dang dpag med phun tshogs thob/ /rkun ma brgya phrag dag gis ni/ /mi dbang las ni dbral mi nus/ /chud ma gzhan la mi 'phyo zhing/ /legs bsrungs chung ma nyams med rnyed/ /skye bar dgrar
- 220b
gyur cung zad med/ /'dir ni 'jig rten yid rten cing/ /de la yid mi ches yod min/ /de dang der ni skye ba na/ /utpal sngon po lta bur ni/ /dri ldan yid du 'ong ba'i gzugs/ /de ni mi 'gyur kha dri zhim/ /rdzun gyi tshig kyang smre ma yin// dam pa yi ni grogs ldan zhing/ /mi dbang gis ni gus pas mchod/ /bu dang chung ma bran dang ni/ /longs spyod rgya ni chen po yis/ /dpag tu med pa'i bde 'thob pa/ /rtag tu phra ma spangs pas yin/ /yid du 'ong zhing sgra snyan la/ /ngag ni snyan par 'os pa dang/ /rtag tu shin tu mdzes pa dang/ /mi rnams dang ni lha rnams su/ /de rgyal tshig ni tsub mo dag /mi de yis ni spangs pas yin/ /chos don dben pa dga' ba yis/ /smra ba de ni 'jig rten gyi/ /rtag tu mchog tu yid 'ong 'gyur yang yang mchod pa ngo yis 'thob/ /rin chen mang dang bzhon pas phyug /mngon mtho 'jig rten sna tshogs pa'i/ /bde ba mdza' yas myong bar 'gyur/ /bdag gzhan chags pa spangs pa yis/ /de 'dir 'dod chags chung 'gyur zhing// rtag tu longs spyod rgya chen ldan/ /ngag la dbang zhing grags ldan 'gyur/ /rab tu mdzes pa nyid thob cing/ /de ni rtag tu phyug cing bde/ /rgyal srid kyis mtho 'jig rten gyi/ /tshangs pa nyid ni thob 'gyur zhing/ /yang dag byams pa'i sems ldan pa/ /dbang po yod pa'i mi ru skye/ /mtho ris thar 'bras bde ba thob/ /yang dag rdzogs dang mi de ldan/ /gang phyir 'di dag thams cad ni/ /yang dag lta ba mchog tu ni/ /dge ba'i rtsa ba'i 'bras bu yin/ /dang dang blo gros dang ldan pa'i// bsod nams kyi ni zhing mchog las/ /sa gsum bde ba rgya chen skyes/ /de lta'i khyad par mi shes nas/ /yon tan rin chen thams cad kyi/ /gter du gyur pa'i dad pa ni/ /rtag tu de yis bsten par bya/ /dad pa yis ni ma bzhin du/ /dge ba
- 221a
rnams ni bskyed par bya/ /de bas thog mar skyes bu yis/ /yid kyis legs par bsten par bya/ /'byung gnas dad pa spangs pa yis/ /dam chos rin chen byang chub phyogs/ /nges par gzung bar nus ma yin/ /rgyal po las ni nyams pa yis/ /longs spyod 'bras las nyams pa ltar/ /dad pa'i dbang po las nyams na/ /de bzhin 'bras rnams thob ma yin/ /de phyir skyes bu mkhas pa ni/ /'jig rten bde gshegs byed 'dod pas/ /yid ni rab tu dang ba yis/ rtag tu phan pa nyid du gyis/ /lhag mas nyes pa zhi ma yin/ /gzhan du dad pa dang ldan pa'i/ /nyes pa'i tshogs ni thams cad sreg/ dman zhing gos med rmongs pa dang/ /lag pa na ni thod pa thogs/ /'jig rten 'di na slong ba snad/ sbyin pa med pa'i 'bras la ltos/ /tha dad khyim du slong zhing rgyu/ /rtag tu bkres par kun tu 'khor/ /gang zhig lus la lag rkyong yi/ /khyi dang 'dra bar ring na gnas/ /kun tu 'jug cing slong ba la/ /phyir zlog nyung shas cha gcig kyang/ gang zhig kha zas mi ster ba/ /kha ni khab tsam lta ba ri/ /lus skam skra yi gos kyis ni/ /nyi ma'i 'od zer snang min la/ /yi dags skom gyis gdungs pa snang/ /'bras de lag gis ma byin cing/ /dus ma byin pa'i 'bras bur gsungs/ sna tshogs bsdus pa'i gtam ste nyi shu gnyis pa'o// //bsod nams spro ba bskyed pa mnyan par gyis/ /gtong dang bsod nams dkon pa ste/ /bde bar gshegs pa'i sku gzugs la/ /sku gdung rnams ni bcug byas na// khrus gsol gdugs ni 'degs pa dang/ /maN+Dal zas dang skom rnams dang/ /gos dang me tog la sogs dang/ /snang ba dang ni mar me dang/ /gtsug lag khang du mal stan dang/ /zhing dang sna tshogs phul nas ni/ /bstod cing phyag ni 'tshal
- 221b
byed pa/ /'di 'dra du ma? phun sum tshogs/ /gtam ni nyi shu rtsa gnyis kyis/ /yang yang sbyin pa'i bsngags pa brjod/ /mtsho ni sgrul gyis gang bzhin du/ /me tog lo ma rgyas pa yi/ /ljon shing ched ma dang bcas bzhin/ /thos dang dpyod dang rigs ldan zhing/ /de lta bu yi bye brag can/ /tshul khrims la ni rgyab phyogs yin/ /dbul yang khrims ldan mchog yin gyi/ /yon tan rgyan dang bral ba yi/ /nor ldan rnams dang mtshungs ma yin/ /dbul yang skyes bu dam pa rnams/ /de dag yon tan ro myang bas/ /bdud rtsi lta bur khyad par 'phags/ /yang dag dran bya bla ma bzhin/ /yon tan ldan 'phags gzi brjid ldan/ /nor rnams dang ni rgyan dang ni/ /de dag rgyal po rnams kyis ni/ /drung du nye bar mchod 'dod pas/ /tshul khrims/ 'di ni bsrung bar gyis/ /'jig rten bde ba rnams rgyal ba'i/ /'jigs dang zhe sdang bcas pa la/ /chos kyi bdag nyid blo byas te/ /bde mchog phyir ni skyes bu yis/ /bde ba rgya chen mi 'phrogs pa/ /thob par 'dod pa de yis ni/ /tshul khrims nyid ni bsrung bar gyis/ /tshul khrims las nyams 'dul zhing 'che/ /de yis 'jigs bcas nyams su myong/ /tshul khrims ldan la de dag med/ /de nas 'jig rten pha rol tu/ /mdza' yis gtugs shing 'gro ba na/ /bde ba'i yul rnams 'dod pa yis/ /de yis tshul khrims 'di nyid bsrungs/ /tshul khrims brtan dang des ldan na/ /bde 'gro nyon mongs bdag nyid min/ /log par lta bas lam gol phyir/ /de phyir thar pa rab byung zhing/ /rtags ldan mtho ris 'dod ba yis// de yis tshul khrims 'di nyid bsrungs/ /mi 'jigs dprog tu med pa'i rgyan/ /tshul khrims 'di yin bsrung bar gyis/ /tshul khrims nor gyi mchog yin te/ /gzhan gyi dbrog cing rkur mi tshugs/ /tshul khrims bstan te 'chi ba na/ /gzhan du
- 222a
rjes 'brang lus ma yin/ /tshul khrims rjes su 'brang ba'i grogs/ /tshul khrims rgyan gyi mchog yin te/ /rgyan de la ni stor ba med/ /yid gtsugs pa yi grogs po yin/ /tshul khrims lta bu'i phan byed med/ /tshul khrims yang dag nges pa'i gnyen/ /pha dang ma dang bu yin te/ /'dod pa ster ba tshul khrims te/ /mthu yis 'bras bu 'di sbyin byed/ /tshul khrims kyi gtam ste nyi shu gsum pa'o// //bskal ba stong du bsags pa yi/ /sbyin dang bde gshegs mchod la sogs/ /legs spyad gang yin de kun yang/ /khong khro gcig gis 'joms par byed/ /zhe sdang dang mnyam sdig pa med/ /bzod dang mnyam pa'i dka' thub med/ /de phyid 'bad pas bzod pa bsgoms// sna tshogs pa yi tshul gyis ni/ /zhi ba'i yid kyis ma bzung na/ /dga' dang bde ba myong ma yin/ /sdang pa'i zug rdu yid gnas la/ /gnyid med brtan pa yod ma yin/ /zhe sdang bral bar ma gyur na/ /ji srid 'tsho bar gnod dang bcas khos ba gcig pu bcom pa yis/ /rnam par sdang ba thams cad bcom/ /rtog pa'i bud shing la mched pa'i/ /khro ba'i me yis 'gro ba sreg/ dang por bdag nyid sreg byed la/ /gzhan dag sreg pa 'am yang na min/ /rgas pa yis ni gzugs bzhin dang/ /khros dang mun pas mig dang ni/ /blo dang bral bas 'dod don ldan/ /de bas khro ba 'joms par byed/ /dge ba'i las la 'di sbyar bya/ /bdag la gnod byed 'byung ba dang/ /de las bzlog par bya snyam na/ / sdig ldan sems yin khrod ci yod/ mtshon sogs byed pa spangs nas ni/ /'phen pa ci zhig khro ru yod/ /rtsod byed zhe sdang yin pas na/ /de phyir zhe sdang la sdang bsngags/ /bzod pa'i gtam ste nyi shu bzhi pa'o/ //
- 222b
yon tan rin chen thams cad kyi/ /gter du gyur pa brtson 'grus te/ /nyon mongs rgya mtsho kun sgrol ba'i/ /rgya chen mchog ni brtson 'grus yin/ /brtson 'grus shing rta gang zhon pa/ /dngos po bsam pas mi 'thob pa/ /de 'dra 'gro na yod ma yin/ /glang po rta dang rkang thang dang/ /mda' dar 'da' chen dgra sta dang/ /mtshon cha yis ni g.yul 'gyed cing/ /dgra bgegs mthar ni rgyal byed pa/ /'di de stobs dang ldan pa yi/ /brtson 'grus dpa' bo chen po yin// rgya mtsho chu srin tshogs gnas shing/ /chu rlabs mthon por rim rgyu ba/ /brtson 'grus ldan pa'i dpa' bo yis/ /ba glang rjes bzhin 'gom par byed/ /rin thang med pa'i rin chen gyis/ /gter ni len par byed pa yin/ /'dod chags la sogs sprul gdug rnams/ /lus la brtson 'grus can gyis spong/ /khrims ldan skye bo dam pa ni/ /sems ni dri med khyad 'phags pas/ /mir ni yang dag mnyam bzhig 'dzin/ /ri rab mdzes pa'i rtse mo ru/ /blta na sdug pa'i lha mo la/ /phang du lag pas 'khyud pa yis/ /bde dang ldan zhing dga' bar byed/ /mkha' gnas lha ni gang yin pas/ /gnyis gnyis ldan pa des spangs nas/ /yang dag nyid kyi bde ba myong/ /shin tu 'bras bu rgya che ba'i/ /bskyed pa'i rgyu ni brtson 'grus te/ bstan pa la sbyor de sbyor byed/ /brtson 'grus kyi gtam ste nyi shu lnga pa'o// //nyon mongs dgra yi sde tshan rnams/ /bsam gtan ldan pas zil mnan nas/ /yang dag byang chub dpal rnams 'thob/ /byang chub yan lag rab sbyin zhing/ /'chi med skye ba'i rgyur gyur pa/ /'dod chags zhe sdang la sogs pa/ /nyes pa thams cad sel ba yi/ /rgyu ni bsam gtan yin pa ru/ /blo ldan de yis rab tu gsungs/ /nam mkha' dang ni sems mnyam la/ /gser dang dong? bar
- 223a
mnyam pa yis/ /bsam gtan sgom byed skyes bu yi/ /yon tan rnams kyi rgyu ru gsungs/ /nyon mongs dgra tshogs las rgyal ba'i/ /dge ba'i stobs kyis bsgrubs pa las/ /mtshan ni thams cad ldan pa yis// yang dag rdzogs pa'i byang chub dpal/ /yon tan rab mchog bdag nyid can/ /dkon pa'i rig pa thob par 'gyur/ /sems la ye shes bdag po yis/ /dgra yi 'jigs pa rnams spangs nas/ /gang gis mi yi dbang po bskyed/ /bsam gtan gcig pu de rgyu ste/ /yon tan kun gyi gter yin pas/ /'phags pa'i yon tan gyis phyug gsungs/ /rmongs pa'i mun pa sel mdzad cing/ /rgyun gyi rtal pa'i ye shes kyis/ /rdzogs sangs rgyas kyi nyi ma dang/ /mi rnams dang ni lha rnams kyi/ /bde rgyu bsam gtan rab mchog yin/ /bsam gtan gyi gtam ste nyi shu drug pa'o// //shes rab stobs dang bral na yang/ /skyes pa'i gzugs brnyan 'ba' zhig ste// snying po yangs pa'i mdza' thug par/ /ri mo bris pa'i gzugs dang mtshungs/ /blo ldan brtson 'grus yang ldan pa'i/ /blo ldan de la 'bras 'dod 'byung/ /bla med bdag gsod pa yi dgra/ /skye ba du mas gang chod dang/ /bdag nyid skye bar 'gyur pa yis/ /rigs dang ming dang dus rnams dang/ /dbus bzhin du ni mdza' bzung la/ /rnal 'byor pa yi shes pa 'jug/ shes rab stobs kyis de shes gsungs/ /'jig rten rnams ni dri ma yi/ /rab rib tshogs ni sel byed pas/ bde bas blo de chos mchog yin/ /ye shes snang ba bskyed pa yis/ /mi rnams kyis ni nyes pa'i tshogs/ /rtag tu stongs par byed pa yin/ /dang por dbang po 'di bsgrub bya/ /yid kyi phra rab rnam shes shing/ /rig pa thams cad gsal byed
- 223b
yin/ shes rab de yang rtag par ni/ /stobs kyi dge ba skyed byed pa'i/ /rgyu yin par ni rtag tu grag/ bya ba'i rgya mtsho'i nang du ni/ /gdon mi za bar nub pa dang/ /g.yul gyi nang du shes rab gtso'o/ /shes rab stobs kyis rnam rgyal thob? thos pa'i shes rab gang yin de/ /dge ba rnams kyi rgyu ru 'gyur/ /de lta yon tan thams cad ni/ /sgrub par byed pa yin pa'i phyir/ /gdon mi za bar shes rab bsgrubs/ /shes rab med pa'i skyes bu ni/ /mi gsal the rangs mar me bzhin/ /shes rab kyi gtam ste nyi shu bdun pa'o/ //mtho ris? thar pa'i yon tan ni/ /rin po che yi gter gyur pa/ /pha rol phyin pa drug 'di nyid/ /sa gzhi bzhin du shes pa'i mis/ /bdag phan bsgrubs pa de yis ni/ gzhan la phan par bya ba'i phyir/ /myur bar rtag par rgyun tu 'bab/ /pha rol tu phyin pa'i gtam ste nyi shu brgyad pa'o// //legs par bshad pa rin po che'i za ma tog lta bu'i gtam snyan dngags chen po slob dpon dpa' bos mdzad pa rdzogs so// //rgya gar gyi mkhan po ru tra dang/ dge slong shAkya 'od kyis bsgyur// //rgya gar skad du /tsa tur bi parya? ka tha/ bod skad du/ phyin ci log bzhi spong ba'i gtam/ 'jam dpal gzhon nur gyur pa la phyag 'tshal lo/ /skyes bu dam pa yid 'ong yul rnams yongs smod sma bar gyur pa na/ /de la yid 'byung skyo bar byed na khyed yid skyo bar cis mi byed/ /khyed kyi lus sdug de yang nyes mang de la smad par byas pa ni/ yon tan mang yod de phyir bdag gi tshig ni cung zad mnyan par gyis/ /'di ni rtag par gyur tam mi rtag gyur kyang ji srid gyur par 'di ni bde pa'i don gyur tam/ /der ma gyur kyang gtsang bar gyur tam de med gyur kyang dbang yod gyur
- 224a
rtag min bde ba'i rgyu min gtsang ba ma yin rang dbang can min na/ /ci phyir blo gros rab nyams khyed lus nyes brgyang bcas la chags byed smos/ /ri bo mthon po'i rtse mo'i steng nas sa la lhud? bar gyur pa yis ? zhig par gyur che ci 'di bar snang la ni bde ba myong gyur tam/ /skyes nas brtsams te 'chi ba nyid phyir rtag tu rab tu rgyug pa na/ /sems can rnams ni bar skabs gang du bde ba ji ltar thob par 'gyur/ /gang gis sa 'og 'dzul te klu yi dbang po pad+ma'i rtsa ba ltar 'byin byed/ gang gis mtho ris 'dzegs te dbang por bcas pa'i lha tshogs med par byed pa dang/ /gang gis stengs 'phyan 'phyan ni ga dang ni ra gu na la btus 'gyur ba'i/ /'chi bdag des ni tshugs par gang bu gnas nas khyed ni 'jigs mi 'gyur/ /yun ring 'tsho yang lus ni rgas pas rab tu brnyings pa nyid du 'gyur/ /tshe ni thung 'gyur tshe ni mos la 'chi bdag khar ni 'gro bar 'gyur/ /rga dang 'chi ba'i bar na phongs par bcas par gnas par 'gyur ba'i mi/ /nyams dang lhung bas 'di dang 'di las bde ba thob par yongs mi 'gyur/ /byis pa rnams la brtse med rgan la gus par gyur pa cung zad med/ /gzhon nu ma la ngor lta phra mo med cing nyams thag rnams la rtse ded? pa/ /de ltar gzhung lugs med pa'i 'chi bdag gang yin de ni bdag la ni/ /dus la sdod ces gzhon lus sha rgyas sra bar khyed yin ma sems shig/ khyim drung gnas pa'i nor ni cung zad rkus zhes thos pa gyur pa na/ rang gi khyim dag bsrung bar bya snyam sems pa 'di ni rig pa yin/ /mi ni khyim khyim dag nas nyin de drangs te khyed bar byed pa na/ /gshin rje la ci dogs med 'byung tam 'gro ba mel tshe cis mi byed/ /ji ltar gsang bya'i
- 224b
me tog brang? po rtags? sil dkrol mis skor te/ /gsod? sar khrid la gom pa re re bor bas 'chi nye'i? sdug bsngal 'gyur/ /de bzhin longs spyod la gnas nyin re 'chi bdag drung du 'gro byed kyis/ /kye khyod 'byor pa dag gis yid ni dregs pa dag tu ma byed cig/ 'di? na? mi rnams tshe ni mchog tu ring yang lo brgya kho nar zad/ /de las kyang ni dang po byis pa tha mar rgas pas don med byed/ /gnyid dang? nad sogs dag gis de dus med par kun nas re ba 'joms// bde bar gnas pa'i mi nang 'gro ba'i tshe yi lhag ma ji tsam yod/ /sum cu rtsa gsum bdag po'i g.yul nas rgyal ba'i rgyal po de rnams ni/ /shes pa'i snang bas mun pa zad? byas drang srong de yang shi bar gyur/ /gshin rjes zin? par gyur tshe longs spyod kyis min bshes pa dag gis min/ /skyes bu rtsol bas zlog mi byed na 'dir ni mi rnams su la ji ltar skyabs su 'gro/ /bstan bcos bklag dang bcas shing rig dang bzo yi bya ba dang bcas dang/ /yid rton grogs bcas sdug pa'i chung ma dang bcas drung nas 'khor bcas pa'i/ /mi rnams 'chi bdag snying rje med pas sa steng 'dir ni khyab gyur pas/ /med par byed na kun gyis ci bya ma yangs dge ba legs par gyis/ /e ma'o skyes bu rmongs rnams 'di na bde 'gror skyes ba bzad zhes grag/ rga dang 'chi dang na rnams kyis kyang 'di la brtse ba med par grag/ gzhan las skyes pa'i sdug bsngal brgya phrag 'di dag skyed pa nyid byed de/ /rang gis bskyed nas bu ni gsod ba'i don du de dag la gtong byed/ sha ma'i rgyal par shin tu bsdams shing dbugs ma phyin par nyam ngar gnas/ /mi gtsang khron par lto ba'i mi yi cha ba mi zad pas bsregs nas/ /smra mi nus shing thos min bskyod pa'i dbang med nyal
- 225a
ba ma yin par/ /mi ni mang yang zla bcu nye ba'i bar du sdug bsngal nyams myong 'gyur/ /dka' ba dag gis byung nas nyi ma'i gzer rnos mod la bsregs pa dang/ /tshad pa'i rlung gis bud shing sprad bu mchu sprad dag gis gnod pa dang/ /nye du dgra bo dag gis lto ba bcas pas na tsha skyed byed pa/ mngal na gnas kyang bla yi snang ba dag tu gnas pa 'di mi rung/ /lus kyi bya ba lag pa dag dang rkang pa bskyod pa tsam du zad/ /smra ba'i yul gyur thams cad la yang khyad par med par du bar byed/ /nyal ba'i tsha? na gan skyal? gnas pas nyin dang mtshan mo 'da' bar byed/ /sa steng dang na khu ljo ba ltar sdug bsngal nyam thag ngas ma mthong/ /'dug pa dag las ldang bar mi nus nyal dang 'greng dang 'gro bar bskyod mi nus/ /'dug ste gnas dang lus mi brtan pas gom cig 'gro bar nus ma yin/ /tshig gi rang don bstan par mi nus phyed 'khrul lus dang ngag la ni/ /dbang byar med par srog 'dzin byed pas kyi hud na tshod 'das sdug bsngal/ /mngal na sdug bsngal mang po yun rings rjes myong gyur kyang mi mthong la/ /'chi ba'i dus kyis gnas skabs skye bo 'dris pa'i mig gi yul ma yin/ /dregs ldan rga pas bcom pa cho gas sar skyes pa bud med brgya phrag gi /mig ni 'ban du gyur ba mnga' char 'bab pas nyam thag lta bu yin/ /skom pas kha bskams tshon bsil cing dri zhim chu ni 'thung ba dang/ /bkres pas nyam thag ba na 'bras chan sha dang bcas pa za ba dang/ /'dod chags me 'bar gyis gdungs tsha na chung ma dam du 'khyud nas byed pa yis/ /nang sel byed pa bde ba yin zhes skye bo phyin ci log par gyur/ /skyes bu zas nyung dag gis ri'i?
- 225b
gyur zas mang dag la mngon dga' bas/ /dbugs mi thon cing sdug bsngal gyur la mi mthun zas kyis 'chi bar byed/ /zas mi 'jubs nad bskyed 'gyur zhing zhu bas bkres pa nyid du 'gyur/ /kye ma zas zos gyur na sdug bsngal mi bskyed skabs de yod ma yin/ /shing lag dag ni rab tu 'bar ba'i skabs su me las tha dad min/ /de ni 'jig rten dag gis kyi hud me zhes za zhing yongs su spong/ /de bzhin lus la sdug bsngal shin tu chen po nyams myong gnas skabs su/ 'di ni sdug bsngal lus 'di yin zhes khyad par med la 'jug mi byed/ /mi gtsang snom zhing srin bu'i tshogs ni brgya yis yongs su bskor gyur la/ /klad pa'i drod kyi gdugs kyis mtshungs pa med pa'i sdug bsngal nyams myong zhing/ /snang ba med pa'i brtson da'i khyim nad lta bu'i ma yi lto na gnas/ /de bskyed pa na de yang de ltar min nam ci phyir khyod rig byed/ /ji ltar khyi dag rus skams sral ro med pa la bskam par 'cha'/ /rang gi kha chu khrag gis gos li rnya zhing zhim pa yin snyan sems/ /de bzhin lus zhes bya ba shin tu 'jigs su rung ba'i cho gos de la/ /rmongs rnams rang gis rtog pas yon tan brgya yis sgo btags dga' bar byed/ /sha rgyas mtho zhing zlum la nu ma'i blo yis kun nas 'khyud pa dang/ /kha ni kha chus gang ba chang bcas snod ltar 'thung bar byed pa dang/ /reg pa'i sreg pas gcing brlan pa yi lam la chags pas na/ 'gro ba rmongs pa chen pos ldongs pa dag la yid du mi 'ong ci zhig yod/ /'khru bas dri mas spags dang dri zhim skud pas mi ngo 'dre? 'dre dang/ so rtsi 'cha' la rtson par byed pas kha ni dri mi zhim pa nyid/ /gos kyis kun nas dkris pas shin tu mi sdug yin par 'di byed de/ /lus ni 'jigs su rung bas bdag nyid gzhon nu ma la smra zhing rton/ /yid brtan rung?
- 226a
las nyan par mi byed bdag nyid kyis kyang rtogs med pas/ /khyed la rna ba dang ni snying med pa zhes bya bar shin tu rigs/ /zon byed 'jigs su rung zhing mi sdug lus kyi dri ni mtshor ba/ /khyed la 'gro ba sna mang yid zhes kyang ni ci yi phyir mi smra/ /shin tu gtsang ba'i ngar dang dri zhim me tog sbrang rtsi gur kum la/ /de dang de ni gang du reg na skad cig gis ni mi gtsang 'gyur/ /rma yi sgo dgu dag nas mi gtsang dri nga'i ljon shing 'dzag 'gyur gang/ /de la khyed ni skal bzang yin zhes 'dir ni rlom sems ji ltar byed/ /phung po lnga po 'di la yul dang yul can nyid du brtags nas ni/ /bdag dang bdag gi med pa dag la nga dang nga ya? nges byas pa/ /'jig rten rmongs pa 'di ni 'jig rten skram gyis gdungs pa mya ngan du/ /smig rgyu'i chu yi chu bur las byung snod du 'thung snyam sems dang mtshungs/ /bdag ni rtog pa yin zhing bde dang sdug bsngal nyams su myong 'gyur la/ /lus kyi yul ni gcig pu dag la bdag gi zhes blo skyed du zad/ /bu dang chung ma phyug rnams zhes bya 'di dag las gzhan gyis bskyed pa/ /de la ji ltar bdag gi zhes rtsi 'dir ni gti mug stobs can yin/ /de ni rgyu las byung zhing gnas pa'ang rang gi rkyen gyis dbang las byung/ /dus kyis rgas shing tshe dang bsod nams zas la sogs pas 'chi bar 'gyur/ /skye la dbang byar ma yin nas las ma yin shi la dbang med na/ /bdag gi chung ma zhes smra ngo tsha bab? ni ji ltar de ma gyur/ /gang zhig rtag tu rang dbang gyur dang gang zhig bde ba nyid gyur pa/ /gang zhig skad cig tsam yang 'dod mi 'gyur ba de ni bdag gang? bshad/ /lus 'di dbang byar med cing sdug bsngal dag kyang skyo bar 'dor gyur na/ /'di la rim pa gang zhig mthong na 'di la gang zhig mngon
- 226b
zhen 'gyur/ /mi rtag pa la rtag snyam sems la sdug bsngal ba la bde mngon dga' / /mi gtsang lus la gtsang ba nyid du shas cher zhen par byed pa dang/ /bdag med pa la bdag ces 'dzin pa'i rdul rnams rnam par gsal nas ni skye med dgag med 'chi ba med cing rtag pa'i gnas ni 'bad pas mngon du gyis/ phyin ci log bzhi 'gag par byed pa'i gtam/ 'di byas pa las bdag gis dge bsags pa/ /gang yang des ni 'gro gsum ma lus pa/ /phyin ci log bzhi las ni yid grol shog /phyin ci log bzhi spong ba'i gtam slob dpon mA tri tsitras mdzad pa rdzogs// //rgya gar gyi mkhan po bud+d+ha b+ha dra dang/ /zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //rtsod dus gtam mA ti tsitras mdzad pa bzhugs so// //rgya gar skad du/ ka lI yu ka pa ri kA thu/ /bod skad du/ /rtsod pa'i dus kyi gtam/ 'phags pa 'jam dpal gzhon nur gyur pa la phyag 'tshal lo/ /tshul khrims las nyams thos pa'i nor bral 'dod pas 'di nyid cung zad mchod par byed/ /nyes med tshul khrims ldan la yon tan ro la rgyab phyogs zhe sdang cung zad nyes pa dgod/ /rab byung rnams la khyim pas las bsgo de nas rab byung nges kyang khyim pa mgu bar byed/ /ci sbyang 'gro ba 'dir ni 'gro ba'i khyim du ma lus dus kyi snyigs ma zhugs pa yin/ /da ltar legs spyod pa yi skye bo ngo tsha sdig pa can bsngags dga' bar 'gyur/ /slob dpon nor rnams mchog tu sems dpas 'joms phyir slob ma rnams ni zhum par gnas/ /'di na byis pa'i nye du'i 'khrul 'khor gyis bcings pa ni sun 'byin byed pa bzhin/ /da ltar rtsod pa'i dus na 'jig rten rnams la g.yo sgyu'i mtshon drag stobs
- 227a
dang ldan/ /bcud rnams sas 'thung dngos rnams stobs chung lha rnams char ni 'bebs mi byed/ /rlung rnams rab tu grag ldan lo tog rnams ni mi smin skye mi 'gyur/ /skyes la ser 'babs rnams rtsod pa'i dus kyi dbang sgyur 'bras bu med/ /dngos rnams mthu med dgos pa sgrub rnams nyams pa thob pa la brtag /'grol nad 'phel sa ni de dang de dag skye ba rnams kyis btang/ /ljon pa'i nags tshal bskams pas yal ga'i lag pa gyen du 'greng byed de// rtsod pa'i dus kyi bcom byas bzang po'i dus nub ri bo tshe nges 'debs/ /yul bzang chags pa rnams spangs sa rnams su ni dus bzang yongs su zad/ /yon tan mkhas la mi bkur nor ldan rnams ni mchod bya min par mchod/ /skye rmongs mchod byed gshin rjes 'jig rten sdug bsngal nges khrid gang gis bzlog /tshul khrims 'chal pa stobs ldan tshul khrims ldan pa bsdigs shing tshar gcod byed/ /sdig pa dga' ba'i stobs ldan g.yon can rnams kyis dam chos bsnub par 'gyur/ /gang zhig sdom pa la gnas brtan pa'i mchog? la 'jug par byed pa nyung/ /the tshom yod min drang srong bstan pa ring po ma? thogs nub par 'gyur/ /g.yul 'gyed rtsod pa du mas gos ltar sa g.yogs lo tog /skyes la 'dod min 'byung/ /rlung rnams mi zad ldan zhing de bzhin skye bo dam pa yang dag mchod mi byed/ /rgyal po dgra dang rkun ma'i 'jigs pas mi dag bag phebs nor rnams longs mi spyod/ /da ltar skye bo sdug bsngal bcas 'tsho 'gro ba rnams la 'jigs pa 'byung/ /gang zhig dus su char med gang du lam zhugs ser ba mi mthun du ma 'bab/ /gang zhig pa nams 'o ma mi 'byung dus rnams 'khrugs shing sa las 'bru mi skye/ /sman rnams gang yin nus med
- 227b
de bzhin khyad par rnams ni rab tu nyams/ /yid ni des bcom chos min rtsod pas dngos po 'di kun nyes dang bcas/ /rtsod pa'i dus 'dir chos spangs mi bzad pa la yang dag zhugs pas na/ /gang du dbang pos char phab ljon shing yal ga dag las me tog 'bras bu cung zad snang/ /sa gzhi brlan pa dang bcas sa rnams gang yin pa las me tog smin gyur pa/ /de kun tshul khrims brtul zhugs yang dag sdom ldan chos dang ldan pa'i mthu/ /dus rnams 'khrul zhing sa la bcud rnams nub gyur nyi zla log par rgyu/ /chung ma khyo la bcugs pas 'brel ba'i sems med dman pa rnams ni mthon por 'gyur/ /rgyal po chos spangs nor rnams mchog tu don gnyer bu rnams pha la sdang/ /kyi hud sdug bsngal rtsod pa'i dus ni nyer gnas bsod nams gnyer ba nags su song/ /chos dang rab byung dka' thub rnams 'bros bde ba rnams ni ring du song bar gyur/ /sa rnams 'bras bu nyung zhing rgyal po 'khrug byed mtshon gyi rgyal byed rnam par gnon/ /'jig rten bud med la dang bud med kyang g.yem bram ze rnams ni 'dod chen bcas/ /legs pa rnams nub skyed ngan stobs ldan du ma rtsod pa'i dus su bzang po yi/ /dus song bde ba rnams 'das dus der sbyor ba'i skyes bu rnams kyang 'das/ /'dir yang dus mthar de rnams mun bcas phug bzhin shes ma yin/ /legs spyad rgya phrag dri yis bsgos pa yis/ skal ldan nub cing dus ni 'das par gyur/ /pad gzhon rtsa ba'i skud pa bzhin/ /dkar po'i chos rnams phra bar 'gyur/ /blo ldan skyes bu gtam mkhas dri mas sgod/ /'gro 'di dga' med dga' ston zin pa bzhin/ /bdag nyid chen po 'di ni yang dag 'gags/ /gang na yon tan rnams kyi stobs phral/ /yon tan la bdud 'bab pas gcong byed cing/ /skye bo
- 228a
smra ba la brten 'tsho bar byed/ /rtsod pa'i dus kyi gtam slob dpon mA tri tsi tas mdzad pa rdzogs so// //rgya gar gyi mkhan po a dzi ta sh+rI b+ha dra dang/ zhu chen gyi lo tsA ba dge slong shAkya 'od kyis bsgyur ba'o// //rgya gar skad du/ bi pe ka ka thA/ bod skad du/ dben pa'i gtam/ byang chub sems dpa' 'jam dpal gzhon nur gyur pa la phyag 'tshal lo/ /dka' thub rnyed pa'i bde ba 'dod rnams kyis/ /'tshel ba spyod pa rnams ni mthong gyur nas/ /rab tu dben pa yang dag brten pa yi/ /dge slong 'di skad tshig tu brjod pas smra/ /phongs pa spang phyir de bzhin gshegs pa yis/ /rab sngags zhi ba'i dbang bskur nyer blangs nas/ /dka' thub khyim dang 'dris pas rab chags pa'i/ /phongs nyid rgal dka' byin pa ji lta bur/ /'phags pa 'gran med shing drung gnas nas ni/ /'gro ba'i skye dang 'gag pa mthong bas na/ /zhi ba'i bde ba yongs smin tshe dge ba/ /mi las shin tu 'phags pa thob par 'gyur/ /sems kyi rnam par 'chid ba gnyen po yi/ /stobs kyis gsal bas skye bral nags dag tu/ /rnal 'byor nyer zhi'i bdud rtsis tshim gyur pas/ /bde bar gnyid log pa dad sad par 'gyur ro/ / mtshan mo zla ba'i snang dang rab gsal ba'i/ /skar ma'i me tog bkram par nyer mchod nas/ /dgon par brten pa'i yid ni nges zhi ba'i/ /lhag par dga' ba dag ni skye bar 'gyur/ /gang du dge slong dben pa'i rgyu mtshan gyis/ /kha na ma tho med pa zhi 'gyur bde/ /gang du yo byad yang dag brten chags pas/ /sems ni sna tshogs phongs pas gdungs par gyur/ /ji ltar chu shing myug ma 'o ma dag /'bras bu 'byin nas rang nyid 'jig pa ston/ /de bzhin dka' thub khyim las rnam
- 228b
'grol nas/ /bdag nyid zil gyis gnon la chags mthong 'gyur/ /sa yi rdul gyis gos pa'i ri dags dag /rtswa dang 'dab nas tsam zhig sgrub byed ltar/ /sems ni dben par gzhol bar 'dod 'gyur gyi/ /gling bzhi'i phun tshogs rgya chen dag la'ang min/ /shing drung 'bab chu bsten pa'i dka' thub dag /yongs su 'dzin pa dag ni rnams spangs nas/ /rang sems tsam dang rab tu 'brel ba yi/ /bde 'byung gang de rgyal po rnams la med/ /ljon shing sngon po'i rtse mo rlung dag gis/ /rnam g.yo phra la snyoms pa'i char 'bab pa'i/ /mi g.yo rnam brtags nas ri yi sul gnas ni/ /dge slong mtshan mo dga' ba skyed par byed/ /rnyog can 'dod la 'dris pas phod pa yi/ /bdag bsnyen pa yi chags spangs ltos med cing/ /skye bral? nags gang yin par dga' bya yi/ /dge slong gyur nas don med 'gyur mi bya/ /dge slong rtags ni bdag nyid gnod med par/ /nyer blangs gang zhig sgrub par mi byed cing/ /dman la yongs su 'dzin pa'i 'dam byid ba/ /de ni 'tsho ba'i 'jig rten slu byed yin/ /chu dang rdo khu rtsa ba med pa yi/ /sa dbang 'jogs nas mi bzad g.yang dag du/ /rtog dang ldan pas shi ba bzod bya yi/ /bslab pa yongs su nyams pas 'jug mi bya/ /rgya mtsho rnam par 'khrugs pa'i rlabs tshogs su/ /rin chen khur gyis 'bru dag nub pa bzhin/ /khyim dang 'dris pa'i rnyed chags khur dag gis/ /gang dag mchog brtan rgya chen snub par byed/ /nags na sten pa'i zhi ba'i yid dag ni/ /gzhon nu ma yi 'gro bas dkrugs mtshon pa/ /mnyan po ji bzhin bdag nyid zhi 'dod rnams/ /sdom can rab tu dben nyid yang dag tsom/ /yul gyi ro yis dug gis nyer gdungs blo can dag /chags pa'i nyung ngu dag gis gdungs 'gyur na/ /de dag
- 229a
yongs su spong la brtson med pa'i/ /dka' thub kyi hud e ma'o rab nyams 'gyur/ /sdom can rkang pas 'gro zhing 'jog pa ltar/ /de ltar 'dris pas 'dod pa 'phel 'gyur te/ /rang rlabs chab ngogs mngon brdabs 'jigs rung bas/ /sprin chen char gyis ya mun na bzhin no/ /dka' thub ji ltar dman pa dag la yang/ /'dod lha'i dbang gis rjes su zhugs gyur pa/ /de ltar rang lag gis drang phun sum tshogs/ /rgyal chen khyim la khyim pa chags pa med/ /rang gi khyim dang gdod dag 'chi 'dzag par/ /brlan ba'i gnyen dag spangs par gyur nas ni/ /dman pa gzhan gyi khyim la chags pa yi/ /rab byung 'di la shin tu ngo tsha med/ /thar pa 'dod gang rang khyim spangs nas ni/ /mi shes gzhan gyi khyim dag 'dod byed pa/ /rgya mtsho rnam par 'khrugs pa'i rlabs tshogs las/ /bdag nyid rgyal nas glang rjes byin dang mtshungs/ /sdig pa spong byed de bzhin gshegs pa yis/ /gnang ba'i bsgrub pa dag gis 'di brtags gang/ /dman pa'i nor la 'dod pa'i sred pa yis/ /gzhan khyim la chags dri ma can du 'gyur/ /chu bo ni lus tsha yi me tog lhung ba'i dus bus mdza' mar bris/ /bye ma dkar po'i dogs dang dang pa ka dam pa dag gnas/ /nags kyi glang chen khyu dag rtse bas tha dad 'thor rlabs can/ /dgon gnas brtul zhugs can la dga' ba rab tu bskyed par byed/ /srid pa'i longs spyod don du gnyer ba'i yid dag rnam bsal nas/ /ma bsams yid 'ong bde ba brten pa rnams kyi gnas skabs ni/ /pad+ma kha phye bzhin du dka' thub rang gi grags pa yis/ /'jig rten yongs su dga' ba rab bskyed kun tu dpe las 'das/ /dka' thub ri dang nye ba'i shing rtsa rab yangs dang
- 229b
'brel bar/ /gnas pa'i tshom bu mi snyoms lhong ba'i bslugs par la chags pa'i/ /ba mo'i dum bu gos pa tho rangs nyi ma'i 'od zer gyis/ /lag pa dag gis nyul ba bzhin du rnam par skems par byed/ /khong stong shing drung rlung ni rgyu gyur kha ba'i tshogs chen 'bab/ /mdangs zad rab rtsub lo ma dag gis gdu bu bzhin bskor ba'i/ /'dod pa kun spangs shes rab rno ba'i brtul zhugs can dag la/ /mtshan mo rnam par skyo ba dag ni skyed par zad mi byed/ /shing gi lo ma'i tha ma la chags pa me'i chu dag gis/ /dum bu nyi ma 'char tshe mdog gyur nor bu dang 'dra ba'i/ /thig pa dag ni shing drung gnas pa'i dge slong la/ /'gro ba'i skye dang 'jig pa ji bzhin rab tu ston par byed/ /rab zhi'i bde ro shes pas 'khor los sgyur ba'i dpal 'byor kyang/ /yongs su spyad pas rnyings pa'i me tog phreng bzhin rnams spangs nas/ /lang tsho rang bzhin gyis g.yo dang tshul can dag yol byas te/ /dgon par ri dags 'drar 'chi zhi ba'i sems ni bsten par bya/ /'dod pa la 'dzin phyin ci log pa'i sems la ku mu ta'i/ /dum bu ltar dkar mi thod so dang 'brel pas nyer dgod dang/ /rlung gis bus pa'i ro sregs me yis nye 'khor shing bsregs pa'i/ /dur khrod dka' thub gcig pu la ni mtshan mo dga' bar skyed par byed/ /ljon shing tshogs dang rgya ches ri yi rtsa ba sngor gyur cing/ /rdo bas khyab dang bsil la rab dang ba yi chu 'dzag 'bab/ /rma bya rab dga' sgra yis khyab pa'i ri sul nang du ni/ /khyim du 'chi ba'i skyo ba'i sems ni rab tu dga' bar byed/ /'gro ba'i don ma byas pa'i 'chi bar 'gyur ba khyim dag la/ /dga' ba dag las dben pa mchog la slob byed sems can mchog /rdzogs pa'i byang chub sems ni rnyed gyur pha rol tshogs 'thob pa/ /srid pa'i dug gis
- 230a
sdong po'i rtsa ba brtan po 'byin par byed/ /nags tshig pa yi bya dang 'dra bar sdug bsngal brgya yi gzhir gyur pa'i/ /khyim gang yin pa yongs su spangs nas nags su 'gro byed pa/ /des ni srid pa'i gnyid rab bsal ba 'gro ba kun gyi mgon/ /sangs rgyas rab tu mnyes par byed pa yin zhes de skad grags/ /ma skad sngon po dang 'dra ne'u sing tshogs dag ni/ /shing rtsa nye bar bkod dang yal ga me tog gis bskor ba'i/ /zhi ba'i nags mdza' kye ma'o dge slong mchog gis spangs byed pa/ gsang phyir rngon po'i glu yis drangs par gyur pa'i ri dags mtshungs/ /'phags pa'i bzhed pa bde bar gshegs pa'i lam gyi rjes 'brangs nas/ /nags dang 'dra bar khyim na rang gi don dag sgrub byed kyang/ /rnam par 'tshe ba rang bzhin gyis med nags ni dben pa yis/ /sems ni 'ching ba dag ni 'bad pa med par gcod par byed/ /'dod chags gang dag de la dgos par 'gyur bas kun 'thel zhing/ /legs spyad thub pa'i bstan pa dag kyang nyams byas nas/ /me dpung rab tu 'bar ba rgal dka' i khong ni mthar thug pa'i/ /ngan song dag tu dge slong bde chung la chags 'gro bar 'gyur/ /gang zhig nyes pa ma lus gdung ba zad byed sangs rgyas pa'i/ /legs par bshad pa khas blangs nas ni ngan 'gror nges 'byin pa/ /utpal sngon po'i snying po'i dri mchog dag dang chu dum bu/ /ser la bsil ldan rlung gi de dag ji ltar tshim par 'gyur/ /sa ra sa yi sgra ni rang bzhin snyan pa'i glu dbyangs dag /ldog pa med par sgrogs par gyur pas phyogs rnams khyab gyur pas/ /brtul zhugs can gyi 'gro dang gnas pa dag las du ba skyes dang/ /lus lhong rgyus pa'i
- 230b
mtshan gyi gung thun gnyid dag sad par byed/ /rang gi 'od kyi dkyil 'khor gyis spras yongs su gnas pa yis/ /zla ba'i 'od zer tshogs kyi dpal 'joms shin tu zil gnon pas/ /dge ba'i rtsa ba nyer bsags bskal ldan 'jig rten la gzigs shing/ /rang byung 'phags pa mchog gi mgon po de yang brten par mdzad/ ci ste gang zhig nang gi dgra la nges rgyal bya ba byas pa yi/ /ston pa 'jig rten mdza' gzigs de yang nags dag bsten mdzad na/ /yang dag rtogs med skye bo mi gtsang 'dam du bying gyur pa'i/ /sdom can zhi 'dod bde gshegs rjes su ci phyir 'jug mi byed/ /bdag tu log par 'dzin par gyur pas nyin dang mtshan/ /srin bus ji bzhin rnam rtog sdig can dag gis zos pas na/ /nyon mongs rnag gis nyer gos zhi ba'i chu yi bum pa yis/ /bkrus ba bzhin du sems ni skye ba med nags ston par gyis/ /'bras bu'i lcid kyis yal ga gug pa'i tha ma lo ma yis/ /gsal gyur lcug ma me tog kha phye'i dga' byed rgyud ldan pa'i/ /nags kyi shing ni dge slong phongs bral brtan pa la/ /mdza' bo bzhin du shin tu dbugs ni 'byin par byed/ /zla ba shar ba kha ba babs pas bsgribs pas 'gog 'gyur ba'i/ /dgun gyi mtshan mo dag ni rab zhi bde ba 'dod rnams kyi/ /rnal 'byor rtswa yi stan la dga' ba dag la tho rangs dag /nags kyi shing na yib pa'i byin 'dra bar byed/ /shing dang nye ba'i ri yi rked du mi g.yo skyil krung bcas/ /me tog gis bskor rab dga' i rlung gis g.yo bar byed pa na/ /'gro bsnyen srid gsum rnam rgyal dus na byang chub snying po yi/ /gdan la bzhugs bzhin sdom can mtshan mo rjes su sgrub par byed/ /dman pa'i 'gro ba'i sems kyis reg byas dregs pa'i chags pa dag /'dod bya don du gnyer ba rnams kyis khyad par spangs
- 231a
nas ni/ /'phags pas rjes chags bstan pa mi snang 'ching ba 'jigs pa yi/ /'dod pa lhag ma med par dga' bzhin nags su zhi bar bya/ /skye dang 'chi dang na pa'i sdug bsngal mthar ni ma byas par// srid pa'i rgya mtsho dag tu bying 'gyur bag med ma byed cig /mthar byed kun gyi srog kyang 'phrog par byed pa gang 'di ni/ /rgyun mi chad par 'gro la sta re'i so dag 'dar bar byed/ /sa 'dzin pa yi chu bo'i tshogs dag 'bab pa lta bu ni/ /chos kun gnas pa'i rang bzhin rjes su shes nas ni/ /rol sems ldan bzhan las dam pas legs par grol ba yi/ /srid pa chags bral rab zhi dga' ba dag la sten par gyis/ /smra ba tsam ni nus su zin kyang tshig la gnas pa'ang grub med de/ /skyes bu tshig dag snying por byed pa ston gyi chu bral sprin dang mtshungs/ /gang phyir de bzhin gshegs pa'i bstan pa 'di la sgrub pa snying po nyid/ /de phyir de nyid la 'jug blo gros yin bzo'i tshig la mkhas/ /kun nas nyon mongs dgra 'di yi/ /bdag nyid bran du gyur pa ste/ /de bas bdag sems zhi byed cing/ /rang nyid yongs su smra bar byed/ /dben pa'i gtam slob dpon chen pos 'tsho byin gyis mdzad pa rdzogs so// //rgya gar gyi mkhan po dI baM kA nga dang/ zhu chen gyi lo tsA ba dge slong dge ba'i blo gros kyis bsgyur cing zhus te gtan la phab pa'o// //bkra shis so/ / mang+ga laM/ /chos smra ba dam pa'i chos nyan pa la gus par bya ba'i gtam bzhugs so// //rgya gar skad du/ sat+tya? kri tyA d+harmA ba tsa na? sid+d+harmA sh+rA ba ka ka thA/ bod skad du/ tshes smra ba dam pa'i chos nyan pa
- 231b
la gus par bya ba'i gtam/ 'jam dpal gzhon nur gyur pa la phyag 'tshal lo/ /sangs rgyas bcom ldan 'das gang zhig gser btso ma dang ka ni ka dang nyi ma shar ma thag gi 'od 'bar zhing gsal bar byed pa dang/ /rgya cher mi phyed pa'i 'od dang/ bco lnga'i zla ba'i dkyil 'khor thams cad du dri ma med cing rnam par dag pa dang/ /tsaM pa ka dang/ a shA ka rab tu rgyas pa dang/ bai DUrya dang inda? nI la dang rdo rje dang ldong ros dang pad+ma dang glog gi 'od pas lhag pa dang/ /gser bzang po'i 'od dang ldan pa'i bcom ldan 'das 'jig rten gsum gyi bla ma/ /dpag tu med pa'i yon tan gyi tshogs kyis brgyan pa/ rin po che'i gteng bsdus pa/ /sangs rgyas bcom ldan 'das de dag ni mgon du gyur pa/ bla mar gyur pa/ chos kyi rje/ spyod pa dang ldan pa/ sku dang gsung dang thugs kyis gnod pa med par kun tu spyod pa/ /stobs bcu mnga' ba/ mi 'jigs pa bzhi yis bsnyengs pa mi mnga' ba/ khyu mchog gi mchog seng ge'i sgra sgrogs pa/ dbang po dang/ nye dbang dang/ drag po dang/ gshin rje dang/ chu lha dang/ lus srul po dang/ nyi ma dang/ lha ma yin dang/ nam mkha' lding dang/ dri za dang/ mi 'am ci dang/ lto 'phyen chen po dang/ gnod sbyin dang/ srin po dang/ sha za dang/ grul bum dang/ rig pa 'dzin pa rnams kyis mngon par bstod pa/ byams pa dang snying rje dang dga' ba dang btang snyoms kyis bsam gtan mchog gi dran pa brnyes pa/ dran pa nye bar gzhag pa dang rdzu 'phrul gyi rkang pa dang yang dag par spong ba rnams la lhag par mos pa/ /zil gyis gnon pa'i skye mched dang zad par gyi skye mched dang stong pa nyid dang 'phags pa'i lam yan lag brgyad par ston pa dang/ thugs rje chen pos yang dag par bskul ba/ gser dang dngul dang shel dang nor bu dang baiDUrya dang rdo rje in+d+ra nI la
- 232a
dang zla ba'i 'od rnams las lhag pa'i 'od mda' ba/ rnam par gzigs dang/ gtsug tor dang/ thams cad skyob dang/ 'khor ba 'jig pa dang/ gser thub dang/ 'od srungs dang/ dgra bcom pa yang dag par rdzogs pa'i sangs rgyas shAkya thub pa la sogs pas gsungs shing rjes su bstan pa 'di la/ kye dge slong 'di lnga ste/ chos bshad pa dang chos kyi gtan la dga' zhig tu tshogs shing 'dug ste/ 'dug nas bya ba gnyis pa gang yang rung ba gcig la rjes su gnas par bya ste/ chos kyi gtam bya ba 'am yang na 'phags pa'i mi smra bas rjes su gnas par bya'o/ /de la 'phags ba'i chos dang ldan pa'i gtan du gyur pa dang/ 'phags pa'i mi smra bar gyur pa de gnyis ni nges par legs pa'i rgyur 'gyur ba yin te/ phyis ma rtog pa'i phyir dang/ the tshom gcod pa'i phyir nges par stobs kyis gzung ba'i phyir de skad du bcom ldan 'das kyis bka' stsal cing 'di skad du gsungs so/ /dge slong dag gang zag gnyis po 'dis bsod nams mang po bskyed de sdig pa'i rtsa ba 'byin cing bdud dang g.yul 'gyed par byed/ /bdud kyi rgyal mtshan snyol bar byed/ chos kyi rgyal mtshan bsgreng bar byed/ de bzhin gshegs pa'i chos kyi 'khor lo bskor bar byed do/ /gnyis gang zhe na/ gang gus par byas te chos 'chad pa dang/ gang 'di ni gus par byas te chos nyan pa'o/ /de bas na khyod kyis gus pas chos bshad par bya zhing bla ma rnams la gus par byas te chos nyan par bya'o/ /de bzhin gshegs pa rnams ni 'byung ba dkon no/ /mir skye ba ni rab tu dkon no/ /ngal 'byor phun sum tshogs pa ni dkon no/ /de bzhin gshegs pa'i bstan pa la dad ba ni dkon no/ /de bas na 'khor ba'i nyes pa la kun tu brtag pa la gus par byas te
- 232b
chos mnyan par bya'o/ /de ci'i phyir zhe na/ 'dir brjod par bya ste/ nges par dam pa'i chos nub par 'gyur zhing chos kyi snang ba dang bral bar 'gyur/ ye shes kyi snang ba rab tu nub par 'gyur la/ dge ba'i bshes gnyen dang phrad par mi 'gyur te/ rab tu 'jigs pa dang bcas pa'i dus nye bar gnas shing/ /chos dang mi ldan pa'i sems can rnams dang lhan cig 'grogs par 'gyur bar shes par byas nas gus par byas te chos mnyan par bya'o/ /cung zad chos kyi gru ni zhig par 'gyur/ /ye shes kyi ri ni rdib par 'gyur/ chos kyi nyi ma ni nub par 'gyur/ chos kyi chu bo ni skams par 'gyur/ chos kyi gtam gyis ni dben par 'gyur/ dbang po'i rtod thag ni chad par 'gyur/ /byang chub kyi yan lag bdun gyi me tog ni skams par 'gyur/ gsung rab kyi rgya mtsho ni bo bar 'gyur/ dran pa'i lcag ni chag par 'gyur/ rnal 'byor gyi dbang phyug ni yongs su mya ngan las 'das/ nyon mongs pa'i chom rkun ni stobs dang ldan par 'gyur la ring por mi thogs par yang dag pa'i spang leb bshig pas bcos legs byas pa/ dran pa'i gru skyabs yongs su srung ba/ gdugs dang rgyal mtshan dang ba dan legs par btsugs pa/ ting nge 'dzin gyi zhal che bas rtsong pa yongs su skyod ba/ dad ba'i lam rgyags dang ldan pa/ brtse ba'i bdud chu'i tshogs dang bcas pa/ dbang po dang stobs dang byang chub kyi lam gyi rin po ches yengs su bskang ba dang/ slob pa dang mi slob pa'i tshogs yongs su rgyu ba/ chos smra ba'i bag chags rab tu sad par byed pa thams cad mkhyen pa'i 'bad pas rab tu 'phel zhing spogs phyin pa/ dam pa'i chos kyi gtam gyis bcos pa'i rgya mtsho rba rlabs kyi shugs kyis bskyod pa/ dam pa'i chos kyi gru thams cad kyi thams cad
- 233a
nub par 'gyur ro zhes shes par byas la/ sems can rnams kyis khong du chud par bya ba la 'bad pas dam pa'i chos kyi tshogs nub pas phyis yid la gcags pa med par bya ste/ 'jig rten ma rig pas mig long ga ser sna'i dga' bas g.yogs pa/ phyogs dang mtshams la rtag pa dang chad par rnam par lta ba/ skye ba dang rga ba dang na ba dang 'chi ba dang/ sdug bsngal gyis kun tu gdungs pa/ 'chi ba'i g.yang sar lhung ba/ 'khor ba'i rtod thag gis kun tu brtod pa/ gshin rje'i pho nyas sgrag pa/ bya ba ngan pa la chags pa'i blo dang ldan pa/ phan tshun rtsod pas g.yengs pa'i sems can rnams phyin bcad yid la gcags par mi 'gyur ro/ /de bas na 'khor ba'i nyes// pa spang bar 'dod pa dang/ bdud kyi spyod yul spang bar 'dod pa dang/ phung po'i khur dor bar 'dod pa dang/ nyon mongs pa'i shing bcad par 'dod pa dang/ ye shes kyi rdo rje 'chad bar 'dod ba dang/ 'khor ba'i 'khor lo phye mar brlag par 'dod pa dang/ ser sna? rgya mtsho bskams pa 'dod pa dang/ sdug bsngal gyi rgya mtsho dbo'? bar 'dod pa dang/ khams gsum gyi tsher ma rim gyis shin tu dkrug par 'dod pa dang/ nyon mongs spangs pa'i 'phags pa'i gang zag gi tshogs thob par 'dod pa dang/ ye shes kyi mig yongs su spyad par 'dod pa dang/ mchod pa'i gnas su 'gyur bar 'dod pa dang/ 'khor ba'i 'brog las rgal bar 'dod pa dang/ 'phags pa'i lam nas 'gro bar 'dod pa dang/ mya ngan las 'das pa'i grong khyer du 'jug par 'dod pa dang/ nyon mongs pa'i tsha bas gdung ba'i yid tshim par byed par 'dod pa rnams kyis gus par bya ba dang/ dam pa'i chos kyi chus dbang bskur ba la 'bad par bya'o/ /de ci'i phyir zhe na/
- 233b
brjod par bya ste/ dam pa'i chos thos? pas sor mo'i phreng ba ma gsod pa las log par gyur pa dang/ gnod sbyin 'brog gnas mi rnams gsod pa las log par gyur pa dang/ klu'i rgyal po sog ma med lo tog 'joms par byed pa dang/ gnod sbyin mo 'phrog ma srog chags brgya phrag du ma gsod pa las log par gyur pa dang/ gnod sbyin pa spu khab dug gis rdeg par byed cing gsod pa dang/ rgya mtsho na gnas pa'i nya ti ming gi la tshod pa stong phrag du ma gsod par byed pa dang/ spal ba dud 'gro log par ltung ba'i 'jigs pa dang/ zla ba sgra gcan gyi 'jigs pa dang/ nyi ma lha ma yin gyi 'jigs pa dang/ brgya byin ngan song gis 'jigs pa dang/ tshangs pa rtag par lta ba las dang/ rtag tu 'tsho ba bdag tu blta ba las kyang/ gcer bu pa'i bu log pa'i bya ba la mngon pa sbyor ba las dang/ brad ze grags pa'i rigs mngon par zhen pa dam pa'i chos thos pas log go /de dag la sogs pa gzhan dag du ma thar pa'i skom gyis gdungs shing srid pa'i yal ga gcod par 'dod pa dang/ /ma rig pa'i spubs dral bar 'dod pa dang/ /shes rab kyi snang bas blta bar 'dod pa dang/ 'khor ba'i chu bo brgal bar 'dod pa dang/ de dag dam pa'i chos thos pas 'gro bar lnga'i 'khor bar 'gro ba las rab tu grol bar 'gyur ro/ /de lta bas na gus par byas te dam pa'i chos 'bad pas mnyan par bya'o/ /yang 'di skad du/ mkhas pas nad la sman pa bzhin/ /thog mar dam pa sten par bya/ /nad sos bya phyir 'bad pa yis/ /sman ni sman pa la nyan ltar/ /dam pa'i chos ni mnyan par bya/ /blo dang ldan pa'i skyes bu yis/ /sman de rnams ni thos nas su/ /gus pas bsten par byed pa ltar/ /de bzhin byas pas 'chi med 'grub/ /bdud
- 234a
rtsi de ni 'thung pa yis/ /mchog ni thob par 'dod pa yin/ /chos smra ba dang dam pa'i chos mnyan pa la gus par bya ba'i gtam slob dpon sa 'tsho sbyin gyis mdzad pa rdzogs so// // rgya gar gyi mkhan po gnas brtan a dzi ta sh+rI b+ha dra dang/ lo tsA ba dge slong shAkya 'od kyis bsgyur ba'o// //rgya gar skad du/ ud na ka thA/ bod skad du/ ched du brjod pa'i gtam/ 'phags pa 'jam dpal la phyag 'tshal lo/ /ji ltar chu srin kha ru rgya mtsho'i gzings rgyug bzhin du mi 'dod kyang/ /rmongs pa bdag 'dra las kyi dbang gis 'chi bdag kha ru rings par rgyug /snying rje med pa'i 'chi dag bdud kyis 'gro ba gzhan yang de bzhin ming/ de phyir cung zad skrag pa'i yid kyis dge ba'i bshes la 'dir phyag 'tshal/ /mkha' la nyi ma'i 'od zer gyis zil pa bzhin du bdag gi tshe'i tshad/ /ring por gnas pa'i mthu med las dang 'bras bu grib ma bzhin du 'brang/ sha kho na yod pa'i dgra bzhin gshen rje'i tshogs rnams dga' ba'i bzhin gyis blta/ /de tshe nye du rnams kyang bor zhing bdag nyid kho na skrag cing 'gro /sngan chad shi ba ? bshes dang 'grogs pa ma mthong rgan rab dag las yin// lung las ma gsungs phyis kyang mi 'byung da ltar bdag la gder ci yod/ /gson tshe 'di ni tshong khang chen por 'dus pa'i skye bo bzhin du 'gro/ /kwa'i sems khyod bag med ma byed glo bur ba des khyod ni bzung bar long/ /deng sang skye bo phal cher rnyed dang bkur stis 'chungs shing bdud dbang song/ /ngan song rgya mtsho 'phel zhing dkar po'i phyogs 'gribs lha rnams smre sngags 'don/ /sdom brtson can dag bslab las ltod cing khyim pa dag gi pho nyar 'gro/
- 234b
lha min phyogs 'phel nag po klu yis nad rnams sna tshogs gtong bar 'gyur/ /de tshe 'gro ba skyab pa'i don brtson thugs rje can gyi bcom ldan 'das/ /bsnyel ba mi mnga' de la dga' ba'i bzhin gyis sems khyod skyabs su der/ /dper na rjo bo'i las la bran gyis bzhin du thugs rje can gyi don/ /mdzad pa gang yin de la bdag gis zhes bya yang dang yang du bslab/ /'gro ba mgu bas thams cad mkhyen par mnyes par bla ma de skad gsungs/ /de mnyes byas pas bdag don 'gyur na de la sems khyod ci zhig skyo/ /don lnga bsdus pa'i gtam 'di bdag sems gdul ba'i ched du nges par byas/ /bsod nams de yis 'gro ba ma lus sangs rgyas spyan rnams thob par shog /ched du brjod pa'i gtam drang srong chon po zla bas mdzad pa rdzogs so// //lo tsa ba tshul khrims rgyal bas bsgyur// //rgya gar skad du/ a ni tya martha pa ri ka thA/ bod skad du/ mi rtag pa'i don gyi gtam/ /dkon chog gsum la phyag 'tshal lo/ /gang phyir 'dus byas thams cad ni/ /rkyen gyis gzhan du 'gyur ba ste/ /rtswa? rtse rlung gis bskyod pa yi/ /zil pa bzhin du mi rtag go /gang zhig 'chi bdag rgos ma'i kha/ /ngag gang dka' der ni mi 'jug pa/ /mtho ris yang dag sa stengs su/ /skyes bu de la yod dam ci/ /'di ltar sa gzhi bstan pa la/ /bsreg pa'i me 'byung kho na bzhin/ rang bzhin lhan cig skyes pa yis/ /mi rnams 'chi la re bzhin no/ /gzugs dang longs spyod thos pa dang// tshul khrims la sogs rtag min te/ /gang yang 'dod chags bral ba yang/ /kun tu gnas pa ma mthong ngo/ /rgyal ba 'jig rten mgon gcig pu/ /sdom brtson skye bo bzang po yang/ /gang gis ji skad du ni brjod/ /tshe ni mi rtag chu
- 235a
yi ri mo 'dra/ /skye dgu 'di dag skye na gcig pu ste/ /de bzhin 'chi na'ang gcig pu 'chi bar 'gyur/ /'di ni gcig pus sdug bsngal myong 'gyur gyi/ /'khor ba na ni grogs yod ma yin no/ /mi rtag pa'i don gyi gtam zhes bya ba snyan dngags mkhan chen po dga' ba'i dbang pos mdzad pa rdzogs so// //kha che'i paN+Di ta bi na ya dang/ lo tsha grags 'byor shes rab kyis bsgyur ba'o// //legs pa'i lam bstan pa slob dpon dpa' bos mdzad pa bzhugs// /rgya gar skad du/ su pA da de sha ba ri ka thA/ bod skad du/ legs pa'i lam bstan pa'i gtam/ /dkon mchog gsum la phyag 'tshal lo/ /byang chub sems dpa' sems dpa' chen po 'jam dpal gzhon nur gyur pa la phyag 'tshal lo/ /bdud ni mdza' yas sde dang bcas pa bstan pas 'bad pa med par rgyal mdzad la/ /rmad du byung ba'i gnas mchog brnyes nas drang srong 'jig rten pa la brtson par mdzad/ /gang phyir thugs rjes mchog tu gzhan don la ni brtson par mdzad/ /yon tan kun gyi gter du gyur pa sangs rgyas de la rtag tu phyag 'tshal lo/ /gang zhig rnyed na sdug pa dang bral las byung mya ngan rnams kyis nyon mongs med/ mi sdug pa dang phrad las byung ba'i sdug bsngal rnyed sla 'byung bar 'gyur ma yin/ 'chi dang na dang rga dang rgud pa'i sdug bsngal slar yang 'byung mi 'gyur/ /sdug bsngal rnams ni mthar zad phung po lhag med lam bcas chos la phyag 'tshal lo/ /gang zhig dang sogs stobs kyis stobs chen bdud ni rnam par 'byed mdzad la/ /blo ni dge sbyong 'bras bu'i don gyi rgyan gyur 'jig rten 'das pa nyid du gyur/ /gang la byin na 'bras bu dpag med skye 'gyur thub pa'i slob ma dge bdun ni/ /tshangs dang dbang po sogs
- 235b
kyis phyag byas blo sbyangs yon tan rgya mtsho de la bdud/ /'gro ba rnal 'byor spyod pa byams pa'i sems ldan 'dod pa'i don ni rdzogs phyir dang/ /dam chos gsal bya'i phyir dang chos ston skye bo rnams la brtse bar bya ba nyid dang ni/ /dam pa rnams ni rab tu mgu bar bya dang bdag nyid kyis ni chos rnyed phyir/ /legs pa'i lam gyi gtam ni thub dbang gsung dang sbyar te bdag gis bshad par bya/ /bden la dga' zhing tshig re'ang nyams su len gyur rnams/ /rgyal ba'i legs bshad rab tu dga' bar gyur pa rnams/ /nyid kyi sku yis bsdus nas nye bar bsags pa ni/ /gang yin de dag dang pa'i yid kyis mnyan par bya ba'i rigs/ /de la legs pa'i lam ni tshul khrims dang/ /ting nge 'dzin dang/ shes rab yin te/ legs par gyur pa'i lam yin pas na legs pa'i lam mo/ /legs pa'i zhes bya ba ni mchog tu bsngags pa ste/ /de ni gcig tu phan pa nyid yin pa'i phyir las dang nyon mongs ba'i gtsub shing las byung ba'i sdug bsngal nyid kyi me gsum rab tu zhi bar byed pas mya ngan las 'das pa yin no/ /lam zhes bya ba ni des mngon par 'dod pa'i don thob par bya ba'i phyir 'dis tshol bas na tshol bar byed pa'i don gyis na lam mo/ /de yang rtogs pa'i thabs kyi rim pa'i cho ga yin no/ /yang na nges par 'byung ba la phan pa nyid yin pa'i phyir rten par bya ba yin la/ de yang tshul khrims dang/ ting nge 'dzin dang/ shes rab yin pas na tshul khrims dang/ ting nge 'dzin dang/ shes rab ni legs pa yin no/ /de yang bcom ldan 'das kyis tshul khrims ting nge 'dzin shes rab ni/ chos rtogs phyir ni bsgoms pa yis/ /byang chub mchog ni thob gyur nas/ /khyod ni nges par bcom gyur par/ /sdig can gyis ni shes par gyis/ zhes gsungs pa yin no//
- 236a
de la tshul khrims zhes bya ba 'di ni kha na ma tho ba med pa'i bde ba nyams su myong ba dang ldan pas na tshul khrims so/ /yang na 'dis 'gyod pa med pa'i bde ba sten cing yon tan gcig nas gcig tu brgyud ba'i bsngags pa len pa'i phyi tshul khrims te la ni len pa'o/ /yang na tshul khrims dang ting nge 'dzin la skad kyi dbyings las tshul khrims su 'gyur te/ lus dang ngag dang yid kyi las yang dag par sdom pa zhes bya ba'i tha tshig go /de yang bram ze lus kyis legs par spyad pa rnam pa gsum gyis chos la spyod par 'gyur ro/ /ngag gi ni bzhi'o zhes bya ba la sogs pa ji skad gsungs pa lta bu'o/ /yang na bsil bar gyur pas tshul khrims te/ de yang 'chi ba'i mthar thug pa'i bar gyi sems kyi gdung ba rab tu zhi bar byed pa'i don gyis so/ /de yang tsan dan shing gis gdung ba sel min zhing/ /tsandan sa mchog gis byugs phreng bas min/ /chu yis legs rgyas sprin gyi rlung gis min/ /ku mu nga rgyas smra med rdzing bus min/ /padmo utpal sna tshogs kyis khyab pa/ /spos chus brlan pa'i nor bu'i sa 'am ni/ /sdug pa'i lag pa rtse mos 'dren pa 'am/ /me tog phreng ba thigs phran 'jigs pa yis/ /srog mthar gyur pa 'byung ba'i dus su ni/ /dus de'i me 'drar 'jigs pa'i gdung mi sel/ gang phyir tshul khrims dran na'ang sel byed de/ /de phyir de ni tshim byed rnams kyi mchog /yang na nyes par spyod pa'i mi shis pa med pa'i phyir dang/ bde ba'i rnam par smin pa gnod pa med pa dang ldan pas na zhi ba yin pa'i phyir tshul khrims so/ /yang na 'di ni mgo bor gyur pa na/ /de'i phyir tshul khrims zhes bshad la/ tshul khrims nyams pas 'chir 'gyur ba/ /dper
- 236b
na mgo bo bcad dang mtshungs/ /de yang dge slong dag gang bslab pa btang nas nyam chung bar ston cing dman pa shas che bar 'dod pa'i gnas su lhung ba 'di 'phags pa'i chos 'dul ba 'di la 'chi ba zhes bya'o/ /zhes ji skad gsung pa lta bu'o/ /yang na bde 'gro ste thar pa dang/ /'jig rten la phan par 'dod pa'i dam pa rnams kyis bsten par bya ba yin pas na/ /tshul khrims zhes bya'o zhes bya ba'i tha tshig go /yang na dge ba'i lus dang ngag gi las rnams ni tshul khrims zhes bya ste/ de yang sangs rgyas kyis gsungs pa'i lus dang ngag gi las bya ba dang bya ba ma yin pa rnams la de bzhin du 'jug pa'o/ /yang na 'tshe ba med pa'i bsam pa las nges par 'byung ba'i lus dang ngag gi rang bzhin gyi legs par spyod pa las byung ba dang/ mi dge ba'i las kyis tshul las ldog pa'i mtshan nyid ni tshul khrims/ /yang na lus dang ngag gis gzhan la phan pa dang 'tshe ba med pa rnam par 'phel ba ni tshul khrims yin na/ yang na yang dag pa'i lus dang ngag dang 'tsho ba yin la/ de yang lus dang ngag gi nyes par spyod pa las ldog pa'i mtshan nyid de/ 'gyod pa med pa la rab tu 'jug pa ste/ de dbang po sdom pa'i gnas la gnas pa'o/ /yang na de'i lus dang ngag gi sdom pa'i mtshan nyid de/ sdom pa med pa las ldog pa la nye bar gnas pa yin/ de ni dge ba'i rtsa ba'i gnas la gnas pa yin no/ /yang na lus dang ngag gtsang ba nyid kyi mtshan nyid ni tshul khrims te/ zag pa med pa'i bde ba la nya bar 'jog pa yin la/ de ni dad pa dang ldan pa'i gnas las gnas ma yin no/ /de ni rnams pa gnyis te/ bcas pa'i tshul khrims dang/ ma bcas pa'i tshul khrims so/ /bcas pa'i tshul khrims mig dang rna bas bcas pa'i lus
- 237a
dang ngag gi dge ba'i las so/ /ma bcas pa'i tshul khrims ni yid kyi shes par bya ba'i lus dang ngag gi sdom pa'o/ /yang rnam pa gnyis te/ sbyor ba las byung ba dang/ sbyor ba las byung ba ma yin pa'o/ /sbyor ba las 'byung ba ni gang lus dang ngag gis sbyong bas bsags pa'o/ /sbyor ba las byung ba ma yin pa ni gang yin zhan du gyur pa las kyang nye bar bsags pa'i grangs su 'gro ba'o/ /yang gnyis te/ dam bcas pa sngon du 'gro ba dang/ chos nyid kyi thob pa'o/ /rab tu byung ba dang dus mnyam du 'am/ khyim pa bslab pa men par khas len pa 'am/ nor gtong bas ste/ 'di ni sdom pa yang dag par len pa sngon du 'gro ba'i tshul khrims so/ /yang brgyad pa la sogs pas lam bskyed nas zag pa med pa thob pa de ni chos nyid kyi thob pa'o/ /yang na 'jug pa dang ldog pa zhes bya ba rnam pa gnyis te/ de bzhin gshegs bas rjes su gnang ba'i lus dang ngag gis las la sbyor ba de ni 'jug pa'i tshul khrims so/ gang bkag pa de mi byed pa ni ldog pa'i tshul khrims so/ /yang na sangs pa'i tshul khrims dang/ ma spangs pa'i tshul khrims so/ /de la gang lus dang ngag gi nyes par spyod pa mi byed pa de ni spangs pa'i tshul khrims so/ /lus dang ngag gi legs par spyod pa la rjes su 'jug pa ni ma spangs pa'i tshul khrims so/ /yang dag pa dang/ ma dag pa'i dbye bas rnam pa gnyis te/ srid pa dang/ lta ba ngan pa dang/ nga rgyal dang/ yang dag pa ma yin pa'i rtog pa dang ma 'dres pa dang/ yongs su tshang ba ni dag pa'i tshul khrims so/ /de las go bzlog pa ni ma dag pa'o/ /dag pa la gnyis yod pas rnam pa gnyis te/ gang 'da' ba med par rnam par byang ba de ni ltung ba med pa'i
- 237b
rnam par dag pa'i tshul khrims so/ /gang ltung pa slar bcos pas rnam par dag pa de ni ldang ba'i rnam par dag pa'i tshul khrims so/ /yang rnam pa gnyis te/ ltung ba med pas mchog tu gyur pa dang/ rnam par dag pas mchog tu gyur pa'o// gang rgyun tu zhugs pa la sogs pa ni bsams bzhin du 'da' ba med pas de ni ltung ba med pa mchog tu gyur pa'i tshul khrims so/ /dgra bcom pa dang/ ring sangs rgyas dang/ yang dag par rdzogs pa'i sangs rgyas kyi gang yin pa de ni rnam par dag pa'i tshul khrims so/ /yang na slob pa dang mi slob pa dang so so'i skye bo la brten pas tshul khrims rnams pa gsum ste/ slob pa dang/ mi slob pa dang/ slob pa yang ma yin mi slob pa yang ma yin pa'o/ /yang na sems kyi dbang las dge ba dang mi dge ba dang lung du ma bstan pa nyid kyis rnam pa gsum ste/ mi mnyam pa dang/ mnyam par yongs su smin pa dang/ yongs su ma smin pa'o/ /mi mnyam pa yongs su gyur pa ni gang gzhan la 'tshe ba'i phyir bsten pa'o/ mnyam par yongs su gyur pa ni sdug pa dang dbang po dang yul nyams su myong ba'i don du gang la brten pa'o/ /yongs su gyur pa ma yin pa na 'gyod pa ma yin pa'i don du gang la brten pa dang 'gyod pa med pa gang yin pa'o/ /yang dman pa dang/ 'bring dang/ mchog ste rnam pa gsum ste/ nye ba'i nyon mongs pa drag po snyen pa dang chog mi shes pas gi byin nyams pa ni dman pa'o/ /nyon mongs pa srab pa dang chog shes pa dang ldan pa ni 'bring ngo/ /nyon mongs pa med pas bsal la chog shes pas rab tu phye ba'i rnam par dag pa'i tshul khrims ni mchog ga/ yang dbang du bya ba rnam pa gsum gyi gsum ste/ 'jig rten gtso bor byed pa'i gang zag ni khrel yod pa can te/ 'jig rten gyi dbang du byas
- 238a
nas sdig pa spong ba ste/ de ni 'jig rten pa'i dbang du byas pa'i tshul 'khrims so/ /chos la gus pa'i chos gtso bor byas nas sdig pa spong ba de ni chos kyi dbang du byas pa'i tshul khrims so/ /bdag gtso bor byas pa ni bdag nyid ngo tsha bas bdag nyid rjes su bsrung zhing sdig pa spong ba de ni bdag nyid kyi dbang du byas pa'i tshul khrims so/ /yang 'jig rten pa dang/ 'jig rten las 'das pa dang/ 'jig rten las 'das pa las 'das pa ste/ rnam pa gsum yin la/ so so'i skye bo rnams kyi ni 'jig rten pa'o/ /'phags pa'i lam dang 'bras bu la gnas pa rnams kyi ni 'jig rten las 'das pa'o/ /sangs rgyas bcom ldan 'das rnams kyi ni 'jig rten las 'das pa las kyang 'das pa'o/ /yang tshul khrims ni sred pa las gnas pa dang/ lta ba la gnas pa dang/ nga rgyal la gnas pa dang/ gnas pa med pa rnam pa bzhi'o/ /de la sred pa la gnas pa ni srid pa dang longs sbyod kyi don du byed pa'o/ /lta ba la gnas pa ni tshul khrims dang brtul zhugs mchog tu 'dzin pas bcom pa'o/ /nga rgyal la brten pa ni bdag la bstod pa dang gzhan la smod pas bcom pa'o/ /gnas pa med pa ni gnas pa'i nyes pa las grol zhing rnam par grol ba'i chogs su gyur pa dang zag pa med pa'o/ /yang tshul khrims ni nyams pa dang/ gnas pa dang/ khyad pa dang/ nges par 'byed pa'i cha nyid gyi sten ma pa bzhi'o/ /mi mthun pa'i phyogs ma spangs pa dang/ tshul khrims dang ldan pa yang dag par mi brten pa dang/ /skye bo tshul khrims 'chal pa dang 'grogs pa dang/ rtog pa ngan pa'i go skabs 'byed pa dang/ shes bzhin du 'da' bar byed pa dang/ ltung ba 'chabs bas tshul khrims las
- 238b
nyams pa'i skal ba can du 'gyur ro/ /tshul khrims la bag yod pa dang/ bslab pa la mang du bcas par byed pa dang/ zhi gnas dang lhag mthong la mngon bar brtson pa ni tshul khrims gnas pa'i skal ba can du 'gyur ro/ /tshul khrims ting nge 'dzin gyi bya ba rnams la bag yod pa dang/ lhag mthong gi rim pa la shas cher brtson pa'i tshul khrims ni khyad par can gyi skal ba can du 'gyur ro/ /tshul khrims dang ting nge 'dzin phun sum tshogs pa dang/ shes rab la mngon par brtson pa'i tshul khrims ni nges par 'byed pa'i cha'i skal ba can du 'gyur ro/ /yang dge slong dang/ dge slong ma dang/ bsnyen par ma rdzogs pa dang/ khyim pa las bcas pa'i khyad par gyi rnam pa bzhi'o/ /dge slong gi tshul khrims de ni so so thar pa'i sdom pa'o/ /dge slong ma'i tshul khrims ni ngag slong ma'i so so thar po'i sdom pa'o/ /dge sbyong gi dpang du byas pa'i sdom pa bslab pa'i gnas kyi sdom pa ni dgu dang/ bya rog skrod nus pa'i bslab pa'i gnas kyi sdom pa ni brgyad de/ de dag ni bsnyen par ma rdzogs pa'i tshul khrims so/ /bslab pa'i gzhi la dang gso sbyong gi zhag bslab pa'i gnas brgyad ni khyim pa'i tshul khrims so/ /yang rang bzhin dang/ chos nyid dang/ sdom pa dang/ spong ba zhes bya ba ni rnam pa bzhi'o/ /byang gi sgra mi snyan rnams kyi ni rang bzhin gyi tshul khrims so/ /srid pa tha ma pa'i byang chub sems dpa' i yum ni chos nyid gyi tshul khrims so/ /lus dang ngag gi sdom pa brtan zhing rnam par dag pa ni sdom pa'i tshul khrims so/ /tshul khrims dang brtul zhugs mchog tu 'dzin pa'i gnyen por gyur pa dang/ nyon mongs pa 'grib par byed ba ni spong pa'i tshul khrims so/ /de ltar mang duAng rnam dbye
- 239a
nus mod kyi/ shin tu rgyal bas skyo ba skyed par byed/ /de yi rnam dag thabs ni bshad bya ste/ /mnyam par 'jog las tshul khrims rnam dag 'gyur/ /de la rnal 'byor gyi spyod pa yongs su sbyong bar bya ba dang/ so sor thar pa'i sdom pa'i phyir bdun pa drag po bskyed pa dang/ lus dang ngag gi las kyi mthas bsdus pa la yang 'tsho ba gzhan la rag las pas 'jug pa sbyad par dka' ba las tha dad par gnas su zin na yang de rnam par sbyad bar bya ba'i phyir mchog tu 'bad pas sdom pa la brtson pa dang/ gso ba'i longs spyod la yang bag yod par bya ba'o/ /de yang so sor thar pa'i sdom pas bsdams te gnas so zhes ji skad gsungs pa lta bu'o/ de la so sor thar ba zhes bya ba ni so sor thar pas na so sor thar pa ste/ lam 'di ni so sor thar par 'gro bas so sor thar pa ste/ dper na grong khyer du 'gro ba'i lam la grong khyer gyi lam zhes bya ba dang 'dra'o/ /yang na sdig pas so sor thar pas na so sor thar pa yin pa 'am/ sdom ba zhes bya ba la slob par byed pas na dag cing grol bar byed pa ma yin pa 'am/ bsod nams phun sum tshogs pa la lhag par mos pa mi gtong bar byed ces bya ba'i tha tshig go/ yang na bsrung zhing thar bar byed pas na srung thar ces bya ste/ nye bar spyod pa dang/ kun nas nyon mongs pa rnams dang/ ngan 'gro rnams las srung bar byed pa'i phyir ro/ /ji skad du chos spyod pa rnams ni chos kyi srung bar byed cing rim gyis thar bar 'gyur ba yin zhes ji skad bshad pa dang/ dge slong ngag tshul khrims dang ldan pa ni 'gyod pa dang ldan pa'i sems su mi 'gyur ro/ /gzhan yang dge slong dag 'di ni chos nyid yin te/ tshul
- 239b
khrims 'di ni rim gyis 'bras bu mchog skyed par byed do zhes gsungs pas de'i phyir bsrung zhing thar pa zhes bya bar bshad do/ /yang na sdom pa med pas ltung pa'i dang tshul can thad par byed pa 'di ni yang dag par zhugs par gyur pa ste/ nye ba'i nyon mongs pa las thar bar byed pas na ltung ba las thar pa'o/ /yang no? so so'i skye bo yin pas lhung ba'i chos can yin pa'i phyir ltung ba yin la/ las dang nyon mongs pa dag gis yongs su 'khor bar gyur cing shis pa ma yin pa'i ngan 'gro rnams su 'khyam pa sdug bsngal de las bsrung zhing thar par byed pas na ltung ba las bsrung ba ste/ sdug bsngal de las thar pa zhes bya ba'i tha tshig ste/ rgyu las 'bras bu brtags pa yin te/ de yang 'jug dogs bde ba'i chu glung bde zhes bya ba lta bu'o/ /yang ltung ba las legs par byed cing 'gro ba la mngon par brtson pa rnams rang la phan pa'i don byed do zhes bya ba'i tha tshig ste/ yang dag par zhugs pa rnam thar par byed pas na ltung ba las thar pa'o/ /yang na thog mar gyur pa ste/ thar pa sgrub pa la dang por gyur pa yin pa'i phyir dang por thar pa'o/ /de yang ltung ba'i tshogs rnam/ pa bdun te/ phas pham pa dang/ dge 'dun gyi lhag ma dang/ de gnyis ka'i nyes byas sbom po dang/ /ltung byed dang/ so sor bshags pa dang/ bshags par bya ba dang/ bsdam par bya ba'i nyes byas zhes bya ba'o/ /de lta ltung ba 'dis phas pham par 'gyur bar spyod pas na phas pham pa'o/ /ltung ba ni byung bar gyur na mal stan dang kha zas la sogs pa dge 'dun rgan po dang bar ma dang gzhon nu'i rjes la lhag mar spyod pa na dge 'dun lhag ma'o/ /bshags par bya ba'i nyes pa thams cad kyi
- 240a
nang nas 'di ches rags pas na nyes byas sbom po'o/ /mang ba'i phyir dang rang bzhin dang bcas pa'i spang bar bya ba sna tshogs pa nyid yin pa'i phyir spad? ba la 'bad pas gnas pa yin pas ltung pa'o/ /nges par bshags par bya ba yin pas so sor bshags par bya ba yin pa 'am/ so sor bshags par 'os pa ma yin pas so sor bshags par bya'o/ /bshags pas slar bcos par bya ba'i nyes byas yin pas bshags par bya ba'i nyes byas so/ /slar de ltar mi 'gyid do zhes yang dag par byed pas slar gso ba yin pas na bsdam par bya ba'o/ /'di dag ni ltung ba'i tshogs bdun yin no/ /de la bsdom pas bsdams pa zhes bya ba ni man tshad shes par bya ste/ de la sdom pas bsdams pa ni bsdags? par bya ba'i sdom pa sba bar bya ba'i cho gas yang dag par kun nas g.yogs shing sbas la bsrungs pa zhes bya ba'i tha tshig go/ gnas pa zhes bya ba ni gnas shing zhes la dus ji ltar ba bzhin du sdod pa'o/ /cho ga dang spyod yul phun sum tshogs pa zhes bya ba ni cho ga bya ba dang sbyod yul du bya ba ni cho ga bya ba dang sbyod yul du bya ba dag yin la/ phun sum tshogs pa zhes bya ba ni ldan pa'o/ de la kun tu spyod pas na chog ste rang gi gzung lugs su spyod pa zhes bya ba'i tha tshig go/ yang na de la spyod pa yin pas na sbyod pa ste/ de la brten cing rang gi phan pa thob bar bya ba'i phyir de la spyod cing rtogs pa zhes bya ba'i tha tshig go /de yang spyod pa ngan pa'i gnyan por gyur pa dang/ skye bo dam pa rnams kyis bsngags pa dang/ thar pa 'dod pa rnams kyis bslabs shing goms par byas pa dang/ bslab pa 'dod pa'i rab tu zhi ba
- 240b
blo byang pa rnams kyis ma smad pa spyod pa'i rim pa kha na ma tho ba med pa'o/ /cho ga ma yin pa ni dge slong me tog thu ba dang/ phreng rgyud mkhan byed pa dang/ rna rgyan byed ba dang/ de dag byas nas khyim pa la ster ba dang/ bud med rnams dang lhan cig stan dang khri gcig la 'jug pa dang/ snod gcig tu za ba dang/ de'i lus dang 'phrel? ba med pa dang/ de'i steng du lhung ba dang/ gar dang/ glu dang/ rol mo dang/ sgeg pa dang/ byug pa dang/ dri dang phreng ba dang gos dkar po dang/ kha tshar dang bcas pa'i gos 'chad ba dang/ khyim pa'i bya ba la sogs pa la 'jug pa ste/ de lta ba la sogs pa byed pa yin no/ ji skad du ki ti ti 'di zhes bya ba'i 'dul ba las ji skad bshad pa lta bu'o/ gzhan dag gis bshad pa ni spyod pa ma yin pa ni rnam pa gnyis te/ lus dang ngag gi'o/ /de la lus kyi ni 'di na dge 'dun gyir gtogs pa yin na yang gnas brtan rnams dang/ dge slong rnams la mang du bsnyen bkur mi byed pa dang sdug pa dang gus pa dang bral ba'i sems dang ldan zhing rgyud dang ba ma yin pas zil gyis mnan pa dang/ rgyud shin tu rtsub pa rnyed pa dang bkur sti dregs pas mos pa na dge slong rgan po rnam sla 'jor zhing 'gro ba dang 'dug pa de lta bu'i bya ba med kyang mdun du 'gro ba stan mtho ba 'dug pa de dag mthong zhing nyen kong du phyin na yang mdun su ba dang/ stan nas ldang ba dang/ phyag 'tshal bar mi byed/ de dag mchil lham med par chag pa dang/ bdag nyid mchi la lham dang bcas bar 'chag pa dang/ de dags phyogs dma' ba na 'chag pa na yang bdag nyid mtho ba gding ba dang bcas bar 'chags pa dang/ stan gyis de dag la gnod par byed pa dang/ gzhon rims dag la brnyas pa dang bcas pas gnas
- 241a
par byed pa dang/ khrus byed pa'i tshe chu 'dogs dag tu dge slong rgan rim dag la 'dzed? zhing 'jug ba dang/ mdun du zhugs pa dang/ 'dzer zhing khrus byed pa dang/ 'jor zhing 'gro ba dang/ sngon du 'byung ba dang/ gzhan khyim du 'jug pa na yang dge slong rgan rims la 'dzer zhing 'gro ba dang/ de lta bu'i bya ba med du zin na yang de dag la brnyes thabs su sngon du 'gro ba dang/ dpen pa'i khyim dang gnas gang yin pa de dag tu gang na rigs kyi bud med dam gzhon nu ma brtan? par 'jug pa byed pa dang/ khye'u gzhon nu la mgo bo nyug par byed pa ste/ de lta bu dag ni lus kyi spyod pa ma yin pa'o/ /ngag gi ni 'di na la la zhig dge slong rgan rims la gus pa med pas de la ma dris chos smra bar rtsom zhing lan 'debs par byed pa dang/ so sor thar pa ston ba dang/ de g.yeng ba mang po yod kyang ston pa dang/ gtam sna tshogs byed pa dang/ gzhan gyi khyim du 'jug pa na rigs kyi bud med dang rigs kyi gzhon nu ma dang/ med par 'di skad smra ste/ mi tsha ge mo zhes bya ba rigs che ge mo zhes bya ba khyod la kho bo cag gis bzar rung pa bza' 'am/ bca' par bya ba khyed kyis der ci zhig stob par byed/ ci zhig bza' bar bya ci zhig ltung bar bya/ khyed re ring ci zhig ster bar byed ces smra zhing/ yongs su rgod par byed la sun 'byin par byed ces bya ba de lta bu la sogs pa ni dag gi spyod pa ma yin pa'o/ /'dor na tshul khrims 'tshal ba dang 'brel pa'i spyod pa dang smra pa thams cad ni cho ga ma yin na/ /de'i gnyen por gyur pa'i spyod pa na cho ga yin par shes par bya'o/ /cho ga zhes bya ba dge slong rgan po dang/ bar ma dang gsar bu rnams la gces shing gus par mang du byed pa
- 241b
dang/ byams ba'i lus dang/ ngag gi las dang/ rab tu zhi nga la dga' ba dang/ gzhan dang bar byed pa dang/ ngo tsha dang khrel yod pas brgyan pa dang/ gya gyu med pa dang/ rnyed pa dang bkur stis ma bcom pa dang/ 'dul ba'i gzhung lugs rjes su 'jug pa dang/ dran pa dang/ shes bzhin gyis yongs su zhen pa dang/ 'gro ba dang/ log par lta ba dang/ rnam par lta ba dang/ snam sbyar dang lhung bzed dang/ chos gos lags par 'chad ba dang/ 'gro ba dang/ sdod pa dang/ 'dug pa dang/ nyal ba la sogs par ram/ thams cad du kun tu spyod pa las bshad pa las gus par byed pa 'di ni cho ga zhes bya'o/ /yang spyod yul ni phyogs 'dir ba lang 'tsho ba yin pas na de la spyod yul zhes bya ba la/ 'di ni ba lang gi spyod yul dang 'dra bas na spyod yul zhes bya ste/ 'di lta ste/ ba lang rnams bdog dang/ nad med pa dang/ bde ba dang/ srog rnams la phan par 'gyur ba phun sum tshogs pa dang/ sbrang bu dang/ sha sbrang dang/ sdig sbrul dang/ gcan zan gdug pa'i 'tsho ba med pa/ rtswa sngon po rnam pa sna tshogs pa dang/ chu gtsang ba dang ldan pa dus ngan pa dang/ shing gi grib ma'i tshogs phun sum tshogs pa dang ldan pa ni ba lang gi spyod yul yin pa de bzhin du dge slong tshul khrims dang/ dad pa dang/ brtson 'grus dang/ dran pa dang/ ting nge 'dzin dang/ shes rab la sogs pa gang zhig nges par brten na phan pa byed par 'gyur ba de ni spyod yul zhes bya'o/ /yang spyod yul ma yin pa ni/ snang? 'chod? dang/ ma ning dang/ gzhon nu ma chen po dang/ yugs sa dang/ kun tu rgyu la sogs pa gnas pa'i sgrib pa'i 'os yod pa dang/ rjes su mthun pa ma yin pa'i rgyal po dang? rgyal po'i blon po dang/ /bram ze dang/
- 242a
khyim bdag dang/ mu stegs byed sna tshogs dang/ nyan thos lam dang pa'i khyim dang 'dres pa dang/ dge sbyong dang dge sbyong gi tshul 'jig pa la phyogs pa dang/ 'dod pa'i yon tan rnam pa lngas rnam bar gces pa med pa/ dge ba'i bshes gnyen la bsten pa'i bde ba dang ldan pa/ bas mdza' i gnas mal dang ldan pa/ de lta bu'i bcom ldan 'das kyis dge slong rnams kyi bde ba 'phel bar byed pa yin te/ dge slong dag ji tsam na dgon? pa dang/ nags 'dab dang/ bas mdza' i gnas mal la legs par spyod par gyur pa ni dge slong ngam/ dge slong ma mngon par 'dod pa'i dge ba 'phel bar 'gyur bar 'gyur gyi nyams par mi 'gyur ro zhes gsungs pa yin no/ /der gnas nas kyang dran pa nye bar gzhag? pa bzhin ring gi pha'i spyod yul dang/ yul yin no snyam nas cho ga dang spyod yul de dag phun sum tshogs pa dang ldan pa ni cho ga dang spyod yul phun sum tshogs pa yin no/ /kha na ma tho ba phra rab tsam gyis kyang 'jigs shing spong ba zhes bya ba ni 'di dag phra rab tsam la spang bar bya ba phra mo tsam de dag kyang spang bar 'os pa yin zhing dam pa rnams kyis smad pa'i nyes byas phra mo rtsam de yang yang dag par sdom pa 'am/ mi dge ba'i sems bskyed pa tsam la yang 'jigs par lta zhing 'jigs par lta ba'i ngang tshul can yin te/ las kyi rnam par smin pa la yid ches par bya ba'i lung las/ sdig pa chung nguAng 'di dang ni/ phrad mi 'gyur zhes bsam mi bya zhes ji skad gsungs pa lta bu'o/ /lus kyi las kyi mdza' dang/ ngag gi las kyi mdza' yongs su dag pa zhes bya ba ni las rnam pa gsum po kho na ma tho ba med pa so sor thar pa'i sdom pa'i spong pa goms pa'i ngang tshul dang/ sbyor ba can gyi cho ga dang spong
- 242b
yul phun sum tshogs ba dang ldan pa dang ldan pas lus dang ngag dang yid kyi las yongs su dag pa yin no/ /yid kyi las yongs su dag pa ni kha na ma tho ba phra rab tsam yang 'jigs par lta bas sdig pa mi dge ba dang/ log par spyod ba dang/ rtog pa ngan pa yid la mi byed pas yid kyi las yongs su dag par 'gyur ba yin no/ /'tsho ba yongs su dag pa zhes bya ba ni 'di kha 'tsho ba rnam par dag pa yod pas na 'tsho ba rnam par dag pa ste/ log par 'tsho ba yongs su spangs pa yin pa'i phyir yongs su dag pa ste/ nyes pa des kun nas ma gos pa'o 'tsho ba zhes bya ba ni 'di la rten te kun tu 'tsho bas 'tsho ba yin pa 'am/ legs par gnas te 'tsho ba yin pas na 'tsho ba'o/ /log par 'tsho ba ni gso ba byed pa dang ltas la sogs shes pa dang/ zhi ba la sogs pa'i las kyi tshogs sngags kyi sbyong ba dang/ mtshan ma lta ba dang skar rtsis dang/ ltas mkhan dang/ tshul 'chos la sogs pas 'tsho bar byed pa ni log par 'tsho ba yin te/ log par 'tsho ba'i 'gres pa las ji skad bshad pa lta bu'o/ /gzhan dag ni gang mi dge ba'i las kyi 'tsho ba 'am/ bzo dang mdag gzhug dang/ me tog dang 'bras bu dang/ rtsa ba dang/ 'dab ma dang/ so shing dang pa? sogs pa ster ba'i rgyus 'tsho ba 'di ni log par 'tsho ba yin no zhes bshad do/ /gzhan dag ni gang 'tsho ba'i don du nyon mongs pa dang bcas pa'i sems kyi spor bar byed cing des 'tsho bar rtog pa gang yin pa 'di ni log par 'tsho ba zhes bya'o/ /gzhan yang rnyed pa'i don du nyo tshong byas nas 'tsho bar byed pa dang/ chos 'chad pas 'tsho bar byed pa de yang log par 'tsho ba yin te/ de dag ni dug dang 'dra ba dang dri ma bcas pa dang 'dra bar de yongs su spong zhing nyes
- 243a
pa des ma gos par kun tu rgyu 'tsho ba gang yin pa de ni 'tsho ba yongs su dag pa yin no/ /de yang ji ltar 'grub bar 'gyur zhe na/ brjod par bya ste/ lus kyi rma bkru dkri ba la sogs pa/ sdug bsngal bsal ba'i don du rten byed cing/ rigs pas rnyed la sems ni chog shes pa/ /'tsho ba min pa'i nyes pas gnod mi 'gyur/ /yang rigs pa ni bdag nyid snod du rung bar byas pa dang/ rnyed pas bsam pas ma bcom pa dang/ 'jig rten gyi chos rnams kyis ma gos pa dang/ gzhan dag la 'dud cing gcam sag gi bsgrubs pa ma yin pa dang/ bdag nyid kyi yon tan yang dag ma yin pa ston pa byed pa dang/ yang dag pa'i yon tan yang spyad par byed pa dang/ ngo tsha shes pa dang/ khrel yod pa dang/ slongs mos yod pa'i 'tsho bas 'tsho bsgrub pa la spyod pa 'di ni rigs pa zhes bya'o/ /de bzhin du de ltar zhugs pa las ma rnyed du zin ma rnyed pa de la bdag gi 'tsho ba ni gzhan la rag las pa yin pa dang/ gzhan la re ba mi skyed pa dang/ bdag la bstod par mi byed pa dang/ bcom ldan 'das kyis kyang ma rnyed pa rjes su dran pa dang las bdag gir bya ba'i rjes su 'brangd? ba dang/ rnyed pa'i nye dmigs mthong bas kye ma'o rnyed pa'i sems las bdag ring gyur pa ni legs so snyam te de la yid gdung bar mi byed do/ /dka' thub nags tshal gnas la rnyed bkur sti/ mja' ba' i sgo nas dag po 'ongs pa yin/ /zla ba'i zer kyis pad+ma ji bzhin du/ legs pa rab 'joms btul? zhugs lhod par byed/ /yang gal te rigs pas bcal bas rab tu rnyed par gyur na cung zad len cing rnyed? pa dang?/ dga' zhing dregs par mi byed cing len pa na yang chod shes pa yin te/ lhag ma yod pa tsam du len pa dregs pa'i
- 243b
nyes par ltung bar mi byed cing chung ngu zhig byin pa la yang sbyin pa po la bsnyas par mi byed la sbyin pa po yang byams pa'i sems nye bar 'jog ste/ re zhig sbyin bdag 'di'i sbyin pa las byung ba'i bsod nams bya ba'i dngos po rdzogs par bya ba dang/ 'di'i ser sna dang phrag dog gi dri ma bsrab par byas par 'gyur ba dang/ 'di'i dge ba'i bya ba la spro bar khas blangs pa las nyams par mi 'gyur ba dang/ gang 'di la rjes su yi rang ba 'am grogs byed pa de dag kyang dge ba la sbyor bar 'gyur ba dang/ gal te 'di dag gi bla na med pa yang dag par rdzogs pa'i byang chub tu bsngos na 'jig rten la phan par zhugs pa dag gis grogs su 'gyur ro/ /'on te thar pa'i tshogs sam srid pa'i phun sum tshogs pa yongs su bsngo bar byed na de lta na yang 'di'i grogs byas par gyur pas phan btags pa yin no snyam du rnam par ma bsams nas yongs su len par byed do/ /yongs su blangs nas kyang sbyin pa pos ji ltar yongs su bsngos pa bzhin du yongs su longs spyod par byed kyi gsog 'jog du mi byed cing brlag par yang mi byed do/ /snod ma yin pa la yang sbyin par mi byed do/ /de ltar yongs su tshol ba dang/ len par byed pa dang/ yongs su longs spyod pas kun nas yongs su dag bar byed pa ni 'tsho ba yongs su dag pa yin no/ /'tshol sgrub pa yongs su tshol ba dang/ len dang de ni phan pa la sbyor dang/ rigs pas 'jug pa dag pas mdzes pa ni/ /dam pas 'tsho ba yongs su dag par bshad/ sdom pa yang dag par blangs pa'i bslab pa'i gzhi la slob pa zhes bya ba ni yang dag par blangs nas slob pa'i tshul khrims kyi bslab pa'i gnas la gnas pa yin la/ de yang ngo bzhin gshegs pa'i bka' la gus pas bslab
- 244a
pa'i gzhi don yod pa nyid yang dag par rjes su mthong ba dang/ thams cad du phan yon rnam pa bcu las dam pa'i chos kyi phun sum tshogs pa bcu bcu zhing phan yon re re la yang dag par brtags te bslab pa 'dod pa nyid dam/ kha na ma tho ba la 'jigs pa ni ltung ba lci ba dang yang bar rtogs par mi byed cing sbom po dang phra ba rnams sngon par byed pa dang/ bslab pa la gus pa'am de la bde bar 'du shes pas yang dag par blangs pa'i bslab pa'i gzhi la slob pa yin no/ gang zhig bde gshegs bstan pa la/ /bslab gzhi bcas par gyur pa ni/ /'di dag bsdams la sdug bsngal la/ /'di dag ldog las bde ba skye/ /so sor thar pa'i sdom pas segs? bsdams shing/ /rang gi cho ga spyod yul phun sum tshogs/ /kha na ma tho chud la'ang nyes chen lta/ lus ngag yid kyi sbyor ba rnam par dag /ma smad 'tsho ba 'tsho ba rnam dag yin/ /bslab pa'i gzhi la rigs pas slob par dga' / /bslab pa'i gags su gyur pa gang cung zad/ /mi mthun de de gsal bar rnam par spong/ /mdo las tshul khrims kyi gags su gyur pa ni mi dge ba'i bshes gnyen yin par gsungs la/ /de ni phung khrol thams cad kyi 'byung gnas yin te/ 'di ltar dad pa med pa dang/ ngo tsha ba med pa dang/ khrel med pa dang/ le lo dang/ shes rab 'chal ba nyid dang/ dbang po'i sgom bsdams pa nyid dang/ lto 'gengs pa nyid dang/ zas kyi tshod mi shes pa nyid dang/ nam gyi cha stong dang/ nam gyi cha smad la mi nyal ba la mngon par mi brtson pa dang/ sngon nyams su myong ba'i rgod pa dang/ smra ba dang/ dga' zhing rtse ba rjes su dran pa dang/ dge ba'i chos la mngon par mi brtson pa dang/ dge slong rgan rabs
- 244b
rnams lam gus shing gtso bor mi sems pa dang/ tshul bzhin ma yin pa'i yid la byed pa dang/ tshig ngan par smra ba dang/ bzod pa med pa dang/ las dang sma dang 'du 'dzin la mngon par dga' ba dang/ khyim pa'i skye bo dang 'dre? ba dang/ bud med la yang dang yang du lta ba dang/ khro ba dang khon du 'dzin pa la sogs pa'i nyon mongs pa rnams kyang tshul khrims kyi gags su gyur pa yin te/ tshul khrims kyi gags su gyur pa la gnas pa ni tshul khrims yongs su ma rdzogs pa rdzogs par mi 'gyur ba 'am/ yongs su nyams par 'gyur ro/ /de bas na tshul khrims yongs su bsrung bar bya ba'i phyir de'i gnyen po'i phyogs su gyur pa dge ba'i bshes gnyen la sogs pa la nges par brten par bya'o/ /tshul khrims rgyu ni dbang po sdoms pa yin par bshad/ /phun sum tshogs des tshul khrims dri med mdangs ldan 'gyur/ /de bas thos pa'i rang bzhin lta la nges dmigs te/ /rang gi dbang po'i yul la 'phyan las bsrung bar bya/ /de bas na de bsrung bar bya ste/ sdig pa'i rgyur gyur pa nyid dang/ de la mtshan mar 'dzin pa dang/ de'i tshul dran pa dang/ de'i rnam pa yid la byed pa dang/ rjes su rtog pa spang ba dang/ yul gyi nyes dmigs mthong ba dang/ nyes dmigs mthong ba nas kyang de las lus kyis rgyang bsrings la sdug pa dang mi sdug pa yid la byed pa spang bar bya zhing yul la chags pa'i gzhi shing dang 'bag la reg pa snyam pa dang/ gzan lta bur gyur pa'i 'tsho ba rkyen rnams zil gyis mnan la shin tu zhen pa las bzlog pa tshul bzhin nyid la byed pa spong ba dang/ 'jig rten sna tshogs la mngon par ma chags par bya'o/ /cho ga gang gis bya zhe na/ gnyen por gyur pa la yang dag par
- 245a
bsten pas spang bar bya zhing/ sems kun nas dran pa dang ldan pas phyogs kun tu rnam par lta zhing/ gzugs la sogs pa la rnam par 'jug pa na de ltar sdig pa mi dge ba'i chos kyis dge ba'i sems gtugs nas gnas par 'gyur ro zhes dran pa brten pos yang dag par srung bar byed pa yin no/ /ba lang ltar nag po'i phyogs la mngon par zhen po'i sems yang dag par tshar gcod pa dang/ gzugs sdug pa dang bde ba la tsher ma lta bud lta bar lta ba dang/ yul gyi rang bzhin shes par bya ba dang/ 'dod pa'i nyes dmigs tshol ba dang/ nges par 'byung ba la lhag par mos pa dang/ /ting nge 'dzin gyi rgyu mtshan la sems dga' ba dang/ ting nge 'dzin gyi rgyu mtshan la sems gtong pa dang/ dge ba'i chos la 'grub par bya ba dang/ rgyun du bya bas mi mngon par brtson par bya ba dang/ dbang po yongs su ma bsdams pa'i gang zag rnams yongs su spang ba dang/ dbang po bsdams pa'i gang zag rnams la brten pa dang/ sdom pa ma yin pa la 'jigs par lta bas spang bar bya'o/ /lcags kyi thur ma rab tu 'bar ba yis/ /mig la byugs par gyur pa chos bla yi/ /rang gi ngan 'gro'i lam ni gsol byed pa/ /gzugs la chags dang sdang bas lta mi bya/ /lcags khu 'bar ba rna ba bkang bla yi/ /bag med chags dang reg pa 'phel byed pa/ /rngon po'i khong gru dag pas lhag pa'i sgra/ /nyan sa bdag la phan pas thos mi dud/ sna la ltas te spu gri rnon por ni/ /bdar ba bcongs pa'i nad ni mnags bla yis/ /bdag nyid sdug bsngal sna tshogs 'phel byed pa'i/ /dri chags dag po rnam par 'phel mi rung/ /me lce 'bar ba'i mtshon ni
- 245b
rnon po yis/ /lce ni mngon du bcad par gyur bla yi/ /skye ba'i sdug bsngal lam ni skyed byed pa/ /rol chags pa'i sdig byed de lta min/ /mkhas pas dang lus dgra sta rnon po yis/ /rnam par gtubs pas 'jig par gyur bla yi/ reg pa sna tshogs sred pas gdangs gyur pas/ /yun rings dmyal bar skye bar 'gyur mi rung/ /gang phyir ci dgang spyod las yid ma bsrungs/ /sdug bsngal mdza' yas bskyed pa'i sdig pa sogs/ /dbang lo lhag ma sdom pa'ang yod ma yin/ /de phyir mkhas pas de nyid bsrung ba'i rigs/ /mkhas pas 'dod chags nyes la me sdug bsten/ /sdang la byams dang brtse goms yon tan gyis/ /rmongs la mi rtag 'du shes 'chi ba ni/ /rjes su dran dang bag yod bsten pas bsrungs/ /de ltar sdom pa ma yin pa las 'jigs pa mthong nas dbang po bsdams pa'i phyir 'bad pa dang bcas par gyur pa dang/ sred pa skye ba'i dngos po yin pas yongs su longs spyod pa'i rkyen la bag yod pa nyid du bya'o/ /gzhan gyi kha zas dang rnyed dang shing gi gzugs brnyan dang mchil ba ltar 'tsho ba'i rkyen gyis yo byad rnams ni 'jigs pa bskyed pa yin no/ de bas na so sor brtags pa'i stobs kyis tshul bzhin du yongs su brtags te longs spyod par bya zhing 'dod chags dang zhe sdang dang gti mug gi kun nas sdang ba dang bral zhing lhag par zhen pa dang/ mdud pa med pa dang/ lhag par ma chags pa dang/ nyes dmigs mthong ba dang/ nges par 'byung ba'i shes rab dang ldan zhing rtsa ba'i don du ma yin/ rgyags pa'i don du ma yin/ cha brgyan pa'i don du ma yin/ kha dog sdug par bya ba'i phyir ma yin/ /brgyan par bya ba'i phyir ma yin gyi/ gzhan du na dgos pa'i dbang gis der re zhig gos la longs spyod
- 246a
pa ni/ sbrang bu dang/ sha sbrang dang/ cha ba dang/ grang ba dang/ sdig sbrul gyi reg pa las bsrung bar bya ba'i phyir/ ngo tsha bas gsang ba dag pa'i phyir ma yin/ rab tu byung ba'i cha lugs dang rjes su mthun par bsod snyoms la yongs su longs spyod par bya'o/ /ji srid du lus 'di gnas shing 'tsho bar bya ba'i phyir sog bsrung ba shing rta'i mig bsku ba dang 'dra bar shin tu ma chags par rma'i tshor ba bsal ba'i don du bsku ba dang 'dra bar bru ba cha bzhi bar bya ba'i don du rdzas su chags pa med par srog bsrung ba'i phyir dang/ tshangs par spyad pa la yun ring du gnas par bya ba'i phyir 'brog dgon pa las tha? pa'i don du bu'i sha za ba dang 'dra bar zhen pa med pas de ltar tshor brling pa so sor gzhom par bya ba dang/ tshor ba gsar ba mi skyed par bya'o zhes zas la tshong rig pa nyid du sman dang 'dra bar tshad yod par byas la lus 'di kha zas tshad tsam bsten pas yun ring du gnas par bya ba'i phyir dang/ 'di nyid nang yin pas kha na mtho ba med pa dang/ rnal 'byor la rjes su mthun pa dang/ lus bde blog tu rjes su gnas pa dang/ sred pa'i zhags pas ma bcings pa'i bde ba la reg par gnas par bya zhing chong zin par zos pas mi dga' ba dang/ snyoms pa dang/ glal ba dang/ zas kyis lus lci ba dang/ gnyid dang rmugs pa kun tu mi spyod pa yin zhing spyod lam la? par gnas pa dang/ rnal 'byor la than pa nyid kyis bde ba la rig par gnas par bya ba'i don du yin gyi rnam par rtog pa'i phyir ma yin/ rgyags pa'i phyir ma yin/ sgeg pa'i phyir ma yin/ brgyan pa'i phyir ma yin zhes spang bar bya ba la so sor rtog cing 'di lta ste/ lus 'di
- 246b
gnas par bya ba dang/ 'tsho bar bya ba dang/ bkres ba bsal bar byi ba dang/ tshangs par spyod pa la phan par bya ba'i phyir yin no zhes de ltar bya ba la so sor rtog cing tshor ba la rnying po rnams spang bar bya ba dang/ gsar pa rnams mi bskyed pa'i phyir ro snyam du sems shing de ltar tshad tsam za ba so sor rtogs shing kha na ma tho ba med par 'tsho bas 'tsho ba dang/ bde ba la reg par gnas pa yin no zhes tshad tsam za ba la so sor brtags par bya'o/ /spang par bya ba la so sor rtog cing 'dod pa'i bde ba lam zhen pas de la brten par mi byed kyi bkres pa gsal bar bya ba dang/ 'tshong ba rnyed pa rnams spang bar bya ba'i phyir 'jug pa dang/ gsar ba rnams mi skye bar bya ba'i phyir bdag nyid ngal zhing dub pa la mi brten pa yin la tshig lhag ma rnams kyis ri go 'phang bar ma dang rjes su mthun pa yin no/ /de ltar na mal sten la yang tshul bzhin yid la byed pas so sor brtags te yongs su longs spyod par bya ste/ 'di ltar mal stan rnams la yang tshul bzhin ma yin pa'i yid kyis so sor brtags la yongs su longs spyad par bya ste/ ci nas 'di ltar sbrang bu dang/ sha sbrang dang/ rlung dang/ tsha ba dang/ sdig sbrul dang/ char dang/ ba mo'i rig pa bsal bar bya ba'i phyir mngon du gnod pa phyung pa bsal bar bya ba'i phyir dang/ nang du yang par 'jog dang/ rjes su mthun par bya ba dang/ sgra la sogs pa'i g.yeng ba chung bar bya ba'i phyir longs spyod par bya'o/ /nad kyi rkyen sman ni ji? srid gnod pa/ skyed par byed pa'i tshor ba rnams bsal bar bya ba'i phyir dang/ bde ba dam pa thob par bya ba'i phyir lus nyes dmigs mang po dang ldan par yid la bya ste spyad par bya'o/ /de ltar srog bsgrub pa la dgos pa ngag dang
- 247a
so sor rtog pa'i stobs kyis 'jug pa na/ ci nas nyes pa sngon du mi 'byung zhing/ /'di'i tshul khrims yongs su dag par 'gyur/ /yang so sor rtog pa'i dus gang zhig yin zhe na/ brjod par bya ste/ bsod snyoms dang nad kyi rkyen sman len pa'i dus nyid na 'am/ kham dang po dang/ chos gos dang/ mal stan dang por rnyed pa'i dus su'o/ /gzhan dag ni yongs su longs spyod pa yongs su longs spyod pa'i dus su bya'o zhes zer ro/ /kha cig na re nyin re zhing dus cig gi tshe na bya'o zhes 'dod do/ /la la ni nyin de zhing dus gcig gi tshe bdag nyid ni rkyen gyis 'tsho ba zhes so sor rtog pa na thams cad so sor brtags pa gyur pa yin no zhes zer ro/ /yo byad bzhi po de dag kyang gang zag gi dbye bas longs spyod rnam pa lngar gyur te/ tshul khrims 'chal pa rnams kyi ni rku bas longs spyod pa'o/ /tshul khrims dang ldan pa yin zhing yid la byed pa la mngon par mi brtson pa rnams kyi ni ngo tsha ba med par longs spyod pa'o/ /tshul khrims dang ldan zhing lhag pa'i sems la mngon par brtson pa rnams kyi ni rjes su gnang ba la longs spyod pa'o/ /slob pa rnams kyi ni skal ba la longs spyod pa'o/ /dgra bcom pa rnams kyi ni dbang phyug la longs spyod pa yin no/ /de la 'tsho ba rnam par dag pa ni so sor thar pa'i sdom pa'i 'khor yin te/ nyon mongs pas 'tsho ba'i thabs kyi/ rtsom pa las ldog pa ni lus dang ngag gi sdom pa slab yin no/ /dbang po sdom pa ni gnyi ga'i yin te/ sems bsrungs nas lus dang ngag gi lus bsrung ba nyid du 'gyur ro/ /kha na ma tho ba'i yo byad ni dbang po sdom pa'i 'khor yin te/ nyon mongs pa'i dngos po'i rkyen rnams la rigs pas tshad tsam du so sor brtag te rjes su skyong
- 247b
ba yin pa'i phyir ro/ /so sor thar pa'i sdom pa yang dang ba'i stobs la brten te yongs su rdzogs par bya ste/ de ni de dang bral bar gyur na bsams bzhin du bslab pa las 'da' bas nyon mongs par 'gyur ro/ /de yang mdo las dge slong dag ji tsam du dge ba'i chos rnams la dad pa nye bar gnas par gyur pa de srid so sor thar pa'i sdom pa dang/ 'tsho ba yongs su dag pa dang/ brtson pa'i stobs la rton par 'gyur ba yin no zhes ji skad gsungs pa lta bu'o/ /de yang le lo can dang mi mthun pa tshol ba la zhugs pas nyon mongs par 'gyur ro/ /dbang po sdom pa ni khrel yong ba dang/ dran pa'i stobs la gnas pas yongs su rdzogs par bya'o/ /de yid de dang bral na skye mched gang yang rung ba nyon mongs pas dri ma can du 'gyur ro/ /rkyen gyi yo byad longs spyod pa yang shes rab kyi stobs la gnas pas yongs su rdzogs par 'gyur te/ de yang yang dag par so sor rtog pa la zhugs pas rnams kyi ni rnam par byad par 'gyur ba yin no/ /de bas blo ldan bslab pa'i stobs gnas pa/ /tshul khrims rnam par dag pa nyid du 'gyur/ /de rnam dag pas yid kyi sdug bsngal ni/ /zhi bar byed pa'i ting 'dzin ma lus 'dren/ /tshul khrims 'chal las nyes mang 'byung 'gyur bar/ /yang dag bsams la tshul khrims la brten par/ /gnas pa'i chog la ni 'bad bya ste/ /tshul khrims las byung yon tan mang po mthong/ /de la tshul khrims 'chal ba la ni 'gyod pa'i mi rnam par 'bar bar 'gyur la/ /'gyod pa ni tshul bzhin ma yin pa'i yid la byed pa dang/ /mya ngan dang tsum pa'i dri mas spags pa'i 'byung gnas yin zhing/ ngan 'gro'i las gnyis med pa yin pa dang/ smad par bya ba'i dngos po dang/ grags pa ma yin pa'i skye gnas dang/ 'tshe
- 248a
ba rnams kyi gzhi dang/ legs par spyod pa rnams kyi sgrib pa dang/ sgye bo ngan pa dang 'dres pa'i 'obs dang/ yon tan rnams rjed pa dang/ sems sun 'byin par byed pa dang/ yon tan gyi phyogs 'dzin pa'i de'i bla ma dang slob ma dang/ grags rnams kyi ngo tsha ba'i gzhi dang/ sdug bsngal brgya stong dpag tu med pa'i gzhir gyur pa dang/ de yongs su 'dzin pa'i gang zag chos kyi mdangs nyams par byed pa dang/ so ma btang ba'i chu snod ltar yon tan rin po che'i sno lam yin par 'gyur ba yin no/ /nyes pa rnams ni snang du 'gyur ba dang/ phongs pa rnams kyi dben pa nyid dang/ dam pa ma yin pa'i phyogs su gyur pa dang/ dam pa rnams kyis 'grod par bya ba ma yin pa dang/ sdig pa'i dri ma can gyi las byed pa rnams dang/ skal ba mnyam pa dang/ yongs su dag pa'i las can gyis skyes bu dam pa dang skal ba mi 'dra ba yin/ khyad par rtogs pa yin/ skal ba med pa yin dge sbyong gi 'bras bu thob pa'i re ba med pa yin te/ lus dang ngag dang yid kyi las kha na ma tho ba dang bcas pa yin pa'i phyir ro/ /gos nag nor can dang 'dra bar mdog mi sdug pa yin te/ de nyes par spyad pa'i rjes su byed pa la brten pa rnams yun ring por sdug bsngal ba thob par 'gyur ba'i phyir sdug bsngal nyams su myong bar byed pa'i yin no/ /sbyin gnas rnams las 'bras bu chung phun du byed pa nyid kyis rin thang chung ba yin no/ /ming gtsang bar byed pa'i chos dang ldan pas na dur khrod kyi gnas ltar mi gtsang ba yin snyan pa ma yin pa'i dris kun tu khyab pas na ngo dang 'dra ba yin/ tshul khrims dang ldan pa rnams kyis spang bar bya ba yin pas na de dang 'dra bar blang
- 248b
bar bya ba yin/ gang zag skal pa mnyam pa rnams dang gcig tu gnas par rung bas na de dang 'dra bar skyes bu sprul lta bu yin tshangs par mtshungs par spyod pa mkhas pa rnams kyis chos nyid blta bar bya ba ma yin pa'i phyir dur khrod kyi gnas ltar skye bo'i tshogs chen pos tshe nges 'debs par bya ba yin dud 'gro 'dra bar gcig chung zhing nag nog dang bcas pa'i bud med dang/ reg pas me'i phung por ring por mi thogs par 'jug pa'i rgyur gyur cing gnas mal 'bar ba la gnas shing 'khyud pa dang/ yi dags kyi sdug bsngal du 'jug par 'gyur ba yin/ sgra'i thag pas byin par bsrung zhing mdung thung 'bar ba snying gar drag tu yang dang yang du bsnun pas sdug bsngal tsha zhing rno ba yin/ rigs kyi bu dang rigs kyi bu mo'i skyo ba'i dmod pa nye bar gnas pas nyi mor re zhing nye bar chos pa yin/ lcags kyi leb ma 'bar bas rigs pas shin tu sdug bsngal ba'i chos gos gyon pa nyid yin/ lcags kyi tho lum shin tu 'bar ba'i zas za bas shin tu tsha ba rnam par smin pa'i bsod snyoms la spyod pa yin/ lcags kyi bum pa shin tu 'bar ba'i nang du gnas pa'i sdug bsngal mi bzad par rnam par smin pa'i mal sten la yongs su longs spyod pas nyin re zhing rnam par bcom pa yin pas skyes bu dam pa rnams kyi mchog tu snying rje bar bya ba'i dngos por gyur pa yin/ ro bsregs pa'i mgal du ma ltar dgos pa med cing gnyi ga'i don las nyams pa yin/ skye bo dam pa 'dus pa'i nang du 'jigs pa dang bcas shing 'jig rten gyis yid brten du mi rung ba yin/ rjes su brten par mi thus pa yin/ lha rnams kyi yang yid du mi 'ong ba yin tshul khrims nyams? pa'i gtam thos nas sdug bsngal bar 'gyur la yin tshul
- 249a
khrims phun sum tshogs pa'i gtam thos nas rjes su 'gyod par gyur pa yin/ 'di thos pa dang spobs pa la sogs pa'i yon tan gzung bar 'os par mi 'gyur te/ dung khrod kyi me dang 'dra ba yin/ de rmongs bzhin 'chi ba'i dus byed par 'gyur zhing shi ba'i 'og tu yang dmyal ba dang dud 'gro dang yi dags kyi skye ba len par 'gyur ba yin/ lo grangs brgya phrag mang po shin tu 'das pa na de las thar na yang de'i rnam par smin pa'i lhag ma lus pas 'di na tshe thung ba nyid yin/ longs spyod chung ba yin/ 'gran zla dang bcas pa gnas pas zil gyis mnan pa yin/ skur pa mang ba yin/ yid du mi 'ong ba'i sgra thos par gyur pa yin/ mdza' bo dang nye dus 'phongs par 'gyur ba yin/ 'khor mi 'dum po nyid yin/ tshig gzung bar ma 'os pa yin/ tshul khrims dang lta bas yongs pa'i rnam par smin pa sdug bsngal len pa yin no/ /tshul khrims 'tshal bas bsod nams chung ngu sogs/ / rnam smin de yang mthar ni gtugs bar 'gyur/ /rigs ni dma' bar skye ba 'thob 'gyur zhing/ /de rtogs sdug bsngal mang po 'ang nyams myong 'gyur/ /las ni ngan pas de rung 'phang nas ni/ /dman pa'i rigs su gyur pa'i las de yis/ /tshul khrims ma bslab ngam pa min pa 'jig /dmyal ba'i mo ni mdza' med par lhung 'gyur/ /tshul khrims la brtan par gnas pa skyed par bya ba'i phyir de la sogs pa tshul khrims 'chal ba'i nyes pa yang dag bsam par bya'o/ /tshul khrims la gnas pa'i yon tan na de las go bzlog pa yin par yongs su brtag par bya'o/ /tshul khrims yang dag bsrung min? gyur na ni/ /'gyod pa'i me ni zhi bar 'gyur ba yin/ /dga' dang rab
- 249b
gus sad par byed pa'i rgyud/ /lus dang ngag gis dge bskyed par byed/ /thar pa'i grong du 'jug pa'i lam nyid dang/ /mi dang lha dbang grub lam gnyis ba med/ /grags dang snyan dang bde ba rnyed pa'i rgyu/ /tshe dang smad pas tshugs pa med pa yin/ /bla ma slob ma mdza' bshes ngo mi 'gyur/ /ma smad bde ba'i sgo rin gyur ba yin/ /skye bo dam pa dang 'dre 'dren par byed/ /yon tan skyed bar cho gar gyur pa yin/ /'di dang ldan na mkhas pa'i yon tan ni/ chen po rnams kyi snod du gyur pa yin/ /tshul khrims 'chal ba'i phongs pa ci yod pa/ /nyer de dang de ni rnam par spongs/ dam pa'i phyogs kyis grang bar 'gyur ba dang/ /yon tan la dga' bar yang go bar byed/ /khyad par rtogs pa'i sgal bar ldan pa dang/ /bdag nyid yon tan dag gis sngags bos 'gyur/ /skye bo dam pa dge dang skal mnyam gyi/ / rang gi yon tan rgya ches dman dang min/ /tshul khrims 'chal pa'i nyes pas mi gos shing/ /de las byung ba'i sdug bsngal thob mi 'gyur/ /mi yi bdag po sum cu rtsa gsum brad? pa/ gal te 'dod na srid pa zad pa nyid/ /tshul khrims sA rnam dag des ni thos 'gyur la/ /smon lam grub pa'i rtsa ba'ang tshul khrims yin/ /de ltar tshul khrims dang ldan pa dang/ tshul khrims 'tshal pa 'di'i yon tan dang skyon yang dag bar bltas la tshul khrims 'chal ba las/ sems shin tu 'khums shing de la 'jug par mi 'gyur gyi/ tshul khrims pa yang sems kyi spro ba 'phel ba dang/ dga' zhing mang du gcis par dbyed de/ de de la dga' zhed gces par sems ba mngon par 'phel zhing gus pas gsung bar byed do/ /yid bzhin nor ltar bsam pa'i dbang gis don ster cing/ /rigs pa lta bur ma shon? par 'dod pa'i rdzas sgrub byed/ /dbul pos
- 250a
lha las bum pa bzang po rnyed 'dra zhing/ /bsngags 'os? rang lus mig gcig lta bur bsrung bya yin/ /nus shing phan la rjes brtson mthun pa'i grogs 'dra zhing/ /shes ldan yon tan la dga' sdug pa'i bu cig mtshungs/ /khyim du gter ni rgya chen byung ba dang mtshungs shing/ /nang dang rga ba'i sdug bsngal dang bral srog dang mtshungs/ /grong khyer mi dbang lta bur yon tan phun sum tshogs/ /nang shin 'bru ni phun sum tshogs pa'i zhing pa 'dra// nad rnams ma lus sel ba'i sman gyi mchog 'dra ste/ /tshul khrims de las lhag ba'i gus pa de srung bya/ /legs pa'i lam bstan pa las tshul khrims rnam par dag pa zhes bya ba phun sum tshogs pa dang po'o/ /de ltar rnal 'byor spyod ba 'dis tshul khrims yongs su dag pas ting nge 'dzin phun tshogs pa'i yan lag gi gtso bo sbyangs pa'i yon tan yang dag pa'i blangs par bya ste/ rnal 'byor spyod pas sbyang ba'i yon tan yang dag par blangs pas ni 'dod ba chung ba nyid dang/ chog shes ba nyid dang/ rab tu dbyen pa nyid dang/ gso slab dang/ nyon mongs pa spong ba dang/ brtson grus rtsom pa dang/ gso sla ba dang/ dga' sla ba dang/ bde ba la reg par gnas pa la gnas par 'gyur ro/ /bya ba nyung bas ni tshul khrims 'di bsrungs bar 'gyur ba ni ting nge 'dzin 'grub pa'i tshogs yin zhing sngon gyi 'phags pa'i rigs kyi lus su mthun pa dang/ rab tu dad par byed pa yin no/ /de las sbyangs pa'i yon tan bcu gnyis ni 'di dag yin te/ dgon pa pa nyid dang/ phyag dar khrod ba nyid dang/ bsod snyoms ba nyid dang/ stan gcig pa nyid dang/ cog bu ba nyid dang gzas phyis mi len pa nyid dang/ chos gos gsum pa pa nyid dang/ phyid bas? nyid dang/
- 250b
gzhi ji bzhin pa nyid dang/ dur khrod pa nyid dang/ shing drung ba nyid dang/ bla gab med pa nyid dang ngo/ /de la dam bca' ba dang rjes su mthun par 'di dgon par gnas pa yin pas na dgon pa pa'o/ /de'i dngos po nyid ni dgon pa pa nyid do// dam bca' ba yang de nas brtsams te grong gi mthar gnas pa spang rab gyi zhing dgon par gnas par bgyi'o zhes bya'o/ /sbyangs pa'i yon tan lhag ma rnams la rim bzhin nyid kyis de'i mi mthun phyogs spong pa'o/ /de la dgon bab nyid kyis yon tan ni 'di yin te/ dgon par gnas la mngon dga' ting nge 'dzin/ /thob pa'am yongs su bsrung bar nus pa yin/ /grong nang gnas rnams g.yeng ba'i nyes pa yis/ /sems ni rnam bcom nyer zhi thob mi 'gyur/ /de du gnas pa nyid la phyag dang khrod/ /sbyod pa lhag ma sbyangs pas rnam mdzes te/ /g.yul du mnga' skyob phul bcas go bgos shing/ /mtshon cha phun tshogs ldan pas 'brang dang mtshungs/ /dgon par gnyid log gyur kyang dben bar ni/ /gnas pas bde gshegs thugs mnyes byed nyid yin/ /grong gnas shin tu mnyam par bzhag gyur kyang/ /der ni ting 'dzin bde bar bsrung mi 'gyur/ /mdza' dang phrad dang rang gi srog dang ni/ /sdug pa'i lus la'ang ltos pa med par ni// bas mdza' dgom par gnas te brtson 'grus rtsom/ /yon tan khyad par gang zhig thob mi 'gyur/ /rol mo sna tshogs sgra dang glu yi sgra/ /g.yeng bar byed pa'i khyad par de dang de/ /dgon par med de gang phyir de yid 'ong/ /rnal 'byor la phan sbyor dang bzod rgyu yin/ /de pas na rnal 'byor pa dbyod pa rnams ni de la bsten par bya ba'i rigs so/ /de bzhin du phyag dar khrod pa nyid kyang de bzhin du dam bca' sngon du 'gro bas phyag dar khrod pa 'chang ba'i dad
- 251a
tshul 'di la yod pas phyag dar khrod pa ste/ de'i ngo bo nyid ni phyag dag khrod pa nyid do/ /phyag dar khrod pa yang yul dang dur khrod dang/ de'i nyen 'khor dang/ bar dag gi phyag dar gyi khrod na ngogs ltar gnas ba de las mnyam pa dang/ tha ba nyid yin pa'i phyir phyag dar khrod pa yin pa 'am/ phyag dar 'jig rten pa rnams smod pa yin pas na phyag dar khred? yin la/ dam bcas pa'i tshogs khyim bas byin pa'i gos spangs la phyag dang khrod bsags shing rab tu zhi zhing chog shes pa'i dpal dang ldan pa ni phyag dar khrod pa'o/ /de yang dgon par gnas shing chog shes sems kyis ni/ /gos ni dman las rab dman byor? byed la/ /'di la ltos pa drag po mi 'byung zhing/ 'jigs dang 'khrug pas rmongs par 'gyur ma yin/ /gzhan la chog shes yon tan go byed cing/ /yid kyang shin tu dang ba kho nar byed/ /sems ni gya nom srad las zlog byed la/ /de thob phyir na sdug bsngal skyed mi byed/ brlag na'ang rjes su gdung bar 'gyur min te/ phyag dar khrod ni rnyad par dka' ma yin/ /gos phyir khyim pa dang ni 'dris ba yis/ /rang gi chos kyi las las nyams mi 'gyur/ /de ni rkun ma dag gis dogs mi skyed/ bsrung pa'i 'bad pas de la bcom mi 'gyur/ /'di las phyogs kyi gnod pa'ang skye mi 'gyur/ /de ni log pa'i 'tsho pas nyams mi 'gyur/ /sbyangs pa 'di ni sngon chad byung ba yi/ /thub pa rnams kyang rjes su 'jug pa yin// bdud kyi stobs las rgyal bar brtson pa la/ /dpa' bo go bgos lta bur gyur pa yin/ /gser gyi 'od 'bar dang pas mtshan cing dkar/ /mdangs ldan spangs na rgyal bas gang bcas pa/ /de phyir lha dang mi yis phyag byas pa'i//
- 251b
phyag dar khrod la dam 'cha' su mi byed/ /dman pa gyon zhing zla 'dra'i mdangs ldan pa/ /yid du 'ong zhing mdzes pa'i gos dag kyang/ /gang zhig phyag dar khrod ni chang ba ltar/ /zhi ba'i phun tshogs de ni skyed mi byed/ /dgra bcom stong phrag mang po 'chang byed pa/ rnyengs? rtag tu kha na ma tho med/ nyer zhi dpal ldan bsngags 'os rnams kyis bsten/ /phyag dar khrod la dga' bar su mi byed/ /rab tu byung nas gang zhig la gnas pa/ /ji skad smras bzhin byed pa de nyid mdzes/ /'dis ni gang zhig dam bcas byas gyur pa/ /de ni de bzhin 'dzin pas sdug pa yin/ /chog shes 'phel ba nor chen yin pa'i phyir/ /de yi chos 'di phun sum tshogs par 'gyur/ /chog shes gtam gyis chog shes rab dgar 'gyur/ /dman las dman rnams gos kyis mgu ba yin/ /slob dpon gzhan dag ni rang bzhin gyi chos gos dang ldan pa la gnas nas phyag dar khrod pa nyid du dam bca' ba yin no zhes zer mod kyi/ /de ni khyim pa las blangs pa'i gos ma spangs pa'i phyir tshig tsam gyis dngos po bsgrub bar zad do/ /khyim pa las blangs pa'i gos lo mang zhig yongs su longs spyod cing 'jog pa de phyag dang khrod pa yin no zhes bya ba 'di yang mos pa tsam du zad do/ /de las bsod snyoms pa nyid ces bya ba ni dam bca' bas mgron du bos pa spangs te/ bsod snyoms la rgyu ba yin pas na bsod snyoms ba'o/ /bsod snyoms ni kham gyi zas slong ba zhes bya ba'i don yin te de rnyed pa zhes bya ba'i tha tshig go/ bsod snyoms de mang dman pa dang/ bar ma dang/ mchog gi khyim du slongs mo rgyu ba zhes bya ba'i don yin pa 'am/ bsod snyoms kyi phyir rgyu ba'i brtul zhugs kyi ngang tshul 'di la yod pas na bsod snyoms pa'o/ /de'i dngos po nyid ni bsod snyoms
- 252a
pa nyid do/ /de yang ? bca' ba 'dis byed pa yin no/ /nga rgyal spong zhing brnyas pa bzod byed la/ /rang gi lus ni skyo ba bzod byed cing/ /mgron pos ba yi bsdams pa'i sdug bsngal ni/ /slongs mos sbyong la zhugs la yod ma yin/ /sbyin pa'i gter chen bde ba rgya che la/ /mi smra bzhin du skye bo 'dzud par byed/ /khyim nad 'jug pa'i nges pa'i bslab pa ni/ /de sbyir pa yis dge slong shin tu mdzes/ /dge slong tshul ni rang dbang gis 'tsho zhing rang gi brtson pas thob la bde bar sbyod/ /log 'tsho'i nyes pas zil gyis mi gnon cing/ /'di yi phyogs ni gang du 'ang dgag pa med/ /gang la gnas te rab tu byung gyur pa/ /de ni de bzhin sgrub pas rnam par mdzes// zas kyi phyir ni sdug bsngal mi 'gyur zhing/ /dam pa rnams kyi tshul la rjes 'jug yin/ /nor dang nye du'i skye bo sdug dang khyim/ /kha zas ro zhim de dang de spangs nas/ /zas kyi sred pa las ni ldog gyur pa/ /mgu bas dge slong dngos po gsal byed yin/ /dam bca' ba'i dbang las stan gnyis pa la gnas pa'i kha zas spangs ston gcig la zas kyi rigs la spyod pa'i dang tshul 'di la yod pas na stan gcig pa'o/ /kha cig ni de ni bstan la 'dug pa'i mthar thug pa yin par 'dod la/ gzhan dag ni khrus byas pa'i mthar thug pa yin no zhes zer te/ gang zhig zos nas stan de las ma langs kyang lhung bzed khru ba'i chu blangs nas slar za bar mi byed pa dang/ kha zas so sor thob nas kham kyi tha ma zos nas yang slar ma zi ba de ni zas kyi mdza' yin no zhes bshad do/ /de yang 'di ltar dam bca' ba gom par byed do/ /yang dang yang du za ba'i nyes pa yis/ /stan gcig
- 252b
ngang? gi bya ba spong mi byed nang nyung gnod pa chung zhing lus srab 'gyur/ /rnal 'byor ldang ba yang bar 'dis? 'gyur ro/ /cho ga bzhin gnas bde bar 'chag pa dang/ thub dbang tshul gyi rjes su 'jug pa dang/ chog shes gso gli'i? yon tan rjes mthun zhing/ /zas kyi bde ba'i 'dam gyis gos mi 'gyur/ /'di yi sems ni rol mi gdung zhing/ /bsam gtan rjes sbyor dag la dga' ba yin/ /de la dga' bas rab zhi bya dgos gcig/ /nyon mongs phyogs ni bde blag nyid du spong/ /dam bca' ba sngon du 'gro bas glos phab spangs te 'dug pa'i ngang tshul 'di la yod pas na cog bu pa'o/ /sems can dge ba la dam bca' ba'i yang dag par sgrub pa yin no/ /gnyid kyis mun pa stug pos mi non cing/ /sems ni mal stan bde ba'i dbang mi 'gro/ /'di yi lus su 'dzin pa srab pa dang/ 'di las mnyam par 'jog pa bder gnas 'gyur/ /le lo dngos po spong ba'i stobs skyed la/ /rang gi chos kyi las sgrubs la mi g.yel/ /yang ba'i rim gyis slar la brten pa na/ /dal ba'i nyes pa shas che nyams mi myong/ /skyil krung bcas nas drang por gnas gyur cing/ /bsam gtan la brtson lus kyis gang 'dzin pa/ /dge sbyod la chag gnas nyal ba 'am 'dug pa yis/ /zhi ba'i dpal ni de 'dra 'dzin mi 'gyur/ /zas phyis mi len pa nyid ces bya ba ni phyis kha zas mi za ba'i ngang tshul can gang yin pa ni phyis mi len pa ste/ /bca' ba sngon du 'gro bas lhag pa'i kha zas za ba las ldog cing de 'dod ba yin pas na zas phyis mi lan pa'o/ /de'i dngos po nyid ni zas phyis mi len pa nyid do/ /phyis nas zas za ba spangs pa yi/ /dam bca' blangs par gyur pa yis/ /brkam chags med cing chog shes dang/ /dad ba'i
- 253a
tshul dang rjes mthun yin/ /slar yang kha zas tshol ba yis/ /ngal ba rnam par spangs nas ni/ /da tsam gyis mchog ngo mchar bcas/ /'dod chung nyid kyi yon tan dpal/ /spangs te za ba'i cho ga dpal/ /lto la gdung ba'i tshul spangs pa/ /de ni gso slar gyur pa nye/ /bde zhes lus yang 'gyur ba nyid/ /chos gos gsum pa yod pas chos gos gsum ste/ rnam sbyar dang/ bla gos dang/ mthang gos dang/ bca' ba sngon du 'gro bas brtag pa spangs te chos gos gsum chang pa'i nang tshul 'di la yod pas na chos gos gsum pa'o/ /de'i dngos po nyid ni chos gos gsum pa nyid do/ /chos gos gsum so? cam? ba gyis ni/ /chog shes yang ba la 'jug cing// mang po la sred nyer bcas pas/ /gos sogs pa ni spangs pa yin/ /'dab chags lta bur blangs nas ni/ /gang du dga' bar 'gro bar byed/ spang ba'i gnang ba dang bral zhing/ de las dge slong nyon mongs med/ /zhag bcu las 'das ltung ba ni/ /chos gos 'chang 'di la mi 'byung/ /gos brtag pa yi bya ba ni/ /'di la yod pa ma yin no/ /dam pa'i tshul 'jug la 'khur zhing/ /'dod chung yon tan rnams kyis brgyan/ /chos gos kyis ni bya ba yis/ /shin tu ngal bar 'gyur ma yin/ /dad ba dag pa 'di yis ni/ /ston pa lta bur chod par byed/ /de bas 'di ni chos gos sogs/ /gus pas rnam par 'phel bar 'gyur/ /phying ba nyid ces bya ba ni bal gyi rgya la thabs su ma btags pa la phyid bzhes 'jig rten na grags so/ /dam bca' ba sngon du 'gro bas phying ba 'chang pa'i ngang tshul 'di la yod pas na phyir ba pa'o/ /de'i dngos po nyid ni phyir ba pa nyid do/ /de yang dag par blangs pa'i yon tan ni/ /bal bsdus
