Text

ff. 1a–398a · 795 folio sides

  1. 1a

    kye'i rdo rje'i dkyil 'khor gyi las kyi rim pa'i cho ga bzhugs//

  2. 1b

    rgya gar skad du/ he badzra maN+Da la karma ka ma bi d+hi/ bod skad du/ kye'i rdo rje'i dkyil 'khor gyi las kyi rim pa'i cho ga /dpal kye'i rdo rje la phyag 'tshal lo/ /dang por slob dpon gyis bla ma la dbang thob cing/ dam tshig la gnas pa mtshan nyid thams cad dang ldan pa des/ slob ma la dbang bskur ba'i don du/ dkyil 'khor bri ba ni/ dang por slob ma'i mtshan nyid brtag par bya ste/ des shing 'jam la snyan par smra ba/ sems can thams cad la byams pa dang/ snying

  3. 2a

    rje'i sems dang ldan pa/ thos bsam dang klog pa la mngon par brtson pa/ thabs dang shes rab zab mo'i tshul gyis/ gsang ba'i chos la shin tu dad pa/ bla ma la gus pa bstan bcos la 'jigs pa med pa/ gtong sems che ba dang ldan pa'i slob ma de yongs su gzung bar bya'o/ /de ltar slob ma brtags pa'i rjes la/ dang po lha'i bsnyen pa bya ste/ de la gtso bo'i 'dzab ni 'bum du bzlas par bya'o/ /lha mo rnams kyi 'dzab ni stong du bzlas par bya'o/ /de la slob dpon la la dag gi bzhed

  4. 2b

    kyis/ lha mo brgyad kyi 'dzab ni mi dgos te/ ci'i phyir zhe na/ dpa' bo'i yan lag tu gyur pas na/ dpa' bo gcig po byas pas cho ga gsung/ de ltar bzlas pa byas pas mtshan ma byung na/ dkyil 'khor bri ba brtsam par bya ste/ dang por sems dag pa mngon du byas la/ kye'i rdo rje dang ldan pas lha rnams mnyes pa byas shing/ dkyil 'khor bri ba'i phyir/ sa gzhi yongs su brtag par bya ste/ nags tshal shin tu dben pa 'am/ byang chub sems dpa' i khyim 'am/ rgya mtsho chen po'i 'gram mam/ dur khrod grub pa'i gnas sam/ sngon dkyil 'khor byas pa'i gnas sam/ yang na gnas yid du 'ong ba'i sa phyogs rang gi sems 'jug pa/ mdzes shing yid du 'ong ba ru/ dri zhim pa'i chu gtor te/ me tog sna tshogs pa yang dgra ma/ gnas gang yang rung ba

  5. 3a

    der/ shar dang byang du gzhol na/ rnal 'byor pa rnams dngos grub tu 'gyur ro/ /dbus mtho na phyag rgya chen po'i rigs 'dzin thob par 'gyur/ /byang mtho na mkha' 'gro ma rnams kyi rjes 'brang bar 'gyur ro/ /shar mtho na rigs bzhi dang/ lnga la sogs pa rtogs pa zad par 'gyur ro/ / sa gzhi dbus dma' na sngags pa 'jigs pa dang bcas par 'gyur ro/ de ltar mtshan nyid dang ldan pa'i gnas der bsgrubs nas/ ji ltar 'dod pa'i dngos grub tu 'gyur ro/ /sa brtag pa'i rim pa'o// //de ltar brtags pa'i dbus su/ kye'i rdo rje dang ldan par 'dug la/ sa'i lha mo bskul la gsol ba gdab par bya ste/ lag pa gnyis kyi sor mo lan gsum dus la brdab par bya'o/ /brdabs pas sa'i nang nas phyir 'thon nas/ rnal 'byor pa'i

  6. 3b

    mdun du 'dug nas gnas par bsam mo/ /lha mo de yang rgyan thams cad kyis brgyan pa dang ldan pa/ mdog ser por gnas pa/ bzhin sdug pa mdzes pa phyag na bum pa bsnams te/ bdag ni ci bgyi bka' stsol 'tshal zhes smra bar bsam mo/ /de ltar bsams pa'i lha mo de la mchod yon dang/ zhabs bsil dang/ mchod pa dang/ gtor ma phul la 'di skad brjod par bya'o/ /skyob pa sangs rgyas thams cad kyi/ /spyod pa'i tshul dang khyad par dang/ /sa dang pha rol phyin pa la/ /lha mo khyod ni dbang du 'gyur/ /shAkya seng ge skyob pa yis/ /ji ltar bdud kyi sde bcom pa/ /de bzhin bdag gis bdud sde las/ /rgyal bar byas te dkyil 'khor bri zhes lan gsum brjod la/ sa'i lha mo dga' ba'i mdangs kyis/ khyod slob dpon yin gyis dkyil 'khor gyis shig zer nas/ de ni sa blang ba'i rim pa'o/ /de nas sa phyogs dri zhim po'i chus gtor te/ bdud rtsi lnga'i chag chag gdab/ de nas lto 'phye'i rim pa shes par byas la/ /dngos grub rab 'bring gsum gyi don du mgrin pa dang/ lte ba dang pus mo yan chod du brko bar bya'o/ /de nas sa'i ro rdo ba dang/ mgal dum dang/ sol ba dang/ rus pa dang/ gyo mo dang gseg ma dang/ bong ba la sogs pa med par byas pa'i sa gzhi bzang po snum pa la/ dri bzang po tsan dan dang/ gur gum dang/

  7. 4a

    ga bur dang/ gla rtsi la sogs pa dang/ yang bsregs pas dgang/ yang na dri zhim po dang/ chu bsres la yi ge hUM bzlas pa'i chu dang/ bsres shing 'thas par bcag cing bkang la/ rin po che la sogs pa'i sa'i gter bcug pa dang/ lag mthil ltar mnyam pa'i steng du/ yan lag drug dang ldan pa'i rnal 'byor pa 'dug la/ oM rak+Sha rak+Sha zhes brjod pas/ sa gzhi thams cad rdo rje'i rang bzhin du bya'o/ /'og dang steng rdo rje'i gur dang/ rdo rje'i bla rer bya de nas oM badzri b+ha ba badzra band+ha hUM/ zhes pas thams cad 'od dang ldan par bya'o/ /kye yi rdo rje bros mchod pa/ /lha mo khyod ni dpang du 'gyur/ /rin chen sna tshogs phye btags pas/ /bdag gis don yod dkyil 'khor bri/ /don de bi shAkya bud+d+ha si/ /he badzra kro d+ha na na ratnan da ri ta to At+ma ko haM/ maN+Dal la na khe daM/ sa gzhi byin gyis brlab cing sta gon la gnas pa'i rim pa'o// // de nas bla ma ni yan lag drug dang ldan pa/ rgyan spyi gtsug gi rgya gram dang/ mgul rgyan dang/ rna rgyan dang/ ska rags dang/ phyag gdug dang/ rgyan lngar ldan pas/ rdo rje dang dril bu thogs la/ gong du smos pa'i mdun du 'dug la/ lha mo gau rI la sogs pa/ rigs bzhi'i ting nge 'dzin phyogs bzhir 'dug la/ rdo rje dril bu thogs la mdo bskul bar bya'o/ /de yang bskul ba'i sngon du mchod pa bya ste/ gau rI ting nge 'dzin can gyis/ oM badzra puShpe yA hUM/

  8. 4b

    oM badzra d+hU pe A:hUM/ oM badzra dI pe A:hUM/ oM badzra gand+he A:hUM/ oM badzra nai be dye A:hUM/ zhes bya ba'i mchod pa rnam pa lngas mchod de/ khyod ni rnal 'byor ma rnams bskor zhes bya ba la sogs pas bstod do/ /de nas 'di skad ces bskul lo/ /de bzhin gshegs pa kun zhi ba/ /de bzhin gshegs pa kun gyis gnas/ /kun 'byung rdo rje sems dpa' yi/ /dkyil 'khor 'dren pa bshad du gsol/ /mtshan nyid thams cad yang dag rdzogs/ /mtshan ma ni thams cad yang dag spangs/ /kun tu bzang po kun chen gyi/ /dkyil 'khor 'dren pa bshad du gsol/ /yang dag sangs rgyas mchog zhi ba/ /ye shes spyod pa rnam par spyod/ /rdo rje'i gsung ni kun 'byung ba/ /dkyil 'khor 'dren pa bshad du gsol/ /sems can kun gyi sems chen po/ /rang bzhin dag pa dri ma med/ /rnams snang mdzad chen 'byung ba yi/ /dkyil 'khor 'dren pa bshad du gsol/ /de nas gong du smos pa yis/ /phyag rgya lnga dang ldan pa yi/ /kye'i rdo rje bsgom pa des bgegs bsal bar byas te/ rkang pa gnyis su hUM las sna tshogs rdo rje bsam la/ mig g.yas su ma las nyi ma'i dkyil 'khor/ g.yon du Ta las zla ba'i dkyil 'khor du bsams te/ rdo rje lta bas thams cad tu bltas te/ de yang rab tu myur ba yis/ /mig gi rdza ma 'dren ba ni/ /'phar ba'i lta ba zhes su gsungs/ /'gro ba thams cad dgug pa'o zhes pa ltar bltas la/ lag pa g.yon gyis dril bu gzung zhing/ /g.yas kyi rdo rje gsor la/ steng 'og tu legs par 'khyud nas/ sa phyogs de na gnas pa 'dis bskrad par bya'o/ /sa phyogs 'dir ngas sems can gyi don rtsom gyis/ lha dang klu dang/ gnod sbyin dang/ dri za dang/ 'byung po dang/ sha za mo dang/ /srin mo la sogs pa gang dag gnas pa'i bdag po myur du song zhig /'di ltar dpal he ru ka'i bka'

  9. 5a

    thos nas/ myur du dengs shig /gang dag mi 'gro ba de la/ nga'i ye shes kyi rdo rje dang/ kha TwAM ga 'dis spyi bo rnam pa brgyar 'gas par 'gyur ro/ /zhes lan gsum du brjod la dbang ldan gyi mtshams nas brtsams nas/ hUM mang po brjod cing lan gsum bskor du bskor bar bya'o/ /bskal pa'i me lta bu'i 'od zer rkang pa'i 'og nas byung ba yis gdug pa can rnams bsregs par gyur par phan tshun 'byor bar 'gyur bar bsam mo/ /de yang rol pa'i goms stabs brgyad pas gar bya'o/ /rkang pa bskyod dang lag pa bskyod/ /smin ma 'degs dang rab dags phye/ /cung zad ngo tsha zur mig dang/ /zla rgyas lta na dung ba dang/ /mig yangs gar ni byed 'gyur zhing/ /kha yi pad+ma 'dzum dang bcas/ /cung zad dmar ba'i mche ba 'chang/ /kun da na ltar dkar po'i phreng/ /dpal ldan khrag 'thung rnal 'byor ches/ /sems can sgrol ba rmad du byung/ /de la sogs pa'i gar gyis ni/ /bgegs la sogs pa bskrad par bya/ /de nas sngon du gsungs pa'i rak+Sha'i sngags kyis/ rdo rje sa gzhi dang gur dang bla re la sogs pa bya'o/ /de ltar byas na dkyil 'khor gyi sa'i cha nyes pa dang ldan pa yang nyes pa dag med par 'gyur ro/ /bgegs bsal ba'i rim pa'o/ /de nas pa'i rnam lnga dang ldan pa'i dri zhim po'i chu dang/ bdud rtsi lnga'i chus byugs la/ de'i steng dri'i thig le bya/ thig le'i steng me tog bzhag la/ sna tshogs pad+mar bsam/ pad+ma'i steng du oM las nyi ma'i dkyil 'khor bsam/ de'i steng du rang gi sngags hUM gaM tsaM baM b+haM paM saM laM DaM/ rnal 'byor gyi lha'i 'khor lo bskyed la/ rang rang gi gdan de nyid la bzhugs par bsam de nas ye shes sems dpa' 'khor dang bcas pa spyan drang par bya ste/ gau rI dza(rgyud 'grel): zhes bskul pas/ gau rI las sprul pa'i gau rI lcags

  10. 5b

    kyu can mang po 'phros pas/ rang bzhin gyi dkyil 'khor nas kye'i rdo rje 'khor dang bcas pa spyan drangs la/ rdo rje bla re'i steng na bzhugs pa la/ prok+Sha Na dang/ arg+ha dang/ any+tsa dang/ gi d+hi dang/ spos dang/ me tog la sogs pa rnal 'byor pa rnams kyis mchod/ lha mo brgyad kyi mchod pas kyang mchod/ de nas tsau rI hUM zhes pas/ tsau rI zhags pa can gyis gzhal yas khang gi nang du gzhug /bat+tE li baM gi de bzhin du bcing/ g+hasma rI ho(rgyud 'grel): sa dgyes par byas te/ ye shes kyi 'khor lo gcig tu bya'o/ /de nas phyi'i mchod pas mchod/ /nang gi mchod pas kyang mchod/ dril bu'i sgras srid pa rang bzhin gyis dag phyir/ ngo bo nyid kyis dngos med byas/ /rang bzhin dag pa'i sems dpa' rnams/ /dam pa'i srid pa byed par shog /ces pa dang/ thams cad dngos po'i rang bzhin mchog /gdod nas thams cad rang bzhin gnas/ /thabs dang shes rab gnyis med pa/ /kye yi rdo rjer bdag phyag 'tshal/ zhes pa la sogs pa rdo rje glu'i tshig gis bstod do/ /de nas bdud rtsi mchod pa kye'i rdo rje 'khor dang bcas pas yang bya'o/ /de nas 'di skad brjod par bya'o/ /gnyis med ye shes las byung ba/ /khyab bdag dngos grub bdag nyid can/ /ston pa'i gtso bo khrag 'thung dpal/ /bdag med ma dang yang dag ldan/ /phyogs mtshams rnams kyi mkha' 'gro dang/ /rig pa'i lha mo rdzu 'phrul dang/ /byang chub sems dpa' la sogs kun/ /ma lus bdag la dgongs su gsol/ /slob ma la ni phan pa dang/ /khyed rnams la yang mchod pa'i phyir/ /rdo rje can bdag gis shes pa/ /nang par dkyil 'khor 'dri bar bgyid// rjes su brtse bar nyer dgongs te/ /byin gyis brlab par mdzad du gsol/ /de nas dri zhim pa'i me tog phreng/ /bdud rtsi lnga dang spos la sogs pa dbul bar bya'o/ /lha la gsol ba gdab pa'i rim pa'o// //de nas slob ma'i gtso bo 'khor dang bcas pa lhag

  11. 6a

    par gnas par bya zhing/ mchod par bya ba 'di brjod do/ /bu tshur theg pa chen po la/ /khyod ni tshul chen snod yin te/ /gsang sngags spyod tshul cho ga 'di/ /khyod la yang dag bshad par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i rdzogs sangs rgyas/ /'gro la phan phyir bzhugs pa rnams/ /de dag kun gyi gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa ched med brnyes/ /gsang sngags sbyor ba mnyam med de/ /skyob pa dpal ldan he ru kas/ /bdud sde shin tu mi bzad pa/ /dbang chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /sangs rgyas chos dang dge 'dun la/ /rtag tu bdag ni skyabs su mchi/ /rnal 'byor gsang sngags mkha' 'gro ma/ /'khor lor bzhugs pa'i bdag nyid can/ /kun la rtag tu skyabs su mchi/ /dpa' bo dpa' mo dbang lha mo/ /byang chub sems dpa' bdag nyid che/ /khyad par du ni slob dpon la/ /rtag par bdag ni skyabs su mchi/ /dpal ldan khrag 'thung la sogs pa/ /rnam 'byor ma dang snang mdzad sogs/ /byang chub sems dpa' bdag med pa/ /thams cad bdag la dgongs su gsol/ /che ge dus 'di nas bzung ste/ /ji srid bdag med par gnas par/ /de yi tshangs spyod gnyis med par/ /bdag gi sdom pa legs par gzung/ /de nas 'og nas 'byung ba 'di rnams kyis kyang/ sdig pa bshags pa la sogs pa byed du gzhug ste/ bdag gis sdig pa bgyis pa dang/ /bgyid du stsal dang yi rang rnams/ /sangs rgyas spyan sngar mchis nas su/ /de dag thams cad bshags par gyi/ /sangs rgyas byang chub sems dpa' dang/ /rang rgyal dgra bcom 'gro rnams kyis/ /bsgom dang bzlas brjod bsod nams tshogs/ /de la bdag ni yid rang ngo/ /sems bskyed mngon par sangs rgyas dang/ /chos kyi 'khor lo bskor ba dang/ /byang chub sems dpa' tshogs spyod la/

  12. 6b

    de la bdag gis skyabs su mchi/ /sangs rgyas 'byung ba ji lta bar/ /skal ldan byang chub sems dpa' yis/ /byang chub sems mchog bskyed pa ltar/ /'di nyid du ni sems bskyed do/ /mgon po bdag la dgongs su gsol/ /ma lus bzhugs pa'i sangs rgyas rnams/ /dus 'di nyid nas sangs rgyas par/ /bla med bdag la gzigs su gsol/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor sdom pa ni/ yang dag nyid du gzung bar bgyi/ /rdo rje rigs mchog chen po la/ /rdo rje dril bu'i phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin nam dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi nang gsang ba'i theg pa gsum/ /dam pa'i chos kyang ma lus gzung/ /las kyi rigs mchog chen po yi/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /tshul khrims kyi ni slob pa dang/ /dge ba'i chos ni bsdud ba dang/ /sems can don byed tshul khrims gsum/ /de bzhin rtag par gzung bar bgyi/ /bdag gi dge ba'i las rnams 'di dag gis/ /'jig rten mi ring sangs rgyas myur 'grub pas/ /sems can 'khor pa'i rgya mtshor bying ba rnams/ /bla med byang chub nyid du 'grub par bgyi/ zhes zhus pa dang/ bla mas slob ma bsrung bar bya ste/ slob ma kun gyi lus ngag yid gsum du/ spyi bor 'khor lo/ mgrin par pad+ma/ snying gar rdo rje/ de gsum gyi lte ba la/ oM A(rgyud 'grel): hUM/ oM A(rgyud 'grel): hUM/ de nas slob dpon gyi lag tu rdo rje gzung la/ /slob ma'i gnas gsum du rdo rje gtug cing/ oM A(rgyud 'grel): hUM brjod cing/ dri'i chus byug /de nas rim pas slob ma kun gyi mgo bo la me tog sbyin/ mdun du spos sbyin/ mar me dang dri snying gar sbyin no/ /de nas so shing

  13. 7a

    gi cho ga bya ste/ yid 'ong u dum+ba rA shwat+tha/ /me tog bcings shing dri yis byug /sor ni bcu gnyis tshad du bya/ /mi g.yo ma gas 'bus ma zos/ /lci ba pa yi ko ba tsam/ /sa gzhi maN+Dal byas nas ni/ /slob ma de yi steng gzhag nas/ /me tog la sogs mchod pa bya/ /slob ma'i tshogs la sbyin par bya/ /da nas shar phyogs kha bltas te/ /mi smra bar ni so shing bca' / /za ba byin na mi gdags shing/ /phan tshun du yang mi 'dor ro/ /so shing mdun du drang por bor/ /de yi tshe na mtshan ma ni/ /de tshe bdag la blta ba dang/ /rtse mo gyen du 'greng gyur na/ /de yi dngos grub mchog tu bshad/ /de bzhin gzhan du kha ltas na/ /de bzhin dngos grub 'bring du bshad/ /mtshams dang byang du kha bltas na/ /'jig rten pa yi dngos grub thob/ /so shing dong pa brgya zhig la/ /gal te thur du kha bltas na/ /de ni nges par sa 'og gi /dngos grub de la the tshom med/ /de nas dri chus legs par bkrus te/ 'thor 'thung bya'o/ /oM bi shud+d+ha d+harmA sarba pA paM ni tsAsya sho d+ha ya/ sarba bi kalpa na a pa nA ya hUM/ zhes pas bzlas pa'i chu hub gsum 'thung du gzhug pa'i sngags so/ /de'i 'og tu slob ma rnams la sems dga' bar bya ba'i phyir chos bshad par bya ba ni/ 'jig rten khams ni thams cad du/ /thams cad mkhyen pa 'byung mi 'gyur/ /me tog u dum+ba ra bzhin/ /brgya lam na nir 'ga' 'byung/ /de phyir phrad dkar byung ba yi/ /gnyis med zab mo spyod tshul 'dis/ /sems can sangs rgyas par byed pa'i/ /bskal pa grangs med mang por ni/ sngon du byas pa'i rnam smin gang/ /de kun zad par gyur pa ni/ /zab mo'i dkyil 'khor mthong bas so/ /de nas oM A:hUM zhes pas ku sha byin gyis brlabs la/ sbas su bzhag par bya/ stan du yang gting bar bya/ de nas srung skud gdags pa ni/ bsrung skud dmar po la mdung pa drug tu bor la/ dpung pa g.yon par btags te/ bsrung

  14. 7b

    ba'i phyir bcing ba'o/ /de nas mchod pa byas gtor ma btang la/ slob dpon nang du zhugs la/ dkyil 'khor gyi lha la phyi nang gi mchod pas yang dag par mchod de/ slob ma rnams ni sta gon gyi gnas de nyid du/ ku sha'i stan la seng ge'i nyal stabs su 'dug la/ rmi lam gyi mtshan ma blta bar bya ba'i phyir/ mi smra bar kye'i rdo rje yid la byas la/ /bsam gtan gyi sems kyis nyal bar bya'o/ /de'i mtshan ma'i mthar rmi lam gang dang gang rmi ba 'dri bar bya'o/ /dris pa thos nas rmi lam bzang ngan thogs pa med pa brjod par bya'o/ /de nas rmi lam bzang po mthong na slob ma la rjes su yi rang bar bya'o/ /dngos grub rab 'bring tha ma brjod par bya'o/ /ngan pa mthong na ba'i rnam lnga 'thung du gzhug /drag po'i sbyin bsreg bya'o/ /nges rtog pa zhi bar 'gyur ro/ /slob ma lhag par sta gon la gnas pa'i rim pa'o// //de nas gser ram dngul lam/ zangs la rnam par rgyal ba'i bum pa byas la/ de rnams ma 'byor na khams las bya'o/ /bum pa gzhan rnams kyang rin po che'i grangs ma rnyed na khams las bya'o/ /kun sa dkar gyis byugs la/ /pad+ma'i lte ba la phyag mtshan bkod la bzhag /de nas bum pa rnams rang bzhin med par bsams la/ de las yi ge khaM dkar por gyur/ khaM dkar po 'od du zhu ba las byung ba'i bum pa nag por ri med pa dkar por 'dug pa/ mgrin pa ring ba lto che ba mchu 'phyang ba bsgoms la/ de'i nang du paM dmar po las pad+mar gyur pa'i steng du/ a las nyi ma'i dkyil 'khor de'i steng du hUM gaM tsaM baM g+haM paM shaM laM DaM/ de rnams yongs su gyur pa las lha'i 'khor lo yongs su rdzogs par bskyed do/ /de nas ye shes kyi 'khor lo spyan drangs te/ gau rA dza(rgyud 'grel): la sogs pa'i phyag rgya bzhis dgug pa dang gzhug pa dang bcing ba dang dgyes par byas la/ dbyer med par bsam mo/ /de la prok+Sha Na dang/ arg+hA dang/ any+tsa mA naM dang/ be d+hi dang/ mchod pa rnam pa lnga dang/ lha mo brgyad la

  15. 8a

    bstod pa rnams byas la/ de nas 'dzab brgya rtsa brgyad bzlas la bzhag go /de nas spos kyis kyang mchod pa bya ste/ /me tog dkar po chal bar gtor ba la sogs pa bya'o/ /de nas lha rnams 'od du zhu ba las/ byang chub kyi sems kyis dkar mer gyis khengs par bsam/ de nas dri chab bzang po dgang ba blugs la/ sman la sogs pa dang yang ldan par byas te/ shwe ta bri ha ti/ a pa ra tsi ta/ danda utpa la/ kaN+Da ka ri/ ha sa de ba la sogs pa'i rtsa ba las byas te/ 'dir dkyil 'khor gyi byang chub sems rtags su byas pa'o/ /'bras so ba dang/ sran ma sha dang/ nas dang/ til dang/ gro dang/ 'di rnams ni dkyil 'khor gyi lha rnams kyi thugs kyi rang bzhin no/ /shel dang dngul dang/ mu tig dang/ dung dang byi ru ni dkyil 'khor gyi sku mdog gi rtags su byas pa'o/ /gzhan yang zla ba dang nyi ma dang/ chu dang sman dang dri dang/ bu ram dang/ ka ra dang/ bza' ba rnams gzhug go /bum pa la bdag po'i mtshan ma la sogs pa lnga dang ldan par bya shing /sngon po dang/ dkar po dang/ ser po dang / dmar po dang/ ljang gu'i ras rnams kyis ni mgul pa bcing bar bya'o/ /ma 'byor na ras yug gcig gis spyi bar bcing ngo/ /shing lo ma can gyis rigs bzang po 'bras bu dang lo ma dang yal gar bcas pas kha brgyan bya'o/ /bum pa gzhan rnams ni sman la sogs la yang mi gzhug/ lha re re 'od du zhu ba las bya'o/ /mchod bstod 'dzab kun 'dra'o/ /de nas bum pa rnams ras bting ba'i steng du me tog dkar po chal bar bkram la/ de'i steng du bzhugs su gsol lo/ /de'i dus su gar gyi mchod pa rnams kyang 'bul lo/ /las thams cad pa'i bum pa sna tshogs rdo rjes mtshan pa/ de la mchod pa byas la phyi rol gyi byang shar gyi mtshams la bzhugs su gsol lo/ /bgegs ma lus rnams las ma grub kyi bar du bsrung du gsol zhes pas

  16. 8b

    bcol/ gtor ma dgu /mar me dgu /lha bshos dgu /spos dgu /de rnams ni bum pa lhag par gnas pa'i sta gon gyi cho ga'o// //sta gon gyi phyi de nyin par rgyas pa'i sbyin sreg bya'o/ /slob dpon mtshan nyid bzang po dang ldan pa yang dag pa'i ye shes de kho na nyid shes pa/ khro ba med pa/ khon pa med pa/ phyag rgya dang ldan pa'i shes rab can gyis/ dkyil 'khor gyi lha rnams mdun gyi nam mkha' la gshegs su gsol/ thig gdab pa'i las brtsam par bya'o/ /de yang pal la shes rab ma mtshan dang ldan pas bkal pa/ /'jur mdud la sogs pa med pa/ ring thung nyis 'gyur la/ spom phra sgo'i nyi shu'i char 'gyur pa bkal te/ srad bu so sor bsdoms la/ pad+ma banda'i snod dri zhim pos byugs pa'i nang du bzhag la/ dang la sras bu rang bzhin med par bsgom/ de las so so'i yig 'brur 'gyur/ yig 'bru yongs su gyur pa las/ srad bu 'byung bar bsam/ de nas ye shes kyi thugs ga nas/ ye shes kyi srad bu yod pa rnal 'byor pa'i nyi ma zla ba'i mig gi lcags kyus/ gtso bo kye yi rdo rje dang/ /sangs rgyas kun gyi mkha' 'gro ma /gtso bo sngags dang gnyis med rnams/ /spyan drangs nas ni de la bstim/ /de ltar ye shes kyi thig skud bskyed nas/ srad bu lnga gtso bo'i sngags brjod pas/ gcig tu sgril lo/ /oM badzra sa ma ya su traM/ ma ti kra ma hUM zhes pas brgya rtsa brgyad bzlos par bya'o/ /oM A(rgyud 'grel): hUM gsum mdza' gnyis dang dbus su bkod la/ byin gyis brlabs te/ de la mchod pa 'bul/ de nas gtso bo'i thugs ka nas/ srad bu 'dzin pa'i grogs po sprul la/ dza dza zhes brjod du bcug la gtad par bya'o/ /dang por ni nam mkha' la thig gdab par bya'o/ /thig skud dag ni 'debs pa'i che/ /'jig rten khams ni ma lus pa/ r/sangs rgyas la sogs 'gro don du/ /khyod ni don ni bya gnas yin zhes skul zhes brjod do/ /de bzhin du thig kyang gdab par bya ste/

  17. 9a

    slob dpon chu bdag tu 'dug la/ slob ma brgya byin du 'dug la/ tshangs thig gdab/ slob dpon gshin rje'i phyogs su 'dug la/ slob ma gnod sbyin du 'dug la tshangs thig gnyis pa gdab/ slob dpon byin zar 'dug la/ slob ma dbang ldan du 'dug la shar la gdab/ slob dpon rlung gi phyogs su 'dug la/ slob ma bden bral du 'dug la nub gdab/ slob dpon de nyid du 'dug /slob ma dbang ldan du 'dug la byang gdab/ slob dpon byin zar 'dug /slob ma bden bral du 'dug la/ lho gdab par bya'o/ /srad bus yongs su thig gdab bya/ srad bus gzhal bar mi bya ste/ /'phel 'grib gnyis kyis nyes yod pas/ /sra bas rab tu btsal bar bya zhes 'byung bas/ spa la sogs pa'i drang zhing sra ba la ka ti ka byas la/ thig rkang bzhi bcu rtsa gnyis phyogs re rer gdab par bya'o/ /de ltar thig bzhi bcu rtsa gnyis btab la/ sgo khyung kyi thig tshun chad kyis ni pad+ma'i lte ba la bskor bar bya'o/ /pad+ma'i ze ba bskor ba ni/ /lha'i snam bu las ji tsam ran par bskor bar bya'o/ /dkyil 'khor gyi mthar rdo rje ra ba dang/ me 'od gnyis las cha re re bskor/ rta babs kyi snam bu bzhi'i phyogs nas cha phyed/ logs kyi cha chen bzhi la/ gcig chos kyi 'khor lo/ gcig la rdo rje rgya gram gyi rwa dbu ma de'i sna pad+ma'i sdong po la gtad par bya'o/ /de nas bla mas dkyil 'khor gyi dbus su 'dug la/ mig gnyis la nyi ma dang zla ba'i dkyil 'khor bsams la/ bzlog la lta zhing/ hi hi zhes pa yis sgo dbye bar bsam/ de nas badzra be la zhes brjod la/ phyir byung de nas thig gdab pa'i las zin nas/ ye shes skud pa la mchod pas mchod la/ sarba marta rtsi bar artha rtsa/ sa ti ta ta gats+tsha zhes brjod la lha gshegs su gsol lo/ /ye shes kyi thig gdab pa'i rim pa'o// //de nas 'bras la kha dog bsgyur ba legs pa tshon gyi

  18. 9b

    rim par gzhag la/ de la rang bzhin med par byas la/ bruM yaM dziM khaM hUM lngar bsgyur bar bsam/ de yongs gyur pa las tshon sna lngar 'byung bar bsam/ de nas rnal 'byor pa'i nyi zla'i 'bar mig lcags kyus/ kye'i rdo rje mkha' 'gro ma 'khor dang bcas pa rnams spyan drangs nas tshon la thim par bsam/ oM badzra tsi tA sa ma ya hUM/ zhes lan mang du bzlas la/ sa tshon la mchod pa 'bul/ byang shar mtshams nas/ bla ma'i rim pa bzhin du nag po/ dkar po/ ser po/ dmar po/ ljang gu'i re khA lnga po mnyam por mtho gang du drangs la mchod pa dbul/ re khA la me tog si la ma gtor/ de nas re khA 'dren khar bla mas 'di skad brjod do/ /'di ni chos dbyings dag pa ste/ sems can khams ni sgrol byed pa/ /dpal ldan khrag 'thung rgyal po nyid/ /de bzhin gshegs pa kun gyi gnas/ /zhes so/ nyes pa kun las rnam grol bas/ tshon gyi las ni yang dag brtsam/ /slob dpon gyis ni dang po dbye/ /phyi nas kun tu slob mas so zhes 'byung ngo/ /mthe chung dang ni mthe po sangs/ /drang la mthor par yang dag bri/ /gal te ri mo mi mnyam na/ /yo zhing dma' dang bcas pa dang/ /ri mo dma' bas mi 'grub cing/ /yon pos gdung bskyed par byed/ /chad pas slob dpon slob ma dang/ /gnyis ka 'chi bar shes par bya zhes 'byung bas/ shin tu gzab par bya'o/ /de nas gzhung dang mthun par tshul bzhin du dkyil 'khor bri bar bya'o/ /de ni tshon dgye ba'i rim pa'o/ /de ltar dkyil 'khor bris/ /da ni phyag rgya dgod par bya ste dbus kyi lte bar bdud bzhi bsnol ba dang/ /nyi ma'i dkyil 'khor rtsi steng du nang ka pA la rdo rje rgya gram dang bcas pa dkar po bri/ shar du gri gug nag po bri/ lho ru Da ma ru da mar skya/ nub tu ru sbal dmar ser/ byang du sprul ljang khu/ /byang shar du seng ge dmar sngon/ shar lhor dge slong dkar po/ lho nub tu 'khor lo ljang sngon/ nub byang du

  19. 10a

    du rdo rje khro bo rnam par dgod do/ /de ltar phyag rgya dgod tsam na/ yang lha so so'i rang gi snying po brjod cing dgod/ bum pa rnam pa brgyad kyang shar la sogs pa'i gnas su bris pa 'am/ dgod par bya'o/ /phyag rgya dgod pa'i rim pa'o/ /de nas bla re dam pa bre ba dang/ gzhan yang rgyan thams cad bri zhing dgram par bya/ phyi rol tu phyogs skyong gi gtor ma rnams btsugs la/ phyogs skyong sa bon las skyed la/ de la spyan drangs la bstims la bzhag /de nas bum pa rnams thogs la/ spos kyi sna drangs la rol mo'i cha byad sna tshogs la/ dkyil 'khor lan gsum du bskor la tshul bzhin du dgod/ las thams cad la byang shar mtshams su dgod/ de nas dgongs ka'i dus su/ bla ma rgyan chas dgod khrus bya/ lus dri zhim po sgo/ dkyil 'khor gyi 'gram du chag chag gdab/ de nas stan bde ba la 'dug la/ tsaN+Da lI dang lhan cig bsgrub par bya/ med na ting nge 'dzin gyis bya/ de nas bla ma la yan lag drug dang ldan pa lha'i 'khor lo tshul bzhin du bskyed la/ de nas gau rI la bka' bsgo ba la lha rnams spyan drangs pa de la mchod pa rnams dbul/ de nas gzhug pa dang/ bcing ba dang/ dgyes pa bskyed pa rnams byas la/ gnyis su med par bstims/ de la mchod pa rnams dbul bar bya ste/ prok+Sha Na dang/ arg+ha dang any+tsa mA na dang/ bi d+hi dang/ spos dang/ me tog la sogs pa dang/ lha mo brgyad kyi mchod pas mchod/ ras dang/ tsan dan dang/ gur gum char du 'bab pa dang/ sna tshogs pa'i mchod pas mchod/ de nas bdud rtsi mchod pas kyang rim bzhin du mchod/ de nas bstod pa nyi shu bas lha rnams la bstod par bya'o/ /sna tshogs pa'i glu dang bkra shis kyi glu'i rnam pas kyang mchod/ ga Na tsakra tshogs kyi 'khor lo chen pos bskor/ bskor ba

  20. 10b

    lan gsum byas/ gtor ma dgu yang dbul lo// //'di na mar dbang bskur pa 'jug par bya ste/ slob ma 'jug pa'i rim pa bzhin du/ slob dpon rang nyid dang la 'jug par bya'o/ /de nas sngon du brtags pa'i slob ma mtshan dang ldan pas 'di skad brjod par bya'o/ /sangs rgyas kun gyi rang bzhin sku/ slob dpon la ni skyabs su mchi/ /gtso bo lha mor bcas pa yi/ /lha rnams la yang phyag 'tshal lo/ /thar pa chen po'i grong mchog tu/ /mgon pos bdag ni gzhug par gsol/ zhes slob dpon la gsol ba gdab par bya'o/ de nas slob dpon gyis 'di skad brjod do/ /de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni/ /bdag gis slob ma gzhug par bgyi/ /de nas dkyil 'khor gyi lha la lus ngag yid kyi sgo nas phyag 'tshal bar bya ste/ oM na ma(rgyud 'grel): te hUM na ma(rgyud 'grel): mi hUM/ na mo na ma hUM swAhA/ zhes so/ /de nas sdom pa'i cho ga brjod do/ /sbyin par bya ba ni sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs yid 'ong/ /sdom pa brtan par gyur pa yin/ /rdo rje dril bu'i phyag rgya ni/ /slob dpon khyod kyis gzung bar bya/ /byang chub sems gang de rdo rje/ /shes rab dril bu zhes grags sa/ /slob dpon khyod kyis gzung bya ste/ /bla ma sangs rgyas kun dang mnyam/ /'di ni rdo rje dag pa yi/ /dam tshig sdom pa yin par bshad/ /rin chen rigs la rtag tu ni/ /nyin re bzhin du dus drug tu/ /chos dang zang zing mi 'jigs byams/ /sbyin pa rnam bzhi rtag tu sbyin/ /phyi nang gsang ba'i theg pa gsum/ /dam pa'i chos kyang ma lus bzung/ /'di ni pad+ma'i rigs dag pa'i dam tshig yid du 'ong ba'o/ /las kyi rigs mchog chen po la/ /sdom pa thams cad ldan par ni/ /yang dag nyid du bzung bar bgyi/ /mchod pa'i las kyang ci nus bgyi/ /sdom pa gzung ba'o/ /deng khyod dpa' bo dang rnal 'byor ma rnams kyi nang du zhugs kyis/ /ngas

  21. 11a

    khyod la dpal he ru ka'i ye shes bskyed par bya ste/ gang khyod de bzhin gshegs pa thams cad dang/ dpa' bo dang rnal 'byor ma thams cad kyi dngos grub thob par 'gyur na dngos grub gzhan lta smos kyang ci 'tshal/ /khyod kyis dkyil 'khor ma mthong ba rnams kyi mdun du smra bar mi bya ste/ dam tshig nyams par gyur ta re/ /he ru ka dpal deng khyod kyi/ /snying la yang dag zhugs pa ni/ /gal te tshul 'di smras na ni/ /de ma thag tu dral nas gshegs/ /de nas ka pA la'i nang du bdud rtsi lnga dang ldan pas dam tshig gi chu blud pa ni/ kye'i rdo rje dang ldan pas gzi mdangs dang ldan par 'di skad du brjod de/ 'di ni khyod kyi dmyal ba'i chu/ /dam tshig 'das na sreg par byed/ /dam tshig srungs na dngos grub ni/ /rdo rje bdud rtsi chu 'dis 'grub/ /oM sarba pany+tsa a mri to ka Tha hUM/ 'di nas brtsams te dpal he ru ka nga nyid yin gyis gang ngas 'di byos shig ces bsgo ba de khyod kyis bya dgos so/ /khyod nga la brnyas pa'i las ma byed cig /byas na khyod mi bde ba ma spangs par tshe'i dus byas nas dmyal bar lhung bar 'gyur ro/ /de nas dpa' bo dang rnal 'byor ma thams cad kyis byin gyis rlobs shig /dpal he ru ka bdag la dbab par mdzod cig ces brjod du gzhug go /slob ma la bdud rtsi rnam pa lnga blud la/ gu ru 'phying bag dang ldan pas go cha bgos la/ rang gi snying ka'i ye shes sems dpa' i thugs ka nas 'od zer 'phros pas/ gtso bo dang rnal 'byor ma rnams bkug la shwir Sha'i snying gar gzhug go /bcug pas smra nus par 'gyur ro/ /las rnam bzhi'i kha dog gang dang gang mthong ba dang de mthun par bstan to// de nas me tog gi phreng ba thogs la pra tIts+tsha badzra zhes brjod la dkyil 'khor du gzhug /de nas slob ma'i mgo la bcing bar bya'o/ /de nas slob ma'i lag pa nas bzung la/ mig dbye bar bya ste/ he ru ka dpal deng khyod kyi/ /mig 'byed par ni brtson par mdzad//

  22. 11b

    phye bas thams cad mthong bar byed/ /rdo rje'i mig ni bla na med/ /oM badzra nai trA pa ha ra ba Ta laM hwaM zhes brjod la gdong g.yogs phud la 'di skad ces brjod do/ /dkyil 'khor bzang po 'di la ltos/ /da ni dad pa rab tu bskyed/ /khyod ni rnal 'byor ma rigs skyes/ /sngags dang phyag rgya byin gyis brlabs/ /'gro ba'i phun sum tshogs kun dang/ /dngos grub kun ni mngon sum 'gyur/ /dam tshig thams cad bskyang ba dang/ /gsang sngags la yang brtson bar gyis zhes brjod pa dang/ me tog gang du lhung ba'i lha ngo bstan/ lha gzhan yang bstan te sku mdog dang phyag mtshan dgod pa'i skabs su phyag mtshan las shes par byas la bstan/ phyag mtshan yang tshul bzhin du bstan to/ /slob ma dkyil 'khor du gzhug pa'i rim pa'o/ /des na gzhal yas khang gru bzhir byung ba na/ tshad med pa bzhi rnam par dag pa'i rang bzhin no/ /sgo bzhi ni dran pa nye bar gzhag pa bzhi rnam par dag pa'i rang bzhin no/ /rta babs bzhi ni yang dag par spong ba bzhi rnam par dag pa'i rang bzhin no/ /dra ba phyed pa ni nyon mongs pa chen po rnam par dag pa'o/ /dra ba ni nyon mongs pa chung ngu rnam par dag pa'o/ /ka ba brgyad ni 'phags pa'i lam yan lag brgyad pa rnam par dag pa'o/ /dar ni ba ti la sogs pa'i rgyan rnams ni tshul khrims rnam par dag pa'i mtshan nyid do/ /'dod pa'i yon tan lnga rnams ni gzugs sgra la sogs pa rnam par dag pa'o/ /rdo rje ra ba ni zab mo'i chos kyi 'khor lo bskor ba'i rtags so/ /me ri 'di ni phyin ci log gi bgegs la sogs pas mi tshugs pa'i rtags so/ /bum pa brgyad ni che ba'i yon tan gyis rgyas shing thugs rje chen po'i ros yongs su gang ba'i brtags so/ /de ni dkyil 'khor gyi de kho na nyid do/ /bcom ldan 'das kye'i rdo rje ni rnam par shes pa'i phung po dang zhe sdang rnam par dag pa'i rang bzhin no/ /gau rI ni zhe sdang dang gzugs rnam par dag pa'i rang bzhin no/ /chom rkun ma ni gti mug dang sgra rnam par dag pa'i bzhin no//

  23. 12a

    ro langs ma ni nga rgyal dang dri rnam par dag pa'i rang bzhin no/ /g+hasma rI ni 'dod chags dang ro rnam par dag pa'i rang bzhin no/ /puk+ka sI ni zhe sdang dang sa rnam par dag pa'i rang bzhin no/ /ri khrod ma ni gti mug dang chu rnam par dag pa'i rang bzhin no/ /gtum mo ni nga rgyal dang me rnam par dag pa'i rang bzhin no/ /g.yung mo ni 'dod chags dang rlung rnam par dag pa'i rang bzhin no/ /bdag med rnal 'byor ma ni yab dang mthun/ de ni lha'i rnal 'byor de kho na nyid do/ /de nas slob mas bla ma'i zhabs la dad pas phyag 'tshal lo/ /yon gyi mchog rnams thogs la bla ma la phul la dbang nod pa'i don du gsol ba gdab par bya'o/ /he ru ka dpal dbang bskur ba/ /'gro ba skyob phyir gzi brjid can/ /de ltar yon tan 'byung gnas sogs/ /de bzhin bdag la deng stsol cig /dpa' bo chen pos mi ldog pa'i/ /dbang bskur ba ni bdag la stsol/ /sems can kun gyi don gyi phyir/ /bdag ni rtag tu slob dpon bgyid/ /ces slob dpon la gsol ba gdab par bya'o/ /de nas dkyil 'khor gyi 'jug pa'i sgo lho phyogs su pad+ma brgyad pa bris pa'i steng seng ge'i khri bshams la/ de'i steng du sna tshogs pad+ma'i stan bting la/ gnyis su med pa'i blo dang ldan pa'i slob ma/ bla ma la gus shing gtong sems che ba/ de bzhag par bya'o/ /dkyil 'khor gyi lha la 'bad de ci nus bas mchod la/ slob ma'i steng du gdugs dkar po gzung la/ me tog chu la sogs pa dbang bskur ba brtsam par bya'o/ /de yang dang la yungs kar dang bdud rtsi lnga'i chus bdag nyid gzi brjid bcas pas gtor zhing sngags brjod de/ dbang bskur ba'i bar du gcod pa'i bgegs bskrad par bya'o/ /ra ba dra ba dang gur la sogs pa yang bya'o/ /de nas slob ma khrus byas la gos bzang po gon la khri la bzhugs pas/ snyim pa me tog gis bkang la dkyil 'khor la gtong bar bya'o/ /sngags oM pra tIts+tsha badzra ho zhes

  24. 12b

    brjod la gtor ro/ /de nas me tog ltung ba blangs la slob ma'i mgo la bcings la/ oM d+harmA kun d+ha a b+hi Shiny+tsa zhes brjod do/ /de nas pad+ma'i lag pa gnyis kyis/ /sngags pas bum pa rnams bteg la/ slob ma'i mgo la gtugs te/ oM badzra a b+hi Shiny+tsa mi twaM/ zhes pa'i sngags brjod la dbang bskur ro/ /de nas rnam par rgyal ba'i bum pa bteg la dril bu'i sgra bsgrags la glu'i rnam pa blangs la chu'i dbang bskur/ sngags gong ma brjod/ de ltar chu'i dbang bskur bas/ rnam par rtog pa'i sdig sgrib thams cad med par bsam mo/ /gser la sogs pa la brdungs pa dang/ ba so la 'bur du bskos pa dang/ thang ka la sogs pa'i ri mor bris pa dang/ gos kyis rnam pa sna tshogs pa gang yang rung ba la/ de nyid mi dmigs par byas la/ aM las ratna si b+ha ba bsams la/ de la ye shes sems dpa' dgug pa dang/ gzhug pa dang/ bcing ba dang/ dgyes par byas te/ bstim la mchod pa dbul/ 'dzab ci nus kyang byas/ de nas bstod pa byas srid pa rang bzhin gyi tshig brjod/ de ltar byas gzhan la bstims pa dang/ mchod pa 'dzab dang bstod pa dang/ srid pa rang bzhin gyi tshig brjod pa kun 'dre kun la bya/ de la cod pan gyi gzugs su gyur pa/ dar dpyangs gnyis thogs la/ 'di skad ces brjod de sbyin par bya'o/ /thor tshugs cod pan gyis brgyan pa/ sangs rgyas kun gyis bsngags pa yis/ /rin chen dag gi dbu rgyan dang/ dar dpyangs dbang bskur sbyin par bya/ oM badzra paTTa ka badzra a ra li'o/ /zhes brjod de sbyin no/ /de nas rdo rje mdun du bzhag la/ de nyid mi dmigs pa las/ dzaM las pad+mar gyur pa las snang ba mdza' yas su bskyed la/ de yongs su gyur pa las byung ba'i rdo rje slob ma'i snying gar bzhag la 'di skad brjod do/ /'di ni sangs rgyas thams cad nyid he ru ka dpal rgyal po dang/ mkha' 'gro rnams kyi dbang mchod nyid/ /de ring khyod la dbang bskur ro/ /oM sh+rI he ru ka a d+hi ba ti stwaM/ a b+hi Shiny+tsa tiSh+Tha bI ra sa ma ya stwaM/ thog mdza' med pa'i sems dpa' ni/ /rdo rje sems dpa' dga' ba chen/ /kun tu

  25. 13a

    bzang po kun bdag nyid/ /rdo rje snyems tshul bdag po'i bdag ces brjod la/ lag pa g.yas par sbyin no/ /rdo rje'i dbang bskur ba'o/ /de nas dril bu mdun du bzhag la/ de nyid mi dmigs pa las/ kham dang ral gri dang don yod grub pa rnams la 'byung ba dril bu lag pa g.yon par byin la 'di skad brjod do/ /'di ni rnal 'byor ma kun gyis/ /shes rab dbyangs kyi rjes 'gro bshad/ /khyod kyis kyang ni rtag tu bcang/ /byang chub mchog tu rgyal bas bshad/ /srid pa ngo bo nyid ngag pa/ /ngo bo nyid kyis dngos med byas/ /rang bzhin dag pa'i sems dpa' ni/ /srid pa dam pa byed par 'gyur/ /oM badzra satwa ta twaM sa ma ya a b+hi Shiny+tsa mi zhes brjod la lag pa g.yon par sbyin no/ /dril bu'i dbang bskur ba'o/ /de ltar dril bu byin la phyag rgya chen po dang lan par bsams la/ de la sngags kyi dbang bskur ba'i ming gdags par bya ste/ oM sh+rI he ru ka a d+hi pa ti shi/ a b+hi Shiny+tsa mi/ sh+rI he ru ka nA ma a b+hi She ka ta zhes brjod la sh+rI sgra dang bcas par pad+ma'i mthar thug pa'i ming gi dbang bskur ro/ /'di ni sangs rgyas thams cad nyid/ /he ru ka dpal phyag na bsnams/ khyed kyis rtag tu bcang bar gyis/ he ru ka dpal brtul zhugs brtan/ /rdo rje rtse mo 'dzin du bcug la sngags brjod do/ /oM sarba ta tha ga ta sid+d+hi badzra sa ma ya tiSh+Tha e Sha dwaM d+hA ra ya mi hUM/ ha ha ha ha ho zhes brjod la lag pa g.yas pas rdo rje brtul zhugs kyis dbang sbyin par bya'o/ /a las band+har gyur par bsgom/ /oM las gri gug tu gyur par bsdoms la 'di skad brjod do/ /he ru ka dpal kha TwAM ga /rnal 'byor pa yi ra ma ru/ /rdo rje kha NwI rdo rje bcas/ /dril bu sil sil sgra sgrogs pa/ /tshangs pa'i skud thogs rnal 'byor bdag /gri gug dang ni ka pA la/ /dpa' bo chen pos blang par gyis/ /gri gug dang thod pas dbang bskur ro/ /de rnams dang ldan pa'i slob ma ni/ /zhi ba dang rgyas pa dang dbang dang/ drag po dang/ rengs pa dang/ bskrad pa dang/ rmongs par byas pa dang/ gsod pa la sogs pa dang/ de rnams la thogs pa med par grub par byos shig /mchil laM

  26. 13b

    bgo ba dang/ char dbab pa dang/ nyi zla gzung ba dang/ sogs pa mkha' 'gro ma'i dngos grub thams cad ci dga' bar 'grub par gyis shig /de ni rjes su gnang ba sbyin pa'o/ /me tog la sogs pa nas gri gug dang thod pa'i dbang bskur ba yan chad kyis ni lus dag par khyed pa yin pas na/ sku'i dbang zhes bya'o/ /'bras bu ni gang dang gang skal pa mnyam pa yin zhe na/ sa brgyad pa'i byang chub sems dpa' dang ska pa mnyam pa yin no// /de nas me tog la sogs pa'i dbang thob pas bla ma'i gsang ba'i dbang bskur ba bsgrubs pa'i gnas de nyid du mi med cing bden par byas te/ yol bas bar du bcad la/ maN+Dal gru bzhi pa byas la/ dri zhim po dang bdud rtsis cha chag btab pa der/ me tog sil ma bkram/ stan sna tshogs pa bzang po bting la/ slob mas shes rab ma tshan dang ldan pa bla ma la phul la/ 'di skad gsol ba gdab par bya ste/ khyod ni he ru ka dpal te/ bde gshegs rnams kyi bde sogs mdzad/ byang chub sems dpa' chad rnams kyi/ yang dag don mchog rnam par dag /ji ltar de nyid bdud rtsi yis/ /mchog gi dbang ni bskur ba bzhin/ /de bzhin bdag la 'khor ba yi/ /sdug bsngal rnams ni gsal bar mdzod/ /rnal 'byor bdud rtsi dri med mchog /rab rib nyes pa'i dri ma 'joms/ /gang ni byang chub bla med pa/ /de ring bdag gis thob par mdzod/ /ces brjod la gsol ba gdab par bya'o/ /de nas bla mas shes rab ma bdag med med skyed la/ /de la go cha dang bya ba dang/ gnas gsum du yang lha gsum bskyed la/ ye shes sems dpa' bkug pa dang/ gzhug pa dang/ bcing ba dang/ rjes su dgyes pa byas te/ bstims la/ mi bskyod pas dbu brgyan te/ 'di skad brjod/ /mkha' gsang byin gyis brlabs te/ oM pad+ma su kha d+hA ra mahA rA ga su khaM da da tsa tu rA nan+tya b+ha ga ri shwa hUM hUM hUM karyaM ku ru Sha ma/ oM badzra mahA da sha tsa tu rA nanda dma ga pha ga mu khe ka rA sho nA tha hUM hUM hUM karyaM ku ru Sha me /zhes brjod pas/ nyes ba che de rnam par dag par bsam mo/ /de nas snyoms par 'jug par bya ste/ mi bskyod pa mdzad

  27. 14a

    cing rang gi ye shes sems dpa' i thugs ka'i mtshan ma'i lte ba'i hUM las 'od 'phros pas phyogs bcur bzhugs pa rnams spyan drangs nas/ thugs kar thim pa la sogs pa rnams byas nas/ byang chub kyi sems 'bar ba po la'i skor phyin pa dang/ oM sarba ta thA ga ta a nu rA ga Na badzra swa b+hA ba At+ma ko haM/ zhes brjod la/ chags pa'i rdo rje'i rang bzhin yin par nga rgyal bya'o/ /de nas byang chub kyi sems po la'i skyong mthar srin gyis mnan la/ slob ma'i bu gar 'dren par bya'o/ /de nas slob dpon yis u pa su man+ta lta bar byos a ho su kha zhes brjod/ /slob mas bde ba can chen po'i dpal he ru ka bdag nyid do/ /zhes brjod/ bskur te 'thung pa'i rting la brjod/ de'i rdo rje'i dpal gyis reg pa des ni ngag gi nyes pa dang/ rnam par rtog pa thams cad sel bar byed pas na/ gsung gi dbang zhes bya'o/ /de nas 'bras bu gang dang gang skal pa mnyam par 'gyur zhe na/ sa bcu pa'i byang chub sems dpa' dang skal pa mnyam par 'gyur ro/ /sa bcu pa'i byang chub sems dpa' dang skal ba mnyam par de la lung bstan par bya ste/ bla mas chos gos gyon la lag pa g.yon pas chos gos kyi tham chad bar bcug la 'di skad brjod do/ /'di ltar nas yongs su bstan te/ he ru ka dpal de bzhin gshegs/ dngos po mchog tu grub pa'i phyir/ /srid pa'i ngan gro rnams las bton/ sh+rI he ru ka na ma(rgyud 'grel): sarba ta thA ga ta hi/ sid+ha sa ma ya sti b+hur b+hu ba swa zhes brjod do/ /don yod grub pa'i phyag rgyar gnas pa dang/ dus gsum gyi rgyal ba rnams kyis mgrin gcig tu lung ston par mdzad do/ /lung bstan pa'o/ /khams gsum gyi bdag por gyur pa dang/ rgyal ba rnams kyi bdag por gyur pa dang/ phyin ci log gi bdud dang mu stegs la sogs pa las rgyal ba dang/ mya ngan las 'das pa'i grong khyer dam par 'jug pa ste/ 'di nyid kyis sangs rgyas thob par 'gyur gyis/ /the tshom dang yid gnyis la sogs pa ma byed cig /gzhan yang bla ma dam pas dbang bskur ba tsam gyis ji ltar bsams pa ltar slob ma rnams kyis 'grub par 'gyur ro/ /de'i dbugs 'byung ba'o//

  28. 14b

    de nas shes rab dang ye shes kyi dbang bskur ba brtsams par bya ste/ de la yang gnyis te/ shes rab kyi dbang dang/ shes ra ye shes kyi dbang ngo/ /de la shes rab kyi dbang ni gzhon ma lo grangs gong ma dang mthun pa bla ma la phul la/ maN+Dal chag chag la sogs pa gong ma dang mthun par bya'o/ /de nas bla mas shes rab byin gyis brlab pa sngon dang mthun par byas la/ bla mas shes rab ma dang slob ma la bsgro bar bya ste/ khyod kyi 'dod chags yang spang du mi rung ste/ dus gsum gyi bde bar gshegs pa rnams kyis kyang/ thabs dang shes rab gnyis su med pa'i rol pa mdzad pa las ye shes cher skyes te/ mngon par rdzogs par sangs rgyas pa ste/ khyod kyis kyang 'dod chags spang mi rung ste/ gnyis su med pa'i rol pa gyis shig /ye shes skye bar 'gyur gyis zhes brjod de bsgo'o/ /bla mas yang 'di skad brjod de/ khyod kyi nus sam rdo rje can dri chen dri chu bza' btung yin/ rak+ta ga pur ma sha dang/ /bud med mos dang nus sam/ b+ha ga 'o byed mi rtog gam/ /spros shing rdo rje bde ba can/ /de nas yang slob ma dang shes rab gnyis kyi nus pa'i tshig 'di brjod do/ /lha mo ci phyir bdag mi theg /dri chen sa bon sogs za zhing// shes rab yang dag dad par gyis b+ha ga la yang 'o bgyid do/ /zhes brjod do/ /de nas shes rab gcer bur phyung la/ khrus byas la dri zhim pos byugs la/ me tog gi phreng ba mgo la bcings nas/ lag pa gnyis kyis gla gnyis nas bzung ste/ kha phye la shes rab mas 'di skad brjod do/ /rmad chen nga yis pad+ma yin/ /bde ba thams cad yang dag ldan/ /rtag tu rim bzhin 'di la spyod/ /'di dang nam yang mi 'bral lo/ /chos dbyings 'di ni rnam par dag /sems can khams ni rnam par grol/ /khrag 'thung rgyal po 'di nyid ni/ /rang bzhin thams cad 'di la gnas/ /nang gi rtsa yi 'khor lo la/ / pad+ma la bzhugs rab tu gsungs/ /b+ha ga'i nang du nam mkha' bzhin/ /'byung ba lnga po rgyan bzhin tshang/ /lte ba la ni ge sar bcas/ /'dab ma brgyad kyis rnam par brgyan/ /de yi dbus nas 'byung ba yin/ /de nyid bdud rtsi shu kra gzugs/ /b+hany+dza mok+Sha ho zhes shes rab mas brjod do/

  29. 15a

    de nas bla ma'i shik+Sha'i lag pa dang/ shes rab ma'i lag pa gnyis steng 'og tu bzhag la/ shes rab ma 'dis khyod kyis ye shes skyed par byed pa yin pas/ 'di dang khyod rtag tu ma 'bral bar 'grogs shig ces brjod pa de kho na/ shes rab kyi dbang yin no// //de nas shik+Sha yol ba'i nang du shes rab ma dang gnyis yol ba'i nang du 'dug la/ shes rab ye shes kyi dbang bslob mas nod par bya'o/ /de nas shes rab de la shik+Shas glo g.yon pa sa la phab nas nyal la/ dga' ba'i gtam bya/ /gnas dgur sen mo gab par bya ste/ g.yon pa'i lag pa g.yon pa'i 'og tu 'dug pas pad+ma'i nang gi bye'u mgo 'dra ba la glang po che'i lag pas khrud pa la sogs pa bya'o/ /de nas lces kyang rol mo yang yang du byas la/ pad+ma rgyas su bcug la/ de nas shes rab ma dang gnyis sbyor ba byas te/ dal bu dal bus bskyod pa la /byang chub sems kyi sems bo la'i sker phyin pa las/ nam par mi rtog pa'i ye shes skyes te/ ji tsam gnas kyi bar du bsgom mo/ /de nas ma thub na kak+ko lar phyung la/ de nyid kye'i rdo rje'i rang bzhin yin pas lces drang ngo/ /de yang rgyud las lag pas glang bar mi bya zhing/ nya phyis kyis kyang mi bya ste/ dung la'ang gzhag par mi bya'o/ /bdud rtsi'i lce yis blang bar bya zhes 'byung bas/ kak+ko nas lce kho nas blang bar bya'o/ /de ni shes rab ma'i kak+ko la nas ye shes kyi rang bzhin byang chub kyi sems blangs te/ zos pas na shes rab dbang zhes bya'o/ /de la dga' ba rnam pa bzhi ni dga' ba dang/ yang dag pa'i dga' ba dang/ rang bzhin gyi dga' ba dang/ chang pa'i dga' ba dang bzhi'o/ /de la dga' ba ni ? bya ba nas/

  30. 14b

    po la'i rtsar phyin gyi bar du'o/ /yang dag ba'i dga' ba ni/ dkyil du phyin pa tsam mo/ /rang bzhin gyis dga' ba ni po la'i sker phyin pa la bya ste/ de ni me tog pa bskyed pa'o/ /'on te gang du dgos pa yin zhe na/ smras pa/ 'khor lo bzhi'i rang bzhin dang mnyam par byed do/ /'o na 'khor lo bzhi dang dga' bzhir ji ltar sbyar dga' ba ni gsum las med de/ chad pa'i dga' ba ni grangs su mi 'gro zhes so/ /smras pa chad pa'i dga' ba grangs su 'gro /ci'i phyir dga' ba chen po med kyang/ skad cig ma'i dga' ba grangs yod pas mi 'gal/ rgyud la kyang dga' bar bstan pas 'khor lo bzhi dang sbyar ba mi 'gal lo zhes bya ba la sogs pa nas ye shes kyi dbang bskur ba yin no/ /des ni yid nyes pa thams cad dag par byed pa thugs kyi dbang zhes bya'o/ /de la 'bras bu gang dang skal ba mnyam par 'gyur zhe na/ rigs lnga'i sangs rgyas dang 'di lta bu'i dbang thob pa'i rnal 'byor pa skal pa mnyam par 'gyur ro/ /de nas de'i tshe dam tshig rnams yang dag par dpog par bya'o/ /de nas dkyil 'khor gyis la zhi ba'i sbyin sreg bya ste/ gzhan las shes par bya'o/ /'dir ma bkod do/ /de nas gser dang dngul dang/ nor bu rin po che dang/ byi ru dang/ mu tig dang/ karSha pa na dang/ glang po che dang/ ma he dang/ shing rta nor dang cas pa dang/ yid la ces pa yon gyi mchog rnams bla ma la/ bla ma'i zhabs la phyag 'tshal dbul lo/ /'di nas brtsams te bla ma'i zhabs kyi bran du bdag mchi'o/ /bdag gis lus kyang bzhes su gsol zhes brjod do/ / slob dpon gyis kyang rang gi slob ma byang chub tu bsgrubs la dga' ba'i phyir/ mos pa dang 'byor pa che'o zhes gtam bya'o/ /dad mos che ba'i slob ma yis/ /dang po yon ni dbul bar bya/ /dad mos med pa'i slob ma yis/ /dngos grub thob par mi 'gyur

  31. 16a

    ro/ /slob dpon gyi yon dbul ba'i rim pa'o/ /de nas dkyil 'khor la glu dang gar la sogs pa dang/ rol mo'i cha byad mang po thogs la bskor ba lan gsum bya/ phyag bya/ phyogs skyong la gtor ma btang/ smon lam gyi tshig brjod/ de nas tshon la sogs pa'i dngos po rnams la/ nang par tho rangs bsdu bar bya/ bsdus nas gser gyi bum par blugs la/ chu chen por bor bar bya/ bum pa thams cad kyang chu chen por bskyal/ bum pa bkru/ sngon bzhin du ga Na tsakra'i tshogs kyi 'khor lo chen po bskor/ glu gar gyi rnam pa brjod/ de nas bdud rtsi lnga dang/ tsan dan dang/ gur gum dang/ ba'i lci ba rnams sbyar la/ sa la byug pa byas nas tshon dang thig mi mngon par bya'o// // bcom ldan 'das kye'i rdo rje'i dkyil 'khor gyi las kyi rim pa/ chog rgyas par mdzad pa ma nor ba rdzogs so// //slob dpon mchog skyes rdo rjes mdzad pa rdzogs sto// //rgya gar gyi mkhan po ga ya d+ha ra dang/ dge slong shAkya ye shes kyis bsgyur cing zhus te gtan la phab pa'o// (//kye rdo rje'i sgrub thabs bcugs//) //rgya gar skad du/ he badzra sA d+ha na/ bod skad du/ dgyes pa'i rdo rje'i sgrub pa'i thabs/ 'jam dpal gzhon nur gyur pa la phyag 'tshal lo/ /dpal ldan dgyes pa'i rdo rje bde ba mchog gi go 'phang rnam par mi rtog par gcig sku/ brtan dang g.yo ba ma lus lus pa med pa'i dngos po'i rang bzhin bsod nams ye shes las byung nyid/ dri ma bsal cing dga' ba kun gyis rgyas 'gyur mkha' 'gro ma yi 'khor lo'i mgon/ /de la dngos po kun gyis btud nas de yi sgrub thabs gsal zhing yangs pa bshad/ /bla ma dam pa'i gzhungs lugs ni/ /shin tu

  32. 16b

    rnyed dka' yang thos pas/ de zhabs pad+ma la btud nas/ /bdag nyid dran pa'i phyir yang ngo/ /'di ltar yang drag cing rgal dka' ba'i 'khor ba'i g.yang sa chen po shin tu 'jigs pas skyo bar gyur pa'i sems can gyi khams la bltas la snying rje mchog gi ros bsgoms pa'i sems kyis 'khor ba'i rgya mtshor 'khyams pa bsgral ba'i thabs dang ldan par bla ma brnyas pa la sogs pa'i skyon spangs pa/ sbyin pa la sogs pa'i yon tan dang ldan pa/ dbang po las rgyal ba bdud rtsi lnga la sogs pa'i dam tshig bstan pa/ dpal dgyes pa'i rdo rje gsungs pa'i dkyil 'khor dud bang bskur zhing/ yang dag par rjes su gnang ba thob pa'i rnal 'byor pas/ dur khrod la sogs pa yid dang mthun pa'i gnas 'ga' zhig tu nyi ma dang zla ba dang chu dang dri dang sman gyi khyad par gyis dag par byas pa'i sa'i char gnas pa la tho rangs kyis langs nas/ chos kyi dbyings kyi bdag nyid kyi/ /ro ni dang por bsgom par bya/ /de yi srid la gnas byas la/ /go 'phang mchog gi bsgom par bya/ /rdo rje skril krung gis 'dug la/ bsam gtan phyag rgyas lag bsdams pas/ /rang gi snying gar re khA bsgom/ /de nas nyi ma'i dkyil 'khor te/ /der ni hUM las byung ba yi/ /shes rab thabs kyi rang bzhin nyid/ /kha dog nag po 'jigs chen po/ / hUM las byung ba'i rdo rme'o/ /rdo rje'i lte ba'i dbus gnas pa/ /hUM gi de nyid yang dag bsgom/ /hUM yig gyur pa la blta ba/ /zhe sdang bdag nyid rnam par bsgom/ /rdo rje las skyes nag po che/ /'dam skyes sngon po 'dra ba'i mdog /rang gi lha yi gzugs nyid ni/ /man ngag ji bzhin rnam pa gsum/ /gsum gyi nang na rnal 'byor pas/ /mos pa ji bzhin bsgom par bya/ /mdangs chen dpa' ba gcig pu nyid/ /dad pa nyid kyis bsgom par bya/ /de nas snying ga'i nyi ma la sa bon gnyug ma bkod la de'i 'od kyi

  33. 17a

    spyan drang pa'i bcom ldan 'das bsgom par bya ba'i gzugs rang gi 'khor dang bcas pa mdun gyi nam mkha' la bltas la/ snying ga'i sa bon las byung ba'i ston ka'i nam mkha' dri ma med pa lta bu mchod pa rnam pa sna tshogs kyi khyad par lag pa'i mal ga na thogs shing sgrag pa'i 'og tu gau rI la sogs pa lha mo brgyad pa rnams kyis phyi rol gyi mchod pa khyad par gyis go rims shin tu mchod par byed do/ /de la gau rI ni ri dags kyi mtshan ma 'dzin pa'o/ /tsau rI ni nyi ma'o/ /ro langs ma ni chu'o/ /za phod ma ni stobs so/ /puk+ka sI ni dri'o/ /sa ba rI ni ro'o/ /tsaN+Da lI ni rde chung drug pa'o/ /Dom+bi nI 'khyud pa'i tshul du ston to/ /de nas bcom ldan 'das 'di nyid kyi spyan snga ru thog ma med pa'i dus kyi bag chags kyis bskyed pa'i sdig pa bshags pa la sogs pa bya'o/ /bdag gis sdig pa bgyis pa dang/ bgyid du stsal ba dang/ bgyid pa la rjes su yi rang pa'i sdig pa thams cad bshags par bya'o/ /sangs rgyas dang byang chub sems dpa' thams cad dang/ so so'i skye bo'i dge ba'i rtsa ba ma lus pa la rjes su yi rang ngo/ /bdag gis dge ba'i rtsa ba gang cung zad ci bgyis pa de dag thams cad bla na med pa yang dag par rdzogs pa'i byang chub yongs su bsngo bar bgyi'o/ /de ltar bdag byang chub kyi snying po la mchis kyi bar du dngos po thams cad kyi rang bzhin gyi bde ba chen po rnam pa can dgyes pa'i rnam pa'i rdo rje sangs rgyas la skyabs su mchi'o/ /des bstan pa'i bskyed pa dang rdzogs pa'i rang bzhin gyi chos la skyabs su mchi'o/ /de'i 'khor lor gnas pa'i mkha' 'gro ma'i tshogs kyi dge 'dun la skyabs su mchi'o/ /'khor ba'i rgya mtsho'i chur nub pa'i sems can 'di dag la bdag he ru ka'i ngo bor gyur pas rdo rje theg

  34. 17b

    pa'i chos bstan pa'i gru rab tu byin pas yang dag pa'i gzung bas sgyu ma lta bu gnyis su med pa'i mchog tu dga' ba'i phung po'i bdag nyid kyi mtshan nyid can la rab tu bzhag par bgyi zhes byang chub tu sems bskyed par bgyi'o/ dgyes pa'i rdo rje'i rnal 'byor bla na med pa'i bla ma sangs rgyas sgrub pa la 'di las gnyis pa gzhan med pa'i thabs kyi mchog 'di la bdag gis brten par bgyi'o zhes bya'o/ /de nas sems can thams cad la bu gcig pa ltar brtse ba'i mtshan nyid kyi byams pa chen po dang sdug bsngal dang sdug bsngal gyi rgyud las gzung bar 'dod pa'i snying rje chen po dang/ sems can thams cad la dga' ba chen po 'jug pa'i mtshan nyid can gyi dga' ba chen po dang/ brtags pa'i yul ma lus pa la btang snyoms pa'i mtshan nyid can btang snyoms bsgom par bya'o/ /de nas chos thams cad ni sems kyi rnam par brtags pa'o zhes yid kyi dmigs pa de dang/ de'i rnam par rab tu snang ba'i 'di dag ni sems nyid 'khrul pa ste/ mya ngan la sogs pas rnam par 'khrul pa bzhin du sems las gzhan pa'i gzung ba 'di ni yod pa ma yin no/ /gzung ba med par 'dzin pa'i sems kyang yod pa ma yin no/ /de lta bas na sna tshogs 'di dag sems kyi rang bzhin du rtogs par bya'o/ zhes don de nyid bstan par byas nas rdzas ma lus pa'i de kho na nyid kyi snying po bsdus pa'i sngags brjod par bya zhing tha mal pa'i rnam pa bzhig par bya ste/ oM shU n+ya tA dz+nyA badzra swa b+hA ba At+ma ko haM zhes bya'o/ /de nas sngags kyi don mngon sum du byas la/ 'gro ba thams cad rang bzhin med pa'i rmi lam du nye bar dmigs pa bzhin du rnam pa thams cad dang bral ba'i mtshan nyid can sgyu ma lta bu'i ston ka'i nam mkha' i dri ma med pa'i dkyil lta bur bltas la 'di nyid

  35. 18a

    ni bcom ldan 'das ma bdag med ma zhes bya'o/ /da ni smon lam dang rjes su dran pa'i rgyu mthun par gyur pa'i rnam pa ltar/ bsdus pa'i 'khor lo dag pa'i 'jig rten pa'i rang bzhin bsgoms te/ mdun du sna tshogs pad+ma'i gdan la gnas pa'i raM las byung ba'i nyi ma'i dkyil 'khor la yi ge hUM bsam par bya'o/ /de las byung ba'i sna tshogs rdo rje kha dog nag po 'jigs su rung ba/ kha dog lnga pa rtse mo gsum pa'o/ /de'i dkyil duAng nyi ma de la yi ge hUM dgod do/ /de la khro bo 'og mdung rtse/ /'jig dus me ltar bzod dka' ba/ /sdigs mdzub g.yon gyi khu tshur snying/ /bdud kyi dkyil 'khor bsdigs par byed/ /rdo rje 'bar ba g.yas pa na/ /zhal ni hUM gis gang bar gyur/ /dpa' bo stag gi pags pa bsnams/ /phyag rgya lnga yis brgyan du byas/ /drag po chen po kha dog gnag /'jigs pa shin tu 'jigs pa ste/ /khrag 'dzag mgo yi phreng ba can/ /'jigs byed 'jigs rung spro bar byed/ skra ni dmar ser gyen du 'greng/ /lce ni sgyur zhing gar thabs can/ /spyan gsum dag dang yang dag ldan/ /mche ba cung zad gtsigs pa can/ /phyogs dang mtshams rnams kun tu yang/ /khro bo tshogs rnams spro bya zhing/ /rnal 'byor rigs pas gsang sngags 'dis/ /rang gi mtshams nas phur bus gdab/ /oM rak+Sha rak+Sha hUM hUM hUM phaT swAhA/ zhes ji snyed 'dod pa'i bar du'o/ /de'i nang du nyi ma dang sna tshogs rdo rje'i 'od zer 'jig pa'i dus kyi me lce'i rtse mo ltar gcig tu gyur nas phyogs dang mtshams su 'phros pas mtshams bcing ba dang/ rdo rje nyer ba dang/ steng rdo rje'i gur dang 'og tu ni de yongs su gyur pa las rdo rje'i rang bzhin gyis gzhir 'og rim bdun gyi bar du bsam par bya'o//

  36. 18b

    de'i mdun ? hUM dngos su gyur ba las/ chos kyi 'byung gnas kyi gzugs ston ka'i ri bong can gyi rnam pa lta bu rdo rje 'chang chen po'i ngo bo rnam pa sna tshogs pa'i ngo mtshar chen po'i 'od zer gyi tshogs mngon par 'byung ba'i 'og phra ba steng yangs bzung gsum pa'i nang stong pa'i dbus na gnas pa'i pad+ma 'dab ma sna tshogs dang sna tshogs pa'i rdo rje'i/ /de'i lte ba la 'byung ba chen po bzhi dkyil 'khor bzhi'i ngo bo rnam pa sna tshogs pa puk+ka sI la sogs pa lha mo bzhi'i rang bzhin gong nas gong du blta bar bya'o/ /de la dang por ni yaM las byung ba'i rlung gi dkyil 'khor zla ba phyed pa lta bu sngon po rtse mo gnyis su g.yo ba'i ba dan gyis mtshan pa'o/ /raM las me'i dkyil 'khor khru gsum pa rtse mo phra ba dmar po 'od kyi phreng ba dmar pos mtshan pa'o/ /de'i steng du baM las byung ba'i chu'i dkyil 'khor zlum po kha dog dkar po bum pas mtshan pa'o/ /de'i steng du laM las byung ba sa'i dkyil 'khor gru bzhi pa kha dog ser po zur rnams su rdo rje rtse gsum pas mtshan pa'o/ /de'i steng du rnam par shes pa sgyu ma lta bu nyid du brtags pa'o/ /sna tshogs rdo rje'i lte ba la 'byung chen bzhi yongs su gyur pa las mdor bsdus nas sangs rgyas kyi zhing yongs su dag pa byang chub kyi chos sum cu rtsa bdun rnam par dag pa rnam par snang mdzad chen po'i rang bzhin nor bu rnam pa sna tshogs kyis spras pa'i gzhal yas dpag tu med cing mdza' yas pa'i 'jig rten gyi khams sgyu ma lta bur ston pa'i dur khrod kyis yongs su bskor ba bsgom par bya ste/ /zur bzhi pa ka ba brgyad kyis nye bar mdzes pa sngo khyud bzhis mdzes par byas pa/ rta babs bzhis brgyan pa dra ba dang dra ba phyed pa dang/ me long dang me tog gi phreng ba dang/ bla re dang/ rnga yab kyis spras pa/ rdo rje'i thig gis brgyan

  37. 19a

    pa/ sangs rgyas kyi tshogs 'phros pas mdzes pa/ g.yon pa'i ba dan yid du 'ong ba'i rtse mo'i phyogs kyi sgo rnams las dril bu'i sgra sgrogs pa/ 'dod pa'i yon tan lnga yang dag par bkod pas nyams su dga' ba'o/ de'i dkyil du sna tshogs pad+ma 'dab brgyad pa ge sar dang bcas pa'o/ /de bzhin phyogs mtshams pad+ma ni/ /rang rang stan gyi ge sar la/ /tshangs dbang nye dbang drag po dang/ /de bzhin gshin rje gnod sbyin dang/ /bden bral dang ni thags bzangs ris/ /rgyas par gau rI la sogs kyi'o/ /lho dang nub dang byang dag dang/ /dbus su bdud ni bzhi po dag /dbyibs dang kha dog ji lta bu/ /de lta'i gzugs su dgod par bya/ /bdud rnams dag ni thams cad kyi/ /snying la nyi ma'i dkyil 'khor ro/ bgegs rnams bred pa de dang de/ /skyabs 'tshol ba la gcig pu 'bad/ /de la dbus kyi 'dab ma la ni lugs su 'byung ba dang/ /lugs las bzlog pa'i a la sogs pa dbyangs kyi yi ge nyis 'gyur du byas pa skyes bu chen po'i mtshan sum cu rtsa gnyis mtshon par byed pa'i zla ba'i dkyil 'khor me long lta bu'i ye shes kyi rang bzhin no/ /de'i steng du yi ge k+Sha bor ba'i ka la sogs pa'i yi ge d+ha da b+ha ya ra la wa ra dang bcas pa'i lugs su 'byung ba dang/ lugs las bzlog pa gnyis 'gyur du byung ba de dpe byad bzang po brgyad cu mtshon par byed pa'i nyi ma'i dkyil 'khor mnyam pa nyid kyi ye shes kyi rang bzhin no/ /de'i dkyil du sa bon gyi yi ge hUM aM ngo/ /de dag yongs su gyur pa las rang stan la gnas pa'i sa bon gnyis kyi snying po las sna tshogs rdo rje dang/ gri gug dang thod pa la gnas pa so sor rtog pa'i ye shes kyi rang bzhin bsam par bya'o/ /de'i 'od zer las byung ba'i mkha' 'gro ma'i rnam

  38. 19b

    pa lta bu'i thub ba mchog gi tshogs kyis 'jig rten gyi khams dpag tu med pa la rnam par gzigs pas de dag tu gtogs pa'i sems can rnams yang dag par rdzogs pa'i sangs rgyas su byas nas/ slar log nas gcig tu gyur par byas pa ni bya ba nan tan gyi ye shes kyi rang bzhin no/ /de nas nyi ma dang zla ba dang phyag mtshan dang sa bon las yongs su gyur pa'i bcom ldan 'das rdo rje 'chang chen po ni dpe med pa'i tshogs kyi rdul phra rab las yongs su bsgrubs pa bde ba chen po'i rang bzhin 'chad par 'gyur pa'i phyag dang zhal dang mdog dang dbyibs kyi mtshon pa'i rgyur gyur pa'o/ /de lta bu'i bdag med ma ni sku la 'khyud pa chos kyi dbyings shin tu rnam par dag pa'i rang bzhin bsgom par bya'o/ /de lta bu'i mngon par byang chub pa rnam pa lnga'o/ /de'i thugs ka nas byung ba'i 'od zer gyi tshogs kyi de bzhin gshegs pa'i tshogs ma lus pa he ru ka'i gzugs su rdzogs par byas nas spyan drangs nas bcug pa zhu bar gyur pa las gaM la sogs pa'i sa bon brgyad las byung ba'i gau rI la sogs pa mkha' 'gro ma spro zhing dran par bya'o/ /de nas nam mkha' la dri za'i sems can phra ba'i dkyil 'khor gyi gzugs can kha dog dmar po ho dmar po'i phreng ba gnyis kyis yongs su bskor bar bltas la/ snying gar 'od kyis spyan drangs shing bcug nas bla ma'i man ngag nyid kyis gnas ji lta ba bzhin du dgod bar bya'o/ /de nas rdo rje can rang gi rig pa dang bcas pa 'dod chags chen pos zhu bar gyur pas ston ka'i zla ba dri ma med pa lta bur zhu bar gyur nas bde ba chen po'i mthar gnas par bya'o/ /de nas puk+ka sI la sogs pa lha mo bzhi shin tu 'dod pa'i tshul gyis 'ongs nas rang rang gi phyogs su 'dug ste/ thugs sad par byed pa'i rdo rje'i

  39. 20a

    glus bcom ldan 'das slong bar byed pa/ bzhengs shig dang sgrol thugs rje'i thugs/ /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bzhed mdzod/ khyod mi bzhugs na bdag 'gum pas/ dgyes pa'i rdo rje khyod bzhengs shig /stong pa'i rang bzhin nyid spongs la/ /ri khrod ma 'bras 'grub par mdzod/ /bdag gtso 'jig rten mgron gnyer nas/ /stong pa nyid la bzhugs sam ci/ /khyod med phyogs ni ma 'tshal bas/ /tsaN+Da lI bdag gsol ba 'debs/ /bdag gis khyod kyi thugs 'tshal gyis/ /mig 'phrul mnga' ba khyod bzhengs shig /DoM pi mo bdag sgrin mo lags/ /thugs rje rgyun chad ma mdzad cig ces pa'o/ /de nas glu'i ngo bor rmi lam sad pa bzhin du zla ba zhu ba de bsdus pa las byung ba'i sa bon gnyis so/ /de dag yongs su gyur pa las phyag mtshan gnyis so/ /de'i dkyil du nyi ma dang zla ba la gnas pa'i sa bon de gnyis nyid de/ thams cad mkhyen pa'i ye shes kyi rang bzhin blta bar bya'o/ /de las mkha' 'gro ma'i rnam pa can gyi de bzhin gshegs pa rnams yang dag par spro zhing yang dag par bsdus pa'i sbyor bas de dag thams cad sgyu ma lta bu dang rmi lam lta bu'i sems kyi rang bzhin gnyug ma la bltos par dpag par bya zhing/ zla ba dang nyi ma dang phyag mtshan dang sa bon yongs su gyur pa las byung ba'i dpal he ru ka'i gzugs bdag med ma dang snyoms par 'jug pa'i bdag nyid bsgom par bya'o/ /zhabs rnams sa la brten mdzad cing/ /lha dang lha min bsdigs par mdzad/ /mig ni dmar zhing zlum la 'gyur/ khros shing sgeg pa ral pa can/ /zhabs ni bzhi dang zhal brgyad dang/ /phyag ni bcu drug dag gis rgyan/ /phung po nyon mongs 'chi bdag lha'i/ /bu yi bdud bzhi mnyam par gnon/ /dkyil grung phyed pa'i gar thabs can/ /khrag 'dzag mgo bo lnga bcu'i phreng/

  40. 20b

    shin tu 'jigs rung nyam ngar gnas/ /spyi gtsug sna tshogs rdo rje 'dzin/ /'jig dus me ltar 'bar ba'i 'od/ /zhal nas hUM ni sgrogs mdzad cing/ /sku la thal ba'i rdul gyis bsgos/ /'jig dus sprin dang dbang sngon 'dra'i/ /rtsa ba'i zhal dang sku lus can/ /ri bong can 'dra'i 'od dang ni/ /nyin mo phyed pa'i 'od 'dra ba'i/ /g.yas dang g.yon pa'i zhal mdog go /steng ma'i zhal ni dud mdog 'dra/ /rnam par 'gyur dang bung ba 'dra/ /lhag ma'i zhal ni bzhi pa'o/ /zhal kun kyang mche ba gcigs pa/ spyan gsum gyis mdzes pa/ /dpral ba'i steng du thod pa'i dum bu lngas brgyan pa/ smin ma g.yo ba/ skra dmar ser gyen du 'greng ba/ gcer bu gar dgu dang ldan pa/ /phyag rgya lnga yis rnam par brgyan/ /'khor lo rna cha mgul rgyan dang/ /lag pa gdu bu ska rags so/ /glo dang dbugs rgod de bzhin smyo/ /za byed mdze dang za g.ya' dang/ /dmu chu spri ha'i rang bzhin nyid/ /glang po rta bong glang rnga mo/ /de bzhin mi dang seng byi la/ /g.yas pa'i thod pa brgyad po ru/ /gnyis 'thur la sogs rim shes bya/ /sa dang chu dang me dang rlung/ /zla ba dang ni nyi ma dang/ /mthar byed dang ni nor sbyin rnams/ /g.yon pa'i thod pa brgyad na'o/ /lha mo bdag med ma de ni/ /phyag gnyis kyis ni rnam par brgyan/ /bdud bzhi khrag gis bkang ba yi/ /thod pa yis ni phyag g.yon drel/ /g.yas na nyon mongs gcod pa yis/ /gri gug bsnams par mdzad pa yin/ gcer bu kha dog nag mo ste/ /bcom ldan 'das kyi mgul nas 'khyud/ /spyan gsum gyis ni rnam par brgyan/ /g.yas rkyang ba yi gnas pas gnas/ /phyag rgya lnga yis rnam par brgyan/ /dpral ba'i steng du mgo skam phreng/ /mdzes pa dag gis mdzes par byas/ /khrag med mgo yi phreng ba yis/ /grub pa'i mkha' 'gro ma la brgyan/ /de nas bcom ldan 'das kyis thugs ka'i pad+ma la gnas /pa'i nyi ma la ni hUM ngo/ /de nas bcom ldan 'das ma'i thugs ka'i pad+ma la gnas pa'i zla ba la yi ge oM lta bar bya ste/ mig dang

  41. 21a

    rna ba dang/ sna dang/ lce dang/ lus dang/ yid la mtsho skyes dang/ srog song ba'i snying ga'i zla ba'i dkyil 'khor gyi steng du a A i a'i uM gi sa bon las skyes pas mtshan ma'i gri gug dang/ zla ba dang nyi ma kha sbyor du byas pa yongs su gyur ba las/ /rdo rje ma la sogs pa'i mkha' 'gro ma dkar mo/ nag mo/ ser mo/ dmar mo/ ljang gu ni gti mug dang/ zhe sdang dang/ phra ma dang/ 'dod chags dang/ phrag dog ni bdag med ma mkha' 'gro ma'i rang bzhin te/ gri gug dang thod pa bsnams pa'i dkyil 'khor phyed pa'i gar gyis bzhugs pa bsgom par bya'o/ /rdo rje ma la sogs pa'i mkha' 'gro ma la? mo 'di dag ni rim pa ji lta ba bzhin du/ gzugs dang tshor ba dang/ 'du shes dang/ 'du byed dang/ rnam par shes pa'i phung po bsam par bya'o/ /de bzhin du gti mug dang/ zhe sdang dang/ nga rgyal dang/ phra ma dang/ 'dod chags dang/ phrag dog dang/ gzugs la sogs pa'i yul rnams la ni/ gau rI dang/ tsau rI dang bet+tA lI dang/ g+hasma rI dang sa spyod ma dang/ mkha' spyod ma dang/ sa dang/ chu dang/ me dang/ rlung dang nam mkha' la ni/ puk+ka sI dang/ sa ba rI dang/ tsaN+Da lI dang/ DoM pi'o/ /lus dang/ ngag dang/ yid la ni sdig song ba'i snying ka'i zla pa'i dkyil 'khor gyi steng du oM AM gi sa bon las skyes pa'i/ dkar mo dang/ dmar mo dang/ nag mo dang/ sa spyod ma dang/ mkha' spyod ma dang/ bdag med ma'i rnal 'byor ma rnams rdo rje ma la sogs pa bzhin du yongs su rdzogs pas gnas nas su'o/ /sha ni puk+ka sI ru grag /khrag ni sa ba rI du brtags/ /tsaN+Da lI ni ? par bstan/ DoM bi rkang tshil dag pa ste/ /'di dag lha yi rnam dag go /da ni rnam par dag pa gzhan dag brjod par bya ste/ pags pa byang chub yan lag bdun/ /rus pa 'phags pa'i bden pa bzhi/ /thugs rje'i spyan ni dmar po ste/ /byams pa'i thugs kyis yan lag nag /bsdu ba'i dngos po bzhi dag gis/ /zhabs bzhi dag tu dran par bya/ /zhal brgyad rnam par thar pa ste/ /phyag ni stong pa bcu drug go /tshad ni sangs rgyas lnga yin te/ /khro ba gdug pa 'dul ba'o/ /spyan ni rnam dag rdo rje gsum/ /brtan pa'i sems kyi dngos grub 'gyur/ /drug cu rtsa bzhi

  42. 21b

    brgyad cu drug /'dab ma sum cu gnyis pad+ma/ /sprul pa chos dang longs spyod dang/ /bde chen zhes bya go rims bzhin/ /lte ba snying ga mgrin pa mgor/ /'khor lo bzhi po bsgom par bya/ /'od zer lnga po dkar dang nag /dmar dang sngo ba de bzhin te/ /oM hUM aM haM ci rigs par/ /steng dang 'og tu kha bltas nas/ shes rab thabs kyi rnam dag gis/ /gnyis gnyis dag tu nye bar bstan/ /de nas rang gi snying ga'i sa bon gnyug ma'i 'od zer gyi tshogs kyis gdod mas nas grub pa'i khams gsum na bzhugs pa'i rgyal ba mchog gi tshogs spyan drangs pa nam mkhar bzhugs su gsol/ phyi dang nang dang gsang ba mchod pa'i khyad par gyis yang dag par mchod la/ oM a b+hi Shiny+tsa tu mAM sarba ta thA ga ta zhes bya bas gsol pa btab pa dang/ he ru ka'i gzugs su gyur pa'i de bzhin gshegs pa de dag gis de bzhin gshegs pa lnga'i rang bzhin du bdud rtsi lnga'i rang bzhin bum pa lnga lag pa'i pad+mas gzung bas dbang bskur bar bya'o/ /dbang bskur ma thag tu spyi bor thugs kyi bdag por bzhag go /me tog gi char dang gur gum gyi char yang 'bab par 'gyur ro/ /rnga'i sgra yang sgrogs par byed do/ gzugs rdo rje la sogs pas kyang mchod par byed do/ /sangs rgyas spyan la sogs pas kyang bstod par byed do/ /de'i rjes la rang rig pa thugs kar gnas pas dbang bskur bas mig la sogs pa 'thob par bsgoms la/ tshogs lhag par bya ba'i don du rigs lngas byin gyis brlab par bya'o/ /de'i rim pa 'di yin te/ mgo dang/ snying ga dang lte ba dang/ gsang pa bar gnas su/ /oM hUM swa a(rgyud 'grel): ha'i sa bon lnga las rdzogs pa'i rnam par snang mdzad mi bskyod pa dang/ rin chen 'byung ldan dang/ snang ba mdza' yas dang/ don yod grub pa'i rang bzhin gyi rdul phra rab las bsgrubs pa'i sku can bsgom par bya'o/ /hUM dang a'i sa bon las nges par byung ba'i pad+ma mang ba ma brgyad pa'i ze ba la hUM dang oM las byung ba'i rnal 'byor pa'i rdo rje'i nor bu ji ltar rigs par sngags gnyis kyis byin gyis brlabs te/ oM pad+ma su kha d+har

  43. 22a

    mahA rA ga su kha d+ha ra/ tsa tu rA na na da b+ha ga bi shU hUM hUM hUM ka ryaM ku ru Sha me/ tsa tu rA nanda da ya ka kha ga mu khe ka rA so nA tha hUM hUM hUM/ karyaM ku ru Sha me zhes bya ba de dang lhan cig tu dga' ba brtsam par bya'o zhes bya ba la sogs pa ni dang po'i rnal 'byor zhes bya ba'i ting nge 'dzin to/ /de'i rjes la rang gi snying ga'i sa bon gyi 'od kyi lcags kyus he ru ka'i 'khor lo spyan drangs nas bdag nyid la bcug la zhu bar byas nas/ zla ba zhu ba lta bur gyur pa pad+ma'i nang du ltung ba las skyes pa'o/ /rang gi sa bon dang phyag mtshan las rdzogs pa'i dkyil 'khor gyi dbang phyug dang/ gau rI la sogs pa'i mkha' 'gro ma'i tshogs bskyed cing/ hUM aM gaM tsaM baM g+haM paM shaM laM DaM zhes bya ba'i 'byin pa'i sngags kyis sprul cing gdon no/ /de la bcom ldan 'das mo dang lhan cig bcom ldan 'das ji skad bstan pa'i phyag dang zhal sku mdog la sogs pas mtshon pa rang gi bdag nyid gzhug go /gau bI ba dog nag mo ste/ /g.yas dang gzhan la gri gug dang/ /ro hi ta yi nya bsnams pa/ /shar sgor nyi ma'i gdan la bsam par bya'o/ /de bzhin du tsau rI ni bcod kyi mdog lta bu rde'u chung dang phag pa bsnams pa lho'i gdan la'o/ /de bzhin du ro langs ma ni gser btso mo'i mdog lta bu ru sbal dang/ pad+ma'i snod bsnams pa nub kyi sgo'i gdan la'o/ /de bzhin du g+hasma rI ni nor bu ma rka ta lta bu ste/ sprul dang rnal 'byor gyi snod bsnams pa gang phyogs kyi sgo'i gdan la'o/ de bzhin du puk+ka sI ni in+d+ra ni la lta bu ste/ seng ge dang dgra sta bsnams pa dbang ldan mtshams kyi gdan la'o/ /de bzhin du sa ba rI ni zla ba nya ba lta bu ste/ dge slong dang mkhar gsil bsnams pa me'i mtshams kyi gdan la'o// de bzhin du tsaN+Da lI ni nam mkha' ltar sngo bsangs te/ 'khor lo dang bshol mnga' bsnams pa bden bral mtshams kyi gdan la'o/ /de bzhin sdoM bai? ni sna tshogs pa'i mdog can te phyag na rdo rje dang sdigs mdzub bsnams pa ste/ rlung gi mtshams kyi gdan la gnas

  44. 22b

    par bsam par bya'o/ /rdo rje rnal 'byor ma kun kyang/ /dkyil krung phyed ba'i gar gyis gnas/ /phyag rgya lnga yis rnam par brgyan/ /dbu skra dmar ser gyen du 'grong/ /spyan gsum dmar zhing zlum pa ste/ /khrag med mi mgo'i phreng ba yis/ /rnam par brgyan cing bdag pho la/ bde mchog sbyin pa gcer bu'o zhes bya bas thams cad du yongs su rdzogs pa'i dkyil 'khor la bltas la/ phyag rgya byin rlabs sbyor ba yis/ /nyams med ye shes thob bya'i phyir/ /mtsho skyes rdo rjes bug pa ru/ /phaT ser po ni bsam par bya/ /de nas rang gi snying ga'i sa bon gyi 'od kyi lcags kyus ye shes kyi dkyil 'khor spyan drangs la shar phyogs kyi sgor phyogs par bltas la yon chab la sogs pa phul te/ oM badzra gau rI A karSha ya dza(rgyud 'grel): oM badzra tsau rI pra be sha ya hUM/ oM badzra bet+tA lI band+ha baM/ oM badzra g+hasma rI to Sha ya ho(rgyud 'grel): zhes bya ba spyan drang ba dang/ gzhug pa dang/ bcing ba dang/ mnyes par bya bas dam tshig dang ye shes kyi dkyil 'khor gcig tu gyur par rnam par bsams la/ snying ga'i sa bon gyi 'od zer gyis rgyal ba mchog gi tshogs spyan drangs shing mchod la dbang bskur ba bya ba'i phyir gsol ba gdab par bya'o/ /de ltar de dag gis dbang bskur ba byas ma thag tu ming gis dbang bskur ba'i rgyal ba mgor gnas par 'gyur ro/ /de la thugs dang sangs rgyas rin chen dang/ rdo rje chos kyi rgya yis ni/ /gau rI tsau rI bet+tA lI/ /g+hasma rI la go rims bzhin// lha mo puk+ka sI sogs bzhin/ /sangs rgyas 'di dag go rims bzhin/ /de nas rang gi snying ga'i sa bon gyi 'od zer gyi sgo las byung ba'i mkha' 'gro ma rnams lag pa'i yas gas mchod pa rnam pa sna tshogs thogs pa/ rdzas dang/ blta ba dang/ dge ba ma lus pa sgyu ma lta bur blta ba'i ngo bo dang/ de las gzhan pa'i phyi rol gyi mchod pa khyad par can gyis bdag nyid khams gsum pa'i bdag nyid can dkyil 'khor gyi 'khor lo'i ngo bo la mchod pa dang/ mchod pa po dang mchod pa'i gnas kyi dbye ba'i blo mi bya bar yang dag par mchod par

  45. 23a

    bya zhing/ sgra'i grong khyer brag cha lta bur shes pas bstod par yang bya'o/ /rnal 'byor ma'i tshogs kyis khyod/ /bskor zhing khyod sems mchog thob 'gyur/ /de yis 'gro bo brtan g.yo spyangs/ /thugs rje'i thugs kyis sems can bslang/ / sgyu ma'i sprul par khyod kyi rdo rje phag /dpal ldan khrag 'thung rdo rje'i bdag la thugs kyis dgongs/ /de nas mdun du yaM las byung ba'i rlung gi dkyil 'khor rgyal mtshan gyis mtshan pa'o/ /de'i steng du raM las byung ba'i me'i dkyil 'khor 'bar bas mtshan pa'o/ /de'i steng du a las byung ba'i pad+ma'i snod do/ /de'i dkyil du bdud rtsi lnga dang gsal byed lnga/ /de bzhin gshegs pa lnga'i sa bon gyis mtshan pa sbar ba dang/ bskol ba dang/ dri ma med par sbyangs pas shel ltar gyur pa de'i steng du hUM las byung ba'i de bzhin gshegs pa thams cad kyis byin gyis brlabs pa'i rdo rje'i drod kyis zhu bar gyur pa/ oM gyis byin gyis brlab pa/ de'i 'od zer gyis de bzhin gshegs pa thams cad kyi ye shes kyi bdud rtsi bkug la de dang ro mnyam par byas pa la de kho na nyid gsum gyis byin gyis brlabs pa/ ro dang nus pa dang/ dpe med pa'i smin pa'i rang bzhin hUM las byung ba'i lce dang/ snying ga dang/ nyi ma la bkod pa'i dkyil 'khor tshim par bya zhing mkha' 'gro ma'i dbus na gnas pa'i gtso bo bsgoms pa la yang de nyid kyis so zhes bya ba ni dkyil 'khor rgyal mchog ces bya ba'i ting nge 'dzin to/ /da ni gau rI la sogs pa'i mkha' 'gro ma'i tshogs kyi dkyil 'khor gyi dbang phyug mthar thug pa'i re re nas go rims bzhin du phyogs bcur yang dag par spros la/ ji ltar rigs par rjes su brtan par byas nas/ bya ba byas shing byed ba byas pa'i dkyil 'khor ma lus pa rnam par mi rtog pa bde ba'i rang bzhin du blta bar bya'o/ /de'i rjes la dang po sprul pa'i 'khor lo yi ge aM kha dog nag po 'od dang bcas pa'o/ /de yongs su gyur pa mar me'i 'od ltar 'bar ba'i 'od zer ba spu'i bu ga nas byung bas/ /gau rI la sogs pa lha mo'i tshogs snang bar byas nas/ dkyil 'khor dang dkyil 'khor gyi dbang phyug nag po chen po

  46. 23b

    mig sman nag po chen po bcag pa lta bu'i lus spro zhing bsdu ba bsgom par bya'o/ /rim pa 'di nyid kyis gnyis par dmar po/ gsum par ser po/ bzhi par ljang khu lnga par sngon po/ drug par dkar po zhes bya ba yan lag drug bsgom par bya'o/ /phyi nas dga' bral mthar yang de bzhin no zhes bya ba gau rI la sogs pa mkha' 'gro ma brgyad rang rang gi phyogs kyi zhal brgyad du zhugs nas nyid kyi thugs ka'i sa bon gnyug mar gnas par bya'o/ /de nas bcom ldan 'das ma bdag med ma yang bcom ldan 'das kyi thugs kar zhugs par bsam par bya'o/ /de nas bcom ldan 'das kyang 'khor lo bzhi po 'od zer gyi tshogs spros pas bdag nyid 'od kyi rang bzhin du gyur pas/ nyid kyi thugs ka'i nyi ma la gnas pa'i sa bon gnyug ma la 'jug par bya'o/ /nyi ma yang sa bon la/ sa bon yang thig ler gyur nas thig le dang bcas pa'i 'khor lo gsum ni des mtshon pa bde ba chen po'i rang bzhin 'od zer dkar po'i tshogs kyi rnam pa can du bsgom par bya'o/ /rim gyis rang gi bdag nyid du zhu bar gyur pas mi dmigs par bya'o/ /de lta bu'i sems kyi rang bzhin gnyug ma'i ngo bo nyid bde ba chen po'i rnam par ro gcig par gyur to zhes bya ba min no bsgom pas skyo bar gyur na/ sngags bzlas pa bya ste/ bdag nyid dang 'khor lo'i rnam pa bsams/ oM de ba pitsu badzra hUM hUM hUM phaT swAhA zhes bya ba'i sngags sam/ rgyud nas 'byung ba'i rtsa ba'i sngags snying ga'i nyi ma la sngags kyi yi ge mgo gyen du bltas pa dkyil 'khor gyi rnam pa ltar yang dag par gnas pa rab tu 'bar ba rnams yid kyis bris la yid kyis bltas pa 'di ni rdo rje bzlas pa'o/ /yang na khro bo'i bzlas pa bya ste/ zhal brgyad dang/ gau rI la sogs pa mkha' 'gro ma rnams kyi zhal nas sngags brjod par lhag par mos pa bya'o zhes bya ba ni zlas pa mdor sdus pa'o/ /bzlas pas skyo bar gyur na smon lam gdab par bya ste/ rigs bzangs skye dang dam tshig can/ rgyags med dgyes pa'i rdo rje 'chang/ /bla ma la gus snying rje dang/ /ldan zhing skye zhing skye bar 'gyur ro/ /lag pa rdo rje dril bu 'khrol/ /zab mo'i chos ni 'don pa dang//

  47. 24a

    btsun mo'i khu ba mnyam za bar/ /skye zhing skye bar 'gyur bar shog ces bya'o/ /yang na snga ma bzhin du rang gi lhag pa'i lha'i dkyil 'khor gyi 'khor lo yang dag par mchod la/ rang gi snying ga'i sa bon gnyug ma las gzhal yas khang yangs shing rgya che bar lhag par mos par byas la mkha' 'gro ma'i tshogs khongs su chud par bsgoms nas/ lha'i nga rgyal nyid bya'o/ /yid kyis langs la bya ba rnams la spyad par bya'o/ /thun gnyis po gzhan la yang yid dang mthun pa'i gnas su nye bar 'dug la/ snga ma bzhin du gzhal yas khang lhag par mos par byas la/ de'i dkyil du bdag nyid bdag med ma dang mnyam par 'dus pa'i zhal brgyad pa'i gzugs kyis de kho na nyid gsum brjod pas/ rang rang gi las nges par byung ba'i mkha' 'gro ma'i tshogs gsal por bltas la gnas ji lta ba bzhin du bkod la/ dkyil 'khor gyi 'khor lo ma lus pa bde ba chen po'i rang bzhin du bsgoms la mchod pa dang bstod pa la sogs pa yang bya'o/ /nyal dus su yang dga' bral mdza' can gyi rnal 'byor mngon sum du byas la/ gnyid log par bya'o/ /sad pa'i dus su yang/ puk+ka sI la sogs pa lha mo bzhis glus bskul bas langs par bsam mo/ /langs nas kyang de lta bu nyid du gnas par bya'o/ /ji srid yang dag par rdzogs pa'i byang chub thob kyi bar du nyin re bzhin bya'o zhes bya ba ni las rgyal mchog ces bya ba'i ting nge 'dzin to/ /gal te phyag bcu drug pa la mos par byed na/ gzhal yas khang de nyid du phyag drug pa 'am phyag bzhi pa bsgom par bya'o/ /de la bcom ldan 'das nyid kyi sa bon dang/ phyag mtshan la sogs pa ni pha rol tu phyin pa drug go /stong pa mtshan ma med pa dang/ smon pa med pa rnam par dag pas zhal gsum mo/ /sku dang rtsa ba'i zhal ni 'dam skyes sngon po 'dra'o/ /g.yon ni dmar po'o/ /g.yas ni zla ba'i 'od lta bu'o/ /spyan gsum pa skyil krung phyed pas gnas pa/ phyag g.yas kyi dang

  48. 24b

    po ni rdo rje'o/ /phyag gnyis pa ni gri gug go /phyag g.yon gyi dang po na rtse gsum pa'o/ /phyag gnyis pa na dril bu'o/ /phyag lhag mas ni rdo rje lu gu rgyud ma la mnyam par 'khyud pa khams gsum gyi bdag nyid can gyis ro mnan pa'o/ /rdo rje lu gu rgyud ma ni mdog sngon mo ste/ bdag med ma ltar rgyan sna tshogs kyis brgyan pa'o/ /gri gug dang thod pa bsnams pa'i phyag gnyis kyis rang gi bdag po gnyug ma'i mgul nas 'khyud par bsgom par bya'o/ /de bzhin bdud nges par bcom pa'i rnam par dag pas phyag bzhi ste/ 'dam skyes sngon po dang 'dra'o/ /spyan gsum pa/ /ro rnam par gnon pa/ skyil krung phyed pa'i gar gyis mnan pa'o/ /g.yas kyi dang po na ni rdo rje'o/ /phyag g.yon gyi dang po na ni mi'i thod pa lha dang lha ma yin gyi khrag gis gang ba'o/ /phyag lhag mas ni rdo rje phag mo la 'khyud pa'o/ /bcom ldan 'das ma ni sku mdog sngon mo ste/ phyag g.yas dang gzhan la ni gri gug dang thod pa 'dzin pa'o/ /rgyu'i rdo rje 'dzin 'di dag gi phyag mtshan dang 'khor la yang 'bras bu bzhin te/ khyad par zla ba'i gdan dang/ zla ba'i 'od bsgom par bya'o/ /phyag drug pa dang/ phyag bzhi pa la zhal brgyad pa med na yang/ mkha' 'gro ma'i tshogs rang rang gi phyogs kyi pa spu'i bu gar gzhug par bya'o/ /oM ki Ti ki Ti badzra hUM hUM hUM phaT swAhA/ zhes bya ba ni phyag drug pa'i 'o/ /oM dzwa la dzwa la b+hyo hUM hUM hUM phaT swAhA/ zhes bya ba ni phyag bzhi pa'i'o/ /lhag ma ni snga ma bzhin du rtogs par bya'o/ /dpal ldan yan lag med rdo rje/ /ye shes bsam yas brnyes gyur pas/ /yang dag rjes gnang thob gyur nas/ /bris kyi mngon pa'i nga rgyal min/ /bdag gis 'di bris nongs pa rnams/ /ston ka'i dri med 'od 'dra ba'i/ /yid dang ldan pa'i mkhas rnams dang/ /rnal 'byor pa rnams bzod par 'os/ /khrag mthung sgrub thabs byas pa las legs pa bdag gis gang bsags pa/ /des ni 'jig rten ma lus rnams/ kun mkhyen ye shes pa rol son/ /dpal rnal 'byor pa yan lag med pa'i rdo rjes mdzad pa/ dpal dgyes pa'i rdo rje'i sgrub thabs rdzogs so// //rgya gar gyi mkhan po kun tu bzang po dang/ lo

  49. 25a

    tsA ba dge slong tshul khrims rgyal bas bsgyur cing zhus te gtan la phab pa'o// //rgya gar skad du/ sh+rI he ru ka sA d+ha naM/ bod skad du/ he ru ka'i sgrub thabs/ dpal rdo rje mkha' 'gro la phyag 'tshal lo/ /khrag 'thung 'jig rten gsum las bskyed/ /dpal ldan bla ma mgon btud nas/ /de yi sgrub thabs zhi ba ni/ /gsung pa'i cho ga mdor bsdus bya/ /dpa' bo zhal gcig phyag gnyis pa/ /bdag med ma yis mgul nas 'khyud/ /'khor lo la sogs rgyan dang ldan/ /spyan gsum stag gi sham thabs can/ rgyud 'dir bsgom pa la dbang ba'i/ /rnal 'byor pas tho rangs langs te/ stan bde ba la 'dug nas/ rang gi snying gar nyi ma la gnas pa'i hUM bltas te/ de'i 'od zer gyis dpal he ru ka mngon du byas la/ me tog la sogs pa mchod pa lnga yis yang dag par mchod par bya'o// de'i spyan sngar sdig pa bshags pa dang/ bsod nams la rjes su yi rang ba dang/ /gsum la skyabs su 'gro ba byas te/ byang chub chen por sems bskyed do/ /sems can thams cad bde ba la dgod par 'dod pa'i byams pa dang/ sdug bsngal thams cad las bsgral bar 'dod pa'i snying rje dang/ bde ba nges par rgyun mi 'chad par 'dod pa'i dga' ba dang/ nyon mongs pa thams cad dang/ nye ba'i nyon mongs pa dang/ gzung ba dang 'dzin pa la sogs pa'i rtog pa'i dri mas ma gos pa'i rang bzhin ston ka'i dri ma med pa nam mkha' i dkyil ltar gnyis su med pa'i ye shes chul gcig pa'i stong pa nyid bsgom par bya'o/ /oM shU n+ya tA dz+nyA na badzra swa b+hA ba At+ma kohaM/ zhes bya ba'i sngags kyis byin gyis brlab bo/ /de nas langs te nam mkha' i phyogs su nyi ma'i dkyil 'khor la gnas pa'i hUM bltas te/ de yongs su gyur pa las rdo rje lte ba la gnas pa'i nyi ma la hUM bsam par bya'o/ /de'i 'od la nas 'thon te/ dpal he ru ka'i gzugs kyis 'gro ba ma lus pa'i don byas nas de nyid du zhugs pa dang/ de yongs su gyur pa las dpal he ru ka pad+ma sna tshogs mdab ma can la ro'i steng nyi ma'i dkyil 'khor la zhugs pa/ zhal

  50. 25b

    gcig phyag gnyis pa spyan gsum pa/ phyag g.yas na rdo rje/ g.yon rdo rjes mtshon pa'i thod pa bsnams pa/ gar gyi stangs dang ldan pa stag gi sham thabs can spyi bor mi bskyod pa'i bdag nyid mi'i mgo bo las byas pa'i 'khor lo 'dzin pa dang/ rna bar 'od dpag med kyi bdag nyid mi'i rus pa'i rna cha dang/ mgul par rin chen gyi rang bzhin mgul rgyan dang ldan pa/ lag pa la rnam par snang mdzad kyi rang bzhin gdub bu dang ldan pa/ rked par don yod grub pa'i bdag nyid ska rags kyis brgyan pa/ skra'i mchod phyir thogs dang/ dpung rgyan dang/ rkang gdub kyis brgyan pa/ dbu skra ser po gyen du brdzes pa/ bdag med ma zhal gcig phyag gnyis pa/ gri gug dang thod pa bsnams pa'i bdag med ma mgul nas 'khyud pa'o/ /de lta bur gyur par bdag nyid bsams la/ rna bar bdag med ma'o/ /mig ni rdo rje ma'o/ /sna la gsang ba'i go rI ma/ lce la chu'i rnal 'byor ma/ lus la rdo rje mkha' 'gro ma/ yid la bdag med mas byin gyis brlabs par bsam par bya'o/ /de nas spyi bor pad+ma 'dab ma sum cu rtsa gnyis pa'i lte ba la/ hi kha thur du bltas pa'o/ /mgrin par pad+ma 'dab ma bcu drug pa la oM gyen du bltas pa'o/ /snying gar pad+ma 'dab ma brgyad pa'i lte ba la hUM kha thur du bltas pa'o/ /lte bar pad+ma 'dab ma drug cu rtsa bzhi pa'i steng aM kha gyen du bsam par bya'o/ /de nas dam tshig sems dpa' lta bu'i ye shes sems dpa' bkug ste/ dza(rgyud 'grel): hUM baM ho(rgyud 'grel): zhes pa'i sngags kyis dgug pa dang gzhug pa dang bcing ba dang dbang du bya'o/ /chu dang 'o ma bsres pa lta bu ro mnyam par bya'o/ /de'i rjes la rang gi snying gar nyi ma la rdo rje/ de'i lte bar hUM gi 'od kyis de bzhin gshegs pa thams cad kyi bdag nyid dpal he ru ka bkug la mchod pa bya ste/ de bzhin gshegs pa thams cad kyis bdag la dbang bskur cig ces gsol ba gdab bo/ /de dag gis bdud rtsi lngas gang ba'i rin po che'i bum pas dbang bskur bas bdag la mi bskyod pa mgon

  51. 26a

    po'i dbu rgyan dang bcas pa bsam par bya'o/ /de nas rnal 'byor ma'i tshogs thams cad kyis rang rang gi byang chub sems kyi rdzas kyis mchod par bsam mo/ /de nas mche pa gtsigs shing 'jigs pa che/ /sngags kyi me tog phreng bas brgyan/ /sha chen rab tu gsol mdzad pa/ /he ru ka la phyag 'tshal bstod/ /ces bya bas bstod par bya'o/ /de nas snying gar hUM yongs su gyur pa las rdo rje/ de'i 'og tu oM yongs su gyur pa las pad+ma'i snod bskyed de/ de'i dbus su oM gyis mtshan pa'i go ku da ha na ma ra mu su bi la sogs pa dam tshig gi rdzes bsam par bya'o/ /de nas rdo rje dang/ pad+ma'i sbyor bas/ me 'bar ba des rdzas rnams bsres te bskol nas zhu bar gyur pa/ de bzhin gshegs pa thams cad kyi rang bzhin du bltas te/ ye shes kyi nyi ma 'bar ba/ ye shes sa bon de'i 'od kyis de bzhin gshegs pa thams cad kyi bdud rtsi bkug nas/ dngos po de dag dang lhan cig par bya ste/ oM A(rgyud 'grel): hUM zhes bya ba'i yi ges byin gyis brlab par bya ste/ de nas hUM dkar po'i rang bzhin gyis lce sbyangs la/ bdag nyid de yis chim par bya'o/ /de nas snying gar nyi ma la gnas pa'i hUM la bskor nas gnas pa'i/ /oM tre lOkyA k+Sha pa huM hUM hUM phaT swA hA/ zhes bya ba'i yi ge bcu gnyis kyis sngags kyis phreng ba mar me'i phreng ba ltar 'bar zhing gsal ba yid kyis bris te/ kog pa'i rim pa bzhin du/ mi 'gyur bar bzlas par bya'o/ /gung dang rgongs kyi dus su yang bdag nyid he ru ka'i rang bzhin du skad cig gis bskyed de/ de mig la sogs pa'i rnam par dag pa dang/ 'khor lo'i sgom pa dang/ mchod pa dang/ bstod pa dang/ bdud rtsi myang ba dang/ bzlas pa la sogs pa byas te/ ji bzhin par gnas nas gshegs su gsol bar bya ste/ gtor ma btang ba la sogs pa'o/ /de nas dkyil 'khor bsdus te/ skad cig mas lhar sprul pa ci bder gnas

  52. 26b

    par bya'o/ /dpa' bo 'jig rten gsum bskyod pa'i/ /sgrub thabs bla med byas pa las/ /bsod nams gang zhig bsogs pa des/ /'jig rten rdo rje 'dzin par shog /dgyes pa rdo rje zhal gcig phyag gnyis pa'i sgrub thabs rdzogs so// // slob dpon chen po sa ha dza bi la sa'i zhal snga nas mdzad pa/ rgya gar gyi mkhan po ba len+d+ra ru tsi'i zhal snga nas dang/ bod kyi lo tsA ba rma ban chos 'bar gyis bsgyur ba'o// (//man ngag rim pa gsum pa zhes bya ba bzhugs//) //rgya gar skad du/ tri kra mo pa de sha nA ma/ bod skad du/ man ngag rim pa gsum pa zhes bya ba/ dpal dgyes pa'i rdo rje la phyag 'tshal lo/ /rnal 'byor pas thog mar rlung ma dang/ gnyis ma rtse sprang la tsaN+Da li shin tu drag yun thung bar sbar te/ des de bzhin gshegs pa dang/ spyan la sogs pa'i rtog pa bsreg go /de ltar yang nas yang du bsreg pa dang/ sbar bas phyi'i dngos po gang la dmigs shing bltas kyang 'bar zhing 'dar ba byung na sngags kyi rim pa mthar phyin pa yin te/ bsgom pa 'phro bcad la/ bde ba chen po phab la nor bu'i dkyil du srog gi rlung gzung la sems rtse gcig tu shin tu bsgrims la yang dang yang du gtad do/ /de ltar gtad pa dang nor bu 'gags pa snyam byad cing mi bzod na/ rdo rje'i rked par sems bde ba la yang dang yang du gtad/ de ltar gtad pa dang bde bas mi bzod pa dang/ rtsa bar bde ba la sems gtad/ de ltar gtad pa dang/ yang mi bzod pa dang/ lte bar bde ba la sems gtad/ de ltar gtad pa de yang mi bzod na/ de nas gyen du bzhi cha gcig gi gnas su sems gtad/ de ltar sems gtad pa dang yang mi bzod na yang gyen du bzhi cha gcig gi nang du bde ba la sems gtad/ de ltar gtad pa dang yang mi bzod na yang bzhi cha gcig gi gnas su bde ba la sems gtad/ de ltar bstan pa dang yang bde ba mi bzod na snying gar bde ba la sems gtad/ de ltar gtad pa na bde bas mi bzod cing snying 'dar zhing sprug? pa snyam byed na/ yang gyen du bzhi

  53. 27a

    cha gcig gi gnas su bde ba la sems gtad/ de ltar gtad pa dang yang bde bas mi bzod na yang gyen du bzhi cha gcig gi gnas su bde ba la sems gtad/ de ltar gtad pa dang bde bas yang mi bzod na bzhi cha gcig gis gnas su bde ba la sems gtad/ de ltar gtad pa dang yang mi bzod na yang gyen du bzhi cha gcig tu bde ba la sems gtad/ de ltar gtad pa dang/ yang bde ba la mi bzod na lkog mar bde ba la sems gtad de ltar gtad pa na/ bde ba mi bzod cing yang gyen du bzhi cha gcig gi gnas su bde ba la sems gtad/ de ltar gtad pa dang/ mi bzod pa snyam byed na yang gyen du bzhi cha gcig gi gnas su bde ba la sems gtad/ de ltar yang gtad pa dang mi bzod pa snyam byed na/ skad 'gags pa snyam byed cing smra mi shes pa snyam byed pa na yang gyen du bzhi cha gcig gi gnas su bde ba la sems gtad/ de ltar gtad pa dang/ yang mi bzod pa snyam byed na yang gyen du bzhi cha gcig gi gnas su bde ba la sems gtad/ de ltar gtad pa dang/ yang mi bzod pa snyam byed na smin mtshams phrag tu bde ba la sems gtad/ /de ltar gtad pa dang/ smyo ba 'am/ 'gyel pa 'am/ dngos po gang la dmigs shing bltas kyang smyos pa snyam byed na ye shes rim pa mthar phyin pa yin te/ 'phro bcad pa la gsang ba'i rim pa la bya'o/ /der yang sna sgor dbugs bsdams/ nang gi sems dang sems las byung bar chos thams cad 'dus pas phyi rol gyi yul la mi rtog par/ nang gi sems kyi rtog pa'i byung tsher ci byung ba la mi dmigs par bsgom mo/ /de ltar bsgoms pa dang lus ras bal gyi mdab ma bzhin du yang zhing smig rgyu lta bu la sogs pa rtags lnga mngon sum du mthong bar gyur pa dang/ gsang ba'i rim pa mthar phyin pa yin te/ de bas na nang gi sems dang phyi'i yul thams cad dbyer mi phyed cing gnyis su med par mi dmigs par bsgom mo/ /de ltar bsgoms pa dang/ mngon par shes pa lnga rim gyis skyes na bde ba chen po thob bo/ /ro smad bshad?

