Text

ff. 1a–286a · 491 folio sides

  1. 1a

    gsang ba 'dus pa'i rgyud la brten pa'i arg+ha'i cho ga'i snying po bzhugs/

  2. 1b

    rgya gar skad du/ arg+ha pi d+hi/ bod skad du/ arg+ha'i cho ga /dpal rdo rje sems dpa' la phyag 'tshal lo/ /sangs rgyas rgyal ba rnam 'phro shin tu rnam rgyal byang chub pa/ /rig ma'i lus sbyor las skyes bde bas shin tu khyab pa'i sku/ / 'khrul pa ma lus spangs shing 'gro ba rnams kyi don mdzad la/ /phyag byas nas ni 'dus pa'i gzhung gis arg+ha'i cho ga bshad/ /gtsug lag khang dang mchod rten ras bris gsung rab sku gzugs dang/ /khang bzang gzhal med khang dang khyams

  3. 2a

    dang rdzing bu wa chu rnams/ /khron pa chu mig shing bzang ljon shing rnams kyi nags/ /rtsed mo'i de'u skyed mos tshal ni sbyin pa'i sa la mdor bsdus na'o/ /de la thog ma nyid du slob dpon gyi mtshan nyid dang ldan pa'i slob dpon gzhan gyis maN+Dal sngon du song bas lan gnyis gsum gsol ba btab pas sam/ rang nyid bsod nams 'dod pa la sogs pas gtsug lag brtsig pa'i phyir bgros pas nyin zhag dge ba rgyu skar bzang po la tho rangs kyi dus su sa brtag par bya'o/ /tsin tsa skyer pa ba hur

  4. 2b

    rams shing dang/ /ko pi da ra ka rany+dza dang yungs kar dgod/ /ri yi ze'u 'bras bur bcas dang rus sbal rgyan dang ni/ /glang po'i bshul pa lta bu'i sa ni rnam par spangs/ /shar phyogs su ni pi pa la yi sa ni rnam par spang/ /shar phyogs su ni pi pa la yi shing rnams dang/ /blag sha'i shing dang gshin rje'i phyogs su yang dag ldan/ /n+ya gro d+ha yi ljon shing rnams dang nub phyogs su/ /sa gzhi'i byang phyogs su ni ba ku la dang bcas/ /me yi mtshams su ka ku b+he dang yang dag ldan/ /pa la sha yi ljon shing srin po'i phyogs su grags/ /sa skyes shal ma li ni rlung gi phyogs su ste/ /dbang ldan u duM ba rar bcas pa'i sa gzhi spang/ /mya ngan med dang pri yaM ku dang ku sha ni ma/ /a shwat+tha ma la mo tsa la ku tsa dang/ /ni a mrad dim sa ni bya dang

  5. 3a

    shar du gzhol/ /sa ni dkar ldan gru bzhi yang ni mtshan nyid bzang/ /de ru dong ni gru bzhir brkos te de nyid las/ /byung ba'i sa yis de ni dgang bar bya ba nyid/ /de ni gal te ma khengs na ni ma sngags so/ /gal te sa ni dang po las lhag rab tu bsngags/ /sa yi khung bu mtho gang tsam du brkos nas su/ /de ni lhag med chu yis rab tu dgang par bya/ /gom pa brgya ni song nas log ste blta bar bya/ /chu ni gal te ma 'gribs dge ba'o gzhan du gzhan/ /sa la gnas pa'i chu ni g.yas bskor gyis/ /dbang ldan mtshams su myur du bab na ni/ /brtan byed sa gzhi shin tu dag pa ste// 'jigs pa'i dus su yang ni nyams pa med/ /de la de ltar sa'i mtshan nyid rig pa'i sngags pas lus bkru zhing dri zhim pas ji ltar rnyed pas gos dang rgyan dang

  6. 3b

    cod pan dang bde ba'i stan mthon po la 'dug ste/ /dgos pa yongs su tshang ba dang bsrung ba'i sngags bzlas pa 'grub pas lag pa rdo rje dang dril bu 'dzin pas mnyam par gzhag pa ste/ lha'i rnal 'byor byas nas dgongs ka zhi ba'i gtor ma byin te/ /dag pa 'am sbyangs pa'i sa gzhir lci ba dang sas ba lang gi ko ba tsam byugs pa'i dbus su maN+Dal bya ba 'am byed du gzhug go /de nas de ru dkyil 'khor gyi 'khor lo rnam par bsgoms la mchod pa lnga yis de la yang dag par mchod de/ gtor ma rgya chen po man ngag ji lta ba bzhin du sbyangs te/ phyogs skyod pa thams cad la tur rgya'i sgra dang bcas pas 'bul lo/ /de'i rjes la pus mo g.yas pa'i lha nga sa la btsugs nas lus btud de sangs rgyas dang byang chub sems dpa' thams cad dang lha rnams la sa blang par bya'o/ /khams gsum gdan sangs rgyas dang/ /byang chub sems dpa' rdzu 'phrul che/ /lha klu gnod sbyin chen po dang/ /dri za rnams dang lha min sogs/ /thams cad la ni gsol bar 'tshal/ /sems can kun gyi don sgrub phyir/ /sa yi cha ni mdzes pa 'dir/ /gtsug lag 'byor pa rgyas phyir dang/ /thos dang bsam

  7. 4a

    sogs 'phel ba yis/ /dam pa'i chos ni rtogs phyir dang/ /grags pa mthar thug gtsug lag khang/ /lus can kun gyi yang dag 'tsho/ /bdag ming 'di zhes bgyi ba yis/ /bzang po 'di ni bdag phyir yang/ /khyed la gnod pa mi mnga' bas/ /grags pa dam pa bgyid par 'tshal/ /khyed kyis bzod cing gnang ba ni/ /bgyid par 'tshal gyi gzhan du min/ /rmi lam la sogs mtshan ma yis/ /dge ba'i sa 'di bdag la gsol/ /zhes bya bas so/ /de ltar lan gsum brjod nas oM mu tsu le swAhA/ oM mo hA ni swAhA/ oM dat+ta li swAhA/ zhes bya ba rmi lam ston pa'i sngags 'dis lag pa g.yon pas lan nyi shu rtsa gcig tu mngon par bsngags te/ /sa phyogs gtsang mar gos dang rgyan gtsang mas sngas lhor bstan te// kha shar du bltas bas seng ge'i nyal stabs kyis nyal bar bya'o/ /yang na rje btsun 'jig rten dbang phyug yang dag par mchod de/ de dang nye bar snga ma bzhin nyal bar bya'o/ /mtho rangs rmi lam gyi mtshan ma dge mi dge nye bar gzung bar bya ste/ /rmi lam sangs rgyas zhal mthong dang/ /mchod rten sku gzugs mchod pa dang/ /dam chos nyan dang de shes pa'i/ /dge slong dge 'dun mthong ba dang/ /gtsug lag khang dang sangs rgyas sras/ /dge slong ma rnams skyed mos tshal/ /sa 'dzin 'dzeg dang bsti gnas dang/ /chu bo rdzing bu rgya mtsho dang/ /ri bo can dang ri dags bdag /e ne ya dang ba la bsngags/ /dur pa rma bya la sogs khyad 'phags 'dab gshog can/ /ting 'dzin ldan pas rmi lam du ni nges par mthong/ /bzhon pa glang

  8. 4b

    chen khyu mchog dang ni sa 'dzin dang/ /gzhal med gnas mchog dpag bsam gyi ni shing rnams dang/ /dge bsnyen dang ni sdom can mi yi bdag po rnams/ /gsang sngags dbang phyug rnams dang bud med mchog/ pha dang ma dang lha rnams dang ni bla ma dang/ /lha yi btsun mo rnams dang mchog gi gsang pa pa/ /sgrub po dam pa dang ni yon tan can dang gnyis skyes rnams/ /dga' ston chen po dang ni rgyal ba'i mchog gi dkyil 'khor rnams/ /rgyan rnams dang ni gos dang 'bru dang nor dang mchog/ sbyin sreg las dang 'bras bu dang ni me tog rnams/ /rgyal po dbang bskur thob byed phun sum tshogs pa'i dngos/ /g.yul las rgyal dang rkun mo bcings dang rang gi tshogs/ /rgya mtsho dang ni chu bo rnams dang 'phrang la sogs/ /brgal bar dka' pa rnams las nges par thar pa yang/ /der de lta bu la sogs pa'i rmi lam ni bzang ste de las bzlog pa ni ngan par shes nas/ /gal te ngan pa mthong na de'i tshe bgegs mthar mdzad kyis sngags bzlas te/ /chos thams cad ni rmi lam lta bu ste/ rmi lam nye bar ma dmigs pa'i nye bar len pas so zhes lhag par mos pas sam/ yang na rmi lam ston pa'i sngags brjod pas/ /rmi lam ngan pa zhi bar bya'o/ /de nas rmi lam bzang po 'am bzang por bsgyur nas/ oM b+hu khaM zhes bya ba'i sngags kyis nam mkha' lta bur bsams nas/ /hUM laM hUM zhes bya ba'i sngags kyis rdo rje'i rdul phra rab kyi rang bzhin gyis sa gzhi rnam par bsgom nas/ oM me di ni badzri b+ha ba badzra band+ha hUM zhes bya ba 'dis byin gyis brlab par bya'o/ /de nas de lus phyed 'thon pa gser gyi mdog can rin po che'i bum pa phyag na bsnams shing na bza' dang rgyan mchog dang ldan pa'i sa'i lha mo mdun du rnam par bltas te/ tshigs su bcad pa gnyis kyis lhag par gnas par bya'o/ /'byung po kun gyi 'dren pa yin/ /spyod pa'i tshul gyi bya ba dang/ /sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ ji ltar bdud gyi sde bcom pa/ de bzhin bdag gis bdud kyi sde/ /bcom nas gtsug

  9. 5a

    lag khang mchog byed ces bya pas so/ /lan gsum du ni bskul nas su/ /sa la yon chab la sogs pa/ /nye bar spyod pa legs mchod de/ /de nyid du ni thim par bsam/ /de nas yongs su dag pa thob pa'i sa'i char sems mgu ba'i sngags pas chos thams cad rang bzhin gyis rnam par dag pa'o zhes lhag par mos pas thams cad kun tu spyad do/ /sna tshogs pad+mar sna tshogs rdo rje'i stegs bu la/ /zla bar b+h+ruM las dag pa'i 'khor lo rtsibs brgyad pa/ /de yi lter gnas b+h+ruM gyi 'od kyi dra ba las/ /nges par 'byung ba'i de bzhin gshegs pa thams cad rnams/ /kun nas bsdus te gyur pa las ni khyad 'phags pa'i/ /rig ma mchog ni bzhi po las byung mdzes pa yi/ /khang pa brtsegs pa thar pa'i grong khyer ngo mtshar can/ /nor bu chen po 'od 'bar rang bzhin rab tu blta/ /der ni dkyil 'khor dri bzang sogs kyis byas nas ni/ /'di la dkyil 'khor 'khor lo rnam par bsgom par bya/ /de la sna tshogs nyer spyod rnams kyis yang dag mchod/ /phyogs rnams su ni rim pa bzhin du gtor ma sbyin/ /de nas dri zhim po'i me tog dang bcas pa'i thal mos oM sarba ta thA ga ta su la li ta/ bi lA si nA mi te ra nA mmi? b+hA ga bAn taM dza(rgyud 'grel): hUM baM ho(rgyud 'grel): pra tIts+tsha ku su mi any+dza laM/ nA tha ho zhes brjod bzhin du steng du bltas te snyim pas me tog gtor bar bya'o/ /de nas pus mo g.yas pa'i lha nga sa ? btsugs te lag pa g.yas pas dri zhim po'i bdug spos kyi reng bu bzung nas sngags lce la hUM yig las byung ba'i rdo rje dkar po phra mo rnam par bsgoms nas/ sangs rgyas dang byang chub sems dpa' thams cad dang gzhan dag kyang snyan gsan dbab par bya'o/ /bcom ldan che ge rdo rje mchog /rig pa'i rgyal po phyag 'tshal bstod/ /mgon po thugs rje'i bdag nyid bdag /gtsug lag khang ni bgyid par 'tshal/ /slobs rnams la phan phyir dang/ /khyed rnams la yang mchod pa'i phyir/ /bcom ldan gus byed bdag la ni/ /rjes su gzung ba mdzad pa'i rigs/ /'gro ba'i 'khor lo'i don mdzad pa/ /sangs rgyas rnams dang dgra

  10. 5b

    bcom ba/ /'jig rten skyong dang gsang sngags lha/ /gang gzhan rnams dang 'jig rten skyong/ /lha rnams dang ni rdzogs sangs kyis/ /bstan la gnas pa'i 'byung po dang/ /sems can gang zhig bstan dga' ba/ /rdo rje mig ldan dgongs su gsol/ /rdo rje can bdag che ge mo/ / gtsug lag khang ni cho ga bzhin/ /'gro ba rnams ni dag bya'i phyir/ /ci nus bya ba bgyid par 'tshal/ /de phyir bdag dang slob ma la/ /rjes su brtse bar nyer dgongs te/ /'dir ni 'khor bcas thams cad kyi/ /gdan ni gnon par mdzad pa'i rigs/ /de ltar lan gsum brjod pas snyan gsan phab? nas yang dag par mchod de bstod pa yang bya'o/ /de nas legs par brtags shing shin tu mnyam pa'i sa'i char stan bde ba la 'dug ste/ mdun du chu gtsang ku sha'i tshom bu dang bcas pa dang/ 'o ma du rba dang bcas pa dang/ /dri chu me tog dkar bo dang bcas pa chu la sogs pa'i smod yongs su bzlas ba rnams g.yon du rim pas bzhag cing/ /ting nge 'dzin gsum dang ldan pa'i rnal 'byor pas buM ba lhag par gnas par bya'o/ /de la nag po dang rtsa ba med pa/ mchu 'phyang ba/ mgrin pa ring ba lto pa che bar nas dang gro dang 'bras so ba dang ma sha dang til rnams te 'bru lnga dang/ 'bri ha ti dang kaN+Ta ka ri dang a pa ra tsi ta dkar po dang/ ha sa dang ha sa de ba rnams te sman lnga dang/ gser dang dngul dang mu tig dang byu ru dang/ mu men te rin po che lnga dang ldan pa/ dri'i chus gang btsu ta la sogs pa'i yal gas kha brgyan pa gos zung gis mgrin pa dkris pa/ de la chos 'byung gi nang du gnas pa rang gi lha'i mtshan mas mtshan pa/ yi ge baM las rin po che'i rang bzhin las byas nas gdugs dang bcas par 'khor dang bcas pa'i bdag por kun tu btags te/ me tog gi phreng bas dkris pa'i rdo rje rnam par rgyal ba'i bum pa'i steng du bzhag ste/ lag pa g.yon pa'i khu tshur gyis rdo rje dang 'brel pa'i me tog gi phreng ba'i rtse mo bzung nas/ sngags pas yi ge gsum dang spel te rang gi lha'i sngags brgya rtsa brgyad bzlas par bya'o/ /de bzhin du gzhan dkyil 'khor ba'i bum pa rnams

  11. 6a

    kyang cho ga de bzhin du lha rang rang gis mtshan mas mtshan pa byas nas dkyil 'khor ba'i lhas byin gyis brlabs pa rnams la rang rang gi bsngags yi ge gsum gyis spel ba lan bdun du mngon par bzlas par bya'o/ /de bzhin du gzhi bdag gi bum pa yang ji lta ba rang gi mtshan mas mtshan pa rnams la yi ge gsum dang spel bas rang rang gi bsngags bzlas par bya'o/ /thams cad kyang srog ldan nya dang bcas pa rnams la rim pa bzhin lhag par gnas par byas nas/ bsang gtor la sogs pa byas te mchod pa lngas yang dag par mchod de/ dril bu dkrol bzhin pas bstod par bya'o/ /de nas las byed kyi skyes bu bgegs mthar byed kyi rnam par bsgoms te/ rgya dang zabs su khru do pa'i dong gru bzhi par brkos la dbang ldan du tshad dam/ de'i phyed du zlum por brkos te srol btod nas gnyis ka lci ba dang sa dang chu rnams kyis byug go /de nas arg+ha la sogs pa byin nas dong gru bzhi par go rim bzhin rnam par rgyal ba la sogs pa'i bum pa rnams kyis chu blugs par bya'o/ /der shar ram byang du bltas te nya rnams 'phyo ba na gtsug lag khang 'khor dang bcas pa myur du 'grub par 'dod pa yin no/ /de nas de'i sdubs phye ste dong zlum por chu gtang ngo/ /de'i chu'i skor phyogs brtag par bya'o/ /gal te chus g.yas skor du 'bab na der dge slong brtul zhugs dam pa yon tan rnams des par 'byung bar 'gyur ro/ /de'i rjes la glu ma mas dbang du bya ba'i phyir/ der 'o ma can gyi yal ga rnams kyis g.yogs te nyi ma la gnas pa'i dzaM yig las byung ba'i rdo rje yongs su gyur pa las/ dzaM ku li sku mdog ser po zhal ser po dang nag po dang dkar po/ gdeng ka bdun gyis brgyan pa/ rin po che'i cod pan can/ rtsa pa'i phyag gnyis kyis rang snang gi thabs la khyud pa/ g.yas gnyis na rdo rje dang mda''dzin pa/ /g.yon gnyis kyis gzhu dang sdigs mdzub dang bcas pa'i zhags pa can/ /sna tshogs pa'i na bza' dang sprul gyi rgyan gyis brgyan pa/

  12. 6b

    nyi ma'i gdan dang 'od can bsgoms nas bdag nyid kyang dzi ku la'i gzugs su rnam par bsgoms te sa 'og tu dmigs nas sna tshogs rdo rje'i rang bzhin gyi sa gzhi bsgom par bya'o/ /de'i yang ltad mo ba'i skye bo'i rnams gtam po la dang dri zhim po'i me tog dang/ tsandan la sogs pa byin pas mgu bar bya'o/ /de nas bsrung ba'i don du mchod sbyin gyi shing ngam seng deng gi rang bzhin las bde bar gshegs pa'i sor gyi sor brgyad kyi chad du steng dang 'og rtse lnga ba dang rtse gcig pa'i rdo rje'i rnam pa can tsandan dmar pos byugs pa me tog dang skud pa dang/ yungs kar dang bcas pa rnams la bgegs mthar byed kyi sngags kyis lan brgya rtsa brgyad bzlas te gdab par bya'o/ /oM g+ha g+ha g+ha ta ya g+ha ta ya/ sarba duSh+TaM phaT/ kI la ya kI la ya sarba pA paM hUM hUM hUM/ badzra kI la ya badzra d+ha rod adz+nyA pa ya ti kA ya bAk+tsit+ta badzra kI la ya hUM phaT zhes bya ba'i sngags 'dis phyogs thams cad du brdeg par bya'o/ /slar yang bgegs thams cad rnam par gzhig pa'i ched du rang rang gi phyogs su son pa'i dpung dang pu dang chung ma bcas pa'i dbang po la sogs pa rnams bzhengs par 'gyur ba'i gtsug lag khang gi dbus sam/ dbang ldan du gcig tu gnas par bltas la/ bdud rtsi 'khyil pa stong khro bo smad mdung gi rnam pas sngags nga nyid kyis blos phur bu gdab par bya'o/ /de nas phyogs kyi dkyil 'khor bgegs med par rnam par bsgoms nas sgrub pa'i grogs dang lhan cig tu rdo rje'i rdo rje khu tshur gyis thig skud bzung nas g.yas skor du 'khor bas thig gdab pa bsgrub par bya'o/ /de nas slob dpon me'i mtshams nas byang du kha bltas te/ sgrub pa'i grogs dbang ldan nas lho ru mngon par phyogs pas shar gyi thig gdabs par bya'o/ /de nas rlung gi mtshams su song ste lho ru mngon par phyogs pa dang/ srin po'i mtshams nas byang du bltas pas nub kyi cha thig gdab par bya'o/ /slar yang g.yas skor gyis rlung gis mtshams su song ste dbang ldan du gnas pa dang byang gi cha thig gdab par bya'o/ /de bzhin me'i mtshams su song nas srin por 'dug pa dang/ lha'i cha thig gdab bo/ /de'i tshe yang

  13. 7a

    sngags bas dge mi dge'i mtshan ma brtag par bya ste/ de tshe gal te dge slong dam/ /bram ze mnyam gzhag 'ongs ngan/ /sbyin bdag la ni dge ba ste/ /zhi dang rgyas pa chen po byed/ mkhas pa 'ongs par gyur pa na/ /rgyal po'i phun sum tshogs pa ston/ / gal te ba lang 'das pa na/ /bu dang bu mo la sogs 'thob/ /bum pa gang ba 'ongs na ni/ /nor dang so ba la sogs 'phel/ /rgyal po 'am ni rgyal rigs 'ongs/ /ba lang ma he? la sogs rnyed/ /gal te dga' byed gzugs ldan ma/ /'ongs na dpal ni 'phel bar 'gyur/ /me tog la sogs 'ongs na ni/ /grags pa yang dag 'phel bar 'gyur/ /sgyur po mi thung ldum po sogs/ /yan lag dman dang mdza' skyes dag/ de tshe der ni 'ongs pa na/ /dge legs byed 'gyur the tshom med/ /gtor zan bya rgod kang ka sogs/ /dur khrod bya ni gal te ni/ /steng gi nam mkha' rgyu ba na/ /'chi bar 'gyur ba nyid yin no/ /don rig pa yis thig 'debs tshe/ /de phyir brtag par bya ba ste/ /mi dge rtags ni byung ba na/ /mkhas pas thig ni bshol bar bya/ /gang du las kyis bskul ba yis/ /gal te thig ni 'goms pa na/ /'og na de'i rigs kyi na// rus pa yod par mkhas pas bshad/ /gzhan yang cho ga ji bzhin du/ /blo ldan rdu dum de ni gdon/ /gal te rngu de ma bton na/ /nyes pa skyed par 'gyur ba yin/ /rus pa'i zug rdus lus ni 'dze byed cing/ /sol ba'i zug rdus me yi 'jigs pa skyed/ /thal bas nor brlag ma yis rus pas 'chi/ /sbrul sogs zug rdus sna tshogs nad la sogs/ /rdu brdul dang bye ma sen mo skra dang pags pa dang/ /shing dang pha khu bshad pa phub ma lcags dang tsher ma sogs/ /zur rdu rnams kyis bcings dang brdeg sogs rnam pa mang po yis/ /nyon mongs rnams skyed de phyir zug rdu chung yang brtags te gzhom/ /de nas las kyi rdo rje yis/ /rtsig pa'i rmad ni rim pa bzhin/ /gzhi bdag klu ni legs brtags te/ /tho rangs bsod nams 'phel phyir brko/ /mon gre tha skar smin drug zla ba dang/ /nyi ma'i 'gros kyis dbang po'i phyogs su mgo/ gshin?

  14. 7b

    rjer kha bltas klu ni nyal 'gyur te/ /thams cad du yang g.yon pa phab nas so/ /mgo dang rgyal mchu rnams la mgo po ni/ /gshin rje'i phyogs su ston pa kho na ste/ /nub tu kha bltas lus kyi dang po ni/ /mi yi cha byad ro smad sprul dang 'dra/ /spo dang nag pas ga'i zla ba la/ /byang gi phyogs su kha ni bltas gyur te/ /stobs chen sa gzhi bzhi ni bdag po'i klu/ sngas ni nub kyi phyogs su bstan te nyal/ /snon? dang mchu stong byi bzhin rnams la ni/ /klur ni bzhogs kyis nyal bar byed pa ste/ /chur ni mgo bstan shar phyogs su/ /kha bltas gzhi ni thams cad non par ro/ kun tu gal te klu 'di yi/ /snying ka'i mdun du brkos pa na/ /sbyin bdag gi ni 'bad pa yi/ /dngos grub 'byung bar the rtsom med/ /gal te mgo bor brkos na ni/ /pha ma snying grogs rtsa lag dang/ /bu dang bu mo la sogs rnams/ /nges par brlag par 'gyur ba yin/ /gal te rgyab tu brkos na ni/ /gnas nyams dga' ba'am yang na 'chi/ /mjug ma'i cha yis myur du yang/ /ba lang ma he sogs brlag 'gyur/ /de ltar cho ga bzhin g.yas skor gyis snying ka'i mdun du brkos nas/ /zug rngu thams cad kyang rnam par sbyangs te slob dpon gyis g.yas skor du rim pa bzhin du kun nas grags pa dang ldan pa'i gnas brtag par bya'o/ /de nas yon bdag dang/ sa dang gnas kyi lha dang phyogs skyong dang 'jig rten skyod pa dang/ zhing skyong ba dang/ mi'i bdag po la sogs pa'i zhi ba'i don du dgongs mo zhi ba'i sbyin sreg byas naS gtor ma btang par bya'o/ /de nas tshe grangs bzang po la yon bdag gi rjes su mthun pa'i gza' dang/ sgyu skar dang dus sbyor dang yud tsam la/ shar la sogs pa'i phyogs thams cad du ba dan dkar po dang dmar po ser po dang/ sngon po dang dud mdog dang/ /dmar po dang tshon tshogs dang ser po dang ljang gu rnams te sa gzhir me tog dri zhim po bcal bkram nas dri zhim pos spos khang mang po bkod de/ shin tu gsal ba'i mar me'i phreng ba'i tshogs rnams dang/ dri chu zhim pos bsangs te dam pa'i chos bklag pa dang/ bstod pa dang/ bkra shis dang glu dang tur

  15. 8a

    ya'i sgra dang bud med bzang po rnams kyi ca co dang gzha'i sgra dang bcas pas phyogs kyi tshogs nas sa gzhi der byed du bcug nas ltad mo ba'i skye bo rnams mgu bar bya'o/ /de nas sbyin bdag dang gzhan dag gi yang rgyas pa'i don du sngags pa gos bzang po dang rgyan dang cod pan dang/ yo byad yongs su tshang bas rgyas pa'i sbyin sreg byas nas yon bdag gis kyang de'i tshe gal te nus na rgyal po dbang por byas nas de'i bka' yang thog mar byas te/ rtsig mkhan rgyan thams cad kyis brgyan nas gos la sogs pa'i sbyin pas yongs su mgu bar byas te/ pha khu 'jogs su gzhug par bya'o/ /de'i rje la dga' ba'i yid kyis rang gi 'byor pa dang mthun pas rgyan thams cad kyis brgyan pa'i bu mo dang/ glang bo dang rta dang pa lang dang ma he la sogs pa'i nor dang/ gser dang dngul dang zangs dang nor bu dang mu tig la sogs pa'i rdzas rnams dang/ rgyan dang gos bzang po rnams dang/ me tog yongs su rgyas pa'i zhing/ khang khyim dang/ kun dga' rab la sogs pa'i gnas dang/ bran po dang/ bran mo la sogs pa'i 'khor rnams mngon par 'dod pa'i dgos pa bsgrub pa'i phyir thams cad kyis slob dpon mnyes par bya'o/ /de'i rjes la slob dpon gyis bsang gtor la sogs pa phul nas yang dag par mchod de bstod pa byas nas bdud rtsi myang ba byas te yi ge brgya pa lan bdun brjod nas phyag byas te/ bzod pa gsol nas sbyin sreg rdzogs pa dang sangs rgyas la sogs pa gshegs su gsol bar bya'o/ /de nas yon bdag slob dpon gyi mdun du byas te rang gi khyim tu song nas dge slong dang dge slong ma dang dge bsnyen dang dge bsnyen ma la sogs pa rnams la chos ston drangs te yon yang phul nas slar gshegs par bya'o/ /de nas slob dpon 'khor dang bcas pa rnams dang/ rtsig mkhan dang las byed rnams dang/ gzhan dag la yang ston mo phyin nas nus pa dang mthun par phul te bzod pa gsol nas slar gtang ngo/ /mtshan mo tshogs kyi 'khor lo byas nas phyogs skyong la sogs pa rnams

  16. 8b

    la gtor ma phul te/ thams cad nye bar bsdu bar bya'o/ /gtsug lag khang gi arga'i cho ga'o/ /de bzhin du mchod rten dang/ gzhal med khang khyams kyi arga yang rig par bya'o/ /gtsug lag khang sogs zhig ral rnyings/ /'chos par 'dod na sngags pa yis/ /gtor ma la sogs/ byin nas ni/ /der gnas lha ni spro bar bya/ /phyi nas snying rje'i bdag can gyis/ /rim pa bzhin du bcos nas ni/ /rdzogs par mthong nas spros pa de/ /der ni snga ma bzhin du gzhag ces bya ba ni gtsug lag khang la sogs pa rnying pa dang zhig ral gri arga'i cho ga'o// // de nas ras bris la sogs pa rtsom par 'dod pa'i sngags pas stan bde ba la 'dug ste/ zhi ba'i gtor ma btang nas chos thams cad rang bzhin gyis dag par lhag par mos par byas te/ brtsams pa'i lha 'am rnam par snang mdzad kyi rnal 'byor byas nas de nas nam mkhar sangs rgyas la sogs pa mngon par bltas te/ snyim pa'i me tog gtor nas phyag byas te cho ga bzhin lhag par gnas par bya'o/ /de'i rjes la gos gtsang ma 'am/ shing la sogs pa rnams la ji lta bar rang gi lha'i sa bon yongs su gyur pa las phyag mtshan sa bon gyis mtshan pa de yongs su gyur pa las zhal gsum phyag drug pa/ rjes su mthun pa'i gzugs sku mdog dang phyag mtshan dang gdan dang 'od can thugs kar mtshan ma dang sa bon gyis byin gyis brlabs pa snying ga dang spyi po dang lkog mar yi ge hUM dang oM dang A(rgyud 'grel): /zhes bya bas byin gyis brlabs pa la rigs dang mthun pa'i cod pan can snyoms par zhugs pa skad cig mas grub pa'i lha rnam par bsgoms nas mchod pa lnga yis mchod de bstod pa bya ba'o/ /de nas gzo byed rnams bgegs mthar byed kyi gzugs can la lus dang ngag dang yid la phyag mtshan dang sa bon gyis byin gyis brlabs pa rnam par bsams nas de'i lag pa g.yon dang g.yas dag zla ba rdo rjer byin gyis brlabs la bdud rtsi 'khyil pa'i sngags kyis lan brgya rtsa brgyad du pir dang tshon la sogs pa bsngags te shes rab kyi ye shes kyi bdud rtsi'i rnam par

  17. 9a

    bsgoms nas slar yang yi ge brgya pa'i sngags kyis brtan par byas te gtad nas rtsom du gzhug par bya'o/ /de nas bsang gtor la sogs pa phul te legs par mchod de bstong pa byas nas bdud rtsi myang ba byas te/ sangs rgyas la sogs pa gshegs su gsol bar bya'o/ /de nas phyogs skyong ba rnams la gtor ma btang nas slob dpon dang las byed dang gzhan dag kyang ston me byin te nus pa bzhin yon phul nas gtang par bya'o/ /ras ris la sogs pa'i arga'i cho ga'o/ /dam chos glegs bam rtsom pa yis// cho ga de bzhin byas nas ni/ /shog bu la ni d+hi las byung/ /shes rab pha rol phyin bltas nas/ /de yongs gyur las byung ba yi/ /yi ge'i phred ni blta bar bya/ /snag tsha smyig gu yongs bzlas te/ /brtsam par bya ba nyid yin no/ /de dag la bzlas pa'i sngags ni/ /oM d+hi su ti mri hi ma ti bi dza ye sartha a dz+nyA nan pa Ta lA pa ha ri Ni h+ri swAhA/ /slob dpon dang ni 'dri 'khan la'ang/ /ston mo drangs na nan tan gyis/ /yon phul nas ni gtang bya ste/ /lhag pa sngar bzhin rig par bya/ /gsang sngags kyi glegs bam rtsom pa na yang/ /snga ma bzhin thams cad bya ste/ /shog bu la sa bon dang phyag mchan gyis sa bon yongs su gyur pa las byung ba'i 'od dpag med yongs su gyur pa'i yi ge'i tshogs kyis dkrigs par rnam par bsgom mo/ /lhag ma ni thang ka rdzom pa'i cho ga bzhin bsgrub par bya'o/ /yang na ni dam ba'i chos kyi glegs bam yang cho ga 'di nyid kyis bya'o/ /gsung rab kyi arga'i cho ga'o// //de nas gtor ma gtong ba yi/ /yo byang cho gas phul nas ni/ /sngags pas lhag gnas byas nas su/ /bsang gtor la sogs byin nas ni/ /der ni chu lha'i gzugs can du/ /rnam par snang mdzad blta bar bya/ /sprul zhags ral gri rin chen dang/ /chu skyes shes rab snyoms 'jug dkar/ /yi ge oM la sogs pa dang/ /badzra ba ru NA hUM zhes brjod/ /de yongs gyur las byung ba yi/ /dags?

  18. 9b

    brgyad klu yi pho brang ni/ /ye shes bdud rtsi'i chus gang ba/ /zhi ba'i klu yis byin gyis brlabs/ /dngos kun gyis ni rnam bsams nas/ /slar yang gsang sngags brjod par bya/ /oM badzra sa ma ya stwaM zhes bya'o/ /sa 'og mthar thug yan lag ni/ /brgyad ldan chu yig mongs gang ba/ /chu yi rgyun ni blta bya ste/ /gzhan ni thams cad snga ma bzhin zhes bya ba ni rdzing bu dang wa chu dang khron pa la sogs pa'i arga'i cha ga'o// //cho ga bzhin du mchod pa dang/ /lhag gnas sngar bzhin byas nas ni/ /nang gis yi sbyang ba ni/ /rim bzhin dag par bya ba ste/ /blo ldan mnyam par bzhag pa yis/ /gsang sngags brjod de byin gyis brlabs/ /rol mo'i gnas ni nyams dga' bar/ /sangs rgyas la sogs bsgoms bya ste/ /de nas sbyin sreg kyang ni btab/ /sangs rgyas sangs rgyas sras de bzhin/ /gzhan yang lha rnams thams cad la/ /mkhyen bya de nas bzod par gsol/ /rdzogs sangs lha mo de sras dang/ /tshangs sogs lha yi tshogs kyis gang/ /cho ga ma tshang bzod mdzad rigs/ /thams cad du yang sbyin bdag ni/ /zhi dang rgyas chen mdzad nas kyang/ /slar yang byon par mdzad slad du/ /sangs rgyas yul du gshegs su gsol/ /thams cad du bzod pa gsol ba dang gshegs su gsol ba'i sngags so/ /yang na oM khyed kyis sems can don kun mdzad/ /rjes su mthun pa'i dngos grub gsol/ /slar yang byon par mdzad pa'i phyir/ /sangs rgyas yul du gshegs su gsol/ /oM badzra mu(rgyud 'grel): zhes bya ba 'dis gshegs su gsol bar bya'o/ /kun dga' ra dang rol mo'i de'u dang ldum ra'i sbyin pa'i sa gzhi'i a rga'i cho ga'o// //dpal ldan gsang 'dus gsung ba yi/ /chog gang zhig ma tshang ba/ /spyi rgyud gsungs pa'i cho ga la/ /brten nas de ni bskangs pa yin/ /dpal ldan zhi ba bzang po'i zhabs kyi sprin las byung/ /man ngag chu rgyun dri med

  19. 10a

    phun tshogs thob pa yis/ /snang byed zla ba'i sa gzhi la ni gang skyes pa'i/ /'dus pa'i arga'i cho ga lo tog 'gro la bsngo/ /nyon mongs 'phrog byed arga'i cho ga byas pa las/ /bdag la rnam dag bsod nams skyes pa gang gyur pa/ /de yis 'gro ba ma lus rdo rje sems dpa' ni/ /sems can gyi ni dgongs pa mdzad pa nyid du shog/ //arga'i chog snying po bsdus pa zhes bya ba slob dpon snang byed zla bas mdzad pa rdzogs so// // rgya gar gyi mkhan po dpal ba ren+d+ra pa'i zhal snga nas dang/ /lo tsA ba dge slong pradz+nyA kI rtis bsgyur ba'o/ /rgya gar skad du/ pra tiSh+Th+ra bid+hi/ bod skad du/ rab tu gnas pa'i cho ga /thams cad mkhyen pa la phyag 'tshal lo/ /nyes pa'i dra ba mdza' dag rnam par bsal zhing dri med ye shes snang bas mdzes/ /sangs rgyas sku yi tshogs ni rtag tu sprul bas 'gro ba'i don ni phun tshogs mdzad/ /kun dga' de bzhin gshegs ba'i sku gsal rig? ma dam pa dang ni yang dag ldan/ /rdo rje 'dzin de btud nas 'dus pa'i gzhung du rab gnas chog bdag gis rab tu bshad/ /rab gnas mkha' dbyings mnyam nyid rjes 'brel ba/ /bde gshegs glegs bam rdor dril chos de bzhin/ /'jig rten don dam ma rtogs de yi phyir/ /'jig rten phan phyir mgon pos rab gnas mdzad/ /dkyil 'khor ting 'dzin phyag rgya sngags/ /stang stabs blta dang sbyin sreg bzlas/ /mchod pa'i las kyi sbyor ba dang/ /bsdu ba zhes bya de nyid bcu/ /slob dpon de nyid bcu shes shing/ / sngags dang rgyud kyi sbyor ba shes/ /mtshan nyid thams cad yang dag rdzogs/ /bstan bcos kun gyi don la mkhas/ /bla ma las ni dbang kun thob/ /rjes su gnang ba'i yon tan can/ /brtan po dam tshig sdom par ldan/ /theg pa gsum gyi dgongs pa shes/ /sku

  20. 10b

    gzugs mchod rten gtsug lag khang/ /dam chos ras bris glegs bam rnams/ /bzang po ched kyis mdzes pa dang/ /rdzogs pa bde ba'i rgyu rnams la/ /de shes mtshan nyid rtogs pa yis/ /rab gnas bya bar 'os pa ste/ /rjes su yi rang byed pa dang/ /yon bdag bsod? nams sbel phyir ro/ /nam yang rab gnas dman pa ni/ /cho ga nyams pas mi bya ste/ /'jig rten 'di ru sdug bsngal che/ /'jig rten pha rol 'jigs pa che/ /de phyir dngos grub 'dod pa yis/ /thams cad la yang nan tan bya/ /rtog pa las byung de bzhin du/ /rang nyid kyi ni nus pas bsgrub /de ltar byas na bsod nams che/ /mthong dang ma mthong skye bar 'gyur/ /gsang sngags bzang pos lha rnams ni/ /bzhugs par 'gyur ba nyid yin no/ /gang du sku gzugs zin pa ni/ /yun rings mchod pa ma byas bzhugs/ /yon bdag la ni mi shes 'byung/ /ji srid rab gnas ma byas par/ /dper na skyes bu la la zhig /rig dang mtshan nyid bral ba la/ /'jig rten kun gyis mchod bya min/ /de bzhin du yang gzugs brnyan no/ /gang zhig rab gnas ma byas la/ /phyag dang mchod pa gang zhig dang/ /gsang sngags dman pas bsreg rdzas bzhin/ /'bras med sbyin sreg thal bar zad/ /de bzhin gsang sngags med par ni/ /chos gnas mchod pa byed pa yang/ /las de yi ni rnam smin gyis/ /skye ba kun tu mi mchod 'gyur/ /de la thog ma nyid rang nyid bsod nams 'dod pas sam/ /sleb mas gsol ba btab pas gnas stsol ba/ /de zhig sngon du bsnyen pa bya ste/ de la ting nge 'dzin gsum dang ldan pas 'khor los sgyur ba'i sngags dang rang gi lhag pa'i lha'i sngags 'bum du bzlas par bya'o/ /gzhan dag gi sngags khri bzla bar bya'o/ /yang na bdag po'i bkas sam lhag par mos pas rab tu gnas par bya'o/ /

  21. 11a

    gang gi tshe slob mas maN+Dal sngon du song bas lan gnyis su mum mchog tu gsol ba btab pa de'i tshe/ slob dpon gyis yo byad 'tshogs sam zhes dri bar bya'o/ /de na re cung zad ni 'tshogs la cung zad ma 'tshogs so zhes zer na/ de'i yang slob ma'i lte bar nyi ma gnas pa'i hUM gi 'od zer rnams kyi snying gar gnas pa kaM yig yongs su gyur pa las byung ba nag po rnam par 'gyur pa'i rlig pa 'phyang ba sha za lta bu'i sdig pa sna'i rtse mor 'thon pa dang/ yi ge hUM de yang snying gar 'than pas g.yon brgyad ba mche ba gtsigs pa gsus pa 'chang ba sku mdog nag po phyag g.yon snying gar sdigs mdzub dang mche ba can/ /phyag g.yas mche ba gdengs pa'i rdo rje gnod sbyin khro bo'i gzugs can du byas nas mthon pas/ oM badzra yak+Sha krod+ha khA da khA da pa n+ya sya hUM phaT ces bya bas sdig pa 'di zar bcug nas slob ma de yang saM yig las kun tu bzang po'i gzugs su rnam par bsams te/ de'i sems kyi bgegs rnams bdud rtsi 'khyil pas phur bus btab ste phur pa'i 'od zer shin tu drag pa 'jigs pa rnams kyis gdug pa thams cad nges par bsregs nas/ slob ma'i snying gar bsrung? pa'i don du yi ge a las zla ba'i dkyil 'khor la dbyangs tha ma las byung ba'i sna tshogs rdo rjes byin gyis brlabs pa bsam par bya'o/ /de nas sngags pas stegs bu rnying pa'am/ mchod rten gyi gzhi 'am lha'i rigs kyi khang pa la sogs pa yongs su brtags pa'i sa gzhi yod par phyi dang nang gi bdag nyid can gyis sbyang ba dang gzung ba dang/ phur bus gdab pa dang/ rdo rje gur dang rab dang/ phyogs bcing ba dang/ mtshams bcing ba dang lhag par gnas pa dang thig gdab pa dang rdul tshon dgye ba la sogs pa dkyil 'khor gyi cho ga'i rim pa las bsgrub par bya'o/ /de nas sngags pas yongs su brtags shing shin tu 'jam pa'i sa phyogs su stan bde ba la 'dug

  22. 11b

    ste/ mdun du bsang gtor la sogs pa'i snod bzhag nas dkyil 'khor la mchod pa byas te/ ting nge 'dzin gsum gyi rnal 'byor dang ldan pas bum pa rnams lhag par gnas par bya'o/ /de la rtsa ba dang nag po med pa mchu 'phyang ba mgrin pa ring ba lto ba phye ba na? dang gro dang ma sha dang 'bras so ba dang til rnams te 'bru lnga dang/ bre ha ti dang kaN+Ta ka ri dang a pa ri dzi ta dkar po dang ha sa de ba rnams te sman lnga dang/ gser dang dngul dang mu tig dang byu ru dang mu men rnams te rin po che lnga dang/ gur kun dang gla rtsi dang sihma? dang tsandan dang ga bur rnams te dri lnga dang ldan pa/ bsti gnas kyi chus gang ba/ 'dzam bu dang ka bid tha dang ma du lung ka dang sh+rI ba la ste yal ga lngas kha brgyan pa/ gos sar pa zung gis mgul pa dkris pa/ chos 'byung la gnas pa'i rang gi lha'i mtshan mas mtshan pa la yi ge baM las rin po che'i rang bzhin las byas par bsams nas gdugs dang bcas pa rjes su mthun pa'i gdan la bzhag pa'i rnam par rgyal ba'i bum par 'khor dang bcas pa'i dkyil 'khor gyi gtso bo bsgoms nas me tog gi phreng bas dkris pa'i rdo rje bum pa'i steng du bzhag ste/ rdo rje khu tshur gyis rdo rje dang 'brel pa'i phreng ba'i rtse mo nas bzung ste/ yi ge gsum dang spel ba'i rang gi lha'i sngags kyis a d+hi tiSh+Tha zhes bya ba des brgya rtsa brgyad du de la mngon par bzlas par bya'o/ /de nas arga la sogs pa phul/? te mchad pa lngas mchod nas/ dril bu dkrol bzhin pas mngon par bstod par bya'o/ /de nas gzhan yang dkyil 'khor pa'i bum pa rnam pa ni cung zad chung ba rjes su mthun pa'i gdan la bzhag pa rnams la dri'i chu yis bkang ste/ 'dzam bu dang tsu ta la sogs pa'i yal gas kha brgyan pa sman lnga la sogs pa dang ldan pa mgrin pa gos kyis dkris pa/ rang gi lta'i mtshan gdugs dang bcas pa/ dkyil 'khor pa'i lha bsgoms pas byin gyis brlabs pa/ dkyil 'khor sngags yi ge gsum rang

  23. 12a

    spel bas tha mar a d+hi tiSh+Tha zhes bya ba dang/ lan bdun bdun bzla bar bya'o/ /'gro ba kun bzang ba'i don du bum pa gzhan du bdud rtsi 'khyil pa bsgoms nas oM a bi g+h+nAM? ta krita hUM a tiSh+Tha zhes bya ba'i sngags brgya rtsa brgyad du bzla bar bya'o/ /de bzhin du arga la sogs pa phul nas yang dag par mchod de/ bstod pa bya'o/ /bgegs nye bar zhi bar bya ba'i don du phyogs skyong rnams la de'i sngags kyiS gtor ma sbyin par bya'o/ /de la 'di ltar bum pa lhag par gnas pa nyi ma re re zhing thun gsum du bya'o/ /bum pa mdor bsdu ba'i phyogs la ni rigs kyi yum bzhi dang/ de bzhin gshegs pa rnams rang rang gi rigs dang bcas pa lnga dang/ las thams cad pa'i bum pa dang bcur brtag par bya'o/ /rdul tshon dgye ba bum pa dgod par bya'o/ /de la rnam par rgyal ba'i bum pa ni gtso bo'i g.yas phyogs su 'am dkyil 'khor gyi phyi rol du bzhag par bya'o// dkyil 'khor ba'i bum pa rnams ni dkyil 'khor gyi phyi rol gyi zur bzhir dgod par bya'o/ /las thams cad pa'i bum pa ni dkyil 'khor gyi khang pa'i rtsa ba'i sgo'i g.yas phyogs su bzhag par bya'o/ /de nas bum pa de rnams las chu nyung zang nyung zad blangs te bdud rtsi lnga'i snod du blugs nas rnam par rgyal ba'i bum pa'i steng du bzhag par bya'o/ /de ltar byas pa'i dkyil 'khor gyi phyi rol gyis gzhi nye bar byugs par gyen du bsgreng pa'i gdugs dang rgyal mtshan dang ba dan dang/ bla re phub pa'i mdza' ma rnams nas rnga yab dkar po dbyangs te/ dri zhim po'i me tog sna tshogs gcal du bkram nas dum bu dang bsdus pa la sogs pa'i spos dud btul te/

  24. 12b

    sihla dang/ ga bur dang gur kum dang/ gla rtse dang/ tsan dan dang/ 'dres pa'i bdud rtsi 'khyil pa'i sngags bzlas pas chag chag btab pa'i sa'i char pi wang dang/ gling bu dang rnga zlum dal ba dang/ glu dang gar gyi dga' ston dang/ gru bzhi sgo bzhi rta babs bzhis brgyan cing bum pa gang bas brgyan pa'i gnas su gza' dang rgyu skar dang/ dus sbyor bzang po 'dzom pa'i nyin zhag bzang po la khrus dang gtsang spra byas te gos dang rgyan bzang po dbu rgyan me tog dang bcas bas grogs bzang po dang lag pa rdo rje dang dril bu 'dzin pas stan thog mthon po 'jam pa la 'dug ste/ mdun du bsang gtor la sogs pa'i snod bzhag nas dkyil 'khor mchod de ting 'dzin gsum dang ldan pa'i sngags pas dkyil 'khor sgrub pa'i thabs las gsungs pa bzhin dkyil 'khor bsgrub par bya'o/ /de nas mngon du phyogs pa'i lha rnams kun gyi mchog dang ldan pa zhal gsum pa phyag drug pa/ rjes su mthun pa'i sku mdog dang phyag mtshan dang gdan la snyoms par zhugs pa/ rten dang brten par bcas pa'i dkyil 'khor sa bon dang phyag mtshan gyis thugs kar byin gyis brlabs pa/ rigs dang mthun pa'i cod pan gyis lha rnams skad cig mas bltas la/ nam mkha' la yang de bzhin gshegs pa rnams dang/ byang chub sems dpa' thams cad mdor bsdus pa'i gzugs dkyil 'khor bas yongs su bskor ba'i dkyil 'khor gyiS bdag po mngon par bltas la bsang gtor la sogs pa bul te/ rang gi snying ga'i? sa bon las spros pa'i gzugs rdo rje la sogs pa'i lha mo rnams kyi sna tshogs pa'i mchod pas mtshad nas bstod pa byas te bdu rtsid? myang bar bya'o/ /de nas dri zhim po'i me tog gi snyim pas lus btud de/ oM sarba ta thA ga ta ba ra ma su Sha sha ya su la li ta/ bi lA se na me ter?

  25. 13a

    na ma mi b+ha ga bAn+taM dza:hUM baM ho(rgyud 'grel): pra tIts+tsha ku su ma any+dza li nA tha ho sa ma yastaM zhes brjod pas rnying pa'i me tog dor bar bya'o/ /de nas pus mo g.yas pas la btsugs te/ lag pa g.yas pas spos dud bskyod bas bdag po de dag gzhan dag kyang snyan gsan dbab par bya'o/ /bcom ldan rdo rje che ge mchog /rig pa'i rgyal po phyag 'tshal bstod/ /mgon po bdag ni rab gnas dag/ bgyid par 'tshal gyi thugs rje can/ / slob ma rnams la phan pa dang/ /khyed rnams la yang mchod pa'i phyir/ /bcom ldan gus pa bdag la ni/ /rjes su bzung ba mdzad pa'i rigs/ /ji ltar sangs rgyas thams cad dag /dga' ldan gnas na bzhugs pa la/ / lha mo sgyu 'phrul lhum gshegs ltar/ /de bzhin gnas 'dir bzhugs su gsol/ /'dir ni rtag tu bzhugs nas kyang/ /me tog la sogs mchod pa rnams/ /byang chub sems ni 'phel ba'i phyir/ /che ge'i don du bzhes su gsol/ /'gro ba'i 'khor lo'i don mdzad pa'i/ /sangs rgyas bdag la dgongs su gsol/ /'bras gnas byang chub sems dpa' dang/ /gang gzhan gsang sngags lha rnams dang/ /'jig rten skyong ba'i lha rnams dang/ /'byung po sangs rgyas bstan gnas dang/ /bstan la mngon dga' i sems can rnams/ /gang zhig rdo rje'i mig can yang/ /rdo rje can bdag che ge mo/ /rab tu gnas pa'i cho ga bzhin/ /nye bar spyod pa ci nus kyis 'gro ba bdag phyir bgyid par 'tshal/ /rjes su brtse bar nyer dgongs te/ /slob ma dang bcas bdag la ni/ /'di dag lhan cig thams cad kyis/ /nye ba nyid du mdzad pa'i rigs/ /de ltar lan gsum du snyan gsan phang nas

  26. 13b

    snga ma bzhin/ /yang dag par mchod de bstod nas bdud rtsi myang bar bya'o/ /de ltar lha snyan gsan dbab pa byas nas bdag nyid gzengs bstod par bya ste/ ded dus bdag tshe 'bras bu yod/ /bdag gi gson pa 'bras bu bcas/ / lha dang dam tshig gis mnyam par/ /gyur par bdag ni the tsom med/ /byang chub sems dang sems gcig las/ /mi ldog par ni bdag gyur te/ /de bzhin gshegs pa'i rigs su ni/ /deng bdag skyes par the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad snyan mnan pas/ /de ring bdag ni nye bar gyur/ /de'i rjes la slob dpon gyis sgrub grogs yod na dkyil 'khor gyi sar bzhag la phyi rol tu byung ste/ bdag po 'am khro po'i rnal 'byor gyis bza' btung dang nya sha dang 'bras mar gyi spos dang til dang snum khur zlum po la sogs pa'i gtor ma man ngag ji lta ba bzhin sbyangs te/ gnas ji lta ba bzhin du dbang po la sogs pa bkug nas so so'i phyogs kyi sgo nyid du bsang btor dang zhabs bsil la sogs pa byin nas me tog la sogs pa rnams kyis mchod de khur gyis sam/ snyim pas lan gsum du sbyin par bya'o/ /de nas zhal bsil la sogs pa phul te yang dag par mchod nas slar gtad par bya'o/ /de nas nang du zhugs te bdud rtsi 'khyil pa bzlas pa'i skud pa gsum bkris su mdud pa gsum gyis dpung pa g.yas par bcings te/ las thams cad pa'i chus g.yas g.yon du bsangs te slob ma bsrung ba'o/ /'phrin las 'di dag thams cad legs pa bskul ba byas pa'i slob ma dang lhan cig spyad par bya'o/ /de dag la yang 'di bsgo bar bya ste/ gsang sngags gang cung zad cig smra/ /mchod sogs cho ga de bya ste/ /mchod

  27. 14a

    sbyin 'bras bu che 'byung la/ /sgyu yis bya ba ma yin nyid/ /de nas bgegs zhi bar bya ba'i phyir/ bdud rtsi 'khyil pa'i sngags ji srid 'dod par bzlas te nyal bar bya'o/ /'di ni lhag par gnas pa'i cho ga'o / de nas phyi de nyin par tho rangs kyi dus su ji skad bstan pa'i chos kyi mtshan nyid dang/ yo byang thams cad 'tshogs pa'i sngags pas zhi ba'i gtor ma btang nas lha mngon du phyogs te lha'i rnal 'byor byas pas sku gzugs zhal shar du gzigs pa na bza' ser po dkris pa la sngar bstan pa'i mtshan nyid can du rnal 'byor gyis bskyed pa rnams thams cad kyi mchog dang ldan pa'i snying ga dang/ spyi bo dang/ lkog mar hUM oM A(rgyud 'grel): zhes bya bas byin gyis brlabs pa stegs bu'i steng du 'dug stan gtsang ma la bzhag nas dri ma sel ba rnams kyis dri ma bsal bar bya'o/ /de la khu tshur g.yas g.yon gyis bzung ba'i yungs kar dang chu dang zan lugs su 'byung ba dang/ lugs las bzlog pas bskor zhing oM pA paM da ha na badzra ya swA hA zhes bya ba'i sngags kyis lan gsum mer blugs par bya'o/ /de nas oM sarba ta thA ga ta kA ya bi sho d+ha ne swA hA/ zhes bya ba lan bdun du bzlas pa'i dri zhim po'i mar khus ku sha'i tshom bu bzang po byugs nas khar ba'i snod du bzhag pa'i pa Ta dang u dum ba ra dang/ a shwat+tha dang/ shi ri Sha dang/ blag sha'i shin pa brdungs pas brung nas sa bon lngas byin gyis brlabs pa'i bdud rtsi lnga dang 'dres pa'i rnam lngas bkru bar bya'o/ /phyi nas rgyal po dbang skur ba'i gdugs dkar po 'dzin pa'i ming dang bcas pas rgyal ba dang bkra shis kyi tshigs su bcad pa rnams kyis bstod bzhin pa dang/ tur rgya'i sgra dang bud med rnams

  28. 14b

    kyi ca co'i sgra rnams dang/ nye bar mtshon pa'i dbang bskur ba'i cho gas spyan la sogs pa'i phyag gis bzung ba'i bum pas ye shes kyi chus gang ba rnams kyiS dbang bskur bar lhag par mos pas khrus kyi tshigs su bcad pa brjod bzhin pas bum pa'i chus khrus gsol bar bya'o/ /de la khrus kyi tshigs su bcad pa ni/ /ji ltar bltams pa tsam gyis ni/ /lha rnams kyis ni khrus gsol ba/ /lha yi chu ni dag ba yis/ /de bzhin dag gis khrus bya'o/ /oM sarba ta thA ga ta a b+hi She ka sa ma ye sh+rI hUM/ po ti dang thang sku la sogs pa rnams la ni lhag par mes pas me long la khrus gsol bar bya'o/ /de la bskul ba'i rim pa ni 'di yin te/ /dang po ni rnam par rgyal pa'i bum pas so/ / de nas rnam snang la sogs pa'i bum pas so/ /de nas ni spyan la sogs pa'i bum pas so/ /de nas ni gzugs rdo rje la sogs pa'i bum pas so /de nas ni sa'i snying po la sogs pa'i bum pas so/ /de nas ni gshin rje gshed la sogs pa'i bum pas so/ /de'i tsha yang bkra shis kyi glu blang bar bya'o/ /bkra shis kyi tshigs su bcad pa ni/ /bkra shis gang zhig rgyal ba rnams kyi chos kyi sku/ /gcig nyid dang ni du ma nyid kyang rnam spangs pa'i/ /ma gos gzugs med rdul dang bral ba gang yin pa'i/ /bkra shis de yis khyod la rtag tu bde legs shog /bkra shis gang zhig sangs rgyas sras kyis yongs skor cing/ /longs spyod rdzogs sku dam chos kyi ni gsung dang bcas/ / mtshan dang dpe byang bzang pos yongs su brgyan gyur pa/ /bkra shis de yis khyed la rtag tu bde legs shog /bkra shis gang zhig nags kyi me ni mched pa ltar/ /'jug dang 'bar dang yongs su mya ngan 'das pa yis/ /sprul pa'i sku

  29. 15a

    mchog gzhan gyi don ni mdzad pa po/ /bkra shis de yis khyed la rtag tu bde legs shog/ bkra shis gang zhig sems can kun la phan byed pa'i/ /sangs rgyas rnam bdag blo ldan nyes pa'i tshogs dang bral/ /shes rab yan lag 'dus pas mdzes pa'i bde ba'i bdag /bkra shis de yis khyed rnams la ni dbang mchog bskur ba'o/ /bkra shis gang zhig lha dang lha mi na mis mchod pa/ /de yis bstan pa'i dam chos bla na med pa ni/ bdag med 'jig rten gsum las rab tu grags pa yi/ /bkra shis de yis khyed rnams la'ang dbang mchog bskur/ /bkra shis gang zhig rab mchog dam chos rtag tu 'dzin/ /bzang po'i sar bzhugs sangs rgyas sras po'i tshogs kyi mchog /rnam pa kun tu sems can don mdzad bkra shis bzang/ /bkra shis de yis khyed rnams la ni dbang mchog bskur/ /de ltar rim pa bzhin du khrus gsol nas/ /de nas gos dkar po srab mos phyis te gur kum gyi bde gus byugs pa la na bza' dkar po zung gcig /oM di pya bA sa se swA hA zhes bya ba'i sngags kyis yongs su gsol bar bya'o/ /oM A(rgyud 'grel): badzra gand+he hUM zhes bya ba'i sngags kyis ga bur dang gla rtsi dang gur kum la sogs pa'i dri rnams kyis mnyam par byugs nas gal te yong na/ oM badzra a b+ha ra Na bi b+hu Sha Ne swA hA /zhes bya bas spyan dbye bar bya'o/ /de nas go ro tsa na'i thig le byas te me tog dang bdug spos dang/ mar me tam po la yang phul nas bdud rtsi 'khyil pa'i sngags kyis kun tu bsrungs te/ dkyil 'khor la yang hUM yig gis bteg nas Ta ka'i sngags la a khaM bI ra hUM zhes bya ba'i sngags kyis dkyil 'khor du gzhug ste dbus su bzhag par bya'o/ /de nas

  30. 15b

    yod na phyi rol gyi rig ma de med na bsgom pa dang lhan cig bsam gtan gyis gnas te/ pad+ma dang rdo rje'i sgras bkug pa'i de bzhin gshegs pa rnams rang gi snying gar bcug nas zhu bar byas te rang gi rdo rje go cha'i lam nas shes rab kyi pad+ma'i nang du lhung bar gyur pa dang/ shes rab kyi ba spu'i bu ga rnams nas 'od zer du gyur nas 'thon pa dang/ nam mkha' khyab pa'i dkyil 'khor gyi 'khor lo'i rnam par blos nye bar bzhag ste/ bsang gtor dang zhal bsil la sogs pa dbul bar bya'o/ /de nas rang gi snying ga nas spros pa'i 'phags pa gshin rje gshed la sogs pa khro bo'i rgyal po rnams kyis de dang lhan cig gnas pa'i bgegs kyi rigs bkug bskrad nas de rnams nyid dza: hUM baM ho(rgyud 'grel): zhes bya bas dgug pa dang/ shin tu nges par rdzogs pa de la rab gzhug cing bcings te dbang du byas te spyan? dang sku la sogs pa byin gyis brlabs nas/ dbang bskur ba yang byas nas bsang gtor la sogs pa dbul bar bya'o/ /de nas me tog la sogs pa'i mchod pa dbul bar bya ste chu dang de bzhin thang? las skyes/ /me tog dam pa 'di dag ni/ /bdag gis gus pas phul bas na/ /ci bde bar ni bzhes su gsol/ /oM A(rgyud 'grel): badzra puShpe hUM/ zhes bya ba'i sngags kyis me tog dbul bar bya'o/ /lhan skyes de bzhin sbyar ba yi/ /bdug spos dam pa 'di dag ni/ /mchog tu gus pas rab tu 'bul/ /ci bde bar ni bzhes su gsol/ /oM A(rgyud 'grel): d+hU be hUM zhes bya ba'i sngags kyis sbom so/ /lhan skyes de bzhin sbyar ba yi/ /dri mchog dam pa 'di dag nyid/ /mchog tu gus pas bdag 'bul gyis/ /ci bde bar ni bzhes su gsol/ /oM A(rgyud 'grel): badzra gand+he hUM zhes bya ba'i sngags kyi dri'o/ /lha rdzas 'bar ba mun

  31. 16a

    pa 'joms/ /snub ldan sgron ma 'di dag ni/ /rab tu dad pas 'bul lags na/ /ci bde bar ni bzhes su gsol/ /oM A(rgyud 'grel): badzra dI pe hUM zhes bya ba'i sngags kyi sgron ma'o/ /zhal zas rnam kun yang dag ldan/ /bza' dang ston mor bcas pa 'di/ /kha dog ro dang drir ldan pa/ /dbul lo yang dag bzhes su gsol/ /oM A(rgyud 'grel): badzra nai bi dya hUM zhes bya bas lha bshos so/ /de nas zhal gsil 'bul te/ /me tog gis mchod nas/ /mi bskyod rdo rje zhes bya ba la sogs pa'i tshigs su bcad pa rnams kyis bstod nas bdud rtsi myang bar bya'o/ /de nas thal mo sbyar te lus btud nas sngags pa mnyam par gzhag pas de kho na nyid kyi bden pa bdar bar bya'o/ /nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /rdo rje che ger bdag grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog/ 'dod nas grol ba de bzhin gshegs/ /kun tu bzang po kun bdag nyid/ byang chub sems dpa' bdag grub mdzod/ /kun mchog dngos grub chen po ste/ /dbang phyug che mchog phyag rgya yis/ /grub pa'i rdo rje cher bstod pas/ /rdo rje snying po bdag por bdag /sems can kun gyi yid khyab cing/ /sems can kun gyi yid la gnas/ /sems can kun gyi yab nyid kyang/ /dam tshig rtse mo 'dod pa'i mchog /bden pa gang gis ye shes mchog /shes rab

  32. 16b

    thabs bdag dkyil 'khor na/ /bden pa de yiS mgon bdag po/ /'dod pa yongs su grub par shog/ ces bya ba'o/ /de nas yi ge brgyab lan bdun du bzlas pa bya ste/ /oM badzra sa twa sa ma ya ma nu pA la ya/ badzra satwa twe no pa tiSh+Tha dri Dho me b+ha ba/ su to Sh+yo me b+ha ba/ a nu rak+to me b+ha ba su po Sh+yo me b+ha ba/ sarba sid+d+himme pra yats+tsha sarba karma su tsa me tsit+taM sh+ri yaM(rgyud 'grel): ku ru hUM/ ha ha ha ha ho/ b+ha ga bA na/ sarba ta thA ga ta badzra mA me muny+tsa badzrI b+ha ba mahA sa ma ya satwa A(rgyud 'grel): zhes bya ba'o/ / de ltar bstan par byas nas sems can don du gsol ba gdab par bya'o/ /mgon po skal po de bzhin du/ /des ni 'gro don kun tu mdzod/ /sna tshogs gzugs ni bzung nas kyang/ /phyogs bcu'i 'jig rten khams rnams su/ /zhes so// de nas phyi rol tu byung ste/ gtor ma btang nas pad+ma'i snod kyi bdud rtsis tshim par byas nas spang par mchod de/ phyogs skyong gshegs su gsol bar bya'o/ /de nas rdo rje hUM mdzad kyi rnal 'byor dang ldan pa'i slob dpon nang du zhugs nas dkyil 'khor kyi lha la bskor ba lan gsum byas nas phyag 'tshal te/ cho ga ma tshang ba bskang ba'i phyir sbyin sreg bya ste/ de la dkyil 'khor gyi lho phyogs su 'dug ste byang du mngon par phyogs pa'i sngags pa ting nge 'dzin gsum dang ldan pas sbyin sreg gi rab tu byed pa nas bshad pa'i cho ga las thams cad pa'i thab khung du rgyas pa'i sbyin sreg bya'o/ /sbyin sreg gi tha mar slob pa'i zhi rgyas 'phel bar bya ba'i don du mthe bong lag pa g.yas pa g.yon pas bzung ste/ bsreg rdzas re re zhing lan gsum 'am bdun bdun bsreg gam bsreg du gzhug par bya'o/ /de nas slob dpon gyis slob ma la yon bslang bar bya ste/ slob mas kyang dga' ba'i yid kyis rang gi 'byor pa dang mthun/?

  33. 25a

    gcig rnam par bsgoms nas ni/ /rdo rje'i sdubs su nges par bcug nas ni/ /de ni me dang 'dra bar bsgom par bya/ /de rjes mnyam gzhag sems kyis de yi ni/ /snying gar gzhag pa'i shes pa rab 'bar ba/ /rdo rje rtse nas rlung gis bskyod pa yi/ /'bar ba rnams kyis kun tu bskyod par bya/ /me yi 'od zer gyis ni reg pa yi/ /dngul gyi bzhin du de ni 'phar bar bsgom/ /steng gi sgo nas rnam par grol ba 'am/ /yang na rnam ngag sangs rgyas zhing du'o/ /gal te shes pa'am gzhan dag mthong na ni/ /'khor ba'i rgya mtsho ru ni ltung bar 'gyur de phyir steng sgo yi ni lam nas su/ /de yi steng du 'pho ba bya ba yin/ /spyi bo nas ni gzugs med 'gro ba ste/ /mdzod sdu nas ni gzugs kyi khams su grags/ /mig gnyis nas ni mi yi 'gro ba nyid/ /rna ba dag nas grub pa'i lha ru skye/ /sna bug dag nas gnod sbyin nyid du ste/ kha ni dri za ru ni nges bar 'gro /lte ba nas ni 'dod pa'i khams kyi lha/ /khu ba'i sbubs nas yi dags 'gro par ro/ /chu yi lam nas dung 'gro'i skye gnas su/ /bshad pa'i lam nas dmyal ba'i 'gro bar ni/ /the tsom med par 'gro'o de yi phyir/ /lam ngan dag ni rnam par spang bar bya/ / de nas de thar pa'i grong khyer du bzhag pa'i phyir /de'i mdun du zhi ba'i sbyin sreg tu gsungs pa'i cho ga yongs su tshang bas sam/ rdzas gcig pa'i sbyin sreg bshad pa'i cho gas shi 'brel gyis byin pa'i yo byad rnams dang/ rdo rje slob dpon gyis ye shes kyi me la sbyin sreg bya'o/ de'i rjes la'ang shes rab kyi pha rol tu phyin ma la sogs pa theg pa chen po'i mdo bklag bar bya'o/ /de'i rjes la thams cad bsdus te shi bdag la yon blang bar bya'o/ /shi bdag gis kyang rang gis 'byor pa dang rjes su mthun par gos dang rgyan dang ma la stan dang zhing dang khyim dang bran? dang bran mo la sogs pa'i yon gus pas slob dpon la dbul bar bya'o/ /de nas ro bsregs pa'i mi rnams bos te yi ge gsum bzlas pa'i tshangs skung gdags par bya'o/ /de ro khyer ba rnams 'jig rten bskor ba rnams su lhag par mos par bya ste/ gdugs khyer ba ni lha rgyal lo/ /rnga yab

  34. 25b

    thogs pa ni tshangs pa'o/ /ral gri thogs pa ni khyab 'jug go /bstod pa 'don pa ni bde byed do/ /ro'i las byed pa ni gshin rje'o/ /bum pa thogs pa ni chu lha'o/ /dgang bzar blugs gzar thogs pa ni me lha'o/ /bza' ba dang ston mo thogs pa ni bden bral lo/ /ba dan thogs pa ni rlung lha ste/ / gzhan yang lha dang mi rnams kyang lhag par mos pa'o/ /de nas yi ge brgya pa'i sngags lan bdun bzlas te/ rang gi dge ba yang rdzogs pa'i byang chub tu bsngo bar bya ste ldang bar bya'o/ /langs nas kyang rdo rje slob dpon rdo rje 'dzin pa'i rang bzhin sangs rgyas thams cad bskyed ma spyan gyi sngags dang/ ngan song sbyong pa'i rgyud las gsungs pa'i ngan song thams cad rnam par sbyong ba'i sngags bzla bzhin du sngon du 'gro bar bya'o/ /lam du yang ni 'jig rten skyong rnams kyis/ /ri ni khur gyis bteg ste khyer ba dang/ /kun nas bstong pa byed bzhin lha rnams kyi/ /mchod pa yang ni rgyun du byed pa blta/ /sna tshogs tung? rgya'i sgra dang bkra shis kyi/ /tshigs bcad dang ni rdo rje blu rnams kyis/ /dril bu dang ni cha lang ting ting cag /gling bu pi wang sgra dang rjes mthun par/ /nye bar spyod pa lnga yi mchod pa dang/ /bla re gos ngang? pa dan gdugs dad ni/ /'khor mang ldan pas pa yi gnas su ni// dal rtse khyer te phyin nas de ru ni/ /'o ma can gyi shing ni skam po yis/ /legs par rnam par bkris te brtsigS par bya/ /de yi steng du de ni bzhag nas su/ /bum pa'i chu yis bsang bar bya ba yin/ /de nas sbyin sreg mi yis ni/ /yongs su spang bar bya ba ste/ /ji ltar thal bar gyur gyi bar/ / shi 'brel mnyam par bzhag bas bsrung/ /theg pa chen po cher 'byung ba'i/ /mdo sde snga ma bzhin du bklag /ting ting cag cag cang te'u yi/ /rjes 'gro rdo rje glu yang blang/ /de nas 'gro ba la la dag gol ba'i lam la sbyar yang mi dge ba shin tu mang ba stobs che bas lam ngan pa nas song? nas/ de nas de yang ngan pa'i 'gro ba yongs su sbyang ba'i phyir nyi ma de nyid nas brtsams te nyi ma brgyad du ngan song sbyong ba'i rgyud nas gsungs pa'i cho gas ngan song yongs su sbyong ba la rim pas bya'o/ /de la ji srid rus pa ma 'ongs pa de srid gos la de'i ming smos pa sngan du 'gro bas cho ga'o//

  35. 26a

    'ongs pa ni de'i dus pa 'am gos la nyin zhag brgyad pa'i bar du bya ste/ de yang lho'i char khru gang ba'i stegs bu gru bzhi pa byas te/ ba lang gi lci ba sa la ma lhung bas byugs te ba'i rnaM lngas kyang kun tu bsang bar bya'o/ /de yang dkyil 'khor can ngan dkar pos ni/ /nye bar byugs te me tag rnams kyis ni/ /mdzes par byas nas de steng bum pa ni/ /mtshan nyid ldan pa rnam par dgong bya ste/ /sman dang yal gnor bu dri bzang dang/ /'bru rnams lnga dang yang dag ldan par ni/ /mgrin pa sngon po'i gos kyis bkris nas ni/ /gdugs dang ba dan? btsugs te nye spyod ni/ /lnga dang bcas pas dri bzang gis gdugs shing/ /bsti gnas kyi ni chu yis dgang bya zhing/ /ku sha yi ni stan la bzhag bya ste/ /lto 'phye rigs kyi bdag po'i mtshan mas ni/ /de ni yig gsum dang spel rtsa ba yi/ /sa bon gyis ni lhag gnas ? ba ste/ /sngags pas yang na khrus kyi sngags kyis ni/ /lan grangs brgya dang rtsa brgyad bzlas nas so/ /de nas mdun du rdul tshon dkar po yis/ /lte bar bcas shing mu khyud 'od dang bcas/ /'khor lo rtsibs brgyad bris nas me tog ni/ /dkar pos mdzes par rnam par spras nas ni/ /de yi dbus bzhag snod ni stong pa yi/ /steng du bug pa dang bcas kham skyong bzhag/ de rjes de yi rus pa kham skyong der/ /lhag ma med par yang ni bzhag par bya/ /ting 'dzin gsum dang ldan pas 'di la ni/ /phyir bzlog cho ga yang ni bya ba yin/ /yungs kar me tog yang dag ldan pa yis/ /rim bzhin gsang sngags rdo rje'i tshig brjod pas/ /de yis rus pa 'am yang na gos sam ni/ /de yi ming la yang ni brdeg par bya/ /de nas sngags kyi tshig rnams bstan pa ni/ /oM sarba pA paM da ha na badzra hUM phaT/ oM sarba pA paM bi sho d+ha na hUM phaT/ oM sarba karma a par? ci b+hasmiM? ku ru hUM phaT/ oM b+h+ruM bi sho d+ha ya a ba ra NI ni hUM phaT/ oM dzwa la dzwa la/ d+ha ka d+ha ka/ ha na ha na/ a ba ra NA ni hUM phaT/ oM sruM sa ra sa ra/ A pa ra NA ni hUM phaT/ oM hUM ha ha ra ha ra sarba a pa ra NA ni hUM phaT/ oM hUM phaT/ sarba a ba ra NA ni spho Ta ya hUM phaT/ oM b+h+ri? ta b+h+ri ta sarba a pa ra NA ni hUM

  36. 26b

    phaT/ oM tra ta tra ta sarba a pa ra NA ni twaM hUM phaT/ oM tshind+ha tshind+ha sarba a pa ra NA ni hUM phaT/ oM da ha da ha sarba na rag ga ti? he tuM? hUM phaT/ oM pa tsa pa tsa sarba pre ta ga ti ha huM hUM phaT/ oM ma tha ma tha sarba tirya ga ta ta? tuM hUM phaT/ zhes bya ba ni rus pa la sogs pa la brdeg pa'i sngags so/ /de nas lhag gnas? byas pa'i bum pa'i chus de'i rus pa la sogs pa brjod bzhin du bkru ba'i sngags ni oM na mo b+ha ga ba te sarba du rga ti pa ri sho d+ha ne rA dza ya/ ta thA ga ta ya/ a ra ha te saMmya? ksaM bud+d+hA ya/ tadya thA/ oM sho d+ha ne shod+ha na sarba pA pa'i shod+ha ne shud+d+he bi shu d+d+he sarba karma a bar na bi sho d+ha ne swA hA zhes bya ba ni dus pa la sogs pa bkru ba'i sngags so/ /me tog gtor te sngags brjod pas lam bstan par bya ba/ /sngags ni oM ratne ratne ratna saM b+ha ge ratna kaM? ra ne ratna mA la bi shud+d+ha shud+d+ha ya/ sarba pA ba hUM tra Te/ zhes bya ba ni lam bstan pa'i sngags so/ /de nas me tog chu nang du dor de lam sbyang? bar bya'o/ /sngags ni oM padme padme mahA padme padme saM b+ha be su kha ba ti gats+tsha tu swA hA/ zhes bya ba ni lam bstan pa'i sngags so/ /sngags kyi tshig de dang de ma bskul ba'i tshig spel bar bya'o/ /lam sbyangs pa'i sngags kyis me tog gi char dbab par bya'o/ /mnyam par bzhag par bya'o/ /bkra shis kyi tshogs su bcad pa len nam/ /len du gzhug par bya'o/ /de ltar nyin re bzhin du thun gsum mam gcig tu bya'o/ /de bzhin du yang dag par mchod de/ /ji ltar bstan pa'i cho ga thams cad bsdu par bya'o/ /de la bkra shis gang zhig sems can kun la phan bzhed pa'i/ /sangs rgyas rnam dag blo ldan nyes pa'i chogs dang bral/ /shes dang yan lag 'dus pas mdzes pa'i bde ba'i bdag/ bkra shis de yis khyad rnams la ni dbang mchog bskur/ /bkra shis gang zhig lha dang lha min mis mchod pa/ /de yis bstan ba'i dam chos bla na med bdag med/ /'jig rten gsum la rab tu grags pa yi/ /bkra shis de yis khyed rnams la ni dbang mchog bskud/ /bkra shis gang zhig rab? mchog dam chos rtag tu 'dzin/ /bzang po'i sar zhugs sangs rgyas sras po tshogs kyi mchog /rnam pa kun tu sems can don mdzad bkra shis gang/ /bkra shis de yis khyed rnams la ni dbang mchog bskur/ /bkra shis kyi tshigs su bcad pa de dag rus pa 'khrud?

  37. 27a

    pa'i dus su yang gdon nam 'don du gzug go /de la gshegs su gsol ba'i tshig ni/ /khyed kyis sems can don kun mdzad/ /rjes su mthun pa'i dngos grub gsol/ /slar yang 'byon par mdzad pa'i phyir/ /sangs rgyas yul du gshegs su gsol/ /mu:zhes byas so/ /de nas mtshan mo tshogs kyi 'khor lo byas te thams cad bsdu'o/ /'byor pa yod na ngan song sbyong ba'i dkyil 'khor cho ga bzhin du bzhengs te/ ji ltar bshad pa'i cho gas bsgrub par bya'o/ /slar yang rdo rje slob dpon gyis shi bdag la yon blang bar bya'o/ /nges kyang 'byor pa dang mthun par dbul te/ /bkrus pa'i gos kyang slob dpon nyid la dbul bar bya'o/ /'dir gsungs pa gshin po la dmigs gang cung zad/ /rtsa lag rnams kyis slob dpon sbyin/ /de yis mtho ris lam 'gro ba'i/ /rgyags su de la byin zhes bya/ /sbyin pa de yis de nges par/ /bde ba can gyis ru 'gro/ steng di lus lha na byed pa ni/ /de la de ltar kun byas na/ /ngan song thams cad spangs nas ni/ /nges par bde ba can du 'gro /de rjes de rus rnam sbyang ba/ /zhib mor rdo la brtags nas ni/ /shin tu rgya che chu bo la/ /mchod pa byas te bskur bar bya/ /yang na sa 'dzin chen po ni/ /mthon po'i rtse la 'dzegs nas su/ /shin tu shugs drag mthun pa yi/ /rlung la de ni bkur bar bya/ /gal te bde ster bde ldan bzhin du shin tu yang/ /drag pa'i las kyi dbang gis ma sed na'ang/ /nges par 'di ni ngan pa'i 'gro ba spangs nas su/ /sum cu pa'i gnas su yang ni 'gro bar 'gyur/ /dpal ldan bzang po'i zhabs kyi pad+ma las thob tha ma'i cho ga'i man ngag gis/ /tha ma'i cho ga'i sgrub ba 'di ni dpal ldan gsang ba 'dus pa'i gzhung du byas/ /gang zhig dpal ldan gsang ba 'dus par ma bstan phrin las de yi kha bskong ni/ /gang zhig dpal ldan ngan song sbyong pa'i rgyud las gsungs pa'i cho ga la ni brten/ /tha ma'i cho ga'i ming gi rnam grangs gshin po bde bar gshegs pa'i gnas la 'god pa zhes bya ba/ paN+Ti ta dpal ting nge 'dzin rdo rjes mdzad pa rdzogs so// //rgya gang gyi mkhan bo dpal phyogs dbang dga' byed kyi zhal snga nas dang/ lo tsA ba dge slong pradz+nyA kirtis bsgyur

  38. 27b

    dpal ngan song thams cad yongs su spyod pa'i rgyud las phyung ba spyan ma'i ngan song sbyong? ba'i cho ga dpal steng? nyid ting nge 'dzin rdo rje'i zhabs kyis? mdzad pa bzhugs so// //rgya gar skad du/ sh+rI sarba durga ti pa ri sho d+ha na tan+t+ra ta uD DhI tya lo tsa nA yA durga ti sho d+ha na bi d+hi/ bod skad du/ dpal ngan song thams cad yongs su sbyong ba'i rgyad las phyung ba spyan pa'i ngan song spyod? ba'i cho ga /bcom ldan 'das? ma 'phags pa dpal ldan spyan ma la phyag 'tshal lo/ /lha mo spyan ma zhes bya gzhan don la/ /dgyes pa shi ba sos byed la btud nas /shi ba 'tsho bar byed pa'i sbyor ba las/ /shi ba mtho ris spyar ba bshad par bya/ /shi ba'i bdag nyid rab dben par/ /dal 'byor nyer spyod kun ldan pa/ /me tog dkar po'i dbu rgyan 'chang/ /dri yang dkar pos byugs shing zhi/ /gos dang rgyan yang dkar ba dang/ /dang por yang na der mos pas/ /rdo rje rdo rje dril bzung ste/ /'jam zhing mtho ba'i stan 'dug la/ /tsan dan dkar sogs dri dang ni/ /bdud rtsi lnga ni chung ldan pas/ /kun tu dkyil 'khor nyer byugs la/ /me tog dkar pos mdzes par bya/ /yon chab sogs sngags swAhA mdza' / /yang dag bskul byed bzla bar byed/ /snying ga'i zla bar sa bon ni/ /gnyug ma bltas nas gnas sogs bsrung/ /de la gnas dang bdag dang rnal 'byor srung ba'i sngags ni/ oM A:bi g+h+nAM? tra krita hUM zhes pa'o/ /yang na na ma:samn+ta zhes bya ba la sogs pa'o/ /rnal 'byor cho ga rigs pas chog bzhin/ /spyan ma'i rnal 'byor rab tu byas nas ni/ /snying ga'i sa bon gnyug ma de las ni/ /grub pa yang ni yang dag spro bar bya/ /de yis 'jig rten pha rol song ba yi/ /shes pa dang zhing chags pa dgug par bya/ /yang na chos kyi sgo yi rnam pa ni/ /mar me rlung gis g.yo ba med pa bzhin/ /bkug nas de yi shes pa'i ro yis ni/ /spyi bo nas ni snying gar gzhug par bya/ /de rjes 'dug pa langs nas ni/ /de ni shes pa ldan par blta/ /de yi 'od phreng 'bar ba ? snying gti mug dga' ma gzhug/ de lus stong par byas nas ni/ /rnam par shes pa lhag mar blta/ /de rjes mo ha ra ti brjod/ /de ni spyan ma'i rnam par bsgom/ /de yi mig sogs lus sogs la/ rnam pa kun tu byin brlabs bya/ /snying ga'i ye shes lha yin ni/ /snying gar

  39. 28a

    zla gnas rtsa sngags rgyal/ /lha sprin bdud rtsi'i 'od zer gyis/ /lag pa dang bcas bkru bar bya/ /rang gi lus las spros pas nam mkha' i dkyil 'khor ma lus pa khyab pa'i 'od spros pas sdus nas 'od kyi gong bu lta bu las spyan ma'i sprin dang de'i sngags bzlas pa'i chus gang ba dang dbang bskur ba'i tshul gyis bkrus nas kyang de bzhin du dbang bskur ba bya ste/ mgo la dbu rgyan byin/ lag pa gnyis la rdo rje dang dril bu'o/ /de'i rjes la sngags pas ku sha'i rtse mo rdo rje rtse gcig pa rnon par bsgoms la/ der bcug pa lta bur rdo rje'i bug par bcug nas de'i rjes la sems mnyam bar bzhag pas de'i snying gar bkod pa'i shes pa rnam par gsal ba yang dag par skul zhing rdo rje'i 'od zer rlung gis phyung ba 'bar ba 'od zer snying gnas phyung bas reg pas dngul chu lta bur gyur par bsam mo/ /steng gi lam nas byung ste sangs rgys kyi zhing rnam par dag par grol ba'o/ /gal te shes pa lam gzhan du 'gro na 'khor ba'i rgya mtshor ltung ngo/ /de yi phyir steng gi lam du de 'pho bar bya'o/ /mgo bo las ni gzugs med du 'gro'o/ /mdzed sU? nas gzugs khams shes bya bar ro/ /mig gnyis las ni mi nyid du'o/ /rna ba gnyis las ni grub pa'i lha'i 'gro bar ro/ /sna bug gnyis nas ni gnod sbyin nyid du'o/ /kha las ne? dri zar 'gro'o/ /lte ba las ni 'dod pa'i lhar ro/ /khu ba'i rtsa las ni yi dags kyi 'gro bar ro/ /gci ba las ni lha ma yin nam byol song gi skye gnas so/ /bshang lam las ni dmyal ba'i 'gro bar ro/ /ye shes dman pas 'gro bas na de'i phyir lam la dga' bas spang bar bya'o/ /de'i phyir de thar pa'i grong khyer du bzhag par bya pa'i phyir zhi pa'i sbyin sreg gsungs pa'i cho ga yongs su rdzogs pas sam/ rdzas gcig bsreg ba'i phyogs su gsungs pa'i cho gas mchod sbyin pas sbyin pa thams cad rdo rje slob dpon gyis nye bar 'kho bas rdo rje slob dpon gyis ye sheS kyi me la zhi pa'i sbyin sreg bya'o/ /yang de'i tshe shes rab?

  40. 28b

    kyi pha rol tu phyin pa la sogs pa theg pa chen bo'i mdo lnga klag par bya'o/ /de'i rjes la thams cad bsdus nas mchod sbyin byed pa la yon bslang ngo/ /mchod sbyin byed pas kyang rang gi 'byor pa dang rjes su 'tsham pa'i gos dang rgyan dang mal stan dang khyim dang zhing dang khol ? dang khol mo la sogs pa'i yon slob dpon la gus pa dang bcas pas dbul lo/ /de nas shi ba 'du byed pa'i skye bo rnams kyiS yi ge gsum brjod cing mchod phyir thogs bcing ngo/ /de nas ro khyer ba rnams 'jig rten skyong ba rnams su mos te/ gdugs 'dzin pa ni lha'i rgyal po dang/ rnga yab 'dzin pa ni tshangs pa dang/ ral gri 'dzin pa ni khyab 'jug dang/ bstod pa 'don ba bde byed dang/ dbu rgyan 'dzin pa'i bya ba byed pa gshin rje dang/ bum pa 'dzin pa chu lha dang/ dgang gzar dang blugs gzar 'dzin pa me lha dang/ bza' ba dang ston mo 'dzin pa bden bral dang ba dan 'dzin pa rlung lha dang/ gzhan rnams ni lha dang lha ma yin la sogs pa mos pa bya'o/ /de nas yi ge brgya pa lan bdun brjod nas rang gi dge ba bla na med pa yang dag par rdzogs pa'i byang chub tu bsngos la ldang bar bya'o/ /langs nas kyang rdo rje slob dpon rdo rje 'chang gi rang bzhin sangs rgyas thams cad skyed par mdzad pas spyan ma'i sngags sam/ ngan song yongs su spyod pa'i rgyud las gsungs pa'i ngan song thams cad yongs su sbyong ba'i sngags bzla zhing mdun nas 'gro'o/ /ro yang 'jig rten skyong ba rnams kyis drang por khyer bzhin pas nye bar dga' bas bstod pa byed bzhin pa dang lha dang mi rnams kyis mchod par blta'o/ /brdung dkrol sna tshog spa'i sgra dang bkra shis kyi tshigs su bcad pa rnams dang/ rdo rje'i glu la sogs pa dril bu dang 'khar rnga dang ting ting shag dang/ gling bu dang pi wang gi sgra rjes su 'brang bas nye bar spyod pa lnga'i mched pa dang/ ba dan dang gos nam mkha' lding ba dang/ kun tu bgo ba mang ldan pa/ /dal gyis pha yi gnas thob bya/ /der ni bud shing 'o can skam/ /dge ba'i sems kyis bkod nas ni/ /de steng legs par bzhag nas ni/ /bum pa 'dzin pas bkru bar bya/ /de nas cho ga dang/?

  41. 29a

    ldan bas/ /me yis yongs su gsal bar bya/ /ci srid thal bar 'gyur bar du/ /de sbyin byed pas mnyam gzhag pas/ /theg pa chen po cher 'byung ba'i/ /ming? ni sngon bzhin legs par klag /mkhar bsil Da ru'i rjes 'gro ba'i/ /rdo rje'i blu ni len du gzhug /yang na skye bo 'ga' zhig gis grol ba'i lam ma yin pa la sbyang bas mi dge pa phyi dang cig shos stobs dang ldan pas lam ngan par 'gro bar 'gyur ro/ /de'i phyir rang yang lam log par 'gro ba spangs la/ nyi ma de nas brtsams te nyi ma brgyad la ngan song yongs su sbyong ba'i rgyud las gsungs pa'i cho gas ngan song sbyong ba la sogs pa'i bya ba'i rim pas bya'o/ /der ji srid de'i rus pa blang pa de srid du de'i gos la de'i ming brjod pa sngon du 'gro ba'i bya bas bya'o/ /blangs nas ji srid nyi ma brgyad kyi bar du gos der rus pa bya'o/ /de yang lha'i char stegs gru bzhi pa khru gang tsam la ba'i lci pa ma lhung bas byug pa byas pa las byung bas bangs par bya'o/ /der nye bar byugs nas dkyil 'khor byugs pI dri ma me tog la gnas par bya'o/ /de'i steng du bum pa mtshan nyid dang ldan pa dgod de/ sman dang yal ga dang nor bu dang dri dang 'bru lnga dang yang dag par ldan pa gdugs dang ba ngan gyis brgyan pa/ mgrin par gos sngon po dang ldan pa/ nye bar sbyong pa lnga dang bcas pa/ legs par gdugs pa/ 'bab stegs kyi chu dang ldan pa/ ku she 'khyil pa byas pa'i gdan la gnas pa/ rigs kyi bdag po'i rtags kyis mtshan pa rgya chen po lhag par gnas par byas la/ yi ge gsum dang ldan pa'i rtsa ba'i sa bon gyi sngags lan brgya rtsa brgyad kyis bkru'o/ /de nas yang mdun du 'bras dkar btags pas lte ba dang bcas pa mu khyud legs par 'bar ba dang bcas pa'i 'khor lo rtsibs brgyad pa bris la me tog dkar pos dgong par byas nas/ de'i dbus su bum pa stong pa'i steng du kham phor bum pa can bzhag /de'i rjes la kham phor der

  42. 29b

    de'i dus pa ma lus pa bzhag go /ting nge 'dzin gsum bsgoms pas phyir bzlog kyang bya'o/ /don grub me tog dang bcas pas rim pas rigs rnams shis pa'i tshig brjod pa dang bcas pas de'i ming dam rus pa la nges brdeg par bya'o/ /de nas sngags kyi tshig rnams su 'gyur pa ni/ /oM sarba pA pa da ha na badzra hUM phaT/ oM sarba pA pa bi sho d+ha na hUM phaT/ oM sarba karmA ba ra NA ni b+ha smi ku ru hUM phaT/ oM b+h+ru b+h+ruM bi nA shA ya A bar NA ni dzaM hUM phaT/ oM d+h+ruM bi sho d+ha ya A ba ra NA ni hUM phaT/ oM sarba karma A ba rA NA ni hUM phaT/ oM dzwa la dzwa la d+ha ka d+ha ka ha na ha na A pa ra NA ni hUM phaT/ oM sruM sa ra sa ra pra sa ra pra sa ra A ba ra NA ni hUM phaT/ oM hUM ha ra ha ra sarba A ba ra tA ni hUM phaT/ oM hUM sarba A ba ra NA ni spho Ta ya hUM phaT/ oM b+h+ri ta b+h+ri ta sarba A ba ra NA ni hUM phaT/ oM twA Ta trA Ta sarba A ba ra NA ni hUM phaT/ oM tshinda tshinda sarba A ba ra NA ni hUM phaT/ oM da ha da ha sarba na ra ka ga ti he tuM hUM phaT/ oM pa tsa pa tsa sarba pre ta ga ti he tuM hUM phaT/ oM ma tha ma tha sarba tiryag ga ti he tuM hUM phaT/ zhes pa ni rus pa la sogs pa la me tog brdeg pa'i sngags so/ /de nas lhag par gnas par byas pa'i bum pa'i chus de'i rus pa sogs brjod cing bkru'o/ /sngags ni/ oM na mo b+ha ga bA ta sarba du rga ti pa ri sho d+ha na ra dza ya ta thA ga tA ya/ arha te/ samyaksaM? bud+d+ha ya/ tatya thA/ oM sho d+ha ne sho d+ha ne/ sarba pA pa bi sho d+ha ne/ shud+d+he bishugd+he sarba A ba ra nA ni bi shud+d+he swA hA/ zhes bya ba ni rus pa la sogs pa bkru ba'i sngags so/ /de nas me tog gtor zhing sngags bzlas la lam bstan par bya'o/ /sngags ni/ oM ratne ratne saM b+ha be/ ratna ki ra Ne/ ratna mA la bi shud+d+he/ sho d+ha ya/ sarba pA paM hUM trA Ta/ lam bstan pa'i sngags so/ /de nas me tog dang chu gtong zhing lam rnam par sbyang bar bya'o/ /sngags ni/ oM padme padme/ padmotb+ha? be/ su khA ba tyaM/ gats+tsha tu swA hA/ zhes bya ba ni lam rnam par sbyang ba'i sngags so/ /sngags kyi tshig de dang de la bskul tshig sbyar bar bya'o/ /lam sbyang ba'i sngags kyis me tog

  43. 30a

    gi char dbab par bya'o/ /glu mkhan bkra shis tshigs bcad ni/ /mnyam par bzhag pas glur blang bya/ /thun gsum mam ni thun gcig tu/ /de bzhin nyin re bzhin du bya/ /ji skad gsungs pa'i cho ga bzhin/ /mchod nas thams cad bsdu bar bya/ /de la bkra shis kyi tshigs su bcad pa ni/ /bkra shis gang zhig sems can kun la gcig tu phan mdzad cing/ /sangs rgyas skyon rnams spangs pa rnam par dag pa rtogs gyur pa/ /shes rab yan lag la 'khyud bde ba mdzes pa'i bdag nyid can/ /de yis khyod la dbang bskur mchog gi bkra shis 'byung bar shog /bkra shis gang zhig de yis gsungs pa'i dam pa chos kyi mchog /bla na med pa lha dang lha min gyis mchod cing/ /'jig rten gsum du bdag med rab tu rtogs pa 'gyur nges la/ /de yis khyod la dbang bskur mchog gi bkra shis 'byung bar shog /bkra shes gang zhig dam chos rab mchog rtag tu 'dzin mdzad pa/ /sa yi dam par son pa rgyal ba'i sras tshogs legs pa rnams/ /sems can phan par mdzad la mkhas pa shin tu bkra shis pa/ /de yis khyod la dbang bskur mchog gi bkra shis 'byung bar shog /ces bya ba'o/ /bkra shis kyi tshigs su bcad pa de dag rus pa bkru ba'i dus su yang glur blang ba 'am blang du gzhug go /de la gshegs su gsol pa'i sngags ni/ oM khyed kyis sems can don kun mdzad/ /rjes su mthun pa'i dngos grub stsol/ /slar yang 'byon par mdzad slang du/ /sangs rgyas yul du gshegs su gsol/ /mu:zhes pa'o/ /de nas mtshan mo tshogs kyi 'khor lo byas nas thams cad bsdu'o/ /'byor pa ci yod pas ngan song yongs su spyod ba'i dkyil 'khor cho ga ji lta bas bris nas ji skad gsungs pa'i cho ga rnams bya'o/ /slar yang rdo rje slob dpon gyis sbyin bdag la yon slang par bya'o/ /nges kyang 'byor pa dang rjes su 'tsham pa rab tu dbul lo/ /bkrus nas gos slob dpon la dbul lo/ /ji skad du/ ro la dmigs nas gnyen

  44. 30b

    rnams kyis/ /slob dpon la ni gang byin pa/ /de ni mtho ris la bzhag pas/ /de la byin par shes par bya/ /nyi ma bdun nas rab bshad pa'i/ /de yiS ci 'dod nor dbul bya/ /de la byin pas nges par ni/ /bde ba can du mchod par 'gyur/ /gang phyir bsam gtan bya pa kun/ /cho gas lus? ni steng byas nas/ /sdig pa ma lus spangs nas ni/ /bde ba can du nges par gnas/ /de rjes de yi rus pa rnam dag pa/ /phye ma shin tu zhib par byas nas ni/ /mchod pas yang dag mchod nas 'bab chu ni/ /shin tu rgya cher rab tu dor bar bya/ /yang nas 'dzin chen po mtho ba yi/ /steng gi rtse mo la ni bslad nas su/ /rlung gi shugs ni yongs su rgyu ba na/ /de dang rjes su mthun par 'phyar bar bya /shin tu drag po'i las kyi dbang gis ni/ /gal te bde ster bde ba can ni ma thob kyang/ /'di yis ngan song rnams ni yongs spangs te/ /sum cu rtsa gsum gnas su 'gro bar nges/ /dpal ldan bzang po'i zhabs kyi pad+ma las/ /thob pI gdams ngag shin tu 'dod pa ni/ /dpal ldan gsang ba 'dus pa las byung ba/ /shin tu yid 'ong cho ga byas pa ni/ /gang zhig dpal ldan gsang 'dus ma rdzogs pa/ /dpal ldan ngan song yongs su sbyong ba yi/ /rgyud las gsungs pa'i las gang yod pa yis/ /las de yongs su rdzogs par byas pa yin/ /shi ba bde 'gror sbyar ba'i cho ga shin tu 'dod pa mchog tu gyur pa zhes bya ba'i ming can dpal stong nyid ting nge 'dzin rdo rje'i zhabs kyis mdzad pa rdzogs sto// //rgya gar gyi mkhan po a ba d+hU ti baM? ro ca na? badzra'i zhal snga nas rang/ bod kyi lo tsA ba khams pa ldi ri chos kyi grags pas bsgyur ba'o// //rgyud kyi rgyal po dpal gsang ba 'dus pa'i rnam par bshad pa'i sgrub thabs bzhugs so// //rgya gar skad du/ tan+t+ra? rA dza sh+rI gu hya sa ma dza TI ka /bod skad du/ rgyud kyi rgyal po dpal gsang ba 'dus pa'i rnam par bshad pa/ snying po byang chub kyi sems rdo rje la phyag 'tshal lo/ /thams cad ma lus rgyal ba'i gtso/ /sku gsung thugs dang rab ldan zhing/ /lha mo'i tshogs bcas bde chen la/ /dang pas rtag tu phyag 'tshal te/ /gang zhig rigs lam dag

  45. 31a

    pa dang/ /gsang 'dus dag la dad pa rnams/ /da ltar dad pa'i lam du ni/ /bde bar gshegs pas rtsa ba gsungs/ /de la brten te mgon po yi/ /sku gsung thugs kyi gsang ba rnams/ /rnal 'byor rnams kyis rtogs bya'i phyir/ /ma nor tsam du bshad par bya/ de la 'di mgo mjug tu phun sum tshogs pa lngas bstan te/ /lnga gang zhe na/ ston pa dang/ sdud pa dang/ gnas dang 'khor dang/ rgyud phun sum tshogs pa'o/ /de la ston pa ni/ bcom ldan 'das zhes pa la mngon no/ /bdag gis thos pa dus gcig na zhes bya bas ni sdud pa bstan to/ /gnas ni de bzhin gshegs pa thams cad kyi zhes pa nas/ /pad+ma la bzhugs so zhes pa'i par ro/ /brjod du med pa'i yang brjod du med pa'i nas/ gang bar snang ngo ba'i bar gyis 'khor bstan to/ /de yang dang la 'di skad ces bya bas ni rgyud phun sum tshoD pa bstan te/ de ci'i phyir zhe na/ 'di skad ces smos pas 'og nas 'byung ba'i rgyud kyi don mgo 'jug rdzogs par 'dren pa'i phyir ro/ /bdag gis zhes bya ba ni gzhan dang gzhan nas brgyud pa lta bum yin pa'i don de/ rdo rje chos mngon par rdzogs par sangs rgyas pa nyid kyis gzhan dang gzhan nas brgyud pa la thos so zhes mi sbyar ba'i phyir ro/ /des na 'di skad ces bya ba nas/ mngon par bstod do pa'i bar dag bdag gis mngon sum du thos so zhes ston to/ /de yang bdag kho nar 'dzin pa ni ma yin te ci'i phyir zhe na/ brjod kyiS mi lang ba la sogs pa 'og nas 'gyur pa'i tshig dang mi mthun par thal bar 'gyur pa'i phyir ro/ /thos pa ni sgrar snang pa'i gsung gi rnam pas so/ /de la gzhan dag gis brgal ba/ mngon par rdzogs par sangs rgyas te gnyis med pa nyid pas/ bcom ldan 'das kyis gsungs pa zhes bya ba mchog mod/ /'di skad bdag gis thos pa zhes bya ba dgos ched med de/ bcom ldan 'das mya ngan las 'das pa'i 'og tu de brjod par rigs pa'i phyir ro/ /de ltar mngon sum na bzhugs pa'i dus na/ 'di skad bdag gis thos pa zhes brjod pa 'di dag rigs

  46. 31b

    pa ma yin no zhe na/ lan du rigs pa yin te/ rgyud thams cad kyang 'di skad bdag gis thos pa zhes grags la/ ston pa mya ngan las 'das so zhes ni rgyud gzhan gang las kyang ma gsungs so/ /yang de la dgos ched ci yod ce na/ rgyud 'di las phyir gyur pa gzhan dag ci ste/ 'dri ba po? cig med na rgyud 'di dag ji ltar 'byung bar 'gyur zhes rnam par rtog ste/ de dag bsal ba'i phyir zhes skabs dang sbyar ro/ /de'i phyir 'dul ba'i thabs kyis gcig dang du ma'i ngo bor ston te/ ji skad du/ rnam dag sku ston ma yin te/ /log 'gro rtog pa thams cad la/ /so sor 'dul pa'i skur yang ston/ /zhes gsungs pa lta bu'o/ /de dag gis phyogs rnams su 'dul ba rnam pa bzhes 'gro ba'i don mdzad pa ni 'di skad du/ bltam pa dang/ rab tu byung ba dang/ dka' thub mdzad pa dang/ sangs rgyas pa dang/ /bdud btul ba dang/ chos kyi 'khor lo bskor ba dang/ cho 'phrul bstan pa dang/ mya ngan las 'das pa la sogs par gsungs pa dang/ cho 'phrul gyi spyan la sogs pa drug dang/ kun tu sku bsam gyis mi khyab pa la sogs pa bzhi dang/ de dag la sogs par snang ngo/ /de yang chu snod kyi gzugs brnyan bzhin no/ /de yang 'dul bya'i dbang? gis lha dang mi'i theg pa lnga gsungs so/ /gsung ngo/ /gsung bar 'gyur ro/ /zhes grags pa bzhin no/ /dus gcig na zhes bya ba ni de yi tsho na zhes bya bar sbyar te/ 'di ni 'di'i dus gcig na gzhan gyi dus cig na bya ba lta bu ma yin te/ 'di ltar dus mtshon pa yang dus gsum la sogs pa dus nges par bstan pa ni ma yin pa'i phyir ro/ /bcom ldan 'das zhes bya ba ni shes rab kyis bdud bzhi bcom pa dang legs pa'i yon tan drug dang ldan pa'i phyir bcom ldan 'das zhes te byang chub sems rdo rje'o/ /yang 'dir dgyes pa'i gnas na bzhugs pa'i phyir yang de skad ces bya la/ ye shes kyi rang bzhin la bcom zhes gsungs te/ de rnams dang gang ldan pa de de ltar yin pa'i phyir ro/ /de bzhin gshegs pa la sogs pas bla na med pa'i chos bstan pa dang rjes su mthun pa'i rten gyi khyad par gsungs so/ /bshad

  47. 32a

    pa de bzhin gshegs pa ni ji ltar skyes pa bzhin skyes pa'i phyir de bzhin gshegs pa zhes bya'o/ /de ji ltar zhe na/ pha dang ma gnyis thog ma med pa'i dus nas 'dod chags dang ldan pa'i dbang gis bo mo phrad par gyur nas/ de nyid rnam par sbyangs nas yang dag pa'i lam du 'gro ba'i phyir na de de bzhin gshegs pa zhes bya'o/ /yang ji ltar 'ongs pa bzhin 'gro pa'i phyir de bzhin gshegs pa ste/ dper na zangs dang gser la sogs pa rdzas kyi dngos po gcig la/ de na snod du byas pa'i tshon? mi gcod bar 'dzin cing 'dor bar byed/ de gzhong pa la sogs par byas pa'i tshe na gtsang bar byed cing blang par byed/ de sU gzugs la sogs par byas pa'i che/ phyag 'tshal zhing mchod par byed de/ /de bzhin du 'khor ba'i rgyu la dang po brgyad dang dgu pa dad bcas par spyad? pa'i dus na ni smad cing spang par bya ba yin la/ de nyid thabs dang shes rab kyi tshul du rnam par sbyangs pa'i dus na ni sku 'grub par byed pa'i longs spyod kyi gnas kyang yin la/ /de ltar zung du 'brel ba'i goms pa'i dbang gis 'bras bu nyid mngon par 'grub par byed do/ /'dod chags la sogs pa chos lnga po 'di dag kyang/ dang po'i tshul ltar spyad na ngan song gi rgyu yang yin/ /de nyid rnam par dag par bsgoms na thams cad mkhyen pa'i ye shes skye ba'i rgyu yang yin pas nyes par mi 'gyur te/ de'i phyir de skabs/ dang sbyar? ro/ /de la sgra mang du ci dgos she na/ don nges par bstan pa 'di yin pa'i phyir ro/ /de thams cad kyi sku gsungs thugs ni gsang ba ste/ gzhan gyi spyod yul ma yin pas so/ /de rnams kho na snying po'i sa bon yin no/ /rdo rje ni mi phyed pa'i mtshan nyid do/ / de'i btsun mo ni phyag rgya'i don to/ /b+ha ga la zhes pa ni bcom ldan 'das chos kyi 'byung gnas de'i pad+ma'i gnas na bzhugs par ston to/ /so sor snang ba'i 'byung ba nges par 'brel pa nyid kyi phyir na/ /gcig la yang chos kyi 'byung gnas la sogs pa mang?

  48. 32b

    por? cho ga yin no/ /de bzhugs zhes pa dang 'brel to/ /bzhugs pa'i sgra ni rnam par gnas so ba'i don to/ /'dod chags la sogs pa la spyod pa'i sems can rnams la/ 'dod chags la sogs pa'i thabs kyi 'dod chags la sogs pa mngon par byang nub pa'i ? bzhin rnams bya ba de kho na de'i bzhugs pa rang gi las yin no/ /'byung pa gtso bor gyur pa ni ma yin te/ 'das pa la sogs pa yang da ltar nyid du des yang dag par rig pa'i phyir ro/ /gang dag dang bzhugs pa ni brjod du med pa'i yang brjod du mang? pa la sogs pa dang ste/ bshad pa grangs dang grangs las 'das pa'i don du bstan pa yin te/ de'i phyir gzugs dang yon tan brjod du med par bstan pa des ni de rnams de skad ces bya'o/ /de nyid kyi phyir sangs rgyas kyi zhing rdul phra mo snyed ces pa ni rab tu mad? pa'i don te grangs med pa'i phyir ro/ /byang chub ni phyag rgya/ sems dpa' ni 'dod pa chen po ste/ bde ba chen po'i ye shes la gnas so ba'i tha tshig go /sems can gyi don la gnas so ba'i tha tshig go /sems can gyi don la 'jug pa'i phyir de rnams dang thabs gcig tu bdag gis so zhes pa'i don to/ /de skad ces bsdus pa'i don du bstan mod kyi/ de la gang gang bzhugs pa bstan pa'i phyir/ 'dir so so'i mtshan yang gsungs so/ /'di lta ste zhes pa la sogs pas ni/ nye bar mtshon pa yi tshig ste/ de rnams kyi nang nas rgyu'i sgo nas nye bar shes pa'i rnal 'byor pa rnams la 'ga' zhig brjod pa yin no/ /rgyud las mig rnam par dag pa dang rna ba rnam par phyag na rdo rje la sogs pa rnams ni dkyil 'khor gyi lha kho na ma yin te/ 'dir rang gi phyag mtshan dang/ ting nge 'dzin gyi ngo bo dang/ spyan drang sba'i sngags la sogs pa gsungs pa med pa'i phyir ro/ /'o na ji ltar te brjod kyi mi lang ba yin zhe na/ bden de de ltar yin yang de rnams re re yang grangs med pa nyid yin te/ ci'i phyir zhe na/ rang rang gi dkyil 'khor gyi lha'i dbang du byas nas gtso por gyur pa nyid kyi phyir ro/ /nges

  49. 33a

    mngon du byas pa de shes so/ /de nyid kyi phyir na/ de dag la sogs pa'i zhes pa ni/ rdul phra mo snyed kyi grangs te/ de rnams ni gtsor brjod? par bstan pa yin no/ /kha cig na re rdul snyed pa'i 'khor lo smos na yod pa nyid pas 'di skad? smos kyang/ sku mdog dang phyag mchan dang sngags dang spyan drang pa la sogs pa rgyud gzhan nas 'byung dgos te/ de 'khor lo mthun pa'i rigs su bskod dgos pas/ sems can gyi thabs kyi don mi 'grub par 'gyur zhe na/ 'gyur te gtso bo ni gcig kho na yang spyan dang ldan zhe'o/ /da ni gtsor brjod pa rnams bstan te/ de la dam tshig rdo rje zhes thog mar smos ci dgos zhe na/ lha rnams mnyes pa'i rgyu dam tshig gis byed pa'i phyir ro/ /de nyid ji lta bu zhe na/ don rnam pa gnyis te/ phyi dang nang ngo/ phyi ni 'jig rtan pa'i bsrung ba rnams so// nang gi ni rtag tu dag pa'i sems kyis sems la sogs pa lnga dang/ sha lnga bza' ba dang/ gzhan las dbrog pa dang/ rmad du byung bas bsod pa la sogs pa ni dam tshig sdom pa yin no/ /bshad pa dam tshig ni yul la yul can gnyis su med pa'i rdo rje ni dam tshig te mig sa'i snying po'o/ /chos 'di yi rtags kyis kyang gong du byung ba'i sgras/ sems dpa' dang po'i rnam pa kho nar ting nge 'dzin 'di rnam par bshad do/ /byang chub sems dpa' sems dpa' chen po'i ni mngon du byas nas/ da ni de ltar dam tshig bsrungs nas sku 'grub par bya ba'i phyir/ sku rdo rje smos so/ /sku grub dang tshig kyan dgos te/ sku gsung tha mi dad par bstan pa'i phyir/ gsung rdo rje smos so/ /de ltar tshig grub nas sems dpyod par byed de/ sems ni rang bzhin dang bral bar yang mkhyen /mi gnyis par rig ste/ de'i phyir thugs rdo rje smos so/ /sku gsung thugs de nyid ting nge 'dzin med par/ sangs rgyas kyi sku dang gnyis su med pa mi 'grub pas/ /de'i phyir ting nge 'dzin rdo rje smos so/ /de ltar ting nge 'dzin thob nas/ gang gis sems mngon par

  50. 33b

    dga' bar bya bde rgyal bar stan pa'i phyir/ rgyal ba rdo rjes smos so/ /de bshad pa/ lus rdo rje la sogs pa rnam pa lnga'i sgras phyag na rdo rje la sogs pa lnga'i rnam pa kho nar 'byung bas/ ting nge 'dzin 'di rnams bshad pa yin te/ de sgra rnams kyi rtags yin pa nyid kyi phyir ro/ /des na phyag na rdo rje dang nam mkha' i snying po dang/ spyan ras gzigs dbang phyug dang/ sgrib pa rnam par sel ba dang/ rdo rje sems dpa' rnams go rim bzhin gsungs pa yin te/ de rnams ni nang gi skye mched kyi bdag nyid gnas pa dang/ gcod pa'i rim pa bzhin du rnam par dag pa nyid kyi phyir na/ nye bar sgrub pa la rnal 'byor pa'i de rnams byin gyis brlabs pa kho na yin no/ /de ltar bsgom pa'i 'bras bu ni 'phrul gyi mig la sogs pa mngon par shes pa drug skyed par byed do/ /gal te thog mar byung pa'i sgas don yod grub pa la sogs pa yin no zhe na/ ma yin te rigs kyi mtshan 'og nas mngon du brjod pa'i phyir dang/ byang chub sems dpa' i le'u la de bzhin gshegs par mi rung ba'i phyir ro/ /da ni rigs kyi yum rnams gsungs pa/ sa rdo rje la sogs pa lnga'i sgras byang chub sems lhun gyis grub pa las chos lnga po 'di dag skyed par byed de lnga ni sa la sogs pa lnga'o/ /ji ltar skyed par byed cen/ de yang go rim bzhin bshad na sa'i khams ni sangs rgyas spyan/ chu'i khams ni rgyal pa'i yum/ me'i khams ni na bza' dkar mo/ rlung? gi khams ni 'phags ma sgrol ma/ nam mkha' i khams ni rdo rje dbyings kyi dbang phyug ma'o/ /de la nam mkha' rdo rje ni de bzhin nying dang gzhal yas khan brtsegs pa la sogs pa rten dang brten can gyi ngo bo nyid rnams la/ rnam par dag pa'i don bstan pa yin te/ de bzhin gyis yin pa'i phyir ro/ /de nam mkha' bzhin no/ /nam mkha' dngos po'i rkyen dang ldan pa'i rdo rje ni sgrb pa med par snang ba'i ye shes gyi rang bzhin nyid kyis rnam par dag pa'i don te/ de'i phyir yang rdo rje 'dzin pa dngos su 'dod pa ni ma yin te bzhugs so zhes 'byung

  51. 34a

    bas/ rdo rje sems dpa' kho? nar gsungs pa'i phyir dang/ de'i phyir bdag nyid dang thabs gcig tu bzhugs pa mi 'byor pa'i phyir ro/ /'dir rnam par bsgyur bar byas kyang mi dgag ste/ 'dus byas kyi mtshan nyid gnas pa la sogs pa bzhin no/ /gang du yang nang gi nam mkha' nyid rdo rje 'dzin pa zhes brjod do/ /mngon du sems dpa' rnams brjod nas de'i don gyis gsung pa ni gzugs rdo rje la sogs pa ste yul du gyur pa'i gzugs dang sgra dang dri dang/ ro dang reg dang chos kyi rang bzhin gyi go rim bzhin du/ gzugs kyi rdo rje ma la sogs pa'i lha mo drug kyang gsungs pa yin no/ /sbyin pa la sogs pa drug kyang de ltar ro/ /de dag gi byang chub sems dpa' chen po ni sngon du yang btang ste go sla bsam bshad do/ /de dag la sogs pa'i skas? gtso bo brjod par mngon te/ gtso bo nyid kyis thams cad brjod du mi lang ba zhes pa'i don gsungs so/ /de ltar rdul phra mo snyed ces bya ba ni grangs med pa'i nye ba'i dpe bstan to/ /de dag ni 'khor gyi rang bzhin te/ dang zhes bya ba ni bsdu ba'i don to/ /nga ni de bzhin gshegs pa rnams bstan te/ de la de bzhin gshegs pa ni sngon du byas pa ste go sla bas so/ /de yang tshang ji tsam zhe na/ nam mkha' i dbyings dang mnyam pa zhes 'byung mod kyi/ re zhig mi bskyod pa las sogs pa rang rang gi dbang du byas nas gtso bo tsam zhig bstan pa yin no/ /'dir de bzhin gshegs pa ni bskyod pa la sogs pa lnga'i sgras ni bdag gi zhe sdang la sogs pa dang/ rnam par shes pa'i phung po la sogs pa rnams kyi rang bzhin bstan to/ 'di skad du/ chos kyi dbyings kyi ye shes la sogs pas de dag rnam par dag pas mi bskyod pa dang/ rnam par snang mdzad dang/ dkon mchog dpal dang/ tshe dpag tu med pa dang/ gdon mi za ba ste/ gnyis su med pa dang ldan pa'i lha rnams go rim bzhin du bshad do/ /rdo rje mi bskyod pa ni gang dag zhe sdang dang rnam shes ldan pa'i sems de'i ngo bor

  52. 34b

    gnas par bstan to/ /gang dag gti mug dang de'i zlar byas pa rnams la/ rdo rje rnam par snang mdzad de'i ngo bor gnas par bstan to/ /dkon mchog dpal ni/ gang dag nga rgyal dang de'i zlar byas pa ldan pa rnams la/ rin chen dpal de'i ngo bor gnas par bstan to/ /rdo rje 'od dpag tu med pa ni gang dag 'dod chags dang de'i zlar byas pa ldan pa rnams la de'i ngo bor gnas par bstan to/ /gang dag phrag dog dang de'i zlar byas pa ldan pa rnams la/ rdo rje gdon mi za bar grub pa de'i ngo bor gnas par bstan to/ /'dir yang sogs pa'i sgras gtsod brjed par bstan pa yin no/ /de la nam mkha' i dbyings thams cad ces bya pa ni de rnams kyis brjod kyis mi lang? pa'i don gsung pa yin te/ nye bar mtshon pa'i phyir ro/ /til 'bru ji tsam pa bzhin du til mar gyis khyab ste/ de dang 'dr bar nam mkha' i dbyings ji tsam pa thams cad du de bzhin gshegs pa thams cad kyis khyab par snang bar gyur to zhes pa ni chos kyi dbyings kyi rang bzhin du thams cad sprul nas bzhugs so ba'i tha tshig go /de ltar gzhir gnas kyi dngos po nam mkha' rdo rje ma gtogs par sngon du byas pa'i rtsa gcig dang/ dang po bzhi'i dang/ bzhi pa las gsungs pa'i sngags dang/ dam tshig gi phyag rgya rnams 'byung ba'i phyir na khro bo bzhi yin te/ de ltar rtsa lngar mngon no/ /gzhan dag ma yin te/ gdon mi za bar 'grub pa nyid kyi phyir dang/ rgyu nye bar mi sbyor ba'i phyir ro/ /de dag gi don ni 'di skad du sngon du rim bzhin du gsungs nas/ de'i rjes su mngon par rtog pa rab tu dkrugs nas bstan pa ma byas na/ shes pas rgyags pa rnams kyi nga rgyal gsal bar byed pa dang/ bla ma dang so sor 'brel pas 'grub po zhes ston pas/ mngon par rtogs pa dbyugs? nas bshad pa yin no/ /da ni skyed pa'i rim pa las 'ongs pa ma yin te/ 'gro ba rnams skal pa thob pa'i mtshan ma gsang ba'i dkyil 'khor du dbang bskur ba'i sprul pa'i ched? du thabs dang shes rab dga' bar bya ba gsungs pa ni/ de nas zhes pa la sogs

  53. 35a

    pa tshig bzhi pas so/ /de la tshig rnams sngon du byas te rnam par snang mdzad ni rnam par snang mdzad pas na de skad ces bya ste don? du na byang chub kyi sems rdo rje'o/ /chags par byed pa dang chags par bya ba gnyis so sor chags pa la 'dod chags chen po ste/ de la gnas pa'i yon tan gyi rnam pa thabs dang shes rab kyi bdag nyid du ldan pa'i sems la yang 'khril ba'i tshul gyis ting nge 'dzin dang gang ldan pa de rdo rje 'dzin pa'i rnam pa kho nar bzhugs pa yin no/ /yang zhes bya ba'i sgra ni sems kyang thabs dang shes rab kyi ngang nyid du 'khril ba'i don te/ de lta bu'i don la snyoms par zhugs nas shes rab ma dga' bar mdzad pa'i don du 'khor de dag thams cad nyid kyi sku la zhugs par mdzad do zhes pa ni rdo rje 'dzin pas kyang gsang sngags kyi 'dul pa'i thabs kyis sgrub pa shes nyid kyis shes rab ma dga' bar mdzad do/ /bud med la ni skye bo phal pa 'dod chags phal pa dang ldan pas kyang dga' bar byas so/ /des kyang 'dir de dag mngon no/ /gzhan dag ni gzhan du 'chad de 'di skad du rtsa ba las gsungs pa'i tshig dang po yis ni gzuD ni rdo rje ma la sogs pa skyed pa'i phyir zhes 'chad do/ /de dag ni rdo rje 'dzin pa de gzugs la sogs pa ni skye ba med cing/ phyi nang gi gzugs dang mi 'bral ba'i phyir rigs pa ma yin no/ /sems can rnams gzung ba'i don du yang nyid kyi sku bud med du sprul nas gtso bo mnyes par bya ba'i phyir sku las byung ba ni de nas zhes pa la sogs pas gsungs so/ /de dag ni go sla bas so/ /de la la la ni sangs rgyas spyan lta bu zhes bya ba ni de la sangs rgyas ni rnam par snang mdzad ces pa'i don du shes par bya'o/ /de yang rang gi mdog dang ldan pa rnams te la la spyan lta bu la sogs pa rnams so/ /la la ni mA ma kI la sogs pa rang rang gi rigs dang rjes su mthun pa'i gzugs dang/ la la ni gos dkar mo lta bu mdog dmar mo dang ldan pa dang/ la la sgrol ma lta bu mdog ser mo dang ldan pa dang la la ni

  54. 35b

    ngag? ngo bo lta bu rang gi mdog ljang gu dang ldan pa dang/ de dag la sogs pa rang rang gi gzugs dang mdog la sogs pa ji ltar sbyor ba lta bur phyung ste gnas pa dang 'jug par bya ba'i zhes 'grub po de yang 'di skad du le'u bco brgyad pa las/ 'dod chags chen po'i tshul gyis ni/ /ye shes 'khor lo'i kun bsdus nas/ /bud med rnam dgu sprul nas kyang/ /bsgrub bya'i lus la dgod par bya zhes gsungs so/ /da ni rnam par dag pa bstan pa'i phyir gdul bya rnams kyi don du de nas de bzhin gshegs pa mi bskyod pa la sogs pa smos te/ de la b+ha? ga ni sa bon gyi gnas yin pa'i phyir na/ de dag gis bzhugs gnas te bud med kyi b+ha ga nyid do/ /gang dang yang 'brel pa'i phyir/ gcig la du mar mngon no/ /gong du rgyal pa rnams bzhugs pa rang gi sgo rnams byas nas byang chub kyi sems zla ba lta bu gnas nas byung ba ni dam tshig chen po ste dkyil 'khor ni de las gyur pa'o/ /mnyam pa dang khyab pa dang rgyas pa'i phyir ni gru bzhi ste gsal ba yang de'i ngo bo nyid kyang de bas gsal ba'i ngo bo ste/ rten nyid sgrib pa med cing ye shes kyis thogs pa med pa'i phyir ro/ /mdzes pa'i kha dog la sogs pa dang ldan pa ni de kho na nyid thob pa'i phyir na sna tshogs gzugs kyis kun tu khyab ces pa ste til 'bru bzhin du'o de bzhin du 'og tu yang sbyar ro/ /de kho na'i 'od zer dgag pa dang gtong pa dang gnyis ka ma yin pa rgyun 'bab chu bo bzhin du gnas pa nyid kyi phyir 'od zer 'phro? ba mang? po 'khrug pa ste gsal ba ni zla ba ste/ nyi ma dang ldan pa nyid kyi phyir na sogs pa smos so/ /de bzhin gshegs pa kun gyi gnas ni chos kyi dbyings te thams cad kyi bdag nyid rdo rje 'dzin pa gnas so/ /ting nge 'dzin las byung ba'i dkyil 'khor 'di bskyed pa'i rim pa las sogs ni ma yin te/ phyag rgya bzhi dang ldan pa las bskyed pa ltar snang ba dang po'i rdo rje 'dzin pa'i sbyor ba'i mos pa'i dbang las grub pa bstan to/ /las dang po pa la sogs pa'i rnal 'byor pa rnams kyis kyang/ rang gi nye bar len pa'i rkyen sa bon 'byung ba'i dkyil 'khor

  55. 36a

    'di bsam par bya'i/ de'i don ni bzhi ste/ las dang po pa'i rnal 'byor pas de bzhin gshegs pa thams cad la dang por gzugs kyi rdo rje ma la sogs pa dam pa'i mchod pa brnams? nas/ de la rgyal ba rnams rjes su chags par bya ba'i rang bzhin no// ma 'ongs pa rgyu nas grol bar bya ba'i don du dbyings kyi nang gi gzhal yas khang brtsegs pa'i dbus na/ lha'i ngo bo nyid tsam snang ba'i sa bon de ni nye bar len pa'i rkyen yin pas bsgom par bya'o/ /ye shes 'ga' zhi dbang du byas pa'i rnal 'byor pas ni rgyu'i mtshams kyi nges pa'i dbang gis nye bar len pa'i rkyen de nyid sngon du byas par rtogs pa nyid kyi phyir ro/ /de ni gong dang 'brel to/ /ye shes rnams dbang thob pa'i rnal 'byor pas ni sa bon de'i mthu las rgyu dang rgyu can du snang ba shin tu chags ba goms pa'i dbang du byas nas/ sa bon las yig 'bru gsum sbyar nas/ /don dang sems can la dgag pa dang gtong ba byas te/ skur bsgom pa la brten pa yin no/ /ye shes lhun gyis grub pa'i rnal 'byor pas ni sa bon de'i mthu las a li kA li goms pa'i dbang du byas nas/ 'khor lo'i rgyun shin tu phra ba las ma gtogs pa spangs te bsgoms nas don bya ba yin te/ skad cig ma re re'i sbyor ba la brten pa brtags pa ste/ de bzhi ni mtshams sbrel ba'o/ ha cang spros pa mi dgos kyi gtang ngo/ /da ni slob ma rnams gsang ba'i dkyil 'khor du gzung cing dbang skur ba tsam gsungs pa na/ de nas zhes pa la sogs rnams kyis bstan to/ /bdag po de zhes pa ni rigs ma dang bcas pa'i dkyil 'khor du dam tshig chen po nyid rnam par gnas so ba'i tha tshig go /nges ni slob ma rnams kyang bzhugs pa'i las su rig par bya'o/ /'bras bu yongs su rdzogs pa'i sgo nas zhus pa'ang de nyid do/ /de nas mi bskyod pa la sogs pa rnams kyis ni dbang bskur pa'i don bstan to/ /de la de dag gi don go sla bas so/ /zhugs pa ni de ma thag pa'i rim pas hUM dang rdo rje la sogs pa ni thugs te de kho na la'o/ /dbang bskur ba ni tha ma'i

  56. 36b

    don la shes par bya'o/ /da ni sku gsal bar bstan pa'i 'bras bu'i ngo bo thams cad kyi bdag nyid du de rnams gcig par gyur pa ni tshig gi don ni gnyis kyis ston te/ de la byang chub kyi sems rdo rje ni stong pa nyid dang snying rje dang dbang phyug la sogs pa dang ldan pa'i phyir ro/ /mi rtog de'i? ngo bo nyid brda'am tha snyad dang bral ba'i don la rtse gcig pa gang gis byed pa de'i ting nge 'dzin to/ /rdo rje ni de dang ldan pa'i don te/ de la zhugs so/ /zhugs ma thag tu de'i stobs kyis ji lta bu zhe na/ thams cad kyi bdag nyid dang/ nam mkha' i dbyings 'di mnyam par gyur pa'i don to// de'i yon tan ni de nas shes pa la sogs pa smos te/ de la de nas ni byin gyis brlab cing dbang bskur pa'i de ma thag go /bud med kyi chos kyi dbyings kyi nang na gzhal med khan brtsegs pa'i dbus na gnas pa'i phyir/ nam mkha' i dbyings na gnas pa smos to/ /byin gyis brlabs ni glo bur gyi dbang gis ni ma yin gyi/ de kho na nyid kyi rjes su zhugs pa'i dbang sngon du thob pas/ lus ngag bde ba dang yid bde ba thob par gyur to zhes so/ /de lta ma yin na thar pa nyid du thal bar 'gyur ba'i phyir ro/ /de dag ni don ni bcu drug ? shes sde? pa las byung gang ba'i zla ba'i dkyil 'khor dbus zhes pa'i nges pa gsungs so/ /sgra yi ge dang yig 'bru las gyur pa'i zla ba rnam pa gnyis zhu ba'i ngo bo 'dir bstan pa med kyang stong pa nyid dang snying rjes phye ba'i byang chub sems kyi ngo bo rdo rje 'dzin pa'o/ /de dag gi don brtag pa'i skabs dbye'o// A:la sogs pa rnams kyi stong pa nyid kyi che ba bstan pa yin no/ /de dngos po rnams so sor 'gog pa'i phyir ro/ /des na brgyud pa'i rim pas rgyu'i dngos po bstan pa la gzhan dag ni bzlog pa'i sgo nas ston te/ A:yi ge la sogs pa'i sngon du rang bzhin stong pa nyid kyis de rnams gsal ba ni des dngos po rnams rab tu 'gog pa'i thabs kyi zla ba'i dkyil 'khor gyi rgyu yin no/ /gzhan dag ni zla ba brtsegs par byas pa rang bzhin gyis stong pa nyid kyi rkyen du mi nus pas na ka la sogs par snang ba ni de las gyur pa'i zla ba gnyis pa'i rgyu

  57. 37a

    yin no/ /byang chub kyi sems snying rje'i bdag nyid de ltar ro/ /de lta ba de'i stobs kyis 'khor lor gsung ba'i bdag nyid kyis sems can gyi don bya ba yin te/ don gzhan mthong ba med pa'i phyir na 'di nyid mthong bar mngon no/ /a dang ka la sogs pa gsal ba las byung ba zla ba gnyis las gzhan du gyur pa'i rnam pa ni tshig gsum gyis bstan te/ de nas bcom ldan 'das la sogs pa'o/ /de nas ni zla ba gnyis kyi de ma thag? go /sku gsung thugs rdo rje ni/ /ye shes kyi ngo bor mi phyed pa'i phyir na'o/ /rdo rje 'dzin pa nyid de kun gyis 'da' bar dka' ba'i mnyam pa nyid de las 'byung ba'i ting nge 'dzin la zhugs pa ste/ brtags pa'i dngos po la sems rtsa gcig pa nyid do/ /nges ni gong gi don rig pa'i phyir ro/ /skyes bu'i gzugs kyang de chen po yang de nyid pas de skad ces bya ste/ rig pa ni rgyud dang las dang lta ba'i rig pa ste/ de de? dang ldan pa'o/ /de nyid kyi phyir na sngags kyi bdag po 'ang de kho na'o/ /des na byin gyis brlabs so zhes te/ de de rnams kyi rkyen no/ /byin gyis brlabs ma thag tu bcom ldan 'das gong du snyoms par zhugs pa de nyid rdo rje gsum dang ldan pa'i phyir zhal gsum pa lta bu ni dbus dang g.yas g.yon nag po dang dkar po dang dmar po rnams rim bzhin no/ /de lta bur kun gyis gzigs par gyur to zhes so/ /las dang po pas sems bskyed pa nas nye bar gzung ste/ rdo rje lta bu'i ye shes brnyes kyi bar du thabs kyi rim pa grangs med pas ngo bo nyid kyi sku grub nas/ de'i byin brlabs las thun mong du thun mong ba des gzugs sku rnam pa gnyis 'od kyi 'du 'phro ltar byung ste/ thams cad du bsam pa'i dbang gis snang bar gyur to/ /khyad par du mngon par byang chub pa'i sku lta bu thun mong ma yin pa'i ngo bo nyid kyi sku de chos kyi 'byung gnas kyi dkyil na sa bon gyi tshul du bzhugs pa yin te/ des snod du rung zhing dbang bskur ba dang rgyu nas sangs rgyas par bya pa'i phyir ro/ /de nyid du 'og min du longs spyod chen pos

  58. 37b

    skus 'khor rnams thugs kha nas phyung ste ched du brjod pa gsungs pa'o/ /de rnams ni mtshams 'brel pa'o/ /de yang chad du dang po'i las kyi rim pa gsungs nas/ da ni greng bslad ba gsungs te de nas de bzhin gshegs pa mi bskyod pa la sogs pa smos so/ /de la nas ni gzigs par gyur pa'i de ma thag go /sems can mi bskyod pa'i rgyu can te/ de sa bon gyis bskyed pas 'dir mi bskyod pa gzung ngo/ /gzhan dag la yang brjod par bya ste/ de rnams gzhan gyi mthu las byung ba ni ma yin no/ /sogs pa smos pa ni gtso bo la gang ldan pa nga thams cad la de dang de ltar ro/ /'og gi don brjod pa ni phyung bas so/ /gang las zhe na/ rigs pa'i dbyings las so/ /des ni e ma ho zhes pa ni dam zhing ngo mtshar te/ gang la zhe na/ 'og gi don to/ /bsam pa'i dbang gis gzugs sna tshogs par rab tu byung ba'o/ /thun mong ma yin pa'i phyir sbas te/ gsang ba'o/ /mi rtogs gnas med pa'o zhes pa rigs pa ma yin pa'i dpag pa dang/ mngon sum pas rtogs par dka' bas so/ /de dag ni skal pa dang ldan pa ma yin pas so/ /da ni skal pa dang ldan pa'i dbang du byas te zhu ba sngon du gtong ba'i don to/ /de la 'ang gnyis te/ sbyor ba dang/ tshig go /de dag ni de nas bcom ldan 'das zhes pa la sogs pa rnams kyi bstan to/ /gcig tu 'dus nas zhes pa tshul dang dgongs pa gcig tu gyur pa'i rnams so/ /nang gi gzugs kyi rdo rje ma la sogs pa lha mo rnams ni chags bar bya ba ste/ de nyid thams cad khyab pa ni mchod pa rgyas pa de kho na nyid yin la/ dam tshig ni rdo rje 'dzin pa ste/ de'i sprin gyis mchod de phyag 'tshal nas gsol to zhes pa dang 'brel to/ /da ni skye ba'i rim pa dang/ snying po dbyung ba dang/ 'bras bu yongs su rdzogs pa'i sgo nas zhus pa dag ni/ tshig bcad gcig gis bstan pa'i phyir/ 'dus pa gsang ba las byung ba zhes pa la sogs pa smos so/ /de la 'dus pa ni 'du ba yin te/ sangs rgyas thams cad kyi bstan pa'i sa bon te/ sku gsung thugs kyi bdag nyid las byung ba'i phyir na/ gsung ba?