- 353b
pa las byas ba'i gos/ /snal ma med pas chog shes pas/ /bzang po sred las byung ba yi/ /de tshol ba yi nyon mongs med/ /gos ni bzang po spangs pa yi/ /cha lugs 'chang bas 'bar zhing mdzes/ /dge slong rab zhi dga' ba ni/ / ston ba lta bur mdzes pa yin/ /dur khrod bla gab med pa dang/ /shing drung ngag tu gnas pa na/ /de la brten bas char dang ni/ /tsha dang grang ba la sogs sel/ /'dis ni bzang po la chags pa'i/ /reg pa yis ni gnod mi 'gyur bya ba mang nyung rang don dang/ /chog shes ba las nyams mi 'gyur/ /gzhi ji bzhin ba nyid ces bya ba ni dam bca' ba sngon du 'gro bas gzhi ji bzhin ba las gnas pa'i ngang tshul 'di la yod pas na gzhi ji bzhin pa'o/ /de yang gang du ji ltar rnyed pa'i mal stan gyis mgu bar gyur cing gsar bus yongs su bzung ba'i mal stan bzang po la chags pas des bslang ba yongs su spangs ba yin pa'i phyir ro/ /ji bzhin gting bas mgu ba'i phyir/ /sdom brtson shin tu mdzes pa yin/ /dge slong gsar du mal bstan ni/ /bde la gnas pa rjes su bsrungs/ /dman pa'i mal stan la 'dug kyang/ /bzang po la ni nye ba med/ /chags dang sdang ba'i phyogs gyi ni/ /gnod pa'i gzhi ru 'gyur ma yin/ / mal tan la ni chags pa yis/ /phan tshun du ni 'drangs? pa yis/ /rang gi bya ba mi nyams shing/ /bral bar gyur kyang gnas mi g.yo/ /tswa bting ba 'am sa la nyal ba ni/ /ji bzhin gzhi las gyur ba'i bde ba ni/ /nor bu 'bar ba'i gzhal yas khang stengs na'ang/ chog shes med ba'i sems la ji yod min/ /dur khrod nyid ces bya ba ni dam bca' ba sngon 'gro bas dur khrod du gnas pa'i dad du tshul 'di la yod pas na dur khrod pa'o/ /de'i ngo bo nyid yin
- 254a
pas na dur khrod pa nyid ngo/ /de'i yon tan ni/ dur khrod du ni rgyun du 'chi ba rjes dran pas/ skyo 'gyur de las bag med 'gyur ma yin/ /mi gtsang sna tshogs mtshan ma rnams mthong nas/ /'di yi 'dod ba'i 'dod chags 'phel mi 'gyur/ /'dir ni mi ma yin pa gus 'gyur zhing/ /'di yi srog la ltos pa chung 'gyur zhing/ /de la brten bas dregs pa spong 'gyur la/ /de bas de na chos 'ga' yang dga' thob/ /sems ni zhi la phyogs phyir rang srog dang/ /bde dang lus la ltos pa med 'gyur la/ /sdig sbrul mi ma yin pa'i 'jigs pa las/ der gnas pas kyang sngar? bas skrag pa med/ /shing drung pa nyid ces bya ba ni dam bcas ba'i tshogs g.yogs pa'i gnas spangs la shing drung du gnas pa'i dang tshul 'di lam yod pas na shing drung ba'o/ /de'i dngos po ni shing drung pa nyid do/ /der dam bcas pa'i yon tan ni/ /gang zhig shing drung bzang po dag tu ni/ /mal stan dag gis sems mgu'i 'byor par ldan/ /phyogs rnams kun tu thogs pa med par 'gro/ /de ni dam chos phun sum tshogs pa'i lam/ /de ni chos kyang rnam par 'phel 'gyur zhing/ /bdud kyi stobs kyi dregs bzlog par byed/ /de yis yid ni mnyam 'jog bsgrub rgyu yi/ /bde ba dag las dge slong nyams mi 'gyur/ /rnyed par sla zhing yo byad nyung ba dang/ /'du 'dzi sdug bsngal sgrib pa dang mtshungs shing/ /rang gi gnas gyur yon tan rgya chen bsten/ /dga' bas shing drung dag tu su mi gnas/ /lo 'dab gsar du byung bar gyur nas ni/ /mdog 'gyur bas bcom lo ma lhag pas shing/ /rang gi rtsa bar gnas pa'i sdom brtson la/ /mi rtag 'du shes ston pa lta bu yin/ /bla gab med pa nyid ces bya
- 254b
ba ni dam bcal ba'i cho? gas? g.yogs pa'i cho? gas? shing drung spangs ba'i gnas kun nas go skabs yod cing bla gab med pa la gnas pa'i ngang tshul 'di la yod bas na bla ga? ba? med pa'o/ /bla gab? med pa'i ngo bo nyid ni bla gab? med pa nyid do/ /de yang dag bar blangs pa'i yon tan ni/ /mal stan tshol dang bsrung dang spug pa yis/ /yongs su nyal ba'i gzhir gyur ma yin zhing/ /bla gab med par bsgrub par khas blang pa/ /'du 'ji med pas shin tu mdzes pa yin phyogs rnams kun tu dgag ba med par ni/ /ri dags lta bur rang dgar 'gro ba yin/ /chog shes yon tan mchog dang ldan gyur cing/ /sems ni gnas khang 'du 'dzi las rnams grol/ /gnyid chung nyid dang yid las byed pa'i rjes mthun zhing/ /dam pa'i tshul la brten pas yon tan phyogs 'dzin cing/ /lus kyi bde ba cung zad la chags rnams spong ba/ /yon tan de de bla gab med la gnas pa'i thob/ /skad tshogs rin chen 'od zer 'bar ba yis/ /nam mkha' i bla re nyi zla'i mar me ldan/ /'jig rten du ma de ni ri dang bcas/ /khang bzangs dang ldan gtsug lag khang chen yin/ /de dag la sogs pa yon tan gyi tshogs yang dag par 'byor pas na sbyangs pa'i yon tan zhes bya ba dang/ nyes pa rnams sbyong bar byed pa yin pas na sbyangs ba'i yon tan ces bya ba ste/ 'di lta ste/ glang po che chu 'thung ba la 'thung ba zhes brjod ba 'am/ zas za ba la za ba zhes smra ba dang 'dra bar tshig gong ma phyis te chos mi shes pa dang/ 'du 'ji dang shas cher 'dra ba nyid dang/ le lo nyid dang/ gnyid dang/ 'du 'ji'i nyas pa sbyong bar byed pa yin pas sbyangs pa zhes bya'o/ /dam bca' ba 'di dag ni nyes pa rnams kyi mi mthun pa'i phyogs yin pas sbyangs pa zhes bya ba la/ /'di dag ni
- 255a
dam bca' ba'i rten gyis bye brag tu phye ba yin no/ /de ni nyan thos mchog rnams kyis bsngags shin bzung ba yin te/ dgos pa byed pa'i mchog yin pas 'di dag yang dag par blang bar bya'o// de bzhin du 'di dag yongs su bzung ba'i sdig pa 'dod pa dang/ sems rnam par g.yeng ba dang/ dman pa dang/ kun tu rmongs pa rnams kyi thun mong ma yin pa nyid yin pa'i phyir dang/ chog mi shes ba dang/ chags pa la sogs pa'i sdig pas so sor skad? pa yin la/ thams cad kyi thun mong ba yin pa nyid dang/ /mthar thug par bya ba nyid yin no/ /yang sangs rgyas dang/ chos dang/ dge 'dun la mchod pa dang 'dra bar/ 'dod pa'i 'dod chags dang gti mug med pa dag sbyad ba'i chos yin pa'i phyir dge ba yin no/ /de la dge slong dgon ba pas ma 'ongs pa'i 'jigs pa dran nas bag yod pa nyid dang/ brtson 'grus brtul ba dang/ mchog tu bdag la phan pas gnas par bya'o/ /chos kyi deng dpon gyis dge slong sgra ngan las btsams te bshad pa'i dgon ba ba'i tshul skyo bas g.yengs pa bsal bar bya ba'i phyir bsam par bya zhing de bzhin du bslab pa bya'o/ /bag med gnyid dang le lo'i rjes 'jug dang/ khyim pa'i bde ba dran pas skyo bar 'gyur log par brtson pas nags la mngon dga' dang/ dga' zhing rgod sogs kyis ni dgon par g.yeng/ /sdig 'dod bsam pas dgon par gnas pa ni dman zhing mi mkhas skyo ba nyid du 'gyur/ /rnam g.yeng bdag nyid shin tu g.yeng byed cing/ /sbyor ba bzang ldan nyes re'i skal can min/ /nyes la mngon dags kun tu zhum 'gyur zhing/ /khyad par chung du? ya? shin tu dag
- 255b
pas g.yengs/ /nyes la dgra bo lta bur yid rtsub cing/ /zhis mngon brtson brtan pa rnams ni mdzes/ /de bzhin phyag dang khrod la sogs pa la skyes bu dam pa rnams kyi chos dang/ dam pa ma yin pa'i chos la yang dag par bsams nas sbyangs ba'i yon tan yang dag par blangs nas bdag la bstod pa dang/ /gzhan la smod pa dang/ dam pa ma yin pa'i lam gyi rjes su 'brang bar mi bya'o/ /'di dag ni gtso bo'i yo byad yin gyi dregs pa'i tshogs ma yin no/ /de rnams kyis bsgrubs pa'i rnyed pa dang bkur sti dang/ /tshigs su bcad ba'i ro myang bar mi bya ste/ rnyed pa dang/ bkur sti dang/ tshigs su bcad pas lha byin rnam par ltung bar gyur pa yang dran par bya'o/ /dge slong phyag dar khrod bas kyang phyag dar khrod 'chad? ba dang/ /rjes su mthun par rab tu zhi bar bya'o/ /'di las gzhan du na/ dge slong khengs shing mi brtan pa/ phyag dar khrod ni gan gyur na/ /spre'u stag lpags gon mtshungs te/ /'di ni de yis mdzes ma yin/ /khongs pa med cing rang bzhin brtan/ /sdig med dbang po bsdams pa yin/ phyag dar khrod kyis rnam mdzes te/ /ri sul gyis ni seng ger mtshungs/ /dad pa med pa'am dang pa chung ba rnams kyis 'di smad par 'gyur na yang/ /gad? smod bar 'gyur ba 'di ni 'jig rten gyi chos yin bas dam bca' ba rjes su dor bar mi bya zhing 'di la bzod pa'i bsam pas zil mnan par bya ba nyid yin no/ /bsod snyoms pa nyid kyis kyang grong khyer ram ljongs su bsod snyoms la zhugs ba na bslab pa yongs su dag pa dang/ /dge ba yid la byed pas bdag nyid snod du byas la bla ma 'am/ /da dang 'dra ba'i chings? lo mtshungs pa rnams la dri ba byas nas gos gyon te/ /ska dags 'chings? la shes bzhin dang
- 256a
khan? ma nges pa nyid ni 'bras bu la 'khrul pa'i phyir ro zhes bstan pa ni/ gang zhig don gzhan gyis go byed ces bya ba'o/ /nus pa can gyi rgyu gang yin pa de 'bras bus khyab pa'i go byed ma yin snyam du sems pa la/ de lta yin na 'bras bu khyab ba yin te/ de la ma 'khrul ba'i phyir/ /rgyu kho na 'bras bu yin par bstan pa ni/ gang zhig gang med par zhes bya ba'o/ /rgya ni ngang nyid grub pa'i don du med pa'i 'bras bu la gang gi tshe bltos ba de'i tshe/ de rgyu la bltas pa ma yin te/ 'di med pa'i phyir ro/ /yang na rang gi rgyu las skyes pa'i rgyu ni rgyur 'gyur gyi de yod bzhin pa ma yin pa'i 'bras bu la bltos pa ni ma yin no snyam du sems pa ni/ rgyu ji ltar 'bras bu yin zhes bya ba'i/ /rang gi rgyu las skye ba'i rgyu ni 'byung bar 'gyur ba'i 'bras bu la bltos pa kho na'i phyir/ de'i rgyu yin yang 'bras bu kho na yin te/ phan tshun mi? 'khrul ba nyid du rtogs pas grub pa'i phyir dang/ de tsam kho nas 'bras bu yin pa'i phyir ngo zhes lan du bstan pa ni/ ma yin te de 'bras bu yin pa'i phyir ro/ /de la gang zhig 'byung bar 'gyur ba la ltos pa'i 'bras bu yin pa kho na de'i bar bstan pa ni/ sems sogs rnam par 'gyur ba ni zhes bya ba ste/ sogs pa'i sgras mig la sogs pa bzung ba yin no/ /gang smras pa ji skad du/ si ta spre'u dbang mtshan mo rgyu ba rnams/ /pad+ma gser dang 'bar ba'i dpe rnams ni/ /mgrin bzangs dman dag mdza' dus su/ /g.yon pa'i mig rnams mtshungs par 'gul ba yin zhes smos pa'o/ /rnam par 'gyur ba'i rgyu nyid ni kha cig 'byung ba chen pa yongs su gyur pa mngon bar 'byung bar 'gyur ba'i rgyu ma yin nam/ /de'i phyir/ tshogs ba gcig la rag las pa'i/ gzugs la sogs bar sa rtogs pa/ /rgyu chos rjes su dpog pa ste/ /du bas bud? shing 'gyur
- 256b
pa bzhin zhes sems pa la/ rnam par 'gyur ba 'di ni zhes bya ba ste/ tshogs pa gcig la rag las ba nyid ni gzugs dang ro bzhin du dus gcig pa nyid du 'gyur la/ rgyus rjes su dpog pa las kyang 'bras bu rjes su dbog pa la de nyid ma nges pa'i gtan tshigs yin no/ /de'i phyir nus pa can gyi rgyu mthong ba las rjes su dpog pa ma 'ongs pa'i yul can ni rgyu'i chos rje su dpag pas bsal ba ma yin no/ /'o na ci zhe na/ lhag cig 'byung ba'i rgyu bsal ba yin no/ /gal te ma 'khrul bas yin na de yang ji ltar bsal bar byed pa yin/ /tshogs ba gcig la rag las pa nyid nam 'khrul pa 'di yin pas don rdzogs pa'i phyir zhes bya ba'i don to/ /'jig rten thams cad kyi tha snyad ces bya ba ni 'bras bu dang rgyu nyid 'dzin par byed pa'i tshad ma nye bar bstan pa yin no/ /bud shing rlon pa la sogs pa yod kyang me med ma mi 'byung ba yin la/ me yod kyang dang po ma mthong ma yod na 'byung ba'i du ba ni me drangs par rtogs pa'i phyir de'i 'bras bu nyid yin gyi ma 'khrul ba tsam las ni ma yin no snyam du sems pa la/ gzhan du yang 'di tsam nyid kyis zhes bya ba ste mes drangs ba nyid ces bya ba 'dis kyang ma 'khrul ba yin zhes bya bar bstan pa'i don to/ /de yod pa nyid na 'byung ba zhes bya ba ni rgyu nyid ma yin nam/ 'byung bar 'gyur ba yod pa kho na ni ma yin te/ ma 'ongs pa nyid yin no snyam du sems pa ni/ 'byung bar 'gyur ba ji ltar rgyu yin zhes bya ba'o/ /de yod pa kho na ni zhes bya bas ma 'khrul pa'i yul nyid kho na brjod pa yin par bstan pa ni/ de la te 'bras bu la mi 'khrul ba'i phyir te/ de la mi 'khrul ba'i yul nyid yin zhes bya ba'i don to/ /de la mi 'khrul pa'i yul nyid ni rgyu nyid ma yin te/ 'o na ci zhe na/ phan 'dogs pa nyid yin la phan 'dogs pa ni/ gang zhig yod pas phan
- 257a
bya zhing dge ba yid la byed pas gnas pa dang/ sangs rgyas dang chos dang dge 'dun mang du rjes su dran pa dang/ byams pa'i sems dang gal te sman chos ston pas gnas par bya'o/ /gzhan dag na re dur khrod pas dur khrod du spyil po 'am mal stan la sogs pa mi bya zhing dur khrod kyi gong gi cha 'am 'og gi char gnas par mi bya'o/ /glos phab ste nyal bar mi bya'o/ /nya dang sha dang 'o ma dang til dang/ bag zan dang/ me sha'i sran chan bza' bar mi bya/ khyim du zhugs par mi bya/ lhung bzed btang bar mi bya/ skye bo'i 'dus pa chen po 'ongs pa slar song nas gos kyi gnas dang stan blangs la ro bsregs pa dang/ shin tu mi ring bang bor ba 'phangs pas nod pa tsam gyis gnas kyi nang du 'dug pa la nam langs nas gos kyi dang bstan blangs pa la 'gro bar bya'o zhes zer ro/ /shing drung bas kyang rnyings pa dang/ khong stong dang/ dbyar gyi dus ma gtogs pa gzhan du ljang ljin bcas pa'i shing gi rtsa ba spang bar bya'o/ /bla gab med pas kyang sbrang? bu dang/ chu sbrang? nyung ba/ sdig sbrul dang/ srog chags gdug pa dang/ grog spur med pa/ tsher ma dang bral ba'i gnas bsten pa'i bya ba dbyar gnas pa'i dus su ni ba/ yongs pa'i gnas su 'dug par bya'o/ /dur khrod pas kyang gnas g.yogs pa yod nar byad gnas kyi bar du 'dug pa la 'gal bar med la/ dbyar gyi gnas med na steng g.yogs yod par 'gro bar bya'o/ /de la dgon pa nyid kyang bar gyi nyes pas grong nang du dus cung zad? cig 'dug na yang dam bcas pa mi gtong ba yin pa'i phyir nyams par mi 'gyur ro/ /de bzhin du chos nyan pa dang/ gso sbyong dang/
- 257b
dgag dbye'i don dang/ kun la mngon par grags pa'i mdo sde 'dzin pa dang/ yongs su dag par bya ba'i phyir dang/ bsnyen par rdzogs par bya ba dang/ ltur? ba las ldang ba dang/ ldang ba byed du gzhugs pa dang/ nang gso ba dang/ nad g.yog bya ba la sogs pa'i rkyen gyis 'gro ba la nyes pa med do/ /de bzhin du shing drung bas kyang de dag lta bu'i bya ba'i gtsug lag khang du zhugs pa dang/ char 'bab pa na skya rengs shar bar gyur gyang shing drung pa nyid la nyams par mi/ 'gyur ro/ /shing drung dang/ bla gab med pa dang/ dur khrod pa'i nyes par 'byung ba yang dgon pa pa dang 'dra'o/ /phyag dar khrod pa nyid kyis kyang kha tshar bcad pa dang/ mdza' ma bcad pa dang/ bkod? gis zos pa dang khyim zos pa dang/ mis tshig pa dang/ bkra shis par bya ba'i phyir lam du dor ba dang/ dur khrod du gtogs pa dang/ sems te bor ba dang/ 'jug sogs kyi rgyal mtshan dang/ dge slong gis byin pa'i gos rnams gyon pa la 'gal ba med do zhes kha cig 'dod dag de rnams ni phyag dar khrod pa dang 'dra bar 'dod pa yin pa'i phyir ro/ /phyag dar khrod gnyug ma tshol ba'i phyir zhugs pa la gal te khyim bdag gis sri zhing gsar ba'i dar la sogs pa byin pa na de blangs kyang phyag dar khrod las nyams par mi 'gyur ro zhes grag go /de bzhin du ched du bya ba'i kha zas dang/ tshul shing gis bab pa'i kha zas dang/ zla ba phyed pa dang/ gso sbyong ba dang/ dge 'dun gyi zas dang/ gtsug lag khang gi kha zas rnams ni mgron du bos pa ma yin pa'i phyir bsod snyoms pa nyid las nyams par mi 'gyur ro zhes zer ro/ /stan gcig pa nyid du za ba yang glang po che de tum po dang/ rta dang/ khyu mchog gi mi bsun pa dang/ sprul la sogs pa'i 'jigs
- 258a
pa dang/ mkhan po dang/ slob dpon dang/ tshangs pa tshungs par spyod pa rnams la gus pas phral du langs nas zas la spyod kyang stan gcig pa nyid las nyams par mi 'gyur ro/ /de la sbyangs pa'i yon tan 'di rnams las dgon pa pa nyid dang/ cog? bu pa nyid dang/ gzhi ji bzhin pa nyid dang/ dur khrod pa nyid dang/ shing drung ba nyid dang/ bla gab med pa nyid de drug ni mal stan dang rab tu ldan pa yin no/ /phyag dar khrod pa nyid dang/ chos gos gsum pa nyid dang/ phyid ba pa nyid de gsum ni chos gos dang rab tu ldan pa yin no/ /bsod snyoms pa nyid dang/ stan cig pa nyid dang/ zas phyis mi len pa nyid de gsum po nyid ni bsod? snyoms dang rab tu ldan pa yin no/ /de dag las kyang bsod snyoms dang/ chos gos dang/ mal stan la sred pa nye bar skyed pa'i rgyu gyur pa rab tu zhi bar bya ba'i phyir dang/ 'phags pa'i rigs dang rjes su mthun par bya ba'i phyir yang dag par blang bar bya ste/ de la gnas na spong ba la mngon par dga' ba nyid kyis srid par 'byung bar 'gyur ba'i rgyu can gyi sred pa rnam par gcod pa yin pas bde ba dang ldan pa yin no/ /kha cig na re sbyangs pa'i yon tan dang po gsum ni gtso bor gyur pa yin la lhag ma rnams ni 'khor du gyur pa yin no zhes 'dod de/ 'phags pa mdzes dga' la mngon par dgyes pa ston pa yin pa'i phyir ro/ /de yang bcom ldan 'das kyis dga' bo khyod nam ngas mthong bar 'gyur zhes bya ba'i tshigs su bcad pa ji skad gsungs pa lta bu'o/ /la la na re gang gis gnas brtan rnams mchog nyid du bstan cing grags pa'i lnga po 'di
- 258b
dag gi gtso bor gyur pa yin la/ /de la gzhan pa bdun ni 'khor du gyur pa yin no/ /'di dag thams cad kyang dad pa rnam par dag pa nyid yin pa'i phyir dang/ yon tan du mas phul du byung ba yin pa'i phyir dang/ de bzhin gshegs pa dang 'dra bar smad par bya ba ma yin pa'i phyir dang/ de rab tu zhi ba yin pa'i phyir dang/ rab tu zhi ba 'phel bar byed pa nyid yin pa'i phyir bkra shis pa'i mchog yin no/ /legs pa'i lam bstan pa'i gtam las sbyangs pa'i yon tan gyis mdzes pa zhes bya ba phun sum tshogs pa gnyis pa'o/ /sbyangs pa'i yon tan yang dag blangs/ /don dran pa la yang dag gnas/ /shes bzhin ldan pa'i rnal 'byor pa/ /spyod pa thams cad don yod 'gyur/ /ji skad du bshad pa'i ldang pa dang 'dug pa na shes bzhin dang ldan pa kho na bya'o/ /de la lus dang/ ngag dang/ yid kyi las thams cad shes bzhin nyid kyis so sor legs par brtags nas bya ste 'di ni 'di'i rgyur bsgrub par bya'o/ /'di ni 'di'i rgyur spyad par bya'o snyam pas don med pa ci yang sgrub par mi bya na dge ba rnams lta ci smos/ /'di ni shes bzhin don dang ldan pa yin no/ /ji skad du 'phags pa sgra gcan 'dzin la gdams pa las/ sgra gcan 'dzin de bas na lus kyi las byed par 'dod pas lus 'di ni rus pa sum brgya 'dus pa/ rgyus pas sprel ba/ sha'i ris brgya phrag du mas zhal zhal byas pa/ /pags pa rul bas g.yogs par blta bar bya'o/ /sems kyi dbang gis 'jug par byed pa/ me dang rlung gis rgyu bar byed pa/ sa dang chu dag shas cher bar gyur pa na mal dang stan la sogs pa la 'jug pa/ rkyen las rag las pas mi brtan ba nyid kyis ni sdug bsngal ba de nyid gyi phyir bdag dang bdag gi ba med pa zhes gsungs pa
- 259a
dang/ ji skad du dge slong dag lus 'di ni khyed cag gi yang ma yin/ gzhan gyi yang ma yin pa 'di ni/ rang gi mtshan nyid yang dag par shes pa yin no zhes gsungs pa dang/ nges par bya ba yongs su rdzogs nas kyang 'dug ste/ gang gi'i goms pa dang rjes su mthun par mngon par 'dod pa'i bya ba la 'jug par bya ba ni des gang 'byung ba yid la byed pa la mngon par phyogs pa dran pa nye bar gzhag pa dang/ rjes su mthun pa la mngon par phyogs pa 'di yid la bya ste/ 'di ni rang gi spyod yul shes pa nyid yin no/ /shes bzhin du bya ba 'di dag las gang zhig gang gi dus su bsgrub par bya ba de dus ji lta bzhin du bsgrub par bya ste/ 'di ni ma rmongs pa'i yang dag pa shes pa nyid yin te/ ji skad du dge slong gis dus shes par 'gyur ba ji lta ba yin zhe na zhes bya ba la sogs pa gsungs pa yin no/ /de ltar yang dag pa'i shes bzhin nyid la sogs lus dang ngag dang yid kyi las shin tu rnam par dag pa ni ting nge 'dzin gyi sbyor ba tsam bsgrub bar 'gyur ba yin no/ /lus dang ngag gi nyes pa 'bring dang ni/ /sems byung ba yin phra mo zhi gyur na/ /sa rdul bkrus pa'i gser ni phra mo bzhin/ /dge ba'i rnam rtog lhag ma lus par 'gyur/ /de ni ting nge 'dzin mngon par 'dus byas pa las thob pa sems bsdus nas/ 'jog pa zhes bya ba yin no/ /ji skad du phyag dar khrod par byed pa'i mdo las/ yang dag mtshan ma la ni legs gnas la/ mnyam zhing rgod dang zhum pa'i sems nyid ni/ /btang snyoms zhi dang 'dzin par byed nyid du/ /sems de la ni mngon brtson mnyam par bzhag/ gser gyi phye mas rdul sbyangs pa ni/ /se'u'i? khar bzhag 'ju bar 'dod pa na/ /me
- 259b
stobs mnyam zhing rno? dang chung ba ni/ /btang snyoms bzhag dang dpal bsad sbyar dang mtshungs/ /rnal 'byor spyod pa'i rnam g.yeng 'dis mnyam par bzhag pa'i phan yon la bsam par bya'o/ /rnal 'byor spyod pa'i ting nge 'dzin thob pa ni kha na ma thob med pa dang/ gzhan gyi kha na ma las pa'i ting nge 'dzin las byung ba'i dga' ba dang bde ba'i ro sten par byed pa na mi las 'das pa'i dga' ba yid du 'ong ba nyams su myong bar 'gyur te/ ji skad du dge slong khyim stong par zhugs pa ni mi'i las 'das pa'i dga' ba thob bo zhes gsungs pa yin no/ /de bzhin du lus 'di nyid la dbyen pa las skyes pa'i dga' ba bde ba dang/ ting nge 'dzin yongs su sbyang ba byas pa'i sems 'jam zhing las su rung ba sgrib pa'i rnyog pa dang bral ba ni phung po dang khams dang skye mched kyi rang bzhin bde blag tu mthong bar 'gyur ro/ /de bas na bcom ldan 'das kyis dge slong ngag ting nge 'dzin bsgoms shing ting nge 'dzin mang du bya zhing bag yod pa dang/ sdig pa dang bral ba dang/ nad du yang dag par 'jog pas rnal 'byor la mnyam par bzhag par bya zhing sems nang du zhi bar bya'o/ /ting nge 'dzin la brten nas mngon par shes pa lnga dang/ khyad par de dang de thob par 'gyur te/ ji skad du/ de de ltar mnyam par bzhag pa'i sems kyi tshe 'phrul gyi cho gas mngon sum du bya bas sems la dbang sgyur zhing de rdzu 'phrul gyi bya ba dpag tu med ba nyams su myong bar byed do zhes gsungs pa yin pas/ ting nge 'dzin thob pa mi slob pa'i sa ma thob par ma nyams par dus byas na ting nge 'dzin ji lta ba bzhin du gzugs dang gzugs med pa'i ting nge 'dzin phun sum tshogs pa thob bar 'gyur ro/ /ji skad du skye ba rnam par 'byed pa las ting nge
- 260a
'dzin gyi nye bar spyod pas nye bar bsags pa'i las kyi lha'i bdag po dang/ 'khor los bsgyur ba la sogs pa'i phun sum tshogs par 'gyur ro zhes gsungs pa dang/ ji skad du/ dge slong dag de lan sum cu rtsa drug gi bar du lha rnams kyi dbang po brgya byin du gyur na/ rgyal po rgyal rigs spyi bo nas dbang bskur bar gyur pa lta smos kyang ci dgos/ de lta na/ ting 'dzin grub par yid ni brtson gyur pa/ /de yi yang dag yon tan la lta ba/ yon tan la dags bya ba 'grub pa dang/ /sems ni spro ba brtan pa nyid du 'gyur/ /de la ting nge 'dzin ces bya ba ni byid? ba dang/ zhum pa dang/ rnam par g.yengs ba dang/ mi mnyam pa spang pa'i phyir sems dang sems las byung ba dmigs pa gcig la gtod pas ting nge 'dzin ces bya ba 'am/ sems dang sems las byung pa dmigs pa gcig yang dag par sdud pas na ting nge 'dzin yin pa 'am/ phyin ci ma log pa yin pas ting nge 'dzin 'di la gtor cing 'jog pa na phun sum tshogs pa'i khyad par ye shes dang mthong ba re dang de bskyed pa'i phyir ting nge 'dzin to/ /de yang gang rnam par dag pa'i sems dmigs pa gcig la nye bar zhi ba'i yon tan gyis yang dag pa'i brtson 'grus 'jug cing mi g.yeng bar gnas pa 'am/ nye ba'i nyon mongs pa'i rlung gis ma bskyod par khang pa'i nang gi mar me dang 'dra bar sems rtse gcig par 'jug pa ni ting nge 'dzin ces bya ste/ sems gnas pa dang yang dag par gnas pa zhes bya ba la sogs pa ji skad gsungs pa lta bu'o/ /yang na rnam pa gcig pa dang/ sbyor ba gcig pa dang/ sgo gcig pa dang/ dmigs pa gcig pa la sems yang dag par
- 260b
'jog pa'o/ /de yang sems rtse gcig ba'i mtshan nyid de/ nyon mongs pa'i yongs su gdung ba rab tu zhi ba'i phyir nye bar gnas pa'o/ /de ni 'gyod pa med pa dang/ rab tu dga' ba dang/ mgu ba dang/ shin tu sbyangs bas kun nas bslang ba'i gzhi'i gnas yin no/ /de ni sems rtse gcig pa'i mtshan nyid kyis rnam pa gcig yin no/ /'jig rten dang 'jig rten las 'das pa'i dbye bas ni rnam pa gnyis yin te/ byang chub kyi yan lag dang rab tu ldan pa ni 'jig rten las 'das ba'o/ /de las gzhan pa ni 'jig rten ba rnams so/ /yang yang dag pa'i ting nge 'dzin dang/ log pa'i ting nge 'dzin gyis rnam pa gnyis te/ dge ba la sems rtse gcig pa ni yang dge ba'i ting nge 'dzin to/ /mi dge ba la sems rtse gcig pa ni log pa'i ting nge 'dzin to/ /gzhan yang lung du bstan pa dang/ lung du ma bstan pa gnyis te/ lung du bstan pa ni dge ba dang/ mi dge ba dag go /de gnyi ga las go bzlog pa ni lung du ma bstan pa'o/ /gzhan dag ni ting nge 'dzin rnam pa gnyis su 'chad de/ nye bar bdags pa'i ting nge 'dzin dang/ gtong ba'i ting nge 'dzin to/ /ting nge 'dzin de dang de dag las snga ma'i cha dang nye ba ni nye bar gdags pa'i ting nge 'dzin no/ /rigs su gyur ba'i chos kyi rjes thogs la ni gtong ba'i ting nge 'dzin yin no/ /gzhan yang rnam pa gnyis te/ dga' ba dang bcas pa dang/ dga' ba med pa'o/ /dga' ba dang bcas pa ni bsam gtan dang po dang/ gnyis pa dang/ de'i nyer bsdogs? dang/ de'i mthus gnas pa'i snyoms par 'jug pa rnams so/ /dga' ba med pa ni de yan chad kyi bsam gtan dang/ nyer bsdogs? dang/ de'i mthus gnas pa rnams so/ /yang gnyis te/ gzugs la spyod pa dang/ gzugs med pa la spyod pa'o/ /gzugs la spyad pa ni slob
- 261a
pa dang/ so so'i skye bo rnams bsam gtan bzhi dang/ de'i nyer bsdogs dang/ de'i mthus snyom par 'jug pa rnams so/ /gzugs med pa ni gzugs med pa la spyod pa rnams so/ /gzhan yod rnam pa gnyis te/ smon pa dang bcas pa dang/ smon pa med pa'o/ /byang chub kyi yan lag can ma yin pa/ srid pa mngon par 'grub par byed pa ni smon pa'o/ /byang chub kyi yan lag dang bcas pa srid pa sped par byed pa ni smon pa med pa'o// yang rnam pa gsum ste/ rtog pa dang dpyod pa dang bcas pa tsam dang/ rtog pa med cing dpyod pa tsam dang/ rtog pa yang med dpyod pa yang med pa'o/ /de la rtog pa dang dpyod pa dang bcas pa ni bsam gtan dang po dang de'i mthus snyoms par 'jug pa'o/ /rtog pha med pa la dpyod pa tsam ni bsam gtan dang po'i bsam gtan khyad par can dang de'i mthus snyoms par 'jug pa'o/ /rtog pa med la spyod pa med pa ni bsam gtan gnyis pa la sogs pa dang/ de'i nyer bsdogs dang/ de'i mthus snyoms par 'jug pa rnams so/ /yang ting nge 'dzin rnam pa bzhi ste/ nyams pa dang/ gnas pa dang/ khyad par dang/ nges par 'byed pa'i skal ba can no/ / gzhan yang 'dug pa dang/ brtson 'grus dang/ sems dang/ dpyod pa'i dbang du byas pa bzhi'o/ /de nyid dmigs pa dang/ rnam pa dang/ chung ngu dang/ 'bring dang/ chen po'i dbye bas ting nge 'dzin rnam pa mang po yod do/ /de yang shin tu bsdus pa dang/ brgyas pa ma yin par rim pa bar ma la gnas nas 'di dag tsam zhig rnam par bzhag pa yin te/ 'di lta ste bsam gtan bzhi dang/ de'i nyer bsdogs gsum dang/ gzugs med pa rnam
- 261b
pa bzhi dang/ rjes su dran pa drug dang/ tshad med pa rnam pa bzhi dang/ dbugs dbyung ba dang rdug? pa rjes su dran pa dang/ 'du shes bcu dang/ zad par gyi skye mched bcu dang/ yongs su chad pa bcu dang/ zil gyis gnon pa'i skyed mchad brgyad dang/ rnam par thar pa brgyad dang/ zil gyis gnon pa dang/ 'du shes med pa'i snyom par nga 'jug pa dang/ stong pa nyid dang smon pa med pa la sogs pa'i ting nge 'dzin gsum dang/ rjes su mthun pa la rjes su mthun par 'du shes pa la sogs pa snyoms par 'jug pa dang/ stong pa nyid gsum dang/ yan lag lnga dang/ shes pa lnga dang ldan pa'i ting nge 'dzin rnams so/ /de ltar ting nge 'dzin gyis tshogs 'di dag rnal 'byor pas gzhung dang bon gyi sgo nas yang dag par rtog par byas nas kyang de rdzogs par bya ba ni don du gtam bcu bzhi'i yon tan phun sum tshogs pa'i dge ba'i bshes gnyen nam/ mkhon bo 'am/ slob dpon nam/ tshangs pa mtshungs par sbyor ba de lta bu bsten par bya ba 'am/ gang zhig la brten na ma thos pa thos pa dang/ thos pa rnams yongs su dag par byed pa dang/ the tshom spong bar 'gyur ba dang/ lta ba drang por byed pa dang/ tshig zab mo'i don so sor shes rab kyis rtogs pa dang/ gang zhig la bslabs pa na tshul khrims dang/ thos pa dang/ shes rab la sogs pa'i yon tan gyi khyad par 'phel bar 'gyur ba la brten par bya'o/ /gang yang sdug dang bla ma dang/ /dad bya smra mkhas tshig smra nus/ zab mo'i gtam ni ston byed pa/ gnas min pa ni mi sbyar ro/ /gal te rnyed na sdig med shes rab can/ /zhes bya ba la sogs dang/ kun dga' bo 'di ni tshangs par spyod pa yongs su dag pa nyid yin no zhes bya ba la sogs pa
- 262a
ji skad gsungs pa lta bu'o/ /de la sdug pa ni tshul khrims dang thos pa phun sum tshogs pa'i byams pa'i lus dang yid kyis sam/ sbyin pa dang/ snyan par smra ba dang/ don mthun pa dang/ don spyod pas ni sdug par 'gyur ba yin no/ /nye bar zhi ba la snyoms? pa dang/ tshigs 'chal ba dang/ ldan pa nyid dang/ chog shes pa nyid kyis ni bla ma yin no/ /shes pa dang yon tan phun sum chags pa dang/ khyad par rtogs par 'os pa'i spyod lam dang ldan pa'i phyir dad par bya'o/ /chos la gus pa dang/ gzhan la phan pa la brtson pa'i blo can nyid dang/ yang dag pa dang/ dus dang/ 'jam pa dang/ don dang ldan par tshig smra ba la mkhas pa dang/ bdag nyid gzhal ba shes pas na smra ba la mkhas pa'o/ /rang bzhin bzang ba nyid dang/ rab dang gzhan gyi gzhung lugs shes pa dang/ gtam gyi bya ba la mkhas pas na tshig smra ba nus pa'o/ /'jug pa dang ldog ba'i rim pa shes pa dang/ nges par dpyad pa'i bsam pa dang ldan pas zab mo'i gtam sten par byed pa'o/ /legs par brtags nas byed pa dang/ spyod pa'i mtshan nyid dang/ bslang ba dang/ mi mthun pa'i phyogs shes pas gnas ma yin par mi sbyor ba'o/ /yang na dag? gi phya'o dags nyams par byed pa'i tshig dang las la mi sbyor ba yin pa'i phyir ro/ /sems can rnams ni phal cher nyes pa de de de de la spyod par yin pa dang/ dad pa dang/ blo dang/ rtag pa la spyod pa yin pa'i phyir 'dod pa'i chags la spyod pa dang/ zhe sdang la spyod pa dang/ gti mug la spyod pa zhes de dang de ltar ston te/ dad pa la sogs pa la spyod pa yang dag sum po 'di dag gi nang du 'dus pa yin te/ 'dod chags dang/ zhe sdang dang/ gti mug ni nyon
- 262b
mongs pa'i gtso bo yin pa'i phyir dang/ dad pa dang/ bu? dang/ rnam par rtog pa ni 'di'i rigs kyi bskal ba can yin pa'i phyir ro/ /'dod chags ni kun tu sbyor ba'i bdag nyid can te/ de ming ltar byung ba'i don la tshul bzhin ma yin pas zhen pas na 'dod chags zhes bya la/ ma 'ongs pa'i nyon mongs pa can la don du gnyed pa'i sgo nas zhen pa la ni sred ba zhes bya bar bshad do/ /de'i bdag nyid can gyi gang zag ni dge bar 'gyur ba'i don la tshul bzhin sbyor bas na dad pa la spyod pa zhes bya'o/ /de bas na 'dod chags dang/ sred pa dang/ dar ba la spyod pa gcig tu rab tu skye ba yin pa'i phyir dang/ 'byar ba'i bdag nyid can yin pa'i phyir gcig pa nyid ces bya'o/ /de bzhin du bral ba'i bdag nyid can ni zhe sdang ste/ de zhe sdang ba'i sgo nas 'bral bar 'gyur pas na zhe sdang zhes bya'o/ /bdag la bstong ba'i sgo nas 'bral bar byed pas nga rgyal zhes bya'o/ /de'i bdag nyid can gyi gang zag ni skyo ba mang ba yin/ khams gsum po dang 'bral bar byed pas na shes rab kyi sgo nas blo zhes bshad do/ /de bas na 'di dag kyang gcig pa nyid yin no/ de bzhin du rtogs pa med pa'i bdag nyid can ni gti mug ste/ de ni rnam pa thams cad du rtog pa med pas na rmongs pa zhes bya la/ log par rtog pas na lta ba zhes bya'o/ /de ni bdag nyid can gyis gang zas ni tshul bzhin yid la byed pas 'jug pa yin du zin kyang rnam par rtog pa mang par 'gyur zhing ma nges pa'i blo can yin te/ de bas na 'di dag kyang gcig pa nyid yin no/ /yang na 'dod chags dang/ sred pa dang/ dad pa ni rtse gir yon tan tshol la yongs su mi spong ba'i rang bzhin can yin pas 'dod pa la chags pa ni 'dod chags dang sred pa zhes bya la/ dge ba la dga' ba ni dang
- 263a
pa zhes bya'o/ /'dod chags dang srid pa'i yon tan rtsol ba'i bdag nyid can ni 'dod chags dang sred pa zhes bya la/ /dge ba tshol ba'i bdag nyid can ni dad pa yin no/ /phan pa ma yin pa yongs su mi 'dor ba'i mtshan nyid ni 'dod chags dang sred pa yin la phan pa yongs su mi 'dor ba'i mtshan nyid ni dad pa yin te/ de ltar na 'di dag kyang gcig pa nyid yin no/ /'di las gos bzlog pa'i spyi'i mtshan nyid kyi zhe sdang dang/ nga rgyal dang/ blo'i spyod pa rnams kyang gcig pa nyid yin te/ brtse ba nyid dang/ nyes pa tshol ba dang/ yongs su 'dor ba'i rang bzhin can nyid yin pa'i phyir zhe sdang dang/ nga rgyal can gyi gang zag brtse ba'i med pa'i rang bzhin can yin la 'dus byas shes pa ni blo yin te/ zhe sdang dang/ nga rgyal ni gang zag nyes pa tshol ba'i bdag nyid can no/ /blo ni 'dus byas kyi nyes pa tshol ba'i bdag nyid can no/ /zhe sdang dang/ nga rgyal ni gang zag yongs su 'dor pa yin la/ blo ni 'dus byas yongs su 'dod pa shes pa'o/ /de bas na tshan nyid mthun pas zhe sdang dang nga rgyal dang blo la spyod pa rnams ni mtshan nyid gcig pa nyid yin no/ /de bzhin du gti mug dang/ lta ba dang/ rnam par rtog pa la spyod pa rnams ni mi brtan zhing rnam par g.yo ba'i bdag nyid can yin pa'i phyir gti mug ni rnam par 'gyur ba'i bdag nyid can yin pas na mi brtan pa yin la/ lta ba ni log pa'i bdag nyid can yin pa'i phyir mi brtan pa yin no// rnam par rtog pa ni rnam par rtog par bya ba'i dngos po mang po la rgyugs pas na mi brtan pa yin no/ /gti mug ni chos kyi mtshan nyid ma rtogs pas g.yo ba yin la/ lta ba ni log pa'i chos la rnam par g.yengs pas g.yo ba yin
- 263b
zhing/ rnam par rtog pa ni yang ba yin pas g.yo ba yin no/ /de bas na mi brtan zhing g.yo ba yin pa'i phyir gti mug dang lta ba dang rnam par rtog pa la spyod pa rnams spyi'i mtshan nyid kyi gcig pa yin no/ /'di dag ni las kyis phan tshun du tha dad par gyur pa yin te/ dge slong dag las kyi mtshan nyid kyis byis pa yin zhing las kyi mtshan nyid kyis mkhas pa yin no zhes ji skad gsungs pa lta bu ste/ des na tshul de ltar shes par bya'o/ /'gro dang lta dang spyod dang smra ba dang/ /nyal dang zas dang gos gyon 'dod pas las/ /'jam dang rtsug dang kun nas g.yo ba'i mi/ /'dod dang khro dang gti mug la spyod bshad/ /nyes pa'i rang bzhin rjes 'jug byed pa rnams/ /'di dang pha rol dag tu/ de'i dbang gis/ spyod ma sna tshogs 'gyur ba de yis phyir/ de las go bzlog tshul gyis 'di la sbyar/ /de ltar dpyod pa dang mtshan nyid dang ldan pa'i bya ba'i mi mthun pa'i phyogs shes pas gnas pa ma yin pa la sbyor bar mi byed do/ /gang ga phyir rnal 'byor spyod pa rang nyid 'phal bar 'dod pas 'di lta bu'i bla ma la yang dag par brten te gnas par bya ba 'am/ slob dpon nam mkhan po yon tan de lta bu dang mi ldan par gyur na gang na yon tan de lta bu'i bla ma yod pa der 'gro bar bya'o/ /dam pa rang gi yon tan gyis/ /mtho ba ring po nas kyang snang/ dri med sa phyogs mdzes pa yis/ /ston ka yi ni ring por mtshungs/ /der 'gro ba ni nyon mongs dang/ bar chad mang bar 'gyur ba 'am/ mi nus pa 'am de lta bu dang ldan pa gang na yang yod par thob mar ma gyur na/ /de bzhin gshegs pas gsungs pa'i chos 'dul ba nyid slob dpon gyi mchog yin pa las brten par bya ste/ de'i dbang gis rang la phan pa 'byung bar 'gyur
- 264a
pa'i phyir te/ mdo sde las ji skad gsungs pa ston pa ni de skad gsungs pa yin la/ ji skad gsungs pa mdo sde las de skad ston pa yin te/ slob dpon yang rjes su ston pas 'di dag nyid rjes su ston pa nyid yin pa'i phyir ro/ /bcom ldan 'das kyis kyang/ gal te sdig bral shes rab can lhan cig /spyod pa brtan pa'i legs gnas ma rnyed na/ /rgyal po rnam rgyal grong khyer spangs pa ltar/ /dgon pa'i glang chen lta bur gcig pur spyad/ ces gsungs pa dang/ de yang rang sangs rgyas kyis dam pa shes rab can la yang dag brten/ /grogs kyi phun tshogs rab tu bsngags yin gyis/ /gal te nyes med de ni ma rnyed na/ /bse ru lta bur gcig bu spyod par bya zhes/ ji skad bshad pa lta bu'o/ /gcig pu gnas pa ni ting nge 'dzin gyi bya ba ji skad thos pa bag yod pa nyid du yang dag par sgrub par 'gyur ro/ /ting nge 'dzin gyi mtshan ma'i nus pa la yid sbyar bar mi bya ste/ de la brten pa'i sems ni legs pa phul du byung bar mi 'gyur ro/ /de'i phyir phul du byung ba'i chos la nges par sbyar bar bya'o/ /dal 'byor gyi mchog 'di ni lta'i bu'i 'gro ba'i snying po bas kyang shin tu mgyogs par 'gro ba yin no/ /de bas na yang dang yang du nyon mongs pa spong par 'os pa'i kun tu spyod pa dang/ nus pa che bas zag pa zad pa'i rten du gyur pa 'am/ de'i lam gyi ting nge 'dzin gcig gi dbang du byas nas de las gzhan pa'i ting nge 'dzin gyi rgyu mtshan skyes pa dang ma skyes pa'i nyes pa rnams zhi bar byed pa rnams kyang yid la bya'o/ /'dod chags la spyod pa yin na yang zhe sdang gti mug gi nyon mongs pa rnams la kun tu spyod par 'gyur ba
- 264b
yin pa/ zhe sdang la spyod pa la yang 'dod chags dang gti mug la sogs pa zil gyis gnon par 'gyur zhing gti mug la spyod pa rnams la yang 'dod chags dang zhe sdang la sogs pa 'byung bar 'gyur ro/ /de bas na bcom ldan 'das kyis dge slong dag gal te 'dod pa la 'dun pa skyes bar gyur na mi sdug pa'i mtshan ma tshul bzhin du yid la gyis shig ces bya ba la sogs pa nges par gsungs pa yin no/ /dge slong dang dge slong ma ltag pa'i sems la mngon par brtson pas gnas lnga yang dang yang du yid la bya zhing mtshan ma gsum pa yang dang yang du yid la bya'o/ /thams cad bag yod pa dang ldan par bya ste/ de ltar na ting nge 'dzin yongs su rdzogs par 'gyur ro/ /ji skad du/ bag yod pa'i rgyu dang/ brtson 'grus kyi rgyu dang/ rtag tu bya ba'i rgyu dang/ rjes su sbyor ba'i rgyu dang/ yang dag par yid la byed pa'i rgyus de lta bu'i ting nge 'dzin la reg par 'gyur ro zhes gsungs pa dang/ sems kyi yang snyoms par 'jug pa dang/ gnas pa dang ldan pa la mkhas pa nyid du bya'o/ /gus par bya ba dang/ rtag par bya ba dang/ rjes su mthun par bya bas dmigs pa gang zhig gam/ rnam pa dang mtshan ma gang gis sems kyi nyon mongs pa nye bar zhe bar 'gyur ba de nyid yang dag par shes par bya'o/ /ji skad du/ g.yos mkhan lta bu'i mdo las/ mtshan ma legs par bzung ba ni sems bskyed pa la mkhas par 'gyur ro zhes gsungs pa dang/ yang ji skad du/ mtshan ma legs par bzung ba'i phyir gom pa 'dor ba yang ting nge 'dzin la snyom par 'jug par byed do zhes 'dren pa'i tshig nyes par bzung ba'i rjes su nyams par 'gyur ro zhes gnas brtan gyis bshad pa
- 265a
lta bu'o/ /mtshan mam brjod pas ni myur du snyoms par 'jug pa la gnas par 'gyur te/ mtshan ma legs par bzung ba yin pa'i phyir snyoms par 'jug sna bstan pa yin no/ /dran pa yang? rnal 'byor sbyod pa rnams kyi nus pa che ba'i chos yin te/ de ni thams cad du 'gro ba yin pa'i phyir de'i dbang gis 'das pa dang/ ma 'ongs dang/ mtshan ma rnams las nyams par mi 'gyur ro/ /de bas na thams cad du legs par smras pa'i dran pa dang ldan par bya'o/ /de ltar yang mdo las/ mnyam par bzhag pa 'di ni dran pa la nye bar gnas pa rnams kyi yin gyi/ /chos 'di ni dran pa nyams pa rnams kyi ma yin no zhes gsungs pa dang/ ting nge 'dzin las g.yang ba'i nyes dmigs rnams ba du mas shin tu bsams par bya zhing/ snga ma bzhin du ting nge 'dzin gyi yon tan mthong ba la 'bad par bya ste/ de ltar na ting nge 'dzin la sems yang dag par dga' bar 'gyur ro// ji skad du/ khyim bdag gon gyi dbang du mdzad de/ ting nge 'dzin thob nas de dbang du byas la dregs par gyur pa med pa dang/ mi smra bar de'i gong ma'i khyad par thob pa'i phyir sems rab tu gzhug par bya'o/ /ji skad du ri bo'i chu dpar mdzad de/ rnal 'byor spyod pa la gces par byed pa'i chos smra ba nyung ba la sogs pa spang bar mi bya'o/ /dus su chos nyan pa la brten par bya'o/ /rang gi sems la so sor brtags pa mang du bya'o zhes ji skad bshad pa dang/ de ltar ting nge 'dzin gyi yan lag rnam par dag pa dang ldan ni yid gang la nye bar sbyar ba yang dag pa'i sbyor ba dang ldan pa de thogs pa med pa nyid du ting nge 'dzin dang rdzu 'phrul la sogs pa'i gter thob par
- 265b
'gyur/ /bag med nyes dang yan lag nyams pa ni/ /sngags ni rab tu 'grub par 'gyur ma yin/ /ting 'dzin de 'dras de phyir de rnams kyi/ /yan lag la ni 'bad pa nyid du gyis/ /legs pa'i lam bstan pa'i gtam las ting nge 'dzin gyi yan lag rnam par dag pa zhes bya ba phun sum tshogs pa gsum pa'o// //bslob dpon dpa' bos mdzad pa sogs pa'i lam bstan pa'i gtam rdzogs so// // rgya gar gyi mkhan po chen po de'i pi ka ra sh+rI dz+nyA na dang/ lo tsA ba chen po dge slong rin chen bzang pos bsgyur cing zhus te gtan la phab pa/ /bam po phyed dang gsum mo/ /dge bar gyur cig/ mang+ga laM/ /dge ba bcu'i las kyi lam bstan pa gzhugs/ /rgya gar skad du/ d+ha sha ku sha la kar ma pA phA ni rad+he sha/ /bod skad du/ dge ba bcu'i las kyi lam bstan pa/ dkon mchog gsum la phyag 'tshal lo/ /dge ba bcud po 'di dag mngon par mtho ba dang/ des? par legs par thams cad kyi rgyu yin pas na/ sangs rgyas kyi slob ma dag gis 'di la bslab par bya'o/ /de la bcu gang zhe na/ lus kyi las rnam pa gsum ste/ srog mi gcod pa dang/ ma byin par mi len pa dang/ 'dod pas log par mi g.yem? pa'o/ /ngag gi las rnam pa bzhi ste/ rdzun mi smra ba dang/ phra ma mi smra ba dang tshig rtsub po mi smra ba dang/ tshig 'khyal bar mi smra ba'o/ /yid kyi las rnam pa gsum ste/ brnab sems spangs pa dang/ gnod sems spangs pa dang/ log par lta ba spangs pa'o/ /de yang mi dge ba bcu spang pa ni/ dge ba bcu yin pas spang bar bya ba
- 266a
bcu brjod par bya ste/ de ni 'phags pa byang chub sems dpa' i sde snod las ji skad du/ srog gcod pa'i sems can dang/ /gzhan gyi nor la 'phrog pa dang/ /'dod pas log par g.yem pa dang sems can dmyal ba'i bar du 'gro /dbyen byed pa dang tshig rtsub dang/ /rdzun du smra zhing mi sdom pa/ /byis pa 'khyal par smra ba rnams/ /so so'i skye bo bslus pas bcings/ /gzhan gyi spyod la bsnab sems dang// gnod sems dag ni mang ba dang/ /mi gang lta ba log zhugs pa/ /ngan 'gro dag tu 'gro bar 'gyur/ /lus kyi sdig pa rnam gsum dang/ /ngag gi sdig pa rnam bzhi dang/ /yid kyi sdig pa rnam gsum ni/ /sdig byed pa dag rab tu byed/ /sdig pa'i las rnams byas pas na/ /de phyir ngan 'gror 'gro bar 'gyur/ /ci nas ngan 'gro'i mi btang bar/ /bskyab ba'i phyir ni rab tu 'byung/ zhes bcom ldan 'das kyis gsungs pa dag gi/ ji ltar na nyes pa de dag rdzogs par 'gyur zhe na/ srog gcod pa ni/ gzhi sems can yin pa dang/ der 'du shes pa dang/ gsod par bsams pa dang/ sbyor ba byas pa dang/ sbyor ba byas pa de nyid kyi che 'am/ gzhan gyi tshe shi ba zhes pa yan lag lngas rdzogs par 'gyur ro/ /ma shi bar 'gyod pa las shi ba ni na smad do/ /myos pa dang sems 'khrug pa dang/ tshor bas gzir pa la nyes pa med par thams cad la sbyar ro/ /ma byin par len pa ni de yan lag bzhis rdzogs par 'gyur te/ blang? bar bya ba gzhin gyis yongs su bzung bar gyur pa yin pa dang/ der 'du shes pa dang/ brku bar bsams pa dang/ gnas nas spos ba'i?/ /'dod pas logs? bar g.yem pa ni/
- 266b
rnam pa bdun te/ bdag nyid las byung ba dang/ rang gi chung ma las byung ba dang/ chung mar mi rigs pa chung mar byas pa las byung ba dang/ chung ma yin pa las byung ba dang/ skyes pa las byung ba dang/ dud 'gro las byung ba dang/ khye'u dang bu mo las byung ba'o/ /de la bdag nyid las byung ba ni/ mi rigs pa'i yul dran pas dbang po las rang 'am/ gzhan gyis khu ba 'byin par byed pa'o/ /rang gi chung ma las byung ba ni/ dus ma yin bar nyin par dang/ bsnyen gnas la gnas pa dang/ na ba dang/ sprum pa dang/ mya ngan gyi gdungs pa dang/ zla mtshan dang ldan pa dang/ bang? pa? ma? sar? pa la sogs dag dang/ gnas ma yin pa pha ma dang/ bla ma dang/ dkon mchog dang/ mchod rten la sogs pa'i gnas dang/ yan lag ma yin pa kha dang/ bshad pa'i lam dang/ lte ba la sogs te/ mdor na bud med kyi dbang po las gzhan pa thams cad do/ /de ltar dus dang/ gnas dang/ yan lag min pa drag tu rang gi chung ma la 'khrig pa sbyod pa ni/ rang gi chung ma las byung ba'i 'dod pas log par g.yem pa'o/ /chung ma de mi rigs pa chung mar byas pa la byung ba ni/ tshangs par spyod pa'i dge bsnyen ma 'am/ dge slong ma 'am dge slong ma 'am/ dge tshul ma 'am bsnyen gnas la gnas pa'i bud med chung mar blangs te/ de dag mi dga' ba 'am/ dga' yang rung ste/ sdom pa gtod ba'i rkyen byas pa ste/ 'di ni chung mar mi rigs par chung mar byas pa las byung pa'o/ /chung ma ma yin pa las byung ba ni/ bud med gang khyim thab gzhan gyis bzung ba dang/ rang gi bdun rgyud las ma 'das pa'i 'brel bar gyur pa dang/ /chos kyi
- 267a
mtshan can dang/ sdom pa can dang/ pha ma dang/ ming po dang/ spun zla dang/ rus chags dang/ tshe 'brang du smos pas bsrungs pa dang/ gyos? rgyug dang/ skud po la sogs pa khyo'i? phyogs smos pas gsungs pa dang/ mi mnyam pa'i rigs dang yon tan gyis bsrungs pa dang/ smad 'tshong ma dag kyang skyes bu gzhan gyis rin sngar byin pas bzung ba dang/ skyes bu gzhan gyis chung ma dang 'dra bar bdag gir byas pa rnams te/ de dag dang 'khrig pa spyod pa rnams ni gzhan gyis tshor na ches sdig pa che la/ ma tshor du zin kyang 'dod pas g.yem pa'i rnam par smin pa 'byung ngo/ /skyes pa las byung ba ni skyes bu gzhan gyi kha dang bshad pa'i lam la sogs par mtshan sbyor ba'o/ /dud 'gro las byung ba ni/ ba lang dang/ ra lug dang/ rta bong la sogs pa'i mtshan dang bshad pa'i lam la sogs mtshan sbyor ba'o/ /khye'u dang bu mo las byung ba ni/ 'khrig pa spyad mi bzod pa'i khyi'u dang bu mo'i gdang? mtshan dang/ bshad pa'i lam du mtshan sbyor ba'o/ /de ltar 'dod pas log par g.yem? pa de dag ni/ yan lag gsum gyis rdzogs par 'gyur te/ dus la sogs pa de dag la de dag tu 'du shes pa dang/ sbyor ba byas pa dang/ rjes su mthun pa'i tshor ba nyams su myong ba'o/ /de ltar de dag ni lus kyi nyes par spyod pa gsum mo/ /rdzun du sma ba ni yan lag gsum gyi rdzogs par 'gyur te/ gzhi mnor? bar khong du chud pa dang/ de la 'du shes bsgyur ba dang/ log par smras pa'o/ /phra ma ni yan lag gnyis kyis rdzogs par 'gyur te/ dbye bar bya ba
- 267b
sems can nyid dang/ dbyen gyi tshig smras pa'o/ /tshig rtsub mo ni yan lag gnyis kyis rdzogs par 'gyur te/ /gzhi sems can yin pa dang tshig rtsub mo smras pa'o/ /tshig 'khyas? pa ni/ yan lag gnyis kyis rdzogs par 'gyur te/ chos dang ldan pa der bsams pa dang/ tshig 'khyal ba smras pa'o/ /de dag ni dag gnyis par spyod pa bzhi'o/ /brnab sems ni/ yan lag gnyis kyis rdzogs par 'gyur te/ gzhi gzhan gyi yin pa dang/ de la bsnab sems skyed pa'o/ /gnod sems ni yan lag gnyis kyis rdzogs bar 'gyur te/ gzhi sems can yin pa dang/ de la kun nas mnar sems par gyur pa'o/ /log par lta ba ni/ yan lag gnyis gyis rdzogs par 'gyur to/ gzhi phyin ci ma log pa dang/ de nyid la bsam pa phyin ci log pa skyed pa'o/ /de dag ni khyad par gyi yan lag gi/ thun mong gi yan lag ni/ sems gtso zhes bya ba'o/ /de dag ni yid kyi nyes par sbyod pa gsum mo/ /de ltar na kun nas slong ba'i sems pa dang/ rjes su spyod pa'i sbyor ba dang/ /sbyor ba'i gzhi bsams pa de nyid dang/ sbyor ba'i 'bras bu dngos gzhi nyid spyad pa dang/ mjug rjes su yi rang ba'o/ /yan lag lnga rdzogs na ni mi dge ba gang yang legs par rdzogs pa yin no/ /thams cad ma tshad na ni cung zad spyad pa ci rigs par sbyar ro/ /cung zad du na gzhi ma nor ba nyid ni kha cig tu ma nges pa srid do/ /de ltar mi dge ba bcu po de dag sbyad pa'i 'bras bu rgya cher ni/ dam pa'i chos dran pa nye bar gzhag pa las shes par bya zhing/ /mod rang sdus pa ni ji skad du/ bcom ldan 'das kyis 'phags pa sdong po bkod pa las gsungs pa/ srog gcod
- 268a
pas ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ tshe thung ba dang/ nang mang ba'o/ /ma byin par len pas ni/ sems can dmyal bar khrid do/ /byol? song gi skye? gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ longs spyod chung ba dang/ mthun mong gi longs spyod du 'gyur ba'o/ /'dod bas log par g.yem pas ni/ /sems can dmyal bar khrid do/ khyol song gi skye gnas su khrid do/ / gshin rje'i 'jig rten du khrid do/ /de nas ci ste mar skyes na yang/ rnam par smin pa gnyis mngon par bsgrub pa 'di lta ste/ lhod pa dang bcas pa'i chung ma dang/ g.yog 'khor ma bsrungs pa'o/ rdzun du smra bas ni/ sems can dmyal bar 'khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes ni yang /rnam par smin pa gnyis mngon par bsgrub pa 'di lta ste/ skur pa mang ba dang/ gzhan gyis bslu ba'o/ phrams ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ g.yog mi mthun pa dang g.yog ngan par 'gyur ba'o/ /tshig rtsub pos ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir
- 268b
skyes na yang/ rnam par smin pa gnyis mngon par bsgrub pa ni 'di lta ste/ yid du mi 'ong ba'i tshig thos pa dang/ 'thab mo'i tshig thos par 'gyur pa'o/ /ngag 'khyil bas ni sems can dmyal bar khrid do/ /byol song gi skyed gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngan par bsgrub ba ni 'di lta ste/ tshig mi btsun pa dang/ spobs pa med pa'o/ /brnab sems kyis ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa ni 'di lta ste/ chog mi shes pa dang/ 'dod pa che ba'o// gnod sems kyis ni sems can dmyal bar khrid dog byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par sgrub pa ni 'di lta ste/ gnod pas glags lta ba dang/ pha rol gyis mnar pa'i/? logs lta bas ni /sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa ni 'di lta ste/ lta ba ngan par ltung ba dang/ g.yo sgyu can du 'gyur ba'o zhes gsungs te/ de dag kyang mtshon pa ste/ mi dge ba bcu po 'di dag ni/ re re la yang rnam par smin pa yang shin tu mang po yod par rig par bya'o/ /da ni 'di dag gi lci ba dang/ yang pa nyid brjod par bya ste/ de ni 'phags pa de bzhin gshegs pa'i mdzod kyi mdo las gsungs pa/ 'ong srungs pha yang yin la/ rang sangs rgyas kyang yin pa gsod pa gang yin pa 'di ni srog gcod pa'i
- 269a
nang na ma rungs pa'o/ /dkon mchog gsum gyi dkor 'phrog pa 'di ni ma sbyin par len pa'i nang na ma rungs pa yin no/ /ma yang yin la dgra bcom ma yang yin pa las nyal po byas pa 'di ni 'dod pas log par g.yem pa'i nang na ma rungs pa yin no/ /de bzhin gshegs pa la skur ba 'debs pa 'di ni/ rdzun du smra ba'i nang na ma rungs pa yin no/ /dge 'dun gyi dbyen byas pa 'di ni phra ma'i nang na ma rung pa yin no/ /'phags pa rnams la mi snyan par brjod pa 'di ni/ dag rtsub mo rnams kyi nang na ma rung pas yin no/ /chos thos par 'dod pa rnams la rnam par g.yeng bar byed pa 'di ni tshig 'khyal pa'i nang na ma rungs pa yin no/ /yang dag par song ba dang yang dag par zhugs pa rnams kyi nyed pa 'phrog par sems pa 'di ni/ /brnag sems kyi nang na ma rungs pa yin no/ /mtshams med pa byed pa 'di ni/ gnod sems kyi nang na ma rungs pa yin no/ /lta ba mchog tu 'dzin pa 'di ni/ log par lta ba'i nang na ma rungs pa yin no zhes bya ba la sogs pa'o/ /mdor bsdu na rgyun tu spyod pa dang/ nyon mongs pa drag pos spyod pa dang/ rten gyi rang bzhin byang chub kyi sems dang/ dkon mchog gsum la mi brten cing rnam par sum 'byin pa kun tu spyod pa la sogs pa med pa dang/ yon tan dang gtso bo 'phags pa'i gzhi las byung ba ste/ de dag dang gang ldan pa'i mi dge ba bcu ni lci ba nyid do/ /de bas na 'phags pa nA gArdzu nas kyang/ rtag dang mngon par zhen dang gnyen po med/ /yon tan gtso ldan gzhi las byung ba'i las/ /dge dang mi dge rnam lnga chen po ste/ /de bas dge ba spyod la brtson par bgyi zhes bshad do/ /nga ni de dag rtsa ba'i nyon mongs
- 269b
pa gang gang gis rdzogs par byed pa bstan ce na/ de ni chos mngon pa'i tshig le'ur byas pa las/ /gsod dang gnod sems tshig rtsub dag /zhe sdang gis ni mthar phyin byed/ /log g.yem bsnab sems ma byin len// chags pa yis ni mthar phyin byed/ /log par lta ba gti mug gis/ /lhag par lta ba gti mug gis/ /lhag ma gsum gyis rdzogs par 'dod/ ces bshad pa las shes par bya'o/ /da ni de dag gis gnang ba nyid brjod par bya ste/ gang bdag gi don la rjes su lta ba cung zad tsam yang med la/ byed pa gzhan gyi don 'ba' zhig 'dod cing thams cad du snying rje dang ldan pa dag la ni/ yid kyi nyes par spyod pa gsum ma gtogs pa 'am/ log par lta ba nyid gtogs pa dag la lar rjes su gnang ba ste/ de la byang chub sems dpa' i sdom pa gtan la phab pa'i gtsug lag dag la blta'o/ /de ltar blang bar bya ba dang/ mi mthun pa'i phyogs dang yan lag dang/ 'bras bu dang/ lci yang dang rgyu dang/ rjes su bstan pa dag gis dge ba bcu'i las kyi lam rgyas par bstan pa yin no/ /dge ba bcu yi las kyi lam/ /legs brjod bsod nams dri med gang/ deng 'dir bdag gis bsgrub pa des/ /'gro ba mi dge bcu spang shog / bdag kyang dge bcu'i yon tan gyis/ /brgyan cing ngan 'gro spangs pa dang/ /'gru ba'i mi dge'i las lam bcu/ /gtan nas rgyud bcad byed par shog /dge ba bcu'i las kyi lam bstan pa zhes bya ba/ slob dpon bram ze btsun pa chos ldan rab 'byor dbyangs kyi zhal snga nas mdzad pa rdzogs so// //rgya gar gyi mkhan po bud+d+ha ka ra ba mang ngo/ bod kyi lo tsA ba dge slong chos kyi shes rab kyis bsgyur cing zhus te gtan la phab pa'o// //
- 270a
rta dbyangs kyis mdzad pa'i mya ngan sa la ba/ /mi dge ba bcu'i lam bstan pa/ /dran pa nyer gzhag gi tshig le'ur byas pa 'gro ba drug gi tshig le'ur byas pa/ /btsun pa chos ldan rab 'byor dbyangs kyis mdzad pa/ /'dod yon lnga'i nyes dmigs slob dpon dbyen gnyen gyis mdzad pa/ /dge slong gzhon nu rab gsal la sprid pa rnams gzhugs// //rgya gar skad du/ sho ka ba'i no ngan/ bod skad du/ mya ngan bsal ba/ 'phags pa spyan ras gzigs dbang phyug thugs rje chen po dang ldan pa la phyag 'tshal lo/ /gang zhig dga' bral nyam thag ste/ /rab tu mya ngan me 'bar ba/ /bsgrims nas shin tu spro srid zhing/ /rang gi sems nyid brjod par bya/ /las kyi lam zhugs thob pa yi/ /sgron ma med par skye bo yang/ /nyes pa ma byas song gyur pa/ /de la ci zhig yongs su gdung/ /ci ste de nyid 'chi bar 'gyur/ /gzhan ni su yang min nag go/ 'di ni byur chen non ba zhes/ /cho de chen po gdab par rigs/ /'di ltar thams cad skye ba yi/ /mdun na gnas pa 'chi ba ste/ /kun kyang 'pho bar snang ba'i phyir/ /mya ngan bya bar 'os pa min/ /mdza' dang 'grogs pa brkam pa yi/ /skye bo mya ngan gyis gdung ba/ /rnga rtsing? dag la chags pa'i 'bri/ /rngon pas nags kyi nang du bzhin// gnang tshe kun gyis bgrong bya zhing/ /de dang der ni 'gro ba yi/ /snga nas de der song ba la/ /ci yi phyir na mya ngan byed/ /mi bzang 'chi ba'i bdag po la/ /rab tu myos pa'i skye bo 'di/ /nags na gsod sred seng ge yi/ /mdun na ri dags gnas pa bzhin/ /'chi ba bzlog par bya ba yi/ /gang tshe thams kun med pas na/ /spro bsring ba dag mi bskyed par/ /chu la nya bzhin ci zhig 'gre/ /sa'am ci ste mtho ris na/ /skyes nas la la ma shi ba/ /'ga' zhig khyod kyi mthong ba'am/
- 270b
thos sam 'on te the tshom za/ /khams gsum 'di dag thams cad la/ /mi rtag me yis bsreg gyur pa/ /dgon par me ni 'bar ba yis/ /dgon pa'i me tog ji lta bzhin/ /rtag par 'du shes rnam log na/ /srid rtsa las kyang 'bro ba rnams/ /'chi ba'i zhags pas grangs gyur pa/ /zhags pas glang po bzhin du'o/ /bsam gtan las skyes pa de myong ba/ /tshangs pas tshangs pa'i gnas las kyang/ /mi rtag phyir ni lhung gyur pa/ /chu yis klung gis 'grams bzhin/ /brgya byin dag ni stong rnams kyang/ /'khor los sgyur pa brgya dag dang/ /dus kyis 'chi bar 'gyur ba ni/ /mar me 'bar la rlung gis bzhin/ /drang srong chen po lnga mngon shes/ /mkha' la rgyang ring 'gro ba yang/ /gang na spyod yul 'chi med pa/ /der ni 'gro bar nus pa med/ /gang dus rnams bsregs 'gyur te/ /lhun po 'di thal bar 'jig pa dang/ /rgya mtsho'i chu yang skams gyur na/ /lus can de dag lta ci smos/ /ci ste sangs rgyas rnams kyi sku/ /mtshan dang dpe byad kyis brgyan pa/ /rdo rje'i sku yang mi rtag ma /chu gang snying po'ang med 'dra ba'i/ /lus can gzhan rnams smos ci dgos/ /gnyen gyi phang du blangs pa yi/ /skye bo rnams kyang 'chi bas phrogs/ /rgya mtsho'i nang na gnas pa yi/ /klu la nam mkha' lding gis bzhin/ /kyi hud mi sog kye gnyen zhes/ /shin tu sdug bsngal ngu 'bod pa/ /ji ltar sbrul gyis sbas pa bzhin/ /'gro ba rnams ni 'chi bas ming/ /rab tu bgrod dga' don gyi mthar/ /ma phyin par ni 'jig rten 'di/ /rab tu 'chi ba'i khar bcug pa/ /chu sin gnas su chu 'bab bzhin/ /gang dus 'jig rten pha rol tu/ /'gro ba'i rjes 'gra dga' med na/ /dgra 'am ci ste mdza' spug rnams/ /'di la bye brag med par 'gyur/ /skye bo gzhan la byams byed phyir/ /skye bo rang 'khor 'du
- 271a
shes pa/ /bsam pa'i 'dam du bying ba ni/ /glang po 'dam du bying ba bzhin/ /khyod kyi ji snyed bshes gnyen rnams/ /'khor ba'i nad na blangs bor ba/ /gang+gA'i bye ma rnams la yang/ /de snyed tsam du yong ma yin/ /gang nyid khyod kyis rab bsgrims te/ brtse ba'i bu yi 'du shes pa/ /de nyid tshe rabs gzhan dus na/ /rdeg par byed cing dgrar 'du shes/ /rang gis shes pa'i nu ma yang/ /khyod kyis 'thungs pa'i srid gzhan na/ /de yis khrag nyid 'thungs pa dang/ /rgyab nas sha yang zos pa yin/ /gang khyod 'di ltar 'khod gyur te/ /mgo la lan grangs brgyar brjed pa/ /de nyid bran gyur khyod yin te/ /rtog pas lan grangs brgyar yang btags/ /'gro ba'i rgyu yi dngos po yis/ /sngon chad gzhan du snang gyur pa/ /gzhan na yongs su 'gyur ba ste/ rme bdun drang srong bdun tshogs bzhin/ /ji ltar nam mkha' i chang thigs ni/ /tshogs shing rnam par 'jig 'gyur ba/ /de bzhin 'khor ba'i srog chags kyang/ /tshogs shing rnam par 'jig par 'gyur/ /ldan pa dang ni bral ba yi/ /lus can rnams ni yud tsam ste/ /'bab chu dpa' klong 'khyil shugs la/ /shing dag ji ltar btsugs pa bzhin/ /ngo mtshar che'o ma rig mthu/ /gang gis 'gro ba rnam rmongs pa'i/ /bral ba'i sdug bsngal dran nyams shing/ /ldan pa rnams la sred par byed/ /gtsang ma'i gnas rnam ma gtogs par/ /sna tshogs las kyis chas nas su/ /bros sa gang duAng mi ltung ba/ /sems can 'ga' yang yod ma yin/ /yang dang yang du dmyal phan/ /zangs bzhun bskol ba gang 'thungs pa/ /rgya mtsho nang gi chu la yang/ /? tshang ci yo dam che
- 271b
khyi dang phag tu gyur pa ni/ mi gtsang ba ni gang zos pa/ /ri yi rgyal po lhun pa yi/ /tshad las shin tu lhag par 'gyur/ /mdza' bshes rab tu bral ba yis/ /'khor ba'i gnas su gang dus pa/ /mig gi mchi ma'i thigs pa yi/ /snod du rgya mtsho'ang rung ma yin/ /phan tshun dag tu rtsod pa'i phyir/ /mgo ba bcad pa gang yin pa/ /spungs na de ltar mtho ba ni/ /tshangs pa'i 'jig rten las kyang thal/ /srin bur gyur cing rab bkres pa/ /sa lus zos pa gang yin pa/ 'o ma'i rgya mtsho che nang du/ /de yis bkang na shin tu 'gang/ /yi dags 'jig rten mi bzad par/ /bkres skom sdug bsngal gang myong ba/ /de ni dran phyir rang gi snying/ /rang gi sha yang 'dod mi 'gyur/ /mi la dbul ba'i nyes pa yis// tho tsam pa ni gang myong de/ /brjod pa bdag la mthu med pa/ /rang gi lce la ngo tsha zhing/ /ri bo'i ngos la yun rings dus/ /lha yi bde ba myong gyur pa/ /lha rdzas yul gyis mi ngoms te/ /shing skam po la me bzhin no/ /dge ba'i las rnams yongs zad pas/ /bde 'gro las kyang shi 'phos te/ /tshe zad sa la ltung ba ni/ /'dab chags bya ni mkha' la bzhin/ /las kyi shugs kyis 'gro ba 'di/ /gang phyir 'khor lo bzhin du 'khor/ /bde bas chags pa yongs spangs shing/ /thar pa la ni blo zhen bya/ /mya ngan bsal ba zhes bya ba/ /slob dpon rta dbyangs kyi mdzad pa rdzogs so// //rgya gar gyi mkhan po a dza ti sh+rA b+ha dra dang/ zhu chen gyi lo tsA ba dge slong shAkya 'od kyis bsgyur cing zhus te gtan la phab pa'o// //rgya gar skad du/ nga sha kun sha la karma pa thA nir de she/ bod skad du/ mi dge ba bcu'i las kyi lam bstan pa/ 'jam dpal
- 272a
gzhon nur gyur pa la phyag 'tshal lo/ /mi dge las kyi lam bcu ni/ rang bzhin kha na ma tho bcas/ /bde ba don du gnyer ba yis/ /'bad pa yis ni spang bar bya/ /bcu pa de dag gang zhe na/ lus kyi dbye ba rnam gsum ste/ /dag gi dbye ba rnam pa bzhi/ /yid kyi rab tu dbye ba gsum/ /mi dge bcu du de dag 'dod/ /de rnams rab tu bshad par bya/ /de la re zhig lus kyi ni/ /srog gcod ma byin len log g.yem/ /ngag gi rdzun tshig phra ma dang/ /tshig rtsub dang ni 'khyal pa rnams/ /yid kyis log lta brnabs sems gnod/ /nga la srog gcod gang zhe na/ /srog dang ldan par gyur pa la/ /srog dang ldan par 'du shes dang/ /gsod sems nye bar gnas pa dang/ /rim pa bzhin du byas ldan dang/ /srog ni gcad par gyur pa ste/ /yan lag lnga po de dag dang/ /ldan pa srog gcod yin par bshad/ /ma byin len pa gang zhe na/ gzhan dag gi ni yin pa dang/ /gzhan gyis bdag gir byas pa dang/ /gzhan gyi yin par 'du shes dang/ /rku sems nye bar gnas pa dang/ /rim pa bzhin du byas ldan dang/ /gnas nas spags par gyur pa ste/ yan lag drug po de dag dang/ /ldan pa ma byin len par bshad/ /de la log g.yem gang zhe na/ log bar g.yem pa rnam bzhi ste/ /yul min pa dang dus min dang/ /yan lag min dang bgrod min pa'o/ /de la 'ang yul min bya ba ni/ /dam chos mchod rten sku gzugs dang/ /byang chub sems dpa' i bzhugs gnas sogs/ /mkhan po dang ni slob dpon dang/ /pha ma dur na gnas pa ni/ /yul min de du mi bya'o/ /de la dus min bya ba ni/ /bla mtshan 'jig na spun ma dang/ /bu chung dang bcas mi myos dang/ /sdug bsngal
- 272b
yid mi bde sogs dang/ /yan lag brgyad gnas dus min yin/ /yan lag min pa gang zhe na/ /ba dang bshang lam byas pa dang/ /bsla bsdams lag pas bskyod pa yin/ /bgrod par bya min zhes bya ste/ /gzhan bzur chos kyi rgyas mtshan ldan/ /rigs kyis bsrungs dang rgyal mor gnas/ /gzhan gyis blangs dang smad 'tshong dang/ /nye du dag dang 'brel pa ni/ /de dag bgrod bya min pa yin/ /rnam pa de dag rnams la ni/ /rang gi chung ma brten pa yang/ /'dod log spyad par 'gyur pa yin/ /rdzun du smra ba gang zhe na/ /dngos po gnas par gyur pa dang/ /dngos po las ni nyams gyur dang/ /'du shes gzhan du bsgyur pa dang/ /rdzun du smra bar gyur pa dang/ /rim pa bzhin du byas ldan dang// yan lag lnga ba de dag dang/ /ldan pa rdzun du smra bar 'gyur/ /de la phra ma gang zhe na/ /gzhan dag dbye phyir phra ma yin/ /de la tshig rtsub gang zhe na/ /gzhan gyi gnad snun byed pa ni/ /yid du mi 'ong tshig smras yin/ /de la khyab pa gang zhe na/ /'dod pas nye bar blang ba dang/ /tshigs pa yas ni nyer bskyed nas/ /'brel med smra ba 'khyal ba yin/ /de la brnab sems gang zhe na/ /gzhan gyi nor dang longs spyod la/ /mchog tu mngon par chags pa yin/ gnod sems zhes bya gang zhe na/ /sems can rnams la sdang? ba yi/ /rdeg dang 'ching dang gsod pa ste/ /de dag sems can la byed pa'o/ /log lta zhes bya gang zhe na/ /sbyin med mchod sbyin yod min dang/ /'jig rten pha rol yod min zhing/ /dag sbyong bram ze lha rnams med/ /rdzogs sangs rgyas dang dgra bcom dang/ /rang sangs rgyas dang legs spyod dang/ /nyes par spyod pa yang min zhes/ /bya ba log pa'i lta ba yin/ /'phags pa dran pa nye bar
- 273a
gzhag dang/ /theg pa chen po'i mdo rnams las/ /bcom ldan 'das kyis rgyas gsungs pa/ /'di ni mdo ru bsdus pa yin/ /mi dge las kyi lam btsun/ /dmyal ba chen po'i rgyu ru bshad/ /dge bcu las kyi lam bsten pas/ /dmyal la sogs par ltung ma yin/ /sems can rnams la phan pa'i phyir/ /skye zhing skye ba rnams su ni/ /gang zhig skye ba las rgyal ba'i/ /byang chub rang bzhin nges 'grub shog /mi dge bcu'i las kyi lam bstan pa zhes bya ba/ slob dpon rta dbyangs kyis mdzad pa rdzogs so// //rgya gar gyi mkhan po a dzi ta sh+rI b+ha dra dang/ zhu chen gyi lo tsA ba dge slong shAkya 'od kyis bsgyur ba'o// //rgya gar skad du/ sad+d+harma smri ti u pa sha nA kwa ri kA/ bod skad du/ dam pa'i chos dran pa nye bar gzhag pa'i tshig le'ur byas pa/ dkon mchog gsum la phyag 'tshal lo/ /yon tan ldan zhing dbab bya phebs/ /yang dag ye shes snang ba ldan/ /rtag tu gzhan gyi don mdzad pa/ /'jig rten gsum gtso phyag 'tshal lo/ /gang la byed po gzhan med pa/ /lus dang ngag dang yid kyi las/ /dge dang mi dge rang byas gang/ de yi 'bras bu 'jig rten spyod/ /de ltar mkhyen nas thugs brtses non/ /'jig rten gsum gtso gcig po nyid/ /'gro ba'i don du las gang dang/ /'bras bu gang dag yin gsungs pa/ /de ni bdag gis mdor bshad kyis// khyod kyis nyon la dam pa dang/ /dam pa min pa'i rgyu yi las/ /bya ba dang ni spang ba'i rigs/ /chags dang gti mug 'jigs dang 'khor/ /mi gang mi ni gsod pa dang/ /gzhan yang bskyed nas gsod byed pa/ /de dag
- 273b
nges par yang sos 'gro/ /gang gi phyir na lo stong phrag/ mang por yang ni de dag tu/ /btags shing btags shing yang 'tsho bas/ /de phyir yang sos yin par bshad/ /pha ma dang ni grogs dang gnyen/ /bshes gnyen la ni 'khu byed dang/ /phra ma rdzun ni smra ba'i mi/ /thig nag du ni 'gro bar 'gyur/ /gang phyir de la shing bzhin du/ /thig nag btab nas sog le dag/ 'bar ba yi ni shog byed de/ /de phyir thig nag yin par bshad/ ra dang lug dang wa dag dang/ /ri bong byi ba ri dags phag/ gzhan yang bskyed nas gsar byas nas/ /lus can bsdus 'joms 'gro bar 'gyur/ /gang phyir bsdus nas der 'dor dang/ /yang dag sreg par byed pas na/ /de yi phyir ni bsdus 'joms te/ / de ltar ming ni don mthun grags/ /'dir ni lus can gang dag gi/ lus dang ngag yid nyon mongs byed/ /gang dag lhar? 'jug gzhan g.yo byed/ /mi de dag ni du 'bod 'gro/ /der ni drag po'i me dag gis/ /rgyun mi 'chad par bsregs pas na/ /gang phyir skad ni drag 'byin pa/ /de phyir de dag ngu 'bod yin/ ? gis lha dang bram ze dang/ /bla ma'i rdzas phrogs sdug bsngal byas/ /gang dag gtams pa 'phrog byed pa/ /de dag ngu 'bod chen por 'gro/ /mes bsregs pa ni drag phyir dang/ ngu 'bod pa yang che phyir dang/ /lci zhing che ba nyid kyi phyir/ /de ni ngu 'bod chen po yin/ /yon tan dag gis che ba la/ /gnod pa drag po byas pa 'am/ /pha ma bla ma bsad byas na/ /nges par bskal par mnar med 'tshed/ /me dag der ni lus ngag gis/ /rus pa dag kyang lhag par 'gyur/ /gang phyir bde ba'i skabs med pa/ /de phyir mnar med yin par bshad/ /lus can gang dag gcig la gcig/ gnod par dka'
- 274a
bas? g.yul der gsong/ /sdig can de dag sdug bsngal dang/ /ldan pa'i ral gri sems can skye/ /gang phyir de yi sen mo ni/ /lcags byas 'bar rno de dag gis/ gcig gis gcig gsod gang yin des/ /ral gri rtse mo can du bshad/ /byi bo byed pa shal ma ri/ /lcags kyi rtse mor me? 'bar/ sor ni bcu drug yod pa la/ /ngu zhing stobs kyis 'dzeg par 'gyur/ /bud med shin tu 'jigs 'jigs lta/ /mchu rno lus chen 'bar ba yis/ /gzhan gyi bus med 'phrog pa la/ /'jus nas za ba kho nar 'gyur/ /bag phab pa la gnod byed mi/ /nags tshal ral gri 'dab can du/ /gtubs byas ngu zhing bya rgod khyi/ /'ug pa bya rog za bar 'gyur/ /gang dag gzhan gyi nor 'phrogs pa/ /de dag lcags kyi tho lum? ni/ /tsha ba dag kyang za ba dang/ /yang dang yang du zangs bskol 'thung/ /rtag tu mngon la dga' ba dang/ /lo ni bye bar ngu zhing yang/ /khyi ni lcags kyi mtsho ba can/ /mi bsrun shin tu dbang med za/ /chu skyes nya la sogs bsad na/ /chu bo rab med 'bar ba yi/ /zangs kyi khu ba'i tshur 'gro zhing/ /mi de mos kyang sreg par 'gyur/ /gang zhig rang don tsam rmongs nas/ /chos dang mi ldan shags 'gyur na/ sems can dmyal bar de du zhing/ /'khor los mngon par gzir bar 'gyur/ /'di la gang gis gzugs can la/ /gnod pa rnam pa mang byas pa/ /de dag yun rings 'khor lo dang/ /ri dang tho ba 'phar bas gzir/ /gang zhig chos kyi mu stegs 'jig cing/ /yang dag ma yin lam smra ba'i/ /mi de dag ni spu gri'i sos/ /gtams pa'i lam du 'gro bar 'gyur/ /sen mos shig la sogs bcom na/ /de dag lus ni cher 'gyur la/
- 274b
ston brgyad yang dang yang du ni/ /brag sgor po yis 'joms par 'gyur/ /gang zhig brtul zhugs bzang mnos nas/ /legs par srung bar mi byed na/ /de ni nges par sha dang rus/ /'jeg pa'i me mar mur du bsregs/ /gang du 'tsho ba log pa ni/ /cung zad kyis kyang 'tsho byed pa/ /de ni skyags 'jim nub gyur nas/ /srin bu rnams kyi za bar 'gyur/ /'bru yi nang na 'khod pa yi/ /srog chags mthong nas 'joms pa gang/ /de ni lcags kyi gtun shing gis yang dang yang du brdung bar 'gyur/ /shin tu khro zhing gtum pa dang/ /g.yo byed rdzun du smra ba dang/ /gzhan la gnod byed dga' ba ni/ /gshin rje'i srin por skye bar 'gyur/ /sdug bsngal kun gyi sa bon ni/ /chung ngu la sogs dbye ba yis/ /lus ngag yid kyi sdig pa ste/ /de mi phra yang spang bar bya/ /sems can dmyal ba'i rabs rdzogs so/ /'dod chags kyis ni rmongs pa dag /ngang pa phug ron la sogs dang/ bong bu 'dod cha can rnams kyi/ /skyes nas srin sogs skye gnas skye/ /khong khro 'dzin pas sbrul du skyes/ /nga rgyal khengs sems seng ger 'gyur/ /che ba yis ni nga rgyal gyis/ /khyi dang bong bu'i skye gnas skye// ser sna phrag dog la sogs pa'i/ /skyon gyis lus can shi nas spro'u/ /mu tshor smra dang spyi btol che/ /rang bzhin mi rtan khrar skye'o/ /gsong dang 'ching dang ser sna yis/ /lus can pa yang khyi la sogs/ / 'gyur ro mi bsrun las kyis ni/ /sdom dang sdig pa mi sdug skye/ /khro dang ser sna can gyi mi/ /shi nas sha ni za byed pa/ /rtag dang spre'u wa dang dom/ kha rgod spyang ki la sogs skye/ /mi bsrun khro gnyer sbyin
- 275a
byed mi/ /rdzu 'phrul chen po'i klur skye'o/ /gtong zhing khro dang dregs pa yis/ /nam mkha' lding gi dbang phyug skye/ /rang gi lus dang ngag yid kyis/ /sdig pa'i las ni gang byas pa/ de ni dud 'gror skye pas na// de ni chung yang ma byed cig /dud 'gro'i rabs rdzogs so// //rtse log can gang sbyin pa spangs/ /bza' dang bca' ba 'phrog byed pa/ /de dag yi dags lus srul po/ /ro rnams za bar byed par skye/ /gang zhig byis pa rnams la 'tshe/ bsnyed pas 'drid par byed pa de/ /khong gi dri ma za byed pa'i/ /lus srul por ni skye bar 'gyur/ /mi gang spyod pa dman pa dang/ /shin tu zhum dang ser sna ldan/ /rtag tu 'dod byed de shi nas/ /yi dags wa ba can du skye/ /gang zhig ci yang mi ster la/ /sbyin pa zlog par byed pa de/ /yi dags bkres pas rnyengs pa yi/ /gsus che kha ni khab tsam 'gyur/ /gang zhig spyod? de'ang? mi byed/ /rigs kyi don du nor bsrung na/ /de ni yi dags mtshan gtor spyod/ /shin du sa bsngos za der skye'o/ /gang zhig gzhan gyi nor 'phrog 'dod/ /byin nas 'gyod par byed pa de/ /shi nas mchil ma skyugs pa la/ /za bar byed pa'i yi dags skye/ /gang zhig khros pas mi snyam smra/ /mtshang 'dru ba ni smra byed pa/ /las des shin tu yun ring bar/ /yi dags kha 'bar skye bar 'gyur/ /gang zhig 'thab mo byed pa dang/ /ma chags sems ni khro byed pa/ /de ni yi dags me 'bar ma?/ /srin dang sdig sbrul phye lob? za/ /gang zhig grod bca' 'beb shing ster/ /byin zhig gnod par byed pa de/ /grul bum byed ni mi sdug pa/ /mchod par 'os par skye bar 'gyur/ /zas kyi ched du brtse med pas/ /srog chags bsad cing sbyin byed gang/ /de dag shi nas nges par ni/ /
- 275b
srin po'i bza' dang bca' bar 'gyur/ /rtag tu dri dang phreng la dga' / /sbyin byed khro ba chung ba ni/ /lha rnams dga' ba'i rgyur 'gyur ba/ /dri za rnams su skye bar 'gyur/ /gang dag kha cig phra mtsho/ /khro zhing dgos pa'i ched sbyin na/ de ni shas ma rungs nyid/ /bzhin mi sdug par skye bar 'gyur/ /rtag tu rab sdang rtabs bag can/ /gzhan la gnod pa byed pa dang/ /rtag tu sbyin la dga' ba ni/ /de dag shi nas 'byung por skye/ /ma rung khro zhing sbyin byed la/ /chang zhim dag la dga' ba'i mi/ /shi nas gnod sbyin ma rungs pa/ /chad la dga' ba rnams su skye/ /gang dag pha ma bla ma rnams/ /ji ltar 'dod par bzhon pas 'degs/ /de dag gzhal med khang rgyu ba'i/ /gnod sbyin bde ba ldan par skye/ /sred dang ser sna'i skyon gyis ni/ /shi nas yi dags skye bar 'gyur/ /de phyir de ni spang bar bya/ /yi dags kyi rabs rdzogs so// //mi 'tshe ba yi lha dang mi/ /lha min rnams su tshe ring 'gyur/ /'tshe bas thung ngur skye bar 'gyur/ /de phyir 'tsho ba rnam par spang/ /mje dang smon pa zad byed rims/ /mi nad gzhan yang gang dag yin/ /'byung po rnams la gsad dang bcing/ /brdeg par byas pa rnams kyis 'byung/ /gang zhig gzhan gyi nor 'phrog cing/ /ci yang sbyin par mi byed pa/ / de ni 'bad ba chen pos kyang/ /rdzas ni rnyed par mi nus so/ /gang zhig rdzas ni ma byin par/ /len cing sbyin pa sbyin byed pa/ /de ni rdzas dang ldan gyur la/ /phyis nas de ni med par 'gyur/ /mi gang mi 'phrog sbyin mi byed/ /ha cang 'jungs pa ma yin pa/ /de dag tshogs ni chen po yis/ /nges par rdzas ni brtan pa thob/ /gang zhig gzhan gyi nor mi 'phrog /gtong dang ldan zhing ser sna spangs/ /mi de rdzas ni mi 'phrog pa/ /rgya chen yid du 'ong ba 'thob/ /gang zhig 'di la zas sbyin pa/
- 276a
tshe dang mdog dang stobs ldan zhing/ /dpal dang ldan zhing nad spangs pa/ /rtag par bde dang ldan par 'gyur/ /gang zhig gos ni sbyin byed pa/ /'dzems bcas gzugs bzang longs spyod ldan/ /byin can srog chags rnams la sdug /gos rnams kyang ni rnyad par 'gyur/ /gang zhig 'di la rab dga' ba'i/ /sems kyi gnas ni sbyin par byed/ /lus can de la khang bzangs ni/ /'dod pa kun dang ldan par 'gyur/ /mi gang lham dang zam pa la// sogs pa sbyin bar byed pa de/ /rtag tu bde dang ldan pa dang/ /bzhon pa dag kyang rnyed par 'gyur/ /bsti sa khron pa mtshe'u la sogs/ /rten rnams byed du bcug na ni/ /de dag bde dang ldan pa dang/ /gdung bral skom nad med par 'gyur/ /gang zhig kun dga' ra ba 'bul/ /de ni dbus bkur dpal dang ldan/ /lus can kun gyi skyabs su 'gyur/ /rtag par 'byor ba ldan par 'gyur/ /rig pa sbyin dang shes rab la/ /gom pas mkhas pa nyid du 'gyur/ /sman dang mi 'jigs sbyin pa yis/ /nad med par ni skye bar 'gyur/ /mar me byin pas mig ldan 'gyur/ /sil snyan byin pas dbyangs snyan 'gyur/ /mal stan dag ni byin pa yis/ /mi de bde dang ldan par 'gyur/ /gang zhig 'di la ba lang sogs/ /spyang bya'i 'o ma yon tan ldan/ /sbyin byed mi de stobs ldan zhing/ /mdog ldan tshe ring longs spyod ldan/ /bu mo byin pas 'dod rnams rnyed/ /'khor rnams dang yang ldan par 'gyur/ /sa gzhi byin pas nor ldan zhing/ /'bru rnams 'byor bar skye bar 'gyur/ /lo ma me tog 'bras bu dang/ /chu dang mi 'jigs tshig rnyan dang/ /gang gang ji ltar 'dod pa de/ /de 'dod pa la gus pa sbyin/ /'di la bskol nas sbyin byed dam/ /mtho ris ched du
- 276b
'am 'jigs pas sam/ /snyan pa'i bde ba 'dod phyir na/ /de ni 'bras bu nyon mongs 'thob/ /rang gi don la mi bltos shing/ /snying rjes non pa'i sems kyis ni/ /gzhan gyi don du 'dir byin la/ /de yi 'bras bu mthar thug yin/ /dus dang tshul ni ji bzhin du/ /gang ci gzhan la sbyin byed na/ /rnam pa de dang de lta bur/ /de kun nye bar gnas par 'gyur/ /gzhan la gnod pa med pa nyid/ /rang gi don du ci 'dod pa/ /chos dang mi 'gal gang phan pa/ /mi bskol bar ni sbyin par bya/ /de ltar sbyin pa sbyin byed na/ /de lta bu yi 'bras bu 'byung/ /bde ba dag ni thams cad kyi/ /rgyu ba'i gtso bo sbyin pa nyid/ /gzhan gyi bud med rnams spong na/ /bud med sdug gu rnyed par 'gyur/ /yul dang dus min rang gi yang/ /spong ni skyes pa nyid thob 'gyur// gang zhig gzhan gyi chung ma la/ /chags pa'i sems ni mi sel dang/ /yan lag min la chags byed pa/ /skyes pa de ni bud med 'gyur/ /gang zhig bud med smos byed cing/ /khrims btsun 'dod chags chung byed la/ /rtag tu skyes par 'dod byed pa/ /mi mo de ni skyes par 'gyur/ /gang zhig yang dag skyon med par/ /tshangs par spyod la brten pa de/ /gzi ldan yang dag don dang ldan/ /dpal ldan lha rnams kyis kyang bkur/ /chang 'thung ba ni ma bsten pas/ /mi de dran pa brtan pa dang/ /rmongs med bden par smra ba dang/ /snyan pa'i bde dang ldan par skye/ gang zhig sems dang 'byed par yang/ /byed pa 'di ni mi byed pa/ /de yi 'khor rnams mi phyed cing/ /brtan pa'i bde dang ldan par skye/ /gang zhig rtag pas yid dga' bas/ /phan dang mi phan ston pa'i mi/ /de yi tshig ni btsun par 'gyur/ /gzhan brnyas pa yis smad par 'gyur/ /bzlog pa yis ni mthon por 'gyur/ /bde ba byin pas bde dang ldan/ /sdug bsngal byin pas sdug bsngal 'gyur/ /
- 277a
gzhan la 'drid? par dga' ba dang/ /g.yo byed brdzun ni smra ba dang/ /gang dag gzugs kyi nga rgyal can/ /sgur? la lus ni thung bar 'gyur/ /skye bo bshes gnyen ser sna byed/ /lkugs gyur kun la mi sdug 'gyur/ /rmongs pa'i rang bzhin phan pa'i tshig/ mi bzod pa ni 'on par 'gyur/ /sdig pa'i sdug bsngal bsod nams kyis/ /bde'o 'dren ma'i 'dren ma ste/ /las rnams kyis ni 'bras bu kun/ /'dra ba rgyu mthun yin par brtag/ mi'i rab rdzogs so// //rtag tu g.yo dang rgyu sbyod cing/ /sdig pa dag na mi byas la/ /'thab la dga' zhing sbyin byed ba/ /de ni lha min dbang phyug 'gyur/ /lha ma yin gyi rabs rdzogs so// // gang zhig bdag med mi 'dod cing/ /yongs su bzung ba la mi dga' ba/ /de ni gza' rnams dag gi mchog/ rgyal chen bzhi pa dag tu 'gyur/ /pha mar tshan gtso bo la/ /bkur byed stong ldan bzod par ldan/ /'thab mo la ni dga' ba gang/ de ni sum cu rtsa gsum skye/ /rtsod pa mi dka' 'thab mo la/ /yid ni dga' bar mi byed la/ /gcig tu dge la brtson pa gang/ /de dag 'thab bral nyid du 'gro /thos pa mang dang chos 'dzin dang/ /shes rab ldan zhing thar pa 'dod/ /yon tan rnams la dga' pa'i mi/ /de dag dga' ldan nye bar 'gro/ /mi gang rang nyid dul ba la/ /zhugs shing tshul khrims 'bog pa la/ /sgro ba che dang ldan pa ste// gdon mi za bar 'phrul dgar 'gro/ /sems can gang zhig dman min mchog/ sbyin dang dul dang yang dag sdom/ /phul byung yon tan lhag gyur te/ /nges par gzhan 'phrul dbang byed 'gro/ /tshul khrims kyis ni mthor si thob/ /bsam gtan gyis ni khyad par 'gyur/ /yang dag ji bzhin
- 277b
yongs shes bas/ /mthar ni yang srid med par 'gyur/ /mi dge bas ni bde mi 'thob/ /dge ba yis ni bde ba 'thob/ /de ltar dge dang mi dge ba'i/ /las kyi 'bras bu gsal bar bstan/ /sdug ba dang ni bral ba dang/ /mi sdug pa dang phrad pa dang/ /las rnams rang gi 'bras bur bcas/ /'chi dang rga dang na ba nyid/ /gsum po 'di la bsam par bya/ /de lta na ni chags bral thob/ /chags dang bral na bsod nams 'dod/ /de bzhin sdig pa spong bar byed/ /de dag nyid kyang mdor nyon cig/ bdag dang gzhan gyi don byed dang/ /gzhan la gnod byed spong pa ni/ /bsod nams bzlog pa sdig yin par/ /bdag nyid chen pos de skad gsungs/ /lha'i rabs rdzogs so// //dam pa'i chos dran pa nye bar gzhag ba'i 'gro drug gi tshig le'ur byas pa/ slob dpon btsun pa chos ldan rab 'byor dbyongs? kyi mdzad pa rdzogs so// rgya gar gyi mkhan po d+harmA ka ra dang/ zhu chen gyi lo tsA ba rtsangs? de ben? tra rak+Shi tas bsgyur cing zhus te gtan la phab pa'o// //'dod pa'i yon tan lnga'i nyes dmigs bshad pa/ 'jam dpal gzhon nur gyur pa la phyag 'tshal lo/ /ri dags glang po phye ma leb dang nya/ /sprad ma lnga po de yang lnga yis bcom 'gyur te/ /gcig gis bcom na gang zhig lnga rnams ni/ /rtag tu brten pa ci phyir bcom mi 'gyur/ /rtswa yi myu gu gtsang ma za/ /shin tu ring du 'gro nus pa/ /ri dags rngon ba'i glu dbyangs kyis/ /nges par gsor? pa tshol bar 'gyur/ /sa srungs dad ni rab 'gran cing/ /ri yi rgyal po rgyun shes 'dra'i/ /ban glang mo yi nye rig gis/ /nges par glang po gsad par song/ /'bar ba chen po'i tshogs dag gi mi chen dag ni mthod nas kyang/ /gzugs la chags
- 278a
pa chen po yis/ /phye leb me la 'jug par 'gyur/ /bkag pa med pa'i lam 'gro zhing/ /rtag tu rnam par rgyu ba yi/ /ro myag pa la chags pa yis/ /nya ni lcags kyus rlag bar byed/ /rtag tu nam mkha' la rgyu zhing/ /gzugs ni shin tu yid 'ong ba'o/ /bud ba dri yi nyes pa yis/ /nges par 'chi bar 'gyur ba yin/ /ri dags nyid ni sgra tsam gyis/ /reg pas glang po brlag par 'gyur/ /gzugs nyid kyis ni phye leb ste/ /ro yis nya ni rnam par brlag/ bung? ba dril chags ba ste/ 'di dag rgyu ni ro yis/ /skyes bu? dag? ni? re re yis/ /skyes bu dag ni gcig la yang/ /lnga po 'di dag rtag ldan zhing/ /nyin mtshan du ni rab 'joms na/ /bde gnas ji ltar thob par 'gyur/ /'dod pa'i yon tan lnga'i nyes dmigs bshad pa/ /slob dpon dbyig gnyen gyis mdzad pa rdzogs so// //rgya gar gyi mkhan po d+harma sh+rI b+ha dra dang/ zha? chen gyi lo tsA ba dge slong rin chen bzang pos zhus te gtan la phab pa'o// //'phags pa spyan ras gzigs dbang phyug gis/ /dge slong rab gsal gzhon nu la springs pa'i phrin yig/ sangs rgyas dang byang chub sems dpa' thams cad la phyag 'tshal lo sngon 'phags pa spyan ras gzigs dbang phyug dang/ dge slong rab gsal gzhon nu gnyis dang por byang chub kyi mchog tu sems bskyed de grogs por 'thams nas/ gang gi lam sngon du grub pa des/ /cig shos la btang bar dam bcas pa las/ 'phags pa spyan ras gzigs dbang phyug gis lam sngon du grub ste/ /dge slong rab gsal gzhon nu la btang ba'i phyir 'phrin yig gis bzlugs pa/ grogs byed? ci bde 'am ram bcas brjod dam
- 278b
ci/ /'dod pa me mdag dod rtse 'dra 'di la ci zhig chags/ /shin tu skyo ba'i yid kyis rab tu mi 'bad par/ /srid rgyu 'dod pa nga dung gang ba gal srid/ /theg pa mchog gi des 'byung 'gro ba'i don byos la/ /rgyu dang kha gsag grags pa rnyed la mi gdung zhing/ /'gro las rnam grol lam la myur du ma 'bad na/ /dus gsum rgyal bas bskyab dka' phan thag chad du 'ong/ /rtog med rtog bral dus gsum thub pa kun gshegs shul/ /phra zhing shes dka' tshig gi spyod yul ma yin yang/ /phyogs tsam rtogs pas sgro btags rgyal ba'i mthus brjod na/ /shin tu legs par rab nyon yid la gzung nus sam/ /dge slong rab gsal gzhon nus slar yang 'phags pa spyan ras gzigs dbang phyug la gsol ba/ mtho la mtho sems mi mdzad mnyam la 'gran mi mnga' / /dma' la sdan? can mi mdzad yongs la snyoms pa'i mgon/ /dpa' bo 'od zer stong 'bar lam mer bzhugs pa yi/ /mdangs bzang thugs rje'i mnga' bdag da ltar gdan bzhugs/ khri lan bdud ris 'pham mdzad thar pa'i lam ston gsol/ /nyes bcu tha ba'i rdul bral stobs bcu rtsal 'phags gso na/ /'jig rten gsum gyi gnyen gyur skyong pa dam pa gson/ /dpa' gtan bdud las shin tu mtshams med gcig tu brtan pa gson/ /bdag ni mun bcas bdud kyi zhags pas zin pa ste/ /thar pa'i lam stor 'khor ba'i dgon par 'khyams lags na/ /cis 'dul gar legs thabs kyis myur du mi skyob par/ /dus rings bgrangs? kyi bar du mgon khyod ci la gzhes/ /lha dang mi yi chu mchog tshogs rab mdza' yas dgongs/ /mu stegs wa brgya pham mdzad skyes bu seng ge dgongs/ /yid bzhin dbyig gi tog ltar re ba kun skod? dgongs/ /thugs rje chu bo rgyun
- 279a
'bebs rgyal sras thu bo dgongs/ /srid gsum sgyu mar chos bstan ngo bo med bzhin du/ /bden spangs log pa'i lam zhags srid pa'i lam gyur pa/ /'khor ba'i gdos? can grangs med bskyab kyis mi lang zhes/ /dang che lha yi thugs kyang skyo bar rung mod kyi/ /'on kyang legs rgyu chos nyid gzod nas mya ngan 'das don du/ /'gro ba yongs kyi ched la go ba gis mdzad lags kyis/ /mgon po rab gsal gzhon nu rjes dgongs nyag bsring zhing/ /thugs rje'i thugs kyis bzod ba bzhes te bskyab du gsol/ /stobs mchog dpal gyi mgur nas yi ge 'brus bsnyad pa/ /mkha' la tshon bkye? bzhin du spyod yul ma lags pas/ /rgyal sras 'khor bcas rnams kyis gzhal bar ma bstan na/ /bdag 'dra mtshan mar 'dzin pas gzung bar ga la nus/ /'on kyang don gyi dam pa srid pa'i dpyis 'byin pa/ /gdams ngag bka' drin mchog 'dis sbyi bor blang slad du/ /ci nus sems kyi brtsal gyis log par bzung mi bgyi/ /bla ma'i sar bzhugs che ba'i mthus kyang btang du gsol/ /'phags pa spyan ras gzigs dbang phyug gis/ dge slong rab gsal gzhon nu la springs pa'i phrin yig rdzogs so// // rgya gar gyi mkhan po sarba dz+nyA? nga ba dang/ lo tsA ba bande dpal rtsegs kyis bsgyur cing zhus te gtan la phab pa'o?// //dbu ma bshes pa'i phrin yig bzhugs/ slob ma la sprid pa'i sprid yag slob dpon tsan tra go mis mdzad pa/ sems rin po che rnam sbyangs pa zhes bya ba'i sprid yig dge slob dpon pa pos mdzad pa// [rgya gar skad du] su h+rid? le kha/ bod skad du/ bshes pa'i phrin yig/ /'jam dpal
- 279b
gzhon nur gyur pa la phyag 'tshal lo/ /yon tan rang bzhin dge 'os bdag gis ni/ /bde bar gshegs pa'i gsung bsnyan las byung ba'i/ /bsod nams 'dun slad 'phags pa'i dbyangs 'di dag/ cung zad cig bsdebs khyad kyis gsan pa'i rigs/ /ji ltar bde gshegs sku gzugs shing las kyang/ /bgyis pa ci 'dra 'ang rung ste mkhas pas mchod/ /de bzhin bdag gi snyan ngag 'di ngan yang/ /dam chos brjod la brten slad smad mi bgyid/ /thub pa chen po'i bka' ni snyan dgu zhig/ khyod kyis thugs su lta yang chud med kyi/ rde thal las bgyis dgung zla'i 'od kyis ni/ /ches dkar nyid du ci ste mi bgyis lags/ /rgyal bas sangs rgyas chos dang dge 'dun dang/ /gtor dang tshul khrims lha rdzas dran pa drug rab tu bka' stsal de dag so so yi/ /yon tan tshogs kyis rjes su dran par bgyi/ /dge ba'i las lam bcu po lus dang ni/ /ngag dang yid kyis rtag tu brten bgyi zhing/ /chang rnam las ldog de bzhin dge ba yi/ /'tsho ba la yang mngon par dgyes par mdzod/ /longs spyod g.yo ba snying po med mkhyen nas/ /dge slong bram ze bkren dang bshes rnams la/ /sbyin pa tshul bzhin rtsal bgyi pha rol tu/ /sbyin las gzhan pa'i gnyen mchog ma mchis so/ /khyod kyis tshul khrims ma nyams mong mi dma'/ /ma 'dres ma lcags pa dag bstan par mdzad/ /khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /sbyin dang tshul khrims bzod brtson bsam gtan dang/ de bzhin shes rab gzhal med pha rol phyir/ /'di dag rgyas mdzod srid pa'i rgya mtsho yi/ /pha rol phyin pa rgyal ba'i dbang po mdzod/ /gang la pha dang ma dag mchod byed pa'i/ /rigs de tshangs bcas slob dpon bcas pa'ang? lags/
- 280a
de dag la mchod grags par 'gyur ba dang/ /slad ma la yang mtho ris 'gyur ba legs/ /tshe dang chom rkun 'khrig pa rdzun dang ni/ /chang dang dus min zas la chags pa dang/ /mal stan mtho la dga' dang glu dag dang/ /gar dang phreng ba'i khyad par rnams spong zhing/ /dgra bcom tshul khrims rjes su byed pa yi/ /yan lag brgyad po 'di dag dang ldan na/ /gso sbyong 'dod sbyod lha yul yid 'ong ba/ /skyes ba bud med dag la stsol bar bgyid/ /ser sna g.yo sgyu chags dang snyoms las dang/ /mngon pa'i nga rgyal 'dod chags zhe sdang dang/ /rigs dang gzugs dang thos pa lang tsha? dang/ /dbang thang che bas rgyags pa dgra bzhin gzigs/ /bag yod bdud rtsi'i gnas te bag med pa/ /'chi ba'i gnas su thub pas bka' stsal to/ /de bas khyod kyis dge chos spel slad du/ /gus pas rtag tu bag dang bcas pas mdzod/ /gang zhig sngon chad bag med gyur pa las/ /phyis nas bag dang ldan par gyur de yang/ /zla ba sprin bral lta bur rnam mdzes te/ /dga' bo song phrang? mthong ldan bde byed bzhin/ /'di ltar bzod mtshungs dka' thub ma mchis pas/ /khyod kyis khro ba'i go skabs dbye mi bgyi/ /khro ba spangs pas phyir mi ldog pa nyid/ /thob par 'gyur bar sangs rgyas zhal gyis bzhes/ /bdag ni 'dis spyos? 'dis btags pham par byas/ /'di yis bdag gi nor phrogs gyur to zhes/ /'khon? du 'dzin pas 'khrug long rnams bskyed do/ /'khon 'dzin rnam spangs bde bar gnyid kyis log/ sems ni chu dang sa dang rdo ba la/ /ri mo bris pa de 'drar rig par gyis/ /de'i nang nyon mongs can la dang po ni/ /mchog ste chos 'dod rnal tha ma lags/ /rgyal bas snying la
- 280b
'bab dang bden pa dang/ /log par smra ldan skyes bu rnams kyis ni/ /sprang rtsi me tog mi gcing? lta bu'i tshig/ rnam gsum bka' stsal de las tha ma spangs/ /snang nas snang ba'i mthar thug mun pa nas/ /mun pa'i mthar thug snang nas mun mthar thug/ mun nas snang ba'i mthar thug gang zag ni/ /bzhi ste de dag rnams kyi dad po mdzod/ /mi ni a mra'i 'bras bzhin ma smin la/ /smin pa dang 'dra smin lam smin 'dra/ /ma smin ma smin par snang smin la ni/ /smin bar snad zhes bgyi ba 'drar rtogs mdzad/ /gzhan gyi chung ma mi lta mthong na yang/ /na chod mthun par ma dang bu mo dang/ /sring mo'i 'du shes bskyed bgyi chags gyur na/ /mi gcang? nyid du yang dag bsam par bgyi/ /g.yo ba'i sems ni thos mtshungs bu lta bur/ /gter bzhin srog dang 'dra bar bsrung bgyi ste/ /gdug ba dug dang mtshon dang dgra bo dang/ /me bzhin 'dod pa'i bde la yid 'byung mdzod/ /'dod pa rnams ni phung khrol skyed pa ste/ /rgyal ba'i dbang pos kim? pa'i 'bras 'drar gsungs/ /de dag spangs bgyi de yi lcags sgrog gis/ /'khor ba'i btson rar 'jig rten 'di dag bcings/ /gang dag dbang po drug yul rnams la ni/ /rtag tu mi brtan g.yo dang gang dag gcig /g.yul ngor dag tshogs las rgyal de dag las/ /mkhas rnams dang po dpa' rab lags par 'chal/ /bud med gzhon nu'i lus ni logs shig tu/ /dring ba dang sgo dgu dong pa dang/ /mi gtsang kun snod 'dra ba dgang dka' ? dang/ /pags pas g.yogs dang rgyan yang logs shig gzigs/ /ji ltar mdze can srin bus nyen pa ni/ /bde ba'i don du ma la kun bsten kyang/ /zhi bar mi 'gyur de dang 'dra bar ni/ /'dod pa rnams la chags pa 'ang mkhyen par mdzod/ /don dam gzigs par bgyi slad dngos
- 281a
rnams la/ tshul bzhin yid la byed pa de goms mdzod/ /de dang 'dra bar yon tan ldan pa yi/ /chos gzhan 'ga' yang mchis pa ma lags so/ /skyes bu rigs gzugs thos dang ldan rnams kyang/ /shes rab tshul khrims bral ba skur ma lags/ /de ltas gang la yon tan 'di gnyis ldan/ /de yi yon tan gzhan dang bral yang mchod/ /'jig rten mkhyen pa rnyed dang ma rnyed dang/ /bde dang mi bde snyan dang mi snyan dang/ /bstod smad ces bgyi 'jig rten chos brgyad po/ /bdag gi yid yul min par mgo snyoms mdzod/ khyod kyi bram ze dge slong lha dang ni/ /mgon dang yab yum dag dang btsun mo dang/ /'khor gyi slad duAng sdig pa mi bgyi ste/ /dmyal ba'i rnam smin skal nod 'ga' ma mchis/ /sdig po'i las rnams spyad pa 'ga' yang ni/ /de yi mod la mtshon bzhin mi gcod kyang/ /'chi ba'i dus la bab na sdig pa yi/ /las kyis 'bras bu gang lags mngon par 'gyur/ /dang ngan tshul khrims thos dang gtong ba dang/ /dri med ngo tsha shes dang khrel yong dang/ /shes rab nor bdun lags par thub pas gsungs/ /nor gzhan phal po don ma mchis rtogs mdzod/ /rgyan po 'gyed dang 'dus la blta ba dang/ /le lo sdig pa'i grogs la brtan pa dang/ /chang dang mtshan mo rgyu ba ngan song ba/ /grags pa nyams par 'gyur ba de drug spongs/ /nor rnams kun gyi nang na chog shes pa/ /rab mchog lags par lha mi'i ston pas gsungs/ /kun tu chog shes mdzod cig chog mkhyen na/ /nor mi bdog kyang yang dag 'byor pa lags/ /des pa bdog mang ji ltar sdug bsngal ba/ /'dod pa chung rnams de lta ma lags te/ klu mchog rnams la mgo bo ji snyed pa/ /
- 281b
de las byung ba'i sdug bsngal de snyed do/ /rang bzhin dgra 'brel bshed ma lta bu dang/ /khyim 'thab bsnyad bgyid rje mo lta bu dang/ /chung nguAng brku ba chom rkun lta bu yi/ /chung ma gsum po de dag rnam par spang/ /srid mo lta bur rjes mthun gang yin dang/ /mdza' mo bzhin du snying la 'bab pa dang/ /ma bzhin phan par 'dod dang bran mo bzhin/ /dbang gyur gang yin rigs kyi lha bzhin bkur/ /kha zas sman dang 'dra bar rig pa yis/ /'dod chags zhe sdang med par brten bgyi ste/ /rgyags byir ma lags bsnyems pa'i phyir ma lags/ /mtshar phyir ma lags lus gnas 'ba' zhig phyir rigs pa'i bdag nyid nyin par mdza' dag dang/ /mtshan mo'i thun gyi stod smad bzlas nas ni/ /mnal tshe 'ang 'bras bu med par mi 'gyur bar/ /dran dang ldan par de dag par du mnos/ /bya nas dang snying rje dag dang dga' ba dang/ /btang snyoms rtag tu yang dag sgoms mdzod cig /gong ma brnyes par ma gyur de lta na 'ang/ /tshangs pa'i 'jig rten bde ba thob par 'gyur/ /'dod spyod dga' dang bde dang sdug bsngal dag /rnam par spangs pa'i bsam gtan bzhi pa yis/ tshangs dang 'od gsal dag dang dge rgyas dang/ /'bras bu che lha rnams dang skal mnyam 'thob/ /rtag dad mngon par zhen dang gnyen po med/ /yon tan gtso ldan gzhi las byung ba'i las/ /dge dang me dge rnam lnga chen po ste/ /de bas dge ba spyod la brtson par bgyi/ /lan tshwa rang 'ga' chu ni nyung ngu zhig /ro bsgyur bgyid kyi gang+gA'i klung min ltar/ /de bzhin sdig pa'i las ni chung ngu yang/ /dge ba'i rtsa ba yangs la mkhyen par bgyi/ /rgod dang 'gyod dang gnod sems rmugs pa dang/ /gnyid dang 'dod la 'dun dang the tshom ste/ /sgrib pa lngas
- 282a
po 'di dag dge ba'i nor/ /'phrog pa'i tshom rkun lags par rigs par mdzod/ /dang dang brtson 'grus ngag dang dran pa dang/ /ting 'dzin shes rab chos mchog lnga nyid de/ /'di la mngon brtson mdzad cig 'di dag ni/ /stobs dbang zhes bgyi rtse mor gyur pa'ang lags/ /na rga 'chi sdug bral dang de bzhin du/ /las ni bdag gir byas las la 'das zhes/ /de ltar yang dang yang du sems pa ni/ /de yi gnyen po'i sgo nas rgyags mi 'gyur/ /gal te mtho res thar pa mngon bzhed na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzad ldan/ /mi ni yang dag nyid du mi bde zhing// mi rtag bdag med mi gtsang rig par bgyi/ /dran pa nye bar ma gzhag rnams kyis ni/ /phyin ci log bzhir lta ba 'phud bkrol ba/ /gzugs ni bdag ma yin zhes gsung ste bdag /gzugs dang ldan min gzugs la bdag gnas min/ /bdag la gzugs mi gnas te de bzhin du/ /phung po lhag ma bzhi yang stong rtogs bgyi/ /phung po 'dod rgyal las min dus las min/ /rang bzhin las min ngo bo nyid las min/ /dbang phyug las min rgyu med can min te/ mi shes las dang srad las byung rig mdzod/ /tshul khrims brtul zhugs mchog 'dzin rang lus la/ /phyin ci log par lta dang the tshom ste/ /kun tu sbyor ba 'di gsum thar pa yi/ /grong khyer sgra 'gags lags par mkhyen par gyis/ /thar ba dag la rag las 'di la ni/ /gzhan gyis grogs bgyid ci yang ma mchis pas/ /thos dang tshul khrims bsam gtan ldan pa yi/ /bden pa rnam pa bzhi la 'bad bar mdzod/ /lhag pa'i tshul khrims lhag pa'i
- 282b
shes rab dang/ /lhag pa'i sems la rtag tu bslab par bgyi/ /bslab pa brgya rtsa lnga bcu lhag gcig ni/ /gsum po 'di nang yang dag 'du bar 'gyur/ /dbang phyug lus gtogs dran pa bde gshegs kyis/ /bgrod pa gcig pa'i lan de nye bar bstan/ /de ni bsgrims nas mngon par bsrung bgyi ste/ /dran pa nyams pas chos kun 'jig par 'gyur/ /tshe? ni gnod mang rlung gis btab ba yi/ /chu yi chu bur bas kyang mi rtag na/ /dbugs rdub dbugs 'byung gnyid kyi log pa las/ sems de khom gang lags de ni ngo mtshar che/ /lus mdza' thal ba mthar skam mthar 'brul zhing/ tha mar mi gtsang snying po ma mchis pa/ /rnam par 'jig dangs myugs par 'gyur ba ste/ /so sor 'gyes chos can du mkhyen par mdzod/ /sa dang lhun po rgya mtsho nyi ma bdun/ 'bar bas sregs pa'i lus can 'di dag kyang/ /thal bar yang ni lus bar mi 'gyur na/ /shin tu nyam chung mi lta smos ci 'tshal/ /de ltar 'di kun mi rtag bdag med de/ /skyabs med mgon med gnas med de slad du/ 'khor ba chu shing snying po med pa la/ /mi mchog khyod kyis thugs ni dbyung bar mdzod/ /rgya mtsho gcig gnas gnya' shing bu ga dang/ /rus sbal phrad pa bas kyang dud 'gro las/ /mi nying ches thob dka' bas mi dbang gis/ /dam chos spyad pas de 'bras mchis par mdzod/ /gang zhig gser snod rin chen smras pa yis/ /ngan skyags 'chag par bgyid pa de bas ni/ /gang zhig mi ru skyes nas sdig pa dag /bgyid pa de ni ches rab blun pa lags/ /mthun par gyur pa'i yul tu gnas pa dang/ /skyes bu dam pa la ni brten pa dang/ /bdag gi legs smon sngon yang bsod nams bgyid/ 'khor lo chen po bzhin khyod la mnga' / /dge ba'i bshes gnyen brten par
- 283a
pa tshangs par spyod/ /yongs su rdzogs par thub pas gsungs de'i phyir/ /skyes bu dam pa brten bgyi rgyal ba la/ /brten nas rab tu mang pos zhib thob/ /log par lta ba 'dzin dang dud 'gro dang/ /yi dags ni de rang dmyal bar skye ba dang/ /rgyal ba'i bka' med pa dang mdza' khob du/ /kla klor skye dang glen zhing lkugs pa 'di?/ /tshe ring lha nyid gang yang rung ba ni/ /skye ba zhes bgyi mi kho ma skyon brgyad po/ /de dag dang bral khom pa rnyed nas ni/ skye ba bzlog pa'i slad du 'bad par mdzod/ /des pa 'dod pas phongs dang 'chi ba dang/ /na dang rga sogs sdug bsngal du ma yi/ /'byung gnas 'khor ba la ni skyo mdzad cing/ /'di yi nyes pa'i shas kyang gsan par mdzod/ /pha ni bu ? ? ni chung ma nyid/ /skyes bo dgrar gyur pa dag bshes nyid dang/ /bzlog pa nyid du mchis pas de slad du/ /'khor bdag na des pa 'ga' ma mchis/ /re res rgya mtsho bzhi pas lhag pa yi/ /'o ma 'thungs te da dung so so yi/ / skye bo'i rjes su 'breng ba'i 'khor ba pas/ /de bas ches mang nyid cig btung 'tshal lo/ /re re'i bdag nyid rus pa'i phung po ni/ /lhan po mnyam pa ? cig 'das gyur te/ /ma mi thug mdza' rgya shug tshig gu tsam/ /ri lus dgrangs kyang sa yis lang mi 'gyur/ /brgya byin 'jig rten mchod 'os gyur nas kyang/ /las kyi dbang gyis phyir yang sa steng lhung nge/ /'khor los sgyur ba nyid du byung nas kyang/ /'khor ba dag tu yang bran nyid du 'gyur/ /mtho ras bu mo'i nu ma rked pa la/ /reg pa'i bde ba yun ring myong nas slar/ /dmyal bar 'thag gcod dprad pa'i 'khrul 'khor gyi/ /reg pa shin tu mi bzad bsten 'tshal lo/ /rkang pa'i reg pas nems par bde bzod pa/ /lhun po'i spo
- 283b
la yun ring gnas nas ni/ /slar yang me mur ro myags rgyu ba yi/ /sdug bsngal mi bzang phog snyam bgyid 'tshal lo/ /mtho res bu mo 'brongs shing dga' ba dang/ /rnam par mdzes 'tshal son par rtsis nas slar/ /'dab ma ral gri 'dra tshal nags rnams kyis/ /krang lag rna ba sna bcod thob par 'gyur/ /ngal gyi 'bab pa lha yi bu mo ni/ /gdod mdzes gser gyi pad+ma ldang zhugs nas/ /slar yang dmyal ba'i chu bor ba med par/ /tsha sgo bzod brlag chu tshan 'jug 'tshal la// lha yul 'dod pa de shin tu chen po dang/ /tshangs nyid chags bral bde ba thob nas slar/ /mnar med me yi bud shing gyur pa yis/ /sdug bsngal rgyun mi 'chad pa bsten 'tshal lo/ /nyi ma zla ba nyid thob rang lus kyi/ /'od kyis 'jig rten mdza' dag snang byas te/ /slar yang mun gnag stag tu phyin gyur nas/ /rang gi lag pa brkyang ba 'ang mi mthong 'gyur/ /de ltar nongs par 'gyur 'tshal bsod nams ni/ /rnam gsum mar me'i snang ba rab bzhes shig/ gcig bu nyi ma zla bas ma rdzi ba'i/ /mun nag mdza' yas nang du 'jug 'tshal lo/ /sems can nyes par spyad pa spyod rnams la/ /yang sos thig nag rab tu che ba dung/ /bsdus 'joms ngu 'bod mnar med la sogs pa'i/ /dmyal ba rnams su rtag tu sdug bsngal 'gyur/ /kha cig til bzhin 'tsher te de bzhin gzhan/ /phye ma zhi ba mo bzhin du phye mar rlog/ /kha cig sog les 'dra ste de bzhin gzhan/ /sta re mi bzang so rnon rnams kyi gshags/ /de bzhin gzhan dag khro chu bzhus pa yi/ /khu ba 'bar ba 'khrigs pa lhung bar bgyid/ /kha cig lcags kyi gsal zhing rab 'bar ba'i/ /tshad ma can la kun d+ha rgyud par bgyid/ /kha cig lcags kyi mche ba ldan
- 284a
pa'i khyi/ /gtum pos dprad cing lag pa gnam nga bsgreng/ /dbang med gzhan dag lcags mchu rnon po dang/ /sen mo bzang ldan pa yi khwa rnams 'thob/ /kha cig srin bu spung ba sna tshogs dang/ / sha sbrang sbrang ma nag so khri phrag dag /reg na mi bzad rma sol char 'byin pas/ /za bar bgyid cing 'gre ldog smre sngags 'don/ /kha cig me dag me 'bar ba'i tshogs su ni/ /rgyun ma chad par rab sreg kha yang dgrang/ kha cig lcags las byas pa'i zangs chen du/ /spyi'u tshugs 'bras kyi cung pa de bzhin du 'tshed/ /sdig can dbugs 'byung 'gog pa tsam zhig gi /dus kyis ? du tshod rnams dmyal ba yi/ /sdug bsngal gzhal yas thos nas rnam stong dug mi 'jigs gang lags rdo rje'i ring bzhin/ /dbyal ba bris pa mthong dang thos pa dang/ /dran ? glags dang gzugs su bgyis rnams kyang/ /'jigs pa skye bar 'gyur ni mi bzed pa'i/ /rnam smin nyams su myong na smos ci 'chal/ /bde ba kun gyi nang na sred zad pa'i/ /bde ba bdag por bgyid pa ji lta bar/ /de bzhin sdug bsngal kun gyi nang na ni/ /mnar med dmyal ba'i sdug bsngal rab mi bzad/ /'di na nyid cig mdung thung sum brgya yis// rab tu drag btab sdug bsngal gang lags pa/ /de ni dmyal ba'i sdug bsngal chung ngu la'ang/ /'ol yang mi bgyi char yang mi phod do/ /de ltar sdug bsngal shin tu mi zad lo/ /bye ba phrag brgyar nyams su myong yang ni/ /ji srid mi dge de zad mi gyur pa/ /de srid srog dang bral bar mi 'gyur ro/ /mi dge'i 'bras 'di rnams kyi sa bon ni/ /lus ngag yid kyis nyes spyad khyod kyis ni/ /ci nas de rdul tsam yang ma mchis pa/ /de ltar nyid kyi
- 284b
rtsal gyis 'bad par mdzod/ /dud 'gro'i skye gnas na yang gsod pa dang/ /bcings dang rdeg sogs sdug bsngal sna tshogs pa/ /zhi 'gyur dge ba spangs pa rnams la ni/ /gcig la gcig za shin tu mi bzad pa/ /kha cig mu tig bal dang rus pa khrag/ sha dang pags pa'i ched du 'chi bar 'gyur/ /dbang med gzhan dag rdog pa lag pa dang/ /lcag dang lcags kyu btab pas btab ste bkol/ /yi dags na yang 'dod pas phongs pa yi/ /bskyed pa'i sdug bsngal rgyun chags mi 'chos pa/ /bkres skom grang dro ngal dang 'jigs pa yis/ /bskyed pa shin tu mi bzad bsten 'tshal lo/ /kha cig kha ni khab kyi mig tsam la/ /lto ba ri yi gtos tsam bkres pas nyen/ /mi gtsang gyi nor bor pa cung zad kyang/ /'tshal ba'i mthu dang ldan pa ma lags so/ /kha cig pags rus lus shing gcer bu yi/ /ta la'i yang tog bskams pa lta bu lags/ /kha cig mtshan zhing kha na 'bar ba ste/ /zas su 'bar ba'i khar babs bye ma 'tshal/ /smad rigs 'ga' ni gnag dang phyis dang/ /khrag sogs mi gtsang ba yang mi rnyed de/ /phan tshun gdong du 'tshog cing mgrin pa nas/ /lba? ba byung ba smin pa'i rnag 'tshal lo/ /yi dags rnams la sos ga'i dus su ni/ zla ba 'ang tshal dgun ni nyi ma'ang grang/ /ljon shing 'bras bu med 'gyur 'di dag gis/ /bltas pa tsam gyis klung yang bskams par 'gyur/ /bar chad med par sdug bsngal rten gyur pa/ /nyes par spyad pa'i las gyi zhags pa ni sra bas bcings pa'i lus can kha cig lo/ /lnga stong dag dang khrid yang 'chi mi 'gyur/ /de ltar yi dags rnams kyi sna tshogs pa'i/ /sdug bsngal ro gcig thob pa gang lags pa/ /de yi rgyu ni skye bo 'thugs dga' ba//
- 285a
ser sna 'phags min lags par sangs rgyas gsung/ /mtho ris na yang bde chen de dag ni/ 'chi 'pho'i sdug bsngal nyid ni de bas che/ /de ltar bsams nas ya rabs rnams kyis ni/ / zad 'gyur mtho ris slad du sred mi bgyi/ /lus kyi kha dog mi sdug 'gyur ba dang/ /stan la mi dga' me tog phreng rnying dang/ /gos la dri ma chags dang lus la ni/ /sngon chad med pa'i rdul 'byung zhes bya ba/ /mtho ris 'chi 'pho sbron byed snga ltas lnga/ /lha yul gnas ba'i lha rnams la 'byung ste/ /sa steng mi rnams 'chi bar 'gyur ba dag/ sbron par byed pa'i 'chi ltas rnams dang 'dra/ /lha yi 'jig rten dag nas 'phos pa la/ /gal te dge ba'i lhag ma 'ga' med na// de nas dbang med dud 'gro yi dags dang/ /dmyal bar gnas pa gang yang rung bar 'gyur/ /lha min ngag na'ang rang bzhin gyis lha yi/ /dpal la sdang phyir yid kyi sdug bsngal che/ /de dag blo dang ldan yang 'gro ba yi/ /bsgribs pas bden pa mthong ba ma mchis so/ /'khor ba de 'dra lags pas lha mi dang/ /dmyal ba dud 'gro yi dags rnams dag tu/ /skye ba bzang po ma lags skye ba ni/ /gnod pa du ma'i snod gyur lags mkhyen mdzod/ /mgo 'am gos la glo bur me shor na/ /de dag phyir bzlog bgyi ba btang nas kyang/ /yang srid med par bgyi slad 'bad 'tshal te/ /'di bas ches mchog dgos ba gzhan ma mchis/ /tshul khrims dag dang shes rab bsam gtan gyis/ /mya ngan 'das zhi dul ba dri med pa'i/ /go 'phang mi gos? mi 'chi zad mi 'tshal/ /sa chu me rlung nyi zla bral thob mdzong/ /dran dang chos rab 'byed dang brtson 'grus dang/ /dga' rang shin tu sbyangs dang ting 'dzin dang/ /btang snyoms 'di bdun byad
- 285b
chub yan lag ste/ /mya ngan 'das thob bgyid ba'i dge tshogs lags/ /shes rab med bar bsam gtan yod min te/ /bsam gtan med par yang ni shes rab med/ /gang la de gnyis yod pas srid pa yi/ /rgya mtsho gnag rjes lta bur 'tshal bar bgyi/ /lung ma bstan pa bcu bzhi 'jig rten na/ /nyi ma'i gnyen gyis rab gsungs gang dag lags/ /de dag rnams la bsam bar mi bgyi ste/ /de yi blo ni zhi bar bgyid ma lags/ /ma rig pa las las te de las ni/ /rnam shes de las ming dang gzugs rab byung/ /de las skye mched drug ste de dag las/ /reg ba kun tu 'byung bar thub pas gsungs/ /reg pa las ni tshor ba kun 'byung ste/ /tshor ba'i gzhi las sred ba 'byung bar 'gyur/ /sred pas len pa bskyed par 'gyur ba ste/ /de las srid pa srid las skye ba lags/ /skye ba yod na mya ngan na rga dang 'dod pas phongs dang 'chi dang 'jig sogs kyi/ /sdug bsngal phung po shin tu chi 'byung ste/ /skye ba 'gags pas 'di kun 'gags par 'gyur/ /rten cing 'brel bar 'byung 'di rgyal ba yi/ /gsung gi mdzod kyi ces pa zab mo ste/ /gang gis 'di ni yang dag mthong ba ste/ /sangs rgyas de nyid rig pa rnam mchog mthong// yang dag lta dang 'tsho dang rtsol ba dang/ /dran dang ting nge 'dzin dag las mdza' dang/ /yang dag rtog nyid lam gyi yan lag brgyad/ /'di ni zhi bar bgyi slad bsgom par bgyid/ /skya 'di sdug bsngal sred pa zhes bgyi ba// de ni 'di yi kun 'byung rgya chen te/ /'di 'gog pa ni thar pa lags te lam/ /de thob 'phags lam yan lag de brgyud lags/ /de ltar 'phags pa'i bden pa bzhi po dag /mthong bar bgyi slad rtag tu brtson par bgyi/
- 286a
bdan dpal gnas khyim pa rnams kyis kyang/ /shes pas nyon mongs chu bo las rgal gyi/ /gang dag chos mngon bgyid pa de dag kyang/ /gnas las babs pa ma lags lo tog bzhin/ /sa rum nas 'thon ma legs de dag sngon/ /nyon mongs rag las so so'i skye bor bas/ /bsnyengs dang bral la mang du gsol ci 'tshal/ /ban pa'i gdams ngag don po 'di lags te/ khyod kyis thugs dul mdzod cig bcom ldan gyis/ /sems ni chos kyi rtsa ba lags par gsungs/ /khyod la de skad gdams pa gang lags de/ /bas par dge slong gis kyang bgyi bar dka' / /'di las gang zhig spyod pa'i ngo bo de'i/ /yon tan bsten pas sku tshe don yod mdzod/ /kun gyi dge ba kun la yi rang zhing/ /nyid kyis legs par spyad pa rnam gsum yang/ /sangs rgyas nyid thob bgyi slad yongs bsngos nas/ /de nas dge ba'i phung po 'di yis khyod/ /skye ba dpag tu med par lha mi yi/ /'jig rten kun gyi rnal 'byor dbang mdzad nas/ /'phags pa spyan ras gzigs dbang spyod pa yis/ /'gro ba nyam thag mang po rjes bzung ste/ /'khrungs nas na rga 'dod chags zhe sdang rnams/ /bsal te sangs rgyas zhing du bcom ldan 'das/ /'od dpag med dang 'dra bar 'jig rten gyi/ /mgon po sku tshe dpag tu med par mdzod/ /shes rab tshul khrims gtong 'byung grags chen dri ma med/ /lha yul nam mkha' dang ni sa steng rgyas mdzed nas/ /sa la mi dang mtho ris lha ni na chung mchog /bde dga' dga' ba nges par rab tu zhi mdzad de/ /nyon mongs nyam thag sems can tshogs
- 286b
kyi 'jigs skye dang/ /'chi ba zhi mdzad rgyal ba'i dbang po 'di brnyes nas/ /'jig rten las 'das ming tsam zhi la mi bsnyengs pa/ /mi bgres nongs pa mi mnga' i go 'phang brnyes par mdzod/ /bshes pa'i phrin yig slob dpon 'phags pa klu sgrub kyis/ /mdza' bo rgyal po bde spyod la bkur ba rdzogs so// //rgya gar gyi mkhan po sarba dz+nyA de ba dang/ zhu chen gyi lo tsA ba bande dpal rtsegs kyis bsgyur cing zhus te/ gtan la phab pa'o// / ` / /rgya gar skad du/ shik+Sha le kha/ /bod skad du/ slob ma la springs pa'i spring yig/ dkon mchog gsum la phyag 'tshal lo/ /gang gis mdzad pa shin tu dka' spyad mngon byung ba/ /mi 'am ci dang lha mo rnams kyi rab bsnyad no/ /bdud kyi bu mo bzhin ras pad+ma'i nags tshal dag/ da ltar zla ba'i zer gyis phog pa bzhin du zum/ /bkra shis yid 'ong shin tu rmad byung sku mnga' ba/ /bsod nams chung ngu'i skye bos rnyed dka' ba/ /'jig rten mngon par 'dod pa'i de ba bsgrub pa gang/ /yid bzhin nor bu lta bur gzhan don ro gcig spyod/ / gang zhig rtag tu pha rol bde bas bde 'gyur zhing/ /gzhan dag sdug bsngal gyur pas mchog tu'o brgyal ba/ /thugs rje chen pos yon tan shin tu bskrun pa gang/ /de nyid ngang? gi bde sdug spangs te bzhugs pa yin/ / gang zhig gzhan gyi don du dbu rnams gcod byed kyang/ /pad+ma lta bur dgyes ba'i spyan 'gyed gzigs mdzad cing/ /nyid kyi don du gdugs dkar gcig gis khams pa lta'i/ /sa yang ral gri sob dar rnon po lta bur
- 287a
dgongs/ /zla ba yar gyi ngo ltar yon tan gsal ba rdzogs/ /nyes pa'i mun pa sel mdzad gcig po yid du 'ong/ /'jig rten phan la brtson pa rab tu gsal ba 'byung/ /de shar zla ba bzhin du 'gro ba bsil bar mdzad/ /bstan pa rin chen mchog ltar bzang la 'phan med pa/ /rnam par dag tshul gang yin klu mgo gdengs ka can/ /chen po rnams kyis gtsug gi rgyun bzhin gus mnos nas/ /sa yi gting na gnas pa'i rab rib sel bar mdzad/ /chos kyi sprin de phan pa mdzad pa'i don du g.yos/ /chos kyi bdud rtsi mya ngan 'das pa mchog gi rgyu/ /ro gcig gdung ba sel ba char chu bzhin du bab/ /de ni snod la brten nas ro rnams du mar gyur/ /snod yangs zab la dri ma med cing gsal ba yi/ /bsam pa dang ldan khur kun bzod pa gang dag la/ /skye bo kun gyis nye bar spyad bya de gnas pa/ /mtsho chen mi yi gzugs can de la phyag 'tshal lo/ /gang zhig skye nas rga shi sel ba'i bdud rtsi de/ /thob par mi byed mi sbyong 'dzin par mi byed pa/ /de dag nyes mar gti mug thibs khos bslad pa ste/ /yun ring nad kyis thabs pa sman chen ma bsten bzhin/ 'gro ba kun gyi mig gcig dri ma med pa gang/ /de ni sa rnams gsum po'i spyi mthun sgron ma ste/ /bstan pa legs par rnyed nas gang zhig 'dod pa de/ /gti mug shin tu rma byung dag gi gces par mdzod/ /byang chub khang bzangs bgrod lam them skas lta bu yi/ /bslab gzhi bcas pa rnams la rkang tshugs ston pa rnams/ /rjes su sgrub pa go 'phang che dor phyin 'gyur te/ /ldog par byed pa rang gi sa ni gnyung mar ltung/ /skye ba'i rgya mtsho shin tu rgyal dka' rgal 'dod pa/ /su zhig tshul khrims gzings gyur lag tu 'ongs par spongs/ /'phags pa'i ded?