  54. 27b

    cing mi theg pa snyam byed cing/ 'grong gi 'phrag tu zug cing na thur du sel ba'i rlung zin pas shin tu rgyas pa yin te/ de zhi bar bya ba'i phyir smin phrag tu bde ba la sems gtad do/ /de ltar gtad pa dang/ sna rus na ba dang/ mig rus na ba dang/ spyi gtsug na ba dang/ rna ba na zhing 'ur 'ur zer na gyen du rgyu ba'i rlung zin pas shin tu rgyas pa yin te/ de zhi bar bya ba'i phyir lte bar bde ba la sems gtad/ de ltar sems gtad pa dang/ lte bar zug cing spo ba snyam byed na/ me dang mnyam du gnas pa'i rlung zin pas rgyas pa yin te/ de zhi bar bya ba'i phyir mgrin par bde ba la sems gtad/ kha chu spring cing skad 'gags pa snyam byed na/ lce'i dbang po la gnas pa'i rlung zin pas shin tu rgyas pa yin te/ de zhi bar bya ba'i phyir snying gar bde ba la sems gtad/ de ltar gtad pa dang snying gcu zhing sprugs pa snyam byed na/ rlung la gnas pa'i rlung zin pas rgyas pa yin/ de zhi bar bya ba'i phyir nor bu'i dkyil du bde ba la sems gtad/ de ltar gtad pa dang lus kyi tshigs thams cad na zhing spring pa snyam byed cing lus thams cad la be ra ba langs na/ khyab byed kyi rlung zin pas rgyas pa yin te/ de zhi bar bya ba'i phyir bde ba la rang bzhin med par bsgom mo/ /de ltar bsgoms pa dang/ rgod snying 'dod cing ku co'i sgra 'don snying 'dod na shin tu rgyas pa bde ba la rgyas pa yin te/ shin tu yang bsgrims la bde ba la mi dmigs par bsgom mo/ /de ltar bsgoms ba dang shin tu myos shing dran pa med cing rmongs na/ zhi gnas shas che ba yin te de med par bya ba'i phyir nang gi chos thams cad sgyu mar bsgom mo/ /de ltar bsgoms pa dang sems rgod cing 'phro na sgyu ma mi dmigs par bsgom/ de ltar cha snyams nas yang dang yang du bsgom pas gsal ba rtog pa med pa skyes nas bde ba chen po thob par 'gyur ro/ /gong ma de ltar bsgom pa'i tshe mkha' 'gro ma nyams sod pa'i phyir 'ong ba'i tshe brda bya'o/ /de ma shes na rtog pa med par bsgom mo/ /de ltar bsgoms pa dang/ mkha' 'gro mas byin gyis brlab

  55. 28a

    par 'gyur ro/ /'gro kun gsang sngags don ldan zhing/ /tshe 'di nyid la byang chub thob par shog /man ngag rim pa gsum pa zhes bya ba/ slob dpon chen po DoM ba he ru ka'i zhal snga nas mdzad pa rdzogs so// (//go par byed pa'i snying po brgya pa'i ming bzhugs//) rgya gar skad du/ pra ti kar h+ri da sha ta ka nA ma/ bod skad du/ go bar byed pa'i snying po brgya pa'i ming/ he ru ka la phyag 'tshal lo/ /ci'i phyir phyag btsal zhe na/ chos thams cad kyi rang bzhin ni/ dga' ba bzhis rgyas pa'o/ /de yang rdo rje'i rnal 'byor mas bskor ba'o/ /sprul pa'i 'khor lo bzhi'i dpal dang ldan pa/ /de'i phyir phyag btsal ba'o/ /slob dpon la yang phyag btsal ba'o/ /ci'i phyir phyag btsal zhe na/ rgyu dang 'bras bu gnyis su mi rtog pa'i ye shes kyi thugs su chud pa dang/ bde ba chen pos shin tuAng mdzes pa/ de yang slob dpon nyid kyis slob ma la go bar byed pas na/ go bar byed pa'i snying po'o/ /de'i phyir slob dpon lnga phyag 'tshal lo/ /de nas don gyi snying po bshad par bya ste/ kye rdo rje zhes bya ba zhi/ rang gi sems nyid kye'i rdo rje'o/ /ci'i phyir rang gi sems nyid yin zhe na/ rnam par rtog pa thams cad dang bral ba dang/ ma skyes pa dang ma 'gags pa'i phyir ro/ /he ru ka'i ngo bo de la bri ba dang gang ba med pa'i phyir ro/ /de'ang don du na rang gi snying gar byang chub sems zla ba lta bu bsam mo/ /de las 'gro ba'i don du sprul pa sna tshogs spro ba dang/ bsdu ba dang ldan pa'i thig le yin te/ spro ba dang bsdu ba tsam yang mi dgos te/ thig le nyid du rtag tu bsgom par bya'o/ /dkyil 'khor zhes kyang bya ste/ de la spro ba'i phyir ro/ /de ni ye shes rnam pa lnga'i rang bzhin yang de nyid yin no/ /de nyid me mar rlung gis ma bskyod pa bzhin du bsgom mo/ /de gcig dang du ma bral zhing mi g.yo ba'o/ /dkyil 'khor gyi lha zhes de la bya'o/ /mun pa thams cad sel bar byed pa'i dga' ba bzhi'i ngo bo yang de yin no/ /de rtag tu bsgom pa'i rnal 'byor pas ni nyon mongs pa thams

  56. 28b

    cad spong byed do/ /gzugs la sogs pa thams cad rang bzhin med par shes par bya ba yin gyi spang bar bya ba ma yin no/ /chos thams cad kyi snying po zhes bya ba gang zhe na/ thams cad kyi snying po nyid de la bya'o/ /stong pa nyid dang rang gi sems nyid tha mi dad par bsgom pa ni/ rang bzhin 'ga' ba' i don shes ba'o/ /stong pa nyid dang rang gi sems gnyis kyi rtog pa med par rtogs na/ de nyid 'bras bu yin no/ /de yang phung po lnga de bzhin gshegs pa lnga'i rang bzhin yin pa'i phyir ro/ /de yang bsgoms nas mngon du gyur pa 'bras bu yin no/ /mkha' 'gro ma zhes bya ba yang gi tsa nyid mkha' 'gro ma'i rang bzhin yin pa'i phyir ro/ /de yang bsgom pa ni rgyu yin la mkha' 'gro mar shes pa ni 'bras bu yin no/ /brjod par mi nus pa'i sems kyis chos thams cad la khyab po/ /de yang phyag rgya zhes bya ba yang snang srid kyi gzugs thams cad do/ /phyag mtshan zhes bya ba yang kha dog thams cad la bya'o/ /de ltar bsgom pa'i rnal 'byor pa la yid bde ba skyes pa ni/ rdo rje pad+ma bsgom pa'i rnal 'byor pa zhes bya'o/ /phung po la sogs pa'i chos thams cad ro gcig tu bsgom mo/ /lus las sems logs na med na/ sems las kyang lus logs na med par bsgom mo/ /de ltar bsgom na byang chub kyi sems thig le de la nyi ma dang zla ba de ngal so ba yin no thig le de nyid sems yin la/ /sems de la chos thams cad snang ngo/ /sems nyid me long yin par bshad do/ /me long la tshon dmar pos bsgos pa la bzhin mi snang ba bzhin du/ rang gi rnam par rtogs pas bsgribs pa ma bsal bar ye shes mi skye'o/ /de'i phyir ji ltar bsgoms pa ltar 'gyur te/ rang gi sems brtan par byas phan chad phyi nang gi chos thams cad thig le de'i 'od zer gyi/ thig le bsdus nas bsgoms na de kho na ltar bstan par bya'o/ /de yang yun ring du bsgom mo/ /da yang ci'i phyir

  57. 29a

    bsgom zhe na/ bdag dang gzhan du rtog pa bsal pa dang/ sems las ma gtogs pa'i chos med par bya ba'i phyir ro/ /de lta bu'i bsgom pa la rtag tu dga' bar bya'o/ /des ni 'dod pa lnga la yang rtag tu yongs spyad par bya'o/ /ji ltar spyad kyang nyes par mi 'gyur te/ dngos grub thob pa'i rgyur 'gyur ro/ /'ching bar mi 'gyur ro/ /de ltar zla ba drug bsgoms na rtags 'byung ste/ dang por drod skye'o/ /gnyis pa la sprul pa ston pa dang/ gsum pa gang du bsam par phyin pa'o/ /bzhi pa dpral ba'i dbyes su mdzod spu g.yas su 'khyil ba dang/ lnga par mngon par shes pa lnga skye'o/ /drug par snying ga'i thig le las khams sum gyi sems can mthong ba'i thig le las/ /khams sum gyi sems can thams cad spro ba dang bsdu ba yang nus so/ /de ltar spro bsdu'i 'gro don byas pas rdo rje sems dpar 'gyur/ gal te zla ba drug ma nus na yang zla ba phyed de/ des rtags phra mo 'ong bar bshad do/ /de ltar bsgoms na sangs rgyas su 'gyur ro/ /mtshan ma'i rnam par rtog pa spangs la rtag tu bsgom par bya'o/ /chos thams cad sgyu ma lta bur bsgom par bya'o/ /chos thams cad stong pa nyid du bsgoms nas 'gro pa'i don ji ltar bya zhe na/ dper na mun pa la rjes kyi dngos po mi mthong/ snang ba bteg na rdzas mthong ba bzhin du rang gi rnam par rtog pas bsgribs pas/ yang dag pa'i don mi mthong bar 'gyur ro/ gong gi don de bsgoms pas thams cad mkhyen pa'i ye shes kyi snang ba skye bar 'gyur ro/ /da ni lus dang ngag gi mtshan nyid bshad par bya ste/ de yang sems kyi mtshan nyid mi bshad par ma yin te/ kun 'joms ma zhes bya ba ni/ thabs dang shes rab gnyis su med pa'i rnam par mi rtog pa'i ye shes skye ba'i rang bzhin no/ /de la dbu ma zhes bya'o/ /ci'i phyir dbu ma zhes bya zhe na/ thog ma dang tha ma med pa'i phyir ro/ /yod pa dang med pa spangs pa'i phyir te/ de gnyis kyi bar na gnas pa'i phyir ro/ /yod pa zhes bya ba ni ro can ma zhes bya med pa zhes bya ba ni 'phyang

  58. 29b

    ma zhes bya de gnyis ji lta bu zhe na/ longs spyod rdzogs pa'i 'khor lo la mthong bar bya'o/ /kun 'joms ma gang du shes par bya zhe na/ gnyis po gcig tu gyur pa'i dus su shes par bya'o/ /ol gong dang mid pa gnyis kyi nang du yi ge baM re re bsams la/ gnyis las chu'i dkyil 'khor gnyis su bsams la/ de'i steng du baM re re bsam de las pad+mar gyur par bsams la/ g.yon phyogs kyi pad+ma'i ze 'bru la aM/ g.yas phyogs kyi pad+ma'i ze 'bru la kaM bsam de ltar yun ci ring du bsgoms la/ de nas yi ge gnyis la nyi zla gnyis su gyur bar bsam/ nyi zla'i steng du aM dang kaM bsam de la yun du bsgom/ de yang so bsdams la dbugs nang du rdubs pa las nyi zla gnyis su med par gyur te mi rtog pa skye'o/ /so bsdams la dbugs nang du rdubs ba de mi lcogs na longs spyod kyi rtsa gnyis mnan par bya'o/ /des kyang ye shes skye bar 'gyur ro/ /de ltar bsgoms pas dang po bde ba skye bar 'gyur ro/ /des mi rtog pa'i ye shes skye nges so/ /mi rtog pa de yang ji lta bu zhe na/ mtshan ma dang mtshan ma'i gzhi gnyis dang bral ba'i phyir ro/ /de la gnas pa'i rnal 'byor pas chos thams cad sgyu ma'i dpe brgyad lta bur mthong ngo/ /de ltar zla ba drug tu bsgoms pas gsung gi dngos grub thob par 'gyur ro/ /de yang ji lta bu zhe na/ ji skad smras pa bden par 'gyur ro/ /de ltar bsgoms pa de snang ba mdza' yas kyis byin gyis rlabs par 'gyur ro/ /ngag gi de kho na nyid rdzogs so// //da ni lus kyi de kho na nyid bshad par bya'o/ /dpral bar yaM las rlung gi dkyil 'khor gcig bsam/ de'i steng du oM bsam mo/ /oM las zla ba'i dkyil 'khor du gyur par bsam mo// de gnyis kyi bar du oM bsam/ de ltar yun ring du bsgom mo/ /de ltar dpral ba'i ting nge 'dzin bskyed par byas la/ rdzogs pa'i rim pa byas te/ so bsdams la dbugs drang ba dang/ rtsa gnyis mnan pa dang/ dbugs nang du drang ba gang yang rung ba gnyis bya'o/ /ngag

  59. 30a

    gi de kho na nyid ston pa'i skabs dang po bde ba skye ba nas/ sgyu ma lta bu mthong ba la sogs pa'i bar du gong du bshad pa dang mthun no/ /de la gnas pa'i rnal 'byor pa la rnam par snang mdzad kyis byin gyis rlob par 'gyur ro/ /lus kyi dngos grub bstan pa'o/ /lus kyi dngos grub ni lus sna tshogs su sprul nus pa'o/ /lus kyi de kho na nyid rdzogs so// //de yan chad ni las dang po pa'o/ /da ni rlung gi de kho na nyid bshad par bya ste/ rdzi ma sdebs pa bco brgyad pa phrag sum cu la chu tshod gcig ces bya'o/ /chu tshod gcig sna bug g.yas nas byung ste nyi ma'i rang bzhin no/ /chu tshod gcig sna bug g.yon nas byung ste zla ba'i rang bzhin no/ /g.yas g.yon gyi dbugs re re zhing yang bzhi bzhir shes par bya'o/ /de la bzhi ni thur du 'byung ba chu'i rang bzhin no/ / gyen du 'byung ba bzhi ni me'i rang bzhin no/ /logs nas byung ba bzhi ni rlung gi rang bzhin no/ /thad kar 'byung ba bzhi ni sa'i rang bzhin no/ /de bzhin spyan la sogs pa'i rang bzhin no/ /sna bug gnyis kyi bar ni nam mkha' o/ /de nyid he ru ka'i rang bzhin no/ / lha mo bzhi he ru ka la 'dus par 'gyur ro/ /'dus pa'i dus su mi rtog pa'i ye shes skye bar 'gyur ro/ /rgyu gang gis mi rtog pa'i ye shes skye bar 'gyur zhe na/ lha mo bzhi po he ru ka la 'dus pa'i dus su/ rtsa thams cad byang chub kyi sems kyis gang bar 'gyur ro/ he ru ka la lha mo bzhi'i ji ltar 'du bar 'gyur zhe na/ g.yas pa'i rlung chu tshod gcig tu 'byung ba dang/ 'jug pa'i rjes la g.yon nas 'byung ste/ de 'jug tu mi gzhug par g.yas su drang/ de g.yas su mi 'dug par g.yon du 'jug pa'i dbang gis bar ma'i ho ru ka dang 'phrad g.yon pa'ang de bzhin du shes par bya'o/ /de'i phyir na he ru ka la lha mo bzhi 'dus pa zhes bya'o/ /de'i man ngag bla ma'i zhal las shes par bya'o// //de ltar he ru ka la lha mo bzhi 'dus pa'i dus na/ dngos grub thams cad bde ba chen po'i rang

  60. 30b

    bzhin du shes par bya'o/ /chu tshod nas lha mo bzhi he ru ka la 'dus pa'i bar du rlung gi de kho na nyid ces bya'o/ /des 'dod chags chen po'i me sbar bas 'khor lo bzhi po 'od du zhu nas mi rtog pa'i ye shes skye'o/ /phyi nang gi dngos po thams cad rang gi sems yin la/ sems nyid du shes pa ni dngos po bsregs pa zhes bya'o/ /de'i rang bzhin shes pa ni tsaN+Da lI zhes bya'o/ /phung po la sogs pa thams cad bsregs pa'o/ /de gang yin na ni sems yin la/ sems de nyid kun 'joms ma zhes bya'o/ /thams cad sems kyi rang bzhin du shos pa gang yin pa de la bdud rtsi 'bab pa zhes bya'o/ /sems kyi de kho na nyid rdzogs so// //da ni don dam pa'i de kho na nyid bshad par bya ste/ ngag gi rang bzhin ma grub ste/ ci'i phyir ma grub ce na/ ngag gi gnas lugs nyid ma grub pa'i phyir ro/ /ci'i phyir lus ma grub ce na/ brtags pas dben pa'i phyir ma grub po/ /de yang lus de rang gi ngo bo yod pa gcig yin na ni/ bud med kyi lus gcig la 'dod chags la sogs pa'i blo tha dad par 'byung bar mi rigs so/ /gnas ma grub pas na gnas ma grub pa'i phyir ro/ /dper na pi bang gi sgra dang 'dra ste/ rgyu rkyen tshogs pa las 'byung ste/ de'i phyir rang bzhin med par mngon no/ /de la dngos po mtshan ma gcig la blo tha dad pa 'byung ste/ rnal 'byor pas don dam par gnyis su med pa'i ye shes su mthong la/ gzhan dag gis ni rnam par rtog pa'i dbang gis sna tshogs par mthong ste/ de'i phyir rang bzhin med pa la gnas pas sems can thams cad la snying rje skyes te/ sems can gyi thar pa thob par bya ba'i phyir/ bdag gis gong ma lta bu'i ting nge 'dzin la 'jug go /zhugs nas 'bras bu thob par byed do/ /sems can gyi don bya bar sems bskyed do/ /rdo rje lta bu'i ting nge 'dzin ni rnal 'byor pas mdun gyi nam mkha' la yaM las rlung gi dkyil 'khor bsams te/ de'i steng du raM las me'i dkyil 'khor bskyed do/ /de'i steng du baM las chu'i dkyil 'khor bskyed do/ /de'i steng du d+haM las chos kyi 'byung gnas bskyed do/ /de'i steng du baM las pad+ma/

  61. 31a

    de'i steng du khaM las sna tshogs rdo rje bum pa'i lte ba la nyi ma'i dkyil 'khor de'i dkyil du hUM hUM de nyid sku gsung thugs kyi rang bzhin/ de las kha dog rnam pa lnga'i rang bzhin 'od zer rnam pa lnga spros te/ de bzhin gshegs pa sras dang bcas pa dang/ bla ma rnams spyan drangs te/ gong gi hUM nyid la thim pas hUM nas rlung gi dkyil 'khor gyi bar du byang chub sems kyi thig le gcig tu gyur nas/ thig le'i nang na hUM gnas par bsam mo/ /rang gi rlung gis thig le'i nang na hUM gnas par bsam mo/ / rang gi rlung gis thig le de nyid spyan drangs te/ gong gi hUM sna rtser bsam mo/ /de ltar nyin dang mtshan du bsgoms pas rtags 'byung ste/ smig rgyu la sogs pa 'byung ngo/ /gong ma de ltar bsgoms na/ sems kyi bde ba skye ba nas/ sangs rgyas dang byang chub sems dpa' dang phrad pa yin no/ /nga yis go 'byed snying po brtsams pa yis/ /khams gsum ma lus sems can thams cad kyis/ /dri med dge ba'i rtsa ba gang thob pa/ /rtog pa'i dra ba bsal nas kyang/ /bla med byang chub thob par shog /chos thams cad go bar byed pa'i snying po/ /slob dpon chen po snang ba mdza' yas rdo rjes mdzad pa/ shlo ka brgyad rim pa bdun du phye nas chos thams cad go bar byas pa'o/ /dpal dgyes pa'i rdo rje las/ rdo rje ba las snang ba mdza' yas rdo rje la zhal gyis gnang/ des yi ge 'di mdzad do/ /dpal dgyes pa'i rdo rje las slob dpon chen po snang ba mdza' yas rdo rjes mdzad pa'i go byed snying po rdzogs so// //don gyi go byed snying po ni gnyis med do/ /mtshon par byed pa'i go byed snying po ni tshig dang yi ge'o// // !/ (/dpal dgyes pa rdo rje'i sgrubs thabs rin po che'i sgron ma bzhugs//) //rgya gar skad du/ sh+rI he badzra ratna pra lo kye sA d+ha naM nA ma/ bod skad du/ dpal dgyes pa rdo rje'i sgrub thabs rin po che'i sgron ma zhes bya ba/ dpal rdo rje sems dpa' la phyag 'tshal

  62. 31b

    lo/ he ru ka dang bdag med bcas/ /de chos 'khor la phyag 'tshal te/ de 'dod phyir na de sgrub thabs/ /de don gnyer la sgron 'di bri/ /chags med byang chub sems dang ldan/ /dbang thob blo ldan lung blangs pas/ /dur khrod la sogs gnas bde bar/ /rnal 'byor brtson pas bsgrub par bya'o/ /tho rangs byams pas mal nas langs/ /gdong la sogs pa dri bkrus nas/ /rdo rjes mtshan pa'i stan la 'dug /bdud rtsi'i ril bu lce la bzhag /snying rjes ma rnams bzung byas la/ /zhal brgyad nga rgyal bdag bsgoms te/ /rakshas sa sbyangs nas bsrung ba/ /me ri dra gur brtan par bsgom/ /he ru ka yi snying ka ru/ /baM dang raM las gsal bar ni/ /pad+ma nyi ma dmar po bsgom/ /de steng hUM nag 'od zer lngas/ /phyogs bcur spros pa bskul dang sbyang/ /byas nas thams cad mkha' la bzhugs/ /bla ma sangs rgyas rang dang lha/ /gsal bsgoms lus sprul phyag bya'o/ /de yang 'og nas ston pa yi/ /bcom ldan sku mdog phyag dang rgyan/ /phyag mtshan bcas pa bzhugs pa ni/ /bdag med yum dang ldan pa'o/ /de mdun gau ri nag mo ni/ /byang chub sems dga' ri bong can/ g.yas na tsau ri dmar mo yang/ /byang sems dmar po nyi 'od 'bul/ /rgyab na sor mo bet+tA lI/ /lhung bzed chu bzad bkang ba 'bul/ /g.yon na ljang khu g+hasma rI/ /dri bzang thod pa bkang ba 'bul/ /byang shar puk+ka sI sngon mo/ /sha lngas thod pa dgang ba 'bul/ /me na mdog dkar sha ba rI/ /ro ldan btung ba sna tshogs 'bul/ /lho nub mdog dmar tsaN+Da li/ /DA ma ru sgrogs sgra rnams 'bul/ /rlung na Dom+bi sna tshogs gzugs/ /phyag rgya bsnol nas mchod pa 'bul/ /bla ma mi bskyod spyi bor bzhugs/ /bsal bar brtan par legs bsgoms la/ /snying ga'i sa bon spro bsdu las/ /phyi yi lha mo mchod pa'i tshogs/ /yon chab me tog spos la sogs/ /rab gnas le'u'i sngags kyis mchod/ /sa bon spros la gau rI tshogs/ /bshams dang gnas nas byon pa dang/ /mdun na

  63. 32a

    gnas pa'i rim pa yis/ /bdud rtsi lnga dang sha lnga 'bul/ gtso bo'i sa bon gyis bskul nas/ /Dom+bi gsang ba'i mchod pa 'bul/ /mchod pa'i lha mo thams cad kyang/ /spros pa de dag gnas nas bsdu/ /de nas de dag mdun du yang/ pus btsugs thal sbyar 'jigs sems kyis/ /thog med dus nas deng dus su/ /'khor bas 'khor bar bsams pa'i sdig /bgyes dang bgyid du stsal ba dang/ /yi rang bshags shing slan chad pa sdam/ /sangs rgyas byang chub sems dpa' dang/ /rang rgyal nyan thos so so yi/ /skye bo'i dge la rje yi rang/ gsum la skyabs dang sems gnyis bskyed/ /skul dang gsol ba dag kyang gdab/ /thams cad byang chub chen por bsngo/ /de nas byams dang snying rje dang/ /dga' dang btang snyoms yun rings bsgom// de nyid gsum dang mu(rgyud 'grel): brjod pas/ /mdun gyi spyan drangs gnas su gshegs/ /chos rnams stong par shes byas la/ /blo gnas pa la sngags 'di brjod/ oM swa b+hA ba shud+d+ha(rgyud 'grel): sarba d+harmA swa b+hA ba shud+d+honya haM/ brjod pas gzung ba'i chos rnams kun/ /rmi lam mig 'phrul smig rgyu dang/ /chu zla mig yor sgyu ma tsam/ /sems snang tsam las yod ma yin/ /oM shUn+ya tA dz+nyA na badzra swa b+hA ba At+ma ko haM/ brjod pas sems snang de dag kun/ rdul dang du ba khug rna sprin/ /skyon spang ston ka'i nyi phyed kyi/ /nam mkha' i dkyil ltar sems bzhag bya/ /chos nyid spros dang bral ba las/ /smon lam byams pas 'gro ba dran/ /nam mkha' i dkyil du raM dang hUM/ /nyi ma'i dkyil 'khor dus me 'bar/ /de nas hUM las byung ba yis/ /sna tshogs rdo rje'i sa gzhi dang/ ra ba gur dang bla re dang/ /rdo rje ra ba 'bar bar 'phro/ de nas e las chos kyi dbyings/ /chos 'byung gru gsum nam mkha' mnyam/ /bsgoms pa'i nang du yaM raM baM/ /laM gzhi sngon dmar dkar dang ser/ /yaM zhu sngon po gzhu yi dbyibs/ /rlung gi dkyil

  64. 32b

    'khor ba dan ldan/ /de steng raM las gru gsum dmar/ /me yi dkyil 'khor raM gyis mtshan/ /de steng baM las zlum po dkar/ /chu yi dkyil 'khor bum pas mtshan/ /de stong laM las gru bzhi ser/ /sa yi dkyil 'khor rdo rjes mtshan/ /sems kyi snang bas de rnams zhu/ snang ba mched pas gzhal yas grub/ /rin po che las grub pa yi/ /zur bzhi sgo bzhi logs bzhi pa/ /rta babs bzhi dang ka ba brgyad/ /mchod pa sna tshogs rgyan gyis mdzes/ /chos kyi 'khor lo ri dags gdugs/ /ba dan dril bu 'phan la sogs/ / sangs rgyas mang po'i sna bas khyab/ /dra ba dra phyed twa ra na/ /bum pa rdo rje phreng ba dang/ /sgo khyud zla phyed rdo rje mdzes/ /dur khrod brgyad na mtsho brgyad klu/ shing brgyad zhing skyong gdan mgo brgyad/ /phyogs skyong chung ma bu 'khor brgyad/ /steng na lha brgyad lha yi 'khor// mchod rten brgyad dang rnal 'byor tshogs/ /grogs byed rnal 'byor ro langs 'dre/ /bya dang gcan zan sna tshogs sprul/ /sha za gdug pa ro yi tshogs/ /shar sogs sgo yi logs rim par/ /glu ma gar ma yon chab ma/ /me tog spos dang mar me ma/ /dri chab zhal zas sgra sna tshogs/ /gzugs sgra dri ro reg bya chos/ /rgyan phreng ma rnams sna tshogs mdog /de nang dkar ser dmar dang ljang/ /gzhal yas dbus ni mthing ka 'bar/ /rdo rje ra ba pad+mar ldan/ ge sar bdud bzhi'i nyi mas mnan/ pad+ma brgyad la lha brgyad kyi/ /snying gar zla bas mnan pa'o/ /mdzes pa'i gzhal yas de nang gi /dbus kyi bdud bzhi'i nyi steng du/ /hUM dang aM las 'og dang steng/ /A li nyis 'gyur zla dkyil 'khor/ /A li nyi 'gyur nyi dkyil 'khor/ /thod pa gri gug phyag mtshan ma// sa bon gnas pa spros bsdus pas/ /thams cad gcig tu gyur pa las/ /zhal brgyad yum dang kha sbyar ba/ /'og bzhi gsal bar bsgom par bya/ /chags can bskyab phyir thugs rje yis/ /bdag nyid thugs ka'i sa bon las phyogs bcu'i sangs rgyas

  65. 33a

    gtsug tu byon/ /thugs ka'i sa bon so sor gnas/ /oM pad+ma su khaM d+ha ra ma hA rA ga dat+ta tsa tu rA nan+ta b+ha gi bi shwa hUM hUM hUM karyaM ku ru Shwa me/ /pad+ma sngags kyis byin gyis brlab/ /de nas rdo rje byin gyis brlab/ /oM badzra mahA de sha tsa tu rA nan+ta dA ya ka kha ga mu kha e ka rA so nA tha hUM hUM hUM karyaM ku ru Shwa me/ oM sarba ta thA ga ta a nu rA ga ta badzra swa b+hA ba at+ma ko haM/ de ni sbyor ba dang po yin/ /de nas rjes su chags pa yis/ /shar sogs tshangs sogs snying ga ru/ /gaM tsaM baM gaM paM shaM laM DaM/ de nas phyogs mtshams rnams su babs// shar du g+haM yig gsal ba las/ /A li nyi 'gyur las zla ba'i/ /dkyil 'khor me long ye shes dang/ /steng du kA li nyis 'gyur las/ /nyi ma'i dkyil 'khor mnyam pa nyid/ /gaM gyur gri gug nag po la/ /zla ba sa bon so sor rtogs/ /sa bon sbrul spyang gcig gyur pa/ /bya ba nan tan ye shes yin/ /gau ri bzhengs pa'i sku de ni/ /chos kyi dbyings kyi ye shes so/ /sngon du bsgoms pa'i gtso bo dang/ /'og gi lha mo bdun po yang/ /de bzhin ye shes lnga yi sku/ /rnal 'byor pa yis brtan par bsgom/ /shar du gri gug las byung ba'i/ /tshangs pa'i steng na gau rI nag/ g.yas na gri gug g.yon na nya/ /gzugs kyi phung po'i rang bzhin bsgom/ /lho ru dbang po'i steng gnas dmar/ /Da ma ru las tsau rI bzhengs/ /Da ma ru g.yas phag pa g.yon/ /tshor ba'i phung po'i rang bzhin bsgom/ /nub tu ba las bet+tA li// gser mdog nye dbang gdan la bzhugs/ /g.yas na rus sbal thod pa g.yon/ /'du shes phung po'i rang bzhin bsgom/ /byang du g+haM las g+hasma rI/ /drag po'i steng na mar kad mdog /sprul g.yas phyag g.yon thod pa 'dzin/ /'du byed phung po'i rang bzhin bsgom// byang shar paM las seng ge las/ /puk+ka sI sngo gshin rje'i steng/ /g.yas na seng ge dgra sta g.yon/ /sa yi khams kyi rang bzhin no/ /me ru shaM dang dge slong las/ /sha ba ri dkar gnod sbyin gdan/ /g.yas na dge slong gsil byed g.yon/ /chu yi khams kyi rang

  66. 33b

    bzhin no/ /srin por laM dang 'khor lo las/ /gtum mo mkha' mdog srin po mnan/ /g.yas na 'khor lo thod gshol g.yon/ /me yi khams kyi rang bzhin no/ /rlung du DaM dang rdo rje las/ /Dom+bi kha dog sna tshogs te/ /rdo rje g.yas la sdig mdzub mdzod/ /rlung gi khams kyi rang bzhin bsgom/ /lha mo de rnams spyan gsum mo/ /dmar zhing zlum la mche ba gtsigs/ /dbu skra kham ser gyen du brdzes/ /rus thod 'khor lo snyan cha dang/ /mgul rgyan la sogs phyag rgya lnga/ /mi mgo skam po bco lnga'i phreng/ /gcer bu g.yon bskyang gar thabs bzhugs/ /gtso la 'dud pa'i stangs dang ldan/ /bar dor gnas pa'i lus ngag yid/ /oM dang A(rgyud 'grel): hUM dkar dmar nag /ho(rgyud 'grel): gnyis thabs dang shes rab brten/ /'khor lo sgyu ma ltar mthong nas/ /gtso bo'i spyir zhugs gtso nyid zhu/ /yum yang zhu nas hUM aM gnyis/ /sa bon dkyil 'khor dbus gnas pa/ /rtog med bde ba chen por bzhugs/ /bdag po stor bas lha mo rnams/ /shin tu 'dod pa'i sems gdungs pas/ /puk+ka sI tshogs lha mo bzhis/ /rdo rje'i glu ni lan par byed/ /rje btsun thugs rje'i yid bzhengs shig /puk+ka sI ni bdag la skyobs// stong pa'i rang bzhin nyid spongs la/ /bdag la bde chen sbyor ba mdzod/ /khyod mi bzhugs na bdag 'gum pas/ /thugs rje rgyun chad ma mdzad bzhengs/ /stong nyid bcom ldan ci la bzhugs/ /sha ba rI 'bras grub par mdzod/ /dga' gtso 'jig rten mgron pos nas/ /stong pa nyid la bzhugs sam ci/ /gtum mo bdag ni gsol 'debs na/ /bcom ldan kyi yi thugs rje bzhengs/ /bdag gis khyod kyi thugs 'tshal gyis/ /mig 'phrul lta bur khyod bzhengs shig /Dom+bi bdag ni dran nyams bas/ /bcom ldan dgyes pa'i rdo rje bzhengs rdo rje'i glu ni sgra snyan gyis/ /rmi lam lta bur gtso bo bzhengs/ /mngon byang lnga yi ye shes las/ /bcom ldan dgyes pa'i rdo rje nyid/ /dkyil 'khor dbus na gang dgur bzhugs/ /zhal brgyad pa la phyag bcu drug /steng zhal cung mdog mche ba gtsigs/ /kham ser skra brdzes

  67. 34a

    'khor lo dus/ /sna tshogs rdo rjes dbu skra brgyan/ /dang po sku dang mthun pa'i zhal/ /g.yas dkar g.yas gnyis sku dang mthun/ /g.yon dmar g.yon gnyis ji bzhin sku/ /dbu skra gyen 'bar thod lnga'i thed/ /spyan gsum dmar zlum mche ba gtsigs/ /snyan cha mgul rgyan dpung pa'i rgyan/ /phyag zhabs gdu bu 'og dpag brgyan/ /stag gi sham thabs stengs na bcings/ /thod rlon phreng ba thal bas byugs/ /tshangs pa brgya byin nye dbang drag/ steng na zhabs bzhi g.yas brkyang bzhugs/ /phyag g.yas dang po glang po che/ /thod par gnas pas yum las 'khyud/ /de bzhin rta bong glang rnga mo/ /mi dang seng ge byi la bsnams/ /phyag g.yas thod pa'i rim par 'dzin/ /phyag g.yon dang po thod pa'i nang/ /sa yi lha mo bcas pa 'khyud/ /steng 'og rim par thod par gnas// chu dang me dang rlung nyi ma/ /zla ba gshin rje nor sbyin no/ /de yum zhal gcig phyag gnyis pa/ /mdog nag gri gug thod pa 'khyud/ /phyag rgya lngas brgyan thod skam phreng/ /skra ser gyen 'bar spyan gsum dmar/ /bdag po ro myang g.yon brkyang zhabs/ /bdud bzhi'i steng na mnyam par bzhugs/ /de nas bdag dang 'khor de dag /gsal bar legs par brtan par bsgom/ /de gsal dkyil 'khor rgyal po mchog /ting 'dzin gsum du bstan pa yin/ /de dag gsal ni rang rang gi /snying gar gdan la phyag mtshan bsgom/ /de yi sa bon phyogs bcur spro/ /bskul sbyangs sa bon so sor thim/ /hUM gi ye shes 'khor lo bkug/ shar gyi nam mkhar bzhugs la mchod/ /dza(rgyud 'grel): hUM baM ho(rgyud 'grel): lha mo bzhis/ /dbug gzhug gnyis med dgyes par bya/ /de nas skye mched byin gyis brlab/ /gtso bo 'khor lo thams cad kyi/ /mig la gti mug rdo rje dkar/ /rna bar zhe sdang rdo rje nag /sna la ser sna rdo rje ser/ /lce la 'dod chags rdo rje dmar/ /lus la phrag dog rdo rje ljang/ /yid la bdag med rnal 'byor gnag /de dag tshangs sogs pad zla'i steng/ /gri gug thod pa phyag rgya lnga/ /sku gsung thugs

  68. 34b

    kyang byin brlabs te/ /mgo dang kha dang snying ga ru/ /oM dang A:hUM dkar dmar nag /sa spyod mkha' spyod bdag med ma/ /gri gug thod pa 'dzin pa yi/ pad zla tshangs pa bdag la bsgom/ /yang na rang snying sa bon gyis/ /phyogs bcu bla ma rgyal ba dang/ /'khor lo khro bo lha mo rnams/ /spyan drangs mchod nas gsol ba 'debs/ /oM sarba ta thA ga ta a b+hi Shiny+tsa tu maM brjod pas gnang nas rigs lnga yis/ /bum pa bdud rtsis bkang bas bskur/ /rigs kyi bdag pos spyi bor mtshan/ /bdag la mi bskyod rdo rje yin/ /phyogs kyi lha mo bzhi po la/ /mi bskyod rnam snang rin chen 'byung/ /'od dpag med dang bzhi yang bsgom/ /de bzhin zhe sdang gti mug dang/ /ser sna 'dod chags bzhi yis kyang/ /puk+ka sI sogs mtshams bzhi la/ /rim pas spyi bor mtshan par bsgom/ /oM sarba ta thA ga ta a b+hi She ka badzra swa b+hA ba at+ma ko haM/ da ni bdud rtsi myang bar bya/ /yaM raM(rgyud 'grel): A(rgyud 'grel): hUM oM rnams bsgom/ /de nyid gsum gyis byin gyis brlabs/ /rlung dang me dang thod skyed dang/ /sa bon gnas pa'i ka pA la/ /hUM gis sbyangs dang a(rgyud 'grel): yis 'bar/ /oM gyis ye shes bdud rtsir 'bab bruM dzraM aM khaM hUM lnga dang/ na haM shaM ShaM g+haM lnga dang/ bdud rtsir gyur pa rdo rje lces/ /myangs la 'khor lo bde bas mchod/ /de la sngags 'dis brtan par bya'o/ /oM sarba ta thA ga ta a mri ta satwa badzra swa b+hA ba at+ma ko haM/ hUM gi sa bon gyis bkug nas/ /sangs rgyas thams cad zhal du zhugs/ /phyir spros mchod pa'i lha mo yis/ /rim pas mchod nas gnas su thim/ /oM sarba ta thA ga ta pU dza badzra swa b+hA ba at+ma ko haM/ lha mo de dag rigs yum dang/ /gsung gcig tu ni mthun par bstod/ /bcom ldan lha mo brgyad kyis bskor/ /thugs rje thugs kyis 'gro ba sgrol/ /snod dang 'gro ba bcom ldan thugs/ /thugs dgyes mdzod cig bcom ldan khyod/ /phung po khams dang skye mched dang/ /dug lnga dag mdzad khyod la bstod/ /oM sarba ta thA ga ta stu ti badzra swa b+hA ba at+ma ko haM/ de dag brtan par rab gsal ba

  69. 35a

    rnal 'byor pa yis rnal 'byor bya/ /pho brang rnam dag rnam snang mdzad/ /rjes su chags pa rdo rje sems/ /dbang ni mi bskyod rdo rje dag /bdud rtsi myang ba 'od dpag med/ /mchod pa don yod grub pa ste/ /bstod pa rin chen 'byung ldan yin/ /yan lag bcu dang ldan bsgoms pas/ /dngos grub myur du 'grub par 'gyur/ /dang po sprin bar nyi ma 'dra/ /gnyis pa sgyu ma lta bur snang/ /snang ba thob rmi lam ltar/ /'od gsal mnyam gzhag rjes thogs med/ /bdag nyid de ltar brtan gyur pas/ /'gro ba'i sdug bsngal la bltas te/ /byams dang snying rje'i 'khor lo'i lta/ /rgyun mi chad par phyogs phyogs 'phro/ /so so'i gdul bya sbyangs byas nas/ /slar 'dus nang du 'khor mo bsgom/ /thabs dang shes rab las byung zhing/ /byang chub sems ni spro dang bsdu/ /mdog mtshan cha lugs thams cad kyang/ /ji ltar gsal bar brtan par bsgom/ /de ltar rdzogs bskyed rdzogs pa'i rim/ /lha mo rim par zhal la bsdu/ /zhal dang phyag rnams mdza' nas rim/ /rtsa ba'i zhal dang phyag dang bsdu/ /zhabs gnyis yum la thim pa dang/ 'khor lo bzhi yi rgya yis gdab/ /lte ba snying mgrin spyi bo na/ /sprul pa chos dang longs spyod dang/ /bde ba chen po'i 'khor lo bsgom/ /de yang sku bzhi'i ngo bo yin/ /sprul par rtsa 'dab drug cu bzhi/ /lte bar aM 'bar rtsa 'dab la/ /kA li bzhi dang drug cu gan/ 'od zer lnga ldan rab tu 'bar/ /snying gar rtsa 'dab brgyad gnas la/ /lte bar hUM nag 'dab ma la/ /b+huM dzriM aM khaM e waM ma/ /yaM dang brgyad ni legs par bsgom/ /mgrin par bcu drug 'dab ma la/ /lte bar AM 'bar rtsa 'dab la/ /A li bcu drug dag gis brgyan/ /'bar ba'i rnam par gnas pa yin/ /spyi bor rtsa 'dab sum cu gnyis/ /lte bar haM dkar 'dab ma la/ /A li nyis 'gyur dag gis bskor/ /kha dog dkar po bdud rtsi 'bab/ lte bar gtum mo spar ba yis/ /de bzhin gshegs pa lnga bsregs shing/ /spyan

  70. 35b

    la sogs pa yang bsregs te/ /bsregs pa'i ri bong rgyun haM 'bab/ /yi ge gsal bar gyur nas ni/ /yi ge de dag spo dang bsdu/ /bskul sbyang byas nas slar 'dus te/ /yi ge rang rang gnas la zhugs/ /srog dang rtsol ba las byung ba/ /lte ba'i 'og nas ri 'bar bas// 'khor lo legs sbyangs 'og min gyi/ /bdud rtsi blangs nas spyi bor bsam/ /sbyangs pa'i 'khor lo rnams gang nas/ /thams cad snying kar rab tu thim/ /don dam bdud rtsi zag med bsgom/ /hUM yang rim pas nA dar gnas/ /shin tu yun rings goms mi gnas/ /nam mkha' i dkyil ltar rdul dang bral/ /thog ma tha ma dbus med cing/ /'khor min mya ngan 'das pa min/ /bdag dang gzhan yang yod ma yin/ /'di ni bde chen rgyal po yin/ /gzung dang 'dzin pa rnam par spangs/ /sems sbyong ba la skyo ngal na/ /rim pa rim par sku bskyed la/ /yab dang yum gnyis zhal phyag rgyas/ /snying gar sa bon yi ge la/ /bskor nas gnas pa zhal nas zhal/ /rdo rje lam nas pad+ma dang/ /pad+ma'i zhal nas zhal du 'khor/ /rang 'dod pa yis bzlas pa bya/ /bsam gtan kha dog dbye ba yis/ /zhi la sogs par shes par bya/ /oM aSh+TA na nA ya/ ping+ga a'urd+ha/ ke sha barha ma ne/ tsa turbiM sha ti nai trA ya/ sho Da sha b+hu dzA ya/ kriSh+NA dzI mU ta/ ba pu She ka pA la mA lA ne kaM d+hA ri Ne/ a d+hma ta krU ra tsit+tA ya/ ard+hendu daMSh+Tri Ne/ oM mAr ya/ mA ra ya kA ra ya/ kA ra ya/ gardza ya/ gardza ya/ tardza ya/ tardza ya/ sho Sha ya/ sho Sha ya/ sapta sa ga rA na/ band+ha band+ha/ na gASh+Ta kAn /grih+Na grih+Na/ sarba sha trUM sarba duSh+Ta na/ ha hA/ hi hI/ hu hU/ he hai/ ho hau/ haM haM(rgyud 'grel): phaT swAhA/ bcom ldan 'das kyi rtsa sngags yin/ oM de ba mi tsu badzra hUM hUM hUM phaT swAhA/ snying po'i sngags su shes par bya'o/ /oM badzra karta ri he badzra ya hUM hUM hUM phaT swAhA/ de ni nye ba'i sngags kyang yin/ oM a ka tsa Ta ta pa ya sha hUM swAhA/ grong khyer dkrug pa'i sngags yin no/ /oM trai lokyA k+She pa huM huM huM phaT swAhA/ phyag gnyis pa'i snying

  71. 36a

    po'o/ /oM badzra dzra dzra la b+hyo/ huM huM huM phaT swAhA/ de ni phyag bzhi pa'i sngags so/ /oM ki Ti ki Ti badzra hUM hUM hUM phaT swAhA/ phyag drug pa'i snying po yin no// //tshogs gnyis bsags dang gzhan dbang bsdu/ /bdag dang sems can sung ba'i phyir/ /lha dang chos skyong sems can la/ /bdud rtsi mchod sbyin gtor ma sbyin/ /shar lho'i dur khrod nam mkha' la/ /chos 'byung sum brtsegs steng 'og rim/ /dbus su pad+ma 'dab brgyad nag /shar nas phyogs mtshams go rims su/ /brgya byin gshin rje chu lha dang/ /gnod sbyin bdag po 'byung po'i bdag /me lha srin po rlung gi lha/ /dkar nag dmar skya ser po dang/ dkar dmar dud kha ljang gu yi/ /mdog kyang rim pa bzhin du gsal/ /rdo rje dbyug pa sbrul gyi zhags/ /dpal 'bras rtse gsum dbyu gu gsum/ /gri gug ba dan lag na thogs/ /glang po ma he chu srin dang/ /rta dang khyu mchog ra skyes dang/ /mi ro ri dags zhon pa dang/ /dur khrod rgyan dang chung ma dang/ /bu 'khor bcas pa bsgom par bya'o/ /steng gi chos 'byung pad+ma dkar/ /shar nas rim pa snga ma ltar/ /brgya byin tshangs pa khyab 'jug drag /gzhon nu tshogs bdag dga' byed dang/ /legs ldan nag po rim par gnas/ /dkar ser dmar dang nam mkha' i mdog /dkar gnyis ser dang nag po ste/ /mdog kyang de bzhin rim par gsal/ /rdo rje dbyu gu rtse gsum dang/ /'khor lo rtse gsum mda' gzhu dang/ /la phug ba dan ral gri 'dzin/ /pad+ma'i gdan gnas rin chen brgyan/ /chung ma bu 'khor lha yi 'khor/ /rim pa bzhin du gnas pa'o/ /'og gi chos 'byung pad+ma dmar/ /sngon bzhin 'jog po dung skyong dang/ /mdza' yas rigs ldan pad+ma che/ /dga' bo nor rgyas pad+ma brgyad/ /gdengs ka sprul zhags pad zla'i gdan/ /dkar ser dmar ljang yang dkar dang/ /sngo dang dmar skya dkar po'i mdog /rin chen rgyan dang

  72. 36b

    pad+ma dang/ /chung ma bu 'khor bcas pa dang/ ngan 'gro gsum dang bcas pa yin/ /pad+ma'i lte ba gsum po la/ /rang gi he ru ka nyid bsgom/ /dza(rgyud 'grel): hUM baM ho(rgyud 'grel): sa dgug pa dang gzhug /nam mkha' khyab pa'i gtso bo 'khor/ /mi bskyod rnam snang 'od dpag med/ /rang bzhin sngo dang dkar dmar mdog /rdo rje dril bu rang 'od bcas/ /rus rgyan gtso dang 'khor de bzhin/ /de nyid gsum dang dbang bskur rgya/ /lce rnams rdo rje sbu gur sgom/ /de rnams mdun du gtor dag la/ /byin gyis brlabs la rang gzhan btung/ /sngon du bstan pa'i bdud rtsi ltar/ /dgyes rdor lha dgur gyur pa'o/ /oM inda dza ma dzak+kha b+hA ta bah+ni bA yu rAk+kha tsanda sUdzdzra maM sa bap+pa tA la pA ta la aTTha sap+pa swAhA/ i daM ba li b+huM dza dzi g+haM phul+la d+hu pa maM sa bing+ga am+b+ha sarba kadzdza khan+ti khu ni phe la ga ta swAhA/ oM a kA ro mu khaM sarbba d+harmA tAM/ Adya nutpan+na twAt oM A(rgyud 'grel): hUM phaT swAhA/ gsum gsum brjod la gtor ma gtang/ /yi ge gsum dang mu(rgyud 'grel): yis gshegs/ /bar chad zhi dang lhag chad zhi/ /rdo rje'i glu 'di dal bus blang/ /kol+la ir TThi a bo lA/ mu mu ni re kak+ko la/ g+ha Na a kri Ta ni TTha ha/ ka ru Na ki A i na ro lA ha hi ba la kha li/ ma inbi dza/ ki la ka liny+dza rU pa Ni/ a a'i d+hu ru d+hu ru/ Nadzdza a i ce u sa ma sha ts+tsha ri sihlA/ kap? ra lA i a i ma khu la a ind+ha/ na sa liny+dza/ ta hi b+ha ru khA/ i a i/ phraM kha na khe Ta ka ran+te/ shud+d+ha shud+d+ha N+Na ma Ne/ e i ni raM su aM/ tsa DA bI/ ta hiM dza sa ra sa tsi ba ni A a'i ma sa sa li dzar kundu ru bA Ta/ i DoN+Di/ ma hA hiSh+Ta badzdzi a i/ mchod pa dang gtor ma gtong ba/ /tshogs kyi 'khor lor 'dun blang/ /bza' dang btung ba longs spyod pa/ bdud rtsi sbyor bas lus rgyas 'gyur/ /thun bzhi'i rnal 'byor ldan pa yis/ /bsgrubs na 'grub kyi gzhan du min/ /sngon du bstan pa legs rtogs nas/ /tshogs gnyis gzhal yas dkyil 'khor gsum/ /zhal gsum g.yas dkar g.yon pa dmar/ /dbus ni

  73. 37a

    sku dang mthun pa nyid do/ /rdo rje ral gri g.yas na 'dzin/ /dril bu rtse gsum phyag g.yon na/ /rang ni rang rig yum la 'khyud/ /phyag bzhi rdo rje thod pa dag /g.yas dang g.yon pa'i phyag na 'dzin/ /gnyis ni rigs ma nyid la 'khyud/ /phyag gnyis g.yas na rdo rje dang/ /thod pa kha TwAM phyag g.yon na/ /de gsum tshangs pa'i steng na bzhugs/ /gzhan dag sngon du bstan pa nyid/ /spro dang bsdu dang 'khor lo dang/ /de don sgoms dang gtor ma sngags/ /zhal gsum phyag bzhi la sogs rnams/ /rnal 'byor pa yis gang 'dod bsgom/ /rjes thob rnam par dag pa yang/ /dbye ba shes pas rtag tu bsgom/ /me ri gur bdud las rgyal/ /rnam thar chos 'byung chos kyi dbyings/ /gshin rje dbugs 'byin dur khrod brgyad/ /sgo bzhi dran pa nye bar gzhag /gru bzhi yang dag skrong ba bzhi sgo brgyan rdzu 'phrul rkang pa bzhi/ /'dod yon lha mo dbang po lnga/ /rtsig pa lnga yang stobs lngar dag /rta babs bzhi ni bsam gtan bzhi/ /rten 'brel bcu gnyis dag pas ni/ /rim pa bcu gnyis 'od 'bar ba'o/ /rgyan rnams byang chub yan lag bdun/ /ka ba brgyad mdzes 'phags lam brgyad/ /'khor lo bzhi ni bden ba bzhi/ /de bzhin gdugs ni tshad med bzhi/ /byams pa'i thugs ni sku mdog nag /snying rje spyan dmar 'gro ba gzigs/ /dpa' bo gar dgu 'gro rnams sgrol/ /btang snyoms sna sogs rdo rjes mdzes/ / 'khor lo'i gzugs ni mi bskyod pa/ /rna cha dag la 'od dpag med/ /mgul gyi phreng ba rin chen gtso/ /yan lag kun bkod rnam snang mdzad/ /'od dpag la ni don yod grub/ /yan lag kun thugs rdo rje 'dzin/ /zhal brgyad rnam par thar pa brgyad/ /sku gsum dkar dmar gnag pa'i zhal/ /phyag rnams stong pa bcu drug ste/ /nad rnams 'joms pas glang po sogs/ /dngos grub myur bas lha mo sogs/ /rus pa'i rgyan yang bden pa bzhi/ /stag gi pags pa byang chub bdun/ /bsdu ba bzhi ni zhabs bzhi yin/ /skye rga bcom pas bdud bzhi

  74. 37b

    mnan/ /bdag med chos sku rnam dag nyid/ /phung po dag pas gau rI sogs/ /ye shes dag pas kha dog bzhi/ /gri gug sogs kyis bdud bzhi byed/ /tshad med goms pas khams bzhi la/ /puk+ka sI sogs lha mo bzhi/ /mdog dang phyag mtshan de bzhin no/ /nyin om bcom lan thabs su gnas/ /mtshan mo shes rab stong pa nyid/ /'gro ba'i gar dang phyag rgya bskyod/ /brjod pas thams cad sngags yin no/ /khrus byed dbang bskur bsam gtan dang/ /nyal ba nyid kyi bsam gtan bsgom/ /de ltar brtan pa'i rnal 'byor pas/ /dbang po mi dag 'gro rnams bskyab/ /bla ma'i rim 'ongs rgyud rgyal don/ /bsgoms pas blo la gsal ba'i don/ /dgyes rdor mos la phan phyir byas/ /'di las byung ba'i bsod nams ngas?/ /bdag dang 'gro pa ma lus pa/ /dgyes rdor myur du 'grub par shog /dpal dgyes pa rdo rje'i sgrub pa'i thabs rin po che'i sgron ma zhes bya ba/ slob dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po paN+Di ta dA na sh'ri dang/ lo tsA ba glan dar ma blo gros kyis bsgyur cing zhus so// //dpal dgyes pa'i rdo rje la phyag 'tshal lo/ /de nas ri mo'i dkyil 'khor gyi las kyi rim pa bshad par bya'o/ /dang por bsnyen pa bya ste/ /rang gi yi dam lha'i 'dza''bum bzlas/ /dkyil 'khor gyi gtso bo'i 'dzab 'bum bzlas/ /lha dang lha mo gzhan gyi 'dzab khri khri bzlas/ de yang tshul ji ltar bzlas she na/ dkyil 'khor gar byed pa'i sar maN+Dal gru bzhi pa khru gang pa byas la/ de la ba'i rnam lnga dang/ tsandan la sogs pa'i dri zhim pos byug /bdud rtsi rnam pa lngas kyang go ma yang bya la/ de nas dri'i thig le dgu byas te de'i steng du me tog gtsang ma bzhag ste/ de dkyil 'khor gyi lha yin par bsams la/ de nas de la spyan drangs la bstims la/ de nas phyi nang gsang ba'i mchod pa dang/ bstod pa dang/ bdud rtsi myang ba yan chad bya'o/ /de nas yi dam lha'i nga rgyal byas la/ yi dam lha'i 'dzab

  75. 38a

    bzlas/ gtso bo'i nga rgyal byas la/ gtso bo'i sngags bzlas/ lha mo brgyad po rang rang gi nga rgyal byas la/ oM A gau rI hUM/ bet+tA lI/ tsau rI/ pra mo ha /puk+ka sI/ sa pa rI/ tsaN+Da lI/ oM A(rgyud 'grel): Dom+bi ni hUM/ zhes bzlas pa dang/ yi dam gyi lha 'am dkyil 'khor gyi gtso bo'i 'dzab mi dgos zhes rmi lam na zer na/ 'dzab ma rdzogs kyang 'phro bcad la de'i 'og tu mchod bstod byas la yi ge brgya pas gshegs su gsol lo/ /dkyil 'khor gyi las bya'o/ /de ni dang po'i bsnyen pa'o// //sa gzhi yongs su gzung bar bya'o/ de la yang brgyad de/ sa btsal zhing brtag pa dang/ sa bslang ba dang/ sa brtan par gzung ba dang/ sa sbyang ba dang/ sa byin gyis brlab pa dang/ bgegs bskrad pa dang/ phur pa gdab pa dang/ ting nge 'dzin gsum dang ldan pa'i slob dpon dbus na 'dug pa la gau rI la sogs pa'i lha mo bzhis phyogs bzhi nas mchod cing gsol ba gdab pa'o/ /de la btsal zhing brtag pa ni/ sa bzang po zug rdu med pa nyes pa med pa/ shang dang byang du gzhol ba/ me tog dang shing dang chu dang ldan par bya'o/ /yang na yid du 'ong bar bya'o/ de ni btsal zhing brtag pa'o/ /sa bslang ba ni slob dpon dgyes pa rdo rje'i ting nge 'dzin du bzhugs pas/ ba'i lci ba sa lam lhung bas maN+Dal khru gang ba zhig byas la/ des dgyes pa rdo rje'i dkyil 'khor dmigs la/ phyi nang gi mchod pa bya zhing/ 'jig rten skyong ba rnams la gtor ma byin la pus mo g.yas pa'i lha nga sa la btsugs la thal mo sbyar nas sa bslang bar bya ste/ gang sa 'di la gnas pa'i lha dang klu dang gnod sbyin dang sha za la sogs pa rnams las bslang bar bya ba yis/ sa'i gnas 'di ru yon bdag che ba mo'i don du dgyes pa'i rdo rje'i dkyil 'khor byed par 'dod kyis/ khyed rnams la mi gnod pa dang/ bzod pa yod na sa 'dir byed kyis/ yang nas 'dir nyal bas rmi lam du mtshan ma ston cig /ces brjod pas/ gtso bo'i ting nge 'dzin du zhugs la/ bzlas pa byed cing seng

  76. 38b

    ge'i nyal thabs kyi nyal bar bya'o/ /rmi lam na nges rnams la mi gnod kyis gyis shig zer na de nyid du bya'o/ /sa brtan par bzung ba ni/ ma khung na spyi de zhag gi snga dro dang po la sngar gyi maN+Dal la zhal bshal la/ de ru dgyes pa rdo rje'i dkyil 'khor dmigs la/ phyi nang gi mchod pa bya ste phyogs skyong rnams la gtor ma byin la 'di skad ces brjod do/ /sa 'di tsam zhig khugs na dgyes pa rdo rje la sogs pa'i dkyil 'khor byed kyis/ khyed rnams sems me nur zhing bgegs med pa dang/ grogs kyis shig ces sgo bar bya'o// de'i 'og tu phyogs thams cad nas/ rdzogs pa'i sangs rgyas ji snyed bzhugs/ /byang chub sems dpa' dgra bcom dag /bdag dang che ge mo zhig gi /don du brtan par bzhugs nas ni/ /mngon shes can gyi mchod yon bzhes/ /zhes lan gsum brjod de gsol ba gdab par bya'o/ /kye bcom ldan 'das bdag gi mchod yon bzhes nas kyang/ byin gyis brlabs cing brtan par bzhugs su gsol zhes brjod do/ /gal te dgang ba'i sa gzhi rmi lam du ma khugs na/ khro bo'i nga rgyal byas la mngon spyod kyi sbyin sreg byas te bgegs bskrad pas snga ma bzhin du bya'o/ /de ni sa bzhi brtan par gzung ba'o/ /sa sbyang ba ni zhi ba'i sbyin reg tshul bzhin byas la/ me lha'i thaugs kar sa'i lha mo bsams la de la mchod pa dang sbyin bsreg byas la/ oM A(rgyud 'grel): hUM mu(rgyud 'grel): zhes brjod pas nam mkha' la gshegs su gsol bar bya'o/ /de'i 'og tu ji tsam 'dod pa'i gnas gru bzhir dmigs la klu'i bdag po bsams te/ brko bar bya'o/ /klu'i bdag po ni ston zla gsum la glo g.yon pa sa la phab ste mgo shar du bstan nas kha lhor bltas te nyal lo/ /dgun zla gsum la mgo lhor bstan kha nub tu bltas nas nyal lo/ /dpyid zla gsum la mgo nub tu bltas kha byang du bltas nas nyal/ dbyar zla gsum la mgo byang du bstan kha shar du bltas te nyal lo/ /ma brko thabs ni/ klu'i mgo bo dang rgyab dang 'phongs por nas

  77. 39a

    bko bar bya'o/ /mngon par dga' ba'i dngos gru kyi don du/ brang gi phyogs su lkog ma dang lte ba dang pus mo tsam gyi bar dngos grub 'bring tha ma gsum 'dod pa'i don du g.yas g.yon na bzhugs par bsam zhing brko bar bya'o/ /sa phyung la rdo ba dang gseg ma dang/ mgal du ma dang/ sel ba dang/ rus pa dang/ gyo mo dang/ bod ba la sogs pa med par byas na/ sa gzhan snum pa bzang po dang dri zham bsres te blug bar bya'o/ /de nas dri zhim po dang chu bsres pa la yi ge hUM zlos shing bka' la 'thas par bcag ste/ lag mthil ltar mnyam pa'i steng du/ gzhal yas khang sgo bzhi dang rgyan la sogs pa dang lan par bsam mo/ /de nas spos dang bdud rtsi lnga'i chu la las thams cad pa'i sngags bzlas la gtor bar bya'o/ /sman dang 'bru dang rin po che la las thams cad pa'i sngags bzlas la gzhug par bya'o/ /sa gzhi byin gyis brlab pa ni/ /dkyil 'khor dbus su 'dug la/ gyes pa'i rdo rje'i rnal 'byor bya ste/ khaM las sa gzhi nam mkha' ltar bsgom/ /suM las ri rab ser po gru bzhi pa nam mkha' dang mnyam par bsgom/ /laM las dbang chen gyi dkyil 'khor gru bzhi pa rdo rje rtse gsum pa bzhis gru bzhir mtshan pa ser por bsgom/ hUM las sa gzhi rdo rjer bsgom/ de nas me dI ni badzri b+ha ga badzra band+ha hUM zhes brjod pas sa gzhi 'od can du byin gyis brlab po/ /de ni sa gzhi byin gyis brlab pa'o/ /bgegs bskrad pa ni/ h+rI gsum brjod la slob dpon phyir byung ste/ dbang ldan gyi mtshams su 'dug la/ bdag gi snying ga nas byung ba'i dkyil 'khor gyi 'khor lo las sprul pa byung bas nam mkha' khyab par bsams te/ phyogs bcu'i rgyal ba sra dang bcas pa khyed rnams kyis/ bdag dang slob mar bcas pa la byin gyis brlab cing bsrung ba'i phyir bzhugs su gsol lo zhes brjod cing/ snying gar zla ba'i dkyil 'khor gyi rdo rje'i dbus su bcug la

  78. 39b

    bdag dang gcig tu gyur par bsams te/ rang gi lus dgyes pa rdo rje'i nga rgyal byas te/ hUM brjod cing sems dpa' i skyil krung phyed pa la gnas nas/ mig g.yon par Ta las zla ba'i dkyil 'khor bsam/ g.yas par ma las nyi ma'i dkyil 'khor bsam/ 'bras bu gnyis las hUM shin tu g.yo ba bskal pa'i me ltar 'bar ba las rdo rje'i mig bya'o/ /de nas g.yas par rdo rje gsor zhing/ g.yon par dril bu dkrol zhing dkur bzung la mgo dang mig g.yon du cung zad btud de/ rkang thil gnyis su hUM las rdo rje rgya gram du brtsams la/ bang shar du gnas te 'di skad brjod do/ / nyon cig bgegs tshogs thams cad kyi/ /sku gsung thugs la gnas pa rnams/ /dpal sogs dgyes rdor bdag gis ni/ /bsrung ba'i 'khor la byed pa'o/ /rdo rje 'bar ba'i gzugs 'di yis/ / gal te gang gis bdag tshig 'das/ /'dod gsum bskyed bya gsang bya ste/ /tshal bar 'gas pa gdon mi za/ zhes brjod la g.yas brkyang dang/ /g.yon brkyang la sogs pa'i stang stabs kyis dkyil 'khor la lan gsum du hUM brjod cing bsko bar bya'o// de ni bgegs bskrad pa'i rim pa'o/ /phur pa gdab pa ni/ lcags kyi phur pa sor brgyad pa dri dang bdud rtsi'i chus gtor te mdun du bzhag la stong par bsgom/ stong pa las hUM ljang nag gcig tu gyur par bsam/ de las bdud rtsi 'khyil pa zhal gsum phyag drug pa cig tu lte ba yan chad bsgom mo/ /smad phur pa zur gsum 'od 'bar ba cig bsam mo/ /de nas dbang ldan nas brtsams te skor phyogs su/ oM he badzra big+ha nAM u ts+tsha Ta ya hUM phaT/ ces bya ba'i sngags kyis phur bu la bzlas shing phyogs bcur btab la/ 'og gser gyis gzhi la thug pa'i bar dbab par bsam mo/ /de ni phur pa gdab pa'o/ /ting nge 'dzin gsum dang ldan pa'i rdo rje slob dpon la/ gau rI la sogs pa'i ting 'dzin can gyi lha mo bzhis phyogs bzhi nas mchod cing gsol ba gdab pa ni/ dkyil 'khor

  79. 40a

    bri phyir shar phyogs nas gau rI'i rnal 'byor pas dbus su gtso bo mchod pa rnam pa lnga phul nas 'di skad brjod do/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog/ dkyil 'khor dam pa bshad du gsol zhes bskul lo/ /lho phyogs nas tsau rI'i rnal 'byor pas dbus kyi gtso bo la mchod pa rnam pa lnga phul nas 'di skad ces brjod do/ /mtshan nyid thams cad yang dag rdzogs/ /mtshan min thams cad yang dag spangs kun tu bzang po sku yi mchog /dkyil 'khor dam pa bshad du gsol zhes bskul to/ nub phyogs nas pra mo ha'i rnal 'byor pas/ dbus kyi gtso bo la mchod pa rnam pa lnga phul nas 'di skad brjod do/ /zhi ba'i mchog ni mchog las byung/ /ye shes spyod pa rnam sbyor ba/ /kun tu bzang po gsung gi mchog /dkyil 'khor dam pa bshad du gsol/ /zhes bskul lo/ /byang phyogs nas bet+tA lI rnal 'byor pas/ /dbus kyi gtso bo la mchod pa rnam pa lnga phul nas 'di skad brjod do/ /sems can kun gyi sems chen po/ /rang bzhin dag pa dri ma med/ /kun tu bzang po thugs kyi mchog /dkyil 'khor dam pa bshad du gsol/ /zhes bskul lo/ /de nas dkyil 'khor gyi dbus nas langs/ /de bzhin gshegs pa thams cad kyis nam mkha' khyab par dmigs te/ 'di skad brjod par bya'o/ /oM sarba ta thA ga ta pA da band+ha naM ka ro ya mi zhes de bzhin gshegs pa thams cad kyi zhabs la phyag byas nas/ langs la dgyes ba rdo rje'i nga rgyal bskyed la 'di skad ces brjod do/ /bdag nyid rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag gis/ /rnal 'byor dbang phyug rgyal po bdag /phyag na rdo rje brtan bdag ste/ /bdag po rdo rje chen po'i bdag/ byin gyis brlab cing bzhugs su gsol/ /zhes bskul lo/ sa gzhi

  80. 40b

    yongs su bzung ba'o/ /da ni sta gon la gnas par bya ba ston te/ de la yang gnas pa bzhi ste/ sa'i lha mo sta gon la gnas par bya ba dang/ lha sta gon la gnas pa dang/ bum ba sta gon la gnas pa dang/ slob ma sta gon la gnas pa'o/ de la sa'i lha mo sta gon la gnas pa ni dkyil 'khor gyi dbus su dri'i thig le byas la/ thig le'i steng du yi ge laM ser po zhig bsam/ de 'od du zhu bas sa'i lha mo sku mdog ser po/ rin po cha'i rgyan sna tshogs kyis brgyan pa/ zhal gcig phyag gnyis pa g.yas bgrang phreng ba 'dzin pa/ g.yon gser gyi bum pa thogs pa zhig bsam mo/ /de nas mdun gyi nam mkhar gshegs pa'i sa'i lha mo dza:hUM baM ho(rgyud 'grel): bzhis dgug pa dang bzhug pa dang bcang ba dang/ dgyes par byas la/ mchod pa rnam pa lnga phul te/ thal mo sbyar nas/ skyob pa sangs rgyas thams cad kyis/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom pa/ /de ltar bdud kyi tshogs brtsom nas/ /bdag gis dkyil 'khor bri bar bgyi/ /zhes lan gsum du brjod pas sa'i lha mo mnyes nas/ dga' ba'i mdangs kyis dgyes pa rdo rje'i dkyil 'khor gyis zer nas sa la thim mo/ /de ni sa'i lha mo sta gon la gnas pa'o/ /lha sta gon la gnas pa'o/ /lha dgu so so'i bzhugs gnas su dri dang bdud rtsi'i thig le byas la gdan dgu ru bsam/ de'i steng du so so'i snying po brjod cing/ me tog re re bzhag pas dam tshig sems dpa' lha dgu ru bsam/ de nas dza:hUM baM ho la sogs pa'i phyag rgya bzhis/ ye shes kyi lna dgug pa dang gzhug pa dang bcing ba dang dbang du byas la gnyis su med par bsam mo/ /de nas mchod pa rnam pa lnga phul la bstod pa nyi shu pa byas te 'di skad do/ /thams cad dngos po'i rang bzhin mchog /gdod nas thams cad bdag

  81. 41a

    nyid gnas/ /thabs dang shes rab gnyis bdag pa/ /dgyes pa'i rdo rje bdag phyag 'tshal/ /de nas 'di skad brjod do/ /bcom ldan dgyes pa'i rdo rje ni/ /rig pa'i rgyal po phyag 'tshal bstod/ /bdag gis rdo rje dkyil 'khor 'dir/ mgon po bri bar 'dod pa ste/ /slob ma rnams la phan phyir dang/ /khyed la mchod pa'i don du yang/ /de bas bcom ldan gus bdag la/ /byin brlabs snang ba mdzad par 'os/ /dgongs shig bdag la sangs rgyas dag /'gro ba'i 'khor lo don byed dang/ /'bras gnas byang chub sems dpa' dang/ /gang zhig gzhan yang sngags kyi lha/ /lha rnams 'jig rten skyong ba dang/ /'byung po byang chub sems dpa' rnams/ /sems can bstan la mngon dga' ba'i/ /gang zhig rdo rje mig ldan pa'i che ge mo bdag rdo rje 'dzin/ /dgyes rdor dkyil 'khor dngos byung ba/ /ji ltar nyer spyod nus pa yin/ /'gro bar mngon? du bri bar bya/ /slob ma dang bcas bdag la ni/ /byin rlabs gnang ba mdzad par 'os/ /zhes lan gsum du spos thogs la mdzad do/ /de ni lha sta gon la gnas pa'o/ /bum pa sta gon la gnas pa ni/ bum pa'i dbyibs ni chu'i dkyil 'khor lta bur zlum pa/ zhabs phra ba mchu 'phyang pa lto ba che ba dgu byas la/ spos kyi chus dag par bkrus la/ maN+Dal gyi steng du ngas sam dar dkar bting la me tog chal par bkram la gong gi bum pa bzhag go /de nas tsan dan dkar po la sogs pa'i dri zhim po la sogs pa dang dkar rtsi bsres la bum par bya/ de nas pad 'dab brgyad re bri/ /de'i lte ba la rang rang gi phyag mtshan re bri/ /de nas rnam rgyal gyi bum pa dngos po med par bsam/ de las yi ge khaM dkar po cig tu gyur/ de 'od du zhu ba las bum pa gong ma 'dra ba zhig byung bar bsam/ de'i nang du yi ge h+rI(rgyud 'grel): las pad+ma 'dab brgyad pa

  82. 41b

    zhig pa bsams? de'i steng du a las zla ba'i dkyil 'khor bsam/ de'i steng du aM las nyi ma'i dkyil 'khor gcig bsam/ de'i steng du yi ge hUM mthing nag cig bsam/ de 'od du zhu ba las rdo rje mthing nag hUM gis mtshan pa cig bsam/ de 'od du zhu ba las dgyes pa rdo rje zhal brgyad zhabs bzhi phyag bcu drug spyan nyi shu rtsa bzhi pa/ phyag rgya drug dang ldan pa/ phyag g.yas pa brgyad na band+ha'i nang na glang po rta bong la sogs pa bsnams pa/ phyag g.yon pa brgyad na band+ha'i nang na sa'i lha mo la sogs pa bsnams pa/ dbu skra ser po gyen du 'phreng ba/ rgyan sna tshogs kyis brgyan par bsam mo/ /yang na dkyil 'khor tshang bar bsam mo/ /de nas ris drug gi dkyil 'khor gyi dbus su bzhag go /de nas dza(rgyud 'grel): hUM baM ho(rgyud 'grel): la sogs pa bzhis ye shes kyi lha dgug pa dang gzhug pa dang bcing ba dang/ dbang du bya ba la sogs pa byas la de nas gti mug rdo rje ma la sogs pa drug gis skye mched drug byin gyis brlab/ mkha' spyod ma la sogs pa gsum gyis gnas gsum byin gyis brlab bo/ /rigs kyi bdag po rgyu'i dgyes pa rdo rjes dbu brgyan par bsam mo/ /de nas mchod yon la sogs pa la bsang gtor bya/ gsang gtor la sogs pa'i sngags ni/ oM sarba saM sho d+ha ni hUM phaT/ me tog la sogs pa'i sngags so/ /oM A:swAhA band+ha'i nang du bzhag pa'i bdud rtsi lnga sbyang ba'i sngags so/ oM A(rgyud 'grel): hUM swAhA/ dam tshig gi chu bsang ba'i sngags so/ /oM sh+rI hUM g+haM dzaM swAhA/ sha lnga sbyar ba'i sngags so/ /de nas mchod pa rnam pa lnga po de hUM lar bsams la hUM 'od du zhu ba las/ me tog la sogs pa 'od dang ldan pa bzang por gyur par bsam/ de nas rnam par rgyal ba'i bum pa la/ oM badzra swA b+hA ba swAhA zhes brjod la ras dbul/ dza(rgyud 'grel): hUM baM ho(rgyud 'grel): khaM raM zhes brjod la yon dbul/ oM ni ri ti hUM khaM zhes brjod la zhal bsil dbul me tog bzang po mchog 'di dag /dri med gtsang ba'i skye gnas nas/ /bdag gi dad pas phul ba

  83. 42a

    nyid/ /bzhes te bdag la bka' drin skyobs/ /oM badzra puShpe A(rgyud 'grel): hUM swAhA/ nags tshal las byung dri yi mchog /dri tshogs bdug spos bla med pa/ /bdag gi dad pas phul ba nyid/ /bzhes te bdag la bka' drin skyobs/ /oM badzra d+hU pe A(rgyud 'grel): hUM swAhA/ gdon rnams 'joms shing bkra shis pa/ /dge shing mun pa rnams sel ba/ /bdag gi dad pas phul ba nyid/ /bzhes te bdag la bka' drin skyobs/ /oM badzra dI pa A(rgyud 'grel): hUM swAhA/ lhan cig skyes nas sbyar ba'i dri/ /shangs la tshim byed dag pa 'di/ /bdag gi dad pas phul ba nyid/ /bzhes te bdag la bka' drin skyabs/ /oM badzra gand+he A(rgyud 'grel): hUM swAhA/ bshos gtsang thams cad yan lag ldan/ /bza' dang bca' bar ldan bcas pa/ /kha dog dri dang rong ldan pa/ /dbul gyis so sor bzhes su gsol/ /oM badzra nai bi dye A(rgyud 'grel): hUM swAhA/ de nas dri chab bzang po dur phor du glub? la bum pa'i kha ru bzhag /hUM bdun bzlas pa'i srad bu dkar po rnam rgyal gyi bum pa la gdags/ me tog gi phreng ba tsan dan dkar po'i dri chur bcug la rdo rje'i dbus su bcings la dur phor gyi kha ru bzhag go /de nas gtso bo'i sngags brgya rtsa brgyad bzlas pa da bum par blugs pas/ de'i stobs kyis dgyes pa'i rdo rje yab yum 'od du zhu nas/ de nas dri chab bzang po gang bar blugs/ de nas kha rgyan dang mgul chings la/ oM hUM swAhA zhes bzlas la bcing zhing gzhug par bya'o/ /'bru lnga sman lnga bdud rtsi lnga rin po che lnga la gtso bo'i sngags brgya rtsa brgyad kyis byin gyis brlabs la ras su gtums la/ kha rgyan la btags bum pa chu'i nang na bcug la/ spos kyis bdugs la bzhag /de nas bum pa gzhan ma brgyad po la/ rang rang gi snying bo g+haM tsaM la sogs bskyed pa dang/ so so'i ye shes sems dpa' i lha spyan drang ba dang/ dgug pa la sogs pa snga ma bzhin no/ /de nas rigs drug gi dkyil 'khor du snga ma bzhin du bzhag go /de nas las thams cad pa'i bum pa'i nang

  84. 42b

    du yi ge hUM las cho ga gsum gyi rim pas bdud rtsi 'khyil ba bskyed la spyan drang ba la sogs pa gong ma bzhin du bya'o/ /rigs drug gi dkyil 'khor gyi byang shar mtshams su bzhag la 'di skad ces gsol ba gdab par bya ste/ khyed kyis dkyil 'khor 'di ma rdzogs kyi bar du bgegs ma rungs pa rnams bsrung du gsol zhes bya'o/ /de ni bum pa sta gon la gnas pa'o/ /de nas slob ma sta gon gnas pa ni/ phyi rol tu song ste dgyes pa rdo rje'i ting nge 'dzin du gnas la/ de nas lus bsrung ba dang/ khrus dag pa dang/ gos gtsang ma bgos la/ me tog gi phreng ba rdo rje slob dpon la gtor te/ slob dpon la phyag byas nas gsol ba gdab par bya'o/ /dag la chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ byang chub sems kyang bdag la stsol/ /sangs rgyas chos dang dge 'dun te/ /skyabs gsum po ni bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ zhes lan gsum brjod la/ de nas slob dpon gyis mtshan nyid dang ldan pa'i slob ma la bos te 'di skad brjod par bya'o/ /khyod ni tshul chen snod yin gyis/ /bu 'dir shog cig theg chen gyi/ /gsang sngags spyod tshul cho ga ni/ /khyod la legs par bstan par bya/ /rdzogs pa'i sangs rgyas gang 'das dang/ /de bzhin gang ngag ma byon pa/ /da ltar byung ba'i mgon po rnams/ /'gro la phan phyir bzhugs pa dag /de dag kun gyi gsang sngags kyis/ /cho ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba nyes med de/ / shAkya seng ge skyob pa yis/ /bdud sde shin tu mi bzad pa/ /dpung chen ngag kyang de yis bcom/ de nas kun mkhyen thob bya'i phyir/ /bu yis blo gros 'di gyis shig /ces brjod do/ /de nas sdig pa bshags pa la sogs pa phyed du gzhug ste/ bdag gi sdig pa ci bgyes

  85. 43a

    pa/ bgyid du stsal dang yi rang ba/ /sangs rgyas spyan sngar mchis nas ni/ /de dag thams cad bshags par bgyi/ /sangs rgyas byang chub sems dpa' dang/ /rang rgyal dgra bcom 'gro rnams kyis/ /bsgom dang bzlas brjod bsod nams tshogs/ /de la bdag ni yi rang ngo/ /sems bskyed mngon par sangs rgyas dang/ /chos kyi 'khor lo bskor ba dang/ /byang chub sems dpa' i tshogs spyod dang/ /deng nas bdag ni skyabs su mchi/ /sangs rgyas 'byung ba ji lta bar/ /skal ldan byang chub sems dpa' yis/ /byang chub sems ni bskyed pa ltar/ /de nyid du ni sems bskyed do/ /mgon po bdag la dgongs su gsol/ /ma lus bzhugs pa'i sangs rgyas rnams/ /dus 'di nyid nas sangs rgyas par/ /bla med bdag la gzigs su gsol/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor sdom pa ni/ /yang dag nyid du gzung bar bgyi'o/ /rdo rje rigs mchog chen po la/ /rdo rje dril bu'i phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re zhing ni lan drug tu/ /sbyin pa rnam bzhi rtag tu sbyin/ /byang chub chen po las byung ba/ /pad+ma'i rigs mchog dag pa la/ /phyi nang gsang ba'i theg pa gsum/ /dam pa'i chos kyang gzung bar bgyi/ /las kyi rigs mchog chen po yi/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /tshul khrims kyi ni bslab pa dang/ /dge ba'i chos ni sdud pa dang/ /sems can don byed tshul khrims gsum/ /de bzhin brtan par gzung bar bgyi/ /bdag gi dge ba'i las rnams 'di dag gis/ /'jig rten mi ring sangs rgyas myur bsgrubs nas/ /sems can 'khor pa'i rgya mtshor bying ba rnams/ /bla med byang chub nyid du bsgral bar bgyi/ zhes zhus pa dang/ slob dpon gyis slob ma la

  86. 43b

    bsrung ba bya ste/ khro bo'i sngags kyis so shing la bzlas par bya'o/ /so shing gi cho ga ni u dum+ba ra 'am/ e shwat+tha'i shing gi rtse mo las sor bcu gnyis pa'i shing gi tshad du bya/ mi g.yo ba ma gas pa 'bus ma zos pa'i so shing gi rtse mor me tog gi phreng ba bcing la/ dri zhim pos byugs la/ tshems shing stong par bsgom/ de las hUM mthing nag 'od 'bar ba gcig tu gyur/ de las so shing 'od can cig byung bar bsam/ de nas so shing gi me tog gi phreng ba bgrang zhing bzlas la byin gyis brlag de nas ba'i lci ba sa la ma lhung ba dang/ dri zhim po dang/ bdud rtsi rnam pa lngas maN+Dal gru bzhi khru gang pa zhig nub phyogs su byas la/ de'i steng du slob ma bzhag /rnam par snang mdzad du byin gyis brlabs la rdo rje khu tshur gyis dri chu blangs te/ oM brjod la spyi bor thig le bya/ A(rgyud 'grel): brjod la mgrin bar thig le bya/ hUM brjod la snying gar thig le bya/ thig le gdan du bsam/ oM A:hUM gsum mkha' spyod ma la sogs par bsams la/ me tog la sogs pa'i mchod pa bya ste/ spyi bor me tog dbul/ mdun du spos me dbul/ mar me dang/ dri snying gar dbul/ lha bshos lag par dbul bar bya'o/ /de nas shar phyogs su kha bltas te/ mi smra ba ru so shing bca' / bca' ba zin nas so brud cing mi gas pas phan tshun ma dor bar mdun drang por rtsa ba'i dkyil du dor ro/ /yang na khru gang gru bzhi par dor ro/ /de tshe bdag la lta ba dang/ /rtse mo gyen du 'greng 'gyur na/ /de ni dngos grub mchog ces bya/ /de bzhin gzhan du kha bltas na/ /de ni dngos grub 'bring du bshad/ /mtshams dang byang du kha bltas na/ /'jig rten pa yi dngos grub thob/ /so shing bor ba brgya zhig la/ gal te mthur du kha bltas na/ /de ni nges par sa 'og gi /dngos grub de la the tshom med/ /de nas dri chu yis lag pa bkrus te/ 'thong 'thung gis kha bshal la dbo/ /de nas oM h+ri bi shu d+ha d+harmA pA paM niShtsa a se sho d+ha sarba bi kalpa na/ a pa nA ya hUM zhes bya ba mngon

  87. 44a

    par bzlas pa'i chu khyor ba gsum 'thung du gzhug go /de'i 'og tu slob ma rnams sems dpa' bar bya ba'i phyir chos bshad bar bya'o/ /de'i dgos pa ni/ dag gi nyes pa dag par bya ba dang/ dngos grub rab 'bring gi bltas blta ba'o/ /de nas ku sha la rtsa ba'i sngags bzlas la ku sha stong par bsgom/ de nas hUM du gyur/ hUM las ku sha byung bar bsam/ mgo bo'i phyogs su zhog ces bsgo par bya'o/ /yang ku sha hUM las bskyed la/ bdud rtsi 'khyil pa'i sngags bzlas pa de steng du yang gding bar bya'o/ /de'i dgos ba ni yid kyis nyes pa dag par bya ba dang/ rmi lam rno bar bya ba'i phyir ro/ /de nas tshon sna rnam pa lnga'i skud pa la dri dang bdud rtsi lnga'i chus gtor la stong par bsgom/ stong pa las hUM du gyur/ hUM las rdo rje'i skud par bsam/ bdud rtsi 'khyil ba'i sngags lan drug bzlas shing mdud pa drug byas pa'i skud pa dpung pa g.yon par gdags/ yi ge brgya bas kyang brtan par bya/ de nas bzhin bzangs rnams longs shig /sang gi nyin par khyed rnams kyis/ /thar pa chen po'i rang bzhin gyi grong khyer rnams mthong bar 'gyur gyi/ de nas snga ma bzhin du slob ma la mchod pa rnam pa lnga byas nas phyi rol tu phyogs skyong gi gtor ma btang ste/ nang du zhugs nas lha sta gon la gnas pa'i dkyil 'khor la mchod de/ gnas de nyid du ku sha'i stan la slob ma mchog /dkyil 'khor gyi 'gram du seng ge'i nyal thabs kyis nyal la rmi lam gyi mtshan ma blta ba'i phyir/ mi smra bar yi dam gyi lha bsgom zhing bzlas pa byed cing nyal lo/ /de nas nang par mtshan mo'i mthar rmi lam gang dang gang mthong ba dri bar bya'o/ /dri ba thos nas rmi lam bzang ngan 'dzem pa med par bzlas par bya'o/ /rmi lam bzang po mthong na slob ma la rjes su yi rang ba dang/ dngos grub rab 'bring tha ma gsum bstan bar bya'o/ /ngan pa mthong na ba'i rnam pa lnga 'am

  88. 44b

    bdud rtsi rnam pa lnga la bdud rtsi 'khyil pa'i sngags bzlas la 'thung du gzhug cing bsrung ba yang bya/ grub na drag po'i sbyin sreg bya zhing rtog pa bsal bar bya'o/ /de ni slob ma sta gon la gnas pa'i rim pa'o// //las la 'jug pa la yang gnyis te/ dkyil 'khor gyi cho ga dang dbang bskur bI cho ga'o/ /dkyil 'khor gyi cho ga la yang bcu gsum ste/ thig gdab pa dang/ tshon dgye ba dang/ phyag rgya dgod pa dang/ dam tshig gi dkyil 'khor bskyed pa dang/ ye shes kyi dkyil 'khor spyan drangs la gnyis su med par bya ba dang/ de la phyi nang gsang ba'i mchod pa bya ba dang/ bstod pa dang/ bdud rtsi dang/ tshogs dang/ gtor ma'i mchod pa bya ba dang/ sbyin sreg gi mchod pa dang/ ye shes kyi lha mchod la gshegs su gsol ba dang/ dkyil 'khor bsdu ba'o// de la thig gdab pa'i rim pa ni/ sta gon gyi lha la mchod pa dang/ bstod pa dang/ bdud rtsi'i cho ga byas la/ oM A(rgyud 'grel): hUM dz+nyA na maN+Da la mu(rgyud 'grel): zhes brjod la gshegs su gsol lo/ /hUM zhes brjod pas dam tshig gi dkyil 'khor dbang du bsdus la/ mdun du hUM mthing nag cig bsam/ de las 'od phyogs bcur spros par bsam/ oM rak+Sha rak+Sha hUM zhes brjod pas/ rdo rje'i ra pa la sogs ba bsam/ de nas thig gdab par bya ste/ ras kyi sras bu sngon po dang/ dkar po dang/ ser po dang/ dmar po dang/ ljang gu dang/ de kun gser ram/ dngul gyi snod dris bsgos pa'i nang du bzhag la/ hUM sngon po/ oM dkar po/ traM ser po h+ri(rgyud 'grel): dmar po/ khaM ljang gu rim pa bzhin du bsam/ de nas slob dpon bdag dbus su gnas la dgyes pa'i rdo rje ting nge 'dzin du bsgom la/ mig g.yas su ma las nyi ma'i dkyil 'khor g.yon du Ta las zla ba'i dkyil 'khor bsams te/ oM tipta driSh+Ti aM ku sha dza(rgyud 'grel): zhes bzlas pas lcags kyu 'dra ba'i 'od zer sprin byung nas dgyes ba rdo rje la sogs pa rigs lnga mdun gyi nam mkha' la bskul

  89. 45a

    te/ de la 'di skad gsol ba gdab par bya'o/ /kye bcom ldan 'das dkyil 'khor thig gdab pa'i rdo rje srad bu stsal du gsol zhes brjod do/ de nas ye shes kyi spyan gyis gzigs nas/ dgyes pa rdo rje la sogs pa'i thugs ka nas lcags kyus bskul ba'i tshul du ye shes kyi skud pa lnga byung ste/ dam tshig skud pa la so sor thim par bsam mo/ /de nas phan tshun rjes su rdzogs pa kun/ /phan tshun rjes su chos thams cad/ /yang dag dgug pa'i chos thams cad/ /chos shes dang po dran nas bsgril/ zhes brjod la bsgril bar bya'o/ de nas tsan dan bzang po la sogs pas skud pa gser gyi snod la sogs pa'i nang du legs par bzhag la/ slob dpon dbus su 'dug la/ me tog la sogs pas thig la mchod de/ rdo rje'i mig byas la bdag nyid nub phyogs su gnas te/ dgyes pa rdo rje rnal 'byor bya'o/ /oM he dza(rgyud 'grel): zhes pa ci nus brjod nas/ bdag gi snying ga nas grogs po gau rI'i tshul du sprul nas byin gyis brlab pa dang dbang bskur bar bya'o/ /de nas mdun du 'dug par bsams la/ skud pa lag pa g.yon pas bzung la/ bdag nyid kyis oM dza(rgyud 'grel): dza(rgyud 'grel): dza(rgyud 'grel): zhes bya ba gsum brjod do/ /bdag gi lag pa g.yas pas blangs te/ grogs po'i lag par gtang bar bya'o/ /de nas grogs pos rkang pa mdun du bsnur nas/ g.yon pa'i rdo rje khu tshur gyis dza: gsum brjod nas blangs te slob dpon gyi mdun du 'dug go /de nas thig gi sgras sems can gyi don la bde gshegs bskul ba dang/ rang bzhin gyi dkyil 'khor gsal bar bya ba'i phyir gnam thig gdab bo/ /de la slob dpon nub tu 'dug la kha shar du bltas la/ oM badzra sa ma ya sU tram ti kra ma hUM zhes brjod cing thig gdab par bya'o/ /de bzhin du slob dpon lhor 'dug la byang du kha bltas te/ thig gdab par bya'o/ /de ni gnam thig go /de nas mtshon sna lnga'i srang bu gnyis pa blangs te/ snga ma bzhin du sa thig gdab par bya'o/ /slob

  90. 45b

    dpon dang slob ma gnyis bskor phyogs ni g.yas su bskor bar bya'o/ de ni sa thig go /de nas gsher thig blangs la mtshan ma'i thig gdab par bya'o/ /de la rim pa ni/ tshangs thag gnyis gdab pa ni gnam thig dang mthun te/ de nas mer gnas la byang du bltas te shar du gdab po/ de nas rlung du gnas la lhor bltas te nub tu gdab bo/ de kar 'dug la shar du bltas te byang du gdab bo/ /yang mer 'dug la nub tu bltas te lhor gdab po de kar 'dug la rlung du bltas te/ mtshams dang po gdab po/ /yang bden bral du 'dug la dbang ldan du bltas la mtshams gnyis pa gdab par bya'o/ /de ltar btab pa la drug gi chang ni bgos par bya /dang po drug pa nang gnyis dor/ /gnyis pa gsum pa bzhi bzhir bye/ /bzhi pa ma bgos par ni bzhag /lnga pa yi ni dbu ma dor/ /rta babs man chad khol mas bya/ /rdo rje rab me ri gnyis/ /tshad dang mthun par bskor bar bya'o/ /de nas ye shes kyi thig skud kyang snga ma bzhin du mchod nas oM a(rgyud 'grel): hUM mu(rgyud 'grel): zhes brjod pas gshegs su gsol bar bya'o/ /thig skud chad na bla ma 'chi/ zhes bya ba ni gzhan dag la shes par bya'o/ de ni thig gdab pa'o/ /de la tshod dgye ba'i rim pa ni/ rin po che sna lnga 'am/ 'bras sA lu btags pa'i phye ma kha dog lngar bsgyur ba 'am/ /yang na 'byung khungs rnam pa lnga'i sa bon las/ ye shes kyi skud pa la yig 'bru ji ltar bkod pa bzhin dus tshon la yang bya'o/ ye shes kyi skud pa bkug nas bstims pa bzhin du kho na la yang de bzhin bya'o/ /de nas mchod pa lnga phul nas/ oM badzra ti tra sa ma ya hUM zhes bya ba'i sngags tshon la lan bdun bzlas shing tshon rtsi la 'bar ba'i mig gis blta bar bya'o/ /'bar ba'i mig ni myur bar g.yo ba'i mig go /de nas yi ge nyi zlos shing/ rdo rje pad+ma'i phyag rgyas mtshon nas bya'o/ /de nas tshon bzang por bya ba'i phyir bden pa'i byin gyis brlabs brjod do/ /bden pa gang

  91. 46a

    gis sems can rnams la/ sangs rgyas rnams sems can du dpag pas/ chags par mdzad pa'i bden pa des/ tshon rtsi 'bar bar gyur cig ces bya'o/ /de nas 'di skad brjod la/ tshon dgye bar bya ste/ chos dbyings rang bzhin dag pa ste/ sems can khams ni sbyong bar byed/ /rnam par snang mdzad rgyal ba'i bdag ces brjod la/ g.yon pa'i khu tshur gyis dbang ldan gyi mtshams nas g.yon bskor du bri bar bya'o/ /de yang nang du nag po'o/ /de nas dkar po de nas ser po/ /de nas dmar po/ de nas ljang gu mtho gang tsam du bri bar bya'o/ /de yang oM badzra tsi tA pra sar hUM zhes brjod cing bri'o/ /de nas gser gzhong la sogs pa bkab la/ me tog gis mdza' ma bskor la bzhag go /de nas pra bzang na/ e ma'o zhes brjod/ dan na rdul tshon la bgegs bstims la phur bus gdab/ de nas slob ma mkhas pas ji ltar bde bar bri bar bya'o/ /de yang shar du dkar po/ lhor ser po/ nub du dmar po/ byang du ljang gu/ dbus su nag po'o/ /sboms na nad rnams 'byung bar 'gyur/ zhes bya ba la sogs pa ni gzhan du blta bar bya'o/ /de ni tshon dgye ba'i rim pa'o/ /de nas phyag rgya dgod par bya'o/ /lha so so'i snying po brjod cing dbus nas rim bzhin du phyag rgya dgod par bya'o/ /der g.yas brkyang la sogs stang stabs bya'o/ /de ni phyag rgya dgod par bya'o/ /dam tshig gi dkyil 'khor bskyed pa ni/ snying po brjod cing phyag rgya dgod pa'i dus su lha re re krongs krongs 'grub par bsam mo/ /yang na mngon par byang chub pa rnam pa lngas/ bdag gtso bo yab yum du bsgoms la/ de nas mkha' gsang byin gyis brlabs la/ gnyis su med par sbyor ba bya ste/ byang chub sems dpa' nam mkha' la phab la/ /de nas gtso la sogs pa lha so so'i yig 'brur gyur/ de las lha mo brgyad kyi skur gyur/ de nas g+haM tsi la sogs pa so so'i snying po brjod la mkha' las bton te so so'i gnas su dgod par bya'o/ /de ni dam tshig gi dkyil 'khor bskyed pa'o/ /ye shes kyi

  92. 46b

    dkyil 'khor spyan drangs la gnyis su med par bya ba ni/ gau rI dza(rgyud 'grel): zhes brjod pas/ gau rI lcags kyu can gyis dgug /tsau rI hUM/ zhes brjod pas/ tsau rI zhags pa can gyis gzhug /pra mo ha baM zhes brjod pas/ pra mo ha lcags sgrog can gyis bcings/ bet+tA lI ho(rgyud 'grel): zhes brjod pas/ de d+ha lI dril bu can gyis dbang du byas so/ /de skye mtshad byin gyis brlab ba dang/ sku gsung thugs su byin gyis brlab pa dang/ sau'i rigs kyis bdag mos dbang bskur bar bya'o/ /de ni gnyis su med par bstim pa'o/ de la phyi nang gsang ba'i mchod pa bye ba no/ de nas shar sgor rma bya'i stan bcing la las kyi phyag rgya ma dang gnyis su med par sbyor ba byas pa'i byang chub sems dung chos su blangs la/ ga bur dang gur gum bsres la bdud rtsir bsams la/ oM a mri ta swa b+hA ba bi shud+d+ha zhes bya ba brjod cing srin mtheb kyi phyag rgyas gtor zhing dkyil 'khor gyi lha la gsang gtor bya'o/ /de nas phyi'i mchod pa rnam pa lnga dbul de nas nang gi mchod pa ge rI la sogs pa'i lha mo brgyad bdag gi ba spu'i bu gnas sprul la dbul gsang bA mchod pa byang chub sems dang sha lnga dbul/ de ni phyi nang gsang ba'i mchod pa dbul/ de nas bstod pa nyi shu pa'i bstod/ de nas bdud rtsi'i mchod pa bya ba ni/ chang phud kyi nang du bdud rtsi blugs tshul bzhin du byin gyis brlabs te/ oM A(rgyud 'grel): gu ru i daM a mri taM mahA satwA ya hUM zhes brjod cing/ srin ma thob kyi phyag rgyas gtor zhing/ rdo rje slob dpon la mchod do/ /oM A(rgyud 'grel): haM badzra i daM a mri taM satwA ya hUM zhes brjod cing/ dgyes pa'i rdo re la dbul/ oM A(rgyud 'grel): gau rI i daM a mri taM satwA A(rgyud 'grel): hUM zhes brjod cing gau rI la dbul/ oM A(rgyud 'grel): tsau rI i daM a mri taM sa tA ya hUM zhes brjod cing tsau rI la dbul/ aM A(rgyud 'grel): pra mo ha i daM a mri taM satwA ya hUM zhes brjod cing pra mo ha la dbul/ oM A(rgyud 'grel): bet+tA lI i daM a mri taM satwA ya hUM zhes brjod cing bet+tA lI la dbul/ oM A(rgyud 'grel): puk+ka si i daM a mri taM satwA ya hUM zhes brjod cing puk+ka sil dbul/ oM A(rgyud 'grel): sa ba rI i

  93. 47a

    daM a mri taM satwA ya zhes brjod cings ba rI la dbul/ oM A(rgyud 'grel): tsaN+Da li i daM a mri taM satwA ya hUM zhes brjod cing tsaN lI la dbul/ oM A(rgyud 'grel): Dom+bi ni i daM a mri taM satwA ya hUM zhes brjod cing Dom+bi la dbul/ de nas mkha' 'gro ma nyi shu la yang dbul lo/ de ni bdud rtsi'i mchod pa'o/ /tshogs kyi mchod pa ni/ tshogs kyi zhal zas la las thams cad pa'i sngag bzlas la/ dri dang bdud rtsi'i chus gtor zhing bsang/ de nas tshogs tshul bzhin du bdud rtsir byin gyis brlab/ de nas phung bkros la pad+ma'i phyag rgyas pud blangs la oM A(rgyud 'grel): he badzra i daM ba liM khA hi zhes brjod cing gtor chen gyi nang du dbul lo/ /de bzhin du lha kun la dbul lo/ /de nas gtor chen gyi sngags rings bzlas la dbul/ de nas bstod pa nyi shu pas bstod do/ /de nas de'i lhag ma pad+ma'i phyag rgyas blangs la lhag ma'i sngags brjod cing lhag ma'i gtor ma dbul lo/ /rnal 'byor pas yi dam gyi lha so sor bsgoms la lce rdo rjer byin kyis brlabs la/ rin po che'i phyag rgyas blangs la so sor rol pas/ phung po khams dang skye mched kyi lha rnams tshim par bsam mo/ /de nas rol pa'i lhag ma la/ u ts+tshiSh+Ta'i sngags bzlas la/ yi dags lhag ma za ba rnams tshim par bsam mo/ /mgo zug nas ma thor gyi ba du nyin lan gsum du phyogs skyong gi gtor ma btang/ mtshan mo lan gsum du mkha' 'gro ma'i gtor ma btang ngo/ /de ni tshogs mchod pa'o/ /de nas sbyin sreg gi mchod pas mchod pa ni/ sa bzung ba'i dus su sbyin sreg gi mchod pa zhi ba'i bya/ mchod pa'i dus su rgyas pa'i sbyin sreg bya/ thon kar slob ma'i bgegs zhi bar bya ba'i phyir slob ma g.yon phyogs su bzhag la zhi ba'i sbyin sreg bya'o/ /de ni sbyin sreg gi mchod pa'o/ /dbang bskur ba'i cho ga la gnyis te/ dkyil 'khor du gzhug pa dang/ dbang bskur ba'i thabs so/ /dkyil 'khor du 'jug pa la gnyis te/ slob dpon 'jug pa