  59. 38a

    las zhes te byung ba ni gong gi sa bon no/ /de ni zhus pa dang po'o/ /sa bon las sngags 'byin pa de'i don de bzhin gshegs pa rnams kyi rdo rje snying po bsdus pa'o/ /gsang ba ni thun mong ma yin pa ste/ lhag 'og tu sbyar ro/ /nyid bcom ldan 'das zhes pa 'dir sku lnga'i bdag nyid sa bon las rim gyis gyur pa ste zhus pa tha ma'o/ /de ltar zhus pas la dor ba'i tshul du bshad pa gnang ba'i phyir/ de nas zhes pa la sogs pa smos so/ /'di ni thams cad kyang the tshom skye bar byed pa yin na zhes bya ba gsungs te/ yang dag pa'i de kho na nyid sa 'og ma pa rnams kyis mi rtogs pa'i phyir te/ gong ma gong ma'i blo'i khyad par gyis sa 'og ma rnams sun 'byin zhe'o/ /gzhan rnams lta smos kyang ci dgos zhes bya ba la/ de kho na nyid zab pa'i phyir gzhan rnams te/ byams pa la sogs pa'i byang chub sems dpa' rnams dang/ bskal pa bzang po dang/ dpe med pa rnams the tshom skye ba'i 'di yin no/ /des ni 'di skad du/ de bzhin gshegs pa rnams kyang re zhig chos nyid zab mo med par the tshom skye bar byed pa yin na/ sgrub pa po gzhan lta ? smos zhes bshad par 'gyur ro/ /de kho na nyid nyan pa'i skal pa dang ldan par mdzod cig ces bskul ba'i phyir/ de nas zhes pa la sogs pa gsungs te/ de la ngo mtshar du gyur pa dang rmad du gyur pa ni ya mtshan che ba dang/ sngon med pa myong ba dang/ rgyu dang 'bras bu las te/ de rnams ni rim bzhin du sbyar ro/ /de ni 'di skad ces gsol to zhes pa dang 'brel to/ /khyad par du gyur pa ni de kho na nyid rig pa'i phyir ro/ /yang zhes bya ba'i sgra ni la dor ba'i don te/ skal pa dang ldan par ma byas nas/ mngon par shes pa mi 'thob pa'i tha tshig go /rdo rje'i dam tshig ces bya ba ni thams cad kyi? bdag nyid kyis rdo rje lam nas phyung ba sa bon te/ bud med kyi b+ha ga'i nang na gnas pa'i dkyil 'khor la mchod pa dang/ dbang bskur ba la sogs pa'i tshig rnams kyi nyan pa po rnams

  60. 38b

    thog? pa'i? bde ba dang/ yid bde ba myong bar bgyi ba nas tha mar dngon? par shes pa'i 'bras bu thob par bgyi ba'i du bstan du gsol zhes zhus pa'o/ /'dir rnam par dgod pa rnams ni don nges pa med pa'i phyir/ dang po kho nar 'dod chags chen po'i tshul zhes bya ba gcig pu yin te gzhan na? grags pa yin no/ /de'i phyir gleng gzhi sngon du byas pa'i/ de nas zhes pa la sogs pa nas/ bzhugs so zhes pa'i mthar thug pa'i bar tshig bzhi pas ni zhus pa'i tshig gnyis pa la gtogs pas/ slob ma rnams skal ba thob pa'i mtshan ma/ gsal ba'i dkyil 'khor du dbang bskur ba'i sprul pa'i don du/ thabs dang shes rab dga' bar bya ba gsungs so/ /de'i 'og tu de nas zhes pa nas/ gnas par gyur to zhes pa'i bar tshig gnyis kyis ni zhu ba gnyis pa dang 'grogs pa/ byang chub pa rnam pa lnga dang 'brel pa gsungs so/ bcom ldan 'das zhes pa la sogs pa'i tshig gcig gis ni tshig bzhi'i dang po dang 'brel pa'o/ /bzhi pa nyid dang 'brel pa ni tshig gcig gis ston te/ nam mkha' i dbyings zhes pa la sogs pa'o/ /de nas bcom ldan 'das zhes pa nas/ gnas med pa'o zhes pa'i bar tshig gsum gyis ni a:yig la sogs pa las/ gyur pa zla ba gnyis pa las gzhan du gyur pa'i rnam pa gsungs so/ /de nas mi bskyod pa la sogs pa nas/ bstan du gsol zhes pa'i bar sa bon dang phyag mtshan gyi rim pas 'khor lor gyur pa la sogs pa gsungs so/ /drug pa de'i 'og tu bdun pa gsungs pa ni dkyil 'khor rnams dbyung ba'i phyir/ de nas bcom ldan 'das zhes pa la sogs pa mdza' i bar du gsungs so/ /de rnams ni bsdus pa'i don te/ rim par sbyar ba'o/ /de la dkyil 'khor gyi don nyid 'di rnams te/ gong gis gsol ba btab pa mkhyen nas/ ye shes sgrol ma ni/ stong pa nyid kyi ye shes de nyid gsal zhing dbyer med pa'i phyir rdo rje ste/ dpe de nyid kyis bshad do/ /de lta bu'i ting nge 'dzin la snyoms par zhugs te zhe'o/ /zhe sdang zhes pa 'jig rten dang 'jig rten las

  61. 39a

    'das pa ste/ de la 'jig rten ni sems can dang sems can ma yin pa la zhe sdang pa ste/ kun nas mnar sems pa'o/ /'jig rten las 'das pa ni de'i mi mthun pa'i phyogs te/ kun rtags kyi mtshan nyid la zhe sdang ba'o/ /de ni rdo rje 'dzin pa'i rgyu'o// rigs ni rgyun ma chad pa yin te/ brtan pa'i bdag nyid du gnas pa'i phyir ro/ /gi ni 'brel pa'o/ /mchog gi snying po zhes pa thams cad kyi dam pa yin pa dang/ mi g.yo ba'i phyir na shes so/ /'bras bu rab tu 'byin pa'i phyir snying po ste/ 'di shes pa'og ma la snyegs pa'o rigs la sogs pa de dag ni gzhan du yang sbyar bar bya'o/ /'dul ba'i dbang gis rdo rje ltar yin gyis kyang/ rnam par sgyur ba'i don du rdo rje las shes te/ byung ba de nyid/ badzra d+h+rika ces pa le'u bco brgyad pa las/ rgyu lnga dag gi 'bras dag ni/ /rdo rje zhes su bstan pa yin/ /gzungs zhes bya ba 'dzin par bshad/ /rnam shes rdo rje 'dzin par bzlas zhes te/ rgyu ye shes lnga'o/ /'bras bu rigs lnga'o/ /des rdo rje lnga ni sangs rgyas lnga'i rang gnyid dang ye shes lnga'i bda nyid gong 'og gi rtse'i tshul gyis rgyud 'bras bu rnam par dag pa'i ngo bo rdo rje badzra zhes gsungs so/ /de 'dzin pas na badzra d+h+riga ces te/ rnam par dag pa'i ngo bo chos kyi dbyings kyi rnam shes zhe'o/ /de ni yid du 'dod do/ /de'i 'bras bu bstan pa'i phyir/ de nas byung ma thag tu zhes pa la sogs pa smos so/ /rigs pa'i zhes pa rig ma las byung bas so/ /mi bskyod pa rang gi rig ma dang ldan pas na/ phyag rgya chen por sbyor zhes so/ /nag po zhes pa dbus kyi zhal dang sku'o/ /dkar po dmar po ni g.yas dang g.yon gyi zhal lo/ /de lta bu'i tshul du rdo rje 'dzin pa'i sku gsung thugs la zhugs pa ste/ thim zhes pa'i tha tshig go /dam tshig 'byung ba zhes pa me long lta bu'i ye shes so/ /des dron skyed pa ste/ de la zhugs pa'o/ /gti mug ces bya ba ni rnam pa gnyis te/ 'jig rten dang 'jig rten las 'das pa'o/ /de la 'jig rten gyi ni mi shes pa'i mtshan nyid de/ lhan

  62. 39b

    cig skyes pa dang/ kun tu btags pa'o/ /'jig rten las 'das pa ni de dang mi mthun pa'i grogs te/ 'byed pa med pa'i gti mug chen po ste/ de ni rnam par snang mdzad rgyu'o/ /rig pa la sogs pa ni sngon du byas so/ /dzi na dzi ka ces pa de nyid las/ yod med dbus las ? pa'i lam zhes pa la sogs pa tshig bzhi gsungs te/ de la yod pa la sogs pa'i rnam par rtog pa med pa'o/ /'byung ba dang 'byung ba las gyur pa'i rnam par dag pa'i ngo bo? de nyid gzugs zhes bya ste/ sems can rnams kyi kun gzhi'i rnam par shes pa'i 'di? dzi na dzig ces gsungs so/ /dzi na'i sgra kho na'i don yang gsungs pa/ skyes pa zhes pa dzi na'i sgra ste/ skye ba'i don gsungs pa'o/ /de las rgyal par byed pas na dzi na dzig ces te/ kun btags kyi bdag nyid kyis mi skye zhes pa'i don te/ /de'i 'bras bu gsungs pa/ phyung ma thag tu zhes pa la sogs pa ste/ bzhugs so zhes dang 'brel to/ /de la dkar po nag po dmar po ni dbus dang g.yas g.yon gyi zhal rim pa bzhin no/ /gzhan dag ni sngon du byas so/ /rin po che 'byung ba zhe bya ba ni mnyam pa nyid kyi ye shes des kun 'byung zhing mi byed pa'i phyir na rdo rje sde kun la snyoms par zhugs te phyung do shes pa dang 'brel to/ /ltag 'og tu yang sbyar ro/ /nor du yid bzhin zhes pa nga rgyal gyis 'gugs pa ste/ de la yang gnyis te/ 'di dang pha rol lo/ /de la 'di'i na sems khengs pa ste/ rnam pa bdun gyi rang bzhin no/ /pha rol gyi ni don la sran 'jug pa ste/ don nyid las byung ba'i phyir ro/ /de ni dkon mchog dpal gyi rgyu'o/ /ratna d+h+riga ni lung las/ thams cad don kun 'byung bas na zhes pa la sogs pa gsungs te/ de la don thams cad la gang mnyam pa nyid de las byung ba des rnam par dag p as na/ sems nyid rin chen no/ /de yang tshor ba yis rang gi yang dag par rig pas/ nges par chang bas rnam par dag pa'i yid ni ratna d+h+riga ces gsungs so/ /de'i sku dang g.yas g.yon gyi zhal ni ser po dang

  63. 40a

    dkar po nag po'i tshul du rim pa bzhin du sbyar ro/ /'dod chags chen po zhes bya ba ni so sor kun tu rtogs pa'i ye shes te/ ris med pa nyid kyi phyir de skad ces bya'o/ /don bskyed pa dang de nyid mi phyed pa'i phyir 'byung ba rdo rje ste/ de'i bdag nyid du gyur? pa'i ngo bo de la snyoms par zhugs te phyung ngo zhes pa dang 'brel to/ /de la 'dod chags ni gnyis te/ 'jig rten dang 'jig rten las 'das pa'o/ /de la 'jig rten gyi ni nye bar len pa'i phung po la zhen pa dang lhag par chags pa'o/ /'jig rten las 'das pa'i ni de dang mi mthun pa'i phyogs te/ chags tsam nyid chags pa med pa'i 'dod chags chen po ste/ de ni snang ba mdza' yas kyi rgyu'o/ /rigs kyi sogs pa sngon du bya'o/ /a ro lig ces p a lung las/ 'dod pa'i mtshan nyid mtshon pa dang zhes pa la sogs pa tshig bcad gsungs te/ de la mtshan nyid ni nag po dang ser po la sogs pa'i rnam pa'o/ /de rtogs pa'i ngo bo mig la sogs pa lnga dang/ yid dang drug rnam par rtog pa'i yid do/ /des thams cad du gang rtsen pa thams cad kyi don so sor kun du rnam par rtog pa de rnam par dag pa kho na/ gang gong nas gsungs pa'i mtshan nyid dang/ mtshon pa de'i a ro lig bshad ce'o/ /de nas zhes pa la sogs pa ni yon tan gyi ngo bor bstan to/ /'jig rten pa'i don so so kun tu rtogs nas spyan ras kyis 'tsho ba de la dbang sgyur ba'i phyir/ de skad ces bya ste rdo rje chos so/ /sbyor ba ni gang gi rnam par bzhugs pa rigs ma dang ldan pas na'o/ /sku dang g.yas g.yon gyi zhal ni dmar po dkar po nag po'i rim pas so/ /d ni nub tu bzhugs so/ /las kyi rigs bstan pa'i phyir gdon mi za ba ni thogs pa med pa'o// de ni bya ba nan tan gyi ye shes so/ /de nyid dbyer med pa ste/ rdo rje lta bu'i ting nge 'dzin gang gyur pa de la snyoms par zhugs te phyung ngo zhes pa dang gong bzhin 'brel to/ /de la dam tshig dgug pa ni phrag dog gi ste/ de la'ang gnyis te/ 'di dang pha rol gyi'o/ de la 'di

  64. 40b

    yi ni gzhan gyi phun sum tshogs pa la sems khong nas 'khrug pa'o/ /pha rol gyi ni de dang mi mthun pa'i phyogs te/ de ni gnyis su med pa'i don yin te/ snying rje chen po las byung ba'i phyir ro/ /de ni tshe dpag med kyi rgyu'o/ /rigs la sogs pa rnams ni sngon du brjod pa bzhin no/ /dz+nya? d+higa ces pa/ rnam shes rab tu gsal/ byed pa la sogs pa'i tshig rnams gsungs te/ byams pa dang snying rje la sogs pa rnam par goms pa'i rab tu gsal bas byed pa'i rnam par shes pa gang bya ba nan tan gyi ye shes kyi ngo bo de shes rab ces su bshad/ de 'dzin pas ? 'du byed kyi sems kyi rnam par dag pa'i sems ni de skad ces gsungs so/ /de'i yon tan gsungs pa/ de nas 'di phyung ma thag tu zhes pa la sogs pa ste/ bzhugs zhes pa dang/ gong bzhin 'brel to/ /thabs kyi zhes pa dang/ tshul du shes pa yang de dang de ltar ro/ /gzhan dag ni gong bzhin no/ /de nyid kho na'i rig ma dang ldn pas na sbyor pa'i zhes so/ /zhal dbus dang g.yas g.yon gyi zhal ni ljang gu dang dkar po dang nag po ni gong ma bzhin rim pa bzhin sbyar ro/ /da ni mjug bsdu ba gsungs pa zhe sdang zhes pa la sogs pa ste/ 'dir nyon mongs pa lnga'i rigs la sogs pa 'dod pa yin de/ grol zhes pa de rnams rnam par dag pa'i phyir ro/ /'dod pa yang de ste grub pa ni thabs te gnyi ga la snyeg go /de dag gi don ni 'di skad du/ thabs dang shes rab kyi bdag nyid can dan/ rigs ldan gtog pa'i 'di rnams kyis/ zhe sdang la sogs pa'i dngos po de dang de las gyur pa don nyid kyis 'grub par byed do zhes bshad pa yin no/ /lha mo rnams dbyung pa bstan pa'i phyir de nas yang zhes bya ba la sogs pa smos pa te/ de la rdo rje 'dzin pa nyid mnyes pa'i dam tshig ni mA ma kIs so/ /de la bzhugs te phyung ngo zhes pa dang 'brel to// de shwar ti ni de la phan tshun thug pa zhes ni bstan pa yin zhes te/ gang phan tshun thug pa gnyis su med pa'i ye shes kyi ngo bor/ de ni zhe sdang ste de shwa'o/ /rnam pa gcig tu na/ dbang bskur ba'i dus su mA ma kI bsgoms nas rdo rje dang padmor thug pa ni de shwa'o/ /de las gyur pa gsungs

  65. 41a

    pa ni de nas de zhes pa la sogs pa ste/ bud med kyi gzugs 'dzin pa ni mi bskyod pa nyid de/ mkha' i nang gi grwa gang la mA ma kI la sogs pa gnas pa'i gra rnams te/ 'di ni me mtshams kho na te/ de la gnas so ba'i tha tshig go /spyan ? bstan pa'i phyir de nas zhes pa la sogs pa smos te/ de la mnyes par byed pa zhes pa ni spyan ma ste/ gang la zhe na/ rnam par snang mdzad de nyid la'o/ /gzhan dag ni sngon du byas pa ste/ go sla bsam bshad do/ /mo ha ri ti zhes pa/ gnyis med chos kyi ye shes la/ phyi rol nga rgyal rmongs zhes bya zhes te/ chos nyid kyis gnyis su med pa'i ye shes kyi ngo bo rnams gang nga rgyal gyi ngo bo nyid du rmongs pa de gti mug phyogs med pa ni mo ha zhes gsungs so/ /rnam pa gcig tu dbang bskur ba'i dus su/ tshigs su bcad pa dang mthun par spyan ma bsgoms nas// rig ma 'khyud pa la sogs pa bsgoms na mo ha zhe'o/ /lho'i grwa zhes pa ni bden bral gyi'o/ /gos dkar mo gsungs pa ni de nas zhes pa la sogs pa'o/ /de la chags par byed pa ni gos dkar mo ste/ snang ba mdza' las nyid de de dang 'dra bas so/ /gzhan la'ang de bzhin sbyar ro/ /rA ka ra ti ni mtshan nyid 'dod chags kun zhen pa zhes te/ gang mtshan nyid 'dzin pa'i rang bzhin gnyis su med pa'i bdag nyid de kho na 'dod chags de ni rA ga zhes so/ /rnam pa gcig tu na bde ba chen po'i mtshan nyid la chags nas zhal sbyor ba la sogs pa 'dod chags so/ /nub kyi grwar zhes pa rlung gi mtshams so/ /sgrol ma bstan pa'i phyir de nas da zhes pa la sogs pa ste/ de la de bzhin gshegs pa ni gdon mi za bar grub pa'i/ /bslu ba rdo rje zhes pa bdag po dang 'dra bas de nyid la chags par byed pa'i rang bzhin no/ /mi phyed pa'i phyir/ /rdo rje ste/ de lta bu'i ting nge 'dzin la snyoms par zhugs te/ 'di phyung ngo zhes 'brel to/ /'di dag ni gong du snyegs so badzra ra ti ni/ ye shes 'di ni rdo rje'o zhes te/ de la gang de nyid dbyer med pa'i ngo bo

  66. 41b

    ye shes de ni badzra zhes gsungs so/ /de bzhi la mdza' nar ta'i sgra sbyor par shes par bya'o/ /rnam pa gcig tu sgrol ma bsgoms nas/ byang chub kyi bde ba rig pa ni rdo rje'o/ /de las gyur pa ni de phyung ma thag tu zhes pa la sogs pa ste/ gyur te bzhugs so zhes pa dang 'brel to// // byang phyogs kyi grwa zhes pa dang dbang ldan gyi mtshams so/ /btsun mo'i mchog phun sum tshogs pa ni/ bud med bde mchog phun sum tshogs zhes pa ste/ mo ha ra ti la sogs pa de dag kho na mchog gi bde ba'i rgyu nyid kyi phyir na bde ba'i mchog ste/ de nyid phun sum tshogs par gsungs pa zhes bya ba'i don to/ /de dag gi don bshad pa ni mi dgos kyis btang ngo/ /de dag gi sngags rnams na spyan drang ba'i don te/ de'i phyir dkyil 'khor gyi lha nyid du mngon no/ /de dag gi khro bo rnams dbyung ba gsungs pa/ de nas zhes pa la sogs pa'o/ /de la 'khor lo zhes pa/ sa bon las gyur pa ste/ de ltar gyur pa'i ting nge 'dzin la zhugs nas phyung ngo zhes so/ /de'i dkyil 'khor ni sku'i dkyil 'khor ste/ rnam par snang mdzad du mngon no/ /khro bo zhes pa ni dang gis dang shugs kyi khro ba dang khro bor bcos ba dang bcas pa ste/ rig ma dang ldan pa las gyur pa'i phyir/ de nyid byin gyis rlob pa'i zhes bya ba yin no/ /de bzhin sbyar te gzhan dag ni go sla bas so/ /ya mAn+ta? krit ces pa rnam par mi 'jig bdag nyid chos shes pa la sogs pa'i tshig bzhin gsungs te/ lus tshor ba sems dang chos rnams kyi du ma med pa la sogs pa'i yul rang gi ngo bo nyid kyi mi skye ba'i ngo bo nyid kyi phyir na rnam par mi 'jig bdag nyid chos zhes pa ste/ kun btags pa'i bdag nyid kho na 'jig pa nyid kyi phyir ro/ /de yang dngos po kun zhes pa lus la sogs pa rnams kyi 'jig pa med pa'i ngo bo dam tshig ste/ lus la sogs pa la gtogs pa'i du ma med pa nyid las ji ltar sbyar bar bya ba'i yul la dad pa rnam par dag pa'i rang bzhin ni de ni ya mAn+ta krita do ces gsungs so/ /de ci'i phyir phyin ci log pa ni gshin rje'o/ /de'i mthar phyin pa

  67. 42a

    ni med pa zhes par mngon no/ /de las gyur pa ni phyung ma thag tu la sogs pa ste/ bzhugs so zhes so/ /bsnyengs par byed pa ni de kho na ste/ sems can rnams 'dul ba'i phyir ro/ /de ni shar gyi sgor zhes so/ /rnam par rgyal ba bstan ba'i phyir/ de nas zhes pa la sogs pa smos te/ de la mngon par byang chub pa zhes pa ni rang gi rigs kyi gtso bo mi bskyod pa ste/ de nyid dbyer med pas rdo rje lta bu'i ting nge 'dzin la'o/ /de'i dkyil 'khor ni thugs kyi dkyil 'khor te mi bskyod pa mngon no/ /gzhan dag ni gong ma bzhin no/ /pradz+nyAn+ta krita ces pa rnam par mi shes bdag nyid chos zhes pa la sogs pa bzhi gsungs te/ yi ge dam pa ngo bos rnam par dag pa nyid pas chos shin tu rgyas pa'i bdag nyid kyi 'dzin pa'i rang bzhin du mi 'gyur ro/ /de 'dra ba'i thams cad sems kyi dam tshig gang yin pa de ni pradz+nyAn+ta krita gtso zhes gsungs so ci'i phyir 'gyur ba'i skyon med pa'i phyir dang/ ma byung ba'i skyon ma bskyed par byed pa dang/ de ltar phan pa'i dad ma skyes pa skyed par byed pa'i don dang/ skyes pa gnas pa rnams la dad pa dang ldan pa gang/ brtson 'grus rnam pa bzhi po des rnam par dag pa'i ngo bo rgyal ba kho nas shes rab mthar phyen zhes te/ de 'dra ba'i shes rab kyi skyon kho na mthar phyin pa'i tha tshig gi phyir ro/ /de ni lho'i sgor zhes pa'i don to/ /rta mgrin bstan pa'i phyir de nas zhes pa la sogs pa smos te/ chos zhes pa snang ba mdza' yas kyi tshul gyis zhugs zhes so/ /gang la zhe na mngon par shes pa la sogs pa'i yon tan rnams 'byung ba'i phyir rin po che 'byung gnas de la'o/ /dkyil 'khor ni gsung gi dkyil 'khor ro/ /snang ba mdza' yas yin pa nyid kyi phyir na 'dod chags 'cha' ba' o/ /gzhan ni sngon du byas so/ /pad+man+ta krit ces pa ni/ brjod du med pa'i bdag nyid chos zhes pa la sogs pa rnams gsungs te/ don dam par de kho na nyid la gdags par mi nus pa'i phyir na/

  68. 42b

    chos thams cad brjod du med do/ /de nyid kyi phyir na ming dang gzugs blo zhes te ming la sogs par so sor snang ba'i blo yi ngo bo med de don dam par yul la ngo bo med do/ /de 'dra ba'i chos thams cad kyi dam tshig gang yin pa pad+man+ta krit gtso zhes so/ /ci'i phyir ? du med pa'i bdag nyid kyi phung po'i yul la 'dun pa dang brod pa la sogs pa la dran pa brtson 'grus dang sbyor ba'i rnal 'byor pa gang yin pa de nyid dam pa'i chos la mos pa bskyed par bya ba'i phyir 'dun pa la sogs pa'i yul dran pa 'di pad+ma'o/ /de nyid 'dun pa la sogs pa de dag gi skon kho na mthar phyin par byed pas pad+man+ta krit ces so/ /de ni nub kyi sgor zhe'o/ /da ni las thams cad pa gsungs pa de nas zhes pa la sogs pa ste/ de la mi bskyod pa'i tshul gyis thams cad kyi bdag nyid kyi phyir/ /chos kyi dbyings kyi ye shes de nyid dbyer med pa'i rdo rje ting nge 'dzin la snyoms par zhugs nas phyung nas phung ngo zhes 'brel to/ /de bzhin gshegs pa thams cad ni rnam par snang mdzad la sogs pa'o/ /dkyil 'khor ni de rnams kyi sku dang gsung dang thugs kyi'o/ /de byin gyis rlob pa ni gong ma nyid kyis te/ de rnams kyis rnal 'byor pa'i don du rang rang gi las dgug pa dang/ gzhug pa dang/ bsdam pa dang/ bcing ba rnams so/ /zhes so/ /big+hAM? Ta krit ces pa ni/ rnam par mi rtog bdag nyid chos zhes pa la sogs pa'i shlo ka gcig gsungs te/ rnam par mi rtog pa ni rang bzhin kho nas zhi ba nyid gyi phyir na/ gsungs pa la sogs pa'i rtog pa med pa/ phung po lnga la sogs pa'i rdo rje kun gyi dam tshig me 'da' ba' i rang bzhin gang yin pa de'i ngo bor 'gegs mthar phyin zhes so/ /ci'i phyir gong du gsungs pa'i rnam par rtog pa'i chos rnams la/ phran pa dang ldan pa'i rnal 'byor pa'i rang gi sems rtse gcig pa'i ngo bo'i ting nge 'dzin/ yang dag pa'i de kho na nyid dmigs pa'i shes rab kyi rgyur gyur pa gang yin pa des rnam par dag pa ngo bo tha mi dad pa la sogs pa'i bgegs mthar phyin par byed pas

  69. 43a

    na big+h+nAM? ta krit gtso zhes gsungs pa'i phyir ro/ /don de dag gi ha cang spros pa bzhag go/ gzhan dag ni gong ma bzhin no/ /de ni byang gi sgor zhes pa yin no/ /de dag gi don ni 'di skad du brtson 'grus la sogs pas dran pa nye? ? pa la sogs pa byas te de dag gis rang gi las su byed do/ /des rnam par dag pa 'dir bshad pa yin no/ /de bzhi ka dam tshig sems dpa' 'o zhes so/ /sku gsung thugs ni gsang ba ste rdo rje 'dzin pa'o/ /'dus pa yang de nyid do/ /shin tu grub par byed pa'i phyir byin gyis rlob pa la sogs pa smos so/ /le'u dang po'i don ji snyed pa rdzogs so// //da ni sbyor ba dang po dang dkyil 'khor dbyung ba gsungs nas/ don dam pa'i byang chub kyi sems thun mong dang khyad par gsungs pa de nas zhes pa la sogs pa'o/ /de nas ni dkyil 'khor dbyung ba'i de ma thag go /sbyor ba ni mchod pa la sogs pa bya ste gsol to zhe'o/ /de'i tshig ni sku gsung thugs kyi mchog ces pa ste/ sku ni longs spyod rdzogs pa'i sku/ gsung ni sprul pa'i sku/ thugs ni chos kyi sku'o/ /de dag gi rang bzhin yin pas kun gyi gsang ba ste/ khyad par du gyur pa'i phyir mchog dang bla na med pa ste/ byang chub kyi sems ni bdag nyid kyi ste/ de kun gyi rgyu yin pa nyid kyi phyir na snying po ste sa bon no/ /de nas ni zhus pa'i de ma thag go /yongs su rtog pa ni the tshom med par zhus pa rnams mkhyen pa ste/ ji ltar zhe na/ ji lta ba bzhin mkhyen pa dang/ ji snyed pa mkhyen pa'i ye shes kyi rang bzhin la thugs kyis zhe'o/ /khyed kyis zhes bya ba ni byang chub sems dpa' o/ /sems lus lta bu dang shes pa yul gyi rnam pa dang rang gi mtshan nyid med par gang du rtog pa'i sems dgag pa'o/ /sems dbyer med par bstan pa'i phyir rtog pas bskyed pa'i lus kyang dgag pa ste/ de'i phyir lus sems lta bu zhes smos so/ /ngag sems lta bu dang/ sems tshig brjod pa lta bu ni

  70. 43b

    gong 'og gi tshul gyis ngag yid tha mi dad par bya ba bstan pa ste/ rtog pas bskyed pa dgag pa'i phyir ro/ /des na 'di skad du/ lus ni gzugs kyi khams/ ngag dang yid ni 'dod pa dang gzugs med pa'i khams te rnam pa dang bcas pa yin la/ de ni longs spyod dang sprul pa dang chos kyi rang bzhin gnyis su med par sbyar nas skyed cig pa ste/ de ni re re la yang sbyar bar bstan pa yin no/ /zhu ba po rnams kyis bka' mnyan nas gsungs pa ni de nas zhes pa la sogs pa gsungs pa ste/ de la gnyis su med pa'i ye shes gyi ngo bor de bzhin gshegs pa thams cad kyi rdo rje nam mkha' ltar sbyar nas smras so zhes pa ste brjod ces pa'i tha tshig go /gzhan gyi ched du gleng ba ni spyan sngar 'dug nas brjod pa/ e ma ho zhes pa la sogs pa ste/ de ya mtshan che ba'i don te/ gzung 'dzin gyis skye ba med pa'i don te/ de'i tshul gyis/ dngos po'i ngo bo ni skye ba ste/ 'di ltar rab tu bsgrags zhes bstan pa yin no/ /de ltar thun mong gi brjod nas/ khyad par du sangs rgyas drug rnams kyis gsungs te/ khyed kyi sems zhes pa la brten nas thugs kyi/ rang bzhin rdo rje 'dzin pa'i byang chub kyi sems gsungs pa ni de nas zhes pa la sogs pa ste/ rdo rje 'dzin pa'i tshul gyis byang chub pa'i tshul zhes chos kyi dbyings kyi ye shes la snyoms par zhugs nas zhes pa dang 'brel to/ /mtshungs par ldan pa'i gzugs la sogs pa la/ dngos po med par bsgom pa ni dngos po nyid yin no/ /gang gzugs la sogs pa'i dngos po nyid bsgom par bya'o zhe na/ de yang kun tu brtag pa nyid kyi phyir bsgom pa min zhes so/ /de ltar dngos po yod pa dang/ dngos po med pa gnyi ga ma yin pas/ bsgom pa dmigs su med pa'o zhes so/ /de dag gi don ni 'di skad du/ yod med kyi dngos po zhib/ dngos po nyid kun rdzob tu rten 'brel gyi ngo bo snang ba mi 'gog pa yin la/ de ltar yin pa nyid kyis yang dag par na dngos po gang du yang ma grub pa skyon rnam par dag pa yin no zhes ?

  71. 44a

    bstan par 'gyur ro/ /da ni sems lus lta bu zhes pa'i rim pa la brten nas rnam par snang mdzad kyis gsungs pa/ de nas zhes pa la sogs pa'o/ /thugs kyi de ma thag tu sku'i rang bzhin ston pas de nas zhes smos so/ /me long lta bu'i don gang gnyis su med pa'i bdag nyid de ni mngon par rtogs pa la sogs pa ste de la'o/ /dngos po thams cad dang zhes pa gzugs la sogs pa'o/ /log par rtogs pas gang zag la bdag tu 'dzin pa la sogs pa'i kun brtags so/ /de dang bral ba ni phyi rol pa ste de'i phung po lnga dang khams bco brgyad dang/ skye mched bcu gnyis su 'dod pa yin te/ de ni gzung 'dzin nyid pas/ kun brtags kyi mtshan nyid de/ rnam par spangs pa des ni phung po la sogs pa'i chos la yang /bdag med pa mnyam pa nyid yin pas/ theg pa chen po'i khyad par du gsungs so/ /de ni don dam par gzhan dbang gi mtshan nyid du rang gi sems mi dmigs pa'i tshe/ 'dod pa yon te de rnam rig gi gzhung btsugs pa'o/ /yang gzhan khyad par gsungs pa thog ma nas ma skyes zhes pa ste/ bltos pa nyid kyis ngo bo nyid nyid kyis ma skyes ma zhig pa ste/ dngos po nyid yang dag par rig pa'o/ /de nyid khyad par du brtan po bya ba ni stong pa nyid kyi rang bzhin no/ /zhes te dngos po med pa'i de nyid stong pa nyid do/ /de ni mi bskyod pa'i gsungs pa ni de nas zhes pa la sogs pa'o/ /de la mi zad pa'i rdo rje ni 'phel 'grib med pa'o/ /gang dbyer med pa'i stong pa nyid kyi ye shes so/ /de la 'di nyid kyi tshul gyis so/ /dngos po zhes pa gzugs la sogs pa'o/ /de sgyu ma ltar yin pa nyid kyis/ don dam par ngo bo nyid kyis ma skyes pas de'i phyir chos can snang ba'i ngo bo dang/ chos nyid mi snang ngo bo yang rang bzhin gyis min pa ste/ de lta na ni shin tu med pa'i stong par thal bar 'gyur ba'i phyir ro zhe na/ mi 'gyur de dmigs pa

  72. 44b

    med pa'i ye shes kyi ngo bo tsam zhes pa'i don to/ /des na nam mkha' lta bur bdag med pa zhes pa smos so/ /de'i byang chub tshul 'di bstan pa'o zhes te/ de kho na nyid las mi nyams pa'i don to/ /'byung ldan gyi gsungs pa de nas zhes pa la sogs pa ste/ de la bdag med pa rdo rje ni/ mnyam pa nyid du gang gyur pa de zhes bya ba'i ting nge 'dzin la dkon mchog dpal gyis tshul gyis so/ /chos rnams zhes bya ba ni mtshan nyid 'dzin pa'i phung po dang khams la sogs pa'o/ /de nyid spangs pa ni dbyig pa'i 'dus te reg pa dang/ gzugs su rung ba gzugs zhes bya ba dang/ grub pa dang bde ba gcig pa'i 'jig pa'i dang can la sogs pa nges rang bzhin gyis so mnyam pa nyid ni bdag med pa'i chos te de las shes so/ /de ni snang ba mdza' yas gsungs pa/ de nas zhes pa la sogs pa'o/ /de la so sor rtog pa'i ye shes ni kun gsal bas/ 'od zer 'bar ba yang yin la/ gnyis su med par gang gyur pa de ni sgron ma dang 'dra ste/ sgron mas kyang mun pa bsal lo/ /'bros so snyam du mi sems mod kyi/ ngang gis gsal bar byed pa dang 'dra bar ye shes kyis kyang sems can gyi don la de dag de ltar ro/ /de'i ting nge 'dzin la rigs gang yin pa'i tshul gyis so/ /ngo bo nyid kyis thog ma nas yang dag par ma skyes pa'i chos phung po la sogs pa rnams la mtshan ma'i ngo bo med de/ dmigs pa'i bsgom pa'ang de'i phyir med do zhes so/ / Fde lta na ni 'o na ni thams cad du med par mtshungs so zhes/ ma yin te nam mkha' i tshul du sbyor ba yis shes pas shes bya la dmigs pa med pa nyid kyis dngos po ni rten dang brten pa'i ngo bo ste/ so sor rtog pa'i ye shes gyis so/ /des na bsgrags shes pa'i don to// da ni don yod grub pa'i gsungs pa/ de nas zhes pa la sogs pa ste/ de la zil gyis gnon pa ni/ gnyis su med pa'i ngo bo don mthar phyin pa'i bya ba bsgrub pa'i rnam pa'o/ /de la rigs pa'i tshul gyis so/ /gzhan dag ni go sla bsam bris so/ /'dir 'khor ba dang mya ngan las

  73. 45a

    'das? pa'i chos rnams rang bzin gyis 'od gsal ba ni da ltar ma yin gdong ma nas dag pa ste/ de la yul gyi ngo bo byang chub kyang med cing yul can gyi rang bzhin rtog pa yang med do/ /dper na nam mkha' bzhin zhes te lta 'og? tu snyems so/ /de dag ni dngos nyid kyi rang bzhin mi dmigs pas yul dang thabs su tha mi dad de/ A li kA li dag par bya zhes gsungs so/ /de nas byams pa la sogs pa chos nyid thos nas ngo mtshar du gyur zhes pa ni gong du gsungs pa'i don nges par 'grel cing de la mchod pa brjod pa'i phyir de skad du gsungs pa ste/ ngo mtshar che ba dang sngon med pa myong ba mngon du byas nas ched du klong ba ni dgos pa'i tshig brjod pa'o/ /'di dag dbyer med yang dag don/ /mkha' dbyings sems dang tha mi dad/ /ye shes rnams kyis rim bzhin bstod/ /rdo rje gsum dang spyir gsungs so zhes pa yin no/ /de rnams kyi tshig gi don ni/ e ma sangs rgyas zhes pa ste ched che ba'i don te rangs pa'i phyir yang de skad ces bya'o/ /de'i yang dag don ni yang dag yin la don kyang yin pas de skad ces te drug gi don gyis de la'o/ /nga dang bdag med pa ni rnam par mi rtog pa'i ye shes so/ /de las byung ba'i byang chub rdzogs par byed ces te dag pa 'jig rten pa'i ye shes kyis so/ /de gang gi stobs zhe na/ rnam par mi rtog ces te de la 'dun pa'o/ /de nyid kyi don dang 'dra ba gsungs pa kun tu bzang po zhes pa la sogs pa'o/ /dag pa ni byang chub kyi sems te de dang tha mi dad pa'i don to/ /ye shes dbang du gyur pa'i byang chub sems te/ le'u gnyis pa'i don rdzogs so// //de nas le'u gsum pas rdo rje bkod pa'i ting nge 'dzin brjod par gsungs pa/ de nas zhes pa la sogs pa'o/ /de la 'dir 'phro ba'i sprin bkod pa zhes pa ni khyab pa dang 'byung ba dang mang po 'dus pa ste/ chos kyi dbyings kyi nang na gnas pa'o/ /de nyid rdo rje ste rdo rje 'dzin pa'o/ /de'i ting nge 'dzin zhes pa'i don to/ /sngon du gnas

  74. 45b

    byin gyis brlabs pa'i sngags gsungs pa/ oM zhes pa la sogs pa ste/ de ni lha'i ngo bo nyid de de nyid shu n+ya pA zhes ston pa nyid kyi'o/ /dz+nyA na ye shes so/ /de nyid badzra na rdo rje ste/ de'i swA b+hA ba rnam par dag pa de A? tna? ? haM zhes pa 'am bdag yin no zhes so/ /sngags pa rnams ni bkra shis pa yin te stod nyid don gyis bkra shis pa dang/ rdzogs pa sngags kyi bkra shis pa'o/ /'phags pa klu grub zhabs kyis kyang/ dngos la stong zhing gzhan ma yin/ /de ma rtogs pa'i dngos kyang med ces gsungs so/ /'di dag gi sgrub thabs ni thog ma snying rje'i mthu las skyes pa/ byang chub sems dang ldan pa/ sbyin pa la sogs pa dang bcas pa/ thabs shes rab gnyis su med pa/ zab mo'i tshul la mos pa/ dpal gsang ba 'dus pa'i dkyil 'khor du cho ga bzhin du chu la sogs pa'i dbang rnams thob cing tshul dang ldan pas/ ri la sogs pa gang yid du 'ong ba dri med chu tshogs la sogs pas dkyil 'khor byugs te/ me tog sna tshogs dgram par bya'o/ /dri chab kyis kyang phyogs mtshams gtor nas de'i dbus su stan bde ba la rdo rje skyil mo krung gis 'dug ste kun rdzob gyi byang chub sems bsgom par bya'o/ / de yang rnam par thar pa'i sgos snying gar nyi ma'i dkyil 'khor la hUM mthing gas til 'bru bzhin du khyab pas gnyis su med pa'i lhas gang bar dmigs te/ hUM de las gdugs dang rgyal mtshan dang /rin po che dang/ lha bshos dang/ spyan ma la sogs pa mchod pa rnams spros te/ de bzhin gshegs pa rnams la mchod nas bdag nyid re re'i mdun du 'dug ste/ yan lag lngas gtugs te phyag byed par mngon du bya'o/ /des thog ma med pa'i sdig pa bshags pa la sogs pa bya'o/ /de nas sangs rgyas dang/ byang chub sems dpa' dang/ dge slong dang/ rnal 'byor bas dge ba'i rtsa ba ci spyod pa la phrag dog mi skye ste dge ba'i rtsa ba bsngo bar bya'o/ /de nas dkon mchog gsum la skyabs su 'gro ba bsgom par bya'o/ /des sgron pa byang chub kyi sems bsgom pa dang lam brten par bya'o/ /'gro ba'i don du 'jug pa'i dang/

  75. 46a

    gnas pa'i byang chub kyi sems te/ don dam pa'i sems bsgom par bya'o/ /stong pa nyid ni chos thams cad gzung 'dzin dang bral ba'o/ /de'i rnam pa'i ye shes gzhan gyis mi skye ba'i phyir na de de bzhin du mtshan ma med do/ /ye shes tsam ma gtogs pa rtog pa med pas mos pa med de gang du yang smon pa med do/ /de ltar rnam par thar pa'i sgo gsum dang ldan pa rang gi sems rang gi rig pa rmongs pa med pa mngon du byas te/ gong du gsungs pa'i sngags brjod pas stong pa chen por byin gyis brlab bo/ /des gsum gyi dang po de bzhin nyid bstan to/ /da ni bzhi'i ting nge 'dzin bsgom ste/ dang bor raM dmar po las me'i dkyil 'khor zur gsum bsgom mo/ /de nas laM ser po las dbang chen gyi dkyil 'khor gra bzhir rtse gsum pa'i rdo rjes mtshan pa bsgom ste/ de nas hUM las khro bo'i rdo rje 'bar ba brtag go /don rdo rje 'phros pa las sa gzhi rdo rjer gyur pa dang/ de las 'od dmar po 'phros pas phyogs bzhir rdo rjer bar gyur par bsgom/ de las 'od steng du 'phros pas steng rdo rje dra bas g.yogs par bya'o/ /de nas rdo rje gung thabs de'i steng du baM dkar po las chu'i dkyil 'khor zlum pos g.yogs par bsgom par bya'o/ /de kun gyi nang du skad cig ma'i ting nge 'dzin gyis rdzogs pa chen po 'am/ skyed pa dang rdzogs pa ste yig 'bru tsam las sgom yang rung 'khor lo ser po rtsibs bcu la khro bo bcu bcom pa dang/ lha rnams kyi mdog dang phyag mtshan dang gnas la sogs pa rgyas par 'di nyid kyi gzhung las blta bar bya'o/ /de ltar de'i rim pas yan lag bzhi'i che 'bring gi rnam pa dang sbyor ba dang po nyid dang/ dkyil 'khor rgyal po mchog gi yig 'bru las spyan drang pa la sogs pa'i rim pa rgyas par ma bshad de gzhung nyid brtag go /de tsam ni bla ma'i man ngag go /da ni rten gyi dkyil 'khor bstan pa'i phyir nam mkha' i dbyings zhes pa la sogs pa smos te/ de la dbyings ni chos kyi dbyings so de'i zhes so/ /yi ge b+h+ruM

  76. 46b

    dang 'khor lo las gyur pa'i rnam par snang mdzad rin po che'i dbu rgyan can de las gyur pa'i bzhal yas khang ni sangs rgyas dkyil 'khor te/ de'i zhes so/ /sangs rgyas nyid rnams 'bar ba ste/ de dang mnyam pa'i 'od gang las byung ba de de ltar ro/ /de'i phyir 'od zer sna? lngas kun tu khyab ces so/ /kun nas yongs su zlum po zhes pa ni spros pa dang bral ba nyid kyis phyi rol gyi mdza' zhes pa ste/ dbus ni gru bzhi kho na'o/ /'dod par bya ba yin pas na 'dod pa ste/ de nyid rnam par dag pa nyid kyis goms pas na ston? zhes te gzugs la sogs pa lnga'i sangs rgyas zhes pa'o/ /bog med la sogs pa mchod pa rnam pa lngas kyang brgyan pa'o/ /de ni rten gyi rang bzhin no/ /mdor na zhes pa gnas kyi mtshan nyid bsgoms nas zhe'o/ /da ni sangs rgyas drug rnams kyi rang bzhin dang sku mdog bstan pa'i phyir gzugs shes pa la sogs pa smos so/ /de la gzugs ni rgyal ba'i ste de dbus gyi gdan la bsgom par bya'o zhes te/ yid kyis sam/ rdul tshon gyis te de ni gtso bo kho na'i gzugs la 'khor rnams ni phyag mtshan la sogs pa yang 'gal ba med ces gsung/ 'dir de 'di ltar yin te/ dngos su brjod pa nyid kyi phyir ro/ /skur gyur pa nyid kyi phyir na phyag rgya che zhes so/ /sku gsung thugs kyis mtshan zhes snang mdzad dang rdo rje 'dzin gang rung zhes pa'i don to/ /sku gsung thugs kyi rdo rje zhes pa'i rdo rje 'dzin ba'o/ /de mdog la sogs pa dang ldan par bsgom par bya'o/ /gcig tu sbyor ba snang mdzad dang rdo rje 'dzin de dang de gcig tu sbyor ba gang yin des so/ /dz+nyA na zhes pa ni tshogs dag pa'i rang bzhin lha mo so sor ? bar sbyor ba zhes pa'i don to/ /de lta 'og tu sbyar bar ro/ /bar skabs dag ni go sla bas so/ /da ni mi bskyod pa'i mdog la sogs pa gsungs pa/ /in+d+ra nI la'i kha dog 'dra zhes pa la sogs pa ste/ sku dang dbus kyi zhal sngon por bsgom pa snye/ g.yas dang

  77. 47a

    g.yon gyi zhal ni gzhi'i le'u nyid du bstan to/ /de 'dul ba'i dbang gis te de ni phyi ma la yang sbyar ro/ /shel dang dung 'dra zhes pa la sogs pas ni/ snang mdzad kyi sku mdog dang phyag mtshan bstan te/ ? mthor tshugs cod pan ni kun? sbyar te de rnams kyang 'bar ba'i ral pa dbu rgyan gyi mchog la rin po che sna tshogs 'bar pas brgyan pa'o/ /rdo rje 'dzin nyid kyi snang mdzad kyi mdog dang mi bskyod pa'i phyag mtshan du 'brel ba gsungs pa/ 'dzam bu nA da'i gser 'od 'dra zhes pa la sogs pa'o/ /tshul ni gang ma bzhin no/ rin chen 'byung ldan gyi mdog la sogs pa ma rak+ta? zhes pa la sogs pa'o/ /pad+ma rA ga'i zhes pa la sogs pa ni snang ba mdza' yas kyi mdog la sogs pa gsungs so/ /don yod grub pa'i sku mdog la sogs pa gsungs pa/ 'od zer sna lnga'i zhes ba la sogs pa'o/ /de ni rang gi lha byin gyis brlabs pa'i sngags gsungs pa/ de nas zhes pa la sogs pa'o/ /de la chos rnams kyi dbyings ni lus te rang bzhin gyis 'od gsal ba'i stong pa nyid do/ /ngo bo nyid ces 'brel to/ /da ni bying rgod kyi skyon spang pa'i phyir/ phra mo'i don gsungs pa rin chen la sogs pa'o/ /de ni lha rnams kyi yig 'bru ste tshang ni yungs 'bru tsam mo/ /mchog nyid kyi phyir na rin chen te/ de gang du zhen pad+ma'i sna rtser zhes te mtshan ma mthong ma thag tu spro bsan brtan par zhes so/ /'phro ba'i rnam pa ni sangs rgyas zhes pa la sogs pa ste mchog rab ni sangs rgyas so/ /de'i zhes so/ /yig 'bru kho nar ma zad de phyag mtshan yang spro ba'i phyir rdo rje 'khor lo la sogs pa'o/ /sprin chen ni dbugs rang gi phyag mtshan gyi gzugs lha'i dngos po gong bu'i tshul gyis rang rdo rje las phyung ste/ lha mo'i sna rtse la zhes so/ /de dag srog dang rtsol ba'i sgo nas so/ /de dag gi gdan ni nam mkha' zhes pa la sogs pa ste nam mkha' i zhes pa chos kyi dbyings kyi nang gi gzhal yas khang brtsegs pa'i dbus su gnas par zhes so/ /zla ba'i

  78. 47b

    dkyil 'khor ni zla ba ste dbyings kyi dbus su'o/ /de nyid gsal ba ste/ de yang dbus su rnam par snang mdzad nyid bsgom pa'i phyir 'khor lo'i dkyil 'khor zhes so/ /'dir rnam par snang mdzad kyi gdan gsal ba'i dkyil 'khor zhes pa'i sgras/ zla ba'i dkyil 'khor yin pa'i 'dod pa'i dbang gis snang ba mdza' yas la sogs pa bzhi'i ni shugs kyis gdan nyi ma'i dkyil 'khor du shes par bya ste/ bzhi'i le'u pas kyang gsal ba la sogs dkyil 'khor ldan zhes gsungs so/ /gzhan dag ni mtshon pa tsam ste kun gyi'o/ /zhes smra'o/ /nyi ma'i dkyil 'khor la pad+ma'i dkyil 'khor zhes te/ snang ba mdza' yas kyi dkyil 'khor bsgom par bya'o/ /gdan de nyid la sku gsung thugs kyi rim pas mi bskyod pa bsgom pa ni rdo rje bsgom pas zhes so/ /rin chen dkyil 'khor zhes pa ni rin chen 'byung ldan de nyi ma'i gdan la lha'i dngos po la brtson pa rnal 'byor pas bsgom par bya zhes pa'i don de lta 'og tu yang sbyar ro/ /sku'i snang mdzad la sogs pa bzhi dang 'grel pa'i sku mdog rnams dang sbyor ba'i dkyil 'khor rang gi ljang gu dang 'od zer sna lnga'o/ /de yang nyi ma'i dkyil 'khor bsgom pa ste gdon mi za ba zhes so/ /gang ldan pa de dang dbyer med pa gsungs pa 'di dag zhes la sogs pa ste/ sangs rgyas su 'gyur ba ni sku gsungs thugs bsgom pa'i bdag nyid kyis so/ /grub pa nyid gang snyam pa la thams cad mkhyen pa zhes te tshul don la 'jug pas de nyid thob pa'o zhes pa yin no/ /rdo rje bskor ba ni sngon du byas so// //le'u gsum pa'i don rdzogs so// //da ni le'u bzhi pas/ gzugs brnyan gyi dkyil 'khor bya ba gsungs pa de nas zhes pa la sogs pa ste/ de la sku gsung thugs kyi dkyil 'khor zhu ba'o phyir yang 'dus shes pa ni chad che ba ste 'das pa bsdu'o/ /bstod pa ni phyag 'tshal bar 'os pa dang/ don la rag las pa dang/ bshad par gsol bas bstod pa ste/ dkyil 'khor ?

  79. 48a

    pa la 'dis bstod nas gsol pa gdab ces pa ste/ rnal 'byor pas tshul de ltar shes so/ /tshigs bcad bzhis ni spyir zhus pa dang/ sku gsung thugs rnams kyi dkyil 'khor zhus pa ste rim pa bzhin sbyar ro/ /de la kun zhi ba zhes pa don ngo bo nyid kyis zhi ba dang/ snying rje'i don gyis pa'o/ /sangs rgyas sras pa mchog gi gnas nyid kyi phyir kun gyi gnas so/ /chos kun bdag med zhes pa ni nyan thos la sogs pas gang zag dang phyogs gcig /chos la bdag med mor kyi de las mchog go /dam pa ni gya nom pa la sogs pa'i rnam pa'o/ /de dag ni 'og gi don te ci rigs su sbyar ro/ /gzhan dag ni go sla'o/ /zhus pa'i de ma thag tu gsungs pa ni de nas zhes pa la sogs pa'o/ /de la gnas zhes pa rigs lnga la sogs pa kun gyi rten zhes pa'i don to/ /de nyid ni thugs kyi dkyil 'khor zhes te/ de ni gsal ba'i ngo bo yin te/ thugs kyi rim pas sku dang gsung gi rim pa zhes par bya'o/ /zhes dgongs so/ /da ni chog ldan ba nyid kyis sku la sogs pa'i ngo bo gsungs pa/ sku dang gsung dang thugs rnams kyi dkyil 'khor zhes pa'o/ /de nyid sems kyi rdo rje ni de kho na nyid dang 'dra ba'i rdo rje nyi ma'i gdan la bri ba yin te/ 'dir thugs gtso bo nyid kyi phyir ro/ /lus dang ngag sems zhes pa la sogs pas ni ma mthong zhing rmongs pa'i don du/ dkyil 'khor gyi thig gdab pa la sogs pa gsungs so/ /rab bsgoms pa'i shes rab can gyis shes pa sku la sogs pa'i lha'i ting nge 'dzin la bzhugs pa'o/ /des cho ga dang ldan bar thig gdabs pa ni mtshon pa tsam ste/ gzhan dag kyang bya bar gsungs so/ /? sar pa rab tu gtsang zhes pa gzhan lam btab pa yin no/ /dkyil 'khor gyi nyis 'gyur gyis ring thung dang sgo'i nyi shu shas sgom phrar bya ba'i phyir tshad ma'o/ /mdzes pa ni shes rab mas legs par bkal bas mnyas ba dang 'jur 'dud

  80. 48b

    med pa'o/ /de yis khru ni bcu gnyis zhes pa rig ma'i lo grangs kyi tshad bstan pa tsam ste/ ma nges pa nyid ma yin no/ /lung las kyang shin tu phra la sbyangs pa yis/ /bsam yas dag la'ang de bzhin bya/ /rig pas dpag ba tsam du'o zhes gsungs so/ /snam bar thar ba bzhi dang/ tshad med pa bzhi dang/ rnam par thar pa brgyad la sogs pa dang ldan pa'i phyir sgo bzhi zhes pa ste/ rta babs dang them skas dang twa ra Na bzhi la sogs pas kyang mdzes par bya bar mngon no/ /'khor lo bzhib tu? zlas? zhes pa mu khyad zlum por bya ba'i tha tshig go /de yang phyag rgya dgod pa ni rang rang gi dam tshig gi phyag rgya dgod pa ste/ zhal la sogs pa ni dgod par mi bya'o/ /de dbus rdo rje zhes pa thugs kyis rnam par dag pa'i rdo rje mi bskyod pa'i phyag mtshan rang gi gdan la gri bar bya'o/ /'dir btsun mo/ rnams lhan cig tu sku'i ngo bor dgod par mi bya ste de mthong na dpya? bar 'gyur ba'i phyir ro/ /de yang saM gra ha las/ mu stegs rnams la phan don du /sangs rgyas btsun mo rab tu gsang zhes gsungs/ de ni rnam par snang mdzad la sogs pa'i phyag mtshan rnams kyang ? rang gi tshul dang mthun par zla ba dang nyi ma'i gdan la bri bar bya ba ni/ 'khor lo chen po'i shar phyogs su/ zhes brtsams nas nan tan du ni mchod par bya/ zhes pa'i mthar thug pa'i tshig rnams kyis bstan to/ /de la lus dang ngag sems mchod ba yis zhes pa ni sku la sogs pa'i rang bzhin yi ge gsum gyis dbyung ba'i bya ba'o/ /des ni gzugs kyi rdo rje ma la sogs pa'i phyag mtshan me long dang/ pi wang la sogs pa yang dang rang gi gnas ji lta ba bzhin gra bar bya'o/ /de nas ni 'dod pa'i rgyal po la sogs pa drug dang/ sa'i snying po la sogs pa byung ba'i sngags med pa'i phyir na/ dkyil 'khor gyi lha ma yin par mngon no/ /gzugs kyi rdo rje ma la sogs pa'i lha mo drug 'byung ba las gyur ba ? nan tan du mchod par bya ba'o/ /da ni rig ma'i dkyil

  81. 49a

    'khor yid kyis sam rdul tshon gyis te/ bsgrub pa 'am dbang bskur ba gsungs pa/ bud med ces pa la sogs pa ste/ 'dir de dag gi don ni 'di skad du/ rig ma gzugs dang lang tsho dang/ /yon tan dang ldan pa de las spyad na/ byang chub kyi sems ye shes su brtags te/ rdo rjes pad+ma phye bas bdag la sangs rgyas thim nas/ brtan por byas te pad+ma la gnas pa'i rang bzhin sbyor bas spro'o/ /de nas rang gi mtshan brjod nas/ bdag gis 'khor lo'i sbyor ba spro bar bya ste/ rdo rje dang pad+ma'i sgras sangs rgyas rnams bskul nas/ dkyil 'khor du spyan drang ste/ bgegs bskrad cing bsrung ste/ so sor mchod yon phul te bstod nas/ sgo bzhi'i sgo srungs kyis las rnams byas nas nye bar bsgrub par bya'o/ /byin gyis brlab cing mchod pa la sogs pa brtags nas sems can rnams kyi don grub par mdzod ces gsol ba gdab bo zhes bshad pa yin no/ /sku dang gsung gtso bor gyur pa'i dkyil 'khor ni le'u bcu drug pa las shes par bya'o// de dag gi don zhib tu ni le'u bcu gnyis pa'i yan lag bzha'i? skabs nas shes par bya'o// //le'u bzhi pa'i don rdzogs so// //bsgrub pa'i khyad par la sogs pa gsungs pa de nas zhes pa la sogs pa'o/ /de la de nas ni ri mo'i dkyil 'khor gyi de ma thog /rgyal po zhes pa rdo rje 'dzin pa ste/ de sku gsung thugs dang ldan pa'o/ /gnas kyi dbang phyug kun mchog gis/ zhes pa'i tshig gnyis ni/ mi gnas pa mdza' gnyis las 'das pa'i mchog dang/ /mdza' gnyis la dbang sgyur ba'i don dang/ tshog? gnyis rdzogs pa'i mchog dang/ spyod pa kun gyi mchog dang/ chos don rig pa'i mchog ste/ don de lnga? dkyus dang rim par sbyar ro/ /thams cad la spyod pa'i phyir spyod pa kun zhes te/ de bas na mchog gi chos kyang de/ 'on kyang de nyid las

  82. 49b

    mchog gi chos don zhes bya'o/ /de kho na nyid la the tshom med pa'i phyir/ rnam par mi rtog don zhes te de las byung ba ni 'dod chags zhe sdang gti mug gi rigs can rnams/ de kho na nyid dang ldan pas 'grub par byed ces pa dang sbyar ro// rigs kyi nges pa sun dpung pa'i phyir/ rigs ngan sme sha can la sogs zhes pa rnams te/ de la rigs ngan pa ni blang dor med pa'i dka' thub kyi bzod pa dang/ re dogs med pa'i bzod pa dka' thub kyi bzod pa dang/ rigs kyi rlom sems med pa'i dka' thub kyi bzod pa'o/ /sme shin phyin ci log gi rtog pa spang pa dang/ gsang chen rdzas kyi sha dang/ mngon shes sgrub pa'i sme can no/ /sogs zhes pa rgyal rigs la sogs 'gar dang ldan pa'o/ /de dag gi don ni 'di skad du/ rigs ngan pa kha lo bde/ sme sha can rtul phod ces bstan pa yin no/ bsod pa zhes pa la sogs pa'i tshig gsum ni rgyud 'di la mkhas pa dang/ skal ba 'dir sbyangs pa rigs kyi sgrub pa 'di la gom pas 'grub kyi/ phal gyi mi 'grub par mngon/ /mtshams med ces pa 'bras bu'i ming btags te/ pha ma bsang pa la sogs pa lnga dang/ sogs kyis mi dge ba bcu'o/ /des kyang 'grub ce'o/ /mi 'grub pa gang zhe na/ snying nas slob dpon smod pa dag ces pa la sogs pa ste/ 'dir slob dpon ni sngags pa ste 'di nyid las phyogs bcu dus gsum sangs rgyas pa slob dpon gyi ba spu'i bu ga gcig 'phags so zhes so/ /des ni bla ma khur bas 'grub bo shes mngon no/ /srog gcod pa'i shes pa rnams/ yang dag par bdag dang bdag gi la sogs pa yul dang yul can rnams med de de rnams kyi don ni lung las/ srog med srog bcad bcad du med ces pa nas brtsams nas/ chag mchog rgyal po yin zhes pa'i mdza' i bar du rigs par bya'o/ /ma dang sring mo la zhes pa/ 'das pa dang da ltar dang ma 'ongs pa'i gzung ba'i gzungs mi rim bzhin ?

  83. 50a

    la sbyong pa'i 'dod pas/ gong ma rnams ni mnyes byas na ce'o/ /gtso bo'i yum zhes pa spyan ma la sogs pa ste/ rang gi bud med de'i bdag nyid la spyod pa'i cho ga ji lta bas so/ /de gang gis bya ba ni/ mi rtog blo can gyis te/ ting nge 'dzin gsum gyis rnam pa gnyis su med pa'i ye shes dang ldan pa'i mkhas pas shes pa yin no/ /de ni gong du yang sbyar ro/ /da ni ji ltar 'dod pa'i sngon du ma gtogs pa'i nyan pa po rnams ngan song du ltung ngo shes pa sams nas kla na ka btsal ba gsungs ba/ de nas zhes pa la sogs pa'o/ /de la ngo mtshar ba ni mthos pa'i chos dang/ rdzas kyi mtshan nyid dang/ bsgrub pa'i gzungs dang/ phas pham pa'i chos bzhi la ngo mtshar ba'o/ /ngo mtshar che bar gleng ba'i klan ka sbang ba'i phyir/ de nas zhes pa la sogs pa smos te/ mi shes pa'i chos nyid kyis shin tu thob par dka' ba nyid kyi phyir na mthong zhes so/ /stong pa nyid kyi ye shes dang ldan pa'i chos nyid 'di rnam par mi rtog pa'i don gang yin pa de las byung zhes pa'o/ /de'i phyir gong gi rnam par mi rtog las byung ba shes pa gzhan du yang sbyar bar bya'o/ /zab mo'i don la 'jigs par mthong nas/ /brgyal ba ni de nas yang zhes pa la sogs pa'o/ /de la nam mkha' dang mnyam pa ni de dang 'dra ba'i don te/ de nyid gnyis su med de/ mi phyed pa'i phyir rdo rje ye shes kyi ting nge 'dzin la snyoms par zhugs so zhes 'brel to/ /des bstong nas rang rang gi stan la gnas par gsungs ma thag tu zhes te/ /gnas par gyur to zhes pa dang 'brel to/ /don de nyid kyis rangs par gyur te mchod par brjod pa ni de nas zhes pa la sogs pa ste/ e ma ho chos e ma ho chos zhes pa ngo mtshar ba'i dbang gis sdangs tshig gsungs pa'o/ /de nas 'byung ba zhes pa/ dpe ji bzhin pa'i ngo bo yin yang/ mtshams med pa la sogs pa dang/ /gzungs dang phas pham pa'i chos dang gsum 'byung ba'i zhes ngo mtshar te/ de'i

  84. 50b

    phyir chos zhes pa gsum brjod do/ /des ni slob dpon gyi phyogs snga ma la gnod pa byas so/ /rnam par mi 'gyur zhes pa/ ye shes kyi dang can de la dngos po'i snang ba ces so/ /dbyings zhes rgyu'i don to/ /sku las rab tu byung zhes pa'i tshig gsum gyis ni ngo po nyid kyi sku dang/ yi ge med pa'i gsung dang/ mi rtog pa'i thugs de'i bdag nyid ces so/ /sngags thams cad kyi mchog ces pa gnyis su med pa'i don te/ sngags kyi sbyod pa ni sbyong pa'i mchog go zhes gsungs so// //le'u lnga pa'i don rdzogs so// da ni sku gsung thugs byin gyis brlab pa'i sngags dang/ bsgrub pa dang/ phra mo'i don rnams bstan pa'i phyir/ de nas zhes pa la sogs pa smos te/ da ni mi bskyod pa zhes bya ba ni thugs nyid kyi phyir ston pa por gsungs so/ /gsang ba ni rdo rje gsum nyid do/ /de ni stong pa nyid kyi rnam pa ste/ de la snyoms par zhugs te/ phyi ma dang 'brel to/ /thugs byin gyis rlob pa'i zhes pa snying ga'i zla ba las ral pa'i dbu rgyan can thugs kyi rdo rje ste/ de'i byin gyis rlob pa'i sngags zhes so/ /des phyi ma la yang tshig rnam par bsgyur nas sbyar bar bya'o/ /rdul dang bral ba'i don ni me long lta bu'i rnam pa rdo rje lta bu'i ting nge 'dzin gang yin pa de la snang mdzad kyi tshul gyis so/ /so sor rtogs pa'i rnam pa ni mi gnyis pa'i rdo rje zhes pa ste/ de la tshe dpag tu med pa'i tshul gyis so/ /de dag gi thabs kyi thabs su shes pa/ rang gi lha mo dang 'dra bar snying po'i rig ma sprul te/ de'i mgo dang gsang ba la sogs par de kho na nyid shes pas oM la sogs pa zla ba'i dkyil 'khor bkod de/ de las gyur pa rnams gnas su bsgom par bya'o/ /de'i gsang bar hUM las gyur pa'i pad+ma 'dab ma brkyad pa bsams te/ de dang lhan cig tu bde bar gshegs pa rnams shin tu chags par bgyiS zhes so /de kho na rjes su chags pa'i rang bzhin no/ /rdo rje sgron ma ni mnyam pa nyid kyi'o/ /gdon mi za ba zhes pa ni bya ba nan tan gyi'o/ /gong du rjes su

  85. 51a

    chags pa'i mthu las dkyil 'khor gyi lha thams cad dmigs te/ phyi nang gi mchod pa 'phros pas mchod par bya'o/ /zhes mdor bsdus so/ /da ni sku la sogs pa'i byin gyis lus ngag yid rlob par byed pa bde bar gshegs pa bskul ba la sogs pa gsungs pa de nas zhes pa la sogs pa'o/ /sngags la dmigs pa'i zhes pa lha'i dkyil 'khor la ting nge 'dzin dmigs pa ni nges pa'i bsam gtan no/ /de'i lus zhes pa bsam gtan de'i tshul gyis sa bon las byung ba lha mo'i 'od zer zhes pa'i don to/ /dag gis zhes pa badzra d+h+rika la sogs pa rnams kyis so/ /sngags rnams kyi phyag rgya chen por gsal ba ni yid kyis zhes so/ /de lta na yang blos dbye bar mi bya ste/ de'i phyir gsungs pa/ sems la zhes pa la sogs pa'o/ / sbyor ba rnam gsum zhes pa sku la sogs pa'i rnam nyes so/ /lus la sogs pa sku la sogs par dmigs na de'i ngo bo nyid ni dmigs su med do/ /de'i phyir na sngags kyi lus su shes te/ dbyer gred? pa'i ngo bo nyid kyi byang chub med cing bsgom pa yang med ces sngags de'i lus kho nar 'gyur ba'i tha tshig go /de'i phyir lus dang dag dang sems rnams ni zhes pa la sogs pa ni bsdu ba'i don te/ dpyad pa ni lung dang rigs pa dag gis so/ /dpyad nas ci byed ce na/ sngags kyis zhes pa ni gong nas gsungs pa'i tshul gyis sngags kyi zhes pa yin no/ /sbyor ba'i zhes pa sku la sogs ba'i rnam pas chos ji lta ba bzhin no/ /da ni phra mo'i don gsungs pa de nas zhes pa la sogs pa'o/ /de la dpal ldan zhes pa byams pa dang yon tan dang ltung ba mi mnga' ba'i don to/ /gsang mdzod thugs kyi rdo rje 'dzin pa ni phyag rgya rtags kyi phyir dang/ gdug pa 'joms pa'i phyir nas/ de la mchod pas gang gsungs zhe na/ bsgom pa'i mchog ces pa phra mo'i sbyor ba ste/ de nyid gsungs zhes pa dang 'brel to/ /de nyid nam mkha' i dbyings kyi zhes pa

  86. 51b

    chos kyi dbyings kyi nang gi gzhal yas khang brtsegs pa'i dbus su/ zla ba'i dkyil 'khor zhes pa'i sems gsal ba dang mdangs bzang ba dang/ nad zhi ba dang/ tshe ring ba dang/ tshogs rdzogs pa dang/ byang chub kyi sems rtogs pa'i phyir na zhes so/ /sangs rgyas gzugs ni zhes pa sangs rgyas drug po gang bsgom pa cho ga lngas sgom pa thog mar bsgoms nas zhes so/ /de sngon du byas nas phra mo'i sbyor ba'i ting nge 'dzin brtsam par bya'o/ /de kho na'i sbyor ba chog gsungs pa/ sna'i rtse mor zhes pa la sogs pa ste/ sna'i rtse ni phra mo'i gnas te lha mo'i pad+ma'i rtse mo'o/ /rgyu ni phyag mtshan te tshad ni yungs kar zhes so/ /'gro dang mi 'gro drod tshang ste/ ji tsam du sems rtse gcig tu ma gyur pa'i bar du'o/ /de la gsang ba'i sngags kyis zhes pa hUM gis so/ /hUM de stong pa nyid kyi de dang ldan pa'i gnas su bsgom mo/ /nam mkha' dbyings zhes pa gong du byas te phyi ma la yang sbyar ro/ /nyi ma ni gdung ba'i mun pa sel ba dang/ bsod nams rgyas pa dang/ shes rab kyi sgron ma skye ba'i phyir na'o/ /de ni lta 'og tu yang sbyar ro/ /sangs rgyas sku zhes pa rdo rje 'dzin pa rang gi sa bon yi ge/ hUM bsgom par byas nas de'i steng du zhes pa/ sna rtser hUM de zhu ba'i steng du mi bskyod pa'i sa bon yi ge hUM phyin nas hUM gong ma langs pa'i gnas gsang ba'i sna rtser mi bskyod pa'i sa bon yi ge hUM rim par dgod do/ /phyi ma la yang sa bon bkod pa ji ltar rang rang gis 'grel par bya'o/ /gzhan dag ni go sla bas so/ /gong gi tshul du rang sa bon las snang mdzad du bsgoms la/ rang gi rig ma spyan gyi tshul du sbyor ba la rdo rje dang padmo ni sbyor ba'i chog ste lta 'og tu sbyar ro/ /rin chen dkyil 'khor ni 'byung ldan gyi'o /dang po rnying pa nyid nas rjes su chags pa'i bar ni sbyor ba'i nan tan te/ de yang gong 'og tu sbyar ro/ /de'i zhes ba 'byung ldan gyi sa bon yi ge swa sna rtser zhu ba'i steng du/ snang ba mdza' yas kyi a phyin nas/ sa bon gong ma langs pa'i gnas su aM bsgom par bya'o//

  87. 52a

    don yod grub pa'i sa bon gong gi tshul du bsgom pa'i phyir/ 'od kyi dkyil 'khor zhes te/ gang sgom pa'i tshul gyis so/ /gong gi sa bon las gyur pa'i rang gi lha spro ba dang/ dkyil 'khor dbyung ba'i rim pas/ 'khor kyang sgro bar bya ba yin no/ /de kho na'i khyad par gsungs pa utpal zhes pa la sogs pa ste/ gtso bo'i phyag mtshan la phra mo'i sbyor ba'i ting nge 'dzin bstan pa yin no/ /des ni kha dog dang dbyibs dang tshad dang/ drod tshad dang gnas brtan te/ gtso bo'i phyag mtshan las spro'o/ /da ni gzhan sgro ba'i phyir ce na'i 'bru tsam ni sran tsa na ka'o/ /ge sar ni sdong bu ste/ rtsa ba dang bcas pa sna rtser bsgoms na zhe'o/ /snang mdzad kyi phyag mtshan la sogs pa bsgom pa ni 'khor lo la sogs zhes pa'o/ /phyag mtshan ni gnas rnams te sna rtse de ru spro bar bya'o/ /spyod pa kun gsungs pa de nas zhes pa la sogs pa'o/ /de dag gi don ni yang dag pa nyid kyis rnam par rtog pa sbyong pa ste/ dbyer med par bstan pa yin no/ /de la zas kyi phyir ni zhes pa/ gzhan dgag pa'i phyir zas gzhan mi bza' ba'i don te de rnams kyi yan lag gi don ni go sla bsam bshad do/ /rmongs pa'i lus la sogs pa'i dgag pa'i phyir lus dag sems las 'da' ba' o zhes mdor bsdus so/ /le'u drug pa'i don rdzogs so// // da ni tshogs sgrub pa'i mchod pa dang/ sngags spyad pa la sogs pa bstan pa'i phyir/ de nas zhes pa la sogs pa smos te/ de la zla ba lta bu gnas nas phyung ba ni dam tshig chen po ste/ de las gyur pa'i rdo rje 'dzin pa de nyid de kho na nyid ce'o/ /sngags spyod pa ni de'i bdag nyid kyi ste/ 'og gi don te/ de nyid 'grub par byed pa'i cho ga 'di gsungs so/ /zhes mdor bstan to/ /yan lag gi don ni 'di ste/ 'dod pa'i longs spyod ni 'dod par bya bas 'dod pas so/ /de la rang gi lha'i zhes pa rang rang gi gzugs

  88. 52b

    kyi rdo rje ma la sogs pa'o/ /mu stegs dang phyi rol pa'i dka' thub dang/ byang chub sems dpa' i sdom pa'i mi zad pas kyang/ mi 'grub na gzhan rnams lta ci smos te/ sngags bsgrub pa la 'jug pas 'grub po zhes mngon no/ /slob mo za zhing zhes pa ni phyi rol pa'i bsod snyoms dgag pa ste/ tha mi dad pa'i sgo nas ma bslabs pa la chags par mi bya ste/ don gyis 'dod pa kun la spyad pa'i phyir ro/ /yan lag mnyams zhes pa bsnyen pa la rdzogs pa ste/ dbang bskur ba la sogs pa dang yang ldan pas so/ / bde bar gyur na zhes pa nyid du ma mthong ba'i rnam pa'o/ /de dag gi skyon gsungs pa/ gzhan du dus min zhes pa'i tshig gnyis te/ 'di dang pha rol gyi mi 'dod pa dang ldan no/ /sangs rgyas zhes pa la sogs pa'i tshig rkang brgyad kyis ni gang gis 'dod pa lnga bsten pa kho nas chos kyi sku 'grub la/ gzhan gyis ni ma yin na zhes bstan pa yin no/ /de la byang chub dpa' bo zhes pa sangs rgyas rnams so/ /de la mchod pa'i don ni gzugs la rnam gsum zhes pa'i rnams te/ gsum nyid gsum mo/ /dman ba dang 'brid dang mchog gsum du dbye'o/ /rin chen 'byung gnas ni dkon mchog dpal lo /'dod chags zhes pa tshe dpag med do/ /thogs med ces pa gdon mi za ba'o/ /gzugs sgra zhes pa'i spro ba'i don te/ sems ni rdo rje sems dpa' o/ /lha nyid du ni zhes pa gzugs kyi rdo rje ma la sogs pa'o/ /rigs tshul du zhes pa de la rigs lnga phye nas bsgom pa yin no/ /gong du ni gcig tu spros pa rnams bsdus pa'i phyir snying po bsdus pa'i zhes pa yin no/ /de dag gi don ni 'di skad du/ rnal 'byor pa rnams sngags sgrub pa la rab tu 'jug par bslab pa'i phyir dang/ gnyis su med pa'i don la gnas par bya ba'i phyir bstan pa yin no/ /da ni rjes su dran pa drug bsgom pa'i phyir/ sangs rgyas zhes pa la sogs pa skyos? te/ de la sangs rgyas ni snang mdzad do/

  89. 53a

    chos zhes pa snang ba mdza' yas so/ /mi bskyod pa ni rdo rje zhes te/ de dag gi rjes su dran pa ni 'dris pa'i dngos po mi brjed pa ste/ sems kyis mngon par brjod pa'o/ /rigs ni gcig dang gsum dang lnga rnams kyi don sgom pa'i tha tshig go /khro bo ni gshin rje gshed la sogs pa'i rnam pa'o/ /lha'i zhes pa/ rnam pa gzhan bsgoms na 'thob pa'i don to/ /bud med ni bsgrub pa mi mo'i gzungs ma mtshan dang ldan pa la/ sku gsung thugs kyis byin gyis brlab pa'o/ /gang du zhe na gnas gsum mo/ /mchod pa brtsams pa ni sbyod ba'i cho ga gang yin pas so/ /btsun mo spyan la sogs pa ni rang gi rig ma la'o/ /de'i sbyor ba'i cho gas 'grub pa ni bsnyen pa'o/ /rdo rje dang pad+ma gnyis hUM las yongs su bskyed pa la/ oM ni sa bon gyi rkyen no/ /de la yi ge phaT mdog ser pos byang chub sems 'byung pa dgag pa'i las khyad par gyi ngo bos bskyod pa de ni bde ba chen po des sgrub par byed pas na sgrub pa'o/ /rdo rje padmo zhes pa gsang ba'i rdo rje pad+ma la lhan zhugs pa'i de ma thag gang yang dag par rig pa de ni nye ba'i sgrub pa'o/ /'bar bcas shes pa gang bde ba chen po 'byung ba de ni sgrub pa chen po'o/ /de dag gi ni tshig gi snyan dang gsal mkhas pa nyid kyi phyir na/ tshigs bcad sdebs pa'i dor shugs kyis smras pa ni ma yin gyi don nyid de ltar yin no/ /da ni gong du gsungs pa'i rjes su dran pa rnams bcu drug du dbye ba'i mtshon nyid du ma bstan pa'i phyir/ de la zhes pa la sogs pa smos te/ de la sangs rgyas zhes pa snang mdzad de/ yum gyi b+ha ga la yab rang gi ling+ga bzhag go/ /de'i khyad par gsungs pa/ gzugs ni zhes pa ste/ de bzhin gshegs pa rnams thim pa la sogs pa rnams sngon du byas te/ rang gi rig ma'i gsang ba'i sna rtse la sa bon las skyes pa'i/ oM las gyur pa'i 'khor lo'i lte ba la rnam par snang mdzad gtso bor gyur pa'o/ /de'i ba

  90. 53b

    spu'i bu gnas spro zhes pa mtshon pa tsam ste bsdu ba yang bdag gis shes par bya'o/ /slar bsdu ba'i dus su mchod pa rnams spro ste/ mchod pa la sogs pa rnams bya ba yin no/ /de dag gi 'og ma rnams la yang sbyar bar bya'o/ /dam tshig rjes su dran pa zhes pa lha'i rab tu dbye ba ste/ thabs dang shes rab kyi bdag nyid bsgoms nas lha rnams thim par bya'o/ /de nyid las dbye ba ni/ dkyil 'khor rjes su dran pa ste/ bdag gi khu ba dag ces pa ni dbyung zhes pa dang 'brel to/ /des bskyed pa'i dkyil 'khor yang dbyung bar bya zhes/ dkyil 'khor gzhan dang gzhan du spro ba'i bdag nyid rnams ni zlum po'i tshul zhes pa yin no/ /gong du sku dang gsung dang thugs rnams bsgoms pa la dbye ba ni sku rjes su drang ba la sogs pa gsum gyi rang bzhin no/ /sku gang yin pa de ni rnam par dag pa'i gzugs la sogs pas rab tu rgyas pa'o/ /phyi ma dang yang sbyar ro/ /thugs las rab tu dbye ba ni sems can rjes su dran pa yin no/ /sku la sogs pa'i rjes su dran pa dbye bar gsungs pa/ de la sngags zhes pa la sogs pa ste/ gzugs kyi rang bzhin ni sku la sogs pa rnams te/ de rnams kyi rjes su dran pa bsgom pa'o/ /sngags kyi bdag nyid kyi/ rdo rje can gyi sku gang yin pa de ni byin gyis brlab pa'i tshigs bcad dang/ sngags rnams kyis bsgom pa gsungs shes te/ de yang sku yis shes pa rnam pa'i ste/ des bsgoms pas shes so/ /de 'drar shes pa'i skur 'gyur zhes sbyor ro/ /gong ma rnams la yang rnam par bsgyur nas sbyar bar bya'o/ /de la dam tshig ces pa smos pa ni dam tshig rjes su dran pa nyid 'dir dbye'o/ / khu ba phyung ste tshig bzhin zhes pa rang rang gi rig ma dang ldan pa la sbyor bas cho gas btung bar bya'o/ /de ci'i dgos she na/ 'bras bu 'dod pas so/ /thugs las dbye ba gsungs pa/ de la shes rab kyi zhes pa la sogs pa ste/ ma skyes pa zhes pa ni ngo bo

  91. 54a

    nyid kyi ste/ yul dang yul can gyi rang bzhin kyang med la/ khams kyang med cing 'byung ba lnga yang med do/ /de lam skyes pa zhes pa thugs kyi dbye ba de/ gnyis med ces pa yang dag par gnyis snang ba'i shes pa rnam par rtog pa can med do/ /nam mkha' bzhin dbyer med pa kho na nyid kyi phyir ro/ /zhe sdang gi rigs shes pa la sogs pa ni rigs bsgom pa ste/ bud med sngags kyis mtshan ma la rigs gang yin pa'i sbyor ba bya ste de'i khu bas mchod pas sku gsung thugs kyi 'bras bu tshe 'di la zhes te/ gnyis su med pa'i sgo nas lam nye bar bstan pa yin no/ /de rnams ni rigs rjes su dran pa las dbye bar bstan pa yin no/ /de'i byin brlabs gsungs pa/ gang gzhan zhes pa la sogs pa ste/ de la phra mo ni mi snang ba dang dzaM b+ha la bsgrub pa dang/ any+dza lis mig mthong ba dang/ rigs 'dzin la sogs pa thun mong gi sgrub pa ste/ de rnams kyang mchog gi dngos grub kyi don gyis sgrub po zhes mngon no/ /de dag rnams ni spros pa la sogs pa'i cho ga gang yin pas so le'u bdun pa'i don rdzogs so// //da ni gshad gcing dam tshig gi le'u bstan pa'i phyir/ de nas zhes pa la sogs pa smos te de la dbang phyug dam pa zhes pa stong pa nyid dang ldan pa ste de la'o/ /de nyid rdo rje rgyal po zhes pa nas/ rdo rje theg pa la'o zhes pa'i bar du mchod par brjod pa'i don bzhi dang sbyar te/ rdo rje dbyings su sangs rgyas pa'i rgyal mchog mchod pa dang/ ngag pa mnyam pa'i mchod pa dang/ thar lam rtogs pa'i mchod pa dang/ shes rab spyan gyi tshogs kyi 'khor lo bskor ba'i mchod pa dang bzhi ste/ de rnams tshigs bcad bzhi dang/ rim bzhin du sbyar ro/ /zhus pa'i de ma thag lan gsungs pa/ de nas zhes pa la sogs pa ste kun dbang ni dbang skur gyi don gyis rdo rje 'dzin pa nyid rin chen 'dzin pa'o/ /de'i mchod pa'i mchog ni

  92. 54b

    gsang ba'i mchod pa la sogs pa'o/ /sku gsung thugs rdo rje ltar mi phyed gsum gnas pa'o/ /de nyid skal mchog go /gang rigs dang ldan pas de'i na chung gzhon nu bskal pa 'chem pa'i gzungs ma mtshan dang ldan pa mngon du bya ba ste/ de la rnyed nas bye la song skye? gnas brtag ces pa ji ltar zhe na/ byol song 'dul ba'i kha lo bslab pa bzhin du/ rig ma yang bu med kyi rgyu rtsal rtog pa med pa'i la sogs pa bslab pa ste/ don gyis mi 'byed pa yin no/ /dz+nyA na pa ni de ltar mi 'thad de/ lo grangs kyi tshang la nyung dang lhag na yang gzung bar bya'o/ /zhes gsung ngo/ /bsgrub pa brtsam pa'i gnas ni sa phyogs gtsang zhing zhes pa la sogs pa ste/ de la dben pa ni gzhan dang ma 'dres pa'o/ /yang na brgyal bzhi pa'i gnas zhes pa zhabs kyis bcags pa'i mahA bo d+ha'i gnas dang/ mtshan ma rtags kyi gnas de'i byi ling ga dang/ drag shul bsgrub pa'i gnas ru tra bsgral ba'i dur khrod du/ chu 'am yang na gshad gcis byugs pa ni phyis dang gcin sogs kyis byugs la gzhag ces pa'o/ /bdag nyid mos pa'i lhar bsgom ste/ rig ma'i nu ma'i bar dang/ spyi gtsug dang lte ba rked pa rkang pa'i bar du gsang ba las bskyed pa rnams bgod pa ni snying ga dang rked pa dang lte ba'i 'og dang/ rkang pa'i dbus su nyi ma'i dkyil 'khor bsam ste/ de rnams kyi dbus rnams su mi bskyod pa dang/ dkon mchog dpal dang/ rdo rje chos dang gdon mi za ba rnams sa bon las gyur pa ste/ de'i rim bzhin no/ /spyi gtsug tu zla ba la sa bon las gyur ba'i snang mdzad do/ /de dag gi don ni rigs lngas byin gyis brlab pa dang/ skye mched gzugs sogs dmigs te/ hUM la sogs pa btags te sa bon rang gi lhar bsgoms la rjes su chags pa la sogs pa cho ga tshang pa yin no/ /gang gis zhe na/ yan lag bzhi la sogs pa'i cho ga shes pas rang gi lha mo bya ba yin no/ /de ni lhag 'og tu ya sbyar ro//

  93. 55a

    de nyid kyi yang gsungs pa/ nam mkha' i dbyings zhes pa la sogs pa'o/ /de la nam mkha' i dbyings ni gzhal med khang brtsegs pa'i dbus na zhes te/ rig ma bsgom pa ni ye shes rgya mtsho zhes pa ste/ de bdag nyid zla ba'i dkyil 'khor du byas te/ yan lag bzhi la mkhas pas phyag mtshan gyi dbus su zla ba la bsgom par bya'o/ /de ltar so so bskyed nas/ tha mi dad par bya ba ni rig ma nyid zhi ba ste/ de rdo rje 'dzin gang ldan pa'i rnal 'byor pa dang 'byor par 'dod na bsdu ba ste/ de bsten pa'i tha tshig go /rin chen bzhin mchod rten zhes pa/ gzhal yas khang brtsegs pa'i mchod rten zhes pa'i don te/ rig ma'i gnas rgyan gyi bye brag dang ldan par ston pa ste/ de nyid ye shes rgya mtsho ni shes rab ma ste/ de dus gsum gyi sems can rnams kyi gnas yin par bsam mo/ / de dag gi mchod pa rnams ni bdag gi pa spu nas zhes brtsams nas mdza' i bar du rig par bya'o/ /de la utpal dag dang padmo rnam lnga zhes pa ni gzugs kyi rdo rje ma la sogs pa drug go /de'i dzA ti rnam gsum ni lha mo drug po de rab 'bring tha ma'i rigs su dbye ba'i rang bzhin no/ /spyan ma la sogs pa bzhi gsungs pa/ karni ka zhes pa la sogs pa bzhi'o/ /des ni lha mo bcu me tog gi sgrar gsungs so/ /de ni mchod pa'i khyad par kho nar gsungs pa ni/ dpag tshad brgya'i zhes pa la sogs pa ste/ khyon tsam du zhes pa gnas kyi rang bzhin te/ de du mchod par bya ba dgod ces 'brel to/ /gzhal yas khang brtsegs par 'khor lo bsgom par byas la/ de la snang mdzad kyi rigs bsgom par bya'o/ /pad+ma la sogs gzhal yas khang dang ldan par byas la rang rang gi dkyil 'khor gong ma bzhin bsgom par bya ste/ gzugs nyid slos nas mchod par bya'o/ /de dag gis gnas brtan po bya ba gsungs pa/ dpag tshad ces pa la sogs pa ste/ des ni tshad dang dbyings dang rgyu dang ngo bo bstan to/ /'dod pa'i zhes pa'i tshig gnyis ni sngon du ? so/ /

  94. 55b

    'dir rin chen mchod pa zhes pa la sogs pas phyi'i mchod pa yang bya bar gsungs so/ /lnga zhes pa lha bshos la sogs pa'o/ /rin chen 'byung gnas nyid gzungs ma ste/ de'i rgyan ni sna tshogs shes te/ bsgrub tshe zhes pa bskul ba'i che'o/ /de'i phyir rigs kun la dbul ba'o/ /de ltar gsang ba dang nang gi mchod pa gsungs nas phyi'i mchod pa gzhan mos pas sprul nas mchod pa ni rgyal ba'i zhing khams 'dir bkang la zhes so/ /reg par sbyor ba'i mchod pa gsungs pa bdag po'i phyag rgyar mnyam bzhag ces pa la sogs pa ste/ rdo rje 'dzin par bsgom la zhe'o/ /dam tshig lngas mchod pa ni nam mkha' i zhes pa rnams te/ dkyil 'khor ni snang mdzad las gyur pa ste/ de nyid bdag gi lus so/ /de la bshad gci nyid dam tshig go /des kyang sbyor pa'i cho ga bya bar gsungs so/ /de'i yon tan ni 'di ni zhes pa la sogs pa ste/ sngags rnams dngos grub ni ye shes bdud rtsi la sogs pa'o/ /le'u brgyad pa'i don rdzogs so// //da ni zhu ba sngon du btang nas bde bar byed pa'i don bstan pa'i phyir de nas zhes pa la smos te/ de la nam mkha' mi 'gyur mchog ces pa ni don mi 'gyur ba dang/ spyod pa mi 'gyur bas thabs kyi rgyal po ste/ de'i phyir nam mkha' zhes brjod do/ /rdo rje 'dzin pa de la sangs rgyas rnams kyis dbang bskur ba ni rgyal ba rtags kyi dbang dang/ mkhyen rab thugs kyi dbang dang ldan pa ste/ kun mnga' mdzad pa dang kun gyi don mdzad pa'i phyir/ dbang phyug don kun gyis smos te/ bshad do ces pa dang 'brel te/ /de gang zhe na/ sku gsung thugs zhes pa rnams te/ de'i don ni sems can phas pham pa'i chos rnams la spyod pa rnams 'bras bu ngan par skye ba mthong nas/ de las snying rje du? sbyin pa la sogs pa dang ldan pa'i rnal 'byor pas/ cho ga khyad par can dang ldan pa'i bsgrubs pos rang rang gi don dang ldan par bya ste/ gdon par bstan to/ /de dag gi yan lag gi don ni so sor bstan pa'i phyir/ nam mkha' i zhes pa rnams gsungs te/ der rdo rje'i dkyil

  95. 56a

    'khor zhes pa ni rdo rje rigs kyi dkyil 'khor te de'i dbus su rdo rje mi bskyod pa bsgoms nas de'i lag tu rdo rje bsgom par bya ba ste/ 'dir lha bcu dgu dang ldan par byas nas/ rang rang gi sgrub bya rnams rten dang bral ba la sogs pa'i las kyis/ / bdag bde bar byed pa rnams phye mar brlag ces pa yin no/ /'di dag ni ting nge 'dzin khas skyes pa'i las kyi rim pa ste/ tsa ra ka pa 'dod pa lta bu ni ma yin no/ /de ni 'og tu yang sbyar ro/ /gsang ba 'di lta bu zhes pa'i snying rje chen po la zhugs pa'i rnal 'byor pa spyin pa dang snyan par smra ba la sogs pa bzhi dang ldan pa cho ga khyad par can dang ldan pa ste/ des kun nas mnar sems pa dang ldan pa bsad na ni de'i mthus rnal 'byor pa nyid kyang zhing ngag tu rgyal ba'i sras su skye bar 'gyur ro/ /de'i don ni zhe sdang gi rigs kyi dam tshig de kho na zhes pa yin no/ /da ni sbyin pa dang mi mthun pa'i sems kyis kun tu 'dzin pas/ rnam smin gyi 'bras bu myong ba dgag pa'i phyir/ de nas zhes pa la sogs pa smos te/ de la stong pa nyid kyi ye shes kyis thar pa rab tu sgrub pa ste/ de'i ngo bo nyid ni rang bzhin gyis gtsang zhing gzhan gyis gos pa med pa zab mo'i don la rab tu 'jug pas shes te/ gang de rnams dang ldan pa de yang de ltar ro/ /de la nam mkha' i zhes pa ni gnas te/ der 'khor lo rigs kyi dkyil 'khor gyi dbus su snang mdzad gtso bor gyur pa'i lha bco brgyad dang ldan pa'i dkyil 'khor bskyed nas ser sna can gyi dngos po kun mthong nas bzlas pa dang spro ba la sogs pa byas te/ nor 'brog pa la sogs pa bya'o/ /rin chen kun gyi sbyor ba zhes pa de nyid kyis lha'i gzugs su rab tu brtag go /de'i rang bzhin ser sna can rnams kyi nor rnams 'khor lor bdag nyid kyis phrogs nas su/ sku la sogs pa'i rdo rje gsum du bsgoms nas/ phrogs ma thag pa gang ldan pa de rnams yid bzhin gyi nor bu dang 'dra ba la sogs par 'gyur ro/ /rigs rgya mtsho zhes pa ni zhe sdang la sogs pa'i rigs kyi rnal 'byor pas kyang

  96. 56b

    bya bar bstan no/ /da ni gzhan gyi phun sum tshogs pa la sems khong nas 'khrug pa'i don du/ gzhan bstan pa'i phyir 'dod chags kyi rnal 'byor pa'i las gsungs pa/ de nas zhes pa la sogs pa ste/ de la 'dod chags thar ba zhes pa ni sor rtog pa'i rnam pas/ pad+ma'i dkyil 'khor ni de'i rigs kyi dkyil 'khor te/ de'i dbus su mdza' yas gtso bor gyur pa'i lha bco brgyad dang ldan pa'i dkyil 'khor bskyed nas 'dod chags kyi dngos po kun mthong nas bzlas pa la sogs pa kun byas te/ rjes su chags par bud med la spyad pa la sogs pa bya'o zhes pa'i don to/ /yum rnams bud med lta bur sbyar bar byas nas de la dam tshig bzhi'i sbyor ba yis te/ phyag rgya bzhi dang ldan pas dus bzhi la sbyor ba ste/ yul du snang ba thams cad rig ma de ru bsgom par bya ste/ de yang nam mkha' i khams kyi bud med do zhes so/ /de dag gi gsang ba'i dbang po gnyis sbyar nas bud med la nye bar spyad pa yin no/ /'dod chags kyi rigs nyid gzhan gyis kyang bya bar bstan to/ /de ltar lus kyi don gsum bstan nas/ ngag gi brdzun du smra ba'i rnam par dag pa'i don bstan pa'i phyir de nas shes pa la sogs pa smos te/ de la rdo rje sngags shes pa ni/ rnam par dag pa'i gsung dang ldan pa des sangs rgyas shes pa las kyi rigs kyi dkyil 'khor te/ de'i dbus su don yod grub pa gtso bor gyur pa lha bco brgyad dang ldan pa'i dkyil 'khor bskyed nas gang brdzun du smra ba'i dngos po mthong nas/ yang bzlas pa la sogs pa bya ste/ rdo rje tshig gi brdzun bya bar bstan to/ /de la rdo rje tshig ni gzhan gyi don du dkyil 'khor gyi dang can gyis gang smras pa des so/ /bsgrub par bya zhes pa ni brdzun rnam par dag pa gsung dmigs pa'i rang bzhin gyis dngos po nyid gang yin pa'i don bstan to/ /dam tshig dgug pa'i rigs shes pa/ de nyid gzhan kgyis kyang shes par bya'o/ /da ni ngag rtsub mo la sogs pa rnam par dag pa bstan pa'i phyir de nas zhes pa la sogs pa smos te/ de la rdo rje mi phyed ces pa ni sku la sogs pa'i rnam pa'o/ /de gang ldan pa

  97. 57a

    des dam tshig ces pa/ mi 'da' ba nyid kyi phyir rin po che rigs kyi dkyil 'khor de'i dbus su dkon mchog dpal gtso bor gyur pa'i dkyil 'khor gong bzhin bskyed nas/ gang dag rtsub mo la sogS pa dang ldan par mthong nas gong ? bzlas pa la sogs pa byas te/ de rnams la sbyar bar bya'o/ /sogs pa'i sgras ni phra ma dang tshig rkyal pa dag go /de ltar lus kyi nyes gsum dang ngag gi nyes bzhi rnam par dag par gsungs nas/ /yid kyis nyes gsum rnam par dag pa ni lus dag pa nyid kyis zhes so/ /de nas ngo mtshar che ba la sogs pa bstan pa'i phyir/ de nas zhes pa la sogs pa smos te/ yang gi sgra ni ched che ba ste/ ma 'ongs pa'i skye bos don nyid shes par bya ba'i phyir/ 'dir dam tshig rdo rje ni sa'i snying po gang yin pa dang/ dpal zhes pa sgrib pa rnam pa sel pa la sogs pa'o/ /de rnams kyis smras so zhes 'brel to/ /de ma thag tu lan gsungs pa/ de nas zhes pa rnams te rgyal ba rnams kyis bka' stsal to zhes 'brel to/ /de'i gdams ngag gsungs pa rigs kyi bu zhes pa la sogs pa'o/ /gdod chos 'chad do zhes pa ni/ don dang ldan pa nyid kyis de la'o/ /de nas dga' ba'i mdangs kyis ngo mtshar ba ni/ de nas byang chub zhes pa la sogs pa'o/ /'dir mnyam pa nyid gyi don de yin yang rnam par shes pas gzugs la sogs sna tshogs pa spros pa kun rdzob ste/ don dam pa de dang mi mthun pa nyid kyi phyir/ bshad la mtshar zhes pa yin no/ /le'u dgu pa'i don rdzogs so// //da ni de bzhin gshegs pa thams cad kyi snying po bskul ba la sogs pa bstan pa'i phyir/ de nas zhes pa la sogs pa smos te/ de la dam tshig chen po zhes pa ni rdo rje 'dzin pa ste/ de la 'dun pa dang bcas te gsol to zhes so/ /de'i sngags kyi snying po ni hUM la sogs pa ste zhus pa'o/ /zhus pa'i de ma thag gsungs pa de nas zhes pa la sogs pa'o/ /lus dang ngag dang sems rnams te/ rnam par mi rtog ces pa/ ? 'dzin

  98. 57b

    gyis rnam par rtog par rtog pa med pa yin te/ mi dmigs pa dang mi gnas pa'i phyir ro/ /gal te'o na ni ci yang med pa yin no zhe na ni ma yin te/? ye shes tsam gnas pa'i phyir rdo rjer bsgom zhes so/ /yang gsungs pa ni de nas zhes pa rnams te/ de la dag pa ni dri ma dang bral ba nyid kyi phyir ro/ /pha rol tu phyin pa'i sngags kyi tshul ni snang mdzad chen po'i rnam par gang gyur pa de snyoms par zhugs nas zhes te/ snang ba las 'das pa'i sngags tshig rnams te/ de ni thabs dang shes rab kyi bdag nyid du mngon no/ /gang zhi ba la sogs pa'i sgo nas bskul bas/ de nas de'i las byed pa ni rig pa ste de rnams dang lhan cig spyod pa yod kyang/ sngags kyi spyod pa med na mi 'grub pas/ spyan ras kyis btsa' ste/ thugs rjes gzung ba'i phyir sngags bsdus pa gsung ba'o/ /sngags kyang de thams cad kyang de nyid pa ste/ mi bskyod pa la sogs pa'o/ /de rnams kyi snying po bskul bar byed pa ni drag shul la sogs pa'i sgo nas sku dang gsung dang thugs kyi sngags rnam par dag pa gsungs pa ni de bzhin gshegs pa zhes pa la sogs pa'o/ /de la tshig gi lam ni ljags? te des gsungs so/ /de'i mthu gsungs pa ni de nas 'di ni zhes pa ste/ gang ldan pa de brjod na der 'gyur ba yin no/ /de nas hUM las gyur pa'i dkyil 'khor gyi phyir/ de nas phyag na rdo rje zhes pa smos te/ 'dir dkyil 'khor rdzogs pa bkod pa de'i dbus kyi gdan rtseg ma la yi ge hUM las gyur pa'i rdo rje 'dzin rang gi gzugs su rab tu brtag go /sku gsung thugs zhes pa ni rdo rje 'dzin nyid kyi sa bon hUM snying la rnal 'byor pa de yis bsgoms na der 'gyur ro/ /des ni sku nyid bsgom pa ma yin no/ /de yi rang gi dkyil 'khor zhes pa ni mi bskyod pa la sogs pa gzhal yas khang du sprul pa ste/ rang sngags ni de bzhin gshegs pa'i rigs la sogs pa/ rang rang gi gtso bo gtso bo'i snying po kho nas bskyed par bya'o/ /bskul pa'i sngags dang 'drel pa'i sku mdog la sogs

  99. 58a

    pa bstan pa ni rang sngags skyes bu zhes pa ste/ gtso bo rang rang gi sa bon kho nas rang rang gi dkyil 'khor du bsgoms nas/ de dag gi snying ga dang mgo dang lce steng dang gsang ba ni gnas bzhi'o/ /der sku mdog la sogs pa dang ldan pa ni gzugs kyi tshul te/ de zhal gsum gyi tshul gyis dkar po la sogs pa kha dog kyang gsum du bsgom par bya'o/ /de la 'di ni zhes pa gong gi phyag rgya bzhi dang ldan pa'i sku gsung thugs so/ /snying ga'i dbus su zhes pa/ rang rang gi gnas su zla ba dang/ rang rang gi phyag mtshan gyi dbus su/ sa bon las gyur pa'i phra mo'i dkyil 'khor ni bdag nyid kyi dkyil 'khor dang/ de'i mdun du ye shes sems dpa' i dkyil 'khor yang bsam par bya'o/ /yi ge'i mchog ces pa/ sa bon thams cad kyi mchog ni hUM ste/ de'i rdo rje'i dbus su bsam par bya'o/ /gzhan la yang sbyar ro/ /phyag mtshan yang gsungs pa/ rdo rje chen po rtse lnga pa zhes pa rnams so/ /de la rtag tu zhes pa ni dus bzhi'o/ /sbyor bas zhes pa ni ting nge 'dzin gsum la gang sbyor ba'o/ /? da ni rdo rje lcags kyo'i khyad par gyis so/ /rdo rje gsum ni sku la sogs pa'o/ /de nas ye shes sems dpa' de'i snying gar lcags kyos brdab ste dzA la sogs pas bskul bar bya'o/ /gzhan dag kyang bskul ba ni 'khor lo zhes pa la sogs pa ste/ rigs zhes pa ni gzhan la yang sbyar ro/ /de yang 'od zer gyi ngo bo'i rdo rje'i lcags kyo'i bskul bar bshad ces so/ /sngags kyi che ba gsungs pa 'di ni zhes pa la sogs pa'o/ /de la rol mo zhes pa ni rnal 'byor pa bsgrub pa'i yan lag dang ldan pa la rgyal ba rnams kyis gzigs pa dang sems can gyi don byed pa'i rol mo de las 'byung ba'i tha tshig go /de kho na gsal bar bstan pa'i phyir/ de nas rgyal po zhes pa la sogs pa ste/ bka' stsal pa dang 'brel to/ /de la sngags kyi skyes bu ni sa bon las gyur pa'i lha rnams so/ /de la rdo rje la sogs pa

  100. 58b

    rnams so/ /de'i ye shes sems dpa' o/ /thabs dang shes rab kyi bdag nyid du sbyor ba yis/ dngos po thams cad ni gzugs la sogs pa'i lha'i rang bzhin du'o/ /de'i rig ma dbang phyug ces pa ni rang gi shes rab ma'o/ /lha mo'i gzugs brnyan la zhes te/ dngos la'o// rdo rje dang pad+ma gnyis sbyor bar bsgom zhing yab kyi dgyes pa yum la stobs pa la sogs pa bya'o/ /dkyil 'khor gyi dang can gyi bud med ji snyed pa lha mor sbrul nas mi dbye bar spyad pa ni de nas zhes pa nas mdza' i bar du rig par bya'o/ /rdo rje gsum po zhes pa rnams kyis ni theg pa che ba'i tshul yang bstan to/ /le'u bcu pa'i don rdzogs so// //da ni sngags kyi dam tshig de kho na nyid/ rig pa'i skyes bur gsungs pa ni de nas zhes pa la sogs pa ste/ de la rdo rje skyes bu zhes pa ni stong pa nyid dang ldan pa'i sku rdo rje la sogs pa'i sa bon las byung bas skyes bu mchog ces te/ de nyid la zhugs te gsungs so zhes pa dang 'brel to/ /de la rdo rje yang yin la sngags kyang yin pas de skad ces bya ste sa bon no/ /de las byung pa ni rig pa'i skyes bu ste de sgrub par bya ba'i le'u 'di gsungs so zhes so/ /de la rdo rje mchog gsum zhes pa/ oM dang AM dang hUM ngo/ /phyag rgya chen po zhes pa sa bon gyi sngags rnams kyis mngon par rtogs pa'i lha bskyed nas bsgom par bya'o/ /de'i ye shes rdo rje zhes pa ni rgyu yis dkyil 'khor gyi lha byin kyis bzlas zin pa dang/ sems can rnams dkyil 'khor nas phyung nas so so'i zhing khams su dgod do/ /de nas sbyor ba'i cho gas lhag sems las 'bru lngar bskyed de/ ho oM aM hUM ho zhes rig ma'i pad+mar/ shes rab dang snying rje'i rang bzhin ho gnyis kyi bar du'o/ ? yi ge gsum zhu bar mthong ste/ de'i 'od kyis ho gnyis kyang zla bar zhu bar mthong nas/ de'i 'od kyi gong bur gyur te/ de las gnyis su med pa'i chos kyi skur bzhugs pa las der ma zhugs par longs spyod pa'i sku ?

  101. 59a

    don mdzod cig par tshad med pa bzhi las byung ba'i spyan ma la sogs pa bzhis dbyangs kyis bzhengs par bskul ba la sogs pa bya'o/ /sku'i rdo rje la sogs pa'i rang bzhin ni thabs dang shes rab kyi bar gyis sa bon gsum ste/ oM la sogs pa'o/ /de la rdo rje kun las skyes shes pa dang po rim pa dang bcas nas mtshams bcing ba'i phyir dbang chen gyi dkyil 'khor pad+ma'i grwa bzhir rtse gsum pa'i rdo rjes mtshan pa la sogs pa bya'o/ /rdo rje brgyan pa de ru yi ge b+h+ruM 'khor lo las byung ba ? de nyid bsgom par bya'o/ /de'i don ni gsum ste dbang chen nas brtsams nas rdo rjer gyur pa dang/ de nas 'khor lor gyur pa dang/ snang mdzad gzhal yas khang du gyur pa'o/ /de ltar de dag gi nang du hUM dkar po las chos kyi 'byung gnas e gru gsum du bsgom/ de'i nad du pad+ma sna tshogs/ /de'i steng du rdo rje rgya tham/ de'i steng du b+h+ruM las 'khor lo'i steng du b+h+ruM/ yang b+h+ruM dang 'khor lo gnyis las snang mdzad kyi skur gyur te yab yum zhu ba las/ gzhal yas khang gru bzhi pa la bsgo bzhi pa mug ti ha ra che chung dang/ dral? dra byed la sogs pas brgyan pa'i nang du lha dgu bcu gdan sna tshogs pad+ma re bsam pa la sogs pa bzhung bzhin du bya'o/ /da ni zla ba la sogs pa'i gang na la yig 'bru gsum bsams nas zla bar bstan pa ni gsal ba'i dkyil 'khor zhes pa rnams te/ de la gsal ba ni zla ba ste padmo dang ldan pa'i chos kyi dkyil 'khor dang rdo rje n+ya gram rnams la ye shes kyi sku las oM la sogs pa rnams rim bzhin spro ste zla bar bya'o/ /'og nas kyang gsal ba'i dkyil 'khor zhes pa rnams kyis zla ba la sogs pa'i gdan gsal bar bstan to/ /gal te snang mdzad dang tshe dpag med dang/ mi bskyod pa rnams rim bzhin du mi phyed pa dang /mi rmugs pa dang/ chos bdag med pa'i phyir na/ de dag gi gdan kha gcig tu dkrugs pa yin no zhes na/ ma yin te/ kun la mtshungs par thal bar

  102. 59b

    'gyur ba'i phyir ro/ /yang gal te dbyar med pa'i phyir mi bskyod pa la sogs pa la oM la sogs pa drugs te bsgom pa yin no zhe na/ de yang ma yin te/ thug pa med par 'gyur pa'i phyir ro/ /de'i gnas b+h+ruM gyis zhes pa rgyu dang po ste g+h+ruM las gyur pa'o/ /thabs shes rab gyis yon gsum ni snying po ste rdo rje sems dpa' yab yum gyi rang bzhin dang ldan pa oM ni zhes pa rnams te/ sku la sogs pa bskyed pa'i sa bon yin pas mnyes par byed pa'o/ /de ni stong pa nyid kyi ye shes kyi cha dang gang ldan pa rdo rje ste/ de las rgyu dang 'bras bu ni sa bon dang sa bon las gyur pa'o/ /rdo rje gsum bsgom pa'i dam tshig sems dpas ye shes sems dpa' yang rdzogs par 'gyur pa'o/ /de dag gi gnas gsungs pa/ dben zhing zhes pa la sogs pa ste/ de la sbyor ba ni thabs kyi ngo bo rdo rje'i sku dang zhes pa ni 'bras bu'i ngo bo'o/ /zla ba byed ni dus kyi mtshan nyid do/ /yang bsgrub pa'i yan lag dang ldan pas gsal bar byed pa'i khyad par gyi las bstan pa'i phyir gsal ba'i dkyil 'khor zhes pa la sogs pa smos te/ de la gsal ba ni zla ba'i dkyil 'khor te de nam mkha' i yang yin la rdo rje yang yin pas de ste? ? dag pa'i gzhal yas khang der zhes so/ /zla ba la rang sngags zhes ba rang gi sa bon kho nas snang mdzad cho ga bzhin du bskyed par byas nas/ de'i snying gar 'khor lo'i dbus su oM cho ga bzhin du bzhag par bya'o/ /de yang snang mdzad bsgom nas she'o/ /nges ni tshe ring ba la sogs pa'i yon tan gsungs pa/ 'dis zhes pa la sogs pa'o/ /da ni gsung gi rdo rje dang 'dra bar bsgrub pa bstan pa'i phyir/ chos kyi dkyil 'khor zhes pa rnams smos te/ de la chos ni pad+ma'i dkyil 'khor te/ de la rang gi sa bon las gyur pa'i mdza' yas ji lta bzhin du bskyed la/ oM dag gi lam mgrin pa'i pad+ma'i dbus su bsam par bya'o/ /'dir 'jig rten dbang mchog ni snang ba mdza' yas te de bsgoms nas shes so/ /yang thugs kyi rdo rje dang 'dra bar bsgrub pa bstan

  103. 60a

    pa'i phyir rdo rje'i dkyil 'khor zhes pa la sogs pa smos te/ de la rdo rje ni rgya gram pa'i dkyil 'khor te/ de la rang gi sa bon kho nas mi bskyod pa cho ga bzhin du bskyed nas/ de'i yang sems snying gar rdo rje'i dbus su hUM ji lta par ? gcas par bya'o/ /de dag gi don ni 'di ste snying rje la sogs pa dang ldan pa chu la sogs pa'i dbang rnams thob pas mi snang gong ma'i rim pas ting nge 'dzin gsum rdzogs par byas te/ grub pa'i mtshan ma thob nas/ du ma'i ngo bo dang bral ba gang bdag nyid kyi phyag rgya dang ldan pa de nyid gcig pu bsgoms nas/ sku la sogs pa gtong pa dang dgag pa'i dbang du byas nas rim gyis spro ba la sogs pa bya bar bstan to/ /da ni dman pa'i bsgrub pas mi snang bsgrub pa bstan pa'i phyir/ ye shes dkyil 'khor zhes pa la sogs pa smos te/ de la ye shes ni bdag nyid stong pa nyid dang ldan pa la sogs pa bsgoms nas de dang 'dra bar yang bsgom par bya'o/ /nam mkha' i snying po'i sku'i phyag rgya ni rdo rje chen po ste/ der gang rgyud ba'i lus kyi gnas rnams la yi ge oM dmigs na rdo rje ye shes ni rnal 'byor pa ste/ de nam mkha' i snying po dang 'dra bar 'gyur ro/ /phyi ma la yang rim pa bzhin du sbyar nas sbyar bar bya'o/ /de dag gi yon tan la sogs pa ni go sla bsam bshad do/ /da ni 'jam dpal sgrub pa yon tan dang bcas par bstan pa'i phyir/ rdo rje'i dkyil 'khor zhes rnams smos te/ de la rang sngags zhes pa rang gi sa bon gyis 'jam dpal cho ga bzhin du bsams nas/ de'i snying gar utpa la'i dbus su yi ge haM ji lta ba bzhin bzhag ste bsgom par bya'o/ /bsam gtan gyi las gzhan bstan pa'i phyir 'od zer zhes pa rnams smos te/ /gong gi cho gas yi ge oM bsgoms na/ rdul phra na rdo rje'i lus zhes pa rnams thob par bstan te/ nges ni gong gi mi snang pa'i don nyid gsal bar byas pa'o/ /da ni mi bskyod pa la sogs pa bsgrub pa bstan pa'i phyir/ nam mkha' i dbyings zhes

  104. 60b

    pa la sogs pa smos te/ de la nam mkha' i dbyings ni nang gi gzhal yas khang brtsegs par ro/ /sangs rgyas dkyil 'khor zhes pa lha bcu dgu'i bdag nyid do/ /de'i dbus su rdo rje sems dpa' cho ga ji lta ba bzhin bsgoms la de'i snying gar gdan la oM bsgom par bya'o/ /des ni ji skad gsungs pa'i yon tan dang ldan par 'gyur te/ phyi ma la yang sbyar bar bya'o/ /yang gsungs pa nam mkha' i zhes pa rnams te/ de la nam mkha' rdo rje zhes pa 'byung ldan ji lta ba bzhin bsgoms la/ de'i snying gar rin po che'i gdan la yang/ oM bsams na 'dir gsungs pa'i yon tan dang ldan par 'gyur ro/ /yang rdo rje chos kyi bsgrub pa bstan pa'i phyir/ nam mkha' i zhes pa smos te/ de la 'jig rten dbang po ni snang ba mdza' yas cho ga bzhin du bsgoms pa'i snying gar yang pad+ma yang oM bsgoms na zhes so/ /gdon min pa'i bsgrub pa bstan pa'i phyir/ yang nam mkha' i zhes pa smos te/ de la utpa la las gyur pa'i thogs med ji lta ba bzhin bsgoms la de'i snying gar yang gong bzhin du oM bsgoms na zhes pa yin no/ /da ni 'jug bsdu pa'i phyir/ rnam snang gi sgrub pa la sku gsung thugs rnams kyi spro ba dus gcig bstan pa'i phyir/ nam mkha' i dbyings zhes pa rnams smos te/ de la rdo rje snang mdzad cho ga ji lta ba bzhin bsgoms la de'i snying gar zla ba la sku rdo rje la sogs pa'i oM bsgoms na/ lus dang ngag dang yid gsum sku'i rdo rje la sogs pa 'dir gsungs pa'i yon tan dang ldan par 'gyur ro/ /'dir oM bsgom pa ni sku'i riD kyi bdag nyid dang ye shes kyi bdag nyid de/ phan tshun du dbyer med pa nyid kyi phyir ro/ /de dag gi gnas bstan pa'i phyir shin tu dben pa'i dgon dang zhes pa'i tshigs bcad gsungs te/ /'og tu yang sngags? so/ /der tsandan dkar dmar dang chu dang sman dang dri rnams kyis byugs te me tog karni ka la sogs pa rnams dgram par bya'o/ /'dir mi bskyod ye shes pa rnams kyis ni mngon shes lnga bsgrub pa'i phyir rang gi ting nge 'dzin las

  105. 61a

    'byung ba'i cho ga rnams bstan pa'o/ /de la 'dir dang la mi bskyod pa ji lta ba bzhin bsgoms nas/ de'i gnas lnga mig dang rna ba dang snying kha dang nu ma gnyis kyi bar dang lte bar rdo rje chen po rtse lnga lnga bsams na lha'i spyan la sogs pa lnga ? 'dra bar 'gyur ro/ /me stag mang po 'khrug pa'i rang sngags shes pa rang rang gi sa bon las gyur pa'i snang mdzad bsgoms la 'khor lo lnga'i sbyor ba zhes pa de'i yang gnas lnga la 'khor lo bsgoms na zhes pa yin no/ /de dag ni mtshon btsam ste gzhan dag kyang bya bar mngon no/ /nang gi gzhal yas brtsegs pa'i rgyu 'khor lo dang/ snang mdzad las gyur pa gnyis bstan pa'i phyir/ rdo rje nam mkha' i zhes pa'i tshigs bcad gcig smos te/ bar ma gnyis la rim bzhin mngon no/ /da ni rang rang gi sa bon la mi g.yo ba'i rang bzhin du bsam pa ni sangs rgyas dkyil 'khor dbus gnas par zhs pa rnams te/ bdag sa bon las snang mdzad du bsgom pa'i snying gar oM ? ltar bsams la/ sngags oM rnam par shes pa mi g.yo bar bsgom pa ni 'gog pa'i rdo rje ste/ gzhan du mi 'phro bar bsgoms na zhes pa yin no/ /phyi ma la yang de bzhin du sbyar bar bya'o/ /de dag gi don ni sku la sogs pa'i phyag rgya chen por bsgom pa'i gnas su oM la sogs pa bsgoms la/ de la thig ler gyur pa'i sems 'gog pa'i rdo rje zhes pas 'jug pa la spyad do zhes bsgom par bya ba yin no/ /da ni snang mdzad du gang gyur pas gong gi zla ba la oM bsams na mos pa'i dbang gis bskal pa gcig la sogs par gnas par 'gyur bar bstan pa'i phyir/ rdo rje nam mkha' i zhes pa la sogs pa ste/ phyi ma la yang sbyar bar bya'o/ /spyi'i yon tan du ma nyid du bstan pa ni sku dang gsung thugs zhes pa la sogs pa ste/ de yang zhes pa ni bdag nyid dang ldan pa'i gzhan dag gis/ shin tu yang 'grub par bstan pa yin no/ /'dir ha cang spros pa ni mi dgos kyis gtang bar bya'o/ /le'u bcug cing pa'i

  106. 61b

    don rdzogs so// //da ni sngags las gyur pa'i bsgrub pa dang/ yan lag bzhi'i thabs la sogs pa'i bstan pa'i phyir/ de nas ston pa rdo rje 'dzin zhes pa la sogs pa ste/ de la bskyed pa'i ye shes zhes pa'i rgyu'i ngo bo dang/ de'i phyir bka' stsal pa zhes so/ /de'i mi rtog ngo bo nyid sngon dang phyi ma'i mdza' spangs pa'i rang bzhin gyis dag pa las 'gro ba sgyu ma bzhin du snang ba'i rol mo bsgom par bya'o/ /de nyid mi snang ba la sogs pa'i gnas ni dgon pa'i zhes pa'i tshigs bcad gcig ste/ yan lag rnams dang ldan par bya'o/ /thog mar lus la sogs pa las sa bon las gyur pa'i 'jam pa'i dbyangs bsgoms nas/ de'i snying gar gdan la muM bsams te spro ba la sogs pa byas nas 'jam dpal dang 'dra zhing thams cad du 'jam dpal nyid snang bar 'gyur la dngos nyid tshangs pa dang brgya byin la sogs pas kyang mthong bar mi nus zhes pa yin no/ /rdo rje mi phyed ces pa la sogs pas/ da ni ril bu la sogs pa'i rdzas la mi snang par bsgrub par bstan to/ /sngags kyis mtshan pa'i rgyu ni bshad gci la sogs pa lnga'o/ /rdo rje gsum gyi mtshan ma lcags gsum gser dang dngul gsum gyis dkris pa oM la sogs pa'i sa bon dang ldan par byas te/ sa bon las gyur pa'i rnal 'byor pas/ bar bcug nas bzlas shing bsgom par bya'o/ /cho ga de khos ril bu de la kun gyi thugs ni gnyis su med pa'i stong pa nyid de/ de der bsgoms na zhes so/ /'khor lo 'od 'phro zhes pas ni de nyid bsgrub par bstan pa ste/ sngon du rang gi sngags sa bon kho nas snang mdzad du bsgoms nas de'i lag par gser la sogs pa'i rdzas las 'khor lo 'od 'phro byas te/ de gtso bo la sogs pa'i dkyil 'khor bzhugs pa'i gnas su bsgoms na 'dir gsungs pa'i yon tan dang ldan par 'gyur ro/ /rdo rje'i sgrub pa la sogs pa bstan pa'i phyir/ rdo rje chen po zhes pa la sogs pa smos te/ de la rdo rje dang/ rin po

  107. 62a

    che dang/ pad+ma dang/ ral gri rnams kyang gong bzhin du sa bon gyis rang gi lhar bsgoms nas/ de'i lag tu zlas las rang rang gi phyag mtshan byas te/ rang rang gtso bor gyur pa'i gnas su bsgoms na so so'i ji skad gsungs pa'i yon tan dang ldan par 'gyur ro/ /oM gyi ril bu tsa? na ka'i 'bru tshad ces pa rnams kyis ni gong du gsungs pa'i ril bu gsal bar bya ba dang/ de rdzogs par bya ba'i phyir/ de'i yi ge 'bru dang tshad dang rang gi lha dang gnas dang yon tan bstan to/ /'khor lo bsgrub pa la sogs pa gong du gsungs pa'i don gsal bar byed pa dang/ de rdzogs par bya ba'i phyir gnas dang rang rang gi gtso bo bsgom pa dang/ de'i lag tu rang gi phyag mtshan bsgom pa dang/ rnal 'byor pa'i mtshan nyid kyis bsgrub pa bstan to/ /de ni mkha' dbyings gsal ba'i zhes pa'i don lngas bstan to/ /gong ma bzhin du gzhan la yang sgrub par gsungs pa ni tri shul kyo ba zhes pa la sogs pa ste/ sku la sogs pa'i rim pas so/ /lam gyi bzhi mdo zhes pa la sogs pas ni dgug pa'i cho ga bstan to/ /de la mtshan ma gcig ni bde ba'i ling ka ste/ de bzhi ni gnas su yan lag dang ldan pas sngags las gyur pa'i skyes bu bsams nas kyo ba dang lcags kyo la sogs pas sku la sogs pa'i rdo rje dgug pa'i phyir/ dgug bya de nyid rlung gi dkyil 'khor la gnas par bsams te/ de nyid sangs rgyas dgug pa sbyor ba'i dam tshig las byung ba zhes so/ /de nyid kyis rnam par snang mdzad 'khor lo'i mchog ces pa la sogs pas rigs gang gtso bor gyur pa'i phyag mtshan bsgoms nas/ de rgyal ba dag gi gnas su bsams na ni/ 'khor lo la sogs pa de dag ni dam tshig ste/ de dgug pa ni lcags kyo kho nas bya ba'o/ /des ni gong du rlung la gnas pa ni 'khor lo la sogs pas kyang dgug par mngon no/ /'gugs byed nyid ji lta zhe na/ rnam pa dang ldan pa'i sku gang yin pa bsgoms la/ de'i lag tu sku gsung thugs kyi

  108. 62b

    rang bzhin kyo ba la sogs pa bsgoms nas rlung la gnas pa'i sgrub bya dgug par byas na zhes so/ /da ni rnam pa'i mchog ces pa la sogs pas ni dbyer med pa'i rnam pa'i phyir/ bza' pa'i sbyor bar gsungs so/ /? rigs gang yin pa de'i rdo rje'i sbyor bas de nyid bsgoms na zhes so/ /gsang ba gsum zhes pa ni hUM gis sbyang ba dang/ aM gis rtogs par bya ba dang/ oM kyis 'bar bar bsgom pa'o/ /sha chen la sogs pa ni go sla ba ste/ med na yang bsam pa ni dogs pa med pa'i sems kyis sha rnams ma rnyed na kha zas kun la de nyid bsgom zhing brtag go phyag rgya bzhi sku nyid la ldan par bstan pa'i phyir/ rdo rje can gyi zhes pa la sogs pa ste/ rnam pa thams cad mchog ldan pa/ /rang lus ngag yid rdo rjer brlabs pa'i/ /snying gar ye shes dam tshig ste/ /rdo rje mchog 'dzin cod pan du'o// de yi lce la hUM las rdo rje bsgom par byas nas/ bdud rtsi lnga dang par byed pa'i tshogs zos na rdo rje gsum thob par 'gyur ro/ /de'i cho ga ni gong gi rdo rje'i 'og tu yaM las rlung gi dkyil 'khor de'i steng du raM las me'i dkyil 'khor/ de'i steng du A(rgyud 'grel): las bskyed pa'i padmo'i snod du brtags te de'i nang gi bdud rtsi lnga la 'bru lngas mtshon par bya'o/ /sha lnga yang de ste/ rdo rje'i 'od dang me 'bar bas/ de kun zhu ba la sogs par bya ba dang/ ro mi bzang pa myong ste/ de'i steng du oM dkar po bkod pa'i 'od kyis rgyal ba'i gzugs rnams de'i nang du thim nas/ 'bru gsum gyi gzugs kyis mngon par du ma bzlas nas bdag dang dkyil 'khor gyi lce la hUM las gyur pa'i rdo rje bsgoms nas/ snying gi zla ba'i dkyil na gnas pa'i 'khor lo chim par bya'o/ /la la dag ni lce'i rdo rje'i hUM gi steng 'og tu oM oM bsams te/ bzlas pas sku la sogs pa'i 'od kyis zas kyi dngos po rnams zhu ste mi dmigs pa kho nar bya'o/ zhes so/ cho ga de'i yon tan gsungs pa/ rdo rje dam tshig la sogs pa'o/ /'khor lo'i dam tshig ces pa la sogs pas ni de nyid

  109. 63a

    kyi rigs 'dzin la sogs pa grub pa'i yon tan bstan to/ /da ni gong du gsungs pa'i mngon par shes pa'i ngo bo dang yon tan rim bzhin bstan pa'i phyir/ gang+gA'i bye snyed sangs rgyas rnams/ zhes pa nas/ bgrod par 'gyur zhes pa'i rang ? gsal bar smos so/ /'dir lus rnam par bzhag pa'i phyir/ yan lag bzhi 'bras bu dang bcas pa gsungs pa/ bsnyen pa'i dam tshig ces pa la sogs pa'o/ /byang chub mchog gi rang bzhin ni/ /rnam pa gsum gyis yang dag bshad/ /gzhi dang thabs dang rang bzhin gsum/ /so so'i bye brag shes par bya'o/ /spyi'i sgom gyi tshigs su bcad pa'o/ /byang chub rdo rje rtogs pa yi/ /thabs ni rnam pa bzhi dag ste/ /rdo rje bye brag bcu drug dbye/ /de nas las rnams brtsam par bya/ /bar gyi sdom gyi tshigs su bcad pa'o/ /thog mar snying rje sems ldan gtong ba la sogs yon tan brgyan pa snod rung dang/ /dpal ldan 'dus pa'i don zhugs cho ga bzhin du dbang bskur snod bcas pas/ /ril sogs pa chu sogs ljon shing mchog gi phreng bas klubs pa'i gnas de ru/ /spro ba'i sgo nas phyag btsal mchod dang bshags dang bsngo ba dang/ /skyabs su 'gro dang sems bskyed sbyor ba dang po dang/ dkyil 'khor don dang las kyi ting 'dzin rnams ni dge ba 'phel don byang chub phyir bya'o/ /don gong 'og tu bstan pas bar skabs kyi tshigs su bcad pa'o/ /sangs rgyas gtso bo'i yum dag la/ /mnyes par byas kyang mi 'chags te/ /'dod pa'i longs spyod thams cad la/ /bsten na myur du 'grub par 'gyur/ /don gong du bstan pas bsdu ba'i tshigs su bcad pa'o/ /de rnams kyi ha cang spros pa ni yi ge mangs su dogs pas ma bris te gzhung bsnyag go /'dir bar gyi sdom bcad pa/ gong ma'i rim pas 'bru gsum zhu nas tshad med pa'i rgyu mthun gyi gzugs kyi lha mo bzhis dbyangs kyis bskul nas/ yi ge 'bru dang phyag mtshan las skur bskyed pa ni chung du'i bsnyen pa/ 'bras bu bzhi las ni rgyu

  110. 63b

    mthun gyi 'bras bu'o/ /'ung nas phung po la sogs pa byin gyis brlab pa'i rnam smin med pa la/ thams cad mkhyen pa mi 'grub pa'i phyir/ rdo rje'i skye mched rim pa 'dis rnam par spyad pa'o/ /mig gnyis la k+ShiM dang 'khor lo las snang mdzad dang 'dra ba'i sa'i snying po bsgom par bya'o/ /de ltar rna ba dang sna dang lce dang sbyi bo dang lte ba la rim bzhin du dzaM dang khaM dang g+hDaM dang kaM dang saM dang rang rang gi phyag mtshan las gyur pa'i phyag na rdo rje dang/ nam mkha' i snying po dang/ dag gi dbang phyug dang/ sgrib pa sel ba dang/ kun tu bzang po dang/ de rnams bsgom mo/ /gzugs la sogs pa'i skye mched drug la rim bzhin du/ dza:hUM baM ho(rgyud 'grel): khaM raM dang/ rang rang gi phyag mtshan las gyur pa'i/ gzugs kyi rdo rje ma la sogs pa bsgom mo/ /phyi nang gi sa'i khams la sogs pa la rim bzhin du laM dang/ maM dang paM dang/ taM dang/ rang rang gi gtso bo'i phyag mtshan las gyur pa'i spyan ma la sogs pa bsgom mo/ /gzugs la sogs pa'i phung po lnga la rim bzhin du b+h+ruM dang oM dang dzaM dang khaM dang hUM dang/ rang rang gi phyag mtshan las gyur pa'i snang mdzad dang/ dkon mchog dpal dang/ tshe dpag med dang/ gdon mi za dang/ mi bskyod par bsgom par bya'o/ /de ni chung du'i nye bar bsgrub pa dang/ rnam smin gyi 'bras bu'o/ /'ung nas sku gsum gyis rnam par dag pa'i don du/ lus ngag yid gsum byin gyis brlab pa'i phyir/ bdag rang gi gnas su hUM dang oM dang oM las rang rang gi phyag mtshan du gyur/ de gnyis las skur bsams te/ sku'i thugs ka'i phyag mtshan dang yig 'bru las lha mo dgu spros nas rang rang gi rigs su gtogs pa la mchod par bsam zhing dbyangs kyis bskul bas/ thim pa dang so so'i sngags brjod pa la sogs pa ni chung du'i sgrub pa skyes bu byed pa'i 'bras bu'o/ /lung nas thugs ka'i zla ba'i steng du ye shes sems dpa' bsgom/ de'i thugs ka'i sa bon gyi 'od kyis rgyal ba rnams

  111. 64a

    bskul nas/ lus la thim nas lha mo bdud rtsi'i bum pa thogs pa mang por spros pas dbang bskur bar bsam/ spyi bo'i dbu brgyan la mi bskyod pa bsgom par bya'o/ /de ltar dbang bskur ba ni chu du'i sgrub pa chen po bral pa'i ? bu'o/ /'bring gi yan lag bzhi ni bdag gtso bo'i skur bskyed tsam na/ yum yang myu gu dang grib ma'i tshul du bskyed pa ni 'bring gi bsnyen pa/ bdag dang 'dra bar yum gyi mig la sogs pa gong bzhin byin gyis brlab pa ni 'bring gi nye ba'i sgrub pa/ de nyid sku gsung thugs su byin gyis brlab pa ni 'bring gi bsgrub pa'o/ /yum de'i thugs kar ye shes sems dpa' bsgom la dbu rgyan la bdag pos dbang bskur pa ni 'bring gi bsgrub pa chen po'o/ /'bras bu bzhi ni gong ma bzhin sbyar ro/ /lha bcu dgu'i gdan dang sku mdog dang phyag mtshan gsal bar bskyed pa ni chen po'i rgyu mthun pa'i 'bras bu dang chen po'o/ /bsnyen pa'o/ /lha rnams re re zhing mig la sogs pa byin gyis brlab pa ni chen po'i rnam smin gyi 'bras bu chen po'i nye ba'i bsgrub pa'o/ /gsol ba gsal? med pa thams cad sku gsung thugs su byin gyis brlab pa ni chen po'i skyes bu byed pa'i 'bras bu dang chen po'i bsgrub pa'o/ /lha bcu dgu'i thugs kar ye shes sems dpa' bsgoms nas/ dbu rgyan la rigs kyi bdag pos dbang bskur ba ni chen po'i bral ba'i 'bras bu dang/ chen po'i sgrub pa chen po'o/ /sbyor ba'i bsnyen bsgrub bzhi ni sgrub bya dang sgrub pa po gnyis kyi pad+ma dang rdo rje'i sbyor ba ni bsnyen pa'o/ /rdo rje dang padmo lhan cig zhugs pa'i de ma thag gang reg pa de ni nye ba'i sgrub pa'o/ /rdo rje dang pad+ma hUM las skyed pa la/ phan ser pos sems byung pa dgag pa'i las khyad par gyi ngo bos bskyod pa de ni bsgrub pa'o/ /de'i de ma thag gnyis su med pa de las bde ba chen po 'byung ba ni bsgrub pa chen po'o/ /'dir dang po'i rim pas dang po'i stong par bsgom pa nas/ o nu rA gas rjes su chags pa mthar thug pa ni

  112. 64b

    sbyor ba dang po'i ting nge 'dzin to/ /dkyil 'khor dbyung ba nas/ bdud rtsi myang ba'i mthar thug pa ni rgyal ba'i mthar thug pa ni rgyal ba'i mchog gi ting nge 'dzin to/ /de'i de ma thag gi thig le'i sbyor ba nas/ bsbus? pas mthar thug pa ni las kyi rkyal ba'i mchog gi ting nge 'dzin to/ /smon lam dang khrus dang dbang bskur dang/ sdom pa bzung ba dang/ nyal ba dang la langs pa dang/ bza' ba'i cho ga dang/ spro bsdu dang dngos grub bsgrub pa la sogs pa ste go sla bas gzhung bsnyeg go /ha cang spros pa bzhag go /thabs shes rab kyi ting nge 'dzin la sbyor bas/ gtso bo'i byang chub sa bon dang ldan par bsgom par bya'o/ /bsnyen pa'i bye brag ni thun mong mchog gi bye brag gis/ bsnyen pa rnam bzhi ru 'gyur zhes te/ thun mong gi bsnyen pa re zhig gcig gsungs pa/ 'og nas yang rdo rje bzhi zhes pa dang/ rdo rje rnam bzhi thun mong ste zhes pa'o/ /thun mong gi bsnyen pa gnyis pa ni yan lag drug tu zhes pa la sogs pa'o/ /mchog gi bsnyen pa gnyis ni mchog ni ye shes bdud rtsi'i zhes pa dang/ sgrub bya sgrub par sbyor ba la 'byung ba zhes pa'i tshig gnyis yin no/ nye bar bsgrub pa ni rigs kyi mchog tu gang gyur pa'i mig la sogs pa'i skye mched rnams rdo rje'i bdag nyid rnam par dbyang pa ste/ byin gyis brlabs pa'i tha tshig go /bdag po bsgom pa yis sgrub pa'i tshe na rgyal ba rnams/ 'od zer dang tshigs bcad kyis bsgrul? ba dang bdag po nyid sku gsung thugs su byin gyis brlab pa'o/ /sgrub pa chen po'i tshen bdag gang gyur pa'i dbu rgyan la sa bon las gyur pa'i bdag po ste/ rdo rje can nyid kyi gzugs bsam par bya'o/ /rnal 'byor pa nyid ye shes rdo rje ste des 'grub par 'gyur ro// sku gsung thugs gsum ka'i ngo bo gsungs pa/ bsnyen pa'i ye shes zhes pa ste/ gtso bo'i sa bon zhu ba'i ngo bo de'i gnas ni dgon pa zhes pa la sogs pa'o/ /yang na zhes pa la sogs pas ni chen po'i bsnyen pa dang de'i 'bras bu bstan pa yin te/ lha gcig

  113. 73a

    gis dgug pa ni sangs rgyas gsung gi zhes pa mdza' yas kyi sbyor ba'o/ /snang mdzad kyi sbyor ba ni 'khor lo chen po'i zhes pas so/ /de gnyis kyi sbyor pa ni rang rang gi phyag mtshan gyi lcags kyos rdo rjes sems dpa' 'gug par 'gyur ba yin no/ /zhes so/ /spyir bstan pa ni cho ga ji lta bas rdo rje gsum bsgoms pas lha rnams 'khor lo dang padmo dang/ rdo rje'i lcags kyo spros te/ bsngags de lha rnams thams cad 'gug par 'gyur ba'i don to/ /rdo rje gsum gyi de ma thag gsungs pa'i ni thams cad ces pa la sogs pa ste/ rdo rje dngos gzhi zhes pa rdo rje sems dpa' rang gi sa bon gyis bskyed pa bsgoms nas/ rlung gi dkyil 'khor la 'gug par bya ba kun sbyar na zhes te gnas par bsam mo/ /lta 'og tu yang sbyar ro/ /de nas bdag gi lus la lcags kyi thogs pa rnams spros te/ dgug bya'i snying gar sbyar nas drangs na 'gug par 'gyur ba yin no/ /zla ba la snang mdzad cho ga ji lta ba bzhin bsgoms nas/ de'i spyan lnga de nas brgya byin gyi btsun mo sha rtsi rlung gi dkyil 'khor la gnas par bsams te/ mi 'chi zhes pa bdud rtsi 'khyil pa grangs med pa lcags kyo 'dzin pa rnam snang nyid kyi ba spu'i bu gnas spros te/ mi 'chi ba'i sngags gong du bstan pa lan grangs lnga bcu brjod ni dgug par 'gyur bsan dgug par bya'o/ /yang rdo rje kyo ba sngon po 'dra ba'i 'od 'dzin pa'i rdo rje dkyil 'khor bsgoms nas spro pa la sogs pa byas nas nam mkha' i bu mo zhes pa bar snang gi bu mo ste/ de dgug pa'i mchog go /rang gi khro bo zhes pa gnod mdzes bsgom pa ste/ rang gi phyogs yin pa nyid kyi phyir/ rlung las 'og na gnas pa dag dgug par bya ba yin te/ 'di ltar rang gi snying ga nas lha rnams tri shu la rtse gcig pa dang rdo rje kyo ba 'dzin pa rnams spros

  114. 73b

    te/ sa 'og na gnas pa'i lha ma yin gyi bu mo rnams dgug par bya ba'i don to/ /rigs gang du gyur ba'i rnal 'byor bas rdo rje kyo ba'i ji lta ba dang ldan par bya'o/ /bcag dang rdo rgyus gang rung khar bcug nas bsnyen pa la sogs pa rdzogs nas dang po zla ba gzas zin ba nas mthar gyi bar du spro ba la sogs ba'i cho ga byas na tshangs pa la sogs pa gang dgug pa'i ming bris nas/ shog cig ces brjod la/ sngags bzlas pa la sogs pa byas na gdon mi za bar 'ong bar 'gyur ro/ /yang thog mar mtshan dpe'i rnam pa dang ldan pa'i 'jam dpal bsgoms nas de'i sbyor ba'i sprin las lcags kyo 'dzin pa'i gshin rje gshed po bskal pa'i sreg pa dang 'dra ba spros nas des gnod sbyin mo'i ming bar du bcug cing/ sngags bzlas pa dang ldan pas bkug la sbyang par bya'o/ /mdor bstan pa ni/ kun gyi zhes pa la sogs pa ste/ de la kun gyi phyag rgya ni gang yin pa'i khyad par ro/ /de so so'i sngags kyi khyad par gyis spro ba la sogs pa dang/ rjes kyi rnam par dgug bya tshul dang de'i gnas la sogs pa dang ldan par bstan pa ni dgug pa'i thabs su gsungs pa yin te/ de las gzhan pa ste sgrub pa po rmongs pa'i phyir/ stobs chung zhing cho ga dang mi ldan bzhin du byas na sbyor ba nyid 'jig par 'gyur bas de'i phyir rdo rje rgyal po bskul bar bya ba ni de bsgom pa sngags bzla ba la sogs pa ste/ des ni gzhan dag kyang bya bar mngon no/ /de ston pa rab tu rtog pa ni 'dir thog ma dang tha ma med pa'i bdag nyid pas thams cad kyang yin mod kyi/ thugs gtso bo nyid kyi phyir dang cha? mos pa'i dbang gis 'dir rdo rje 'dir kho na ston par mngon no/ /nga ni e ka dzA ti ral? pa gcig ma'i sngags dang don bstan pa'i phyir/ de nas zhes pa la sogs pa smos te/ de la kun tu sprul pa'i ye shes zhes pa bya ba grub pa'i mi?

  115. 74a

    shes so/ /rdo rje? ni mi phyed ba'i mtshan nyid do/ /ting nge 'dzin ni de'i don la rtse gcig pa'o/ /de la gdon mi za ba'i tshul gyis zhugs nas phyung ngo zhes so/ /gang zhe na/ dam tshig chen mo zhes pa gzhan gyis ma la sogs pa'o/ /de'i yang rgyal mo ni 'phags ma sgrol ma 'di'o/ /de nyid mchog ni shu la ste de'o/ /sngags kyi rig pa 'dis zhes pa cho ga 'di ste/ gang rdo rje gzhon nu cho ga ji lta bas bsgoms la/ thor tshugs gcig ma rang gi sngags las bskyed pa'i sku dang/ g.yas g.yon gyi zhal ni nag po dkar po dmar po'i rim bzhin sbyar nas bsgoms nas phyag dang po gnyis kyis yab la 'khyud pa'o/ /bar ma gnyis na thod pa dang dgang gzar bsnams pa/ tha ma gnyis na rin po che dang ral gri 'dzin pa dang/ sbyor zhing lcags kyo thogs pa'i lha rnams spros te/ sha chen dang dur khrod kyi thal ba la sogs pa la dgug bya'i gzugs byas la gong ma bzhin rlung la gnas par bsams te/ ming bar du bcug nas bkug nas/ rkang pa g.yon pas mnan te/ gzugs brnyan gyi dpral bar ming bris/ snying gar sngags rdo rgyas kyis bris te/ gzhug la bskul ba dang ldan pa'i sngags bzla ba la sogs pa byas te bkug nas spyad par bya'o/ /de dang 'dra ba'i khro gnyer ma'i sngags dang don bstan pa'i phyir/ de nas bcom ldan 'das shes pa la sogs pa smos te/ de la so sor rtog ba'i rnam pa nam mkha' i dam tshig 'byung ba la 'od dpag med kyi tshul gyis zhugs nas phyung ngo zhes so/ /dam tshig chen mo nyid khro gnyer ma ste de'i sngags 'di zhes so/ /rig pa 'di dang dam tshig ces pa cho ga 'di ste/ gang mdza' yas kyi rnam par gyur pas khro gnyer ma dang sbyor zhing sprul pa gong ma bzhin byas la dgug bya rnams bud med kyi

  116. 74b

    thod pa la rlung la gnas pa'i gzugs kyi snying gar sngags bcug nas/ rdo rgyus kyis bris te bkug nas rkang pas mnan te/ bskul tshig dang ldan pa'i sngags bzlas na/ rgyan cha dang ldan pa rnams 'gug par 'gyur ro/ /rdo rje sems dpa' i ting nge 'dzin kho nas dgug pa ni/ 'gog pa rdo rje zhes pa rnams te/ gnyis su med pa'i rang bzhin du sbyor ba dang ldan pas 'gug par bstan to/ /da ni sngags 'ba' zhig kho na bzlas pas 'grub par bstan pa ni/ yang na zhes pa rnams te/ gang gi skud? bsgoms nas gang de'i sngags bzlas na 'grub par bstan to/ /drag po'i sbyor ba'i bsgrub bya'i khyad par ni rdo rje slob dpon smod pa dang zhes pa rnams so/ /phyogs bcu'i zhes pa la sogs pa ni gsod nus par bstan pa ste/ brjod par bya ba'i dngos po rnams rnam par thar pa'i sgo gsum dang ldan par bya ba'o/ /rang gi gnas su bsnyen pa la sogs pa byas nas khro bo'i dkyil 'khor du gang gyur pas/ khrag dang chu dang bshad gcis gsher ba'i gos nas/ gang yin pa'i ling ga rkang pas mnan te/ khro bo'i ngang can gyis de'i sngags rtsa brgyad bzlas na nges par 'jig par 'gyur ro/ /phyi ma la yang de ltar sbyor ro/ /de dag gi gnas ni ma mo'i gnas zhes pa la sogs pa'o/ /da ni phur bu'i chog bstan pa'i phyir ma'i zhes pa la sogs pa smos te/ gshin rje gshed la sogs par gang gyur pas/ dur khrod kyi sol ba dang/ thal ba dang/ khre dang cu rtse'i phub? ma dang/ rang gi rkang rjes kyi rdul dang/ chu 'gram gnyis kyis la dri chen dang dri chus sprus te/ gzugs brnyan byas la/ de'i snying gar dur khrod kyi ras mea la khro bo'i rdo rje rnon po bris te/ de'i bum pa na sngags kyi bar du bcug pa'i bsgrub bya'i ming dug dang/ yungs mar dang/ tsha ba'i mar rnams kyis bris pa bcug ste/ bkug nas bdug pa la rgyu rus pa las byas pa tshad sor brgyad

  117. 75a

    pa la rang gi khro bo'i sngags rtsa brgyad du bzlas shing ling+ga gra'i sgo gar khyer te gdab par bya/ de nas de nyid kho nar sba bar bya'o/ /de nyid ni rdo rje rgya gram gyis kyang mnan par bya'o/ /shes dang mi shes sbangs? pa sangs rgyas bcom ldan 'das so/ /de yang zhes so/ /da ni bskrad pa'i las bstan pa'i phyir/ yang na zhes pa la sogs pa smos te/ de'i cho ga ni ya mAn+ta ka la sogs par gang gyur pas/ thod pa yon tan dang ldan pa la sngags kyi bar du bsgrub bya'i ming bcug nas/ rdo rgyus dang/ sol ba dang/ ldong ngos dang/ ba blas bris te bkug nas gang ldan pas sngags rtsa brgyad bzlas shing/ dgra'i sgo 'am grong du gzhag na bskrod par 'gyur ro/ /las gzhan gsungs pa ta la'i zhes pa rnams te/ ta la'i lo ma 'am gzhan gro ga'am/ ras sam shing shun nam/ shog shog la bsgrub bya'i gzugs bris te/ ming rus bar du bcug pa'i sngags bskul tshig dang ldan pa bris la bzlas pa la sogs pa bya zhing/ de nyid dgra'i khyim mam sgor sbas na/ 'chi'am 'on te bskams par 'gyur bas/ de ltar bya zhes pa'i don to/ /da ni rigs kyi bye brag tshul gyis ni/ /rdo rje phur bus gdab par bya/ zhes pas sku la sogs pa'i phur bus mngon spyod kyi las kyi sku gsung thugs kyi lha 'jig rten las 'das pa la gdab pa bstan pa'i phyir/ de nas zhes pa la sogs pa smos te/ de la sku la sogs pa nges par 'ching ba ni nges par gcig tu dbyer med pa ste/ de la rdo rje 'dzin pa'i tshul gyis zhugs nas thams? cad? gnon pa rdo rje khro bo rnams te/ de'i rdo rje phur bu'i sngags 'di phyung ngo zhes so/ /'di'i cho ga ni gang du gang gyur pas cho ga bzhin du gzugs brnyan byas te/ de'i snying gar ming rus sngags kyi bar du bcug pa bcug ste mi'i rus pa'am/ ser ldeng

  118. 75b

    dam/ lcags las byas pa'i phur bu smad gsol shing stong dgra bgegs lta bu'i gzuD bsams nas/ gang ldan pas oM g+ha g+ha g+hA ta ya zhes pa'i sngags bzlas shing gdab par bya'o/ /gdab pa'i tshul ni 'od 'phro 'khrug cing zhes pa la sogs pa ste/ thabs dang shes rab tu ldan pa'i rdo rje sems dpa' i rigs dang 'brel pa'i stobs po che'i phur bu bzhag la/ des thugs kyi rdo rje la chog ji lta ba bzhin gdab par bya'o/ /da ni snang mdzad kyi rigs dang 'brel ba'i gshin rje gshed kyi phur bus de'i sku'i rdo rje la cho ga ji lta ba bzhin gdab par bstan pa'i phyir/ rnam par snang mdzad ces pa'i tshig snas? so/ /yang na 'dod chags zhes pa ni cho ga ji lta bas rta mgrin gyi phur bus rang gi gsung gi rdo rje la gdab par bya'o/ /gshin rje gshed ces pa gong gi snang mdzad kyi rigs dang 'brel pa nyid de/ des ni tshe dpag med dang 'brel pa'i rta mgrin kyang bsams na zhes bya bar shugs kyis mngon no/ /yang 'dir bdud rtsi 'khyil pa yis shes pa/ sku'i rdo rje la sogs pa gong du gsungs pa rnams la bdud rtsi nyid kyi phur bus cho ga ji lta ba bzhin du gdab par bstan pa yin no/ /de ni las thams cad pa'i bdag nyid yin pa nyid kyi phyir ro/ /de la bdag nyid chen po zhes pa/ thams cad bdag nyid gang yin pa'o/ /gdab pa'i tshul ni cho ga ji lta bas de'i gnas snying ga nas rkang pa'i mthar rdo rje phur bus gdab par bya'o/ /de ni gong duAng sbyar bar bya'o zhes so/ /'dir gong 'og gi 'ang? zhes pa dang/ kyang zhes pa'i sgra ni gdon mi za ba'i tshig ste/ gong ma'i rim pas gdug cing khro ba la sogs pa'i bsgrub bya'i ming 'og nas 'byung ba'i sngags kyi bar du bcug ste/ gzugs brnyan byas la gang yin pa bkug nas/ gshin rje gshed la sogs par gang gyur pas de'i phur bus ji lta ba bzhin gdab par

  119. 76a

    bya'o/ /zhes pa'i don to/ /da ni cho ga de dag gi gdab pa'i sngags bstan pa'i phyir de nas zhes pa la sogs pa smos te/ de la sku'i rnam par sprul pa zhes pa/ me long dang ldan pa'i rang gi las so/ /de mi phyed pa'i phyir rdo rje'i ting nge 'dzin la snang mdzad nyid kyi tshul gyis zhugs nas byung ngo zhes 'brel to/ /de ltar gsung dang thugs kyi dam tshig la yang ji lta ba bzhin sbyar bar bya'o/ /de dag gi dam tshig gi gnod pa ni ting nge 'dzin gang dang ldan pas/ sngags 'di drag tu bzlas pa tsam gyis shes so/ /de dag gi cho ga ni rang rang gi phyag mtshan dang ldan pas bya ba ste sngon du byas so/ /de'i sngar ba dang 'chi ba ni bsam pa'i dbang ngo myos pa ni ma rig pa'o/ /e ma'o zhes pa la sogs pa ni/ de dag gi don la gtso bo nyid dgyes nas/ dam tshig don gyis 'di skad gsungs so zhes so/ /e ma'o zhes pa'i tshig bzhi ni sku la sogs pa'i gnas dang/ rgyal ba'i sa bon dang/ rig ma'i pad+ma la gsal ba'i ngo bo dang/ de'i sprul pa'i cho ga la sogs pa rnams bstan te/ gsang bas gsal bar ma bshad do// //le'u bcu bzhi pa'i don rdzogs so// //da ni sku gsung thugs kyi bsgrub pa gsungs pa/ de nas zhes pa la sogs pa ste/ dang phor gsang ba'i dbyings su rnam par snang mdzad du bsgoms nas/ rigs ngan pa mi dbye ste/ sme sha la sogs pa byin gyis brlab par byas te/ sbyor ba'i chogs bsgrub pa bya ba yin no/ /de yang gsang ba la dkyil 'khor rnams bkod de/ bsgom par bya'o/ /rdo rje sems dpa' bsgrub pa ni rdo rje zhes pa rnams ste/ rdo rje sems dpar gang gyur pas btso blag mkhan la sogs pa'i gzugs byin gyis brlabs nas bsgrub par bya ba yin na/ sbyor ba'i cho ga la gnas nas gsang ba'i

  120. 76b

    don la 'jug par bya'o/ /de nas rdo rje chos kyis bsgrub pa ni rdo rje chos zhes pa'i tshig rnams te/ snang ba mdza' yas su gang gyur par byas pas/ gsang ba dbyings kyi dbus dag tu gar mkhen? bu mo la byin gyis brlab pa byas te/ gsang ba'i chos gos bsgrub par bya ba la/ shin tu sbyor ba ldan pa yin no/ /gzhan yang des bsgrub pa ste/ bram ze zhes pa'i tshig gis mngon no/ /de dag gi yon tan ni skabs su gsungs pa rnams te/ go sla bas so/ /bsgrub pa'i dus ni skya reng zhes pa la bya ste/ 'di'i don ni 'di skad du gang bsgrub pa'i rnal 'byor pas/ rang gi gzugs kyi rgyan gyis brgyan la bsgrub pa'i dus su gsang ba la dkyil 'khor bsgoms te/ spro ba dang bsdu bas sbyor bas/ dbugs zhi bar bya ba gang yin pa gsang ba'i don no zhes bstan par 'gyur ro/ /dbang po gnyis ni zhes pa gong gi sgrub pa nyid sbyor ba ste/ de'i cho ga zhes pa nyid kyis sku la sogs pa'i sbyor ba gang rnams bsam par bya'o/ /de dag gi dus su bshad gci la sogs pa bza' bar bya ba kho na ste des dngos grub tu 'gyur ro/ /'dod dang thar pa'i zhes grags pa ni ston pa'i mtshon gyi khyad par te/ lta 'og tu yang snyegs so/ /ya mAn ta ka'i sngags dang chogs dgug pa ni/ de naS zhes pa la sogs pa ste/ bskyed pa 'am rdzogs pa la gnas pas dkyil 'khor gru gsum du/ khros pa'i dkyil 'khor rnams bsgoms te/ de la mchod pa dang dug la sogs pa bsregs par bya'o/ /bu mo la sogs pa gang dgug pa'i gzugs brnyan byas te/ ming rus snying gar blan te nyi gur la sogs par bkug nas/ sngags kyi bar du yang ming bcug nas stong bzlas te bsreg par bya'o/ /de'i yon tan dang skyon gsungs pa/ bskal pa zhes pa rnams so/ /yang na dur khrod zhes pa rnams te/

  121. 77a

    bsgrub pa'i dus su sol ba la ming rus bcas te/ ma mo'i gnas la sogs par bdag la mi bstan par smra ba rnams cho ga bzhin du bsgrubs na 'dul bar 'gyur ro zhes te/ 'di dag la sogs pa'i cho gzhib tu ni ma bshad de/ bla ma'i gdamS ngag las shes par bya'o/ /sngags zhes pa yis zhes pa rnams ni rnal 'byor pa phyag na rdo rje bsgom pas/ dgra bgegs gang yang rung ba'i gzugs bris te dgug pa byas la/ lag tu thob thogs te brdung pas shi bar bsgoms na de nyid gdon mi za'o/ /hUM zhes pa'i rnams phyag na rdo rje bskyed pa'i cho ga'o/ /bsad pa'i cho ga gzhan gsungs pa/ rdo rgyus shes pa'i rnams te/ bdag bdud rtsi 'khyil pa la sogs par bsgoms nas/ rdo rgyus la sogs pas skyes pa bud med gang yin pa'i gzugs bris te/ rang gi lag tu sta re thogs nas ling ga gtubs te/ ming pa bcad par bsgoms nas 'grub par gsungs pa'o/ /yang nam nan pa'i las kyis bsad pa gsungs pa/ las kyi zhes pa la sogs pa ste/ de'i don ni gong gi bsad pa'i las byas pa ste/ de? nga? gru gsum pa brkos te nang du gan rkyal du bcug la/ ri rab dang gling bzhis mnan te dbus su don yod grub pa bsgoms te/ sa la gnod mdzes kyi bro brdung bar bya zhes bstan pa yin no/ /yang gzhan gsungs pa dkyil 'khor zhes pa ste/ rlung la sogs pa'i cho ga ni bdag stobs po che'i phyag rgya bcas te/ de'i cho gas bsgrub na sangs rgyas kyang gdon mi zan zhes so/ /phaT zhes pa gsung ba'i don gsungs pa ste/ thabs dang shes rab gnyis su med par sbyor ba yis phaT kyis gsang ba'i pad+ma kha phye la sbyor pa'i cho gas gsang ba'i dbyings su snang mdzad la lha mo bzhis bskor ba bsgom par bya'o/ /mi bskyod pa'i

  122. 77b

    skur bsgoms nas yum gyi pad+ma rgyas par byas nas gsang ba la sbyor ba'i cho gas hUM bsgoms te/ sku la sogs pa phab na yon tan thams cad bskyed ba'o/ /da ni thun mong gi bsgrub pa bstan pa'i phyir/ bzhin bzang zhes pa la sogs pa smos te/ gnas yid dang mthun par bskyod pa 'am rdzogs pas rang nyid lha'i rnal 'byor du byas te/ gzugs byin gyis brlabs nas gsang ba la sogs pa sha lnga dang sbyar te sbyor ba'i chog ji lta bas de lcags gsum gyis dkris te bsgrubs na mi snang pa 'grub pa kho na ste/ lcags gsum ni gser dang dngul dang zangs so/ /gzhan dag ni go sla bsam bshad do/ /sku la sogs pa'i rim gyis pa pa ni de nas zhes pa la sogs pa'o/ /e ma'o zhes pa bzhi ni ngo mtshar ba ste/ dang po ni spyi yin la/ gsum ni sku dang gsung dang thugs kyi dbang ngo/ /las gang byed pa la rang gi rigs bsgom pa ni sangs rgyas zhes pa rnams te rang rang gi rim par bya ba yin no/ de dag gi 'jug bsdu ba ni bsam gtan zhes pa rnams te/ gong don nyid kyis shin tu sbyor ba'i ting nge 'dzin la dmigs pa'o/ /bsam gtan gyi cho ga yang gsungs pa/ de nas ston pa zhes pa la sogs pa'o/ /de la sngags bzlas zhes pa rdo rje bzlas pa dang bzhi ste/ gang bsgom pas bzlas pa'i sbyor ba la 'jug pa yin no/ /dbab pa'i cho ga gsungs pa dbab pa'i zhes pa la sogs pa ste/ tshangs pa dang brgya byin la sogs pa bskul ba dang/ bu mo dang khye'u mchan dang ldan pa dbab pa ste/ dbab pa'i cho ga dang sngags 'og mas bskul ba yin la/ rgyas par bla ma las shes par bya'o/ /phebs pa'i yon tan ni 'gul ba dang ni zhes rgyas par smos so/ /bsad pa'i las kyi rgyal ba mchog gzhan gsungs ba/ de nas zhes pa la sogs pa ste/ rtse gcig mar gyur zhes pa

  123. 78a

    ni dam pa'i don la rtse gcig par ma gyur pa'i gegs gsal pa'i phyir yang bsgral bar bya na gzhan lta ci smos pa'o/ /gdon mi za ba'i bkas bsgom pa ni thams cad la zhes par bya'o/ /dgra'i gzugs brnyan byas/? nas ni zhes pa rang lha'i nga rgyal du byas te/ dur khrod rnams su dgra bgegs kyi gzugs brnyan byas te de la dgug cing bstim pa byas nas/ skra bshig gcer bur byung nas bsad pa'i las byas te/ nam phyed na dur khrod du song la drag? po'i me sbar te/ khro bo gang yin ba'i sngags bzlas te bar du ming btsug la sbyin sreg gi cho ga byas na 'grub par 'gyur ro/ /de la gzhan yang gsungs pa/ dkyil 'khor zhes pa rnams te/ bka' stsal to zhes pa'i bar du bsad pa'i las te/ ma mo'i gnas la sogs par rang gi lha gang yin pas khre dang cu tshe la sogs pa la dgra'i gzugs byas te ming rus snying gar glan te/ gang dgug pa'i cho ga byas la/ gtub pa dang gdab pa dang bsreg pa dang gnan pa dang dbang nyams par bya ba la sogs pa gang yin pa'i cho ga ste/ ting 'dzin gtsor smos pas phyag mtshan la sogs pa gang gis bya ba bzhin 'grub pa ste/ cho ga ni bla ma'i man ngag las shes par bya'o/ /de la las phran tshegs kyi cho ga bstan pa'i phyir/ de nas zhes pa la sogs pa smos te/ gang klus zin pa rnams rang gi lhar bsgoms pas sprul nag po chen po'i gzugs dur khrod kyi ras ma la rdo rgyus kyis bris te bsams la de'i lce stengs su khaM bsamS te/ de'i yang dbus na 'dug par bsams te/ khams las me byung nas 'ong du zhu na klu 'gul bar gdon mi za'o/ /yang na rang gi khong du haM bsams te de las me byung nas dug bzhu nas/ nus pa bdud rtsir gyur pa la zos na klu

  124. 78b

    'byin te/ /dug klus khyer bar bsams na yang 'grub bo/ /haM gi me la sogs pa de dag ni glu dug dang sbyang ba la sogs pa 'byin par byed pa'o/ /nad zhi bar bya ba'i thabs gsungs pa/ 'bras dang po la mig zhes pa la sogs pa ste/ pad+ma dkar po 'dab brgyad pa'i steng du/ oM A:hUM gang rung ba bsams te/ de zla ba bzhin du dri ma med pa 'od zer lnga ldan pa las spro bsdu'i sgo nas ye shes bdud rtsi chu rgyun rnams byung ste/ khong du 'thungs pas nad rnams sel te byang bar bsams de bzhin du 'gyur ro/ /gdon gyis zin pa yin na de'i steng du dgug pa'i sbyor ba bya ste/ spre'u 'am nya khyi ba dang khyi gu la sogs pa byung nas 'dug pa de blags par bya'o/ /chos thams cad rmi lam dang mtshungs shing ngo bo nyid du gnas pa ni/ de nas zhes pa nas le'u rdzogs kyi bar du ste/ snang ba thams cad 'khrul ba yin la/ de'i rang bzhin chos kyi dbyings pas/ de sgrub pa'i ye shes bskyed pa gang yin pa'o/ /ngo bo nyid kyi sku ni chos dang chos can ma yin pa nam mkha' dang 'dra ba nyid de/ de'i phyir de skad ces bya'o/ /de nam mkha' la nam mkha' bsgoms par bya'o/ /le'u bco lnga pa'i don rdzogs so// /di? ne? le'u bcu drug pa gzugs brnyan sku dang gsung gi dkyil 'khor bstan pa'i phyir de nas zhes pa la sogs pa smos te/ de la sku'i dkyil 'khor gsungs pa/ khru ni zhes pa rnams te/ re zhig tshad mchog tu gsungs pa yin la/ spyir med pa kho na ste/ 'di'i dbus rnam par snang mdzad cho ga ji lta bas bri bar bya ba yin no/ / rdo rje mchog ces pa/ dkyil 'khor gyi lha rdzogs pa'o/ /khro ba rnams sgo nyid du ste/ lha'i rnal 'byor du byas nas/ thun mong ma yin pa'i mchod pa rnam lnga dang/ bdud rtsi dang/ byang chub sems kyi mchod pa dang nang gi mchod pa rnams dbul

  125. 79a

    bar bya'o/ /yang gsung gi dkyil 'khor gsungs pa/ de nas zhes pa rnams te/ sku dang gsung gi khyad par ni gtso bor gang gyur pa nyid kyis so/ /dkyil 'khor khru ni zhes pa rnams te/ de'i dbus su rdo rje chos bsgom par bya'o/ /'dir yang dkyil 'khor rdzogs par bsgoms te/ mchod pa la sogs pa gong ma bzhin bya'o/ /'og nas rdo rje 'dzin pa zhes pa'i tshigs bcad gcig gsungs pa ni/ glang yang rung ba'i dkyil 'khor te/ de bsgrub par bya ba'i don to/ /bsgrub pa ni lhar gyur pas de'i gsang ba la 'jug pa yin no/ /gong gi dkyil 'khor de dag gi thig dang tshon la sogs pa'i rim pa ni de nas zhes pa la sogs pa'o/ /oM A(rgyud 'grel): hUM zhes pas byin gyis brlab bya ste/ bdag nyid bdag po'i phyag rgyar bsgoms te/ thig tshon la 'od zer gyis lcags kyos drangs pa'i dkyil 'khor rnams thims nas/ ye shes su gyur par bya ba yin no/ /thig gi cho ga la sogs pa bsgrub pa la/ brtson par bya ba kho na yin no/ /sngags kyi sems pas mi bya ba ni gang gsang ba la 'jug pas/ dkyil 'khor gyi rim pa spang bar bya ba yin no/ /rnam par brtag ces pa dang/ dbab par bya zhes pa rnams ni byin gyis brlab pa ste/ ye shes lnga yis rang bzhin thig tshon la yig 'bru bsams la/ de'i 'od zer gyis sku la sogs pa gang yin pa bkug ste thim pa ni byin gyis brlab pa'o/ /de la tsan dan zhes pa/ rak+ta la sogs pa'i khu ba ni sa bon te byug par bya ba yin na/ snang mdzad bsgoms nas zhes pa/ bdag nyid bdag po'i phyag rgyar bsgoms nas/ slob ma las kyi rdo rje ste de la byin gyis brlab pa byas te gtad par bya'o/ /tshon rtsi ni brlab pa byas te/ yang na nyi shu rtsa lngar phye la dgod pa'i

  126. 79b

    rim pa la 'jug par bya'o/ /sbyin sreg bya zhes pa/ phyi nang gsang ba gsum ste/ gang bya ba las bzhi dbyibs dang/ kha dog la sogs pa ma 'dres pa byas te/ dang por sngon du btang ba'i cho ga rdzogs par bya ste/ las rlung yas kyis me bus? la/ sku gsung thugs kyi yi ges sbyangs te/ bud shing? dam chig gi me lhar bskyed nas/ zhal du gyur pa'i ye shes kyi me lha spyan drangs te/ las bzhi'i mchod par rab tu sbyin pa'o/ /de'i gdamS ngag ni bla ma las shes par bya'o/ /da ni dbang bskur? ba'i cho ga gsungs pa/ de la 'di ni zhes pa rnams te/ sangs rgyas kun gyi zhes pa/ rten gsang ba'i dbus su bskyed pa'i rim pas/ dkyil 'khor gsal bar byas nas/ sil snyan spros sprin rnams ni mchod ba ste/ ye shes kyi dkyil 'khor la phul nas gnyis su med par byas te/ dbang bskur bar bya'o/ /bum pa zhes pa dang por bum pa'i dbang ste/ khrus dag par byas la snang mdzad du gnas par byas pa ni rdo rje snang mdzad ces te/ de la ye shes chu yis gang pa'i bum pa dang/ sogs kyi sgras dbu rgyan la sogs pas dbang bskur bas/ mi bskyod pa dang 'byung ldan la sogs par gyur pa la mchod pa rdzogs par byas te don byed par bya'o/ /gsol ba gdab pa'i tshig ni sangs rgyas byang chub rdo rje la zhes pa rnams te/ sgo gsal bas ma bris so/ /gsang ba'i dbang gsungs pa/ sngags kyis bskul ba zhes pa rnams te/ khu bas zhes pa byang chub kyi sems te/ bshad ba la sogs pa'i sa bon cho ga ji lta bas phab ste/ slob ma snang mdzad bsgoms nas btung bar bya'o/ /de'i dus su sha lnga yang bzang ba kho na ste/ des 'grub par gsungs so/ /dngos grub ni mchog thun mong nyid 'grub pa ste/ gang la bya ba nyid de lta yin no/ /da ni shes rab kyi don gsungs pa/ rnam pa 'di gzhi?