- 287b
dpon dang bral lam rgyus mi shes pa/ /'brog dgon 'khyams na ci ste yun ring gdung mi byed/ /'khor ba'i ris su la khrod kyi g.yang sar lhung gyur pa/ /mun nag 'thibs po'i nang nas ldang bar brtson ba gang/ /yon tan smyug ma'i phreng ba bar ma dor 'dor ba/ /de dag shugs drag nyam nga'i ltung bar 'og tu ltung/ /gang dag gcig bu yid kyi nges par brtags pa ste/ /yang dag la ma dang lhan cig 'grogs par byed pa de/ /sa steng dkyil na gtso bor 'gyur pa dam pa ste/ /slob ma mchog nges bla mar bkur ba nyid du gyur/ /ngo tsha yon tan tshogs bskyed ma gcig ya rabs mo/ /mchog tu g.yo med byams pa lta bu'i rjes 'brang pa/ /bden dang gzhungs la dga' ba'i gzi brjid ldan pa rnams so/ /srog ni bde blag gtong bar byed kyi dam bcas min/ /re zhig skye bo kun gyi dpyad deng sdig pa yi/ /'gro ba kun dang dmyal pa mi zad phar zhog gi/ rang bzhin rnal ma bor nas smod pa sdug bsngal ba/ /mkhas las steng de las sdug bsngal gzhan ci yod/ /gang zhig thub pa rnams kyi srol bstod chos kyi lam/ /rgya chen gru dang 'dra ba rnyed nas slar 'dor ba/ /'khor ba'i rgya mtsho'i klong 'khyil gang mkhan 'dri rnams la/ /dga' bas nges par de yi sems bslus 'gyur ba snyam/ /gang zhig 'khor ba'i 'khor lo rtag tu 'khor gyur pa'i/ /nang du zhugs nas bsti sa tsam la bder sems pa/ /de ni nges par dbang med rim gyis rgya phrag tu/ /'gro dang mnyam dang mi mnyam kun tu 'khyam par 'gyur/ /shin tu mi bzang dri nga mi gtsang bcer bas bgags/ /rab tu dog pa mun nag 'thibs por 'dug pa'i mi/ /mngal gnas dmyal ba lta bu'i nang du de zhugs nas/ /lus yongs bskum la sdug bsngal
- 288a
chen po mnag dgos so/ /de ni rim gyis til mar bcir bcad sra ba yis/ /btsir ba ltar byas de nas ci zhig ltar de btsa'/ /'on kyang mod la de srog mi 'dor gang yin pa/ /sdug bsngal nye par spyad pa'i rnam par tho ba tsam mo/ /mi gtsang de nad gnas bcas 'phel ba'i lus de ni/ /mngal gnas rlon pas dkris shing dri nga mi bzad ldang/ /gzir bas gnod pa bod de rma rmen zhig pa ltar/ /gyur pa de yi skyon gyis dran pa spong/ /byis lus nye bar spyod pa kun la mi 'bongs pa/ /mi bstan 'khor ba spangs te mkhrangs pa'i dngos gyur nas/ /dar la bab pa'i ri dbang btson po'i ri sul du/ /sbrul gdug gnas gyur mun la bag skyong spyod par byed/ /bsam rlab/ de ni de nas kyang lhung la/ /lhung zhing mi gtsigs spyod pa mi 'dor ba/ /byis pa bdag lus sdug pa rga ba dang/ /'chi ba med pa nyid du sems pa lta/ /rmongs pa de ni thub dbang gis bstan pa'i/ /lam bzang rnam par spangs nas lam smin par/ /glang po myos pa lcags kyu med pas gzhan/ /bab dgu phye mar rlog pa bzhin du 'gro/ /de nas de ni mi 'dod bzhin du mgor/ /gtse med dga' bas rdog pas nan mnan nas/ /skra dkar lcags kyu ba dar ba rnon po yis/ /glang chen rdzi bos glang chen bzhin du 'debs/ /'on kyang de ni spyod la skyor 'byin pas/ /dge ba 'am 'jigs pa bzhin du spong bar 'gyur/ /rmongs pa bya min byed pa gang skyes pa/ /smyug ma 'bru chags lta bur brlag bar zad/ /de nas de ni 'chi ba dag dga' i ba'i spun/ /gzhil ba'i bcos thabs med pas bzung nas ni/ /rgas pa'i no bo 'chi bdag 'ongs nas ni/ /rgod pa bzhin du sbyi na 'dzin par byed/ /de nas de ni lhu tshigs
- 288b
rnams 'bye zhing/ /blo yang bslar 'gyur 'gro ba nyams par 'gyur/ /lus kyang dengs nas shig shig por 'gyur la/ /nges par sdig pa 'phel ba kho nar 'gyur/ /dbang po rnams kyang rim gyis zhum nas ni/ /yul la chags kyang nus pa nyams par 'gyur/ /gnas skabs gang du 'di 'gro gyur pa de/ /gal te dmyal na yod na de nyid 'jigs /bdag gis ji ltar de bzhin 'dis ma byas/ /ci ste de ltar de byas 'gro ba nyams/ /bdag gis ci ste 'di ltar 'chi bdag 'di/ /mgo bor sdog pas gnon pa 'phrigs ma gyur/ /mya ngan rdo rje de lta de lta bur/ /sems la gnod pa rnams kyis de gtses nas/ /nye du'i skye bo dud mo'i mchi rgyun can/ /sdug bsngal snying ni snying rje lta bus bltas/ /gnad kyi gshis su 'dzebs par gzir nas ni/ /shin tu mi bzad mun rum 'jug par 'gyur/ /'bad pa lhur blangs bsrung ba byas pa'i lus/ /yid 'ong 'dris pa rnam par 'dor bar 'gyur/ gshin rje'i zhags pas dam du btags pa ste/ /tso to 'bal zhing cho de 'debs byed kyang/ /de yis glengs pa nyid du skye bo yis/ /rang gi dus sgra ldir ba gzhan mi thos/ /bgrod dka' chu dang pha bong thag thug 'doms pa'i bar/ /tsher ma rnon pos 'dzings pa nyam nga'i lam dag tu/ /dus kyi zhags pas ske nas btags te gshin rje'i mi/ /gtum po rnams kyis dbyug pas bda' zhing 'khrid par 'gyur/ /mi bzad skom pas rgyad nas chu rlung dri med pa/ /mthong nas btung bar 'dod de song na de nyid kyang/ / skra shad nya lci bas tshogs dang sna gsungs 'dres pa dang/ /'dam rdzab khrag dang phyi mas gang ba'i chur 'gyur ro/ /dus rlabs rlung langs chu 'thor ri rtse bsil 'gyur zhing/ /tsan dan ljon pa sngo 'khrungs ma la yar song nas/ /de
- 289a
yang 'di la nags sreg me lce rnos 'khrigs shing/ /mgal dum 'gyel ba mang pos rang rong can du 'gyur/ /chu ltar rlabs 'jigs 'phangs mtho gyes pa las byung ba'i/ /dbu ba 'tsher ma lhag ge stug ber song na yang/ /de yang 'di la bye tshan khu ba dmar rtsub pa'i/ /rlung dmar 'jebs 'tshub pa'i mya ngan nyid du 'gyur/ /'di ni de gnas char sprin ldang bar 'dod na yang/ /sprin las lcags mda'i char pa dung 'thul mdag mar bcas/ /tsha tsha rdo rje'i pha bong dmar 'phro gser mdog lta bu yi/ /glog phreng dmar ser 'gyu ba lus la char du bab/ /tsha bas nyen la bu yug kyang ni tshar 'gyur la/ /lhags pa nyam thag pa la me yang grang byed do/ / shin tu mi bzad las yongs su smin pas rnam rmongs pa 'di la sna tshogs 'di kun phyin ci log tu snang/ /khab mig tsam gyi kha la dpag tshad mang 'jigs pa'i/ /lto can nyam thag rgya mtsho chen po'i chu 'thungs kyang/ / mgul phugs yangs pa nyid du phyin par ma gyur par/ /kha yi dug gyis chu yi thigs pa'ang bskams par 'gyur/ /ral pa'i tshogs mang spungs pas bsgyings pa'i khyi dag gi/ mche ba bzangs ring rdo rje'i rtse mos lus 'bad cing/ /chu bo rab med thal skyos me lces gang ba'i dogs/ /rdob zur rnon mi bzad rtse rnon can du bdas/ /spu gri rno gtams lcug tshal lo ma ral gri yis/ /nang du thang chad bsgyugs na lus smad skyabs med pa/ /rtse gsum mdud? thung dang ni ral gri rnos gang ba'i/ /khron pa gshin rje'i kha bas spu ba'i nang du lhung/ /nyin tshan gyis gdungs bzod dka' rlag par dga' ba'i lus/ /ljon shing lo ma sngo stug mthong nas song
- 289b
ba dang/ /de yi lo mas mtshon brgya ltung bas lus dbang cing/ /de na yun ring dung mo las shes brlag par gnas/ /bud med kun nas me lce brgya phrag mthon pa'i me/ /me stag phreng ba 'khrigs pa'i rgyan gyi gzhigs gyur cing/ / sog le lta bu'i rtsub pa'i lus kyis zon med pa/ /shin tu sdug pa'i tshul du bcum nas 'khyud par byed/ /ri dang mnyam du lug rings 'jigs su rung ba gnyis/ /'dus pa'i phrag tu lus kun phye mar rlog cing 'joms/ /cung zad bsil ba'i rlung zhig langs pas rtas nas de/ /de bzhin phyir yang lan brgyar kun nas phye mar rlog/ bse khyi bong bu ce spyad stong phrag gis bred nas/ /shal ri mtho la mi bzad de la myur 'dzegs na/ /tsher ma'i tshogs kha thur du bltas pas thal 'byin cing/ /zug rngu tshabs po che dag khong rlag nub par 'gyur/ /gshin rje'i lag na thogs pa dus kyi zhags pa lta'i/ /sbrul gdug mgo 'phang bstong pas dam gzhag gzhungs nas ni/ /gson por kha dang bya kar kang ka bya rgod kyis/ /de na gnas pa'i mig dag tsham tshom med par 'dru/ /de lus de dag gi mchu rdo rje rtse mo ltas/ /tsam pa me dbang nyam thag nga ro 'byin byed cing/ /thur du babs na lcags tsher gyen du kha bltas pa/ /spom la rno ba mang pos lus phug dran pa nyams/ /de nas kha cig mdung rtse gsum pa 'bar ba dang/ /zug rngu rnon pos lus dbang thur du 'bab mi nus/ /de tshe mtshon cha bdar ba'i chu can kha rnams kyis/ / kun tu drangs pa rgyu lto brang bred nar zhing 'thor/ /kha cig ri bo'i g.yangs ya ngar g.yang du ltung/ /kha cig 'bru mar bskol ba zangs chen nang du ltung/ /gzhan dag bye ma ba spegs pa me stag 'phro ba yi/ /sa gzhi rkang pa
- 290a
bzhag pa'i gnas mi thod par lhung/ /kha cig 'bru sprang phra mo lcig lcig 'dug pa yi/ /tshogs kyi lus rmugs bam zhing rnam par 'dul/ /las kyi rang bzhin snying la 'tsho ba thogs pa rnams bskyod pa tsam yang bya bar mi nus bzhin du gson/ /lhags pa dpe med rus pa la yang thim pa yis/ /lus sbrebs 'dar shing bskur nas gum gum por 'dug pa/ /chu bur brgya 'byung rdol ba las skyes srog chags kyi/ /ral gris dbang nas zhag dang chu ser rkang bcas 'dzag kos thags so 'thams skra dang spu rnams g.yengs gyur pa/ /mig dang rna ba lkog ma gnod pas kun gzir zhing/ /lus dang sems kyi bar dag rab tu blong gyur nas// grang ba'i dmyal bar gnas shing shin tu 'o 'dod 'bod/ /dmyal me du ba che dku mnam pa 'thul bas gnam mdog 'gyur/ /me lce'i lag mang rnam par 'phros nas phyogs kyi dkyil 'khor khebs/ /rus gong dkar dum phreng ba'i rgyan gyis spud pa skyi g.ya' ba/ /glang chen pags gyen sdig thabs kye ma kyid hud zer ba bzhin/ /la lar me stag che 'phro 'khrug pa 'ur sgra tog yar la/ /zhag gis bab na skad ngan bod pa'i rtse zhing chil chil 'bar/ /brang gi rus pa'i khong du thal la lhag lhag sgra grags pa/ /bskal pa'i dus kyi me yis bskyod du med pa'i nang du lhung/ /glo gnas rtswa skam snying la sbar ba lta bur me tshogs 'bar/ /mgrin dang kha nas me lce 'bar ba dus bcas bstud mar 'byung/ /khong lto gas pa nas lug nang khrol nar bas kun bred cing/ /brda mi phrad pa'i skad chen tsam zhig 'don par byed par zad/ /sdug bsngal che las thar par 'dod pas de dag yang dang yang/ /sgo bye gseb
- 290b
gzhan mthong nas thag ring ci zhig ltar ste 'byer/ /gang tshe las kyi sgo 'phar dam pos de yang bcas gyur pa/ /de tshe yi mug bzod rlag sdug bsngal gzhan yang 'byung bar 'gyur/ /mda' chen rno tshogs 'bar ba char bzhin 'bab pa'i rjes la yang/ /dmyal ba'i srung mas dbyug pas btab cing 'chi ma 'dzag bzhin du/ /lcags bzhun khu ba me stag 'bar ba'i phreng ba 'khrigs pa ldud/ /kha sna rna ba'i bu ga dag nas dud 'thul gyen du 'byung/ /mig dang glang spris rdol gyi bar du kun sreg cing/ /glang ba'i rgyas la 'bar ba'i me lce smug nag tshogs/ /me de khros pa lta bur de yi lus phug la/ /bud shing skam po lcer la sbar ba bzhin du mchod/ /skye bo de srog ri gzar klung gi chu ltar g.yo/ /dmyal ba'i mi yang der zad tshe ba 'ang der zad de/ /las rnams ji ltar thams cad shin tu mi bzad pa/ /snang bar 'gyur ba de ltar yongs su sgyur bar byed/ /skye bo rang gi las kyi dbang med 'tshal skyod pa/ /brgya la sdig gnas dmyal ba dag nas thar na yang/ /'jig rten 'gro ba mdza' yas bye ba phyed rnams su/ /mi yis dngos po shin tu rnyed par dka' ba nyid/ /gal te kla klo dmyal ba'i srung dang spyod mtshungs sam/ /dud 'gro phan tshun za bar byed pa'i nad? dag du/ /skye ba thob par 'gyur na gang gi phyir yang ni/ /g.yang du lhung bar 'gyur ba'i ngang tshul de nyid bsten/ /gang zhig thob nas skye ba'i rgya mtsho'i mthar 'byin cing/ /byang chub mchog gi sa bon dge ba'ang 'debs gyur pa/ /yid bzhin nor bu bas kyang yon tan lhag pa yi/ /mi nyid de ni su zhig 'bras bu med par byed/ /bde gshegs lam rten 'gro ba 'dren par chas gyur cing/ /sems kyi stobs chen mi yis rnyed pa gang yin pa'i/ /lam de lha dang klu yis
- 291a
mi rnyed lha min dang/ /mkha' lding rig 'dzin mi 'am ci dang lto 'phye min/ /mi yi dngos po shin tu rnyed dka' rnyed gyur nas/ /don du brnag pa gang yin de ni bstun te bsgrub/ /mar me'i me lce shugs drag rlung gi bskyod pa lta'i/ /tshe ni skad cig gnas pa'i gdengs yang yod ma yin/ /'di ni sang bya 'di ni thang cig 'og tu bya/ /'di ni de'u re bya zhes skye bo sems pa na/ /gshin rje bo can nag thog zur gyi lta ba yi/ /mig rtsa dmar khros ma rangs gang mos ra snyam 'debs/ /sos ka me tog rgyas pa'i dus 'di 'byung bar 'gyur/ /zla ba gsal bas mtshon pa'i don 'dus 'di byung zhes/ /skye bo thams cad dga' 'gyur bdag gi tshe 'di ni/ /zad par 'gyur zhes shin tu mi dgar 'gyur ba med/ /zla ba'i dkyil 'khor rgyas pa nye bar brgyan byas shing/ /sked tshings char chen sprin gyis 'khrigs pas 'khyud gyur pa/ /ri'i rtse'i nags kyi mthongs der chags pa med par ni/ /rlung ltar g.yo ba'i rang bzhin che gtugs skal ba che/ /nags mthongs ri dags dkyu ba'i tshogs kyis rten byas pa/ /kun nas nyams dga' bzang po de ni skyid pa gang/ /de ci dga' ba'i nags tshal lha mo'i nyam bag du/ / thol gyis 'bebs pa'i rdo leb can la yod gyur tam/ /nags klung chu gtsang ngogs kyi dben par skyid pa gang/ /de ci lha yi bu mo dri zhim byugs pa yi/ /lan bu'i rgyan du thogs pa'i rgyun ldan me tog tshogs/ /mdzes pa'i zil gnon lha yi chu la'ang yod 'gyur ma/ /rtsa ba 'bras bu shun pa le ma phun sum tshogs pa'i ljon shing ldan/ /nags tshal ltos med ri bo'i chu rgyun bsil 'bab chags pa med pa'i gnas/ /chu klung yangs pa'i
- 291b
mdza' ru 'bras bu me tog lhung bas brgyan ba yi/ /nyams dga' i bas mthar ci zhig med de dmyal stang khyim gyis bslus te sdod/ /ri sul yangs par skye bo bun long med pas rab bde ba/ /nyer spyod rgya chen nags tshal sngo 'khrungs phreng bar sbrengs/ /chu? dogs bsnyen pa phu chu'i rgyun sgra rnga ltar snyan pa yis/ /bdag cag nyon mongs yul ma yin zhes 'don la sgrog pa bzhin/ /'dod pa rnams dang 'byor dang srid gsum rgyal ba yis/ /sgyu ma smig rgyu chu zla ba rlabs 'dra bar gsungs/ /rmi lam lta bu'i ngan spyod 'khrul pas bsrus pa yi/ /byis pa gang dag de la chags pa dmyal bar ltung/ /yul dang dug mtshungs dang po myong ba tsam na bde/ /yul dang dug mtshungs rnam smin rtsub pos mi bzang pa/ /yul dang dug mtshungs gti mug mun pas thibs por byed/ /yul dang dug mtshungs shugs bzlog dka' zhing g.yo ba yin/ /dug dang yul rnams blo yis nges par brtags byas na/ /nyis na dug bla mi bzad rang yul rnams la min/ /dug ni skye ba gcig la dug tu 'gyur bar zad/ /yul ni tshe rabs gzhan yang dug du 'gyur bar byed/ /dug ni dug dang bsres nas rab tu zhi bar 'gyur/ /gsang sngags mchog dang dug sel sman gyis gos bar nus/ /dug ni thabs ldan spyad na mi la phan 'gyur gyi/ /dug chen yul ni nam yang de lta ma yin no/ /ji ltar glang bu khron zab kha nas 'khrungs pa yi/ /rtsa lo kham 'ga' tsam la yid ni chags gyur pa/ /rnyed pa grub pa med par g.yang du ltung ba ltar/ /'tsho ba'i 'jig rten bde ldan 'dod pa'ang de dang 'dra/ /lha yi bu mo dal gyis 'bab pa'i chu rgyun gyis/ /'phral thabs slongs pa rnams dang lhan cig rtse myong nas/ /phyir yang
- 292a
chu bo rab med rba drag 'bog pa yis/ /rmas pa'i sdug bsngal mi bzad bsten par bya dgos so/ /lha tshal dpag bsam shing lo'i gding ba kun bkram par/ /lha yi bu mo dang stan bde bar gnas nas kyang/ /phyir yang mtshon rnon mang po 'bab pas lus dbang pa/ /lo ma ral gyi lta bu'i nags tshal bgrod dgos so/ /rkang bzhag nems dang 'phar byed reg na bde ba yi/ /ri rab po yi dkyil du yun rings gnas gnas kyang/ /phyir yang bye ma bsregs pa'i me ma mur gyi tshogs/ /brla dang rkang lag kun tu zhig par khyam par 'gyur/ /dril bu mdzes 'khrol mu tig phreng tshogs lhag ge ba/ /gzhal med khang du zhugs te lha yul bgrod nas kyang/ /phyir yang mi bzad skyabs med mun nag thibs po dpag med pa/ /pha mdza' med pa'i nang du spyi tshugs ltung bar 'gyur/ /gang du lha klu mi 'am ci yi mgo brgyan gyi/ /'od kyi tshogs kyis rkang bsten dmar ba'i brgya byin yang/ /las kyi rlung 'khrugs 'gro ba ngan par 'gro 'gyur ba/ /de la skyes bu su zhig 'jigs pa rten mi byed/ /me tog rab tu rnyings shing lus rdul 'thon pa dang/ /gos rnying smre zhing nye du rnams la lta ba yi/ / lha rnams 'chi ba'i rab tu sdug bsngal gang yin de/ /'tsho ba chu bur lta bur g.yo ba mi la med/ /sdug bsngal me tshogs phungs pas 'jigs pa'i 'jig rten 'dir/ /skye bo bde snyam mngon pa'i nga rgyal byed pa gang// de ni gshin rje'i kha yang 'byed par byed pa skye/ /de ni skye ba phyi ma'i ljon shing sa bon yin/ /de ni gshin rje srid mtshor rgyu ba'i sems can la/ /log par smon pas 'jigs pa dbyug pa nag po'i rtser/ /srid pa'i tha
- 292b
gu ring pos dam bzhag btags pa yi/ /'chil bas nya la bya ba bzhin du btab pa yin/ /dmyal rnams zangs chen lhag lhag bskol ba tsha ba'i shugs drag nas/ /skad cig tsam zhig mgo bstod dbugs 'byin 'gyur ba rnams/ /lcags kyi tho ba rab tu mang po khros te gzas pa yis/ /brgya ba na de nyid mchog tu bde ba yin par sems pa ltar/ /de bzhin sdug bsngal mi bzang pa yis dbang med rtag gzir cing/ /re zhig tsam zhig ji zhig ltar te skye shi'i 'khrug med nas/ /skad cig sdug bsngal gnyug mar bzod dka' me lce zhil gyur na/ /'jig rten thams cad bde ba 'ga' la yang sred par byed/ /ji lta ji ltar 'gro ba kun la bde ba'i 'du shes bskyed/ /de lta de ltar gti mug mun pa shin tu stug por 'gyur/ /ji lta ji ltar 'gro ba kun la sdug bsngal 'du shes bskyed/ /de lta de ltar gti mug mun pa shin tu srab mor 'gyur/ /ji lta ji ltar sdug pa bsgom pa shin tu rnam 'phel ba// de lta de ltar 'dod chags me lce shin tu 'phro bar 'gyur/ /ji lta ji ltar mi sdug bsgom pa shin tu 'phel 'gyur ba/ /de lta de ltar 'dod chags me lce shin tu rtse zhil 'gyur/ /bud med yan lag dri nga rul pa mi sdug dang/ /pad+ma zla ba utpal dag tu snyoms byed pa/ /snyan dngags mkhan gyi rdzun de'i 'bras bu mi zad pa/ /de dag de yi mngal gnas 'jug pa de yin no/ /'gro bar lan brgyar ma son 'gro de gang zhig yod/ /sngon chad lan mang ma myong ba de gang zhig ni/ /rnga yab dkar mdzes lta bu'i dpal gang mthob pa/ /de yang gang zhig yod na 'on kyang 'dod chags 'phel/ /gang gi gling bar ma gnas chu bo de yod
- 293a
min/ /yul phyogs gang du gang ma bcas pa'i gnas de med/ /gang du ma song nam mkha' i phyogs de'ang yod min na/ /'on kyang 'dod chags dgang dka' 'phel bar 'gyur pa nyid/ /sngon chad lan mang ma myong sdug bsngal de yod mi 'gro bar/ /gang gis tshim gyur 'dod pa de dag med/ /gang gi ltor ma nyal ba'i sems can de med na/ 'on kyang ji ltar 'khor ba can la chags bral med/ /skye ba yongs su 'dzin pa 'gro pa rgya chen 'dir/ /bde dang sdug bsngal dag du lan mang 'gre ldog pa/ /'gro ba gnyen ma gyur pa'i skye bo de gang med/ /'on kyang zhe sdang sprul gyi rang bzhin 'jigs par gnas/ /gang dang lhan cig 'dus nas rgod cing rtses pa dang/ /glu blangs dga' mthun byas shing gcig tu zos 'thungs dang/ /dus kyi rim pas me tog sna rgyan dengs byas dang/ /gnas skabs ci zhig ltar mnyam mi mnyam byas pa yi/ /nye du 'khor ba'i rgya mtsho'i khongs su chud gyur pa/ /klong gi nang du lhung ba lta bu snang bzhin du/ /skye shi phongs pas ngo ma shes pa de bor nas/ /gal te gcig thar byed na de las khrel bor med/ /byis pa phang na bca' ba ci yang mi nus par// gang gi nu zho byams pa'i shugs kyis gzags 'thungs pa/ /ngal ba mang sten byams pa bstan pa de dag 'dir/ /shin tu ma rabs zhig na'ang spong bar su zhig spro/ /gang gi khong na 'di skabs rnyad nas gnas gnas shing/ /gang gis brtse bag sems kyis zon bcas 'di blangs pa/ /nyon mongs de dag sdug bsngal skyabs med 'dir bor nas/ /'gro ba ma rabs tha shal zhig na'ang su zhig spro/ /'gro ba sdug bsngal mi bzad mang
- 293b
pos dbang med skyabs med 'dir/ /gzhan gyi don du sdug bsngal gang de bde zhes skyes mchog gsung/ /skad cig gzhan bkres skom dang tshang la bral bas rangs byos pas/ /des dga' gang yin de dang 'dra ba 'di na'ang gang zhig yod/ / gzhan phan bde ba skyed par brtson pas dga' ba rnyed pa gang/ /de ni yul de'i longs spyod lhur len rnams kyis ji ltar yang/ /bzhon pa des mi thob mi dbang 'byor pa'i yo byad rnams kyis min/ /chung mas ma byin gzhan min lha gnas lha min 'gro bas min/ /shin tu rnyed sla rtswa kham 'ga' lta phyugs kyang drang nyid za/ /shin tu skom pas gdungs pa chu zhig rnyed na dga' mgur 'thung/ /'di na skyes bu gzhan don byed par brtson pa gang yin pa/ /de 'di'i brjid bag? yin te de bde skyes bu'i rtsal de 'phags/ /nyi ma rlabs chen rta zhon rgyu ba snang byed gang yin dang/ /khur la mi rtsegs sa yis 'jig rten 'degs pa gang yin de/ /rang don 'ga' med chen po rnams kyis rang bzhin de 'dra ste/ de dag 'jig rten phan dang bde ba'i ro la gcig tu gzhol/ /'jig rten ma rig dung sprin 'khrigs pas 'gro ba 'khrugs gyur pa/ /sdug bsngal me rab 'bar ba'i nang du dbang med lhung mthong nas/ /thod la me lce 'bar ba lta bur yid brel brtson pa gang/ /'di na de dag skyes bu yin te mkhas pa 'ang de dag yin/ /gzhan gyi don du me lces gang ba'i mnar med dmyal bar yang/ /gangs dang zla 'od bsil ba lta bur rab tu dga' bzhin 'jug /nyid kyi don du pad+ma kha bye lhag ger 'dug pa yi/ /mtsho yang de la me lce'i tshogs bzhin rab tu gdung bar byed/ /gzhan la phan par byed par chas pa'i mkhas pa rnams/ /lo ma ral gri tshal na 'ang bde blag gnas byed kyi/ /skad cig tsam yang
- 294a
lha yi bu mo dang 'grogs nas/ /dga' ba'i tshal gyi nang du skyid par byed mi 'gyur/ /rgal bar gyur pa skyabs med skye bo bsgral ba'i phyir/ /phyir yang chu bo rab med nang du 'jug byed kyi/ /lha yi chu bo rba rlabs chil chil 'dug pa yis/ /reg pa'i bde ba dag nyid sten par byed ma yin/ /de ltar rgyan gyi brgyan gyur legs spyad rin po che/ /gsal ba'i nang na gsal ba zhi ba'i bdud rtsi yangs/ /dga' ba'i dga' ba byas pa mi gzos rnyed dka' ba/ /bkra shis rnams kyi bkra shis zhi ba'i bde rgyud sten/ /bde bar gshegs pa'i gsung gi me tog rtag brten bya/ /ljon shing me tog de la 'bras bu rgya chen 'byung/ /bde gshegs me tog gsung las don tshogs bsten bya ste/ /sbrang ma sbrang rtsi la mchog dga' bar byed la ltos/ /skad cig gcig la zad cing rtag tu 'khrugs pa'i yul rnams spong/ /zhi ba'i bde 'bras 'chi ba'i tsher med gcig pu dben pa bsten/ /rnam thar sgo yi gtan pas gti mug 'khrugs pa'i rab rib sol/ /rta mchog rte'u ni shin tu yun ring gnyid log 'gyur ba yin/ /khyod cig gdung pas nyam thag rnams la srid pa'i mya ngan du/ /shing chen sdong bstan rgya chen kun gel bzod dang dul ba'i lo ma can/ /zhi gnas me tog shes rab yal ga rab smin lo bran stug /smon lam rtse mo tshul khrims grib ma rab zhi 'bras bcas kyis/ /khyod cig dungs pas nyam thag rnams la srid pa'i mya ngan du// mtsho chen yangs gsal byin gzhol gting zab bsam pa rab tu dangs/ /rtag bsil sprul gdug snyi yis bag med 'jigs spang rang bzhin gyis/ /rab tu gtsang zhing sred pa gcod byed rtul pa'i khur bzod kyis/ /
- 294b
khyod cig gdung bas nyam thag rnams la srid pa'i mya ngan du/ /sprin chen skye bo mang phan mi 'jigs smra ba'i sgra chen sgrogs/ /grags pa rgya chen char gyi shugs drag snying rje'i rlung gis bskyod/ /rdul bral zhi bas tshul khrims grib mas sa stengs brgyan par gyis/ /bdag gis de skad brjod pas bsod nams cung zad bsgrubs pa gang/ /de yis skye bo ma lus bde gshegs spyod la dang byed cing/ /rtag bde longs spyod bzang ldan yid la re ba 'byor pa dang/ /gzhan la phan dga' rim gyis kun mkhyen bgrod par shog /dmyal ba lag mthil ltar mnyam snang gsal me rab zhi ba dang/ /skam 'khrungs pad+ma'i lo mas khebs shing rtsa ba'i khyi song 'thon/ /gtsang zhing dri zhim pad+ma kha byes sa rnams brgyan pa dang/ /rgyas shing bzang la sor bu'i dad bcas char zim 'bab par shog /bdud dpung pham pa cho nges 'debs pas mi snyengs sgrags pa po/ /lha bu'i rtsed mo bas kyang dga' mdzad lha dang mi 'dul ba/ /skye shi nyon mongs sdug bsngal rgyun rnams 'joms pa'i sangs rgyas dag /phyogs dang phyogs su brnag pa bzhin du nam zhar 'byung bar shog /'gro ba chos kyi kun dga' 'phel dga' ba'i ston che bar shog /'chi ba dag re ba shin tu yun ring goms pa don med shog /thub pa'i skye bo gtam tshogs 'phel bar zhi ba bdud rtsi yi/ /char gyi zla ba'i snang ba rab bzangs bsil bas don byas shog /slob mi la spring ba'i 'phrin yi ge slob dpon chen po tsan+d+ra go mis mdzad pa rdzogs so/ // rgya gar gyi mkhan po sarba dz+nyA de ba dang/ zhu chen gyi lo tsA ba bande dpal rtsegs rak+Shi tas bsgyur cing zhus te gtan la phab pa'o// // */ /rgya gar skad du/ mahA
- 295a
rA dzi ka ni ke le kha/ bod skad du/ rgyal po chen po ka ni ka la springs pa'i 'phrin yig /de bzhin gshegs pa thams cad la phyag 'tshal lo/ /bgrod par bgyi 'os khyod lags na/ / bkug kyang ma mchis gang lags de/ ma gus ma lags brnyas ma lags/ /rga dang nad kyi bar chad bgyis/ /bdag ni sems can thams cad dang/ /'dra bar khyod la brtse mod kyi/ /khyod kyi yon tan gyis khyod la/ / lhag par nye mgon khyad par bgyid/ /gdams kyi phal cher mchis mod kyi/ /thams cad gdams par su rngo thogs/ /khyod kyi yon tan gang lags des/ /bdag ni spyi brdol skyes bar 'gyur/ /zlogs pa med pa'i yon tan gyis/ /phyogs rnams kun tu bsgos pas ni/ /mi mchog rnams kyang thugs thub par/ /mdza' bshes bzhin du 'dzem pa med/ /de ltas snyan gtod nyid kyi ched/ /bdag gi gsol ba 'di gson te/ /bsgrub dang btang ba yid gnyis las/ /gang rigs de ni nyams su bzhes/ /dga' bar bgyid pa'i yul rnams dang/ /rgyags par bgyid pa'i lang tsho dang/ /bdag nyid rang dgar spyod pa dang/ /kun tu don med bgyid pa'i sgo/ /phung bar byed pa de gsum spang/ /mkhas pas dam pa sten pa dang/ /dbang po gdul dang shes rab kyi/ /stobs mthus nyams ni smad nas spyad/ /khyod kyis nyes pa'i gzhir gyur pa'i// cha ni gsum po de dag rnams/ /chos lugs dag dang 'dul ba yis/ /bcos nas yon tan nyid du mdzod/ /ci ste rgyal po blon po dag /dkyel che snying rje'i bdag nyid ni/ /rtag tu nyon mongs med pa yi/ /
- 295b
las kyi rgyal srid bya bar rung/ /'jig rten 'di na blo gros kyi/ /nyam chung gyur dang mgon med pa/ /bya ba ma yin byed pa la/ /gdon mi za bar 'jug par 'gyur/ /de bas ji srid sa de la/ /myur du ma sgal bar du ni/ /blo mthu bskyed phyir mkhas pa dag /bsdu bar dgyes pa'i nan tan mdzod/ /chos kyi bstan bcos gdon bgyi zhing/ /de yi don gyi tshul gson la/ /gsan pa'i chos rnams rnam dpyad de/ /dpyad pa la ni mkhas par mdzod/ / mya ngan gyis ni ma gdungs shing/ /na gzhon nad med longs pa yi/ /dngos po da ltar byung ba yi/ /blo gros la ni mi nus med/ /'dir ni skyes bu dam pa las/ /dus dus su yang nyung zang gson/ /nyung du bsags na'ang/ / nges par ni/ /ring por mi thogs mang por 'gyur/ /rtag tu chu thigs re re'i rgyun/ /bar chad med par 'bab pa yis/ /gang zhig gang bar mi 'gyur ba'i/ /snod de ji lta bu zhig mchis/ /de ltar dpe gsal de lta bu/ /rgyal po tshad mar mdzad nas ni/ /dam pa'i chos ni gsan pa la/ /rtag tu dges pa nyid du mdzod/ /yon tan nor ni gnyer la gnyen/ /mkhas shing snying rje'i bdag nyid can/ /byas gzo phongs chos mi bgyid pa/ /bzang po khyod kyis slad du zhog /khyod kyis blun dang 'phongs chos can/ /brkam zhing byas pa mi gzo dang/ /kha gsag gtum po mi bzang ba/ /yul na'ang gnas su ma stsal cig /rtag tu so so'i skye bo yis/ /khyad par mkhyen par mdzod cig dang/ /de yi khyad par mkhyen tsam la/ /phun sum tshogs pa rag las so/ /mi gang dka' ba spyod byed dang/ /dor bar bya dka' dor ba dang/ /bzod par dka' ba bzod byed dang/ /bkur dka' nyams su len pa dang/
- 296a
gnas min las ni zlog byed dang/ /gnas su 'jog par brtson pa dang/ /de yi bsam pa mthun gus dang/ /bde bar 'dod cing 'o byams pa/ /de dag rnams ni mdza' bshes te/ /gnyen 'dun grogs po 'ang de dag lags/ /rang don tsam phyir 'brang ba'i mi/ /gzhan dag skye bo phan pa bas/ grogs po phan par 'dod pa'i tshig /mi snyan yang ni phan pa dang/ /'jam dang bde ba lags pa dag / thugs la bzhag par mdzad du gsol/ /tshig snyan phan pa ma lags dang/ /'jam dbyangs bden pa ma lags pa/ /dam pa ma yin rnams kyi tshig /khyod kyi thugs la ma bzung zhig /phan par smra ba khro yang ni// khyed kyis gnang chen dag tu mdzod/ /mi phan smra ba bstod bgyid kyang/ /dgyes pa dag tu ma mdzad cig /rab dang mtsho la ngang pa yi/ /rgyal po dang ni chus 'jigs bzhin/ /dam pa rnams kyis bsnyen bla dang// dam pa min pas bsnyen dka' mdzod/ /khyod kyis mkhas rnams tshim bgyis pas/ /'byor pa don du gnyer mi bgyid/ /yon tan dgyes phyir khyod kyis ni/ /yon tan rnams kyis mi ngoms mdzod/ /longs spyod byed dam bde ba dang/ /sdug bsngal phrad pa 'am spyod pa 'am/ /spyod lam kun tu spyod pa na/ /khyod kyis dam pa bsten pa dang/ /dran pa'i grogs kyis bskor ba na/ /bag yod par ni gnas 'gyur te/ /sA la'i shing la 'khri shing bzhin/ /bzang po dpal gyis 'khyud par 'gyur/ /khyod kyis bzhom pa bden pa dang/ /khyad par zhing la sbyin pa dang/ /dran dang bral bas 'dod pa dbye/ /chad pas
- 296b
gang duAng bcad mi bgyi/ /log pas 'thab bcugs byed pa dang/ /bkren la dman par lta ba dang/ /tshul khrims ldem? rnams mi dga' dang/ /dka' thub sdom pa 'khrul byed pa/ /bzhi po 'di dag 'dod min te/ /rtsa ba 'joms par bgyid pa lags/ /rab brtson khyod kyi yul na ni/ /de dag gtan ma mchis par mdzod/ /stobs dang ldan pa stobs chung ba/ /gnang chen gyis ni mi gnang dang/ /mchod 'os rnams kyis mi mchod dang/ / smos 'dris kyis ni mi shes pa/ /gang yang rung ba gang gis kyang/ /brnyas pa med par khyod kyis mdzod/ /tha snyad rnams ni dag pa yis/ /kun la 'dri bar gzigs su gsol/ /kun gyis rang gi chos thob cing/ /chos kyis thams cad 'tsho bar mdzod/ /mi sdug kyang ni nyes med na/ /thams cad bde bar mdzad du gsol/ /pha yi bu la ji lta bar/ /khyod kyis 'khor la byams bgyis na/ /bu yis pha la ji lta bar/ /khyod la zha 'bring dga' bar bgyi/ phal rnams rang bzhin bzang na ni/ /khyod kyis dgongs pa bzhin du 'gyur/ /phal rnams rang bzhin ngan na ni/ /khyod kyis dgongs pa bzhin mi 'gyur/ /gal te gzhung lugs bzang zhe na/ /gong nas gong du 'phang bar 'gyur/ /ci ste ngan pas spyod mdzad na/ /'og nas 'og tu ltung bar 'gyur/ /dam pa'i las la gnas nas ni/ /khyu mchog dang ni khyu lta bu/ /rjes su 'tsho ba'i skyes bu'i tshogs/ /'di kun rjes su 'brang bar 'gyur/ /khyed kyi gya gyu la zhugs na/ /gya gyu kho na'i rjes 'brangs pas/ /skye dgu khyod mdzad rjes 'brang ba'i/ /skye dgu de ni nyams par 'gyur/ /de bas bdag gzhan bsrung slad du/ /thugs kyis rab tu bsgrims nas ni/ /gna'
- 297a
rgyal drang srong rnams kyi lugs/ /nyams pa sar par bcos su gsol/ /gna' yi rgyal po'i spyod pa las/ /gang dag bzang ba de mdzod la/ /mi rigs pa ni gang lags de/ /smad par mdzod la spang du gsol/ /sngon gyi bka' khrims skyon chags ba/ /gna' nas mchis kyang rgyun chod la/ /rgyal po ka ni kas mtshan pa'i/ /khrims su bca' ba gsar pa mdzod/ / lha khyod yon tan don gnyer bas/ /yon tan lha bzhin kho nar mdzod/ /lha khyod skyon rnams mkhyen pa yis/ /lha bzhin nyes med kho nar mdzod/ /zla ba mar gyi ngo bzhin du/ /nyes pa'i tshogs rnams 'grib ba dang/ / zla ba yar gyi ngo bzhin du/ /rtag tu yon tan gyis brgyan mdzod/ /yab sems bzhin du bdag nyid kyis/ /chos kyis sa stengs bskyang ba dang/ /yab mes bzhin du lha khang gi/ dus ston 'phel bar mdzad du gsol/ / khyod kyis/ mtho ris byang grol gyis/ /them skas mi mnyam mnyam pa'i phyir/ /bsod nams las byung bzo rig che/ /rtag tu lha khang dag tu sogs/ /rga dang 'chi bam bsnyengs mdzod de/ /chos bzhin rgyal srid dpal dpyad nas/ /bgres kar dgon par gshegs su gsol/ /dam chos ston pa'i 'bras mchis mdzod/ /rang byung rnams kyi rjes su bslab/ /ku sha'i rigs su 'khrungs khyod kyis/ /yab mes 'phags rigs nyi ma yi/ /gdung rgyud chos lugs ma nyams mdzod/ /skye ba can la nges par ni/ /rgas dang 'chi dang na mchis na/ /ma bgres ma bslungs ma grongs zhes/ /legs smod gsol yang ci la sman/ /srid pa
- 297b
dag ni gang yang rung/ /de nyid rgas dang 'chi ba lags/ /yongs su bsgyur bas rga pa ste/ /skad cig 'jigs pas 'chi ba yi/ /ma rgas ma na mi 'chi zhes/ /smra ba ngag ni smra ba na/ /de ltar 'jig rten kun 'bar na/ /yang srid med las gzhan ci yod/ /gang na mi mthun yod ma yin/ /gang du 'du byed 'jig mi 'gyur/ /gdan gcig tu bde bar gnas/ /gang du song na 'chi med 'gyur/ /srid pa kun nas nyon mongs dang/ /sdug bsngal 'gyur ba cir mi mkho/ /de slad nges pa srid pa rnams/ /med par bsgom pa rgyas par mdzod/ /'dir ni bgyi ba 'di nyid de/ /de las gzhan pa'i bgyi mi 'tshal/ /bgyi ba de ni bgyis pa yis/ /mi bgyi ba yi tshar phyin to/ /bgrang phreng bzhin du 'khor ba ru/ /lan mang yongs su 'khor ba ni/ /lan brgya 'am yang na stong dag du/ /'jig rten dag tu ci ma bgyis/ /'di ma bgyis smas byis pa yis/ /yang dang yang du bgyi 'tshal bas/ /thog ma med pa'i dus can 'dis/ /da dung bar du ma log go /'chi bdag su dang mi shes pa/ /glo bur dag tu 'bab 'gyur bas/ /sang dag bya zhes ma bzhes par/ /dam pa'i chos la smyur te mdzod/ /'di sang deng 'di mi bya zhes/ bya ba mi la bzang po min/ /nam zhig khyod ni med 'gyur ba'i/ /sang de gdon mi za bar 'ong/ /'chi bdag brtse ba med pa can/ /skyes rtsal don med gsod 'gyur ba/ /bsod pa mngon du 'ong bzhin du/ /mkhas pa su zhig bag skyong spyod/ /de slad dpag chen bzod med des/ /mda' ni mi bzad 'tshor med pa/ /de ni ji srid ma 'phangs pa/ /de srid rang gi don la 'bod/ /rnam smin 'byin pa sngon las kyis/ /khyod ni yongs su btang
- 298a
gyur pa/ /sar pa'i las dang rjes 'brel cing/ /'chi bdag gis ni drangs pa na/ /dge dang sdig pa ma gtogs par/ /'gro ba thams cad phyir log nas/ /'ga' yang khyod rjes mi 'brang bar/ /mkhyen par mdzad la legs par spyod/ /bdag ni snying rjes zil non cing/ /yid mi dga' ba'i rlan gyis ni/ /shin tu brlan pa'i smre sngags 'di/ /re zhig gsan par mdzad du gsol/ 'gro ba sman pa log ltung ba/ /mgon med nyes med phal cher ni/ /rtswa dang chu dang 'bras bu ni/ /phal pas 'tsho ba sgrub bgyid pa/ /bya dang ri dags phyugs dag la/ /rgyal pos gsod dam gsod 'jug bar/ / ci ga rigs sam mi rigs pa/ /bde la gnas pa khyod nyid gsungs/ /khyod ni chen por mi khro zhing/ /gnod pa bgyid pa 'ang bzod ces gda' / /khyod kyi thugs rjes dud 'gro ba/ /kye ma su zhig dgag par bgyi/ / gnod pa bgyid la bzod mdzad pa/ /gnod mi bgyid pa 'gums mdzad pas/ /khyod la brtse dang mi brtse bas/ /rgyu mthun pa ni gnyis ka gda' / /sngon chad bgyis pa'i sug las kyis/ /'di ltar 'phen du gyur pa la/ / khyod nyid gnod pa mdzad nag go/ su la skyabs su 'gro ba gsungs/ /gzhan gyis gnod pa bgyis na yang/ /nyid kyis phyag gis bshugs 'tshal na/ /khyod bzhengs mngon du mnod mdzed na/ /phyogs kun mun par ma gyur tam/ /kun la srog ni phangs pa ste/ /kun la gsan pa sdug pa lags/ /thams cad mchi ba'i chos can te/ /thams cad sdug bsngal rnams kyis gdung/ /'di ltar gang zhig mi 'tshal ba/ /de nyid kyis
- 298b
ni sdug bsngal te/ /mkhas pa su zhig dga' ba ltar/ /tshig pa la ni yang sreg bzhin/ /khyod ni srog gcod mi dgyes shing/ /srog gcod dgyes las phyir log na/ /rgyal srid nyams par 'gyur ram ci/ /lugs 'di ci zhig lags pa gsungs/ /mtshon cha'i thabs la mkhas khyod kyis/ /g.yul dor srol btong mthong lags na/ /gzhan du khyod la ri dags la/ /ci slad gnod pa'i las rnams mdzad/ /ri dags gzhon nu'i spyan lam khyod/ / spyan dang 'dra ba'i ri dags rnams/ /rtabs nas rig rig lta ba la/ /ci yi slad du thugs mi rje/ /khyod kyi spyan dang mig 'dra'i phyir/ /khyod la dga' ba gang legs te/ /ri dags la yang dga' bgyid na/ /khyad ni ji ltar dgyes mi mdzad/ /log par lhung dang spyan 'dra dang/ /mgon med yul na gnas pa nyid/ /re re yang ni ri dags dag/ mi 'gums pa yi rgyur rung ngo/ /mi rnams la ni mdzad pa bas/ /sdug bsngal lhag par brtags pa yi/ /dud 'gro rnams la ches lhag par/ /khyod kyis thugs rjes mdzad du gsol/ /khyod nyid srung ba'i don 'di la/ /bdag gis thal mo sbyar mi 'tshal/ /rgyud gzhan gsol bas gus bgyis par/ /legs par thugs tshod mang lags grang/ /co nas bzung ste bslab spyang ba/ /dam pa rnams kyi lugs su gnas/ /de ltar lags pas rgyal po la/ /bu sdug bzhin du gsol ba lags/ /gal te bdag gis mi phan pa/ /gsol na bdag la chad pas khum/ / ci ste gcig tu phan gsol na/ /bdag gis gsol ba bzhin du mdzod/ /gal te mi dgyes mdzad par ma gyur na/ /bdag gis yang dang yang du gsol bar 'tshal/ /ci ste bdag tshig khyad du 'gums mdzad na/ /bka' mchid
- 299a
'di ni nges par gtang bar bgyi/ /dgyes par gyur na slar dgyes mi 'gums te/ mi dgyes gyur na dogs bzung bar 'tshal/ /gnod bgyid nyi ma ltar jo mi thogs pas/ /sa bdag zla ba zla ba bzhin du mdzod// sa bdag tsher ma'i shing la sbrang rtsi ltar/ /dgra bo las kyang legs par smras pa gzung/ /gser gyi ri las dug rgyun ji bzhin du/ /yid 'ong skye bo'i tshig ngan spang 'tshal lo/ /mi mchog gal te legs par mdzad pa'i sbyor bas bsgrubs gyur te/ /pha rol gnod pa sel ba'i dpal 'di yon tan rgyan rnams kyis/ /phyug par bgyis na legs spyad brgya la chags phyir g.yo ba'i snying/ /mi brtan pa yang dang dbang med par yun ring khyod la chags/ /slob dpon mA tra tsi tras rgyal po chen po ka ni ka la springs ba'i 'phrin yig rdzogs so// //rgya gar gyi mkhan po bidya ka ra pra ba dang/ /zhu chen gyi lo tsA ba ban de rin chen mchog gis bsgyur/ / a tsArya dpal rtsegs kyis zhus te gtan la phab pa// // */ /rgya gar skad du/ /tsit+ti ratna bi sho d+ha na kra ma nA ma le kha/ bod skad du/ sems rin po che rnam par spyang ba'i rim pa zhes bya ba'i spring yig/ sangs rgyas dang byang chub sems dpa' thams cad la phyag 'tshal lo/ /sa gsum dbang phyug skye dgu chos kyis skyong mdzad pa/ /lha mi'i bla ma 'phags pa'i gang zag rnams kyi yab/ /rgol ba tshar gcod rang gi 'khor gyi dga' bskyed pa/ /chos kyi rgyal po gcig bu de ni rgyal gyur cig /blo zhan bdag 'dras gzhan la bskul bar mi nus shing/ /bskul bas phan par 'gyur ba 'ang deng sang nyung? mod
- 299b
kyi/ /'on kyang sa yi bdag po khyod kyis nongs pa yal bor na/ /'gro mang de 'drar 'gyur 'di ma bzod khyod la bskul/ /mi skyong khyod kyi dbang phyug 'di ni sngon tshad nyid kyi thugs/ /gdul dka' legs par btul las brnyes kyi gzhan gyis byin pa dang/ /sa yi rum nas 'thon dang gnam babs lta zhig ga la lags/ /sa bdag dpal 'di mi nyams bzhed na da dung thugs thul 'tshal/ /gang zhig phan na de ni brtags te dka' yang mdzad rigs la/ / gang zhig mi phan de ni bsgrub par sla yang btang ba'i rigs/ /de phyir sngon tshe thub chen rgyal bu zla bar gyur pa yis/ /rgyal po su ta sa'i bu la gdams pa smras pa yang/ /rgyal po gcig pos g.yul dor dmag gi dpung las rgyal/ /sems tsam tshar gtsang phyir ni sngar ma ma mdzad cig /mi yi bdag po 'jig rten phyi ma 'ang gzigs pa'i rigs/ /de bas dgyes kyang phan pa ma yin bsten mi rigs zhes so/ de phyir gang gis dman pa'i rigs su ltung byed ba/ /nga rgyal dgra spangs bdag gi tshig 'di sang phyir yang/ /mi bdag khyod kyis gus pas gsan rigs te/ /legs smras byis las blang zhes thub chen gsal bar gsungs/ /sa bdag tsher ma'i shing las sbrang rtsi bzhin/ /dgra bo las kyang legs smras gzung bar bya/ /gser gyi ri? las dug gi chu rgyun bzhin/ /yid 'ong skye bo'i tshig ngan spang 'tshal lo zhes so/ /gang zhig ma btul mnar med sogs/ /sdug bsngal bzod dka' skye byed cing/ /de nyid btul bas lha mi dang/ /'jig rten min pa'i bde ba 'ang 'thob/ /rab tu mthu ldan sems 'di ni/ /mkhas pa su zhig 'dul mi byed/ /'dir sems ni rang bzhin gyis 'od gsal ba rtag tu rnam
- 300a
par mi rtog pa'i rang bzhin yin mod kyi/ lus dang ngag bran lta bu dang bcas pa blo bur gyi nyon mongs pa dang nye ba'i nyon mongs pa dag gis dkrugs pa ste/ /de'i phyir 'di dag rnam par sbyangs te nor bu chu shel gyi 'od ltar rab tu 'od gsal ba'i rang bzhin dkrugs ma dang bral ba bskyed de/ 'di tsam ni mi gnas pa'i mya ngan las 'das pa'o/ /de la 'dir bsdus na sems te dkrugs pas rtog pa can du byed cing/ /lus dang ngag bran ltar 'khor ba ni rnam pa bzhi ste/ thams cad kyi rgyu rnam par rtog pa mang ba dang/ 'dod chags dang/ zhe sdang dang/ gti mug shas che ba'o/ /de la gang rnam par rtog pa med pa des ni rlung gi ting nge 'dzin la dmigs pas re spang bar bya ste/ bgrang dang rjes 'gro 'jog pa dang/ /rtog pa dang ni bsgyur ba dang/ /yongs dag rnam pa drug du 'dod/ /de ni bgrang ba dang/ rjes su 'gro ba dang/ 'jog pa dang/ nye bar rtog pa dang/ sgyur ba dang/ yongs su dag pa ste rgyu drug dang ldan na/ yongs su rdzogs pa yin no/ /de la bgrang bzhes bya ba ni dbugs rdub pa dang dbugs 'byung ba dag la sems gtad nas mngon par 'du bya ba med par lus dang sems rnal du bzhag ste/ dran pa tsam gyis gcig dang gnyis nas bcu'i bar du bgrang bar byed pa'o/ /sems mngon par bsdus pa rnam par g.yeng bar dogs pas ha cang mang ba dang nyung ngur ni ma yin no/ /de la skyon ni gsum yod de/ /gal te gcig la gnyis su brtsis na lhag par bgrangs pa'i skyon no// gal te gnyis la gcig tu 'dzin ni ma tshang bar bgrangs pa'i skyon no/ /gal te dbugs rdub ba la dbugs 'byin par 'dzin tam dbugs 'byin pa la rdub par 'dzin na 'tshol bar 'dzin par skyon no/ /de las gzhan pa ni yang
- 300b
dag par bgrang ba yin no/ /bar skabs su sems rnam par g.yeng na/ /yang mgo nas ji srid du ting nge 'dzin ma thob kyi bar du bgrang bar bya'o/ /rjes su 'gro ba zhes bya ba ni 'di dag ji srid gcig tu 'byung ngam 'jug /ci 'di dag lus thams cad la khyab pa dag gcig gam phyogs 'ga' zhig nas rgyu ba dag yin zhes mngon par 'du bya ba med par dbugs rdub pa dang dbugs 'byung ba'i rjes su 'gro ba ste/ de 'jug pa na lkog ma dang/ snying ga dang/ lte ba dang/ rked pa dang/ brla dang/ byin par 'jug pa'i rim gyis rkang pa gnyis kyi bar du rjes su 'gro la/ 'phyur? ba na mtho gang dang 'dom gang gi bar du 'byung ngo/ /gzhan dag na re rlung gi dkyil 'khor dang rnam par 'thor byed kyi rlung gi bar du'o/ /zhes zer te/ 'di ni de kho na yid la byed pa'i phyir rig pa ma yin no/ /'jog pa zhes bya ba nor bu'i phag pa bzhin du sna'i rtse mo nas rkang pa'i mthe bo'i bar du gnas par lta zhing ci 'di dag phan 'dogs par byed pa zhig gam/ /gnod pa byed pa zhig gam/ / grang ngam dro ba zhig ces rtog pa'o/ /nye bar rtog pa zhes bya ba ni 'di dag gi rlung 'bal zhig ma yin gyi 'byung ba chen po bzhi po ngag dang 'byung ba dag las mngon par grub pa'i rgyur byas pa'i gzugs dang de dag la brten pa'i sems dang sems las byung pa rnams kyang yod do/ /zhes phung po lnga nye bar rtog pa'o/ /sgyur ba zhes bya ba ni rlung la dmigs pa'i blo bsgyur te chos kyi mchog gi bar du blo gong nas gong du dge ba'i rtsa ba rnams la yang dag par sbyor ba'o/ /yongs su dag pa ni mthong ba'i lam la sogs pa la 'jug pa'o/ /gzhan dag na re sgyur ba ni dran pa nye bar gzhag pa nas rdo rje lta bu'i ting nge 'dzin gyi bar yin la/ /rnam par dag pa ni zad pa
- 301a
shes pa la sogs pa yin no zhes zer ro/ /'di lta bu ni slob dpon dbyig gnyen gyi zhal snga nas ji ltar bris pa kho bos 'dir yang byis par shes par bya'o/ /de ltar rim pa drug po de dag gis las ni ji skad du 'phags pa sa'i snying po 'khor lo bcu ba'i mdo las gsungs pa bzhin te/ de las ni ji ltar dran pa'i dbang gis yang dag pa ji lta ba bzhin du dbugs phyi nang du rgyu ba la rtog ce na/ yang dag pa ji lta ba bzhin du bgrang ba dang/ rjes su 'gro ba dang/ zhi gnas dang/ lhag mthong dang/ 'jug pa dang/ yongs su dag pa la rtog go /de la bgrang bas ni bya ba'i las kyi dngos po rnam pa gnyis byed par 'gyur te/ /rten du gyur pas rnam par rtog pa dang rnam par dpyod pa thul ba dang/ dbugs phyi nang du rgyu ba'i mtshan nyid 'dzin par nus pa'o/ /rjes su 'gro bas kyang bya ba'i las kyi dngos po rnam gnyis byed par 'gyur te/ yang dag par 'byung ba la rten cing rnam par rtog pa dang rnam par dpyod pa dang bral ba dang/ dbugs phyi nang du rgyu ba'i 'jug pa'i mtshan nyid la mkhas par 'gyur ba'o/ /zhi gnas kyis ni bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba'i 'bri bar mngon du ston pa dang/ ting nge 'dzin gyi mchog la gnas par nus pa'o/ /lhag mthong gis kyang bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba zad par mngon du ston pa dang/ sems dang sems las byung ba'i chos so so bar rtogs pa la gnas pa'o/ /'jug pas kyang bya ba'i las kyi dngos po rnam pa gnyis byed par 'gyur te/ /nye bar len pa'i phung po spong ba'i sbyor ba la mkhas pa dang/ /'phags
- 301b
pa'i sar 'jug pa la sbyor ba'o/ /yongs su dag pas kyang bya ba'i las kyi dngos po rnam pa gnyis byed par 'gyur te/ kun nas nyon mongs pa spong pa dang/ lta ba yongs su dag pa'o zhes so/ /de ltar dbugs thung ngu rdubs na yang dbugs thung du rdubs so snyam du yang dag pa ji lta ba bzhin du rab tu shes so snyam mo zhes bya ba la sogs pa bcu drug kyang legs par rtogs par 'gyur ro/ /'dir rnam par rtog pa mang ba la bstan pa ni gtsor byas kyi yon tan ma lus pa 'di la brten pas na thar pa'i grong khyer gyi sgo 'byed pa ni dbugs rdug pa dang 'byung ba dran pa yin te zhes gsungs so/ /ji ltar zhen rab tu gdul dka' ba'i sems zhes brjod pa de ni rlung las gud du ma dmigs pa'i phyir te/ /de bas na sems zhes bya ba de ni rlung du brjod do zhes gsungs so/ /de ltar mi bdag khyod kyis rlung gi phra dang zab mkhyen nas/ /yun ring dus nas rnam rtog dgra yis rab tu gces pas shin tu yang/ /mnyel zhing skyo ba'i thugs ni deng nas ngal? bsos rtog dgra bzlog pa dang/ /lo yis ma yin gus par sbyor bas zhag gi rim pas rtog bral mdzod/ /de nas rim gyis yongs su dag pa'i mthar yang khyod kyi thugs gzhal na/ /sa bdag khyod kyis skye ba 'bras bcas de nas chos kyi rgyal por 'gyur/ /de yi bar du lha mi'i bde ba tshad med rnams la dgyes bzhin du/ /thugs btul mthu yis spyod par 'di la the tshom med par mngon sum gnas/ /rnam par rtog pa'i gnyen po bshad zin te/ /sems kyi rtog pa spyad pa'i rim pa'o/ /mi skyod khyod kyi thugs ni gal te bud med kyis phrogs na/ /'di nas yi bdag po mthu rtsal rab tu dman pa ste/ /gang gis g.yul chen 'jigs rung ba gzhom pa'i thabs mkhyen na/ /mi gtsang kun smod mngon gyur
- 302a
bud med mtshan nyid mi mkhyen 'di mtshar che/ /shin tu yid 'ong tsher ma'i gnod pa'ang mi bzod lus 'di ni/ /bud med bsten pa'i rgyu las 'di dang slad ma mgo gcod sogs/ /rab tu bzod dka' i sdug bsngal 'byung 'di nyid kyi mngon sum na/ /'on kyang bla ma bka' yis 'dod chags zhi bar byed pa mdor brjod bgyi/ /chags pa can rnams kyi gnyen po ni rus gong yid la bya ba yin te/ keng rus chags can thams cad la zhes bshad pas so/ /ji ltar zhe na/ rus pa rgya mtsho'i bar du mi/ /spro zhing sdud pas las dang po/ /rkang rus dang ni thod phyed par/ /tang bas spyad pa byas par bshad/ /smin ma'i bar du sems 'dzin pas/ /yid la byed pa rdzogs pa yin/ /zhes bshad pa'i rim pas so/ /gzhan yang byis pa rnams ni phal cher kha dog dang/ dbyibs dang/ reg pa 'jam pa dang/ bsnyen bkur la chags te/ de dag gi gnyen por ni rnam par bsngos pa dang/ rnam par dmar ba dang/ rnam par tshig pa dag yid la byed pas kha dog la chags pa dag sel to/ /rnam par rnags pa dang/ rnam par zos pa dang/ rnam par 'thor ba dag yid la byed pas ni dbyibs la chags pas sel to/ /rnam par 'bus zhigs pa dang rus gong rgus pas 'brel ba dag yid la byas pas ni reg bya 'jam pa la tshigs pa sel to/ /rnam par bam pa'i ro mi g.yo ba rkyal ba steng pa bus pa lta bu/ rdo ltar bsnyen bkur byed pa dang bral ba yid la byed pas ni rkang pa bkru ba la sogs pa'i bsnyen bkur la chags pa sel bar byed do/ /gzhan yang rnam par phye ste brjod na/ sngo bsangs la sogs pa'i kha dog la chags pa zhig na rnam par bsngos par yid la bya'o//
- 302b
tsanda dang ga pur la sogs pa'i dris byugs pa'i lus la chags pa lta na rnam par rnags par yid la bya'o/ /mtshan sprang pa'i reg bya la chags pa zhig na rnam par 'bus zhig par yid la bya'o/ /dbyigs phun sum tshogs ba lta na rnam rnam par bam par yid la bya'o/ /rgyan gyis mdzes pa'i lus la chags pa zhig na rnam par dmar bar yid la bya'o/ /sha rgyas pa'i lus la chags pa zhig na rnam par zos par yid la bya'o/ /'khyud pa dang 'o byas pa la sogs pa'i rtsed 'jo la chags pa'i dus na rnam par 'thor bar yid la bya'o/ /kha dog dang dbyibs phun sum tshogs pa la chags par gyur na rnam par tshig par yid la bya'o/ /so rnams dkar ba la chags pas zhi bar 'gyur ro/ /rab tu mi bzad nags bsregs me lce'i tshogs/ /char rgyun drag pos skad cig zhi byed ltar/ khyis pa'i nags tshal thal bar byed pa yi/ /'dod chags me chen mi sdug char gyis 'joms/ /'jig rten gnod pa'i rtsa ba ji snyed pa/ /kun gyis phul byung 'khrig pa'i 'dod chags te/ /sa bdag 'di mkhyen 'dod las phyir ltos dang/ /rab tu dgyes pa byis pas ma myong ba/ /bsam gtan 'debs lus la phan 'dogs shing/ /kha na ma tho med pa myang ba'i rigs/ /'dod chags dang bcas pa'i sems spyad pa'i rim pa ste/ 'dod chags kyi gnyen po bshad zin to/ /lha mi'i bla mas gang du 'bad pas bkag /de ni 'gro la byams dang snying rje med pa ste/ /de phyir mi dbang khyod kyis thub la gus pa dang/ /nyid kyi thugs kyang dam pa'i grangs su 'gyur ba'i phyir/ /gang la skra rtses gzung bya'i skye bo de la yang/ /nyid kyi sras bzhin gces shing byams pas bskyod pa'i rigs/ /bshes gnyen dam pa'i lung gis goms par byas pa las/ /srin po sha za seng ge
- 303a
sogs kyang 'gro la byams/ /de phyir mi dbang khyod kyi thugs ni 'jams pa dang/ /'gro ba bskyang las nam yang phyir ldog ma mdzad cig /legs pa'i lam ni ji snyed bstan pa dag las kyang/ / gtso bor gyur pa byams dang snying rjer dam pas gsungs/ /'di ji ltar bsgom par bya zhe na/ dang por rang gi ma 'am pha 'am bu 'am bu mo 'am/ 'brel pa gnyis sam/ /gang yang rung ba gcig la bde ba ma lus pa dang phrad par gyur cig snyam pa dang/ bdag gis de dang phrad par bya'o/ /zhes pa dang nus pa lta na dngos su de bsgrub pa dang/ phrad pa la phrag dog med pa nyi ma 'ga' zhig gus par bsgom mo/ /de nas ni de bas cung zad mi btsugs pa'o/ /rim gyis bar ma la'o/ /de nas dgra bo dman pa la'o/ /de nas de bar ma la'o/ /de nas de dgra bo rab tu ma rungs pa la'o/ /de la ma la sogs pa dang mnyam pa thob pa na grong dang grong khyer pa la'o/ /de nas ni yul dang ljongs dang gling gcig dang gnyis la sogs pa nas stong spyi phud dang/ stong gnyis bar ma dang/ stong gsum gyi stong chen po dang/ phyogs bcu'i 'jig rten gyi khams gang+ga'i klung gi bye ma snyed la sogs par byams pas khyab par byas te/ de nas gzhung de bzhin du sdug bsngal dang bral bar gyur cig ces pa dang/ sdug bsngal dang bral ba la dga' ba dang/ de dag 'jig rten las 'das pa'i lam la dgod par bya'o zhes pa'i rim pas snying rje dang dga' ba dang btang snyoms rnams bsgom mo/ /dang po nyid du sdug cing yid du 'ong ba'i mtshan nyid can byams pa yid la ma byas par ni sdug bsngal dang bral ba'i snying rje ga la 'jug ste/ de ltar rim pa gzhan yang ngo/ /gnod par sems pa'i yid tsam bor
- 303b
bas kyang/ /'khor los sgyur nyid thob par thub pas gsungs/ /byams sogs goms las 'chi med ma brnyes kyang/ /tshangs pa'i 'jig rten bde ba rgya chen 'thob/ /de phyir mi rje khyod kyi ci spyod pas/ /tshangs pa'i gnas bzhi yis ni gnas par rigs khyod kyis 'byor pa dug can zas bzhin du/ /bor nas gcig pu gzhan du gshegs 'tshal na/ /grogs bzang 'dor med dge ba de bkra'i phyir/ /thugs ni rnam par sbyang bar cis mi mdzad/ /zhe sdang dang bcas pa'i sems sbyang ba'i rim pa ste/ zhe sdang gi gnyen po bshad zin to/ /rang dang gzhan dang gnyis ka las skye dang/ /rgyu med 'byung zhes smra ba gang lags pa/ /'di dag log par smra ba phung khrol ba/ /legs par spyad kyang 'bras bu mi 'dod 'byin/ /de phyir khyod kyis rten cing 'brel 'byung ba/ /lta ngan des 'joms thub pa'i man ngag mchog/ bdud rtsi'i mchog 'di myur du gsol ba yis/ /dkar mchog ma lus rgyas shing brtan por mdzod/ /rten cing 'brel bar 'byung ba ji lta bu zhe na/ 'di lta ste ma rig pa'i rkyen gyis 'du byed/ 'du byed kyis rkyen gyis rnam par shes pa/ rnam par shes pa'i rkyen gyis ming dang/ gzugs/ ming dang gzugs kyi rkyen gyis skye mched/ de'i rgyan gyis reg pa/ de'i rkyen gyis tshor ba de'i rkyen gyis sred pa/ de'i rkyen gyis len pa/ de'i rkyen gyis srid pa/ de'i rkyen gyis skye ba/ de'i rkyen gyis rga shi dang/ mya ngan dang/ sme sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te de ltar na sdug bsngal gyi phung po chen po 'di 'ba' zhig 'byung bar 'gyur ro zhes/ /shes rab kyi mig gis blta bar byas te rgyu med pa la sogs pa bsal lo/ /don 'di ni 'phags pa
- 304a
byang chub sems dpa' i sde snod las/ gang du ma rig skye 'gyur ba/ /nyon mongs rgyu ni tshul bzhin min/ /de yi rkyen ni 'du byed de/ /sdug bsngal bar du skye bar 'gyur zhes pa dang/ gang gis sems can dag 'gyur ba/ /rgyu gnyis dang ni rkyen gnyis te/ /gzhan las rjes su mthun sgra dang/ /nang du tshul bzhin lta ba'o/ /de bzhin rgyu ni zhi gnas te/ /lhag mthong yang ni rkyen yin no/ /zhes gsungs so// de ltar srid pa 'byung ba'i rim pa la yid ches par byas nas yang ma rig pa 'gags pas 'du byed 'gags pa nas sdug bsngal gyi phung po chen po 'di 'ba' zhig 'gag par 'gyur ro/ /zhes bya ba'i bar du yid la bya'o/ / de nas rtag par ma yin pa dang/ chad par ma yin pa dang/ 'pho bar ma yin pa dang/ de dang 'dra ba'i rgyu 'jug pa dang/ rgyu chung ngu las 'bras bu chen po 'byung zhes nges par gzung ste/ phyi rol yang sa bon lam myu gu dang/ de las 'dab ma dang/ de las sdong bu dang/ de las me tog dang/ de las 'bras bu 'byung zhing/ rgyu de dag dang rkyen dang 'brel bar 'byung bar 'byung ba khams bzhi dang/ nam mkha' dus kyi khams te/ rnam pa bcu gnyis po 'di dag tsam mo zhes 'byung ba dang/ 'gag pa la rgyu med pa dang/ mi mthun pa'i rgyu spangs te/ 'di ni mdor bsdus nas rten cing 'brel par 'byung ba yid la byas pas rig pa bskyed pa dang/ ma rig pa'i ngo bo 'am/ de las 'byung ba'i log par lta ba spang ba'o/ /gal te rgyas par yid la byed pa lta zhig na rang rang gi mtshan nyid dang/ ming gi don dang/ las tha dad pa dang/ yan lag lngas yang dag par bsdus pa dang/ yan lag gsum
- 304b
gyis yang dag par bsdus pa dang/ gsum las gnyis 'byung ba dang/ gnyis las bdun 'byung ba dang/ bdun las gsum 'byung ba dang/ dus gsum pa'i ngo bor bzhag pa dang/ rkyen dang 'brel ba dag yid la bya'o/ / sa bdag rten cing 'brel 'byung mkhyen na snang bas mun pa bzhin/ /khyod kyi thugs la gnas pa'i gti mug go skabs ga la mchis/ /'di mkhyen srid pa'i 'khor lo phra zhing zab pa gzigs pa'i phyir/ /shes rab ye shes spyan gnyis dri med lung gi sman byugs gzigs/ /ji skad du 'phags pa klu sgrub kyi zhal snga nas kyang/ rten cing 'brel bar 'byung 'di rgyal ba yi/ /gsung gi mdzod kyi gces pa zab mo ste/ /gang gis 'di ni yang dag mthong ba des/ /sangs rgyas de nyid rig pa rnam mchog mthong zhes bstan to/ /gti mug dang bcas pa'i sems spyad pa'i rim pa ste/ rten cing 'brel par 'byung ba yid la byed pa bshad zin to/ /mi yi bdag po gal te phra ba'i thugs kyi go skabs su/ /thog ma'i rtsom dus can sdig pa'i rtsa ba'i rtog dgra 'di/ zhen pa gnas snyam zhu ma pa'i rtog pa mi bzad zhugs gyur na/ /de yi gnyen por rten cing skyes pa'i dngos po'i rang bzhin gzigs/ /dri med me long ngos la skyes pa'i bzhin gyi gzugs brnyan gang/ /gal te yang dag gnas na rkyen la rag las mi 'gyur zhing/ /slar 'di rnam par 'jig 'gyur go skabs can du ga la 'gyur/ /de phyir dngos med rkyen la rag las gcig pu rnam par spangs/ /ji ltar gnas pa'i rang bzhin 'di yang legs par rnam par dpyad na/ /rab tu phra rdul bar du 'gyur zhes dam pas dang por gsungs/ /gal te dngos
- 305a
yod de dag shes rab cis mi 'bab/ /de phyir de yang phyogs cha'i bye brag ngag gis ga la gnas/ /rin chen sems kyi khyad par 'ga' zhig sna tshogs snang zhe na/ de bzhin 'di la'ang skad cig ces bya rab phra dam pas gsungs/ /skad cig skad cig ces bya'i gang ngag phra la rnam par rmongs/ /de yang ji lta thog ma dbus mdza' blta mi nus/ /de'i phyir rin po che yi phreng ba las/ skad cig ji ltar mdza' yod ltar/ /thog ma dang dbus de ltar brtag /skad cig rang bzhin gsum gyi phyir/ /'jig rten skad cig la mi gnas/ zhes bstan to/ /de ltar 'di dag phyi dang nang du bcas pa gcig min zhing/ /de nyid phyir na de yi rang bzhin rnam bsags du ma'ang min/ /'di dag las dben dngos po shes rab mig gi 'ga' ma dmigs/ /des na 'di dag mdza' gnyis grol bar dam pas gsal bar gsungs/ /de bzhin gcig gis gcig nyid skyed pa mngon sum 'gal mthong ste/ / rab tu phra ba'i 'bras bu rgyu ni gcig min la bltos par/ /'gro ba'i mngon sum nyid du ston pa bzhin du nges par gnas/ /de bzhin gcig gis gcig min bskyed sogs thams cad gnod par bcas/ /dngos rnams thug med ma lus slar skyed 'gyur 'di bzlog dka' i phyir/ /yod ba 'ga' zhig skye zhes 'di ni sus kyang smra mi nus/ /gang med 'ga' zhig skye na med pa'i tha snyad su zhig 'jog /de phyir bdag las skye sogs 'di dag mkhas pas rtsa nas bton/ de lta khyod kyis shes rab spyan gsal dri med rnam rgyan pas/ /rten cing 'brel 'byung mtshan nyid 'di la yun ring gzigs pa na/ /thog med srid rgyud bsags pa'i bsnyings gnas rab tu phra ba yang/ /
- 305b
gang na'ang gnas par 'gyur 'di gzigs min mi bdag gang gis zhum/ /de ltar ni 'phags pa mi pham pa'i zhal snga nas/ 'di la bsal bci lang med/ /bsnan par bya ba cung zad med/ /yang dag nyid la yang dag blte/ /yang dag mthong na rnam par grol/ zhes gsungs shing/ 'phags pa klu sgrub kyi zhal snga nas kyang/ /mthong ba'i chos la mya ngan 'das/ /bya ba byas pa 'ang de nyid yin/ zhes gsungs so/ /de nas gang la dga' ba 'am yang dag skrag nas 'di ci zhig /bskal pa bye bar bsgrub kyang gtan nas de ni su yis nus/ /gang zhig rnam par gzhom zhes 'bad pa 'ang blun te rnam par ngal/ /ci'i phyir zhe na gdod nas ma skyes de la su yis dgag /de 'dra'i gnas med 'dir gnas ye shes can te rtag bde ldan/ /gang la rnam rtog med 'di ba de zhes thub pas gsal bar gsungs/ /'di spangs lha yul 'dod pa'i rab tu yid 'phrog byed pa dang/ /'khor los sgyur ba'i 'byor pa'ang dam pas tsher ma'i gnod 'drar gsungs/ /sa bdag 'on kyang gnas 'dir shin tu dgyes par ma gyur cig /ci phyir zhe na bdag gzhan phan ba mi bzod 'byor las khyod/ /rnam par ltung pa'i sgo mo mi mkhas rnams la 'dir ba spangs/ / kha cig sgo 'dir rab dga' 'jug la snying brtse ring du spangs/ /gzhan dag gnas 'dir 'khrug phyir las 'bras thal ba bzhin du byed/ /gzhan dag shin tu med las sangs rgyas yon tan bsam yas 'dod/ /'di 'dra 'di dag sgo 'dir zhugs las rang gzhan de las nyams/ /de phyir 'di ni yan lag ldan par bags kyi bsten par bgyi/ /de ltar ni 'phags pa dri ma med par grags pas bstan/ zhes bya ba theg pa chen po'i mdo las kyang/
- 306a
ming yang yod dang yod ma yin par tshig gis gsungs/ /rgyu las rten te byung ba'i chos ni 'di kun te/ /'di la bdag med tshor ba po dang byed med kyang/ /dge dang mi dge'i las rnams cung zad med mi 'gyur zhes gsungs so/ /rten cing 'brel par byung ba'i de bzhin nyid bsam gyis mi khyab par yid la bya'o/ /mi dbang yan lag bzhi po 'di tsam gyis/ /khyod kyi thugs kyi dri ma rags pa rnams/ /nges par bsal 'gyur 'di la dgos ma mdzad/ /de las gong du khyad par rnam bzhed na/ /dkyil 'khor byug pa sngon du 'gro ba yis/ /skye ba gzhan du 'byor pa mi bzad pa/ /da lta'i bzhed pa nyid kyi phyag gnas ltar/ /slu ba med par bdag gis brjod par bgyi/ /oM badzra re khe hUM/ gtsang spyod pa yi lci ba ni/ /chu dang 'o ma zho dang mar/ /thams cad de las byung ba dag /snod gtsang bskol te chu rnams dbo/ /tshigs ma dor te dbus kyi chas/ /dbyibs ci dga' ba'i maN+Dal ni/ /sa bdag khru gang yan chad par/ /gsang sngags 'don la gzhol bar byug /de nas de ni gus pa yis/ /rgyal ba sras gsum bcas la dbul/ /'jug tu thub pas gsungs pa yi/ /tshigs bcad 'di dag brjod par bya/ /ba yi lci ba chur bcas sbyin pa ste/ /legs par byugs par byed pa tshul khrims so/ /srin bu grog spur bsal ba bzod pa yin/ /bya ba la ni nye zhugs brtson 'grus te/ /de yi skad cig sems ni gcig byed pa/ /bsam gtan shes rab ri mo bsal ba'o/ /thub pa'i maN+Dal byas pa yis/ /pha rol phyin pa 'di drug 'thob/ /gser gyi mdog tu 'gyur ba ste/ /nad rnams kun dang bral bar 'gyur/ /zla ba ltar mdzes
- 306b
gsal ba yi/ /lha dang mi ni dam par skye/ /nor dang gser ni 'byor ba yi/ /rgyal po'i rigs su skye bar 'gyur/ /bde bar gshegs pa'i pho brang mchog /maN+Dal gang zhig byed pa dang/ /sdig pa thams cad mi byed cing/ /dge ba phun tshogs pa dang/ /rang gi sems ni yongs 'dul ba/ /'di dag sangs rgyas rnams kyis bsngags/ zhes so/ /de nas dge ba de nyid rgyu mtshan du byas/ dkon mchog gsum la phyag 'tshal zhing/ /dkon mchog gsum la skyabs su mchi/ /bdag ni khyed la rnam kun dbul/ /sdig pa thams bshags par bgyi/ /'gro ba'i dge la rjes yi rang/ /dam chos 'khor lo mchog bskor dang/ /yongs su mya ngan 'das spang phyir/ /bdag ni khyod la gsol ba 'debs/ /'di sogs dge ba'i las rnams ni/ /byang chub bla na med par bsngo/ /'gro ba sdug bsngal khur chen por ba'i phyir/ /bdag gis sems ni byang chub phyir bskyed de/ /ma bsgral bsgral dang ma grol dgrol ba dang/ /dbugs ma phyin ba bdag gis dbubs 'byung ste/ / mya ngan ma bzlas bdag gis mya ngan bzla/ /de ltar byang chub kyi sems rab tu bstan par bskyed la ji ltar 'dod pa'i bya ba dge ba la 'jug par bya'o/ /mi dbang khyod thugs sbyangs pas dge ba rgya chen dag la dgyes bskyed na/ /sbyin dang tshul khrims bzod pa brtson 'grus bsam gtan shes rab pha rol phyin/ /rgya cher spel mdzad der yang khyod kyi thugs ni sma med 'bad 'tshal te/ /sems ma bsrungs pa'i skyes bu'i dge la 'jug pa phu chu'i rgyun khrus ltar/ /phan dang 'brel pa'i gnod pa'ang rab tu ma rungs gyur pa'i gnas skabs mchis/ /gnas 'di mkhas pas gzigs nas mthu ldan nyid kyi thugs ni bsrungs 'tshal lo/ /de ltar bsnyengs dang bral na mang du gsol ci 'tshal/ /phan pa'i man ngag don po
- 307a
'di lags te/ /khyod kyi thugs thul mdzod kyi bcom ldan gyis/ /sems ni chos kyi rtsa ba lags zhes gsungs/ /tshigs su bcad pa gcig bu 'di 'phags pa klu sgrub kyi zhal snga nas mkhar gyi rgyal po bde spyod la gdams pa bshes pa'i spring yig las bdag gis drangs pa'o/ /mi skyong khyod ni gal te gsang ba'i lam la dgyes pa na/ /lam de rab tu rtogs dka' sems la rma 'byin tshig 'phros te/ / bud med 'khyud sogs tshul bzhin ma yin yid la byed par ldan/ /kha cig mngon sum 'khrig dang drag shul spyod la 'jug pa ste/ mi dbang thugs la gnod na thub pa'i bka' yang dug dang 'dra/ /de phyir khyod kyis gsang ba'i lam du zhugs pa'i rgyu mtshan las/ /khyod thugs 'dod chags la sogs dri mas gos pa 'di ni spang/ /gang gzhan skye bo de 'dra bzlog par khyod kyis rnam bsgrub rigs/ /don 'dis zhu ba'i 'og tu za ba la/ /mar gyi nyid khu ka ra dang/ /sprang rtsi dag ni bdud rtsi bzhin/ /ma zhu za ba dug du 'gyur/ /de bzhin rab rgyas bdud rtsi mchog /dgongs pa'i tshig la mi mkhas shing/ /byis pa'i blo dang ldan rnams la/ /mi bzad pa yi dug du 'gyur/ /zhes gsungs te/ 'di ni 'phags pa yongs su mya ngan las 'das pa chen po zhes bya ba theg pa chen po'i mdo las gsungs pa bdag gis 'dir bris pa'o/ /rin chen sems 'di rnam par sbyang ba'i phyir/ /thub pa'i bka' lung cung zad 'dir bris pas/ /sa yi bdag po thugs ni dri med pa/ /ston ka'i zla rgyas lta bur gsal gyur cig /'gro ba 'ang rim gyis sems ni rnam sbyangs te/ /gti mug dri med 'bru ltar rnam dag shog /sems rin po
- 307b
che rnam par sbyad pa'i rim pa zhes bya ba'i springs yig slob dpon byang chub sems dpa' chen po dgra las rgyal gsang bas mdzad pa rdzogs so// //rgya gar gyi mkhan po A tsarya du lo ba dang/ lo tsA ba dge slong chos kyi shes rab kyis bsgyur cing zhus te gtan la phab pa'o// // */ /rgya gar skad du/ gu ru le kha/ bod skad du/ bla ma la springs pa/ thams cad mkhyen pa la phyag 'tshal lo/ /rgyal sras rnams kyi don du stug po bkod par sangs rgyas nas/ /dga' ldan skye bo'i don mdzad phyir ni dam pa tog dkar 'gyur/ /de nas 'dir ni 'gro ba'i don du shAkya thub gyur gang/ /kun mkhyen nyes bral ngo bo nyid med de ni rgyal gyur cig /blo ma mkhas pa blo gros rgya chen la/ /'dod sred bag med nyon mongs spang ba'i thabs/ /thub pa'i gsung bzhin mdor bsdus brjod pa 'di/ /sman bzhin phan par brtags nas gnas bsan pa'i rigs ji ltar rigs ngan lag nas rin chen mchog /blo ldan skye bos rab gus len pa ltar/ /kun rmongs bdag gis brtse bas gsol ba yi/ /springs yig 'di ni rab gus blang bar 'os/ /ston pa'i mdo sde zab cing rgya che rnams/ / mkhan po nyid kyis thugs su chud mod kyi/ /lus kyi don du bsod pa'i kha zas ltar/ /bdag gis brjod pa 'di yang bsten par mdzod/ /ri dags glang po phye ma leb dang nya/ /sprang ma lnga po lnga yis bcom gyur na/ /gcig gis bcom na gang gis lnga po kun/ /rtag tu bsten na ci phyir bcom mi 'gyur/ /'dod pa rnams ni kun nas 'bar ba ste/ /rab tu smad cing bsad dang dgra bo yin/ /phyir rgol ba dang rtswa yi sgron me dang/ /skam pa ka yi 'bras
- 308a
bu ral gri'i so/ /me mdag spungs pa dug gi lo ma dang/ lcags kyu tshe dam mi gtsang rlubs lta bu/ /'dod pa'i rgyus ni sems can dmyal bar ltung/ /yi dags rnams dang dud 'gror skye bar 'gyur/ /'dod la brkam pa bde 'gror mi skye zhing/ /mya ngan 'das pa nam yang thob mi 'gyur/ /dal rnyed shes rab ldan gyur cing/ /rgyal ba'i bstan la zhugs pa khyod/ /'dod dang sred pa bag med dang/ /nyon mongs rnams ni spangs par mdzod/ /kun rtog las ni 'dod skye bas/ /'dod pa'i rtsa ba mkhyen nas ni/ /khyod ni kun rtog ma mdzad dang/ /des na khyod la 'byung mi 'gyur/ 'dod pa rnams las mya ngan skye/ /'dod pa rnams las 'jigs pa 'byung/ / 'dod pa dag ni rnam spangs na/ /mya ngan med cing 'jigs pa med/ /'dod pa'i rnam smin sdug bsngal te/ /dang po mngar la 'bras bu che/ /me dron lag nas mo bar na/ /mjug tu byis pa sreg byed bzhin/ /nor bu'i rna cha bu dang chud ma la/ /yongs su chags sems gang yin la bltos na/ /lcags shing des ma las byas chings ma gang/ /de dag dam po smin zhes 'phags pa gsung/ /'dod pa'i chings ma gang yin de ltos kyang/ /rab tu dgrol bar dka' zhes 'phags pa gsungs/ /brtan rnams 'dod pa'i bde ba mi lta bar/ /de dag gtubs nas myur du 'gro bar byed/ /'jig rten sna tshogs gang de 'dod min gyi/ /skyes bu'i kun rtog 'dod chags 'dod pa yin/ /'jig rten sna tshogs de la gnas kyang ni/ /'on kyang 'jig rten 'di na 'dun pa 'dul/ /mi rnams la ni rtag pa'i 'dod pa med/ /'dod pa gang la chags te mi rtag pas/ /yang srid med phyir sems
- 308b
kyis rab spong la/ /'chi ba'i gnas mi 'gyur bar gyis zhes gsungs/ /'dun pa bskyed cing zag par mi byed dang/ /sems la skyon med pa dang dran pa dang/ /'dod pa rnams la so sor ma chags gang/ /de ni gong du 'pho ba yin zhes gsung/ /mgar ba yis ni rdul bzhin du/ /blo gros ldan pas rim pa bzhin/ /skad cig thang cig cung zad tsam/ /rang gi dri ma bsal bar bya/ /lham mkhan gyis ni ko ba dag /yongs su sbyangs pa'i lham bde ltar/ /'dod pa gang dang gang spangs pa/ /de de bde ba phun sum ldan/ /gal te bde ba kun 'dod pa/ /'dod pa thams cad yongs su spangs/ /'dod pa thams cad yongs spangs pas/ /mchog tu bde ba thob par 'gyur/ /ji srid 'dod pa'i rjes 'brangs pa/ /de nyid rab tu ngoms mi 'gyur/ /de la gang dag shes rab kyis/ /ldog byed de dag tshim pa 'thob/ /'dod pas ngoms par mi 'gyur bas/ /shes rab kyis ni ngoms pa bde/ /shes rab kyis ni ngoms pa'i mi/ /srid pa'i dbang du mi 'gyur ro/ /'dod la chags pa'i mi gang yin/ /de dag kye ma chos min dga' / /cung zad gson por 'dug pa na/ /bar chad mthong bar mi 'gyur ro/ /gla rngan longs spyod kyis bcom pa/ /pha rol tshol bar mi byed cing/ /bsam brlag 'dod la sred pa yis/ /bdag phung gzhan yang phung bar byed/ /lha yis 'dod pa'i char bab kyang/ /'dod ldan rnams la ngoms mi 'gyur/ /brgya byin dang ni mnyam pa yi/ /lha yi 'dod pa yod gyur kyang/ /nga las nu bzhin mi ngoms par/ /rtogs par mdzod la legs par spyod/ /'dod pa mnog chung nyes mang bar/ /mkhas pa rnams kyis khong du chud/ /rdzogs pa'i sangs rgyas nyan thos rnams
- 309a
lha yi 'dod pa rnams la yang/ /lhag par dga' bar mi 'gyur gyi/ /srid pa zad pas dgyes par 'gyur/ /gang dag sdug bsngal rgyu shes pa/ /de dag nam yang 'dod la dga' ma 'gyur/ / 'jig rten dag na zug rngu'i rgyur mkhyen nas/ /'di dag gdul phyir brtan pa thob par mdzod/ /'dod pa spang ba'i le'u ste dang po'o// //lus can rnam par rtog pas rab bcom pa/ /'dod chags mi bzad gtsang ma'i rjes lta bas/ /'dod chags phyir zhing rab tu 'phel 'gyur te/ /rang gi 'chid ba de yis dam par byed/ /gang dag rnam rtog nye bar zhi dga' zhing/ /mi sdug sgom pa rtag tu dran byed pa/ /de yi sred pa rab tu spangs pa yin/ /rang gi 'ching ba de dag gtubs par 'gyur/ /'dod pa'i mun nag dra bas g.yogs sred pa'i dgab pa bkab pa dang/ /bag med 'ching bas bcings pa dag /tshod mar chung pas nya dang 'dra/ /skyes bu bag med rab tu spyod byed pa/ /'khri shing bzhin du sred pa 'phel 'gyur zhing/ /skye rga na 'chi'i rjes su 'gro 'gyur te/ /ma drung nu zho 'dod pa'i bu dang 'dra/ /'dod pa'i dran dang mngon dga' chags byed dang/ /yid bde ba la rtog par byed pa dag de yis yang dang yang du 'khor bar 'khyams/ /tshal dang 'bras bu 'dod pa'i spre dang mtshungs/ /mi gang rtag tu bde ba 'dod byed pa/ /skye rga na 'chi'i dra bar chud 'gyur zhing/ /ngan 'gro'i srid pa rnams kyi mdun du bdar/ / rgya nang ri bong yongs su rgyug pa bzhin/ /srid pa'i zhags pas mdud pa'i sems can dag /srid dang longs spyod dag la sems chags shing/ /bu dang chung ma rnams la rab zhen pa/ /yang dang yang du sdug bsngal thob par 'gyur
- 309b
skye bo rdul? dang bde rnams dang bral zhing/ /bdud kyi sbyor ba dag dang ldan pa de/ /'jigs dang sdug bsngal rnams kyis 'joms 'gyur te/ /rtswa dang lo ma'i tshogs la me dang 'dra/ /'di na sred pa de 'dra spong byed pa/ /sred dang longs spyod dag la sred bral zhing/ /dge slong srid pa zil gyis gnon byed pa/ /lhag ma med par yongs su mya ngan 'da' / /gang zhig 'jig rten spang dka' ba'i/ /sred pa'i bud med 'dir bsten pa/ /de yis mya ngan 'phel 'gyur te/ /rtswa la char pa bab pa bzhin/ /gang zhig 'jig rten spang dka' ba'i/ /srid pa'i bud med 'di spong ba/ /de yis mya ngan ldog 'gyur te/ /pad+ma las ni chu thigs bzhin/ /u sha'i phyir ni rtswa bzhin du/ /srid pa'i rtsar bcas drungs nas phyung/ /skyes bu sred pa dang 'grogs na/ /yun ring dus su 'khyams 'gyur bas/ /sred pa drungs nas phyungs shig dang/ /mya ngan med cing 'jigs pa med/ /yang dang yang du nyer len cing/ /yang dang yang du mngal du 'jug /gnas skabs 'gyur dang gzhan 'gyur bas/ /sems can 'ong dang 'gro bar 'gyur/ /'di ni spang dka' i srid pa de/ /spongs la sa bon chod cig dang/ /de yis sred pa med 'gyur zhing/ /de ni yang du 'khor mi 'gyur/ /gang phyir srid mtsho'i rgyur gyur pa/ /yul la sred pa 'bras kyi gzhi/ /'khri shing 'dra bas khebs byed pa/ /gdung bar byed pa ma rtul na/ /sdug bsngal 'di ni yang dang yang/ /rnam pa kun tu ldog mi 'gyur/ /dper na ljon shing rtsa nas ma bton na/ /bcad kyang phyir zhing skye ba kho nar zad/ /de bzhin sred pa'i phra rgyas ma bton na/ /yang dang yang du sdug bsngal 'di mi ldog /dper na bdag nyid kyis ni byas pa'i mtshon/ /de yis rkun po'i mthu yis bdag gsod
- 310a
ltar/ /de bzhin nang gi sems las byung ba yis/ /sred pas lus can nye bar gsod par byed/ /de ltar sred las sdug bsngal dag /'byung ba'i nongs dmigs mkhyen nas ni/ /sred spongs nye bar len med pa'i/ /don dam dge slong mchog 'gyur mdzod/ /sred pa spong ba'i le'u ste gnyis pa'o// //bag yod 'chi med gnas yin te/ /bag med pa ni 'chi ba'i gnas/ /bag yod 'chi bar mi 'gyur te/ /bag med pa ni rtag tu 'chi/ /de yis khyad par de rig pas/ /mkhas pa rnams ni bag dang ldan/ /bag yod pa la rab dga' ba/ /'phags pa'i spyod yul dga' ba yin/ /brtan pa grub pa de bla med pa/ /mya ngan 'das la reg pa yin/ /gang tshe mkhas pa bag yod pas/ /bag med bcos pa de yi tshe/ /shes rab khang bzangs steng 'dzegs nas/ /mya ngan med pas gdung bcas te/ /brtan rnams ri bo'i rtse dag nas/ /sa stengs byis pa rnams la lta/ /brtson 'grus dang ni bag yod dang/ /yang dag sdom dang dul ba yi/ /mkhas pa'i gling du byas nas ni/ /chu bo chen po mngon du bzlog /brtson pa ldan zhing dran dang ldan pa dang// spyod pa gtsang zhing brtags nas byed pa dang/ /yang dang/ sdom dang chos kyis 'tsho ba dang/ /bag yod rnams kyis grags pa mngon par 'phel/ /tshul khrims ting 'dzin shes rab mchog /thub pa'i bslab gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /dman pa'i chos la mi brten cing/ /bag med pa la bsten mi bya/ /log par lta la 'dod med dang/ /'jig rten 'phel bar mi bya'o//
- 310b
'jig rten pa yi yang dag lta/ /chen po su la yod gyur pa/ /de ni tshe rabs stong du yang/ /ngan 'gror 'gro bar mi 'gyur ro/ /bag med pa la sbyor byed pa'i/ /skye bo byas pa bsam brlag yin/ /tshong dpon nor rnams bsrung ba ltar/ /mkhas pa bag dang ldan par bya/ /bag med pa la mi sbyor zhing/ /'dod pa rnams la rgyab phyogs nas/ /rtag tu bag yod sems byed pa/ /zag pa zad pa thob par 'gyur/ /zag pa zad pa ma thob par/ /mkhas pas bag med mi bya ste/ /ri dags mo yis seng ge ltar/ /bag med pa dag gsod par 'gyur/ /bag med pha rol bud med sten byed pa'i/ /mi gang yin la gnas skabs 'di bzhin 'byung/ /bsod nams min 'thob pa de bar mi nyal dang/ /dam pas smad cing lus zhig ngan 'gror skye/ /gang zhig bdag bde lta 'dod pa/ /de ni gong ma bzhin du sbyar/ /byis pa'i shing rta bzhin gyur pas/ /brtan pas brtson 'grus zhan mi bya/ /dper na byis pa'i shing rta dag /lam chen bzang po bor nas ni/ /lam ngan dag tu 'gro byed pa/ /mig chag sems khong chud pa ltar/ /de bzhin chos ni spangs pas kyang/ /chos min rjes su 'jug byed pa'i/ /byis pa 'chi bdag dbang 'gro zhing/ chos nyams bde ba bcom pa 'thob/ /gang zhig bya ba rnam spangs nas/ /mi bya ba dag byed pa dang/ /bag med pa yis rlom byed pa/ /de dag rnams kyi zag pa 'phel/ /gang zhig lus sogs dran pa dag /rtag tu legs par brtsams pa dang/ /bya ba ma yin mi byed cing/ /rgyun du bya ba byed pa dang/ /dran dang shes bzhin ldan pa de'i/ /zag pa rnams ni zad par 'gyur/ /ji tsam mang du smra byed pa/ /de dag dam chos 'dzin pa min/ /
- 311a
gang dag 'di na thos nyung yang/ /yid kyi chos dag mngon sum byas/ /gang dag chos la bag byed pa/ /de dag dam chos 'dzin pa yin/ /gal te rigs bcas mang du smras kyang ni/ / bag med mi dag de ltar byed mi 'gyur/ /dper na phyugs rdzis gzhan gyi phyugs sprangs ltar/ /de dag dge sbyong skal ba thob ma yin/ /gal te rigs bcas nyung ngu smra byed kyang/ /chos kyi rjes su chos la spyod pa dang// 'dod chags zhe sdang gti mug spong byed pa/ /de dag dge sbyong skal ba thob pa yin/ /bag yod bsngags pa rjod byed cing/ /rtag tu bag med la smos pas/ /bag yod mchod sbyin ba rgya pa yang/ /lha rnams nang na gtso bor 'gyur/ /bag dang bcas pa'i mkhas pa yis/ /don gnyis rab tu len par byed/ /tshe 'di'i don ni gang yin dang/ /phyi ma'i don ni gang yin pa'o/ /de dag brtan pas rtogs pas na/ /mkhas pa zhes ni nges par brjod/ /dge slong bag yod la dga' zhing/ /bag med pa la 'jigs lta bas/ /bdag nyid ngan 'gro las 'dren te/ /'dam rdzab las ni glang chen bzhin/ /sdig pa'i chos rnams sdug? par byed/ /rlung gis ljon shing lo ma bzhin/ /kun tu sbyor ba phra rags dag /sreg ste me yis rtswa bzhin no/ /'du byed nyer zhi zhi ba yi/ /go 'phang mchog ni so sor rtogs/ /mya ngan 'das dang nye ba'i phyir/ /yongs su nyams 'gyur mi srid do/ /brtson 'grus ldan zhing bag yod dang/ /chos spyod legs par spyod byed pa/ /'jig rten 'di dang pha rol tu/ /dga' dang bde ba rab tu 'thob/ /zhi phyir bslab? pa la brten dang/ /rtsol ba dang
- 311b
ni brtson 'grus bskyed/ /mi dran pa dang bag med dang/ /brtson 'grus chung dang kun sdom med/ /gnyis dang sdom pa g.yeng ba rnams/ /'di dag bslab pa'i bar bcad pas/ /khyod kyis yan lag de mkhyen nas/ /dran pa chung ni mi gzan mdzod/ /mkhas khyod tshul khrims bzang ba dang/ /bag yod par dgyes pa yis/ /kun rtog legs par mnyam zhog ste/ /nyid kyi thugs ni rjes su bsrungs/ /gang zhig chos 'dul 'di la ni/ /bag dang ldan par spyod byed pa/ /skye ba'i 'khor ba rab spangs nas/ /sdug bsngal tha mar byed par 'gyur/ /bag med pa spong ba'i le'u ste gsum pa'o/ /nyon mongs rnams ni bdag 'joms sems can 'joms shing tshul khrims 'joms/ /nyams bcas snyed pas dman zhing srung dang de bzhin ston pas spangs/ /rtsod bcas mi snyan de ni gzhan du mi khom rnams su skye/ /thob dang ma thob nyams pas 'jigs dang sdug bsngal chen po 'thob/ /nyon mongs lhag pas thub la rma 'byin te/ /dam chos spong dang dge 'dun skur bar byed/ /pha ma gsod cing chom rkun log g.yem spyod/ /rdzun dang phra ma tshig rtsub 'khyal ba smra/ /brnab sems gnod sems log lta yid byed cing/ /dmyal ba yi dags dud 'gro 'phel bar byed/ /'dir ni nyon mongs sa bon bzhin/ /klu bzhin rtswa bzhin ljon shing bzhin/ /de bzhin shun pa lta bu ste/ /las ni shun bcas 'bras dang 'dra/ /de bzhin dman dang me tog bzhin/ /skye ba bza' btung grub pa 'dra/ /kun sbyor 'chid ba bag la nyal/ /nye ba'i nyon mongs kun nas dkris/ /chu bo sbyor ba nyer len mdud/ /bsgrib dang tha ba dri ma sdig /zug rngu ci yang nye bar spyod/ /zag pa phongs pa yongs su gdung//
- 312a
'khrugs dang 'thab pa rims nad dang/ /nags sbyor dang ni gnas zhes bya/ /'dod chags khong khro gti mug dang/ /nga rgyal lta ba the tshom dang/ /khro dang khon du 'dzin pa dang/ /'chab dang 'tshig dang phrag dog dang/ /ser sna dang ni sgyu bag dang/ /g.yo rgyags rnam 'tshe ngo tsha med/ /khrel med rmugs dang rgod pa dang/ /ma dad pa dang le lo dang/ /bag med pa dang brjed ngas dang/ /rnam g.yeng shes bzhin ma yin pa/ /rab mkhas khyed kyis spong bar mdzod/ /nyon mongs de dag spong slad du/ /zhi gnas lhag mthong sgom pa dang/ /mi sdug byams khams rten 'brel dang/ /dbugs rdzub dbugs 'byung dran pa mdzod/ /dran pa nyer gzhag spong ba bzhi/ /de bzhin rdzu 'phrul rkang pa dang/ /dbang stobs byang chub yan lag dang/ /lam gyi yan lag sgom par mdzod/ /de ltar 'dir ni mdor bsdus nas/ /mkhas pa khyod la springs pa yi/ /dge ba gang nges 'gro ba kun rnam grol zhi ba thob par shog /nyon mongs pa spong pa'i le'u ste bzhi pa'o// //bla ma la spring pa dge slong dgon pa pas mdzad pa rdzogs so// // rgya gar gyi mkhan po A tsarya bi ni ya tsan+d+ra dang/ bod kyi lo tsA ba dge slong chos kyi shes rab kyis bsgyur cing zhus te/ gtab la phab pa'o// // */ /rgyal po zla ba la sgrings pa'i phrin yig rnal 'byor gyi dbang phyug sh+rI dza gar? ta ma tri A nan tas mdzad pa/ bshes pa'i phrin yig rgya cher bshad pa tshig gsal bzhugs so// //rgya gar skad du/ pu? tra le kha/ bod skad du/ bu la springs
- 312b
springs pa/ /'jam dpal gzhon nur gyur pa la phyag 'tshal lo/ /mtsho chen sa gzhir gyur 'di dgra bcom bye ba'i yul/ /legs spyod mis gang dpe med dpal sgo rig gnas 'dir/ /mkhas pa rin chen rdo rje'i rgyud 'dzin bram za'i rigs/ /gzugs stobs shes rab phun tshogs ma hA dzA nar 'gyur/ /mchog tu brtse ba'i pha ma mdza' bshes gnyen 'dun tshogs/ /mchil ma'i thal ba bzhin du ltos med yal dor nas/ /mdza' khob kla klo min pa'i nang na gcig 'khyam pa/ /blo ldan bu de shes rab sgron mes snang gyur cig /shin tu brtse ba'i ded dpon bdag gis ni/ /legs bshad rgya mtsho'i gling nas blangs pa yi/ /springs yig rin chen 'di ni bu la bskur/ /rab gus dga' zhing dang pas mnyan par gyis/ /dge ba'i yul dgus khang bzangs longs spyod dang/ /g.yo med sems kyis rgyun tu brtse ba yi/ /pha ma mdza' bshes rtsa lag spangs nas ni/ /bu khyod mdza' 'khob rgyu ba shin tu rmad/ /dam chos phyir ni pha ma yal dor nas/ /nor bzangs bzhin du yul gzhan rgyu 'os na/ /'dod pa'i don du pha ma yal dor nas/ /smad pa'i yul du rgyu ba ga la rigs/ /bu khyod gzugs sdug mchog dang sgra snyan dang/ /dri zhim ro mchog reg bya'i bde byed pa/ /'dod pa'i 'dam du 'gro ba 'di dag bying/ /dper na glang chen 'dam du tshud pa bzhin/ /'dod pa las ni 'jigs dang sdug bsngal dang/ /mya ngan dang ni 'tshe ba sna tshogs 'byung/ /gsod dang bcing dang yan lag gcod pa dang/ /me dang chu dang g.yang sar 'dor bar byed/ /'dod la brkam pas sems can dmyal ba dang/ /yi dags dud 'gro rnams su sdug bsngal rnyed/ /mir gyur ni yang gzugs ngan mi snyan dang/ /dri mi
- 313a
zhim dang bkres skom nad kyis gzir/ /g.yan pa can la phrugs na bde/ /de bas g.yan pa med na bde/ /de bzhin 'jig rten 'dod ldan bde?/ /de bas 'dod pa med na bde/ /ji ltar me long brag ca dang/ /spos snod bzar bu nam mkha' rnams/ /gzugs brnyan sgra grags spos dang ni/ /tshod ma'i ro dang rlung rnams kyis/ /nam yang ngoms par 'gyur ba med/ /de bzhin mig dang rna ba dang/ /sna dang lce dang lus dang rnams/ /gzugs mdzes sgra snyan dri zhim dang/ /ro mchog reg bya bde ba yi/ /nam yang ngoms par 'gyur ba med/ /de bas 'dod pa rnams spong zhing/ /'phags pa'i tshogs rnams bsten par byas/ /tshul khrims ting 'dzin shes rab mchog /rnam grol bde bas ngoms par 'gyur/ /'dod la chags pa spang bar bya'o/ /nor la chags pas 'di gdung phyi mar gdung/ /gnyis kar gdung ste des na bdag nyid kyis/ /las rnams smin mthong de gdung rab tu gdung/ /'gro ba dman par song bas phyir zhing gdung/ /bsag dang bsrung dang brlag pa'i gdung ba yis/ /nor ni phung krol mdza' yas shes par bya/ /nor la chags pas g.yengs par gyur pa rnams srid pa'i sdug bsngal las grol skabs med do/ /nor gyi phyir ni rgyal po ngag don gyis/ mig gnyis tsher ma rnon pos btung bar gyur/ /bu mo mnga' mo rna ba bye ba ri/ /rgya mtshor shi 'phos 'khyams par gyur pa yin/ 'ong na nor tshal kha cig bsal shing btsugs/ /la la yan lag nyid lag gcod par snang/ /gzhan dag brtson? ra shin tu zab mor bcug/ kha cig khong khrol su mi 'dod kyis bcings/ /nor bu lan pa'i tshong pa
- 313b
lnga brgya dag/ sing ga la yi gling du srin mos gzung/ /rdzu 'phrul chen po'i rta rgyal ba la has/ /de dag bsgral bar nus pa ma yin no/ /'di na gser dang dngul dang bai DUrya/ /mu tig byu ru asma gar b+ha dang/ /karSha pa Na la sogs char bab kyang/ /nor tshol rnams ni ngoms par 'gyur ba med/ /gangs can 'bigs byed dang ni mnyam pa yi/ /nor gyi phung po la ni dbang sgyur kyang/ /nod tshol gcig kyang ngoms par 'gyur ma yin/ /de phyir bu khyod nor la chags pa spongs/ 'di ni nor mang skye bo sdug bsngal ba/ /'dod pa chung rnams de lta ma yin te/ /klu dbang rnams la mgo bo ji snyed pa/ /de las byung ba'i sdug bsngal de snyed do/ /lus srog yal bar dong nas nor bsags kyang/ /shi na skal ba nyams par 'gyur pa yi/ /nor de rmi lam sprin dang mtshungs pa yin/ /de bas 'dod pa chung zhing chog shes bya/ /nor mang bsags shing spa byas kyang/ /cung zad cung zad spyad pa yis/ /'jungs pa yi ni 'bri ba ltar/ /sdug bsngal bskyed pa kho nar zang/ /bu khyod gal te nor tshol na/ /'phags pa'i nor bdun bsten par gyis/ /rgyal po rkun pos mi phrogs shing/ /srid pa'i dbul ba sel bar 'gyur/ /rtag tu tshul khrims ldan pa la/ / sbyin pa bkur sti brgyan par gyis/ /nor rnams ji ltar gtang du spos/ /rjes su 'brang zhing 'phrog du med/ /'di ni nor slong dman pa ste/ /mi sbyin pa ni de bas dman/ /nor sbyin pa ni mchog yin te/ /me 'dod pa ni de bas mchog/ nor la chags pa spangs pa'o/ /'dod pa'i phyir ni byis pa rnams/ /bud med rul ba sten byed pa/ /'gro ba rul bar 'gro 'gyur zhing/ /ngan song rnams su ltung bar 'gyur/ /'jigs pa chen po'i 'ching ba ni
- 314a
bud med zhags pa mi bzad pa/ /sangs rgyas rnams kyis 'dod pa dang/ /bud med bsten pa'ang ma bsngags so/ /lam 'dis byang chub par bcad pas/ /sbrul gdug shin tu khro ba ltar/ /mkhas khyod bud med rnam par spongs/ /mi gang dag ni bud med 'dod/ /de dag bde bar gal 'gyur/ /bud med 'phung par byed pa ste/ /'jig rten 'di dang pha rol 'phud/ /rnam pa kun tu nor 'jigs dang/ / ngan song rtsa ba bud med yin/ /bu khyod bdag la phan 'dod na/ /de bas bud med rtag tu spang/ /bud med rnams kyi rang bzhin ni/ /'dod can rnams kyis me rigs te/ /skyes pa dang ni yid bcugs shing/ /rtsa dga' du ma byas nas kyang/ /sbrul gyi pags rnying 'dor ba ltar/ /bud med kyis ni glo bur 'dod/ /sbrang mas me tog rnying pa ltar/ /bud med kyis ni nor med pa'i/ /skyes pa rgan po 'dor byed cing/ /gzugs byad ngan pa'ang 'dod pa yin/ /rab tu brtse bas bud med dag /thams cad du ni yongs bskyangs kyang/ /bud med shin tu mi bzang pa/ /bdag gir byas par mi nus so/ /de yi rang bzhin de yin te/ /bud med rnams ni sems mi bsrun/ /byas pa drin du mi gzobs/ /rang gi skyes pa'ang gsod par byed/ /chu bo dang ni sder mo can/ /rwa can lag na mtshon thogs dang/ /rgyal po ngan dang bud med la/ /nam yang yid brtan mi bya'o/ /bud med kha zas nyid 'gyur te/ / g.yo sgyu dag ni bzhi 'gyur yin/ /phyag dag shas ni drug 'gyur te/ /'dod pa brgya 'gyur yin rig bya/ /shing rnams kyis ni me dang ni/ /char gyis rgya mtsho chen po dang/ /'byung po kun gyis gshin rje ltar/ /skyes
- 314b
bas bud med ngoms mi 'gyur/ /su ka rtse yis kha chu yis/ /bye ma'i phung po ji ltar spangs/ /skyes pa gzhon nu thams cad kyis/ /bud med gcig ni de bas mi 'gyur/ /byi bo byed pa'i dang tshul can/ /ma bsdams mi bsrun 'dod la brkram?/ /rang gi chung mas mi chog ste/ /'jig rten dag na smad 'os yin/ /'di yang pha rol sdug bsngal 'gyur/ /gsod dang byad pa drag po myong/ /sems can dmyal ba rnams su skye/ /de bas bu khyod de spongs shig /byi bo byed ba shal ma li/ /lcags kyi tshor ma rtse mo 'bar/ /sor ni bcu drug yod pa la/ /du zhing stobs kyis 'dzag par 'gyur/ /bud med shin tu 'jigs 'jigs lta/ /mche rno lus che 'bar ba yis/ /gzhan gyi bud med 'phrag pa la/ /ci nas za ba kho nar 'gyur/ /gal te chung mar brten ma yang/ /de yis nyes dmigs drug cu lnga/ /drag shal can gyi mdo las gsungs/ /de'i phyir bud med spang bar bya/ /bud med la chags spang ba'o/ /gang zhig 'thung nas ra ro gom tshugs dbang med 'dor/ /yul gong ma 'dis bar yang 'khyam zhing rdeg 'ches? 'gyur/ /bza' dang mi bza' dpyad med 'dres pa zang/ /de bas bu khyod myos 'gyur khu ba rtag tu spong/ /gang 'thungs na ni bdag la brtan med blo nyams shing/ /phyugs dar 'dra bar mdza' bos spong zhing dgra bos 'phya/ /'dus pa bro gang byed cing glu len mkhar rnga brdung/ /dge legs grags nyangs? rgyu de su zhig 'thung par byed/ / de 'thungs ngo tsha khrel yod dor nas ni/ /gcer bur byung kyang 'dzem mang? smyon pa bzhin/ /rkun bu gcan gzan rgyu ba'i lam du 'gro/ lus srog nyams rgyu de na khyod kyis spang/ /de 'thur sgyugs pas gos 'di
- 315a
'gyel gyur nas/ /kha yang khyi yis dogs pa med par lhag /dran med lam po cher yang nyal 'gyur na/ /bag med rtsa ba rtag tu spang bar bya/ /gang zhig 'thung nas myos par 'khrul 'gyur te/ /'bris na and+ha dag kyang rme byung na/ /du chen 'thibs te phan tshun thal mar byung/ /'phud krol rtsa ba de ni su zhig 'thungs na dpal gyi gzhir gyur rigs/ /je mtho je mtho gyur pa'ang rlag byed pa/ /nor gyi dbyig ldan khyim kyang 'thung 'gyur ba/ /nyes mang gzhi rtsa de ni su zhig 'thung/ /glo bur du zhing res 'ga' dgod par byed/ /ma nges smu zhing gdon gyis zin pa bzhin/ /dam pas smad cing brnyas pa'i gnas gyur pa/ /'khrul bslad rgyu de su zhig 'thung bar byed/ /bag yod rnams kyang de 'thungs sems nyams shing/ /bdag la phan pa'i lam du mi 'jug la/ /ma brtags mang du smra zhing tshig rtsub 'byin/ /sgo gsum nyams byed de ni btung ma bya/ /gang gi nyes pas sngon gyi lha rnams myos/ /lha yi dbang po'i dpal ni nyams gyur nas/ /skyabs 'dod phyir na rgya mtsho'i nang du gab/ /lha yang nyams byed de ni btung mi bya/ /mi bya ba yang bya ba bzhin du byed/ /mi bden pa yang bden pa bzhin du smra/ /zhum pa rnams kyang ma zhum bzhin du spyod/ /myos 'gyur rigs nyams sdug bsngal rgyur gyur pa/ /sdig pa'i srin mo byur ngan mngon sum bzhin/ /rtsod pa'i gzhi dang tha dad ma yin pa/ /snying gi mun pa mi bzad de su 'thung/ /de 'thung yid ni rab tu 'khrugs gyur nas/ /brtse ba'i pha dang ma yang gsod 'gyur zhing/ /nyes med dge slong bram ze drang srong gsod/ /chom rkun dang ni log g.yem srad pa byed/ /
- 315b
rdzun dang phra ma tshig rtsub 'khyal pa smra/ /brnab sems gnod sems log lta'i mun pa 'dzin/ /mi dge ba yi rtsa ba de ni btung mi bya/ /gang zhig 'thungs na tshul khrims ting 'dzin dang/ /shes rab lta ba 'tsho ba cho ga dang/ /dran pa shes bzhin dad pa brtson 'grus nyams/ /dge chos chud zon de ni btung mi bya/ /de 'thungs sdig spyod rnams ni lus zhig nas/ /rab tu bzod dka' i sems can dmyal bar ltung/ /yi dags dud 'gro rnams dang smyon par 'gyur sdug bsngal rtsa ba de ni btung mi bya/ /thub pas dga' ba can gyi mdo las ni/ /myos 'gyur nyes pa gsum cu rtsa lnga gsungs/ /de phyir bu khyod bdag la phan 'dod na/ /nyes kun rtsa ba de ni btung mi bya/ /chang dga' dgos pa thams cad la/ /rtag tu bag med spyod par 'gyur/ /mkhas pa rnams kyis smad 'gyur zhing/ /dkar po'i chos rnams 'grib par 'gyur/ /nyes kun rtsa ba bag med gnas/ /'di dang gzhan du rnam par rmongs/ /de bas skye bo chen po khyod/ /chang la dga' ba rtag tu spongs/ /phan par smra ba spangs pa ste/ /nyan par byed pa shin tu dkon/ /de dag pas kyang mi nyan yang/ /phan pa'i rjes su byed pa dkon/ /phan par smra ba mchod pa ni/ /bsgo ba shin tu sgrub pa yin/ /bu khyod nga la mchod 'dod na/ /gdams pa bzhin du rjes su bsgrubs/ /chang la dga' ba spang ba'o/ /bdag gi springs yig rin chen 'di/ /bu la brjod pa las byung ba'i/ /dge ba gang des 'gro ba kun/ /thams cad mkhyen pa thob par shog/ pu la springs pa paN+Di ta mkhas pa chen po sang dza nas mdzad pa rdzogs so// //kha che'i mkhan po ma hA dza na dang/ bod kyi lo tsA ba mar pa
- 316a
chos kyi dbang phyug gis bsgyur cing zhus te gtan la phab pa'o// // */ /rgya gar skad du/ bi ma la rat na le kha nA ma/ bod skad du/ dri ma med pa rin po che'i phrin yig ces bya ba/ bla ma rnams la phyag 'tshal lo/ /rje btsun ma sgrol ma la phyag 'tshal lo/ /ma hA g+ha tir sku bltams nas/ /sangs rgyas bstan pa 'phel mdzad cing/ /rgyal srid chos kyis skyong mdzad pa/ nir ya phel rgyal gyur cig /khyod kyis sngon chad sbyin pa dang/ /dge ba bcu dang gso sbyong dang/ /bzod dang brtson 'grus la goms pas/ /lha khyod da lta phun sum tshogs/ /bla ma rnams kyi bka' lung dang/ /mdo sogs chos kyi rjes 'brang 'di/ /gus pas spyi bos blang mdzod dang/ /bdag gzhan gnyis la phan par 'gyur/ /the tshom thams cad rnam spang zhing/ /sgrub la nan tan che bar mdzod/ /gnyid rmugs le lo rnam spangs shing/ /rtag tu brtson 'grus 'bar bar bya/ /dran dang shes bzhin bag yod pas/ /dbang po'i sgo rnams rtag tu bsrung/ /nyin mtshan dus su yang dang yang/ /sems kyi rgyud la brtag par bya/ /rang skyon rtog la mig bzhin bya/ /gzhan skyon rtog la long ba bzhin/ /dran dang nga rgyal med pa dang/ /stong nyid rtag tu bsgom par bya/ /bdag gis nyes pa bsgrag bya zhing/ /gzhan gyi 'khrul ba btsal mi bya/ /gzhan gyi yon tan bsgrag par bya/ /bdag gi yon tan spa bar bya/ /rnyed dang bkur sti spang bya zhing/ /khe grags rtag tu spang bar bya/ /byams dang snying rje bsgom bya zhing/ /byang chub sems ni brtan par mdzod/ /mi dge bcu ni spang bya zhing/ /rtag tu
- 316b
dad pa brtan par bya/ /'dod pa chung zhing chog shes dang/ /byas pa drin du gzo bar bya/ /khro dang nga rgyal spang bya zhing/ /dman pa'i sems dang ldan par bya/ /log pa'i 'tsho ba rnam spang zhing/ /chos kyi 'tsho bas 'tsho bar bya/ /zang zing thams cad rnam spang zhing/ /'phags pa'i nor gyis phyug por bya/ /rtag tu 'du 'dzi spang bya zhing/ /dgon pa la ni gnas par bya/ /'khyal ba'i tshig rnams spang bya zhing/ /rtag tu dag ni bsdam par bya/ /bla ma mkhan po mthong ba'i tshe/ /gus pas rim gro bskyed par bya/ /khyad par can gyi skyes bu dang/ /gang zag chos kyi ming can dang/ /las dang po yi sems can la/ /ston pa'i 'du shes bskyed par bya/ /sdug bsngal dag gis gdungs pa dang/ / sems can thams cad mthong ba'i tshe/ /byang chub sems ni bskyed bya ste/ /pha ma bu tsha'i 'du shes bskyed/ /'jig rten bya ba kun spangs te/ /rtag tu ting 'dzin bsgom par mdzod/ /sdig pa'i grogs po spang bya zhing/ /dge ba'i bshes la brten par mdzod/ /tshul khrims 'chal ba'i dge slong dang/ /chos kyi phongs pa gzhan dag dang/ /sdig pa spyod pa mthong ba'i tshe/ /de dag yal bar dor mi bya/ /mi dga' i bshes gnyen thams cad dang/ /sdig pa'i grogs po thams cad dang/ /dkon mchog gsum dang bla ma dang/ /mkhan po slob dpon mi gus dang/ /byas pa drin du mi gzo dang/ /tshe 'di 'ba' zhig dran pa dang/ /gzhan yang dad pa/ chung ba dang/ /zhag gsum 'das par gnas mi bya/ /spang dang mi bde'i sa spang zhing/ /gang du bde bar 'gro bar bya/ /gang la chags pa spang bya zhing/ /chags pa med par gnas par bya/ /chags pas bde 'gro
- 317a
mi thob cing/ /thar pa'i srog kyang gcod par byed/ /gang du dge ba'i bshes gnas pa/ /der ni rtag tu gnas par bya/ /bla ma rtag tu bsten ba dang/ /rtag tu mdo sde blta bar bya/ / thog mar brtsams pa gang yin pa/ /dang por de nyid bsgrub bya zhing/ /gzhan du gnyi ga 'grub mi 'gyur/ /gzhan du sdig pa bshags pa dang/ /bsod nams mchog la 'bad par bya/ /'jig rten spyod dang mthun pa dang/ /rtag tu pha rol sems bsrung mdzod/ /gang tshe na tho ba'i sems skyes tshe/ /de tshe nga rgyal bcag bya zhing/ /gang du bag yod bral ba'i tshe/ /bla ma'i gdams ngag dran par bya/ /zhum pa'i sems ni byung ba'i tshe/ /sems kyi gzengs kyang bstod par bya/ /zhes rab pha rol phyin dran te/ /sgros? pa ma lus zhi bar mdzad/ /gang du chags sdang yul byung tshe/ /sgyu ma sprul pa bzhin du blta/ /mi snyan tshig rnams thos pa'i tshe/ /brag ci lta bur mkhyen par mthong/ /lus la gnod pa byung ba'i tshe/ /sngon gyi las su blta bar bya/ /bas mdza' mgon par rab gnas shing/ /ri dags shi ba'i ro bzhin du/ /gang du sus kyang mi shes par/ /bdag gis bdag nyid spa? bar bya/ /rtag tu yir ma bstan par bya/ /'dod dang gnod sems gnyid dang rmugs/ /le lo snyams las sems byung tshe/ /de tshe bdag la rngan bgrad? zhing/ /brtul zhugs snying po dran bya dang/ /mi rtag pa dang chi ba bsam/ /gzhan gyi mdun du gnas pa'i tshe/ /zhi des gsod por smra bar bya/ /khro gnyer ngo 'dzum spang bya zhing/ /rtag tu 'dzum zhing gnas par bya/ /rtag tu gzhan la dga' bya zhing/ /ser sna mang?