  94. 47b

    dang/ slob ma gzhug pa'o/ /slob dpon 'jug pa ni/ slob ma gzhug pa'i cho gas dkyil 'khor gyi gtso bo dang gnyis su med par 'jug go /de nas slob dpon gyis 'di skad brjod par bya'o/ /'dod chags chen po kun 'byung bas/ /'khor lo de ni gzugs brnyan 'dra/ /slob ma'i don du grong khyer bcas/ /de kho na nyid bde bar brjod ces bya'o/ /de nas slob ma rnams yol ba'i phyi rol tu bzhag ste/ sta gon la gnas pa'i skabs bzhin du dom pa blangs te/ gos dmar po bgos/ mig dang gdong g.yogs te/ las thams cad pa'i sngags bzlas shing/ chus bsang gtor byas la/ dga' ba khyod gang yin zhes dri bar bya'o/ /slob ma dga' ba skal chen bdag yin no/ /zhes lan gdab par bya'o/ /de na shar phyogs kyi sgor bzhag ste/ oM sarba ta thA ga ta he badzra pU dzo pas tha nas/ At+ma ni nIrya tA ya mi te he badzra ad+hi tiShpa mAM zhes brjod pas byang chub tu sems bskyed par bya zhing snying gar rdo rje bzhag la/ oM sarba yo ga tsita utpa dA ya mi/ su ra te sa ma yastwaM/ ma hA sid+d+ha badzra ya thA su khaM zhes brjod do/ /de nas mig dgab /ras la me tog phreng ba bcings la/ na mo ratna tra yA la/ he badzra pa ri bA ra/ rak+Sha rak+Sha/ sarba ye bya zhes brjod pas slob ma srung ngo/ /de nas de la khyed de bzhin gshegs pa thams cad kyis byin gyis brlabs par 'gyur gyis/ khyed kyis de bzhin gshegs pa thams cad kyi/ gsang ba'i dkyil 'khor ma mthong ba rnams la smra bar mi bya zhing/ dad pa med pa rnams la ni ma yin no/ /de nas shar sgor dkyil 'khor khru gang ba la 'dab brgyad dmar po gcig byas la/ dbus su rdo rje mthing nag/ shar gyi 'dab ma la 'khor lo dkar po/ lhor rin chen ser po/ nub tu pad+ma dmar po/ byang du ral gri ljang gu /me'i mtshams su rin po che'i shing/ srin po'i mtshams su se 'bru/ rlung gi mtshams su rgyal mtshan/ dbang ldan gyi mtshams su ka pA la/ shar sgor rdo rje lcags kyu/ lhor rdo rje zhags pa/ nub tu rdo rje lcags sgrog /byang du

  95. 48a

    rdo rje dril bu/ der seng ge'i khri bcas pa/ slob ma rdo rje rtse mo la 'jur bcug la/ dza(rgyud 'grel): brjod cing dza(rgyud 'grel): yis bkug ste/ a khaM bI ra hUM zhes brjod pas bcug ste stegs bur bzhag la/ sdom pa 'dzin du gzhug go/ deng khyod de bzhin gshegs pa thams cad kyi rigs su zhugs kyis ngas khyod la rdo rje ye shes gang gis/ de bzhin gshegs pa thams cad kyi dngos grub kyang thob na/ dngos grub gzhan lta ci smos/ de lta bu'i ye shes bskyed par bya yis/ dkyil 'khor chen po ma mthong ba rnams la ma smra cig /khyod dam tshig nyams par gyur ta re/ zhes brjod do/ /de nas rdo rje snying gar gzung la/ de ring rdo rje sems dpa' nyid/ /khyod kyi snying la rab tu gnas/ /gal te tshul 'di smras na ni/ /snying 'gas byas nas dral nas gshegs/ /oM badzra satwa hUM zhes brjod do/ /de nas dung chos sam nyi phyas la sogs par chu blugs la/ de'i nang na gur gum dang/ tsan dan dang/ sbrang rtsi dang bsres pa blugs/ bdud rtsi lnga yang blugs la hUM gis sbyangs/ A(rgyud 'grel): sa rtogs par bya/ oM gyis 'bar byas/ de nas badzrad ka mahA badzra/ ku raM bi shwa na/ lan bdun bzlas la/ lag pa g.yas su sbyin par bya/ de nas 'di ni khyod kyi dmyal ba'i chu /dam tshig nyams na sreg par byed/ /dam tshig bsrungs na dngos grub thob/ /'thung zhig rdo rje bdud rtsi'i chu/ /oM badzra u da ka Tha Tha Tha/ zhes brjod do/ /de nas dam tshig brtan par gyur nas/ slob ma la 'di skad ces bsgo ste/ de ring phan chad bu khyod kyi/ /phyag na rdo rje nga yin gyis/ /ngas 'di byos shig byas pa gang yin pa ni bya dgos so/ /khyod kyis nga la brnyas par ma byed cig /yang ba ma spangs par khyod dus byas nas/ dmyal bar ltung bar gyur ta re zhes brjod do/ /de nas slob mas 'di skad smra bar bya ste/ de bzhin gshegs pa thams cad kyis byin gyis rlobs la rdo rje sems dpa' bdag la dbab du gsol zhes zhu

  96. 48b

    bar bya'o/ /de nas slob dpon gyis dgyes pa rdo rjer bsgoms la/ dbang snod snang ba mdza' yas su bsgoms la/ de'i rkang mthil 'og tu yaM las rlung gi dkyil 'khor zla gaM rgyal mtshan gyis mtshan par bsgoms/ de'i steng du raM las me'i dkyil 'khor gru gsum bsam/ /de'i steng du dza(rgyud 'grel): hUM kha dog dmar po zhig bsam/ de nas snying gar lam ser po las dbang chen gyi dkyil 'khor gru bzhi pa ser po zhig bsam/ de'i steng du hUM mthing nag gcig bsgom/ mgrin par paM dkar po las chu'i dkyil 'khor zlum po zhig bsgom/ /de'i spyi bor yaM las rlung gi dkyil 'khor zla gaM sngon po zhig bsam/ de'i steng du ha dkar po cig bsam/ de nas snying gnas 'od 'phros pa las phyogs bcu'i sku gsung thugs kyi lha spyan drangs la/ gnas su bstim mo/ /de nas spos la oM a be sha/ tur te saM he badzra g+ha ma/ ma nu ta raM/ zhes pa brgya rtsa brgyad bzlas la me la spos bor te slob ma la bskor te lag tu gtad la/ me tog gi phreng ba yang lag pa g.yas par byin la /oM a be sha a be sha/ to ba ya/ ra ra ra/ tsa le ha tsa le ya hUM a ha dzuM swAhA zhes brjod la/ rkang mthil gyi rlung g.yos rlung gi me sbar/ me yis dza(rgyud 'grel): hUM spar/ dza(rgyud 'grel): hUM gi 'od zer rkang mthil nas snying gar zhugs pas mi dge ba la sogs pa shes/ mgrin par zhugs pas smra/ spyi bor zhugs pas lus mi brtan zhing 'phar ro// de nas tiSh+Tha badzra zhes brjod nas 'phar pa gzung bas brtan par 'gyur ro/ /de nas lce la A(rgyud 'grel): dmar po bsams la gsungs shig rdo rje dge mi dge zhes brjod pas legs nyes kun smra bar 'gyur ro/ /de nas mig gdab pa'i ras kyi phreng ba lam me tog phyung ste/ slob ma'i lag tu gtang/ la pra tIts+tsha badzra ho(rgyud 'grel): zhes brjod nas dkyil 'khor du dor ro/ /de nas rdo rje slob dpon gyis blangs nas/ stobs po che 'di long zhig byas la slob ma'i mgo la bcing bar bya'o/ /de nas kye bu/ dri med yid 'ong ldan

  97. 49a

    pa yis/ /khyod kyi mig gis ji ltar mthong/ /dkar po dag ni mthong gyur na/ /zhi ba'i las rnams 'grub par 'gyur/ /ser po dag ni mthong gyur na/ /rgyas pa'i las rnams 'grub par 'gyur/ /dmar po dag ni mthong gyur na/ /dbang gi las rnams 'grub par 'gyur/ /nag po dag ni mthong gyur na/ /drag po'i las rnams 'grub par 'gyur/ /rdo rje sems dpa' nyid kyis khyod/ /de ring nan tan mig phye'o/ /zhes brjod la/ oM he badzra swa ya na ti de/ tsa kru ga ta na/ tatpa ra na/ u ha ya te/ sarba ya ga gro /badzra tsa kru/ ra bud+d+ha raM/ zhes brjod la gdong g.yogs dkrol lo/ /de nas dkyil 'khor dbus nas byang gi sgo'i mthar thug pa'i bar du lha ngo bstan bar bya'o/ /de nas slob mas me tog la sogs pa'i mchod pa byed du bcug la/ rdo rje slob dpon la phyag lan gsum byed du gzhug /dkyil 'khor bskor ba lan gsum bya/ /rdo rje sems dpa' i dngos thob par gyur cig ces smon lam gdab/ de nas bdag bu dang chung ma la sogs pa dang/ rta dang ma he la sogs pa'i rkang bzhi pa dang/ gser dngul la sogs pa'i rin po che dang/ zhing dang grong la sogs pa rten dang/ dar dang men la sogs pa'i bgo ba dang/ sha dang khrag la sogs pa'i bza' ba dang/ rgun chang dang 'bras chang la sogs pa'i btung ba dang/ cil dgyes pa la sogs pa yid dang 'thad pa 'bul bar bya'o/ /de ni slob ma dkyil 'khor du gzhug pa'i cho ga'o// //dbang bskur ba'i thabs la yang gnyis te/ phyi dang nang ngo/ /phyi la yang bcu gcig ste/ grangs su bgrang ngo/ /de nas slob mas zhu bar bya ste/ ji ltar sngon gyi rgyal ba la/ /rdo rje sems dpas dbang bskur ldan/ /yon tan ldan pas rtser dgongs nas/ /rig pa'i dbang rnams bdag la stsol/ zhes brjod do/ /de nas rnam par rgyal pa'i bum pa la sogs pa bum pa rnams nas

  98. 49b

    chu bsdus la/ dung por nang du blugs te mi bskyod pa 'ba' zhig tu mos pa byas te/ de la mchod bstod byas nas 'od du zhu bar bsam mo/ /de nas dgyes pa rdo rje'i gnas gsum nas 'od zer las sprul pa nam mkha' khyab pa byung bar bsams/ sprul pa'i lha mo rin po che'i bum pa thogs nas/ byang chub sems kyi chu rgyun gyis spyi bo nas dbang bskur bar bsam zhing/ bdag gis kyang dung phor gyi chu blangs la/ oM badzra ka la sha a b+hi Shiny+tsa hUM/ zhes brjod chu'i dbang bskur ro/ /spyi gtsug tu mi bskyod pa bsam mo/ /de nas gser la sogs pa'i dbu rgyan la las thams cad pa'i bum pa'i chus gtor la dbu rgyan stong par bsgoms/ de las traM ser por gyur/ de las rin chen 'byung ldan zhal gsum phyag drug par gyur te/ de las dbu rgyan byung bar bsam/ oM ma ku Ta a b+hi Shi ny+tsa mi zhes brjod pas/ dbu rgyan gyi dbang bskur bas/ rna ltag g.yas par rin chen 'byung ldan 'byung bar bsam/ de nas rdo rje la las thams cad pa'i chus gtor la/ rdo rje stong par bsgom/ de las dzriM dmar por gyur/ de las snang ba mdza' yas zhal gsum phyag drug pa gcig tu gyur/ de las rdo rje byung bar bsams la 'di skad ces brjod do/ /rdo rje yis kyang dbang bskur te/ /sangs rgyas kun gyi rdo rje'i dbang/ /de ring khyod la dbang bskur bas/ /'di da? sangs rgyas thams cad kyi/ /dngos grub phyir ni rdo rje zung/ zhes brjod la/ slob ma'i snying gar lan gsum gtugs la lag pa g.yas par byin la/ oM hUM badzra a b+hi Shiny+tsa mi zhes brjod cing dbang bskur bas/ ltag par snang ba mdza' yas 'byung bar bsam mo/ de nas dril bu la las thams cad pa'i chus gtor la stong par bsam/ de las khaM ljang gur gyur/ de las don yod grub pa zhal gsum phyag drug par gyur par bsams la 'di skad brjod de/ /gnyis med dngos po shes rab thabs/ /chos kyi dbyings

  99. 50a

    kyi bdag nyid can/ /lag pa g.yon par 'di thung cing/ /'khyung nas kun nas spyar nas ni/ /rdo rje 'dzin 'dra'i dngos por 'dug /ces brjod la/ oM badzra a d+hi pa ti swarya/ a b+hi Shiny+tsa mi na ya ka /zhes brjod cing lag pa g.yon par dril bu byin nas dbang bskur bas/ rna ltag g.yas par don yod grub pa byung bar bsam mo/ /de nas rdo rje dang dril bu la/ las thams cad pa'i chus gtor zhing stong par bsam/ de las yi ge hUM dkar por gyur/ de las rnam par snang mdzad zhal gsum phyag drug par gyur/ de las rdo rje dril bur byung bar bsams la/ slob ma'i mtshogs mar gzung la/ oM sh+rI nA ma a b+hi Shiny+tsa mi zhes brjod pas/ me tog gang la phog pa'i rigs kyi lha'i ming gdags so/ /ming btags pas mtshogs mar rnam par snang mdzad byung bar bsam mo/ /de nas rdo rje la las thams cad pa'i chus gtor la stong par bsam/ de las hUM mthing nag tu gyur/ de las rdo rje 'od 'bar ba zhig tu gyur par bsams te/ slob dpon gyi lag par rdo rje blangs la 'di skad do/ 'di ni sangs rgyas thams cad kyi/ /rdo rje sems dpa' i lag na 'dug /khyod kyis rtag tu bcang bar bya/ /phyag na rdo rje'i brtul zhugs brtan/ zhes brjod la/ rdo rje rtse mo slob mas gzung/ oM sarba ta thA ga ta/ sid+d+hi badzra sa ma ya/ tiSh+Tha e Sha twaM d+ha rA ya mi swAhA/ hi hi hi hi hUM/ zhes brjod la/ rdo rje lag tu byin la 'di skad brjod do/ /thog ma tha ma med sems dpa' i/ /rdo rje sems dpa' dga' ba che/ /kun tu bzang po kun gyi bdag /rdo rje snying po bdag po'i gtso/ zhes brjod la lag tu gtad do/ de nas dril bu la las thams cad pa'i chus gtor la stong bar bsam/ /de las A(rgyud 'grel): ra gyur/ A las dril bur gyur par bsams la 'di skad brjod do/ /'di ni mchog gi dngos po yin/ /shes rab sgyu mar gyur pa'o/ /rtag tu khyod kyis gzung

  100. 50b

    bar bya/ /thog ma byang chub rgyal bas gzung/ /rdo rje mchog gi ye shes ni/ /mi phyed nam mkha' lta bu'i gzugs/ /zhes brjod la slob ma'i lag pa g.yon par sbyin/ /de nas rdo rje thugs kar gzung/ /dril bu dkar bsten la/ rdo rje sems dpa' i sku gsal bar bsgom/ /de nas 'di skad brjod do/ /mi ldog 'khor lo'i dbang rtsol cing/ /dkyil 'khor lha yi de nyid dang/ /slob dpon gyi ni las rnams stsol/ /bdag ni rtag tu slob dpon bgyid/ /ces gsol ba gdab par bya'o// de nas slob dpon gyis dkyil 'khor gyi de kho na nyid dang/ /lha yi de kho na nyid dang/ slob dpon gyi las bshad pas/ de'i don slob mas rtogs nas/ 'khor ba las mi bzlos par bsam mo/ /de ni phyir mi ldog pa'i dbang ngo/ /de nas lag par 'khor lo byin la/ 'jig rten khams ni thams cad du/ /sems can rnams la phan bya'i phyir/ /ji ltar ji ltar 'dul 'gyur ba/ /de ltar chos kyi 'khor lo bskor zhes brjod do/ /de bzhin du rdo rje dang rin po che dang/ pad+ma dang rgya gram rnams lag tu byin zhing gong ma'i tshigs bcad brjod do/ /de ni bka' stsal ba'i dbang ngo/ /de nas mdun na gnas pa'i slob ma/ sna bug g.yas pa nas nang du bcug nas/ /thig le'i 'od zer rlung gi 'od zer gyis sgrib pa dag par bsams nas/ sna bug g.yon pa nas phyir phyung la mdun du bzhag ste lung bstan par bya'o/ /bdag shAkya thub par bsgoms la/ khu tshur g.yon pa snying gar chos gos mdza' nas 'dzin pa'i tshul du byas la/ g.yas pa mchod sbyin gyi tshul du byas te/ 'di skad brjod do/ /khyod ni bdag gis lung bstan bya/ /de bzhin gshegs pa rdor sems yin/ /sems can thar pa grub don du/ /ngan 'gro rnams ni drang bar bgyis/ /yang dag de bzhin gshegs pa khyod/ /khams gsum gyi ni thub pa khyod/ /sangs rgyas byang chub sems dpa' dang/ /'phags pa rnams kyis mgrin gcig tu

  101. 51a

    dgra bcom pa ni yang dag pa'i/ /byang chub tu ni khyod lung bstan/ /phyag rgya chen po'i 'bras bu rab/ /'di gsum pa ni khyod kyis rnyed/ ces brjod do/ /de ni lung bstan pa'i dbang ngo/ /de nas dbugs dbyung ba sbyin par bya ste/ ji ltar zhugs pa'i slob ma rnams/ /dkyil 'khor mthong bas sgrib pa 'byang/ /de ring sangs rgyas rigs su ni/ /khyed rnams skye bar the tshom med/ /sdig pa thams cad med pa ni/ /gsang ba'i dkyil 'khor la zhugs pas/ /bde chen theg pa 'di las ni/ /phyi nas shi 'pho yong med de/ /srid pa yang dag dngos grub yin/ /srid dang mya ngan 'das por ro/ /mi gnas mya ngan 'das khyod yin/ /de ni dbugs 'byung ba'i dbang ngo/ /rdo rjer rab gnas rdo rje nyid/ /che dang dril bu chen po gzung/ /de ring rdo rje slob dpon gyur/ /slob ma bsdu ba nyid du gyis/ zhes dgyes pa rdo rje'i rgyud las 'byung ngo/ /de'i 'og tu dam tshig sbyin par bya ste/ dngos grub dam tshig sdom pa 'di/ /khyod kyis rtag tu bsrung bar bya/ /rdo rje dril bu'i phyag rgya dang/ /byang chub sems ni btang mi bya/ /gnod par byed la byams pa bskyed/ /rdo rje spun la bsnyen bkur bya/ /dang pa can la smad mi bya/ slob dpon la ni brnyas mi bya/ /rang bdag yongs su bor nas ni/ /dka' thub sdug bsngal mi bya'o/ /ji ltar bde ba bde gzung nas/ /rdzogs pa'i sangs rgyas ma 'ongs 'byung zhes bsgrags so/ /de ni phyi'i dbang gi dam tshig go /de nas gos dang bza' ba sna tshogs dang/ btung ba sna tshogs rnams/ slob ma'i mdun du gzhag la/ gos lha'i na bza' pany+tsa li ka la sogs par byin gyis brlabs nas/ bza' ba dang btung ba bdud rtsir byin gyis brlabs la/ slob ma bkra shis par 'dod pa'i phyir/ bla mas bkra shis kyi glu blang bar bya'o/ /de ni phyi'i dbang ngo/ /nang gi dbang la yang gsum ste/ gsang dbang dang/ shes rab ye shes kyi dbang dang bzhi pa'o/ /de yang rtsa ba'i dkyil 'khor gyi byang phyogs su/ gsang ba'i dbang gi dkyil 'khor 'dom gang gru bzhi pa zhig byas la/

  102. 51b

    rak+ta'i chag chag dang/ rak+ta'i thig le bya'o/ /gru bzhir mda' bzhi btsugs la ras kyi yol ba bya'o/ /de'i steng du phying dkar dang ras dkar po bting ngo/ /de'i steng du phyi nang gi me tog dgram mo/ /de nas zhu ba byas te/ byang chub rdo rje sangs rgyas la/ /mchod pa ji ltar phul ba bzhin/ /bdag kyang rab tu bsgral ba'i phyir/ /nam mkha' i rdo rje bdag la stsol/ /byang chub rdo rje dpa' chen po/ /gsang ba'i dbang ni bdag la stsol/ /ye shes bdud rtsi bdag la stsol/ /rdo rje'i 'byung ba bdag la stsol/ /zhes bskul lo/ /de nas shes rab ma lo bcu drug lon pa/ mtshan dang ldan pa/ tsan dan dang/ gur gum dang/ ga bur la sogs pa'i chus bkrus la/ dar la sogs pa dri ma med pa dang/ rin po che sna tshogs kyis brgyan la/ dkyil 'khor gyi dbus su gzhag la/ bdag med mar byin gyis brlabs la/ mig la sogs pa gti mug rdo rje ma la sogs par byin gyis brlab bo/ /lus ngag yid gsum mkha' spyod ma la sogs par byin gyis brlab/ /yan lag lnga rigs lngar byin gyis brlab/ mkha' gsang byin gyis brlab/ rigs kyi bdag pos dbu rgyan par bsams la/ de la phyi nang gsang ba'i mchod pas mchod/ /bstod pas bstod la/ gnyis su med par 'khyud par bya'o/ /de nas a nu ra gA'i sngags brjod/ bskyod tsam na hUM gi glu blang/ bde ba babs tsam na pU dza'i sngags brjod/ de nas byang chub kyi sems glang po che'i lag pas b+ha ga nas brus la/ dud chos su blugs la/ srin mtheb kyi phyag rgyas blangs la/ slob ma'i khar gdab po/ /slob mas/ ma? ho su bde'o/ /zhes brjod la/ rtog pa med par btung ngo/ /ji ltar 'das pa'i sangs rgyas kyis/ /byang chub sras rnams dbang bskur ba/ /bdag gi gsang ba'i dbang gis ni/ /sems kyi rgyun gyis dbang bskur ro/ zhes dgyes pa rdo rje'i rgyud las byung ngo/ /de ni gsang ba'i dbang ngo/ /de nas dkyil 'khor gyi lho phyogs su shes rab ye shes kyi dbang maN+Dal gru bzhi pa bzhig la mdom gang ba cig byas tsandan la

  103. 52a

    sogs pa dang/ dri chen gyis byug /de'i steng du phyir dkar ram dar dkar gding/ phyi nang gi me tog dgram/ shes rab ma byin gyis brlab pa dang/ mchod pa la sogs snga ma dang mthun/ de nas zhu ba bya ste/ ye shes bde ba'i gnas bzhugs pa/ /rgyal 'gyur rgyal 'gyur mgon po khyod/ /A li kA li gnyis bdag can/ /legs dgyes bde mtsho rgyal gyur cig /mchog dang chad pa'i dbus su ni/ /rol mdzad khyod ni rgyal gyur cig /mchog gi dbang phyug khyed kyis ni/ /shes rab ye shes dbang bdag stsol/ zhes bskul lo/ /de nas slob dpon gyis shes rab ma'i lag pa g.yas pa slob ma'i lag pa g.yon bar byin la 'di skad brjod do/ /'di ni khyod gzung bzang ba yis/ /rjes su mthun par sangs rgyas gsung/ /ye shes gsum gyi rim pa yis dam pa bde ba myong byed cing/ /sangs rgyas rin chen snod kyi ni/ /g.yon ngos nas ni rtsa yi gnas/ de ni kha ga mu kha dngos/ /rdor dbyings dbang phyug ma nyid yin/ /thabs gzhan dag gis byang chub ni/ /nam yang rnyed par yong mi 'gyur/ /de bas lhan cig mi gnas pa/ /dus 'di thams cad ma byed cig /de nas shes rab mas 'di skad brjod/ /dri chen dri chu za ba 'di/ /kye bu khyod kyis nus sam ci/ /rak+ta shukra sha chen dang/ /bud med brtul zhugs de bzhin no/ /b+ha ga'i pad+ma 'jig nus sam/ /kye bu smros dang ji lta bu/ zhes brjod do/ /slob mas smras pa/ lha mo bdag gis ci mi nus/ /rak+ta shukra sogs za nus/ /rtag tu bud med brtul zhugs bgyid/ /b+ha ga yang ni 'jib bar bya'o/ /de nas shes rab mas smras pa/ /bde ba thams cad 'dug sa ni/ /bdag gi pad rgyas e ma'o/ /gang 'dir rab tu byed pa yang/ /ji ltar pad+ma'i don gyis shig /ces brjod do/ /de nas slob mas b+ha ga la 'o byas nas/ 'khyud de gnyis su med pa'i sbyor ba byas nas/ byang chub sems phab nas/ man ngag gis gzung ste/ ye shes nyams su/

  104. 52b

    myong ba de ni/ shes rab ye shes kyi dbang ngo/ /dgyes pa rdo rje'i rgyud las kyang/ /lha mo dga' sbyin gnas sbyin ma/ /sna tshogs gzugs can yid 'ong ma/ khyed cig khyer cig sems dpa' che/ /khyed la mchod pa dag par byin/ /zhes 'byung ngo/ /de ni shes rab ye shes kyi dbang ngo// //de nas dkyil 'khor gyi nub phyogs su/ bzhi pa'i dbang gi maN+Dal 'dom gang ba zhig byas la/ maN+Dal la sogs pa dang/ byang chub sems kyi chag chag btab la/ de'i steng du phying dkar la sogs pa dang/ shes rab ma bzhag la/ byin gyis brlab pa dang/ rgyan dang mchod bstod la sogs pa gong ma dang mthun par bya'o/ /de nas slob mas 'di skad zhu'o/ /reg bya nang bdag nyid phyag 'tshal/ /reg bya nang 'jam phyag 'tshal lo/ /reg bya nang grol phyag 'tshal lo/ / reg bya nang sbyin phyag 'tshal lo/ /zhi ba'i dbang bskur mchog 'di ni/ /mchog gi dbang phyug bdag la stsol/ zhes brjod do/ /de nas gu rus 'di skad brjod do/ /khyod kyis srog chag bsad par gyis/ /khyod kyis brdzun du smra bar bya/ /ma byin par yang khyod kyis long gzhan gyi bud med spyad par gyis/ /de rnams byas na sdig med cing/ /bsod nams chen po 'byung bar 'gyur/ /de rnams khyod kyis nus na ni/ /bzhi pa'i dbang ni sbyin par bya/ /slob mas smras pa/ khyod kyi zhabs kyi bka' drin la/ /mgon po chen po bdag gis nus/ zhes brjod do/ /de nas gnyis su med bar 'khyud nas/ sbyor ba byas nas bde ba chen po rig pa'i pho brang du phab nas/ gyen la rtog med ma'i bar bzlog ste gzung nas/ mi rtog pa'i ye shes nyams su myong ba'i ni rten can gyi bzhi pa'o/ /rten med pa'i bzhi pa ni/ bla ma'i zhal las shes par bya'o// //ye shes 'di ni ches phra zhing/ /rdo rje nam mkha' i dkyil lta bur/ /rdul phral? mthar phyin zhi ba nyid/ /khyod rang yang ni nga yi pha/ zhes dgyes ba rdo rje'i rgyud las 'byung ngo/ /de dag ni dbang bskur

  105. 53a

    ba'i thabs so// //bum pa'i lha gshegs su gsol ba dang/ dkyil 'khor gyi lha gshegs su gsol ba'o/ /bum pa'i lha gshegs su gsol ba ni/ bum pa la mchod bstod byas la/ oM A(rgyud 'grel): hUM dz+nyA na maN+Da la mu(rgyud 'grel): zhes brjod la gshegs su gsol/ dkyil 'khor lha yang de dang mthun// //dkyil 'khor bsdu ba la yang gnyis te/ dkyil 'khor gyi lha bsdu ba dang/ rdul tshon bsdu ba'o/ /dkyil 'khor gyi lha bsdu ba ni/ thugs ka nas 'od zer 'phros nas/ dkyil 'khor gyi lha 'od kyi tshul du bsdus nas/ thugs ka'i hUM las bsdus la bdag dang gnyis su med par bya'o/ /rdul tshon bsdu ba ni a kA ro'i sngags bzlas shing ra ri med par bya'o/ /bsdus la chu chen po la dor ro/ /bgegs bsrung ba la sogs pa yod na sbyin par bya'o/ /dngos grub mi yal bar bya ba'i phyir/ dri'i chus dkyil 'khor du maN+Dal byas la/ lha'i grangs dang mnyam pa'i me tog dgod do// //dbang bskur ba'i cho ga slob dpon chen po pradz+nyA sh+ris mdzad pa rdzogs so// // !/ (/kye'i rdo rje'i dkyil 'khor gyi cho ga bzhugs//) //rgya gar skad du/ sh+rI he badzra maN+Da la bi d+hi nA ma/ bod skad du/ dpal dgyes pa rdo rje'i dkyil 'khor gyi cho ga zhes bya ba/ dpal dgyes pa'i rdo rje la phyag 'tshal lo/ /bcom ldan 'das dgyes/ mdzad rdo rje'i bsnyen pa 'bum dang khri song bas/ gnas dben par rigs can smin par byas te/ der maN+Dal 'dab brgyad dmar po rdo rjes bskor ba 'khyams dang bcas pa byas nas me tog gi tshom bu dgu dgod do/ /bum pa gnyis la rdzas dang/ rgyan cha dang ldan pas/ dbus dang byang shar du bkod nas/ de la bla re dang yol ba la sogs pas brgyan no/ /da la'i phyogs bzhir mchod pa lnga tshan bzhi dang/ gtor ma lnga dang/ tshogs kyi yo byad kyis bskor bar bya'o/ /de nas rdo rje slob dpon khrus byas

  106. 53b

    stan bde ba la bskyed rdzogs bsgoms nas/ skad cig gis bum pa stong ba'i ngang las b+h+ruM las gzhal yas khang gi dbus su paM las pad+ma'i sdong po'i steng du/ pad+ma dmar po 'dab brgyad/ de'i lte ba la nyi ma dang bdud bzhi'i ro'i steng du cho ga lnga 'aM/ gsum mam/ skad cig gis he ru ka zhal brgyad phyag bcu drug pa 'am/ zhal gcig phyag gnyis pa yum dang bcas pa bskyed/ pad 'dab brgyad la a las bdag med ma zhal gcig phyag gnyis pa brgyad bskyed do/ /de nas rang gi hUM gi 'od kyis ye shes pa spyan drangs la/ mchod bstod dang yab yum gyi sngags bzhi la bsnyen pa ci grub byas nas yang mchod de/ lha rnams bdud rtsir bzhu'o/ /las bum du bdud rtsi 'khyil pa bskyed nas/ bsnyen pa byas la des slob ma la khrus/ bya'o/ /de nas slob ma gral la 'khod pa la skyabs 'gro sems bskyed/ gsol ba gdab pa/ gnang ba sbyin pa rtog pa bsdu ba/ yan lag lnga bya ba/ sdom pa gzung ba dang/ dam bsgrag pa rnams gzhung bzhin byas la/ ye shes dbab par bya'o// de nas bla ma la dbang bskur zhu ba'i gsol ba gdab pa ni/ he ru ka dpal dbang bskur ba/ /'gro skyob phyir na gzi brjid can/ /de ltar yon tan 'byung gnas rdzogs/ /de bzhin bdag la deng gsol cig /byang chub rdo rje sangs rgyas la/ /mchod chen ji ltar stsal ba ltar/ /bdag kyang skyob pa'i don gyi phyir/ /nam mkha' i rdo rje deng bdag gsol/ /ces gsol ba btab pa dang/ dkyil 'khor dang nam mkha' i lha tshogs kyi thugs ka nas lha mo bdud rtsi'i bum chu thogs pa rang/ gsang ba'i chu rgyun gyis dbang bskur bas/ lus kyi sdig sgrib dag par bsams nas/ dbang bskur rdo rje chen po la/ /khams gsum kun gyis phyag byas pa'i/ /sangs rgyas kun gyi gsang gsum las/ /rab tu byung bas sbyin par bya/ /zhes brjod pas bum dbang

  107. 54a

    thob par bsam/ /de bzhin mgrin par gsang dbang/ snying gar shes rab ye shes/ lte bas dbang bzhi pa'o/ /gzhan don 'ba' zhig gi dbang ngo/ /de nas rang gzhan rnams la rgyun tu dbang bzhi bskur ba bshad par bya ste/ rang gi spyi bor paM las gyur pa'i pad+ma'i sdong po'i steng du/ pad+ma dmar po 'dab brgyad kyi lte bar nyi ma dang/ ro'i steng du cho ga gsum mam/ skad cig la he badzra yum med cig bsam/ pad+ma 'dab brgyad la nyi ma dang ro'i steng du/ a las bdag med ma bde ba rgyas pa brgyad bsam mo/ /de nas gong bzhin gsol ba btab la/ spyi bo'i lha tshogs rnams la 'od zer dpag tu med pa byung nas/ rang gi lus phyi nang thams cad 'od kyis khyab pa las/ las dang nyon mongs pa'i sgrib pa thams cad sangs dag nas/ lus 'od kyi rang bzhin du bsam/ des bdag nyid he badzra yum med pa zhig tu gyur pa na bum pa'i dbang ngo/ /de nas yang gsol ba btab pas/ spyi bo'i lha mo bde ba rgyas nas 'od du 'dus te/ yab la 'khyud nas yab yum gnyis sbyor ba byas pas sbyor 'tshams nas byang sems dkar dmar gnyis bde phri li li byung nas lce thog tu babs pas/ bde ba skyes pa ni gsang ba'i dbang ngo/ /lha tshogs la yang gsol ba btab pas/ gtso bo'i yum las bdag med ma gcig chad nas byung ste/ rang he badzra la 'khyud nas bsrub pa'i sbyor ba byas pas lus la zag med kyi bde ba chen po skyes pa ni shes rab ye shes kyi dbang ngo/ /de nas spyi bo'i lha tshogs la mchod pas lha gdan dang// bcas pa spyi bor thim nas/ lha sku mnga' bas gsal ba'i gsal stong 'dzin med bde ba chen po la mnyam par gzhag go /mdor na snang srid 'khor 'das kyis bsdus pa'i chos thams cad kyi ngo bo rnam par dag pa spros pa thams cad dang bral ba

  108. 54b

    rang bzhin gyis 'od gsal ba'i phyag rgya chen po 'ba' zhig la bzhag par bya'o/ /de ni dbang bzhi pa'o/ /de nas yaM raM kaM /a las byung ba'i nang du sna tshogs rdzas rnams sha lnga bdud rtsi lngar legs par sbyangs nas/ lha tshogs rnams mchod cing/ rnal 'byor pa rnams rol par bya'o/ /gtor ma lnga ni gong bzhin sbyangs la 'byung po thams cad pa'i sngags kyis bla ma dang/ dgyes mdzad dang/ chos skyong dang/ gzhi bdag dang/ gnod byed rnams tshim par byas nas/ rdo rje'i glu blang/ lha tshogs pa mchod bstod dang/ bshags pa byas nas/ bdag gis sbyin sogs bgyis pa'i bsod nams kyis/ bcom ldan dgyes mdzad rdo rje mnyes byas te/ /pha rol phyin drug yongs su rdzogs byas nas/ /'gro kun rdo rje rgyal po thob par shog /ces pa bsngo ba bya'o/ /de nas rdo rje slob dpon dang thams cad mgrin gcig tu smon lam gdab pa ni/ rigs su skye dang dam tshig can/ /mnyam med skye'i rdo rje ston/ /bla ma la gus snying rjer ldan/ /skye zhing skye bar 'gyur bar shog /lag pa rdo rje dril bu 'khrol/ /zab mo'i chos ni klog pa dang/ btsun mo'i zhu ba mnyam za zhing/ /skye zhing skye bar 'gyur bar shog /ces brjod de/ de nas dkyil 'khor la bskor ba bya zhing bzod gsol bya/ bkra shis brjod/ ye shes pa gshegs/ dam tshig pa spyi bor bsdu/ rdo rje slob dpon gyis mnyes par bya'o/ /dpal dgyes mdzad rdo rje dbang bskur ba'i cho ga mdor bsdus pa ye shes kyi mkha' 'gro ma ni gu mas mdzad pa rdzogs so// //rdo rje ye shes mkha' 'gro ma de nyid dang/ lo tsa ba glan dar ma blo gros kyis bsgyur ba'o// //rgya gar skad du/ he badzra Sho Da sa b+hu dzaM sA d+ha na/ bod skad du/ brtse ba'i rdo rje phyag bcu drug pa'i sgrub pa'i thabs/ 'jam dpal gzhon nur gyur pa la phyag 'tshal lo/ /rdo rje mkha'

  109. 55a

    'gro la phyag 'tshal lo/ /gang zhig goms pa'i ro myong ba/ rtsam gyis dngos por 'dzin pa 'di/ /ring du spong zhing yon tan rnams/ /'od gyur he ru ka de 'dud/ /tho rangs mal nas langs la/ /snying gar raM las byung ba'i nyi ma'i dkyil 'khor bltas la/ de'i 'od kyis bdag nyid dri ma med par byas nas/ oM rak+Sha rak+Sha hUM hUM hUM phaT swAhA/ zhes lan gsum brjod nas/ gnas dang/ bdag nyid dang/ rnal 'byor srung ba byas la/ bsam gtan gyi khang par zhugs nas/ stan bde ba la 'dug ste/ oM badzra re khe h+ri zhes bya bas maN+Dal byas la/ oM badzra mi di ni badzri b+ha ba badzra band+ha hUM zhes bya bas byin gyis brlabs pa'i dkyil du/ oM A(rgyud 'grel): hUM zhes bya ba brjod nas me tog gzhag par bya'o/ /shar du ni gaM gau rI na ma(rgyud 'grel): zhes bya bas so/ /lhor ni tsaM tsau rI na ma(rgyud 'grel): zhes bya bas so/ /nub tu ni baM bet+tA lI na ma(rgyud 'grel): zhes bya bas so/ /byang du ni g+haM g+hasma rI na ma(rgyud 'grel): zhes bya bas so/ /dbang ldan du ni paM puk+ka sI na ma(rgyud 'grel): zhes bya bas so/ /me'i mtshams su shaM sha ba rI na ma(rgyud 'grel): zhes bya bas so/ /bden bral du ni tsaM tsaN+Da lI na ma: zhes bya bas so/ /rlung mtshams su ni DaM DoM bi na ma(rgyud 'grel): zhes bya bas so/ /oM de ba pi tsu badzra hUM hUM hUM phaT swAhA/ zhes bya bas bcom ldan 'das yang dag par mchod la/ bdag med ma la yang/ oM a A i a'i u a'u ri rI li lI/ e Ai o a'au aM swAhA/ zhes bya ba'i sngags kyis mchod do/ /yang bcom ldan 'das la/ oM aSh+Na? na nA ya na ma(rgyud 'grel): oM ping+ga urd+ha ke sha barta ma ne na ma(rgyud 'grel): oM tsa turbi sha ti ne trA ya na ma(rgyud 'grel): oM Sho Da sha b+hu dzA ya na ma(rgyud 'grel): oM kriSh+Na dzI mU ta wa pu She na ma(rgyud 'grel): oM ka pA la mA lA a ne ka d+ha ri Na na ma: oM Ad+hma ta krU ra tsit+tA ya na ma(rgyud 'grel): ard+hendu daMSh+Twi Ne ni na ma(rgyud 'grel): zhes bya ba'i tshig brgyad kyis mchod par bya ste/ oM badzra puShpe A(rgyud 'grel): hUM/ oM badzra d+hU pe A(rgyud 'grel): hUM/ oM badzra gand+ha A(rgyud 'grel): hUM/ oM badzra nai bi dye A(rgyud 'grel): hUM/ zhes bya bas byin gyis brlabs pa'i me tog la sogs pa

  110. 55b

    phul la/ lan gsum gyi bar du skyabs gsum gyi tshigs su bcad pa brjod do/ /yang mchod pa byas nas phyag btsal la/ gtor ma byin nas badzra mu(rgyud 'grel): zhes bya bas gshegs su gsol bar bya'o/ /de'i rjes la sems can thams cad lha'i bde ba la dgod par 'dod pa'i byams pa dang/ sdug bsngal thams cad bsal bar 'dod pa'i snying rje dang/ lha'i bde ba rgyun mi 'chad par nges par 'dod pa'i dga' ba dang/ bla na med pa'i lam la nye bar dgod par 'dod pa'i btang snyoms bsgoms par bya'o/ /yang yid kyis chos thams cad la dmigs nas dpyad na stong pa 'od gsal ba'i ngo bor bltas la/ oM shU n+ya ta dz+nyA na badzra swa b+hA ba At+ma ko haM/ zhes bya ba 'dis byin gyis brlab par bya'o/ /de ma thag tu raM las byung ba'i nyi ma la aM dang hUM bltas la/ de'i 'od kyis dpag tu med cing mdza' yas pa'i 'jig rten gyi khams na gnas pa'i sems can rnams yang dag par rdzogs pa'i byang chub tu bkod nas/ yi ge gnyis po de nyid du yang dag par bsdus nas zhugs par bsams pas/ yud tsam gyis yongs su rdzogs par bcom ldan 'das ma dang bcas pa'i bcom ldan 'das phyag bcu drug pa/ zhal brgyad pa/ phyag rgya lnga 'dzin pa/ zhabs bzhis gshegs pa bdud bzhi'i snying gar skyil krung phyed pa gar gyis mnan pa/ mgo bo'i phreng ba 'phyang ba/ 'jig pa'i dus kyi sprin sngon po'i mdog gi lus can khro ba dang bcas pa/ dbu skra dmar ser gyen du 'bar ba/ spyan nyi shu rtsa bzhi mnga' ba/ phyag bcu drug na bsnams pa'i thod pa/ g.yas kyi rnams na glang po che dang/ rta dang/ bong bu dang/ glang dang/ rnga mo dang/ mi dang/ sha ra ba dang/ byi la rnams gnas pa'o/ /g.yon pa'i brgyad na/ sa dang chu dang rlung dang/ me dang zla ba dang/ nyi ma dang/ gshin rje dang/ nor sbyin rnams 'dzin pa'o/ /spyi bor sna tshogs rdo rje 'dzin pa/ 'khor ba'i sdug bsngal 'phrog pa/ gri gug dang/

  111. 56a

    thod pa bsnams pa'i bdag med mas 'khyud pa'i bdag nyid can bsgom par bya'o/ /de'i rjes snying gar nyi ma la hUM bltas la/ bdag med ma'i snying gar yang zla ba la yi ge aM blta zhing spyi bor ni yi ge oM mo/ /mgrin par ni A'o/ /snying gar yi ge hUM bkod la/ mig la gti mug rdo rje ma/ rna ba la zhe sdang rdo rje ma/ sna la ser sna rdo rje ma/ kha la 'dod chags rdo rje ma/ /lus la phrag dog rdo rje ma/ yid la bdag med ma bkod la/ snying ga'i 'od kyis sangs rgyas rnams spyan drangs nas/ oM a b+hi shiny+tsa tu mA sarba ta thA ga ta zhes bya bas dbang bskur bar gsol ba gdab par bya'o/ /de nas sangs rgyas rnams kyis dbang bskur bas/ me tog dang/ gur gum gyi char yang dbab par bsam/ lha mo rnams kyis kyang bdag nyid la bstod pa bsgom par bya'o/ / bsgoms pas dub par gyur na yang sngags bzlas par bya ste/ oM de wa pi tsu badzra hUM hUM hUM phaT swAhA/ zhes bya'o/ /langs pa'i dus su lha mo rang gi snying ga'i sa bon gyi nang du bsgoms la/ lha'i gzugs kyis gnas par bya'o/ /bsgom pa'i dang por yang gtor ma sbyin par bya'o/ /de'i rim pa ni 'di yin te/ yaM las rlung gi dkyil 'khor bsams la/ de'i steng du raM las me'i dkyil 'khor ro/ /de'i steng du A las thod pa'o/ /de'i steng du go ku da ha na/ ma ra mu su bi/ zhes bya ba'i rdzas rnams oM gyis byin gyis brlabs la bsgoms nas/ steng du yi ge hUM yongs su gyur pa las rdo rje dkar po ste/ rdo rje dang pad+ma snyoms par zhugs pa las me 'bar bas tshos shing khu bar gyur pa de'i 'od kyis/ de bzhin gshegs pa thams cad kyi gzugs mthong ba las/ de dag gi thugs kyi sa bon gyi bdud rtsi bsdus nas/ der chud par byas nas/ oM A(rgyud 'grel): hUM zhes pa'i sngags kyis byin gyis brlab par bya'o/ /'di lta bu ni gtor ma la sogs pa'i rdzas dag par bya ba'i cho ga 'o/ /nam mkha' las chos 'byung gi nang du pad+ma 'dab

  112. 56b

    brgyad pa'i lte ba la/ bcom ldan 'das kyi dkyil 'khor gyi 'khor lo 'am/ dpa' bo gcig pu 'am/ phyogs kyi 'dab ma la dbang po la sogs pa rang rang gi rig mas mgul nas 'khyud ba/ zhabs g.yon brkyang bas gnas pa/ kha dog nag po mi bskyod pa'i cod pan can/ rdo rje dang dril bu bsnams pa bltas la/ de'i steng du tshangs pa de bzhin du kha dog dkar po/ rnam par snang mdzad cod pan du 'dzin par blta bar bya'o/ /'og tu sa 'og na gnas pa'i klu la sogs pa rnams la/ kha dog dmar po snang ba mdza' yas kyi cod pan byas la blta bar bya'o/ /thams cad kyi lce pad+ma'i 'dab ma la hUM las rdo rje dkar por bsgoms la/ snying ga'i sa bon las byung ba'i gau ri la sogs pa'i lha mo rnams kyis yongs su dag pa'i bdud rtsis dgang bar bya'o/ /de'i sngags ni 'di yin te/ inda dza ma dza la dzagkha b+hU ta bah+ni ba yu rak+Sha tsanda sU dzdza mA ta bap+pa tA la pa tA le aTTha sap+pa swAhA/ i daM ba liM b+huM dza dziM g+ha phul+la d+hU pa mAM sa piM g+ha amha sarba kAdzdza sA d+ha khAn+ti khU Ni phe Da gA da/ oM a kA ro mu khaM sarba d+harmmA NAM Adya nutpan+na twAt oM A(rgyud 'grel): hUM phaT swAhA/ zhes lan gsum brjod nas/ bsang gtor sbyin par bya ste/ oM h+ri(rgyud 'grel): bi shud+d+ha:d+harmA/ sarba pA paM bi sho d+ha ya sarba bi kalpA pa na ya hUM/ zhes bya ba'i sngags 'dis so/ /yid kyis mchod pa byas la/ oM badzra mu(rgyud 'grel): zhes bya ba 'dis gshegs su gsol lo/ /zas kyi dus su yang de bzhin du zas kyi rdzas rnams sbyar nas/ bdag nyid kyi lce la hUM las rdo rje dkar por byas la/ snying gar bcom ldan 'das bltas la de nyid du de bzhin gshegs pa thams cad bsdus nas/ ye shes sems dpa' i thugs ka'i sa bon las byung ba'i mes/ kha zas kyi rdzas rnams sbyangs shing sbyin sreg byed do/ /chags pa'i dus su yang shes rab ma bdag med ma'i gzugs su mos pa byas nas/ de'i mgo bo la

  113. 57a

    oM snying gar hUM/ pad+ma'i lte ba la A(rgyud 'grel): bsams nas/ oM pad+ma su kha d+hA ra ma hA ra ga su khaM dat+ta tsa tu rA nanda b+ha ga bi shwa hUM hUM hUM karyaM ku ru Shwa me zhes bya ba 'dis pad+ma byin gyis brlabs la/ bdag nyid la yi ge gsum bkod la/ hUM las rdo rje bsgoms nas/ oM las de'i nor bu'o/ /oM badzra mahA dwe Sha tsa tu rA nanda da ya ka kha ga mu khe a ka rA so nA tha hUM hUM karyaM ku ru Shwa me/ zhes bya ba 'dis rdo rje byin gyis brlabs nas/ sIM sIM sIM/ ha ha ha/ zhes bya bas chags pa brtsam par bya'o/ /bla ma'i man ngag gis skad cig ma mtshon par byas nas/ rdzogs pa dang bdud rtsi de bdud rtsi len gyis blangs la bdag nyid tshim par bya'o/ /nyal ba'i dus su lhan cig skyes pa'i rang bzhin du sna tshogs 'dis mos par byas la gnyid log par bya'o/ /byis pa rnams kyis rtogs bya'i phyir ston pa mgon po zhal brgyad pa'i/ /bdag gi sgrub thabs byas pa des/ /'gro kun rdo rje 'dzin gyur cig /dpal dgyes pa rdo rje phyag bcu drug pa'i sgrub thabs/ paN+Di ta Atsarya kriSh+Na'i zhal snga nas mdzad pa rdzogs so// //rgya gar skad du/ sh+rI he badzra ba li kra ma/ bod skad du/ dpal dgyes pa'i rdo rje'i gtor ma'i rim pa/ dpal ngag gi dbang phyug la phyag 'tshal lo/ /thabs dang shes rab bdag nyid can/ /yi ge gnyis las yang dag byung/ /sku gsung thugs kyi dbang phyug gtso/ /he ru ka la phyag 'tshal te/ sku gsung thugs kyi dbye ldan pa'i/ /dgyes pa'i rdo rje'i dkyil 'khor la/ /bdud rtsi gtor ma dbul ba yi/ /cho ga'i thabs kyi rim pa bshad/ /de la gtor ma'i dgos pa ni/ dpal kye'i rdo rje'i dkyil 'khor dang/ sbyin sreg dang mchod pa dang/ sgrub pa'i dus su rnal 'byor pas phan gdags pa dang/ tshar gcad pa dang/ rigs kyi bu dag tshe ring bar 'dod pa dang/ yams dang nad med par 'dod pa dang/ mu ge zhi bar 'dod pa dang/ gnod pa zhi bar 'dod pa dang/ dpal dang grags

  114. 57b

    pa 'phel bar 'dod pa dang/ dus ma yin par 'chi ba bzlog par 'dod pa dang/ longs spyod dang 'byor pa 'dod pa dang/ phas kyi rgol ba bzlog par 'dod pa dang/ 'jig rten dang 'jig rten las 'das pa'i dngos grub thob par 'dod pa mkhas pas gtor ma'i las la brtson par bya'o/ /de yang gang zhig ce na gzhung las/ bgegs rnams zhi bar bya ba dang lha rnams 'go bar bya ba dang/ dam tshig nyams pa bskang ba'i phyir/ /gtor ma'i las 'di ci nus brtsam/ zhes 'byung ngo/ /yang kha cig las/ 'byung po kun la gtor ma 'di dag gis/ /rnal 'byor pa yis mchod pa legs byas nas/ /dus kun rnyed pas bde bar 'gyur ba dang/ /lha rnams dga' zhing 'gro ba 'byor par 'gyur/ 'byung po'i tshogs la gtor ma gcig byin na/ /sdang dang mngon spyod dgra yi sde 'joms shing/ /dgar dang bsad dang dgug par byed pa dang/ /zhi zhing bde dang rgyas par byed pa yin/ zhes 'byung ngo/ /yang slob dpon kha cig gis/ /'jig rten 'jig rten las 'das pa'i/ /dngos grub cho ga thams cad la/ /dpal ldan rdzogs pa'i sangs rgyas kyis/ /gtor ma'i las 'di shin tu bsngags/ /shes 'byung bas/ gtor ma'i las 'di shin tu phan yon che'o/ /de la 'dir ni sngags pas 'byung po nyi shu rtsa bzhi la gtor ma sbyin dgos te/ lha chen brgyad po 'khor dang bcas/ /klu chen brgyad dang phyogs skyong brgyad/ 'khor du gtogs pa'i brgyad po rnams/ /rang rang 'khor dang bcas rnams la/ /rgyun tu 'am ni zla ba 'am/ de bzhin lo cig rgyun 'khor raM/ /zla ba yar ngo'i tshes bcu dang/ /mar ngo yi ni tshes bcu la// dkyil 'khor sbyin sreg bzlas pa dang/ /de bzhin gnod byung dus dag gam/ /ji ltar 'os shing rigs pa dang/ /rang gi ji ltar rjes mthun par/ /ci 'byor pa yi yo byad kyis/ /nan tan du ni gtor ma sbyin/ zhes 'byung ngo/ /de la gtor ma'i g.yos kyang ji

  115. 58a

    ltar zhe na/ me tog bdug spos mar me byug pa dang/ spyan? rnams dang ni dri dang lha bshos dang/ /tshod ma dag dang la du khur ba dang/ /zan dron dang ni drug cu bar bcas dang/ /phye sogs byas pa bsres nas ni/ /'bras can 'bras kyi phyi nang 'bru bdun dang/ /zho dang 'bru mar 'o thug sogs pa bsre/ /khrag dang sha dang sran ma nya sha sogs/ /sbyar chang 'bru chang sna tshogs chen la sogs/ /btsos dang rjen dang snying dang bcas pa rnams/ /ji bzhin bdud rtsi lnga dang bsres byas nas/ /de dag kun gyis snod rnams bkang nas su/ /bum pa chus bkang ba yi steng du bzhag /khur ba zan du mar me steng du gtam/ /mtshan mo'i dus su de dag la yang dbul/ zhes 'byung bas/ drag po la ni dgra bo'i gzugs brnyan steng du bzhag go / gtor ma kha dog las kyis bsgyur ro/ /de nas gtor ma byin gyis brlab pa'i rim pa ni/ /de dang por bdag nyid lha'i sku phyag rgya chen por gsal bar bsgoms/ thog ma nam mkha' lta bu la/ yaM las rlung gi dkyil 'khor yi gis mtshan pa/ raM las me'i dkyil 'khor raM gyis mtshan pa/ de'i steng du a las thod pa/ de'i nang du nyi ma'i steng du hUM bruM aM dziM khaM dang go kun da ha na las/ lcags kyu lnga dang/ bdud rtsi lngar bskyed do/ /de'i steng gi du hUM las rdo rje a las zla ba la phyed nub pa'o/ de'i steng du oM gyis ye shes kyi bdud rtsi spyan drangs/ a(rgyud 'grel): sa gzi byin bskyed/ hUM gis ye shes kyi bdud rtsi dang/ dam tshig gi bdud rtsi gnyis su med par bya'o/ /de ltar byin gyis brlabs nas mdun du gru gsum chos 'byung nang du pad+ma sum rtseg bsam ste/ dang po pad+ma dkar po'i dbus su dgyes pa'i rdo rje dkar po las lha brgyad oM las bskyed pas bskor/ bar du pad+ma sngon po'i dbus su dgyes pa'i rdo rje sngon po la hUM las bskyed pa'i phyogs skyong bcu sngon pos bskor//

  116. 58b

    'og tu pad+ma dmar po'i dbus su dgyes pa'i rdo rje dmar po la a las bskyed pa'i klu chen po brgyad kyis bskor ro/ /mgron spyan drang ba'i phyir rdo rje pad+ma'i phyag rgya bcings te/ oM e a ra li ho(rgyud 'grel): h+riM h+riM h+riM dza(rgyud 'grel): hUM baM ho(rgyud 'grel): badzra DA ka NA kI nI/ badzra dri sh+ya ho(rgyud 'grel): badzra sa ma ya ho/ badzra sa ma ya stwaM/ pheM gsum brjod pa dang bcas pa las/ snying ga'i sa bon 'od zer gyis bkug la/ oM A(rgyud 'grel): hUM lha brgyad 'khor dang bcas pa dang/ phyogs skyong brgyad dang klu chen brgyad/ /bka' bzhin 'khor du gtegs pa rnams/ /dam tshig dgongs te gnas 'dir gshegs/ /gzhan yang gru gsum khongs gtogs pa'i/ /zhing skyong tshogs la 'di lta ste/ /oM shing gcig dang ni dur khrod dang/ /ri bo dang ni ri sul phug /grong dang bzhi mdo zhing dang ni/ /khyad par du ni khang stong dang/ /gdol pa'i snod dang thang dang ni/ /khyad par du ni mtsho la gnas/ /ma mo yi ni gnas rnams nas/ /nag po drag po drag chen po/ /lha byin mnyam du bsten pa dang/ /nag po gtsigs dang mi sdug dang/ /dga' las 'das dang log 'dren rnams/ /rgan byad mo dang drag mo dang/ /brjed byed ma dang u ma dang/ /rgyal dang rnam par rgyal ba dang/ /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag mo sdang mo 'chang ba mo/ /'phrog byed ma dang mar me mo/ /sum cu ma dang dbang mo dang/ /'jigs byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen ma/ /thod phreng phreng chen kha TwAM ma/ /sprul chen ral gri dgra sta can/ /rdo rje de bzhin gzhu chen me/ /de bzhin chen mo mkha' 'gro lnga/ /de bzhin rdo rje dbang phyug gtso// las kun rjes su sgrub byed ma/ /sbyor ba'i dkyil 'khor rgyal chen mo/ /de bzhin rdo rje dbang phyug gtso/ /de bzhin gshegs pa'i sku chen te/ /rdul med rnal 'byor 'byin pa mo/ /rdo rje dbang mo'i bka' 'di yis/ /thams cad ma lus 'dir 'dus shig /oM kak+ka Dha

  117. 59a

    na/ ba bba nd+ha na/ kha kh+kha dA na sarba duSh+Ta naM ha na ha na/ g+hA ta ya g+hA ta ya/ he badzra maN+Dal sa pa ri wA re b+hyo A karSha ya hUM dza(rgyud 'grel): zhes pas bkug la pad+ma'i gdan la bzhugs par bsams la/ de nas mchod pas mchod de/ oM ku ru ku ru a d+hi pa ti tiSh+Tha sa ma ya hUM dza(rgyud 'grel): gnyis med par bya'o/ /de nas dam tshig gi lha la thim pa'i rjes su/ lce pad+ma'i steng du hUM las rdo rjer byin gyi brlab po/ /de nas pad+ma'i lag pa kha phye ste/ gtor ma la gtad nas gtor ma 'bul ba'i sngags brjod do/ /oM A(rgyud 'grel): hUM(rgyud 'grel): ho: badzra b+hai ra tA ya/ badzra b+hai bi ya/ dzau ga dzau gi ni/ sarba lo ki ka lo kaut+ta ra/ sarba DA ka DA ki nIShtsa b+hyo/ badzra gau rI/ badzra tsau rI/ badzra bet+tA lI/ badzra g+hAsma rI/ badzra puk+ka sI/ badzra sa pa rI/ badzra tsaN+Da lI/ badzra Dom+bi nI/ a ti kaM/ sa pa ri wA re b+hyo/ i daM ba liM/ gand+ha/ puShpa/ d+hU pa/ dI pa/ ak+Sha taM/ da da ma hi te dza/ a kastya/ sa pa ri wA ro b+hyo/ i daM ba liM/ grih+Na na tu dza(rgyud 'grel): hUM baM ho(rgyud 'grel): saM trapta/ sarba sa twa ni shan+tiM ku ru/ puSh+Ti ku ru/ rak+Sha taM ku ru/ a ba na ku ru/ gubtiM ka ro du/ kurdandu hUM hUM phaT swAhA/ i daM ba liM kha kha khA hi khA hi b+hyo b+hyo b+hyo b+hyo/ dza dza dza dza/ badzra b+ha ro adzrSha? pa ya ti swAhA/ oM A(rgyud 'grel): hUM ha(rgyud 'grel): sarba de ba nA ga yak+Sha rAk+Sha sa/ ma nu Sha a ma nu Sha/ a su ra/ gand+harb+ha/ g+huM b+hai ra g+hi d+ha ri/ ga ru De b+hu ta/ pre ta pi shA tsa/ a basma ra/ u man+ta/ sarba lo ki ka lo kot+ta ra/ badzra TA ka rA ki ni sa pa ri wA ri b+hyo/ i maM sarba pU dza gand+ha/ puShpa d+hu pa dI paM/ nai bi dyaM/ ak+Sha taM da da ma hi te tsa/ a gat+tyA sa pa rI bA re b+hya(rgyud 'grel): i daM ba liM grih+Nandu/ kha daon+tu/ pi ban+tu dza(rgyud 'grel): hUM baM ho(rgyud 'grel): ma ma ya rak+Shan+tu/ ma m sid+d+himme pra yats+tshan+tu/ ya the baM/ ya teSh+Tha b+hu ? ho/ ma taM kra ma tha/ ma ma sarba karta ya satshu khaM/ bi shud+d+ha/ ye sa ha ka ye ka/ b+ha ban+tu hUM hUM phaT/ badzra d+ha ro Adz+nyA pa ya ti/ oM inda dza ma dza la dzak+Sha b+hu ta bah+ni ba u rak+Sha/ tsanda sU dzdza ma ta la bap+pa ta la pA tA la/ aTTha sap+pa sAd+ha/ i daM ba li b+huny+dza dzi g+haM/ puShpa/ d+hU pa/ dI paM mAM sa am+ba

  118. 59b

    kats+tsha swA b+hA? ban+ti? khu Ni phaT gA da/ oM a kA ro mu khaM sarbba d+harmA NI Adya nutpan+na twAt oM A(rgyud 'grel): hUM phaT swAhA/ de nas tshigs su bcad pa 'dis yang bsngo ba ni oM lha chen brgyad po 'khor bcas dang/ /'jig rten skyong ba 'khor bcas dang/ /klu chen brgyad po 'khor bcas dang/ gnod sbyin tshogs rnams ma lus dang/ /srin po'i tshogs rnams ma lus dang/ /'byung po'i tshogs rnams ma lus dang/ /yi dags tshogs rnams ma lus dang/ /sha za'i tshogs rnams ma lus dang/ /smyo byed tshogs rnams ma lus dang/ /brjed byed tshogs rnams ma lus dang/ /mkha' 'gro'i tshogs rnams ma lus dang/ /de la sogs pa'i 'byung po'i tshogs/ /ma lus tshogs bcas ji snyed rnams/ /'dir gshegs bdag la dgongs su gsol/ /mchod sbyin gtor ma 'di snoms la/ / bdag ming 'di zhes bya ba la/ /nad med tshe dang dbang phyug dang/ /dpal dang grags dang skal pa bzang/ /longs spyod rgya chen kun thob cing/ /zhi dang rgyas la sogs pa yi/ /las kyi dngos grub bdag la stsol/ /dam tshig can gyis bdag la bsrung/ /dngos grub kun gyi gtong grogs mdzod/ /dus min 'chi dang nad rnams dang/ /gdon dang bgegs rnams zhi bar mdzod/ /rmi lam ngan dang mtshan ma ngan/ /byang byed ngan pa zhi bar mdzod/ /'jig rten bde zhing lo legs dang/ /'bru rnams rgyas shing 'phel bar mdzod/ /bde legs thams cad grub pa dang/ /yid la 'dod pa 'grub par shog /mkha' 'gro'i tshogs rnams ma lus kun/ /de la sogs pa'i gnod sbyin tshogs/ /drag cing gtum pa'i 'byung po'i tshogs/ /ma rung sems can ming 'di long/ /dag cing snying rje med pa yi/ /rnal 'byor ma dang ma mo dang/ /mkha' 'gro gnod sbyin sha za dang/ /lto 'phye dang ni srin po dang/ /gzhan yang sha za khrag 'thung ba'i/ /khyi dang khra dang ki ka dang/ /'ol pa bya rgod la sogs pa'i/ /gzugs can thams cad 'dir

  119. 60a

    gshegs shig /bdag ming 'di zhes bya ba la/ /gnod par byed pa 'di zhes pa/ /chung ma nor dang srog dang ni/ /'dod pa rnams ni 'phrog par mdzod/ /rang gi yul nas 'byung ba dang/ /dgar ba dang ni bskrad par gyis/ /bdag gi dpung ni stobs med la/ /dgra ni stobs ldan kho na ste/ /'di nyid khyod kyis bza' ba'i phyir/ /sha dang khrag dang zhag dang rkang/ /bza' ba skom dang bcas pa mdzod/ /dgra lus gsol ba dgra mdangs phrogs/ /rang gi rnal 'byor ci rigs par/ /long la za ba nyid du gyis/ /thams cad tshim par bzhes su gsol/ /gang gis bdag la mi tshugs shing/ /dgra 'di thams cad choms par mdzod/ /bdag la las kyi dngos grub ni/ /rgya chen yongs su stsal nas kyang/ /nyid kyi gnas dang yul du gshegs/ ci nus 'byor pa'i mchod pa 'di bzhes la/ /bdag gi las 'di 'bras bu mchis par mdzod/ /pus mo lha nga sa la btsugs nas ni/ /thal mo sbyar nas khyod la gsol ba ni/ /btsun mo dang ni sras dang g.yog tu bcas/ /gsan cing 'dir gshegs bdag la bka' drin skyabs/ /bdag gi bsod nams stobs dang ni/ /de bzhin gshegs pa'i byin brlabs dang/ /gsang sngags rig sngags mthu dag dang/ /chos kyi dbyings kyi stobs kyi mthus/ /sems can rnams la phan gdags pas/ /don rnams yang dag bsam pa kun/ /sems can khams ni ma lus bar/ /de dag thams cad ci rigs par/ /thogs pa med par 'byung gyur cig /sngags pa gang zhig dgra bgegs tshar bcad par 'dod pa des/ /gzugs gtor ma'i steng du bzhag la/ /gnod sbyin ma la sogs pa mi gdug pa'i gzugs can/ pho nya grangs med pas zos 'thungs par bsam zhing/ /gtor ma bstabs cing 'di skad las btsol lo/ /oM ma lus zhing na bzhugs pa'i rgyal ba dang/ /dpal chen khrag 'thung khro rgyal 'jigs byed

  120. 60b

    tshogs/ ye shes mkha' 'gro mkha' 'gro ma yi tshogs/ /dam can rgya mtsho ma lus dgongs su gsol/ /thugs rje chen pos 'gro ba'i don mdzad cing/ /gdul dka' drag po'i tshogs rnams 'dul ba'i phyir/ sgyu ma lta bur cir yang ston mdzad pa/ /gtum chen rab rngam tshogs la phyag 'tshal lo/ /snyigs ma lnga ldan bstan pa 'jig dus 'dis/ /bdud dang mu stegs log par lta ba rnams/ /zhi ba'i las kyis 'dul bar mi 'gyur bas/ /tshaM rngaM drag po'i phrin las myur du mdzod/ /rgyal ba'i spyan sngar khas blangs shing/ /bstan pa bsrung bar zhal bzhes pa/ /'jigs byed chen po'i bka' bzhin du/ /shin tu gdug pa 'dul mdzad pa'i/ /tshangs pa dbang phyug chen po dang/ /lha yi dbang po 'dod pa'i lha/ /khyab 'jug tshogs kyi bdag po dang b+h+riM gi ri ti'i gzhon nu dang/ dga' byed dbang phyug 'dod lha dang/ /nyi ma zla ba gza' chen dang/ /smin drug la sogs khyung gi mgo /mgyogs pa'i gshog pas gdengs ka byas/ /rdo rje sku yi dam tshig can/ /dkar po rtag pa'i dbu rgyan can/ / zhal gcig pa la phyag gnyis te/ /'khor lo dang ni dril bu 'brel/ /rig ma dang ni mnyam du sbyor/ /'jigs pa'i tshul gyis brkyang bskum gnas/ /phyag rgya drug gis lus la brgyan/ /dus mdza' i me chen klong dkyil na/ /hUM phaT pheM pheM 'jigs par sgrogs/ /steng gi lha tshogs bcas pa yi/ /nam mkha' i ro zhon khyod kyis ni/ /dam tshig phrin las dus la bab/ /hUM he ru ka yi bka' bzhin du/ /in+d+ra ru ti rak+ta dang/ ye shes dam tshig bdud rtsi dang/ /sna tshogs gtor ma 'di long la/ /bdag cag rnal 'byor bsgrub pa po/ /rdo rje slob dpon slob ma dang/ /rdo rje spun dang ming sring la/ /gnod par byed pa'i dgra bgegs ni/ /sngags rgyud ye shes sun 'byin cing/ slob dpon smod cing spun la 'khu/ /byang chub sems spong dam tshig nyams/ /zhi ba'i las

  121. 61a

    kyis mi 'dul bas/ /gdug cing sdang sems ldan pa rnams/ /rab tu drongs shig 'dir khug la/ /rdul dang thal ba bzhin du lhogs/ /mngon spyod phrin las dus la bab/ /sha dang khrag dang rus pa gsol/ /rgyu ma glo snying nang grol drongs/ /sngon gyi dam pas ma 'da' bar/ /bcol ba'i las rnams grub par mdzod/ /rgyal ba'i spyan sngar khas blangs shing/ /bstan pa bsrung bar zhal bzhes pa/ /'jigs byed chen po'i bka' bzhin du/ /shin tu bdug pa 'dul mdzad pa'i/ /brgya byin gshin rje chu bdag dang/ /gnod sbyin dbang dag me yi lha/ /srin po rlung lha la sogs pa/ /srin po'i mgo can 'jigs pa'i gzugs/ /mgyogs pa'i gshog pas gdengs ka byas/ /rdo rje thugs kyi dam tshig can// nag po mi bskyod dbu rgyan ldan/ /zhal gcig phyag ni gnyis pa ste/ /rdo rje dang ni dril bus brel/ /rig ma dang ni mnyam du sbyor/ /'jigs pa'i tshul gyis brkyang brkum gnas/ /phyag rgya drug gis lus la brgyan/ /dus mdza' i me chen klong dkyil na/ /hUM phaT pheM pheM 'jigs par sgrogs/ /bar gyi mi tshogs bcas pa yi/ /bar snang ro zhon khyod kyis ni/ /dam tshig phrin las dus la bab/ /hUM he ru ka yi bka' bzhin du/ /in+t+ra ru ti rak+ta dang/ /ye shes dam tshig bdud rtsi dang/ /sna tshogs gtor ma 'di long la/ /bdag cag rnal 'byor sgrub pa po/ /rdo rje slob dpon slob ma dang/ /rdo rje spun dang ming sring la/ /gnod par byed pa'i dgra bgegs ni/ /sngags rgyud ye shes sun 'byin cing/ / slob dpon smod cing spun la 'khu/ /byang chub sems spod dam tshig nyams/ /zhi ba'i las kyis mi 'dul bas/ /gdug cing sdang sems ldan pa rnams/ /rab tu drongs shig 'dir lug la/ /rdul dang thal ba bzhin du lhogs/ /sngon

  122. 61b

    spyod phrin las dus la bab/ /sha dang khrag dang rus pa rol/ /rgyu ma glo snying nang grol drongs/ /sngon gyi dam las ma 'da' bar/ /bcol ba'i las rnams grub par mdzod/ /rgyal ba'i spyan sngar khas blangs shing/ /bstan pa bsrung bar zhal bzhes pa/ /'jigs byed chen po'i bka' bzhin du/ /shin tu gdug pa 'dul mdzad pa/ /stobs rgyu dung skyong mdza' yas dang/ /nor rgyas bu dang 'jog po dang/ /rigs ldan pad+ma chen po dang/ /pad+ma la sogs chu srin mgo /mgyogs/ pa'i gshogs pas gdengs ka byas/ /rdo rje gsung gi dam tshig can/ /dmar po gar dbang dbu rgyan ldan/ /zhal gcig pa la phyag gnyis te/ /pad+ma dang ni dril bus brel/ /rig ma dang ni mnyam du spyod/ /'jigs pa'i tshul gyis brkyang brkum gnas/ /phyag rgya drug gis lus la brgyan/ /dus mdza' i me chen slong dkyil na/ /hUM phaT pheM pheM 'jigs par sgrogs/ /'og gi klu tshogs bcas pa yi/ /sa 'og ro zhon khyod kyis ni/ /dam tshig thugs dam dus la bab/ /hUM he ru ka yi bka' bzhin du/ /in+ta ru ti rak+ta dang/ /ye shes dam tshig bdud rtsi dang/ /sna tshogs gtor ma 'di long la/ /bdag cag rnal 'byor sgrub pa po/ /rdo rje slob dpon slob mar bcas/ /rdo rje spun dang ming sring la/ /gnod par byed pa'i dgra bgegs ni/ sngags brgyad ye shes sun 'byin cing/ /slob dpon smod cing spun la 'khu/ /byang chub sems spong dam tshig nyams/ /zhi ba'i las kyis mi 'dul bas/ /gdug cing sdang sems ldan pa rnams/ /rab tu drongs shig 'dir khug la/ /rdul dang/ thal ba bzhin du lhogs/ /mngon spyod phrin las dus la bab/ /sha dang khrag dang rus pa rol/ /rgyu ma glo snying nang grol drongs/ /sngon gyi ngam las ma 'da' bar/ /bcol ba'i las rnam 'grub par mdzod/ /rgyal ba'i spyan sngar khas blangs shing/ /bstan pa/

  123. 62a

    bsrung bar zhal bzhes pa/ /'jigs byed chen po'i bka' bzhin du/ /shin tu gdug pa 'dul mdzad ma/ /phyi rol dur khrod 'jigs pa na/ /dpa' bo dpa' mo rnal 'byor tshogs/ /zhing skyong drag po ro langs dang/ ma mo mkha' 'gro la sogs tshogs/ /sha za brjed byed srul po dang/ /nam gru log 'dren la sogs pa/ /gnod sbyin sa bdag gdug pa'i 'dre/ /la la srin po'i zhal can la/ /mi yi lus can 'jigs pa'i gzugs/ /la la N stag gi mgo can la/ mi yi lus can rngam pa'i gzugs/ /la la seng ge'i mgo can la/ /srin po'i gzugs can shin tu khro/ /la la mkha' lding mgo can la/ /klu yi lus can 'jigs pa'i gzugs/ /de bzhin bya yi mgo can dang/ /gcan zan lus can sna tshogs rnams/ /la la khro zhing la la rngam/ /la la zhi zhing la la gtum/ /la la 'gying zhing la la lding/ /la la sha za khrag 'thung brtson/ /la la khro gtum 'jigs pa'i gzugs/ /la la rab brtson khro gnyer can/ /la la bzhad gang ha ha sgrogs/ /la la 'brug skad bzhin tu ldir/ /la la rngam skad pheM pheM sgrogs/ /la la mkha' stong gar gyis 'gengs/ /la la rtsub cing la la gnag /la la dkar zhing rnam par gsal/ /la la dmar zhing chags pa'i mdog /la la sngo zhing sdang ba'i tshul/ /la la ser po dbyibs mdog rgyas/ /la la khro gnyer smin bu rtsub/ /la la smin bu gyen du 'khyil/ /skra 'khyil nam mkha' i dbyibs su khyab/ /zhal gdangs mche gtsigs khrag 'thung ba'i/ /ljags 'dril mche ba dmar pos tsigs/ /spyan gsum sdang mig khro gnyer can/ /rus pa'i gtsar phreng sbrul gyis brgyan/ /khrag zhag tshil gyis tshom bus brgyan/ /glang chen ko rlon rnam par bshal/ /stag gi pags pas sham thabs byas/ /na bza' mi yi

  124. 62b

    pags blag gsol/ /la la rdo rje gtun shing dang/ /ral gri chu gri la sogs pa'i/ /lag na mtshon cha sna tshogs 'dzin/ /la la gar gyis phyag rgyas sbyor/ /phyi yi dkyil 'khor chen por 'dir/ /phyi rol 'byung po'i tshogs bcas rnams/ /sa stengs ro zhon thams cad kyi/ /dam tshig phrin las dus la bab/ /hUM he ru ka yi bka' bzhin du/ /in+ta ru ti rak+ta dang/ /ye shes dam tshig bdud rtsi dang/ /sna tshogs gtor ma 'di long la/ /bdag cag rnal 'byor sgrub pa po/ /rdo rje slob dpon slob ma dang/ /rdo rje spun dang ming sring la/ /gnod par byed pa'i dgra bgegs ni/ /sngags rgyud ye shes sun 'byin cing/ /slob dpon smod cing spun la 'khu/ /byang chub sems spong dam tshig nyams/ /zhi ba'i las kyis mi 'dul bas/ /gdug pa'i sdang sems ldan pa rnams/ / rab tu drongs shig 'dir khug la/ /rdul dang thal ba bzhin du lhogs/ /mngon spyod phrin las dus la bab/ /sha dang khrag dang rus la rol/ /rgyu ma glo snying nang grol drongs/ /sngon gyi dam las ma 'da' bar/ /bcol ba'i las rnams grub pad mdzod/ /de nas gsang ba'i las bzhi bya/ /de nas rdo rje'i glu brjod/ /de nas chos bshad de/ oM chos rnams gzugs brnyan lta bu ste/ /dag cing gsal la rnyog pa med/ /rgyu dang las la kun tu 'byung/ /de bzhin nyid la nges par skyes/ /bden pa 'dis ni dkyil 'khor du/ /kun gyi dri ma med mthong shog /sems can thams cad bde gyur cig /gang gi lam nas 'gro ba der/ /sangs rgyas nyid dang phrad par shog /de nas smon lam gdab pa ni/ /oM shI la tsaN+Da na le pe taM a gad+d+hya ni pra b+ha ra Na/ po taM ka ku su mi kI ra NaM bi ha ra taM/ bud+d+ha bi sha ya/ pu na rA ga ma na ya mu(rgyud 'grel): oM badzra satwa sa ma ya/ ma nu pA la ya/ badzra satwa twe no pa tiSh+Tha/ dri Dho bo b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi mme pra yats+tsha/ sarba rka rma suts+tsha

  125. 63a

    me/ tsit+taM sh+re ya(rgyud 'grel): ku ru hUM/ ha ha ha ha ho(rgyud 'grel): b+ha ga ban/ sarba ta thA ga ta badzra mA me muny+tsa/ badzri b+ha ba mahA sa ma ya satwa A(rgyud 'grel): de nas bkra shis brjod/ /oM khyod kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang/ /slar yang byon par mdzad du gsol/ ces pas rang bzhin gyi mgron gshegs su gsol/ /dam tshig gi 'gron yi ge gsum du byas nas bdag gi snying ga'i sa bon la bsdu'o/ / rnal 'byor pa yi ser sna dang/ /dbul ba'i dri ma sbyang ba dang/ /dngos grub myur du thob pa dang/ /'gro rnams bkod par 'phel phyir byas/ /dge bas 'gro kun byang chub mchog /rin chen gling du myur 'gro shog /dpal dgyes pa'i rdo rje'i gtor ma'i cho ga'i rim pa/ slob dpon chen po a la la badzra sa mdzad pa rdzogs so// //paN+Di ta kas+tha pa ga thA ga ya d+ha ra dang/ bod kyi lo tsa ba gyi jo zla ba'i 'od zer gyis bsgyur ba'o// //rgya gar skad du/ ba liM karma kra ma nA ma/ bod skad du/ gtor ma'i las kyi rim pa zhes bya ba/ dpal rdo rje sems dpa' la phyag 'tshal lo/ /bla med dkon mchog gsum po dang/ /de yi chos skyong srungs ma la/ /bzod gsol don du 'dud pa dang/ /rgyu yi phyir kyang phyag 'tshal lo/ /tshogs gnyis rdzogs par bya ba dang/ /snga ma'i lan chags bral ba dang/ /'phral gyis bar chad nyer zhi'i phyir/ /gtor ma rgyun tu btang bar bya/ /tshogs kyi 'khor lo chen po dang/ /phrin las rnam bzhi rtsom pa dang/ /dbang bskur chen po byed pa'i tshe/ /gtor ma'i rim pa 'di ltar bya/ /yo byad dang ni bca' thabs dang/ /dgong rim dang yang byin rlabs dang/ /dbul dang dbang bskur dbye ba bdun/ /las kyi rim pa mdor bsdus pa'o/ /sha dang bdud rtsi zas lnga dang/ /

  126. 63b

    gzhan yang bza' btung sna tshogs te/ /gro ga 'am ras sam shing shun la/ /mchod pa'i bye brag sna tshogs bya/ /mdor na sna tshogs pa yi rdzas/ /sdig pa med cing gnod pa med/ /yo byad dam par 'di bshad do/ /gzhan yang gtor ma chen po ni/ /shin tu che ba'i snod dag tu/ /mchod pa'i bye brag kha zas kyis/ /khengs par bkang ba'i steng dag tu/ /a shwadtha yi shing dag la/ /gru gsum phyag rgya byas te bzhag /gru gsum rtse la mar me gsum/ /nyin mtshan rtag tu btang par bya/ / de ru 'phan dang rgyal mtshan dang/ /gdugs dang phyag rgya sna tshogs gzhag /de'i dbus su zan kham gsum/ /steng du band+ha mtshan bzangs dag /khrag chen dag gis gang bar bzhag /gzhan yang mdzes pa'i snod dag tu/ /khengs par bkang ba'i steng dag tu/ /'phan dang rgyal mtshan gdugs rnams gzugs/ /mar me gcig kyang rtag tu gtang/ /mkha' 'gro ma dang phyogs skyong ni/ /mdzes pa'i snod du rdzas rnams kyis/ /legs par bkang ste bzhag par bya/ /tshogs dang tshogs kyi rol pa yin/ /lhag ma dag la lhag ma bya/ /kun kyang gcan zan rjes bzhin nam/ /las kyi dbyibs dang sbyar bar bya/ /chang dang khrag dang chu yis sbyang/ /gtor chen rtsa ba'i dbus su bzhag /yang na byang shar mtshams su bzhag /lhag ma lho yi phyogs su'o/ /phyogs skyong shar ta mkha' 'gro nub/ /shin tu lhag ma mdun nam byang/ /yaM las rlung dang raM las me/ /a las snod kyi nang dag tu/ /aM las nyi ma'i dkyil 'khor bsam/ /de yi dbus dang phyogs mtshams su/ /hUM bruM aM dzriM khaM/ na go ku da ha/ dri chu dri chen khrag dang ga pur shel/ /mi dang ba lang khyi glang rta/ /de yi steng du yig 'bru bsam/ /de las rigs lnga yab yum bsam/ /de steng oM las zla ba ste/ /de steng hUM las rdo

  127. 64a

    rje bsam/ /phaT kyi 'bud cing 'bar ba dang/ /bsros te dros pas yab yum rol/ /byang chub sems kyi 'od zer gyis/ /phyogs bcu dag na gnas pa yi/ /bde gshegs ye shes byang chub sems/ /sems can rnams kyi bkrag gzi mdangs/ /rtsi shing nags tshal bcud bsdus te/ /slar yang ji bzhin dgug par bya/ /thim nas thams cad 'od du zhu/ /oM A(rgyud 'grel): hUM gis byin gyis brlabs/ /las kyi skabs la bab pa dang/ /gtor chen band+ha'i nang du ni/ /sgrub thabs gzhung bzhin bsgoms nas su/ /de yi phyir rims par khyams la/ /lha brgyad 'khor bcas mos pas bsgom/ /gnyis pa la ni phyogs skyong dang/ /de bzhin gsum par klu chen brgyad/ /'khor dang bcas pa mos pas so/ /tshogs kyi rdzas rnams grangs pa la/ /bsang gtor byas te byin gyis brlab/ /phud bkrod pad+ma'i phyag rgyas blang/ /sngags 'di brjod cing dbul bar bya/ /oM e hye badzra i daM ba liM khA hi/ lha rnams kun la de bzhin dbul/ /bsrung ba'i dbang sngags brjod cing dbul/ /bstod cing rdo rje glu yang blang/ /de nas lhag ma'i phud bkros te/ /gru gsum zla ba'i steng dag tu/ /bdag nyid kyi yi rdo rjer bsgom/ /de yi khyams la mkha' 'gro ma/ /'khor dang bcas pa mos pas bsam gnyis pa la ni dbang phyug ma/ /gzhan yang 'gro ba rig drug dang/ /dmigs kyis yul gyi lha 'dre rnams/ /lcags kyu'i phyag rgya bcas nas su/ /oM e hye hi/ sarba yo gi ni/ sarba DA kI ni/ brahma Ni ru tra ni/ mahe shwa ri/ peSh+Na pe/ bA rA hi/ na ya sid+ga a ya te/ agna ye/ ba ru Na ye ba ya be ku ma ri ko be ra/ ga ru Ni/ pasna ki /b+hi na ya ki /b+he pa sa tri b+he pra ma ni/ b+heska ri tsa muN+Da/ sarba de ba/ sarba a su ra/ sarba ma nu Sha/ sarba tir ya ga /sarba pre ta ga /sarba nA ra ga /sarba d+hU ha/ pI shA tsa/ uSh+manda a basma

  128. 64b

    ra ta ya/ mos pa'i tshul du spyan drang mchod/ pad+ma'i phyag rgyas blangs la dbul/ /puShpa d+hU pa dI pa gand+ha/ nai bi tye/ pany+tsa a mri te/ ma tha/ dwartsa?/ ba ta ga te/ tsa tra tsa ma ra/ sa yo tha ma tsa ma sa/ mahA rak+ta/ na na khA hi/ saM pu ra naM/ i daM ba li b+huM tsha tha/ grih+Na tha sa ma ya rak+Sha tha ma ma sarba a the/ ha sa yaM/ ku ro tha/ a tra/ sA d+ha ni/ yi sh+ra tra shTa shaM/ rak+Sha sarbaM/ arthaM/ ya the baM/ ya the shTaM/ b+huM dza tha/ hUM hUM phaT phaT swAhA/ pi ba tha/ ma ti kra ma tha/ ma ma sarba sa pa ri/ sat+su khaM bi sho d+ha na ye swAhA/ ya ka b+ha bAn+tu/ oM A(rgyud 'grel): hUM/ hUM hUM phaT phaT swAhA/ rol mo'i sgra dang rdo rje glu blangs te/ lhag ma'i gtor ma dbul bar bya'o/ /bdag nyid dgyes rdor rnal 'byor gyis/ /chos 'byung nang du 'dab brgyad gsum/ /rim par dkar nag dmar po'o// de yang yig 'bru gsum las bsgom/ /lha dang phyogs skyong klu chen brgyad/ /oM A(rgyud 'grel): hUM las pad mdog bzhin/ /zhal gcig phyag gnyis rdor dril 'chang/ /rang gi yum yang de bzhin te/ /brkyang bskum tshul gyis kun kyang gnas// sa bon las ni 'od zer spro/ /gzugs dang gzugs med lha brgyad la/ /'dod khams lha mi phyogs skyong ste/ /ngan song gsum dang lha ma yin/ /klu chen brgyad la bstim par bya/ /bdag gi thugs ka'i sa bon las/ /phyag rgya bzhi yis sku gsung thugs/ /rang bzhin gnas nas spyan drang ste/ /phyi nang gsang bas mchod bya ste/ /lha dang phyogs skyong klu brgyad la/ /rnam snang mi bskyod mdza' yas kyis/ /rim pa ji bzhin dbang bskur bya/ /de la sngags 'dis rab tu dbul/ pad+ma'i phyag rgyas blangs nas su/ /oM inda ya ma dza la/ yak+Sha dza(rgyud 'grel): hUM baM ho(rgyud 'grel): b+hu ta bih+na/ bA yu/ rak+Sha/ tsanda/ sudzdza mA ta bap+pa ta la/ pA tA la/ aTTha sap+pa swAhA/ i daM baM li b+hu dza/ dzi g+ha maM sa d+hu paM puShpe dI paM gand+he/ paM g+ha aM ba kats+tsha khandi

  129. 65a

    khu Ni phe Ta ga da/ oM a kA ro mu khaM/ sarba d+harmA NAM/ Adya nutpan+na twAt/ oM A(rgyud 'grel): hUM swAhA/ /rdo rje glu dang rol mo'i sgra/ /mchod de nyin mo lan gsum btang/ /yi dam lha yi rnal 'byor gyis/ /mchod pa'i rdzas la bsang gtor brlab/ /'dab brgyad dbus kyi lte ba la/ /mkha' 'gro 'khor bcas dmigs byas te/ badzra DA ki ni/ si gi ni/ byA gi ni/ dza bu gi ni/ lu gi ni/ DA ki ni/ dI pi ni/ tsu pi ni/ kaM bo dzi ni/ brjod pa tsam gyis dmigs byas te/ /'dab brgyad la ni mkha' 'gro ma/ /gru chad la ni khams gsum gyi/ /gtso bo thams cad bsam par bya/ /khyams la 'khor rnams thams cad do/ /oM A(rgyud 'grel): hUM/ kun kyang sku gsung thugs dang ldan/ /b+ha ga'i phyag rgya mgo steng bca' / /oM A kA ro mu khaM sarba d+harmA NaM/ Adya nutpan+na twAt/ spyan drangs bstim la bar chod bgegs/ /'ong ba srung phyir 'di skad do/ /oM na ma(rgyud 'grel): sa man+ta kA ya bAk+tsit+ta badzra ni/ na mo badzra kro d+ha ya/ mahA daMSh+Totka Ta/ b+hai ra bA ya/ a si mu shU la parshu pA sha ha sta ya/ oM a mri ta kuN+Da li/ kha kha khA hi khA hi tiSh+Tha tiSh+Tha/ band+ha band+ha/ ha na ha na/ ma tha ma tha/ gardza gardza/ spho Ta ya spho Ta ya/ bi spho Ta ya bi spho Ta ya/ sarba big+h+nA bi nA ya nAM/ mahA ka bi de/ pi bi tan+ta ka rA ya/ sarba go ri u pa tha ba sa ma naM/ ku ru ku ru hUM hUM hUM phaT phaT phaT swAhA/ de ltar bdud rtsis mtshams bcad nas/ /pad+ma'i phyag rgyas gtor ma dbul/ /ba liM ga tha/ oM A ra li ho(rgyud 'grel): dza(rgyud 'grel): hUM baM ho(rgyud 'grel): badzra DA ki na ma(rgyud 'grel): sa ma ya stwaM/ dri sh+ya ho(rgyud 'grel): oM kha kha khA hi khA hi/ sarba b+hA ta/ pre ta rAk+Sha sa/ pi shA tsa uSh+manda a pasma ra/ /DA ki n+ye/ da ya/ i daM ba liM grih+Nandu/ sarba si d+d+himme pra yats+tshan+tu/ sa ma ya rakshan+tu/ a the baM/ ya theSh+TeM/ b+huny+dza tha/ pi ba tha/ ma ti kra ma tha/ ma ma sarba pa ri pu ra ka/ ta ta su ka bi sho d+ha ye swAhA/ oM a kra bi kra/ sma sha ne pa/

  130. 65b

    parpa de/ kand+ha re/ b+hu he gra me/ parpa de/ parbye/ pa the/ khe dra/ sor+Nam ga ra/ bi se sa ta pa dza ne/ thaM la ga te bu mo/ ma taM ga ti/ bi se swAhA/ kriSh+Na ru tra/ ma hA ru tra/ de ba twat+tra/ sa ma sret+ta/ kre na karla pi pa dzi/ nan+ta ti ta/ bi na ya ka/ tsa muN+Di/ go ra pi pa tsa/ u ma de pi tu/ sta pa dza yaShtsa/ bi dza ya/ ci bu ba/ a tsi ta/ a pa ra tsi ta/ dzi ka li/ kA ya b+ha bAndu oM A(rgyud 'grel): maM hUM phaT swAhA/ de ltar phul te gsol ba dang/ /se gol brdab cing gshegs su gsol/ /oM kre to sarba sa tA ra tha/ si ti du ta ya thA nu ga ga dza ta/ pu taM bi sa ye/ pu na ra ga na ma ya du/ rang rang gnas su yud tsam gyis/ /phyin te rnal 'byor bsgo ba nyan/ /de ltar mtshan mo lan gsum gtang/ /yi dam lha yi rnal 'byor gyis/ /lce la rdo rje bsgom byas te/ /lha 'am chos nyid rol bsams na/ /dngos grub rim par 'grub par 'gyur/ /rnal 'byor rol pa'i lhag ma la/ /shin tu lhag ma'i gtor ma bya/ /lte bar bdag nyid yi dam bsgom/ /pre ta brjod cing zur drug la/ /yi dags thams cad bsdu bar bya/ /oM u tsi Ta a d+hi tiSh+Tha b+huM dza di bi tha hUM hUM phaT/ sdug bsngal bral zhing tshim par bsam/ /sgrub pa'i zhag grangs thon pa dang/ /slob ma'i mgo steng gtor ma bzhag /rtag tu srung zhing skyob pa dang/ /phrin las bzhi yi dbang thob bsam/ /sum mdo 'am lam ka'i bzhi mdo 'am/ /dur khrod yang na chu 'gram du/ /nam phyed na ni gtor ma gtang/ /byang shar mtshams su gtor chen bskyal/ /mdor na gnas pa'i go rims kyis/ /skyel ba'i sa ru phyin pa dang/ /phyogs phyogs gdon rnams zil mnan phyir/ /phyogs bzhi dag tu kha bltas te/ /rdo rje gsor zhing dril bu dkrol/ /lag pa g.yon nas g.yas su bsgyur/ /rkang pa g.yon nas g.yas su brdab/ /lag pa brkyang ste 'phyong zhing 'bur/ /long mo gshibs te 'gying bdag gis/ /'gyur zhing g.yon du dgrad cing blta

  131. 66a

    rang sngags gdon cing dgyes par bya'o/ /rdo rje glu yang drag tu blang/ /rol mo'i sgra yang drag tu brdung/ /'di ni mkhas pa rnams kyi gzhung/ /rgyud rnams ngang ni 'gal ba med/ /gdams ngag rim pa 'di bris pas/ /lhag chad nor pa ci mchis ba/ /dkon mchog bla ma chos skyong dang/ /mkhas pa rnams la bzod par gsol/ /rmongs pa rnams la mig phye bas/ /las kyi gzhung srongs dge rtsa gang/ /bdag dang rnal 'byor thams cad dang/ /sems can kun gyi don du bsngo/ /slob dpon chen po kha che rin chen rdo rjes mdzad pa rdzogs so// //rgya gar skad du/ sarba b+hu ta ba liM bi d+hi nA ma/ bod skad du/ 'byung po thams cad kyi gtor ma'i chog zhes bya ba/ dpal kye'i rdo rje la phyag 'tshal lo/ /e baM rnam par nges bzhugs pa'i/ /rdo rje sems dpa' phyag bya ste/ /rnam 'tshe log 'dren la sogs dang/ /sems can bsrung phyir gtor ma brtsam/ /rnal 'byor pa yi bsgom bya ba/ /chos kyi 'byung gnas nang du ni/ /pad+ma 'dab brgyad gsum brtsegs la/ /dkar nag dmar po'i oM hUM A:/ rig par lha chen brgyad dang ni/ /phyogs bsrung brgyad dang klu chen brgyad/ /pad+ma'i 'dab ltar bskyed bya ste/ /mdun du dbang phyug chen po bskyed/ /g.yas su lha yi dbang po bsam/ /rgyab tu tshangs pa bskyed bya ste/ /g.yon gyi phyogs su khyab 'jug go /me ru 'dod pa'i dbang phyug bskyed/ /srin por tshogs kyi bdag po ste/ /b+h+ri giM ri ti rlung mtshams su/ /dbang ldan mtshams su gri ti ka/ mdun gyi 'dab mar brgya byin bsam/ /g.yas su mthar byed dgod par bya'o/ /chu lha rgyab kyi 'dab ma la'o/ /de ltar g.yon du nor sbyin dgong/ /me yi mtshams su ni me lha che/ /bden bral du ni srin po'o/ /rlung gi mtshams su rlung lha'o/ /dbang ldan mtshams su 'byung po'i bdag /stobs

  132. 66b

    kyi rgyu dang dung sbyong dang/ /mdza' yas nor rgyas de bzhin te/ /'jog po dang ni rigs ldan dang/ /pad chen shin tu pad chen po/ /thams cad zhal gcig phyag gnyis te/ /rdo rje dril bu phyag na 'chang/ /rang 'od rig mas yang dag 'khyud/ /gdan la g.yas brkyang ba yis bzhugs/ /rang rang thugs ka'i sa bon las/ /'od zer lcags kyu ltar 'phros pas/ /lha chen brgyad la gzugs khams dang/ /gzugs med gnas pa'i lha bsdu'o/ /'dod pa'i khams kyi lha dang mi/ /phyogs bsrung brgyad la rab tu bsdu/ /ngan 'gro gsum dang lha ma yin/ /klu chen brgyad la bsdu bar bya/ /rang bzhin gnas la bzhugs pa yi/ /dkyil 'khor pa rnams spyan drang phyir/ /gau rI yis ni dgug byas la/ /tsau rI yis ni zhags pas bcings/ /bet+tA li yis lcags sgrog bsdam/ /dril bus mnyes byed g+hasma rI/ /rnal 'byor pa yi thugs ka nas/ /'od zer lcags kyu lta 'phros nas/ /phyogs bcu rgyal ba sras bcas kun/ /de la phyi nang gsang mchod du/ /de rnams kyis ni dbang bskur mthar/ /rang rang bdag pos dbu la brgyan/ /lha chen brgyad la rtag pa yis/ /rdo rje yis ni phyogs skyong brgyad/ /gar dbang gis ni klu chen brgyad/ /de la tshogs gtor ma sgrub/ /rlung dang me yi dkyil 'khor las/ /A(rgyud 'grel): las byung ba'i pad snod bsam/ /der ni bruM AM dzrIM khaM hUM / go ku da ha na las/ /sangs rgyas lnga dang sems can lnga/ /zla ba nyi ma'i bar du bsam/ /'bar ba dang ni spros pa yis/ /'chi med rab tu bsgrub par bya/ /cha yi rang bzhin 'di bsgoms nas/ /oM A(rgyud 'grel): hUM gis byin gyis brlabs la dbul/ /de nas gtor ma gtang ba'i sngags/ /oM inda dza ma dza la/ dzak+kha b+hU ta bah+ni ba u rak+kha tsanda sUdzdza mA ma bap+pe te pa pA tA le A g+ha swAhA/ de ni gtor ma'i mgron no/ /i daM ba liM/ puny+dza ? b+ha phul+la d+hU pa mAM sa bi g+haM/ /de ni gsol bar zhu ba'o/ /amha sarba kAdzdza sA d+ha khin+ta

  133. 67a

    khunNi/ phe Ta ga da de ni don zhu ba'o/ /oM a kA ro mu khaM sarba d+harmA NaM A dya nutpan+na twA ta oM A(rgyud 'grel): hUM phaT swAhA/ de ni byin gyis brlabs pa'i sngags so/ /de nas dgyes par byas nas gshegs su gsol/ /yi ge brgya pa brjod par bya ste/ gtor ma 'di sbyin zhing rab tu mchod par byed na/ rnal 'byor pa las 'byung po thams cad kyis legs par byed par 'gyur ro/ /de tshe de la bde ba rnyog pa med pa nyid dang/ lha mnyes pa dang/ 'khor dge bar 'gyur ro/ /gal te 'byung po'i tshogs de la gtor ma byin na/ dbang dang mngon spyod dang dgra'i sde gzhig pa dang/ bskrad pa dang dgug pa dang zhi ba dang bde ba dang rgyas par byed par 'gyur ro/ /'byung po thams cad kyi gtor ma'i cho ga slob dpon nag po zhabs kyis mdzad pa rdzogs so// //lo tsA ba shAkya'i dge slong nyi ma rgyal mtshan dpal bzang pos/ dpal thar pa gling gi gtsug lag khang chen por legs par bsgyur cing gtan la phab pa'o// // (kye'i rdo rje'i sgrub thabs bzhugs//) //rgya gar skad du/ he badzra sA d+ha no pi ka /bod skad du/ kye rdo rje'i sgrub pa'i thabs/ /dpal he ru ka la phyag 'tshal lo/ /ye shes gnyis med rgyu dang bral/ de bzhin tshogs bral gang mi gnas/ / dpal ldan khrag 'thung phyag 'tshal te/ /de bsten cho ga bstan par bya/ /gsang ba'i don ldan sgrub pa po/ /yang dag don ldan dam tshig dang/ /phyi nang gsang ba'i sdom pa shes/ /slob dpon gsang dang shes rab dang/ /de bzhin bzhi pa'i dbang ldan pas/ /sgom pa'i mchog ni bsgrub par 'gyur/ //shing gcig drung ngam dur khrod du/ /bsgom pa dag ni dge bar gsungs/ /yang na dben zhing dgon pa dang/ /ma mo'i gnas la sogs de bzhin/ /yang na bde zhing

  134. 67b

    nyams dga' bar/ /rang gi 'dod pa bsgrub par bya/ /der ni bde zhing rgya che pa'i/ /stan la rnam par 'dug nas ni/ /me tog la sogs bye brag dang/ /bdud rtsi yi ni gsang gtor bya/ /rdo rjes mkha' snying dbus gnas par/ /nyi ma'i dkyil 'khor bsam par bya/ /de la hUM yig 'bar ba yis/ /mtshon cha mchog ni spro bar bya/ /mkha' dbyings til gang bzhin rgyas pa'i/ /rang gi dkyil 'khor mchog bkug ste/ /rang snying sa bon mchog skyes pa'i/ /lha mo rnams kyis mchod par bya/ /gau rI zla ba'i mtshan ma dang/ /tsau rI nyi ma'i snod 'dzin te/ /bait+tA lI yi lag na chu'o/ /g+hasma rI ni sman 'dzin te/ /puk+ka sI ni rdo rje'o/ /sa pa rI ni de bzhin bcud/ /tsaN+Da lI ni rde chung 'khrol/ /Dom+bi chags chen rjes chags pas/ /snying gar yongs su 'khyud pa ste/ 'di rnams kyis ni gtso bo mchod/ /de rjes bsod nams yan lag go /gsum gyi skyabs 'gro sogs bya ste/ /'di ltar phyag 'tshal skyabs 'gro dang/ /sdig bshags bsod nams rjes yi rang/ /byang chub mchog tu sems bskyed dang// dam bca' bdag lus 'bul bar bya/ /de nas dang por byams pa ste/ /de rjes snying rje rnam par bsgom/ /gsum par dga' ba bsgom par bya/ /kun gyi tha mar btang snyoms so/ /de nas ye shes blta ba'i phyir/ /phyi dang nang gi dngos 'di kun/ rnam dag stong par rnam dpyad de/ /sprin med nam mkha' ltar bsams nas/ /gsang sngags 'di ni brjod par bya/ /oM shU n+ya tA dz+nyA na badzra swa b+hA ba At+ma ko haM/ sems brtan byed pa'i gsang sngags 'dis/ /stong pa nyid las sems kyi dngos/ /a haM o dang ldan pa ni/ /oM dbus haM gis 'brel ba las/ /ra la nyi ma bdun bsams te/ /de la hUM las byung ba yi/ /sna tshogs rdo rje bsgom par bya/ /rdo rje des kyang ra ba dang/ /dra ba 'ching ba'ang bsgom par bya/ /de dbus mkha' dbyings bdag nyid kyis/ /shes

  135. 68a

    rab e gzugs bsgom par bya/ /de steng sa dang chu dang ni/ /me dang rlung gi dkyil 'khor rnams/ /ljang gu dkar po dmar po dang/ /du ba'i mdog tu bsam par bya/ /gru bzhi zlum po gru gsum dang/ /zla kham dbyibs su rnam par bsam/ /de steng oM ldan a haM ni/ /bdag nyid ngo bo gnas bsams te/ /e gzugs nas ni a haM bar/ /thams cad 'dres 'gyur 'khor lor 'gyur/ /gru bzhi pa la bsgo bzhi pa/ /ka ba brgyad kyis nye bar brgyan/ /dra ba dra phyed yang dag ldan/ /rdo rje thig gis yongs brgyan pa'o/ /de stengs chos dbyings bdag nyid kyi/ /ro ni mkhas pas rab bsgoms te/ /de la A li kA li las/ /'byung ba nyi ma zla ba bsam/ /de dag rab tu sa bon ni/ /a dang hUM las gyur pa yi// rdo rje gri gug bsgom par bya/ /de la rang sems bdag nyid kyi/ /a hi yongs su zhugs pa ni/ /dam pa'i dga' ba'i rang bzhin gyi/ /sems dpar 'di de brjod pa'o/ /de rnams gcig tu 'dres pa las/ /ye shes lnga yi bdag nyid kyi/ /he ru ka ni rnam par bsgom/ /zla la me long ye shes te/ /de bzhin nyi ma mnyam pa nyid/ /sa bon las byung mtshan ma ni/ /so sor rtog par gsungs pa'o/ /dbyer med 'dres pa nan tan te/ /sngar? gyur chos dbyings ye shes yin/ /sku mdog sngo rar shar ba'i 'od/ /bin du dmar po 'dra ba'i spyan/ /dbu skra kham pa gyen du 'khyil/ /phyag rgya lnga yis rnam par brgyan/ /'khor lo snyan cha phyag gdub dang/ /mgur chu dang ni ske rags rnams/ /sangs rgyas lngar ni ngag pa yis/ /'di rnams phyag rgyar rab tu bsgrags/ /lo grangs bcu drug lta bu la/ /rab tu khros pa'i lta stangs can/ /g.yon na rdo rje thod pa dang/ /gnyis pa yum gyi bdag nyid kyi/ /kha TwAM ga yang 'khyud pa'o/ /g.yas na rdo rje nag po ste/ /hUM gi sgra 'byin bdag nyid can

  136. 68b

    zhe sdang bdag nyid bsgom par bya/ /gal te phyag rgya byed 'dod na/ /g.yon gyi dang po ka pA la/ /lha dang lha min khrag gis bkang/ /g.yas kyi dang po rdo rje ste/ /lhag pa'i phyag gnyis ji lta bar/ /rang dang 'dra ba'i phag mo 'khyud/ /gzhan yang sngon nyid ji lta ba'o/ /gzhan yang zhal gsum phyag drug ste/ /g.yas pa'i zhal ni skya reng 'dra/ /g.yon pa dmar po gcer bu ste/ /g.yon gyi dang po tri shUl la/ /g.yas kyi dang po rdo rje'o/ /g.yon pa gnyis pa dril bu dang/ /g.yas pa gnyis pa ga ta ri/ /lhag mas rdo rje lu gu rgyud/ /gri dang thod pa bsnams mas 'khyud/ /gzhan ni sngo bzhin yum de bzhin/ /gzhan yang bsgom par bya ba ni/ /zhal brgyad pa la zhabs bzhi pa/ /bcu drug phyag gis rnam par brgyan/ /bdud bzhi zhabs kyis rnam par mnan/ /'jigs pa dag kyang 'jigs par byed/ /mgo bo'i phreng bas rnam brgyan cing/ /nyi ma la bzhugs gar gyis stabs/ /sna tshogs rdo rje spyi bor 'chang/ /kha dog nag po 'jigs par byed/ /rang zhal nas ni hUM 'phro zhing/ /sku la thal bas rnam par byugs/ /bdag med ma dang mnyam ldan pa'i/ dga' ba'i sbyor ba snyoms par 'jug /rnam par mi rtog bde ba yi/ /mi rtog rang bzhin bde bar gnas/ /dang po'i zhal ni nag po che/ /g.yas pa me tog kun da 'dra/ /dpa' bo g.yon pa dmar ba che/ /steng gi zhal ni rnam par gtsigs/ /nyi shu rtsa bzhi'i spyan dang ldan/ /lhag ma'i zhal ni bud pa 'dra/ /g.yas kyi 'bar ba'i phyag brgyad na/ /pad+ma banda brgyad nang du/ /glang po rta dang bong bu dang/ ba lang rnga mo mi dag dang/ /byi la dang ni seng ge rnams/ /rim pa bzhin du shes par bya/ /sa dang chu dang rlung dang me/ /zla ba nyi ma de bzhin mang/ /gshin rje dang ni gnod sbyin rnams/ /g.yon gyi band+ha brgyad du 'o/ /sgeg dang dpa' dang mi sdug dang/ /

  137. 69a

    rgod dang khro dang 'jigs par byed/ /snying rje ngo mtshar zhi la sogs/ /'bar ba'i gar dgu nyams dang ldan/ /zhabs kyis sa la brdabs mdzad cing/ /lha min lha la bsdigs mdzad pa'i/ /rang gi snying gar ra yig las/ byung ba'i nyi ma'i dkyil 'khor bsgom/ /de nas thabs dang shes rab kyis/ /ngo bo nyid kyi hUM yig go /rdo rje yi ge hUM las byung ba/ kha dog nag po drag po che/ /rdo rje lte ba'i dbus gnas par/ /de nyid hUM du bsgom par bya/ /gzhan yang hUM yig yongs gyur pa'i/ /zhe sdang bdag nyid rnam par bsgom/ /rdo rje las byung nag po che/ /'dam skyes sngon po rab 'dra ba'i/ /yang na sngo rangs shar ba 'dra/ /dad pas nges par bsgom par bya/ /de nas gzhal yas yid 'ong ba'i/ /ma mo'i 'khor lo bsgom bya ste/ /yab yum gnyis su med pa yi/ /yid 'ong sbyor pa'i dgyes pa las/ /byung ba'i gau rI dbang po'i phyogs/ /shar gyi sgor ni rnam par gnas/ /gnyis su med pa'i sbyor ba las/ /byung ba'i tsau rI yang spros te/ /lho phyogs sgo skyong tsau rI gnas/ /'jam po 'jug pa sbyor ba las/ /bet+tA li yang dbyung bar bya/ /spros nas bdud 'joms nub sgor ro/ /snyoms 'jug sbyor ba chen po las/ /g+hasma rI yang dbyung bar bya/ /spros nas byang gi sgo ru ni/ /khro bo gzugs su rnam par gnas/ /gnyis sprad pa yi sbyor ba yis/ /puk+ka sI yang dbyung bar bya/ /spros nas dbang ldan grwa ru ni/ /'khrug pa'i gzugs su rnam par gnas/ /gzhan yang gnyis med sbyor ba las/ /sha ba rI ni me yi grwa/ tsaN+Da lI ni srin po'i phyogs/ /Dom+bi rlung gi grwa ru'o/ /gau rI g.yas na gri gug ste/ /g.yon pa na ni de bzhin nya/ /tsau rI g.yas na rde chung ste/ /g.yon pa'i phyag na phag pa'o/ /bet+tA lI g.yas ru sbal te/ /g.yon na pad+ma ban d+ha'o/ /g+hasma rI ni g.yas na sprul/ /g.yon pa na ni rnal 'byor snod/