  127. 80a

    zhes pa rnams te/ slob ma nyid sangs rgyas gzugs su byas te/ rig ma byin gyis brlabs naS rdo rje can la btad de/ gsang ba'i don smras la/ gnyis su med par bya'o/ /bzhi ba'i don ni bla ma'i gdamS ngag las shes par bya'o/ /lta ba dang spyod par ldan pas gsang ba 'jug pa ni/ glang po'i sha zhes pa la sogs pa'o/ /'grub pa nyid gang zhe na/ mi snang zhes rgyas par smos so/ /bsgrub pa'i rdzas ni/ bshang gci la sogs pa'o/ /h+rI: ni de? sbyang ba'i cho ga ji lta bas so/ /A khaM thA zhes pa ni sku gsung thugs su gang gyur pas gsang ba'i pad+ma la rim pa dang rim pa ma yin pas gsang ba bzhag pa yin no/ /gsang ba nyid sku'i rdo rje la sogs pa la yang gzhag pa kho na ste/ sdud pa dang gtong ba'i dbang gis zhi bar bya ba nyid yin no/ /rang rigs kyi lhar gang gyur pas bskul ba ni nyi ma'i dkyil 'khor dbus gnas par zhes pa rnams te/ snying po dang 'od zer gyi lcags kyos khams gsum? dang srid gsum gang yin pa dgug pa'o/ /de bsgrub pa'i gsang ba'i gnas kyang nyams dga' i zhes pa ste/ shes pa 'grub pa'i dus gsungs so/ /ri rab ces pa yon tan te/ brjod kyis mi lang ba'i 'khor rnams dang? lhan? cig par skye ba 'grub po/ /mdag gzhug pas zhes pa bskul ba ste/ 'od zer gyi lha mos gang dgug pa kho na ste/ rang gi sku nyid kyis ni ma yin no/ /dam tshig bskul ba la sogs pa bzhi ni rim pa bzhin du gnas pa yin te/ rigs kyi dkyil 'khor gang yin pa bsgoms te/ 'od zer gyi dkyil 'khor bskul ba dang/ ye shes de gsang ba'i gnas su 'phen pa dang/ de'i sgra dang/ gsang ba la dmigs pa'o/ /de'i tshe sku la sogs pa'i 'od

  128. 80b

    zer gyis 'jig rten du don byas te bsdu ba'i rim pas/ gong bu la thim ste de nyid smad du byung ba'i gzugs so/ /dgug cing dbang du bya ba ni sangs rgyas rdo rje sems dpa' la sogs pa ste/ rdo rje sems dpa' 'am/ stobs po che'i skur bsgoms la dbu rgyan la sogs pa'i don dang ldan par byas te/ dang por skrag par byas te dgug pa'i cho ga gang yin pas so/ /sangs rgyas mchog ces pa ni rang gi lhar gang byas pas gnas rnams su/ sku gsung thugs kyi yi ge bkod nas/ de'i spro bsku'i? sbyor bas sku'i rdo rje la sogs pa bsgrub pa ste/ gang yin pa'i cho ga 'grub pa kho na'o/ /kha zas kyi ting nge 'dzin ni bkres skom zhes pa rnams te/ lha'i gzugs su gang sbyor bas kha zas bdud rtsir gang gyur pa/ oM la sogs pa kha dang lce dang mgul la bsams te/ bza' ba'i sbyor bas zos na rdo rje gsum dag 'thob par 'gyur ro/ /btsun mo dam pa'i mchog dgug pa ni de nas zhes pa la sogs pa'o/ /de la sangs rgyas dkyil 'khor nyid rdo rje 'dzin pa ste/ nam mkha' i dbus su gzhal yas khang brtsegs pa la bsgom par bya'o/ /des gang dgug pa rgyan rnams rdzogs shing ser la 'gying bag tu 'dug pa ral gri'i dbu rgyan can dgug pa'i cho gas so/ /bkug la brtsam par bya ba ni spyad par bya pa'i tha tshig bo/ /tsun dan dgug pa gsungs pa de nas zhes pa rnams te/ gdan nyi ma'i gzhal yas khang brtsegs pa la bsams te/ der sangs rgyas kyi dkyil 'khor bsgoms te/ dgug pa'i cho gas bud med rgyan dang ldan pa kha dog dkar mo bsam par byas te gsang ba la 'jug go /yang nor lha bsgrub pa gsungs pa/ de nas dze zhes pa ste/ sangs rgyas nam mkha' i dbyings su bsam pa gong ma bzhin byas la gzugs brnyan la dgug pa byas te/ mdun du dmigs te/

  129. 81a

    gnod sbyin gyi gzugs 'dzin pa ral pa'i dbu rgyan can brgyan thams cad rdzogs pa de sangs rgyas lnga dag du bsgom par bya'o/ /dbu la rtag pa byas te mchod pa rdzogs par byas nas ci 'dod pa nod par? bya'o// 'on kyang mnyes shing 'grub par gsungs so/ /de'i gnod sbyin mo bsgrub pa ni de nas zhes pa rnams te/ gnang pa'i gnas su dkyil 'khor bsgoms nas/ gang bsgrub pa de gong ma'i chogs so/ /rgyas par ma bshad de pad+ma ma'i rin pa las shes par bya'o/ /gzhan yang dngos grub phra mo gsungs pa/ de nas shes pa ste/ gzhal yas khang brtsegs pa la snang mdzad kyi dkyil 'khor bsgoms te/ mi snang ba bsgrub na gser 'od dang 'dra ba'am 'jam dpa' 'od dang 'dra bar 'gyur ro/ zhes so/ /bsgrub pa thams cad ni sngon du btang ba rdzogs nas rdzas dang ri mo dang gzugs brnyan la brten te gang bsgrub pa'i chogs brtag pa byas na/ 'grub pa la gdon mi za ba kho na yin no/ /da ni rig pa brtul zhugs kyi dbang bstan pa'i phyir/ de nas zhes pa la sogs pa smos te/ de la gong ma'i rim pas sangs rgyas gnas khang dang dkyil 'khor gsal bar byas te/ dbang gis rim pas bsgrubs la/ 'dir thor tsugs zhes pa/ gzungs kyi dbu rgyan la sogs pa ste/ lo grangs la sogs pa'i mtshan dang ldan pa de rgyan gyis brgyan la/ de la rig pa'i brtul zhugs bya ba ste gsal bar ni ma bris so/ /de'i gsang ba'i rol pa'i bya ba dang/ sngags kyi rgyud ces te dam tshig la sogs pa bsgrags pa'o/ de gang la zhe na/ btsun mo dag la ste/ rig ma bstan nas dbang nod pa gang yin pa'o/ /de'i dus su don rig pas brtul zhugs byed pa ni rig pa'i brtul zhugs zhes te/ bshad gci dang

  130. 81b

    bza' ba'i sbyor ba rnams dang/ nor rnams rku ba la sogs pa bya ba kho na yin te/ la la dag dgongs pas bshad par bya'o// //le'u bcu drug pa'i don rdzogs so// /de ltar bdag dbang gsum dang ldan pa'i sgo nas/ gzhan gyi don du bzhi pa dang bcu drug pa'i ri mo'i dkyil 'khor la brten nas/ 'jig rten dang 'jig rten las 'das pa'i don mthar phyin par bya ba dang/ bskul ba'i bdag nyid dang/ gdams pa gnang ba la sogs pa gsungs pa de nas shes pa la sogs pa ste/ de la mi bskyod ces pa lnga ni dkyil 'khor gyi bdag po la 'khor gyis rigs lnga ye shes lnga'i sgo nas bstong pa'o/ /bstod pa'i gsung nyid kyang sgra mthar stong ste/ de'i don gsungs pa/ de nas zhes pa dang/ e ma'o zhes pa'i tshig bzhi'o/ /dam tshig bzhi bsrung ba ni/ de nas zhes pa rnams te rang lha nye bar gyur pas dam tshig bzhi bsrung ba ni/ sha chen la sogs pa ste/ sha chen gyi dam tshig dang bshad gci'i dam tshig dang/ khrag dang khu ba'i dam tshig dang/ sku gsung thugs kyi dam tshig ste/ sku gsung thugs su gang sbyor bas gong gi sbyor ba kun spyad par bya ba yin no/ /gzhan rang sangs rgyas kyi dam tshig ni de nas zhes pa dang/ rang sangs rgyas kyi dam tshig ces pa ste/ de dag lus kyis ston pa ni gsung la mi rten pa ste/ rang gi lus kyi rdzu 'phrul dang/ spyod pa'i khyad par dang// sku'i dam tshig la gnas pas mthar phyin par bya'o/ /nyan thos kyi dam tshig ni de nas shes pa dang/ dge ba bcu zhes pa ste/ de yang 'dir dgag pa ste/ mos pa chung du'i dam tshig mthar phyin pa'o/ /'jig rten pa'i dam tshig gsungs pa/ de nas zhes pa la sogs pa ste/ dam tshig 'di dag ni rang rang gi spyod pa'i khyad par te/ rnal 'byor pa rnams kyis gang bsgrub pa na/ rang rang gi dam tshig sbyin pa ste/ 'on kyang phan pa

  131. 82a

    sgrub pa nyid de/ ci dgar 'grub po/ sngags kyi bdag po'i dam tshig ni 'di yang yin te/ sangs rgyas dang byang chub sems dpa' dang/ rang rgyal ba dang/ nyan thos la gang sku gsung thugs su sbyor bas phyag rgya ba ma yin te/ de nyes par 'gyur ba'i phyir ro/ /gal te na de dag gi skra mtshams su rang gi lha bzhag pa yin no/ /sngaD pa de nyid kyang bsam gtan kho la 'jug pa yin no/ /lus dang ngag dang sems kyi spyod pa rnams/ thabs du mas dgag pa yin no/ /gang dkyil 'khor de nyid shes shing bsnyen pa la sogs pa dang ldan pas/ dus gsum gyi bde bar gshegs pa la zhing khams bshad gci la sogs pas bkang ste/ rgyas par dbul ba ni de nas phyag na rdo rje zhes pa rnams so/ / dam tshig 'di dag ni bdag dang gzhan la phan pa'i phyir/ bshad kyi gcig kho na'i don du ni ma yin no/ /de nas rgyas par zhus pa dang/ lan gsungs pa ni de nas yang zhes gsungs pa'o/ /de la dad por cad mi gsung bar bzhugs pa ste lan 'og nas gsungs so/ /de nas 'jam dpal zhes pa la sogs pa ni rang rang gi 'jal stangs zhus pa ste/ sku gsung thugs kyi don nyid brtag par dka' ba'i phyir ro/ /de'i lan ni de nas bcom ldan 'das zhes pa la mngon no/ /de nas bcom ldan 'das zhes rgyas par gsungs pa ni snying po don bsdus pa'i dkyil 'khor zhus pa dang/ de'i lan gsungs pa ste/ sku gsung thugs kyi dkyil 'khor du gang gyur pas/ de bzhin gshegs pa'i ye shes kyi gsang ba la brtag par bya ba yin no/ /slob dpon la ji ltar blta ba ni/ /de nas yang byang chub sems dpa' byams pas zhes pa rnams te/ de bzhin gshegs pa rnams kyang bdag cag gi pha'o ma'o snyam du 'dzin cing/ de bzhin gshegs pa'i bsod nams kyi

  132. 82b

    phung po pas kyang slob dpon gyi pa spu'i bu ga gcig 'phags so zhes te/ don gyi ngo bo nyid du ba mi dad pa'i phyir ro/ /sku gsung thugs kyi dngos grub bla med de nyid la gnas par gsungs pa de nas byang chub sems dpa' de dag gis shes pa rnams te/ slob dpon la nod par gsungs so/ /lus ngag sems gang la gnas pa yang// byang chub sems dpa' rnams kyis gsol pa zhes pa ste/ slob dpon nyid byang chub sems dang tha mi dad cing gsang ba'i bdag nyid ldan pas de skad ces bya'o/ /de nas yang zhes pa la sogs pa ni rdo rje 'dzin gyi dkyil 'khor zhus pa ste/ 'jig rten gyi dkyil 'khor la rdo rje 'dzin pa'i dkyil 'khor cho ga bzhin du bsams te/ ye shes kyi dkyil 'khor mdun du dmigs la mchod pa rnams rdzogs par byas te/ rang gi sku la sogs pa'i rdo rje la dbang bskur ba ni bde par gshegs pa rnams kyi ye shes kyi rang bzhin te/ dbab par bya zhes te bskur pa'i tha tshig go /de'i sbyor ba la dbab pa dang/ /bzas kyi ting nge 'dzin dang/ mchod pa'i bye brag dang/ sbyor ba'i cho ga dang/ drag shul gyi bya ba dang/ bdud rtsi btung ba dang/ de'i bsam gtan la gnas na bsod nams kyi tshogs mi bya ba dang/ drug? 'byin cing gnon pa dang lus ngag sems bsrung pa'i cho ga dang/ ma mo la sogs pa'i gnas su rdo rje mtshan sgrub pa'i thabs dang/ 'bras bu rnams gsungs pa ste/ de dag gi cho ga ni bla ma'i man ngag las shes par bya'o/ /gsang ba'i yi ge gsungs pa/ de nas bcom ldan 'das zhes pa nas cang mi smra bar gyur to zhes pa'i par du ste/ yi ge ni sku gsung thugs kyi yi ge ste/ byang chub sems dpas ni rtogs par dka' bar ma zad/ de bzhin gshegs pas kyang rtogs par dka' ste/ yi ge de nyid ma thob par mngon par 'tshang mi rgya'o/ /de ci'i phyir zhe na/ yi ge ni chos kyi

  133. 83a

    de bzhin nyid dang/ gsang ba'i dkyil 'khor rnams te/ chos dang bsod nams kyi rgyu 'grub pa'i phyir ro/ /de nas bcom ldan 'das zhes gsungs pa bzhi ni lha mo bzhi dbyangs kyis bskul pa ste/ chos kyi sku gang yin pas 'gro ba la snang ba ma yin pas/ de'i phyir dgyes pa'i bstod pas gzugs kyi skur bskul ba mdzad de/ 'dod chags kyi rjes su byang chub chung pa nyid de/ de'i don gsungs pa yin no/ /de nas bcom ldan 'das phyag na rdo rjes zhes pa nas/ 'dug go zhes pa'i bar rnams ni yongs su btad pa ste/ de yang sangs rgyas kyi bka' yun rings gnas shing phan gdags pa'i phyir/ bskal pa mchis pa'i phyir zhes de bzhin gshegs pa thams cad dang byang chub sems dpa' rnams la pos nas/ spyir gtad pa dang/ sdud pa po rdo rje chos la dmigs kyis gtang pa'o/ /dbang bskur nas de bzhin bgyi'o/ /zhes khas blangs te/ shes pa'i rgyud la gnas nas/ yongs su chub par byas so/ /cang mi gsung ba ni gong gi bdag nyid rnams de'i rang bzhin te/ de dang de nyid du 'brel pas de skad ces bya ste/ ci yang ma yin pa nyid dang ldan pas gsang ba'i don la zhugs pa ste/ mnyam pa nyid du lhun gyis grub par sbyor ba'o/ /le'u bcu bdun pa'i don rdzogs so// //brjod par bya ba'i rgyud 'di yi/ /dgongs ba nye bar len pa'i 'grel/ /rdo rje bzhad pa'i slob dpon gyis/ sems can ye shes bskyed phyir te/ /'di brtsams pa las byung ba yi/ /dge ba dri med gang yin pa/ /yang dag slob ma dri med dang/ /sems can kun gyis thob par shog /rgyud kyi rgyal po dpal gsang ba 'dus pa'i dgongs pa thams cad nye bar len pa'i 'grel pa rdzogs so// //rgya gar gyi mkhan po dz+nyA

  134. 83b

    na garb+ha dang/ bod kyi lo tsA ba bai ro tsa nas bsgyur cing gtan la phab pa skad gsar bcad kyis byas ba'o// //de nas gsang pa 'dus pa'i rgyud 'grel bzhugs so// //thams cad mkhyen pa la phyag 'tshal lo/ /de nas gsang ba 'dus pa'i rgyud kyi gleng gzhi bla ma'i man ngag gis bshad par bya'o/ /de la rgyud pa'i mgo mjug tu phun sum tshogs pa rnam pa lnga dang ldan par ston to/ /lnga gang zhe na/ ston pa phun sum tshogs pa dang/ sdud pa po phun sum tshogs pa dang/ gnas phun sum tshogs pa dang/ 'khor phun sum tshogs pa dang/ rgyud phun sum tshogs pa'o/ /de la bcom ldan 'das zhes bya bas ni ston pa phun sum tshogs pa ston to/ /bdag gis thos pa dus gcig na zhes bya ba ni sdud? pa phun sum tshogs pa ston to/ de bzhin gshegs pa thams cad kyi zhes bya ba nas/ btsun mo'i dkyil na bzhugs so zhes bya ba'i bar gyis ni nas phun sum tshogs pa ston to/ /bdag gis thos pa dus gcig ni zhes bya ba ni stad pa phun sum tshogs pa sbyor to/ gshegs pa thams cad kyis gang bar snang ngo/ /zhes bya ba'i bar gyis ni 'khor phun sum tshogs pa ston to/ /'dis ci'i phyir rgyud phun sum tshogs pa ston zhe na/ ji skad brjod pas rgyud mgo mjug gi don rdzogs par 'dren pa'i phyir/ rgyud phun sum tshogs pa ston to/ /de la yang bcom ldan 'das zhes gong du bstan pa ni kun rdzob tu 'dod chags nas phrag dog gi bar gyi chos lnga po'i rang bzhin dang/ sa bon gyi ngo bor gnas par bstan te/ de'i ngo bo lhun gyis grub pa ni 'dod chags snang ba mdza' yas/ zhe sdang mi 'khrugs pa/ gti mug rnam par snang mdzad/ nga rgyal rin chen 'byung ldan/ phrag dog gdon mi za bar grub pa/ sa bon ni rnam par snang mdzad chen po'o/ /chos lnga po 'di dag las ye shes

  135. 84a

    lngar yang sbyar te/ de la me long lta bu'i ye shes ni mi 'khrugs pa/ mnyam pa nyid kyi ye shes ni rin chen 'byung ldan/ so sor kun tu rtog pa'i ye shes ni snang ba mdza' yas/ bya ba grub pa'i ye shes ni gdan mi za bar grub pa'o/ /ci'i phyir gdon mi za bar grub pa'i ye shes kyi ngo bor bstan zhe na/ las kyi rang bzhin yin pa'i phyir ro/ /chos kyi dbyings kyi ye shes ni rnam par snang mdzad do/ /rnam par snang mdzad chen po ni yang dag pa'i ye shes so/ / ye shes 'di dag las gzugs la sogs pa'i ngo bor gnas pa thams cad las kyang 'byung bar 'gyur te/ de la rim par sbyar na gzugs kyi phung po rnam par snang mdzad/ tshor ba rin chen 'byung ldan/ 'du shes snang ba mdza' yas/ 'du byed gdon mi za bar grub pa/ rnam par shes pa mi 'khrugs pa'o/ /'di dag thams cad dam tshig gi ngo bor yang shes par bya ste/ de la yang gzugs rnam gsum ni rnam par snang mdzad/ sgra rnam gsum ni rin chen 'byung ldan/ dri rnam gsum ni snang ba mdza' yas/ ro rnam gsum ni gdon mi za bar grub pa/ reg rnam gsum ni mi 'khrugs pa'o/ /gzhan yang byang chub kyi sems lhun gyis grub pa las chos lnga po 'di dag skyed par byed de/ lnga gang zhe na/ sa chu me rlung nam mkha' o// de ji ltar skyed par byed ce na/ de yang rim par dbye na/ sa'i khams ni sangs rgyas spyan/ chu'i khams ni mA ma kI /me'i khams ni gos dkar mo/ /rlung gi khams ni 'phags ma sgrol ma/ nam mkha' i khams ni rdo rje dbyings kyi dbang phyug ma'o/ / de yang 'bras bu rnam pa lnga skyen par byed de/ de gang zhe na/ zad bar sar bsgoms pa ni nam mkha' la 'chag pa dang gzhal med khang mngon par skyed par byed do/ /byang chub kyi sems rlan pa lta bu'i rang bzhin du bsgoms nas mi 'jig rten

  136. 84b

    thams cad chus yongs su gang bar spro ba dang bsdu ba nus par 'gyur ro/ /mer bsgoms pas ni 'bar ba'i rdzu 'phrul skyed par byed do/ /rlung la gnas su bsgoms pas ni yid kyi 'gro ba bskyed nam mkha' i khams su bsgoms pas ni sgrib pa med pa'i ye shes skyed par byed do/ /'bras bu mdo tsam zhig bstan pa yin no/ /gzhan yang mig la sogs pas 'phrul gyi mig la sogs pa bskyed pa'i rgyur yang ston te/ de yang gang zhe na/ mig dang/ rna ba dang/ sna dang/ lce dang/ lus dang/ yid do// de la mig ni sa'i snying po/ rna ba ni phyag na rdo rje/ sna ni nam mkha' i snying po/ /lce ni spyan ras gzigs dbang phyug /lus ni sgrib pa rnam par sel ba/ yid ni rdo rje sems dpa' o/ /de ltar bsgoms pa'i 'bras bu ni 'di dag skyed par byed de/ sa'i snying pos 'phrul ? mig /phyag na rdo rjes 'phrul gyi rna ba/ nam mkha' i snying pos 'phrul gyi sna/ spyan ras gzigs kyi dbang pos 'phrul gyi lce ste/ sems can sna tshogs la sgra sna tshogs kyis so so'i mos pa ji lta ba bzhin chos ston pa'o/ /sgrib pa rnam par sel bas lus kyi rdzu 'phrul dang yid kyi gzugs dang sprul pa bskyed par byed do/ /gzhan yang 'jig rten gyi khams thams cad du rdo rje'i rdzu 'phrul yang skyed par byed do/ /yid rdo rje sems dpas ni sngon gyi gnas rjes su dran pa dang/ zag pa thams cad zad pa'i ye shes bskyed par byed do/ /mnyam par sbyor ba'i dus su 'phags pa gshin rje gshed lag pa gnyis te lcags kyu'i don/ 'phags pa gzhan gyis mi thub pa rdo rje'i padmor zhugs pa ste zhags pa'i tshul/ 'phags pa rta mgrin ni phyag rgya chen po dang mu dra gnyis zhal sbyor ba ste/ lcags sgrog gi don to/ /'phags pa bdud rtsi 'khyil ba las kyi phyir las kyi dus su bde ba chen po'i gnas gnyis mnyes par byed pa ste dril bu'i don to/ /de dag thams cad

  137. 85a

    byang chub kyi sems las byung bar ston to// //thams cad mkhyen pa'i ye shes bskyed par 'dod pa'i rnal 'byor pas/ sngar bsdus pa'i don gsal bar bstan nas/ phyis slob dpon gyis rgyud bshad par brtsam par bya'o/ /de la 'di skad bdag gis thos pa zhes bya ba nas/ btsun mo'i dkyil na bzhugs so zhes pa'i bar dag gi don ni slob dpon gyis man ngag gis bstan par bya ste/ e zhes pa ni dam tshig gi phyag rgya? ba zhes pa ni phyag rgya chen po/ ma ni chos kyi phyag rgya/ ya ni las kyi phyag rgya/ shu kra zhes pa ni spro ba'i don to/ /e zhes pa ni gzungs ma'o/ /baM zhes bya ba ni byang chub kyi sems rdo rje/ 'di'i dus na zhes pa ni 'di'i tshe na zhes bya bar sbyar/ yang na sa ma ya zhes pa ni dus dang mi sbyar gyi/ 'di'i phyag rgya nyid la gnas se zhes bya bar sbyar ro/ /bcom ldan 'das zhes bya ba ni bdud sde bzhi bcom pa dang/ legs pa'i yon tan drug dang ldan pa'i phyir yang/ bcom ldan 'das zhes bya'o/ /yang rnam pa gcig tu na/ ye shes phun sum tshogs pa mnga' ba'i phyir yang bcom ldan 'das so/ /de bzhin gshegs pa zhes pa ni ji ltar skye ba bzhin skyes pa'i phyir yang de bzhin gshegs pa zhes pa'o/ /de la yang ji ltar skye zhe na/ pha ma gnyis thog ma med pa'i dus nas 'dod chags dang ldan pa'i dbang gis pho mo phrad par gyur nas/ de nyid rnam par sbyangs nas yang dag pa'i lam du 'gro ba'i phyir na de bzhin gshegs pa'o/ /yang na ji ltar 'ongs bzhin 'gro ba'i phyir yang de bzhin gshegs pa'o/ /dper na zangs dang 'khar ba la sogs pa rdzas kyi dngos po gcig la chol zangs su byas pa'i dus na ni btsog par 'dzin cing mchil

  138. 85b

    ma rnams la sogs pa 'dor bar byed/ de la gzhong pa la sogs par byas na ni gtsang bar 'dzin cing zas skom la sogs pa 'jog cing za bar byed/ de la sku gzugs la sogs pa byas pa'i dus na ni phyag 'tshal zhing mchod pa'i las su byed de/ de dang 'dra bar 'khor ba'i rgyu 'dod chags dang nyon mongs pa dang bcas pa'i dus na ni smad cing spang bar bya ba yin la de nyid thabs dang shes rab kyi tshul du sbyor ba'i dus na rdo rje sems dpa' i skur grub par byed pa'i dga' ba'i longs spyod kyi gnas kyang yin la/ de ltar thabs dang shes rab zung du 'brel pa'i ting nge 'dzin gyi longs spyod goms pa'i dbang gis 'bras bu dpal rdo rje sems dpa' nyid mngon par grub par byed do/ /de bzhin du 'dod chags nas phrag dog gi bar gyi chos lnga po 'di dag kyang dang po'i tshul ltar spyad na ngan song gi rgyu yang yin/ de nyid rang bzhin rnam par dag par bsgoms na thams cad mkhyen pa'i ye shes bskyed pa'i rgyu yang yin pas/ nyes par mi 'gyur te/ de'i phyir de bzhin gshegs pa zhes bya'o/ /de bzhin gshegs pa'i sgra mang du sbyar zhing bshad ci dgos te/ rgyud kyi don nges par bstan pa 'di yin no// //sku dang gsung dang thugs kyi snying po rdo rje btsun mo'i dkyil na bzhugs so zhes bya ba la/ sku gsung thugs ni lus ngag yid do cig gi rang bzhin yang yin la/ de bzhin gshegs pa thams cad kyi sku la sogs pa'i rang bzhin yang yin pas de'i phyir sku dang gsung dang thugs rdo rje zhes bya'o/ /snying po ni sa bon te/ rnam par snang mdzad chen po'i btsun mo'i dkyil na bzhugs so zhes pa ni btsun mo ni dam tshig gi phyag rgya/ dkyil zhes cha ni padmo te de ni bzhugs par sbyar de yang ji ltar bzhugs she na/ rnam par snang mdzad chen po ye shes kyi rang bzhin chu lta bu'i ngo bo zla ba lta bur dkar zhing dag pa'i tshul du zhugs so/ /de la yang 'di skad ces

  139. 86a

    pa nas btsun me'i dkyil na bzhugs so zhes pa'i bar de dag rnam grangs gzhan du yang bstan pa bya ste/ e ni chos kyi 'byung gnas/ baM ni rdo rje ma ni rnam par snang mdzad chen po'i ye shes kyi sa bon/ ya ni bskyod ba las kyi mtshan nyid shu kra ni 'byung ba'i don/ e ka ni ldan pa'i mtshan nyid/ 'di'i dus na zhes bya ba ni rdo rje dbyings kyi dbang phyug ma'i dgos pa'i gnas b+ha ga bAn ni b+ha ga'i gnas na bzhugs pa'i phyir/ b+ha ga bAn zhes bya'o/ /de bzhin gshegs pa thams cad kyi sku dang gsung dang thugs kyi snying po rdo rje zhes pa ni sa bon zla ba lta bu dang sbyar/ btsun mo'i dkyil na bzhugs so zhes pa ni de bzhin gshegs pa thams cad kyi sku dang gsung dang thugs rdo rje btsun mo rdo rje dbyings kyi dbang phyug ma'i pad+ma'i gnas na bzhugs par ston to/ /bi dza ha ra'i sgras ni bzhugs pa'i don te/ bzhugs so zhes pa'i sgras ni rnam par gnas so zhes pa'i don to/ /yang rnam grangs gzhan du yang bshad par bya ste/ e baM zhes pa ni 'dzin pa'i don te/ sdud par mdzad pa rdo rje chos kyis bsdus pa'o/ /de yang 'di skad ces bya ba nas/ bcom ldan 'das kyis gsungs pa la mngon par bstod do/ /zhes pa'i bar dag bdag gis mngon sum du thos so zhes ston to/ /bdag gis shes pa ni gzhan dang gzhan las brgyud pa lta bu ma yin pa'i don to/ /sa ma ya zhes pa'i sgra ni dus mtshon pa'o/ /'di ltar dus mtshon pa yang dus gsum la sogs pa dus nges par bstan pa ni ma yin no/ /ci'i phyir zhe na/ dgos pa med pa'i phyir ro/ /bcom ldan 'das zhes bya ba ni bdud bzhi bcom pa dang/ dbang phyug la sogs pa dang ldan pa'i phyir bcom ldan 'das zhes bya'o/ /de bzhin gshegs pa thams cad kyi sku dang gsung dang thugs snying po rdo rje zhes pa ni sangs rgyas bcom ldan 'das de dag gi thugs

  140. 86b

    kyi snying po'i sa bon ni rdo rje zhes pa ni mi phyed pa'i mtshan nyid do/ /btsun mo zhes pa ni phyag rgya'i don to/ /bcom ldan 'das chos kyi 'byung gnas de'i gnas na bzhugs so/ /zhes bya ba de ni ngo mtshar che'o/ /skabs 'dir gzhan dag gis brgal ba bcom ldan 'das kyis gsungs pa zhes bya bas cho ga mod/ /'di skad bdag gis thos pa dgos ched med do/ /de nas zhes bya ba dang rgyud ldan pa'am/ lhan cig ces byas na tshig 'brel cing bde ste/ de yang ci'i phyir zhe na/ bcom ldan 'das mya ngan las 'das pa'i 'og tu brjod na ni 'di skad bdag gis thos pa zhes brjod pa'i rigs kyi/ /da ltar bcom ldan 'das mngon gsum du bzhugs pa'i dus su 'di skad bdag gis thos pa zhes pa 'di rigs pa ma yin no zhe na/ lan du rigs pa yin te/ rgyud thams cad las kyang 'di skad bdag gis thos so zhes 'byung la/ ston pa mya ngan las 'das so zhes ni rgyud gzhan gang las kyang ma gsungs so/ /kha cig gi brgal ba/ rgyud sdud par mdzad pa dag med do zhes gzhan dag smra'o/ /de ci'i phyir zhe na/ rgyud 'di dag gnyis su med par gnas pa'i phyir ro zhe'o/ /lan du rgyud 'di dag las phyir gyur pa gzhan dag ci ste 'dri ba po zhig med na rgyud 'di dag ji ltar 'byung bar 'gyur zhes rnam par rtog ste/ de dag gsal ba'i phyir 'di skad bdag gis thos so zhes smos/ brjod du med ba'i yang brjod du med pa zhes pa ni rgya gar gyi sgra dang sbyar na a phyi la pa ni grangs bstan pa yin la/ nas bkag na grangs las 'das pa'i don du bstan pa yin te/ de'i phyir brjod du med pa zhes bya'o/ /yang brjod du med pa zhes pa ni gzugs dang yon tan brjod du med pa ste/ de'i phyir brjod du med pa'i brjod du med pa zhes bya'o// /de la sangs rgyas kyi zhing rdul phra rab dang mnyam pa zhes pa ni rab tu mang po'i don te grangs med pa'i byang chub sems dpa' chen po'o/ /byang chub

  141. 87a

    sems dpa' chen po zhes pa la byang chub ni phyag rgya/ sems dpa' ni 'dod pa ste/ de'i phyir byang chub sems dpa' o/ /de ci'i phyir zhe na/ de ni gnyis su med pa gnas pa'i don to/ /sems dpa' chen po zhes pa ni 'de? chen po'i ye shes la gnas so zhes bya ba'i don te/ de'i phyir sems dpa' chen po zhes bya'o/ /de lta bas na chos kyi 'byung gnas la gnas so/ /de yang su'i thad na bzhugs she na/ bcom ldan 'das kyi 'khor na bzhugs so/ /de la gong du sangs rgyas kyi zhing rdul phran dang mnyam pa'i byang chub sems dpa' sems dpa' chen po zhes bsdus ba'i don du bstan gyi/ gang dang gang bzhugs pa bstan pa'i phyir 'dir so so'i mtshan yang smos so/ /de la dam tshig rdo rje zhes bya ba'i byang chub sems dpa' chen po dang zhes bya ba thog mar ci'i phyir smos zhe na/ dam tshig gi lha rnams mnyes pa'i phyir gtsor smos te dang por bstan pa yin no/ /dam tshig nyid ji lta bu zhe na/ rnam pa gnyis te/ phyi dang nang ngo/ /de la phyi gang zhe na/ 'jig rten pa'i bsrung bar bya ba rnams so/ /nang gi gang zhe na/ byang chub kyi sems la sogs pa bza' ba'o/ /de ltar dam tshig bsrungs nas sku bsgrub pa'i phyir sku rdo rje zhes bya ba'i byang chub sems dpa' chen po zhes bya ba smos so/ /gang gis sku grub pa dang/ tshig kyang dgos te/ sku dang gsung mi phyed par bstan pa'i phyir te/ bcom ldan 'das kyis kyang byang chub sems dpa' i tshul du mngon par sprul nas gnas par bstan to/ /de'i phyir gsung rdo rje zhes bya ba'i byang chub sems dpa' chen po zhes smos so/ /de ltar tshig 'grub nas sems dpyod par byed de/ de la sems ni dngos po thams cad dang rang bzhin gyis bral bar yang mkhyen la/ thams cad dang mi gnyis par yang mkhyen pas byang chub sems dpa'

  142. 87b

    tshul du mngon par sprul nas gnas par bstan te/ de'i phyir thugs rdo rje zhes bya ba'i byang chub sems dpa' sems dpa' chen po zhes smos so/ /de la sku gsung thugs ting nge 'dzin med par sangs rgyas kyi sku gnyis su med par mngon par mi 'grub pas/ de'i phyir ting nge 'dzin rdo rje byang chub sems dpa' sems dpa' chen po zhes smos so/ /de ltar ting nge 'dzin thob nas gang gis sems mngon par dga' bar 'gyur ba de rgyal bar bstan pa yin te/ de'i phyir rgyal ba rdo rje zhes byang chub sems dpa' sems dpa' chen po zhes smos so/ /gang gis sku gsung thugs dang phyag rgya chen po'i gzugs lha mo dang ldan pa'i bde ba chen po'i ye shes rgyal ba de thams cad sa la sogs pa med par gzugs skyed par mi nus pas de'i phyir sa rdo rje zhes byang chub sems dpa' sems dpa' chen po la sogs pa rim pa bzhin du bstan te/ de'i phyir sa rdo rje zhes bya ba'i byang chub sems dpa' sems dpa' chen po zhes smos so/ /da ni chos kyi chu'i char 'bebs pas chu rdo rje zhes bya ba'i byang chub sems dpa' sems dpa' chen po zhes bya bar bstan to/ /de'i phyir chu rdo rje zhes bya'o/ /de ltar chu rdo rje zhes bya ba'i byang chub sems dpa' bstan nas me las thams cad 'grub par bstan pa'i phyir me rdo rje zhes bya bar bstan to/ /de ltar me rdo rje zhes bya ba'i byang chub sems dpar bstan nas/ thams cad du 'gro ba'i gzugs lhan gyis grub par bstan pa'i phyir/ rlung rdo rje zhes bya ba'i byang chub sems dpa' bstan no/ /de ltar rlung rdo rje zhes bya ba'i byang chub sems dpar bstan nas/ sgrib pa med par snang ba'i rang bzhin nam mkha' rdo rje zhes byang chub sems dpa' i tshul du bcom ldan 'das kyis mngon par sprul pa'i phyir nam mkha' rdo rje zhes bya ba'i byang chub sems dpa' smos so/ /de ltar nam mkha' rdo rje zhes bya ba mngon par

  143. 88a

    bsgrubs nas/ da ni gnyis su med pa la dmigs pa lta bas chog mi shes pa'i gzugs ye shes kyi rang bzhin du bstan te/ de'i phyir gzugs rdo rje zhes bya ba'i byang chub sems dpa' smos so/ /de ltar gzugs ji lta du yang bstan nas/ gnyis su med pa'i sgras sems can thams cad kyi sems tshim par byed pa'i sgra bzhin dang/ gang dag gis sgrar brjod pa de dag byang chub sems dpa' i tshul du gnas par bstan te/ de'i phyir sgra rdo rje zhes bya ba'i byang chub sems dpar smos so// de ltar pad+ma dang rdo rje la sogs pa'i sgra bstan nas/ da ni bdag nyid rab tu tshim pa myong bar bstan pa'i phyir byang chub sems dpa' i tshul du bcom ldan 'das kyis mngon par sprul nas gnas par bstan te/ de'i phyir dri rdo rje zhes bya ba'i byang chub sems dpa' smos so/ /de ltar dri rdo rjes bdag dang gzhan gyi sems tshim par byed pa bstan nas/ da ni dam tshig dang zhal mi gnyis pa sprad pa'i ro myong bar bstan pa'i phyir/ byang chub sems dpa' i tshul du gnas par bstan te/ de'i phyir ro rdo rje zhes bya ba'i byang chub sems dpar smos so/ /de ltar ro rdo rje zhes bya bar bstan nas/ dbang po gnyis reg pa'i bde ba bstan pa'i phyir/ reg rdo rje zhes bya ba'i byang chub sems dpa' smos so/ /de ltar de yan chad duAng pa'i yon tan lnga mdor bstan pa'am/ yang na 'dod pa'i yon tan lnga byang chub sems dpa' i tshul du bstan pa yin no/ /de ltar reg rdo rje zhes bya ba'i byang chub sems dpar bstan nas/ rdo rje dang padmor ldan pa las byang chub kyi sems 'byung ba'i dus na rnal 'byor pas shes bya ba ni 'dod chags ma yin chags bral min/ gnyis ka min pa'ang mi dmigs so zhes bstan pa khong du chud par bya zhing byang chub kyi sems 'byung ba na bdag nyid chos kyi dbyings yin no zhes brgyal bskyed par bya ba'i

  144. 88b

    phyir chos kyi dbyings rdo rje zhes bya ba'i byang chub sems dpa' smos so/ /de la sogs pa brjod du med pa'i yang brjod du med pa zhes bya ba nas/ byang chub sems dpa' sems dpa' chen po rnams dang zhes pa'i bar dag ni gong du bstan pas 'dir ma smos so/ /de ltar 'khor phun sum tshogs pa bstan nas/ da ni ston pa phun sum tshogs pa ston te/ de yang tshad ji tsam zhe na/ nam mkha' i dbyings dang mnyam pa zhes 'byung mod kyi/ re zhig 'dir mi bskyod pa la sogs pa gtso bo tsam zhig bstan pa yin no/ /de la bdag gi 'dod chags zhe sdang gti mug nga rgyal phrag dog rnams kyi rang bzhin bstan te/ mi bskyod pa rdo rje zhes pa'i de bzhin gshegs pa gang dag zhe sdang dang ldan pa'i de ni ngo bor gnas par bstan to/ /rnam par snang mdzad rdo rje zhes bya ba'i de bzhin gshegs pa ni gang dag gti mug dang bcas pa rnams la de'i ngo bor rnam par snang mdzad kyi tshul du gnas par bstan to/ /rin chen 'byung ldan zhes pa'i de bzhin gshegs pa ni gang dag nga rgyal dang ldan pa'i sems kyi tshul du rin chen 'byung ldan de'i ngo bor gnas par bstan to/ /tshad med pa rdo rje zhes bya ba'i de bzhin gshegs pa ni gang dag 'dod chags dang ldan pa'i sems snang ba mdza' yas de'i rang bzhin las byung bar bstan pa'i phyir tshad med pa rdo rje zhes pa'i de bzhin gshegs pa smos so/ /gdon mi za ba rdo rje zhes bya ba'i de bzhin gshegs pa gang phrag dog dang ldan pa'i sems de'i ngo bor gdon mi za ba'i rdo rje gnas par bstan to/ /de la sogs pa de bzhin gshegs pa na mkha' i dbyings dang mnyam par bstan pa 'di dag ni phyag rgya chen po'i gzugs lhun gyis grub par bstan te/ rang gi lus kyi yan lag dang 'nyid lag byang chub kyi sems las rang grub pa'i phyir de bzhin gshegs pa dang byang chub sems dpa' de dag rgyud

  145. 89a

    las gtsor smos te bstan pa yin no/ /gzhan yang de bzhin gshegs pa dang byang chub sems dpa' nam mkha' i dbyings dang mnyam par bstan pa de dag ni chos kyi dbyings dang mnyam par sprul pas khyad par sprul pa'i don du bstan pa'o/ /de la nam mkha' thams cad zhes pa ni chos kyi 'byung gnas/ dbyings zhes pa ni sa bon mnyam zhes pa ni khyab pa/ bstan pa zhes pa ni gsungs pa'i don te/ 'di dag gsungs pa ni chos kyi 'byung gnas kyi dkyil na sa bon gyi tshul du phyag rgya thams cad skur khyab par gnas par bstan pa'o/ /yang na nam mkha' thams cad ces pa ni lha me bzhi dang de bzhin gshegs par ldan pa phyag rgya chos kyi 'byung gnas rdo rje dang me gnyis par chos kyi dbyibs kyi rang bzhin du thams cad stsal nas bzhugs so/ /mang por smos ci dgos te don mdor bstan pa ni 'di dag yin no zhe na/ de la sngar smos pa 'di dag ni byang chub kyi sems zla ba'i dkyil 'khor du bsdus te bsgrub pa'i gzhung gis bcom ldan 'das ngo mtshar du bskyed do/ /de ltar bcom ldan 'das nyid bskyed par ma zad kyi sngags pa nyid kyang 'di lta bu'i tshul gyis mngon par sgrub po/ /rgyud 'di nyid kyang 'phags pa nyid kyi sku dang mnyam pa'i tshul du byin gyis brlab par shes par bya'o/ /yang na de bzhin nyid rnam par bsgoms la de las snang ba'i ye shes skye bar 'gyur ro/ /de skyes pas yig 'bru'i rgyur 'gyur te sngags kyi 'bru skyed par 'gyur ro/ /de las lus kyi bdag po bcom ldan 'das rab tu 'grub par 'gyur te/ de yang mtshan dang gnyis su med pa'i sbyor bar ldan pa pad+ma'i gnas na bzhugs pa'i nam mkha' i phyogs na rgyud las smos pa'i lha thams cad kyi rang bzhin gyi yan lag dang nyid lag tu blos rnam par rtog ste//

  146. 89b

    de yang ji ltar rnam par rtog ce na/ 'dod chags zhe sdang gti mug nga rgyal phrag dog de kho na nyid rnam pa lnga dang/ bdag ldan par rnam par rtog par byed do/ /'dod chags snang ba mdza' yas/ zhe sdang mi bskyod pa/ gti mug rnam par snang mdzad/ nga rgyal rin chen 'byung ldan/ phrag dog gdon mi za bar grub pa/ sa bon rnam par snang mdzad chen po ste/ de las rnam pa lnga po 'di dag tu 'gyur bar ston no/ /'dod chags la sogs pa 'di dag de bzhin gshegs pa'i skur rnam par brtag go/ de nas yang ye shes kyi tshul du so sor dbye na/ me long lta bu'i ye shes mi bskyod pa/ mnyam pa nyid kyi ye shes rin chen 'byung ldan/ so sor kun tu rtog pa'i ye shes snang ba mdza' yas/ bya ba grub pa'i ye shes gdon mi za bar grub pa/ chos kyi dbyings kyi ye shes rnam par snang mdzad gang bcom ldan 'das kyi gzugs 'di gti mug ste rnam par snang mdzad/ gang bde ba dang sdug bsngal pa'i tshor ba mnyam pa nyid kyi bdag nyid kyi tshul du gnas pa ni rin chen 'byung ldan/ gang dus gsum du chags pa'i 'du shes 'byung ba'i rang bzhin ni snang ba mdza' yas/ gang phrag mngon par 'du phyed pa'i rang bzhin ni gdon mi za bar grub pa'o/ /gang zhe sdang pa ni mi bskyod pa ste rnam par shes pa'o/ /rnal 'byor pas ni 'dod chags la sogs pa chos ji snyed pa thams cad kyi bdag po rang bzhin du bdag gyur par rnam par brtag go /gzugs rnam pa gsum gyi tshul du gnas pa rnam par snang mdzad/ sgra rnam pa gsum gyi tshul du gnas pa rin chen 'byung ldan/ dri rnam pa gsum gyi tshul du gnas pa ni snang ba mdza' yas/ ro rnam pa gsum gyi tshul du gnas pa gdon mi za bar grub/ reg rnam pa gsum gyi tshul du gnas pa ni mi bskyod pa'o/ /de ltar rnam par brtags nas yang 'byung ba chen po bzhi ji ltar rnam par

  147. 90a

    brtag ce na/ de las sa'i khams ni sangs rgyas spyan/ me'i khams ni gos dkar mo/ /chu'i khams ni mA ma kI/ rlung gi khams ni 'phags ma sgrol/ /nam mkha' i khams ni rdo rje dbyings kyi dbang phyug ma'o/ /de la mig gi rnam par shes pa'i rang bzhin yang 'di ltar shes par bya ste/ mig gi rnam par shes pa ni sa'i snying ngo/ /rna ba'i rnam par shes pa ni phyag na rdo rje/ sna'i rnam par shes pa ni nam mkha' i snying po/ lce'i rnam par shes pa ni spyan ras gzigs dbang phyug /lus kyi rnam par shes pa ni sgrib pa rnam par sel ba/ yid kyi rnam par shes pa dpal rdo rje sems dpa' ste/ 'phrul gyi mig la sogs pa yang rnam par dag go /mnyam pa nyid kyi dus su blos 'di ltar shes par bya ste/ lag pa gnyis ni gshin rje gshed kyi rang bzhin te/ yongs su 'dzin pa'i dus na lcags kyu'i don/ 'phags pa gzhan gyis mi thub pa rdo rje padmor gnas pa'i dus na zhags pa'i tshul du bsam mo/ /'phags pa rta mgrin ni zhal spros pa'i dus su lcags sgrog ste/ tshems kyi sgros bsdams pa'o/ /bdud rtsi 'khyil pa las kyi rang bzhin te/ las kyi dus na bde ba chen po la gnas pa 'am mnyes par byed pa ste dril bu'i don to/ /sgrub pa'i rnal 'byor pas de ltar rnam par rtogs par bya'o/ /'di dag thabs chen po ye shes las grub par shes par bya'o/ /rgyud las 'khor sems dpa' gang dag gsungs pa mngon par 'byung ba'i dus na lus kyi thams cad kyi yan lag dang nyid lag lta bu blos rnam par dbye bar bya ba ste/ de la dam tshig rdo rje dang/ sku gsung thugs rdo rje dang/ ting nge 'dzin rdo rje dang/ rgyal ba rdo rje dang/ sa rdo rje dang/ chu rdo rje dang/ me rdo rje dang/ rlung rdo

  148. 90b

    rje dang/ nam mkha' rdo rje dang/ gzugs rdo rje dang/ sgra rdo rje dang/ dri rdo rje dang/ ro rdo rje dang/ reg rdo rje dang/ chos kyi dbyings rdo rje dang/ rnam par snang mdzad rdo rje dang/ mi 'khrugs pa rdo rje dang/ rin chen 'byung ldan rdo rje dang/ snang ba mdza' yas rdo rje dang/ gdon mi za bar grub pa rdo rje dang/ 'di dag thams cad lus kyi yan lag dang nyid lag tu blos rim pa bzhin du gtso bo'i skur rnam par brtag go/ de la dam tshig gi rang bzhin ni bdud rtsi dang ldan pa'i ngo bo ste/ de bas na dam tshig rdo rje zhes bya'o/ /de la sku gsung thugs kyi rdo rje zhes bya ba la sku ni chos kyi sku dang longs spyod rdzogs pa'i sku dang sprul pa'i sku'o/ /gsung gi rang bzhin ni gsang sngags thams cad ston pa'i rang bzhin no/ /sku gsung thugs kyi rig pa la rjes su chags pa'i don ni ting nge 'dzin to/ /de ltar ting nge 'dzin brnyes pa las dgyes pa 'byung ba ni rgyal ba'o/ /sa la sogs pa'i rang bzhin las skur 'grub ste/ sa ni gzhal med khang gi rang bzhin no/ /chu ni gsher ba'o/ /mo ni cho 'phrul lo/ /rlung ni brkyang bskum byed pa'o/ /nam mkha' ni lus thams cad gsal bar byed pa'o/ /gzugs ni mtshan bzang po sum cu rtsa gnyis dang dbye byad bzang po brgyad cu'o/ /sgra ni rdo rje dang pad+mar ldan pa'o/ /dri ni yid tshim par byed pa ro/ /ro ni zhal gnyis myang bar byed pa'o/ /reg pa ni dbang po gnyis btar bar byed pa'o/ /chos kyi dbyings ni bde ba chen po la gnas pa'o/ /mi bskyod pa ni zhe sdang/ rnam par snang mdzad ni gti mug /rin chen 'byung ldan ni nga rgyal/ gdon mi za bar grub pa ni phrag dog /snang ba mdza' yas ni 'dod chags te/ thams cad kyang lus la gnas par shes nas gtso bo 'di dag la sogs pa spro bar mdzad do/ /zhal du zhugs nas dbang po'i lam du byung ste chos kyi 'byung

  149. 91a

    gnas kyi dkyil du bdag po'i sku dang ldan par gnas te/ de yang lus thams cad rnam par zhu nas sa bon gyi tshul du bde ba chen po'i lus la gnas par rnal 'byor pas mthong ngo/ /sgrub pa thams cad kyi thabs kyi rims kyis bdag nyid dngos po thams cad kyi rang bzhin du mthong ste 'di nyid phyag rgya chen po'o/ /rdo rje padmor ldan pa ni dam tshig gi phyag rgya'o/ /bde ba chen po ni chos kyi phyag rgya'o/ /gnyis kyi las gang yin pa de nyid las kyi phyag rgya'o/ /rdo rje dang padmor mnyam par sbyor ba yid kyis mthong nas 'di longs spyod rdzogs pa'i sku zhes mngon pa'i nga rgyal bskyed do/ /yang na bde ba chen po la gnas te/ byang chub kyi sems sa bon gyi tshul du lus thams cad la khyab ste de la 'dod chags zhe sdang gti mug nga rgyal phrag dog dang/ gzugs dang/ tshor ba dang/ 'du shes dang/ 'du byed dang/ rnam par shes pa dang/ sa chu me rlung nam mkha' dang/ mig dang rna ba dang/ sna dang lce dang lus dang yid la sogs pa lus thams cad byang chub kyi sems kyi rang bzhin du byas nas/ 'dod chags ma yin chags bral min/ /dbus suAng dmigs par mi 'gyur ro zhes bya ba'i tshul gyis mnyam par spros nas/ rnam par mi rtog pas 'gyur te gnas so// de ltar lhun gyis grub nas sprul pa'i 'khor lo bskor bar byed do/ /de yang sngon gyi stobs kyis sems can gyi don byed par 'byung bar 'gyur to/ /de la rtag tu dkyil 'khor gyi dbus su thabs dang shes rab gnyis kyi tshul du gnas te/ thams cad bde ba chen po ye shes kyi tshul du bsgom par bya'o/ /gzugs rnam gsum ni mig gi dbang po la rnam par snang mdzad kyi tshul du yongs su thim mo/ /sgra rnam gsum ni rna ba'i dbang po la rin chen 'byung ldan

  150. 91b

    gyi tshul du yongs su thim mo/ /dri rnam gsum ni sna'i dbang po la snang ba mdza' yas kyi tshul yongs su thim mo/ /ro rnam gsum ni lce'i dbang po la gdon mi za ba'i tshul du yongs su thim mo/ /reg rnam gsum ni lus kyi dbang po la mi bskyod ba'i tshul du yongs su thim mo/ /bdag gi lus sam gang dag gi lus sam/ gang dag gi lus dang ldan pa de dag 'di ltar rnam par gnas te/ de la 'dod chags kyi rang bzhin snang ba mdza' yas te 'di ltar nga rgyal bskyed par bya'o// gang dag zhes pa dang ldan pa de dag ni mi bskyod pa'i rang bzhin du nga rgyal bskyed bar bya'o/ /bdag gam bdag gi lus la bad kan ltar gnas pa de dag ni gti mug ste rnam par snang mdzad kyi rang bzhin du nga rgyal bskyed par bya'o/ /rgyal ba don ? las smos te/ 'dir ni sa 'dzin tsam du smos par zad do/ /bza' ba la sogs pa yang 'dir ma smos so/ /de nas rang bzhin gyis grub pa yang rim bzhin du bstan no/ /byang chub kyi sems rang bzhin skyed pa mdo tsam zhig bskyed par bya ste/ de bas 'di ltar brtag par bya'o/ /bdag sngon pha ma phrad pa'i sa bon las bskyed pa bzhin du bdag skyes te/ de bas na bdag ni grub pa'o zhes sku 'ba' zhig dran par bya'o/ /ji ltar grub pa dang rim gyis bstan te/ pha gang yin pa de dag gi lha'o/ /ma gang yin pa de rigs kyi lha mo'o/ /de yi lus kyi 'dod chags gang yin pa de snang ba mdza' yas zhe sdang gang yin pa de mi 'khrig pa/ gti mug gang yin pa de rnam par snang mdzad nga rgyal gang yin pa de yin chen 'byung ldan/ phrag dog gang yin pa de gdon mi za bar grub pa/ gzhan yang byang chub kyi sems sa bon gang yin pa de ni rnam par snang mdzad chen po ste/ de bas de dag mngon par 'byung ngo/ /de nas

  151. 92a

    yang ye shes lnga'i rang bzhin du bstan te/ pha dang ma yi me long lta bu ye shes mi bskyod pa/ mnyam pa nyid kyi ye shes ni rin chen 'byung ldan/ so sor kun tu rtog pa'i ye shes ni snang ba mdza' yas/ bya ba nan tan gyi ye shes ni don yod grub pa/ chos kyi dbyings kyi ye shes ni rnam par snang mdzad do/ /gzhon yang gzugs la sogs pa de dag thams cad gzugs so zhes dran par bya'o/ /pha dang ma'i gzugs ni rnam par snang mdzad/ tshor ba rin chen 'byung ldan/ 'du shes snang ba mdza' yas/ 'du byed don yod grub pa/ rnam par shes pa mi bskyod pa/ pha dang ma'i lus kyis ni sangs rgyas spyan/ chu ni rgyal ba'i yum/ me ni gos dkar mo/ /rlung ni 'phags ma sgrol ma/ nam mkha' i ni rdo rje dbyings kyi dbang phyug ma/ yang gzhan yang dran par bya ste/ mig sa'i snying po/ rna ba phyag na rdo rje/ sna nam mkha' i snying po/ lce spyan ras gzigs dbang phyug /lus sgrib pa rnam par sel ba/ yid rdo rje sems dpa' pha dang ma kun tu sbyor ba'i lcags kyu gshin rje gshed/ rdo rje pad+mar zhugs pa zhags pa ste/ gzhan gyis mi thub pa/ 'ching ba lcags sgrog ste/ rta mgrin/ las sam sa bon 'byung ba'i dus na bdud rtsi 'khyil ba ste/ de'i dus na bdag zhugs so/ /zhugs pa'i dus na 'dod chags zhe sdang gti mug nga rgyal phrag dog /gzugs sgra dri ro reg bya/ /sa chu me rlung nam mkha' / mig rna ba sna lce lus yid la sogs pa sa bon rnam par snang mdzad chen pos bskyed de/ bde ba chen po la gnas pa'i dus na'o/ /de bas na bdag dang de bzhin gshegs pa thams cad kyi rang bzhin no/ /gang dag rdzas dgu'i dngos po las skyes pa'i dus na dgu po de dag rnam par

  152. 92b

    bsgom par bya'o/ /de la rdzas dgu ni 'di dag ste/ gzugs tshor ba 'du shes 'du byed rnam par shes pa sa chu me rlung nam mkha' / mig rna ba sna lce lus yid la sogs pa ba spu bu ga thams cad nas byang chub kyi sems mngon par sprul te/ chos kyi dbyings kyi rang bzhin du bdag skyes pas/ de'i phyir bdag chos kyi dbyings so/ /de ltar shes par bya ste/ spyod lam rnam pa bzhi thams cad du brtag par bsgom par bya'o/ /byang chub kyi sems las de lta bu'i tshul du skye ba 'am/ yang na snang ba mdza' yas kyi tshul du skyes pa'o/ /ye shes tsam du shes par byas nas thams cad kyi rang bzhin du bdag bsgom par bya'o/ /gzhan yang rang bzhin gyis grub par rim gyis bstan par bya ste/ 'dod chags 'dod chags kyi rang bzhin gyis med do/ /de bas zhe sdang rang bzhin gyis med do/ /de bzhin du gti mug gti mug gi rang bzhin gyis mi dmigs so/ /nga rgyal yang shin tu rang bzhin med do/ /de bzhin du phrag dog kyang rang bzhin med do/ /sa ni rdul phra mo'i rang bzhin yin pa'i phyir rang bzhin gyis stong ngo/ /chu yang de bzhin no/ /me dang rlung dang nam mkha' yang 'du shes tsam du brtag par bya'o/ /gzugs dang tshor ba dang/ 'du shes dang 'du byed dang rnam par shes pa la sogs pa yang stong ngo/ /de bzhin du mig dang rna ba dang sna dang lce dang lus dang yid la sogs pa yang stong ngo/ /gang gis dus na de lta bu'i byang chub kyi sems bskyed pa de ni yongs su mya ngan las 'das pa'o/ /de lta bas na bdag rang bzhin gyis grub pa ste/ skyo ba dang 'jig pa med pa'i phyir ro/ /de bzhin du 'gro ba dang gnas pa la sogs pa thams cad kyang bdag grub pa bzhin no bar shes par bya'o/ /rang bzhin gyis kun 'di ltar lhun gyis grub pa'i sgyu ma

  153. 93a

    stong pa'i sbyor bzhi mgon po thams cad mkhyen pa'i bdag go zhes 'di ltar shes par byas na/ rab tu 'grub par 'gyur ro// //dkyil 'khor gyi slob dpon sgeg pa'i rdo rjes mdzad pa rdzogs so// // dpal rdo rje sems dpa' la phyag 'tshal lo/ /mgon po sangs rgyas kun ngo bo/ /zhe snang rdo rje rgyal ba'i gtso/ /lha mo'i tshogs bcas bde chen la/ /dad pas rtag tu phyag 'tshal te/ /dpal ldan gsang 'dus rgyud 'di yi// don rtogs gsal bar bya ba dang/ /sems can rnams la phan pa'i phyir/ /sgrub pa'i thabs 'di bshad par bya/ /dang por sngags pas nges par ni/ /rdo rje slob dpon mnyes byas te/ /dbang bskur gnang ba thob nas ni/ /de nas sgrub pa rtsam par bya/ /dkyil 'khor du ni zhugs pa dang/ /de bzhin gsang nyid shes pa dang/ /kun byed thams cad za ba yis/ /the tsom med par dngos grub thob/ /gtso la mi phyed dad pa dang/ /rnam par mi rtog blo ldan zhing// dam tshig sdom la gnas pa ni/ /bram ze bsad na 'grub par 'gyur/ /dkyil 'khor dag ni dman pa dang/ /dam tshig rnam par spangs pa dang/ /gsang ba de nyid mi shes pas/ /bsgrubs kyang cung zad 'grub mi 'gyur/ /de la 'di ni dam tshig sdom pa ste/ /sha khrag dri chen rdo rje chu/ /lnga pa sems ni 'byung ba ste/ /sngags pas cho gas byin brlabs nas/ /nyin gcig bzhin du bza' bar bya/ /sbyang sbar de bzhin rtogs byas la/ /dogs pa med pa'i sems kyis ni/ /de bzhin gshegs pa mnyes bya'i phyir/ /dga' ba'i sems kyis bza' bar bya/ /hUM zhes pas ni kun tu sbyang/ /A(rgyud 'grel): zhes pas ni rtogs par bya/ /oM gyis 'bar bar bsgom byas pa/ /'di ni dam tshig dam pa'o//

  154. 93b

    glang chen rta dang sha chen dang/ /ba lang khyi sha mchog yin te/ /zas phyir 'di dag bza' bar bya/ /gzhan ni bza' bar mi bya'o/ /sha rnams dag ni ma rnyed na/ /kun la bsgom zhing rnam par brtag /rdo rje'i sbyor ba 'di dag gis// sangs rgyas kun gyis byin gyis rlob/ /bza' ba 'am yang na btung ba ste/ /brtul zhugs can gyis ci bza' ba/ /dri chu sha yi sbyor ba ste/ /cho ga ji bzhin brtag par bya/ /rnam pa thams cad mchog ldan pa/ /rang lus ngag yid rdo rje yi/ /snying gar ye shes dam tshig ste/ /rdo rje mchog 'dzin cod pan du'o/ /dam tshig rdo rje lce rtser ni/ /hUM las rdo rjer bsgom byas la/ /A(rgyud 'grel): dang oM gyi sbyor ba yis/ /zos na byang chub 'thob par 'gyur/ /'di ni dam tshig mchog yin te/ /sangs rgyas thams cad mnyes 'gyur ba/ /dam tshig mchog ces bya ba ste/ /mchog gi dngos grub thams cad byed/ /rtag bar gzhan nas dbrog pa dang/ /rmad du byung bas gsod pa dang/ /'dod chags rdo rje nyid spyod pa/ /'di ni sdom pas bsdams pa'o/ /dam bca' brtul zhugs dka' sbyod pa/ /bsten pas 'grub par mi 'gyur te/ /'dod pa'i longs spyod thams cad la/ /brten na myur du 'grub bar 'gyur/ /slong mo'i zan zas mi bzlas shing/ /bslong la dga' bar mi bya ste/ yan lag mi gnyis sngags bzlas la/ /'dod pa'i longs spyod kun spyad do/ /lus dang ngag yid bder gnas na/ /byang chub sems dpa' 'thob par 'gyur/ /gzhan du dus min 'chi 'gyur zhing/ /dmyal ba rnams su brtag tu bsreg /sangs rgyas byang chub sems dpa' dang/ /sngags kyi spyod pa mchog spyod pas/ /'dod ba'i longs spyod kun bsten na/ /chos kyi yi ge mchog thob 'gyur/ /chags pa'i ye shes rtag

  155. 94a

    bsgrubs pas/ 'dod pa'i longs spyod lnga bsten zhing/ /byang chub dpa' bo chags pa dang/ /byang chub sems dpa' mnyes par bya/ /gzugs sgra dri la sogs pa la/ /smad pa dag tu mi bya ste/ /rdo rje 'char? rgyal de nyid ni/ /thams cad du ni yang dag gnas/ /gzugs sgra ro dang dag gi rnams/ /de bzhin rab 'bring tha ma ste/ /khyad par rnam gsum shes byas nas/ /rdo rje sems la mchod pa bya/ /sngags pas rnam pa 'dir? gis/ /dam tshig sdom pa bsrungs byas na/ /tshe 'di nyid la 'di dag gis/ /rdo rje gsum nyid thob par 'gyur/ /gal te gti mug can gyis 'das/ /de la dngos grub mi 'byung zhing/ /rims dang dug dang nang bgegs kyis/ /bsad nas sems can dmyal bar 'gro /sangs rgyas byang chub sems dpa' yang/ /byin gyis rlob par mi mdzad cing/ /me tog bdug spos la sogs rnams/ /phul yang bzhes par mi mdzad do/ /'jig rten 'dir yang sdug bsngal zhing/ /pha rol tu yang dmyal bar 'gro /dam tshig spyod pa nyams pa yis/ /gti mug can gyis grub mi 'thob/ /sngar smos sdom la gnas pa ni/ /rtag par mi phyed brtul zhugs kyis/ /lus dang ngag yid rdo rje yi/ /bsgrub pa dag ni brtsam par bya/ /nags tshal chen po'i phyogs dag dang/ /dben pa chen po'i gnas dag dang/ /ri bo ri sul rnams su ni/ /dngos grub brtag tu thob par 'gyur/ sems dpa' yi ni skyil krung gis/ /'jam pa'i stan la 'dug nas ni// zhe sdang rdo rje'i ting 'dzin du/ /gnas nas gnas bsrung rnam par bsam/ /gzugs chen 'bar ba 'jigs pa yi/ /khro bo bcu dag phyung nas ni/ /hUM las skyes pa'i nyi mo'i stong/ /smad ni rtse mor rnam par bsam/ /

  156. 94b

    phyogs bcu'i dkyil 'khor phyogs rnams su /rim pa bzhin du kun tu bsam/ /bgegs rnams thams cad gzhig pa'i phyir/ /gnod mdzes bka' stsal phur bus gdab/ /nyi ma'i dkyil 'khor dbus gnas pa'i/ /dbyar gyi/ sbyin phung lta bu ste/ /bskal ba'i me dpung bzhin du 'bar/ /g.yas brkyang bar ni rab tu gnas/ /smin mtshams khre gnyer dmar ba'i spyan/ /zhal gsum mche gtsigs rnam par sgyur/ /phyag gnyis hUM gi rgya bcings te/ /dpa' bo rdo rje dril bu 'dzin/ g.yas gnyis lcags kyu ral gri bsnams/ /g.yon gnyis dgra sta zhags pa 'dzin/ /'di 'dra gzugs ni bsam byas nas/ /rang gis de la bka' stsal to/ /oM sum+b+ha ni sum+b+ha ni hUM/ grihba grih+Na hUM/ grih+na? pa ya hUM/ grih+NA pa ya hUM/ A na ya ho/ b+ha ga wa na/ bidya rA dza ya hUM phaT/ khro bo'i rgyal po 'di dag gis/ /bgegs ni kun nas rnam par 'jig /blo ldan rab tu sbyor ba yis/ /cho ga bzhin du phur kun gdab/ /rdo rje bdud rtsi rgyal chen po/ /rdo rje phur bu nyid gnas pa/ /utpal sngon po'i 'dab 'dra ba/ /'bar ba'i phreng ba 'khrigs pa'i 'od/ /lte ba man chad cha rnams ni/ /rtse mo lta bur rnam par bsgoms/ /ro stod khro bo lta bu nyid/ /zhal gsum phyag ni drug pa ste/ /bgegs kyi tshogs la 'og tu gzigs/ /de yi sngags 'di brjod bya ste/ /rdo rje phur bu nges btab na/ /bgegs lus shin tu mi g.yo'o/ /oM g+ha g+ha g+hA ta ya g+hA ta ya/ sarba duSh+TaM hUM phaT/ kI la ya kI la ya/ sarba pA paM phaT hUM hUM hUM badzra kI la ya badzra d+hA ro adz+nyA pa ya ti/ kA ya bAk+tsit+ta badzra kI la ya hUM phaT/ /rdo rje tho ba phyag bsnams mchog /gnod mdzes rgyal po rnam par bsgoms/ /hUM brjod 'bar ba'i lta bas ni/ /

  157. 95a

    bgegs rnams thams cad phur bus gdab/ /phyogs rnams kun tu rdo rje'i me/ /rnam par 'phro ba rnam bsams te/ /ma rungs pa ni tshig bsams na/ /phyogs bcu dag tu 'bros par 'gyur/ /phyogs mtshams phur bus btab nas ni/ /steng 'og yang dag byin gyis brlabs/ /dam pa'i don du bsgom pa ni/ /srid gsum rang bzhin med pa ste/ /dngos po med pa bsgom pa'i dngos/ /bsgom par bya ba bsgom pa min/ /de ltar dngos po dngos med pas/ / bsgom pa dmigs su med pa'o/ /dngos po brtan g.yo la sogs kun/ /tshigs bcad 'di yis stongs gyur nas/ /cho ga 'di yi sbyor ba yis/ /ye shes sa ni byin gyis brlabs/ /byang chub rdo rje dmigs nas ni/ /zla ba'i dkyil 'khor la 'dug nas/ /nam mkha' i khams kun khyab pa yi/ /lha mo mA ma kI ni bsam/ /nam mkha' rdo rje dbus gnas pa/ /dud dang kunda zla 'dra ba'i/ /ye shes bdud rtsi las byung ba/ /sa yi khams ni byin gyis brlab/ /chu zhes dpag tshad bye ba ste/ /dang la rang bzhin dri ma med/ /'od zer rnam lngas kun tu 'khrigs/ /sangs rgyas rdo rje can gyi gnas/ /de dbus b+h+ruM ni gnas pa la/ /gser gyi ri bo 'dra ba yi/ /sangs rgyas kun gyi gzhal med khang/ /'khor lo sgyur ba bsgom par bya/ /las kyi rdo rje stan nyid du/ /shes rab ldan pas de'i 'og bsam/ /nam mkha' i dbyings kyi dbus gnas pa/ /bde gshegs kun gyi pho brang ngo/ /rin chen bzhi dngos mchod rten ni/ /'od zer phreng bas rnam par brgyan/ /ye shes rgya mtsho dus gsum gyi/ /gnas su de ni rnam par bsam/ /gru bzhi pa la sgo bzhi pa/ /sgo rgyan bzhi dang yang dag ldan/ /dril bu dar dbyangs 'phan la sogs/ /sgo khyud kyis ni rnam par

  158. 95b

    brgyan/ /grwa mtshams dag ni thams cad du/ /rdo rje rin chen rnams kyis spras/ /zla gam chun 'phyang gis brgyan pa/ /nyi ma zla la sogs pas brgyan/ /bla re bres bas mdzes gyur cing/ /na bza' phreng ba sogs kyis brgyan/ /? skud bzhi ni yongs btab pas/ /ka ba mchog brgyad kun tu gnas/ /de dbus 'khor lo dmigs bya ba/ /kun nas yongs su zlun pa ste/ 'dor na sangs rgyas thams cad kyi/ /rang gi gnas su rnam par bsam/ /rdo rje sge mo bzhi nas ? 'khor lo'i grwar ni rnam par bsgom/ /gshin rje gshed sogs sgor dmigs te/ /sa snying la sogs bsgom par bya/ /nyi ma'i dkyil 'khor dbus gnas pa/ /sems kyi rdo rje rang bdag nyid/ /zhal gsum phyag drug lta bu ni/ /sangs rgyas dkyil 'khor dbus su gnas/ /lus dang ngag yid rdo rje yi/ /mtshan nyid dam pa'i don nyid de/ /tshul bzhin rnal 'byor pas dpyad nas /sngags 'di rab tu brjod par bya/ /oM shAn+ya tA dz+nyA na badzra swa b+hA ba At+ma konyahaM/ /nam mkha' bzhin du blta bar bya/ /nam mkha' bstan du med pa ltar/ /bdag nyid rang bzhin med mthong nas/ /yi ge'i rnam pa bsgom par bya/ /bla 'og dbus ni rim bzhin du'o/ /bdag nyid yi ge 'bru gsum gzugs/ /sangs rgyas dkyil 'khor dbus nyid du/ / kha dog gsum du bskyed nas no/ /nyi zla pad+ma yang dag gnas/ /oM A(rgyud 'grel): hUM/ /dang ba'i zla ba 'dra bar ni/ /yi ge 'bru gsum zhu bar brtag /ye shes 'od zer rnam 'phros pas/ /rgyud drug gnas pa'i sems can dang/ /sangs rgyas rnams kyi sku gsung thugs/ /bsdu ba'i sbyor bas kun bsdus nas/ /rang bzhin med par mos pa yis/ /byang chub sems la bzhug par bya/ /oM d+harmmA b+hA tu badzra swa b+hA ba Ahma konya haM/ byang chub sems de kun tu dag /dri med zla ba lta bur

  159. 96a

    *//gnas/ /kun bsdus bdud rtsi'i sbyor ba yis/ /gzugs kyi ngo bor rnam par bsgom/ /sngags kyi sku ni mthar phyin pa/ /sangs rgyas kun gyi rang bzhin dag/ phung po khams su rnam bsams te/ /skye mched la sogs rnams kyi brgyan/ /gzugs kyi phung po rang bzhin du/ /rnam par snang mdzad rab tu gnas/ /tshor ba dkon mchog dpal dang ni/ /'du shes su ni snang mdza' yas/ /'du byed thams cad gdon mi ? /rnam par shes su mi bskyod gnas/ /mdor na phung po lnga rnams ni/ /sangs rgyas lngar ni rab tu grags/ /oM swa oM ha hUM/ sa'i khams ni rnam bsam pa/ /phyi dang nang gi brtan pa ste/ /'grub par spyan ni bsams byas nas/ /swa ba lta bur byin gyis rlob/ /chu khams mA ma kIr bsam pa/ /khu ba khrag ni nyid kyi rgyu/ /lus ngag sems shes brjod pa la/ /gang ba nyid du rnam par gnas/ /me'i khams su rab sbyor ba/ /gos dkar mor ni blta bar bya/ / kun tu mchog rab 'bar ba ste/ /de ni 'bar ba lta bur 'byung/ /rlung gi khams kyi rang bzhin du/ /blo dang ldan pas sgrol ma bsam/ /de ni rlung lngar 'byung ba ste/ /de bzhin yid kyi 'gro ba 'grub/ /nam mkha' i khams kyi rang bzhin du/ /kun tu bzang mo rab tu brtag /nam mkha' de yi sbyor bas ni/ /sangs rgyas kyis kyang mi gzigs so/ /phung po khams kyi bye brag ni/ /gnyis su med pa'i sbyor par gnas/ /de ltar khams nyid bsam byas na/ /de ni kun tu tshim par 'gyur/ /mo ha ra ti/ dwa shwar ti/ /rA ga ra ti/ badzra rA ti/ mig dang rna ba sna dang ni/ /cle dang lus dang yid dag tu/ /sa'i snying po la sogs sems/ /skye mched dag tu rnam par bsgom/

  160. 96b

    thli? oM oM oM haM oM/ /nang gi skye mched rnams su ni/ /sa yi snying po la sogs gnas/ /phyi'i skye mched rang bzhin du/ /gzugs la sogs pa rab tu gnas/ /sa snying la sogs sngags rnams ni/ /rdo rje can gyi rgyud las gsungs// 'di dag rnams ni ma gsungs phyir/ /gzugs la sogs pa ma bris so/ /phyi'i longs spyod kyis mchod phyir/ /gzugs sgra dag tu rab tu gnas/ /byin gyis brlabs kyis byin brlabs nas/ /'dod pa lnga ni spyad par bya/ /gzugs ni mig gi spyod yul gnas/ /sgra ni rna ba'i gnas su gnas/ /dri ni sna dang mtshungs ldan te/ /ro ni lce la rab tu gnas/ /reg ni lus kyis bde bar gnas/ /phyi'i skye mched nyid dag ni/ /byang chub sems dpa' i dkyil 'khor mchog gshin rje gshed po lag pa g.yas/ /gzhan gyis mi thub g.yon pa ste/ /kha la rta mgrin bsgom par bya/ /bdud rtsi 'khyil pa rdo rje la'o/ /ya mAn+ta krita/ pradz+nyAn+ta krita/ big+h+nAM ta kri /de ltar don kun rab zhugs nas/ /sangs rgyas kun bdag gtso bo ni/ /bskyed nas byin gyis brlab bya ste/ /tshigs su bcad pas gsol ba gdab/ /spyi bo'i dbus gyur bsam pa ni/ /zla ba'i dkyil 'khor gdab ste/ /der ni oM dkar 'od ldan pa'i/ /'od zer lnga ni 'phro ba'i/ /de las lha mo rnams 'phro ba/ /bdag po rab tu sbyor ba ste/ /spyan ni rnam par bsam bya ba/ /nam mkha' i khams kun gang bar ro/ /rdo rje sku ni rnam bsam pa/ /bar snang khams ni gang bar gnas/ /de dbus bdag bor bsam bya zhing/ /bdag gi mdun na gnas par ro/ /sum cu rtsa gnyis mtshan 'chang ba/ /dpe byad bzang po brgyad cus brgyan/ /sngags pa'i yis bcol ba ni/ /tshigs su bcad pa gnyis gnyis brjod/ /dpal ldan

  161. 97a

    sangs rgyas sku 'chang ba/ /rdo rje mi phyed gsum bsgoms pas/ /ding? nyid byin gyis brlabs nas su/ /rdo rje skus ni mdzad du gsol/ /phyogs bcur bzhugs pa'i sangs rgyas ni/ /rdo rje mi phyed gsum bsgoms te// ding? nyid byin gyis brlabs nas su/ /rdo rje skus ni mdzad du gsol/ /spyan dang thabs cig ldan par ni/ /rtag par rnam par bsgom par bya/ /de bzhin zhugs par mos byas la/ /phung po lnga ni byin gyis brlab/ /sangs rgyas kun gyi sku ni gang/ /phung po lnga la rab tu gang/ /sangs rgyas sku yi rang bzhin gyis/ /bdag kyang de dang 'dra bar shog /oM sarba ta thA ga ta kA ya badzra swa b+hA ba At+ma konya? haM/ /de bzhin lce dbus pad+ma la/ /a las rdo rje 'dod chags te// rab zhugs de la gsol gdab cing/ /rdo rje ngag tu byin gyis brlab/ /chos kyi dag lam dpal ldan pa/ /rdo rje mi phyed gsum bsgoms pas/ /ding nyid byin gyis brlabs nas su/ /rdo rje gsung gis mdzad du gsol/ /phyogs bcung bzhugs pa'i sangs rgyas ni/ /rdo rje mi phyed gsum bsgoms te/ /ding nyid byin gyis brlabs nas su/ /rdo rje gsung gri mdzad du gsol/ /lce ni 'phro bar rnams bsgoms te/ /rang dag chos rnams kun gyi gnas// gsung dbyangs thams cad rnam dag dang/ /chos kyi ngag tu byin gyis brlab/ /ngag de rdo rje chos kyis ni/ /des pa'i tshig ni phun sum tshogs/ /bdag gi tshig kyang de bzhin du/ /chos 'chang lta bur gyur par shog /oM sarba ta thA ga ta bAka badzra swa b+hA ba At+ma konyA? haM/ /snying gi zla ba la dmigs pa/ /kha dog mthing shing lta bu yi/ /hUM zhes pa yi rdo rje sems/ /'od zer rnam lnga shin tu 'bar/ /sngar smos pa yi rim pa yis/ /rdo rje sems la

  162. 97b

    gsol btab nas/ /de ni zhugs par bsgom byas te/ /sems ni byin gyis brlab par bya/ /dpal ldan sems ni rdo rje 'chang/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /snying la dpal be'u bsam pa ni/ /skyes bu chen po'i mtshan nyid do/ /'od zer lnga 'khrigs lta bu ni/ /nga rgyal bskyed pas sbyar bar bya/ /kun tu bzang po'i sems ni gang/ /gsang dbang gi ni blo ldan pa/ /bdag dang de dang 'dra ba'i sems/ /rdo rje 'chang 'drar gyur par shog /oM sarba ta thA ga ta tsit+ta badzra swa b+hA ba At+ma konyahaM/? /dbang bskur gang ma bzhin bsgom pa/ /chen po'i rgyu mthun la sogs yin/ /mi bskyod dbu rgyan sangs rgyas bzhi/ /lhag ma rang gi bdag dban bskur/ /sku yi dbang phyug mi bskyod pa/ /dag gi dbang phyug thugs kyi dbang/ /dbu rgyan de bzhin 'dod pa'o/ /de ltar rim pas dbang bskur nas/ /rang gi snying po 'od zer gyis/ /shes rab ma yi dkyil du ni/ /gzugs la sogs pa thim byas te/ /ba spu bu ga las byung ba'i/ /gzugs kyi rdo rje sogs 'od ni/ /gzhal yas khang nas byung nas su/ /bar snang dkyil du khyab pa yis/ /bdag dang thub dbang mchod byas te/ /mchod dang mchod pa'i bdag nyid 'gyur/ /oM sarba ta thA ga ta pU dza badzra swa b+hA ba At+ma konya haM/ rigs gsum rigs lnga brgya rnams la/ /ye shes lnga dang phyag rgya dang/ /sangs rgyas bdag nyid gzugs rnams kyis/ /dkyil 'khor chos rnams kyis stong pa/ /mi bskyod rdo rje ye shes che/ /rdo rje dbyings ni mkha' chen po/ /rdo rje

  163. 98a

    gsum mchog dkyil 'khor gsum/ /rdo rje dbyings la phyag 'tshal bstod/ /rnam par snang mdzad dga' chen po/ /rdo rje zhi ba dga' ba che/ /rang bzhin gyis ni 'od gsal mchog /rdo rje ston la ? 'tshal bstod/ /rin chen rgyal po shin tu zab/ /nam mkha' rdo rje dri ma med/ /rdo rje sku la phyag 'tshal bstod/ /rdo rje mdza' yas chags pa che/ /rnam par mi rtog rdo rje mkha' / /'dod chags pha rol phyin ba thob/ /rdo rje gsung pa phyag 'tshal bstod/ /rdo rje don grub rdzogs sangs rgyas/ /bsam ba thams cad yongs rdzogs pa'i/ /rang bzhin dag pa nyid las byung/ /rang bzhin dag pas gos pa med/ /rdo rje sems la phyag 'tshal bstod/ /zla ba nyi ma chung? sman dri/ /rlung me'i dkyil 'khor la gnas pa'i/ /'od ldan phyag 'tshal byin gyis brlab/ /de nyid gsum gyi sngags btab nas/ /lce la rdo rje hUM bkod de/ /ye shes bdud rtsi gang bsgoms nas/ /snying ga'i zla ba'i dkyil gnas kun/ /dkyil 'khor de yis tshim par bya/ /snying 'od sprul pa mgon po yis/ /dbugs kyi kun rtog yongs spangs te/ /'gro ba sangs rgyas nyid byas nas/ /ye shes sa bon dkyil du thim/ /snying gi phyag mtshan dkyil gnas pa/ /zla ba'i snying po thig le gzugs/ /'od gsal rang gi yid bsgoms te/ /ye shes sems dpa' gsal bar bya/ /sku gsung thugs kyi rdo rje yang/ /'od zer 'phros pas gsal byed de/ /de yang snying la bzhugs bsams nas/ /de ni ye shes bdud rtsi'i rgyun/ /de nas lus kyi nang kun tu/ /de yis kun tu gsal byas te/ /so so ba spu'i 'od zer gyis/ /'gro ba'i don ni rdzogs par bya/ /rang gi phyag mtshan phra mo la/ /rang gi thub pa'i dkyil

  164. 98b

    'khor ni/ /'ong 'bar dam pa'i shes rab thogs/ /rig ma'i sna la gnas par bsgom/ /brtan pa'i mtshan ma mthong ma thag /de yi 'od zer 'phro ba ni/ /sangs rgyas sna tshogs phyag mtshan bsnams/ /yang dang dang du 'phro ba bsgom/ /sku gsung thugs kyi rdo rje dang/ /'od zer lnga yi ye shes las/ /'phros nas sngags ni zlos byed pa/ /lhan cig yang na rim par bya/ /dbugs phyung 'phro ba spro byas te/ /dbugs bsdu sngags kyang bsdu bar bya/ /sku la sogs pa'i spro bsdu ba/ /rims rim par bzlas par bya/ /de ltar bzlas na nam mkha' la/ /sku sogs de dag rnams kyis khyab/ /sngon bzhin rang gi 'od zer mchod/ /dbugs phyung rig ma'i chu bo yis/ /gsang ba'i rig ma le lo yis/ /bde bar zhugs nas dbang gyur pa/ /ye shes sangs rgyas chu bo rnams/ /dgag pa'i dbugs kyis thim nas su/ /rang gi dkyil du thim par bya/ /rgyu mthun la sogs mos pa yis/ /thig le phra mo gsang gsum la/ /'bring po chung sogs phyi nas su/ /sbyor ba'i bsnyen sogs de bzhin no/ /rang snying de nyid mchog gzigs pa/ /sems la nyams su phyung gyur na/ /spyan sogs yon tan dbyangs kyis ni/ /dkyil 'khor gsol nas mchod par bya/ /spyi bor zla ba phyag mtshan ldan/ /dam pa'i sems ni chu rgyun ni/ /'bab? ba rim par byas nas su/ /sku gsung thugs la tshim par bya/ /de ltar dbugs phyung bzlas nas su/ /mkhas pas mchod pa la sogs bya/ /ci phyir de bzhin nyid gsum dag /thogs pa spangs nas rdzogs par bya/ /de 'dra de nyid dang bral ba'i/ /'gro ba thams cad mthong nas su/ /de dag phan phyir snying rje yis/ /smon lam kun tu mngon par bya/ /ting nge 'dzin las langs nas su/ /'gying bag gtso bo dang ldan nas/ /spyod pa sangs rgyas

  165. 99a

    shes byas te/ /spyod yul rnams kyis rab tu mchod/ /'jam dpal rdo rje bdag nyid kun/ /rang bzhin las ni spyod yul 'gro /spyod yul de dag bsgom pa nyid/ /rang rang dag nas gnas phyir ro/ /rtag pa la? sogs gnas pa'i phyir/ /so so rang rig chos su gnas/ /dpal ldan rdo rje 'dzin pa'i gzugs/ /sems dpa' dag pa dang ldan pas/ /dbugs kyi rtog pa spangs nas su/ /bya ba thams cad bya ba yin/ /dkyil 'khor mtshon pa mdza' yas 'di/ /rtag tu sgom pa'i rnal 'byor pa'i/ /rang gi snying ga'i zla ba la/ /rang gi dkyil 'khor gtso bo ni/ /gzhi yi sa bon gyis bskyed la/ /rang gi za ba za dus na/ /rang snying de bzhin nyid dmigs dang/ /bdud rtsi sangs rgyas kun tshim bya/ /chos nyid kyi ni kun dag la /de nyid gsum gyi sngags btab nas/ /dkyil 'khor rang gi rig pa'i lha/ /de yis tshim par byas nas mchod/ /phyi yi sbyin sreg rjes dpags te/ /sems ni sems nyid yin pa'i phyir/ /bla na med pa 'di yin te/ /ye shes me ni 'bar byed nas/ /phung po'i bud shing bsregs pa'o/ /'dod pa 'di dag thams cad ni/ /rang rang lha dag rang bzhin skye/ /de ltar bdag gzhan mchod byed pa/ /bde bar gshegs pa'i dam tshig yin/ /gang zhig la ni de sku sogs/ /sangs rgyas kun la mchod byed dang/ /rjes su rigs pa 'gro ba'i don/ /rtag tu mnyam gzhag bsam gtan bya/ /gang zhig lus ngag dngos po la/ /phyag rgya sngags kyi bdag nyid che/ /las de yang dag brtsams nas su/ /sangs rgyas thams cad mchod par bya/ /rnam rtog dngos po gcig pu la/ /sna tshogs rnam par snang ba ste/ /sdug bsngal bad? ba grol 'byung ba/ /ci phyir las ma lus pa yin//

  166. 99b

    de phyir dge dang mi dge las/ /lus la sogs pa'i rtog pa 'byung/ /kun rtog thams cad nges grol nas/ /ye shes rtog par ga la 'gyur/ /don yod rdo rje dkyil 'khor gcer/ /bsams nas dam tshig bslab don du/ /snying gang las kyi rdo rje khang/ /bsams nas kun bdag dbang bskur bya/ /bla ma brnyas sogs skyon gyur na/ /yon dang bcas par ston mo dbul/ /rang gi dkyil 'khor la gnas te/ /bdag nyid la ni pha rol tu/ /rim pa gcig ni rnam bsam pa/ /snga ma'i gzugs ni gnas gyur nas/ /zhe sdang gzugs su rnam par gnas/ /in+d+ra nI la'i mdog lta bu/ /zhal mdangs mche pa gtsigs pas 'jigs/ /mi 'khrugs 'bar ba spyi bor 'chang/ /'jig rten khams kun 'khrug par byed/ /nyi ma'i dkyil 'khor dbus nas pa/ /nyi ma bye ba phrag brgya'i 'od/ /dmar ba'i spyan ni 'jigs pa che/ /rgyan rnams kun gyis rab tu brgyan/ /khro gnyer zhi ba 'dod chags che/ /zhal gsum dag ni rnam par 'chang/ /rang gi dam tshig mnyam par ldan/ /phyag drug gis ni mngon par brgyan/ /'dzam bu nA da'i 'od 'dra ba'i/ /sangs rgyas sprin gyis rnam 'khrigs pa'i/ /rdo rje chen po rtse dgu pa/ /de yi phyag tu rnam par bsgom/ /sngar gsungs pa'i rims bzhin du/ /phyag rgya phyi ma rnam par bsgom/ /zhe sdang rdo rjer byin gyis brlabs nas/ /dkyil 'khor thams cad rab tu spro/ /dzi na dzik /sa bon las ni bskyed bya ba/ /rnam par snang mdzad gtso bo ste/ /zhi ba'i cha lugs dag dang ldan/ /phyogs ni thams cad snang par mdzad/ /ston ka'i 'dam bu'i 'ong 'dra ba/ /ral pa'i cod pan dag gis brgyan/ /mi 'khrugs pas ni dbang bskur zhing/ /sna tshogs rgyan rnams kun gyis brgyan//

  167. 100a

    dkar dang gnag dang dmar chen pa/ /kha dog gsum pa zhal gsum pa/ /'od zer sna tshogs chen pos brgyan/ /phyag drug rnam par bsgom par bya/ /'khor lo rdo rje pad+ma dkar/ /g.yas pa'i phyag tu rnam par bsam/ /dril bu nor bu ral gri rnams/ /g.yon pa'i phyag tu rnam par bsgom/ /snying las de bzhin byung nas ni/ /phyogs kun tu ni rnam par gzigs/ /sangs rgyas rdzu 'phrul mdzad la sogs/ /chos kyi 'khor lo rab tu bskor/ /gti mug lam la rab gnas pa'i/ /sems can ma lus sbyangs nas ni/ /slar log mdun gyi phyogs dag ni/ /zla ba'i dbus su rnam par gnas/ /btan b+h+rika /sa bon las ni skyes pa yi/ /dkon mchog dpal ni mkhas pas bskyed/ /ral pa cod pan 'chang la zhi/ /mi 'khrugs dbang bskur bas ni brgyan/ /zhal gsum kha dog gsum pa ste/ /ser dang dmar dang dkar pa'i zhal/ /thams cad brgyan dang rab ldan pa'i/ /phyag drug pa ni rnam par bsgom/ /nor? bu rdo rje 'khor lo ni/ /g.yas pa'i phyag tu bsgom par bya/ /dril bu ral gri pad+ma ser/ /g.yon pa dag tu rnam par bsgom/ /de bzhin snying ga nas byung nas/ /'jig rten khams ni rnam par gzigs/ /nga rgyal gnas la gnas pa yi/ /sems can thams cad sbyong bar mdzad/ /rin chen chen po slar gshegs nas/ /thams cad dbang bskur phun sum tshogs /rdo rje sems dpa' i g.yas phyogs kyi/ /rin chen dbus su rnam par bzhugs/ /a ro lika /sa bon dag las grub pa yi/ /rdo rje snang ba mdza' yas bskyed/ /pad+ma rA ga'i mdog 'dra ba'i/ /mi 'khrugs pas ni cod pan brgyan/ /zhi ba ral pa cod pan 'chang/ /dmar dang gnag dang dkar ba'i zhal/ /thams cad rgyan gyis rnam brgyan pa'i/ /phyag drug pa ni

  168. 100b

    bsgom par bya/ /g.yon pa 'gying bas pad+ma 'dzin/ /dril bu dkur brten phan phyir te/ /g.yas par pad+ma skyod mdzad cing/ /thugs kar pad+ma kha yang 'byed/ /phyag gnyis rdo rje 'khor lo dang/ /g.yon gnyis rin chen ral gri bsnams// snying ga nas ni byung gyur nas/ /thams cad phyogs su rnam par gzigs/ /sems can 'dod chags ldan sbyong ste/ /'dam can chu yi pad+ma bzhin/ /slar gshegs pad+ma'i dbus su ni/ /rgyab kyi phyogs su mngon par bzhugs/ /pradz+nyA d+h+rik /sa bon las ni grub pa yi/ /rdo rje gdon mi za ba bskyed/ /ljang gu bai DUrya 'dra ba/ /ral pa cod pan rdo rje gnas/ /thams cad rgyan gyis rnam par brgyan/ /ljang khu gnag dang dkar ba'i zhal/ /'od zer rnam lnga 'khrig par 'bar/ /phyag drug rnam par bsam par bya/ /ral gri rdo rje rgya gram dang/ /'khor lo g.yas pa'i phyag tu bsgom/ /dril bu pad+ma'i sdong bcas dang/ /nor bu g.yon pa'i phyag tu bsam/ /de bzhin snying ga nas byung nas/ /phyogs bcu kun tu gzigs mdzad de// brdzun tshig smra ba'i lam gnas pa'i/ /sems can thams cad kun tu sbyong/ /sna tshogs chen po slar gshegs nas/ /gru gsum dkyil 'khor dbus su ni/ /rdo rje sems kyi byang phyogs su/ /sems dpa' i skyil mo krung gis bzhugs/ /zhe sdang gti mug 'dod chags dang/ /yid bzhin nor bu dam tshig ste/ /rigs lngar gtogs pa 'di rnams kyis/ /'dod dang grol bar rab grub pa'o/ /da? shwo ra ti/ gsang sngags las ni grub pa yi/ /rgyal ba'i yum gyi lha mo bskyed/ /sngo bsangs utpal mdog 'dra ba/? /yid du 'ong ba'i mdzas pa'i zhal/ /gnag dang dmar dang dkar 'dra ba'i/ /zhal gsum gyis ni rnam par brgyan/ /mi 'khrugs cod pan gnas byas pa'i/ /phyag drug pa ni bsgom par bya/ /rgyal mo rdo rje/

  169. 101a

    'khor lo 'dzin/ /sngo dmar utpal phyag na bsnams/ /g.yon pa bgyid pas dril bu ste/ /rin chen ral gri rtag tu 'chang/ /snying ga nas ni byung gyur nas/ /phyogs bcur rnam par gzigs mdzad de// bgegs chen gyis ni 'jigs rnams la/ /rtag tu bsrung ba nyid du mdzad/ /'bar ba bslar yang gshegs nas ni/ rdo rje dkyil 'khor dbus ma yin/ /lho yi grwar ni bzhugs nas kyang/ /rab dgyes rdo rje la yang gzigs mo ha ra ti/ gsang sngags las ni grub pa yi/ /spyan gyi lha mo bskyed par bya/ /ston ka'i zla ba'i mdog 'dra ba'i/ /rnam par snang mdzad spyi bor gnas/ /me tog sna tshoD tshad med pas/ /dbu la thod du rnams par? bcings/ /dkar dang gnag dang dmar chen po'o/ zhal gsum pa ni rab tu 'bar/ /cha lugs brgyad dang ldan pa ste/ /'od zer dkar pos kun tu 'khrigs/ /rgyan rnams kun dang ldan pa yis/ /phyag drug pa ni rnam par bsam/ /rgyal mo 'khor lo rdo rje 'dzin/ /utpal dkar po/ phyag na bsnams/ /rin chen sdong bu g.yon na ste/ /dril bu ral gri 'dzin pa'i mchog /de bzhin snying ga nas byung nas/ /phyogs bcu dag tu rnam par gzigs/ /gdon nang na ba'i sems can dag /zhi ba'i gnas kyis zhi bar mdzad/ snang mdzad de ni slar gshegs nas/ /dang ba'i dkyil 'khor dbus su ni/ /shar gyi grwar ni zhugs nas kyang/ /rdo rje mgon la gzigs par mdzad/ /rA ka ra ti/ gsang sngags las ni grub pa yi/ /gos dkar mo ni bskyed par bya/ /zhal mdzes spyan ni ring pa ste/ /pad+ma rA ga zla mdog 'dra/ /zhal gsum dag ni bzhad pa'i zhal/ /dmar dang gnag dang dkar pa ste/ /snang ba mdza' yas cod pan gnas/ /thams cad rgyan kyis rnam par brgyan//

  170. 101b

    sgyu 'phrul tshon las kun tu 'byung/ /'dod chags dmar po 'chang la dga' / /mtshan rnams thams cad kun rdzogs pa'i/ /phyag drug rnam par bsgom par bya /g.yon pa 'gying pas dril bu dang/ /sdong bu lor bcas utpal 'dzin/ /sgeg dang bcas pa'i g.yas pa yis/ /utpal dmar po kha yang 'byed/ /gnyis ni rdo rje 'khor lo 'dzin/ /g.yon pa nyis nor bu ral gri 'chang/ /snying ga nas ni byung gyur nas/ /thams cad phyogs su rnam par gzigs/ /gza' sogs kyis skabs sems can rnams/ /tshe dang mtshungs par rgyas par mdzod/ /slar gshegs pad+ma'i dbus su bzhugs/ /badzrar ti/ gsang sngags las ni grub pa yi/ /lha mo sgrol ma mkhas pas bskyed/ /yan lag mtshan rnams kun dang ldan/ /bud med ma rungs myos mdzad brtson/ /mtshes pa'i zhal ni spyan ring ba/ /ma brgyad ser po'i mdog kyang 'dra/ /gdon mi za mchog cod pan mdzad/ /me tog sreg gi cod pa na dkris/ /ljang gu gnag dang dkar 'dra ba'i/ /zhal gsum gyis ni rnam par brgyad// rgyan rnams thams cad kun rdzogs pa'i/ /phyag drug pa ni bsam par bya/ /rdo rje rgya gram 'khor lo 'dzin/ /utpal ser po phyag na bsnams/ /g.yon pa 'gying pas dril bu ste/ /rin chen ral gris phyag ni brgyan/ /snying ga nas ni byung gyur nas/ /'dod chags zhe sdang gis rmongs pa'i/ /sems can dbang du byed pa ni/ /'od kyis reg pa tsam gyis ni/ /sems ni me ltar dbang gyur nas/ /thams cad mngon par phyogs par gnas/ /slar gshegs dam tshig dbus su ni/ /byang gi phyogs kyi grwar ni zhugs/ /gsang sngags yi ge las grub pa'i/ /mkhas pas byang chub sems dpa' bskyed/ /rigs kyi bdag pos dbang bskur ba'i/ /kha dog gsum dag zhal gsum pa'o/ /rnam pa thams cad mchog ldan pa//

  171. 102a

    phyag drug pa ni rnam par bsgom/ /so so'i rigs bzhin kha dog brgya/ /de dag thams cad bsgom par bya/ /sgrol ma'i phyag rgyar gsungs pa ni/ /kun tu bzang po'i bsgom par bya/ /utpal yongs su ? nas ni/ /pad+ma de la sbyin par bya/ /byams pa klu shing me tog ste/ /lhag ma rnam snang mdzad kyi gnang/ /'jam dpal dril bu ral gri mchog /de bzhin du ni rab tu gnas/ /lag pa g.yon pa sa la gnon/ /g.yas pa zhu ba'i phyag rgya ste/ /lhag ma kun tu bzang po yi/ /phyag rgya de ni rnam par bsgom/ /shar gyi ngos la gnyid nyid de/ /sa yi snying po byams pa gnas /lhor ni phyag na rdo rje dang/ /nam mkha' zhes bstan kun tu gnas/ /nub tu 'jig rten dbang phyug dang/ /'jam pa'i dbyangs ni rnam par gnas/ /byang du sgrib sel bstan pa dang/ /kun tu bzang po rab tu grags/ /'di ltar 'di yi dam gsungs pa/ /gzugs kyi rdo rje la sogs lha/ /'di dang thabs cig bzhugs pa ni/ /lag gnyis rang rtags ldan par bzhag /gzugs ni lag gnyis me long 'dzin/ /sgra ni lag gnyis pi wang ngo/ /dri ni lag gnyis dung phor te/ /ro ni lag gnyis snod gnas so/ /reg ni rdo rje yongs 'khyud ma/ /snying ga dag tu yongs su 'khyud/ /rdo rje rgya gram dam tshig gis/ /bde bar gnas pa chos kyi dbyings/ /rnam snang mdzad sogs kha dog dang/ /mtshon cha dag ni sna tshogs te/ /gzugs la sogs pa rnam bsgom pa/ /ji skad gsungs pa'i rim bzhin no/ /rnam par sel dang byams gnyis kyis/ /kha dog mtshon cha ji bzhin gnas/ /dam tshig gnyis ni bsgom bya ba/ /byams pa snying rje zhes bya gnyis/ /ya mAn+ta krita/ /ye shes

  172. 102b

    las ni grub pa ni/ /rdo rje zhabs drug bskyed par bya/ /sprin sngo lta bu'i kha dog la/ /gsus po che la stobs po che/ /'od zer stug po dag gis 'bar/ /kun tu khros pa'i 'jigs dang bcas/ /spyan dmar zhal gdangs che ba gtsigs/ /zhal gsum dag ni rnam par bskyod/ /'bar ba'i dbu ni byen du bcings/ /brtag par cod pan gnas byas te/ /yan lag rgyan gyis rab brgyan pa'i/ /phyag drug rnam par bsgom par bya/ /'khor lo ral gri bsnyems pas 'dzin/ /gtun shing mngon par bstod pa'i phyag /g.yon pa 'gying bas dril bu mchog /dgra sta zhags pa bsdigs par bcas/ /snying ga nas ni byung gyur pa/ /nyi ma'i dkyil 'khor dbus dag tu/ /g.yas brkyang gnon pa'i tshul gyis ni/ /shar phyogs kyi ni sgor gnas so/ /pradz+nyA krita/ ye shes las ni grub pa yi/ /rdo rje gzhan gyis mi thub bskyed/ /'od zer 'phro ba gdug 'bar zhing/ /sprul rnams kyis ni yan lag brgyan/ /'bar ba'i dbu ni brtan par bcings// mi 'khrugs pas ni spyi bor brgyan/ /khro gnyer mdzad cing dmar ba'i spyan/ /zhal gsum dag ni rnam par gdangs/ /dung dang kunda zla 'dra ba'i/ /zhabs g.yas brkyang bar gnas pa ste/ /rnam pa thams cad mchog ldan pa/ /phyag drug pa ni rnam par bsgom/ /rdo rje be con phyag nas bsgrengs/ /ral gri 'debs pa'i tshul du gnas/ /g.yon pa 'gying bas dril bu 'dzin/ /dgra sta mdzub mo zhags pa 'chang/ /de bzhin snying ga nas byung nas/ /nyi ma'i dkyil 'khor dbus dag tu/ /lho yi sgo yi dbus su ni/ /'dod pa'i khro bo kun tu gnas/ /pad+man+ta krita/ ye shes las ni grub pa yi/ /rdo rje gnyis med bskyed par bya/ /'od zer stug po 'phro 'bar ba'i/ /bandu ka yi me tog 'dra /dbu ?

  173. 103a

    'bar? bcings gyen du 'greng/ /rdo rje snang bas rnam par brgyan/ /phyag drug pa ni 'jigs pa che/ /zhal ni khro gnyer mdzad pa ste/ /phyag na pad+ma bskyod pa che/ /ral gri gtun shing mtshon cha'i phyag /g.yas brkyang 'gying pa'i tshul du gnas/ /g.yon pa dgra sta zhags pa 'chang/ /khro bo snying ga nas byung nas/ /nyi ma'i dkyil 'khor dbus su ni/ /btul nas rang gi dkyil 'khor la/ /nub phyogs kyi ni sgo ru gnas/ /diM g+h'AM? ta krit/ ye shes las ni grub pa yi/ /bdud rtsi 'khyil pa bskyed par bya/ /'od zer stug po 'bar ba ni/ /kha dog zar ma'i me tog 'dra/ /'bar bas 'khrigs pa'i sgra can dang/ /rdo rje don grub cod pan can/ /zhal gsum khro gnyer rab bskyod cing/ /mche ba rno can ha har bzhad/ /rdo rje rgya gram ral gri mtshon/ /phyag na gtun shing gsod par gnas/ /dril bu dgra sta ral gri dag /g.yon pa'i phyag tu rnam par brtag /de bzhin snying ga nas byung nas/ /nyi ma'i dkyil 'khor dbus su ni/ /khro bo zhabs g.yas brkyang pa yis/ /byang gi sgo yi dbus su gnas/ /khro bo'i dam tshig gsungs pa ni/ /ro langs gzhan gyis mi thub ma/ /khro gnyer ral pa gcig ma ste/ /lha mo 'di bzhi rab tu graD// sangs rgyas rnams ni mnyam sbyor ba/ /sems dpa' i skyil krung sbyor ba ste/ /byang chub sems dpa' de bzhin gsungs/ /khro mo g.yon kyang dag tu'o/ /dkyil 'khor dag ni bskyed pa'i rnams/ /thams cad dam tshig gzhis rgyas gdab/ de ltar sbyor bas mnyam bsdus nas/ /phra mo'i sbyor ba brtsam par bya/ /sna rtser yungs kar bsams nas ni/ /yungs kar de ni spro zhing bsdu/ /tshad med ye shes gnas bsgom pa'i/ /gsang ba'i ye shes rtags pa'o/ /kha dog lnga pa'i rin po

  174. 103b

    che/ /yungs kar sgom pa'i tshad tsam dag /sna yi rtse mor nan tan du/ /rnal 'byor pas ni rtag tu bsgom/ /brtan par gyur nas rin chen spro?/ /brtan par ma gyur spro mi bya/ /sangs rgyas 'od 'bar lta bu yi/ /sbyin gyi mchog ni spro bar bya/ /rdo rje 'khor lo sprin chen po/ /pad+ma mdzod ni mtshon cha 'dzin/ /byang chub sems dpa' sprin chen po/ /spro ba'i bdag nyid spro bar bya/ /utpal sngon po 'dab 'dra ba'i/ /rtse mo lnga pa khyad par du/ /nas kyi tshad tsam nan tan gyis/ /sna'i rtse mor rnam par bsam/ /'khor lo la sogs bye brag dag /de ltar bsgoms pas brtags pa ste/ /byang chub ched med 'grub 'gyur zhing/ /yon tan gnas rnams thams cad 'grub/ /mdor na de ltar bskyed byas na/ /sangs rgyas byang chub rab tu gnas/ /chos kyi gnas ni 'byung 'gyur te/ /lus dang ngag yid mtshon pa'o/ /de nas spro bar bya ba ni/ /rdo rje bye ba grangs med de/ /til gang bzhin du mkha' dgang ba/ /rdo rje bzlas pa brtsam par bya/ /bzlas mthar sangs rgyas ye shes kyi/ /rdo rje mi phyed gsum bsgoms te/ /rdo rje bzlas pa'i sbyor bas ni/ /sangs rgyas kun gyis byin gyis rlob/ /dus gsum sangs rgyas kun 'byung ba/ /sku gsung thugs ni rdo rje ste/ /rdo rje gsang sngags byin brlabs kyis/ /mtshungs pa med pa'i ye shes 'thob/ /gsang sngags don kun bzlas pa ni/ /rdo rje mi phyed gsum gyis mtshan/ /rdo rje mi phyed gsum rdzogs pa/ /'di dmigs rdo rje gsum zhes bya/ /sangs rgyas rnams kyi sku gsung thugs// rdo rje ye shes bsgoms nas ni/ /mchod pa'i mchog ni rtag byas na/ /'dis ni byang chub mtshungs par 'gyur/ /sku gsung thugs ni mngon sum du/ /cho ga gsum gyis spro bar bya/ /bzlas pa rdo rje 'di yis ni/ /rdo rje gsum gyi sems 'drar

  175. 104a

    'gyur/ /yang na spros par bya ba ni/ /so sor gsum gyi bye brag gis/ /sku gsung thugs ni bdag med par/ /ye shes sems kyi spro bar bya/ /khro bo'i dam tshig ye shes kyis/ /rang gi rdo rje'i dkyil 'khor du/ /sngags kyi yi ge'i sgra sgrogs pa/ /de ni khro bo'i bzlas pa yis/ /bzlas pa rdo rje kun tu spro/ /rdzogs nas rab tu bsdu bar bya/ /'di ni sangs rgyas thams cad kyi/ /bzlas par gsungs pa don dam pa'o/ /chos dang phyag rgya glur blangs pa// rdo rje tshig tu sbyor ba ste/ /'di ni gsal ba gsang ba'i tshig /rdo rje'i tshig ni skad gdangs med/ /hUM badzra d+h+rik /gsum pa spros pa bsdus nas ni/ /rdo rje sems dpa' bsgrub par bya/ /gal te rgyal po ma grub na/ /drag shul sbyor bas bsgrub par bya/ /rdo rje chen pos bsgrub par bya/ /cho ga bzhin du rtag bsgoms te/ /snying ga dag tu brdegs pa yis/ /ye shes sems dpa' rab tu bskul/ /yang na rang gi dam tshig khro/ /lus dang ngag sems las byung ba/ /g.yon pa'i phyag na lcags kyu dang/ /g.yas pa na ni rdo rje 'dzin/ /gal te me ltar 'bar ba yi/ /stobs chen de ni btang bar bya/ /mi gnas mya ngan 'das pa thob/ /rdo rje sems dpa' gnas pa de/ /khro bos snying gar brdeg bya zhing/ /khro bo'i tshig gis bskul bar bya/ /che ge zhes bya rdo rje che/ /khyod ni bsgrub par gnas pa ste/ /'di ltar rtag tu khyod la gus/ /de ni dam tshig bsrung ba'i mchog /dbang bskur rjes su gnang ba ste/ /de la dngos grub rab tu stsol/ /'di ni rdo rje tshul mchog ste/ /zhag bdun par du byas na ni/ /lus ngag yid ni 'grub 'gyur te/ /rdo rje gsang ba'i dngos grub po/ /'jigs shing skrag pa'i sems kyis ni/ /mchog sbyin mgon po gzigs mdzad de/ /chog shes sems dang dga' bar ni/ /dngos grub chen po stsol bar

  176. 104b

    mdzad/ /rdo rje gsum 'byung 'dra bar ni/ /'dis ni byang chub thob 'gyur te/ /rgyal ba byang chub rgya mtsho yis/ /rdo rje sems dpar de 'gyur ro/ /spyan la sogs pa'i lha mo dang/ /bral ba'i cha lugs ji bzhin du/ /bde ba mchog la zhen pa yis/ rdo rje sems dpa' rnam par gzigs/ /snyan cing 'jebs pa'i dbyangs dag dang/ /phra mo yi ni dbyangs la sogs/ /'dod pa bde bzhi don gyis/ /bskul ba bdag tu rnam par bsam/ /rdo rje sems khyod sa bdag ste/ /sems can khams ni bskyod mdzad pa/ /'dod dga' yid 'ong don chen te/ /sems can kun gnyen che mchog gis/ /gal te bdag srog bzhed pa na/ /mgon po bdag la 'dod pa spyod/ /rdo rje sku khyod sangs rgyas 'khor lo don/ /sems can mang po dga' ba rtogs mdzad cing/ /byang chub dam pa'i don ni phan pa ston/ /dam tshig la ni 'dod pas 'dod chags pa/ /gal te mgon po bdag srog bzhed pa na/ /khyod kyis 'dod pa bdag la spyod du gsol/ /rdo rje gsung khyod thams cad kun la ni/ /phan dang 'jig rten thugs brtse sems can don/ /dgos pa'i bya ba kun la rab tu chags/ /gal te mgon po bdag srog bzhed pa na/ /rab dgyes kun bzang 'dod pas bdag la spyod/ /rdo rje 'dod khyed dam tshig mchog lags te/ /phan pa'i don chen rdzogs sangs rgyas pa'i rigs/ /mnyam nyid thig le rjes su thugs brtser ldan/ /gal te mgon po bdag srog bzhed pa na/ /yon tan rin chen gter mang bdag la spyod/ /de ltar lha mos bskul nas ni/ /de bzhin gshegs la bstod pa byed/ /mi bskyod pa ni ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /gsang ba gsum la phyag 'tshal lo/ /rnam par snang mdzad dga' chen po/ /rdo rje zhi ba dgyes pa che/ /rang bzhin gyi ni 'od gsal chos/ /rdo rje ston la phyag 'tshal lo//

  177. 105a

    rin chen rgyal po shin tu zab/ /nam mkha' rdo rje dri med mkha' / /rang bzhin dag pa dri ma med/ /gsang ba gsum la phyag 'tshal lo/ /rgyal chen rdo rje snang mdza' yas/ /rnam par mi rtog rdo rje mkha' / /'dod chags pha rol phyin brnyes pa'i/ /rdo rje gsum la phyag 'tshal lo/ /rdo rje don grub rdzogs sangs rgyas/ /bsam pa thams cad rdzogs par mdzad/ /rang bzhin dag pa nyid las byung/ /rdo rje sems la phyag 'tshal lo/ /'di ltar bstod tshig zhi ba yis/ /sangs rgyas thams cad bskul byas nas/ /rdo rje longs spyod kyis bstod na/ /de yang sangs rgyas 'dra bar 'gyur/ /lha mos de bzhin gshegs bstod pa/ /rdo rje blo yis gzigs nas ni/ /sku gsung thugs la bsdus mdzad nas/ /sna tshogs rjes su chags par mdzad/ / dkyil 'khor thams cad mthong ba ni/ /sku gsung thugs kyi rdo rje ni/ /cho ga bzhin du bstan byas nas/ /bzlas pa dag ni bsdu bar bya/ /ting nge 'dzin la dmigs pa na/ /sngags pa lus nyam chung gyur na/ /lus ngag yid ni bstan bya'i phyir/ /sbyor ba 'di ni brtsam par bya/ /spyi bor dkyil 'khor brtag pa ni/ /mtho gang gi ni tshang tsam ste/ /oM ni dbus su bsgoms nas kyang/ /bdud rtsi lnga ni 'byung bar bsam/ /rdo rje sbyor ba 'di yis ni/ /skad cig gis ni mdangs ldan 'gyur/ /lus dang ngag sems bde gnas pa// the tsom med par 'grub pa yin/ /bkres skom la sogs sdug bsngal la/ /sbyor ba 'di ni rnam par bsam/ /sdug bsngal thams cad med 'gyur ba/ /mi gtsang rdo rje tshig bzhin te/ /rnam par snang mdzad gzugs chen po/ /bsgoms pas don kun phun sum tshogs/ /ba ni kha la bsgom byas nas/ /oM zhes pa ni lce la dmigs/ /bza' ba kun gyis gnas gyur pa/ /yid bzhin nor bus rnam par brgyan/ /sdug bsngal kun sel rab zhib/ /ye shes rdo rje byin brlab ste/ /gang zhig 'di ni sgom byed pa/ /byang

  178. 105b

    chub sems dpa' grags chen 'gyur/ /rdo rje sems dpa' sbyor ldan na/ /sku gsung dngos grub thob par 'gyur/ /dad pa med dang theg dman zhugs/ /'dod chags zhe sdang dbang rtul na/ /slob bu la yang sbyin mi bya/ /gang phyir bsgrub pa 'di brtsams pa/ / rgyud don mngon par rtogs nas ni/ /rdo rje sems bsgrub phyir bris te/ /rdo rje bzhad pa'i slob dpon gyis/ /sems can ye shes bskyed phyir ro/ /dpal bde ba chen po'i bsgrub thabs rdzogs so// //'di ni thams cad mkhyen pa'i sgrub pa gling pa chen po'i bka' drin gyis 'tsho ba d+harmmA kIrti b+ha bras lan gnyis su zhus dge'o// //bzhad pa'i rdo rje'i sgrub thabs kyi rnam bshad ni ma la garb+has? mdzad ba bzhugs so// //rgya gar skad du/ sh+rI ma hA su ka sA d+ha mo pi ka bya khya? na/ bod skad du/ dpal bde ba chen po'i sgrub pa'i thabs rnam par bshad pa/ dpal rdo rje sems dpa' la phyag 'tshal lo/ /bde ba chen po rdo rje che/ /ye shes mdza' yas 'byung gnas pa/ /phyag 'tshal sgrub thabs don rnams ni/ /bla mas bstan bzhin bdag gis bri/ /dpal zhes bya ba ni phun sum tshogs pa la bya'o/ /de yang 'jig rten dang 'jig rten las 'das pa'o/ /'jig rten gyi dpal ni lha dang mi'i 'byor pa thams cad dang ldan pa'o/ /'jig rten las 'das pa ni sangs rgyas kyi yon tan thams cad la bya'o/ /de gnyis dang ldan pas dpal ldan zhes bya'o/ /dpal gyi sgras ni lha mo bzhi la sogs pa la yang bya ste/ /de rnams dang gnyis su med pa'i sbyor ba'i tshul du gnas pas dpal ldan no/ /rdo rje ni yang dag pa'i ye shes/ /sems dpa' ni de nyid kyi rang bzhin yin pas sems dpa' zhes bya ste/ sems can thams cad dang mthun par sku bstan pas sems dpa' o/ /mgon po sangs rgyas kun ngo bo zhes pa ni thugs rje'i rang bzhin yin pas sems can gyi bsam pa dang mthun par thams cad kyi don mdzad pas mgon po zhes bya/

  179. 106a

    phyogs bcu dus gsum gyi sangs rgyas kyi bdag nyid yin pas so/ /zhe sdang rdo rje rgyal ba'i gtso zhes pa ni sems can zhe sdang can thams cad 'dul ba'i cha lugs su bstan pas zhe sdang rdo rje'o/ /rang sangs rgyas dang nyan thos kyi mchog tu gyur pa dang/ dkyil 'khor gyi bdag po yin pas na rgyal ba'i gtso/ /lha mo zhes bya ba ni 'jig rten dang 'jig rten las 'das pa'i chos kyi dbyings kyi phyag rgya dang ldan pa rnams dang gnyis su med pa'i tshul du bde ba chen po rtag tu nyams su myong ba la bya'o/ /dad pas zhes pa ni gus pa dang bcas pas so/ /bdag gi lus ngag yid gsum gyi sgo nas phyag 'tshal nas/ de ltar phyag 'tshal ba'i don ni rgyud thams cad kyi rgyal po gsang ba 'dus pa 'di gang zag blo dman pa rnams kyis rtogs shing go dka' bas de lta bu'i sems can rnams la phan gdags pa'i phyir ro/ /dpal ni badzra sa twa/ de dang ldan pas dpal ldan no/ /gsang 'dus ni rgyud kyi mtshan no/ /don ni nges pa'o/ /rtog pa ni sems kyis so/ /gsang ba ni tshig gis so/ /sems ni khams gsum na gnas pa'o/ /phan pa ni mtho ris dang thar pa thob par bya ba rgyud 'di la 'jug par bya'o/ /bsgrub par bya ba'i phyir sgrub pa'o/ /de yang gang zhe na/ dpal rdorje sems dpa' la sogs pa'o/ /thabs ni yan lag go /'di ni brtsams pa'i dngos po'o/ /bshad par bya zhes pa ni dam bca' ba'o/ /dang po sems bskyed ma thag go /sngags pa zhes bya ba ni gsang sngags kyi tshul la spyod pa'o/ /nges pa ni the tshom med pa'o/ /da ni 'jug pa'i rim pa bstan pa yin te/ rdo rje yang dag pa'i don te de la mnor bar ston cing bde ba chen po'i go 'phang thob par byed pa'o/ /mnyes par bya yang rnam gsum ste/ /phyi dang nang dang gsang ba'o/ /phyi ni lus dang longs spyod do/ /nang ni shes rab rnam gsum gyi sgo nas so/ /gsang ba ni gsang ba'i mchod pas so/ /

  180. 106b

    de ltar slob dpon na nyes par byas nas dbang rnam gsum thob nas gnang ba ni bsgrubs shig ces bya ba'i don to/ /de nas zhes bya ba ni mnyes par bya ba la sogs pa zin nas so/ /sgrub pa ni gang yang rung ba'i sgrub pa'i dngos po'o/ /brtsam par bya ba ni 'jug pa'o/ /dkyil 'khor gyi don ni sgra las drangs na maN+Da ni snying po'o/ /la ni a da na ste len pa'o/ /dkyil 'khor bas dkyil 'khor ro/ /der zhugs pa ni tshul bzhin du slob dpon gyis bstan cing dbang bskur ba'o/ /de bzhin ni 'dra ba'i don/ /gsang ba ni thun mong ma yin pa dang/ rtog ge pas ma yin pa'o/ /nyid ni ma nor ba dkyil 'khor gyi don dang gnyis su med pa'i don no/ /shes pa ni go ba'o/ /kun byed thams cad za ba yis zhes pa ni rtog pa med cing gnyis su med pa'i spyod pa'o/ /the tsom med par dngos grub thob ces bya ba ni yon tan de lta bu dang ldan pas bsgrubs na yid kyi 'dod pa'i don grub ces bya ba'i don to/ /gtso ni yid kyi lha dang rdo rje slob dpon gnyis so/ /mi byed pa ni mi 'gyur ba dang rgyun mi 'chang ba'o dad pa ni yid ches pa dang gus pa dang chags pa'o/ /rnam pa ni tha dad pa mi rtog pa'i blo ni tha dad pa'i 'du shes med cing gnyis su med pa'o/ /dam tshig ni mi 'da' ba ste sku gsung thugs la sogs pa'o/ /sdom pa ni mi g.yeng ba'o/ /gnas pa ni ldan pa'o/ /de lta bu'i rnal 'byor pas bsgrubs na sku gsung thugs kyi 'bras bu 'grub par 'gyur ro/ /bram ze zhes bya ba ni dge ba'i dang? nyid yin pas la dor ba'i tshig go /dkyil 'khor dag ni dman pa dang zhes bya ba la sogs pa'i don ni gong du bstan ba'i yon tan dang mi ldan par rang gzo dang gzu lus su byas shing bsgrubs na 'bras bu mi 'thob cing byas pa chung zos pas byar mi rung bar bstan/ de lta bas na dam tshig dang sdom pa bstan te/ dam tshig ni bsgrub pa'i dam rdzas so/ /sdom

  181. 107a

    pa ni kha na ma tho ba med par dang du len pa'o/ /de yang gang yin zhe na/ sha la sogs pa bdud rtsi lnga'o/ /sha ni sha che na/ /rak+ta mi khrag thams cad/ dri chen dang rdo rje chu yang kun gyi'o/ /sems ni lnga pa byang chub byung ba zhes pa ni thabs dang? shes rab gnyis su med pa'i rol pa las byung ba yin pas so/ /sngags pa ni rnam par mi rtog pa bsgrub pa/ cho gas zhes pa ni bya ba/ de bzhin gshegs pa'i rang bzhin du byin gyis brlabs pa dang/ 'og nas 'byung ba'i thabs so/ /nyin gcig bzhin du ni dus thams cad du'o/ /sbyar ba ni hUM gis so/ /'bar ba ni oM gyis so/ /rtogs pa ni oM gyis so/ /dogs pa ni 'grub mi 'grub ba'i the tshom mo/ /med pa ni sbyangs pa'i sems so/ /de bzhin gshegs pa ni sngon de bzhin gshegs pa ji ltar de bzhin gshegs pa bzhin gshegs pas/ /de bzhin gshegs pa'o/ /de yang gang zhe na/ thabs dang shes rab gnyis su med pa'i tshul bsgom zhing bsgrubs pas bde ba chen po'i dang du gyur pa rnam par snang mdzad la sogs pa'o/ /mnyes pa ni dgyes pa'i don to/ /de yang mngon sum du gyur pa'o/ /de bzhin gshegs pa ni gsang sngags kyi sgor zhugs pa'i rnal 'byor pa/ mnyes pa ni sku gsung thugs kyi 'bras bu 'thob pa'o/ /sbyar ba'i thabs ni bsgrub pa'i rdzas snod du gzhag la de'i steng du hUM gcig 'bar bar bsgom/ de'i 'od zer gyis ma rtog dang log par rtogs pa'i dri ma thams cad bsregs par bsam/ de ltar rnam par dag par byas la/ de'i steng du zla ba'i dkyil 'khor dang a gcig bskyed/ /a las 'od zer 'phros pas zla ba'i dkyil 'khor la phog pas zhu ste/ bdud rtsi'i thigs pa tshul bzhin du zhu zhing gnyis su med par song bas bdud rtsir gyur pa ni rtogs pa'o/ /de'i steng du oM bsgom zhing 'phro 'du? bya ba ni ma 'bar gyi bar du'o/ /de ltar byas shing spyan na sku gsung thugs kyi dngos grub 'thob pas dam tshig dam pa'o//

  182. 107b

    de ltar sha rnam ba lnga yang sgrub pa'i rdzas yin pa dang/ rtog pa spong ba dang/ rang bzhin gyi mthu yod pas spyad bar bya ba bstan/ de yang glang po che'i sha ni lo tsa nar byin gyis brlab cing rnam par snang mdzad la mchod pa'i tshul du spyad/ rta sha ni ratna lo tsan dang// rin chen 'byung ldan gyi tshul du spyad/ sha chen ni mA ma kI dang rdo rje sems dpa' / ba lang ni na bza' dkar mo dang snang ba mdza' yas/ khyi ni sgrol ma dang don yod grub pa'i tshul du spyad /mchog ni thun mong ma yin pas mchog go /'di rnams kyang sbyar ba la sogs pa gong ma dang 'dra'o/ /sku gsung thugs sgrub par 'dod pa'i rnal 'byor pas 'jig rten gyi zas spangs la rtag tu sgrub pa'i dam rdzas spyad pa'i don no/ /gzhan ni zan la sogs pa'o/ /rnal 'byor pas de dag bde? blag tu ma rnyed na/ zas skom thams cad la sha rnams yin par bsam zhing spyad par bya bar bstan/ rdo rje sbyor ba 'di dag ces bya ba ni gong gi sbyar ba la sogs pa'i cho ga rnams so/ /de ltar spyad pa'i yon tan ni sangs rgyas thams cad kyis dbang bskur bar 'gyur ro/ /zan dang khu ba la sogs pa bza' ba'am yang na chu dang chang la sogs pa btung ba'ang dung 'jig rten pas mi nus pa'i dka' ba'i spyod pa dang ldan pas brtul zhugs can gyis/ zas skom ci za ba dri chu sman lnga sha lnga ci ltar sbyor ba yis sbyang ba la sogs pa'i ting nge 'dzin chog bzhin du rung bar bya'o/ / da ni rnal 'byor pas tha mal pa'i tshul du gnas dang dam rdzas dang yo byad spyad du mi rung bas de'i ting nge 'dzin bstan/ rnam pa thams cad mchog ldan pa zhes pa ni sku gsung thugs dang mtshan dang dpe byad dang rgyan la sogs pa'i sangs rgyas kyi yon tan thams cad dang ldan pa'i lha gang yang rung ba bsgom ba'i don to/ /de ltar gnas pa'i rnal 'byor pa'i lus ngag yid gsum la sku gsung thugs kyi lha bsgom pa bstan/ rdo rje ni mi phyed pa'i don/ yi ni de'i don/ de yang ci ltar bsgom zhe na/ bdag ni snying gi bar snang la a

  183. 108a

    las bskyed pa'i zla ba'i dkyil 'khor gyi steng du hUM las ye shes sems dpa' sku mdog dkar ba rdo rje dang dril bu 'dzin pa rgyan thams cad dang ldan par bsgom mo/ /spyi bor zla ba'i dkyil 'khor gyi steng du oM las rnam par snang mdzad byang chub mchog gi phyag rgya dang ldan par bsgom/ lce'i steng du pad+ma bskyed la a las snang ba mdza' yas bsgom/ hUM las rdo rje bsgom pa ni ye shes sems dpa' bskyed pa la bya'o/ /A las ni snang ba mdza' yas/ oM las ni rnam par snang mdzad/ sbyor ba zhes bya ba ni spyi bo dang lce'i steng du de gnyis kyi sku bskyed pa la bya/ de ltar bdag ltar bsgom zhing dam rdzas dang bza' btung thams cad ni sku gsung thugs kyi 'bras bu 'thob par 'gyur ba'i don to/ /'di ni dam tshig ces pa ni gong du bstan pa'i dam rdzas la sogs pa'i spyad pa'i tshul lo/ /mchog ni bla na med pa'i 'bras bu thob par byed pa'i thabs kyi rab yin bas so/ /sangs rgyas thams cad ni rdo rje sems dpa' la sogs pa lnga'o/ /mnyes pa ni sngags kyi spyod pa tshul bzhin du spyad pas dgyes pa dang mngon du gyur pa la bya'o/ /mchog ni sku gsung thugs so/ /dngos grub ni tshe 'di nyid la thob pa'i don no/ /thams cad ni 'jig rten pa'i spyod pa grub kyang bsdu'o/ /de bas na dam tshig mchog ces bya'o/ /gzhan yang rnal 'byor bas dam tshig dang dus thams cad du ldan par bya dgos par bstan pa/ rtag pa zhes pa ni dus thams cad du rgyun mi 'chad pa'o/ /gzhan ni bdag las gzhan pa 'phags pa rnams so/ /'phrog pa ni bdag gir bya ba'o/ /spyir 'phags pa rnams kyi sku gsung thugs bsgom zhing thob par bya ba la'ang bya'o/ /gnod sbyin dang rgyal po la sogs pa'i nor kha na ma tho ba med pa'i sgo nas blangs shing spyod pa la yang bya'o/ /rmad du byung ba gsod pa dang zhes pa ni chos thams cad bdag med pa'i rang bzhin du

  184. 108b

    mi lta zhing/ bdag tu lta ba la sogs pa'i lta ba log pa'o/ /de la de skad ci'i phyir bya zhe na/ yang dag pa'i don gyi gnas byed pa dang/ ngan song du gtong ba'i phyir ro/ /gso ba ni spong ba'o/ /rmad du byung ba ni dkon mchog gsum dang/ rdo rje slob dpon dang sems can mang po la gnod par bya'o/ /gsod pa ni kha na ma tho ba med par snying rje'i sgo nas bsgral ba'o/ /'dod pa ni sku gsung thugs/ chags pa ni gzhan mi sems pa'o/ /rdo rje ni mi phyed pa'i don no/ /de nyid ni ma nor ba'o/ /spyod pa ni bsgom pa'o// mdor na sku gsung thugs rgyun mi 'chad par bsgom pa la bya'o/ /'dod chags ni bla na med pa'i bde ba'o/ /spyod pa ni thabs dang shes rab kyi tshul gyis gnyis su myong ba'o/ /'di zhes bya ba ni dam tshig gsum mo/ /sdom pa ni srung ba'o/ /bsdams pa'o zhes pa srung ba'i nang na khyad par du bstan pa'o/ /de ltar sgrub pa'i rgyud dam tshig rnams bstan nas/ de dang mi mthun pa'i spyod pa rnams spang bar ston te/ dam bcas ni nyan thos kyi spyod pa dang kri ya'o/ /brtul zhugs ni mu stegs can brag la mchod pa la sogs pa'o/ /dka' spyod ni me lnga bsten ba dang zas mi za ba la sogs pa'o/ /brtan pas mi 'grub ces bya ba ni nyan thos la sogs pa'i spyod pa rnams spyad pas sku gsung thugs kyi dngos grub mi thob pas spongs shig pa'i don no/ /'dod pa ni sku gsung thugs/ longs spyod ni gnyis su med par bsgom ba'o/ /thams cad ni dkyil 'khor gyi lha thams cad la bya'o/ /yang na 'dod pa ni 'dod pa'i yon tan thams cad do/ /bsten zhes pa dus thams cad du rgyun mi 'chad par spyad pa'o/ /myur du 'grub ces bya ba ni de ltar brten pas sems las su rung bas tshe 'di nyid la 'bras bu 'thob pa'i don no/ /slong mo za zhing mi bzlas te/ zhes pa ni ma hA yo ga'i sgor zhugs pa'i rnal 'byor pas kri ya 'am mu stegs pa ltar 'phral du bslang zhing sngags bzlas pa mi bya'o//

  185. 109a

    de ci'i phyir zhe na/ lus ngag yid gsum thang chad pa dang/ tshul bzhin du bsgom mi nus pa dang/ ma rnyed na bkres skom gyis nyon mongs ba dang sems las su mi rung bas so/ /slong la dga' bar mi bya'o zhes pa ni 'phral? ? 'di ltar skyon yod pas sngon du bslang zhing gzung ngam snyam na/ de yang yid dang 'thad pa mi rnyed bas mi rung ngo/ /yo byad thams cad phun sum tshogs bas bya ba'i don no/ yan lag mi gnyis zhes bya ba ni kri ya ba ltar bdag dam tshig sems dpar bsgom zhing ye shes sems dpa' logs su mchod pa bzhin du mi bya bar ye shes sems dpa' dang bdag gnyis su med par bsgom zhing 'dod pa'i longs spyod thams cad zla ba'i don/ /yang na yan lag mi gnyis shes ba ni gzungs ma dang gnyis su med pa'i tshul du 'dug nas bzlas pa'i don no/ /'dod ba'i longs spyod ni 'dod pa thams cad do/ /de yang gzungs kyi lha mo la sogs pa'i tshul du bsgom zhing spyad pa'i don no/ /de ltar spyad pa'i yon tan bstan pa/ lus dang ngag yid bder gnas na zhes pa ste/ slong ba'i zas spang zhing 'dod pa thams cad spyad pas lus ngag yid gsum las su rung ba'i don no/ /byang chub dam pa ni nyan thos dang rang sangs rgyas las/ 'phags pa bla na med pa'i byang chub chos kyi sku'i rang bzhin 'thob pa'i don no/ /gsang sngags tshul gzhan du spyod ba'i skyen bstan pa gzhan du bya ba ni gong du spyod pa spangs nas tshul dang mi ldan pa'i sgo nas gsang sngags bzlas na dus min 'chi ba zhes bya ste/ tshe'i mthar ma thug par glo bur du 'chi ba la bya/ dmyal pa rnams su brtag tu bsreg ces pa ni shi nas kyang dmyal ba rim pa rim par 'gro zhing dus thams cad du bsreg par 'gyur pa'i skyon yod pas byar mi rung bar bstan to/ /sangs rgyas byang chub sems dpa' zhes pa la sogs pas ni gsang sngags ma hA yo ga'i sgor

  186. 109b

    zhugs ba'i rnal 'byor bas 'dod pa'i yon tan lnga mi bsten du mi rung bar bstan to/ /sngon gyi sangs rgyas dang byang chub sems dpa' rnams kyang 'dod pa'i yon tan lnga bsten cing/ sngags kyi spyod pa mchog 'di spyad pas 'grub pa yin no/ /zhes pa'i don no// chos kyi yi ge ni yi ge thams cad kyi mchog yi ge a'o/ /'thob par 'gyur ba de ni don 'thob pa'o/ /de lta bas na da ltar gyi rnal 'byor las kyang 'dod pa'i yon tan lnga spyod cing bsgrub par bya ba bstan to/ /chags pa ni dang po 'am 'dod pa la bya/ ye shes ni sku gsung thugs sam/ yi dam gyi lha/ rtag ces pa ni dus thams cad dam rgyun mi 'chad pa la bya/ sgrub ces bya ba ni bsgom pa 'am mngon sum du byed pas ni de 'dod rnal 'byor pa gzugs la sogs pa'i yon tan lnga la spyad par bya ba'i don to/ / de yang bsam pa ji lta bu byed ce na/ ye shes sems dpa' dang byang chub sems dpa' la mchod pa'i tshul du'o/ /de la byang chub ni chos kyi dbyings so/ /dpa' bo zhes pa ni gzugs kyi sku ston cing sems can gyi don byed pa'i dpal rdo rje sems dpa' o/ / yang na byang chub ni badzra satwa la sogs pa dus gsum gyi sangs rgyas so/ /dpa' bo ni sgra las drangs na/ nyi ma la bya/ mdor na ji ltar nyi mas rab rib thams cad sel ba bzhin du sangs rgyas rnams kyang sems can gyis mi shes pa'i ? rib thams cad thugs rje'i 'od zer gyis sel bar byed pas/ byang chub nyi ma zhes bya ba'i don no/ /gnyis su med pa'i lta ba la sogs par byed pas rnal 'byor pas 'di dag la smad par mi bya ba bstan to/ /gzugs sdug pa dang mi sdug pa dang gnyis ka ma yin pa rnams so// de bzhin du skra la sogs pa la yang smad par mi bya ste/ de ci'i phyir zhe na/ lha'i rang bzhin yin pas so /rdo rje ni dus gsum gyi sangs rgyas kyi sku gsung thugs so/ /'chang ba ni de nyid kyi rang bzhin nam 'dzin pa la bya/ rgyal zhes pa ni mdzes shing