- 317b
cing gtor? la dga' / /rtag tu phrag dog spang bar bya/ /gzhan gyi sems ni bsrung bya zhing/ /rtsod pa thams cad spang bar bya/ /de dga' med cing gsar 'grogs med/ /rtag tu zungs? ni thub par bya/ /rtag tu bzod dang ldan pa dang/ /'dod pa chung zhing chog shes mdzod/ /gdol? ba bran gyi 'du shes so/ /po tsha shes dang 'khrel? yod dang/ /pha rol mgu bya de la brtson/ /rang gi sdom pa bsdams par mdzod/ /gzhan la brnyas pa spang bya zhing/ /gus pa'i tshul gyis gnas par bya/ /gzhan la gdams? ngag byed pa'i tshe/ /snying rje phan sems ldan par mdzod/ /sangs rgyas chos la gus pa dang/ /dam chos nam yang spang mi bya/ /rtag tu dkon mchog gus pa dang/ /'khor gsum yongs su dag par mdzod/ /sngon du snying rje song ba yis/ /nyin dang mtshan mi lan gsum du/ /mchod pa bdun du rab grags pa'i/ /phung po gsum pa gdon par mdzod/ /'gro ba'i sdug bsngal bsal 'dod pas/ /smon lam rgya chen gdab pa dang/ sems can smon dang byang chub 'dod/ /thams cad byang chub chen por bsngo/ /dus ni ring por dam bcas nas/ /rtag tu brtson dang ldan par bya/ /de ltar mdzad na tshogs gnyis po/ /rdzogs 'gyur sgrib gnyis zad par 'gyur/ / mi lus thob pa don yod cing/ /mthong ba'i chos la mya ngan 'da' / /bdag dang gzhan don rdzogs gyur nas/ /dam pa nyid ni thob par 'gyur/ /sos ka'i khu byug gzhon nu snyan sgrog ces/ /rma bya gzhon nu skad snyan mi sgrogs sam/ /mkhas pa mang pos gsungs ba yong mod gyis/ /rgyal po gdung ba gcad phyir bris pa yin/ /phan sems ldan pa'i gtam 'di legs par dgongs mdzad la/ /rtog dang ldan pa'i skye bo gzhan la smra? bar mdzod/
- 318a
rtag tu lha drug dran mdzod dam tshig gtsang bar mdzos?/ /rgyal srid chos kyis skyong mdzod bdag la bzod par mdzod/ /dri ma med pa'i rin po che'i phrin yig ces bya ba/ gnas brtan mkhas pa chen po dI paM ka ra sh+rI dz+nyA nas/ /rgyal po ni rA? phal la brdzangs? pa/ rdzogs so// //dus de nyid du bla ma de nyid dang/ lo tsA ba dge slong tshul khrims rgyal bas bskyab/ shlo ka bzhi bcu pa'o// //*/ /rgya gar skad du/ tsan+d+ra rA dza ga la kha ka/ bod skad du/ rgyal po zla ba la springs? pa'i phrin yig /'jig rten mgon po la phyag 'tshal lo/ /se gsum dbang phyug mi dang lha yi rje/ /yon tan brtul phod 'phags pa'i bu stong mnga' / /mnyam med chos kyi 'khor lo sgyur mdzad pa/ /chos kyi rgyal pos rgyal po rgyal gyur cig/ grogs po ming can rnal 'byor gyis/ /zla ba'i mtshan can sa bdag la/ / brtse bas rgyang nas nyid kyi drung/ /rigs pa'i gdams ngag phrin du gsol/ /sa bdag ji ltar 'byor pa'i dus/ /de nyid dus na spyad btang zhing/ /yongs su bsngo bas gter du sba/ /tshe 'di gcig la gzhan dpag med/ /gang tshe phyi nas ser sna dang/ /phongs pas bsregs na ci bgyid mchis/ /sa bdag ji ltar gang dang mdza' / /de ltar snga nas 'brel rab spang/ /des na gnod pa mang po'i rtsa/ /skal lan mi bgyid grags mi bgyir? /gang tshe yud tsam rkyen stobs kyis/ /dbang gyur de tshe ci bgyir mchis?/ /sa bdag ji ltar dgrar lta ba/ /de ltar mngon nas rtsod mi bgyi/ /me lags rkyen dbang gis bskul lags/ /rgyu 'dra gnyis ka dngos med phyir/ /gang? tshe
- 318b
nags la me shor ltar/ /'bar bar gyur tshe ci? bgyid? mchis/ /sa bdag ji ltar g.yar? po'i lus/ /nad med rgud med bder gnas pa/ /de nyir? tshe na snying po blang/ /na 'chi rgud pas 'jigs med bgyi/ /gang tshe na rgas rgud sogs na/ / dran yang de tshe ci bgyir mchis/ /longs spyod ci 'dra khyim gyis sbrang/ /bshes pa ci 'dra tshod khang mi/ /sdang ste rmi lam gnod pa bzhin/ /rang lus ci 'dra sprul gyi pags/ /'du 'dzi ci 'dra nad gzhi bzhin/ /tshe srog ci 'dra ri bzang chu/ /gang tshe gang la sems chags pa/ /de nyid dus na bde btang bgyi/ /ci phyir chung yang gang la zhen/ de nyid 'ching ba mi bzad phyir/ /gang tshe gang la sems sdud ba/ /de nyid dus na de bzhag bgyi/ /ci phyir chung yang blo 'khrugs pa/ / de nyid 'phur grol mi bzang phyir/ /gson cig 'di ltar khyod kyis/ /rgya mtsho'i mthar thug dbang 'byor pa 'di/ /nam zhig khyod nyid rnam 'gyur dus/ /de tshe ci 'dra legs par gsungs/ /re zhig khyod sku rdo rje ltar/ /'gro ba'i skyabs dang rin chen ni/ /brtan du mi rung g.yo ba dag pas/ /nges par skyes dus de mchis so/ /de ltar phun tshogs dpal gyi gseb/ /khyod ni dgyes rdol snyam bgyid na/ /thar pa rnams kyi rgyal srid bsdam/ /rgyal po bying ba lta bur gzigs/ /sdug bsngal rgya mchi gting mdza' med/ /srid pa'i klod? du bying gyur kyang/ /skyon med 'jigs med dga' dang rtod?/ /bdag cag snying la ci zhig mchis/ /phongs dang btsal dga' gsung dang brlag/ 'bras dang phrad dang na rgas rgung?/ /rtag tu 'bar ba'i mer zhugs kyang/ /bde rlom smyon pa lags pa snyam/ /gzugs sgra dri ro reg dang chos/ /gzugs brnyan sgra brnyan tshogs mtshungs phyir/ /rtag tu mi bsam chags mi bgyi/ /
- 319a
chags na'ang de nyid rnam spyod mdzad/ /thog med bag chags las dbang gis/ /sems ni byung bas rtsi bzhin no/ /rigs pa dang ni gdams ngag dang/ /skyon dran pas ni slar bzlog bgyi// de na med don log don dman don/ /'di 'dra'i don du 'dod nas dang/ /sgo gsum mi bzad sdug bsngal bgyis/ /mi mchog kyang ni rnam dpyod rigs/ /ji ltar lus dag de bzhin? yid/ /rtse dang 'khyal dang rnam g.yeng dang/ /srog gcod phra ma gnod sems sam/ /tshe 'dir chags pas dge bgyid? pa/ /de lta de ltar don yod bzang/ /don mchog bgyis na cis ma legs/ /ji ltar mi rtag srin bu yi/ /khar chung ma gyur de srid par/ /lha yi srid pa ru bzlog la/ /bsgrims? par mdzod cig mi yi rje/ /gang tshe srin po'i mgrin chud gyur/ /de tshe khyod kyi dmag dang dpung/ /mthu dang 'byor ba btsun mo sras/ /rtsal snyems? cir yang ma mchis so/ /kye ma sngon nas dub pa'i las rtag tu bzod dka' i sdug bsngal gyis/ /nyer bstsal da dung snyems? med na/ /rgyal srid rgyal po ji ltar dregs/ /rgya mtshor byed pas rnyed pa'i gru/ /chu rgyun drag po'i rba? dang ni/ /mngar? skyur? lo tog bya skrod? zhing/ /rgyal po na rgas rgud dang 'chi/ /bzhi po 'di dag bsam par gyis/ /ji ltar phan brtags de ltar gnad/ /yod na skyo dang med na gdung/ /'grogs na skyon mthang? rtsod gyur pa/ /sems can rnams kyi mtshan nyid lags/ /gcig tu dge ba dkar po'i chos/ /de ni 'di phyir 'phral yul du/ /don med don yod dgos mi dgos/ /na rgas rgud dang 'chi la dris/ /kyi gud? 'jig rten mig bcas long/ /mngon sum rtag tu nges mthong yang/ /da dung cung zad mi sems pa/
- 319b
khyod snying rdo rjer gyur tam ci/ /tshe 'di bstod bde rnyed grags kyi/ /gzi brjid 'od kyis snying brid pa/ /'chal rnams de don gnyer ba yis/ /sems g.yengs nas ni dran ma mchis/ /yun gyis sngon nas blta srid/ mchod gzhan dang nyams dang rgan/ /'di tsam grangs kyis shi gyur kyang/ /khyod ni rten dbang gis gnas na/ /ji srid skyes nas da lta'i bar/ /dus ni thung ngam ring yang rung/ /yud tsam bsdad kyang mi mnyam par/ /skad cig gcig gis chad par 'das/ /de bzhin de nas 'chi mdza' yas/ /cung zad 'dug pa'i long med par/ /phyed kyis 'das pa'i skad cig la/ /dran pa yud tsam byas te 'gro/ /btsun mo lha mo 'dra na yang/ /mi bzad dul gsum rgyal ba nyid/ /sgo dgu mi gtsang rgyun rtag 'dzag /bshes gzugs ro langs lags so rje/ /lha cig ji ltar khyod 'byor kyang/ /gshegs nas 'jig rten gzhan bzhung tshe/ /mya ngan thang la dgra bcom ltar/ /gcig pu sras med btsun mo min/ /na bza' ma mchis bshes ma mchis/ /rgyal srid ma mchis khab ma mchis/ /dpag med mthu dpung mnga' lags kyang/ /gzigs su ma mchis gsan ma mchis/ /gcig tsam nyid gcig phyi thag gis/ /rjes su 'brang ba'ang mi mnga' o/ /mdor na nyid kyi mtshan tsam yang/ /de tshe med na gzhan ci smos/ /'jig rten bde ba sdug bsngal te/ /thar pa'i bde ba bde ba nyid/ /de bas sdug bsngal mi bzhed na/ /nges par thar pa cis mi bzhed/ /thar pa zhes bya bcings grol phyir/ /'ching? rgya? longs spyod sems can lus
- 320a
bsdam? phyir chags sdang zhe sdang yin/ /de phyir rgyal pos 'di nyid gzhom/ /gang yang mi yi gtso bo gsan/ /'di na gang dag 'dren pa yi/ /bshes gnyen ngan pas sems bslad? dag/ 'jig rten snga phyi med smra ba/ /de ni sbrul gdug nag po'i lha/ /tshig tsam rig pa la brten nas/ /zhib mo rnam dpyod ma mdzad par/ /lha yi thugs brtan mi rung ngo/ /'di ltar snga phyi yod min na/ /da ltar srog sems gsal 'di gang/ /rlan drod dus sang yal 'dab las/ /me tog 'bras bu ji bzhin no/ /nags dang sa las me tog dang/ /sha mo rdol? ba bzhin ce na/ /'o? na? ji lta de? lta bur/ /shing sdong la yang srog sems min/ /gang de 'di 'dra dngos po'i rigs/ /tha dang rigs pa'i mtshan nyid ni/ /de bas 'di dang 'di yi dpe/ /ma tshungs pa/ /dpag par mi nus so/ / gzigs cig sems can srog lus ngag /gcig dang cig shos rtag shi ni/ /re zhig gcig na lus dang sems/ /shing dang nam mkha' 'dra ba'i phyir/ /de dag phan tshun de 'drar 'gyur/ /pha dang bu yi lus sems bzhin/ /de zang cig shos zad min pas/ /tha dad phyogs kyang mi rung ngo/ /yun ring gnas skabs 'brel pa yi/ /rjes su 'gro ldog des na ni/ /da dang yal ga ri dang sdod/ /thams cad de ltar thal bar 'gyur/ /sems ni thogs med 'gag med bdag /mkha' ltar zhing dag stong pa'i phyir/ /gang du ji ltar chang par 'gyur/ /dul ba gzhan yang mu stegs
- 320b
can/ /bdag tu lta ba gtan smra mchis/ /'di la mgon po ma brtags par/ /nyid kyis bab bcol mi bgyid ?/ /'ching ba rnam grol las gdams pa/ /gzigs nas brtan pos rnam dpyod/ mngon?/ mi bzang lta ba 'di nyid las/ /gcig ni sreg byed me dpung ste/ /gnyis pa lcags sgrog 'ching ba lags/ /mkhas rnams nye bar mi bgyid do/ /de ltar lta ba'i dri ma las/ /log nas drang srong brtan bzhugs te/ /nyan thos rang sangs rgyas dang sras/ /theg gsum rim gyis bgrod par gsol/ /dpyod ldan bdag gis khyod gsol tshig/ /gus dang mi gus tsam nyid kyis/ /blang bar mi bgyi dor mi bgyi/ /gser las mgar bas bsreg/ sogs bzhin/ /rnam brtags nges par gyur nas 'dod/ /mi rigs rgyang du 'phang du gsol/ /de ste rigs par gzigs na ni/ nyid kyi spyi gtsug blang du gsol/ //rgyal po zla ba la springs pa'i phrin yig /rnal 'byor gyi dbang phyug shA dzi ga ta mi twa a nan+tas mdzad pa rdzogs so// //rnal 'byor kyi dbang phyug de nyid/ dang/ /bod kyi lo chung gnubs tshul khrims shes rab kyis bsgyur ba'o// //rnal 'byor kyi dbang phyug de nyid/
- 321a
bshes pa'i spring yig rgya cher bshad pa tshig gsal ba bzhugs so// //rgya gar skad du/ byA ga ta pa da su h+ri da le kha TI kA /bod skad du/ bshes pa'i spring yig rgya cher bshad pa tshig gsal ba/ 'phags pa 'jam dpal gzhon nur gyur pa la phyag 'tshal lo/ /slob dpon klu sgrub kyis mdza' bo bde spyod la spring yig yon tan can 'di bskur bas na bshes pa'i phrin yig ces bya'o/ /de la yon tan rang bzhin zhes bya ba ni 'od ba ste/ sngon gyi dge ba'i rtsa ba las nges par skyes pa'i phyir/ rang bzhin ni rgyu yin no/ /de nyid kyi phyir/ dger 'os zhes 'chad par 'gyur te/ gang zhig 'das pa'i dus na dge ba byed byed pa de ni/ da ltar byung ba'i dus na/ bde ba'i skal ba can du 'gyur ro/ /'dis na 'di dam pa'i chos mnyan pa'i 'os nyid yin par bshad do/ de lta bas na khyod kyis 'phags pa'i dbyangs 'di dag gsan pa'i rigs so zhes bya ba yin no/ /de dag sus ni byas/ ci'i phyir ni byas she na/ bdag gis ni de bzhin gshegs pa'i gsung bas snyad las byung ba yi bsod nams 'dun slad 'phags pa'i dbyangs 'di dag /cung zad cig bsdebs zhes bya ba smos so/ /de bzhin gshegs pa'i gsungs bsnyad ces bya ba ni/ rab tu bstan pa zhes bya ba'i tha tshig ste/ de las byung ba'i bsod nams gang yin pa de la 'dun pa'i phyir bdag gis/ 'phags pa'i dbyangs 'di dag bsdebs shing sbyar gyis/ gsan pa'i rigs so zhes bya ba yin no/ /'phags pa'i dbyangs zhes bya ba ni tshigs su bcad pa'i ming ngo/ /de dag kyang ci tsam zhig ce na/ cung zad cig ces bya ba smos te/ 'dis ni tshig mangs pa'i 'jigs pa spong bar byed do/ /rnam pa gzhan du na/ yon tan rang bzhin zhes bya ba ni yon tan gyi ngo bo nyid ces bya ba'i tha tshig ste/ 'dis ni 'di dge ba nyid yin par bshad do/ /dger 'os zhes bya ba ni dge
- 321b
bar 'os pa nyid de/ dge ba'i bsam pa can gang yin pa de ni/ dge bar 'os pa yin no/ /de bas na dam pa'i chos mnyan pa'i rigs so zhes ston par byed de/ dge ba ni de sngon du 'gro ba can yin pa'i phyir ro/ /lhag ma ni snga ma bzhin no/ /gal te khyod kyi snyan dngags bzang ba ma yin pa 'di nga? mnyan? no snyam du sems na de'i phyir/ ji ltar bde gshegs sku gzugs shing las kyang zhes bya ba la sogs pa smos te/ kyang zhes bya ba'i sgra ni/ rdo ba dang 'jim pa la sogs pa bsdu'o/ /ci 'dra yang rung zhes bya ba 'dis ni bzang po 'am bzang po ma ma yin pa yang rung zhes bya ba'i tha tshig go /ji ltar shing las de bzhin gshegs pa'i sku gzugs byas pa ci 'dra yang rung bzang ba ni gzhi po'i khyad par la mkhas pa rnams kyis mchod par bya ba yin pa de bzhin du bdag gis snyan dngags 'di yang ngan zhing bzang po ma yin yang/ dam pa'i chos kyi gtam la brtan pa'i phyir bsngags par bya ba yin no zhes ston par byed do/ /bsngags par bya ba yang yin pa'i phyir/ mnyan par bye ba yang yin no snyam du dgongs pa yin no/ /'on te yang ngas de bzhin gshegs pa'i bka' rnams shes zin pa nyid pas/ yang snyan dngags 'dis ji zhig bya snyam du sems na de'i phyir/ thub pa chen po'i bka' ni snyan dgu zhig /khyod kyis thugs su lta yang chud mod kyi zhes bya ba la sogs pa smos te/ yang zhes bya ba'i sgras ni thos pa dang rab tu bshad pa dang bsgoms pa dag bsdu'o/ /'di skad du khyod kyis thub pa chen po sangs rgyas bcom ldan 'das kyi bka' snyan pa dag lta thugs chud mod kyi/ 'on kyang snyan ngags 'di smad par bya ba ma yin no zhes bshad pa yin no/ /de ci'i phyir zhe na/ rngo thal las bgyis dgung zla'i 'od kyis ni/ /tshe dkar nyid du ci ste mi bgyid lags/ zhes bya smos so/ /ni zhes bya ba ni da ltar zhes bya ba'i tha tshig ste/ 'di ltar rngo thal las byas pa rang bzhin gyis dkar ba yang zla ba'i 'od zer rnams kyis bzlas pa bzhin du dkar po nyid du byed
- 322a
pas bka' stsal zin pa la yang bzlas na/ ches gsal ba nyid du 'gyur bas snyan dngags 'di smad par bya ba ma yin no/ /de la nyon mongs pa dang skye ba bag chags dang bcas te med pa'i phyir/ thub pa chen po de bzhin gshegs pa'o/ legs par gsungs pa'i phyir snyan pa yin no/ /'di man chad rgyal bas sangs rgyas chos dang zhes bya ba la sogs pa ni chos bstan pa yin no/ /sdig pa'i chos las rgyal ba'i phyir/ rgyal ba ni sangs rgyas bcom ldan 'das rnams te ji skad du/ sdig pa'i chos la nga rgyal bas/ de bas nyer 'gro nga rgyal ba/ zhes gsungs pa lta bu'o/ /rjes su dran pa drug /rab tu bka' stsal ces bya ba drug gang zhe na/ 'di lta ste/ sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ gtong ba rjes su dran pa dang/ tshul khrims rjes su dran pa dang/ lha rjes su dran pa'o/ /de la sangs rgyas la dmigs pa'i dran pa nyid rjes su dran pa yin te/ de bzhin du thams cad la sbyar ro/ /yang rjes su dran pa de dag ji ltar bsgom par bya zhe na/ rang rang gi zhes bya ba la sogs pa smos te/ sangs rgyas la sogs pa'i so so'i yon tan rnams kyi rjes su dran pa de dag rjes su dran par bya zhing yid ma bya'o/ /zhes bya ba'i tha tshig go /'dir ni sangs rgyas la sogs pa nyid rjes su dran pa dag yin par bshad de/ rjes su dran pa'i gnas yin pa'i phyir ro/ /de'i phyir sangs rgyas la sogs pa de dag rang gi yon tan gyi tshogs rnams kyi rjes su dran par bya'o zhes byas na legs par 'byor ba nyid do/ /yang sangs rgyas la sogs pa'i yon tan gang dag yin zhe na/ re zhig sangs rgyas ni/ 'di ltar de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu 'dul ba'i kha lo sgyur
- 322b
ba bla na med pa/ lha dang mi rnams kyi ston pa/ sangs rgyas bcom ldan 'das zhes bya ba ste/ de lta bu la sogs pa ni de bzhin gshegs pa'i yon tan no/ /'di ltar de ni bcom ldan 'das zhes bya ba ni 'jig rten na snyan pa'i grags pa gang yin pa de ni 'di ltar bcom ldan 'das/ 'di ltar de bzhin gshegs pa zhes tshig thams cad dang sbyar bar bya ba ste/ 'di lta bu yang min/ 'di lta bu yang yin zhes bya ba'i tha tshig go /de la 'dod chags la sogs pa bcom pa nyid kyis bcom ldan 'das so/ /byang chub kyi snying po la bzhugs pa la/ bar chad bya bar brtson pa'i bdud bcom pa'i phyir yang bcom ldan 'das so/ /rnam pa gcig tu na 'di la skal pa yong pas na bcom ldan 'das te dbang phyug la sogs pa dang ldan pa'i phyir ro/ /de bzhin gshegs pa zhes bya ba ni dngos po ji ltar rnam par gnas de dag de bzhin du rtogs shing thugs su chud pas na/ de bzhin gshegs pa'o/ /ji skad gsungs pa de de kho na ltar yin gyi gzhan du mi 'gyur ba'i phyir yang de bzhin gshegs pa'o/ /dgra bcom pa zhes bya ba ni nyon mongs pa'i dgra bcom pa'i phyir ro/ /'khor ba'i 'khor lo'i rtsibs bcom pas 'di'i phyir yang dgra bcom pa'o/ /rnyed pa dang bkur stis mchod par 'os pa'i phyir yang dgra bcom pa'o/ /yang dag par rdzogs pa'i sangs rgyas zhes bya ba ni 'dis chos rnams yang dag pa phyin ci ma log par kun nas sangs rgyas pas na yang dag par rdzogs pa'i sangs rgyas/ /rig pa dang zhabs su ldan pa zhes bya ba ni rig pa dang zhabs su ldan pa ste/ mkhyen pa dang zhabs lta bu tshul khrims dang ting nge 'dzin dag dang ldan pa'i phyir rig pa dang zhabs su ldan pa'o/ /bde par gshegs pa zhes bya ba ni mdzes pa'i gnas su gshegs pa'i phyir bde bar gshegs pa zhes bya'o/ phyir mi ldog par gshegs pa'i phyir yang bde bar gshegs pa ste/ rims nad legs par byed pa bzhin no/ /'jig rten mkhyen pa zhes
- 323a
bya ba ni 'jig pas na 'jig rten no/ /de yang rnam pa gnyis te/ sems can gyi 'jig rten dang snod kyi 'jig rten no/ /de dag mkhyen pas na 'jig rten mkhyen pa ste sems can gyi 'jig rten gyi ni rten cing 'brel bar 'byung pa'i yan lag bcu gnyis rnam par bzhag pa yongs su mkhyen pa'i phyir dang/ snod kyi 'jig rten gyi yang sa ri la sogs pa 'byung ba dang gnas dang tshang la sogs pa yongs su mkhyen pa'i phyir 'jig rten mkhyen pa zhes bya'o/ /rnam pa gcig tu na 'jig rten gyi tha snyad bzang po yongs su mkhyen pa'i phyir 'jig rten mkhyen pa zhes bya'o/ /skyes bu 'dul ba'i kha lo sgyur ba/ bla na med pa bya ba la/ gdul bar rung ba ni gdul ba'o/ /de dag ni skyes bu yang yin la/ gdul ba yang yin pas skyes bu gdul ba'o/ /de dag gi kha lo sgyur ba ni skyes bu 'dul ba'i kha lo sgyur pa ste/ de dag 'dul pa'i phyir ro/ /bla na med pa ni nyan thos dang rang sangs rgyas dag pas khyad par du 'phags pa'i phyir te 'dul ba ni 'dir 'phags pa'i lam thob pa yin par rig par bya'o/ /des ni 'di du la bar 'gyur te/ yang dmu rgod kyi ngo bor mi 'gyur ba'i phyir ro/ /lha dang mi rnams kyi ston pa zhes bya ba la lha dang mi zhes smos pa ni de dag mchog yin pa'i phyir ram/ 'phags pa'i lam gyi snod yin pa'i phyir ro/ /phyin ci ma log par ston pa'i phyir ston pa ste/ de bzhin gshegs pa'i yon tan 'di ni bsam pa ji lta ba bzhin chos ston pas rab tu phye ba yin par bstan to/ /sangs rgyas bcom ldan 'das zhes bya ba ni/ de kho na nyid thugs su chud pa'i phyir sangs rgyas zhes bya ste/ tshig gi mjug mi mngon par bya ba'i phyir ro/ /rnam pa gcig tu na blo rgyas pa'i phyir te/ pad+ma rgyas pa bzhin no/ /yang na mi shes pa'i gnyid gnyis sad pa'i phyir te skyes bu gnyid sad pa bzhin no/ /'di ni tshig 'di rnams kyis bsdus
- 323b
pa'i don yin te rgyas par ni bstan bcos gzhan dag las khong du chud par bya'o/ /sangs rgyas rjes su dran pa bshad zin to/ /chos kyi yon tan ni legs par gsungs pa yin te/ 'di lta ste/ bcom ldan 'das kyis chos ni legs par gsungs pa yang dag par mthong ba/ nad med pa dus tshad pa med pa/ 'di mthong ba la yod pa/ nye bar gtod pa/ mkhas pa rnams kyis so so rang gi rig par bya ba ste/ bstan pa'i chos dang rtogs pa'i chos zhes bya ba chos rnam pa gnyis bstan to/ /de la bsdus pa'i don ni legs par gsungs pa zhes bya ba 'dis ni thog ma bar dang tha mar dge ba nyid bstan pa'i chos bshad ces bya ba yin te/ ha cang tshig mang su dogs pas ma spros so/ /dge 'dun gyi yon tan ni legs par zhugs pa la sogs pa yin te/ 'di lta ste bcom ldan 'das kyi nyan thos kyi dge 'dun ni legs par zhugs pa/ drang por zhugs pa/ rigs par zhugs pa/ mthun par zhugs pa 'di lta ste/ skyes bu zung bzhi dang/ skyes bu gang zag brgyad po dag yin no/ /bcom ldan 'das kyi nyan thos kyi dge 'dun 'di ni kun tu sbyin pa'i 'os su gyur pa/ rab tu sbyin pa'i 'os su gyur pa/ skor bar bya ba'i 'os su gyur pa/ thal mo sbyar ba'i 'os su gyur pa/ 'jig rten gyi bsod nams kyi zhing bla na med pa zhes bya ba yin no/ /'dir yang bsdus pa'i don ni 'phags pa'i dge 'dun slob dang mi slob pa'i yon tan rnam pa gnyis bstan te legs par zhugs pa la sogs pa tshig bzhis ni sgrub pa'i yon tan bshad do/ /kun tu sbyin pa'i 'os su gyur pa la sogs pas ni mchod par 'os pa nyid kyi yon tan bstan to zhes bya ba yin no/ /gtong ba'i yon tan ni kye ma bdag skye dgu'i ser sna'i dri ma kun nas langs pa rnams kyi nang nas ser sna'i dri ma dang bral ba'i sems kyis gnas shing mchod sbyin 'khor mor byed pa dang/ lag rkyong ba dang/ rnam par gtong ba la
- 324a
dga' ba dang/ sbyin pa la 'ged par dga' ba gang yin pa de ni bdag gis rnyed pa legs par rnyed pa yin no zhes bya ba yin te/ 'dir yang rang gi rgyud du gtogs pa'i sbyin pa'i yon tan ser sna'i dri ma spangs pa dang/ sbyin pa'i ngang tshul can dang/ lus kyi brtson 'grus brtsams pa dang/ dngos po yongs su gtong ba dang/ de la mngon par dga' ba zhes bya ba rnams bstan to/ /tshul khrims kyi yon tan ni bdag gi tshul khrims ni ma nyams pa/ skyon med pa/ ma 'dres pa/ ma gos pa/ rang dbang yod pa/ mkhas pas bsngags pa/ ting nge 'dzin sgrub pa dag yin no/ /zhes bya ba yin no/ /'dir yang rang gi rgyud du gtogs pa'i tshul khrims kho na'i yon tan rnams bstan te/ tshig rnams kyi don 'og nas bstan par bya'o/ /lha'i yon tan ni rgyal chen ris bzhi'i lha dag dang/ sum cu rtsa gsum pa nas gzhan 'phrul dbang byed kyi bar dag yod do zhes bya ba yin te/ lha de rnams dang bdag nyid kyi yon tan dag rjes su dran par bya ba yin no/ /de la skye ba'i lha rnams kyi skye ba'i rgyur gyur pa'i yon tan dang/ bdag nyid kyi tshul khrims dang/ ting nge 'dzin dang/ shes rang kyi yon tan rnams ni lha'i yon tan yin no zhes bshad de don du na 'dir rang gi yon tan rnams kho na lha'i yon tan dag dang mtshungs par byas nas/ dran pa ni lha rjes su dran pa zhes bya bar bshad do/ rjes su dran pa'i gnas drug ni sems dang bar byed pa'i phyir dang/ bsod nams chen po'i rgyu yin pa'i phyir/ dad pa nyid du bstan nas/ de la sems mngon par dad pas dge ba bya'o zhes bstan pa'i phyir/ dge ba'i las lam bcu po zhes bya ba la sogs pa smos te/ 'bras bu yid 'ongs pa'i phyir dge ba'o/ /bya ba'i ngo bo nyid yin pa'i phyir las kyang yin la/ bde 'gro'i lam yang yin pas las kyi las mo/ /lam gyi lam bcu po de dag kyang gang zhe na/ 'di lta ste/ srog gcod pa spong ba
- 324b
dang/ ma byin pa len pa spong ba dang/ 'dod pa log par g.yem pa spong ba dang/ rdzun du smra ba spong ba dang/ phra ma spong ba dang/ tshig rtsub po spong ba dang/ tshig bkyal pa spong ba dang/ brnab sems med pa dang/ gnod sems med pa dang/ yang dag pa'i lta ba ste dge pa'i las kyi lam bcu po 'di dag bsten par bya'o/ /yang de dag ji ltar bsten par bya zhe na/ lus dang ni/ ngag dang yid kyi rtag tu zhes bya ba la sogs pa smos te/ de la srog gcod pa spong ba la sogs gsum ni lus kyi rtag tu bsten par bya'o/ /rdzun du smra ba spong pa la sogs pa bzhi ni/ ngag gi rtag tu bsten par bya'o/ /brnab sems med pa la sogs pa gsum ni yid kyis rtag tu bsten par bya'o/ rtag tu zhes bya ba 'dis ni las kyi byas pa dang bsogs pa ston par byed do/ /de la ji ltar srog gcod par 'gyur zhe na/ srog chags pha rol yang yin yin par 'du shes/ bsad pa'i sems kyang nye bar gnas par gyur brtsal bar yang byas/ des kyang shin srog gcod pa yin te/ sdig pa'i khyad par ni gzhi dang bsam pa dang sbyor ba'i khyad par las rig par bya'o/ / ji ltar ma byin par blangs par 'gyur zhe na/ gzhan gyis yong su gzung ba yin/ gzhan gyis yongs su gzung bar yang 'du shes brku ba'i sems kyang nye bar gnas/ gnas kyang spags na ma byin par len pa yin te/ 'dir sdig pa'i khyad par ni rdzas de gang gi yin pa de yi khyad par dang sbyor ba dang bsam pa'i khyad par las rig par bya'o/ /ji ltar 'dod pas log par g.yem par 'gyur zhe na/ bud med gzhan gyis bsrungs pa 'am/ chos kyis bsrungs pa dang/ rang gi bud med la yang dus ma yin pa dang/ gnas ma yin pa dang/ yul ma yin pa dang/ yan lag ma yin pa 'khrig pa'i chos bsten na 'dod pas log par g.yem pa yin te/ 'dir yang sdig pa'i khyad par ni gzhi dang bsam pa dang sbyor ba'i khyad par las rig par bya'o/
- 325a
de la ji ltar brdzun du smra bar 'gyur zhe na/ slu ba'i bsam pa dang lta ba'i yid la bzhag nas/ don mngon par go ba la tshig tu smra ba 'am/ lus kyis rnam par rig par byed kyang rung rdzun du smra ba yin te/ the tshom za ba'i dngos po la nges pa bzhin du smra ba yang rdzun du smra ba kho na yin no/ /'dir yang sdig pa'i khyad par ni bslu bar bya ba'i khyad par dang bsam pa'i khyad par las rig par bya'o/ /ci ltar phra ma byas par 'gyur zhe na/ dbye bar 'dod pa 'am dbye ba'i bsam pas 'ga' zhig las gzhan zhig la mi dga' ba thos nas de la bsnyad par gyur pa dang/ de las thos nas 'di la bsnyad par gyur na yang dag pa yang rung/ yang dag pa ma yin pa yang rung ste/ de lta na phra ma byas pa yin no/ /yang dag pa ma yin pa smras na rdzun du smras ba yang ci'i phyir mi 'gyur zhe na/ kha cig na de 'gyur ba kho na'o zhes zer ro de ni de ltar gzung bar mi bya ste/ ci'i phyir zhe na/ 'di dbye ba'i bsam pa can yin gyi/ bslu ba'i bsam pa ni med pas so/ /de ltar byas na yang dag pa ma yin par tshig rtsub po smra na yang rdzun du smras par mi 'gyur te/ bsam pa gnyis cig car mi srid pa'i phyir ro/ /ji ltar tshig rtsub po smras par 'gyur zhe na/ khros pa'i sems dang ldan pa/ pha rol po sdug bsngal bar bya bar 'dod pas/ don mngon par go ba la tshig tu smras na/ tshig rtsub po smras pa yin no/ /don mngon par mi go ba la tshig bkyal bar 'gyur ro/ /ji ltar tshig bkyal par smras par 'gyur zhe na/ rdzun du smras pa la sogs pa gsum ma gtogs pa tshig gzhan gang zhig nyon mongs pa can gyi sems kyis brjod na/ de ltar na tshig bkyal pa smras pa yin no/ /las kyi lam gsum po 'di dag kyang rdzun du smra ba bzhin lus kyis kyang byed pa sdig pa'i khyad par yang rdzun du smra ba dang 'dra ba kho nar rig par bya'o/ /ji ltar brnab sems
- 325b
su 'gyur zhe na/ gal te gzhan gyi gdogs pa dag la 'dod pa skyed par byed na de ltar na brnab sems su 'gyur ba yin no/ /ji ltar gnod sems yin zhe na/ gal te sems can gzhan la zhe sdang na de lta na gnod sems su gyur pa yin no/ /ji ltar log par lta bar 'gyur zhe na/ gal te las dge ba dang mi dge ba rnams kyi 'bras bu med do snyam du nges par sems na/ de lta na log par lta bar 'gyur ro/ /las kyi lam gsum po 'di dag gi sdig pa'i khyad par ni bsam pa'i khyad par kho na las rig par bya la brnab sems kyis ni dmigs pa'i dbang gis kyang sdig pa'i khyad par du 'dod de/ mi dge ba'i las kyi lam bcu po 'di dag spong ba'i dbang gis dge ba bcu'i las kyi lam bsten par bya'o/ /chang rnams las ldog par mdzod cig ces bya ba la/ chang ni kha na ma tho ba chen po'i rgyu nyid yin mod kyi/ spyad pa kho nas mi dge ba nyid ma yin pas las kyi lam rnams kyi nang du me bshad de de lta bas na logs shig tu dgag par ston to/ /mang po'i tshig ni chang ni myos par 'gyur ba nyid du khyad par med kyang rgyu'i khyad par las rig par bya ste/ bcos pa'i chang ni bu ram chang dang/ 'bras phye'i chang dang/ sbrang rtsi'i chang dang/ rnam pa gsum mo/ /sbyar ba'i chang ni me tog las mnan pa la sogs pa yin par rig par bya'o/ /dge ba'i 'tsho ba yang mngon par dgyes pa zhes bya ba ni mdzod ces bya bar sbyar te/ dge ba'i 'tsho ba ni gzhan la mi gnod par 'jug pa gang yin pa'o/ /de ltar dge ba'i las la rnam par gnas pas kha dog pa ji lta ba bzhin sbyin pa sbyin par bya'o zhes bstan pa'i phyir longs spyod g.yo ba zhes bya ba la sogs pa smos so/ /spyad par bya ba yin pas longs spyod de 'di ni sbyin par bya ba'i dngos po zas dang skom la sogs pa'i tshig bla dags yin no/ /longs spyod de dag kyang mi brtan pa'i phyir g.yo ba'o/ /ngoms mi shes pa'i phyir/ snying po med pa ste/ 'dis ni longs spyod rnams la kun tu 'dzin pa zlog par byed do/ /mkhyen
- 326a
nas zhes bya ba ni rtogs par byas nas so/ /dge slong zhes bya ba la sogs pa ni sbyin pa'i zhing rnam pa gsum ston te/ sbyin gnas kyi zhing ni dge sbyong dang bram ze rnams so/ /snying rje'i zhing ni bkren pa rnams so/ /phan 'dogs pa'i zhing ni bshes pa rnams so/ /tshul bzhin zhes bya ba 'dis ni gus par byas pa bstan to/ /de ni gcig tu rnam par smin pa yid du 'ong ba'i rgyu yin pa'i phyir te/ bcom ldan 'das kyis dge slong dag bsod nams gus par byas pa rnams kyi rnam par smin pa ni 'dod pa sdug pa/ yid dang thad pa so sor myong par 'gyur ro zhes gsungs so/ /sbyin pa las gzhan pa'i gnyen mchog ma mchis so/ /zhes bya ba 'dis ni sbyin pa chen po 'dogs pa yin pa nyid du ston te/ 'dis ni 'dir sbyin pa la bstan pa yin par rig par bya'o// longs spyod rnams la mi lta bas/ tshul khrims yang dag par blangs nas bsrung bar bya'o/ /zhes bstan pa'i phyir/ khyod kyi tshul khrims ma nyams mod mi dma' zhes bya ba la sogs pa smos so/ /de la ma nyams pa ni ji ltar yang dag par blangs pa las gcig las kyang ma 'das pa'i phyir ro/ /tshul khrims gcig las 'das pas ni nyams par 'gyur ro/ /bslab pa mang po zhig las 'das pas ni skyon can du 'gyur ro/ /de gnyi ga med par bstan pa'i phyir/ ma nyams mod mi dma' zhes bya ba smos te/ tshul khrims skyon can ni mod dma' ba yin no/ /ma 'dres zhes bya ba la tshul khrims 'dres pa ni mi dge ba dang/ 'dren mar 'dug pa gang yin pa ste/ de med pa'i phyir ma 'dres pa'o/ /ma spags pa ni srid pa dang longs spyod kyi don du yongs su ma bsngos pa'i phyir ro/ /tshul khrims 'di nyid rnam pa gzhan du mi 'gyur ba'i phyir ma gos pa zhes bya ste/ gos pa ni rnam pa gzhan du ston no/ /ma nyams pa la sogs pa'i yon tan dang ldan pa'i tshul khrims gang yin pa de ni
- 326b
rang dbang yod pa yin te/ sred pa'i dran pa nyid las thar pa'i phyir ro/ /de nyid kyi phyir tshul khrims de ni mkhas pa 'phags pa rnams kyi sngags la yang yin la/ ting nge 'dzin sgrub par byed pa yang yin te/ tshul khrims dang ldan pa'i sems mnyam par 'jog pa'i phyir/ tshul khrims de lta bu khyod kyis bsten par bya'o/ /ci'i phyir zhe na/ tshul khrims ni rgyu dang mi rgyu'i sa bzhin du zhes bya ba la sogs pa smos te/ ni zhes bya ba'i sgra ni 'di ltar zhes bya ba'i don to/ /ji ltar sa ni 'gro ba rgyu ba dang mi rgyu ba'i skye ba dang/ gnas pa dang 'phel ba'i rgyur gyur pa de bzhin du tshul khrims kyang ting nge 'dzin la sogs pa thams cad kyi gzhi rten yin no/ /'dis ni gus pa bskyed pa'i phyir tshul khrims kyi skyes bu byed pa'i 'bras bu bstan te/ de ltar re zhig sbyin pa dang/ tshul khrims spyir bshad pa yin no/ /nga ni theg pa chen po la gzung pa'i ched du sbyin pa la sogs pa pha rol tu phyin pas bsdus pa rnams bstan pa'i phyir/ sbyin dang tshul khrims zhes bya ba la sogs pa smos so/ /de la byang chub tu sems bskyed pas/ sems can thams cad la phan par bya ba'i phyir/ sbyin pa ni sbyin pa'i pha rol tu phyin pa yin te/ tshul khrims kyi pha rol tu phyin pa yang de dang 'dra bar rig par bya'o/ /bzod pa ni 'dir gzhan gyis gnod pa byas pa la mi mdzad pa'i bzod pa dang/ sdug bsngal dang du len pa zhes bya ba bzod pa rnam pa gnyis su bzhed do/ /brtson 'grus ni sems can gyi don du sangs rgyas kyi chos brtsal bar spro ba'o/ /bsam gtan ni sems can gyi don byed pa dang/ byang chub sems dpa' i ting nge 'dzin sgrub par byed pa'i bsam gtan bzhi'o/ /shes rab ni chos thams cad yang dag pa ji lta ba bzhin shes par byed pa dang/ sems can rnams la don phyin ci ma log par rab tu ston par byed pa'i rab byed pa gang yin pa ste/ shes rab de lta bu ni/ nyan thos la sogs
- 327a
pa la med pa'i phyir gzhal du med pa zhes bya'o/ /pha rol tu phyin pa 'di dag sangs rgyas mdzad ces bya ba ni pha rol tu phyin ba 'di rnams sgrubs shig ces bya ba'i tha tshig go /ci'i phyir zhe na/ srid pa'i rgya mtsho'i pha rol tu phyin pa rgyal ba'i dbang po mdzod/ ces bya ba smos so/ /de la pha rol tu phyin pa mdzod ces bya ba ni/ pha rol tu son par gyis shig ces bya ba'i don to/ /gang gis she na srid pa'i rgya mtsho'o/ /nyan thos dang rang sangs rgyas dag kyang srid pa'i rgya mtsho'i pha rol tu son pa yin pas/ rgyal ba'i dbang po zhes bya bas khyad par du byed de/ 'di skad du/ pha rol tu phyin pa drug rdzogs nas/ sangs rgyas nyid 'thob par khyod kyis kyang pha rol tu phyin pa rnams rdzogs par byos la/ sangs rgyas su gyis shig ces bshad pa yin no/ /de bzhin du sbyin pa la sogs pa dang ldan pa'i khyim pa dag kyang yod pas de dag gi dge ba'i las gzhan bstan pa'i phyir/ gang la pha dang ma dag mchod bya yi/ rigs te tshangs bcas zhes bya ba la sogs pa smos so/ /de la rigs gang la pha dang ma dag mchod pa'i zhes bya ba 'dis ni/ rigs 'di la mi dang mi ma yin pas byas pa'i gnod pa med par ston to/ /tshangs pa dang bcas pa nyid kyis mi rigs de lhas byin gyis brlabs pa nyid du ston to/ /slob dpon dang bcas pa nyid kyis ni/ bla ma'i khyad par gyis byin gyis brlabs pa nyid du ston to/ gzhan yang mthong ba'i chos dang/ tshe phyi ma'i phan yon bstan pa'i phyir/ de dag la mchod ces bya ba la sogs pa smos te/ de gnyis la mchod pa ni de dag la mchod pa'o/ /pha dang ma dag la mchod pa ni mthong ba'i chos la yang grags par 'gyur la pha rol tu yang mtho ris su 'gyur te/ de lta bas na khyim na gnas pas bsgrims te pha ma dag la
- 327b
mchod pa bya'o/ /zhes bya ba yin no/ /khyim na gnas pa rnams la dus thams cad du tshangs par spyad pa dka' ba'i phyir nyin zhag gcig pa'i tshangs par spyod pa la yang sbyar ba'i ched du gso sbyong yan lag brgyad pa bstan pa'i phyir/ 'tshe dang zhes bya ba la sogs pa smos so/ /de la 'tshe ba ni srog gcod pa'o/ /chom rkun ni ma byin par len pa'o/ /'khrig pa ni bshang ba dang gci ba dang kha'i lam du log par sgrub pa'o/ /rdzun ni rdzun du smra ba'o/ /chang ni bcos pa'i chang dang sbyar ba'i chang ngo/ /dus min zas ni nyi ma phyed yol nas dus su rung ba'i dngos po spyod pa'o/ /mal stan mtho ba ni khri dang khri'u tshad las 'das pa'o/ /glu dag dang/ gar ni 'jig rten grags pa kho na'o/ /spos dang phreng ba spyod pa ni che ba'i don du bkag gi dang pa 'am nad gso ba'i phyir ni ma yin no/ /brgyad po de dag ni gso sbyong gi yan lag yin no/ /yang 'di dag gang gi yan lag cha shas su gyur pa yin pa 'di'i sdom pa gzhan gang zhig yod ce na/ 'ga' yang med de 'on kyang spyi'i re re la yan lag ces bya ste/ phyi ma yan lag lnga pa bzhin no/ /yang yan lag 'di nyid dgra bcom pa'i tshul khrims kyi rjes su byed pa yin nam zhe na/ gang gi phyir 'di skad du/ dgra bcom tshul khrims rjes su byed pa yin/ yan lag brgyad po 'di dag dang ldan na/ zhes bshad na 'di skad du yan lag dang po 'dis bdag 'phags pa dgra bcom pa de dag gi tshul khrims kyi rjes su slob po rjes su bgyid do zhes bya ba la sogs pa 'byung ngo zhe na/ 'dir dgra bcom pa'i tshul khrims ni yan lag rnams yin la/ dgra bcom pa'i tshul khrims kyi rjes su byed pa ni gang zag yin par snang ngo/ /de lta yin dang 'dir rtan gyi brten pa bstan te/ dper na khye'u dag sgrogs so zhes bya ba lta bu yin pas nyes pa med do/ /nga ni/ gso sbyong 'dod spyod lta bus yid 'ong ba/ zhes bya ba la sogs pas gso sbyong gi
- 328a
sdom pa 'di'i rnam par smin pa'i 'bras bu ston par byed de/ 'di skad du/ nyin zhag gcig pa'i gso sbyong gi sdom pas ni 'dod pa na spyod pa'i lha drug gi nang gar 'dod par skye bar 'gyur ro/ /zhes bshad pa yin no/ /skyes pa bud med dag la zhes bya ba ni skyes pa dag dang bud med dag la sbyin par byed kyi/ gzhan ma ning la sogs pa la ni ma yin te/ de dag la sdom pa skye ba med pa'i phyir ro/ /brtsol bar bgyid ces bya ba sbyin par byed pa'o/ /khyim pa de dag nyid la bya ba ngan pa la chags pa'i nyes pas ser sna la sogs pa 'byung la/ de dag kyang ngan song gi rgyu yin pas de las bzlog par/ ser sna zhes bya ba la sogs pa smos so/ /de la ser sna ni sbyin pa dang mi mthun par rang gi phun sum tshogs pa la kun tu 'dzin pa'o// g.yo ba ni sems gya gyu ba ste gang gis na rang gis bsam pa rab tu mi brtan pa'o/ /sgyu ni gzhan bslu ba ste gang gis na gzhan rmongs par byed pa'o/ /chags pa ni bdag la sred pa dang longs spyod la sred pa'o/ /snyom las ni brtson 'grus kyi mi mthun pa'i phyogs kyi chos te/ le lo zhes pa'o mngon pa'i nga rgyal ni khyad par thob par bya ba ma thob par bdag gis thob po snyam du nga rgyal byed pa gang yin pa'o/ /'dod chags ni 'khrig pa la sred pa'o/ /zhe sdang ni sems can rnams kun nas mnar sems pa ste/ chos brgyad po de dag dang/ rigs kyi rgyags pa la sogs pa lnga dang mi dge ba'i chos bcu gsum la dgra bzhin du lta bar bya ste/ de rnams dang lhan cig 'grogs par mi bya'o zhes bya ba'i tha tshig go de la rgyags pa ni chos de rnams kyis sems gzengs rab tu mtho ba ste/ gang gis na ra ro ba bzhin du chos dang chos ma yin pa bsgrub par mi 'gyur ro/ /de nyid kyi phyir/ rgyags pa ni/ rang gi chos la chags pa'i sems ni yongs su gtugs pa'o//
- 328b
zhes 'byung ste rang gi chos la song? pa'i 'dod chags kyis de kho na la sems de yongs su gtugs shing yongs su zad par 'gyur gyis/ chos sam chos ma yin pa gzhan bsgrub par mi 'gyur ba yin no/ /zhes bya ba'i tha tshig go /khyim pa rnams la yang bag dang bcas par bya ba yod pas de dag de la dgod par bzhed nas/ bag yod bdud rtsi'i gnas te zhes bya ba la sogs pa smos te/ bag yod pa ni mya ngan las 'das pa bdud rtsi'i rten yin no zhes bya ba'i don to/ /bag med pa ni 'chi ba'i gnas yin no/ /ji ltar shes she na/ thub pas bka' stsal te zhes bya ba la sogs pa smos so/ /de bzhin gshegs pas bka' stsal ba'i phyir ro zhes bya ba'i tha tshig ste/ bag yod bdud rtsi'i gnas yin te/ /bag med pa ni 'chi ba'i gnas/ /bag yod 'chi bar mi 'gyur te/ /bag med pa ni rtag tu 'chi zhes tshigs su bcad pa de bka' stsal pa'i phyir ro/ /de la bag yod pa ni dge ba'i chos bsgom pa'o/ /bzlog pa ni bag med pa yin par rig par bya'o/ /de bas khyod kyis dge chos spel slad du zhes bya ba ni gang gi phyir de ltar rag? yod pa phan yon che ba de'i phyir khyod kyis dge ba'i chos spel bar bya ba'i phyir rtag tu bag yod par bya ste/ dge ba'i chos la goms pa dor bar mi bya'o zhes bya ba'i don to/ /'on te khyod kyis kho bo'i don zhig bya bar chad na/ dang po nyid nas ci ste ma smras/ /kho bo sdang bag med par gyur zin pas/ bag yod pas ci byar yod snyam du sems na/ de'i phyir gang zhig sngon chad bag med gyur pa las zhes bya ba la sogs pa smos te/ 'di skad du gang zhig sngon chad bag med par gyur pa de yang gal te phyis bag yod pa la brten na de ni mdzes pa nyid de dper na zla ba sprin dang bral ba bzhin no zhes bshad pa yin no/ /ji sems can de lta bu 'ga' tsam lha mthong ngam zhe na/ mthong ngo zhes bstan pa'i phyir/ dga' bo sor phreng zhes bya ba la sogs pa smos so/ /dga' bo zhes bya ba shAkya
- 329a
zhon nu 'dod chags chen po zhig yod de/ de ni rang gi chung ma la shin tu lhag par chags pas de med par thang cig tsam yang dga' mi myong ngo/ /de 'dra ba de/ de bzhin gshegs pas khyim nas khrid de rab tu phyung ngo/ /rab tu phyung yang de kha nyin mtshan du de kho na la rjes su rtog par byed kyi chos la ni ma yin no/ /de lta bu las de bzhin gshegs pas dgra bcom pa nyid thob pa'i bar du mdzad do/ /sor mo'i phreng ba zhes bya ba ni bram ze'i bu zhig go /de ni blun po zhig ste 'di ltar des chos su 'gyur ro zhes bya ba bla ma'i lung mnyan nas mi dgu brgya dgu bcu rtsa dgu bsad do/ yang phyis de bzhin gshegs pas rab tu phyung nas/ khams gsum las 'dod chags dang bral bar gyur to/ /mthong ldan ni ma skyes dgra'o/ /de ni zhe sdang can zhig ste/ 'di ltar des mi dge ba'i grogs po dang phrad pa dang/ sngon gyi sha 'khon chags pas pha chos dang ldan pa'i rgyal po bsad do/ /de yang dge ba'i bshes gnyen de bzhin gshegs pa kho na la brten nas/ dmyal ba'i me'i bud shing las thar to/ /rigs kyi bu bde ldan yang tshul bzhin ma yin pa yid la byed pa'i dbang gis gzhan gyis chung ma la nyal po byas pa'i le lan gyis/ ma bsad nas de bzhin gshegs pa'i bstan pa kho na la brten te pho long brdabs pa dang 'dra bar dmyal ba'i rdo rje las thar te/ mtho ris kyi 'jig rten gyi bde ba nyams su myong bar gyur to zhes grags te/ de ltar dga' bo la sogs pa de dag kyang sngon bag med par gyur pa las phyis bag yod pa'i dbang gis sdug bsngal gyi khyad par de dang de las thar pas/ khyod kyi sngon bag med par gyur du zin kyang phyis bag yod par bya dgos so zhes bya ba yin no/ /khyim pa rnams la mi 'dod pa du ma 'bab pa'i dbang gi khro ba mang pa'i phyir de las 'dun pa bzlog pa'i ched du bzod pa bstan
- 329b
par/ 'di ltar bzod pa dang mtshungs thub dka' ma mchis pas zhes bya ba la sogs pa smos so/ /bzod pa dang 'dra ba'i dka' thub ni med kyi bzod pa kho na dka' thub thams cad kyi mchog yin te/ bzod pa dka' thub dam pa zhes tshigs su bcad/ de bka' stsal ba'i phyir/ 'di skad du bzod pa dang ldan pa kho na dka' thub can yin gyi/ sems khro bas nyams la rlung dang chu dang rtsa ba dang 'bras bu za zhing lus skem pa dang/ ral pa dang lo ma dang shing shun dang/ h+ral h+rul gyon pa ni ma yin no zhes bshad pa yin to/ /'di ltar bzod pa dang ldan pas ni nyon mongs pa rnams gdung bar byed la/ cig shos kyis ni lus so/ /lus gdungs pa tsam gyis ni bde 'gro yang mi thob na thar pa lta zhig smos kyang ci dgos/ gang gi phyir de ltar bzod pa phan yon che ba de'i phyir/ khyod kyi khro ba'i go skabs dbye mi bgyi/ /bzod pa'i yon tan gzhan yang bstan pa'i phyir/ /khro ba spangs pas phyir mi ldog pa nyid ces bya ba la sogs pa smos so/ /khro ba spangs pas ni gang gi dbang gis na yang 'dod pa'i khams sdug bsngal du ma dang 'brel par 'ong bar mi 'gyur ba phyir mi ldog pa nyid kyang 'thob ste/ gnas 'di la ni sangs rgyas zhal gyis bzhes so/ /gnya' bo yin no zhes bya ba'i tha tshig ste/ ji skad du/ bcom ldan 'das kyis dge slong dag 'di lta ste/ khro ba spongs shig dang/ khyod phyir mi ldog pa'i gnya' bor gyur pa nga yin no zhes bya ba lta bu'o/ /de la bzod pa gang yin zhe na/ mi khro ba dang/ khro ba skyes na yang de'i mod kho na la zhi bar byed kyi zhe la 'dzin par mi byed pa gang yin pa'o/ /de la khro ba gang zhe na/ sems can dang sems can ma yin pa dag las mi 'dod pa nye bar 'bab pa da ltar byung ba la brten nas/ sems gtum pa gang yin pa ste/ tshig pa za zhes kyang bya'o/ /bdag ni 'dis spyos zhes bya ba la sogs pas ni bzod pa kho na ston to/ /khon du 'dzin pa'i yul rnam pa bzhi ston to/ /'dis bdag spyos so/ /'dis bdag
- 330a
brtags? so/ /'dis bdag pham par byas so/ /'dis bdag gi nor phrogs so zhes de ltar khon du 'dzin cing de ltar gzhan gyis gnod pa byas pa zhe la 'dzin na khro ba'i nyes rtsom/ /'khrug long rnams bskyed do/ /gang gis sems la de lta bur 'dzin pa med cing khon du 'dzin pa rnam par spangs pa de ni sems kyi sdug bsngal med pa'i phyir/ bde bar gnyid kyis log go /cig shos ni sems sdug bsngal bar gyur pa'i phyir sdug bsngal zhing gnyid kyis log go /da ni sems chu dang zhes bya ba la sogs pas/ sems can so so'i skye bo thams cad la yang ji skad bshad pa'i dge ba dang mi dge ba'i sems dag kun tu 'byung bas/ de la khyod kyis dge ba la ni sems brtan par bya la/ mi dge ba la ni sems mi brtan par bya'o zhes bya ba de ston par byed do/ /sems can thams cad ni/ chu la ri mo bris pa lta bu dang/ sa la ri mo bris pa lta bu dang/ rdo la ri mo bris pa lta bu rnam pa gsum ste/ de ltar sems can rnam pa gsum du rig par bya'o/ /chu la ri mo bris pa lta bu yang kha cig ci mi dge ba la'o/ /kha cig ni dge ba la ste/ rdo la ri mo bris pa'i bar yang de dang 'dra'o/ /de'i nang ni nyon mongs pa can rnams la ni dang po ste/ chu la ri mo bris pa lta bu mchog yin la/ chos 'dod pa rnams kyi nang na tha ma ste/ rdo la ri mo bris pa lta bu na cho ga yin no/ /de bas na khyod kyis mi dge ba ni tshul ri mo bris pa lta bur byas la/ dge ba la ni rdo la ri mo bris pa lta bur bya'o/ /snyam du dgongs pa yin no/ /ji ltar sems can rnams kyi sems rnam pa gsum yin pa de bzhin du dag kyang rnam pa gsum po zhes bstan pa'i phyir ro/ /rgyal bas snying la 'bab pa dang/ zhes bya ba la sogs pa smos te/ rgyal bas tshig rnam pa gsum bka' stsal to/ /zhes bya bar sbyar ro/ /de dag gang zhe na/ sbrang rtsi me tog mi gtsang lta
- 330b
bu'i tshig ces bya ba smos so/ /de dag kyang su'i yin zhe na/ snying la 'bab dang bden pa dang/ log par smra ldan skyes bu rnams kyis ni/ zhes bya ba la sogs pa smos so/ /tshig snyan pa ni sbrang rtsi lta bu yin no/ /de nyid kyi phyir snying la 'bab cing dag par byed pas snying la 'bab pa zhes bya'o/ /tshig bden pa de ni me tog lta bu ste/ bsngags par bya ba yin pa'i phyir ro/ /tshig log pa ni mi gtsang pa lta bu ste/ smad pa'i phyir tshig gsum pa 'di dag gis nang nas tha ma spang/ tshig gi tha ma mi gtsang ba lta bu ste/ de khyod kyis spang bar bya'o zhes bya ba'i tha tshig go /sems can 'khor ba na 'khor ba rnams kyi spyod pa rnam pa bzhi ste/ de bas na khyod kyis spyod pa mchog la gnas par bya'o zhes de la sbyar pa'i phyir/ snang nas snang ba'i mthar thug ces bya ba la sogs pa smos te/ mdo las ni snang ba nas snang bar 'gro ba zhes 'byung ngo/ /de la snang ba nas snang ba'i mthar thug ces bya ba ni lha dang mi dbang thang chen po rnams kyi nang du skyes nas yang de nyid du skye ba gang yin pa'o/ /mun pa nas mun pa'i mdza' zhes bya ba ni ngan 'gro 'am mi dbang thang chung ngu rnams kyi nang du skyes nas yang de nyid du skye ba gang yin pa'o/ /snang ba nas mun pa'i mthar thug ces bya ba ni lha dang mi dbang thang chen po rnams kyi nang du skyes nas/ ngan song gsum dang mi dbang thang chung ba rnams kyi nang du skye ba gang yin pa ste dper na 'jungs dga' lta bu'o/ /mun nas snang pa'i mthar thug ces bya ba ni ngan song gsum dang mi dbang thang chung ba rnams kyi nang du skyes nas lha'i 'jig rten dang mi dbang thang chen po rnams kyi nang du skye ba gang yin pa ste/ dper na lha'i? bu spal pa lta bu'o/ /de dag ni gang zag bzhi ste/ de dag gi nang nas/ dang? po mdzad snang gnas snang bar 'gro bar mdzod cig ces bya ba'i don to/ /da ni khyim pa rnams ni sems can mang po dang 'grogs dogs te/ de bas na de dag la ji ltar
- 331a
rigs par sgrub pa bstan pa'i phyir/ de dag gi spyod pa'i khyad par bstan pa ni/ a smra'i 'bras bzhin zhes bya ba la sogs pa smos so/ /a mra'i 'bras bu ni rnam pa bzhi ste/ la la ni ma smin par yang phyi rol nas smon pa lta bur snang ngo/ la la ni smin yang sngon po'i ngo bo dang ma bral bas ma smin pa lta bur snang ngo/ /la la ni ma smin pa la ma smin pa nyid du snang ngo/ /la la ni smin pa la smin pa nyid du snang ngo/ /de dang 'dra bar gang zag kyang rnam pa bzhir rig par bya ste/ de la dang po ni bsam pa nyams la sbyor ba phun sum tshogs pa yin no/ /gnyis pa ni sbyor ba nyams pa la bsam pa phun sum tshogs pa yin no/ /gsum pa ni gnyi ga nyams pa yin no/ /bzhi pa gnyi ga phun sum tshogs pa yin no/ /de'i khyim pa rnams la ni 'dod pas log par g.yem pa spang dka' ba'i phyir la/ de yang gzhan gyi chung ma mthong na mngon du 'gro ba can yin pas de las bzlog pa'i phyir/ gzhan gyi chung ma mi lta zhes bya ba la sogs pa smos so/ /mdo las ni btsun pa bud med la ji ltar bsgrub par bgyi zhes gsol pa dang/ kun dga' bo mi lta bas so zhes bka' stsal to/ /'dir ni khyim pa'i skabs yin pas gzhan gyi chung ma zhes bshad do/ /'on te ji zhig ltar mthong bar gyur na/ de la yang ma dang bu mo dang sring mo'i 'du shes bskyed par bgyi'o/ /de yang bab col du ma yin gyi 'on kyang na tshod dang mthun par ro/ /de ltar bsams kyang gal te 'dod chags skye ba lta na/ chags gyur na/ bud med de la dri nga ba dang/ sgo dgu dod pa dang zhes bya ba la sogs pa ji skad 'chad par 'gyur ba lta bur/ mi gtsang nyid duAng yang dag bsam par bgyi/ gal te mi gtsang ba nyid du bsams su zin yang gtsang ba'i sems byung na/ de'i tshe ji ltar bya zhe na/ sems bsrung bar bya'o/ zhes bstan pa'i phyir
- 331b
ro/ /g.yo ba'i sems ni thos mtshungs bu lta bur zhes bya ba la sogs pa smos te/ 'di skad du/ 'jig rten na thos pa la sogs pa don chen po nyid kyi srung ba de kho na bzhin du khyod kyis sems bsrung bar bya'o/ zhes bshad pa yin no/ /'di yang bsrungs na bde ba thob par 'byung te/ bcom ldan 'das kyis 'di skad du/ sems dul bas ni bde ba 'thob/ ces gsungs pa lta bu'o/ /gzhan yang gdug pa la sogs pa bzhin du 'dod pa'i bde pa dag la yid 'byung bar gyis shig /de la gdug pa ni sprul lo/ /de ni ma rungs pa nyid kyis yid 'byung ba'i rgyu yin no/ /dug ni gsod par byed pa'i bdag nyid kyis so/ /mtshon ni sdug bsngal skyed pa'i rgyu nyid kyis so/ /dgra bo ni bde ba'i gags byed pa'i rgyu nyid kyis so/ /me ni gdung bar byed pa'i rgyu nyid kyis so/ /yul rnams kyang bdag dang gzhan la gnod pa'i rgyu nyid kyis gdug pa bzhin du ma rungs pa yin no/ /dge ba'i las chud gzon par byed pa nyid kyis dug bzhin du gsod par byed pa'i bdag nyid yin no/ /ngan song 'dren par byed pa'i phyir mtshon bzhin du sdug bsngal bskyed pa'i rgyu yin no/ /lha dang mi'i phun sum tshogs pa thag srid par byed pa'i phyir dgra bo bzhin du bde ba'i gags byed pa'i rgyu yin no/ /'gyod pa bskyed pa'i phyir me bzhin du gdung bar byed pa'i rgyu yin no/ /de bas na 'dod pa'i bde la yid 'byung mdzod/ gzhan yang 'dod pa rnams ni phung ba skyed par byed pa ste/ de'i phyir yang 'dod pa'i bde ba dag la yid 'byung bar gyis shig /yang na ci'i phyir 'dod pa'i bde ba nyams su myong ba dag la gdug pa la sogs pa bzhin yid 'byung bar bya zhe na/ 'dod pa rnams ni phung ba bskyed pa ste/ zhes bya ba la sogs pa smos so/ /ni zhes bya ba'i sgra ni gang gi phyir zhes bya ba'i sgra ni gang gi phyir zhes bya ba'i don to/ /de dag ni nye bar spyod pa'i dus na bde ba skyed med kyi/ 'on kyang mjug tu 'phung ba skyed par byed pa kho na
- 332a
yin pas mkhas pa rnams kyis kha zas dug can bzhin du spang bar bya ba kho na yin no/ /'di ltar 'dod pa rnams ni dang po dga' bar byed pa nyid kyi phyir dang tha mar yongs su gdung bar byed pa nyid kyi phyir/ rgyal ba'i dbang pos kim pa'i 'bras 'drar gsungs/ dper na kim pa'i 'bras bu shun pa tsam zhig bzang gi nang ngan pa dang 'bra ba'o/ /gzhan yang 'dod pa rnams ni 'khor bar 'ching ba'i rgyur gyur pa'i phyir spang bar bya ba kho na yin no/ /zhes ston par byed de/ de'i lcags sgrog gis/ 'khor ba'i btson rar 'jig rten 'di dag bcings/ zhes bya ba ni yul gyi lcags sgrog gis 'khor ba'i btson rar sems can gyi 'jig rten 'di gcings so zhes bya ba yin no/ /nga ni gang zhig dbang po tshar gcod par byed pa de bsngags pa'i sgo nas de la sran bskyed pa'i phyir/ /gang dag dbang po drug yul rnams la ni zhes bya ba la sogs pa smos te/ yul dang phrad nas 'gyur ba'i phyir de la/ mi brtan pa zhes bya'o/ /yul la mngon par 'dod pa nyid kyis g.yo ba yin no/ /gang dag cig dbang po drug po de dag las rgyal bar byed pa dang/ gang dag cig 'thab mo'i g.yul ngor dgra'i tshogs las rgyal bar byed pa de dag las/ mkhas shing 'dzangs pa rnams ni/ dang po dbang po las rgyal bar byed pa gang dag yin pa/ dpa' rab lags par 'tshal te/ 'dod do zhes bya ba'i tha tshig go /'di ltar dud 'gro yang g.yul las rgyal bar snang ste/ de dag gis dbang po las rgyal bar byed par mi nus so/ /gang yang mi gtsang ba nyid duAng yang dag bsam par bgyis zhes bshad pa de bstan pa'i phyir/ bud med gzhon nu'i lus ni logs shig tu zhes bya ba la sogs pa smos? so/ /de la lus zhes bya ba shes bya'i sgra ni lus dri ra? ba zhes bya ba la sogs pa'i tshul du re re dang sbyar
- 332b
bar bya'o/ /'dir lus ni dri dang/ dbyibs dang/ mi gtsang ba'i rten dang/ ngoms mi shes pa dang/ /'ong? na snying po med pa'i sgo nas bzang po ma yin pa rnam pa lnga smos/ /de bas na bud med gzhon nu'i lus 'di lta bu yang logs shig tu ltos la/ rgyan kyang logs shig tu ltos shig dang/ des na 'dod chags kyi ma zhi bar 'gyur gyi/ gang gi tshe rgyan rnams dang/ lus gcig tu bzlums te/ bltas pa de'i tshe na 'dod chags kyi me mchad pa kho nar 'gyur bas khyod kyis de ltar blta bar mi bya'o snyam du dgongs pa yin no// gzhan yang ngoms par bya ba'i phyir yul la nye bar spyod par 'dod na/ 'dod chags rnams ni bskal pa brgya phrag tu yang ngoms pa med pas/ de dag rten des ci bya zhes bstan pa'i phyir/ ji ltar mdze can srin bus nyen pa zhes bya ba la sogs pa smos so// ji ltar mdze can srin bus btsugs pa bsal ba'i phyir me bsten kyang zhi bar mi 'gyur ba de bzhan du byis pa dag 'dod pa'i gdung pa bsal ba'i phyir yul rnams las brtan kyang ngoms par mi 'gyur gyi/ rnam par nyams par 'gyur ba 'ba' zhig tu za de/ 'di ni 'dod pa'i 'dod chags rnam par gnon pa'i sbyar ba bshad pa yin no/ /'di tsam gyis ni de kun tu 'chad pa ma yin pas/ khyod de kun bcad par 'dod na lam 'di bsgom par bya'o/ zhes bstan pa'i phyir ro/ /don dam gzigs par bgyi slang dngos rnams la zhes bya ba la sogs pa smos te/ don dam pa ni chos kyi ngo bo nyid phyin ci ma log pa'o/ /da mthong bar bya ba'i phyir te/ de'i yul can gyi ye shes bskyod pa'i phyir zhes bya ba'i don to/ /dngos rnams la tshul bzhin yid la bgyid pa ste/ zhes bya ba ni gzugs la sogs pa'i phung po dngos po rnams la dmigs nas tshul bzhin yid la byed pa ste/ don dam pa'i ye shes skye ba dang mthun pa'i yid la byed pa zhes bya ba'i tha tshig go /'dir yid la byed pa smos pas
- 333a
ni sems dang sems las byung ba'i tshogs mdza' dag gzung ste/ 'dir gtso bo bstan pa mdzad pa yin no yid la bya ba de goms mdzod ces bya ba ni phyin ci log pa'i tshul du yang dang yang mngon du byas nas mnos shig ces bya ba'i don to/ /de ltar bsgoms te ci zhig bya zhe na/ de dang 'dra bar yon tan ldan pa'i zhes bya ba la sogs pa smos so/ /don dam pa'i ye shes bskyed cing nyon mongs pa nye bar zhi ba'i rim gyis sems can rnams mya ngan las 'da' ba' i bde ba dang sprod bar byed pa gang yin pa 'di ni yon tan dang ldan pa'i chos yin te/ 'di dang 'dra ba'i chos gzhan ni 'jig rten na 'ga' yang med pas 'di kho na chos thams cad pas yon tan dang ldan pa yin no/ /yid la byed pa de yang nges pas 'byung ba'i cha dang mthun pa'i gnas skabs na mi rtag pa dang/ sdug bsngal ba dang/ stong pa dang/ bdag med pa'i rnam pa can yin par rig par bya ste/ de ni 'phags pa'i lam skye ba dang mthun pa yin no/ /da ni shes pa 'di'i che ba'i bdag nyid brjod pa'i phyir/ skyes bu rigs gzugs thos dang ldan rnams kyang zhes bya ba la sogs pa smos te/ rigs dang ldan pa rgyal rigs shing sA? la chen po lta bu la sogs par skyes pa gang dag yin pa dang/ gzugs dang kha dog dang/ dbyibs dang mtshan phun sum tshogs pa gang dag yin pa dang/ thos pa dang ldan pa bstan bcos thams cad la 'jigs pa med pa gang dag yin pa de dag kyang/ gal te ji skad bshad pa'i shes pa dang tshul khrims dang bral ba 'jig rten na bkur ba ma yin zhing/ gus par bya ba yang ma yin la/ yid brtan par bya ba yang ma yin gyi/ rigs pa la sogs pa med du zin kyang shes pa dang tshul khrims dang ldan mchod par bya ba kho na yin pas/ 'di kho na la 'bad par bya'i/ rigs la sogs pas nga rgyal ni mi bya'o snyam du dgongs pa yin no//
- 333b
'jig rten mkhyen pa rnyed dang ma rnyed dang/ zhes bya ba la sogs pas ni 'phags pa'i lam skye ba dang mthun pa kho na ston par byed do/ /'jig rten gyi chos la gnas pa 'phags pa'i lam skye ba med pa'i phyir/ 'dis gdon mi za bar 'jig rten gyi chos rnams la mnyam pa nyid do/ /'dir 'jig rten gyi chos ni rnyed pa ma rnyed pa la sogs pa la yid bde ba dang yid mi bde ba yin gyi/ rnyed pa la sogs pa ni ma yin te/ 'phags pa rnams la yang mnga' ba'i phyir ro/ /de lta bas na dmigs pa'i dbang gis 'jig rten gyi chos rnam pa brgyad nyid yin par rig par bya'o/ /de la mi snyan dang smad pa ni lkog dang lkog ma yin pa'i bye brag las rig par bya'o/ /'jig rten gyi chos brgyad po 'di dag mgo snyoms mdzod ces bya ba ni yid bde ba dang yid mi bde ba ma skyed ces bya ba'i tha tshig go /de nyid kyi yid kyi yul ma yin par 'gyur te/ gang gi phyir de dag gi gzhi can gyi nyon mongs pa 'di'i sems 'khrug par byed pa rnams skye bar 'gyur ba lta bur/ rnyed pa dang ma rnyed pa la sogs pa 'di'i yul gyi dngos por mi 'gyur ro/ /gzhan yang 'jig rten na chos ma yin pa yang chos su grags te/ de las bzlog pa'i phyir ro/ /khyod kyis bram ze dge slong lha dang ni zhes bya ba la sogs pa smos te/ khyod kyis dge slong dang bram ze dang lha dang mgon po la sogs 'di dag gi don du sdig pa mi bya'o/ /ci'i phyir/ dmyal ba'i rnam smin skal nod 'ga' ma mchis zhes bya ba smos te/ 'di dag gi don du sdig pa byas pa yang khyod kho na dmyal ba'i sdug bsngal la sbyor bar byed kyi/ ma la sogs pa de dag dmyal ba'i sdug bsngal gyi skal pa len par mi byed do/ /gal te bram ze la sogs pa'i don du sdig pa byas rnam par smin pa mi 'dod pa can du gyur na/ ci'i phyir de'i mod la rnam par smin par mi 'gyur snyam du sems na/ sdig pa'i las rnams spyad pa 'ga' yang
- 334a
ni zhes bya ba la sogs pa smos te/ 'di skad du sdig pa'i las kyi de'i mod kho na la mtshon cha bzhin du gcod par mi byed mod kyi/ 'on kyang 'chi ba'i dus la bab ba na sdig pa'i las kyi 'bras bu mngon bar 'gyur ro zhes bshad pa yin no/ /dus de'i tshe dge ba dang mi dge ba'i las gang byas pa de mngon du 'gyur te/ dper na phye ma nged kyi dus su ri brtsegs ba rnams kyi grib so 'bab pa lta bu yin no/ /de mthong nas kha cig ni bzhin mdangs gsal bzhin du 'chi'o/ gzhan dag ni bzhin mdangs ngan par gyur nas 'chi'o/ /de dag kho na la dmigs nas 'chi 'phos pa'i sems kyis mjug thogs su nying? mtshams sbyor ba'i sems 'byung ste/ de ltar na las rnam par smin par 'gyur ro/ /'bras bu ni rnam par smin pa'o/ /de ltar 'jig rten gyi chos rnams dang phral te/ 'phags pa'i chos la dgod bar bzhes nas dad dang tshul khrims zhes bya ba la sogs so/ /de la dad pa ni las dang 'bras bu dang bde ba dang dkon mchog la mngon par yid ches pa'o/ /tshul khrims ni mi dge ba spong ba yang dag par len pa'o/ /de yang sdom pa rnam pa brgyad du rig par bya ste/ 'di lta ste/ dge slong gi sdom pa dang/ dge slong ma'i sdom pa dang/ dge slob ma'i sdom dang/ dge sbyong gi sdom pa dang/ dge sbyong ma'i sdom pa dang/ dge snyen gyi sdom pa dang/ dge bsnyen ma'i sdom pa dang/ bsnyen gnas kyi sdom pa'o/ /gtong ba ni mchod pa dang phan gdags par 'dod pas ci rigs par dngos po gtong pa gang yin pa'o/ /thos pa ni dge ba'i bsam pas thar pa dang/ mthun pa'i chos mnyan pa dang 'dzin pa te/ dri med ces smos pas ni thos pa rnam par byad pa nyid du ston to/ /ngo tsha shes pa ni bdag gi dbang du byas nas/ kha na ma tho bas 'dzem pa gang yin pa'o/ /khrel yod pa
- 334b
ni gzhan gyi dbang du byas nas kha na ma tho bas 'dzem pa gang yin pa'o/ /shes rab ni chos rnams dang rang dang spyi'i mtshan nyid rab tu rnam par 'byed par zhugs pa gang yin pa'o/ /de dag ni nor bdun lags par thub pas gsungs te/ zag pa mid? pa'i byed pa'i rgyu yin pa'i phyir dang thun mong ma yin pa'i phyir ro/ /gser la sogs pa 'jig rten grags pa'i nor gzhan ni/ don ma mchis shing gso ba dang ya ma brla ba ste/ nyon mongs pa nye bar zhi ba'i rgyu ma yin pa'i phyir dang thun mong yin pa'i phyir/ de ltar 'phags pa'i nor bsags par bshad nas de chud mi zan ba'i thabs/ rgyan po 'gyed pa zhes bya ba la sogs pa smos so/ /de la rgyan po 'gyed pa'i tshe los rgyan po 'gyed pa la sogs pa rnam pa du ma'o/ /lus la lta ba ni dga' ston la sogs pa la skye bo phal bo che 'dus pa'o/ /le lo ni dge ba byas pa dag la mi spro ba'o/ /sdig pa'i grogs po ni gang zag gang la brten nas dge ba la mi 'jug la mi dge ba la ni 'jug par 'gyur ba'o/ /chang ni bcos pa'i chang dang sbyar ba'i chang ngo/ /mtshan mo rgyu ba ni nyi ma nub pa dang khyim gzhan dang grong gzhan la sogs par 'gro ba'o/ /drug po de dag ni ngan song pa yin te/ de dag la brten nas longs spyod dang/ 'tsho ba dang dge ba'i chos nyams par 'gyur ba'i phyir ro/ /ngan song gi rgyu la ngan song zhes bya ste/ dper na mar la tshe zhes bya ba lta bu'o/ /mdo las khyim bdag gi bu drug po 'di dag ni ngan song gi sgo yin no zhes gsungs te/ der ni rgyu'i don yin par gsal ba kho nar go'o/ /grags pa mnyams par 'gyur ba zhes bya ba 'dis ni de dag gi nyes dmigs gzhan ston to/ /gang gi phyir de lta yin pas de dag lhag par spyod pas yongs su spang ba'i sgo nas spongs shig /yang phyi'i nor gyi gnyen por kun nas nyon mongs pa med pa'i thabs gzhan/ nor rnams kun gyi nang na
- 335a
zhes bya ba la sogs pa smos te/ gser la sogs pa phyi'i nor thams cad pas ni chog shes pa'i nor? rab? mchog ste/ khyad par 'phags pa yin par gsungs so/ /sus she na/ lha mi'i ston pa ste/ sangs rgyas bcom ldan 'das kyis zhes bya ba'i tha tshig go /gang gi phyir bcom ldan 'das kyis de skad du gsungs pa de'i phyir/ de bzhin gshegs pa'i bka' i rjes su 'brangs pa khyod kyis chog shes par gyis shig snyam du dgongs pa yin no/ /chog shes pa la yon tan ci zhig yod? ce na/ chog? mkhyen na/ nor mi bdog kyang yang dag par 'byor pa lags zhes bya ba smos te/ na zhes bya ba ni gang gi phyir zhes bya ba'i don to/ /nor mi bdog pa ni gser la sogs pa'i nor med pas so/ /de yang chog shes pas yang dag par 'byor ba yin te/ nor gyi 'bras bu ni chog shes pa yin pa'i phyir/ gal te nor med du zin kyang chog shes na dbul bzhin du yang nor dang ldan pa kho na yin par rig par bya'o/ /chog shes pa yang gang yin zhe na/ gang zhig 'das pa la rjes su mya ngan mi byed/ ma 'ongs pas? mngon par 'dod pa mi byed/ da ltar byung ba la lhag par chags pa med pa de'i chos gang yin pa ste/ des na 'di chog shes pa zhes bya'o/ /de ltar cho ga shes pa'i yon tan bshad nas/ chog mi shes pa rnams kyi nyes dmigs bstan pa'i phyir/ des pa bdog mang zhes bya ba la sogs pa smos te/ des pa zhes bya ba ni bod pa yin no/ /snod sbyad la sogs pa yo byad mang po bdog pa rnams ji ltar bsrung ba dang sba ba la sogs pa dang/ chud zes? na yang sdug bsngal skye ba ltar yo byad mang po mi bdog pa rnams la ni de ltar ma yin no/ /ji ltar shes she na klu mchog rnams kyi mgo bo ji snyed pa zhes bya ba la sogs pa smos te/ dper na klu gang la mgo bo bdun yod pa de la
- 335b
de dag las byung ba'i sdug bsngal yang de snyed kho na yod la/ gang la gsum yod pa de? la ni ches nyung ngu yod/ gang la gcig yod pa de la ni ches shin tu nyung ngu yod pa de bzhin du/ bdog pa'i khyad par gyis sdug bsngal gyi khyad par rig par bya'o/ khyim? na gnas pa rnams la bud med yongs su gzung ba mi 'gal ba'i phyir te bdag gi skyon dang yon tan dpyad pas kun nas nyon mongs pa med pa'i thabs bstan par rang bzhin dgras/ brel zhes bya ba la sogs pa smos te/ rang bzhin dgra dang 'brel cing ldan zhes bya ba'i tha tshig go /chung ma de 'dra ba ni gshed ma lta bu yin te/ de bas na spang bar bya'o/ de las rang bzhin gyi dgra ni gang zhig skyes pa gsod par byed pa po'o/ /khyim thab brnyas par bgyid ces/ bya ba ni khyo la brnyas par byed pas na khyim thab brnyas bgyid de/ bud med de 'dra ba ni jo mo dang mtshungs pas de yang spang bar bya ba kho na yin no/ /chung ma gang zhig chung ngu yang rku ba de yang chom rkun ma lta bu yin pas spang bar bya ba kho na yin no/ /'o na chung ma ci 'dra ba zhig blang bar bya zhe na/ sring mo lta bur rjes mthun zhes bya ba la sogs pa smos te/ ji ltar sring mo ming po'i rjes su mthun zhing de'i tshig khyad du mi gsod pa de bzhin du chung ma khyo'i rjes su mthun pa yin pa de gang yin pa de ni bkur ba yin no/ /zhes bya bar sbyar ro/ /ji ltar mdza' mo mdza' bo'i snying la bab cing rim gro bya ba'i khyad par de dang nges snying dga' ba de bzhin du/ khyo'i snying la 'bab pa'i chung ma gang yin pa de yang bkur ba yin no/ /ji ltar ma bu la lus dang sems kyi sdug bsngal dang bral bar 'dod pas phan par 'dod cing phan par 'dod pa'i dang tshul can yin pa de bzhin du/ khyo la phan par 'dod pa'i chung ma gang yin pa de yang bkur ba kho na yin no/ /bran mo bzhin/ dbang 'gyur gang yin pa ste/ ji ltar
- 336a
bran mo dga' mgur byar yod pa nyid kyi dbang du 'gyur ba'i chung ma gang yin pa de yang bkur ba kho na yin no/ /chung ma bzhi po de dag ni rigs kyi lha zhes bya ste/ rigs ma nyams pa'i rgyu yin pa'i phyir ro/ /'di man chad ni ting nge 'dzin la sbyar ba'i phyir/ bsam gtan gyi sbyor ba ston to/ /bsam gtan lag ces pa'i chos ni gnyis te/ zas kyi drod zin pa dang/ mi nyal bar brtson pa'o/ /de la re zhig zas kyi drod zin pa'i dbang du byas na/ kha zas sman dang 'dra bar rig pa yis zhes bya ba la sogs pa smos te/ lus ni rma lta bu yin pa'i phyir ro/ /dper na sman ha cang yang nyung ngu ma yin ha cang mang po ma yin par btang na/ de ltar na phan thogs par 'gyur ba de bzhin du zas kyang ha cang nyung ngu yang ma yin/ ha cang mang po yang ma yin par bsten par bya ste/ de lta na lus kyis kyang ston par 'gyur la/ gnod pa yang skyed par mi 'gyur ro/ /don 'di nyid rigs pa yis zhes bya ba 'dis ston par byed do/ /'dod chags zhe sdang med par bsten bgyi ste zhes bya ba ni de tsam du bza' ba gang yin pa de yang 'dod chags dang zhe sdang dag dang ma 'brel bar bya'o zhes bya ba'i don to/ /ji ltar zhe na de bstan par rgyags phyir ma lags zhes bya ba la sogs pa smos te/ rgyags par 'dod pa zhig rgyags par bya'o snyam pa dang mchog du bya'o snyam nas zas za ba gang yin pa de ni 'dod chags kyi za ba yin no/ /gang zhig snyems pa'i phyir za ba de ni snyems pa'i 'bras bu da ni gzhan la gnod par byed pa yin pa'i phyir zhe sdang gi za ba yin no/ /de la rgyags pa ni 'dod chags kyi rgyu lus dang sems kyi 'gyur ba 'ga' kho na yin no/ /mchog ni yan lag dang nyid lag rgyas pa'o/ /snyems pa ni nyams stobs so/ /de dag med par lus gnas pa 'ba' zhig gi phyir te/ srog gi
- 336b
dbang po yongs su bsrung ba'i phyir zhes bya ba'i tha tshig go /mi nyal bar brtson pa'i dbang du byas nas/ rigs pa'i bdag nyid ces bya ba la sogs pa smos so/ /de la rigs pa'i bdag nyid ni dge ba la mngon par brtson pa la bya'o/ /dge ba la sbyor bas nyin par tha dag 'das nas te 'das par byas nas so/ /yongs su rdzogs par byas nas zhes bya ba'i tha tshig ste/ bcom ldan 'das kyis ji skad du/ nyin par 'chag pa dang/ 'dug pa dag gis sgrib par 'gyur ba'i chos rnams las sems yongs su sbyangs zhes gsungs pa lta bu yin no/ /mtshan mo'i thun gyi stod smad ces bya ba ni rigs pa'i bdag nyid kyis nyin mo kho na 'das? pa? ? rig? tu ma zad do/ /'o na ? zhe na/ rigs ba'i bdag nyid kyi mtshan me yang cha stod dang cha smad 'das nas te/ bcom ldan 'das kyis ji skad du mtshan mo'i thun dang po la 'chags pa dang/ 'dug pa dag gi sgrib par gyur pa'i chos rnams las sems yongs su spyod bar byed do/ /yongs su sbyangs nas/ thun par ma la gnas pa gtsug lag khang gi phyi rol tu rkang pa bkrus te/ gtsug lag khang du zhugs nas glo g.yas pa phab ste/ rkang pa'i thog tu rkang pa bzhag la/ dran pa dang ldan zhing shes bzhin du seng ge'i gzims stabs su nyal bar byed do/ /de thun tha ma la myur bar myur bar langs nas 'chag pa dang/ 'dug pa dag gis sgrib par 'gyur ba'i chos rnams las sems yongs su sbyod bar byed do/ zhes gsungs pa lta bu yin no/ /de dag bar du mnol zhes bya ba ni thun dang pho dang tha ma dag gi bar gyi thun gang yin pa der nyol cig ces bya ba'i tha tshig go /de yang gyi na nyal bar bya ba ma yin no/ /'on kyang ring po mi thogs par langs la dge ba bya'o snyam pa'i dran pa dang ldan par bya ste/ de lta bu'i dran pa nye bar bzhag nas/ zhes bya ba'i
- 337a
don to/ /ci'i phyir zhe na/ mnal tshe'ang zhes bya ba la sogs pa smos te/ 'di skad du lus dge ba la sbyod pa bzod par byas nas langs te/ dge ba bya'o snyam pa de lta bus nyal ba ni gnyid log kyang dge ba'i sems pa sngon du btang ba'i phyir/ dge ba kho na skye bar 'gyur bas dus de yang tshe na don par mi 'gyur ro zhes bshad pa yin no/ /de ltar lus dang sems las su rung bar byas nas/ bsam gtan gyi sbyor ba bya'o/ /zhes bstan pa'i phyir/ byams dang zhes bya ba la sogs pa smos te/ byams pa la sogs pa ni bsam gtan gyi sbyor ba yin te/ de dag la goms pas bsam gtan dang po la sogs pa skye ba'i phyir ro/ de la byams par byed pas na byams pa ste/ sdug par byed ces bya ba'i don to/ /snying rje bar byed pa ni snying rje ste/ sdug bsngal bar mi byed ces bya ba'i don to/ /dga' bar byed pas na dga' ba ste/ rangs par byed ces bya ba'i don to/ /rigs pas lta bas na btang snyoms te/ phyogs su ma lhung bar lta zhes bya ba'i don to/ /byams pa gang yin zhe na/ sems can rnams la bde ba dang sprod pa'i rnam par zhugs pa'o/ /snying rje ni sdug bsngal dang bral ba'i rnam par zhugs pa'o/ /dga' ba ni bde ba dang mi 'bral ba'i rnam par zhugs pa'o/ /btang snyoms ni bar mar gnas pa'i rnam par zhugs pa ste/ byams pa la sogs pa'i chos bzhi po de dag rtag tu bsgom par bya'o/ /de la re zhig byams pa bsgom par 'dod pa ni tshul khrims yongs su sbyangs nas/ phyogs dben pa zhig tu stan bde ba la 'dug cing sangs rgyas la sogs pa'i yon tan rjes su dran pas sems bzang po bskyed de/ gang zag yon tan dang ldan pa bkur sti bya bar 'os pa/ bla ma lta bu'i gnas shig la ngang? pa bskyed nas/ skyes bu dam pa ni bde bar gyur cig snyam pa'i yid la byed pa mjug par byed
- 337b
de/ ji srid du 'di'i sems chung ngu byung ba de srid du 'jug par byed do/ /de nas gang zag sdug ba la sems gtong bar byed de/ de la yang ji srid du 'di la gang zag snga ma dang mnyam pa'i sems skyes pa de srid du sems gtong par byed do/ /de nas gang tha ma la gtong bar byed de/ ji srid du gang zag snga ma gnyis dang mnyam pa'i sems skyes pa de srid du gtong par byed do/ /de nas gang zag mi sdug pa la sems gtong par byed de/ de la yang de srid du gtong par byed do/ /gal te 'di la gang zag sha 'khon can zhig yod na de la 'di bde bar gyur cig snyam pa'i sems bskyed par byed de/ de la yang ji srid du snga ma dag dang lhan cig mnyam pa'i sems skyes pa bsred du skyed par byed de/ 'di tsam gyis na 'di'i byams pa'i sems kyis rnam par grol ba mtshams tha dad pa bsgom pa yin no/ /de phyin chad ni phyogs khyab par byed pa'i dbang gis yid la byed par rig par bya ste/ bcom ldan 'das kyis ji skad du/ de byams pa dang ldan pa'i sems kho na med pa 'gran zla med pas phyogs gcig tu mos nas khyab par bya ste/ rdzogs par byas nas gnas so zhes bya ba'i bar rgyas par gsungs pa lta bu yin no/ /snying rje ni/ gang zag sdug bsngal ba mgon med pa skyabs med pa la dmigs nas rim pa 'di nyid kyis 'jug par bya'o/ /dga' ba ni gang zag sdug pa la dmigs nas rim pa nyid kyis bsgrub par bya'o/ btang snyoms ni gang zag tha mal ba la dmigs nas rim gyis sems can thams cad la 'jug par bya ste/ de ltar rtag tu byams pa dang snying rje dang dga' ba dang btang snyoms bsgom par bya'o/ /yang byams pa la sogs pa de ltar bsgom pa rnams kyi 'bras bu ni ci zhig bya zhe na/ gong ma zhes bya ba la sogs pa smos so/ /'di skad du byams pa la sogs pa de ltar bsgoms pas ni mya ngan las 'das pa thob par 'gyur ro/ /'on te ji zhig ltar
- 338a
mya ngan las 'das pa ma thob na 'on kyang tshangs pa'i 'jig rten bde ba thob par 'gyur/ gzugs kyi khams su 'dod pa'i khro ba'i yongs su gdung ba dang bral ba'i bsam gtan skyen med pa zhi ba nyams su myong bar 'gyur ro zhes bshad pa yin no/ /de ltar byams pa la sogs pa yongs su grub pa bsam gtan bzhi thob pa bstan pa'i phyir/ 'dod sbyod ces bya ba la sogs pa smos so/ /'di ltar rnam par spangs zhes bya ba'i sgras ni 'dod pa rnam par spangs pa dang/ dpyod pa rnam par spangs pa dang/ dga' ba rnam par spangs pa dang/ bde ba dang sdug bsngal mang bar spangs pa zhes re re dang sbyar te/ de dag ni go rims bzhin du bsam gtan bzhi yin no/ /bsam gtan bzhi po de dag thob pas/ 'bras bu ci zhig thob par 'gyur zhe na/ rnam par smin pa'i 'bras bu bstan pa'i phyir/ tshangs dang 'od gsal zhes bya ba la sogs pa smos te/ bsam gtan dang po bsgoms pas ni tshangs rim gyi lha rnams dang skal ba mnyam par skye bar 'gyur ro/ /gnyis pas ni 'od gsal ba rnams dang ngo/ /gsum pas ni dge rgyas pa rnams dang ngo/ /bzhi pas ni 'bras bu che ba'i lha rnams dang skal ba mnyam par skye bar 'gyur ro/ /de la bsam gtan dang po la sogs pa 'dod pa rnam par spangs pa la sogs pa ni mdo'i rjes su 'brang ba kho nas rig par bya'o/ /dpyod pa rnam par spangs pas ni rtog pa med pa yang bshad pa yin te/ gang na dpyod pa med pa de na gdon mi za bar yang rtog pa med pas so/ /bde ba dang sdug bsngal rnam par spangs pa ni bde ba yang ma yin sdug bsngal yang ma yin pa'i tshor ba ston par byed de/ /nga ni 'dod pa na spyod pa'i dge ba dang mi dge ba rnams kyi lci yang gi bye brag bstan pa'i phyir/ rtag dang mngon par zhen dang zhes bya ba
- 338b
la sogs pa smos te/ de la lci ba nyid ni rgyu bzhi po sbyor ba'i khyad par dang/ bsam pa'i khyad par dang/ gnyen po'i khyad pa dang/ gzhi'i khyad par gyi sgo nas bshad do/ /de la sbyor ba'i khyad par ni las chung ngu la yang dus ring mo zhig du sbyar ba'i phyir ro/ /las dus yun thung du yang nyon mongs pa dang/ rab tu ngang? ba drag po dang ldan pa'i bsam pa'i khyad par ? lci bar 'gyur ro/ /las byas pa yang gnyen po stobs dang ldan pas zil gyis mnan na nyam chung ngur 'gyur la/ las de nyid gnyen po med par gyur na stobs dang ldan par 'gyur ro/ /gzhi ni rnam pa gnyis te yon tan dang ldan pa dang/ phan 'dogs pa'o/ /de la yon tan dang ldan pa ni dkon mchog gsum dang/ gang zag 'gog pa las langs pa la sogs pa kha cig go /phan 'dogs pa ni pha dang ma dag par gzhan yang phan pa khyad par can 'dogs pa dper na sha kra dang don dang spre'u la sogs pa lta bu'o/ /de ltar na dge ba dang mi dge ba'i las rnam pa lnga po de ni 'bras bu nges pa dang/ mang po 'byin pa'i phyir chen po ste/ de las khyod kyis mi dge ba yongs su spangs te/ dge ba spyad pa la brtson par bgyi'o/ lan tshwa srad 'gas zhes bya ba la sogs pa ni/ las chung ngu ni mang po'i stobs dang ldan pas zil gyis mnon par 'gyur zhes ston par byed de/ bsdus pa'i don ni de bas na khyod kyis dge ba ni nyung ngu mi dge bas mang du byas nas 'jigs pa med pa yang mi bya la/ dge ba ni mang du mi dge ba ni nyung ngu byas nas ha cang skrag par mi bya'o zhes bya ba yin no/ /yan lag gi don ni rtogs par sla'o?/ /de ni rgod dang 'gyod pa zhes bya ba la sogs pas bsam gtan dang/ rnam par thar pa dang 'gal ba'i chos rnams ston par byed de/ de dag 'bad na? rnam par spang bar bya ba'i phyir ro/ /rgod pa dang 'gyod pa sgrib pa gcig pa yin no/ /gnod sems ni gnyis pa yin na/ /rmugs pa dang gnyid ni gsum pa yin no//
- 339a
'dod pa la 'dun pa ni bzhi pa yin no/ /the tsom ni lnga pa yin no/ /de dag ni sgrib pa lnga yin te/ bsam gtan dang/ rnam par thar pa'i lam la sgrib pa'i phyir ro/ /de la rgod pa ni sems rnam par ma zhi ba ste/ yid mi 'byung ba zhes bya ba'i tha tshig go /'gyod pa ni ngan par byas pa la dmigs pa'i sems la chags pa ste/ phyis mi 'ga' ba zhes bya ba'i tha tshig go /gnod sems ni khong khro ba ste/ kun nas mnar sems kyi dngos po dgu las rig par bya'o/ de la kun nas mnar sems kyi dngos po dgu ni 'di dag yin te/ bdag la gnod par byas so/ /byed de/ byed par 'gyur ro zhes bya ba gsum tsha na dang po dang bdag gi pa mdza' bo yid du 'ong ba phan par 'dod pa gang yin pa de la gnod par byas so/ /byed do// byed par 'gyur ro/ /zhes bya ba gsum tshan gnyis pa dang/ bdag dang mi mdza' ba yid du mi 'ong ba gnod par 'dod pa phan par mi 'dod pa gang yin pa de la phan par byas so/ /byed do/ /byed par 'gyur ro/ zhes bya ba gsum tshan gsum pa'o// kun nas mnar sems kyi dngos po bcu pa gnas pa ma yin pa zhes bya ba yang brjod do/ /kun nas mnar sems de ni sngon gyi kho na dang 'brel pa las rig par bya'o/ /rmugs pa ni lus dang sems dang las su mi rung ba nyid do/ /gnyid ni gnyid log pa'o/ /'dod pa la 'dun pa ni 'dod pa rnams la 'dod chags pa'i dngos po gang yin ste/ sred pa dang mngon par 'dod pa zhes bya ba'i rnam grangs yin no/ /the tshom ni thar pa dang thar pa'i lam la the tsom za ba gang yin pa'o/ /sgrib pa lnga po de dag ni dge ba'i nar 'phog? par byed pa nyid kyi chom rkun pa zhes bya'o/ /yang ci'i phyir/ chos gnyis gnyis sgrib pa gcig tu bshad ce na/ g.yo ba dang blun pa nyid du mthun pa'i phyir te/ rgod pa dang 'gyod pa ni gnyis ka yang g.yo ba
- 339b
yin no/ /rmugs pa dang gnyid ni blun pa yin no/ /de ltar bar chad kyi chos rnams bstan nas/ thar pa dang rjes su mthun pa'i chos rnams bstan pa'i phyir/ dad dang brtson 'grus dag dang dran pa dang zhes bya ba la sogs pa smos te/ ji ltar thar pa dang 'gal ba'i chos lnga yod pa de bzhin du thar pa rjes su mthun pa yang lnga kho na yin no/ /zhes bya ba'i tha tshig go /dad? pa la sogs pa 'di dag gang gi mjug thogs su 'phags pa'i lam skye zhing gnas skabs gzhan du phyin pa la/ chos kyi mchog ces bya ba'o// chos kyi mchog ces bya ba'i ming kho na 'thob pa 'ba' zhig tu yang ma zad do/ /'o na ci zhe na/ stobs zhes bya ba dang/ dbang po zhes bya ba dang/ rtse mo zhes bya ba yang 'thob po zhes bya ba'i don to/ /de la stobs zhes bya ba ni bzod pa'i gnas skabs na'o/ /dbang po zhes bya ba ni dro ba'i gnas skabs na'o/ /rtse mo zhes bya ba ni dro bar gyur pa'i mjug thogs su skye ba gang yin pa'o/ dbang po lnga bsgom pa ni rgyags pa spang ba sngon du 'gro ba can yin pas rgyags pa spang bar bstan pa'i phyir/ na rga 'chi sdug bral dang zhes bya ba la sogs pa smos te/ bdag ni na ba dang rga ba dang 'chi ba zhes bya ba'i chos 'di gsum las kyang ma 'das la de bzhin du sdug pa dang bral ba dang/ las bdag gir bya ba las kyang ma 'das so zhes de ltar sems pa ni/ de'i gnyen po yin pa'i phyir/ gnyen po'i rgyags pa 'jigs par 'gyur ro/ /zhes bya ba'i tha tshig go /de la las bdag gi bya ba nyid ni/ las ji lta ba bzhin bde ba dang sdug bsngal 'byung ba'o/ /lhag ma ni don go bar zad do/ /gal te mtho ris thar pa mngon bzhed na zhes bya ba la sogs pa ni/ dad pa la sogs pa'i dbang po skye ba'i rgyu ston to/ /yang dag lta ba goms pa dag tu mdzod ces bya ba de la yang dag pa'i lta ba ni tshe phyi ma la legs par spyad pa dang/ nyes par spyad pa'i las rnams kyi 'bras bu 'byung bar yid ches pa ste/
- 340a
'jig rten pha rol yod pa nyid du yid ches pa zhes bya ba'i don to/ /yang dag pa'i lta ba de lta bu med na sbyin pa la sogs pa legs par spyad pa gang cung zad cig yod kyang/ thams cad rnam par smin pa mi zad ldan byas te/ rnam par smin pa yid du mi 'ong ba can kho nar 'gyur ro/ zhes bya ba'i don to/ /de lta bas na yang dag pa'i lta ba ni dge ba'i rtsa ba thams cad bskyed pa'i rgyu yin no/ /zhes bshad par 'gyur ro/ /nga ni mi ni yang dag nyid du mi bde zhing zhes bya ba la sogs pa skyo ba'i rgyu ston te/ mi bde zhes bya ba'i tha tshig go /mi rtag ces bya ba ni skad cig ma zhes bya ba'i don to/ /bdag med pa ni nang gi byed pa'i skyes bu dang bral ba zhes bya ba'i don to/ /mi gtsang ba ni sum pa dang/ rul pa'i mi gtsang ba nyid dang ldan pa zhes bya ba'i tha tshig ste/ mi ni yang dag pa'i shes rab kyis legs par brtags na de lta bu yin no/ /gang dag dran pa nye bar gzhag pa de dag ni log par 'dzin to/ /des na nyes pa rtsi yod na/ bran pa nye bar gzhag pa rnams kyi ni/ phyin ci log bzhir lta ba 'phud krel ba zhes bya ba smos te/ phyin ci log bzhi ni sdug bsngal ba la bde'o snyam du 'du shes phyin ci log dang/ sems phyin ci log dang/ blta ba phyin ci log dang/ de bzhin du mi rtag pa la rtag go snyam pa dang/ bdag med pa la bdag go snyam pa dang/ mi gtsang ba la gtsang ngo snyam du 'du shes phyin ci log dang/ sems phyin ci log dang/ lta ba phyin ci log go /phyin ci log tu lta ba 'di ni ngan song dang 'khor ba'i rgyu yin pa'i phyir/ phud? krel ba ste/ de lta bas na khyod kyis mi ni sdug bsngal ba la sogs pa nyid du rig par bya'o/ /gal te mi sdug bsngal ba dang/ mi rtag pa dang mi gtsang ba ni yin grang na/ bdag med pa yin par rtogs par mi nus te/ bdag gcig med na las dge ba dang
- 340b
mi dge ba rnams kyi 'bras bu su zhig spyod snyam du sems na/ gzugs ni bdag ma yin zhes gsungs te/ bdag ces bya ba la sogs pa smos so/ /'di skad du bshad pa yin te/ bdag gcig yod na gzugs la sogs pa'i ngo bo nyid gcig yin pa 'am/ de las gzhan pa zhig yin par 'gyur grang/ re zhig gzugs la sogs pa'i ngo bo nyid ni ma yin no/ zhes bstan pa'i phyir/ gzugs ni bdag ma yin gsungs la/ rnam par shes pa'i bar yang bdag ma yin zhes gsungs te/ re zhig 'di ni lung gi bdag gzugs la sogs pa'i ngo bo nyid yin pa bkag pa yin no/ /'di la rig pa gang yin zhe na/ bdag ni gzugs la sogs pa'i ngo bo nyid ma yin te/ gzugs la sogs pa dang 'dra ba kho nar mi mi rtag pa nyid du thal bar 'gyur pa'i phyir ro/ /'on te gzugs la sogs pa las gzhan pa zhig yin no zhe na/ de la rnam pa gsum ste/ de lhas byin pa lang dang ldan pa lta bur gzugs la sogs pa dang ldan pa zhig yin pa 'am/ dper na lhas byin de lde? la 'dug pa bzhin du gzugs la sogs pa la gnas pa zhig yin pa 'am/ dper na 'khri shing dang gel pa la sogs pa sa la brten pa ltar de la gzugs la sogs pa brten pa zhig yin grang/ 'di'i lan go rims bzhin du bdag gzugs dang ldan min zhes bya ba la sogs pa smos te/ re zhig 'di ni lung yin no/ /rigs pa brjod par bya ste/ bdag gzugs la sogs pa la dbang ba ci zhig yod de/ lhas byin ba lang rnams la bkol ba dang/ bzhon pa la sogs pa bya bar dbang ba ltar de'i 'dod pas gzugs la sogs pa 'dod ba na len pa ni med do/ /mi 'dod bzhin du yang gzugs la sogs pa 'jigs pa mthong ba'i phyir/ /ji ltar 'di de dang ldan no zhes brjod par bya phyogs gnyis ka la yang ji ltar 'di gzugs la sogs pa la
- 341a
gnas pa zhes brjod par bya/ gzugs can ma yin pa'i chos la ni lhas byin de lde 'dug pa ltar bla 'og tu gnas par rung ba ma yin no/ /gang gis na de dag la gnas par mngon par 'gyur ba de la gnas pa'i bdag gis kyang gzugs la sogs pa la phan cung zad kyang mi 'dogs la gzugs la sogs pas kyang de la phan cung zad kyang mi 'dogs so/ /'on te 'di de la zhon nas de dag la 'jug par byed de/ dper na rta la zhon pas rta bzhin no zhe na/ de yang rung ba ba ma yin te/ mi 'dod bzhin du yang 'jug pa dang/ ldog pa mthong ba'i phyir/ bdag gi 'dod pas gzugs la sogs pa 'jug pa dang ldog par 'gyur ba ni med do/ /phyogs gsum pa la rigs pa ni/ 'khri shing la sogs pa ni sa la brten pa nyid yin te/ de la rten med gzugs la sogs pa skye ba dang gnas pa dang 'phel ba mthong ba'i phyir ro/ /gzugs la sogs pa'i skye ba la sogs pa ni de ltar bdag la rag las pa ma yin te/ bdag med bzhin du yang phyi'i gzugs la sogs pa skye ba la sogs par mthong ba'i phyir ro/ /gang dag gis ltar na rtsa ba la sogs pa srog yod pa de dag gi ltar na lan tshwa la sogs pas ma nges pa yin no/ /de ltar na phung po lnga po re re la rnam pa bzhi bzhi yin pas 'jig tshogs la lta ba rnam pa nyi shur bshad pa yin te/ 'jig tshogs la lta ba'i ri'i rtse mo nyi shu mtho ba ni ye shes kyi rdo rjes bshig nas rgyun tu zhugs pa'i 'bras bu thob par 'gyur ro/ /da ni mi mthun pa'i rgyu dang rgyu med pa yongs su spang ba'i sgo nas dngos po rnams kyi skye ba'i rgyu bstan pa'i phyir/ phung po 'dod rgyal las min zhes bya ba la sogs pa smos te/ 'dod rgyal zhes bya ba ni gnam babs so/ /dus zhes bya ba ni dus su smra ba rnams kyis chos thams cad kyi skye ba dang
- 341b
'jig pa'i rgyu chos rtag pa khyab pa gcig pu zhig kun brtag pa de ji skad du/ dus ni 'byung ba rnam smin byed/ dus ni 'byung ba rnam smin byed/ dus ni skye dgu rnam 'jig byed/ dus ni gnyid log rnams sad byed/ dus ni 'da' bar dka' ba yin/ zhes bshad pa lta bu yin no/ /rang bzhin yang grangs can rnams kyi chos thams cad kyi skye ba'i rgyur gyur pa snying stobs dang rdul dang mun pa'i ngo bo nyid gcig pu rtag pa khyab pa zhig rtags pa yin no/ /ngo bo nyid ni mchos kyi bdag gi dngos po ste/ rang gi ngo bo zhes bya ba'i tha tshig go /dbang phyug kyang phra zhing bsam gyis mi khyab rab tu srab byed kun rig thams cad byed/ rnal 'byor goms pas thob pa'i blo can bsam gtan pa'i bsam gtan yul/ nyi ma zla bas chu me rlung phyogs nam mkha' i lus can te/ zhi ba'i bde dga' grub pa 'dod can rnams kyi dbang phyug rtag tu bsgom zhes bya ba de lta bu'i yon tan gyi khyad par can zhig kun brtags pa yin no/ /dngos po rnams de dag las mi skye bas na mi mthun pa'i rgyur smras pa bkag pa yin no/ /rgyu med can min zhes bya ba 'dis ni rgyu med par smra ba bkag go /lhag ma rnams kyis ni dngos po rnams kyi rgyu phyin ci ma log pa ston to/ /de la dngos po rnams 'dod rgyal las mi skye'o zhes bya ba ji ltar shes she na/ skyes bu'i byed pa 'bras bu dang bcas par mthong ba'i phyir ro/ /'bras bu med pa yang snang ba yin nam zhe na/ snang ba bden te de ni rgyu gzhan ma tshang ba'i phyir ro/ /dngos po gang zhig rgyu ji snyed cig gis skye ba las gal te de dag tshogs kyang dngos po de mi skyen 'dod rgyal gyis byas so zhes bya bar bsal bar shes so/ /dus kyang chos thams cad kyi skye ba'i rgyu ma yin te/ rjes su 'gro ba dang ldog pas mi dmigs pa'i phyir nam mkha' i me tog bzhin no/ /gzhan yang de ni rtag pa'i phyir dngos po rim gyis skye bar mi 'gyur te/ rgyu ma tshang bas ni dngos pos skye bar mi 'gyur ro/ /dngos po rnams kyi skye ba dang 'jig pa
- 342a