  138. 69b

    puk+ka sI g.yas seng ge ste/ /g.yon na de bzhin dgra sta'o/ /sa ba rI g.yas dge slong ste/ /g.yon na de bzhin bseg shang ngo/ /tsaN+Da lI g.yas 'khor lo ste/ /g.yon pa na ni de bzhin gshol/ /Dom+bi g.yas na rdo rje ste/ /g.yon na de bzhin sdigs mdzub bo/ /gau rI la sogs phyag gnyis gsungs/ /skyil krung phyed ma gar gyi stabs/ /spyan gsum skra ni gyen du brdzes/ /phyag rgya lnga yis rnam par brgyan/ /gau rI sku mdog nag por 'gyur/ /tsau rI btsod dang 'dra ba ste/ /bait+tA lI ni gser btso ma/ g+hasma markata lta bu ste/ /puk+ka in+d+ra ni lA 'dra/ /zla 'od lta bu sa ba rI/ /tsaN+Da lI ni nam mkha' i mdog /Dom+bi sna tshogs dag du bshad// //tshangs dang dbang po nye dbang po/ /drag po gshin rje gnod sbyin dang/ /bden bral na ni thags bzangs ris/ /gau rI la sogs lha mo yi/ /rim bzhin gdan du shes par bya/ /de rnams sa bon 'di yin no/ /gaM tsaM baM g+haM paM saM laM DaM/ /bdag pos sa bon 'di dag las/ /de rnams gdon pa nyid du bya/ /de nas rang gi rig ma dang/ /rdo rje 'dzin ma 'dod chags ches/ /'od du zhu bar gyur pa las/ /mtshams kyi lha mo bshes gnyen mos/ /sna tshogs glu yis mchod de bskul/ /kye yi rdo rje thugs rjes gzigs te puk+ka bdag la skyobs/ /bde ba chen po dang sbyar ba bdag 'dod stong pa'i rang bzhin bsal te bzhengs su gsol/ /stong pa'i rang bzhin gsal nas sa yi dngos grub dgos don du/ /gal te gson par mchis bzhed kye yi rdo rje bzhengs su gsol/ /tsaN+Da bdag gis khyod med phyogs ma mthong nas gsol 'debs na/ /lha la sogs pa'i 'jig rten bsgrub par dam bcas ci slad bzhugs/ /bdag ni Dom+bi'i mtshan ma med pa khyod kyi sems ni shes pa ste/ /thugs rje med pa de mi rung bas sgyu 'phrul lta bur bzhengs su gsol/ /de dag gsan nas sngon bzhin du/ /A(rgyud 'grel): hUM

  139. 70a

    dag las rdo rje 'dzin/ /chen po 'od du zhu las bzhengs/ /de nas zhe sdang bdag nyid kyi/ /rang snying sa bon las byung ba'i/ /'bar ba nag po lcags kyu yi/ /khams gsum gnas pa'i sangs rgyas rnams/ /spyan drangs ma mo brgyad rnams kyis/ /sngon bzhin mchod de gsol ba gdab/ /bdag nyid chen po bcom ldan 'das/ /bcom ldan rnams kyis dbang bskur ba/ /de bzhin gshegs pa thams cad kyis/ /bdag la dbang bskur rab tu stsol/ /oM a b+hi Shiny+tsa tu ma sarba badzra ta thA ga ta a tiSh+Tha na/ de skad gsol ba btab pa yis/ /bde gshegs de dag thams cad kun/ /he ru ka yi skur 'gyur te/ /bde gshegs lnga yis bdag nyid kyi/ /bdud rtsi bum pas dbang bskur te/ /de tshe me tog gur gum char/ /'bab dang rnga yi sgra grag cing/ /gzugs kyi rdo rje ma sogs dang/ /spyan sogs rdo rje dbyangs rnams kyis/ /dbang bskur rab tu byas pa yis/ /thugs kyi dbang phyug sogs sangs rgyas/ /dbu rgyan du ni gyur par bya/ / mi bskyod rtag dang rin chen dbang/ /mdza' yas de bzhin gshegs rnams kyis/ /puk+ka sI sogs mtshams gnas pa/ /rim pa bzhin du rgya yis gdab/ /zhe sdang gti mug ser sna dang/ /'dod chags rdo rje ma yis ni/ /sgo gnas ke ri la sogs pa/ /rim bzhin du ni gdab par bya/ /rgya yis gdab cing mtshan pas na/ /des 'dir rgyas zhes bya ba yin/ /rang snying sa bon 'od zer gyis/ /sangs rgyas rnams ni gzhugs byas te/ /bdud rtsi myang ba'i sbyor ba yis/ de dag tshim pa nyid du bya/ /rlung dang me yi dkyil 'khor ni/ /zla gam gru gsum kha dog gnyis/ /yi ge yaM dang raM gyis mtshan/ /ba dan dang ni rdo rjes mdzes/ /de steng band+ha a las byung/ /der ni ye shes bdud rtsis bkang/ /yi ge hUM las rab bskyed pa'i/ /rdo rje

  140. 70b

    las byung oM gyis mtshan/ /de nyid gsum gyis byin brlabs pa'i/ /bdud rtsi lha yi sbyor bas bzang/ /mchod dang bstod pa nyid du bya/ /dag pa'i rang bzhin shes par bya/ /gzugs dang tshor ba 'du shes dang/ /'du byed rnam shes phung por ni/ / rdo rje ma dang gau rI dang/ /chu yi lha mo mkha' 'gro ma/ /bdag med rnal 'byor mar dag go /sa chu me rlung 'byung ba bzhi/ /puk+ka sI la sogs pa'i dngos/ /gzugs sgra dri ro reg bya chos/ /gau rI tsau rI bet+tA lI/ g+hasma sa spyod mkha' spyod do/ /mig dang rna ba sna dang lce/ /lus dang yid kyi dbang po ni/ /gti mug zhe sdang ser sna dang/ /'dod chags phrag dog rdo rje dang/ /bdag med rnal 'byor mar shes bya/ /'khor lo snyan cha mgur chu dang/ /phyag gdub ska rags phyag rgya lnga/ /mi bskyod mdza' yas rin chen dbang snang mdzad don grub bdag nyid do/ /phyag gnyis thabs dang shes rab ste/ /phyag bzhi bdud bzhi rnam par dag /phyag drug pha rol phyin drug go /bcu drug phyag tu gsungs pa ni/ /stong pa bcu drug bdag nyid do/ /zhal gcig stong pa nyid kyi sgo/ /zhal gsum rnam par thar pa gsum/ /zhal brgyad rnam par thar pa brgyad/ /zhabs bzhi 'am bdud bzhi dag pa nyid/ /spyan ni dag pa'i rdo rje gsum/ dbang po drug dang phung po lnga/ /skye mched drug dang 'byung ba rnams/ /ngo bo nyid kyis rnam dag pas/ /sna tshogs dag cing rnam par grol/ /gzugs yul la sogs gang gi yang/ /rnal 'byor pa yis mig yor tshul/ /thams cad rang bzhin gyis dag phyir/ /sangs rgyas sgyu 'phrul sna tshogs so/ /rnam par dag pa byas nas ni/ /rnal 'byor sdom pa'i bdag nyid dang/ /phyi nang bzlas pa brtsam par bya/ /de la 'di ni sdom pa ste/ /eM baM mA ya'i bdag nyid kyi/ /'khor lo bzhi ni lus la gnas/ /'di ltar sprul pa'i chos dang ni/ longs spyod bde chen 'khor lo rnams/ /lte ba

  141. 71a

    snying ga mgul pa dang/ /spyi bor rim bzhin shes par bya/ /'khor lo rnams kyi pad+ma ni/ /drug cu rtsa bzhi de bzhin brgyad/ bcu drug sum cu gnyis su shes/ /sa bon aM dang hUM dang ni/ /oM dang haM ste rim bzhin no/ A li kA li sprul pa la/ /yongs su bskor bar shes par bya/ /bde gshegs yab yum sa bon gyis/ /chos kyi 'khor lo de bzhin bskor/ /yi ge i e 'dren bcas pas/ /longs spyod 'khor lo bskor ba yin/ /sprul pa'i sku dang chos kyi sku/ / de bzhin longs spyod rdzogs pa dang/ /sku gsum yongs su shes pa rnams/ /'khor lo bzhi ru 'dod pa yin/ /'khor lo 'di rnams rang bzhin ni/ /lha mo bzhi dang phyag rgya bzhi/ /yi ge 'bru bzhir 'dod pa ste/ /sangs rgyas spyan dang mA ma kI/ dkar ma sgrol ma de bzhin du/ las dang chos dang dam tshig dang/ /phyag rgya chen por brjod pa'o/ /yi ge e dang baM dag dang/ /mA dang ya yang 'di yi dngos/ /de bzhin sku gsung thugs rnams dang/ /A li kA li 'ang 'di nyid yin/ / ye shes skad cig bzhir grags pa/ /sna tshogs dang ni rnam smin dang/ /rnam par 'joms dang mtshan nyid bral/ /'khyud dang myong dang spyod pa dang/ /ci yang ma yin pa yi sems/ /'khor lo bzhi la gnas pa yin/ /sdug bsngal kun 'byung 'gog pa lam/ /phung po nyon mongs bzhi 'byin pa/ /bden pa bzhi yang 'di nyid do/ /bdag dang sngags dang lha dang ni/ /ye shes rnams kyi da nyid rnams/ /rang rang yang dag gang yin pa 'am/ /'khor lo bzhi yi ngo bo'o/ /dga' dang dam pa'i dga' ba dang/ /bral dang rang bzhin dga' ba rnams/ /bde ba'i ye shes cha bzhi ste/ /drod thob pa dang 'phel ba dang/ /chags bral bde dang mi gnyis bde/ /de yang 'khor lo bzhi la gnas/ /gnas brtan thams cad yod

  142. 71b

    par smra/ /de bzhin mang pos bkur ba dang/ /dge 'dun phal chen sde zhes pa/ /sde pa bzhi yang de nyid yin/ /rnal 'byor gsang sngags sdom pa dang/ /ye shes sdom pa'ang bstan par bya/ /sme sha lte bar 'bar ba yis/ /de bzhin gshegs lnga bsregs pa dang/ /spyan la sogs pa bsregs pa dang/ /haM bsregs zla ba 'bab pa'o/ /de ni 'di ltar shes bya ste/ /rnal 'byor gsang sngags sdom pa yis/ /bsreg pa'i mtshan nyid shes par bya/ /bsreg pa me dang rlung yin te/ /ye shes me yi snang ba gang/ /las kyi rlung gis bskul ba yin/ /las kyang bcom ldan shes rab ma'i/ /rlung gi de nyid 'di yin te/ /lte ba'i dbus las 'phro zhing phra/ /chos dang longs spyod bde chen bzhi/ /brtan dang g.yo ba kun gyi bdag/ yi ge aM gi bdag nyid ni/ /las kyi rlung gi gzhi yin te/ /'di las kun tu 'byung ba yin/ /'di dag rgyu ba'i rim pa ni/ /nyi ma gcig la thun bzhi ste/ /de bzhin chu tshod sum cu gnyis/ /rim pa bcu drug de bzhin du/ /drug cu rtsa bzhi'i cha dang ldan/ /zla ba nyi ma zhes bya ba'i/ /A li kA li ngo bo ni/ /sna bug g.yas dang g.yon du rgyu/ /de yang sa dang chu dang ni/ /me dang rlung gi bdag nyid can/ /'byung ba bzhi yi ngo bor 'dod/ /'di rnams dus su rgyu ba ste/ /nam mkha' i rang bzhin dus ma yin/ /lci zhing mkhreng ba sa yi khams/ /thur du rgyu ba dang por 'dod/ /grang zhing rtsub pa chu yi khams/ /mdun du rgyu ba gnyis pa yin/ /dro zhing 'jam pa me yi khams/ /'di ni phyir la nye bar rgyu/ /yang zhing stobs can rlung gi khams/ /gyen du rgyu bar shes par bya/ /de bzhin chu tshod rim pa dang/ /thun zhes bya bar grags pa yang/ /'dir ni 'di nyid gzung bya ste/ /g.yas su ji bzhin g.yon de bzhin/ /de nas kyang ni g.yas yin te/ /bar chad yod

  143. 72a

    pa ma yin no/ /dus min rgyu ba gang zhe na/ gang zhig 'chi ba'i dus nyid dang/ /byang chub sems rgyun 'bab pa dang/ /nad chen 'byung ba'i snga ltas la/ /de dag dus gcig 'byung ba ste/ /'di ni nam mkha' i khams su brjod/ /rlung dang ye shes rnam shes dang/ /dug rnams lhan cig rgyu ba ste/ /nams kyang 'bral ba ma yin no/ /reg pa'i rlung zhes bya ba ni/ /lus las nam yang mi 'da' ste/ /gal te 'das na 'chi bar 'gyur/ /rlung gi de nyid shes pa yis me yi de nyid bskul bar bya/ /dbugs dang drod kyi khams dag kyang/ /tha dad 'jug pa ma yin no/ /de la me yi de nyid ni/ /dbang po gtsubs pa'i sbyor ba las/ /ye shes me ni 'byung 'gyur te/ /ji ltar phyi rol me bzhin no/ /de yang dbang po'i lam nas ni/ /lte ba'i rtsa ru rab tu 'bar/ /'od chen du ba bcas pa yis/ /tsaN+Da lI ni 'bar bar 'gyur/ /ye shes me yi snang ba de/ /shin tu 'bar bar gyur pa dang/ /chos kyi 'khor lo la gnas pa'i/ /bde gshegs snga? dang de bzhin du/ /lha mor bcas pa tshig par gyur/ /longs spyod 'khor lo byung nas ni/ /g.yas nas bskor ba lan gsum byas/ /smin ni phrag mdzod spur byung nas kyang/ /de nas rna ba g.yas su byung/ /phyogs bcu'i sangs rgyas bskul byas nas spyi bo'i gtsug tu zhugs par gyur/ /chos kyi 'khor lo la babs te/ /shin tu tshig par gyur pa 'di/ /sngags kyi sdom par 'dod pa yin/ /ye shes sdom pa'i bye brag ni/ /snying gar sangs rgyas bka' bgros nas/ /rnam dag bdud rtsi bsdus byas te/ /sngon gyi lam nas byung nas kyang/ /phyogs bcu bdud rtsi bsdu byas te/ /sngon bzhin haM la zhugs gyur pas/ /sems kyi zla ba zhu nas ni/ /so yi spu gu nas byung nas/ /longs spyod 'khor lor babs par gyur/ /der ni cung zad

  144. 72b

    ? so nas/ /sngon bzhin phyir yang bskor nas ni/ /chos kyi 'khor lor babs par gyur/ /bde bar gshegs rnams gang bar byas/ /sngon bzhin phyir yang bskor nas ni/ /sprul ba'i 'khor lor babs par gyur/ /de bzhin kun tu 'gro bar byed/ skra yi rtse mo 'bum gyi cha/ /ye shes snang ba'i bye brag dag /mig gis mthong ba ma yin no/ /'di ni sdom par brjod pa'o/ /nang gi bzlas pa bstan pa ni/ /'og tu rlung gi dkyil 'khor te/ /gru gsum gnas ni de bzhin me/ /lto ba chu yi dkyil 'khor te/ /de steng dbang chen ri rab bcas/ /rlung gi dkyil 'khor steng du ni/ /rtag pa'i 'khor lo bsgom bya ste/ /de la mi gnyis bdag nyid kyi/ /yi ge a yi sdom pa bzung/ /byang chub sems kyi rang bzhin 'di/ /lus dang ngag yid gang yang min/ /'dod chags zhe sdang gti mug min/ /kha dog dbyibs sogs ma yin zhing/ /khro zhi la sogs rnam par spangs/ /mtshan ma kun dang bral ba yi/ /dbu ma chen po sgom par bya/ /gzhan ni sdom pa ji lta ba'o/ /'di ni ci yang ma yin phyir/ / ma ning bzlas pa zhes 'dod de/ /bzlas pa'i mchog tu gyur ba yin/ /gal te skyo bar gyur na ni/ /phyi rol bzlas pa brtsam par bya/ /rang snying sa bon 'od zer gyi/ /ye shes sems dpa' i gnas nyid dang/ /sku gsung thugs kyi gnas rnams nas/ / ji ltar 'dod pa spro bar bya/ /oM de ba pi tsu badzra hUM hUM hUM phaT swAhA/ he badzra'i snying po'o/ /oM twai lokyA k+She pa huM huM huM phaT swAhA/ phyag gnyis pa'o/ /oM dzwa la dzwa la b+hyo huM huM huM phaT swAhA/ phyag bzhi pa'i 'o/ /oM ki Ti ki Ti badzra hUM hUM hUM phaT swAhA/ phyag drug ba'i'o/ /oM ASh+TA na nA ye/ ping+gord+ha ke sha barta ma ne/ tsa turbaM sha ti ne tA ya Sho Da sha b+hu dzA ya kriSh+Na dzwa mU ta wa pu She ka pA lA mA la a ne kaM d+ha ri Ne A d+hU ta krU ra tsit+tA ya/ ard+he ndu daMSh+Tri Ne mE ra ya mA ra ya/ kA ra ya kA ra ya/ gardza ya gardza ya/ tardza ya tardza ya/

  145. 73a

    sho Sha ya sho Sha ya/ sapta sA ga rA na/ band+ha band+ha/ nA gASh+Ta kAn/ grih+Na grih+Na/ sha trUM ha hA hi hI hu hU he hai ho hau haM ha(rgyud 'grel): phaT swAhA/ phyag bcu drug pa'i 'o/ /bzlas pas skyo bar gyur pa na/ /rdo rje dril bu gsil byas te/ /mchod dang bstod dang smon lam dag /legs par btab ste phyag rgya dgrol/ /dbyings su bsdu dang gshegs gsol pa/ /ji lta ji bzhin bya ba yin/ /de nas rnal 'byor chen po yis/ /spyod lam kun tu lha nyid kyi/ /ting nge 'dzin las nyams mi bya/ /'di ltar nyal ba'i tshe na yang/ /rdo rje 'dzin chen ting 'dzin gyi/ /chags chen rjes su chags byas te/ /ye shes me yis lus zhu nas/ /chos sku sems su gyur par nyal /gang tshe sdang ba'i tshe na yang/ /tshad med bzhi yis bskul ba yis/ /sngon gyi smon lam rjes dran nas/ /sgyu ma lta bu'i sbyor bayis/ /ting 'dzin rim par ldang bar bya/ /gang zhig za ba tshe na yang/ /sdom pa'i dngos po ji lta ba'i/ /lus ni lha yi dkyil 'khor te/ /zas te bdud rtsi byin brlab bya/ /zos pa dbyer med tshim par bya/ /yang na spyin sreg mchod pa bya/ /ra sa nA ni me yi khams/ /g.yas su 'bar zhing 'phro ba ste/ /A li'i ngo bor shes par bya/ /la la nA ni rlung gi khams/ /g.yon du gtsubs shing g.yo ba ste/ /kA li'i ngo bor shes par bya/ /de dbus lus kyi bdag nyid la/ /bza' sogs 'o ma'i sbyin sreg bya/ /gal te 'go 'chag byed pa ni/ /rigs lnga rnams la bslang ba dang/ /phyag rgya rgyal sogs rgyan rnams dang/ /rdo rje thod pa'i spyod pa dag /ji skad gsungs pa de bzhin bya/ /'dis ni byang chub rnyed mi dka' / /gal te gtor ma gtor 'dod na/ /he ru ka yi sbyor ba yis/ /'byung po la ni mngon dmigs te/ /zas rnams bdud rtsir byin brlabs nas/ /sngags 'di yis ni tshim par bya/ /oM inda dza ma/ dza la/ dza kA /b+hU ta/ ba u/ rak?/ tsnda/ sudzdza mA da/ bap+pa/ pa tA le/

  146. 73b

    abba hwA hA/ aM daM/ ba liM/ b+hUM dza/ dziM g+ha/ phul+la/ d+hA p+pa/ mA sa/ biM g+ha/ amha kadzdza/ sA d+ha/ khAn+ti khu Ni/ phe Ta/ gA da/ oM a kA ro mu khaM sarba d+harmA N+NaM A dya nutpa n+na twAt oM A(rgyud 'grel): hUM phaT swAhA/ gang zhig rtag tu 'du byed pa/ /las rnams thams cad 'grub pa dang 'byung po'i tshogs rnams dga' pa nas ni/ /de la dngos grub myur bar 'gyur/ /las rnams dag gi mjug tu yang/ /mchod dang bstod cing smon lam gdab/ /de la smon lam 'di yin te/ /rigs ldan skye zhing blo gros rjes su ldan/ /dam tshig ldan zhing kye yi rdo rje ston/ /snying rje ldan zhing bla ma rnams la gus/ /skye ba kun tu 'di ltar skye gyur cig /rdo rje dril bu lag gis 'khrol byed cing/ /zab mo'i dam chos rab tu klog pa dang/ /dam tshig btsun mo'i khu ba za byed par/ /skye ba kun tu 'di ltar skye gyur cig /de nas sprul pa rang la bsdu/ /ye shes dkyil 'khor slar gshegs gsol/ /spyod lam la sogs sngon bzhin du'o/ /slob dpon chen po 'jam dpal ye shes zhabs kyis mdzad pa/ /he badzra sgrub thabs he ru ka mnyes par bya ba'i tshe ga rdzogs so// //rgya gar gyi mkhan po many+dzu sh+ri dz+nyA na dang/ rong zo ma d+harmA b+ha dras bsgyur cing zhus te gtan la phab pa'o// //!/ /rgya gar skad du/ sh+rI he badzra nA ma sA d+ha no pi ka /bod skad du/ dpal kye'i rdo rje'i sgrub pa'i thabs kyi man ngag /'jam dpal gzhal nur gyur pa la phyag 'tshal lo/ /shes rab thabs dag bdag nyi can/ /kye rdor bag med la la'ang/ /bla mar bcas la phyag 'tshal nas/ /rim pa gsum pa'i sgrub thabs brtsam/ /mi nyid rnyed dka' bde bas kyang/ /bla ma dga' ston nyer par dka' / /bdag gzhan don 'byung sngags kyi tshul/ /'gro phan lam la rtan par gyis/ /yon tan ldan zhing brtson par ldan/ /bla ma gus shing dang ldan pa/ rgyal ba'i chos la the tshom med/ /dbang dang dbye ba

  147. 74a

    nges tshig las/ /snod yin phyir na drin sbyin bya/ /chu sogs bum pa'i dbang bskur dang/ /rim bzhin gsang ba'i dbang bskur dang/ /shes rab ye shes dbang bskur la/ /de srid bla ma'i man ngag mdza' / /yid du 'ong ba'i sa phyogs su/ /ri dang nags tshal dang ni phug /chu 'gram bzhi mdo mtsho dang ni/ /shing gcig dben pa dur khrod rnams/ /bsam gtan khang pa byas nas ni/ /bdud rtsi sogs kyis byug par bya/ /bris sku sogs mchod dgram byas la/ /nang par sngar langs sems bdag nyid/ /phyi rol khrus sogs kun byas la/ /bde ba'i stan la nyer 'dug ste/ /sbyong byed dag pa la sogs kyis/ /'dod pa'i lha ni bsgrub par bya/ /bla ma rdo rje can bsams nas/ /sems kyi rin chen las byung ba'i/ /mchod pa'i sprin ni spros byas la/ /de nas rim bzhin dbul bar bya/ /de nas lha mo brgyad kyis mchod/ /gau rI byang chub sems kyis mchod/ /tsau rI rang byung me tog gis/ /mi bskyod 'dzin pa bendA lI/ /snang mdzad kyis mchod g+hasma rI/ /puk+ka sI yis lcags kyus mchod/ /sA ba rI ni ro 'dzin te/ /tsaN+Da lI ni dzo chung 'dzin/ /Dom+bis gnyis med sbyor ba byed/ /sangs rgyas chos dang tshogs mchog la/ /byang chub bar du skyabs su mchi/ /kyai rdor shes rab bdag nyid can/ /slob dpon la ni skyabs su mchi/ /sdig pa bdag gis gang byas pa/ /bdag gzhan don du ma lus par/ /so sor bshags shing slar yang ni/ /mi bgyid pa yi sdom pa snod/ /bde gshegs kun gyi bsod nams dang/ /byang chub sems dpa' rnams dang ni/ /'gro ba kun gyi bsod nams la/ /yang dag nyid du yi rang ngo/ /phyogs bcur bzhugs pa'i sangs rgyas la/ /bdag gis de la bskul ba ni/ /sems can sdug bsngal mun 'thoms la/ /chos kyi 'khor lo

  148. 74b

    bskor bar bskul/ /sems can sangs rgyas thob bar du/ /rgyal ba de nyid bzhugs nas ni/ /nam yang mya ngan mi 'da' bar/ /thal mo sbyar nas gsol bar 'tshal/ /stong nyid snying rje dbyer med la/ /byang chub lam ni ston pa po/ /bsod nams kun gyi 'byung gnas che/ /byang chub rnams kyang de bzhin bskyed/ /lus ngag yid kyi bsod nams ni/ /bgyis sam bgyid du stsal ba dang/ /rjes su yi rang ci yang rung/ /des na 'jig rten kun mkhyen shog /snying rje rlan gyi brlan sems kyis/ /tshangs pa yi ni gnas bzhi ni/ /dang po byams pa bsgom par bya/ /gnyis pa snying rje ram par bsgom/ /gsum par dga' ba bsgom par bya/ /kun gyi mdza' nas btang snyoms so/ /dngos rnams bdag la bsdu bar bya/ /bdag kyang ye shes sems dpa' o/ /ye she sems dpa' nA da'i bar/ /de nyid smig rgyu sgyu mar mtshungs/ /oM shU n+ya ta dz+nyA na badzra swa b+hA ba At+ma ko haM/ oM A ni mi ta dz+nyA na badzra swa b+hA ba at+ma kohaM/ oM A pra Ni hi ta dz+nyA na badzra swa b+hA ba At+ma ko haM/ de nas skye ba med pa'i rang bzhin las/ /skye ba nyid du mas par bya'o/ /raM las nyi ma'i dkyil 'khor de'i steng du hUM las sna tshogs rdo rje sa bon dang ldan pa de las 'od zer 'phros pas phyogs bcu'i bdud rnams btul nas/ /dra ba dang ra ba dang/ sa gzhir gyur par sam par bya'o/ /de'i dbus su chos kyi 'byung gnas gru gsum pa dkar po bsams la/ de'i steng du paM las sna tshogs pad+ma/ /kha las sna tshogs rdo rje/ de'i steng du lam las sa'i dkyil 'khor gru bzhi pa ljang khu/ der baM las chu'i dkyil 'khor zlum po dkar bo/ de las raM las me'i dkyil 'khor gru gsum dmar po/ /der yaM las rlung gi dkyil 'khor gzhu'i dbyibs 'dra ba nag po/ /de la thig le dang ldan par bsams nas/ de rnams gcig tu gyur pas/ gzhal yas khang gru bzhi sgo bzhi pa/ rta babs

  149. 75a

    bzhi dang ka ba brgyad dang/ dra ba dang dra ba byed pa dang/ rin po che dang 'dod pa'i yon tan la sogs pas sprad pa/ de'i dbus su pad+ma 'dab ma brgyad pa/ nyi ma'i dkyil 'khor der srog song ba dang bcas pas sems las grub par bsam par bya'o/ /de'i lte bar A li las zla ba'i dkyil 'khor me long lta bu'i ye shes/ der kA li las mnyam pa nyid ye shes/ de'i dbus su hUM dang aM las rdo rje dang gri gug sa bon gyis mtshan pa so sor kun tu rtogs pa'i ye shes/ thams cad gcig tu gyur pa bya ba nan tan grub pa'i ye shes/ sku rdzogs pa chos kyi dbyings kyi ye shes te/ sku mdog sngon po zhal gcig pa phyag gnyis kyis rdo rje dang thod pa bsnams pas shes rab ma las 'khyud pa/ phyag rgya lnga dang ldan pa spyan gsum pa dbu la thod pa lngas brgyan cing/ sna tshogs rdo rjes mtshan pa dbu skra khams pa gyen du brdzes pa/ thod ba rlon pa lnga bcu rtsa bzhis do shal byas pa/ gcer bu g.yas brkyang bas bzhugs par bsam par bya'o/ /bdag med ma ni gri gug dang thod pa bsams shing sku la 'khyud pa/ skyes pa'i thod pas do shal byas shing g.yon brkyang bas bzhugs par bsam par bya ste/ gzhan ni thab dang 'dra/ nang du yang de bzhin du bsam par bya'o/ /mig la gti mug rdo rje/ rna ba la zhe sdang rdo rje/ sna la ser sna rdo rje/ lce la 'dod chags rdo rje/ lus la phrag dog rdo rje/ yid la bdag med ma bsam par bya'o/ /de na rang gi snying ga'i sa bon las 'od zer nag po/ lcags kyu'i dbyibs can spros te/ rang bzhin gyi gnas nas ye shes sems dpa' spyan drangs la/ mchod yon la sogs pas mchod nas/ dam tshig gi 'khor lo la bcug te gnyis su med par bsam par bya'o/ /yang 'od zer des de bzhin gshegs pa thams cad he ru'i gzugs kyis spyan drangs nas/ de la mchod pa la sogs pa bya ste/

  150. 75b

    bdag la byang chub kyi sems kyis dbang bskur bas/ mi bskyod pas dbu rgyan par bsam par bya ste/ ji srid du mi skyo'i bar du rnal 'byor du bya'o/ /skyo na bzlas pa bya ste/ rig ma'i snying gar nyi ma'i dkyil 'khor de'i dbus su gri gug sa bon dang bcas par bsams la/ de la sngags kyi phreng ba kun da 'dra ba 'od zer dang ldan pa byung nas/ rang gi zhal du zhugs te/ gsang ba'i rdo rje byung nas/ lha mo'i pad+mar babs te/ lha mo'i zhal nas rang gi zhal du zhugs par bsam par bya'o/ /de bzhin du yang nas yang du bsam par bya'o/ /oM de ba pi tsu badzra hUM hUM hUM phaT swAhA/ yang na bla ma'i man ngag gis gsang ba'i rdo rje dang pad+mar bzlas pa phya'o/ /brtag pa bcu drug pa las/ /ma phugs pas ni sbyor bral 'gyur/ /phug pas dga' ba sbyin pa'o/ /de ltar 'khor bar 'dod pa yis/ /yon tan lnga ldan rin chen nyid ces gsungs so/ /de nas yang rdzogs pa'i rnal 'byor bshad par bya ste/ lte bar sprul pa'i 'khor lo 'dab ma bcu drug pa dkar po'i dbus su rang rig pa'i bdag nyid rin po che'i za ma tog gi nang na gna par bsam mo/ /snying ga'i chos kyi 'khor lo 'dab ma bcu drug pa thig le dang ldan pa/ mgrin par longs spyod kyi 'khor lo 'dab ma bcu drug pa dkar po/ byang chub kyi sems dang ldan pa'o// mgo bor bde ba chen po'i 'khor lo 'dab ma bcu drug pa dkar po de'i dbus su lhag pa'i byang chub kyi sems 'od dang ldan par bsam par byas nas/ sprul pa'i 'khor lo las 'od zer 'phros nas/ /chos kyi 'khor lo dang longs spyod kyi 'khor lo nas yar song ste/ bde ba chen po las lan gsum bskor ba byas nas/ mdzod spu nas byung ste sems can thams cad sbyangs nas bde bar gshegs pa'i thugs kar zhugs te ye shes kyi bdud rtsi drangs nas/ tshangs pa'i sgor zhugs te

  151. 76a

    gzung 'dzin dang bral nas/ za ma tog tu babs par bsam par bya ste/ de la rtse gcig tu bya'o/ /mi gsal na yang de bzhin du bya'o/ /yang na bdag med ma rang gi snying gar bsdu/ rang yang hUM la bsdu/ de yang thig le 'od dang ldan par bsam par bya ste/ gsang sngags dam pa thig le'i gzugs su ni/ /rang yid 'od dang ldan par yongs su bsgom/ /dngos kun bdag nyid rang gi sems ngo bo/ /ldang ba na yang bdag dang gzhan 'khor lo 'am/ tsaN+Da lIr mos par bya ste/ mchod pa la sogs pa yang mi bya'o/ /de yang phyag rgya bcing ba rnam par spang/ /mchod rten las ni mi bya zhing/ /rdo rje gsum mchog phyag mi 'tshal/ /dkyil 'khor sogs lus kyi las/ /rmi lam du yang mi bya'o/ /zhes gur las gsungs so/ /mchod rten brtsig par mi bya ste/ /de bzhin mchod sogs mi bya'o/ /gtsug lag dag ni rnyed sla ste/ /de yi dgos pa rnyed par dka' zhes gdan bzhi pa las gsungs so/ /de nas yang lhan cig skyes pa'i rnal 'byor bshad par bya'o/ /gang tshe ye shes rlung gis ni/ /rang rig dag ni bskyed nas su/ /sangs rgyas rnams ni bsregs pa yis/ /dga' ba la sogs rim bzhin skye/ /ci 'dra ba ni skye zhe na/ /gzhon nu'i dga' ba ji lta ba/ /lkugs pa'i dga' ba ji lta ba'o/ /gnyis med ye shes skye bar 'gyur/ /thog ma tha ma dbus med cing/ /'khor yin mya ngan 'das ma yin/ /bdag nyid gzhan nyid yod ma yin/ /'di ni mchog tu bde ba yin/ /bdag med ye shes nyid du 'gyur/ /bdag gzhan nges par rig pa spangs/ /mkha' mnyam skyen bral lhan cig skyes/ /thams cad lus la rang bzhin gnas/ /dga' ba dang po 'khor ba'i gzugs/ /de bzhin mchog dga' 'khor ba nyid/ /dga' bral dga' ba'ang 'khor bdag nyid/ /

  152. 76b

    gsum la lhan cig skyes pa med/ /dga' ba dang ni mchog dga' nyid/ /dga' bral dga' ba la sogs pa/ /gsum pa spangs par gyur na ni/ /bzhi pa gang las skye bar 'gyur/ /de bas gsum po thabs byas te/ /bzhi pa bsgom par bya ba yin/ /rtsa ba'i rgyu ni gsum du skyes?/ /de yi 'bras bu bzhi pa yin/ /yang na 'bras bu gsum gyis spangs/ /yang na rang gis gsum pa yin/ /dga' ba'i bye brag tu shes bya/ /'khor lo rnams kyi rim pa'o/ /zhes rgyud phyi ma las gsungs so / dang po bum pa'i dbang yin te/ /mchog gi dga' ba gsang ba'i dbang/ /gsum pa shes rab ye shes dbang/ /bzhi pa phyag rgya chen po yin/ /mnyam par ma bzhag dus su yang/ /bya ba gang la 'jug pa na/ /lhan cig skyes las ma gtogs par/ /gzhan gyi sems kyis mi gnas so/ /de yang brtag pa bcu drug pa las/ bde ba gnag cing bde ba ser/ /bde ba dmar po bde ba dkar/ /bde ba ljang gu bde ba sngo/ /bde ba rgyu dang mi rgyu kun/ /bde ba thabs dang shes rab ste/ /de bzhin mnyam par bzhag pa ste/ /bde ba dngos po dngos med bde/ /rdo rje sems dpa' bde bar brjod/ /ces gsungs so/ /de nas brjod pa'i rim pa la gnas pas/ /bar chad thams cad nye bar zhi bar bya ba'i phyir 'byung po thams cad kyi gtor ma ni/ bsrung ba'i 'khor lo rdzogs par byas nas/ de'i dbus su chos kyi 'byung nas bsams la de'i steng du paM las pad+ma 'dab ma brgyad pa nyi ma'i dkyil 'khor dang bcas pa bsams la/ de'i steng du oM las 'khor lo sa bon dang ldan pa la 'od zer 'phros pas/ gzugs med pa dang gzugs can dang/ 'dod pa'i lha la sogs pa thams cad 'od zer des sku rdo rjer byas nas/ /der bsdus te gcig tu gyur pa las/ /sku rdo rje zhal cig pa phyag gnyis

  153. 77a

    pa sku mdog dkar po rdo rje dang dril bus shes rab ma la 'khyud pa/ phyag rgya lnga dang ldan pa g.yas brkyang bas bzhugs par bsam par bya'o/ /shes rab ma yang thabs dang 'dra/ /bar du hUM las rdo rje/ de las phyogs skyong thams cad der bsdus nas gcig tu gyur pa las/ thugs rdo rje sngon por bsam par bya'o/ /de'i 'og tu a las pad+ma des lha ma yin la sogs pa thams cad rdo rje sku mdog dmar por bsam par bya'o/ /gzhan sku rdo rje dang 'dra'o/ /de nas ye shes sems dpa' spyan drangs la mchod pa la sogs pa byas te gcig tu gyur par bsam par bya'o/ /de nas yang de bzhin gshegs pa la sogs pa spyan drangs nas/ byang chub kyi sems kyi dbang bskur nas/ sku rdo rje la rnam par snang mdzad kyis/ thugs rdo rje la mi bskyod pas/ gsung rdo rje la snang ba mdza' yas kyis dbu brgyan par bsam par bya'o/ /de nas gtor ma byin gyis brlab par bya ste/ yaM las rlung gi dkyil 'khor/ de'i steng du raM las me'i dkyil 'khor/ der a las thod pa de'i nang du/ bruM aM dzaM khaM hUM/ de nas bdud rtsir bsams la/ de nyid kyis mtshan par bsam par bya ste/ de'i steng du a las zla ba'i dkyil 'khor de'i dbus su hUM las rdo rje sa bon gyis mtshan par bsams la/ de'i stobs kyis bskol la/ de'i steng du a des ye shes kyi bdud rtsi drangs la/ gcig tu gyur par bsam par bya'o/ /de kho na'i snying po gsum gyi byin gyis brlab pa byas nas/ 'dis dbul bar bya'o/ /oM kA ya pAk+tsit ta i daM ba liM b+haM dza dziM g+ha phul+la d+hU pa mAM sa bi g+ha amha sarba gadzdza sarba d+ha khAn+ti khu Ni phe Ta gA da/ oM a kA ro mu khaM sarba d+harmA NaM/ AdyA nutpan+na twAt oM A(rgyud 'grel): hUM phaT swAhA/ /'dis gshegs su gsol bar bya ste/ oM khyed kyis sems can don kun mdzad/ /rjes su mthun pa'i dngos grub gsol/ /sangs

  154. 77b

    rgyas yul du gshegs nas ni/ /slar yang byon par mdzad du gsol/ /mu(rgyud 'grel): kha zas la yang de bzhin du byin gyis brlabs la mchod par bya'o/ /rnal 'byor gyis ni dub gyur na/ /de nas smon lam gdab par bya/ /rigs su skye dang dam tshig can/ /skyo med dgyes pa'i rdo rje dang/ /bla mar gus shing snying rje ldan/ /skye shing skye bar 'gyur bar shog /lag na rdo rje dril bu 'khrol/ /zab mo chos ni klog pa dang/ /btsun mo'i khu ba mnyam zas can/ /skye zhing skye bar 'gyur bar shog /'dis ni bdag la rjes su dran/ /snying rje'i spyan ni dmar po la/ /yan lag nag po byams pa'i thugs/ /phyag gnyis thabs dang shes rab yin/ /zhal gcig gnyis med ye shes yin/ /zhabs gnyis bden pa gnyis su dran/ /phyag rgya lnga ni sangs rgyas lnga/ /gdug pa gdul phyir khro bo yin/ /sngags pas de ltar mos byas nas/ /lha yi rnal 'byor pas rgyu bar bya'o/ /rtag tu brtags par sngags bzlas dang/ /bsam gtan nyid dang bral mi bya/ /rtag tu slob ma bsdu bya zhing/ /rtag tu bshad par bya ba yin/ /sems can rnams ni rtag pa skyang zhing/ /sangs rgyas rnams la rtag mchod bya/ /dzam b+ha la la chu sbyin dang/ /las rnams thams cad rab tu spyad/ /mchod rten las ni bye ma'i las/ /mkhas pas cho ga bzhin du bya// //sgrub thabs rtsom dang mi ldan yang/ /bla ma du ma'i man ngag bzhin/ /sgrub thabs byas las 'gal ba gang/ /de nyid mkhyen pas bzod pa mdzod/ /tha ma 'bring dang rab don tu/ /rim pa gsum ldan byas pa las/ /dge ba dri med thob pa des/ /de nyid rin chen rab gsal shog / dgyes pa'i rdo rje lhan cig skyes pa'i sgrub pa'i thabs/ slob dpon chen po sh+rI A nanda badzras mdzad pa rdzogs so// //bcom ldan 'das kye'i rdo rje la phyag 'tshal lo/ /sbyin sreg gi las kyi rim pa la/ dbang bskur ba'i sngon rol tu

  155. 78a

    rgyas pa'i las byas te/ dpangs khru gang la khru phyed thur du brko'o/ /sor bzhi phyir bgyed/ /kha khyer sor bzhis bskor/ zheng dang spangs sor bzhi bya/ de'i phyi rol gyi sor bzhi por la/ pad+ma'i phreng ba btang/ dbus kyi kha khyer la rdo rje ra ba btang/ spyir gru bzhi la zheng phyi rol gyi rgya khru gsum btang/ thab khung nang du gtso bo'i phyag mtshan bzhag pa ni 'jim pa la sogs pa la zheng sor brgyad dpangs sor gcig btang/ dbus su rin po che/ shar rdo rje/ lhor 'khor lo/ / nub tu pad+ma/ byang du ral gri /kha dog ser por byug go /rgyas pa'i las la kha shar du blta'o/ /zhi ba'i thab khung zlum po/ khru gang du byas/ khru phyed zabs su brko/ kha khyer rgyas pa la sogs pa dang mthun par bya'o/ /dbus kyi kha khyer la rdo rje phreng ba btang/ de'i phyi rol tu pad+ma btang/ thab khung du gtso bo'i phyag mtshan bzhag pa ni dbus su rdo rje/ shar du 'khor lo/ /lhor rin po che/ nub tu pad+ma/ byang du ral gri /zheng sor brgyad pa bya'o/ /kha dog dkar po byug /bla ma kha byang du blta/ dbang gi las la thab khung zla gam ste/ zla gam gshul la bzhi bcu btang/ kha khyer la sor bzhi bcu tham pa/ zabs su sor bcu brko bar bya/ kha khyer sbyar mthun/ kha khyer rdo rje'i ra ba btang/ /phyi rim du me ri btang/ kha dog dmar por byug /tsandan smug pos byug /dbus su gtso bo'i phyag mtshan btang ba/ /pad+ma phyi ma spyir mthun dbang dang bskrad pa la kha nub tu blta/ /drag po'i las kyi rim pa la/ thab khung zur gsum la/ sor nyi shu nyi shu bya'o/ /la? khyer sor gsum phyir dgyed/ kha khyer sor gsum bskor/ zheng sor gsum btang/ de'i phyi rol tu sor gsum btang/ kha khyer la rdo rje rtse gsum pa btab/ de'i phyi rim du thod pa dang/ mnga' gzhu dang/ mdud rtse gsum pa la sogs pa drag po'i phyag mtshan

  156. 78b

    btang/ gtso bo'i phyag mtshan dbus su ral gri /phyi ma las kyi mtshan nyid dang/ bla ma'i kha las shes par bya'o/ /kha dog nag pos byug /kha lhor blta'o/ /rgyas pa nang par bya'o/ /zhi ba nyi ma phyed na bya'o/ /dbang nyi ma nub na bya'o/ /drag po nam phyed na bya'o/ /me thab kyi rim pa'o/ /mtshed rdzas dang sreg rdzas kyi rim pa la/ sngags mkhan gyi g.yon du dri dang me tog gi bkang ba'i dud por bzhag /yon chab kyi snod gser la sogs pa las kyi bye brag dang mthun pa chab kyis bkang la bzhag /ma 'byor nas la byas ba yang rung ngo/ /dgang gzar dang blugs gzar dang mar mdun du bzhag g.yas su zangs gzhong gi nang du dris bkang la ku sha bcug la prok+Sha Na'i snod bzhag go /las kyi bum pa gcig kyang bzhag go /til la sogs pa sreg rdzas kyang bzhag go /de la rdzas kyi rim pa rgyas pa la zho/ /zhi ba la til/ dbang la utpal dmar po/ /drag po la tsher ma can gyi shing/ phye ma rim pa bzhin no/ /kun gyi sngon du mar/ tha mar yang mar ro/ /rdzas dgram pa'i rim pa'o/ rdzas byin gyis brlab pa ni/ gzhong pa kun gyi steng du rdo rje bzhag la/ de nyid gsum gyi sngags brjod pas/ 'jig rten kun gyi rtog pa kun bsal nas/ rdzas de nyid bzang por bsam mo/ /yam shing gi rim pa la/ zhi ba'i yam shing ni 'o ma can gyi shing dang rlon pa rtse mo dang/ bcas pa byung ba/ srid du mdzub gang ba sboms su chang pa gang yod pa sbrang rtsi dang 'o ma dang/ tsandan dkar po'i chus spangs pa/ rtse gcig tu zhi ba'i las la dbul lo/ /rgyas pa'i yam shing ni/ srid du khru gang pa sboms su zhi ba dang mthun no/ /yal ga dang dbus kyi cha las byung ba/ zho dang mar dang ser po'i dri las sbangs pa/ rtse gcig tu rgyas pa'i las la dbul lo/ /dbang gi yam shing la/ srid du ser lnga pa 'dab ma dang bcas pa sboms

  157. 79a

    su chag gang ba yungs mar dang bdud rtsi la sogs kyis spangs la/ dbang gi las la dbul lo/ /drag po'i yam shing ni/ srid du sor bzhi pa/ rtse mo can gyi shing las byung ba/ gsod pa'i las la rab tu shis pa/ mi rus dang dur khrod kyi sol ba dang/ thal chen lan tsha kha ba dang/ tsha ba'i rdzas rnams chu la spangs la/ rab tu bsgrims la mngon spyod kyi las la dbul bar bya'o/ /yam shing gi rim pa'o/ /bdud shing gi rim pa la/ pa la sha dang n+ya gro d+ha la sogs pa la bya'o/ /de med na'o ma can gyi shing skam po la byas la las kyis rjes su mthun par bya'o/ /de nas slob dpon gyis yi dam lha'i ting nge 'dzin rdzogs pa dang/ ku shas prok+Sha na bya'o/ /any+tsa mAM naM arg+ha bi d+hi dang/ mchod pa rnam pa lnga dbul ba dang/ nang gi phyag rgya'i mchod pa bya phyag btsal/ de nas ku shas thams cad la prok+Sha NaM bya'o/ /de nas lcags la sogs pa'i snod sar par shing brtsigs la/ gtsubs pa la sogs pa'i me blangs la/ rlung yab gyis g.yabs la me sbar ro/ /de la spar ba'i sngags ni/ oM dzwa la dzwa la hUM phaT ces so/ /de nas du ba med cing legs par 'bar ba dang/ thab khung gi shing brtsigs pa la blug go /me sbar ba'i rim pa'o/ /de nas ku sha 'bring gnyis shar phyogs su kha bstan la bzhag lho dang nub dang byang du yang de bzhin bstan/ ku sha dgram ba'i sngags oM badzra satwa A yu She swAhA/ ku sha dgram pa'i rim pa'o/ /de nas slob dpon yi dam bsgom pa dang ldan pas thabs kyi nang du sna tshogs pad+ma 'dab brgyad pa zhig bsams la/ de'i dbus su mngon par byang chub pa lnga dang ldan pas kye'i rdo rje yab yum bsgom mo/ 'dod chags chen po skyes pa'i stobs kyis zhu nas dngul chu bzhin du gnas pa las/ de nyid yi ge hUM dang dzaM gnyis su gyur/ yi ge gnyis yongs su gyur pa las me lha yab yum du

  158. 79b

    bskyed de/ me lha zhal gsum phyag drug pa gsus pa ldir ba ral pa'i thor cog can/ mchod phyir thogs pa 'chang ba/ rang dang 'dra ba'i shes rab ma la 'khyud pa'o/ /g.yas kyi bar ma nu gun d+he'o/ /tha ma na mchod sbyin g.yon par na ze 'bru/ tha ma na bgrang phreng sku mdog las kyi bye brag dang mthun pa'o/ /de ltar bsam pa'i thugs kar sna tshogs padmo/ de'i steng du gru gsum me/ de'i steng du bruM bsams/ dzaM bsam/ lce la raM bsam/ me lha dam tshig sems dpa' bsgom pa'i rim pa'o/ /de la yang prok+Sha NaM la sogs pa gang yan chad bya'o/ /de nas ye shes sems dpa' spyan drangs te/ slob dpon gar dang ldan pas/ dza(rgyud 'grel): lcags kyu'i phyag rgyas spyan drang ngo/ /de nas mdun gyi nam mkha' las kyang bkug la thab kyi khar bzhag /de nas prok+Sha NaM dang any+tsa ma naM la sogs ba phyag bya ba yan chad bya/ /de nas yang prok+Sha Na la sogs pa gsum bya'o/ /gar dang ldan pas zhags pas gnyis su med par bstim/ lcags sgrog gis bcing/ dril bus mnyes bar bya/ de nas yang prok+Sha NaM la sogs pa gsum bya'o/ /de nas gzar bu gnyis kyi nang du yi dam gyi lha'i snying po'i yi ge hUM re re bsam mo/ /de nas gru mo gnyis sprad la/ mar gzar bu bdun dbul/ oM na ma(rgyud 'grel): sa man+ta bud+d+ha naM/ agna ye swAhA/ puSh+Ni ti ti man tra/ oM agna ye puSh+TiM ku ru swAhA/ de nas blug gzar gyis dbul bar bya ste/ dgang gzar bzhag /oM sarba saM ba de swAhA/ zho dang zen gyi'o/ /oM sarba pA baM da ha na badzrA ya a mu ka sarbA pA pa da ha swAhA til gyi'o/ /oM badzra A yu She swAhA/ durba'i 'o/ oM badzra puSh+Ta ye swAhA/ chag pa med pa'i 'bras kyi'o/ /oM a pra ti ha ta badzrA ya swAhA/ ku sha'i sngags so/ /oM badzra bI dzA ya swAhA/ 'bras kyi lag pa na gyi'o/ /oM mahA bE gA ya swAhA/ nas kyi'o/ /oM mahA ba lA ya swAhA/ oM badzra g+hasma ri ye swAhA/ gro'i 'o/ yam shing gi la/ oM badzra adz+nyE ya swAhA/ u dum+ba ra'i 'o//

  159. 80a

    oM bo d+hi prok+Sha ya swAhA/ byang chub shing gi'o/ /oM badzra rta tA ya swAhA/ n+ya gro d+ha'i'o/ /oM badzra sa hA ka rA ya swAhA/ a mra'i'o/ /de nas yang mar dgang gzar khyengs pa stong man chod dbul lo/ /de nas yang prok+Sha NaM la sogs pa bya/ de kun rdzogs pa dang/ rdo rje dkur bstan dril bu gsil la/ srid pa rang bzhin gyis dag pa'i tshigs bcang brjod do/ /de nas me lha la bstod pa bya/ /phyag bya/ de nas las kyi bum pa'i chus thab khung du lan gsum ku shas gtor la bsang bar bya'o// de nas me lha'i thugs kar dkyil 'khor gyi lha'i 'khor lo bsams la/ me lha'i kha hoM khung du bsams/ de nas ye shes sems dpa' gar dang ldan par dza(rgyud 'grel): sa spyan drangs mdun gyi nam mkha' la bzhugs su gsol/ prok+Sha NaM la sogs pa kun rdzogs pa dang/ yang phyag rgya bzhis dgug pa dang/ gzhug pa dang bcing ba dang/ dgyes pa bskyed nas gnyis su med par bstims la/ de nas yang prok+Sha NaM la sogs pa phyag bya ba yan chad bya'o/ /de nas mar gzar bu nyi shu rtsa gcig man chad dbul lo/ /de nas zho la sogs pa'i rdzas kyi rim pa lha la dbul lo/ /yang mar gyi sbyin sreg brgya rtsa brgyad man chad dbul lo/ /yang prok+Sha Na la sogs pa bya/ /rdo rje dkur bstan dril bu gsil/ /srid pa rang bzhin gyis dag pa'i tshigs bcad brjod bstod pa bya/ de nas gar gyi dkyil 'khor gyi lha la phyag bya'o/ /oM badzra mu(rgyud 'grel): yis gshegs su gsol/ bzod par gsol/ de nas rdzas lhag ma ci yod pas me lha la mchod pa dbul lo/ /oM badzra agne swAhA/ zhes rdzas kun zad par blugs gzar gyis dbul lo/ /de nas slob ma kun me tog lag tu thogs la rjes su yi rang ba bgyi ste/ slob dpon gyis dgang gzar mar gyis bkang ba'i nang du slob ma kun gyis me tog blugs te/ slob dpon gyis kyang badzra agne swAhA/ zhes brjod

  160. 80b

    cing dbul lo/ /slob mas kyang rgyas par gyur cig gam/ zhi bar gyur cig pa'i rjes su yi rang ba bya'o/ /zhi ba yin na ru ru spu ru'i sngags kyis mar la sbyin sreg brgya rtsa brgyad la rjes su yi rang bar bgyi'o/ /rdzas dbul ba'i rim pa la/ prok+Sha Nas ni spyir bsang bar bya'o/ /any+tsa mA nas ni me tog mtheb mdzub kyis blangs la/ zhal dang thugs dang phyag du dbul bar bya'o/ /arg+ha ni dud phor nas skyor mos lan gsum mdun du dbul lo/ /pA dyaM ni dud phor nas mthab mdzub gnyis kyis me tog blangs la smad de thabs kyi zhabs la phog bar byas la lan gsum zhal bsil dbul lo/ /las kyi bum pa ni bsang ba'o/ /sla'i rdzas ni zhal du dbul lo/ /shing bu 'od la dbul/ 'bras la sogs pa rnams ni phyag du dbul/ dri snying gar dbul/ me tog dbu la dbul bdug spos shangs la dbul/ dri chabs zhabs la dbul/ arg+ha dang mar me mdun du dbul/ /ma'i de kho na nyid ni bla ma'i zhal las shes par bya'o/ /lha rnams mnyes par bya ba dang/ /sngags rnams gzi byin skye ba dang/ /sdig pa rnams ni bsreg pa'i phyir// bzlas pa bas kyang sbyin sreg shis/ /rnal 'byor gyi dbang phyug dpal gyis zhabs kyis bshad pa rdzogs so// //rgya gar skad du/ shI he badzra sto tra/ bod skad du/ dpal dgyes pa rdo rje la bstod pa/ bcom ldan 'das rdo rje mkha' 'gro la phyag 'tshal lo/ /dngos po dngos med gnyis las byung/ /rmad byung chen po sku che ba/ /sku las 'das pa bde ba che/ /'gro ba'i mgon la phyag 'tshal lo/ /thugs rje chen po khro ba che/ /bdud kun rnam par 'joms mdzad pa/ /bdag med ma yi yid 'ong zhing/ /lha mo'i tshogs kyis rnam par sad/ /rnam dag dga' ba bskyang mdzad cing/ /'jigs chen 'jigs par mdzad pa po/ /zhal brgyad 'khor ni brgyad ldan zhing/ /brgyad gnyis gyur pa'i phyag dang ldan/ /rnam par skrag

  161. 81a

    byed ma lus nang/ /gsol bar mngon du phyogs pa'i zhal/ /hUM ni spro dang sdud mdzad pa'i/ /mi bzad rnam par 'dren pa po/ /dus mdza' i chu 'dzin 'brug sgra yis/ /nyon mongs nye bar 'joms pa po/ /glog 'gyu thugs rje'i rlan gyis brlan/ /dam chos char gyi rgyun 'bebs mdzad/ /ma rig gnyid kyis non pa yi/ /khams gsum pa dag rnam sad mdzad/ /thar pa'i lam ni rab ston pa'i/ /'jig rten rnams la snang ba stsol/ /log par lhung pa'i 'gro kun la/ phyag mang po rnams rab rkyong zhing/ /lha yi spyan ni rab 'jug pas/ /rmongs pa'i rab rib sel bar mdzad/ /rab tu gsal ba'i gsang chen po/ /don kun skad cig gi bsgrub pa/ /gsang sngags mi las rnam par grol/ /sems can kun la rjes brtse ba/ /rdo rje snying po byang chub pa'i/ /stong nyid snying rje'i bdag nyid can/ /char sprin sngon po dang 'dra ba/ /dur khrod gnas su gar thabs bzhugs/ /bdud bzhi po yi khrag chen gyis/ /lha mo'i zhal dang bcas par myos/ / zla tshes rtse 'dra'i mche ba mchog /mdzes pa'i dkyil 'khor longs spyod pa/ /thod chen rgyu ma las brgyus pa'i/ /phreng bas sku ni rnam par brgyan/ /rol par mdzad pa'i bzhad chen gyis/ /'jigs byed rnams ni 'byer par mdzad/ /yang dag dran pas 'gro ba'i tshogs/ /yid la 'dod pa yongs rdzogs mdzad/ /yid bzhin nor bu las lhag pa'i/ /mang zhing rgya che'i bstod mchog gis/ /ngag gis dbang phyug chen pos bstod/ /sgra yi yul las ngas 'das shing/ /rtog pa'i dra ba rnam par spangs/ /gti mug chen po yongs 'joms shing/ /skyes bu chen po'i mtshan rnams dang/ /dpe byad yan lag thams cad ldan/ /mthong bas dga' ba 'phel bar mdzad/ /mchog tu grub pa'i rgyud rnams ni/ /yang dag

  162. 81b

    tshim mdzad zla 'od bzang/ /thog ma bar dang mdza' med pa/ /dus gsum rdzogs sangs rgyas nyi ma/ /nyon mongs bud shing nges bsregs pa'i/ /me chen sdig pa pham mdzad pa'i/ /nyi zla me yi 'od zer gyi/ /zhal re zhing ni spyan gsum pa/ /spyan ni nyi shu rtsa bzhi'i tshogs/ /rmongs pa'i dbye ba rnam gsum 'joms/ /chags dang chags bral rnam par spangs/ /chags pa chen pos rab grol mdzad/ /rang rig grub pa mchog ldan pa'i/ /bde ba'i thabs ni nye bar ston/ /srid dang mya ngan 'das las brgal/ /srid dang mya ngan 'das nang bzhugs/ /phyag rgya chen po'i mchu myang zhing/ /phyag rgya lngas legs rgyas btab la/ /shin tu 'khyud pa'i longs spyod kyi/ /rab bsgrub dga' bas rol par mdzad/ /ro yi thal bas yang dag byugs/ /rus pa'i rgyan gyis rnam par brgyan/ /mtshan mo'i dus su rol pa che/ /dpal ldan he ru ka la 'dud/ /gang zhig gtso bo spangs nas ni/ /skad cig tsam yang rol mi mdzad/ /skal bzang yid 'ong skal ba bzang/ /bdag med rnal 'byor ma la 'dud/ /dbang po phyogs su tshangs pa ni/ /zhabs brdubs gnon pas yang dag bzhugs/ /yid 'ong sku mdog sngon por ldan/ /gau rI la ni spyi bos 'dud/ /g.yas kyi phyogs su dbang po ni/ / rnam par nyed pas steng bzhugs shing/ /cang te'u sgra sgrogs yan lag kun/ /btsod mdog tsau rI de la 'dud/ /nub kyi phyogs su nye dbang gis/ /steng du gar gyis bzhugs mdzad pa/ /btso ma'i gser mdog rnal 'byor ma/ / mchog gyur bet+tA lI la 'dud/ /byang phyogs drag po'i steng bzhugs shing/ /'jigs pa'i sprul ni phyag na bsnams/ /rin chen margad mdog 'dra ba'i/ /drag gsol g+hasma ri la 'dud/ /dbang ldan phyogs su gshin rje yi/ /rgyal

  163. 82a

    po yang dag gnon pas bzhugs/ /in+d+ra nI la 'bar 'dra ba'i/ /skal ldan puk+kA sI la 'dud/ /me yi phyogs su gnod sbyin gyi/ /steng du gang gyis bzhugs mdzad cing/ /ston zla ltar dkar dbang phyug ma/ /mchog gyur sha ba rI la 'dud/ /bden bral phyogs su bden bral lha/ /gnon cing phyag mchog 'khor los mtshan/ /sprin med nam mkha' lta bu yi/ /skur ldan tsa tA lI la 'dud/ /rlung phyogs thags bzangs ris steng du/ /skyil krung phyed pa'i gar gyis bzhugs/ yid 'ong sna tshogs sku mdog ldan/ /Dom+bi ni la'ang gus pas 'dud/ /gang zhig mchog tu za ba 'di la/ /gang du bdag gi 'di 'dra'i tshig /gang zhig mgon mchog rgya chen la/ /gang du nyung sbyang 'di yis bstod/ /'on kyang gang phyir bdag gi bu/ gzhon nu so tha ra zhes pas/ /gsol ba btab pa de yi phyir/ /'di 'dra'i bstod pa byas pa yin/ /mgon po lha mo brgyad bcas la/ /bdag gis mdor bsdus bstod pa yis/ /dge ba gang zhig thob gyur pa/ /de yis bdag kyang de 'drar shog /dpal rje btsun dgyes pa'i rdo rje la bstod pa rig pa'i gnas ma lus pa la mkhas pa sgrub pa'i slob dpon kha che yul du 'khrungs pa dpal rin chen rdo rje'i zhal snga nas mdzad pa rdzogs so// //rgya gar gyi mkhan po ku mA ra ka la sha dang/ lo tsa ba dge slong byang chub shes rab kyis bsgyur cing zhus te gtan la phab pa// //rgya gar skad du/ nai rAtna mo gi ni sA d+ha naM/ bod skad du/ bdag med rnal 'byor ma'i sgrub thabs/ rdo rje sems dpa' la phyag 'tshal lo/ /Dom+bi he ru ka'i zhal snga nas/ kye yi rdo rje rnal 'byor ma rgyud las/ /de nyid thams cad yang dag bsdus pa yi/ /lha mo'i 'khor lo bsgom pa gsungs pa'o/ /nam mkha' rje btsun bla ma dang/ /mi bskyod pa'i yi sku lta bu'i/ /mnga' bdag rdo rje

  164. 82b

    dbang dmigs te/ /blo dang ldan pas phyag 'tshal mchod/ /snying gar rang gi sa bon bsam/ /mchod pa'i sprin ni rab tu dbul/ /rtag tu lha mo brgyad rnams kyis/ /bdud rtsi lnga yi sbyor ba las/ /rnal 'byor ma lnga dkar mo stsogs/ /bdud rtsi lnga ni 'dzin par brjod/ /sngon mo gtum mo Dom+bi ni/ /ro dang bcas te 'khyud par ldan/ /rtag tu sdig pa bshags pa dang/ /bsod nams nyid la rjes yi rang/ /dkon mchog gsum la skyabs su 'gro /byang chub sems ni rnam par bzung/ /dang por byams pa bsgom par bya/ /gnyis pa snying rje rnam par bsgom/ /gsum pa dga' ba bsgom par bya/ /kun gyi mdza' nas btang snyoms so/ /de rjes rgyal ba'i sngags brjod de/ /oM shU n+ya tA dz+nyA na badzra swa b+hA ba At+ma ko haM/ rang gzhan stong pa nyid du rnams bsgoms sngon gyi ni/ /rnal 'byor pas ni smon lam rjes su dran par bya/ /dang por re pa las ni nyi ma rnam par bsgom/ /nyi ma der ni hUM byung sna tshogs rdo rje ste/ /rdo rje de nyid kyis ni rnam par bsgom bya ba/ /rab dang ni gur yang rab tu bcing bar bya/ /shes rab e yi gzugs can ma/ /blo ldan nam mkha' i khams bsam bya/ /der ni sa gzhi gru bzhi pa/ /ljang gu rnam par bsgom par bya/ /sa yi dkyil 'khor nang gnas par/ /chu yi dkyil 'khor bsgom par bya/ /chu yi dkyil 'khor dbus gnas par me'i dkyil 'khor bsgom par bya/ /de la rlung gi dkyil 'khor lo/ /rlung gi dkyil 'khor nang gnas par/ /bdag kyang bsam par bya ba ste/ /e baM nyid du bdag dang ni/ /'dres par gyur pa 'khor lo yin/ /gru bzhi pa la sgo bzhi pa/ /ka ba brgyud kyis nye bar brgyan/ /dra ba dra phyed yang dag ldan/ /rdo rje thig gis rnam par brgyan/ /'khor lo der ni srog song ba/ /bco lnga rnam par bsgom par bya/ /rnal 'byor ma yi phyogs mtshams las/ /gdan ni bco lnga nyid du brjod/ /gdan

  165. 83a

    gyi steng du zla ba yin/ /zla steng rnam 'byed blo ldan pas/ /de dag nang song sa bon ni/ /rtsa ba'i dbyangs yig la sogs bsam/ /me long mnyam nyid ye shes dag /zla ba nyi ma rab tu grags/ /a las byung ba'i gri gug ni/ /so sor rtog pa nyid du brjod/ /'di rnams gcig gyur nan tan te/ /rdzogs pa chos dbyings dag pa ste/ /rnal 'byor ma ni rnams kyi lus/ /ye shes lnga yi bdag nyid grags/ /nyi zla dag dang gri gug gis/ /ji ltar chu ni 'dres 'gyur pa/ /yang ni 'dres par gyur nas phyis/ /bdag med rnal 'byor ma bskyed de/ /kha dog nag mo grags chen mo/ /phyag rgya lngas ni rnam par brgyan/ /g.yas na gri gug 'jigs chen ma/ /g.yon pa nyid ni pad+ma'i snod/ /g.yas min par ni kha TwAM ga /stag gi pags pas smad dkris so/ /a A i a'i u/ /bdag med ma la sogs pa rnams kyis brjod do/ /a'u ri rI li/ puk+ka sI la sogs pa rnams kyi'o/ /lI e i o/ /sa bon rnams ni dkar mo la sogs pa rnams kyis brjod do/ /oM aM sa bon ngag ni 'og dang steng gi gnas pa ngag gir yang brjod do/ /sems dang phan pa rin chen bdag /tshe dpag med dang don grub kyis/ /bdag med la sogs phyag rgya gdab/ /shes rab 'phar mar rnam par gnas/ /sems dang phen pa'i rin chen bdag/ tshe dpag med pa bde gshegs kyis/ /mtshams nas puk+ka sI la sogs/ /rim pa'i rjes la phyag rgyas gdab/ /rnal 'byor ma mi bzhi rnams kyis/ /rtag tu bsgoms gnas nyid la ni/ /zhe sdang gti mug ser sna dang/ /'dod chags rdo rje phyag rgyas gdab/ /'og dang steng dang sku gsung gi /phyag rgyas byed pas rdzogs pa'o/ /phyag rgyas gdab dang rtan pa 'dis/ /de nas phyag rgya nyi shu brjod/ /dbang por rdo rje gshin gau ri/ /chu bdag chu yi rnal 'byor ma/ /lus dan rdo rje mkha' 'gro ma/ /

  166. 83b

    dbus su bdag med rnal 'byor ma/ /dbang ldan du ni puk+ka sI/ /de bzhin 'tshed mer ri khrod ma/ /bden bral du ni gtum mo ste/ /rlung du Dom+bir brjod pa'o/ /yang ni shar sgor dkar mo ste/ /de bzhin lhor ni chom rkun ma/ /nub kyi sgo la ro langs ma/ /de bzhin byang du g+hasma rI/ /'og tu sa spyod mar bshad de/ /steng du mkha' spyod mar brjod do/ /ji ltar bdag med rnal 'byor ma/ /thams cad dam par dga' ba'o/ /snying gar rang gi sa bon bsam/ /'od zer phyung ste de nas ni/ /sangs rgyas rnams ni spyan drangs te/ /lha mo brgyad kyis mchod par bya/ /phyi nas gsol ba gdab pa ni/ /bcom ldan bdag nyid chen po rnams/ /bcom ldan de bzhin gshegs pa kun/ /bdag la dbang bskur la sogs gsol/ /bum pa bdud rtsi lngas gang ba/ /mkhas pas sangs rgyas kyis dbang bskur/ /sangs rgyas kun gyis bkur nas ni/ /dbu rgyan la ni thugs bdag yin/ /dang por nag po bsgom par bya/ /gnyis pa dmar po bsgom par bya/ /gsum pa la ni ser por bsgom/ /de bzhin bzhi par ljang gu ste/ /lnga pa kha dog sngon po nyid/ /drug pa dkar po'i tshul can te/ /yan lag drug sgom rnal 'byor pas/ /phyi nas kha dog rnam par spangs/ /gzugs phung la ni rdo rje ma/ /tshor ba la ni dkar mo brjod/ /'du shes chu yi rnal 'byor ma/ /'du byed rdo rje mkha' 'gro ma/ /rnam shes phung po'i rang bzhin gyis/ /bdag med rnal 'byor ma rnams so/ /dkyil 'khor bdag mo 'jigs gzugs gnas/ /'jigs pa 'ang ni 'jigs pa mdzad/ /sin puk+ka si ru bshad// de bzhin chu khams ri khrong ma/ /me ni gtum mor shes par bya/ /rlung ni g.yung mor rab tu grags/ /gzugs la dkar mor rtag tu bshad/ /sgra la chom rkun ma rab grags/ /dri yi cha la ro langs ma/ /ro la g+hasma ri rab brjod/ /reg bya sa sbyong mar

  167. 84a

    bshad de/ /chos kyi dbyings la mkha' spyod ma/ /rtag tu 'di dag rnam dag pas/ /de nyid rnal 'byor pa yis 'grub/ /mig dag gti mug rdo rje yin/ /rna ba zhe sdang rdo rje ma/ /sna la ser sna mar bshad de/ /kha la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /go cha 'di rnams ches dag pas/ /dbang po rnams kyi rnam par sbyong/ /skyes pa'i thod pa'i phreng bas bskor/ /gri gug lta ni gcod pa ste/ /thod pa nyon mongs mgo bo yi/ /phreng ba'i steng du gnas pa'o/ /bla ma slob dpon 'dod lha la/ /phyag 'tshal don du 'khor lo gzung/ /bla ma rdo rje 'dzin pa la/ /smod tshig mi mnyan pa yi phyir/ /nyan pa dag tu rna cha 'dzin/ /sngags zlos phyir ni mgul de ste/ / lag gdub srog chags gsod pa spangs/ /phyag rgya bsten phyir ska rags te/ /sangs rgyas lnga yi phyag rgya yis/ /rtag tu lus la gdab par bya/ /sngags ni/ oM a A i a'i u a'u ri rI li lI e i o aau aM swAhA/ phyag rgya'i rnam dag bshad bya ba/ /'khor lo'i gzugs kyis mi bskyod pa/ 'od dpag med pa rna cha'i bdag /mgul gyi phreng ba rin chen bdag /lag pa la ni rnam snang brjod/ /ska rags la ni don yod gnas/ /'di rnams dag la phyag rgya lnga/ /skyon ni yongs 'joms 'dzin pa ni/ /rnal 'byor mas ni rab tu gzung/ /nang gi rnal 'byor bshad par bya/ /mo gzugs 'jig rten dbang du byed/ /khro bo'i gzugs kyis sreg par byed/ A li kA li snyoms zhugs pas/ /phyi rol gyi ni gnyis gnyis bkab grong khyer dkrug pa'i sngags ni/ /oM a ka tsa Ta ta pa ya sha swAhA/ 'byung po thams cad pa'i gtor ma'i sngags ni/ oM A ka rau mu khaM sarba d+harmA NA/ A dyA nutpan+na twat/ oM A(rgyud 'grel): hUM phaT swAhA/ rnal 'byor ma ni bdag med ma'i/ /sdom pa'i dbye ba

  168. 84b

    bshad par bya/ /lte bar phyag rgya chen por gnas/ /rtag tu bde ba chen por 'dzag /rno phyir me yi gzugs su ni/ /de yang ma mo rnams kyis brtags/ /dang por dbyangs yig rang bzhin te/ /glor ni sangs rgyas rnams kyis brtags/ /'jig rten gsum du khyab gnas kyang/ /so so'i skye bos mi shes so/ bdag med lus kyi nang na gnas/ /zhim med pa ni kha dog tu/ /rgyun mi 'chad par byang chub sems/ /sbyor bas brtags par 'dzin pa nyid/ /de phyir lus la rtsa gsum gnas/ /rkyang ma ro ma kun dar ma/ sku gsung thugs kyi gzugs kyi ni/ /las kyi phyag rgya nyid du bcas/ /rkyang ma shes rab rang bzhin dang/ /ro ma thabs kyis yan lag gnas/ /a ba d+hU ti'i dbus gnas su/ /gzung dang 'dzin pa spangs pa ste/ /bde chen byed pa'i gzugs can ma/ /mi bskyod 'bab pa rkyang ma ste/ /ro ma khrag ni 'bab pa'o/ /kun dar mgon po dpag med kyi/ /rtag tu gnas kyi dngos po ma/ /las kyi phyag rgya bde ba can/ /rang gi lus la rtsa rnams gsum/ /rdo rje rin chen chu skyes kyis/ /sku gsung thugs ni 'dzag pa ste/ /gcig pa'i dus ni rdo rje yi/ /rin chen 'dzin pa'i dbyings nyid do/ /dpag med mgon gyi mngon rdzogs pa'i/ /sangs rgyas rang bzhin brjod pa ste/ /mtshan mo'ang nyin par dag tu yang/ /rtag tu ye shes skyes pa nyid/ /lhan cig skyes pa mchog dga' ba/ /pha yi bde ba bzang po 'bab/ /dper na gang yang mtshan mo'i khyim nang du/ /zas za lus kyi yongs su byed 'dod pa/ /sbar ba mar me yis ni mun rum ltas/ /de bzhin mun pa'i bde ba yin/ 'di ltar shes bya srid pa'i mtsho dug chu/ /'dod chags la sogs sna 'thung khyab/ /bkres pas gdungs pa rlabs dang 'khril shing rnam 'khril mya ngan gcig pu 'gram chen po/ /gang phyir byang chub blo ldan skye bo skad cig kyang ni rang don gcig

  169. 85a

    gnyer ba/ /gti mug zhags pa'i gos ni spangs nas pha rol mi 'gro bdag gis ngo mtshar che/ blo bzang dang po bskyed pa'i rim pa sgom par byed dang phan pa'i phyag rgya dang/ /sngags ni rnam dag gug kyed go cha thams cad nges pa dran pa bral mi bya/ /phyi nas blo bzang rang shing skad cig rgyun tu de nyid cig gis sems dang ldan/ /rdzogs pa'i rim pa srid pa las byung lhan cig skyes pa rtag tu bsam// //ra d+ha longs spyod tshong 'dus sna tshogs brang ldan kang kha'i khab ces bya ming du/ /stag zhon sna tshogs sbrul mgo gdengs pas brgyan cing gang zhig bzod ldan spyod pa gang/ /de nas gzhan phan 'dod phyir 'jig rten don du gang bshad sgrub thabs dbang po 'di/ /gsang ba'i shes rab yan lag 'du ba bdag gis gang bshad rgyal sras bzod par mdzod/ /bdud rtsi 'od kyi sgrub pa'i thabs rdzogs so// //rgya gar gyi mkhan po ga ya d+ha ra dang/ bod kyi lo tsa ba dge slong shAkya ye shes kyis bsgyur ba'o// // rgya gar skad du/ nai rAt+ma sA d+ha naM nA ma/ bod skad du/ bdag med ma zhes bya ba'i sgrub pa'i thabs/ bcom ldan 'das bdag med ma la phyag 'tshal lo/ /'khor ba bud med 'dul gzigs nas/ /bdag med rnal 'byor mar bsgyur gang/ /thub pas pha rol phyin phyag 'tshal/ /sgyu ma'i phyag rgya phyag 'tshal 'dud/ /rnal 'byor dang po slob dus na/ /nges pa'i gnas bzang brtag byas te/ /gar gnas sngags pas sgrub pa yi/ /sems ni gcig pu mnyam bzhag pa'i/ /ri dang tshang tshing bya skyibs ni/ /me tog 'bras bu sogs brgyan pa'i/ /rdo rje dkyil 'khor bcas byas la/ /snying gar paM las pad+ma ste/ /de steng raM las nyid kyis 'khor/ /der ni bsal bar a bsams te/ /de las 'od zer rab 'phros pas/ /rdo rje las

  170. 85b

    byung thugs rje chen/ nam mkhar rje btsun dmigs byas la/ /rgyan rnams thams cad 'dzin pa yi/ /lha mo brgyad kyis mchod par bya/ /gau rI ri bong can 'dzin cing/ /chom rkun ma ni nyi ma'i snod/ /ro langs ma ni lag na chu/ /za bod ma ni sman 'dzin cing/ /puk+ka sI lag rdo rje ste/ /de bzhin ri khrod ma ro 'dzin/ /gtum mo cang te'u brdung byas te/ /'di rnams kyis ni gtso bo mchod/ /'dod chags chen po'i rjes chags pas/ /g.yung mos phrag nas 'khyung pa nyid/ /bla mas sangs rgyas rab tu mchod/ /bla ma rdo rje mchod nas ni/ /bdud po yongs su dag pa bya/ /sdig pa byas pa bshags pa dang/ /byed pa yang ni sdom pa dang/ /bsod nams dag la rjes yi rang/ /de nas yongs su bsngo bar gyis/ /dkon mchog gsum la skyabs su 'gro/ /byang chub mchog sems bskyed pa dang/ /lam la gnas shing bdag kyang ni/ /gzhan gyi don du dbul ba dang/ /gnang nod yang ni tshangs pa yi/ /gnas bzhis sems ni dbugs phyung ste/ /dang po byams pa bsgom par bya/ /gnyis pa snying rje'i bye brag bsgom/ /gsum pa dga' ba bsgom par bya/ /thams cad tha ma btang snyoms so/ /phyis ni byang chub sems brtan bya/ /de nas bsrung ba'i dam tshig go dang po bden brdzun rnam dpyad nas/ /rtog pa bya na bsgom mi nus/ /bskyed pa med par rab sbyor bas/ /bskyed pa 'di ni rab bshad do/ /oM shU n+ya tA dz+nyA na badzra swa b+hA ba At+ma ko haM/ stong par rab bskyed hUM sngon las/ /sna tshogs rdo rje'i bsam gtan bya/ /'gro ba'i bdud rnams sel byed pa/ /hUM las gsal bar spro bar bya/ /oM rak+Sha rak+Sha hUM hUM zhes brjod do/ /'di las rdo rjes bskor ba'i gur/ /bla re yang ni bsgom par bya/ /nam mkha' i khams su b+ha ga bsam/ /de yi dbus su bsgom pa ni/ /yaM byung rlung

  171. 86a

    gi dkyil 'khor ste/ /sngon po gzhu brdungs ba dan mtshan/ /raM byung me yi dkyil 'khor ni/ /rdo rje'i phreng bskor gru gsum dmar/ /baM las byung ba'i dkyil 'khor zlum/ /dkar po bum pas bskor ba mchan/ /laM byu dkyil 'khor gru bzhi ste/ /ser po rdo rje phreng ba bskor/ /b+h+rUM las 'khor lo'i steng du bdag /srid pa bar ma bsam byas nas/ /e baM nyid du rab tu 'dres/ /'dres gyur de las byung ba ni/ /sangs rgyas pho brang thun mong yin/ /ngos bzhi ba dang sgo bzhi dang/ /rta babs bzhi yis brgyan byas te/ /dra ba dra phyed yang dag ldan/ /ka ba brgyad kyis nye bar mdzes/ /chos 'byung las skyes 'khor lo ni/ /kha sbyor gnyis dang skyon med pa/ /ze 'bru la ni gcig nyid te/ / gru gsum las ni gzhan du brjod/ /de yi dbus su ro bsams la/ /bco lnga'i gdan ni bdag nyid do/ /de'i steng du zla ba yin/ /zla ba'i steng du sa bon te/ /phyis ni nyi mas mnan pas so/ /gnyis su 'dus pa'i bde chen po/ /A li zla ba'i gzugs su gnas/ /kA li nyi ma'i gzugs gnas te/ /zla ba nyi ma gnyis 'dus las/ /gau rI la sogs sa bon ni/ /a A i a'i u a'u ri rI li lI e i o aau aM A li dang po bdag med ma/ /A li gnyis pa rdo rje ste/ /A li gsum pa gau ri ste/ /bzhi pa chu yi rnal 'byor ma/ /lnga pa rdo rje mkha' 'gro ma/ /drug pa puk+ka sI zhes brjod/ /ri khrod ma ni bdun pa ste/ /gtum mo brgyad par shes par bya/ /dgu pa dang ni g.yung mo nyid/ /yang ni gau rI lnga gnyis pa/ /chom rkun ma ni bcu gcig ste/ /bcu gnyis rau langs ma zhes bya/ /bcu gsum pa ni za phod ma/ /bcu bzhi sa spyod ma zhes bya/ /bco lnga pa ni mkha' spyod ma/ /rnal 'byor ma rnams sa bon no/ /zla ba me long ye shes ldan/ /

  172. 86b

    mnyam nyid ldan pa rta bdun pa/ /rang lha'i sa bon phyag mtshan ni/ /so sor rtog pa yin zhes brjod/ /thams cad gcig gyur nan tan te/ /rdzogs pa chos dbyings dag pa ste/ /'di dag thams cad rdzogs pa ni/ /shes rab thabs kyi rang bzhin te/ zla ba nyi ma rab phye bas/ /A li shes rab kA li thabs/ /gau rI la sogs 'di las byung/ /dang po nang gi kha sbyar ba/ /nges par rnal 'byor ma lnga gnas/ /dbang po rdo rje gshin gau rI/ /chu bdag chu yi rnal 'byor ma/ /lus ngan rdo rje mkha' 'gro ma/ /dbus su bdag med rnal 'byor ma'o/ /phyi rol gyi ni kha sbyor la/ /dbang ldan du ni puk+ka sI/ /byin za'i grwar ni ri khrod ma/ /bden bral du ni gtum mo ste/ /rlung gi mtshams su g.yung mo nyid/ /'di dag mtshams kyi rnal 'byor ma/ /shar gyi phyogs su gau rI ste/ /lho dang nub dang byang du ni/ /chom rkun ro langs za phong ma'o/ /'di dag phyogs kyi rnal 'byor ma'o/ /steng zhal ma dang 'og zhal ma/ /lha mo sa spyod mkha' spyod ma'o/ /'khor lo'i bdag po bdag med ma/ /zhal gcig ma la spyan gsum dmar/ /phyag gnyis skra ser gyen du 'greng/ /g.yon pa thod pa kha TwAM ga /g.yas pa'i phyag gis gri gug 'dzin/ /'khor lo rna cha mgur chu dang/ /lag gdub dang ni ska rags 'dzin/ /skyil krung phyed pas ro mnan nas/ /stag gi pags pas smad bkris shing/ /bdag med rnal 'byor ji bzhin du/ /'di dag thams cad mtshungs par bshad/ /rang snying pad snying sa bon bsam/ /ye shes snying gar ye shes bsgom/ /dgug pa byas ta yang dag mchod/ /ye shes 'khor lo bsgom par bya/ /mig la sogs par gti mug sogs/ /rdo rje gsum ni gnas gsum dgod/ /gti mug rdo rje mig gnyis la/ /rna bar zhe sdang rdo rje ma/ /sna la ser sna ma zhes brjod/ /la la 'dod

  173. 87a

    chags rdo rje ma/ /reg la phrag dog rdo rje ma/ /yid la rnal 'byor bdag med ma/ /sku gsung de bzhin thugs kyi ni/ /oM dang A(rgyud 'grel): hUM sngags 'di las/ /mkhas spyod ma dang sa spyod ma/ /sa 'og gnas pa'i bsam gtan bya/ /sna tshogs gzugs su yang dag brjod/ /'di ltar rnam par snang mdzad sogs/ /snying ga'i sa bon 'od zer ni/ /lcags kyu'i rnam pas bde gshegs bkug /lha mo brgyad kyis mchod byas na/ /dbang bskur ba ni blang ba'o/ /bcom ldan de bzhin gshegs pa kun/ bdag la dbang bskur la sogs gsol/ /de nas he ru ka yi gzugs/ /de nas bdag la dbang skur bsam/ /sems dang rtag pa rin chen bdag /snang ba mdza' yas don grub rnams/ /bdag med shar gyi rdo rje sogs/ /rnal 'byor ma lnga rgya yes gdab/ /sems dang rtag pa rin chen bdag /snang mdza' mtshams kyi rnal 'byor ma/ /zhe sdang gti mug nga rgyal che/ /'dod chags rdo rje phyogs gnas ma/ /rgyas gdab sku dang gsung nyid kyis/ /mkha' sbyor ma dang sa spyod ma/ /dang po nag po bsgom par bya/ /gnyis pa dmar po bsgom pa ste/ /gsum pa ser po bsgom pa'o/ /de bzhin bzhi pa ljang gu'o/ /lnga pa kha dog sngon po'o/ /drug pa dkar por rnam par bsgom/ /rnal 'byor yan lag drug bsgom bya/ /lte bar gtum mo 'bar ba yis/ /de bzhin gshegs pa lnga bsregs te/ /spyan la sogs pa yang bsregs pas/ /bsreg pas haM la ri bong 'dzag /bsam gtan gyis dub rnal 'byor gang/ /de ni dag pa rjes dran bya/ /gzugs phul rdo rje ma yin te/ /tshor ba gsang ba gau rI ste/ /de bzhin chu lha 'du shes ma/ /'du byed rdo rje mkha' 'gro ma/ /rnam shes phung po gzugs su ni/ /bdag med rdo rje ma gnas so/ /sa khams puk+ka sI ru brjod/ /chu khams ri khrod ma ru brjod/ /

  174. 87b

    drod ni gtum mor rab tu brjod/ /rlung ni g.yung mor rab tu grags/ /gzugs la gau ri rab tu grags/ /sgra la chom rkun rab tu grags/ /dri yi cha la ro langs ma/ /ro la de bzhin za phod ma/ /reg bya la ni sa sbyod de/ /chos kyi khams la mkha' spyod ma/ /zhe sdang rdo rje mar bshad do/ /'dod chags chu yi rnal 'byor ma/ /phrag dog rdo rje mkha' 'gro ste/ /ser sna gsang ba'i gau rI ma/ /de bzhin gti mug rdo rje ste/ /yid la rdo rje mkha' 'gro ma/ /zhe sdang la sogs dag pa'o/ skyes pa'i bdud ni mgo bo 'dzin/ /gri gug lha ni gcod pa'o/ /thod pa nyon mongs mgo bo yi/ /phung po'i bdud ni re ri brjod do/ /mi bskyod pa ni 'khor lo'i gzugs/ /snang ba mdza' yas rna cha'i bdag /mgur chu la ni rin chen bdag /lag gdub la ni rtag par brjod/ /ska rags la ni don yod gnas/ /phyag rgya lnga ni rnam par dag /bsam gtan gyis dub gsang sngags bzlas/ /A li mdza' yi a spangs pa/ /oM yig hUM phaT dang ldan pa'i/ /swAhA mthar bzhag gsang sngags so/ /oM a A i a'i u a'u ri rI li lI e i o aau aM hUM phaT swAhA/ 'dod pa'i don kun sgrub pa dang/ /bshegs ni zad cing zhi ba'i phyir/ /'og nas bshad pa'i cho ga yis/ /mi g.yo bas ni gtor ma sbyin/ /rlung me thong pa la gnas pa/ /'bar bar bsro ba la sogs pas/ /sha chen bdud rtsi lnga bsgrub po/ /yi ge gsum gyis byin brlabs pa'i/ /oM inda dza ma dza la dzak+Sha b+hU ta ba h+ni ba u rak+Sha tsanda sUdzdza mA da bap+pa ta la pa tA li aSh+TA sap+pa swAhA/ i daM bi la b+huM ny+dza dziM g+ha/ pul+la d+hU ba puny+tsa? mAM sa bid+g+ha/ mamtsa? sap+pa kadzdza sA d+ha/ khan+ti khu Ni phe Da ga da/ oM a kA ro mu khaM sarba d+harmA NAM/ AdyA nutpan+na twAt/ oM A(rgyud 'grel): hUM phaT swAhA/ mkhas pa chen po dpal mi thub pa'i zla bas mdzad pa'i bdag med ma'i sgrub thabs

  175. 88a

    rdzogs so// //rgya gar gyi mkhan po ga ya d+ha ra dang/ lo tsa ba dge slong shAkya ye shes kyis bsgyur ba'o// //rgya gar skad du/ nai rAt+ma de bI pany+tsa da shas+to tra/ bod skad du/ bdag med ma lha mo bco lnga la bstod pa/ bcom ldan 'das rdo rje mkha' 'gro ma la phyag 'tshal lo/ /mos pa sna tshogs gdul dka' 'dul ba'i phyir/ /chos dbyings mi bskyod 'gag pa med pa las/ /thabs kyis sprul pa sna tshogs ston mdzad pa/ /ye shes thugs rje can la phyag 'tshal lo/ /'khor lo bzhi yi bdag nyid a las skyes/ /bdud bzhi zil gyis gnon pa 'jigs pa'i sku/ /mi bskyod dbu brgyan bde ba chen po'i dang/ /ye shes mkha' 'gro'i tshogs la phyag 'tshal lo// A las skyes pa'i mdzes ma rdo rje ma/ /rtag tu dgyes pas kha TwAM ga la gzigs/ /gdug pa rnam skrag rnam snang cod pan thogs/ /dur khrod rgyan dang ldan la phyag 'tshal lo/ /i las byung ba'i gsang ba'i gau rI ma/ /gzi brjid mi mtshungs gang ldan ro mchog myong/ /don dam thugs chud dbu rgyan rin chen tog /spyan gsum thod rlon can la phyag 'tshal lo/ /A li kA li'i snyoms 'jug rnal 'byor ma/ /bde la rtag dgyes byang chub sems kyi dang/ /'od dpag med kyis dbu rgyan a'i las skyes/ /gar gyis dgyes pa de la phyag 'tshal lo/ /u las byung ba'i rdo rje mkha' 'gro ma/ /khams gsum dag byed sgrol ma las kyi mchog /don grub dbu rgyan chags pa'i spyan dang ldan/ /mtshungs med chags par ldan la phyag 'tshal lo/ /skye med chos dbyings rnam dag puk+ka sI/ /mi bskyod dbu rgyan dri ma dag mdzad cing/ /a'u las skyes pa brgya phyed phreng ba 'dzin/ /'jig rten zhi mdzad de la phyag 'tshal lo/ /dus gsum 'dus ma byas pa'i ri khrod ma//

  176. 88b

    spros bral dri med rnam snang dbu la bzhugs/ /ri las 'khrungs pa gar gyis phyogs bcur gzigs/ /chu zla dang mtshungs khyod la phyag 'tshal lo/ /gnas dang nye gnas la sogs bgrod mdzad cing/ /'du byed ma lus bsreg mdzad tsaN+Da li/ /rin chen dbu rgyan brjid pas rI las skyes/ /'dzag pa gsal mdzad ma la phyag 'tshal lo/ mi gnas mya ngan 'das pa'i bdag nyid las/ /thugs rje bskyed mdzad g.yo pa'i Dom pi nI/ /sgeg mo snang mthas dbu rgyan li las byung/ /mkha' ltar dri med sku la phyag 'tshal lo/ /shin tu grag pa'i brda' yi skad sbyong zhing/ /ru ti ra dang an+twa la rtag dgyes/ /zhe sdang rdo rjes dbu rgyan lI las skyes/ /gau rI phyogs bcur gzigs la phyag 'tshal lo/ /chos nyid gsal ba'i yum gyur chom rkun ma/ /mi rtog mnyam nyid 'gro ba'i don la brtson/ /dbu rgyan gti mug rdo rje mi 'gyur rtags/ /e las bskyed pa de la phyag 'tshal lo/ /'jig rten ma lus chags las dbang du mdzad/ /dpal ldan gzi brjid bskyed mdzad bet+tA lI/ nga rgyal rdo rjes dbu rgyan i lam skyes/ /snyoms 'jug mi gnas dang la phyag 'tshal lo/ /shes rab thabs su ldan pa'i g+hasma ri/ /de nyid las bskyed 'dod chags rdo rjes brgyan/ /oM las byung ba drag po'i las las skyes/ /skye med skye bar bstan? la phyag 'tshal lo/ /sgyu ma smig rgyu bzhin du mkha' la spyod/ /bar snang mnga' mdzad he ru ka yi dang/ /cod pan snang ba mdza' yas oM las skyes/ /thams cad mkhyen cing gzigs la phyag 'tshal lo/ /rnam snang mdzad kyis dbu brgyan ma 'og sbyod/ /'og gi 'jig rten ma lus sgrol mdzad ma/ /aM las byung ba'i dur khrod 'jigs pas brgyan/ /thabs mkhas thugs rje can la phyag 'tshal lo/ /A li kA li zla ba nyi ma kha sbyor sa 'og rnam par dag pa las/ /gri gug thod pa la sogs phyag

  177. 89a

    rgya lnga yis brgyan pa mdzes mdzad cing/ /skyil krung phyed pa'i gar ldan gcer bu spyan gsum stag lpags sham thabs can/ /phyag rgya chen po'i sku la rtsa gsum sprul mdzad de la phyag 'tshal lo/ /bsod nams ye shes chen po las byung sku lnga ye shes lngar ldan 'jigs pa'i gzugs can ma/ /bdag nyid dad pa'i mthu yis rgyu yi yon tan shas tsam mthong nas dad pa'i dbyangs kyis bstod pa yis/ /khams gsum 'khor ba'i rgya mtshor gnas pa'i rnam rtog rlung gis rgya mtsho phyogs bcur g.yengs pa rnams/ /skye rga na 'chi spangs nas 'khor ba'i rgya mtsho las brgal bla med byang chub thob par shog/ //slob dpon mi thub zla bas mdzad pa'o// // rgya gar skad du/ ni rAt+ma pra ka sa/ bod skad du/ bdag med ma'i rab tu gsal ba/ dpal dgyes pa'i rdo rje la phyag 'tshal lo/ /kun tu rtog pa yongs spangs chos skur gang brjod pa/ /dpe med bde ba tsam mdzes longs spyod rdzogs pa'i sku/ /sa yi phan pa'i rgyur gyur gang gi sprul pa'i sku/ /bcom ldan rdo rje sems dpa' khyod des dge bar shog /gcig tu gsal la rgyas pa yis/ /mi rtog nyung la rgyas pa dag /ji ltar blo bzhin lung ji bzhin/ /bdag med ma yi sgrub thabs bshad/ rnal 'byor pas yang dur khrod la sogs pa yid du 'ong ba'i gnas su bdud rtsi lnga la sogs pa'i dam tshig bsten nas bde ba'i stan la nye bar 'dug ste/ zhen pa med cing dogs pa dang bral bas sems can gyi don du blo bskyed de bdag med ma'i nga rgyal bskyed par bya'o/ /snying gar nyi ma'i dkyil 'khor la yi ge hUM sngon po bsgoms te/ /de nas de'i gsal ba'i 'od zer rnams kyis khams gsum snang bar byas nas 'og min gyi gnas na bzhugs pa rnams bkug ste/ rnal 'byor ma brgyad kyis

  178. 89b

    yongs su bskor ba phyag bcu drug pa/ zhabs brgyad pa thod pa'i phreng bas rnam par spras pa'i thod can zhabs bzhi yis bdud bzhi mnyam par mnan pa kha dog sngon po/ g.yas pa'i phyag gi tshogs rnams kyis bsnams pa'i thod pa rnams su gnas pa ni glang po che dang/ rta dang/ bong bu dang/ glang dang/ rnga mo dang/ skyes ba dang/ seng ge dang/ byi la rnams so/ /cig shos kyi phyag gi tshogs rnams su son pa'i pad+ma'i snod rnams su gnas pa ni/ /'dzin pa dang/ chu dang/ skul byed dang 'bar ba dang/ mtshan mo'i mgon dang/ nyi ma dang/ gshin rje dang/ gnod sbyin rnams so/ /zhal gyi gtso bo ni nag po'o/ /g.yas pa'i zhal ni zla ba dang/ kun da lta bu'o/ /g.yon pa'i zhal shin tu dmar pa'o/ /steng gi zhal du blta bu shin tu gtsigs pa'o/ /zhal gzhan mdza' dag ni shin tu gnag pa'o/ /brgya phyed kyi thod pa'i phreng bas brgyan pa'o/ /bdag med ma'i mgul nas 'khyud pa/ nam mkha' i dkyil na bzhugs pa mdun du bsgom par bya'o/ /de'i rjes su phyi dang/ gsang ba dang/ de kho na nyid rnams kyis mchod pa lha mo brgyad po rnams kyis mchod par bya'o/ /'di la yang thabs dang shes rab dag gis de'i bdag nyid rtogs par bya ba'i phyir pi tsu badzra'i mchod pa'o/ /de nas phyag 'tshal ba dang/ sdig pa bshags pa dang/ sdig pa sman chad sdom pa dang/ bsod nams la rjes su yi rang ba dang/ bsod nams yongs su sngo ba dang/ gsum la skyabs su 'gro ba dang/ byang chub tu sems bskyed pa dang/ bdag nyid kyi dngos po dbul ba dang/ gsol ba gdab pa byas te/ tshangs pa'i gnas bzhi bsgom par bya'o/ /dngos po mdza' dag gi de kho na nyid kyi dngos po bsdus pa/ oM shU n+ya tAdz+nyA na badzra swa b+hA ba At+ma ko haM/ stong pa nyid kyi ye shes rdo rje rang bzhin gyi bdag nyid la chos thams cad

  179. 90a

    ces bya ba'i sngags kyi don bsgoms pas rab tu mi gnas pa'i ngo bor gnas so/ /de nas smon lam gyis dran pas langs te/ /ri las mdun du nyi ma'i dkyil 'khor blta'o/ /de la yi ge hUM las sna tshogs rdo rje bsam mo/ / de nas de'i sna tshogs rdo rje'i 'od zer gyi rdul phra rab kyi tshogs 'phros pa de yis rdo rje ra ba dang dra ba bcing ngo/ /'og tu rdo rje'i rang bzhin gyi sa gzhi dang/ 'bos bsam par bya'o/ /nyi ma dang sna tshogs rdo rje dag las 'od zer dpag tu med pa byung bas de ltar da dag thams cad brtan par bya'o/ /de'i rjes su nam mkha' i dbyings chos 'byung gi rnam pa nang khong stong shin tu dkar po steng yangs pa'i shes rab blte bar bya'o/ /de nas de'i steng du kha dog sna tshogs pa'i pad+ma 'dab ma brgyad pa bsgom par bya'o// de nas de'i steng du raM las byung ba'i nyi ma'i dkyil 'khor la gnas pa'i yi ge hUM yongs su gyur pa las sna tshogs rdo rje bsam par bya'o/ /sna tshogs rdo rje'i dbus su yang rlung dang/ me dang/ chu dang/ sa rnams ni du ba dang/ dmar po dang/ dkar po dang/ / ljang gu rnams/ gzhu dang/ zur gsum dang/ zlum po dang/ gru bzhi rnams/ yaM raM baM laM rnams yongs su gyur pa las steng nas steng du blta'o/ /de dag thams cad ye shes tsam du btags te/ de dag yongs su gyur pa las/ gru bzhi pa sgo bzhi pa/ lha babs bzhi pa/ ka ba brgyad kyis nye bar mdzes pa/ dra ba dang dra ba phyed pas brgyan pa'i gzhal yas khang blta bar bya'o/ /de nas rdo rje ra ba'i nang rol tu dur khrod brgyad bsam par bya'o/ /shar phyogs su dbang po dang/ a ru ra'i shing dang glang po che'i gdong can ser po'o/ /lho phyogs su gshin rje dang/ tsuA da'i shing dang/ ma ha'i gdong can kha dog dkar po'o/ /nub phyogs su a sho ka'i shing dang/ chu lha kha dog dmar ba dang/ seng ge'i gdong can no/ /byang phyogs su byang chub kyi shing dang/ lus//

  180. 90b

    ngan ser po dang/ mi'i gdong can no/ /me'i 'tshams su shing ka rany+dza dang/ me lha dkar po ra'i gdong can no/ /bden bral du la da dza ka pa Tu'i shing dang/ mi gdong can dang/ bden bral dkar po'o/ /rlung gi mtshams su ka ku pa'i shing dang/ rlung lnga dang/ ri dags kyi gdong can ser po'o/ /dbang ldan gyi mtshams su 'byung po dang/ khyu mchog gi gdong can no/ /n+ya gro d+ha sna tshogs pa bsgom mo/ /'di dag thams cad lag pa g.yon par thod pa 'dzin pa/ phyag g.yas par rang rang gi mtshon cha sna tshogs 'dzin pa'o/ /lus kyi stod bstan pa'o/ /de bzhin du shar phyogs la sogs pa tshogs brgyad du go rims ji lta ba bzhin du/ mdza' yas dang/ pad+ma dang/ nor rgyas dang/ pad+ma chen po dang/ 'jog po dang/ dung skyong dang/ karko Ta dang/ rigs ldan rnams so/ /sprin brgyad ni/ ser po dang/ skya bo dang/ dkar po dang/ skya ser dang/ dmar po dang/ ser po dang/ ljang gu dang/ kha dog sna tshogs pa rnams so/ /de ltar phyogs skyong brgyad kyi kha dog ni grags par zad do/ /mchod rten brgyad kyi kha dog kyang rtogs par bya'o/ /de nas dkyil 'khor gyi 'khor lo'i nang du pad+ma 'dab ma brgyad pa dmar po bsams te/ pad+ma'i nang shar phyogs la sogs pa'i 'dab ma bzhi dang/ de bzhin du gzhal yas khang gi zur bzhi dang/ sgo bzhi dang/ steng dang 'og rnams su ro bco lnga dang ldan par bya'o/ / de'i rjes su ro mnan pa'i A li dang kA li yongs su gyur pa las/ zla ba dang nyi ma'i nang du son pa'i a la sogs pa'i dbyangs bco lnga bsgom par bya'o/ /de nas a la sogs pa'i yi ge yongs su gyur pa la thams cad las sa bon dang bcas pa'i gri gug go /de nas/ zla ba dang/ nyi ma dang/ gri gug yongs su gyur pa las bdag mer ma la sogs pa rnal 'byor ma bco lnga bsgom par bya'o/ /de la me long lta bu'i ye shes dang ldan pa ci zla ba'o/ /mnyam pa nyid dang ldan pa ni nyi ma'o/ /de dag gi nang du son pa ni so sor rtog pa'o/ /thams

  181. 91a

    cad gcig pa ni bya ba nan tan no/ /gzugs brnyan rdzogs pa ni nas dbyings shin tu rnam par dag pa'o/ /de la lte ba'i nang du dbyangs kyi yi ge a las byung ba'i mi bskyod pas rgyas btab pa/ zhe sdang dang/ rnam par shes pa'i phung po'i bdag nyid thabs dang shes rab kyi gzugs kha TwAM gas gzugs 'khyud pa'o/ /shar la sogs pa'i 'dab ma rnams la/ a i a'i u'i dbyangs las byung ba/ gti mug dang/ phra ma dang/ 'dod chags dang/ phrag dog gi rang bzhin/ rnam par snang mdzad dang/ rin chen 'byung ldan dang/ 'od dpag med dang/ don yod grub pa rnams kyis rgyas btab pa/ gzugs dang tshor ba dang/ 'du shes dang/ 'du byed kyi phung po'i bdag nyid/ rdo rje ma dang/ gau rI ma dang/ chu ma dang/ rdo rje mkha' 'gro ma rnams bsgom par bya'o/ / de nas phyi rol gyi rim pa'o/ /dbang po la sogs pa'i mtshams rnams su a'u ri li dbyangs la sogs pa'i mi bskyod pa dang/ rnam par snang mdzad dang/ rin chen 'byung ldan dang/ 'od dpag du med pas rgyas btab pa/ sa dang/ chu dang/ me dang/ rlung rnams kyi rang bzhin puk+ka sI dang/ sha ba ri dang/ tsaN+Da lI dang/ Dom+bi ma rnams bsgom par bya'o/ /de nas shar phyogs la sogs pa'i sgo rnams su/ /lI e i o'i dbyangs las byung ba puk+ka sI la sogs pa'i rim pa bzhin du rgyas btab pa/ gzugs dang sgra dang dri dang ro rnams kyi rang bzhin/ gau ri dang/ tsau rI dang/ bet+tA'i dang/ g+hasma rI rnams bsgoms par bya'o/ /de'i rjes su steng dang 'og tu gti mug dang/ 'dod chags kyis rgyas btab pa/ aau aM las byung ba/ reg bya dang/ chos kyi dbyings kyi rang bzhin te/ 'khor ba dang/ mya ngan las 'das pa'i rang bzhin sa spyod dang/ mkha' spyod dag bsgom par bya'o/ /'dir yang lha me rnams bskyed pa'i rjes su rang gi rigs dang bcas pa'i dbang bskur te/ rang rigs kyi rgyas btab par rtogs par bya'o/ de dag ni rnal 'byor ma bco lnga'o/

  182. 91b

    lo bcu drug pa'i tshul zla ba'i dkyil 'khor la gnas pa'i dbyer med pa'i mig sman nag po'i mdog lta bu ste/ byang chub sems kyi rang bzhin skra 'bar ba gyen du brdzes pa/ spyi bor rdo rje sems dpa' i rang bzhin thod pa dum bu sor bzhi pa 'dzin pa/ mgo la yang sangs rgyas lnga'i rang bzhin thod pa skam po lnga 'dzin pa'o/ /spyan zlum po dmar po gsum pa zhal mche ba gtsigs pa/ ma mo bco lnga'i bdag nyid kyi mgo bo skam po bco lnga'i phreng bas brgyan pa/ stag gi pags pa'i sham thabs can/ /skyil krung phyed pa'i gar gyis bzhugs pa ro la bcibs pa/ phyag rgya lnga 'dzin pa'o/ /de la 'khor lo'i gzugs gyis mi bskyod pa/ /rna cha'i bdag nyid 'od dpag med/ /mgul pa'i phreng bar rin chen bdag /lag rgyan rnam par snang mdzad brjod/ /ske rags la ni don yod gnas lus kun rdo rje 'dzin bzhin no/ /bla ma slob dpon 'dod lha la/ /phyag 'tshal spyi bor 'khor lo 'dzin/ /bla ma rdo rje 'dzin pa la 'ang/ /smod tshig mi nyan pa yi phyir/ /rna ba dag la rna cha 'dzin/ /sngags bzlas phyir ni mgul ba'i phreng/ /phyag rgya bsten pa ske rags te/ / srog gcod spangs pa gdu bu ste/ /rkang rgyan dang ni dpung rgyan 'dzin/ /byams pa'i thugs ni yan lag gnang/ /dmar ser gyi ni skra dag ni/ /'dod chags chen por ston pa dang/ /khro bor rtogs phyir steng du brdzes/ /sku dang gsung dang thugs shin tu chags pa'i rang bzhin gyi phyir/ rang bzhin gyis spyan dmar po chen po'o/ /srid pa dang mya ngan las 'das pa'i rang bzhin dag ni phyag dag go /nga rgyal la sogs pa'i skyon gcod pa ni gri gug go /khams gsum rnam par dag pa phung po la sogs pa'i bdud bzhi la sogs pa'i khrag gis bkang ba rnam par rtog pa mdza' dag gis lus thod pa dum bu gsum mo/ /chos dang longs spyod dang sprul pa rnam par dag pa ni gnyer ma gsum mo/ /ngo bo nyid gcig pu'i sku'i rnam par dag pa ni lus kyi ril po dag go /sgrib pa dang bral ba'i ston

  183. 92a

    pa'i phyir stag gi pags pa'i na bza' o/ /khams gsum pa dmigs pa med par ston pa'i phyir zhabs ma sbyangs pa'o/ /ro gcig pa'i rang bzhin du bstan pa'i phyir zhabs gcig gis sa'i dkyil 'khor du mnan pa'o/ /de'i rjes su snying ga'i sa bon las byung ba'i 'od zer rnam pa lnga yis 'og min na bzhugs pa'i ye shes sems dpa' i rang gi bdag med ma'i 'khor lo bkug la/ snying kha'i sa bon la gzhug par bya'o/ /ye shes dang dam tshig sems dpa' dag gcig tu byas nas bdag med ma'i nga rgyal dang ldan pas bdag med ma dang mnyam par 'gyur te/ 'dir sbyor ba'i yan lag drug rnam par bzhag pa'i phyir rim pa yis/ nag po dang/ dmar po dang/ ser po dang/ ljang gu dang/ sngon po dang/ dkar po rnams bsgom par bya'o/ /de la bsgom pa phul du byung ba'i rim gyis dang por sprin gyis bsgribs pa'i zla ba'i dkyil 'khor lta bur snang ngo/ /de yang rab kyi phul du phyin pa las ni sgyu ma lta bur snang ngo/ /de yang rab kyi phul du phyin pa las ni rmi lam lta bur snang ngo/ /de'i rjes su rab kyi phul du phyin pa yongs su smin pa las ni rmi lam dang sad pa 'dra ba'i dus su gnyis med par gang gis mthong ba yis phyag rgya chen po thob par 'gyur ro zhes bya bas ni bskyed pa'i rim pa'o/ /gzhan du ? la dang/ kak+ko la dang yang dag par sbyong ba las/ gang bde ba chen po'i rang bzhin mchog dang bral ba'i nang du son pa'i byang chub kyi sems skye ste/ de nyid bco lnga'i cha'i bdag nyid can skad cig gis sngon du bstan pa'i phyag mtshan dang kha dog dang dbyibs te/ rnal 'byor ma bco lnga'i dkyil 'khor gyi 'khor lor blta bar bya'o/ /de yang phung po lnga dang/ khams bzhi dang/ yul drug ste/ sku dang gsung thugs kyi rang bzhin te/ 'di ni zab mo bskyed pa'i rim pa'o/ /skad cig nyid las rnal 'byor ma bco lnga'i bdag nyid kyi dkyil 'khor gyi 'khor lo blta'o/ /'di ni rdzogs pa'i rim pa'o/ /