  187. 110a

    'bar ba nyon mongs pa med pa byang chub sems rdo rje la bya/ de nyid thams cad du yang dag par gnas zhes pa ni gzugs la sogs pa'i rang bzhin don dam par de dang gnyis su med pa dang/ kun rdzob tu gzugs kyi lha mo la sogs par? skur bstan cing sems can gyi don byed pas so/ /de lta bas na gzugs la sogs pa rab 'bring tha ma gsum khyad par rnam pa gsum du bsgom zhing rdo rje sems dpa' de bzhin gshegs pa thams cad kyi bdag nyid la mchod par bya'o/ /de la khyad par rnam pa gsum zhes bya ba ni rnam par thar pa'i sgo stong? pa nyid dang mtshan ma med pa dang smon pa med par shes pa dang/ sku gsung thugs su byin gyis brlab pa'o/ /sngags pa ni rnal 'byor pa'o/ /rnam pa 'di dag gis zhes pa gong du bstan pa'i mchod pa'i thabs rnams so/ /dam tshig sdom pa bsrung zhes pa ni de nyid las mi 'da' bar byas na bya ba'i don no/ /tshe 'di nyid la zhes pa ni phung po 'di nyid ma brdzes pa'i don no/ /tshe 'di dag gis zhes pa gang du bstan pa'i mchod pa'i thabs rnams so/ /rdo rje gsum nyid ces pa ni de bzhin gshegs pa thams cad kyi sku gsung thugs kyi rang bzhin du 'gyur ba 'am/ rigs gsum gyi rigs 'dzin gyi 'bras bu 'thob pa'o/ /gal te gti mug can zhes pa la la sogs pas ni gong du bstan pa'i sngags kyi spyod pa dang mi ldan par bdag sngags pa'o/ /zhes pa'i mngon pa'i nga rgyal gyis bsgom pa dang bzlas pa bya ba 'am/ gsang sngags dang gsang sngags kyi spyod pa smad? cing spong ba'i skyon bstan/ de la zhes pa ni dam tshig las 'das pa'o/ /dngos grub mi 'byung ba ni 'jig rten pa'i dngos grub phra mo yang mi 'thob pa'i don no/ /zhing zhes pa ni mi 'thob pa'i steng du gong ma ltar yang 'gyur pa'i don/ rims ni zhag gcig pa la sogs pa'o/ /dug ni sprul la sogs pa'i srog chags kyi dug dang/ shing ka pi ka la

  188. 110b

    sogs pa'i rtswa shing gi dug dang/ lus las byung ba'i dug go /nad ni nad bzhi brgya rtsa bzhi la sogs pa'o/ /bgegs ni bgegs kyi rgyal po bi na ya ka la sogs pa'o/ /kyis zhes pa ni de rnams kun gyis bsad nas shes pa'o/ /sems can zhes pa ni dam tshig las 'das pa'o/ /dmyal bar 'gro zhes pa ni dmyal ba chen po brgyad la sogs par skye ba'o/ /sangs rgyas byang chub sems dpa' zhes bya ba la sogs pas ni dam tshig las 'das pa de ni shin tu sdig che bar bstan/ byin gyis brlab par mi mdzad pa ni thugs rje che ba de rnams kyis mi bzlog pa'i don no/ /me tog la sogs pa phul yang mi bzhes pa ni dam tshig las nyams pa de dge ba'i rtsa ba ci byas kyang bsod nams chen por mi 'gyur ba'i don no/ /'jig rten 'dir yang sdug bsngal zhes bya ba la sogs pa ni 'dor na dam tshig nyams pa'i gang zag ni 'jig rten 'di dang pha rol tu shin tu yang sdug bsngal bar 'gyur bas dam tshig las skad cig kyang 'da' bar mi rung par bstan/ 'jig rten 'di zhes pa ni tshe 'di'o/ /sdug bsngal ba ni bkres skom la sogs pa'i sdug bsngal thams cad kyi tshor ba myong ba'o/ /pha rol ni ? phyi ma'o/ /yang zhes pa ni 'di lam gtogs pa'o/ /dmyal bar 'gro ba ni gong ma dang mthun no/ /dam tshig spyod pa ni gong du bstan pa rnams so/ /nyams pa ni mi srung pa'o/ /gti mug can ni legs nyes kyi don mi go ba'o/ /'bras bu mi thob ces pa ni byas pa thams cad 'bras bu med pa'i don no/ /de ltar dam tshig dang spyod pa rnams la rnal 'byor pas gnas par bstan nas/ da ni rang gi lus ngag yid gsum 'phags pa'i sku gsung thugs su bsgrubs shig par bstan/ sngar smos pa'i sgom pa ni gong du bstan pa rnams so/ /gnas nas zhes pa ni dang du blangs nas zhes pa'i don to/ /rtag par ni dus thams cad du'o/ /mi phyed pa ni mi 'gyur ba'o/ /brtul zhugs zhes pa ni nan tan gyis zhes bya ba'i don no/ /lus ngag yid gsum ni

  189. 111a

    rang gi'o/ /rdo rje zhes pa ni 'phags pa rnams kyi sku gsung thugs so/ /bsgrub pa brtsam par bya ba ni der bsgyur ba'i spyod pa dang ting nge 'dzin la 'jug par bya ba'i don no/ /de yang gnas ji lta ba bzhin du brtsams zhes/ nags tshal la sogs pa bstan pa yin no/ /nags tshal ni shing sna tshogs yod pa'i phyogs so/ /chen po ni sdug pa'am rgya che ba'i don to/ /ri bo ni bya rgod spungs pa la sogs pa'o/ /ri su la ni dbang po ri'i brag phug la sogs pa'o/ /dben pa chen po ni dur khrod dam lha khang stong pa la sogs pa'i gnas dben zhing yid du 'ong ba thams cad do/ /rnams su zhes pa de rnams gang yang rung ba'i don no/ /dngos grub thob ces pa ni de lta bu'i gnas su bsgrubs na yid kyis 'dod pa'i 'bras bu 'thob pa'i don no/ /sems dpa' i skyil krung zhes bya ba la sogs pa ni sgrub pa'i bsrung zhing mtshams bcad pa'i cho ga bstan/ sems dpa' i skyil krung ni phyed skyil lo/ /de yang g.yon pa bskum zhing g.yas pa cung zad brkyang pa'i tshul lo/ /'jam pa'i stan ni phyi dang nang dang gsang pa rnams so/ / phye ni srin bal la sogs pa la byas la 'jam zhing yid du 'ong ba rnams so/ /nang ni nyi zla pad+ma la sogs pa'o/ /skabs 'dir nang gi las nyi ma'i dkyil 'khor ro/ /gsang ba ni yum dang gnyis su med par rdo rje dang pad+mar ldan pa'i tshul lo/ /'dus nas shes pa de stan de gsum gyi steng du bdag gang du bstan pa'i tshul du 'dug pa'o/ /ci byed ce na/ zhe sdang rdo rje 'og nas 'byung ba'i tshul du bsgom zhes bya ba'i don/ gnas nas shes pa ni ting nge 'dzin la zhugs pa'o/ /gnas ni sgrub pa'i sa phyogs so/ /bsrung ba ni bgegs thams cad kyis glags mi rnyed par byed pa'o/ /rnam par bsam pa ni 'og gi ting nge 'dzin rnams so/ /gzugs chen 'bar ba zhes pa ni bdag zhe sdang rdo rje yab yum du gnas pa'i thugs ka nas hUM las khro bo bcu phyung ba'i cha lugs so/ /gzugs

  190. 111b

    che ba ni srid pa gsum gyi sems can zil gyis gnon pa'i sku dang ldan pa'o/ /'bar ba ni ye shes kyi 'od zer bskal pa'i me bzhin 'bar ba'i sems can gyi nyon mongs pa bsreg par byed pa'o/ /'jigs byed pa ni sems can thams cad 'khor ba las 'jiD shing mya ngan las 'das pa'i sar 'bros par byed pa 'am/ bsgrub pa po la bar chad pa'i bgegs thams cad skrag cing 'bros par byed pa'o/ /khro bo ni khros pa'i cha lugs shin tu 'jigs pa'i tshul lo/ /bcud dag ni grangs so/ /phyung ba ni zhe sdang rdo rje yab yum gnyis su med pa'i thugs kha nas so/ /de yang ji lta zhe na/ zhe sdang rdo rje yab yum gnyis su med pa'i byang chub sems bde ba chen po de cha bcur byas te/ de'i hUM bcur gyur par bsam/ /de nas ya mAn+ta ka pra dz+nyAn+ta ka zhes bya ba la sogs pa ming brjod pa tsam gyis khro bo bcu thugs nas phyung zhing so so'i phyogs sum las bskyed pa'i nyi ma'i dkyil 'khor gyi steng du gnas par bsam mo/ /smad rtse mor bsam pa ni khro bo de rnams rked pa man chad dur gsum pa phur bu'i tshul du bya'o/ /? stong khro bo lta bu zhes pa ni rked pa yan chod khro bo'i cha lugs zhal gsum phyag drug la sogs pa dang ldan par bsgom zhes bya ba'i don no/ /phyogs bcu'i dkyil 'khor zhes pa ni shar phyogs la sogs pa'i phyogs bcu nyi ma'i dkyil 'khor bcu bskyed nas khro bo de rnams dkyil 'khor dag gi steng du gnas par bsam pa'o/ /rim bzhin zhes pa ni phyogs dang khro bo ma nor ba dang shar phyogs nas bskyed pa'o/ /de yang shar phyogs su gshin rje gshed do/ /shar lhor mi g.yo mgon no/ /lhor shes rab mthar byad/ lho nub 'dod pa'i rgyal po/ nub tu pad+ma mthar byed/ nub byang du ni nI la daN+Da/ byang du a mri ta kuN+Da li/ byang shar du ma hA ba la/ 'og tu ka ma la kuN+Da li/ steng du hUM mdzad do/ /de ltar khro bo rnams bskyed nas yang 'di ltar bya'o

  191. 112a

    zhes pa'i don no/ /bgegs zhes bya ba ni ting nge 'dzin gyi bar chad byed pa'o/ /thams cad ni bgegs kyi rigs ji lta bu yang rung ma lus ba'i don no/ /bshig pa ni med par byas pa'am/ tshar gcad pa'i don no/ /gnod ? bka' stsal zhes pa la sogs pa ni khro bo gnod mdzes bskyed cing/ /bgegs rnams khug cig par bka' stsal pa dang phur bur thob cig pa'i don/ nyi ma'i dkyil 'khor dbus gnas zhes pa ni zhe sdang rdo rje yab yum gyi gnyis su med pa'i byang chub sems las khro bo hUM ka ra bskyed nas nyi ma'i dkyil 'khor gyi steng du gnas par bsam pa'o/ /dbyar gyi sprin phung lta bu zhes pa ni de'i sku mdog bstan te/ shin tu yang gnag pa'o/ /bskal ba'i me dpung zhes pa ni sku'i 'od shin tu 'bar zhing nyon mongs pa thams cad sreg pa'i mthu che 'am bdud dang bgegs thams cad kyis tshig cing thal bar rlog pa'i 'od dang ldan pa'i don/ g.yas brkyang ba ni zhabs gnyis stang stabs so/ /smin mtshams khro gnyer ni dpral ba khro gnyer gsum mam lnga dang ldan pa'o/ /dmar pa'i spyan ni sems can thams cad la thugs rje'i dbang gis chags pa'i don dang bgegs thams cad 'jigs par bya ba'i phyir spyan shin tu yang dmar bar bstan no/ /zhal gsum ni sku gsung thugs kyi sgo nas sems can gyi don mdzad pa 'am mnga' pa'i don no/ /mche ba gtsigs pa ni shin tu yang 'jigs par byed pa'i don no/ /rnam par bsgyur ba ni ljags so/ /phyag drug la dang po gnyis hUM gi phyag rgya dang ldan pa'o/ /de yang g.yon gyi mdzub mo bsdigs pa'i tshul du thugs kyi thad kar bzhag pa'o/ /g.yas kyi mdzub mo gnam du sdigs pa'i tshul du bsgreng pa'o/ /dpa' bo ni 'jig rten gyi lha la sogs pa gang gis kyang mi thub pa'i don no/ /rdo rje dril bu 'dzin ba zhes pa ni phyag de gnyis kyis so/ /g.yas gnyis

  192. 112b

    lcags kyu ral gri ni bar ma lcags kyu ral gri'o/ /g.yon gyi bar ma dgra sta/ tham zhags pa'o/ /'di 'dra gzugs zhes pa ni gong du bstan pa'i cha lugs khro bo mdun du gnas par bsgoms nas zhes bya ba'i don no/ /rang gis de la bka' stsal ba zhes pa ni thugs ka nas byung ba'i khro bo hUM ka ra la zhe sdang rdo rje bgegs thams cad khug shig par sngags kyi sgo nas bskul ba'i don no/ /de yang gang zhe na/ oM sum+b+ha zhes pa la sogs pa'i sngags kyi yi ge rnams so/ /oM ni ye shes lnga 'am sku gsung thugs bstan pa 'am/ sngags thams cad kyi mgo oM gyis 'dren pas so/ /de yang ji lta zhen/ sngon lha chen po 'dod chags chen bo bskyed nas gangs ri'i bu mo u ma dang zla drug gi bar du mtshams ma bye bar 'dod chags spyod pa gzigs nas thugs rjes de gnyis 'dul ba'i don du khro bo chen po'i cha lugs su sprul nas/ de gnyis mtshams ma bye bar mnan pa'i tshe 'jig rten pa'i lha rnams bred cing 'dar nas mdzes so mdzes so zhes bstod pas ya mtshan du gyur to/ /yang rnam gcig tu de gnyis mnan nas byang chub sems bskyed cing mdzes par byas pas so/ /ni zhes pas ni nges pa'i don A na ya zhes pa ni bgegs thams cad khyer la shog cig pa'o/ /khro bo'i rgyal po 'di dag gis zhes pa ni sngags de dag gis bskul ma thag tu khro bo gnod mdzes kyis bgegs thams cad bzung nas khro bo rnams kyi 'og tu bcug par 'gyur ro/ /blo ldan ni cho ga la gnas pa'i rnal 'byor pa'o/ /sbyor ba yis zhes pa ni 'og tu mnan pa'i bgegs rnams mi lta bar bya ba'i phyir/ phung bu byin gyis brlab pa la sogs pa'i cho ga byas nas thob cig pa'i don no/ /rdo rje bdud rtsi rgyal chen po zhes pa la sogs pa ni phur bu bsgom pa'i thabs so/ /phur bu thams cad khro bo a mri ta kuN+Da li'i rang bzhin du bsgoms pa yis rdo rje phur bu nyid gnas pa zhes bya/ utpal sngon po'i mdog 'dra pa ni phur

  193. 113a

    bu'i kha dog sngo skyar bdug pa'i don no/ /'bar ba'i phreng ba ni phur bu las 'od zer rgyun mi 'chad par phur bu nyid las dgrigs pa'i tshul du 'phro ba'o/ /lte ba'i man chad zhes pa la sogs pa ni gong du stan pa'i khro po rnams 'dra bar bsgoms pa yis rdo rje phur bu nyid gnas pa tshogs la 'og tu gzigs pa zhes pa ni 'og tu mnan pa'i bgegs rnams la ma 'gul cig ces pa'i brda sdang mig tu blta ba'o/ /de'i sngags ni phur bu'i sngags 'og nas 'byung ba'o/ /brjod pani lan grags brgya rtsa brgyad dam/ nyi shu rtsa gcig gam bdun zhes pa'i don no/ /rdo rje phur bu ni de ltar byin gyis brlabs pa'i phur bu'o/ /nges pa ni the tshom med par btab na bgegs thams cad gnon par 'gyur pa'i don no/ /de'i sngags ni oM g+ha g+ha zhes pa la sogs pa'i yi ge rnams so/ / rdo rje thob phyag bsnams mchog /ces pa la sogs pa ni phur bu 'debs pa'i tshe/ rnal 'byor pas hUM mdzad bsgoms pa'i don de yang hUM gi phyag rgya gtang la thob phur bu 'dzin cing/ tshig kyang hUM hUM zhes brjod cing rgyun mi 'chad par bsgrags te/ mig kyang sdang mig tu me rtag 'phro ba'i tshul du blta zhing bgegs rnams phur bus btab par bya pa'i don no/ /phyogs mtshams kun tu rdo rje me zhes pa ni phyogs mtshams su yi ge raM bskyed nas/ bskal pa'i me dang 'dra bar ye shes kyi me bskyed pa'o/ /rnam par 'phro ba ni phyogs thams cad 'phro zhing sems can gyi nyon mongs pa bsreg pa dang/ me rtag 'bar ba 'phro zhing sdang ba rnams tshig par bsam mo/ /phyogs bcu kun tu 'bros par 'gyur zhes pa ni bgegs thams cad bsgrub pa'i gnas kyi mtshamS nas so so'i phyogs su 'bros par 'gyur pa'i don no/ /phyogs mtshams phur bus btab nas ni gong ma ltar byas nas zhes pa'i don no/ /steng 'og yang dag byin gyis brlab ces pa ni gong ma ltar phur bu gdab pa dang me bskyed pa'o/ /de ltar gnas bsrung ba

  194. 113b

    bstan nas dam pa'i don zhes pa la sogs pas gnas sbyang ba'i cho ga bstan te/ de yang don dam pa'i ting nge 'dzin gyis sbyang dgos pas na srid pa gsum ma skyes pa rang bzhin med par bsgoms shig pa'i don no/ /dngos po med par bsgom pa zhes pa la sogs pa ni phung po dang khams dang skye mched la sogs par snang ba dang g.yo dang mi g.yo ba thams cad ye nas ma skyes pa'i rang bzhin yin par ma shes shing ye nas yod pa las med par bsgom pa ni bsgom pa yang dag pa ma yin no zhes pa'i don/ de ltar bas na don dam pa'i rang bzhin bsgom pa'i rnal 'byor pas yod pa dang med pa dang thog ma dang tha ma la sogs pa'i sems kyi bye brag thams cad mi dmigs par nam mkha' ltar bsgom pa'o/ /dngos po ni gong du bstan pa'i phung po dang/ khams la sogs pa'o/ /brtan pa dang sa dang ri rab la sogs pa'i snod kyi 'jig rten no/ /g.yo ba ni lha dang mi la sogs pa'i bcud kyi 'jig rten no/ /kun ni ma lus pa'i don no/ /tshigs bcad 'di yis stong gyur zhes pa ni gong du bstan pa'i tshigs su bcad pa'i sgo nas nam mkha' ltar bsgom pa'o/ /nas ni stong par bsams nas bsgrub bya'i sa byin gyis brlab ces pa'i don no/ /cho ga 'di'i sbyor ba zhes pa ni 'og nas 'byung pa'i byang chub sems rdo rje bsgom pa la sogs pa'o/ /ye shes sa ni rigs lnga la sogs pa'i lha rnams kyi bzhugs pa'i gnas yin pa'am/ yum lnga'i rang bzhin yin pas so/ /byin gyis brlab pa ni ting nge 'dzin gyis bskyed pa la bya'o/ /byang chub rdo rje dmigs nas shes pa ni de ltar stong pa nyid kyi ting nge 'dzin gyis dngos po lta ba'i bag chags thams cad byang bar byas pa'i rnal 'byor pas hUM las bdag byang chub sems rdo rje de kun du bzang mo bsgom par bya'o/ /zla ba'i dkyil 'khor la 'dug pa'i a las zla ba'i dkyil 'khor bskyed la/ de'i steng du byang

  195. 114a

    chub semS rdo rje dang/ kun tu bzang mo sku mdog zla ba'i na dog dang 'dra ba zla ba'i 'od dang ldan pa sangs rgyas lngas dbu rgyan ba sems dpa' i skyil mo krung bu sbyor ba'i tshul du bzhugs pa phyag gnyis kyis bgying pa'i tshul g.yon pas yum la 'khyud pa/ ? pas rdo rje 'dzin pa bsgom pa'o/ /nam mkha' i khams kun khyab ces pa ni de ltar byang chub sems rdo rje kun tu bzang mo gnyis su med pa'i byang chub sems las yi ge mar gyur la/ de'i 'phro 'du byas pa las lha mo mA ma kIr gyur par bsams la/ 'phro 'du byas pa las sems can gyi don du chu'i rang bzhin du gyur nas nam mkha' dang mnyam par gnas par bsam pa'i don no/ /nam mkha' rdo rje dbus gnas pa zhes pa ni gong ma dang 'dra bar gnyis su med pa'i byang chub sems las yi ge laM du gyur la gong ma ltar 'phro 'du byas pa lha mo lo tsa na sku mdog dkar mor gyur par bsams la 'phro 'du byas pa las sems can gyi don du sa'i khams kyi rang bzhin du gyur par bsam mo/ /de yang khyod ji tsam zhe na/ dpag tshad bye ba zhes bya ste/ de yang gtsor smos pa yin gyi nam mkha' i khams kun khyab pa 'am/ de bas chung ba 'am sems kyi gang lcogs dang ngo/ /dang ba ni shel lta bur 'dug cing 'od gsal ba'o/ /dri ma med pa ni rang bzhin gyis nyon mongs pa med pa dang/ 'phral gyi yid du mi 'ong ba med pa'o/ /'od zer sna lnga ni dkar po la sogs pa ye shes lnga yi rang bzhin gyi 'od do/ /kun tu 'khrig pa ni phyogs thams cad du 'bar zhing rab rib sel ba'i don no/ /sangs rgyas rdo rje can gyi gnas zhes pa ni de lta bu sangs rgyas thams cad kyi bdag nyid byang chub sems rdo rje'i rang bzhin yin pa 'am rigs lnga la sogs pa'i lha'i pho brang dkyil 'khor bskyed pa yin pas so/ /de dbus b+h+ruM ni gnas zhes pa ni gong du bstan pa'i sa gzhi'i dkyil du gzhal yas khang bskyed par bstan/ de yang gzhal

  196. 114b

    yas khang gi rang bzhin ni gtsug tor 'khor los bsgyur ba chen po'i rang bzhin yin pas de'i snying po yi ge b+h+ruM las bskyed par bya'o zhes pa'i don no/ /gser gyi ri bo 'dra ba yi zhes pa ni sku ri rab dang 'dra bar shin tu yang che ba dang sku mdog ser bkod/ sangs rgyas kun gyi gzhal med khang ni dus gsum gyi de bzhin gshegs pa thams cad kyi bzhugs gnas yin pas so/ /'khor los bskyur ba bsgom par bya ba ni gzhal yas khang gi rang bzhin du smon lam gyis gyur pa yin pas so/ /de yang gong du bstan pa'i yi ge las gtsug gtor 'khor los bsgyur ba chen po sku mdog gser dang 'dra ba zhal gsum phyag drug la g.yas kyi gsum la 'khor lo dang rdo rje dang/ rin po che bsnams pa/ g.yon gsum na pad+ma dang/ ral gri dang/ lcags kyu bsnams pa/ rigs lngas dbu brgyan pa/ sku las 'od zer bsam gyis mi khyab pa phyogs bcur 'phro ba lo tsan dang gnyis su med par sbyor ba'i tshul du gnas par bsgom pa'i don no/ /las kyi rdo rje bstan zhes pa ni las kyi rdo rje ni bcom ldan 'das don yod grub pa'o/ /bstan ni lha mo sgrol ma'o/ /shes rab ldan pa ni rnal 'byor pa'o/ /de zhes pa ni gzhal yas khang dang sa gzhi dang chu'i 'og tu gong du bstan pa'i tshul du yi ge ha las lha mo sgrol ma rlung gi dkyil 'khor dang 'dra ba bsgom zhes bya ba'i don no/ /de dang 'dra bar yi ge b+h+ruM las lha mon bza' dkar mo drod thams cad kyi tshul du gnas par bsam mo/ /gong du rim pa bzhin ma bstan pa ni phyi rol gyi yi ge dang tshig la mkhas pa rnams kyis mi go ba bya ba'i phyir slob dpon gyis man ngag du mdzad pa'o/ /nam mkha' dbyings kyi dbus gnas pa zhes pa ni nam mkha' kun tu bzang mo'i rang bzhin stong pa nyid la gzhal yas khang de lta bu bskyed pa de bde bar gshegs pa thams cad kyi bzhugs

  197. 115a

    gnas yin pa'i don no/ /rin chen bzhi dngos pas ni gzhal yas khang gi kha dog bstan to/ /ye shes bzhi las rin po che bzhir snang ba ste/ de yang shar phyogs me long lta bu'i ye shes shel lta bur snang ba dag lho phyogs mnyam pa nyid kyi ye shes in dra ni la ltar snang ba dang/ nub phyogs so sor rtog pa'i ye shes pad+ma rA ga ltar snang ba dang/ byang phyogs bya ba nan tan gyi ye shes in dra nI la ma ra ka ta ljang gu ltar snang ba'o/ /chos kyi dbyings kyi ye shes ni kun la khyab par shes par bya'o/ /mchod rten zhes pa ni 'jig rten gsum gyi mchod par 'os pa gtsug tor 'khor los bsgyur ba'i rang bzhin no zhes pa'i don no/ /'od zer 'phro ba rnam par brgyan zhes pa ni ye shes lnga'i 'od zer kha dog ldang 'phro zhing mchod pa'i bye brag tu gyur nas gzhal yas khab de brgyan pa'o/ /ye shes rgya mtsho zhes pa ni sangs rgyas so/ /de yang nyan thos dang/ rang sangs rgyas la sogs pa rnams kyis sangs rgyas kyi mkhyen pa gting dpag dka' bas so/ /dus gsum ni 'das pa dang/ ma 'ongs pa dang da ltar ro/ /yang na ye shes ni gdod ma nas ma skyed pa chos kyi dbyings so/ /rgya mtsho ni mdza' thug pa med pa'o/ /de'i rang bzhin dus gsum gyi sangs rgyas yin pa'i don no/ /gnas su de ni rnam par bsam zhes pa ni de lta bu'i yon tan dang ldan pa rnams kyi bzhugs gnas yin par bsgom mo/ /gru bzhi pa la sgo bzhi zhes pa la sogs pas ni gzhal yas khang de'i dbyibs dang rgyan bstan/ gru bzhi ye shes bzhi 'am yum bzhi las grub pa'i rtags so/ /sgo bzhi ni stong pa nyid la sogs pa bzhi'i rtags so/ /sgo rgyan bzhi ni byams pa chen po la sogs pa tshangs pa'i gnas bzhi'i rtags so/ /yang dag ldan zhes pa ni de lta bu'i rang bzhin twar na bzhi dang gzhal yas khang dang ldan pa'i don no/ /dril bu ni shes rab kyi sgra sgrogs shing sems

  198. 115b

    can gyi mi shes pa thams cad sel ba'i don no/ /dar dpyangs ni 'dul ba'i dbang du rigs lnga la sogs pa'i dkyil 'khor gyi lha rnams su kun rdzob kyi sku bstan pa lha dang mi las 'phags shing mtshan dang dpe byad rnams dang ldan pa'i rtags so/ /ba dan ni sangs rgyas kyi yon tan 'jig rten gyi lha dbang phyug la sogs pa las khyad par du 'phags pa'i don sogs pa'i sgra ni mug ti ha ra dang/ rnga yab dang bla re la sogs pa'i rgyan mdza' yas pa rnams so/ /de yang sangs rgyas kyi yon tan mdza' yas pa dang sbyar ro/ / sgo khyad kyis rnam par brgyan pa ni yid bzhin gyi nor bu rin po che'i sgo khyud rnams dang ldan pa'o/ /grwa mtshams ni thig gnyis kyi bar dang ka ba'i par ro/ /thams cad ni lha rnams kyis bzhugs pa'i sa rnams so/ /rdo rje rin chen rnams kyis brgyan zhes pa ni de dag tu rdo rje dang rin po che tha dad pa rnams ci mdzes su bri'o/ /zla gam chu'i phyed zhes pa la sogs pa'i rgyan 'di dag gis kyang mdzes par byas shing/ /sangs rgyas kyi yon tan du shes par bya'o/ /thig skud bzhi ni yongs btab pa/ zhes pa la sogs pas ni yon tan de lta bu dang ldan pa'i gzhal yas khang gi dbus su re'u cha dgu'i dkyil 'khor bri 'am/ bsgom par bstan to/ /thig skud ces pa ni ras bal la sogs pa gang yang rung ba la bu mo mtshan dang ldan pas bkal ba kha dog gsum mam lnga sum sgril? lam lta byas pa'i skud pa byang chub sems kyi rang bzhin du shes par bya'o/ /bzhi yongs su gtang pa ni de'i dus su rnal 'byor pas sku gsung thugs su bsgoms la/ oM A:hUM brjod cing/ shar phyogs nas nub phyogs su thig gnyis btab pa dang/ lho phyogs nas byang phyogs su thig gnyis btab pa'o/ /ka ba mchog brgyad kun tu gnas pa ni de ltar btab pas phyogs re rer ka ba gnyis gnyis kyi tshul du gnas pas so/ /mchog ces pas ni rnam par thar pa'i sgo brgyad kyiS rnam par dag pa'o//

  199. 116a

    dbus su 'khor lo dmigs bya ba ni thig de'i mdza' kun nas zlum por skor zhing re'u cha dgu zhes pa'i don no/ /mdor na zhes pa ni phyogs dang sangs rgyas so sor slob dpon gyis ma bstan pa'i don no/ /sangs rgyas thams cad ces pa ni mi bskyod pa la sogs pa'i de bzhin gshegs pa lnga'o/ /rang gi gnas su rnam par bsam zhes pa ni de bzhin gshegs pa so so'i phyogs su bsgom pa 'am bri zhes pa'i don te/ de yang dbus su mi bskyod pa'o/ /shar du rnam par snang mdzad do/ /lhor rin chen dpal lo/ /nub du tshe dpag med de/ /byang du don thams cad grub pa'o/ /rdo rje lha mo bzhi rnams zhes pa ni sangs rgyas spyan la sogs pa bzhi'o/ /'khor lo grwar ni rnam par bsgom zhes pa ni me'i phyogs nas dbang ldan gyi phyogs su sangs rgyas spyan pa sogs pa bzhi rim pa bzhin du dgod pa'o/ /gshin rje gshed la sogs zhes pa ni gshin rje gshed dang/ gzhan gyis mi thub pa dang/ rta mgrin dang/ bdud rtsi 'khyil pa'o/ /sgong dmigs pa ni/ shar sgo nas byang sgor rim pa bzhin du dmigs pa'o/ /sa'i snying po la sogs bsgom zhes pa ni sa'i snying po la sogs pa byang chub sems dpa' brgyad sems ma brgyad/ dkyil 'khor gyi phyi'i rim pa la 'og nas 'byung? pa'i tshul du bsgoms pa'i don no/ /nyi ma'i dkyil 'khor dbus ? zhes pa ni dkyil 'khor gyi dbus su nyi ma'i dkyil 'khor bskyed la de'i steng du sems kyi rdo rje rdo rje sems dpa' de bzhin gshegs pa thams cad kyi rang bzhin nam bdag nyid du gyur pa bsgom par bya ba'i don no/ /zhal gsum phyag drug lta bu zhes pa ni/ sku? gsung thugs kyi rang bzhin zhal gsum dang/ 'gro ba drug gi don byed pa'i phyag drug dang ldan pa'o/ /phyag mtshan la sogs pa ni 'og nas ston to/ /sangs rgyas dkyil 'khor dbus gnas pa zhes pa ni/ de ltar ting nge 'dzin gyis bsgom pa mo/ /gzugs

  200. 116b

    brnyan du bris pa'i dkyil 'khor sangs rgyas kyi rang bzhin nam bzhugs gnas yin pas sangs rgyas dkyil 'khor ro/ /dbus su gnas pa ni rnal 'byor pa de'i dkyil du 'dug pa'o/ /de ltar dkyil 'khor bstan nas/ da ni ting nge 'dzin rnam gsum gyis phyag rgya chen po bskyed cing sgrub dgos pas de bzhin nyid kyi ting nge 'dzin bstan to/ /lus dang ngag yid rdo rje zhes pa la sogs pa ni lus dang ngag yid na rnal 'byor pa'i 'o/ /rdo rje ni ma skyes pa'i rang bzhin yin pas so/ /mtshan nyid dam pa'i don nyid de zhes pa ni bdag gi lus ngag yid gsum don dam pa'i rang bzhin stong pa nyid du bsgom pa'i don no/ /tshul bzhin zhes pa ni dngos po med par bsgom pa'i dngos po zhes pa'i tshigs bcad kyi sgo nas dpyad pa'o/ /nas zhes pa ni bdag gi lus ngag yid gsum nam mkha' ltar bsgoms nas 'og gi sngags bzla ba'i don no/ /sngags 'di rab tu brjod pa ni stong pa nyid kyi don yid la byed cing ma nor bar lan gsum brjod pa'o/ /oM shU n+ya tA ni chos thams cad don dam par chos kyi dbyings kyi ngo bo nam mkha' ltar gnas pas stong pa'o/ /rdo rje ni mi 'gyur pa'i don no/ /At+ma konya haM zhes pa ni bdag kyang de lta bu'i rang bzhin no zhes pa'i don no/ /nam mkha' bzhin du blta bar bya ba ni gong ma'i don yang nas yang du yid la bya ba'o/ /nam mkha' brtag tu med pa ltar zhes pa ni chos thams cad nam mkha' dang 'dra bar brtag tu med pa yin pas bdag kyang rang bzhin med par shes par bya'o/ /yi ge rnam par bsgom zhes pa ni de ltar de bzhin nyid kyi ting nge 'dzin stong pa nyid la ci nus su gnas nas/ sems can gyi don bya ba'i yid kyis 'og nas 'byung ba'i yi ge gsum bsgom zhes bya'o/ /bla 'og dbus ni rim bzhin zhes pa ni spyi bo dang/ lci dang snying ga thad ka tsam du bsgom pa'o/ /bdag nyid yi ge gzugs ni stong pa nyid la gnas pa'i rnal 'byor pas bdag gi lus ngag yid gsum gyi bag chags yi

  201. 117a

    ge 'bru gsum du dmigs par bya'o/ /sangs rgyas dkyil 'khor dbus nyid du zhes pa ni stong pa'i dbus su yi ge gsum po dkar po dmar po mthing dag tu kha dog gsum du bskyed pa'i don no/ /nyi zla pad+ma la yang dag gnas zhes pas de rnams gdan bstan te/ de yang nyi ma'i dkyil 'khor gyi steng du hUM ngo/ /zla ba la oM mo/ /pad+ma la A(rgyud 'grel): 'o/ /oM ni dus gsum gyi de bzhin gshegs pa thams cad kyi sku'i rang bzhin no/ /A:ni gsung gi rang bzhin no/ /hUM ni thugs kyi rang bzhin du shes par bya'o/ /dang ba zla ba 'dra ba ni yi ge gsum nyon mongs ba'i dri ma med pas so so'i kha dog gsal ba dang/ zla ba bzhin zhes bya ba'i don no/ /yi ge gsum ni gong du bstan pa'o/ /zhu bar brtag ces pa ni lha yi bu zla ba bdud rtsi 'dod pa'i dus su zla ba'i dkyil 'khor las bdud rtsi zhu zhing thigs par 'bab pa bzhin du yi ge gong ma'od kyi tshul du zhu zhing bar ma la thin?/ de bzhin du bar ma yang 'og ma la thim/ 'og ma yang zhu zhing 'od kyi tshul du gyur bar bsam mo/ /rgyu drug gnas pa'i sems can ni lha dang mi dang lha ma yin dang/ ngan song gsum du skyed pa rnams so/ /sangs rgyas kun ni phyogs bcu na bzhugs pa rnams kyi sku gsung thugs so/ /bsdu ba'i sbyor bas kun bsdus shes pa ni de la gong du bstan pa'i yi ge gsum gyi 'od zer phyogs bcur 'phros shing sangs rgyas kun gyi sku gsung thugs kyi rang bzhin dang gnyis su med par gyur pa dang/ rgyu drug gi sems can la phog pas sdug bsngal zhi bar byas nas/ lus ngag yid gsum dang gnyis su med par gyur pa ni bsdu pa'i sbyor pa'o/ / kun bsdus ni sangs rgyas kyi sku gsung thugs dang sems can gyi lus ngag yid gsum gcig tu gyur nas slar 'du bar bsgom pa'o/ /rang bzhin med par mos pa'i zhes pa ni rnal 'byor pa dag chos thams cad stong pa nyid du bsgom zhing/ don dam pa'i byang chub

  202. 117b

    kyi sems la gnas pa'i sems kyi bag chags la bya/ gzhug par bya ba ni der bsdu pa'i don to/ /d+harmA d+ha tu swa b+ha ba At+ma konya haM zhes pa ni de ltar sangs rgyas dang sems can thams cad kyi don dam pa'i rang bzhin bdag la bsdus pas chos kyi dbyings kyi rdo rje bdag yin no bar bsgom pa'o/ /byang chub sems de kun tu dag ces pa de ltar stong pa nyid bsgoms nas bsdu ba'i sbyor ba byas pas bdag gi sems kyi rgyud nyon mongs pa thams cad dang bral nas ye shes kyi 'od zer kyi rang bzhin du gnas pas so/ / dri med zla ba lta bur gnas zhes pa ni zla ba lta bur 'od gsal zhing me long lta bu'i ye shes kyi rang bzhin zla ba'i dkyil 'khor gang ba ltar gnas pa'i don no/ /kun bsdus gong bur sbyor ba yis/ shes pa ni gong du bstan pa'i sku gsung thugs kyi sa bon yi ge 'bru gsum dang/ 'phags pa'i sku gsung thugs dang/ sems can gyi lus ngag yid gsum gyi rang bzhin rnams gcig tu gyur nas bdag lha gang bsgom pa de'i sa bon gyi yi ger gyur par bsam pa'o/ /de ltar bsgom pa ni mnyam pa nyid kyi ye shes so// gzugs kyi ngo bor rnam par bsgom pa ni yi ge 'od du 'phros shing sems can gyi don thams cad bya ba dang/ de bzhin gshegs pa thams cad kyi mchod pa'i dngos por gyur nas thugs dam gyi rgyud bskul nas slar 'dus pa las phyag mtshan du gyur pa bsgom mo/ /de yang 'phros shing slar 'dus pa las sku phra mor 'gyur ro/ /de bzhin du sku phra mor spros shing slar 'dus pa las phyag rgya chen por gyur par bsam mo/ /de ni so sor rtog pa'i ye shes so/ /sngags kyi sku ni mthar phyin pa zhes pa ni de ltar cho ga rnams kyi sku bskyed pas mthar phyin pa zhes bya'o/ /sangs rgyas kun gyi rang bzhin bdag ces bya ba ni sangs rgyas kun ni rnam par snang mdzad la sogs pa'i dkyil 'khor gyi lha rnams so/ /rang bzhin bdag ni 'og nas 'byung ba'i phung po la

  203. 118a

    sogs pa byin gyis brlab pa'i don no/ /phung po khams su rnam bsams te/ skye mched la sogs rnam par brgyan zhes pa ni de rnams kyi rang bzhin 'og nas 'byung ba'i tshul du lhar byin gyis brlabs pa'o/ /gzugs kyi phung po rang bzhin du/ rnam par snang mdzad rab tu gnas/ zhes pa ni bdag phyag rgyar gyur pa'i gzugs kyi phung po'i rang bzhin la yi ge maM 'aM? oM bskyed la de las 'od zer phyogs bcur 'phros nas 'jig rten gyi khams thams cad rdul phra rab tsam gyi rnam par snang mdzad kyi sku bkug nas yi ge gnyis su med par 'gyur zhing rnam par bsam mo/ /tshor ba dkon mchog dpal zhes pa ni de bzhin du tshor ba'i phung po'i rang bzhin la yi ge a las rin chen 'byung ldan bskyed pa'o/ /'du shes snang ba/ mthar yas zhes pa ni 'du shes kyi phung po yi ge h+ri(rgyud 'grel): las snang ba mdza' yas bskyed pa'o/ /'du byed thams cad gdon mi za ba zhes pa ni 'du byed kyi phung po'i rang bzhin la yi ge a las don yod grub pa bsgom pa'o/ /rnam par shes su mi bskyod gnas shes pa ni rnam par shes pa'i phung po'i rang bzhin la yi ge hUM las bcom ldan 'das mi bskyod pa bskyed pa'o/ /mdor na zhes pa ni de rnams bsgom pa'i bye brag gzhan yod na yang zhes pa'i don no/ /phung po lnga rnams ni gzugs la sogs pa'o/ /sangs rgyas lnga ni gong du bstan pa'o/ /rab tu grags shes pa ni de ltar bsgom pa 'am/ gnas par rgyud thams cad kyi nang du bstan zhes pa'i don no/ /oM swa aM? ha hUM/ yi ge 'di rnams las bskyed kyang rung/ sa'i khams ni rnam bsam pa zhes pa ni bdag phyag rgyar gnas pa'i phyi nang gi brtan pa'i rang bzhin la grub pa spyan ni bsam byas nas zhes bya ste/ sangs rgyas spyan yi ge laM las bskyed nas/ gong ma ltar spro bar byas la sa'i khams kyi rang bzhin du gnas par bsam mo/ /sra ba lta bur byin

  204. 118b

    gyis brlab ces pa ni gong ma ltar bsgom pa'i mthus cis kyang mi shigs pa'i lus thob pa'i don no/ /chu khams mA ma kI gong ma bzhin du yi ge maM las lha mo mA ma kI spro bsdu byas nas khu ba dang khrag la sogs pa gsher ba'i rang bzhin du lus ngag sems la khyab par bsgom mo/ /gang ba nyid brtag ces pa ni khyab pa la yang bya gong ma ltar bsgoms pas yon tan phun sum tshogs par 'gyur ba la bya'o/ /me'i khams la sogs pa ni ye ge baM las lha mo na bza' dkar mo 'phro 'du byas nas/ dro ba'i rang bzhin thams cad la thim? par bsam mo/ /de ni 'bar ba lta bu zhes pa ni de ltar bsgoms pa'i mthus/ nyon mongs pa thams cad bsreg pa'i ye shes kyi 'od zer du 'grub pa'i don no/ /rlung gi khams kyi rang bzhin du shes pa la sogs pa'i de ni gong ma ltar yi ge traM las lha mo sgrol ma spro bsdu byas nas/ g.yo ba'i rang bzhin la khyab cing gnas par bsam mo/ /blo ldan ni rnal 'byor pa'o/ /de ni rlung ltar 'byung ba ste zhes pa ni lha mo sgrol ma de rlung lnga'i sgo nas sems can gyi don byed pas so/ /de yang 'jig rten pa'i rlung dang/ mkha' la 'gro ba'i rlung dang/ dangs snyigs 'byed pa'i rlung dang/ phyi nang du rgyu ba'i rlung dang/ srog gi dbang po'i tshul du gnas pa'i rlung ngo/ /de bzhin yid kyi 'gro ba ces pa ni de ltar bsgoms pas bar snang la 'gro ba'i rdzu 'phrul 'thob pa'i don no/ /nam mkha' khams kyi rang bzhin kun tu bzang mo brtag ces pa ni yi ge hUM las kun tu bzang mo spro bsdu byas nas nam mkha' i rang bzhin la khyab par gnas par bsam mo/ /nam mkha' de'i sbyor bas ni sangs rgyas kyis kyang mi gzigs zhes pa ni de ltar bsgoms pa'i mthus mi snang ba'i dngos grub 'thob pas 'jig rten gyi lha rnams kyis mi 'thob pas so/ /sangs rgyas zhes pa ni la dor ba'i tshig go /phung po khams kyi bye brag ni/ gnyis su med

  205. 119a

    ba'i sbyor bar gnas zhes pa ni gzugs kyi phung po lnga dang/ sa la sogs pa'i phung po lnga bdag gi tha mal pa'i tshul ma yin par lha dang gcig tu gyur pas gnyis su med pa'i sbyor bar gnas zhes bya/ de ltar zhes pa gong du de ltar ro/ /mkhas nyid ni sngags kyi bye brag la mkhas pa'i rnal 'byor ba'o/ /bsam byas na zhes pa ni bshad ba bzhin du bsgom pa'i don no/ /de nyid kun tu tshim par 'gyur zhes pa ni de ltar phung po dang khams lha dang lha mo'i rang bzhin du shes pas bsgom pa'i mchog yin pa 'am/ lha thams cad dgyes pa'i rgyu yin pa'i phyir/ dngos grub thams cad thob par 'gyur ba'i thabs kyi mchog yin pa'i don no/ /'di rnams kyis kyang bskyed pa'i dus su bskul bar bya'o/ /de la mo ha zhes pa ni bcom ldan 'das rnam par snang mdzad/ ra ti ni lha mo lo tsa nas gnyis su med ba'i sbyor pa'i mchod pas dgyes par byed pa 'am/ yang na sems can gti mug gis ldongs pa rnams ye shes kyi 'od zer gyis sel cing dag par byed pas gti mug dga' ba ma'o/ /de shwa ni bcom ldan 'das mi bskyod pa'o/ /ra ti ni gong ma dang 'dra bar dgyes par byed pa 'am yang na sems can zhe sdang can gyi zhe sdang can spong bar byed cing yang dag ba'i don bstan nas dga' bar byed bas zhe sdang dga' ba ma'o/ /rA ga ni bcom ldan 'das snang ba mdza' yas so/ /ra ti ni gong ma dang 'dra bar dgyes par byed pa'am yang na 'dod chags che ba'i sems can rnams 'dod chags kyi tshul du dag bar byed cing thar pa'i lam ston cing dga' bar byed bas 'dod chaD dga' bar byed pas 'dod chags dga' ba ma'o/ /badzra ni bcom ldan 'das don thams cad 'grub ba'o/ /ra ti ni gong ma dang 'dra bar dgyes bar byed pa 'am/ yang na sems can blta ba log par spyod pa ngan bar spyod pa'i rnams la rdo rje lam ston cing dga' bar byed pas rdo rje dga' ba

  206. 119b

    ma'o/ /mig dang rna ba dang sna dang/ lce zhes pa la sogs pas ni sa'i snying po la sogs pa'i byang chub sems dpa' drug mig la sogs pa'i dbang po drug la gong ma'i tshul du bsgom par bya ba'i don no/ /de yang thlhiM? las sa'i snying po'o/ /oM las phyag na rdo rje'o/ / oM gnyis pa las nam mkha' i snying po'o/ /oM gsum pa las spyan ras gzigs kyi dbang phyug go /ha las sgrib pa thams cad rnam par sel ba'o/ /oM tha ma las kun tu bzang po'o/ /nang gi skye mched rnams su ni/ sa'i snying po la sogs gnas zhes pa ni de ltar bsgom pas mig la sogs pa'i skye mched kyi rang bzhin dang sa'i snying po la sogs pa'i byang chub sems dpa' i rang bzhin gnyis su med pa'i don no/ /phyi'i skye mched rang bzhin du/ /gzugs la sogs pa rab tu gnas zhes pa ni dbang po drug gi yul gzugs la sogs pa drug la gzugs kyi lha mo la sogs pa drug bsgom zhes pa'i don no/ /de yang gzugs kyi skye mched la yi ge dzI bskyed nas 'phre 'du byas pa las rdo rje gzugs kyi lha mor gnas par bsam mo/ /de bzhin du sgra'i skye mched la hUM las rdo rje'i sgra lha mor bsam mo/ /dri'i skye mched la yi ge baM las rdo rje dri'i lha mo'o/ /ro'i skye mched la yi ge ho las rdo rje ro'i lha mor bsam mo/ /reg bya'i skye mched la yi ge khaM las rdo rje reg bya'i lha mo'o/ /chos kyi skye mched la yi ge raM? las chos kyi dbyings kyi rdo rje ma bskyed par bya zhes pa'i don no/ /sa'i snying la sogs sngags rnams ni/ /rdo rje can gyi rgyud las gsungs/ /zhes pa ni byang chub sems dpa' drug gi bskyed pa'i sa bon yig 'bru rnams ston pas rgyud las bstan pas slob dpon gyis 'dir yang bris zhes pa'i don no/ /'di dag sngags ni ma gsungs phyir/ /gzugs la sogs pa ma bris zhes pa gzugs kyi lha mo la sogs pa bskyed pa'i sa bon yig 'bru rnams rgyud nang du gsal por ma bstan pas 'dir yang ma/

  207. 120a

    bris zhes pa'i don no/ /phyi yi longs spyod kyis mchod phyir/ /gzugs sgra dag tu rab tu gnas zhes pa ni phyi'i longs spyod gzugs la sogs pa lnga rnal 'byor pas mi spang zhing dang du len pa'i phyir dpal rdo rje sems dpa' i che ba'i yon tan khyad par las lha mo'i tshul du de dag la gnas zhes pa'i don ni/ byin gyis brlabs kyis byin gyis brlabs nas zhes pa ni de ltar na kun rdzob tu nang gi skye mchod dang/ phyi'i skye mched lha dang lha mor shes pa dang/ don dam par rang bzhin gcig par shes pa'o/ /'dod ba lnga spyod ces pa ni de lta bas na gzugs la sogs pa smad cing mi spang bar spyad pa'i don no/ /gzugs ni mig gi yul du gnas zhes pa ni de yang ji ltar spyod ce na/ phyi'i tha mal pa'i tshul du mig gi longs spyod kyi yul gzugs yin pa dang/ nang gi ni mig sa'i snying pa'o/ /de'i spyod yul ni gzugs kyi lha mo'o/ /gsang ba ni de gnyis gsang ba'i tshul bde ba chen po nyams su myong ba'o/ /de bzhin du sgra la sogs pa la yang shes par bya'o/ phyi'i skye mched 'di dag ni byang chub sems ma'i dkyil 'khor mchog ces pa ni de lta bas na gzugs la sogs pa byang chub sems dpa' rnams kyi gzugs yin zhing dkyil 'khor du bskyed bas smad du mi rung pa'i don no/ /gshin rje gshed po lag pa g.yas zhes pa ni khro bo gshin rje gshed sems can gyi nyon mongs pa dang/ bdud dang bgegs la sogs pa tshar gcod pa'i las khyad par du byed pas/ lag pa g.yas kyang mi mthun pa'i phyir gcod pa'i don gyis der bskyed par bya'o/ /gzhan gyis mi thub g.yon pa zhes pa ni khro bo gzhan gyis mi thub pa bsrung ba'i khyad du byed pa dang/ lag pa g.yon pa yang bsrung ba'i las byed pas so/ /kha la rta mgrin bsgom pa ni gsung gi rang bzhin yin pas so/ /bdud rtsi 'khyil pa rdo rje la zhes pa ni khro bo bdud rtsi 'khyil pas sems can thams cad 'khor ba las 'don cing mya ngan las 'das pa'i bdud rtsi dkyil ba dang/ rdo rje

  208. 120b

    yang byang chub sems kyi rang bzhin bdud rtsi 'phro zhing 'khyil pa'i don gyis so/ /sngags 'di rnams kyis bskul zhing bskyed pa'o/ /de la ya ma ni sems can thams cad kyi srog gi dbang po dgag pa'o/ /an ta kri ta ni khro bo chen po 'dis sems can thams cad ? rnam par thar pa'i sgo bstan cing skye shi med pa'i sa la bkod pa'o/ /yang na ya ma ris su gtogs pa'i srin po lha dang mi la gnod pa byed pa rnams 'dul zhing byang chub tu sems bskyed pa'o/ /yang na ya ma ni shar phyogs so/ /an+ta krita ni de'i phyogs kyi bdud dang bgegs rnams tshar gcod cing sgo bsrungs kyi tshul du gnas pa'i don no/ /pra dz+nyA ni bye brag tu lta ba'i rnam par rtog pa'o/ /an+ta krita ni khro bo 'dis de ltar lta ba'i sems can rnams la rnam par thar pa'i sgo bstan nas gnyis su med pa'i lta ba la gnas bar byed pa'o/ /yang pradz+nyA zhes pa ni shin tu yang nga rgyal che ba'i ru tra rnams so/ /an+ta krita ni de brtul zhing byang chub tu sems bskyed pa'o/ /yang pradz+nyA ni lho phyogs la bya/ an+ta krita ni de'i phyogs kyi bdud dang bgegs rnams tshar gcod cing sgo srung gi tshul du gnas pa'o/ /pad+ma ni 'dod chags so/ /an+ta krita ni khro bo 'dis sems can thams cad 'khor ba'i 'dod chags las thar par byed cing bde ba chen po'i tshul du ston pa'o/ /yang na pad+ma ni pad+ma'i rigs su gtogs pa'i srin po mgrin bcu la sogs pa rnams so/ /an+ta krita ni de rnams bdul? zhing byang chub kyi lam bstan pa'o/ /yang na pad+ma ni nub phyogs la bya/ an+ta krita ni gong ma dang 'dra/ big+h+nAM ni sems can thams cad bla na med pa'i byang chub sems thob par byed pa la gegs byed pa'i nyon mong? pa rnams so/ /an+ta krita ni khro bo 'dis sems can thams cad kyi bsam pa dang sbyar zhing 'dul pa'i thabs ston cing tshar gcod par byed pas so/ /yang na big+ha nan ni dge ba rnams la bar chad byed pa'i bgegs kyi rgyal po bi na ya ga'i ris su

  209. 121a

    *//gtogs pa rnams so/ /an+ta krita ni de rnams btul zhing byang chub tu sems bskyed pa'o/ /yang na big+h+nAM ni byang phyogs la bya/ /an+ta krita ni gong ma dang 'dra'o/ /de ltar don kun rab zhugs pa zhes pa ni bya ba nan tan gyi ye she so// de ltar ni gong du bstan pa'i tshul lo/ /don kun ni lha dang lha mo'i rnams so/ /rab zhugs pa zhes pa ni bdag gi phung po dang/ khams dang skye mched la sogs pa lha de rnams dang gnyis su med par byed pa'o/ /sangs rgyas kun bdag gtso bor ni/ bskyed nas byin gyis brlab ces pa ni de ltar ting nge 'dzin rnam gsum gyis bdag dpal rdo rje sems dpa' de bzhin gshegs pa thams cad kyi bdag nyid du gyur pa'i phyag rgya chen por bsgoms pa'i zhes pa'i don no/ /byin gyis brlab ces pa ni 'og nas 'byung ba'i tshul du sku gsung thus su byin gyis brlab pa'o/ /de yang tshigs su bcad pa'i sgo nas byin gyis brlab pa dang/ sngags kyi sgo nas so/ /tshigs su bcad pas gsol ba gdab ba ces pa ni/ /'og nas 'byung ba'i tshigs bcad gnyis kyis rigs nges pa'i sangs rgyas la gsol ba gdab pa dang/ phyogs bcu'i sangs rgyas la'o/ /spyi bo dbus 'gyur bsam zhes pa ni gsol ba btab pa'i thabs bstan pa'o/ /zla ba'i dkyil 'khor gang zhes pas ni bdag phyag rgya chen por gnas pa'i spyi bor a las zla ba'i dkyil 'khor rdzogs pa gcig bskyed pa'i don no/ /der ni oM dkar 'od ldan pa ni zla ba'i dkyil 'khor gyi steng du de bzhin gshegs pa thams cad kyi sku'i rang bzh+n ni phyag rgya zla ba phyed pa'i 'od las lhag pa'i yi ge oM dkar po gcig bsgom mo/ /'od zer rnam pa lnga 'phro ba ni de las ye shes lnga'i rang bzhin gyi 'od zer dkar po la sogs pa lnga phyogs kun tu 'phro ba'o/ /de las lha mo rnams 'phro ba zhes pa ni sems 'od zer des sems can gyi don bya ba dang/ sangs rgyas kyi thugs da bskul nas slar 'dus

  210. 121b

    pa las rnam par snang mdzad yab yum du gyur pas bsams nas/ de gnyis kyi bde ba chen po tshul yi ge laM du gyur nas lha mo sangs rgyas spyan 'phro ba'i don no/ /bdag por rab tu sbyar zhes pa ni bdag po ni rnam pa snang mdzad do/ /rab tu sbyar ba ni dbang bskur ba'i tshul du lha mo de'i spyi bor bsam pa 'am gnyis su med pa'i tshul du bsam mo/ /spyan ni rnam par bsam bya ba nam mkha' i khams kun gang bar zhes pa ni de ltar lha mo bsgom zhing 'phro ba yang/ nam mkha' i khams thams cad du til phyi gang bu bzhin du sems kyis lcogs stang spro bar bya'o/ /rdo rje sku ni bcom ldan 'das rnam par snang mdzad yab yum mo/ /rnam par bsam pa ni bcom ldan das kyi spro ba rnams so/ /bar snang khams ni gang bar gnas zhes pa ni gong du bstan pa bzhin du nam mkha' thams cad khyab par gnas pa rnams mngon ? tu dbang po'i don no/ /de dbus bdag po'i bsam bya zhing/ bdag gi mdun du gnas pa'o/ /zhes pa ni bar snang khams khyab par gnas pa'i sangs rgyas yab yu thams cad kyi dbus su dang por bskyed pa'i sangs rgyas bcom ldan 'das rnam pa snang mdzad yab yum bdag rnal 'byor ba'i mdun na bzhugs par bsam mo/ /sum cu rtsa gnyis mtshan 'chang ba/ dpe byang bzang po brgyad cus brgyan zhes pa ni bar snang khyab par bzhugs pa'i sangs rgyas de rnams kyang mtshan sum cu rtsa gnyis dang/ dpe byad bzang po brgyad cu dang/ gzhan yang sku'i rgyan thams cad dang ldan pas bsam zhes pa'i don no/ /sngags pa ni phyag rgya chen por gnas pa ni rnal 'byor pa'o/ /bcol ba ni 'og nas 'byung ba'i tshigs bcad gnyis kyis sku'i rang bzhin du byin gyis brlab pa zhu ba'o/ /tshigs su bcad pa gnyi gnyis brjod pa ni tshigs bcad sku gsung thugs gsum ga la gnyis gnyis yod pas rim pa bzhin du re re la yang gsum gsum du brjod par bya'o/ /dpal ldan

  211. 121a

    sangs rgyas sku 'chang ba zhes pa la sogs pas ni sku'i rigs su nges pa'i sangs rgyas la gsol ba 'debs pa'o/ /de la dpal ldan ni gong du bshad pa dang mthun no/ /sangs rgyas kyi sku 'chang bar phyogs bcu dus gsum gyi sku'i khyad par bstan cing gnas pa bcom ldan 'das rnam par snang mdzad do/ /rdo rje mi phyed gsum bsgoms pas zhes pa ni bcom ldan 'das de yang gang gi kyang dbye bar mi nus pa'am 'joms par mi nus pa'i sku gsung thus kyi rang bzhin yin pa'am de nyid las mi g.yo ba'i thugs dang ldan pa'i don no/ /ding bdag byin gyis brlabs nas su zhes pa ni de lta bu'i bcom ldan das khyod bdag kyang sku gsung thugs bsgom pa yin pas yab yum gyi thugs kyi rang bzhin byang chub sems su dus 'di nyid du byin gyis brlabs nas zhes pa'i don no/ /rdo rje skus ni mdzad du gsol zhes pa ni de ltar byin gyis brlabs te/ khyed dang 'b? bar bdag gi sus kyang rdo rje'i skur mdzad cig pa'i don no/ /phyogs bcur bzhugs pa'i sangs rgyas zhes ba la sogs pa 'dir phyogs bcur bzhugs pa'i sangs rgyas thams cad la so so'i sku 'dra bar bdag gi lus kyis mdzod cig pa'i don no/ /rdo rje mi phyed gsum bslon so zhes pa la sogs pa'i don ni na gang ma dang 'dra'o/ /de ltar gsol ba nas bcom ldan 'das rnam par snang mdzad dang po bskyed pa la sog pa lha mo sangs rgyas spyan dang gnyis su med par sbyor ba'i phyag rgya dang ldan par rgyan mi 'chad par slar byon cing bdag gi spyi bo'i bcom ldan 'das yab yum la thim par bsgom zhes pa'i don no/ /de ni zhugs par mos phyas la zhes pa la sogs pa ni spyi bor bzhugs pa'i bcom ldan 'das yab yum de yang bdag gi spyi bor thim zhing gnyis su med par gyur te/ phung po lnga la khyab par byin gyis brlab par bya'o/ /sangs rgyas rnams ni sku

  212. 121b

    ni gang/ /phung po lnga la rab tu gnas/ /zhes pa de ltar gsol ba btab cing byin gyis brlabs pas bcom ldan das rnam par snang mdzad la sogs pa'i phyogs bcu'i sangs rgyas rnams kyi sku'i rang bshin gang yin pa bdag gi phung po lnga la gnas par bsam pa'o// sangs rgyas sku'i rang bzhin du bdag kyang de dang 'dra bar shog /ces pa ni de ltar gnas pas sangs rgyas kyi sku rdo rje lta bur bdag gi lus kyang de dang 'dra bar gyur cig ces tshig tu brjod cing smon pa'i don no/ /oM sarba ta thA ga tkA ya badzra swa b+ha At+ma konyhaM zhes pa ni bdag gi de bzhin gshegs pa thams cad kyi sku rdo rje'i rang bzhin no zhes bsgom zhing sngags 'di lan gsum du rjod par bya'o/ /de bzhin lce dbus pad+ma la zhes pa la sogs pa ni de ltar sa'i rang bzhin du byin gyis brlabs nas de bzhin gshegs pa thams cad kyi gsung gi rang bzhin du byin gyis brlab par bstan to/ /lce dbus pad+ma la zhes pa ni bdag phyag rgya chen por gnas pa'i lce'i dkyil du yi ge baM las pad+ma 'dab ma brgyad pa bskyed la oM las rdo rje 'dod chags zhes bya ste/ de'i steng du yi ge a bskyed la gdom bzhin du spo bsdu byas la bcom ldan 'das snang ba mdza' yas dang/ lha mo na bzang dkar mo yab yum gnyis su gyur par bsam mo/ /de la bar snang khyab pa dang/ spro bsdu bya ba la sogs pa gong mnga' 'dra'o/ /rab zhugs de la gsol ba cing/ rdo rje lag tu byin gyis brlabs pa ni bar snang khyab par bzhugs pa'i bcom ldan 'das rnams la 'og gi tshigs bcad gnyis kyi bdag gi tshig de bzhin gshegs pa thams cad kyi gsung gi rang bzhin du byin gyis brlab par bya zhes bya'o ras kyi ngag lam dpal ldan pa/ zhes pa'i tshigs bcad kyis gsung gi rigs des pa'i sangs rgyas la gsol ba btab pa'o/ /de la chos kyi dag lam ni chos thams cad tshig gis bstan pa yin la dI rang bzhin du gces pa bcom ldan 'das snang ba mdza'

  213. 122a

    yas so/ /dpal ldan yang de nyid yin no/ /rdo rje gsung gis mdzad du gsol zhes pa ni rdo rje gsung khyod kyis bdag gi tshig rnams nyid kyi gsung bzhin du mdzod cig pa'i don no/ /phyi ma rnams gong ma dang 'dra'o/ /lce ni 'phro ba rnam bsam ste zhes pa ni de ltar gsol ba btab nas lce la bskyed pa'i sangs rgyas las 'od zer spros shing bskul bas slar byon cing lce la thim par bya'o/ /rang dag chos rnams kun gyi gnas ni de ltar thim pas rang gi tshig 'jig rten dang// 'jig rten las 'das pa'i chos rnams kyi 'byung gnas su gyur pa'i don no/ /gsung dbyangs thams cad rnam par dag pa ni de ltar bsgoms pa'i lce las ngag 'byung ba thams cad tshig dang don du ldan zhing 'khyal pa med pa'o/ /chos kyi dag tu byin gyis brlab pa ni bcom ldan 'das snang ba mdza' yas kyi gsung yin par bsam pa'o/ /rdo rje chos kyi gsung rnams ni/ /nges pa'i tshig ni phun sum tshogs/ /zhes pas ni ji ltar bcom ldan 'das snang ba mdza' yas so gsung 'khyal ba med cing don dang ldan pa de bzhin du bdag gi tshig rnams kyang gyur cig ces brjod cing smon par bya'o/ /oM sarba ta thA ga ta bA ka badzra swa b+hA ba At+ma konyahaM/ zhes pa'i sngags 'dis bdag gi tshig de bzh+n gshegs pa thams cad kyi gsung gi rang bzhin du sgom zhing lan gsum du brjod par bya'o/ /de ltar sku gsung byin gyis brlab par bsngon nas thugs byin gyis brlab par bstan to/ /snying ga'i zla ba la dmigs pa la sogs pas ni de la bdag phyag rgya chen por gnas pa'i snying la a las ? ba'i dkyil 'khor bskyed nas dI steng du hUM las rdo rje sems dpa' yab yum sku mdog mthing nag tu 'dug pa ye she lnga'i 'od zer 'phro ba bskyed par bya'o/ /sngar smos pa'i rim pa bzhin rdo rje sems la gsol ba btab nas/ zhes pa ni gong du

  214. 122b

    sku dang gsung gi skabs su spro ba la sogs pa bya pas bzhin 'dir yang byas nas gsol ba btab pa'i don no/ /de ni zhugs par bsgom byas te/ sems ni byin gyis brlab par bya/ zhes pa ni de ltar gsol ba btab cing snying gna nas snyos shing bskul bas bar snang khyad par gnas pa'i rdo rje sems dpa' yab yum slar byon cing la thim par bsgoms nas/ rang gi sems de dang gnyis su med par byin gyis brlab par bya'o/ /dpal ldan rdo rje thugs 'chang ba/ /la sog pa'i ni thugs su nges pa'i rigs la gsol ba 'debs par bston to/ /de la dpal rdo rje sems dpa' dus gsum gyi de bzhin gshegs pa thams cad kyi thus kyi rang bzhin dang sems can thams cad kyi sems skyes pa'i rang bzhin ngo bor gnas pas rdo rje sems 'chang ba zhes bya'o/ /rdo rje thugs kyi mdzad du gsol zhes pa ni bdag gi sems nyid kyi thugs dang 'dra bar mdzod cig pa'i don no/ /slad ma ni gong ma dang mthun no/ /snying la dpal be'u gnas pas zhes pas ni de ltar gsol ba btab cing byin gyis brlab pas de bzhin gshegs pa thams cad kyi bdag nyid rdo rje sems dpa' i snying la gnas nas phyag rgya chen po rdzogs par gyur pas skyes bu chen po'i mtshan nyid ces bya'o/ /'od zer lngas dkris lta bu ni/ /nga rgyal bskyed nas sbyor bar bya zhes pas ni de ltar 'od zer 'phro zhing gnas pa de mngon sum gsal bar bskyed nas thugs dang sems gnyis su med par sbyor bar bya'o/ /kun tu bzang po zhes pa ni 'dod chags la sogs pa'i nyon mongs pa spyod kyang de'i nyes pas mi gos pas badzra satwa'o/ /gsang dbang ni de bzhin gshegs pa thams cad kyi bdag nyid dam mchog yin pa'i don no/ /yang na gsar ba ni lo tsa na la sogs pa yum gyi rang bzhin du gnas pa rnams so/ /de dag dang gnyis su med pa'i bde ba'i dang du rtag tu gnas pas dbang pao/ /blo ldan ni phyin ci log spangs pa'o/ /bdag kyang de dang 'dra ba'i

  215. 123a

    sems can zhes pa ni de lta bu'i yon tan dang ldan zhing rdo rje 'chang gi thugs su 'gyur bar shog cig ces brjod cing smon pa'o/ /oM sarba ta thA ga tA tsit+ta badzra swa b+hA ba At+ma konyahaM/ zhes pa'i sngags 'dis bdag gi sems de bzhin gshegs pa thams cad kyi thugs rdo rje'i rang bzhin yin no par bsgom zhing brjod par bya'o/ /de ltar bdag nyid byin gyis brlabs nas zhes pa la sog pa ni gong du bstan pa'i tshul gyis bdag gi phung po dang/ bsam la sogs pa lha dang lha mo'i rang bzhin du shes pa dang lus ngag dag pa sems de bzhin gshegs pa'i sku gsung thugs su byin gyis brlab pa byas pa'i phyag rgya de nyid la dpal byang chub sems rdo rje'i skur bsgom par bstan to/ /de a las bskyed pa'i zla ba'i dkyil 'khor gyi steng du bdag 'dug par bsams la snying gar zla ba'i dkyil 'khor gyi steng du hUM dkar po gcig bskyed/ de spro bsdu byas pa las byang chub kyi sems rdo rje 'gyur par bsam mo/ /sems dpa' i skyil krung ni 'dug stangs so/ /zla ba'i mdog ni sku mdog gi /rnam pa thams cad ni sangs rgyas kyi mtshan dang dpe byang la sogs pa'i yon tan thams cad dang/ dbu rgyan la sogs pa'i phyi'i rgyan thams cad kyis brgyan pa'o/ /de rnams thun mong ma yin pas mchog go /ral pa cod pan 'chang la zhe zhes pa ni dbu skra ral par 'dug nyid cod pa na du byas pa'am/ ral pa dang cod pa na kyis brgyan pa'o/ /zhi ba ni 'dod chags la sog pa'i nyon mong pa'i me khor na med pas byi'i sku zhes sdang gi rtags su ston pa'i phyir dang/ 'jig rten pa'i lha mgo grangs kyis yod pa rnams 'dul bar bstan pa'am/ de dag la dad pa'i sems can rnams chos 'di la dud par bya ba'i bya ba ni dus gsum gyi de bzhin gshegs pa thams cad kyi sku gsung thugs kyi rang bzh+n yin pa'i rtags su ston pa'i phyir dang/ 'jig rten pa'i lha mgo grang kyis yod pa rnams 'dul bar bstan pa 'am/ de dag la dad pa'i sems can rnams chos 'di la dud par bya ba'o

  216. 123b

    don no/ /g.yas pa in+d+ra n+t+ri la zhes pa ni zhal gsum la g.yas phyogs kyi zhal thugs kyi rang bzhin yin pas te/ de las mi 'gyur bas rin po che in+d+ra nI la'i kha dog bzh+n na ming nag tu bstan to/ /yang na 'jig rten pa'i lha khyab 'jug la sogs pa zhe sdang che zhing gnag pa rnams kyi don mthun pa'i sgo nas mdzad pa'am/ de la dad pa rnams dang bar bya ba'i don no/ /g.yon pa chags pas dmar ba ni sems can thams cad la thugs rje chen po'i sgo nas chags shing/ gsung gi sgo nas don byed pa'i rtags su/ /g.yon dmar bar bstan to/ /yang lha chen po la sogs pa'i 'dod chags cha zhing kha dog dmar bar 'dug pa rnams kyi don mthun pa'i spo nas mdzad pa'am/ de dag la dad pa rnams chos pa'i dag la dad par bya ba'i don no/ /zhal dbus dkar ba ni nyon mongs pa dang/ phral zhing sna'i rang bzhin sgo nas sems can gyi don mdzad pa'o/ /yang na tshangs pa la sogs pa dkar zhing gti mug shas che ba rnams kyi don mdzad pa gong ma dang 'dra'o/ /phyogs bcu thams cad snang byed pa/ de'i phyag drug rnam par bsgom zhes pa ni shar phyogs la sogs pa'i phyogs bzhi dang/ me'i phyogs la sogs pa'i mtshams bzhi dang/ steng 'og gi 'jig rten gyi khams mdza' yas pa dag tu sku dang ye shes kyi 'od 'phro zhing sems can gyi gti mug gi mun pa rnam par 'joms shing ye shes kyi snang bskyed pa'i dpal byang chub sems rdo rje de phyag drug dang ldan par bsgom zhes pa'o/ /de la phyag su ni sems? ? rnams la phyag drug go/ sgo nas don byed pa dang/ 'jig rten gyi lha khyab 'dug la sogs pa lag pa drug dang ldan pa rnams mthun pa'i sgo nas 'dul ba dang/ de a mos pa'i don du can rnams sangs rgyas kyi chos la gzud pa'i don no/ /ye she lnga bdag rdo rje ni zhes pa la/ de la phyag g.yas kyi dang po ye shes lnga'i rang bzhin/ rdo rje rtse lnga pa kha dog in+d+ra nI la ltar 'dug pa phyag tu bsgom zhes pa dang 'brel to/ /'bar ba

  217. 125a

    lngas rnam par rgyan pa ni ye shes lnga'i rang bzhin 'od zer kha dog dkar po la sogs pa lnga rdo rje de nyid las 'phro zhing dkris pa'i don no/ /sangs rgyas sprin ni rnam par spro zhes pa ni rdo rje de las kyang bcom ldan 'das rnam par snang mdzad la sogs lha dang lha mo phyogs bcur spros shing sems can gyi don byed par bsam zhes pa'i don no/ /gnyis pa 'khor lo chen po zhes pa phyag par ma la 'khor lo bsnams pa'i don no/ /zla brtsibs brgyad lta bus ni dbyibS dang kha dog bstan ti 'khor lo de rtsibs brgyad ldan zhing zla ba bzhin du dkar la zlum por 'dug pa'o/ /bdud rnams thams cad gcod byed pa/ rnam par 'phro bar bsgom par bya zhes pa ni 'khor lo de la ye shes kyi 'od zer 'phros pas sems can gyi 'dod chags la sogs pa'i nyon mongs pa'i bdud dang/ gnod par byed pa'i gnod sbyin dang/ srin po rnams tshar gcod pa'i mthu dang ldan par bsgom zhes pa'i don no/ /gsum pa pad+ma chen po zhes pa ni g.yas kyi tha ma la pad+ma bsnams pa'i don no/ /chos kyi sbyin gyis kun tu 'khrigs zhes pa ni pad+ma de las snang ba mdza' yas kyi rang bzhin phros shing 'khrigs pas sems can gyi bsam pa dang mthun par chos kyi tshig 'byung ba'i don no/ /kha ba ba zho lta bur dag /'dod chags thams cad dag mdzad pa zhes pa ni/ bcom ldan 'das sems can gyi don du 'dod chags dang du blangs shing spyad kyang de'i nyes pas mi gos pa'i rtags pad+ma ba zho 'am kha ba lta bur shin tu dkar ba bsnams par bsgom mo/ /g.yon pa'i dril bu dmar skya ste/ ston ka'i zla ba'i 'od mtshungs shes pa ni phyag g.yon gyi dang po la shes rab kyi pha rol tu phyin pa'i rang bzhin nyon mongs pa thams cad dang bral bas dkar ba sems can la snying rje'i sgo nas chags pa'i rtags su cung zad dmar bar 'dug pa/ ston ka'i zla ba'i 'od bzhin du shin tu dkar ba'i 'od 'phro zhing sems can dga' bar byed pas so/ /chos

  218. 125b

    rnams sgra brnyan lta bu zhes/ /sgras ni rab tu go bar mdzad ces pa ni dril bu de las skra byung bas sems can thams cad la chos thams cad kyi rang bzhin brag tshe lta bu zhes rang bzhin med par stong pa nyid do zhes go bar byed pa'i don no/ /gnyis pa rin chen chen po ste rdo rje 'bar bas rnam par brgyan/ /zhes pa ni phyag bar ma las yid bzhin gyi nor bu rin po che bsnams pa ste/ de yang ye shes kyi 'od zer 'bar zhing dkrigs pas brgyan zhes pa'i don ni/ /nyi ma 'char ka lta bu'i de ni kha dog shin tu yang dmar? par ?/ /re ba thams cad rdzogs par byed pa ni rin po che de las sems can gyi 'dod pa rnams 'byung zhing tshom par byed pa'i don no/ /gsum pa ral gri chen po ste/ utpal sngon po'i lo ma bzhin du zhes pa ni phyag tha man ral gri'i kha dog utpa la'i 'dab ma bzhin du 'dug pa bsnams pa'o/ /chen po ni ye shes kyi rang bzhin yin pas thun mong ma yin pa'i don no/ /phyogs bcu'i sems can thams cad kyi/ mi shes nyon mongs gcod byed pa zhes pa ni de las 'od zer 'phros shing sems can thams cad kyi ma rig pa'i bag chags thams cad gcod pa'i don no/ /phyag mtshan de rnams kyang/ ye shes lnga dang rig lnga'i rang bzhin du shes par bya'o/ /dmar po sna tshogs 'bar 'dra ba'i/ /'od kyi dkyil 'khor gyis ni brgyan zhes pa ni byang chub sems rdo rje de nyid kyi sku las 'od zer byung bas dkyil 'khor gyi tshul du chags shing rgyab brten du byas pas brgyan zhes bya'o/ /zla ba dri med stong 'dra ba ni 'od kyi dkyil 'khor de zla ba stong dam de bas lhag pa'i 'od 'phro ba'i don no/ blo dang ldan pas rgyab tu bsam zhes pa ni thabs la mkhas pa'i sgrub pa pos 'od kyi dkyil 'khor du bsgom pa'i don no/ /snying ga'i dbus su phra mo yi/ /ye shes sems dpa' rnam par bsgom zhes pa ni de ltar bdag byang chub sems rdo rje'i phyag rgya chen por gnas pa'i thugs kar ye shes sems dpa' i phyag rgya deng 'dud bar

  219. 126a

    mtshon gang ba gcig bsgom pa'i don no/ /de'i dus su bsam pa ni/ /yi ge mchog ni dam pa'o/ /zhes pa ni ye shes sems dpa' i thugs kar dus gsum gyi sangs rgyas kyi sku gsung thugs kyi rang bzhin dngos grub thams cad kyi 'gyur gnas yi ge hUM bsgom pa'i don no/ /de ltar bdag byang chub sems rdo rje'i phyag rgyar gsal bar bsgom zhing zla ba drug tshun chad sems las su rung gi bar du 'og nas 'byung ba'i tshul rdo rje phra mo'i ting nge 'dzin skabs 'dir bsgom pa 'di man ngag tu shes par bya'o// sdom la gnas pa'i sngags pa yis/ /bsnyen pa sngar ni byas nas su zhes pa ni de ltar bsnyen pa dang nye ba'i bsnyen pa rdzogs par byas nas/ sgrub pa las 'jug par bstan to/ /de la bsnyen pa ni de bzhin nyid kyi ting nge 'dzin chos thams cad kyi don dam pa'i rang bzhin skye ba med par bsgom pa'i don no/ /nye ba'i bsnyen pa'i kun tu snang gi ting nge 'dzin dang phra mo'i ting nge 'dzin par du'o/ /sdom la gnas pa ni gong du bstan pa'i dam tshig dang spyod pa las mi 'da' ba' o/ /sngar bsnyen pa byas pa ni bsnyen pa rnam gnyis rim pa bzhin du byas nas/ sems las su rung bas sgrub pa la 'jug par bya'i gzhan du ma yin zhes pa'i don no/ /cho ga 'di'i sbyor ba yis shes pa ni 'og nas 'byung ba'i thabs kyis so/ /sgrub pa dag ni brtsam pa ni bdag sku gsung thugs tho bar par byed pa'i thabs kyi rim pa la 'jug par bya ba'i don no/ /khrus mkhan gyi ni bdag nyid cha zhes pa ni sgrub pa'i snod gzugs ma bstan te/ khrus mkhan ni gos 'khru zhing btso blag byed pa'i rigs ngan te/ de lta bu la rang bzhin mthu yang yod pas bdag nyid chen po zhes bya/ de lta bu'i ma rigs ngan pas nga rgyal chung zhing bka' blo bde bas bdag ci dga' bar byed pas sems lus su rung ba'i don no/ /yang na khrus mkhan ni sdig pa spong zhing dge ba byed pa'i khyim bdag la sogs pa gang yang rung ba

  220. 126b

    la bya'o/ /bu mo mig ring rnyed pa ni zhes pa la sogs pa ni rigs de lta bu'i bu mo shes pa che zhing sems gsal ba phyi'i mig kyang che zhing ring ba yid du 'ong bar 'dug pa kha dog kyang utpa la'i lo ma bzhin sngo skyar 'dug pa gzugs yan lag dang nying lag thams cad tshang ba/ 'dod chags bdo bas dar la bab pa/ brgyan pa ni de rnams dang ldan pa'i don no/ /thams cad rgyan ni yongs brgyan pa ni phyi'i rgyan gos dang/ rin po che la sogs pa rnams kyis brgyan pa'o/ /bzhin mdzes yid du 'ong ba zhes pa ni bsod nams che ba'i rtags gzugs byang shin tu sdug cing kun yid du 'ong ba'o/ /go tshod lo ni bcu gnyis pa zhes pa ni bu mo lo grangs bcu gnyis la yon tan de lta bu kun tshang bar rnyed na mchog go /de ltar bstan kyang spyir bcu gnyis dang nyi shu rtsa lnga'i bar du shes par bya'o/ /bzung nas bsgrub pa brtsams par bya zhes pa ni/ de lta bu'i yon tan dang ldan pa kha na ma tho ba med pa'i sgo nas brtsal nas bsgrub pa la 'jug par bya ba'i don no/ /phyis gcin sogs dam tshig las shes pa ni de ltar mtshan dang ldan pa'i gzungs ma rnyed na/ gong du bstan pa'i gnas der bdud rtsi lngas maN+Dal bya zhes bya ba'i don no/ /cho ga bzhin zhes pa ni a mri ta lnga'i byin gyis brlab pa dang/ dkyil 'khor gyi las tshang bar byed pa'o/ /gru bzhi pa ni dkyil 'khor kyi dbyibs rgyas pa'i tshul du bya'o/ /dkyil 'khor byas nas de dbus su/ sngar gsungs pa'i gnas der bzhag /ces pa ni dkyil 'khor de lta bu byas nas sngar gsungs pa'i gzungs ma dngos grub thams cad kyi 'byung gnas de'i dbus su gzhag ces pa'i don no/ / phyag rgya bzhi yi sbyor ba yis/ bdag nyid mos pa'i lhar yang bsgom zhes pa ni sgrub pa po bdag kyang de dang lhan cig dkyil 'khor gyi dkyil du 'dug pa bdag nyid dud pa'i lha gang yang rung ba phyag rgya bzhi dang ldan par bsgom zhes pa'i don no/ /phyag rgya bzhi ni thugs

  221. 127a

    kar yig 'bru gnas pa chos kyi phyag rgya dang/ rdo rje la sogs pa phyag mtshan 'dzin pa las kyi phyag rgya dang/ g.yon phyogs su yum bskyed pa dam tshig gi phyag rgya dang/ de rnams rdzogs pa phyag rgya chen po'i dang bzhi'o/ /yang na gsang ba'i yum bzhi phyogs bzhir bskyed nas bsgom pa yang bya'o/ /rang gi lus las 'byung ba'i rnams/ /byin gyis brlabs pa'i gnas su dmigs zhes pa ni de ltar gzungs ma de lha mo gcig tu bsgoms la/ rang gi lus las byung ba ni bdag phyag rgya chen por gnas pa'i thugs ka nas rigs lnga phyung zhing byin gyis brlabs pa'i gnas gzungs ma de gnas lngar bskyed pa'i don no/ /nu ma'i bar dang spyi gtsug dang/ lte ba rked pa rkang rnams su/ zhes pa ni gnas lnga'o/ /rgyal ba bdag nyid gsang las skyes pa ni bdag byang chub sems rdo rje'i phyag rgyar gnas pa'i thugs kha thun mong dang rtog ge pa'i yul ma yin pas gsang ba'o/ /skyes pa ni de las byung ba'i don no/ /rigs lnga rnams ni rab tu dmigs shes pa ni de ltar gsang ba las skyed pa'i bcom ldan 'das mi bskyod pa la sogs pa'i rigs lnga/ yum de'i gnas lngar yig 'bru las bskyed cing gnas par dmigs pa'o/ /de'i snying ga'i dbus su zhes pa ni de rnams bkod pa'i rim pa bstan te/ yum de'i nu ma gnyis kyi bar snying ga'i nyi ma'i dkyil 'khor bsam zhes bya ste/ ma las nyi ma'i dkyil 'khor bskyed do/ /de'i dbus mi 'khrugs gnyis su med pa ni de'i yi ge hUM las bcom ldan 'das mi bskyod pa yab yum bskyed pa'i don to/ /phyag rgya bzhi dang ldan par gnas shes pa ni gong du bshad pa'i tshul gnyis ltar yin pa 'am/ yang na bcom ldan 'das yab yum bzhugs pa'i phyogs bzhir lA skye la sogs pa'i lha mo bskyed pa la bya'o/ /spyi gtsug dbus su zla ba zhes pa la sogs pa ni yum de'i spyi bor ma las zla ba'i

  222. 127b

    dkyil 'khor bskyed la de'i steng du oM las bcom ldan 'das rnam par snang mdzad yab yum bskyed par bya'o/ /de bzhin gnyis med kun tu sbyor ba ni gong ma dang 'dra bar yab yum gnyis su med par gnas shing phyag rgya bzhi dang ldan pa 'am/ yang na phyag rgya bzhi dang gnyis su med par gnas pa ni rigs phyi ma la yang shes par bya'o/ /rked pa'i dbus su zung rgyad pa'i/ /nor bu rin chen gtsor gnas te/ /zhes pa ni yum de'i rkang pa la yi ge ra las nor bu rin po che thams cad kyi mchog kha dog in+d+ra nI la lta bu dbyibs zur brgyad du 'dug pa cig bskyed do/ /dkon mchog dpal ni rnam bsams te/ phyag rgya bzhi dang ldan par gnas/ zhes pa ni de'i steng du bcom ldan 'das ratna saM b+hA ba yab yum yi ge sa las bskyed par bya'o/ /phyag rgya bzhi dang ldan par gnas pa god mdang? 'dra'o/ /lte ba'i phyogs dag tu zhes pa ni yum de'i gsang ba la yi ge baM las pad+ma bskyed pa'i don no/ /dkar dang dmar ba'i 'dab ma brgyad ni pad+ma de yang yab yum gnyis ni byang chub sems kyi tshul du kha dog dkar ba dang dmar pa spel mar 'dug pa dbyibs 'dab ma brgyad pa'i/ /pad+ma'i dbus su chos bzhugs pa/ phyag rgya bzhi dang ldan par gnas zhes pa ni pad+ma de'i steng du yi ge a las bcom ldan 'das a mi tA b+hA yab yum phyag rgya bzhi dang ldan par bskyed par bya'o/ /rkang pa dag gi dbus su'o/ /gru gsum me 'dra dkyil 'khor la/ /zhes pa ni yum de'i rkang mthil du yi ge ha las las kyi rigs gang na dkyil 'khor gru gsum pa 'dra ba rin po che'i rang bzhin gcig bskyed par bya'o/ /de'i dbus su gdon mi za zhes pa ni de'i steng du bcom ldan 'das a mo b+ha sid+d+hi yab yum bskyed par bya'o/ /phyag rgya bzhi no gong ma dang 'dra/ shes rab ldan te byin brlabs pa/ /zhes pa ni de ltar shes rab dang ldan pa'i rnal 'byor pas yum de nyid sgom mkhas na de bzhin du sgom du bcug la byin gyis brlab cing dbang bskur bar

  223. 128a

    bya/ mi mkhas na bdag gis bsgoms la dbang bskur bar bya'o/ /rgyal ba'i yum de yon tan ldan zhes pa na de ltar bsgom shing dbang bskur bas bsgrub pa'i snod du rung bas so/ /nyi shu rtsa lnga'i bye brag gis/ de la rdul ni ga ? bar bya zhes pa ni rigs re re yang lha mo bzhi bzhis bskor bas nyi shu rtsa lnga gzungs ma de'i gnas lngar dkyil 'khor gyi tshul du bkod pa'i rdul gtad ba zhes bya'o/ /yang na gzungs ma de lo grangs gong du bstan pa dang/ nyi shu rtsa lnga'i bar gyi bye brag la bya/ rdul gtang ba ni gong ma dang 'dra bar dkyil 'khor bsgom la bya'o/ /yang na de ltar byin gyis brlabs pa'i gnas der 'og nas 'byung ba'i tshul du byang chub kyi sems spro ba la yang bya'o/ /skye mched rnams ni gzugs la sogs dmigs shes pa ni gzungs ma de'i mig gi skye mched la sogs pa drug byang chub sems dpa' gzugs kyi lha mo la sogs pa drug gi yum bskyed pa'i don do/ /ro langs mi pham lag gnyis pa/ khro gnyer ral pa gcig lha mo/ kha dang pad+ma la ni dmigs// shes pa ni gshin rje gshed la sogs pa'i khro bo chen po bzhi'i yum khro mo bzhi gzungs ma de'i gnas bzhir sgom pa'i don no/ /de la ro ? ma lag pa g.yas la gshin rje gshed kyi yum du shes par bya'o/ /lag pa g.yon la gzhan gyis mi thub ma shes rab mthar byed kyi'o/ /khro gnyer can khro bo ya a gri ba'i yum kha la'o/ /khro mo ral pa gcig ma bdud rtsi 'khyil pa'i yum pad+ma la bskyed par bya'o/ /hUM zhes pas ni rdo rje sbyar zhes pa ni sgrub pa'i gsang ba'i rdo rje la yi ge hUM gcig bskyed la de las ye shes kyi rang bzhin yod 'phro bar dmigs shing hUM hUM zhes brjod pas sdang bar bya'o/ /de'i nor bu oM zhes pa ni de ltar langs pa'i rdo rje de'i spyi bor ye shes lnga'i rang bzhin yi ge oM 'od 'phro ba gcig bsam mo/ /rdo rje chos ni gnas gyur nas/ /

  224. 128b

    de yi pad+mar rab tu gnas/ /zhes pa ni de ltar bdag gi badzra byin gyis brlabs nas/ pradz+nyA de'i chos kyi dbyings kyi phyag rgya byin gyis brlab par bstan to/ /rdo rje chos ni bcom ldan 'das/ /snang ba mdza' yas nyid su ? de'i rang bzhin du gyur nas/ gnas nyes pa 'am/ yang na bcom ldan 'das de lha mo ni dkar mor gyur la/ lha mo de mu dra de'i rang bzhin du gnas shes pa'i don no/ /zla ba'i 'od zer ltar 'bar zhing yid du 'od bar 'bar ba ste/ rdo rje pad+ma mchog bsgoms nas/ dngos grub myur du thob par 'gyur zhes pa ni sgrub pa la zhugs pa'i rnal 'byor pa dang/ rnal 'byor ma'i gsang ba'i dbang po gnyis las 'od 'bros pas gcig gi yid du gcig 'od zhing so so'i gdung bsel bar byed pas zla ba ltar 'bar ba zhes bya'o/ /de ltar rdo rje pad+ma gnyis bsgom zhing/ 'og nas 'byung ba'i tshul du bsgrubs nas yid la 'dod pa'i sku gsung thugs kyi dngos grub 'thob ces pa'o/ /'od zer rnam la 'phro bar ni/ rdo rje pad+ma rnam bsgoms la zhes pa ni/ rdo rje dang pad+ma gnyis sbyar ba'i mtshams ye shes lnga'i rang bzhin 'od zer kha dog lnga spyod? zhing phyogs bcu'i 'jig rten gyi khams kyi de bzhin gshegs pa'i thugs dam gyi rgyud bskul zhing dgyes par bya ba dang/ sems can gyi byed par dmigs nas zhes pa'i don no/ /gsang sngags sbyor pa'i nga rgyal gyis/ /de nas bsgrub pa brtsam par bya/ zhes pa ni de ltar bsgoms nas/ sarba ta thA ga ta a nu rA ga'i sngags kyi don yid la byed cing thabs dang/ shes rab kyi rol pa bya zhes pa'i don no/ /oM sarba ta thA ga dA a nu rA ga badzra swA b+hA bI At+ma konya haM zhes bya ba ni bdag de bzhin gshegs pa thams cad gcad rjes su chags shing dgyes par byed pa'i rdo rje rang bzhin no zhes pa'i don no/ /sngags 'di'i don gnyi gar yang so sor yid la byed cing/ lan grangs kyis brjod par bya'o/ /rdo rje nyi ma nub nas ni/ bsgrub pa chen po brtsam par bya zhes pas ni

  225. 129a

    dang po bsgrub pa la 'jug pa'i dus bstan te/ de'i nyin par gzungs ma byin gyis brlab pa la sogs ba'i ting nge 'dzin yang nas yang du gsal bar byas/ nub kyi ri bo'i rgyab tu nyi ma phyin ma thag tu rdo rje pad+mar sbyar zhing sgrub pa chen po brtsam par bya zhes pa'i don no/ /zhag bdun gyis ni 'grub 'gyur ba/ /skya reng 'char ka'i dus su ni zhes pas ni sgrub pa chen po'i 'bras bu sku gsung thugs thob pa'i dus bstan to/ /de la rnal 'byor pas gong du bstan pa bzhin du bsnyen pa dang nye bsnyen zla ba drug gi bar du rgyun mi 'chad par byas pa'i sems las su rung bas gong du bstan pa bzhin du yul mtshan dang ldan pa byin gyis brlab pa'i ting nge 'dzin gyis bsgrub pa byas nas/ sgrub pa chen po la zhugs pa'i dgongs nas zhag bdun lon pa'i skya der? 'char ka'i nam lang khar mngon par 'dod pa'i dngos grub 'thob ces pa'i don no/ /sgrub pa chen po dus dag tu/ /rang gi gsang sngags rdo rje'i gzugs/ /shes pa ni de ltar thabs der shes rab kyi tshul du sgrub pa chen po byed pa'i dus su rang gi spyi bor bdag la gsang ba'i dbang bskur ba'i rdo rje slob dpon gyi sku'o/ /cod pan bdag por bsgom byas na zhes pa ni slob dpon de pradz+nyA dang ldan par cod pan gyis tshul du gnas shing dbang bskur bsgom zhing sgrub ces pa'i don no/ /yang na byang chub sems rdo rje tshul de ltar dbang bskur bar bsam par bya'o/ /ye shes rdo rje grub 'gyur ba ni de sgrub cing 'og nas 'byung ba'i tshul du spro bsdu bya pa la sogs pa byas na de bzhin gshegs pa thams cad kyi rang bzhin skye ba med pa'i don mngon sum du 'gyur ba 'am/ yang na de bzhin gshegs pa thams cad kyi bdag nyid dpal ye shes sems dpa' i sku mngon sum du mthong bar 'gyur ro/ /sems dpa' i skyil krung bcas nas ni/ sgrub snod de'i steng du bzhag ces pa ni sgrub pa chen po byed pa'i 'dug thabs bstan te/ bdag sems dpa' i

  226. 129b

    skyil mo krung gi tshul du 'dug la gzungs ma grub pa'i snod du byin gyis brlabs pa skyil mo krung gi steng du bzhag pa'i don no/ /yan lag g.yaS pas gnya' mnan nas/ /g.yon pa'i yan lag rked par phab/ ces pa ni de ltar 'dug nas bdag gi lag pa g.yas pas pradz+nyA de'i gnya' ba nas bzung ba dang/ lag pa g.yon pas rked pa brtan pa 'am g.yo ba'i tshul du bya ba dang/ pradz+nyA des kyang thabs la de ltar bya zhes pa'i don no/ /rdo rje pad+mar bcug nas ni/ /sos ni ma mchu bsdam par bya/ /zhes pa ni de ltar 'dug nas thabs dang shes rab kyi phyag rgya gnyis gong du bstan pa'i ting nge 'dzin gsal bar dmigs la sbyor zhes pa'o/ /thabs dang shes rab zung du 'brel bar gnas pa'i don nam gcig la gcig chags shing mi 'da' ? bas mchu bsdams pa'i don no/ /hUM zhes dbyangs blangs rab bskyod cing/ rdo rje 'dzin pa rang rgyal bskyed ces pa ni de'i dus su rdo rje sems dpa' 'am/ yi dam gyi lha gang yang rung ba bsgom pa de gsal bar bsgom zhing hUM gi sgra rgyun mi 'chad par brjod cing bskyod pas sngags? dang phyag rgya dang/ ting nge 'dzin gsum dang mi ldan du mi rung bar bstan pa'i don no/ /dpung pa rab brkyang mgul ba nas/ /brtan zhing mi g.yo bar ni 'khyud/ ces pa ni de ltar bskyed pas byang chub kyi sems byung ba khad pa'i dus su bde ba chen po nyams su len pa'i rtags su so so lag pa brkyang zhing mi g.yo bar 'khyud par bya zhes pa'i don no/ /byang chub sems ni byung ba'i tshe zhes pa ni de ltar rol pas byang chub kyi sems byung ba dang/ 'og gi tshig gnyis kyi don bsam par bya'o/ /mkhas pas sngags ni phaT brjod pas/ thams cad bdud ni rnam par 'joms shes pa ltar byang chub kyi sems byung ma thag tu phaT ces brjod pas nyon mongs pa thams cad spongs par sems pa dang/ yang phaT ces brjod pas byang chub kyi sems las khro bo dang khro mo

  227. 130a

    grangs med 'phros pas/ phyogs bcu'i 'jig rten gyi khams kyi bgegs dang srin po la sogs pa'i bdud rnams 'joms par bsam pa'i don no/ /yang phaT ces brjod pas mchod pa'i lha mor gyur nas phyogs bcu'i 'jig rten gyi de bzhin gshegs pa thams cad la bla na med pa'i mchod pas mchod cing thugs dam gyi rgyud bskul ba dang/ sems can gyi re ba thams cad rdzogs par byed par bsam pa'i don no/ /oM sarba ta thA ga ta pU dzra badzra swa b+ha bA At+ma konyahaM/ zhes pa ni gong ma ltar nyon mongs pa spangs pa dang/ khro bo dang khro mo spros shing bdud tshar gcod par bya dang mchod pa'i lha mor gyur nas de bzhin gshegs pa bla na med pa'i bde bas tshim zhing rgyas par byed pa dang/ sems can gyi don byas pa rnams de bzhin gshegs pa'i mchod pa'i rang bzhin yin pas bdag de bzhin gshegs pa thams cad kyi mchod pa'i rdo rje'i rang bzhin no zhes pa'i don no/ /sngags 'di'i don bsgom zhing lan gsum du brjod par bya'o/ /bde ba'i sems de rnam spros pas zhes pa ni thabs dang shes rab gnyis su med pa las byung ba'i bde ba chen po'i rang bzhin du gnas pa'i byang chub kyi sems gong ma bzhin du tshul sna tshogs su spros pa de zhes bya ba'i don no/ /sprul skus thams cad khyab pa bzhin zhes pa ni khro bo dang/ mchod pa'i lha mor sprul pa'i sku rnams kyis phyogs bcu'i 'jig rten gyi khams khyab pa so so'i 'phrin las byas ma thag tu zhes pa'i don no/ /sems de bkug nas pad bzhugs las/ de bzhin gshegs pa'i rigs kun spro/ /zhes pa ni byang chub sems kyi sprul pa la de rnams slar yum gyi gsang ba'i gnas su slar byang chub sems gnas par bsams la/ de las rdo rje rigs la sogs pa'i rigs lnga lha rnams spro zhes pa'i don no/ /rang sngags yi ge bskyed pa'i rnams zhes pa ni spro ba'i lha rnams kyang sa bon yi ge las bskyed par

  228. 130b

    bya'o/ /sku gsung sa bon byin brlabs te zhes pa ni de ltar bskyed cing spro ba'i lha rnams kyang sku gsung thugs kyi yi ge gnas gsum du bskyed cing sangs rgyas thams cad kyi sku gsung thugs kyi rang bzhin du byin gyis brlabs nas spro zhes pa'i tha tshig go /pad+ma'i dbus su bskyed nas zhes pa ni byang chub kyi sems gnas pa'i gnas de nyid du yi ge dmigs la bskyed ces bya'o/ /rim pa bzhin zhes pa 'og nas byung pa'i rim pa bzhin du ma nor bar spro bar bya'o/ /badzra Dh+riga ces pa ni thog ma dang tha ma med pa'i 'khor ba'i sems can thams cad kyi sems kyi rang bzhin dang de bzhin gshegs pa thams cad kyi thugs kyi rang bzhin ni rdo rje'o/ /Dh+riga ni de'i ngo bor gnas pa dang/ yang na dus gsum gyi de bzhin gshegs pa thams cad kyi sku gsung thugs ni rdo rje'o/ /de'i ngo bor sku ston cing gnas pas Dh+riga go /yang na ye shes lnga'i sgo nas sku lnga bstan cing sems can gyi don byed pas de'i rtags su phyag g.yas na rdo rje rtse lnga 'dzin pas so/ /sa bon las ni bskyed pa yi/ /zhes pa ni slar bsdus pa'i yum gyi pad+ma na gnas pa'i byang chub sems las yi ge hUM du gyur par dmigs la/ de las 'od zer 'phros shing slar 'dus pa las rdo rjer gyur la/ de spros shing bsdus pa tsam gyis badzra Dh+riga? ces bskul bas bcom ldan 'das mi bskyod pas rdo rje mi 'khrugs sprul pa ste zhes bya'o/ /khros pas kha dog mthing shun 'dra zhes pa la sogs pas ni bcom ldan 'das de'i sku mdog dang phyag mtshan la sogs pa'i cha lugs bstan to/ /khros pa ni zhe sdang can gyi don du thugs rje'i sgo nas so/ /sku mdog mthing shun 'dra ba ni sku shin ? gnas ? /gnag dang dmar dang dkar ba'i zhal zhes pas ni zhal gsum du bstan te/ de la zhal dbus ma ni sku dang mthun pas gnag pa'o/ /dmar ba ni g.yon pa'i 'o/ /dkar ba ni g.yas so/ /ral pa ni cod pan gnas dag la/ /mi 'khrugs dbang bskur?

  229. 131a

    rnam par brgyan zhes bya ba ni sems can 'dul ba'i ngor byang chub sems kyi nyon mongs pa dang du blangs shing mi spong ba'i rtags su ral pas cod pan byas pa'o/ /de'i steng du bcom ldan 'das byang chub kyi sems rdo rje dbang bskur ba'i tshul du dbu rgyan du bsam pa'o/ /thams cad rgyan ni mtshan dang dpe byang dang dbu rgyan la sogs pa'i 'jig rten gyi rgyan thams cad do/ /rdzogs pa ni de rnams kyis sku rgyas par brgyan pa'o/ /phyag drug pa ni g.yas g.yon du phyag gsum gsum du bsam zhes pa'o/ /rdo rje 'khor lo 'bar 'chang ba/ /chu skyes dag ni mdzes pa'i mchog /ces pa ni g.yas kyi gsum la phyag mtshan de gsum rim pa bzhin du shes par bya'o/ /dril bu ral gri nor bu rnams/ /g.yon pa'i phyag du bsam par bya/ /zhes pa ni g.yon pa'i phyag gsum la rim pa bzhin du 'di gsum bsgom pa'i don no/ /snying ga nas ni nges spros te/ zhes bya ba'i yum gyi gsang ba'i thugs ka nas steng gi bar? snang ba 'don pa'o/ /phyogs bcu nga tu rnam par gzigs pa ni steng gi bar snang la cung zad cig gnas nas phyogs bcu'i 'jig rten gyi khams dpag tu med pa dag gi sems can gyi khams la 'dul ba'i thabs ji lta bu zhes yin dgongs pa'i phyir ro/ /sangs rgyas rdzu 'phrul mdzad sogs dang/ / chos kyi 'khor lo rab tu bskor zhes pa ni de ltar dgongs nas dang por dga' ldan gyi gnas na gnas pa nas/ mya ngan las 'das pa'i bar du sems can 'dul ba'i thabs theg pa gsum gyi sgo nas bstan cing chos bshad pa'o/ /gzhan yang 'gro ba rigs drug gi lus su bstan cing de rnams kyi don byed pa'o/ /zhe sdang spyod pa'i lam gnas pa'i/ /sems can ma lus rab sbyangs nas zhes pa ni/ de ltar sangs rgyas kyi mdzad pa kun mdzad mod kyi/ /rigs kyi phrin las zhe sdang can sbyang ba'i khyad par

  230. 131b

    du mdzad pa yin pas de skad gsungs so/ /byang chub sems kyi mdun nas ni/ /rdo rje sems la rnam par zhugs zhes pa ni de ltar sems can ma lus pa'i don mdzad nas/ slar byon nas byang chub kyi sems kyi mdun phyogs nas de nyid kyi thugs ka nyid du? zhugs par bsam zhes pa'o/ /de la zhugs par dang byas nas/ /rdo rje sems ni rnam par bsam zhes pa la sogs pa ni de ltar bcom ldan 'das mi bskyod pa dang byang chub sems rdo rje gnyis su med par gyur ma thag tu byang chub sems rdo rje snga ma'i tshul spangs nas rdo rjer gyur par bsam zhes pa'i don no/ /in+d+ra nI la'i 'od 'dra ba ni zhe sdang rdo rje'i sku mdog bstan te/ mi bskyod pa dang 'dra bar gnas pa las cung zad skya ba'o/ /zhal gdangs mche ba gtsigs pas 'jigs zhes pa ni sems can yang dag pa'i lta ba spangs nas log par spyod pa rnams de las bzlog par dgongs nas 'jigs par byed pa'i rtags su khros pa'i cha lugs shin tu yang che bar bstan pa'i don no/ /yang na srin po ma rungs pa dang lha nga rgyal che ba rnams 'dul ba'i don no/ / mi 'khrugs 'bar ba spyi bor 'char zhes pa ni zhe sdang rdo rje de ltar phyi khros pa'i tshul ston kyang/ thugs rje'i chen po'i rang bzhin byang chub kyi sems dang ma bral ba'i rtags su byang chub kyi sems kyi rang bzhin yin pa'i phyir ro/ /yang na chos thams cad kyi bdag nyid yin pas bdag po'i tshul lo/ /'jig rten khams kun 'khrugs par mdzad ces pa ni gong du bstan pa'i sems can rnams 'jigs par byed cing dbang du byed pa'o/ /nyi ma'i dkyil 'khor dbus gnas pa/ nyi ma bye ba phrag brgya'i 'od ces pa ni nyi ma'i dkyil 'khor gyi gdan la bzhugs shing/ nyi ma de tsam gyi 'od dang 'dra bar sku las 'od 'phro zhing 'jig rten gyi khams gsal bar byed pa'i don no/ /dmar po spyan ni 'jigs pa che zhes pa ni sems can thams cad la thugs rjes chags

  231. 132a

    shing 'jigs par byed pas spyan dmar por ston pa dang/ yum la chags shing bde ba chen po nyams su blang bar bzhed pa'i phyir ro/ /rgyan rnams kun zhes pa ni gong ma dang 'dra'o/ /khro gnyer zhi ba 'dod chags che/ /zhal gsum dag ni rnam par 'chang zhes? bya ba ni zhe sdang rdo rje zhal gsum dang ldan zhes pa'o/ /de yang dbus zhe sdang gi rigs kyi rang bzhin yin pas khro gnyer ma? zhing gnas pa'o/ /g.yas gti mug gi rigs kyi rang bzhin yin pas dkar zhing zhi ba'o/ /g.yon 'dod chags kyi rang bzhin yin pas dmar zhing 'dod chags che ba'o/ /rang gi dam tshig mnyam par ldan zhes pa ni yum dang gnyis su med par bzhug pa'o/ /phyag drug ni mi bskyod pa 'dra'o/ /'dzam bu nA de'i 'od 'dra ba zhes pa la sogs pa ni zhe sdang rdo rje'i phyag g.yas kyi dang po rdo rje rtse dgu pa kha dog gser dang 'dra ba/ rigs lnga la sogs pa'i dkyil 'khor gyi lha rnams kyi sku phra mos 'od zer bzhin du rdo rje de nyid las 'phro zhing dkrigs pa gcig bsgom pa'i don no/ /sngar gsungs pa'i rim bzhin du/ phyag rgya phyi ma rnam par bsgom/ /zhes pa ni phyi ma phyag rgya lnga la gong du mi bskyod pa'i phyag mtshan du bstan pa bzhin du bsgom zhes pa'i don no/ /zhe sdang rdo rjer byin brgyangs nas/ dkyil 'khor thams cad rnam par spro/ /zhes pa ni de ltar bdag zhe sdang rdo rjer bsgoms nas yum dang gnyis su med pa'i sbyor ba byas la gong ma bzhin du byang chub sems las bcom ldan 'das rnam par snang mdzad la sogs pa 'og nas 'byung ba'i dkyil 'khor gyi lha thams cad so so'i sa bon las bskyed cing spro zhes pa'i don no/ /o dzi na dzika ces pa'i sngags 'dis? gti mug gi rigs kyi de bzhin gshegs pa bskul zhing bskyed par bya'o/ /de la dzin ni dus gsum gyi rgyal ba'o/ /dzi ka ni de rnams kyi sku'i ngo bor gnas pa'o/ /yang na dzin ni bcom ldan 'das rnam par snang mdzad nyid la bya/ dzi ka ni gzugs kyi dngos po thams cad

  232. 132b

    tu khyab pa'o/ /sa bon las ni bskyed bya ba/ rnam par snang mdzad? gtso bo zhes pa ni zhe sdang rdo rje yab yum gnyis su med pa'i byang chub sems las oM dkar po dmigs la de las bcom ldan 'das rnam par snang mdzad khams gsum gyi mchog tu gyur pa gong ma'i tshul bskyed par bya zhes pa'i don no/ /zhi ba'i cha lugs ngag dang ldan zhes pa ni zhe sdang la sogs pa'i nyon mongs pa khro gnyer la sogs pa'i tshul med pa'i don no/ /phyogs bcu thams cad snang bar mdzad pa ni phyogs bcu'i 'jig rten gyi khams kyi sems can rnams kyi sems mi shes pa'i mun pas khebs pa rnams la bsam pa dang mthun pa'i sgo nas chos ston cing ye shes kyi snang ba bskyed pa dang/ phyogs bcu'i 'jig rten gyi khams gyi mun par snang ba thams cad sku'i 'od kyis gsal bar mdzad pa'i don no/ / ston ka'i 'dam bu'i 'od 'dra ba ni ston ka'i dus kyi 'dam bu'i tshul bzhin du sku mdog shin tu dkar ba'o/ /ral pa'i cod pan dag gis brgyan zhes pa la sogs pa ni gong ma 'dra'o/ /dkar dang gnag dang dmar chen po/ /kha dog gsum po zhal gsum po// zhes pa ni bcom ldan 'das de yang kha dog gsum gyi zhal gsum dang ldan pa'i don no/ /de yang zhal dbus ma sku dang mthun par dkar la g.yas gnag cing g.yon dmar ba'o/ /zhal gsum dang phyag drug la sogs pa'i don gong du bstan pa'i byang chub sems rdo rje dang mthun no/ /'od zer sna tshogs chen pos brgyan zhes pa ni sku las dkar po la sogs pa'i 'od zer sna tshogs dkrigs shing bskor ba'i tshul du 'dug pa'o/ /ye shes kyi rang bzhin nam/ rgya che bas chen po'o/ /phyag drug rnam par bsgom par bya zhes pa ni phyag drug dang ldan pa'i bsgom zhes pa'o/ /'khor lo rdo rje pad+ma dkar/ /g.yas pa'i phyag tu bsam zhes bya ba ni g.yas kyi gsum la phyag mtshan gsum tshig gi rim pa bzhin du shes par bya'o/ /dril bu nor bu ral gri rnams

  233. 133a

    g.yon pa'i phyag tu rnam par bsgom zhes bya ba ni de bzhin du 'di gsum g.yon phyogs su shes par bya'o/ /de bzhin snying las byung nas ni zhes pa la sogs pa'i tshig rnams kyi don bcom ldan 'das mi bskyod pa dang 'dra bar shes par bya'o/ /gti mug las la rab gnas pa'i/ /sems can ma lus sbyangs nas ni/ /zhes bya ba ni gti mug gi rigs kyi 'phrin las sems can gti mug gi shes che ba rnams kyi don khyad par du mdzad ces pa'o/ /slar lag? mdun gyi phyogs dag na/ zla ba'i dbus su rnam par gnas/ /zhes pa ni de ltar sems can gyi don kun mdzad nas/ /slar byon nas gong du bstan pa'i dkyil 'khor gyi nang gi rim pa la zhe sdang rdo rje'i mdun gyi ri'u cha la zla ba'i dkyil 'khor gyi gdan la bzhugs par bsgom pa'i don no/ / ratna? Dh+riga? ces pa ni sngags 'dis yid bzhin gyi nor bu rin po che rigs kyi bdag po bskus zhing bskyed par bstan to/ /de la ratna ni dus gsum gyi de bzhin gshegs pa thams cad kyi yon tan rin po che dang 'dra ba rnams so/ /Dh+rika ni de'i rang bzhin du gnas ba'o yang na de bzhin gshegs pa thams cad kyi sku gsung thugs kyi khyad par las/ sems can thams cad kyi don bsam pa dang mthun pa'i sgo nas mdzad pa'i rtags su phyag na yid bzhin gyi rin po che 'dzin pas ratna Dh+rika? go /sa bon las ni bskyed bya ba/ dkon mchog dpal ni mkhas pas bskyed ces bya ba ni cho ga las ni mkhas pa'i rnal 'byor pas gong du bstan pa'i byang chub sems las yi ge swa ser po dmigs la/ 'phro 'du la sogs pa tshul bzhin du byas nas/ bcom ldan 'das rin chen 'byung ldan gyi phyag rgya bskyed par bya zhes pa'i don no/ /ral pa cod pan zhes pa la sogs pa'i tshig gsum gyi don gong ma dang 'dra'o/ /ser dang gnag dang dkar ba'i zhal/ /zhal gsum la dbus ma sku dang mthun zhing g.yas dkar la g.yon gzhag go /thams cad

  234. 133b

    rgyan dang ldan pa'o/ /phyag drug pa ni rnam par bsgom pa ni gong ma bzhin no/ /nor bu rdo rje 'khor lo ni/ /g.yas pa'i phyag tu bsgom par bya/ /dril bu ral gri pad+ma ser/ /g.yon pa'i phyag du rnam par bsgom/ /zhes pa ni phyag mtshan drug ni tshig gi rim pa bzhin no/ /de bzhin snying nas rab byung nas/ /'jig rten khams ni rnam par gzigs/ /zhes bya ba ni sngar bzhin no/ /nga rgyal lam la gnas pa yi/ /sems can thams cad sbyor bar mdzad/ /ces pa ni rin po che'i rigs kyi 'phrin las sems can nga rgyal chen? rnams kyi don khyad par du mdzad pa'o/ /rin chen chen po slar gshegs nas/ /thams cad dbang bskur phun sum tshogs zhes pa la sogs pa ni/ /bcom ldan 'das rin chen 'byung ldan gyis sems can thams cad snod dang mthun pa'i sgo nas chos ston cing sku gsung thugs la sogs pa'i dbang bskur bas phun sum tshogs pa byas ma thag tu slar byon nas rin po che zung brgyad pa'i gdan la zhe sdang rdo rje'i g.yas phyogs su bzhugs par bsgom mo zhes bya ba'i don no/ /a ro? lika? ces pa'i sngags 'dis pad+ma'i rigs kyi bcom ldan 'das bskul zhing bskyed par bstan to/ /de la bcom ldan 'das de 'dod chags spyod pa'i sgo nas sems can gyi don mdzad pas 'gro ba 'dod chags spyod pa'i rang bzhin thams cad la khyab pa lam gnas pas so/ /yang na yul dang dus thams cad du gnyis su med par brtson pa'i rang bzhin la gnas shes pa'o/ /sa bon las ni grub pa yi/ /rdo rje snang ba mdza' yas bskyed ces bya ba ni gnyis su med pa'i byang chub sems las yi ge AM dmar por dmigs la de 'du byas pa las bcom ldan 'das snang ba mdza' yas kyi skur gyur par bsgom pa'o/ /pad+ma rA ga'i mdog 'dra ba ni sku mdog rin po che pad+ma rA ga bzhin du shin tu dmar ba'o/ /mi 'khrugs pas ni cod pan brgyan/ /zhi ba ral pa'i cod pan 'chang/ /zhes pa ni gong

  235. 134a

    ma bzhin no/ /dmar dang gnag dang dkur ba'i zhal ni zhal dbus ma sku dang mthun par dmar la g.yas gnag cing g.yon dkar ba'o/ /thams cad rgyan gyis rnam par brgyan/ /phyag drug pa ni bsgom par bya zhes pa yang gong ma bzhin no/ /g.yon pa 'gying bag pad+ma 'dzin/ /dril bu dkur brten phaT phyir te/ /zhes phyag g.yon gyi dang po la me tog pad+ma 'dzin la de'i yu ba'i thad kar dril bu yang 'dzin cing 'gying ba'i tshul du dku la brten pa'o/ g.yas pas pad+ma bskyod mdzad cing/ /thugs kar pad+ma kha yang 'byed/ /ces pa ni sems can thams cad ma rig pa'i gnyid log pa rnams ye shes 'od zer gyis sad par byed pa'i rtags sam/ sems can thams cad kyis bla na med pa'i 'bras bu thob pa'i sgo yum gyi gsang ba'i pad+ma 'di nyid ? ba'i rtags su thugs kar 'dzin pa'i pad+ma de phyag dang por bsgyur zhing kha 'byed pa'i tshul du mdzad pa'o/ /g.yas gnyis rdo rje 'khor lo dang/ g.yon gnyis rin chen ral gri bsnams/ /shes pa ni g.yas kyi bar ma dang tha ma gnyis la rdo rje dang 'khor lo 'dzin pa dang/ g.yon pa'i bar ma dang tha ma la rin po che dang ral gri 'dzin par bsam pa'o/ /snying ga nas ni byung gyur nas/ /thams cad phyogs su rnam par gzigs pa yang gong bzhin no/ /sems can 'dod chags ldan sbyangs te/ 'dab can chu yi pad+ma bzhin/ /zhes pa ni pad+ma'i rigs kyi phrin las 'dod chags can gyi don khyad par du mdzad pa yin pas/ bcom ldan 'das snang ba mdza' yas kyang 'gro ba drug dang mthun par 'dod chags spyod kyang nyes pas mi gos pa ni dper na me tog pad+ma 'dam du skyes kyang 'dam gyi dri mas mi gos pa bzhin no/ /slar gshegs pad+ma'i dbus su ni/ /rgyab kyi phyogs su nges par bzhugs zhes pa ni de ltar sems can gyi don mdzad nas slar byon nas

  236. 134b

    zhe sdang rdo rje rgyab phyogs su/ sna tshogs pad+ma'i gdan la bzhugs par bsgom bar bya'o/ /pradz+nyA? Dh+rika ces pa'i sngags 'dis las kyi rigs kyi bcom ldan 'das don yod grub pa bskul zhing bskyed par bya ba bstan to/ /de la pradz+nyA? na de bzhin gshegs pa thams cad sems can gyi don mdzad par dgongs pa'i thugs tha dang pa'o/ /d+h+rika? ni de'i rang bzhin du gnas pa'o/ /yang na pradz+nyA ni sems can rnams las sna tshogs byed par sems pa'i sems so/ /Dh+rika? ni de'i rang bzhin no/ /yang na sems can thams cad kyi mi shes pa'i bag chags gcod pa ni shes rab yin la de'i rtags su de'i rang bzhin phyag na ral gri 'dzin pas Dh+rika go /sa bon las ni grub pa yi/ /rdo rje gdon mi za ba bskyed/ /zhes bya ba ni gong ma bzhin du yi ge ha ljang gu las bcom ldan 'das don yod grub pa bskyed ces pa'o/ /de la gdon mi za ba ni 'jig rten pa las byas pa thams cad la la 'bras bu yod cing la la 'bras bu med pa bzhin du ma yin zhing phun sum tshogs pa'i don no/ /ljang ku bai DUrya 'dra ba ni sku mdog baiDUrya? ljang gu ltar gsal ba'o/ /ral pa cod pa na rdo rje'i gnas/ /thams cad rgyan gyis yan lag brgyan zhes pa yang gong ma bzhin no/ /ljang dang gnag dang dkar ba'i zhal/ /zhes pa ni zhal gsum du bstan to/ /de yang dbus ma sku dang mthun cing g.yas dkar g.yon gnag pa'o/ /'od zer sna lnga 'grogs pa 'bar ba ni ye shes lnga'i rang bzhin 'od zer sku las dkrigs pa'i tshul du 'phro zhing nyon mongs pa bsreg cing 'bar ba'o/ /phyag drug rnam par bsgom par bya ba ni de lta bu'i 'od dang ldan pa de phyag drug tu bsgom zhes bya ba'o/ /ral gri rdo rje rgya bram dang/ 'khor lo g.yas pa'i phyag tu bsgom pa ni rim pa bzhin du'o/ /dril bu pad+ma sdong? bcas dang/ /nor bu g.yon pa'i phyag du bsam pa ni gsum pa'o/ /de bzhin snying ga nas byung nas/ /

  237. 135a

    phyogs bcu kun tu gzigs mdzad pa/ /yang gong ma bzhin no/ /brdzun tshig smra ba'i lam gnas pa'i/ /sems can thams cad kun tu sbyong zhes pa ni las kyi rigs kyi phrin las brdzun dang phrag dog che ba rnams kyi don khyad par mdzad do/ /sna tshogs chen po slar gshegs nas/ /zhes pa ni de bzhin gshegs pa thams cad kyi phrin las thams cad kyi rang bzhin du gnas nas/ sems can thams cad kyi don thabs sna tshogs kyi sgo nas mdzad pas sna tshogs so/ /chen po ni 'jig rten las 'das pa'i don no/ /gru gsum dkyil 'khor dbus su ni/ /rdo rje sems dpa' i byang phyogs su/ /sems dpa' i skyil mo krung gis bzhugs/ /zhes pa ni de ltar don mdzad pa de slar byon nas zhe sdang rdo rje'i g.yon phyogs gru gsum gyi dkyil 'khor rin po che'i rang bzhin gyi gdan la sems dpa' i skyil krung gi tshul du bzhugs par bsgom pa'i don no/ /zhe sdang gti mug 'dod chags dang/ /yid bzhin nor bu dam tshig ste/ /rigs ltar gtogs pa 'di dag gis/ /zhes pa ni dpal rdo rje sems dpa' sems can rnams la zhe sdang la sogs pa'i nyon mongs pa lnga yod par mkhyen nas de rnams kyi mnyen por rdo rje la sogs pa'i rigs lngar bstan pa 'di dag bsgoms shing bsgrubs na 'dod pa grol ba bsgrub par mdzad ces pa 'am thob par 'gyur ba'i don no/ /de la 'dod pa ni 'jig rten gyi longs spyod du gyur pa 'dod pa'i yon tan lnga la sogs pa'i dngos grub rnams so/ /grol ba ni dpal rdo rje sems dpa' i sku gsung thugs thob nas bde ba chen po'i dang du gyur pa'o/ /de ltar rigs lnga'i de bzhin gshegs pa bskyed cing/ dkyil 'khor du bkod pa bstan nas dwe shwa ra ti zhes pa la sogs pas yum bzhi bskyed cing bkod par bstan to/ /gsang sngags las ni grub pa yi/ /rgyal mchog yum chen lha mo bskyed ces pa ni dwe shwa ra ti zhes pa'i sngags kyis bskul

  238. 135b

    zhing rang gi sngags yi ge oM las gong du bstan pa'i tshul du lha mo mA ma kI bskyed ces bya ba'o/ /de yang gang gi yum zhe na/ rgyal mchog ces bya ste/ bcom ldan 'das zhe sdang rdo rje dus gsum gyi sangs rgyas kyi bdag nyid yin pa dang/ dkyil 'khor gyi bdag po'i tshul du gnas pa de'i yum mo/ /chen mo ni lo tsa na la sogs pa yang de'i yum yin pa dang khyad par du rdo rje rigs kyi yum 'di nyid yin par nges pa'i don no/ /sngo bsangs utpal mdog 'dra ba/ /zhes pa ni lha mo de'i sku mdog utpal sngon po'i kha dog bzhin du 'dug pa'i don no/ /yid du 'ong ba mdzes pa'i zhal/ /zhes pa ni lha mo de bud med kyi cha lugs yin yang nyon mongs pa'i rang bzhin ma yin pas gtso bo de rnams kyi spyan sngar mdzes shing thugs su byon pa dang/ sems can thams cad kyi yang mig lam du mdzes shing yid du 'ong ba'i don no/ /gnag dang dmar dang dkar 'ang ba'i/ /zhal gsum gyis ni rnam par brgyan/ /zhes pa ni kha dog gsum gyi zhal gsum dang ldan pa'i don ni/ /de la dbus sku dang mthun par gnag cing g.yas dmar la g.yon dkar ba'o/ /mi 'khrugs con pan gnas byas pa'i/ /phyag drug pa ni bsgom par bya/ /zhes pa ni lha mo de'i spyi bor bcom ldan 'das byang chub sems rdo rjer dbang bskur ba'i tshul du gnas pa dang/ phyag drug dang ldan par bskyed par bya zhes pa'i don no/ /rgyal mo rdo rje 'khor lo 'dzin/ /sngo dmar utpal phyag na bsnams/ /g.yon pa 'gying bas dril bu 'dzin/ /nor bu ral gri rtag tu 'chang/ /zhes pa ni rdo rje dang/ 'khor lo dang/ utpal gsum g.yas kyi phyag gsum la rim pa bzhin du bsam pa dang/ dril bu dang rin po che dang/ ral gri gsum g.yon phyogs su rim pa bzhin du shes par bya'o/ /de la rgyal mo ni nyon mongs pa dang du dra rnams tshar gcod pa de dag las rgyal ba dang/ dkyil 'khor gyi bdag po'i yum yin pa'i don no/ /'gying ba ni khams gsum na bdag

  239. 136a

    lta bu yon tan dang ldan pa med ces pa'i sgo nas sems can rnams bdag nyid la mos pa bskyed pa'i don dang/ gtso bo la sems can gyi don la chags pa bskyed par thugs dam bskul ba 'am/ gnyis su med pa'i bde ba ? blang bar bzhed pa'i don no/ /snying ga nas ni byung gyur nas/ /phyogs bcur rnam par gzigs mdzad de zhes pa ni gong ma rnams dang 'dra bar gsang ba'i thugs ka nas phyung nas/ phyogs bcu'i 'jig rten gyi khams kyi sems can gyi don thabs sna tshogs mdzad par dgongs pa'i don no/ /bgegs chen gyis ni 'jigs rnams la/ /rtag tu bsrung ba nyid mdzad de/ /zhes pa ni sems can gyi don kun bsam pa bzhin du mdzad kyang lha mo nyid kyi khyad par gyi 'phrin las gza' chen po la sogs pa'i bgegs rnams kyis gzung zhing gdon pa'i sems can rnams kyi bgegs thams cad tshar gcod cing/ dus thams cad du srung bar byed pa'i don no/ /'bar ba slar yang gshegs nas ni/ /rdo rje dkyil 'khor dbus ma yi/ /lho yi grwar ni bzhugs nas kyang/ rab dgyes rdo rje la yang gzigs zhes pa ni ye shes lnga'i rang bzhin gyi 'od zer sku las 'bar ba'i lha mo de/ de ltar sems can gyi don mdzad nas slar byon nas dkyil 'khor gyi dbus kyi re'u cha dgu yod pa'i lho nub kyi re'u chal bzhugs nas/ rang gi gtso bo zhe sdang rdo rje la chags pas/ /dgyes ba'i tshul du lta bar bsgom pa'i don no/ /mo hA ra ti/ gsang sngags las ni grub pa yi/ /spyan gyi lha mo bskyed par bya zhes pa ni/ mo hA ra ti zhes pa'i sngags kyis bskul zhing/ yi ge lam las lha mo sangs rgyas spyan gong ma'i tshul bzhin du bskyed par bya ba'i don no/ /ston ka'i zla ba'i mdog 'dra ba'i/ /sku mdog shin tu dkar ba'o/ /rnam par snang mdzad spyi bor gnas pa ni lha mo de bcom ldan 'das rnam par snang mdzad kyi rang bzhin yin pa dang/

  240. 136b

    yum yin pa'i phyir spyi bor dbang bskur ba'i tshul du bzhag pa'i don no/ /me tog sna tshogs tshad med pas/ /dbu la thod du rnam par bcings/ /zhes pa ni sangs rgyas kyi yon tan thams cad dang ldan pa'i rtags dang 'gro ba rnams kyi yid du 'ong bar bya ba'i phyir me tog tsam pa ka la sogs pa'i thang las skyes pa rnams dang/ utpal la sogs pa'i chu las skyes pa rnams spel zhing phreng ba byas pas dbu la rgyan gyi tshul du byas pa'o/ /dkar dang gnag dang dmar chen po/ /zhal gsum pa ni rab tu 'bar zhes pa ni/ zhal gsum gyi kha dog ni bcom ldan 'das rnam par snang mdzad dang mthun no/ /'bar ba ni 'od zer 'phro ba'o/ /cha lugs rgyan dang ldan pa ste/ de ni sku mdog la sogs pa'i cha lugs dbu rgyan la sogs pa'i rgyan rnams kyis shin tu yang mdzes par byas pa'o/ /'od zer dkar pos kun tu 'khrigs pa ni sku las sku dang mthun pa'i 'od zer 'byung bas kun nas dkyil 'khor gyi tshul du gnas pa'o/ /rgyan rnams kun dang ldan pa yi/ /phyag drug pa ni rnam par bsam zhes pa ni de lta bu'i rgyan dang ldan pa phyag drug dang ldan par bskyed pa'i don no/ /lha mo 'khor lo rdo rje 'dzin/ /utpal dkar po phyag na bsnams/ /rin chen sdong bu yid 'ong dang/ dril bu ral gri g.yon pa'i mtshon/ /zhes pa ni phyag drug la phyag mtshan de drug rim pa bzhin du shes par bya'o/ /de bzhin+n snying ga nas byung nas/ /phyogs bcu ngag tu rnam par gzigs pa yang gong ma bzhin no/ /gdon nang na ba'i sems can rnams/ /zhi ba'i gnas kyis zhi bar mdzad ces pa ni lha mo lo tsa na'i khyad par gyi 'phrin las zhi ba yin pas/ gdon nang kyis zin nas na ba'i sems can rnams kyi sdug bsngal zhi pa'i sgo nas zhi bar mdzad cing/ phan 'dogs pa'i don no/ /snang mdzad de ni slar gshegs nas/ /dang ba'i dkyil 'khor dbus su ni/ /shar gyi grwar ni

  241. 137a

    bzhugs nas kyang/ /rdo rje mgon ni gzigs par mdzad ces pa ni de ltar sems can gyi don mdzad ma thag tu slar byon nas dkyil 'khor gyi shar lho mtshams kyi nang gi re'u cha zla ba'i dkyil 'khor gyi steng du gtso bo la ? tshul gyis lta zhing bzhugs par bsgom pa'i don no/ /rA ga ra ti gsang sngags las ni grub pa yi/ /gos dkar mo ni bskyed par bya zhes bya ba ni sngags 'dis bskul zhing yi ge paM las lha mo gos dkar mo gong ma bzhin du bskyed pa'o/ /zhal mdzes spyan ni ring? ba ste/ zhes pa ni ye shes kyi rang bzhin yin pas lha dang mi las 'phags par mdzes shing yid du 'ong ba'o/ /pad+ma rA ga'i mdog 'dra ba ni/ sku mdog shin tu dmar ba'o/ /zhal gsum dag ni bzhad pa'i zhal zhes pa ni lha mo de yang zhal gsum dang ldan la sems can don la shin tu yang dga' ba 'am/ 'dod chags slong ba'i rang bzhin yin pas rtag tu bzhad tshul du gnas pa'o/ /dmar dang gnag dang dkar ba ni/ /snang ba mdza' yas dang mthun no/ /snang ba mdza' yas cod pan gnas/ /thams cad rgyan gyis rnam par brgyan/ /zhes pa gong ma bzhin du snang ba mdza' yas dbang bskur ba'i tshul du gnas pa dang/ dbu rgyan la sogs pa'i rgyan thams cad dang ldan pa'i don no/ /rdzu 'phrul mtshan las kun tu 'byung zhes pa ni sku'i mtshan rnams las sems can 'dul bar byed pa'i ? 'phrul gyi cho 'phrul rnam pa sna tshogs 'byung zhing 'gro ba'i don byed ces pa'o/ /'dod chags dmar po 'chang dga' ba ni/ /sems can gyi don la chags pa 'am/ 'dod chags dmar po ni bcom ldan 'das snang ba mdza' yas yin la de dang gnyis su med pa'i bde bas rtag tu gnas pa'i 'dod pa ni 'chang ba la dga' ba zhes pa'o/ /mtshan rnams thams cad kun rdzogs pa/ /phyag drug rnam par bsgom par bya zhes pa ni sum cu rtsa gnyis la sogs pa'i mtshan dang dpe byad rnams sku la rdzogs pa/

  242. 137b

    phyag drug dang ldan par brjod pa'i don no/ /g.yon pa 'gying bas dril bu dang/ /sdong bu lor bcas utpal 'dzin/ /zhes pa ni phyag g.yon gyi dang po dril bu dang/ /utpal yu ba bcas par ? dpag tu 'dzin pa'o/ /sgra dang bcas pa g.yas pa yis/ / utpal dmar po kha yang 'byed/ /ces pa ni phyag g.yas kyi dang pos utpal de nyid kyi kha skrag pa'i tshul du 'byed pa'o/ /g.yas gnyis rdo rje 'khor lo 'dzin/ /g.yon gnyis nor bu ral gri 'chang ba ni rim pa bzhin no/ /snying ga nas ni byung? gyur nas/ /thams cad phyogs su rnam par gzigs pa yang gong ma bzhin no/ /bza' tshogs kyis skams sems can rnams/ /tshe dang longs spyod rgyas par mdzad/ /ces pa ni lha mo 'di'i khyad par gyi phrin las rgyas pa yin pas gza' la sogs pa bgegs kyis bzung nas sha skams shing sdug bsngal ba rnams dang/ tshe thung zhing bsod nams chung ba rnams kyi sdug bsngal dang bar chad rnams med par byed cing tshe ring ba dang/ bsod nams rgya che ba dang/ nor rdzas la sogs pa'i longs spyod rgyas par mdzad pa'o/ /slar gshegs pad+ma'i dbus su ni/ /nub phyogs kyi ni grwar yang bzhugs/ /zhes pa ni de ltar mdzad nas slar byon nas dkyil 'khor de'i nub byang gi mtshams su zla ba'i dkyil 'khor gyi steng du gong ma'i tshul du bzhugs pa'i don no/ /badzra rA ti gsang sngags las ni grub pa yi/ /lha mo sgrol ma mkhas pas bskyed/ /ces pa ni sngags 'dis bskul zhing gong ma'i tshul du yi ge haM las las kyi rigs kyi yum lha mo sgrol ma bskyed ces pa'o/ /yan lag rnams kun dang ldan ba ni sku'i yan lag dang nyid lag rnams lha dang mi las 'phags pa dang/ mtshan sum cu rtsa gnyis dang/ dpe byad bzang po brgyad cu rnams kyis sku las shin tu brgyan pa'i don no/ /yang yan lag ni sangs rgyas kyi che ba'i yon tan gyi yan lag la yang bya'o/ /bud med ma lus

  243. 138a

    spyos mdzad brtson zhes pa ni rnal 'byor pa gang gis lha mo 'am klu mo la sogs pa dbang du byed par 'dod cing bsgrubs na/ de'i dngos grub khyad par du yang grub par mdzad pa'i don no/ /mdzes pa'i zhal ni spyan ring ba ni gong du bshad pa yin no/ /mar ka ta ser po'i mdog 'dra ba ni/ /sku mdog rin po che mar ka ta bzhin ? ba las cung zad ser pa'o/ /gdon mi za bas cod pan mdzad ces pa ni bcom ldan 'das don yod grub pas spyi bor dbang bskur ba'i tshul du bsam pa'i don no/ /me tog phreng gis cod pan dkris pa ni gong bzhin no/ /ljang gu gnag dang dkar ba yi/ /zhal gsum gyis ni rnam par brgyan/ /zhes pa ni bcom ldan 'das don yod grub pa dang mthun pa'i kha dog gsum gyi zhal gsum dang ldan pa'o/ / rgyan rnams thams cad kun rdzogs ni/ /dbu rgyan la sogs pa'i rgyan thams cad kyis/ /sku shin tu spras pa'o/ /phyag drug par ni bsam par bya ba ni de lta bu de phyag drug dang ldan par bsgom pa'o/ /rdo rje rgya gram 'khor lo dang/ utpal dmar po phyag na bsnams shes pa ni g.yas kyi phyag gsum la rim pa bzhin no/ /g.yon pa 'bying bas dril bu dang/ rin chen ral gri chen po bsnams pa yang rim pa bzhin no/ /chen po ni khyad par yin pas kun la yang sbyar ro/ /snying ga nas ni byung gyur nas/ /'dod chags zhe sdang gis rmongs pa'i/ /'od zer gyis ni reg tsam gyis/ /sems can thams cad dbang du mdzad/ /ces pa ni gong ma rnams dang mthun par gsang ba'i thugs ka na phyung nas/ sems can gyi don phrin las kun gyi sgo nas mdzad nas kyang khyad par du dbang gi sgo nas mdzad ces bstan to/ /de la sems can 'dod chags la sogs pa'i nyon mongs pa/ dbang du gyur te log par lta ba rnams dbang du byas nas yang dag pa'i lta ba la gzhol ba'i don to/ /

  244. 138b

    'od zer gyis rig pa tsam ni dbang du byed pa'i phrin las la khyad par du mthu che ba'i don no/ /sems ni med ltar dbang gyur nas/ /thams cad mngon par phyogs par gnas zhes pa ni lha mo de bsgoms shing bsgrubs pa'i rnal 'byor pas dbang du byed pa'i las byas nas/ lha dang mi la sogs pa rnams sems med pa bzhin du de'i dbang du gyur nas bka' nyan pa'i don no/ /de ltar 'gro ba'i don mdzad ma thag tu slar byon nas/ dkyil 'khor gyi nang byang shar mtshams kyi re'u cha la zla ba'i dkyil 'khor gyi steng du bzhugs pa'i don no/ /sngar gsungs yi ge las grub ma/ /mkhas pas byang chub sems dpa' bskyed/ /ces pa ni de ltar rigs lnga'i de bzhin gshegs pa dang yum bzhi bskyed cing dkyil 'khor gyi nang gi re'u cha dgu la khyad par du mthu che ba'i don no/ /da ni byang chub sems dpa' brgyad dang lha mo brgyad bskyed pa'i dkyil 'khor du dgod par bstan to/ /de la sngar gsungs pa'i yi ge ni gong du bstan pa'i thhI? la sogs pa drug dang/ byams pa dang 'jam dpal gyi sa bon yi ge mi dang muM mo/ /yi ge de rnams la so so'i sa bon dang sbyar zhing gong du bstan pa'i tshul du byang chub sems dpa' rnams rim pa bzhin du bskyed pa'i don no/ /rigs kyi bdag pos dbang bskur ba'o/ /kha dog gsum ba zhal gsum pa ni byang chub sems dpa' de rnams kyang gong du bstan pa'i lha rnams dang 'dra bar kha dog gsum gyi zhal gsum dang ldan zhing so so'i rigs kyi de bzhin gshegs pa spyi bor 'dzin pa'o/ /rnam pa thams cad mchog ldan pa'i phyag drug pa ni rnam par bsgom zhes pa ni/ sangs rgyas kyi yon tan mtshan dang dpe byad la sogs pa thams cad dang/ phyi'i rgyan dbu rgyan la sogs pa thams cad kyis brgyan pa'i phyag drug drug dang ldan par bsgom zhes bya'o/ /so so'i rigs bzhin kha dog brgya/ /de dag thams cad bsgom par bya zhes pa ni?