gcig car du yang thal bar 'gyur te/ rgyu la khyad par med pa'i phyir ro/ /'on te skye ba dang 'jig pa na de la khyad par yod na ni rtag pa nyid du mi 'gyur ro/ /rgyu la rtag pa cung zad kyang ma mthong bas dus la rgyu'i dngos po rnam pa thams cad med do// 'jig pa ni rgyu dang ldan pa yang ma yin te/ med pa'i phyir gtan med pa bzhin no/ /rang bzhin yang 'di nyid kyis ci rigs par bkag par rig par bya'o/ /gzhan yang rang bzhin ni 'gyur bar mi 'gyur te/ rtag pa'i phyir skyes bu'i rang bzhin no/ /skyes bu'i don rang bzhin 'gyur ba yang ma yin te/ rtag pa'i phyir dper na rang bzhin gyis don du skyes bu lta bu'o/ /rang bzhin spyod par bya ba yang ma yin te/ rtag pa'i phyir skyes bu lta bu kho na'o/ /skyes bu spyod par byed pa yang ma yin te/ rtag pa'i rang bzhin lta bu kho na'o/ /rang bzhin chos thams cad kyi sa bon gyi rten yang ma yin te/ rtag pa'i phyir skyes bu lta bu kho na'o/ /rang bzhin snying stobs dang rdul dang mun pa'i ngo bo nyid kyang ma yin te/ rtag pa'i phyir skyes bu lta bu kho na'o/ /gzhan yang rang bzhin 'gyur ba zhig tu 'gyur ba ci bdag nyid thams cad kyis sam/ 'on te phyogs gcig gis/ gal te bdag nyid thams cad kyis na ni rang bzhin chad par 'gyur ro/ /'on te phyogs gcig gis na ni mi rtag pa nyid du thal bar 'gyur ro/ /ngo bo nyid las kyang mi skye ste/ yod pa'i phyir skyes zin pa bzhin no/ /dbang phyug kyang phra ba ma yin te/ sa la sogs pa'i lus can yin pa'i phyir sa la sogs pa lta bu kho na'o/ /gcig la phan tshun 'gal ba'i ngo bo nyid kyang rung ba ma yin la/ du ma'i bdag nyid kyang ma yin pas 'di la sogs pa'i lus can nyid du yang mi srid do/ /rab tu srab mor byed pa yang ma yin te/ skye ba'i lus can yin pa'i phyir skye ba lta bu kho na'o/ /kun rig pa yang ma yin te/ rab tu srab mor byed pa'i phyir/ grol ba'i
- 342b
bdag bzhin no/ /thams cad pa yang ma yin te/ phra ba'i phyir rdul phra rab bzhin no/ /'di ni rtag pa yang ma yin te/ sa la sogs pa'i lus can yin pa'i phyir sa la sogs pa lta bu kho na'o/ /dbang phyug chos thams cad kyi skye ba'i rgyu yang ma yin te/ cig car mi bskyed pa'i phyir rdza mkhan bzhin no/ /gzugs la sogs pa dbang phyug gis bskyed pa yang ma yin te/ dngos po yin pa'i phyir dbang phyug bzhin no/ /dbang phyug ni thams cad byed pa yang ma yin te/ bdag med pa'i phyir bum pa bzhin no/ /bdag yod pa nyid cig yin na ni skyes bu bcings pa bzhin du dbang phyug ma yin pa nyid du thal bar 'gyur ro/ /rgyu med par smra ba ni 'jig rten nyid kyis stsal bar zad de/ de cung zad kyang mi bzod do/ /'o na dngos po rnams ci las skye zhe na/ mi shes las dang sred las byung rig mdzod ces bya ba smos te/ dper na sa bon ma nyams pa la lud kyi g.yogs shing chus brlan pas ni myu gu mngon par 'grub par byed do/ /de bzhin du mi shes pas g.yogs pa'i las sred pa'i chus brlan pas kyang srid pa'i myu gu mngon par grub par byed do/ /de la mi shes pa ni bden pa rnams la kun tu rmongs pa ste/ ma rig pa dang mi mthong ba dang mun pa zhes bya ba rnam grangs yin no/ /byis pa ma rig pas dmu se long du gyur pa ni 'di la bde bar bya ba'i phyir ram/ phyi ma la bde bar bya ba'i phyir dge ba dang mi dge ba'i las byed de/ de ni 'di'i ma rig pa'i rkyen gyis 'du byed yin no/ /las ni rnam pa gsum ste/ dge ba dang mi dge ba dang mi g.yo ba/ gzugs dang gzugs med pa na spyod pa'i dge ba la ni mi g.yo ba zhes bshad de/ las 'di rnam pa gsum char yang ma rig pa'i rkyen can yin zhing khams gsum pa'i sred pas brlan pa 'di yang srid pa'i myu gu mngon par rig par bya'o/ /de lta yin na 'on phung po 'di 'dra ba dag las grol bar bya ba la grogs kyis shig ce na/ thar pa bdag
- 343a
las rag las zhes bya ba la sogs pa smos te/ grol ba ni rang gi sems las rag las pa'i phyir thar pa thob par bya ba la grogs kyis btang ba'i kha na las par ni mi 'dod do/ /'o na thabs gang yin zhe na/ thos pa'i tshul khrims pas ma gtan ldan pa yis zhes bya ba la sogs pa smos so/ /de la thos pa ni bden pa dang mthun pa yin par rig par bya'o/ /tshul khrims ni ma nyams pa la sogs pa dang ldan pa'o/ /bsam gtan ni nges par byed pa'i cha dang mthun pa yin par rig par bya ste/ de ltar tshul khrims dang thos pa dang bsam gtan dang ldan pa bde ba rnam pa bzhi la 'bad par gyis shig dang/ de lta na thar pa thob par 'gyur ro snyam du dgongs pa yin no/ /lhag pa'i tshul khrims zhes bya ba la sogs pas ni thar pa'i lam kho na ston par byed do/ /de la lhag pa'i tshul khrims ni mya ngan las 'das par yongs su bsngos pa gang yin pa'o/ /lhag pa'i sems ni 'phags pa'i lam gyi rten bsam gtan bzhi yin no/ /lhag pa'i shes rab ni nges par 'byed pa'i cha dang mthun pa yin par rig par bya'o/ /bslab pa gsum pa de dag ni bslab pa thams cad kun tu sdud par gyur pa yin no zhes/ bstan pa'i phyir/ bslab pa brgya rtsa lnga bcu lhag gcig ni/ gsum po 'di'i nang yang dag 'du bar 'gyur zhes bya ba smos te/ gang gi phyir bslab pa gsum po 'di'i nang du bslab pa brgya lnga bcu lhag gcig 'du bar 'gyur ba de'i phyir bslab pa gsum po 'di la 'bad de bslab par bya'o zhes bya ba'i don to/ /bslab pa brgya lnga bcu ni so sor thar pa las 'byung bar rig par bya'o/ /dbang phyug lus rtogs zhes bya ba la sogs pas ni thar bar lam kho na ston par byed de/ lus rtogs ni lus la song ba'o/ /lus la dmigs pa'i zhes bya ba'i tha tshig ste/ da ni lus kyi 'greng ba 'dug pa la sogs pa'i gnas
- 343b
skabs kyi rnam par spyod par byed pa yin no/ /lus su rtogs pa'i dran pa de ni bde gshegs kyis bgrod pa gcig pa'i lam du nye bar bstan te/ de ji skad du/ dge slong dag sems can rnams rnam par dag par byed pa dang/ sdug bsngal ba dang yid mi bde ba las yang dag par 'da' bar byed pa dang/ rigs pa'i chos rtogs par byed pa dang/ mya ngan las 'das pa mngon sum du byed pa'i bgrod pa gcig pa'i lam ni 'di lta ste/ lus su rtogs pa'i dran pa yin no zhes rgyas par gsungs pa lta bu yin no/ /de la bgrod pa gcig pa nyid ni bde blag dang myur ba dang/ gdon mi za bar thob pa'i rgyu yin pa'i phyir/ de lta bas na bgrod pa gcig pa zhes bya ba'i sgra ni 'dir lam bsngags pa'i tshig yin par blta bar bya'o/ /gcig tu 'gro ba ni bgrod pa gcig pa ste/ lam la rnam pa gnyis su med pa ngo bo gcig tu zhugs pa'i phyir zhes bshad pa yin no/ /de ni bsgrims nas mngon par srung bgyi ste zhes bya ba ni dran pa de lta bu de ni dgos pa che ba'i phyir khyod kyis 'bad de bsrung bar bya ba'i phyir zhes bya ba yin no/ /de nyams na re zhig chos gzhan dag kyang 'jig par 'gyur/ mya ngan las 'das pa thob par byed pa rnams lta smos kyang ci dgos zhes bstan pa'i phyir dran pa nyams pas chos kun 'jig par 'gyur zhes bya ba smos so/ /'di man chad tshe ni gnod mang zhes bya ba la sogs pas ni thar pa 'thob pa'i rgyu'i ste bo'i rgyur gyur pa 'chi ba la dran pa nye bar gtod par byed de/ tshe gnod pa du ma dang 'brel ba/ rlung gis btab pa'i chu'i chu bur bas kyang mi rtag na zhes bya ba 'dis ni tshe skad cig ma nyid yin par bstan to/ /dbugs rdub 'byung ba gnyid kyis log pa las/ sang khom gang lags de ni ngo mtshar che/ zhes bya ba ni tshe de ltar gnod pa mang ba can skad cig ma yin na/ skyes bu dbugs brdubs nas dbugs 'byung ba 'am/ gnyid kyis log pa la sogs pa las sad khom bgad
- 344a
yin pa de ya mtshan che'o zhes bya ba yin no/ /gnod pa ni rnam pa gnyis su rig par bya ste/ phyi rol gyi ni rlung dang nyi ma dang/ sdig sbrul la sogs pa'o/ /nad gi ni rlung la sogs pa 'khrugs pa kun nas bslad ba'i nad la sogs pa'o// lus mdza' thal ba zhes bya ba la sogs pas ni lus la snying po'i blo 'dod du 'jug ste/ de ltar na yang 'chi ba la dran pa nye bar gtad pa kho na yin no/ /de la lus mdza' thal ba zhes bya ba la sogs pa'i don ni mdo'i tshig gi rjes su 'brangs nas rig par bya ste/ bcom ldan 'das kyis ji skad du/ dge slong dag shi zhing dus las 'das pa'i lus nye du rnams kyis mes bsreg pa 'am/ chu la bkur ba 'am sa'i 'og tu 'dzud par byed cing/ yang na ni rlung dang nyi ma dag gis skems par 'gyur ro yang na ni dud 'gro'i skye gnas su gtogs pa'i srog chags sna tshogs za bar 'gyur ro zhes gsungs pa lta bu'o/ /de la lus zhes bya ba ni rnam par 'gyes pa'i bdag nyid yin pa'i phyir ro/ /mdza' thal ba zhes bya ba ni mes bsreg pa zhes bya ba'i tshig 'di'i don yin no/ /mthar skam pa zhes bya ba ni sa'i 'og tu 'dzud par byed cing/ yang na ni rlung dang nyi ma dag gis skabs par 'gyur ro zhes bya ba'i tshig 'di gnyis kyi don yin no/ /mthar 'drul zhes bya ba ni chung bkur ba zhes bya ba 'di'i don yin no/ /tha mar mi gtsang zhes bya ba ni dud 'gro'i skye gnas su gtogs pa'i srog chags sna tshogs za bar 'gyur ro zhes bya ba 'di'i don yin no/ /snying po ma mchis pa zhes bya ba ci zhe na/ 'di ltar rnam par 'jig dengs myags par 'gyur ba ste/ so sor 'gyes chos can du mkhyen par mdzod/ /snying po med pa nyid ni rnam par 'jig la sogs pa nyid kyis ston par byed de/ de la rnam par 'jig pa'i chos can ni mes 'joms pa'i phyir ro/ /de dang ba'i chos can ni rlung dang nyi ma
- 344b
la sogs pas skems pa'i phyir ro/ /myags pa'i chos can ni chus rul pa'i phyir ro/ /so sor 'gyed pa'i chos can ni srog chags rnams kyis kham bur rnam par 'jig pa'i phyir ro/ /mkhyen par mdzod ces bya ba ni rtogs par gyis shig pa'o/ /sa dang lhun po rgya mtsho zhes bya ba la sogs pas ni chos brtan pa rnams kyang mi rtag pa nyid du mthong bas rang gi lus la shin tu snying po med pa'i blo nye bar gtod par byed de/ sa dang lhun po rgya mtsho rnams zhes bya bar tshig bsdu ba'o/ /de dag ni/ sa dang lhun po rgya mtsho nyi ma bdud 'bar pas bsregs pa'i lus can te/ nyi ma bdun 'bar ba ni nyi ma bdun 'bar ba'o/ /gang dag la bsregs pa'i lus yod pa de dag la de skad ces bya ste/ sa la sogs pa nyi ma bdun gyi 'bar bas bsregs pa'i lus can de dag kyang/ thal ba yang ni lus par mi 'gyur na/ shin tu nyam chung mi lta smos ci 'tshal/ re zhig che thang du bstan pa de dag kyang gnas skabs de lta bur 'gyur na rnam pa thams cad nyam chung ba'i lus gang yin pa 'di lta smos kyang ci dgos te/ 'di la mi rtag pa nyid kyis gzhom par mi nus pa'i gnas skabs gang yin pa de med do/ zhes bya ba yin no/ /de la sogs pa nyi ma bdun gyis bsregs pa ni nyi ma bdun 'chad pa'i mdo'i rjes su 'brangs nas rig par bya ste/ bcom ldan 'das kyis ji skad du/ dge slong dag gang dus ring mo zhig 'das nas char ba mi 'bab la/ de nas sa chen po 'di la sa bon gyi chogs dang 'byung ba'i tshogs gang dag yin pa dang/ chu bran skams par 'gyur ba'i dus de yang yod do/ /dge spong dag gang dus ring mo zhig 'das nas chang mi 'bab la/ de nas 'jig rten 'dir nyi ma gnyis pa zhig 'byung bar 'gyur te/ de byung bas sa chen po 'di la chu chen po bzhi ma gtogs pa chu bo thams cad skams par 'gyur ba'i dus de yang yod do/ /'jig rten du nyi ma gsum pa byung bas ni chu bo chen po bzhi
- 345a
dang/ ma dros pa la sogs pa mtsho chen po rnams kyang bskam par 'gyur ro/ /'jig rten du nyi ma bzhi pa byung bas ni rgya mtsho chen po las shing rta la tsam yang skam par 'gyur la/ dpag tshad tsam yang skam par 'gyur ba nas dpag tshad brgya yang skam par 'gyur ro/ /'jig rten du nyi ma lnga pa byung bas ni dpag tshad nyis brgya la sogs pa'i khyad par gyis chu skam par 'gyur ro/ /'jig rten du nyi ma drug pa byung bas ni chu'i thig ba chung ngu yang mi lus shing sa chen 'di dang ri'i rgyal po ri rab kyang du ba 'thul? bar 'gyur te/ dper na thod lcags bsregs pa rtswa'i nang du bor ba bzhin du du ba 'thul bar 'gyur ro/ 'jig rten du nyi ma bdun 'byung bas na stong gsum gyi stong chen po'i 'jig rten gyi khams 'di kun yang 'bar bar 'gyur rab tu 'bar bar 'gyur te/ dper na mar sar ram/ 'bru mar bsegs na thal ba yang mi lus pa bzhin du 'gyur ro/ /de ltar 'du byed du gtags pa thams cad ma lus par bsregs nas rang yang 'chi bar 'gyur te/ re zhig 'di ni mes 'jig pa'i dbang gis sa dang lhun po dang rgya mtsho rnams 'jig par bshad pa yin no/ /'di dag ni chus 'jig pa'i dbang gis kyang 'jig la/ rlung gis 'jig pa'i dbang gis kyang 'jig par rig par bya'o/ /de la khyad par ni 'di yod de/ nyi ma gnyis pa ci lta ba de ltar chus 'jig pa la ni tsha sgo chu'i char 'bab po/ rlung gis 'jig pa la ni rnam par 'thor byed kyi rlung chen po ldang ngo/ /de ltar 'di kun zhes bya ba la sogs pas ni ji skad bshad pa'i don gyi mjug bsdus nas gdams ngag sbyin par byed de/ mi rtag pa dang bdag med pa ni bshad zin pa nyid do/ /skyabs med pas ni sdug bsngal las yongs su skyob par byed pa'i rje dpon 'ga' yang med pa'i phyir ro/ /mgon med pa ni de lta bu'i nye ba'i
- 345b
tshogs kyang med pa'i phyir ro/ /gnas med pa ni tha mal bar 'dug pa gzhan 'ga' yang med pa'i phyir te/ gang gi phyir 'jig rten 'di de ltar skyabs med pa yin pa de'i phyir kye ma mchog khyod kyis 'khor ba chu shing ltar snying po med pa la yid 'byung bar gyis shig ces bya ba yin no/ /da ni dge ba'i snod mi nyid rnyed dka' bar rab tu bstan pa'i phyir/ rgya mtsho gcig na zhes bya ba la sogs pa smos te/ rgya mtsho gcig na gnas pas na/ rgya mtsho gcig gnas so/ /de ni rgya mtsho gcig na gnas pa yang yin la/ rus sbal yang yin pas/ rgya mtsho gcig na gnas pa'i rus sbal lo/ /rgya mtsho gcig ni gnas pa'i rus sbal dang gnya' shing bug pa zhes bya bar tshig bsdus te/ de gnyis phrad pa'i rgya mtsho gcig na gnas pa'i rus sbal dang gnya' shing bug par phrad pa'o/ /mi nyid thob pa ni de bas kyang dka' o/ /don 'di yang mdo kho na las bstan te/ dge slong dag 'jig rten rgya mtsho gcig tu gyur pa'i nad na rus sbal zhar ba tshe ring ba/ yun ring por 'tsho ba zhig gnas te/ de lo brgya 'das nas lan gcig gyen du 'byung la/ rgya mtsho chen po de na gnya' shing bu ga phug pa zhig yod pa de shar gyi rlung gis bdas nas ni nub phyogs su 'gro zhes bya ba rgyas par bka' stsal nas/ dge slong dag gang du rus sbal long ba de gyen du 'byung ba'i mgrin pa gnya' shing de'i bu gar tshur bar 'gyur ba'i dus de ni yod kyi/ dge slong dag mir skye ba 'thob pa ni de bas kyang ches dka' bar nga smra'o zhes gsungs so/ /dud 'gro las zhes bya ba ni dud 'gro'i skye gnas nas/ /de nas mi thob par ni dka' ste/ de dag shin tu blun pa'i phyir ro/ /gang gi phyir de ltar mi 'thob par shin tu dka' ba de'i phyir mi dbang gis ni dam chos spyad pas mi de 'bras bu mchis par mdzod cig /'dis ni 'di skad du/ khyod kyis thos pa tsam gyis chog par mi bya'i/ 'on kyang nan tan snying por bya'o zhes bshad pa yin no/ /gang zhig gser snod
- 346a
zhes bya ba la sogs pas ni de ltar rnyed par dka' ba'i mi nyid thob na/ gang zhig dge ba mi byed pa de smad pa'i sgo nas dge ba la sbyor bar byed do/ /gser gyi snod rin po ches spras pas ngan skyugs ngag phyag sang 'os pa ma yin par spyod/ gnas ma yin par spyod pa ni 'jig rten gyi smad par bya ba yin no/ /mir skyes nas gang zhig sdig pa rnams byed pa ni de bas kyang ches smad par byad pa kho na yin te/ mi nyid rin po che'i snod pas kyang che sa rnyed par dka' ba'i phyir ro/ /da ni mthun par gyur pa'i yul du gnas pa dang/ zhes bya ba la sogs pas rgyal po 'phags pa'i lam gyi snod nyid yin par ston to/ /de la mthun pa'i yul ni gang zhig gang gi sems mnyam par bzhag pa dang mthun pa yin te/ 'tshe ba dang gnod pa dang bral ba'i phyir ro/ /skyes bu dam pa la brten pa ni dge ba'i bshes gnyen la yang dag par brten pa'o/ /de yang lus phun sum tshogs pa'am/ rtog pa phun sum tshogs pa yang rung ste/ yon tan dag gis mnyam pa'am/ khyad par du 'phags pa'i yon tan yin no/ /yang na mdza' bo 'am/ bla ma yid brtan du rung ba/ smra mkhas pa tshig bzod pa don zab mo smra ba gnas ma yin par sbyor bar mi byed pa gang yang rung ste/ gang gi rjes su bslabs nas tshul khrims dang thos pa dang/ gtong ba dang/ shes rab kyi 'phel bar 'gyur ba de 'dra ba de ni skyes bu dam pa zhes bya'o/ /bdag nyid kyis legs pa'i smon lam ni bdag nyid kyis ji skad bshad pa bzhin byed pa'i sgo nas legs par sgrub pa'o/ /sngon yang bsod nams bgyis zhes bya ba 'dis ni tshogs bsags pa nyid du ston to/ /de dag ni 'khor lo zhes bya ba ste/ 'phags pa'i lam gyi shing rta 'gro bar byed pa yin pa'i phyir ro/ /'khor lo chen po de bzhi khyod la mnga' zhing yod pas de'i phyir 'phags pa'i lam bskyed pa'i phyir 'bad? pa byos shig snyam
- 346b
du dgongs pa yin no/ /dge ba'i bshes gnyen brten pa zhes bya ba la sogs pas ni 'phags pa'i lam bskyed pa la skyes bu dam pa la brten pa gtso bo yin par ston te/ /'phags pa kun dga' bos bcom ldan 'das 'di lta ste/ dge ba'i bshes gnyen dang/ dge ba'i grogs po 'di ni tshangs par spyod pa'i phyed lags so zhes gsol pa dang/ bcom ldan 'das kyis kun dga' bo khyod 'di skad du dge ba'i grogs po 'di ni tshangs par spyod pa'i phyed lags so zhes bya ba'i bar ma smra zhig /kun dga' bo 'di lta ste/ dge ba'i bshes gnyen dang/ dge ba'i grogs po 'di ni tshangs par spyod pa yongs su rdzogs pa yin no/ /de ci'i phyir zhe na/ kun dga' bo skye ba'i chos can rnams dge ba'i bshes gnyen la brten nas skye ba las yongs su brol lo zhes rgyas par bka' stsal to/ /gang gi phyir bcom ldan 'das kyis de skad du bka' stsal pa de'i phyir skyes bu dam pa rnams la brten par bya'o/ /yang skyes bu dam pa la brten pa tshangs par spyod pa yongs su rdzogs pa yin pa ji ltar shes she na/ rgyal ba la brten nas rab tu mang pos zhi ba thob ces bya ba smos so/ /de la tshangs pa zhes bya ba ni mya ngan las 'das pa'o/ /de'i don du spyod pa ni tshangs par spyod pa de lam mo/ /de lta bas na tshangs par spyod pa yongs su rdzogs pa sdug bsngal ba mdza' dag zad pa'i rgyur gyur pa/ 'phags pa'i lam gyi rgyu ni dge ba'i bshes gnyen yin no/ zhes bshad ba yin no/ /log par lta ba 'dzin pa dang zhes bya ba la sogs pas ni dge ba bya bar mi rung ba nyid du ston par byed do/ /de la log par lta ba 'dzin pa ni 'jig rten pha rol med do zhes bya bar 'dzin pa gang yin pa'o// dud 'gro nyid ni dud 'gro'i skye gnas su skye ba'o/ /yi dags nyid ni yi dags kyi 'jig rten du skye ba'o/ /dmyal ba ni dmyal ba'i 'jig rten du skye ba'o/ /rgyal ba'i bka' med pa ni/ sangs rgyas 'gyur ba med pa'i phyir ro/ /mdza' 'khob kla klor skye ba ni der
- 347a
skye ba gang yin pa'o/ /sangs rgyas 'byung ba yod kyang glen zhing lkug pa nyid du ni lag brda byed pa'o/ /tshe ring lha nyid gang yang rung bar ni skye ba zhes bya ba ni 'du shes med pa dang gzugs med pa rnams so/ /gnas brgyad po de dag dge ba bya ba'i dal ba med pas na mi khom pa zhes bya'o/ /de nyid kyi phyir nyes pa mang bas skyon zhes kyang bya'o/ /mi khom pa'i skyon de dag dang bral khom pa rnyed nas ni/ skye ba bzlog pa'i slad du 'bad pa mdzod/ skye ba bzlog pa'i ched du zhes bya ba'i don to/ /de ni nges pa 'dod pas phongs pa dang/ zhes bya ba la sogs pa gang smos pa ni 'jig rten thams cad la mngon par mi dga' ba'i 'du shes nye bar bsgrub cing mya ngan las 'das pa la rgyur gcig tu gzhol bar bya bar bzhed ba yin te/ sdug bsngal zhes bya ba'i sgra ni 'dod pas phongs pa'i sdug bsngal dang/ 'chi ba'i sdug bsngal zhes bya ba la sogs pa'i tshul du re re dang sbyar ro/ /'dod pas phongs pa la sogs pa ni sdug bsngal gyi rgyu yin pa'i phyir sdug bsngal zhes bshad kyi/ tshar ba'i rang bzhin yin pa'i phyir ni me yin no/ /sogs pa zhes smos pas ni mya ngan dang smre? sngags 'don pa la sogs pa bzung ngo/ /de ltar sdug bsngal du ma'i 'byung gnas rten 'khor ba nye bar len pa'i phung po lnga'i ngo bo nyid las skyo mdzad cing yid byung ba bskyed par bya zhing zhes bya ba'i tha tshig go /'khor ba 'di'i nyes pa skyo ba'i rgyu shas kyang gsan par mdzod cig /'khor ba'i nyes pa ril brjod par mi nus pa'i phyir phyogs gcig zhal gyis bzhes so/ /'khor ba'i nyes pa de yang rnam pa bdun zhig brjod de 'di lta ste/ nges pa med pa'i nyes pa dang/ doms mi shes pa'i nyes pa dang/ lus yang dang yang du 'dod ba'i nyes pa dang/ yang dang yang du nying mtshams sbyor ba'i nyes pa dang/ yang
- 347b
dang yang du mtho dman gyi ngo bor gyur pa'i nyes pa dang/ grogs med pa nyid kyi nyes pa dang/ 'gro ba drug pa'i nyes pa'i sdug bsngal nyams su myong ba'i nyes pa'o/ /de la nges pa med pa'i nyes pa'i dbang du byas nas/ pha nyid bu nyid ces bya ba la sogs pa smos so/ /bzlog pa nyid du zhes bya ba ni bu nyid pha nyid du/ chung ba ni ma nyid du skye bo bshes pa ni dgra nyid du 'gro ba'o/ /de lta bas na 'khor ba na nges pa 'ga' yang med do/ /ngoms mi shes pa'i nyes pa'i dbang du byas nas/ re res rgya mtsho bzhi pas zhes bya ba la sogs pa smos te/ tshigs su bcad pa'i don ni go bar zad do/ /lus yang dang yang du 'dor ba'i nyes pa'i dbang du byas nas/ re re'i bdag nyid ces bya ba la sogs pa smos te/ de la bdag nyid rus pa'i phung po zhes bya ba ni lus kyi rus pa'i phung po zhes bya ba'i don to/ /yang dang yang du nying mtshams sbyor ba'i nyes pa'i dbang du byas nas/ ma yi thug mdza' zhes bya ba la sogs pa smos te/ bcom ldan 'das kyis ji skad du/ dge slong ngag dper na skyes bu 'ga' zhig gis/ sa chen po 'di la rgya shugs pa tshig gu tsam gyi ri lu thogs te/ 'di ni bdag gi ma'o/ /'di ni bdag gi mdo'i yang ma'o zhes 'dar bar byed na/ dge slong dag sa chen po 'di'i 'jib pa ni chos sbar zad par 'gyur gyi/ mi rnams kyi ma rgyud pa ni de lta ma yin no/ /zhes smra'o zhes gsungs pa lta bu'o/ / yang dang yang du mtho dman gyi ngo bor 'gyur ba'i nyes pa'i dbang du byas nas/ brgya byin ces bya ba la sogs pa smos te/ tshigs su bcad pa'i don nag bar zad do/ /mtho ris bu mo zhes bya ba la sogs pa la/ mtho ris bu mo ni lha'i bu mo dag go /de dag ni nu ma dang sked pa la reg pa ste/ reg pa des bde ba myong nas nyams su myong zhes bya ba'i don to/ /shin tu mi zad bsnyen 'tshal lo zhes bya ba ni reg pa ste bor mi 'bred pa bsten dgos so zhes bya ba'i tha tshig go /de yang gang zhe na/ /'thag gcod? dbab pa'i 'khrul 'khor
- 348a
gyi reg pa zhes bya ba smos te/ 'khrul 'khor zhes bya ba'i sgra ni re re dang sbyar? ro?/ /de la 'thag pa'i 'khrul 'khor ni 'di lta ste/ dmyal ba bsdus 'joms na yod pa lta bu'o/ /gcod pa'i 'khrul 'khor ni dmyal ba thig nag na yod pa yin no/ /dbang pa'i 'khrul 'khor ni tsha ba dang rab tu tsha ba na yod pa yin par rig par bya'o/ /rkang pa'i reg pas nems par bde bzod pa zhes bya ba ni rkang pa'i reg pas nems? zhes byed pa dang/ par ces byed pa'o/ /de'i bde ba bzod pas na/ rkang pa'i reg pas nems par bde ba bzod pa zhes bya ste/ bde bar rung zhing bde ba'i brten ces bya ba'i tha tshig go /lhun po'i spo de 'dra ba la yun ring po lha'i lo stong du gnas pa ni/ slar yang me mur ro myags rgyu ba yis/ sdug bsngal mi bzad phog snyam bgyi 'tshal lo/ /de la me mar mur ni pus mo nus tsam ste/ gang du rkang pa bzhag pa na pags pa dang sha dang khrag zhig par 'gyur la/ bteg na pags dang sha dang khrag slar skye bar 'gyur ba yin no/ /ro myags ni phyi sa'i 'dam rdzab gang na srog chags 'bu mchu rnon zhes bya ba la lus thams cad dkar mgo bo nag pa yin te/ de dag gis sems can de rnams kyi pags pa yang 'bigs par byed/ ces bya ba rgyas par mdo las ji skad 'gyur ba bzhin rig par bya'o// mtho ris bu mos 'brongs shing zhes bya ba la sogs pas ni mtho ris kyi bu mo dag gis 'brongs pa ni mtho ris su mos 'brongs pa ste/ nye bar bsten pa zhes bya ba'i tha tshig go /mtho ris bu mos 'brongs shing dga' ba dang/ rnam par mdzes tshal son pa de dag rtse nas te dga' ba'i tshal du son pa dang rnam par mdzes pa'i tshal du son pa dag rtse nas/ slar 'dab ma ral gri 'dra tshal nags rnams kyis/ /rkang lag rna ba sna gcod 'thob par 'gyur/ de la 'dab ma ral gri lta bu'i tshal zhes bya
- 348b
ba ni me mar mur dang ro myags dang spu gri so gtams pa'i lam po che 'das nas rgyas bcad pa zhig na nags tshal sngon po lta bu zhig snang ste/ der sems can gnas tshol ba skyabs tshol ba dpag? rgyug par byed cing/ sems can der zhugs pa rnams la las las byung ba'i rlung dag ldang zhes bya ba rgyas par 'byung ba yin no/ /dal gyis 'bab par zhugs nas zhes bya ba ni lha'i rdzing bu dal gyis 'bab pa zhes bya ba der zhugs nas so/ /khyad par ji lta bu can zhig tu zhe na/ lha'i bu mo zhes bya ba la sogs pa smos te/ gang na lha'i bu mo gdong mdzes pa dang gser gyi pad+ma yod pa de la de skad ces bya'o/ /slar yang dmyal bar chu bo rab med par 'jug 'tshal lo/ /khyad par ji lta bu can zhig ce na tshe sgo bzod rlag chu tshan du ste/ chu bo rab med ces bya ba la lo ma ral gri lta bu'i tshal 'das nas dmyal ba 'obs bzhin du bskor nas 'dug pa/ gang du sems can gnas tshol ba skyabs tshol ba de dag ces bya ba rgyas par mdo las ji skad 'byung bar bzhin reg par bya'o/ /bzhi po 'di dag ni lhag pa yin par bshad de 'di lta ste/ me mar mur dang/ ro myags dang/ lo ma ral gri lta bu'i tshal dang/ chu bor ba med do/ /lhag pa bzhi po de dag ni sems can dmyal ba thams cad kyi sgo bzhin go rims bzhin du rnam par gnas te/ de lta bas na sems can dmyal ba chen po brgyad 'chad par 'gyur ba re re zhing lhag pa bcu drug yin no/ /lha yul 'dod pa de zhes bya ba ni 'dir sum cu rtsa gsum pa yan chad kyi 'dod pa'i lha 'thab bral ba la sogs pa gang yin pa de dag yin par bzhed de/ de dag na yod pa'i bde ba gang yin pa de thob nas gnas so/ /shin tu chen po zhes bya ba ni 'dod pa'i bde ba'i khyad par ro/ /yang na chags pa dang bral ba'i bde ba'i khyad par yin te/ bde ba thams cad pas khyad par du 'phags pa'i phyir ro/ /de'i gong ma gzugs kyi khams na ni/ tshangs nyid chags bral bde ba ste/ chags pa
- 349a
dang bral ba nyid ni/ 'dod pa'i 'dod chags rnam par gnon pa la rig par bya'o/ bde ba de 'dra bas kyang dus gzhan na mi dge ba'i las bsags pa'i phyir lan grangs gzhan la myong bar 'gyur ba'i las kyi 'phen pas slar/ sdug bsngal rgyun mi 'chad par bsten 'tshal lo zhes bya bar sbyar ro/ /gang du de bstan dgos she na/ mnar med du'o/ /khyad par ji lta bu can zhig gis she na/ me'i bud shing gyur pa yis te/ lus bsregs pas zhes bya ba'i tha tshig go /nyi ma zla ba nyid thob ces bya ba ni nyi ma nyid dang zla ba nyid thob nas so/ /rang lus kyi 'od kyi 'jig rten mdza' dag snang byas te/ zhes bya ba ni 'jig rten pa'i tshig gis tshul gyis de skad du 'chad par zad de 'ong 'di lta bu nyi ma'am zla ba'i lus kyi 'od ni ma yin gyi/ gzhal med khang gi yin pas/ rten dang brten pa dag dbye ba ma byas pas de skad ces bshad par rig par bya'o/ /slar yang mun nag smag tu phyin gyur nas/ zhes bya ba ni mun nag smag tu phyin nas zhes bya bar sbyar te/ de ni 'jig rten gyi bar dag na yod pa yin par rig par bya'o/ /der skyes nas ni rang gi lag pa brkyang ba'ang mthong mi 'gyur/ grogs med pa nyid kyi nyes pa'i dbang du byas nas/ de ltar nongs par 'gyur 'tshal zhes bya ba la sogs pa smos te/ de ltar ji skad bshad pa'i rnam pas 'chi dgos pa yin pas bsod nams ni rnam gsum mar me'i snang bar bzhes shig bsod nams rnam gsum nyid mar me'i snang ba yin pas na/ bsod nams ni rnam gsum mar me'i snang ba'o/ /bsod nams rnam pa gsum ni lus kyi dang ngag gi dang yid kyi'o/ /yang na sbyin pa las byung ba dang/ tshul khrims las byung ba dang/ bsgom pa las byung ba'o/ /ci'i phyir bsod nams kyi mar me'i snang ba blang zhe na/ gcig pu mun nag mdza' yas nang du 'jug 'tshal
- 349b
lo/ /zhes bya ba la sogs pa smos te/ ma 'ongs pa'i dus na ni ma rig pa'i mun pas g.yogs pas mi gsal ba'i phyir dang/ yongs su ma chad pa'i phyir mun nag mdza' yas zhes bshad do/ /der gcig pu grogs med par 'jug dgos la de yang sdug bsngal du ma'i 'jig pa dang bcas pa yin pas de'i gnyen por bsod nams rnam pa gsum gyi mar me'i snang ba longs shig ces bya ba yin no/ /'di man chad kyi gzhung ni 'gro ba drug gis nges pa'i sdug bsngal nyams su myong ba'i nyes pa'i dbang du byas pa yin par rig par bya'o/ /de la re zhig dmyal ba'i 'gro ba'i dbang du byas nas/ sems can nyes par spyad pa spyod rnams la yang sos thig nag ces bya ba la sogs pa smos te/ tshigs su bcad pa 'dir ni tshig sdeb pa nyams su myong dgos pas/ dmyal ba rnams bab bab tu bstan pa mdzad do/ /'di la go rims ni 'di yin par rig par bya ste/ yang sos dang/ thig nag dang/ bsdus gzhom dang/ ngu 'bod dang/ ngu 'bod chen po dang/ tsha ba dang/ rab tu tsha ba dang/ mnar sems med pa zhes bya ba 'di dag ni sems can dmyal ba chen po brgyad yin no/ /sogs pa zhes bya ba'i sgra ni lhag pa rnams dang/ grang ba'i dmyal ba rnams dang nye tse ba'i dmyal ba rnams bsdus par rig par bya'o/ /rtag tu sdug bsngal 'gyur zhes bya ba ni rgyun mi 'chad par sdug bsngal bar 'gyur ro/ /su dag la dmyal ba 'di rnams rgyun mi 'chad par sdug bsngal bar 'gyur zhe na/ nyes par spyad pa spyod rnams la zhes bya ba smos te/ gang dag lus dang ngag dang yid kyis nyes par spyad pa spyod pa rnams la'o/ /'phags pa rnams kyis smad cing dgongs pa'i spyad pa de nyes par spyad pa ste/ de yang mi dge ba bcu'i lus kyi las sngar ji skad bshad pa lta bu yin no/ /de la re zhig dmyal ba yang sos na ni sems can rnams phan tshun/
- 350a
'dus nas las las byung ba'i mtshon cha sna tshogs kyis yan lag dang nying lag kun tu jung bar byed kun tu gcod par byed cing/ der dran pa brlag nas sa la rab tu 'gyel lo/ /de'i rjes la nam mkha' nas khyed rnams yang sos par gyur cig ces bya ba'i sgra grags par 'gyur te/ dmyal ba de ni yang sos zhes bya'o/ /thig nag ni sems can rnams de na yod pa'i skyes bu gnod pa byed pa rnams kyi ri dbyibs sna tshogs pa dag gi gseb tu bcug nas theg nag po drangs te shing bzhin du rko bar byed gshag par byed pas dmyal ba de ni thig nag ces bya'o/ /bsdus gzhom ni sems can rnams gcig tu bsdus par gyur pa dang/ de ni yod pa'i skyes bu gnod pa byed pa rnams kyi ri dbyibs sna tshogs pa dag gi gseb tu 'dzud cing/ ri de dang de dag gi 'tshir bar byed cing/ de ltar 'tshir ba rnams kyi khrag chu klung bzhin du 'bab par 'gyur ro/ /de bzhin du lcags kyi btsir sbyang chen por bcug nas/ 'tshir bar byed cing steng nas rdo chen po 'bab pas de dag lcags kyi sa gzhi la kun tu gdung bar byed kun tu 'thug par byed/ kun tu 'joms par byed pas/ dmyal ba de ni bsdus gzhom zhes bya'o/ /ngu 'bod na ni sems can gnas tshal ba rnams lcags kyi khang par 'jug par byed do/ /der zhugs pa rnams la me 'byung bar 'gyur te/ de na de rnams la me 'byung zhing me lce gcig tu gyur pa 'bar bas nyams theg pa'i nga ro sa'o dod 'bod pas na dmyal ba de ngu 'bod ces bya'o/ /ngu 'bod chen po na ni khyad par 'di yod de de na sems can gnas tshol ba rnams khang sbrom du 'jug go /des na dmyal ba ngu 'bod chen po zhes bya'o/ /tsha ba na ni sems can rnams de na yod pa'i skyes bu gnod pa byed pa rnams kyis/ sla nga rab tu 'bar ba'i nang du bcug nas sreg par byed do/ yang de rnams
- 350b
mdung 'bar bas mes 'bigs par byed de/ de rgyab rol nas phug pas glang par thal 'byin cing de rnams kyi spu'i bu ga thams cad dang sgo thams cad nas kyang me 'byung ngo/ /yang de rnams sa gzhi kun tu 'bar ba la gan rkyal du bsnyal nas lcags kyi thob kun tu 'bar ba dag gis rdung bar byed de/ de na dmyal ba de tsha ba zhes bya'o/ /rab tu tsha ba na ni khyad par 'di yod de mdung rtse gsum pas rgyab rol nas btab pas de'i rtse mo gnyis ni thal gong gnyis su thal 'byin la/ gcig ni glang? par thal 'byin tod/ yang lcags kyi leb ma kun tu 'bar bas lus thams cad nas 'khri bar byed do/ /yang lcags bzangs kun tu 'bar ba tsha sgo chu bskol ba'i nang du khas bub du 'dzud cing de rnams de na steng dang 'og dang thad gar 'gro ba na pags pa dang sha dang khrag dag bsnyil nas rus pa'i keng rus tsam lus so/ /phyir byung na ni pags pa dang sha dang khrag dang slar skye bar 'gyur te/ des na dmyal ba de rab tu tsha ba zhes bya'o/ /mnar med par na ni phyogs bzhi dang bla 'og thams cad nas me 'bar bar 'khrigs par 'dug ste/ der sems can rnams kyi pags pa dang/ sha dang rgyus pa dang/ rus pa nas rkang gi bar la zhen nas lus la me'i snying po la zhen pa bzhin khyad par gnas so/ /nga ni nyam thag pa'i nga ro grags pa ma gtogs pa 'di dag ni sems can no/ 'di dag ni me'o zhes bye brag tu dbye bar mi nus te me'i phung po lta bur snang ngo/ /sems can rnams la me dang sdug bsngal gyi bar mtshams med pas na/ dmyal ba de na tshams med pa zhes bya'o/ /nga ni ci rigs phar dmyal ba de dag na yod pa'i sdug bsngal gyi khyad par ston par byed de/ de la kha cig til bzhin 'tshir byed ces bya ba ni/ dmyal ba bsdus 'joms na/ lcags kyi btsir spyad 'bar bar bcug nas/ 'tshir bar byed pa'o/ /phye ma zhib mo? bzhin du phye mar rlog ces bya ba de ni dmyal ba de nyid na/ dmyal
- 351a
ba'i srung ma ya sos ma mchu mnan pa dag che thang du 'bad pas lcags kyi 'chag 'bad pa dag gi steng du/ mtshig gu de kho na dang 'dra bas phye mar rlog par byed pa'o/ /sogs les 'dra zhes bya ba la sogs pas ni dmyal ba thig nag na/ gshin rje mi ci la ma rag par chas pa brod brod ltar 'dug pa dag gis shing mkhan gyis shing rlon pa la bya ba bzhin du sog le 'bar ba so rang rod du 'dug pa dang/ sta re me 'bar ba rnams kyis gshegs par byed pa yin no/ /de bzhin gzhan dag khro chu bzhus pa'i zhes bya ba la sogs pa ni chu bo dang med kyi 'gram na/ rkam pa 'bar bas kha'i bu ga phye bar khro chu me drag po'i reg pas sra ba las thal te nal nal po nyid du gyur pa 'bar ba ldud par byed pa yin no/ /kha cig lcags kyi gsal shing zhes bya ba la sogs pa ni dmyal ba tsha ba na dmyal ba pa lcags kyi gsal shing 'bar ba tsher ma can la rgyud par byed pa yin no/ /kha cig lcags kyis mche ba ldan pa'i khy zhes bya ba la sogs pa ni lo ma ral gri lta bu'i tshal na/ khyi sre bo lcags kyi mche ba can gtum po nad na skad bo tshar zug? pa dag gis dbang cing lag pa gnam du bsgrengs nas/ 'o dod 'bod par byed pa yin no/ /dbang med gzhan dag lcags mchu rnon po dang/ zhes bya ba la sogs pa ni dbang med pa gzhan dag lcags kyi shal ma ra? yi tshal na 'thog par byed pa yin no/ /gang dag gis she na/ lcags mchu rnon po dang/ sen mo mi bzad ldan pa'i khra rnams kyis te/ khra gang dag la lcags kyi mchu rnon po dang sen mo me bzad pa yod pa de dag la de skad ces bya'o/ /kha cig srin bu sbur ba sna tshogs rang zhes bya ba la sogs pa ni srin bu dang sbur ba dag ste/ srin bu ni lus las byung ba rnams so/ /sbur pa ni phyi rol nas byung ba rnams so/ /sna tshogs pa ni kha dog dang dbyibs rigs tha dad pas so/ /de
- 351b
bzhin du sha sbrang sbrang ma nag po khri phrag dag sna tshogs pa zhes bya bar sbyar ba ste/ sha sbrang dang sbrang ma nag po dag ces bya bar tshig bsdu'o/ /sbrang ma nag po zhes bya ba ni sbrang ma lhing? nag ces bya ba'i don to/ /khri phrag ces smos pa ni mang po nyid du mtshon pa yin no// reg na mi bzod ces pa gang dag gi reg pa mi bzad pa de dag ni reg na mi bzod pa'o/ /gang dag gis rma sral cher 'byin pa de dag la de skad ces bya ba ste/ de la snga mas ni tshor ba mi bzad pa'i rgyu nyid bshad do/ /gnyis pas ni rma sral che ba'i rgyu nyid bshad do// 'gre ldog ces bya ba ni tshor ba mi zad pas nyen pas lus mi brtan pa yin te/ sdug bsngal 'di yang lhag pa dag na yod par rig par bya'o/ /kha cig me mdag me 'bar ba'i tshogs su ni zhes bya ba la sogs pa ni dmyal ba'i srung ma lcags kyi 'dan kar 'bar ba la kom tshugs bcas shing/ ci la ma rag par chas pa dag gis dmyal ba rnams lcags kyi mdag me 'bar ba'i tshogs su bsreg pa lta bur 'bar ba'i tshogs su sreg par byed pa yin te/ lus tshor ba bzod rlag pas nyen pa de dag ni kha'i bu ga dgang ba tsam las bshes brlag go /sdug bsngal 'di yang dmyal ba tsha ba na yod par rig par bya'o/ /kha cig lcags las byas pa'i zangs chen du zhes bya ba la sogs pa ni yang kha cig ni dmyal ba rab tu tsha ba na las byas pa'i zangs po che me 'bar ba 'khrigs par 'dug pa tsha sgo chu bkol bas bkad? ba'i nang du 'bras kyi cung ba de bzhin du 'tshed par byed pa yin no/ /sdig can dbugs phyung 'gag pa tsam gyi ni zhes bya ba la sogs pas ni dmyal ba'i sdug bsngal mi bzad pa nyid ston te/ sdig can ni sdig pa dang ldan pa'o/ /dbugs byung ba 'gag pa tsam gyi dus ni/ dbugs phyung 'gag pa tsam gyi dus de de tsam zhig gis bar du mchod pa bzhin du gang gis phyir sdig can dmyal ba rnams kyi sdug bsngal gzhal du med pa de lta bu thos nas/ 'jigs par mi 'gyur ba de'i
- 352a
phyir rdo rje'i rang bzhin yin te/ ha cang 'jigs mi shes zhes so/ /zhes bya ba'i tha tshig go /rdo rje'i rang bzhin no zhes byin 'jigs mi shes pa nyid du ston par byed pa yin te/ sdig pa can rnams kyi dmyal ba'i sdug bsngal shim thag tu 'jug ste/ de ltar gting la thug gi sdug bsngal chen po thos nas 'gyod par mi byed pa gang yin pa de ni de dag gi rdo rje'i rang bzhin yin no/ /dmyal ba bris so pa zhes bya ba la sogs pas ni de nyid dran par byed de rtsig pa la sogs pa bris pa/ mthong ba rnams kyang 'jigs pa bskyed par 'gyur na zhes thams cad la sbyar ro/ thos pas ni gzhan dag gis bsnyad pa'o/ /dran pa ni sngon nyams su myong pa'o/ /blags pa ni gzhung gi ngo bor sbyor ba'o/ /gzugs su bgyis pa ni 'jim gzugs su byas pa zhes bya ba'i tha tshig go /dmyal ba de lta bu dag kyang 'jigs pa bskyed na/ mi bzad pa'i rnam smin nyams su myong rnams smos ci 'tshal/ de dag ni rnam par smin pa mi bzad pa yang yin la/ nyams su myong ba yang yin pas/ mi bzad pa'i rnam smin nyams su myong rnams te/ de'i gnas skabs na dmyal ba rnams 'jigs pa shin tu yang bskyed do zhes bya ba'i tha tshig go /bde ba kun gyi nang na sred zad pa'i zhes bya ba la sogs pas ni dmyal bar ? thams cad du sdug bsngal mtshungs pa ma yin gyi 'on kyang la lar khyad par yod do/ /zhes pa ston par byed do/ /de la sred pa zad pa'i bde ba ni rnam par grol ba'i bde ba yin par rig par bya ste/ de bzhin du 'jig rten na sdug bsngal gang dag ji snyed yang pa de dag gi nang na dmyal ba mnar med pa'i sdug bsngal mi bzad pa yin no/ /'di ni nyon cig ces bya ba la sogs pas ni mi'i sdug bsngal dang dmyal ba'i sdug bsngal khyad zhugs par ston par byed mdung thung sum brgyas nyi ma thog thag par ? ? ?
- 352b
sdug bsngal gang yin pa de ni mi'i 'jig rten na shin tu sdug bsngal ba yin no/ /sdug bsngal de 'dra ba de yang dmyal ba'i sdug bsngal chung ngu dang yang mnyam par mi 'gyur te/ dmyal ba'i sdug bsngal chung ngu yang sdug bsngal de bas khyad zhugs so zhes bya ba'i tha tshig go /de ltar dmyal ba'i sdug bsngal mi bzad pa nyid du bshad nas las zad pa kho nas zad par gyur gyi gzhan du ni ma yin no zhes bstan pa'i phyir/ de ltar sdug bsngal shin tu mi bzad lo zhes bya ba la sogs pa smos te/ 'di skad du las ni sdug bsngal drag po'i tshor ba 'di lta bus kyang 'chi bar mi 'gyur ba gang yin pa de lta bu'i stobs dang ldan pa yin no/ zhes bshad par 'gyur ro/ /mi dge ba'i 'bras bu 'di rnams kyi sa bon ni zhes bya ba la sogs pas ni dmyal ba'i sdug bsngal la bzlog pa'i phyir rgyal po la 'doms par byed do/ /mi dge ba'i 'bras bu rnams kyis zhes bya ba ni dmyal ba rnams sems can thams cad kyi las kyi dbang gi byung ba'i phyir ro/ /sa bon ni rgyu'o/ /lus dang ngag dang yid kyi nyes par spyad pa ni sngar bshad pa yin no/ /khyod kyi ci nas kyang sa bon de rdul tsam yang med pa de ltar 'bad par gyis shig ces bya ba ni 'di la gdams pa yin no/ /dud 'gro'i skye gnas su gtogs pa'i sdug bsngal gyi dbang du byas nas/ dud 'gro'i skyes gnas na'ang zhes bya ba la sogs so/ /de la dud 'gro'i skye gnas su gtogs pa'i sdug bsngal ni spyi dang khyad par du bstan par rig par bya'o/ /spyir bstan pa'i dbang du byas nas/ bsad pa dang 'chid ba dang rdeg sogs sdug bsngal sna tshogs pa zhes bya ba la sogs pa smos so/ /de la bsad pa ni gsod pa'o/ /'chid ba ni thag pa la sogs pas so/ /brdeg pa ni lcags la sogs pas so/ /sogs pa zhes bya ba ni sgras ni bkol ba dang sna dbug pa la sogs bas?
- 353a
bsdus te/ 'di ni re zhig dud 'gro'i skye gnas su gtogs pa rnams kyi sdug bsngal mi dang mi ma yin pas byas pa'i dbang du byas nas bshad pa yin no/ /rang gi rigs kyi byas pa'i sdug bsngal gyi dbang du byas nas/ zhes 'gyur dge ba spangs pa rnams la ni gcig la cig za shin tu mi zad pa zhes bya ba la sogs pa smos so/ /zhi 'gyur dge ba spangs pa rnams la zhes bya ba ni nges par 'byed pa'i cha dang mthun pa dge ba spangs pa rnams la zhes bya ba'i tha tshig ste/ mya ngan las 'das pa thob par byed pa'i dge ba ni zhi bar 'gyur ba'i dge ba yin pas so/ /'dir spangs pa nyid kyis ni snod ma yin pa nyid du bshad do/ /gcig la gcig za zhes bya ba ni phan tshun za ba zhes bya ba'i tha tshig go /'dir yang zhi bar 'gyur ba'i dge ba spangs pa nyid kyis ni shin tu blun pa nyid du bshad do/ /de lta bu rnams phan tshun za ba ni shin tu mi bzad pa yin te/ 'gyod pa med pa nyid kyis rnam par smin pa gcig tu sdug bsngal ba'i phyir ro/ /khyad par gyis dbang du byas nas kha cig mu tig bal dang rus pa dang/ zhes bya ba la sogs pa smos te/ kha cig ni mu tig gi phyir 'chi bar 'gyur ro/ /kha cig ni bal gyi phyir ro/ /kha cig ni rus pa'i phyir ro/ /dper na glang po che lta bu'o/ /kha cig ni sha'i phyir te/ ri dags la sogs pa'o/ /kha cig ni pags pa'i phyir te/ gzigs la sogs pa'o/ /dbang med gzhan dag ces bya ba la sogs pa la/ 'dir btab ste zhes bya ba'i sgra ni re re dang sbyar ro/ /de la rdog pas btab ste bkol ba ni rta la sogs pa'o/ /lag pas btab ste bkol ba ni ma he la sogs pa'o/ /lcag gis btab ste bkol ba ni bong bu la sogs pa'o/ /lcags kyus btab ste bkol ba ni glang po che rnams so/ /gdab pas btab ste bkol ba ni glang la
- 353b
sogs pa'o/ /yi dags kyi 'gro ba'i sdug bsngal gyi dbang du byas nas/ yi dags rnams la'ang 'dod pas phongs pa yis zhes bya ba la sogs pa smos so/ /'dir yang spyi dang khyad par du bstan par rig par bya ste/ re zhig spyir bstan pa ni 'dod pas phongs pa bkres pa la sogs pa byas pa'i sdug bsngal yin no/ /nam yang 'dod pas yongs su rdzogs pa med pa'i phyir rgyun chags pa'o/ /mi 'chos pa zhes smos pa na/ sdug bsngal mi bzad pa nyid du ston te/ bkres skom zhes bya ba la sogs pas ni bkres pa dang skom pa dang grang ba dang dro ba dang/ ngal ba dang 'jigs pa zhes bya bar tshig bsdus te/ 'di rnams kyis bskyed pa'i sdug bsngal shin tu mi bzad pa ste/ drag po bsten 'tshal lo zhes bya bar sbyar ro/ /de la ngal ba ni zas kyi phyir yongs su rgyug pa rnams la 'byung ngo/ /'di dag gi 'jigs pa ni skyes bu ral gri dang gtun shing dang zhags pa thogs pa rnams mthong na skye'o/ /sdug bsngal khyad par du bstan pa'i dbang du byas nas/ kha cig kha ni khab kyi mig tsam la zhes bya ba la sogs pa smos te/ gang dag gi kha khab kyi mig tsam du chung ba de dag la de skad ces bya ste/ lto ba'i gtos tsam zhes bya ba ni lto ba ri'i tshad tsam zhes bya ba'i tha tshig go /mi gtsang gi na bor ba cung zad kyang zhes bya ba ni kha'i bu ga phras pa'i phyir mi gtsang ba ci bder bor ba cung zad tsam yang za bar mi nus so zhes bya ba yin no/ /kha cig pags rus lus zhes bya ba ni sha med pa'o/ /gcer bu zhes bya ba ni sgren mo'o/ /ta la'i ya tog skams pa lta bu lags zhes bya ba ni shing ta la mgo bskams pa 'dra ba zhes bya ba'i tha tshig ste/ yi dags de dag ni lha ma yin zhes bya'o/ /yi dags kha cig ni/ kha nas 'bar ba ste/ kha gdangs na me 'bar ba lta bu 'byung ba yin no/ /ci nyin par ram zhe na/ ma yin no zhes bya ba smos te/
- 354a
nub mo zhing ngo/ /yang de dag zas su ci zhig za zhe na/ zas su 'bar ba'i khar babs bye ba 'tshal zhes bya ba smos te/ kha 'bar bar bye babs pa ni/ 'bar ba'i khar babs bye ba'o/ /gang dag zas su de dag bdog pa de dag la de skad ces bya'o/ /yi dags kha cig gis ni phyis dang rnag la sogs pa'i mi gtsang ba yang mi rnyed do/ /de ci'i phyir zhe na/ smad rims zhes bya ba smos te/ bsod nams ma byas pa'i phyir ro/ zhes bya ba'i tha tshig go /'o na de dag ci zhig za zhe na/ phan tshun gdong du tshog cing zhes bya ba la sogs pa smos te/ de dag ni phan tshun mthong nas khros pa'i dbang gis gdong du 'tshog par byed do/ /kha cig gis lag pa nas ni tho ba dag 'byung ste/ gcig la gcig snun par byed do/ /de nas de dag gis mgrin par lba pa 'byung ste/ de yongs su smin pa'i dbang gis khong du 'dzag pa la zas kyi bya ba sgrub po/ yi dags 'di dag kha cig la so ga'i dus su ni zla ba yang tsha bar 'gyur la/ dgun gyi dus la bab na ni nyi ma yang grang mor 'gyur ro/ /ljon shing 'bras bu med 'gyur/ zhes bya ba ni bsod nams dang mi ldan pa de rnams la shing ljon pa 'bras bu smin cing zhing pa/ yal ga dud pa dag kyang mes bsregs pa bzhin du 'bras bu dang lo ma med par 'gyur ro/ /de dag gis bltas pa kho nas chu zhim po bsil ba 'bab pa'i klung yang mig gdug pa'i dug gis bsregs pa bzhin du skam par 'gyur ro/ /kha cig la ni me 'bar ba 'khrig pa'i mngag mes gang bar 'gyur ro/ /kha cig gis ni rnag gi klang srin bu sna tshogs kyis gang ba 'bab par 'gyur ro/ /kha cig la ni phyis dang gcin gyis gang bar 'gyur ro/ /de lta bu de dag dus ji srid cig tu 'tsho zhe na/ lo lnga stong dag dang khrir yang zhes bya ba la sogs pa smos te/ kha cig ni lnga stong/ kha cig gi ni lo khrir yang mi mchi'o/ /khyad par ci lta bu can dag
- 354b
tshig ce na/ bar chad med par sdug bsngal rten gyur ba/ zhes bya ba smos te/ bar chad med par sdug bsngal gyi tshor ba myong bas nyen pa dag ces bya ba'i don to/ /yang ji ltar de dag gi ni sdug bsngal de lta bus kyang 'jig par mi 'gyur zhe na/ nyes par spyad pa'i las kyi zhags pas ni/ sra bas ma bcings pa'i lus can zhes bya ba smos so/ /gang dag gis lus nyes par spyad pa'i las kyis zhags pa sra bas bcings pa zhes bya bar tshig sbyar te/ de'i phyir mi 'jig go zhes bya ba'i tha tshig go /sdug bsngal de 'dra ba'i rgyu gang zhe na/ de ltar yi dags rnams kyi zhes bya ba la sogs pa smos so/ /de lta de ltar zhes bya ba ni ji skad bshad pa ston par byed do/ /sna tshogs zhes bya ba ni bkres pa dang skom pa la sogs par rig par bya'o/ /ro gcig ces bya ba ni sdug bsngal bar tshad med pa nyid du ston par byed pa'o/ /skye bo 'jungs dga' ba zhes bya ba la/ skye bo 'jungs pa ni skye bo ser sna can te de dag dga' ba'o/ /yang gang yin zhe na/ ser sna 'bags min zhes bya ba ni smos te/ 'phags pa ma yin pa nyid ni nyon mongs pa can nyid la rig par bya'o/ /ser sna de ni yi dags kyi 'jig rten du skye ba'i rgyu yin par sangs rgyas bcom ldan 'das kyis gsungs te/ bdag cag ser sna can rnams ni mig tshugs she dag lta lta nas/ sbyin pa cung zad ma stsal des/ bdag cag yi dags 'jig rten lhag ces 'byung pa'i phyir ro/ /lha'i 'gro ba'i sdug bsngal gyi dbang du byas nas/ mtho ris na yang bde ba zhes bya ba la sogs pa smos te/ mtho ris dag na lha'i bu mo sgeg ma dang gzugs la sogs pa yul sna tshogs pa'i yid du 'ong? ba dag gis bde ba chen po nyams su myong ngo/ /de na bde ba de 'dra ba yod mod kyi/ de dag gis 'chi 'pho ba'i sdug bsngal nyid 'chi pa'i dus na yin zhin tu mi bde ba 'byung ba ni bde ba de bas kyang che'o/ /de ltar bsams nas ya rabs rnams kyis ni/ zad 'gyur mtho ris slad du sred mi
- 355a
bgyi/ ya rabs yin yang zad par 'gyur ba'i ngang tshul can gyis mtho ris la dga' bar mi bya'o zhes bya ba'i tha tshig lha rnams la gnad chad pa'i tshor ba med pa'i phyir ces bya ba'i 'chi 'pho ba'i sdug bsngal 'byung zhe na/ lus kyi kha dog mi sdug 'gyur ba dang/ zhes bya ba la sogs pa smos so/ /'di skad du bshad pa yin te/ de dag la gnad 'chad pa'i 'tshor ba med pas lus kyi sdug bsngal mod mod kyi/ 'chi 'pho ba'i snga ltas rnams mthong nas sems shin tu sdug bsngal ni 'byung ste/ ji skad du de nas lha'i bu zhig snying rje rje skad du du zhing/ kyi hud ngal? gyis 'bab pa/ kyi hud rdzing du zhes smre sngags 'don to/ /zhes rgyas par 'byung ba lta bu yin yin no/ /lha rnams kyi 'chi 'pho ba'i snga ltas de dag kyang lnga yin te/ 'di lta ste/ sngon gyi kha dog phun sum tshogs pa med pas lus kyi mdog mi sdug pa dang/ rang gi stan la mi dga' ba dang/ me tog phreng ba brnying pa dang/ gos la bri ma chags pa dang lus las rdul 'byung ba'o/ /de ltar na gang dag mthong nas lha rnams yid mi bde skye bar 'gyur ba/ mtho ris 'chi 'pho sgron byed snga ltas lnga/ lha yul lha'i 'jig rten na gnas pa'i lha rnams la 'byung ste/ mi rnams kyi 'chi bar 'gyur ba sgron pa'i 'chi cha ltas bzhin no/ /dper na khrus byas shing byugs pas bskus pa gang zhig gi snying por che ba dang/ rna ba ma bkag par sgra mi thos pa de ni ring po mi thogs par 'chi bar 'gyur ro zhes bya ba la sogs pa lta bu yin no/ /lha'i 'jig rten dag nas 'phos pa la zhes bya ba la sogs pas ni lha rnams la sdug bsngal de tsam 'ba' zhig tu mi zad kyis/ de nas shi 'phos pa rnams la yang 'byung pa kho na zhes bya ba de ston te/ bsdus pa'i don ni lha'i 'jig rten nas she 'phos pa la gal te lha dang mir skye bar 'gyur ba'i dge ba cung zad kyang med na/ slar
- 355b
ngan song gsum du sdug bsngal nyams su myong bar 'gyur ba kho na'o zhes bya ba yin no/ /lha ma yin gyi sdug bsngal gyi dbang du byas nas/ lha min dag na'ang rang bzhin gyis zhes bya ba la sogs pa smos so/ /lha ma yin rnams la ni rang bzhin gyis bsnyems pa'i nga rgyal las skyes pa'i nga rgyal yod de de dag nga rgyal che ba'i phyir ro/ /de lta bas na 'dis ni de dag gi nyon mongs pa'i kun nas nyon mongs sdug bsngal bshad do/ /rang bzhin gyis zhes smos pas ni gal 'gyed pa'i tshe lus kyi sdug bsngal yang 'byung ngo zhes ston par byed do/ /lha'i dpal la sngar phyir zhes bya ba 'dis ni snyems pa'i nga rgyal las skyes pa'i sdug bsngal gyi rgyu ston par byed do/ /skye ba'i kun nas nyon mongs pa'i sdug bsngal yang bstan pa'i phyir ro/ /de dag blo dang ldan na'ang zhes bya ba la sogs pa smos te/ gal te 'di dag la dge ba dang mi dge ba rnam par spyod par nus pa'i blo yor du zin kyang 'on kyang 'gro ba'i sgrib pas bden pa mthong ba'i thob pa ni med do/ /'gro ba de nyid gang bden pa mthong ba'i ston gyi ngo bor mi 'gyur ba de lta bur mi dge pa'i las kyis 'phangs pa yin no/ /de bas na sgrib pa zhes bya'o/ /lha ma yin gyi 'gro ba'i 'phen par byed pa ni mi dge ba'i las yin la yongs su rdzogs par byed pa ni dge ba kho na yin par 'dod do/ /lha'i 'gro ba yis ni 'phen par byed pa dang/ yongs su rdzogs par byed pa yang dge ba yin pas/ lha'i 'gro ba las lha ma yin gyi 'gro ba/ 'gro ba gzhan nyid du rnam par bzhag go /mi'i 'gro ba'i sdug bsngal gyi khyad par ni logs shig tu ma bshad de/ spyir nges pa 'dod pas phongs? dang 'chi ba dang/ na dang rga sogs sdug bsngal du ma'i 'byung gnas zhes bya ba la sogs pa kho nas bstan zin pa'i phyir dang/ sngar yang mi rnam pa du mas smad pa'i phyir ro/ /da ni de ltar 'khor ba'i nyes pa bshad nas de la mngon par mi dga' ba'i 'du shes
- 356a
nye bar bsgrub par 'khor ba de 'dra lags pas zhes bya ba la sogs pa smos te/ gang gi phyir de ltar 'khor ba nyes pa dang ldan pa de'i phyir lha la sogs par skye ba ni bzang po ma yin no/ /de ltar khyad par du 'phags pa'i skye ba'i nyes pa bshad nas spyis skye ba ni/ gnod pa du ma'i zhes bya ba la sogs pa smos te/ skye ba ni nye du gnod pa la sogs pa gnod pa du ma'i snod du gyur cing rten du gyur pa yin par shes par gyis shig ces bya ba yin no/ /de ltar 'jig rten thams cad la mngon par dga' ba bskyed nas/ mya ngan las 'das pa la gzhug pa'i phyir/ mgo 'am gos la zhes bya ba la sogs pa smos te/ mgo la me shor ram gos la me shor na zhes bya bar sbyar ro/ /de dag slar bzlog bgyi ba btang nas kyang zhes bya ba ni de dag bsad pa yang btang nas zhes bya ba'i tha tshig go /yang srid med par bgyi slad 'bad 'tshal te/ zhes bya ba ni lus dang srog la mi lta ba'i brtson 'grus chen po de lta bus yang srid pa med par bya ba'i phyir 'bad par bya dgos so/ /zhes bya ba yin no/ /ci'i phyir zhe na/ 'di bas ches mchog dgos pa gzhan ma mchis zhes bya ba smos te/ 'di bas khyad par du 'phags pa'i dgos pa gzhan ni med kyi/ 'di ltar skyes bu'i don gyi dam pa ni 'di kho nar zad do snyam du dgongs pa yin no/ /yang srid pa med pa yang ji ltar 'thob ce na/ tshul khrims dag dang bsam gtan ye shes kyis zhes bya ba la sogs pa smos te/ bslab pa gsum yongs su rdzogs par byas nas mya ngan las 'das pa thob par gyis shig ces bya ba'i don to/ /mya ngan las 'das pa de yang rnam pa gnyis te phung po'i lhag ma med pa dang/ phung po'i lhag ma dang bcas pa'o/ /des phung po'i lhag ma med pa ni sdug bsngal nye bar zhi bas rab tu phye ba'i phyir zhi ba'i zhes bya ba'i sgras ston to/ /phung po'i lhag ma dang bcas pa ni dbang po dul
- 356b
bas rab tu phye ba'i phyir/ dul ba zhes bya ba'i sgras ston to/ gnyi ga yang 'dod chags la sogs pa'i dri ma nye bar zhi bas/ dri ma med pa ste/ mya ngan las 'das pa zhes bya ba'i go 'phang gnas de lta bu 'thob cing rab tu 'thob par gyis shig ces bya ba'i tha tshig go / mi rga mi 'chi zhes bya ba la sogs pas ni mya ngan las 'das pa de nyid kyi khyad par gyi sgo nas bsngags pa bshad pa yin te/ de la dengs pa med pas na mi rga ba'o/ /'chi bar mi 'gyur bas na mi 'chi ba'o/ /zad pa med pas ni mi zad pa'o/ /lhag ma ni phyi rol pa'i mya ngan las 'das pa'i las khyad par du bya ba'i phyir chen po bzhi dang nyi ma dang zla ba dag med par bshad do/ /de ni chos gang dag mngon sum du gyur pas mya ngan las 'das pa thob par 'gyur ba'i chos de dag bstan pa'i phyir/ dran pa zhes bya ba la sogs pa smos so/ /de la dran pa ni dmigs pa ma brjed pa'o/ /chos rab tu 'byed pa ni de la shes rab gang yin pa'o/ /brtson 'grus ni mngon par spros pa gang yin pa'o/ /dga' ba ni dmigs pa de nyid la yid bde ba gang yin pa'o/ /shin tu sbyangs pa ni lus dang sems las su rung ba gang yin pa'o/ /ting nge 'dzin ni sems rtse gcig pa nyid do/ /btang snyoms ni sems dang sems las byung ba rnams rnal du 'dug pa dang lhun gyis grub par 'jug pa gang yin pa'o/ /chos bdun po de dag ni byang chub zag pa med pa'i ye shes kyi yan lag tu gyur pa'i phyir/ byang chub kyi yan lag ces bya ste/ 'khor du gyur pa'i phyir ro zhes bya ba'i don to/ /dge sogs lags zhes bya ba ni dge ba'i rgyu yin no/ /zhes bya ba'i tha tshig go /shes rab med pa zhes bya ba la sogs pas ni chos gzhan gnyis po 'di lta ste/ bsam gtan dang shes rab dag mngon du gyur pas/ mya ngan las 'das pa 'thob par ston te/ de gnyis zung du 'brel pas mya ngan las 'das pa 'thob par 'gyur la/ de gnyis ni phan tshun gyi stobs
- 357a
kyis 'grub par ston to/ /shes rab med la bsam gtan yod min te/ zhes bya ba ni gang zhig bsam gtan legs par skye mi shes pa de ni 'dir shes rab med pa yin par dgongs te/ de la ni bsam gtan mi 'grub po/ bsam gtan med par yang ni shes rab med ces bya ba ni bsam gtan med par yang gang gis chos rnams ji lta ba bzhin shes par 'gyur ba'i shes rab med de/ sems mnyam par bzhag pas yang dag pa ji lta ba bzhin shes so zhes 'byung ba'i phyir ro/ / gang la de gnyis ka yod pa de 'khor ba gnag rjes lta bur rig par bya'o/ /rnam pa gcig tu ? gang la skyes nas thob par shes rab med pa de la bsam gtan mi 'grub la/ bsam gtan med par yang bsgoms pa las byung ba'i shes rab mi 'grub kyi gang la shes rab dang bsam gtan de gnyi ga yod la de'i 'khor ba gnag rjes lta bur rig par bya ste/ myur ba kho nar rgal bar nus pa'i phyir ro/ /nga ni mya ngan las 'das pa 'thob par byed pa'i chos 'di rnams bar chad du gyur pa bsam par mi byed pa'i gnas la sems pa/ de la bzlog pa'i phyir/ lung me bstan pa zhes bya ba la sogs pa smos so/ /de bzhin gshegs pas lung du ma bstan pa'i dngos po bcu bzhi gsungs pa bcu bzhi gang zhe na/ 'di lta ste/ 'jig rten rtag pa dang/ 'jig rten mi rtag pa dang/ rtag pa yang yin mi rtag pa yang yin pa dang/ rtag pa yang ma yin mi rtag pa yang ma yin pa dang/ 'jig rten mdza' dang ldan pa dang/ 'jig rten mdza' dang mi ldan pa dang/ mdza' dang ldan pa yang yin/ mdza' dang mi ldan pa yang yin pa dang/ mdza' dang ldan pa yang ma yin/ mdza' dang mi ldan pa yang ma yin pa dang/ de bzhin gshegs pa shi phan chad yod pa dang/ de bzhin gshegs pa ma shi phan chad yod pa dang/ de bzhin gshegs pa shi
- 357b
phan chad yod pa yang yin med pa yang yin pa dang/ de bzhin gshegs pa shi phan chad yod pa yang ma yin/ med pa yang na yin pa dang/ srog gang yin pa de lus yin pa dang/ srog kyang gzhan la lus kyang gzhan zhes bya ba yin no/ /dngos po bcu bzhi po? 'di dag ni dris na lung mi bstan par bya ba yin pa'i phyir/ lung du ma bstan pa zhes bshad de/ de nyid bzhag par bya ba'i dri ba yin par bstan to/ /gnas 'di dag bsam par bya ba yang ma yin no/ /ci'i phyir zhe na/ 'di yis blo 'di zhes bya ba la sogs pa smos so/ /'di skad du gang zhig bsams na phan pa 'thob pa 'am/ bde ba 'thob par 'gyur ba de bas bsam par bya ba yin na gnas 'di dag bsams pas ni sems zhi bar skyed par mi 'gyur bas bsams par bya ba ma yin no/ /zhes bshad pa yin na/ /de ltar bsam par bya ba ma yin pa'i gnas yongs su spangs par bshad nas gang zhig bsams na byang chub sems kyi phyogs dang mthun pa 'di rnams skye bar 'gyur ba de la sems nye bar gtad par/ ma shis? pa las las te zhes bya ba la sogs pas rten cing 'brel par 'byung ba'i yan lag bcu gnyis ston te/ 'di dag gi don ni mdo'i rjes su 'brangs nas khong du chud par bya'o/ /de la mdo ni 'di yin te/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis/ skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga ba dang 'chi ba dang mya ngan dang smre sngags 'don pa dang yid mi bde ba dang/ 'khrugs pa rnams 'byung ste/ de ltar na sdug bsngal gyi phung po 'ba' zhig 'di 'byung bar 'gyur ro/ /de ltar lugs dang mthun pa'i dbang
- 358a
du byas te bshad nas lugs las bzlog pa'i dbang du byas nas/ skye ba 'gags pas 'di kun 'gag par 'gyur zhes bya ba smos te/ skye ba 'gags pas rga ba dang 'chi ba dang mya ngan dang smre sngags 'don pa la sogs pa'i chos rnams 'gags par 'gyur te/ /de ltar na sdug bsngal gyi phung po chen po 'ba' zhig pa 'di 'gag par 'gyur ro/ /skye ba 'gag pa ni srid pa 'gag pa las 'gyur la/ ma rig pa 'gags pa las 'du byed 'gag pa'i bar du 'gyur ro/ /ma rig pa gang zhe na/ mdo las gang sngon gyi mdza' mi shes pa zhes bya ba la sogs pa bstan to/ /'dir mdor bsdu ba 'di yin te/ bden pa rnams mi shes pa ni don dam par ma rig pa yin no/ /mi shes pa zhes bya ba ni shes pa'i mi mthun pa'i chos yin par rig par bya'o/ /byis pa ma rig pa de dang ldan pa'i las dge ba dang mi dge ba dang mi g.yo ba ni ma rig pa'i rkyen gyi 'du byed rnams yin no/ /mdo las ni lus kyi 'du byed dang/ dge 'du byed dang/ yid kyi 'du byed rnams zhes gsungs so/ /de skad du gsungs mod kyi/ 'on kyang 'dir ni lus dang ngag dang yid kyi las smos pa kho nar dge? par bya'o/ /las de'i sa bon gang yin pa des bsgom pa'i sems ni 'du byed kyi rkyen gyis rnam par shes pa yin no/ /mdo las ni 'bras bu rgyas bstan pa'i dbang du mdzad nas/ rnam par shes pa'i tshogs drug go zhes gsungs te/ dper na tshe dang ldan pa khyod kyi dbang po rnams ni rab tu dang zhes bya ba lta bu yin no/ /de bzhin du rnam par smin pa'i rnam par shes pa ni phra ba nyid kyis rang gi ngo bo bstan pa ma yin te/ 'bras bu bstan pa mdzad do/ /rnam par shes pa de yang 'du byed rnams kyis rim pa gang gis ming dang gzugs la sogs pa mngon par 'grub par byed par 'phangs pa'i rig pa de kho nas rkyen du gyur pa'i phyir/ rnam
- 358b
par shes pa'i rkyen gyi ming der gzugs zhes bya ba nas rig pa'i rkyen gyis tshor ba zhes bya ba'i bar bshad do/ /ming dang gzugs gang zhe na/ ma'i? mngal du nying mtshams sbyor ba'i gnas skabs na tshor ba la sogs pa gzugs can ma yin pa'i phung po bzhi dang/ 'byung pa dang rgyur byas pa'i gzugs te 'chi rigs par sbyar ro/ /de nyid nur nur po zhes bya ste/ rim gyis ni med med po la sogs pa'i tha snyad kyang 'thob bo/ /de la phung po bzhi ni yang srid par 'khrid pa'i phyir dang yul la 'gro ba'i phyir ming nyid yin no/ /'byung ba dang rgyur byas pa ni grang po la sogs pas 'gyur ba bskyed pa'i phyir gzugs nyid yin no/ /ming dang gzugs de nyid rnam par 'phel pa'i rim gyis mig la sogs pa skye ba'i gnas skabs ni skye mched drug gi rkyen du 'gyur te/ gnas de ni skye mched drug rdzogs par 'gyur bas so/ /skye mched nyid ni sems dang sems las byung ba rnams skye ba'i sgo'i don gyis so/ /skye mched drug po de dag yongs su smin pa dang/ yul yang mngon du gyur pa las reg pa skye ste/ rten gyi bye brag gis rnam pa drug kho na'o/ /bde ba myong bar 'gyur ba la sogs pa rig pa ci 'dra ba de dang 'dra bar bde ba dang sdug bsngal dang/ bde ba yang ma yin sdug bsngal yang ma yin pa'i tsher ba skye'o/ /de ltar na 'du byed rnams kyi 'phangs pa'i yan lag sred pa dang len pas mngon par brlan pa mi 'chi ba'i dus na srid par 'gyur ro/ /de nas ci ltar 'phags pa'i rim gyis skye bar yang 'gyur rga bar yang 'gyur ro/ /'chi bar yang 'gyur ro/ /de la sred pa gang zhe na/ tshor ba bde ba la ni mi 'bral bar 'dod/ sdug bsngal ni 'bral bar 'dod/ bde ba yang ma yin sdug bsngal yang ma yin pa la gnyi gang mi 'dod pa gang yin pa ste/ de yang mdo las 'dod pa dang gzugs dang gzugs med pa na spyod pa'i bye brag gis rnam pa gsum du stan to/ /len pa
- 359a
gang zhe na/ 'dod pa la sogs pa la 'dun pa'i 'dod chags gang yin pa'o/ mdo las ni dmigs pa'i bye brag gi 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ bdag tu smra ba nye bar len pa zhes bya ba rnam pa bzhad? bstan te/ 'dun pa'i 'dod chags des 'dod pa la sogs pa nye bar blangs par 'gyur bas so/ /srid pa dang len pa mdag la khyad par ci yod? ce na/ khyad par med par yang srid pa mngon par 'dod pa ni sred pa'o/ /khyad par du mngon par 'dod pa ni len pa'o/ /yang na ring ba'i rgyu ni sred pa yin la/ nye ba'i rgyu ni len pa yin par rig par bya'o/ /'du byed kyi sa bon sred pa dang len pas mngon par brlan pa de nyid 'bras bu skye bar mngon du phyogs pa na/ srid pa zhes bya'o/ /mdo las ni 'dod pa'i srid pa dang/ gzugs kyi srid pa dang/ gzugs med pa'i srid pa zhes gsungs so/ /de skad gsungs mod kyi/ 'on kyang 'dir ni 'das pa'i sred pa kho na yin par bzhed do/ /srid pa'i mjug thogs su skye ba yin te/ ming dang gzugs kyis rim gyis tshor ba'i bar yin no/ /skyes nas ni rga ba dang/ 'chi ba la sogs par 'gyur ro/ /de ltar na zhes bya ba la sogs pa ni ji skad bshad pa'i rim gyis sdug bsngal gyi tshogs bdag med pa 'di 'byung bar 'gyur ba yin te/ ming las ni skye ba la sogs pa rnam grangs tsam kho nas bstan pa mdzad do/ /de ltar na 'dir rten cing 'brel par 'byung ba'i yan lag bcu gnyis mdor bsdus nas yan lag bzhing rnam par bzhag pa mdzad par rig par bya ste/ 'di lta ste/ 'phen par byed pa'i yan lag dang/ 'phangs pa'i yan lag dang/ mngon par 'grub par byed pa'i yan lag dang/ mngon par grub par byed pa'i yan lag go /yan lag bcu gnyis mdor bsdus nas/ yan lag bzhir ni bsgrags pa ste/ gsum dang bzhi dang
- 359b
gsum dang ni/ gnyis po dag ste go rims bzhin/ de ltar na re zhig skye ba nyid rnam par bzhag pa'i dbang du mdzad nas bshad pa yin no/ /mdo las ni ma rig pa dang/ 'du byed 'di ni sngon gyi mdza' pa'i 'phen par byed pa yin no/ /zhes 'byung ba'i phyir/ yan lag bcu gnyis skye ba gsum du rnam par 'jog par mdzad de/ de la ma rig pa dang 'du byed ni 'das pa'i skye ba'o/ /rnam par shes pa nas srid pa'i bar ni da ltar byung ba'i skye ba'o/ /skye ba dang rga shi ni ma 'ongs pa'i skye ba'o/ /de la 'das pa'i skye ba ni mi dag? pa'i rkyen gyi 'du byed byas pa rnams kyis skye ba 'di la nying mtshams sbyor ba'i rnam par shes pa nas gzung ste/ tshor ba'i bar gyi rnam par smin pa 'grub pa/ de ltar byung ba'i sred pa dang/ len pa dang/ srid pa rnams kyis ma 'ongs pa'i skye ba la sogs pa bskyed do/ /zhes bya bar rig par bya'o/ /skye ba gsum du rnam par bzhag pa 'di'i dgos pa ni sngon dang phyi ma'i mdza' dang bar dag la kun tu rmongs pa rnam par bzlog pa yin no/ /de skad du gsungs mod kyi/ 'on kyang ma rig pa'i rkyen gyis 'du byed rnams kyis skye ba bskyed pa'i dus na sred pa dang len pa dang srid pa dag kyang yod pa kho na yin la/ sred pa dang len pa dang srid pa dag gis ma 'ongs pa'i skye ba skyed par byed pa de yang ma rig pa'i rkyen gyis 'du byed do/ /ming dang gzugs la sogs pa las gzhan pa'i skye ba la sogs pa yang yod pa ma yin pas de dag nyid rnam pa gzhan gyis bshad pa yin te/ de lta pas na skye ba gnyis su rnam par bzhag pa yang mi 'gal ba kho na yin no/ /rten cing 'brel par 'byung ba de ni lam gsum du rig par bya ste/ 'di lta ste/ ma rig pa dang sred par dang len pa rnams/ ni nyon mongs pa'i lam yin no/ /'du byed dang srid pa ni las kyi lam mo/ /yan lag lhag ma rnams ni rnam par smin pa'i lam ste spros pas chog /dkyus ma brjod par bya ste/ rten cing 'brel bar 'byung 'di rgyal ba yis/ zhes bya ba la sogs pas ni rten cing 'byung
- 360a
ba'i bsngags pa bshad do/ rten cing 'brel bar 'byung ba 'di ni de bzhin gshegs pa'i gsung gis gces par gyur ba yin te/ 'di ltar gang gis 'di legs par shes pa des de bzhin gshegs pa'i bstan pa yang dag par rtogs pa yin no/ /zab mo ste zhes bya ba ni zab mo nyid kho na ston par byed pa yin/ /gang gis 'di ni yang dag mthong zhes bya ba la sogs pas ni/ sangs rgyas bcom ldan 'das kyis zag pa med pa'i ye shes bla na med pas thugs su chud par bya ba nyid kyi zab pa nyid du ston pa yin no/ /rten cing 'brel par 'byung ba shes pas de shes na/ rten cing 'brel par 'byung ba zab pa nyid du bshad pa yin te/ ji skad du dge slong dag gang gis sa lu'i ljang pa 'di shes pa dang rten cing 'brel par 'byung ba shes so/ / gang gis rten cing 'brel par 'byung dang shes pa des chos shes so/ /gang gis chos shes pa des sangs rgyas shes so/ /zhes gsungs pa lta bu yin no/ /yang na gang gi 'di ni yang dag mthong zhes bya ba la sogs pas ni rgyal ba'i gsung gi mdzod kyi gces pa nyid ston par byed do/ /zab pa nyid ni rang gis ma byas pa dang/ gzhan gyis ma byas pa dang/ gnyi gas ma yin pa dang/ rgyu med pa las byung ba ma yin pa nyid kyi phyir rig par bya'o/ /'di ltar rang las kyang mi skye/ gzhan las kyang ma yin/ gnyi ga las kyang ma yin/ rgyu med pa las kyang mi bya'i/ 'on kyang ma rig pa'i rkyen gyis 'du byed rnams te/ lhag ma rnams kyang de dang 'dra'o/ /rnam pa gcig tu na ma rig pa yang 'di snyams du bdag gis 'du byed rnams bskyed par bya'o snyam du mi sems/ 'du byed rnams kyang 'di snyam du bdag cag ni ma rig pas bskyed pa'o snyam du mi sems la/ ma rig pa med pa yang 'du byed rnams 'byung bar mi 'gyur/ bya ba yang sngon la byed pa po ni mi dmigs te/ de ltar
- 360b
na rten cing 'brel par 'byung ba zab pa nyid du rig par bya'o/ /de ltar rten cing 'brel par 'byung ba la mkhas pas 'phags pa'i bden pa bzhi la dmigs pa'i lam bsgom par nus so zhes bsten pa'i phyir/ yang dag lta dang 'tsho dang zhes bya ba la sogs pa smos so/ /de la yang dag pa'i lta ba ni zag pa med pa'i shes rab bo/ /yang dag pa'i 'tsho ba ni kha gsag dang log pa'i 'tsho ba spangs pa'o/ /yang dag pa'i rtsol ba ni brtson 'grus te/ de yang yang dag par spong ba bzhi'o/ /yang dag pa'i dran pa ni dmigs pa ma brjed pa'o/ /de yang dran pa nye bar gzhag pa bzhi po lus dang tshor ba dang sems dang chos la dmigs pa rnams yin te/ dran pa nye bar 'jog pa dran pa nye bar gzhag pa yin pas so/ /gang dag 'dis dran pa nye bar 'jog pas shes 'chad pa de dag gis gzhung lugs kyis ni dran pa nye bar gzhag pa shes rab yin no/ /yang dag par ting nge 'dzin bsam gtan bzhi'o/ /yang dag pa'i ngag ni ngag gi dge ba'i las kyi lam bzhi'o/ /yang dag pa'i las kyi mdza' ni lus kyi dge ba'i las kyi lam spong ba'i rang bzhin gsum mo/ /yang dag pa'i rtog pa ni gnod sems med pa'i rtog pa dang/ nges par 'byung ba'i rtog pa zhes bya ba la sogs pa ste/ dge ba'i rtog pa rnam pa du ma ni yang dag pa'i rtog pa'o/ /'phags pa'i lam gyi yan lag brgyad po 'di ni zhes byar bgyi ba'i slad du ste/ mya ngan las 'das par bya ba'i phyir bsgom par bgyi'o/ /da ni 'phags pa'i lam 'di'i dmigs par gyur pa/ 'phags pa'i bden pa bzhi bstan pa'i phyir/ skye 'di zhes bya ba la sogs pa gsungs so/ /bzhi gang zhe na 'di lta ste/ sdug bsngal gyi bden pa dang/ kun 'byung ba'i bden pa dang/ 'gog pa'i bden pa dang/ lam gyi bden pa'o/ /sdug bsngal gyi bden pa gang zhe na/ skye ba'i sdug bsngal zhes pa smos te/ mdor na nye bar len pa'i phung po lnga sdug bsngal ba'o/ /zhes 'byung
- 361a
ba'i phyir nye bar len pa'i phung po lnga'i mtshan nyid kyi skye ba gang yin pa de ni sdug bsngal gyi bden pa yin no/ /skye ba de yang 'du byed kyi sdug bsngal yin par rig par bya ste/ de nyid las dgongs nas nye bar len pa'i phung po lnga sdug bsngal ba'o zhes bshad do/ /mdo las ni skye ba sdug bsngal pa zhes bya ba la sogs pas bstan pa mdzad do/ /kun 'byung pa'i bden pa gang zhe na/ sred pa zhes bgyi ba ni de'i kun 'byung rgya chen po zhes bya ba smos so/ /yang 'byung ba sred pa/ dga' ba'i 'dod chags dang lhan cig pa/ de dang der mngon par dga' ba gang yin pa 'di/ 'di lta ste/ 'dod pa'i sred pa dang/ 'byung ba'i sred pa dang/ 'jig pa'i sred pa dang zhes 'byung ba'i phyir ro/ /de yi zhes bya ba ni sdug bsngal gyi'o/ /de la sdug bsngal kun 'byung bas na/ kun 'byung ste/ rgyu zhes bya ba'i don to/ /rgya chen te zhes bya ba ni srid pa'i dmigs pa mang ba nyid du bstan to/ /de lta ma yin na 'di rgya chen po nyid du rung ba ma yin no/ /de la yang 'gyur ba pa zhes bya ba ni/ yang srid pa la zhes dgongs pa'o/ /dga' ba'i 'dod chags dang lhan cig pa zhes bya ba ni yid pa de ba dang lhan cig pa'i 'dod chags zhes bya ba'i tha tshig go /de dang der mngon par dga' ba zhes bya ba ni/ yang srid pa la dmigs pa nyid du ston par byed do// 'dod pa'i sred pa zhes bya ba ni 'dod pa'i khams la dmigs pa'o/ /'byung ba'i sred pa zhes bya ba ni gzugs dang gzugs med pa'i khams la dmigs pa'o/ /'jig pa'i sred pa zhes bya ba ni bdag nyid med par dmigs pa'o/ /'gog pa'i bden pa gang zhe na/ 'di 'gog pa ni thar pa lags zhes bya ba smos te/ kun 'byung 'di 'gog pa gang yin pa de ni thar pa yin no/ /de ni 'gog pa'i bden pa yin par rig par bya'o zhes bya ba'o tha tshig ste/ sred pa nyid gtan 'gog pa dang/ rnam par zhi
- 361b
ba gang yin pa zhes 'byung ba'i phyir ro/ /de lta bas na 'dir sred gzed pa mya ngan las 'das pa yin no/ /zhes ston pas ni phung po'i lhag ma dang bcas pa'i mya ngan las 'das pa ston to/ /lam gyi bden pa gang zhe na/ de 'thob bam/ 'phags pa'i yan lag de brkyad lags zhes bya ba smos te/ mya ngan las 'das pa 'thob par byed pa'i lam gyi bden pa ni gang 'phags pa'i lam yan lag brgyad pa bshad ma thag pa de yin no zhes bya ba'i don to/ /de ltar 'phags pa'i bden pa bzhi po dag ces bya ba la sogs pa ni mya ngan las 'das pa thob par bya ba la sbyor bar byed do/ /de ltar zhes bya ba ni de ltar lam bskom? pa ji skad bshad pa'i rnam pas rtag tu dus thams cad du brtson par bya ba yin no/ /ci'i phyir zhe na/ 'phags pa'i bden pa bzhi po dag /mthong bar bgyi slad de/ 'phags pa'i bden pa bzhi mthong bar bya ba'i don du'o/ /'phags pa rnams kyi bden pa gang dag yin pas na/ 'phags pa'i bden pa ste/ 'di dag ni 'phags pa'i rgyun tu zhugs pa la sogs pas bden pa nyid du gzigs pa'i phyir ro/ /bdag cag khyim pa rgyal srid la gnas pa rnams kyis ji ltar 'phags pa'i bden pa bzhi mthong bar nus she na/ pang? na dpal gnas zhes bya ba la sogs pa smos te/ 'di skad du bshad pa yin te/ khyim pa rgyal srid la gnas pa gzugs can snying po la sogs pas kyang 'phags pa'i bden pa bzhi shes pas nyon mongs pa'i chu bo las brgal bar byas pas/ de bas na khyod kyang 'bad par byos shig ces bya ba'i don to/ /gang dag chos mngon bgyis pa de dag kyang zhes bya ba la sogs pas ni 'phags pa'i rtsal? bsgrub par bya ba nyid du ston par byed do/ /de dag kyang gnas lag babs par ma lags zhes bya ba ni de dag dang po nyid nas shes pa yongs su grub zin pa zhig las 'dir lhags pa ma yin pa'o/ /lo tog bzhin sa rum? thon
- 362a
ma lags zhes bya ba ni skyes bu'i rtsal med par gyi na lo tog bzhin mthon pa ma yin pa'o/ /'o na ci zhe na/ so so'i skye bo yin pa las 'bad de/ dge ba'i bshes gnyen la brten nas nyon mongs pa'i chu bo las rgal bar zad de/ de lta bas na skrag par ma byed cig snyam du dgongs pa yin no/ /nga ni bsnyengs dang bral bar mang du gsol ci 'tshal zhes bya ba la sogs pas mdor bsdus nas 'doms par byed de/ bsnyengs dang bral ba zhes bya ba ni bod pa'o/ /phan pa'i gdams ngag don po 'di lags so zhes bya ba ni phan pa'i gdams ngag ces pa zhes bya ba'i tha tshig go /de yang gang zhe na/ khyod kyis thugs dul mdzod cig ces bya ba smos te/ khyod kyis sems mi dge ba'i gnas nas bslang ste dge ba la zhog cig ces bya ba'i don to/ /ci'i phyir zhe na/ bcom ldan 'das kyis sems ni chos kyi rtsa ba lags par gsungs zhes bya ba smos so/ /ni zhes bya ba ni gang gi phyir zhes bya ba'i don to/ /gang gi phyir bcom ldan 'das kyis dge ba'i chos thams cad kyi rtsa ba sems yin par bstan pa de'i phyir khyod kyis sems dul bar bya ste/ yid ni chos rnams kyis sngon du 'gro ba'o zhes 'byung ba'i phyir ro/ /de lta bas na bsdus pa'i don ni yid rab tu dang bas ni bde ba thams cad 'thob par 'gyur la/ yid rab tu 'khrugs pas ni sdug bsngal thams cad 'thob par 'gyur ro/ /zhes bya ba yin no/ /khyod la de skad gdams pa gang lags te zhes bya ba la sogs pas ni 'di skad du ston te/ bdag gis chos ji snyed bstan pa thams cad bsgrubs pas kyang de bzhin gshegs pa'i bstan pa la gnas par 'gyur ba ni ma yin no/ /'on kyang phyogs gcig bsgrubs pas kyang gnas pa yin te/ 'di ltar de thams cad ni dge slong khyim na gnas pa yongs su bor? ba rnams
- 362b
kyi bsgrubs par dka' na khyim pa rnams kyis lta smos kyang ci dgos/ de lta bas na 'di'i nang nas/ gang zhig nus pa'i ngo bo de'i yon tan bstan cing bsgrub pas tshe don yod par gyis shig dang/ de nyid chos thams cad 'thob pa'i rgyur 'gyur ro/ /snyam du dgongs pa yin no/ /de ltar chos bstan pas sems mgu bar byas nas/ theg pa chen po la gzhug par bzhed de/ kun gyi dge ba kun la yi rang zhing zhes bya ba la sogs pa smos so/ /'jig rten na dge ba gang cung zad zag pa dang bcas pa dang/ zag pa med pa dang/ 'jig rten pa dang 'jig rten las 'das pa ji snyed yod pa de dag thams cad rdzogs pa'i sangs rgyas rnams kyis ji ltar thugs su chud pa/ de bzhin du bdag gis kyang rjes su yi rang ba bla na med pa rjes su yi rang ngo/ /zhes bya ba la sogs pas/ tshig tu btan pas rjes su yi rang bar bya zhing dge ba'i rtsa ba 'dis bdag mgon med pa rnams kyi mgon/ skyabs med pa rnams kyi skyabs/ dpung gnyen med pa rnams kyi dpung gnyen gnas med pa rnams kyi gnas/ sangs rgyas su gyur cig ces/ nyid kyis legs par spyad pa rnam gsum yang/ sangs rgyas nyid thob bgyi slad yongs bsngos nas/ de nas rjes su yi rang ba dang/ yongs su bsngos pa las byung ba'i dge pa'i phung po 'di yis khyod/ sku tshe dpag tu med pa na mdzod ces bya ba 'chad par 'gyur ba dang sbyor ro/ /rim pa gang gis she na skye ba dpag tu med par zhes bya ba la sogs par smos te/ skye ba tshad med pa dag tu mdzad nas/ ci zhig mdzad ce na/ lha dang mi'i 'jig rten kun gyi rnal 'byor dbang mdzad nas zhes bya ba smos te/ lha yi 'jig rten dang mi yi 'jig rten thams cad du rnal 'byor gyi dbang phyug mdzad cing byang chub sems dpa' i ting nge 'dzin gyi che ba'i bdag nyid kyi khams gsum gyi dbang po brnyes nas so/ /gzhan yang 'phags pa spyan ras gzigs dbang spyod pa yis/ /skye
- 363a
bo nyam thag mang po ces gzung ste/ ji ltar bcom ldan 'das 'phags pa spyan ras gzigs dbang phyug gis thugs rjes brlan pa'i thugs kyi sems can rnam pa du ma seng ge dang/ glang po che dang/ sbrul dang/ me dang/ chom rkun dang/ bcings pa dang/ chu dang/ rgyal po dag las bskyabs pa de 'dzin du khyod kyis kyang de kho na'i tshul du sems can nyam thag pa rnams rjes su gzung nas so/ /de lta bas 'dir snga mas ni sangs rgyas kyis chos yongs su smin pa bshad la phyi mas ni sems can yongs su smin pa bshad do/ /de ltar tshogs yongs su rdzogs pa srid pa tha mar 'khrungs nas/ nad la sogs pa'i chos rnams spangs te/ 'jig rten rnams kyis mgon po mdzod cig /gang du zhe na/ sangs rgyas kyi zhing ji ltar yongs su sbyangs par ro/ /khyad par ji lta bu can zhig ce na/ sku tshe dpag tu med pa ste/ bde ba can na bcom ldan 'das snang ba mdza' yas ji 'dra ba de 'dra bar sangs rgyas par gyis shig ces bya ba'i tha tshig go /yang na nad la sogs pa bsal te/ sangs rgyas zhing du zhes bya ba sangs rgyas kyi zhing yongs su sbyangs nas zhes bya ba yin te/ de lta ba yongs su sbyangs nas sangs rgyas kyi zhing dang 'khrungs pa dang srid pa tha mal mgon po mdzod cig ces bya ba yin no/ /shes rab tshul khrims zhes bya ba la sogs pas ni/ 'di skad du/ de ltar sangs rgyas nyid thob nas dus ci dran zhig sems can gyi don mdza' yas pa mdzad de/ sangs rgyas kyi yongs su mya ngan las 'das pas mya ngan las 'das pa thob par gyis shig ces ston par byed do/ /de la shes rab tshul khrims gtor byung grags chen zhes bya bar sbyar te/ 'di ltar bcom ldan 'das de ni shes rab phun sum tshogs pa ste/ nges par 'byed pa'i shes rab dang ldan pa'o/ /'di ltar de ni tshul khrims phun sum tshogs pa ste/ ma nyams pa la sogs pa'i yon tan dang ldan pa'i? tshul
- 363b
khrims kyi phung po bla na med pa dang ldan pa'o/ /'di ltar bcom ldan 'das de ni gtod pa phun sum tshogs pa thams cad gtong? ba'o/ /zhes de ltar yon tan la dga' ba'i skye bas dga' ba'i yid kyi mngon par dga' par bya ba'i grags pa chen po rgyas par mdzod cig / spel nas so/ /dri ma med ces smos pas ni yon tan rnams dpe? zla ba med pa nyid du ston to/ yang gang du rgya bskyed ce na smras pa/ lha yul mtho ris dang/ nam mkha' bar snang dang/ sa steng dang/ mi'i 'jig rten du'o/ /gzhan yang mi'i 'jig rten gyi sa la mi dang mtho ris ni lha rnams nges par rab tu zhi bar mdzad de/ zhes bya bar sbyar ro/ /khyad par ji lta bu can dag? cig ce na/ na chung mchog ste dga' bas dga' ba dag ste/ na chung mchog rnams kyi bde ba'i dga' ba ni/ na chung mchog /bde dga' ba'o/ /des dga' ba dag ste/ de ltar rab tu myos pa'i me dang lha rnams rab tu zhi bar mdzad nas zhes bya ba ste/ tshul khrims la sogs pa la bkod nas so/ /nges par zhes smos pas ni 'phags pa'i chos la dgod par ston to/ /de nyid kyi phyir lha dang mi rnams te/ de dag kho na 'phags pa'i chos kyi snod yin pa'i phyir ro/ /ji lta na yin na lha ma yin rnams kyang na chung mchog gi bde ba'i dga' bas dga' ba yin no/ /de ltar 'jig rten du grags pa chen po yang rgyas par mdzad/ lha dang mi rnams kyi don yang mdzad nas so/ /nyon mongs nyam thag sems can tshogs kyi 'jig skye dang/ ?/'chi ba'i? mdzad rgyal ba'i dbang po nyid brnyes nas/ /zhes bya ba 'dis ni dang po kho nar rig par bya ste/ 'dir tshig gi go rims sbyar ba ni rgyal po'i dbang po de lta bu brnyes nas grags pa chen po yang rgyas par mdzad/ lha dang mi rnams kyang rab tu zhi bar mdzad de/ mya ngan las 'das pa thob par mdzod cig ces bya ba 'di yin no/ /de la nyon mongs nyam thag ces bya ba ni sems can nyon mongs pas gzir ba mang po'i'o/ /'jigs pa dang skye ba dang 'chi ba ni/ 'jigs skye dang
- 364a
'chi ba ste/ gang la de dag zhi bar byed pa'i ngang tshul yod pa de la de skad ces bya'o/ /'dir yang 'jigs pa ni 'jig tshogs la lta bas byas pa yin no/ /skye ba ni mi shes pa dang las dang/ sred pa las rab tu skye ba yin no/ /'chi ba ni kha cig las zang pa las so/ /la la ni tshe zang pa las so/ /la la ni ya nga ba ma spangs pa las te rnam pa gsum du rig par bya'o/ /sangs rgyas nyid kyis ni sems can rnams kyis de dag thams cad sel lo/ /'jig rten las 'das zhes bya ba la sogs pa thams cad ni mya ngan las 'das pa'i khyad par yin no/ /de la 'jig rten las 'das zhes bya ba ni phung po lhag ma med pa'i mya ngan las 'das pa'i dbyings su 'jig rten zad pas rab tu phye ba'i phyir ro/ /phung po'i lhag ma dang bcas pa yang 'jig rten pa'i sems kyis rig par bya ba ma yin pa nyid kyis 'jig rten las 'das pa ni yin na de ni 'dir mi bzung ste/ sangs rgyas nyid kyis bsdus pa'i phyir ro/ /ming tsam zhes bya ba ni dngos po nyid las sel ba yin te/ mdo las lnga po 'di dag ni ming tsam ste 'das par dang ma 'ongs pa dang mya ngan las 'das pa dang so sor ma brtags par 'gog pa dang gang zag go zhes 'byung ba'i phyir ro/ /zhi ba ni 'khor ba'i gnod pa med pa'i phyir ro/ /mi bsnyengs pa ni de la 'jigs par bya ba dang 'jigs pa dag med pa'i phyir ro// mi bgres pa ni zad mi shes pa'i phyir ro/ /nongs pa mi mnga' ba ni rtag pa'i phyir te/ phung po lhag ma med pa'i mya ngan las 'das pa'i dbyings kyi go 'phangs de lta bu brnyes par mdzod cig ces bya ba'i tha tshig go /bshes pa'i phrin yig gi rgya ched bshad pa tshig gsal ba zhes bya ba/ slob dpon blo gros chen pos mdzad pa rdzogs so// //rgya gar gyi mkhan po sarba dz+nyA de ba dang/ zhu chen gyi lo tsa ba bande dpal brtsegs kyis bsgyur cing zhus te gtan la phab pa// //
- 364b
slob spring 'grel ba bai ro tsa na rak+Shi tas mdzad pa bzhugs so// //rgya gar skad du/ shi Sh+ya le kha TI pa na/ bod skad du/ slob ma la spring pa'i 'phrin yig gi bka' 'grel jo mo sgrol ma la phyag 'tshal lo/ /slob ma'i spring yig rtogs dka' ba'i/ /tshig rnams gsal bar byas pa yis/ /skye rmongs mi shes spang pa'i phyir/ /dka' 'grel bdag gis bri bar bya/ /'gro ba rnams la snyan par grags pa yi/ /zla bar grags pa'i slob ma dpa' bo rin chen grags zhes bya ba blon pos rgyal srid kyi don du khrid pa la/ dpal tsan+d+ra go mi'i zhal snga nas kyi phrin yig 'dis bzlog go zhes pa ni gdams ngag go /de bzhin gshegs pa gang gis sngon gyi mdzad pa spyad pa rnams rab tu bsnyad pas 'dud kyis bu mo rnams kyis bzhin pad+ma'i nags tshal dag zum par byed pa ste/ sngon gyi mdzad pa ni sngon spyad? pa ste/ der spyad par mdzad do/ /rab tu bsnyad pa ni dbyangs kyi sbyor bas bsnyad pa'o/ /lha mo ni lha'i khyim thab mo'o/ /dus yang 'di ltar ro/ /zum par byed pa ni kun nas zum par byed pa'o/ /bdud ni 'dod pa'i lha la sogs pa'o/ /bkra shis ni phan pa dang bkra shis par byed pa'o/ /yid du 'ong ba ni bsngags pa dang yid bde bar byed pa'o/ /sku ni lus gang yin pa'o/ /shin tu ni mchog tu'o/ /rmad du byung ba ni ngo mtshar ba'o/ /shin tu yang yin la rmad du byung ba yang de yin no/ /gang gis 'jig rten pa rnams kyi mngon par 'dod pa rdzogs pa ni yid la re ba thob pa'o/ /gzhan don ro ni gzhan don mchog tu'o/ /gcig pu gnyis su med pa yang yin la spyod pa yang de yin pas gzhan don ro gcig par spyod pa'o/ /dbu cod pan can nyid kyi pad+ma ni spyan gyi pad+ma'o/ /bye ba ni kha bye ba'o/ /des na spyan gyi ba pad+ma ste de'o/ /rang bzhin no/ /khebs pa nyid ni gnyis med pa'o/ /gdugs dkar po gang yin pa ji ltar ral gri so bdar bas lus can sdug bsngal skye bar byed pa ste/ de bzhin du sa gzhi yang gzhan gyi longs spyod pa dang ldan pa sdug bsngal
- 365a
ba'o/ /bde ba ni dga' ba'o/ /sdug bsngal ni mi bzod pa'o/ /gang zhig thugs rje chen po'i yon tan bskun pa 'dzin pa'o/ /spangs pa ni bral bar gyur pa ste/ de lta mod kyi de'i sdug bsngal dang bde ba zhes smras so/ /de nyid ces bya ba ni nyon mongs gang zhig bde ba dang sdug bsngal bas kyang de nyid de'i bde ba dang sdug bsngal ba ste rang gi rgyud de de yis so/ /'jig rten mngon par 'dod pa'i re ba ni de mchog tu sgrub par byed pa'o/ /gsal 'byung ni gang zhig shar bas so/ /de'i phyogs gcig ni yang zla ba phyed do/ /dkar po yang yin la phyogs gcig kyang de yin pas so/ /de la yongs su rdzogs pa yang yin la yon tan yang de yin pas des bsal ba'o/ /nyes pa ni mtshan mo'o/ /'dod chags la sogs pa yang tshul khrims kyis ring du spong ba'o/ yid du 'ong ba ni gang du de yis yid dga' bar byed pa'o/ /rab tu gsal ba ni gsal bar bskyed pa zhes brjod do/ /gtsug ni spyi bo'o/ /lta bu ni mtshungs pa'o/ gdengs ka nyid ni gang zhig gi mgo bo la lus kyi rtags yod pa'o/ /bzang po ni thar pa bgrod par byed pa'i phyir ro/ /'phan med pa ni nyams pa med pa'o/ /rnam par dag pa ni bsam pa'i stobs so/ /tshul ni ngang tshul lo/ gang yin pa ni ci zhig ste/ bstan pa de ni dka' o/ /sa'i gting na gnas pa ni gnas gang na rab rib mi shes pa sel bar mdzad pa ste/ de spong bar byed pa'o/ /chos nyid ni 'bebs par byed pas sprin te/ rgyun 'byin par byed pa'o/ /g.yos pa ni skyes pa'o/ /chos nyid ni bdud rtsi ste/ chos kyi bdud rtsi ni legs par spyod pa'o/ /ro gcig pa ni rang bzhin ste gang zhig ni char chu phab pas so/ /de dag gis gdungs pa bsal ba ni mya ngan las 'das pa'o/ /snod nyid ni gzhi nyid de rten no/ /rten de yis bcud de sna tshogs par 'gyur ba ste/ nyan thos la sogs pa'i dbye bas so/ /snod yangs pa dang zab pa
- 365b
ni gzhol ba'o/ /dri ma med pa dang gsal ni spas pa ma yin pa'o/ /gnas ni sems kyi gnas gang yin pa 'am/ /bzod pa ni de gzhan gyi gnod pa byed pa bzod pa zhes bya'o/ /de zhes bya ba ni chos kyi bdud rtsi'o/ /skyes bu'i gzugs byang chub sems dpa' de nyid mtsho chen po zhes bya ba'o/ /thob par byed pa ni thos pas so/ /mthun pa ni bsam pas so/ /'dzin par byed pa ni bsgoms pas so/ /chen po yang yin la dri nga ba yang yin pas dug chen po'o/ /yun rings nad kyis thebs pa ni nyan pa'i nad kyis btab pa'o/ /sman chen po ni bdud rtsi'o/ /gang zhig gzung nas yang 'dor ba zhes bstan pa ni gang gi phyir bstan pa gcig pu gnyis su med pa'i mig go /dri ma ni mig ser la sogs pa'o/ /sa gsum na gnas pa ni sa gsum mo/ /gti mug ni mi shes pa ste/ gso ba ni rol par byed pa'o/ /rmad du byung ba ni gang zhig ngo mtshar ba'o/ /lhag pa'i tshul khrims la sogs pa bslab pa'i gzhi rnams la gnas pa'i rab tu byung ba la sogs pa'i bcas pa rnams spangs pa'o/ /nges pa zhes pa ni rim pa tha dad pa'o/ /byang chub nyid ni sbyor ba'o/ /de'i khang bzang 'dzeg par byed pa ni skas ka'o/ /de'i lam ni bgrod par byed pa'o/ /gnas de nyid du nges par 'dzegs pas so/ /de nyid du rkang pa la brten nas 'dzegs par byed pa ste/ go 'phang ni lam gyi khyad par du'o/ /mtho ba ni che ba'o/ /sa ni mi dge ba'i gnas so/ /phyin gyur ni skyed par byed pa'o/ /ldog par byed pa ni thob pa spong ba'o/ /skye ba zhes bya ba ni skyes pa'o/ /tshul khrims nyid gzings te lag du 'ongs pa'o/ /'brog dgon ni 'jigs pa dang/ bgrod dka' ba'o/ yun ring ba ni dus so/ /'phags pa ni drang ba'o/ /bral ba ni dben pa'o/ /shin tu'i sgra ni mchod par byed pa bkag pa ste/ bzang po'i lam ni bzang po zhes bya bar 'gyur ro/ /rgyal ba'i yon tan rnams kyis phreng ba ni phreng du spyad ba ste/ rgyal ba'i yon tan zhes bya ba