  184. 92b

    rdo rje'i lus yang ye shes lngas byin gyis brlabs pa'i rtsa sum cu rtsa gnyis te/ bde ba chen po'i gnas nas 'dzag pa'o/ /de yang rnal 'byor ma bco lnga'i bdag nyid de/ lus nyid bdag med ma'i 'khor lo'o/ /yongs su rdzogs pa'i rim pa'o/ /de bzhin du la la sa nA dang ra sa nA dag mgrin pa nas brtsams te lte ba'i bar du g.yon pa dang cig shos kyi ngos su gnas pa zla ba dang nyi ma zhes bya bas/ lte ba'i nang du de nyid skye gnas kyi rtsa la la nA dang ra sa nA yin te/ mi bskyod pa dang khrag 'bab pa'o/ /a ba d+hU ti ni mgo dang mgrin pa dang/ lte ba dang skye gnas kyi nang du gnas pa byang chub sems 'bab pa'o/ /rtsa de dag bdag med ma'o/ /mi phyed ma dang phra gzugs ma ni spyi bor gnas pa ste/ grangs bzhin du sen mo dang/ so dang/ skra dang ba spu'i mtshan nyid rnams zung du 'bab pa ni rdo rje ma'o/ /gsal ma ni rna ba g.yas pa'i pags pa dang/ dri ma 'bab pa dang/ g.yon ma ni rgyab kyi sgal tshigs kyi sha 'bab pa dag ni gau rI'o/ /ma mi ni dang/ ru sbal skyes dag ni rna ba g.yon pa dang/ smin ma'i dbus na gnas pa ste/ rgyus pa dang rus pa dang dril ba la dag ni chu ma'o/ /dngos po ma dang dbang bskur ma dag ni/ mig dang lag pa'i rtsa bar gnas te/ glo ba dang snying 'bab pa ste/ rdo rje mkha' 'gro ma'o/ /skyon ldan ma dang mahA ni ye dag ni mchan khung dang/ nu ma dag la gnas pa ste/ mig dang mkhris pa 'bab pa ste/ puk+ka sI'o/ /ma mo dang mtshan mo dag ni lte ba dang sna rtse dag la gnas pa ste/ mchin pa dang rgyu ma dang dri 'bab pa sha ba ri'o/ /bsil steng dang chab ma dag ni la dang mgrin par gnas te/ ngos kyi skud pa dang lto ba 'bab pa ste/ tsaN+Da bI'o/ /phra ma na ni snying dang bshang ba 'bab pa'o/ /mdog nag ma ni mtshams mthar gnas pa ste Dom+bi ni'o/ /phra gzugs ma dang spyi ma dag ni 'doms pa bshad pa'i lam dang bad kan dang mkhris pa 'bab ba ste/ gau rI'o/ rgyu sbyin ma dang bral ba ni bar dang byin pa dag la

  185. 93a

    gnas pa khrag dang rdul 'bab pa ste tsau rI'o/ /sdug ma dang dngos grub ma dag ni rkang pa'i song mo dang/ kA pa'i rgyab du tshil dang mchin pa 'bab pa ste/ bet+tA lI'o/ /'tshed pa dang yid bzangs ma dag ni/ mthe bong dang pus mo gnyis la gnas te/ de la snga ma ni bad kan 'bab pa/ phyi ma ni stobs dang snabs 'bab pa ste/ 'di ni g+hasma ri'o/ /snying ga'i pad+ma lte ba'i shar la sogs pa'i 'dab ma rnams la go rims bzhin du gsum bskor ma dang/ 'dod ma dang/ khyim dang/ gtum mo dang/ bdud sbyin ma rnams so/ de la rtsa dang po gnyis ni sa spyod ma'o/ /lhag ma rnams ni mkha' spyod ma'o/ /'di yang rtsa nas rab tu 'dzag pas/ rgyas par byed pa dang/ 'gro bar byed pa dang/ de nas cung zad 'bab pa'o/ /sku dang gsung dang thugs dang/ chos dang longs spyod rdzogs pa dang/ sprul pa'i ngo bo nyid ni 'khor lo bzhir lus la rnam par gnas pa'o/ /de la sprul pa'i 'khor lo ni kha dog sna tshogs pa pad+ma 'dab ma drug cu rtsa bzhi pa'i lte ba'i 'og tu yi ge a nag po steng du kha bltas pas rnam par gnas pa'o/ /chos kyi 'khor lo ni pad+ma 'dab ma brgyad pa la yi ge hUM nag po snying gar rnam par gnas pa'o/ /mgrin par longs spyod kyi 'khor lo dmar po 'dab ma bcu drug pa la pra na pa sa bon dmar po'o/ /spyi bor 'dab ma sum cu rtsa gnyis pa dkar po la yi ge hi dkar po'i sa bon kha gyur du bltas pa las bdud rtsi'i rgyun 'bab pa bde ba chen po'i 'khor lo'o/ /'di dga' ba dang skad cig ma'i rnam par bzhag pa ni bla ma'i man ngag las rtogs par bya'o/ /'bad pa med par zung du 'jug pa gnyis med par 'byung ba'i byang chub kyi sems mngon du byed pa'i rgyu'o/ /ngo bo nyid kyi rim pa'o/ /de nas bsgom pas dub na bdag med ma'i nga rgyal dang ldan pas sngags bzlas par bya'o/ /de la 'dir lhan cig skyes par grub pa phra ba dang po hUM phaT mthar gnas pa'i dbyangs bco lnga'i rang bzhin gyi a la sogs pa'i sngags so//

  186. 93b

    'di lta ste/ oM a A i a'i u a'u ri rI li lI e i o aau aM hUM phaT swAhA/ bdag med ma dmar mo'i nga rgyal dang ldan pas grong khyer dkrug pa'i sngags bzlas par bya'o/ /de la 'dir sngags ni oM a ka tsa Ta ta pa ya sha swAhA zhes pa'o/ /oM a kA ro mu kha sarba d+harmA NaM Atya nutpan+na twAt oM A(rgyud 'grel): hUM phaT swAhA zhes pa ni gtor ma'i sngags so/ /oM A(rgyud 'grel): hUM zhes bya ba ni dam tshig byin gyis brlab pa'i sngags so/ /de'i rjes su dkyil 'khor gyi 'khor lo mngon du byas pa'i dus su ni nu ma spangs pas rang gi yan lag gi kak+ko la'i nang du gnas pa'i bo lar bya'o/ /'gri pa gnyis ni dril bur 'gyur ba'o// //gsang sngags tshul gyi bstan bcos snying/ /bla ma dam pa'i 'bad pa las shes pa/ /bdag med ma ni rab tu gsal ba ni/ /bdag gi snying rje yi ni sems kyis byas/ /dkyil 'khor 'khor lo zab mo yi/ /rnam par nges par 'gyur ba ni/ /ji ltar 'dir ni lus can rnams/ /ri khrod zhabs kyi chu skyes kyi/ /rdul rnams spyi bos ma blangs pa/ /de dag nges par ji ltar 'gyur/ /mngon par rtogs pa 'di yis thob pa yis/ /dge ba 'di yis 'jig rten mdza' dag ni/ /srid pa gsum gyi sdug bsngal yid mi bde spangs te/ /rdo rje 'dzin pa'i go 'phang rab gnas shog /dpal paN+Di ta gnyis su med pa'i rdo rjes mdzad pa'i bdag med ma'i sgrub thabs rdzogs so// // rgya gar gyi mkhan po badzra pA Ni las mnyan te slad kyis dge slong mtshur dz+nyA nA ka ras bsgyur ba'o// //rgya gar skad du/ nai rAt+ma sA d+ha naM poSh+Ti ka nirde sha/ bod skad du/ bdag med ma'i sgrub thabs rgyas par bstan pa zhes bya ba/ bcom ldan 'das yum shes rab kyi pha rol tu phyin ma la phyag 'tshal lo/ /spyir de kho na nyid btsal ba'i thabs mang na yang gnas skabs 'dir bsgom par byang ba'i snod du rung bar byas pa'i sngags pas nang bar sngar langs te/ rang gi snying gang zla ba'i dkyil 'khor la bdag

  187. 94a

    med ma'i sa bon 'od kyi phreng ba dang ldan par bltas la/ gdong bkru ba la sogs pa byas rnal 'byor dang gnas dang bdag nyid bsrung ba byas la bsam gtan gyi gnas su rab tu zhugs nas bde ba'i stan la 'dug ste/ rang gi sngags kyis mchod yon la yongs su bzlas par bya'o/ /dus gsum gyi de bzhin gshegs pa thams cad yang dag par bsdus pa'i ngo bo dag med ma'i dkyil 'khor mdun gyi nam mkhar bar snang la gnas pa bltas pa la rang gi snying ga'i sa bon las mngon du ston pa'i mchod pa'i lha mo brgyad po rnams kyis mchod par byas te/ ri dags can 'dzin ser mo ste/ /nyi ma 'dzin pa chom rkun ma'o/ /lag na chu 'dzin ro langs ma/ /za phod ma ni sman snod 'dzin/ /spos mo lag na rdo rje 'dzin/ /ro mchog 'dzin pa ri khrod ma/ /de bzhin gtum mo cang te'u can/ /sme mo 'gul 'khyud cing 'dzin zhes pa de dag gis yang dag par mchod la/ de dag gi mdun du sdig pa bshags pa la sogs pa 'di ltar bya ste/ bdag gi sdig pa ni thams cad so sor 'chags lags so/ /so so'i skye bo rnams dang/ 'phags pa rnams kyi dge ba thams cad la ni rjes su yi rang lags so/ /bdag gis ji srid byang chub kyi bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o// sems can thams cad la bde ba dang phan gdags pa dang/ ji ltar byang chub rnam pa gsum po'i skal ba dang ldan pa de rnams byang chub gsum po thob par bya ba'i don du bla na med pa yang dag par rdzogs pa'i byang chub mchog tu sems bskyed par bgyi'o/ / de nas sems can thams cad la bde ba bzang po nye bar sbyar bar bya ba'i phyir byams pa bsgom par bya'o/ /de nas sems can thams cad kyi sdug bsngal nye bar sel ba'i rnam pa snying rje'o/ /de nas 'di ltar sems can thams cad bde ba dang mi 'dral ba'i rnam

  188. 94b

    pa dga' ba'o/ /de nas sems can thams cad 'jig rten dang 'jig rten las 'das pa'i dge ba rnams su nye bar sbyor ba'i rnam par btang snyoms so/ /de nas chos thams cad sems las skye zhing snang ba las bde ba ma yin pa 'di lta bu sems bzung ba dang 'dzin pa'i don du snang ba 'khrul pa rnam par bsal ba ste/ dper na rmi lam lta bu 'di ni nges pa ma yin no/ /'khrul pa yongs su bsal ba'i phyir na sngon po dang ser po la sogs pa don du snang ba yongs su bsal bar bya'o/ /rgyu des na so sor snang ba rnams ni bdag nyid kyi sems te/ de yang ston ka'i nyi ma'i gung la nam mkha' dri ma med cing snang ba med pa gsal tsam mdza' yas pa ltar blta'o/ /'di ni don dam pa byang chub kyi sems kyi sems so/ /'dir 'di ni gdod ma'i shes rab kyi pha rol tu phyin pa ste/ de lta bu 'di stong pa nyid kyi ye shes dam pa'o/ /'di ru snags kyis byin gyis brlab cing bsgom par bya'o/ /oM shu n+yA tA dz+nyA na badzra swa b+hA ba At+ma ko haM zhes pa'o/ /de'i rjes la re pas nyi ma mdun du rnam par bsgom/ /nyi ma der hUM sna tshogs rdo rje'i dngos/ /rdo rje de yis rnam par bsgom bya ba/ /ra ba dang ni dra ba bcing ba'o/ /de nas ston ka'i zla ba ltar dkar po gyen dkar gnas pa'i gru gsum pa/ nang rol stong pa chen po'i khams su gnas pa'i chos kyi 'byung gnas kyi phyag rgya du rnam par bsgom par bya'o/ /de'i dkyil du dbang chen gyi dkyil 'khor gru bzhi pa ser po'o/ /de'i steng du chu'i dkyil 'khor zlum po dkar po'o/ /de'i steng du me gru gsum pa dmar po'o/ /de'i steng du rlung gzhu'i rnam pa sngon po'o/ /de rnams yongs su gyur pa sna tshogs pad+ma chen po ge sar dang ldan pa sna tshogs rdo rjes mtshan pa la gzhal yas khang brtsegs pa bsgom par bya'o/ /de yang rin po che sna lnga mchog tu 'bar ba'i rang bzhin las gyur pa/ gru bzhi pa dang/ sgo bzhi pa dang/ twA ra na bzhis brgyan pa/ mu khyud la mchod pa'i lha mo brgyad phyag gnyis kyis mchod pa byed pa can

  189. 95a

    dra ba dra phyed kyis mdzes pa/ rdo rje skud pas brgyan pa dang/ rlung gis brlabs pas sna tshogs pa'i steng logs su bskyod pa'i cod pan dril bu'i sgra dang ldan pa can no/ /de'i dkyil gyi rim pa la pad+ma 'dab ma brgyad pa rnam par bsgom par bya'o/ /de'i sar dang phyogs bzhi ru zhing lnga'i gdan rnams su bsam par bya'o/ /phyi rim gyi grwa rnams su bzhi dang/ sgo rnams su bzhi dang/ 'og tu gcig dang steng du gcig go /de nas zhing gi gdan dbu ma'i snying gar sngon du bsgoms pa'i sgom pa po'i sems mdza' yas shing gsal ba shel lta bu de dbyangs kyi yi ge bco lnga po phreng ba'i gzugs kyis bsdus te de yongs su zhu ba zla ba gang ba'i rnam par bsgom par bya'o/ /de'i steng du sde tshan sum cu rtsa bzhi'i phreng ba yongs su zhu bas nyi ma'i dkyil 'khor ro/ /de'i steng du yi ge a des gri gug go /de'i dkyil 'khor yi ge a'o/ /yi ge a de las de bzhin gshegs pa thams cad rnal 'byor ma bco lnga'i gzugs kyis spros te/ slar de la yang dag par bsdus pas zla ba dang nyi ma dang gri gug dang/ sa bon yongs su zhu bas bcom ldan 'das bdag med ma'i rnal 'byor bsgom par bya'o/ /de ni kha dog nag mo drag chen mo/ /phyag rgya lnga yis rnam par brgyan/ /'khor lo snyan cha mgul po dang/ /phyag gdub dang ni ske rags dang/ /stag lpags smad g.yogs 'od 'bar ba/ /dbu skra dmar ser gyen du skyes/ /phyag gnyis zhal ni gcig ma ste/ /khro gnyer bsdus shing spyan dmar ma/ /g.yon na thod pa kha twAM ga /g.yon min na ni gri gug bsnams/ /skyil krung phyed pa'i gang gyis bzhugs/ /ri bo? can 'od zla ba'i gdan/ /'khor lo bzhi yis chu skyes la/ /yi ge bzhi yis brgyan ba'o/ nu bar zla ba'i gri gug la/ /sa bon 'od kyis rnam mdzes gnas zhes bya ba yin no/ /'di dag ni dang po'i rnal 'byor dang/ dang po'i ting nge 'dzin dang/ ngo bo nyid kyi sku'o/ /de nas de'i

  190. 95b

    rjes su snying ga'i mtshan ma la gnas pa'i sa bon las zla ba'i gdan bcu bzhi nges par bton te/ ro'i gdan rnams re re'i snying gar dgod do/ /de nas yang sa bon de nyid las nyi ma'i gzugs bcu bzhi po bton te/ zla ba de dag nyid kyi steng du bzhag par bya'o/ /zla ba dang nyi ma mnyam par sbyar ba las nyi ma'i steng du sa bon rnams skyes so/ /de la nang gi rim pa'i shar la sogs pa'i phyogs kyi nyi ma rnams la rim bzhin du A a a'i u'o/ /phyi'i rim pa'i dbang ldan la sogs pa'i grwa rnams kyi nyi ma rnams la rim bzhin du a'u ri rI li'o/ /shar la sogs pa'i sgo'i nyi ma rnams la lI e i o'o/ /'og gi nyi ma la aau yin no/ /steng gi nyi ma la aM do/ /so so'i sa bon las gri gug dang/ /sa bon yongs su zhu ba rnams lha mo bcu bzhir byung ste / thams cad kyang ji ltar bdag med rnal 'byor de bzhin no/ /phyogs kyi 'dab ma rnams la rdo rje ma dang/ ser mo dang/ chu'i rnal 'byor ma dang/ rdo rje mkha' 'gro ma'o/ /grwa rnams su spos mo dang/ ri khrod ma dang/ gtum mo dang/ sme mo'o/ /sgo rnams su ser mo dang/ chom kun ma dang/ ro langs ma dang/ za nus ma'o/ /lha mo bcu gnyis po de rnams ni bdag med ma la mngon du phyogs pa'o/ /'og tu ni sa spyod ma ste zhal 'og tu gzigs pa'o/ /steng du ni nam mkha' spyod ma ste zhal steng du gzigs pa'o/ /thams cad kyi snying gar zla ba la gri gug gnas pa'i dkyil 'khor na rang rang gi sa bon can no/ /de'i rjes su sngags kyi 'od zer gyis ye shes kyi 'khor lo bkug ste/ yi ge hUM gis bgegs rnams bskrad cing nam mkha' i steng na bzhugs pa dag mnyes par bya ba'i ched su sngon du yongs su bzlas pa'i mchod yon dang zhabs bsil dang zhabs bsil dag rang gi sngags kyi dbul bar bya'o/ /de nas dza(rgyud 'grel): hUM baM ho(rgyud 'grel): zhes brjod de/ dam tshig gi dkyil 'khor la ye shes kyi dkyil 'khor mngon du bkug cing bkug la bcings

  191. 96a

    nas dbang du byas la chu dang 'o ma 'dres pa bzhin du ro gcig tu gyur par bsam par bya'o/ /de nas bdag nyid kyi gzugs kyi phung po de'i bdag nyid la rdo rje ma gnas par blta'o/ /tshor ba'i phung po la ser mo'o/ /'du shes kyi phung po la chu'i rnal 'byor ma'o/ /'du byed kyi phung po la rdo rje mkha' 'gro ma'o/ /rnam par shes pa'i phung po la bdag med ma'o/ /sa'i khams la sbos mo'o/ /chu'i khams la ri khrod ma'o/ /me'i khams la drag 'dzin ma'o/ /rlung gi khams la sme'o// gzugs kyi skye mched la ser mo'o/ /skra'i skye mched la chom rkun mo'o/ /dri'i skye mched la ro langs ma'o/ /ro'i skye mched la za nus ma'o/ /reg bya'i skye mched las spyod ma'o/ /chos kyi skye mched la mkha' spyod ma'o/ /yang mig gi skye mched la rdo rje ma'o/ /rna ba'i skye mched la bdag med ma'o/ /sna'i skye mched la ser mo'i/ /lce'i skye mched la chu'i rnal 'byor ma'o/ /lus kyi skye mched la rdo rje mkha' 'gro ma'o/ /yid kyi skye mched la bdag med ma'o/ /zhe sdang la bdag med ma'o// gti mug la rdo rje ma'o/ /'dod chags la chu'i rnal 'byor nga rgyal la ser mo'o/ /phrag dog la rdo rje mkha' 'gro ma'o/ /thams cad kyi mgo bor yi ge oM gyis sku byin gyis brlab par bya'o/ /mgrin par yi ge a(rgyud 'grel): yis ngag byin gyis brlab pa'o// snying gar yi ge hUM gis thugs byin gyis brlab par bya'o/ /de lta bu'i gzhan rnams kyi yang phung po dang khams dang/ skye mched dang/ nyon mongs pa dang nye ba'i nyon mongs pa rnams rnam par dag par lhag par mos par bya'o/ /de nas rang gi snying ga'i sa bon gyi 'od zer gyi de bzhin gshegs pa thams cad bkug ste/ nam mkhar bzhag pa la rang gi snying ka'i sa bon las mngon par spros pa'i ma mo brgyad po rnams kyis yang dag par mngon par mchod la dbang bskur ba blang bar bya'o/ /de nas de rnams ye shes lnga'i rang bzhin

  192. 96b

    gyis gang ba'i nor bu rin po che rnams kyis bum pas dkyil 'khor gyi bdag po dang/ de nyid kyi dkyil 'khor ba rnams la dbang bskur bar rnam par bsam mo /dbang bskur ba'i chu las byung ba'i rigs lnga rnams kyis rgyas gdab par bya'o/ /thugs dang rtag pa rin chen dang/ 'jig rten dbang don grub pas so/ /thug rtag rin chen 'jig rten dbang/ /rnams kyi mtshams na bzhugs rnams la'o/ /sgo skyong rnams la'ang de bzhin no/ /rmongs dang chags pas 'og bla ma'o/ /de nas rang gi snying ga'i sngags las mchod pa'i lha mo brgyad po rnams nges par bton te spros la yang dag par bsdus te mchod par bya'o/ /de la dang po'i drug po rnams ni cung zad yo bar lag na gnas pa'i snod kyis mchod par bya ba rnams kyi phyag na thogs pa'i thod pa rnams su mchod rdzas rnams so sor rab tu gsal bar snang ba las rab tu bzhes par bya'o/ /des de rnams yongs su longs spyod cing tshim par blta'o/ /brgyad pa sme mo ni 'khor lo'i bdag mo'i mgrin pa la 'khyud pa'o/ /'di las ma gtogs gzhan dkyil 'khor gyi rnal 'byor ma bdun po rnams ni der rab tu 'jug pa'o/ /des na de thams cad la bcom ldan 'das yum nyid kyi pad+mar gnas pa la skyes pa'i rdo rjes yongs su longs spyod pa'o/ /nag po dmar po de nas ser/ /ljang gu sngon po dkar po rim/ /rang bzhin dga' ba tsam du ni/ /bsam bya 'khor lo'i gtso mo la'o/ /'di dag ni dkyil 'khor rgyal po mchog ces bya ba ste/ ting nge 'dzin gnyis pa dang/ longs spyod rdzogs pa'i sku'o/ /de'i rjes su 'khor lo'i bdag pos lha mo thams cad bskul bas rim pa bzhin du rang rang gi sku las rjes su mthun pa'i gzugs sprin tsam spros pas 'gro ba rnams kyi don la nan tan byas te rang rang gi sku sprin tsam mo/ /de rnams rtsa ba'i sku rnams la bsdu'o/ /de la sgo skyong ma rnams dang/ sa spyod mas ni rim bzhin du dad pa dang/ brtson 'grus dang/ dran pa dang/ ting nge

  193. 97a

    'dzin dang/ shes rab kyi dbang po rnams la sems can rnams 'jog go /mkha' spyod mas ni dad pa dang brtson 'grus dang dran pa dang ting nge 'dzin dang shes rab kyi stobs rnams la'o/ /sbos mos ni rab tu dga' ba dang/ dri ma med pa dang yod byed pa rnams la'o/ /ri khrod mas ni 'od 'phro ba dang/ sbyang dka' ba dang/ mngon du gyur pa rnams la'o/ /drag 'dzin mas ni ring du song ba dang/ mi g.yo ba rnams la'o/ /sme mos ni legs pa'i blo gros dang/ chos kyi sprin dag la'o/ / lhag ma gzhan rnams ni sangs rgyas lnga'i sa rnams la ste/ de la phyogs kyi lha mo bzhi pos ni me long lta bu la sogs pa'i ye shes bzhi rnams la'o/ /bcom ldan 'das yum bdag med ma nyid ni shin tu rnam par dag pa chos kyi dbyings kyi ye shes la'o/ /'di dag ni las kyi rgyal po mchog ces bya ba'i ting nge 'dzin gsum pa dang sprul pa'i sku'o/ /skyon ni thang cig ngal bso ba 'bar ba'i sngags kyi yi ge rnams snying ga'i zla ba la ye ge'i phreng ba'i dngos por yid kyis mngon du bris pa rnams la rim par brjod cing ji srid skyo bar mi 'gyur gyi bar du dal bus bzlas so/ /sngags ni dbyangs yig bco lnga po swAhA mthar bzhag pa'o/ /de nas tshigs bcad gnyis kyis bsod nams yongs su bsngo bar bya ste/ sangs rgyas kun gyi nor rnams kun/ /rdo rje 'chang chen go 'phang ni/ /bdag gis dge ba 'di thob ste/ /'gro rnams kyang ni der thob shog /yang dag byang chub ched du gang spyod dang/ /yang dag rdzogs pa'i sangs rgyas rnams kyi yang/ /byang chub rdo rje yis ni gang brjod ba/ /spyod pa de gnyis bdag gis spyod par shog /ces brjod do/ /rang gi snying ga'i sa bon gyi thig le la dkyil 'khor pa rnams bcug ste langs la ji ltar bde bar rang gi lha'i nga rgyal du byas pa dang mi 'bral bar spyod lam thams cad bya'o/ /gung gi thun mtshams su ni lha'i khang par zhugs nas

  194. 97b

    stan bde ba la 'dug ste bdag nyid bdag med ma rnal 'byor mar bltas la rang gi snying ga'i sngags las lha mo bcu bzhi po rnams phyung nas ji lta ba'i gnas rnams la bzhugs par blta'o/ /bdag nyid dang de rnams kyi phung po la sogs pa rnam par dag pa dang yi ge gsum gyis byin gyis brlabs yud tsam zhig gis lhag par mos par bya ba dang/ sngon bzhin du dbang bskur ba dang/ yongs su sngo ba'i mthar thug par bya'o/ /de bzhin dkyil 'khor nye bar bsdus te yang dag par langs la rang gi lha'i nga rgyal du byas pas thams cad bya'o/ /gtor ma yang 'dis sbyin par bya ste/ /oM a kA ro mu khaM sarba d+harmA NaM A dyA nutpan+na twAt oM A(rgyud 'grel): hUM phaT swAhA zhes pas so/ /srod kyi thun mtshams su ni mthar mchod yon phul la ye shes kyi dkyil 'khor gshegs su gsol te/ oM khyod kyis sems can don kun mdzad/ /ji ltar dngos grub rjes 'gro stsol/ /sangs rgyas yul du gshegs gsol te/ /slar yang gshegs shing byon 'tshal lo zhes brjod pa'i rjes su oM mu(rgyud 'grel): zhes bya bas bskul lo/ /de nas dam tshig gi dkyil 'khor nang du bstims te/ gnas dang bdag nyid rnal 'byor gyis bsrung bar bya'o/ /gnyid log pa'i dus su ni rang bzhin gyi dga' ba tsam du lhag par byas la nyal bar bya'o/ /de lta bur yang nas yang du rgyun du bya'o/ /mu tig phreng ltar yid 'ong sgrub thabs 'di/ /bstan pa'i dge ba ji snyed yod pa'i mthus/ /nga dang bdag tu zhen pa'i sems can kun/ /bdag med ma yi ngo bor lhun grub shog /bdag med ma sgrub pa'i thabs rgyas par bstan pa/ dpal dkon mchog 'byung gnas kyis mdzad pa rdzogs so// //dpal rdo rje sems dpa' la phyag 'tshal lo/ /chos dbyings ye shes lhan cig skyes/ /zhal cig phyag gnyis g.yon brkyang sngo/ /rgyan lnga thod phreng mgo skyes seng/ /gri gug thod phyag khyod la 'dud/ /blo dman bud med rnams kyi phyir/ /mdor bsdus rgyas pa ma yin pa/ /bskyed pa dang ni

  195. 98a

    rdzogs pa yis/ /dpa' mo gcig pa bri bar bya/ /dang po re shig rnal 'byor pas/ /dben pa'i gnas su sems dpa' i skyil mo krung gi gnas la/ ji skad gsungs pa'i rim pas bla mchod nas tshangs pa'i sgom pa byas la/ de nas oM shU n+ya tA dz+nyA na badzra swa b+hA ba At+ma ko haM/ de rjes smon lam stobs las ni/ /chu skyes dmar po nyi dbus su/ /ma skyes mchog gi sa bon las/ /nag po zhal gcig phyag gnyis ma/ /g.yas par gri gug 'jigs chen ma/ g.yon pa na ni pad+ma'i snod/ /g.yas pa min par kha TwAM ga /stag gi pags pas smad dkris pa/ /srog song steng na g.yon brkyang gnas/ /skra ser gyen 'greng phyag rgya lnga/ /thod phreng thal bas rnam brgyan la/ /de rjes ye shes sems dpa' bzhag /skye mched drug dang sku gsung thugs/ /dbang bskur bdud rtsi mchod par bya/ oM A(rgyud 'grel): aM(rgyud 'grel): hUM swAhA/ bzlas pa'i sngags so/ /oM a kA ro mu khaM sarba d+harmA NAM/ AdyA nutpan+na twAt oM A(rgyud 'grel): hUM phaT swAhA/ gtor ma'i sngags so/ /lha mo'i lte bar zla rgyas 'bar/ /a yig ye shes lnga yi dngos/ /srid dang mya ngan 'das pa'i rgyu/ /de nyid 'khor ba zhes bya ste/ /de nyid mya ngan 'das pa yin/ /'khor ba yongs su shes gyur na/ /mya ngan 'das shes de la rjod/ /ji ltar nor bu rin po che/ /ma phug pas ni sbyor bral 'gyur/ /rnam par phug pas sbyor ldan pa/ /'khor ba'i rnam pa de lta bu/ /bla ma rnams kyis gsung bar 'gyur/ /dpa' gcig ma'i sgrub pa'i thabs bskyed pa dang rdzogs par ldan pa zhes bya ba slob dpon bsod snyoms pa sgra gcan 'dzin gyis mdzad pa rdzogs so// //rgya gar gyi mkhan po pradz+nyA in+d+ra ru tsi dang/ dge slong shAkya ye shes kyis bsgyur te gtan la phab pa'o// //rgya gar skad du/ nai rA t+ma sA d+ha naM/ bod skad du/ bdag med ma'i sgrub pa'i thabs/ rdo rje sems dpa' la phyag 'tshal lo/ /'khor min mya ngan 'das min gang/ /gzugs can ma yin

  196. 98b

    gzugs med min/ /de yi rang dngos kun rdzob tu bris pa rnams phyir de ltar bri/ /bsgom pa 'di la dbang bar gyur pa'i rnal 'byor pa tho rangs kyi cha la mal nas langs nas/ snying gar zla ba la bdag med ma'i sa bon bltas la/ oM rak+Sha rak+Sha hUM hUM phaT swAhA/ zhes lan gsum brjod nas gnas dang bdag nyid dang rnal 'byor bsrung bar bya'o/ /hUM gis lci ba mngon par bsngags la/ oM A(rgyud 'grel): hUM sarba ta thA ga ta bi sho d+ha na badzre swAhA zhes bya bas chu la bsngags la bzlas pa'i dkyil 'khor byas nas/ oM me di ni badzra band+ha hUM zhes bya bas sa gzhi rdo rje'i rang bzhin du bltas la me tog dor bar bya'o/ /dkyil 'khor gzhal yas khang du yid kyis dmigs la/ oM badzra puShpe A(rgyud 'grel): hUM zhes bya ba me tog la bsngags la/ dbus na gnas pa'i pad+ma 'dab ma bzhi pa'i dbus kyi lte ba la/ oM nai rAt+mi badzra puShpe A(rgyud 'grel): hUM swAhA zhes bya bas so/ /shar gyi 'dab ma la a badzri zhes bya bas so/ /lho'i 'dab ma la i gau rI zhes bya bas so/ /nub kyi 'dab ma la a'i bi ra yo gi ni zhes bya bas so/ /byang gi 'dab ma la ni u badzra DA ki zhes pas so/ /dbang ldan mtshams su a'u puk+ka sI zhes bya bas so/ /me'i mtshams su ri sha ba rI zhes bya bas so/ /bden bral mtshams su rI tsaN+Da lI zhes bya bas so/ /rlung gi mtshams su li Dom+bi ni zhes bya bas so/ /shar gyi sgor ni lI gau rI zhes bya bas so/ /lho'i sgor ni e tsau rI zhes bya bas so/ /nub kyi sgor ni e bet+tA lI zhes bya bas so/ /byang gi sgor ni oM g+hasma rI zhes bya bas so/ /'og tu ni aau b+hU tsarya'i zhes bya bas so/ /steng du ni A khe tsaryI zhes bya bas bzhag la yang dag par mchod pa bya ste/ oM badzra d+hU pe A(rgyud 'grel): hUM zhes bya bas mchod pa nye bar bkod pas mchod ba byas la/ dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi dang/ /sangs rgyas byang chub yid kyis gzung zhes bya ba lan gsum brjod pas phyag byas nas/ dkyil 'khor la lag pas bzhag la/ 'gro

  197. 99a

    ba zhe sdang mnan mthong nas/ /'gro ba zhe sdang zhi bya'i phyir/ /mgon po bdag med ma gzugs ldan/ /de phyir bdag med ma phyag 'tshal zhes pas bstod la/ oM badzra mu(rgyud 'grel): zhes bya bas gshegs su gsol lo/ de'i rjes la sems can thams cad la lha'i bde ba sbyar bar 'dod pa'i byams pa dang/ sdug bsngal thams cad bsal bar 'dod pa'i snying rje dang/ lha'i bde ba rgyun mi 'chad par 'dod pa'i dga' ba dang/ bla na med pa'i lam nye bar bsdu bar 'dod pa'i btang snyoms bsgom par bya'o/ /de'i rjes la yid kyis chos thams cad la dmigs la 'di dag sems nyid de phyi rol gyi bden pa ma yin na yang/ don gyi rnam pa ltar 'khrul ba snang ba yin te/ dper na rmi lam lta bu'o/ zhes nges par byas nas 'khrul pas sgro btags pa'i chos thams cad kyi rnam pa spangs la/ ston ka'i nyi ma gung gi dri ma med pa'i nam mkha' i dkyil lta bu'i 'od gsal ba mngon sum du byas nas sngags 'dis byin gyis brlab par bya'o/ /oM shU n+ya ta dz+nyA na badzra swa b+hA ba At+ma ko haM/ /yud tsam stong pa'i ye shes la ngal bsos la/ dbyangs yig bco lnga'i phreng ba yongs su gyur pa las zla ba'i dkyil 'khor gsal por bsgoms la/ sa bon a'i 'od kyis dpag tu med cing mdza' med pa'i 'jig rten gyi khams gsal bar byas nas 'gro ba kun sangs rgyas kyi rang bzhin du byas nas bkug pa sa bon gyi yi ger zhugs par bltas nas/ bdag mar rdzogs yud tsam gyis bsgom par bya'o/ /chos dbyings ro yi steng na gnas/ /mgo skyes ser po gyen du brdzes/ /lha mo phyag rgya lnga 'dzin ma/ mgo bo'i phreng ba'i rgyan gyis brgyan/ /skyil krung phyed pa'i gar gyis gnas/ /stag gis pags pa'i na bza' mnabs/ /zhal ni mche ba gtsigs pa can/ /drag po'i gzugs can spyan gsum pa/ /g.yon na thod pa kha TwAM ga /g.yas pa na ni gri gug go /mi yi rus pa'i rgyan gyis

  198. 99b

    brgyan/ /ri bong can 'od zla ba'i gdan/ /de'i rjes la bcom ldan 'das ma'i thugs ka'i zla ba la gri gug de la yang yi ge a'o/ /mgo po la pad+ma 'dab ma sum cu rtsa gnyis pa'i lte ba la haM ngo/ /mgrin par 'dab ma bcu drug pa la oM mo/ /snying kar pad+ma 'dab ma brgyad pa la hUM mo/ /lte bar 'dab ma drug cu rtsa bzhi pa la oM bsgom par bya'o/ /de'i rjes la snying ga'i sa bon gyi 'od kyis bkug pa'i sangs rgyas thams cad nam mkha' i dkyil du bltas la/ de bzhin gshegs pa thams cad kyis bdag la dbang bskur du gsol ba gdab par bya'o/ /de nas de dag gis de bzhin gshegs pa lnga'i rang bzhin gyi bum pas dbang bskur bar bya'o/ /me tog gi char dang rnga sgra dang gur gum gyi char yang 'bab par 'gyur ro/ /spyi bor ni mi bskyod pa 'byung bar 'gyur ro/ /de'i rjes la mig la rdo rje ma'o/ /rna ba la ni bdag med ma'o/ /sna la ni gsang ba'i gau rI'o/ /lce la ni chu'i rnal 'byor ma'o/ /lus la ni rdo rje mkha' 'gro ma'o/ /yid la yang bdag med ma ste de'i bdag nyid du bsam par bya'o/ /yang oM mgo bo la'o/ /mgrin par A(rgyud 'grel): 'o/ /snying gar hUM bsam par bya'o/ /gal te bsgom pas skyo bar gyur na sngags bzla bar bya'o/ /de'i rim pa ni 'di yin te/ snying ga'i zla ba la sa bon gyi yi ge bco lnga mar me'i phreng ba bzhin du 'bar ba yid kyis dris la rim gyis klog pa ltar bsdogs nas bzlas par bya'o/ /ldang bar 'dod na smon lam gdab par bya ste/ sangs rgyas kun gyis thams cad kyi/ /rdo rje 'chang ba chen po'i gnas/ /dge ba 'dis ni thob gyur nas/ /'gro rnams kyis kyang thob par shog /byang chub dag tu gang spyod dang/ gang yang rdzogs pa'i byang chub spyod/ /byang chub rdo rjes gang bsngags pa/ /gnyis med spyod de bdag grub shog ces bya bas so/ /de bzhin du thun gzhan la yang lha'i gzugs kyis gnas par bya'o/ /nyal ba'i dus su yang lhan cig skyes

  199. 100a

    pa'i dga' ba mngon sum du byas la nyal par bya'o/ /de ltar nyin re zhing ji srid 'grub pa'i mtshan ma mthong gi bar du bya'o/ /de nas rgyud nas ji skad bstan pa bzhin bsgrub par bya'o/ /bud med sogs kyis rgyas pa dag /phal cher gzung bar dkar bsams nas zhi ba'i zhabs sogs kyis bstan pa'i/ rnal 'byor bsdus pa bdag gis byas/ /bdag med ma'i sgrub pa'i thabs mdor bsdus pa slob dpon kriSh+Na paN+Di tas mdzad pa rdzogs so// //rgya gar skad du/ nai rAt+ma ko pa de sha nA ma/ bod skad du/ bdag med ma'i man ngag ces bya ba/ /dpal rdo rje sems dpa' la phyag 'tshal lo/ /g.yon gnas ming gi brkyang ma chu 'bab stong nyid shes rab che/ /g.yas gnas ming gi rom khrag 'bab snying rje dngos po'i bdag nyid can/ /dbus su gnas pa kun dar ma ni zhu ba 'bab cing mi phyed gzugs can gnyis med pa/ /de ni rtsa gsum gzugs kyis bcom ldan 'das ma khyed srungs shig /bdag med mas ni nam mkha' i mthar thug khyab/ /dpal ldan bdag med ma la phyag 'tshal nas/ /yang dag bde ba'i gnas su bdag gis ni/ /bdag med ma'i man ngag bshad par bya/ /'dir bzlas pa dang bsgom pa'i dbang du byas pa snying rje'i ros byugs pa'i sems kyi rgyan can/ /byang chub kyi sems rin po che legs par gzung ba/ bla ma dang bdag med ma gnyis mi phyed par bsnyen bkur bas/ dben zhing 'tshe ba med pa'i bsam gtan gyi khang par zhugs la/ oM rak+Sha rak+Sha hUM hUM hUM phaT swAhA/ 'dis ni khro bo'i ngag bar chad sel ba'i sngags brjod pa ste/ gnas la sogs pa srung bar byed pa'o/ /de nas khyad par du gyur pa'i stan la 'dug cing ci 'byor pa'i bdud rtsi lnga la sogs pas byugs la/ der me tog dgram par bya zhing ras ris la sogs par gnas pa'i bcom ldan 'das ma la mchod pa lngas mchod cing/ stobs chen po las byas

  200. 100b

    pa'i spos kyis rab tu bdug cing rnam par dag pa'i sngags bzlas te bdag nyid bdag med mar mos par bya'o/ /de'i rjes la sprul pa shing rta'i yan lag 'khor lo'i 'dab ma'i gdan can 'dab ma bzhi pa'i ze 'brur song ba/ srog song ba'i snying gar bsil ba'i 'od zer can gyi dkyil 'khor la su gand+he las skyes pa/ pad+ma rA ga'i 'od zer blangs la 'bar ba'i me lta bur 'od 'bar ba'i mgo skyes can dri ma med pa'i thod pa'i phreng ba byas pa'i thod can cung zad khro zhing dmar ba g.yo zhing zlum pa'i spyan gsum pa/ mi mgo khrag dang bcas pa'i phreng ba brgya'i phyed kyis lus la rgyan byas pa/ yid du 'ong ba'i phyag rgya lngas lus la brgyan pa/ khrag gis gang ba'i thod pa dang rgyal mtshan g.yon gyis 'dzin cing/ /g.yas kyis gri gug 'dzin pa'i phyag ni pa lak+Sha'i lo ma rgyas shing 'o ma 'dzin pa'i khung gis mnan pa lta bu/ dbus su gnyer ma gsum pa gtser bu rgyas shing skyabs phyed pa'i 'phongs kyi cha can gang dgu'i ro dang ldan pa skyil krung phyed pa'i gang gis mnan pa 'gying zhing rol par ldan pa legs pa'i na tshod can/ yid dga' ba'i gnas nas 'od zer gyi tshogs 'chang ba chos sgo las byung ba yang dag pa'i ye shes kyi gzugs can du bdag med ma blta bar bya'o/ /de nas cho ga ji lta bas dam tshig la ye shes gzhug pa byas la de'i mig dang sku la sogs pa rnam par dag par mos so/ /de'i rtsibs dang ldan pa ni rdo rje 'chang gi ngo bo bde ba'i snying po'i gzhi ste/ sind+hu ra'i tshogs sam snga dro'i mtshams ltar dmar ba dang po mchog gi snying por bde ba chen po'i rtsibs dang ldan pa nas 'bab pa/ dbus kyi rtsa nas zhu ba 'bab pa'i rgyun gyi dbyibs can skyes pa/ rdo rje'i mchod rten yan lag la brten cing 'brel par 'byung ba skye mched kyi ngo bo rnams g.yas dang g.yon dang 'og gzhi'i phyogs su song ba rnams/ skar khung dra ba'i rnam pa can gyi gnas bcu gnyis su skad cig ma dang dga' ba dang dbang du

  201. 101a

    sten pa zlum zhing dang ba'i mu tig dmar po'i rdog ma'i rnam pa lta bu thig le bcu gnyis rnam par bsgoms la/ rnam par thar ba'i sgo bzhi'i ngo bo rnams kyi gnas gzhi dang/ rdo rje bzhi'i bdag nyid dang yi ge bzhi'i rnam pa dang sku bzhir bsgom par bya'o/ /de la steng gi gnas ni rdo rje rin po che'i rnam pa sku rdo rjer bskyed pa'i skye ba can ston ka'i ri bong can lta bu'o/ /g.yon pa'i gnas ni zla ba phyed pa'i rnam pa gsung rdo rje'i myu gu skyed par byed pa rin po che pad+ma rA ga lta bu'o/ /g.yas pa'i khyim yang zla ba phyed pa'i rnam pa thugs kyi rdo rje'i lcug phran skyed par byed pa'i inda nI la lta bu'o/ /dbus kyi gnas ni chos 'byung ba'i rnam pa dam tshig rdo rje skye ba'i rgyu can rigs bzang po'i rdo rje snying po lta bu 'od zer lnga dang ldan pa chos thams cad kyi gzhir bsam par bya'o/ /de nas skad cig ma'i thig le rnams ni dga' ba'i thig le rnams la'o/ /dga' ba'i thig le rnams ni dbang gi thig le rnams la'o/ /dbang gi thig le rnams ni sku rnams la zhugs par bsgom par bya'o/ /de'i rjes la sku bzhi pa gong nas gong du rim pa bzhin zhugs pa yang rgyu skar gyi sbyor ba lta bur dbus kyi thig le la zhu nas nang du thim par yid mnyam par bzhag par bsam mo/ /de'i rjes la de nyid chos kyi dbyings kyi gzugs 'od zer gyi phreng ba rnam par 'phro ba can bdud rtsi'i char lta bu'i thig le'o/ /thig ler zhugs pa'i chos kyi yi ge las nA da'i skud pas bkug ste/ ji skad gsungs pa'i rtsa'i lam nas steng du song nas chu dang 'o ma ltar chos dang thig le lhan cig tu ro gcig tu gyur pa dang/ stong pa nyid dang snying rje mi phyed pa'i gzugs can 'jig rten las 'das pa lhan cig skyes pa phun sum tshogs pa rdza mkhan gyi 'khor lo bskor ba'i shugs ltar 'khor bar bsgom par bya'o/ /de dag ni bdag med ma'i man ngag las thig

  202. 101b

    le sna tshogs gcig tu bsgom pa'i cho ga ste dang po'o// //de nas sngar gsungs pa'i mtshan nyid can gyi sngags pas sngar brjod pa'i bsam gtan gyi khang par zhugs la stan bde ba la 'dug ste/ bsrung ba'i sngags brjod cing dkyil 'khor mchod pa la sogs pa yang byas la/ oM swa b+hA ba shud+d+ha(rgyud 'grel): sarba d+harmA swa b+hA ba shud+d+ho haM/ 'dis ni bdag med ma ru lhag par mos par bya'o/ /de nas 'og gzhi shing rta'i yan lag can gyi chu skyes la gnas te srog song ba'i snying gar ri bong can gyi dkyil 'khor la sngon po 'am dmar nag gam dmar po lta bu gang 'dod ji skad gsungs pa'i mtshan nyid can gyi bdag med ma'i rnam par bsgom par byas la/ ye shes dang mig dang sku la sogs pa byin gyis brlab pa blta bar bya'o/ /de nas de'i 'og gzhi'i rtsibs can la dang po mchog gi snying po mtshan nyid nam mkha' i khams kyi rang bzhin can/ mtshal dang 'da' dri? ma'i me tog lta bu gru gsum gyi 'khor lo la sa'i khams kyi rang bzhin stobs dang bral pa'i mgo bo'i dum bu bsgom par bya'o/ / de'i nang du chu'i khams kyi rang bzhin 'o ma las skyes pa dkar po ril por bsam mo/ /de nas de'i dbus su me'i khams kyi rang bzhin glog ltar 'khyug pa'i mtshon bsams la/ me'i dkyil 'khor dang ldan pa lte ba la rlung gi khams kyi rang bzhin zla ba phyed pa 'bar ba bsam mo/ /de'i steng du 'byung ba lnga'i bdag /da zla ba phyed thig les rnam par brgyan pa'i sa bon dga' ba'i tshogs can 'od gsal bar blta'o/ /de nas me'i dkyil 'khor de la chags pa chen po ston pa gsal bar 'bar ba'i yi ge gsum bsgom par bya ste/ de la steng gi grwar don gyi rnam pas stong pa'i yid tsam du gsal ba'o/ /g.yon gyi grwar yang dag par 'dod pa'i 'bras bu bskyed pa can no/ /g.yas kyi grwar dgyes pa bskyed pa can no/ /de dag kyang yi ge gsum ste sbyor ba dang

  203. 102a

    dngos dang 'jug gi bde ba'i rgyur nges pa'i tshig tu grub par rtogs par bya'o/ /de nas de'i 'od zer gyis reg pa'i stobs kyis chags pa chen po'i rlung gis bskyod nas rjes su chags pa 'dod pa mo mtshon pa ltar/ bcugs pa'i khyim gyi sgor pa thag shin tu phra ba lta bu'i sa bon gyi yi ge thig le can nA da'i ro ma'i gzugs steng du song yang rung ma mo ltar song ba ste/ yang 'khyog par 'gro bar mgrin pa'i khrod kyi bu ga'i phur? ni khyim ste lce chung 'phyang ba'i rtser gnas pa dpal he ru ka'i ngo bo haM yig la bdag med mas reg par blta'o/ /de nas der reg pa'i bde ba rgyas pa'i bde ba can mi shig pa'i thig le las 'thigs pa dri ma med cing dga' ba'i chu'i bdud rtsi char gyi snying po'i dbang bskur bas/ yang dag par chim pa dang dga' ba dang bcas shing/ lhag par dga' bas gang zhing myos pa ni 'phang lo bskor ba ltar bcom ldan 'das ma de lhun gyis grub par bsgom par bya'o/ /yang de'i rdo rje gsum dbyer mi phyed pa dang sku gsum gyi bdag nyid can/ /thabs dang shes rab mi phyed pa'i bla ma dam pa'i man ngag las rig par bya'o/ /de dag ni bdag med ma'i man ngag las 'byung ba chen po lnga dang rdo rje gsum dang sku gsum gyi bdag nyid can don dam pa'i yi ge'i gzugs kyis 'khor bar bsgom pa'i cho ga ste gnyis pa'o// //de nas rnal 'byor pas ji lta ba de bzhin pas bgegs bsal bar bya ste/ cho ga ni dben pa'i khyim la sogs par stan 'jam zhing bde bar 'dug ste bdag nyid bdag med mar mos par byas la dag pa'i sngags brjod do/ /'og gzhi'i rtsibs dang ldan pa ni mya ngan med dang rgya skyegs shing dang ku su ma'i me tog lta bu la shing rta'i yan lag can gru gsum par sna tshogs rdo rje la chu skyes kyi ze 'brur za'o/ /der rdo rje rnon po rtse gcig pas 'og gi cha brgyan pa dbus kyi char sna tshogs rdo rjes mtshan pa rab tu 'phyar

  204. 102b

    ba sgra dang ldan pa dril bu'i phreng ba dang sna tshogs pa'i phreng ba dang ldan pa ske'i char ro/ /steng gi char phul du byung ba'i rdo rje rtse mo lnga pas mtshon pa langs nas gnas pa'i kha TwAM ga ni chos kyi dbyings kyi bdag nyid bdag med ma'i ngo bor sa bon yongs su gyur pa las blta bar bya'o/ /de nas de'i 'og dang bar dang mgrin pa dang/ steng gi char las dang chos dang dam tshig dang phyag rgya chen po'i ngo bo ni/ chos kyi sgo dang drag po dang ye shes rgya mtsho dang mgo med do/ /de yang sna tshogs dang nag po dang dmar po dang dkar po'i kha dog tu rnam par bsgom mo/ /nyi zla 'gags pa las skyes pa'i las kyi rlung gis bskul bas 'jigs pa'i dus kyi me'i phung po shin tu 'bar ba ltar rnam par bsgom par bya'o/ /de nas de'i steng du gyur pa'i rdo rje'i dbus kyi ri'i rtse mo nas 'jig pa'i dus kyi me 'bar ba ltar langs pa dang/ 'bar bas sreg pa'i rnam par 'khrugs par bya ste/ 'khor lo gnas pa'i sangs rgyas dang rig me'i tshogs phyogs bcu'i de bzhin gshegs pa thams cad kyi sku gsung thugs dang ye shes kyi bdag nyid du 'khor lo gsum bsdus ba'i mtshan nyid ngo bo bde ba'i 'khor lor me 'bar bas mar zhu ba ltar yang dag par bsgom pa'o/ /de nas 'dzag pa'i bdud rtsi 'dzin pa gsos pa dang/ sangs rgyas dang rig ma'i tshogs bsregs shing mya ngan las 'das pa'i gzugs can brlan pa yang ji ltar chu 'dzin gyi tshogs las chu 'bab pa'i thig les tshim pa rma bya myos pa lta bu ste/ shin tu dga' bas gzhan gyi 'dod pas tshim pa bde ba chen por zhugs pa shes rab kyi rang bzhin las nam mkha' i khams thams cad du spros pas/ dga' ba'i tshogs kyis gdungs pa'i gar te/ der yid song pa'i sngags pas ji srid 'dod pa lhun gyis grub par bsgom par bya'o/ /de dag ni bdag med ma'i man ngag las shes rab mchog gi bdag nyid kha TwAM ga rol pa bsgom pa'i cho ga ste gsum pa'o// //

  205. 103a

    de nas rnal 'byor ma'i mtshan nyid gang du gsungs pas ji lta bu'i bsrung ba'i sngags bya ste/ 'tshe ba med pa'i khang pa la sogs par stan bde ba la rdo rje skyil mo krung bsdams pas bdag med mar mos la rnam par dag pa'i sngags brjod do/ /de nas sprul pa'i 'khor lo'i dbus su srog song ba'i sems kyi gzhir zla ba'i dkyil 'khor la sngar gsungs pa'i rang gi mtshan nyid can gyi bdag med ma rnam par bsgoms la/ de'i 'og gzhi la shing rta'i yan lag can yongs su smin pa'i kimpa ka'i 'bras bu lta bu/ de yang me'i 'khor lo gru gsum pa de'i nang du pad+ma 'dab ma bzhi pa bsam par bya'o/ /de nas de'i 'dab ma dang ze 'bru la mkha' 'gro ma lnga'i rang bzhin yungs kar phra mo'i thig ler bsgom par byas so/ /de la shar phyogs kyi 'dab ma la me long lta bu'i ye shes dang sangs rgyas sa'i rang bzhin rdo rje ma'i rang bzhin rab tu sbyor ba'i bde ba'i thig le'o/ /lho phyogs kyi 'dab ma la mnyam pa nyid kyi ye shes dang sangs rgyas sa'i rang bzhin dkar mo'i rang bzhin can rtsa ba'i bde ba'i thig le'i/ / nub phyogs kyi 'dab ma la so sor rtog pa'i ye shes dang sangs rgyas sa'i rang bzhin chu'i rnal 'byor ma'i bdag nyid can yongs su bcad pa'i bde ba'i thig le'o/ /byang phyogs kyi 'dab ma la bya ba grub pa'i ye shes dang sangs rgyas sa'i rang bzhin rdo rje mkha' 'gro ma'i rang bzhin can gyi don gyi bde ba'i thig le'o/ /ze 'bru la shin tu rnam par dag pa chos kyi dbyings kyi ye shes dang sangs rgyas sa'i rang bzhin bdag med ma'i rang bzhin can chos thams cad don dam pa mchog tu bde ba'i thig ler yid mnyam par bzhag pa'i sngags pas dus ring por bsam mo/ /de'i rjes la dbus kyi thig le las rnam par spros te dri ma med pa'i brgyad kyi phyed kyi 'od zer lcags kyu rnams kyi phyogs kyi thig le bkug pa rnams kyang dbus kyi thig le la zhugs par blta bar bya'o/ /de nas ye shes

  206. 103b

    lnga'i bdag nyid can don dam pa'i shes rab kyi rang bzhin du thig le'i gtso bo 'bar bar ji tsam 'dod pa bsgom mo/ /de nas 'od zer dmar po byung ba ni dpag bsam gyi shing gi yal ga ltar mngon par 'dod pa'i don bskyed cing/ skyed par byed pa'i me ltar bde ba skyed par byed pa'o/ /de nas sna'i rtse mo'i gtsug tor du khyer la dus ring mor bde bar gnas par bsam par bya'o/ /de nas de'i thig le ba thag ltar rang las byung ba'i skud pa'i ri mo'i rgyun gyis skad kyi khrem mnyer gyi lam la song ba dang/ yid bzhin gyi nor bu rin po che ltar bsam pa thams cad yongs su rdzogs pa ri bong can gyi dkyil 'khor ltar bdud rtsi'i rang bzhin gyi 'od zer gyi tshogs kyis nam mkha' ma lus par khyab ste mchog tu bde ba'i rang bzhin dang chos kyi sku'i bdag nyid dang bdag med ma'i rang bzhin du sna'i rtse mor gnas par gyur cing 'bar ba dang bsgom par bya ba dang sgom par byed pa bsgom pa'i rnam par rtog pa'i skyon gyis byugs pa dang bral bar gyur pa'i sngags pas ci tsam brtan par nus pa'i bar du bsgom par bya'o/ / de dag ni bdag med ma'i man ngag las mchog tu bde ba'i thig le bsgom pa'i cho ga ste bzhi pa'o/ /de nas sngags pa dbang dang dam tshig dang ldan zhing snying rje la sogs pa'i yon tan dang ldan pas tshogs bsags te/ yid dang mthun pa'i phyogs su sngags pas stan la 'dug ste/ bsrung ba dang dkyil 'khor mchod pa'i cho gas bdag nyid bdag med mar mos la/ rang gi sprul pa'i rtsibs dang ldan par bdag med ma sngar bskyed pa gsungs pa bzhin bskyed la/ de'i lte ba la me tog man da ra ba kha phye ba lta bu gru gsum pa thub pa'i dbang po'i gnas mchog tu lhag par yum dang bcas pa dang/ dang po'i mchog gi rang bzhin can 'od gsal bar bcu drug cha zhag gi gtso bo dang rta bdun pa'i ri phur ba ltar kha sbyor du gsal bar blta'o/ /de las byung ba'i

  207. 104a

    yongs su rtsom pa dang so sor 'byed pa dang rnam par spyod pa rnams su ston pa khab lta bu shin tu rno ba'i nyi ma'i 'od zer ltar phra ba lta bu shin tu dmar po de kha sbyor lan gsum du dkrol te der nang du song bar bsam par bya'o/ /de nas de'i sbyor ba las skyes pa ni 'bar zhing dga' ba las bskyed pa skye ba can lta bu'i rgyal ba rnams don dam pa'i ye shes kyi thig le rnam par bsam par bya'o/ /de nas de las byung ba ni sprul pa'i ri mo'i rang bzhin lha'i dbang po yang dbang phyug bde ba la dmigs pa'i mchog gzhan gyi don byed pa ni glang po che mo ltar rol shing sgeg par 'gro ba ste/ yid bzhin gyi nor bu dmar po'i thur ma phra mo ltar ring bas sA la'i yal ga lta bu legs par 'bar ba bdag med ma'i gzugs brnyan gyis/ bde ba chen po'i 'khor lo'i dbus su gnas pa'i de bzhin gshegs pa thams cad bsdus pa'i dpal dgyes pa'i rdo rje'i bdag nyid mgo med kyi gzugs kyi bcom ldan 'das kyi lus la reg par bsam par bya'o/ /de nas de dag dga' bas ba spyod pas gzugs brnyan reg pa las byung ba'i chags pas zhu bar gyur te/ dga' ba dang rjes su mthun pa'i tshul gyis 'bab cing rjes su 'gro ba'i thig le'i gzugs can dga' ba'i 'dod pa bsten par bya'o/ /de yang de'i sbyor ba las yang dag par byung ba'i bde ba'i bdud rtsi myangs pa bcud dang stobs su smin pas rgyal ba las spro zhing ma rgud cing legs pa mchog gi dga' ba tshogs bsdu ba byas pas/ nam mkha' i phyogs ma lus par gnas pa'i rgyu ba dang mi rgyu ba de yid gtad pa'i sngags pas ji tsam nus pa de tsam du bsgom par bya'o/ /de dag ni bdag med ma'i man ngag las ye shes kyi thig le bsgom pa'i cho ga ste lnga pa'o// //de nas bsam gtan gyi khang par bde bar 'dug pas bya ba dag byas nas/ rnal 'byor ma'i mtshan nyid ji skad gsungs pa'i bdag med ma'i rnal 'byor can gyis sngar gsungs pa'i

  208. 104b

    sprul pa'i 'khor lo la A li bsdus pa'i rang bzhin gyi gzugs can chos kyi sku'i bdag nyid shes rab kyi ngo bo stong pa nyid kyi tshul can/ rnal 'byor ma ma lus bsdus pa'i tshul can gzugs bdag med ma oM yig 'bar ba mngon par blta'o/ /chos kyi 'khor lor gnas pa yang kA li bsdus pa'i gzugs can longs spyod rdzogs pa'i sku'i bdag nyid thabs kyi ngo bo snying rje'i tshul can te/ de bzhin gshegs pa thams cad bsdus pa'i rang bzhin dpal he ru ka'i ngo bo hUM yig 'bar ba rnam par bsgom par bya'o/ /de nas de las byung ba'i 'od zer gyi phreng ba pho nya mo lta bus gnyi ga'i 'dod pa'i don nyi ma lta bu bsgrub pas bkug ste de nyid du rjes su chags pa bsgom mo/ /de nas yang der sbyor ba'i rjes su chags pa dang shin tu zhen pa de dang mi phyed pa'i ze 'bru rin po che rtse mor phyin cing gnas par dus ring par bsgom par bya'o/ /de nas de'i rjes la ma na sA'i gnas shing rta drang srong rta bdun pa cher 'cher ba'i stobs las byung ba'i rlung dang me'i sbyor bas zhu bar gyur pa dang/ /dngos po thams cad kyi stong pa yang dag pa stong nyid dang snying rje mi phyed pa'i byang chub kyi sems rnal 'byor pa rang gi mtshan nyid bum pa bzang po ltar 'dod pa'i don thams cad grub pa rnam par spros te/ bde ba'i rgyun du mnyam par snang bar byas pas snang ba dang ni snang ba sems can ma lus pa snod du byas pa thig le'i gzugs der cid? song ba'i sngags pas bsam par bya'o/ /de dag ni bdag med ma'i man ngag las lhan cig skyes pa'i yi ge mi 'gyur ba'i thig ler bsgom pa'i cho ga ste drug pa'o// //de nas bdag med ma'i rnal 'byor pas sngar bzhin pa'i sprul pa'i 'khor lo la bdag med mar yid kyis bskyed la/ de yang sprul pa'i 'khor lor pad+ma 'dab ma nang du bzhi phyir bcu bsgom mo/ /de nas de'i ze 'bru la rnam par shes pa yid zhe sdang sangs rgyas kyi sa shin tu rnam par dag pa'i ye shes kyi bdag nyid can bdag med ma'i ngo bo dbyangs yig dang po thig le

  209. 105a

    dang bcas pa rnam par bsgoms la 'dab ma dag la de las spros pa ni rnal 'byor ma bcu bzhi'i rang bzhin can dbyangs yig bcu bzhi bsgom par bya'o/ /de la nang gi shar phyogs kyi 'dab ma la gzugs mig gti mug sangs rgyas kyi sa me long lta bu'i bdag nyid rdo rje ma'i rang bzhin dbyangs yig gnyis pa'o/ /lho ru tshor ba sna nga rgyal sangs rgyas kyi sa mnyam pa nyid kyi bdag nyid dkar mo'i dbyangs yig gsum pa'o/ /nub tu 'du shes lce 'dod chags sangs rgyas kyis so sor rtog pa'i bdag nyid chu'i rnal 'byor ma ngo bo dbyangs yig bzhi pa'o/ /byang du 'du byed lus phrag dog sangs rgyas kyis bya ba grub pa'i bdag nyid can rdo rje mkha' 'gro ma'i ngo bo dbyangs yig lnga pa'o/ /phyi rol gyi dbang ldan du dga' ba la sogs pa sa gsum gyi bdag nyid can spos mo'i rang bzhin can dbyangs yig drug pa'o/ /me'i mtshams su 'od 'phro ba la sogs pa sa gsum gyi bdag nyid can ri khrod ma'i rang bzhin dbyangs yig bdun pa'o/ /bden bral du ring du song ba dang mi g.yo ba'i rang bzhin can gtum mo'i ngo bo dbyangs yig brgyad pa'o/ /rlung du legs pa'i blo gros dang chos kyi sprin gyi bdag nyid can g.yung mo'i ngo bo dbyangs yig dgu pa'o/ /shar la sogs pa'i 'dab ma la dad pa la sogs pa dbang po bzhi'i bdag nyid can sgo skyong gi ngo bo dbyangs yig bcu pa bcu gcig pa bcu gnyis pa bcu gsum pa'o/ /nub dang bden bral gyi mtshams su reg pa dang shes rab dang dbang po'i bdag nyid can sa spyod ma'i rang bzhin dbyangs yig bcu bzhi pa'o/ /dbang ldan dang shar gyi mtshams su chos dang dad pa la sogs pa stobs lnga'i bdag nyid can mkha' spyod ma'i ngo bo dbyangs yig bco lnga pa'o/ /dbyangs yig de dag kyang 'od gsal ba bdud rtsi'i char bab par bsam par bya'o/ /de nas dbyangs yig dang po 'od zer gyi phreng bas khyab ste lhag pa'i 'od zer skar mda'i rnam pas rnyed par rab

  210. 105b

    tu lta'o/ /de nas nyi ma'i 'od dmar po spros pas mthong gsal te tho rangs kyi skar ma ltar thim par dbyangs yig bcu bzhi po de dag rnam par bsgom mo/ /dang po dbyangs yig kyang nyin mos 'jigs pa ltar thig le phug tu zhugs par bsam mo/ /de yang thig le phug gi bug par zhugs pa dang nyi ma'i 'od kyis gdungs pa yis bsreg par bya ste/ nA da ring po legs pa'i dbyangs yig rnam par bsam par bya'o/ /de nas de'i nA des bskul ba'i sngags pa dang khyu mchog gi rwa yis brdungs pas zhu ba dpyang thag pa 'phyang ba ltar dang pa skyugs pa ste/ lhan cig skyes pa'i rlung gis bskyod pa tsha bas gdungs pa zhi ba ltar don dam par mchog gi gzugs las rnam par 'phros te/ bde ba chen po'i rgyun gyis srid pa ma lus pa la khyab pa der song ba'i yid can gyi sngags pas ji tsam nus pa'i bar du bsgom par bya'o/ /de dag ni bdag med ma'i man ngag las yi ge cha'i sbyor ba thig le bsgom pa'i cho ga ste bdun pa'o/ /de nas mtshan nyid ji lta ba brjod pa'i sngags pas sngar gsungs pa'i bya ba thams cad bya ste/ bdag nyid bdag med mar mos shing sprul pa'i 'khor lo la mchog gi thabs dang shes rab kyi bdag nyid zla ba dang nyi ma'i sbyor ba las yang dag par byung ba/ rlung med pa'i mar me'i g.yo ba ltar gen du 'bar bas mun pa'i tshogs ma lus pa zhi zhing yul dang dbang po'i grong khyer bsregs te/ gzhan gyi rnal 'byor ma rab tu 'jug pa yang 'gog cing rnam par rtog pa nyung ba ma yin pa zad par byed do/ /shing skam po'i yal ga'i tshogs la phul du gyur pa'i shes rab me'i tshogs su 'bar bas yang bdag med ma'i rang bzhin gtum mo ltar mi reg pa gtum zhing rab tu gtum pa blta'o/ /de yang yid chags par gyur pa dang bde ba'i 'khor lo nam mkhar gnas pa'i ngang pa phye ma leb ltar legs par snams shing mar khu'i mer snang ba'i sred pas blta ba dang chags pas zhu ste de thim par

  211. 106a

    rnam par bya'o/ /de nas de'i me la mar bcug pa ltar rab tu 'bar zhing sdig pa dang nyon mongs pas gdungs pa ma lus pa bsal te rnam par spros pas bde ba chen po rgyas par spro ba gzer ltar dmigs pa thams cad zhi ste/ mi dmigs pa dang bsam du med pa dang brjod du med par gyur te/ der ci nus tsam gyi bar du bsgom mo/ /de dag ni bdag med ma'i man ngag las gtum zhing rab tu gtum pa'i cho ga ste brgyad pa'o// //de nas sngags pa dbang dang ldan pas sngar gsungs pa'i bsam gtan gyi khang par stan bde ba 'dug nas bsrung ba dang dkyil 'khor mchod pa la sogs pa'i cho ga byas la/ rang gi lus nyid sa dang pha rol tu phyin pa bsdus pa'i rang bzhin gnas la sogs pa bsdus te/ rnam pa sna tshogs 'bar ba bor ba'i rang bzhin thar pa chen po khang pa'i gzhal yas khang du rang gi lus nyid mos par byas la/ der gnas pa'i rtsa kun yang dag par brten pa'i rtsa gsum pa ni bdag med mar mos so/ /de la mgrin pa nas brtsams te g.yon na gnas pa'i kha 'og tu ? nas lte ba'i 'khor lor song zhing chu 'bad pa rkyang ma zhes bya ba'i rtsa ste/ sku dang zla ba dang A li dang stong pa nyid dang lam du 'jug pa dang mtshan mo dang nub pa dang byang du rgyu ba rmi lam dang bzung ba dang shes bya dang don dam pa dang e yig dang dngos po med pas bsdus pa'i rang bzhin bdag nyid longs spyod rdzogs pa'i sku'i rang bzhin du mos par bya'o/ /lte ba nas gzung ste kha steng du bltas te g.yas nas rgyu ba'i mgrin pa'i mthar thug gi bar du song nas khrag 'bab pa ro ma zhes bya ba'i rtsa ste / gsung dang nyi ma dang kA li dang snying rje dang lam nas 'byung ba dang nyin bar 'char ba dang lho nas rgyu ba dang sad pa dang 'dzin pa dang shes byed dang kun rdzob dang rags pa dang baM yig dngos por bsdus pa'i rang bzhin thams cad kyi bdag nyid can sprul pa'i sku'i ngo

  212. 106b

    bor mos par bya'o/ /de nas dbus nas rgyu ba kha 'og tu bltas pa chu shing gi me tog ltar 'phyang ba snum pa dang ldan pa'i mar me lta bur byang chub kyi sems 'bab pa kun dar ma zhes bya ba'i rtsa ste/ thams cad bsdus pa'i ngo bo stong pa nyid dang snying rje mi phyed pa byang chub sems kyi bdag nyid can chos kyi sku'i ngo bo gnyis su med pa rnam par shes pa tsam gyi rang bzhin du mos par bya'o/ /sprul pa'i 'khor lor son pa'i rtsa gsum po gcig gi rang bzhin de khang stong cha gsum pa lta bu'i bu gu can rwa bsdoms pa lta bu rdo rje'i rnam pa lta bu 'am/ yang na bya rog gdong can lta bu ste rtsa'i gtso bo sku gsung thugs gcig pa'i rang bzhin can nam mkha' ltar spros pa med cing ma gos pa bde ba chen po'i sku'i rang bzhin du bdag med ma rnam par bsgom par bya'o/ /bsgoms pa'i stobs kyis kyang don dam par mngon sum du byed do/ /de dag ni bdag med ma'i man ngag las rtsa'i gtso bo bsgom pa'i cho ga ste dgu pa'o// //de nas sngags pa dbang dang ldan pas sngar gsungs pa'i bsam gtan gyi gnas su zhugs shing stan bde ba la 'dug ste/ bsrung ba dang dkyil 'khor la sogs pa'i cho ga byas nas mnyam par bzhag pa'i yid kyis bdag med mar mos par bya'o/ /de nas sprul pa'i khang pa rgyun du gnas pa can rang gi 'od kyi dkyil 'khor gyis bskor ba rtse ba dang bral bas gdungs te/ brtse ba dang phrad pas 'dod pa'i yi ge mchog gi rang bzhin du btsun mo chen mo bdag med ma zhes bya ba rnam par bsgoms la/ de la chos kyi khang ba rgyun du gnas pa'i gnas la gnas pa yang/ nyi ma lta bur 'bar ba dang ldan pas 'dod pa lta bur 'byung ba dang 'dod pa'i mchog tu gyur pa'i rje btsun dpal he ru ka zhes bya ba'i rgyal po chen po des 'od zer gyi pho nya btang ste lta bar byed do/ /de nas 'od zer gyi pho nyas bkug nas khyer ba dang chags pa lta bur rjes su chags pa'i dga' bas rnyed de 'khyud pas kyang thob

  213. 107a

    pa ni dbul mos gter rnyed pa lta buAm/ bkren pas dgos pa khyad par can gyi ston mo zos pa lta buAm/ s?? chen pos gdungs pa la chu bsil bas dbang bskur ba lta bu ste/ mchog gi bde ba thob par gyur bas bsgom pa'i stobs kyis don dam pa mngon du bya'o/ /de dag ni bdag med pa'i man ngag las lhan cig skyes pa'i btsun mo bsgom pa'i cho ga ste bcu pa'o// /de nas sngar brjod pa'i mtshan nyid can gyi sngags pas ji skad gsungs pa'i bsam gtan gyi gnas su stan bde ba la 'dug nas bsrung ba'i 'khor lo la sogs pa'i cho ga bya ste/ bdag nyid bdag med mar mos la lte bar sbrul lta bur 'khyil ba'i rnam par gnas pa gnyid log pa ltar ma sad pa chos kyi sku'i bdag nyid can bdag med ma'i ngo bo shes rab la longs spyod rdzogs pa'i sku'i bdag nyid can thabs kyi rang bzhin dpal he ru ka'i ngo bo sna'i lam nas zhugs nas rlung gis rab tu mnan pas sad par bya'o/ /de nas de dbyug pas reg pa'i sprul mo ltar dbyu gu'i rnam pa ltar langs te kha'i bu gnas me 'bar ba ltar blta'o/ /de nas des shin tu yang 'bar ba dang 'jig rten gsum yang bsreg par bsams te/ de'i stobs de lta bus bdud rtsi'i rang bzhin ri bong can du de ma thag tu zhu bar gyur pas rgyun gyi rnam par blugs bsgoms la/ de nas bsgoms pa'i stobs kyis don dam pa mngon sum du bya zhing nam mkha' i phyogs thams cad du spro ba'o/ /de dag ni bdag med ma'i man ngag las rlung gi shes rab bsgom pa'i cho ga ste bcu gcig pa'o// // de nas sngags pa dbang du gyur pa bsam gtan gyi gnas su rab tu zhugs nas/ gnas dang bdag dang rnal 'byor bsrung ba'i cho ga bya zhing dkyil 'khor mchod pa'i cho ga yang bya ste/ chos thams cad rang bzhin gyis rnam par dag pa oM pra kri ti pa ri

  214. 107b

    shud+d+ho haM zhes brjod de/ bdag med bar blta'o/ /de nas bdag med ma de nu ma nang du thim par gyur cing rang gi pad+ma'i ze 'bru las skyes pa rdo rje 'gram gnyis ni dril bu ste chags pa dang bcas shing chags pa'i lta bas bltas pas gang yang rung ba ste Dom+bi ni blta'o/ de yang sbyor ba dang mthong ba dang bsgom pa dang khyad par dang mthar phyin pa'i lam gyi ngo bo ste/ rnam pa sna tshogs la sogs pa'i skad cig ma'i khyad par las so/ /zla ba gang ba lta bu longs spyod rdzogs pa'i sku'i rang bzhin can lhan cig skyes pa thams cad kyi rang bzhin dpal he ru ka la 'khyud pa ni nam mkha' lta bu'i chos kyi sku'i rang bzhin lhan cig skyes pa shes rab kyi ngo bor bdag med ma mngon sum du bya'o/ /mngon du byas pa dang yan lag dang nying lag thams cad la'o/ /de las phyogs bcu'i dngos po thams cad du spros te rnam par spros pa thams cad bdag gi rang bzhin du bya'o/ /des bdag tu byas pa dang sems tsam gyi bdag nyid du rnam par bsam mo/ /de bsams pa dang rtog pa med par bya'o/ /de ltar yang bsgom pa thams cad la cho ga 'dis bsgom mo/ de dag ni bdag med ma'i man ngag las lhan cig skyes pa gnyis bsgom pa'i cho ga ste bcu gnyis pa'o// //de nas tshogs bsags pa'i sngags pas phyag rgya chen po'i dngos grub 'dod pas ji skad gsungs pa'i rnal 'byor gang yang rung ba'i sbyor ba la dmigs shing sems brtan par bya ste/ brtan par gyur pa dang sems kyi mtshan ma brtag ste mtshan ma yang lhun gyis grub par skyes pa'i dga' ba'i shugs kyis rgyun gang gi tshe mngon sum du gsal bar snang bar gyur pa de yin te/ rnga dang rnga'o che dang rnga zlum dang zangs dung la sogs pa'i gsal ba grag pa'i sgra rnams kyis rig pa ma 'byung ba yang yin no/ /lcag dang thal mo dang khu tshur la sogs pas tshor ba ma 'byung ba'o/ /sbrang bu dang sbrang ma la sogs pas kyang

  215. 108a

    gnod pa mi 'byung ba'o/ /de'i tshe sems brtan bar gyur shes par bya'o/ /de nas brtan par gyur pa'i rnal 'byor pas ri phug gam chu 'gram 'am rgya mtsho'i 'gram 'am dur khrod dam bzhi mdo 'am ma mo'i khyim mam lha khang ngam lha gnas rnying pa 'am ldum ra dag ste/ rjes su mthun zhing dben pa 'tshe ba med pa dri ma med pa'i chu dang ldan pa me tog dang 'bras bu'i chogs kyis brgyan pa'i shing gi phreng bas bskor ba'i nags tshal gyi gnas su gnas te yi dam gyi rnal 'byor la dmigs shing dngos grub thams cad bsgrub par bya'o/ /grub pa dang sa la sogs pa 'byung ba chen po rnams rim bzhin du gcig la gcig thim ste des kyang mtshan ma nye bar mtshon to/ mtshan ma rnam pa lnga yin te/ de bzhin dus thim pas smig rgyu'i rnam pa'i mtshan ma skye bar byed do/ /chu thim pas ni du ba'i rnam pa'o/ /me thim pas ni srin bu me khyer gyi rnam pa'o/ /rlung gis ni mar me lta bu'o/ /de na ston ka'i nam mkha' i dkyil lta bu 'od gsal ba snang ba med pa gsal ba tsam du gsal lo/ /de yang gsungs pa/ dang po smig rgyu lta bu ste/ /gnyis pa du ba'i rnam pa yin/ /gsum pa srin bu me khyer 'dra/ /bzhi pa mar me 'bar ba'o/ /lnga pa yang ni gsal bar ldan/ /sprin med nam mkha' lta bu'o/ /de ni thim pa'i mtshan ma ste/ /'byung ba rnams ni ye shes so/ zhes pa'o/ /de ltar shes shing mtshan ma rnyed pa mnyam par bzhag pa'i sngags pas sa bon gyi gzugs sam thig le'i gzugs sam mtshan ma phra mo'i gzugs te/ lus dang yan lag la sems brtan par gyur pas bzhag na 'grub pa'o/ /de la sems lha mo'i mkhar du bkod de khams gsum du song bas kha dog legs pa 'am mi legs pa'i gzugs mngon sum du mthong bar 'gyur ro/ /u rgyan nam go ta ba ring 'jig rten gsum du gnas pa'i zin pa dang ma zin pa dang gnyi ga'i dbye bas phye ba'i sgra

  216. 108b

    thams cad thos shing sgra ma lus ba gang gi yin pa shes par 'gyur ro/ /ko sa la ru zhim po la sogs pa'i dbye bas phye ba'i dri lhan cig pa dang sbyar ba can snom par 'gyur ro/ /ka lingkar mngar ba la sogs pa'i dbye bas phye ba'i ro ma lus pa myong bar byed do/ / byang chub kyi yan lag la rtsub pa la sogs pa'i dbye bas phye ba'i reg bya ma lus pa la reg par 'gyur ro/ /de bzhin tri sha ku nyer lta'i btsun mo dgu pa sprul ba longs spyod do/ /kuny+tsa ru sngon gyi gnas dang pha rol gyi sems shes pa'o/ /lam+ba ka ru bstan bcos thams cad rig pa dang lha'i skad dang sngags kyi yang skad rnams so/ /rim dbang phyug tu nyi ma rengs pa dang 'chang ba yang nub bar byed do/ /de'i steng du zla ba'o/ /de'i steng du skar ma'i 'khor lo rnams so/ /po la gi ri ru lha thams cad mthong zhing bdag gi bka' bsgo ba yang 'grub par byed do/ /dzA land+ha ra du dus gsum du mthong bar 'gyur ro/ /de bzhin du sprul pa'i 'khor lor sprul pa'i sku thob cing chos kyi 'khor lor ni chos kyi sku'o/ /longs spyod kyi 'khor lo ni longs spyod rdzogs pa'i sku'o/ /bde ba chen po'i 'khor lor ni bde ba chen po'i sku 'thob par byed do/ /de ltar sku bzhi rnyed pas sangs rgyas rdo rje 'dzin pa dang bdag med ma'i go 'phang thob par 'gyur te/ yang dag pa'i byang chub thob pas sgrib pa thams cad rab tu zhi zhing gzungs thams cad dang sa dang pha rol tu phyin pa dang/ 'jig rten dang 'jig rten las 'das pa'i dngos grub mngon sum du byed par 'gyur la dngos grub mngon du gyur pas gzhan gyi don mthar phyin par 'gyur ro/ /de dag ni bdag med ma'i man ngag las sa bon la sogs pa'i phan yon rnam par gzhag pa'i cho ga ste bcu gsum pa'o// //de dag 'dod pa'i don bsgrub pa'i phyir bar chad zhi bar bya ba dang mar ngo'i bzhi la 'khor lo la yi ge dang thig le'i gzugs su bcom ldan 'das ma mchod de/ de la mdun du dag par sbyangs pa'i

  217. 109a

    bdud rtsis maN+Dal byugs la me tog gi tshom bu byas la de'i dbus su mchog gi snod gzhag par bya'o/ /de'i steng nas mnyam pa'i snod che bas kha bcad de dbus su bde byed kyi mig gi grwa'i 'khor lo'i rnam pa la bdud rtsi dang sgron ma'i phye ma cho gas sbyangs te btab la/ der lcags gsum las byas pas thur mas chos 'byung gi nang du sna tshogs rdo rjes bris pas bskor te/ bdag med ma'i rang bzhin yi ge dang thig ler bcas pa rdo rje'i mchod rten sngags pas bla ma'i man ngag gis kha nub tu bltas la bri bar bya'o/ /de nas dam tshig la ye shes gzhug par bya ste/ mchod pa'i rdzas lnga dang 'dod pa'i yon tan lnga khyad par du gyur pa dang/ mchog tu gyur pa'i sgron ma dang sbyangs pa'i bdud rtsi rnams bza' ba dang gsol ba dang byog pa dang 'jib pa'o/ /yang glu dang gar dang rol mo'i khyad par gyis bskor ba dang phyag dang bstod pa yis kyang ci nus pas yongs su mchod do/ /de'i rjes la gzhon num 'am rdo rje rnal 'byor ma ste nag mo 'am pri yang ku sngon mo ste cho ga bzhin mchod nas mchog tu gyur pa'i ston mo dang chang yang btung bar bya'o/ /de nas 'thor 'thung byas la go la dang yon phul la mnyam par byas la bzod pa mdzod cig ces brjod la gshegs pa dang bcom ldan ma'i 'khor lo yang mu(rgyud 'grel): zhes brjod la gshegs su gsol te rang nyid ston mo bya'o/ /de dag ni bdag med ma'i man ngag las phyi rol mchod pa'i cho ga ste bcu bzhi pa'o// //de nas dad pa dang bsnyen bkur du ldan pa'i slob mas maN+Dal dang phyag byas te/ snying rje dang ldan pa'i slob dpon la lan du mar gsol ba btab pa dang/ mar ngo'i dus gnyis las gang yang rung ba gcig la slob ma rjes su gzung bar bya'o/ /de la ji lta ba'i cho gas ji skad gsungs pa'i bcom ldan 'das ma yang dag par mchod de/

  218. 109b

    yi dam gyi rnal 'byor yang byas la slob pa'i drung du 'dug go /de nas slob mas maN+Dal lnga bya zhing yon phul la me tog gi phreng ba gzung nas thal mo sbyar la langs shing bla ma mgo bo'i steng du gnas par mthong par bsams pa dang/ de'i lus la g.yo ba'i rnal 'byor gang rung ba zhig bya'o/ /de nas de kho na nyid gsum bzlas pa'i mchog tu gyur pas mchod par bsam zhing mar me chen po dang bdug spos kyis kyang rab tu bdugs bsgyings pa'i sngags kyis dril bu'i sgra dang ldan par dkrol zhing/ oM lo le le hUM a zhes bsgyings pa'i sngags kyis ji srid ma phebs kyi bar du dbab bo/ /phebs pa dang rims kyis sam cig car du ba mos reg pa lta bu 'am ba spu ldang ba dang g.yo ba dang mchim 'byung bar 'gyur ro/ /yang na chang gi stobs kyis phog pa lta bu 'gyel ba dang mchog gi mya ngan las 'das pa thob pa ltar yang bde ba bskyed pa'o/ /de nas slang la sad par gyur pa dang slob mas maN+Dal byas la rnal 'byor dang mchod pa dang sngags dang cho ga rnams rim gyis bstan no/ /dang pa dang bral ba rnams la ni ma yin no/ ngas kyang bla ma'i bka' lung me tog dri ma med pa lta bu mgo thog tu bkur te/ de nas gzung ste bcom ldan 'das ma dang bla ma dang rnal 'byor ma rnams la mnyam par gus pas bsnyen bkur bya'o/ /de dag ni bdag med ma'i man ngag las slob ma rjes su gzung ba'i cho ga ste bco lnga pa'o// //bdag med man ngag byas pa yi/ /bdag gi bsod nams gang byung ba/ /des ni 'gro rnams myur pa ru/ /bdag med rgyal ba'i yum 'gyur shog /bdag byin gyis brlab pa'i rim pa/ /bdag med ma'i man ngag rdzogs so// //'di yang dpal oDhuN? gyi gnas na gnas pa'i lhan cig skyes pa'i rnal 'byor ma rnams kyi zhal nas byung pa/ rnal 'byor ma kun gyi thugs mchog tu gsang ba'i gzugs can snying po las shin tu snying po/ dge ba'i rtsa ba ma byas pa

  219. 110a

    rnams ni ma dad cing bla ma'i zhabs kyi pad+ma la ma bsnyen pa dag gis mi 'thob ste/ 'di'i yon tan mdza' yas pa'i gzhi dang bde bar yid ches par byed pa'i yid bzhin gyi nor bu ltar 'dod pa'i don grub pa/ chu 'i rgyun ltar bsten pas 'bras bu gter ba can/ nam mkha' ltar ro mnyam pa 'di rna ba gcig nas gcig tu byung bas na bla ma dam pa'i man ngag las/ brjed par dogs pas rang dran pa'i don du bdag gis bris pas de'i phyir dpa' bo dang rnal 'byor ma rnams la bzod par gsol zhing/ gzhan yang de nyid rig pa rnams la yang bzod par gsol lo zhes pa'o/ /'di mdzad pa'i slob dpon yang brtan pa'i 'khor lo dpal 'jam dpa' i dbyangs kyis byin gyis brlabs pa'i paN+Di ta chen po/ dpal bzang po'i zhabs kyi pad+ma las skyes/ zhabs kyi rdul la brtse ba mchog tu gyur pa'i rdo rje rnal 'byor ma'i bka' drin las skyes pa paN+Di ta dpal ting nge 'dzin rdo rje zhabs shes bya bas mdzad pa rdzogs so// //rgya gar gyi mkhan po de bA ka ra tsan+d+ra dang/ bod kyi lo tsa ba dpyal ser rtsa bsod nams rgyal mtshan gyis bsgyur ba'o// //mchog tu gsang ba'i tshul 'di ni/ /dman pa'i spyod yul ma yin pas/ /dri ma med pa'i blo yis ni/ /dam pa 'ga' yi don du bsgyur/ /bdag med ma'i man ngag rdzogs so// // rgya gar skad du/ nai rAt+ma maN+Dal tsakra swA d+ha naM/ bod skad du/ bdag med ma'i dkyil 'khor gyi 'khor lo'i sgrub thabs/ rdo rje bdag med ma la phyag 'tshal lo/ /bla ma'i rang bzhin dkyil 'khor rtse mo la/ /dad pa'i sems kyis gus pas rab btud de/ 'bum lnga las btus lha mo'i 'khor lo ni/ /zab mo'i don la bag chags skyes phyir bri/ /'dir rten gyi gang zag ni so sor thar ba'i sdom pa dang/ byang chub sems dpa' i sdom pa dang/ rig pa 'dzin pa'i sdom pa dang ldan pas/ gnas nyin mo dur

  220. 110b

    khrod/ mtshan mo rang gi khyim du bsgom par bya'o/ /de yang shis pa'i dus nam gyi brgyad cha la langs te/ khrus dang chu spyin byas nas/ maN+Dal phul te de nas mchod pa dang/ gtor ma la sogs pa bshams te/ 'bol ba'i stan la rdo rje skyil mo krung gis 'dug ste/ badzra ni ra At+ma zhes brjod pas rang nyid skad cig gis bdag med mar bsgoms te/ de yang sku mdog sngon mo zhal gcig phyag gnyis ma/ phyag g.yas gri gug yu ba lcags la so zangs las byas pa/ g.yon pas thod pa phyi dkar ba la nang dmar pa khrag gis bkang pa kha TwAM ga dang bcas pa bsnams pa la/ phyag rgya lngas brgyan par bsams pa'i snying pad+ma brgyad kha phye ba'i nang du raM las nyi ma'i dkyil 'khor gyi steng du aM sngon po bsams la/ de'i 'od zer gyis bla ma rje btsun mi bskyod pa'i sku lta bu rdo rje 'chang dang lha mo rnams gnyis su med pa tha mi dad par rang bzhin gyis bzhugs pa gsal ba 'am/ 'og min chos kyi pho brang nas spyan drangs te dmigs la/ de la phyag 'tshal ba dang/ phyi dang gsang ba dang de kho na nyid kyi mchod pa dang sdig pa bshags pa dang/ bsod nams la rjes su yi rang ba dang/ gsum la skyabs su 'gro ba dang/ lam bsten pa dang/ kun rdzob dang don dam byang chub mchog tu sems bskyed pa dang/ dge ba'i rtsa ba byang chub tu bsngos la/ tshogs brten pa blos btang la 'am/ gshegs su gsol bar bya'o/ /de yang bla ma rdo rje can mchod cing/ bdun po yongs su dag par bya zhes gur las gsungs so/ /de'i rjes la/ dang por byams pa bsgom par bya/ gnyis pa snying rje rnam sgom zhing/ /gsum pa med pa bsgom pa dang/ /kun gyi mthar ni btang snyoms so/ /de nas spro ba dang bsdu ba sngon du 'gro bas/ /snod bcud thams cad stong pa nyid du bsgoms la/ oM shU n+ya tA dz+nya' na badzra swa b+hA At+ma ko haM/ zhes brjod pas stong pa nyid brtan

  221. 111a

    par bya'o/ /de nas re bas nyi ma sngon du rnam bsgoms nas/ /nyi der hUM 'byung sna tshogs rdo rje ste/ /rdo rje de nyid kyis ni ra ba dang/ /gur bcing ba yang rnam par bsgom pa nyid/ /de yi nang du bsam bya ni/ /b+h+ruM las 'khor lo rtsibs bcu pa/ rgya che khong stong mi g.yo ba/ /'khor ba'i bdag nyid bsgom par bya/ /nam mkha' i khams su b+ha ga bsam/ /dbus su rnam par bsgom pa ni/ /'khor lo sngon du ci rigs par/ /lha rnams ji ltar 'byung ba nyid/ /'khor lo sa dang chu ni sngon/ /ji ltar rigs par byin za dang/ /lha rnams kyi ni rlung chen dang/ /b+h+ruM las 'khor lo'i thig le ni/ /ji ltar bsgom pa 'byung ba las/ /chos 'byung las skyes 'khor lo nyid/ /'phar ma gnyis dag skyon med pa/ /ze 'bru las ni gcig 'gyur te/ /gru gsum gyis ni phyi mar brjod/ /gru bzhi pa la sgo bzhi pa/ /ka pa brgyad kyis nye bar brgyan/ /dra pa dra ba phyed par ldan/ /dur khrod brgyad dang yang dag ldan/ /rdo rje'i thig gis rnam par sbras/ /de dbus shi ba bco lnga'i ro/ /gdan gyi bdag nyid rnam par bsam/ /a la badzra nga rgyal bya'o/ /ro steng lnga gsum zla steng du/ /A li lnga gsum zhu ba las/ /des mtshan zla ba lnga gsum bskyed/ /de rjes brjod pa gnyis bsnan ba'i/ /kA li lnga gsum zhu ba las/ /des mtshan snang byed lnga gsum bskyed/ dbus kyi nyi zla'i bar du ni/ nA da lhung bas a ru bsam/ de las a ni bcu bzhi ni/ /phyogs mtshams nyi zla'i bar du spro/ /A i a'i u 'phar ma'i shar la sogs par spro'o/ /a'u ri rI li phyi'i 'phar ma'i puk+ka sI la sogs pa'i mtshams gyi'o/ /lI e o o gau ri la sogs phyogs kyi'o/ /aau aM/ 'og dang steng gi sa bon no/ /de las spro zhing bsdu ba las/ /gri gug bco lnga sa bon bsam/ /de las spro bsdus gcig tu 'dres/ /de las lha mo bco lnga'i sku/ /kun kyang kha dog nag por

  222. 111b

    bskyed/ /?? me long ye shes ldan/ /rta bdun pa ni mnyam pa nyid/ /rang lha'i sa bon phyag mtshan ni/ /so sor rtog par -shes par bya/ /thams cad gcig gyur bya nan tan/ /rdzogs pa chos dbyings dag pa ste/ /mkhas pas cho ga gsungs pa yis/ / rnam pa lnga ? bsgom pa nyid/ /de la bdag med rnal 'byor ma/ /kha dog nag mo drag chen mo/ /phyag rgya lnga yis rnam par brgyan/ /g.yas par gri gug rnam par bsnams/ /g.yon pa nyid ni pad+ma'i snod/ /g.yas min par ni kha TwAM ga /stag gi pags pas smad dkris bya'o/ /re zhig nang 'phar ma la/ /rnal 'byor ma lnga nges gnas pa/ /phung po lnga yis rang bzhin gyis/ /rnal 'byor rig pas rtag tu bsgom/ /dbang por rdo rje gshin rje dkar/ /chu bdag chu yi rnal 'byor ma/ /lus ngan rdo rje mkha' 'gro ma/ /dbus su bdag med rnal 'byor ma/ /de nas phyi yi 'phar ma bshad/ /dbang dkar gshin rje chom rkun ma/ /chu bdag phyogs su ro langs ma/ /lus ngan por ni g+hasma rI/ /dbang ldan du ni puk+ka sI/ /mer ni de bzhin ri khrod ma/ /bden bral gdol pa mo bzhag cing/ /rlung du g.yung mo rnam par bzhag /'og tu sa spyod mar bshad de/ /steng du mkha' spyod ma zhes brjod/ /bskyed pa'i rim pa nyid kyi phyogs/ /srid dang zhi ba'i rang bzhin gyis/ /lha mo 'di gnyis rnam par gnas/ /lha mo thams cad kha dog gnag /drag tshon phyag rgya lnga yis brgyan/ /zhal gcig spyan ni dmar ba rnams/ /lag par gri gug thod pas khyab/ 'khor lo rna cha mgul rgyan dang/ /lag par lag gdub ska rags ni/ /sangs rgyas lnga ni rnam dag pas/ / 'di lta phyag rgya dag pa yis/ /ji ltar bdag med rnal 'byor ma/ /de ltar thams cad rnam par bshad/ /lag pa gcig gi thod pas bral/ /g.yas pa na ni gri gug 'dzin/ /g.yon pas kha TwAM ga nyid do/ /stag gi pags pas smad bkris shing/

  223. 112a

    ro la zhon zhing gzi brjid 'bar/ /phyag gnyis gyen du dbu skra ser/ /nga rgyal la sogs skyon drug rnams/ /gcod phyir gri gug rnam par bsnams/ /dngos dang dngos med rnam rtog gi /mgo bo'i pad+ma'i snod du ni/ /bdud rnams rnam pa bzhi yi khrag /dngos grub phyir ni btung bar bya/ /stong pa'i rnam pas kha TwAM ga /thabs kyi ro ni rnam par brtag /'dis ni 'khor lo rnam bsgoms na/ /dngos grub myur du thob par 'gyur/ /de rjes go cha'i rnal 'byor bsgom/ /dang por nag po rab tu bsgom/ /gnyis pa dmar por rnam par bsgom/ gsum pa la ni ser por bsgom/ /bzhi pa ljang gu de bzhin no/ /lnga par kha dog sngon po dang/ /drug par dkar po'i lus can te/ /yan lag drug bsgom rnal 'byor pas/ /lhan cig skyed pa'i rang bzhin bsgom/ /de nas sngags gsum du byin gyis brlab pa dang/ ye shes sems dpa' i 'khor los byin gyis brlab pa dang/ /de nas dbang bskur bar byin gyis brlab par bya ba'i mthar a b+hi Shi ke'i ku la pa tis nga rgyal bya'o/ /zhe sdang phyag rgya bdag med pa/ /gti mug phyag rgyas rdo rje ma/ /ser sna'i phyag rgyas dkar mo nyid/ /chags pas chu ma phyag rgyas gdab/ /phrag dog phyag rgyas mkha' 'gro ma/ /zhe sdang phyag rgyas puk+ka sI/ /gti mug phyag rgyas ri khrod ma/ /ser sna'i phyag rgyas gdol ba'o?/ /'dod chags phyag rgyas g.yung mo nyid/ /yang na dkar mo zhe sdang rgyas/ /gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+hasma rI/ /gti mug phyag rgyas sa spyod ma/ /'dod chags phyag rgyas mkha' spyod ma'o/ /de nas kha TwAM ga dang snyoms par 'jug pa 'am/ drin pa tsam gyis rjes su chags pa'i mchod pa byas la/ a nu rA gas nga rgyal bya'o/ /de nas gtor ma ji lta ba bzhin du bdud rtsi byin gyis brlabs te myangs la/ a mri ta badzra sa nga rgyal bya'o//

  224. 112b

    de nas mchod pa phyi dang gsang ba dang de kho na nyid kyis mchod de pU dza badzras nga rgyal bya'o/ /de nas mos pa sna tshogs gdul dka' 'dul ba'i phyir/ zhes bya ba la sogs pas bstod pa byas te/ stu ti badzras nga rgyal bya'o/ /de nas rang byin gyis brlab pa ni/ lam cig car pa 'am/ lam rim gyis pa 'am/ lam nye bar bsgrub pa gsum gang mos dang/ lhan cig skyes pa'i rnal 'byor gyis rgyas btab la gsum tshogs pa gcig tu bsgom ste bla ma las blang bar bya'o/ /de nas 'khor rnal 'byor ma bcu bzhi ni rang gtso mo'i sa bon las bsdus te/ de nas nang gi rgyas gdab bsgom mo/ /des skyon rnam dag dran pa ni/ /gzugs phung rdo rje ma yin te/ /tshor ba la yang dkar mo brjod/ /'du shes chu yi rnal 'byor ma/ /'du byed rdo rje mkha' 'gre ma/ /rnam shes phung po'i rang bzhin gyis/ /bdag med rnal 'byor mar gnas so/ /gzugs la dkar mor rtag tu bshad/ /sgra la tshom rkun mar rab grags/ /dri yi cha la ro langs ma/ /ro la g+hasma rI rab grags/ /reg la sa sbyod ma zhes brjod/ /ches kyi dbyings la mkha' spyod ma/ /rtag tu 'di rnams rnam dag pas/ /de nyid rnal 'byor pas 'grub 'gyur/ /mig la gti mug rdo rje ma/ /rna bar zhe snang rdo rje ma/ /sna la ser sna ma zhes bshad/ /lce la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /sa ni puk+ka sI zhes bshad/ /chu khams rngon pa mo zhes brjod/ /me ni gtum por shes par bya/ /rlung ni g.yung mor rab tu grags/ /zhe sdang zhes bshad rdo rje ma/ /'dod chags chu yi rnal 'byor ma/ /phrag dog rdo rje mkha' 'gro ma/ /ser sna gsang ba'i dkar mo nyid/ /gti mug de bzhin rdo rjer bshad/ /zhe sdang la sogs rnam sbyor ba/ /bskyed pa'i rim pa'i phyogs las ni/ /'dis ni phung po sbyang bar bya/ /bla ma slob dpon 'dod lha la/ /phyag 'tshal don du 'khor lo

  225. 113a

    'dzin/ /bla ma rdo rje 'dzin pa la/ /smod tshig mi mnyan pa yi phyir/ /rna ba bdag la rna cha 'dzin/ /sngags bzlas phyir ni mgul rgyan te/ /lag gdub srog chags gsod pa sdangs/ /phyag rgya bsten phyir ska regs nyid/ /sangs rgyas lnga yi phyag rgya yis/ /rtag tu lus la phyag rgyas gdab/ /phyag rgya'i rnam dag bshad par bya/ /'khor lo'i gzugs kyis mi bskyod pa/ /rna cha 'od dpag med kyi bdag /mgul gyi phreng ba rin chen bdag /lag gdub la ni rnam snang mdzad/ /ska rags la ni don yod gnas/ /'di rnams dag pa phyag rgya lnga/ /de nas dag gis bzlas pa ni/ /oM a(rgyud 'grel): a A i a'i u a'u ri rI li lAM e i o a hUM swAhA/ zhes spyi dang bye brag gi mtshams su bzlas pa bya'o/ /dag gi brjod pa kyang skyon de nyid bzhi dang ldan pas gtor ma btang ngo/ /de nas smon lam gdab pa ni/ /rigs su skye dang dam tshig dang la sogs pas bya'o/ /de nas spyod lam kyi rnal 'byor bya'o/ /thun dang po'i de bzhin du thun 'og ma rnams kyi bya ba la shes par bya'o/ /'di lta bu'i lha bco lnga las nyung par 'dod na steng 'og gi dor ba bcu gsum bsgom/ de yang mangs na nang gi bzhi bzhag la lha dgu bsgom mo/ /de yang mangs na phyi rol brgyad dor la lha lnga bsgom mo/ /de yang mangs na dkyil 'khor gyi lte bar gtso mi rgyang ba bsgom pa ni bla ma na ro pa chen po'i zhal gyi lung ngo/ /lha mo 'khor lo bris pa'i dge bas ni/ /srid pa gsum gyi khongs su gtogs pa yi/ /sems can bdag med ma yi don rtogs nas/ /sdig bral mkha' spyod gnas su 'gro bar shog /bdag med ma'i dkyil 'khor gyi tsakra'i sgrub thabs rdzogs so// //rgya gar skad du/ sh+rI he badzra tan+ta me na swA tiSh+Tha na ku ru kul+le sA d+ha naM/ bod skad du/ dpal kye'i rdo rje'i rgyud kyi rim pa las/ bdag byin gyis brlab pa ku ru kul+le'i sgrub thabs

  226. 113b

    dgyes rdor rgyud dang rjes 'brel ba'i/ /'jig rten gsum dbang bsdud mdzad ma/ /ku ru kul+le la btud de/ /de yi sgrub thabs gsal bar bshad/ /rgyud 'di sgom pa'i skal pa dang ldan pa'i sngags pas/ /snga dro mal nas langs te/ snying gar yi ge raM yongs su gyur pa las/ nyi ma'i dkyil 'khor la yi ge h+ri(rgyud 'grel): dmar po bltas la de'i 'od zer gyis 'og tu 'chad pa'i bcom ldan 'das ma ku ru kul+le mdun du dmigs la/ mchod pa lnga'i sprin phung gis yang dag par mchod de/ de'i mdun du/ dkon mchog gsum la bdag skyabs mchi zhes bya ba la sogs pa'i tshigs bcad lan gsum du brjod par bya'o/ /de nas sdug bsngal gsum gyis sdug bsngal pa'i sems can rnams yid kyis dmigs la/ sdug bsngal las ldog pa'i mtshan nyid can gyi snying rje chen po bsgom par bya'o/ /de nas chos dang gang zag gi ngo bo gzung ba dang 'dzin pa gnyis rang bzhin med par shes pa'i mtshan nyid can gyi stong pa nyid bsgoms la/ de sngags kyis byin gyis brlab par bya'o/ /oM shU n+ya twa dz+nya na badzra swa b+hA ba At+ma ko haM zhes pas so/ /de nas gnyis su med pa'i ye shes de nyid kyis nam mkhar nyi ma'i dkyil 'khor bltas la/ de'i dbus su yi ge h+ri(rgyud 'grel): dmar por gyur pa las/ utpal dmar po'i lte bar nyi ma la sa bon de nyid do/ /h+rI(rgyud 'grel): de las spro ba dang bsdu ba byas nas de nyid du rab tu bstims te/ de thams cad yongs su gyur pa las bdag nyid ku ru kul+ler blta ste/ pad+ma dmar po 'dab ma brgyad pa'i dbus su ro'i snying gar nyi ma'i dbus su skyil krung phyed pa'i gar gyis gnas ma/ nyi ma'i 'od skor na/ phyogs dang mtshams rnams su dur khrod brgyad kyis bskor pa/ sku mdog dmar mo lo brgyad gnyis lon ma/ skra kham pa gyen du brdzes ma/ /dbu la rgyal ba lnga'i rang bzhin gyi thong pa lnga 'dzin pa/ mi mgo rlon pa'i do shal can/ zhal mche ba gtsigs shing ljags 'dril ba/ dmar

  227. 114a

    la zlum pa'i spyan gsum g.yon du yo ba/ khro ba dang sgeg pa'i nyams can mi'i rus pa'i 'khor lo dang/ rna rgyan dang mgul rgyan dang/ gdu bu dang/ ska rags dang/ dpung rgyan dang zhabs gdub kyis brgyan ma/ rtsa ba'i phyag gnyis kyis rna ba'i drung du utpa la'i myu gu'i mda' dang bcas pa'i me tog dmar po'i gzhu 'gengs pa/ phyag lhag ma dag gis utpa la dmar po'i zhags pa dang/ lcags kyu bsnams pa bsam par bya'o/ /de'i spyi bo dang/ mgrin pa dang/ snying gar oM A(rgyud 'grel): hUM bltas te/ da nas rang gi snying ga'i nyi ma la gnas pa'i utpa la dmar po'i lte ba'i nyi ma la h+rI(rgyud 'grel): dmar po bltas la/ de'i 'od zer gyis de bzhin gshegs pa thams cad spyan drangs te/ gsol ba btab pas/ de dag gis rin po che'i bum pa bdud rtsi lnga yis gang ba rnams kyis dbang bskur bas/ bcom ldan 'das 'od dpag tu med pas dbu brgyan te rgyas gdab pa'o/ /de nas rang gi snying ga'i sa bon las lha mo brgyad spros la/ rang rang gis byang chub kyi sems la sogs pas yang dag par mchod de/ sa bon de nyid la bsdu par bya'o/ /ak+Sha ra man+ta badzra a o/ na u so bindu na tsita/ e so ba ra mahA su kha he o/ na u pho Ti a na u karti/ zhes bya ba 'dis bstod par bya'o/ /de nas bdud rtsi myang ba'i cho gas bdud rtsi lnga dang sgron ma lngar byas la/ yi ge hUM dkar po las byung ba'i ljags rdo rje'i rang bzhin bsgoms te/ yi ge gsum gyis byin gyis brlabs la/ de lta bus bdag nyid ku ru kul+le'i ngo bo mnyes par bya'o/ /bsam gtan dang ma bral bas sngags bzla bar bya ste/ yi ge hI(rgyud 'grel): las bskor nas gnas pa'i oM ku ru kul+le h+rI(rgyud 'grel): swAhA/ zhes bya ba yi ge brgyad kyi sngags kyi phreng ba mar me'i phreng ba 'bar ba ltar yid kyis mngon par bsam zhing/ myur ba dang bul ba la sogs pa'i skyon med par tsandan dmar po'i phreng bar bgrang bar bya'o/ /sa ya gcig bzlas pas rigs drug gi

  228. 114b

    'khor lor gtogs pa'i sems can rnams dbang du 'gyur ro/ /thun gzhan la ni bdag nyid ku ru kul+ler bsams la/ mchod pa dang bstod pa la sogs pa bya ste/ nyan bshad la sogs pa'i bya ba thams cad bcom ldan 'das ma'i nga rgyal gyis bya'o/ /de nas bsam pa ji lta ba bzhin du smon lam gdab par bya'o/ /'dir yang bla ma brgyud pa las byung ba'i man ngag bri bar bya ste/ rang gi snying ga'i sa bon bdud rtsi'i khu ba 'ba' zhig snying las langs te/ mgo'i g.yon nas bskor nas rna ba g.yas pa'i bu ga nas 'thon nas lag pa g.yas pa'i gzhu'i rgyud la gnas pa'i mda'i ltong gi bu ga nas/ utpa la'i me tog gi lte bar zhugs te/ de'i 'od zer gyis de rgyas par byas shing spros pas srid pa gsum gyi sems can gyi snying gar zhugs nas de'i pad+ma rnams bskul te/ bkug nas yang de nyid du gzhug par bya ste/ kha zum nas mnga' nas rna ba'i bu ga nas/ mgo bo'i g.yas su bskor nas dpral ba'i dbus su gnas pa a ba d+hU tI'i lam nas mgrin pa snying ga /lte ba'i mthar bde ba chen po'i gnas su man ngag bzhin du rab tu bcug ste/ de nas shes rab dang thabs kyi ting nge 'dzin dri ma med pa las byung ba'i bde ba dam pas/ rang gi lus dang 'jig rten gsum gang bar bltas la/ de'i skad cig la tshigs su bcad pa dran par bya'o/ /gang la thog mdza' bar ma med/ /srid dang mya ngan 'das pa med/ /'di ni bde chen mchog gyur pa/ bdag med gzhan yang yod ma yin/ yang de ltar sems can dbang du gyur par bya ste/ de dag phyag rgya chen po la mngon sum nyid du dgod par nus kyi bar du'o/ /de bzhin du bsgrub bya 'am bsgrub bya mo ku ru kul+le'i rang bzhin du bsgoms nas/ sa bon de sngar bzhin sgrub pa po'i bzlas/ bsgrub bya'i lag par gnas pa'i me tog de'i 'od zer gyis rgyas par byas la rna ba'i bu ga g.yas par zhugs te/ de ltar song nas der gnas te/ de kho na bzhin du rab tu zhugs