  245. 139a

    byang chub sems dpa' dang sems med dag kun kha dog dang phyag mtshan rnams/ so so'i rigs kyi bdag po ltar shes par bya'o/ /sgrol ma'i phyag rgyar gsungs pa ni kun tu bzang po bsgom par bya zhes pa ni spyir de ltar bstan pa las mi mthun pa bstan pa ste/ de la byang chub sems dpa' kun tu bzang po lha mo sgrol ma dang rigs mthun pa las kha dog dang phyag mtshan sgrol bzhin du bsgom pa yin pas/ sgrol ma phyag g.yas kyi tha ma utpal bsnams pa yin la/ kun tu bzang po g.yas kyi tha ma na pad+ma bsnams pa'i phyir/ /utpal yongs su bsal nas ni/ /pad+ma de la sbyin par bya zhes gsungs so/ /byams pa klu shing me tog ste/ lhag ma rnam snang mdzad kyi gnas zhes bya ba ni/ /'phags pa byams pa phyag g.yas kyi dang po la rang rtags kyi phyag rgya klu shing lcug ma me tog dang bcas pa 'dzin te/ phyag mtshan lhag ma rnams bcom ldan 'das rnam par snang mdzad bzhin du bsgoms pa bya'o/ /'jam dang la dril bu ral gri mchog /de bzhin du ni rab tu gnas/ /zhes pa ni byang chub sems dpa' many+dzu sh+rI'i phyag g.yas kyi dang po the zhu pa'i phyag rgyu the bong dang srin lag gnyis rtse sprad de g.yon pa'i dang pos gnon pa'o/ /lhag ma kun tu bzang po yi/ /phyag rgya de ni rnam par bsgom zhes pa ni/ /phyag mtshan gyi phyi ma rnams/ 'phags pa kun tu bzang po dang mthun pa'i don no/ /shar gyi ngos la gnyis gnyis te/ zhes pa ni dkyil 'khor gyi rim pa gnyis pa la shar phyogs pa'i phyogs la sogs pa zhing byang chub sems dpa' gnyis gnyis bkod par bstan to/ /sa'i snying po byams pa gnyis zhes pa ni de bzhin gshegs pa'i rigs byams pa dang/ rdo rje'i rigs sa'i snying po gnyis so so'i rigs kyi bdag po dang sku mdog dang phyag mtshan mthun par shar phyogs su dgod par bya'o/ /lhor ni phyag na rdo rje dang/ nam

  246. 139b

    mkha' zhes bstan kun tu gnas shes pa ni byang chub sems dpa' nam mkha' i mdzod/ rin po che'i rigs dang/ phyag na rdo rdo rje'i rigs gnyis so so'i rigs kyi bdag po dang sku mdog la sogs pa mthun par lho phyogs su bzhag par bya'o/ /kun? tu 'jig rten dbang po dang/ /'jam pa'i dbyangs ni rnam par gnas zhes pa ni pad+ma rigs kyi byang chub sems dpa' spyan ras gzigs dbang phyug dang/ 'jam dpal de bzhin gshegs pa'i rigs dang gnyis so so'i bdag po'i kha dog dang/ phyag mtshan dang mthun par nub phyogs su dgod par bya'o/ /byang du sgrib pa kun sel dang/ /kun tu bzang por rab tu grags/ /zhes pa ni las kyi rigs kyi byang chub sems dpa' 'di gnyis rigs kyi bdag po dang/ sku mdog la sogs pa mthun par byang phyogs su gnas par rgyud dang sgrub thabs kun las kyang grags pas de bzhin du shes par bya'o/ /de ltar 'di'i dam tshig gsungs pa/ gzugs sogs rdo rje lha mo can/ /zhes bya ba ni ji ltar byang chub sems dpa' rnams bskyed cing dkyil 'khor du bkod pa de rnams kyi gzungs ma rnams lang ma tshig ces kyang bya'o/ /de yang gang zhe na/ gzugs kyi lha mo la sogs pa rnams so/ /rdo rje can ni ye shes kyi rang bzhin nam de las phyung ba'i don no/ /de dang thabs cig bzhugs pa ni/ /lag gnyis rang rtags ldan par bzhag /ces pa ni byang chub sems dpa' de rnams kyi yum gyi tshul du lha mo de rnams bzhugs par bsam mo/ /de la kun kyang phyag drug ste/ /phyag g.yas g.yon dang po gnyis la 'og nas byung pa'i rang rtags kyi phyag rgya can so so'i phyogs su dgod ces pa'i don no/ /gzugs ni lag gnyis me long 'dzin/ /ces pa ni de bzhin gshegs pa'i sku la sogs pa'i chos thams cad gzugs brnyan lta bu yin no zhes bstan pa'i phyir ro/ /gzugs kyi lha mo phyag dang po gnyis me long 'dzin cing dkyil 'khor gyi rim pa gnyis pa de gnyis shar lho'i mtshams

  247. 140a

    kyi grwa la gnas pa'o/ /sgra ni lag gnyis pi waM ste/ /zhes pa ni de ltar gzugs brnyan lta bur mthong ba de nyid la sgra'i sgo nas mos pa'am yid ches par bya pa'i phyir sgra'i lha mo lho nub kyi grwar gnas shing pi waM sgreng ba'i don no/ / dri ni lag gnyis dung phor 'dzin/ /ces pa ni de ltar mthong zhing thos pa'i chos rnams la bdag med par khong du chud par bya ba'i phyir dri'i lha mo phyag gnyis la dri'i snod dung phor 'dzin cing nub byang gi mtshams su gnas so/ /ro ni lag na snod bsnams te/ / zhes pa ni de ltar bdag med par khong du chud ba de nyid las gong nas gong du goms par bya ba'i phyir ro'i lha mo bdud rtsis bkang ba'i snod 'dzin pa byang shar mtshams su bsgom par bya'o/ /reg ni rdo rje yongs 'khyud ma/ /snying ga dag tu yongs su 'khyud/ /ces pa ni de ltar bsgoms pas snang ba thob pa de nyid chen por gyur nas/ ting nge 'dzin sna tshogs bdag gis bya zhing dang du blangs pa'i rtags su reg gi lha mo phyag dang po gnyis kyis nyid kyi thugs ka'i thad kar 'khyud pa'i tshul du byas pa dkyil 'khor gyi rim pa gsum pa nub byang gi grwar bsam par bya'o/ /rdo rje rgya gram dam tshig gis/ /bde bar gnas pa chos kyi dbyings zhes pa ni de ltar ting nge 'dzin rnams kyi mthus rdo rje lta bu'i stong pa nyid kyi rang bzhin mngon du gyur zhes pa'i rtags su chos kyi lha mo phyag gnyis kyiS rdo rje rgya gram 'dzin cing byang shar mtshams kyi grwar gnas pa'o/ /rnam snang mdzad sogs kha dog dang/ /mtshon cha dag ni ci bzhin te/ /gzugs la sogs pa rnam bsgom pa/ /ji skad gsungs pa'i rim bzhin no zhes pa ni gzugs la sogs pa'i lha mo drug phyag dang po gnyis dang? rtags kyi phyag rgya ma gtogs pa phyi ma'i phyag mtshan dang/ sku mdog la sogs pa'i cha lugs rnams/ bcom ldan 'das rnam par snang mdzad la sogs pa'i so so rigs kyi de bzhin gshegs pa bzhin du bsgom par

  248. 140b

    bya zhes pa'i don no/ /lha mo de rnams dkyil 'khor du bskyed pa ni ma hA yo ga'i tshul gyis lha rnams la yum med du mi rung bas/ byang chub sems dpa' rnams kyi yum du bstan pa dang/ mchod pa'i tshul du shes par bya'o/ /'jam dpal dang ni byams gnyis kyi/ /dam tshig gnyis ni bsgom bya ba/ /snying rje ma dang byams ma gnyis/ /kha dog mtshon cha de bzhin gnas zhes pa ni/ 'jam dpal gyi yum snying rje ma zhes bya ba/ 'jam dpal dang sku mdog la sogs pa 'dra bar bskyed cing/ lho nub kyi grwar dgod? par bya ba dang/ byams pa'i yum byams ma yang de bzhin du bskyed cing shar lho mtshams su bsgom zhes bya ba'i don no/ /ya man+ta krit ces pa la sogs pa de ltar dkyil 'khor gyi lha rnams bskyed cing bkod par bstan nas/ da ni bgegs rnam pa gnyis tshar gcod pa'i phyir/ khro bo bzhi so so'i gzugs dang bcas par bskyed cing/ sgo srungs kyi tshul du bkod par bstan to/ /de la bgegs rnam pa gnyis ni mya ngan las 'das pa'i grong khyer du bzhugs pa'i sgo stong pa nyid la sogs pa bzhi la zhugs pa'i rnal 'byor pa rnams la bar chad du gyur pa'i nyon mongs pa rnams dang/ 'phral du de ltar dkyil 'khor sgom zhing bsgrub pa'i rnal 'byor pa'i dngos grub kyi bar du gcod par byed pa'i bgegs rnams so/ /ye shes las ni grub pa yin/ /rdo rje zhabs drug bskyed par bya zhes pa ni gong ma'i lha rnams bskyed pa dang 'dra bar zhe sdang rdo rje yab yum gyi gnyis su med pa'i byang chub sems kyi yi ge hUM gyur par dmigs la spro bsdu la sogs pa yang gong ma bzhin du bya zhing ya man+ta krit ces bskul bas khro bor gyur par dmigs pa'o/ /de la zhabs drug ni 'gro ba adrug zil gyis mnan pa'i phyir zhabs drug dang ldan pa'o/ /rdo rje ni khro bo'i cha lugs srin po rnams dang mthun yang rang bzhin gyis ma yin zhing 'dul ba'i dbang du ye shes las grub pa'i phyir ro/ /sprin sngon lta bu'i kha dog la zhes pa la sogs pas ni khro bo'i

  249. 141a

    sku mdog la sogs pa shin tu yang 'jigs pa'i cha lugs su bstan to/ /de la sprin sngon lta bu ni sku mdog shin tu yang gnag pa'o/ /gsum po che la stobs po che ni mi'u thung? gi tshul du 'dug pa gsus pa shin tu che zhing ye shes las grub pa'i stobs yin pas khams gsum pa'i thub pa'i don no/ /'od zer chen po dag gis 'bar ba ni sku'i rang bzhin bskal pa'i me ltar 'bar ba'o/ /kun tu 'phro bas 'jigs par byed pa ni de lta bu'i 'od zer phyogs bcu kun tu 'phros shing sems can thams cad 'khor ba las 'jigs shing mya ngan las 'das pa'i phyogs su 'phros par byed pas dang/ sdang pa'i srin po la sogs pa skrag cing 'dar bar byed pa'o/ /spyan dmar zhal gdangs mche ba gtsigs pa yis 'jigs par byed pa'i don no/ /zhal gsum dag ni rnam par bskyod pa ni/ dbus ma gnag cing g.yon dmar ba'i zhal gsum gyis kyang 'jigs par mdzad pa'i don no/ /'bar ba'i dbu ni gyen du bcings pa ni dbu skra ser skyar 'dug pa 'bar zhing gyen du 'khyil pas thor cog du 'dug pa'o/ /bdag po cod pan gnas byas te ni rigs kyi bdag po bcom ldan 'das rnam par snang mdzad spyi bor bzhugs pa'o/ /yan lag rgyan gyis kun tu brgyan pa'i/ /phyag drug pa ni rnam par bsgom/ /zhes pa ni khro bo rgyan thod pa la sogs pas brgyan pa phyag drag par bsgom pa'i don no/ /'khor lo ral gri bsnyems pas 'dzin/ /gtun shing mngon par stod pa'i phyag rgya zhes pa ni g.yas kyi gsum la rim pa bzhin no/ /g.yon pa 'gying zhing dril bu mchog /dgra sta zhags pa sdigs par bcas/ zhes pa ni g.yon gyi dang po dang snga ma la dril bu dang dgra sta'o/ /tham la zhags pa sdigs mdzub la dkris shis bsdigs par byed pa'o/ /snying gnas ni phyung gyur nas/ /nyi ma'i dkyil 'khor dbus dag tu/ /g.yas brkyang gshin rje mnan nas ni/ /shar phyogs kyi grwar gnas pa'o/ /zhes bya ba ni gong ma

  250. 141b

    rnams bzhin du gsang ba thugs ka nas phyung nas/ phyogs bcu'i 'jig rten gyi khams kyi sems can gyi don byas nas/ slar byon cing shar phyogs kyi sgor nyi ma'i dkyil 'khor gyi gdan la gshin rje'i steng du brkyang bskum gyi tshul du gzungs dang bcas par gnas pa'i don no/ /pra dz+nyAn+ta krit ye shes las ni grub pa yi/ /rdo rje gzhan gyis mi thub bskyed ces pa sngags 'dis bskul zhing gong ma bzhin du yi ge hUM las khro bo gzhan gyis mi thub pa bskyed pa'o/ /'od zer che ba stug 'bar zhing/ /sgrub rnams kyis ni yan lag brgyan/ /zhes pa ni sku la rgyan gyi tshul du thod chings dang rked chings la sogs pa sprul la byas shing 'od zer bskal pa'i me ltar 'bar ba phyogs bcur 'phro ba'i don no/ /'bar ba'i dbu ni brtan par bcings/ /mi 'khrugs pas ni spyi bor brgyan/ /zhes pa ni dbu skra ser skya 'bar ba gyen du 'khyil cing thor cog tu 'dug pa'i steng du/ bcom ldan 'das mi bskyod pa dbang bskur pa'i tshul du bzhugs par bsam pa'o/ /khro gnyer mdzad cing dmar ba'i spyan/ /zhal gsum dag ni rnam par gdangs/ /zhes pa ni dbus ma ? dang mthun po'o/ /g.yas pa dag cing g.yon pa dmar pa'i zhal gsum dang ldan pa'o/ /de yang 'jigs par 'byed pa'i phyir/ /khro gnyer rim pa mang ba dang/ /spyan shin tu dmar bar bstan to/ /dud dang kunda zla 'dra ba yi/ /zhes pa ni sku mdog shin tu dkar bar bstan to/ /zhabs g.yas brkyang bar gnas pa ni 'dug stangs yin te/ g.yas brkyang zhing g.yon bskum pa'o/ /rnam pa thams cad mchog ldan pa'i ni sangs rgyas kyi yon tan gyi khyad par dang/ khro bo'i rgyan gyi khyad par thod pa la sogs ba rnams so/ /phyag drug pa ni rnam par bsgom zhes pa la sogs pas phyag drug la phyag mtshan rim pa bzhin du shes par bya ba'i don no/ /de bzhin snying gnas byung nas/ /nyi ma'i dkyil 'khor dbus dag tu/ /lho yi sgo yi dbus su ni/ /'dod dbang mnan

  251. 142a

    nas yang dag gnas/ /zhes bya ba ni gong ma bzhin du gsang ba'i thugs ka nas phyogs bcu'i sems can gyi don mdzad ma thag tu slar byon nas lho phyogs kyi sgor nyi ma'i dkyil 'khor gyi gdan la 'dod pa'i dbang po u ma de pa 'am brgya byin mnan pa'i tshul du gzungs dang bcas par gnas pa'i don no/ /pad+ma nan krit/ ye shes las ni grub pa yi/ /rdo rje gnyis med bskyed par bya zhes pa ni sngags 'dis bskul zhing yi ge h+ri:Am hUM las gong ma bzhin du khro bo ha ya grI ba bskyed par bya zhes pa'i don no/ /de la rdo rje gnyis med ces bya ba ni rdo rje dang padmor sbyor ba'i phrin las la pad+ma'i rigs khyad par du bstan pa'i phyir ro/ /'od zer stug po 'bar ba ni gong ma bzhin no/ /bandu ka'i me tog 'dra ba ni sku mdog dmar smug du 'dug pa'o/ /dbu skra 'bar bcings gyen du bsgrengs pa yang gong ma bzhin no/ /rdo rje snang bas rnam par brgyan/ /ba ni bcom ldan 'das snang ba mdza' yas spyi bor bsgom pa'o/ /phyag drug pa ni 'jigs pa che/ /zhal ni khro gnyer mdzad pa ni/ /shin tu yang khro ba'i cha lugs 'jigs par mdzad pa'o/ /phyag na pad+ma skyed mdzad cing/ /ral gri gtun shing mtshon cha 'phyar ba ni g.yas gsum rim pa bzhin no/ /g.yas brkyang 'gying ba'i tshul du gnas pa ni 'dug stangs so/ /g.yon dril bu dgra sta zhags pa 'chang ba gong ma bzhin no/ /khro bo snying ga nas phyung nas/ /nyi ma'i dkyil 'khor dbus su ni/ /btul nas tshangs chen steng du ni/ /nub kyi phyogs kyi sgo ru gnas zhes bya ba ni de lta bu'i khro bo gong ma bzhin du gsang ba'i thugs ka nas phyung nas phyogs bcu'i sems can btul ma thag tu slar gshegs nas nyi ma'i dkyil 'khor gyi gdan la tshangs pa chen po mnan pa'i tshul du nub kyi phyogs kyi skor gnas par sgom pa'i don no/ /bignAM ta krit/ ye shes las ni grub pa yi/ /bdud rtsi 'khyil ba bskyed

  252. 142b

    bar bya zhes pa ni sngags 'dis bskul zhing yi ge hUM las god ma dang 'dra bar khro bo bdud rtsi 'khyil ba bskyed par bya ba'i don no/ /'od zer stug 'phro 'bar ba yi/ /kha dog zar ma'i me tog 'dra ba ni sku mdog zar ma'i me tog bzhin du sngo skyar 'dug cing sku las 'od zer bskal pa'i me dang 'dra ba 'phro zhing phyogs bcur khyab par byed pa'i don no/ /'bar ba dkrigs pa'i sgra can la/ /rdo rje don grub cod pan gnas/ /zhes pa ni dbu skra ser skya 'bar ba gyen du 'khyil cing thor cog 'dug pa'i steng du bcom ldan 'das don yod grub pa bsgom par bya zhes pa'i don no/ /zhal gsum khro gnyer bskyed mdzad cing/ /mche ba rno chen ta tar bzhad ces pa ni shin tu 'jigs par byed pa'i khro bo'i cha lugs zhal gsum khro gnyer rim pa mang ba ljags glog bzhin bskyod cing shin tu rno pa'i mche ba gtsigs par 'dug pa/ khams gsum ? par byed par gang rgyangs chen po'i gsung 'byin pa'i don no/ /de la zhal gsum la dbus ma sku dang mthun par g.yas dkar zhing g.yon dmar ba'o/ /rdo rje rgya gram ral gri mtshon/ /phyag na gtun shing gsod par gnas/ /zhes bya ba ni g.yas kyi phyogs kyi phyag gsum la rim pa bzhin no/ /gsod par gnas pa bgegs rnams la rdeg pa'i tshul du 'dzin pa'o/ /dril bu dgra sta ral gri dag /g.yon pa'i phyag tu rnam par brtag /ces pa yang rim par bzhin du 'dzin par shes par bya ba'i don no/ /de bzhin snying ga nas phyung nas/ /nyi ma'i dkyil 'khor dbus su ni/ /khro bo zhabs g.yas brkyang ba yis/ /bgegs rgyal gnon pa'i tshul du ni/ /byang gi sgo yi dbus su gnas zhes da ni gong ma rnams dang 'dra bar gsang ba'i thugs ka nas phyung nas phyogs bcu'i sems can gyi don mdzad ma thag tu slar byon nas/ dkyil 'khor gyi byang phyogs kyi sgor nyi ma'i dkyil 'khor gyi gdan la bgegs kyi rgyal po bi na ya ka'i steng du brkyang bskum gyi tshul du gnas par bsgom pa'i don no/ /khro gnyer dam tshig gsungs pa/

  253. 143a

    ni/ /ro langs gzhan gyis mi thub ba/ /khro gnyer ral ba gcig ma ste/ /lha mo 'di dag rab tu grags zhes bya ba ni gshin rje gshed la sogs pa'i sgo bzhi'i khro bo rnams kyi gzugs bstan te/ de la dam tshig ces pa ni lha mo 'di rnams dang khro bo de dag rtag tu gnyis su med pa'i tshul las mi 'da' pas so/ /de la ro langs ma ni gshin rje gshed kyi'o/ /gzhan gyis mi thub ma ni shes rab mthar byed kyi'o/ /khro gnyer can ni pad+ma mthar byed kyi'o/ /ral pa gcig ma ni bgegs mthar byed kyi'o/ /'di rnams kyi rgyan dang cha lugs la sogs pa ni so so'i bdag po bzhin du shes par bya'o/ /sangs rgyas rnams ni mnyam sbyor bas/ /sems dpa' i skyil krung gnas pa ste/ zhes pa ni dkyil 'khor gyi lha rnams 'dug pa bstan te/ de la rigs lnga'i sangs rgyas rnams yum dang gnyis su med par sbyor ba yin pa'i rtags su sems dpa' i skyil mi krung du bzhugs pa'o/ /byang chub sems dpas de bzhin gsungs/ zhes pa ni byang chub sems dpa' rnams kyang sems ma rnams dang gnyis su med par spong ba yin pas gong ma bzhin du skyil mo krung du 'dra'o/ /khro mo g.yon brkyang dag tu'o/ /zhes pa ni khro bo dang/ /phra mo rnams kyang gnyis su med par sbyor ba yin pas khro bo ni g.yas brkyang la g.yon bskum pa/ khro mo ni g.yon brkyang la g.yas bskum pa'i don no// dkyil 'khor dag ni bskyed pa'i rnams/ /thams cad dam tshig bzhis rgyas btab pa zhes pa ni dkyil 'khor dag ni bskyed pa'i lha rigs lnga'i de bzhin gshegs pa la thams cad phyag rgya bzhi dang ldan pas dam tshig bzhi rgyas btab ces bya'o/ /de la phyag rgya bzhi ni lha so so'i mtshan dang dpe byad la sogs pa'i cha lugs kyis sku'i ngo bor gnas pa nyid phyag rgya chen po'o// //yab yum dang ldan la yab yum dang ldan pa ni so so'i dam tshig yin pas so so'i dam tshig phyag rgya'o/ /de gnyis

  254. 143b

    gnyis su med par sbyor ba'i bde ba chen po nyams su blangs pa ni chos nyid kyi phyag rgya'o/ /de ltar nyams su blangs nas bde ba chen po'i rang bzhin byang chub sems las sems can ji ltar 'dul ba dang mthun par sku spros shing don mdzad pa ni las kyi phyag rgya'o/ /de bzhi dang gong du bstan pa bzhi tshul du shes par bya'o/ /de ltar sbyor bas mnyam bsdus nas/ /phra mo sbyor ba brtsam par bya ba ni gong du bstan pa bzhin du dkyil 'khor du lha rnams bkod cing gnyis su med pa'i tshul du bzhugs par bsgoms nas/ 'og nas 'byung ba'i tshul du rdo rje phra mo'i ting nge 'dzin bsgom zhes pa'i don no/ /skabs 'dir phra mo'i ting nge 'dzin ci'i phyir bstan zhe na/ yo ga la sogs pa'i chos 'og ma rnams kyi tshul ting nge 'dzin gyi 'og tu bzlas pa bya ba yin pas de dag dang mthun par bstan to/ /de ltar dkyil 'khor bsgom pa ni ting nge 'dzin yin pas phra mo sbyor ba ni bzlas par bstan to/ /yang na yan lag bzhi la bzhi bzhir che ba'i sgrub pa chen po'i bsnyen pa yin pas 'di ltar bstan to/ /de la bzhi bzhir zhes pa ni/ /lus dang ngag yid rdo rje ni zhes pa nas bdag nyid rang bzhin med mthong nas/ zhes pa'i bar du ni bsnyen pa'o/ /yi ge rnam par bsgom par bya/ /zhes pa ni yi ge 'bru gsum zhu bar brtag ces pa'i bar du bsnyen pa'i nye ba'i bsnyen pa'o/ /ye shes 'od zer rnam spros pas/ /zhes pa ni d+hArmmA d+hA tu sngags kyi bar du bsnyen pa'i bsgrub pa'o/ /byang chub sems de kun tu dag ces pa nas gzugs kyi ngo bor rnam par bsgom zhes pa'i bar du bsnyen pa'i bsgrub pa chen po'o/ /sngags kyi sku ni mthar phyin pa zhes pa nas/ de ltar don kun rab bzhugs nas/ zhes pa'i bar du nye bar bsnyen pa'o/ sangs rgyas kun bdag gtso bo zhes pa nas/ oM sarba ta thA ga tA tsit+ta badzra zhes pa ni nye ba'i bsnyen pa'i nye ba'i bsnyen pa'o/ /de ltar bdag nyid byin brlabs pas zhes pa nas/ yi ge mchog ste dam pa'i zhes pa'i bar du ni nye ba'i bsnyen pa'i bsgrub pa'o/ /de ltar gnas skabs

  255. 144a

    der rdo rje phra mo'i ting nge 'dzin gyis sems las su rung bar byed pa ni nye ba'i bsnyen pa'i sgrub pa chen po'o/ /sdom pa la gnas sngags pa yis/ /zhes pa nas kha dang pad+ma la ni dmigs zhes pa'i bar du sgrub pa'i bsnyen pa'o/ /hUM zhes pa ni rdo rje sbyang zhes pa nas/ oM sarba ta thA ga tA a nu rA ga zhes pa'i bar du ni sgrub pa'i nye ba'i bsnyen pa'o/ /rdo rje nyi ma nub nas ni zhes pa nas/ sems de bkug nas pad bzhugs las shes pa'i bar du ni bsgrub pa'i sgrub pa'o/ /de bzhin gshegs pa'i rigs kun spro zhes pa nas/ thams cad dam tshig bzhis rgyas btab/ ces pa'i bar du ni sgrub pa chen po'o/ /de ltar sbyor ba mnyam bsdus nas/ /zhes pa nas lus dang ngag yid mtshon pa'o/ /zhes pa'i bar du ni sgrub pa chen po'i bsnyen pa'o/ /de nas spro bar bya ba ni zhes pa nas/ bzlas pa spros pa bsdus nas ni/ /zhes pa'i bar du ni bsgrub pa chen po'i nye ba'i bsnyen pa'o/ /sgrub nas sems dpa' bsgrub par bya zhes pa nas/ rdo rje gsang ba'i dngos grub po zhes pa'i bar du ni sgrub pa chen po'i sgrub pa chen po'o/ /'jigs shing skrag pa'i thugs kyis ni zhes pa nas/ rdo rje sems dpar de 'gyur ro zhes pa'i bar du ni sgrub pa chen po'i yang chen por shes par bya'o/ /sna rtser yungs kar bsams nas ni/ /yung kar de ni spro bar bsdu zhes pa ni sems sbyang ba'i ting nge 'dzin bstan to/ /rnal 'byor pa bdag gi sna'i rtse mor yungs kar gcig bsam zhing de mngon sum du ma gyur gyi bar du sems dngos po gzhan la mi g.yeng bar de kho na nyid bsgom par bya'o/ /de nas reg pa 'am reg pa'i rtags sam mthong ba 'am mthong ba'i rtags mngon sum du gyur pa dang spro zhing bsdu bar bya'o/ /dang po gcig spros shing bsdus pa bzhin du gnyis nas bcu dang/ brgya dang/ stong dang/ khri dang/ 'bum dang bye ba la sogs pa'i grangs dpag tu med pa'i bar du sems kyis lcogs thang spro zhing bsdu bar?

  256. 144b

    bya'o/ /de ltar spros shing bsdus pa bstan pa dang/ yungs kar de'i nang du rgyu ba dang mi rgyu ba'i 'jig rten gyi khams thams cad so so'i bye brag dang bcas par ma 'dres par bsam mo/ /de ltar gnas pa de yang mngon sum du gsal bar ma mngon sum du gyur pa gsal bar gyur pa dang gong ma bzhin du gcig nas dpag tu med pa'i bar du spro zhing bsdu bas sems sbyangs la sgrub pa 'jug par bya zhes pa'i don no/ /tshad med ye shes gnas thob phyir/ /gsang ba'i ye shes brtag pa'o zhes pa ni de ltar sems las su rung pa'i rnal 'byor pas/ dpal rdo rje sems dpa' i sku gsung thugs la sogs pa'i 'jig rten las 'das pa'i yon tan dang 'jig rten gyi yon tan dpag tu med pa thob par 'dod na thun mong ma yin pa dang/ thob par dka' bas gsang ba'i ye shes zhes bya ste/ 'og nas 'byung ba'i kha dog lnga pa la sogs pa'i ting nge 'dzin rnams bsgom par bya zhes pa'i don no/ /kha dog lnga pa rin po che/ /yungs kar sbom po'i tshad tsam dag /sna yi rtse mor nan tan du/ /rnal 'byor pas ni rtag tu bsgom zhes pa ni rin po che'i rigs kyi sgo nas phra mo'i ting nge 'dzin bsgom par bstan to/ /bdag gzungs dang rin po che'i rigs kyi lha dang lha mo'i phyag rgyar bsgom zhing rdo rje dang pad+mar ldan par gnyis su med par byas la gong gi yungs kar bzhin du ye shes lnga'i 'od zer 'bar ba yungs kar cung zad che bdag gi sna'i rtse mong sems mi g.yeng bar bsgom par bya'o/ /brtan par gyur nas rin chen spro/ /gtan par ma gyur yongs mi spro zhes pa ni gong ma ltar mngon sum du ma gyur par spro bar mi bya zhes pa'i don no/ /de la spro pa'i tshul ni gsal bar mngon sum du gyur pa dang/ sna'i bu gnas 'das shing snying gar gnas pa'i sna'i rtse rmor byung zhing slar 'das nas thugs kar gnas/ thugs ka nas gsang ba rdo rjer gnas/ /gsang ba'i rdo rje nas ye shes sems dpa' i pad+mar gnas/ /pad+ma nas thugs kar ro/ /thugs ka nas sna'i rtse mor ro/

  257. 153a

    gyis bsoms pa'am/ /gzugs brnyan du bkod pa rnams de ltar nyid kyi sku gsung thugs kyi rang bzhin du bdu bar byas nas zhes pa'i don no/ /cho ga ni gong du bsdus pa'i tshul bstan pa nyid do/ /de ltar bsdus nas kyang ci byed can bzlas pa dag kyang bsdu bar bya/ /zhes smos so/ /de ltar dkyil 'khor thams cad bsdus nas thugs ga nas gnas pa'i hUM las 'od zer 'phros shing bar snang khyab par gnas pa'i sangs rgyas rnams la phog pas de rnams kyang 'od? kyi tshul du gyur nas slar? bdag la thim par bsam mo/ /de nas yang 'od zer 'phros pas bdag phyag rgyar gnas pa'i sku la phog pas 'od du gyur nas thugs ka na gnas pa'i ye shes sems dpa' la thim mo/ /de nas yang hUM las 'od 'phros pas ye shes sems dpa' la phog pas de yang 'od kyi tshul du hUM la thim mo/ /de nas yang 'od 'phros pas hUM yang 'od du gyur to/ /'od kyang phyogs bcur 'thos? pas nam mkha' dang gnyis su med par gyur nas chos kyi sku'i rang bzhin du gnas par bya'o/ /de ltar gnas pa yang ci nus su gnas nas ldang zhing 'gro bar 'dod na spyi bo dang lce stengs dang snying gar sku gsung thugs kyi sa bon yi ge gsum dmigs nas/ sngags gsum gyis byin gyis brlabs la ci bde bar gnas par bya ba'i don no/ /ting nge 'dzin la dmigs pa na zhes bya ba la sogs pas ni rnal 'byor pas dus yun ring por sgom zhing sgrub pa'i tshe lus nyams chung bar gyur nas thabs 'dis gzi byin bskyed cing bstan par bya ba bstan to/ /de la ji ltar bya zhe na/ /bdag gi spyi bo'i steng bar snang la mtho gang gi tshod tsam du yi ge a las zla ba'i dkyil 'khor bskyed la de'i steng du dus gsum gyi de bzhin gshegs pa thams cad kyi ye shes kyi rang bzhin yi ge oM bsgoms par bya'o/ /de las 'od zer 'phros bas phyogs bcu'i 'jig rten gyi khams kyi bcud rnams bkug nas oM de nyid la

  258. 153b

    thim par bsam mo/ /de nas yang oM de bdud rtsi'i rang bzhin du gnas pa'i bcud rnams 'od kyi tshul du zla ba'i steng du 'thigs par bsam mo/ /de dang zla ba'i bdud rtsi gnyis gcig tu gyur nas zla ba las bdag gi spyi bor thigs pa 'od zer gyi tshul du thim zhing lus kun tu khyab par sgom pa'i phyir bdud rtsi rnams ni 'byung bar bsam zhes smos so/ /rdo rje sbyor ba 'di yis ni/ /skad cig du yang mdangs ldan 'gyur/ /lus dang ngag sems bdab? bar? gnas/ /the tshom med par gyur pa yin/ /zhes bya ba ni de ltar bsgoms pa'i phan yon bstan te/ /ye shes kyi sbyor ba de bstan pa bzhin du ma nor par bsgoms na gzi byin skye zhing bstan par nges pa'o/ /bkres bskom la sogs sdug bsngal la/ /sbyor ba 'di ni rnam par bsam zhes pa la sogs pa ni rnal 'byor ba bkres skom la sogs pa byung na yo byad la sogs pa med na ting nge 'dzin spong zhing tshol du mi 'gro ste/ /'og nas 'byun ba'i cho ga bya/ /zhes pa'i don te/ de byas na bkes pa la sogs pa'i sdug bsngal thams cad med par 'gyur bar nges pa'i phyir/ mi gtsang rdo rje tshig bzhin te/ zhes smos so/ /mi gtsang rdo rje rnam par snang mdzad chen po'o/ /de'i gsung gzhan du mi 'gyur ba'i phyir ro/ /de yang ji ltar bya zhe na/ bdag lha gang bsgom yang rung ste bkris pa la sogs pa byung na de ma thag tu bcom ldan 'das rnam par snang mdzad kyi phyag rgyar bsgoms la/ kha'i yang dkan la he las 'dod 'jo'i ba kha dog dkar mo zhig bsam/ lce'i steng du oM dkar po gcig dmis la de'i mdza' yid bzhin gyi nor bu rin po ches bskor bar bsgoms pa'i rnam par snang mdzad gzugs chen po zhes pa la sogs pa smos so/ / sdug bsngal can? sel zhi ba ni/ /ye shes rdo rjes byin brlabs te zhes pa ni de ltar bsgoms nas ye shes las gyur pa'i ba dang yid bzhin gyi nor bu rin po che las yid la 'dod pa'i zas la sogs pa rnams lce'i steng du byung zhing lus kun thim par bsam pa dang/

  259. 154a

    sdug bsngal thams cad de'i byin brlabs kyis med par gyur pa'i don no/ /gang zhig 'di ni sgom byed pa/ /byang chub sems dpa' grags chen 'gyur zhes pa ni bde ba chen po'i sgrub thabs de yan chad du bshad pa bzhin du bsgoms shing bsgrubs pa'i phan yon bstan te/ de yang ji ltar zhe na/ tshe 'di nyid la rdo rje sems dpar 'gyur bas de ma thob pa'i bar du byang chub sems dpa' i grangs su chud pa'i phyir ro/ /de yang sgom zhing sgrub pa'i dus thams cad du byang chub kyi sems rnam pa gnyis dang 'bral du mi rung bas/ /byang chub sems dang sbyor ldan na/ /sku tshogs dngos grub thob par 'gyur/ zhes bstan to/ /dad pa med dang theg dman zhugs/ /zhes pa la sogs pas ni gsang sngags ma hA yo ga'i snying po rgyud kyi rgyal po chen po gsang ba 'dus pa yin la/ de yang de'i don gyi snying po bsdus pa 'di yin pas kun gyi thun mong ma yin pas shin tu yang gsang bar bya zhes bstan to/ /de la dad pa med pa ni yid mi ches pa dang tshul bzhin du mi bsgrub pa'o/ /theg dman zhugs pa ni yo ga man chad dang du len cing spyod pa rnams so/ / 'dod chags zhe sdang ni 'dod chags shin tu che ba dang zhe sdang shin tu che ba rnams so/ /dbang po brtul ba ni de lta bu'i skyon med kyang shes rab chung ba'i dbang gis bstan kyang gzhan du 'gyur ba'i phyir ro/ /slob dang bu la sbyin mi bya/ /zhes pa ni dad pa med pa la sogs pa'i sbyon yod pa'i skyes bu bdag gi bu yang rung/ chos 'di ma rtogs pa'i sgo nas slob bur gyur cing ces pa la sogs yang bstan par mi bya zhes pa'i don no/ /gang phyir bsgrub pa 'di brtsams pa zhes pa la sogs pa ni phyi rabs kyi rnal 'byor pa rnams kyis yid mi ches shing skur ba 'debs par dgongs nas rgyud kyi khungs la sogs pa bstan to/ /de la yang phyir sgrub pa 'di brtsams pa/ zhes pa ni slob dpon gyis sgrub pa'i thabs 'di brtsams pa 'di don med pa ma yin te/ /rdo rje sems

  260. 154b

    dpa' sgrub phyir zhes pa dang 'brel to/ /de la bab col ma yin no/ /zhes bstan pa'i phyir /rgyud don mngon par rtogs nas ni/ /zhes smos so/ /de yang rgyud kyi rgyal po gsang ba 'dus pa bdag gi slob dpon gyis bstan pa dang/ rang gi shes rab kyis ma nor bar shes pa'i don no/ /rdo rje bzhad pa'i slob don gyis zhes pa ni nyid kyi mtshan nyid bstan pa'o/ /nyid la nyid slob dpon zhes gsung pa ni yul thams cad du slob dpon du grags pa dang mkhas par zhal gyis mchos pa'i don no/ /slob dpon gyis ci'i phyir mdzad ce na/ sems can ye shes bskyed phyir ro/ /zhes smos so/ /de yang gong du rdo rje sems dpa' bsgrub phyir zhes bstan na/ 'dir de skad ci'i phyir bstan zhes/ rdo rje sems dpa' tshe 'di nyid la ma grub na yang 'di shes shing thos par gyur na rgyud gsang ba 'dus par shes par 'gyur la/ de shes bas gsang sngags rnams la mkhas par 'gyur ba dang/ tha snyad thams cad la mkhas par 'gyur ba'i phyir ro/ /dpal bde ba chen po'i bsgrub thabs rdzogs so// //zhes pas ni dpal bde ba chen po'i sgo nas bde ba chen po dpal rdo rje sems dpa' mngon sum du gyur pa'i thabs sam de nyid kyi rang bzhin du 'gyur ba'i thabs so/ /rdzogs pa ni nyid kyi dgongs pa ma lus pa'o/ /sgrub thabs rnam par bshad pa 'di/ /bdag gis byas pa'i dge ba yis/ /'gro ba rnams kyis 'di nyid kyi/ / don ni rnam par rtogs par shog /dpal bde ba chen po'i 'grel pa slob dpon chen po bi mA la garb+has mdzad pa rdzogs so/ //rgya gar skad du/ sh+rI sa hA dza sa mA ya dza sA d+ha naM/ bod skad du/ dpal gsang ba 'dus pa lhan cig skyes pa'i sgrub thabs/ bcom ldan 'das 'jam pa'i rdo rje la phyag 'tshal lo/ /dri med ye shes gzi 'od ldan/ /'bar ba'i sku mnga' dkyil 'khor bdag /dpag med sprul pas 'gro skyob pa/ /dpal ldan gsang 'dus la phyag 'tshal/ /yid 'ong ri bo'i drung sogs so/

  261. 155a

    blo ldan zhugs te yid dang bas/ /gdeng sogs dag byas bsod nams bsags/ /de rjes chos kun stong par bsam/ /oM shUn+ya dz+nyA na badzra swa b+hA wa At+ma konyahaM/ rdo rje'i gzhi la rab dkar dge /chos 'byung dbus su pad+ma dang/ /nyi ma la gnas sna tshogs mdog /rdo rje las byung 'khor lo bsam/ /gru bzhi zur bzhi sgo bzhi pas/ /sna tshogs rgyan rnams kun gyis spras/ /ba dan dril bus khyab pa ni/ /kun nas nyams dga' i phro brad bsam/ /de dbus dbyangs yig rnal bzlog las/ /zla rgyas grub ste de steng 'dir/ /gsal byed rnal bzlog dbyangs yig bcas/ /'phros bsdus las byung hUM yig blta/ /mdza' yas sprul pas don bsgrubs nas/ /rgyal ba mthing ga rab mdzes sgeg /g.yas g.yon dkar dang dmar ba'i zhal/ / rdo rje dril 'dzin rig mas 'khyud/ /'khor lo rin chen pad+ma dang/ /ral gri 'bar ba g.yas g.yon phyag /skyil krungs rnam par rol pas bzhugs/ /nam mkha' i mdog ltar rab dang bsgom/ /oM dang A:dang de bzhin du/ /hUM zhes byin gyis brlabs nas kyang/ /snying ga las 'phros 'od zer gyis/ /ye shes bkug la dbang bskur bya/ /de nas thabs chen shes rab mchog /bde chen dang du snyoms zhugs pas/ /mi 'gyur thig ler rnam par zhu/ /spyan sogs glu yis sad par bya/ /oM d+harmA d+hA tu swA b+hA ba At+ma konyra haM/ rang snying zla ba hUM dang ni/ mgrin par pad+ma la gnas A:/ /spyi bor 'khor lo oM gyis mtshan/ /thugs gsung sku yi rdo rje bsgom/ /oM sarba ta thA ga ta tsit+ta badzra swa b+hA ba At+ma konyra haM/ /oM sarba ta thA ga ta wA ka badzra swab+hA wa At+ma konya haM/ oM sarba ta thA ga ta kA ya badzra swa b+hA wa At+ma konyra haM/ phyogs bcur bzhugs pa'i sangs rgyas kyis/ /rdo rje mi phyed gsum bsgoms pas/ /deng bdag byin gyis brlabs mdzad nas/ /rdo rje'i thugs gsung skur mdzad nas/ /oM sarba ta thA ga ta a nu rA ka ta badzra swa b+hA wa

  262. 155b

    At+ma konyra haM/ /shes rab dam pa'i ngo po nyid/ /thabs bcas 'byung ba rang bzhin lus/ /dga' bzhis bde gshegs mnyes bya zhes/ /sngags pas dga' ba kun tu brtsam/ /oM A:badzra d+h+rika hUM swA hA/ /oM A:badzra d+hA twi shwa ri muM brUM? swAhA/ /hUM gi rdo rje las bu? yi tshul dam pa'i chu skyes la/ /gnas pa'i sngags phreng phyung nas ni/ /rtse gcig yid kyis bzlas par bya/ /kun rtog mtshan ma kun las grol/ /yang dag rigs las tha mi dang/ /zhi sogs las kun sgrub byed rgyu/ /snying rje can gyis mi 'grub med/ /dpal ldan gsang chen lhan cig skyes/ /bsnyen bas dngos grub bsgrub pa'i phyir/ /mdor sdus rim pa 'di brjod pas/ /skye pos sangs rgyas lnga 'grub shog /gsang chen lhan cig skyes pa'i sgrub thabs slob dpon rdo rje sgeg pas mdzad pa rdzogs so// //kha che'i rigs kyi paN+Ti ta chen po bud+d+ha sh+rIdz+nyA na dang/ /lo tsA ba byams ba'i dpal gyis bsgyur ba'o// //*/ /gsang ba 'dus pa'i rgyud rgyud phyi ma dang bcas pa'i 'brel pa hUM? tri mdzad pa bzhugs so// //*/ /rgya gar skad du/ shI gutya sa ma dza tan+t+ra yA dza brit+ti/ /bod skad du/ /rgyud kyi rgyal po dpal gsang ba 'dus pa'i 'grel pa/ dpal rdo rje sems dpa' la phyag 'tshal lo/ /stobs kyis dregs pa bzhi bcom zhing/ /longs spyod bcu dang mnyam ldan pa'i/ /ye shes lnga dngos kun don dang/ /bla ma'i zhabs la'ang spyis btud de/ /'dus pa zhes bya rgyud kyi mchog /'dod chags che la mdon phyogs dang/ /bdag nyid brjed pa gsal don duAng/ /dad pa'i shugs kyis bshad par bya/ /de la rgyud 'di'i don ni dkyil 'khor gsum dang dam tshig dang/ sdom pa dang/ brtul zhugs gsum dang/ thun mong dang mchog gi dngos grub kyi cho? ga dang/ /de'i thabs bzhi po'i rim pa 'di lta ste/ sbyor pa gsum gyi yan lag drug po cha dang bcas pas bsnyen pa dang/ drag shul gyis sgrub pa dag yin no/ /dgos pa la sogs pa ni shugs kyis dpag go /de ni thun mong dang thun mong ma yin pa'i gleng gzhi

  263. 156a

    dag bstan pa'i phyir 'di skad ces pa la sogs pa smos te de la 'di skad ces pa ni sgra'i rnam pa mdza' dag bsdus pa ste/ /sa thun mong ma yin pa'i gleng gzhi'i ngo bo byang chub kyi sems rdo rje nyid mtshon pa'o/ /de ltar yang bzang po zhabs kyis gsungs pa/ /gnyis med thog ma zhir ldan pa/ /yi ge gnyis kyis de bzhin mtshon zhe'o/ /de kho na thun mong ma yin pa'i gleng gzhir phyi ma las gsungs pa/ /legs par gsung pa'i rgyun 'di ni zhes pa nas/ 'dus pa gsang ba las byung ba'o zhes pa'i bar du'o/ /de bas na 'di'i don ni ston pa byang chub kyi sems rdo rje nyid nyan pa'i skye bo rnams la sgyu ma'i rnam pa ltar sgra'i ngo bor snang ngo zhes pa 'di yin no/ /bdag gis thos pa zhes pa la sogs pas ni thun mong gi gleng gzhi'i ngo bo gsungs te/ de la bdag gi zhes ni gzhan las ma brgyud pa ste /des ni dam tshig ma 'chol bar bstan to/ /thos pa zhes pa ni sgra'i rnam pa'i rgyud do/ /dus gcig na zhes pa ni dus mang por ma yin te/ des ni rnyed par dka' bar bstan to/ /bcom ldan 'das zhes pa ni spangs pa phun sum tshogs pa dang/ longs? spyod du ldan pa'i ye shes phun sum tshogs pa ste/ des ni tshad ma'i ston pa gsungs so/ /de bzhin gshegs pa zhes p ni bde ba dam pa bla na med par gshegs pa ste/ bgrod par bya ba la phul du phyin pa'o/ /sku dang gsung dang thugs rdo rje snying po zhes pa ni rdo rje sems dpa' ste/ rdo rje gsum dang ldan zhin thams cad kyi rgyur gyur pas so/ /phyi ma las kyang snying po phyag rgya gsang sngags rnams zhes 'di la snying po'i sgrar gsungs so/ /de'i btsun mo ni rig ma'o/ /de'i b+ha ga ni gnyis yongs su gyur pa'i chos kyi dbyings kyi phyag rgya ste/ gnyis kyi khyad par yin yang chos kyi dbyings kyi ngo bo yin pas btsun mo'i sgra gtsor byas so/ /'dir btsun mo las gyur pa'i b+ha ga la de skad de 'bru las gyur pa'i chang la 'bru'i chad bzhin no/ /de ltar yang phyi ma las/ /

  264. 156b

    longs spyod gzhi dang mnyam ldan pa'i zhes pa la sogs pa gsungs te/ des ni gnas khyad par can bstan to/ /gzhan dag gis ni gsang ba'i b+ha ga yin no zhes smras te/ de dag gi ltar nas ma ya zhes bya ba byang chub sems su smra ste/ de'i don ni byang chub sems las gyur pa'i bcom ldan 'das gsang ba'i b+ha ga na bzhugs zhes pa yin no/ /de dag gi chos kyi dbyings na nam mkha' rdo rje yang ji ltar gnas zhes rgol lo/ /de la bshad pa 'di ni ma yin te/ 'di skad thos pa dus gcig na zhes pa dang 'bal lo/ /ji ltar zhe na/ le'u bcu bdun pa las btsun mo las 'das nas zhes gsungs pas na/ gsang ba'i b+ha ga las 'das nas chos kyi dbyings kyi pho brang du chos gsungs par snang la/ bzang po zhabs kyis kyang ma gsungs pas shin tu mi 'byor ro/ /yang rgyud nyi las kyang gsang ba'i dkyil 'khor la ni byang chub kyi sems kyi dkyil 'khor dang/ chos kyi dbyings la b+ha ga zhes gsal bar gsungs te/ byang chub sems kyi dkyil 'khor dang/ dkyil 'khor b+ha gar bstan pa dang zhes pa la sogs pa'o/ /gzhan yang dam tshig gi sgra ni dus na zhes pa'i sgrar brjod do/ / nam mkha' rdo rje ni chos kyi dbyings kyi nang gi nam mkha' bas de yang chos kyi dbyings la gnas par shin tu 'thad do/ /de mi 'thad na khyed kyi la yang ji ltar 'thad de mtshungs so/ /gang dag dang thos zhes na/ dbang po bstan pa'i phyir/ brjod kyis mi lang ba zhes pa mi byang chub sems dpa' i khyad par ro/ /yang brjod kyis mi lang ba zhes pa ni yon tan gyi khyad par te/ de kho na rdul phra mo zhes pas bstan to/ /byang chub ni bde ba chen po'o/ /de la sems dpa' ni rtse gcig pa'o/ /yang sems dpa' chen po/ /zhes pa ni de dag kho na sems can gyi khams chen po la dmigs pa'o/ /gnas kyi khyad par gsung pa/ snying po rdo rje zhes pa la sogs pa ste/ snying po rdo rje ni rtsa gsum pa'i rdo rje rgya gram ste/ de phyi nang gi dkyil 'khor gyi gzhi byed pas so/ /gzhan da na re snying po b+h+ruM dang ldan pas so

  265. 157a

    zhes so/ /padmo ni de'i bzhir gyur pa chos kyi dbyings kyi mdog gis dag pa'i 'dab ma brgyad pa ste/ gsang pa'i pad+ma ni ma yin no/ /de ni chos kyi dbyings la gnas pa'i rig pa las padmo kho na kun gyi bzhir gyur pas de kho na nyid gtsor? gsungs/ de yang bzang po zhabs kyis gsungs pa/ mkha' dkyil gzhi yi pad+ma la/ rgya gram zhes so/ /brjod kyis mi lang ba de dag gang dag yin zhe na/ dam tshig rdo rje zhes pa la sogs pa ste/ 'di rnams ni mdo sde spyod pa gang dag 'dod chags kyis 'dul ba rdo rje sems dpa' i byin gyis brlabs kyi rkyen gyi sangs rgyas thob pa/ sa'i snying po nas kun tu bzang po la thug pa ste/ de ltar yang/ dam tshig lus ngag sems ting 'dzin/ /rgyal ba rnams ni go rim bzhin/ /snying la sogs pa drug du nges/ / zhes gsungs so/ /sa rdo rje la sogs pa ni de'i ngo bo nyid kyis dag pas spyan la sogs pa'o/ /nam mkha' ni gong du bshad do/ /gzhan dag ni le'u bcu bdun pa las/ /mkha' dbyings dam tshig de nyid ni/ /rdo rje 'dzin pa nyid yin no zhes pas na ston par smra ? ste/ de ni 'khor gyi rim pa la ston par mi 'byor ro/ /gzhan yang ston pa ni gong du bshad pa dang/ yang 'og nas nam mkha' rdo rje dbus su ni zhes pa yang ji skad du 'chad/ de bas na nang gi nam mkha' i khongs gzhi yin pas rdo rje 'dzin zhes kyang 'dod do/ /yang gzugs la sogs pa ni nges dag pas ni gzugs rdo rje ma la sogs pa gzung ngo/ /de dag la sogs pa zhes pa ni sems can phal pa de dang 'dra ba rnams zhes bya ba'i don to/ /de ltar byang chub sems dpa' i 'khor gsungs nas/ de bzhin gshegs pa'i 'khor gsungs pa/ de bzhin gshegs pa zhes pa la sogs pa ste/ de bzhin gshegs pa'i sgra ni gong du bshad de/ thams cad du shes par bya'o/ /'di yang mdo sde spyod pas sangs rgyas pa sngags kyi che ba 'byung ba'i don du rdo rje

  266. 157b

    sems dpa' i byin brlabs kyis mi 'khrugs pa la sogs par gyur pa dang/ byang chub sems kyi sprul pa rnams so/ /de dag la sogs shes pa ni snga ma dang 'dra'o/ /til gyi gang bu zhes pa ni bar mtshams med pa'o/ /'dir de bzhin gshegs pa bas byang chub sems dpa' sngar smos pa ci ste zhes rgol ba la bshad pa/ byang chub sems dpa' yang 'dir rdo rje sems dpa' i byin brlabs kyi rkyen gyis sangs rgyas thob pas mnyam pa ste/ de'i phyogs la brjod do/ /kha cig ni nye bar bsgrub pa la 'di dag gtsong snga bas so zhes 'dod de/ de ni ma yin te/ 'di nye bar bsgrub pa'i lha ma yin pa dang/ gzhan yang de ltar na sa la sogs pa yang/ gzugs la sogs pa'i 'og tu 'byung bar rigs so/ /nye bar bsgrub pa'i lha ma yin na khro bo bzhi ma byung pa ci ste zhe na de ni las dman pa nyid kyis ma smos te/ nye bar bsgrub pa'i lha ma yin pas ma smos pa ma yin no/ /des ni 'khor khyad par can bstan to/ /de bas na da rnams kyi don ni tshad ma'i skyes bu de las gnas khyad par can du dbang po de rnams dang bdag nyid kyis thos so zhes gzhan yid brtan du rung bar byas pa yin no/ /da ni 'dod chags chen po'i snod du gyur pa bcom ldan 'das nyid kyis mngon du 'dul pa rnams kyi don du de bzhin gshegs pa kun gyi lha zhes grags pa/ rdo rje ye shes kyi spyod pa gsungs pa/ de nas zhes pa la sogs pa gsungs pa ste/ de nas zhes pa ni longs spyod bzhi dang ldan pa'i rdo rje sems dpa' zhal gsum pa lta bur gzigs zhes pa'i de ma thag pa'o/ /rnam par snang mdzad ces pa ni rdo rje sems dpa' ste/ byang chub kyi sems rdo rje zhi ba chos kyi sku las longs spyod rdzogs pa dang/ sprul pa'i sku ltar snang ba nyid kyi phyir ro/ /'dod chags chen po zhes pa ni bde ba dam pa'o/ /de'i tshul ni thabs te/ de nyid ni sems can gyi don las gtsor gyur pa'o/ /de bzhin gshegs pa'i 'khor zhes pa ni bdag nyid la gsol ba 'debs pa gtsor gsungs pa ste/ ye shes kyi 'khor

  267. 158a

    lo thams cad sbyor pa'i sgras bskul te zhes pa la sogs pa'o/ /yang de rnams bud med du spro ba gsungs pa/ de nas shes pa la sogs pa ste/ de la la la zhes pa ni rnam par snang mdzad de/ de kho na tshad med pa sku la dugs? pas ni la la zhes mang po'i sgras byas so/ /de ni spyan lta bu dang/ gzugs lta bu ste thams cad de ltar shes par bya'o/ /'dir chos kyi dbyings ma byung ba ni de'i bdag po rdo rje sems dpa' nyid sku la ma zhugs pa'i phyir ro/ /kha cig na re reg pa'i dga' ba med pas ma byung? zhes zer te/ de ni ma yin no/ /ci lnga zhe na/ bud med kyi gzugs su sprul zhes pa'i tshig gis na reg pa yang yod la/ de las byung ba'i dga' ba yang skye ste/ de ltar ma yin na ro la sogs pa yang reg pa med par 'gyur ro/ /de ltar phyung nas yang de'i rib ma la btsung par gyur te/ de ltar yang phyi ma las/ 'dod chags chen po'i tshul gyis ni zhes pa nas/ bsgrub bya'i lus la gzung par bya zhes pa'i bar du gsungs so/ /la la na re nyid kyi sku la zhugs par mdzad do/ /zhes pa la snyag ces zer te/ de ni phyi ma las bsgrub bya'i lus zhes 'byung bas na nyid kyi sku la zhes pa dang mi 'byor ro/ /ci'i phyir mngon par rtogs pa'i rim pa rnams las dang por 'dod chags chen po smos zhe na/ ting nge 'dzin gsum las de thog mar gyur pa'i phyir ro/ /de nas yang sems can thams cad gzung ba'i don du sbyor pa'i sgra'i de kho nas bskul te/ ye shes kyi 'khor lo las byung ba'i byang chub sems kyi dkyil 'khor gsungs pa/ de nas zhes pa la sogs pa'o/ /de la mi bskyod pa zhes pa ni rdo rje sems dpa' ste/ rgyu dang 'bras bu'i rnam par dag pa dbyer med pas 'di skad ces bya'o/ /dam tshig chen po zhes pa ni bde ba chen po'i byang chub kyi sems so/ /de las gyur pa'i 'khor lo zhes ste/ gsal ba zhes pa ni dri mas ma gos pa'o/ /de'i ngo bo nyid ces pa ni byang chub kyi sems ye shes kyi

  268. 158b

    ngo po'i don to/ /sna tshogs gzugs kyis kun tu khyab ces pa ni byang chub kyi phyogs kyi ngo bo rta babs la sogs pas mdzes pa'o/ /sangs rgyas tshogs kyis kun tu rgyas zhes pa ni mi bskyod pa la sogs pa bcu dgu dang ldan pa'o/ /gsal ba ni zla ba ste la sogs pa'i sgras ni nyi ma dang pad+mar ldan pa'o/ /de kho na 'od 'phro ba dang ldan zhing de bzhin gshegs pa'i gnas yin pas de skad ces bya'o/ /sku dang gsung dang thugs rdo rje'i bdag po ni rdo rje sems dpa' ste/ gsum po nges ldan pas de skad ces bya'o/ /de la dbus su bzhag ces pa ni de'i stobs kyi sems can thams cad btsud? do zhes pa'i tha tshig go /yang de rnams kho na la dbang bskur ba gsungs pa/ de nas zhes pa la sogs pa ste/ byang chub kyi sems rdo rje zhes pa ni rdo rje sems dpa' mngon btags pa'i ming ngo/ /thugs la zhugs zhes pa ni sbyor ba'i sgras thugs su zhugs te zhu nas yum gyi pad+mar 'phros te gsang ba'i dbang bskur ro zhes pa ste/ bcu bdun pa'i skabs su bshad par bya'o/ /de ltar yang bzang po zhabs kyis/ 'dod chags chen pos 'dul ba yi/ /zhes pa nas/ phyir mi ldog pa'i don dbang bskur ces pa'i bar du tshigs su bcad pa bzhi gsungs so/ /de ni bzhi'i ting nge 'dzin gsungs pa/ de nas zhes pa la sogs pa'o/ /de la de nas zhes pa'i byang chub kyi sems rdo rje la gsol ba 'debs ma thag la'o/ /byang chub kyi sems rdo rje de bzhin gshegs pa snyoms bar zhugs so zhes 'brel to/ /ril gyis gnod pa rdo rje zhes pa ni phyogs mtshams pa cing ba dang/ /nga? pa dang 'dr ba la sogs pas gnod pa thams cad zil gyis gnon cing des mi phyed pa'i ngo bo pas rdo rje ste/ de skad ces bya pa'i ting nge 'dzin la zhugs so/ / de'i las gsungs pa/ rdo rje'i ngo bor gnas pa zhes pa ste/ gol? ltar mi phyed pa dang ldan pa'i gzhi 'grub bo zhes pa'i tha tshig go /la la ni de kho na'i don du phyi ma las bshad pa/ gzhi dag gi ni thabs dag ste zhes so/ /de nyid bzang po zhabs kyis/ hUM mdzad

  269. 159a

    yang na gtsug tor ram zhes pa nas/ brtsegs pa'i gzhal yas khang bsgom bya zhes pa'i bar du tshigs su bcad pa bzhi gsungs so/ /da ni gong du bstan pa'i dban bskur ba'i las kyi yon tan gsungs pa/ de nas zhes pa la sogs pa'o/ /d ela de nas zhes pa ni rdo rje dpal gyis reg ba'i de ma thag pa'o/ /rdo rje sems dpa' byin gyis brlabs zhes pa ni de'i 'brin las kyis mthus so/ /bde ba ni shes rab ye shes so/ /yid bde ba ni des dri ma dag pa'i ngo bo gsang ba'i dbab zhes pa'i don to/ /mngon par shes pa ni bcu bdun par sbyar ro/ /gzhan dag ni phyi ma las/ de bzhin 'bras bu 'du ba med ces pas bstan to zhes so/ /de ni bcom ldan 'das rdo rje sems dpa' de kho na bskyed pa gsungs pa/ de nas zhes pa la sogs pa ste/ de nas zhes pa ni rdo rje'i ngo bor gnas gyur pa'i de ma thag go /sku dang gsung dang thugs rdo rje'i mnyam pa nyid ni rdo rje sems dpa' ste/ de gang las 'byung ba'i mi phyed pa'i ting nge 'dzin ni de skad ces bya'o/ /de yang snying rje dang shes rab kyi ye shes kyi zla ba la sogs pa'i mngon par byang chub pa'i ngo bo nyid la zhugs pa'o zhes kha cig 'dod do/ /ting nge 'dzin de'i mthu ni rig pa'i skyes bu zhes te/ longs spyod rdzogs pa'i sku byin gyis brlabs zhes pa'i don to/ /de yang kha cig ni phyi ma las rang bzhin rang bzhin med pa'i rgyu zhes pas bstan te/ gong dang 'og nas 'byung ba'i lha'i sku'i rnam pa thams cad la sbyar ro zhes pa'i don to/ /zhal gsum pa zhes pa ni rnam par thar pa gsum gyi rang bzhin no/ /lta bu zhes pa ni sgyu ma lta bur sprul zhes pa ste/ yang dag par na de lta bu ma yin zhes pa'i don to/ / de ltar rdo rje ye she skyi spyod pa gsungs nas/ yang spros pa rnams kyi don bya ba'i phyir/ de bskyed pa'i rim p nyidkyi ngo mtshar gsungs pa/ de nas zhes pa la sogs pa'o/ /de nas zhes pa ni dam tshig gi 'khor los 'dod pa spyod cig ces pa'i de ma

  270. 159b

    thag pa'o/ /thugs ka nas phyung zhes pa ni thugs ka nas zhugs te gsang ba'i rdo rje nas phyung nas gsang ba'i dkyil 'khor yang bskyed pa'o/ /a ma zhes pa ni byang chub kyi sems byung ba bd ba zhi pa de las sgyu ma'i rnam pa ltar rim? gi? 'khor lo bskyed pas don tshar? te?/ de kho na de bzhin gshegs pa kun gyi gsang zhes so/ /rab tu mi rtogs gnas med ces pa ni de kho na ngo mtshar ba'i sgo nas zur gyis zhus pa'i don to// //da ni byang chub kyi sems rdo rje rigs thams cad kyi thog ma zhi ba mya ngan las 'das pa thams cad du khyab pa'i bdag nyid chen po la nges smul pa 'am gzhan rigs lnga'i ngo bos sems can gyi don du ting nge 'dzin gsum gyi sbyor pa thog mar zhu bas gsungs pa/ de nas zhes pa la sogs pa ste/ de la de nas zhes ni gsang ba'i tshul gyis thog mar mngon par sangs rgyas pa'i ye shes rten ? pa chos kyi sku byang chub kyi sems rdo rje grub pa'i ngo bo nyid la bya'i/ skabs las byung ba'i de ma thag pa ma yin no/ /rdo rje rnam par snang mdzad ces pa ni byang chub kyi sems rdo rje ste/ de nyid longs spyod rdzogs pa dang sprul pa'i skus snang bar mdzad pa po yin pa'i phyir ro/ /gzhan dag na re tshig 'di rnam par bsnang? ba'o zhes zer ro/ /de kho na nyid ces p ni gsang pa'i ngo bo'o/ /dam tshig ni nang gi'o/ /rin po che ni phyi'i ste/ mchod pa thams cad kyis mchod do/ /gus pa'i tshul gyis phyag 'tshl nas gsol ba/ 'dus pa gsang pa las gyur pa zhes pa la sogs pa ste/ de la 'dus pa gsang ba zhes pa ni yi ge gsum dang/ de'i rim pas sangs rgyas thams cad 'dus pa ste/ de ltar yang phyi ma las/ gsang ba zhes su bstan pa ni zhes pa la sogs pas thog mar bshad do/ de las byung ba ni snying po dang rdo rje pas thabs dang shes rab 'dus pa'i sku rnams te/ des ni bsnyen po dang po zhus nas/ gzhan yang gsungs pa/ de nyid ces te/ de kho na gnyis su med pa'i thabs dang shes rab kyi spyod pa gsum thugs la bzhag nas bshad du gsol/

  271. 160a

    zhes zhu par byed do/ /gzhan dag ni gzhan du 'chad do/ /de nyid kyang shin tu zab pa'i ngo bo yin pas snod dang mi ldan pa rnams la don du mi 'gyur ro zhes ston pas gsungs pa/ de nas zhes pa la sogs pa ste/ legs ni legs na zhes pa na don chen po la sbyor ba'i phyir ro/ /de bzhin gshegs pa zhes pa ni gsang sngags kyi tshul ma bsnyes pa'i mdo sde pa'o/ /the tshom skyes zhes pa dang sngar ma thos pa'i phyir ro/ /byang chub sems dpa' gzhan zhes pa ni byang chub sems dpa' dang gzhan rnams zhes pa'i tha tshig go / de nas yang snod dang ldan par mdzod ces gsol pa/ de nas zhes pa la sogs pa'o/ /ngo mtshar du gyur zhes pa ni zab pa nyid la bya'o/ /rmad du gyur ces pa sngar ma thos pas so/ /de la gsol ba'i don ni byin gyis brlabs mdzad de zhes pa la sogs pa ste/ byin gyis rlabs ni dkyil 'khor du gzhug pa'o/ /rdo rje'i dam tshig ni byang chub kyi sems mi 'gyur ba ste/ des reg pa cas byas gang bde ba dang yid bde ba gong du bshad pa dang/ mngon par shes par 'dod pa bzhi po'i ngo bo bcu bdun par bshad pa dag thob par 'gyur bas thob par bgyi ba'i bar du zhes smos te/ 'dir yang mdzod ces sbyar ro/ /de'i don ni byin gyis rlobs la byang chub sems kyis dbang bskur bar mdzod de bstan du gsol zhes ni 'di yin no// //da ni 'bras bu'i ngo bo rdo rje 'chang gi btsun mo'i b+ha gar gong du bskyed pa de kho na sems can gyi don du spyan drang ba gsungs pa/ de nas zhes pa la sogs pa'o/ /de la de nas zhes pa ni byang chub sems kyi zung gyis zhus pa'i de ma thag go /sku dang gsung dang thugs rdo rje de bzhin gshegs pa zhes pa ni 'bras bu'i rdo rje sems dpa' ste/ 'bras bu yin yang rgyu'i tshul 'chang bas rgyud 'di las rgyu'i ming gtags so/ /de kho na snyoms par zhugs shes 'brel to/ /gsol ba btab pa mkhyen nas/ shes pa ni tshig de kho na zur gyis zhu bar thugs su chud bzhin du zhes pa ste/

  272. 160b

    nas zhes pa'i sgra ni gzhig tu nges par sbyar te/ de'i lan gsungs par rtsom pa ni ma yin no/ /kha cig na re 'dus pa gsang pa zhes pa la sogs pa'i gsol ba btab pa yin no zhes zer te/ de ltar na mkhyen zhes pa'i tshig mi dgos pa kho na ste/ mngon sum nyid du gsol ba btab pa'i phyir ro/ /gzhan yang tshig de ni 'brel pa med pa yin pas kho bo ni ma rangs so/ /ye shes kyi sgron ma rdo rje zhes pa ni stong pa nyid kyi ye shes kyi sgo nam ltar gsal ba mi phyed pas rdo rje/ de skad ces pa'i ting nge 'dzin la zhugs nas byung zhes pa ste/ ji 'dra ba zhe na/ zhe sdang zhes pa la sogs pa ste/ de la zhe sdang gi rigs zhes pa ni rnam par dag pa'i zhe sdang longs spyod pa las skyes pa'i tha tshig ste/ de ltar yang phyi ma las zhe sdang longs spyod pas gsungs so/ /mchog kyang yin la snying po yang yin zhes pa ste/ stong pa nyid kyi ye shes kyi rang bzhan yin pas de skad ces bya'o/ /yang snying po zhes pa ni sngags de snying po nyid ni ma yin no/ /snying po ni sa bon te/ bzang po zhabs kyis gsungs pa/ snying po sa bon zhes gsungs te zhes so/ /sku dang gsung dang thugs las byung zhes pa ni/ gsungs so zhes pa'i tha tshig go /byung ma thag tu zhes pa ni rjes thog ste/ zhugs so zhes sbyar ro/ /tshul ji ltar zhe na/ bcom ldan 'das de nyid ces pa la sogs pa ste/ mi bskyod pa'i phyag rgya chen por gyur te zhes sbyar ro/ /thabs gang gis tshul ji ltar zhe na/ sbyor pa'i thabs zhes pa la sogs pa ste/ rdo rje 'chang ba yab yum sbyor ba las bskyed ces pa ste/ de ltar yang phyi ma las/ bsnyen dus gtsug tor chen po yis/ /gzugs su dmigs pa nyid du sbyar zhes so/ /nag po dkar po dmar po'i tshul zhes pa ni sku gsung thugs dang ldan pa'i phyir ro/ /gyur te byung nas sems can gyi don byas te zes pa ni tshig lhag ma'o/ /de nas bcom ldan 'das zhes pa yang rdo rje 'chang de nyid de thams cad du sbyar ro/ /dam tshig ni rnam par snang mdzad nyid mi 'da' ba' i

  273. 161a

    ngo bo ste/ de 'byung pa'i me long lta bu la ting nge 'dzin zhugs zhes pa ste/ lhag ma dang le'u'i ming gi don rnams kyang rang rang gis rjes su dpag ste/ kho bo ni tshig mangs kyis dogs nas bshad par mi sems so/ /gti mug ? rnam par dag pa'i gti mug ste/ gong du ji ltar sbyar ba'i sgra de rnams ni 'di man chad kun la sbyar ro/ /nor bu yid bzhin gyi rigs zhes pa ni nor bu ni sems te/ de yang phyi ma las rin chen sems su bstan pa ste zhes so/ /de 'dzin pa'i nga rgyal rnam par dag pa las skyes pa'i tha tshig go /dam tshig 'gugs pa'i zhes pa ni don yod grub pa ste/ dam tshig bslang ba'i ting 'dzin la gtso bor gyur pas so/ /de'i ngo bo'i phrag dog rnam par dag pa las skyes pa'o/ /zhe sdang gti mug 'dod chags dang zhes pa la sogs pa'i bsdus pa'i don ni phyi ma las bshad pas de las shes par bya'o/ /da ni btsun mo bzhi gsungs pa/ de nas zhes pa la sogs pa'o/ /de la rdo rje 'dzin pa thams cad kyi btsun mo zhes pa ni des rang gi bdag po mchod pas mnyes par byed pas de skad ces bya ste/ de yang le'u bcu gsum pa las/ lus kyi sku'i ngo bo nyid ces bya ba la sogs pa gsungs so/ /yang dag par btsun mo nyid ni ma yin te/ rnam par dag pa gcig tu thal bar 'gyur ba'i phyir ro/ /de bzhin 'og tu yang sbyar ro/ /gong du sbyar ba'i thabs zhes pa la sogs pa smos pa 'dir yang sbyar te/ de yang 'og mar yang sbyar ro/ /shar phyogs kyi grwar zhes pa ni 'og ma dang bsnor gnas lho phyogs su sbyar ro/ /shes rab 'dzin pa zhes ni don yod grub pa'o/ /btsun mo'i mchog phun sum tshogs pa zhes bya ba yang phyi ma kho na las cher shes par bya'o/ /da ni khro bo bzhi'i 'byung ba gsungs pa/ de nas zhes pa la sogs pa'o/ /de la de bzhin gshegs pa thams cad kyi dkyil 'khor ni sku'i dkyil 'khor te/ byin gyis brlabs pa ni 'gugs pa'i las su shes par bya'o//

  274. 161b

    de bzhin du dkyil 'khor gzhan la yang dgug pa ste/ 'dir ni gtsor gsungs pa'o/ /'dir yang gshin rje gshed kyi phyag rgya chen po zhes pa la sogs pa'i tshig lhag mar gyur pa ste/ de ltar 'og tu yang sbyar ro/ /de bzhin gshegs pa thams cad brnyes par byed ces pa ni de'i mthun pa 'gog pa ste/ de yang phyi ma las/ gti mug zad phyir gshin rje gshed ces pa la sogs pa gsungs so/ /'di yang kun la sbyar ro/ /de bzhin gshegs pa thams cad kyi sku dang gsung dang thugs mnyes par byed ces pa ni bdud rtsi thabs sbyor te/ rnams shes pa'i tshig gis 'gugs pa la sogs pa yang sbyar ro/ /de yang bzang po zhabs kyis/ gshin rje gshed la sogs kyis dgug dang zhes pa la sogs pa rkang pa gnyis gsungs so/ /de rnams thams cad kyi sngags kyi don ni phyi mar bshad pas bdag gis ma phye'o/ /'o na gzugs kyi rdo rje ma la sogs pa dkyil 'khor gyi lha la gtogs pa drug 'dir ma byung bcil dgongs she na/ bshad pa/ dkyil 'khor gyi lha ma yin pas ma byung a ni ma yin gyi/ thun mong gi yi ge las ma gtogs pa spyan drang? pa'i sngags med pa'i phyir sdud pa pos ma smos par zad do/ /de thams cad kyi don yang bzang po zhabs kyis snying la ral gri snying 'od kyis zhes pa nas/ rdzogs pa'i dkyil 'khor mthong nas su zhes pa'i bar du rtsa ba phyed dang gnyis kyis gsungs so/ /'o na sangs rgyas kyi ting nge 'dzin ni lhun gyis grub pas mos pa tsam la rag las pa'i phyir ji skad smos pa de tsam gyis rdzogs par shes par bya ste/ de yang khyod kyis don rnams lhun gyis grub phyir bzhed pa tsam la rag las lags zhes pa'i phyir ro/ /de bzhin gshegs pa thams cad kyi ting nge 'dzin ni rdo rje ye shes kyi spyod pa la sogs pa ste/ de bzhin gshegs pa nyid kyi 'phrin las su gyur pa'o/ /de kho na byin gyis rlob pa'i le'u ste dang po'i 'brel pa rdzogs so// //

  275. 162a

    da ni sgra'i rnam pa'i rgyud rnams gong du zur gyis zhus pa dang thams cad kyi thog mar 'gro ba nyid kyis byang chub sems kyi le'u gsungs pa/ de nas zhes pa la sogs pa'o/ /de la de nas zhes pa ni de bzhin gshegs pa nyid kyi mngon suM du 'dul pa rnams kyi don byas te chos kyi dbyings kyi pho brang na gnas pa de ma thag tu yang dag bstan par 'dul ba'i don du gsol to zhes pa'o/ /bcom ldan 'das zhes pa dang de bzhin gshegs pa'i sgra ni sngar bstan pa'o/ /thams cad du de bzhin du blta'o//? sku dang gsung dang thugs kyi bdag po zhes pa ni rdo rje 'chang ba ste thams cad du de bzhin du blta'o/ /thams cad kyis shes pa ni gsol to zhes 'brel to/ /sku gsung thugs kyi bdag po mchog ces pa ni bod pa'o/ /zhu ba'i don ni bla na med pa'i byang chub sems shes pa dang/ snying po zhes pa ste/ rnam pa gnyis so/ /len gsungs pa de nas she'o/ /de la gsol ba btab yang mkhyen zhes pa ni zur gyis zhus pa nyid la bsnan no zhes thugs su chud pa'o/ /byang chub sems dpa' i yongs su rtog pa ni zhu bar 'dod pa ste/ de nang du rig nas bka' stsal to zhes pa'i don to/ /byang chub sems dpa' kho na la bka' stsal zhes pa ni de dag kyang zhu bar 'dod pa'i phyi 'am/ yang na rkyen gyis byang chub thob pas mtshungs kyang dbang po dman pa lta bur bstan nas de rnams la bka' stsal zhes pa'i tha tshig go /de la khyed kyis zhes pa ni byang chub sems dpa' i ste/ sems la sogs pa de lta bur skyed cig ces pa'i don to/ /ji ltar zhe na/ sems lus lta bu zhes pa la sogs pa ste/ de ni snying po'i lan te/ sems nyid bde ba chen po don dam pa'i gzugs dri ma med par gyur to zhes pa'i don to/ /lus sems lta bu zhes pa la sogs pa ni bla na med pa'i lan te/ lus dang ngag sems lta bu zhes pa ni kun rdzob kyi gzugs la sogs pa thams cad sems yin zhes pa ste/ tshig de

  276. 162b

    gsum gyis ni don dam pa gzugs kyang byang chub kyi sems yin la/ kun rdzob kyi gzugs la sogs pa yang mig gi rnam par shes pa la sogs pa'i sems yin pas thams cad sems tsam du bsgrubs te/ de yang le'u bco lnga pa las/ nam mkha' la ni nam mkha' bsgom zhes pa'i rjes la/ de nas zhes pa nas 'di lta ste sems kyi ngo bo nyid do zhes pa dang/ de dag gnyis su med do zhes pa'i bar gyis gsungs so/ /sems tshig brjod pa lta bu zhes pa ni sems tsam de yang rang bzhin med do zhes pa ste/ tshig brjod pa lta bu zhes pa ni de yang brjod pa tsam ste/ nam mkha' lta bu zhes pa 'am/ yang na mi 'gyur ba'i yi ge dam pa'o zhes pa'i don to/ /de yang don dam pa'i sems rang bzhin med pa 'di yang bco lnga pa las gsungs so/ /gong ma'i rjes las bcom ldan 'das zhes pa nas/ byang chub sems de dang lus la mi gnas zhes pa la sogs pa dang/ sangs rgyas kyi chos rnams rjes su 'drang? ba'i? mtshar to zhes pa'i bar du'o/ /de kho na phyi ma las kyang/ skye rga zhi ba'i zhes pa la sogs pas gsungs so /mig gi rnam par shes pa la sogs pa kun rdzob par rang bzhin med pa 'di yang bco lnga pa de kho na'i rjes las de nas zhes pa la sogs pa nas/ gang na yang mi gnas so zhes pa'i bar gyis gsungs so/ /nam mkha' lta bur sbyar nas shes pa skyed cig ces bka' stsal pa de rang rang dang rdo rje 'chang ba gnyis su med par sbyar bas bka' mnyan te zhes pa'i don to/ /kun tu bzang po zhes pa ni g.yo ba dang mi g.yo ba thams cad byang chub sems las byung bas na thams cad bzang po ste rdo rje 'chang ba'o/ /skye ba med kyang de kho na las don dam pa dang kun rdzob kyi gzugs la sogs pa skye ba de e ma'o zhe'o/ /yang sangs rgyas drug po dag gi chos ma skyes pa nyid kyis gong ma de gtsor gsungs pa/ de nas zhes pa la sogs pa'o/ /da ni dngos po med pa'i bsgom pa'i dngos zhes pa la sogs

  277. 163a

    pas ni 'di ltar ston te dngos po med do snyam pa'i ngo bo de yang bsgom par bya ba ma yin te/ de ni med pa'i mtshan ma la spyod pa kho na yin te/ ci'i phyir zhe na/ dngos po dang dngos po med pa gnyi ga med pa'i phyir te/ 'phags pa klu sgrub kyis kyang/ dngos po dngos med gnyi ga spangs zhes pa la sogs pa gsungs so/ /de bas na bsgom pa ni dmigs su med? par bsgoms na de yin no zhes pa'o/ /yang snang mdzad kyi semms de la/ dngos po thams cad ces pa ni yang dag pa'i gzugs dang/ gti mug dang/ me long lta bu dang/ snying rje dang/ sbyin pa'i pha rol tu phyin pa la sogs te/ de kho na phung po zhes pa la sogs pa'o/ /don dam par de dag bdag med par mnyam pa'i phyir ma skyes la/ de'i phyir stong pa nyid do zhes pa'i tha tshig go /yang mi bskyod pa'i sems de la dngos po 'di rnams shes pa ni rnam par dag pa'i rnam par shes pa dang zhe sdang dang/ stong pa nyid kyi ye shes la sogs pa dag ma skyes pa'i phyir/ chos can la sogs pa don dam par med ces pa ste/ dpe nam mkha' lta bu zhes pa'i don te/ byang chub sems 'di mi 'gyur ba'i don to/ /dkon mchog dpal gyi sems de la chos rnams thams cad ces pa ni gong ma bzhin te/ rin po che'i rigs kyi chos rnams so/ /de kho na mtshan nyid spangs pa'i phyir dngos po med ces so/ /'o na yon tan de dag gang nas byung zhe na/ bdag med ces te/ sgyu ma lta bu'i mnyam pa nyid las byung ngo zhes pa ste/ bstan pa ni gong ma bzhin no/ /tshe dpag med kyi sems de la skyes pa'i chos rnams shes pa ni pad+ma rigs kyi chos rnams te/ ngo bo med la de med pas bsgom du 'ang med ce'o// 'o na ji ltar bsgom zhe na/ nam mkha' tha snyad ltar tha snyad btags pa ste/ sgyu ma lta bu'i sku la sogs pa bsgom zhes pa'i don to/ /yang don yod grub pa'i sems de la chos rnams zhes pa ni las kyi rigs kyi chos so/ /'od gsal zhes pa ni dngos po

  278. 163b

    dang bral ba'i tha tshig go /dam pa zhes pa ni nyon mongs pa la sogs pa'i dri ma med pa ste/ dpe nam mkha' i bzhin no/ /de bas na byang chub kyang med cing de rtogs pa yang med ce'o/ /da ni de la bstod pa gsungs pa/ de nas zhes pa la sogs pa'o/ /ngo mtshar zhes pa ni bla na med pa la'o/ /rmad du gyur zhes pa snying po la'o/ /e ma'o sangs rgyas zhes pa ni ston pa la ngo mtshar ba ste/ e ma'o sangs rgyas zhes pa ni rtsa bskor pa'o/ /chos bshad pa zhes pa ni bstan pa ste/ dri ma med pas ngo mtshar pa'i tha tshig go / yang dag don ni dag pa'i don zhes pa ni bla na med pa ste/ nam mkha' ltar dag pas phyag gi 'os yin no/ /da ni snying po la bstod pa/ bdag med ces pa la sogs pa ste/ de la bdag med pa'i chos las byung zhes pa ni/ sangs rgyas kyi sku de rang bzhin med pa las sgyu ma lta bur byung ba ste/ de kho na thugs dang ldan pas byang chub ces pa'o/ /rdzogs par byed ces pa ni sku de bskyed pas na snying po byang chub kyi sems dmigs su med pa de la phyag 'tshal lo zhe'o/ /kun tu bzang po dag pa'i don zhes pa yang rang bzhin med pa ste/ de las byung ba'i don to/ /bzang po zhes pa ni gsungs ste/ de kho na thugs? dang ldan pas byang chub ce'o/ /de bskyed pas snying po rdo rje lta bu chen po lta bu de la zhes so/ /dag pa zhes pa ni 'dir yang gong ma bzhin no/ /thugs zhes pa de yang sku la sogs pa dang ldan pa'i phyir sku dang zhes pa la sogs pa smos te/ ston pa byang chub de rdzogs par byas pas zhes sbyar ro/ /byang chub sems kyi le'u ste gnyis pa'i 'grel pa rdzogs so// //da ni gong du gsungs pa'i sbyor ba gsum po de dag la/ /gtsor bsnyen pa dang po la gtogs pa ston pa'i le'u gsung pa/ de nas zhes pa la sogs pa'o/ /de la de nas zhes pa ni gnyis pa nyid kyi de ma thag pa ste le'u 'og ma kun la yang de bzhin no/ /oM shU n+ya tA zhes pa'i sngags ni

  279. 164a

    gnyis pa'i byang chub sems de nyid byin gyis rlab pa ste/ de'i don yang bzang po zhabs kyis gsungs pa/ byang chub sems las sangs rgyas nyid ces pa nas/ oM shU n+ya tA zhes pa'i sngags kyi par du'o/ /nam mkha' i dbyings kyi mthas klas par zhes pa la sogs pa rnal 'byor pa dag gi gzhi'i ting nge 'dzin te pho brang ngo/ /des ni shin tu rgya che bar bya'o zhes bstan to/ /de'i ngo bo nyid ci 'dra zhe na/ sangs rgyas dkyil 'khor zhes pa la sogs pa ste/ sangs rgyas ni rnam par snang mdzad de/ 'og nas 'byung ba'i rim pa de las gyur pa'i dkyil 'khor ro/ /de kho na 'od zer sangs rgyas dang mnyam pa'i chogs can no/ /'od zer rnam lnga zhes pa ni rin po che sna lnga las grub pa'i tha tshig go /zlum po zhes bya ba ni phyi'i rab dang nang gi phreng ba dag shin tu zlum pa'o/ /gzugs kyi lha mo dag las sogs zhes pa ni gzugs kyi lha mo la sogs pa dang/ rin po che'i rgyan dang twa ra na la sogs pas brgyan pa'o/ /mdor na zhes pa ni gzhal med khang pa'i rgyan ji lta bu ste/ de bsgoms nas 'bras bu'i rdo rje 'chang ba lhag pa'i lha bsgoms pa ste/ rgyal ba mchog gi lhar smra ba ni ma yin no/ /de la sku gsung thugs kyis mtshan zhes pa ni kun la sbyar ro/ /gcig tu bsdu ba sbyar ba zhes pa ni rig ma dang sbyor ba zhes pa ste/ de bsgoms nas 'bras bu'i rdo rje 'chang ba lhag pa'i lha bsgoms pa ste/ rgyal ba mchog gi lhar smra ba ni ma yin no/ /de la sku gsung thugs kyis mtshan zhes pa ni kun la sbyar ro/ /gcg tu bsdu ba sbyar ba zhes pa ni rig ma dang sbyor ba zhes pa ste/ de yang kun la sbyar ro/ /'o byed ces pa ni phyag rgya chen po zhes pa'i don to/ /de rnams kyi kha dog dang phyag mtshan la sogs pa ston pas gsungs pa/ sku gsung thugs kyi zhes pa la sogs pa ste/ sku rdo rje can zhes pa ni mi bskyod pa ste/ de ni sngon po'o/ /rab 'bar zhes pa ni 'od 'bar ba'i rdo rje ste/ thams cad du de bzhin no/ /'jigs ltar zhes pa ni zhe sdang gi rang bzhin pas cung zas khro bo'i tshul lo/ /shes dang zhes pa la sogs pa ni rtag pa ste thor tshugs ni ral pa'i yin no/ /cod pa na ni rin po che'i dbu rgyan no/ /sna tshogs rgyan

  280. 164b

    ni rna ba la sogs pa zhi ba'i brgyan rnams so/ /rdo rje 'chang chen po ni rtag pa'i mdog dang mi bskyod pa'i phyag mtshan las shes par bya'o/ /'dzam bu nA da zhes pa la sogs pa ni rin chen 'byung ba ste/ /sangs rgyas sprin gyis rab 'khrigs zhes pa ni 'od zer gyi kha nas rigs lnga 'phro ba'o/ /rdo rje chen po zhes pa ni rin po che'o/ /ci 'dra zhe na/ ma? ra ga ta zhes pa la sogs pa'o/ /pad+ma rA ga'i mdog 'dra ba zhes pa la sogs pa ni 'od dpag med do/ /gtso bo 'dod chag bzhes pa ni 'dod chags rdo rje zhes pa'i don to/ /'od zer sna lnga zhes pa la sogs pa ni grub pa gdon mi za ba ste/ sna lnga'i 'od ces pa ni ljang gu'o/ /tshig de las thor tshugs cod pan zhes pa dang sna tshogs rgyan zhes pa dang/ sangs rgyas sprin zhes pa ni kun la sbyar ro/ /zhi ba zhes pa ni mi bskyod pa la gtogs pa kun la sbyar te/ mi bskyod pa ni drag po'i tshul du smras so/ /rig pa'i lha'i sku de byin gyis brlab pa ni/ de nas zhes pa la sogs pa ste/ oM d+harmA d+hA tu swA b+hA ba At+ma konyahaM/ zhes pa bya ba'i don ni dag pa 'jig rten la snang ba'i sku de zhi ba'i phyir na chos kyi dbyings ni pa yin no zhes pa 'di yin no/ /de yang bzang po zhabs kyis/ /gur kum sku dang dbus kyi zhal zhes pa nas/ rgyu mthun byed pa'i bshes gnyen gyis zhes pa'i bar du gsungs so/ /da ni phra mo'i sbyor ba la gang bstan nas spro ba gsungs pa/ rin chen kha dog ces pa la sogs pa'o/ /rin chen kha dog sna lnga zhes pa la sogs pa ni 'og nas bshad par bya'o/ /sangs rgyas 'bar ba zhes pa la sogs pa ni lha rnams kyi spro ba nyid do/ /mtshon cha 'dzin zhes pa ni gong du smos pa'i mtshan ma de rnams nyid mtshon cha'o/ /de yang bzang po zhabs kyi mtshan ma bstan pa dag zhes pa la sogs pa'i tshigs su bcad pa gcig gsungs so/ /nam mkha' i dbyings kyi dbus gnas par zhes pa la sogs pa ni gong du gsungs pa de rnams kyi gdan gyi khyad par can ston pa ste

  281. 165a

    nam mkha' i dbyings zhes pa ni gnas kyi rim pa rnams las gtsor gsungs te/ thams cad du de bzhin sbyar ro/ /zla ba'i dkyil 'khor zhes pa ni rdo rje 'chang chen po'o/ /yi ge kha cig zla ba'o zhes 'byung ste/ de ni rgyu 'bras gnyis la ? dang nyi ma zhes ston ste shin tu mthad do/ /gsal ba ni zla ba'o/ /'khor lo zhes pa ni rtag pa'i ngo bo nyid ston pa'o/ /padmo zhes pa yang tshe dpag med de 'dra zhes pa ni nyi ma'i dkyil 'khor la reg pa'i don to/ /de ltar 'og ma kun la yang sbyar ro/ /rdo rje bsgom pa zhes pa lha'i rnal 'byor pas zhes pa'i don to/ /sbyor pa zhes pa ni don yod grub pa ste/ las byung zhes pa ni 'dra pa'i don to/ /rdo rje las byung zhes pa ni rdo rje rgya gram la gnas pa'i don to/ /thams cad mkhyen pa'i tshul thob ces pa ni rtag pa'i yan lag las gyur pI don to/ de'i don yang bzang po zhabs kyis gsungs pa/ zla ba'i dkyil 'khor zhes pa dang/ thams cad pad nyi'i gdan la bsgom zhes so/ /le'u gsum pa'i 'grel pa rdzogs so// //da ni rang gi don rdzogs pa thugs la bzhag nas/ gzhan gyi don du slob dpon gyi las zhes grags pa ri mo'i dkyil 'khor zhu ba dang por byas te gsungs pa/ de nas zhes pa la sogs pa'o/ /yang 'dus nas zhes pa ni mchod pa byas pa dang phyag 'tshal ba'i don to/ /kun zhi ba zhes pa mtshan ma dang bral ba ste/ des na sgyu ma lta bu'i de bzhin gshegs pa zhes pa'i don to/ /chos kun bdag med pa'i mchog ces pa ni tshon la sogs pa chos de kho na bdag med pa'i tha tshig go /de kho na dam pa bshad du gsol zhes sbyir zhus nas phye ba'i rnam pas zhus gsungs pa/ mtshan nyid thams cad ces pa la sogs pa'o/ /de la mtshan nyid thams cad ces pa ni mtshan dang dpe byad do/ /de rdzogs pa'i sku'i mchog ces sbyar ro/ /mtshan nyid spangs zhes pa ni de rnams don dam bar zhi ba'i tha tshig go /kun tu bzang po ni sngar bshad pa de thams cad du shes

  282. 165b

    par bya'o/ /mchog ni sku'i ngo po rtag tu me long lta bu'i ngo bo yin pas de skad ces 'og nas yang sbyar ro/ /zhi pa'i mchog ces pa ni mtshan nyid dang bral bas de kho na so sor rtog pa'i ye shes las byung pas mchog las byung zhes bya'o/ /ye shes spyod pa rnam sbyong? ba zhes la so sor rtog pa gtsor gyur pa'i dkyil 'khor des sems can gyi khams rnam par grol par byed do zhes pa'i don to/ /sems can kun gyi sems chen po zhes pa ni thugs te/ sems can zhes pa ni sangs rgyas thams cad de byang chub chen po la sems dpa' dang ldan pa'i phyir ro// rang bzhin dag pa ni mtshan nyid dang bral ba'o/ /dri ma med pa ni nyon mongs pa la sogs pa dang bral ba'o/ /de ltar yongs su dag pa'i tshig gis zhus nas/ lan gsungs pa/ de nas zhes pa la sogs pa'o/ /'jig rten gsum zhes pa ni lha la sogs pa bcud do/ khams gsum ni 'dod pa'i khams la sogs pa'i snod de/ g.yo ba dang mi g.yo ba thams cad kyi rang bzhin zhes pa'i don to/ /rdo rje gtso zhes pa ni de sangs rgyas rnams kyi yang gtsor gyur pa'o/ /de bzhin gshegs pa kun gyi gnas zhes pa ni bshad ces 'brel te/ ci 'dra zhe na/ sems dpa' zhes pa la sogs pa ste/ 'khor 'dra ba zhes pa ni phyi nang gi rdo rje rab dang phreng ba zlum pos so/ /nyams dga' ba zhes pa ni byang chub kyi phyogs kyi chos kyi ngo bo nyid do/ /bshad ces pa ni ston pa nyid kyis bshad kyi/ gzhan gyis ma yin zhes sdud pa po'i tshig go /da ni ston pa nyid kyi zhal gyis 'ches pa gsungs pa/ de nas shes pa la sogs pa ste/ de nas zhes pa ni da ni zhes pa'i don to/ /yang na gzung ba la sogs pa'i rim pas sa'i dbus na 'dug pa'i slob dpon la/ grogs pos gsol ba btab pa'i de ma thag tu thig le sogs pa'i las bya'o zhes pa'i don to/ /sems kyi rdo rje rab 'dra ba zhes pa ni ting nge 'dzin gyi dkyil 'khor ba'i don to/ /thugs kyi dkyil 'khor de la yang sku la sogs pa dang ldan pa'i phyir na sku dang zhes pa la sogs pa smos so/ /de ni kho na

  283. 166a

    de bshad pa/ lus dang ngag sems rab bsgoms pa'i zhes pa la sogs pa'o/ /de la lus dang ngag sems rab bsgoms pa zhes pa ni thugs kyi dkyil 'khor la slob dpon mi bskyod pa'am/ rdo rje 'chang chen po lta bur bsgoms pa ste/ de bzhin du sku dang gsung gi dkyil 'khor la yang rang gi bdag po ste/ de ltar yang phyi ma las/ sku gsung thugs kyi rdo rje yis zhes pa la sogs pa tshigs su bcad pa gsungs so/ /shes rab can zhes pa ni las kyis rim pa mkhas pa'o/ /thig skud yongs su dag pa gsungs pa/ thig skud ces pa la sogs pa'o/ /sar pa zhes ni gzhan du longs ma spyad pa'o/ /rab tu gtsang zhes pa ni rang gi rigs kyi bu mo gtsang mas bkal ba'o/ /tshad ma zhes pa ni chung dkyil 'khor nyis 'gyur dang spoms su sgo'i nyi shu cha'o/ /rab mdzes zhes pa ni phra sgom dang 'jug mdud med pa dang sngags chus dag par byas pa'o/ /des gdab? la gsungs pa/ khru ni zhes pa la sogs pa ste/ pany+tsa ra ga dag ngos re la khru gsum zhes pa'i don to/ /rab tu rtag ces pa ni twa ra na la sogs pa'i tshul dang ldan par bya zhes pa'i tha tshig go gzhan ni go sla'o/ /de ltar thig btab nas tshon dgye ba gsungs pa/ de'i dbus su zhes pa la sogs pa'o/ /de la tshon ni nang nas dgye bar bya ba yin pas na de'i dbus su zhes brtsams so/ /de ltar gnas bris nas phyag rgya dgod pa ni/ las kyi cho ga mthong ba yis zhes pa la sogs pa ste/ de la las kyi cho ga shin tu brlabs pas ma nor bar dgod pa ste gong ma la yang sbyor ro/ /rdo rje 'bar bas rnam par brgyan zhes pa ni mu khyud la nges mtshon pa'o// sprin gyi mdog dang 'dra ba'i spyan zhes pa des mtshon pa ste spyan gyi phyag rgya kho nas 'khor lo 'dzin pas na spyan gyi de kho na bri'o/ /des spyan ma zhes bya ste phyag rgya de'i bdag mo yin pa'i phyir ro/ /mA ma kI zhes bya ba ni byams pa dang snying rje'i ngo bo yin pas

  284. 166b

    sangs rgyas kun gyi ma yin la/ kI zhes pa ni snying rjer ston te de yang mi 'gal ba'i phyir ro/ /de'i phyir rigs 'byung zhes bya'o/ /kha cig na re gsang ba'i dbang gi sdom pa len pa'i ma yin pas de skad bya'o zhes zer te/ de kho na gsang pa'i dbang gi yul du ? med pas de ni mi rigs so/ /rdo rje zhes pa ni de'i rigs yin pas de kho na bri'o/ /rdo rje 'bar ba zhes pa ni be tson kho na mi mthun pa 'joms pas de skad ces bya'o/ /byang gi phyogs su rdo rje bri zhes pa ni khro bo'i rdo rje'o/ /rdo rje'i bdag po rnams dgod pa gsungs pa/ sems kyi dkyil 'khor zhes pa la sogs pa'o/ /de la kha cig na re sems kyi dkyil 'khor dam pa de zhes pa nas rdzogs pa yin la/ de la lha bcu gsum du smra ste/ de'i phyir khru ni bcu gnyis su byas pa yin te/ 'di nas mar mchod pa yin no zhes zer ro// de ni ma yin te/ bzang po zhabs kyis thugs dang gsung dang sku'i dkyil 'khor la bye brag ma mdzad de/ thugs kyi dkyil 'khor kho na la lha bcu dgu snang ba'i phyir dang/ rnal 'byor ngag lus 'khor lo ste/ gnyis kyi cho ga 'ang gong ma bzhin zhes so/ /de bas na 'di ni mchod pa ma yin gyi lha mo dgod pas nges so/ /lhag ma rnams ni gsal bas ma phye'o/ /da ni mchod pa gsungs pa/ bud med ces bya ba la sogs pa ste/ lo grangs bcu drug ces pa ni thugs kyi dkyil 'khor la ni bcu gnyis ma yin yang nges pa med par bstan pa'i phyir de smos so/ /de yang bzang po zhabs kyis/ shes rab thabs las grub pa 'byung/ /rigs sogs tshang ma don med do zhes gsungs so/ byin gyis de brlabs zhes pa ni/ rang gi rig ma'i sbyor bas byin gyis brlabs pa'o/ /de nas shes rab can dag gis zhes pa ni/ brtul zhugs kyi cho ga shes pa'i slob dpon gyis zhes pa'i don to/ /mA ma kI yang zhes pa ni de kho na las gsang ba'i dbang bskur ro zhes las su ston pa yin gyi/ der byin gyis brlabs pa ni ma yin te/ gong du byin gyis brlabs zhes bstan zin pa'i

  285. 167a

    phyir ro/ /de bzhin du sku dang gsung gi dkyil 'khor la ni spyan ma dang gos dkar mo yang mnyes par bya zhes sbyar te/ de dang 'dra bar rang gi rig ma zhes pa'i tha tshig go /mchod pa'i ngo bo gsungs pa/ sangs rgyas zhi ba'i zhes pa la sogs pa ste/ zhi ba zhes pa ni byang chub sems kyi 'ong las rig ma'i ba spu'i bug la spros pa'i don to/ /de ni gsang ba'i mchod pa'o yang nang gi gsungs ba'o/ /bshad dang zhes pa la sogs pa'o/ /de thams cad kyis don yang bzang po zhabs kyis gsungs pa bgegs bskrad de nas phur btab ste zhes pa nas/ bzlas dang bsgoms nas mgu bar bya zhes pa'i bar gyi tshig gang dang gang yin pa la zhes par bya'o/ /le'u bzhi pa'i 'grel pa rdzogs so// //da ni sgrub pa chen po zhes btags pa sngags kyi spyod pa dang kun tu spyod pa'i sgo nas sgrub pa po gsungs pa/ de nas zhes pa la sogs pa'o/ /gnas kyi dbang phyug ces ni thugs kyi dkyil 'khor la de gtso bo 'am/ yang na sku la sogs pa yang de'i rang bzhin bas de skad ces bya'o/ /kun gyi mchog ces pa ni g.yo ba dang mi g.yo ba kun gyi mchog yin gyi/ lha rnams kyi ma yin te/ de bzhin gshegs pa kun gyi rgyal ba zhes bstan zin pa'i phyir ro/ /chos kyi don zhes pa ni rigs pa'i chos thos par bya ba kho na'i ched du zhes pa'i don to/ /rnam par mi rtog las byung ba zhes pa ni/ phyin ci log gi rtog pa spangs te bya ba kho na'i phyir te spyod pa'o/ /nges yon tan mi 'dod chags la sogs pa'i rigs lnga'i rdo rje'i theg pa mchog de lta bu 'grub po zhes pa 'di yin te/ des ni sngags pa rnams brod pa bskyed pa yin no/ /spyod pa de kho na bsdus te gsungs pa/ rigs ngan zhes pa la sogs pa ste/ spe? sha can la sogs zhes pa ni za ba'i dam tshig gi ngo bor te/ gsod pa zhes pa ni spyad pa'i dam tshig bstan te/ brdzun la sogs pa yang bsdu ste srog gcod pa ni gtsor gsungs so//

  286. 167b

    des ni de lta bu can gyi gang zag ces bsgrub ba po bstan pa'o/ /mtshams med pa byed pa yang 'grub ces pa yar bar bstan pa dang/ 'o na slob dpon smos pa yang 'grub pa ma snyam pa la/ de las lci ba med pas na de ni 'grub par mi 'gyur zhe'o/ /de ni gong ma de dag phe ma gsungs pa/ srog gcod pa'i zhes pa la sogs pas gsungs so/ /yang 'dod pa spyod pa'i khyad par gsungs pa/ ma dang srid mo zhes pa la sogs pa'o/ /de las dang bu mo sring mo rnams ni lo grangs dang dkyil 'khor gyi rim pa las smra bdag ltar na/ nyi shu lnga lon pa dang/ bcu drug ma dang/ bcu gnyis ma ni ma la sogs pa go rim bzhin no/ /yang thugs kyi dkyil 'khor dang sku dang gsung go rim pa las/ ma la sogs pa'i go rim bzhin te/ de yang nges pa kho na ma yin te/ dkyil 'khor gyi rim pa las bu mo 'dod pa de la gzungs ma lo grangs ki tshad las ma'i ngo bo bzhed pa'i phyir dang/ yang dkyil 'khor las mar 'dod pa la lo grangs las bu mor bzhed de/ khru bcu gnyis par ston la/ de ma nges pa'i phyir lo bcu drug ces bshad do/ /de bas gang yang gsang ba'i dbang ? ni de'i ma yin la/ rang gi shes rab ye shes thob pa ni srin mo dang/ gzhan dag ni du mo zhes pa ni nges pa yin no/ /de la mi spyod de zhes pa ni slob dpon gyi gzungs ma yin pas de la spyad pa ni slob dpon mi mnyes pa'i rgyu yin pas sdig pas gos ? pa snyam pa la/ sangs rgyas gtso bo zhes pa la sogs pa gsungs te/ slob dpon gyis snang ba'i khu 'phrig gi rtog pa med pas mi chags zhes pa'i don te/ ma gnang ba la mi spyod do zhes pa'i tha tshig go /da ni tshig de rnams la dbang po dman pa'i ? skye bas de spangs pa'i phyir/ byang chub sems dpa' rnams klan ka sngar? pa'i rim pa gsungs pa/ de nas zhes pa la sogs pa'o/ /de la sgrib pa rnam par sel ba la sogs pa zhes pa ni rdo rje sems dpa' i byin gyis brlabs kyis rkyen gyis/

  287. 168a

    sangs rgyas/ thob pa chos kyi dbyings kyi phro brang na gnas pa yin gyi/ nye bar bsgrub pa'i lha ma yin te/ de ni zhu ba la ma 'byor pa'i phyir ro/ /byang chub sems dpa' i sgra ni gong du bstan te thams cad du shes par bya'o/ /ngo mtshar dang smad ces pa ni tshig dang don la'o/ /zhus pa de kho na mi rigs par mthong nas/ 'khor gyi de bzhin gshegs pas bshur ba byas pa/ de nas zhes pa la sogs pa'o/ /de la mthong zhes pa ni bsam pa de shin tu ngan pas thor zhes zhus pa yin no/ /ci'i phyir zhe na ye shes snying po can rnams kyi zhes pa la sogs pa smos te/ ye shes kho na snying po yin pa 'am/ yang na ye shes kyi snying po byang chub kyi sems dang ldan pa rnams kyi zhes pa ste/ rnams kyi chos nyid 'di zhes sbyar te spyod pa ni rnam par dag pa'i chos nyid yin zhes pa'i don to/ /de'i 'bras bu ni snying po zhes pa la sogs pa ste/ snying po zhes pa ni spyod pa kho na ye shes kyi rang bzhin yin pas de skad do/ /chos zhes pa ni rigs pa'i chos te rnam par dag pa de las ? pa 'di zhes sbyar ro/ /byang chub kyi gnas yin zhes pa'i tshig gis bstan to/ /de ltar rang bzhin dang 'bras bu thob nas de la ngan pa zhes gong du smad pa ni bdag cag ni 'byon pa'i zhes 'jigs pa gsungs pa/ de nas zhes pa la sogs pa'o/ /de rnams kyi don ni go sla bas ma bshad do/ /de nas rdo rje 'char ? ma gru dang bsnyan pa'i chos de kho na la dam pa skyes te bstod pa gsungs pa/ de nas zhes pa la sogs pa'o/ /a ma'o chos zhes pa ni skye ba med pa'i tshul kho na te tshig 'og ma ni rtsa ba bskad ba'o/ /chos kyi don 'byung ba zhes pa ni de las byung ba'i spyod pa'o/ /chos dag pa zhes pa ni spyod pa'i 'bras bu'o/ /rgyal po zhes pa ni spyod pa dang 'bras bu de gnyis ka bdag med pa shin tu rgyal ba'o/ /de ltar spyir gsungs nas/ sku la sogs pa phye ste gsungs pa/ sku dang zhes

  288. 168b

    pa la sogs pa'o/ /sku yang gsung dang thugs dang ldan pas na gsung thugs zhes smos so/ /de kho na mtshan nyid dang bral ba'i dag pa nam mkha' dang 'dra ba las byung ba? dag pa de la gnas zhes bya'o/ /mi 'gyur zhes pa ni sku de dus gsum du mi 'gyur ba ste/ mtshan la sogs par snang ba de yang dag par med ce'o/ /dus gsum dag pa'i lam du byung zhes pa ni thugs de yang stong pa kho na las byung pa'o/ /nam mkha' chen po zhes pa ni thugs su dag pa'i thugs te gcod de las gsung 'byung bas na de ni dbyings zhes bya ste/ gsung de yang stong pa kho na las byung bas nam mkha' i lam zhes bya ste de ni gsung la bstod pa'o/ /nam mkha' dang 'dra ba'i sku las byung ba'i gsung ston pa'i thugs ni rdo rje gsum mchog ste/ thugs de yang stong pa las byung bas nam mkha' i gnas zhes te/ de ni thugs la bstod pa'o/ /le'u lnga pa'i 'grel pa rdzogs so// //da ni sbyor pa dang po la gtogs pa nye bar bsgrub pa zhes btags pa sku dang gsung dang thugs byin gyis brlab pa dang/ rjes su chags pa gtsor ston pa'i le'u gsungs pa/ de nas zhes pa la sogs pa'o/ /de la mi bskyod pa zhes pa ni rdo rje 'chang ba chen po ste/ mi bskyod pa lta bu'i thugs rdo rje'i ting nge 'dzin la zhugs pas de skad ces bya ste/ thams cad du de bzhin du sbyar ro/ /oM zhes pa la sogs pa ni thugs rdo rje'i sa bon las sangs rgyas thams cad zhugs pa'i de ma thag brjod pa ste/ de ltar 'og mar yang sbyar ro/ /de rnams kyi sgom pa gsungs pa/ de bzhin gshegs pa'i rdo rje gsang ba gsum zhes pa la sogs pa ste/ gsum zhes pa dang mtshan zhes 'brel to// thabs kyis zhes pa ni oM la sogs pa'i sa bon gyis so/ /thabs su zhes pa ni sku rdo rje la sogs pa ste/ de bskyed pa la yang thugs kyi mtshan ma kho na mtshan no/ /de ltar bskyed pa yang bskul ba la sogs pa'i rim pas byin gyis brlab par bya'o zhes

  289. 169a

    mdor bstan pa'i phyir/ mchog rab 'di dag ces smos te/ de yang bzang po zhabs kyis skyes bur 'gyur zhes pa nas/ gsang ba gsum mtshan mthong nas su zhes pa'i bar du rgyas par gsungs so/ /de la rjes su chags pa'i sngaD la dkon mchog dpal lta bu'i de kho na chags pa'i rgyu tshor ba'i ngo bo yin pa'i phyir ro/ /mchod pa la yang don yod grub pa smos pa ni de kho na las kyi ngo bo yin pas so/ /de la sngags 'di nyid kyang gong du brjod pa ni ma yin te/ chags pa dang mchod pa'i rjes su de'i mnyam pa'i don brjod pa'o/ /de la 'dod pa'i yon tan lnga zhes pa ni gcor? gsungs kyi lha mo'i ngo bo thams cad gzung ste/ le'u brgyad pa las de ltar snang ngo/ /mchod pa rnam pa lnga zhes pa ni me tog la sogs pa'o/ /de yang bzang po zhabs kyis de ltar dbang bskur rang snying 'od ces pa nas/ oM sarba ta thA ga ta pU triM zhes pa'i bar du tshigs su bcad pa gnyis dang sngags gsungs so/ /da ni sku dang gsung dang thugs kho na byin gyis brlab pa gsungs pa/ de nas zhes pa la sogs pa'o/ /sngags la dmigs pa zhes pa ni rdo rje gsum gyi ting nge 'dzin dang ldan pa'i rnal 'byor pa'o/ /lus zhes pa ni de'i skad pa la gnas pa'i oM gyi sa bon las bskyed pa'i sku'i rdo rje kho na ste/ ngag dang yid kyang de ltar ngo/ /de ltar yang snying mgrin spyi bor gang gnas pa'i zhes pa la sogs pas bstan to/ /bskul zhes pa ni shin tu gsang ba mchod pa mnyes pa'i de ma thag dpal ldan rdo rje thugs 'chang ba zhes pa la sogs bskul ba'o/ /de nas byin gyis brlab pa ni yid ni dga' zhing zhes pa dang/ sangs rgyas dag thugs dgyes nas byin gyis rlab pa ni dngos grub dang mchog stsol bar mdzad ces bya'o/ /da ni gong du byin gyis ma brlabs par bskyed pa de rang bzhin med par bsgom pa gsungs pa/ sems la dmigs pa bdag med par zhes pa la sogs pa ste/ sems zhes pa ni thugs rdo rje'o/ /de bdag med

  290. 169b

    pa sgyu ma 'dra bar bsgom pa de ltar ngag dang lus kyang ngo/ /de yang thog ma rang gi lus la sogs pa rang bzhin med par shes pa las bskyed do zhes pa gsungs pa/ nam mkha' bzhin du mnyam pa'i gnas zhes te/ nam mkha' dang 'dra bar bsgom pa ye shes nyid las de gsum? bskyed pas na gnas she'o/ /sbyar ba rnam pa gsum zhes pa ni rig ma dang sbyor ba'o/ /bsgrub ces pa ni stong par shes pa de las bskyed do zhes pa ste/ de kho na gsal bar byed pa gsungs pa/ lus dang ngag sems mtshan nyid 'di zhes pa la sogs pa ste/ dpyad ces pa ni rang bzhin med par shes par byas nas sngags oM la sogs pas bskyed pa'i rdo rje gsum rig ma dang sbyor bar bsgom zhes pa'i tha tshig go /da ni byin gyis brlab pa'i de ma thag rang bzhin med par bsgom pa gsungs pa/ lus dang ngag sems dmigs na zhes pa la sogs pa'o/ /byang chub med ces pa ni don dam par chos kyi sku la sogs pa med pas de bsgom pa yang med do/ /da ni phra mo'i sbyor ba rdzogs par gsungs pa/ de nas zhes pa la sogs pa'o/ /de la rdo rje 'chang chen po'i phra mo'i sbyor ba la sangs rgyas kyi gzugs rdo rje 'chang ba bsgoms nas phra mo'i ngo bor sbyor ba rtsam ste/ de yang gang zhe na/ nam mkha' i dbyings kyi dbus gnas par zhes te/ rig ma'i gsang ba'i nam mkha' kho na la byang chub kyi sems dang sa bon las gyur pa'i mtshan ma'i gdan zla ba'i dkyil 'khor bsgom zhes so/ /yang mtshan ma de'i lte ba la gnas pa'i? yi ge hUM? gis bskyed pa'i phra mo'i ngo bo gsungs pa/ sna'i rtse mor zhes pa la sogs pa'o/ /yungs kar zhes pa ni le'u gsum pa las bshad pa de zhes dran par byas so/ /'gro dang mi 'gro zhes pa ni g.yo ba dang mi g.yo ba'i ngo bo lha rnams dang de'i gnas zhes pa'i don to/ /yungs kar la zhes pa ni bsgom zhes pa'i don to/ /de'i gnas kyi mtshan ma bskyed pa gsungs pa/ gsang ba'i sngags kyis brtags pa zhes te/ gnas pa ni byang chub kyi sems rang gi ngo bo las byung ba'i mtshan ma'o/ /gsang ba'i sngags kyis

  291. 170a

    brtags pa'i zhes pa ni/ yungs kar la sogs pa la yang sbyar te don ni kun la sbyar ro/ /mi bskyod pa'i gsungs pa/ nam mkha' i dbyings zhes pa la sogs pa ste/ nam mkha' i dbyings ni sngar bshad pa bzhin du kun la sbyar ro/ /de'i mtshan ma ni nyi ma'i dkyil 'khor zhes bye brag tsam gzung ngo/ /sangs rgyas sku'i gnas zhes pa ni byang chub sems las byung ba'i mtshan ma'o/ /de'i steng du zhes pa de ni de'i lte ba'i nyi ma'i steng du'o/ /gnas zhes pa ni rang gi sa bon zhes pa ste de yang kun la sbyar ro/ /brtag pa'i gsungs pa spyan gyi tshul du sbyor ba la zhes pa la sogs pa ste/ spyan gyis tshul ni thabs te rtag pa'i sbyor ba dang ldan pas so/ /rdo rje padmo zhes pa ni phra mo de la sbyar zhes pa ste/ de yang kun la sbyar ro/ /des ni mtshan ma'i rten gsal ba'i dkyil 'khor bsgom zhes pa 'di bye brag go /yang rin chen 'byung ldan gyi gsungs pa nam mkha' i dbyings zhes pa la sogs pa ste/ rin chen dkyil 'khor zhes pa'i don du gsungs so/ /dang po'i sbyor ba zhes pa ni bsnyen pa dang po nas rjes su chags pa'i mthar thug pa'o/ / de yang kun la sbyar ro/ /padmo'i dkyil 'khor zhes pa ni snang ba mdza' yas dang don yod grub pa ste nyi ma'i dkyil 'khor yin no/ /zhi ba zhes pa ni 'od zer las sangs rgyas dang byang chub sems dpa' spro ba yin pas de skad de/ lha spro ba ni zhib tu gsungs par bstan to// gong du sangs rgyas sku'i gnas zhes pa de la bshad pa/ utpal zhes pa la sogs pa ste mtshan yin no/ /de la 'di ni mi bskyed pa yin no/ /de bzhin du rdo rje 'chang chen po yang de las mdog bsgyur bar bzang ngo/ /tsa na ka zhes pa ni snang ba mdza' yas kyi yin no/ /'khor lo la sogs zhes pa ni lhag ma yin no/ /gong du lha spo ba gsungs nas/ da ni mtshan ma spro ba gsungs pa/ sangs rgyas byang chub gnas rnams ni zhes te/ 'od zer kha las rdo rje la sogs pa yang spro ba'i don to/ /chos kyi tshig rnams

  292. 170b

    rab tu brjod ces pa ni/ dbugs kyi yi ges bskul ba/ saM ha ra mi be he zhes pa la sogs pas spro zhing bsdu'o zhes pa'i don to/ /de yang bzang po zhabs kyis rang gi mtshan ma phra mo 'am zhes pa la sogs pa tshigs su bcad pa gcig gsungs so/ /da ni brtan pa'i mtshan ma thog nas rig pa'i brtul zhugs spyad pa 'am/ gzhan dang 'dod pa lta bu rig pa brtul zhugs la gtogs pa gsungs pa/ de nas zhes pa la sogs pa'o/ /gzungs dang sgra dang rdo? ldan par zhes pa ni gsang ba'i mchod pa'i longs spyod do/ /shes rab can zhes pa ni brtan pa'i mtshan ma thob pa 'am gzhan 'dod pa lta bu'o/ /zas su bshad gci zhes pa ni gang gi mchod pa'o/ /zas su sha rnams zhes pa ni gtsang sme'i rtog pa gzhom pa 'am/ de rnams la khyad par gyi yon tan yod pa'i phyir ro/ /de'i yon tan ni byang chub sems dpa' blo chen dang zhes pa la sogs pa'o/ /las kyi go 'phang zhes pa ni zhe ba'i las la sogs pa'o/ /lus ngag sems las 'das pa'o zhes pa ni de rnam par dag par 'gyur zhes pa'o/ /le'u drug pa'i 'grel pa rdzogs so// // da ni sbyo ba gsum la gtogs pa las dbang po dman pa rnams kyi don du bsgrub pa'i sdom pa rjes su dran pa bcu drug gtsor ston pa'i le'u bdun pa gsungs pa/ de nas zhes pa la sogs pa'o/ /de la dam tshig chen po zhes pa ni dam tshig kyang yin la chen po yang yin pas de skad de kun tu spyod pa'o/ /de kho na zhes pa ni nges pa 'am rnam par dag pa'i don to/ /'dod pa'i longs spyod ces pa ni ? ba dang 'go ba la sogs pa'o/ /ji ltar 'dod pa zhes pa ni sems ji tsam 'dod pa'o/ /'di lta bu'i sbyor ba gsungs pa/ / thugs la bzhag pa'o/ /yang 'dod pa'i longs spyod thams cad la zhes pa ni gzugs la sogs pa ste/ 'di dag kun tu spyod pa dang mnyam par bzhag pa'i rang gi lha'i sbyor ba phyag rgya'i dam tshig la yang sbyar te de ltar yang bzang po zhabs kyis/ gzugs

  293. 171a

    sogs 'dod pa'i longs spyod kyis zhes pa la sogs pa'i tshigs su bcad pa phyed dang drug gsungs so/ /dka' thub sdom pa zhes pa la sogs pa ma bkag pa kho nas 'grub kyi/ dga' thub la sogs pas ni ? yin te gzhan du dus min zhes pa la sogs pa'i skyon dang bcas pa'i phyir ro/ /ji ltar 'dod pa bsten zhes pas slong mo pa la sogs pa yang bsten nam snyam pa las/ /de yang g.yeng ba'i rgyu yin pas mi bslang ngo zhes te/ ma bslang ba'ang zhes pa ni rku ba la sogs pa'i brtul zhugs sam/ zas kyi 'du shes bskyung ba'i don to/ /sngags kyi yan lag ces pa ni yan lag bzhi 'am sbyor ba gsum zhes bya'o/ /da ni 'dod pa'i longs spyod kyi yon tan gsungs pa/ lus dang ngag dang sems rnams ni zhes pa la sogs pa ste/ longs spyod kyi 'bras bu ni bde ba yin la/ de'i 'bru? bu ni sbyor ba la spyid ma lug cing rtul phod pa yin no/ /de'i 'bras bu ni byang chub yin no/ /gzhan du zhes pa ni dka' thub kyi lus la sogs pa ma bde na sgyid lug pa nyid kyis dmyal bar skye'o/ /chos mchog mi g.yo ba zhes pa ni 'gyur ba med ba'i sku'o/ /chags pa'i ye shes zhes pa ni bde ba'i ye shes so/ /de kho nas byang chub sems dpa' la sogs pa mnyes pa yin te/ dpa' bo zhes pa ni sangs rgyas rnams so/ / da ni 'dod pa'i brten pa dag gi bsgom pa gsungs pa/ gzugs la rnam gsum zhes pa la sogs pa ste/ rnam gsum zhes pa ni mtshan ma med pa la sogs pa rnam par thar pa'i sgo gsum du shes nas te/ de nyid ces pa ni gzugs gsum po de bzhi rnam par snang mdzad du bsgom pa ste/ sna tshogs zhes pa ni gzugs thams cad kyi rnam pa yin pa'i phyir ro/ /'og ma kun la yang des shes par bya'o/ /'dod chags chos kyi 'byung gnas gtso? zhes pa dang/ thog med rdo rje 'dzin zhes pa ni bsgom pa ste/

  294. 171b

    sgra'i bdag po ni mi bskyod pa yin zhing/ tho'i? bdag po ni snang ba mdza' yas yin pa'i phyir ro/ /de ltar phye ba gsungs nas rdo rje 'dzin pa'i ngo bo bsdus pa gsungs pa/ gzugs sgra rol sogs pa zhes pa la sogs pa ste/ 'di ni zhes pa ni 'di'i sgom pa zhes pa'i don to/ /gsang ba'i snying po zhes pa ni rdo rje 'chang chen po ste/ de ni bsdus pa yin no/ /yang na de la bsgom pa ni zhes pa ni yang na phye ba'i rnam pa gzugs kyi rdo rje ma la sogs pa'i rigs kyi lha mo rnams su bsgom mo/ /de dang kun tu spyod pa mdza' dag gi don de yang bzang po zhabs kyis ting nge 'dzin las ni langs nas su zhes pa nas sangs rgyas kun gyi mchod pa yin zhes pa'i bar du tshigs su bcad pa dgu gsungs so/ /de ni rjes su dran pa gsungs pa/ sangs rgyas rjes su dran pa sbyar zhes pa la sogs pa ste/ de la sangs rgyas ni rtag par gtsor gyur pa'o/ /chos dang rdo rje ni gsung dang thugs gtsor gyur pa ste/ des ni sku dang gsung thugs rnams bsgom par 'gyur ro zhes bsdus pa'o/ /rigs ni rin chen 'byung ba la sogs pa'o/ /khro bo ni gshin rje gshed la sogs pa ste/ des na rnam pa gzhan bstan to lha rjes su dran pa ni de rnams ma yin pa 'og nas 'byung ba gzhin no/ /de dag ni gang phra mo'i sbyor ba las nyams shin gzur ba las kyang nyams pa dag la/ las kyi phyag rgyas dngos su so sor dran ni rjes su dran pa zhes te/ phyi ma las bsgoms nas rjes su dran pa gang zhes pa la sogs pa gsungs so/ /de rnams kyi khyad par gsungs pa/ bud med ces pa la sogs pa ste/ de rnams kyi spyi'i don ni gzung ba las nyams pa de ni dbang po shin tu dman pa yin pas/ sku dang gsung dang thugs dang sems can dang/ sku gsung thugs bsdu ba dang/ shes rab kyi pha rol tu phyin pa dang/ ma skyes pa dang/ dam tshig btung ba dang/ mchod pa rjes su dran pa rnams kyis sngar brod pa bskyed pa la sogs pa byas te/ las kyi phyag rgya

  295. 172a

    btsal nas sangs rgyas rjes su dran pa la sogs pa rang gi tshul dran par bya'o zhes bya ba 'di yin no/ /lo grangs bcu drug ces pa ni srid mo ste gong ma dang 'og mar yang sbyar ro/ /gnas gsum zhes pa ni bsgrub pa ste yan lag gzhan yang shes par bya'o/ /spyan la sogs pa zhes pa ni rang gi rig ma'o/ /ye shes yi ge hUM dang oM dag ces pa la sogs pa ni gsang gnas kyi sbyor ba ste/ hUM gis gsang ba'i rdo rje dang pad+ma'i 'dab ma bsgom/ oM gyis rdo rje nor bu'o/ /as pad+ma'i lte ba/ phaT gnyis kyi man ngag lus bstan pa'i lam du'o/ /de la rjes su dran pa re re nas gsungs pa/ de la zhes pa la sogs pa'o/ /sangs rgyas gzugs zhes pa ni dkyil 'khor rjes su dran pa la sogs pa'i mi brtag pa gtso bor gyur pa bsgom pa ste/ de'i sprin rnams dang spro ba dang bsdu pa la sogs pa sbyar ba ni sangs rgyas rjes su dran pa ste/ de 'og ma bzhi la yang sbyar ro/ /rdo rje 'chang chen po 'am mi bskyod pa'o/ /dam tshig rjes su dran pa ni de rnams kyi sku bskyed pa ste/ khu ba'i thigs pa'i rim pa las rdo rje sems dpa' la sogs pa bskyed do zhes pa'i don to/ /kha cig ni khu ba las rdo rje sems dpa' o/ /de las 'dod pa'i lha'o zhes rkyen du smra ste/ kho bo ni rgyud pa'i rim pa las gang du yang gsang ba'i gnas su bskyed pa rnams las/ rdo rje sems dpa' i rkyen de ma mthong ngo/ /de las phye ba ni dkyil 'khor rjes su dran pa ste/ rang gi khu ba lnga pa kho na las rin po che yungs kar lta bu shin tu zlum pa'i dkyil 'khor bya'o zhes pa'i don to/ /de la sku rjes su dran pa ni sangs rgyas kyi sku ni rnam par dag pa'i phung po lngas rgyas pa ste/ bdag gis kyang deng sang yan chang du de bzhin bsgoms so zhes dran pa ni sku'i rang bzhin zhes bya'o/ /des na bdag kyang de 'dra bar 'gyur ro snyam du phrod pa bskyed par bya'o/ /'og mar yang de bzhin sbyar te/ de dang 'dra zhes pa ni de don? mas?

  296. 172b

    par zhes don to/ /rdo rje 'dzin pa lta bur ni zhes pa ni 'gyur zhes sbyar ro/ /sku dang gsung dang thugs kyis mtshan zhes pa ni sems can thams cad kyi sems ni sku la sogs pa'i rang bzhin no zhes gcig tu brong pa'o/ /de ni nam mkha' ltar mnyam pa'i spyod pa yin no/ / de la sngags thams cad kyi sku dang gsung dang thugs zhes pa ni bsgrub pa'i ngo bo ste/ rdo rje sngags kyi sku gang yin zhes pa ni sangs rgyas kyi rdo rje gsum po dag kyang bskul ba dang/ sngags kyi gsung dang spro ba'i skus bsgoms pa ltar bdag gis kyang deng sang yan chad bsgoms pas de dang 'dra bar 'gyur zhes brod pa ste/ de bzhin yan lag gzhan la yang dran par bya'o/ /yang dam tshig rjes su dran pa gsungs pa/ /khu ba zhes pa la sogs pa'o/ /cho ga bzhin zhes pa ni bzang po zhabs la sogs pas bshad pa'i bdud rtsi'i sbyor ba'o/ / de bzhin gshegs pa'i 'khor bsad na zhes pa ni dbang po dman pa'i rnam par rtog pa bcom pa ste/ gnyis su med ces pa'i don to/ /dngos grub rab tu 'thob par 'gyur zhes pa ni de'i stobs? kyis nyams pa slar gsos par 'gyur ba'i don to/ /rang bzhin gyis ni rab tu gsal zhes pa la sogs pa ni 'di ltar gsungs te/ nam mkha' ltar gsal ba dang/ ma skyes pa dang/ nyon mongs pa med pa dang/ de rtog pa med pa dang/ rgyu med pa dang/ 'bras bu med pa rnams bsgom pa ni shes rab kyi pha rol tu phyin pa ste/ des ni b? mo zhes pa ni 'di yin no/ /de las phye ba'i ngo bo ni rab tu gsang ba dang/ mtshan ma med dang mi 'gyur ba ste/ dbe nam mkha' lta bu dang/ gnyis su med pa dang/ gnyis su med pa ma yin pa dang/ zhi ba dang/ shin tu dri ma med pa ste/ dpe nam mkha' lnga de gnyis ni ma skyes pa de kho na la gsungs pa ste/ de bsgom pa'o/ /de gnyis kyi stobs kyis dbang po dman pa de mchog tu 'gyur ba yin no/ /zhe sdang rigs la sogs pa'i mchod pa ni dam tshig rjes su dran pa ste/ lo grangs bcu gnyis zhes pa

  297. 173a

    ni tha ma gsungs pa ste/ gong ma gnyis kyang sbyar ro/ /rigs kyi sbyor ba zhes pa ni rang gi rig ma'i sbyor ba'o/ /'dir ni de bzhin gshegs pa'i sku zhes pa la sogs pa ni rjes su dran pa thams cad kyi 'bras bu ste/ de bzhin gshegs pa'i sku zhes pa la sogs pa ni mchog go /sku dang zhes pa la sogs pa ni rigs 'dzin no/ /phra mo zhes pa ni mi snang ba la sogs te/ de rnams kyi rgyud kyi cho ga sbyar ba tsam gyis 'grub ces pa'i don to/ /le'u bdun pa'i 'grel pa rdzogs so// // da ni thun mong du gyur pa'i mchod pa'i sdom pa zhes gsungs pa/ de nas zhes pa la sogs pa'o/ /dkon mchog dpal zhes pa ni de'i bdag po yin pas don yod grub pa gzung bar bya'o/ /rdo rje rgyal po zhes pa ni lha rnams kyi mchog ces pa'o/ /theg pa che zhes pa ni de nyid 'bras bu'i theg pa yin no/ /nam mkha' i spyod pa ni nam mkha' ltar dag pa'i spyod pa ste/ de rnam par sbyor bar mdzad pa'i don to/ /rdo rje kun gyi zhes pa ni lha thams cad kyi mchod pa'i dbyings ni rgyu ste/ rdo rje 'chang de yin no/ /rgyal mchog ni bod pa ste/ spyir zhus nas phye ste gsungs pa/ 'dod chags zhes pa la sogs ba'o/ /'dod chags la sogs pa de kho na rdo rje'i theg pa ste/ rab ston zhes pa ni ston pa po sku yin no/ /nam mkha' i dbyings dang mtshungs zhes pa ni sku de shin tu dag go zhes pa'i don to/ /thar pa'i lam zhes pa ni sngags kyi tshul dkyil 'khor la sogs pa ste/ ston pa zhes pa ni gsungs nyid do/ /theg pa gsum ni phyi nang gsang ba gsum pa ste/ de dang mi 'bral ba ni gnas pa yin gyi/ yang de la rtsol ba ni ma yin no/ sangs rgyas dang la mchog ces pa ni skal mchog stsol bar mdzad ces pa'i don to/ /gsung de nam mkha' ltar dag ces bsdu'o/ /sems zhes pa ni thugs te de ni chen po la gzigs pas spyan no/ /chos kyi 'khor lo rab bskor ba zhes pa'i don to/ /

  298. 173b

    thugs de yang sku la sogs pa dang ldan pas sku dang zhes pa la sogs pa smos so/ /de ma thag lan gsungs pa/ de nas zhes pa la sogs pa'o/ /thams cad ces pa ni sku la sogs pa'o/ /kun dbang po zhes pa ni kun gyi bdag po'o/ /de rdo rje dang rin po che 'dzin zhes sbyar ro/ /thams cad dbang bskur ni rdo rje ye shes kyi spyod pa'o/ /mchod pa'i mchog ces pa ni bshad ces 'brel te/ rdo rje mi phyed nyid sku dang gsung dang thugs kyi skal pa mchog ste/ de lta bu'i rgyal ba 'byung ba'i mchod pa'o/ /de'i ngo bo gsungs pa na chung zhes pa la sogs pa'o/ /byol song ni bud med yin la skye gnas ni nyi shu lnga pa ma rnyed na byang chub kyi sems dang ldan nam mi ldan pa brtag pa ste/ ji tsam ro rtsa ba'i mtshan ma mig dang sen mo la sogs pa brtag go zhes pa 'am yang de nyid las rak+ta 'byung ba'i 'du shes par bya'o/ /de ni lo grangs las ma yin no/ /sa phyogs gtsang zhing zhes pa ni gdug pa rnams med pa'o/ /dben pa ni skye'o nyung ba'o/ /rgyal pa'i bdag nyid zhabs kyis bcags pa nyid do/ /gnas kyi khyad par 'di ni le'u bcu gcig pa las shes par bya'o/ /de yang bzang po zhabs kyis gang la yid dga' i gnas su ni zhes pa nas/ tho rangs shar bltas zhes pa'i bar du gsungs so/ /nu ma dang klad pa dang rkang pa'i bar zhes pa ni snying la sogs pa'o/ /lte ba nyid rked pa'o/ /khyad par gyi cho ga de rnams dang/ gzhan yang yan lag bzhi dang ldan pa'i rig ma ni ye shes rgya mtsho ste zab pa'i bdag nyid kyi phyir ro/ /bdag nyid ces pa ni ye shes sems dpa' ste/ gzugs ni ma yin de de ltar yang phyi ma las rig ma yang ni thabs kyi rgyal zhes gsungs so/ /zla ba zhes pa ni nyi ma la gzung ste 'dod pa'i khyad par ro/ /de'i cho ga yang bzang po zhabs kyis de bzhin 'bring la rgyu mthun sogs zhes pa nas sangs rgyas lnga yis gang bar bsgom zhes pa'i bar du tshigs su bcad pa phyed dang

  299. 174a

    gnyis dang snying po lnga gsungs pa ste/ zhi ba rdo rje 'dzin 'dod na zhes pa ni/ zhi ba chos kyi sku de rdo rje 'dzin du 'dod na/ sangs rgyas bsdu pa dag kyang bya'o zhes ye shes rgya mtsho dang bdag lhan cig bskyed do zhes pa'i don to// de'i gnas gsungs pa rin chen zhes pa la sogs pa'o/ /sna bzhi zhes pa ni phyogs la gsungs pa ste/ rin po che nyid ni sna lnga yin no/ /dus gsum gyi zhes pa ni dus gsum gyi sems can gyi 'byung gnas ye shes rgya mtsho yin la/ gnas mchod rten yin no/ /bdag ba spu bu ga zhes pa ni bdag gi rin zhes pa'i don to/ /utpal la zhes pa ni kha dog bzhi'i lha mo'o/ /de bas na bdag ces mang bo'i tshig byas so/ /pad+ma na rig kho na ste de ni ro'i rdo rje ma'o/ /dzA ti kha dog las chos kyi dbyings rdo rje ma yin la/ rnam gsum zhes pa ni rnam par thar pa'i rang bzhin no/ /kar ni ka la sogs pa ni spyan ma la sogs pa'o/ /kha cig na re me tog nyid yin no zhes zer te/ de ni ma yin te/ phyi ma las 'di? la me tog ces brjod pa/ nam mkha' i khams kyi bud med do zhes bshad do/ /gnas kyi khyad par gsungs pa/ dpag tshad ces pa la sogs pa'o/ /'khor lo zhes pa ni rtag pa'i rnal 'byor pa'o/ /gzhan gyi gsungs pa pad+ma rdo rje rin chen dang zhes pa la sogs pa'o/ /de ltar gsang ba'i mchod pa gsungs nas/ phyi'i gsungs pa/ rin chen mchos pa la sogs pas shes pa la sogs pa'o/ /de ltar ma'i gsungs nas srid mo'i gsungs pa/ rin chen 'byung gnas zhes pa la sogs pa ste/ lo grangs bcu drug ma ni mchod ces gsungs so// gong du gsungs pa'i byin gyis brlab pa dang/ mchod pa la sogs pa ni 'dir yang sbyar te/ de bzhin 'og ma la yang sbyar ro/ /khyad par gsungs pa rin chen sna tshogs mchog gi brgyan zhes pa la sogs pa ste/ dbu rgyan la sogs pas klu ? pa'o/ /bsgrub

  300. 174b

    tshe zhes pa ni sbyor ba gsum gyi bsnyen pa'i tshe zhes so/ /rin chen rnams ni zhes pa ni gsang ba'i mchod pa'o/ /zhing 'dir zhes pa la sogs pas ni de'i 'od zer sna sprul ba'i mchod pa ste/ sbyin pa'i pha rol tu phyin pa'i tshogs bsags pa'i phyir nyin de dus bzhir dbul zhes ba'i don to/ /'di rnams kyang lta 'og tu sbyar ro/ /gsang pa'i mchod pa la gtogs pa rang gi reg pa'i dga' ba kho na gnyis su med par kun la dbul bar gsungs pa/ bdag po'i zhes pa la sogs pa'o/ /da ni nang gi mchod pa gsungs pa/ nam mkha' dbyings kyi dbus gnas par zhes pa la sogs pa'o/ /yang bu mo'i gsungs pa/ bzhin bzang zhes pa la sogs pa ste lo bcu gnyis ma yin no/ /khyad par gsungs pa/ mig bzang zhes pa la sogs pa ste/ de yang gong ma? gnyis la yang sbyar ro/ /de rnams kyi don yang bzang po? zhabs kyis/ de ltar dbang bskul rang snying 'od ces pa nas mthar thug pa gsungs so/ /de'i yon tan gsungs pa 'di ni zhes pa la sogs pa'o/ /le'u brgyad pa'i 'grel pa rdzogs so// //da ni sgrub pa chen po la rtog pa spyad pa'i dam tshig gsungs pa/ de nas zhes pa la sogs pa'o/ /de la thams cad ces pa ni sku la sogs pa ste/ gong du sbyar ba rnams las kun tu shes par bya'o/ /sku dang gsung dang thugs longs spyod ces pa ni nges pa'i bsam gtan de kho na zhe sdang la sogs pa'i dkyil 'khor te gsum zhes pa ni gtsor gsungs pa'o/ /nyams ni rab tu dga' ba zhes pa ni dmyal ba la sogs pa'i 'gro ba dgag pa'i yon tan yod pa'i phyir ro/ /sangs rgyas dkyil 'khor zhes pa ni rtag pa'i las byung ba'i pho brang ngo/ /de'i dbus su mi bskyod pa bsgoms? te/ 'di'i skabs su lag tu rdo rje rtse lnga pa kha bzhi pa bsgom zhes ji snyed pa'o/ /dus gsum 'byung ba'i sangs rgyas rnams zhes pa ni dkyil 'khor gyi lha thams cad sgom pa ste/ phyi ma las zhe sdang 'khor lo bskyed par bya zhes te 'og mar yang de ltar sbyar ro/ /

  301. 175a

    rdo rjes phye mar brlag ces pa ni de nas spro ba dang bsdu ba la sogs pa gdug pa can dmyal bar 'gro ba'i don du gzhom pa'i sbyor ba la sogs pas phye mar brlag go zhes ji snyed pa'o/ /thugs kyi dngos grub ces pa sgrub pa po de yang gsal ba rnam par dag pa nyid kyis thugs rdo rjer 'gyur ba ste/ phyi ma las bdag nyid zhe sdang rdo rjer 'gyur zhes so/ /bsgrub bya yang yon tan gsungs pa/ rdo rje gsang ba zhes pa la sogs pa ste/ sems can thams cad ces pa ni sgra rnams kho na'o/ /de yang phyi ma las/ rnal 'byor de yis bzhag byas pa'i zhes pa la sogs pa gsungs so/ /ser sna can gyi don du gti mug gis don bya ba gsungs pa/ de nas zhes pa la sogs pa ste/ rab tu 'jug pas zhes pa ni bka' stsal to zhes 'brel to/ /rin chen kun gyi sbyor ba ni rku pa'i sbyor ba ste/ de'i rim pas phrogs nas zhes sbyar ro/ /ji ltar zhe na/ rdo rje gsum du rnam bsgoms nas zhes te/ de kho na rdo rje gzugs zhes bya ste/ de yang phyi ma las yan lag thams cad yig gsum bdag ces gsungs so/ /de'i sa bon las zla ba dang spro ba la sogs pa'i rim pas phrogs nas bsgrub bya dang sgrub pa po gnyi ga ji ltar gsungs par 'gyur ro/ /rigs rgya mtsho thams cad ces pa ni thun mong du gyur pa ste/ rtag pa ma yin pas kyang sbyad ces bya ste/ gong 'og gzhan la yang de bzhin du sbyar ro/ /yang phrag? dog can gyi don du 'dod chags kyis don bya bar gsungs pa/ de nas zhes pa la sogs pa'o/ /bud med lta bu zhes pa ni rang gi rig mar sbyar zhes so/ /dam tshig bzhi ni bsnyen pa la sogs pa'i yan lag bzhi'o/ /thams cad ces pa ni phrag dog can gyi bud med do/ /bsgom par bya zhes pa ni dgug pa la sogs pa'i sbyor bas zhes ji snyed pa'o/ /de ltar lus kyi las rnam par dag pa gsungs nas ngag gi gsungs pa/ de nas zhes pa la sogs pa'o/ /de la gang brdzun gyis 'dul ba dag mthong nas cho ga thams cad spyad de phan pa'i tshig ni

  302. 175b

    rdo rje'i tshig ces bya ste/ yang dag par bden pa zhes bya ba'i don to/ /de ltar yang/ gzhan la gcig tu phan pa bden/ phan pa med phyir cig shos med ce'o/ /des na nyes pas ma gos pas/ nam mkha' i gsung ni dri ma med ces bya'o/ /don ji lta ba bzhin du spro? pa? zhes ba? ni rdo rje gsum gyi sa bon las de'i don du spro pa dang bsdu ba la sogs pa bya ste/ phyi ma las nyid kyis bzla zhing spro bar bya'o zhes so/ /ngag gi dam tshig lhag ma gsungs pa/ de nas zhes pa la sogs pa ste/ 'dir yang des 'dul pa rnams la cho ga thams cad spyad de smra ba'o sogs zhes pa ni ngag kyal pa dang phra ma bsdu'o/ /yid kyi las ni gzhan gyi don ma yin te/ mnar sems la sogs pa ni nyon mongs pa kho na yin pas mi bskyod la ci ste rkyen gyis byung na yang phyi ma las bshad pa bzhin lha'i rnam par bsgom te/ de ni kun tu spyod pa yin gyi sngags kyi spyod pa ni ma yin no/ /de rnams kyi don yang bzang po zhabs kyis 'gro ba'i don ni ci rigs par zhes pa nas/ de rtogs ye shes la ni med ces pa'i bar du tshigs su bcad pa phyed dang bzhi gsungs so/ /da ni le'u lnga par the tsom gsal na yang yid ches par bka' pa'i tshul gyis ngo mtshar gyi glan ka spangs pa gsungs pa/ de nas zhes pa la sogs pa'o/ /dam tshig rdo rje zhes pa ni sa'i snying po'o/ /de bzhin gshegs pa thams cad ces pa ni 'khor rnams sngar bshad do/ /dngos su dman pa'i tshig ma zhus pas dman pa'i 'du shes gsungs so/ /'di'i don ni nam mkha' ltar mgos pa dang mi gnas pa dang/ sems can gyi bsam pa zhe sdang can la sogs pa la/ don du 'gyur bas bshad do zer pa 'di yin no/ /btsubs shing zhes pa'i dpe ni mi gnas kyang 'bras bu'i rnam pa ji skad gsungs pa yang mi bslu ba'o zhes ston pa'o/ /don dam pa zhes pa ni bsam gtan gyi las de dag rang bzhin med pas zin pa ste/ de yang phyi ma las sgyu ma 'dra ba'i dngos po kun zhes pa dang/ gzhan yang 'di nyid las yang dang yang du bshad do/ /de kho

  303. 176a

    na zhes pa ni nges par bya ba ste de ltar yang/ bdag nyid sdig pas ma gos pas/ bsang pa la sogs pa nges par gnyer zhes pa'o/ /le'u dgu pa'i 'grel pa rdzogs so// //da ni zhi ba'i snyen pas dam pa'i mtshan ma ma thob pa la drag shul gyi gcor ston pa'i le'u gsungs pa/ de nas zhes pa la sogs pa'o/ /'dus te zhes pa ni mchod pa byas te zhes pa'o/ /sngags zhes pa ni lha rnams te/ de'i snying po kun tu bsdus pa ni drag shul gyi cho ga ji snyed pa'o/ /dngos grub chen po zhes pa ni mchog gi dngos grub bo/ /de'i tshul ni thabs so/ /de'i mchog ni drag shul te chen po zhes pa ni gtsor gsungs pa ste/ thun mongs rnams kyi tshul gyi yang mchog ces shes par bya'o/ /yang dag ces pa ni rgyu dang 'bras bu zhes pa'i don te/ de ni 'og nas 'byung ba 'bras bu rnams kyang zhus pa yin te/ sangs rgyas rnams kyi gsung gi ni zhu ba sngon du ma song par tshul ma yin no/ /nyon mongs kun gyi rgya mtsho ni rigs lnga'o/ /de'i gtso zhes so/ /de la lus dang ngag dang sems shes pa la sogs pas ni sgrub pa gtsob? gsungs pa ste/ de bzhin du thabs gzhan la des mtshon nas/ de sgrub pa'i rnal 'byor pa ge? lta ma grub na zhes mtshams sbyar ba'i don to/ /rig pa bye ba khrag khrig ces pa ni zhi ba la sogs pa sems can gyi don gyi thabs te/ de yang bzang? po zhabs kyis gsungs pa/ so sor zhi ba la sogs bskul zhes pa dang/ phreng sngags la yang rig par gsungs she'o/ /kyang zhes pa ni sngags kyi spyod pa bsnyen pa'i rnal 'byor pa brtson pa nyid kyi phyir spyan ras kyis mi 'tsho ba srid ces lhag ma can gyi don to/ /rdzogs par 'gyur snyam pa ni brtson pa nyid kyi phyir ro/ /de bzhin gshegs pa ni sku'i ngo bo ste/ dam tshig ni grub pa'o/ /dmigs pa ni gsol bar mdzad pa ste/ de ltar 'og ma la'ang sbyar ro/ /'di nyid kyi zhes pa ni 'das pa'i sangs rgyas

  304. 176b

    rnams kyis kyang gsungs zhes ston pa ste sdud pa po'i tshig gi ni ma yin no/ /de nas zhes pa la sogs pa ni yon tan te/ de'i dus na yang de ltar gyur la/ rnal 'byor pa 'di zlos pa yang yon tan de thob pa ste/ rdo rje sems dpa' rjes su dran zhes pa ni grub pa la sogs pa'i dam tshig dran pa'o/ /de ltar yin na grub pa'i rang bzhin gyi sems kho na'i bag chags sbyangs pa las byung ba ste/ de ltar bco lnga pa las yid bzhin gyi nor bu'i dpe dang/ bzang po'i zhabs kyis kyang/ sems las yang dag byang chub 'byung zhes pa la sogs pa gsungs so/ /da ni rnal 'byor pa rnams kyi sbyor ba la sems can thams cad dbugs 'byung ba'i sbyor ba'i don du rdo rje sems dpa' bskyed pa la rdo rje nga rgyal ma gtogs pa'i mngon par byang chub pa'i rim gsungs pa/ de nas zhes pa la sogs pa ste/ dkyil 'khor bkod pa zhes pa ni thabs dang shes rab kyi ye shes kyi zla ba'o/ /de'i dbus nas zhes pa ni dbus kyi zla ba'i gdan la'o/ /yi ge hUM zhes pa zla ba gnyis las gyur pa'i sa bon no/ /rang gi gzugs zhes pa ni sa bon las gyur pa'i rdo rje'o/ /sangs rgyas kyi ni zhes pa la sogs pa ni de las gyur pa'i sku'o/ /kha cig na re de'i dbus nas zhes pa ni zla ba gnyis/ yang gang sa bon bar na gnas zhes smra pa'o/ /de'i don dang nga rgyal dang bcas pa yang bzang po zhabs kyis/ rang gi mtshan dang ldan pa'i zhes pa nas/ 'od 'phro 'bar ba bsgom par bya zhes pa'i bar du tshigs su bcad pa phyed dang lnga gsungs so/ /da ni rgyal ba mchog gi lha rnams bskyed pa'i sa bon gsungs pa/ rang gi dkyil 'khor zhes pa la sogs pa ste/ dper na phag mo gcig gi mngal du sa bon gcig las phrug bu mang por 'gyur pa ltar/ rang gi yi ge kho na las thams cad skyed pa ste/ de ni snying po bsdus pa yin no/ /de yang bzang po zhabs kyis snying zla'i ral gri snying 'od kyis zhes pa la sogs pa gsungs pa las zhes par bya'o/ /da ni drag shul gyi snying po dang 'grel pa

  305. 177a

    gsungs pa/ rang sngags skyes bu zhes pa la sogs pa'o/ /gnas bzhi zhes pa ni snying ga la sogs pa ste/ des ni sangs rgyas dgug pa spro ba'i don du phyag rgya bzhi gsungs pa yin no/ /phyag rgya de'i thugs ka yang yi ge dang bcas pa'i mtshan ma bskyed pa'i don du sa bon gsungs pa/ snying ga'i zhes pa la sogs pa ste/ phra mo'i zla ba dang nyi ma bsams te de la yi ge dgod/ de la mtshan ma rdo rje chen po rtse? lnga pa la sogs pa'o/ /de'i sa bon las 'pho ba'i kyo ba gsungs/ rdo rje kyo ba zhes pa la sogs pa ste/ khyad par zhes pa ni 'khor lo la sogs pa'i kyo ba ste/ de yang bcu bzhi pa las/ 'khor lo rdo rje padmo che/ rdo rje kyo ba'i khyad par gyis/ zhes so/ /rdo rje gsum rnams zhes pa ni sangs rgyas dgug pa la ni rdo rje gsum po la gzugs gnyis spro ba'i don te/ 'og nas shes par bya'o/ /hUM la sogs pa'i dbus kyi yi ge ste/ des gong du bshad pa'i snying po lnga po dag bskul ba'o/ /dza zhes pa ni aM gu sha dza:/ zhes kyo bas drang ba'o/ /phaT zhes pa ni drag tu bskul ba 'am/ kha cig na re phur pa gdab pa la ming dang mA ra phaT ces gdab? pa yin no zhes zer ro/ /rdo rje rigs kyi gsungs nas/ 'khor lo'i rigs la sogs pa gsungs pa/ 'khor lo pad+ma zhes pa la sogs pa'o/ /mchog stsol ba dag rnam par gzigs zhes pa ni spyan ras kyis mcho? zhes pa'i don to/ /de ma thag dngos grub stsol pa gsungs pa/ yid 'jigs shing zhes pa la sogs pa'o/ /'gal bar byas shes pa bsgrub pa po des bskul ba'i sems ma yin par/ zhe sdang kho nas sangs rgyas la drag shul byas pas 'tshang de nas zhes pa la sogs pa gsungs pa'o/ /de la sngags kyis bskyed pa'i skyes bu ni sngags kyi skyes bu ste/ sngags kyi sems dpa' ma yin pa'i don to/ /de ni dang po'i las can no/ /de bzhin ni gzhan dag pa'i don to/ /da ni dang po'i las can la sogs pa dang/ rig pa'i brtul zhugs la gtogs pa'i dam tshig dang

  306. 177b

    dam tshig gi dkyil 'khor la sogs pa gsungs pa ni sngags kyi sems dpa' zhes te/ ji snyed pa zhes pa ni rnal 'byor pa thams cad do/ /rdo rje gsum gyi ye shes rdzogs zhes pa ni sgrub pa ste/ lus kyi lha'i mchog yin te gtsar? smos kyi yan lag lhag ma yang sbyar ro/ /dngos po thams cad brtag par zhes pa ni bde chen byang chub kyi sems te/ de brtag ces so/ /de yang g.yo ba dang mi g.yo ba kun gyi rnam pa gnyis su med pas dngos po thams cad ces te/ de ni dam tshig ste shes rab ye shes kyi dbang du smra ba ni ma yin no/ /de'i thabs dang shes rab kyi dkyil 'khor ni rig ma dbang phyug ces pa la sogs pa ste/ de'i don ni hUM gis rdo rje bskyed pa la sogs pa thams cad rdzogs par byas te/ shes rab la chags pa'i sems kyis lta'o zhes pa 'di yin no/ /de'i bud med gsungs pa/ 'jig rten zhes pa la sogs pa ste/ bcu drug pa las lha mo klu mo gnod sbyin mo zhes pa la sogs pa la gsungs pa/ der spro bya zhes pa ni spro ba dang bsdu ba dag gis rigs lngas byin gyis brlab po zhe'o/ /de'i yon tan gsungs pa rdo rje gsum po zhes de ni sku gsum yin no/ /byang chub sems zhes pa ni bde ba chen po yin no/ /rdo rje sems dpa' i tshe zhes pa ni mi 'gyur ba'i tshe des 'thob ce'o/ /'di'i cho ga zhib du ni bcu drug pas stan to/ /le'u bcu pa'i 'grel pa rdzogs so// // da ni dngos grub kyi zhing zhes pa sbyor ba rnams kyi gnas gtsor bstan pa'i le'u gsungs pa/ de nas zhes pa la sogs pa'o/ /de la drug pa las thabs kyi thabs zhes pa de'i sa bon dang ngo bo gsal bar gsungs pa/ rdo rje gsum mchog ces pa la sogs pa ste/ lus kyi lha'i mchog yin na rdo rje gsum mchog ce'o/ /byang chub thob pa'i thabs yin pas rdo rje gsum gyi phyag rgya chen po de ni thabs su zhes bya'o/ /yi ge'i sngagS de gnyis gsungs pa/ oM gyis sku rdo rje bskyed de/ de bzhin du 'og mar yang sbyar bar bya'o/ /da ni

  307. 178a

    bzhi'i ting nge 'dzin la gtogs pa rdo rje rgya gram la gnas pa'i pho brang gi sa bon gsungs pa/ dkyil 'khor zhes pa la sogs pa ste/ rdo rje kun zhes pa ni rtse mo gsum pa'i rgya gram mo/ /de las skyes pa'i pho brang gi sa bon ni b+h+ruM ste/ rdo rje sprin ni kun bskyed pa zhes pa ni rdo rje rgya gram kho na yin na/ /rdo rje dkyil 'khor zhes pa la sogs pas ni gong du gsungs pa'i rdo rje gsum gyi sa bon de'i gnas gsungs pa ste/ rdo rje dkyil 'khor zhes pa ni klad pa la gnas pa'i oM gyis bsnyen pa'i 'khor lo ste mi phyed pa'i phyir ro/ /de'i lte ba'i zla ba la gnas pa'i oM gyis rim pas sku'i rdo rje bskyed pa ste de bzhin 'og mar yang sbyar ro/ /gsal ba zhes pa ni pad+ma ste dri ma med pa'i phyir ro/ /chos zhes pa ni rdo rje ste/ de kho na rigs pa'i chos yin pa'i phyir ro/ /de ltar yang zla ba las/ sku gsung thugs kyi rdo rje can/ /rdo rje gsal chos 'khor lo yi/ /gnas de la ni brtag byas nas zhes so/ /da ni le'u dang por zhus pa las/ bsnyen pa dang po nyid kyi ngo bo la gtogs pa'i lha mo bzhis bskor ba dang/ bskul ba la sogs pa ma yin pa'i yi ge dang/ bdud brtsi'i rim pa gsungs pa/ yi ge b+h+ruM gyis zhes pa la sogs pa'o/ /rdo rje gsum 'byung zhes pa ni yi ge gsum ho dang bcas pa dang/ de las byung ba'i dam tshig bsgom zhes pa'i don to/ /de kho na gsungs pa/ snying po dus gsum zhes pa la sogs pa'o/ /mnyes byed ces pa ni rdo rje sems dpa' byang chub sems las gyur par pad+ma'i nang na gnas pa thabs dang shes rab kyi ngo bo ho gnyis gsungs so/ /sku gsung thugs ni de'i bar na gnas pa'i oM la sogs pa ste/ oM ni sangs rgyas sku'i mchog ces pa la sogs pa'o/ /sangs rgyas rgyu dang 'bras bu 'gyur zhes pa ni des rdo rje 'chang chen po 'am mi bskyod pa la sogs pa'i rig pa'i lha bskyed do zhes pa'i don to/ /rdo rje mi phyed gsum bsgoms pas zhes pa ni de zhu ba las gyur pa'i

  308. 178b

    ye shes kyi bdud rtsi ste de kho na dam tshig go /rdzogs par 'gyur zhes pa ni de la bskul ba la sogs pa'i rim pas sku longs su rdzogs par 'gyur zhe'o/ /de yang bzang po zhabs kyis/ oM A(rgyud 'grel): hUM zhes bya bas sems dpar ho zhes pa nas sku gnyis zhu bar byas pa la zhes pa'i bar du tshigs su bcad? pa phyed dang gnyis gsungs so/ /da ni thun mong gi bsgrub pa'i cho ga dag las bsam gtan la brten pa gsungs pa/ dben zhing zhes pa la sogs pa ste/ nyams dga' ba zhes pa ni me tog dang 'bras bu la sogs pas brgyan pa ste/ rigs bsgrub pa la sngags pa'i phyir ro/ /rang gi sngags kyi dam tshig ces pa ni rtag pa'i dam tshig sems dpa' o/ /yi ge oM ni snying gar bzhag ces pa ni ye shes sems dpa' i mtshan ma la b+h+ruM bsal te/ oM kho na bzhag ces pa'i don to/ / 'od zer lnga yi sprin chen po zhes pa ni ye shes sems dpa' ste rnam par snang mdzad kyi ngo bo'o/ /oM yang kha dog lnga pa yin no/ /rdo rje'i sku zhes pa ni rnam par dag pa'i sku ni ma yin gyi mdog la sogs pa 'dra ba'o/ /ye shes lnga ldan zhes pa ni de'i rig ma ste/ ye shes lngas byin gyis brlabs pa'i phyir ro/ /cho ga 'di rnams ni 'og tu yang shes par bya ste/ 'di rnams kyi thun mong gi cho ga le'u bcu gnyis par bshad par bya ste/ de kho na skabs yin pa'i phyir ro/ /dam tshig ye shes zhes pa la/ dam tshig ces pa ni dam tshig gi phyag rgya ye shes zhes pa ni ye shes sems dpa' ste/ de'i thugs kar yang oM ste tshig gi dam tshig ni oM yin no/ /tshig gi lam gnas zhes pa ni dag gi lam la gnas pa nyid do/ /da ni chos kyi dbyings la gnas pa'i pad+ma dang rdo rje rgya gram gsungs pa rdo rje kun dang zhes te rdo rje kun ni rgya gram mo/ /rgyal ba'i gnas ni pad+ma ste/ /rnam par dag pa'i gnas yin no/ /'dir gang gtso bo gsum gyi rigs 'dzin gsungs pa ltar rang rang gi yi ges kun la sbyar bar bya ste/ 'dir ni gtsor gsungs pa yin no/ /de bzhin du 'og /?