- 366a
gzhung kha cig las brjod do/ /gnyug ma'i thob pa las bar ma dor 'dor ba ni dmyal ba la sogs pa'o/ /der ltung ba ni ji ltar 'gyur ba de ltar 'og tu ltung bar 'gyur/ shugs drag ni myur du'o/ /'khor bas na 'khor ba ste/ de nyid ri'o/ /de'i sul ni dma' ba 'am gzhol ba'i phyogs so/ /de'i khrod ni gseb du'o/ /de nyid ni g.yang sar lhung ba'i gnas so/ /de'i phyir dam pa ni gtso bo ste mchog tu brtson pa'o/ /mun nag thibs po ni gang du mi shes pas so/ /gcig pu yang ni dge ba'i bshes gnyen gyis dben par yang 'di dag bya'o/ /zhes nges par rtogs par byed pa ste/ las dang bya ba rnams sems kyis yang dag par brtag pa'o/ /lhan cig ni mtshungs par ro/ /'grogs pa ni dus shes pa'i don to/ /sa ni 'gro ba ste/ de nyid ni dkyil 'khor ro/ /de'i gtso bor gyur pa ni cod pan du gyur pa'o/ /'gyur ba ni thob pa'o/ /bla ma ni chen po nyid do/ /ngo tsha ni 'dzem pa'o/ /ya rabs ni yang dag pa'i lam la gnas pa'o/ /dag pa ni dri ma med pa'o/ /gzi brjid dang ldan pa ni mchod par 'os pa'o/ /srog ni che'o/ bde blag tu ni 'dis so/ /bden pa ni don ji lta ba brjod pa'o/ /de la gnas pa ni gnas par byed pa'o/ /dga' ba ni mchog tu 'dzin pa'o/ /dam bcas ni yang dag pa'i lam du bzung ba'o/ /dbye ba ni smod pa'o/ /sdig pa'i 'gro ba dang lam ni lam po che'o/ /chos kyi rang bzhin ni chos las byung ba'o/ /rgya che ba ni yangs pa'o/ /thob pa ni brgyan pa'o/ /'khor ba nyid bgrod dka' ba'i phyir rgya mtsho'o/ /ldog pa dang 'jug par byed pa ste de nyid gar mkhan 'dra ba'o/ /dga' ba ni 'dod pa'o/ /des na klong 'khyil te g.yob pa'o/ /'khor ba nyid ni 'khor lo ste/ 'khor ba'i bdag nyid yin pa'i phyir ro/ /brgya phrag tu ni rnam pa brgya'o/ /mi bzad pa ni bzod par dka' ba'o/ /'gags pa ni gang ba'o/ /'dug pa ni nye bar gyur pa'o/ /'thibs po ni mang pos so/ zhugs nas
- 366b
ni rab tu zhugs nas so/ /mnag pa ni nyams su myong bas so/ /sdug bsngal ni mi bzod pas so/ /lus yongs su bskum pas ni lus kun nas zlum por byas pa'o/ /der zhes bya ba ni mngal du'o/ /de zhes bya ba ni sems can no/ /gnas pa ni bcings pas so/ /mngal ni mngal te lus gang zhig mngal gyi nang du dkris pa'o/ /bod pa ni chen pos so/ /mngal gyi gnas skabs su sngon gyi dran par byed pa ni ji ltar rma la byed pa bzhin du spong bar byed pa ste/ de bzhin du mngal gyi skyon skyugs pa dang 'dra ba bzhin du spong ngo/ /de nas tha dad du rdol nas de ni mngal gyi gnas na sra bas til mang btsir spyad bzhin du sra bas til mar btsir ba ltar byas pas so/ /de nas ni de lta bu'i rnam pa sdug bsngal nye bar longs spyad nas gang zhig thob pa ni skye ba'o/ /mi 'phongs pas ni brtse bas so/ / nyes par spyad pas ni bya dka' ba zhes bya'o/ /dar la bab pa ni ri sul gyi gseb bo/ /yul gyi sprul dug ni kun tu zhen pas so/ /de nyid ni yul te de'i gnas pas so/ /de nas kyang zhes pa ni ri sul nas so/ /lhung ba ni ngan 'gror ro/ /bsam rlag ni ma smin pa'o// mig gtsigs pa ni phyin ci log go /'chi ba med pa ni 'chi ba dang bral ba ste/ gang la dga' ba dang 'chi ba de dag yod pa ma yin pa'o/ /rol pa ni sgeg pa dang mtshungs par ldan pa'o/ /sems pa ni shes pa'o/ /lam min pa ni lam bden pa'o/ /de'i phyir rmongs pa ste mi shes pa'o/ /bab dgu ni bya ba mngon sum pa'o/ /phye mar rlog pa ni lam ngan par 'jug par byed pa ste/ chud gson par byed pas so/ /rdog pas mnan pa ni bya ba'i gnas skabs so/ /shin tu 'debs pa bzhin du 'gyur ba ste/ de bzhin du dga' ba dang bcas pas so/ /de nas zhes pa ni gnas skabs gzhan du'o/ /mthar thug pa ni dpe'o/ /gzung ba ni za ba'o/ /bod pa ni chen pos so/ /gang zhig zhi bar byed pa'i thabs med pa ni rgyu med pa'o/ /dga' ba nyid kyi rjes su skyes pa gang
- 367a
zhig nu bas so/ /yang na dga' ba nyid zab zhes bya ba'o/ /de nas ni de ma thag tu'o/ /bye ba ni lhod par 'gyur ba'o/ /tshig rnams ni mdud pa'o/ /blo bslang pa ni zad par 'gyur ba'o/ /nyams 'gyur ni dman par 'gyur byas so/ /'gro ba ni dang pa'i bya ba'o/ /zad pa ni chung zos pa'o/ /'di ni kun tu 'gro ba'o/ /yongs su ni kun nas so/ /shig shig pa ni lhod pa'o/ /'phel ba ni brtan pa'o/ /chags pa ni re ba'o/ /rim gyis zhum nas ni mthu med par gyur pa'o/ /dbang po gang zhig la yul 'dzin pa med pas so/ /nyams pa ni bral ba ste/ gang zhig la nus pa'i spro ba med pas so/ /chags pa ni zhen pa'o/ /'gro bar gyur pa ni thob pa zhes bya'o/ /gnas skabs ni gnas skabs so/ /de nas skabs de ni gal te dmyal bar 'gyur ba ste/ de'i tshe dmyal ba'i 'jigs pa dang bcas pa nyid ni 'jigs su rung pa nyid do/ /'dis ni sdug bsngal chen po nyid ston par byed pa'o/ /'di zhes pa ni sngar bstan pa ma byas pa'o/ /byas pa ni rjes su gnas pa'o/ /nyams pa ni chud zos par gyur pa'o/ /'gro ba ni 'dod pa'o/ /rdog pas mnan pa ni rdog pa'i gnas skabs gang yin pa'o/ /de'i phyir de lta de lta bur zhes pa ni de ltar yang zhes bya'o/ /mchog tu gdung ba'i rang bzhin 'di zhes pas ni ni'i rkyen no/ gnod pa ni na tshangs so/ /snying rje yod pa zhes pas ni a tsa'i rkyen no/ /sdug bsngal ni na cha skyes pas so/ /phyi rgyun can ni phyi ma'i chu'o/ /de'i rjes la ni lus spong bar 'gyur ro/ yid du 'ong ba ci 'dod pa'o/ /srung ba ni skyo bar byed pa'o/ /'bad pa yang yin la lhur? blang ba mang po de yin pa zhes bya ba'o/ /chos la sogs pa dang rang 'dod ces bya ba ni tshig bsdu ba'o/ /gang zhig tha dad ni mi 'tsho ba ni gnad ces bya'o/ /de'i gshis ni gnas so/ /der gang zhig gis bzed? bar byed pas so/ /mun rung ni mi gsal ba'o/ /shin
- 367b
tu mi bzad pa ni shin tu ma thugs pa'o/ /tshe des 'debs pa ni rung mos 'debs pa'o/ /co ta ni skra'o/ /pho nya ni khro ba'i rnam pa'o/ /zhags pa ni thag pa'i khyad par ro/ /dam du bcings pas ni bcings pas so/ /skye bo ni bshes so/ /rang gis byas pa'i du ba nyid sgra de yin pa'i phyir ro/ /gding ba nyid ni g.yengs pas so/ /khrid par 'gyur ba ni khyer ba'o/ /mi bzad pas ni 'jigs pa'i tshogs so/ /mtshungs par dbyug pas bda' zhing gang du khrid par byed pa'o/ /chu klung ni chus gang ba'i phyogs so/ /de dag bar ma chad pa ni khengs pa'o/ /der bgrod par bka' ba ni spyad par dka' ba'o/ /nag po zhes pa ni gnag pa'o/ /ngan 'gro'i 'bras bu bstan pa ni phyir mthong nas ni mngon sum du gyur pa'o/ /btung bar 'dod pa ni btung ba don du gnyer ba'o/ /gang yin pa ni chu'o/ /de nyid sra ba'i chu yang yin la nya lcibs mos yang yin pas de dag go /tshogs ni gcig tu byas pa'o/ /de'i rnag sungs ni rnag ces bya'o/ /de'i 'dam rdzab bo/ /des gang ba ni de las 'dzeg cing skyes pa'i khrag dang mi gtsang ba'i chu nyid las 'dres pas so/ /dus rlabs ni de'i rlung 'khrugs pas so/ /mthar thug pas ni ri rtse'o/ /des na bsil bas ni ri rtse'i phyogs gcig gang yin pa'o/ /kun nas tsan dan sngon po'i ljon pa gang yin pa'o/ /gang gi tshe de lta bur gyur pa'i ma la yang sdig pa byed pa'i sems can dang phreng ba na de'i tshe nags bsregs me lce rnon po 'khrigs pa'o/ /rtse mo ni 'bar ba'o/ /de yis dkrigs pa ni dkris pa'o/ /de'i mgal dum 'gyel ba'i rnam pa mang ngos kyang/ der rang rong can du gyur pa ste/ mtho ba dang dma' bar gyur pas so/ /'jigs pa ni 'jigs su rung ba'o/ /rlabs ni rgyal ba'o/ /dpa' ni klong ngo/ /de dag gyes pa ni dpa' rlabs las skyes pa'i 'gyes pa'o/ /des skyes pa'i dpa' drag po'i dbu ba nyid ni gang zhig dgod pa'i so
- 368a
gtsigs pa'o/ /tsha bas gdungs pa dang rab tu gdungs pa dang 'phel ba dang ldan pa'i don to/ /rtsub pa ni sdug bsngal sbyin par byed pa ste/ des na 'di ni mya ngan nyid do/ /de la sprin ni tshogs pa'o/ /de la mtshungs pa ni 'khor ba'o/ /des na bye tshan rtsub pa yang de yin la mya ngan yang de yin pas rlung mar gyi chu'i phyogs zhes bya ba ste/ /de'i rang bzhin no/ /dug mi bzad pa zhes kyang kha cig las brjod do/ /khug rna ni rgyas pa'o/ /dmar rtsub pa ni dmar ba'o/ /der zhes pa ni rgud pa'i gnas su'o/ lcags mda'i char ni char du 'bab pa'o/ /dung 'thul 'dab mar bcas pa dag tu 'gyur ro zhes bya'o/ /der yang rdo rje'i pha bong 'phro ba pha bong ste/ de'i tshe tsha 'phro ba ni gang du me'i dum bu ste/ phreng ba ni tshang du dngar ba'o/ /de'i dmar ser gyur pa'o/ /tsha ba ni gdung ba'i nyes pa ste sdug bsngal ba'o/ /tshar 'gyur ni sreg par byed pas so/ /lhags pa ni ba mo ste de dang 'dres pa'i rlung dmar ro/ /tsha ba yang ni me yang ngo/ /las mi bzad pa ni shin tu mi bzad pa'i las so/ /'gyur ba ni 'bras bu smin pa'o/ khab kyi kha ni gang zhig gi kha'o/ /dpag tshad mang po ni gang zhig dpag tshad mang po dang bcas pa ste/ lto ba zhes bya ba dang sbyar ro/ /dpag tshad mang 'jigs ni 'jigs su rung ba ste/ gang zhig gi lto ba ni nad do/ /nyam thag pa ni bsgom pas gzir ba'o/ /'di kha ste de'i tsha ba'i dugs kyis so/ /yangs pa yang yin la mgrin pa yang de yin pas so/ /bskams par gyur pa ni chu'i thigs pa'o/ /de nyid phyin pa'i lhung bar gnas so/ /'gugs pa ni kun tu 'gugs par byed pa'o/ /shin tu gang bas na gang ba'i dogs so/ /rab med de ni dmyal ba'i chu'o/ /bul tog ni chus gang ba'i dogs ni rab med kyi dogs zhes bya'o/ /mi bzang bzhi mnag dka' ba'o/ /rtse mo ni mdza' o/ /rno ba ni shin tu rno ba'o/ /mi mnyam pa ni 'og ste/ gang na rdo'i? pha bong yod pa'o/ /bda' ba ni
- 368b
bdas pa'o/ /ral pa'i tshogs mang ba ni skra'i tshogs bsgyings pa'o/ /khyi yang yin la bsgyings pa yang de yin no/ /khyi de dag gi mche ba lcags kyu nyid rdo rje yin pas rdo rje'o/ /rtse mo ni rtse mo de yis so/ /dbang pa ni lus gang yin pa'o/ /rgyug pa ni skrag par shes par bya ba ste/ gang zhig khyad par du lus gtubs pas skyabs ma dmigs pa'o/ /lo ma nyid ni 'dab ma ste/ lo ma'i 'dab ma de'i nags tshal lo/ /de na khyad par ci zhig ce na/ spu gri'i so gtams pa'i mdab ma'o/ /mdung dang rtse gsum dang/ mdung thung gi mtshon cha'i khyad par ro/ /mdung thung ni mdung thung ngo/ /ra la gri ni ral gri nyid do/ /de nyid dgod pa dang 'dra bar yod pa ste/ khron pa gang zhig tu khyad par ci zhig ce na/ kha ste bug pa'i sgo'o/ /rgyal ba ni gang zhig gzhan pham pa'o/ /lhung ba ni nye bar gyur pa'o/ / gal te zhes pa ni mthus song ba'o/ /mthug pa ni bar mtshams med pa'o/ /lo ma ni 'dab ma gang yin pa'o/ /nyin tshan gyis gdungs pa'i tsha ba de nyid kyis sdug bsngal mi bzod pa ste/ bzod par dka' ba'o/ /des chad pa ni skyo ba'i lus gang yin pa'o/ /shing de dag gi lo ma nyid ni mtshon cha de dag ste/ de dag brgya phrag lhung bas gang zhig gi lus bcad pa ste/ shing gi rtsa ba de nyid du'o/ /mthar thug pa ni bas mdza' ste/ lhags pa yang yin la rtse mo yang de yin pas de dag brgya phrag rnams so/ /de dag ni mi rtag pa ste/ de'i phreng ba ni gral du dngar ba'o/ /de yis g.yengs pa yang yin la 'bar ba yang yin pas de nyid lus te/ des na lus kyi zhags pas so/ /sog le bzhin du rtsub pa'i lus shin tu rtsub pa 'di dag gis so/ /de dag gong nas gong du sdug pas srog chags dag btsum nas 'khyud pa yis gtong bar ji ltar dam par 'gyur ro/ /ri kha sbyar ba'i ri ste ri nyid dang 'dra ba mtshungs pa gang yin pa ste/ de dag kyang 'jigs su rung ba ste/ 'jigs par byed pas so/ /'dus pa'i phrag ste lug
- 369a
de dag 'dus pa'i phrag tu ste/ de dag gi zung de yis 'joms pa ni btags pa ste/ des na phye mar brlag cing 'joms pa'o/ /de nas lus kun bcom pa'i dus der skad cig gis cung zad der/ bsil bas rtas pa ste phan pas so/ / srog ni 'tsho ba gang yin pa'o/ /de bzhin du zhes pa ni 'khyud pa bzhin no/ /bse ni bse ru gcig go /bred pa ni 'jigs par gyur pas so/ /'dus pa ni gzugs brnyan gyi phyir ro/ /de la zhes pa ni shal ma li la'o/ /khwa ni bya rog go /'byin pa ni g.yo bar byed pas so/ /btsam pa med pa ni stobs kyis so/ /dam zhags ni bcings pas so/ /'chi ba ni gshin rje yis se? nas btab pa'o/ /'dzeg par byed pa ni shing la 'dzeg par byed pa'o/ /dran pa dang dral ba ni sems nyams pas so/ /dbang ba ni gtubs pa'o/ /nyam thag 'byin pa ni du ba'i sgra'o/ /rtse mo ni cha shas so/ /mtshungs pa ni mnyam pa'o/ /lcags ni 'dir lcags so/ /der yang der kha gyen du bltas pa ni kha gyen du bltas pa'o/ /mang po ni rab tu gang ba'o/ /spom pa ni mthug ba'o/ /rnon pos phug pa ni phur bus so/ /'bab par mi nus pa ni thar par mi nus pa ste/ shal ma li nyid las so/ /dud mo ni tshe nges 'debs pa'o/ /'bar ba'i zug rngu ni de gzhan dbang du byed pa'i zug rngu'o/ /kun tu drangs pa ni bton pa'o/ /rgyad ba ni then pa ste/ nang gi rgyu lto gang yin pa'o/ /khwa ni bya'o/ /mtshon cha bdar ba ni mchu gang yin pa'o/ /phye ma tsha mo yang yin la sa yang de yin pa zhes bya'o/ /gzhi ni rten no/ /rkang pa bzhag pa ni bor pa'o/ /de mi thob pa nyid ni skrag pa lhung bar 'gyur pa'o/ /'tsho ba ni srog dang bral ba'o/ /las nyid zhags pa bzhin pas zhags pa'o/ /thogs pa ni gzung ba'o/ /'pho ba ni 'pho ba ste/ gzhan du 'gro ba'o/ /lcig lcig chen po ni des byas pa'i sgra chung ngu'o/ /dmugs pa ni rnying pa? ba'o/ /stong? pa
- 369b
ni stongs pa'o/ /dus pa la yang zhes pa la sogs pa'o/ /tshigs su bcad pa gnyis so yang gnas so/ /zhes pa ni 'di dag nyid kyi bya ba'o/ /gang grang ba'i sems can dmyal ba rnams so/ /shin tu ni mthar thug pa'o/ /'o dod ni skad 'byin pa'o/ /sprebs pa ni rnam pa tha dad par 'gyur ba'o/ /'dar shang ni g.yo ba'o/ /bskum pa ni lus zlum por byas pa gang yin pa'o/ /lhags pa dpe med pa ni 'dra ba med pa gang yin pa'o/ /rma brtol ba ni gang zhig 'dzag pa'o/ /chu bur brgya phrag las skyes pa'i bag chags kyis zos pa ni zos pa'o/ /de'i dbang po de'i phyir 'dzag pa ni lug pa'o/ /rkang dang zhag dang bcas pa dag tu 'jug pa zhes pa ni gang dag rkang dang zhag dang chu ser dang bcas pa rnams so/ /so tham ni so gang dag yin pa rnams so/ /spu dang ba spu ni co ngo? dang spu gang yin pa dag go /g.yengs par gyur pa ni phan tshun 'brel pa'o/ /sems med pa ni sems dang mi ldan pa ste/ bems po ni btang snyoms su gyur pa'o/ /gnam mdog gyur ces bya ba la sogs pa'i tshigs su bcad pa gnyis kyis ni dmyal me nas ltung ba de 'gro ba'i bya ba'o/ /ci zhig tu gyur pas zhe na/ rnam par 'phro ba ni 'khrugs pa'o/ /mang pa ni mthug pa'o/ /mnam pa ni dring ba'o/ /tsha ba ni rno ba'o/ /gang zhig du ba de 'thul ba rnam par g.yengs pa gang zhig gis gnam mdog tu gyur pa'o/ /che dgu ni 'phel ba'o/ /rtse mor 'bar ba gang yin pa'i lag pa ni lag pa de dag go /mang? ba ni tshogs pa'o/ /rnam? par phra ba ni ston pa'o/ phyogs kyi dkyil 'khor ni yul khebs pa gang yin pa'o/ /skyi g.ya' ba ni 'jigs su rung ba'o/ /'jigs byed ni dbang phyug chen po'i khyad par ro/ /rab gar ni gar yang yin pa ste/ de bsam gyis mi khyab pa zhes bya ba'i don to/ /glang chen pags pa gyon? kye ma kye hud zer ba bzhin de dag la 'jug ces pa
- 370a
ni 'jigs byed kyi glang chen pags pa'o/ /de su zhig cen dmyal ba ste de'i rnam pa'o/ /la lar zhes pa na phyogs gcig na'o? cher ni rgyas par ro/ /skad 'ga' ni dus thung pa'o/ /rtse zhil pa zhes pa ni gnas pa'o/ /bskyed du med pa ni 'phel pa'o/ /khong ni de'i nang du'o/ /bskal pa'i dus kyi me ni 'jig pa'i dus kyi me'o/ /skam po zhes pa la sogs pa'i tshigs su bcad pa gnyis kyis ni yang sdug bsngal rgyun mi ha? chang bar ltung bar byed pa'o/ /yang ji lta zhe na/ rtswa'i tshogs kyis yang ngo/ /gseb gzhan ni bar mtshams so/ /sgrod pa ni phye ba'o/ /nad pa ni brkyang pa'o/ /'dod pa ni re ba'o/ /de'i gseb g.yogs pa ni bcad pa ste/ las nyid sgo grags so/ /can shig ce na brda? mi phrad pas so/ /ci'i phyir brda mi phrad ce na/ /de nyid du de dag rnyings pa gong bur gyur pa ste/ bzed? dka' ba'i phyir ro/ /de bzhin du lus kyi rtsi ba logs su zug pa zhes brjod do/ /dud bcas bdud mar byung ba ni rkang gang yin pa nas so/ /me lce gang yin pa ni rtsa mo'o/ /grol ba ni bye ba'o/ /mi bzad pa ni sdug bsngal ba'i phyir ro/ /skad ces 'don pa 'di ni skad 'don pa tsam ste de nyid lhag ma'i bya ba gang yin pa'o/ /lcags gzhu zhu ba 'thu? zhes? pa ni bya ba ste/ mda'? bo chen mtshon cha'o? khyad par ro/ /char? bzhin 'bab pa ni de'i phyir rdzas la'o/ /'khrigs pa ni g.yogs pa'o/ /rna ba ni nyan pa'o/ /bud shing skam por bcer ba lta bu las mched pa ni? ltos pa med par sreg par byed pa'o/ /ci zhig gis she na mes so/ /kun zed pa ni rang? ngo/ /rdol ba ni mig dang mgo bo ste/ thong ba yang yin la klas rgyas kyang yin pas mgo bo'i klang pa'o/ /smug gnag ni dmar ser ro/ /'bar ba ni rtse mo'o/ /de dag gi dus gang yin pa'o/ /mched pa ni skyed par byed pa'o/ /yang gang gi phyir brog? ni 'tsho ba'o/ /us ? ba? nyid ni phyi la'o/ /ded zad? pa? sems can de
- 370b
dag nyid do/ /'di dag nyid ni me la sogs pa'i dmyal ba'i las kyi dbang du byas pa mi bzad pa nyid du 'gyur ro/ /'di nyid las kyi dbang du byas nas 'khrugs par snang ba'o/ /spyod pa ni kun tu spyod pa gang yin pa'o/ /'phyes rnams su ni 'jigs pas g.yengs pa rnams so/ /spyod mtshungs ni gsod par byed pa'o/ /skye ba ni skyes pa'o/ /ngang tshul ni spyod pa'o/ /thob pa ni dmyal ba la sogs ba'o? ? ni zhi ba'o/ /lhags pa ni gzhan gyi don phul du byung pa'o/ /lam ni rten ni/ /nam mkha' lding ni bya khyung la/ sogs pa'o/ /klu ni nor rgyas la sogs pa'o/ /lag pas 'gro bas na lag 'gros te sprul lo/ /brtun pa ni brtson 'grus dang ldan pa'o/ /don ni ? bgos pa'o/ /brnag pa ni dam bcas pa'o/ /ma'i dngos po slu ba ni mngon par slu ba'o/ /rnyed? gyur ni thob nas so/ /shin tu 'joms pa nyid ni dge ba'i las so/ /las dang byed pa po/ gang gis de nyid dmigs pa ni byas pas so/ /gang gi phyir gnas pa ni yun ring por gnas pa ste/ de'i nges pa med pa'o/ /shugs drag rlung gis bskyod pa ni g.yo ba ste/ mar me'i rtse mo rlung gis btab pa bzhin du g.yo bas so/ /zur gyis blta bas zur mig gis te/ /zur mig du byas pa'o/ /dbyug pa nag po gang gis so/ /so sa? me tog rgyas pa ni me tog la bya ba'o/ /mi dga' ba ni skyo ba'o/ /shin tu ni mchog tu'o/ /zad par 'gyur ba ni gong par 'gyur pa'o/ /ri rtse nags kyi mthongs der ni shing la sogs med pa'i phyogs so/ /dkyil 'khor ni gzugs so/ /rgyas pa ni yongs su rdzogs pa'o/ /char sprin nyid ni ska rags te/ rked pa bcings pa dang gang dag yin pa'o/ /nyams dga' ba ni mtho ris kyi skyed yos tshal gang yin pa'o/ /sa gzhi de nyid bsngags pa'i phyir ? ni rkyen sbyin no/ /lha mo ni lha'i chung ma zhes bya ba'o/ /nyam bag? du ni bde bar ro/ /mdzes pa
- 371a
ni spang par ro/ /bskal pa bzang po ni dga' byed pa'o/ /lhab lhub med pa ni g.yos spyod pa med pa'o/ /rab bde ba ni shin tu dri ma med pa'o/ /dben pa ni skye bo med pa'o/ /si? zhir bskus pa ni khrus kyis 'dag rdzas so/ /de nas yan bu rgyan du thogs pa ni rgyun ldan ni de dag phan tshun 'dres par gyur pas so/ /rgyun ni gang zhig mtho ris kyi chu'o/ /de dag dgod pa ni kha? bye bas so/ /rang nyid rtsa ba dang rol pas nye bar dgod pa'i rang bzhin gang yin pa'o lha? ni lha mo'o/ /skye bo lhab lhub med pa ni grogs med pa'o/ /chu dang bral ba ni ngogs kyi gle ma 'o/ /phug gis sgrogs pa ni snyan par thos pa'o/ /'dod chags dang bral ba ni srid pa las yid byung ba'o/ /phun sum tshogs pa ni 'byor pa'o/ /khor yug ni mthar thug pa'i longs spyod pa gang yin pa'o/ /phreng ni grol lo/ /nyer spyod ni 'khor du gnas pa'o/ /gang dag 'dod pa la chags pa rnams ni dmyal bar ltung bar 'gyur ro/ /de dag 'dod pa spang bar bya zhes pa ni lhag ma'o/ /dpag bsam mtshungs pa ste/ rmi lam nyi ngan de dang rtse ba la sogs pa rnyed par dka' o/ /'khrul pa ni nor pa'o/ /slu ba ni slu bar byed pa'o/ /bde ba ni dga' ba'o/ /rnam par smin pa ni smin pa'o/ /tsha ba ni rno ba'o/ rmongs pa nyid ni gti mug par byed pa de'i phyir ro/ /'thibs por byed pa ni kun du spyod pa'o/ /nges par brtags pa ni rnam par spyad pa'o/ /mchog ni bde pa sbyin par byed pa'o/ /mi bzad pa ni 'jigs su rung ba'o/ /dug nyid mi 'dod 'dod pa'i 'bras bu sbyin pa'o/ /dug nyid dang ldan pas ni dug nyid rab tu zhi bar de byed pa'o du gsol ba ni sman no/ /gsor rung ba ni mthus bsgrubs pa ste/ rigs pa dang ldan pa'i sbyor pas so/ /chags pa ni sred pas so/ /rnyed pa ni thab pas so/ /klongs pa ni g.yengs pas so/
- 371b
rtse myong ba ni ? kyi myong ba la sogs pa'o/ /lha'i bu mo ni lha mo'o/ /'khyams pa ni 'khor ba'o/ /phrad pas smras pa'i sdug bsngal mi bzod bsten dgos so/ /dpag bsam shing lo gding ba kun bkram pa ni nag gting ba'i tshogs gang yin pa'o/ mdzes pa ni yid du 'ong pa'o/ /rtse ba ni lhan cig rtse bar byed pa'o/ /rtse mo ni rna ba'o/ /'khrugs pa ni kun/ nas g.yangs pa'o/ /rkang bzhag ni gnas su'o/ /nams? dang par ni mthong ba dang dma' ba' o/ /rdul nyid ni rdul lo/ /me tshigs ni thal tshan gyam 'cha? pa nyid ni me mar mur? de la'o/ /bye ma bsregs pa ni bye ma bsregs pa'i tshogs so/ /zhig par byed pa ni rkang pa dang/ brla dang/ lag pa gang yin pa rnams so/ /mun nags thibs po ni nu na nag gis g.yogs pas so// mi bzad pa ni yun ring par 'byung ba'o/ gnas pa ni yun rings par gnas pa gang yin pa'o/ /dpag med ni tshad? med pa'o/ /mtha dang pha rol de dag yod pa ma yin pa gang yin pa'o/ /dril bu 'khrel ba ni kha nas sgra 'byin pa'o/ /mdzes pa ni brgyan pa'o 'khor ba ni kha nas sgra 'byad dag go /de mu tig phreng ba'i tshogs ni zhes pa ste/ lhag ge ba ni mdzes pa'o/ /'od ni lha'i phyogs so/ /mgo rgyan ni cod pan no/ /dmar ba ni kha dog go /rkang rten ni rkang pa'i gdan no/ /der 'gro ba ni rab tu spyod pa'o// rab du rnying? zhes pa ni a ting le a na ra'i rkyen byin pa'o/ /'jig pa ni rdul 'dzag pa ste/ rdul gyis lus po kun gos pa'o/ /dri ma chags pa ni rnyings pa ste/ gos gang yin pa'o/ /de bzhin du snying rjes sme? zhing nye du rnams kyi tshogs la lta ba'o/ /'gyur ba ni thob pa ste/ shin tu sdug bsngal ba'o/ /sdug bsngal de ni mi rnams la med do/ /sdug bsngal gyi me tshogs spungs pa ni gang pa'o/ /de ni gshin rjes 'jigs su rung ba'o/ /bde bar mngon pa'i nga rgyal byed pa ni/ bde ba'i
- 372a
sgro 'dogs pa'o/ /byed pa ni 'byung pa'o/ /de la bde ba snyam nga rgyal byed pa ni 'joms par byed pa'o/ /gshin rje'i khar 'jug par byed ces pa'i don to/ /de zhes pa ni bde bar mngon par rlom par byed pa'o/ /gshin rje la sbyin pa ste/ med pa'i rang bzhin brtan pas thig gu ring po ste/ gang zhig de'i dam gzhag ste/ sdom pa'o/ /btab pa ni gzung pa'o/ /log par smon pa ni don du gnyer ba'o/ /'jigs pa ni 'jigs su rung ba'o/ /dbyug pa nag po gang zhig gis so/ /sred pa ni gos pa'o/ /mchog tu ni phul du byung ba nyid do/ /bde bas sems pa ni dmyal ba rnams so/ /khros te gzas pa ni brdegs pas so/ /mgo bstod pa ni gang du skad cig go /dbugs phyin thob pa ni gang zhig grol zhing thar bas so/ / bskol ba'i tsha ba ni rjes su 'chi bas so/ /de'i dran pa ni de nyid myur bas so/ /zangs chen ni bshad ba'i chu gang yin pas so/ /de'i phyir yang kha cig las sod pa ni rnam par g.yengs pa zhes kyang brjod do/ /kham 'ga' ni kham gcig go /sred pa ni zhen pas so/ /mi bzad pa ni bzod par dka' ba'o/ /dbang med rtag tu ni gang du bcing pas bcings pa ste/ de ni rtag tu ste nyin dang mtshan du zhes pa'i don to/ /ci zhig ltar ni gzhan dbang du'o/ /skyed pa ni skyed par byed pa'o/ /shin tu ni phul du byung ba bsams pa nyid do/ /rnam 'phel ni rgyas par ro/ /bsgoms pa ni goms par byas pa'o/ /rtse mo ni 'bar ba'o/ /mi sdug pa ni mi mdzes pa'o/ /snyoms byed pa ni mtshungs par byed pa'o/ /mi bzad pa ni bzod par dka' ba nyid do// yang de dag go /'gro ba ni 'gro ba drug pa rnams las gang yang rung bar skye ba'o/ /ma song ba ni ma thob pa'o/ mdzes pa ni sdug pa ste/ gang zhig dga' pa'o/ /de yang ni de ltar yang ngo/ /'dod chags ni zhen pa'o/ /gnas ma bcas pa ni gnas
- 372b
bar ma byas pa'o/ /gnas ni gzhi'o/ /phyogs ni phyogs gcig go /song ba ni bgrod par byas pa'o/ /sdug bsngal gyi gang ba'i phyir dgang dka' ba'o/ /nyams su myong ba ni thob pa'o/ /'dod pa de dag med pa ni rgyur gyur pa gang zhig gis tshim pa ni zhen pa log pa'o/ /nyal ba ni nyal bar byas pa'o/ /skye ba blangs pas zhes bya ba'i don to/ /yongs su 'dzin pa ni yang dang yang du skye ba len no/ /rgya chen ni shin tu rgyas par ro/ /'jigs pa ni 'jigs su rung pa'o/ /gnas ni gdengs ka'o/ /sdug bsngal nyams su myong ba ni lus kyis so/ /gang zhig dang rdul gyis btses pas so/ /tshogs pa ni bdag nyid dang tshogs nas so/ /lhan cig 'dug nas bgad par byas pa dang/ rtses pa ni rtsed mo dang/ glu ni rab tu blangs pa dang/ 'thungs pa ni btung ba byas pa dang/ gcig tu zhen pa ni tshogs pas so/ /zos pa ni bza' ba'o/ /dga' mthun ni brjod pas so/ /dus ni me tog dang ldan pa'o/ /dengs pa ni khyer nas gzhung kha cig las ni dus kyi rim pas zhes pa brjod do/ /gnas skabs ni gnas pa'i bye brag go /mnyam pa ni bde ba'i sbyin pa'o/ /ci zhig ltar ni dka' bas zhes pa'i don to/ /skye shi ni skyes pa dang shi ba'i rgyun te/ de'i 'pho ba ni yang dang yang du'o/ /snang? bzhin du chud zos pa'o/ /klong ni chu'i 'khor pa'o/ /gcig thang ni gcig tu'o/ / 'di ni nyan thos rnams so/ /dka' ba byas pa ste/ de'i phyir bong ba ste dor bar byas pa'o/ /mi nus pa ni rang dbang du'o/ /nu zho ni 'o ma'o/ /byams pa dang rjes su 'brel pa ste/ de'i ma'o/ /dal ba rtse ba la sogs pa'o/ /gcig pu brten? pa zhes bya ba ni rkyen sbyin no/ /ma rabs ni chom rkun no/ /gang gi ni ma rnams kyi'o/ /'ang gi sgras ni spang du'o/ /bdag gi bur gyur ces bya ba'i skabs gang yin pa'o/ /rtse bag sems ni rnam par g.yengs pas so/ /'di blangs pa ni thon? dang bcas pa'o//
- 373a
'di ltar ni byis pa'o/ /pang pa ni pang du blangs pa de srid du'o/ /btsa' ba ni thob pa'o/ /khong du ni 'dzin pa la sogs pas sdug bsngal ba nyid do/ /skyabs ni skyob pa'o/ /brtse ba'i rang bzhin ni gzhan sdug bsngal ba nas 'di mi srid pa'o/ /'gro ba bzlog pa ni bgrod pa'o/ /dbang med pa ni g.yengs pa'o/ /gzhan zhes pa ni sems can no/ /skad cig kyang rangs par byas pa ni de dga' ba gang yin pa de dang 'dra ba ste/ mtshungs par yod pa'o/ /de ci'i phyir zhe na/ bkres pa ni lhogs pa'o/ /sred pa ni zhen pa'o/ /tsha ba ni rdul byung ba gang yin pa'o/ /bral ba ni med pa'o/ /des dga' ba bzhin sdug pa ni mdzes pa gang ba'o/ /skyes pa ni rgyu'o/ /gzhan pa ni glang po la sogs pa'o/ /nye bar na 'kho ba ni g.yog la sogs pa'o/ /ji ltar yang ni rnam pa gang gis kyang ngo/ /shin tu ni 'dus pas so/ /rtswa ni sngo rnams so/ /de'i kham 'ga' ni kham gcig go /de bar mi rnyed pa'o/ /gang 'dod ba ji ltar 'ga' zhig tu'o/ /dang ni bsdus pa'o/ /brtson pa pa ni brtson par byed pa'o/ /rang ni bdag nyid do/ /brjod pa ni nus pa'o/ /bde ba 'di yang 'di'o/ /skyes bu ni skyes bu'i byed pa'o/ /ngo mtshar ba ni rmad du byung ba'o/ /snang ba ni gsal ba'o/ /mi rtsegs pa ni ma chad pa'o/ /mkhas pa ni kun brtags pas so/ /rang bzhin de 'ang ba ni rang gi ngo bo de'o/ /'di ni 'di lta bur gyur pa'o/ /phan dang bde ba'i ro ni dbugs 'byin pa'o/ /gcig gzhol ba ni ro myang ba'o/ /ma rig pa ni rmongs pa'o/ /de nyid ni du ba'o/ /de nyid ni mun par byed do zhes pa ni mun par ro/ /de'i sprin ni g.yogs pa ste/ khyab pas na der 'khrigs pa'o/ /bong ba ni sa'o/ /ma tho ba ni khyad par 'gro ba'i 'khrugs par 'gyur ba'o/ /nang du ni spyod pa gang yin pa'o/ /ltung ba ni dma' bar ro/ /thod ni dkris pa'o//
- 373b
? thong la me mched 'bar ba lta bu ni mtshungs pa'o/ /mgo dang thod pa me shor ba dang mtshungs pa zhes pa'i don to/ /skyes bu ni skyes bu'i yon tan dang ldan pa zhes pa'i don to/ /'jug pa ni zhugs pa'o/ /mnar med pa ni ngal so ba dang bral ba'o/ /gang ba ni khyab pa'o/ gzhan gyi don du ni bzhin gyi ched du'o/ /gangs dang zla 'od lta bu ni ji lta ba ming gis bsil bar 'gyur ba lta bu'o/ dga' bas ldang ba ni ba spu ste/ /lus kyi ba spu lding ba gang yin pa'o/ /kha bye ba ni rgyas pa'o/ /pad+ma ni 'dam skyes so zhes bya ba'o/ /de nyid kyis lhag ge ba gang yin pa'o/ /'dus pa ni gnas pa'o/ /mkhas pa ni skyes bu dam pa'o/ /chas pa ni bskor nas so/ /dga' ba'i tshal ni lta'i sen mos tshal lo/ /bsgral ba'i phyir ni gzhug pa'i phyir ro/ /rgal bar gyur pa na byang chub sems dpar bstan pa ste/ /dmyal ba'i las las yang dag par 'das pa'i phyir ro/ /dba' rlabs ni tha dad pa'o/ /de'i chil tshol ni phan tshun 'dres par gyur pa'o/ /des reg pa ni phrad pa'o/ /des na bde ba'o/ /de ltar na rnam pa gzhan gyis zhes bya'o/ /bsten par byed par byed pa ni bdag nyid do/ /rgyan gyis ni phyir spyir ro/ /brgyan gyur ni snying po'o/ /zhi ba ni dpal lo/ /bdud rtsi nyid ni bdud rtsi ste/ yon tan gyi rten yin pa'i phyir ro/ /yangs pa ni rgya che ba'o/ /gsal ba ni mar me bzhin no/ /rnyed dka' bas ni sdug bsngal bas rnyed pa'o/ /dga' bar byed pa'i phyir dga' ba ste/ dga' bar byed ces pa'i don to/ /zhi ba ni thar pa'o/ /bkris ni dga' ba'o/ /bsten pa ni goms par byed pa'o/ /me tog nyid ni me tog go /'bras bu ni 'byin par byed pa ste/ gang gi phyir ljon shing rnams kyi me tog nyid ni 'bras bu ste/ lo ma la sogs pa'o/ /don tshogs ni mi rtag pa nyid rjes su gnas pa'o/ /sbrang rtsi ni me tog gi snying po'o/ /mchog ni rab tu gyur pa'o/ /don du gnyer ba ni
- 374a
lta ba'o/ /spong ba ni 'dor ba'o/ /rtag tu ni rgyun du'o/ /'chi ba ni rnyed dka' ba'i nyes dmigs so/ /'khrugs pa ni rnam par g.yengs la ste dag ba nyams pa'i phyir ro/ /skad cig la 'jigs ni chud zos pa ste/ des sna 'di la chags pa yod pa zhes pa'o/ /dben pa ni mdza' cig tu nges pa'i rang bzhin de/ mdza' cig tu zhi bas sam dben pas so/ /sol ba ni spangs pas so/ /rab rib ni mi shes pa ste/ gti mug rang bzhin ni gtsug phud gang yin pa'o/ /ni ni gang gi phyir ro/ /rte'u skyes ma thag ni yun ring por gnyid sten par 'gyur ba ma yin no/ /de bzhin du bskab pa'i dus na yang mi shes pa'i gnyid yun ring bor sten pa ma yin no/ /'dul ba ni bslab pa'o/ /tshe ba ni rgyas par ngo/ /shing ni snying po'o/ /bzod pa ni gnas skabs so/ /lo ma ni g.yogs pa'o/ /smos lam ni smod pa'o/ /rtse mo ni tse? do'o/ /srid pa ni mya ngan te/ chus dben pa'i sa gzhi'o/ /gcig ni gtso bo ste grib ma la sogs pa phun sum tshogs pa'o/ /gsal ba ni grags pa'o/ /yangs pa ni rgya che ba'o/ /mtsho zab pa nir de'i gtong du'o/ /rab tu dang ba ni dri ma med pa ste/ bsam pa'i gnas skabs sam sems gang yin pa'o/ /ba ne ni bsil ba'o/ /sbrul gdug ni chu srin la sogs pa'o/ /snying ni rtsa la sogs pa'o/ /bag med pa ni mun pa'o/ /rab tu gtsang ba ni bde ba sbyin pa'o/ /sred pa ni zhen pa'o/ /rtun pa ni kun tu dkrugs pa'o/ /de nyid khur yin pas khur che'o/ /smra ba ni brjod pa'o/ /grags pa ni yon tan grags pa'o/ /rgyun ni 'byung ba'o/ /shugs drag ni shugs kyis 'bab pa'o/ /bskyod pa ni bsgul ba'o/ /rdul rab gi ba ni rdul phran no/ /gang gis bsgrubs pa ni thob pa'o/ /dad pa ni gus pa'o/ /rtag bde ba'i longs spyod ni gzugs la sogs pa'i yul rgyas pa gang yin pa'o/ /rim gyis ni thos pa la sogs pas so/ /dka' ba med pa ni
- 374b
sems can no/ /'dir zhes pa'i dmyal ba'o/ /mnyam pa ni 'dra ba'o/ /pad+ma sna tshogs pas gang ba'o/ /bzang po ni dpal lo/ /rgyas shing ni rdzogs par ro/ /shog cig ni phun sum tshogs par ro/ /brnags bsam pa'o/ /bdud dpung pham pas cho nges 'debs ba nid? sangs rgyas byung ba gang yin pas so/ /lha'i chu ni nam mkha' i gang gA'o/ /de la rtse ba ni rol par byed pas so/ /de bzhin du dga' bas na dga' mdzad do/ /'du ba ni gan du 'ongs pa'o/ /lha dang mi gang dag yin pa'o/ /'joms pa ni mi 'jug pa'i rang bzhin te byed pa po gang yin pa'o/ /chos ni gsung rab po/ /de yis kun dga' ba ni dga' ba ste/ de'i rgyun no/ /de nyid ni dga' ston chen po'o/ /'phel ba ni gsal ba'o/ /'chi bdag ni gshin rje'o/ /don med pa ni 'bras bu med pa'o/ /tsan dra go mi'i snang ba ni ye shes sam zla ba'o/ /don byas pa ni 'bras bu dang bcas pa'o/ /bsil ba ni rnar 'ong ba'o/ /gtam chogs ni klags pa la sogs pa'o/ /'phel ba ni de'i rgyun no/ /'phags pa'i skye bo'i gtam gyis ni zla ba'i sned pa'i dge bar gyur pa thob pas zhes pa'i don to/ /slob ma la springs pa'i dka' 'grel slob dpon bai ro tsa na rak+Shi tas mdzad pa rdzogs so// //rgya gar gyi mkhan po paN+Di ta chen po su ga ta shI mi tra dang/ lo tsA ba dge slong tshul khrims rgyal mtshan gyis bsgyur ba'o// // */ /slob spreng 'grel pa shes 'byung blo gros mdzad pa bzhugs so// //rgya gar skad du/ shi Sh+ya le kha bri t+ti/ bod skad du/ slob ma la spring ba'i 'grel pa/ sangs rgyas dang byang chub sems dpa' thams cad la phyag 'tshal lo/ /thub dbang sras bcas bzhugs kun la/ /rab tu gus pas rtag btung nas/ /slob ma rnams la phan don du/ /slob ma'i spring yig rnam par dbye/ /'dir 'phags pa zla ba de ni bdag dang
- 375a
gzhan gyi grub pa'i mdza' rgya mtsho'i pha rol tu son pa/ shes bya thams cad kyi gzugs brnyan shes pa'i me long la rab tu snang ba/ rig pa'i gnas thams cad la chags pa dang thogs pa med par dbang de 'byor pa/ mang du thos ba'i bdud rtsi'i nyid khus blo gros kyi dbang po rgyas pa/ sa chen po la yang dag par bzhugs pas bdud kyis 'tshe ba dang bral ba/ gcig tu theg pa chen po lhur len pas theg pa gzhan la 'dod pa med pa/ bdag dang gzhan mnyam par sgom pas 'go ba thams cad la phan pa dang bde bar zhugs pa/ byang chub sems dpa' i spyod pa mthar byung ba/ brtson 'grus lhod pa med pa/ chos thams cad bdag med par mnyam pa nyid rab tu rtogs pa dang/ dkon mchog gsum gyi rig gong nas gong dmyal bar bya ba'i phyir/ rab tu gzhol ba/ bdag nyid 'dod pa'i 'dam las rgal nas gzhan yang bsgral bar bzhed pa ste/ rang gi slob ma dge slong gi brtul zhugs der te rgyal po'i bu mo dang 'dod pa rtan pa las slar zlog pa'i phyir de la gdams pa springs pa'i thog mar ston pa la bstad pa ni rgyu phun sum tshogs pa gang gis zhes tshigs su bcad pa gcig go /sangs rgyas bcom ldan 'das gang gis bdud btul nas mdzad pa shin tu dka' ba spyad mdzad pa ni ji skad du nga lha chen brig le mchog ma la/ chags pa skyes pas gdong bzhi byung/ /bdud kyi bu mo'i sgeg pa yis/ /khyod kyi ba spu'i rtse ma g.yos zhes bshad pa lta bu'o/ /'o na ston pa'i dga' spang dpag tu med pa ma yin nam/ 'di kho nas ston ba ji lta bu zhe na/ gdams pa'i yul slob ma de bud med la chags pa bzlog pa'i phyir ro/ /'bras bu phun sum tshogs pa ni/ bkra shis zhes pa rkang pa gnyis so/ /bkris pa ni sprul pa'i sku'o/ /yid du 'ong ba ni longs spyod rdzogs pa'i sku'o/ /rmad
- 375b
du byung ba ni chos kyi sku'o/ /yang na ston pa'i thugs dang/ gsung dang/ sku ste rim pa bzhin no/ /yang na spangs pa dang/ ye shes dang che ba nyid de/ rim pa de la sgrib gnyis ni mi shes pa yin la/ de dag spangs pa ni bkra shis pa'o/ /mi shes pa ni yid du mi 'ong ba yin la/ ye shes ni yid du 'ong ba'o/ /che ba nyid ni 'jig rten gsum na gtso bor gyur bas rmad du byung ba'o/ /bsod nams chung ngu'i skye bo ni chos kyi rgyun gyi ting nge 'dzin ma thob pa rnams so/ /mthong ba rnyed par dka' ba ni ji skad du/ ji ltar chu yi snod chag na/ /zla ba'i gzugs brnyan mi snang ba/ /de bzhin sems can ngan pa la/ /sangs rgyas gzugs kyang mi snang ngo/ /zhes bshad pa lta bu'o/ /'o na su la snang zhe na/ mos pa spyod pa'i skye bo dang/ 'phags pa nyan thos rnams la sprul pa'i sku kho na snang ngo// mtshan ma med pa'i sar zhugs pa'i byang chub sems dpa' rnams la longs spyod rdzogs pa'i sku kho na'o/ /mtshan ma dang bcas pa'i sar zhugs pa'i byang chub sems dpa' rnams la gnyis ka snang ngo/ /sangs rgyas kyi sa la ni chos kyi sku kho nar zad kyis gnyis po med de/ de skad du yang sprul yod longs spyod rdzogs pa med/ longs spyod rdzogs dang cig shos yang/ /longs spyod rdzogs dang cig shos med/ /de la mos pa brtan rnams dang/ mtshan ma med pa'i sa rnams dang/ mtshan ma bcas pa bzhin rnams dang/ /sangs rgyas nyid dang go rims bzhin/ zhes pa lta bu'o/ /byams pa phun sum tshogs pa ni/ /'jig rten zhes ? pa gnyis so/ /'jig rten pa rnams mngon par 'dud pa'i ngo bo bsgrubs ba ni de dag mtho ris dang thar pa la bkang pa'o/ /yang na long ba dang phrad pas mig thob pa la sogs pa'o/ /ro gcig ni rgyun ma chad par ro/ /yang na rang don dang ma 'dres pa'o/ /snying rje phun sum tshogs pa ni gang zhig rtag tu zhes tshigs su bcad pa
- 376a
gcig go /de nyid rang gi bde ba sgrub pa dang sdug bsngal sel ba yang yin te/ srid par gnas kyi bar du mya ngan las mi 'da' bar 'dug pa yin no/ /phrin las phun sum tshogs pa ni ga shig gzhan gyis zhes tshigs su bcad pa gcig go/ ston pa ni sngon rgyal po zla 'od du gyur pa gang zhig bram ze'i khyi'u le'u du cad bu slong ba gzhan gyi don du dbu nags kyi ljon shing la bcings te bram ze gcod du bcug pa ni shing de'i lhas gegs byas pa'i tshe pad+ma 'dam gyis ma gos pa lta bur lha dang bram za la chags sdang med par dgyes pa'o/ /ston pa nyid kyi don du gdugs dkar po gcig gis ta/ 'dzin pa po'i rang gi lus khebs pa lta bur thams cad kyang rang gi rgyas srid khebs kyang/ de la ral gri so brdar ba rnon bos yan lag la sogs pa gcod pa ltar dge ba'i bar chad du dgongs so/ /yang na sdug bsngal gyi rgyud dgongs so/ /yon tan phun sum tshogs pa ni/ zla ba zhes tshigs su bcad pa gcig go /zla ba ni tshes gcig nas cher 'phel ba dang/ 'od gsal ba dang/ bco lnga'i tshe dkyil 'khor rdzogs pa dang/ mun pa sel ba dang/ gcig tu rgyu ba dang/ yid du 'ong ba dang/ lta ba po'i mig la phan pa dang/ lus la bsil ba dang/ nam mkha' la 'char ba ste chos dgu dang ldan pa bzhin du stan pa yang ngo/ /de la yon tan ni gsum ste/ sku dang/ gsung dang/ thugs kyi'o/ /cher 'phel ba ni bcu man chad do/ /gsal ba ni shes bya thams cad mngon sum du snang ba'o/ /rdzogs pa ni sangs rgyas kyi sar ro/ /nyes pa'i mun pa sel bar mdzad pa ni gdul bya'i ma rig pa sel ba'o/ /gcig pu ni zhing gcig tu sangs rgyas gnyis mi 'byung ba'o/ /de ci'i phyir zhe na/ 'gran zla med pa'i las bsags pa dang/ gdul bya rnams ston pa la blang dor ldog pa dang/ bdag 'dren pa med pa rnams kyi 'dred pa byed par gyur cig ces smon pa grub pa'i phyir
- 376b
ro/ /de skad du yang lhan cig gnyis min sangs rgyas bzhin zhes bshad do/ /yid du 'ong ba ni sku byang lta bas chog mi shes pa'i phyir ro/ /de skad du nye bar zhi la yid du 'ong/ /'bar la gnod pa mdzad mi mnga' / /dul la rdom brjid che ba yi/ sku 'dis su zhig dang mi mdzad/ /khyod kyis sku ni gang gis ni/ /lan brgyar mthong dang gang zhig gis/ /dang po mthong ba de gnyis ka/ 'dra bar mi ni mgu bar mdzad/ /khyod kyi sku ni mdzes pa'i phyir/ /lta bas mi ngoms rang bzhin pas/ /mthong de cog ni phyi phyir zhing/ /dga' bskyed par mdzad pa lags zhes bshad pa lta bu'o/ /'jig rten ni khams gsum mo/ /phan par brtson pa ni de dag sdug bsngal rgyu dang bcas pa las bzlog nas/ bde ba rgyu dang bcas pa la dgod pas na le lo med pa'o/ /bsal? ba byung ba ni de skad du yang/ khyod thos pas ni spro ba skye/ /mthong bas dad pa skye bar 'gyur/ /khyod gsung thos pas dga' 'gyur te/ /bstan pas rnam par grol bar mdzad ces pa dang/ bsgrags pas sdig pa 'phrog par mdzad/ /khyod dran pas ni rangs bar 'gyur/ /btsal bas blo gros skye 'gyur te/ /yongs su shes pas rnam par dag/ khyod la bsubs dpal du byed/ /bsten pas blo gros mchog du 'gyur/ /brten na 'jigs pa med par mdzad/ /bsnyen bkur bgyis pas bde bar 'gyur zhes bshad pa lta bu'o/ /de shar ba ni sangs rgyas 'jig rten du byon pa'o/ /bsil bar mdzad pa ni gdul bya rnams kyi me gsum zhi bar mdzad pa ste/ de skad du yang/ re zhig dang par khyod kyis gsung/ /nyan pa rnams kyi yid 'phrog mdzad/ /de nas yid la bsams bzhin nas/ /chags dang gti mug rnams kyang sel zhes bshad pa lta bu'o/ /de ltar sangs rgyas la bstod nas/ /chos la bstod pa'i nyes pa'i 'joms pa ni/ /bstan pa zhes tshigs su bcad pa gcig go /rin chen mchog baiDUrya ni bzang ba dang/ 'phen med pa dang/
- 377a
mching bu rnam par dag pa dang/ klu'i gtsug gi rgyan du gyur pa dang/ klu'i gnas sa 'og gi mun pa rab rib sel ba ste/ chos lnga dang ldan pa de bzhin du bstan pa yang ngo/ /de la bstan pa ni gnyis las rtogs pa'i chos dang sbyar na bzang ba ni ting nge 'dzin no/ /'phen med pa'i tshul khrims te/ ji skad du/ rnam dag yon tan bzhi ldan no/ /'chal khrims de rgyus 'phen ma byung/ /de yi gnyen po zhi la brten zhes bshad pa lta bu'o/ /rnam par dag pa ni shes rab bo/ /lung gi chos dang sbyar na mdo sde dang/ 'dul ba dang/ mngon pa ste go rims bzhin no/ /chen po ni rigs can gsum mo/ /mnos pa ni thos pa la sogs pa byed pa'o/ /sa'i gting na gnas pa ni bsam gtan dgu na spyod pa rnams kyi yid la gnas pa'o/ /rab rib ni mi shes pa gnyis pa'o/ /legs par sgrub pa ni/ chos kyi sprin de zhes tshigs su bcad pa gcig go /char sprin ni nam mkha' la g.yos pa dang/ char gyi rgyur gyur pa dang/ char chu de yang ro gcig pa dang/ tsha ba'i gdung ba sel ba dang/ snod kyi dbang gis ro du mar 'gyur ba ste/ chos lnga dang ldan pa bzhin du bstan pa yang ngo/ /phan pa mdzad pa ni snga ma ltar ro/ /mya ngan ni 'khor ba'o/ /'das pa ni de las brgal bar ro/ /mchog ni nges pa don dam par dge ba yin pa'i phyir ram/ 'dus ma byas pa'i phyir ro/ /de'i rgyu ni des de ma thob pa thob par byed pa'o/ /ro gcig pa ni chos thams cad bdag med pa/ tha mi dad pa'o/ /yang na theg pa gcig du tha mi dad pa ste/ ji skad du/ shA ri'i bu nga la dad par gyis shig /nges par zungs shig/ shA ri'i bu de bzhin gshegs pa la ni brdzun gsung ba ni mnga' o/ shA ri'i bu theg pa ni 'di gcig pu kho nar zad de/ 'di lta ste/ sangs rgyas kyi theg pa'o zhes gsungs pa ltar bu'o/ /gdung ba sel ba ni sdug bsngal dang nyon mongs pa spong ba'o/ /snod ni nyan pa po'i dbang po tha dad pa 'am/ rigs tha dad pa'o/ /ro rnams du mar 'gyur
- 377b
ba ni theg pa gnyis sam/ gsum mam/ bzhir 'gyur pa'o/ /de skad du yang/ lha yi theg pa dang tshangs pa'i theg/ bde gshegs nyan thos rang rgyal gyi/ theg pa tha dad ngas bshad do zhes gsungs pa lta bu'o/ /'o na sngar ro gcig tu ces theg pa gcig tu bshad pa dang 'gal lo zhe na/ mi 'gal te/ go rims bzhin du nges pa'i don dang/ drang ba'i don gyis dbang du byas pa'i phyir ro/ /de ltar chos la bstod nas/ dge 'dun la bstod pa'i bsam pa phun sum tshogs pa la bstod pa ni/ snod yangs zhes rkang pa phyed dang gnyis so/ /rgya mtsho chen po ni 'bab chu'i snod du gyur pa dang/ rgya che ba dang/ zab pa dang/ dri ma med pa dang/ bla 'og gsal ba dang/ gru gzings la sogs pa 'debs pa na khur bzod pa dang/ khrus dang btung ba la sogs pa nye bar spyad pa dang/ nya dang rus sbal la sogs pa'i gnas su gyur pa ste/ chos brgyad dang ldan pa bzhin du dge 'dun rnams kyang ngo/ /de la dge 'dun ni rgyud yon tan gyi snod du gyur pa dang/ yangs pa'i bsam pa ni tshad med pa bzhi yid la byed pa ste/ sems can thams cad la dmigs pa'i phyir ro/ /zab pa'i bsam pa ni bdag med pa gnyis yid la byed pa ste gting dpag dka' ba'i phyir ro/ /dri ma med pa'i bsam pa ni dri ma drug dang bral ba'i phyir ro/ /ji skad du/ gzhan yang nyon mongs dri ma drug /sgyu dang g.yo dang rgyags pa dang/ /de bzhin 'tshig dang kho na 'dzin dang/ /rnam 'tshe'o zhes bshad pa lta bu'o/ /gsal ba'i bsam pa ni nyon mongs pa'i mun la sel ba'i phyir ro/ /sbyor ba phun sum tshogs pa ni khur kun bzod pa zhes rkang pa phyed dang gsum mo/ /de la khur bzod pa ni gzhan gyi don byed pa na skyo ba med pa'o/ /de skad du yang/ dper na rab dul stobs ldan glang po che/ /khal rnams khyed kyang skyo bar 'gyur ba med/ /de bzhin byang chub sems dpa' rab dul ba/ /sems can khur gyis skyo bar 'gyur ba med/ ces pa dang/ yang sems can khur
- 378a
chen mgo la khyer ba yis/ /sems pa mchog ni ngal gyis 'gro mi mdzes/ /bdag gzhan 'ching ba sna tshogs rab cings pas/ /brtson pa brgya 'gyur gyis ni bya bar rigs/ zhes bshad pa lta bu'o/ /skye bo kun gyi dge 'dun la legs par sgrub pa thams cad do/ /nye bar spyad bya ni mtho ris dang thar pa'o/ /de gnas pa ni de thob pa'i rten byed pa'o/ /'o na dge 'dun ni 'gro ba gzhan gyi rten can yang ma yin nam/ mi'i gzugs can kho nar brjod pa ji lta bu zhe na/ phal che ba'i phyir ro// de ltar mchod par brjod nas/ gdams ngag brjod pa'i dam pa'i chos mi 'dzin pa'i nyes pa ni/ gang dag ces tshigs su bcad pa gcig go /bstan pa 'dir mi 'jug pa gang dag skye ba ni mngal la sogs pa 'byung ba'o/ /go ba ni na tshod gyur pa'o// shi ba ni srog gyur pa'o/ /bdud rtsi ni dam pa'i chos so/ /de thos pas thob par mi byed/ bsam pas mi spyod/ /sgom pas 'dzin par mi byed pa'o/ /yang na bslab pa gsum dang rim pa bzhin no/ /yang na dga' ba gsum dang sbyar ro/ /yang na thag pa gsum dang ngo/ /de la nyes pa'i yod ce na/ de dag nyes mang zhes rkang pa gnyis so/ /gzung nas btang ba'i nyes pa ni 'gro ba kun gyi zhes tshigs su bcad pa gcig go /mig ni chos te/ lam dang lam ma yin pa mthong bar byed pa'i phyir ro/ /dri ma med pa'i lung ni dri ma med pa'i brjod byed yin la/ rtogs pa ni de'i rgyu yin pa'i phyir ro/ /sa gsum ni khams gsum mo/ /gzung nas ma btang ba'i phan yon ni/ /byang chub ces rkang pa bzhi'o/ /bslab pa'i gzhi bcas pa ni/ sgrub pa dang spang bar khas blangs pa rnams so/ /rkang tshugs ston pa ni khas blangs pa rnams mi nyams par byed pa'o/ /go 'phang chen po ni mtho ris so/ /go 'phang thob pa ni thar pa'o/ /sa gnyugs mar lhung ba ni mi khom par skye ba'o/ /tshul khrims ni srid pa'i rgya mtsho las brgal ba'i
- 378b
rten byed pa'i gzings su gyur pa'o/ /lag du 'ongs pa ni de thob pa'o/ /spong ba ni de dag stong pa'am nyams par byed pa'o/ /spong mod nyes pa cir 'gyur zhe na/ 'phags pa'i zhes rkang pa gnyis so/ /g.yang sa ni ngan 'gror 'gro ba ste/ bde 'gro nas thur du ring du lhung ba'i phyir ro/ /de skad du yang/ 'di 'og stong phrag nyi shu na/ /mngar med pa'o de tsam mo/ /zhes pa dang/ yang dpag tshad stong du lhung ba yi/ /yun rings g.yang sa smos ci dgos/ zhes bshad pa lta bu'o/ /ldang bar brtson pa ni g.yangs dang/ mun pa nas thar par 'dod pa'o/ /tshul khrims la sogs pa'i yon tan rgyun mi 'chad par gzhug ma 'am/ nar mar brten par bya ba'i 'dren pa ste/ sbyang thag gam zhags pa lta bu'o/ /bar ma dor 'dor ba ni de spong ba'o/ /der mod nyes pa cir 'gyur zhe na/ de dag ces rkang pa gcig go/ lam ji ltar bsgrubs pa'i thabs ston pa na tshul bzhin yid byed pa la ni/ gang dag ces tshigs su bcad pa gcig go /thar pa tshol ba gang dag gcig pur gnas sam/ 'ang gi sgras mang po'i tshogs na gnas kyang rung/ yid kyis rab brtags ni 'di snyam du bdag gis sgo gsum pa gsum po gar 'jug snyam du spyod pa'o/ /de ltar spyad pas sgo gsum dge ba la 'jug na de la sbyor zhing gnyis la 'jug na de dag la bzlog par bya'o/ zhes ston pa na/ yang dag las dang zhes rkang pa gcig go /yang dag pa'i lam ni dge ba'o/ /lhan cig ni yul dang dus kun du'o/ /mnyam par 'grogs pa ni de lus dang srog gi phyir yang mi 'dor ba'o/ /yang na de la mtshungs par slob pa'o/ /des phan yon ci thob ce na/ sa steng zhes rkang pa gnyis pa'o/ /sa steng dkyil na ste mi rnams kyi dbus na'o/ /gtso bor gyur pa na dge ba sgrub pa'o/ /dam pa ni mi dge ba spong ba'o/ /yang na tshul khrims ni ma thob pa thob par byed pa dang/ thob pa mi nyams par byed pa ste/ tshig gnyis dang rim pa bzhin no/ /slob ma mchog
- 379a
ni de len pa'o/ /bla ma ni de sbyin pa'o/ /bkur ba nyid du 'gyur te/ des de la sgrub pa'i mchod pa phul ba'i phyir ro/ /ngo tsha shes pa ni ngo tsha zhes tshigs su bcad pa gcig go/ dper na ma ni bu'i lus bskyed pa dang/ rigs btsun pa dang/ bu la g.yo mi byed pa dang/ bu la byams pa dang/ bu'i rjes sa 'bangs pa dang/ bu la bden pa smra ba dang/ bu la gzhung lugs che ba dang/ bu skyong ba la dga' ba dang/ grang mo la sogs pa zil gyis gnon pa'i gzi brjid che ba dang/ rang gi srog gtong gi bu mi gtong ba ste/ chos bcu dang ldan pa bzhin du ngo tsha shes pa yang ngo/ /ngo tsha shes pa rnams ni rang gi srog bde blag du gtong bar byed kyi/ dam bcas pa'i bslab pa rnams mi gtong ba yin te/ mdo las dge tshul pha la bu mos gsol ba btab pa na tshul khrims kyi don du rang gi srog dor ba'i gtam rgya cher gsungs pa lta bu'o/ /khrel yod pa ni re shig zhes tshigs su bcad pa gcig go /dam bca' ba btang mod nyes pa cir 'gyur zhe na/ re zhig skye bo kun gyi dpyas pa dang zhes smos te/ mdza' ba dang mi mdza' ba dang/ bar ma thams cad kyis nyes pa sgrogs pa 'am/ sdig pa'i 'gro ba ni ngan song rnams te de dag ni mi dge ba las skyes pa'i phyir ro/ /rang bzhin rnal ma bor pa ni sngon gyis gral so dang chos dang zang zing gi longs spyod las nyams pa'o/ /mkhas la sa steng ni tshul khrims nyams pa de kho na sdug bsngal che'i/ de las ma gtogs pa'i sdug bsngal gzhan ci yod/ lam mi sgrub pa'i nyes pa ston pa'i sred pas slu bar 'gyur ba ni/ gang zhig mes tshigs su bcad pa gcig go /chos kyi lam ni theg pa gsum ste/ rigs can gsum gyis bgrod par bya ba'i phyir ro/ /rgya chen po ni phan yon shin tu rgya che ba'o/ /yang na theg pa chen po'o/ /dor mod nyes pa cir 'gyur zhe na/ 'khor ba'i rgya mtsho zhes rkang pa gnyis so/ /gang mkhan gyi
- 379b
lus kyi byed pa mi rtag pa dang 'dra bar ro/ /dga' ba ni rjes su chags pa'o/ /bslus pa ni mtho ris dang thar pa las nyams pa'o/ /'khor bar 'khyams par 'gyur ba ni/ gang zhig 'khor ba'i zhes tshigs su bcad pa gcig go /rtag tu 'gyur ba ni 'gro ba gcig nas gcig tu 'pho ba'o/ /bsti ba tsam ni 'dod pa'i yul lnga thob pa'o/ /mnyam pa ni lha dang mi rnams so/ /mi mnyam pa ni ngan 'gro rnams so/ /'khyams mod nyes pa cir 'gyur zhe na/ sdug bsngal gyis gzir bar 'gyur zhes ston pa na/ thog mar mi'i dbang du byas nas mngal gyi sdug bsngal ni/ shin tu mi bzad ces tshigs su bcad pa gcig go /skye ba'i sdug bsngal ston pa'i shin tu dogs pa ni/ de ni zhes rkang pa gnyis so/ /srog yang ba ni/ 'on kyang zhes pa rkang pa gnyis so/ /mi gtsang bas gzir ba ni mi gtsang zhes rkang pa gnyis so/ /lus dang sems nyams par 'gyur ba ni gnod pa zhes pa rkang pa gnyis so/ /sngon gyi dran pa spong ba ni mngal gyi sdug bsngal rnams brjed pa'o/ /byis pa'i sdug bsngal ni lus zhes rkang pa gnyis so/ /nye bar spyod pa kun la mi 'bongs pa ni des sgo gsum gyi las yongs su rdzogs par mi nus pa'o/ /dar la bab pa'i sdug bsngal ston pa'i sbyor ba nyams pa ni dar la bab ces rkang pa gnyis so/ /sbrul gdug ni 'dod chags la sogs pa'o/ /gnas gyur ni rten byed pa'o/ /mu ni mdza' ste 'dod pa lnga'o/ /bag rkyong ba ni ngo tsha ba dang 'jigs pa med pa'o/ /spyod mod nyes pa cir 'gyur zhe na/ bsam pa nyams pa ni/ bsam brlag ces tshigs su bcad pa gcig go /dge ba'i bsam pa brlag pa de ni rang la bab pa de nas kyang rgan par lhung ngo/ /mi gcig dpyod pa mi 'dor ba ni sgo gsum ma zhi bar spyod pa'o/ /de mi 'dor ba ci'i phyir zhe na/ rga shi med par lta ba'i phyir zhes ston pa ni/ byis pa bdag lus zhes rkang pa gnyis so/ /lam las nyams pa ni/ rmongs pa zhes tshigs su bcad pa gcig go /
- 380a
de ltar sems pa med na nyes pa cing 'gyur zhe na/ rmongs pa zhes smos te/ blang bya dang dor bya mi shes pa'o/ /lam bzang ni sbyin pa la sogs pa ste/ 'bras bu yid du 'ong ba 'byin pa'i phyir ro/ /lam min ni mi dge ba srog gcod pa la sogs pa ste/ 'bras bu yid du mi 'ong ba 'byin pa'i phyir ro/ /bab dgu ni rtswa shing la sogs pa glang po'i lam du bab pa thams cad phye mar rlog cing 'gro ba bzhin du mtho ris dang thar pa phye mar rlog cing ngan song 'khor bar 'gro ba'o/ /rga ba'i sdug bsngal ston pa'i dga' bas lus dbang sgyu ba ni/ de nas de ni zhes tshigs su bcad pa gcig go /dar la bab pa ni de nas mi tsigs pa de ni'o/ /dge ba'i chos 'grib par 'gyur ba ni/ 'on kyang zhes rkang pa gnyis so/ /mi dge ba 'phel bar 'gyur ba ni/ rmongs pa zhes rkang pa gnyis so/ /rang gis phun sum tshogs pa nyams par 'gyur ba ston pa na skra nyams pa ni de nas de ni zhes tshigs su bcad pa gcig go /dgod pa bzhin du zhes pa ni skye bo rnams dgod pa'i tshe so dkar po snang ba bzhin du rgas pas skra dkar po snang ba'o/ lus dang bsam pa nyams pa ni de nas de'i lhun tshigs zhes tshigs su bcad pa gcig go /blo bslad pa ni sems 'khrugs shing drin pa nyams pa'o/ /'gro ba nyams pa ni yul nas gzhan du 'gro ba na mkhar ba 'am bzhon pa med na 'gro mi nus pa'o/ /de skad du yang/ kha lo sgyur ba mi ring nyam chung zhing/ /sha khrag bskams shing rgyu lpags nyi tshes dkris/ /mgo dkar sa rgal lus ni rab skem la/ /mkhar par brten cing mi bde khyogs 'gro su zhes gsungs so/ /dengs pa ni mdangs yal pa'o/ shig shig pa ni tshigs rnams 'khrul pa'o/ /dbang po nyams pa ni dbang po zhes rkang pa gcig go /'dod pa brten pa nyams pa ni/ yul la zhes rkang pa gcig go /'jigs pa bskyed pa ni/ gnas skabs zhes rkang pa gnyis so/ /rga ba'i gnas
- 380b
skabs gang du dar la bab pa 'di 'gro bar 'gyur ba'o/ /'chi ba'i sdug bsngal ston pa na 'gyod pa'i sdug bsngal ba ni/ bdag gis zhes tshigs su bcad pa gcig go /'di ma byas pa ni dag bar ma byas pa'o/ /de la byas pa ni sdig pa de spyad pa'o/ /'gro ba nyams pa ni bde 'gro nas lhung ba'o/ /'phrigs par ma gyur pa ni de ltar ma shes pa'o/ mya ngan gyi sdug bsngal ba ni mya ngan zhes tshigs su bcad pa gcig go rdo rje bsnun pas lus la gnod pa de lta bur mya ngan skye bas sems la gnod pa'o/ /gnad gcod pas sdug bsngal ba ni/ gnang kyis zhes su zhes pa'i tshigs su bcad pa gcig go bras dang gos la sogs pas bde ba lhur byas nas bkres skom dang tsha grang la sogs pa bsrung bar byas pa'o/ yid du 'ong ba ni gces 'phangs su 'dzin pa'o/ /'dris pa ni thog ma med pa nas nga yi lus snyam du zhen pa'o/ /gshin rjes bzung bas sdug bsngal ba ni/ gshin rje'i zhags pas zhes tshigs su bcad pa gnyis so/ /cho nges 'debs na de nye du rnams kyis thos pas grogs byed par 'gyur ro// zhe na de yis/ zhes rkang pa gnyis so/ /gshin rjes gzur mod nyes ba cing 'gyur zhe na/ bgrod dka' zhes rkang pa bzhi'o/ /dus kyi zhags ni 'chi ba'i dus kyi tshe'o/ /de ltar mi'i sdug bsngal bstan nas/ ngan 'gro'i sdug bsngal ston pa'i yi dags zas la sgrib pa can gyi sdug bsngal ni/ mi bzad pa skom pas zhes tshigs su bcad pa gcig go /phyi'i sgrib pa can gyi sdug bsngal ston pa'i ri bo phyin ci log tu snang ba ni/ /dus rlabs zhes tshigs su bcad pa gcig go /rlung gis chu bskyod pa'i dus su rlabs chen po langs pas chu gyen du 'thor bas ri rtse bsil ba'o/ /chu bo phyin ci log tu snang ba ni/ chu gtan zhes tshigs su bcad pa gcig go /chu gteng ni rgya mtsho ste chu mi bzad pa'i 'byung gnas su gyur pa'i phyir ro/ /char sprin
- 381a
phyin ci log tu snang ba ni/ 'di ni zhes tshigs su bcad pa gcig go /tsha grang phyin ci log tu snang ba ni/ tsha bas nyen la zhes rkang pa gnyis so/ /de ltar phyin ci log tu snang ba'i rgyu ni shin tu zhes rkang pa gnyis so/ /nang gi sgrib pa can gyis sdug bsngal ni/ khab mig tsam zhes tshigs su bcad pa gcig go /de ltar yi dags kyi sdug bsngal brjod nas/ dmyal ba'i sdug bsngal ston pa'i khyis 'tshe ba ni ral pa'i zhes tshigs su bcad pa gcig go /spu gris smras pa ni/ spu gri zhes rkang pa gnyis so/ /khron par lhung ba ni/ rtse gsum zhes rkang pa gnyis so/ /gshin rje'i khabs thu ba ni/ de bas de 'jigs pa'o/ /lo ma'i ral gris bshad pa ni nyin mtshan zhes tshigs su bcad pa gcig go /de'i tshe dud mo kho na bshes yin gyi de las gzhan pa'i bshes med pas de brlag par gnas so/ /bud med 'bar bas 'khyud pa ni/ bud med ces tshigs su bcad pa gcig go /'khrigs pa ni snga ma ma shi bar phyi ma skye ba'o/ /lug gi 'joms pa ni ri dang zhes tshigs su bcad pa gcig go /shal ma li'i gnod pa'i yar 'dzegs pa'i tsher tsher mas gnod pa ni/ bse khyi zhes tshigs su bcad pa gcig go /sbrul gyis gnod pa ni gshin rje'i zhes rkang pa gnyis so/ /byas gnod pa ni/ gson por zhes tshigs su bcad pa gcig go /mar 'bab pa'i tshe/ tsher mas gnod pa ni thur du zhes rkang pa gnyis so/ /mtshon gyis gnod pa ni/ de na zhes rkang pa gnyis so/ /byas 'tshe ba ni/ de tshe zhes rkang pa gnyis so/ /g.yang sar lhung ba ni/ kha cig ri ba'i zhes rkang pa gcig go /zangs su btsos pa'i ni/ kha cig 'bru mar zhes rkang pa gcig go /sa gzhi 'bar bar ltung ba ni gzhan dag zhes rkang pa gnyis so/ /'bu sbrang gis za ba ni/ kha cig 'bu sbrang zhes rkang pa gnyis so/ /'o na de ltar sdug bsngal chen pos bcom pa rnams
- 381b
'chi 'pho bar mi 'gyur ba ci ste zhe na/ de dag gson pa'i rgyu ni las kyis zhes rkang pa gnyis so/ /las ni mi dge ba'o/ /'tsho ba ni srog go /thogs pa ni nges bzung ba'o/ /rang gi yan lag bskyod pa tsam yang ngo/ /gson pa ni bdag nyid 'chi bar smon kyang mi 'chi ba'o/ /de ltar tsha ba'i dmyal ba bstan nas/ grang ba'i dmyal ba ston pa'i chu bur can ni lhags pa zhes rkang pa phyed dang gsum mo/ /chu bur rdol ba ni/ rdol ba zhes rkang pa phyed dang gnyis so/ /so tham tham pa ni kos thag ces tshigs su bcad pa gcig go / da ni rab tu tsha ba bye brag tu ston pa'i me'i gnod pa ni/ dmyal mes zhes rkang pa gnyis so/ /dmyal ba'i srungs mas 'tshe ba ni/ rus gong zhes rkang pa gnyis so/ /mnar med pa'i sdug bsngal ston pa'i mdor bstan pa ni/ gnyis las phyi'i gnod pa ni/ la lar zhes rkang pa gnyis so/ /gang gis gnod pa ni brang gis zhes rkang pa gnyis so/ /rgyas par bshad pa yang gnyis las/ nang gi gnod pa ni/ glo nas zhes tshigs su bcad pa gcig go /phyi'i gnod pa ni/ sdug bsngal zhes tshigs su bcad pa gsum mo/ /de las gnas khang gi gnod pa ni/ sdug bsngal zhes tshigs su bcad pa gcig go /mda'i gnod pa ni/ mda' chen zhes rkang pa gcig go /dbyug pas gnod pa ni/ dmyal ba'i srung mas zhes rkang pa gcig go /khu ba 'bar ba'i gnod pa ni/ lcags zhun zhes rkang pa drug go /spyi'i don bsdu ba ni skye bo zhes tshigs su bcad pa gcig go /de ltar dmyal ba'i sdug bsngal bstan nas/ dud 'gro'i ston pa des dal 'byor rnyed par dka' ba ni/ skye bo zhes tshigs su bcad pa gcig go /'chal spyod pa ni mi dge ba byed pa'o/ /de nyes pa cir 'gyur zhe na/ brgya las zhes so/ /'jig rten 'gro ba mdza' yas bye ba 'phyes rnams su dud 'gror skye'i/ mi'i dngos po shin tu rnyed par dka' ba nyid/ mi'i nang na? yang smad par skye ba ni/ gal te zhes rkang pa
- 382a
gcig go /dud 'gro gcig nas gcig tu brgyud pa ni/ dud 'gro zhes rkang pa phyed dang gnyis so/ /de nas dmyal bar lhung ba ni/ gang gis zhes rkang pa phyed dang gnyis so/ /de ltar theg pa thun mong gi lam sgrub pa gdams nas/ theg pa chen po'i lam sgrub pa la gdams pa brjod pa na sgrub pa'i rten ni gang zhig ces tshigs su bcad pa gcig go /gang zhig ni dal 'byor ro/ /skye ba ni sems can rnams la der bying ba dang/ de la rgal dka' bas rgya mtsho'o/ /byang chub mchog gi sa bon dge ba ni de skye ba ste/ ji skad du/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o zhes gsungs pa lta bu'o/ /dge ba ni de ma bskyed pa skyed cing mi nyams par byed pa'o/ /sgrub par byed pa'i lam ston pa ni/ bde gshegs zhes rkang pa gnyis so/ /mi ma yin pas bsgrub par mi nus pa ni/ /lam de zhes rkang pa gnyis so/ /mi rnams lam bsgrub pa la sbyar ba ni mi'i dngos po zhes rkang pa gnyis so/ /lam la 'jug pa'i sgo mi rtag pa yid la byed pa na skad cig gi mi rtag pa ni/ mar me zhes rkang pa gnyis so/ /glo bur gyi mi rtag pa ni/ 'di ni zhes pa'i tshigs su bcad pa gcig go/ rgyun gyi mi rtag pa ni sog ces tshigs su bcad pa gcig go /sgrub pa'i gnas ni/ zla ba'i zhes tshigs su bcad pa gcig go /sgrub pa'i grogs ni/ nags mthong zhes tshigs su bcad pa gcig go /dga' ba'i nags tshal ni sum cu rtsa gsum rnams la yod pa'o/ /sgrub pa'i cha rkyen phun sum tshogs pa ston pa ni/ nags klung zhes tshigs su bcad pa gcig go /chu gtsang na dri rnyog? pa dang srog chags med pa'o/ /dogs bde ba ni 'gram gnyis kyang ngo/ /dben pa ni 'du 'dzi nyung ba'o/ /de na skyid pa gang yin pa de ni sum cu rtsa gsum pa'i lha'i bu mo'i lus lha'i spos dang sman dri zhim pos
- 382b
byugs pa'i mgo bo'i lan bu'i rgyan du thogs pa me tog gi tshogs mdzes pa zil gyis gnon pa'i rgyun dang ldan pa lha'i chu la'ang yod par 'gyur ram/ rgyun dang ldan pa'i lha'i chu ni sum cu rtsa sum pa'i mtshe'u dal gyis 'bab pa yin no/ /shing phun sum tshogs pa ni/ rtsa ba 'bras bu zhes tshigs su bcad pa gcig go /nyams dga' ni yid du 'ong ba'o/ /bas mdza' ni grong zad pa'i mur thug pa'o/ /gcig pu ni grogs med par ro/ /dmyal 'dod ni khyim gyi grong 'dab bam chung ma ste/ 'bras bu'i ming rgyu la btags pa'o/ /bslus med gnas pa ni des brid par mi nus pa'o/ /de dag gi don bsdus pa ni/ ri sul zhes tshigs su bcad pa gcig go /de la gnas kyi don bsdu ba ni ri sul zhes rkang pa gcig go /shing gi don bsdu ba ni/ nyer spyod ces rkang pa gcig go /chu'i don bsdu ba ni/ chu ngogs zhes rkang pa gnyis so/ /ri sul yangs pa ni gcong rong dang ngam grogs la sogs pa med pa'o/ /nyer spyod rgya che ba ni der 'chags pa dang lug pa la sogs pa bag yangs su spyod pa'o/ /nyan pa ni thos pa'i tshe rna bar 'phrod pa'o/ /ji ltar snyan zhes rnga ltar ro/ /phu chu bdag cag skom pas nyon mongs shing sdug bsngal ba'i yul min te/ 'thungs na ngoms pas bde zhing spyid? ba'i yul yin zhes 'gron la sgrogs pa bzhin chu sgra 'byin pa'o/ /sgrub pa'i bar chad spong ba na/ 'dod pa'i nyes pa yid la byed pa ni/ 'dod pa rnams zhes bya ba la sogs pa'o/ /de la 'dod pa rnams snang la rang bzhin med pa ni/ /'dod pa rnams 'byor dang zhes rkang pa gnyis so/ /'dod pa'i 'bras bu yid du mi 'ong ba ni/ rmi lam lta bu zhes rkang pa gnyis so/ /ngan spyod 'khrul pa ni mi dge ba bcu byed pa'o/ /de la chags pa ni 'dod pa la sred pa'o/ /'dod pa'i bde ba yid du mi 'ong ba ni/ yul dang zhes tshigs su bcad pa gcig go /dug pas
- 383a
'dod pa'i sa dmigs che ba ni dug dang zhes rkang pa gnyis so/ /de'i gtan tshigs ni dug ni zhes rkang pa drug go /de ltar 'dod pa dang yul gyi nyes pa brjod nas/ 'dod byed yul can gyi nyes pa ston pa ni/ ji ltar zhes tshigs su bcad pa gcig go /rnyed pa grub pa med pa ni rtsa lo ma zos pa'o/ /de dang 'dra bar bde 'gror gab pa med par ngan 'gror ltung pa'o/ /de ltar 'dod pa spyi'i nyes pa bstan nas/ khyad par du lha'i 'dod pa'i nyes dmigs ston pa'i mtsho'u la chags pa'i nyes pa ni/ lha'i bu mo zhes tshigs su bcad pa gcig go /'phral thabs blangs pa ni rang gi phun sum tshogs pas dregs pa'o/ /ljon shing la chags pa'i nyes pa ni/ dga' tshal zhes tshigs su bcad pa gcig go /dpag bsam gyi shing ni bzhi ste/ bza' btung dang/ gos dang/ rgyan dang/ rol mo dpag bsam gyi shing ngo/ /sa la chags pa'i nyes pa ni/ rkang bzhag ces tshigs su bcad pa gcig go /de la rkang pa bzhag na nems zhes sor bzhis dma' bar 'gyur zhing bteg na par zhes sor bzhis mtho bar 'gyur ba'o/ /reg na bde ba ni lus la phan 'dogs pa'o/ /khang bzangs la chags pa'i nyes pa ni/ dril bu zhes tshigs su bcad pa gcig go /khang pa de'i steng g.yogs nas dril bu mdzes pa 'khrol zhing mu tig gi phreng ba'i tshogs 'chad pa 'od lhag ge ba'i gzhal med khang du zhugs te/ lha yul der 'dod pa lnga bgrod nas te longs spyod byas nas kyang ngo/ /phar mdza' ste thar thabs med pa'i nang du'o/ /dbang phyug la chags pa'i nyes pa ni/ gang du zhes tshigs su bcad pa gcig go rnam par rgyal byed kyi khang bzang gang du rgyal chen ris bzhi dang/ sum cu rtsa gsum pa'i lha dang/ klu dang/ mi 'am ci'i spyi bos brgya byin gyi rkang pa la gtugs nas/ de dag gis mgo bo'i rgyan gtsug gi nor bu mar gang gyi
- 383b
'od kyi tshogs kyis rkang rten te gang na khri dmar por gyur pa'o/ /de yang 'gro ba ngan par 'gro bar 'gyur ba ni ngan song du lhung ba ste/ ji skad du/ brgya byin 'jig rten mchod 'os gyur nas ni/ las kyi dbang gis phyir yang sa stengs lhung zhes bshad pa lta bu'o// srog la chags pa'i nyes pa ni me tog ces tshigs su bcad pa gcig go /'tsho ba ni srog go /de ma 'gags par du sems can gson par 'tsho ba'o/ /sdug bsngal la bde bar rlom pa'i nyes pa ni sdug bsngal zhes tshigs su bcad pa gcig go /nga rgyal byed mod nyes pa cir 'gyur zhe na/ de ni zhes rkang pa gnyis so/ /'khor ba la chags pa'i nyes pa ni/ de na gshin rje zhes tshigs su bcad pa gcig go /log par smon pa ni srid pa dang/ srid pa'i yo byad thob par 'dod pa'o/ /de nyid 'jigs ba'i rgyu yin pas 'jigs pa zhes bya'o/ /sdug bsngal ba la bde bar rlom pa'i dpe dgod pa ni dmyal rnams zhes tshigs su bcad pa gcig go /dmyal ba de nyid shin ci ma rungs snyam pas tho ba bsnun pas mchog du bde ba yin par sems so// don de dang 'dra bar sbyar ba ni/ de bzhin zhes tshigs su bcad pa gcig go /rtag tu ni mya ngan las 'das pa ma thob kyi bar du'o/ /re zhig tsam zhig ni lha dang mir skyes pa na'o/ /ji zhig ltar te bsod nams bsags pa'i dbang gis ngan 'gro'i skye shi'i 'khrul 'khor med nas/ skad cig ste/ bde 'gro nas me lhung bar du ngan 'gro'i sdug bsngal gnyug mar bzod dka' me lce lta bu zhi 'gyur na/ lha dang mi'i 'jig rten thams cad bde ba kham 'ga' ste/ lha dang mi'i 'dod pa lnga la yang sred par byed do// lam bsgrub pa'i rang bzhin gnyen po sgom pa na 'khor ba sdug bsngal du yid la byed pa ni/ ji lta ji ltar 'gro ba kun na zhes tshigs su bcad pa gcig go /sdug po ni shas che ba'o/ /srab mo ni shes chung ba'o/ /mi sdug par yid 'khyab ni ji lta
- 384a
ji ltar sdug pa zhes tshigs su bcad pa gcig go /mched pa ni 'phel pa'o/ /zhil ba ni 'grib pa'o/ /zhar la bud med sdug par smra ba'i 'bras bu ni/ bud med ces tshigs su bcad pa gcig go /lus ni pad+ma ltar 'jam/ byang bzhin zla ba ltar mdzes/ mig ni ud+pal ltar dkar gnag phyed ces mgo snyom pa'o/ /snyom mod nyes pa cir 'gyur zhe na/ snyan ngags mkhan gyi brdzun de'i zhes rkang pa gcig go /mi bzad pa de gang zhig ce na/ de dag ces rkang pa gcig go /mi rtag par yid la byed pa ni sems can mi rtag pa ni/ 'gro ba zhes tshigs su bcad pa gcig go /snod mi rtag pa ni gang gi zhes tshigs su bcad pa gcig go /longs spyod mi rtag pa ni sdug bsngal ba dang/ bde ba dang/ skye gnas la longs spyod pa ste/ rim pa bzhin/ sngon chad ces pa rkang pa gcig dang/ gcig dang/ gnyis so/ /byams pa dang snying rje yid la byed pas nye du la byams pa bsgom pa ni/ skye ba zhes tshigs su bcad pa gcig go /grogs la byams pa sgom pa ni/ gang dag zhes tshigs su bcad pa gcig go /dus kyis rim pa ni srog la sogs pa'o/ /mnyam pa ni rigs la sogs pas mtshungs pa dang 'grogs pa'o/ /mi mnyam pa ni mtho ba 'am dma' ba dang 'grogs pa'o/ /gnyen bshes la snying rje ba bsgom pa ni/ nye du zhes tshigs su bcad pa gcig go /sems can thams cad nye du yin na dgra dang bar ma la nye dur ngo ma shes pa ji lta bu zhe na/ skye shi zhes rkang pa gnyis so/ /ma la byams pa sgom pa ni/ byis pa zhes tshigs su bcad pa gnyis so/ /bu'i ched du las kyi mdza' sna tshogs la 'bad pas ngal ba mang po ston kyang bu la byams la sten pa de dag rang gzhan gyi don byed pa'i skabs 'dir bu shin tu ma rabs shig yod du zin na'ang ma de spong zhing 'dor bar su zhig spro ste spro bar mi bya'o/ /de ltar
- 384b
byams pa dang snying rje bsgoms pa'i thabs bstan nas/ goms pa'i phan yon ston pa'i snying rje'i phan yon ni/ 'gro ba sdug bsngal zhes tshigs su bcad pa gcig go /sdug bsngal mi bzad pa mang po ni sdug bsngal chen po gsum mam/ brgyad dam/ brgya rtsa bcu la sogs pa'o/ /dbang med pa ni mi 'dod bzhin du 'byung ba'o/ /skyabs med pa ni sdug bsngal sel ba'i grogs med pa'o/ /gzhan sdug bsngal ba'i don du bdag gi sdug bsngal bzod pa gang yin pa de bde ba'i rgyu la gnas pas bde zhes skyes mchog gsung ngo/ /tha na skad cig tsam yang gzhan la bza' btung byin nas des bkres skom dang bral ba dang/ gos byin pas tsha grang dang bral bas de mgu zhing rangs par byas pa des bdag dga' ba gang yin pa de dang 'dra bar snying rje goms pa 'di na gang zhig yod de med do/ /byams pa'i phan yon ni gzhan phan zhes tshigs su bcad pa gcig go /gzhan la mya ngan las 'das pa'i phan yon dang/ lha mi'i bde ba bskyed par brtson pas dga' ba rnyed pa gang yin pa de ni ste de dang mnyam pa yul lnga'i bde ba'i longs spyod lhur len pa rnams kyis ji ltar thob ces 'og ma dang sbyar ro/ /de ltar phan yon bstan nas/ spyod pa ston pa'i byams pa'i spyod pa gzhan bde ba sgrub pa la brtson pa ni shin tu rnyed sla zhes tshigs su bcad pa gcig go / byams pa'i spyod pa byed pa 'di kho na'o/ /'phags pa ni rang gi don lhur len pa rnam pas de mchog tu gyur pa'o/ /gzhan bde ba sgrub pa la gzhol ba ni/ nyi ma rlabs chen zhes tshigs su bcad pa gcig go /de 'dra zhes bya ba ni nyi ma dang sa dang mtshungs pa'o/ /gcig tu gzhol ba ni rang don dang 'dren mas ma yin no/ /yang na gcig pu gzhol te grogs la mi bltos par ro/ /snying rje'i spyod pa ston pa'i gzhan gyi sdug bsngal sel ba la brtson pa ni/ 'jig rten zhes tshigs su bcad pa gcig go /
- 385a
gzhan gyi don du tshigs su bcad pa gcig go /gzhan gyi sdug bsngal sel ba na bde ba ni/ gzhan la phan par zhes tshigs su bcad pa gcig go /rang smin nas gzhan smin par byed pa ni/ rgal bar 'gyur zhes tshigs su bcad pa gcig go / de ltar byams pa dang snying rje yid la byed pa bshad nas/ bslab pa gsum brtan par byed pa 'chad pa ni de ltar zhes bya ba la sogs pa'o/ /tshul khrims bsngags pa ni/ de ltar zhes rkang pa gcig go /rwa dang ba so la sogs pa'i rgyan gser dang/ dngul la sogs pa'i rin po che'i rgyan mchog tu gyur ba ltar legs spyad de/ tshul khrims ni rgyan gyi mchog go /de skad du yang/ tshul khrims ldan pa rgyan rnams kun gyi mchog ces gsungs so/ /shes rab bsngags pa ni/ gsal ba'i zhes rkang pa gcig go /nor bu dang mar me la sogs pa'i gsal ba'i nang na nyi zla gsal ba mchog yin pa ltar shes rab ni shes bya gsal bar byed pas mchog go /de la phan yon ci yod ce na/ zhi ba bdud rtsi yis zhes smos te/ mya ngan las 'das pa chen po 'thob ces bya ba'i tha tshig go /de skad du yang thub pa khyed kyis ye shes kyis/ snang? bas mi shes rab rab ri bdag /'joms ba'i? ? nyi ma yang/ mkhyer? tsam yang mi phod do/ /zhes bshad do/ /ting nge 'dzin bsngags pa ni/ dga' ba'i zhes rkang pa gcig go /mi rnams kyi dga' ba'i nang na/ 'khor lo sgyur ba'i dga' ba mchog yin pa ltar/ ting nge 'dzin ni shin tu sbyongs pa'i dga' ba dang ldan pas mchog go /'o na de sus rnyed par 'gyur zhe na/ byas pa gzo ba rnams kyis rnyed par sla ba'i/ byas pa mi gzo bas rnyed par dka' ba'o/ /de gsum gyis 'bras bu mya ngan las 'das pa'i 'bras bu bsngags pa ni/ bkra shis zhes rkang pa gcig go /gza' dang rgyu skar dang tshes grangs bzang po la sogs bkra shis pa rnams kyi nang na gang gis 'dod pa'i don grub pa'i bkra
- 385b
shis mchog yin pa ltar zhi ba ste mya ngan las 'das pa ni sdug bsngal dang/ nyon mongs pa dang bral bas mchog go /'on te sdug bsngal dang bral ba tsam yin gyi bde ba ma yin nam zhe na/ bde rgyun sten zhes smos te bde ba'i rgyun mi 'chad pas so/ /de ltar rtogs pa'i chos bsngags nas/ lung gis chos bsngags pa ni/ bde bar gshegs pa'i zhes tshigs su bcad pa gcig go /de la brten na ngan yon ci yod ce na/ ljon shing zhes rkang pa gcig go /'bras bu rgya chen ni mtho ris dang thar pa'o/ /'o na gsung gi don nam tshig gang brten zhe na/ bde gshegs zhes rkang pa gnyis so/ /sbrang ma me tog bzhag nas sprang rtsi len pa ltar ro/ /de ltar gdams ngag rgyas par brjod nas mdor bsdus te bshad pa'i 'gro ba spyi la gdams pa ni/ skad cig ces tshigs su bcad pa gcig go /skad cig la lus 'jig longs spyod zad cing rtag tu ste/ gnyen po skyes kyi bar du sems g.yeng zhing 'khrugs par byed pa'i yul lnga po rnams spongs/ zhi ba'i bde 'bras thob par byed cing 'chi ba'i tha che ba med bar byed pa gcig pu grogs la mi bltos par dben ste 'du 'dzi mang pa bsten/ bdag dang gzhan 'khor ba las rnam par thar pa mya ngan las 'das pa'i sgo mo dbye ba'i gegs bstan pa lta bu'i gti mug ste rmongs pa dang/ 'khrug pa ste sdang ba dang rab rib ste chags pa sol te spongs/ phyir rta rnams rang bzhin gyis gnyid che yang rta'i mchog cad shes ni rte'u ste phru gu nas bag zon che bas shin tu yun ring por gnyid log par 'gyur ba ma yin te/ cung zad gnyid log nas rtswa chu la spyod do// de bzhin du sangs rgyas kyi slob ma rnams kyang 'dod pa la yun ring por sten par mi byed de/ cung zad bstan kyang des skyo bar byas nas dge ba spong ngo/ /de ltar skye dgu spyi la gdams nas/ slob ma la bye brag tu 'doms pa ni shing chen po lta
- 386a
bur chos dgu dang ldan par gyis shig ces brjod pa ni/ khyod cig ces tshigs su bcad pa gcig go /dper na shing chen po sdong po'i lta bu ni brtan pa'o/ /gel ba lta bu bzod pa'o/ /dul ba ni lo ma lta bu'o/ /zhi gnas ni me tog lta bu'o/ /shes rab ni yal ga lta bu'o/ /rgyu rab tu smin pa ni lo bran? myu gu lta bu'o/ /smon lam ni rtse mo lta bu'o/ /tshul khrims ni grib ma lta bu'o/ /rab zhi ste mya ngan las 'das pa ni 'bras bu lta bu'o/ /mtsho chen po lta bur chos bcu gcig dang ldan par gyis zhes brjod pa ni/ khyod cig ces tshigs su bcad pa gcig go /dper na mtsho chen po yangs pa ltar shes rab rgya che ba dang/ gsal ba ltar shes bya gsal ba dang/ byin gyis gzhol ba ltar dge ba la gzhol ba dang/ gting zab pa ltar chos zab mo rtogs pa dang/ rab tu dang pa ltar dang ba'i dang pa dang ldan pa dang/ rtag tu bsil ba ltar nyon mongs pa'i gdung ba las bsil ba dang/ sprul gdug pa'i snying gi bag? zheng med pa ltar dug gsum med pa dang/ me'? 'jigs pa spangs pa ltar ngan 'gro'i 'jigs pa spangs pa dang/ rang bzhin gyis rab tu gtsang ba ltar tshul khrims kyis gtsang ba dang/ skom pa gcod pa ltar sred pa gcod pa dang/ gru gzings 'degs pa'i khur bzod pa ltar gzhan don byed pa'i khur bzod pa'o/ /char? sprin chen po'i lta bur chos drug dang ldan par gyis shig ces brjod pa ni/ khyod cig ces tshigs su bcad pa gcig go /dper na char sprin chen po des me tog la sogs pa la phan 'dogs pa ltar skye bo mang po sdig pa las bzlog ste/ dge ba la bkod nas phan 'dogs pa dang/ 'brug gi sgra sgrogs pa lta bur 'khor? ba'i sdug bsngal gyis mi 'jigs pa dam pa'i chos smra ba'i sgra chen sgrogs pa dang/ char chen po 'bab pa ltar grags pa rgya chen pos khyab pa dang/ char de rlung gi shugs drag pos bskyod pa ltar
- 386b
sems snying rje'i rlung gis bskyod pa dang/ sa'i rdul ldang ba zhib ltar nyon mongs pa'i rdul rab tu zhi bar byed pa dang/ grib mas so steng brgyan ba ltar tshul khrims kyis sgo gsum brgyan pa'o/ /de ltar gdams ngag brjod nas/ de las byung ba'i dge ba bsngo ba'i legs pa grub par bsngo ba ni/ bdag gis zhes tshigs su bcad pa gcig go /bde gshegs spyod pa ni dang po sems bskyed pa nas tha ma mya ngan las 'das pa'i bar ro/ /rtag tu bde ba ni ji srid 'tsho'i bar du nad med pa'o/ /longs spyod bzang po ni log par 'tsho ba med pa'o/ /yid la re ba 'byor pa ni 'dod pa'i don thams cad grub pa'o/ /gzhan la phan par dga' ba ni/ sems can thams cad sdug bsngal las bsgral nas bde ba la 'god par spro ba'o/ /kun mkhyen ni shes bya thams cad thugs su chung ba'o/ /bgrod par shog ces pa ni de thob par smon pa'o/ /nyes pa zhi bar bsngo ba ni dmyal ba zhes tshigs su bcad pa gcig go /dmyal ba'i dam grog dang g.yangs lag mthil ltar mnyam mun nag snang gsal lus la me 'bar ba rab tu zhi ba dang/ ro myags la sogs pa'i 'dam rdzab bskams nas deng 'khrungs shing skyes pa'i pad+ma'i lo mas khebs shing rtsa ba'i khye'u so then pa dang/ ro myags kyi 'dam de gtsang zhing dre zhim gyur nas/ phyogs deng pad+ma kha bye bas dang sa rnam par brgyan pa dang/ dmyal ba rnams bde ba rgyas shing bsam pa bzang la rlung bser bu'i dang bcas char zim? 'bab pas tsha ba'i gdung ba zhi bar shog /ston pa 'byung bar bsngo ba ni/ bdud dpung zhes tshigs su bcad pa gcig go /sgrogs pa ni dam pa'i chos ston pa'o/ /lha'i chu ni mtshe bu ngal? gis 'bab pa'o/ /rtse mo ni de lha dang lha mo rnams rtse bas nang phan tshun dga' bar byed pa bas kyang gdul bya rnams dga' bar mdzad pa'o/ /gdul bya de dag kyang gang zhe na/ lha dang mi 'dul ba
- 387a
zhes smos so/ /gang gi phyir gdul zhe na/ skye shi zhes rkang pa phyed do/ /gang gis 'dul zhe na/ sangs rgyas dag ces rkang pa phyed dang gnyis so/ /brnag pa bzhin zhes bya ba ni gdul bya rnams gang la mos pa'i skur ro/ /nam zhar zhes ba ni rtag tu'o/ /bstan pa rgyas par bsngo ba ni/ 'gro ba zhes rkang pa gcig go /de'i 'gal rkyen med par bsngo ba ni/ 'chi bdag ces rkang pa gcig go /mthun rkyen tshogs par bsngo ba ni 'phags pa'i zhes rkang pa gnyis so/ /'phags pa'i skye bo ni sangs rgyas dang byang chub sems dpa' dang/ nyan thos rnams so/ /'o na rang sangs rgyas 'phags pa'i skye bo ma yin nam zhe na/ yin mod kyi/ de ni lus kyi chos ston gyi ngag gis mi ston pas gtam tshogs med do/ /gtam tshogs ni theg pa gsum mo/ /spel ba ni gong nas gong du rgyas pa'o/ /de la phan yon ci yod ce na/ zhi ba'i bdud rtsi zhes so/ /zhi ba'i bdud rtsi'i char gyis bsil bas don byas shog zhi ba'i bdud rtsi'i zla ba'i snang ba rang bzang don byas shog /ces tshig rnam par sbyar ro/ /bdag gi slob ma'i spring yig 'di/ rtogs shing cang zad bshad pa las/ dge ba dri med gang thob des/ /'gro kun rnam par grol bar shog /slob ma la springs pa'i 'grel pa slob dpon mkhas pa chen po shes rab 'byung gnas blo gros kyis rang gi slob ma rnams la phan pa'i don du mdzad pa rdzogs so// //rgya gar gyi mkhan po bi nA ya tsan dra dang/ bod kyi lo tsA ba dge slong chos kyi shes rab kyis bsgyur cing zhus te gtan la phab pa'o// // 'phags pa 'jam dpal la phyag 'tshal lo/ /bod kyi spur rgyal mgo nag yongs kyi rje/ /khri srong lde btsan ag tshom mes kyi sras/ rlung nam 'phrul gyi rgyal po'i dbon po yis/ /srong btsan sgam po spyan ras gzigs kyi sku/ /byang chub sems
- 387b
dpa' i sku rgyud gdung mchad/ /'gro drug nang na shes rig che ba'i mi/ /dug lnga sdong po rgyud drug kun gyi gzhi/ khri rje thog btsan man chad rgyu ma yin/ /dge bcu thang khrims btsugs nas dul bar mdzad/ /rigs kyi sprul pa khri srong lde btsan gyis/ /'gro ba'i mun ba'i skar khung dbye slad du/ /rgya gar yul gyi rdo rje gdan stengs su/ /sde snod gsum po shAkya thub pas gsungs/ /kun dga' bo la sogs pa'i 'khor rnams smin/ /'dzam bu'i gling gi snying po'i dbus su gyur/ /bsod nams che ba'i mkhas pa grangs kyi smin/ /de bas na thugs kyi rus pa bcas nas ni/ /bsod nams chung ba'i rgyal khams smin bya'i phyir/ /'phags pa'i rigs can ma lus kun btsal te/ /bai ro tsa na ska ba dpal brtsegs dang/ /klu yi rgyal mtshan ye shes sde dang ni/ /a ra a ro ma ny+dzu la sogs la/ /nor gyi dam pa gser dngul dbyig bskur nas/ /rgya gar gyi yul gyi dam chos len du brdzangs/ /bod kyi mun rum nag po'i skar khung phye/ /srid kyi chab srid mnga' thang gung la reg /bud+d+ha gu hya bdag dngos glo ba dga' / /chab srid yo ba kun gyi gzhung srong zhing/ /sprul pa'i rgyun ma chad ba'i nang ni lde/ /khri song lde'u btsan mnga' bdag zhal snga nas/ /mi chos lha chos mnga' thang rtse ru chi ba/ /rin chen 'bar ba'i sku yi phung po la/ /rlung mkhris pad kan 'dus pa'i nad chen dang/ /stong phrag brgyad cu'i bgegs kyis ma btsal bar/ /'jam dpal dang ni mu ri ta la khums/ /yas kyi sa nas bdag 'dra spyan 'dren la/ /sku gnyer lags te bdag la dbang ma mchis/ /'phags pa 'jam dpal zhal nas bod yul du/ /khyod kyi phyin na srog dang 'bral ba gsungs/ /bdag na dbang med khri lan skyes lan du/ /man ngag yog a ba ta ra brdzangs/ /bang chen mi gnyis po yi rtsed len du/ /mngon par byang chub pa yi tan+t+ra tA
- 388a
bshad/ /phyi nang gnyis kyi lag len mang po kun/ /gcig kyang ma lus dgos pa thams cad brdzangs/ /gzigs rtogs mdzad la gzhan du shor ra re/ /bod kyi mi ni sgrin la tshong skyen te/ mthong ba thams cad la 'ur byad par 'gyur/ / nyes dmigs cha med dam chos stong bar byed/ /dmyal rgyu mang zhing 'bras bu brlag par mchi'o/ /phyi nang gnyis kyis lag len sba bar mdzod/ /rtsed la skyes len gnyis kyis 'gro don mdzod/ /khri srong lde btsan yas kyi yang dbon gyi/ / raka sha gnyis kyi bu gnyis phyogs rigs gcod/ /bod kyi rgyal khams srid kyi mkhar bu yang/ /zhe dpon man chad srid mkhar zhig par mchi'o/ /zhabs 'degs nyung zhing dmangs mo chung mar len/ /mdza' yi kha bzhi kun tu grong slongs byed// rgyal bo'i dbyar ni nus pa'i rtse 'jo 'bul/ /dmangs mo tshol shing grong bzan slong bar mchi/ /yang 'gro mar 'gro mgron po mdza' dag dang/ /btsam pa 'jam yang rgyal khams mi bzhin du/ /ngo mtshar mi che zhes ni mi phyogs par/ /mgron bo ji bzhin rgya nyal byed par mchi'o/ /phyogs bzhir bsgyur ba'i mkhas pas bsgyur ba'i chos/ /rgyal po smos shing yon tan brjod pa'i phyir/ /sde snod gsum po'i bka' brgyud ma lus pa/ /mnga' bdag phyir smos dpon sras drin du mchi'o/ /sku shugs chung la bka' rgyus ma lus pa/ /lnga bcu rtsa dgu'i bar du bsgyur bar mdzod/ /drug cu na ni 'jig rten 'das nas ni/ /rgyal khams gzhan du skye ba bzhes par mchi'o/ /'gro ba rigs drug mtho dman gang skye ba/ /rang byung rig pa'i rgyal po rang dbang che/ /rjes kyi shes pa shes pa'i nang na 'bul/ /sems kyi mtshan nyid shes pa phyug ces mchi'o/ /de'i phyir sems kyi mtshan nyid legs par rtogs/ /sems ni khang nad spre'u glog ste rigs drug rgyu/ /mthon dman gang 'gro
- 388b
rang sems nyid dbang che/ /le lo ma mjad dang sems ltas shes mchi'o/ /gros kyi gdams ngag man ngag bstan pa ni/ /rgyal po nyung na brin phyir khab bzhis bskyungs/ /btsun mo gcig la dang du bzhes pa ni/ /'phra? mig g.yus spras rgyan cing mdzes pa dang/ /gcig sems gcig la chags shing sha che mchi'o/ /srin po gdong dmar bod kyi rgyal khams mi/ /dam tshig nyams shing mna' la mi 'dzems la/ /shes pa? gas shing khong rna chung ba yis/ /sngar byas khyad du gsod par 'od zhes chi'o/ /bsod nams che bar dpag bsam shing bu 'khrungs/ /bsod nams chung ngu'i bod kyi rgyal khams su/ /shing bu ta la byos mi skye ba 'khrungs/ /shing la gnod kyis 'chad pa shol cig mchi'o/ /gtsug lag khang dang mchod rten khang bzangs rnams/ /sdig pa kun la gnod des las dbang yin/ /dam chos bsgyur ba zhu thug tag tu mdzod/ /lan cig dus su tshad mar byed par mchi'o/ /rgyal po'i rang bzhin gzhan dang smra mi bya/ /zug thug gzobs la rab tu brtan par mdzod/ /thugs chen nang blon dpa' ba' i mi rnams la/ /dgos don gces sgras ldug par smos shes mchi'o/ /srid la gnod pa'i gros ni mi snyan por/ /khengs par mi bya zhi dul bskyar zhing smra/ /gcig dang bya dga' blon po rnams la ni/ /ha cang ma che ngan tsam bya zhes mchi'o/ /blon po'i 'dod pa chu bzhin mi zad pas/ /srid kyi mkhang ni 'jig pa'i nyen mchis te/ /srid kyi gal ba bab pa'i dus na ni/ /sras la mi phangs sdig la mi 'dzem mchi'o/ /bsgyur ba mi bla snyan khung bskyed pa dang/ phyed tsam khyad du khum la rna la bzod/ /srid kyi chu mnga' rtod cing zad mi shes/ /dkon mchog gsum ni spyan ltar mdzod ces mchi'o/ /theg pa kun la 'jug sgo re re ste/ /kun gyi sgo nas 'bras bu thob mod kyi/ /gsang sngags rdo rje theg po dang du bzhes/ /bkri ba'i don du kun la'ang
- 389a
spyad tshul bstan/ /rdo rje theg pa dang du bzhes mchi'o/ /mdza' lho bal rigs shes pa yod pa la/ /yid ches ma mdzad ba bso bzhugs gnas rnams/ /kun tu ma sgo? phung ba'i gnyan mchis te/ /cal? col ma mdzad co ge bzhugs shes mchi'o// btsun mo rnams dang bud med gzhan dag la/ /'dod chags dang bzhin phyi phyir 'dod ba'i phyir/ /thugs kyi khug la ha cang spyad mi bya/ /de khyod bsre zhing mtho dman med par mchi'o/ /yid ches med par dgos don bsgrubs bya/ /zas kyi sbyor shom zhim pos dgos mi bsten/ /zhe sas phyogs pa'i 'bangs la nye ring med/ /gzhan gyis mthong bang ma yin grang gzhan du/ gnyen pos bdag kyang 'gro bar mi mchi'o?/ /rgyal pos rang bzhin rgya mtsho yi lta bu/ /zhe lag phyogs bzhir rgyas pas slar lang 'du/ /rgyal pos rang bzhin de bzhin yongs kyis bsgrubs/ /rgya mtshos kun spengs? chos kyi 'gro drug spongs/ /zha lag phyogs bzhir don byed sku gdung rbed?/ /so so snang yang slar yang dus bzhin du/ /rlan gyis myu gu bskyed bzhin gros rgya bskyed/ /chu yi 'bras bu bsgrub ltar dam chos bsgrub/ /rgya mtsho ma g.yos? bzhin du g.yos mi bya/ /chu ni mnyen pa bzhin du khong mnyen bya/ /rgya mche gting dpag bka' bzhin tshang mi bzung/ /chu chan bzlog thabs med bzhin srid la bya/ /rgya mtsho kun la khyab bzhin dang lag bskyed?/ /chu 'thung ngoms pa bzhin du gzhan ngoms bya/ /rgya ma tshos chu rnams bsdus bzhin 'khor rnams bsdug? chur ni gzugs brnyan gsal bzhin gsal bar bya/ /gyang? tsho yon tan ji ltar ldan pa bzhin/ /rgyal bo gcig gi sku la ldan gyur na/ /pu rgyal bod kyi rgyal po'i mnga' bdag rgyud/ /mgo nag yongs kyi rje ru bsgos shes mchi'o dal 'gyur gdams ngag spyan sngar brdzangs? pa 'di/ /mnga' bdag rgyal po'i mun pa'i skar khung mdzod//
- 389b
dus min rtag tu thugs la gdags par zhu/ /blon po rnams la brdzangs? pa/ /khong dal smras pa tsan na blon po'i rab tu chud/ /bu srid khe 'byin mi yis khong ba rna yin/ /so nam brgya yis tshong na kun kyang drag par 'gyur/ /drang 'jam mig thag byed na srid mdza' yin/ /mkhas btsun bsngags pa khyad du mi gsod du che'i gter/ /khong sdug kho 'jam byed pa'i blon po 'jigs/ /'o byams bande 'khur ba'i blon po chos dang ldan/ /kun la snyoms par zas kyis bsten pa gzhan ma byams/ /dul zhing gtang pa thub pa'i mi ni grogs por btsal/ /'phral du khros pa lan mi ldon pa dgrar mi bya/ /dgra thabs zab mo dgra la byas pa rang la'o/ /nye dpung ma ba shig gcig tu bsdus na dgra yang 'jigs/ blo gtang mi la bu bzhin brtan par byed pa'i mi ni ring po yin/ kha tshag sdam? la zas sgo yangs nas yul mi rtsi/ /phung mi'i mi la spyi ched dang du blangs na smras pa nyan/ /yon tan can gyi mi la bkur bsnyi? byas na bsod nams ches shes rab can gyi mi la bslab spyad byas na mkhas par 'gyur/ /dga' ba'i mi la gcam? par phab nas smras na khong blo gtong/ /chung ma ji ltar mdzangs kyang gros blo gting mi gtang/ /skyes bu kun tu grags pa tha shal tshin? nyams/ /ci la'ang tshod zin sgrin? khar mi 'dor dang lugs byed pa bzang/ /sngar byas 'gyod pa med par shes pa mi yi blon po yin/ /dgra thabs mkhas la ral ka byed pa blon po dba'? bo yin/ /kha 'jam che mo khong ba rna? chung ba'i mi la blo mi gtad/ /skon? thos rna la gzan? la g.yos? pa med na gdeng? po che/ /pha ma dkon mchog phung du 'khur ba rang gi ltar/ /ngan pa rnams la zhe? sas phyogs ni dman pa'i bzhi/ /dgra la sran du 'dzugs na phyis dgra 'jigs/ /khong ba? rna? chung pa'i mi la gnyer mi gtad/ /chung ma mdog sdug pho dang che ba blang mi bya/ /sgye'u sred gung du byed pa'i chung mo gshin pa'i rtags/ /dga' nam?