  229. 115a

    nas gnas der phyin la de bzhin du gnas par bya'o/ /ku ru kul+le'i gzugs la yang yi ge h+rI(rgyud 'grel): ni mos par byed pa'i gdugs la bzhag pas bud med 'ju bar 'gyur/ lce la de nyid blo gros bskyed de de snying gi dbus su ni/ /sprul gyis zin pa la ni yongs su bsgoms pas chos kyi yi ges dug sbyong 'gyur/ /sgrol ma'i snying pos 'jig rten gsum las rgyal ba gser ldan rnams kyis shes par bya/ de nas gdon mi za bar bsgrub bya bsgrub pa po'i dbang du gyur nas don rnams thams cad byed par 'gyur/ /ku ru kul+le'i sgrub pa'i thabs/ /byas pa'i bsod nams gang yod des/ /skye bo thams cad byang chub la/ /dgod pa'i dbang du 'gyur bar shog /bdag byin gyis brlabs pa ku ru kul+le'i sgrub thabs slob dpon lhan cig skyes pa'i rol pas mdzad pa rdzogs so// //oM ku ru kul+le h+rI(rgyud 'grel): swAhA/ nus pa na nyams pas khams gsum dbang du byed par grags/ /sngar gsungs pa'i ting 'dzin la gnas pas/ yi ge grangs kyi 'bum bzlas par bya ste me tog dang/ bdug pa dang/ byug pa dang/ dri dang/ phye ma dang/ gos la sogs pa gang la bsngags nas byin de dbang du 'dus par 'gyur ro/ /dri bzang po'i bdug spos kyis bdag la bdugs na/ skye bo thams cad dga' bar 'gyur ro/ /gang gi ming gis me tog dmar po la sogs pas sbyin sreg byas na de dbang du 'gyur ro/ /bza ba dang btung ba la mngon par bsngags te byin na de dbang du 'gyur ro/ /skyes bu chen po dbang du byed pa na/ yungs kar gyi sbyin sreg byas nas/ de nas tshes grangs rgyu skar bzang po la bcom ldan 'das ma'i mchod pa byas nas gur gum dang/ gi waM dang/ ga pur la sogs pas gos sam gro ga la utpa la'i 'dab ma'i rnam pa can gyi 'khor lo rtsi bas bcu drug pa byas te/ 'khor lo'i dbus su sngags dang bcas pa'i bsgrub bya 'am bsgrub bya mo'i ming bri zhing/ 'dab ma rnams la su

  230. 115b

    ru kul+le zhes bya ba'i yi ge bzhis bskor ba'i bsgrub bya 'ba' zhig gi ming bri bar bya'o/ /phyi rol tu oM yig gis lan gsum bskor ba'i 'khor lo skud pa dmar pos dkris la/ sbra tshil las byas pa'i ling ga'i snying gi dbus su bcug ste seng ldang gi mi la gdung bar byas na/ rkang pa 'gugs par byed do/ /skyes pa 'am bud med dbang du byed na/ zangs kyi khab kyis rkang pa gnyis sam/ skye gnas su phug ste gdung bar byas na dbang du 'gyur ba the tshom med do/ /dad pa chen pos bcom ldan 'das ma la mchod la/ sngags kyi rgyal po ? te/ de lta bu'i rim pas thams cad 'grub par 'gyur ro/ /bla ma'i man ngag rdzogs so// //paN+Di ta don yod rdo rje dang/ lo tsA ba ba ri rin chen grags pas bsgyur ba'o// // !/ /rgya gar skad du/ he badzro db+ha? ba ku ru kul+la sA d+ha nAM/ bod skad du/ dgyes pa'i rdo rje las byung ba'i ku ru kul+le'i sgrub thabs/ lha mo ku ru kul+le la phyag 'tshal lo/ /sngags pas dang por re zhig rang gi snying gar zla ba'i dkyil 'khor gyi steng du yi ge h+ri(rgyud 'grel): dmar po bsams te/ de'i 'od kyis lha mos thog drangs pa'i sangs rgyas dang byang chub sems dpa' du ma mdun gyi nam mkhar spyan drangs la/ de dag la yid las byung ba'am dngos su 'byor pa'i mchod pas ci rigs su mchod nas skyabs su 'gro ba la sogs pa'i sgo nas yan lag bdun pa bya'o/ /de'i rjes la tshad med pa bzhi sems can thams cad la g.yog par bya ste/ de nas swa b+hA ba'i sngags kyis snod bcud thams cad stong pa nyid du rgyas btab ste/ de'i rjes su stong pa nyid kyi ngang las yi ge raM las nyi ma'i dkyil 'khor bsams pa'i steng du hUM sngon po bsgom par bya'o/ /de yongs su gyur pa las sna tshogs rdo rje/ de yang gyur pa las steng dang 'og dang phyogs dang phyogs mtshams thams cad rdo rje'i sa gzhi dang rdo rje'i ra ba dang rdo rje'i gur gyis bcing

  231. 116a

    ste/ de nas sngags 'di brjod par bya'o/ /oM rak+Sha rak+Sha hUM hUM phaT phaT swAhA/ de nas rang gi snying gar pad+ma dmar po'i steng du zla ba'i dkyil 'khor bsam/ de'i steng du sa bon gyi yi ge h+rI(rgyud 'grel): dmar po bsgom /h+rI(rgyud 'grel): yongs su gyur pa las utpa la dmar po blta zhing/ de'i steng du zla ba kha dog dmar po'i dkyil 'khor rgyas par bsgom/ de yongs su gyur pa las bdag nyid lha mo ku ru kul+le sku mdog dmar mer bskyed par bya'o/ /de yang zhal gcig phyag bzhi phyag rgya lnga dang ldan ma stag gi pags pa'i smad g.yogs can/ skyil krung phyed pa'i bzhugs stangs kyis gnas pa/ dbu skra ser po gyen du brdzes pa/ sangs rgyas 'od dpag med kyis dbu brgyan pa can/ gzhu dang mda'autpa la'i zhags pa dang lcags kyu'i phyag mtshan bsnams pa'o/ /de ltar bsgoms pa'i rnal 'byor pas sngags kyi bzlas pa bya ste/ oM ku ru kul+le h+rI(rgyud 'grel): swAhA/ zhes mi grags pa'i tshul du bzlas par bya'o/ /zla ba phyed kyi rgyal po 'du/ /khri yis phal pa dbang du byed/ /bye bas phyugs dang gnod sbyin sogs/ /lha min 'bum phrag bdun gyis so/ /dpal dgyes pa'i rdo rje la brten pa'i lha mo ku ru kul+le'i sgrub thabs/ slob dpon chen po lhan skyes sgeg pas mdzad pa rdzogs so// //dA na shI la nyid kyis bsgyur// //rgya gar skad du/ he badzrodb+ha ba ku ru kul+le yA pany+tsa ma ho pa de sha:/ bod skad du/ kye'i rdo rje las byung ba'i ku ru kul+le'i man nag chen po lnga/ bcom ldan 'das kye'i rdo rje la phyag 'tshal lo/ /snying gi dbus las srog rlung mchog gis bskul bas rtsa dbus mchog gi nang zhugs gyen song zhing/ /myur du spyi bo'i zla dbus las 'thon rim gyis gsal bar 'gro can mgo yi g.yon bskor te/ g.yas kyi sna bug las mthon myur du lag mda'i bu gar zhugs

  232. 116b

    shing phyag rgya cher bsgoms nas/ rdo rje ra ba myur sa bon rgyal po bdag nyid 'od zer dmar po 'bar ba las ni bsgrub bya yi/ /lag mda'i rtse mo'i bu ga rgyas byed sngon du 'gro bas bu gar rab zhugs shing/ /mgo yi g.yas kyi sna bug gsal bar 'gro ba can gyis snying gi mtsho skyes dbus gnas pa'i/ /h+rI(rgyud 'grel): sems myur du khyer nas rim bzhin rjes su lam de dang ni de nas 'thon nas ni/ /brtan par snying dbus la gnas khyod kyis sa yi 'khor lo dang bcas lha ni dbang du sdud/ gong bu dgug pa'o// // sngar bzhin mda' las mtshon nas bsgrub bya'i mtsho skyes g.yon gyi ngos zhugs shing/ /gyen du song ste spyi bo'i zla ba rim bzhin 'dzag byas sngar bzhin zhugs/ /mtsho skyes ze 'bru la gnas rnal 'byor pas ni brten par bsgoms pa yis/ /chags pas 'dzag pa'i las kyis rgyal can ma yi skye bo myos par byed/ /rkang pa dgu pa'o// //sprul gyis bzung ba'i snying ga'i zla dbus gnas pa gsal bar mthong nas de'i/ /'od zer bdud rtsi mang po'i rgyun gyi khrus kyis sbrul gyis dug sel zhing// rtsa bug 'od zer gang ba las kyang dug 'joms 'od ldan zla dbus gnas/ de ltar sbrul gyis bzung ba la ni byams pas lha khyod dug ni 'joms/ /sbrul gyi dug sel ba'o// //mar me brtan pa'i rnam pa can/ /brtan por dmigs pa'i sems kyis su/ /lce yi rtse mor bsam byas na/ /mi shes rab rib sel bar 'gyur/ /shes rab 'phel ba'o// //gsal bar rlung gi dkyil 'khor gnas shing lcags kyus snying la bug /ske la zhags pas bcings shing skra grol gtsang pus g.yengs pa can/ /lha mo khyod ni rnal 'byor stobs kyis nor 'dzin bkug nas ni/ /bdag gi rkang drung 'gyel zhing rtag tu khol po'i gnas skabs 'dzin/ /dmar po'i rnam can spros pa'i 'od kyi dra bas rnam par bcings/ /bdag gi rkang drung 'gyel zhing skra

  233. 117a

    grol cho gas lag gi mnga' bsnun nas/ g.yon pa'i rlung gis bkug ste bcings shing mtsho skyes nang du bcug /lte ba'i mtsho skyes dbus su zhugs te mos shing thal mo sbyar/ sems dpa' pad+ma las 'dzag khrag gis spyi bor khrus byas la/ rnal 'byor pa des bsgoms na lha dbang yang ni dbang du 'gyur/ /dbang du bsdu ba'o// //kye'i rdo rje las byung ba'i ku ru kul+le'i man ngag chen po lnga slob dpon zhi ba mtshos mdzad pa rdzogs so// //paN+Di ta dA na shI la nyid kyis bsgyur ro// //oM ku ru kul+le h+rI(rgyud 'grel): swAhA/ oM ku ru kul+le a mukyA(rgyud 'grel): paN+Di mA k+Sha ya h+rI(rgyud 'grel): swAhA/ a mu kiM sA dyAM ArSha ya/ a mu kiM ba shI na ya/ a mu kaM ba sh+yaM ku ru/ a mu ka ba sh+ya ku ru/ ma ma a kriSh+TaM ku ru/ me a kriSh+TiM ku ru/ At+ma ka ma kriSh+TiM ku ru/ na mo mAM rak+Sha/ na mo me rak+Sha ku ru na ma(rgyud 'grel): na mo me shAM tiM ku ru na ma(rgyud 'grel): bo Sho Ta me puSh+Ti ku ru bau ShaT/ ho de ba dat+ta taM me ba sh+yaM ku ru ho(rgyud 'grel): h+rI(rgyud 'grel): de ba dat+taM me A ka rA ya h+rI(rgyud 'grel): dza(rgyud 'grel): de ba dat+taM me Ak+Sha ya dza(rgyud 'grel): me DA ki ma ma DA ki At+ma kaM/ //rgya gar skad du/ Arya tA ra ku ru kul+le sto tra/ bod skad du/ 'phags ma sgrol ma ku ru kul+le'i bstod pa/ 'phags ma sgrol ma stobs mo che la phyag 'tshal lo/ /mi 'gyur mnyam pa'i ngang las ma g.yos kyang/ /so sor rtogs pas 'gro ba'i don mdzad ma/ /dmar ba'i 'od 'phro nyi ma stong gi gzi/ /zhal gcig phyag bzhi ma la phyag 'tshal lo/ /h+rI las byung ba'i lha mo ni/ /kha dog dmar zhing phyag bzhi ma/ /mda' dang gzhu yi lag pa ma/ /lcags kyu 'dzin la phyag 'tshal bstod/ /bskal pa'i me dpung ltar 'bar 'od/ /zhal gcig spyan ni gsum pa ste/ /dbu skra dmar ser gyen du 'bar/ /utpal 'dzin la phyag 'tshal bstod/ /phyed krung bcas

  234. 117b

    pa'i gar gyis bzhugs/ /gtum pa'i khro tshul 'gying bag can/ /thod pa lnga yi dbu rgyan can/ /stag pags bsnams la phyag 'tshal bstod/ /mche gtsigs dmar mo mi bzad sku/ /drag chen phyag rgya lnga yis brgyan/ /brgya phreng phreng ba'i do shal can/ bdud 'joms ma la bdag phyag 'tshal/ /A li kA li snyoms 'jug las/ /bde ba rtag dgyes byang chub dang/ /'od dpag med kyi dbu la brgyan/ /gar gyis dgyes la bdag phyag 'tshal/ /mda' dang gzhu yis bsdigs par mdzad/ / utpal yis dbang du byed/ /lcags kyus nyon mongs 'dam las 'dren/ /bdud dag phyag bzhi la phyag 'tshal/ /'phags ma sgrol ma lha mo ku ru kul+le'i bstod pa/ slob dpon chen po Dom+bi he ru kas mdzad pa rdzogs so// // rgya gar skad du/ ku ru kul+le sA d+ha naM/ bod skad du/ ku ru kul+le'i sgrub pa'i thabs/ /oM bcom ldan 'das 'phags ma lha mo sgrol ma la phyag 'tshal lo/ /re zhig dang po kho nar sems dpa' i skyil krung bcas la/ bgegs bsal bar bya'o/ /sngags ni 'di yin te/ oM a mri ta hUM phaT swAhA/ de nas sangs rgyas dang byang chub sems dpa' nam mkha' i dkyil du dmigs la/ de ma thag tu skyabs su 'gro bar bya ste/ oM ratna tra yaM sma sha ra naM kre hwa/ oM swa b+hA ba shud+d+ha(rgyud 'grel): sarba d+harmA swA b+hA ba shud+d+ho haM/ oM shu n+ya tA dz+nyA na badzra swa b+hA At+ma ko haM/ de nas yi ge paM las pad+ma/ de'i steng du yi ge a las zla ba'i dkyil 'khor/ de las yi ge tAM re yongs su gyur pa las utpa la/ de'i rjes la drangs par bya ste/ oM b+ha ga ba ti sa ma ya shwa res rbod damti ta dza(rgyud 'grel): a d+heSh+Ta naM mi ku ru swAhA/ de las bcom ldan 'das ma zhal gsum pa phyag drug pa/ g.yas pa dang g.yon pa yang rtsa ba'i zhal ni gnag pa dang ser ba dang dmar pa'o/ /g.yas pa'i phyag rnams kyi dang po mi 'jigs pa sbyin pa la 'khor lo dkar pos mtshan pa'o/ /gnyis

  235. 118a

    pa la mda'/ gsum pa la lcags kyu'o/ /phyag g.yon pa rnams kyi dang po la utpa la dmar po rin po che'i snye ma dang bcas pa'o/ /gnyis pa la bzhu/ gsum pa la zhags pa'o/ /sku mdog dmar po/ pad+ma dmar po'i gdan la bzhugs pa/ de bzhin gshegs pa lnga'i cod pan tsam/ sku la rgyan thams cad kyis brgyan pa/ shar gyi phyogs su gsal ba'i sgrol ma/ lho du rdzogs byed sgrol ma/ nub tu snang byed sgrol ma/ byang du kar na sgrol ma/ me'i mtshams su rin chen sgrol ma/ bden bral gyi mtshams su rgyal ba sgrol ma/ rlung gi mtshams su dpa' bo'i sgrol ma/ dbang ldan gyi mtshams su dpa' bo'i sgrol ma'o/ 'di rnams ni phyag bzhi pa mchog sbyin pa dang/ utpa la dang mnga' dang gzhu bsnams pa'o// sku mdog dmar po pad+ma dmar po'i gdan la bzhugs pa/ de bzhin gshegs pa lnga'i cod pan can/ /sku la rgyan thams cad kyis brgyan pa'o/ /de rnams kyi sngags ni/ oM ku ru kul+le hUM h+ri(rgyud 'grel): swAhA/ oM pra san+na tA ri hUM h+rIM(rgyud 'grel): swAhA/ oM ne span+na tA ri hUM h+rIM swAhA/ oM di pa tA ri hUM h+rIM swAhA/ oM karna tA ri hUM h+riM swAhA/ oM ma ne tA ri hUM h+rIM swAhA/ oM dza ya tA ri hUM h+rI swAhA/ oM gau ri tA ri hUM h+rI swAhA/ oM wa ra tA ri hUM h+ri swAhA/ /shar phyogs kyi sgor ni rdo rje ro langs ma/ /mche ba rnam par gtsigs pa/ zhal rnam par 'gyur ba/ 'jigs su rung ba'i cha byed can/ phyag bzhi pa la/ mda' dang gzhu dang rdo rje lcags kyu dang zhags pa pi bang bsnams pa mi bskyod pa'i cod pan can/ lho'i sgor ni rdo rje gri 'dzin ma/ zhal rnam par gtsigs pa/ dbu skra 'khyil pa/ gsus pa 'phyang ba/ phyag bzhi pa/ rdo rje dang dril bu dang lcags kyu dang zhags pa bsnams pa/ rin chen 'byung ldan gyi cod pan can no/ /nub kyi sgo ru gzhan gyis mi thub pa/ dbu skra gyen du brdzes pa/ gsus pa 'phyang ba/ phyag bzhi pa/ sdigs

  236. 118b

    mdzub dang lcags kyu dang/ zhags pa bsnams pa/ snang ba mdza' yas kyi dbu rgyan can/ byang gi sgor ni ral pa gcig ma/ dbu skra gyen du brdzes pa/ gsus pa 'phyang ba/ phyag bzhi pa/ tho ba dang/ rdo rje dang/ dgra sta dang/ zhags pa bsnams pa/ don yod grub pa'i dbu rgyan can/ g.yas brkyang g.yon bskum gyis gnas pas bzhugs pa/ sgo ma bzhi po rnams sku mdog dmar ba pad+ma'i gdan la bzhugs pa'o/ /'di rnams kyi sngags ni/ oM badzra wa ti li hUM phaT/ oM badzra gand+ha ri hUM phaT/ oM badzra a pA ri dza ta hUM phaT/ oM badzra i ka dza ta hUM phaT/ oM AryA ba lo ki te shwa ra ya bo d+hi satwa ya mahA satwA ya/ mahA ka ru Ni ka ya/ tadya thA/ oM A gats+tsha A gats+tsha/ b+ha ga ba ti tA re AryA ba lo ki te shwa ra sat+tyaM na swAhA/ gu gul gyi spos la lan bdun yongs su bzlas nas spyan drang bar bya'o/ /na ma(rgyud 'grel): AryA ba lo ki te shwa rA ya/ tadya thA/ oM so ra so ra ba te he ra he ra swAhA/ arga'i sngags so/ /na ma(rgyud 'grel): AryA ba lo ki te shwa ra ya/ tadya thA/ oM ta ri ta ri ba ti sarba ru Tha sA d+he ne tiSh+Tha tiSh+Tha/ yatka ryO sid+d+hiM me ku ru swAhA/ me tog gi sngags so/ /na ma(rgyud 'grel): AryA ba lo ki ti shwa rA ya/ tadya thA/ me g+ha me g+ha swA ra do ga swA ri ku ru ku ru b+ha ra b+ha ra swAhA/ bdug spos kyi sngags so/ /na ma(rgyud 'grel): AryA ba lo ki te shwa rA ya/ tadya thA/ oM bok+ka bok+ka Dha ma ne dzwA la dzwA la dI pa swAhA/ mar me'i sngags so/ /na ma(rgyud 'grel): AryA ba lo ki te shwa ra ya/ tadya thA/ oM ha ra ha ra ho ru ho ru gan d+ha ba sa ni swAhA/ dri'i sngags so/ /na ma(rgyud 'grel): AryA ba lo ki te shwa ra ya/ tadya thA/ oM swa b+hA ba di ha di ha ku ru ku ru de shaM ba liM hUM phaT swAhA/ gtor ma'i sngags so/ /na ma(rgyud 'grel): AryA ba lo ki te shwa rA ya/ tadya thA/ he re he re ha ra ha ra sarba satwa ka ru Ne shI g+haM A gats+tsha de ba ta b+ha ga bAM AryA ba lo ki te shwa ra sa ma ya ma nu sma ra na swAhA/ me tog gi thal mo sbyar la gtor mar gzhug par bya'o/ /gshegs su

  237. 119a

    gsol ba'i sngags ni/ oM pra san+ne ne span pra ti pa kar+Na pa ne dza ya gu re sa wi re tar we ta le gand+ha re sa badzra ha sta/ a pa ra dze ta i ka dza TaM na ma me(rgyud 'grel): oM ta ra ta ra Ne hUM ha ra ha ra swAhA/ khyu mchog gi ra'i 'jim pa la lag pa g.yon pa nyid kyis lan nyi shu rtsa gcig yongs su bzlas nas/ btab na dbang du byed par 'gyur ro// //bcom ldan 'das ma ku ru kul+le'i sgrub pa'i thabs rdzogs so// //paN+Di ta bimpa dang/ lo tsa ba gzhon nu 'od kyis bsgyur ba/ /rgya gar skad du/ ku ru kul+le sA d+ha naM/ bod skad du/ myur mdzad ma'i sgrub thabs/ lha mo ku ru kul+le la phyag 'tshal lo/ /re zhig bsgom par bya ba'i gnas phyogs dben zhing sems nyams dga' bar dri rnam pa lngas byugs te/ stan 'jam zhing rgya che ba la brtul zhugs can gyis mnyam par bzhag par bya'o/ /de nas snying gar yi ge raM las yongs su gyur pa'i nyi ma'i dkyil 'khor 'bar ba'i phreng bas 'khrigs pa rnam par bsgom ste/ de'i lte ba la yi ge h+rI(rgyud 'grel): dmar po rnam par bsam mo/ /yi ge h+rI(rgyud 'grel): de las 'od zer gyi dra ba byung bas phyogs bcu na gnas pa'i sems can gyi khams la phog ste/ dpal ku ru kul+le'i gzugs su mngon par byas nas/ 'od zer gyi phreng ba de dag kyang yang de nyid du zhugs par bsgom par bya'o/ /de nas mdun gyi nam mkha' la lha mo ku ru kul+le ma lo bcu drug pa lta bu 'bar ba'i dbu skra kham pa gyen du brdzes pa/ thod pa lngas dbu la brgyan pa/ ro'i steng du skyil mo krung phyed mar gar gyi stabs su bzhugs pa/ mche ba cung zad gtsigs shing lce lcib par mdzad pa/ 'khor lo dang/ snyan cha dang/ mgul chu dang/ dpung rgyan dang/ phyag gdub dang/ ska rags dang/ zhabs gdub kyis brgyan pa/ stag

  238. 119b

    gi sham thabs can spyan dmar po g.yo zhing 'dril ba/ mdza' yas mgon gyis dbu la brgyan pa/ phyag bzhi la gnyis kyis utpal dmar po kham bye ba'i mde'u dang ldan pa'i mda' dang/ me tog dmar po'i gzhu'i mnga' gzhu 'gengs pa/ lhag ma'i phyag gnyis na me tog dmar po'i lcags kyu dang utpal bsnams pa rnam par bsam par bya'o/ /de nas bcom ldan 'das ku ru kul+le mchod pa bya ba'i phyir/ rang gi snying gar nyi ma'i dkyil 'khor la gnas pa'i yi ge h+ri(rgyud 'grel): las byung ba'i mchod pa'i me tog dang/ bdug pa dang mar me dang dri dang/ lha bshos rnam pa lngas mchod par bya'o/ /'di ni mchod pa'o/ /mchod pa byas nas dam pa'i snying rje dang ldan pa'i rnal 'byor pas/ lus ngag yid gsum gyis gus pas btud de phyag bya'o/ /'di ni phyag btsal pa'o/ /phyag btsal nas sdig pa bshags par bya ste/ sdig pa gang bgyis bgyid du stsal pa dang/ bgyid pa la rjes su yid rang ba la sogs pa de dag bcom ldan 'das ma'i spyan sngar mngon sum du bshags par bgyi'o/ /'di ni sdig pa bshags pa'o/ /de nas bsod nams la rjes su yi rang bar bya'o/ /brtul zhugs can gyis sangs rgyas dang byang chub sems dpa' rnams kyi bsod nams gang lags pa de dag la bdag rjes su yi rang ngo/ /de ni bsod nams la rjes su yi rang ba'o/ /de nas dkon mchog gsum la skyabs su 'gro ste/ sangs rgyas dkon mchog dang/ chos dkon mchog dang/ dge 'dun dkon mchog rnams la gang du 'khor ba nas 'khor ba'i tshe bdag skyobs su mchi bar bgyi'o/ /'di ni dkon mchog gsum la skyabs su 'gro ba'o/ /de nas byang chub tu sems bskyed par bya ste/ gang dag srid pa'i 'khor ba na gnas pa'i sems can rnams drang bar bya ba de'i phyir/ bdag gi gtso bo thugs rdo rje bya'o/ zhes bya ba ni byang chub tu sems bskyed pa'o/ /de nas tshangs pa'i gnas bzhi

  239. 120a

    bsgom par bya'o/ /sems can thams cad la bu gcig pa ltar gdung bar sems pa gang yin pa'i sems su bsgom pa 'di ni btang snyoms bsgom pa'o/ /de nas de rnams thams cad rang bzhin gyis mi dmigs shing lus dang bral bar byed pa 'di ni stong pa nyid bsgom pa'o/ /de nas sems tsam du ni byin gyis brlab pa'i gsang sngags oM shU n+ya tA dz+nya na badzra swa b+hA ba At+ma ko haM/ zhes bya ba 'dis sems byin gyis brlab pa'o/ /de nas sngon gyi smon lam gyi stobs kyis sems can gyi don la blo yis gzigs nas sngags pa lha'i skur bskyed de/ gsang sngags sbas pa'i rim pa 'di ni lha'i sku zhes bya'o/ /de nas nam mkha' i ngos su yi ge raM las nyi ma'i dkyil 'khor 'od zer dra ba'i phreng bas 'khrigs pa bsgom par bya'o/ /'di ni nyi ma shar ba'o/ /de'i steng du yi ge hUM kha dog nag po yongs su gyur pa las/ sna tshogs rdo rje las rdo rje ra ba dang/ rdo rje gur dang/ rdo rje bcing ba dang/ sa gzhi rdo rje'i rnam par bsam par bya'o/ /'di ni bsrung ba'i 'khor lo'o/ /de'i dbus su chos kyi 'byung gnas kyi ye shes yi ge e lta bu kha dog dkar po bsgom par bya'o/ /de'i dbus su yi ge h+rI(rgyud 'grel): dmar po las byung ba'i pad+ma dmar po 'dab brgyad pa/ / de'i snying po'i steng du yi ge raM las yongs su gyur pa'i nyi ma dang ro'o/ /gzhan yang de dag gi steng du mtshan sum cu rtsa gnyis dang ldan pa'i zla ba nya gang zhing yongs su rdzogs pa dkar po'o/ /de'i steng du nyi ma'i dkyil 'khor dpe byad bzang po brgyad cu'i ngo bo kha dog dmar po'o/ /de dag gi bar du yi ge h+ri(rgyud 'grel): kha dog dmar po yongs su gyur pa'i utpa la dmar po kha ma 'bus pa'i nang du rang gi sems nyid zhugs par bsgom par bya'o/ /de nas zla ba dang dbyangs dang nyi ma rnams gcig tu zhu ba'i

  240. 120b

    bdag nyid las sngon tu brjod pa lta bu'i lha mo ku ru kul+le'i bsgom par bya'o/ /rnam par bsgoms nas snying gar yi ge raM las nyi ma'i dkyil 'khor de'i lte bar h+rI(rgyud 'grel): yang bsgom par bya'o/ /de'i 'od zer rnams kyis mgon po mdza' yas bkug ste/ spyan drangs nas mchod pa 'dzin pa rnams kyis yang dag par mchod de/ dbang bskur bar gsol ba gdab po/ /gsol ba gdab pa ni a b+hi Shiny+tsa tu mA a mri ta nA tha zhes bya ba des mdza' yas kyi sa bon gyis bdud rtsi lngas yongs su gang ba'i bum pa thugs ka nas 'phro bas bsgoms te/ de nas bdud rtsi lngas gang ba'i bum pas dbang bskur zhing blugs pas bdag gi snying gar bum pa rnams zhugs te/ zhugs pa'i rnal 'byor pa'i spyi bor mdza' yas bsgom mo/ /dus gsum du 'di bsgom zhing lha mo'i gsang sngags bzlas brjod bya'o/ /de la gsang sngags ni oM ku ru kul+le h+rI(rgyud 'grel): swAhA/ lhag par yang tsanda dmar po'i phreng bas bzlas brjod bya'o/ /kha zas rnams ye shes rnam pa lnga'i bdud rtsis nan tan gyis sbyang ste/ oM A(rgyud 'grel): hUM de nyid gsum pa 'dis kha zas dang zhal byin gyis brlabs na 'dis zhal gyis gsang sngags 'grub po/ /de nas sngags pas skyes pa 'am bud med dbang du bya bar 'dod na/ /yar gyi ngo'i tshas gcig las brtsams te bzlos brjod khri bya ste/ dus gsum du bcom ldan 'das ma'i skur dmigs te/ smad dkris ras dmar po dang/ lus la ras dmar po gyon nas rang gi snying gar nyi ma'i dkyil 'khor la gnas pa'i yi ge h+rI(rgyud 'grel): dmar po yongs su gyur pa las pad+ma dmar po 'dab ma brgyad pa rtsa ba 'dam nas skyes pa bsam par bya'o/ /'dab ma de rnams la dbyangs kyi yi ge dang po brgyad las yongs su gyur pa'i lung ba brgyad khro zhing rgyas ba dga' zhing chags par rim pa bzhin bsams nas dbugs kyis bskyod de/ sna bug nas byung nas bsgrub bya'i sna bug g.yas par zhugs

  241. 121a

    nas sgra sgrogs shing gar byas te gdungs shing pad+ma'i 'dab ma la yang dbyangs yig dang po brgyad kha dog cung zad dmar ba dang ldan par rnam par blta bar bya'o/ /de ltar bltas nas de nas rnal 'byor pas utpa la kha ma 'bus pa'i mde'u dang ldan pa'i mda' lta stangs dang bcas pa'i khu tshur gyis rdzogs par bkang ste/ pad+ma'i ze ba la brdeg go /des bung ba de rnams rang gi dam tshig gis bskul nas/ dbyangs yig re re khyer te sna bug g.yon pa nas byung nas rnal 'byor pa'i sna bug g.yas par zhugs te/ snying gar rang dang gzhan gyi rnam par shes pa gcig tu gyur par bya'o/ /de nas utpa la'i rtsa ba yis mgrin pa nas bcings te/ lcags kyu yis mngal nas bzung nas drangs pas mi bzod par bsams te/ 'bar bas dbang du bsdu zhing rlung gi 'khor lo la bzhag ste/ rnal 'byor pa dga' ba'i sems kyis gsang sngags bzlas brjod bya zhing 'di ltar rnam par bsgom par bya'o/ /gsang sngags ni oM ku ru kul+le h+rI(rgyud 'grel): che ge mo me ba sa mA na ya swAhA/ 'di ltar zla ba nya ba'i bar du mtshan mo kun tu bzlas brjod bya'o/ /de nas nang par de 'ong bar 'gyur te/ chags pa dang bcas shing gcer bu skra bshig par 'gyur ro/ /gsang sngags kyi rgyal po 'dis bskul bas shin tu rgyas pa'i dngos grub kyang thob par 'gyur ro/ /oDyaN gyi yul nas byung ba'i lha mo ku ru kul+le'i sgrub thabs rdzogs so// //rgya gar gyi mkhan po yul ma ga d+har skyes pa dpal byang chub chen por rab tu byung ba'i gnas brtan many+dzu sh+rI dz+nyA na dang/ bod kyi lo tsA ba ro za ma chos kyi bzang pos bsgyur cing zhus te gtan la phab pa'o// //rgya gar skad du/ tra yotshhAt+ma ku ru kul+le sA d+ha naM/ bod skad du/ myur mdzad ma'i sgrub thabs bcu gsum pa'i bdag nyid

  242. 121b

    lha mo ku ru kul+le la phyag 'tshal lo/ /ku ru kul+le'i rtog pa bshad par bya ste/ re zhig dang por sngon du bsnyen pa 'bum bzlas brjod byas na/ de nas dngos grub tu 'gyur ro/ /bri sku'i cho ga rab tu bstan par bya ste/ gru bzhi pa sgo bzhi pa twa ra na bzhis pa rgyan pa/ de'i dbus su ku ru kul+le bri bar bya ste/ sku mdog dmar po phyag brgyad pa/ dang po'i phyag gnyis kyis khams rnam par rgyal ba'i phyag rgya bcings pa/ g.yas kyi phyag na lcags kyu dang/ mda''gengs pa dang/ mchog sbyin mdzad pa dang/ g.yon pa'i phyag na zhags pa dang/ gzhu dang/ utpa la bsnams pa bri/ shar du zhu ba'i sgrol ma bri/ lhor grub pa'i sgrol ma bri/ byang du snyan sgrol ma bri/ me'i phyogs su gzhan gyis mi thub pa'i sgrol ma/ srin bu'i phyogs su rab tu snang ba'i sgrol ma/ rlung gi phyogs su dpa' bo'i sgrol ma/ dbang ldan gyi phyogs su skul byed ma bri'o/ /lha mo 'di rnams kyi sku mdog dmar po/ de bzhin gshegs pa lngas dbu brgyan pa/ rgyan thams cad kyis brgyan pa phyag bzhi pa/ g.yas pa'i phyag mchog sbyin pa dang mda''gengs pa/ g.yon pa'i phyag na utpa la dang gzhu 'dzin pa'o/ /shar phyogs kyi sgor rdo rje ro langs ma gsus khyim che ba 'jigs pa'i zhal lce 'jib pa/ mi bskyod pas dbu brgyan pa/ phyag g.yas na sdigs mdzub dang lcags kyu/ g.yon na rdo rje dril bu dang thod pa bsnams pa/ zhabs g.yas brkyang bar bri'o/ /lho phyogs kyi sgor rdo rje phag mo gsus khyim che ba/ skra gyen du brdzes pa 'jigs pa'i zhal lce 'jib pa/ sku mdog dmar po/ rin chen 'byung ldan gyis dbu brgyan pa/ phyag g.yas na rdo rje dang lcags kyu/ g.yon dril bu dang zhags pa/ zhabs g.yas brkyang ba'o/ /nub phyogs kyi sgor ral gcig ma sgra thor tshugs su bcings pa/ gsus khyim che ba/ ma mchu tshems kyis mnan/ /snang ba mdza' yas kyis dbu brgyan pa/ phyag g.yas

  243. 122a

    na rdo rje dang lcags kyu/ g.yon na rdo rje dang dril bu dang zhags pa bsnams pa/ zhabs g.yas brkyang ba bri'o/ /byang phyogs kyi sgor rdo rje dbyangs len ma/ don yod grub pas dbu brgyan pa/ zhal 'jigs pa gsus khyim che ba/ phyag g.yas na ral gri dang lcags kyu/ g.yon na rdo rje dril bu dang zhags pa/ zhabs g.yas brkyang ba'i bdag nyid sku bri bar bya'o/ /rim pa ji lta ba bzhin du gnas par bya'o/ /'di rnams bsgom pa'i rim pa ni bcom ldan 'das ma'i sku de bzhin du rab tu bstan te/ de la nyi ma'i dkyil 'khor la gnas pa'i yi ge h+rI(rgyud 'grel): dmar po las yongs su grub par gyur pa'o/ /kha dog dmar po mos par gyur pa'i rkang pa'i drung du 'dug par dmigs par bya ste/ bdag gi 'od zer rnams kyis 'jig rten gsum gang bar bya ste/ yi ge yaM sngon po las yongs su gyur pa'i rlung gi dkyil 'khor gzhu lta bu rgyal mtshan gyis brgyan pa de'i steng du bsgrub bya bzhag na dbang du byed do/ /'jig rten gsum yang dbang du 'gyur ro/ / 'jig rten gsum las rnam par rgyal ba'i phyag rgyar gyur pa ni/ lag mthil gnyis rgyab sbyar te/ srin lag gnyis mdud pa bcings/ mthe'u chung dang gung mo dang mthe bong rtse sprad/ mdzub mo lcags kyu ltar byas pa 'di dpral ba'i gnas su bzhag pa ni 'jig rten gsum las rgyal ba'i phyag rgya'o/ /'di ltar bsgom pa'i dus su gsang sngags bzlas pa ni/ oM ku ru kul+le hUM h+rI(rgyud 'grel): swAhA/ khrir bzlas brjod byas na 'gro ba thams cad dbang du 'gyur ro/ /khrag khrig gis sngags pa'o/ /'bum gyis rgyal po dbang du 'gyur ro/ /me tog utpa la dang shing arka'i sa sbyin sreg byas na 'dod pa'i don 'thob po/ be ta'i me sbar la/ ma du ba dang 'bras kyi lag pan gyis lan brgya stong du sbyin sreg byas na/ rgyal po'i blon

  244. 122b

    po yang dbang du 'gyur ro/ /utpa la stong gis blon po chen po yang dbang du 'gyur ro/ /rtsi mar gyi mar me stong lha mo la phul bas rgyal po yang dbang du 'gyur ro/ /lha mo ku ru kul+le bdag nyid bcu gsum pa rdzogs so// //bcom ldan 'das ku ru kul+le la phyag 'tshal lo/ /lha mo chen mo ku ru kul+le/ mchog tu dga' ba'i gzugs can ma/ 'dod don thams cad bsgrub pa la/ /yang dag gus pas phyag 'tshal lo/ /ye shes 'dod pa'i bla ma yis/ /slob ma'i bsod nams don du ni/ /de yi sgrub thabs mdor bsdus pa/ /rgyud kyi rim bzhin bdag gis bshad/ /dang po kho nar rnal 'byor pas lha'i khang par nye bar 'dug ste/ sa gzhi kun tu dri bzang po'i maN+Dal byas la/ mdun du bla ma dang/ sangs rgyas dang/ byang chub sems dpa' dang/ lha mo'i sku bsams la/ me tog dmar po dang/ mar me la sogs pas yang dag par mchod de/ sdig pa bshags pa la sogs pa bya'o/ /sdig byas thams cad bdag gis bshags/ /dkon mchog gsum la skyabs 'gro bya/ /'gro ba'i bsod nams rjes yi rang/ / sangs rgyas byang chub yongs su bsngo/ /dang po byams pa'i bsam gtan bya/ /de bzhin gnyis pa snying rje bsgom/ /gsum pa dga' ba bsgom par bya/ /thams cad rjes la btang snyoms so/ /de rjes sngags 'di brjod par bya/ /oM shu n+ya tA dz+nya na badzra swa b+hA ba At+ma ko haM/ rang bzhin stong par rnam par bsgom/ /sngon gyi smon lam rjes su dran/ /shes rab e yi gzugs can ma/ /nam mkha' khams su bsam par bya/ /pad+ma dmar po 'dab brgyad bzang/ /de yi steng du rnam par bsgom/ /nyi ma'i dkyil 'khor yang dag ldan/ /de steng yongs su sgom pa ni/ /mchog gi sa bon yi ge h+rI(rgyud 'grel): mchog tu dga' ba'i gzugs can ma/ /sku mdog dmar po 'od zer dmar/ /phyag bzhis rnam par brgyan pa'i sku/ /g.yas na mnga' dang lcags kyu bsnams

  245. 123a

    de bzhin g.yon na utpal gzhu/ /lha mo thod pa'i dbu rgyan can/ /rgyan rnams kun gyis brgyan pa'i sku/ /de yi gzugs kyi bdag nyid ni/ /yang dag rnal 'byor rnam par bsgom/ /mchog tu dga' ba'i gzugs can ma/ /gar mkhan yid kyis rnam par bsam/ /gsang ba'i mchod pa lA sya sogs/ /yongs su bskor ba dbus ma la/ /arg+ha la sogs sbyin pa dang/ /sna tshogs mchod pa cho gas bya/ /snying ga'i sa bon 'od zer gyis/ /phyogs thams cad du yongs su dgang/ 'gro ba rang gi gzugs su bya/ /de bzhin rang la gzhug par bya/ /de nas sngags kyis bzlas par bya/ /phreng ba rang gi kha dog can/ /phyi dang de bzhin rang bdag nang/ /spro dang bsdu ba bsgom par bya/ /oM ku ru kul+le sarba satwA na me wa sa mA na ya h+rI(rgyud 'grel): swAhA/ 'di nyid bsgom pa byas pa yis/ /'jig rten gsum po dbang du 'gyur/ /'bum gyis rgyal po dbang du 'gyur/ /khri yis 'jig rten dbang du 'gyur/ /bya dang phyugs ni bye bas so/ /bdun 'bum gyis ni lha ma yin/ / nyis 'bum gyis ni lha rnams so/ /brgya yis blon po dbang du 'gyur/ 'di ltar rig pa chen po'i 'dzab/ /nyin mtshan spyod lam thams cad bya/ /me tog la sogs bye brag gis/ /rang nyid yang dag mchod par bya/ /byang chub yongs su bsngo bar bya/ /bdag nyid de yi nga rgyal bya/ /rang las ji ltar bde bar spyad/ /ku ru kul+le'i sgrub pa'i thabs/ /rdo rje brtse ba mkhas pa yis/ /sems can don ni bsgrub pa dang/ /rdo rje mtshan gyis zhus phyir byas/ /de ltar byas pa'i bsod nams kyis/ /'khor ba'i rgya mtsho 'jig rten kun/ /mchog tu dga' ba'i gzugs can ma/ /yang dag bde ba thob par shog /ku ru kul+le'i sgrub pa'i thabs slob dpon chen po kriSh+Na badzras mdzad pa rdzogs so/ //

  246. 123b

    ye shes rgyal mtshan gyis bsgyur/ //!/ /rgya gar skad du/ DA kyi nI badzra pany+tsar pany+tsa DA ka sA d+ha naM nA ma/ bod skad du/ mkha' 'gro ma rdo rje gur gyi mkha' 'gro rnam pa lnga'i sgrub pa'i thabs zhes bya ba/ dpal rdo rje sems dpa' la phyag 'tshal lo/ /'khor ba gang zhig shing chen po yi yal ga'i tshogs dang mtshungs pa 'di rnams ni/ /zhe sdang gtso bo'i nyon mongs rnams te 'gro drug rnams kyi skye las rgyal/ /gang de thub dka' i brtson 'grus la gnas rnam pa lnga yi sku 'chang ba/ /dus dgra rdo rje sems dpa' bcom ldan 'das la rtag tu 'dud/ /'gro ba ma lus pa yi 'dod pa mi gcod cing/ /byang chub la ni nges par 'jug pa lnga'i/ /'khor lo rnams ni drang bar ldan pa bri/ /de dag kyang ni bsod nams ldan pa'i rgyur/ /chu dang 'bras bu rnyed sla ba dang phug rnams dang/ /gang yang rung par 'jam pa'i stan gnas te/ /sngags par gzhan gyi dbang du rgyal ba bsgom/ /blo yi bsam bya bsam par bya ba ni/ /hUM oM tram ya khaM 'di dag ni/ /snying gar ji lta'i gdan la bsam/ /bla ma rdo rje mchod pa dang/ /bdun po rnam par dag par bya/ /sdig pa bshags par bya ba dang/ /yang na byed par sdom pa'o/ /sangs rgyas byang sems 'phags pa yi/ /bsod nams dag la rje yi rang/ /de dag yongs su bsngo bar bya/ /dkon mchog gsum la yang dag brten/ /byang chub sems ni bskyed pa dang/ /lam la brten te de nas ni/ /tshangs pa'i gnas bzhi rnams bsgoms nas/ /sna tshogs stong par bsgom par bya/ /dngos po bden brdzun rnams dpyad pas/ brtags pas dmigs su med pa ste/ /des ni 'di ltar gzugs brnyan bzhin/ /dngos po thams cad bsgom par bya/ /oM shU n+ya tA dz+nyA na badzra swa b+hA ba at+ma ko haM/ mdun du re pa las ni nyi ma rnam par bsgom/ /nyi ma der ni hUM 'byung sna tshogs rdo rje ste/

  247. 124a

    rdo rje de nyid kyi ni ra pa dang gur bcing ba yang ngo/ /nam mkha' i khams kyi dbus gnas par/ /sna tshogs rdo rje bsgom par bya/ /der ni hUM yig las byung ba/ /bsrung ba'i 'khor lo bsam par bya/ /'khor zhing rab tu mi g.yo ba/ / 'jig pa'i dus kyi me dang mtshungs/ /hUM yig bcu yi sbyor ba las/ /khro bo bcu ni rim bzhin dgod/ /shar du gshin rje gshed po bsam/ /shes rab mthar byed yang ni lhor/ /pad+ma mthar byed chu bdag ste/ /byang du bdud rtsi 'khyil pa'o// 'dod pa'i rgyal po dbang ldan du'o/ /me nyid tu ni dbyug sngon can/ /bden bral du ni mi g.yo bsam/ /rlung nyid du yang stobs po che/ /gtsug tor steng du bsam par bya/ /'og tu gnod mdzes rnam par bsgom/ /kun kyang zhal gcig phyag gnyis te/ /rdo rje khro bo drag chen po/ /snying gar khu tshur sdigs mdzub ste/ /g.yas pa rang gi mtshon cha 'phyar/ /gshin rje 'joms pa'i tho ba ste/ /dbyug pa rdo rje gzhan mi thub/ /rta mgrin gyi ni pad+ma dmar/ /bdud rtsi 'khyil pa'i rdo rje'o// 'dod pa'i rgyal po lcags kyu ste/ /dbyug pa sngon po rang ming can/ /stobs rgyal gyi ni tri shU la/ /mi g.yo ba yi rdo rje'o/ /gtsug tor 'khor lo sgyur rgyal gyi/ /chos kyi 'khor lo bsam par bya/ /gtun shing rdo rje sa 'og gi'o/ /g.yon brkyang ba yi zhabs kyi gnas/ /in+d+ra nI la mtshungs pa'i mdog /gshin rje gshed po bsgom par bya/ /gzhan gyi mi thub ces bya ba/ /zla ba'i 'od zer dang mtshungs pa'o/ /pad+ma'i khro bo dmar chen po/ /bdud rtsi 'khyil pa nag po ste/ /mtshams kyi khro bo nag po che/ /spyi bor rdo rje 'chang pa 'dzin/ /gshin rje rnam par snang mdzad nyid/ /rdo rje sems dpa' dbyug pa la'o/ /pad+ma zhes bya 'jig rten spyan/ /bdud rtsi 'khyil pa sems dpa' o/ /khro bo'i 'khor lo dbus gnas su/ /bdud las

  248. 124b

    rgyal ba bsam par bya/ /'og tu pad+ma bsam byas la/ /khro bo bcu ni bsgom par bya/ /dpag tshad brgyar ni 'jug pa yis/ bgegs rnams skrod par bsam par bya/ nam mkha' i khams kyi dbus gnas par/ /rlung gi dkyil 'khor bsgom par bya/ /rlung gi dkyil 'khor dbus gnas par/ /me yi dkyil 'khor bsgom par bya/ /me yi dkyil 'khor dbus gnas par/ /brtul zhugs can gyis chu bsam bya/ /dbang chen gyi ni dkyil 'khor nyid/ /de yi steng du bsam par bya/ /dbang chen dkyil 'khor steng du ni/ /bdag nyid bsam par bya ba yi/ /bum yi ge sangs rgyas rnam pa lnga/ /gnas lnga ru ni bsam par bya/ /rdo rje can dang rtag pa nyid/ /gsum pa rdo rje nyi ma'o/ /bzhi pa 'dod chags rdo rje yi/ /lnga pa rta mchog rgyal po'o/ /sangs rgyas dkyil 'khor zlum po ste/ /rdo rje can gyi zla phyed 'dra/ chos kyi rdo rje pad+ma mtshungs/ /nyi ma yid bzhin nor bu mtshungs/ /rta mchog dpal ni zhes bya ste/ /gru gsum kun tu de yi'o/ /rdo rje can gyi khru gsum ste/ /khru bzhi sangs rgyas dkyil 'khor ro/ /snang byed? kyi yang khru lnga'o/ /pad+ma gar dbang gi ni drug /rta mchog rgyal po dkyil 'khor ni/ /khru bdun pa yi tshad yin no/ /cha ni brgyad pa nyid kyis ni/ /'khor lo'i sgo ru rab tu grags/ /khyud dang lha yi snam bu ni/ /sgo yi tshad du gzhal bar bya/ /sgo yi phyed kyi cha yis ni/ /legs dang 'gram ni nyid yin no/ /mchod rnam nyid kyang de bzhin bya/ /dra ba dra phyed snam bu yang/ /tshangs pa'i skud las cha gnyis por/ /cha drug par ni bya ba'o/ /sgo yi tshad tsam de bzhin dor/ /cha dgu ru ni rab brtags pa'o/ /sangs rgyas mgon po'i dkyil 'khor ni/ /shar gyi shar ni rab tu bstan/ /lhor ni sangs rgyas nyi ma yi/ /nub tu rdo rje 'dod chags so/ /byang du rta yi rgyal po'o/ /rdo rje sems dpa' dbus su'o/ /shar du dkar po chen po ste/ /lho ru gser dang 'dra ba'o/ /nub tu

  249. 125a

    dmar por shes par bya/ /de yi byang du ljang gu'o/ /gru bzhi pa la sgo bzhi pa/ /rta babs bzhi yis rnam par brgyan/ /thams cad kyi ni grwa yi char/ /sgo dang sgo khyung grwa rnams su/ /rdo rje rin chen gyis spras pa'o/ /dbus su pad+ma dkar dmar te/ /A li kA li mnyam sbyor bar/ /rdo rje sems dpa' yi ni gdan/ /rang gi sa bon legs bltas la/ /'khor lo'i rnam par bsam par bya/ /sangs rgyas kun gyi yon tan ni/ /A li gzugs der de gzhug go /lha mo gzugs kyi yan lag ni/ /gru gsum du ni zla ba blta/ /skar ma'i rnam pa'i gzugs kyis ni/ /ka la sogs pa rab tu gzhug /zla ba'i dkyil 'khor dbus su yang/ /byang chub zla ba gnyis pa'o/ /hUM byung rdo rje bsgom par bya/ /'od zer dkar po'i phreng ba'o/ /de ltar so sor nges pa ni/ /phyag mtshan lnga la lnga rab dbye/ /rdo rje sems la mi byed pa/ /rnam snang la ni chos 'khor lo/ /rin chen rgyal po'i rin chen te/ /pad+ma bzang po'i pad+ma dmar/ /don grub shes rab ral gri ni// shes rab rnon po'i rang bzhin no/ /sems dpa' i gzugs su yang dag 'byung/ /dkyil 'khor bdag por rnam bsgom bya/ /mkha' 'gro can gyi phyag rgya sogs/ /zla ba'i 'od zer nor bu'i 'od/ /mA ma kI sogs yang dag 'khyud/ / dkyil 'khor lnga yi dbus nyid do/ /'dod chags chen po'i tshul ming can/ /ting nge 'dzin la snyoms par zhugs/ /rang gi lus la zhugs pa dang/ /de bzhin gshegs pa kun gtso bo'i/ /srog dang rtsol dang mnyam zhes dang/ /'byung dang 'jug pa'i ming can dang/ /klu dang rus sbal kri lag can/ /lhas sbyin dang ni nor las rgyal/ /sangs rgyas 'khor lo so sor zhu/ /sa bon brgyad ni bsam par bya/ /ming gi dang po g+haM tsaM sogs/ /yi ge las ni lha yo 'byung/ /rdo rje

  250. 125b

    mkha' 'gro'i dkyil 'khor du/ /dkar mo chom rkun ro langs ma/ /za phod spos mo de bzhin du/ /ri khrod gtum mo g.yung mo'o/ /rdo rje rtag pa'i dkyil 'khor du/ /skam pa zhags pa ma nyid dang/ /de zlum ma dang lcags kyu 'dzin/ /me tog la sogs mtshams kyi char/ /rdo rje nyi ma'i dkyil 'khor du/ /nyi lag ma dang mar ma ma/ /rin chen sgrol ma glog lag ma/ /sgeg mo la sogs mtshams char ro/ /pad+ma chos 'byung lcags sgrog dang/ /'khyud ma gar gyi dkyil 'khor du/ /gling bu ma sogs phyogs kyi char/ /bdag nyid cha byad sbyor bas so/ /rta yi rgyal po'i dkyil 'khor du/ /rdo rje sgo lcags lde mig ma/ /sge glags ma dang gos 'dzin ma/ /de bzhin mtshams su spyan sogs so/ /bsdus pa'i dkyil 'khor ji lta bar/ /sgo skyong sgo ru dgod pa ste// lcags kyu zhags pa lcags sgrog dang/ /de bzhin rdo rje 'bebs pa'o/ /rdo rje mkha' 'gro de dag kun/ /rkang pa g.yon pa brkyang bas gnas/ /snying gar g.yon bcangs sdigs mdzub ste/ /zla ba nyi ma ro steng du/ /mi bskyod dkyil 'khor phyogs su ni/ / dkar mo lcags kyu sdigs mdzub ste/ /chom rkun rdo rje zhags pa bcas/ /ro langs rdo rje lcags sgrog go /za phod rdo rje dril bu can/ /dkar dang ser dang dmar dang ljang/ /sangs rgyas dbang gyur gzhan du ni/ /gcig las rim pa bzlog pa'o/ /puk+ka sI sogs lha mo rnams/ /mtshan ma dang ni mdog bshad bya/ /byang sems bum pa ri rab dang/ /me thabs rgyal mtshan chen po'o/ /nag po dkar po nam mkha' mtshungs/ /khro bo mi bskyod dkyil 'khor du'o/ /me tog dkar po yin te spos/ /du ba mar me ser po'i 'od/ /byug pa dmar po lA sye dag /glu ma ser mo gar ma ljang/ /bzhad ma dmar mo gling bu ni/ /ser po pi wang dkar dmar ro/ /rnga 'dzin ljang khu rdza rnga ni/ /dkar mo rang gi phyag mtshan sbyor/ /ho yig dmar po 'od zer bcas/ /gnyis kyi dbus su yi ge

  251. 126a

    gsum/ /dri yang na ni mnyam par zhugs/ /zhu bar gyur pas rjes su dran/ /mtshams kyi lha mo rnams kyis yang/ /gtso bo la ni glu 'dis bskul/ /khyod ni zhe sdang rdo rje yongs skyong thugs dag cing/ /shin tu rnam par dag pa'i chos kyis lha'i lus yang dag brgyan mdzad pa/ /puk+ka sI ni bdag la myur du gzigs la stong pa nyid spongs shig /khyod ni gti mug rdo rje yongs skyong sku dag cing/ /gzugs brnyan chos kyi lha'i lus ni yang dag brgyan mdzad pa/ ri khrod ma ni bdag la mgon pos myur gzigs stong nyid spongs/ /rnam par 'dren pas 'jig rten don phyir skye ba gzigs par mdzod/ /khyod ni 'dod chags rdo rje yongs skyong gsung dag cing/ /mchog tu so sor rtogs pas lha yi lus ni yang dag brgyan mdzad pa/ /gtum mo bdag la myur du gzigs nas stong pa nyid spongs la/ /rnam par 'dren pas 'jig rten don phyir skye ba bzhes par mdzod/ /khyod ni sangs rgyas thams cad yongs skyong gzugs sku ba/ /bya ba grub pas thams cad mnyam pas bdag nyid brgyan mdzad pa/ /g.yung mo bdag la myur du gzigs la stong pa nyid spongs shig /rnam par 'dren pas 'jig rten don phyir skye ba bzhes pas mdzod/ /sbos mo sogs kyi gnas 'dug pa'i/ /me tog la sogs rang gis glus/ /mtshams kyi lha mo rnams kyis bskul/ /de ltar gtso mo gzhan dag la'ang/ /bskul te sad pas sngon gyi ni/ /smon lam dran pa'i stobs kyis te/ /hUM maM dag las langs par bsam/ /thugs kyi mkha' 'gro stobs chen po/ zhal brgyad zhabs ni bzhi pa ste/ /phyag ni bcu drug dag gis brgyan/ /dbang sngon lta bu'i 'jigs pa dang/ /sgeg cing khro bo'i gzugs dag ste/ /skyil krung phyed pa'i gar gyis gnas/ /rus pa'i rgyan gyis rnam par brgyan/ /dang po'i zhal

  252. 126b

    ni nag po ste/ /gnyis ni dkar dang dmar ba'o/ /spyi bo'i dbu ma gtsigs pa ste/ /lhag ma'i zhal ni bung ba mtshungs/ /bdud bzhi po ni mnyam par mnan/ /spyi bor rdo rje nag po 'dzin/ /glang po rta bong glang rnga mo/ /mi dang de bzhin seng byi la/ /g.yas pa'i thod pa brgyad rnams la/ /gnyis 'thung la sogs rim shes bya/ /sa dang chu dang me dang rlung/ /nyi ma zla ba nyid dang ni/ /mthar byed dang ni nor sbyin nyid/ /g.yon pa'i thod pa brgyad rnams la'o/ /gri gug thod pa phyag 'dzin pa'i/ /mA ma kI dang gnyis med sbyor/ /oM laM dag las lhag par dkar/ /zhal gnyis gnag dang dmar ba'o/ /zla ba'i gdan la yang dag bzhugs/ /sangs rgyas spyan gyis mgul nas 'khyud/ /zhabs bzhi la sogs thun mongs pa/ zhal brgyad la sogs ma bstan to/ /khyad par spyi gtsug 'khor lo sogs/ /phyag mtshan dag kyang brjod pa'o/ /spyi bor chos kyi 'khor lo 'dzin/ /'jigs su rung zhing 'jigs par mdzod/ /rma bya ma he chu srin dang/ /nya yi rgyal po ru spal dang/ /lhag pa'i klu dang ngang pa dang// ri bong lhag pa'i g.yas rnams la'o/ /rtsangs pa thu bo sprin shugs dang/ /mig sman 'dra dang byi ba dang/ /g.yag dang dri ldan sa ra sa/ /g.yon pa'i thod pa brgyad la'o/ /tri ti dag la rin rgyal ming/ /sku mdog ser po bsgom par bya/ /g.yas dang g.yon gyi zhal nag po/ /dmar po spyi bor rin chen 'dzin/ /ka ratna dang 'khor lo dag /ne tso dang ni tsa go ra/ /bye'u khra hor mo 'ol pa dang/ /ri skegs rin chen g.yas dag na'o/ /stobs kyi rgyu dang dung skyong dang/ /rigs ldan pad+ma pad+ma che/ /'jigs pa dang ni nor rgyas dang/ /mdza' yas g.yon pa dag na'o/ /shin tu sbyangs pa'i gser bsregs bzhin/ /sgrol ma yis ni mgul nas 'khyud/ /aM paM dag las bzhengs shing dmar/ /rta mgrin rnam par bsgom par bya/ /g.yas pa'i zhal ni nag po ste/ /

  253. 127a

    g.yon pa zla 'od dri ma med/ /spyi bor pad+ma dmar po 'dzin/ /gos dkar mo dang gnyis med sbyor/ /dom dang bya rgod de bzhin pas/ /ba men dang ni stag nyid dang/ /spre'u dang chu srin lce spyang dag /rdo rje chos kyi g.yas dag la'o/ /bya rog 'ug pa chu skyar ser/ /sa ra sa dang de bzhin ra/ /ri dags phag pa thod pa rnams/ /g.yon pa dag tu rtag tu gnas/ /taM khaM dag las bzhengs shing/ /rta rgyal rta gdong dran par bya/ /spyi bor ral gri dkar po 'chang// sgrol ma yis ni mgul nas 'khyung/ /g.yas pa'i zhal ni nag po ste/ /g.yon pa'i zla 'od dri ma med/ /gza' lhag phur bu mjug rings dang/ /sgra gcan mig dmar nyi ma dang/ /spen pa zla ba thod rnams su/ /rta yi rgyal po g.yas dag tu'o/ /dbang po tshangs pa de bzhin drag /'dod lha dang ni thod pa 'dzin/ /gcer bu dang ni thag bzangs ris/ /stobs ldan zhes bya g.yon na'o/ /lha mo rnams ni phyag gnyis brjod/ /gri gug thod pa nyid yin no/ /rdo rje nyid kyi thams cad kyi/ /snying gar ye shes gnas dgod bya/ /ye shes sems dpa' i sbyor ba yis/ /sangs rgyas byang chub rab bsgrub bya/ /rang sngags yi ge mtshan ma dang/ /phyag rgyar btags pa las byung ba/ /dam tshig snying gar ye shes te/ / bsnyen pa'i sbyor bar rab btags pa'o/ /oM d+harmmA d+hA tu swa b+hA ba At+ma ko haM/ /ye shes 'khor lo rang dkyil la/ /lcags kyu la sogs pas dgug cing/ /gzhug pa dang ni bcing ba dang/ /mnyes pa nyid du bsgom par bya/ /spyan la gti mug rdo rje dgod/ /zhe sdang rdo rje rna ba gnyis/ /sna la ser sna rdo rje dang/ /dag la 'dod chags rdo rje can/ /phrag dog rdo rje de bzhin lus/ /yid la bdag med rnal 'byor ma/ /phyag gnyis zhal ni gcig pa yin/ /sna tshogs gzugs

  254. 127b

    can btsun mo rnams/ /phyag gnyis gri gug mgo bo ste/ /srog song steng du yang dag gnas/ /mkha' spyod dang ni sa spyod gnyis/ /de bzhin zhabs 'og gnas pa mo/ /thugs dang gsung dang sku dag la/ /sku gsung thugs kyi yi ger dran/ oM kha tsa ri badzra swa b+hA ba At+ma ko haM/ de bzhin du du ? ? d+hA ba? At+ma ko haM/ de bzhin du pA tA la ba si ti swa b+hA ba At+ma ko haM/ sku gsum thugs kyi rdo rje ma/ /gsum dang rdo rje ma sogs lnga/ /rig ma brgyad po de rnams kyis/ /mkha' 'gro dbang bskur rab tu grags/ /mkha' 'gro lnga dang yang dag ldan/ /dam tshig lnga yis gang ba yin/ /bum pas rig ma brgyad pa yis/ /mkha' 'gro lnga la dbang bskur te/ /bzhi pa spyi bor 'khor lo dang/ /rin chen pad+ma ral gri 'dzin/ /thugs kyi mkha' 'gro'i spyi bor ni/ /sangs rgyas lnga ni 'dzin par bsgom/ /de rnams kyi ni dkyil 'khor pa/ /rdo rje'i rjes rims dkyil 'khor kun/ /thugs dang rtag pa rin chen dang/ /dpag med lha mo'i spyi bor 'dzin/ /oM sarbba ta thA ga ta a b+hi She ka swa b+hA ba At+ma ko haM/ g.yo shing 'bar bas thod pa ru/ /lcags kyu lnga yis sa bon lnga las byung/ /lce la rdo rje nas 'bras tsam/ /rdo rje bdud rtsi myang ba'o/ /oM sarbba ta thA ga ta a mri ta satwa badzra swa b+hA ba At+ma ko haM/ /ye shes las ni mchod sna tshogs/ /brgyad po nges par phyung ba yi/ /lha mos 'khor lo la ni mchod/ /'khor lo'i bdag nyid gtso bo la'o/ /oM sarbba ta thA ga ta pA dza badzra swa b+hA ba At+ma ko haM/ khyod ni rnal 'byor ma rnams yongs su bskor/ /khyod ni nyid kyi thugs kyis mchog ni yongs brnyes te/ /khyod kyis rgyu dang mi rgyu 'gro ba kun sgrub cing/ /snying rje'i thugs kyis sems can sad par mdzad/ /sgyu ma'i spros pas dgos pa bsgrub pa bo/ /he ru ka dpal thugs ni dgyes pa skye/ /oM sarbba ta thA ga ta stu te badzra swa b+hA ba At+ma ko haM/ gzhal yas sangs rgyas rnam snang mdzad/ /dbang ni mi bskyod de bzhin gshegs/ /

  255. 128a

    bdud rtsi myang ba snang mdza' yas/ /bstod pa rin chen 'byung ldan dpal/ /mchod pa don yod grub par brjod/ /rjes su chags pa rdo rje sems/ /yan lag drug bsgom rnal 'byor pa/ /dang byin brlab pa rab tu grub/ /grub pa'i sngon du mtshan ma rnams/ /rim pa mngon du mtshon par bya/ /dang po sprin dang 'dra bar snang/ /gnyis pa du ba lta bu ste/ /gsum pa me khyer rnam pa la/ /bzhi pa mar me gsal ba'o/ /lnga pa rtag tu snang ba ni/ /sprin med nam mkha' lta bu'o/ /phyi nas sgyu ma'i rnam pa ste/ /rmi lam rnam pa skad cig yin/ /snying ga'i nang mos zla ba ni/ /zla ba'i gzugs la mi shigs pa/ /sna tshogs 'od zer gyis ni bskor/ /de las rdo rje bsgom par bya/ /rdo rjes bdag med mkha' 'gro ma/ /bsgoms te cho ga yis ni bskul/ /mkha' 'gro ma yi sna yi mthar/ /yungs kar rnam par bsgom par ni/ /'gro ba thams cad yungs kar la/ /khams gsum rgyu dang mi rgyu ba/ /de ltar yid kyis bsgom byed pa'o/ /rang byin brlab par rab grub pa'o/ /ru pak+Sha dung bse ru dang/ /bo de tsa dang bar 'bras bu/ /mu tig sogs dang byi ru la/ /bsam gtan ldan pas sngags bzlas bya/ /oM d+ha ra d+ha ra d+ha ra ya d+hA ra ya/ mar d+ha mar d+ha/ badzra d+h+ri ka phaT swA hA/ oM sA swa ta/ e hi e hi dzi na dzi ka phaT swAhA/ oM badzra sAurya ta mo bi ta ma na sa ma ya stwoM a haM/ ratna d+hIk+ka phaT swAhA/ oM badzra d+harmA sa ma ya stwoM hu lu hu lu A ro li ka phaT swAhA/ oM pu phu phu hi hi pradz+nyA d+hi ka phaT swAhA/ gang tshe rnal 'byor bsam gtan du ba/ /de tshe dag pa rjes su dran/ /snying rje yis ni spyan dag dmar/ /spyan gyi rnams dag rdo rje gsum/ /zhal rnams rnam thar brgyad po yin/ /phyag ni stong pa bcu drug go /bsdu pa'i dngos po bzhi pos ni/ /zhabs ni bzhi po brjod pa'o/ /phyag rgya yis ni sangs rgyas lnga/ /khro bo gdug pa 'dul ba'o/ /bden pa rnam pa

  256. 128b

    bzhi pos ni/ /dus? pa ru yi yongs byung ba'o/ /gzugs phung rdo rje ma ru gyur/ /tshor bar gsang ba'i gau rim/ /'du shes de bzhin chu ma ste/ /'du byed rdo rje mkha' 'gro ma'o/ /rnam shes nyid ni bdag med ma/ /phung po don dam par ni med/ /skye mched drug tu 'gyur pa ni/ /zhe sdang rdo rje rdo rje ma/ /chu ma ro yi rdo rje yin/ /phrag dog rdo rje gti mug ma/ /rdo rje rdo rje mkha' 'gro ma/ /ser sna gsang ba'i gau ra ma/ /yid la bdag med rnal 'byor ma'o/ /sa ni phuk+ka sI ru brjod/ /chu khams ri khrod ma ru'o/ /me ni gtu mor shes bya ste/ rlung ni g.yung mor rab tu grags/ /gzugs ni dkar mor rtag tu bshad/ /sgra la chom rkun ma rab grags/ /dri yi cha la ro langs ma/ /ro la g+hasma rI yi gzugs/ /reg la sa spyod ma ru brjod/ /chos kyi khams la mkha' spyod ma'o/ /glo dang dbugs dang de bzhin smyo/ /khod skran mdzi dang rkang shu dang/ /mchin pa mcher pa'i rang bzhin kyang/ /glang po la sogs rab tu grags/ /rdzi ma'i byi dang so nad dang/ /mkhris pa khrag dang de bzhin rlung/ /bad kan 'dzag dang lus spas dang/ /skya sbas 'bras ni rma bya sogs rkang spang chil nang rIg skrangs dang/ /rgyu ma 'phel dang lhog pa dang/ /'khru dang rims dang rab 'gas dang/ /ka randa sogs rab tu grags/ /brjed byed dang ni pho mtshan lcags/ /chu bsri ba dang rngo chu can/ /gshang nad skran dang sgro nang dang/ /mig ser dom la sogs pa'o/ /rlung dang mkhris pa ma zhu ba/ /skya rims rab rib mchil mas gang/ /gzhog phyed na dang lkog 'bras dang/ /rlung rgyas gza' lag la sogs pa'o/ /lhag ma rnal 'byor ma yi tshogs/ /bsdus pas du ni bsam par bya/ / 'dod don grub par byed dang bgegs/ /zhi bar byed dang dge bar do/ /sngags dang phyag rgyas yang dag dgug /lha sogs phyir na gtor ma bya/ /nam mkha' i khams kyi dbus gnas par/ /pad+ma 'dab brgyad bsgom par bya/ /dbang po shar gyi 'dab mar bsam/ /mthar

  257. 129a

    byed lho ru dgong pa'o/ /chu bdag nub kyi 'dab ma la/ /byang du nor sbyin dgod par bya/ /med ni byin za chen po nyid/ /bden bral mtshams skyong de bzhin no/ /rlung du gnas med bsam par bya/ /dbang ldan du ni 'byung po'i gtso/ /zla nyi tshangs pa lha tshogs dang/ /tshangs pa yis ni rig pa mchog /tshangs pa mdun na 'don nyid dang/ /dga' ldan 'thab bral gnas pa dang/ /rgyal po chen por gyur pa dang/ /gzhan 'phrul dbang byed gnas nyid dang/ /gang zhig 'phrul dga' i lha rnams dang/ / dag pa'i gnas su gang gnas dang/ /bde ba can du yang dag gnas/ /'og min gnas su gnas pa dang/ /'od zer can gyi 'jig rten dang/ /sum cu rtsa gsum gnas pa rnams/ /de kun steng du bsam pa ste/ /chos 'byung gi ni nang song ba'o/ /stobs kyi rgyu dang dung skyong dang/ /de bzhin mdza' yas nor rgyas bu/ /'jog po dang ni rigs ldan dang/ /pad+ma pad+ma bzang po rnams/ /lha min dmyal ba thams cad de/ /chos 'byung gi ni 'og tu'o/ /oM las tshangs pa la sogs lha/ /hUM yig las ni ma chags sogs/ /a las stobs kyi rgyu la sogs/ /zhal gcig phyag ni gnyis rnams so/ /steng gi lha rnams dkar po che/ /dbang po la sogs nag po mtshungs/ /stobs kyi rgyu sogs dmar po che/ /ngang mtshungs rig mas lus dbang? ldan/ /lag gnyis rdo rje dril bur 'brel/ /g.yas brkyang pa yi stan la gnas/ /tshangs sogs rtag pa'i phyag rgyas gdab/ /mchod sbyin brgya sogs rdo rje yis/ /stobs kyi rgyu sogs gang dbang ste/ /kun kyang rigs gsum las skyes so/ /dkar mo yis ni dgug pa nyid/ / chom rkun ma yi zhags pas gzhug /ro langs mas ni lcags sgrog 'ching/ /za phod dril bus dbang du byed/ /de nas mchod yon zhal bsil sbyin/ sngags 'di yis ni dbul bar bya/ /oM A:hUM/ phyi nas 'thor 'thung sbyin pa ste/ /sngags 'dis gshegs

  258. 129b

    lha? gsol bar bya/ /oM badzra satwa sa ma ya/ ma nu pA la ya/ badzra satwa twe no pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ h+ri da ya me a d+hi tiSh+Tha sarba sid+d+hiM me pra ya tsa/ sarbba karma su tsa me tsit+taM sh+re ya(rgyud 'grel): ku ru hUM ha ha ha ha ho b+ha ga ban sarba ta thA ga ta mA me muny+dza badzri b+ha ba ma hA sa ma ya satwa A(rgyud 'grel): mu(rgyud 'grel): nyi shu gnyis kyis lha rnams tshogs dag dang/ /dkyil 'khor lnga yi gtso bo mkha' 'gro lnga/ /byas pa'i bsod nams thob pas dge ba rnams/ nges ni 'gro rnams mkha' 'gro lngar byed shog / mi thub zla ba'i gsung gis rnam spras pas/ dkyil 'khor rnam pa lnga yi rgya mtsho rnams/ /rba rlabs chen po bcom par gyur pa ni/ /rmongs pa'i yul rnams med pa ru ni gyur/ /mi thub zla bas rnam par spras pa'i mkha' 'gro lnga'i bsgrub pa'i thabs zhes bya ba rdzogs so// //rgya gar gyi mkhan po li la badzra dang/ bod kyi lo tsa ba bsod nams rgyal mtshan gyis/ rang gi dam chos gsal bar byed pas na/ rang dang gzhan gyi don du legs par bsgyur// //rgya gar skad du sh+rI DA ki nI badzra pany+tsa ra saM ha ra Na maN+Dal a nu re nA sA d+ha ni/ bod skad du/ dpal mkha' 'gro ma rdo rje gur gyi dkyil 'khor bsdus pa zhes bya ba'i rjes su 'brang ba'i sgrub thabs/ bcom ldan 'das rdo rje mkha' 'gro la phyag 'tshal lo/ /gcig dang du mar dpyid pa'i snying pos nyid kyi dngos grub la 'khrul zhi mdzad pa/ /shes rab yan lag 'dus pas bskyed pa rdo rje'i rtse mo'i bu gang gsal zhing 'od 'bar ldan/ /thugs rje shar bar dag pa'i 'khor lor mdzad pas sems can don la brtul bas bcings pa'o/ /bden pa'i mtshan nyid kyis brgyan kye'i rdo rje la bdag gi spyi bos phyag 'tshal lo/ /rol bcas zhabs ni 'dam skyes ldan pa/ rdo rje mkha' 'gro ma phyag 'tshal/ /sgrub pa'i thabs kyi man ngag ni/ /rang dran phyir na bri bar bya/ /de nas gzhan yang

  259. 130a

    sdug bsngal ba'i sems can mang po la dmigs nas snying rje'i ro shin tu rgyas pa la 'jug par byed pa dang/ bdag dang gzhan rnam par brtags pas sems can rnam par rgyas par gyur pa dang/ sbyin pa la sogs pa'i rnam par bcu por sems kyi rgyun yongs su dag pa can dang/ rnam pa gsum gyi sgo nas bla ma mnyes par byed pa'i skyon rnams la sogs pa dang bral ba dang/ yang dag par rdzogs pa'i byang chub la brtson 'grus kyi mthu yis sems rtag tu non ches pa dang/ dpal dang ldan pa'i mkha' 'gro ma gur gyi dkyil 'khor du dbang bskur zhing cho ga bzhin du rjes su gnang ba thob pa'i sngags thun mtshams kyi dang por langs te/ rang gi snying gar re pha las byung ba'i nyi ma'i dkyil 'khor la dam pa'i dang po sa bon rnam par bkod de bzhag la/ dur khrod la sogs pa'i phyogs la lar tsandan la sogs pa'i dkyil 'khor gru bzhi pa byas te/ me tog rnam pas nye bar mdzes pa byas pa'i sa'i char zhing chen la sogs par rdo rje skyil mo krung gis nye bar 'dug ste/ lag pa'i lo ma dag ting nge 'dzin gyi phyag rgyar yang dag par bsdus te 'dug nas yi ge hUM las 'od zer gyi tshogs kyis bla ma dang sangs rgyas dang byang chub sems dpa' rnams nam mkha' i bar snang gi dkyil 'khor du bzhugs par dmigs la mchod pa la sogs pa bya'o/ /de la mchod pa ni 'di lta ste/ /'od kyi sgo nas nges gton pa'o/ /pad+ma'i lag ldan rnam par sgeg /sgeg sogs lha mo rnams kyis ni/ /yang dag par ni mchod par bya/ thogs med srid par skyes pa yi/ sdig sogs cho ga bzhin bshags bya/ /bde gshegs tshogs kyi spyan sngar ni/ /bdag gi sdig pa'i phung po bshags/ thub sogs sras dang bcas rnams kyi/ /srid gsum skye bo dngos rnams kyi/ /bsod nams phun sum tshogs pa la/ /dad pas rjes su yi rang ngo/ /rnam rtog

  260. 130b

    kun ni rab btsom pa'i/ /rgyal ba rnams la dag dbul lo/ /srid pa byed par nges 'joms pa'i/ /byang chub sems su sems gcig ste/ /phyogs bcu kun tu nges par ni/ /chos kyi 'khor lo bskor bar bgyi/ /zhi ba'i dkon mchog gsum 'di la/ /da lta nyid nas skyabs su mchi'o/ /srid gsum skye bo la phan pa'i/ /rin chen lam ni bdag gis bster/ /dngos rnams rang bzhin gyis stong zhing/ /mtshan ma med cing rgyu med par/ /gang phyir brtags pas rnam grol bas/ /smon pa dang ni bral par 'gyur/ /de ltar kun gyi rnam gsal zhing/ /sgyu ma lta bur rnam bsams nas/ /ma rig la sogs skyon sogs pa/ /de 'gog pas ni 'gog par 'gyur/ /oM shU n+ya tA dz+nyA na badzra swa b+hA ba At+ma ko haM/ zhes brjod la nga rgyal bya'o/ /bsod nams ye shes dag gis brtags pas bsags pa'i dbang la sku gsung nyid 'dod na/ /nyi ma la gnas sna tshogs rdo rje kha gyes 'jigs pas sa bon hUM las skyes mtshan pa'i/ /'di las rab la sogs bzhi po rnams ni skyes par rab tu bsam byas par/ bruM zer las byung rtsibs bcu ldan pa'i 'khor lo mi g.yo lta bur 'khor ba byas nas ni/ /de la chu skyes nyi mar mnyam med gshin rje mthar byed la sogs hUM dang mtshan mas bskyed/ /g.yon brkyang ba yi zhabs kyis rnam par rol cing g.yo can rnams ni mnan par bsam/ /de yi dbus su hUM dang rdo rje las skyes rdo rje hUM mdzad de/ anda rnyil 'od 'dra ba'i gong bu lta bur sku mdzes gyur/ /sna tshogs na bza' i rgyan gyis brgyan/ /rnam par 'jigs shing sgeg pa'o/ /pad+ma'i phyag ni rab sbrel te/ /phyag rgya'i mchog ni thugs kar mdzad/ /rin chen dbu rgyan dang ldan par/ /thugs kyi rdo rje rab tu bzhugs/ /lha mo dka' bzlog ma'i bu la rgyas pa'i dkyil 'khor dang/ /mos pa med pa'i dgra bo'i ri bos mtshan ma can gyi yan lag gi /dam par rab tu bsdus pa'i gnas su

  261. 131a

    mtshan ma can gyi zhe sdang la/ /g.yon brkyang ba yi chu skyes zhabs kyis rab tu mnan cing rnam par sgeg pa ste/ /ji skad bshad pa'i ye shes rnam par dag pa'o/ /gshin rje mthar byed dang/ gzhan gyi mi thub pa dang/ rta mgrin dang bdud rtsi 'khyil pa ste/ dpa' bo 'di rnams sngon po dang/ dkar po dang/ dmar po dang/ mig sman lta bu la sma ra dmar ser dang/ smin ma rab tu 'khyug pa dang/ dbu skra gyen du brdzes pa dang/ nags tshal chen po lta bus lus brgyan pa/ gsus pa ldir zhing sku thung ba dang/ smad stag gi pags pas dkris shing seng+ge'i lpags pa bsnams pa/ kha nas 'bar bi 'dug 'phro ba can gyi klu rnams kyis sku la mdzes pa'o/ /tho ba dang/ dbyug pa dang/ mtsho las skyes pa dang/ rdo rje rnam par gyes pa ni phyag gi pags rnams na'o/ /rnam par snang mdzad dang/ thugs dang tshe dpag tu med pa dang/ don yod grub pa rnams kyis yan lag gi mchog la brgyan pa'o/ /de rnams shar dang/ lho dang/ nub dang/ byang du bsam par bya'o// me dang/ bden bral dang/ rlung dang/ dbang ldan gyi grwa rnams su ni/ 'dod pa'i rgyal po dang/ dbyug pa sngon po dang/ stobs po che dang mi g.yo ba rnams mdog sngon por ro/ /lcags kyu dang/ dbyug pa sngon po dang/ rtse gsum pa dang/ ral gri rnams ni/ rim pa bzhin du phyag gi lo ma rnams la'o/ /mi bskyod pa la sogs pas dbu brgyan cing rin po che bzang po rnams kyis brgyan pa'o/ /stobs po che dang dbyug pa sngon po yang gshin rje gshed po ji lta bar te/ khro bo rnam par gtsigs pa'o/ /steng du ni b+h+ruM dang 'khor lo las byung ba'i gtsug tog 'khor los sgyur ba gser btso ma'i kha dang mnyam pa/ phyag na 'khor los rnam par mdzes pa/ rin po che la sogs pas brgyan cing rin po che'i dbu rgyan la rnam par snang mdzad gnas pa'o/ /

  262. 131b

    'og tu gnas pa ni gnod mdzes te/ sngon po gsal shing 'dzin pa/ rin po che'i dbu rgyan la mi bskyod pa gnas pa/ rnam pa sna tshogs pa'i rgyan dang ldan pa'o/ /thams cad kyang nyi ma'i dkyil 'khor gyi 'od dang ldan pa/ sdug bsngal la sogs pa shes pa bcu po rnam par dag pa ste/ bdud kyi dkyil 'khor rnam par gnon pa'o/ /thams cad kyi phyag g.yon pa rnams ni klu'i zhags pa dang ldan pa'i sdigs mdzub snying gar bkod pa can du bsam mo/ /'di ni srung ba'i 'khor lo'i gtso bo gang 'dod pas srung ba'i 'khor lo'i gtso bo bya'o/ /de nas srung ba'i 'khor lo'i gtso bo zhu ste/ ri bong 'dzin gyi gong bur gyur pa'i gyen du gnas pa gru gsum pas nye bar mdzes shing phyogs kyi sgo kun tu rab tu gsal pa can/ nang gi nam mkha' i rang gi ngo bo rnam par dag par rdo rje padmo chos kyi 'byung gnas rnam par bsam mo/ /der yaM raM baM laM zhes bya ba'i sa bon rnams kyis rim pa ji lta bar rlung dang me dang chu dang sa 'dzin pa'i dkyil 'khor rnams su so sor bya ba'i don te/ 'byung po dang/ dbang po rnams rnam par dag par bsam pa'o/ /der b+h+ru dang 'khor lo las byung ba'i rnam par snang mdzad bsams te/ rlung la sogs pa'i dkyil 'khor rnams gcig tu gyur pa'i gong bu las/ de bzhin gshegs pa kun gyi yon tan rnam par dag pa dang/ khams gsum thams cad ro gcig pa'i gzugs bsod nams dang ye shes kyi tshogs phun sum tshogs pa'i gnas su 'gyur ro/ /oM sarba ta thA ga ta dz+nyA na a la ya badzra swa b+hA ba At+ma ko nya haM/ zhes 'di nga rgyal dang ldan par bya ste/ gzhal yas khang brtsegs pa bsgom par bya'o/ /de'i steng dbus su A li dang kA? li nyis 'gyur du bltas la/ de yongs su zhu bas zla ba dang nyi ma'i dkyil 'khor te/ me long lta bu'i ye shes dang/ mnyam pa nyid kyi ye shes dang/ skyes bu chen po'i mtshan sum cu so gnyis dang/ dpe byad bzang po brgyad cu rnam

  263. 132a

    par dag pa'i rang bzhin du rab tu go bar bya'o/ /de sa bon hUM dang a las skyes pa'i sna tshogs rdo rje dam pas mtshan pa'i mtsho nas skyes pa'i snod dag la des mtshan pa ni don gyi dngos po thams cad so sor rtog pa'i rang bzhin de'i 'od zer gyis thub pa'i tshogs rnams su 'thon nas 'gro ba kun gyi shin tu sdug bsngal zhi bar mdzad de byon pas rab tu zhugs pa ni bya ba nan tan gyi ye shes so/ /shin tu rnam par dag pa'i bdag nyid ni/ /badzra At+ma ko haM zhes nga rgyal dang ldan par bya'o/ /de dag ni 'byung ba rnams dang/ dbang po lnga'i rang bzhin yan lag dag par khor du chud par bya'o/ /de skad yang gsungs pa/ sangs rgyas gnas bzhi rdzogs nas ni/ /rnam pa lnga po bsgom par bya zhes pa ste/ tshig 'dis ni dbang po lnga ni mtshan ma la sogs pa ldan pa la bshad do/ /de lta bu'i bcom ldan 'das ni dpe med pa rgyal ba'i tshogs kyi rdul phra rab yongs su bsdus pa'i sku'i yan lag gi mdangs ston ka'i zla ba lta bu/ kun tu nam mkha' dang mnyam pa/ stong pa dang snying rje dbyer med pa'i rang bzhin las byang ba ste/ zhal gsum ni sngon po dang/ dmar po dang/ dkar po la/ lha mo lnga po ni nag por ro/ /de dag ni mchog bde ba'i dngos po rdo rje 'dzin pa chen po bsam pa'o/ /de'i thugs ka'i 'od kyi tshogs rnams kyis de bzhin gshegs pa'i tshogs rnams drangs te bcug la gzugs la sogs pa'i lha mo rnams su phyung ste/ rang gi lha mor bcug pas bya'o/ /de'i pad+ma'i lte bar dpal he ru ka'i dkyil 'khor rdzogs par byas te/ grib ma dang sgyu ma lta bur 'jig rten grags pa'i dri za'i skyes bu drangs te bcug pas dbang bskur te/ thabs gcig lha mo'i pad+ma'i lte bar 'dug nas/ yi ge ho(rgyud 'grel): 'bar ba gnyis kyi bar du bcug pa'i yi ge gsum po rnam par bsams la/ 'dod chags chen po yi ge rnams 'od du zhu

  264. 132b

    ?? chu lta bur song ?mar bltas la/ thog ma med par grub pa'i sbos byed ma la sogs pa'i rmi lam dang sgyu ma lta bu rnams kyis bskul bar bsam mo/ /khyod ni rdo rje'i skyon rnams yongs su skyong mdzad dag pa'i thugs/ /shin tu rnam dag chos kyis rab tu? brgyan byas bzang po'i sku/ /sbas mo bdag la di ring gzigs te stong pa dor mdzod la/ /'dren pa 'jig rten pa yi rgyu las skyes pa bzhengs mdzod cig /khyod ni rdo rje gti mug yongs dag mdzad pa'i sku/ /gzugs brnyan lta bu'i chos kyis rab tu brgyan pa chos kyi sku/ /ri khrod ma bdag la gzigs mgon po stong pa dor mdzad la/ /mgon po 'dren pa 'jig rten pa yi rgyu las skyes pa bzhengs mdzod cig /khyod ni rdo rje chags pa yongs su skyong mdzad dag pa'i gsung/ /nges par so sor rtog pas rab tu brgyan pa bzang po'i sku/ /gtum ma bdag la di ring gzigs te stong pa dor mdzad la/ /mgon po 'dren pa 'jig rten rgyu las skyes pa bzhengs mdzod cig /khyod ni sangs rgyas skyong mdzad thams cad gzugs/ /thams cad mnyam pa nyid kyis rab tu brgyan pa mdzad cing/ sme mo bdag la di ring gzigs te stong pa dor mdzad la/ /'dren pa 'jig rten pa yi rgyu las skye ba bzhengs mdzod cig zhes so/ /de lta bu'i snying rje chen po sngon du bskyed pa'i bsam pa'i thugs kyis rnal 'byor pa thig le las nyams par gzigs nas/ hUM dang yi gi sa bon dag gis mtshan pa'i mtsho las skyes pa'i snod la sna tshogs rdo rjes mtshan par gyur par bsams te/ rnam par rtog pa dang bcas pa ting nge 'dzin la sogs pa rnam pa lnga po rang gi ngo bos spro ba dang bsdu ba'i dngos po sngon du gnas te der brtan par byas pas de bzhin gshegs pa thams cad rnam par dag pa'i sku dpal he ru ka'i ste zhabs bzhi pas bdud bzhi mnan pa/ nags kyi yan lag lta bu'i phyag bcu drug po rnams ni thod pa'i tshogs rnams bsnams pa/ sku dang rtsa ba'i zhal

  265. 133a

    ni 'jig pa'i dus kyi char sprin ltar sngo pa'o/ /chu skyes kyi zhal g.yas pa dang g.yas pa ma yin pa dag ni ri bong 'dzin pa yongs su rdzogs pa lta bu dang/ nyin mo byed pa gsar du shar ba lta bu'i 'od dang mtshungs par ldan pa'o/ /steng ma nyid ni rab tu rnam par gtsigs pa'o/ /lhag ma bzhi po rnams ni bung ba'i yan lag ltar shin tu 'jigs pa'o/ /spyan nyi shu rtsa bzhi'i phreng bas rnam par mdzes shing skyil krung phyed pa'i gar gyis bzhugs pa/ stag gi pags pa'i smad dkris can dbu'i lcang lo dmar ser 'bar ba gyen du brdzes pa nags tshal lta bu can mchog tu bzang po'i rdo rje 'chang ba/ /phyag rgya lnga yis rnam par brgyan pa'i shin tu mdzes par bsam par bya'o/ /glo dang dbugs dang rims nad dang/ glo khrag mdze nad 'brum bu dang/ /spos nad mchin nad rang bzhin te/ /glang po rta bong ban glang dang/ /rnga mo mi dang seng rgyal dang/ /de bzhin du ni bya la rnams/ /g.yas pa'i thod pa brgyad rnams ni/ /sa dang chu dang rlung dang ni/ / me dang zla ba nyi ma nyid/ /mthar byed nor sprin nyid rnams ni/ /g.yon pa'i thod pa brgyad rnams la/ /sa sogs rim bzhin shes bya ste/ /dbang phyug la sogs rnam dag pa'o/ /kun bzang yang dag bsgom pa ni/ /rang lhag lha'i sgrub pa'i thabs zhes gsungs pa 'dis ni rtog pa dang bcos pa la sogs pa'i bsam gtan lnga po dmigs par bya'o/ /srid pa dang mya ngan las 'das pa'i tshogs rnam par spangs par stong pa nyid snying rje dbyer mi phyed pas ni chos kyi dbyings su nga rgyal bya'o/ oM d+harmA d+hA tu swa b+hA ba At+ma ko haM zhes pas so/ /de'i rjes su mig dang rna ba dang sna dang lce dang lus dang snying ka rnams su ri bong 'dzin gyi dkyil 'khor ro/ /de rnams kyi steng du oM hUM tram h+rI(rgyud 'grel): khaM hUM sa bon dang gri gug yongs su zhu ba las/ dkar po

  266. 133b

    dang/ sngon po dang/ ser po dang/ dmar po dang/ ljang gu dang/ nam mkha' i mdog can/ gti mug dang/ zhe sdang dang/ ser sna dang/ phra ma dang/ 'dod chags dang/ phrag dog dang/ rdo rje bdag med rnams te/ gri gug dang thod pa 'dzin pa srog thur ba'i steng du gnas par dgod do/ /snying ga dang/ mgrin pa dang/ spyi bor ni hUM oM oM zhes pa'i sa bon te/ de rnams las skyes pa'i mkha' spyod ma dang/ sa spyod ma dang/ sa 'og na sbyong ba rnams kha dog sngon po dang/ dmar po dang/ dkar po rnams rnam par bkod de sgro ba la sogs sngon du byas nas byin gyis brlab par bya'o/ /o khe tsa ri tsit+ta badzra swa b+hA ba At+ma ko haM/ oM b+hu tsa ri bA ka badzra swa b+hA ba a'utpa ko haM/ oM pa ta la wa si ni kA ya badzra swa b+hA ba At+ma ko haM zhes pa 'dis nga rgyal byas la/ de nas rang gi snying gar dam tshig sems dpa' ji bzhin pa'o/ /ye shes sems dpa' i thugs ka'i mtshan ma dang sa bon gyi 'od kyi tshogs kyis thub pa'i tshogs la mchod te/ de las rnam par spros pa'i 'od las lte mo'i tshogs rnams pad+ma'i lag pa na bum par byang chub gyi sems kyi chus gang ba bstsams pa rnams phyung ste/ bdag nyid la dbang bskur ba 'di ltar nga rgyal bya'o/ /oM sarba ta thA ga ta sarba She ka badzra swa b+hA ba At+ma ko haM zhes brjod do/ /de bzhin gshegs pa lnga rnams kyis dbu rgyan du dbang bskur ba'i rdo rje bdag ma ste/ g.yas pa lcug ma'i phyag na gdug pa can la bsdigs pa'i mdzub mo dang gri gug go /lha dang lha ma yin gyi khrag gis gang ba'i thod pa bsnams pa'i lcug ma g.yon pas ni rgyal ba'i bdag po'i mgul ba nas 'khyud pa ste/ zhal gcig ma'o/ /de yongs su sbyang ba ni/ oM hUM aM swAhA zhes bya ba rnams ni sku dang thugs dang rin po che dang pad+ma dmar po ngang las kyis rigs rnams kyi bdag nyid de mgo bo dang/ snying ga dang/ lte ba dang/ gsang ba dang/ brla gnyis po dang/ yan lag rnams byin gyis brlab par bya'o/ /hUM aM zhes pa'i sa bon ngag gis pad+ma dang

  267. 134a

    lte bdag par bya'o/ /hUM aM zhes pas ni rdo rje dang rin po che bskyed do/ /phaT ser po dag ni bu ga dag tu'o/ /de nas oM sarba ta thA ga ta a nu rA ga Na badzra swa b+hA ba At+ma ko haM zhes pa 'dis nga rgyal dang ldan par bya ste/ bde par gshegs pa rnams bdag nyid la zhugs pa'i cho gas rjes su chags par bya'o/ /de dag ni dang po rnal 'byor ro/ /snying ga'i sa bon gyi 'od kyi nga bas thub pa'i tshogs rnams drangs te/ bdag nyid la bcug la lha mo'i pad+ma'i lte bar gtsubs shing gtsubs pas bskyed pa'i rnal 'byor ma'i 'khor lo la brtan par byas nas bla ma'i man ngag rjes su shes pas bzung ste kun tu spro bar bya'o/ /de las sa bon gaM yongs su zhu ba las ri bong 'dzin pa ngang 'dra ba la/ g.yas pas lcags kyu bsnams shing pad+ma'i phyag g.yon na gdug pa rnams la sdigs 'dzub brtson par mdzad ma ste/ me long lta bu'i me shes dang/ gzugs kyi phung po dang/ dad pa rnam par dag pa'i ser mo shar sgor bzhag par bya'o/ /de bzhin du sa bon tsam las gser btso ma dang mtshungs shing g.yas pa na tshe chen po'i rdo rje zhags pa can gyi tshom rkun ma lho phyogs kyi sgor bzhag ste/ mnyam pa nyid kyi ye shes dang/ tshor ba'i phung po dang/ brtson 'grus rnam par dag pa'i gzugs can bsam par bya'o/ /sa bon baM las ro langs ma nyi ma 'chang ka dang 'dra ma sku mdzes ma ste 'du shes kyi phung po dang/ so sor rtog pa'i ye shes dang/ 'dra ba rnam par dag pa'i rang bzhin can/ g.yas pa'i phyag gi 'og ma na rdo rje lcags sgrog bsnams pa yang dag par rdzogs pa'i byang chub 'chang bar mdzad pa mo nub kyi sgor ro/ /sa bon g+haM las nor bu ljang ser ltar gsal ba'i sku rab tu mdzes ma'i za nus ma/ phyag g.yas pa'i lo ma na rdo rje dril bu 'khrol ma ste/ 'du byed kyi phung po dang/ bya ba

  268. 134b

    ?? gyis ye shes dang/ ting nge 'dzin rnam par dag pa'i rang bzhin ma byang gi sgor ro/ /dbang ldan dang me dang bden bral dang rlung gi mtshams su ni spos byed ma dang/ ri khrod ma dang/ drag 'dzin ma dang/ sme mo rnams te/ kha dog ni sngon po dang/ dkar mo dang/ sngo bsangs dang/ sna tshogs kyi mdog can no/ /de las sa bon paM las sbos byed ma/ /seng+ge'i rgyal mo dang/ yang dag par rdzogs pa'i byang chub kyi sems kyi dril bu 'dzin ma ste/ sa'i khams dang/ snying rje chen po la sogs pa'i rang bzhin no/ /sa bon shi las ri khrod ma phyag gnyis na mtsho las skyes pa'i snod la dge slong gnas pa dang/ ri bong bsnams pa ste/ chu'i khams dang byams pa chen po la sogs pa'i rang bzhin no/ /sa bon tsam las drag 'dzin ma rol pa dang bcas la/ phyag dag gi lo ma na 'khor lo dang mthe ba bsnams pa ste/ me'i khams dang dga' chen po rnam par dag pa'i rang bzhin no/ /sa bon DaM gis sme mo phyag g.yas pa dang g.yon pa gnyis na rdo rje rgyal mtshan chen po bsnams pa'o/ /rlung gi khams dang btang snyoms chen po la sogs pa rnam par dag pa'i gzugs can no/ /de dag sna tshogs pa'i mtsho las skyes pa nyin mor byed pa'i dkyil 'khor gyi steng du/ tshangs pa dang/ brgya byin dang/ khyab 'jug dang/ drag po dang/ gshin rje dang/ ku be ra dang/ bden bral dang/ thag bzangs ris rnams kyi rang bzhin thil du 'dam skyes kyi zhabs rnams g.yon brkyang pa'i rol pas non pa dang/ mi'i rus pa'i rgyan gyis brgyan pa dang dbu skra dmar ser gyen du 'bar zhing dbul thod dang ldan bas sems can gyi don la thugs rje chen pos mchog tu brtson pa/ mchog tu dga' bas rnam par sgeg pa/ spyan gsum pa can no/ /de lta bur kun tu rdzogs pa'i dkyil 'khor la rnam par bltas te/ snying ga'i sa bon gyi 'od kyi lcags kyus rgyal pa'i

  269. 135a

    cho gas rnams kyi dkyil 'khor gyi gzungs/ drangs nas/ shar gyi sgo'i glor bltas la oM argaM pra tIts+tsha swAhA zhes pas mchod yon dbul bar bya'o/ /oM pA tya pra tIts+tsha swAhA zhes pas zhabs bsil dbul te/ gdan du me tog phul la yang dag par mchod par bya'o/ /de nas oM badzra gau ri A karShA ya dza(rgyud 'grel): oM badzra tsau ri pra be shA ya hUM/ oM badzra bet+tA li band+ha paM/ oM badzra g+hasma ri to Sha ya ho(rgyud 'grel): 'di rnams kyis dgug pa dang/ gzhug pa dang/ bcing ba dang/ mnyes par byas te/ mig la sogs pa byin gyis brlabs pa dang/ sku gsung thugs byin gyis brlabs pa byas nas/ dbang bskur ba'i phyir na/ rnam par snang mdzad dang/ rin chen 'byung gnas dang/ 'od dpag med dang/ rdo rje can rnams dang/ spos byed ma la sogs pa rnams kyi dbu brgyan la yang thugs dang sku dang rdo rje rin po che dang/ rdo rje tshe dpag tu med pa rnams dbu rgyan du bsam par bya'o/ /de nas snying ga'i sa bon gyi 'od zer lcags kyus ser mo la sogs pa rnams bkug ste drangs nas rang gi lha mo'i pad+ma'i dkyil du yid bzhin gyi nor bu lta bur bsam zhing cung zhig srog bsdams te rnam par bsam mo/ /de ltar rang gi rig ma'i ba spu'i bu ga nas ser mo la sogs pa lha mo'i tshogs 'thon pa rnams kyis zla ba la sogs pa rnams kyis gang ba'i snod rnam par 'gyegs pa'i phyag gi pad+mar bsnams pa rnams kyis nam mkha' i dkyil kun tu rab tu gang ste sgyu ma lta bu la sogs par mkhas pa rnams kyis bltas la/ dbye ba'i rnam par rtog pa las rnam par grol bar bya'o/ /oM sarba ta thA ga ta pU dza/ badzra swa b+hA ba At+ma ko haM zhes pas de'i nga rgyal du bya'o/ /de nas sgra brnyan lta bu'i tshogs kyis thams cad bstod pa byed par blta ste/ khyed ni rnal 'byor ma yi tshogs kyis yongs su bskor/ /khyod ni rang gi thugs

  270. 135b

    kyis yongs su brnyes ldan pa/ /khyod ni rgyu dang mi rgyu 'gro ba kun sbyangs shing/ /sems can rnams la thugs rje'i thugs stobs mdzad pa'o/ /sgyu ma'i spros pa rnams la rdo rje 'phel mdzad cing/ /e ma'o brnyes ldan thugs kyi rdo rje he ru ka dpal bstod zhes pa'o/ /oM sarba ta thA ga ta stu ti badzra swa b+hA ba At+ma ko haM zhes pas nga rgyal du bya'o/ /de'i rjes su aM las skyes pa rlung gi dkyil 'khor yi gis mtshan pa'o/ /de'i steng du raM las skyes pa'i me'i dkyil 'khor raM gyis mtshan pa'o/ /de'i steng du a las byung ba'i pad+ma'i snod yaM gyis mtshan pa'o/ /de'i steng du bdud rtsi lnga dang sgron ma rnams la de bzhin gshegs pa rnams kyi sa bon gyis mtshan pa spar zhing spros pas dri ma rnams dang bral te/ de nas hUM las d+haM hUM gis mtshan pa/ shel gyi rnam pa lta bus byin gyis brlab pa'o/ /de la yi ge oM gyis ye shes kyi bdud rtsi'i rang bzhin drangs pa dbyer med pa'i sngags kyi ro mchog dang ldan pa rnam par smin pa nus pa'i rang bzhin du bltas te/ lce la rdo rje hUM gis mtshan pa bsam nas snying gar sa bon gyi thig ler dkyil 'khor rab tu bkod la rab tu tshim par bya'o/ /oM badzra dzi hwa hUM zhes pa'i sngags kyi lce byin gyis brlab po/ /oM sarba ta thA ga ta a mri ta A sa twa badzra swa b+hA ba At+ma ko haM zhes pas nga rgyal dang ldan par bya'o/ /de dag ni dkyil 'khor rgyal po mchog gi ting nge 'dzin to/ /snying ga'i 'od zer rnams kyis de bzhin gshegs pa thams cad dpal he ru ka'i gzugs su byas te/ dkyil 'khor la thim/ dkyil 'khor pa ni bdag la thim bdag ni ye shes sems dpa' la thim/ ye shes sems dpa' ni mtshan ma la'o/ /mtshan ma ni sa bon la'o/ /sa bon ni thig le la'o/ /thig le ni dkyil 'khor gyi 'khor lo skad cig tsam gyis yongs su rdzogs par bsams la/ spro ba la sogs pa de bzhin du bya ste/

  271. 136a

    'di ni thig le'i rnal 'byor ro/ /sems can thams cad ni de bzhin gshegs pa thams cad bcug ste/ bzhu ba la pad+ma'i lte ba'i rtse mor rang gi mtshan ma'i dbus su rin po che sna la nyungs kar lta bu'i tshad tsam gyi nang du dkyil 'khor gyi 'khor lo rdzogs par byas pa las brtan zhing brtan la ji srid du mtshan ma lnga po skyes pa'i bar du bsam par bya'o/ /de nas phyis ni rjes su rnal 'byor gyis spro zhing bsdu ba la sogs pa ste/ 'di ni 'phra mo'i rnal 'byor ro/ /ye shes yud tsam gyis bsgrubs la 'od zer mdza' yas pa'i tshogs rnams spro zhing rang bzhin rnams mthong bar 'gyur ba 'dir yang dag par rdzogs par gyur pa'i bar de srid du bsgom par bya'o/ /skyon ni nyin dang mtshan med par sngags kyi bzlas pa man ngag ji lta ba bzhin bya'o/ /sngags kyi bzlas pa de yang mi nus na/ oM d+ha ra d+ha ra ya/ marda marda/ badzra d+h+rik hUM phaT zhes pas sngags kyi bzlas pa bya'o/ /skyo na nyams dang ldan par bya ste/ spyi bor zla ba la gnas pa'i yi ge oM las bdud rtsi'i rgyun 'dzag pas nye bar tshim par bya'o/ /lha mo'i glu yis bde zhing rab spro rol byas nas/ /mchod pa la sogs pa ni bsam par bya'o/ /gang gi tshe na ldang bar 'dod pa na/ /ngag dang lus kyi g.yeng ba med par ni/ /'khor lo 'di ni mchod cing bstod nas ni/ /mkhas pas langs te 'gro ba'i don byas nas/ /'dod pa'i yon tan lnga po gdod nas dag cing dri ma med par ni/ /gzugs sogs lha mo'i dngos sam yi dam lha la rdor 'dzin nam/ sku la rdo rje la sogs pa bde gshegs gnas su 'dir ni 'jug par bya/ /snying rje'i ngo bo bdud rtsi'i mchog 'thungs rtag tu yang dag bde/ /mya ngan 'das pa'i yang dag khyer bar bya ba 'di kun ma nor bya/ /nyes pa zad par bya phyir rang nyid thugs rje'i ro

  272. 136b

    dbang gyur pas dpal ldan las kyi rdo rje bsgom/ /snying gar zla bar yi ge laM las skyes shing de yis mtshan pa'i sna tshogs rdo rje bsam byas te/ de las 'thon pa'i 'od zer rnams kyi tshogs las byung ba'i lha mo rnams kyis dbang bskur bya/ /de bzhin gshegs sgra'i gzugs su 'khor lor gnas de bgegs rnams kun ni rab tu gzhig bar bya/ /mnga' bdag tho rangs langs te mchod pa la sogs bzlas pa dang ni bsgom pa cho ga bzhin du bya'o/ /phye phreng 'khor lo sems la btsud nas rig pa dang ni bcas par rtag tu nyal bar bya/ /sems can rnams ni rdzogs pa'i byang chub rgyu ru rtag tu dge ba 'ang thams cad tu bsngo ba yin/ /nyin blang dang ni mtshan dag phyed tu yang ni langs la de bzhin rgya chen por ni bsam par bya'o/ /yan lag drug dang ting 'dzin gsum ni da ltar bsgom par bya'o/ /yan lag drug po ji ltar bsgom zhe na/ 'di skad gsungs pa/ sangs rgyas gnas gzhi rdzogs nas ni/ /rnam pa lnga po bsgom par bya/ /rnam par lnga po bsgom byas te/ /kun tu bzang po bsgom par bya/ /rang lhag lha yi sgrub pa'i thabs/ /dkyil 'khor de bzhin bkod bya ste/ /mchod bstod bdud rtsi myang sogs rnams/ /rim pa ru ni sgom byed pa/ /rnal 'byor yan lag drug tu 'dod zhes gsungs pas so/ /'dir yang kha cig tu ni kun tu bzang po'i dkyil 'khor gyi bdag nyid tu bzhengs par 'dod do/ gzhan gyis ni khu ba las skyes par 'dod do/ kha cig ni 'bras bu'i dngos po dkyil 'khor gyi bdag nyid du 'dod do/ /ting nge 'dzin gsum po 'dir go bar bya'o/ /de nas rnal 'byor pa gang zhig bsdus pa'i dkyil 'khor mdza' dag bsgom par 'dod na ni rnam par snang mdzad zhu ba las dkyil 'khor lnga po so so'i dbyibs dang gdan du bcas pa bsgom pa la/ gtso bo lnga'i gnas rnams so sor mngon par byang chub pa rnam pa lnga lnga'i tshul ni mthun la/ rang rang gi sa bon dang/ mtshan ma dang/ de'i kha dog rnams mi

  273. 137a

    mthun pa las rgyu'i bcom ldan 'das lnga bskyed de/ cho ga bzhin du zhu ba las so so'i mtshams rnams kyi lha mo rnams kyis rgyud las 'byung ba'i glu'i tshig gis bskul nas/ yang so so'i mtshan ma dang sa bon las so so'i sku rnams ji ltar gsungs pa bzhin du rdzogs pa/ de la pad+ma la sogs pa byin gyis brlabs pa dang/ gsang gnas kyi byin gyis brlabs yan chad so sor byas te/ dbus ma'i dkyil 'khor gdon pa lugs dang mthun par rang rang gi dkyil 'khor gyi lha mo rnams kyi rang rang gi ming gi yi ge dang po rnams kyis phyag mtshan dang kha dog dang dbyibs su ldan pa ji skad gsungs pa bzhin du rdzogs par byas te/ rang rang gi gnas su dgod par bya'o/ /de rnams la ye shes kyi dkyil 'khor bstims nas mig byin gyis brlabs pa la sogs pa nas/ bdud rtsi myang ba yan chad spyir mthun/ yang na zhe sdang he ru ka'i rig ma'i gsang ba nas/ so so'i gtso bo dang bcas pa rang rang gi sa bon las bton la gzhan ni gong ma dang mthun/ sa bon rnams ni bruM aM dzriM laM gtso bo bzhi'o/ /saM paM baM aM sgo ma bzhi'o/ /baM duM daM mi mtshams ma rnams kyi'o/ /suM hUM raM taM rdo rje nyi ma'i sgo ma rnams kyi'o/ /laM haM nraM kraM mi mtshams yi'o/ /paM daM yaM ShlaM pad+ma gar gyi dbang phyug gi sgo ma bzhi'i'o/ /biM baM muM muM mtshams rnams kyi'o/ taM kuM kaM baM rta mchog gi sgo ma rnams kyi'o/ /laM maM paM taM mtshams kyi'o/ /kye'i rdo rje ni shin tu gsal lo/ /sngags kyi phreng ? na snying po dang rnams te rgyud la gsungs so/ /bdag dang bdag gi lta ba'i tshogs dang nyon mongs la sogs chu na gnas lta bus g.yeng ba rnams/ /'khor ba'i chu bo'i dbus na gnas shing srog mdza' lta bur sdug bsngal skye ba kun/ /mgon po he ru ka yo sgrub thabs brjod cing byas pas bsod nams skyes ba gang yin pa/ /de yis 'jig rten pa rnams de bzhin nyid du rtag tu