  309. 179a

    ma kun la yang sbyar ro/ /mi snang bsgrub pa las dum bur bcad de de'i bdag po nyid kyis bsgrub pa gsungs pa/ ye shes dkyil 'khor dbus su ni zhes pa la sogs pa'o/ /ye shes dkyil 'khor ni rtag pa'i pho brang ngo/ /rdo rje chen po ni nam mkha' i snying po ste/ mi snang ba'i ye shes kyi rdo rje de'i bdag po yin pas chen po'o/ /lus rnams kun la zhes pa ni gnas bzhi la rang gi mtshan ma khaM bsam mo/ /mkha' 'dra zhes pa ni mi snang ba'o/ /byang chub sems dpa' rnams kyi rigs 'dzin gsungs pa rdo rje zhes pa la sogs pa ste/ 'od zer zhes pa ni ye shes sems dpa' kha dog lnga pa zhes pa'i don no/ /bsam gtan de kho na longs spyod yin no/ /de bzhin du byang chub sems dpa' gzhan rnams kyi longs spyod rjes su dpag go /'od zer 'bar ba'i yi ge thhiM? zhes pa ni/ mngon par shes pa'i sa bon du gsungs te/ lha gang yang rung ba'i sbyor ba can gyis rang dang 'dra ba'i sku'i rdul phra rab las grub pa'i lus la bsam zhes te/ ngag la zhes bya ba ni de kho na rang gi gnas lnga la bzhag par byas pa ste/ cho ga ni 'og nas bshad do/ /sangs rgyas mngon shes dam tshig mchog ces pa ni de'i bsam gtan de kho na dam tshig ste/ des sangs rgyas kyi mngon par shes pa dang mtshungs par 'gyur zhes pa sngags pa'o/ /yang rigs 'dzin gyi khyad par gsungs pa/ nam mkha' i dbyings zhes pa la sogs pa'o/ /rdo rje sems dpa' ni rdo rje 'chang chen po 'am mi bskyod pa'o/ /rdo rje dam tshig gsum bsgom pas zhes pa ni stong pa nyid kyi ye shes kyi oM sku gsung thugs rdo rje mtshan ma la rang gi yi ge gsal nas dgod par bya'o/ /de bzhin du 'og ma kun la yang sbyar ro/ /lus dang ngag sems rdo rje yis zhes pa ni gong ma'i bsam gtan des shes pa'i don to/ /ye shes gsang bar zhes pa ni stong pa nyid la sogs pa bzhi'o/ /'dir rtag pa tha mar byung ba ni de'i gzhi yin pa'i phyir ro/ /'dir yang

  310. 179b

    lha thams cad la oM sbyar ro/ /da ni dngos grub kyi zhing nyid gsungs pa/ shin tu dben pa'i zhes pa la sogs pa ste/ shin tu dben pa'i ri phug ni mi snang ba'i gnas yin no/ /rnam pa sna tshogs zhes pa ni me tog la sogs pa can ni rigs 'dzin gyi yin no/ / rlung dang 'bab chu ni rgya mtsho rkang pas bcag pa yin no/ /dur khrod ni mngon spyod kyi yin no/ /sogs zhes pa ni dgug pa la ni lam gyi bzhi mdo la sogs pa'o/ /mngon shes la ni drang srong gi gnas la sogs pa yin no/ /bsnyen ba'i dus su ni zhi ba'i gnas de thams cad yin te/ brgyad pa las/ zhi ba'i gnas rnams su zhes bstan to/ /'di rnams ni nye bar brtags pa ste/ thams cad du ma nges pa'i phyir re re la yang gnas kyi khyad par mang po smras pa yin no/ /bsam gtan bsdus pa zhes bya bas ni dngos grub thams cad yin no/ / mngon par shes pa rdzogs pa gsungs pa/ mi bskyod ye shes dag la sogs shes pa sogs pa ste/ sangs rgyas mchog ces pa ni zhabs kyis bcags pa dang/ drang srong mchog rnams kyi gnas su mngon par shes pa sbyar ba ste/ rdo rje chen po rtse lnga pa zhes pa la sogs pa'i don ni rdo rje sems dpa' i sbyor bas mig dang rna ba dang dpral ba dang snying ga dang lte ba dag la rang gi sa bon las skyed pa'i rdo rje lnga/ de'i lte ba la thhi? lnga sbyar bas de ltar 'gyur te zhes pa yin no/ /'khor lo la sogs pa yang de bzhin sbyar ro/ /da ni bzhi'i ting nge 'dzin la gong du bshad pa'i b+h+ruM las gyur pa'i 'khor lo dang/ de las gyur pa'i brtag pa'i sku gsungs pa/ rdo rje nam mkha' zhes pa la sogs pa ste/ sangs rgyas 'dug pa zhes pa ni spro ba dang bsdu pas so/ /sangs rgyas mchog dang 'dra zhes pa ni rtag pa'i sku de kho na'o/ /da ni las kyi mchog gi sbyor ba la thig le'i sbyor ba gsungs pa/ sangs rgyas dkyil 'khor zhes pa la sogs pa ste/ bdag gi lus la snang mdzad bzhag ces pa ni ye shes sems dpa' o/ /oM zhes pa ni 'dod pas oM nyid dang b+h+ruM mo/ /sngags kyi rnam par shes pa bsgom ste/ de kho na 'gog

  311. 180a

    pas rdo rje zhes te/ 'gog pa ni dbugs 'gog pa'o/ /rdo rje ni thig le'i lha rnams so/ /de kho na spro ba dang bsdu ba ste rang gi sems nyid dang gnyis su med par bsgoms te 'og mar yang de bzhin sbyar ro/ /oM zhes pa dang dzri dam? oM nyid yin no/ / 'di dang bzlas pa dag ni sbyor ba'i cha zhes bya ste/ bzang po zhabs kyis gsungs pa/ ye shes sems dpa' i snying po yi/ /thig le rang sems 'od dgod do/ /sngags kyi rnam shes bsgom pa ni/ sbyang ba'i cha zhes bya bar bshad/ /bying ba'i sems las slong ba yi/ /de bzhin bzlas pa'i ngo bo yang zhe'o/ /'dir gtso bo gsum la sbyar ba ltar kun la sbyar ro/ /de'i cho ga yang bzang po zhabs kyis/ snying 'od sprul pa'i 'gog pa'i sa zhes pa nas/ 'gro ba'i don du gang yang spro zhes pa'i bar du tshigs su bcad pa bzhi gsungs so/ /yang rigs 'dzin gsungs pa/ rdo rje nam mkha' i zhes pa la sogs pa'o/ /lus ngag sems la zhes pa ni/ rdo rje gsum gyi g.yas su 'am/ yang na de'i thugs ka'i g.yas su ste/ de'i thugs ka nyid ni ma yin te gong du bshad pa'i phyir ro/ /sku dang gsung dang thugs rdo rje'i zhes pa ni 'das ma thag pa'i yon tan no/ /le'u bcu gcig pa'i 'grel pa rdzogs so// //da ni 'bras bu'i ngo bo las thun mong gi bsgrub pa rnams gsungs pa/ de nas zhes pa la sogs pa'o/ /skyed pa zhes pa'i rgyu'i rnam pa yin pa'i phyir ro/ / mkha' dang mtshungs pa nyams 'gyur ba zhes pa nas/ /rol mo 'di dag rab tu bsgom zhes pa'i bar du nam mkha' lta bu'i ngo bo dag las thun mong gi bsgrub pa dang bsgom mo/ /zhes spyir gsungs pa yin no/ /de dag kyang gang dag yin zhe na/ rigs 'dzin dang/ mi snang ba dang/ mngon par shes pa dang/ las kyi khyad par dang/ rgya mtsho rkang pas bcag pa dang/ sngags kyi khyad par rnams kyi bsgrub pa dang/ dpag pa dang/ mig rnon te brgyad po de dag gi thun mong gi bsgrub pa yin te/ de ltar yang/ thun mong bsgrub pa brgyad dang ni/

  312. 180b

    mchog gi sangs rgyas dngos po yin/ zhes so/ /de dag gi khyad par gyi dbye ba ni rang rang gi skabs su dbye'o/ /de la 'di rnams kyi thun mong gi cho ga ni thog mar bsnyen pa dang bsgrub pa dag gis rnal 'byor bzhi'i rim pas grub pa dam pa'i mtshan ma thob nas/ rang gi sngags la de kho na gsum gyi mchod pa 'bul byas nas/ rang dang mthun pa'i gnas su lha rnams kyi gnas nas lha re re 'am tshang ba gang la ji ltar rigs pas nye ba'i bsgrub pa la sogs pa byas te/ de lam gtogs par ji skad bshad pa'i cho ga dag gis sgrub par bya ba 'di yin no/ / de ltar bzang po zhabs kyis/ yang na grub pa'i mtshan ma ni zhes pa la sogs pa dang/ don bsdus pa'i tshigs bcad gsungs pa las shes par bya'o/ /da ni de rnams kyi cho ga bshad pa gsungs pa/ mgon po chen po zhes pa la sogs pa ste/ mi snang ba'i gnas yin no/ /'og ma ni rigs 'dzin gyi yin no/ /lus dang ngag sems rdo rje la zhes pa ni rdo rje sems dpa' ste rkyen no/ /rdo rje 'jam pa zhes pa ni de zhu bas muM las skyed pa'i 'jam dpal ye shes kyi mdzod bsgom pa ste/ rkyen de ni gzhan 'dir sgyur na dgos kyi/ rang la ni ma yin te 'og nas ston to/ /de nas rang gi sngags kyis bskyed pa'i ral gri la gnas bzhir khaM bsgom par bya'o/ /spro ba la sogs pa ni rang gi sa bon kho na las bya'o zhes te/ de yan chad du bsam gtan las byung ba'i rig 'dzin dang/ mngon par shes pa dang mi snang ba rdzogs so/ /rdzas la gtan pa'i mi snang ba gsungs pa/ rdo rje mi phyed gsum las byung zhes pa la sogs pa'o/ /rnal 'byor pa de kho na las byung ba'i bshang gci'i ril bu gser dang dngul dang gsum gyis ldan par bya ste/ gsang bar bcug nas bsgoms na zhes te/ 'dir ma smos pa ni 'og tu shes par bya'o/ sngags kyis bskyed pa'i rang gi dkyil 'khor gyi 'khor lo der bsgoms na zhes te/ 'dir ma smos pa ni 'og tu shes par bya'o/ /yang rdzas la brten pa'i rig 'dzin gsungs pa/ 'khor lo 'od 'phro zhes pa la sogs pa ste/ rtag pa'i sbyor ba can gyis rang gis mtshan ma

  313. 181a

    rang gi sngags las byung ba'i sangs rgyas kun gyi gnas su bsgoms nas zhes te/ de bzhin du gzhan la yang sbyar ro/ /ri rab sum cu drug ces pa ni stong gsum gyi stong chen po ste/ sum cu zhes pa ni stong gsum mo/ /rtsa drug ni de'i phyogs drug gi ngo bo zhes te/ de'i phyir don yod grub pa la/ stong gsum na ni mchog tu dpa' / /zhes smos pa yin no/ /ye shes lnga ldan zhes pa ni gong du bshad pa bzhin te kun la shes par bya'o/ /'dir ma rdzogs pa ni 'og tu sbyar ro/ /da ni ril bu'i 'phro 'du gsungs pa/ oM gyis zhes pa la sogs pa ste/ rdo rje 'jam pa'i sbyor bas gong du bshad pa'i rim gyis rdo rje mi phyed pa las byung ba'i bshad gci'i cho ga bzhin spyad do/ /oM ma ma muM las byung ba'i phyi nang gi dkyil 'khor rang gi lha bdag por byas pa dang/ ldan pa'i ril bu tsa na ka tsam gsang bar bcug nas/ yi ge gsum gyis bskul ba rang gi sngags bzlas te/ 'phar nas zos nas shes te/ 'di yang ma rdzogs pa'i cho ga ni bco lnga pa las shes par bya'o/ /yang rig 'dzin gyi 'phro gsungs pa/ mkha' dbyings gsal ba'i dkyil 'khor gnas par zhes pa la sogs pa'o/ /rtag pa'i sbyor ba las gong du bshad pa'i rim pas gser la sogs pa'i 'khor lo rang gi sngags kyis bskyed pa'i nang gi dkyil 'khor rang gis gtso bor byas pa dag dkyil 'khor gyi dbus su bzhug ste/ gong ma bzhin du sngags bzlas nas/ 'khor lo de 'phag gam 'phar nas lag tu blangs na/ ji skad gsungs pa'i yon tan du 'gyur te de bzhin kun la sbyar ro/ /tri shul zhes pa la sogs pa ni mtshan ma de dang ldan ba'i rnams te rdo rje khyad par zhes pa ni ltar? khyad par te/ de'i khod ma bzhin no/ /grub pa de dag thams cad la lha ni rang gcig bu'i sbyor ba yin no zhes shes par bya'o/ /da ni bsam gtan la brten pa'i dgug pa las sangs rgyas dgug pa gsungs pa/ lam gyi bzhi mong

  314. 181b

    zhes pa la sogs pa'o/ /dgug pa'i khyad par zhes pa dgug par bya ba'i khyad par te gang 'dod pa dgug go zhes pa'o/ /de las sangs rgyas dgug na dang po la sogs pa'i sbyor ba gsum dang ldan pa'i sngags kyi skyes bu dkyil 'khor chen po'i 'khor lo dang ldan pas 'khor lo'i kyo ba la sogs pa dag gis rlung la gnas pa dgug go zhes gsungs nas/ rnam par snang mdzad ces pa la sogs pa'o/ /rgyal pa dag gnas zhes pa ni rdo rje la sogs pa rdo rje gsum gyi thugs ka na gnas pa de nyid do/ /dgug pa'i don du 'phro ba'i lha gsungs pa/ rnam pa'i mchog rnams zhes pa la sogs pa ste/ sangs rgyas dgug pa la rdo rje gsum pa nyid spro zhes pa'i don to/ /kyo ba la sogs zhes pa ni zhags pa yang zhes pa'i don to/ /'dir ma rdzogs pa ni bcu bzhi pa las shes par bya'o/ /brgyad par bshad pa'i nang gi mchod pa'i don du lce'i sbyor ba bya ba dang/ de'i rim pa gsungs pa/ rnam pa'i mchog rnams shes pa la sogs pa ste/ /rnam pa mchog rnams ni sna'o/ /sna'i rnam pa thams cad kyi mchog thabs dang shes rab kyi bdag nyid do/ /kun zhes pa ni lus kyi lha mo lus pa ste thams cad du de ltar shes par bya'o/ /sku zhes pa ni rtag pa'o/ /rdo rje sbyor bas shes pa ni 'og nas 'byung ba'i sbyor ba'o/ /mchod pa gsang ba rab tu bsgrub ces pa ni gsang ba'i mchod pa dang phyi'i yang byas te bstod nas nang gi mchod pa bya'o zhes pa'o/ /sha chen zhes pa la sogs pa ni gong du gsungs pa'i bsgrub pa rnams kyi mthun pa'i zas bstan pa ste/ rdo rje gsum mchog ces pa ni bsam gtan la brten pa'i gtso bo gsum gyi rig 'dzin no/ /rdo rje sbyor ba 'di byas nas zhes pa ni 'og nas 'byung ba'i bdud rtsi'i sbyor ba'o/ /da ni sku'i rdo rje bsgrub pa dang/ bsgrub pa chen pa'i phyag rgya gsungs pa/ rdo rje can gyi zhes pa la sogs pa'o/ /de la sku rdo rje dang/ gsung gi rdo rje dang/ thugs kyi rdo rje dang/ ye shes sems dpa' bzhi ni rim bzhin du las dang chos dang chen po dang dam tshig gi phyag rgya dag ste/ de yang

  315. 182a

    bzang po zhabs kyis gsungs pa/ sku gsung thugs kyi rdo rje rnams/ /las chos chen po'i bdag nyid brjod ces pa la sogs pa ste /dbu rgyan dang lnga'o/ /de yang phyi ma las/ sangs rgyas byang chub sems dpa' dang/ khro rgyal phyag rgya lngas rgyas gdab/ ces so/ /lce dag par bya ba'i sbyor ba kho na gsungs pa/ lce'i dam tshig ces pa la sogs pa ste/ lce la hUM las byung ba'i rdo rje nas tsam hUM gis byin gyis brlabs pa'o/ /des bza' ba'i bdud rtsi'i sbyor ba gsungs pa/ a dang zhes pa la sogs pa ste/ as band+ha bskyed pa'o/ /oM ni rdo rjes byin gyis brlabs pa'i de ma thag ye shes kyi bdud rtsir byin gyis rlob pa'o/ /dam tshig ni bza' ba lnga'o/ /'di yang phyi ma las zhib tu gsungs pa la/ bzang po zhabs kyis kyang/ nyi ma zla ba chu sman dri zhes pa nas/ dkyil 'khor de yis tshim par bya zhes pa'i bar du tshigs su bcad pa gnyis gsungs so/ /da ni gong du gsungs pa'i grub pa rnams kyi yon tan gsungs pa/ rdo rje dam tshig gsung grub mchog ces pa la sogs pa'o/ /de la rdo rje dam tshig gsum bsam gtan la brten pa'i gtso bo gsum gyi rig 'dzin te/ de grub na sku la sogs pa dang 'dra bar 'gyur zhes pa ste/ bsam gtan la brtan pa gzhan yang shes bar bya'o/ /'khor lo'i dam tshig ces pa ni rdzas la brten pa yin no/ /dam tshig dam pa thams cad kyi zhes pa ni rgyud gzhan gyi cho gas grub pa dag las 'di mchog tu gyur pa zhes pa ste/ ci ste zhe na/ 'di'i cho gas rdo rje bsgom pas so/ /de bzhin rdzas la brten pa gzhan yang shes par bya'o/ /stong khams dag ni snang bar byed ces pa ni/ stong dang po la spyod pa ste/ de la rig 'dzin ni ri rab sum cu rtsa drug ces pa dang/ stong gsum na ni zhes pas stong gsum la spyod la/ mi snang ba ni stong dang po la spyod do/ /mngon shes ni rjes su dpags nas stong 'bring bor shes par bya ste/ de ltar yang bzang

  316. 182b

    po zhabs kyis/ mi snang ba ni kun gyi mchog ces pa la sogs pa gsungs so/ /lhag ma ni don gsal bas ma phye'o/ /da ni dngos grub de dag gi thabs kyi bye brag gsungs ba/ bsnyen pa'i dam tshig sbyor ba dang/ zhes pa la sogs pa'o/ /de la bsnyen pa ni lha mchog gi cho ga'o/ /nye bar sgrub pa ni de'i rig ma'i cho ga'o/ /sgrub pa ni dngos grub mchog gi cho ga'o/ /bsgrub pa chen po ni rgyal ba mchog gi lha rnams kyi ste/ de ltar yang phyi ma las/ 'dod chags chen po'i tshul gyis ni zhes pa nas/ bdag 'dra dkyil 'khor 'byin pa ni/ / sgrub pa chen po zhes bya'o zhes pa dang/ gzhan yang bzangs po zhabs kyis kyang/ don bsdus pa las gsal bar bshad pa bzhin no/ /rdo rje bye brag ces pa ni gong ma de dag chung du la sogs pa'i bdag nyid de/ de la yang tshul bzhi bzhir gnas pa'i bcu drug ste/ de ltar yang phyi ma las thun mong mchog gi bye brag gis shes pa dang/ de ltar yang chen po'i sgrub pa chen po'i mthar thug nas de ltar bye brag shes par byas nas zhes so/ /de la lha mchog gi ngo bo ye shes dman pas chung du de'i tshul bzhin gsungs pa/ bsnyen pa'i ting 'dzin rab sbyor ba/ zhes pa la sogs pa'o/ /de la bsnyen pa'i ting nge 'dzin ni rdo rje sems dpa' yab yum sbyor ba'i byang chub sems las byung ba'i yi ge lnga po nas/ mi gnas pa'i mya ngan las 'das pa mchog la thug pa bsgom pa ste/ de yang bzang po ? kyis gsungs pa/ oM A(rgyud 'grel): hUM zhes pa de'i sems zhes pa nas/ rgyu mthun byed pa bshes gnyen gyis zhes pa'i bar du ste/ rang dang 'dra ba'i 'od kyis bshes gnyen las gyur par chung du'i rgyu mthun pa'i 'bras bu'o/ /nye ba'i sgrub pa ni lha mchog de la sa'i snying po la sogs pa'i rdo rje dag giS skye mched la sogs pa'i spyod pa ste/ skye mched ces pa ni nye bar mtshon pa ste/ 'di ni thams cad shes pa yin bas khams la sogs pa yang sbyar ro/ /de yang bzang bo zhabs kyis gsungs pa/ rnam smin las ni kun shes

  317. 183a

    'gro zhes pa nas/ sa bon rnams kyis shes ba'i par du ste/ mi 'dra bar smin pa nyid kyis na chung du'i rnam par smin pa'i 'bras bu'o/ /bsgrub pa'i tshe na sngags kyi bdag bo rig pa'i lha bsgom ba'i tshigs su bcad pas bsku? bar bya ste/ bskul ba ni 'bring po'i bsgrub pa la sogs pas bya ba ma yin pas khyad par du gsungs kyi bskyed pa la sogs pa'i cho ga yang shes par bya ste/ de yang bzang po zhabs kyis gsungs ba/ gong du smos pa ste/ skyes bur 'gyur zhes pa nas?/ gsang pa gsum mtshan mthong nas su zhes pa'i bar du'o/ /rang gi 'od kyis lus dang ngag gi las gtso bas na chung du'i skyes bu byed ba'i 'bras bu'o/ /bsgrub pa chen po byed ba'i tshe/ rang sngags rdo rje can gyi de'i dbu rgyan la bdag po bsam pa ste/ de yang? bzang po zhabs kyis gsungs pa/ dri ma chung bral dag don du zhes pa nis/ rig ma dbang phyug dbu rgyan mchog ces pa'i bar te/ dri ma dang bral ba nyid kyis na chung du'i bral ba'i 'bras bu'o/ /gong ma'i bsnyen pa kho na 'dus pa'i ngo bor gsungs pa/ bsnyen ba'i zhes pa la sogs pa ste/ thams cad ces pa ni dbyangs kyis bskul ba'i de ma thag 'od kyis bsdus te sangs rgyas thams cad kyi rang bzhin du brtag ces pa'o/ /da ni lha thams cad pas thun mong la ye shes kyi stobs kyis che ba'i tshul bzhin gsungs pa/ yang na zhes pa ni/ rdo rje bzhi yis yang zhes pa'i don to/ /de la rdo rje bzhi ni phyi ma las/ dang po stong pa'i byang chub ste des bsnyen pa'o/ /sku gsum zhes pa ni sgrub pa ste/ de bzhin nye ba'i sgrub pa la sogs pa yang shugs kyis shes par bya ste/ gtso bo'i cho ga la bltos pa'i phyir ma smos so/ /de yang bzang po zhabs kyis gsungs pa/ snying ga'i ral gri'i snying rje? kyis zhes pa nas/ thugs kyi dbang phyug 'dzin par 'dod ces pa'i bar du ste/ chen po'i rgyu mthun pa'i 'bras bu'i la sogs pa ni snga ma bzhin

  318. 183b

    no/ /ye sheS kyi nus pa 'bring du gyur pa'i rig ma'i tshul gsungs pa/ dus bzhi zhes pa la sogs pa ste/ gnas lnga'i ni zhes pa ni sangs rgyas lngas byin gyis brlab ces pa ste/ khyad par du gyur pa'i cho ga smos nas yan lag bzhi pa ni rang gi cho ga la bltos par shes par bya ste/ de yang bzang bo zhabs kyis gsungs pa/ 'bring la de bzhin rgyu mthun sogs shes pa nas/ sangs rgyas lnga yis gang bar bsgom zhes pa'i bar du'o/ /de yang 'bring po'i rgyu mthun pa la sogs pa ni snga ma ltar ro/ /dngos grub mchog la gnyis su med pa'i sgrub pa sbyor ba thams cad la thun mong gi cho ga gsungs pa/ ye shes rdo rje yi ge oM zhes pa ste/ oM zhes pa ni mtshon pa ste/ A dang(rgyud 'grel): hUM yang shes par bya'o/ /de'i oM gyis nor bu'i cha bskyed pa la sogs pa'i rim pas bsnyen pa la sogs pa bya'o zhes pa ste/ phyi ma las/ bsgrub bya sgrub pa'i sbyor ba gang zhes pa la sogs pa'o/ /de yang bzang po zhabs kyis gsungs pa/ hUM A(rgyud 'grel): 'dab brgyad ces pa nas/ oM sarba ta thA ga ta a nu rA ga zhes pa'i bar dang/ don bsdus pa las kyang gsal bar gsungs so/ /da ni dngos grub dag gi dus gsungs pa/ zhag bdun dang ni zhes pa la sogs pa ste/ rgyas par zhes pa ni rgyud gzhan dag las shes pa'i don to/ /gsang ba mchog ces pa ni rgyud 'di ste gong du zla ba phyed kyis 'grub ces gsungs so/ /gzhan dag na re 'di ni brag shul gyis bsgrub pa'i dus te/ rang bskul ba zhes pas de'i phyir te/ gong du bdun gyis 'grub par gsungs pas/ de ni mchog zla phyed pa yin no zhes zer ro/ /nga ni chung du'i bsgrub pa la bskul ba'i tshigs su bcad pa gsungs pa/ de la 'di ni zhes pa ni sprul ba'i sku kho na nye bar bsgrub pa ste sdom pa ni de'i bsam gtan/ de'i yul ni gsol ba gdab par bya ba ste yul lo zhes sbyar ro/ /de'i don ni sku rdo rje'i bsam gtan gyis gsol ba gdab par

  319. 184a

    bya ba'i yul tshigs su bcad pa 'og nas 'byung ba dang po 'di gnyis brjod do zhes pa 'di yin no de bzhin du 'og ma gnyis la sbyar ro/ /tshigs su bcad pa de las kyang dang po ni rang gi sprul pa la'o/ /'og ma ni phyogs bcu nas spyan drangs pa'o/ /sgrub pa zhes pa ni longs spyod rdzogs pa'i sku kho na bsgrub pa'o/ /de ltar bsgrub pa chen por yang shes par bya'o/ /tshal par 'gas pa gdon mi za zhes pa ni byin gyis brlab pa kho na ro zhes mi srid pa'i don to/ /le'u bcu gnyis pa'i 'grel pa rdzogs so// /da ni sgrub pa chen po zhes grags pa'i bzlas pa gtsor ston pa'i le'u gsungs pa/ de nas zhes pa la sogs pa ste/ dang po 'dir ni gong ma'i dngos grub kyi zhabs bzhi la bstod pa ste/ ye shes nyid rdo rje ste de nyid mchog go /'dzin pa ni mnga' ba'i don to/ /thub pa zhes pa ni lus la sogs pa'i las yongs su dag pa'o/ /don kun ni kun don no/ /de la byang chub chen po'i tshul zhes pa ni thabs bzhi po nyid do/ /sangs rgyas ni sku'o/ /chos ni gsung ngo/ /sngags ni thugs te de'i tshul du gyur bas na bzhi po ste bzang po dang shes pa dang/ brtan pa ste/ e ma'o zhe'o/ /ma skyes pa'i chos rnams kyang thabs bzhi po 'di dag ste/ 'bras bu dang bcas pas khyad par can zhe'o/ /da ni de dag gi sems la 'dod pa zhus pa gsungs pa sngags rnams thams cad bsdus pa'i mchog ces pa la sogs pa ste/ lha rnams kyi mchog rdo rje mi phyed pa gsum bsgoms pas sku gsum dang bde ba chen po'i ye shes thob par 'gyur zhes te/ bzlas pa'i sngon du 'gro ba thabs las bsgrub pa gtsor? gsungs pa yin no/ /rigs dang zhes pa ni phreng ba'i sngags so/ /sngags rnams zhes pa ni rang gi sa bon dang spyan drang ba'i sngags te/ yang gsungs pa skra yig thig ler ldan pa yi /mtshan gyi sngags kyis dbyung bar bya zhes pa dang/ phreng sngags la yang

  320. 184b

    rig par gsungs zhes te/ dang zlo ba ni rdo rje lha rnams kyis bzlas pa'o/ /de nyid don chen po byed pas ye shes mchog ste/ de'i sbyor ba yis sangs rgyas kun gyi byin gyis brlab pa ste de bshad du gsol zhes sbyar ro/ /yang las kyi rgyal ba mchog la btags pa'i rdo rje bzlas pa zhu pa gsungs pa/ /ye shes rgya mtsho gnas pa'i zhes pa la sogs pa ste/ ye shes rgya mtsho ni rig ma ste de dang lhan cig gnas pa'i sku gsung thugs kyi rdo rje'i mtshan ma yi ge gsum ste de'i bzlas pa dang sbyor ba ji snyed pa bshad du gsol zhes so/ /sogs zhes pa ni ye shes sems ngo ba'o/ /de'i yon tan gsungs pa/ sangs rgyas dus gsum las byung rnams zhes pa la sogs pa'o/ /lan gsungs pa/ de nas zhes pa la sogs pa ste/ thog mar las kyi mchog bzlas pa ston te/ de la sngags lha rnams kyi don kun zhes pa ni las kyi mchog gi bzlas pa ste/ de'i rdo rje gsum gyi mtshan ma la yi ge gsum/ rdo rje dbye ba gsum gyi thugs kar bkod pa nyid rdo rje gsum ste/ de las spro ba la sogs pa 'di yin no/ /sku gsung thugs kyi gnas gsum las ni spro? rnam pa gsum dag bya zhes te/ rim pas sa bon re re las de gsungs pa gzugs spro zhes so/ /de la mchod pa gsungs pa sangs rgyas rnams kyi zhes pa la sogs pa ste/ nam mkha' thams cad khyab par sgro ba'i sangs rgyas de dag la/ rang gi rig ma la thim pa'i shin tu bde ba'i mchod pas mchod ces pa'o/ /cis thim zhe na/ gzugs kyi mchog ces te sa bon de las 'phros pa gzhan yang gzugs kyi rdo rje ma la sogs pa rang gi rig ma la thim ste bde ba dam pas mchod pa'i don to/ /ye shes rdo rje zhes pa ni gnyis su med pa'i sems dang ldan pa'o/ /yang na dbye ba rnam gsum gyis shes rab? dus gcig tu spro ba'o/ /so so zhes pa ni rang de'i sa bon las rang kho na spro ba'o/ /ye shes sems dpa' i spro ba gsungs pa/ lus dang ngag sems bdag med par zhes te/ 'di la ni

  321. 185a

    lus la sogs pa'i spro ba'i bdag nyid dang mi 'dra'o/ zhes pa ste/ dus cig kho nar rigs lnga spro'o/ /shes pa zhes pa ni ye shes sems dpa' o/ /sems ni sa bon no/ /spro ba rnams kyi dus gsungs pa brjod nas zhes te/ dbugs kyi yi ge dang po brjod nas spro'o/ /bsdu pa'i dus ni rdzogs nas shes te mchod pa la sogs pa'i las rdzogs nas bsdu zhes te/ de ni snying po la bzlas pa'o/ /de ltar yang bzang po zhabs kyis sku gsung thugs kyi rdo rje las zhes pa nas bdag nyid dbus su thim par bya zhes pa'i bar du tshigs su bcad pa? bzhi gsungs so/ /de ltar lha rnams kyi thun mong gi bzlas pa bstan nas phye ba'i rnam pa gsungs pa/ sku dang gsung thugs byang chub pa zhes pa la sogs pa'o/ /de la sku yang gsung la sogs pa dang ldan pas na gsung thugs zhes te/ rtag pa'i rnal 'byor pas sku'i dngos po dang dngos po med par dpyad pa ni sangs rgyas zhes bya ba ste/ de'i bzlas pa'o/ /gsung gi dam tshig byang chub pa'i tshe dpag med sbyor bas sgra'i rnam par dag sgra min zhes brjod pa las 'das par zhi bar brtag go /thugs kyi dam tshig byang chub pa rdo rje sems dpa' zhes pa'i rdo rje ngo bo rnams gzung 'dzin dang bral bar dpyad ba'o/ /mnyam pa nyid kyi don rtogs pa'i rin chen 'byung ba'i sbyor ba pas dus gsum gyi sangs rgyas dag mnyam zhing gnyis su med par brtags pa'o/ /don yod sbyor ba can gyi mchod pa la sogs pa'i don du sku'i sprin spro ba dang bsdu ba bya zhes te/ de rnams ni gcig gi bzlas pa de gzhan gyi yang yin te/ 'dir gtsor gsungs pa yin no/ /da ni rigs pa dang sngags rnams kyi bzlas pa gsungs pa/ khro bo'i dam tshig ces pa la sogs pa ste/ khro bo'i dam tshig bsad pa la sogs pa sbyor ba dag gis phreng ba'i sngags rang gi dkyil 'khor du grags pa'i sgra dbyung ba'o/ /de la rang gi zhes pa ni gang yang rung ba'i khro bo bdag por byas pas de smos pa'i dkyil 'khor te/ de ltar yang sgyu

  322. 185b

    'phrul dra ba las gsungs pa/ lha ni gang yang rung ba zhig /dkyil 'khor dbus su bzhag nas ni/ /de yi ming smos rdo rje yis/ /dkyil 'khor yin zhes sangs rgyas gsung/ zhe'o/ /'dod pa'i don gyis smos gyur pa/ zhes pa ni/ gti mug la sogs pa dbugs kyi yi ge'i ? bcug pa rang gi sa bon dang spyan drang ba'i sngags/ bsgrub bya'i ming dang bskul bar bcas te bzlas nas ser sna can la sogs pa'i don bya zhes pa 'am/ yang na rigs kyi lha mo 'am khro bo'i phreng ba'i sngags kyis te sgrub pa chen por 'dod pa nyid yin no/ / de la 'dod? pa'i don gyis mos pa ni ser sna ste/ de dang ldan pa'i sems can la phan bar dga' ba zhes te/ 'og ma rnams la yang phrag dog can zhes pa la sogs pa sbyar ro/ /gti mug gnas la zhes pa ni gti mug rdo rje'i rnal 'byor pa gnas te zhe'o/ /gzhan zhes pa ni de'i don byas pa'o/ /'dod chags rdo rje las byung ba/ zhes pa ni de'i gnas gsum nas spros pa ste/ lus dang ngag dang sems kyi gzugs kyis don byed do/ /de yang gong 'og tu ? ro/ /'dod chags rgya mtsho zhes pa ni/ 'dod chags rdo rje'i rnal 'byor du gnas pa ste/ 'og tu yang shes par bya'o/ /dam tshig yang dag rdo rje gsum/ zhes pa ni/ rdo rje gsum gyi rang bzhin yi ge gsum mo/ /dbu ma ni tshe'i ngo bo a t+te?/ des na snang ba mdza' yas ni tshe dpag med ce'o/ /ma ni bzhes pa ni spro ba dang bsdu pa ma yin pa'o/ /de'i don ni rnal 'byor pa gang yang rung bas snying ga'i pad+ma las gnas pa'i a srog gi rang bzhin dmar po bsams te/ oM gyis srog kha dog lnga'i bdag nyid sna'i lam nas spros te/ hUM gis bsdus nas a la thim ste ring du brtan te bzla'o/ /ji srid 'dod pa spros pa'i gnas sam/ rang gnas su mtshan ma byung nas de nyid pa thim ste/ phyir mi 'tshor ba ni tshe sgrub yin zhes pa 'di yin no/ /rdo rje bdag po gzugs kyi rdo rje ma la sogs pa'i bzlas pa ni 'di'i rnal 'byor can gyis rang gi bdag po'i rnam par dag pas de'i dbus su gnas te/

  323. 186a

    nyin re dus bzhir sbyor ba gsum gyi 'khor gyi 'khor lo'i chags pa skyes pa nyid kyis tshul ji lta ba bzhin bzlas na byang chub 'thob po zhes thun mong gi cho ga ste/ de ltar yang bzang po zhabs kyis nyin re zhing ni mtshams bzhi la/ zhes bsam kun la de yes shes bar bya zhes pa'i bar du tshigs su bcad pa lnga gsungs so/ /rig pa chen mo spyan la sogs/ /zhes pa ni 'di rnal 'byor pa ni ma yin te/ phreng ba'i sngags la bya'o/ /rnal 'byor ni rdo rje'i bdag po dang/ mthun par zad do/ /'dod pa'i longs spyod ces pa ni bcu gsum pa las la ni 'di 'brel pa'i sngags dang mi dang bskul bas phyung ste/ zhi ba la sogs pa'i las byas pa ni longs spyod de brten na 'dod pa 'grub ces so/ /de gnyis ni 'dod chags kyi sems las byung pa'o/ /gti mug las byung ba brtan pa'i phyir gti mug dam tshig ces pa smos te/ rig pa'i rgyal po sa'i snying po la sogs pa'i bzlas pa can gyiS pho dang mo'i rnam pa med pa'i ye shes kyi gnas mtshan ma'i rnam pa mi shes pa'i gti mug sgom zhes pa 'di yang thun mong dang sbyar ba'o/ /zhe sdang gnas las skyes pa yang khro bo'i phreng ba'i sngags zlo ba can gyis srog gcod pa la sogs pa la zhe sdang gi sems kyis bya'o zhes pa ste/ zhe sdang rdo rje smra ba ni ma yin no/ /bsgrub pa mchog chos can zhes pa ni bsod pa la sogs pa'i cho ga ji snyed pa dang ldan pa'o/ /da ni ye shes sems dpa' bzlas pa'i sa bon la sogs pa gsungs pa/ ye shes 'khor lo can rnams kyi zhes pa la sogs pa ste/ ye shes zhes pa ni ye shes sems dpa' o/ /'khor lo can zhes pa ni rtag pa'i rnal 'byor can te/ ye shes sems dpa' i snying gar 'khor lo lte ba la gsal ba la sngags don bsgoms te bzla zhes te/ sngags kyang yin la don yang yin pas de skad de/ sbyor ba 'di ni kun la shes par bya'o/ /sangs rgyas lnga zhes pa ni gcor gsungs pa ste/ dkyil 'khor gyi thams cad sbyar ro/ /'od zer lnga zhes pa ni

  324. 186b

    rigs lnga ste/ de'i don ni bdag gi sngags zlo ba la dkyil 'khor gyi lha thams cad kyis kyang zlos shing ye shes sems dpa' i sa bon de las rigs lnga'i gzugs spro zhing bsdu zhes pa 'di yin no/ /sku gsum rdo rje'i bye brag gis zhes pa ni/ rdo rje gsum dang ye shes sems dpa' i bye brag ces pa ste/ rdo rje gsum la rim par spro ba dang lhan cig spro ba'o/ /ye shes sems dpa' ni lhan cig kho nar nges pa yin no zhes pa'i don to/ /lus kyis sku'i ngo bo nyid ces pa la sogs pa'i don no/ blzas pa'i mchod pa la rang gi rigs kyi lha mo'i lus gyi mchod ces gnas ma 'khrugs par ston to/ /da ni bsgrub pa dag las/ las kyi khyad par ston te/ de la bsam gtan gyi las dang/ phreng ba'i sngags dang 'brel pa gnyis so/ /'o na yang bsam gtan la sngags dgos la/ sngags dang 'brel pa la yang bsam gtan dgos so/ /bsam gtan gyi las yang gnyis te/ rang gis 'khor los byas pa dang/ bkra shis pa'i lhas bya'o/ /de ni zhi ba dang rgyas pa dang dbang dang mngon spyod dang dgug pa dang bskrad pa dang dug gzhom pa la sogs pa'o/ /sngags dang 'brel ba'i dbye ba ni de'i skabs su bshad par bya'o/ /de la bsam gtan gyi las nye bar gsungs pa/ dkyil 'khor chen po'i 'khor lo yis/ zhes pa la sogs pa ste/ dkyil 'khor chen po'i 'khor lo la gnas te zhes thams cad la sbyar to/ /rdo rje rtse lnga pa zhes pa ni gtso bo lnga zhes pa'o/ /'di'i don ni lha gang lang rung ba rang gi lha yis las bzhi'i me dang dbang chen la sogs pa'i dkyil 'khor du/ rdo rje gsum dang ldan pa bdag gis gzugs gtso bor gyur pa de las dbye bas kha dog bsgyur to/ snying ga rnams su ye shes sems dpa' la sogs pa'i ? don bsgoms na las gang yang byed do zhes rang gi 'khor lor byas pa 'di yin no/ /bsam gtan nyid rdo rje bas de skad de/ 'dir gtsor byed pas bsam gtan gyi las so/ /yang shes pa'i lhas bya ba gsungs ba/ zhi ba la ni spyan gyi

  325. 187a

    tshul zhes pa la sogs pa'o/ /tshul zhes pa ni rang gi thabs dang 'dra ba'i rtag pa'o/ /rdo rje pad+ma can ni snang ba mdza' yas so/ /rnam par snang mdzad ces pa ni bsgyur nas don yod rdo rje gzung ngo/ /da ni mngon spyod kyi tshul gsungs pa/ ma chags pa'i sems can dang zhes pa la sogs pa ste/ de ni theg pa chen po smad pa yin no/ /rab tu bskul ba zhes pa ni phyi dang nang gi gsod pa la ming dang mA ? ya phaT ces bskul pa'o/ /de bstan pa khams gsum gnas pa'i zhes pa la sogs pa ste/ rkang pa gsum gyis nang gi bstan te/ /de nas las ni rab tu bsgrub ces pa ni phur pa la sogs pa phyi'i ste/ nang gi byas nas phyi'i spyad do zhe'o/ /de la gcig tu mi bskyod pas mngon du bya ba gsungs pa/ nam mkha' dbyings kyi dbus dag tu zhes pa la sogs pa ste/ 'khor lo rtse lnga zhes pa ni rdo rje rtse lnga pa mu khyud dang bcas pa 'am/ yang na khro bo'i rdo rje gdengs par shes par bya'o/ /rdo rje sems dpa' zhes pa mi bskyod pa bskyed pa'i rkyen te/ da zhu ba'i dam tshig las 'khor lo rtse lnga pa de las rang gi mtshan ma de las mi bskyod pa ste/ rkyen 'di ni rnal 'byor pa gzhan mi bskyod par bsgyur na ba'i/ rang gi lha'i rkyen ni ma yin te/ grub pa thams cad ni mtshan ma thob pas bya bar gsungs la/ de ni ye shes 'ga' la dbang thob pa dag kyung rang gi sku mi skye la/ nye ba'i sgrub pa la sogs pa dang bor gyur pa ste/ de ltar yang bzang po zhabs kyis gsungs pa/ brtul zhugs tshul khrims sngags ldan pa/ mig lus la sogs byin rlabs pas zhes pa la sogs pa'o/ /de nas grub pa'i cho ga thams cad la lha gzhan du bsgyur pa la 'di dgos par shes par bya'o/ /sangs rgyas 'khor lo zhes pa ni mi bskyod pa de dkyil 'khor chen pos bskor ba'o/ /phyogs bcu nas byung sems can rnams shes pa la sogs pas ni nang gi bsang pa gsungs te/ sngags kyis bskul bas phyogs bcu'i

  326. 187b

    sems can rdo rje gtum pos bsang pa'i sbyor ba byas pas zhi pa'i sku'i tshul gyis bdag la bsdus nas slar yang spro bar bya ste/ oM hUM rak+Sha ma che ge mo mA ra ya phaT ces bskul ba'am/ rang gi mtshan gyi sngags sam mA ma kI'i phyed sngags kyis bskul te/ phyag cha sna tshogs thogs pa'i rdo rje srin po bka' nod bdag btang bas/ bsgrub bya la bcings nas khrid de bskrang pa dang brdag pa la sogs pa bya ba dang/ gzhug pa dang bcing ba yang byas te/ yang bka' stsal pas bsad pa'i sbyor ba byas pas/ rgyu ma la sogs pa yang kun tu drangs te 'og nas 'byung pa'i pho nya rnams kyis kyang za bar bsam zhes ji snyed pa'o/ /nyi ma bdun du zhes pa ni nyi ma lung bam? na ma phyed dag la zhag bdun bya'o/ /'chi bar 'gyur ba'i gdon mi za ba zhes pa ni mi srid pa'i don du bstan pa'o/ /da ni ri mo'i dkyil 'khor gyis gzung ba'i phyir bsam gtan gyis bgegs bskrad pa gsungs pa/ nam mkha' dbyings kyi dbus zhes pa la sogs pa'o/ /rnam par snang mdzad rab tu bsgom zhes pa ni de'i gnas so/ /de'i don ni gsol gdab pa dang sbyin sreg la sogs pa'i de ma thag stegs bu'i dbus su rtag pa'i pho brang bsgoms te/ der rdo rje 'chang chen po'i sbyor ba gsum bya ste/ de'i don yang bzang po zhabs kyis/ sngon du bsnyen pa spyod pa yis zhes pa nas/ ting 'dzin gsum po mchog yin no/ /zhes pa'i bar du tshigs su bcad pa lha gsungs so/ /phyogs bcu nas byung sems can rnams/ zhes pa la sogs pa ni gsol ba btab pas langs nas/ bgegs bskrad pa gsungs pa ste/ snga ma bzhin du phyogs bcu'i sems can dag bsdu ba dang spro ba la sogs pa gnyis su med pa'i ye shes can gyi? byas te langs nas rdo rje gsong nas sa la lan gsum bskor zhing 'og ma'i tshigs su bcad pa lan gsum brjod do/ /bka' i 'khor lo zhes pa ni bdag nyid dbus su gnas te phreng ba dang bskul ba'i sngags kyis 'khor

  327. 188a

    lo'i lha la mngon spyod la sogs pa'i las bka' stsal pa'o/ /rab? sbyor ba zhes pa ni bdag nyid rdo rje 'dzin pa yin pa'i phyir/ gal te bdag gi tshig las 'das na lha yang rung ste/ bka' i 'khor kho sbyor bas bzhig par bya'o/ /zhes bsdigs pa'o don to/ /de yang bzang po zhabs kyis gsungs pa/ 'jam rgyal khro bos bltas nas su zhes pa nas/ de dag 'gas pa gdon mi za zhes pa'i bar du tshigs su bcad pa phyed dang drug go /yang sngon spyod kyi cho ga de gshin rje gshed kyi bya bar gsungs pa/ sangs rgyas dkyil 'khor 'khor lo can zhes pa la sogs pa ste/ sangs rgyas dkyil 'khor ni rtag pa las gyur pa'i pho brang ngo/ /'khor la che zhes pa ni gshin rje gshed kyi dkyil 'khor chen po'o/ /rang gi rdo rje zhes pa ni rang gi bdag po'i me long lta bu'i rnam par dag pa dang sbyar nas gshin rje gshed bdag por gyur pa'i rdo rje dkyil 'khor te/ spyan drang ba yang dzi na dzi ka ces sbyar ro/ /de bzhin lha mo dang khro bo gzhan dag rigs kyi bdag po'i rnam bar dag pa dag sngags dang sbyar na 'khor lo'i bdag por 'gyur te/ de yang bzang po zhabs kyis gsungs pa las/ dbus su gnas gyur gang yin pa'i/ /'khor lo'i bdag por de shes bya/ zhes pa la sogs pa gsungs so/ /zhugs pa dag ces pa ni gong du gsod pa'i sbyor ba byas nas bdag la zhi ba'i skus bsdus pa dag go /'di yang cho ga ni mi bskyed pa bzhi ste/ khyad par du yang bskul ba la rang gi phreng ba'i sngags so/ /de bzhin khro bo gzhan yang shes par bya'o/ /da ni bsrung pa'i 'khor lo gsungs pa/ sku gsung thugs kyi rdo rje'am zhes pa la sogs pa'o/ /rang gi sngags kyi yon tan ni rig pa'i lha'o/ /gtsug tor ni khro bo gtsug tor rdo rje'o/ /yang na zhes pa n gzi brjid phung po gzung ngo/ /de'i don ni thog ma'i thabs dang shed rab bsgoms pa'i rjes la/ /theg pa chung du pa dang

  328. 188b

    thun mong ma yin pa'i don du lha gang rung bas khro bo bcu'i 'khor lo'i cho ga ji lta ba bzhin 'bar bar bya zhes pa 'di yin no/ /de yang bzang po zhabs kyis/ hUM mdzad yang na gtsug tor ram zhes pa shlo ka gcig gsungs so/ /da ni bcu gcig par gsungs pa'i rtag pa las gyur pa'i pho brang gsungs pa/ nam mkha' i rdo rje dbus ngag tu zhes pa la sogs pa ste dam tshig ni pho brang ngo/ /chos ni byang chub phyogs kyi ngo bo nyid do/ /gnas pa ni nyi ma la sogs pa'i bdag ste/ de yang bzang po zhabs kyis gsungs pa/ nyi zla laD par mnan pa ni/ sna tshogs pad+ma'i lha stan can zhes so/ /da ni bcu par gsungs pa'i rdo rje'i sprin bsdu pa byas nas nga rgyal bya ba gsungs pa/ mkha' dbyings sangs rgyas thams cad kyis zhes pa la sogs pa ste/ rang sngags yi ge ye shes tshig ces pa ni/ oM badzra swa b+hA pa At+ma konya haM zhes pa'o/ /thugs kyi rnam par bsgom par bya zhes pa ni de'i nga rgyal lo/ /de'i don ni rdo rje las byung ba'i 'od rang gi 'khor lor spros nas slar bsdus pa de btsud nas sngags brjod de nga rgyal bya zhes pa de yin no/ /de yang gsungs pa gzugs can don du rgyal 'ong byed/ /de yi bdag nyid da yin brjod ces so/ /da ni thun mong grub pa gcig gsungs pa/ rnam pa'i mchog rnams kun ldan pa'i zhes pa la sogs pa'o/ /rdo rje sems dpa' zhes pa ni chu'i rdul phra rab dag rdo rje sems dpar bsgom pa ste/ rigs kyi lhar bsgom pa'i rkyen no/ /sangs rgyas rim par bkod ces pa ni rtag pa'i rnal 'byor pas/ lo tsan? la sogs par chu bsgom pa dang/ gzhan yang rang gi rigs gang dang gang yin pa'o/ /chu yi steng du rkang pas bcag / ces pa sra bar grub nas tshul? 'gro bar bya'o zhes pa'o/ /mnyam par gzhag ces pa ni 'gro ba'i dus su rang gi lhar sbyor ba'o/ /spyi po'i steng du zhes pa ni chu'i lha'i spyi bor rang bdag por byed pa'o/ /da ni las kyi khyad par bsam gtan pa las dgra dang de'i dpung

  329. 189a

    mnon pa gsungs pa/ dbang chen dkyil 'khor bsgoms nas su zhes pa la sogs pa ste/ 'di skad du ming gi yi ge dang pos bskyed pa'i bsgrub bya mdun du mos te/ de'i rnam shes dgug pa la sogs pa byas nas/ de'i spyi bor suM gyis bskyed pa'i ri rab ser po la/ laM gyis bskyed pa'i dbang chen ser po gru bzhi pa grwa na ni rdo rje rtse gsum pas mtshan pa la/ sna tshogs pad+ma dang rdo rje rgya gram de la pho brang sprul nas/ der khro bo ser po'i rkang pa dag gis brdzis pa bsgoms te rang gi sngags bskul ba dang bcas pa bzlas zhes ston par 'gyur ro/ /dpung dang cho ga de kho na te yan man bskang bar bya'o/ /dpung gzhom pa gsungs pa/ dgra'i 'khor gyi dam tshig gi zhes pa la sogs pa ste/ 'dis kyang ji skad du dpung gi gzugs brnyan dus phye dang/ dug dang chu 'gram gnyis kyis la soD pas byas te/ dang po'i yi ges bskyed nas/ dur khrod kyi ral ma la ji skad gsungs pa'i rdzas kyis bris pa'i phreng ba'i sngags ming dang bskul bar bcas par khod par gtsug ste nang gi gzhom pa dag byas nas/ lcags so rus pa'i phur bu tshad sor brgyad pa ste/ rtse lnga pa hUM las bskyed pa oM g+ha g+ha zhes pa la sogs pa'i sngags kyis de'i snying khros nas gdab par bya'o zhes ston par 'gyur ro/ /'dir ma rdzogs pa ni bco lnga pa las ston te bdag gis ni shes par sla ba'i phyir tshad gcig tu bris so/ /de ni rims la sogs pa bzhi la ba gsungs pa/ grong ngam zhes pa la sogs pa ste/ 'di'i don ni gang yang rung pa'i rnal 'byor pas nam mkha' la hUM las byung ba'i rdo rje rtse lnga pa bsams te/ sngags kyi phreng ba shAM tiM ku ru zhes bskul nas bzlas pas rdo rje'i 'od bskal pa'i me dang 'dra bas nad bsregs nas/ slar bsdus pa dang/ rgyas pa dang skyon dgag pa'i don du rin po che'i 'od rnams dang/ sangs rgyas kyi sprin bdud rtsi'i chos 'dzin pa rnams spros te dbang bskur bar bya'o zhes pa yin no/ /de'i yon tan gsungs pa/ 'di yis zhes pa la sogs

  330. 189b

    pa'o/ /yi dam bcas pa rdzogs nas kyang zhes pa ni gong du bsnyen pa rdzogs nas shes pa ste thams cad du shes par bya'o/ /da ni mo'i dkyil 'khor bsrung ba'i don du phur bus gdab pa gsungs pa/ rdo rje bdud rtsi rgyal chen po zhes pa la sogs pa'o/ /'di'i don ni bsam gtan gyis bgegs bskrad pa gsungs pa/ seng ldeng gi phur bu dris bsgos pa srad bu dmar pos btags te/ hUM las bgegs dgra'i gzugs su bsam te/ sngon du blo yis rab tu btags nas/ phyis phyogs bcur dam?/ gcig las 'phros pa'i gzugs kyis sa la bskor te/ g+ha g+ha zhes pa'i sngags brjod nas/ thobs brdungs pas sa la gzung ba yin no/ /de yang bzang po zhabs kyis sa la yongs su bskor byas te zhes pa nas/ bgegs de thams cad gzhom par bya zhes bya ba'i bar du gsungs so/ / da ni zhi ba'i las gsungs pa/ mdangs bzang dkyil 'khor dam pa ni zhes pa la sogs pa'o/ /'di'i don ni rtag pa'i rnal 'byor pas/ rang gi ye shes sems dpa' i snying gar dang po'i yi ges 'dod pa'i bsgrub bya bskyed do/ /rnam par shes pa dgug pa la der bzhag nas/ oM ru ru sphu ru dzwa la TiSh+Tha sid+d+ha lo tsa ni sarba sAd+ha ni che ge mo shAM tiM ku ru oM zhes brjod pas/ spyan la sogs pa rang gi rigs kyis lha mos nam mkha' khyab par spros nas 'od kyi gong bur slar bsdus te/ nang pa'i lus la khyab nas nang bsregs nas smra? spro?/ /skyon dgag pa'i don yang bsdus te bdud rtsi dum pas dbang bskur te nad pa de btang bar bya'o/ /de'i yon tan ni de yis zhes pa la sogs pa ste go sla'o/ /rgyas pa gsungs pa/ zla ba'i dkyil 'khor dbus su ni zhes pa la sogs pa ste/ 'di'i don yang zla ba la gnas pa'i dbang chen gyi steng du snang ba mdza' yas ser po bsams te/ sngags kyang gang snying gar 'dod pa bzhag pa ste/ oM ka Te bi ka Te ka taM ka Te che ge mo pus Ti kuM ru swA hA/ zhes rgyas pa la oM gyi gnas su swAhA gzhug par bya ste/ de yang bzang ?

  331. 190a

    zhabs kyis gsungs pa/ zhi ba dang ni rgyas pa dang/ dbang dang dgug dad dbye ba dang/ bskrad pa dang ni mngon spyod la/ /oM swA hA ho dza(rgyud 'grel): hUM phaT/ sngags kyi mthar ni bsgrub par bya zhe'o/ /de bas na swA hAs bskul bas/ dkar mo la sogs pas nam mkha' gang bar bsgom ste/ dkar mo zhes pa ni la dkar bsnabs pa'i phyir ro/ /de nas yang rin po che'i 'od lta bur bslar bsdus nas bsgrub pa'i lus dang ngag dang sems la dgang bar bya/ rgyas pa kho na'i phyir yang spros te? nor la sogs pa rgyas par 'dod na/ rin po che'i char gyis de'i khyim dgang pa dbang bskur ba dag bya'o/ /ches rgyas par 'dod na snang ba mdza' yas kyi gzugs kyis stobs dang mi 'jigs pa la sogs pa chos kyi sprin bstan to zhes khyab par ro/ /dbang gsungs pa nam mkha' i dbyings kyi dbus su ni zhes pa la sogs pa ste/ 'di yang zla gam la gnas pa'i nyi ma'i steng du/ rdo rje mkha' don yod grub pa chos mchog dmar po'i gzugs su bsams te/ 'dod pa snying gar bzhag nas/ oM tA re tut+tA te tu re che ge mo ba shaM ku ru ho zhes brjod pas snga ma bzhin las thams cad bya'o/ /gzi brjid dbab pa zhas pa ni 'od zer lnga'i sbyor bas zhugs te/ bsgrub bya gzi byin bskyed pa kho nas 'grub po/ /da ni mngon spyod dang 'brel pa'i cho ga gsungs pa/ nam mkha' rdo rje srin po dang zhes pa ste/ sngar bshad zin to/ /me'i dkyil 'khor la gnas te zhes pa/ mngon spyod la mi bskyod pa la sogs pa dag ma'i dkyil 'khor gru gsum la gnas te bya zhes so/ /dA ni lha de dag gi mdog la sogs pa'i bsam gtan gsungs pa/ rnam par snang mdzad ces pa la sogs pa'o/ /zhal gsum ni rnam par thar pa gsum gyi rang bzhin no/ /dkar po la sogs pa'i tshul gsum ni sku gsum gyis dag pa'o/ /phyag drug ni pha rol tu phyin pa drug gis dag pa ste/ de dag ni kun la sbyar ro/ /dkyil 'khor gyi lha la nye ba dang dgug pa la sogs pa'i las la nye ba'i khro bo'i bsgom pa gsungs pa/ khro bo chen po gshin rje gshed

  332. 190b

    ces pa la sogs pa ste/ bsrung ba'i 'khor lo nye ba ni ma yin/ 'og nas rdo rje sems dpa' bskyed pa snang ba'i phyir ro/ /'og na yang bsam gtan ni de 'dra'o las kyi khyad par la nye ba'i khro bo gsungs pa/ Tak+ki rgyal po zhes pa la sogs pa ste/ dkyil 'khor gyi / lha ma yin pa dang/ sngar bshad pa'i gtan tshigs kyis bsrung ba la sogs pa nye ba ni ma yin no/ /phyag bzhi zhes pa ni gnyis rig ma la 'khyud pa ste thams cad du shes par bya'o/ /zhi ba zhes pa ni rin po che'i rgyan no/ /gzi brjid phung po ni hUM mdzad do/ /gtsug tor rgyal ba ni gtsug tor rgyal po ste/ gzhan yang zhes pa ni de gnyis ni bsrung bar bya ba la bsgom mo zhes pa'i don to/ /'di rnams dang mthun pa ru zhes pa ni shes pa yi las dang mthun par khro bo dag sngags gsungs te/ 'di ni phreng pa'i sngags kyi rjes la sbyar ba'i don to/ /da ni gong ma de dag rdo rje sems dpa' las gyur to zhes gsungs pa/ nam mkha' i dbyings kyi dbus su ni zhes pa la sogs pa ste/ me long lta ru zhes pa ni de'i ye shes te/ de bzhin du gzhan dag kyang rang gi ye shes las byung bar sbyar ro/ /mtshan ma rnams zhes pa ni sku'i rdo rje ? mtshan no/ /sgyu ma zhes pa ni mig dang yid 'phrogs pa'i gzugs kyis dga' bar byed pa ste/ de ltar yang sgyu 'phrul dra ba las sgyu mas dga' byed bzhi yang spro zhes so/ /utpal mthing ga zhes pa ni dmar po'o/ /utpal zhes pa ni pad+ma nyid do/ / sgrol ma zhes pa ni dam pa'i chos kyi phyag rgya brkyang nas sems can dag sgrol bas so/ /gshin rje gshed la sogs pa'i phyag mtshan ni phyi ma las shes par bya'o/ /lha mo dang khro bo de dag kyang rang gi bdag po'i rnam par dag pa dang/ sngags dang sbyar na 'khor lo'i bdag po yin pas rdo rje'i dkyil 'khor zhes pa la sogs pa smos pa yin no/ /'dod pa'i rgyal po zhes pa ni gzung ba'i ngo bo yin pa'i phyir ro/ /stobs po che zhes pa ni yan lag gi tshigs re re 'ang sred med kyi bu'i stobs las che ba'i phyir ro/ /rdo rje sngon po ni

  333. 191a

    mdog las btags ba'o/ /mi g.yo ba ni byang chub kyi don la mi g.yo ba nyid kyi phyir ro/ /'khor lo 'bar bas yongs su bskor zhes pa ni 'od zer gyi kha las byung ba'i 'khor los bskor ba'o/ /de yang bdud kyi gtsug tor gyi yi ge dang ldan pas gtsug tor 'khor lo zhes so/ /suM b+ha ni sngags rnams kyi bdag bo gnyis pas mdzes pa'i phyir ro/ /'gog pa zhes pa ni dbugs 'gog pa'i khro bo'i sbyor ba ste/ des dgug pa la sogs pa'i las rdo rje ltar gzhan gyis mi phyed pa grub ces pa'i don to/ /le'u bcu gsum pa'i 'grel pa rdzogs so// //da ni drag shul gcer ston pa'i le'u las/ sngags dang 'brel pa'i las dang por bstan pas gsungs pa/ de nas zhes pa la sogs pa'o/ /de la yang gnyis te shis pa dang khyad par ro/ /shis pa ni zhi ba dang/ bsrung ba dang/ chos rgyas pa dang/ dbang dang/ dgug pa dang/ bskrad pa dang/ dug gzhil ba dang/ dbye ba dang/ bsad pa dang/ char dbab pa dag ste bcu'o/ /khyad par ni rang gi skabs su dbye'o/ /de la zhi ba dam tshig mchog ces pa la sogs pa'i ting nge 'dzin ni rang gi bdag po'i ting nge 'dzin te rjes su dpag go /zhes pa smras zin to/ /btsun mo 'di zhes pa ni de dang? gnyis su med pa'i sngags so/ /sangs rgyas rdo rje rjes su dran zhes pa ni mthu bstan pa ste/ de'i dus na yang de ltar 'gyur la/ rnal 'byor pa dag gis kyang nges bskul na zhi ba la sogs pa'i phrin las dran nas mdzad do zhe'o/ /las rnams thams cad rab sgrub pa zhes pa ni de nyid mdog dang/ ba dan dang bskul ba'i sngags kyis bsgyur nas gang 'dod pa byed do zhes te/ de dag ni kun la shes par bya'o/ /rdo rje dam tshig bskul mdzad pa zhes pa ni/ rang gi yi dam zhi ba'i las la nges bskul ba'am/ ye shes kyi bdud rtsi las dbyangs kyis skul bar byed pa'o zhes so/ /shi ba sos par byed ces pa ni/ de'i shis pa'i las te/ 'di yi cho ga ni bsgrub pa'i mkhan

  334. 191b

    pos yongs ? grags pa'i cho gas zhib tu bshad pas de las cher shes par bya ste/ bdag gis ni ma byas so/ /'o na yang sgra'i don tsam ni bshad bar bya ste/ kun pa de ltar shes par bya'o/ /bsrung ba gsungs pa/ de nas zhes pa la sogs pa'o/ /rdo rje bsrung ba'i zhes pa ni// 'jigs pa bsrung ba ste/ de'i sbyong bas stobs su 'gyur zhes pa'i don to/ /chos rgyas pa gsungs pa/ de nas zhes pa la sogs pa'o/ /chos ni stobs dang mi 'jigs pa la sogs pa'o/ /bzlas pa tsam gyis zhes pa ni cho ga thams cad spyad de/ gsung gi bka' bzlas pa tsam gyis zhes pa'i don te/ /dbang gsungs pa/ de nas zhes pa la sogs pa'o/ /ye shes thob par 'gyur zhes pa ni/ ye shes kyi pha rol tu phyin pa rnam par dag pa'o/ /dgug pa gsungs pa/ de nas zhes pa la sogs pa ste/ gzugs mdzes zhes pa ni/ srubs gcig pa 'am/ srubs gnyis pa'o/ /bdud ni mnan pa'i tshul zhes pa ni g.yon brkyang pa ste/ de'i don ni ji skad gsungs pa'i thod pa la gnas pa'i bsgrub bya g.yon brkyang nas g.yas pas mnan nas/ sngags kyi phreng ba swA hA'i gnas la che ge mo A karSha ya zhes bskul la lan gsum brjod na 'grub ces pa yin no/ /mA ma kI 'am zhes pa ni dgug pa'i de bsrung ba dang zhi bar bya zhes te/ khro bos bkug la kun la de sbyar ro/ /bskrad pa gsungs pa/ de nas zhes pa la sogs pa ste/ tshul bzhin byas na zhes pa ni/ rang cho ga gang yin ba'o/ /dbye ba gsungs pa/ de nas zhes pa la sogs pa ste/ 'di'i don ni srin po la sogs pas zin pa la'am/ 'di rnal 'byor pas chogs thams cad rdo rje sems kyis sbyar nas che ge mo rak+Sha sa de bi mo tsa ya zhes bskul nas dbye zhes pa ste/ de bzhin du gzhan la yang rang dang bskul ba shes par bya'o/ /dug gzhil ba gsungs pa/ de nas zhes pa la sogs pa'o/ /khro bo'i rgyal po zhes pa ni/ de'i phreng ba'i sngags te/ bskul ba dang bcas pa'i zhes pa'i don to/ /gsang ba gsungs pa/ de nas

  335. 192a

    zhes pa la sogs pa ste/ brgya rtsa brgyad bzlas pa zhes pa ni/ nyi ma gung dam nam phyed na ming dang bskul bar bcas te/ bzlas pa yis zhes pa'i don to/ /char dbab pa gsungs pa/ de nas zhes pa la sogs pa ste go sla'o/ /yang sngags kyi khyad par dgug pa gsungs pa/ de nas zhes pa la sogs pa ste/ rdo rje sems dpa' i sbyor ba yin pas ni rkyen las byung ba'i 'dod pa'i rgyal po'i rnal 'byor pa'o/ /ling+ga rkang pa g.yas pas mnan zhes pa ni/ gshin rje gshed kyi cho ga kho nas thod pa la mnan pa'i bsgrub bya g.yas pas mnan te/ rang gi lcags kyu dang ldan pa'i lha dag gis dgug zhes pa'i don to/ /lha rnams dgug pa gsungs pa/ de nas zhes pa la sogs pa'o/ /khro bo chen po sngags 'di yis zhes pa ni ji skad gsungs pa'i sbyor ba dang ldan zhing bskul ba dang bcas pa'i sngags kyis zhes pa'i don to/ /lus ni kun tu 'gas bzhin 'gug ces pa ni/ chung ma la sogs pa banda la gnas pa ji snyed pa'o/ /lha la sogs pa'i bu mo dgug pa gsungs pa/ de nas zhes pa la sogs pa ste/ rdo rje sems dpa' i zhes pa ni gnod mdzes de 'bras bu'i ngo bo yin pa'i phyir de skad bya ste/ kun bdag po zhes pa ni bdag po gnyis pa yin pa'i phyir ro/ /da ni bsam gtan la brten pa'i dgug pa gsungs pa/ de nas zhes pa la sogs pa'o/ /de las sangs rgyas rdo rje sku gsum la zhes pas ni sangs rgyas dgug pa ston te/ rdo rje zhes pa ni mi bskyod pa'o/ /rdo rje sems dpa' zhes pa ni spo ba'i lha'o/ /sangs rgyas sku zhes pa ni rtag pa'o/ /gsung ni snang ba mdza' yas te gtso bo gsum gyi gsungs pa'o/ /'khor lo chen po zhes pa ni/ 'khor tshad med pa'o/ /mi'i bu mo dgug pa gsungs pa/ thams cad rdo rje dngos zhi ba zhes pa la sogs pa'o/ /rang sngags skyes bu ni rig pa'i lha gang yin pa'i sbyor ba'o/ /snying gar zhes pa ni snying ga'i pad+ma la'o/ /rlung gi dkyil 'khor zhes pa ni yaM las skyed pa'i

  336. 192b

    rlung ste/ bsgrub par bya'i 'og tu bsam ste dgug par bya ba thams cad la shes par bya'o/ /zla ba'i dkyil 'khor dag la ni zhes pa la sogs pa ni/ sha tsi dgug pa gsungs te/ de'i don ni rtag pa las gyur ba'i zla ba la sha tsi bzhag nas bdud rtsi 'khyil pa'i rnal 'byor pas rang gi sngags lan lnga bcu sha rtsi'i ming A karSha ya zhes bskul na nges par 'gug ces pa 'di yin no/ /yang 'dod pa'i rgyal pos dgug pa gsungs pa/ rdo rje kyo ba gzugs chen po zhes ba la sogs pa'o/ /gzugs po che zhes pa ni kyo ba dang ldan pa'i phyag rgya chen po'o/ /rdo rje dkyil 'khor zhes pa ni rlung gi dkyil 'khor ro/ /nam mkha' i bu mo ni lha'i bu mo'o/ /suM b+has dgug pa gsungs pa/ rang gi khro bo zhes pa la sogs pa ste/ sa 'og na 'og gi khro bo zhes pa'o/ /de'i don ni gnod mdzes kyi rnal 'byor pas/ gsang zhing dang ? bar ldan pa'i khro bo spros te gsal shing gis bsgyel nas kyo bas dgug ces pa'i don to/ /yang gsungs pa/ btsag gam zhes pa la sogs pa ste/ de'i don ni gang yang rung pa'i rnal 'byor pas zla ba gzas zin pa'i tshe btsag la sogs pa la lcags kyo'i gzugs byas te/ rang rang gi rig ma'i sbyor ba'i bu mo'i gsang par bcug ste/ de dang rang gi mtshan ma las 'od zer lcags kyu 'phro pa de la bstim ste/ rang gi sngags kyis ji srid grol gyi bar du byin gyis brlab par bya'o/ /de nas lam gyis bzhi mdor ming bskul par bcas pa bri zhes pa yin no/ /gnod sbyin mo dgug pa gsungs pa/ /rnam pa mchog rnams shes pa la sogs pa ste/ rdo rje 'jam pa'i 'khor lo'i rnal 'byor pas gnod sbyin mo'i mgo bar gshin rje gshed bsk+kul pa'i me dang 'dra ba bsgoms te kyo ba dang sbyor ba'i lha rnams kyis dgug ces ji snyed pa'o/ /kun gyi phyag rgya'i khyad par dang zhes pa'i don to/ /rang gi phyag rgya chen po'i sbyor bas rang gi sngags bzlas nas dgug gi gzhan gyi bzlas pas ma yin zhes pa'i don to/ /rdo rje sems

  337. 201a

    gsang ba'i zhes pa ni rgyud dag las gsungs pa ste bdud rtsi lnga'i yin no/ /dbus su zhes pa ni sngar me lha la mchod de yang me lha'i snying gar rang gi lha'i dkyil 'khor bzhag nas/ de'i zhal du mchod rdzas rnams sreg rdzas 'phru? la sogs pa dbab ce'o/ /dbang po gnyis zhes pa ni rdo rje pad+ma'i bdud rtsi'i bsgom pas so/ /brgya rtsa brgyad ces pa ni mar la sogs pa'i sreg rdzas 'khor lo'i bdag po la ni brgya rtsa brgyad do/ /gzhan dag la ni bdun bdun du shes par bya'o/ /de yang gsungs pa/ sor bzhi tsam ni bor nas su zhes pa nas/ gong ma'i cho gas gshegs par bya zhes pa'i bar du'o/ /da ni spro ba bskyed pa'i slob ma sdig pa bshags pa la sogs pa dang ldan pa la sta gon gyi cho ga gsungs pa/ rnam par snang mdzad sbyor ba yis zhes pa la sogs pa ste/ sku'i 'khor lo la'am/ gzhan mos pa'i slob dpon rtag pa'i sbyor ba can gyis so/ /a ni zhes pa ni mtshon pa ste hUM dang oM yang ste/ des na rgyal chen rdo rje sems dpa' dang zhe'o/ /rdo rje gsum zhes pa ni yi ge gsum gyis spyi bo la sogs par byin gyis brlabs nas/ rdo rje dang bcas pa'i khu tshur gyis dri chu bsku zhes pa ste/ de yang gsungs pa/ snying mgrin spyi bor bsgoms bya ba zhes pa nas snying mgrin spyi bor bskul byas nas zhes pa'i bar du ste/ cho ga gzhan yang de kho nas shes par bya'o// yang gsol ba 'debs pa'i slob ma thun mong gi sdom pa dpal ldan pa gdong g.yogS pa byas nas dkyil 'khor du gzhug pa'i tshig gsungs pa/ de la 'di ni zhes pa la sogs pa ste/ yi ge 'di dag gis sam gshin rje gshed la sogs pa'i sngags kyis gzhug par bya ste/ de yang gsungs pa/ gshin rje gshed la sogs pa'i rang gi dam pa'i sngags kyis sam zhes pa nas/ yi ge lnga zhes pa'i bar du'o/ /cho ga gzhan yang de kho na las shes par bya'o/ /da ni rig pa dang rig sbyor gyi dbang dang

  338. 201b

    dam tshig gsum gyi dbang dang ldan pa'i slob ma la phyir mi ldog pa'i dbang gsungs pa/ de la 'di ni zhes pa la sogs pa ste/ 'di ni don ni slob dpon rang gi yi ge gsum gyi 'od yungs kar lta bus bskul ba'i sangs rgyas sil snyan la sogs pa'i sgra'i khyad par dang/ spros pa la sogs pa mchod pa'i khyad par du ldan pa dang/ ye shes kyi chu'i bum pa 'dzin pa'i dam tshig gi lha mo spyan ma la sogs pa bkra shis pa'i tshig brjod pa dag gis dbang bskur zhes pa yin no/ /rdo rje sems dpa' ting nge 'dzin gnas zhes pa ni thugs kyi dkyil 'khor la 'am mos pa'i slob dpon gyis zhes so/ /de yang gsungs pa/ btsud pa sgo'i khri gnas pa zhes pa nas/ tshigs bcad 'di yis bskul bar bya zhes pa'i bar du tshigs? su bcad pa gnyis gsungs so/ /rig pa'i dbang dang/ rig sbyor gyi dbang dang/ de kho na gsum bstan pa la sogs pa yang de kho nas cher shes par bya'o/ /gsol ba 'debs pa'i slob ma dkyil 'khor du 'jug pa la bsgom pa gsungs pa/ rdo rje rnam par snang mdzad bsam zhes te/ slob ma rnam par snang mdzad du bsgoms te/ sku la sogs pa'i ngo bo dang thugs kyi rdo rje snying la dgod do zhes te/ de yang gsungs pa/ sngon bzhin sku sogs 'od 'bar te zhes pa dang/ thugs kyi rdo rje snying la dgod ces pa la sogs pa'o/ /rdo rje chen po'i dbang bskur ba'i tshig gsungs pa/ de la 'di ni zhes pa la sogs pa ste go sla'o/ /de'i don du slob mas zhus pa gsungs pa/ de la 'di ni zhes te zhus nas dbang bskur ba bya'o/ /de'i phyir de nas de la zhes pa smos so/ /gong du bstan pa'i dbang bskur ba'i sangs rgyas dang/ lha mo de dag dbang bskur nas de'i thugs kar thim ste/ ye shes sems dpa' bskyed pa gsungs pa/ lha'i gzugs su sbyor ba yis zhes so/ /rdo rje slob ma blo ldan la zhes pa ni bcug nas gdong g.yogs dgrol ba ste/ 'di ni gong du bstan par bya'o/ /rig pa dang/ rig sbyor ba dang/

  339. 202a

    phyir mi ldog pa dang/ gsang ba dang/ shes rab ye shes kyi dbang bskur ba'i slob ma la gsang ba'i dam tshig bsgrags pa gsungs pa/ sangs rgyas kun gyis gsungs pa yi zhes pa la sogs pa ste/ sems can thams cad bskul bar bya zhes pa ni de dag gi don bya'o zhes pa'i don to/ /de yang gsungs pa/ dkyil 'khor lha yi de nyid dang zhes pa la sogs pa dang/ dkon mchog la gnod bsad par bya zhes pa la sogs pa'o/ /rig pa'i dbang la sogs pa dang ldan pa la sngags dang phyag rgya sbyin pa gsungs pa/ sngags kyis bskul ba smra ba yis zhes te/ sngags kyis bskul ba ni phyir mi ldog dbang dkyil 'khor la zhes pa nas/ rtag tu bdag ni slob dpon bgyid ces pa'i bar du gong du bskul ba'i ngo bo'o/ /sngags sbyin pa 'di yang gsungs pa/ yang dag dbugs 'byin dam tshig gsum/ cho ga rim pas sngags kyang sbyin zhes so/ /gsang ba'i dbang byin pa la shes rab ye shes kyi sbyin pa gsungs pa/ sngags kyi rgyal po zhes pa ste/ byang chub sems kyi dam tshig gi gsang ba'i dbang byin la brtag go zhes te/ de yang gsungs pa/ dpal dang shes rab dang sbyor ba zhes pa nas/ nor bu'i dkyil du gnas par brtag ces pa'i bar du'o/ /phyir mi ldog pa'i dbang bskur ba la gsang ba'i dbang gsungs pa/ khu ba 'am zhes pa la sogs pa ste/ bshad ba la sogs pa yang cho ga bzhin du byas te/ de dang ldan pa'i slob dpon gyi khu ba dang bza' zhes te/ rdo rje blo zhes pa ni rnam par snang mdzad du sbyor ba'i slob ma'o/ /de yang gsungs pa/ de nas gzugs la sogs ldan ma zhes pa nas/ sna tshogs bzhin te sna tshogs 'gyur zhes pa'i bar du'o/ /rnam pa 'di bzhi zhes pa ni gsang ba'i dbang gi sdom pa ste/ bsrung ba'i dam tshig bzhi yin no/ /sngags kyi 'khor lo ni sngags kyis bskyed

  340. 202b

    pa'i 'khor lo 'am/ sa bon gsum gyi sngags las spros pa'i rdo rje gsum gyi gzugs brnyan gyi 'khor lo ste kun la shes par bya'o/ /sems can don sbyor phyir gnas pa zhes pa ni 'khor lo gsum gyis don spyad pa bsrung ba'i dam tshig go zhes pa'i don to/ / zas 'bar bar byas la nye ba'i slob dpon gyis slob ma spro ba bskyed pa'i don du mthu bstan pa dang/ zas kyis bsnyen pa gsungs pa/ glang po'i sha dang zhes pa la sogs pa ste/ de la oM la sogs pas zas 'bar bar byas te/ slob ma la bstan nas bza' o/ /zhe'o gzhan gyi don dang 'bras bu 'brel pa gsungs pa/ dngos grub thams cad bsgrub pa dang zhes pa la sogs pa ste/ dkyil 'khor dag gi zhes pa ni dkyil 'khor du dbang bskur bas zhes pa'i don to/ /'di ni rjes su gnang ba'i don du shes par bya ste/ de yang gsungs pa/ ji lta ji ltar 'dul 'gyur ba zhes pa la sogs pa'o/ /gong ma'i zas? kyi 'phro gsungs pa/ bshad gci zhes te kham phor ni ngan d+ha'o/ /spyan ma zhes pa ni me dang rlung ngo/ /lhan cig 'khor ces pa ni lhan cig bza' zhes pa'i don to/ /nga ni thun mong gi bsgrub pa bdag las phyag brnyan bsgrub pa gsungs pa/ de la 'di ni zhes pa la sogs pa ste/ 'di'i don ni gang yang rung ba'i rnal 'byor pas mdun gyi nam mkha' i dbus la rdo rje sems dpa' las gyur pa'i yi ge d+hi 'bar ba bsams te/ de la sangs rgyas kyi cho gas 'od kyis phab nas de las gyur pa'i a la sogs pa dang/ rang gi mtshan ma de las gshin rje gshed la sogs pa'i phyag brnyan gsum gyi gzugs don yod grub pas dbu brgyan pa bskyed nas bskul ba ste/ sku la sogs pa ni de'i rigs kyi khro bo rnams so// de dag gi ye shes sems dpa' la yang a la sogs pas byin gyis brlabs nas/ gsang ba'i gnas su bzhag par bya ste bsgrub par bya'o/ /phyag na rdo rje zhes pa ni gshin rje gshed do/ /gsang ba'i gnas ni gang la gnas nas de dag bskul ba ste/

  341. 203a

    nyi ma dang zla ba la gnas pa'i mi bskyod pa la sogs pa'i 'khor lo chen po'i sbyor bas rigs bzhi bskul bar bya'o/ /de nas rdo rje gsum gyi sa bon hUM la sogs pa'i 'od thun mong gi dam tshig bzhi'i sdug bsngal ba dang// /a la sogs pa las 'phros pa khro bo bdud rtsi che ba la sogs pa dag gis 'og nas 'byung ba'i thun mong gi dam tshig gi tshogs rang gi lha drag tu bskul te/ de dag gi ye shes sems dpar bcings nas rnal 'byor pa rang gi yi ge dang a la sogs pa bskul ba dang bcas pas ji skad gsungs pa sangs rgyas zhing du khrid pa la sogs par 'gyur ro/ /sangs rgyas thos pa zhes pa ni sa bon shin tu bzhag par shes par bya'o/ /de dag gi bsgrub pa gsungs pa/ de la 'di ni zhes pa la sogs pa ste/ rdo rje sems dpa' la sogs pas brgyan no zhes pa'i don to/ /yang de'i yon tan gsungs pa/ nam mkha' i dbyings chen dag pa ni zhes te/ nam mkha' la d+ha la sogs pa rmad du byung ba'i gzugs byed do zhe'o/ /thun mong du gsungs pa de dag las rnal 'byor pas ni phyag brnyan gcig bskul bar shes par bya'o/ /bsam gtan la brten pa'i dbang gsungs pa/ sangs rgyas rdo rje sems dpa' 'ang rung zhes pa la sogs pa ste/ 'di'i don ni rdo rje 'jam pa'i rnal 'byor pas dbu rgyan dmar ba'i rtse mor mda' dmar po lnga/ lag pa g.yon pa'i khu tshur gyis btsugs te/ cho ga bzhin du de'i ling+ga yi ge dang pos bskyed pa la dgug pa la sogs pa sngon du byas nas de'i spyi bo la sogs par mda' de dag khro bor bsams te/ sngags kyis bskul nas btsugs pas rgyal ba bsgoms na dbang du 'gyur ro zhes pa yin no/ /byis pa'i blo ni grangs chen gyis zhes pa'i ni mtshan ma thob pa'i don to/ /da ni gong du gsungs pa'i cho ga gsungs pa/ sangs rgyas dkyil 'khor zhes pa la sogs pa ste/ 'di ni ji skad

  342. 203b

    gsungs pa'i rnam par snang mdzad lta bu'i slob ma'i gnas gsum du rdo rje la sogs pa'i mtshan ma la sogs pa la hUM la sogs pa bkod de/ mig du yang oM bkod nas mtshan ma'i gzugs rdo rje la sogs pa de bdud rtsi 'khyil pa'i bar du dkar po la sogs ba'i tshul dang ldan pa'i sku thabs dang shes rab tu bstan to/ /zhes pa yin no/ /de yang gsungs pa/ rdo rje sems dpa' nyid kyis ding zhes pa nas/ bdud rtsi 'khyil pa'i bar du'o/ /rnal 'byor pa'i bkres skom gzhom pa gsungs pa/ bkres skom zhes pa la sogs pa ste/ 'di skad du rtag pa'i rnal 'byor pas lce la oM bsams nas de'i steng du bum pa lta bu rin po ches brgyan pa bza' pas bkang ba khas phub ste/ de las byung ba'i bza' btung gis lha rnams tshim par bya'o zhes ston to/ /da ni thun mong gi bsgrub pa dag las sngags kyi las can rnams kyi bsgrub pa dag las dpa' bo rdo rje bsgrub pa gsungs pa/ de nas zhes pa la sogs pa ste/ de ni gang yang rung ba'i rnal 'byor pas rdo rje sems dpa' rkyen du byas pa bi ser po dang rdo rje ser po las gyur pa'i dpa' bo rdo rje ser po phyag na bsnams pa/ rig mas 'khyud pa mi bskyod paS dbu brgyan pa cung zad 'gying ba ji lta ba bzhin du phyung nas bdag gi yi ge dang bskul ba'i yi ges gang 'dod pa'i las thams cad bskul bas nyan par bsams na 'grub ces ji snyed pa'o/ / skul byed ma'i gsungs pa/ de nas zhes pa la sogs pa ste/ snga ma bzhin rdo rje sems dpa' rkyen du byas pa'i tsum? dang pad+ma dkar po las tsun de ma mdog dkar po thabs la 'khyud pa pad+ma dkar po 'chang ba mi bskyod pas dbu brgyan bsams te/ oM na ma sa man+ta sa myaksaM bud+d+ha ko Ti naM zhes pa la sogs pa las kyi dbye bas sngags kyi tshig bskul na 'grub po/ /yang dzam+b+ha la la gsungs pa/ de nas zhes pa la sogs pa ste/ de yang snga ma bzhin dzaM dang bi dza pu ra ne'u le'i rkyal pa ser po las gyur pa

  343. 204a

    gnod sbyin ma bzhis bskor ba 'am/ 'di las gcig pu rig ma la 'khyud pa phyag rgya bzhis rgyas btab pa snying ga la sogs pa'i gnas lnga la mi bskyod pa la sogs pa lngas brgyan pa/ rdo rje sems dpa' mi bskyod las? dbu la brgyan pa bsam mo/ /phyag rgya bzhi ni gong du yang sbyar ro/ /rdo rje bdud rtsi chu dag ni zhes pa ni rnal 'byor pa'i lag pa g.yas pa la a las bskyed pa'i zla ba la dzaM gis bskyed pa'i bum pa'i chus de'i zhal du drang ngo zhes pa'i don to/ /de nas ni nor la sogs pa'i 'dod pa bskul bar bya'o/ /de bzhin du sngags la dbang ba gzhan yang rjes su dpags te sbyar yang nyes pa med do/ /da ni 'jig rten pa gsungs pa/ de nas zhes pa la sogs pa ste/ 'di yang ji ltar gsungs pa'i pho brang du 'jam pa'i rdo rje'i rnal 'byor pas lus la sogs pa byin gyis brlab pa dang ldan te/ de'i mdun du k+Shi 'bar ba las gnod sbyin mo ral pa sil bu dang rna cha la sogs pa dang ldan pa mdzes pa'i gzugs phyag rgya bzhi dang/ gshin rje gshed kyis mgor brgyan pa kha phrad par bsams te/ snying gar gshin rje gshed kyi sngags bkod nas drag shul du sbyor ba brtsams pa'i sgras nam mkha' la gnas pa'i gnod sbyin mo thams cad de la phab nas/ de bzhin du yang 'jig rten pa'i rig pa can dang srin mo dang 'phrog ma la sogs pa yang rang gi sa bon dang las las 'phags te 'grub po/ /da ni de dag gi yon tan gsungs pa/ de nas zhes pa la sogs pa ste/ kun grub pa zhes pa ni rdo rje 'dzin pa gang gis yang mi snang ba ni mdog mtshungs so/ /rig 'dzin dag gi zhes pa ni rig 'dzin grub pa dag ni mthong nas gzhan dga' bar 'gyur zhe'o/ /gnod sbyin ni grub na nor gyi bdag por 'gyur zhes sbyar ro/ /da ni rig pa'i brtul zhugs la rtogs pa'i cho ga bshad par bya ste/ de gsungs pa/ de nas zhes pa la sogs pa'o

  344. 204b

    de'i sku nyid zhes pa ni sku gsung thugs kyi don du dam pa'i mtshan mar shes par bya'o/ /chen po zhes pa ni rtag pa'i sbyor ba'o/ /cho ga bzhin zhes pa ni de'i yan lag tshul dang ldan pa'o/ /lo grangs bcu gnyis zhes pa ni nges pa med pa'i don du gsungs pa'o/ / spyan gyi go 'phang zhes pa ni de'i rig ma'o/ /go 'phang ni yan lag go /rdo rje mtshan zhes pa ni gsang gnas kyi sbyor ba ste/ de dag gis ni tshig gi dkyil 'khor bstan to/ /sangs rgyas byang chub la gnas la zhes pa ni rdo rje 'dzin pa'i gnas te/ dam tshig gi ngo bo'o/ /dus bzhi zhes pa ni dbang po dman pa dag zla ba drug 'das na lo gcig tu dpyid la sogs pa'i dus su zhe'o/ /kha cig ni tho rangs la sogs pa'o zhes zer te/ de ni las dang po pa yin la 'di ni ye shes kun la dbang thob pas nyin mtshan med par sbyor ba ste/ de bsan de ni rigs so/ /bza' dang bca' ba spyad par bya zhes pa ni de dag la bdud rtsi'i sbyor ba spyad pa ste/ drug las zas gzhan dag ni ma bros na zhes pa'i don gyis shes par bya'o/ /bdag po ni rang ngo/ /ye shes rgya mtsho ni rig ma'o/ /de dag kun zhes pa ni thun mong gi don du gsungs so/ /nor rku? zhing zhes pa ni bdag tu 'dzin pa'i nor gyi rdzas 'phrog pa zhes pa'o/ /bsad pa zhes pa ni gnyis su med pa'i don bzhin gshegs pa'i 'khor bsad pa zhes bya'o/ /de bzhin du sgyu ma'i rnam pas brdzun zhes pa dang/ de gnas kyis gang zhes pa'i 'dod chags bsrung ba'i dam tshig bzhi ste de nyid sdom pa'o/ /kyo ba mo zhes pa ni 'dod chags rdo rje'i yid 'phrog pa ste/ gos dkar mo dang 'dra ba'i rig ma'o/ /mchog sems zhes pa ni rdo rje sems dpa' 'am mi bskyod pa'o/ /gzhan gyi go 'phang gsungs pa/ rdo rje can gyis zhes te/ gzhan dag gi yang rang gi rig ma'i phyag rgya'i go 'phang zhe'o/ /yi ge? zhes pa ni sngags kyis bskul ba zhes pa'i tha tshig go /de kho nas las bsgrub pa nye bar brtags te gsungs pa/

  345. 205a

    rdo rje gsum gyi ye shes brten zhe'o/ /'khor lo rdo rje gsum las 'byung zhes pa ni gtso bo gsum gtsor gsungs pa'o// //le'u bcu drug pa'i 'grel pa rdzogs so// //da ni sgrub pa chen por grags pa'ang gtogs pa srung ba'i dam tshig gtsor gsungs pa/ de nas zhes pa la sogs pa ste/ gsol ba btab ces pa ni bsrung ba la sogs pa'i dam tshig zhu bar 'dod pa'i bsam gtan bstod pa'i phyir ro/ /ye shes che zhes pa ni stong pa nyid kyi ye shes pas so?/ / rdo rje dbyings zhes pa ni rdo rje sems dpa' i rang bzhin du gzung na rkyen du smra ba yin no/ /rdo rje gsum mchog ni sku la sogs pa'i mchog go /dkyil 'khor gsum zhes pa ni/ sku la sogs pa'i dkyil 'khor kho na mchog ce'o/ /de bzhin du gzhan la yang rang gi ye shes rnams dang/ yon tan las rjes su dpags te shes par bya'o/ /de'i don gsungs pa/ sangs rgyas kun gyis bskul pa yi zhes pa la sogs pa'o/ /bstod chig de dag kho na la rdo rje 'chang bas yongs su dag pa bsdus te gsungs pa/ de nas zhes pa la sogs pa ste/ chos kyi dbyings ni stong pa nyid kyi ye shes te/ de a la sogs pa'i yi ge med ce'o/ /'od gsal ba ni me long lta bu'i ye shes so/ /yongs su dag pa ni bya ba nan tan gyi ngo bo'o/ /dri ma med pa ni lhag ma gnyis te/ nam mkha' i dbyings bzhin zhes pa ni kun la sbyar ro/ /da ni 'dod pa'i don gsol ba gdab pa kho na la gsungs pa/ de nas zhes pa la sogs pa'o/ /dam tshig bzhi zhes pa ni bsrung bar bya ba'i sdom pa brtul zhugs skabs su bstan ma thag pa'o/ /sha chen zhes pa ni bza' ba'i dam tshig ste/ bshang gcig la sogs pa yang sbyang ro/ /'di ni sku la nye bar brtags pa ste/ de bzhin 'og tu yang sbyar ro/ /khams gsum pa rnams kyi dam tshig las rang sangs rgyas kyi dam tshig gsungs pa/ de nas zhes pa la sogs pa ste/ lus kyi

  346. 205b

    ston pa ni ngag gi lus kyi bya bas sems can dag gi don byed la/ thugs rje chen po'i sngags pas de bsdu ba'i phyir de'i tshul gnas pa ni/ rdo rje sku la rab tu gnas she'o/ /'dir ni rang sangs rgyas sgrub pa ni ma yin te/ theg pa chen po'i don med par 'gyur ba'i phyir? ro// de bzhin 'og tu yang shes par bya'o/ /byed pa'i ye shes spangs zhes pa ni/ gnyis su med pa mi shes pa'o/ /mos pa chung du zhes pa ni theg pa chen po la ma smos pa'o/ /gti mug lam gyiS zhes pa ni mtshan ma'i rnam par shes pa med de/ de las dag bsgom pa ni byis pa dag bskrag par byed pas na 'jigs shing zhes te/ de kho naS sangs rgyas su sbyor ro/ /da ni oM dang gund+he las gyur pa'i tshangs pa gdong bzhi pa ser po phyag rgya chen po bzhi dang ldan pa gund+he thogs pa mi bskyod pas dbu brgyan pa bsgoms te/ de'i dam tshig bsgoms na phyis 'dod pa tsam gyis sku rdo rjer 'gyur zhes te/ de bzhin du drag po dang biSh+Nu'i? rigs las shes par bya'o/ /de la drag po ni a dang tri shul las bskyed pa nag po'o/ /biSh+Nu ni hUM dang dung las bskyed pa dkar po'o/ /de gnyis kyi yang 'gyur ba gsungs pa/ gtogs 'dod ces te smad chen ni drag po ste/ 'dod pa tsam gyis gsung dang thugs rdo rje'i skur 'gyur ro/ /gnod sbyin ma la sogs pa'i dam tshig kyang ngo bo tsam gsungs te/ de dag kyang rang rang gi sa bon la sogs pa spyi'i cho gas bsgrub po zhes sngar bshad zin to/ /'og ces pa ni phal cher ri'i 'og na gnas pa yin no/ /bdug pa zhes pa ni tshil chen gyi bdug pa'o/ /gnas kyi mtshan zhes pa ni ma mo'i gnas so/ /phan 'dod pa zhes pa ni snying rjes brlan pa'i rnal 'byor ba ste/ /des bsdus pa'i dngos po ngo bo nyid kyis 'byung ba'i dam tshig spyad par bya zhes bsdus pa'o/ /nyan thos la sogs pa dag kyang theg pa chen po'i sgrib pa gdod sbyor bas khams gsum pa ce'o/ /de dag gi don yang gsungs pa ci rigs 'gro ba'i don dang ni zhes so/ /yang lus la

  347. 206a

    sogs pa'i dam tshig gsungs pa/ de nas zhes pa la sogs pa ste/ rdo rje dra ba zhes pa ni srid pas ma gos ba'o/ /tshig gi lam gnas zhes pa ni brdzun la sogs pa bzhi'o/ /yid kyi rdo rje zhes pa ni mnar sems la sogs pa ste de ni dngos su bsten pa ma yin te rtsang? 'chad pa'i phyir ro/ /des ni gang byung na'ang rdo rje 'dzin pa'i rang bzhin yongs su dag par bsgom zhes so/ /de dag ni thams cad la spyod pas na kun tu bzang po zhes so/ /sbyor ba shin tu nges pa rnams kyi dam tshig gsungs pa/ de nas zhes pa la sogs pa ste/ sku gsung thugs su sbyor pa nyid tshogs yin gyi/ phyag gis ni ma yin te/ zhe 'am yang na phyi'i blos tshogs su mi 'gyur zhe'o/ /'o na ji ltar bya zhe na/ de nas yang zhes pa ste/ kun tu rdo rje sems dpa' i dkyil 'khor byer med pas bsams te zhe'o/ /rdo rje gsum sbyor ba zhes pa ni/ dang po la sogs pa'i sbyor? pa gsum dang ldan pas zhes pa'i don to/ /de nas yang tshogs chen po bsams pa gsungs pa/ sems can khams rnams zhes pa ste/ thams cad bdag dang dbyer med par phyag 'tshal lo zhes bsam pas bskul lo zhe'o/ /da ni chen po'i bsgrub pa chen po rdzogs nas/ mchod pa'i dam tshig gsungs pa/ de nas zhes pa la sogs pa ste/ 'dir ni nang gi gsungs pa yin no/ /gnyis ni 'og nas ston to/ /bsrung ba'i dam tshig bzhi'i rkyen gyi dam tshig gsungs pa/ de nas zhes pa la sogs pa ste/ mi snang ba zhes pa ni dam tshig bzhi po kho na rkyen med pa'i blos blta bar dka' ba'i phyir ro/ /rdo rje mo zhes pa ni las kyi phyag rgya kho na gsungs pa yin te de ni rkyen no/ yang na rdzas kyang rtag tu dbrog ces pa ni de la sbyor bas phyung ba'i byang chub kyi sems zos pas bdag tu 'dzin pa'i rdzas phrogs pa ste sangs rgyas kyi 'khor gsod pa la sogs pa yang sbyar ro/ /yang rig 'dzin gyi dam tshig gsungs pa/ de nas zhes te rig 'dzin sbyor ba

  348. 206b

    pho? dang mo la dkon mchog dpal dang tshe dpag med dbu rgyan du bsam zhes pa'i don to/ /las dang po pa rnams kyi dam tshig gsungs pa/ de nas zhes pa la sogs pa ste/ lus kyi rdo rje la sogs pa la phyi rol gyi kha zas kho na'i ston mo spyad ces mdor gsungs te/ 'di'i sbyor ba ni 'og nas ston to/ /phyi rol zhes pa ni bsam gtan gyi zas la dbang ma thob pa'i phyir ro/ /da ni thugs kyi chos bstan pa gsungs pa/ de nas zhes pa la sogs pa ste/ cang mi gsung zhes pa ni mnyam pa nyid la brjod du med pa'i phyir ro/ / de nas byang chub sems dpa' rnams kyis de'i don zhus pa gsungs pa/ de nas zhes pa la sogs pa ste go sla'o/ /de'i lan gsungs pa/ de nas zhes te/ de ni brjod pa'i tshig gang dmigs su med pa de la ngo bo nyid med pas bsams te mi gsung zhe'o/ /bsam pa brtan pa gsungs pa/ rigs kyi bu zhes te/ sku la sogs pa ma skyes pa nyid la brjod pa ni gzhan dag skyes pa'i rnam pas log par zin te 'gyur snyam du dgongs pa yin no/ /de nas yang zhus pa phyin ci log tu zin pa kun 'byung ba mi brtag tu gsol zhes pa de ci'i phyir zhe na/ mthu'i ngo bo nyid spyod par gyur pa ste/ mi skye ba'i ston pa nyid yin la/ bdag cag kyang de'i rjes su 'dzin pas log pas mi 'dzin te zhe'o/ /ngo bo nyid med par bsams nas zhes pa de la zhus pa/ tshangs pa la sogs pa'i mngon par shes pa thob pa dag 'o na ci sdang bcad pa dag chos rdo rje sems dpa' i ngo bo yod par shes nas 'chad dam snyam pas na de skad ma gsungs zhig ces pa'o/ /mngon par shes pa zhes pa ni rdo rje ye shes kyi spyod pa las mnyam pa nyid mthong ba'i don to/ / de'i lan gsungs pa/ de nas zhes pa la sogs pa ste/ rjes su 'dzin zhes pa de nged kyis kyang mi shes shing mi 'dzin zhes te ngo bo nyid med pa'i phyir ro/ /yang tshangs pa la sogs pa ni sems can chen po zhes te/ 'dod chags chen pos 'dul pas ?

  349. 207a

    chen por gtogs pa'o/ /chos nyid yin pa'i phyir zhes pa ni de rang bzhin can de snam bu dkar po bzhin te 'bras bu thob pa'i snod yin no/ /rdo rje ye shes thob ces pa ni mngon par shes pa kho na te rkyen gyis sangs rgyas thob pa'i phyir rtog pa de mi 'byung zhe'o/ /de'i kho na'i rjes su ston pas gsal bar gsungs pa/ de nas zhes te/ de ni ngo bo nyid kyis dag la skye ba med do zhes chos kyi dbyings su rtog pa smra ba dag ni yang dag par smra ba ma yin no zhes pa'o/ /de kho na brtan por bya ba gsungs pa/ de nas zhes pa la sogs pa ste/ nam mkha' ni ci la yang mi gnas so zhes pa 'di yin no/ /de la ngo mtshar gsungs pa/ e ma zhes pa la sogs pa ste/ lus la sogs pa'i dngos po med pa'i chos nyid kho na las lus la sogs pa bsgom ste/ de kho na e ma'o rdo rje tshig smras pa zhes so/ /da ni rig pa'i lha'i bsgrub pa chen po'i phyir gsungs pa/ da ni zhes pa la sogs pa ste/ rdo rje'i sku zhes pa ni rtag pa ste/ de'i spyi bor rdo rje zhes pa ni bskyod pa'o/ /sku gsum las byung ba zhes pa ni kha dog gsum ste/ des rnam par dag pa'i phyir ro/ /rnam par g.yo ba zhes pa ni shing la sogs pa las byas pa lta bu ni ma yin gyi/ de dang sems dang bcas pa'i g.yo ba dang ldan par shes pa'i don to/ /rdo rje 'khor lo 'dzin zhes pa ni mi bskyod pa dbu la gnas pa ni rdo rje 'dzin la/ bzhi ni 'khor lo 'dzin zhes pa'i don to/ /gzhan yang gsungs pa/ thams cad rigs kyi bye brag gis shes te de'i don du sangs rgyas rdo rje can rnams kun zhes pa la sogs pa gsungs pa yin no/ / de'i rig ma'i bsgrub pa chen po'i mthar thug nas chags pas mnyes par bya'o zhes gsungs pa/ dbyings las byung bar gyur pa'i zhes pa la sogs pa ste/ khyu mchog ces pa ni lha'i mchog ste bdag nyid do/ /yang dag gi bsnyen pa la sogs bu? de dag?

  350. 207b

    gcig tu dam tshigs gsungs pa/ de nas yang zhes pa la sogs pa ste/ dam tshig rgya chen zhes pa bsnyen pa la sogs pa phyag rgya chen po'i tshogs dag go /cho ga bzhin du zhes pa ni sngar bshad pa bzhin du zhes pa'i don to/ /mtshan nyid kun gyis shes pa phung po la sogs pa zhes pa 'am/ yang na 'bring po'i yan lag la sogS pas kyang gzung ngo/ /yang gsang ba'i dam tshig gsungs pa/ de nas zhes pa ste/ sems kyi cho ga kho na gtso bo yin gyi lag pa'i phyag rgya ni g.yeng ba'i rgyu yin pas ma yin no/ /yang bskul ba la sogs pa'i dam tshig gsungs pa/ de nas yang zhes pa la sogs pa ste/ bshang gci zhes pa ni sngar bshad na yang mi smad do zhes pa 'dir 'dod do/ /cho ga bzhin zhes pa ni bdud rtsi'i sbyor ba ji skad bshad pa'o/ /dam tshig ji snyed yod pa kun zhes pa ni dus gsum gyi sangs rgyas rnams zhes pa ste/ rdo rje gsum zhes pa ni sbyor ba gsum ste/ de kho na gcig tu sems la byas pas sangs rgyas dag mnyes par bya ba ni thugs kyi dam tshig yin no/ /da ni nye bar bsgrub pa la phung po la sogs pa rnam par dag pa'i sbyor ba'i dam tshig gsungs pa/ de nas yang zhes pa la sogs pa ste/ rdo rje gnas zhes pa ni bdag po'i dbang gis lus rnams la yang de skad de skye mched rnam par dag pa'o/ /mkha' dbyings zhes pa ni khams kyi zhar la gsungs pa ste/ rdo rje zhes pa ni lha rnams so/ /'dzin pa ni gzhi'i nam mkha' zhes te ston pa ni ma yin no/ /mi ldog pa'i dbang gis yon tan dang rtsa ba'i dam tshig gsungs pa/ de nas zhes pa la sogs pa ste/ gsang ba 'dus pas zhes pa ni rgyu nam mkha' i sangs rgyas la sogs pas gzung ba'i byang chub kyi sems te sangs rgyas thams cad kyi rang bzhin yin pa'i phyir ro/ /kha cig na re rgyud 'dis zhes zer te/ de ni rgyud gzhan las kyang gsang ba 'dus pas dbang bskur ba la zhes snang bas 'gal lo/ /yang 'khor gyi de bzhin

  351. 208a

    gshegs pa dag gis log zlos su lan gsungs pa/ rigs kyi bu zhes pa la sogs pa'o/ /yang zhus pa ci'i slad du zhe'o/ /gtan tshigs kyi lan gsungs pa/ slob dpon de ni zhes pa la sogs pa ste/ gsang ba? 'dus? pa dbang bskur ma thag tu slob dpon zhes ming thob pas na slob dpon de ni zhe'o/ /yang de la sri zhu bya ba'i don gsungs pa/ rigs kyi bu zhes te/ de ni sangs rgyas dang byang chub sems dpa' phyogs bcu nas lhags nas slob dpon de mchod de de ni lus kyi sri zhu'o/ /ngag gi sri zhu yang 'di skad du/ bdag cag de bzhin gshegs pa rnams kyi slob dpon khyod pa yin no/ /de bzhin du ma yin no/ /ston pa yin no zhes 'dod de/ slar yang rang gi zhing du 'gro bar 'gyur ro zhes so/ /yang slob ma rnams kyis de la ji ltar gzung ba'i rtsa ba'i dam tshig gsungs pa/ 'di lta ste/ zhes pa la sogs pa ste/ slob mas de ltar gzung ngo zhe'o/ /yang zhus pa ci'i smad du zhe'o/ /lan btab pa'i rigs kyi bu zhes te/ byang chub kyi sems dang slob dpon mi gnyis mas byang chub kyi sems de skad do/ /de nas yang byang chub sems dpa' byams pa 'di snyam du de 'dra'i slob dpon la brnyas pa dag mnar med par skye'o snyam nas 'jigs pa skyes te cang mi smra bar gyur to/ /yang slob dpon gyi sri zhu ba bsten par bya ba'i phyir ched du de bzhin gshegs pa rnams kyis gsungs pa/ de nas yang zhes pa la sogs pa ste/ ye shes kyi bdag po zhes pa ni gsang ba 'dus pas dbang bskur ma thag sangs rgyas thams cad kyi slob dpon du gyur pa ste/ tshe 'di la sangs rgyas kyi grangs su bgrang ba yin no/ /de bas na phyir mi ldog pa'i dbang zhe'o/ /de yang phyi ma las gsungs pa/ shin tu brtul zhugs dbang bskur ba'i zhes pa la sogs pa ste/ dbang bskur ba de kho na dngos grub kyi snod du gsungs pa/ de nas zhes pa

  352. 208b

    la sogs pa ste go sla'o/ /da ni ri mo'i dkyil 'khor la ye shes kyi 'khor lo spyan drang ba gsungs pa/ de nas zhes pa la sogs pa ste/ gong du zhugs pa'i ting nge 'dzin las bzhengs nas bka' stsal zhes 'bril to/ /nam mkha' i dbyings kyi dbus su ni zhes pa la sogs pa ni sngon du ji lta ba'i gnas gsungs pa'o/ /bsam gtan rdo rjes zhes pa ni thabs dang shes rab sbyor ba'i sgra dang ye shes sems dpa' i 'od kyis de dag bskul ba ste/ de yang bzang po zhabs kyis gsungs pa/ /shes rab 'khyung pa gong ma bzhin zhes pa nas/ bgegs rnams bskrad nas mngon par bsrung zhes pa'i bar du phyed dang gnyis gsungs so/ /de rnams dgug pa la sogs pa gsungs pa/ rdo rje dkyil 'khor zhes te/ 'dir bsam gtan zhes pa ni gshin rje gshed la sogs pa'i sngags yin no/ /ye shes 'khor lo zhes pa ni ye shes sems dpa' i 'od kyis bskul ba dag ste/ de ltar phyi ma las/ ye shes sems dpa' gang reg pa/ ye shes 'khor lo zhes su bshad ce'o/ /gzhug pa bya zhes pa ni nye ba'i bsgrub pa la sogs pas de dag gzhug par bya'o zhes pa ste/ de yang gsungs pa/ gshin rje gshed la sogs pa yis zhes pa nas dbang bskur zhes pa'i bar du'o/ /mchod pa'i cho ga de nyid kyis zhes pa ni rdo rje dri med gsum dag gis zhes gong du bstan pa de nyid kyis shes pa'i don to/ /de yang gsungs pa/ yon tan zhes pa nas mgu bar bya zhes pa'i bar du ste/ de dag ni bsam gtan gyi dkyil 'khor la yang shes par bya'o/ /dkyil 'khor dang brtul zhugs dang 'brel pa gsungs pa/ slob dpon zhes pa la sogs pa ste/ de ni rang dang slob ma bag la bdag po snying khar bsam mo/ /gnas gsum gyis zhes pa ni nam mkha' i sangs rgyas bskul ba la rdo rje gsum gyi gnas sam yang na spyi bo la sogs pa ste/ sbyor ba de ni 'dir gsang ba dang shes rab ye shes kyang gzung ngo//

  353. 209a

    da ni bsam gtan gyi las la gtogs pa'i dgra bo bsgom? pa gsungs pa/ de nas zhes pa la sogs pa ste/ ji skad du rdo rje sems dpa' las gyur pa sku la sogs pa'i snying po gsum las gyur pa'i ti shu la las bskyod pa rdo rje mkha' 'gro nag po nyi ma la 'dug pa/ phyag rgya bzhi dang ldan pa/ tri shu la dang thob bsnams pa/ mi bskyod pas dbu rgyan pa/ rang gi rig ma la 'khyud par bdag nyid bsams te/ bsgrub bya'i sha la sogs pas nam mkha' pa'ang ste/ bdag gi lce la yi ge gong ma dag 'od zer can du bsams nas dbugs kyi bsam gtan dang/ oM badzra DA ki ni a mu ka sam+b+ha rak+ta A karSha yA tsu sha ya hUM phaT ces pa'i sngags kyi sbyor bas thod pa drangs nas btung bar bya'o/ /de nyid kyi don du phur pa gdab pa gsungs pa/ tri shul rdo rje zhes te phur pa'i sngags kyis tri shul dang phur pa yang nga'i gzugs dang po'i yi ges bskyed ba mdun du mos te gdab par bya'o zhes ston to/ /las dang po pa'i dam tshig gong du gsungs pa'i sbyor pa gsungs pa/ de nas zhes pa la sogs pa ste/ cho ga bzhin zhes pa ni gong du bstan pa'i cho gas shes pa ste/ de la gsungs pa/ snying ga zla ba'i dkyil 'khor la zhes pa nas phyi yi spyan bsreg rjes su dpag ces pa'i bar du tshigs su bcad pa gnyis dang rkad pa gsum gsungs so/ /yang gong du gsungs pa las phyi'i mchod pa dang gsang pa'i mchod pa'i dam tshig gsungs pa/ de nas zhes pa la sogs pa ste/ khu ba la sogs pas zhes pa ni khu ba las gyur pa'i lha mo dang reg pa dag kyang zhes pa'i don te/ ji srid phyi'i bud med yod na khu ba nyid kyang 'bar bar bsams te bdag gis khas blangs nas zos pas mchod par bya'o/ /phyi'i bud med kho na ched du btsal ba bstan pa'i phyir yang gsungs pa/ de nas zhes pa la sogs pa ste/ dam tshig 'dzin pa'i ma zhes pa ni

  354. 209b

    gsang ba'i dbang gi sdom pa len pa'i phyir de skad du/ 'dir srid mo dang bu mo yang bzung bar shes par bya'o/ /sngags kyi snying po'i sdom pa gsungs pa/ de nas zhes te/ lus dang ngag sems longs spyod ces pa ni bsgom pa mchog gi dngos po'o/ /gsang ba gsum zhes pa ni rig ma'i gsang ba'o/ /rdo rje ni gsang ba'i rdo rje'o/ /gnas zhes pa ni de gnyis la gnas pa'i byang chub kyi sems te/ bdag gis gzung bas bsgrub po zhes pa'o/ /de kho na ye shes chen po'i yin pas bzang po zhe'o/ /yang nyam chung ba bsal pa'i dam tshig gsungs pa/ de nas zhes pa la sogs pa ste/ ji ste rang gi snying po rtogs pas nyams zhan rig ma'i glus bskul te/ bdag gi spyi bor mtho gang tsam du zla ba la gnas pa'i bdud rtsi lnga la oM gyis mtshan pa dbugs kyi lcags kyus drangs te lha rnams tshim par byas so zhes pas te/ de yang gsungs pa/ rang gi snying po de nyid sems dpa' i che zhes pa nas lus ngag yid ni tshim par bya zhes pa'i dar du tshigs su bcad pa gnyis gsungs so/ /yang sbyor ba brtan pa rnams kyi dam tshig gsungs pa/ de nas zhes te/ de la Ats+tsha la sogs pa phyi'i dge bdag gis ni byang chub la spyod par 'dod pa ma yin te/ sems kyi chog kho na mchog tu bslab pa yin no/ /de yang gsungs pa/ sems nyid cho ga thams cad ces pa la sogs pa'o/ /da ni bsam gtan pa'i las las lus pa dug 'byin pa la sogs pa gsungs pa/ de nas zhes pa la sogs pa ste/ 'byin pa ni gtong pa'o/ /'dren pa ni bsdus nas 'byin pa'o/ /b+h+ruM zhes pa 'dir rtag pa 'am gtsug tor 'khor lo sgyur bas/ lag pa g.yas pa las b+huM? la bskyed pa'i 'dor? lo la b+h+ruM nyid bsams te/ gong du rtag pa la brtan pa bzhin gtor bar bya'o zhes so/ /ci ste gnon par 'dod na/ sku ser por bsgyur nas/ b+h+ruM gyi 'od ser pos gnas gsum du bsdus nas de nyid du kha zas dug gi steng du 'khor lo ser po dang hUM gis mnan par bya'o//

  355. 210a

    ci ste 'dren na b+h+ruM kho nas gong du hUM las sbyar ba'i cho ga ltar shes par bya'o/ /'od zer gsum zhes pa ni mnan pa ser po dang gzhan la nag po dang dkar po ste/ de dag gis gnas gsum la soD pa nas 'byin par 'gyur zha'o/ /da ni sngags kyi cho ga gsungs pa/ de nas zhes pa la sogs pa ste/ 'di'i don ni gang yang rung pa'i rnal 'byor pas/ gur kum la sogs pas gro ga'am shing lo dag la rdo rje rgya gram bris te/ de'i ste pa la yang 'khor lo rtsibs brgyad pa/ de'i lte ba la ha dang bsgrub bya'i ming yang shar la sogs pa'i rtsibs la mi bskyod pa la sogs pa yang mtshan sa bzhi la spyan ma la sogs pa/ de bzhin du gzugs kyi rdo rje ma la sogs pa yang gnas ji lha ba bzhin du dgong go/ /gshin rje gshed la sogs pa yang phyogs bzhir dgod don mu khyud ni phreng ba'i sngags kyis bskor te bzhag go /de nas yang de la ji lta ba bzhin du ye shes kyi lha rnams dgug pa la sogs pa byas nas legs par mchod de/ ras la sogs pa'i snod du bzhugs nas bsgrub bya yang khrus la sogs pa yang byas te/ dkon mchog gsum la skyabs su gtang ba la sogs pa byas te/ sa de'i mgul pa'am dpung pa la gdags pa byas nas gdon la sogs pa bsrung bar 'gyur zhe'o/ /da ni thun mong gi bsgrub pa las lus pa mig rnon gyi cho ga gsungs pa/ de nas zhes pa la sogs pa ste de'i don ni gang yang rung ba'i rnal 'byor pas lam gyi bzhi mdo la sogs par ches nyi shu dgu'i nam phyed na ban d+ha la khrag chen pos padmos bris pa'i steng du 'dug ste/ yang ban d+ha gcig gi nang du bdud rtsi lnga dang tshil chen po la sogs pa'i bzhus pa'i mar la ras kyi skud pa sdong bu pad ma'i rtsa ba'i skud pas dkris te me btang nas band+ha gcig gis steng nas phub ste sngags bzla bar bya'o/ /de nas yang band+ha blangs te gong du gsungs pa'i phreng ba'i sngags brgya rtsa brgyad btab ste mig la bskus na sku la sogs pa'i dngos

  356. 210b

    grub tu 'gyur zhes pa yin no/ /da ni rgyud 'di ni yi ge gsum gyis bsdus pa'i che ba ston te/ de nas zhes pa ni gsang ba'i yi ge rnam par dag pa'i phyir ro/ /zhes pa nas cang mi smra bar gyur to/ /zhes pa ni de ma thag pa'o/ /byang chub sems dpa' chen po de dag ces pa ni 'od nas byung ba'i gsang ba'i yi ge ma thob cing mngon par sangs rgyas so zhes pa dag go /dad cing bsgrub par 'gyur zhes pa ni ji ltar na skal pa mchis sh+ng sgrub par 'gyur zhes pa'o/ /da ni rgyud 'di rnyed par dka' ba dang lam nye ba dang 'bras bu chen po dag gis gzhan las khyad par du gyur pa gsungs pa/ de nas zhes pa la sogs pa ste/ de la de nas zhes pa ni dngos grub rnams su 'gyur ro zhes pa'i de ma thag go /lhag ma ni go sla'o/ /de ci'i phyir zhe na/ zhes pa ni ma gsungs pa'i rgyu 'dri ba'o/ /lan gsungs pa/ bcom ldan 'das zhes pa la sogs pa ste/ de'i dus sems can rnams la gsang ba chen po bshad pa'i skal pa med do zhes pa yin no/ /des ni rnyed par dka' ba ston to/ /'on kyang zhes pa ni don chen po byed pa yin no zhes pa ste/ skad cig ces pa la sogs ba ni lam ye bar ston to/ /sangs rgyas kyi byang chub ces pa la sogs pas ni 'bras bu chen po ston te/ khyad par gyur pa kho na yin no/ /tshe 'di nyid la zhes pa ni dbang bskur ba dag ni rkyen gyis sangs rgyas dang dbang bskur na chog chen po bsgrub pa dag ni bla na med pa'i sangs rgyas tshe 'di nyid la 'grub pa'i phyir ro/ /sdug bsngal gsum zhes pa ni lus la sogs pa'i sdug bsngal lo/ /gsang ba'i yi ge rnam par dag pa ces pa ni shin tu zab par ston to// //de ni le'u dang po la gtogs pa'i de bzhin gshegs pa'i phrid las la 'bras bu rdo rje 'chang ba bskyed pa'i phyir ro/ /chos kyi skur bzhugs pa la gong du phyung ba'i mtshams kyi lha mos bskul ba gsungs pa/ de nas zhes pa la sogs pa ste/ de la de nas zhes pa ni 'og nas 'byung ba'i chos ma yin zhes pa nas cang mi

  357. 211a

    gsung bar gyur to zhes pa'i de ma thag go /gnas kyi dbang phyug ces pa ni gnas kyi bdag po'o/ /dga' ba zhes pa ni reg pa las byung ba'o/ /yid 'ong zhes pa ni bde ba'o/ /de lo na don chen te bsgrub par bya ba'i mchog yin ba'i phyir ro// 'dod pa zhes kyang de kho nas te/ des bskyab du gsol zhes nas gnad la bor te bskul ba gsungs pa/ mgon po gal te zhes pa la sogs pa ste go sla'o/ /de bzhin du lhag ma rnams kyang go sla bas bdag gis ni ma bshad do/ /dam tshig gi 'khor lo zhes ba ni de ma thag dam tshig las gyur pa 'khor lo'i rgyan nye bar gnas pa'i tshul gyis zhes pa'i don to/ /da ni rdo rje ye shes kyi spyod pa la gtogs pa/ rdo rje sems dpa' i thugs kar sangs rgyas thams cad zhugs pa'i de ma thag dbang bskur pa gsungs pa/ de nas zhes pa la sogs pa ste/ de la de nas zhes pa ni le'u dang po las thugs kar zhugs so zhes pa'i de ma thag go /nam mkha' i dbyings zhes pa ni rig ma'i gsang ba'i nang ngo/ /rdo rje gsum gyi ye shes zhes pa ni sku la sogs pa'i bzhi chos kyi sku ye shes lnga ste / mngon par shes pa'o/ /kun tu bzang po zhes pa ni spyi'i rnam pa ste/ phye nas ni dam tshig rdo rje la sogs pa de yang gsungs pa/ /sa'i snying po la sogs drug ces pa la sogs pa'o/ /rdo rje ye shes kyi spyod pa zhes pa ni ye shes kho na rdo rje ste/ de thob par byed ba'i spyod pa'o/ /btsun mo las 'das zhes pa ni rdo rje sems dpa' i btsun mo'i b+ha ga las chos kyi dbyings kyi pho brang du 'thon zhes pa ste/ 'thon zhes kyang gong ma'i don la ngo mtshar gsungs pa/ bcom ldan 'das zhes pa la sogs pa'o/ /'dod chags kyi yi ge zhes pa ni 'dod chags las gyur pa'i byang chub kyi sems so/ /lhag ma ni go sla'o/ /da ni sgrar snang pa'i rgyud kyis phan gdags pa'i phyir bka' bsgrags pa'i don du bsgo gsungs pa/ de nas zhes pa la sogs pa ste go sla'o/ /yang pas

  358. 211b

    zhes pa ni gong du 'di gsum mo zhes pa nas phyag 'tshal nas cang mi gsung par gyur to zhes pa'i de ma thag ste/ 'di ni spyir bsgo ba yin no/ /yang dmigs kyis rdo rje chos la bsgo ba gsungs pa/ de nas zhes pa la sogs pa ste go sla'o/ /yang khas blangs pa gsungs pa/ de nas zhes te/ cang mi gsung ba zhes pa ni 'dod pa'i don rdzogs pa'i don to/ /da ni bsgo ba de kho na de bzhin bgyi'o zhes khas blangs nas sems can rnams la bsgrags pa'i phrin las gsungs pa/ de nas zhes pa la sogs pa ste/ de la de nas zhes pa ni rtsa ba dang phyi ma'i sgra'i rgyud kyi rnam pa mdza' dag rdzogs pa'i de ma thag /de nas sems can rnams la rdo rje gsum sems pa'i rgyud bsgrags so zhes pa ste yongs su rdzogs pa'i don to/ /rtsa ba'i rgyud rdzogs nas rang gi las la zhugs pa gsungs pa/ de nas zhes pa la sogs pa ste/ de la de nas zhes pa ni de bzhin bgyi'o zhes pa nas cang mi gsung zhes pa'i de ma thag go /cang mi gsung bar gyur to zhes pa ni khams gsum thams cad kyi lus dang de bzhin gshegs pa thams cad kyi sku mnyam pa nyid la dmigs pa kho na'i phyir te/ 'di'i phyir rnal 'byor pa dag kyang sbyor ba rnam pa gsum rdzogs nas gshegs su gsol ba la rdo rje gsum gyi thugs kar mdza' dag bsdus te/ de yang nam mkha' ltar mnyam pa nyid du bsam pa'o/ /de yang gsungs pa/ de nyid bdag nyid gzhung ldan pa'i/ /sangs rgyas thogs med slar gshegs gsol zhe'o/ /le'u bcu bdun pa'i 'grel pa rdzogs te/ rtsa ba'i rgyud kyi 'grel pa rdzogs so// //da ni phyi ma zhes grags pa bshad par bya ste/ kha cig na re sangs rgyas kyis ni rtsa pa'i rgyud las rtogs la/ byang chub sems dpas ni ma rtogs pas byams pa la sogs pas zhus zhes zer ro/ /de yang rigs par kho bos ni ma mthong ste/ ci'i phyir zhe na/ thos te rtogs nas zhes pa dang/ sems can rnams la phan pa'i phyir zhes pa'i

  359. 212a

    tshig gis na ma rtogs pa yang ma yin la rang gi ched kyang ma yin no/ /byams pa la sogs pas gsol to zhes 'brel to/ /ci dang ldan zhe na/ de bzhin gshegs pa zhes pa ni sogs pa smos te/ bde ba la sogs pa gsum ni dbang ste/ de yang rim pas dri ma gsal ba'i chos nyid mthong bar 'dod de rigs pa'i chos so/ /sku gsung thugs kyis gsang ba'i ni sgrar snang ba ste lung ngo/ /de gnyis bstan pa'o/ /ji lta bur zhes pa ni phyin ci ma log pa'o/ /dngos po thams cad kyis zhes pa ni ye shes ma lus pas so/ /dam tshig ji lta ba bzhin zhes pa ni gzhi'i le'u la sogs pa'i rim pas so/ /mthong zhing zhes pa ni rigs pa'i chos te ye shes kyi mig gis zhes pa'i tha tshig go /thos te rtogs zhes pa ni lung gi bdag nyid do/ ` /de bzhin gshegs pa rnams la zhes pa ni 'khor rnams la 'gro ba'i tshul lo/ /chos mthong ba dang ldan zhes pa ni gtsor smos pa ste/ thos te rtogs zhes pa yang sbyar ro/ /chos de gnyis nyid gsol pa/ e ma'o zhes pa la sogs pa'o/ / thams cad bzang bsan kun tu bzang po ste/ de'i rdo rje gsum la kun gyi ni zhes pa la thams cad kyi rdo rje gsum bzhugs zhes te/ des ni sangs rgyas rnam gnyis su med do zhes so/ /sems can thams cad ces pa ni sems can dang gnyis su med par ston to/ /ngo bo nyid ces pa ni chos nyid ces pa'i tha tshig go /de ni lung rtogs pa'i mchog gsol ba ste rdo rje sems dpa' i ngo bo'o/ /byang chub sems gnas thob pa zhes pa ste riD pa ste rdo rje sems dpas dbang bskur bas rkyen gyi sangs rgyas thob pa'o/ /rdzu 'phrul che zhes pa ni rdo rje sems dpa' i byin gyis brlabs te/ de ni phrin las so/ /de ni gnyis su kun tu bzang po'i sku gsung thugs kyi nges pa zhes bya'o/ /de gnyis kho na las tshigs su bcang pa gcig gis ngo mtshar gsungs pa/ e ma zhes

  360. 212b

    pa la sogs pa'o/ /'di zhes pa ni ngo bo'o/ /des ni ngo mtshar smras so/ /dbang po las 'das pa'i phyir zhi ba ste dam pa'o/ /e ma'o 'khor pa dag gi rgyun zhes pa phyed 'og mas 'phrin las la ngo mtshar ba dang dam pa'o/ /de nas mngon par 'dod pa'i don zhu bar brtsams pa/ gsang ba dang zhes pa la sogs pa ste/ bla na med pa zhes pa na nang gi'o/ /zhu ba'i don dmigs kyis gsal pas gsungs pa/ e ma'o shin tu rnyed dka' pa'o zhes pa la sogs pa'i/ /gang gsungs yang dag gsungs pa yi/ rtogs dka' gsol zhing mchis zhes sbyar ro/ /ci'i don du zhe na/ de nyid kyi don ched du de'i rim pas sems can byang chub dang sbyor ba la phan pa'i phyir ro/ /legs so zhes pa ni zhus pa'o/ /yang legs so zhes oa ni byang chub sems dpa' nyid la'o/ / yang legs so zhes pa ni zhus pa de don yod pas so/ /zhus pa'i tshig rnams ni lan las bshad do/ /rdo rje 'dzin pa chen po la dmigs pa ni gnyis su med pa la bzhag pa ste/ de'i don brjod du med pas na cang mi gsung zhes rtsa pa'i skabs su bshad do/ /da nas yang dang yang du bskul ba dang/ thugs rje rjes su gzung ba gsungs pa/ sku gsung thugs kyi rdo rje la zhes pa la sogs pa'o/ /rdo rje 'dzin pa'i bdag nyid la rang rang gi ngo bo nyid du gzhog la tshul bzhin du nyon zhes pa'o/ /rjes su gzung ba'i dam tshig spyi pos blangs zhes pa ni de bzhin du bgyi zhes khas blangs pa'o/ /cad mi gsung pa ni rdo rje 'dzin pa bsam pa'i phyir te yang dang yang du bshad do/ /thugs rje chen po ni gzhan gyi don la brtse bar gyur pas de dmigs nas so/ /byin gyis brlabs zhes pa ni le'u dang po nyid du ste 'dir dran par byas so/ /gsung gcig tu zhes pa ni tshangs pa'i gsung kho nas zhes pa'i tha tshig go /de la 'gro pa'i tshul gyis lan gsungs pa gsang ba zhes bya bar bstan pa ni zhes pa la sogs pa'o/ /

  361. 213a

    sku gsung thugs shes pa ni de'i rang bzhin yi ge gsum ho dang bcas pa'i tha tshig go /dbyangs kyis bskul pa'i de ma thag 'od kyis sangs rgyas thams cad bsdus pa ni 'dus pa zhes so/ /rgyud kyi 'grel pa'i lan gsungs pa/ lnga pa zhes pa la sogs pa'o/ /bzhi po de las dam tshig bzhi dang ldan pa'i sngags pa dang/ de'i ngo bo'i de kho na nyid dang/ de'i ngo bo'i bsrung ba dang/ bza' ba'i dam tshig go rim bzhin du gsungs te/ de ni bsgrub pa chen po zhes ming du brtags pa sangs rgyas dang byang chub sems dpa' thams cad kyi sngags dang kun tu spyod pa'i dam tshig du gsungs so/ /bzhi pa dang ni zhes bya ba la sogs pa bzhis ni/ gzhan gyi don dang 'bras bu'i ngo bo gsungs te/ de yang bzhi pa las ni dkyil 'khor zhes ming du btags pa slob ma gzhug pa la/ mthar thug pa'i slob dpon gyi las gsungs so/ /bcu drug pa las dbang gsungs so/ /brgyad pa las mchod pa'i sdom pa gsungs so/ /bcu gnyis pa las thun mong gis dngos grub gsungs te/ sdom pa dang thun mong gi dngos grub ni rang gi don la yang 'brel te/ 'dir le'u bzhi bzhir byas pa mdzes pa dang/ de yang 'brel pa'i phyir gsungs te/ de bzhin du 'og nas 'byung ba'i drug pa dang bdun pa la sogs pa yang rjes su dpag go /brgyad pa dang ni zhes pa la soD pas ni rang gi don gnyis las drag shul gyi bsgrub pa gsungs te/ brgyad pa ni drug pa'o/ /de las ni rjes su chags pa dang nye bar bsgrub pa gsungs pa/ gnyis pa las byang chub kyi sems kyi sdom pa gsungs pa/ bcu pa dang bcu bzhi pa las drag shul gyi cho ga gsungs te/ le'u de rnams kyis rang gi don la zhag bdun du bsgrub par bya zhes par 'brel te/ gzhan la yang de ltar shes par bya'o/ /bdun pa dang ni zhes pa la sogs pas rang gi don bsnyen pa'i ngo bo rjes su dran pa la sogs pa'am?/

  362. 213b

    kha cig 'dod pa de ltar ma yin pa'i ngo bo gsungs te/ bdun pa las bsgrub pa'i sdom pa rjes su dran pa gsungs/ gsum pa las mchog gi brnyen par gtogs pa gsungs/ gcig las rdo rje ye shes kyi spyod pa la sogs pa de bzhin gshegs pa kun gyi las gsungs pa/ bcu gcig pa las dngos grub kyi zhing ri dang dgon pa la sogs pa gsungs pa/ bco lnga pa las rmi lam gyi mtshan ma gsungs te/ 'di yang ri dang dgon pa la sogs pa'i bzhi nas mtshan ma byung ba'i bar dang/ rjes su dran pa'i bar gyi chos thams cad sbyar te/ 'di rnams ni le'u'i chos gtsor gzung bar zad do/ /de ltar le'u'i don gyi 'brel pa rnams gsungs nas/ gzhan yang ltur 'brel pa rnams gsungs pa/ dul ba gdul dka' zhes pa la sogs pa'o/ /de la zhi ba'i sems can ni dkyil 'khor du gzhug pa la sogs par 'brel to/ /gdul dka' ba'i gdug pa can rnams ni drug pos tshar gcad par 'brel to/ /thun mong dang mchog gi lha bskyed pa la rdo rje bzhi dang cho ga bzhis bsnyen par 'brel to/ /thun mong dang mchog gi dngos grub dang de'i las kyi gzhung 'brel to/ /dkyil 'khor las dang brtul zhugs so/ /de lta bu'i gzhung de rnams dang slob dpon no/ /yang slob dpon dang slob ma ste/ de lta bu'i dbang bskur ba ni bdag nyid chen po zhes te/ de kho na sangs rgyas dang byang chub sems dpa' i rnal 'byor bstan pa nyid kyis yongs su grol bar 'dod do/ /sbyor ba'i lan ni/ thabs dang shes rab snyoms par 'jug pa ste/ de'i ngo bo ni stong pa dang snying rje las byung pa'i mtshan nyid de zab pa dang rgya che'o/ /rgyud kyi 'brel pa zhes pa dang/ 'di'i sbyor ba zhes pa'i sgra'i don gsungs pa/ rgyud ces bya bar 'brel pa'i don zhes pa la sogs pa'o/ /de la gzhi ni gzhi'i ting nge 'dzin te/ de ni thabs shes ming du btags so/ /rang bzhin ni lha rnams sbyor ba ste/ de yang mya ngan las 'das

  363. 214a

    pa shes pa rang bzhin med par 'dod pa'i rgyu'o/ /'du ba med pa ni 'bras bu ste 'du ba'i rnam pa thams cad bral bas so/ /bye brag ces pa ni rgyu 'bras kyi rim pa tha dad pas gsum zhes te/ de gsum ni de bzhin gshegs pa'i rgyud de le'u dang por gsungs la/ rnal 'byor pa'i yang de bzhin zhes pa'i sgras shes par bya'o zhes pa la 'dod do/ /bdag cag gi bla ma gcig pa kha cig 'dir rgyu dang 'bras bu'i skye ba ni 'brel pa ste/ de la rgyu'i rnam pa rdo rje sems dpa' ni gzhi ste de ni thabs so/ /rang bzhin ni de'i shes rab ste/ de ni rang bzhin med pa'i dngos po'o/ /'dir rgyu'i sgra ni dngos po'i sgra'o/ /'du ba med pa ni rig pa'i lha ste 'bras bu'i rnam pa kho nas 'du ba med pa zhes so/ /de dag gi 'dod pa ni gsang ba 'dus pa ni bdag ste/ rig pa'i lha'i sku gsung thugs kyis 'dus pa'i phung po la sogs pa ji snyed pa gang zag cig gis rgyud du 'dus pa ni 'dus pa yin la/ bdag pa mas las 'byung ba ni de'i rgyud do zhes nges pa'i tshig go /? gzhan gyi man ngag las gsang ba ni rig pa'i lha'i gsang bas bsdus pa'i phung po la sogs pa'o/ /'dus pa ni de'i rig ma dang gnyis su med par sbyor pa ste/ 'dus pa ni tshogs pa'o/ /de yang 'brel pa ni snga ma bzhin te/ rig pa'i lha ni gzhi ste thabs zhes pa la sogs pa'o/ / 'du pa med pa ni tshogs pa tha dang pa'o/ /zhes smras te/ gang phyir rnam gsum rgyud kyi don du bsdus zhes 'byung ba'i phyir de dag ltar yang mi 'thad do/ /de bas na dris tshig dang po'i don la byung ba'i gzhi la sogs pa gsum ni rgyud ngo zhes bya ba ni rigs pa ste/ gzhi la sogs pa'i bshad pa ni 'das ma thag bzhin no/ /rgyud kyi dbye ba gsungs pa/ rigs ni rnam pa lnga dang zhes so/ /phyi ma'i don gsungs pa/ byang chub rdo rjes bcas pa la rigs lnga rnams kyis bshad pa ni phyi ma zhes bya'o/ /de kho na nyid rnam

  364. 214b

    dur gsungs zhes pa la sogs pa bzhi la gsungs pa/ de kho na nyid rigs lngar gsungs zhes pa la sogs pa'o/ /rigs brgya zhes pa ni rgyud par 'bras bu rnam par dbye ba ste/ rgyu las ye shes lnga dang 'bras bu bcu dgu la lnga lnga ste brgya'o/ /gzhan dag gis ni gzhan/ du bshad de de ni ma yin no/ /'di rnams ni lan dang sbyar nas gsungs kyi/ de bzhin du 'jig rten las 'das pa'i ngo bo sa'i snying po dang 'dod pa'i rgyal po dang dpa' bo rdo rje la sogs pa rang gi rig pa ye shes lngar 'dus pa rnams kyi dbye ba mdza' yas so/ /byang chub sems kyi lan gsungs pa/ skye 'gag med pa zhes pa la sogs pa ste/ /dngos dang dngos med mi zad ces pa ni de gnyis ka rang bzhin med ce'o/ /gtso zhes pa ni mchog gi sgra'o/ /thabs dang shes rab gnyis med pa zhes pa ni gnyis su med pa'i sbyor ba las byung zhes pa'i tha tshig go /de'i rnam pa la chos thams cad 'du ba gsungs pa/ srid dang zhi ba 'byung ba kun zhes te/ 'khor ba dang mya ngan las 'das pa thams cad rnam pa gcig go zhes pa'i tha tshig go /de'i don ni rtsa ba las kyang/ rang gi sems ni brtag pa la zhes pa la sogs pas gsal par gsungs so/ /rig pa'i skyes bu'i lan gsungs pa/ rang gi lus ngag ces pa la sogs pa ste/ mi phyed pa de gnyis kyi rnam par phye nas/ rig pa nges na ldan pa de de'i skyes su zhes so/ /badzra d+h+rika la sogs pa lnga'i lan gsungs pa/ rgyu lnga dag gi zhes pa la sogs pa'o/ /de la 'og dang steng na lnga lnga gnas pa ni rgyu dang 'bras bu ste ye shes lnga'i rdo rje'o/ /d+h+rika ces bya ba ni de gang gi chad pas 'dzin pa'o/ /rnam shes shes pa ni rnam par shes pa'i phung po ste/ des rnam par dag pa'i rgyu 'bras gnyis gzung ngo/ /yod med dbus las 'das pa'i ngo bo las/ sems can kun gyi 'byung ba dang de las gyur pa'i 'byung ba nyid kyis skyes pa de rnam par dag pa rgyal pas 'dzin ces so/ /gzugs zhes pa yang de'i phung po ste des rnam par dag pa'i snang mdzad do/ /

  365. 215a

    de'i phyir phyag na 'khor lo thogs pa la sogs pa'i rim pa med pa rnams so/ /don thams cad 'byung ba nas sems la rin chen zhes so/ /tshor ba zhes pa ni gong ma bzhin no/ /tshor ba nges sems rang rig cing 'dzin pas na de'i ? na rin chen bsnams so/ /thams cad nas zhes pa ni rnam pa'o/ /thams cad du zhes pa ni dus so/ /rol pa'i mtshan nyid thams cad mtshon cing shes par a ro lig go /'dod pa'i mtshan nyid mtshon ces pa ni 'du shes te 'di yang sngar bshad pa bzhin no/ /de'i phyir 'di'i phyag na thams cad shes pa'i ma chags pa'i pad+ma bsnams so/ /rnam shes zhes pa ni mtshan pa ste/ gzugs la sogs pa'i phung po lnga'i mtshan nyid gsal bar byed pa ni shes rab bo/ /'du byed ces pa yang phung po ste/ 'du byed des shes rab 'dzin te de'i gzhi yin pas so/ /de'i phyir phyag na ral gri 'dzin to/ /rigs kyi lan gsungs pa/ rigs ni rgyud ces pa la sogs pa'o/ /rigs dang rgyud kyi sgra 'dra'o zhes te/ de'i thog ma ni gnyis su med pa 'byang chub kyi sems rdo rje'o/ /nges na sgra las kyang thog mar 'dir mtshon par byed pa e baM zhes so/ /de ltar yang bzang po zhabs kyis gsungs pa/ gnyis med thog ma bzhir ldan pa/ yi ge gnyis kyis de bzhin mtshon zhes so/ /de'i gtso bo ni skye 'gag med pa'i stong pa ste/ stong pa nyid kyi ye shes dag pa'i rgyu 'bras ni rig lnga'i gtso bo zhes so/ /gong du gsungs pa'i sku de la ye shes lnga dang/ sbyor bas gsungs pa/ rnam shes zhes pa la sogs pa'o/ /de la rnam shes ni gong du bstan pa'i rnam par shes pa'i phung po rnam par dag pa'i sku'o/ /de gnyis su med pa'i ye shes dang sbyor bas na zhe sdang zhes te/ phan tshun thug pa ni zhe sdang zhes 'og nas 'byung ngo/ /ye shes de ni sku gnyis dang sbyor bas na/ /rgyu dang 'bras bu gnyis su grags zhes so/ /gzugs zhes pa ni gong du bstan pa bzhin te 'og ma kun la yang

  366. 215b

    sbyar ro/ /de ni mtshan ma'i rnam par shes pa med pas na glen pa'i me long lta bu'i ye shes dang sbyar te/ des na gti mug ces brtags so/ /mnyam pa nyid kyi ye shes kyis zhen cing gang rlom pa de ni nga rgyal zhes so/ /so sor rtog pa'i mtshan nyid gang gnyis su med pa'i dngos po la chags pas 'dod chags zhes so/ /bya ba nan tan gyi ngo bo rtag tu sems can gyi don la brtson pa la bdag nyid kho na rol cing gtong pas phrag dog go /gzhi'i le'u las gsungs pa/ 'dod dang grol pa rab sgrub pa'o zhes don gsungs pa/ 'dod chags zhe sdang zhes pa la sogs pa ste/ 'dir ye shes gsum gsungs pa ni gtso bo ste gnyis kyang sbyar ro/ /mtshan nyid sna tshogs 'dra ba ni rdo rje sems dpa' ste/ de ni 'dod pa de la phyogs shing bsgom pa'i 'bras bu'o/ /mo ha la sogs pa bzhi dang/ de'i dga' ma dang/ phun sum tshogs pa'i lan gsungs pa/ gnyis med chos kyi zhe bya ba la sogs pa'o/ /phyi rol zhes pa ni mtshan ma'o/ /nga rgyal zhes pa ni mtshan ma'i rnam pa mi shes pa ste/ de ni me long lta bu gong du gti mug tu bstan to/ / phan tshun thug pa ni gnyis su med ces gong du bstan zin to/ /'dis kyang ye shes kyang gnyis su med pa yod pa de ni zhe sdang ngo zhes bstan to/ /'dod chags kyang de bzhin du shes par bya'o/ /ye shes 'di zhes bya ba ni dbyer med pas rdo rje'o/ /gtso bo rnal 'byor pa de rnams kyi dga' ba ni lha mo bzhi'i rig pa'i longs spyod las byung ba de rnams ni dga' ma zhes so/ /bud med de rnams kho na las dga' ba'i rim pas yang dag pa'i bde ba ye shes kyi rang bzhin pas mtshog phun sum tshogs pa de 'byung bsam phun sum tshogs pa zhes so/ /de ni zhes pa de dga' ba nyid do/ /de'i rim pas bde ba'i ye shes sangs rgyas thob pas na nyon mongs pa'i dga' ba nyid rdo rje theg pa'o/ /kha cig gis de ni zhes pa dga' ma bzhi gzung ste de yang mi mthad de/ de bzhi ni shes ?