- 390a
khong yangs smras pa btsan te zhi na 'dzangs?/ /dpa' zhing phyogs che blo gtad thub pa po zhes bya/ tshig mkhas dgra la gnag na gnyen gyi rag 'jigs che/ /mi don byed pa rang don bzhin du 'bad na g.yo sgyu chung/ /rang don bzhag nas mi don byed pa ngo mi rtag/ ngo rga sma zhing kha rnga mdo mi rtag? na khyo? ga'i mo/ /'jam la gros gal gcod zhi btsan na gros zla bya/ /dpa' la gnyed chung lag pa gtsang pas lam grogs bya/ /nye ring gang du 'gro yang grogs dang 'grogs/ /spro ring kha tshags dam pa'i 'khor ni skyid/ /pha khu bzang po'i bu tshang na pa phos? tshig tshe/ /'phral du khong gyod? nga ro che ba'i mi dang 'grogs pa byung/ /pha tshan bzang po'i gseb du skyes pa'i ngan pa'ang mthong che/ /kha dman khyim chos kun la sdang ba'i mi ni glang/ /mna' ma rnams dang mkhon? por byed pa'i bshal? thag yin/ /ngan las bu phos? byas na gros re 'khug? pa re/ /phar ngan bu ru ngan na gros 'jug 'thab mos byed/ /sngon du dpa' bo thod rgal byas na skyes bur 'gyur te dgra yang rtsi/ /mi btsan rdzun du smras pa'i tshig mi btsun/ /smra mi nyan pa'i dag tu smra ba blun po yin/ /rang shes chung ba yon tan can la smod pa ngan pa yin/ /pha mes yon tan smos shing rang bu ngan pa lo nyes yin/ /khong gyong? gnyen la sdang ba bu lon byol song yin/ /byas pa med pa rang mthong che ba glen pa yin/ /bcol ba med ba'i las la 'jug pa smyon pa yin/ /za dor 'khrug ngan byed pa phung ba yin/ /bsgom chen rnams la brdzangs? pa/ /tshul 'chos mi bya shes pa'i sa mi bzung/ /sde snod gsum po kun la lta rtog bya/ /bltas pa'i tshig la mi rtag don la dbyad/ /lung la mkhas pa'i slob dpon rnams dang 'grogs/ /sgom chen yin zhes phug tu yod ma 'dug/ /yid ches med par bsgom par tshul mi bcos/ /the tshom bcad cing mkhas pa'i zhal yang lta/ /the tshom chod cing
- 390b
blo la snang ba dang/ /sgom pa'i gol sgrib chod ring? don shes shing/ /rus sbal kho gor nang na 'dug pa dang/ /brkyang bskum 'dug 'gro gzhan gyis mo mthong ltar/ /'khor gyis sleb sar ma yin dben par 'dug/ /snying po don las nyin mtshan 'byung mi bya/ /chung ma gshin yang bsgom g.yog? bya ba min/ /'du long ngan par 'khor du bsten mi rung/ /ngang sems dpang du btsugs la yi des mi bya/ /g.yeng dang phyir rmugs yong zhig yong gyur na/ /chul? 'chos mi bya bla ma rnams la dri/ /thams cad mnyam pa'i snying por gyur pa'i rtags// gcig la'ang chags thogs mi mnga' mnyam par 'gyur/ /de 'dra'i sgo mchen? sangs rgyas rnams dang mtshungs/ /dus mi rtag tu sems la gdams ngag 'di/ /bsgom chen rnams gyi sems la shar bar smin/ /spyi'i baN+De rnams la brdzangs? pa/ /mi dge ba cu spangs dge ba bcu las ni/ /lus ngag yid gsum dus bzhir g.yor mi bya/ dam chos zab mo'i phyir ni srog gi bor/ /mkhas su re zhes zhes pa'i sa mi bzung/ /bdag gis zhes kyang the tshom gzhan la dri/ /chos kyi sred pa sa gsum sems pa bzhin/ /ngoms par mi bya shes rab gsum gyis brlab/ /des par rang la med par gzhan mi bslab/ /brung? ba rnam gsum zhing tshigs bzhin du sgrubs/ /rdo rje slob don yi dam lha lhar bkur/ /man ngag zab mo mig gir 'bras ltar gces/ /theg pa kun la mkhas kyang gsang theg la/ /gzhan shes de la ma 'byor bande ni/ /theg gzhan shes kyang gsang theg ma 'byor na/ /gser 'dod bong ba rnyed pa ji bzhin no/ /nyon mongs lnga po skye rgyud mchod par/ /ba tshun par skye rgyud gcod pa snying re sde/ /nyon mongs ma spongs btsun pa gnyis mi phrugs/ /sa bon rul ba'i 'bras bu ji bzhin no/ /nyon mongs lnga po dug sdong ma bsgyel? bar/ /sgur nas lha phyag 'tshal ba snying rje rje/ /dug sdang ma sgyel? za bsrungs gnyis mi phrugs?/ /skyer tshe dar gyis phur ba ji bzhin no/ /nyon mongs lnga po dbyings su ma bskor bar/ /
- 391a
mchod rten bskor ba byed ba snying re rje/ /chos dbyings ma mthong bskor ba gnyis mi 'phrugs?/ /mar 'dod lha khang kyis bskor tri? bzhin no/ /nyon mongs lnga po rnam par ma dag bar/ /gdong bkrus lag pa bsnyal? ba snying re rje/ /rnam par ma dag 'khru? ba gnyis mi 'khrugs/ /bre ka nas kyi bcad pa ji bzhin no/ /nyon mongs lnga po zhi bar ma byas par/ /chos nyid zhi bar lta ba snying re rje/ /zhi bar ma byas lta ba gnyis mi 'phrugs?/ /char ma rnam sdong ljang bu ji bzhin no/ /nyon mongs lnga po mgo bo ma brags par/ /mgo zlum dbung zlam byed pa snying re rje/ /nyon mongs ma bregs mgo zlum gnyis mi 'phrugs?/ /mun nag nang na rdzas chos ji bzhin no/ /nyon mongs lnga po dul bar ma byas par/ /pha rol dgra dbung 'joms pa snying rje rje/ /dul bar ma byas dgra bcom gnyis mi 'phrugs?/ /ri gzar rna ba sher 'dzin ba ji bzhin no/ /chos nyid bab mo lta/ bas klong du bya/ /spong pas 'gro don bsam gtan rgyun ni gcod/ /ye shes rol? gris skye rgyud bcad par rigs/ /nyon mongs lnga po lnga rab? ba gnas su bstim/ /yang ldang yang ldang byed na chos nyid bsam/ /mnyam pa'i don bas sa pa'i gtan la gzhug/ rang dbang med par gzhan dbang bskur mi bya/ /'dus gsum chos kyi mtshan nyid blo la bzhag/ gsang sngags zab mo grong yul ma la ni/ /bstan par mi bya rnga dril yongs mi rung/ /yas ra yas lugs ma khas shes bsad mi bya/ /pho mo mang po'i nang du 'das pa byed pa khrel/ /zas nor gsang sngags mo yon du 'tshong pa smyos?/ /gsang sngags bsam gtan yi dam nyid du nyo tshong byed pa med/ /bande'i rang bzhin grong gi dbus mi 'dug/ tshong la mi bza' sdig pa'i rmang? gzhi 'gro/ /pho ba mi bya chung ma'i dad kyang bskyur/ /be'u mang mo mi bsrel? sdig pa'i rgyu/ /nyin mtshan med par 'gro don byed 'dod pas/ /rang sems dag na 'dod
- 391b
ba'i don la 'grub/ /mi nag skye bo mang po'i 'gro don yang/ /tshod yod mi bya bsam gtan nyid du bya/ /'di rnams ma nor shes pa banda yin/ /nyin re bzlas pa mi bcang skyod du ba kyang mi bya/ /rtse gcig dang du blang sla bya ba yin/ /mkhas pa'i rang bzhin don la mkhas pa yin// tshig la mkhas pa ni tso tshig zlos mkhas/ /rtse cig yang dag bden pa'i rlung las ni/ /rang sems dbang du btsugs la nyams mi bya/ /nyin mtshan med par chos kyi don la ni/ /dus gsum 'du 'bral med par ting 'dzin bya/ /shes pa che yang mkhas pa'i sa mi bzung// rdo rje slob don yi dam la bzhin du/ /khur zhing rtse cig yi dam nyid du bya/ /de dang mi 'bral rtse gdung che mar 'grogs/ /bden pa ston pa'i rdo rje slob dpon ni/ /mig gi 'bras ltar bkur ba'i rang bzhin la/ /g.yog? 'khor ngan pa slob dpon spong byed pa/ /nyan byed ma de blun po spre'u zhes bya/ /'di rnams bdag gis mdo tsam bstan pa 'di/ /bod kyi rgyal khams bande'i sems la ni/ /gdams ngag 'di ni shar bar smon/ /slob dpon chen pa sangs rgyas gsang bas bod kyi rgyal po khri srong lde btsan rje 'bangs dang/ bod btsun rnams la brdzangs pa'i sprin yig go/ //dad skyed sgrol ma bzhugs// //sems can dam pa'i chos la dad pa bskyed par mdzad pa'i/ /dad pa bskyed mdzad bla ma dam pa dang/ /mos pas yon tan 'byung ba'i dkon mchog la/ /bdag nyid gus pas de la phyag 'tshal lo/ /zhe sdang ma yis rang gis rgyud bsregs shing/ /gti mug mun pas shes rab dmigs bu ldongs/ /'khor ba'i g.yang? sar lhung bas sdug bsngal rgyun mi 'chad/ /'khor ba'i brtson rar bzung zhing lcags bcug pa'i/ /ma 'ongs skye bo'i don du bdag gis brtsam par bya/ /bdag gi rgyud la legs par tshur bltas pas/ /mi lus 'di ni shin tu thob par dka' / /gyang ngos bran ma gtor ba gcig chags srid/ /thams cad sa la lhung nas
- 392a
song ba ltar/ /mi lus thob dka' sems can grangs la ltos/ /rgya mtsho gcig gnas gnya' shing bug pa dang/ rus sbal phrad ba bas kyang dud 'gro nas/ /mi nyid ches thob dka' bas mi dbang gis/ /dam chos spyad pas de 'bras mchis par mdzod/ /sbyin nor 'dra ba'i mi lus 'di thob tshe/ /'di la phan pa'i thar ba ma bsgrub par/ /phyis ni dal 'byor phun sum tshogs pa 'di/ /thob par dka' ba'i tshe 'di chung mi gsan/ /'jig rten spyod pa dag la phar bltas pas/ /thar la mi mos sdig dga' ba bskyed/ /mtho la phrag dogs mnyam la 'gran sems byed/ /dma' la nga rgyal bstod na dregs pa skyed/ /mi snyan brjod na khong nas 'khrug bar 'gyur/ /rang don thar pa rgyab tu bor byas nas/ /'khrul don bu dang nor la bdag tu 'dzin/ / skyab ba'i chos bzhag thar pa'i lam sna bor/ /sdug pa'i mi chos glen pa'i bu nor gsog/ ji tsam sdig la bsngos nas nor bsags kyang/ /sdig pa'i rnam smin rmongs pa bdag nyid 'khur/ /bsags pa'i nor ni lo bdag bu tsha khyer/ /ro dang mtshungs kyang bdag nyid bzang por 'dzin/ /'khor ba'i brtson rar chud kyang 'bros bsam med/ /phyi na rten med zas nor bu la chags/ /dad ldan pha ma'i gdungs sems rtsad nas bral/ /bdag ni stobs bzang gzhan ni dregs pa 'joms/ /gzhan gyi nor dang rdzas la chags pa skye/ /ma bcol gzhan la gnod pa'i kha gtogs zer/ /nyan bshad dus nas bsam pa logs su stong/ /dkon mchog mthong na skyon med gshe tshig smra/ /sems can mthong na zhe sdang gsod sems skye/ /'di la skyid na phyi ma sdug mod zer// da dang ldan pa'i sems can skye ba de/ /mi lus chud gsan a tsi snying rje rje/ /gling mchog bzhin 'dzam gling 'dir skye dka' / /'di na sems can grangs mang gnas pa la/ /mi lus 'di ni shin tu thob dka' na/ /'on long zha bor gyur kyang chos spyad dka' / /sgro
- 392b
skur med pa'i lus thob gzhon pa'i tshe/ /dam chos mi spyad mi lus chud re san/ /gang zhig gser snod rin chen spras pa yis/ /ngan skyugs 'phyag par byed pa de bas kyang/ /gang zhig mi ru skyes nas sdig pa dag/ byed ba de dag rab tu blun ba lags/ /rna dang rga dang 'chi ba'i dus byung na/ /mi lus chud san 'gyod kyang phan pa med/ /dper na zon med dgra phyogs phyin pa'i tshe/ /dgra yi zin nas 'gyod pa'i 'bros sems bskyed/ /skyes kyang phan med bdag gis mi thar na/ /de 'dra de bas chos la 'bad par rigs/ /phyis 'jigs dogs nas sngon du mkhar dpe brtsig/ phyi ma ngan song 'jigs na sngan du spyod/ /lo dus su ni dar cig mi sdod na/ /nam la yod de tshe la long med do/ /lo zla 'das shing 'chi dang phar phar nye/ /rang gi tshe ni gang kha'i shing bu 'dra/ /'chi bdag bdud ni gang rtsa'i chu bo 'dra/ /skye rgas na 'chi rang 'thag re mos 'dra/ /mi rtag 'gyur ba dbyar dgun ston dbyid 'dra/ /snga ma shi ba'i mi rnams kun gyis kyang/ /rtag tu re zhing bu dang nor bsags kyang/ /bu nor phyir lus bdag la phan pa med/ /rang nyid dag sdig gnyis dang sbrags nas 'gro /nor dang rdzas ni shing kha'i bye chung 'dra/ /mi rtags nges kyis chags sems gnyen pos chong?/ /skyid sdug mi rtag kha sang di ring 'dra/ /chos la 'gro tshe gnyen 'dun pha ma tshogs/ /yon tan brjod cing mi chos bya dgos zer/ /nor gyis bring cing de yi bar du gcod/ /dug bum thogs nas steng du 'od dang mtshungs/ /bdag la bya snyam gnyen 'dun smra ba na/ bde ba bkag nas g.yang sar stong dang mtshungs/ /'khor ba'i bu tsha dug gi me tog 'dra/ /mthong na dga' ste ngan song rgyu sogs yin/ /bdag nyid 'chi bdag bdud kyis bslus pa'i tshe/ /mal gyi tha mar nyal nas lus gdungs te/ /zas kyi tha ma skyug kyang dur rgyags bsnyod/ /pha ma gnyen 'dun rnams kyis mdza' bkor te/ /de tshe rang la ci yis phan soms dang/ /shags
- 393a
kyis ma lo dpa' bos 'thab du med/ /mkhar gyis mi thub nor gyis bslu ru med/ /gnyen gyis mi phan sngar? ma 'bros su med/ /zug zer cha yang gnyen 'dun bsgor mi btub/ /gson tsha byams kyang shi nas 'jigs nas 'bros/ /yul mkhar bong? nas dang shong gcig tu skyel/ /gnyen 'dun por nas bdag rang gcig pu 'khyams/ /bdag la byams kyang phyi nas 'ong ba med/ de 'dra'i gnyen rtsad gos kyi rdul bzhin spongs/ /byang sems myu gus rtsad nas ma bsregs par/ /byang chub mchog gi sems de rtag tu zung/ /byang chub sems bskyed gyur na skad cig gis/ /'khor ba'i btson rar bsdams pa'i nyam thag rnams/ /bde gshegs sras su dgongs te byin gyis rlob/ /sems can mi bde gsal bar 'dod pa dang/ /'khor bar gnas dang bral ba 'dod pa rnams/ /byang chub mchog gi sems 'di rtag tu bskyed/ /'phags pa'i gdams ngag don chen 'di lags te/ /khyod kyis thugs thub mdzod cig bcom ldan gyis/ /byang sems chos kyi rtsa ba lags par gsungs/ /khengs grags dge ba bsod nams 'bras bu bzhin/ /bden par spyad kyang zad par 'gyur ba yin/ /sems bskyed pa'i yon tan dag par yang/ /'bras bu 'byin cing mi bzad 'phel ba yin/ /sdig pa'i phung po ri rab tsam yod kyang/ /sems bskyed tsam gyis de dag zhi nus na/ /de la bag can rnams kyis cis mi sten/ /des ni dus mdza' i me bzhin sdig chen rnams/ /skad cig gcig gis de dag bsreg par nus/ /de phyir bdag gis sems bskyed g.yo ba dang/ /smon dang 'jug pa gnyis kyis sems bskyed de/ /me ldog rtse gcig pa yi dad pa yis/ /byang chub sems de rtag par gzung bar bya/ /de nas le lo gnyid kyi dbang song bas/ /sems bskyed brjed kyang bsod nams shugs las 'phel/ /rgyun mi 'chad pa'i chu bo'i gzhung dang mtshungs/ /nam yar? 'byung ste yon tan brjod
- 393b
mi lang/ /sems bskyed dad pas dam chos sgor zhugs pa'i/ /skyes bu dam pas man ngag 'di ltar zung/ /mi khom gnas su skyes na chos spyad dka' / rang la dbang yod bzhin du dbang med zer/ /bdud kyis mngon bslus rang nyid 'phung bar 'gyur/ /thar pa bdag la rag las 'di la ni/ /gzhan gyis ci yang grogs bgyir ma mchis kyis/ /mi lus thob tshe dal gyis spyad par rigs/ /bde sdug zin pa med kyis dam chos spyod/ /'jig rten longs spyod su za cha med kyis/ /sngon na sdod kyis so nam 'bad par rigs/ /gal te mi lus thob nas gzhon pa'i tshe/ /'jig rten dga' ba'i ca co sogs por la/ /gzhon pa'i tshe ni dam chos dang du long/ /bu tsha snying sdug 'khor ba'i brtod phur yin/ /bu tsha bden par 'dzin pa'i rmongs pa 'ga' / /lus la shig za bya ra mig gis byas/ /sor mo'i rgya ba bkye nas gshad mas bsad/ /rnam smin gdong na snod de phyi mar smin/ /sdug bsngal myong tshe bu yis bdag mi phan/ /khyod kyis dge slong bram ze lha dang ni/ /mgron dang yab yum sras dang btsun mo dang/ /'khor gyi slad du sdig pa mi bgyid de// dmyal ba'i sdug bsngal skal 'dod 'ga' ma mchis/ /de phyir bu la ma chags chos la 'bod/ /gzhon tshe dam pa'i chos la ma 'bad na/ /rgas nas nyan 'dod rna bas sgra mi thos/ /shes rab bying bas blo la rtags par dka' / /chos la 'gro 'dod lus la nus pa med chos la dga' yang bdag gis spyad mi nus/ /gzhon pa'i tshe na dam chos cis mi spyad/ /dam pa'i chos la bden par ngo yis zung/ /'jig rten bde ba sprin bzhin 'gyur ldog che/ /chos la spyod na phyug por mkhyen par mdzod/ /'jig rten nor gyis byug pas phung par nges/ /sdig bcu spangs nas dge bcu dang len pa/ 'dzangs pa lags te skyes bu phyi mar bde/ /mi 'khyams tsam du dag dug gon byas shing/ /mi ltogs tsam du zas ngan zos byas la/ /longs spyod bla med byang chub bsngo bar bya/ /nor rnams
- 394a
kun gyi nang na chog shes pa/ /rab mchog lags par lha mi'i ston pas gsungs/ /kun tu chog shes mdzod cig chog shes na/ /nor mi bdog kyang yang dag 'byor pa lags/ /bdag ni khyod la byams pa'i zhal ta zer/ /bdag la zas nor skyabs kyi re ba med/ /ngan song 'khor ba'i gnas dang bral phyir gdams/ /bka' ltar mi byed gti mug smad pa'i gnas/ /g.yang sar 'gro yang dogs zon bya dgos na/ /bskal pa'i gting lhung g.yang sa smos ci dgos/ /di ring sang la 'chi bar mi 'gyur zhes/ /bde bar 'dug pa bdag gis ga la rigs/ /chos spyad bde ba shi ba bde ba ste/ /zhing khams dag par 'gro zhing sdug bsngal med/ /chos med rgan rgon shi ba skyid ces smra/ /shi sdug lags te ngan song gnas su 'gro/ skyid sdug gnyid kyi bye brag mkhyen par mdzod/ /chos dang ldan na dman yang bkur sti thob/ /chos kyi dag byung mkhas pas bshad kyis nyon/ /'jig rten nor dang ldan zhing dam chos rdzas kyis spyod/ /chos la ma thogs rdzas kyi mngon zhen gyis/ /longs spyod rnams ni skar mda'i rang bzhin la/ /yongs su ma btang de dag nges par 'gyur/ /dgra dang chom rkun dag dang rgyal pos 'joms/ /mi bsad stong du 'gro srid rkun pos rku yang srid/ /chos la btang ba'i brtson 'grus spyad par rigs/ /longs spyod g.yo ba snying po med mkhyen nas/ /dge slong bram ze gnyen dang bshes rnams la/ /sbyin pa tshul bzhin stsal gyi pha rol tu/ /sbyin las gzhan pa'i gnyen mchog ma mchis so/ /'gron po yun rings rgyags su sbyin pa rme/ /rdzas rnams myur du thong cig dad pa can/ /byin rlabs 'dir 'byung phyi ma gdong na sdod/ /bde skyid 'dod dang sdug bsngal spong 'dod dang/ /rigs mtho bzhin legs bde ba'i gnas thob dang/ /bde mthong mos shing sdug bsngal spong
- 394b
'dod pas/ /dam chos 'di ni rtag tu spang par bya/ /lha dang mi yi bde ba thob 'dod pas/ /dge bcu spyad de lus kha bsrung ba ni/ /'dod log g.yem dang srog gcod bsku ba dang/ /brdzun dang phra ma tshig rtsub 'khyal ba dang/ /brnab sems gnod sems log par lta ba dang/ rang don lags kyis sdig bcu rgyab tu bor/ /rang la byams shing brtse bas 'bad par bya/ /rngon pa mi rgod kun po dag? pa sogs/ /sdig pa'i rkyen sogs grogs pa gdug pa spongs/ /kun tu dge ba'i slob dpon sman bzhin bsten/ /'on long zhar sgur lus thob rgud pa dang/ /dbul 'phongs bzhin ngan las las nad mang rnams/ /rnam smin lags kyis gzhan la yus mche/ /mtho ris ngan song gnyis la gang mos pa/ /rang dbang yod kyis skyid sdug khyad par nyon/ /gal te mtho ris mthar pa mngon zhen na/ /yang dag lta ba goms pa dag tu mdzod/ /rnam rtog ri bos mnan pa'i sems can rnams/ /sdug bsngal 'di la bzod pa'i bdag med de/ /'khor bas 'khor te zo chun khyung mo 'dra/ /rnam rtog rlung gis khyer te rtsi shing lo 'dab 'dra/ /rnam rtog rgyud la skyes te rtswa la me mched 'dra/ /ye shes skad cig mi gnas dbyer kha'i shes mun 'dra/ /phyi yi sdug bsngal bzhi ni rang sems myong/ /yod na mi thub med na brtsal mi rnyad/ /byams dang bral dogs sdang dang phrad kyi dogs/ /nang gi sdug bsngal bzhis ni rang lus 'joms/ /ma lus 'byung che brag par btsir ba 'dra/ /ma yis mchongs tshe g.yang la phyin pa snyam/ /lhung tshe cher ma'i dong du bskyur ba snyam/ /blangs na bye chung khra yis khyer pa snyam/ /skye ba'i sdug bsngal rang lus rdul bzhin rlog /lo zla 'das shing rgas pa shugs kyis 'ong/ /rgas tshe mgo la skra dkar so yang med/ /rna bas mi thos mig gis rang mi mthong/ /'dug na rang lus sa rdo chad? pa 'dra/ /'das na spangs la phur ba 'byin dang mtshungs/ /phyi rgod 'gro yang sgur nas gog cing 'gro /zas skom 'dod na gzhan la rag las slong/ /bu tshas mthong
- 395a
yang mi mos yid mi 'ong/ /dug po bskon zhing sgo rtsa srung du gtong/ /gzhan dag 'ong na ngo tsha bar zung zar/ /khyim tshe byis pa gshe zhing 'tshe ru 'ong/ /'tshog ser phyin na skyug bro par song zer/ /shi skal chad de rgan rgon yi dags skye// ngo tsha khrel 'dzem shor de gzhan gyis skur/ /bu smad kun yang shi na rung zhes smra/ /rkang lag 'dar zhing kha mig chu yis khengs/ /lus kyi stobs shor ber ga grogs su tshol/ /legs par smras kyang gzhan gyi rnar mi snyan/ /bde bar nyal kyang lus tshigs khol cing na/ /gzhan la gtam smras rgas pa'i dag mi snyan/ /rgas pa'i sdug bsngal bshad na kun la 'ong/ /lus la nad med bde sdug re ba rnams/ /nges pa 'dod pas nongs dang 'chi ba dang/ /na rga la sogs sdug bsngal du ma yis// 'byung gnas 'khor ba la ni skyo mdzod cig /de yis nyes pa shas kyang mkhyen par mdzod/ /khams gsum 'khor ba'i lam la bde ba med/ /rigs drug sems can nad la grangs re mang/ /dug lnga dug gsum nad kyi dpal re tsha/ /thog mdza' med pa nad kyi yun re ring/ /de ltar lags te ma rig bde ru re/ /'chi bdag bdud kyi zhags pas zin pa'i tshe/ /lus ngag yid gsum nad kyis thebs pa'i tsho/ /ngag gi sdug bsngal rnga mo bu stor 'dra/ /lhang lhang tser tser cis kyang nad kyi dbang/ /lus kyi sdug bsngal skam la nya skyur 'dra/ /rgal bu stong stong 'phar yang nyam stobs med/ /'bros par bsams kyang thar pa'i dus mdza' med/ /gzer gyis lus btab ngo tsha khrel 'dzems shor/ /gnyen 'dun bskor yang sdug bsngal rang gis myong/ /zas skom kha ru bcug kyang bro brlag med/ /nye ba bos kyang kha na skad mi thon/ /ji lta nyal kyang bde ba'i bar skabs med/ /sdig la 'gyod pa skyes kyang bshags lor med/ /na ba'i sdug bsngal la ste kun la 'ong/ /des na mi ni yang
- 395b
dag nyid du mi bde zhing/ /mi gtsang bdag med pa ru rig par bgyi/ /'chi ba'i tshen dag sdig las kyis 'byed/ /dge ba can ni 'chi tshe bde ba mthong/ /mun pa'i khams nas bde ba byung ba dang/ /lus la chags pa med cing lus sems bral na dga' / /bde gshegs bskor ba byed cing chos bshad mthong/ /bde ba'i zhing khams byung bas mos pa 'byung/ /gdugs dang rgyal mtshan mchod pa'i rdzas 'bul dang/ /'gro drug gnas mthong snying rje'i sems 'byung ste/ /de dang ldan na bde ba'i gnas su skye/ /sdig can dag ni 'chi tshe nyes skyon mthong/ /snang ba'i khams ni mun pa rnam sros bzhin/ /mtho na spyi gtsugs thur la song ba mthong/ /lag na 'dug pa gdug pa'i mtshon char mthong/ /sgra skad thams cad gdug rtog sgra ru thos/ /sdig pa byas pa ngan song lam du ston/ /'chi ba dag gshin rjes rgyab nas bul ning brdeg /srog gcod bdud kyis gdod nas btson bzhin khrid/ /gcan zan gdug pa'i 'brug sgra bzhin du sgogs/ /mtshon cha gdugs pa'i dpal ni rtsang bzhin 'dzugs/ /'khor ba'i g.yang sar ri gzar rbab bzhin 'dril/ /yi dags gnas na sdug bsngal dpag tu med/ /bkres sbom grang dro ngal rang? 'jigs pa yis/ /bskyed pa shin tu mi bzad bsten 'tshal lo/ /mgo lus skam par mi mthun rgyu las byung/ /skom skrug po zer sna yis rgyu las byung/ /sdug bsngal che ste lus la zad dus med/ /gal te tshe zad dmyal ba'i gnas 'gro ste/ /skad cig yud kyis gnas der myur bar phyin/ /dmyal ba'i sdug bsngal rigs na mchi ma 'ong/ /brtsod khu rgyal po 'phrang du bsdad nas ni/ /gson po pags pa bshus shing yang lag 'don/ /de ltar byas kyang rnam par smin 'chir mi 'dod/ /bye ba phrag brgya nyams su myong yang ni/ /dzis? ngi mi dge de zad ma gyur pa/ /de srid srog dang 'bral bar mi 'gyur ro/ /dmyal ba'i lcags khang mthong na dga' snyam sems//
- 396a
las kyi sgo phye nang du dbang med 'gro/ las rlung phug nas sgo gcod mun pa 'thibs/ /phyogs mtshams kun nas me 'byung 'bros sa med/ /sha rus tshig kyang 'chi ru las kyis 'tsho/ /rang nyid zangs su 'tshod cing sha rus bral/ /phur? bzhi brgyangs shing steng 'og lcags kyis btab/ /lcags gzer steng 'og lus la gang bar 'debs/ /gal te mgul na lhu tshigs rus pa 'bral/ /lcags kyi bya khra mkha' la lding zhing 'debs/ /mtshon cha'i 'khor los lus la dum bur gcod/ /lcags kyi tho chen mkha' la lding shing brdeg /sog les spyi bo'i gtsug nas rkang thil gshog /pu gri gtams pa'i ri la dbang med 'dzeg /rnag khrag bshul ba'i dri ma dpag tshad khyab/ /rang gi rang bsregs skye bo rang gis lan/ /mchod pa de ltar lags te lha mi dang/ /dmyal ba yi dwags dud 'gro rnams dag tu/ /skye ba bzang po ma lags skye ba ni/ /gnod pa du ma'i snod gyur lags mkhyen mdzod/ /des na 'jig rten bde nus ci la phan/ /de phyir bdag gis bshad pa'i man ngag nyon/ /'gro ba'i don mdzad bla ma dam pa yis/ /ma 'ongs sems can skye bo'i don dag tu/ /man ngag dang bskyed sgron ma 'di brtsams pas/ /'gro ba kun gyis sangs rgyas thob par shog /slob dpon ka ma la shI las mdzad pa dang skyed sgron ma rdzogs so// // dpe'i phreng ba bzhugs/ /mya ngan med pa'i sgo nas klu btul ba'i le'u bzhugs so// //rgya gar skad du/ driSh+TA na ta mA lya/ bod skad du/ dpe'i phreng ba/ 'jam dpal gzhon nur gyur pa la phyag 'tshal lo/ /dang por smra ba rnams kyi rab mchog ston pa dang/ /srid pa gsum gyi 'dod chags rnams 'joms chod dang ni/ thams cad mkhyen pa'i bstan pa bdud rtsi'i snod gyur pa/ /gang zag mchog brgyad kyis brgyan dge 'dun rab brtul cing/ /bsam rdzogs rtsi ba logs 'tsher la
- 396b
sogs pa de dang de/ /thams cad yod smra'i khyu mchog dad pas mchod byas te/ /dpe yi phreng ba 'di ni bdag gis bshad par bya/ /rab blo'i legs sbyar ma spas 'di na de bstan gyis/ /yon tan dang skyon gyi mtshan nyid khong du chud pa las mchod par bya ba dang/ mchod par bya ba ma yin pa rtogs par 'gyur bas yon tan dang skyon gyi mtshan nyid khong du chud pa las rab tu 'bad par bya'o/ /de yang 'di ltar rjes su thos te/ yul gan d+ha ra nas tshong pa kha cig bcom rlag tu song ba dang/ de de na mchod rten rnams la yang dang yang du phyag 'tshal zhing dge sbyong rnams la yang bsnyen bkur dang bcas pas phyag byed par gyur pa dang/ de la 'di ni dge bsnyen yin no snyam du shes nas bram ze rnams kyis bzhad gang byas par gyur to zhes grag go /de nas re zhig na de sos ka'i dus kyi phyi dro'i tshe bram ze zhig gi lam srang na 'dug go /der bram ze kha cig khrus byas shing dris byugs pa dang zas la spyad pas dbang po tshim pa dang khang pa sgo'i phyogs na lag na rnga yab thogs shing mchod phyir dkar po thogs la/ gcig tu shas cher brgad de gtam la rjes su chags shing dga' bas kun tu 'khod par gyur pa dang/ de rnams kyis dge bsnyen de bltas nas rab tu brgad do/ /bram ze gzhan zhig gis kyang smras pa/ /sangs rgyas kyi dge bsnyen khyod tshur shog /stan yod par 'dug cig /de der 'dug pa dang/ bram ze zhig gis dris pa/ gang lha chen po dang/ khyab 'jug la sogs pa'i lha rnams spangs nas sangs rgyas la mchod pa byed pa gan d+ha ra pa rnams kyi rang bzhin 'di ci zhig yin/ des bgad de smras pa/ bdag cag ni sangs rgyas bcom ldan 'das kyi yon tan rnams kyi phyogs gcig shes kyi lha chen po la sogs pa'i lha rnams kyi yon tan mi shes te/ rgyu de nas sangs rgyas bcom ldan 'das la mchod pa byed pa yin no/ /des de'i tshig de thos pa dang/ bram ze kha cig gis smras pa/ legs ldan lha chen po'i yon tan mi shes ma 'di ni/ khyod glen pa yin te/ gang
- 397a
gi phyir 'di na lha min grong khyer mkha' la rgyu/ /skyes pa bud med rgan dang gzhon bcas pa/ /gzhu chen blangs nas 'bar ba'i mda' yis ni/ /me yi rtswa bzhin skad cig dag gis bsregs/ /dge bsnyen gyis smras pa/ gang rang bzhin gyis 'chi ba'i chos can gyi srog chags rnams la gsad pa'i phyir 'bad pa dang ldan pa'i sems can gyi khyad par de 'dra ba la ni kho bo mi dga' o/ /su zhig zil pa'i thigs pa ni/ /rtswa yi rtse la chags pa dag /ngang gis 'jigs pa'i chos can la// gzhig pa'i phyir ni 'bad par byed/ /re zhig gzhan thams cad lta zhog gi /ci khyed rnams pha rol la gnod pa byed pa yon tan yin par shes sam/ de nas bram ze de dag thams cad kyis dus gcig tu smras pa/ /lha ma yin gsod pa ni yon tan yin par rab tu shes so/ /dge bsnyen gyis dbugs phyung ste smras pa/ las gang las ni dam pa rnams/ /ngo mtshar gyur pa de nyid la/ /dam pa min pa dregs gyur pa/ /kye ma 'jig rten ngo mtshar che/ /zhes bya ba ni/ 'jig rten pas legs par smras pa yin no/ /mdor na/ yon tan skyon sogs pa brtags la bya ba dang/ /bya min sad pas rgyal ba'i yon tan ni/ /rgya chen rjes la yon tan nges dga' rnams/ /mchod pa'i 'bras bu 'dod pa rgya chen yin/ /skyon la yon tan dag tu 'du shes shing/ / skyon dang ldan pa dam par shes pas mdzod/ /'bras bu rgya chen thob par mi 'gyur gyi/ /lta ba ngan pa dag kyang 'phel bar 'gyur/ /tshig de bram ze rgan po kha cig gis thos pa dang/ khro bas 'bar ba'i mig gis dge bsnyen de la lta zhing brnyas pa dang bcas lag pa g.yon pas ston cing smras pa/ gan d+ha ra pa rmongs pa rnams de skad ma smra zhig /gal te lha ma yin gsod par dga' ba'i lha chen po la sogs pa'i lha rnams mchod par bya ba ma yin na mchod par bya bar su zhig 'gyur/ /dge
- 397b
bsnyen gyis smras pa/ gang yon tan yang dag pa dang ldan par 'gyur ba ste/ bram ze chen po ltos shig /gang zhig stobs ldan 'tshe ba rnams/ /gal te mchod byar de 'gyur na/ /dreng dang gzigs dang stag la yang/ /'gro ba rtag tu mchod par 'gyur/ /yon tan skyon mkhas dam pa ni/ /su la yang ni 'dod mi byed/ /dreng la sogs pa'i gdug pa rnams/ /yon tan med la mchod mi byed/ /mi tshe la sogs yon tan yin/ /'tshe sogs skyon du shes par bya/ /yon tan skyon rnams mi shes pas/ /skyon ni yon tan dag tu shes/ /gang gis shin tu drag po'i las/ /'jig rten byis pas mchod nas su/ /mchod pa'i yul las mi mkhas pas/ /de nyid la ni mchod byar shes/ /gan d+ha ra pa ni nges par yang/ /skyon dang yon tan rtog dang ldan/ /des na sangs rgyas bcom ldan la/ /dad kyis lha chen sogs la min/ /bram zes smras pa/ /kye gan d+ha ra pa re zhig sangs rgyas shes bya ba 'di su zhig yin/ /dge bsnyen gyis smras pa/ shAkya'i rigs su legs 'khrungs pa/ /kun mkhyen nyes pa kun las rgyal/ /sems can kun la phan bzhed pa/ /drang srong chen po sangs rgyas yin/ /bram zes smras pa/ gal te sangs rgyas drang srong chen po yin par shes na gzhan la gnod pa byed pa de mchod par bya ba ma yin par smra ba 'am/ 'di na 'pho ba dang/ me 'bar ba dang/ rgyas pa dang gnas 'jog dang/ rgyun shes dang/ phur bu gsum pa dang/ rgyun shes kyi bu la sogs pa drang srong chen po rnams kyi dmod pa 'debs so/ zhes 'jig rten na grags so/ /gal te sangs rgyas de drang srong chen por gyur na nges par des kyang dmod pa 'debs par 'gyur ro/ /dge bsnyen gyis rna ba bkag nas smras pa/ sdig par ma gyur cig /sangs rgyas bcom ldan 'das ni dmod pa 'debs par mi mdzad do/ /bram zes smras pa/ sdig pa zhi bar gyur cig ces 'dir ci'i phyir smra/ gal te sangs rgyas dmod pa
- 398a
'debs par mdzad na ni/ /de yang dag par 'tshe ba can du 'gyur ro/ /'on te su la yang dmod pa mi 'debs na sangs rgyas 'di la mthu ci yang med do/ /de nas bram ze de dag rnams kyis gnyi ka ltar 'gal ba'i tshig gis gan d+ha ra pa khyad par du bsad nas gsang mthon pos brgyad par brtsams so/ /dge bsnyen des ma 'khrul ba nyid du smras pa/ sangs rgyas bcom ldan 'das mthu chen po mi mnga' ba yang ma yin mod kyi 'on kyang dmod pa'i rgyu dang bral bas gang la yang dmod pa mi mdzad do/ /bram ze chen po ltos shig /chags can gang la kun tu chags/ /de dang bral na de khros te/ /bya dang bya min rnam rmongs pa/ /phyin nas dmod pa gtong bar 'gyur/ /de bzhin gshegs pa 'dod chags bral/ /rmongs pa dang bral khro las rgyal/ /sems can thams cad phan mdzad na/ /de ni dmod pa ji ltar mdzad/ /de nas bram ze de rnams yid la bzung ba'i rgyu rnams rjes su dpog cing dge bsnyen de la smras pa/ kye gan d+ha ra pa gal te sangs rgyas dmod pa mi byed na/ /nges par phan 'dogs par yang mi byed do/ /dmod pa dang/ phan 'dogs pa'i nus pa dang bral na ni/ /drang srong chen por yang mi 'gyur ro/ /dge bsnyen gyis smras pa/ sangs rgyas bcom ldan 'das dmod pa'i nus pa mi mnga' ba 'di ni de ltar bden mod? kyi/ / 'on kyang phan 'dogs par spyod pa nyid yin te/ khyed rnams kyang ltos shig /gzhan gyi sdug bsngal la sngar bas/ /de ni dmod pa mi mdzad kyi/ 'jig rten phan 'dogs brtson pas na/ phan par yang ni mdzad pa yin/ /rga nad 'chi ba'i sdug bsngal gyis/ ngang gis 'jig rten sdug bsngal na/ /rma la lan tshwa ji bzhin du/ /mkhas pa su zhig dmod pa 'debs/ /de yang byams pa la gnas shing/ /rtag tu snying rje'i bdag nyid can/ /de bzhin gshegs pa'i gsung bsil ba'i/ /chu yis 'jig rten
- 398b
tshim par mdzad/ de nas bram ze de rnams yud tsam zhig mgo thur du smad nas bsams te/ dge bsnyen de la rjes dang bcas pa'i mig gdangs pas bltas te/ smras pa/ kye gan d+ha ra pa shin tu brtags pa'i gnas red nas khyod kyis rab tu dad pas bdag cag ngo mtshar du byas so/ /mang du smras pas ci zhig bya ste/ gan d+ha ra zhes bya ba'i yi ge ni don phyin ci ma log par grags pa yin te/ ci'i phyir zhe na/ go zhes bya bas ru bshad/ /sa de gang zhig yang dag 'dzin/ /skyes bu dam pa de rnams ni/ /dam pas 'dzin ces bshad do/ /ci'i phyir na sa 'di ni/ khyed cag rnams kyis 'dzin mi byed/ /gang phyir khyed kyi yon tan bsngags/ /mgon po sangs rgyas la rten yin/ /de nas dge bsnyen nges bram ze rnams kyi sems snod du rung bar byas par shes te/ nga ni sangs rgyas kyi yon tan bshad pa'i dus yin no snyam nas/ yang dag par dga' ba'i gzhin gyis gzed bstod de smras pa? gang khyod rnams sangs rgyas bcom ldan 'das la dad pa skyes par gyur pas bdag ni mchog tu yang dga' ba skyes par gyur mod kyi/ 'on kyang dad pa 'di nyid 'phel bar bya ba'i phyir yon tan dang skyon gyis mtshan nyid rjes su dran par bya ste/ ci'i phyir zhe na/ gang tshe 'gro ba yon tan rab rtog tshe/ /rgyal ba yon tan rgya mtsho gcig pur mthong/ /zhi dang dga' ba skyes par gyur mod kyi/ /tshul khrims ting 'dzin shes rab kyis/ /sangs rgyas dang mnyam gang na'ang yod ma yin/ /dper na ri rab mnyam pa'i ri ni med/ /rgya mtsho mnyam pa'i mtsho ni yod ma yin/ /de bzhin sangs rgyas dang mnyam sa stengs sam// mkha' la lus can mchog de yod ma yin/ /shAkya'i khyu mchog des ni gang phyir dal bas dka' bar ma zhugs ci zhig yod/ /thub pas phan pa'i don du lan mang dgongs te ma gzigs de ni gang zhig yod/ /de la skyabs song drang srong des ni phan
- 399a
gdags ma byas de ni gang zhig yod/ /'di na nges gsungs lam la rab gnas nyon mongs dgras bcom de ni su zhig yod/ /mu stegs kun las rgyal te bde bar gshegs shes yon tan rnam rgyas dri med grags pa'i kha bye gzhan su yod/ /phug na seng ge lta bur lha yul sa stengs dag na 'jigs med rang gis gsung mchog sgrogs pa gzhan su yod/ /rtag tu yid 'ong gsung gis las dang nyon mongs dag gis gnas skabs rjes su ston pa mdzad pa'ang gzhan su yod/ /gang gi mchod rten mkha' la sprin dkar lta bur 'gro ba yang dag brgyan pa 'ga' yang 'di na yod ma yin/ /de nas bram ze de rnams de bzhin gshegs pa'i yon tan gyi bsngags pa thos pa dang/ sangs rgyas la mngon par dad par gyur to/ /'dis ci zhig ston pa ston pa yin zhe na/ de ltar sangs rgyas kyi yon tan thos pas bcom ldan 'das la mngon par dang par shes pas/ drang? pa la ni gzhan rnams kyang yang dag par gzhug par bya'o/ /zhes nye bar ston pa'i mdo brtsams pa yin no/ / de yang dge slong dag khyed rnams kyis rjes su brtse ba dang gang snying brtse bar bya'o/ /zhes rgya cher gsungs pa'i phyir te/ sangs rgyas mchog la gsungs pa'i phan yon gyi mdo sde dag la yang nye bar sbyar bar bya'o/ /gus par byas te chos nyan pa la yang brjod par bya'o/ /yang 'dis ci zhig ston ce na/ de ltar sangs rgyas kyi yon tan thos pa don gzhan la mngon par zhen pa'i bram ze rnams kyang bcom ldan 'das la mngon par dang par 'gyur na/ sangs rgyas kyi yon tan thos pas rna dkrugs pa lta smos kyang ci dgos te/ khyed rnams sangs rgyas kyis yon tan thos pas dang pa rnam par 'phel bar ci'i phyir mi 'gyur te/ de bas na sangs rgyas dang/ sangs rgyas kyi bka' dag gi bsngags pa mnyan par shin tu 'dod
- 399b
pa'i khyim na gnas pa dang/ rab tu byung ba khyed rnams kyis ma yengs par mnyan par bya'o zhes 'di ni yang dag par skul bar byed pa yin no/ /sangs rgyas mchog gi dpe de dang po rdzogs so// //rgya gar gyi mkhan po d+harmA sh+rI b+ha dra dang/ lo tsA ba bande tshul khrims yon tan gyis bsgyur cing/ dge slong rin chen bzang pos bcos nas zhus te gtan la phab pa// //rgya gar skad du/ a sho ka mu kha nA ga bi na ya pa ri ts+tsha da/ bod skad du/ mya ngan med pa'i sgo nas klu btul ba'i le'u'o/ /'di ltar rjes su thos te/ sangs rgyas bcom ldan 'das mya ngan las 'das nas lo brgya lon pa na/ grong khyer pa ta li bu trar rgyal po mya ngan med ces bya ba 'khor lo sgyur pa'i rgyal po bzhi cha la dbang byed pa zhig byung bar gyur to/ /des nor gyi don du tshod pa lnga brgya bkug nas smras pa/ shes ldan dag khyed song la rgya mtsho chen po nas rin po che sna tshogs pa long la shog cig /gang gi tshe de dag rim gyis song ste rgya mtsho chen por phyin nas/ rin po che dang/ gser dang/ dngul dang/ rdo rje dang/ bai DUrya dang/ shang ka shi la dang/ byi ru la sogs pa rin po che'i tshogs du mas de dag gis gru yongs su bkang ste dzam+bu'i gling du phyogs te chas so/ /de dag log nas 'ongs pa na rgya mtsho'i dkyil du klus gru bcom nas/ de nas tshod pa de dag srog gi lhag ma 'ba' zhig dang grus 'ongs te/ gang gi tshe rim gyis grong khyer pa ta li pu trar phyin pa dang/ rgyal po mya ngan med kyis chod pa rnams 'ongs so zhes thos so/ /de skad ces bya ste/ rtswa yi se me ni ngoms mi sreg /rgya mtsho chu yis ngoms pa med/ /'dir ni lha yul yid 'ong bas/ /'gro rnams dbang drug ngoms pa med/ /ces bya ba yin pas de 'dod pa'i rgyus sems bskyed cing nor dum dgram pa'i gnas bya'o snyam du bsams te/ de nas des rdzing bu dang bcas pa'i bskyed mos tshal du gnas rgyan thams cad kyis brgyan pa/ ba dan dang rgyal
- 400a
mtshan bsgreng ba/ bla bre dang/ gos kyis spras par yid du 'ong ba'i spos rnams ni gtul/ /gangs ltar bsil ba'i chus gang ba'i rdzing bu na shel lta bu'i phye ma dang ldan pa utpa la dang/ pad+ma dang/ ku mu ta dang/ puN+DA rI ka rnams kyis khebs pa/ ngang pa dang/ khu byug dang/ rma bya dang/ ne tso dang/ ri skegs dang/ dur pa dang/ ka la pingka dang/ shang shang ti'u dang/ bya skad snyan pa sgrogs pas nyams dga' ba/ pi wang dang/ gling pu dang/ rdza rnga dang/ sgra bzangs dang/ 'khar rnga dang/ pa Ta ha dang/ rnga bo che dang/ dung rnams rgyun tu brdung ba/ blon po dang/ grong mi dang/ ljongs kyi mi dang/ skye bo rnams ni 'dus/ dge sbyong dang bram ze dang/ kun tu rgyu dang/ gcer bu pa dang/ kun tu 'tsho ba la sogs pa ngo mtshar gyis 'dus te/ nor bu dang/ mu tig dang/ bai DUrya dang/ shang ka shi la dang/ byu ru dang/ mu tig dmar po dang/ mu sa la gar ba dang/ in+d+ra nI la dang/ mthon ka chen po la sogs pa'i rin po che'i bye brag rnams blta bar bya'o snyam mo/ /de nas rgyal po nor dgram sar 'dug ste tshong pa lnga brgya po de dag kyang rgyal po'i drung du 'ongs pa dang/ thams cad stod g.yogs gcig pu dang ldan zhing gcer bur gnas so/ /rgyal pos smras pa/ ci'i phyir 'di lta bu'i gnas skabs su gyur/ tshong pa rnams kyis smras pa/ lha gru bcom pas 'di ltar gyur to/ /rgyal pos smras pa/ gang gis gru bcom par gyur/ /tshong pa rnams kyis smras pa/ ba tshwa can gyi rgya mtsho na gnas pa'i klus bcom lags so/ /rgyal pos smras pa/ bdag gis ji ltar bsgrub par bya/ /tshong pa rnams kyis smras pa/ lha 'di yongs su btsal du gsol/ /gal te tshol bar mi mdzad na/ phyis nas yang tshong pa 'ga' yang rgya mtsho chen por 'jug par mi 'gyur ro/ /de'i tshe 'khor de na dge slong dbang po zhes bya ba bsod nams che ba zhig yod de/ de rgyal po dang ha cang
- 400b
yang mi ring ba zhig na 'dug par gyur to/ /rgyal pos tshe dang ldan pa dbang po la smras pa/ slob dpon bdag gis 'di la ji ltar bsgrub par bgyi/ tshe dang ldan pa dbang pos smras pa/ rgyal po chen po zangs ma'i byang bu la yi ge bris la rgya mtshor rdzongs shig /ci tsam na rgyal pos zangs ma la spring yig tu bris te smras pa/ sa 'di rgya mtshos gtugs pa skyong/ /rgyal po stobs ldan mya ngan med/ /rab tu drag cing btsan pa yis/ /nor khyer mtshor gnas gang yin pa/ /de dag 'dir ni myur pa ru/ /nga yi drung du bskyal bar bgyi?/ zhes yi ger bris te/ zangs ma'i byang bu rgya mtshor bskyur ro/ /de nas klu ma rangs nas/ rgya mtsho nas slar 'dzam+bu'i gling du bskyur ro/ /de nas rgyal po'i pho nyas zangs ma'i byang bu de blangs nas slar pa ta li pu trar 'ongs te/ rgyal po la skabs de bsnyad pa dang/ de nas rgyal po mya ngan med sems khong du chud nas mtshan mo stan gyi stengs su nyal te/ ji ltar 'di la bsgrub par bya snyam du sems so/ /de nas nam mkha' i dkyil na gnas pa'i lhas rgyal po la smras pa/ rgyal po chen po sdug bsngal ma byed cig /'jig rten gsum mchog lha mis mchod/ /stobs phyug chu srin rgyal mtshan can/ /mthar byed bde gshegs sku gdung la/ /mchod pa rnams kyis rab mchod kyis/ /de rjes khyod kyis dgong 'grub 'gyur/ /lha gnyis pas smras pa/ gang zhig bya min rgyal chen mya ngan ma mdzad par/ /sngags dang rigs sngags sman sbyor ma bgyid par/ /mi dbang dbang du bya bar nus 'gyur ba/ /bde gshegs bstan la lhag mar gus pa yis/ /de yis klu rgyal gang yin dbang du 'gyur/ /de nas zhag gnyis pa la rgyal po mya ngan med skra bkrus te/ /gos dkar po bgos nas dri dang/ me tog dang/ phreng ba dang/ byug pa rnams thogs nas tshig 'di skad ces smras so/ /phyogs mtshams mkha' bzhugs rdzu 'phrul ldan/ /shar gyi phyogs dang gzhan bzhugs la/ /bdag ni gsol 'debs spyan 'dren
- 401a
gyis/ /bdag la thugs rjes gzung du gsol/ /rgyal pos de skad ces smras ma thag tu shar phyogs dang/ /lho phyogs dang/ nub phyogs dang/ byang phyogs rnams nas dgra bcom pa stong phrag drug cu byon zhing 'dus par gyur to/ / rgyal pos me tog dang/ spos dang/ dri dang/ byug pa rnams thogs nas/ de bzhin gshegs pa'i sku gdung la mchod pa byas te/ /de nas bcom ldan 'das la mngon par bstod pa/ nad pa dang ni rgas dang sdug phongs gzhan yang 'chi gzigs nas/ /rgyal bas yul dang 'byor pa btsun mo'i 'khor dang nye du spangs/ /sa bdag zas gtsang drung gshegs bskrad nas rgyal po'i dpal spangs pa/ /bcom ldan de la bdag gus dang bas de yi sku gdung mchod/ /gang gi stobs kyis bdud ni shin tu stobs ldan blta bar dka' rnams bcom/ /gang gi bA ra Na ser 'khor lo legs bskor srid spang zhi bar mdzad/ /gang gis lnga sde skye ba'i sdug bsngal gyis gdung 'chi ba bkrol/ /shAkya thub de'i sku gdung dpe med 'di la bdag gis yang dag mchod/ /gang zhig gang du mya ngan 'das gshegs 'dir ni mar me 'gags pa bzhin/ /glang po stong stobs las lhag de ni mi rtag stobs kyis phye mar brlag /sa bdag mchog gis cha brgyad mnyam bgos sku gdung yang dag mchod gyur pa/ /de yi sku gdung dpe med 'di ni 'jig rten mkhas pas yang dag mchod/ /de nas dge slong gis dge 'dun la gdugs tshod drangs nas mchod do/ /de nas rgyal pas tshe dang ldan pa dbang po la smras pa/ 'phags pa ci zhig mchog tu bsgrub par bgyi tshe dang ldan pa dbang pos smras pa/ rgyal po chen po dang ni khyod kyi gzugs gnyis pa klu'i gzugs te/ sku gzugs legs pa gnyis mdzod la gser gyi snod chen po byas pa'i nang du de gnyis stsol cig dang de las mngon
- 401b
sum du gzigs par 'gyur ro/ /de bzhin du byas te/ phyis rgyal pos bltas pa dang/ klu'i gzugs 'dug pa la rgyal po'i gzugs phyag byed pa rgyal pos mthong ngo/ /rgyal po yid la gcags par gyur pa dang/ tshe dang ldan pa dbang pos smras pa dang/ rgyal po chen po dus 'dir yang dang yang du nyi ma re re la khyad par gzigs par 'gyur ro/ /ji lta ji ltar rgyal pos de bzhin gshegs pa la me tog dang/ phreng ba dang/ dri dang/ spos dang/ byug pa rnams kyis mchod cing dge slong gi dge 'dun la yang rang gi lag nas bza' ba dang bca' ba rnams tshim par bstabs shing rgya cher mchod par byas te/ chos kyang gus par mnyan pa de lta de ltar rgyal po'i gzugs langs pa la klu'i gzugs phyag 'tshal bar gyur to/ /yang de'i rdzas la klu'i gzugs de yan lag thams cad kyis rgyal po'i gzugs la phyag 'tshal bar gyur pa mthong bas de rgyal po yid rab tu dga' bar gyur te/ tshe dang ldan pa dbang po la smras pa/ kye ma dkon mchog gsum mchod pa'i/ 'bras bu ci 'dra 'di la gzigs/ /rgya mtsho'i nang na gnas pa'i klu/ bdag gis btul zhing 'di dbang bgyis/ /blo gros chung ba'i mi rnams kyang/ /su zhig sangs rgyas mchod mi bgyid/ /gang zhig 'bras bu phral bskyed la/ /su zhig yid kyis sems mi bgyid/ /bdag nyid che ba 'thob 'dod pa'i/ /lha rnams dang ni mi rnams kyis/ /rdzogs pa'i sangs rgyas yang dag mchod/ /skye ba zad cing yang sred med/ /slob dpon dbang pos skabs la bab par shes nas smras pa/ rgyal po'i chen po zangs ma'i yi ge yang da spring ba'i rigs so/ /rgyal pos yang zangs ma'i yi ge de skur nas btang ngo/ /de rgya mtshor bskyur ba dang/ /klu'i rgyal pos yi ge de spyi bos blangs so/ /de nas rgyal po la lan mang du lha tshong ba de dag 'dir rdzongs shig /so so'i rin po che gang lags pa skur la slar brdzang ngo zhes smras pa dang/ de
- 402a
nas rgyal po'i pho nya slar 'ongs nas rgyal po la phrin de smras pa dang/ de nas rgyal pos tshong pa bos nas smras pa/ khyed cag song la so so'i rin po che gang yin pa long la slar shog cig /de nas gnas brtan dbang pos rgyal po la brgyad pa chos kyi rgyal po la sa rdul ngan pa 'bul bar byed pa yin mod/ de nas rgyal pos gnas brtan dbang po la smras pa/ slob dpon 'o na ji ltar bsgrub par bgyi/ gnas brtan dbang pos smras pa/ khyod la chad pa yin gyis rang gi phrag pa la khur la 'dir skyol cig ces zangs ma la yi ge slar btang bar gyis shig /de nas rgyal pos spring yig du bris pa/ dzam+bu'i gling gi dbang phyug dam pa'i bka' bcag pa'i chad par rang gi phrag par khur la skyol cig ces yi ge btang ba dang/ yi ge bklags ma thag tu klu'i rgyal po skrag par gyur nas smras pa/ lha de lta lags na gdugs bdun na 'tshal mchi'o/ /de rgyal pos thos pa dang/ ba ta li pu tra'i grong khyer thams cad du dril bsgags te/ gang zhig grong khyer 'di na gnas pa'i skyes pa dang bud med bsod nams kyi khyad par dang/ rgyal po'i rnam par 'phrul pa mthong bar 'dod pa dag zhag bdun pa la rgyal po'i pho brang du shog cig /de nas rgyal pos zhag bdun pa la grong khyer pa rnams dang/ blon po dang/ grong rdal dang/ ljongs kyi mis yongs su gang bar bskor te/ rgyal po'i rdzu 'phrul chen po dang/ mthu chen po dang 'byor pa chen pos 'khor gyi khyams su song nas seng ge'i khri la 'dug go /de nas klu'i rgyal po klu du mas yongs su bskor nas mi'i cha byad du sprul te/ rang rang gi phrag pa la rin po che'i khur thogs nas rgyal po chen po mya ngan med ga la ba der song ste phyin nas khur rnams phog nas rkang pa gnyis
- 402b
phyag byas so/ /skye bo'i tshigs chen po ngo mtshar du gyur nas/ sngon ma mthong ba mthong ngo zhes ca co'i sgra bsgrags te 'di skad ces kyang smras so/ /'di 'dra'i bsod nams stobs kyis ni/ /rgyal po yongs su gzung bar gyur/ /skye bo rnams ni ngo mtshar skyes lha rnams dang ni 'di ru yang/ /phun sum tshogs pa 'dod pa yis/ /bsod nams gang yin zhes bya ba/ /'di lta'i bye brag su me bsgrub/ /bsam du med pa'ang gang bsams pa/ /don de 'bad pa med pa ru/ /mi rnams la ni 'bras bur smin/ /rkang thang glang chen myos pa dang/ /rta dang shing rtas rgya mtsho na/ /gnas pa'i klu dang lhan cig g.yul/ /stobs chen sna tshogs mtshon chas min/ /sdug bsngal mgo bo'i gdengs ka can/ /bsod nams rang bzhin 'di 'dra ba'i/ /zhags pa yi ni des bcings nas/ mya ngan med rgyal zhal mthong ba/ /bka' drin bsams pas rjes mthun 'jug /des kyang de dag sna tshogs pa'i bka' bas 'ongs pa mthong nas/ bcom ldan 'das kyis bka' i yon tan rjes su brjod pa/ bcom ldan 'das kyis 'di skad gsungs/ / bsod nams me yis mi tshig ste/ /rlung gi 'jig par mi 'gyur ro/ /bsod nams chu yis 'ju mi 'gyur/ /sa bzhin du ni khyer mi 'gyur/ /rgyal po dang ni chom rkun gyis/ /dpog tu med par bsod nams gnas/ /skyes pa dang ni bud med kyis// dbrog par nus pa ma yin no/ /bsod nams bde ba skyed par gter/ /'dir ni lus par ma 'gyur te/ /gang dang gang du skyes pa ru/ /de dang der ni rjes su 'brang/ /da nas blon po gzhan zhig ngo mtshar skyes nas 'di skad ces smas so/ /yongs su bskor ba'i 'khor dbus na/ /bsod nams rgyan gyi rgyal po mdzes/ /skar ma'i tshogs kyis yongs bskor ba'i/ /ston ka yi ni zla ba bzhin/ /chu dang mkha' la 'gro ba'i rlung/ /bsod nams kyis ni nges pham byas/ /sa la gnas pa'i dgra yi
- 403a
tshogs/ /bsod nams kyis ni zad par byed/ /ji ltar yid la bsams pa yis/ /bde ba bsod nams kyis thob byed/ /bsod nams 'di ni bsags pa ru/ /sems dang ldan pa su mi byed/ /spangs pas grub ces bya ba'i blon pos smras pa/ bcom ldan 'das kyis 'di skad gsungs/ /bsod nams 'di ni dag byed yin/ /bsod nams des la 'bar stegs te/ /mtho ris su ni 'gro ba'i lam/ /mi rnams bde rol bsod nams yin/ /bsod nams rnal 'byor pa rnams kyi/ /mya ngan 'das par 'gro ba'i lam/ /yang blon po gsum pa gzhan zhig gis smras pa/ bsod nams kyis ni khyod kyi bzhin/ /zla ba dangs pa shar dang mtshungs/ /rgya mtsho'i nang du zhugs pa yang/ /bsod nams kyis ni gtor ma mchis/ /yid du 'ong ba thob byed pas/ /bsod nams 'gro bas phyag byas 'os/ /bsod nams yang dag bsags pa la/ /'bad par mi rnams su byed pa/ /bsod nams kyis rgyal skyes bu ni/ /rta mis ma yin glang pos min/ shing rtas bsod nams las rgyal min/ /mnga' dang ral gris ma yin no/ / nor rnams dang ni yal dang ni/ /g.yal gyis bsod nams las rgyal min/ /bsod nams kyis ni rgyal ba la/ /rigs dang stobs dang gzugs kyis min/ /bsod nams kyis 'phags mi rnams kyi/ /sa rnams gsum gyi steng na gnas/ /bsod nams mi rnams gnas yin te/ /bsod nams thar ba thob byed mchog /bsod nams 'jig rten grags byed yin/ /de phyir bla med bsod nams btsal/ /mtho ris thob byed ngan song spong/ /mi yis rtag tu brten bya ste/ /mkhas pas bsod nams bya ba yin/ /de nas rgyal pos tshor ba de dag rnams la smras pa/ khyed rang rang gi rin po che rnams khyer cig /de nas de dag gis blangs nas rgyal po la rab tu bstabs te/ gzhan yang lha'i sbyor bas 'gas kyis/ /lha 'di dag legs par snoms shig /rgyal pos
- 403b
smras bkab dag la cung zad kyang dgos pa med kyis khyer la song la the tshom med par longs spyod cig /de nas rgyal pos rab tu dga' ba'i yid kyis dkon mchog la bstod pa 'di skad ces smras so/ /e ma'o sangs rgyas e ma'o chos/ /e ma'o bstan pa phun sum tshogs/ /sa rdul snyim gang phul ba yis/ /rnam par smin pa 'di 'dra thob/ /de nas rgyal pos yang smras pa/ /ding 'dir klu ni bdag dbang gyur/ /thub chen khyod kyis bka' drin las/ /legs spyod rgyal po bdag bgyid pa/ /bdag gis skye ba 'bras bcas lags/ / yon tan mchog ldan thub pa yi/ /bstan mchog 'di la su mi 'jug /dper na sa bon rdul btab pas/ /'bras bu chen po skyed byed na/ /rin chen phul ba smos ci 'tshal/ /de nas klu chos la sbyar nas slar song ngo/ /mya ngan med pa'i sgo nas klu btul ba'i le'u rdzogs so// //rgya gar gyi mkhan po gnas brtan a dzi ta sh+rI b+ha dra dang/ dge slong shAkya 'od kyis bsgyur pa// //gnas brtan spyan drang ba bzhugs// //rgya gar skad du/ s+tha bI ro pa ni man+t+ra na bod skad du/ gnas brtan spyan drang ba/ thams cad mkhyen pa la phyag 'tshal lo/ /btsun pa rnams dgongs su gsol/ /dgongs nas kyang shel dang/ nor bu dang/ dngul dang/ ku mu ta dang/ kha ba'i phung po dang/ zla ba'i 'od zer dang/ ston gyi chu dang/ /nam mkha' dang pad+ma'i rtsa lag ltar dri ma med par mdzod la/ rlung gi stobs kyis shing gi lcug phran bskyod pa dang/ smig rgyu dang/ sgyu ma dang/ rmi lam dang/ glog dang/ rta'i shing rta'i rdul dang/ ba glang gi phru gu'i rna mchog dang/ sprul gyi lce dang/ zil ba dang/ rgya mtsho bskyod pa'i rlabs ltar g.yo ba'i yid/ skad cig re re la yang mi sdod par 'gro ba/ rtse gcig pa'i ting nge 'dzin gyi stobs kyis yud tsam zhig rgyu ba nang du dgag tu gsol/ /smras pa/ ri gzar 'bab pa'i dpa' rlabs gyur pas kyang/ /gang
- 404a
gis dpa' rlabs 'gyur la bsgrun med par/ /'jigs pa thogs med g.yo ba'i yid de ni/ /yud tsam rtse gcig mdzod cig btsun pa rnams/ /lha yi bu mo yi chad shugs phyung skad cig zim mer byas pa'i mig /ring zhing gzir ldan bkra la 'ong 'tsher mig chags lta ba g.yo ba yis/ /gang gi thugs ni skye ba rgyun gcod rgyu las 'khrugs par ma gyur pa/ /bdud kyang 'joms mkhas gcig pu thams cad mkhyen pa de la phyag mdzod cig /skye ldan gang du brten nas dud 'gro'i skye gnas sems can dmyal gzhi dang/ /yi dwags 'jig rten gnas su 'gro bar mi 'gyur sdug bsngal 'jigs byed pa/ /'khor ba gang na 'gro ba chen po rnams kyi grogs gyur 'phags gcig po/ /zhi bde grong khyer sgor gzhol de la shin tu gus pas/ brten par mdzod/ /zhi ba'i bdag nyid gang zhig bde gshegs gsung rab mthar phyin 'byung smra zhing/ /gang la gus? par cung zad tsam zhig byon yang sbyin pa 'phel gyur la/ /ye shes snang bas mun pa zad byas dge slong dge 'dun de la ni/ nyon mongs gcad pa'i ched du thams cad kyis kyang gus par phyag mdzod cig /lcang lo chun pa'i skra mang mgo la thogs shing dpung mgo gnyis g.yogs la/ /rang gi 'od zer phyogs mthar 'phro ba rnams kyis 'jig rten kun 'gengs pa/ /lha dbang rgya byin cod pan btud de tshangs la phyag byas gang yin de/ byin nas dga' byas sems kyi ting 'dzin shin tu chen po'i 'bras bu yin/ /rdo rje 'od 'phro phreng bas dpung rgyan 'dres nas mdzes gyur cing/ /lha la bka' stsol dbang po mtho ris skyong ba gang yin pa/ /de dag dge ba dag 'byung rnam smin 'gyur dus nyams dga' zhing/ /mngon par 'dod pa'i 'bras bu phun sum tshogs pa'i rgyu rnams yin/ /kha nas rgyags 'gyur dri zhim 'byung zhig mig gi mdza' dmar la/ /dbugs 'byung ngo shar g.yos pas
- 404b
nu ma 'bur la 'drung byed pa/ /sdug gu lhan cig nor bdag dga' tshal 'dug pa gang yin pa/ /de yang 'gro ba nyams dga' sbyin pa'i bdag nyid chen po yin/ /'brug sgra sgrog cing sprin rnams chu ni kun tu len byed pa/ /rlabs 'byung dus na nor bu byu ru dang nya phyis 'byung/ /rin chen gnas ni chu lha nyid kyi 'byor pas gang bsrung ba/ /der yang rgyu ni sbyin pa mchog ces thub pas bka' stsal to/ /gang yang 'od zer rnams kyis mkha' la skar ma'i 'khor lo zil mnan cing/ /ku mu ta yi rdzings yangs rnams su dpal ni rab tu rnam phye nas/ /glang po'i mche pa'i dpal dang ldan zhing mtshan mo shin tu rab mdzes pa/ /de yang nges par sbyin pa nyid kyi 'bras bu ro bro mang po yin/ /ri rab rtse la shing ltas lam kha 'dug pa'i rin chen rdo gcog cing/ /rta yi rkang lag rnams kyis dgu tshigs chu bo rlabs ni gcod byed la// mun pa bsal phyir nyi mas skar ma zil mnan lha ma me gang yin pa/ /de rgyu yid kyis ting nge 'dzin gyis bskyed pa'i sbyin par thub pas gsungs/ /rgyal mtshan rtse btags rin chen 'od zer snang bas nam mkha' dmar gyur cing/ /rta rmig 'dor bas mkha' la sprin gyi phreng ba dag kyang 'dral byed la/ /rnga yab dkar pos g.yabs shing 'khor los sgyur pa song ba gang yin pa/ /'dod pa'i 'bras bu de yang sbyin pas bsgrubs shes thub pas bka' stsal to/ /gser gyi pad+ma'i rdul gyi bye mas dmar bris tshon ni khrus byas te/ /de yi nags 'dab bud ba sgra 'byin rnams su nyal pa'i bde rnyed nas/ /rigs 'dzin chud ma lhan cig 'jigs med mkha' las 'gro ba gang yin pa/ /de yang ser na 'dzil zhing skyon med dga' ba'i sbyin pa'i gzi brjid yin/ /ma la ya yi ri rtse tsan dan grib mas bsil bas yangs pa dang/ 'bigs byed ri dang gangs dang lhan po'i ri dang manda ra yi ri bo la/ /grub pa'i tshogs chen chud ma lhan cig 'jigs bral dga' ba gang yin pa/ /'dod pa'i 'bras bu tshe 'di'i snying po 'byor ba de yang gtor? bas yin/ /bud med rkang
- 405a
gdung 'khrol bas 'grogs nas 'phur ba'i phug ron gnas pa yis/ /khang pa mthon po rnams dang 'bigs byed ri rtse 'gron pa'i ban glad dang/ gdugs dang rnga yab bud med g.yog 'khor rin chen gser dang rta rnams dang/ bzang mdzes de dag kun kyang sngon gyi sbyin pa'i dag ba'i rnam smin yin/ /ban du ka ltar rtsa dmar rgun chad gser snod bzang por legs blugs pa/ /yongs dag a mra smin ltar dri zhim utpal 'gying zhing ldem/ /na chung zhim ba sna sgog dus kyis stobs shing yams grangs mang 'drim pa/ /mchog tu dge ba de rgyu sbyin pa yin zhes blo gros dag pas gsungs/ /gser gyi phag skas rked ba chings snyan smra 'jam zhing smin ma ya gcig bskyod/ /mig yangs rnar thug dkar nag 'byes la skra bgab me tog phreng dkrigs pa'i/ /na chung bzang mo brla rgyas bdag nyid legs byas rnams kyis bran ltar byed/ /tshogs bsags 'bras de sbyin pa'i che ba nyid ces zas gced sras pos gsungs/ /de lta lags pas bde bar gshegs pa'i gsung rab mdza' dag thugs su chud pa/ shin tu sbas pa'i chu ltar gyur pa/ snying dri ma med pa dang/ lha'i skye bo dang klu'i gnas su gyur pa/ tshul khrims 'dren ma ma yin zhing rgya che ba'i chu dang ldan pa/ dge ba la rnam par rtogs pa'i zla ba shar ba'i dbang gis/ ting nge 'dzin sna tshogs rgyas pa'i dus kyi rlabs kyis/ byang chub kyi yan lag la skyon med pa'i nor bu mang po kun tu g.yengs pa/ sems kyi 'og gzhi la 'phags pa'i lam yan lag brgyad pa'i ri bo chen po brten pa/ /'bras bu'i bye brag thob pa/ gang zag chen po'i chu srin rgyu ba/ 'phags pa'i bden pa dang/ yang dag par spong ba dang/ rdzu 'phrul gyi rkang pa'i shing ljon pas mdzas par byas pa/ dran pa nye bar gzhag pa'i dogs dang ldan pa/ sgrib pa'i ro mi gnas pa/ sbyangs pa'i yon tan goms
- 405b
pa dag pa'i mu tig gi nya phyis kyi kha dog lus dang ldan pa/ mngon par rtogs pa'i chos nyid gting mi dpogs shing zab pa/ rgyun mi 'chad par klog pa dang/ kha ton byed pa'i sgra rgya cher 'byung ba/ 'phags pa'i dge slong gi dge 'dun gyi rgya mtsho chen po la bdag gsol ba 'tshal lo/ /'di lta ste srid pa'i 'gro ba gcig nas gcig tu brgyud pa du ma nas dge ba'i sa bon btab pa/ bde bar gshegs pa'i bstan pa/ gzhal med khang gi sa gzhi gcig par gyur pa/ bzod pa dang nges pa dang byams pa dang tshul khrims dang thos pa dang zhi ba'i gnas bdag dang gzhan gyis gzhung gi don gyi de kho na/ ma lus par rtogs pa/ yongs su shes bas bsgoms pas dran pa nye bar gnas pa yang dag pa'i ye shes mthong bas log par lta ba'i rab rib bsal ba// legs par brjod cing shis la rgya che ba'i mig dang ldan pa/ skye bo bla ma la bsnyen bkur byed pa dang/ sngon du smra ba dang/ phyag 'tshal ba la sogs pa'i tshul bzang po dang ldan zhing/ mdong sol che bas snyan ba rnams bskyed pa/ ston gyi zla ba nya ba'i 'od zer dag pa lta bu'i yid 'byung ba/ sbyin bdag chen po che ba'i bdag nyid can ming 'di zhes bya ba 'di ni/ khyim bdag legs sbyin dang/ bzang ldan dang/ btsun mo 'khor gyi bla dang/ mu shil dang/ tra pus dang/ go shi la dang/ ta pa kar ni ka dang mgon med zas sbyin dang/ drag po dang/ nag po dang/ nam gru la sogs pa dang/ gzhan yang bcom ldan 'das la yid la mngon par dad pa/ gsal rgyal dang/ tshangs bas sbyin dang/ rgyal po shar pa'i bu dang/ gtum po rab snang la sogs pa'i steng la dbang ba'i sbyin pa las byung ba'i legs pa spyad pa'i rjes su slob ste/ lus dang longs spyod srog la/ sgyu ma dang/ smig rgyu dang/ dri za'i grong khyer dang/ mgal me bskor ba dang/ rmi lam dang ri'i 'bab chu ltar g.yo bar reg nas stobs
- 406a
bcu mngal bas gsungs pa'i tshigs su bcad pa dang/ chos mngon pa dang/ 'dul ba dang/ mdo sde 'dzin cing/ dge ba'i las kyi 'bras bu rnam par smin pa yod do zhes bsod nams kyi sa bon bskyed pa'i rgyu 'khor ba'i dge ba phun sum tshogs pa'i gzhi/ skye bo ngan pas rnyed par dka' ba ser sna can gyi yid 'joms pa sgrub pa na ston gyi zla ba dri ma med pa ltar dang ba'i thugs mnga' ba/ srid pa'i nyon mongs pa'i sa bon gcod pa/ sems can thams cad kyi bsam pa mkhyen po/ grags pa 'jig rten gsum du khyab pa/ bdud kyi bu mo steg pa rgyun gcod pa'i rgyu/ skyabs su 'os pa chos ston pa/ 'gro ba la dge ba'i bye dka' ba'i phran las rnams kyis/ chos thams cad thugs su chud bas rnam par sangs rgyas pa'i/ sangs rgyas nyi ma'i 'od zer gyi snang ba gsal bas reg nas pad+ma'i 'dab ma rgyas pa ltar ring zhing rdzi ma legs pa'i spyan dang ldan pa gnod sbyin gyi bdag po'i gtsug gi nor bu chen pos zhabs kyi ser mo kun tu bskor ba/ gser gyin chod sdong ltar gsal ba/ sku la rdo rje dang/ lcags kyu dang/ pad+ma dang/ nya dang/ rgyal mtshan dang/ gdugs dang/ 'khor lo la sogs pa'i mtshan rnams kyi mtshan mnga' ba/ pad+ma'i 'byung gnas rnams la/ snang mdzad kyi 'od kyi phreng ba/ bye brag med par khyab pa rgyas par 'gengs pa/ bung ba'i tshogs ltar sngo ba'i gtsug tor gyi nang nas kun tu byung ba'i 'od kyi dra bas phyogs kyi dkyil 'khor ma lus par bkra bar byas pa/ kha na ma tho ba med par bzhugs pa/ 'phags pa'i bden pa ston pa/ zhi bar gzhol ba'i lam du 'dren pa/ 'jig rten sgrol ba mnyes gshin pa/ gnyen gcig bu/ mu stegs can ngan pa'i sgrol ba rnams kyis gsung dang dpa' ba dang/ mthu la mi gnod pa gtsang ma'i sras yul rnams kun la/ sred pa 'byung
- 406b
ba'i rgyun skams byed pa'i rgyu/ skye bo mkhas ba rnams ni sad bar bya phyir shar gyur pa/ /bag la nyal gyi rab rib sel ba ye shes snang ba'i mchog /sa rnams mdza' dag snang ba phyogs rnams thams cad snang mdzad pa/ /phyag dang zhabs dang dbu ni rab tu byin zhing tshul khrims dang/ /smon lam dag gis byang chub lam bzang yang dag bsgrubs gyur pa/ srid pa'i 'gro ba'i dug gi snye mi'i steng du lhung ba yis/ /skye dgu rnams la kha na ma tho med pa ston mdzad pa/ /srid pa rnam pa gsum 'jig pa/ bcom ldan 'das stobs bcu'i stobs dang ldan pa/ mi 'jigs pa bzhi mnga' ba/ dpa' ba dang/ mthu kha na ma tho ba med pa/ mtshan dang dpe byad bzang pos brgyan pas sku brjid pa/ pha rol tu phyin pa drug dang dka' ba brgya phyag dums dam pa'i chos dkon mchog bsgrubs pa/ brtsal ba tsam gyis sems can mdza' dag gi bsams pa thugs su chud pa/ thams cad mkhyen pa'i 'phags pa nyan thos kyi dge 'dun rab tu zhi ba dang/ tshul khrims dang thos pa dang/ ting nge 'dzin dang/ bzod pa dang/ byams pa dang/ sbyangs pa'i yon tan dang ldan pa/ nyon mongs pa'i rab rib dang/ ling tog ma lus par bsal ba/ 'khor ba'i rang bzhin rig pa dang/ phyogs phyogs kyi gtsug lag khang dang/ kun dga' ra ba dang ri dang nags 'dab dang/ khrad khrod dang/ chu dang ba ri sul dang/ gsher sa dang/ ne'u sing dang/ shing gi grib pa rnam pa sna tshogs la dgyes pa/ yul dang ljongs du ma la phan gdags par rtsol ba mdzad pa/ yang dag pa'i dran pa dang/ ting nge 'dzin dang/ dga' ba thob pa las ma nyams pa phung po lnga spyir skad cig par yang dag par so sor rtog pa'i yid la byed pa bskyed pa/ mdo dang 'dul ba dang/ chos mngon pa dang/ skyes pa'i rabs dang/ gleng gzhi dang/ tshigs su bcad pa dang/ rtogs pa brjod ba dang/ de lta bu byung ba dang /
- 407a
gtan la dbab pa'i gtam gyis sems sbyangs pa/ rang gi lus dang ngag dang yid kyis 'jug pa dran pa nye bar gnas par rgyu ba dbang po dang/ stobs dang/ byang chub kyi yan lag dang/ bden pa dang/ 'phags pa'i lam dang/ dran pa nye bar bzhag pa goms pas dad pa thob pa la tshe rabs gzhan dang gzhan na bsags pa dge ba'i rnam par smin pas grub pa/ ji ltar 'byor par nus pa dang mthun pa'i rtsom pas tshogs bsags pa/ phan yon lnga'i rgyu sems can thams cad gnas par byed pa/ 'jig rten pha rol tu bde ba thob par byed pa/ kha dog dang ro dang dri dang reg pa dang ldan pa/ yid du 'ong ba gya nom pa'i bza' ba dang bca' ba dang/ ldag pa dang/ rdub pa dang/ gzhib pa la sogs pa zhal zas bshams par bya pa rnam pa sna tshogs zhal zas khyad par can gyis spyan 'dren to/ /de la thog mar bcom ldan 'das shAkya thub pa yongs su mya ngan las ma 'das pa'i tshe/ gang dag ye shes kyi mes nyon mongs pa'i shing thams cad ma lus par bsregs pa/ stong pa'i ngang las tshul can gyis sbyin pa'i sa bon 'phel ba'i rgyur gyur pa phra ba gzigs pa mkhas pa de kho na la bsgoms pa 'di lta ste/ gnas brtan pa ra d+ha dza bsod snyoms len dang/ 'phags pa sgra gcan zin dang/ sbyin byed dang/ lam brtan dang/ skyed byed dang/ gser be'u dang/ rtogs byed dang/ rdo rje can gyi bu dang/ 'phags pa bsrung ba'i klu dang/ klu sde la sogs pa slob ma bstan pa gnas par bya ba'i phyir gnod par gyur kyang lus kyi khur khyer ba rnams dang/ gzhan yang gang dag sum cu rtsa gsum pa'i skye po la phan pa'i phyir/ gser gyi rdo leb chen po'i steng na 'dug pa'i rig sngags 'chad du ma glu len pas glang po che yur la bung pa'i mchu pad+ma la 'jib cing 'khod pa'i man da ra ba'i rdzing gi chu dang
- 407b
?/ /ldan zhing yal ga gsal ba'i steng na rin po che'i me tog gi phreng ba bris pa'i shing yongs 'dus kyis kun tu mdzes par byas pa'i ri'i lhun po 'bab chu 'bab pa'i sa gzhi la 'khod ba rnams dang/ yang gang dag gser gyi ri rkeng nas bsil ba'i chu 'bab ba/ /chu la zla ba'i gzugs brnyan byung gyur cing/ zla ba'i 'od kyis ku mud kha phye ste/ /ku mud tshal na skad snyan ngang pa gnas/ /deng mo mtshe'? na sgra skad snyan pa 'byin/ /mtsho dogs rma bya dgar bcas rgyags pa gnas/ /rma bya rgyags sgras ri sul snyan pa grags/ /ri sul yal ga glags bas ri rtse 'khrigs/ /ri rtse stong rnams na ni sbrin chags la/ /lang ling sbrin gyi sman ljongs khra khro snang/ /sman ljongs skyes pa'i nor bu ldum bu gsal/ /ldum bu las zul lhung ba'i me tog ldan/ me tog rgyas pa'i dpag bsam shing tshal mdzes/ /mdzes pa'i lha mos gser gyi phag skad drung/ /gser gyi phag skas sgras ni bya 'drogs shis/ /byas 'chos shing tog rtsa las chad cing brul/ /rtsa 'phyang khu zags pa sbos kyi dri/ /spos glang dbang po 'dreg zag dri rab zhim/ dri rab zhim pa'i li shi ri 'khor mang/ /bal glang mo rlags drag 'gro lang long gyur/ /bung ba'i khyu yis me tog zas gyur cing/ /yal ga me tog rgyas par gad ba dkar/ /gad pa chad pas nor bu'i dum bu snang/ /me tog mgo lcogs brul bas rnam par bkra/ nor bu gsil ma mang pos ril gzhol spras/ /me tog chegs pa'i shing gis yal gar gnas pa'i dung ba dga' bas 'phur rnams dang/ /zla ba'i 'od zer dkar po dang ba lta bus nye 'khor rdo ba chag chag btab/ /lhun po mtho ba'i ri la thub pa gang dag rab tu zhi ba'i thugs kyis bzhugs/ /de dag dri med zla ba 'dra'i grags ldan 'di yi sbyin pa'i gnas la brten du gsol/ /rgya mtsho'i nye ba'i chu 'gram ri bo ma la ya'i/ /ri ngos tha mal sbal mig mthon pa'i
- 408a
phreng ba can/ /sbrul mang 'khrigs pa'i tsan dan shing gi nags tshal na/ /brtan pa gang dag bzhugs par gyur pa de dag dang/ /nyi ma'i rta yi rmig pas rdo bcag cing/ /mi 'am ci bu mo phrugs kyis nyams dga' la/ /ri sul mthon po dpag bsam nags mang dang/ /ri sgab rnams na gang dag bzhugs pa dang/ /shing gi me tog 'brul bas dri zhim byas pa'i gser bu dang ldan zhing/ /nags na glang po dregs pa zag pas bsgoms pa'i rin chen 'khri shing khyim/ /khyim la chags pa med pa'i lha yis brten pa'i bsod nams chu gling gi /gnya' shing 'dzin khri bya rgyags khyu gnas pa na gang dag bzhugs pa dang/ /ba lang mos bsnyogs snang ba rtsub 'gyur tshal/ /me tog ldan zhing bser bu ngad ldang ba/ /sa hya ri bo ngos rab yangs pa la/ /yongs dag thugs mthar thub pa bzhugs dgu dang/ /pad+ma utpal rgyas pa 'byung ba'i gnas/ /nyin re nyi ma'i shing rtas rdos snad can/ /srid pa'i 'jigs bral rab tu yid 'ong ba/ /'char ba'i ri steng gang dag bzhugs pa dang/ /ri yi rtse mos sngo bsangs sprin thal sman ljongs can/ /ngogs ldan chu bo mnad? ras ni ri sul bkrus/ /glang po'i che bas bsnyoms pas phyogs rlog pa'i ri/ /'bigs byed rma bya rgyags gnas ba na bzhugs dgu dang/ /sna tshogs 'byung gung tshon gyi kha bsgyur phug dang ldan zhing sprin kyang chags gyur la/ /ko lpags ldan pa gtsang ma'i chu yi dogs kyi rdo ba mang po bkrus gyur cing/ ngos la ba lang mjug ma mang po dag gis 'chang zhing glog 'gyus snang byas pas yongs 'dus ri rtse phrag na gcig tu sred dang bral ba gang dag bzhugs pa dang/ /yang gang dag shing dang 'khri shing dang 'khri shing rnam pa mang po 'dab chags sar gnas pa/ ne'u sid 'jam la sngo ba'i steng na rma bya'i khyu gar byed cing/ sgra snyan pa 'byin pa ri dags kyi tshor ? ba g.yangs su
- 408b
gnas ba'i sos bcad ba'i rtswa'i myu gu yod pa me tog dri zhim pos bsgos pa'i bser pu 'jam zhing bsil ba'i bad ldang pa'i nags 'dabs rnams su gnas bcas te bzhugs pa rnams dang/ yang gang dag dus su rlabs 'byung ba'i chu yi dpa' rlabs kyis g.yengs pa'i na le zham dang li shi dang la ba la'i 'bras bu sngon po mang po 'khrigs pa'i tshal dang a ka ru'i shing khrod na gnas pa'i sbrul mgo'i gdengs ka gdengs shing 'jigs su rung ba yod pa/ glang po che drags pa dang bcas pa'i gnas byu ru'i sdong bu bsgyel ba dang ldan zhing/ nyi ma'i 'od zer gyis reg pa'i dbang gis mu tig yod pa'i nya phyis kha bye ba'i thog mas rnam par spras pa nye bar 'bul ba dang ldan la nor bu mchog gi rdo la grub pa'i chung ma'i skye bo gnas shang bya'i khyung dga' ste sgra 'byin pas glu len pa lta bu yod pa'i rgya mtsho'i gling dag na/ klu'i bdag po'i lus chen pos sku dkris te/ gdengs ka'i gdugs kyis nyi ma'i 'od zer bsgribs shing bsam gtan mdzad pa rnams dang/ sman ljongs dag na phyogs kyi glang chen brang gi rdo ba khebs pa'i khyu// 'khor bcas lhan cig ma yin nga ngor gyur pa'i gnod sbyin mo dag gnas gyur la/ /klu yi rgyal po mgo bo bstod de kho nas 'od 'bar 'byung bas shing sreg cing/ /gangs ri ti se la ni blo gtsang gang dag zhal ston mdzad cing bzhugs pa dang/ /rgya mtsho'i rlabs kyis bshal ba'i ri sgab ldan pa ma smad ba/ /ri bo man da ra la nyin phyed tshun chad bzhugs bzhugs shing/ /nyi ma phyed par gyur nas gang dag gzhan du bzhugs pa'i phyir/ /nor bus rtse mo bkram pa'i khor yug ri la brten pa dang/ gang dag 'khri shing gzhon nus rdo ba khebs gyur pa'i/ /dbang chen rtse mo nyid du 'ong bar bder gnas te/ /mkha' lding shugs kyis nang du klu rnams dkrugs pa yi/ /rgya mtsho rin chen gnas la rnam par gzigs pa dang/ /dang pa'i tshogs can shin tu gtsang ba drag 'bab char gyi chu
- 409a
yis ri sgab bkrus gyur cing/ /myogs kyi glang pos bsgyel ba'i sa la ki yis rdo pa chen po mang po khebs gyur pa/ /gcan gzan dbang po ral pa 'khyil cing gsal bas dpung pa'i phyogs 'bar nyal bas dgar gyur cing/ /sbal mig mthon pa'i lcug mas 'khor bas grub pa ngal sos ri bo bkron dzar gang gshegs dang/ /gang dag mun bsal khyad par can gyi blo mnga' shing ljon sna tshogs me tog rgyas gyur cing/ /ri dags rgyu bas ne'u seng gzhon snad pa/ /gzi rngo nags rnams mi spong bzhugs pa dang/ /yang gang dag nub kyi ba lang spyod dang/ shar gyi lus 'phags po dang/ byang gi sgra mi snyan dang/ gling gzhan dag na skyes pa'i lcug phran mdog snum zhing sngo la 'jam pa mang pos sa gzhi kun tu khebs pa/ /shing gi grib me'i dkyil 'khor bsil ba dang/ 'khri shing gis 'khor cing/ ri dags mang po gnas pa'i nags tshal de dang de dag na bzhugs pa rnams dang/ yang gang dag dar da dang/ gan dar dang/ gu zan da li dang/ shi ri da dang/ ba le dang/ bri sha dang/ kha che'i yul dang/ rgya yul dang/ grong khyer zas 'dra dang/ rdo 'jog zas 'dra dang/ skyes pa'i grong khyer dang/ phyogs mtshams dang/ kun ti ma la ba dang/ srung byed dang/ grong khyer dang/ tsha thu ka dang/ tsha ta dang/ b+ha du skad tsha dang/ ko shAm ba'i dang/ ser skya'i gnas dang/ mnyan yod dang/ mi thub pa dang/ grong khyer me tog dang/ ti? ra dang/ bcom rlag dang/ grong khyer longs spyod dang/ tsam pa kaM dang/ rgyal po'i khab dang/ dbang po'i brag phug dang/ 'brog dang/ ko na'i grong dang/ kun dga' i grong dang/ mchod rten gyi grong dang/ 'khrur bcug gi grong dang/ yangs pa dang/ li kha ri shing 'phel ba dang/ 'phel byed dang/ zangs kyi g.yogs dang/ rdo snyogs 'dzin dang/ ko sa li dang/ an dra dang/ a long? ga dang/ bar ba dang/ nas gling dang/ sing ga
- 409b
la'i gling dang/ ka la sha'i grong khyer dang/ gser gyis dang/ ha ri ka la dang/ bo ra sha ka ta ha dang/ na li ke ra dang/ phan sa'i gling dang/ shur pa dang/ ni? ma pa'i grong khyer dang/ dpal gyi shing dang/ dngul chu'i gnas la sogs pa/ yul dang/ cha byad dang/ ? ? dang/ gnas pa dang/ cho ga dang/ rigs dang/ rus dang/ tshul khrims dang/ tshul khrims can du ma'i yul mi gnas pa'i yul gzhan dag na bzhugs pa rnams dang/ gang dag sngon chad nyi zla'i 'od kyis ma phog cing/ /she sha sprul gyi lus kyi 'obs gnas ri'i drung/ /de yi gtsug gi rin chen 'od kyis mun bsal ba'i/ /sa 'og tu ni ring por mi thogs gshegs gyur dang/ /gang dag chu ltar sa la thogs med bye'u zul mdzad pa dang/ /gang dag sar gnas phyag gi rtse mos zla ba ?? mdzad dang/ /gang dag bya ltar nam mkha' la ni shugs kyis rgyu mdzad cing/ /na bza' i tha mas sprin thang reg pas sprin ling 'jigs mdzad dang/ /gang dag lha dang klu dang grub pa dang/ /'khor gyi tshogs rnams kyis rtag tu mchod pa'i ri 'jigs med dang/ bung ba'i ri dang/ chu srin byis pa gsod kyi ri dang/ ri nag po dang/ gnas kyi ri dang/ ser skya'i ri dang/ me tog ri dang/ tsan dan gyi ri dang/ klu'i ri bo dang/ tsan dan gyi ri bo dang/ tsher ma'i ri bo dang/ lha yul babs dang/ a sa sim+b+ha dang/ /kun dga' stong ldan dang/ ri? bo'i rgyal mtshan dang/ bzhi bkrus dang/ rang gi mchod rten dang/ sa lu spungs ldan dang/ pho brang 'khor dpal yon can dang/ bya rgod kyi phung po dang/ ri dags kyi gnas dang/ ka sho da dang/ gtsug lag khang gsar ka ni sa ka sha nyi la sogs pa cho 'phrul rmad du byung ba sna tshogs dang ldan pa rnams dang/ dar ma ra dzi ka'i mchod rten du ma dang/ sangs rgyas bzhi'i gdan khri yod pa bsod nams su gyur pa'i sa phyogs rgyun ma 'chad par klog pa dang/ kha ton dang/ bsam gtan dang/ ting nge 'dzin
- 410a
dang/ snyoms par zhugs pa dang/ tshul bzhin yid la byed pas 'jug pa dag pa'i dgra bcom pa rnams bzhugs bzhugs pa/ chos gos dang bsod snyoms dang/ mal cha dang/ na ba'i gsos sman dang/ yo byad dang/ mtshon cha rnams kyis legs par byas pas/ mdza' mdza' na/ na'i chu'i gnas yod pa la nye bar spyod pas nyams dga' ba/ bde bar gshegs pa'i zhabs kyis bcags pas gtsang bar gyur pa'i sa gzhi can/ zhi ba thub pa'i skye bo gnas pa rnams na/ de kho na bsgoms pas nyid kyis ting nge 'dzin bskyed pa/ tshe'i lhag ma gnas par mdzad pa rnams dang/ /gang dag glog 'gyu bya gar dag gis sku lus bkra byas sprin snum 'dra gyur nas/ /bkres pa'i sdug bsngal snod gyur mnga' rtse rnon po lta bu'i spu yis rab gang zhing/ /bsgom pas mig zhu me stag bcas pa'i me rnams kyis ni kun nas lus bskor ba'i/ /yi dags gnam du lta ba rnams la thugs rjes steng nas char gyi rgyun 'bebs dang/ /rin chen bye ma'i phreng bas gya gyur dkrigs mtho la/ /ngang khyu bag yangs gnas shing lang long nyal gyur cing/ /chu dang nye bas chu yi zegs mas bsil gyur pa/ /ma na sa yi mtsho gling bsam gtan mdzad dgu dang/ gang dag mi ro mang po'i sha dang khrag gi ro bro ba sa dga' bar gyur pa'i kha'o tshogs kyis gang bar gyur pa'i sa phyogs mgo'i thod pa gas nas tshil thigs zag pa'i snum gyis mched pa'i mes tshig cing/ rang gi me lces shing bcer bar skams shing rnyings pa'i lag pa dang/ rkang pa dang/ so dang/ skra'i dum grugs kyis gang zhing/ zla ba dri ma med pa'i 'od lta bu'i keng rus kyi phung po yod la/ skad cig tu ro langs byung nas/ a la la a la la zhes sgra 'byin cing/ me stag dang bcas pa'i gang mo drag pos 'byung ba 'khrugs shing skrag par gyur pa/ lce
- 410b
spyad ma bzad pa'i kha nas/ du ba dang bcas pa'i me lce 'byung ba'i dur ro khrod chen po dag na bud med kyi ro spos shing lto sgang der gyur pa'i steng na 'dug cing/ /dga' ba'i bya rgod kyi mchu dang/ sder mos lto 'brad cing lto'i nang nas srin bu'i rigs rnams gnas pa/ ce spyang gi stobs kyi shugs kyis drangs pa'i nang grol dri mi zhim pa'i dum bus 'khor la/ bya khwa bkres pas mig gis sha brus pa dag la gzigs shing/ rtag tu mi sdug pa bsgoms te/ gang dag kha cig ro'i gnas mal dong nas ni/ /khrag dang sa chags dmar zhing rtsub pa'i skra 'khyil dang/ /bya yi mchu dang sder mos rmig skog brus pa lnga/ /mi ro bor ba'i lus la gzigs par gyur pa dang/ /sgo dang srang bar la lang? me 'bar me lce'i rtse mo mang pos mgo rmongs shing/ /ral gri gtun dang rdo bas bsnun cing brdungs nas skye ba'i ku cha 'don gyur la/ gshin rje'i pho nya snying rje med pa sded cig zer ba'i bzang rlag sgras gang ba'i/ /sems can dmyal ba rnams suAng srog chags 'don phyir gang dag skad cig 'jug pa dang/ gzhan yang shA ri bu mi'i dug mangs? glang po che 'khrugs pa'i mdun lags na yal ga bregs pa'i sdong bu yod pa/ phyogs kyi bar nas rlung chen po langs pas 'ong ma'i tshal bskyod nas 'khri shing gi dra ba dang 'dud pa las me byung ba'i me lces shing mchog sna tshogs tshig nas ri dags dang/ phag rgod mchog mgyogs pa brgya dag skrag cing mgo rmongs pa yod pa shing lo mang pa lhags shing rnyings pa can/ bsil ba'i grib ma seng seng med pa/ nyams dga' ba'i longs spyod yod pa/ nags kyi ma he dang phag rgod kyis me tog u ta pa la dang/ pad+ma dang/ ka la ra bskyod pas chu dri zhim por gyur pa'i mtshe'u 'gram na/ shing la spre'u khyu gnas pa nye 'khor gyi ri las chu rlabs mi grags par 'bab pas 'khor nas/ ni'u sing mod pa'i sa gzhi yod pa'i 'brag dag? na
- 411a
zhi ba'i bdag nyid can/ 'chag pa dang/ klog pa dang/ kha ton dang/ bsam gtan la mngon par brtson pa/ gang dag bag med pa'i gnas/ dar la bab pa bsil bar mdzad pa rnams dang/ ri bo rdo leb che zhing yad la rab tu bsnun pa 'dra gyur cing/ /glog gi phreng bar me tog yod la 'ja' yis bkra ba'i bdag nyid can/ /chu bsil sprin chags rnams la chu 'bab zer phran chags pa'i gzi ldan can/ /bser bus na bza' g.yo ba gang dag nyi ma'i gung la bzhugs pa dang/ /de bzhin du rtag tu goms pa'i lam nas 'dod pa'i glang po'i khyu'i rmig rjes yod la nags kyi ma he 'khrugs pa'i rwas grog na khang chen po bshag pa'i shol gyi khung bu nas/ /sbrul gyi lus phyed byung ste/ nags kyi rlung 'gam pa yod pa/ spa tshal stug po dang/ ldam bu dang/ shing ka sha stug po'i khrod na/ stag zung du gnas pa can/ phag rgod kyi snas rlogs pa'i gla rgad gi rtsa ba 'dzin sa? pa ral pa ltar 'dug pa yod pa shing ni rtsu la'i me tog brul/ rdo ba tsa dmang bar gyur pa yod pa/ shong? gi phyogs su ri dags kyi khyu 'dam rdzob la thogs pa yod pa/ shing lo sngon po stug por skyes pa mang po yod pa'i/ gsher ba'i chu rgyun dag mngon par dgyis shing dge ba'i phyogs ston pa rnams dang/ rin po che'i 'od zer gyis chu rtsa dmar bar gyur la/ thugs bsam gtan la zhen pas dpag bsam gyi shing gi lcug mas rtse mor rag pa'i ri spos kyi dang ldang gi sul na rtsol ba med pa gang dag bzhugs pa dang/ gang dag seng ge bsgyings pa yod pa/ ri dags rgyu ba dang ldan par chu 'dus te 'bab pa yod pa g.yos pas steng gi rtse mo ldem pa'i sdabs? kyis skar ma'i tshogs 'phangs pa/ sa'i steng na lci ba lhun po yang lcug phran la bya ba bzhin du sgrim mi dgos par/ zhabs kyi sod mos sa'i 'og gi rmang dang bcas
- 411b
par gsal bar 'phen pa dag dang/ ting nge 'dzin thob pa gang dag char pa'i chus rdol ba'i bu ga du ma nas nyi ma'i 'od zer byung ba/ zla ba lta bu yod cing/ rmad rdo? dang/ rtsig ngos shag shig tu gyur pa'i mtshams su pa brgya chags la/ sbrul gso rlung gis gang ste slad der 'dug cing 'greng ba rtag tu yod cing/ nags kyi ri dags kyi lces cha sgo rdul can rtsub mo 'dag pas/ shing rtsa seng seng por 'gyur ba yod la/ rtsig mang du srin bu go de'i tshogs ring nas gnas par gyur cing/ sre mod? mgo bstod do phyogs su blta bas byi ba skags pa yod la/ nang du rtswa sngon po stug po skyes pa'i 'jag ma'i drung gi gseb na phya ma leb rgyu ba yod cing/ 'ug pa mang po sgra 'byin cing glu len pa lta bu yod pa'i grong stong sus kyang ting nge 'dzin ma byas pa rnams na/ ston pa'i bka' nan tan gyis bsgrub pa rnams dang/ gzhan yang gang dag g.yag gis rmig pas rdo bcag yod cing sprin ldings ldan gyur la/ /mthu mar sa ra la dang thang shing skyes la chu bsil mi khebs 'bab yod cing/ /bsam gtan zhen pa'i glas na kha ba bab pas chos gos lci zhing zag gyur kyang/ gangs ri dag gi ltong na 'gro ba shing gi drung du bzhugs par dgyes pa dang/ /nang na chu srin 'khrugs te/ g.yas pas nya rnams kun 'byer zhing/ /skom pas gshong du 'khyil par sprul dbugs phyung bas rba rlabs rgyun chad pa'i/ /rgya mtsho la yang mtshan mo brtan pa gang dag 'chag mdzad pa/ /snod gyur dag nyid thugs ldan gtsang ma'i lhung bzed phyag bsnams shing/ /bsod nams ldan pa'i sku lus na bza' chos gos rab tu gos pa de dag sang gi gdugs ni nam gyi gung du phyin pa na/ /gaN+Di bsdungs pa'i sgra snyan skad gsang grags par gyur pa'i tshe/ /bstan bcos sna tshogs kyi de kho na goms pa'i chu blugs pas mi shes pa'i sems kyi dri ma bkrus pa'i mkhas pa'i tshogs 'dus pa/ nyi ma shin tu mang po nas
- 412a
'dres pa'i spros pa bcas pa/ bde bar gshegs pa'i gsung rab rin po che'i sgron? du gyur pa/ dge ba'i tshogs bdud rtsi'i btung ba bzhi po/ /ye shes kyi gser ma gtogs pa bdar ba'i bdar sngon por gyur pa/ legs par spyad pa stong gi? tshogs bsags pas grags brgya che ba dang ldan pa/ sbyin bdag chen po bdag nyid chen po can/ ston gyi nam thang ba lta bu'i yid dang ldan pa/ ming 'di zhes bya ba'i nga'i gnad du/ ma he'i rwa ltar sngo zhing dri med mkha' las nya phur/ /gzi brjid kyis ni nyi ma'i 'od zer stong mthor zhing/ /mngon du phyogs nas 'ong ba'i sprin ni dral nas su/ /skye bo 'am? phyir thub rnams sang 'dir gshegs su gsol/ /rgyun mi 'chad par ting nge 'dzin dang/ klog pa dang/ 'chag pa dang/ skye bo bla ma la brten par mngon du dga' ba'i blo gros dang ldan pa/ mya ngan las 'das pa'i lam gyi rjes su mthun pa/ kha na ma tho ba med pa'i rig pa gsum rab tu sgrub pa/ nyon mongs pa las grol par 'dod pa'i dge slong gang dag 'di na gnas pa/ 'dul ba'i cho ga la goms par lus dang/ ngag dang/ yid kyi 'jug pa ni ba dang ldan pa de dag kyang ma lus par ci gder? ngo? mod kyi mtshan mo zad par mdzad la/ 'di nyid du gnas mdzod cig /thub pa'i sras mo shes rab zhing dngul? bas brgyun pa'i dge slong ma/ thu dang gling dang klung dang nags dang ri rnams spros pa'i bsam bral gi/ /'dod chags zhe sdang gti mug dri bral zhi 'os 'gro ba'i ma lta bu/ /de dag dgyes par mdzod la sbyin bdag phan bar bzhed pas sad 'dir sbyon/ phyag na rdo rje ba sogs pa la gnod sbyin gtso po dang/ /grub pa rnams dang gang dag lha ma yin dang klu rnams dang/ /sangs rgyas la ni rab tu dad pa'i lha mchog gang yin pa/ /de dag rnams kyang sbyin bdag 'di la phan phyir sad 'dir sbyon/ /lha dang klu dang gnod sbyin dang/ rig sngags 'chad par grub
- 412b
rab dag me'am ci dang/ nam mkha' lding la sogs pa 'byung po chen po rnams dang/ stobs bcu mda' ba' i yon tan bsgrub pa dang ldan pa rnams kyis kyang/ dam pa'i chos gnas par bya ba dang/ /sbyin bdag chen po bdag nyid che ba 'di/ snod bzang po la sbyar ba dang/ sbyin bdag chen po 'di la grogs bgyi bas nyid kyis dag pa'i yon tan skyed pa la nan tan mdzod cig/ rgyun mi 'chad par bsrung ba dang/ bskyab pa dang/ bskyang pa la brtson par mdzod cig /yang dul ba dang/ tshul khrims dang/ thos pas shin tu che ba'i 'phags par dge slong gi dge 'dun 'dus pa la gsol ba 'tshal lo/ /lhun po las byung sbrul mgo lnga 'dra rdo rje ka na ka/ nya dang gdugs dang 'khor lo dag dang lcags kyu'i mtshan mnga' ba/ /pad+ma gsar gyi dpal ldan phyag sor srab srab mos 'brel/ /sen mo'i 'od kyis khyab pa rgyal ba'i phyag gis skyob par shog /sred pa'i 'dod chags nyon mongs zhags pa bsal cing sred med la/ /chu yi chu gtar lta bur yon tan rnams kyis gnas gcig po/ /thub pa'i sras mchog dge 'dun bdag gis gus bar spyan drangs pas de ring? dge ba gang bsags de ni byang chub thob gyur cig /ji srid mkha' la 'od dro 'od kyis gsal ba rnam par snang byed cing/ /ri dags rtags can 'od kyi ral pa'i dkyil 'khor ldan pa 'char ba dang/ /rgya mtsho rgyas par gnas pa de srid lha dang lha min phyag byas pa'i/ /bde bar gshegs kyi bstan pa thogs pa med pa sal? gnas par shog /gnas brtan spyan drang ba slob dpon b+ha ba kanda da sya zhes bya bas mdzad pa rdzogs so// //A tsarya dzi na mi tra dang/ bande ye shes sdes bsgyur cing zhus te gtan la phab pa'o/ //dgra bcom pa dge 'dun 'phel gyi lung bstan pa/ //dgra bcom pa dge 'dun 'phel gyis lung bstan pa/ 'phags pa 'jam dpal gzhon nur gyur pa la phyag 'tshal lo/ /'di skad bdag gis
- 413a
slob dpon gyis bshad pa thos pa na/ yul 'di'i gtsug lag khang brung? zhes bya ba'i dgra bcom pa dge 'dun 'phel zhes bya ba gsum rig pa/ mngon par shes pa thob pa/ rnam par thar pa brgyad la bsam gtan pa zhig tu gzhan zhig na/ slob ma zhig dang thabs cig tu dbyar zla gsum 'jig tshogs kyi ri zhes bya ba la bzhugs te/ slob ma bande? chos 'dul ba slob pa zhig lags na/ sangs rgyas mya ngan las 'das nas lo nyis stong lon pa dang/ sangs rgyas kyi bstan pa rgya gar gyi yul kau shAm bI zhes bya bar nub par 'gyur ro zhes thos nas 'di snyam du/ rgya gar yul gyi chos dus de tsam zhig na/ yul kau shA ma bIr nub par 'gyur blta zhig na/ li yul la sogs pa gzhan gyis chos yun ji srid cig tu gnas par 'gyur/ nam 'jig rkyen ni gang gis 'jigs par 'gyur snyam du the tshom skyes so/ /de na dgra bcom pa de phyed 'phred kyi dus kyi tshe nang du yang dag 'jog pa las bzhengs pa dang/ slob ma des mkhan po'i zhabs la yan lag lngas phyag 'tshal nas 'di skad ces the tshom zhus so/ /slob dpon ston pa bcom ldan 'das shAkya thub pa'i bstan pa lo nyis stong nas 'jig par lung bstan na/ li yul 'di la sogs pa yul gzhan gyi bstan pa ji srid du gnas par 'gyur/ nam 'jig/ rkyen gang gis 'jigs par 'gyur ba lags/ de nas mkhan pos bka' stsal pa/ bu khyod kyis li yul la sogs pa'i skye bo mang po'i don dang/ bde bar gshegs pa'i bstan pa yun ring du gnas par bya ba'i phyir the tshom dris pa legs kyis/ legs par nyon la yid la zungs shig dang/ li yul la sogs pa'i bstan pa ji srid du gnas par 'gyur/ nas 'jig pa dang/ rkyen gang gis 'jig par 'gyur ba ngas so sor lung bstan par bya'o/ /bcom ldan 'das shAkya thub pa'i bstan pa ni bcom ldan 'das mya ngan las 'das nas lo stod lnga brgya lon pa dang yul yul du dad pa med pa rnams
- 413b
'byung zhing dam pa'i chos 'jig du rgol lo/ /de'i tshe li yul 'dir dad pa med pa'i rgyal po yang 'byung bar 'gyur zhing/ yul yang rgyal pos phan tshun rto/ cing 'phrogs par 'gyur ro/ /de phyir chad ni yul yang nyin cig bzhin du nyams par 'gyur/ grong dang gtsug lag khang la sogs pa yang phal cher stongs par 'gyur/ mi rnams kyang nyin cig bzhin du phyir yang dkon mchog gsum la dad pa 'bri bar 'gyur ro/ /rgyu des na dkon mchog gsum dang/ chos smra ba dang/ bsam gtan pa kun kyang mchod gnas su mi byed cing/ mu stegs kyi rgyal po dang/ blon po dang/ yul 'dzin pa dang/ khyim bdag rnams kyang chos mi mthun pa'i phyogs 'dzin cing dge ba bcu'i las kyi lam yal bar 'dor bar 'gyur ro/ /chos dang mthun pa ma yin pa dang/ ma rtags pa dang/ bab chol gyi longs spyod kyang sogs par byed par 'gyur ro/ /de nas de'i 'og tu dge slong dang/ dge slong ma rnams 'tsho ba'i yo byad kyi phyir g.yan spyo bar 'gyur te/ chos 'dul ba las 'byung ba dge sbyong gi tshul dang spyod pa zhi ba dang/ dul ba dang/ ngo tsha shes pa dang/ khrel yod pa la sogs pa yal bar 'gyur zhing/ zhing dang/ ldum ra dang/ nyo tshong dang/ skyi ba rnya dang/ slong mo ba rnams kyis 'tsho bar byed do/ /khyim pas bslab par bya ba'i bzo dang/ khyim gyi so nam dang/ 'thab rtsod dang/ sgo gsol rngams po che yang byed par 'gyur ro/ /pho nyar yang 'gro bar byed/ las kyi go 'phang dang/ rtsa 'jid yang tshol bar byed par 'gyur te/ de'i tshe gtsug lag khang dang/ dgon pa la mi gnas shing bde bar gshegs pa'i gdams ngag yal bar bor te/ yang dang yang du mkhar dang/ grong dang/ tshong dus dang/ srang dang sum mngon gnas par sems dga' bar 'gyur/ bran dang bran mo dang/ rkang 'bros kyang tshol bar byed do/ /rgyu nges khyim bdag dang/ yul 'dzin pa dang/ blon po la sogs pas kyang de dgang rim gro mi byed cing/ dad pa phyir log nas/ dkon mchog dang
- 414a
dge 'dun gyi dkor la yang 'phrog par byed do/ /khyim pa de dag gis kyang nor rdzas de dag la brten cing spyad pas bsod nams 'bri bar 'gyur ro/ /rgya des na li yul la sogs par gnod pa sna tshogs 'byung zhing lo re bzhin dma' bar 'gyur te/ rtsod pa dang nad dang/ dus ma yin pa'i chang dang rlung dang/ dgra mang po yang 'byung bar 'gyur ro/ /dus ma yin pa'i sa de dang/ srin bu dang/ bya ba dang/ byi ba yang 'byung bar 'gyur ro/ /de'i tshe na sems can rnams mi mthun par 'gyur zhing dus tshigs kyang 'tshol bar 'gyur te/ de ltar na yul gang dang gang du chos lugs pa bde ba de dang der ni gnod pa de dag 'byung bar 'gyur ro/ /de'i tshol yul la sogs par rgyal po dang/ blon po la sogs ya rabs las kyang dkon mchog la snying thag pa nas dad pa 'ga' las mi 'byung na phal pa lta smos kyang ci dgos te/ rgyu de lta bus li yul la sogs pa'i dkon mchog gsum gyi mchod gnas thams cad kyi thams cad du smeg med par 'gyur ro/ /de nas la yul la srogs par dge slong gi gnas sdom rgyal po la sogs pa dad pa can gyis byas pa yang blon po la sogs pa dad pa med pa rnams kyis btsan phrogs su phrogs nas bdag nyid gnas par byed do/ /dge slong rnams kyang 'khyams nas 'tsho ba dang/ chos gos dang gnas kyis 'phongs par 'gyur ro/ /blon po la sogs pa de dag gis dge slong gi zhing chu dang/ ldum ra la sogs pa yo byad rnams kyang btsan thabs su 'phrog par byed/ lha 'bangs dang/ nang gi g.yogs rnams kyang dge slong gi dag mi nyan cing gnya' rengs su byed par 'gyur ro/ /de nas dge slong rnams kyis kyang de lta bur zhes nas yi mug ste/ li yul gyi dge slong rnams phan tshun du gcig 'di skad du yu bu cag rnams gtsug lag khang tshar ma zhes bya ba dang po chos 'byung ba'i
- 414b
gnas der 'dus te/ dpyid zla tha chung tshes bco lnga'i nub mo gso sbyong byas nas gcig la gcig 'di skad du yu bu cag rnams sngon bag med par gyur nas mkhas pa chos dang mthun pa rnams la dbang zos pa'i rgyus da ltar khyim pa rnams kyis kyang rtsis med par byas te/ nga ni 'tshe ba yang mi 'byor na da phyin chad gang du 'dod/ thabs ni gang gis 'tsho bar bya zhes smra ste/ de'i tshe thams cad kyi tshe de chen po 'debs par 'gyur te/ de nas de'i tshe bde bar gshegs pa'i bstan pa bsrung ba'i lha/ bcom ldan 'das kyis byas pa gzo ba thams cad kyang gtsug lag khang der 'dus te gcig la gcig blta zhing 'di skad du bde bar gshegs pa'i bstan pa ni yun ring po mi gnas so/ /yul 'di yang stobs par 'gyur ro zhes mya ngan byed cing du bar 'gyur ro/ /de'i tshe dge slong de dag 'di snyam du yul 'dir ni 'tsho ba mi sbyor na 'di bor te yul gzhan du 'gro bar bya'o snyam du sems mthun par gyur pa gang du 'dod par bya zhes gros byas te/ yul te ba gzhan dang gzhan na ni dad pa med pa dag gis gang/ rgya gar yul du 'dod du na lam mthar bas bod kyi yul na dkon mchog gsum la mchod gnas su byed ces grags pas der 'gro bar byas nas/ nyi ma 'di la 'dod do zhes dus btab nas da'i nub mo gtsug lag khang tshar ma bzhag go nam langs pa dang/ bud med dad pa can zhig gis gdan chung la spyan drangs te/ de nas gaN+Di brdungs nas dge 'dun spyis gtsug lag khang bskor te mchod pa byas pa dang sangs rgyas kyi gzugs brnyan gyi gdan khri zhig gis pa'i gseb nas sgrom bu thar bas can zhig snang bar gyur te/ de nas sgron bu de phye ba dang/ de'i nang nas gser las byas pa'i kha zas kyi sder cha bdun byung ste/ dge slong kun gyis de blangs te/ 'brur bsgyur nas dge 'dun kun dbyar zla ba gsum gtsug lag khang tshang mar tshul du 'jug pa'i 'tshog sbyar nas chos? lhag ma las yul
- 415a
nas byung ste 'gro ba'i lam rgyags dang khur khal sbyar ro/ /dbyar zla ba gsum 'das nas/ 'di skad du yu bu rnams byin gyis brlab brlab ba'i yul 'di bltas la 'gro bar bya'o zhes smras te song nas/ 'phags pa sa'i snying po'i gnas gtsug lag khang ye shes ri zhes bya bar drung du phyin pa dang/ de'i tshe de na brag la mchod rten gyi 'og gzhi rnying pa zhig rdibs pa'i nang nas/ gser phor chen po mu tig gis gang ba zhig byung ba dang/ de yang blangs te 'brur bsgyur nas phyogs der dgun zla ba gsum gnas pa'i 'tsho ba sbyar te/ de nas dpyid byung ste 'gro ba'i dus la bab nas song ste/ shel chu 'og ma rgal ba dang/ yul mi bstod pa rnams kyis sa lam yogs su gdugs tshod sbyar nas/ nyi ma re re zhing gtsug lag khang dag tu gdugs chos gsol bar 'gyur ro/ /de'i tshe yul mi smed pa rnams kyis kyang dge slong rnams yul byung ste 'gro zhes thos nas dge 'dun de dag gtsug lag khang cong zhes bya bar spyan drangs nas/ zhag bdun gyi bar du bshos sbyor bar 'gyur ro de'i tshe li yul na gnas pa'i klu thams cad 'di snyam du bde bar gshegs pa'i bstan pa ni smeg med par gyur la thug go snyam du mya ngan byed cing bstan pa gnas par byas pa'i phyir char chen po phab ste/ char pa des gtsug lag khang cong zhes bya ba'i nang na mchod rten gyi gzhi zhig yod pa nas gser por gser phyes gang ba zhig byung ba dang/ de yang dge 'dun gyis btsongs nas dpyid kyi 'tsho ba'i yo byad rnams sbyor bar 'gyur ro/ /de nas yang yul mi smad pa rnams kyis gtsug lag khang sa la'i tshal zhes bya bar dge 'dun rnams spyan drangs nas zhag bdun gyi bar gyi gdugs tshod gsol nas/ zhag bdun lon pa'i nyin par yul stod smad kyi mi thams cad gtsug lag 'des? na bar 'dus nas dge 'dun la
- 415b
rdzongs dang khur khal 'bul lo/ /de'i tshe mi rgan rgon rnams ni bslab pa 'dzin par byed/ gzhon pa rnams ni rgyang nas lta zhing gang mos 'debs pa dang grogs byed par 'gyur ro/ /de'i tshe ma khang dge ba can gyi nang nas kyang mi rgan rgon kha cig gos kha dog bsgyur ba dang/ lam du 'jug pa'i yo byad so so nas thogs nas so so'i dge ba'i bshes gnyen dge slong gi dge 'dun du legs nas 'phags pa rnams bzod par bzhes shig ces smras shing mchis te/ phyag 'tshal bar 'gyur ro/ /de'i tshe mchod pa de ni dper na ku sha'i grong khyer gyi mi rnams bcom ldan 'das mya ngan las 'da' bar shes nas mya ngan byed pa bzhin du mchod pa byed pa dang 'dra bar li yul du dkon mchog gsum mchod pa'i tha ma yin no/ /de'i 'og tu dge slong rnams gtsug lag khang de nas bod yul ngos su chas pha dang/ lam kha na mchod rten rnying ba zhig gi drung du dpal lha mo chen mos dge 'dun gyi ched du gser gyi dod tse phu rung gang bzhag pa rnyed nas dge 'dun gyis bgos te lam gyi chas rdzas sbyor bar 'gyur ro/ /de'i tshe li yul gyi mkhar gtsug lag khang ka sar zhes bya bar rgyal rigs las skyes pa'i yon bdag gcig 'byung bar 'gyur te/ yon bdag des dge 'dun rnams zhag bdun mchod ston gsol bar 'gyur ro/ /de'i tshe mchod ston gsol ba de ni li yul du dge 'dun mchod ston gsol ba'i tha ma yin no// de nas dge slong rnams me skar gyi lam du zhugs te song ba dang/ de'i tshe dge slong pho mos gsar bu las cher rang rang gi slob dpon dang/ mkhan po la chos gos phul te bzod par gsol nas slar yul du ldog par 'gyur ro/ /dge slong pho mo gsar bu kha cig ni rab tu byung ba'i dngos po mi gtong zhing pha mal sogs pa'i gnyen skyel du 'ongs pa rnams la mya ngan gyi tshig smra zhing dus nas gnyen rnams phyir bzlog ste/ dge 'dun dang lhan cig tu mi dga' ba'i yod kyis phyir byin gyi brlabs pa'i yul dang
- 416a
gnyen gyi rjes bzhin du me skar gyi lam du zhugs te 'gro bar 'gyur ro/ /de ltar song ba dang de'i tshe rnam thos kyi bu dang/ dpal lha mo gnyis mchog tu snying rje skyes te/ 'brog mi pho gnyis kyi lus su bsgyur nas dge 'dun rnams spyan drangs te/ yul me skar du zla ba gsum gyi bar du gdugs tshod gsol te lam du 'jug pa'i yo byad ci dgos pa yang song bar 'gyur ro/ /de nas dge slong de dag mdo lo'i lam du zhugs nas ri dang lung ba'i su la gtugs te song ba dang/ 'brog dgon par lam stor nas ngu zhing phyogs bcu'i sangs rgyas kyi mtshan dang li yul gyi lha thams cad kyi ming nas 'bod par 'gyur ro/ /de'i tshe rnam thos kyi bu snying rje skyes nas g.yog dkar po sgal ba dang snal chu can cig tu sbrul nas/ dge slong de dag gi drung du 'ongs pa dang/ dge slong rnams kyi de mthong nas g.yag 'di na me'i khal g.yag cig yin te/ 'di'i phyi bzhin song na gdon mi za bar mi rnams dang phrad par 'gyur bas da ni mi 'chi'o snyam du yi sos te/ g.yag des kyang lam drangs nas gseb lam du byung ste/ tshal phyir bskyal nas gal gnyid mi snang bar 'gyur ro/ /de'i tshe dge slong rgan rgon mang po zhig ni lam kar 'chi bar 'gyur ro/ /de nas yul tshal byi'i bong rnams kyis dge slong de dag mthong nas bsu ste/ 'phral du yo byad rnams spyar nas bod yul 'dir li yul gyi dge slong mang po lhags na ji ltar bgyi zhes pho nyar gtong bar 'gyur ro/ /de'i tshe rgya rje'i bu mo byang chub sems dpa' i rigs can gcig btsas pa bod kyi rgyal ba'i khab tu len cing btsun mo dam pa byed par 'gyur te/ de ni dad pa shin tu che ba/ snying rje dang ldan pa/ skad snyan pa dang/ des bslab pa'i yan lag lnga bzung ba zhig 'byung bar 'gyur ro/ /btsun mo des nyi 'og gzhan nas dge slong mang po bod kyi yul du lhags par
- 416b