  274. 137b

    byed zhi? 'gro la bar 'gyur bar shog/ //rgyud rgyal rdo rje gur gyi sgrub pa'i thabs/ /dad dang brtson 'grus gnyis gis 'gro kun la/ /phan pa'i bsam pas bsgyur ba'i bsod nams kyis/ /'gro kun rdo rje gur du 'jug par shog/ / mkha' 'gro ma rdo rje gur gyi sgrub thabs dkyil 'khor bsdus pa'i rjes su 'brang ba zhes bya ba/ slob dpon chen po lha'i brtul zhugs zhes bya bas mdzad pa rdzogs so// //mar pa chos kyi blo gros kyis bsgyur ba'o/ /ston pa shAkya thub pa yis/ /rgya gar rdo rje gdan drung du/ /rA dza zas gtsang sras bor nas/ /dam chos me bzhin rab sbar te/ /brtson par byas te thugs la zhog/ //!/ /rgya gar skad du/ nga sha tat+tA/ bod skad du/ de kho na nyer bcu pa/ byang chub sems dpa' 'jam dpal gzhon nur gyur pa la phyag 'tshal lo/ /he ru ka dpal mgon po dang/ /bla ma la gus phyag byas te/ /dgyes pa'i rdo rje las gsungs pa/ /de nyid bcu ni mdor bsdus bshad/ /srung ba dbang bskur gtor ma bzlas dgar dang/ /phyir brlog dag dang dkyil 'khor sgrub pa dang/ /sdig sbyong pa dang gshegs su gsol ba ste/ /de nyid bcu zhes sangs rgyas rnams kyis gsungs/ /de la don ni 'di yin te/ bsrung pa'i 'khor lo zhes bya ba ni/ yi ge paM ser po'i sa bon las byung ba'i sna tshogs pad+ma la/ yi ge a las nyi ma la gnas pa'i sa bon b+h+ruM ser po de yongs su gyur pa'i 'khor lo rtsabs bcu/ de'i dbus kyi lte ba la gnas pa'i nyi ma'i dkyil 'khor gyi steng du hUM sngon po yongs su gyur pa las rdo rje hUM mdzad dang/ cho ga bzhin du sa bon gyi yi ge bcu rtsibs bcu pa gnas pa de las bskyed pa'i khro bo bcu po yin no/ /de la shar gyi rtsibs la gshin rje gshed sngon po thob bsnams pa'o/ /lho'i brtsibs la shes rab mthar byed be tsan? dkar

  275. 138a

    po bsnams pa'o/ /nub kyi rtsibs la pad+ma mthar byed pad+ma dmar po bsnams pa'o/ /byang gi rtsibs la bgegs mthar byed rdo rje nag po 'dzin pa'o/ /dbang ldan gyi rtsibs la 'dod pa'i rgyal po nag po lcags kyu 'chang ba'o/ /me'i rtsibs la dbyug pa sngon po phyag na dbyug pa nag po bsnams pa'o/ /bden bral gyi rtsibs la stobs po che phyag na rtse gsum bsnams pa'o/ /rlung gi rtsibs la mi g.yo ba ral gri nag po 'chang ba'o/ /steng gi rtsibs la gtsug tor 'khor lo sa bsgyur ba rnam par snang mdzad kyi cod pan can/ 'khor lo dkar po bsnams pa'o/ /'og gi rtsibs la gnod mdzes rgyal po mi bskyod pa'i cod pan can phyag na rdo rje nag po bsnams pa'o/ /rdo rje hUM mdzad kyi dbu la mi bskyod pas brgyan pa/ rdo rje nag po bsnams pa'o/ /shar la sogs pa'i khro bo bzhi po dag la ni/ go rims bzhin du rnam par snang mdzad dang/ mi bskyod pa dang/ snang ba mdza' yas dang/ don yod grub pa'i cod pan can no/ /rim pa de bzhin nyid du dbang ldan la sogs pa'i 'dod pa'i rgyal po dang/ dbyug pa sngon po dang/ stobs po che dang/ mi g.yo ba dag la ni/ mi bskyod pa dang/ rnam par snang mdzad dang/ 'od dpag med dang/ don yod grub pa'i cod pan can no/ /khro bo thams cad zhal gcig phyag gnyis pa ste/ g.yon gyi mdzub mo dag ni sdigs mdzub dang bcas pa dang/ g.yas pa rang gi phyag mtshan 'chang ba khro ba dang bcas pa'i zhal gdong spyan zlum pa dmar ba/ skra ser la gyen du brdzes pa/ gzugs 'phro ba bdud rnams bsdigs par mdzad pa/ nyi ma la bzhugs shing/ nyi ma'i dkyil 'khor gyi 'od can dag go /gshin rje mthar byed dang shes rab mthar byed dang/ pad+ma mthar byed dang/ bgegs mthar byed dag ni sbom la gsus pa ldir ba/

  276. 138b

    sprul gyis brgyan pa/ smin ma ser po gyen du brdzes pa yin la/ gzhan rnams rol pa'i sku mdog yin no/ /zhes bya ba ni de kho na nyid dang po'o// //da ni dbang bskur ba de brjod par bya ste/ go rims bzhin du dkyil 'khor gyi khang par dkyil 'khor byas la/ dkyil 'khor du 'jug pa'i cho ga dang/ dkyil 'khor bsgrubs la/ rgyags pa dang nga rgyal dang dregs pa cung zad med pa/ shin tu dad pas blta ba la/ chu dang/ cod pan dang/ rdo rje dang/ bdag po dang ming la sogs pa bdun pos dbang bskur ba'i slob ma la cho ga bzhin du gsang ba'i dbang sbyin par bya'o/ /de'i rjes la shes rab ye shes kyi dbang bskur gyi cho ga dang ldan pa bdun po thob pa dang/ /?gsang ba'i dbang bskur ba thob pa/ shes rab ye shes la sems rab tu dga' ba dang/ shes rab dang sbyor ba'i bde ba'i brdas bstan pa la/ shes rab yang dag par gtad pa'i cho gas lung las gsungs pa bzhin shes rab gtad par bya'o/ /shes rab ye shes yang dag par gtad pa blangs pa'i bde ba'i brda gar yin pa de ni/ shes rab ye shes kyi dbang bskur ba'o/ /de nas kyang 'og tu bla ma dam pas bstan pas rig par bya ba de ni dbang bskur ba bzhin no de kho na nyid gnyis pa'o// //da ni de kho na nyid gsum pa gtor ma bshad par bya ste/ gsang sngags hUM brjod pas dpal he ru ka'i rnam par gyur pa dang/ thams cad du bsrung ba de'i gnas dang/ dkyil 'khor mdun du bsam mo/ /gong ma gong ma'i rim pas chos 'byung gsum brgyud kyi dbus su chud pa/ pad+ma dmar po 'dab ma brgyad pa bsams la/ de'i steng du gau ri la sogs pa la dpag tu med pa'i 'jig rten na gnas pa'i khyab 'jug dang/ lha chen po dang/ dbang phyug chen po dang nyi ma dang/ zla ba la sogs pa 'jig rten mdza' yas pa rnam par nyams par byed

  277. 139a

    pa'i skye gnas thams cad 'khor dang bcas pa thams cad spyan drangs la sa bon gyi yi ge aM yongs su gyur pa las/ phyag gnyis pa rdo rje dang dril bu bsnams pa/ sku mdog dkar po rang gi shes rab kyis 'khyud pa'i lus can g.yas brkyang bas bzhugs pa/ yan lag bzhis byin gyis brlabs pa/ rnam par snang mdzad kyi cod pan can/ arga dang btung ba la sogs pas bstabs pa/ zas la chags pa med pa'i sems kyis bsgom par bya'o/ /dbus su phyogs skyong ba rang gi phyogs su gyur pa'i 'dab mar chud pa rnams sa bon gyi yi ge hUM yongs su gyur pa las nag po chen po mi bskyod pa'i cod pan can no/ /'og tu stobs kyi rgyu dang/ mdza' med dang/ nor rgyas kyi bu dang/ 'jog po dang/ rigs sbyin dang/ dung dang pad+ma dang/ pad+ma chen po rang rang gi phyogs kyi 'dab mar chud pa/ lha ma yin dang bcas pa/ sa bon yi ge a yongs su gyur pa las/ mdog dmar po snang ba mdza' yas kyi cod pan can yin la/ lhag ma ni snga ma bzhin no/ /de'i 'og tu bza' ba dang/ btung ba bdud rtsi la sogs pa bdud rtsi nyid du bsgrub par bya'o/ /de la rim pa ni 'di yin te/ /yaM las rlung gi dkyil 'khor du ba'i mdog can gzhu'i dbyibs lta bu dang/ de'i steng du raM las byung ba'i me'i dkyil 'khor dmar po de'i steng du yi ge a yongs su gyur pa las byung pa pad+ma'i snod bzang po bza' ba la sogs pas bkang ba/ sa bon lnga byin gyis brlabs pa 'bar ba dang dro ba dag gis zhu bar gyur pa/ de'i steng du sa bon gyi yi ge o yongs su gyur pa'i zla ba yongs su zhu ba'i bdud rtsir byas la/ dri dang me tog dang sbos dang rgyal mtshan dang/ gdugs dang gos la sogs pa dang/ btung ba la sogs pa dang bcas pa/ /slob dpon dril bu brdung bar phyogs pas/ oM inda ya ma dza la yak+Sha zhes bya ba

  278. 139b

    la sogs pas gtor ma sbyin par bya zhing/ de nas rang gi snying ga'i ye shes sems dpa' i thugs ka'i sa bon las byung ba'i gau ri la sogs pa'i phyag na mchod pa sna tshogs pa thogs pa la sogs pas bya zhing/ de'i 'og tu mi bskyod rdo rje ye shes zhes bya ba la sogs pa'i tshigs su bcad pas bstod par bya'o/ /bstod ma thag tu oM badzra satwa sa ma ya/ ma nu pA la ya/ badzra satwa twe no pa tiSh+Tha/ dri d+ho me b+ha ba/ su po Sh+yo me b+ha ba/ su to Sh+yo me b+ha ba/ a nu rak+to me b+ha ba/ /sarba sid+d+haM me pra yats+tsha/ sarba karma su tsa me/ tsit+ti? sh+re ya(rgyud 'grel): ku ru hUM ha ha ha ha ho(rgyud 'grel): b+ha ga ban sarba ta thA ga ta badzra mA me muny+tsa/ badzri b+ha ba mahA sa ma ya satwa A(rgyud 'grel): mu(rgyud 'grel): zhes bya'o/ /sngags kyis gshegs su gsol bar bya'o/ /da ni gtor ma bsdus te bstan par bya/ lha'i rnal 'byor ba dril bu brdung ba la gzhol bas/ chos 'byung gru gsum gyi dbus su pad+ma dmar po la gong du smos pa'i lha'i de kho na nyid go rim bzhin du gau ri la sogs pas bkug la/ yud tsam gyis sngar bsgrubs pa'i gtor ma dang/ dbang po la sogs pa'i sngags kyis tshim par bya ba ste/ lhag ma ni snga ma bzhin no/ /mdor bsdus pa'i gtor ma'o/ /gtor ma'i de kho na nyid de gsum pa'o// //da ni bzlas pa bshad par bya ste/ ting nge 'dzin gsum sngon du 'gro ba'i rang gi lha'i rnal 'byor dang ldan pas lhan cig skyes pa bsgom pa'i de ma thag tu rang gi lha dran pas/ rang gi snying gar ye shes sems dpa' / de'i thugs kar nyi ma la gnas pa'i hUM gi sa bon las byung ba'i 'od zer gyis sems can thams cad kyi lus ngag tu gtogs pa'i dri ma bsal nas bdag nyid la slar zhugs te/ rang gi 'dod pa'i lha'i sngags bzlas so/ /yang de bzhin du blta bar bya'o/ /gsang sngags bzlas shing mchod pa la sogs pa byas nas ldang bar bya'o/ /sngags

  279. 140a

    bzlas pa'i de kho na ste bzhi pa'o// //dgar ba brjod par bya ste/ bstan pa la gnod pa byed pa dang/ bla ma dang sangs rgyas bslus pa dang/ pha dang ma gsod pa la 'chel ba mthong nas gzhan gyi las dge ba dang mi dge ba mngon par shes pa yod pa'i rnal 'byor la snying rje dang ldan pa'i sems kyis/ sbyin pa dang dgug pa la sogs pas nan tan du gnyer ba na/ bdag nyid ngan pa mi byed na yang/ de bzhin du las byed pa la yang dang yang du don du gnyer bar bya'o/ /gal te tshig mi nyan na/ de'i tshe brtse ba dang ldan pas/ dpal dgyes pa'i rdo rje las gsungs pa'i drag po'i las bya ste/ de la rim pa ni 'di yin te/ thun mtshams su ring nge 'dzin gyi sbyor pa dang ldan par/ ye shes sems dpa' i thugs ka'i sa bon las 'od 'phros pas/ sangs rgyas dpag tu med pa spyan drangs te/ rang bzhin gyi gnas nas bkug la de rnams kyi spyan sngar de lta bu'i las byed pa de'i bsgrub bya bltas nas/ sangs rgyas rnams la bsgrag par bya'o/ /de'i 'og tu dkyil 'khor pa dang bcas pa spyan drangs la/ mchod pa dang bstod pa dang/ bdud rtsi myang ba byas la/ ye shes sems dpa' i thugs ka'i sa bon gyis 'od zer gyis rang gi 'khor lo'i gtso bo spyan drangs la/ rdo rje'i lam nas pad+mar zhugs par gyur pas/ zhags pa dang/ lcags kyu dang/ tho ba thogs pa'i gau ri'i gzugs su byung bar blta'o/ /gau ri rang gi 'od zer gyi gzugs su spros pas bsgrub bya de'i sngags dang phyag rgya la sogs pa bsal nas/ zhags pas bcings shing lcags kyus drangs nas/ 'khor lo mdun du bkug la/ rnal 'byor pa des ye shes sems dpa' de la/ bdag gi ngo bo'i dbang dang ni/ /mi bskyod ngo bo la chags pas/ /smad pa'i las rnams kun 'byung ba'i/ /lus 'di khyod

  280. 140b

    kyis spang bar bya/ zhes don du gnyer bar byas nas ni/ /gau rI lcags kyu zhags pa yis/ /ye shes sems dpa' de phyung nas/ /gau rI lag pa'i lcags kyu yis/ /bsgrub bya'i lte ba'i rtsa ba nas/ /rgyu ma ma lus drangs nas ni/ /dka' thub can gyis de ma thag/ drag po'i las la sbyar bar bya/ /yang ni dud 'gro'i gzugs byas la/ /gcer 'greng kha nas khrag skyug pa/ /'dar ba skyabs med pa/ til mar gyis byugs pa/ gos med pa/ skra gyen du brdzes pa/ de'i gshang ba'i lam du me khab kyi gzugs can rab tu zhugs par bsams la/ snying gar me'i sa bon bsams nas/ de ma thag tu bsgral bar bya'o/ /ye shes sems dpa' yang mi bskyod par bsgrubs la/ cho ga'i rim pa ji lta ba bzhin du mchod pa dang bstod pa bdud rtsi myang ba byas nas mi bskyod pa'i sangs rgyas kyi zhing du blta bar bya'o/ /dgar ba'i de kho na nyid de lnga pa'o// //da ni bsgom pa'i phyir bzlog pa bstan par bya ste/ gtso bo gtsug tor 'khor los bsgyur ba/ phyag gnyis pa rang gi mtshan dang sdigs mdzub dang/ khro ba dang bcas pa nyi ma'i gdan la g.yon brkyang bas bzhugs pa/ khro bo'i gzugs can/ dbang bskur ba la sogs pa blangs la/ dgra bo'i tshogs la sdigs pa/ g.yon du 'khor ba g.yo bar rnam par bsams la/ na ma(rgyud 'grel): sa man+ta bud+d+hA nAM/ na ma(rgyud 'grel): sa man+ta d+hArmA NAM/ na ma(rgyud 'grel): sa man+ta sa g+hA nAM/ oM mi tA ta pa tre/ oM bi ma la shaM ka ra/ oM pra tya dgi ra/ badzra uSh+NI Sha/ tsakra warti/ sarba yan+t+ra/ man+t+ra mU la karma band+hA nAM/ tA DA nAM/ kI la naM pA ma ma kri taM ye na ke na/ tsit+tri taM tat+sa rbandu ts+tshinda ts+tshinda/ b+hinda b+hinda/ tsi ri tsi ri/ gi ri gi ri/ ma ra ma ra/ hUM hUM hUM hUM hUM hUM hUM hUM hUM hUM phaT phaT phaT/ nyal ba'i dus su lan bdun bdun bzlas nas bsgom par bya'o/ /bsgom pa'i phyir bzlog pa'i de kho na nyid drug pa'o// //

  281. 141a

    gro gal sogs pa la 'khor lo rtsibs bcu pa bris la/ rtsibs dang po la na ma(rgyud 'grel): sa man+ta bud+d+he b+hyo/ /na ma mud+ga ra hasba ya/ tsaN+Da maN+Da lAk+She pa ka rA ya/ che ge mo rak+Sha ka ru hUM phaT/ lho'i rtsibs la na ma(rgyud 'grel): sa man+ta bud+d+he b+hyo/ /na ma(rgyud 'grel): ma hA daN+Da d+ha ra bi bi d+ha su rA sur man+ta na b+hU taM ni rma tha che ge mo rak+Sha ku ru hUM phaT/ nub kyi rtsibs la/ na ma(rgyud 'grel): sa man+ta bud+d+he b+hyo hu lu hu lu mahA pad+ma a mri ti/ ku ru ma hA pi ShAM che ge mo ma ma rak+Sha ku ru hUM phaT/ byang gi rtsibs la/ na ma(rgyud 'grel): sa man+ta bud+d+he b+hyo/ /na mo badzra kro d+ha ya/ mahA daMSh+notka Ta b+hai ra bA ya/ badzra sando ta dadpA? ya/ oM a mri ta kuN+Do li che ge mo rak+Sha ku ru hUM phaT/ dbang ldan gyi rtsibs la/ na ma(rgyud 'grel): sa man+ta bud+d+he b+hyo/ /oM ya ma daN+DA ya nI la daN+DA ya/ tu ru tu ru/ mu ru mu ru/ sarba duSh+TAM mA ra ya mA ra ya che ge mo rak+Sha ku ru hUM phaT me'i rtsibs la/ na ma(rgyud 'grel): sa man+ta bud+d+he b+hyo/ /na mo ma hA ba lA ya/ u ts+tshuSh+ma kro d+ha rA dzA ya/ sarba nA gA nAM h+ri da yaM tA Da ya che ge mo rak+Sha ku ru hUM phaT/ bden bral la/ na ma(rgyud 'grel): sa man+ta bud+d+hA b+hyo/ /na ma(rgyud 'grel): mo tsa ya A karSha ya/ tsaTTa/ moTTa/ g+ha g+ha/ g+hA ta ya/ g+hA ta ya che ga mo rak+Sha ku ru hUM phaT/ rlung gi phyogs la/ na ma(rgyud 'grel): sa man+ta bud+d+he b+hyo/ oM Tak+ka rA dzA che ge mo rak+Sha ku ru hUM phaT/ 'khor lo'i lte ba la/ oM sum+b+ha ni sum+b+ha hUM/ grih+Na pa ya hUM/ A na ya he/ /b+ha ga bAM bidyA DA? dza che ge mo rak+Sha ku ru hUM hUM hUM hUM hUM hUM hUM hUM hUM hUM phaT phaT phaT/ 'khor lo'o mu khyung la sngags 'di bri bar bya'o/ /na ma(rgyud 'grel): sa man+ta bud+d+ha nAM/ na ma(rgyud 'grel): sa man+ta d+harmA NAM/ na ma(rgyud 'grel): sa man+ta sa g+hA nAM/ oM smri ta ta phaT tri/ oM baM ma ya/ oM shaM ka ra/ oM pra dz+nyA kir/ oM ? tsakra barti/ sarba yan+ta/ man+ta mU la karma/ band+ha band+ha/ tra d+ha na/ ki la naM bA/ ma la tri te/ ye na ke na/ tsitkri ta ma/ tat+sa rbatstsi na d+ha tsi d+ha tsi ri tsi ri/ gi ri gi ri/ ma ra ma ra/ hUM hUM hUM hUM hUM hUM hUM hUM hUM hUM phaT phaT phaT/ bsrung ba'i sbyor ba 'dis 'khrul 'khor dang sngags la sogs pas 'jigs par byed pa yin te/

  282. 141b

    bsrung dkyil? 'khor lo byas pa ? gdags par bya'o/ /khams gsum pos zil gyis non par mi 'gyur ro/ /bris pa'i phyir bzlog pa ste de kho na nyid bdun pa'o// //de ma thag tu dkyil 'khor gyi sgrub pa brjod par bya'o/ /sngags pa rlung? rdzogs pa bltas to/ dkyil 'khor gyi sgrub pa brtsams par bya'o/ /ye shes sems dpa' i thugs ka'i sa bon gyi 'od zer gyis/ nam mkha' la gnas pa'i dkyil 'khor spyan drangs nas rang gi rig ma'i pad+mar zhu bar gyur par bsam mo/ /zhu pa re las rang gi sa bon gyi dkyil 'khor du 'khor lo'i gtso bo la sogs pa go rims bzhin du spro bar bya'o/ /de'i 'og tu mig la sogs byin gyis brlabs la/ mchod pa dang/ bstod pa dang bdud rtsi myang ba la sogs pa bya'o/ /dkyil 'khor gyi de kho na nyid bsgrub pa ste brgyad pa'o// //da ni sdigs pa'i rab tu sbyor ba brjod par bya ste/ rnal 'byor pa'i sems bsgom pa cung zhig brtan par gyur cing mtshan ma cung zhig rnyed par gyur pas zla ba drug gi bar du bsgom par bya'o/ /de ltar na yang gal te ma grub na/ de'i che rang gi 'dod pa'i lha nyid kyi rnal 'byor sngon du 'gro ba can gyi ji skad brjod pa'i cho gas dam tshig la tshogs pa sngon du 'gro bas zla ba bco brgyad bsgom par bya'o/ /de lta na yang gal te grub par ma gyur na/ de'i tshe thun mtshams su ni bsdigs pa'i sbyor ba brtsam par bya ste/ de la rim pa ni 'di dag yin no/ /mi bskyod pa'i sbyor ba dang ldan pa'i rnal 'byor ba ting nge 'dzin gsum dang ldan pas/ dkyil 'khor nag pos yongs su bskor ba/ gzhal yas khang nag pos bsgrubs la bsgom mo/ /de'i 'og tu mchod pa dang bstod pa dang bdud rtsi myang ba byas nas/ ye shes sems dpa' i thugs ka'i sa bon gyi 'od zer gyis de bzhin gshegs pa'i 'khor lo spyan drangs te/ pad+ma'i dkyil

  283. 142a

    'khor du lhung bar gyur pa'i me'i dkyil 'khor gyis yongs su bskor ba 'jigs shing skrag pa/ rab tu 'dar bar 'gyur pa bltas la/ de'i sa bon gyi 'od zer gyis de bzhin gshegs pa'i tshogs shes rab chags pas zhu bar gyur pa/ rdo rje'i lam nas byung ba yongs su gyur pa las/ gshin rje gshed phyag gnyis pa/ phyogs brgyad nas/ oM a badzra tsa ra/ a kro na ma ki lA ya hUM phaT/ zhes bya bas phur bus gdab par bya'o/ /'di ni mi bskyod pa'i cho ga yin no/ / de dag thams cad la gdab par bya ba dang/ 'debs pa po dang/ 'debs par byed pa zhen pa med pas byas nas 'grub par 'gyur gyi gzhan du ma yin no/ /bsdigs pa bsgrub pa ste de kho na nyid dgu pa'o// //de'i 'og tu gshegs su gsol ba brjod par bya ste/ de la rim pa ni 'di yin no/ /dkyil 'khor gyi khang pa nas byung la/ zhi ba'i sbyin sreg byas nas/ yang dkyil 'khor gyi khang par zhugs nas/ mchod pa sna tshogs pas dkyil 'khor mchod par bya'o/ /spros pa dang bcas pa'i dril bu dkrol lo/ /hUM khyed kyi sems can don kun mdzad/ /rjes su mthun pa'i dngos grub gsol/ /sangs rgyas yul du gshegs nas ni/ /slar yang byon par mdzad du gsol/ /mu(rgyud 'grel): zhes bya ba'i tshigs su bcad pa/ de'i 'og tu sa tshon gyi dkyil 'khor gyi 'khor lo sangs rgyas kyi zhing du gshegs par bsam/ yi ge gsum gyi mdza' can gyi dkyil 'khor gyi tshon phyags la/ dri zhim pa'i snod tu bcug pa/ rgya mtshor 'bab pa'i chu bo la dor bar bya'o/ /dkyil 'khor gyis ba'i rnam lngas byugs shing/ yi ge gsum gyi mdza' can gyi cho ga yis gtor ma sbyin par bya'o/ /gshegs su gsol ba'i de kho na nyid de bcu pa'o// //de nyid bcu pa nges

  284. 142b

    byas pas/ bdag gi bsod nams gang bsags pa/ /des ni 'gro ba'i mi shes pa'i/ /rab rib rnams ni zhi byed shog /mkha' 'gro ma rdo rje gur gyi man ngag de kho na nyid bcu pa zhes bya ba/ slob dpon chen po dri med grags pas mdzad pa rdzogs so// // mnga' ? chos? kyi blo gros kyis bsgyur ba// //rgya gar skad du/ badzra tA ra sA d+hA naM/ bod skad du/ rdo rje sgrol ma'i sgrub thabs/ bcom ldan 'das rin chen 'byung ldan la phyag 'tshal lo/ /phun sum tshogs pa kun spel ma/ / sgrol ma la ni gus phyag 'tshal/ /de yi sgrub thabs man ngag bzhin/ /mdor bsdus nas ni bri bar bya/ /dang po re zhig rnal 'byor pas/ /me tog dri zhim pa la sogs pas nyams dga' ba'i bsam gtan gyi khang pa la sogs par zhugs te/ stan bde ba la skyil mo krung bcas nas rang gi snying gar aM yig yongs su gyur pa las zla ba'i dkyil 'khor ro/ /de'i steng du tAM yig ser po las byung ba'i rdo rje'o/ /rdo rje la tAM yig sa bon gnas pa'o/ /de'i 'od zer gyis dbul? pa'i bcom ldan 'das ma'i 'khor lo nam mkha' i phyogs su mngon par bltas te/ rang gi snying ga'i sa bon las 'thon pa'i me tog ma la sogs pa'i lha mo rnams spros la/ me tog la sogs pa rnams kyis mchod par bya'o/ /de nas bcom ldan 'das ma'i 'khor lo de nyid kyi mdun du sdig pa bshags pa la sogs pa bya ste/ bdag gi sdig pa thams cad ni so sor bshags par bgyi'o/ /sangs rgyas dang byang chub sems dpa' dang 'phags pa dang sau skye bo thams cad kyi dge ba thams cad la rjes su yi rang ngo/ /bdag gi dge ba thams cad kyang bla na med pa yang dag par rdzogs pa'i byang chub tu yongs su bsngo bar bgyi'o/ /'di nas bdag byang chub ma thob kyi bar du rkang gnyis rnams kyi mchog sangs rgyas la

  285. 143a

    skyabs su mchi'o/ /zhi ba'i mchog theg pa chen po'i chos la skyabs su mchi'o/ /phyir mi ldog pa'i tshogs byang chub sems dpa' i dge 'dun la skyabs su mchi'o/ /a'e ma'o sems can thams cad kyi don dang/ phan pa dang bde ba dang ji srid mthar thug pa'i mya ngan las 'das pa'i dbyibs su sangs rgyas kyi byang chub la rab tu bzhag pa'i phyir/ bdag bla na med pa yang dag par rdzogs pa'i byang chub tu mngon par 'tshang rgya bar bgyi'o/ /de nas bdag gi bla na med pa yang dag par rdzogs pa'i sangs rgyas kyi lam la brten par bgyi'o// //de nas gsum la skyabs su 'gro ba'i tshigs su bcad pa bklag par bya'o/ /de nas sems can thams cad la bde ba nye bar sdud pa'i rnam pa ni byams pa'o/ /sdug bsngal thams cad sel ba'i rnam pa ni snying rje'o/ /lha'i bde ba dang mi 'bral ba'i rnam pa ni dga' ba'o/ /nyon mongs pa'i gnyen po la nye bar bsdud pa'i rnam pa btang snyoms bsgom par bya'o/ /de nas chos thams cad yid la dmigs nas rnam par dpyad par bya ste/ 'di dag ni sems nyid de/ des na de'i rnam pa ni 'khrul snang ngo/ /rmi lam ji bzhin te/ sems las phyi rol na med do/ /sems phyi rol gyi gzung ba'i dngos por med cing sems 'dzin par mi 'gyur ro/ /de'i phyir chos thams cad kyi lus ni sems so/ /gzung ba dang 'dzin pa de rnams don dam par ni stong pa nyid do/ /de ltar gcig tu nges par chos thams cad kyi rnam pa ni 'khrul pas bskyed pa 'khrul pa'i mtshan ma'o/ /de rnams kyi rang bzhin nyid ni gnyis su med pa'i rnam par rig byed kyi ngo bo 'ba' zhig pa rnams so/ /dag pa'i shes lta bu dang/ ston ka'i nyi ma gung gi dri ma med pa'i nam mkha' lta bur

  286. 143b

    mdza' yas par lta bar bya'o/ /'di brjod de 'jig rten las 'das pa stong pa nyid kyi ye shes spros med rnam rtog med pa'o/ /de nas de'i sngags kyis byin gyis brlab par bya'o/ /oM shA n+ya tA dz+nyA na badzra swa b+hA ba At+ma ko haM/ de nyid ni bcom ldan 'das ma shes rab kyi pha rol tu phyin ma'o/ /de nyid ni mchog gi bsrung pa'o/ /de nas de'i rgyu mthun du gyur ba'i rnam pa dang ldan pa'i bsrung ba dag pa 'jig rten pa'i ye shes kyi rang bzhin bsgom par bya ste/ de la raM las nyi ma/ nyi ma de'i steng du hUM las byung ba'i sna tshogs rdo rje'o/ /rdo rje de nyid las rdo rje'i ri ba dang/ gur bcings par bsgom mo/ /yang sna tshogs rdo rje'i 'od zer 'jig pa'i dus kyi me lta bu bzod par dka' ba/ phyogs thams cad du tshan cher spros pa/ thang kar? ni rdo rje ra ba grwa bzhi 'bar bas gtams/ steng du ni rdo rje gur/ 'og tu ni rdo rje'i rang bzhin gyi sa gzhi dang/ 'og thams cad gtams par blta'o/ /de nas nyi ma dang sna tshogs rdo rje'i 'od kyis yang phyogs dang phyogs mtshams su thugs par spros pas yang phyi'i sgo'i mtshams bcing bar ba'o/ zhes pa ni tshigs bcad kyi don no/ /de'i dbus su 'byung ba chen po nam mkha' i rang bzhin chos kyi 'byung gnas zhes pa/ rdo rje 'chang chen po'i rang bzhin ston ri bong 'dzin bzhin dkar ba/ 'og phra ba steng yangs pa/ zur gsum pa/ nang nam mkho'i rang bzhin no/ /de'i dbus su sna tshogs pad+ma'i 'dab ma'i lte ba la gnas pa'i sna tshogs rdo rje yangs pa'o/ /de'i gzhi ma la 'byung ba chen po bzhi'i dkyil 'khor gyi rnam pa bzhi po lha mo bzhi'i rang bzhin rnams steng nas steng du blta'o/ /de la dang po yaM yi yi ge las rlung gi dkyil 'khor gzhu'i dbyibs can nag po du ba'i mdog can/ rtse zur gnyis su g.yo ba'i ba dan gyis mtshan pa'o/ /de'i steng du raM yig las me'i dkyil 'khor grwa gsum

  287. 144a

    pa dmar po zur du raM gyis mtshan pa'o/ /de'i steng du baM yig las chu'i dkyil 'khor zlum po dkar ba bcum pas mtshan pa'o/ /de'i steng du laM yig las dbang chen gyi dkyil 'khor grwa bzhi ser po zur rnams su rdo rje rtse gsum pas mtshan pa'o/ /de'i steng du b+h+ruM yig las skyes pa'i 'khor lo'o/ /da ni sgom pa po de nyid 'jig rten las 'das pa'i ye shes khyab pa po nyid du gnas te/ de nas sna tshogs rdo rje'i gzhi'i dbus kyi 'byung ba chen po bzhi yongs su gyur pa las skyes pa'i sangs rgyas kyi zhing yongs su dag pa/ bsdus pa'i gzugs/ thar pa chen po'i grong rnam par snang mdzad kyi rang bzhin/ rin po che sna tshogs pa'i rang bzhin gyi khang pa brtsegs pa/ gru bzhi pa la sgo bzhi pa// ka ba brgyad kyis nye bar mdzes pa/ /stegs bu bzhi yis yongs su bskor/ /rta babs bzhi yis brgyan pa ste/ /dra ba dra phyed me long dang/ /dar dang me tog bla bres ni/ /rnga yab rdo rje'i sras bas mdzes/ /sangs rgyas 'od tshogs 'phro ba ste/ /ba dan sna tshogs g.yo ba'i rtser/ /dril bu'i sgra ni phyogs su sgrogs/ /mchog tu gyur pa'i 'dod pa lnga/ /nye bar spyod pas dgyes pa'o/ /rim gnyis gcig la pad+ma bsgom/ /gnyis pa grwa gsum dag tu shes/ /de'i dbus su a li nyis 'gyur yongs su gyur pa las zla ba'i dkyil 'khor ro/ /de'i steng du tAM yig yongs su gyur pa las rdo rje/ de'i lte ba la tAM yig go /de nas yang Da Dha da d+ha nyis 'gyur dang ldan pa'i kA li nyis 'gyur yongs su gyur pa las nyi ma'o/ /gnyis ka 'dus pa bde ba chen po mchog tu dga' ba dang ldan pa zla ba'o/ /zla ba me long ye shes ldan/ /rta bdun pa ni mnyam nyid ldan/ /rang lha'i sa bon mtshan ma dag /so sor rtog par brjod pa'o/ /thams cad gcig gyur bya nan tan/ /rdzogs pa

  288. 144b

    chos nyid dag pa'o/ /'di ni mngon par byang chub pa rnam pa lnga'o/ /de nas sa bon gyi 'od zer gyis/ sems can rnams rang gi yi dam lha'i 'khor lo'i rnam par bkug ste de nyid la zhugs pa dang/ mtshan ma dang sa bon yongs su gyur pa las rnal 'byor pas lha mo sgrol ma bsgom par bya ste/ phyag brgyad ma la zhal bzhi ma/ /rgyan rnams kun gyis rnam par brgyan/ /gzhon nu ma yi mtshan gyis 'bar/ /kha dog gser dang mtshungs par bsgom/ /dbang bskur rdo rje nyi ma 'khrungs/ / sangs rgyas bzhi yi dbu rgyan che/ /lang tsho gzhan la bab pa'i dus/ /gser gyi rna cha g.yo bag can/ /sna tshogs pad+ma'i gdan la bzhugs/ /'od zer dmar pos rnam par brgyan/ /rdo rje de bzhin zhags pa dang/ /dung dang mnga' ni g.yas 'dzin/ /rdo rje lcags kyu utpa la/ /gzhu dang sdigs mdzub g.yon na 'dzin/ /rdo rje sgrol ma'i rnal 'byor dag /sems can don kun pha rol phyin/ /rdo rje skyil krung sbyor ba yis/ /sa gsum po ni bsgrub par bya/ /pad+ma'i phyogs bzhi'i 'dab ma la/ /shar du me tog sgrol ma ste/ /kha dog dkar po yid 'ong ma/ /oM yig ye shes las rdzogs ma/ /phyag na me tog phreng ba 'dzin/ /zhal gcig phyag ni gnyis ma ste/ /rgyan rnams kun gyis rnam par brgyan/ /lhor ni spos kyi sgrol ma ste/ /mdog nag mo la gzugs mdzes ma/ /bdug spos snod kyis phyag brel ma/ /rgyan rnams kun gyi rnam par brgyan/ /nub tu mar me'i sgrol ma ste/ /phyag na mar me'i kong bu 'dzin/ /kha dog ser zhing cher brgyan ma/ /gser gyi sna cha g.yo pag can/ /byang du dri yi sgrol ma ste/ /dri yi dung por phyag na bsnams/ /lha mo kha dog 'od dmar mtshungs/ /snying po'i dkyil 'khor du bsgom bya/ /de nas sgo skyong ma rnams bsam/ /lcags kyu sogs kyis rab phye ba'o/ /g.yas pa'i phyag na lcags kyu ste/ /

  289. 145a

    g.yon pas sdang la sdigs mdzub mdzad/ /nyi ma'i dkyil 'khor dbus su bzhugs/ /kha dog dmar mo yid 'ong ma/ /lcags kyu ma'o/ /g.yas kyi phyag na zhags pa ste/ /g.yon gyis sdang la sdigs mdzub mdzad/ /dkyil 'khor dmar po'i dbus su bzhugs/ /gzugs ni dkar skya yid 'ong ma/ /zhags pa ma'o/ /g.yas kyi phyag na lcags sgrog ste/ /g.yon gyis sdang la sdigs mdzub mdzad/ /rdo rje dkyil 'khor dbus su bzhugs/ /kha dog dmar po bsgom par bya/ /rdo rje lcags sgrog go /rdo rje dril bu'i phyag brel zhing/ /g.yon gyi sdang la sdigs mdzub mdzad/ /'od kyi dkyil 'khor dbus su bzhugs/ /markat dang ni utpal mtshungs/ /rdo rje dril bu ma'o/ /cho ga'i sbyor bas mtshams rnams kyi/ /char ni mtshan ma bzhin rnams te/ byang sems snod dang ri rab dang/ /me thab dang ni rgyal mtshan che/ /steng du gtsug tor rnam rgyal te/ /kha dog dkar la gzugs mdzes ma/ /g.yas kyi phyag na 'khor lo ste/ /g.yon gyis sdang la sdigs mdzub mdzad 'og tu gnod mdzes rnam bsgom bya/ /g.yas kyi phyag na sbrul zhags te/ /g.yon gyis bdug la sdig mdzub mdzad/ /mdog nag drag shul che ba'o/ /de ltar bsams te sngags spro zhing bzlas par bya'o/ /oM tA re tut+tA re tu re swAhA/ /pha rol phyin pa bcu yi gnas/ /yi ge bcus ni lha mo bcur/ /'bad pa yis ni bsgoms gyur na/ /las kun rab tu bsgrub par byed/ /mig la gti mug rdo rje dgod/ /rna bar zhe sdang rdo rje ste/ /de bzhin phrag dog rdo rje snar/ /kha la 'dod chags rdo rje'o/ / reg la ser sna rdo rje ste/ /snying gar bdag med rnal 'byor ma'o/ /skye mched rnams su shes bya ste/ /nyon mongs mun pa kun sel ba'o/ /'di ni mig sogs byin rlabs te/ /zhal gcig phyag ni gnyis par shes/ /sna tshogs gzugs ldan btsun

  290. 145b

    mo ni/ /gri gug thod pas phyag rnams de la/ /srog song steng na yang dag bzhugs/ /de nas lus ngag yid byin brlab/ /oM yig sku yi rdo rje ste/ /rgyal po chen pos rnam par brgyan/ /hUM yig thugs kyi rdo rje ste/ /rgyal chen rdo rje sems dpa' bzhugs/ /A(rgyud 'grel): yig de nyid dam pa ste/ /dag lam gsal bar byed par 'dod/ /ma mo 'di kun nyid kyi ni/ /snying gar ye shes rang bzhin dgod/ /ye shes sems dpa' i sbyor ba yis/ /sangs rgyas byang chub thob par 'gyur/ /rang sngags yi ge las byung ba'i/ /phyag rgya mtshan ma yongs su brtag /spro dang bsdu ba byas pa yis/ /dkyil 'khor ba yis rnam par byung/ /nam mkha' i dbyings kyi dbus bzhugs pa/ /ye shes dkyil 'khor bsgom par bya/ /kun nas sna tshogs gzugs su ni/ ye shes lnga yi yon tan bkod/ /mchod pa chen pos mchod bya zhing/ /bsnyen bkur chen pos bkur sti bya/ /sgo skyong ma yi sbyor ba yi/ /ye shes rgya mtsho bsgrub bya ste/ /ye shes 'khor lo la mnyam gzhug /rnal 'byor sangs rgyas kun mnyam par/ /skad cig gis ni gnyis med 'gyur/ /oM badzra aM ku shI A karSha ya dza(rgyud 'grel): oM badzra pA sI pra be sha ya hUM/ oM badzra spho Ta band+ha ya baM/ oM badzra a be sha ba shi ku ru ho(rgyud 'grel): rang gi snying ga'i sa bon las 'thon pa'i 'od zer lcags kyu lta bu rnams kyis khams gsum na bzhugs pa'i sangs rgyas rnams spyan drangs te ma mo brgyad rnams kyis yang dag par mchod la/ byang chub rdo rje sangs rgyas la/ /mchod chen ji ltar byin pa ltar/ /bdag kyang bskyab pa'i don gyi phyir/ /nam mkha' rdo rje deng bdag stsol/ /de bzhin gshegs pa thams cad kyis bdag la dbang bskur du gsol zhes dbang bskur zhu bas/ /dbang bskur ba ni rdo rje che/ /khams gsum pa yi phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/

  291. 146a

    zhes 'don cing sangs rgyas he ru ka'i gzugs can rnams kyis/ de bzhin gshegs pa lnga'i bdag nyid bdud rtsi lnga 'dzin pa'i bum pa lngas dbang bskur ro/ /dbang bskur ba na me tog gi char 'bab par 'gyur ro/ /rnga bo'i sgra sgrogs so / gur gum gyi char 'bebs so/ /gzugs rdo rje ma la sogs pas mchod par byed do/ /spyan ma la sogs pas rdo rje'i glus bstod par byed do/ /dbu rgyan gyi phyogs bzhir de bzhin gshegs pa rnam par snang mdzad dang/ mi bskyod pa dang/ 'od dpag med dang don yod grub pa rnams so/ /rim pa dbus ma'i lha mo bzhi dang/ sgo skyong ma rnams kyi dbu rgyan la yang rim pa bzhin no/ /gtsug tor la ni rin chen dbang phyug go /gnod mdzes kyi dbu rgyan la ni mi bskyod pa'o/ /zhe sdang rdo rje phyag 'tshal 'dud/ /gti mug rdo rje phyag 'tshal bstod/ /ser sna rdo rjes bdag la skyobs/ /'dod chags rdo rje bdag la stsol/ /nga rgyal che dang phrag dog che/ /mgon po dam tshig rdo rje kun/ /las kun rab tu sgrub pa po/ /rdo rje can kun bdag dgyes mdzod/ /bstod ba'o/ /gtsang zhing gtsang ma las byung ba'i/ /lha rdzas dge ba'i me tog 'di/ /bdag na gus pas 'bul lags kyis/ /bzhes nas bdag la dgyes par mdzod/ /me tog go /nags tshal bcu ba 'di yid 'ong ba/ / gang zhig dri bzang bdug spos mchog /bdag ni gus pa 'bul lags kyis/ /bzhes nas bdag la dgyes par mdzod/ /bdug spos so/ /srin po 'joms shing dag byed la/ /dge zhing mun pa rnams sel ba/ /bdag ni gus pas 'bul lags kyis/ /bzhes nas bdag la dgyes par mdzod/ /mar me'o/ /gtsang zhing skye gnas gtsang las byung/ /lha rdzas dge ba'i dri bzang 'di/ /bdag ni gus pas dbul lags kyis/ /bzhes nas bdag la dgyes par mdzod/ /dri bzang ngo/

  292. 146b

    de'i rjes su yaM yig sngon po yongs su gyur pa las rlung gi dkyil 'khor gzhu lta bu ba dan gyis mtshan pa'o/ /sa bon raM dmar po las byung ba'i me'i dkyil 'khor gru gsum pa'o/ /steng du a(rgyud 'grel): yig dmar po las byung ba'i pad+ma'i snod do/ /sa bon bruM aM dzriM khaM hUM rnams yongs su gyur pa las/ dri dang nyi ma dang zla ba dang sman dang chu'i mtshan nyid can sa bon de rnams kyis byin brlabs pa grangs ji bzhin du de bzhin gshegs pa lnga'i rang bzhin bdud rtsi lnga'o/ /sa bon go ku da ha na zhes pa lnga yang bsam mo/ / de'i steng mtho gang tsam 'phags par zla ba la gnas pa'i hUM yig las byung ba'i rdo rje rtse lnga pa chen po dkar ba bsam/ de'i 'og ma oM yig rnam par bsam mo/ /rlung gis bskul ba'i me'i dkyil 'khor gyi me'i steng gi rdo rje'i mes de dag thams cad bskol bar bsams te/ de'i rlangs pas reg pas oM dang rdo rje zhu bas de nyid du bdud rtsi mar khu lta bur ro mnyam par gyur par bsams nas/ de'i steng du o yig dkar po bsams pa'i 'od kyis 'jig rten gsum gyi khongs na gnas pa'i bdud rtsi thams cad bkug ste de'i nang du chud par bsgom chos kyi dbyings dang mnyam pa'i de bzhin gshegs pa thams cad kyi thugs ka na gnas pa'i ye shes kyi bdud rtsi bkug ste/ de nyid dang lhan cig tu byas nas/ de'i steng de nyid gsum bsam zhing de nyid kyis mngon par bsngags te/ dkyil 'khor pa thams cad kyi thugs kar dkyil 'khor gyi 'khor lo bsams nas/ de dag gi ljags la shin tu dkar ba'i hUM las skyes pa'i rdo rje dkar po nas 'bru'i tshad tsam pa bsams te/ bdud rtsi lnga po des dkyil 'khor ma rnams dang bdag nyid mchod par bya'o/ /des dkyil 'khor rdzogs pa'o/ /thun mtshams gsum du bsgom zhing ldang bar bya'o/ /rtag tu lha'i skur gnas par bya'o/ /de la 'di ni bzlas pa'i sngags so/ /oM tA re tut+tA re tu re swAhA/ sngags 'di

  293. 147a

    mchog dang gtso bo ste/ sangs rgyas kun gyis phyag mdzad pa/ /bklags pas 'grub byed drag po ste/ /rdo rje gur gyis gsungs pa'o/ /de nas gzhan yang gzungs sngags ni/ na ma(rgyud 'grel): AryA ba lo ki te shwa ra ya/ bo d+hi satwA ya/ ma hA kA ru Ni kA ya/ tadya thA/ oM tA re tut+tA re tu re sarba duSh+Ta na pra duSh+Ta na ma/ ma kri te dzaM b+ha ya/ staM b+ha ya/ mo hA ya/ band+ha ya/ hUM hUM hUM phaT phaT phaT sarba duSh+Ta staM b+ha ni tA re swAhA/ sngags 'dis bla gos kyi grwa zur la lan bdun mngon par bsngags te mdud pa bcings nas 'brog dgon par song yang gang gis kyang bag tsha bar mi 'gyur te/ stag dang chom rkun dang chu srin dang sbrul dang/ glang po che dang/ ma he dang/ dom dang ba men la sogs pa rnams mtshan dran pa tsam gyis rlag pa dang zhum par byed do/ /sngags 'dis utpa la'i sbyin sreg ji srid lan brgya rtsa brgyad du bya'o/ /oM tA re tut+tA ra tu re a mu kaM me barsha mA na ya swAhA/ yang sngags de nyid kyis khwa'i sgro la lan sum cu rtsa gnyis su bzlas te/ dgra'i khyim du sbas na nyi ma bdun gyis skrod par byed do/ /oM tA re tut+tA re tu re tsa la pra tsa la sI g+ha gA mi ni de ba tat+ta uts+tsha Ta ya hUM phaT/ de nas gzhan yang sbyor pa 'byung ste/ oM tA re tut+tA re tu re a mu kA b+hi d+hA naM ku mA rI mahA mud+pa bI he na sya(rgyud 'grel): pra ti pra yats+tsha tu swAhA/ myos byed gtum po'i sa bon dang/ /smyo bar byed pa nyid dang ni/ /a shwa ke yi lo ma dang/ me tog stong phrag lngar bsreg pa 'am/ /sbrang rtsi bu ram mar bcas pa'i/ /sbyin sreg bu mo 'grub par bsngags/ /zhag bdun tshe na rnal 'byor pas/ /rang 'dod pa yi bu mo 'thob/ /de nas gzhan yang sbyor ba 'byung ste/ /oM tA re tut+tA re tu re a mu kA b+hi d+hA naM swa swA na dA karSha ya mA na ke dza(rgyud 'grel): sngags 'dis rgya shug gi tsher ma rang byung gi me tog tu spags te stong phrag lnga sbyin sreg byas

  294. 147b

    na/ mi'i bdag po'i bu mo yang 'gugs par 'gyur ro/ /de nas gzhan yang sbyor ba 'byung ste/ zla mtshan gyis gos pa'i ras la/ bcom ldan 'das ma zhal gcig phyag gnyis ma lcags kyu dang utpa la dang zhags pa phyag na bsnams pa'i rnam par bris te/ de'i mdun du lha rdzas dge ba'i me tog 'di zhes pa la sogs par mchod par bya'o/ /phyi nas bsgom pa dang ldan par sngags bzlas par bya ste/ oM tA re tut+tA re tu re a mu kAM ka n+yaM ma me pi si taM swa pa nAM ka tha ya hUM phaT/ stong phrag lngas 'ong bar 'gyur ro/ /zhags pa yis ni mgul bcings te/ /lcags kyu yis ni rnam drangs nas/ /bsgrub bya rkang 'og tu bsams nas/ /bran mo'i tshul du spyod par byed/ /de nas gzhan yang rab tu sbyor ba 'byung ste/ / sgrol ma'i gzungs kyis lan bdun mngon par bsngags pa byas nas/ bdag gi mig gnyis mig sman bzhin du byugs te/ rgyal po'i khyim du zhugs na rgyal po de slob ma bzhin du bsnyen bkur byed par 'gyur ro/ /'gal ba mi smra zhing bka' drin stsol bar 'gyur ro/ /snyan par smra bar byed cing bran bzhin du nye bar 'gro ste/ khros pa yid dbang du 'gyur ro/ /'di ni mngon sum du mthong ba ngo mtshar dang bcas pa'o/ /de nas gzhan yang rab tu sbyar ba 'byung ste/ sgrol ma'i gzungs lan brgyar brjod nas/ sbrul kha gnyis pa'i so dug thal bar bya ste/ ba dmar mo'i mar khur arka'i shing bal gyi sdong bu byas nas rab tu sbar zhing mig sman dbab par bya'o/ /mig sman rdo rje nyi ma dang/ rdo rje chos dag dang/ mnyes la rta mchog gi sha chen gyis bdug par bya'o/ /thal ba dang lhan cig mig la bskus te/ rdo rje'i mig las gang la bltas pa de/ gal te pad+ma gar gyi dbang phyug mi 'bab na de'i tshe bdag sgrol ma ma yin zhing/ bdag gis sangs

  295. 148a

    rgyas bcom ldan 'das rnams dkrongs par 'gyur ba lags so/ /de nas gzhan yang rab tu sbyor ba 'byung ste/ byis pa so ma skyes pa'i lce blangs la/ sgrol ma'i gzungs lan bdun mngon par bsngags pa byas nas/ shing b+h+ring+ga rA dza'i rtsa ba gi waM dang lhan cig tu byas nas/ dpral bar thig le yongs su byas nas/ /gang dang gang la bltas pa de dang de dbang du byed do/ /de nas gzhan yang rab tu sbyor ba 'byung ste/ lto ba'i srin bu la gzungs lan bdun mngon par bsngags pa byas nas/ rdo rje chos dang lhan cig go la ldan par bu mo gang la byin na sbyin pa mchog 'di zos pa tsam gyis mi spong ba dang/ gzhan la mi dga' ba dang/ gzhan du mi 'gro ba dang/ skyes pa gzhan mi 'dod pa dang rang gi bdag po yang spong ngo/ /de nas gzhan yang sbyor ba 'byung ste/ mar khu chen pos bdag nyid la byugs te/ 'od dpag med bsgoms nas sgrol ma'i gzungs bzlas par bya'o/ /bzlas pa'i mthar 'bras sA lu btags pas bskus te/ dril phyis byas pa'i dri ma la snum khur byas nas gang la byin pa de 'tsho chas lnga dang bral yang mi spong ngo/ /de nas gzhan yang sbyor bar 'gyur te/ zla ba gzas gzung ba'i dus su sgrol ma'i gzungs bzlas pa byed cing bsnyen par byas te/ de las byung ba'i 'jig rten dbang phyug blangs la/ dung gi phye ma dang snol te rab tu myos ma gang zhig la byin na/ ji srid lnga dang bral yang de rjes 'brang ngo/ /de nas gzhan yang sbyor ba 'byung ste/ sgrol ma'i gzungs sngags kyis ma da ni 'bras bu la lan brgya rtsa brgyad yongs su bzlas la/ myos byed 'bras bu de dang rta mgrin lhan cig byas te gang la bskus pa de dbang du 'gyur ro/ /de nas gzhan yang rab tu sbyor ba 'byung ste/ oM tA re tut+tA re tu re a mu

  296. 148b

    ka sya band+ha na muk+tiM ku ru mu(rgyud 'grel): swAhA zhes bya ba'i sngags 'dis/ shing arka'i lo ma la bsgrub bya'i ming nang du chud par bris la/ nya khyi ba'i khyim du sbas na de bcings pa las nges par grol bar 'gyur ro/ /rdo rje sgrol ma'i sgrub thabs 'di/ / bris pas bsod nams gang bsags pa/ /de yis 'jig rten 'di rnams ni/ /bde gshegs nyid du 'gro bar shog /'di ni dpal rin chen 'byung gnas zhi ba'i zhabs kyis mdzad pa'o/ /paN+Di ta chen po bud+d+ha sh+ri dz+nyA na dang /? chen po shAkya sh+rI b+ha dra la zhus shing mnyan nas/ yul dbus kyi sgra bsgyur ba chag lo tsa ba dge slong dgra bcom gyi bsgyur pa'o// //rgya gar skad du/ Arya badzra tA ra sA d+ha nA ma/ bod skad du/ 'phags pa rdo rje sgrol ma'i sgrub thabs/ bcom ldan 'das ma 'phags ma rdo rje sgrol ma la phyag 'tshal lo/ /phun sum tshogs kun skyed byed pa'i/ /sgrol ma la btud gus pa ste/ /man ngag bzhin du bsdus nas su/ /de yi sgrub thabs bri bar bya/ /thog mar re zhig rnal 'byor pas dri zhim po'i me tog la sogs pa thogs te/ yid du 'ong ba'i bsam gtan gyi khang par rab tu zhugs te/ bde ba'i stan la 'dug nas skyil krung bcas te/ sna la blta zhing lte ba'i rtsa ba la sems rtse gcig tu bya zhing rang gi snying gar oM yongs su gyur pa las zla ba'i dkyil 'khor gyi steng du yi ge tAM ser po yongs su gyur pa las byung ba'i rdo rje la gnas pa'i tAM yig bsgom par bya'o/ /de las 'od zer dra ba lcags kyu lta bu spros pas 'og min gyi gnas kyi bar du gnas pa'i bcom ldan 'das ma'i dkyil 'khor gyi 'khor lo mdun gyi nam mkhar rnam par bltas te/ de nas rang gi snying ga na gnas pa'i sa bon las 'phros pa'i me tog ma la sogs pa'i lha mo rnams kyis me tog la

  297. 149a

    sogs pas dkyil 'khor la gnas pa'i lha mo'i tshogs la mchod yon phul la mchod par bsams te/ oM A(rgyud 'grel): badzra puShpe taM badzra tA re badzra puShpaM pra tIts+tsha hUM swAhA/ oM A(rgyud 'grel): badzra puShpe oM ratna saM b+ha ba badzra puShpaM pra tIts+tsha hUM swAhA/ dbus su'o/ /oM A(rgyud 'grel): badzra puShpe aM badzra puShpa tA re badzra puShpaM pra tIts+tsha hUM swAhA/ oM A(rgyud 'grel): badzra puShpe/ aM bai ro tsa na badzra puShpaM pra tIts+tsha hUM swAhA/ shar du'o/ /oM A(rgyud 'grel): badzra puShpe ta d+hu pa tA re badzra puShpaM pra tIts+tsha hUM swAhA/ oM A(rgyud 'grel): badzra puShpe hUM/ ak+Sho b+hya: badzra puShpe dza pra tIts+tsha hUM swAhA/ lho ru'o/ /oM A(rgyud 'grel): badzra puShpe re hi pa tA re badzra puShpaM pra tIts+tsha hUM swAhA/ oM A(rgyud 'grel): badzra puShpe h+ri(rgyud 'grel): a mi tA b+hA ba badzra puShpaM pra tIts+tsha hUM swAhA/ nub tu'o/ /oM a'oM(rgyud 'grel): badzra puShpe ru/ gand+ha hA re badzra puShpaM pra tIts+tsha hUM swAhA/ oM A: badzra puShpe khaM a mo g+ha sid+d+ha/ badzra puShpaM pra tIts+tsha hUM swAhA/ byang du'o/ /oM A(rgyud 'grel): badzra puShpe ta badzrI ku shi badzra puShpaM pra tIts+tsha hUM swAhA/ oM A(rgyud 'grel): badzra puShpe oM bai ro tsa na badzra puShpaM pra tIts+tsha hUM swAhA/ dkyil 'khor rim pa gnyis pa'i shar du'o/ /oM A(rgyud 'grel): badzra puShpe re badzra pA shi badzra puShpaM pra tIts+tsha hUM swAhA/ oM A(rgyud 'grel): badzra puShpe hUM ak+Sho(rgyud 'grel): b+hya(rgyud 'grel): badzra puShpaM pra tIts+tsha hUM swAhA/ lho ru'o/ /oM A(rgyud 'grel): badzra puShpaM hu/ badzra spho Ta badzra puShpaM pra tIts+tsha hUM swAhA/ oM A(rgyud 'grel): badzra puShpe h+rI(rgyud 'grel): a mi tA b+hA badzra puShpaM pra tIts+tsha hUM swAhA/ nub tu'o/ /oM A(rgyud 'grel): badzra puShpe re/ badzra g+haN+De badzra puShpaM pra tIts+tsha hUM swAhA/ oM A(rgyud 'grel): badzra puShpe khaM/ a mo g+ha sid+d+ha badzra puShpaM pra tIts+tsha hUM swAhA/ byang du'o/ oM A(rgyud 'grel): badzra puShpe sarba uSh+NI Sha bi dzA ye badzra puShpaM pra tIts+tsha hUM swAhA/ oM A(rgyud 'grel): badzra puShpe oM rat+ta saM b+ha ba badzra puShpaM pra tIts+tsha hUM swAhA/ dkyil 'khor gyi steng du'o/ /oM A(rgyud 'grel): badzra puShpe hA suM b+ha badzra puShpaM pra tIts+tsha hUM swAhA/ oM A(rgyud 'grel): badzra puShpe hUM ak+Sho b+hya(rgyud 'grel): badzra puShpaM pra tIts+tsha hUM swAhA/ dkyil 'khor gyi 'og tu'o/ /oM A(rgyud 'grel): badzra puShpe g+ha bo d+hi tsit+ta g+ha Ta badzra puShpaM pra tIts+tsha hUM swAhA/ oM A(rgyud 'grel): badzra puShpe hUM

  298. 149b

    a kO b+hya(rgyud 'grel): badzra puShpaM pra tIts+tsha hUM swAhA/ me'i mtshams su'o/ /oM A(rgyud 'grel): badzra puShpe puM pa me ro badzra puShpaM pra tIts+tsha hUM swAhA/ oM A(rgyud 'grel): badzra puShpe oM bai ro tsa na badzra du ShpaM pra tIts+tsha hUM swAhA/ srin po ru'o/ /oM A(rgyud 'grel): badzra puShpe baM/ bah+ni kuN+Da badzra puShpaM pra tIts+tsha hUM swAhA/ oM A: badzra puShpe h+ri(rgyud 'grel): a mI? tA b+hA badzra puShpaM pra tIts+tsha hUM swAhA/ rlung du'o/ /oM A(rgyud 'grel): badzra puShpe d+hwaM mahA d+hwa dza puShpaM pra tIts+tsha hUM swAhA/ oM A(rgyud 'grel): badzra puShpe khaM a mo g+ha sid+d+he badzra puShpaM pra tIts+tsha hUM swAhA/ dbang ldan du'o/ /gong bzhin du bdug spos dang mar me dang lha bshos la sogs pa nye bar bshams te/ de nas bcom ldan 'das ma'i 'khor lo'i mdun phyogs tsam du phyag 'tshal ba dang/ sdig pa bshags pa dang/ phyis mi byed par dam bca' ba dang/ bsod nams la rjes su yi rang ba dang/ skyabs su 'gro ba dang/ byang chub sems bskyed pa dang/ lam rgyud la bsten pa dang/ bdag dbul ba dang/ mya ngan las mi 'da' bar gsol ba gdab pa dang/ chos kyi 'khor lo bskor ba la sogs pa bla na med pa'i mchod pa'i yan lag bdun pa bya ba'i tshig ni/ rnam rtog ma lus nub pa'i rgyur gyur pa'i/ /rtag tu srid zhi mnyam nyid lta ldan pa'i/ /bde ba dpe med ro ni shar ba yi/ /rnal 'byor ma yi 'khor lo phyag 'tshal lo/ /thog ma med pa'i dus nas yang yang 'khor bar skyes bar gyur cing/ gang dang gang du skyes par gyur pa de dang der sdig pa gang zhig bgyis pa'i las thams cad so sor bshags so/ /bcom ldan 'das ma'i mdun du yang phyis mi byed par dam bca' ba'i ched du/ bdag gis sdig pa mi dge ba'i las de dag thams cad bshags par byas pas/ de byang chub chen po'i bar du phyis mi byed par bgyi'o/ /phyis mi byed par bgyi'o/ /phyis mi byed par dam bca' o/ /'khor ba 'dir skyes pa dang/ skye ba thog ma med pa nas sems can kun gyis gang bsod nams bgyis pa dang/ bgyid du stsal

  299. 150a

    ba dang/ rjes su yi rang ba la rjes su yi rang ngo/ /de dag thams cad bla na med pa yang dag par rdzogs pa'i byang chub tu yongs su bsngo bar bgyi'o/ /zhes bsngo ba'o/ /'di ni bdag byang chub snying po la mchis kyi bar du rkang gnyis rnams kyi mchog sangs rgyas la skyabs su mchi'o/ /theg pa chen po'i chos ma lus pa la skyabs su mchi'o/ /phyir mi ldog pa'i byang chub sems dpa' i tshogs dge 'dun la skyabs su mchi'o/ /gsum pa skyabs su 'gro ba'o/ /e ma'o/ bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bgyi ba ni/ sems can thams cad kyi don du phan pa dang/ ji srid du mthar phyin pa'i mya ngan las 'das pa'i dbyings la rab tu gnas pa'i phyir ro/ /de srid du byang chub mchog tu sems bskyed do/ /bdag bla na med pa'i byang chub kyi rdo rje theg pa'i lam bsten par bgyi'o/ /sems can gyi don du lam rgyud la bsten pa'o/ /de nas bdag ming 'di zhes bya ba chos kyi dbyings na gnas pa'i lha mo'i tshogs dang bcas pa'i sgrol ma la bdag dbul bar bgyi'o/ / bdag dbul ba'o/ /thugs rje chen po de dag gis dus dang rnam pa thams cad du bdag la byin gyis rlob cing yongs su skyong ba dang grub pa'i mchog bdag la gsol bar gyur cig ces gsol ba gdab po/ /srid zhi mnyam nyid la chags kun rtog rlabs/ /dngos kun ma lus mkha' ltar gzigs gyur pa'i/ /brtse ba chu yis rab rgyas thugs ni rgya mtsho'i mchog /lha mo rnams kyis bdag la brtse bar mdzad par zhu zhu ba'o/ /de nas bdag ni bsod nams mi ldan bkra drin chen te/ /bdag la mchod pa'i yo byad gzhan gang med/ /de phyir bdag don gzhan don sems rnams ni/ /mgon pos 'di ni bdag la gzung du gsol/ /zhes 'di ni bzod par gsol ba'o/ /de nas oM na ma(rgyud 'grel): AryA ba lo ki te shwa rA ya/ bo d+hi satwA ya ma hA satwA

  300. 150b

    ya/ /ma hA kA ru Ni kA ma/ tadya thA/ oM hi ri hi ri/ su ru su ru/ mu ru mu ru/ sarba satwArthA kA ru Ni ke shI g+h+raM gats+tsha/ de ba twA b+hu pa naM/ AryA ba lo kaM te shwa rA ya/ sa ma ya/ ma nusmA ra swAhA/ zhes pa 'dis snyim pa me tog gi kang ba phul la gshegs su gsol lo// de'i rjes la tshangs pa'i gnas pa'i gnas bzhi bsgom ste/ sems can thams cad la bu gcig pa ltar chags pa ni byams pa'i mtshan nyid do/ /ngan song gi mtshan nyid rgya mtsho chen po'i nang du lhung ba'i sems can rnams mthong nas bdag gi grogs po rnams yin par shes nas sdug bsngal can rnams bsgral te zhes pa ni snying rje'o/ /rdzogs pa'i byang chub tu sems chen po bskyed de 'di ltar bdag gis sgrol ma'i gzugs thob par byas la/ sems can thams cad rdzogs pa'i byang chub la rab tu gnas par bgyi snyam pa ni dga' ba'o/ /bla na med pa'i mya ngan las 'das pa'i bde ba'i ye shes byed par mi nus pas/ de bas na sems can thams cad la phan pa'i don du rnyed pa dang/ ma rnyed pa dang/ snyan pa dang mi snyan pa dang bstod pa dang/ smad pa dang/ bde ba dang sdug bsngal la sogs pa dngos po rnams la ma chags par gyur pas ji ltar 'dod pa'i don mngon par bsgrub pa ni btang snyoms so/ /de nas chos thams cad kyang yid kyis dmigs pa rnam par dpyad de/ 'di ni bdag gi sems kho na nyid kyi rnam pa dang des de 'khrul pas so sor snang ste rmi lam ji bzhin no/ /sems las tha dad sems kyi gzung ba med pas 'dzin pa yang med do/ /de ltar sems kyi rang bzhin gyi chos rnams so/ /de dag gi gzung ba dang 'dzin pa dang/ bral ba 'di dag rnams stong pa nyid don dam yin la/ 'di ltar mdza' gcig pas shin tu brtan pa 'khrul pas kun tu bzhag pa rang 'khrul pa'i rtags chos thams cad kyi rnam pa spangs te/ de dag gi rang bzhin stong pa kho na 'ba' zhig sems nyid gnyis med kyi mtshan nyid shel ltar

  301. 151a

    dag pa dang gsal ba dri ma med pa ston ka'i nam mkha' phyed pa lta du mdza' yas par dmigs te/ 'di ltar don dam byang chub kyi sems dang 'jig rten las 'das pa'i stong nyid kyi ye shes spros pa med pa rtog pa dang bral ba'o/ / de nas 'di la sngags kyi byin gyis brlab pa ni/ oM shU n+ya tA dz+nyA na/ swa b+hA ba At+ma konyahaM/ zhes pa de byin gyis brlabs la/ bdag dang gzhan gyi stong pa nyid la lhag par mos te de kho na shes rab kyi pha rol tu phyin pa ste/ de kho na srung ba'i mchog go /de nas de dang mthun pa'i rnam pa dang bcas pa 'jig rten dag pa'i rang bzhin bsrung ba tshes 'byung ye shes kyi rjes su dran pas bsgom par bya ste/ stong pa nyid kyi dang las raM yongs su gyur pa las nyi ma'i dkyil 'khor gyi steng du hUM yongs su gyur pa las sna tshogs rdo rje/ de'i 'od zer las byung ba'i 'dod pa ji lta bas rgyas par shin tu 'bar ba rdo rje ra ba rgya gram gru bzhi pa/ de'i steng du 'od zer des sprul pa'i rdo rje'i gur dang de'i 'og tu rdo rje'i rang bzhin gyi sa gzhi sa 'og gi bar du blta bar bya ste/ de nas nyi ma dang sna tshogs rdo rjes gnyis 'od zer du gyur pas phyogs dang phyogs la spros la gcig tu gyur pas phyi rol tu mtshams bcing bar bya'o/ /de'i 'od zer gyis bgegs bskrad nas/ oM me di ni badzra b+ha ba badzra band+ha hUM/ oM badzra pyA ka ra hUM pra hUM/ oM badzra pany+tsa ? baM hUM/ oM badzra bi d+ha na hUM khaM hUM/ oM badzra sha ra dzwa la traM shaM traM/ oM badzra dzwa lA ma lArka hUM hUM hUM/ rdo rje gur gyi dbus su 'byung ba chen po nam mkha' i rang bzhin/ chos 'byung rdo rje 'chang chen po'i rang bzhin ston ka'i zla ba ltar dkar po 'og tu ? steng du rgyas sa/ e'i rnam pa can gyi nang du/ nam mkha' i gzugs kyi nang du bcug pa can/ 'od zer gyi byams dang ldan par bsgoms te/ de'i dbus su nam mkha' i rang bzhin can/

  302. 151b

    sna tshogs pad+ma'i ze 'bru la gnas pa'i rdo rje rgya gram rgyas pa/ de'i dkyil du khyab par byed pa'i 'byung ba chen po bzhi'i dkyil 'khor rnams lha mo bzhi'i rang bzhin te gong dang gong du blta'o/ /de la dang por yaM yongs su gyur pa las rlung gi dkyil 'khor gzhu dbyibs lta bu rtse mo gnyis la g.yo ba'i ba dan can no/ /de'i steng du raM yongs su gyur pa las me'i dkyil 'khor gru gsum pa dmar po raM yig gis mtshan pa'o/ /de'i steng du paM yongs su gyur pa las chu'i dkyil 'khor dgar la zlum pa bum pas mtshan pa'o/ /de'i steng du laM yongs su gyur pa las pa'i dkyil 'khor ser po gru bzhi pa zur la rtse gsum pa'i rdo rjes mtshan pa'o/ /de'i steng du b+h+ruM dang ldan pa'i 'khor lo yongs su gyur pa las bdag nyid 'jig rten las 'das pa'i ye shes sgyu ma lta bus khyab nas gnas pa thams cad khyab par byed par shes nas/ rdo rje rgya gram gyi dbus su sems 'byung ba chen po bzhi yongs su gyur pa las 'byung ba yongs su dag pa'i sangs rgyas kyi zhing yongs su dag pa rang bzhin thar pa'i sgo chen po lta bu rnam par snang mdzad kyi rang bzhin can/ rin chen sna tshogs kyi gzhal yas khang zur bzhi pa/ ka ba brgyad kyis brgyan pa/ 'dod yon gyi snam bu bzhi dang ldan pa/ rta babs bzhi dang ldan pa/ dra ba dra phyed dang ldan pa/ dar dang me long dang/ rnga yab dang/ ba dan sna tshogs dang/ dril bu la sogs pas brgyan pa'o/ /'dod yon mchog gis nye bar mdzes pa/ dga' byed rim pa gnyis pa dang/ ze 'bru gcig par gyur pa dang/ zur gsum gyis ni gzhan nyid dran/ /rim pa'i dbus su pad+ma yin/ /'dab ma brgyad pa ze 'brur bcas/ /de'i dbus su gdan gyi steng du dbyangs yig bco lnga gyur pa las byung ba'i zla ba'i dkyil 'khor me long lta bu'i ye shes kyi rang bzhin no/ /de'i steng du gsal byed sum cu rtsa bzhi yongs su

  303. 152a

    gyur pa las/ /nyi ma'i dkyil 'khor mnyam nyid kyi ye shes kyi rang bzhin no/ /de'i dbus su tAM las byung ba'i gser gyi mdog lta bu'i rwa rtse dgu pa'i lte ba la sa bon gyis mtshan pa so sor rtog pa'i rang bzhin can du bsgoms te/ sa bon de las spros pa'i 'od zer gyis bcom ldan 'das ma'i 'khor lo'i rnam pas de bzhin gshegs pa thams cad spros la/ sems can gyi don byas te/ de dag dang lhan cig tu byas pa bkug nas sa bon dang phyag mtshan la thim par bsam pa ni bya ba grub pa'i rang bzhin no/ /de nas zla ba dang nyi ma dang sa bon yongs su gyur pa las bcom ldan 'das chos dbyings rnam par dag pa'i rang bzhin 'khor lo dang bcas pa'i rdo rje sgrol ma bsgom par bya ste/ zhal bzhi pa phyag brgyad pa brgyan thams cad kyis brgyan pa/ gser lta bu'i mdog can ma shin tu mdzes ma/ gzhon nu ma'i lha'i mtshan nyid kyis 'bar zhing sangs rgyas bzhi'i cod pan can/ nyi ma'i rdo rje dbang bskur ba las byung ba'i lang tshol bab pa/ gser gyi rna cha g.yo ba can/ sna tshogs pad+ma la gnas pa/ 'od zer dmar po'i rgyab yol can/ rdo rje dang/ zhags pa dang/ mda' dang/ dung dkar po rnams ni phyag g.yas na'o/ /de bzhin du g.yon pa rnams kyis utpa la ser po dang/ gzhu dang/ lcags kyu dang/ sdigs mdzub bo/ /rdo rje skyil krung rnal 'byor gyis/ /srid pa gsum ni bsgrub par bya/ /dang po'i zhal ni gser mdog ste/ /g.yas pa dkar po kho na'o/ / byang gi zhal ni dmar po ste/ /nub kyi sngon po kho na nyid/ /dkyil 'khor bdag po'i zhal nas su/ /snying ga'i sa bon las byung ba'i/ /sngags las byung ba'i lha mo bcu/ /sa bon dbye bas spros pa ni/ /oM tA re tut+tA re tu re swAhA/

  304. 152b

    shar gyi la sogs pa phyogs kyi pad+ma'i 'dab ma rnams la ni zla ba'i dkyil 'khor la gnas pa'i oM tA re tu da yig gnas so/ /shar la sogs pa'i sgo rnams su nyi ma'i dkyil 'khor la gnas pa'i tA re tu re'i yi ge rnams so/ /steng du nyi ma'i dkyil 'khor la gnas pa'i yi ge swA'o/ /'og tu nyi ma'i dkyil 'khor la gnas pa'i yi ge hA'o/ /sa bon de dag yongs su gyur pa nas sa bon gyis mtshan pa'i phyag mtshan rnams bsgoms te/ de las 'od zer stso ba? dang bsdu ba byas la/ de'i sa bon yongs su gyur pa las lha mo rnams so/ /sa bcu po yi rang bzhin gyis/ /lha mo bcur ni yongs shes bya/ /rdo rje skyil krung sbyor ba yis/ /zhal gcig phyag gnyis de rnams su/ /shar du zla ba gnas pa yi/ /yid du 'ong ba sku mdog dkar/ /me tog phyag dang ldan pa yin/ /oM las byung ba'i sgrol ma bsgom/ /de bzhin rnam snang cod pan can/ sa'i khams dang/ sbyin pa'i pha rol tu phyin pa'i rang bzhin can no/ /lho ru spos kyi sgrol ma ni/ /tA las byung ba sku mdog gnag /spos por phyag na 'dzin pa la/ /rgyan rnams kun gyis brgyan pa ste/ /de bzhin mi bskyod cod pan can/ /nam mkha' i khams dang/ tshul khrims kyi pha rol tu phyin pa'i rang bzhin can no/ /nub tu mar me sgrol ma ni/ sku mdog dmar mo rgyan dang ldan/ /mar me'i skong bu 'dzin pa ni/ /zla bar gnas ro las byung/ /de bzhin mdza' yas cod pan can/ /me'i khams dang brtson 'grus kyi pha rol tu phyin pa'i rang bzhin can no/ /de bzhin du byang du zla bar gnas/ /tu yig las byung dri sgrol ma/ dri chab dud phor phyag na 'phyar/ /sku mdog sngon mo rgyan gyis brgyan/ /de bzhin don grub cod pan can/ /rlung gi khams dang bzod pa'i pha rol tu phyin pa'i rang bzhin can no/ /mi bskyod la sogs rab dbye bas/ /mtshams kyi 'dab mar phyag mtshan

  305. 153a

    ni/ /rdo rje 'khor lo pad+ma bsnams/ /ral gri de bzhin kha dog dbye/ /de nas sgo skyong ma rnams bsgom/ /lcags kyu la sogs rab dbye bas/ /shar sgo'i phyogs kyi rim pa yis/ /nyi mar gnas pa rgyan gyis brgyan/ / lcags kyu dkar mo shar sgo ru/ /sa bon tA las byung ba ni/ /g.yas pa lcags kyu 'dzin pa ste/ /g.yon pa sdigs la sdigs mdzub mdzad/ /de bzhin rnam snang cod pan can/ /sa'i khams dang bsam gtan gyi pha rol tu phyin pa'i rang bzhin can no/ /lho ru zhags pa sku mdog ser/ /sa bon re las byung ba yin/ /zhags pa sdigs mdzub bcas pa'i phyag /dkyil 'khor dmar po kun tu bsten/ /de bzhin mi bskyod cod pan can/ /nam mkha' i khams dang shes rab kyi pha rol tu phyin pa'i rang bzhin can no/ /nub tu dmar mo lcags sgrog ma/ /sa bon tu yig las byung ba'i/ /lcags sgrog sdigs mdzub bcas pa'i phyag /rdo rje dkyil 'khor kun tu gnas/ /de bzhin mdza' yas cod pan can/ /me'i khams dang thabs kyi pha rol tu phyin pa'i rang bzhin can no/ /byang du dril bu ljang gu ma'o/ /sa bon de las byung ba yis/ /rdo rje dril bu'i phyag dang ldan/ /g.yon du sdigs mdzub 'od la gnas/ /de bzhin don yod rtsod pan can/ /rlung gi khams dang smon lam gyi pha rol tu phyin pa'i rang bzhin can no/ /zung gi cha la phyag mtshan rnams/ /bdag ma la sogs rnam dag pas/ /byang sems byung ba ri rab dang/ /me thab dang ni rgyal mtshan bsnams/ /steng du gtsug tor rnam rgyal ma/ /nyi mar gnas pa swa las byung/ /dkar mo 'khor lo skor 'dzin ma/ /g.yon pa bsdigs la sdigs mdzub mdzad/ /de bzhin rin 'byung cod pan mdzad/ /chu'i khams dang stobs kyi pha rol tu phyin pa'i rang bzhin can no/ /nyi mar gnas ba hA las byung/ /

  306. 153b

    klu zhags 'dzin pa sku mdog sngo/ /g.yon pas sdigs mdzub 'jigs byed pa/ /gnod mdzes ma ni 'og tu bsgom/ /de bzhin mi bskyod cod pan can/ /nam mkha' i khams dang ye shes kyi pha rol tu phyin pa'i rang bzhin can no/ /de ltar dkyil 'khor yongs su rdzogs par blta ste/ thams cad mig la sogs par byin gyis brlab par bya ste/ mig tu gti mug rdo rje skyed/ /zhe sdang rdo rje snyan gnyis la/ /de bzhin sna la ser sna ma/ /kha ru 'dod chags rdo rje ma/ /phrag dog rdo rje de bzhin 'dus/ /nyon mongs kun gyi mun sel ma/ /skye mched la ni rnam par shes/ /yid la bdag med rnal 'byor ma/ /zhes pas mig la sogs pa byin gyis brlabs pa'i rjes la sku gsung thugs byin gyis brlab par bya ste/ oM yig gis sku byin gyis brlabs pa dang/ /A(rgyud 'grel): yig gis gsung byin gyis brlab pa dang/ /hUM yig gis thugs byin gyis brlab par bya'o/ /de nas lha mo kun gyi snying gar gnas pa'i zla ba'i dkyil 'khor la rang rang gi sa bon blta ste/ de nas rang rang gi snying ga'i sa bon gyi 'od zer gyis ye shes sems dpa' i gzhugs kyi sgrol ma mdun gyi nam mkha' la spyan drangs la/ sngar bzhin du arga la sogs pa phul nas/ me tog sgrol ma la sogs pa lha mo rnams spros pas de rnams kyi phyi nang gsang ba de kho na nyid kyi mchod pas mchod de/ de nas dam tshig gi phyag rgya bstan par bya ste/ de nas ye shes kyi dkyil 'khor sgo skyong gi rnal 'byor gyis dam tshig gi dkyil 'khor du oM badzra i ku sh+ri A karSha ya dza(rgyud 'grel): oM badzra pA sho A ba sha ya hUM/ oM badzra sho Ti band+hA ya baM/ oM badzra a ba she ba shi ku ru ho/ /oM b+ha ga ba ti sa ma ye shwa ri sa tsa bud+d+ha ma he tA ri ni a d+hiSh+Tha ni me ku ru swAhA/ zhes pa'i sngags 'di rnams kyis dgug pa dang/ gzhug pa dang/ bcing ba dang/ dgyes par bya'o/ /chu dang 'o ma'i rig pas gcig tu byas la tha mi dad par bya'o/ /de nas yang rang gi snying ga'i sa bon

  307. 154a

    gyi 'od zer gyis/ bde ba can gyi zhing khams na gnas pa'i de bzhin gshegs pa lnga dang/ gzhan yang bdud rtsi lngas yongs su gang ba'i gser gyi bum pa dang/ rol mo la sogs pas yongs su brgyan pa bkug la/ mchod de dang bskur bar gsol ba gdab ba ni/ bde gshegs tshig mchod bdud rtsi dbang bskur gyis/ /de bzhin gshegs pa thams cad bdag la dbang bskur du gsol/ /gsol ba gdab pa ni/ byang chub rdo rjes sangs rgyas la/ /ji ltar che ba'i tshe sbyin ltar/ /bdag kyang bskyab ba'i don gyi phyir/ /nam mkha' rdo rje ded bdag gsol gsol ba'o/ /de nas de bzhin gshegs pa de dag gis dpal he ru ka'i gzugs su sprul pas bdud rtsi rnam pa lnga'i rang bzhin de bzhin gshegs pa lnga'i bdag nyid can bum pa rnam pa lnga yis bdag la dbang bskur bar bsam mo/ /ji ltar bltams pa tsam gyis ni/ /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus bya'o/ /dbang bskur rdo rje chen po ni/ /khams gsum kun gyis phyag byas ma/ /sangs rgyas kun gyi gsang gsum pa'i/ /gnas las byung ba sbyin par bya zhes pa la sogs pa 'dis dbang bskur ba byas la/ me tog gur gum gyi char dbab pa dang/ lha'i ro'i mo'i sgra dang/ spyan ma la sogs pa glu blang ba dang/ gzugs kyi rdo rje ma la sogs pas bstod pa dang/ lha rnams kyis mchod pa dang/ rnam par snang mdzad la sogs pas rjes su gnad pa byas pa'o/ /de nas spyan ma la sogs pas bum pa rnams bzung ste/ rang gi dkyil 'khor du rab tu zhugs so/ oM sarba ta thA ga ta a b+hi She ka ta sa ma ya sh+rI ye hUM/ /zhes brjod pas rin chen 'byung ldan te/ gzhan rnams la rim pa ji lta bas so/ /me tog sgrol ma la sogs pa bzhi

  308. 154b

    pa rnam par bsnang mdzad dang/ mi skyod pa dang/ snang ba mdza' yas dang/ don yod grub pa rnams so/ /de bzhin du rdo rje lcags kyu ma la sogs pa bzhi la'o/ /gtsug tor rnam par rgyal ma dang/ gnod mdzes ma gnyis la rin chen dbang phyug dang/ de bzhin gshegs pa mi bskyod pa gnyis so/ /de'i rjes su mgo bo la/ oM tA re'o/ /kha la oM tA re'o/ /mig la oM tA re'o/ /mgrin pa la oM tA re'o/ /snying la oM tA re Ne/ zhes pa 'dis sbyar bas me long gi gzugs brnyan ltar shin tu gsal ba spros pa 'od zer gyis tshogs kyi nam mkha' la ri mo bris pa lta bu bdag nyid gsal bar bsgoms te/ spro ba dang bsdu ba'i sbyor ba bya'o/ /de nas sems can thams cad kyi don ched du 'thor 'thung dang gtor ma byin gyis brlab pa la sogs pa bya ste/ gdan la skyil krung bcas la thabs dang shes rab kyi snyoms par 'jug pas yi dam lha'i rnal 'byor du dmigs te/ chad gi snod las mthe bong dang/ srin lag gnyis kyis A li thigs pa gcig blangs la/ lag pa gnyis mnyes te/ snod kyi nang du lag pa g.yon par bzhag la/ ha yig gis mdog bsgyur bar bya ste/ lag pa g.yas pa yang de'i steng du bkab la ho(rgyud 'grel): yig gis dri ngan pa bsal bar bya'o/ /de bzhin du lag pa gnyis ka bzhag pa'i 'og tu h+ri yi ge zhu bas bdud rtsir gyur nas rdzogs par byas te spyad do/ /de nas lag pa g.yon pa'i mthe bong dang srin lag gnyis kyis thigs pa blangs te/ chos kyi dbyings kyi phyag rgyar lhag par mos pas zur gsum pa'i maN+Dal bya ste/ de'i dkyil 'khor du paM bris la byang sems spro ba'i rim pa ltar rten dang brten pa'i rang bzhin gyi dkyil 'khor rnam par bsams te/ mchod pa la sogs pa'i sngags dang A li'i rdzas kyis yang dag par mchod cing bstod do/ /oM ha ho(rgyud 'grel): h+ri(rgyud 'grel): swAhA/ zhes pa'i sngags 'dis lan gsum brjod de/ mgo la gtor ba dang/ dpral bar thig le

  309. 155a

    dang/ lce la sngags kyi 'thor 'thung bya ste/ gtor ma'i snod nas bcom ldan 'das ma la lan gsum phul la/ las kyi dbye ba dang/ kha dog gi dbye bas gtor ma byin gyis brlab par bya ba ni hUM las byung ba'i chos 'byung gi nang du paM las skyes pa'i sna tshogs pad+ma'i steng du/ yaM yongs su gyur pa las rlung gi dkyil 'khor gzhu lta bu/ de'i steng du ri dmar po yongs su gyur pa las me'i dkyil 'khor zur gsum pa steng du 'bar bas mtshan pa/ de'i steng du a(rgyud 'grel): las byung ba'i pad+ma'i snod kyi dbus su bruM aM dziM laM hUM laM maM paM taM baM zhes pa'i sa bon bcu po de dag go ku da ha na/ bi ra shu ma mu'i sa bon bcu po de dag gis byin gyis brlabs pa can du/ rnam par bltas la/ oM las byung ba'i zla ba'i dkyil 'khor gyi steng du hUM las byung ba'i rdo rje hUM gis mtshan pa bsgoms te/ de'i steng du oM dkar po'i kha chod bltas te/ rlung g.yos pas me 'bar zhing/ rdo rje las gzhan pa'i rdzas rnams zhu nas thod par gnas te/ de nas rdo rjes lan bzhi 'am lnga dkrugs pas de yang rnam par zhu nas gnas te/ de'i rjes su de nyid rnam pa gsum gyis mdza' yas shing mthar thug pa'i 'jig rten gyi khams na gnas pa'i byang chub sems dpa' rnams rjes su chags nas de dag gi ye shes kyi bdud rtsi bkug nas rab tu zhugs te/ de nyid gsum gyis byin gyis brlabs pas bdud rtsir gyur te/ bsil bar 'gyur bar blta'o/ /de nas oM A(rgyud 'grel): sarba ta thA ga ta dz+nyA na a mri te hUM zhes pa'i sngags 'dis rdo rje dang ldan pa'i phyag gis gtor snod la reg ste/ rang gi snying ga'i sa bon gyi 'od zer gyis bkug pa'i lha mo'i 'khor lo la gnas pa'i lha rnams la brten par byas la/ oM pra ba ra satkA raM arg+haM pra tIts+tsha swAhA/ zhes pa'i sngags 'dis dung gi phyag rgyas mdun du mchod yon dbul lo/ /

  310. 155b

    oM pra ba ra satwA raM hA tya pra tIts+tsha swAhA/ zhes pa'i sngags 'dis skaM pa'i phyag rgyas zhabs gnyis la zhabs bsil dbul lo/ /gong bzhin du bdud rtsi myang ba'i cho gas gtor ma nye bar bya ba la sogs pa bdud rtsir byas la/ oM badzra tA re b+ha ya ha re big+h+na nAM shAn+ti ka re/ pra kri te b+ha swA re/ sarba duSh+Ta sA d+ha ni i maM ba liM pra tIts+tsha maM sarba satwa nAny+tsa rak+ShaM ku ru/ shAn+tiM ku ru/ puSh+TiM ku ru/ pi laM ku ru/ rak+Sha rak+Sha moM sarba satwaMShtsa hUM hUM hUM phaT phaT swAhA/ zhes pas gtor ma nye bar bsams te/ hUM dkar po yongs su gyur pa las byung ba'i ljags rdo rje'i 'od zer gyi sdu gu nas 'bru tsam gyis gsol bas dkyil 'khor gyi bdag po 'khor dang bcas pa tshim par bsam mo/ /de nas kha bshal ba la sogs pa byas la/ oM badzra satwa sa ma ya/ na nu pA la ya/ badzra satwa twe no pa tiSh+Tha /dri Dho me b+ha ba/ su po Sh+yo me b+ha ba/ su toSh+yo me b+ha ba/ a nu rak+to me b+ha ba/ sarba sid+d+hiM me pra yats+tsha/ sarba karma su tsa me/ tsit+taM sh+re ya(rgyud 'grel): ku ru hUM/ ha ha ha ha ho(rgyud 'grel): b+ha ga baM sarba ta thA ga ta badzra mA me muny+tsa badzri b+ha ba/ mahA sa ma ya satwa a ? zhes brjod pas 'dod pa'i don la gsol ba gdab ste/ lha mo tshad ma dam tshig tshad ma dang/ /de rnams gsung yang tshad ma mchog dang ni/ /bden pa des ni lha mo 'di rnams kyis/ /bdag la rjes su 'dzin pa'i rgyur gyur shog /srid dang zhi la chags kun rtogs pas rlabs bcom zhing/ /dngos kun ma lus rang bzhin mkha' ltar gzigs pa yis/ /brtse ba'i chu yis rab rgyas thugs ni rgya mtsho'i mchog /lha mo rnams kyis bdag la shin tu brtser mdzad gsol zhes pa 'di rnams brjod la bzod bar gsol to/ /oM khyed kyis sems can don kun mdzad/ /sangs rgyas yul du gshegs su gsol/ /sa yis byas yul du gshegs nas kyang/ /slar yang sems can don la byon/ /zhes pa 'dis g.yas pa'i rgyab tu g.yon pa'i mthe bong

  311. 156a

    dang/ srin lag gis se gol lan gsum brdabs pa'o/ /de nas lam gyi bzhi mdor gtor ma btang ngo/ /gtor ma dbul ba'i cho ga'o/ /de'i rjes su gzhan yang bza' ba'i cho ga ni/ 'dis bza' bar byas te / sto ba'i me thab kyi steng du me'i sa bon las byung ba'i me la bza' ba la sogs pa'i rdzas lag pa'i gzar bus sbyin sreg bya'o/ /hUM dkar po las byung ba'i ljags rdo rje nas 'bru tsam gyis 'khor lo dang bcas pa'i sgrol ma'i gzugs kyi sbyor bas dgang blugs kyis sbyin sreg dbul bar bya'o/ /mgrin pa'i lam de dag thams cad lto ba'i thab la rab tu zhugs te/ lto ba'i mes bzhu nas bdud rtsir gyur te/ bdud rtsi des bcom ldan 'das ma 'khor dang bcas pa tshim par byung bar bsam mo/ /khyad par nang gi sbyin sreg gi cho ga'o/ /de nas bdud rtsi myangs nas lha'i bdag yid can rdzogs pa'i rnal 'byor spro bsdu sngon du 'gro bas/ bsgom pas skyo na myur dang/ bul ba dang/ mi gsal ba dang/ chad lhag dang / rtog pa ngan pa spangs la bzlas pa ni/ oM tA re tu t+tA re tu re swA hA/ zhes brjod pa ni rang gi snying ga'i sa bon las spros pa'i sngags 'khor lo bskor ba'i sbyor bas kha nas 'thon te/ sangs rgyas kyi yon tan gyi tshogs dang/ nor bu dang sngags dang / sman? dang/ zla ba dang/ skar ma dang/ bri ba bstan bcos dang/ sgyu rtsal gyi yon tan la sogs pa'i nus pa blangs nas/ yang snying ga'i zla ba la rab tu zhugs te/ rang dang gzhan thams cad kyi mi shes pa'i mun pa bsreg pa'i bdag nyid du bsam par bya ste/ sngags bzlas par bya'o/ /thun gsum du bsgom par bya'o/ /skyo na langs te rtag tu lha'i rnam par bsam par bya'o/ /gang gi tshe sngags bzlas pa las ldang bar 'dod pa de'i tshe sngags kyi phreng ba rang gi snying ga'i sa bon la

  312. 156b

    thim par byas la mchod pa sngon du 'gro bas smon lam btab ste/ bsod nams yongs su bsngos la yi ge brgya pa lan gsum brjod do/ /de nas lha mo'i nga rgyal bya ste/ chos thams cad kyang de'i gzugs su bltas la/ ji ltar bde bar gnas par bya'o/ /nyal ba'i dus su yang bla ma dang/ /sangs rgyas dang/ sems can de rnams sangs rgyas su bltas la yang dag par mchod de/ brkyang phyag gis 'dud pa'i bsam pas seng ge'i nyal stabs kyis tshul gyi 'od gsal du snyoms par 'jug pa'i rnal 'byor gyis bsam pas nyal bar bya'o/ /de nas tho rangs kyi thun la lha mo'i glu'i sgras rab tu bskul bas langs te/ thams cad snga ma bzhin du bya'o/ /'di ni sngags mchog dam pa yin/ /sangs rgyas kun gyis phyag byas pa'i/ /bklags pas 'grub byed bzang po ni/ /rdo rje gur las gsungs pa'o/ /rdo rje sgrol ma'i bdag rnal 'byor/ /sems can don kun mthar phyin pa/ /rdo rje skyil krung sbyor ba yis /khams gsum 'di ni bsgrub par bya/ /de nas gzhan yang gzungs sngags 'di/ /oM na ma(rgyud 'grel): AryA ba lo ki te swA rA ya/ bo d+hi satwA ya/ mahA satwA ya/ mahA kA ru Ni kA ya/ tadya thA/ oM tA re tut+tA re tu re sarba duSh+Ta pra du Sh+Ta na sa ma ma kri ta/ dziM b+ha ya dzaM b+ha ya/ stwaM b+ha ya/ staM b+ha ya/ staM b+ha ya/ mo ha ya mo ha ya /b+hand+ha ya b+hand+ha ya/ hUM hUM hUM phaT phaT phaT sarba duSh+Ta stwaM b+ha ni tA de swAhA/ sngags 'di'i nye bar spyod pa'i cho ga bshad par bya'o/ /sngags 'dis gos kyi thu ba la lan bdun mngon par bzla la mdud pa byas te nags mthug por phyin kyang gang gis kyang 'jigs par mi 'gyur te/ stag dang/ chu srin dang/ chom rkun dang/ seng ge dang/ sprul dang/ glang po che dang/ ma he dang/ don dang/ ba men la sogs pa rnams kyang 'di'i mtshan dran pa tsam gyis rnam par 'jig par 'gyur ro//

  313. 157a

    de nas me tog sgrol ma'i rab sbyor ni/ oM tA re tut+tA re tu re che ge mo bdag gi dbang du gyis shig swAhA/ zhes pa'i sngags 'dis utpa la dmar mo brgya rtsa brgyad la sbyin sreg byas na gang 'dod pa de dbang du 'du bar 'gyur ro spos kyi sgrol ma'i rab sbyor ni/ /oM tA re tut+tA re tu re tsa la pra tsa la sh+rI g+h+raM gA mi ni de ba dat+ta uts+tsha Ta ya hUM/ zhes pa'i sngags 'dis bya rog gi sgro la lan sum cu rtsa gcig bzlas nas dgra bo'i sgo la sbas pas zhag bdun gyis skrod par 'gyur ro/ / mar me'i sgrol ma'i rab sbyor ni/ /oM tA re tut+tA re tu re a mu ka a b+hi d+ha naM ku maM raM mi hyaM bi b+ha he na ya sya si twa pra yats+tsha tu swAhA/ ma da na dang gtum bi sa bon dang/ de bzhin smyon pa'i 'bras bu dang/ mya ngan med pa'i me tog la/ /stong phrag lnga ru sbyin sreg bya/ /bu raM sbrang rtsi mar sbyin sreg /bu mo sgrub la khyad par 'phags/ /de nas rnal 'byor zhag bdun par/ /bdag 'dod bu mo rnyed par 'gyur zhes so/ /dri sgrol ma'i rib sbyor ni/ oM tA re tut+tA re tu re a mu ki swastwA?/ nA da ma cha ra Sha mA karSha ya dza(rgyud 'grel): zhes pa'i sngags 'dis khaM khri'i tsher ma dang/ rang 'byung gi me tog gi sbyin sreg bya'o/ /sngags 'dis rgyal po'i bu mo yang dbang du 'gyur ro/ /rdo rje lcags kyu ma'i rab sbyor ni/ /rA dza sa la'i ras la zhal gcig phyag gnyis pa lcags kyu dang zhags pa 'dzin pa bris la/ de'i mdun du mchod pa bya ste/ gtsang zhing gtsang ma las byung ba'i/ /lha'i me tog dge rnams 'di/ /gus pas bdag ni 'bul lags na/ /bzhes te bdag la dgongs su gsol/ /spos bzangs dri dang ldan pa yis/ /'di ltar nags tshal yid 'ong ba/ /gus pas bdag ni 'bul lags na/ /bzhes te bdag la dgongs su gsol/ /gtsang zhing dge la mun pa sel/ /srin po 'joms pa'i mar me 'di/ /bdag gis gus pas

  314. 157b

    'bul lags na/ /bzhes nas bdag la dgongs su gsol/ /gtsang zhing gtsang ma las byung ba'i/ /dge ba'i lha rdzas dri rnams 'di/ /bdag gis gus pas 'bul lags na/ /bzhes nas bdag la dgongs su gsol/ /zhes brjod pas bsgom pa dang ldan pas sngags brjod pa ni/ /oM tA re tut+tA ra tu re ma ma swA ba ni a mu ki darsha ya hUM phaT/ zhes stong phrag lnga bzlas la zhags pa ske la bcings pa dang lcags kyus snying la phug ste/ utpa la de nyid kyis rkang pa gnyis bcings la bkug ste/ rkang lag bsgrub bya bsams nas su/ /khol mo lta bur longs spyad bya zhes so/ /rdo rje zhags pa'i rab sbyor ni/ /sgrol ma'i gzugs kyis srin lag la lan bdun bzlas pa byas la bdag gi mig gnyis la phyis te/ de nas rgyal po'i drung du phyin na rgyal po de slab ma lta bur 'gyur bas dang par byed pa dang/ ngan du ma smra bar sbyin pa ster te/ mthun pa'i gtam smra ba/ khol po lta bur 'gyur ba dang/ khros kyang dbang du 'gyur ro/ /'di ni yid ches par mthong bar gyur pas ngo mtshar che'o/ /rdo rje lcags sgrog ma'i rab sbyor ni/ sgrol ma'i gzungs sngags lan brgya rtsa brgyad bzlas la/ mgo gnyis pa'i sbrul gyi thal ba byas la/ ba dmar mo'i mar dang/ shing arka'i bal gyis sdod bu byas la/ de la mar me byas la snag tsha byas te/ snag tsha de rdo rje nyi ma dang/ rdo rje chos rnams kyis bsres la mnyes te rta mchog gi spos gtang ngo/ /thal ba de dang bcas pas mig gnyis la byugs la/ rdo rje'i mig des gang mthong ba de la gal te pad+ma gar gyi dbang phyug 'dzag par mi gyur na/ de'i tshe bdag la sgrol ma ma yin zhing/ sangs rgyas bcom ldan 'das thams cad bdag gis bsad par 'gyur ro zhes so/ /rdo rje lcags sgrog ma'i rab sbyor gnyis pa ni/ bu chung so ma skyes pa'i lce blangs la/ sgrol ma'i gzungs sngags lan bdun bzlas te/ sngo b+hing gA rA dzA dang/ gi wang

  315. 158a

    dang gnyis lhan cig tu byas te/ dpral bar thig le byas na/ gang dang gang mthong ba de dbang du 'gyur ro/ /rdo rje dril bu'i rab sbyor ni/ lto ba'i srin bu la sgrol ma'i gzungs sngags lan bdun bzlas te/ rdo rje chos dang ldan cig byas te/ taM pu la dang bcas par sbyin par bya'o/ /rnal 'byor mchog de mid na mi spong zhing/ /gzhan la yang mig 'chags te gzhan du yang mi 'gro zhing rang gi bdag po yang spangs te/ rang gi chung ma lta bur spyad par 'gyur ro/ /rdo rje dril bu ma'i rab spyod gnyis pa ni/ bdag nyid sgrol mar bsgoms la tshil chen gyi byug pa bya zhing sngags khri tsho gcig bzlas pa byas la/ bzlas pa'i rjes su 'bras mkhar ma can gyi 'dag pas dri mas thon la/ des snam khur du byas la/ gang la byin pa de 'tshogs chas lnga dang bral yang mi spong ngo/ /gtsug tor rnam par rgyal ma'i rab sbyor ni/ zla ba gzas zin pa'i dus su sgrol ma'i gzungs sngags shing brten par bya ste/ de las byung ba'i 'jig rten dbang phyug dang/ dung dkar gyi thal ba dang bsres te rab tu mos na 'tshog chas lnga dang bral yang mi spong ngo/ /gtsug tor rnam par rgyal ma'i rab sbyor gnyis pa ni/ sgrol ma'i gzungs sngags kyis shing thog ma da na la lan brgya rtsa brgyad bzlas te/ sdog ma'i 'bru dang rta mgrin gnyis lhan cig tu byas nas gang la byugs pa de dbang du 'du bar 'gyur ro/ /snod mdzes ma'i rab sbyor ni/ oM tA re tut+tA re tu re a mu ka sya band+ha na muk+ti ku ru mu swAhA/ shing arka'i lo ma la bsgrub bya'i ming dang bcas pa bris la/ ku li rta'i tshang la spos na/ bcings pa las grol bar 'gyur ro/ /rdo rje sgrol ma'i sgrub thabs 'di/ /bdag gis byas pa'i bsod nams gang/ /thob des kun kyang 'jig rten 'dir/ /bde gshegs go 'phang thob par shog /

  316. 158b

    rdo rje gur las byung ba grub thob chen po sna tshogs dmar po zhabs kyis mdzad pa rdzogs so// //rgya gar shar phyogs kyi paN+Di ta chen po dA na shI las rang 'gyur du mdzad pa'o// //rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ bcom ldan 'das sgrol ma la phyag 'tshal lo/ /sbyin sreg dang ni las kyi cho ga yis/ /'dod pa'i don kun sgrub par byed pa yi/ /rdo rje sgrol ma sgrub pa'i thabs/ /de nas yang dag bshad bya ba// de la sngags kyi tshig 'di yin te/ 'di lta ste/ na mo ratna tra yA ya/ na ma(rgyud 'grel): AryA wa lo ki te shwa rA ya/ bo d+hi satwA ya/ mahA satwA ya/ mahA ka ru Ni kA ya/ tadya thA/ oM tA re tut+tA re tu re sarba duSh+Ta pra duSh+Ta na ma ma kri te dzaM b+ha ya/ staM b+ha ya/ mo ha ya/ band+ha ya/ hUM hUM hUM phaT phaT phaT/ sarba duSh+Ta staM b+ha ni tA re swAhA/ de la yang dang po re zhig rang gi snying gar zla ba la sa bon tAM bsams te/ de'i 'od zer gyis abla ma dang sangs rgyas dang byang chub sems dpa' spyan drangs te/ mchod pa rnam pa sna tshogs kyis yang dag par mchod la/ sdig pa bshags pa la sogs pa bya zhing/ gsum la skyabs su 'gro ba'i tshigs bcad rdzogs par bya'o/ /de nas tshangs pa'i gnas bzhi bsgoms la/ oM shU n+ya tA dz+nyA swa b+ha ba At+ma ko haM/ zhes bya ba'i sngags brjod par bya'o/ /de nas baM las skyes pa'i pad+ma dang zla ba'i steng du tAM gi sa bon bsams te/ de yongs su gyur pa las/ ma mo'i dkyil 'khor dbus gnas pa'i/ /lha mo sgrol ma bsgom par bya'o/ /zhal bzhi ma la phyag brgyad ma/ /rgyan rnams kun gyis brgyan pa yi/ /gser gyi mdog can bsgom par bya/ /gzhon nu ma yi mtshan nyid 'bar/ /sna tshogs pad+mar mnyam gnas pa'i/ /zla ba'i gdan la yang dag bzhugs/ /ser dang dkar dang dmar dang nag /

  317. 159a

    g.yas skor gyi ni zhal bzhi'o/ /spyan gsum rdo rje skyil dkrung gnas/ /'od dmar sangs rgyas bzhis dbu rgyan/ /rdo rje mnga' dung mchog sbyin ni/ /g.yas pa'i phyag na bsnams pa'o/ /utpal gzhu dang rdo rje yi/ / lcags kyu rdo rje zhags pa dang/ /sdigs mdzub g.yon pa'i phyag na 'phyar ba'o/ /rdo rje skyil krung rnal 'byor gyis/ /sa gsum po yang bsgrub par bya/ /de mdun me tog sgrol ma ni/ /mdog ni dkar zhing yid 'ong ma/ /oM yig las ni yang dag rdzogs/ /me tog snod ni phyag na bsnams/ /zhal gcig phyag ni gnyis pa ste/ /rgyan rnams bdun gyis rnam brgyan pa'o/ /lho phyogs bdug spos sgrol ma ni/ /gzugs mdzes mdog ni gnag pa ste/ /bdug spos snod ni phyag bsnams shing/ /rgyan rnams kun gyis rnam par brgyan/ /nub phyogs mar me sgrol ma yang/ /mdog ni ser zhing yid 'phrog ma/ /bzang po mar me'i snod bsnams shing/ /gser gyi rna cha rab tu ga-yo/ /byang phyogs dri yi sgrol ma ni/ /dri yi dung chos phyag na bsnams/ /lha mo mdog ni dmar 'dra ba/ /snying po'i dkyil 'khor la bsgom bya'o/ /'di kun zhal gcig phyag gnyis ma/ /rgyan rnams kun gyis rnam par brgyan/ /rdo rje skyil mo krung gis ni/ /lha mo drug po 'di kun bzhugs/ /cung zad zhal ni gtsigs pa ste/ /'gying bag bcas pas yang dag gnas/ /'di ltar dkyil 'khor kun bsams la/ /rang gi snying ga'i sa bon gyi/ /'od kyis ye shes spyan drangs te/ dza(rgyud 'grel): hUM baM ho(rgyud 'grel): 'i sngags kyis ni/ /dgug pa la sogs bya ba'o/ /shar gyi sgo ru bsam pa ni/ /rdo rje lcags kyu 'od dkar ma/ /phyag na rdo rje lcags kyus mtshan/ /yid du 'ong ba'i bdag nyid do/ /lho sgor rdo rje zhags pa ma/ /gnag cing shin tu 'dod la dga'

  318. 159b

    bzang mo'i rgyan gyis brgyan pa'i lus/ /rdo rje zhags pa 'chang ba'i mchog /rdo rje lcags sgrog dmar ser ma/ /rdo rje lcags sgrog phyag bsnams shing/ /sna tshogs rgyan gyis brgyan pa ni/ /nub kyi sgo ru bsam par bya/ /byang sgor rdo rje dril bsnams ma/ /mdog dmar bzang po yi ni gzug/ /dge zhing brtan par blta bar bya/ /steng du gtsug tor rnam rgyal ma/ /gzugs bzang mdog ni ser ba ste/ /byang chub 'bras bu sbyin byed pas/ /des nas sngags pas 'khor lo 'chang// snying po'i dkyil 'khor 'og tu ni/ /dge zhing 'od 'bar ba yi gzugs/ /klu yi zhags pa phyag na bsnams/ /zhal gcig phyag ni gnyis ma ste/ /thams cad mkhyen pa'i yid 'ong ma/ /mdog gnag rnam bar bsgom par bya'o/ /yi ge bcu pa 'di yis ni/ /lha mo bcu ni rnam par sprul/ /pha rol phyin bcu dag pa ste/ /chos kun rab tu sgrub par byed/ /de la yi ge bcu pa ni/ oM tA re tut+tA re tu re swAhA/ de bzhin du sku gsung thugs byin gyis brlab pa dang/ dbang bskur ba dang/ thig le dang/ phra mo dang/ bzlas pa la sogs pa bsgom par bya'o/ /sangs rgyas kun gyis phyag byas pa/ /sngags mchog 'di ni gtso bo ste/ /bzang po brjod pas 'grub par 'gyur/ /rdo rje gur las gsungs pa'o/ /'dir sngags 'di yi nye bar spyod ba ni sngags 'di yis gos kyi thu ba gzung ste/ lan bdun bsngags la mdud pa bya ste/ 'jigs pa dang bcas pa'i sa gang du 'gro yang 'jigs par mi 'gyur ro/ /stag dang rkun ma dang chu srin dang seng ge dang sprul dang glang po dang ma he dang/ dred dang pa la sogs pas kyang gnod pa byed mi nus so/ /de bzhin du sngags 'dis utpal la lan brgya rtsa brgyad sbyin sreg byas na gang 'dod pa de dbang du 'gyur ro/ /oM tA re tut+tA re tu re a mu kaM me ba sha ma nA ya swAhA/ de bzhin du sngags 'dis