  367. 216a

    yin pas thabs zhes bya ba'i sgra dang mi 'byor ba dang/ de ltar na thabs kyang rdo rje theg par 'gyur ba las ma bzung bas so/ /ya mAn+ta krit la sogs pa bzhi'i lan gsungs pa/ rnam par mi 'jog ces pa la sogs pa'o/ /bzhi po'i 'de'i sgra ni phrin las kyi sgo nas 'jug pa ste/ de la ya mAn+ta krit kyis spyan drangs pa'i skus 'dul ba'i zhing rnams la skye pa med pa'i phyir 'jig pa dang bral ba'i chos bstan pa ste phrin las so/ /de ni dngos po kun zhes pa me long lta bu dang/ snying rje dang sbyin pa la sogs pa mi 'da' ba' i dam tshig bo/ /des na gshin rje gshed mthar byed de zhes pa ni phrin las des 'og nas byung ba'i ma rig pa la sogs pa mthar byed pas so/ /'dir bshad pa 'di ni kun la sbyar ro/ /rnam par mi shes zhes pa ni a la sogs pa'i yi ge med pa'i phyir 'dzin pa'i shes pa zer par bstan pa'o/ /sems zhes pa stong pa nyid dang byams pa dang tshul khrims la sogs pa'o/ /ming dang gzugs kyi blo'i ni brjod pa'i rgyu ste de med pas brjod du med ces pa'o/ /chos rnams ni so sor rtog pa la sogs pa'o/ /gzugs la sogs pa dang bzhin gyis zhi bas rnam par mi rtogs pa'i chos bstan pa'o/ /shes na bde ba thob par 'gyur zhes pa ni de ltar bstan pa'i 'dul ba'i zhing dag gis so /da ni sgra 'jug pa'i don gsungs pa/ gti mug ces pa la sogs pa'o/ /dag pa'i gti mug longs spyod pas gti mug chen po me long lta bu de'i dam tshig phyin ci log gi gti mug gong du bstan pa'i khro bo'i las kyi zad par byed do/ /gzugs rnams zhes pa ni de'i 'jig tshogs la lta ba spangs pa'o/ shes bya zhes pa ni shes bya'i sgrib pa'o/ /nyes pa ni zhe snang ngo/ /sems shes pa ni mthar 'dzin par lta ba'o/ /tshig ces pa ni log par lta ba ste/ lta ba gsum la lus ngag yid gsum gyi ming du bstan pa ni de'i rigs kyi phyir ro/ /snyoms 'jug

  368. 216b

    ces pa ni skye ba'i sgrib pa'o/ /nyon mongs kun zhes pa ni gti mug la sogs pa gsum mo/ /rdo rje kun zhes pa ni lta ba mchog tu 'dzin pa ste/ lta ba gong ma kun la 'dzin pas so/ /sgrib pa kun zhes pa ni las kyi sgrib pa ste/ thams cad kyi las yin pas so/ /gang du shes na bde ba thob par 'gyur zhes pa de bshad pa /sems can nyon mongs rdo rje sgrib ces te/ sngon lta bu'i chos bstan pas gnas la zhen pa'i sems kyi nyon mongs pa dang rdo rje sgrib pa dag ni ye shes bzhi zhes pa'o/ /de dang ldan nam lus pa la sogs pa'i las dag par 'gyur ro/ /de dag ni de'i 'bras? bu bde ba'o/ /de dag gi don par bzang ba zhabs kyis gsungs pa las shes par bya'o/ /dris pa med na yang khro bo drug la sogs pa'i don gsungs pa/ gzung pa dang zhes pa la sogs pa'o/ /de la gzung ba ni byang chub kyi don 'dzin pa'o/ /dga' ba ni de la chags pa'o/ /de bzhin ni de 'dra ba'o/ /mi g.yo ba ni de la sems bstan pa'o/ /rgyu ni de nyid rgyu'i ngo bo'o/ /'bras bu ni rgyu de nyid gsal bar gyur pa'o// thugs las yang dag byung zhes pa ni de dag ni gong du yang rim bri? ba ma yin gi yang dag pa'i ting nge 'dzin las 'byung ngo zhes pa'i don to/ /lhag ma ni gsal lo/ /sku gsung thugs kyi rdo rje yis zhes pa ni spyi'i sngags yi ge gsum mo/ /bdag nyid chen po zhes pa ni ye shes las grub pa'i bdag nyid can gyi lha mo drug ste de dag 'byin par bshad do/ /spyod pa gnyis ki lan gsungs pa/ rdzogs pa'i rim par zhes pa la sogs pa'o/ /de la rdzogs pa'i rim pa ni skyed pa dang rdzogs pa ste/ de'i sbyor bas shes rab dang thabs las phung po dang khams dang skye mched kyi lha rnams 'byung ba de bsdus pa'i sbyor ba nges par byas nas rgyu zhing spyad ce so/ /bsam pa ci dang ldan zhe na/ dag par mos pa la sogs pa ste dag par mos pa ni gnyis su med par mos pa'o/

  369. 217a

    'jigs pa spangs pa ni thams cad zil gyis mnan pa'o/ /dogs pa med pa ni dga' ba'o/ /seng ge bzhin zhes pa ni nga rgyal dang ldan pas so/ /'di la mi bya zhes pa la sogs pa ni lus dang ngag dang yid kyi las ma bkag pa'o/ mnyam gzhag med pa ni langs pa'o/ /mnyam par bzhag ces pa ni lhag pa'i lha'i sbyor ba'o/ /de ltar bzang po zhabs kyis/ ting nge 'dzin las ni langs nas su zhes pa la sogs pa gsungs so/ /yul dang dbang po la brten pa'i shes pa ni mAn zhes bya'o/ /tra zhes pa ni ngan 'gro dang srid pa las skyob pa'o/ /de'i skyong ba ni 'jig rten spyad pas grol ba ste/ srog gcod pa la sogs pa gang nyes pas ma gos pa'o/ /de lta bu'i dam tshig brkyang ba ni sngags kyi sbyod pa ste/ sdom pa ni bya ba bskang ba'am rnam grangs so/ /de ltar yang bzang po zhabs kyis/ 'gro ba'i don du ci rigs par zhes pa la sogs pa gsungs so/ /bzlas brjod kyi lan gsungs pa/ /so so rang gi ngo bo dag ces pa la sogs pa ste/ de la so so dang gi ngo bo dag ni yi ge rnams so/ /snying la zhes pa ni phyag rgya bzhi'i snying gar ro/ /de las spro ba rang bsdu ba la de kho na'i sngags bye brag tu brjod do zhes thun mong gi chog gsungs nas/ ye shes sems dpa' i gsungs pa/ zhes pa ste/ sna tshogs rdo rje ni rigs lnga bdag nyid kyi sangs rgyas so/ /de rnams ye shes sems dpa' i sa bon kho nas spro ba dang bsdu ba dang gzung ba dag bya'o/ /zhes ji snyed pa'o/ /rdo rje gsum gyi gsungs pa/ gzugs bzhin zhes te/ de las ni rang dang 'dra ba'i gzugs kho na spro zhes so/ /de zhes pa ni gzugs gsum ste spro ba dang bsdu ba dang gzung ba dag bya ba ni bzlas she'o/ /lha rnams kyi sngags kyi ngo bo sa bon bzhi'i brjod pa ni bzlas pa zhes bya ste/ sngags de yang dbugs

  370. 217b

    kyi rgyun dang 'grogs pas na dbugs kyi rang bzhin de kho na nyid gsum gyis bskul lo/ /ji ltar snying gar zhes pa la sogs pas mchod pa gsungs so/ /ting nge 'dzin yang de bzhin no zhes pa ni rang gi rigs kyi lha mo zhes pa'i tha tshig go /de ltar yang rtsa ba gnyid las/ lus kyi sku'i ngo bo nyid ces pa la sogs pa gsungs so/ /spyi bor dbang bskur zhes pa ni mchod pa'i bsnyen bsgrub gsungs pa ste/ dbang bskur ni gtsor gsungs pa'o/ /rig ma dang sbyor ldan zhes pa la sogs pas ni spro? ba'i lha rnams kyi longs spyod bzhi gsungs pa ste/ rdo rje 'dzin ni bdag rang ngo/ /de'i longs spyod bzhi bzhin dus ? ni rang byin gyis brlab po/ /de nas rig ma la sogs pa'i dran par bya zhes so/ /de ltar bzang po zhabs kyis/ /sku gsung thugs kyi rdo rje las zhes pa nas sbyor ba bsnyen sogs de bzhin bsgom zhes pa'i bar du tshigs su bcad pa gsungs so/ /rgyas 'debs kyi lan gsungs pa/ dpa' bo zhes pa la sogs pa'o/ /dpa' bo ni sems dpa' rnams so/ /rdo rje ni rgyal rnams so/ /rgyud gzhan las rigs lnga gsungs pa 'di ma yin par bstan pa re re zhes so/ /bstan pa de gang zhe na/ snying po zhes pa la sogs pa ste/ snying po ni rdo rje sems dpa' o/ /phyag rgya ni phyag rgyar 'dod pa gsum mo/ /sngags ni de la ma gtogs pa gnyis so/ /de rnams kyis rang gi rigs bzhin gdab po/ /'o na rgyu 'bras gnyis ji lta zhe na/ rgyu la zhes te phan tshun rgyas gdab ces bya ste 'bras bu ni mi bskyod pa'o/ /ci thams cad kyang de'i 'bras bu yin na 'di 'ba' zhig la 'bras bu zhes bya zhe na/ de ni stong pa nyid kyi ye shes su rnam par dag pa gcig pas gtso bo ste/ dper na rgyal po dbung dang bcas pa'i nang na pha? bsad du gyur pa mang yang yab sus zhes bya bsam phyed yang rgyal po la bya ba bzhin no/ /chos kyi 'gyur gnas kyi lan gsungs pa/ longs spyod

  371. 218a

    bzhi dang zhes pa la sogs pa'o/ /rdo rje can zhu ba las byung ba sku gsung thugs kyi bye brag gi rgyu gsum du bsgom mo/ /'di'i dbus ni de'i lte ba'o/ /gnas de'i bsgom pa gsungs pa/ ye shes bcu zhes pa la sogs pa'o/ /ye shes bcu ni sdug bsngal dang sgra ji bzhin pa la thug pa'o/ /rdzogs pa zhes pa ni 'di'i sbyor ba rdzogs pa'i tshul lo/ /rtse gcig ni dmigs pa cig go /mdzes pa ni khro bo'i tshul lo/ /mi g.yo lta bu zhes pa ni shin tu myur pa'i phyir ro/ /spro zhes pa ni de rnams kho na las 'od du 'phro ba'o/ /dri ma med ces pa ni dkar po'i mdog tu bsgom zhe'o/ /zhi zhes pa ni zhi ba'i sangs rgyas kyi 'od 'phro ba'o/ /skad cig nyid du zhes pa ni rjes thogs so/ /sangs rgyas spyan zhes pa ni des de'i bdag po rnam par snang mdzad mtshon pa gzhal yas kyi rgyu bsgom zhe'o/ /'di yang bzang po zhabs kyis gsungs pa las gsal lo/ /sdom pa'i lan gsungs pa/ rdo rje can gyis zhes pa la sogs pa'o/ /bskyed pa dang rdzogs pa la brten pa'i bstan pa la rjes su sgrub cing nan tan du byed pa ni/ dam tshig sdom pa ste/ de ni sngon du rtsa ba'i rgyud kho na las bshad ce'o/ /de ltar yin yang byang chub sems dpa' i 'dod pa'i sdom pa kho na bye brag du gsungs pa/ gzugs sgra zhes pa la sogs pa'o/ /gang 'dod pa rnams la bde ba dang sdug bsngal gyi rnam pa bskyed pas 'dod chags dang zhe sdang bar ma rnams las mun pa 'byung ste/ de 'dod chags ni de'i rdo rje dang/ zhe sdang ni rin chen 'byung ba dang/ mun pa ni gti mug rdo rje'i ngo bor bsam zhe'o/ /yang spros pa'i rnam pa med pa gsungs pa/ dam tshig 'dra zhes te/ rdo rje sems dpa' rnam par bsgom pa'o/ /'dod chags la sogs pa ji ltar don byed pa de la gsungs pa/ rnam pa med pa'i zhes pa la sogs pa'o//

  372. 218b

    rnam pa med pa'i rnam pa ni shes rab dang thabs kyi rnam pa'o/ /de'i yan lag ni gnas gsum du'o/ /yi ge gsum gyi bdag po ni rdo rje gsum mo/ /de'i sa bon las pas de ba dang dbrog pa la sogs pa'i don du bzlas shing spro zhes te bsdu ba la sogs yang gzung ngo/ /sa gsum du ni bskyed bya zhing zhes pas bsgrub pa bstan to/ /kun tu rgyas gdab ces pa ni bar bsgrub pa la sogs pa gsungs te/ 'di yang 'og nyid nas/ sgrub pa chen po'i mdza' du? yang/ byas nas las su brtsam par bya zhe'o/ /de ltar spyi'i cho ga gsungs nas rang rang gi gsungs pa/ rnal 'byor pa yis shes pa la sogs pa'o/ /zhe sdang tshul zhes pa ni zhe sdang nyid de'i don byed thabs so/ /'og ma la yang de ltar sbyar te/ de yang gang dag 'dod chags snyoms 'jug pa/ de ni 'dod chags nyid kyis sbyar zhes bstan to/ /zhe sdang 'khor lo ni mi bskyod pa la sogs pa drag po rnams gtsor gyur pa'i 'khor lo'o/ /rdo rje gtum pos bcom zhes pa ni gzhom pa sbyor ba cho ga bzhin byas nas bsdu ba la sogs pa bya zhes so// ye shes rdo rje can ni mtshan ma thob pa ye shes kyi rdo rje'o/ /de'i yon tan ni bdag nyid zhe sdang rdo rje zhes pa la sogs pa'o/ /gti mug 'khor lo ni ser sna can gyi don du brtag pa gtsor gyur pa'i 'khor lo'o/ /dga' bsdus pa de zhes pa ni rig pa'i dga' ba dang bsdus pa'i bde ba'i sbyor ba'o/ /de rnams kyi thun mong gi yon tan gsungs pa/ dkyil 'khor zhes pa la sogs pa'o/ /las ni zhi la sogs pa'o/ /de dg byin gyis brlabs tsam gyis 'grub ces te de dag le'u dgu pa nyid lam zhib tu bshad do/ /dkyil 'khor dang phyag rgya dgod pa'i lan gsungs pa/ byang chub sems dpa' la sogs pa'o/ /byang chub sems kyi dkyil 'khor ni rig pa'i pad+ma la gnas pa'o/ /b+ha ga'i ni chos kyi dbyings na gnas

  373. 219a

    ba'o/ /lus ni phyag rgya rnams kyi gnas te/ brtag ces pa ni sngags kyis bskyed pa zhes pa'i don to/ /dkyil 'khor gyi don nyid ni phyag rgya dgod pas gsal bar byed de/ phung po ni rigs lnga'o/ /skye mched ni lha mo drug go /khams ni bzhi'o/ /de dag la nye ba'i? bsgrub pa la sogs pa'i ngo bo'i phyag rgya dgod pas snying po rnams 'dus pa ni dkyil 'khor te/ de ltar yang bzang po zhabs kyis gsungs pa/ snying po 'dus phyir dkyil 'khor ro zhes so// phyag rgya dgod pa'i skabs su khro bo rnams kyi phyag mtshan dang kha dog gsungs pa/ lcags kyu zhes pa la sogs pa'o/ /grwa ru rnam par dgod zhes pa ni grwa la gnas pa'i khro bo'i phyag mtshan no zhes pa'i don to/ /gnod mdzes zhes pa ni rdo rje'o// de gnyis ni 'og dang steng ngo/ /'di rnams kyi kha dog ni 'og nas 'byung ngo/ /nye ba'i bsgrub pa'i ngo bo'i phyag rgya dag gi phyag mtshan dang kha dog gsungs pa/ rig pa'i rgyal po zhes te/ sems dpa' drug po'i phyag mtshan dang kha dog ni 'khor lo sgyur ba drug gi /sems ma drug ni phyi'i dkyil 'khor dang 'dra bar nang du yang zhe'o/ /rdo rje can zhes pa ste/ rgyal po drag go /de'i kha dog gi she'o/ /sgrub pa dang bsgrub pa chen po'i ngo bo'i phyag rgya gsungs pa/ sangs rgyas shes te lnga dang/ byang chub sems dpa' i ngo bo lha mo rnams dang/ khro rgyal bzhi la rdo rje gsum dang/ ye shes sems dpa' dang/ dbu rgyan dang lngas gdab ces te/ rtsa ba las kyang de bzhin gsungs so/ /rgyal 'debs dang kha dog gi ngo bo drug gi gsungs pa/ de nas gzhan yang zhes te dpa' o ni mi 'khrugs pa'o/ /kha dog kyang rigs kyi brtag ce'o/ /kha dog ni kun tu bzang po dang gnod mdzes la dpa' bo rdo rje sems dpa' i dbu rgyan zhes 'dod de/ de ltar yang gang gi phyir

  374. 219b

    kun tu bzang po la sogs pa nye ba'i bsgrub pa la gtogs pa rin po che'i dbu rgyan kho na yin la/ phyi'i ni bshad zin pa dang gnod mdzes kyang rtsa ba las mi bskyod dam tshig dbu rgyan la zhes gsal bar bshad pa'i phyir mi 'thad do/ /me tog dang mchod rten gyi lan ni 'di la me tog ces pa la sogs pa ste go sla'o/ /ye shes 'khor lo'i lan ni sems can zhes pa sems dpa' zhes pa ste/ ye shes sems dpa' i 'od kyis reg cing bskul ba ni de skad ces bya'o/ /sngags kyi thabs la sogs pa'i lan gsungs pa/ yi ge zhes pa la sogs pa'o/ /sa bon ni thabs so/ /de nas 'od 'phro ba ni stong pa'o/ /des grub pa 'dod pa che mo zhes bya ba la sogs pa byin gyis brlab pa'i don du gshegs shing smras pa ni bod pa'o/ /de nas tshigs bcad smra ba ni bskul ba'o/ /de nas thams cad kyi yi ge la bsdus pa ni bcings pa'o/ /dbang bskur gyi lan gsungs pa/ sku gsung thugs kyi zhes pa la sogs pa'o/ /sku gsung thugs kyi rgya zhes pa ni gtsor gsungs pa ste thams cad sbyar ro/ /rgyud 'di zhes pa ni rtsa ba lags so/ /bum pa zhes pa ni phyri mi ldog pa'i ngo bo ji snyed pa'o/ /de ltar de bzhin zhes pa gnyi ga la bzhi pa'o zhes pa sbyar te/ de ltar zhes pas dbang la snyegs so/ /de bzhin zhes pas ye shes su smra ste/ 'di'i don ni bla ma'i kha las byung ba de yang dbang dang ye shes so zhes smras so/ /kha cig na re shes rab dang ye shes la sbyar zhes zer to/ /des ni dga' ba la shes rab tu 'dod la/ bde ba la ye shes su 'dod do/ /de ni ma yin te/ shes rab ni 'dir rig mar 'dod la/ dga' ba ni rig pa las byung bar 'og nas ston to/ /gzhan dag ni shes rab ni sems shes par smra la/ ye shes ni shes bya'i 'byung ba zad pa zhes sbyor te/ de ltar na yang sems rtse gcig pa kho na nyid yin pas bsam gtan gyi yan lag drug tu 'gyur bas kho

  375. 220a

    bos ni ma rangs so/ /me tog bcas zhes pa ni dus su byung ba 'am me tog gi phreng ba dang ldan pa'o/ /gnas mchog ces pa ni thabs nyid do/ /sbyor ba gcig goms zhes pa ni gnyis su med pa'i ting nge 'dzin la bslabs? pa'o/ /dam tshig ces pa ni rgyud la bslabs pa'o/ /gzungs ma 'di'i sbyor ba slob dpon gyis bya bar gsungs pa/ de la bla mas zhes so/ /gti mug ces pa ni bdag nyid gti mug rdo rjer sbyor ba ste/ rgyun gyi spya zhes pa ni gti mug dga' ba slob pa'i snying la thim par bya'o zhe'o/ /de bzhin du kun la sbyar ro/ /dbang de gnyis kyang bzang po zhabs kyis bshad pa las gsal bas 'bad pa ma byas so/ /rig pa'i brtul zhugs kyi lan gsungs pa/ de nyid kyi lha mo zhes pa la sogs pa ste/ de nyid ni gong du bstan pa'i gzungs ma de kho na'o/ /slob mas de bzhin gshegs pa kun tu dran par byas la bla mas smra'o/ /de yang gang zhe na/ thams cad chos ni zhes pa la sogs pa'o/ /bdud rtsi lnga'i lan gsungs la/ lus kyi chos la rang bzhin gyis zhes pa la sogs pa'o/ /ye shes lnga zhes pa ni yi ge lnga'i ngo bo'o/ /dro ba dang ni rab rab yis zhes pa ni mes bskor bar bya'o zhe'o/ /sngags kyi gzugs ni zhes pa lha'i rnam pa'o/ /de ltar bza' zhes gsungs nas de'i cho ga gsungs pa/ bar snang zhes te rang gis sa bon las byung ba'i rlung dang me la gnas pa'i pad+ma as bskyed de/ /der bza' ba'i dam tshig lnga rim par bzhag nas rim par yi ge lngas brlabs te/ de'i bar snang la hUM gis bskyed pa'i rdo rje bzhag nas/ de gnyis mnyam bar sbyor ba'i ngo bo rdo rje'i 'od kyis me 'bar bar byas pas bskol te/ dri ma gsal zhing 'bar ba dpe med pa'i ros tshim zhing rgyas par byas te/ yang de la oM bkod nas sangs rgyas kyi ngo bos ye shes kyi bdud rtsi de'i 'od kyis mtshon chas drangs nas

  376. 220b

    thim ste/ lce dag pa la sogs pa bza' ba'i sbyor ba byas te bza' zhes pa'o/ /dpa' bo lan gsungs pa/ yi ge gsum zhes pa la sogs pa'o/ /yi ge gsum ni oM A(rgyud 'grel): hUM ngo/ /tshul zhes pa ni gong du bstan pa'i cho ga'o/ /bsgrub bya zhes pa ni mi snang ba la sogs pa'o de ltar bzang po zhabs kyis/ nyi ma zla ba chu sman dri zhes pa la sogs pa gsungs so/ /thun mong dang mchog gi dngos grub kyi lan gsungs pa/ mi snang ba la sogs pa'o/ /sangs rgyas pa ni rkyen gyi sangs rgyas ma yin no ba'i don to/ /de'i thabs kyi lan gsungs pa/ byang chub rdo rjes gsungs pa ni zhes pa la sogs pa'o/ /de la bsnyen pa ni rang gi cho ga'o/ /nye bar bsgrub pa ni rig ma'i cho ga'o/ /bsgrub pa ni de gnyis kyi snyoms par 'jug pa'o/ /bsgrub pa chen po ni de la byung ba'i rgyal ba mchog gi lha rnams kyi cho ga'o/ /da ni le'u bcu gnyis pa las kyang zhib tu bshad de/ gal te 'dir bsgrub par bya ba zhes pa'i tshig gis thabs ma yin no zhe na/ rdo rje can gyi theg pa 'dir nyes pa med de 'bras bu yang rgyu'i rnam par 'jug la/ rgyu gsal ba yang 'bras bu'o zhes sngar smras pa'i phyir ro/ /thun mong mchog ces pa la sogs pa ni bsnyen pa'i ngo bor 'dod pa'i bye brag ji snyed pa'o/ /de la rdo rje bzhi dang sbyor ba'i yan lag drug gi thun mong gi'o/ /ye shes bdud rtsi dang mchog grub pa'i bsnyen pa ni mchog gi'o/ /rdo rje bzhi gsungs pa/ dang po stong pa'i zhes te/ stong pa ni rig ma ste/ de'i pad+ma la gnas pa'i sems ni dang po'o/ /yig 'bru ni gnyis pa'o/ /de la phyi nang gi 'khor lo rdzogs pa ni gsum pa'o/ /yi ge badzra d+h+rig la sogs pas spyan drangs te/ ye shes kyi 'khor lo dgug pa nas mnyes pa'i dgod pa yan chad ni bzhi pa'o/ /ye shes bdud rtsi nyid ces pa la 'dir gcig pur 'dzin pa ma yin te/ rtsa ba las bshad pa de nyid mchog yin no zhes dran pa'o/ /sbyor ba'i yan lag drug ces pa la sbyor ba ni ting nge 'dzin gsum so/

  377. 221a

    de'i yan lag ni cha'o/ /de ni so sor spong ba dang zhes pa la sogs pa'o/ /so sor spong pa bshad pa/ dbang po rnam bcu zhes te/ kun tu spyod pa'i ngo bo gang yul rnams 'dod pa'i ngo bo ltar rang rang gnas pas phyi rol gyi ngo bo spong pa ste/ khye'u yis khye'u 'byin pa'i tshul lo/ /bsam gtan ni 'di ste/ 'dod pa lnga ni 'dod chags chen po la sogs pa ste/ de la 'dod chags zhe sdang gti mug gi sems ni 'dod par gsungs pa ste/ zhes gong du bshad do/ /de rnams gtso bo lngar sbyar ba ni gtsor gsungs pa ste/ gzhan yang tshad med pa dang pha rol tu phyin pa dang stobs lnga yang bsdus nas lha mo rnams dang khro bor sbyar ro zhes te/ sbyor ba dang po dang chen po'i lha'i sbyor ba ni bsam gtan du bzhed do/ /de yan lag lnga ste/ bsam gtan rtog pa la sogs pa zhes so/ /de yang gsang ba gsum yang mchog gi lha'i phyir na gtsor gsungs pa te/ nye bar bsgrub pa la sogs pa yang rtog par sbyor ro/ /de rnams ni gong du smos pa'i lha las lhag pa'i lha dang de'i rig ma la bya'o/ /de nyid gnyis su med par sbyor ba ni gnyis pa'o/ /de'i reg pa las byung ba'i dga' ba ni gsum pa'o/ /de gnyis kyi sems rdo rje dang pad+ma la bsdus pa'i bde ba ni bzhi pa'o/ /rang gi sems de shes pas zhes bya'i 'byung bzang pa'i ye shes ni lnga pa'o/ /yan lag gsum pa gsungs pa/ sangs rgyas kun gyi zhes pa la sogs pa ste/ sangs rgyas kun ni rang gi sems so/ /de'i dngos gzhi ni de'i gzhon pa'i dbugs so/ /'dod pa thams cad ni dngos grub bo/ /ye shes lnga dang 'byung ba lnga'i ni dbugs te kha dog lnga dang gang de'i rang bzhin du ldan pa'o/ /de'i 'od kyi gong du lta bur rdo rje las byung nas sna rtse la bsgom ste/ kha dog lde? rin

  378. 221b

    po che zhes pa ni byi nang gi 'khor lo dang ldan pa'i ngo bo ste/ des ni phra mo'i sbyor ba gsungs so/ /ji ste de bzhin du 'gyur zhing nyams na slar yang gzung ba gsungs pa/ rang sngags shes pa la sogs pa ste/ de las nyams pa'i rnal 'byor pas phra mo'i gtso bo? rang gi ngo bo ye shes sems dpa' i snying la sa bon bkod pa'i thig le la dbugs ye shes kyi 'od du bsgoms nas sngar gyi rin po che de slar yang gzung zhe'o/ /des yang mtshan ma dbyung ste/ de nas dbugs de rdo rje lam nas pad+ma la spro'o/ /ci ste las kyang nyams na de ni dbang po shin tu brtul bas phyi rol las kyi phyag rgya ma btsal te/ le'u bdun pa ltar sbyar nas yang de'i tshul du spros nas so so snang ba ni rjes su dran pa'o/ /ting nge 'dzin gsungs pa/ thabs dang zhes pa la sogs pa ste/ ye shes thams cad la dbang thob pas dngos po kun bsdus te gong bu rdo rje las byung nas shin tu phra ba'i brdul lta bu'i nang du lta'i gzugs rnams kyi ye shes skad cig mas rdzogs pa'i tshul du/ gzhan la phan pa'i don du spro ba dang bsdu ba dag byed pa dam pa'i mtshan ma thob pa ni ting nge 'dzin no/ /de rnams kyi yon tan gsungs pa/ so sor spong ba zhes pa la sogs pa'o/ /de ltar thun mong gi bsnyen pa gsungs nas/ de'i zhar la thun mong de kho na'i bsgrub pa'i ngo bo drag shul gsungs pa/ zla ba'i rdo rje zhes pa la sogs pa'o/ /de la snying la gnas pa'i zla ba la sems kyi ngo bo'i sa bon bkod nas de las 'phros pa'i sngags rang dang 'dra ba'i gzugs kyi mtshon gyis rang gi dkyil 'khor 'dus pa'i lha rnams drangs nas mchod pa la sogs pa'i cho ga sbyar te rang gi tshigs bcad brjod nas de rnams sems de la thim nas/ sems de rnams 'od zer rnam pa lnga gsal bar 'bar ba'i ye shes su byas pa ni nye bar bsgrub pa zhes btags te/ rang gi byang chub ces pas ni rig ma la sogs pa'i tshigs bcad mi

  379. 222a

    brjod pa'i don to/ /'di yang ched du bsgrub pas gtsor gsungs kyi thams cad sbyar ro/ /de lta bu des bsten pa'i mtshan ma mthong nas 'dod pa la longs spyod nas zla ba drug dang des ma 'grub mna bco brgyad du brtsam zhes te/ de bzhin gyis ni gzhan du bshad do/ /gnyis pa zhes pa ni zhi ba dang drag shul zhe'o/ /mthong bar ma gyur zhes pa ni lha'i gzugs kyi ye shes skad cig gis brtan par ma mthong ba 'o/ /ma grub ces pa ni sku gsum gyi sems 'od 'bar ba'i byang chub pa'o/ /de ltar yang ma grub na bsgrub pa'i ngo bo drag shul te/ dgug pa la sogs pa byas nas/ rang gi rigs kyi khro bo'i phur bas mnan no/ /dbang du bya dang bsrung ba yang zhes pa ni rtsa ba las bshad pa'i dbang du byas pas kyang bsgrub po zhes te/ bsrung ba yang mA ma kIs gnyi ga la bya'o zhes pa'i don to/ /de ltar 'das ma thag pa de gnyis ni ting nge 'dzin gyi cho gar mngon no/ /gong du bshad pa'i bsam gtan de sbyor ba gnyis kyi rnam pa gsungs pa/ 'dod chags chen po'i tshul zhes pa la sogs pa'o/ /de yang 'dod chags chen po'i tshul la sogs pa ni le'u dang por bshad de/ de'i rim pa'i cho gas bdud rtsi zhu ba la gong du phyung? pa'i bud med bzhis bskor ro zhes gsungs pa dkyil 'khor phyag rgya bzhi dag gis/ /de yang yongs su bskor ba brtag ce'o/ /bdag nyid dbus su gnas byas zhes pa la sogs pas ni 'di ltar gsungs te/ lha mo'i dbus na gnas pa des bskul ma thag tu ye shes kyi dkyil 'khor thams cad bsdus te/ kun gyi ngo bor byas nas byang chub de bsgom zhe'o/ /de nas yang de la bskul ba kho na'i phyir ye shes lta bu'i skur bsgom pa gsungs pa/ rnam bzhi dbyangs kyi bskul ba yis zhes pa la sogs pa'o/ /de'i kha dog ni ma des te lhag ma'i cha gang 'dod pas de 'gyur ro//

  380. 222b

    des ni mchog gi bsnyen pa gsungs nas/ nye ba'i bsgrub pa la sogs pa gsungs pa/ de bzhin ro yis thugs su 'gyur zhes pa la sogs pa ste/ ro'i mthus thugs ni nye ba'i bsgrub pa dang bsgrub pa'i ro bsgom zhe'o/ /rang gi rgyu'i kyang dbang bsgyur ba zhes pa ni bsgrub pa chen po'o/ /de la rgyu de ni bzhi'i ngo bo'i 'bras bu kho nas bye brag tu 'gyur ro/ /bsgrub pa chen po 'di kho nas las le'u bcu bzhi pa'i tshig gi don zhar la 'ongs pa gsungs pa/ 'khor lo sgyur ba'i zhes pa la sogs pa'o/ /de ni bsnyen pa bdag gi chog shes pa la bzhir phyi ba la chung du'i bsnyen sgrub bo/ /rig ma'i cho ga nye ba'i bsgrub pa la bzhir phye ba gsungs pa/ gsang sngags kyis ni zhes pa la sogs pa ste/ de ltar yin na yang de rang dang dus gcig tu sa bon de kho na las bskyed pa gsungs pa/ gsang sngags kyis ni zhes so/ /thabs kyi rgya zhes pa ni de'i ye shes sems dpa' yang pho'i ngo bo zhes te/ gzugs kyi ni mo'i tshul lo/ /cho ga 'di'i tshul zhes pa ni yan lag bzhi po de rang gi cho ga kho na ltar bya'o zhe'o/ /ye shes ni rig ma'o/ /lus ni bdag go /lus dang dag yid rdo rje dag /gnyis su med par byas te bsgrub ces pa ni de'i gnyis su med pa kho na la bsgrub par brtags so zhes pa'i don to/ /'di yang yan lag bzhi ni 'og nas ston to/ /de ltar 'dod pa chen po'i tshul nas thug pa 'di ni gnyis las dang po'i sbyor ba'o/ /da ni chen po ston te/ gong du smos pa'i zhes pa la sogs pa'i don to/ /rim pa kho nas rgyal ba mchog gi lha rnams rang dang 'dra ba'i yan lag bzhi dang ldan par phyung ba la bsgrub pa chen por 'dod ces pa 'di yin no// de kho na'i yan lag bzhi gsungs pa// bsnyen dus gtsug tor chen po'i zhes pa la sogs pa ste/ gtsug tor chen po ni bdag po'o/ /de'i shes rab dang sbyor ba las byung ba de bsnyen pa zhes te/ des na bsgrub pa chen por 'dod pa 'di rnams ni bsam gtan

  381. 223a

    gyi yan lag sbyod par 'dus te/ de'i 'bras bu'i rim pa yin pa'i phyir ro/ /gzugs nas zhes pa ni nye bar bsgrub pa 'di ni gzugs nas brtsams te bya bar gsungs te/ rnam par shes pa rang gi ngo bor gzung ba'o// de ni sngar rang la thim par bya ba ma yin zhes pa'i don to/ /cho ga bzhin zhes pa ni gong du bshad pa'i cho ga bskul ba dang sngags ma gtogs pa'o/ /bye brag ces pa ni bzhi la che 'bring gi yan lag bcu drug du phye ba ste rtsa bar bshad pa bzhin no/ /da ni bsgrub pa'i yan lag mchog la sbyar te gsungs pa/ bsgrub pa bya zhes pa la sogs pa ste/ tshul zhes pa ni hUM gis rdo rje bskyod pa la sogs pa de nyid yang dag pa'i thabs yin no ba'i tha tshig go /rang bzhin gyis zhi ba'i bde ba de kho na bsgrub pa chen po ste mchog yin pas so/ /'dir bshad pa bzhi po 'di ni las kyi phyag rgya dang sbyor ba kun la yang thun mong du gyur pa'o/ /de ltar bsam gtan gyi sbyor ba gnyis gsungs so/ /las kyi mchog gi dbugs dgag gtong pa la sogs pas bstan te/ des na yang lag drug po cha dang bcas te las dang po pa la sogs pa'i sbyor ba gsungs/ de la cha ni thig le dang bzlas pa ste/ de ltar yang bzang po zhabs kyis gsungs pa/ ye shes sems dpa' i snying po yi/ /thig le rang sems 'od bkod de// sngags kyi rnam shes bsgom pa ni/ /sbyor ba'i cha zhes bshad pa yin/ /bying ba'i sems las slong ba yi/ /de bzhin bzlas pa'i ngo bo yang/ /zhes so/ /thabs bya'i lan gsungs pa/ dpal ldan zhes pa la sogs pa ste/ gong du bstan pa'i zhi ba de kho na sangs rgyas kun gyi bdag nyid dang gnas dang chos nyid yin zhes te/ bco lnga pa las gsungs pa/ rang gi sems ni brtag pa zhes pa la sogs pa'i tshigs su bcad pa gcig

  382. 223b

    gsungs so/ /bka' ji ltar stsal ba'i lan gsungs pa/ gang las dang zhes pa la sogs pa ste/ zhi ba la sogs pa'i las gang dang mthun pa'i rtags pa la sogs pa'i sbyor ba byas te/ de'i las dang rjes su mthun pa'i phreng ba'i sngags dang/ shAM tiM? ku ru oM zhes pa la sogs pa'i bskul ba tshig gi chog ji skad gsungs pa lha thams cad la bka' stsal pa'o/ /las de la bsrung ba gsungs pa/ dam tshig mi bzang bsgom par bya zhes pa la sogs pa'o/ /yang na dkrugs pa la bltos pa nyid kyis chos kyi 'byung gnas kyi skabs su sbyar ro/ /gdug pa'i sems can la las sna tshogs kyi lan gsungs pa/ gang zhig bsgrub bya'i lus kun yang zhes pa la sogs pa'o/ /yang zhes pa'i don ni phyogs bcu'i sems can thams cad bsdu'o// de nas sems can thams cad kyi 'khor lo rdo rje phung po dag gis 'di ni nyes pa chen po zhes rang gis bsgo nas/ de'i gzhom pa'i sbyor ba bya ba nas phur bu'i bya ba las gsungs pa/ dngos po thams cad drangs nas ?/ rang gi phur bus gdab par bya zhe'o// de ltar mdor gsungs nas/ de'i cho ga zhing tu gsungs pa/ ji skad gsungs pa'i rdzas ldan pa zhes pa la sogs pa ste/ rtsa ba las bshad pa'i rdzas kyis ling+ga byas nas khro bo'i sems kyis mnan ba'o/ /de'i rjes la nang gi mngon spyod gsungs pa/ de nas khro bo zhes te/ bka' nor pa ni chos kyi rje bka' ci stsal zhes nod pa'o/ /de yang gang 'od las sbrul pa'i rdo rje srin po bya rgod la sogs pa de'i 'khor gyis bskor ba phreng ba dang bskul ba'i sngags kyis phyung ste/ kye? ba dang zhags pas gzung zhing bcings te khrid nas ? la sogs pas brdeg cing bskrad pa dang gzhug pa byas nas bsad pa'i phyir sbyor ba zhes ji snyed pa'o/ /de yang sgyu 'phrul dra ba las gsungs pa/ gsod pa'i ye shes las sprul pa/ nang gi yang ni zhes pa la sogs pa ste/ de kho na 'dir

  383. 224a

    blta'o/ /de'i rjes thogs pa la phyi'i mngon spyod phur pa gdab pa gsungs pa/ de nas bsgrub bya drang zhes pa la sogs pa ste/ de'i ling+ga la gzhug pa dang bcing ba la sogs pa byas te/ sngags kyis byin gyis brlab pa'i phur bus gdab bo/ /ling+ga de kho na la yul gyi 'tshe ba la sogs pa mngon spyod bya bar gsungs pa/ de nas bsgrub bya drang zhes pa la sogs pa ste/ de ltar phur pa bshad nas gnyis kyang gsungs pa/ de bzhin sbyar ba thams cad ni zhes te/ cho ga ji skad gsungs pa/ zhes pa de ni le'u bcu bzhi pa dang bco lnga par ro/ /thabs kyi lus kyi las so/ /sngags ni ngag gi las/ sbyor ba yid kyi'o/ /bye brag ces pa ni gnyis kyi ngo bo ste/ de kho na gsungs pa/ mtshan ma mnan nas bzlas pa 'am gdug pa'i sems can sbyin sreg tu dbul lo/ /phyi'i ngo de rnams kyang sgyu 'phrul dra ba las/ mi rus las byung phur buAm/ zhes pa la sogs pa'o/ /de la phur bu bzlas pa ni le'u bcu bzhi par gsungs pa/ sa blang ba ni bco lnga par bshad de/ nang gi mngon spyod de 'og ma gnyis la yang shes par bya'o/ /de nas zhes pa la sogs pa sdud pa po'i nan tshig tu gsungs nas/ byang chub sems dpa' rnams kyis bstod pa mngon du byas nas bshad pa kho na la the tshom zhus pas gsungs pa/ de nas zhes pa la sogs pa ste/ thams cad mdzad ces pa ni mngon spyod gtsor byas nas gsungs pa'o/ /sku gsung thugs ni sangs rgyas kyi'o/ /lus ngag yid sems can te/ thams cad sangs rgyas kyi ngo bor mnyam pas na bsgrub bya dang sgrub byed ga la yod ces bya ba 'di ni the tshom gcig yin no/ /gnyis pa ni mnyam pa nyid kyis sgrub pa po de ni sangs rgyas gsod pa yin te/ des na ji ltar rang sdig pas mi gos te?

  384. 224b

    sdig pa shin tu che bas 'bras bu ji ltar thob snyam pa yin no/ /de nas legs so zhes sngon du gsungs nas lan gsungs pa/ de nas zhes pa la sogs pa'o/ /de la sems dpa' che zhes pa ni bod pa'o/ /bdag nyid ni sku'o/ /dbyangs ni dag go/ che ba ni thugs so/ /gnyis su yod par gsungs pa/ byang chub ces pa la sogs pa ste/ slob dpon de dang byang chub rdo rje 'dra ste sangs rgyas kun gyi bdag nyid yin la/ de lta bu des sgyu ma ltar shes nas spro ba dang bsdu ba dag byed de/ des na sgyu ma'i rnam pa ltar gnyis su snang ba'i don to/ /'bras bu gsungs pa de nas shes te/ sgyu ma ni yang dag par med pas bsod nams dang sdig pa med do/ /gang yang med pa ni byang chub nyid du 'gyur ba'i don to/ /bsgrub bya'i yang 'bras bu gsungs pa/ mgon po de yis zhes pa la sogs pa ste/ gnyis su med pa'i ye shes kyi rgyas btab pas na yon tan de dag tu 'gyur ro/ /bsgrub pa chen po'i mdza' ni bsgrub pa chen po ste/ yang zhes pa ni las kyi mchog kyang byas nas las bya zhes so/ de nas byang chub sems dpa' rnams kyis legs par brjod nas ngo mtshar gsungs pa/ de nas zhes pa la sogs pa'o/ /mgon po zhes pa ni bod pa'o/ /thub pa dang chos dang thugs rje ni sku la sogs pa rim bzhin no/ /kye min 'di la ngo mtshor ba'o/ /de nas byang chub sems dpa' dag yid chos nas de bzhin gshegs pas nan tshig tu gsungs pa/ de nas zhes pa la sogs pa'o/ /ci'i phyir 'jigs par mi bya zhe na/ zhe sdang rdo rje zhes te/ zhe sdang rdo rje ni mngon spyod kyi las gtsor byed pa'o/ /de yang gong du smos pa'i tshul gyis byang chub rdo rjer rgyur gyur pas na las de mi spang bar spyad par bya'o zhes pa'i don to/ /de ltar yang bzang po zhabs kyis ngsungs pa/ ji skad gsungs pa'i cho ga yis/ 'jigs

  385. 225a

    pa med par sdang rnams la zhes pa la sogs pa'o/ /de ltar yang the tshom med par byas pas drin lan du bstod pa/ de nas zhes pa la sogs pa'o/ /dus gsum rdo rje 'byung ba ni rgyud dang por 'gro ba ste/ des? ni rigs ni thog ma zhes gong du byas so/ /srid pa las thar pa ni mya ngan las 'das pa'o/ /sgrib pa ni shes bya'i sgrib pa la sogs pa'o/ /dngos po zhi ba ni dbang po la 'das pa'o/ /de kho na dbang phyug ste byang chub rdo rje'o/ /de ltar rang gi don la bstod nas gzhan gyi don 'byung ba'i sku rnams la bstod pa/ gang dag gzugs dang zhes pa la sogs pa'o/ /de rnams kho na 'dod chags la sogs pa dag cing rang gi rig ma dang sbyor ba las byung rim par dngos grub mchog dang ldan pas phyag 'tshal bar gsungs pa/ gang dag 'dod chags zhes pa la sogs pa'o/ /gong du smos ba la gtogs pa'i khro bo rnams la bstod pa/ dang por gzung dang zhes pa la sogs pa ste/ sems dang 'brel pa ni mun pa la sogs pa'o/ /gong du smos pa'i rim pas phyin ci log gi mun pa ste/ de dag gzhom pa ni sred pa la sogs pa dang/ shes bya ba la sogs pa'i pa'i sgrib pa dang/ lta ba'i rdo rje zad par byed pas khro bo bzhi ni zhe'o/ /de ltar mngon du gyur ba'i sangs rgyas rnams la bstod nas/ des yongs su smin ba'i sems can gang gsang ba'i dbang la soD pa dang ldan pa la yang bstod pa gsungs pa/ gang dag thogs med pa'i zhes pa la sogs pa'o/ /gang dag dngos grub kyi thabs bzhi bsgom pa de la yang bstod pa/ 'dod chags zhe sdang zhes pa la sogs pa'o/ /gang mtshams bzhi la sbyor ba gsum bsgom pa'i las dang po pa de la yang bstod pa/ gang dag gis mtshams zhes pa la sogs pa'o//

  386. 225b

    gang dag rgyud 'di nyan pa la sogs pa la yang bstod pa/ gang gis shin tu zhes pa la sogs pa'o/ /gang dag mngon spyod la sogs pa'i yul du gyur pa yang ye shes kyi rgya yis btab pas bstod pa/ gang zhig bsgrub bya zhes pa la sogs pa'o/ /gang dag bla ma la phyogs pa de dag kyang shin tu dge bas bstod pa/ gang dag gis kyang zhes pa la sogs pa'o/ /de ltar bstod pas mnyes pa gsungs pa/ bstod chig zhi ba zhes pa la sogs pa'o/ /yang rgyud 'di thun mong ma yin pa'i gleng gzhi'i ngo bor 'dod pa gsungs pa/ legs par gsungs pa'i zhes pa ste/ byang chub kyi sems rdo rje gsang ba gnyis su med pa de la byung zhes te/ 'dis kyang de'i thog ma'o/ /de nas cang mi gsung zhes te/ bya ba rdzogs nas gnyis su med pa bsams pas na cang mi gsung ba'i don to/ /'di ltar bdag ni grub pa med cing shes rab mchog med de/ 'on kyang dam chos chol la shin tu 'bad pa byas pa yis/ /sbyor rgyud dag dang bshad rgyud gzhan dang ? gzhan bshad pa dag /mang du mthong yang bla ma'i gzhung 'di mchog tu mthong bas bris/ /de ltar bzang po zhabs sogs bla ma'i rjes 'gro bdag gis ni/ /tshig mangs skyon gyis 'jigs pas sgra yi sbyor ba ma byas shing/ /mi shes dbang gis gang yang 'dir ni log par smras pa dag /rdo rje 'dzin la sogs pas bzod pa dang du bzhed par mdzod/ /de ltar bla ma'i drin las byung ba'i bdag gi brtsol ba yis/ /bskrun pa'i dge ba gang yin dri med zla ba lta bu des/ /'gro ba thams cad thabs dang shes rab sbyor ldan yongs 'gyur te/ /da lta nyid du de las byung ba'i bde mchog sku thob shog /rgyud kyi rgyal po chen po dpal gsang ba 'dus pa'i 'grel pa bla ma'i man ngag nyid las bris pa dam pa rnams kyi spyi bos blangs pa paN+Ti ta

  387. 226a

    chen po smri ti dz+nyA na kIrtis mdzad cing/ paN+Ti ta de nyid kyis rang 'gyur du mdzad pa rdzogs so// //lha mo bzhis zhus pa'i rnam bshad ? hwi? dz+nyA na kIrtis? mdzad pa bzhugs so// //rgya gar skad du/ tsa hu ? ting ri brits+tsha bya khya ni u pa de sha pauSh+Ti ka nA ma/ bod skad du/ lha mo bzhis yongs su zhus pa'i rnam par bshad pa man ngag rgyas pa zhes bya ba/ dpal rdo rje sems dpa' la phyag 'tshal lo/ /'dod chen bcom ldan dga' chen po// bde chen kun bdag chags chen po/ /mgon po rdo rje sems dpa' la/ /btung nas rnam bshad 'di bris so/ /rgyud don bla ma la thos pa/ /slob mas zhus pas 'di byas kyang/ /'di la skyon yod bdag nyes te/ /mkhas pas slad nas dbyar du gsol/ /rgyud 'di ni thams cad gsang ba'i mchog ces bya ba stong phrag gcig bzhugs te/ de'i rgyud phyi ma lha mo bzhis yongs su zhus pa 'di'o/ /'di bshad pa la rtog pa sngon du byed pa'i shes rab la rjes su 'brang ba'i sems can dad pa laS rjes su 'drang bar bya ba'i don du tshig dang/ don dang/ tshig dang don mtshams 'brel ba dang dgos pa dang dgoS pa lnga yang gdon mi za bar brjod par bya'o/ /de la tshig ni gsum ste/ gzhung tshig dang/ le'u'i tshig dang/ tshigs bcad do/ /de la gzhung tshig ni rgyud do/ /le'u'i tshig ni le'u bzhi'o/ /tshigs bcad ni tshig rkang bzhi'o/ /don ni gsum ste/ bsdus pa'i don dang/ rgyas pa'i don dang/ khyad par gyi don to/ /lhag pa'i byang chub kyi sems ngo bo bde ba chen po rdo rje sems dpa' la lha mo bzhis yongs su bskor ba ni bsdus pa'i don to/ /chos kyi dbyings 'phro ba dang/ chos kyi dbyings kyi bsdu ba dang/ chos kyi dbyings kyi don sgrub pa ni rgyas

  388. 226b

    pa'i don to/ /yig 'bru gzhom pa la sogs pa ni khyad par gyi don to/ /tshig dang don mtshams 'brel ba ni bsdus pa'i don gzhung tshig dang 'brel zhing/ rgyas pa'i don le'u'i tshig dang 'brel la/ ? gyi don tshigs bcad dang 'brel to/ /dgos pa ni rnam par mi rtog pa'i bde ba chen po'i ye shes mngon du bya ba shin tu sbyor bas skye bo rnams kyi log pa'i 'dod chags la sogs pa nyon mongs pa'i skyon can bcom nas yang dag pa'i 'dod chags la brten nas bla na med pa yang dag par rdzogs pa'i sangs rgyas nyid thob pa'o/ /dgos pa'i yang dgos pa ni sangs rgyas zin nas kyang sems can gyi don byed pa'o/ /'o na 'dod chags kho na srid pa na 'khor ba la 'jig rten pa las 'gal bar 'dod chags byang chub kyi rgyur byas nas 'di lta bu'i rgyud bcom ldan 'das kyis bstan pa ci'i phyir zhes smra na/ lan btab pa/ 'dod chags la spyod pa'i sems can thams cad thabs gzhan gyis sangs rgyas nyid du mi 'gyur te/ de bas na sems can gyi don du 'dod chags yang dag par spyod pa'i sgo nas byang chub pa bcom ldan 'das kyis bstan pa ste/ ci'i phyir zhe na/ 'dod chags zhes bya ba'i nyon mongs pa don dam par rin rang bzhin med cing mi dmigs pa'o/ /zhes de ltar yang dbu ma las gsungs pa/ gang 'am chags pa gang du 'am/ chags pa gang gis sam chags pa/ chos de dag ni mi dmigs te/ dmigs su med pa'i chags pa ni skyon med ces so/ /yang mnyam sbyor las kyang gsungs pa/ chags med chags pa dang bral yin/ /dbu mar yang ni mi dmigs te/ /bud med thams cad sgyu ma'i rgyu/ /gnyis su med pa'i theg pa'i mchog ces pa'o/ /de bas na de kho na bzhin du zhes sdang spyod pa'i sems can rnams la yang phan pa'i don du thugs rje chen pa dang ldan

  389. 227a

    pa'i bcom ldan 'das kyis kyang sdang ba'i tshul khro bo'i rgyud bstan pa'o/ /de ltar yang dag pa'i chos las gsungs pa/ snod mi rung ba'i bu rnams la/ /de rnams snod rung mdzad bzhed pas/ thugs rje khro bo? rgyud bstan pa ste/ /sdang pa nor 'dod ma yin no/ /yang mnyam sbyor las kyang gsungs pa/ shin tu sdang zhing gtum pa las/ /zhi ba nyid ni mi 'byor te/ /sdang ba thabs dang shes rab dngos/ /de bzhin gshegs pa kun gyi mdzad ces so 'di? ltar gti mug can gyi sems can rnams la yang gti mug gi dbang gis bdang gis bdag dang bdag gir 'dzin pa la sogs pa'i phyin ci log gi lta ba gzhom pa'i don du nyan thos kyi theg pa la gang zag la bdag med pa'i don bstan pa dang/ byang chub sems dpa' i theg pa la chos la bdag med pa'i don bstan pa dang/ bla ma dang bcas pa'i sangs rgyas la chos thams cad bdag med par bstan pa dang/ rdo rje'i theg pa la ma rig pa gzhom pa'i don du shes rab kyi 'khor lo bsgom pa la sogs pa zhi ba'i pho gzugs kyi lha bsgom pa la sogs pa bcom ldan 'das kyis bstan to/ /de ltar yang thams cad gsang chen rgyud las gsungs pa/ chos bdag med pa'i sbyor ba yis/ /bcom nas rang nyid 'jigs byas te/ /rang sems kho na sangs rgyas nyid/ /rang sems kho na shes par bya zhes so/ /de ltar ye shes zhabs kyis kyang gsungs pa/ yang dag byang chub sems bskyed nas/ /byams pa tshan por rab 'byor te/ /chos thams cad la bdag med par/ /de ltar shes na rnam par grol zhes so/ /de bas na 'dod chags dang/ zhe sdang dang/ gti mug can gyi sems can rnams la du ma'i thabs kyi sems can gyi don byed pa la 'gal ba med do/ /de ltar yang bkra shis

  390. 227b

    sgrub pa las gsungs ba/ gang dang gang gis bcings 'gyur ba'i/ /skye bo drag po'i las rnams kyis/ /thabs dang bcas na de nyid kyis/ /srid pa'i 'ching ba las grol lo zhes pa'o/ /de ltar yang de nyid bsdus pa'i rgyud las gsungs pa/ ? ji ltar 'dul 'gyur pa/ /sems can rang bzhin du ni 'gro /de lta de ltar sems can don/ /'dod chags la sogs dag pas bya zhes so/ /de lta bas na rnal 'byor ma'i de kho na nyid kyi rgyud 'di yang 'dod chags can la phan 'dog pa'i don du bstan to/ / de nas dang la sdud pa po rnams kyis rgyud dag par bya ba'i don du phun sum tshogs pa bris pa/ lha mo bzhi dang mnyam ldan zhing/ /sangs rgyas gzugs kyis nyer brgyan pa/ /shin tu dga' ba'i sbyor chen la/ /rdo rje sems dpa' cher bzhugs te/ zhes te/ de la lha mo bzhi zhes pa ni/ sdud pa po phun sum tshogs pa ste/ 'og nas spyan ma la sogs pa bzhis zhus pa'i phyir ro/ /lha mo zhes pa ni rang gi 'od la longs spyod pa dang/ lha'i ris su gyur pa'i phyir ro/ /lha mo yang de bzhi de nyid bas lha mo bzhi zhes pa ni gsum dang lnga'i grangs sun phyung ba ste/ rang bzhin tshad med pa bzhi dang/ 'byung ba chen po bzhi'i ngo bo nyid kyi phyir ro/ /lha mo de dag gis yongs su bskor ba de dag mnyam ldan zhes pa ste/ lha mo de bzhis yang dag par ldan pa'i phyag rgya bzhi ? dkyil 'khor ro/ /'di lta ste/ dbus kyi gtso bo ni rdo rje sems dpa' yab yum bzhugs pa las me mtshams nas spyan ma dang/ bden bral gyi mtshams na mA ma kI dang/ rlung gi mtshams nan bza' dkar mo dang/ dbang ldan gyi mtshams na sgo lam bzhi sku phyag rgya bzhim bskor nas bzhugs pa'o/ /de ltar yang gsang ba 'dus pa'i rgyud phyi ma las gsungs pa/ spros nas phyag rgya bzhi dag ni/ /dkyil 'khor de la bskor bar brtag /bdag nyid dbus su gnas

  391. 228a

    byas te/ /'khor lo thams cad bsdu bar bya zhes so/ /yang na lha mo bzhi dang mnyam ldan zhes pa ni/ gsang ba'i bsnyen sgrub yan lag bzhi'i sgo nas thabs dang shes rab rol pa la rdo rje sems dpa' lha mo bzhi dang ldan te/ bsnyen pa la spyan ma/ nye bar sgrub pa la mA ma kI /sgrub pa lan bza' dkar mo/ /sgrub pa chen po la sgrol ma rang gi rig ma la sgom pa'i phyir ro/ /gsang ba'i bsnyen bsgrub bzhi ni 'di lta ste/ thabs dang shes rab sku sbyar ba ni bsnyen pa'o/ /gsang ba'i rdo rje dang pad+mar sbyor ba ni nye ba'i bsnyen pa'o/ /bskul zhing sngags bzla ba ni sgrub pa'o/ /bde ba chen po ni sgrub pa chen po'o/ /de ltar yang gsang ba 'dus pa'i rgyud phyi ma las gsungs pa/ bsgrub bya sgrub par sbyor ba gang/ /de ni bsnyen pa zhes su gsungs/ /rdo rje padmo mnyam sbyor ba/ /nye bar bsnyen pa zhes bya ste/ /hUM phaT tshul dang ldan pa ru/ /bskyod pa bsgrub par gsungs pa'o/ /rang bzhin rang bde zhi ba ni/ /sgrub pa chen po zhes bya'o zhes so/ /zhing zhes pa ni gzhan gyi don la snyeg pa'i ste/ lha mo bzhi kho na dang ldan pa ma yin te/ lus kyi dkyil 'khor gyi lha rnams dang yang ldan pa'i don ston pa'o/ /'khor phun sum tshogs pa ston pa/ sangs rgyas gzugs kyis nyer brgyan pa zhes te de la sangs rgyas zhes pa ni/ bla na med pa yang dag par rdzogs pa'i sangs rgyas rigs lnga dang/ rig ma bzhi dang/ lcags kyu la sogs pa bzhi dang/ spos me ma la sogs pa bzhi dang/ sgeg mo la sogs pa bzhi dang/ byang chub sems dpa' brgyad de/ pad+ma bzhin du sangs rgyas kyi chos thams cad thugs su chud nas ma lus par byang chub blo rgyas pa'i phyir ro/ /de dag gi sku phyag rgya ni sangs rgyas gzugs zhes so/ /sangs rgyas kyi gzugs des/ rdo rje

  392. 228b

    sems dpa' i phung po lnga dang/ 'byung ba chen po bzhi dang/ rnam par shes pa brgyad dang/ yab yum gyi bdud rtsi la sogs pa'i rigs lnga la sogs par nye bar sbyor ba dang ldan pas na sangs rgyas gzugs kyis nyer brgyan pa zhes pa ni mdzes pa'o/ /yang na sku gsung thugs dang ldan zhing 'phro ba dang bsdu ba mdzad pas sangs rgyas gzugs kyis nye bar brgyan pa zhes so/ /gnas phun sum tshogs pa bstan pa/ shin tu dga' ba'i sbyor chen la zhes pa ste/ de la shin tu dga' ba'i zhes pa ni khyad par du skyon med cing rtag par kun tu khyab pa'i sems can gyi don la chags pa'i rdo rje 'dzin pa'i sku'i gsang ba'o/ /de ltar yang mnyam sbyor gyi rgyud phyi ma las gsungs pa/ skyon med rtag pa gtan du ni/ /thams cad 'dod chags rjes chags pas/ /de nyid gsang ba bcom ldan 'das/ /'dod chags chen po dga' ba che zhes so/ /yang na shin tu dga' ba'i zhes pa ni rnam par mi rtog pa'i ye shes kyi ngo bo bde ba chen po'o/ /de gnyis mngon du bya ba'i don du thabs dang shes rab mnyam par sbyor ba ni/ sbyor chen zhes pa ste/ sems can gyi don chen po mdzad pa'i phyir ro/ /la zhes pa ni gnas de la zhes pa'i don to/ /ston pa phun sum tshogs pa bstan pa/ rdo rje sems dpa' zhes pa ste/ de yang dam tshig sems dpa' i sgo nas ni rigs lnga'i bdag nyid ye shes lnga'i ngo bo nyid do/ /'di lta ste/ stong pa nyid kyi rang bzhin/ /rdo rje steng 'og gi rtse lnga ni rigs lnga dang ye shes lnga'i don bsam pa bstan pa'i phyir ro/ /de ltar yang gsang ba 'dus pa'i rgyud phyi ma las gsungs pa/ rgyu lnga dang ni 'bras dag ni/ /rdo rje zhes su bstan pa yin zhes so/ /yig 'bru 'joms pa ni rdo rje ni me long lta bu'i ye shes dang/ rnam par snang mdzad/ rje ni mnyam pa nyid kyi ye shes dang/ rin chen 'byung ldan/ sa ni so sor kun tu rtog

  393. 229a

    nga'i? ye shes dang/ snang ba mdza' yas/ ma ni bya ba nan tan gyi ye shes dang/ don yod grub pa/ sa ni chos kyi dbyings kyi ye shes dang/ mi bskyod pa/ de dag dang ldan pa'i don ni dpa' ba' o/ /yang rdo rje sems dpa' zhes pa ni ye shes sems dpa' i gnas skabs su mchog gi byang chub ye shes las byung ba'o/ /de yang thams cad gsang ba'i rgyud las gsungs pa/ mchog gi byang chub dngos ye shes/ /de ni rdo rjer 'dir gsungs te/ /rdo rje ye shes las byung ba/ /de ni rdo rje sems dpar gsungs zhes so/ /dus phun sum tshogs pa mtshon pa ni/ cher bzhugs te zhes pa ste/ rdo rje sems dpa' sbyor ba chen po la bzhugs pa'i dus su rgyud 'di bstan pa yin no zhes pa'i don to// de la cher zhes pa'i thabs dang shes rab rol pa rnam pa sna tshogs rnam pa gcig tu bskal pa gzhan dang gzhan gyi mdza' med par bde ba chen po'i longs spyod la bzhugs pa'o/ /bzhugs so zhes pa ni bcom ldan 'das bde ba chen po'i ngo bo byang chub sems kyi thig ler yum gyi gsang pa'i pad+mar gnas pa'o/ /de lta bas na rnal 'byor pa rnams kyis kyang lha dang sbyor ba mngon du byed 'dod na 'di la goms par bya'o/ /de ni re zhig bcom ldan 'das kyis sku'i sgo nas chos bstan pa/ 'od zer 'chang zhing zhes pa la sogs pa ste/ de la 'od zer zhes pa ni de bzhin gshegs pa'i ngo bo kha dog lnga dang ldan pa'i don to/ /'chang zhing zhes pa ni 'od zer chos kyi 'byung gnas la chags pa'o/ /'khrigs pa'i zhes pa ni snga ma bsdu ba dang phyi ma bsnol ba'o/ /gsang chen zhes pa ni bde ba chen po'i rnam par mi rtog pa'i ye shes te/ theg pa 'og ma dang thun mong ma yin pa'i phyir ro/ /yon tan de dag dang ldan pa'i chos kyi 'byung gnas ni?/

  394. 229b

    'od zer 'chang zhing 'khrigs pa yi/ /gsang chen chos kyi 'byung gnas zhes pa ste/ gsang ba ni gsang ba'i pad+ma'o/ /de la chos zhes pa ni phung po dang khams dang skye mched la sogs pa'i 'khor ba dang mya ngan las 'das pa'i mtshan nyid de/ mtshan nyid 'dzin pas chos zhes bya zhes gsungs pa'i phyir ro/ /de dag gi skye gnas ni chos kyi 'byung gnas zhes so/ /'di lta ste/ chos kyi 'byung gnas e gru gsum ni sku gsung thugs kyi rang bzhin yin pa dang/ chos thams cad sku? gsung thugs kho na 'phros pa yin no/ /de ltar yang gsang ba 'dus pa'i rgyud phyi ma las gsungs pa/ sku gsung thugs kyi bye brag gis/ /gru gsum la ni rnam par bsgom zhes so/ /yang de kho na las gsungS pa/ sems can thams cad 'byung ba ni/ /dus gsum rdo rje'i ngo bo nyid ces pa'o/ /la zhes pa ni 'phros pa'i gnas mtshon pa'o/ /byang chub sems zhes pa ni gsang ba'i rdo rje dang pad+ma'i sbyor ba las byung ba brjod kyis mi lang ba'i bde ba chen po'i ngo bo lhag pa'i byang chub kyi sems te/ don dam pa'i byang chub kyi sems thob pa'i rgyur gyur pa'o/ /de ltar yang zla gsang thig le'i rgyud las gsungs pa/ byang yig rdo rje zhes gsungs te/ /yi ge chud? ni gsungs? pa'i? tshig /sems yig bzhu ba gsungs pa ste/ yi ge pa ni bde ba che zhes so/ /'phros nas su zhes pa ni de bzhin gshegs pa thams cad kyi snying po thig le'i gzugs sems can gyi bdag nyid ye shes lnga'i ngo bo lhag pa'i byang chub sems su gyur nas gsang ba'i rdo rje nas gsang ba'i pad+ma la phab pa'o/ /chos kyi dbyings zhes pa la/ /chos zhes pa ni bshad zin to/ /dbyings zhes pa ni rgyu'o/ /don ni 'di lta ste/ chos thams cad kyi sa bon phra mo'i yig 'bru yi ge k+ShUM? gi ngo bo bzhugs pa'o/ /yi? 'bru de zhu

  395. 230a

    mdzad do zhes pa ste/ 'od kyi gong bur byed pa'o/ /da ni gsung gi sgo nas chos bstan pa thos par 'dod nas lha mo spyan mas chos kyi dbyings 'phro ba'i don zhus pa/ zhu ba'i dngos po de mthong nas zhes pa la sogs pa ste/ de la zhu ba'i dngos po zhes pa ni bshad zin to/ /de mthong nas zhes pa ni sku'i sgo nas chos ston pa'i rdo rje sems dpa' de mthong nas/ lha mo spyan mas yongs zhus pa zhes te/ de la lha mo ni bshad zin to/ /lha mo yang de spyan ma yang de bas lha mo spyan ma zhes te/ spyan dang 'dra ba'i dam tshig gi phyag rgya'i bdag mo yin pa'i phyir ro/ /yongs shes pa ni don ma lus pa'o/ /zhus pa zhes pa ni rang gi stan las langs pa dang/ bla gos phrag pa gcig tu gzar ba dang/ lan gsum bskor nas phyag byas pa dang/ pus mo sa la gtsugs te/ thal mo sbyar ba rnams zhu ba'i tshul lngas gsol ba btab pa'o/ /gang la zhus she na/ bcom ldan 'das rdo rje sems dpa' zhes te/ ston pa po la zhes pa'i tha tshig go / yig 'bru 'joms pa ni bcom ldan 'das yang de/ rdo rje sems dpa' yang de yin pas bcom ldan rdo rje sems dpa' o/ /de la bcom ldan zhes pa ni theg pa bzhi'i bye brag giS bshad de/ rdo rje'i theg pa la theg pa 'og ma'i don bcug kyang mi 'gal de/ rdo rje sems dpa' theg pa kun las sangs rgyas pa'i phyir ro/ /de ltar yang sangs rgyas mnyam sbyor gyi rgyud las gsungs pa/ sems dang sems dpa' i ting 'dzin dang/ byang chub spyod pa sna tshogs nyid/ / bdud dang de bzhin bdud las rgyal/ /byang chub sangs rgyas der 'gyur ro zhes dang/ yang mnyam sbyor gyi rgyud phyi ma las gsungs pa/ dngos grub chen po kun gyi mchog /dbang phyug la sogs ldan pa'i lha/ /rgyal po rdo rje/

  396. 230b

    'dzin pa che/ /yig 'bru dam pa mchog tu dga' zhes so/ /'di lta ste/ nyan thos kyi theg pas bcom ldan/ zhes pa ni nyon mongs pa dang/ 'chi bdag dang/ phung po dang/ lha'i bdud bzhi bcom zhing zad pa dang/ mi skye pa'i ye shes dang ldan ba'o/ /de ltar yang mdo las gsungs pa/ nyon mongs las dang skye pa dang/ nyon mongs shes bya'i sgrib de bzhin/ /rnam par smin chas gang de ni/ bcom pas des na bcom ldan 'dod ces pa'o/ /bcom pa'i rim pa na 'di lta ste/ byang chub kyi shing drung du rdo rje'i gdan mnan pa'i dus su srod kyi dus dang po la 'dod pa'i zag pa zad pas lha'i bu'i bdud bcom/ nam phyed kyi dus gnyis pa la lha'i spyan phye bas 'jig rten thams cad gzigs te tho rangs kyi dus gsum pa lam rig pa'i zag pa zad pas nyon mongs pa'i bdud bcom/ ? mchog gi grong khyer du yon bdag bram ze mo 'dze ta'i don du zla ba gsum srog gi 'du byed byin gyis brlabs te srid pa'i zag pa zad pas 'chi ba'i bdud bcom mo/ /de'i 'og tu mya ngan las 'das pa'i dus mkhyen nas rang gi 'tshe'i 'du byed btang ste lta ba'i zag pa zad pas phung po'i bdud bcom mo/ /de gnyis gzhom pa'i ni kha cig chu bo ni rany+dza? na'i 'gram na til phyed kyi zas la brten nas lo drug gi bar du dka' thub mdzad pa'i dus su 'chi ba'i bdud dang/ phung de'i? bdud bcom zhes zer na/ de yang bden te/ der bcom par gyur na yang 'dir bcom pa'i don mngon du bstan pa'o/ /de bas na lang+kar gshegs pa'i nang nas rtsa mchog gi grong khyer du 'chi ba'i bdud dang/ phung po'i bdud bcom zhes bstan to/ /byang chub sems dpa' i theg pa chen po la bcom ldan zhes pa ni dbul po dang/ ngan song dang/ mi sdug pa'i gzugs dang/ /

  397. 231a

    grags pa med pa dang/ dpal med pa dang/ ma rig pa go rim du pha rol tu phyin pa drug gis bcom ste/ 'bras bu dbang phyug dang/ mchog dang/ gzugs bzang dang/ grags pa dang/ dpal dang/ ye shes rnams dang ldan pa'i phyir ro/ /de ltar yang gsungs pa/ dbang phyug dang ni mchog dang ni/ /gzugs bzang dang ni grags dang dpal/ /ye shes nan tan thos pa drug /bcom ldan zhes bya 'dod pa'o/ /rdo rje'i theg pa la bcom ldan zhes pa ni sems tsam gyis lta ba la kun gzhi dang/ nyon mongs pa'i yid dang/ rnam par rtog pa'i rnam par shes pa dang/ sgo lnga'i rnam par shes pa bcom zhing me long dang/ mnyam pa dang/ so so dang/ bya ba dang/ chos kyi dbyibs dang rdo rje lta bu'i ye shes drug dang ldan pa'i phyir ro/ /dbu ma'i gnas skabs su gnyis med pa'i shes rab kyis nyon mongs pa thams cad bcom zhing rnam par mi rtog pa'i ye shes dang ldan pa'o/ /de yang gsungs pa/ nyon mongs shes rab kyis bcom nas/ /shes rab bcom zhes 'dod pa'o zhes so/ /de lta bu'i khyad par can rdo rje sems dpa' zhes pa ste/ bshad zin to/ /tshig 'di dag ni zhes pa ni chos kyi dbyings rnams 'phro ba ni zhes pa nas/ bdag gi the tshom lhas bka' stsal zhes bya ba'i bar gyi tshig la mtshon pa'o/ /chos kyi dbyings rnams 'phro ba ni/ /gang las skye bar 'gyur ba lags zhes pa ni chos kyi dbyings kyi khungs zhus pa ste/ yig 'bru ni bshad zin to/ /dang po ji ltar 'ong pa yin zhes pa ni chos kyi dbyibs 'phro ba'i lam zhus pa'o/ /de bzhin phyir 'gro ji ltar lags zhes pa ni/ chos kyi dbyings 'phro ba'i gnas zhus pa'o/ /yan lag med pa gang de ni zhes pa ni chos kyi dbyings spyi'i mtshan nyid kyi

  398. 231b

    sgo nas zhus pa'o/ /yan lag dang bcas gyur nas su/ /lus dngos 'gyur ba ji ltar lags zhes pa ni rang gi mtshan nyid rags pa'i don zhus pa'o/ /lus de nyid la skye mched dang dbang? po'i don zhus pa'o/ /mig dang rna ba sna dang ni/ /de bzhin lce dang lus dang yid/ /dbang po zhes pa ste/ de la mig zhes pa ni mig gi rnam par shes pa'i rten nang gi gzugs dang ba go snyod kyi me tog 'dra ba gang de mig gi dbang po'o/ /rna ba zhes pa ni rna ba'i rnam par shes pa'i rten nang gi gzugs dbang gro ga bcus te bcad pa 'dra ba gang de rna ba'i dbang po'o/ /sna dang ni zhes pa ni sna'i rnam par shes pa'i rten nang gi gzugs dang bzangs kyi mo khab gzhibs pa 'dra ba gang de sna'i dbang po'o/ /de bzhin lce dang ces pa ni lce'i rnam par shes pa'i rten nang gi gzugs dang ba lce'i dkyil zla ba bkas pa 'dra ba gang de lce'i dbang po'o/ /lus dang zhes pa ni lus kyi rnam par shes pa'i rten nang gi gzugs dang ba reg bya 'jam gyi pags pa 'dra ba gang de lus ki dbang po'o/ /yid zhes ba ni mig la sogs pa'i rnam par shes pa drug 'das pa'o/ /de ltar yang chos mngon pa mdzod las gsungs pa/ drug po 'das ma thag pa yi/ /rnam shes gang yin de yid do/ zhes so/ /dbang po zhes pa ni mig la sogs pa lngas bzhi bzhi la dbang byed pa'i phyir ro/ /bzhi gang zhe na/ bdag mdzes par bya ba dang/ bdag gir bya ba dang/ rang rang gi rnam par shes pa skyed pa dang rang rang gi spyod yul la spyod pa bzhi'o/ /de ltar yang chos mngon pa mdzod las gsungs pa/ dbang po lngas na don bzhi la/ dbang byed ces so/ /yid ni gnyis la dbang byed de/ srid pa gzhan la 'brel pa dang/ dngos la 'jug pa la dbang byed pa'o/ /yang phung po dang khams kyi sgo nas zhus pa/ phung po'i dngos rnams dang/

  399. 232a

    khams su ni 'jug pa yang zhes pa ste/ de la phung po zhes pa ni 'dus pa'i don te/ gzugs la sogs pa'i phung po lnga'o/ /'di lta ste/ de la gzugs kyi phung po ni dbang po lnga dang yul? lnga ste bcu'o// // de yang dus gsum gyi gzugs bzang ngan dang che phra gcig tu 'dus pa'o/ /gzhan bye brag tu smra ba na re rnam par rig byed ma yin pa'i gzugs dang bcu gcig 'dod do/ /tshor ba'i phung po ni myong ba'i mtshan nyid de/ bde ba dang/ sdug bsngal ba dang/ bde ba yang ma yin sdug bsngal ba yang ma yin pa mig gi 'dus te reg pa la sogs pa drug gsum bco brgyad 'dus pa'o/ /'du shes kyi phung po ni mtshan mar 'dzin pa'i mtshan nyid de/ dkar po zhes bya ba dang/ nag po zhes bya ba dang/ bzang po zhes bya ba dang/ ngan pa zhes bya ba dang/ ring po zhes bya ba dang/ thung ngu zhes bya ba la sogs pa 'dus pa'o/ /gzhan mdo sde pa na re de yang gong ma bzhin du mig gi 'dus te reg pa las byung ba'i 'du shes la sogs pa bco brgyad la 'du shes zhes zer ro/ /'du byed ni phung po bzhi la ma rtogs pa'i 'du byed kyi chos kun te/ sems las byung ba'i chos rkyen bzhi kas 'dus byas pa'i phyir ro/ /sems tsam pa na re sems las byung ba'i chos la sogs pa 'du byed lnga bcu rtsa gcig go /rnam par shes pa'i phung po ni yul tha dad pa so sor shes pa'i mtshan nyid de/ mig la sogs pa'i rnam par shes pa drug dang/ yid dang bdun 'dus pa'o/ /de yang sems tsam pa na re gong ma bdun dang/ kun gzhi rnam par shes pa dang brgyad 'dus pa la 'dod do/ /de bzhin du dbu ma pa na re rnam par shes pa drug 'dus pa la 'dod de/ de dag gi khungs ni bstan bcos la gsal bar ma bris so/ /dngos rnams dang zhes pa ni 'byung ba

  400. 232b

    chen po bzhi'o/ /khams rnams su ni 'jug pa yang zhes pa ni de la khams ni rigs kyi don te/ chos kun gyi 'byung khungs yin pa'i phyir ro/ /khams de rnams kyi sgras ni grangs bco brgyad 'dren pa'o/ /'di lta ste/ mig gi dbang po'i khams dang/ ? ba'i dbang po'i khams dang/ sna'i dbang po'i khams dang/ lce'i dbang po'i khams dang/ lus kyi dbang po'i khams dang/ yid kyi dbang po'i khams dang/ gzugs kyi khams dang/ sgra'i khams dang/ dri'i khams dang/ ro'i khams dang/ reg bya'i khams dang/ chos kyi khams dang/ mig gi rnam par shes pa'i khams dang/ rna ba'i rnam par shes pa'i khams dang/ sna'i rnam par shes pa'i khams dang/ lce'i rnam par shes pa'i khams dang/ lus kyi rnam par shes pa'i khams dang/ yid kyi rnam par shes pa'i khams rnams so/ /'jug pa zhes pa ni chos kyi dbyings de dag gi rnam pa la khyab cing 'jug pa ji ltar lags zhes zhus pa'i tha tshig go /yang zhes pa ni zhus pa'i rnam grangs bsnyag pa'o/ /nyon mongs pa'i sgo nas zhus pa/ ma rig bag chags sred pa yis/ /bcings pa'i nyon mongs 'dod chags sogs zhes pa ste/ de lam rig ces pa ni cho snga ma'i 'dod chags la sogs pa'i nyon mongs pa ste/ yang dag pa'i don mthong ba la sgrib pa'i phyir ro/ / bag chags zhes pa ni 'du byed de/ tshe snga ma'i las dge sdig gi las bag la nyal bas tshe 'di'i rnam par sheS pa la 'debs pa'i phyir ro/ /sred pa yis zhes pa ni 'dod chags la chags pa ste tshe phyi ma byed pa'o/ /de bas na bcings pa zhes pa ste/ tshe snga ma'i ma rig pa dang/ 'du byed kyis tshe 'di la grol ba med pa dang/ tshe 'di'i sred pa phyi ma'i sred pa las mi grol bar byed pa'i phyir ro/ bcings pa'i dngos po nyon mongs pa gang zhe na/ dngos po de bstan pa nyon mongs

  401. 233a

    ba 'dod chags sogs zhes t+t/ de la nyon mongs zhes pa ni mnar med ba'i dmyal ba nas srid pa'i rtse mo'i bar gyi sems can gyi sems sdug bsngal gyi sa bon yin pa'i phyir ro/ /de ltar yang chos mon? pa'i? mdzod las gsungs pa/ 'dir ni nyon mongs sa bon yin/ /klu bzhin rtswa bzhin ljon shing bzhin/ /de bzhin shun pa bzhin du 'dod ces so/ /nyon mongs pa yang de 'dod chags kyang de bas nyon mongs 'dod chags sogs zhes pa ni/ de yang de la 'dod chags zhes pa ni zhen pa'i mtshan nyid de/ de yang 'dod pa'i 'dod chags dang/ sred pa'i 'dod chags so/ /sogs pa'i sgras ni zhe sdang dang/ gti mug la gzung ste/ de la zhe sdang ni gzhan la gnod par sems dpa' o/ /gti mug ni dge ba dang mi dge ba la khyad par du mi shes pa'o/ /de ngag bcing ba gsum yin te/ tshor ba gsum gyi rang bzhin nyid kyi phyir ro/ /'di lta ste/ 'dod chags ni bde ba tshor ba'i mtshan nyid do/ /zhe sdang ni sdug bsngal tshor ba'i mtshan nyid do/ /gti mug ni bde ba yang ma yin sdug bsngal ba yang ma yin pa tshor ba'i mtshan nyid do/ /de ltar yang chos mngon pa'i mdzod las kyang gsungs pa/ tshor ba'i dbang gis 'ching ba gsum zhes so/ /nyon mongs pa des bcing ba'i rnam par shes pa dang/ khams gsum du gyur pa dang/ bsdu ba'i don zhus pa/ rnam par shes pa sna tshogs pa/ /ji ltar dngos su 'dus pa lags zhes pa ste/ de la rnam par shes pa zhes pa ni sems tsam la 'dod de/ de ltar yang rab tu byed pa nyi shu pa las gsungs pa/ sems dang yid dang rnam par shes/ /rnam par rig pa zhes rnam grangs zhes so/ /sna tshogs pa zhes pa ni rnam par shes pa de khams gsum gyi snod dang bcud de/ dngos su gyur pa'o/ /ji ltar dngos su

  402. 233b

    'dus pa lags zhes pa ni/ 'jig rten pa'i bskal pa la khams gsum de yang rnam par shes pa cam? du ji ltar 'dus pa lags zhes zhus pa'i tha tshig go /bsgom pa'i don zhus pa/ dngos po med pa la bsgom pa'i gzugs zhes pa ste/ de la don 'di yod ma thag byed pa ni dngos po zhes so/ /de yang don dam par dpyad na mi rung ba ni dngos po med ces pa ste/ gzung 'dzin kun brtags kyi phyir dang/ yod pa dang med pa mi skye ba'i phyir ro/ /de ltar dngos med la sku phyag rgya la sogs pa khyad par du bsgom pa'i gzugs shes pa ste bems po'o/ /yang gong du 'phro 'du gzugs la sogs pa'i skye mchod kyi sgo nas zhus pa/ gzugs sogs spyod yul mtshan nyid rnams zhes pa ste/ de la gzugs sogs zhes pa ni gzugs kyi skye mched nas chos kyi bar du drug ste/ de la yang gzugs ni nyi shu ste/ sngon po dang/ ser po dang/ dmar po dang/ dkar po dang/ ring po dang/ thung ngu dang/ lha ma pa dang/ zlum po dang/ mthon po dang/ dma' ba dang/ phya le ba dang/ phya le ba ma yin pa dang/ sprin dang/ du ba dang/ rdul dang/ khug sna dang/ grib ma dang/ nyi ma dang/ snang ba dang/ mun pa'o/ /sgra yi skye mched ni brgyad de/ zin pa'i 'byung ba chen po bzhi'i rgyun can dang/ ma zin pa'i 'byung ba chen po bzhi'i rgyun can dang/ sems can dang sems can ma yin par ston pa bzhi'i phrag gnyis yid du 'ong ba dang/ yid du mi 'ong bas te brgyad do/ /dre'i skye mched ni bzhi ste/ dri zhim pa dang/ dri nga ba dang/ dri mnyam pa dang/ dri mi mnyam pa'o/ /ro'i skye mched ni drug ste/ rto mngar ba dang/ sgyur ba dang/ lan tshwa dang/ tsha ba dang/ kha ba dang/ bska ba'o/ /reg bya'i skye mched ni bcu gcig ste/ 'byung ba chen po bzhi dang/ 'jam pa dang/ rtsub pa dang/ lci ba dang/ yang ba dang/ grang ba dang

  403. 234a

    bkres pa dang/ skom pa'o/ /chos kyi skye mched ni bdun te/ tshor ba dang/ 'du byed dang/ 'du shes dang/ rnam par rig byed ma yin pa dang/ so sor brtags pa'i 'gog pa dang/ so sor brtags pas yin pa'i 'gog pa dang nam mkha' o/ /spyod yul zhes pa ni gzugs la sogs pa de dag mig gi dbang pos dmigs pa'i rten yin pa'i phyir ro/ /mtshan nyid rnams zhes pa ni gzugs la sogs pa'i rang gi mtshan nyid do/ /gong du bshad pa'i sngon po dang/ ser po la sogs pa'o/ /rang bzhin med cing zhes pa ni gzugs la sogs pa'i spyod yul te/ gcig dang du ma mi 'byor pa'i phyir ro/ /de ltar yang dbu ma rgyan las gsungs pa/ de bzhin nyid du brjod pa yi/ /dngos po 'di dag rang bzhin med/ /gcig dang dum mi 'byor phyir/ /rang bzhin gyis ni gzugs brnyan 'dra zhes so/ /rang bzhin med cing dmigs med la zhes pa ste/ dbang po la 'das pa'i phyir ro/ /de 'dra ba'i spyod yul la/ dmigs pa dang bcas ji ltar lags zhes/ zhus pa'o/ /zhus pa'i mjug bsdus pa/ de dag ngo mtshar chen po ni/ bdag gi the tshom lhas bka' stsal zhes pa/ de la de dag ces pa ni gong du thal pa'i zhus ba'i tshig rnams so/ /ngo mtshar chen po ni zhes pa ni sngon ma rtogs pa'o/ /bdag ces pa ni lha mo spyan ma ste/ de'i the tshom zhes pa ni som nyir gyur ba'o/ /lha zhes pa ni rdo rje sems dpa' ste/ lha'i rjes su skye ba mdzad pa dang/ rang gi 'od zer la longs spyod pa'i phyir ro/ /bka' stsal zhes pa ni the tshom de dag bsal bar bya ba'i don du gnas rnam pa lnga dang ldan pa'i gsung gi sgo nas ston cig par zhus ba'o/ /gnas rnam pa lnga ni 'di lta ste/ nges pa'i

  404. 234b

    tshig dang/ de'i rgyu dang/ dpe dang/ nye bar 'gro ba dang/ nges pa 'gro ba'o/ /de la nges pa'i tshig ni 'dus byas pa'i chos thams cad mi rtag pa zhes smra ba lta bu'o/ /rgyu ni rgyu rkyen tshogs nas 'dus byas pa'i phyir zhes smra ba lta bu'o// // dpe ni bum pa dang 'dra zhes smra ba lta bu'o/ /nye bar 'gro ba ni ji lta ba ni 'jim dang / 'khor lo dang/ rdza mkhan rnams 'dus nas byas pa'i phyir bum pa mi rtag pa yin zhes smra ba lta bu'o/ /nges par 'gro ba ni de bzhin du 'dus byas pa'i chos kyang rkyen rnams tshogs nas byas pas mi rtag go zhes smra ba lta bu'o/ /de ltar yang tshig don thams cad la yang gnas rnam pa la shes par bya'o/ /da ni gsung gi sgo nas chos bstan pas zhus pa'i lan gsungs pa/ de ltar zhus ma thag tu zhes pa la sogs pa ste/ de la de ltar zhes pa ni gong du zhus pa'i tshig la snyeg pa'o/ /zhus ma thag tu ni zhes pa ni de ma thag tu ba'i don te/ lha mos zhus pa'i steng kho nar dus gzhan du ma bsdad par lan btab po zhes pa'i tha tshig go /bcom ldan rdo rje sems dpas gsungs zhes pa ni ston pa po ste bshad zin to/ /gsungs zhes pa ni brjod kyis mi lang ba'i chos yin yang thugs rje'i dbang gis bshad pa'o/ /ston pa'i chos nyid kyi don mtshon pa/ shes rab zab pa zad med ni zhes pa ste/ de la shes rab ces pa ni gnyis su med pa'i shes rab ste/ gzung ba dang 'dzin pa dang bral ba'i phyir dang/ yod pa dang med pa dang bral ba'i phyir ro/ /de bas na de nyid zab pa zhes pa ste/ rnam par mi rtog pa'i phyir ro/ /de ltar yang 'jig rten snang ba las kyang gsungs pa/ mi rtog pa ni zab pa yin/ /bdag gzhan 'byung ba rgyas pa'o/ /zad med ni zhes pa ni chos nyid de 'dus ma byas pa'i phyir bskal pa

  405. 235a

    grangs med pa gzhan du yang de bzhin du gnas pa'i phyir ro/ /de ltar yang de nyid du 'dus pa las gsungs pa/ de bzhin gshegs pa byung yang rung/ de bzhin gshegs pa ma byung yang rung/ chos nyid de bzhin du gnas pa'o zhes so/ /nyon cig ces pa ni kha mar spub pa dang/ bum pa rnams bum pa zhabs rdol ba dang/ bum pa mi gtsang bas gang blta bu'i skyon gsum spangs te/ dad pa dang/ brtson 'grus dang/ yang dag pa'i lta ba gsum dang ldan na rna ba'i dbang pos sgra la dmigs zhes smra ba'o/ /yang na shes rab gsum dang ldan nas nyon cig ces smra ba'o/ /spyan ma zhes pa ni bod pa'i tshig go /bshad par bya zhes pa ni gnang ba'i tshig go /bshad par dam bca' ba'o/ /da ni re zhig chos nyid de'i yon tan bstan pa ni dpyad du med cing zhes pa la sogs pa ste/ de la dpyad du med cing zhes pa ni mngon sum dang rjes su dpag pas shes su med pa'o/ /de la mngon sum gyis mi shes pa ni dbang po'i rnam par shes pa dang/ yid kyi rnam par shes pas dpyad du med pa la so so yang dag par rig pa dang/ rnam par mi rtogs pa'i ye shes kyis dpyad pa'o/ /'o na gnyis kyis dpyad pa de la dpyad du med cing zhes bstan pa ci'i phyir zhe na/ lan btab pa/ dbang po'i rnam par shes pa dang/ yid kyi rnam par shes pa gnyis kyis dpyad du med pa'i phyir ro/ /dper na rta rkang lag gsum yod bzhin du lag pa gcig bcad na 'jig rten bas rkang med gcig ces brjod pa lta bu'o/ /rjes su dpag pa gnyis kyis kyang dpyad du med pa ste/ mtshan gsum dang rtags gsum gyis dpyad du med pa'i phyir ro/ /de ci'i phyir zhe na/ chos nyid ni ji ltar snang ba de

  406. 235b

    bzhin du ma yin pa'i phyir ro/ /de bas na shes bya min zhes pa ste/ thams cad mkhyen pa'i spyod yul gyi phyir ro/ /de ltar yang rab tu byed pa nyi shu pa? las gsungs pa/ rang sems ye shes mi shes pas/ /ji ltar sangs rgyas spyod yul la zhes so/ /de'i phyir de bzhin dpyad mkhan gyis shes dka' zhes pa ste/ shes rab kyi rjes su 'brang ba rnams kyis mthong ba dang/ thos ba tsam gyis ma rtogs pa'i phyir ro/ /'o na ci 'dra zhe na/ gsungs pa/ sangs rgyas kun gyi gsang chen ni/ /nam mkha' nam mkha' i spyod yul la zhes pa ste/ de la sangs rgyas kyang de kun yang de bas sangs rgyas kun zhes pa ste/ phyogs bcu na bzhugs pa'i gang+gA'i klung gi bye ma lta bu'i bla na med pa yang dag par rdzogs pa'i sangs rgyas rnam par snang mdzad la sogs pa 'dir 'dod de/ 'di lta ste/ gsang ba'i rgyud rdo rje theg pa las sangs rgyas pa ni bla na med pa yin te/ de'i gong du theg pa gzhan med pa'i phyir ro/ /yang dag pa yang yin te/ theg pa chen po la gnas pa'i phyir ro/ /sbyor ba'i rgyud dang/ bya ba'i rgyud dang/ mdo sde chen po'i theg pa la sangs rgyas pa ni theg pa gong na yod pas bla dang bcas pa ni yin la yang dag par rdzogs pa yin te/ theg pa chen po la gnas pa'i phyir ro/ /theg pa chung ngu las sangs rgyas pa'i nyan thos dang rang sangs rgyas ni bla dang bcas pa yang yin/ yang dag par rdzogs pa yang ma yin te/ theg pa gong na yod pa'i phyir dang/ yang theg pa chung ngu las phyir ldog dgos pa'i phyir ro/ /de lta bsan sangs rgyas gsum du shes par bya'o/ /de rnams kyi gsang chen ni zhes pa ni gong du bshad zin to/ /nam mkha' nam mkha' i spyod yul lo zhes pa ni/ stong pa nyid kyi sems kyis dmigs pa med pa stong pa nyid bsgom pa'o/ /de ltar klu sgrub zhabs kyis dbu ma las gsungs pa/ dmigs pa med pa'i sems dag ni/

  407. 236a

    nam mkha' i mtshan nyid du gnas te/ /nam mkha' i? sgom pa kho na de/ /stong pa nyid bsgom 'dod pa'o zhes so/ /de bas na gsang chen ni theg pa chung ngu ba rnams kyis kyang mi shes pa'i don gsungs pa/ mi shes chun? pas bsgribs pas na/ /nyan thos rnams kyis shes pa min zhes pa ste/ de la mi shes zhes pa ni nyon mongs pa can ma yin pa'i mi shes pa ste/ nyan thos rnams dang rang sangs rgyas la thams cad mkhyen pa dang mi ldan pa'i phyir ro/ /mi shes kyang de mun pa yang de bas mi shes mun ba zhes pa ste/ yang dag pa'i don rnam par mi rtog pa'i ye shes pa mi gsal bar byed pa'i phyir ro/ /des bsgribs pa ni mi shes mun pas bsgribs pas shes pa ste/ nyan thos kyis shes pa'i sgrib pa ma spangs pa'i phyir ro/ /de ltar yang shes rab kyi pha rol tu phyin pa las gsungs pa/ rab 'byor de bzhin gshegs pa'i zag pa med pa'i phung po mthong ngam/ bcom ldan 'das ma mthong ngo zhes so/ /de lta bas na nyan thos rnams kyis shes pa min zhes pa ste/ de la nyan thos zhes pa ni nyan thos kyi sangs rgyas te/ ston pa la nyan zhing thos nas nges par 'byed pa'i cha bzhi mthar phyin te/ mthong ba'i lam mngon du gyur pa'i phyir ro/ /de rnams kyis shes pa min zhes pa ste/ gzung ba dang/ 'dzin pa ma spangs pa'i phyir ro/ /spyod yul zhes pa ste/ gzugs la sogs pa'i phyi'i skye mched drug go /de dag che snga ma'i las kyi dbang gis med pa snang ba ni spyod yul bag chags zhes so/ /de ni kun brtags tsam du rtogs pa ni/ /spyod yul bag chags shes mkhan ni/ /rang sangs rgyas su sprul pa ste zhes pa ste/ de la rang sangs rgyas zhes pa ni tshe 'di'i sngon du nges par 'byed pa'i cha bzhi mthar phyin nas mthong ba'i lam du zhugs mkhad la/ tshe 'di nas phyi

  408. 236b

    ma'i che la ston pa la nyan zhing thos mi dgos par rang gis nges par 'byed pa'i cha bzhi mthar phyin te mthong ba'i lam rang mngon du gyur pa'i phyir ro/ /sprul pa ste zhes pa ni dbyung ba'o/ /de kun gyis kyang zhes pa ni sangs rgyas kun gyis ? mi shes pa ste/ 'dzin pa'i rtog pa ma spangs pa'i phyir ro/ /de ltar yang mngon par rtogs pa'i rgyan las gsungs pa/ gzung don rtog pa spong phyir dang/ /'dzin pa mi spong phyir dang ni/ /rten gyis bse ru lta bu'i lam/ /yang dag bsdus pas shes par bya zhes so/ /kyang gis sgras mi nyan thos kyis mi shes pa de rang sangs rgyas kyis kyang shes ba ma yin no zhes pa'i don snyeg pa yin pa'o/ /shes med so so'i skye bo yis shes pa ni mi shes pa'i sgra ni gong ma la snyeg pa ste/ so so'i skye bo yis kyang mi shes zhes pa'i tha tshig go /de la shes med ces pa ni nyon mongs pa can gyi ma rig pa ste/ so so'i skye bo nyon mongs pa dang/ shes bya'i sgrib pa can yin pa'i phyir ro/ /shes med kyang de so so skye bo yang de bas shes med so so'i skye bo'i zhes pa ste/ 'phags pa las gzhan du gyur pa ste/ 'phags pa'i chos mthong ba'i lam ma thob pa'i phyir dang/ mi dge ba las ma grol pa'i phyir ro/ /dus kun la mi shes pa'i don bstan pa/ ma 'ongs pa dang/ 'das pa dang/ da ltar byung ba'i dus gsum la zhes pa ste go sla'o/ /byol song zhes pa ni lha dang mi'i 'gro ba las byol nas song ba ngan song gsum mo/ /de'i mi dge ba'i las ni byol song bag chags zhes so/ /de las skye ba las byung ba'i dud 'gro yi dags skye ba rnams zhes pa ste/ de la dud 'gro zhes pa ni lha dang/ mi'i 'gro ba pa ma gtogs par phyugs kyi khams su gtogs pa yin pa de dud 'gro bas na dud 'gro zhes pa ste/ de ni mi 'am /ci la sogs pa'o/ /'on tang phyugs la

  409. 237a

    sogs pa yang don gyis shes par bya'o/ /yi dags shes pa ni 'di las ye nas phyir mi ldog par 'das pa'o/ /yang na bkres pa dang bskom pas sdug bsngal ba'o/ /'gro ba de gnyis las lhung ba ni dud 'gro yi dags skye ba rnams zhes pa'o/ /de kun gyis kyang mi shes te zhes pa ni ngan song gsum sdug bsngal sna tshogs kyis gtses pa'i phyir ro/ /mi shes pa gang zhe na/ gsungs pa/ sangs rgyas spyod yul gsang chen ni zhes pa ni yig 'bru ni bcom zin to/ /de ltar chos nyid kyi che ba'i yon tan bstan nas/ da ni don bstan pa la/ re zhig dang la chos kyi dbyings rnam par 'phro ba ni/ /gang las skye bar gyur pa lags zhes pa'i lan gsungs pa/ snying po shin tu snying po mchog ces pa la sogs pa ste/ de la snying po zhes ni phyi'i dkyil 'khor te/ g.yo ba med pa'i phyir dang/ 'dod pa'i 'bras bu smin par byed pa'i phyir ro/ /de ltar yang 'jig rten snang ba las kyang gsungs pa/ snying po 'dus phyir dkyil 'khor gsungs zhes pa ste/ dkyil 'khor de las khyad par du gyur pa ni snying po ni shin tu snying po mchog ces pa ste/ 'og nas 'byung ba'i lus kyi dkyil 'khor phra mo'i ting nge 'dzin te/ dkyil 'khor shin tu zab pa'i phyir ro/ /de mya ngan las 'das pa'i ngo bor gyur pa'i phyir mchog ces so/ /yang na snying po ni shin tu snying po zhes pa ni sku gzung thugs te/ khams gsum gyi rang bzhin yin pa'i phyir ro/ /sku gsung thugs de'i rang bzhin du gyur pa ni shin tu snying po zhes pa ste/ rdo rje sems dpa' i ngo bo bde ba chen po rnam par mi rtog pa'i ye shes chos kyi dbyings so/ /de yang ci 'dra zhe na/ gang de kun bdag la gnas pa zhes pa ste/ bcu dang snod kyi rang bzhin du khyab pa'o/ /sangs rgyas kun gyi gsang ? ni/ /

  410. 237b

    lha mo khyod la bshad par bya zhes pa ni bshad zin to/ /phra mo'i ting nge 'dzin bstan pa/ byang chub sems zhes pa la sogs pa ste/ de la byang chub sems zhes pa ni bshad zin to/ /de nyid bdag ces pa ste/ gzung ba dang 'dzin pa'i skyon gyis ma gos pa'i phyir ro/ /de ltar sems tsam las gsungs pa/ gzhan gyi blo yis tshor ba min/ /des kyang gzhan la tshor ba min/ /gzugs 'dzin dang ni bral ba'i phyir/ /rang de kho nar snang bar 'gyur zhes pa'o/ /de bas na rang bzhin 'od gsal ba zhes pa ste/ nam mkha' bzhin du nyon mongs pa'i dri ma glo bur ba yin pa'i phyir ro/ /de ltar yang rab tu byed pa dbus mdza' las gsungs pa/ chu khams gser dang nam mkha' bzhin/ /ngag pa bzhin du dag par 'dod ces so/ /phra mo'i ting nge 'dzin de'i mdog bstan pa/ zla ba'i shel dang mnyam pa'i 'od ces pa ste/ chu shel gyi mdog dang 'dra ba dkar ba'o/ /phra mo'i ting nge 'dzin gyi dngos bstan pa/ de nyid ye shes lnga'i dngos zhes pa ste/ de la de nyid ces pa ni bskal pa gzhan dang gzhan du yang mi 'gyur ba'i phyir ro/ /yang de nyid ces pa ni rigs lnga'i rang bzhin dang ldan pa'i phyir ro/ /de ltar yang gsang ba'i rgyud phyi ma las gsungs pa/ de kho na nyid rigs lngar gsungs zhes so/ /ye shes lnga zhes pa ni me long lta bu'i ye shes dang/ mnyam pa nyid kyi ye shes dang/ so sor kun tu rtog pa'i ye shes dang/ bya ba nan tan gyi ye shes dang/ shin tu rnam par dag pa'i chos dbyings ye shes so/ /de la me long lta bu'i ye shes ni/ kun gzhi gnas gyur pa/ de bzhin nyid/ stobs bcu'i ngo bo rdo rje lta bu'i byang chub sems kyi rang bzhin shes bya'i sgrib pa bsal bar byed pa ni me long lta bu'i ye shes te/ dper na me long la bsnyen pa'i rdzas gsal ba bzhin du/

  411. 238a

    chos nyid la chos thams cad gsal bar rtogs pa'i phyir ro/ /mnyam pa nyid kyi ye shes ni nyon mongs pa'i yid gnas gyur pa yang dag pa'i mdza' dang mi 'jigs pa bzhi'i ngo bo sbyin pa'i pha rol tu phyin pa'i rang bzhin nyon mongs pa'i sgrib gsal ba ni mnyam pa nyid kyi ye shes te/ bdag dang gzhan du mi 'byed pa'i phyir ro/ /so so kun tu rtogs pa'i ye shes ni rnam par rtogs pa'i rnam par shes pa gnas gyur pa mtshan ma med pa dang/ skad dag pa rig pa bzhi'i ngo bor gyur pa/ shes rab kyi pha rol tu phyin pa'i rang bzhin las kyi sgrib pa gsal ba ni so so kun tu rtogs pa'i ye shes te/ dag pa 'jig rten ba'i ye shes yin pa'i phyir ro/ /bya ba nan tan kyi ye shes ni/ sgo lnga'i rnams par shes pa gnas gyur pa don dam pa dang snying rje chen po'i ngo bor gyur pa/ mi dmigs pa'i snying rje chen po'i rang bzhin skye ba'i sgrib pa gsal ba ni bya ba nan tan gyi ye shes te/ sems can kun gyi don byed pa'i phyir ro/ /de bzhin bar chad med pa'i lam la zad pa'i ye shes ngos 'dzin par bya'o/ /shin tu rnam par dag pa chos kyi dbyings kyi ye shes ni/ chos kyi dbyings dang stobs la sogs pa gong gi chos bzhi'i ngo bor rnam par grol ba'i lam du mi skye ba'i rang bzhin ni shin tu rnam par dag pa chos kyi dbyings kyi ye shes te/ sangs rgyas kyi rgyur gyur pa'i phyir ro/ /de lnga'i ngo bor gyur pa ni ye shes lnga'i dngos zhes pa ste/ ye shes lnga dang phra mo dbyer med pa'i phyir ro/ /phra mo'i tshang gsungs pa/ yungs kar che ba'i tshad tsam mo zhes te go sla'o/ /de'i dbus su zhes pa ni/ yungs kar gyi dkyil lo/ /de la bkod pa'i yi ge k+ShUM ni bzhugs pa'i lha zhes pa ste/ rdo rje sems dpa' i ngo bo nyid kyi phyir ro/ /de ci 'dra zhe na/ mi gsal gsal ba'i

  412. 238b

    gzugs can te zhes pa ste/ de la mi gsal zhes pa ni 'khor ba'i dus su rang rig pa'i ye shes ni bu mo'i bde ba bzhin du gzhan la bstan du med pa'i phyir ro/ /gsal ba zhes pa ni zad pa dang mi skye ba'i ye shes thob pa'i dus su ni// mngon du gyur pa'i phyir ro/ /de ltar sum cu pa las gsungs pa/ dgra bcom nyid la de 'gyur te/ /de la brten nas gnas pa'o/ /zhes so/ /de 'dra ba'i ngo bo ni mi gsal ba'i gzugs can te zhes pa'o/ /byed tshad tsam? gyi phra mo'i mchog ces pa ni yungs kar gyi phyed phra ba yig 'bru'i mchog gi tshad do/ /don ni 'di ltar bsgom ste/ de bzhin gshegs pa thams cad rang gi lus la thim nas/ lhag pa'i byang chub sems su gyur nas/ gsang ba'i rdo rje lam nas phyung ste/ rang gi rig ma'i gsang ba'i pad+ma'i sna'i rtse mo la rdo rjer gyur pa bsgoms te/ rdo rje de'i dkyil du yungs kar gyi tshad phra mo la yi ge k+ShUM bsgom pa'o/ /de mtshan ma lnga 'byung ba'i bar du bsgom pa ste/ mtshan ma lnga byung ma thag 'phro ba bsgom pa'o// mtshan ma lnga ni gsang ba 'dus pa'i rgyud phyi ma las gsungs pa/ dang po smig rgyu 'dra ba dang/ /gnyis pa la ni du ba'i tshul/ /gsum pa srin po mi khyer 'dra/ /bzhi pa mar me bzhin du 'bar/ /lnga pa rtag tu snang ba ni/ /sprin med pa yi nam mkha' bzhin zhes so/ /de ltar yang gsang ba 'dus pa'i rgyud las gsungs pa/ rin chen kha dog sna lnga pa/ /yungs kar gyi ni 'bru tshad tsam/ /sna yi rtse mo nan tan du/ /rnal 'byor pa yis rtag tu bsgom/ /rin chen brtan par red nas spro/ /brtan par ma gyur yod mi spro zhes so/ /de ltar phra mo'i ting nge 'dzin brtan nas/ thig le'i ting nge 'dzin bsgom pa bstan pa/ yid ki dngos po thig le'i gzugs zhes pa la sogs pa ste/ de la yid ces pa ni rnam par rtogs

  413. 239a

    pa'i ngo bo'o/ /de ltar langkar gshegs pa'i mdo las gsungs pa/ las ni sems kyis sdud par byed/ /yid kyis kyang ni rnam par brtags/ /rnam shes kyis ni shes bya ste/ /lnga dag gis ni mthong bar brtags zhes so/ /de'i ngo bor gyur pa'i thig la ni yid kyi dngos shes te/ yid dang thig le dbyer med pa'i phyir ro/ /don de kho na ston pa thig le'i gzugs zhes pa ste/ sran ma'i 'bru tshad tsam gyi thig le'o/ /de ltar yang gsang ba 'dus pa'i bsgrub thabs zla ba las gsungs pa/ 'bru tsan ka'i thig le'i 'bras bu zhes so/ /de'i gnas bstan pa/ rtag tu snying gi dbus gnas pa zhes te/ de la rtag tu zhes pa ni 'das pa dang/ ma 'ongs pa dang/ da ltar dang/ dus gsum mo/ /snying zhes pa ni lus kyi yan lag sgo lnga lta bu la bya ste/ 'dir ye shes sems dpa' i thugs ka ni ma yin no/ /dbus gnas pa zhes pa ni thig le rang gi snying gi dkyil du bsgom pa'o/ /'od zer chen po 'bar ba can zhes pa ni thig le de kun tu 'od zer de snang bar byed pa'o/ /don ni 'di ltar bsgom ste/ rnal 'byor pa rang gi snying ga'i dkyil du de bzhin gshegs pa thams cad bsdus te/ byang chub sems kyi 'od du gyur nas/ 'bru tsa na ka'i tshad yid dang dbyer med pa'i thig le bsgoms nas de'i dkyil du yi ge k+ShUM gong ma bzhin du bsgoms te/ de las byung ba'i 'od kyis thig le gsal bar byas te/ de las byung bas rang gi snying ga gsal bar byed/ snying ga nas byung bas rang gi lus kun gsal bar byed/ lus kyi ba sdu nas byung ste/ 'jig rten thams cad gsal bar byas te/ phyir log pa rim pa bzhin du thim nas yig 'bru dang gcig tu gyur pa bsgom ma/ /de ni bsgom ba'i man ngag

  414. 239b

    go /yang lhag pa'i byang chub sems tshes grangs kyi rim pas gnas pa'i gnas bstan pa/ ji snyed dgug pa'i bar du ni zhes te/ nu ma dang/ lag ba'i rtse mo dang/ mgrin pa dang/ mchu dang/ 'gram pa dang/ mig dang/ rna ba'i rtsa ba dang/ spyi bo dang/ gsang bI yan lag mchog rnams dgu'o/ /de rnams la yang ngo la ni mar brtsi ste mar po la ni yang brtsi bar bya'o/ /de ltar 'dod pa'i gtsug lag brgyad brgyad la gsungs pa/ nu ma lag rtse mgrin pa dang/ /ma mchu de bzhin 'bram pa mig /sna rtsa spyi bo yan lag mchog /de dag kun la gdud byed pas/ /nam zla yar chos mar yar ni/ /zla ba mar tshes log par bshad ces so/ /yang lhag pa'i byang chub sems kyi gnas bco lnga la/ sgra yig bcu drug du bsgom pa'i bstan pa/ dpral ba la gnas rkang mthil bar shes pa ste/ mthe bong rtsa la yi ge a/ /rje dar la A dang/ brla gnyis la i dang/ gsang ba la a'i dang/ lte ba la u dang/ gsus pa la a'u dang/ nu ma la ri dang/ lag pa la rI dang/ mgrin pa la li dang/ ma mchu la lI dang/ 'gram pa la e dang/ mig gnyis la i dang/ rna ba'i rtsa la o dang/ spyi bor aau dang/ lus kun la aM a(rgyud 'grel): rnams kyi gzugs su bsgom pa'o/ /de ltar 'dod pa'i gtsug lag brgyad brgyad las gsungs pa/ mthe bo rtser ni yi ge a/ /rje dar gnyis la de bzhin A/ brla gnyis la ni yi ge i/ yi ge a'i ni gsang ba rten/ lte ba'i rtsa la yi ge u/ /de bzhin gsus par yi ge a'u/ /nu ma'i rtse la yi ge ri/ /yi ge rI? ni lag par gnas/ /mgrin pa kho nar yi ge li/ de bzhin ma mchur yi ge lI/ /'gram pa'i phyogs su yi ge e/ /de bzhin i ni mig gnyis la/ /rna ba'i rtsa ra ni yi ge o/ /yi ge aau ni spyi bor gnas/

  415. 240a

    aM a(rgyud 'grel): yan lag kun la gnas/ /cho ga rnams ni sbyar bar bya zhes so/ /thig le de kho nar bsdus te/ zhes pa na gnas dgu dang bco lnga la khyab pa'i byang chub sems/ snying gi pad+ma'i thig le la dang la 'dus pa'i don to/ /lte ba'i dbus su rnam par gnas ces pa ni snying gi pad+ma las babs te/ lte ba'i pad+mar gnas pa'o/ /de ltar d+hos kyi dbyings skye ba'i khungs bsnyan nas/ dang po ji ltar 'ong ba yin zhes pa'i lan gsungs pa la/ re zhig gong du bsgoms pa'i yi ge swas bstan pa/ cha shas lnga ba can yin te zhes pa ste/ yi ge k+ShUM yan lag lnga dang ldan pa'i phyir ro/ /'di lta ste/ thig le dang/ zla chos dang/ ka dang/ Sha dang/ zhabs skyed ring po u rnams lnga'o/ /don de bstan pa bcu gnyis kyi ni tham la zhes pa ste/ ma ning gi yi ge ri rI dang/ li lI bzhag pa'i sgra yig a A la sogs pa'i bcu gnyis kyi tha ma ni ka'o/ /cha shas drug pas mtshan pas nyid ces pa ni ya la sogs pa drug pas mtshan pa ste/ yi ge Sha'o/ /da ro zhes pa ni zhabs bskyed u'o/ /thig le rgyan byed pa zhes pa ni steng gi zla tshes dang thig le'o/ /rdo rje kho nas phyung nas su zhes pa ni gsang ba'i rdo rje lam nas lhag pa'i byang chub sems yi ge k+ShUM gi ngo bo 'phro ba bsgom pa'o/ /da ni de bzhin phyir 'gro ji ltar lags zhes pa'i lan gsungs pa/ sa bon skye gnas zhes pa la sogs pa ste/ de la sa bon zhes pa ni yi ge k+ShUM ste/ khams gsum gyi rgyu yin pa'i phyir ro/ /skye gnas dbus bzhag ste/ zhes pa gsang ba'i pad+ma'i nang du phab pa'o/ /chos kyi dbyings ni bzhu bar byed ces pa ni yi ge k+ShUM chos thams cad kyi rgyu lhag pa'i byang chub kyi sems

  416. 240b

    kyi ngo bo'i chu'i khams su gyur pa'o/ /da ni yan lag med pa gang de ni zhes pa nas khams rnams su ni 'jug pa 'ang zhes pa'i bar gyi lan gsungs pa/ de ni rim par zhes pa la sogs pa ste/ de la de ni zhes pa ni yan lag med pa'i chos kyi dbyings so/ /rim par bskyed byas nas zhes pa ni mer mer po dang/ nur nur bo dang/ ltar ltar po dang/ mkhrad 'gyur dang/ rkang lag 'dus pa mngal gyi rim pa ldas ming dang gzugs su gyur pa'o/ /don de gsungs pa sgo dgu la ni kun tu 'gro zhes pa ste/ spyi bo tshangs pa'i bu ga dang/ mig dang/ rna ba dang/ sna dang/ kha dang snying ga dang/ lte ba dang/ gsang ba dang/ chu ming gi bu ga rnams dgu'o/ /de rnams la byang chub kyi sems khyab par gyur to zhes pa'i tha tshig go /de las kyang 'gro ba'i don gsungs pa/ khyab cing khyab nas 'gro kun la/ /mi g.yo la sogs g.yo dang bcas zhes te/ go rim du 'gro ba kun la ni khyab cing mi g.yo ba la sogs pa ni khyab la gnas par gyur to/ /zhes pa'i tha tshig go /de la 'gro kun zhes pa ni dus gsum dang khams gsum gyi bcud kyi 'jig rten 'gro ba ris lnga ste/ 'di nas gzhan dang gzhan du bskyed pa'i phyir ro/ /mi g.yo zhes pa ni ri rab la sogs pa snod kyi 'jig rten no/ /sogs pa'i sgras ni gzhal yas khang la sogs pa'o/ /g.yo dang bcas shes pa ni bar snang la lding ba'i gzhal yas khang ngo/ /don de kho na gsal bar byed pas gsungs pa/ tshangs sogs lha dang lha min gyi/ /bzhi ni de las gyur pa'o zhes te/ de la tshangs pa zhes pa ni 'dod pa'i nyon mongs pa zhi ba'i phyir ro/ /rnam pa gcig tu mu stegs pa'i gzhung gis/ /tshangs pa zhes pa ni bden pa dang/ dka' thub dang/ dbang po dul ba la 'dod do/ /bya ka ra Na'i sgra las ni tshangs pa zhes pa ni sa 'og ma'i tshe dang byang gzugs

  417. 241a

    dang longs spyod la sogs pa 'phel bar byed pa la 'dod do/ /sogs zhes pa'i sgras ni khyab 'jug dang/ dbang phyug chen po dang/ brgya byin dang/ nyi ma dang/ zla ba la sogs pa'o/ /yang na sogs pa'i sgras ni rgyal chen rigs bzhi nas 'og min gyi lha ris gzung par bya'o/ /tshangs pa la sogs pa yang de lha yang de bas tshangs sogs lha zhes pa ste/ rang gi 'od la longs spyod pa'i phyir ro/ /lha min zhes ? ni lha'i ris las snang? pha ri rab kyi khong pa dang bar snang la gnas pa gza' rA hu la las sogs pa ste/ rin po che'i 'od de la longs spyod pa'i phyir ro/ /lha dang lha min de dag chos kyi dbyings de kho na las skyes pas na gzhi ni de las gyur pa'o zhes sa/ /gang las gtso bo skyed byed pa zhes pa ni gzugs dang gzugs med pa gang du yang chos kyi dbyings las 'phro ba yin no zhes pa'i tha tshig ste/ chos thams cad kyi sa bon gtsor gyur pa'i phyir ro/ /sa dang nam mkha' i ngo bo yang chos kyi dbyings yin ba bstan pas dang nam mkha' zhes pa ni de zhes gsungs zhes pa ste de las zhes pa ni dbyibs dang/ kha dog la mtshon pa'o/ /de yang sa 'og sa bla sa steng gsum ste/ de las 'og ni 'dzam bu gling man chad dmyal ba yan chad do/ /sa bla ni nyi mas gar khyab pa'o/ /sa steng ni ri rab kyi rtse mo'o/ /nam mkha' zhes pa ni mi sgrib pa go 'byed pa'o/ /de zhes gsungs zhes pa ni chos kyi dbyings las 'phro zhes pa'i tha tshig go /ma rig bag chags zhes pa nas/ ji ltar dngos su 'dus pa lags zhes pa'i bar gyi tshig gi lan gsungs pa/ ji snyed lus la gnas pa'i bar zhes pa la sogs pa ste/ de la ji snyed ces pa ni lus kyi tshad mtshon pa'o/ /lus zhes pa ni gzugs kyi phung po'o/ /gnas pa'i zhes pa ni ming bzhi'i phung por gyur pa'o/ /bar zhes pa ni dus kyi tshad do/ /de yis zhes pa ni chos

  418. 241b

    kyi dbyings la gzung ngo/ /las dang zhes pa ni lus ngag yid kyi dge ba'i las te/ 'jig rten du bsngags pa'i phyir ro/ /las min zhes pa ni lus ngag yid kyi las mi dge ba kho na ste/ 'jig rten pas smad pa'i phyir ro/ /de gnyis la 'jug pas na/ byed pa'o de ltar yang mtshan yang dag par brjod pa'i rnam par bshad pa las gsungs pa/ skye ba'i dge ba 'ba' zhig med ces ba'o/ /don ni 'di lta ste/ ji snyed chos kyi dbyings lus la gnas pa de snyed kyi bar dge ba'i las sna tshogs pa byed par 'gyur ro zhes pa'i tha tshig go /de snyed kyi sgra med na yang don gyis 'brel par shes par bya ste/ /gang dang de ni rtag tu zhes 'brel zhes sgra las gsungs pa'i phyir ro/ /don de kho na gsal bar mdzad pa/ bcom ldan 'das nyid kyis yang gsungs pa/ dge dang mi dge bsam pa kun/ /bya ba'i las kun byed pa yin zhes pa ste/ de la dge dang zhes pa ni 'dod chags dang/ zhe sdang dang/ gti mug med pa/ lus ngag gi las srog gcod pa la sogs pa med pa lus ngag gi las bcu ni 'jig rten pa'i dmad pa las 'das pa'i phyir ro/ /yang na dge dang zhes pa ni rtsa ku sha bzhin du rno ba'i shes rab bsten par byed pa'i phyir ro/ /mi dge zhes pa ni 'dod chags dang/ zhe sdang dang/ gti mug dang ldan ba'i lus ngag yid kyi las srog gcod pa la sogs pa lus ngag gi las te/ 'jig rten gyis dmar pa la 'jug pa'i phyir ro/ /yang mi dge zhes pa ni ma rig pa'i sbyin pa'i phyir ro/ /de gnyis la rnam par rtog pa ni/ bsam pa yang zhes pa ste/ sems kyi las gtsor gyur pa'i phyir ro/ /de ltar chos mngon pa mdzod las gsungs pa bsam pa yid kyi las yin te/ /de skyed ngag dang lus gyi las zhes so/ /de ltar dge ba dang mi dge ba'i las byed pas na/ bya ba'i las kun zhes pa ste/ de la kun zhes pa'i sgras ni lung du ma bstan pa'i las la shes par bya'o/ /

  419. 242a

    de bas na can? nas nyon mongs pa dang/ rnam par byang ba'i chos dang/ dge ba dang mi dge ba'i chos kun chos kyi dbyings las 'phros pa yin par shes par bya'o/ /dngos po med la shes pa nas/ /dmigs pa dang bcas ji ltar lags/ /zhes pa'i bar gyi tshig gi lan gsungs pa/ sbyor ba rtag tu de gsungs te zhes pa la sogs pa ste/ de la sbyor ba rtag tu de gsungs te zhes pa ni/ gong gi chos kyi dbyings kyi rang bzhin phra mo'i ting nge 'dzin dang/ thig le'i ting nge 'dzin dang rtag tu sbyor ba'o/ /de ltar sbyor bas thabs dang shes rab kyi gsang ba'i mchod pa ni/ mchod pa bsgom par gyur pa yin zhes so/ /don ni 'di lta ste/ rnal 'byor dang/ rnal 'byor mas le'u bzhi pa'i lus kyi dkyil 'khor gyi lha bsgoms te/ phra mo'i ting nge 'dzin dang/ thig le'i ting nge 'dzin bsgoms nas/ thabs dang shes rab rol pa'i gsang ba'o mchod pas de bzhin gshegs pa mnyes par bya'o/ /de ltar bsgoms pas cir 'gyur zhe na/ de'i 'bras bu gsungs pa/ gang tshe las gyi lus zhig na zhes pa la sogs pa ste/ de la gang che zhes pa ni shi ba'i dus mtshon pa'o/ /las kyi lus zhes pa ni lus kyi dkyil 'khor bsgoms pa'i dag pa'i bag chags dang ldan pa'i phung pa'o/ /de gnas gyur pa ni lus zhig na zhes pa ste/ 'chi 'go ba'o/ /de che zhes pa ni gang che dang 'brel pa'o/ /de'i rang mthu yis zhes pa ni rnal 'byor pa'i bsgom pa'i byin gyis rlabs kyis de 'dra'i lus su zhes pa ni lus kyi dkyil 'khor gyi bdag nyid de rnal 'byor pas thob par 'gyur te/ zhes pa ni ? gnas pa'i mya ngan las 'das pa mngon du gyur pa ste/ skye ba dang 'jigs pa tha snyad tsam gyi phyir ro/ /de ltar yang klu sgrub zhabs kyis dbu ma las gsungs pa/ gnas pa skye ba shi ba yod med dman pa mnyam pa khyad par ni /

  420. 242b

    'jig rten tha snyad dbang gis gsung gi de bzhin nyid dbang gis ma yin zhes so/ /da bas na chos kyi dbyibs gang gis g.yo dang mi g.yo khyab par ni/ nam mkha' mnyam pa nyid 'dra ba/ /tha snyad la ni yod la don dam pa ba ni med pa kun nas kun tu khyab pa bzhin du/ chos kyi dbyings de ni gnas pa snang ba/ rnal 'byor pas shes par bya'o/ /de ltar sa bcu pa las gsungs pa/ rgyal ba'i sras khams gsum ni sems tsam yin zhes smras pa'o/ /da ni de ltar bsgom pa'i rnal 'byor pa'i yon tan gsungs pa/ bcu gnyis mdza' i tshig gi don zhes pa la sogs pa ste/ de la bcu gnyis mdza' i tshig don zhes pa ni yi ge k+ShUM ngo/ /rnal 'byor pa gang gis rtag tu rgyun mi 'chad par gong gi rim pas yi ge k+ShUM bsgom byas na rnal 'byor pa des ni mchog gi dngos grub mi gnas pa'i/ mya ngan las 'das pa bsod nams dang ye shes kyi tshogs kyis rgyas pa'i/ rdo rje 'dzin par ni sgrub pa po bdag nyid kyi/ bsgoms pa'i stobs kyis 'gyur zhes so/ /de ltar yang dpal mchog dang po'i rgyud las gsungs pa/ kun tu bzang po'i ye shes ni/ /rang nyid kho nas thob pa'o zhes so/ /de la rdo rje 'dzin pa zhes pa ni rdo rje sems dpa' ste/ rdo rje phyag tu ldan pa'i phyir ro/ /gnod sbyin dang/ byang chub sems dpa' rdo rje 'dzin pa ni ma yin pa'o/ /rnal 'byor pas bsgom pa'i yig 'bru de la yang don dam par rang bzhin med/ /stong pa nyid kyi don bstan pa so dang mchu dang zhes pa la sogs pa ste/ de la sodang mchu dang rkang dang lce zhes pa ni go sla'o/ / de dag 'dus nas byung ba'i yig 'bru'i sgra ni/ gul nas gang la yod pa ni zhes pa'o/ /de'i phyir gang la de ni yig 'bru nyid ces te/ /yig 'bru'i ngo bo med de/ /zhes pa'i tha tshig go /de ci'i phyir zhe na/ de ni zad dang gnas phyir ro//

  421. 243a

    zhes pa ste/ yig 'bru k+ShUM de ni rang bzhin mi rtag par gnas pa'o/ /'di lta ste/ ka brjod tsam na Sha med Sha brjod tsam na ka thal te 'gro'o/ /de bzhin du zhabs skyed brjod tsam na ka dang Sha thal te 'gro bas thig le ma byung thig le brjod tsam na gong ma thal lo/ /de ltar mi rtogs pa ni stong pa'o/ /de ltar yang byang chub sems 'grel las klu sgrub zhabs kyis gsungs pa/ mi rtog pa yis sems kyi ni/ /stong pa nyid du mi 'gal lo zhes so/ /'o na yig 'bru'i rang bzhin byang chub sems ci 'dra ba 'dod ce na/ gsungs pa/ brjod pa med cing the tshom pa zhes pa la sogs pa ste/ de la brjod pa med cing zhes pa ni ming dang gzugs kyi ngo bo med pa'i phyir ro/ /de ltar yang gsang ba 'dus pa'i rgyud phyi ma las gsungs pa/ brjod du med pa'i bdag nyid chos ming dang gzugs blo'i ngo bo med ces so/ /the tshom pa zhes pa ni dngos po yod pa yang ma yin med pa yang min/ nam mkha' 'dra bar ro mnyam pa/ /sdug bsngal med med pa'i rang bzhin can/ /'byung ba med pa sku'i bstod pa las gsungs pa/ gang zhig gcig min du ma yin/ /bdag gzhan phan cher bkra shis rten/ /dngos po yod min med pa 'ang min/ /nam mkha' 'dra bar ro mnyam pa/ /sdug bsngal med med pa'i rang bzhin can/ /'byung ba med pa nyid med pa/ /zhi ba mnyam nyid mnyam pas na/ /khyab cing spros med dpe med pa'i/ /so so rang rig rgyal ba yi/ /chos sku ding 'dir bdag phyag 'tshal zhes so/ /de ltar yang rin po che phreng ba las gsungs pa/ dngos med mya ngan las 'das min/ /dngos nyid de ni gang la yin/ /dngos dang dngos med mchog 'dzin pa/ /zad pa mya ngan 'das par gsungs zhes so/ /sgra yig rnam par spangs pa ni zhes ni a la sogs pa'i bcu drug gi ngo bo ma yin pa'i phyir ro/ /rang gi phyi nang zhes

  422. 243b

    pa ni phyi nang gi skye mched bcu gnyis kyis ngo bor gnas pa'o/ /de bzhin nyid ces pa ni 'gyur ba med pa'o/ /de 'dra ba'i mtshan nyid ni byang chub sems ni rgyud 'dir gsungs so/ /zhes 'dod pa'o/ /lha mo bzhis yongs su zhus pa zhes pa ? rgyud kyi spyi'i mtshan go sla'o/ /las zhes pa ni de'i nang du yang lha mo spyan ma yongs su zhus pa zhes pa ste/ /spyan mas gtsor sdud pa po byas pa'i phyir ro/ /le'u zhes pa ni rim par phye ba'o/ /dang po zhes pa ni gnyis pa'i gong ma'o/ /lha mo bzhis yongs su zhus pa'i le'u dang po'i rnam par bshad pa'o// //da ni le'u gnyis pa la chos kyi dbyings byang chub sems kyi rim pa mA ma kIs zhus pa/ de nas lha mo mA ma kIs zhes pa la sogs pa ste/ de la de nas zhes pa ni le'u dang po dang gnyis pa'i mgo 'jug sprel ba'i tshig go /lha mo zhes pa ni bshad zin to/ /lha mo yang de mA ma kI yang de nyid pas lha mo mA ma kIs zhes pa ste/ sangs rgyas thams cad kyi yum zhes bya ba'o/ /rdo rje can zhes pa ni rdo rje sems dpa' ste/ phyag na rdo rje dang ldan pa'i phyir ro/ /la zhes pa ni zhus pa'i gnas bstan pa'o/ /'di zhes pa ni 'og nas 'byung ba'i zhus tshig go /zhus te zhes pa ni zhu ba'i rim pa lnga gong du bshad zin to/ /byang chub sems zhes pa ni chos kyi dbyings so/ /de'i rim pa ni/ byang chub sems kyi rim pa'o/ /zhes pa ste/ 'og tu 'byung ba'i gnas dang/ kha dog gi rim par bskyed pa dang/ 'dor bsdus pa'i rim pa'o/ /ba snying lte ba gsang ba la/ /'gro dang phyir 'ong bstan pa ni zhes pa ste go sla'o/ /rdo rje chen pos zhes pa ni stong pa rdo rje sems dpa' ste/ /kun tu khyab pa'i rang bzhin nyid kyi phyir ro/ /bka' stsal 'tshal zhes pa ni bshad zin to/ /cha shas rnam pa du zhig gsungs zhes pa

  423. 244a

    ni byang chub kyi sems yan lag gi sgo nas zhus pa'o/ /gnas kyi rnam pa bsgyur ba du zhes pa ni chos kyi dbyings kyi byang chub sems kyi gnas zhus pa'o/ /kha dog rnam pa du zhig gsungs zhes pa ni chos kyi dbyings byang chub sems kyi kha dog gi rim pa zhus pa'o/ /de bzhin gang na yang ji ltar 'tshal zhes pa ni/ chos kyi dbyings byang chub sems kyi gdan zhus pa'o/ /da ni ston pas lan gsungs pa/ rdo rje can gyis bka' stsal pa zhes pa ste/ gong du bshang zin to/ /cha shas rnam pa du shig gsungs zhes pa'i lan gsungs pa/ cha shas bzhi dang mnyam ldan zhing zhes pas te/ yi ge kA dang yi ge oM dang/ yi ge hUM dang/ yi ge a rnams kyi cha bzhi dang ldan pa'i phyir ro/ / gnas kyi rnam pa bsgyur ba du zhes pa'i lan gsungs pa/ pad+ma bzhi la yang dag gnas zhes pa ste/ kha'i pad+ma dang/ snying gi pad+ma dang/ lte ba'i pad+ma dang/ gsang ba'i pada'o/ /kha dog rnam pa du zhig gsungs/ /de bzhin gdan yang ji ltar 'tshal/ zhes pa'i lan gsungs pa/ snying gi pad+ma la gnas gnag ces pa la sogs pa ste/ de la snying gi pad+ma la gnas gnag ces pa ni/ chos kyi dbyings yi ge oM gyi gzugs su kha dog gnag par gnas pa'o/ /kha yi pad+ma la gnas dkar zhes pa ste/ chos kyi dbyings kyi kA'i gzugs su mdog dkar bar gnas pa'o/ /da ro lte ba'i pad+mar gnas zhes pa ni chos kyi dbyings kyi yi ge hUM gi gzugs kha dog dmar bar gnas pa'o/ /gsang ba'i pad+mar ? mdza' zhes pa ni/ chos kyi dbyings kyi yi ge'i a'i gzugs su kha dog ser bar gnas pa'o/ /de lta bu'i rim pas stabs kyis mdza' ru 'gro byed nas zhes pa ste/ chags pa'i dus su 'jig rten kun bskyed par byas nas/

  424. 244b

    'jig pa'i dus su yang thig le'i dbyings su chos kyi dbyings byang chub sems/ thig le'i sbyor ba rab tu gnas zhes pa'o/ /de lta bu'i rim pas bskyed pa'i don te gsal por gsungs pa/ bsnom? byed pa dang thos byed bar zhes pa la sogs pa ste/ de la bsnom byed ces pa ni sna'i rnam par shes pas dril byed pa'o/ /de bzhin du thos byed la sogs pa yang shes pa ni go sla'o/ /byed pa zhes pa ni/ shing la sogs pa gnyis gyis ? bskur pa gdab par mi ba ste mdo sde gzhan du rim par shes par bya'o/ /de la bde ba zhes pa ni sim pa'o/ /bde ba ma yin sdug bsngal zhes pa ni sim pa ma yin pa'o/ /de gnyis dbang po dang yul dang rnam par shes pa gsum 'dus pa las myong pa ni tshor ba'o/ /tshor ba de yang chos kyi dbyings kyis byed pas na tshor byed ces so/ /de ltar shes rab kyi pha rol tu phyin pa la sogs pa nas/ mig gi 'dus te reg pas tshor ba dang/ zhes ba la sogs ba'o/ /gang las zhes pa ni go sla'o/ /byed pa zhes pa ni/ shing la sogs pa gnyis su gyur pa'o/ /gcod pa zhes pa ni/ sta re la sogs pa'o/ /de kho nas zhes pa ni de dag kyang chos kyi dbyings kyis byed do zhes pa'i tha tshig go /cho ga rnam pa mang pos shes zhes pa ni de las gzhan 'jig rten gyi gtsug lag thams cad do/ /rgyal po'i rigs su gyur pa la sogs pa'i ris kyang chos kyi dbyings las gzhan med pa'i don bstan pa/ rgyal po'i don yang byed 'gyur dang/ zhes pa la sogs pa ste/ de la rgyal po zhes pa ni rnam pa gnyis te/ 'khor los sgyur ba'i rgyal po dang/ mkhar gyi rgyal po'o/ /de gnyis rgyal bar byed pa ni/ rgyal po'i don yang byed 'gyur/ zhes pa'o/ /'di lta ste/ 'khor lo sgyur ba'i rgyal po bzhi la/ gsang gyi 'khor los bsgyur ba'i rgyal pos ni/

  425. 245a

    gling gzhi mkhar gyi rgyal po la sogs pa tshur 'ong nas mnga' dbul te rgyal po'o/ /dngul gyi 'khor los sgyur ba'i rgyal pos ni/ byang sgyu mi snyan ma gtogs ba gling gsum la phar 'gro ste/ 'dul nas rgyal po'o// zangs kyis 'khor los sgyur ba'i rgyal pos ni/ sgra mi snyan dang/ lus 'phags ma gtogs pa gling gnyis la phar 'gro ste/ g.yul bshams nas 'dul nas rgyal po'o/ /lcags kyi 'khor los sgyur ba'i rgyal po ni/ sgra mi snyan dang/ lus 'phags po dang/ ba lang spyod gsum ma gtogs pa 'dzam bu gling gcig la phar 'gro ste/ thabs nas 'dul nas rgyal po'o/ /de ltar yang chos mngon pa mdzod las gsungs pa/ gser dngul zangs lcags 'khor lo can/ /de dag gling gcig gling gnyis dang/ gsum dang bzhi lams rim bzhin/ /lhan cig gnyis min sangs rgyas bzhin/ /phas bsu rang 'gro g.yul bshams dang/ mtshon bcams? pas rgyal gnod pa med/ /ces pa'o/ /mkhar gyi rgyal po rnams ni/ dmag gi dpung gi stobs kyis pha rol la gnon pa byas te/ 'dul nas rgyal po'o/ /de rnams kyang chos kyi dbyings kyi rang bzhin las gzhan med pa'i don to/ /yang zhes pa'i sgra ni/ don gzhan snyeg pa'o/ /dbang phyug don yang/ de bzhin du zhes pa ni shing sA la lta bu phyug pa'i khyim bdag gi longs spyod byed pa yang chos kyi dbyings kyi rang bzhin yin pa'o/ /de bas na gzhan yang bran du gyur pa'i sems can dang sdug bsngal ba'i sems can yang chos kyi dbyings byang chub sems kyi rang bzhin kho na don gyis shes par bya ste/ chos kun gnyis su med pa'i phyir ro/ /de ltar yang gsang chen thams cad rgyud las gsungs pa/ chos bdag med pa las byung ba/ /gnyis su med pa'i ye shes

  426. 245b

    mchog /chos nyid dam pa ye shes ni/ /chos kyi dbyings zhes bya ba'o/ /zhes pa'o/ /bram ze zhes pa ni/ bskal pa dad po na dgon pa bsnyag cing khyim spangs te/ bram ze ba'i phyir ro/ /rgyal po zhes pa ni bskal pa dang po na rkun mtshor gcod pa'i don du 'bras sa lu'i zhing bsrung ba'i srung mar bskos pa'o/ /rje'u rigs dang? zhes pa ni/ bskal pa dang por phyugs la brten pa'i phyir ro/ /dmad rigs zhes pa ni bskal pa dang por zhing la brten cing gnas pa'o/ /smad zhes pa ni/ rigs ni lnga ste/ rigs mig can dang/ nya las pa dang/ gdol pa dang/ mda' mkhan dang/ btso lag mkhan rnams te/ spang pa'i las la 'jug pa'i phyir ro/ /de dag dang po gzung nas brgyud pa'i rim pa ni rigs rnams dang zhes pa'o/ / de ltar yang gsang ba 'dus pa'i rgyud phyi ma las gsungs pa/ rigs ni brgyud mar bstan pa ste/ rgyud ni thog ma zhes bya'o zhes so/ /bud med du ma sprul par byed ces pa ni bskal pa dang po kho na la/ 'od gsal gyi lha babs pa/ pho 'ba' zhig dang zhes pa ni/ gzugs kyi khams bsam gdan bzhi? lha ste/ gzugs kyi khams la chags nas skye ba'i phyir ro/ /de la bsam gtan dang po'i gnas gsum ste/ tshangs ris dang/ tshangs pa 'dun na 'don dang/ tshangs pa chen po'o bsam gtan gnyis pa la yang gnas gsum ste/ 'od chung dang/ tshad med 'od dang/ 'od gsal lo/ /bsam gtan gsum pa la gsum ste/ dge chung dang/ tshad med dge dang/ dge rgyas so/ /bsam gtan bzhi pa ni gnas

  427. 246a

    brgyad de/ sprin med dang/ bsod nams skyes dang/ 'bras bu che ba dang/ de la gtogs pa gnas gtsang ma lnga ste/ mi che ba dang/ mi gdung ba dang/ gya nom snang ba dang/ shin tu mthong ba dang/ 'og min te gnas bcu bdun no/ /de ltar yang chos mngon pa mdzod las gsungs pa/ gong ma'i gnas dge bcu bdun ni/ /gzugs khams yin te so so'i/ /bsam gtan sa ni gsum pa yang/ /bzhi pa sa ni brgyad pa yin zhes pa'o/ /gzugs med dang zhes pa ni/ bzhugs? med pa'i khams kyi sems can bzhi ste/ gnas ni med pa gzugsmed pa'i khams la chags nas skye ba'i phyir ro/ /'di lta ste/ nam mkha' mdza' yas skye mched dang/ rnam shes mdza' yas skye mched dang / ci yang med pa'i skye mched dang/ yod min med min skye mched bzhi'o/ /de ltar yang chos mngon pa mdzod las gsungs pa/ gzugs med khams na gnas med do/ /skye ba las ni rnam par ni? zhes pa'o/ /de bzhin 'dod pa'i phyir rnams las zhes pa ni/ 'dod khams gnas ris nyi shu ste/ 'dod pa la chags nas skye ba'i phyir ro/ /'di lta ste/ dmyal ba ched po brgyad de/ yang sos dang/ thig nag dang/ bsdus 'joms dang/ ? du 'dod chen po dang/ tsha ba dang/ rab tu tsha ba dang/ mnar med pa dang/ yi dags dang/ byol song dang/ 'dzam bu'i gling dang/ lus 'phags pa dang/ ba lang spyod dang/ sgra mi snyan dang/ rgyal chen ris bzhi dang/ sum cu rtsa gsum pa dang/ 'thab bral dang/ dga' ldan dang/ 'phrul? dpa' dang/ gzhan 'phrul dbang byed rnams nyi shu'o/ /de ltar yang chos mngon pa mdzod las gsungs pa/ dmyal ba yi dags dud 'gro dang/ /mi rnams dang ni lha drug dag /'dod pa'i khams yin dmyal ba dang/ /gling dbye ba la de nyi shu

  428. 246b

    zhes so/ /'byung ba thams cad ces pa ni sa dang/ chu dang/ me dang/ rlung rnams so/ /de dag kyang chos kyi dbyings las skye ba'i phyir na skyed byed pa zhes so/ /de kho na nyid ces pa ni/ chos kyi dbyings so/ /de stong gsum gyi stong chen po'i 'jig rte gyi khams su gyur pa ni/ de kho na nyid rdzu 'phrul gnas zhes pa ste/ gcig las du mar gyur pa'i phyir ro/ /mo gzugs dang ni zhes pa ni skad phra ba dang/ nu ma che ba dang/ mo'i dbang po rnams kyis mtshan pa'o/ /po'i gzugs zhes pa ni ? skad dang/ kha spu dang/ pho'i dbang pos mtshan pa'o/ /de gnyis kyi 'khrig pa'i 'dod pa'i bde ba ngo bor yang chos kyi dbyings byang chub sems gnas pas na/ bde ba chen po'i go 'phang gnas zhes so/ /de ltar zhes pa ni gong du bstan pa'i don la snyeg pa'o/ /de bzhin nyid zhes pa ni 'gyur ba med cing kun tu khyab pa'o/ /shes pa zhes pa ni rtogs nas dam pa'i yi ge 'bru mya ngan las 'das pa'i ngo bo k+Sha oM hUM A(rgyud 'grel): shes pa'i rnal 'byor pa/ gang des ni gsang chen shes pa ste/ yig 'bru bshad zin to/ /ci 'dra ba yin zhe na khyad par gsungs pa/ gang des bdag nyid kun gnas pa zhes pa de bcud dang snod kyi rang bzhin du gyur pa'i phyir ro/ /gong du bstan pa'i yig 'bru'i kha dog gi 'phro bstan pa/ kha dog med cing kha dog dmar zhes pa la sogs pa ste/ de la kha dog med cing zhes pa ni nag po ste/ dkar po la sogs pa'i kha dog med pa'i kha dog dmar zhes pa la sogs pa ste go sla'o/ /thig le'i gzugs su bsgyur ba de zhes pa na / yig 'bru de dag tsan ka'i tshad kyi thig le'i dbus su gnas pa'o/ /'gro dang phyir 'ong rnam par bstan zhes pa ni pad+ma rnam pa bzhi las phyir 'gro ba la/ khams gsum du khyab cing phyir bsdu ba'i don do/ don de kho na gsal por bstan pa/ gang de rig

  429. 247a

    brdzu 'phrul che/ mdza' yas bcas pa sna tshogs gzugs zhes pa ste/ gang chos kyi dbyings re rig pa rdzu 'phrul che zhes pa ste/ gcig las du ma'i las byed pa'i phyir ro/ /mdza' yas bcas pa zhes pa ni gang+gA klung gi bye ma snyed kyi 'jig rten grangs med par gyur ba'o/ /mdza' yas bcas pa yang de/ sna tshogs gzugs kyang de bas mdza' yas bcas pa sna tshogs gzugs zhes pa ste/ sems can gyi las kyi dbang gis bcud sna tshogs pa'o/ /'di lta ste/ bcud kyi 'jig rten 'gro ba'i rigs lnga'i nang na che ba dang/ chung ba dang/ bzang ba dang/ ngan pa dang/ phra ba dang/ spom ba dang/ dge ba dang/ mi dge ba dang/ pho dang/ mo dang/ bde ba dang/ mi bde ba la sogs pa sna tshogs pa'o/ /snod kyi 'jig rten la ni dkar po dang/ ser po dang/ dmar po dang/ nag po dang/ thung du dang/ ring po dang/ zlum po dang/ phya leb dang/ bya le ba ma yin pa dang/ rdul dang/ ri rab la sogs pa sna tshogs pa'o/ /chos mngon pa mdzod las gsungs pa/ la las 'jig rten sna tshogs skye zhes pa'o/ /de ltar khams gsum du khyab pa'i byang chub kyi sems chos kyi dbyings dang po skye ba dang/ 'jig pa'i dus su bsdu ba'i don yang gsal por byed pas gsungs pa/ skye dang bsdus na zhes pa la sogs pa ste/ de la skye ba dang zhes pa ni snod dang bcud chags pa'o/ /'di lta ste/ chags pa'i bskal pa la nam mkha' la sems can gyi las kyi dbang gis rlung gi dkyil 'khor dang/ chu'i dkyil 'khor dang/ dbang chen gyi dkyil 'khor dang/ ri bdun dang/ ri rab dang/ sum cu rtsa gsum nas bsam gtan gsum pa'i bar du mas bar gyi bskal pa gcig gi bar du skye/ bcud ni bsam gtan bzhi pa'i lha rnams gzhal yas khang?