mthong nas/ sangs rgyas kyi bstan pa ni ring du mi gnas so/ /snyam mo/ /mya ngan chen pos non nas rang gi 'khor bud med nyis brgya dang skyes ba skum brgya dang ru rum dang/ bzo bo dang/ gnang chen rnams drung du bos te dus nas 'di skad ces bde bar gshegs pa'i bstan pa ni de 'u re 'jigs par 'gyur gyis khyed rnams myur du bsod nams ma byas/ tshul khrims ma bsrungs na 'phyis par 'ong ngo zhes smras par 'gyur ro/ /de nas btsun mo des rgyal po la 'di skad du dge 'dun de rnams bdag gis bzhon pa dang gos la sogs pa'i yo byad sbyar nas 'dir spyan drangs par ci gnang zhes gsol pas/ rgyal pos kyang gnang bar 'gyur te/ tshul de lta bus dge slong de dag bod yul du 'gro bar 'gyur ro/ /de'i tshe bod yul gyi rgyal po rgyal po dang blon po rnams kyis dge slong de dag mthong nas dad pa chen po skye zhing gtsug lag khang chen po bdun yang brtsigs par 'gyur ro/ /de bzhin du dge slong an co pa dang/ gus tig pa dang/ par mkhan pa dang/ shu lig pa rnams kyang sdug bsngal chen pos non nas bru sha'i yul du 'gro bar 'gyur ro/ /tha kar yul dang/ kha che'i yul gyi dge slong rnams kyang dad pa med pa'i mi rnams kyis gtsos te/ mchags nas bru sha'i yul du 'gro bar 'gyur ro/ /dge slong de dag thams cad kyis bru sha'i yul du phyin nas bod yul na gtsug lag khang mang po brtsigs pa dang/ rgyal po byang chub sems dpa' zhig gnas pas dkon mchog gsum la mchod pa dang/ ri mo cher byed pa thos nas yid dga' ste/ thams cad bod yul du 'gro bar 'gyur ro// bod yul du lhags nas lo gsum gyi bar du ni mchod pa chen po la sogs pa skyid pa nyams su myong bar 'gyur ro/ /lo gsum lon pa dang bod kyi yul du bdud kyi ris kyi lha dang b+ha ma yin dang/ klu dang/ gnod sbyin dang/ dri za rnams kyi nad chen
- 417a
bo 'bras dang/ phol mig dang/ 'brum bu gdug pa dag gtong bar 'gyur te/ nad des zhang? blon dang dmag du ma 'chi bar 'gyur ro/ /de'i tshe rgyal mo de'i snying khar 'bras gsug pa byung ste/ shi nas lha yul du skye bar 'gyur ro/ /de'i tshe mod kyi zhang blon rnams khros 'khrugs te 'di skad ces bdag cig gis yul 'di sngon gya nom pa las phyis mi bkra mi shis pa la byams pa sha stag 'dir lhags nas/ da ni yul du yang 'di lta bu gnod pa rnam pa sna tshogs pa byung par 'gyur byis/ rdzas lhag ma 'di rnams kyang yul 'dir mi bzhag cing/ sa mtshams 'das te bskrad par bya'o/ /zhes bros byas nas dge slong gcig kyang bod yul du gnas su mi gnang ngo zhes glo bur du bsgo bar 'gyur ro/ /rgyal mo de nad kyis thebs pa'i cho 'dag nyid mi 'tsho bar tshor nas rgyal po la kha chems su bdag gum na bdag gis nor rdzas ril gyis dge 'dun la 'bul bar ci gnang zhes gsol zhes rgyal pos kyang gnang ste/ btsun mo'i rdzas thams cad dge 'dun la 'bul zhing das rgya gar gyi yul gan d+ha ra zhes bya bar 'gro ba'i rdzas byas nas 'gro bar 'gyur ro/ /de'i tshe bod yul gyi dge slong rnams kyang yi chad nas nyi 'og gis dge slong rnams dang gros gcig tu 'gro bar 'gyur ro/ /skye bo dang rtson pa'i dus da'i cha rgya yul gyi dge slong rnams kyang shin tu sdug bsngal bas gzir nas yul gan d+ha rar 'gro bar 'gyur ro/ /de ltar dong pa dang dge slong de dag thams cad yul gan d+ha rang 'gro ba'i lam kar phrad par 'gyur ro/ /de'i tshe bod kyi dmag gis rjes bzhin bsnyags nas lam kar bran g.yog dang nor phyugs dag phrogs te dge slong dag kyang gsod par 'gyur ro/ /de ltar dge slong de dag bod kyi dmag gis bdas nas klu'i rgyal po e la'i 'dab kyi gnas drung du byin pa dang/ klu'i rgyal po/ se? lir? 'dab kyi mi
- 417b
rgan zhig gi gzugs su bsgyur te dge 'dun gyi mdun du 'ongs nas phyag btsal te/ skyes bu dam pa khyed rnams gar gshegs zhes dris pa dang/ dge slong rnams kyis 'di skad du bdag gi yul na dad pa med pa sha stag gis gang bas 'tsho ba'i yo byad la sogs pas phongs te/ da yul ga na d+ha rar 'tsho ba'i yo byad tsam zhig ci rnyed snyam nas lhags so zhes smras pa dang/ de nas de'i tshe klu'i rgyal po bde bar gshegs pa'i bstan pa 'jig pa'i mtshan rtogs nas mchi ma khrag tu 'dzag cing dus nas/ dge 'dun rnams la yul der gshegs nas shul rgyags ji tsam mnga' zhes smed par 'gyur ro/ /dge 'dun kun gyis kyang zhib tu brtsis nas zhag bco lnga'i rgyags yod do zhes smra bar 'gyur ro/ klu'i rgyal pos 'di skad du 'di nas yul gan d+ha rar mtsho 'di yi g.yas g.yon du bskor na zhag bzhi bcu rtsa lnga'i shul mchis na/ dgung bco lnga'i rgyags kyis 'tshal lam/ gzhan yang yul kan/ mthon po dang/ nags tshal stug po dang/ gcan gzan gdug pa dang/ sdig sprul la sogs pa dang/ chos rkun pa yang mchis pas/ phyi na tshur yang dmag gis bsnyigs pa dang/ mtsho 'di'i nang na yang bdag gi 'khor gtum po dad pa ma mchis pa du ma zhig mchis pas bdag gis phyir bzlog par mi nus te/ bdag ni de'i shul du bzhud bar mi dga' zhing mchis so/ /de'i tshe dge slong pho mo mang po de dag thams cad 'di snyam du bdag cag rnams 'chi ba'i dus la bab pa 'dra snyam nas ngu zhing mya ngan byed par 'gyur ro/ /de'i tshe klu'i rgyal po e la'i 'dab kyis dge 'dun rnams kyi mdun du pus mo btsugs nas dge 'dun ma bshums shigs bdag gis dge 'dun rnams kyi slad du srog kyang yongs su btang zhing bdag nyid kyi lus mtsho 'di'i steng du zam par bgyid lags so/ /bdag gi sngon bde bar gshegs pa'i bstan pa thog mar legs par ma bsrungs par chad bar srog gis god pa
- 418a
zhig gcod par 'tshal lo/ /zhes smras par 'gyur ro/ /de nas klu'i rgyal po nges rang gi lus sbrul chen po zhig gis gzugs su sbyar nas/ bod yul ngos kyi ri'i rtse mo la ni mgos 'khyud/ yul gan d+ha ra'i ri'i rtse mo la ni mjug mas 'khyud de lus kyi zhing du ni shing rta lnga'i khyon tsam gyi bram par btags so/ /de'i tshe dge slong de dag gis sbrul chen po de'i gzugs de mthong nas dngangs skrag ste phyogs su 'byed par 'gyur ro/ /de nas klu'i rgyal po des mi skad gyur ste/ dge 'dun dag ma dngangs shig/ bdag gis lud 'di khyed kyi slad du zam par btags pa lags kyis/ ma bsnyengs par rjes dgra choms su dogs pa ni 'phangs dang phyag rjed dang lur rnams sngon la dgyer du gsol/ de'i 'og tu dge 'dun gzhon rims gshegs su gsol/ /bgres po rnams ni slad kyis gshegs su gsol zhes smra bar 'gyur ro/ /de'i tshe klu'i rgyal po de'i rgyab kyi lpags pa phyugs kyi rmig pa dang mi'i rkang pas bshus te rma chen po byung ste mtsho'i nang du rnag khrag 'dzeg par 'gyur ro/ /mi phyugs phal yang mtsho'i nang du ltar zhing 'chi bar 'gyur ro/ /tha mar dge 'dun rgan rabs rgal ba'i 'og tu klu'i rgyal po nyid kyang 'chi bar 'gyur ro/ /mtsho de yang skams bar 'gyur te/ mtsho skams ba'i nang du klu'i rgyal po shi ba'i rus pa ri lta bur 'dug par 'gyur ro/ /ma 'ongs pa'i dus na sangs rgyas byams pa 'khor lnga brgya dang thabs cig tu klu'i rgyal po e'i 'dab kyi rus pa'i drung du gshegs te klu'i rgyal po e la'i 'dab kyi skyes pa'i rabs brjod pas byams pa'i 'khor dge slong lnga brgya po thams cad kyis dgra bcom pa'i 'bras bu thob par 'gyur ro/ /de nas dge slong de dag yul gan d+ha rang phyen nas lo gnyis kyi bar du gnas so/ /lo gsum pa'i tshe yul de'i rgyal po dad pa can zhig yod pas 'chi bar 'gyur ro//
- 418b
rgyal po de shi ba'i 'og tu rgyal po de'i bu dad pa can zhig dang/ dad pa med pa zhig rgyal srid la bstod nas dmag gi g.yul bkye nas/ phyogs gnyis su chad par 'gyur ro/ /de'i tshe na dge slong de dag gis nang nas dge slong dpa' ba/ brtul phod pa tsham tshom med pa stong zhig yod pas rgyal bu dad pa med pa de dmag gis btab ste pham par byas nas rgyal bu dad pa can de rgyal srid 'bul bar 'gyur ro/ /rgyal bu dang pa can des zla ba lnga rgyal po byas nas dge slong stong po de dag gis gsang nas dge slong gcig rgyal po la bcug ste lo gnyis rgyu la byed par 'gyur ro/ /de'i tshe yul gan d+ha ra'i blon po dang yul mi thams cad 'dus te gsang nas/ ci'i phyir nyi 'og gi mi bdag can pi/ yul du bros pa/ /ngan pa 'dis bdag cag gi rgyal po bsad do zhes gros byas nas 'phral la dmag drangs te rgyal po btub par 'gyur ro/ /de'i tshe yul gan d+har ra na gnas pa'i dge slong thams cad mthong dgu bsad de/ dge slong gang zhig yul dbus su bres te thar pa de 'ba' zhig gson par 'gyur ro/ /de'i 'og tu yul dbus ma gtogs par dzam+bu'i gling 'di na rang pa med pa gsum 'byung bar 'gyur te/ srig ni la sogs pa zhig gis rgyal po ni stag gzig gis rgyal po byed par 'gyur ro/ /drug rus sna tshogs du ma'i rgyal po ni drug gus byed par 'gyur ro/ /gzhan mang po zhig gis rgyal po ni bod kyi rgyal pos byed par 'gyur te/ rgyal po de gsum ga ni yang sems mthun par 'gyur ro/ /rgyal po de gsum la dmag dpa' ? ba brtul phrod ba sum 'bum zhig yod pas yul dbus ma gtogs rag gzhan yang dag pa'i lta ba 'dzin pa'i yul thams cad bcom nas mi mang po kha btag nas grong la sogs pa yang stongs bar 'gyur ro/ /de nas rgyal po de gsum 'dus nas yul dbus su dmag drangs zhes gros byed par 'gyur ro/ /de'i? tshe na yul dbus kau shA ma bI zhes bya bar rgyal
- 419a
po bzod dka' zhes bya ba zhig 'byung bar 'gyur te/ de btsas pa'i tshe khrag gi char ba 'bab/ lag pa gnyis kyang gre mo man chad khrag gis bskus pa lta bur dmar ba zhig yin no/ /de'i blon po yan lag mchog dang ldan pa lnga brgya dang/ dmag gi g.yul ngor dpa' ba nyis 'bum 'byung bar 'gyur ro/ /de'i tshe stag gzig gi rgyal po la sogs pa gsum yul dbus kau shA ma bIr song nas rgyal po bzod dka' tshol bar byed do/ /de nas rgyal po bzod dkas thos nas dmag dang chos te rgyal po de dag gi mdun du bskugs nas zla ba gsum gyi bar du rgyun du g.yul chen po spad pa dang/ rgyal po dad pa med pa de gsum dmag dang bcas te gtan med par brlag par 'gyur ro/ /rgyal po bzod dka' dmag dang bcas ba slar yul du 'khor nas rgyal po de 'di snyam du bdag gi mi mang po kha btags na/ bdag gi 'gro ba ni ji lta bu zhig tu skye bar 'gyur/ /nam zhig? ngan song gsum las thar par 'gyur snyam du 'gyod pa skye bar 'gyur ro/ /de nas rgyal po de la blon po rnams kyis gsol pa /ma snyengs par dmar pu can gyi yul ni dge slong shir sha ka zhes bgyi ba sde snod gsum la mkhas pa zhig bzhugs pas de spyan drongs dang/ des lha khyod kyi las ngan pa de bshags par 'gyur ro zhes smra bar 'gyur la/ rgyal pos kyang dge slong de spyan drangs nas de'i mdun du las ngan pa 'di ltar byas pa thams cad lo rgyus smra bar 'gyur ro/ /dge slong des kyang 'od skad du rgyal po khyed kyis shin tu ma legs pa byas kyi che thang du 'gyod la/ dzam+bu'i gi dge slong thams cad 'dir spyan drongs la rtag tu yo khyad lnga phul te/ skyabs su 'gro ba dang nyin cig bzhin du de mdun du sdig pa shogs shig/ khyod kyis mi mnga' o kha btag pa'i las bsribs par 'gyur ro zhes smra bar
- 419b
'gyur ro/ /de nas de'i tshe rgyal po des yul yul gyi dge slong rnams spyan 'dren pa gtong bar 'gyur ro/ /dge slong rnams kyis kyang yul kau shA ma bI zhes bya ba na rgyal po bzod pa dka' zhes bya ba dge 'dun la yo byad lnga 'bul ba zhig yod do zhes thos nas yi rangs te/ yul kau shA ma bI zhes bya bar 'gro bar 'gyur ro/ /de'i tshe yul kau shA ma bIr dge slong 'bum 'dus par 'gyur ro/ /de nas tshes bco lnga'i nub mo dge slong rnams gso sbyong la 'dus te dge slong shir sha ka bos nas khyed kyi so sor thar pa'i mdo thon cig ces smra bar 'gyur ro/ /dge slong shir sha kas kyang 'di skad du khyed rnams la so sor thar pas ci zhig bya/ mi sna dang rtsa ba bcad pa la me long gi ci zhig bya zhes bya zhes smra bar 'gyur ro/ /de nas de'i tshe dge slong de dag gi nang nas dgra bcom ba su rat zhes bya ba langs nas seng ge lta bu'i skad kyis dge slong shir sha ka 'di skad ces khyed ci'i phyir de skad ces smra/ kho bo ni bde bar gshegs pas bka' stsal ba bzhin du bslab pa cig kyang ma nyams so zhes smras pa dang/ dge slong shir sha ka shin tu skyengs par 'gyur ro/ /de nas dge slong shing sha ka'i slob ma a sna bi zhes bya bas dgra bcom pa de la 'di skad du khyod ci'i phyir nga'i slob dpon la mi mang sar de skad smra zhes khros nas lag pa gnyis kyis sgo gtan blangs nas dgra bcom pa de gsod par 'gyur ro/ /de nas dgra bcom pa de'i slob ma dag slob ka ra ta zhes bya bas kyang rang gi slob don bsad par mthong nas shin tu khros te dbyug pa blangs nas dge slong shir shi ka gsod par 'gyur ro/ /de'i tshe dge slong dag ril gyis khros nas phyogs gnyis su chad nas gcig gis gcig gsod par 'gyur ro/ /de nas sum cu rtsa gsum gyi lha thams cad de da lhags te/ dge slong shi ba'i ro de dag mthong nas dud mos 'debs
- 420a
shing mchod pa byed par 'gyur ro/ /dge slong de dag gi gos kha dog bsgyur ba dang skra dang sen mo yang lha'i gnas su khyed bar 'gyur ro/ /de'i tshe yul der rlung dmar nag po dang ser po dang 'dres pa ldang zhing dus dus su me'i char pa 'bab pa dang/ sa g.yo ba dang/ 'ur sgra dang/ tug com dag kyang 'byung bar 'gyur ro/ /de nas rgyal po des skya rengs shar ba'i tshe 'di ltar dge slong thams cad kha btags pa mthong nas/ mya ngan gyis gdungs pa'i rgyu cig res 'ga' ni mtho res 'ga' ni mi mthong par 'gyur ba bzhin du myong la/ gtsug lag khang du brgyugs nas tsho nge? btab ste/ dgra bcom pa dang/ dge slong sde snod gsum pa'i ming nas bod cing de gnyis kyi ngo bang gis khyud de/ 'di skad du kye sde snod gsum pa khyod ni bde bar gshegs pa'i dam pa'i chos kyi mdzod 'dzin pa lags/ kye dgra bcom pa khyod ni bde bar gshegs pa'i bslab gzhi 'dzin pa lags na/ da khyed gnyis nongs pas 'jig rten 'di stongs par gyur to zhes smra bar 'gyur ro/ /dam pa'i chos nub pa'i nub mo sum cu rtsa gsum pa'i lha rnams kyang lha ma yin gyis pham par byas nas 'bros bar 'gyur ro/ /de nyid kyi nub mo lha rtag tu myos pa'i nang nas lha 'di ni zhes bya ba 'chi 'pho bar 'gyur ro/ /de nas dzam+bu'i gling de'i bu ram shing dang/ rgyun dang sbrang rtsi thams cad kyang nub par 'gyur ro/ /bdud dbang bsgyur zhes bya ba yang chi bar 'gyur te/ de nas nas dang gro dang 'bras thams cad nub par 'gyur te/ dzam+bu'i gling gi mi rnams kyi zas su sred dang/ khri rgod dang brtswa'i 'bras bu sna tshogs za bar 'gyur ro/ /dar dang/ za 'og dang/ men dri dang/ ras bzang po la sogs pa yang nub nas gos su gso ras dang/ re phyar la sogs pa gyon par 'gyur ro/ /gser la sogs pa'i rin po che
- 420b
sna tshogs kyi rgyan rnams kyang nub nas bgyan du rtswa las byas pa la sogs pa thogs par 'gyur ro/ /tshon bzang po dang/ ro zhim po rnams kyang nub par 'gyur ro/ /de bzhin gshegs pa'i sku gzugs rnams kyang klu'i gnas su 'khyer bar 'gyur ro/ /li yul gyi mkhan po rnams 'dus nas li rje btsun legs kyi ring la yos bu'i lo la brtsis nas de nas lo brgya rtsa gnyis na dam pa'i chos nub par 'gyur ro/ /dgra bcom pa dge 'dun 'phel gyis lung bstan pa rdzogs so// // sh+rI mAnd+hA rdzas? kri tprits+tsha'o// //li yul lung bstan pa bzhugs so// //li'i yul lung bstan pa/ dkon mchog gsum la phyag 'tshal lo/ /li yul byung nas li'i rgyal po rabs drug ni 'das/ rabs bdun gyi rgyal po bi dza ya kri rta zhes bya ba'i tshe na/ pad ka ya pra ha na ya'i gtsug lag khang dang nye ba'i lung pas ka ya gyi ri zhes bya ba na/ sang g+ha bard+ha? na zhes bya ba'i dgra bcom pa zhig bzhugs te/ de'i slob ma bande zhig 'dul ba la slob pa las bandi sa tsan+d+ra garb+ha dang/ 'dul ba'i dar ma sangs rgyas kyi lung mthong nas dgra bcom pa la zhus pa/ li yul dang/ shu yig dang/ an se 'di gsum na sangs rgyas mya ngan las 'das pa'i 'og tu dam pa'i chos kyi gzugs brnyan dang/ mchod rten bzhugs pa rnams dus ji tsam zhig na nub/ /sus ni bshig/ mthar ji ltar mchi ba bshad cing lung bstan par gsol ba las/ dgra bcom pas bka' stsal pa/ 'di lta bu'i the som zhum pa ni dge'o/ /sangs rgyas shAkya thub pa mya ngan las 'das pa'i 'og tu chos kyi gzugs brnyan dang ring bsrel lo stong du gnas nas nub par 'gyur ro/ /yul 'di gsum du rgya dang/ gdong dmar dang/ so byi dang/ drug gu dang/ hor la sogs pa dgra phal cher g.yos nas rtsod cing 'khrug par 'ong ste/ de bas na sangs rgyas kyis chos nyams
- 421a
shing mchod rtan yang phal cher re'u rul du 'gyur shig zhig ste/ dge 'dun gyi 'tsho ba'i yo byad kyang 'chad par 'ong ngo/ /yul 'di gsum la yang a na se dang/ shu lig ni chos mi byed pa'i dgra mang pos dkrugs te/ phal cher ni bsregs bshig ste stong par 'gyur ro/ /gtsug lag khang 'di rnams kyi bande yang phal cher li yul du 'ong ngo/ /li yul gyi gtsug lag khang dang mchod rten la sogs pa na byang chub sems dpa' lnga brgya bzhugs te/ nyis brgya lnga bcu ni rab tu byung ba'i tshul du bzhugs/ nyis brgya lnga bcu ni khyim pa'i nang du skye ba blangs te bzhugs/ 'ge'u to shan gyi gtsug lag khang ni bskal pa bzang po'i sangs rgyas stong rtsa lnga'i zhabs kyis bcags shing rgyun mi 'chad gnas pa'i pho brang du 'gyur ro/ /'phags pa 'di rnams kyi che ba dang/ thugs rje dang/ byin gyis brlabs kyis li yul gyi mchod rten dang/ dam pa'i chos spyod pa dang/ yang yul gzhan las rgyas shing yun ring du gnas so/ /rgyal po phal po che li yul 'dod pa'i phyir rtsod cing 'thabs te/ gang gis thob pa'i rgyal po de yang li yul gyi yon bdag chen por 'gyur te/ mi bshig mi 'bri bar byed cing mchod par 'ong ngo/ /de'i dus na gdong dmar gyi rgyal po zhes bya ba dbang thang dang mthu skyes nas yul khams gzhan mang du phrogs bzung ngo/ /de'i tshe na byang chub sems dpa' gcig gdong dmar gyi rgyal po'i skye ba blangs te bod khams su dam pa'i chos 'byung ngo/ /yul khams gzhan nas kyang chos kyi mkhan po dang/ gzhung rab mdo sde la sogs pa spyan drangs so/ /gdong dmar gyi yul du gtsug lag khang dang/ mchod rten mang du brtsigs/ dge 'dun sde gnyis gtsugs/ rgyal po dang blon po la sogs pa dkor ril gyis dam pa'i chos la spyod/ rgyal po gdong dmar de'i tshe
- 421b
li yul yang rgyal po de'i mnga' ris su dbang bar 'gyur ro/ /dam pa'i chos dang/ mchod rten la sogs pa'i dkon mchog gsum gyi mnga' ris mi 'bri/ rgyas par gtsugs shing mchod do/ /rgyal po gdong dmar rgyud rabs bdun du dam pa'i chos spyod par 'gyur ro// rgyal po 'di'i rabs bdun du yul khams gzhan dkon mchog gsum gyi mchod rten bshugs pa la ngan sems dang gnod pa mi byed do/ /de'i dus na li yul gyi dge 'dun yang tsan dra garb+ha'i? lung bstan pa las 'byung ba bzhin du dad pa bri/ chos khrims dang mi ldan/ 'jig rten gyi khe dang grags pa tshol/ rgyal po dang blon pa'i dgu gtsang gyi nang du 'jug cing dam pa'i chos dman par byed pa dag kyang mang du 'byung ste/ de'i tshe zhang blon dang/ zhang blon gyi bu tsha yang dad pa 'bri bar 'gyur ro/ /dkon mchog gsum gyi mnga' ris kyang bandes spyad pas li yul gyi mchod rten dang/ dam pa'i chos la sogs pa dkon mchog gsum gyi mnga' ris kyang sngon pas 'drir 'ong ngo/ /rgyal po dang/ blon po yang bande la mi dga' o/ /de'i rjes pa byang chub sems dpa' cig gdong dmar gyi rgyal po byas pa'i rgyud rabs bdun gyi tha ma la rgyal po de'i chung ma rgya yul nas rgya rje'i bu mo kong co byang chub sems dpa' yin pa zhig 'khor drug brgya dang gdong dmar gyi yul du 'ongs so/ /kong co de 'phags par chos la dang dbang thang che bas gdong dmar gyi rgyal po yang dad pa che ste/ sngon pas kyang dam pa'i chos rgyas par 'gyur ro/ /de'i dus na li yul gyi rgyal po gzhon zhing chos mi spyod pa zhig gis li yul gyi dge slong rnams la bsgo ba/ yang na ni skye bor babs shig /yang na ni gang dga' bar dengs? shig /ces bskrad nas dge 'dun ril gyis tsar ma zhes bya ba'i lha khang du 'dus nas gros byed pa'i tshe/ lha khang gi nang 'khor 'dus pa'i dkyil nas gser gyi zan dang gser gyi 'khur ba cha bdun byung nas dge slong lnga stong rgyal
- 422a
pos 'tsho ba bcad de/ mi 'byor ba'i zla ba gsum du 'tsho ba'i zod du 'gyur/ /de'i tshe de'i dus na la la skye bor babs/ ma babs pa gud du 'gro ba rnams kyang pha ma dang/ gnyen 'dun dang/ yul sa dang/ 'bral ba mi dga' ste/ dud mo chen po 'byung ngo/ /dge 'dun phal mang po lam du zhugs te/ song ba las bod? zhes bya ba'i lha khang du phyin pa dang/ de na mchod rten chen po zhig bzhugs pa rlung gi rgyal po dad pa can gyis dral te/ nang nas gser gyi phor ba mu tig gi bkang ba zhig byung nas dge 'dun spyi la phul lo/ /gzhan yon bdag dad pa can gyi 'tsho ba'i yo byad rnams phul lo/ /de nas dge 'dun rnams mdo le me skar gyi yul du phyin to/ /mu tig gi zla ba phyed kyi 'tsho ba'i yo byad sbyar ro/ /mes skar nas song ste/ stong nya zhes bya ba'i lha khang na dge 'dun bzhugs pa'i tshe bai sh+ra ma Na dang/ dpal gyi lha me mi khyo shugs tu sprul nas yul de na 'dug ste/ dge 'dun thams cad la bdag cag bsod nams bgyid do zhes gsol nas/ zla ba phyed kyi bar du dge 'dun la mchod ston gsol nas dpal gyi lha mos phur rung gang gi gser gyi dod tshe dge 'dun spyir phul te/ dge 'dun ril gyis gdong dmar gyi yul du kha bltas te song ba las/ yul pha shan gyi rong du gtsan pa dang phrad de ma bkye'o/ /lam gzhan yod na song zhig ces zer te/ de'i tshe bai sha ra ma Na g.yag dkar po sgol can snal cu yod pa zhig tu sprul pa dge 'dun gyi mthong ste/ g.yag sgal can 'di ni mi'i phyugs yin pas 'di gang 'gro ba'i phyi bzhin du deng zhes zer ro/ /de'i tshe g.yag des nye lam du drangs te/ zhag bzhi lngas ban de ril gyis gdong dmar gyi yul tshal byi zhes bya bar phyin to/ /de'i tshe yul de'i dbang pos dge 'dun mang po zhig stod phyogs nas byon to zhes gdong dmar gyi rgyal po la spran to/ /de'i tshe rgyal po'i btsun mos rgyal po la stod phyogs
- 422b
nas dge 'dun yul stor te khyams nas byon pa bsun ma dang yo byad bdag sbyor na/ gdong dmar gyi yul du spyan drangs par ci gnang zhes gsol nas gnang ste/ dge 'dun rnams bzhon pa dang 'tsho bas bsu nas gdong dmar gyi yul du phyin to/ /de nas gdong dmar gyi rgyal po dang/ kong co 'khor dang bcas pas mchod rten la phyag byas nas dge slong 'di'i nang na sde snod gsum la mkhas pa'i mkhan po rnams ma gtogs par gzhan 'di ltar mkhas pa bzhugs sam/ zhes dris pa dang ba mkhan po na re an se dang/? shu lig dang/ thu sha dang/ kha che zhes bya ba'i yul na 'di 'dra bar mkhas pa'i dge 'dun mang du yod do zhes smras pa dang/ de'i mod la 'gugs pa'i pho nya btang ste/ /'dun ril gyi gdong dmar gyi yul du spyan drangs so/ /de'i tshe gdong dmar gyi yul du gtsug lag khang bdun brtsigs so/ /mchod pa'i yo byad dang/ dkon mchog gsum gyi mnga' ris kyang sngon pas bskyed nas dge 'dun rnams kyang gtsug lag khang bdun gyi nang du so sor bzhugs so/ /de'i rjes la lo gsum mam bzhi na kong co'i snying gar 'brum chen byung nas na ba'i tshe kong cos rgyal po la gsol pa/ bdag ni nad 'di las mi 'tsho ste/ da 'gum na bdag gi bran dang/ nor phyugs rnams dkon mchog gsum la ma gum par 'bul lo zhes gsol te phul lo/ /'khor drug brgya yang dge bsnyen gyi mtshan mas btab ste rab tu phyung ngo/ de'i rjes la kong co 'das so/ /kong co 'das pa'i 'og tu rgyal po gdong dmar gyi khams su 'brum nad byung ste blon po dang/ zhang blon gyi bu tsha la sogs pa mang du mchi'o/ /de'i tshe blon po rnams 'dus te rgyal po la gsol pa/ sngon rgyal khams 'di na 'di 'dra ba'i 'brum nad ma byung na/ da ltar lho bal? gyi dge slong 'khyams pa mang po 'ongs nas kong co yang 'das/ blon po dang/ zhang blon las kyang mang du gum pas bande 'di
- 423a
kun yang rgyal khams su mi bzhag par bskrad pa'i rigs zhes gsol ba las rgyal pos 'di bskrad pa'i rigs sam/ mi rigs da dung zhib du dpyod cig ces bsgo ba las blon po rnams ban de bskrad par kha 'dus nas rgyal po la gsol te/ rgyal khams su ban de ril gyis mi gnas par gros chad nas kun bskrad pa las gdong dmar gyi dge slong khros te/ dge slong 'di rnams bskrad na bdag cag kyang 'di na mi 'dug go zhes byas pa dang/ blon po rnams khros nas khyed rnams kyang gang dga' bar dengs shig ces bsgo'o/ /kong co gdong dmar gyi yul du 'ongs pa'i 'og tu rgyal pos te'u shi'i chos bzung nas rgya'i dge slong yang ril gyis gdong dmar gyi yul du 'ongs so/ /de'i dus na rgyal khams de'i dge slong gis gdong dmar khams kyi ring bsrel dang/ gsung rab dang/ mchod pa'i yo byad dkon mchog gi mnga' ris gcig kyang ma lus par bkal nas nub phyogs su kha bltas te/ gan d+ha ra chen po'i yul du 'gro bar chas te song ngo/ /de'i tshe rgya dang/ gdong dmar dang/ rgya gar dang/ li yul la sogs pa gang gA tshun chad na dam pa'i chos spyod pa yang nub par gyur to/ /gang gA'i pha rol na kau sham bI'i yul du ni zla ba gsum zhig gnas te nub po/ /gan d+ha ra'i yul gyi 'dab na/ klu'i rgyal po e la nga tra'i gnas mtsho'i 'gram du dge 'dun rnams phyin pa dang/ dkon mchog gsum gyi byin gyis rlabs kyis mtsho yang rnyogs shing 'khrugs par gyur nas klu'i rgyal pos nga'i gnas ci ste/ rnyogs shing 'khrugs snyam ste 'phrul gyi mig gis bltas nas sangs rgyas shAkya thub pa'i gsung rab dang/ dam pa'i chos nub tu nye ste/ dge 'dun phal mo che mthong ba'i dus 'di yin par shes nas rgan po zhig tu sprul nas/ mtsho'i 'gram du byung nas dge
- 423b
'dun la phyag byas te dris pa/ dge 'dun 'di snyed cig ga la byon/ gar gshegs/ dge 'dun gyis smras pa/ bdag cag rgyal po gdong dmar gyi yul na gnas pa las yon bdag dad pa bri/ dkon mchog gi brten bshig pas bdag cag gan d+har chen po'i yul du 'gro'o zhes smras pa dang/ rgan po na re dge 'dun 'di snyed cig la 'tsho ba ci mda'/ gan d+ha ra chen po'i yul du mtsho chen po 'di bskor nas 'gro na zhag bzhi bcu'i lam yod do/ /dge 'dun la zhag nyi shu'i 'tsho ba las med na phyin tam zhes smras pa dang/ dge 'dun phal cher smre zhing du ba klu'i rgyal pos mthong ste/ klu'i rgyal po mi dga' nas gdung ba skyes te dge 'dun la smras pa/ thad ka 'di na nye lam sprul gyi zam pa zhig yod de/ de'i steng du 'gro nus na myur du phyin ces smras nas brgan po mi snang bar gyur to/ /de nas klu'i rgyal po de ri gar 'dzeg pa'i lam zhig snang bar byas/ bdag dngos sprul chen po zhig tu sprul te/ mtsho'i steng du zam par bcas nas dge 'dun phal che bsgral nas sngon sdig pa byas pa'i las kyis da ltar byol song gis lus thob pa 'di yang thar ram snyam bsams te/ smon lam btab nas sprul gyi zam pa btsugs so/ /de'i tshe nyin zhag bco lnga mi phyugs rnams rgal ba las mi phyugs kha cig ni sprul gyi zam pa las lhung ste shi'o/ /mi phyugs mang po rgyu ba'i tshe sprul gyi rgyab kyang la lar ni rdol/ /la lar ni ral te rnag khrag gi thigs pa char bzhin du zags pas mtsho yang khrag can du byas so/ /dge 'dun mang po sprul gyi zam brgal ba'i mjug kyang gdong dmar gyi bcad do/ /de'i rjes la sprul mtshor ltung ste/ tshe 'das nas dga' ldan gyi gnas su skyes so/ /mtsho yang skams so/ /de'i dus su dge 'dun rnams gan d+ha ra'i rgyal po'i yul du lo gnyis kyi bar du
- 424a
'tsho ba'i yo byad sbyar so sor ci bder bzhag go /lo gnyis lon pa dang rgyal po de tshe 'das so/ /rgyal po'i la bu gnyis yod pa gcig ni lha chos la dad/ gcig ni mu stegs kyi chos spyod pas rgyal thabs la rtsod par gyur nas lha chos spyod pa'i non bandes byas te/ de rgyal nas rgyal thabs kyang des gzung ngo/ /rgyal po'i de'i cha dge 'dun yang sngar bas dbang thang bskyed de/ yo byad bde bar lo phyed lon pa dang/ khan de gcig gis rgyal po bsad nas rgyal srid ban des gzungs pas gan d+ha ra'i rgyal 'bangs ril log ste/ ban de rgyal po byed pa de bsad do/ /ban de gzhan rnams kyang rgyal khams de na mi gnas par ril gyis bskrad nas gan d+ha ra'i yul du yang chos nub bo// de nas dge 'dun rnams kyang yul khams gzhan du 'khyams shing 'dod do/ /de'i tshe de'i dus na nub phyogs kyi rgyal po dang/ byang phyogs kyi rgyal po ya na ba la sogs pa sngar bas dbang thang bskyed de/ rgyal po gsum 'jal dum byas nas rgyal po 'di gsum nub phyogs dang/ byang phyogs kyi yul yang bzung/ rgyal po de gsum gcig cing yang dmag 'bum dang chas te/ kau shAm bI'i yul du drangs pas/ kau shAm bI'i rgyal pos dmag sum 'bum rgyal po dad bcas te/ gcig kyang ma las par byas so/ /de nas kau shAm bI'i rgyal pos dmag mang po bsad pa'i sdig sbyad pa'i phyir dzam+bu'i gling gi dge slong ril spyan drangs nas kau shAm bI'i yul du phyin pa'i rjes la/ dge 'dun 'khrugs nas gcig gis gcig bsad de/ dzam+bu'i gling gi spyi'i lha chos der nub po/ /sangs rgyas shAkya thub pa mya ngan las 'das nas lo bye ba phrag rtsa bdun dang/ sa ya phrag drug na sangs rgyas byams pa mi mdzed kyi 'jig rten du sems can gyi
- 424b
don la gshegs so/ /tsan dra gar b+ha'i lung bstan pa dang mthun no/ /'phags pa'i mchod rten go mas la gan d+ha dang/ glang mgo'i ri'i steng na shAkya thub pa'i sku gzugs chen po bzhugs pa'i yon tan mdo tsam btus pa'i gzhung las sangs rgyas shAkya thub pa bsod nams dang ye shes kyi tshogs rdzogs nas 'gro ba mang po'i don du bla na med pa'i sangs rgyas te bzhugs pa'i pho brangs spyir nyi shu rtsa gcig bzhugs pa la/ li yul 'di yang de bzhin gshegs pa'i pho brang nyi shu rtsa gcig pa lags te/ bzhugs pa'i pho brang gzhan las yon tan lhag par che/ li yul 'di gna' mtshor mchis pa'i dus na sangs rgyas shAkya thub pas yul du 'gyur bar lung bstan cing byin gyis rlabs pa'i slad du byang chub sems dpa' dang nyan thos dang/ lha klu sde brgyad la sogs te 'khor khri phrag nyi shu dang/ bya rgod phung po'i ril bar snang las ldings te/ li yul mtshor gyur bar gshegs nas da ltar chu bo shel chab mgo ma'i 'gram na chab kyi steng pad+ma'i gdan la bzhugs te/ mtsho 'di yul du 'gyur bar lung bstan byin gyis rlabs te byang chub sems dpa' sems dpa' chen po brgyad 'khor nyi khri dang/ mgon po srung ma brgyad 'khor sum khri lnga stong lnga brgya rtsa bdun rnams la 'phags pa'i mchod gnas 'di dang yul srung bar bka' zhal gyis gtad de/ dam stsal ba'i rjes la shA ri'i bu dang/ rnam thos kyis bus snag gi sar dril te chab pho nas dogs gda' ba dang/ sangs rgyas sngar pad+ma'i gdan la bzhugs te/ ri glang ru'i steng da ltar shAkya thub pa'i sku gzugs chen po bzhugs pa'i sar gdugs mtshan bdun gyi bar du ting nge 'dzin gyis rnam par rol cing bzhugs nas slar rgya gar gyi yul yangs pa'i grong khyer du gshegs te/ mya ngan las 'das nas dgung lo brgya lon pa dang/ li yul
- 425a
yang yul du gyur nas sngar yang sangs rgyas rgya mtsho'i steng na padmo la bzhugs pa'i thad kar da ltar go ma sa la gan d+ha'i mchod rten bzhugs pa'i nang na shel ljang gu'i pho brang gi steng glang mgo tsan dan las bgyis pa'i mchod rten gyi nang na 'das pa'i sangs rgyas rab bzhi'i ring bsrel bzhugs te/ la la gnas der phyin te mchod pa gces spras bgyi mchod do/ /cog thams cad lung bstan cing phyir mi ldog par rig par bya ste/ gdugs mtshan bdun gyi bar du bskor cing mchod pa bgyis na mtshams med pa lnga'i sdig pa 'byang bar 'gyur ro zhes 'byung ngo/ /dngar ldan gyi grong khyer khar dge ba can gyi shar phyogs na 'phags pa'i gnas sangs rgyas kyis lung bstan cing byin gyis brlab pa'i a d+ha ma'i mchod rten lcags thag can bzhugs pa yang mgon po sum cu rtsa gsum gyi gnas rten lha klu sde brgyad la sogs te srung ma rnams dus bzhi'i ra ba la 'du ba'i 'dun sa chen po ste/ dge 'dun sde gnyis dang/ yul gyi dpon sna rnams kyis gna' mchod rten 'di srid pa tshun chad deng sang gi bar du dus bzhi'i ra ba la nar mar mchod pa ched thang du bgyid/ /gzhung las kyang li yul du mi ngas dang phyis dgra la sogs te ma legs pa byung ba'i dus su theg pa chen po'i mdo sde 'dus pa chen po las/ dam pa'i chos pad+ma dkar po'i mdo sde bklag na g.yul zhi bar 'gyur zhes 'byung bas gzhung las brten te lugs su bstsal nas deng sang gi bar du dgung lo gcig bzhin dpyid dang ba yar dang/ ston 'u then gyi dge 'dun bzhugs so 'tshal gyi dgung bdun bdun gyi bar gong du smos pa'i mdo sde la sogs pa klog cing thugs dam bskul ba dang/ bsngo col rgya cher bgyid/ mchod rten chen po brgyad la yul ser skya'i grong khyer lum pa'i tshal du mchod rten chen po gcig yul ma ga d+ha rgyal
- 425b
po'i khab chu bo nai rany+dza na'i 'gram rdo rje'i gdan la mngon par byang chub pa'i sar mchod rten chen po gcig yul ma ga d+har rgyal po'i khab tu bdud kyi dmag 'bum phrag bco brgyad btul ba'i sar mchod rten chen po gcig/ sangs rgyas mngon par byang chub nas gdugs mtshan bdun gyi bar du cang mi gsung bar bzhugs pa dang/ tshangs pas chos kyi 'khor lo bskor par gsol ba btab pa'i sar mchod rten chen po gcig /yul ka shi ba ra NA sa'i grong khyer gyi drung gi ri dags kyi tshal du chos kyis 'khor lo bskor pa'i sar mchod rten chen po gcig/ yul ko sa la mnyan du yod pa'i grong khyer du mar bdud sde dgu bcu rtsa drug pham par mdzad nas cho 'phrul chen po bstan pa'i sar mchod rten chen po gcig/ yul ba sa sang ga sha'i grong khyer du sangs rgyas sum cu rtsa gsum gyi lha yul nas gshegs pa'i sar mchod rten chen po gcig gyad yul rtswa mchog gi grong khyer shing sa zung gi 'og tu mya ngan las 'das pa'i sar mchod rten chen po gcig/ ring bsrel gyi mchod rten chen po brgyad la ra ma gra ma ka'i yul du mchod rten chen po gcig/ pA ba'i yul du ring bsrel gyi mchod rten chen po gcig/ gyad yul na ring bsrel gyi mchod rten chen po gcig/ yangs pa'i yul na ring bsrel gyi mchod rten chen po gcig/ tsa na tsA kal pa'i yul na ring bsrel gyi mchod rten chen po gcig/ baiSh+Nu dwa pa'i yul na ring bsrel gyi mchod rten chen po gcig /ser skya'i yul na ring bsrel gyi mchod rten chen po gcig /rgyal po'i khab na ring bsrel gyi mchod rten chen po gcig / li yul gyi lo rgyus dang/ gtsug lag khang dang/ dge 'dun sde gnyis kyi grangs ni gna' thog ma sangs rgyas 'od srungs 'jig rten na byung ba'i tshe li yul yang de tsam na yul du gyur te/ de na gnas pa'i mi rnams kyang chos bgyid/ slad
- 426a
kyi sangs rgyas 'od srungs kyis chos bstan pa gzhag pa nub pa'i tshe/ li yul gyi chos kyang zhig nas drang song kha ra shwa dang/ kha re'u steng zhes bgyi ba la sogs drang srong mang po yun mi ring ba zhig tu li yul phyogs kyi ri tsa dag na gnas te/ des na dge ba'i bshes gnyen bgyid bgyid pa las slad kyi drang srong de rnams la mi ngan kha cig gis gtsis nas rngan 'chan bgyis bkur sti dang rim gro ma bgyis pas drang srong de rnams kyang mi dga' ste/ li yul spangs te nam mkha' la ldings nas yul gzhan du mchis/ de nas ni li yul gyi mi rnams kyang chos la ma dad de lta ba log par gyur te/ klu rnams mi dga' ste chab chung nas li yul yang mtshor gyur to/ /yun ring mo zhig tu mtshor mchis mchis pa la las slad kyi yang sangs rgyas shAkya thub pa rgya gar yul du byung ste/ sems can gyi don mdzad cing chos kyi 'khor lo bsko rab la sogs pa sangs rgyas kyi phrin las mdzad pa rnams mdzad nas mya ngan las 'das par bstan pa nye ba zhig gi dus na/ sangs rgyas bcom ldan 'das shAkya thub pa rgyal po'i khab bya rgod phung po'i ri la bzhugs te zla ba'i snying po gsungs pa'i tshe yul khams so so'i mgon po dang/ lha klu la sogs pa srung ma rnams la gtad pa'i dus na li yul yang lung bstan te/ rnam thos kyi sras dang/ gnod sbyin gyi sde dpon chen po yang dag shes dang/ rgyal po ma skyes dgra'i bu mo dri ma med pa'i 'od dang/ gzhon nu rdo rje sde dang/ lha'i bu mo blo rab brtan dang/ lha mo phrog ma la sogs pa 'khor dang bcas pa la gtad nas/ bcom ldan 'das nyid kyang 'khor rnam bzhi 'bum phrag du ma dang nam mkha' ldings nas li yul du gshegs te/ da ltar 'gum tir gyi mchod rten chen po bzhugs pa'i
- 426b
thad kar mtsho'i steng? du ta la bdun srid tsam gyi gnam 'phang gi nam mkha' la pad+ma'i gdan la bzhugs nas phyogs bcu'i sangs rgyas kyi zhing so so nas de bzhin gshegs pa rnams kyis li yul byin gyis brlab pa'i slad du bskul ba'i 'od zer phyogs su khyab par btang/ phyogs bcu na bzhugs pa'i de bzhin gshegs pa thams cad kyis kyang li yul byin gyis brlab pa'i slad du sangs rgyas kyi zhing so so nas sangs rgyas shAkya thub pa la mchod pa bgyid pa'i byang chub sems dpa' i 'khor dang yul bsrung zhing byin gyis brlabs pa'i sngags kyi snying po dang/ 'od zer btang nas dus gcig tu sangs rgyas shAkya thub pa'i spyi gtsug tu 'dus par byin gyis brlab nas dge'o zhes bya ba'i sgra chen po byung ngo/ /de nas bcom ldan 'das shAkya thub pas cang li yul mtshor gyur pa 'od zer gyis khyab par mdzad nas/ 'od zer de dag las chu'i khang pad+ma gsum brgya drug cu rtsa gsum byung/ pad+ma re re'i khar yang me mar kha re re byung/ de nas 'od zer de dag gcig tu 'dus nas chab kyi steng du g.yas phyogs su lan gsum bskor nas chu'i dkyil du nub par 'gyur ro/ /dre nas bcom ldan 'das kyis 'phags pa shA ri'i bu dang/ rnam thos kyi sras la bka' stsal pa/ khyed kyi sa mang sa ra Na par pa ta zhes bya ba'i ri snag gi kha dog 'dra ba'i mtsho 'di drol zhig ces bka' stsal nas/ 'phags pa shA ri'i bu'i gseg shang gi rtsa ba dang/ rnam thos sras kyis mdung rtses mtsho dral nas/ bcom ldan 'das kyang glang mgo'i ri steng na sku gzugs chen po bzhugs pa'i g.yon logs kyi lha khang gi nang na da ltar mchod rten chung ngu zhig bzhugs pa'i sar sems can gyi don mdzad pa'i slad du dgung bdun de na bzhugs so/ /de nas 'phags pa kun dga' bos bcom ldan 'das la zhus pa/ bcom ldan 'das ci'i rgyu ci'i rkyen gyis 'od zer
- 427a
dang/ padmo dang/ me mar 'di dag snang bar 'gyur/ ci'i rgyu ci'i rkyen gyis 'od zer 'di rnams gcig tu 'dus nas g.yas logs su lan gsum bskor nas/ chab kyis dkyil du nub/ de nas bcom ldan 'das kyis kun dga' bo la bka' stsal pa/ shA ri'i bu'i gseg shang gi rtsa ba dang/ rnam thos sras kyis mdung rtses mtsho dral bas phyis mtsho bskams nas nga mya ngan las 'das pa'i 'og tu yul li yul zhes bya ba 'di 'byung ste/ 'od zer lan gsum 'khor ba'i sar ni khor khor yug tu phyis 'u then gyis khar lnga ldan gyi grong khyer chen po rtsig par 'gyur ro/ /chu'i dkyil du 'od zer nub pa'i sar ni yul byin gyis rlob cing srung ba'i rA gra ma'i sangs rgyas kyi sku gzugs ngas tsan dan gyi nang du sku'i grib ma nub par byin gyis brlabs te byas pa zhig rgya gar yul nas nam mkha' las gshegs te bzhugs par 'gyur ro/ /chu'i nang na padmo dang me mar byung ba'i sar ni phyis theg pa chen po spyod pa'i dge slong pho mo gnas pa'i gtsug lag khang sum brgya drug cu rtsa gsum rgyal po la sogs pa yon bdag dang pa can rnams kyis brtsigs nas/ de bzhin gshegs pa'i sku gdung la mchod pa byed pa'i byang chub sems dpa' dge slong pho mo'i tshul du gnas pa nyis brgya lnga bcu dang khyim pa skye bo'i tshul du gnas pa nyis brgya lnga bcu ste lnga brgya rtag tu gnas so/ /gzhan yang phyir mi ldog pa'i sa la gnas pa'i byang chub sems dpa' theg pa chen po'i chos la rgyas par spyod pa phal cher gnas te/ 'di ni dus gsum du gshegs pa'i sangs rgyas kyi zhing khud pa yin no/ zhes byang chub sems dpa' 'jam dpal dang/ spyan ras gzigs dbang phyug la sogs pa byang chub sems dpa' brgyad dang/ rnam thos kyi sras dang/ gnod sbyin gyi sde dpon
- 427b
chen po yang dag shes dang/ rigs kyi bu mo dri ma med pa'i 'od dang/ gzhon nu rdo rje lcam dral dang/ lha klu la sogs pa la dus thams cad du srungs shig par de bzhin gshegs pas gtad do/ /de nas bcom ldan 'das la byang chub sems dpa' 'jam dpal dang/ byams pa dang/ spyan ras gzigs dbang phyug dang/ nam mkha' i snying po dang/ sa'i snying po dang/ kun tu bzang po dang/ mthu chen dang/ sman gyi rgyal po byang chub sems dpa' dang/ rnam thos sras 'khor gnod sbyin sum stong dang/ gnod sbyin gyi sde dpon yang dag shes 'khor khri phrag bcu dang/ lha gzhan gyis mi thub pa 'khor stong dang/ nam mkha' i spyan 'khor brgyad stong dang/ lha'i bu gser phreng 'khor lnga brgya dang/ klu'i rgyal po gnas dros po 'khor stong dang/ lha mo lcags kyu can 'khor stong phrag bcu dang/ lha mo gnas ldan ma 'khor lnga stong dang/ rigs kyi bu mo dri ma med pa'i 'od dang/ gzhon nu rdo rje sde dang/ lha'i bu blo rab brtan dang/ lha mo 'phrog ma 'khor dang bcas pa la sogs pas bcom ldan 'das kyi spyan sngar dam tshig bcas nas li yul bsrung bar zhal gyis bzhes te/ deng sang gi bar du yang 'phags pa byang chub sems dpa' 'di brgyad dang/ rnam thos kyi sras la sogs pa'i mgon po dang/ lha dang/ klu dang lha mo rnams thog ma sangs rgyas gau to shan du gshegs te 'khor mang pos bskor nas bzhugs pa'i tshe/ byang chub sems dpa' 'di rnams dang/ mgon po dang lha klu rnams ga la bzhugs bzhugs pa'i gnas dang/ dam tshig blangs pa'i sar da dung yang yul srung zhing byin gyis rlob/ mngon rtags dang/ mtshan ma dag kyang 'byung/ de nas sangs rgyas mya ngan 'das nas gung la nyis brgya sum cu rtsa bzhi lon pa'i 'og tu rgya gar gyi rgyal po d+harmA a sho ka zhes bgyi ba zhig sngon sems can mang po zhig bkum pa las
- 428a
slad kyi 'phags pa dgra bcom pa ya sho zhes bgyi ba zhig gis dge ba'i bshes gnyen gyis nas/ sngar sdig pa mi dge ba'i las ci bgyis pa mthol zhing bshags/ slad kyis mi bgyi bar yang yi dam bcas/ dzam+bu'i gling na sangs rgyas shAkya thub pas byin gyis brlabs pa'i gtsug lag khang dang/ mchod rten bzhugs pa rnams su mchod pa bgyid cing/ dog sa byin can gnyan po byin gyis brlabs pa mchis su 'tshal du gtsug lag khang dang/ mchod rten brgyad khri bzhi stong rtsig tu mchis pa las mtsho bskams nas li yul yang stong du mchis pa'i tshe/ da ltar 'u then gyi sku mkhar mchis pa'i dog sar kus po yen du shul phyungs nas rgongs gcig btab pa'i nub mo rgyal po'i btsun mo dam pa las khye'u mtshan dang ldan pa bzang po zhig btsas nas/ sngon rgyal po'i btsun mo de kun dga' ra ba'i skyed mos tshal du mchis pa las/ rdzis bu'i nang na khrus bgyid cing mchis pa'i dus na rnam thos sras 'khor dang bcas pa nam mkha' la gshegs pas kyang yas gzigs/ rgyal po'i btsun mos kyang rnam thos kyi sras byad bzhin bzang po mthong bas sems kyi bur chags pas kus bu yen du btsas na/ rgyal po d+harmA a sho kas ltas mkhan rnams bkug ste/ bu 'di'i tshe ring ngam mthung dang/ mtshan ma bzang ngan dang/ dbang thang ci yod ces brtags na/ ltas mkhan rnams kyis mchid nas bu 'di mtshan ma yang bzang/ dbang thang yang rab tu che ste/ mi tha mal pa ma lags pas rgyal po yab sku tshe ma 'phos par rgyal po bgyid par 'gyur zhes bgyis pa dang/ rgyal po d+harmA a sho ka phrag dog skyes te khros nas/ kho de ltar dbang thang chen kho bdag 'tsho zhing srid 'dzin grang/ 'di nga la mi dgos kyis
- 428b
bor cig ces mchis nas/ mas kyang bu 'di mi bor du ni rgyal po khro zhing drag shul tshe bas bu bkum du dogs nas mas bu de bor ba las/ slad kyi sa la num byung nas de 'tshal ba las ma gum nas ming yang phyis sa nur btags so de'i rjes la rgya rje byang chub sems dpa' chen po bu stong dbang ba cig byung ste/ de la bu dgu brgya dgu bcu rtsa dgu ni mchis na/ stong du bu gcig gis ma tshang bas/ rnam thos kyi sras la gsol ba btab ste slangs pa las rnam thos kyi sras kyi sa bltas pa na khye'u sa nu bsod nams can bor ba mthong nas blangs te rgya rje'i bu skal du stsal/ de nas rgya rjes bu de bsos nas slad kyis khye'u chen por skyes nas rgya'i bu spun dang byis pa rtse rtse ba las 'thabs nas khyod rgya rje'i bu ma yin no zhes bgyis pa dang/ khye'u de glo ba mi dga' nas mi gzhan dag la yang lo rgyus smras na yang de ltar gyur nas/ rgya rdze la bdag thog ma skyes pa'i yul tshol/ sa tshol du mchi bar ci gnang zhes gsol ba las/ rgya rje'i zhal nas khyod nga'i bu yin te/ yul sa yang 'di yin mi dga' ba ma byed cig ces lan du ma bsgo ba las ma nyan nas rgya rje'i rgyal bu sa nu rgyal po'i thabs stsal te/ dmag stong phrag bcu dang bsgrags te nub phyogs su yul tshol/ sa tshol du btang ba las li yul gyi me skar du phyin te/ de nas phyin pa las rgya gar yul nas kyang rgyal po d+harmA a sho ka'i blon po ya sha zhes bgyi ba la dku dang nas blon po ya sha spang spun rje khol 'khor yan chad rgyal pa la mi dga' ba bdun stong yul nas byung ste/ nub phyogs shar phyogs su yul tshol/ sa tshol du mchis mchis pa las/ 'u then gyi shel chab gong ma'i yul phyogs su mchis pa dang rgyal bu sa chu? 'khor gyi tshong pa sher bgyi ba dang/ zang bgyi ba gnyis la ba sbrum thun mong ba gcig mchis pa las/ ba bu nad langs nas me skar nas zhugs dam thad kar rtol te to lar bros pa las/ mi de gnyis kyis rjes bzhin
- 429a
du 'das pa las te lar slebs te/ ba be'u 'brangs pa las yul de'i ming lang pa be'u 'brangs pa'i sa 'bru so lo nya zhes btags/ to la'i zhugs dams kyi ming yang yi skad du sher bzangs zhes btags te de nas mig gnyis kyis bltas na/ yul ljongs stong pa bzang po zhig gda' nas 'di bdag cig rgyal bu sa nu'i yul sar rung ngo zhes mchis gros su 'tshal nas yul sa de lta zhing mchis mchis pa dang/ 'u then gyi shel chab gong mar mchis pa dang/ blon po yag sha'i 'khod? dang mjal nas khyed su'i mig las mchis zhes smras pa dang/ mi de gnyis kyis kyang rgyal bu sa nu'i lo rgyus zhib tu bshad pa dang/ ya shas kyang rgyal bu sa nu me skar na/ mchis pa'i steng du pho nyas phrin pa las/ khyod ni rgyal rigs bdag ni blon po'i rigs na chu sring? cig tu 'tham ste/ khyod kyis ni rgyal po byas/ bdag gi blon po byas te/ 'u then gyi ljongs 'dir yul sar btsugs na rung ngo zhes mchis nas/ de nas rgyal bu sa nu yang 'khor dang bcas to 'u then gyi shel chu gong mar mchis nas tshar 'di nye'i 'og yul hang gu dzo zhes bgyi bar mjal te/ rgyal bu dang blon po ya sha gnyis yul sa mal dum ste/ dmag bkye ste 'thabs pa las nam mkha' las rnam thos kyi sras dang/ dpal gyi lha mo byung nas bshugs te 'thag tu ma stsal nas/ dog sa de nyid du/ ma thos kyi sas dang dpal gyi lha mo bzhugs pa'i stang khang re re brtsigs pa yang deng sang gi bar du mchis te/ yul gyi srung mar gtso bo rnam thos kyi sras dang/ dpal gyi lha mo mchod pa yang de lags/ de nas rgyal bu sa nu dang/ blon po ya sha yang dum nas sa nus ni rgyal pu bgyis/ ya shas ni blon po bgyis nas rgyal pos nu'i 'khor ba brgya rnams ni 'u then gyi shel chu 'og ma man chad mdo le skor dang/ skam shed yan chad du bkod/ blon po ya sha'i 'khor rgya gar
- 429b
rnams ni shel chu gong ma yan chad rgya dang/ kong zheng man chad du bkod/ shel chu dbus ni rgya gar dang rgya'i blon po dang/ 'bangs stong rims 'dres par bkod nas yul btsugs mkhar brtsigs te/ rgya gar dang rgya phrad pa'i yul ni li lags te/ 'phral skad ni rgya gar dang rgyar mi mthun pa/ /yi ge ni rgya dang pags kyis mthun/ 'jig rten pa'i lugs no rgya dang phal cher mthun/ chos kyi lugs dang chos skad ni rgya gar deng phal cher mthun/ li'i 'phral skad ni thog ma byang chub sems dpa' 'jam dpal nyan thos kyi dag slob gi tshul du sprul nas/ mtshan bai ro tsa na zhes bgyi bas byis pa phyugs rdzi khye'u 'jes dang/ mu le 'ji zhes bgyi ba gnyis la sogs pa la yul tsar ma zhes bgyi bar li skad phyung ste/ kun la bslabs nas khye'u de gnyis kyang gang mchis pa'i chas su la yang ma mchis te/ li skad kyang thal? ma 'phags pa rnams kyis brtan cing bslabs pa las/ thog ma li yul byung nas dgung lo du lon pa ni 'ge'u ton shan gyi mkhan po mo rgud de? shi la sogs pa mkhan po bgras rim rnams kyis mkhan po snga rabs rnams bka' mchid thos pa dang/ 'phags pa rnams kyis lung bstan pa dang/ li rje'i rgyal rabs kyi yi ge dang zhib tu brtags nas/ gna' thog ma rgya gar yul du rgyal po ma skyes dgras rgyal po bgyis pa nas brtsis na rgyal po ma skyes dgras spyir dgung lo sum cu rtsa gnyis rgyal po bgyis pa las/ rgyal srid gzung ste dgung la lnga lags pa nas sangs rgyas mya ngan las 'das/ de tshun chad dgung lo nyi shu rtsa bdun rgyal po bgyis te/ rgyal po ma skyes dgra nas rgyal po d+harma a sho ka'i par du rgya gar gyi rgyal po 'bos? bcus rgyal srid gzung ste/ d+harmA sa sho kas spyir rgyal pa dag sgya? lo lnga bcu rtsa lnga bgyis pa las rgyal por zhugs nas dgung lo sum cu lags pa'i 'og tu rgyal bu sa nu btsas te/ sa nu dgung lo bcu gnyis lon pa'i tshe rgya rje'i rgyal thabs brtsal nas/ thog ma skyes pa'i yul tsho la
- 430a
sa tshol du mchis pa las/ rgyal po sa nu dgung lo bcu dgu lon pa'i tshe li yul btsugs te/ thog mar li rjer zhugs pa yan chad zhib tu brtsis nas sangs rgyas mya ngan las 'das nas dgung lo nyis brgya sum cu rtsa bzhi lags nas li yul yang gdong byung par 'gyur/ rgyal bu sa nu thog mar li yul rjer zhugs nas rgyal srid gzung tshun chad dang/ li rje btsun bzang btsan la brtan thog mar li rjer bskos nas li rje'i rabs lnga bcu rtsa drug dang/ phyag tshab cig byung ngo// gna' dang po mtsho bskams nas rgyal bu sa nu dang/ blon po ya sha la sogs pas thog mar gzhi gzung ste yul btsugs rgyal bu sa nu'i bu rgyal po ye'u la zhes bgyi bas yul 'u? then gyi dngar ldan gyi grong khyer brtsigs te/ li yul byung nas dgung lo brgya drug cu rtsa lnga 'das pa'i 'og tu rgyal bu ye'u la'i rgyal po bi dza ya? sam b+ha ba zhes bgyi bas rgyal por zhugs nas dgung lo lnga lags nas li yul du thog mar chos byung ste/ 'jam dpal dang byams pa gnyis kyis la yul 'di dus gsum gyi sangs rgyas kyi/ bud? pa lags par thugs su chud nas byams pa ni ming skye ba blangs te/ rgyal po bi dza ya sam b+ha zhes bya ba sprul/ 'jam dpal ni dge slong 'phags pa bai ro tsa na'i gzugs su sprul nas las dang nyon mongs pa mthar phyin pa'i gnas yul tsar ma tsu le'i tshal du gshegs te/ li yul na mchis pa'i sems can rnams kyi dge ba'i bshes gnyen mdzad cing li skad kyang byis pa phyugs rdzi rnams la bcos shing bstan/ li'i yi ge yang bslabs nas de'i 'og tu chos byung ngo/ /de nas rgyal po ye'u la'i rgyal po bi dza ya sam b+has yon bdag bgyis nas/ /dge ba'i bshes gnyen 'phags pa bai ro tsa na'i slad du thog mar li yul du tsar ma'i gtsug lag khang chen po brtsigs par
- 430b
bgyid pa las li rje bi dza ya sam b+ha ba'i blon po dang 'bangs 'khor dang bcas pa kun gyis kyang tsar mar gtsug lag khang re re brtsigs par gsol nas rtsig pa mang po zhig byung ba las rgyal pos bsams pa/ gtsug lag khang rtsig tu ma stsal na ni bdag la dngos sdig du 'gyur/ de snyed brtsigs na ni slad kyis zhig ral du gyur na yang mi slongs su glo ba chud nas dge ba'i bshes gnyen 'phags pa bai ro tsa na la zhus pa na/ de bzhin gshegs pa'i sku gdung sha ri ram su la bzhugs pa rnams kyis gtsug lag khang dang/ /mchod rten rtsigs shig ces bsgo na sdig tu mi 'gyur ro/ zhes byung nas/ rgyal pos kyang blon po dang 'bangs rnams la de bzhin du bsgo nas/ tsar ma'i gtsug lag khang chen po/ bi dza ya sam b+ha bas brtsigs pa'i tshe/ /rgyal po'i 'khor dang/ blon po dang 'bangs rnams kyi tsar gtsug lag khang chung ngu dang/? mchod rten brtsigs so 'tshal gyi nang na shA ri ram ma stsal ba cig kyang ma mchis te/ gtsug lag khang brtsigs pa lags nas/ 'phags pa bai ro tsa nas rgyal po bi dza ya sam b+ha pa la rgyal pos gaN+Di brdung la 'phags pa rnams spyan drongs shig ces bgyis pa dang/ rgyal po'i mchid nas de bzhin gshegs pa mngon sum du 'dir gshegs te bdag gi lag tu gaN+Di ma stsal gyi bar du bda'? gaN+Di mi 'byung ngo// zhes smon lam btab pa dang/ de ma thag tu 'jam dpal gyi sprul pa dge slong bai ro tsa nas nam mkha' la de bzhin gshegs par sprul te/ nyan thos chen po bcu drug dang thabs cig tu tsar mar de bzhin gshegs pa'i tshul bstan nas rgyal po bi dza sam+b+ha pa'i bag?
- 431a
tu gaN+Di stsal nas rgyal pos gaN+Di brdungs pa dang/ dgung bdun gyi bar du gaN+Di de'i sgra ma chad par byung ste/ de bzhin gshegs pa'i sprul pa mngon sum du gshegs pa'i dam rtags su gor ma la zhabs kyis bcags pa'i rjes da dung gi bar du tsar ma na mchis/ 'phags pa nyan thos chen po bcu drug la mchod pa rin po che sna tshogs las bgyis pa'i bshos cha bcu drug rgyal pos phul ba yang tsar ma'i gtsug lag khang gi nang du 'phags pa rnams kyis gter du stsal te/ phyir dus dams shing dge 'dun la yon bdag ma mchis te 'tsho ba'i sbyor ba'i dus na rin po che'i bshos cha de rnams de'i tshe sa'i 'og nas 'byung zhes 'phags pa dge 'dun 'phel gyi lung bstan pa dag las kyang 'byung/ dge slong 'phags pa bai ro tsa na'i mchod pa'i rkyen du klu'i rgyal po hu lor zhes bgyi bas kha che'i yul nas de bzhin gshegs pa bdun gyi sku gdungs bzhugs pa'i mchod rten gcig spyan drangs nas nam mkha' las gshegs pa da ltar tsar ma na bzhugs te/ mchod rten 'di dri gtsang khang gi nang na bzhugs te/ mchod rten rol tu gsal bar 'gyur/ rgyal po bi dza ya sid ha zhes bgyi ba tsar ma'i gtsug lag khang du mchod pa bgyid du mchis pa las sku gzugs sder so bgyis pa cig mchog cing gshegs par mthong nas mtshams med pa lnga byang ngo zhes mchi ba yang da ltar bzhugs/ gtsug lag khang de'i srung mar zhal gyis bzhes pa yang/ lha nam mkha' i spyan dang/ nor bu bzang po zhes bgyi ba lags te/ deng sang gi bar du mngon rtags dang/ mtshan ma dag kyang 'byung/ 'phags pa'i lung bstan dag kyang sbyar na yang thog ma gtsug lag khang 'di rnams rtsigs pa yang dge ba'i bshes gnyen dang/ yon bdag 'phags pa sha stag gis
- 431b
mdzad la/ gtsug lag khang dang/ mchod rten bzhugs so 'tshal gyi nang na yang de bzhin gshegs pa rnams kyi sku gdung dang byang chub sems dpa' dang/ nyan thos dang/ rang sangs rgyas kyi sku gdung bzhugs pas gnyan cing byin che rab? ste/ thog ma li yul du gtsug lag khang byung ba yang 'di las snga ba ma mchis so/ /de nas tsar mar 'jam dpal gyi sprul pa dge slong 'phags pa bai ro tsa nas ches phyung rgyal po ba dze ya sam b+ha bas gtsug lag khang brtsig tshun chad rgyal po la rje rabs 'dun kyi bar du gtsug lag khang gzhan ma rtsigs/ de nas de'i 'og tu rgya gar yul nas 'phags pa dgra bcom pa bud+ha du ta dang/ kha ga ta dang/ kha ga drod dang bzhin byung ste/ 'ge'u to shan gyi Arya sta nar bzhugs so/ /de'i tshe byang chub sems dpa' byams pa yang li rje bi dza ya bI rya bya bar gyur te/ rgyal po de srog mkhar gyi steng nas bltas na mkhar gyi phyi rol na gser dang/ dngul lta bur snang ba zhig mthong nas bsnyags pa dang/ da ltar 'gum stir gyi mchod rten chen po bzhugs pa sleb nas ltas na sha ba ni gnod sbyin gyi sde dpon chen po yang dag shes su gyur te rgyal po la smas pa/ kye rgyal po khyod sangs rgyas kyis lung bstan pa bzhin 'dir gtsug lag khang gcig rtsig pa'i regs so zhes bgyis pa dang/ su'i phyir rtsig ces rgyal pos zhus pa dang/ sangs rgyas kyi pho nya zhes bgyi ba 'phags pa dgra bcom pa bud d+ha ta la sogs pa bzhi khyed kyi dge ba'i bshes gnyen du 'ongs pa 'di dag gi phyir brtsig ces bsgo ba dang/ 'phags pa dgra bcom pa de dag kyang rgyal po bi dza ya bIrya'i drung du byon nas chos bshad pas rgyal po yang tshe snga ma'i smon lam dran nas de ma thag tu dog sa brtag pa'i phur bu der btab ste/ gtsug lag khang 'gum stir brtsigs so/ /de nas rgyal po ba dzi ya bIrya 'gum tir
- 432a
gyi gtsug lag khang du mchod pa bgyid du mchis pa'i tshe bu chung ngu zhig stor nas rjes bcas de btsal nas 'ge'u to shan gyi lung bu'i nang na sangs rgyas 'od srungs kyi sku gdung bzhugs pa'i mchod rten gyi drung nas bu rnyed de/ de nas rgyal pos mchod rten 'di gang gis dus na sus brtsigs zhes smras pa dang/ dge ba'i bshes gnyen 'phags pa dang gi zhal nas mchod rten 'di sangs rgyas 'od srungs mya ngan las 'das pa'i tshe brtsigs sangs rgyas 'od srungs kyi sku gdung bzhugs so/ /li yul sngon mtshor gyur pa'i dus na mchod rten 'di ris g.yogs te chus ma zhig la/ phyis kyang yul 'di mtshor 'gyur te/ yang mchod rten 'di ris g.yogs nas chus mi 'jig ste/ sangs rgyas byams pa byung ba'i tshe yang mtsho bskams nas yul du gyur pa'i dus na mchod rten 'di 'byung ste/ gnas 'di ni dus gsum du gshegs pa'i de bzhin gshegs pa rnams kyi sangs rgyas kyi zhing khud pa'i nang na yang 'ge'u to shan 'di pho brang gcig yin te/ dus gsum gyi sangs rgyas rnams kyis? kun 'dir gshegs shing lung ston/ sems can gyi don mdzad do/ /phyogs bcu'i sangs rgyas kyi zhing so so nas byang chub sems dpa' stong phrag nyi shu yang dus gsum du glang mgo ri 'di la mchod pa mdzad du byon nas slar gshegs so zhes bstan/ de nas rgyal po bi dza ya bIrya dad pa'i shugs chen pos glang mgo ri'i steng du 'ge'u to shan gyi gtsug lag khang brtsigs nas bu chung ngu nga yang thar par btang ste phyis dgra bcom pa'i 'bras bu thob nas li yul du dgra bcom par gyur pa 'di las snga ba ma byung bas 'di ni lam ston pa'o/ /zhes mo rgu bde shi
- 432b
bya bar btags te/ thog ma mo rgu bde shi'i ming ni de nas byung ste/ deng sang gi bar du yang thub ldan dang/ dka' 'thub kyi mchog las btus te/ mo rgu ba de shir bsgo ba lags/ 'ge'u to shan dang 'bum tir gyi gtsug lag khang 'di gnyis bzhugs pa'i dogs yang dus gsum gyi de bzhin gshegs pa rim gyis 'byung ngo 'tshal gyi zhabs kyis gcigs byin gyis rlob pa'i steng du 'phags pa'i lung bstan dag dang sbyar na yang thog mar gtsug lag khang 'di rnams rtsig pa yang dge ba'i bshes gnyen dang/ yon bdag 'phags pa sha stag gis mdzad la/ gtsug lag gang dang/ mchos rten bzhugs so/ /'tshal gyi nad na de bzhin gshegs pa'i sku gdung dang byang chub sems dpa' dang/ nyan thos dang/ rang sangs rgyas kyi sku gdung bzhugs pas gnyan zhing byin che rab ste/ gtsug lag khang gi srung mar zhal gyis bzhes pa yang rnam thos kyi sras dang/ gnod sbyin gyi sde dpon yang dge shes dang/ klu'i rgyal po gnas dros po lags te deng sang gi bar du yang mngon rtags dang mtshan ma gang dag kyang 'byung ba'i phyir/ li yul gyi gtsug lag khang bzhugs so 'tshal gyi nang na gtso bor bgyi ba lags/ rgyal po bi dza bIryas 'gum tir gyi gtsug lag khang brtsig tshun chad rgyal po rab gnyis kyi bar du gtsug lag khang gzhan ma brtsigs/ /de nas de'i 'og tu rgyal po bi dza ya dza ya zhes bgyi bas rgya rje'i bu mo pu nye shwa ra zhes bgyi ba mchis brang du blangs nas rgyas rje'i bu mo des li yul du srin bu'i sa bon zhig 'tshal te mchis nas yul ma zhab gyi bar srin bu gsos pa dang srin bu ma tshar ba'i skabs su blon po sgyus ma 'tshal ba kha cig gis rgyal po bi dza ya dza ya rgyal po'i btsun mo bgyid pa des sprul gdug
- 433a
pa mang po ma zhar gis? zhing mchis te chen por gyur pa dang/ yul phyogs su gnod par glo ba chung na ji ltar bgyi zhes blon po dag gis zhus pa dang/ sprul gso ba'i khang par me thong la kun bsregs shig ces bsgo ba? dang? rgyal mos de thos nas 'phral du ni rgyal po la rgyus kyis bshed pa'i rdo? mi? thog? nas/ sran bu shas shig bkus te gsang thabs su bsos te/ slad kyi kha char dar dang/ srin ba la phyung? nas dar dang men 'dri gtags te/ rgyal po la bstan rgyal po la bstan nas rgyas kyi zhib tu bshad pa dang/ rgyal po la 'gyod pa skyes te/ rgya gar yul nas dge slong 'phags pa sang g+ha go Sha zhes bgyi ba li yul du byon nas dge ba'i bshes gnyen du spyan drangs te/ srin bu phal cher bkum pa'i? dngos sdig bshags sbyang bgyis nas po ta rya dang/ ma zha'i? mchod rten dang/ gtsug lag khang chen po brtsigs te/ de bzhin gshegs pa'i sku gdung shA ri rem? mang po tsam zhig/ stsal te/ de'i slad du dpyid zlar? ba'i don thog thag bcom ldan 'das shAkya thub pa'i sku'i gzugs brnyan ma zho po ta rya zhes bgyi ba'i gtsug lag khang na bzhugs so zhes 'phags pa dag gis lung bstan pa'i deng sang gi bar du yang li yul gyi dge 'dun sde gnyis dang/ rgyal po dang blon po man chad 'bangs yan chad lo re zhing dpyid zla ra ba'i dol? mchod par bgyid cing/ ril gyis po ta rya'i gtsug lag khang du mchis te /gtsug lag khang 'di yar gnyan zhir byin cher ba ste /lha rang? na b+ha ra dang rang na shu ra gnyis srung mar zhal gyis bzhes pa lags te/ /deng sang bar du dngos rtags dang mtshan maM? ngag kyang 'byung do/ /
- 433b
da nas rgyal po bi dza ya dza ya zhes bgyi ba la bu sbun gsum mchis te/ bo bo rab 'don 'dros shes bgyi ba ni rgyal srid ma 'tshal te/ bsod nams bgyid cing rgya gar yul du mchis /de'i nu bo par ma yang rgyal srid ma 'tshal nas ban der zhugs so/ /ming d+ha rmA na nA zhes btegs? nas rgya gar yul du chos slob tu mchis /nu bo tha chung rgyal bar zhugs te /ming bi dza ya d+harmA ra btags rgyal po ba dzi ya d+harmA de dpa' zhing rtsal che bas gsong rkyen dag la dga' nas/ /pho bo bande d+harmA nanda rgya gar yul na mchis pa chos mnyan bslabs bsgoms pas 'phags pa dgra bcom par gyur te /'phags pa dta rmI nandas rgya gar yul nas bltas na /nu bo rgyal po ba dzi ya d+harmA gsod rkyen bgyid cing sdig pa mi dge ba'i chos la zhen par mthong nas glo ba brjes te /dge ba'i bshes gnyen bgyi ba'i slad du rgya gar yul nas li yul du mchis te /nyon bgyi gyi ri rtsa shel cha ba 'og ma dang nye ba zhig tu spyil? bu bgyis te de na bsgom zhing bzhugs pa las /nyin gcig cig 'phags ba de sha ba gser gyi kha dog 'dra ba zhig tu sprul te /'u then gyi sku mkhar gyi slad rol shar phyogs logs? na 'gus no zhes bgyi ba'i sgang? bu zhig mchis pa'i khar byung ba dang/ rgyal bo bi dza yad+ha rmAs srog mkhar gyi steng nas mthon nas mda''phangs pa dang/ sha ba'i brlang phog nas sha ba ni bros/ rgyal bos ni slang bzhin du bsnyegs pa dang/ sha ba de 'phags pa d+harmA nanda'i sbyil bu'i nang du mchis/ rgyal po slang? bzhin du mchis pas bltas na spyil po'i nang na sha ba ni cang ma mchis/ dge slong gcig brla la mangs sog? pa 'byin cing mchis pa mthong nas/ pho bo lags par ni ngo ma 'tshal
- 434a
te/ pho bo dge slong d+harmA nandas byin gyis brlabs nas pho bo lags par gnod ngo 'tshal te/ rgyal bos btsun pa ci nongs zhes bgyis pa dang/ khyod kyis bdag la mda''phangs te ci bya zhes bgyis pa dang rgyal pos kyang sha ba ma lags par tshor nas bdag gis nongs na khri lan zhes bgyis pa dang/ dge slong de'i mchid nas nga khyod kyis pho bo yin /gnyis su na nga 'phags pa dgra bcom par gyur pas rgyal po khyod kyi mtshar gyi sdig pa thob ste/ mtshams med pa dang 'dra ba'i las byas par 'gyur te/ bshags sbyangs dang bsod nams cher ma byas na mi rung ngo zhes bgyis pa dang/ rgyal po de yang 'gyod pa skyes te rab tu ma dga' nas 'phags pa dgra bcom pa'i zhabs la 'jus te/ bzod ba gsol bshags sbyangs bgyis nas bdag gi sdig pa 'di ji ltar 'byad zhes zhus pa dang/ /'phags pa d+harmA nanda'i zhal nas 'phral gzhan byar med kyi yul 'dro tir zhes bya ba'i ljongs pa bi na sngon sangs rgyas bcom ldan 'das shAkya thub pa byang chub sems dpa' i spyad pa spyod pa'i tshe rgyal po zla 'od bgyid pa'i dus na bram zes mgo blangs te/ rgyal po nyid kyis mgo bcad nas bram ze la stsal ba'i phring yig las dga' ba rnam pa gcig mdzad pa'i sa 'di yin/ gnyis su na bcom ldan 'das shAkya thub pa rgyal po'i khab bya rgod phung po nas li yul byin gyis rlob cing /'ge'u to shan du gshegs pa'i tshe/ byang chub sems dpa' i 'khor mang pos bskor nas byang chub sems dpa' sa'i snying po dang/ ri k+Sha ta a sho ka zhes bya ba 'di byin gyis brlabs te 'di na bzhugs bzhugs/ deng sang gi bar du yang gzugs brnyan 'di bzhugs/ rnam pa gsum pun? 'bod
- 434b
b+ha long zhes bya ba'i tshal chung ngu pha bi na yang bcom ldan 'das kyi zhabs kyis bcags nas phyis 'phags pa 'byung ba rnams kyi sgom par byin gyis brlabs te/ gnas 'di rnams srung bar lha dzi na ri sha ba dang/ lha mo a sho ka dang/ klu'i rgyal po ta k+Sha ka dang gsum gyis dam tshig blangs te/ deng sang gi par du yang gnas 'di srung zhing rgyal pos 'dir gtsug lag khang gcig brtsigs na snga phyi'i sdig pa mi dge ba'i las ci bgyis pa 'byad do zhes bgyis pa dang/ rgyal po bi dza ya b+ha rmA dang pa skyes nas/ slan chad gsod rkyen mi bgyid par dam bcas rgyal po zla 'od kyi bram ze la mgo sbyin gtong du bgyis pa'i sar de ma thag tu dog sa brtags pa'i phur bu btab nas dge ba'i bshes gnyen 'phags pa d+ha rmA nanda'i slad du 'dro? nyir? gyi mchod rten dang/ gtsug lag khang chen po brtsigs/ sku mkhar gyi nang du yang lho sgo'i sge'u chung mchis pa'i nang? logs na klu'i rgyal po chen po ba ru Na'i gnas kyi steng na pa ri tha zhes bgyi ba'i mchod rten gnyan po bzhugs ba'i drung na nang gi gtsug lag khang gcig dang/ mchod rten chen po gcig brtsigs te/ mchod rten gyi nang du de bzhin gshegs pa bdun gyi sku gdung stsal/ sangs rgyas rin chen mang gi thog ma'i sku gdung ma zhig pa nyid spyan drangs te/ de ltar gtsug lag khang 'di'i nang na bzhugs 'dro tir gyi gtsug lag khang 'di yang gnyan zhing byin che? rab ste/ /deng sang gi bar du yang mngon rtags dang mtshan ma 'byung ngo/ /mi? yul du thog ma ma hA sa ma g+hi ka'i sde yang dge slong 'phags pa d+ha rmA nanda byung nas 'u than na 'dro ti re gtogs par gtsug lag khang brgyad dang/ kam shing gtsug lag khang kha brgyad kyi dge 'dun yang ma hA sam g+hi ka'i sder gtogs/ /de nas de'i 'og tu rgyal po pi dza ya'i bu chen po rgyal
- 435a
bu 'don 'dros kyis sar tir gyi gtsug lag khang rtsig par dogs 'jal te brtsams pa las yo byad rgyu rkyen gyi ma 'tshal nas rgyal bu 'don 'dros kyis bsams pa gzhan nas ma grogs pa/ ma brkus pa/ dkon mchog gsum gyi dkor la ma 'bags par nor gtsang ma bdag nyid kyis rkang gi btsugs te btsal la gtsugs lag khang brtsig go snyam na thog ma rgya gar yul du mchis te/ mkhan po 'phags pas man ta sid+hi mkhan por spyan drangs/ stong phyogs thog thag tu yang mchis nas nor gtsang ma btsal/ de nas slar log nas rgya yul du mchis pa dang rgya rje'i blon po gcig gyod la chags te/ dgum par bgyis pa las/ 'don 'dros kyi rgya rje la blon po 'di'i skyin par bdag dgu ma par ci gnang gsol ba las rgya rdzas kyang gnang ste/ gshed mas rgyal bu la ral gris btab pa na bcang? 'phro nas 'o ma byung ste/ ma gum nas rgya rje la sogs pa ngo mtshar rmad du gyur te? mchod pa bgyis/ yon yang mang po tsam zhig phul blon po des kyang srog rin gyi yon phal cher phul ba blangs nas slar li? yul gyi 'dab nye ba zhig tu 'khor mang po dang lhan cig tu mchis pa dang /rgyal po 'don 'dros kyi nu bo rgyal po bi dza ya d+harmA rgyal srid 'dzin cing mchis pa las/ blon po kha cig gi mchis nas rgyal bu'i gcan? rgyal bu 'don 'dos rgya rjes li yul gyi rgyal por bskos te/ rgyal po'i rgyal srid 'phrog tu 'ongs so zhes bgyis pa dang/ rgyal po baM dza d+harmA yang pho bo 'don 'dros la mi dga' nas sku mkhar gyi nang du yang btang phrad du yang ma btub nas /sang nyir gyi gtsug lag khang brtsigs pa'i sa
- 435b
gzhir mchis shig ces bsgo nas /su bo rgyal bu 'don 'dros kyang sang tir du mchis te /nu bos kyang chu dang rtswa shing la yang dbang ma bskur te/ /bo bdag gi rin gyis 'jal te /yo byad? sbyor zhing mchis pa las /thag ma rgya gar yul du mkhan po 'phags pa sa man ta sid+hi dge ba'i bshes gnyen gyi phyogs bltas nas phyag 'tshal te mchod pa bgyis nas smon lam btab/ spyan drangs ba dang/ mkhan po yang rgya gar yul nas nam mkha' la ldings te/ li yul du rgyal po 'don 'dros kyi drung du gshegs nas gtsug lag khang ji ltar brtsig pa'i bshes gnyen yang bgyis /rgyal po spun gnyis bar du ma mjal ba'i sngams? bgyi ba'i slad du sum cu rtsa gsum gnam du gshegs nas/ bcom ldan 'das shA kya thub pas byang chub sems dpa' i spyad pa spyod pa'i tshe lus kyi yan lag dang /bu smad la sogs pa'i skyon gtong bgyis shing 'phrin las dka' ba ji ltar mdzad pa bzhin du no le zhes bgyi ba dang/ zlos chos li yul du mi bgyir mi rung zhes lha rnams li yul sad tir bgyi bar gshegs te/ sangs rgyas bcom ldan 'das sngon phrin? las dka' ba mdzad pa bzhin du lha rnams zlos chos bgyis pa'i tshe rgyal po bi dza ya d+ha rmA sa blon po dang/ 'bangs rnams la gcig kyang der mchir mi rung ngo zhes bgyis pa las /lha'i rol mo bzang po snga na ma byung ba de thos nas mi gcig gis gis gcig sbran te mA bzod nas der mchis /slad? kyi rgyal po'i 'khor kun gar mchis rgyal pos smras pa dang/ blon po dag gis rgyus kyis zhib tu bshad pa dang /rgyal po bi dza ya d+harmA yang ma bzod de/ sang? tir gyi gtsug lag khang gi 'dabs mchis pa dang/ phu bo rgyal po 'don 'dros kyi su nas
- 436a
spun der mjal ba dang /nu bo rgyal po bi dza ya d+harmAs phu bo la phyag bgyis nas/ pus mo sa la gcugs? thal mo sbyar te /'phags pa bdag gis khyed kyi mthu stobs ma rig nas nga rgyal gyi dbang du gyur nas bdag gis rab tu ne ngas? pa bzod pa gsol zhing mchis na/ bdag la dngos sdig tu mi 'gyur bar bzod pa bzhes par ci gnang zhes bgyis pa dang/ des slar nu bo la bzod pa gsol nas lag sbrel te gtsug lag khang du mchis nas mchod pa bgyis/ lha klus no le bgyis pa dang/ gtsug lag khang rtsig pa las rjes su yi rang nas yon phul/ gtsug lag khang rtsig pa'i ngan? rogs bgyis te rkyen res bkum ste phul/ thog ma spun ma 'jal te/ bzod pa gsol ba'i sar 'ja' mo ka ka rong zhes bgyi ba'i gtsug lag khang gcig? brtsigs nas/ thog ma li yul sarbA ti bAd kyi sde theg pa chung ngu ba yang mkhan po 'phags pa sa ma na ta sid+hi las byung/ gtsug lag khang gi srung ma yang lha ka bi la zhes bgyi bas zhal gyis bzhes bsrung/ deng? sang gi bar du lo gcig cing yang rtag tu ston zla rab tshes bdun dang brgyad kyi gdugs la/ de bzhin gshegs pas phrin las dka' ba mdzad pa'i zlos? chos no le bgyid de/ yul mi ril gyis chos nyan cing der mchis te/ gtsug lag khang 'di yang gnyan zhing byin che bar bgyid do/ /de'i 'og tu rgyal po bi dza ya d+harmA'i bu rgyal po bi dza ya sid has rgyal po bgyid pa'i tshe/ ga 'jag gi rgyal pos li yul du dmag drangs te/ rgyal po bi dza ya sid ha dang 'thabs pa las ga 'jag gi dmag pham ste/ ga 'jag gi rgyal po yang li rjes zhags pas zin nas 'gum bar bgyid pa las thar par gsol nas rgyal po bi dza ya sid ha'i mchid nas/ rgyal po khyod bdag gis mi
- 436b
dgum par thar par btang gis/ nam khyod dgra choms pa'i dus na bdag gi dge ba'i bshes gnyen mdzad cing slar byon cig ces bgyis nas/ thar par stsal te/ ming yang A nanda se nar btogs te slar shu leg tu btang/ de nas dge slong A nanA se na slad kyis dgra choms? nas thog ma li rje dang dam bcas pa bzhin nam mkha' la ldings te/ li? yul du gshegs nas/ rgyal po bi dza ya sid ha'i dge ba'i bshes gnyen bgyi ba'i slad du snying rje yang dad pa skyes nas 'phags pa dgra bcom pa A nanda sa na'i slad du su mnya'i ba tsug? lag khang dang/ mchod rten brtsigs te/ gtsug lag khang gi srung ma rnams thos kyi sras dang/ lha ka pi la bzhugs te /gtsug lag khang 'di yang gnyan zhing byin che bar bgyid/ /de'i 'og tu rgyal po bi dza ya kIr tas 'phags pa 'jam dpal gyi sbrul pa kam shed du chos spel ba'i dgra bcom pa sya? pri zhes bgyi bas dge ba'i bshes gnyen bgyis nas dad pa skyes pa'i slad du pru nyo'i gtsug lag khang brtsigs te/ thog ma ka ni ka'i rgyal po dang/ gu zan gyi rgyal po dang/ li rje rgyal po bi dza ya kIr ti la sogs pas rgya gar yul du dmag drangs nas so ked ces bgyi ba'i grong khyer phab pa'i tshe/ rgyal po bi dza ya kIr tis shA ri ram mang po zhig rnyed pa yang phru nyo'i mchod rten de'i nang du stsal/ thog ma dog sa rtog pa'i phur bu 'debs pa'i tshe/ rgyal po bi dza ya kIr til dge ba'i bshes gnyen 'phags pa sya pri'i zhal nas phur bu 'di? la rgyal pos lag pa mas yar lan lngar bya bas na sngon rtags 'byung ngo zhes bgyis pa dang/ rgyal pos kyang dog sa brtag pa'i shug pa'i phur bu la lag pas lan lta? byabs pa dang/ phur bu de la shug pa'i yal ga khru gang pa lnga de ma thag tu de'i nyin par skyes nas slad kyi
- 437a
shug pa'i drung du ban de dag gi d+harmA klags pa dang shug pa de las chos bshad pa'i sgra dag byung nas slad kyi ban de gzhon nu dag d+harmA thogs te chos nyan pa mchis na yang/ de bzhin du 'chad pa'i sgra dag byung ba las slad kyi ban de gcig gis d+harmA logs par klags nas de ltar ma yin no zhes lhas bsgo ba dang/ gnyan nas de tshun chad chos bshad pa'i sgra yang ma byung/ slad kyis gtsug lag khang 'di'i chad kyis 'tshal te chab ma byin nas gtsug lag khang zhig tu nye ba las/ dge slong btsun pa sum dpon zhes bgyi ba dgra choms su nye ba zhig gis gtsug lag khang de mi zhig par bgyi ba'i slad du dgra bcom par 'grub pa'i dge ba'i rtsa ba des klur skye bar smon lam btab nas/ de ma thag tu lus las chab byung nas mi'i lus ma 'phos par shel chu chung ngu'i klur gyur na dog sa'i 'og tu nub nas deng sang gi bar du gtsug lag khang de'i chab shol chu chung ngu las drangs te/ gtsug lag khang 'di yang deng sang gi bar du zhig ste/ gnyan zhing byin che bar bgyid/ srung ma yang lha su dza ya dang/ phyag brnyan sid ha mu kha dang/ shal chab chung ngu'i klu sum bon gyis bsrung ngo/ /de nas de'i 'og tu rgyal po bi dza ya kIr ti bu rgyal po ba dzi ya sang gra ma zhes bgyi ba dpa' zhing rtsal che ba zhig byung nas/ phyi dgra mang po zhag la bsngos nas sems can phal cher bkum/ de'i 'og tu seng ge mi la rgod pa zhig byung ste/ dmag gi btab na yang 'khums te rgyal po gcig pus seng ge de la? brgal te zin nas bkum/ de nas rgyal po de'i ming yang seng ger btags rgyal po de yang ri dags shor du mchis pa las shel chab chung ngu'i 'gram du tshal zhig tu rgongs btab pa las/ de'i nub mo tshal de'i nang nas zhugs mar
- 437b
'dra ba zhig rgyang nas bdas nas slad de nad par bltas na/ dge slong 'phags pa dgra bcom pa dz+nyA na ya sho de na bzhugs pa las 'od byung bar mthong nas/ dad pa skyes te mchod pa bgyis nas 'phags pa 'di na ci mdzad ces zhus pa dang/ dgra bcom pa dz+nyA na ya sho'i zhal nas sa 'di yang sngon gyi de bzhin gshegs pas byin gyis brlabs pa lags te/ rgyal pos 'dir gtsug lag khang zhig rtsig pa'i rigs so zhes bgyis pa dang/ rgyal pos kyang 'phags pa de la dad pa skyes pa'i slad du bsgo bya bzhin du mnyan nas sdig bshags/ gtsug lag khang gi dog sa brtag pa'i phur bu btab nas/ gser gyi gzhong pa gcig spyi'i la gzung ste/ de bdag gis brtsigs pa'i gtsug khang 'di yun du tshugs shing brtan par 'gyur na phyogs bcu na bzhugs pa'i 'phags pa rnams kyis byin gyis brlab cing de bzhin gshegs pa'i sku gdung bdag gi gzhong pa 'di'i nang du stsal bar ci gnang zhes smon lam btab pa dang/ nam mkha' las sh+rA ri ram mang po tsam zhig gzhong? pa'i nang du gshegs nas rgyal po sngar bas lhag par dad pa skyes te/ dge ba'i bshes gnyen ya sho'i slad du? d+harmA kIr tis gtsug lag khang mchod rten chen po brtsigs te/ nang du shA ri ram mang po tsam zhig stsal bas gtsug lag khang 'di yang gnyan zhing byin che bas srung ma rnam thos kyi sras dang/ lha ka pi las srung/ /de nas rgyal po bi dza ya d+harmAs rgyal srid gzung ba man chad/ bi dza ya kIr tis rgyal po bgyis pa yan chad rgyal po rabs bcu bzhi'i bar du res 'ga' ni yul du phyi dgra gzhan gyis dmag drangs te gtses/ res 'ga' ni li rje dag gis yul gzhan du dmag drangs nas 'bangs kyi tshegs gyur/ de'i 'og tu drug gu a no shos kyis li yul du dmag drangs nas/ 'ge'u to shan man chad kyi gtsug lag khang phal cher mes bsregs te yul rmas?/ 'bangs
- 438a
'gribs nas gtsug lag khang gsar pa rtsig pa'i rdo ma thog /de nas de'i 'og tu rgyal po bi dza ya kIr ti'i bu rgyal po bi dza ya sang gra ma zhes bgyi ba'i dgung lo bdun lon pa zhig rgyal por zhugs nas slad kyi me son pa dang/ yul 'di sus bshig /ci'i slad du mis shes dge 'dun rgan rabs dang/ blon po dag la smras pa las/ dge 'dun dang/ blon po rnams kyang dru gu a mo no shod la sogs pas sngon yul ji ltar bshig pa'i lo rgyus zhib tu bshad pa dang/ rgyal po bi dza ya sang gra mas blon po dag la dmag tshogs ci mchis pa sdus shig ces bsgo nas sngon gtses shing yul bshig pa'i rgyal po rnams yul du dmag drangs te/ lan glan nas yul bshig /sems can phal cher bkum/ de nas slar log nas shel chab 'og ma'i 'gram du mchis pa dang/ dge slong bdun zhig chab kyi nang du khrus bgyid cing rtsed mo sna tshogs bgyir pa mthong nas/ dge slong gi tshul ma yin par byas pa dang/ dge slong de bdun yang de ma thag tu nam mkha' la ldings nas rgyal po de la rdzu 'phrul rnam ba bcu drug bstan pa dang/ rgyal po de'i yid la bdag gi sngar yang sems can mang po zhig srog bcad de bkum/ nga yang 'phags pa de rnams la ngan sems bskyed pa rab nyes so snyam pa'i 'gyod pa cher skyes/ 'phags pa de dag gi rdzu 'phrul rnam pa sna tshogs bstan pa mthong nas dad pa cher skyes nas/ 'phags pa de dag ga la bzhugs pa'i drung du bsnyen nas mchod pa dang/ bshags pa sbyangs bgyis bzod pa gsol nas 'phags pa dgra bcom pa po nyen re ta la sogs pa 'phags pa bdun gyi phyir 'gu gzhan gyi gtsug lag khang brtsigs te/ 'phags pa dgra bcom pa bdun gyis kyang dog sa de byin gyis brlabs nas zhi ba'i sa 'gu zhan ta zhes bgyi bar gtsug
- 438b
lag khang gi mtshan ma yang brtags te/ gtsug lag khang 'di yang gnyan zhing byin che rab ste/ lha dzi na ri sha ba dang/ nor bu bzang po gnyis kyis bsrung ngo/ /de nas de'i 'og tu rgyal po bi dza ya sang gra ma'i bu rgyal po bi dza ya sid ha zhes bgyi bas rgyal por zhugs nas dge ba'i bshes gnyen 'phags pa dgra bcom pa d+harmA pa la la 'phags pa khyod la rdzu 'phrul mda' ba bdag la bstan par ci gnang zhes gsol pa las/ 'phags pa de'i rdzu 'phrul gyis rgyal po bi dza ya sid ha dga' ldan du khrid de/ 'phags pa byams pa bzhugs pa'i gnas dang/ zhal bstan nas slar mchis pa dang/ rgyal po bi dza ya sid has bzha' ser ma'i gtsug lag khang brtsigs te/ dga' ldan na byams pa 'khor dang bcas pa ji ltar bzhugs pa'i sku gzugs bgyis/ slad kyi byams pa la mchod pa'i slad du mgon po dang/ lha klu gshegs pa rnams kyi tshul ci 'dri ba mgon po'i rten khang gcig brtsigs nas mgon po dang/ lha klu'i gzugs bgyis pa da dung bzhugs te/ gtsug lag khang 'di yang gnyan zhing byin che bar bgyi/ lha gangs can dang/ 'brog gnas zhes bgyi bas bsrungs/ deng sang gi bar du mngon rtags dang mtshan ma dag kyang 'byung ngo/ /de nas de'i 'og tu yang rgyal po bi dza ya man chad rgyal po rabs drug gi bar du gtsug lag khang gzhan ma brtsigs so/ /de nas de'i 'og tu yang rgyal po bi dza ya ba la zhes bya ba'i bu rgyal po bi dza sad gra ma zhes bgyi ba rgyal po bgyid pa'i tshe/ cu gu ban nas tshe'u pa na'i sku gzugs nam mkha' las ldings te li yul du gshegs pa rgyal pos mthong nas dad pa'i shugs kyis sangs rgyas bzhugs pa'i dri gtsang khang brtsigs/ de nas slad kyis rgyal po de'u thon gyi sku mkhar gyi steng gi byang sgo'i sgo khang na mchis pa zhig gi tshe na bltas na sku mkhar gyi slad rol na dge slong gcig khyim pa skya bo phyag 'tshal te bka' mchid mchi ba mthong nas ngo mtshar du mthong ste/ rgyal po des blon po gcig mngags nas zhib tu rtog tu btang ba las/
- 439a
blon po des dge slong dang/ skya bo la so sor rmad nas dge slong gi mchid nas khyim pa skya bo 'di ni 'phags pa 'jam dpal gyi sprul pa lag shes mchi/ khyim pa skya bo de'i mchid nas dge slong 'di 'phags pa sa'i snying po'i sprul pa lags zhes mchi ba dang/ blon po des kyang rgyal po la de bzhin du slar gsol pa dang/ rgyal po bi dza ya sang gra ma yang de ma thag tu 'phags pa de dag gi drung du bsnyen nas phyag 'tshal mchod pa bgyis nas 'phags pa dgag las gshegs zhes zhus pa dang/ 'phags pa gnyis kyi zhal nas bdag cag gnyis kyang shar phyogs nas de bzhin gshegs pa mi 'khrugs pa'i sangs rgyas kyi zhing nas sems can gyi don la 'dir 'ong so zhes 'byung ba dang/ de nas rgyal po bi dza ya sang gra ma'i mchid nas 'phags pa thugs rje dang ldan pa dang gnyis kyi rdzu 'phrul gyi mthu stobs de bzhin gshegs pa mi 'khrugs pa'i sangs rgyas kyi zhing bdag la bstan par ci gnang zhes gsol ba dang/ de bzhin du gnang nas de bzhin gshegs pa mi 'khrugs pa'i zhal dang/ sangs rgyas kyi zhing bstan pa dang/ rgyal po des de bzhin gshegs pa'i sku dang/ sangs rgyas kyi zhing yang mthong/ nam mkha' las shing rta'i steng nas sangs rgyas mang po zhig gshegs nas de dag gis 'od zer btang ba rgyal po'i spyi bor reg par mthong ste/ dad? ba'i shugs kyi sangs rgyas kyis gzugs ji ltar mthong ba bzhin du gzugs su yang bgyis te/ shing rta'i nang du byang srad du yang drangs nas mchod pa chen po bgyis te/ deng sang gi bar du yang dpyid zla ra ba yar gyi ngo la byang srang du sku gzugs chen po 'dren pa dang/ dge 'dun sde gnyis spyan drangs nas byang chub 'byung gnas bkra shis bsil ba'i tshal du mchod ston gsol zhing/ mo hya re'i mchod pa chen po bgyis pa yang rgyal po des bgyis nas dge ba'i bshes gnyen 'phags pa dgra bcom pa mo rgu de shi a ba ya rdang?
- 439b
gi slad du bzha' sang gre re ma'i gtsug lag khang brtsigs te/ rnam thos kyi sras dang/ yang dag shes bgyi ba yang bsrung/ /de nas rgyal po bi dza ya shA tra man chad rgyal po rabs bzhi'i bar du gtsug lag khang gsar pa gzhan ma brtsigs te/ de nas de'i 'og tu rgyal po bi dza ya kIr ti zhes bgyi ba 'gum tir du mchis pa las/ da ltar b+ha ba nya'i gtsug lag khang bzhugs pa'i sar mchis pa dang/ klu'i rgyal po zhig der byung nas rgyal po bi dza ya kIr ti la smras pa/ sngon sangs rgyas 'od srungs kyi tshe dogs 'di byin gyis brlabs nas gtsug lag khang rtsig pa'i sa 'di yin te/ de yang rgyal po khyod kyis gtsug lag khang gcig brtsigs pa'i rigs so zhes bgyis pa dang/ rgyal pos smon lam btab pa/ da ltar dzam+bu'i gling na 'phags pa dag gis byin gyis brlabs te 'dir gshegs par gnang na/ bdag gi gtsug lag khang brtsig par 'tshal lo zhes smon lam btab pa dang/ de ma thag tu nam mkha' las 'phags pa dgra bcom pa bcu bdun gshegs nas rgyal po bi dza yi kAr ti yang dad pa'i shugs chen po skyes nas/ rgyal po dang btsun mo lag dar te/ b+ha ba nya'i bsgoms sa dang/ gtsug lag khang brtsigs te/ gtsug lag khang 'di yang gnyan zhing byin che bar bgyid/ lha gzhan gyis mi thub pa dang nor bu bzang po bsrung/ gtsug lag khang 'di yang gna' bod kyi mnga' ris su gtogs pa'i tshe 'gar blon btsan nyin gung ston li yul gyi dbang po bgyid pa'i brtsigs pa lags/ de nas de'i 'og tu rgyal po bi dza ya sang gra ma dang bu rgyal po bi dza ya sang gra ma spang rgya yul du mchis nas slar li yul du mchi ba'i bar du dru gu'i dmag gis shul khum pa las pha ni rgya yul du gum/ bu chungs te slar mchi ba'i rdo ma thogs pa'i skabs su/ li'i blon po a ma cha khe meg ces bgyi bas dgung lo bcu gnyis kyi bar du rgyal tshab bgyis nas rgyal srid gzung ba'i dge ba'i bshes gnyen dge slong 'phags pa du na tsa zhes bgyi ba'i
- 440a
ba'i slad dum na 'di'i mchod rten dang/ gtsug lag khang brtsigs te/ de bzhin gshegs pa'i sku gdung shA ri ram mang du btsal te/ da ltar gtsug lag khang 'di lha nam mkha' i spyan dang gnod sbyin gyi sde dpon yang dag shes zhes bgyi bas bsrung ngo/ /de nas rgyal po bi dza ya sang gra ma'i bu rgyal po bi dza ya bi kra ma zhes pas slar li yul du mchis nas dge pa'i bshes gnyen 'phags pa dgra bcom pa de ben dra chen gyi slad du gtsug lag khang bya zhi gra ma brtsigs te/ da ltar lha gzhan gyis mi thub pa dang/ nor bu bzang pos bsrung ngo/ /de nas de'i 'og tu rgya'i blon po ser the shi dang/ rgyal po bi dza ya d+harmA gnyis kyi dge ba'i bshes gnyen 'gum tir gyi par mog 'dzin sen zhes bgyi ba'i slad du gong mkhar gyi byams pa mai tre'i gtsug lag khang brtsigs te/ da ltar gtsug lag khang 'di rnam thos sras kyis bsrung ngo/ /de nas de'i 'og tu rgyal po'i blon po ka the shi dang/ rgyal po bi dza ya sam b+ha ba zhes bgyi ba gnyis kyis dge ba'i bshes gnyen u dren dra rod ci dang/ d+harmA nan ta gnyis kyi slad du khe gan tsa'i gtsug lag khang brtsigs te/ da ltar gtsug lag khang 'di rnam thos kyi sras kyis bsrung ngo/ /thog ma dge slong 'phags pa bai ro tsa na tsar ma'i tshal du gshegs pa phyugs rdzi la sogs pa mi 'og ma dag gis mthong nas rgyal po bi dza ya sam bla ba la bdag cig sngar ma mthong ba'i mi 'di lta bu zhig tsa ra ma'i tshal na mchis so gsol ba dang/ rgyal po bi dza ya sam b+ha yang de mthag tu tsar mar mchis nas 'phags pa bai ro tsa na mthong ba dang/ ded pa skyes nas phyag 'tshal mchod pa bgyis nas 'phags pa des kyang rgyal po bi dza ya sam b+ha ba'i dge ba'i bshes gnyen bgyis nas legs nyes gnyis kyi 'bras bu bstan to/ /chos bshad bshags sbyangs bgyid du stsal ba las/ rgyal po de yang chos kyi mig bya nas
- 440b
lhag par yang dad pa skyes nas rgyal po slar sku mkhar du mchis nas thog ma 'phags pa bai ro tsa na gshegs so zhes bka' mchid snyan pa thos pa'i sar mchod rten chen po gcig brtsigs te/ ming yang su stong nyar btags/ slad kyis mchod rten de yun rings pas zhig nas/ de nas de'i 'og tu rgyal po bi dza ya bo ha na chen po dang/ rgya yul nas mchis pa'i dge slong 'ba' la shi zhes bgyi ba mchis pas tshar ma'i dge 'dun dge ba'i bshes gnyen du spyan drangs nas su stong nya'i gtsug lag khang brtsigs te/ da ltar rnam thos kyi sras kyis bsrung ngo/ /dge slong ma'i gtsug lag khang rnams kyis gtan tshigs dang/ snga phyi'i go rim la rgyal po bi dza ya sid ha zhes bgyi ba zhig chung du nas rgyal por zhugs te/ chungs pa'i skabs su blon po kha cig gis rngan can bgyis te/ rgyal mo dang mchis brang slas dang/ nad 'khor ma rnams dag dang mi rigs pa bgyis nas slad kyis rgyal po de chen por gyur nas/ sngar blon po de dag gis rngan chan bgyis shing bsnyad pa de dran nas/ khon dran par gyur te/ slad kyi rgyal po des blon po rnams ri dags shor ba ltar thabs kyis bring nas 'u then gyi shel chab gong ma yul ba ro bya zhes bgyi bar blon po bdun cu rtsa lnga bkum nas/ slad kyi der gtsug lag khang gcig kyang brtsigs/ de nas sku mkhar du mchis nas rgyal po mchis pa'i gnas nas rgyal mo dang/ slas dang nang 'khor ma mchis pa'i khang pa phyi sgo bkum nas 'grul bcad/ de bzhin du 'gum par bgyis pa las/ rgyal po de'i btsun mo 'khor dang bcas pa phongs te/ nyam thag nas phyogs bcu'i sangs rgyas dang byang chub sems dpa' i mtshan nas brjod/ mchod pa bgyis te/ lha khang bskor d+harmA bklags bsod nams cher bgyis ba'i mthus rgya gar yul nas 'phags pa dgra bcom pa ma ya sha tra dz+nyA dang/ s+thya shu ta dang/ sod ha na ta la la sogs pa nam mkha' la lngas? te/ rgyal
- 441a
mo ma sha ko sha dang/ sa lu ca la sogs pa 'khor mchis pa'i drung du gshegs nas rgyal mo de dag la chos bshad de rab tu byung ba las dad pa'i shugs kyi de ma thag tu rgyal mo de dag gi 'khor las brgya rtsa bcu gnyis dgra bcom par gyur nas nam mkha' la ldings te/ bsod snyoms len du gshegs pa rgyal po bi dza ya sing? tas mthong nas/ de ma thag tu gnas der mchis te lta na rgyal mo mog sha ko sha dang/ sa lu ca la sogs pa'i 'khor ril rab tu byung ste/ phal cher dgra bcom par gyur te/ rdzu 'phrul sna tshogs bstan pa mthong nas rgyal po yang rab tu dga' nas dad pa'i shugs kyis gnas de nyid du gtsug lag khang brtsigs te/ bran zhing dang/ nor phyugs la sogs pa mchod pa'i yo byad mang? mo tsam zhig phul nas gtsug lag khang de'i ming yang nu bo nya zhes btags te/ gtsug lag khang 'di yang gnyan zhing byin che bar bgyid/ da ltar lha phur pa'i lag pa zhes bgyi bas bsrung/ /de nas de'i 'og tu rgyal po 'don 'dros kyi btsun mo rgya rje'i sras mo sho rgya zhes bgyi ba'i phu mo dge slong ma sho'i dza ya zhes bgyi ba dag bcom nas bu mo sha rgya'i dge ba'i gshes gnyen bgyi ba'i slad du rgya yul nas 'u then ?? chis pa'i phyir nu mo rgyal mo sho nas yo zo 'jo'i gtsug lag khang brtsigs te/ da ltar klu'i rgyal po nga? ci dang/ da ra gnyis bsrung/ /de nas de'i 'og tu rgyal po bi dza ya sha ta'i nu bo a ma ca za ro'i mchis brang du su ha tsho ha zhes bgyi ba khyim thab gum pa dang/ bud med de la rgyal po'i mchid nas bdag dang mi phrad du mi rung ngo zhes bgyis pa dang/ bud med de'i mchid nas bdag dgung bdun zhig khyim thab kyi bdun bgyi cid? slad rol tu mi mchi bar ci gnang zhes gsol ba dang/ rgyal pos kyang de bzhin du
- 441b
gnad nas de ma thag tu bud med de yang gsang ste/ rab tu byung nas dgung? bdun gyi bar du sems rtse gcig tu sangs rgyas rjes su dran pa'i ting nge 'dzin bsgom nas de bzhin gshegs pa'i zhal yang mngon sum du mthong nas dgra bcom pa ste ming? yang bud d+ha nan btags/ de nas dgung bdun lags pa dang/ rgyal pos bud med de 'gugs pa zhig btang ba de'i mchid nas mo rab tu byung ste/ 'phags pa dgra bcom mar gyur nas da ltar 'od kyang 'byung zhing mchis so zhes bgyis pa dang/ rgyal po der mchis nas 'phags ma de la 'od kyang 'byung/ rdzu 'phrul sna tshogs bstan pa yang mthong nas dad pa skyes te/ de nas 'phags ma bud+ha nan ta'i slad du zer ro 'jo'i gtsug lag khang brtsigs te mnyan zhing byin che bar bgyid/ da ltar lha? dga' ba'i dbang phyug ces bya bas bsrung/ /de nas de'i 'og tu rgyal po bi dza ya nan ta zhes bgyi ba nam gyi rgyal po hu mar bya ba'i mchis brang dang mdza' ? bu mo gcig cig mchis pa rab tu byung nas dgra bcom par gyur nas bltas na/ bdag ni li rje bi dza ya ma ta'i bu mo lags par thugs su chud nas 'phags pa d+harmA ba la de dang/ dge slong ma 'phags ma nyi shu/ shu lig? nas nam mkha' las ldings te li? yul du gshegs nas rgyal po yab la thog ma'i lo rgyus kyang bshad/ rdzu 'phrul rnam pa sna tshogs kyang bstan pas rgyal po yang dad? pa skyes nas bu mo 'phags ma dgra bcom ma d+harmA ba la'i slad du po ye na to'i gtsug lag khang brtsigs te/ da ltar rnam thos kyi sras dang/ klu'i rgyal po hU? lor bgyi bas bsrung/ /de nas de'i 'og tu rgyal po bi? dza ya sad gra ma seng ge zhes bgyi ba'i ma rgyal mo d+harmA zhes bgyi ba rab tu byung nas dgra bcom ma'i 'bras bu thob nas spyil bu'i nang du bsgom zhing mchis pa las/ nub ma 'ong byung ste?
- 442a
rgyal pos mtshan ma gzugs pa'i phyir mda' gcig 'phangs nad par mda' tshol du btang ba'i sa de na rgyal po'i ma d+harmA de bzhugs pa mthong nas/ rgyal po yang dad? pa skyes te/ ma 'phags ma dgra bcom ma d+harmA zhes bgyi ba'i slad du rgyal pos dro mo 'dza' zhes bgyi ba'i gtsug lag khang brtsigs te/ da ltar lta seng skyas bsrung/ /de nas rgyal po bi dza ya sang gra ma'i nu'o bra se ya stu lag ces bgyi ba zhig gis rgyal mo dru gu mo zhig rab tu byung nas ming yang a zhu sa sum zhes bgyi bar btags te/ dgra bcom pa'i slad du dad pa skyes nas ta ke 'jo? zhes bgyi ba'i gtsug lag khang brtsigs te/ da ltar gnod sbyin gyi sde dpon yang dag shes kyis bsrung/ de nas gtsug lag khang 'gu gzhan brtsigs pa'i rgyal po bi dza ya sang gra ma'i mchis brang? rgyal po phra mo ge sar gyi bu mo 'u rod? ga zhes bgyi ba'i bu mo gnyis rab tu byung nas dgra bcom ste 'phags ma de gnyis gcig gi mtshan ni shi la ma ta zhes bgyi/ gcig gi mtshan ni go'u sha ra zhes bgyi te/ 'phags ma de gnyis kha che yul nas nam mkha' la ldings te/ ma rgyal mo 'u rod gi dge ba'i bshes gnyen du gshegs te/ 'phags ma de gnyis kyi slad du rgyal mos ho? ron 'jo'i gtsug lag khang brtsigs te/ da ltar klu'i rgyal po hu lor bgyi ba dang/ gser gyi skra zhes bgyi ba gnyis kyis bsrung/ /de nas rgyal po bi dza ya kIr ti'i bu mo bi sha dza yas bu mo 'phags ma dgra bcom ma bi te she ci'i slad du bo blo na jo'i gtsug lag khang brtsigs te/ da ltar gnod sbyin gyi sde don yang dag shes kyis bsrung/ /de nas rgyal po bi dza ya 'dza' la'i bu mo gu zin gyi rgyal mo'i mchis brang bgyid pa bi sha phra ba zhes bgyi bas bu mo
- 442b
dge slong ma 'phags ma dgra bcom ma bi dza ya'i slad du er mo no'i gtsug lag khang brtsigs te/ da ltar ser skya bsrung/ /de nas rgyal po bi dza ya pa la zhes bgyi bas snga slad du sems can mang po zhig bkum nas 'gyod pa skyes te/ bsod nams phal cher bgyis/ mchis brang yang thar bar btang nas 'phags ma dgra bcom mar gyur pa'i slad du dad pa skyes nas kho mo no no'i gtsug lag khang brtsigs te/ da ltar rnam thos kyi sras kyis bsrung ngo/ /de nas li rje'i blon po a ma ca ge meg ces bgyi bas phu po srun? gsum gdugs gcig tu bkum nas/ ma yang thar bar zhugs nas de nyid du a ma ca kha meg gis gus sde re ma'i gtsug lag khang brtsigs te/ da ltar lha nam mkha' i spyan dang/ gnod sbyin gyi sde dpon yang dag shes kyis bsrung/ de nas rgyal po bi dza ya dza ya zhes bgyi bas o sku'i rgyal po'i bu mo mchis brang du blangs te/ rgyal mo des dge ba'i bshes gnyen 'phags ma dgra bcom ma gzhi ma'i slad du o ka no'i gtsug lag khang brtsigs te/ da ltar lha yo zhes bgyi bas bsrung/ /de nas rgyal po bi dza ya sang gra mas kus phyi or myong nag gi gtsug lag khang brtsigs te/ nad? 'khor ma mang zhig thar bar skyes nas da ltar gyal po ku na'i srung ma lha mo gser gyi me tog dang/ lha mo dung can gnyis bsrung/ /de nas rgyal po bi dza ya las bcu gun pan gyi rgyal po'i bu mo shu to ka zhes bgyi ba mchis brang du blangs? ba'i phu mo dge slong ma dgra bcom ma a sho ko shi la'i slad du gco'u no'i gtsug lag khang brtsigs te/ da ltar lha? a ga lha dang/ lha 'jim b+ha ke'u ta nas bgyi ba gnyis bsrung/ /de nas rgyal po bi dza ya sid? ha'i mchis brang? ga 'jag gi rgyal mo a lyo 'ja' zhes bgyi ba'i dge ba'i bshes gnyen du shu lig nas dge slong ma 'phags ma dgra bcom ma
- 443a
bdud? gshegs pa'i slad du rgyal po bi dza sing? has khye sho na'i gtsug lag khang brtsigs te/ da ltar lha seng skyes bsrung?/ /rgyal po bi dza ya sang gra ma rgyal po bgyid pa'i tshe kha? che'i yul nas dge slong ma 'phags ma dgra bcom ma shi la ta dang/ 'ge'u shu su ya zhes bya ba gnyis na mkha' las ldings te/ gshegs nas slang kyis khyim bdag na mo bod? kyi bgyi ba'i khyim drung du bzhugs nas rgyal po bi dza ya sang gra ma la smras pa/ rgyal po chen po dogs?/ 'di ni sngon sangs rgyas shAkya thub pa byang chub sems dpa' i spyad pa spyod pa'i tshe byang chub sems dpa' sa sheng zhes bgyi bar gyur pa na bram ze la bu med? sring? gnyis yon du phul te/ phrin las dka' ba rnam gcig mdzad pa'i sa 'di lags pas 'dir gtsug lag khang gcig brtsigs par rigs so zhes bgyis pa dang/ khyim bdag na mo zod? ces bgyi ba de yang dad pa skyes nas khang khyim dang sa de yang yon du phul nas rgyal pos kyang gtsug lag khang gcig brtsigs/ yon bdag las kyang ming dras nas gtsug lag khang gi mtshan yang na mo 'du? gdod? zhes bya bar btags/ da ltar klu'i? rgyal po hu lor dang/ lha gser gyi skra zhes bgyi bas bsrung/ /de nas li rje'i blon po 'da' no ya? zhes bgyi ba zhig gis chod 'dus par mar skra gzugs chen po bgyis pa las slad kyis yang li'i blon po a ma ca bi dang kyi sku gzugs chen po'i lta zhig ngal? du gyur pa yang gsos/ /kong? sheng gi dge slong ma'i slad du 'da' no yo no'i gtsug lag khang brtsigs? te/ da ltar rnam thos bsras? kyis bsrung ka'u? then na dge 'dun sde gnyis bzhugs pa'i gtsug lag khang chen por brtsi ba ni sku mkhar gyi nang dang/ slad rol na drug cu rtsa brgyad bzhugs/ gtsug lag khang 'bring du bgyi ba ni dgu cu rtsa
- 443b
chu? lags/ gtsug lag khang chung ngur? bgyi ba ni brgya bzhi bcu rtsa brgyad bzhugs/ sgo sgo'i mchod pa'i lha khang chung ngu dang/ yon bdag ma mchis pa'i lha khang dang/ mchod rten ni sku mkhar gyi nang dang/ slad rol gyi tshar yan chad na srum? stod drug bcu brgya bcu rtsa brgyad bzhugs/ 'u then na dge 'dun sgos 'tsho yan chad byi pa lo la brtsis na khri tsam zhig bzhugs/ mdo lo dang me skar phyogs na gtsug lag khang chen po ni bzhi zhig bzhugs/ sgo sgo'i lha khang dang yon? bdag ma mchis ba'i lha khang chung ngu ni brgya lhag tsam bzhugs/ dge 'dun nyi shu tsam bzhugs/ kam sheng dang/ pha nya dang/ be rka 'dra dang/ o sku yan chad ji la man chad sku mkhar gyi nang dang/ slad rol gyi mtshar yan chad na gtsug lag khang chen po nyi shu rtsa gsum bzhugs gtsug lag khang 'bring ni nyi shu rtsa gcig bzhugs/ gtsug lag khang chung ngu ni nyi shu rtsa gsum tsam bzhugs/ sgo sgo'i mchod pa'i lha khang chung ngu dang/ mchod rten chung ngu ni spyir brgyad brgya sum cu rtsa dgu bzhugs/ dge 'dun sde gnyis las rkyen pa dang/ sgo 'tsho yan chad spyir bzhi brgya sum cu rtsa brgyad bzhugs/ gyil kyang man chad kong shed dang/ du rya yan chad sku mkhar gyi nang dang/ slad rol gyi tshar yan chad na gtsug lag khang bco lnga tsam bzhugs /sgo sgo'i lha khang chung ngu dang/ yon bdag ma mchis pa'i lha khang chung ngu dang/ mchod rten yan chad bzhugs/ dge 'dun sde gnyis las rkyen pa dang/ sgo 'tsho yan chad spyir dgu brgya drug cu rtsa gsum bzhugs// //rgyal po sa nu'i cha bo rgyal po bi dza ya sam b+ha ba zhes bgyi ba'i tshe thog ma li yul du
- 444a
chos byung ste brtsis na khyi lo'i shol bor ba'i ston zla tha chungs yan chad gung lo stong nyis brgya lnga bcu rtsa drug tsam lags/ 'phags pa zla ba'i snying pos zhus pa dang/ lha mo dri ma med pa'i 'od kyis zhus pa dang/ 'phags pa dgra bcom pa dge 'dun 'phel gyi lung bstan pa rnams dang mthun par li yul? dang/ der li? rje'i rgyal po rnams kyis 'phags pa rnams spyan drangs nas/ sangs rgyas kyi bstan pa dang/ de'i gzhi gtsug lag khang dang/ lha khang dang/ mchod rten rnams ji ltar bzhengs pa dang/ dge 'dun sde gnyis ji ltar spel? ba'i tshul nga rgyas par bstan pa/ li yul lung bstan pa zhes bya ba rdzogs so// //mang+gA lam //