  430. 247b

    dang bcas par skye ste/ de las mar babs pa mnar med pa'i dmyal ba na gcig skyes pa'i bar dang/ par gyi bskal pa bcu dgu'i dus tshod do/ /bsdus na 'jig pa la zhes pa ni 'jig ba'i bskal pa ni 'jig pa'i 'jig rten mnar med pI dmyal ? dmyal ba mi skye ste/ 'jig rten gzhan gyi dmyal ba na skyer song ba dang po gzung nas/ yang 'phro ste/ bsam gtan bzhi pa'i lha gzhal yas khang dang bcas par mi snang ba'i bar gyi bskal pa bcu dgung ro/ /snod 'jig pa ni mes 'jig pa'i dus su mnar med pa'i dmyal ba nas bsam gtan dang po'i bar du 'jigs pa dang/ chus 'jig pa'i dus su bsam gtan gnyis pa'i bar du 'jig pa dang/ rlung gis 'jig pa'i dus su bsam gtan gsum pa'i bar du 'jig go /de ltar 'jig rten skye ba dang/ 'jig pa'i dus su byang chub sems chos kyi dbyings yig 'bru can/ thig le'i gzugs su bsdus nas rab tu gnas so zhes so/ /da ni yon tan gsungs pa/ gang gis brgyad khri rtsa bzhi'i chos zhes pa la sogs pa ste/ de la gang zhig ces pa ni rnal 'byor pa 'am mkhas pa spyi la shes par bya'o/ /brgyad khri rtsa bzhi'i chos zhes pa ni/ sems can gyi nyon mongs pa brgyad khri rtsa bzhi'i gnyen po'o/ /lam gyi bden pa chos kyi phung po brgyad khri rtsa bzhi'i chos bstan pa'o/ /phrag de gcig nas gnyis su brtsis pa stong phrag brgya zhes pa ni 'bum phrag gcig go /de snang? chos kyi don shes na yang mkhas pa de yis chos kyi dbyings de nyid mi shes pa ste/ /rtogs pa ma yin no zhes pa'i tha tshig go /de bsan chos kyi dbyings de kho na nyid shes ma thag chos kyi phung po brgyad khri rtsa bzhi'i shes pa'i mkhas pa de dag kun kyang bla na med ba'i mya ngan las 'das pa'i 'bras bu med do ces pa'o/ /da ni gong gi cha shas kyis yin

  431. 248a

    sgras bstan pa/ bcu gnyis lnga yi lnga pa yang zhes pa la sogs pa ste/ de la bcu gnyis zhes pa ni a las brtsis pa'i yi ge bcu gnyis kyi mdza' ma a'o/ /lnga'i zhes pa ni pa'i sde ste ka'i sde las brtsis pa ni bo'i sde'o/ /de'i lnga pa zhes pa ni/ pa las brtsis pa'i yi ge ma'o/ /des oM gyi klang gor byas ma thag /oM 'dod pa'o/ /brgyad kyi mdza' zhes pa ni yi ge ya las brtsis pa'i yi ge ha'o/ /'byung ba 'dus pa ni 'byung ba chen po bzhis bsgor ba'i ha'o/ /sgra yig dang po yi ge a zhes pa ni go sla'o/ /lnga pa yis ni zhes pa ni yi ge ma'o/ /des a la klang ker byas pa ni yang dag rgyan zhes pa ni yi ge aM mo/ /snying rje chen po las byung ba zhes pa ni yi ge ka'o/ /rgya gar gyi skad la ka ka ru zhes bya ba ni snying rje yin pa'i phyir ro/ /drug pa zhes pa ni ya las brtsis pa'i yi ge Sha'o/ /de'i yi ge ka la btags pa ni drug pas btags pa de zhes te/ yi ge k+Sha'o/ /kha mar lta zhes pa ni/ kha'i pad+mar mgo mar blta ba bsgom pa'o/ /yi ge 'bru de'i khyad par gsungs pa/ gdod ma tha ma med pa'i lha zhes pa ste/ de la gdod ma zhes pa ni skye ba'o/ /tha ma zhes pa ni 'jig pa'o/ /de gnyis med pa'i rang bzhin yig 'bru yin pas na gdod ma tha ma med ces pa ste/ mu stegs pa'i byed pa po ltar sngon du byas pa ma yin pa'i phyir dang/ /rdo rje lta bu don dam par 'jig pa med pa'i phyir ro/ /ci'i phyir zhe na/ gdong ma tha ma ni nam mkha' las 'byung ba'i mtshan ma tsam nyid kyi phyir ro/ /de ltar mnyam sbyor gyi rgyud phyi ma las gsungs pa/ nam mkha' las byung mtshan ma'i phyir/ /gdod ma tha ma med pa'i mchog ces pa'o/ /lha zhes pa ni yig 'bru de dag 'od zer dang ldan pa'i phyir dang/ rdo rje sems dpa' i rang bzhin nyid kyi phyir ro//

  432. 248b

    der ni spyi bor bstan pa yin zhes pa ni yi ge k+Sha gong na gzhag pa'i tha tshig go /de dag ces pa ni/ yig 'bru bzhi po de dag chos kyi dbyings kyi rang bzhin yin pa'i phyir na gsang chen zhes te bshad zin to/ /dam pa ni zhes pa ni yig 'bru de dag de bzhin gshegs pa thams cad kyi ye shes kyi sku'i rang bzhin yin pa'i phyir ro/ /lha mo zhes pa ni mA ma kI ste/ /bod pa'i tshig /bdag gis pa ni ston pa rdo rje sems dpa' o/ /rab bstan no zhes pa ni byang chub sems chos kyi dbyings kyi rim pa bshad zin to/ /zhes pa'i tha tshig go /lha mo bzhis yongs su zhus pa'i las zhes pa ni gong ma dang mthun/ gnyis pa'o zhes pa ni dang po'i 'og ma'o/ /lha mo bzhis yongs su zhus pa'i le'u gnyis pa'i rnam par bshad pa'o// // da ni le'u gsum pa la/ chos kyi dbyings byang chub sems bsdu ba lha mo na bza' dkar mos zhus pa/ /de nas gos dkar moS zhes pa la sogs pa ste/ de la de nas zhes pa ni le'u gnyis pa dang gsum pa la mgo 'jug 'brel ba'i tshig go /lha mo zheS pa ni bshad zin to/ /de nas gos dkar mos zhes pa ni rgyud gzhan gyi nang nas sku mdog dkar ba'i phyir ro/ /yang na lha mo'i ni bza' kha dog dkar ba bsnams pa la btags pa'i mtshan te/ 'dul ba la gos dkar can gyi ste/ zhes pa btags pa bzhin no/ /yan lag kun gyis btud nas su zhes pa ni lus kun sa la brkyang nas phyag bya ste/ shin tu rab tu ston pa po bkur ba'i phyir ro/ /thal mo snyim par sbyar byas te zhes ni lan gsum bskor ba bya ba nas mdun du bus mo'i lha las la gtsugS te snying gar snyi mkha' i thal mo sbyar nas/ rdo rje sems dpa' la gsol ba zhes pa'o/ /zhu ba'i rim pa de ni lha mo gzhan la yang shes par bya'o/ /gsol ba'i chos? ni chos kyi dbyings kyi bsdu ba dang zhes pa nas/ thub pa chen pos bka' stsol mdzod

  433. 257a

    bya ba'i don to/ /sgrub pa'i dus bstan pa/ tshes brgyad dang ni bcu bzhi la zhes pa ste go sla'o/ /ril bu rnams ni byas nas ni/ zhes pa ni gong du gsungs pa'i tshad dang ril bu dril ba'o/ /pad+ma'i snod zhes pa ni pand+ha'o/ / de la bka' nas ril bu bzhag byas te/ stong phrag brgyad ni bzla bar bya zhes pa ste/ oM A:hUM stong phrag brgyad bzlas nas byin gyis brlab pa'o/ /mtshams bzhi la ni bsgom byas nas zhes pa ni snga dro dang nyin phyed dang/ phyi dro dang/ nam phyed la gong ma bzhin du sbyang ba dang/ dag pa'i bsgom pa'o/ /de ltar bsgoms zin ma thag tu dus bzhi la ril bu re re rgyun mi 'chang par bza' ba ni/ nyin dang mtshan du bza' bar bya zhes so/ /da ni de'i yon tan gsungs pa / de ni bskal pa'i tha mar yang zhes pa la sogs pa ste/ de la de ni zhes pa ni ri lu zos pa'i rnal 'byor pa'o/ /bskal pa'i tha mar yang zhes pa ni gangs med pa'i bskal pa mdza' yas pa'o/ /dngos grub rgyas par 'gro ba ste/ zhes pa ni ril bu la brten nas mi gnas pa'i? mya ngan las 'das par 'gro ba'o/ /gzi brjid ces pa ni 'od zer dang ldan pa'o/ /mdangs dang ces pa ni gser btso ma'i sku mdog tu gyur pa'o/ /stobs zhes pa ni sred med kyi bu'i stobs dang ldan pa'o/ /sred med kyi bu'i stobs ni 'di lta ste/ glang po che phal pa bcu'i stobs ni spos kyi glang po che'i stobs/ spos kyi glang po che bcu'i stobs ni gcer bu chen po'i stobs / gcer bu chen pa'i stobs bcu ni phung po'i stobs/ /phung po'i stobs bcu ni yan lag mchog gi stobs de bcun stobs mchog /de bcu ni sred med kyi bu'i stobs zhes bya'o/ /brtson 'grus zhes pa ni dge ba la brod pa'o/ /de yang gsum ste/ sbyor ba'i brtson 'grus dang/ go cha'i brtson 'grus dang/ mi

  434. 257b

    'god mi ldog chog par mi 'dzin pa'i brtson 'grus so/ /lnga pa la ni smon lam yang zhes pa ni sems can gyi don du sangs rgyas bar 'dod pa'o/ /de yang rnam pa gsum ste/ rang gi tshogs la rab tu 'brel pa'i smon lam dang/ sems can bye don la rab tu 'brel pa'i smon lam dang/ sangs rgyas kyi zhing yongs su dag par bye ba'i smon lam dang gsum mo/ /mngon par shes pa lnga zhes pa ni lha'i mig dang/ lha'o rna ba rang/ pha rol gyi sems shes pa dang/ ston gyi gnas rjes su dran pa dang/ 'chi 'pho dran pa'i shes pa dang/ rdzu 'phrul bya ba'i shes pa'o/ /de la lha'i mig dang rna ba ni kun rdzob kyi shes pa ste/ bsgribs pa dang/ bsrings pa dang/ phra ba thams cad spyod yul nyid kyi phyir ro/ /pha rol gyi sems zhes pa ni/ chos dang/ rjes su dang/ lam dang/ kun rdzob dang/ pha rol gyi sems shes pa rnams te/ bsten pa'i cho 'phrul chen po'i phyir ro/ /mngon gyi gnas dang 'chi 'pho rjes su dran pa'i shes pa ni kun rdzob kyi shes pa ste/ tshe sngon gyi ma rig pa dang cho phyi ma'i ma rig pa bzlog pa'i phyir ro/ /rdzu 'phrul bya ba'i shes pa ni kun rdzob kyi shes pa ste/ ting nge 'dzin gyi khyad par yin pa'i phyir ro/ /rdzu 'phrul de yang rnam pa gnyis te/ 'gro ba dang sprul pa'o/ /de la 'gro ba yang gsum ste phyin phyed dang/ mos pa las byung ba dang/ yid mgyogs pa'o/ /de gsum la de bzhin gshegs pa'i yid mgyogs pa ma gtogs pa 'dir gnyis thob bo/ /rdzu 'phrul ni gcig las du mar gyur pa dang/ dum las gcig du gyur pa lta bu ste/ 'dod khams la gtogs pa dang/ gzugs khams la gtogs pa gnyis so/ /thob pa zhes pa ni gong gi gzi brjid nas mngon par shes pa'i bar du yon tan mngon du gyur pa'o/ /de dag gang las mngon du gyur pa

  435. 258a

    yin zhe na/ ril bu chen po zos phyir ro/ /zhes pa ste/ gong gi ril bu zos pa'i yon tan zhes pa'i tha tshig go /de bzhin rig pa'i sngags rnams kyang zhes pa'i lan btab pa/ rdzas kyi bsgrub pa zhes pa ni sogs pa ste/ rdzas kyi dngos grub ni bshad zin na/ kye bcom ldan 'das da ni rig pa'i sngags rnams bdag la stsol zhes zhus pa'o/ /bcom ldan 'das kyis rig pa'i sngags bstan pa/ e yig dang ni zhes pa lnga sogs pa ste/ de la e yig dang ni zhes pa ni yi ge raM las bskyed pa'i zur gsum pa me'i dkyil 'khor ro/ /baM yig dang zhes pa ni yi ge baM? las skyed pa'i zlum po chu'i dkyil 'khor ro/ /laM yig ces pa ni yi ge laM las bskyed pa dbang chen gyi dkyil 'khor gru bzhi'o/ / dbus su yang dag gnas zhes pa ni me'i dkyil 'khor gyi dbus su yi ge raM/ chu'i dkyil 'khor gyi dbus su yi ge raM/ dbang chen gyi dkyil 'khor gyi dbus su yi ge laM dgod pa'o/ /dang po mdog ni dmar po ste zhes pa ni me'i dkyil 'khor dang sa bon raM gyi kha dog go /gnyis pa yi ni mdog dkar ba zhes pa ni chu'i dkyil 'khor dang sa bon baM gi kha dog go /gsum pa kha dog ser ba zhes pa ni dbang chen gyi dkyil 'khor dang sa bon laM gyi kha dog go /de rnams gang 'gug par byed pI bud med kyi b+ha ga'i dbus su brtsegs par bsgoms par bya zhes so/ /dkyil 'khor de dag kyang ji ltar bsgom zhe na/ 'khor lo ltar ni bskor ba ni zhes pa ste/ rdza mkhan gyi 'khor lo ji ltar myur bar 'khor ba de bzhin du me'i dkyil 'khor la sogs pa b+ha ga'i nang du 'khor ba bsgom pa'o/ /dus gang du zhe na/ nyin phyed dang ni mtshan phyed la zhes pa ste/ nyin phye dang mtshan phyed la seMs can thaMs cad sems kyi stobS nyams pas dbang du byas pa'i dus yin pa'i phyir ro/ /de'i yon tan bstan pa/ rig pa de ni zhes pa la sogs

  436. 258b

    pa ste/ de la rig pa de ni zhes pa ni gong gi me'i dkyil 'khor la sogs pa ste/ bu mo 'gugs pa'i las byed pa'i phyir ro/ /rab 'byor na zhes pa na b+ha gra'i nang du bsgom pa'o/ /de ni skad gcig kho nar 'grub ces pa ni myur bar 'grub pa'i tha tshig ste/ de la de'i skad cig ma ni skad cig ma rgya nyi shu'i dus kyi tshad se gol lan gnyis gtogs pa la skad cig ma brgyad kyis mchog pa'o/ /bsgrub pa'i dngos bstan pa/ lha mo lha min bu mo 'am zhes pa ni de la lha mo zhes pa ni bshad zin to/ /lha min bu mo zhes pa ni rin po che'i 'od la longs spyod pa'i phyir ro/ /'am zhes pa ni rnam grangs bstan pa'o/ /mi'i zhes pa ni shes pa las byung ba'i phyir na mi ste/ de las skye ba'i mo'i rigs ni mi'i bu mo'i zhes so/ /de yang rnam pa bzhis zhes pa ni pad+ma can dang/ dung can ma dang/ ri mo can ma dang/ glang po che can ma'o/ /de la pad+ma can ma ni pad+ma'i dri bro ba dang/ ngo zlum pa dang/ sna rtse til gyi me tog 'dra ba dang/ sen mo dmar ba dang/ rgyab cung sgur ba dang/ rkang thil kun gyis sa la reg pa dang/ nu ma til gyi shing tog dang 'dra ba dang/ ba spu 'khyil ba dang ldan pa'i sor mo can gsus pa'i gnyer ma gsum dang ldan pa dang/ brang mdzes pa dang/ glang po tshe ltar dal bus 'gro ba ste/ de rnams gyi mtshan nyid do/ /dud can ma ni ba tsha'i dri bro ba dang/ skra ring ba dang/ sna ring ba dang/ nu ma tsha la shing tog na rang 'ga' 'dra ba dang/ 'o ma dang/ zho la sred pa rnams kyi mtshan nyid do/ /ri mo can ma ni sha'i dri bro ba dang/ lus chung ba dang/ brla mdzes dang/ shing tog shing pa la lta bu'i nu ma dang/ ngo tsha mi shes pa dang/ khro 'dod pa dang/ rtag tu 'thab mo la dga' ba dang/ rje dar bya rog dang 'dra ba dang/ phyi rgan du nyal ba dang/ mchu 'chang

  437. 259a

    ba dang/ phug ron gyi skad 'dra ba de rnams kyi mtshan nyid do/ /glang po che can ma ni/ chang gi dri bro ba dang/ byin pa sbom pa dang/ sna yo ba dang/ mdog rdul skya ba dang/ dri nga ba dang/ lus sdom pa dang/ spyod brtsom pa de rnams kyi mtshan nyid do/ /sa'i dkyil 'khor kun tu ni zhes pa ni sa 'og snga? sa steng dang sa bla'o/ /sngags kyis bkug nas spyad par bya zhes pa ni gong du gsungs pa'i sngags kyi mthu yis bkug ste/ bu mo thams cad spyad par bya'o zhes pa'i tha tshig go /dkyil 'khor rnams ni btags pa dang zhes pa'i lan btab pa/ bsgom pa zhes pa la sogs pa ste/ de la bsgom pa zhes pa ni gong du me'i dkyil 'khor la sogs pa bsgom pa'o/ /de bzhin rig pa'i sngags shes pa ni raM dang baM dang lam dang/ de dag gi man ngag tu /kye lha mo bdag gis bshad pa zin byas te zhes so/ /da ni dkyil 'khor rnams ni bshad par bya/ dga' ma sems kyis rtse gcig nyon zhes pa ste / bshad par dam bcas pa'i tshig go / de la dga' ma zhes pa ni lha mo sgrol ma bod pa'i tshig ste/ bcom ldan 'das kyi thugs la byon pa'i phyir ro/ /sems kyis rtse gcig zhes pa ni/ bum pa kha mar phug pa lta bu'i skyon dang/ bum pa zhabs rdol ba lta bu'i skyon dang/ bum pa mi gtsang pas gang pa lta bu'i skyon gsum spangs nas/ dad pa dang/ brtson 'grus dang/ yang dag ba'i lta ba gsum dang ldan par nyon zhes pa ste/ gnang ba'i tshig go /de nas bcom ldan 'das kyis dkyil 'khor bstan pa/ dkyil 'khor lus zhes pa la sogs pa ste/ de la dkyil 'khor lus zhes gsungs pa ste zhes pa ni phung po lnga rigs lngar bstan pa dang/ 'og tu bshad pas 'dir ma bkral lo/ /dkyil 'khor b+ha gar bstan pa yin zhes pa ni chos kyi 'byung gnas a

  438. 259b

    gru gsum gyi nang du bsgom pa'i dkyil 'khor ro/ /dkyil 'khor byang chub sems dang ni zhes pa ni lhag pa'i byang chub sems las bskyed pa'i sa bon las gsang pa'i pad+ma'i nang du bsgom pa'i dkyil 'khor ro/ /dkyil 'khor gsum du? btags pa yin zhes pa ni de ltar lus dang/ b+ha ga dang/ byang chub sems kyi 'khor gsum kho na gnyis dang bzhi ma yin par gsang ba'i rgyud las yang dag par brtogs so zhes/ /dkyil 'khor ming ji ltar btags she na gsungs pa btags pa rnams kyang 'dus pa ste zhes pa ste/ dkyil 'khor ming btags pa ni/ snying po 'dus pa'i phyir ro/ /de ltar 'jig rten snang ba las kyang gsungs pa/ snying po 'dus phyir dkyil 'khor ro zhes so/ /snying po gang zhe na/ gsungs pa/ gang du gtso bo bskyod par byed ces pa ste/ de la gang du zhes pa ni gnas gang dang gang du'o/ /gtso bo zhes pa ni khyab bdag rdo rje sems dpa' ste/ snang ba'i sgo nas kun nas kun tu khyab pa'o/ /bskyod par byed ces pa ni rgyu pa'o/ /de'i don ni 'di lta ste/ rdo rje sems dpa' i ngo bo rigs lnga la sogs pa'i lha dang lha mo'i 'dod pa'i 'bras bu mya ngan las 'das pa smin par byed bas na snying por 'dod de/ de dag gang dang gang du 'dus pa de dang de ni dkyil 'khor zhes ming btags pa'i tha tshig go /da ni lus kyi dkyil 'khor bcom ldan 'das nyid kyis rgyas par bstan pa/ phung po rnams ni zhes pa la sogs pa ste/ de la phung po rnams ni sangs rgyas gsungs zhes pa ni phung po lnga rigs lngar sgom pa'o// 'di lta ste/ gzugs kyi phung po ni rnam par snang mdzad de de la rnam par snang mdzad kyi byang chub kyi sems 'pho ba'i sbyor ba yis phra mo'i ye shes dang po'i sbyor ba de bzhin gshegs pa'i sems so/ /de ltar gsang chen thams cad rgyud

  439. 260a

    las gsungs pa/ sems kyis phra mo sbyor ba yis /ye shes phra mo dang sbyor ba/ /de bzhin gshegs kun ye shes ni/ /rnam par snang mdzad zhes su 'dod ces so/ /tshor ba'i phung po ni rin chen 'byung? ldan te/ de la rin chen 'byung ldan ni snying rje 'phro ba'i sbyor ba yis seMs can gyi don byed pa dang ldan pa'i sems so/ /de ltar yang gsang chen thams cad rgyu las gsungs pa/ snying rje 'phro ba'i sbyor ba yis/ thams cad phan don byed pa'o/ /sems can de ni dang ldan sems ni/ rin chen 'byung ldan zhes gsungs so zhes so/ /'du shes kyi phung po ni snang ba mdza' yas te/ de la snang ba mdza' yas ni dga' ba sbyor ba'i 'gro ba yis rang bzhin gyis 'od gsal ba dag pa'i sems so/ /de ltar yang gsang chen thams cad rgyud las gsungs pa/ dga' ba 'phro ba'i sbyor ba yis/ /theg chen dri ma med pa'i mchog /ring bzhin 'od gsal dag sems ni/ snang ba mdza' yas de gsungs so/ /zhes so/ /'du byed kyi phung po ni don yod grub pa ste/ de la don yod grub pa ni btang snyoms 'phro ba'i sbyor ba yis gdod mi za bar sems can thams cad kyi don byed pa'i sems so/ /de ltar yang gsang chen thams cad rgyud las gsungs pa/ btang snyoms 'phro ba'i sems kyis ni/ /sems can thams cad shes byed pa/ /thogs med bla med don byed pa/ /don yod grub pa de gsungs so zhes so/ /rnam par shes pa'i phung po ni mi bskyod pa ste/ de la mi bskyod ba ni/ byams pa 'phro ba'i sbyor ba yis zag pa med pa brtan par gyur pa'i brtan pa'i sems so/ /de ltar yang gsang chen thams cad rgyud las gsungs pa/ byams pa 'phro ba'i sbyor ba yis/ /mchog gi spyod pa spyod byed la/ /zag pa med par brtan 'gyur ba'i/ /

  440. 260b

    sems ni mi bskyod par gsungs so zhes so/ /de ltar phung po lnga sems las gzhan med ba'i phyir ro/ /sems de dag ni rigs lngar gsungs so/ /de ltar yang 'phags pa sa bcu pa las gsungs pa/ kye rgyal ba'i sras khams gsum yang sems tsam mo/ /dus gsum yang sems tsam mo/ /phung po lnga yang sems tsam mo zhes so/ /'byung ba rig mar btags pa'o/ /zhes pa la 'byung ba ni sa dang chu dang me dang rlung ste/ rang rang gi mtshan nyid nye bar blangs nas gzugs 'dzin pa'o/ /rig mar zhes pa ni spyan pa dang/ mA ma kI dang/ na bza' dkar mo dang/ sgrol ma ste/ zhi ba la sogs pa'i las byed pa'i phyir ro/ /'di lta ste/ sa ni spyan ma ste/ byang chub sems kyi mthus sangs rgyas nyid du phyin pa'i bdag nyid do/ /de ltar yang gsang chen thams cad las gsungs pa/ byang chub sems kyi mthu yis ni/ sangs rgyas nyid du pha rol phyin/ /thob pa'i pha rol phyin zhes pa/ /sems ma'i rdo rje ma zhes btags zhes so/ /'dir ni spyan ma la shes par bya ste/ spyan ma dang/ sems ma'i rdo rje ma gnyis kyi pha rol tu phyin pa'i rang bzhin gcig pa'i phyir ro/ /chu ni mA ma kI ste/ bsdu ba'i dngos po bzhi la shes rab kyi pha rol tu phyin pa'i bdag nyid do// de ltar yang gsang chen thams cad rgyud las gsungs pa/ bsdu ba'i dngos po bzhi rnams la/ /shes rab pha rol phyin dge ba/ /chos bzhi gcig tu 'byung pa ni/ /rin chen rdo rje ma ru 'dod ces so/ /'dir yang mA ma kI la shes par bya ste/ mA ma kI dang rin chen rdo rje ma'i pha rol tu phyin pa'i rang bzhin gcig pa'i phyir ro/ /me ni nam bza' dkar mo ste/ de kho na nyid kyi pha rol tu phyin pa'i ngo bo'o/ /de ltar yang gsang chen thams cad rgyud las gsungs pa/ gsang ba'i

  441. 261a

    chos kyi theg chen la/ /de nyid pha rol phyin dge ba/ /pha rol phyin zhes 'byung pa ni/ /chos kyi rdo rje ma ru 'dod ces so/ /'dir yang na bza' dkar mo la shes par bya ste/ na bza' dkar mo dang chos kyi rdo rje ma pha rol tu phyin pa'i rang bzhin gcig pa'i phyir ro/ /rlung ni sgrol ma ste/ /rdo rje pha rol tu phyin pa'i rang bzhin no/ /de ltar yang gsang chen thams cad rgyud las gsungs pa/ pha rol phyin bzhi rgyal mo ste/ /rdo rje pha rol phyin pa dge /sbyor ba'i bcas la btags pa ni/ /las kyi rdo rje ma zhes 'dod ces so/ /'dir yang sgrol ma la shes par bya ste/ sgrol ma dang las kyi rdo rje ma pha rol tu phyin pa'i rang bzhin gcig pa'i phyir ro/ /chags pa lcags kyu kho na ste zhes pa ni rigs la sogs pa lnga'i sgo nas dbyer med pa'i thabs chen pos/ spyod yul 'dzin pa'i sems ni rdo rje lcags kyu ma'o/ /de ltar yang gsang chen thams cad rgyud las gsungs pa/ 'dod dgu la ni thabs che ba/ rdo rje lcags gyu las 'dod do ces so/ /zhags pa padmor chud byed pa zhes pa ni 'khrig pa'i 'dod chags la sred pa'i sgo nas ma yin pa de bzhin gshegs pa la mchod pa'i phyir ro/ /byang chub kyi spyod pa'i sgro nas pad+ma la gsang ba'i rdo rje bcug pa'i sems ni rdo rje zhags pa'o/ /de ltar yang gsang chen thams cad rgyud las gsungs pa/ spyod pa byang chub tu spyod pa/ rdo rje zhags pa zhes 'dod do zhes so/ /kha phrad pa ni sgrog yin bar zhes pa ni rnal 'byor pa dang/ rnal 'byor mas byang chub kyi spyod pa bsgom pa las sems mi g.yo par kha phrad pa ni rdo rje sgrog go /de ltar yang gsang chen thams cad rgyud las gsungs pa/ /gang zhig de la brtan pa gang/ /rdo rje sgrog cos 'dod pa'o zhes so/ /sgra grag pa ni dril bu bshad

  442. 261b

    ces pa ni chos thams cad ni mi skye ba yin no zhes pa'i sngags kyi sgra brjod nas/ /thabs dang shes rab rol pa ni rdo rje dril bu'o/ /bzlas pa'i sngags ni/ a kA ro mu khaM sarba d+harmmA Ni a bya nud+pan+na twat ces so/ /de ltar yang gsang chen thams cad rgyud las gsungs pa/ chos thams cad ni ma skyes pa/ /nam mkha' dang mnyam 'dod zhi ba/ /de ltar dag ni smar 'jug pa/ /rdo rje dril bu zhes 'dod do zhes so/ /spos ni dri chen zhes gsungs te zhes pa ni gtsang ba dang/ mi gtsang ba rnam par mi rtog par mnyam pa nyid du 'gyur pa ni/ shes rab kyi pha rol tu phyin pa'i rang bzhin spos yin pa'i phyir ro/ /de ltar yang gsang chen thams cad rgyud las gsungs pa/ thams cad tu ni mnyam pa'i mchog /shes rab pha rol phyin pa spos zhes so/ /me tog rak+ta zhes 'dod de zhes pa ni phyin ci log pa'i 'dod chags kyis ma g.yos pa'i bsam gtan gyi pha rol tu phyin pa'i rang bzhin me tog yin pa'i phyir ro/ /de ltar yang gsang chen thams cad rgyud las gsungs pa/ 'dod pa'i 'dam gyis ma gos pa/ bsam gtan pha rol phyin me tog ces so/ /mar me sha rnams kho na yin zhes pa ni gtsang pa dang/ mi gtsang ba'i sha rnams kun gyi rnam par rtog pa spangs pa la/ smon pa'i rang bzhin me yin pa'i phyir ro/ /de ltar yang gsang chen thams cad rgyud las gsungs pa/ phyogs kun tu ni gsal byed pa/ smon lam pha rol phyin mar me zhes so/ /dri ni byang chub sems zhes 'dod ces pa ni lhag pa'i byang chub sems dri nga ba na yang thams kyis dge ba'i bde bar gyur pa'i rang bzhin ni dri 'dod pa'o/ /de ltar yang gsang chen thams cad rgyud las gsungs pa/ dri nga ba yang dge ba'i bde/ /thabs kyis pha rol phyin pa'i dri zhes pa'o/ /sgeg mo'i ling+gar 'dod pa ste ces pa ni de bzhin

  443. 262a

    gshegs pa la mchod pa 'bul ba'i sgo nas rnal 'byor pa'i dge ba'i rol pa'i rang bzhin ni sgeg mo yin pa'o/ /de ltar yang gsang chen thams cad rgyud las gsungs pa/ ci phyir dge ba'i rol pa ni/ sbyin pa'i pha rol phyin sgeg mo zhes so/ /phreng ba b+ha ga kho na yin zhes pa ni dam tshig tshul dang ldan pa'i rnal 'byor mas de bzhin gshegs pa rnams thugs mnyes par byed pa'i rang bzhin ni phreng ba mar 'dod pa'o/ /de ltar yang gsang chen thams cad rgyud laS gsungs pa/ brgyan pa'i lus can yid 'phrog sam/ tshul khrims pha rol phyir phreng ma zhes so/ /dbyangs ma dbugs su bstan pa dang/ zhes pa ni thabs dang shes rab rol pa'i dus su sngags ched du brjod pa bzod pa'i rang bzhin ni dbyangs ma yin pa'i phyir ro/ /de ltar yang gsang chen thams cad rgyud las gsungs pa/ ched du brjod pas legs brjod pas/ bzod pa'i pha rol phyin dbyangs ma zhes so/ /gar mkhan ma ni kha 'byor te zhes pa ni sangs rgyas par bya ba'i don du gnyer ba'i rnal 'byor dang rnal 'byor ma sbyar nas lha bsgom pa'i brtson 'grus kyi rang bzhin ni gar zhes 'dod pa'i phyir ro/ /de ltar yang gsang chen thams cad rgyud las gsungs pa/ myur bar sangs rgyas nyid sbyin pa/ brtson 'grus pha rol phyin gar mkhan zhes so/ /de lta bu'i lus kyi dkyil 'khor ni b+ha ga'i dkyil 'khor byang chub sems kyi dkyil 'khor las khyad par du gyur ba la ni bcom ldan 'das kyis bzang por gsungs zhes pa ste/ shin tu sbyor ba'i yin pa'i phyir ro/ /de rtogs pa ni bskal bzang yin zhes pa ni lus kyi dkyil 'khor ni b+ha ga'i dkyil 'khor byang chub sems kyi dkyil 'khor las khyad par du gyur pa la ni bcom ldan 'das kyis bzang por gsungs zhes pa ste/ shin tu sbyor ba'i yin pa'i ph yir ro/ /de rtogs pa ni bskal

  444. 262b

    de rnams byams pa la sogs zhes pa ni/ rnam par shes pa'i tshogs brgyad byams pa la sogs pa'i bskal pa bzang po'i byang chub sems dpa' brgyad bsgom mo zhes pa'i tha tshig go/ 'di lta ste/ kun gzhi'i rnam par shes pa'i byams pa ste/ de rnams byams pa'i sgo nas/ sems can gyi don byed pa'i phyir ro/ /nyon mongs pa'i yid ni 'jam dpal lo/ /yid kyi rnam par shes pa ni kun tu bzang po'o/ /mig gi rnam par shes pa ni sa'i snying po'o/ /rna ba'i rnam par shes pa ni phyag na rdo rje'o/ /sna'i rnam par shes pa nam mkha' i snying po'o/ /lce'i rnam par shes pa ni 'jig rten dbang phyug go/ lus kyi rnam par shes pa ni sgrib pa rnam par sel ba'o/ /de ltar nang gi bdag nyid gsungs zhes pa ni/ de ltar nang gi lus kyi dkyil 'khor rnal 'byor dang/ rnal 'byor mas bsgom pa bcom ldan 'das kyis gsungs so zhes pa'i tha tshig go/ dkyil 'khor rnam pa gsum la/ gnyis ma bshad pa ci'i phyir zhe na/ dkyil 'khor gzhan ni sngon bshad zin zhes pa ste/ rtsa ba'i rgyud las b+ha ga'i dkyil 'khor dang/ byang chub sems kyi dkyil 'khor rgyas par bshad zin pa'i phyir ro/ /sbyin sreg so sor bya ba dang zhes pa'i lan btab pa/ sbyin sreg las ni bshad par bya zhes pa la sogs pa ste/ de la sbyin sreg ces pa ni bshad zin to// de'i las zhes pa ni lus ngag gis bya ba'i ngo bo'o/ /nyon cig ces pa ni lha mo sgrol ma la bod pa'i tshig go/ /sbyin sreg rnam pa bzhi zhes pa ni zhi ba dang/ rgyas pa dang/ dbang dang/ drag po'o/ /de la zhi ba ni gnod pa dang/ nang dang/ 'tshe ba zhi bar byed pa'o// rgyas pa ni tshe dang/ srid dang/ longs spyod rgyas par byed cing 'phel bar byed ngo/ /dbang ni gzhan gyi sems pa sgyur zhing rang gi ci 'dod pa bzhin du byar bcug pa'o/ /drag po ni gzhan la gnod cing phung bar byed pa'o/ /de bzhi yang phyi nang du dbye ba

  445. 263a

    gsungs pa/ sbyin sreg phyi dang nang gsungs te zhes pa ste/ de la sbyin sreg phyi dang zhes pa ni phyi rol du hoM khung la sogs pa'i sbyin sreg gi cho ga'o/ /de ni rtsa ba'i rgyud las bstan zin pas na/ /phyi ni ston du bstan pa yin zhes so// nang gi sbyin sreg gsungs pa/ nyon cig ces pa ni sogs pa ste/ de la nyon cig khyod kyis nang gi ni zhes pa ni kye lha mo sgrol ma nang gi sbyin sreg rgyas par bshad kyis nyon cig ces pa'i tha tshig go/ pad+ma bzhi rnams 'byor ba ni/ lus kyi dbus su nye bar gnas zhes pa ni gsang ba dang/ lte ba dang/ snying ga dang/ mgrin pa bzhi la pad+ma'i gdan re re bsgom pa'o/ /me dang zhes pa ni lte ba'i pad+ma'i steng du raM las bskyed pa'i zur gsum pa me'i dkyil 'khor dmar po dkyil du sa bon raM gyis mtshan pa bsgom mo/ /de bzhin rlung dang ni zhes pa ni gsang ba'i pad+ma'i gdan la yaM las bskyed pa'i rlung gi dkyil 'khor zla gam mdog sngon po'i dkyil du yi ge yaM gyis mtshan pa bsgom pa'o/ /dbang chen dang ni zhes pa ni/ snying ga'i pad+mar yi ge laM las bskyed pa dbang chen gyi dkyil 'khor gru bzhi pa mdog ser po dkyil du yi ge laM gis mtshan pa bsgom par bya'o/ /chu de bzhin zhes pa ni mgrin pa'i pad+mar yi ge baM las bskyed pa chu'i dkyil 'khor zlum po kha dog dkar ba dbus su yi ge baM gyis mtshan pa bsgom pa'o/ /de dag gi las gsungs pa/ rlung gis me la 'bar bar byed ces pa ste/ gsang ba'i rlung gi dkyil 'khor las me'i dkyil 'khor la 'bud pa'o/ /chu yis yongs su smin par byed ces pa ni dbang chen gyi dkyil 'khor gyi brob byung ba yis zas thams cad mgrin pa'i chu'i dkyil 'khor la smin par byed pa'o/ /de'i don kho na gsungs pa/ dbang chen dkyil 'khor las byung ba zhes so/ /dbang chen gyi drod ji ltar 'byung zhe

  446. 263b

    na/ gang du me ni bskyod pa'o zhes pa ste/ me'i dkyil 'khor gyi 'od kyis dbang chen gyi dkyil 'khor la reg pa'o/ /de ltar dkyil 'khor gyi go rims su rgyud las ma bstan pa ni bla ma'i man ngag la brten bar bya ba'i phyir dang/ shes rab can gyi nga rgyal bcag pa'i phyir ro/ /de dag gi yon tan gsungs pa/ ra yig ces pa la sogs pa ste go sla'o/ /sreg rdzas gsungs pa/ gang zhig zas dang btung ba ni zhes pa ni de la gang zhig zas dang zhes pa ni rnal 'byor pa'i zas gtsang ba dang/ mi gtsang ba thun mong du bzung ba'o/ /de la gtsang ba ni 'bras chan dang/ zho dang/ bu ram la sogs pa ste/ 'jig rten pas gtsang ba btags pa'i phyir ro/ /mi gtsang ba ni sha dgu dang bdud rtsi la sogs pa'o/ /'jig rten pas mi gtsang btags pa'i phyir ro/ /btung ba ni zhes pa ni/ chang dang 'o ma la sogs pa'o/ /de dag thams cad chu la ste zhes pa ni zas dang btung ba de dag chu'i dkyil 'khor la sbyin sreg bya'o zhes pa'i tshig go/ pad+mar k+Sha yig kha mar bltas ba ni mgrin pa'i pad+ma'i steng gi chu'i dkyil 'khor gyi steng na yi ge k+Sha mdog dkar ba kha thur du lta ba 'od zer du mar 'bar ba kha gab gyi tshul du bsgom pa'o/ /sreg rdzas de dag yang chu'i dkyil 'khor las mar babs te/ snying ga'i pad+mar btsud par bya'o/ /lte ba'i pad+mar 'gro zhes so// sbyin sreg de ji ltar bya ba yin zhen phyi rol/ kha sbyor tshul gyi sbyor ba yis shes pa ste/ phyi rol tu thabs dang shes rab sbyor bas sbyin sreg bya ba'o/ /yang phyi rol gyi sbyin sreg la mngon par rtogs pa'i lha bsgom pa ji lta ba bzhin du/ lus kyi dkyil 'khor la lha bsgom pa dang spyar nas sbyin sreg bya ba'i the tshig go/ gsang ba'i pad+mar 'gro ma thag/ thal bar mdza' ru rnam par bstan zhes pa ni/ sreg rdzas de dag gi bdud rtsis lus kyi dkyil 'khor gyi lha tshim ste/ snyigs ma tshig par bsgom

  447. 264a

    par bya zhes pa'i tha tshig go/ yon tan gsungs pa/ de rnams sbyin sreg bdag bshad pa zhes pa la sogs pa ste/ de la bdag ces pa ni ston pa'o/ /tshe 'di kho nar 'grub par 'gyur zhes pa ni/ de bzhin gshegs pa'i zhing khyad par can la mchod pa dang/ bsam pa khyad par can du gyur pas tshe 'di kho na la chos mthong nas myong ba'i 'bras bur gyur pa'o/ /de ltar yang chos mngon par mdzod las gsungs pa/ zhing dang bsam pa'i khyad par las mthong chos 'bras bu can gyis las zhes so/ /rgas pa med cing zhes pa nas/ /sems can thams cad dga' bar smra zhes pa'i bar ni go sla'o/ /mthong ba tsam gyis skul byed do zhes pa'i rnal 'byor pa de sems can gyis mthong ba tsam gyis/ 'jig rten pa thams cad chags par 'gyur ro zhes pa'i tha tshig go/ de bzhin mchod pa'i cho ga yang zhes pa'i lan btab pa/ sbyin sreg las rnams bshad byas nas zhes pa la sogs pa ste/ de la lha mo zhes pa ni sgrol ma la bod pa'i tshig go/ mchod pa zhes pa ni nang gi mchod pa ste/ bkur bsti byaba'o/ /phreng zhes pa ni me tog gi phreng ba'o/ /sogs pa'i sgras ni mar me gzung bar bya'o/ /gzhan ni go sla'o/ /dbang po gnyis ni rab 'byor nas shes pa ni gsang ba'i mchod pa ste/ thabs dang shes rab rol ba ste/ mchod pa de dag gis gang du mchod ces na/ bdag la mchod pa rnams ni bya zhes pa ste/ rang gi lus khon la mchod par bya zhes pa'i tha tshig go/ ci'i phyir 'phags pa'i sku tshad mchod rten la sogs pa la mchod pa mi byed ce na gsungs pa/ bdag ni thams cad sangs rgyas nyid ces pa ste/ rang gi phung po lnga dang/ skye mched la rigs lnga dang/ byang chub sems dpa' i nyid du bsgom pa'i phyir ro/ /sangs rgyas kun gyi gnas yin te zhes

  448. 264b

    pa ni ji ltar mchod rten sangs rgyas thams cad kyi gzhir 'gyur ba/ de bzhin du dbang dang man ngag thob pa'i rnal 'byor pa'i lus la yang sangs rgyas thams cad kyi gnas su gyur ba'o/ // de ltar yang rnam par snang mdzad sgyu 'phrul dra ba las kyang gsungs pa/ rdo rje slob dpon ni phyogs bcu'i sangs rgyas rnams kyis kyang mchod do zhes pa la sogs ba'o/ /de ltar rdo rje slob dpon sangs rgyas rnams kyis kyang mchod gnas su gyur pa ci'i phyir/ /de bas nan tan thams cad kyis/ rnal 'byor pas ni rtag tu mchod ces pa ste/ de la thams cad ces pa ni/ mchod pa thams cad do/ /yan na dus thams cad do/ /nan tan zhes pa ni/ bdag nyid lhar bsgom pa la brtson pa'o/ /mchod pa gzhan gsungs pa/ gang zhig dga' yang bya ba'i las zhes pa ste/ gang gis dbyangs len pa la sogs pa dang/ lus kyis gar byed pa la sogs pa'o/ /rnal 'byor pa yis mchod par bsgom zhes pa ni/ lus ngag gi las de dag rnal 'byor pas lus kyi dkyil 'khor la/ mchod par bsgoms na tshig 'chal pa dang/ ngag khyal par mi 'gyur zhes pa'i tha tshig go/ mchod pa bsgom pa bstan pa zas dang zhes pa la sogs pa ste/ de la rig ma bzhi yis rnam rgyan pa'i/ bdag ni lha yid bsam par bya zhes pa ste/ 'byung ba chen po bzhi'i ngo bor gyur pa zas la sogs pa gang de rnams lha mo bzhi'i rang bzhin dang/ rdo rje sems dpa' i rang bzhin du bsgom mo/ /de ltar yang gsang ba 'dus pa las gsungs pa/ yang na 'di la bsgom pa ni/ rigs kyi bsgom par rnam par bsgom zhes so/ /don ni 'di lta ste/ sa'i rang bzhin du gyur pa'i zas rnams spyan mar bsgom pa dang/ achu'i rang bzhin du gyur ba'i bdud

  449. 265a

    ba rnams mA ma kIr bsgom pa lta bu'o/ /da ni thugs kyi sgo nas chos ston pa/ de ltar bshad nas zhes pa la sogs pa ste /de la de ltar bshad nas zhes pa ni le'u dang po la/ bcom ldan 'das rdo rje sems dpas gsungs pa'i tshig dang po nas gzung nas le'u 'di la/ bdag gi lnga nyid bsam par bya zhes pa'i bar du gsung gi sgo nas chos bstan pa'o/ /rdo rje zhes pa ni rdo rje sems dpa' o/ /de zhes pa sku dang gsung gi sgo nas/ /gang du chos ston pa po rdo rje sems dpa' gang de kho na bcom ldan 'das chos brjod du med pa'i don ston 'dod pas/ cang mi gsung bar dngos por bzhugs zhes pa ste/ chos thams cad kyi rang bzhin ni don dam par brjod du med pa'i phyir ro/ /'o na bcom ldan 'das kyis gsung rab yan lag bcu gnyis bstan pa ji ltar yin zhes/ 'di lta ste/ thugs rje chen po'i dbang gis kun rdzob tu bstan par zad kyis/ /don dam par ni bstan pa med do/ /de bas na mdo las kyang/ bdag mngon par rdzogs par sangs rgyas nas/ /mya ngan las 'das kyi bar du bdag gis chos bstan pa med do/ /zhes gsungs so/ /de ltar klu sgrub zhabs kyis kyang theg pa chen po nyi shu pa las gsungs pa/ tshig gis brjod du mi lang ba'i/ /chos rnams snying rjes gang gis bstan/ sangs rgyas thogs med mkhyen pa yis/ /bsam med sgo de la phyag 'tshal zhes so/ /de ltar bcom ldan 'das gnyis su med pa'i ye shes sngon du gyur pa mthong ma thag 'khor gyis ci byed ce na gsungs pa/ de nas zhes pa la sogs pa ste/ de la rnam par mi rtog pa thob ste/ zhes pa ni chos kyi dbyings kyi sgo nas 'khor ba dang/ mya ngan las 'das pa so sor ma yin tha mi dad par mngon du gyur nas cang mi gsung bar bzhugs bar

  450. 265b

    gyur to zhes te/ chos nyid khung du chud pa'i phyir ro/ /gsung rabS gzhan gyi gzhung na ni mngon par bstod do/ /zhes 'byung ba la/ rgyud 'dir ni cang mi gsung bar gyur pa ni/ ci'i phyir zhe na/ de ni 'di lta ste/ sku gsung thugs kyi sgo nas bstan pa'i chos la/ thugs kyi sgo nas bstan pa'i chos gtsor gyur pas/ thugs kyi sgo nas bstan pa'i chos la gnyis su med pa'i shes rab kyis rnam par mi rtog pa'i ye shes mngon du gyur pas/ cang mi gsung bar gyur par shes par bya'o/ /lha mo bzhis zhes pa la sogs pa ni bshad zin to/ /bzhi pa'o zhes pa ni gsum gyi phyi ma'o/ /thams cad gsang ba'i zhes pa ni gsang ba'i rgyud rnams so/ /de rnams las yang dang yang du rab tu gyur pa'i rgyud 'di ni/ thams cad kyi gsang ba'i mchog chen po ces pa sde chos kyi dbyings don 'ba' zhig gi sgo nas bstan pa'i phyir dang/ thabs dang shes rab kyi don bstan pa'i phyir ro/ /dam pa zhes pa ni bla na med pa yang dag par rdzogs pa'i byang chub kyi rgyur gyur pa'i phyir ro/ /gsang chen zhes pa ni rdo rje sems dpa' i ngo bo nyid yin pa'i phyir dang/ rdo rje sems dpas bstan pa'i phyir ro/ /zhes bya ba'i zhes pa ni mtshan gyi gtan tshigs 'dren pa'o/ /rgyud ces pa ni/ mgo mjug rab tu 'brel pa ste/ chos kyi dbyings 'phro ba la sogs pa'i don rgyud pa'i phyir ro/ /lha mo bzhis chos kyi dbyings yongs su zhus pa zhes pa ni/ lha mo rnams kyis sdud pa po byas pa yin la/ phyag na rdo rje la sogs pas sdud pa po byas pa ma yin pa'i phyir ro/ /de ci'i phyir zhe na/ smras pa/ rgyud 'di ni shin tu gsang ba'i don yin bas gtsor rnal 'byor ma rnams la bstan pa'i phyir ro/ /lha mo kho nas sdud pa po byas pa'o/ /rgyud kyi bstan pa'i gnas gsungs pa/ dpal u rgyan las byung ba zhes pa ste/ de la dpal zhes pa ni/ bsod nams kyi bzhir

  451. 266a

    gyur pa'i phyir ro/ /u rgyan gyi yul zhes pa/ gsang sngags rdo rje'i theg pa'i don bya ba'i spyod pa byed pa rnams kyi yul lo/ /de bas ston pa po rnams kyis kyang gsang ba'i rgyud rnams der bstan la/ bya rgod phung po'i ril? sogs pa rnams la ni bstan pa ma yin no/ /yul de la rnyed pa'i rgyud 'di ni/ dpal u rgyan las byung zhes so/ /ston pa pos rgyud 'di yongs su gtad pa'i 'khor gsungs pa/ rnal 'byor ma chen mo'i de kho na nyid ces pa ste/ de la rnal 'byor ma zhes bya ba ni chos kyi dbyings rnam par bsgom la/ phung po dang/ lha sbyor ba'i phyir ro/ /de rnams kyi man ngag gi rgyud 'di 'gyur ba med pas na de kho na nyid nges so/ /rdzogs so zhes pa ni/ chos kyi dbyings kyi don bshad pa'i rim par phye ba'i tshig mthar phyin pa'o/ / dpal ldan rgyud rgyal thams cad gsang mchog dam pa gsang chen rgyud/ /'di yi rnam bshad bdag gis byas pas dge ba thob pa gang/ /de yis sems can thams cad chos dbyings mngon du gyur nas su/ /bla med yang dag go 'phang dpal ldan rdo rje sems dpar shog/ rgya gar gyi mkhan po rdo rje slob dpon/ smri ti dz+nyA na kIrtis mdzad pa lha mo bzhis yongs su zhus pa'i rnam par bshad pa/ man ngag rgyas pa zhes bya ba rdzogs so// //rgya gar gyi mkhan po rdo rje smri ti dz+nyA na kIrti nyid kyis bsgyur cing zhus te bshad nas gtan la phab pa'o// //lha mo bzhis zhus kyi rnam bshad ye shes snying pos mdzad pa bzhugs so// //rgya gar skad du/ tsa du rde ba ti pa ri bri tsa TI kA/ /bod skad du/ lha mo bzhis yongs su zhus pa'i rnam par bshad pa/ dpal rdo rje sems dpa' la phyag 'tshal lo/ /chags chen bcom ldan dgyes chen po/ /bde chen kun bdag chen po'o/ /mgon po rdo rje sems dpa' la/ /btud nas rnam par bshad pa

  452. 266b

    brtsam/ /de la nyan pa po 'jug par bya ba'i phyir/ dang por brjod par bya ba ni gang zhig /'brel pa ni ci/ dgos pa ni ji lta bu/ dgos pa'i dgos pa ni ci zhig snyam du rtog na/ de rnams kyis don bstan te/ de la rdo rje sems dpa' lha mo bzhi'i mtshan nyid dang bcas pa ni brjod par bya'o/ /de ston par byed pa'i sgra'i tshogs dang 'brel ba ni 'brel pa'o/ /dgos pa ni so so'i skye bo 'dod chags la sogs pa las bzlog nas/ yang dag pa'i 'dod chags la sogs pa bskyed pa'o/ /de'i dgos pa ni theg ba chen po'i laM rgyu dang 'bras bur bcas pas/ mngon par rdzogs par byang chub ste/ sems can gyi don byed pa'o/ /ci'i phyir 'di skad bdag gis thos pa ma smos she na/ 'di ni gsang ba 'dus pa'i bshad pa'i rgyud yin pas rtsa ba'i mdor gsungs pas nyes pa med do/ /gang gi phyir/ gang zhig mthong nas gang la zhus she na/ gsungs pa lha mo bzhi dang mnyam ldan zhing zhes rgya cher 'byung ba la lha mo yang yin la bzhi yang yin pas lha mo bzhi'o/ /bzhi zhes bya ba ni nges par gzung ba'o/ /ji ltar zhe na/ 'byung ba bzhi'i rang bzhin yin pa'i phyir ro/ /gang la de dag gis bskor ba'i rang bzhin yod pa de la de skad ces bya ba'o/ /de yang rdo rje sems dpa' i mtshams bzhir lha mo bzhis bskor ces bya ba'i tha tshig go/ de yang spros nas phyag rgya bzhi dag ni dkyil 'khor de la bskor bar brtag/ bdag nyid dbus su gnas byas te/ 'khor lo thams cad sdu bar bya zhes gsung ste/ de lta bu ni gsang ba'i bsnyen bsgrub bzhi ste/ /de yang bsgrub bya bsgrub par sbyor ba gang/ de ni bsnyen par gsungs pa yin// rdo rje pad+ma mnyam sbyor ba/ /de ni nye bar bsgrub pa'o/ /hUM phaT tshul dang ldan pa ru/ /bskyod pa bsgrub pa gsung pa'o/ /zhes gsungs so// zhing zhes bya ba'i sgra ni nges? par gzung ba ma yin te/ /gzhan dang ldan zhes bya ba'i tshig lhag ma'o/ /de gang zhe na/

  453. 267a

    sangs rgyas gzugs kyis nyer brgyan pa zhes bya'o/ /sangs rgyas nyid gzugs te de la de skad ces bya'o/ /gang la rgyan zhes na/ rdo rje sems dpa' i phung po la sogs pa'o/ /rigs lnga dang lha mo bzhi dang /lcags kyu la soD pa dang/ byang chub sems dpa' drug la ni sangs rgyas gzugs bya'o/ /des phung po la sogs pa'i byin gyis brlabs pa la de skad bya'o/ /rgyan de tsam du zad dam zhe na/ rab tu dga' ba'i sbyor chen la/ zhes gsungs te/ de la sems can gyi don mdzad pa'i rab tu dgyes pa'i dga' ba dang ldan pa la dga' ba zhes bya'o/ /de skad du/ skyon med rtag par gtan du ni/ thams cad la ni rjes chags pas/ /de nyid gsang ba bcom ldan 'das/ /'dod chags chen po dga' ba che zhes gsungs so/ /thab dang shes rab kyi sbyor ba la rdo rje sems dpa' bzhugs so/ /zhes gsungs so/ /de yang rdo rje ni stong pa nyid la sogs pa'i ye shes lnga'o/ /de yang rgyud lnga dag gi 'bras dag ni/ /rdo rje zhes su bstan pa yin zhes 'byung ngo// de nyid la sems zhes bya ste/ /byang chub nyid dngos ye shes ni/ /de ni rdo rjer 'dir gsungs te/ /rdo rje ye shes las byung ba/ /de ni rdo rje sems dpar gsungs zhes bya'o/ /ji ltar bzhugs she na/ cher bzhugs zhes gsungs te/ sbyor ba chen po la bzhugs zhes bya ba'i tha tshig go/ rang gi ngo bo ni bde ba chen po byang chub kyi sems thig le yum gyi pad+ma la gnas pa'o/ /bzhugs pa de'i las bstan pa/ 'od zer chang zhing 'khrigs pa'i zhes pa ni 'od zer 'chang ba ni ldan pa'o/ /'khrig pa ni 'du ba'o/ /de ni gsang bar byas las na gsang chen te/ gsang ba yang yin la chen po yang yin pas de skad ces bya'o/ /bzhi gang la zhe na/ chos kyi 'byung gnas la zhes bya ba gsungs te pad+ma'o zhes khong nas

  454. 267b

    grangs so/ /chos ni phung po la sogs pa'o/ /de'i gnas ni chos kyi 'byung gnas so/ /de yang rgyas par ni rang bzhin grub pa'i rim pa las blta bar bya'o/ /chos kyi 'byung gnas e gru gsum sku gsung thugs kyi rang bzhin kho na'o/ /de yang sku gsung thugs kyi bye brag gis/ /zur gsum la ni rnam par bsgom zhes gsungs so/ /la zhes bya ba bdun pa 'di yang gnas bzhi ste/ zhing la bya ba'i gnas bcas zhes bya ba lta bu'o/ /de'i byed pa gang zhe na/ byang chub sems ni 'phros nas su/ zhes bya ba la/ 'phros pa ni zhu ba'o/ /de yang thabs dang shes rab sbyor ba las byung ba/ brjod kyis mi lang ba'i byang chub kyi sems bde ba chen po don dam pa rtogs pa'i rgyur gyur pa'o/ /byang yig rdo rje zhes bstan te/ yi ge chub ni gzugs ma'o/ /sems yig bcu pa gsungs pa ste/ yi ge sa ni bde ba che zhes 'byung bas/ 'dis bshad pas rig par bya'o/ /de'i byed pa'i rang gi ngo bo de bzhin gshegs pa thams cad kyi snying po ni byang chub kyi sems gsang ba'i pad+ma la phab po zhes man ngag go/ de ji lta bu zhe na/ chos kyi dbyings ni zhu mdzad do zhes gsungs so/ /byang chub kyi sems de yig 'brur byin gyis brlab pa ni byang chub sems ni zhes bya'o/ /chos ni bshad zin to/ /dbyings ni rgyu'o/ /zhu ba ni yi ge zhu pa'o/ /de yang 'od kyi gong bur gyur pa'o/ /zhu ba'i dngos po de mthong nas zhes bya ba ni/ zhu ba yang yin la dngos po yang yin pas de skad ces bya'o/ /lha mo 'di la mthong ba yod pas mthong pa'o/ /lha mo yang yin la spyan ma yang yin pas spyan ma'o/ /des zhus zhes bya bar sbyar ro/ /gang la zhe na/ bcom ldan 'das te /bcom ldan 'das nyid rdo rje sems dpa' zhes bya ba'i tha tshig go /'dir skal ba phun sum tshogs pa dang ldan pas bcom ldan 'das so/ /rdo rje sems dpa' ni bshad zin to/ /tshig ni 'og nas gsal ba'o/ /chos kyi dbyings rnam 'phro

  455. 268a

    pa ni/ /gang las skye bar 'gyur ba lags/ zhes pa ni khungs zhus pa'o/ /dang po ci las 'ong ba yin zhes bya bas ni lan zhus pa'o/ /de bzhin phyir 'gro ji ltar lags/ zhes bya bas ni gnas zhus pa'o/ /yan lag med pa gang de ni/ /zhes bya bas ni spyi'i mtshan nyid zhus pa'o/ /yan lag dang ces gyur nas su/ /lus dngos gyur pa ji ltar lags zhes bya bas ni rang gi mtshan nyid reg pa'o/ /de'i nyid lag skye mched kyi sgo nas zhus pa ni/ /mig nas dbang po'i bar ro/ /phung po dang khams kyi sgo nas zhus pa ni/ phung po ces pa rnams 'jug pa'i bar ro/ /nyon mongs pa'i sgo nas zhus pa ni/ ma rig pa nas 'dod pa la sogs pa'i bar ro/ /de rnams bsdus pa'i sgo nas zhus pa ni/ rnam par shes pa nas 'dus pa lags kyi bar ro/ /bsgom bsgom pa'i sgo nas zhus pa ni/ dngos po med par bsgom pa'i gzugs zhes bya bas bstan to/ /gong du zhus pa'i 'phro gzugs la sogs pa'i sgo nas zhus pa ni/ gzugs sogs zhes pa nas ji ltar lags zhes bya ba'i bar du'o/ /lhag ma ni mjug bsdus pa'o/ /de ltar bsdus pa'i don brjod nas/ yan lag thams cad bshad par bya ste/ de la chos kyi dbyings kyi rnams 'phro ba zhes bya ba'i bshad zin to/ /gang las zhes bya ba ni 'byung khungs te/ a mra las me tog ces bya ba lta bu'o/ /dang po ji ltar byung ba 'phro? ba'i lam zhes bya ba'i tha tshig go/ phyir 'gro ba ni 'du ba'o/ /yan lag med pa nyid yin pas yan lag med pa ste sa bon zhes bya ba'i tha tshig go /de dang bcas pa ni yan lag dang bcas bya'o/ /lus kyang yin la dngos gyur kyang yin pas de skad ces bshad do/ /mig la sogs pa'i tha mar dbang po zhes so mas kun la sbyor bar bya'o/ /dngos rnams ni 'byung ba bzhi'o/ /'jug pa ni yul bskyed pa'o/ /yang gi sgras

  456. 268b

    ni dge ba dang mi dge ba sdud do/ /sa bon la ma rig bag chags zhes bya'o/ /sred pa ni chags pa'o /de ni nyon mongs pa yang yin la/ 'dod chags la sogs pa yang yin pas de skad ces bya'o/ /sogs pa ni zhe sdang la sogs pa'o/ /rnam par shes pa ni kun gzhi'o/ /sna tshogs ni lhag ma'o/ /de'i phyir khams gsum pa ni sems tsam mo/ /mdo las kyang kye rgyal ba'i sras khams gsum pa ni sems tsam mo zhes gsungs so/ /gzugs la sogs pa ni spyod yul te/ de yang dngos por grub pa na med de kun brtags pa'i phyir ro/ /de skad du yang/ bdag dang gzhan smras dngos 'di dag/ yang dag du ni gcig pa dang/ /du ma'i rang bzhin bral ba'i phyir/ /rang bzhin med de gzugs brnyan bzhin zhes bya ba'i tshad ma 'di gsungs so/ /dmigs pa ni yul te de dang bcas pa ni 'dzin pa'o/ /dngos po med bzhin du rtog ces bya ba'i tha tshig go/ de dag ces bya ba ni zhus pa de dag go /ngo mtshar chen po ni dam pa ma yin ma rtogs pa la ngo mtshar du rtog pa'o/ /bdag ni spyan ma'o/ /the tshom ni yid gnyis za ba'o/ /lha'i sgra ni rdo rje sems dpa' o/ /ji ltar zhe na/ dbang phyug chen po la sogs pa 'dul ba'i phyir/ de'i gzugs su sprul pas lha'o/ /de ltar ni zhus pa'o/ /zhus ma thag pa ni de ma thag pa'o/ /gsungs pa ni bka' stsal pa'o// gzung ba dang/ 'dzin pa dang bral ba ni shes rab bo/ /de nyid zab pas de skad bshad do/ /nyon cig ni gdams pa'o/ /'di la yang dag pa'i shes rab mnga' bas spyan ma'o/ /bshad par bya ba ni dam bca' ba'o/ /da ni chos nyid de'i che ba gsungs pa ni tshad ma las 'das pas dpyad du med pa'o/ /de'i phyir chos nyid de ni shes par bya ba'i yul las 'das pa'i phyir ro/ /de ni rnam pa thams cad mkhyen pa'i spyod yul du bzhag ste/ de skad du yang/ gzhan sems rigs pas shes pa ni/ rang semS

  457. 269a

    shes pas sangs rgyas kyis/ spyod yul ji bzhin ma shes phyir/ bsam yas sangs rgyas spyod yul lo/ /zhes 'byung ngo ci'i phyir zhe na/ sangs rgyas kun gyi gsang chen ni/ zhes gsungs so/ /sangs rgyas kun ? gsang ba yin te/ dper na srid grub kho na gzhu thogs bya ba lta bu yin gyi/ /nag pa gzhu thogs pa lta bu kho na bya ba ni ma yin no/ /de yang ye shes nam mkha' lta bu yin te/ de yang ye shes nam mkha' lta bu de ma grub pa'i phyir ro/ /'phaD pa klu sgrub gyi zhal snga nas kyis kyang/ dmigs su med pa'i sems dag na mkha' lta bur gnas pa ste/ nam mkha' kho na bsgom pa ste/ stong nyid 'dod pa bsgom pa'o/ /zhes gsungs so/ /de gang gi yul du mi 'gyur zhe na/ mi shes mun pas bsgribs pas na/ nyan thos rnams kyis shes pa min/ zhes gsungs so/ /de ni nyon mongs pa dang bral ba'i mi shes pa ste/ de la thams cad mkhyen pa'i ye shes dang mi ldan pa'i phyir ro/ /nyan thos kyang yin la/ rnams kyang yin pas nyan thos rnams te/ des shes bya'i sgrib pa ma spangs pa'i phyir ro/ /de rang sangs rgyas kyi spyod yul lo snyam na yang spyod yul bag chags zhes gsungs pa ste/ spyod yul ni gzugs la sogs pa'i skye mched drug go/ de bag chags rtas nas snang mod kyis/ /de brtags pa'i phyir ro/ /de bas na shes mkhan ni rang sangs rgyas su spral? pa ste/ zhes pa ni goms pa las rang 'byung bas/ sangs rgyas te/ de'i sprul pa'o/ /des kyang mi shes pa'i 'dzin rtog ma spangs pa'i phyir ro/ /de skang du yang 'phags pa byams pa'i zhal snga nas kyis kyang/ gzung ba'i rtogs pa nyams phyir dang/ /'dzin pa ma spangs phyir gyis ni/ /rten gyi bse ru lta bu'i lam/ /yang dag bsdus pas shes par bya/ zhes gsungs so/ /kyang gi sgra ni nyan thos kyis ma mthong ba de/ rang sangs rgyas kyis mi

  458. 269b

    mthong ngo zhes so/ /yang na kyang gi sgras ma bshad pa bsdu ste/ mu stegs dag gis bsdu'o/ /gal te tshangs pa la sogs pas kyang/ 'jig rten chags pa la sogs pas shes pas de shes par mi rung ngam zhe na/ shes med zhes bya ba la sogs pa gsungs so/ / shes med nyid so so'i skye bo'o/ /de dus gsum gyi mtshan nyid kyang mi rtogs na/ /de lta bu shes bar 'gyur ba lta yod re skan/ byol song rig pa dang ldan pa 'ga' yod pas nges mi shes som zhe na/ dud 'gro'i yi dags te bag chags las skyes pa zhes sbyor ro/ /dud 'gro ni glang po che la sogs pa'o/ /yi dags ni kha 'bar ma'o/ /de kun gyis kyang mi shes te/ zhes bya ba 'di'i dgag pa 'di ni ma yin par dgag pa yin gyi/ med par dgag pa ma yin no/ /gsang ba chen po de ? su'i spyod yul yang ma yin nam zhe na/ de'i phyir sangs rgyas spyod yul gsang chen no zhes gsang bar gsungs te/ de'i don bshad zin to/ /da ni chos dbyings rnam par 'phro ba ni/ /gang las skye bar 'gyur ba lags zhes bya bI de'i lan gsungs pa/ snying po shin tu snying po'i mchog ces rgyas par 'byung ba la/ snying po ni sku gsung thugs so/ /de'i rang bzhin ni shin tu snying po'i mchog go/ de ni rdo rje sems dpa' i ngo bo rnam par mi rtog pa'i ye shes so/ /de'i ngo bo ni gang de kun bdag la gnas pa'i zhes bya ba ni thams cad la khyab ba'o/ /sangs rgyas kun gyi gsang chen ni/ /lha mo khyod la bshad par bya zhes pa ni bshad zin to/ /phra mo'i ting nge 'dzin gsungs pa byang chub sems zhes bya ba la sogs pa rgyas par 'byung ba la/ byang chub sems ni bshad zin to// de ni gzung pa dang 'dzin pa dang bral ba'o/ /de yang gzhan gyi sems kyis rig pa med/ /des kyang gzhan sems rig pa med/ /gzung dang 'dzin dang bral ba'i phyir/ /rang de tsam du snang bar gnas zhes gsungs so/ /phra mo'i ting nge 'dzin gyis kha do gsungs?

  459. 270a

    pa/ zla ba shel dang mnyam pa'i 'od zhes bya'o/ /dkar ba dang dang ba dang ldan pa'o/ /de'i ngo bo ni de nyid ye shes lnga'i dngos zhes bya'o/ /de nyid ces bya ba gang zhe na/ de kho na rigs lngar gsungs bya'o/ /de yang me long lta bu la sogs pa'o/ /de yang tshig mang por byas pa ni 'dod pa'i dbang du byas pa yin/ dngos po'i dbang du byas pa ma yin pa'i phyir/ dper na khyed cag la zhes bya ba lta bu'o/ /de bas na phra mo dang ye shes tha dad par ga la 'gyur/ de'i chad yungs kar che ba'i 'dru tshad tsam zhes gsungs te/ tshad de tsam du shes par bya'o/ /de'i gnas ni de'i dbus su bzhugs pa'i lha zhes bya ba'i dbus ni rig ma'i dbyings so/ /bzhugs pa de nyid lha'o/ /mthun mong dun dbus ni rdo rje'i dkyil la/ bzhugs pa'i lha ni yig 'bru'o/ /de rnal 'byor pa gang gi spyod yul yin zhe na/ mig gsal gsal ba'i gzugs can de zhes bya ba la/ de yang mi gzugs dang/ gsal ba'i gzugs can zhes sbyar ro/ /de la yang las dang po pa dang/ ye shes 'ga' tsam dbang du gyur pa'i dbang du byas nas de skad bshad kyis/ rnal 'byor pa 'phags pa'i go 'phang thob pa rnams kyis ni mngon sum du gzigs pas gsal zhes bshad do/ /phyed tshad tsam gyi phra mo mchog ces bya ba 'dir yig 'bru'i chad yin la/ gong du de'i rten rdo rje'i tshad du gsungs pas zlos pa'i nyes pa med do/ /rten gyi phyed chad du gsungs pas zlos pa'i nyes pa med do/ /rten gyi phyed chad du rten can bshad do/ /de bzhin gshegs pa thams cad rang gi lus la thim nas/ byang chub sems su gyur te rdo rje'i lam nas byung nas/ rig ma'i sna rtser rdo rje gyur te/ de'i dkyil du de'i phyed tshad tsam gyi yig 'bru bas mo zhes bstan par 'gyur ro/ /de dus ji srid bsgom pa'i tshad kyang/ gsar ba 'dus pa'i rgyud phyi ma ji srid bsgom pa'i tshad kyang/ gsang ba 'dus pa'i rgyud phyi ma

  460. 270b

    las/ mchan ma byung gi bar du bsgom par gsungs te/ dang po ni smig rgyu 'dra zhes bya ba rgyas par gsungs so/ /tsha ba'i mdo las kyang/ rin chen kha dog rnam lnga pa zhes rgyas par 'byung ngo/ /thig le'i ting nge 'dzin gyi dbang du mdzad nas gsungs pa/ yid kyi dngos po thig le zhes bya ba rgyas par gsungs so/ /yid ni rnam par rtog pa'o/ de'i ngo bo ni thig le'i dngos po ste/ yid dang thig le dbyer med ba'i phyir de nyid gzugs te/ sran ma'i 'bru tsam zhes bya ba'i don to/ /de lta bu'i snying gi dbus su bsam par bya ba'o/ /de yi mtshan nyid bstan pa'i phyir/ /'od zer chen po 'bar ba can zhes bya ba ste/ de la 'od 'bar yod pa'o/ /'di skad du rnal 'byor pas rang gi snying gi dbus su/ de bzhin gshegs pa thams cad 'dus te/ byang chub semS 'od du gyur nas tsa ni 'tshad tsam gyi thig le yid dang dbyer med par gyur nas thig le bsgom par byas so/ /de'i dkyil du yi ge k+ShAM bsgoms te/ de las 'od kyis thig le gsal bar bya ste/ de las byung bas rang gi snying ga gsal bar byed/ snying gnas byung bas lus kun gsal bar byed/ de'i lus kyi ba spu'i bu ga thams cad nas byung ste/ 'jig rten thams cad snang bar byas te/ phyir 'od 'dus nas yig 'bru dang gcig par gyur pa ni man ngag go/ de'i chos grangs kyi rim pas gnas bstan pas ji snyed dgu'i bar du ni zhes bya ba ni/ nu ma dang lag pa'i rtse mo dang/ mgrin pa dang mtshu dang/ 'gram pa dang/ mig dang/ rna ba'i rtsa dang/ spyi po dang/ yan lag mchog rnams so/ /de yang nu ma lag rtse mgrin pa dang/ /ma mchu de bzhin 'byam pa mig /rna rtse spyi bo yan lag mchog/ de dag kun la bstod byed pa/ /nam zla yar tshes mar yang ni/ /zla ba mar tshes log par bshad/ /ces gsungs so/ /de yang gnas bco lnga la sgra yig bcu drug pa bsgom pa'i don bstan pa/ /dpral pa la gnas ?

  461. 271a

    thil bar zhes gsungs so/ /mthe bo'i rtsa ba la a/ rje ngar la A/ brla gnyis la i gsang ba la a'i/ lte ba la u/ gsus pa la a'u/ nu ma la ri/ lag pa la rI/ mgrin pa la li/ mchu la lI/ 'gram pa la e/ mig gnyis la i/ rna ba'i rtse mo la o/ spyi bor aau/ lus kun la oM A:/ de rnams kyi gzugs su bsgom par bya'o/ /de yang mthe bo'i rtsar ni yi ge a/ rje ngar gnyis la de bzhin A/ brla gnyis la yi ge e/ yi ge a'i ni gsang ba ste/ lte ba'i rtsa la yi ge u/ /de bzhin gsus par yi ge a'u/ /nu ma'i rtsa la yi ge ri/ /yi ge rI ni lag par gnas/ /mgrin pa kho nar yi ge li/ de bzhin ma mchur yi ge lI/ /'gram pa'i phyogs su yi ge e/ de bzhin i ni mig gnyis la/ rna ba'i rtse mor yi ge o/ /de bzhin aau ni spyi bor gnas/ /am a:yan lag kun la gnas/ /cho ga rnams kyis sbyor bar bya zhes gtsug lag brgyad pa las gsungs so/ /de dag gang du bsdu zhe na smras pa/ thig le de kho nar bsdu ste/ zhes bya ba gsungs so/ /gnas dgu dang bco lnga la khyab ba'i byang chub kyi sems/ snying ga'i pad+ma'i thig le la 'dus zhes bya ba'i don to/ /lte ba'i dbus su rnam par gnas/ zhes bya ba ni snying ga'i pad+ma las babs te/ lte ba'i pad+ma la gnas so/ /de ltar chos kyi dbyings skye ba'i khungs bstan nas/ da ni dang po ltar 'ong ba yin zhes bya ba'i lan re zhig gong du yi ge 'bru bsgom pa'i sbas pa bstan pa/ cha shas lnga pa can yin te /zhes pa ni/ yi ge k+ShUM de yan lag lnga dang ldan pa'i phyir ro/ /'di lta ste thig le dang/ zla tshes dang/ ka dang/ sha dang/ zhabs skyed ring ba dang rnams so/ /de bstan pa bcu gnyis kyi mdza' ma la zhes bya ba ni ma ning gi yi ge bzhi ma gtogs pa//

  462. 271b

    gzhan a la sogs ba'i mdza' dka' o/ /cha shas drug gis mtshan pa nyid ces bya ba ni/ ya la sogs pa drug pas mtshan pa ste/ Sha'o/ nga ro zhes bya ba ni/ u'i zhabs skyed la bya'o/ /thig le brgyan pa zhes bya ba ni/ /zla tshes dang thig le'o/ /rdo rje khong nas phyung nas su/ zhes bya ba ni gsang ba'i rdo rje'i lam nas byang chub sems yi ge k+ShUM gi ngo bor 'phro ba'o/ /de bzhin phyir 'gro ji ltar lags zhes zhus pa'i lan sa bon skye gnas zhes bya ba la sogs pa gsungs te/ /de la sa bon yi ge ni k+ShUM ste/ de skye gnas su phab pa la de skad ces bya'o/ /chos kyi dbyings ni zhu bar byed ces bya'o gsang ba'i rdo rje'i lam nas yi ge k+ShUM chos thams cad kyi rgyu byang chub sems chu'i khams su gyur pa'o/ /da ni yan lag med pa gang de ni/ zhes bya ba nas khams gsum rnams su 'jug pa 'ang/ zhes bya ba'i bar gyi zhus lan gsungs pa/ de ni rim par zhes bya ba la sogs pa ste/ de ni zhes bya ba ni yan lag med pa chos kyi dbyings so/ /rim par bskyed byas nas/ zhes bya ba ni/ mer mer bo dang/ nur nur po dang/ ltar ltar bo dang/ mkhrad de'i dngos su k+ShUM ngo/ /bsgoms pa goms pa ni mi gnas pa'i mya ngan las 'das pa'i bsod nams dang ye shes kyi tshogs rgyas par 'gyur ro/ /de yang dpal mchog dang po las/ kun tu bzang po'i ye shes ni/ rang nyid kho nas 'thob pa'o/ /zhes gsungs so/ /de la rdo rje 'dzin pa ni rdo rje sems dpa' o/ /de 'dzin pas rdo rje 'dzin pa'o/ /gnod sbyin lag na rdo rje 'dzin ma la sogs pa ni ma yin no/ /yig 'bru yang mgrub par bstan pa/ so dang mchu zhes bya ba la sogs pa go sla'o/ /de dag 'dus nas 'byung ba'i sgra ni/ mgul nas gang la yod pa ni zhes bya'o/ /de'i phyir gad la de ni yig 'bru nyid/ ces bya ba ni yig 'bru

  463. 272a

    nyid/ ces bya ba ni yig 'bru yang stong pa nyid do/ /de ni zang dang 'gag phyir ro/ /zhes bya ba gsungs te/ yi ge k+ShUM ni rang bzhin gyis mi rtag pa'i phyir ro/ /'di lta ste/ ka brjod tsam na sha med/ sha brjod na ga 'gags /de bzhin du zhabs skyed dang thig le yang brjod par bya'o/ /de ltar dngos por ma grub pa ste/ klu sgrub kyis kyang/ mi rtag pa yi sems kyis ni/ /stong pa nyid du mi 'gal lo/ zhes gsungs so/ /yi ge'i rang bzhin brjod pa med cing the tshom pa/ zhes bya ba ni/ brjod pa las 'das pa'i phyir ro/ /de yang brjod du med pa'i bdag nyid chos/ /ming dad gzugs ldan ngo bo med ces gsungs so/ /the chos ni yong med las 'das pas mya ngan las 'das pa'i phyir ro/ /de yang chos kyi sku'i bstod pa las/ gang zhig gcig min du ma min/ bdag gzhan phal ched bkra shis rten/ /zhes bya ba la sogs pa'o/ /a la sogs pa'i ngo bo ma yin pas sgra yig rnam par spangs zhes bya'o/ /ngang gi phyi nang gi skye mched do/ /'gyur ba med? pas de bzhin nyid do/ /de'i ming ni byang chub sems zhes bya'o/ /gang du zhes na 'dir ro cis zhe na gsungs so/ /lha mo bzhis yongs su zhus ba la/ lha mo spyan mas zhus pa'i le'u dang po'i rnam par bshad pa'o// // da ni byang chub sems kyi rim ba mA ma kIs zhus ba / de nas zhes bya ba ni 'das ma thag pa la bya'o/ /lhag ma ni go sla'o/ /byang chub sems ni chos kyi dbyings so/ /de'i rim pa ni byang chub sems kyi rim pa'o/ /gnas dang kha dog gi rim pa bskyed pa dang/ mdor bsdus pa'i rim pa'o/ /kha snying lte ba zhes bya ba la sogs pa go sla'o/ /cha shas rnam pa du zhig gsungs zhes bya ba ni/ byang chub sems kyi yan lag gi sgo nas zhus pa'o/ /gnas kyi rnam par bsgyur

  464. 272b

    bdu/ zhes bya ba ni byang chub sems kyi gnas zhus pa'o/ /kha dog rnam pa du zhig gsungs/ zhes bya ba ni byang chub sems kyi kha dog gi rim pa zhus pa'o/ /de bzhin gang na yang ji ltar 'chel/ zhes bya ba ni/ byang chub kyi sems kyi gdan gyi rim ba zhus pa'o/ /da ni lan gsungs pa/ rdo rje can gyis bka' stsal pa zhes bya ba ni/ bshad zin to/ /cha shas rnam pa du zhig gsungs zhes bya ba'i lan gsungs pa/ cha shas bzhi dang mnyam ldan zhing/ zhes bya ba ni/ yi ge k+ShUM dang/ oM dang/ hUM dang/ A:rnams ni cha shas bzhi dang ldan pa'i phyir ro/ /gnas kyi rnam par bsgyur ba du/ zhes bya ba'i lan/ pad+ma bzhi la yang dag gnas/ zhes bya ba ni/ kha dang snying dang/ lte ba dang/ gsang bar pad+ma re/ kha? dog rnam pa du zhig gsungs/ de bzhin gdan yang ji ltar 'tshol/ zhes zhus pa'i lan gsungs ba snying ga'i pad+ma la gnas gnag /ces bya ba la sogs pa'o/ /de ni oM kha dog nag por gnas pa yin par shes par bya'o/ /kha ni pad+mar gnas dkar/ /zhes bya ba ni yi ge k+ShUM dkar po'o/ /nga ro pad+ma'i lte par gnas zhes bya ba ni/ hUM kha dog dmar ba'o/ /gsang ba'i pad+ma ngo bor mdza' zhes bya ba ni/ a kha dog ser po'o/ /de lta bu'i rim pas stabs kyis mdza' ru 'gro byed gnas zhes bya ba ni/ chags pa'i dus su 'jig rten la kun la bskyed bar byas nas/ 'jig pa'i dus su yang thig le chos kyi dbyings su byas nas/ sems thig le sbyor bar rab tu gnas zhes bya'o/ /de la don gsal bar gsungs pa snom phyed pa dang thos byed ba/ zhes bya ba la sogs pa'o/ /de la snom byed ni sna'i rnam bar shes pa dri la spyod ba'o/ /phyi ma yang de bzhin du shes par bya'o/ /dbang bo'i go rim 'khrul bar snang ste/ 'dir yang bcom

  465. 273a

    ldan 'das kyis bka' la skur ba gdab par mi bya ste/ rgyud dang mdo gzhan gyi rim pa bzhin du shes par bya'o/ /bde ba ni sim pa'o/ /de las bzlog pa ni sdug bsngal lo/ /de myong ba ni tshor ba'o/ /de yang chos kyi byed par tshor byed do/ /gang las zhes bya ba la sogs pa ni go sla'o/ /byed pa ni shing la sogs pa'o/ /gcod pa ni sta re la sogs pa'o/ /de kho nas zhes bya ba ni chos kyi dbyings kyis byed do/ /zhes bya ba'i tha tshig go /cho ga rnaM pa mang pos zhes bya ba ni/ de las gzhan pa 'jig rten gsum gyi gtsug lag thams cad do/ /rgyal po la sogs pa ni chos kyi dbyings te/ rgyal pos don yang byed par 'gyur/ zhes bya ba la sogs pa la/ rgyal po ni khams dang 'khor los bsgyur ba'i rgyal po'o/ /de la 'khor los bsgyur ba ni gling bzhi pa dang/ gsum pa dang/ gnyis pa dang/ gcig la dbang ba ste/ gser dang/ dngul dang/ zangs dang/ lcags go rim bzhin du sbyar ro/ /gling de rnams nas khams kyi rgyal po 'ongs? nas mnga' 'bul bar byed do/ /de ltar snang ba yang byang chub kyi sems kyi rang bzhin no/ /yang zhes bya ba'i sgra ni dmag dpung bsdu ba'i sgra'o/ /dbang phyug don yang de bzhin te/ zhes bya ba ni khyim bdag shing sA la lta bu yang chos kyi dbyings kyi rang bzhin no/ /yang zhes bya ba'i sgra ni sems can phal pa bsdu'o/ /de yang chos kyi dbyings kyi rang bzhin kho nar shes par bya ste/ chos kun gnyis su med par gnas pa'i phyir ro/ /de yang gsang chen thams cad kyi rgyud las gsungs pa/ chos bdag med pa las byung ba/ gnyis su med pa'i ye shes mchog /chos nyid dam ba'i ye shes ni/ chos kyi dbyings zhes bya'o/ /zhes gsungs so/ /bram ze ni bskal pa dang po la

  466. 273b

    dgon pa bsnyags te/ khyim spangs pas bram ze'i phyir ro/ /rgyal po bskal pa dang po la rkun ma la sogs pa tshar gcod cing bsrung bar bskos pa'o/ /rje'u rigs ni bskal pa dang po la phyugs kyi las la brten pa'i phyir ro/ /dmar rigs ni bska' ba dang por zhing la brten pa'i phyir ro/ /smad pa ni rigs ngan pa lnga ste/ sog mig can dang/ nya pa dang/ gdol pa dang/ mnga' mkhan dang/ btso blag mkhan dang lnga ni dang por smad pa'i las la 'jug pa'i phyir ro/ /de rnams dang po de las brgyud pa'i phyir ro/ /de yang rigs ni rgyud mar bstan pa ste/ rgyud ni thog pa zhes bya'o/ /zhes gsungs so/ /bud med du ma sprul byed pa zhes bya ba ni/ bskal pa dang po la 'od gsal gyis lha las babs pa pho 'ba' zhig las med pa las/ 'dod chags kyi dbang gis mo'i gzugs su sprul pa'o/ /de dag kyang chos kyi dbyings kyi rang bzhin zhes bya ba'i tha tshig go /dud 'gro yi dags skye ba dang /zhes bya ba ni bshad zin to/ /gzugs med pa'i khams ni gzugs med ces bya'o/ /'di la gzugs yod 'dod chags la sogs pa'i spyod pa'i sems can ni 'dod pa'i srid pa ste/ gang la 'dod pa la chags pa gang la yod pa de ni de skad ces bya'o/ /rnams zhes bya ba'i sgra ni gnas rigs nyi shu la snyegs so/ /sa la sogs pa las 'byung ba thams cad ces gsungs so/ /de dag kyang chos kyi dbyings las skyes zhes bya ba'i tha tshig go /de kho na ni chos kyi dbyings so/ /de stong gsum gyi stong chen po 'jig rten gyi khams su gyur pa ni de nyid kho na rdzu 'phrul gnas zhes bya'o/ /de yang gcig las du

  467. 274a

    mar gyur pa'i phyir ro/ /nu ma dang/ skad phra mo dang/ mo'i dbang pos mtshon pa ni mo'i gzugs so/ /nga? ro dang skad dang /kha spu dang po'i dbang po'i mtshan ma ni pho'i gzugs so/ /de gnyis kyis 'khrig pa'i 'dod chaD kyang chos kyi dbyings kyi rang bzhin bas/? bde ba chen po'i go 'phang gnas/ zhes gsungs so/ /de ltar ni gong du bstan pa'o/ /mi 'gyur bas de bzhin nyid do/ /de rtogs pa ni shes rab bo/ /de las dam pa'i yi ge 'bru mya ngan las 'das pa'i ngo bo/ /k+Sha oM hUM A(rgyud 'grel): de lta bu shes pa'i rnal 'byor pa gang yin pa de ni/ des ni gsang chen shes pa ste/ zhes gsungs te/ don ni bshad zin to/ /de'i khyad par gsungs pa/ gang de bdag nyid kun gnas pa zhes bya ba ni/ snod bcud kyi rang bzhin du gyur pa'i phyir ro/ /gong du yig 'bru bstan pa'i yig 'bru'i kha dog gi 'phro bstan pa/ kha dog med cing dmar ba dang /zhes bya ba la sogs pa gsungs te /de la kha dog med pas nag po dkar po la soD pa med pa'i phyir ro/ /kha dog dmar po la sogs pa ni go sla'o/ /yi ge 'bru'i tshar tsan ka'i tshad tsam gyi thig le'i dbus su gnas pa las/ thig le'i gzugs su bsgyur ba de zhes bya'o/ /de spro ba bsdu ba bya ba ni/ 'gro dang zhes bya ba la sogs pa gsungs so/ /pad+ma bzhi las phyir spro ba dang/ nang du 'du ba'o/ /gshegs dang byon pa tsam mdzad dam zhe na/ smras pa gang de zhes bya ba la sogs pa gsungs so/ /gang chos kyi dbyings rigs pa rdzu 'phrul che ste/ /gcig las du ma med pa'i phyir ro/ /mdza' yas pa de nyid sna tshogs/ /so/ /zhes de skad ces bya'o/ /gang+gA klung gi bye ma snyed du sems can gyi don mdzad pa'o/ /de lta bu'i byang chub kyi sems dang po skye ba dang/ 'jug pa'i don bsdu ba'i don gsal bar gsungS

  468. 274b

    pa/ skye dang zhes bya ba la sogs pa'o// sems can gyi las kyi dbang gis bskal pa 'jig chags byung ba'i tshe yang/ byang chub kyi sems yig 'bru'i ngo bo can de'i thig le'i gzugs su bsdus nas gnas so zhes shes par bya'o/ /byang chub sems de'i skyon dang yon tan bstan pa/ gang gis zhes bya ba la sogs ni/ rnal 'byor pa gang gis nyon mongs pa'i gnyen po chos kyi sgo mo brgyad khri stong de snyed do/ /de gcig dang gnyis su brtsis pa stong phrag brgya la 'bum phrag gcig go/ tha snyad kyi don de tsam shes mod kyi/ rnal 'byor pa mkhas pa des kyang de kho na'i don mi shes na chos kyi phung po de dag la mkhas pa mya ngan 'das pa'i 'bras bu med ces bya'o/ /de ni gong du cha shas kyi yig brtsis bstan pa'i 'phro/ /bcu gnyis lnga yi lnga pa'i yang/ zhes bya ba la sogs pa la/ de la sgra yig A(rgyud 'grel): la sogs pa ma ning ma gtogs pa bcu gnyis kyi mdza' ma ni A:O/ /lnga pa'i zhes bya ba ni lnga pa ste/ ka sde las brtsis pa'i lnga pa ni pa'i sde'o/ /de'i lnga pa ni pa nas brtsis pa'i yi ge ma'o/ /des o'i gling kor du byas ma thag tu oM du 'gyur ro/ /brgyad kyi mdza' zhes pa ni/ ya nas brtsis pa'i yi ge ha'o/ /'byung ba bsdus zhes bya ba ni/ 'byung pa bzhis bskor ba'i yi ge d+hi'o/ /sgra yig dad po yi ge a'o/ /de ni go sla'o/ /lnga pa yis ni yang dag brgyan zhes bya ba ni lnga pa ni ma'o/ /des a(rgyud 'grel): klang kor du brgyan pa ni oM la bya'o/ /snying rje chen po las byung ba zhes bya ba ni ka'o/ /de ni man ngag du bya ba'i tshig go /drug pa ni ya nas brtsis pa'i Sha'o/ /yi ge thugs rje la brtags pa ni k+Sha'o/ /kha mar blta zhes bya ba ni pad+mar mgo bo mar blta bar bya'o/ /de'i khyad par gsungs pa/ gdod ma tha ma med pa'i lha zhes gsungs so/ /de la gdod ma ni skye ba'o/ /tha ma ni 'jig pa'o/ /de dang bral ba yin pas de skad ces bya'o/

  469. 275a

    de yang byed pa bos ma byas te/ byang chub sems nam mkha' dang 'dra bar rig par bya'o/ /de yang nam mkha' lam byung mtshan ma phyir/ /gdong ma tha ma med pa'i mchog ces gsungs so/ /lha zhes bya ba ni yi ge 'bru 'od dang ldan pa dang/ rdo rje sems dpa' i rang bzhin yin pa'i phyir ro/ /der ni spyi bor bstan pa yin/ zhes bya ba ni/ yi ge k+Sha gong du bzhag pa'i tshig go/ yig 'bru de chos kyi dbyings kyi rang bzhin yin pas gsang chen no/ /yig 'bru de rnams de bzhin yin pa'i dam pa'o/ /lha mo bod pa'i tshig go /bdag nyid zhes bya ba ni rdo rje sems dpa' o/ /rab bstan no/ /zhes bya ba ni byang chub sems kyi rim pa bshad pa'o/ /zhes bya ba'i tha tshig go /lha mo bzhis yongs su zhus pa las/ /lha mo mA ma kyis zhus pa'i le'u gnyis pa'i bshad pa'o// //da ni chos kyi dbyings byang chub kyi sems su bsdu ba lha mo na bza' dkar mos zhus pa/ de nas zhes bya ba la sogs pa'o/ /de nas ni 'das ma thag pa'o/ /de nas 'di la na bza' dkar ba yod pa'o/ /yan lag kun gyis btud na su zhes bya ba ni/ shin tu yang bkur bai phyir ro/ /thal mo zhes bya ba la sogs pa ni go sla'o/ /rdo rje sems dpa' la gsol pa/ zhes bya ba ni zhu ba'i rim pa zhus pa'o/ /chos kyi zhes bya ba la sogs pa bshad zin to/ /bsdu ba'i don ni gcig tu gyur pa'i don zhus pa'o/ /sku gsung thugs kyi rdo rje ni zhes pa ni/ sku gsung thugs dang rdo rje zhes pa'o/ /rang bzhin nyid ni ji ltar lags zhes bya ba ni/ thabs dang shes rab bsdu ba zhus pa'o/ / lha'i dbang phyug ni rdo rje sems dpa' o/ /bod pa'i sgo nas khyod/ /gsol ba gdab pa ni khyod la ste/ sems can gyi ched du zhes bya ba'i don to/ /gang gi 'od kyi gong bu zhes bya ba ni/ bdud rtsi'i ngo bo bsdu ba'i sgo nas zhus pa'o/ /rdo rje sems dpa' ji

  470. 275b

    ltar lags/ zhes bya ba ni/ 'ong kyi gong bu de rdo rje sems dpa' bsdu ba zhus pa'o/ /gsungs shig de ni yig 'bru'i tshogs/ /'dus pa ji ltar 'byung ba lags/ zhes bya ba ni/ sngags bsdu ba'i sgo nas zhus pa'o/ /chu yi khams la sogs dang yi/ /ji ltar ro ni mnyam par 'gyur zhes bya ba ni/ sems can gyi phung po la sogs pa'i bsdu ba zhus pa'o/ /de kho na rgyas par zhus pa ni/ ma las skye ba gsum tsam dang/ de bzhin pha las skye ba gsum/ de dag drug tshogs gong bu las/ ji ltar mi rnams skye ba lags/ zhes bya ba ni/ 'jig rten pa'i phung po gong bu'i sgo nas bsdu bar zhus pa'o/ /sangs rgyas gzugs ni bdag mi 'tshal/ zhes bya ba ni/ phung po'i sgo nas bsdu bar zhus pa'o/ /lhag mas ni pa'i mjug bsdud do/ da ni lan gsungs pa/ rdo rje can gyis bka' stsal pa/ zhes bya ba la sogs pa ni bshang zin to/ /de la re zhig chos kyi dbyings ni bsdu ba dang zhes pa'i lan /gsang ba zhes bya ba la sogs pa'o/ /de la gsang ba ni gsang ba'i rdo rje'o/ /shin tu gsang bar gyur pa ni gsang ba'i pad+ma'o/ /de yang gsang ba'i nor bu thig le zhes bya ba'i rgyud las/ rdo rje ni gsang ba ste/ de las pad+ma shin tu gsang/ zhes gsungs so/ /nyon cig ces bya ba la sogs pa ni go sla'o/ /shin tu gsang ba'i don gsal bar gsungs pa/ skye gnas dbus su rtsa gnyis ni/ zhes bya ba la sogs pa la/ de la skye gnas ni gsang ba'i pad+ma'o/ /de'i dkyil ni dbus so/ /de'i bya lce'i rtsa g.yas g.yon gnyis kyi rtsa gnyis so/ /rtsa g.yas g.yon de ni g.yon dang de bzhin g.yas pa/ zhes bya'o/ /de yang gsang bar gsungs pa/ g.yon du byang chub sems zhes pa ni/ g.yon pa'i rtsa la ni lhag pa'i byang chub kyi sems 'bab pa'o/ zhes bya'o/ /g.yas su de bzhin rak+ta 'bab po zhes bya'i tha

  471. 276a

    tshig go /de gnyis phrad nas zhes bya ba ni/ byang chub sems rol pa'i dus su zhes bya ba'i tha tshig go /de'i dus su chu dang 'o ma ltar 'dres zhes bya ba'i don to/ /de la kye lha mo chos kyi dbyings ni 'dus pa yi? zhes gsungs so/ /de gnyis 'dus pa la de skad ces bya'o/ /sku gsung thugs ni rdo rje yi/ /rang bzhin nyid ni ji ltar lags/ zhes pa'i lan gsungs pa/ mun pa sku ste rdul gsung gzugs zhes bya ba ni/ de la ma rig pa ni mun pa ste/ de'i rang bzhin gnas gyur pa ni sku ste/ sku'i rdo rje'i rang bzhin du shes par bya'o/ /rdul de ni 'dod chags ste/ de gnas gyur pa ni gsung gi rdo rje zhes bya'o/ /gzugs ni gsal ba spangs pa ste/ de ni sems te/ de gnas byung pa ni thugs kyi rdo rje zhes bya'o/ /de yang snying stobs ste thugs rdo rje'o/ /'di skad du rdul dang/ mun pa dang/ snying stobs gsum sku gsung thugs so/ /de gsal bar gsungs pa /rdul ni rak+ta byang chub sems zhes bya ba la sogs pa gsungs te /de la rdul ni rak+ta ste mu ste/ bas rdul zhes ? te /ras la rdul chaD pa bzhin du/ chags pa chen po dang ldan pa'i phyir ro/ /byang chub sems ni mun pa zhes btags te/ de ni gti mug chen po'o/ /rang bzhin skyed pa yin/ zhes bya ba ni/ rgyu 'bras la zhe sdang pa'i rang bzhin gnyis su med pa'i ye shes sems can skye ba'i ngo bor gyur pa la/ mu stegs pa yis snying stobs zhes btags te/ gsum 'dus nas skye ba'i phyir ro/ /de sku gsung thugs su ji ste gcig ce na/ rdo rje pad+ma zhes bya ba la sogs pa gsungs te/ thabs dang shes rab kyi ngo bo gsang ba'i rdo rje dang pad+ma bde ba chen po de las logs shig na sku gsung thugs dbyer med pa'i phyir ro/ /gang gis 'od kyi gang bur bsdus zhes pa'i lan/ dri chen dri chu dang zhes bya ba la

  472. 276b

    sogs pa'o/ /dri chen ni bshang gci'o/ /dri chu ni gsang ba'i rdo rje'i chu'o/ /shal ni lus kyi sku las byung ba'i phyir te/ shel dang mthun pa'i phyir ro/ /me tog ni pad+ma'i rak+ta ste/ 'bras bu la nye ba'i phyir ro/ /de bzhin lnga byang chub sems zhes bya ba ni/ byang chub sems khu ba ste/ byang chub sems dang 'dra ste bde ba bskyed pa'i phyir ro/ /'khor ba'i bdud 'joms pas na lnga kho na'o/ /de yang dri chen dang dri chus ni lus kyi rims la sogs pa 'joms pa'i phyir ro/ /shel gyis ni nang med pa 'phel par byed do/ /me tog gis ni sku gsung thugs 'grub par byed do/ /byang chub sems kyi ye shes 'grub par byed do/ /'di ni 'jig rten las 'das pa'i 'phags pa'o/ /rdzas 'di dag ni bdud rtsi 'byung ba'i rgyud las/ /ye shes bsgrub pa'i phyir zhes bya ba la sogs pa rgyas par gsungs so/ /de lnga dang dbyer med pa'i 'od kyi gong bur bsdus pa ni bdud rtsi lnga zhes bya ste/ gong bu dang bdud rtsi lnga tha mi dad pa'i phyir ro/ /rdo rje ji ltar lags zhes bya ba'i len gsungs pa /de ? rdo rje 'dri gsungs so zhes bya ste/ 'od kyi gong bu las rdo rje sems dpa' grub par rgyud 'di las gsungs so/ /mngon par rtogs pa lnga'i rang bzhin ye shes lnga dang/ rigs lnga dang /bdud rtsi lnga dbyer med pa 'ong kyi gong bu rdo rje sems dpa' yin pa'i phyir ro/ /gsungs shig de nyid yig 'bru'i tshogs zhes bya ba'i lan gsungs pa/ cha shas gnyis pa zhes bya ba la sogs pa'o/ /de la cha shas gnyis pa dang ldan pa zhes bya ba ni k+Sha'o/ /ka dang shal sogs pa yin pa'i phyir ro/ /de gnyis gsal bar gsungs pa/ de bzhin dgu pa yang yin no/ /zhes gsungs so/ /ya'i sde tshan la sogs pa dgu ni yi ge k+Sha kho na'o/ /de 'di skad du bstan te/ k+Sha de la ma dang ra dang ya btags nas zhabs skyed ring por byas te

  473. 277a

    zla ba tsam dang thig le brtsegs pa'i yi ge 'bru ni k+Sh+mrhUM? de ni man ngag go /de yang gsal bar gsungs pa/ de skad gsungs pa zhes bya ba la sogs pa'o/ /de la sum cu zhes bya ba ni ma ning gi yi ge ma brtsis pa'i a la sogs pa nas de'i bar du'o/ /bcu dang zhes bya ba'i ni d+ha nas ra'i par du'o/ /de bzhin lnga pa zhes bya ba ni/ la nas ha'i bar du'o/ /sa bon zhes bya ba ni/ hUM? de'i mgo la yi ge k+Sha'o/ /cha shas gnyis pa ni k+Sh+ya'o/ /lnga'i ni zhes bya ba k+Sha la ma dang ra dang thig le byas pa de ni chos kyi dbye nges kyi yi ge'i bsdu pa gsungs pa yin no/ /'dus pa ji ltar 'gyur ba lags/ shes pa'i lan/ yig 'bru b+h+ruM dang chos dbyings kyang/ zhes bya ba ni/ b+h+ru? ni go sla'o/ /chos kyi dbyingS kyang zhes bya ba ni yi ge k+Sha'o/ /skye gnas pad+ma'i gsang pa'i padmo la gnas /zhes bya ba ni gsang ba'i pad+mar yi ge rnams bkod pa'o/ /de mi 'gyur bas de nyid ces bya ba'o/ /k+Sh+mryUM k+Sh+mryUM k+Sh+mryUM de nyid sa bon zhes bya ste/ skye ba rnams kyi rgyur gyur pa'i phyir ro/ /swA hA'i mdza' ni sngags kyi mdza' na swAhA/ /yod pa'i phyir ro/ /'di lta ste b+h+ruM k+Sh+mryUM swAhA/ 'dus ba las ni shes pa zhes bya ba ni/ chos kyi dbyings kyi yig 'bru de lta bu de 'dus zhes bya ba'i tha tshig go /chu khams zhes bya ba nas/ ji ltar mi rnams skye ba lags zhes bya ba'i bar gyi lan /chu khams pha las skyes zhes bya ba la sogs pa'o/ chu khams 'ba' zhig pha las skyes pa'o/ me'i khams 'ba' zhig ma las skyes ba'o/ sa dang rlung dang nam par shes pa dang/ nam mkha' i khams ni don gyis ni gnyi ga las skyes par shes par bya'o/ /de yang dper na lag bzang gi bu zhes bya ba lta bu'o/ /de yang nam mkha' i khams ni bu ga dgu'o/ /rnam par shes pa'i khams ni zag pa dang bas pa'i khams so/ /sha dang

  474. 277b

    khrag gang las she na/ sha dang khrag dang pags pa dang/ de yang ma las skyes zhes bshad /ces bya'o/ /tshil dang rkang dang khu gang las skyes she na/ tshil dang rkang dang khu ba mi /pha las skyes par bshad pa yin /zhes bya'o/ /gnyis las skyes pa ji lta bu zhe na /gong bur yang dag 'dus pa ni/ /de dag tsam du bshad pa yin /zhes bya'o/ /sangs rgyas gzugs ni bdag mi 'tshol/ /zhes bya ba'i lan /gzugs dang zhes bya ba la sogs pa'o/ /de la gzugs ni glen pa'i ngo bo ste/ de rnam par dag pa ni gnyis su med pai ngo bo ste/ gti mug chen po'o/ /tshor ba'i phung po dang /'du shes dang /'du byed dang /rnam par shes pa rnam par dag pa mnyam pa nyid dang /so sor rtog pa dang /bya ba grub pa dang /me long lta bu'o// da? yang gsang ba 'dus pa'i rgyud phyi ma las/ /gzugs ni gti mug du bstan pa zhes rgya cher gsungs so/ /de'i phyir dngos po lnga'i zugs/ /phung po zhes ni bya bar bshad /ces gsungs so/ /lha mo bzhis yongs su zhus pa las/ /le'u gsum pa gos dkar mos zhus pa'i bshad pa'o// //da ni byang chub sems kyis bsgrub pa'i thabs lha mo sgrol mas zhus pa/ de nas zhes bya ba la sogs pa'o/ /bzhad pa ni mi 'gyur ba dang ngo/ /de ni mnyes par byed pa'i mtshan ma'o/ /bzhad pa mchod pa yin par ni 'phags pa rdo rje gdan bzhi pa'i mchod pa nyi shu las gsal bar bstan to/ /lha mo yang yin la sgrol ma yang yin te/ sems can 'khor ba'i rgya mtsho las sprol ba'i phyir ro/ /de'i phyir bcom ldan 'das ma'o/ /chos kyi dbyings kyi bsgrub pa ni gang gis bsgrub par byed pa de ni sgrub pa ste/ rgyu zhes bya ba'i tha tshig go /gsungs shig rdo rje can chen po zhes pa ni/ /chos kyi dbyings kyi bsgrub pa'i sgo nas zhus pa'o/ /rdzas bsgrub

  475. 278a

    pa yang bka' stsal 'tshal/ zhes bya ba ni/ sman bsgrub pa'i sgo nas zhus pa'o/ /de bzhin rig pa'i sngags rnams kyang zhes bya ba ni/ las bzhi'i sgo nas zhus pa'o/ /dkyil 'khor de ni brtagS pa dang/ zhes bya ba ni/ dkyil 'khor bsgrub pa zhus pa'o/ /sbyin sreg so so bya ba dang /zhes bya ba dang/ sbyin sreg gi go nas zhus pa'o/ /de bzhin mchod pa'i cho ga yang/ zhes bya ba ni/ mchod nas bsgrub pa zhus pa'o/ /de'i lan de ltar zhes bya ba la sogs pa'o/ /chos kyi dbyings ni bsgrub pa ni/ zhes pa la sogs pa'o/ /gzugs sgra zhes bya ba ni/ mdor na chos kyi dbyings su shes par bya ste/ rdo rje sems dpa' i rang bzhin yin pa'i phyir ro/ /de yang gzuD dang sgra dang dri dang ro/ /reg bya kho na de lnga ni/ rdo rje sems dpa' dang mnyam mo/ /zhes gsungs so/ /de dag nyid las byung ba ni/ khams la sogs pa de las skyes pa'i phyir ro/ /byang chub sems zhes bshad par bya ba ste /lhag pa'i byang chub kyi sems so/ /byang chub sems las gong bu skye zhes bya ba ni/ de las sa la sogs pa'i gong bu skye'o/ /gong bu las kyang yid bskyed do// zhes bya'o/ /gong bu las rnam par shes pa'i khams skye ste/ rnam par shes pa rdzas dang dbyer med pa'i phyir rnam par shes pa'i khams su shes par bya'o/ /yid las nam mkha' i khams kyang ni/ zhes bya ba ni/ yang de las nam mkha' i khams sgo dgu'i lug? /nam mkha' i khams su gyur pa'o// de las khams la sogs pa 'gyur ba bstan pa/ khams rnams zhes bya ba la sogs pa bshad zin to/ /de ltar dbyings bsdus te/ zhes bya ba ni/ khams byang chub sems de las/ 'byung ba chen po'i bar du 'khor

  476. 278b

    bar skyes pa ni/ dbyings su bsdus pa ste/ rten cing 'brel par 'byung ba thog ma dang tha ma med pa'o/ /bsdu ba de bzhin rten byas la/ zhes bya ba ni/ bsdus pa phan tshun rgyur ba'i bsgom ba'i sems rtse gcig par gyur pa ni/ ? kyi dbyings kyi bsgrub pa yin/ zhes bya'o/ /de ci'i phyir zhe na/ de bas thams cad nan tan gyis/ bsgrub pa yang dag spyad par bya zhes gsungs so/ /de'i phyir dus thams cad du nyan pa la sogs pa'i nan tan gyis mngon du spyod par bya'o/ /thams cad ji ltar bsgrub ce na/ gal po'i rgyud kyi nang nas 'byung ba'i sgrub thabs kyis so/ /de dang mthun pa'i rang bzhin no/ /gal po dngos kyis kyang bsgrub par bya ba rab tu rtog go/ zhes bya ba'i tha tshig go /rdzas las bsgrub pa'i lan/ chos dbyings bsgrub pa bshad nas ni/ zhes bya ba ni/ de ma thag tu zhes bya ba'i tshig go /rdzas brgyad yan lag bsgrub pa bshad/ zhes bya ba ni thun mong ngo/ /yan lag brgyad ni /ril bu dang/ mig sman dang/ sa 'og dang/ ral gri dang /nam mkha' la 'gro ba dang/ mig rno ba dang/ 'chi 'pho med pa dang/ nad 'joms pa'i dngos grub dang brgyad do/ /de yang gsal bar gsungs pa/ ril bu zhes bya ba la sogs pa'o/ /de la ri lu ni 'og nas bshad mig sman gi zla ba mar gyi ngo tshos nyi shu dgu'i nam phyed na/ kham gyi bzhi mdor thod pa'i steng du 'dug go /mdun du yang sgyed bu btsugs nas thod ba gnyis bzhag ste/ de gnyis kyi bar du bdud rtsi lnga dang tshil chen bsres pas bkang ba'i band+ha bzhag ste/ de'i nang du khrag dang dri chen la sogs pa shing a mra'i bal la pad+ma'i skud pas bkris pa'i snying po btsugs nas mar me bltam par bya'o/ /shing a mra dang pad+ma'i skud pa med na yang gzhan ci 'tsham pas bya'o/ /me mar gyi ?

  477. 279a

    du ba la band+ha gcig bkab nas sgyed bu gnyis la bzhag go/ de la rdo rjes reg nas phung po lnga la rigs lngar bsgoms pa'i rnal 'byor pas/ /oM A:hUM swAhA/ nam langs par bzla bar bya'o/ /de nas dud pa blangs la rang gi mig la bskus na sku gsung thugs kyi dngos grub 'thob po/ /de yang gu hya sa ma dza las/ lam gyi bzhi mdo'i shing gcig tu/ /ma mo'i gnas sam zhi gnas su/ /de'u rdo rje any+dza na/ /thod pa dag tu dbab par bya /zhes gsungs so/ /sa 'og ni sa 'og gi dngos grub ste/ lha ma yin dang klu'i bu mo bsgrub pa'o/ /de yang 'dir 'phags pa rdo rje sa 'og zhal gsum phyag drug pa/ g.yas bar man zhags pa/ de'i 'og man dgra ste/? g.yon pa na rtse gsum pa/ bar man lcags kyu/ dang po gnyis lha mo las 'khyud pa/ sku mdog nag por bsgoms la/ btsag la sogs pas ta la la sogs pa'i lam la/ rdo rje lcags kyu gnyis bris te/ de khar bcug la zla ba gzas zin pa'i dus su lcags kyu 'phros pas/ lha ma yin gyi bu mo bkug par bsgoms nas / sngags oM A(rgyud 'grel): hUM A karSha ya bzla bar bya'o/ /lha ma yin gyi bu mo la sogs pa gang ming nas smos pa de dgug go /de ltar yang gsang ba 'dus pa las/ btsag gam zhes bya ba la sogs pa gsungs so/ /ral gri dngos grub ces bya ba ni/ gyo mo 'am gser la sogs pa ral gri mtshan dang ldan pa byas la/ mdun du ral gri bzhag ste/ bdud rtsi rnam pa lngas byugs te/ don yang grub pa bsgom pa dang/ oM A(rgyud 'grel): hUM zhes brjod nas /ral gri la sku gsung thugs thim par byas te /'od zer 'bar bar bsgom par bya'o/ /ral gri de 'phros ma thag tu gong ma'i sngagS de bzlas te /lag par blangs ma thag tu

  478. 279b

    rig 'dzin du 'grub po/ /sgrub de kho na'i mthus gang+gA'i klung gi bye ma snyed kyi 'jig rten gyi khams su rgyu bas na /nam mkhar 'phur dang/ zhes bya'o/ /rnam par snang mdzad sgyu 'phrul dra ba'i rgyud las kyang/ ral gri mdun du bzhag byas te/ zhes bya ba la gsungs/ /mig sman zhes bya ba ni mig rnon gyi dngos grub po/ /lam gyi bzhi mdo la sogs par/ thod pala 'dug pa la sogs pa gong ma bzhin byas la/ 'dir ni zhi nye'i skong bu la tshil gyis bkang nas/ sa lam lhung ba'i ro dkris pa'i ras kyis snying po byas te/ mar me bltam par bya'o/ /phung po lnga rigs lngar bsgom pa'i rnal 'byor pas/ oM A(rgyud 'grel): hUM zhes bzla bar bya'o/ /dud pha de blangs nas mig la bskus na snang ba sku gsung thugs rdo rje lha klu kun mthong bar 'gyur ro/ /de yang 'phags pa gang na bzhi pa las/ ma lhung ba'i ro dkris ras zhes bya ba la sogs pa'o/ /'chi ba med dang zhes bya ba ni /dri chen gyis tshe sgrub pa ste/ 'di lta ste/ dri chen gyi phye ma dang/ mar dang/ sbrang rtsi bsres lag? rtog pa spangs la rigs ldan bsgom pa'i rnal 'byor pas/ /oM A(rgyud 'grel): hUM bzlas te lo gsum gyi bar du zos na nyi ma dang 'dra ba tshe 'grub par byed do/ /de yang rnam par snang mdzad kyi gal po las gsungs pa/ dri chen phye mar btags nas su mar dang sbrang rtsi bsres nas bza' / /lo gsum na ni lha yi lus/ /nyi zla skar ma bzhin tsher 'gyur/ /zhes gsungs so/ /nad 'joms dang zhes bya ba ni/ rims la sogs pa med pa'i phyir ro/ /da ni ril bu'i bsgrub pa gsungs pa/ mi dang glang po zhes bya ba la sogs pa'o/ /yon tan 'di ste /mi'i shes sku gsung thugs 'grub pa dang/ glan po che'i shes mngon par shes pa 'grub pa dang/ rta'i shas ni mi snang ba 'grub pa dang ? glang gi shas ni ? las 'grub ba/?

  479. 280a

    dang/ khyi'i shas ni 'gugs pa'i las 'grub pa dang/ bong bu la sogs pa'i shas spyi'i las 'grub bo/ /ci'i phyir sha de rnams las dngos grub du 'gyur zhe na/ 'jig rten pa ni gtsang sme la rtog pa yin pas/? de rnams sku gsung thugs dang dbyer med par byas te/ zos na rnam par rtog pa bcom pa'o/ /de ma thag tu de bzhin gshegs pas byin gyis rlob pa'o/ /'di rnams kyang gsang ba 'dus pa'i sha chen dam tshig mchog gis ni/ zhes bya ba la sogs pa dang sbyor ro/ /de rnams kyi tshad gsungs pa/ cha bzhi mnyam par bya ba'o/ /zhes bya ba'i tshad do/ /de yang gsal bar gsungs pa/ mthe bo tshogs tsam tshang du ni/ zhes bya ba ni/ sha rnam ba de bsdu ba'i tshad de /sred pa'i sgo nas sha de dag mang du tshogs pa ni mi rung ba'i phyir ro/ /shin tu mnyam por bzhag nas sbyar/ zhes bya ba ni/ sbyang ba la sogs pa'i bya'o/ /tshad gsungs pa /dri chen zhes bya ba la sogs pa gsungs pa/ de la bzhi smos nas shel ma smos pa ni don gyis shes par bya'o/ /nas tsam tshad du ni zhes bya ba ni/ bdud rtsi lnga las nas 'bru tsam ra bsdu ste mangs pa ni skyon pa'i phyir ro/ /sngags bzlas nas ni sbyang byas te/ zhes bya ba ni sbyang ba la soD pa bya'o/ /zhes bya ba'i tha tshig go /sbyang zin ma thag tu yang stags kyis brtan par bya'o/ /byin gyis brlab pa'i sngags bstan pa/ phyag 'tshal zhes bya ba la sogs pa ste/ phyag 'tshal ni oM la bya ste/ sngags kun gyi mgo la bzhag pa'i phyir ro/ /yi ge A(rgyud 'grel): dbus su zhes bya ba ni/ oM dang hUM gi bar du bya ba'i tha tshig go /de bzhin du hUM gyes te zhes bya ba ni/ mdza' ma'i yi ge hUM bzhag par bya ba'o/ /'di lta ste/ oM A(rgyud 'grel): hUM zhes bya'o ni /sngags 'di ni gong gi

  480. 280b

    mig sman la sogs ba la yang shes par bya'o/ /thabs gsungs pa/ 'bar ba'i h+ri yig 'bar byed pa /zhes bya ba ni /de'i don ni 'di lta ste /yaM las rlung/ de'i steng du raM las me/ de'i steng du paM las bskyed pa'i pad+ma band+ha'i nang du sha rnam pa dgu dang/ bdud rtsi lnga bzhag ste/ de la h+ri bkod nas /de'i steng du hUM las rdo rje bsgoms te/ rlung gis me bus te/ band+ha'i nang gi bdud rtsi bcos pa dang /steng gi rdo rje kha gab las 'od thur du 'bar bas sha dang bdud rtsi sbyangs bar bsgoms par bya'o/ /yang h+ri las 'od 'phros pas phyin ci log gi thun bcom ste /dag par bsgom mo/ /de ltar kun tu bzang mo las kyang gsungs pa/ phyag 'tshal 'bar bas byin brlabs pa'i/ rlung gi dkyil 'khor rab 'bar ba'o/ zhes bya ba 'di gsungs so/ /'dir ni oM ma yin te/ h+ri yin te rgyud so so'i yin pa'i phyir ro/ /dgu pa de ni rab tu bsgrub ces bya ba ni/ bdud rtsi lnga de ltar bsgrub par ma zad de/ sha dgu yang de ltar bsgrub par bya'o/ /ril bu bya ba'i thabs bstan pa/ lan ni nyi shu rtsa gcig tu zhes bya ba la sogs pa la/ nub tu kha bltas lan nyi shu rtsa gcig tu brtag pa'o/ /yungs kar tshang tsam go sla'o/ /de lnga tsam gcig tu byas pa'o/ /lnga dang ni 'byor bar bya/ zhes bya ba ni/ yungs kar lnga tshad gcig tu bya bai tshad do/ /dus na tshes brgyad ces bya ba la sogs pa ni go sla'o/ /ril bu bsgril ba ni/ ril bu rnams ni byas zhes pa'o/ /pad+ma'i snod ni band+ha'o/ /de la bkang nas ril bu bzhag byas te /stong phrag brgyad ni bzla bar bya /zhes bya ba ni oM A(rgyud 'grel): hUM/ stong phrag brgyad bzlas nas byin gyis brlabs pa'o/ /mtshams bzhi la ni bsgom byas nas/ zhes bya ba ni/ snga dro dang/ nyi phyed dang/ nam phyed la gong ma bzhin du sbyang bar bya'o/ /de ltar bsgoms zin pa dang /ril bu bza' ba ni

  481. 281a

    rgyun dang rgyun du bza' bar bya/ zhes bya'o/ /de'i yon tan de ni bskal pa mdza' yas par zhes bya ba la sogs pa go bar zad do/ /sred med kyi bu'i stobs ni/ glang po che bcu'i stobs ni/ spos kyi glang po che gcig go / de bcu'i stobs ni bcer bu'i stobs gcig go /de bcu ni phung po'i stobs gcig go /de bcu ni yan lag mchog gi stobs gcig go/ /stobs mchog stobs bcu'i ni sred med kyi bu'i stobs zhes bya'o/ /brtson 'grus ni dge ba la spro ba'o/ /lnga pa ni smon lam yang/ zhes bya ba ni/ sems can gyi don du sangs rgyas par 'dod pa'o/ /mngon pas shes pa lnga zhes bya ba ni/ lha'i rnam sems shes dang/ gnas dang 'chi 'pho rdzu 'phrul lnga'o/ /thob pa ni gong gi yon tan de'o/ /de gang las gyur ce na/ ril bu chen po zes phyir ro/ /zhes bya ba ste/ de'i mthu zhes bya ba'i tha tshig go/ de bzhin rig pa'i sngags shes pa'i lan /rdzas kyi bsgrub pa zhes bya ba la sogs pa ste/ rdzas kyi dngos grub bshad zin to/ e yig dang ni zhes bya ba ni/ raM las skyed pa'i zur gsum pa'i dkyil 'khor ro/ /baM yig ni chu'i dkyil 'khor zlum po'o/ /laM yig ni sku'i dkyil 'khor gru bzhi'o/ /dbu su yang dag gnas zhes bya ba ni me'i dkyil 'khor gyi dbus su rim? dru'i dbus su ?/ dbang chen la laM/ dang po'i mdog ni me dang ra ga'i mdog dmar pa'o/ /gnyis pa'i ni mdog dkar ba zhes bya ba ni ?/ /gsum pa'i ser po ni dbang chen no/ /de gang du bsgom zhe na/ dgug par bya ba'i b+ha ga'i dbus su'o/ /thabs ji ltar bsgom zhe na/ 'khor lo ltar ni ? pa'i/ zhes bya ba ni/ rdza mkhan gyi 'khor lo bzhin du me'i dkyil 'khor la sogs pa b+ha gis? nang du 'khor bar bsam mo/ /dus ni nyin phyed dang ni mtshan phyed dang?

  482. 281b

    zhes bya ste/ dus de gnyis na sems kyi stobs nyams pa'i phyir ro/ /de'i yon tan de la rig pa ni bu mo dgug pa'i las byed pa'i phyir ro/ /rab 'byor de ni bye ba ni/ b+ha ga'i nang du dkyil 'khor bsgom pa'o/ /de yis skad cig kho nar ? ces bya ba ni myur par ro/ /bsgrub bya dngos ni lha mo zhes bya ba la sogs pa ste go sla'o/ /rnam bzhi zhes bya ba ni/ pad+ma can dang/ dung can dang/ ri mo can dang/ glang po can ma'o/ /de la pad+ma can ni pad+ma'i dri bro ba dang/ /do zlum pa la sogs pa'o/ /dung can ma ni ba tsha'i dri bro ba dang/ /skra dang sna ring ba la sogs pa'o/ /ri mo can ni sha'i dri bro dang/ lus chung ba dang/ mdzes pa la sogs pa'o/ /glang po can ni chang gi dri bro ba dang/ byin pa sgom pa dang/ sna yo pa la sogs pa'o/ /sa 'og la sogs pa ni sa'i dkyil 'khor ro/ /sngags kyis bkug ces bya ba ni/ gong du gsungs pa'i sngags kyis so/ /bu mo thams cad spyad par bya/ zhes bya ba'i tha tshig go/ dkyil 'khor rnams ni brtags pa dang bya ba'i lan /me'i dkyil 'khor la sogs pa bsgom pa'o/ /de bzhin rig pa'i sngags zhes bya ba ni raM dang laM dang baM ngo/ /de ni man ngag tu kye lha mo bdag gis bshad pa zin mdzad de zhes gsungs so/ /da ni dkyil 'khor rnams ni bshad par bya/ dga' ma'i sems kyis rtse gcig nyon/ zhes bya ba ni dam bca' ba'i tha tshig go/ de la dga' ma ni sgrol ma la bod pa'o/ /de nas dkyil 'khor gsungs pa/ dkyil 'khor lus zhes bya ba gsungs te/ gong du bstan pa dang 'og nas 'byung bas 'dir ma 'brel to/ /dkyil 'khor b+ha gzhes bya ba ni/ chos kyi 'byung gnas e gru gsum gyi nang du bsgoms pa'i dkyil 'khor ro/ /dkyil 'khor byang chub sems dang ni/ zhes bya ba ni/ de ltar lus dang/ b+ha ga ?

  483. 282a

    sems kyi dkyil 'khor gsum ka gnyis dang bzhi ma yin par gsang ba'i rgyud las yang dag par brtags so/ /dkyil 'khor du ming ji ltar brtags zhe na/ brtags pa rnams la 'bus pa ste /zhes bya pa gsungs so/ /btags pa rnams la 'dus pa zhes bya ba ni/ dkyil 'khor du ming btags pa ni 'dus pa'i phyir ro/ /'jig rten snang ba las kyang/ snying po 'dus pa'i dkyil 'khor ro zhes gsungs so/ /snying po gang zhe na/ gang na gtso bo zhes bya ba ni gang dang gang du'o/ /gtso bo ni khyab bdag rdo rje sems dpa' o/ /bskyed pa ni rgyu'o/ /da ni lus kyi dkyil 'khor gsungs pa phung po rnams zhes bya ba ni/ phung po lnga ni rigs lnga ste/ de la gzugs kyi phung po dang/ tshor ba'i phung po dang/ 'du shes kyi phung po dang/ 'du byed dang/ rnam par shes pa rnams dang/ rnam par snang mdzad dang/ rin chen 'byung ldan dang/ 'od dpag med dang/ don yod bru ba pa dang/ mi bskyod pa dang/ go rim bzhin no e ltar yang thams cad gsang chen zhes bya ba rnal 'byor chen po'i rgyud las gsal bar gsungs te/ sems kyi phra mo sbyor ba yis/ /ye shes phra mo dang sbyar ba/ /de bzhin gshegs kun ye shes ni/ /rnam par snang mdzad ces su 'dod// snying rje 'phro ba'i sbyor ba yis/ /thams cad phan don byed pa'o/ /sems can don dang ldan sems ni/ /rin chen 'byung ldan zhes gsungs so/ /dga' ba 'phro ba'i thig le yis/ /theg chen dri ma med pa'i mchog /rang bzhin 'od gsal dag pa'i sems/ /snang ba mdza' yas de gsungs so/ /btang snyoms 'phro ba'i sems kyis ni/ /gang gis sems can shes byed pa/ /thogs med bla med don byed pa/ /don yod grub par de gsungs so/ /byams pa 'phro ba'i sbyor pa yis/ /mchog gi

  484. 282b

    spyod pa spyod byed pa/ /zag med brtan par gyur pa'i sems/ /mi bskyod par ni gsungs pa yin/ zhes 'byung ngo/ /'di skad du bstan te/ rnam par snang mdzad ni dang po byang chub kyi 'phro ba'i sems so/ /rin chen 'byung ldan ni snying rje ste/ ? pas sems can gyi don byed pa'o/ /snang ba mdza' yas ni 'phro 'du'i dga' ba rol bzhin gyis 'od gsal ba'o/ /don yod grub pa ni btang snyoms kyi sbyor ba'i sems so/ /mi bskyod pa ni byams pa'i sbyor pa'i sems te/ zag pa med par bstan pa'o/ /de ltar phung po lnga ni sems yin la/ de ni rigs lnga'o/ /de yang sa bcu pa las/ kye? rgyal ba'i sras khams gsum sems tsam mo/ /zhes bya ba la sogs pa gsungs so/ /'byung ba rig mar brtag/ ces bya ba ni/ spyan ma la soD pa 'byung ba rnams rig mar brtag /ces bya ba'i tha tshig go /sa spyan ma/ chu mA ma kI/ me gos dkar mo/ rlung sgrol ma'o/ /de yang thams cad gsang chen gyi rgyud las gsungs pa/ byang chub sems kyi mthu yis ni/ /sangs rgyas nyid du pha rol phyin/ /thogs pa'i pha rol phyin zhes pa/ /sems ma'i rdo rje ma zhes btags/ /bsdu pa'i dngos po bzhi rnams la/ /shes rab pha rol phyin ma dge /chos bzhi gcig tu gyur pa ni/ /rin chen rdo rje ma ru 'dod/ /gsang ba'i chos kyi thig le la/ /de nyid pha rol phyin dge ba/ pha rol phyin ces dge ba ni/ /chos kyi rdo rje ma ru 'dod/ /pha rol phyin bzhi gtso mo ste/ /rdo rje pha rol phyin pa dge/ /sbyor ba'i bsam gtan gtags pa ni/ las kyi rdo rje ma zhes 'dod/ ces 'byung ngo// byang chub sems kyi mthus sa dang/ /chu ni bsdu ba'i dngos po dang/ /me ni smin par byed pa dang/ /rlung ni 'degs pa'i ngo bo pha rol phyin pa bzhi dang/ ngo bo tha dad med pa'i phyir ro/ /chags pa lcags kyu zhes bya ba ni/ rig pa la rigs lnga'i sgo nas dbyer

  485. 283a

    med par sems kyis 'dzin pa'o/ /de yang thams cad gsang chen gyi rgyud las/ 'dod chags kun la thabs che ba/ /rdo rje lcags kyu zhes brjod do/ /zhes 'byung ngo/ /zhags pa pad+ma chud byed pa/ zhes bya ba ni/ ? sred can ma yin gyi 'di yang byang chub kyi spyod pa'i ched du de ltar byas pa la ni nyes pa med do/ /de yang rgyu de nyid las/ /spyod pa byang chub tu spyod pa/ /rdo rje zhags pa de 'dod do/ /zhes gsungs so/ /kha sprad pa ni sgrog yin pas/ /zhes rgyas ni/ /sems brtan par bsgom pa ni sprog ste/ rgyud de nyid las/ /gang zhig de ltar bstan pa gang/ /rdo rje sgrog ces 'dod pa'o/ /zhes gsungs so/ /sgra grags pa ni dril bur 'dod/ ces bya ba ni/ chos thams cad mi skye ba yin zhes pa'i sngags kyi sgra brjod nas/ /thabs dang shes rab rol pa'i sems ni dril bu'o/ /de'i sngags ni/ a ka ro mu khaM sarba d+harmma Ni a bya nu dpana twat ces brjod do/ /de yang rgyud de nyid las/ chos ni thams cad ma skyes pa/ /nam mkha' dang mnyam 'dod zhib?// de ltar tshig tu brjod pa ni/ /rdo rje dril bu zhes 'dod do/ /zhes gsungs so/ /spos ni dri chen zhes gsungs te/ zhes bya ba ni/ gtsang ba dang mi gtsang ba mnyam por 'gyur te/ mi rtag pa shes rab kyi pha rol tu phyin pa'i rang bzhin spos yin pa'i phyir ro/ /de nyid las/ thams cad du ni mnyam pa'i mchog/ shes rab pha rol phyin pas so/ /zhes gsungs so/ /me tog rak+ta zhes 'dod do zhes bya ba ni/ phyin ci log gi 'dod chags kyis ma gos pa'i rang bzhin/ bsam gtan gyi pha rol tu phyin pa ni me tog yin pa'i phyir ro/ /yang de nyid las/ 'dod pa'i 'dam skyes ma gos pa/ /bsam gtan pha rol phyin me tog/ ces gsungs so/ /mar me sha rnams kho na yin zhes bya ba ni/ gtsang pa dang mi gtsang ba'i rnam/

  486. 283b

    par rtog pa kun spangs la// smon lam gyi pha rol phyin pa'i rang bzhin mar me yin pa'i phyir ro/ /yang de nyid las/ phyogs kun tu ni gsal byed pa/ /mar me smon lam pha rol phyin/ zhes 'byung ngo/ /dri ni byang chub ye shes 'dod ? ces bya ba ni/ byang chub kyi sems las dang po dri nga pa na yang thabs kyi dge ba'i rang bzhin dri 'dod pa'o/ /yang de nyid las/ dri da ba yang dge ba ste/ thabs kyi pha rol phyin pa dri/ zhes gsungs pa lta bu'o/ /sgeg mo'i li dam bstan pa ste zhes bya ba ni/ de bzhin gshegs pa la mchod pa 'bul pa'i sgo nas/ dge ba'i rang bzhin gyi rol pa ni sgeg mo'o/ /yang de nyid las/ ci'i phyir dge ba'i rol pa ni/ sbyin pa'i pha rol phyin ba sgeg /ces gsungs so/ /phreng ba ? kho na yin/ zhes bya ba ni/ dam tshig gi tshul dang ldan ma'i rnal 'byor mas/ /de bzhin gshegs pa'i thugs mnyes par byed pa'i rang bzhin phreng bar 'dod do/ /yang de nyid las/ brgyan pa'i lus can yid 'phrog ma/ /phreng ba tshul khrims pha rol phyin/ ces gsungs so/ /dbyangs ma dbugs su bstan pa dang/ zhes bya ba ni/ rol pa'i dus su sngags ched du brjod pa ni dbyangs ma yin pa'i phyir ro/ /de nyid las ched du de brjod pa lags brjod pas/ dbyangs ma bzod pa'i pha rol phyin/ ces gsungS so/ /gar mkhan ma ni kha sbyor te/ zhes bya ba ni/ 'bras bu don du mnyam pa'i rnal 'byor pas/ lha bsgom pa rtsol pa dang bcas pa ni/ gar mkhan ma zhes bya'o/ /yang de nyid las/ myur bar sangs rgyas nyid sbyin pa/ /gar mkhan brtson 'grus pha rol phyin/ ces gsungs so/ /de lta bu'i lus kyi dkyil 'khor ni/ b+ha ga dang/ byang chub sems kyi dkyil 'khor las khyad par du bstan to/ /de'i phyir bcom ldan 'das kyis bzang por gsungs/ zhes bya'o/ /shin tu sbyor ba yin pa'i/

  487. 284a

    phyir ro/ /de rtogs pa ni bskal bzang yin/ zhes bya'o/ lus kyi dkyil 'khor bzang po'i don to/ /de rtogs pa ni rnam par shes pa brgyad do/ /de rnams byams sogs zhes bya ni/ rnam par shes pa'i tshogs brgyad byams pa la sogs byang chub sems dpa' brgyad du bsgom mo/ /zhes bya ba'i tha tshig go /'di lta ste /kun gzhi dang/ yid dang/ sems kyi rnam par shes pa dang/ mig dang/ rna ba dang/ sna dang/ lce dang/ lus kyi rnam par shes pa rnams byams pa dang/ 'jam dpal dang/ kun tu bzang po dang/ sa'i snying po dang/ phyag na rdo rje dang/ nam mkha' i snying po dang/ spyan ras gzigs dang/ sgrib pa rnam sel go rim bzhin no/ /de ltar na ni dkyil 'khor gsungs/ zhes bya ba ni/ lus kyi dkyil 'khor rnal 'byor pa rnams kyis bsgoms zhes bya ba'i don to/ /dkyil 'khor gsum las gnyis ma gsungs pa ci zhe na/ dkyil 'khor gzhan ni sngar bshad zin/ ces gsungs te/ rtsa ba'i rgyud las b+ha ga dang byang chub sems kyi dkyil 'khor rgyas par bshad zin to/ /sbyin sreg so sor bya zhes pa'i/ /sbyin sreg las rnams bshad par bya/ zhes bya ba la sogs pa smos so/ /rnam pa bzhi ni zhi ba la sogs pa'o/ /de'i dbye ba ni/ sbyin sreg phyi dang nang gsungs pa/ zhes bya ba ni/ phyin ni hoM? khung brko pa la sogs pa'o/ /thabs ji ltar bya zhe na / phyi ni sngon du bstan pa yin zhes bya ba rtsa ba'i rgyud du bstan to/ /nang gis ni gang zhe na/ nyon cig ces bya ba la sogs pa'o/ /de ni lha mo sgrol ma la gdams pa'o/ /pad+ma bzhi rnams 'byor ba ni/ lus kyi dbus su nye bar gnas/ zhes bya ba ni/ gsang ba dang/ lte ba dang/ snying ga dang/ mgrin pa bzhi la pad+ma'i gdan de bsam mo/

  488. 284b

    me zhes bya ba ni lte ba'i steng du raM las me'i dkyil 'khor gru gsum raM gyi mtshan ma'o/ /rlung zhes bya ba ni/ gsang ba'i pad+ma'i gdan la yaM las rlung gi dkyil 'khor zla ba/ ma mdog sngon po yaM gi mtshan pa bsgom mo/ /dbang chen de snying gi pad+ma'i steng yaM las dbang chen dkyil 'khor gru bzhi kha dog ser po laM gi mtshan pa'o/ /chu zhes bya ba ni/ mgrin pa'i pad+ma baM las chu'i dkyil zlum po kha dog dkar po baM gis mtshan pa'o/ /de dag gi las gsungs pa/ rlung gi me las 'bar byas te / zhes bya ba gsang ba'i rlung gis lte ba'i/ dkyil 'khor la 'dud pa'o/ /chu yis yongs su smin par byed ces bya ba ni/ dbang chen kyi dkyil 'khor gyi drod byung bas/ zas thams cad mgrin pa'i chu'i dkyil 'khor la srin par byed pa'o/ /de gsal bar gsungs pa/ dbang chen dkyil 'khor las byung ba/ zhes gsungs so/ /dbang chen gyi drod ji ltar byung zhe na/ gang du me ni bskyed pa'o/ /zhes bya ste/ me'i dkyil 'khor gyi 'od kyis dbang chen gyi dkyil 'khor la reg pa'o/ /de la go rim bzhin pa la rgyud las de ltar ma bstan pa ni/ man ngag rten pa dang/ shes rab can nga rgyal bcag pa'i phyir ro/ /yon tan rang yig mngon spyod ces bya ba la sogs pa go sla'o/ /sreg rdzas ni/ gang zhig zas dang btung ba dang /zhes bya ba la sogs pa ni kha zas so/ /de dag thams cad chu las te/ zhes bya ba ni rdzas de dag chu'i dkyil 'khor la sbyin sreg bya'o/ /pad+ma k+Sha yig kha mar bltas/ zhes bya ba ni/ mgrin pa'i steng gi chu'i dkyil 'khor gyi steng na yi ge k+Sha kha dog dkar ba kha thur du bltas pa / 'od zer mer 'bar ba kha gab kyi tshul du bsgom pa'o/ /sres rdzas de dag kyang chu'i dkyil 'khor

  489. 285a

    nas mar rim gyis babs te/ snying ga'i pad+mar btsud par bya'o/ /lte ba'i pad+mar 'gro phyir ro/ /zhes bya'o/ /thabs ji ltar zhe na/ kha sbyor tshul ni sbyor ba yin/ zhes bya ba ni thabs dang shes rab kyi sbyor bas sbyin sreg bya'o/ /phyi rol dang 'dra bar lus lha'i dkyil 'khor la yang bya'o/ /zhes bya ba'i tha tshig gi /gsang ba'i pad+mar 'gro ma thag /thal bar mdza' ru rnams par bstan zhes bya ba ni/ sreg rdzas de dag gis lus lta'i dkyil 'khor tshim ste/ snyigs ma tshig par bya'o/ /yon tan ji ltar sbyin sreg ces bya ba la sogs pa smos pa'o/ /bdag ni ston pa po'o/ /tshe 'di kho nas 'grub par 'gyur/ zhes bya ba ni/ de bzhin gshegs pa'i zhing khyad par can la/ mchod pa dang bsam pa khyad par can du gyur pas/ tshe 'di kho na la chos mthong nas myong ba'i 'bras bu 'thob par 'gyur ro/ /rgas pa med pa nas dga' bar smra pa'i par ni go sla'o/ /mthong ba tsam gyis skus byed do/ /zhes bya ba ni/ de gzhan gyis mthong ba tsam gyis tshogs par 'gyur ro/ /de bzhin mchod pa'i cho ga yang bya ba'i lan/ sreg rdzas las rnams bshad byas nas zhes bya ba la sogs pa smos so/ /mchod pa ni bkur bsti'o/ / phra? ba ni me tog phreng ba'o/ /sogs pa ni mar me'o/ /dbang po ni gsang ba'i mchod pa'o/ /gang la mchod ce na /bdag la ste/ rang gi lus kho na la'o/ /mchod rten la sogs pa la ci'i phyir mi mchod ce na /bdag ni sangs rgyas thams cad nyid/ ces gsungs so/ /phung po la sogs pa lha'i dkyil 'khor du byas pa'i phyir ro/ /sangs rgyas kun gyi gnas yin te/ zhes bya ba ni/ ji ltar mchod rten sangs rgyas kyi gzhir gyur pa de/

  490. 285b

    bzhin du/ dbang dang man ngag thob pa'i rnal 'byor pa sangs rgyas thams cad kyi gnas su bya'o/ /de yang gsang ba 'dus pa las/ rdo rje slob dpon de la ni/ /phyogs bcu'i sangs rgyas phyin/ zhes bya ba la sogs pa gsungS so/ /de'i phyir na/ de bas nan tan thams cad kyis/ /rdo rje slob dpon rtag tu mchod/ ces bya ba thams cad ni mchod pa'o/ /nan tan ni bdag lhar bsgom pa'o/ /gang yang 'ga' yi bya ba'i las/ zhes bya ba ni/ gar? la sogs pa'o/ /rnal 'byor pa yis mchod par bsgom/ zhes bya ba ni/ lus ngag gi mchod pa la sogs pa bya ba'o/ /bsgom pa'i thabs zas dang?/ zhes bya ba la sogs pa'o/ /rig ma bzhi yis rnam brgyan pa'o bdag nyid sngar? bsgom bya ba/ zhes bya ba ni/ 'byung ba bzhi'i ngo bor gyur pa/ zas la sogs pa lha mo bzhi dang/ rdo rje sems dpa' i rang bzhin du bsgom mo/ /de yang gsang ba 'dus pa las/ yang na de la bsgom pa ni/ rigs kyi rnam par bsgom par bya/ zhes gsungs so/ /rdo rje ni sems dpa' o/ /de zhes bya ba ni gsungs pa kho na'o/ /cang mi gsung bar bzhugs zhes bya'o/ /chos rnams brjod du med par bstan pa'i phyir ro/ / de las kyang mdo sde rgyan las kyang/ bcom ldan 'das mya ngan las 'das kyi bar du/ tha na chig gcig tsam yang ma bstan to/ /zhes gsungs so/ /slob dpon na gA rdzu nas kyang /thag pa nyi shu pa las/ tshig gis brjod du mi lang ba'o/ /chos ? snying ? gang gis bstan/ sangs rgyas thogs med mkhyen pa yi/ /bsam med de la phyag 'tshal lo/ /zhes gsungs so/ /bcom ldan 'das de ltar bzhugs pa'i tshe/ 'khor rnams ci

  491. 286a

    mdzad ce na/ de nas zhes bya ba la sogs pa go sla'o/ /rnam par mi rtog pa thob ces bya ba ni/ mnyam pa nyid tha mi dad pa'o/ /cad mi gsung zhes bya ba ni/ the tshom khong du chud pa'o/ /lha mo bzhis yongs su zhus pa las/ /sgrol mas zhus pa'i gsang ba mchog gi le'u bzhi pa'i bshad pa'o// // gsang ba mchog gi rgyud 'di ni/ /bdag gi spyod yul ma yin yang/ /blo dman rnams la sman slad du/ /rnam par bshad pa 'di brtsams so/ /'di phyi dge ba gang bsags pa/ /bdag kyang dge nges don rtogs nas/ /gzhan yang de la dgod pa dang/ /byang chub dam pa thob par shog /lha mo bzhis zhus ba'i rgyud kyi bshad pa slob dpon ye shes snying pos mdzad pa rdzogs so// //rgya gar gyi mkhan po dran pa ye shes grags pas bsgyur te gtan la phab pa'o/ // sarba mang+ga laM// //