  319. 160a

    khra'i sgro la lan sum cu rtsa gnyis bzlas nas dgra bo'i khang par sbas na/ de zhag bdun gyi skrod par 'gyur ro/ /oM tA re tut+tA re tu re tsa la pra tsa la shI g+h+raM gA mi ni de ba dat+ta ya uts+tsha Ta ya hUM phaT ces pa ni bskrad pa'i cho ga'o// //de bzhin du sbyor ba gzhan yang oM tA re tut+tA re tu re a mu kaM a b+hi ni d+ha naM ku ma ri mahya mu dra tha he na ha sya(rgyud 'grel): pi ta pa tA yats+tsha ru swAhA/ myos byed gtum po'i sa bon dang/ /de bzhin smyo byed 'bras bu dang/ /mya ngan med kyi me tog la/ /stong phrag lnga ni sbyin sreg bya/ /mar dang sbrang rtsi bu ram gyis/ /sbyin sreg bu mo sgrub la bsngags/ /de nas zhag bdun sbyor ba yis/ /rang 'dod bu mo thob par 'gyur/ /de nas sbyor ba gzhan yang oM tA re tut+tA re tu re a mu kaM a mu kA a b+hi d+hA naM swa na ta A karSha yA ma me an+ti ke dza(rgyud 'grel): zhes bya ba'i sngags 'dis rgya shug gi tsher ma la stong phrag lnga rang byung gi me tog la smyugs shing sbyin sreg byas na 'di ni rgyal po'i bu mo yang 'gugs par byed do/ /de nas gzhan yang sbyor ba 'di yin te/ rang byung gi me tog gis bskus pa'i ras la bcom ldan 'das zhal gcig phyag gnyis ma/ lcags kyu dang utpa la'i zhags pa phyag na bsnams pa bris la de'i mdun du lha rdzas bzang po 'di zhes bya ba la sogs pa mchod pa byas la bcom ldan 'das la bzlas pa bya'o/ /oM tA re tut+tA re tu re a mu ki mi pa sid+haM swa pa naM ka thA hUM phaT/ stong phrag lnga bzlas pas 'ong bar 'gyur ro/ /zhags pas ske nas bcings te/ lcags kyus phug la rkang pa gnyis nas utpa la yis bcings la/ bsgrub bya kun tu bkug ste/ rkang pa'i 'og tu bsams la/ bran mo'i gzugs kyis longs spyad par bya'o/ /de nas sbyor ba gzhan yang sgrol ma'i gzungs kyis lan bdun bsngags te/ bdag nyid kyi mig gnyis

  320. 160b

    la byugs la/ rgyal po'i rigs kyis nang du zhugs na rgyal po dang bcas pas bla mar byed do/ /dbang du byed par 'gyur ro/ /de nas gzhan yang sbyor ba ni sgrol ma'i gzungs kyis brgya rtsa brgyad brjod do/ /sbrul gyi rgyal po mgo gnyis po'i mgo thal bar byas te/ ba dmar mo'i mar la arka'i spra ba'i sdong bu byas te/ me sbar la dud pas bsags par bya'o/ /dud pa de dang rdo rje nyi ma dang rdo rje chos dang bsres shing mnyes la rta mchog gis bdug par bya'o/ /de nas thal ba dang lhan cig tu mig la bskus nas gang rdo rje mig gis bltas pa de'i pad+ma rA ga 'dzag par 'gyur ro/ /gal te de ltar ma gyur na ni bdag nyid sgrol mas sangs rgyas bcom ldan 'das nges par spong ba yin no/ /de nas sbyor ba gzhan yang lto ba'i srin bu la gzungs kyis lan bdun bzlas la rdo rje chos dang gcig tu byas la sag rtsi dang sbyar la sbyin no/ /de longs spyod na cho ga mchog 'dis rang gi chung ma bzhin du gtong bar mi 'gyur ro/ /de nas sbyor ba gzhan yang so ma brdzes pa'i bu chung gi lce blangs la sgrol ma'i gzungs kyis lan bdun bsngags la/ 'bring ka ra tsa dang gi waM gcig tu byas te dpral bar thig le byas la de gang la bstan pa de dbang du 'gyur ro/ /sbyor ba gzhan yang zhag chen pos rang gi lus la byugs te bsgom pa dang ldan pas sgrol ma'i gzungs khri tsho gcig bzlas par bya'o/ /bzlas pa'i mthar 'bras sA le'i zan gyis dril phyis byas la de gang la byin pa de ji srid 'tsho'i bar du dbang du 'gyur ro/ /sbyor ba gzhan yang zla ba gzas zin pa'i dus su sgrol ma'i gzungs bzlas shing sngon du bsnyen pa byas la de las byung ba'i spyan ras gzigs kyi dbang phyug tu dung gi phye mas dgang bar bya'o/ /de gang la byin pa de ji srid 'tsho'i bar du rjes su 'jug par 'gyur ro/ /sbyor ba gzhan yang sgrol ma'i gzungs smyo byed kyi 'bras bu la lan brgya rtsa

  321. 161a

    brgyad bsngags te/ 'bras bu de dang rta mgrin dang lhan cig tu gang la byin pa de dbang du 'gyur ro/ /sbyor ba gzhan ni oM tA re tut+tA re tu re a mu ka sa band+ha na mug ti ku ru swAhA/ sngags 'dis arka'i 'dab ma la bsgrub bya'i ming bar du bcug ste bris la srin bu ka ka ru'i khung bur sbas na bcings pa las grol bar 'gyur ro/ /rdo rje sgrol ma'i sgrub thabs rdzogs so// //rgya gar skad du/ sh+rI badzra tA ra sAd+ha naM/ bod skad du/ dpal rdo rje sgrol ma'i sgrub thabs/ dpal rdo rje sgrol ma la phyag 'tshal lo/ /tshangs sogs 'jig rten mthu chen gtsug gi nor bu dang/ /sa bcu'i rgyal sras dbang thob gzhon nu'i cod pan gyis/ /zhabs pad la gtugs ma lus 'phongs las sgrol mdzad yum/ /dpal ldan ye shes lha mo rgyal gyur cig /'jig rten dbang phyug dpal ldan ma/ /rten cing 'brel 'byung stong nyid skyes/ /'gro skyob ma de'i sgrub thabs bri/ /re zhig sgrub pa po 'phags ma sgrol ma chen mo la yang dad pa thob pas/ nags tshal dang phug dang dur khrod la sogs par/ dben pa'i yid kyis snying rje'i stan la 'dug la/ dang po kho nar chos thams cad rten cing 'brel par 'byung ba'i rang bzhin skye ba med par bsgom par bya'o/ /de nas snying rje chen pos bskul te/ pam las pad+ma a las zla ba'i steng du dbyangs dang gsal byed kyis rnam par brgyan pa'i rang gi rnam par mi rtog pa'i bdag nyid tAM ljang gur bsgom/ de las 'od 'phros pas phyogs bcu'i sems can thams cad kyi gdung ba zhi bar byas nas byams ba dang snying rje dang dga' ba dang btang snyoms la bzhag ste/ slar 'dus pas tAM la thim par blta'o/ de ma thag tu dpal rdo rje sgrol ma chen mo sku mdog ljang gu 'am i tra bcag pa 'am ston gyi nam mkha' dri ma med pa lta bu/

  322. 161b

    lang tsho la babs pa'i cha lugs/ sgeg cing zhi la yid du 'ong ba dpe med pa bsam ste/ skyil krung phyed bas brtan pa'i sku 'gying ma/ phyag g.yas mchog sbyin ma/ g.yon pas utpal sngon po rgyas pa'i sdong bu thugs khar 'dzin pa/ cod pan la sogs pa rin po che rnam pa du ma 'od 'bar bas nye bar mdzes shing/ rang bzhin gyi 'od kyi dkyil 'khor khor yug 'dom gsum mnga' ba/ zhal 'dzum pa'i cha byad blta bas mi ngoms pa/ spyan mnga' zhing thams cad gzigs pa'i bdag nyid ma/ nu ma 'bur zhing rked pa rnam par 'phra ba la brla rab tu rgyas ma/ tshon brgya rtsa gcig gis spras pa'i na bza' sham thabs can/ rin po che'i me tog dang rdo rje'i phreng ba do shal brgyus pa'o/ /de nas thugs kar nyid kyi sa bon gyi yi ge bltas nas de'i 'od zer gyis ye shes kyi 'phags ma byang chub sems dpa' i tshogs kyis bskor ba spyan drangs te/ phyag 'tshal ba dang/ ji snyed 'byor pa dang blos sprul pa'i mchod pas mchod la/ sdig pa bshags pa la sogs pa bya ste/ dngos grub blangs nas ro gcig tu gzhug par bya'o/ /de'i rjes la snying po can gyi mthar sngags 'di dang/ gzungs 'di nye bar bkod la rtse gcig tu bzlas so/ /oM tA re tut+tA re tu re swAhA/ na mo ratnA tra yA ya/ na ma(rgyud 'grel): AryA wa lo ki te shwa rA ya/ bo d+hi satwA ya/ mahA satwA ya/ mahA ka ru Ni kA ya/ tadya thA/ oM tA re tut+tA re tu re sarba duSh+Ta na/ pra duSh+Ta Na/ ma ma krit+te/ dzaM b+ha ya/ staM b+ha ya/ mo hA ya/ band+hA ya/ hUM hUM hUM/ phaT phaT phaT/ sarba duSh+Ta staM b+ha ni tA re swAhA/ snying po'i sngags la ni 'bum phrag bcus bsnyen pas/ gzungs sngags la ni 'bum phrag gcig gam gsum la sogs pa ci rigs par shes par bya'o/ /de ni las la sbyar ba yang de nyid do/ /stobs bskyed pa'i phyir gtor ma sbyin pa ni/ bcom ldan 'das ma'i nga rgyal gnas bas/ utpa las mtshan pa'i mdzes

  323. 162a

    bar bza' ba bzang po tshod ma dang bcas pa sbyar te/ bgegs bsal zhing yi ge bzhis dri ma gsang ba dang/ bdud rtsir bsgyur ba dang/ spel ba dang/ mngon bar dgyes pa'i rgyur lan gsum du byin gyis brlabs la/ pad+ma kha phye ba'i phyag rgyas dbul bar bya'o/ /oM a kA ro khu khaM sarba d+harmmA NaM Adya nutpan+na twAt/ oM A(rgyud 'grel): hUM taM phaT swAhA/ oM na ma(rgyud 'grel): sarba bud+d+ha bo d+hi satwA naM/ a pra ti ha ta sha sA nAn/ he he b+ha ga wa ti badzra tA ra mahA sA d+ha/ sarba bud+d+hA wa lo ki te i daM ba liM grih+na a mri ta/ khA hi khA hi/ tiSh+Tha tiSh+Tha/ hUM hUM phaT phaT swAhA/ band+ha band+ha/ ha na ha na/ da ha da ha/ gardza gardza/ bi spho Ta ya bi spho Ta ya/ sarba b+hi ka na nA bi nA ya/ mahA g+ha na pa ti dzi windA na ka ra ya hUM hUM phaT phaT swAhA/ rnam dag rdo rje sgrol ma che/ / skye bo dman la lha mo'i tshul/ /de nyid 'od kyi rnam pa las/ /rang bzhin rnam pa gzhan yod min/ /khams gsum 'od kyis bsdus nas ni/ /dpal mo nyid la mngon par thim/ /sku yang dbyangs dang gsal byed la/ /de yang rdo rje 'dzin ma la'o// rim gyis de yang thig le ste/ /thig le stong pa yi ge med/ /de nyid sems kyi mtshan nyid de/ /rang sems gdod nas ma skyes pa'o// //dpal ldan ye shes sgrol ma'i sgrub thabs ni/ /mtshan ma mchog mthong bla ma las thob ji bzhin du/ /sgrub po rnams la phan phyir bdag gis bris pa yis/ /'gro ba ma lus myur du 'phags ma mnyes byed shog /dpal ldan rdo rje sgrol ma'i sgrub thabs/ slob dpon dge ba'i mgon pos mdzad pa rdzogs so// // paN+Di ta chen po bud+d+ha sh+rI b+ha dra dang/ lo tsA ba gnubs byams pa dpal gyis bsgyur ba'o// //rgya gar skad du/ sa ma ho ma bi d+hi nA ma/ bod skad du/ ro bsreg pa'i cho ga zhes bya ba/ bcom ldan 'das rdo rje mkha' 'gro la phyag

  324. 162b

    'tshal lo/ /rdo rje gur las gsungs pa ste/ /rdo rje dril bu lag tu sbyin/ /dbu rgyan mgo la bzhag nas su/ /rdo rje sdom pa sbyin bya zhing/ /bum pa'i dbang ni bskur bar bya/ /mig sogs gti mug la sogs dang/ /rdo rje gsum ni gnas gsum dgod/ /rdo rje thab khung sbyin ba yis/ /yang dag 'dus byas mnyam par brtsam/ /zhag bdun dag ni lon nas ni/ /rus pa'i tshogs ni nye bar bsdu/ /'o ma dri zhim chus bkrus te/ /mchod rten dag ni rab tu bya/ /de la 'di'i don dang po khrus byas la/ dbu rgyan dang gos la sogs pa byin te/ /ji lta ba bzhin du dkyil 'khor bris la/ /dkyil 'khor bsgrub pa la sogs pa bya ste/ chu dang/ dbu rgyan dang/ rdo rje dang/ bdag po dang/ ming dang/ bum pa'i dbang bskur te/ yi dam lha'i gzugs su bskyed la/ ye shes sems dpa' gzhug pa sngon du 'gro bas/ mig la sogs pa byin gyis brlabs pa la sogs pa byas la/ sngags kyi phreng ba mang po bzlas te/ mchod pa dang/ bstod pa dang/ bdud rtsi myang ba byas nas sngags mang po bzlas la/ ji lta ba gzhin gyi me thab tu/ me lha bskyed la/ de'i snying khar rdo rje sems dpa' 'am/ yi dam lha'i 'khor lo dang bcas pa la/ ro'i ye shes sems dpa' gshegs su gsol/ de'i dam tshig sems dpa' 'khor dang bcas pa'i 'khor lo dang/ /ro gcig tu lhag par mos la/ yang dag par 'dus byas so/ /zhes bya ba'i don to/ /gal te de ltar ma byas na mchod rten bzhig pa'i nyes par 'gyur ro/ /dam tshig dang ldan pa rnams k ro bsreg pa'i cho ga /rdo rje gur nas gsungs pa rdzogs so// //rgya gar gyi mkhan po slob dpon a ba d+hU ti pa dang/ bod kyi lo tsa ba dge slong ba ris bsgyur cing zhus pa'o/ /blo gros chen pos mdzad gsung/ bdun tshigs ni zhag bdun bdun zhing khrus bya'o/ /slob mas

  325. 163a

    slob dpon bsreg tu mi rung gal te gzhan med na/ de bzhin gshegs pa thams cad kyis bsregs par bsam mo/ rus pa la khrus byed na/ rang nyid yi dam lhar bskyed la/ rang gi snying ga nas 'od 'phros pas/ ye shes pa bkug la rus pa la gzhug /yang snying kha nas 'od zer gyis lha mo'i tshogs nam mkha' la bltas la/ de rnams kyis bum pa gzung nas khrus byas par bsam mo/ /ji ltar bltam pa zhes bya ba la sogs pa'i sngags dang bcas pa brjod cing khrus bya'o/ /dbang bskur nas ro khrus bya/ /lhar bskyed pa ye shes pa gzhug /de la dbang bskur de dus rang gis tshig bshad brjod/ de yang de'i slob ma snying nye bas bya'o/ /rus pa de bum chus zhag bdun la nyi ma re re la khrus khor gsum du bdun phrag bdun du bya'o/ /yi ge brgya pa bzlas shing bya gsung// //rgya gar skad du/ Sh+ma shA meSh+Ta/ bod skad du/ ro bsreg bya ba/ bcom ldan 'das 'jig rten dbang phyug la phyag 'tshal lo// mngon sum rdo rje 'dzin mdzad pa/ /rdo rje slob dpon phyag 'tshal nas/ /de yi yongs su bor ba'i ro/ /'dus byas cho ga bshad par bya/ /sangs rgyas byang chub sems dpa' yis/ /ma shes par ni bsreg gyur na/ /mchod rten bshig ba lta bur 'gyur/ /gang yang bsod nams ma yin zhes/ /mkhas pa rnams kyis rgyud rim bzhin/ /de rnams legs par 'dus bya ste/ /gzhan du na ni dmyal bar ltung/ /rdo rje slob dpon 'ga' zhig ni/ shi ste ro ru gyur nas kyang/ / mchod pa yang dag sngon 'gro 'di/ /dur khrod du ni gzhug par bya/ /de nas gnas pa'i sa yi ni/ /dag byed sngags kyis 'dus byas te/ /slar yang cho ga bzhin bsgrub pa/ /dkyil 'khor yang dag bri par bya/ /de yi gtso bo de nyid kyis/

  326. 163b

    dbang bskur lnga ni sbyin par bya/ /rdo rje slob dpon dbang bskur yang/ /phyi nas cho ga mkhas bas sbyin/ /me tog spos la sogs pas mchod/ /yang dag mchod nas bstod par bya/ /mi bskyod pa ni ye shes che/ /rdo rje dbyings ni zhes bya ba la sogs pa'i tshul gyis so/ /de ltar mchod cing bstod nas kyang/ /badzra mu(rgyud 'grel): zhes rab brjod de/ 'gro ba'i bla ma rang gnas su/ /gshegs su gsol bar bsam par bya/ /ji skad gsungs pa'i mtshan nyid ldan/ /zhi ba la sogs yang na ni/ /las kun byed pa'i thab khung du/ /lte bar bgegs dgra'i mtshan ma'i rnal 'byor pa/ /sngags kyis sbar ba'i me nang du/ /mthe'u chung khru gang tshad kyi shing/ /dbul zhing mar dkar blugs par bya/ /de la 'di ni me sbar ba'i sngags so/ /oM dzwA la dzwA la hUM/ ku sha shar phyogs rtse bstan nas/ /hUM bzlas g.yas skor nyid du dgram/ /de bzhin du ni sngar gyi me/ /thab khung ku sha dbul bar bya/ /thab khung bdag med par dmigs la/ /raM skyes zhi ba bsam par bya/ /dkar po zhal ras dkar ba dang g.yas g.yon sngo dang dmar ba'o/ /sbom thung ral ba'i cod pan can/ /g.yon pa spyi blugs be con bsnams/ /g.yas kyis mi 'jigs bgrang phreng 'dzin/ /pad+ma ra skyes me dkyil du/ /me lha bzhugs par bltas nas kyang/ /ye shes me lha spyan drangs bya/ /de la 'di ni me lha spyan drang ba'i sngags so/ /oM e hye hi mahA b+hU ta de ba ri Shi dwi dza satwa ma gi h+ri h+ri t+tha tu ti mahA rasmi asmi sa ni hi to b+ha ba dza(rgyud 'grel): hUM baM ho(rgyud 'grel): zhes brjod pas/ spyan drangs la sogs rims nyid kyis/ /mchod yon zhal bsil sogs phul nas/ /gcig nyid dam tshig la gzhug go /lha yi sku ru 'khrungs pa yi/ /me lha'i lce la raM bkod de/ /dgang blugs phul te phyin nas ni/ /mkhas pas gsang sngags 'di bsngag go /de la 'di ni sngags so/ /oM agna/

  327. 164a

    ye ind+ha byA bi sha mahA sh+rI ye ha bya ka sya bA ha na ya swAhA/ bsang gtor 'thor thung phul nas kyang/ /me tog la sogs mchod par bya/ /bdag nyid 'dod pa'i lha yi sku/ /mi yi thugs kar bsgom par bya/ /mchod pa dam pa sngon 'gro ba/ /yon chab zhabs bsil la sogs dbul/ /de phyir mar gyi dgang blugs rnams/ /bdud rtsir bsams nas dbul par bya/ /shi ba'i ro la dri zhim chus/ /khrus gsol mar gyis byugs pa ni/ /n+ya gro d+ha sogs yam shing lha/ /sngags 'di brjod cing bsreg par bya/ /oM A(rgyud 'grel): badzra satwa a mu kaM badzra tsarya su khA ba ti pra pA ya swAhA/ zhes pa'i sngags so/ /'thor 'thung na bza' ser po dang/ /so rtsi 'dag rdzas byed pa dbul/ /dril bu rab tu dkrol nas su/ /bstod pa dang ni mchod pa bya/ /de nas sngags pa mnyam bzhag pas/ /thugs kar me tog thal sbyar te/ /dmar sogs skyon rnams zhi ba'i phyir/ /bzod par gsol zhes yang dag brjod/ /gang yang bdag blo gti mug pas/ / lhag pa ma tshang gang byas pa/ /gang yang lus can skyabs gyur pa'i/ /dpal ldan de nyid kyis bzod mdzod/ /gus pas bzod pa gsol ba'i mthar/ /rang gi gnang ba bsgom par bya/ /yi ge brgya pa brjod nas kyang/ /me lha mnga' bdag gshegs su gsol/ /nyi ma de yang gnyis pa la/ /'o mas me la blugs byas nas/ /'bad pa rus bu kun btus te/ /gtsang ma'i snod tu bcangs byas nas/ /de nas rus bu btus pa rnams/ /mkhas pas pa yi 'o mas bkru/ /'jim pa bsres nas sA tsha gdab/ /snying po mchod rten brtsig par bya/ /de la sku gdung rgyal po'i mchod rten brtsig /sangs rgyas mdza' yas mchog gis byin gyis brlabs/ /gtsang ma'i snod du legs par bcangs byas nas/ /sangs rgyas kyis

  328. 164b

    gsungs rim par rab gnas mdzad/ /tshangs pa la sogs rnams kyang gus pas 'dud/ /de bas skye po bshes gnyen spyan sngar 'dud/ /byang chub cho ga yis ni khas 'ches pas/ /de ni mchod rten rgyas pa chen po ste/ /don che'i rgyu ru gus pas yang dag mchod/ /dur khrod mchod rten byas pas ri bo can las khyad par 'phags pa de yis ni/ /dge ba gang zhig bsags pa de yis 'gro ba gsum du son pa'i skye bo rnams/ /dngos po dgra sogs btul ba'i shes rab mchog mnga' thugs rjes skye ba mchog tu brtse/ /'jig rten gsum gtsug dpal ldan rdo rje sems dpa' ring por mi thogs 'grub par shog /ro sreg pa dge slong ta thA ga ta rak+Shi tas mdzad pa rdzogs so// //rgya gar gyi mkhan po de nyid dang/ lo tsha ba dge slong dar ma blo gros kyis bsgyur ba'o// //dpal rdo rje mkha' 'gro la phyag 'tshal lo/ /lag na rdo rje dril bu byin nas ni/ /dbu la lag pa'i dbu rgyan ni/ /byin nas rdo rje sdom pa yang/ /sdom pa byin pa'i man ngag nyid/ /mig la sogs pa'i gti mug sogs/ /gtor gsum go 'phang gsum la bzhag /rdo rje thab khung sbyor ba yis/ /gdung bsreg pa yang yang dag bya/ /nyi ma gsum pa'i nyin par ni/ /rus pa'i tshogs ni legs par bsdu/ /'o ma dri zhim gyis khrus bya/ /des ni mchod rten bya ba'o/ /'di'i don ni dang por zhim pos khrus bya ba dang/ /gos la sogs pa byas pa'i dbu rgyan sbyin pa dang/ dkyil 'khor bri ba dang/ dkyil 'khor sgrub pa la sogs pa byas nas/ chu dang/ dbu rgyan dang/ rdo rje dang/ bdag po dang/ ming dang/ bum pa rnams kyis dbang bskur nas/ rang gi lhag pa'i lha'i gzugs su bskyed la/ ye shes sems dpa' dgug pa la sogs ba sngon du 'gro bas mig la sogs pa byin gyis brlab

  329. 165a

    pa la sogs pa byas nas/ sngags kyi tshogs mang po bzlas pa bya ba dang/ mchod pa dang/ bstod pa dang/ bdud rtsi myang pa byas nas/ sngags kyis bzlas pa mang po bya ba dang/ ji lta ba bzhin du me thab me lha bskyed la de'i thugs kar rdo rje sems dpa' 'am/ rang gi lhag pa'i lha 'khor dang bcas pa dkyil 'khor bskyed de shi ba'i lus kyi ye shes sems dpa' gshegs su gsol/ de'i dam tshig sems dpa' dang ye shes kyi dkyil 'khor dang bcas pa ro gcig tu gyur par lhag par mos shing gdung bsreg par bya zhes bya ba'i don to/ /gang de ltar mi byed na de tshe mchod rten bshig pa nyid du 'gyur ba'o/ /gdung bsrog pa'i cho ga rdzogs so// //rgya gar gyi mkhan po chen po a sh+rI dz+nyA na dang/ lo tsa ba dge slong dpal gyi snying pos bsgyur ba'o/ /gur gyi don a shwa kas man ngag du brtsams so// //rgya gar skad du/ sh+rI mahA ratna kA la nA ma sA d+ha naM pa ye kA/ bod skad du/ dpal rin po che'i char yang zhes bya ba'i sgrub pa'i thabs/ dpal rdo rje sems dpa' la phyag 'tshal lo/ /shar ba ma yin nub pa min/ /dngos po med pa rtag tu shar/ /thams cad kun khyab brjod du med/ /rang rig bdag nyid phyag 'tshal lo/ /rnal 'byor rnams kyis rnyed dka' ba/ / mkhas pa kun gyis rnyed mi nus/ /gang gi drin gyis rnyed slar 'gyur/ /bla ma'i zhabs la phyag 'tshal lo/ /? shogs khol mas bcings pa rnams/ /rdo rje rkang pa'i dpa' rlabs kyis/ /phyogs rnams thams cad la khyab pa'i/ /sus 'di gting ring ba yi chu gter gting dpag dka' shin tu dka' / /de la gzung bar ga la nus/ /de bas dpal ldan thig chen po'i/ /thig le yi ni chu yi gter/ /dbus su snyoms pa de las ni/ /yon tan gter ni rin chen rgyal/ /shes rab dpal gsang bdag gis ni/ /rin

  330. 165b

    thang chen por di ring drang/ /rim pa gnyis kyi go rims kyi/ /ye shes mkha' 'gro bsgom pa 'di/ /bla ma'i lung gis rang gis min/ /skal ldan 'grub don bdag gis brtsam/ /rdzogs pa'i ye shes mkha' 'gro la/ /de la bskyed pa gzhung ma yin/ /phyag dang gzugs sogs brjod pa yis/ /de las kun rdzob skye bar 'gyur/ /de la kun rdzob rigs ma yin/ /don dam pa la 'gog pa yin/ /gal te bsgom pa goms pa las/ /kun rdzob skyon med 'ong 'gyur na/ /don dam pa yis phyogs la ni/ /kun rdzob de ni skyon du 'gyur/ /brten pa las ni don grub na/ /the tshom med par log pa yin/ /de ni dpal rin rdor zhabs kyi/ /bdag med sgrub thabs la gsungs pa'o/ /de ni go rims bdag gis ni/ /cung zad tsam ni bshad par bya/ /bsgom las de ni rtog pa ste/ /rtog med pa ni gang na'ang med/ /rtog pa med pa'i gang ming ci/ /thams cad yang dag rtog spangs pa/ /rtog pa med las gang gzhan ni/ /sgom pa mchog ni yod pa 'am/ /gal te de la yod na ni/ /'khrul ba med pa de la min/ /slob dpon mkhas pa kam pa las/ /snang ba'i phreng las de skad gsungs/ /bzang ba dang ni ngan ba yi/ /rtog pa'i bye brag de la ci/ /rten gyi bye brag tha dad med/ /me yi tsha ba'i bya ba ltar/ /tsan dan rang ni 'bar na yang/ /reg pa byas na 'tshig par 'gyur/ /de bas rtog pa mnyam pa yin/ /de la bye brag cung zad med/ /rtog pa yin na de nyid min/ /de nyid yang dag rtog pa spangs/ /de nyid min pa spang don du/ /de kho na nyid gnas pa la/ /bsgom pa gzhan ni bsnyen byed na/ /de ni bsgom pa ji ltar yin/ / de kho nyid la sgom pa med/ /de nyid ma yin de yin bsgom/ /de nyid ma yin bsgoms bslabs las/ /de nyid ma yin gsal bar 'gyur/ /de nyid gsal ba ga la ste/ /de ni mtshan med de yang min/ /de nyid min pa bsgom rigs pas/ /de kho nyid ni bsgom bya ste/

  331. 166a

    de nyid bsgom pa rigs pa yin/ /sgom pa gnyis ni ngal pa'i don/ /yang na de med kyis de ni/ /nam yang de ni rnyed ma yin/ /rnyed pa'i don du 'bad byas te/ /de la bsgom pa'i don ci'i phyir/ /de ni dpal rin rdor zhabs kyis/ / dpal sgom rim pa'i nang nas gsungs/ /gang gis gang don rnyed dka' ba/ /de yis nam yang rnyed ma yin/ /ji ltar mgon med mi gcig ni/ /bdag ni rgyal por sgom byed pa/ /log pa'i ye shes gti mug gis/ /de yis rgyal sa rnyed mi 'gyur in+d+ra b+hU ti rgyal chen pos/ /ye shes grub las de skad gsungs/ /rdzogs pa yi ni rab sgo yis/ /bskyed pa yi ni sgom byed na/ /rgyu med las ni rnyed pa med/ /rgyu yin nga nas don mi 'byung/ /rang las ma yin gzhan las min/ /gnyi ga las min rgyu med min/ /yod min med min yod med min/ /'o na gang nas byung ba yin/ /rten cing 'brel pa de las ni/ /skye bar sgom pa byed ba na/ /rten 'brel las skyes skye ba min/ /thams cad mkhyen pas de skad gsungs/ /klu sgrub po'i zhal snga nas/ /skye dang mi skye stong par gsungs/ /de lta'i gzhung lugs yod na yang/ /de bzhin bskyed pa gzhung lugs so/ /nad pa sos pa'i thabs de ni/ /smra ba po ni ci yin rtog /de yi thabs ni mi byed na/ /nam yang sos par mi 'gyur ro/ / rjes su smra ba rdzogs byas dang/ /yon tan yod pa'i smra ba po/ /de yi smra ba nyan byed na/ /kun tu bkra shis 'grub par 'gyur/ /sgom pa'i rim pa mdzad ba yi/ /de yi zhal nas de skad gsungs/ /mngon sum dang ni rjes su dpag /sangs rgyas pa ni de gzung ngo/ /nges pa pa dang rjes su dpag /bden pa de las rnyed pa'o/ /stong pa nyid ni rnyed pa gang/ /de las rnyed par ga la 'gyur/ /dngos po yin na nges yod de/ /dngos po las ni rnyed pa yod/ /dngos por mthong ba'i phyir na ni/ /de la stong

  332. 166b

    par ji skad smra/ /stong pa'i ming ni ci yang min/ /de skad yin na de la smra/ /stong pa cang min de ltar min/ /thams cad stong pa yin pa po/ /dngos po nyid ni stong pa yin/ /dngos po med pa'i rang bzhin no/ /rang bzhin gang la yod pa ni/ /de ni mtshan ma yin par bshad/ /dngos po gcig po'i ngo bo ste/ /de spangs pa ni stong par bstan/ /ngo bo nyid bral stong pa ste/ /ye shes zhabs kyi rim pa yod/ /dngos po med pa'i dngos po ni/ /thams cad kun la yod pa'o/ /bcom ldan 'das kyis de bzhin gsungs/ /dpal ldan ye shes rgya mtshor gnas/ /ji ltar gla rtsi dngos po ni/ /gnyis su gyes pa yod pa ste/ /sra ba'i dngos po de dang gcig /dri yi dngos po de dang gnyis/ /sra ba'i dngos po spangs pa gang/ /de ni dngos po min par gsungs/ / sra ba'i dngos po med pa la/ /de las dri ni mi rnyed na/ /ci ste de las dri mi rnyed/ /rang gi dpe la bltas pa yis/ /ji ltar dri med phra ba'i ras/ /bdug byas de la bag chags yod/ /gla rtsi gzhan ma'i gnas su bzhag /de la dri yod yin nam min/ / de skad dngos po med pa la/ /dngos po thams cad yod pa'o/ /de bzhin rgyu mtshan med pa la/ /bden pa'i 'bras bu yod pa'o/ /ji ltar chu sbyin bu ga las/ /rdo rje me ni gsal bar skyes/ /de bzhin gzugs min la gzugs yod/ /de bzhin dngos min dngos po yi/ /'khrul ba'i dngos po'i gzugs yin na/ /de la nyes skyon ci yang med/ /'khrul pa la yang yon tan yod/ /'khrul gzhan de yis med par byed/ /sngags dang sgom pa byed pa pos/ /dug la dug med mtshan ma na/ / dug gi 'khrul pa med pa 'di/ /dug med 'khrul pa bsten pas so/ /bla ma yi ni bla ma yis/ /de ni bsgom pa'i rim las gsungs/ /rtog pa'i sems ni 'byung ba gang/ /rtog pa yis ni dag par byed/ /de bzhin kye yi rdo rje'i rgyud/ /rdo rje snying po

  333. 167a

    la 'di gsungs/ /gang 'di dug gi dum bu yis/ /sems can thams cad 'chi bar 'gyur/ /dug de yi ni de nyid kyis/ /dug gis dug ni med par byed/ /ji ltar me yis tshig pa la/ /me yis yang dang yang bsreg bya/ /de bzhin 'dod chags mes bsregs la/ /'dod chags me yis yang bsro bya/ /ji ltar rna bar chu song la/ /phyi ma'i chu yis gdab par bya/ /de bzhin chos can rtog pa ni/ /dngos po yis ni dag par byed/ /dngos po bag chags gzung bas ni/ /chos can bag chags med par byed/ /goms pa yis ni kun med de/ /phyi nas de yang med pa'o/ /de nas dri med ye shes ni/ /'bad mi dgos par gsal ba'o/ /rang las skyu ru ra ltar mthong/ /dpal ldan ye shes rgyud las gsungs/ /ji ltar 'di yi dpe yis ni/ /shing gi yal ga'i zla ba ltar/ /mdzub mo gang gis mchod byed pa/ /de las de ni skye 'gyur ram/ /mdzub mo la sogs bya ba tsam/ /de yis de ni gsal bar 'gyur/ /ji ltar mun pa'i mu tig gcig /mar me med na mthong mi 'gyur/ /mar mes de ni mthong ba las/ /mar me las ni me skye'o/ /mar me yis ni blta ba las/ /mar me de la sgom mi byed/ /de yi de ni rigs pas rdzogs/ /rnyed 'gyur de la sgom mi byed/ /de nas thar 'dod pa la 'di/ /lam rab shin tu gsal bar bya/ /rgya mtsho chen po'i gsang ngos sam/ /yang na dur khrod mchog dang ni/ /yang na dgyes pa'i ri phug dang/ /thams cad bdag nyid dgon chen por/ /yang dag rnal 'byor pa yis ni/ /mgon po he ru ka mnyes bya/ /langs nas dang po rnal 'byor pas/ /snying rje rlan gyis brlan sems kyis/ /tshangs pa yi ni gnas bzhi ni/ /dga' ba yod pa bsgom par bya/ /de nas rang snying kha pad la/ /zla ba'i dkyil 'khor bsgom par bya/ /de dbus sems kyi sa bon ni/ /sna tshogs

  334. 167b

    'od dang ldan pa bsgom/ /de yi 'od rnams snang ba las/ /bla ma dang ni sangs rgyas dang/ /rang lha nam mkha' khyab mthong ba/ /chu lha lta bu'i rang bzhin can/ /sna tshogs mchod pa dbul ba ni/ /byas nas skyabs su 'gro bar bya/ /dkon mchog gsum la sogs pa ni/ /rdo rje gsum gyi ye shes dag?/ /de yi bsod nams kyi ni tshogs/ /yang dag par ni 'phel bar 'gyur/ /ye shes tshogs ni 'phel don du/ /stong pa nyid ni bdag nyid yin/ /thams cad rmi lam lta bur blta// skad cig ma yi sgyu 'phrul can/ /ji ltar chu zla lta bu dang/ /dri za'i grong khyer lta bu'o/ /gcig dang du mas rnam dpyad na/ /sbyor ba med pas mtshan nyid med/ /'das pa dang ni ma 'ongs med/ /da ltar yang ni de bzhin no/ /'das pa de ni 'gags pa yin/ /ma 'ongs pa ni ma byung ste/ /da ltar mi gnas khab rtse la/ /nam yang gnas pa med pa'o/ /de lta bur ni thams cad bsam/ /de nas 'di ni dpyad par bya/ /stong pa las thams cad 'byung/ /stong pa'i ngang du thams cad nub/ /dag pa'i ngo bo stong pa ste/ /stong pa'i rang bzhin du ni bstan/ /dag pa sku ru brjod pa ste/ /gsung ni stong pa'i ngo bo yin/ /rang bzhin thugs su bshad pa ste/ /de ni rnal 'byor pa yis bsam/ /sprin med nam mkha' i dngos po la// sems ni mi g.yo bar ni bzhag /de yis don byed yang dag pa'i/ /gsang sngags 'di ni brjod par bya/ /oM swa b+hA ba shud+d+ha(rgyud 'grel): sarba d+harmA swa b+hA ba shud+d+ho haM/ oM shU n+ya tA dz+nyA na badzra swa b+ha ba at+ma ko haM/ de yi ye shes kyi ni tshogs/ /sku gsung thugs ni rnam par dag /tshogs chen gnyis ni rdzogs pa yis/ /skad cig gcig gis byang chub 'thob/ /bsod nams de ni mchog yin te/ de bzhin ye shes chad pa'o/ /de gnyis dbus su byang chub ni/ /rang bzhin ye shes mtshan nyid do/

  335. 168a

    de nas paM byung pad+ma dang/ /raM las byung ba'i nyi dkyil du/ /hUM las khro bo'i rdo rje ni/ /spro ba'i bdag nyid can gyis bsam/ /dang po'i suM b+ha ni suM b+ha dang/ /grih+na grih+na de bzhin no/ /grih+NA pa ya gnyis su bya/ /A na ya ho de bzhin te// b+ha ga bAn badzra bidyA rA dza ste/ 'di yis phyogs ni bcing bar bya/ /oM dang hUm gnyis ming spel la/ /mthar yang hUM phaT sbyor bar bya/ /suM b+ha'i sku bdag sngags pa yis/ /shar la sogs par sngags gdab bya/ /sna tshogs rdo rje'i sa gzhi ni/ /hUM las 'phro bar bsam par bya/ /de yis 'od zer gsal ba yis/ /rtsig pa dang ni bla bre'o/ /steng gi mnga' yi dra ba ni/ /rdo rje me lce 'bar ba'o/ /dang po yi ni bzhi pa gnyis/ /ga ta ya ni gnyis par bya/ /sarba tuSh+TaM de nas gdab/ /kA la ya ni gnyis bya ste/ / sarba pA paM de nas ni/ /badzra kI la de nas dran/ /de nas badzra d+ha ra gdab/ /adz+nyA pa ya de bya'o/ /kA ya bAk+tsit+ta badzra ste/ /kI la yang ni de nas dran/ /badzra mung+ga badzra dang/ /kI la ku ha de nas so/ /oM yig dang ni hUM phaT mthar/ /dbus su hUM gis ldan par bya/ /mi shigs pa yi rdo rje'i gur/ /de yi sngags kyis bsgom par bya/ /rdo rje gur gyi dbus su ni/ /chos dbyings phyag rgya b+ha ga dngos/ /de ni dbus su bsgom bya ste/ /rlung la sogs pa'i dkyil 'khor bzhi/ /de yi steng du ye shes me/ /hUM gis dngos po'i bdag nyid bsam/ /rlung sogs yongs su gyur pa las/ /mchog gi gzhal yas khang du gyur/ /gru bzhi pa la sogs ldan ni/ /dpal ldan he ru ka yi gnas/ /gtum drag dur khrod la sogs ni/ /de yi phyi rol bskor ba'o/ /pa ta pu ta ri sogs kyi/ /shing rnams kyis ni rab tu brgyan/ /khwa gzugs la sogs dpa' bo ni/ /shing rnams la gnas byin gyis rlobs/ /snam dang kha? gnas la sogs ni/ /nang ni dur khrod phyi rol lo/ /gsang ba'i nang ngam yang na lus/ /dbugs byed

  336. 168b

    phyi rol na dur khrod/ /mthus byed ma rnams kyi ni rtsi/ /pa ta la sogs shing yin no/ /dur khrod nang du pad+ma ni/ /sna tshogs 'dab ma brgyad pa'o/ /lte ba'i nang gi phyag rgya ni/ /gru gsum b+ha ga'i gzugs can no/ /rdor mtsho ma dang legs dgyes rdor/ / de bzhin rdo rje glang chen ma/ /gru gsum la ni bsgom bya ste/ /nang du ma yin phyi rol min/ /srid dang mya ngan 'das pa'i steng/ /snang ba dang ni snang ba mched/ /dbyangs yig dpe byad las byung ba/ /sems can zhu ba'i rang bzhin can/ /de yi hUM bruM mthong ba ni/ /dpal rdor sems dpa' i bdag nyid do/ /'od kyi rigs dang ldan pa yi/ /rang bzhin gyis dag yongs su gyur/ /de nas smon lam gzhan don du/ /bya yi rnal 'byor rang don min/ /de ltar shes pas lha mo yi/ /bstod par shes las yang dag 'byung/ /bde chen legs dgyes mgon po bzhengs/ /rdo rje legs dgyes bdag dga' mdzod/ /mgon po khyod min bdag ro 'dra/ /thugs rje ro yis bdag skye mdzod/ /kye mgon stong pa'i tshad pa'i mtshan/ /rdo mtsho ma bdag dga' ba mdzod/ /pad+ma kha phye ro gcig rol/ /mgon po stong pa'i rang bzhin min/ /a la la la a la la la/ /a la la la legs dgyes mgon/ /rdo rje glang chen ma dga' mdzod/ /khyod rang gis gsungs bdag min na/ /sangs rgyas 'byung bar mi 'gyur ro/ /glu 'di yi ni dor mdzad nas/ /spro hUM snang las yang dag 'phros/ /de las rdo rje gri gug ni/ /yongs su gyur pas de nas nyid/ /dpal ldan he ru che mgon po/ /lha mos 'khyud par gyur pa'o/ /bung ba'i mdog la phyag bcu drug /zhal bcu drug la spyan gsum pa/ /sngo dang ser dang dmar dang ljang/ /zhal bzhi g.yon nas bskor ba'o/ /gzhan ni sku mdog de dang 'dra/ /steng gi zhal ni 'jigs par ldan/ /thod pa'i phreng bas dbu la brgyan/ /zla phyed dgu

  337. 169a

    rgyan gyis mtshan pa/ /thod rlon phreng ba'i dbu rgyan can/ /nyi ma'i gdan la khro tshul ldan/ /phyag rgya drug gis yan lag brgyan/ /nyi ma bye ba'i 'od dang mtshungs/ /g.yas brkyang steng 'og zhabs mnga' ba/ /gar dgu dang ni ldan pa'o/ /zhabs ni rnam pa bzhi rnams kyis/ /bdud bzhi yi ni steng na bzhugs/ /gshin rje pags pa'i sham thabs la/ /thod pa'i dum bu'i ska rags bcings/ /phyag ni 'khyud pa'i g.yas pa dang/ /rdo rje dang ni dril bu g.yon/ /phyag gnyis brkyang bas tshangs pa'i lpags/ /gzhan gnyis mda' gzhu 'gengs pa'o/ /'khor lo rin chen ral gri dang/ /rtse gsum nyi ma g.yas na bsnams/ /Da ma ru dang sta re zla/ /thod pa'i snod dang kha TwAM ga /ye shes mkha' 'gro dbang phyug gi /g.yon du de ni shes par bya/ /legs dgyes dbang mo de dang 'dra/ /yang na phyag ni bzhi dang ldan/ /zhal gcig pa la spyan gsum pa/ /gcer bu dang ni thugs rje che/ /skra ni grol zhing nu ma sra/ /sgeg pa la sogs rgyan dang ldan/ /sdigs mdzub g.yon pa'i gri gug ni/ /g.yas pa'i phyag gis 'dzin pa mnga' / /kha TwAM ga dang ka pA la/ /khrag gi bkang ba g.yon na bsnams/ /'khyud pa'i sgeg pa'i sbyor ba yis/ /gzhan ma rdo rje mnga' gzhu'o/ /yan lag phyag rgya drug gis brgyan/ thod dum skra rags dag gis brgyan/ /byin pa gnyis kyis legs 'khyud cing/ /bde ba chen po'i gnas na bzhugs/ /gru gsum gnas kyi rnal 'byor ma/ /drug phyed bcom ldan 'das kyi gzhi/ /zhal dang rjes su mthun par bsam/ / ljang gu gcig gis spangs pa'o/ /zhal gcig pa la spyan gsum pa/ /g.yon brkyang ba yi gnas pas bzhugs/ /phyag bzhi pa la 'jigs chen ma/ /phyag rgya lnga yis brgyan pa'o/ /dbu skra ral pa gcer bu dang/ /thod pa'i do shal

  338. 169b

    brgyan pa'o/ /ro steng gnas pa 'od 'bar ma/ /la la la sogs dag pa'o/ /rang byung ro dang ga bur dang/ /de yis pad snod bkang ba'o/ /g.yas pa yi ni phyag na thogs/ /kha TwAM ga ni g.yon na'o/ /b+ha ga'i phyag rgya'i dbu steng du/ /mdzub mo tshangs pa'i bu ga'i dkyil/ /bde chen dang ni me 'khor lo/ /gnas gcig par ni brda yis mtshon/ /bde ba chu skyes me 'khor lo/ /phyi rol ma yin nang du min/ /sprul pa'i 'khor lo'i rigs pas na/ /sprul pa dang ni bde chen po/ /gang na bcom ldan 'das ni bzhugs/ /de ni bde ba chen pos brjod/ /rdo rje 'dzin pa nyid kyis ni/ /de bzhin gsang bas rgyud las gsungs/ /gang na bde ba bdag nyid bzhugs/ /de ni bde ba chen po'o/ /de yi shar phyogs o rgyan du/ /lha mo 'jigs ma de spyi bor/ /dzA land+ha ra byang du steng/ /dpa' bo ma ni spyi bo gtsug /nub tu pu l+lir ma ste/ /chang 'thung ma ni 'tshogs mar ro/ /lho ru kA ma rU pa ste/ /'jigs byed ma ni smin phrag dbus/ /de ni gnas ni bzhi yin te/ /nye ba'i gnas kyang de bzhin no/ /me yi phyogs su mA lA ba/ /pho nya ma ni sna rtser ro/ /bden bral phyogs su sind+hu ste/ /stobs ma mig gnyis la ni gnas/ /rlung gi phyogs su nA gar te/ /rta mgrin ma ni rna gnyis su/ /dbang ldan phyogs su sing ga la/ /rta rnam ni kha pad du/ /de ni bde chen 'khor lo ste// rdo rje gri gug gis ni bskor/ /gnyis pa longs spyod 'khor lo ste/ /dmar po pad+ma'i phreng bas bskor/ /de yi shar phyogs su ma ni/ /glang chen rna ba'i khro sgo'o/ /byang phyogs de bi ko Ti ste/ /lto ba ma ni mgrin gling bur/ /nub phyogs pa ni ku lu ta/ ma ma rgyab kyi gling bur ro/ /lho phyogs arbu tar ni ste/ /chu rgyun 'bebs ma 'o ma'i snod/ /de ni zhing dang nye ba'i zhing/ /de bzhin tshan do nye tshan dor/ /ma'i phyogs ha ri ki la ste/ /zla ba de ni snying khar ro/ /bden bral phyogs su 'gu ta bar/ /nyi 'od

  339. 170a

    ma ni lte bar ro/ /rlung gi phyogs su lam pa kar/ /dung rnam ni gsang bar ro/ /dbang ldan phyogs su kany+tsi ka /dung gtsug ma ni rgyal mtshan dbus/ /shar phyogs su ni dkar dmar ste/ /dung steng ma yi rgyal mtshan rtser/ /byang phyogs dzi mi ka ra ste/ /stobs chen ma ni gzhang bad du/ /nub phyogs su ni kung kan he/ /bya rgod ma ni brla gnyis dran/ /lho phyogs su ni bindu ste/ /rgod kha ma ni pus gnyis su/ /me phyogs yi dags 'dus pa ste/ /hor pa ma ni rje ngar du/ /bden bral phyogs su rgya mtsho'i dogs/ /hor mig ma ni rkang bol dran/ /rlung phyogs tsa ri tra ni ste/ /'og 'gro ma ni mthe bor ro/ /dbang ldan ku ra ba ra ste/ /mig dmar ma ni sor mor ro/ /'dus pa dang ni nye ba'i 'dus/ /dur khrod de bzhin nye dur khrod/ / de ni chos kyi 'khor lo ste/ /nag po rdo rje phreng bas bskor/ /de yi shar phyogs kas ma ra/ /skra dmar ma ni lus thams cad/ /byang gi phyogs su ke'u ra ta ste/ /rin chen ma ni rkang mthil du/ /nub phyogs su ni ne pa la/ /pu ron mo ni lhag par dran/ /lho phyogs kar na ku tsa ste/ /dmar po mo ni rkang par ro/ /me yi phyogs su sa bla ste/ /nag mo chos 'khor lte bar ro/ /bden bral phyogs su sa stengs te/ /ri bong ma ni lte snying du/ /rlung gi phyogs su sa 'og ste/ /ri dags ma ni sprul snying lor/ /dbang ldan phyogs su ri rab rtser/ /ra ma mo ni gas snang ngo/ /bi la nye ba'i bi la bar/ /de bzhin sbyor dang nye ba'i sbyor/ /de ni sprul pa'i 'khor lo ste/ /dkar po 'khor lo'i phreng bas bskor/ /'khor lo bzhir gtogs rnal 'byor ma/ /zhal gcig pa la phyag bzhi pa/ /sdigs mdzub ldan pa'i gri gug ni/ /thams cad kun gyis phyag g.yas bsnams/ /kha TwAM ga dang ka pA la/ /khrag gis bkang ba g.yon na'o/ /phyag gzhan dag ni gnyis gnyis kyis/ /mda' gzhu khyengs par 'gengs

  340. 170b

    pa'o/ /gru gsum gtogs pa gzhan ji ltar/ /gnas su gtogs pa de ltar ro/ /ji ltar 'khor lo rnams kyi mdog /rnal 'byor pa yang de ltar ro/ /rdo rje ro langs rdor 'dra ba/ /rdo rje rtse mo rdor zlum ma/ /gnag dang dmar dang ser dang dkar/ /shar sgo la sogs gnas na bzhugs/ /chu srin nya dang seng ge dang/ /'ga' ru ra ni g.yas na thogs/ /ka pA la dang kha TwAM ga /g.yon gyi phyogs su dran pa'o/ /gzhan gnyis rdo rje mda' gzhu ni/ /rna ltag du ni 'gengs par dran/ /rdo rje ske rags de dpag bcing/ /rdo rje ser po dang ni gnyis/ /rdo rje rgod ma gsum pa ste/ /rdo rje nyi ma bzhi pa'o/ /rnga dang de bzhin gling bu dang/ /rgyud mangs dang ni rdza rnga dang/ /rdza rnga chung du chal chung dang/ /tam+bu ra dang ka ran to/ /de rnams phyag ni gnyis gnyis shes/ /mtshams kyi lha mo'i rim par ro/ /bcom ldan 'das ni mnyes byed gnas/ /gzugs gnyis pa la yid 'phrog pa/ /brkyang la sogs pas de rnams ni/ /ji ltar 'jigs pa'i lha ma rnams/ /gnas la sogs pa sar shes bya/ /bdun gnyis kyi ni grangs yin na/ /sa rnams de yi dbang phyug mgon/ /'khor lo'i dngos por rtag tu bzhugs/ /g.yas dang g.yon gnyis bskor ba yi/ /lha mo rnams kyi mchod pa'i rim/ /de lta bu'i 'khor lo che/ /bdag nyid dang ni bcas par bsgom/ /yang na rgyud kyi man ngag bsgom/ /'di ni 'khor lo drug kyang yod/ /bde ba chen po la sogs lnga/ /me yi 'khor lo yod pas so/ /sgo dang mtshams ni mnyam ldan pa/ /de ni rlung 'khor drug pa'o/ /'khor lor gtogs pa'i lha mo kun/ /rtse re rnam par dag pa'o/ /bde chen rnam dag 'khor lo bzhi/ /gzhan ma gnyis ni rang rang ngo/ /bde chen 'khor lo kun ka la/ /bskyed pa'i gnas su bstan pa'o/ /de bas bde chen 'khor lo ste/ /'khor lo rnam dag

  341. 171a

    gzhung yin no/ /de nas phung po rnam dag 'di/ /rnal 'byor pas ni rtse gcig gis/ /gzugs ni longs spyod rdor shes bya/ /tshor ba ye shes rdo rje ste/ /'du shes snang ba rdo rje dang/ /'du byed 'od kyi rdo rje dang/ /rnam shes phung po'i ngo bo ni/ /rdo rje sems dpar rtag tu bzhugs/ /mig gnyis rdo rje mkha' 'gro ma/ /rna ba sprin gyi rdo rje ma /sna la srog gi rdo rje ma/ /kha la ro yi rdo rje ma/ /reg pa dga' ba'i rdo rje ma/ /yid ni ye shes dbang phyug ma/ /shes rab thabs kyi sbyor ba yis/ /gnyis med pa yi dngos po'i gzugs/ /he ru ka dpal bcom ldan 'das/ /de bzhin gshegs pa nyid du bzhugs/ /sa ni dga' ba'i rdo rje ma/ /chu'i khams ni stobs mar bshad/ /me ni 'byung ba rdo rje ma/ rlung ni lcags sgrog rdo rje ma/ /nam mkha' i khams ni rnal 'byor ma/ /pad+ma'i lte ba yin par bshad/ /phung po khams dang skye mched kyi/ /dag pa yin par 'di bstan to/ /rigs chen bshad pa'i rgyud las ni/ /de lta bu yi dag pa grags/ /rdor gsum yig gsum ye shes ni/ /dgod me'i gnas su yi ge yis/ /ye shes sems dpa' dgug par bya/ /dam tshig sems dpa' la ni bstim/ /de ni gnyi ga ro gcig bya/ /ji ltar chu la chu bzhag bzhin/ / mthe'u chung lu gu rgyud kyi dngos/ /dbus su mthe bos bstan par bya/ /mdzub mo gnyis ni rtse sbyar bsgreng/ /cung zad tsam ni dgug pa'i dngos/ /srog rlung ji ltar de ltar gzung/ /tshangs pa'i bu ga'i steng du'o/ /rkang pa mnan cing gyen du blta/ /ha ha yi ni sgra sgrogs shing/ /nam mkha' i dbyings kyi dbus nas ni/ /ye shes sems dpa' dgug par bya/ /phyag rgya de ni rgya chen te/ /ye shes thig le'i rgyud las gsal/ /shes pa tsam gyis ye shes chen/ /

  342. 171b

    the tshom med par rnyed par 'gyur/ /oM sarba bI ra dang po ste/ yo ki ni yang de bzhin no/ /kA ya bA ka ni tsit+ta dang/ /badzra swa b+hA ba de bzhin du/ /At+ma ko haM de nas ni/ /ye shes sems dpa' rnam par dag /phyi rol sngags yig yod pa yi/ /go cha 'dir ni ma bshad do/ /phung po lnga yi dag pa yis/ /de la go cha dgos ma yin/ /go cha byang chub sems yin te/ /de yi bsdam pa de ni rab/ /de yi thabs kyi tshig gcig ni/ /cung zad tsam na bdag gis bshad/ /char yang gnas na srog gi rlung/ /shes nas gyen du 'gog par bya/ /rlung ma gnyid ma sbyor ba yis/ /'byed pa dang ni 'dzums pa des/ /ye shes me ni de yis rtogs/ /rang bde ba ni mchog gi dngos/ /de yis gtum mo 'bar ba yin// shes rab rang rig mtshan nyid do/ /mtshan ma'i ye shes bsreg pa ste/ /phung po skye mched sogs 'du shes/ /de nas gyen du 'gro 'gyur te/ /rtog pa med pa'i bde chen gnas/ /rnam par rtog pa'i bde ye shes/ /rang gi 'od kyis zhu bar byed/ /de la 'di lta bur ni bsam/ /dngos pos min na nam yang min/ /bde ba chen po snyed 'gyur te/ /de bas dngos po dngos med pa'o/ /'di dpyad byas nas de nas ni/ /sngar tshig pa ni yang sos byas/ /brlag dang longs spyod dbang gis ni/ /thig le gsum ni rab dga' ba/ /'khor lo re rer shes bya ste/ /lte ba'i nang du phyi rol min/ /thig le gsum ni rin chen sker/ /thig le bco lngar de ni dran/ /char yang dga' ba'i bye brag tu/ /A li thig ler shes par bya/ /bcu drug pa de logs na med/ /rang bzhin yang ni de ltar ro/ /snang ba gsum dang ldan pa ni/ /rin chen ske ru phyin tsam na/ /'od pad lte ba'i pad+ma ni/ /'dzums byed sa de'i rang bzhin no/ /gsum po rnams ni spangs pa yis/ /gzhan

  343. 172a

    ma gang na'ang rang bzhin med/ /gsum po rang yang rang bzhin min/ /dpal ldan thams cad rgyud las gsungs/ /de bzhin char yang shes par bya/ /bcu drug pa ni gang na'ang med/ /bcu drug char yang med pa ste/ /de la tshes ni gang gzung ste/ /yod na yang ni de spangs dgos/ /bya ba'i don ni de mi byed/ /kye'i rdo rje yi rgyud las gsungs/ /bdag gis kyang ni de gsal byas/ /'di la bya ba ji skad bstan/ /skye dang 'gag pa'i gzugs yin no/ /skye dang 'gag pa med pa yi/ bcu drug pa la rtog mi byed/ /rang bzhin de las shes par bya/ /skye dang 'gag pa spangs pa'o/ /oM badzra shud+d+ha dang/ /sarba d+harmA de bzhin yang/ /badzra shud+d+ha haM zhes te/ go cha de ni sngags rgyal yin/ /chos kyi dbyings kyi bum chen po/ /rtsi yi kha rgyan dang ldan pa/ /zla ba gang dus rnal 'byor pas/ /bum pa gang ba'i nang du blta/ /srog dang rtsol ba 'gog pa yis/ /rdo rje sku la dbang bskur bya/ /sngags 'di yis ni rtag tu ni/ /rdo rje skul ba ldan par ni/ /ji ltar bltam pa tsam gyis ni// de bzhin gshegs kun khrus gsol ba/ /de bzhin bdag gi lha yi chu/ /dag pa yis ni khrus bya'o/ /oM sarba ta thA ga ta a b+hi She a sa ma ya sh+rI ye hUM phaT swAhA/ de nas bde chen 'khor lo'i bzhi/ /pad+ma'i snod kyi dbus su ni/ /rin chen lnga ni lha'i mchog /de bzhin gshegs pa lnga'i bdag nyid/ /char yang steng na ye shes me/ /de yi 'og nas rang dbang rlung/ /g.yon bskor nas ni me 'bar bya/ /de yi bdud rtsi zhu bya'o/ /rdor gsum ye shes sa bon gyis/ /dkar sbyangs rtogs byas 'bar byas so/ /sngags kyi de nyid byin gyis brlabs/ /rang lce pad+ma'i 'dab mar bzhag /phyi nang bdag nyid can gyi gzugs/ /'khor lo de yis rab tshim bya/ /'khor lo lte ba'i phyi rol tu/ /bdud rtsi nam yang spangs mi bya/ /dpa' bo'i dpa'

  344. 172b

    bo kha yi nang/ /ske yi gnas su gzung bar bya/ /thur du nam yang gtang mi bya/ /de nas mgon po'i snying po ni/ /snying gar 'phro bar gsal bar ni/ /shel gyi yi ge dag pa 'dra/ /A li ye shes mtshan nyid can/ /srog dang rtsol ba mgon po yis// srog dang rtsol ba bza' bar bya/ /rang 'od rig ma dang ldan pa/ /gnyis kyi rig mar sbyar byas nas/ /'khor los sgyur ba'i sngags rnams kyi/ /sngags 'di yis ni drang bar bya/ /oM ma hA kro d+he shwa ri dang/ /dza ya bi dza ya de bzhin no/ /Ta Ta ha sa de nas dran/ /mahA kalpanangnA be/ /sa ni yA ya de nas ni/ /hUM hUM phaT kaM yang de bzhin/ /tha mar swAhA dang ldan pa/ /bcom ldan 'das kyi snying po yin/ /oM badzra te gu dza dang ni/ /h+riM h+riM phaT kar dang ldan pa/ /nye ba'i snying po'i sngags chen po/ /thams cad kun ni dbang du byed/ /oM su rat de ni dang po ste/ sa ma yi shwad de bzhin no/ /hUM hUM hUM phaT phaT kar dang ldan/ /tha mar swAhA sbyar ba'o/ /bcom ldan mo yi snying po 'di/ /grangs med pa yi yon tan yod/ /oM kriM bliM dzliM rkang pa gcig /tha mar phaT dang swAhAr ldan/ /bcom ldan mo yi nye snying po/ /sangs rgyas kun gyis phyag byas pa/ /thog mar oM dang hUM phaT mdza' / /bar du ming yang spel bar bya/ /thams cad 'khor lo'i sngags 'di yin/ /mchod pa'i dus su mchod par bya/ /ci tsam nus par bzlas byas te/ /skye na ngal ni bso bar bya/ /'bum bzlas pa yis 'grub 'gyur te/ /'phral du yid ches byed pa yin/ /de nas gtor ma sbyin par bya/ /sngags dang phyag rgya yod pa yi/ /sngar rdzogs pa yi gzugs kyis ni/ /phyi rol dang ni nang du'o/ /phyi ni bsrung ba'i don du sbyin/ /nang gi yang ni de ltar ro/ /sngar gyi phyag rgya 'am yang na 'dis/ /mkha' 'gro ma rnams dgug par bya/ /rdo rje khu tshur gnyis bcings te/ /rgyab dang rgyab ni sbyar ba bya/ /mthe'u lug gu rgyud kyi dngos/ /mdzub

  345. 173a

    mo gnyis ni drang por bya/ /g.yas dang g.yon gyi phyag gnyis kyi/ /mdzub mo cung zad dgug par bya/ oM he he sarba yo gi ni/ sarba DA ki ni/ pra ma ni ru dra ni/ ma he shwa raM/ biSh+Nu bi/ bA rA hI/ na ra sde gi /a yi tri/ agna ye/ ba ru Ni/ bA ya baM/ ku ma ri/ ga ru Da/ pa nargi?/ bi na yi ge /pe wa swasti/ bai sra ma Ni/ baska bi tsa muN+Di/ sarba b+hU ta/ pre ta/ pi shA tsa/ puShpaM/ d+hu paM/ dI paM/ gand+haM/ pany+tsa a mri ta/ ma ta twa tsa/ ba ta ga te/ tsa tra tsa ma ra/ sa ma yo taM/ ma tsha/ maM sa mahA rak+ta/ na na ga te/ saM purnaM/ i daM ba liM/ sa tha sa ma ya/ rak+Sha tha/ ma ma sarba ta thA ga /sa ha yaM/ ko ra tha/ a dra/ sA d+ha ni/ yi sh+ra d+ha/ shTistaM/ rak+Sha/ ya the baM/ ya theSh+TaM/ b+huny+dza tha/ hUM hUM phaT phaT swAhA/ b+ha ga'i phyag rgya spyi bor gnas/ mtshan byed na ni gtor ma sbyin/ /sngar bshad pa ni kun shes nas/ de nas rang bzhin la ni gnas/ /rtog pa las ni rtog pa min/ /de ni rang bzhin du ni dren/ /thig tshul char yang dga' ba rnams/ /de ni rtog pa'i mtshan nyid yin/ /tshul tsam rtog pa ma yin te/ /de ni ye shes rang bzhin mkha' / /mdud pa'i nang gi 'phral ba ni/ /tshul dang dga' ba'i gzhi yin no/ /de yi steng gi pad+ma ni/ /mgrin pa'i mchog dang thig le'o/ /de yi steng na gtsug tor ni/ /snying gar chad dang char yang ngo// snying ga'i lte bar ye shes te/ /de ni rang bzhin du ni grags/ /thig tshul char yang de dga' rnams/ /rtsa gsum nang na rlung dang ldan/ /rlung la zhon nas byang chub sems/ /gsum du gyes nas rtag tu 'bab/ /bzhi pa la ni 'bab ma med/ /rang dbang rtog pa med pa'o/ /gsum ni spangs nas bzhi pa ni/ /nam yang rnyed par mi 'gyur ro/ /gsum po rang bzhin dgug byas nas/ /bzhi pa nges par rnyed par 'gyur/ /gsum pa spangs pa'i bzhi pa ni/ /phra mo'i phra mo skye ba med/ /bla ma yis ni ma gsungs na/

  346. 173b

    de ni shes par dka' ba yin/ /skye med de ni ga la shes/ /de ltar yin na de la'ang brjod/ /skye ba med kyang mi gsal min/ /ma skyes na'ang rtag tu shar/ /ji ltar nam mkha' skye med bzhin/ /shin tu gsal bar rtag tu shar/ /dri med gsal ba yin na'ang/ /longs pas nam yang de mi shes/ /de bzhin tshad ma'i sgrib yogs kyis/ /long ba man ngag med pa yis/ /rtag tu shar ba'i rang bzhin ni/ /nam yang de ni shes ma yin/ /thams cad kun tu khyab na yang/ /thams cad kun nas mthong ma yin/ /de bas skul ldan 'grub don du/ /de ni bdag gis rnyed par bstan/ /pad+ma'i lte nang ye shes ni/ /de ni rang bzhin nges par rnyed/ /pad+ma gru gsum ma yin brjod/ /char yang de ni thig le'i dbus/ /de yi nang du 'gro ba'i sems rnal 'byor dbang phyug de byed na/ /skad cig gcig gis ye shes chen/ /the tshom med pa rnyed par 'gyur/ /de ma yin pa'i gsang chen po/ /man ngag de ni gzhan ma med/ /dpal ldan phyag na rdo rje yis/ /rgyud thams cad la sbas pa yin/ / de med 'jigs phyir bdag gis 'di/ /dang pa yis ni gsal bar byas/ /gsang ba de nyid gsal ba 'di/ /de bas rnal 'byor ma bzod mdzod/ /da ni yang dag skal ldan rnams/ /dbang mchog gsum ni yod pa dang/ /shin tu dpa' bo dag pa dang/ /'dod chags zhe sdang med pa dang/ /dam tshig shes dang bsam gtan gnas/ /bla ma la ni rtse gcig gus/ /ser sna nga rgyal med pa la/ /blo gros chen po 'di bstan bya/ /gdug dang nang med skrag pa dang/ /thos med ser sna lengs? rmongs pa/ /nga rgyal phrag dog yod pa dang/ /sngags kyi sdom pa mi shes dang/ /bla ma nges par mi 'dzin dang/ /bsam gtan dam tshig spangs pa la/ /'di yi de nyid gsal byed na/ /dkon mchog gsum ni gas dang mtshungs/ /

  347. 174a

    de la dngos grub thag ring 'gyur/ /sdug bsngal mang po de la 'ong/ /shi ma thag tu dmyal bar 'gro /de bas nam yang gsal mi bya/ /'bad de man ngag bsrung bar bya/ /bla ma chen po mchog rnams 'di/ /nges pa'i rmad 'byung bas rmad 'byung/ /bla ma'i zhabs kyi bka' drin gyis/ /cung zad tsam ni bdag gsal byas/ /'di yis dri med dge ba yis/ /khams gsum ma lus kun gyis ni/ /dpal ldan rdo rje sems dpa' yi/ /sa ni myur du rnyed par shog /dbal rin po che char yang zhes bya ba'i sgrubs pa'i thabs rdzogs so// //rgya gar gyi mkhan po chen po dpal shes rab gsang bas bsgyur cing gtan la phab pa// (//dpal rin chen thigs pa'i sgrub thabs bzhugs//) rgya gar skad du/ sh+rI ratna bindunA ma sA d+ha naM no pi ka /bod skad du/ dpal rin chen thigs pa zhes bya ba'i sgrub pa'i thabs/ dpal bde ba chen po la phyag 'tshal lo/ /bde tshan yan lag ma dang ldan/ /rang nyid bde ba chen po yin/ /bde ba chen po'i gnas na bzhugs/ /he ru ka dpal bdag phyag 'tshal/ /dpal ldan rnams kyi grub don du/ /mdor bsdus pa yi sgrub thabs bshad/ /dang por rnal 'byor dbang phyug gis/ /rab tu sbyor ba 'di gnas bya/ /gzhang kha'i pad+mar yig 'bru yaM/ /de las rlung gi dkyil 'khor ro/ /gru gsum pad+mar yig 'bru raM/ /de las me yi dkyil 'khor ro/ /'dzums pa dang ni 'byed pa yis/ /rlung gis me ni bteg par bya/ /b+ha ga'i pad+ma'i nang du ni/ /yang dag par ni 'bar bar bsgom/ /'bar ba'i me yis lus kun gyi/ /rtog pa'i bdag nyid bsreg par bya/ /de yi 'od kyis bde 'khor lo/ /kun ni 'od du zhu bar 'gyur/ /'od du zhu ba'i bdud rtsi ni/ /srog gi rtsa ba'i nang nas 'bab/ /rgyun ni mi 'chad pa yis ni/ /

  348. 174b

    ? tshig pa ni rab tshim bya/ /rang lus ye shes bdag nyid ni/ /mi bskyod pa yi gzugs su mthong/ /oM swa b+hA ba shud+d+ha(rgyud 'grel): sarba d+harmA swa b+hA ba shud+d+ho haM/ oM shu n+ya tA dz+nyA na badzra swa b+ha ba At+ma ko haM/ /hUM gi yig 'brus skad cig 'byung/ /'khor lo dang/ ldan he ru bdag /gru gsum phyag rgya dbus kyi gnas/ /nyi ma'i steng na gar dang ldan/ /zhal bzhi pa la phyag brgyad pa/ /chu skyes sngon po'i gzugs dang ldan/ /spyan gsum pa la g.yas brkyang ba/ /legs skyes dbang phyug mas ni 'khyud/ / thod rlon phreng ba'i do shal can/ /nyi ma bye ba'i 'od dang mnyam/ /mi bskyod pa yi dbu la brgyan/ /phyag rgya drug gis yan lag brgyan/ /thod pa'i phreng bas dbu la brgyan/ /gtsug tor zla ba phyed pa can/ /gnag dang ser dang dmar dang ljang/ / g.yon nas bskor ba'i zhal dang ldan/ /'khyud pa'i phyag ni g.yas pa na/ /rdo rje dang ni dril bu ga-yon/ /nyi ma mda' dang ka pA la/ /g.yas pa yi ni phyag na bsnams/ /zla ba gzhu dang kha TwAM ga /g.yon pa yi ni phyag na bsnams/ /legs dgyes dbang mo de dang mthun/ /yang na phyag ni gnyis par dran/ /phyag na gri gug ka pA la/ /sku smad gnyis ni 'khyud pa yin/ /rang las 'od 'byung mchog gi dngos/ /gnyis su med pa'i gnas na bzhugs/ /legs dgyes mi dang rdor mtsho ma/ /de bzhin rdo rje glang chen ma/ /bcom ldan 'das kyi zhal dang mthun/ /gru gsum la ni bsgom bya ste/ /zhal gcig pa la spyan gsum pa/ /zhal bzhi pa la g.yon brkyang gnas/ /glang rtsi gur gum ga pu yis/ /bkang pa'i ka pA la rnams ni/ /skeg pa'i phyag ni gnyis na thogs/ /gru gsum phyag rgya spyi bor bzhag /mdzub mo gnyis na 'og tu'o/ /skra grol ba la gtser bu ste/ /thod rlon do shal gyis brgyan pa/ /ro yi steng na 'jigs 'jigs chen/ /phyag rgya lnga yis

  349. 175a

    yan lag brgyan/ /la la nA sogs dag par ni/ /sgrub pa'i dbang pos shes par bya/ /de nas bde chen 'khor lo bzhir/ /pad+ma'i snod kyi nang du ni/ /bdud rtsi lnga yi lha yi mchog /de bzhin gshegs pa lnga'i bdag nyid/ /char yang steng nas ye shes me/ /de yi 'og gi rlung dang ni/ /gnyis su sbyor bas me 'bar ba/ /de yis bdud rtsi zhu byas te/ /rdor gsum ye shes sa bon gyis/ /dkar byas rtogs byas 'bar byas so/ /sngags kyi byin gyis brlab kyis ni/ /rang lce pad+ma'i 'dab mar bzhag /phyi nang bdag nyid can gyi gzugs/ /'khor lo de yis rab tshim bya/ /oM yo ga a mri ta shud+d+ha(rgyud 'grel): sarba d+harmA yo ga a mri ta shud+d+ho haM/ /de nas mgon po'i snying po ni/ /thams cad grub pa'i don du bzlas/ /oM badzre te tso gra h+ri h+ri hUM phaT/ /oM kliM bliM dziM liM phaT swAhA/ oM badzra sA ga ri hUM phaT/ oM badzra su ra ta hUM phaT/ oM badzra kuny+dza ri hUM phaT/ gru gsum gnas pa'i rnal 'byor ma/ /mchod pa'i dus su mchod bar bya/ /de nas gtor ma sbyin par bya/ /sems can rnams la bsrung ba'i phyir/ /oM a kA ro mu khaM sarba d+harmA NaM Adya nutpan+na twA ta oM A(rgyud 'grel): hUM phaT swAhA de nas rnal 'byor ngal bso bya/ /steng dang 'og ni spangs pa yin/ /gnas su gting rings dbus su ni/ /rang rig shes rab ldan pa yin/ /drug cu rtsa bzhi 'dab ma'i nang/ /yang dag dri med ma skyes cha/ /de yi dbus su mchog gi tshul/ /dri med rnam dag gnyis la khyab/ /rang dngos rdzogs pa de ni mthong/ /bskyed pa dang ni rdzogs pa med/ /rlabs med pa yi rang bzhin no/ /rlabs med pa yi sems kyis ni/ /mchog gi dngos po rnyed pa yin/ /de la cung zad blta ru med/ /de ni dpal me'i zhal snga yi/ /zhal gyi pad+ma mchog las ni/ /oDyan yul nas bdag gis rnyed/ /phyi nas rang gis

  350. 175b

    dran don du/ /de yi tshig ni dris pa yin/ /rnal 'byor ma rnams bzod par mdzod/ /rin chen thigs pa zhes bya ba'i sgrub pa'i thabs rnal 'byor gyi dbang phyug dpal shes rab gsang bas mdzad pa rdzogs so// // rgya gar skad du/ /a b+hi She ka ratwA? lo ka /bod skad du/ dbang rin chen snang ba/ dpal rdo rje sems dpa' la phyag 'tshal lo/ /bcu gnyis phyed kyi phyed med pa/ /bcu gnyis phyed kyi phyed rang yin/ /bcu drug phyed kyi ro yod pa/ /bcu drug phyed phyed la phyag 'tshal/ /gang 'dis su kyang mi shes pa/ /gang 'di sus kyang gsal ma byas/ /rgyud rgyud na ni gsang ba bzhugs/ /de yi dbang mchog bdag gis bshad/ /dbang med na ni myur 'grub med/ /rdo rje dbang phyug de skad gsungs/ yan lag thams cad dbang skal ldan/ /skal ldan min na nam yang min/ /mkhas pas de la sbyin par bya/ /phyag na rdo rje de skad gsungs/ /thams cad mtshan gyis gang ba dang/ /rgyud kun thams cad shes pa dang/ /dbang bskur shes rang thugs rje che/ /de ni bla ma rdor rgyal nyid/ /bla ma 'bad de mnyes par bya/ /rgyud las 'byung bzhin mchod bstod bya/ /yon tan phung po brjod mi nus/ /ye shes rgya mtsho gting dpag dka' / /sku ni rang bzhin dpal dang ldan/ /sems dpa' thams cad kyi ma 'dra/ /ye shes nyi ma bcom ldan 'das/ /gzhan gyi don du khyod ni shar/ /'khor ba'i dran pa'i don du ni/ /dkyil 'khor gsal bar bdag la mdzod/ /de nas yan lag dri zhim bskus te gos bzang brgyan/ /skal ldan gyis ni lhan cig dkyil 'khor bri don du/ /sa la mchod pa rab tu 'bad de rnam par bya/ /rin chen sna tshogs sa 'og gzhug cing gter du sba/ /dpal chen rin chen rgya mtsho yi/ /rgyud las dkyil 'khor tha dad gsum/ /me tog yang na rdul tshon par/ /

  351. 176a

    yang na ting 'dzin mchog gis bya/ /rgyal po chom rkun 'jigs pa'i gnas/ /nam yang dkyil 'khor der mi bya/ /skyon ni thams cad bral ba yi/ /gnas su mkhas pas brtsam par bya/ /dang po ji tsam nus kun gyis/ /dad pas bla ma mchod par bya/ /bla ma'i zhabs la mchod byas na/ /the tshom med par dngos grub thob/ /rta dang glang po mu tig rin chen gser dngul dang/ /ras la sogs pa sna tshogs ci la dgyes pa dang/ /chung ma bu mo sring mo gzugs ni bzang ba dang/ /dga' ba'i yid kyis de rnams thams cad dbul bar bya/ /mgon po'i spyan gyis bdag la gzigs/ /khyod ni bdag gi ston chen po/ /dam tshig de nyid bdag la stsol/ /thar pa'i lam nyid bdag la stsol// pad ma'i 'byung ba bdag la stsol/ /gsang ba'i mchog ni bdag la stsol/ /thams cad mkhyen la phyag 'tshal lo/ /ye shes nyi 'od la phyag 'tshal/ /thams cad mkhyen smad phyag 'tshal lo/ /ye shes bdud rtsi gtso phyag 'tshal/ / skyes bu khyod ni su zhig yin/ /khyod ni ci 'dod bdag la smros/ /dpa' po chen po bdag skal ldan/ /thog ma'i dbang ni bdag la stsol/ /de nas de yis mnga' yi ras/ /de yi phyi rol yon rnams dbul/ /rnam par snang mdzad gzugs la bsgom/ /dam tshig sems dpar gzung bar bya/ /oM A khaM bi ra sngags kyis/ /me tog phreng ba mig dgab ras/ /las kyi bum pas gtor bar bya/ /yang na dam tshig chu yis gtor/ /hUM hUM phaT phaT sngags kyis ni/ / a ti ho brtan brtul zhugs bzang/ /lan gsum arka me tog gis/ /hUM phaT sngags kyis gdab par bya/ /de nas rdo rje me tog can/ /snying gar cung zad bzung bar bya/ /oM su ra te sa ma yastraM/ /de bzhin thams cad rnam par

  352. 176b

    gyis/ /ye shes 'bras bu ci 'dod dang/ /dngos grub thams cad rnyed par 'gyur/ /dkyil 'khor ma mthong sngon du ni/ /gang yang smra bar ma byed cig /ma yin khyod kyi dam tshig 'di/ /nyams par 'gyur ba nges pa yin/ /de nas rdo rje spyi bor ni// gzung la 'di skad smra bar bya/ 'di ni dam tshig rdo rje yin/ /spyi bor bdag gis gsor bar bya/ /khyod kyis gzhan la 'di smras na/ /skad cig gis ni phug nas 'gro /gur gum dang ni tsan dan dang/ /sbrang rtsi yod pa'i chu bsres la/ /bdud rtsi lnga ni de dbus blugs/ /de yis dam tshig blud par bya/ /oM badzrod ka mahA dang/ /badzra ku raM bi sha na/ /lan bdun bzlas pas sngags kyis ni/ /lag pa g.yas su sbyin par bya/ /'di ni khyod kyi dmyal ba'i chu/ /dam tshig nyams na bsreg par byed/ / dam tshig bsrungs na dngos grub 'ong/ /'thung zhig rdo rje bdud rtsi chu/ /de ring phan chad khyod kyis ni/ /phyag na rdo rjer bdag la smros/ /bdag gis ji ltar bka' stsol dka' ba sbyin/ /de ltar khyod kyi dad pas bya dgos so/ /gang yang nga la mi mos nam mi bya'i/ /de ltar byas na rnam smin dmyal bar 'gro/ /skyes su dri med yid ldan pa'i/ /khyod kyi mig gis ji ltar mthong/ /dkar po dag ni mthong gyur na/ /zhi ba'i las ni 'grub par 'gyur/ /ser po dag ni mthong gyur na/ /rgyas pa'i las ni 'grub par 'gyur/ /dmar po dag ni mthong gyur na/ /dbang gi las ni 'grub par 'gyur/ /nag po dag ni mthong gyur na/ /drag po'i las ni 'grub par 'gyur/ /ras kyis mig la bkab gyur nas/ /rtags ni 'di dag mthong bar 'gyur/ /de nas bla ma rdo rje 'dzin/ /byin gyis brlab ni smra bar bya/ /ji lta bsod nams de bzhin 'ong/ /lha mo rigs kyi rim opa la/ /ji lte ba yi dngos grub yod/ /rang rang gi ni rigs rigs la/ /me tog phabs pa'i bu 'di ni/ /

  353. 177a

    de lta bu yi dngos grub 'thob/ /mig dgab ras kyi phreng ba las/ /me tog bzang po lag tu sbyin/ /pra tIts+tsha ho rdo rje 'dzin/ /lan gsum brjod la dbul bar bgyi/ /bla mas me tog blta bar bya/ /dngos grub rab 'bring tha ma ste/ yan lag rab kyis phyag rgya che'i/ /dngos grub the tshom med par mthong/ /yan lag 'bring gis sngags dngos 'grub/ /yan lag tha mas chung dngos 'grub/ /rang gi lha mo'i dbus gnas su/ /yang na rang dang gzhan gyi bar/ /me tog gang gdan nye de'i yin/ /de yi gnas ni dbus su brlag /dkyil 'khor phyi rol babs na ni/ /cung zad tsam gyi dngos grub 'ong/ /pany+tsa re khA la babs na/ /phyi nas lan gsum dbul bar bya/ /yang ni de yi steng babs na/ /nam yang dngos grub thob mi 'gyur/ /de la chu yi dbang gcig sbyin/ /dbang gzhan dag ni mi sbyin no/ /sgo dang rta babs phyi rol dang/ /rdo rje phreng ba'i phyir babs na/ /dngos grub tha ma'ang med gyur na/ /gzhan chen po ni ga la 'grub/ / rdo rje sems dpa' de ring nyid/ /khyed ni nan tan mig phye ste/ /bdag gis thams cad mig phye bas/ /rdo rje mig ni mchog gi mchog /de nas dkyil 'khor 'khor lo'i don/ /dang po sgo skyong la sogs nas/ /dkyil 'khor ji lta bu yi gnas/ / phyogs mtshams la sogs so sor bstan/ /bcom ldan 'das sku ji lta bur/ /rab gnas khrus kyi chog bya/ /de ltar slob ma la 'bad de/ /rtse gcig gis ni khrus bya'o/ /bum pa chos kyi dbyings ldan pa/ /sangs rgyas rin po che yi snod/ / nyi zla A li kA lis 'byung/ /de yis nang du bsam par bya/ /lha mo dang ldan mi bskyod pa/ /sems can zhu ba'i rang bzhin can/ /ye shes sems dpa' bsgom par bya/ /las kyi sems dpa' ang de yin no/ /byang chub rdo rje sangs rgyas la/

  354. 177b

    bla ma chen po ji ltar bya/ /bdag dang 'dra ba'i don du ni/ /nam mkha' i rdo rje bdag la stsal/ /dbang bskur rdo rje chen po ni/ /khams gsum gyis ni phyag byas pa/ /gsang gsum gzhi las 'byung ba ni/ /sangs rgyas kun gyi bdag gis sbyin/ /oM hUM dpal ni rdo rje chus/ /'khor los bsgyur dbang bdag gis bskur/ /chu yi dbang ni bskur ba yis/ /mgo bor mi bskyod rigs 'byung ngo/ /de 'bras me long ye shes ni/ /dri med yang dag 'byung bar 'gyur/ /de nas gser mo Da bzo byas dang/ /yang na ras la bri ba mchog /'jig rten khams ni grangs med na/ /sangs rgyas nyid ni bzhugs pa kun/ /dbu rgyan gzugs su bsgom pa ni/ /mgo bo la ni rdo rje'i gzugs/ /oM mu ku Ta a b+hi Shiny+tsi mi/ /'khor los sgyur las khyad pa che/ /dbu rgyan dbang gis mgo bor ni/ /rin chen 'byung ldan 'byung bar 'gyur/ /de 'bras mnyam nyid ye shes ni/ /dri med yang dag 'byung bar 'gyur/ /rdo rje sgeg mos gzung nas su/ /hUM hUM hUM ni brjod nas ni/ /rdo rje sems dpa' rgyal ji ltar de ring bdag gis khyod dbang bskur/ /'di ni sangs rgyas thams cad kyi/ /rab grub phyir ni rdo rje gzung/ /slob ma'i snying gar gtugs byas la/ /lag pa g.yas par sbyin par bya/ /oM hUM badzra a b+hi Shiny+tsa mi/ /phyag na rdo rje stobs po che/ /rdo rje dbang gis mgo bor ni/ /snang ba mdza' yas 'byung bar 'gyur/ /de 'bras so sor rtog pa yi/ /ye shes gsal bar 'byung bar 'gyur/ /rdor dril sgyu 'phrul chen po 'di/ /gnyis med dngos po shes rab thabs/ /chos kyi dbyings kyi rang bzhin can/ /lag pa g.yon par 'di zung shig /'khyud nas kun tu sbyar nas su/ /rdo rje 'dzin 'dra'i dngos por 'dug /oM badzra a d+hi pa ti stwaM a b+hi Shiny+tsa min ya ka /dril bu'i dbang gis mgo bor ni/ /don yod grub pa 'byung bar 'gyur/ /de 'bras bya ba

  355. 178a

    grub pa ni/ /dri med yang dag 'byung bar 'gyur/ /rdo rje dang ni rdor dril ni/ /spyi bor steng du gzung byas la/ /oM sh+rI nA ma a b+hi Shiny+tsa mi/ /dngos po lnga yi rang bzhin can/ /kye dpal rdo rje che ge mo'i/ /sngar gyi rigs kyi rim blta'o/ /ming gis dbang gis mgo bor ni/ /rnam par snang mdzad rigs 'byung ngo/ /de 'bras chos dbyings dag pa ni/ /dri ma med pa 'byung bar 'gyur/ /'di ni dbang bskur lnga yin te/ /ye shes lnga yi rang bzhin can/ /rigs lnga'i bdag nyid kyang yin no/ /'byung lnga'i rang bzhin yang yin no/ /dpal 'di yis ni dbang bskur bas/ /thams cad kun la dbang byed 'gyur/ /yan lag lnga ni yod pa'i dbang/ /de ni slob dpon gyi yin no/ /yang na lha mo dbang du bstan/ /shes rab ma yi las yong phyir/ /kye yi rdo rje rgyud las gsungs/ /ye shes snying po der yang bstan/ /lag pa dag gis 'khyud pa ni/ /bcu drug lon pa'i shes rab 'dzin/ /rdo rje dril bu mnyam sbyor ba/ /slob dpon dbang du gsungs pa'i gzhung/ /lha mo 'am ni slob dpon dbang/ /sdom pa'i mchog ni gzung nas su/ /sngar brjod pa yi cho ga yis/ /dam tshig gsum yang zhu bar bya/ /rdo rje slob dpon gyi ni dbang/ /thugs rje'i gter gyis bdag la stsol/ bdag dang gzhan don bya ba ni/ /khyod kyi bka' drin drin gyis so/ /bcom ldan yang dag dpal bla mas/ /rdo rje de nyid gzung bar bya/ /hUM gi dngos po rdo rje mchog /thog ma tha ma med bdag nyid/ /oM mchog gi dang po skyes bu ste/ /rdor 'dzin thams cad bdag po yin/ /haM hAM hiM hIM huM hUM ste/ /'di yis rdo rje byin gyis brlab/ /a las rdor dril skyes ma ste/ /'di ni sangs rgyas rnams kyi ma/ /hUM hUM phaT phaT phiM phiM ste/ /'di yis dril bu byin gyis brlab/ /'di ni mchog gi

  356. 178b

    dngos po yin/ /shes rab sgyu mar gsungs pa'o/ /khyod kyis rtag tu bzung bar bya/ /thog ma byang chub rgyal bas gzung/ /rdo rje mchog gi ye shes ni/ /mi phyed nam mkha' lta bu'i gzugs/ /ston pa 'di yi tshig gis ni/ /slob ma'i lag tu sbyin par bya/ de ni sngags ni yod pa'i sa/ /rtse gcig gis ni dkrol bar bya/ /oM A(rgyud 'grel): hUM badzra g+haN+Da ma hA na de swa rU pe bin du dz+nyA na ma ye hUM hUM phaT phaT swAhA/ rang yid brtan pa'i de nyid kyis/ /rdo rje sems dpa' i rang bzhin can/ /rang gi lha yi dngos po ni/ /sku yi phyag rgyas gsal bar bya/ /rdo rje sems dpa' nyid kyi rigs/ /dam tshig gsum ni dpa' bor gzung/ /de nas dkyil 'khor de nyid don/ /nang gi mtshan gyis sbyor ba dang/ /lha yi rnam dag de kho na/ /mtshan dang 'byung ba smra bar bya/ /rnam snang mdzad mgon ji lta bur/ /de lta bur ni slob ma bzung/ /de la gnang ba sbyin par bya/ /sangs rgyas ci mdzad khyod kyis gyis/ /sems can thams cad phan don du/ /chos kyi rgya mtsho lta bur 'dug /thams cad ji ltar 'dul 'gyur ba'i/ /khyod kyis chos kyi 'khor lo bskor/ /'di ni dam tshig 'dul ba yis /de ni gnang ba sbyin pa'o/ /de nas de bzhin gshegs pa'i rigs/ /ye shes lnga dngos zhi ba ni/ /ye shes rang bzhin mi phyed la/ /sangs rgyas thams cad phyag byed pa/ /dpal ldan rdo rje sems dpa' yis/ /nyid kyi phyag na ji ltar bsnams/ /rdo rgyal brtul zhugs mi shigs pa/ /khyod kyis de ltar gzung bar gyis/ /oM sarba ta thA ga ta naM sid+d+hi sa ma ya badzra naM/ /sangs rgyas gzugs ni bdag rang nyid/ /mchod sbyin khu tshur ldan pa yis/ khyod ni bdag gis lung bstan bya/ /de bzhin gshegs pa rdor sems yin/ /sems can thar pa 'grub don du/ /ngan 'gro rnams ni dran par gyis/ /yang dag de bzhin gshegs pa khyed/ /khams gsum gyi ni thub pa khyod/ /sangs rgyas byang

  357. 179a

    chub sems dpa' dang/ /'phags pa rnams kyis mgrin gcig tu/ /dgra bcom pa ni yang dag pa'i/ /byang chub tu ni khyod lung bstan/ /phyag rgya chen po'i 'bras bu rab/ /'dis gsungs pas ni khyod kyis rnyed/ /de nas skyabs ni sbyin pa ni/ /gsang ba'i sgra ni yod pa'o/ /'dod chags bral ba lta bu yi/ /khams gsum na ni sdig med de/ /de bas 'dod pa'i chags bral ba/ /khyod kyis kyang ni yang ma byed/ /dam tshig chen po yod pa ni/ /hUM phaT kyis ni mnyam pa'o/ /sdig pa thams cad med pa ni/ /gsang ba'i dkyil 'khor la bzhugs pas/ /bde chen theg pa 'di las ni/ /phyi nas shi ba yod med de/ /srid pa yang dag dngos grub kyis/ /srid dang mya ngan 'das bor ro/ /rdo rje rin chen nang yod pa'i/ /byang chub sems ni spang mi rung/ /de ni 'byung ba tsam gyis ni/ /sangs rgyas nyid 'gyur the tshom med/ /dam pa'i chos la smad mi bya/ /nams kyang bor bar mi bya'o/ /ma rig pa 'am gti mug gis/ /phyi nang 'jigs pas bsrung bar bya/ /rdo rje dril bu phyag rgya ni/ /nams kyang spang bar mi bya'o/ /sangs rgyas kun dang mnyam pa'i phyir/ /bla ma smad par yong mi bya/ /rang bdag yongs su bor nas ni/ /dka' thub sdug bsngal mi bya'o/ /ji ltar bde bar bde bzung na/ /rdzogs pa'i sangs rgyas ma 'ongs 'byung/ /yan lag bzhi po 'di dag dang/ /gnang ba'i sbyin pa phyir mi ldog /dbang ni dbang lnga zin nas ni/ /phyi nas 'bad de sbyin par bya/ /dgongs dang dgongs min bye brag ni/ /slob dpon dbang du shes par bya/ bya spyod rnal 'byor rgyud las ni/ /dbang ni drug tu bshad pa'o/ /phyi ma'i rnal 'byor gsang ba'i dbang/ /bdun par gyes pa yod pa'o/ /shes rab ye shes da ltar ni/ /phyi ma'i phyi ma dpal rnal 'byor/ /'di dgu'i gyes par shes par bya/ /

  358. 179b

    rgyud las gsungs pa'i rim pa'o/ /chu dang dbu rgyan rdo rje dang/ /dril bu ming dang de lnga dang/ /rigs gsum dam tshig yod pa ni/ /dbang ni brgyan du gyes pa gsungs/ /brtul zhugs lung brtan skyabs sbyin ni/ /de dag bcu gcig gcig yin no/ /gnyis pa la ni gsang ba'i dbang/ /gsum pa shes rab ye shes te/ /de ltar de bzhin bzhi pa'o/ /yang na so sor shes par bya/ /dbang bskur 'di ni bcu bzhi pa'o/ /slob dpon mdun du rtse gcig gis/ /de nas gus pas zhu bar bya/ /byang chub rdo rje dpa' chen po/ /gsang ba'i dbang ni bdag la stsol/ /ye shes bdud rtsi bdag la stsol/ /rdo rje 'byung ba bdag la stsol/ /dpa' bo chen po khyod phyag 'tshal/ /khyod la phyag 'tshal phyag 'tshal lo/ /phyag 'tshal phyag 'tshal rmad byung khyod/ /bde chen bzhugs la phyag 'tshal lo/ /rang gi rigs kyi bu mo rab/ /skyes bu 'di la dgongs pa yin/ /rang gi rigs ni med gyur na/ /gzhan ma gang yang mtshan ldan rung/ /bcu gnyis yang na bcu drug gam/ /med na nyi shu lon pa 'ang rung/ /de ni nu sra gyes pa dang/ /ma btsas pa dang brtan pa dang/ /skra gnag mig dkyus ring ba dang/ /skad snyan dag tu smra ba'o/ /ha cang sbom min phra ba min/ /yan lag dkar min gnag pa min/ /ha cang thung min ring ba min/ /longs spyod dag la mkhas pa dang/ /sked dbus phra zhing b+ha ga rub/ /sku smad cha ni rab zheng che/ /khu ba mang zhing snying po chung/ /phyi zheng che la sra ba dang/ /dri zhim reg bya 'jam pa'i lus/ /'dod che gas cha la mi dga' min/ /smin ma ring zhing bar ma chad/ /gzhu dngos 'dra zhing 'od 'phro gnag /g.yon gyi srin lag rtsa ba la/ /'khor lo yang na pad+ma ra ni/ /rdo rje ral gri dngos gsal ba/ /su la 'di 'dra'i rtags yod pa/ /phyag rgya de yi gsang ba'i dbang/ /don ni 'grub par nus pas so/ /de las khrus sogs

  359. 180a

    byug pa bya/ /dad pas bla ma la dbul bya/ /khyad par gyi ni tshig kyang brjod/ /mgon po khyod la 'di mtshar ro/ /de nas slob ma phyir gyed bya/ /nang min ha cang ring ba'ang min/ /rim pas bu mo dbang bskur bya/ /de la gsang chos bshad par bya/ /phyag rgya'i brda dang dbang gi don/ /skad cig rnams kyang de ltar ro/ /de nas gcig tu sbyor ba yis/ /legs dgyes dgyes pa rab bgyid do/ /snang ba rig bya 'dus pa ni/ /ye shes gsum ni 'byung bar 'gyur/ /yang dag ye shes gsum skyes na/ /byang chub sems ni spang mi rung/ /spangs na 'gro ba'i gnas su ni/ /bde chen sems ni 'gro bar 'gyur/ /'gro na de ni chad pa yin/ /shes rab ye shes gsal yin no/ /dpal gsang 'dus pa'i nang nas kyang/ /rdo rje nyi nub zhes ni 'byung/ /mtshams ni snang ba thob pa yin/ /rim pa lnga pa las kyang gsungs/ /de ni gsang bar bshad pa yin/ /gsang bar snang ba mched pa bshad/ /'dud nas de ni snang ba mched/ /de ni gcig pu pho brang gsang/ /der ni rang gis shes par bya/ /sems ni 'dam skyes nam mkhar min/ /de nas slob ma dgud par bya/ /de nas ras kyis gdong yang dgab/ /pad+ma rab kyi kha dbus nas/ /rdo rje rgyal po drang par bya/ /bu yi 'bad nang du ni/ /spom po tha lhag gis mnan no/ /rtsa gnyis mchog gi nang nas ni/ /longs spyod 'khor lo'i nang du btang/ /skyes bu bdud rtsi ji lta bu/ /khyod smos bdag ni dga' ba yin/ /e ma'o mchog gi bdud rtsi min/ /e ma'o ye shes bdud rtsi rab/ /e ma'o ro ni brjod mi lang/ /e ma'o rdo rje bdud rtsi rab/ /de ring bdag skyes 'bras bu mchog /de ring bdag gi na rab tu rgyal/ /de ring bdag ni 'khor las rgyal/ /da ring bdag la the tshom med/

  360. 180b

    khyod kyi bka' drin yang dag mchog /brjod med gnas ni bdag gis rnyed/ /de nas yang ni zhu ba bya/ /bstod pa sna tshogs rab bgyis te/ /ye shes bde ba'i gnas bzhugs te/ /rgyal 'gyur rgyal 'gyur mgon po khyod/ /A li kA li gnyis bdag can/ /legs dgyes bde mtsho rgyal gyur cig /mchog dang chang ba'i dbus su ni/ /rol gcig khyod ni rgyal gyur cig /mchog gi dbang phyug khyod kyis ni/ /shes rab ye shes dbang bdag stsol/ /khyod kyi bka' drin de nyid kyis/ /rang bzhin ye shes bdag rnyed 'ong/ /yang na gcig bu'i gzhung du sbyor/ /yang na gzhan gzhung gzhung bzang ngo/ /shes rab ye shes dbang 'di ni/ /brtags la de nyid sbyin bya ste/ /'dod chags chags bral med pa dang/ /mnyam nyid ye shes sems dpa' dang/ /chos rnams thams cad mi chags pa/ /ji ltar pang chus mi gos bzhin/ /de la 'bad de dbang gi rgyal po ni/ /gcig pu'i yan lag ma la 'dir skyon med/ /bla mas rtog pa med par sbyin par bya/ /ye shes zla gsang rgyud las de skad 'byung/ /don zin nas ni skad cig gis/ /ma dang 'dra bas bla ma dbul/ /'chang ba'i sbyor thabs la sogs kyis/ /dang por bu mo'i 'dod mchog bya/ /de nas skad cig dga' yon tan/ /rang bzhin de yang gsal bar bya/ /'di ni rang bzhin gyi ni gnas/ /gnyis kyi bar na de ni yod/ /rdo rje dbang phyug ma yi rtsa/ /nyid ni 'di yi nang na bzhugs/ /kun rdzob dngos po'i gzugs su ni/ /khyod ni bud med gzugs yin gyi/ /khyod ni gcig pu don dam par/ /phyag rgya chen po nyid yin no/ / khyod kyis thams cad kun bskyabs na/ /byang chub rab ni rnyed par 'gyur/ /shes rab skyabs sbyin byas langs na/ /slob ma'i lag tu sbyin par bya/ /'di nas khyod bzung bzang ba yin/ /rjes su mthun par sangs rgyas gsung/ /ye shes gsum gyi rim

  361. 181a

    pa las/ /dam pa'i bde ba myong byed cing/ /sangs rgyas rin chen snod kyi ni/ /g.yon ngos la ni rtsa yi gnas/ /de ni kha ga mu kha dngos/ /rdor dbyings dbang phyug ma ni nyid/ /thabs gzhan dag gis byang chub ni/ /nam yang rnyed par yong mi 'gyur/ /de pas lhan cig mi gnas pa/ /dus 'di phyin chad ma byed cig /de la yan lag dri zhim gos bzang brgyan/ /yan lag me tog sna tshogs mang pos brgyan/ /gos med chu skyes sig sig ngag byas te/ /chos kyi 'byung gnas gsal bar ston par byed/ /dri chen dri chu za ba 'di/ /skyes bu khyod kyis nus sam ci/ /rak+ta shukra sha chen dang/ /bud med brtul zhugs de bzhin no/ /b+ha ga'i pad+ma 'drib nus sam/ /skyes bu smos dang ji lta bu/ /lha mo bdag gis ci mi nus/ / rak+ta shukra sogs za nus/ /rtag tu bud med brtul zhugs bgyid/ /b+ha ga yang ni bzhib par bya/ /de nas dga' ba'i bdag nyid des/ /byams pa'i spyan ras kyis ni gzigs/ /bde ba thams cad 'dug pa ni/ /bdag gi pad rgyas e ma'o/ gang 'di rab dang byed pa yi/ /de yi mdun du bdag 'dug gis/ /ji ltar pad+ma'i don gyis cig /yang dag sangs rgyas mnyes sogs bya/ /nyid kyi bde chen rgyal po ni/ /'di na dus rtag yod phyir ro/ /bde ba chen po'i dmar thigs 'di/ / ngo yi chu skyes kyis mnyes kyis/ /de nyid gsum gyi dga' sbyor bas/ /rdo rje chu skyes bskyed par gyis/ /brtan pa'i don ni khyod kyis gyis/ /brtan pa med na bde mi 'grub/ /sngar gsungs pa yi bla ma'i bka' / /ma brjed rtse gcig gis ni bsam// rdor dbyings dbang phyug ma yi rtsa/ /g.yon gyi ngos la bzhugs pa ni/ /bla ma'i man ngag yang dag gis/ /phra mo'i lta bas blta bar bya/ /lta ba'i bdag nyid rnal 'byor gyis/ /sa bon 'babs par mi bya'o/ /sa bon snying po yod pa na/ /ngo mtshar

  362. 181b

    dga' ba'i bde ba 'byung/ /thams cad bde ba'i gter gyur pa'i/ /byang chub sems bde babs gyur na/ /phung po rnam shes brgyal 'ong ba'i/ /dngos grub rab de ga la 'grub/ /la la mnga' la mnyam sbyor bas/ /reg bya la ni bde 'di 'byung/ /de dag smin pas mchog gi dga' / /snang ba mchod pa'i gzugs can tsam/ /bskyod pa'i reg bya babs pa yis/ /ched dang snang ba thob pa yin/ /lha ba brten pas de nyid la/ /rnal 'byor pas ni mi g.yos blta/ /la la'i lta ba nam mkha' yi/ /mda' la gnyis kyi pho brang mnan/ /rdo rje skyil krung gi ni sems/ /rin chen nang du blta bar bya/ /gsung lam gyis ni brjod med pa'i/ /ye shes mchog 'di skye bar 'gyur/ /'di ni de nyid man ngag yin/ /mkhas pa yis kyang rnyed dka' ba/ /skal dang ldan pa'i don bsgrub phyir/ /da ni bdag gis gsal bar byas/ /'dod chags ma yin chags bral min/ /dbu ma yang ni mi dmigs so/ /de ni yang dag dri med gnas/ /bde ba chen po'i 'bras gzugs can/ /ye shes lta ba'i rnal 'byor na/ / 'gro ba med pa'i bde ba brtan/ /snga dro dus ni nyin gcig dang/ /bskal pa stong gi bar du ni/ /dpal rdor dbang phyug ji lta bur/ /ye shes nga rgyal brtan sbyor ba'o/ /kye mgon gang gis khyod la bstod/ /ji tsam bdag gis khyod bstod bya/ /tshad med pa dang brjod mi nus/ /rmad byung chen po gzhal du med/ /khyod kyi yon tan yang dag ni/ /kha cig gis ni brjod mi nus/ /cig gis dad par ci bstod kyang/ /de ni bdag la bzod par mdzod/ /reg bya nang bdag nyid phyag 'tshal/ / reg bya nang 'jam la phyag 'tshal/ /reg bya nang grol la phyag 'tshal/ /reg bya nang sbyin la phyag 'tshal/ /bzhi pa'i dbang bskur mchog 'di ni/ /mchog gi dbang phyug bdag la stsol/ /khyod kyis srog chags gsod par bya/ /khyod kyis brdzun du

  363. 182a

    smra bar gyis/ /ma byin par yang khyod kyis yod/ /gzhan gyi bud med spyad par gyis/ /'di rnams byas na sdig med cing/ /bsod nams chen po 'byung bar 'gyur/ /de rnams khyod kyis nus na ni/ /bzhi pa'i dbang ni sbyin par bya/ /khyod kyi zhabs kyi bka' drin la/ /mgon po chen po bdag gis ni/ /slob pa'i spyod pa sems kyis brtag /ji ltar dbang sbyin rim pas gsungs/ /gtong dul gting ring spyod yod na/ /dbang ni rin chen tshig gis sbyin/ /shes rab ye shes ma rnyed na/ /dam tshig sbyin par mi bya'o/ /dam tshig nyams pas 'jigs phyir ro/ /phyag na rdo rjes ma gnang ngo/ /yang dag dbang ni ma rnyed na/ /phyi nas de ltar sbyin par bya/ /dbang bskur de ni bzhi pa can/ /bzhi ru gyes pa yod pas so/ /bum pa la sogs nu reg res/ /dbang po'i 'bras bu dga' ba yin/ /gnyis pa gsang ba'i sbyor ba yis/ /gsang ba mchog gi dga' ba yin/ /gsum pa gcig tu sbyor ba yi/ /shes rab 'dod chags me 'og gis/ /yongs su gyur pas chad pa yin/ /de nas shes rab ye shes bshad/ /de yi 'gog pa bzhi pa yin/ /rang bzhin de ni de ltar 'ong/ /de ni dgongs par bshad ma yin/ /mkhas pas 'bad pas shes par bya/ /bzhi pa yi ni don rnams la/ /mi mthun pa ni mang smra ste/ de la gzhan ni 'di skad gsungs/ /btang snyoms dngos po bsgom pa yis/ /'bras yod bde pa'i dngos po ni/ /ye shes gsal bar 'byung bar 'gyur/ /btang snyoms dngos por bdag sbyor ba'i/ /lha mo'i de nyid bsgom pa yis/ /'bras bu'i rgyun ni rnyed par 'gyur/ /gzhan gyi gzhung gis de skad gsung/ /lha yi dngos po med pa dang/ /btang snyoms dngos po yod pa yis/ /bde ba yod pa 'bras bur 'gyur/ /gzhan gyi gzhung gis de skad gsung/ /bag chags bde ba khyer nas ni/ /

  364. 182b

    bag chags ma yin bde bar 'gyur/ /yang dag mchog ni rdzogs pa yin/ /gzhan gyi gzhung gis de skad gsung/ /bag chags ma yin bde ba'i dngos/ /lha yi bsgom pa yang dag gis/ /rab tu bde ba'i ye shes 'byung/ /de ni gzhan gyis gsungs pa'o/ /de gzhung tshad ma ma yin te/ /de don tshad ma yang ma yin/ /btang snyoms bsgom pa'i don gyis ni/ /'bras bu bde ba rnyed 'gyur na/ /nam mkha' me tog skye ba'i dpe/ /de bzhin gsungs pa kha che yi/ /rin chen rdo rje zhabs kyi ni/ /ma mthong ba la bsgom pa med/ /mthong ba la yang bsgom pa med/ /bdag la btang snyoms sbyor yod dam/ /lha yi bsgom pa yod pa yis/ /'bras bu rgyun du rnyed 'gyur zer/ /de ni rmongs pa'i gzhung yin no/ /thams cad dngos po'i btang snyoms kyis/ /dngos po ma yin 'ong ba yin/ /dngos po ma yin lha yi dngos/ /de skad 'byung ba su yi gzhung/ /'byung ba yin na de nyid min/ /dngos po'i gzugs can 'khrul ba yin/ /dngos po mi rtag bden pa yin/ / de yi don la the tshom med/ /btang snyoms dngos po yod pa dang/ /lha yi dngos po med pa yis/ /dri med 'bras bu 'byung 'gyur na/ /mkhas pa rnams ni 'god par 'gyur/ /lha yi dngos po med gyur na/ /btang snyoms de yis ci zhig bya/ /yod na de la btang snyoms dgos/ /dngos po min na mi dgos so/ /rtag pa yi ni gnas med do/ /ri bong rwa sogs dpe dang 'dra/ /bag chags bde ba bzung na ni/ /bag chags ma yin 'ong 'gyur na/ /de ni skyon du 'gyur ba'i tshig /'bru nad las ni rnam yang ni/ /'bras la sogs pa 'byung mi srid/ /mnyam pa kun gyi gzhung lugs so/ /yang dag rab tu de'i bsgom pa yis/ /rab tu bde 'bras 'byung 'gyur na/ /de la khyad par ci zhig yod/ /ci phyir don du sgom par byed/ /rab bde ba

  365. 183a

    la khyad yod na/ /de la bsgom pa bya dgos so/ /khyad par gnas 'gro na yang skyon/ /de ni de nyid mtshan ma yin/ /gnyis su med pa'i mchog dga' dngos/ /lha yi dngos po rab bde ba/ /sgyu 'phrul ye shes chen po yi// 'bras bu de ni rab bzhin gzhung/ /rang brtags yang na gti mug gis/ /de la mkhas pa rnams ni 'khrul/ /de yi gzhung lugs gsal brtags nas/ /phyi nas rang gzhung gsal bar bya/ /shes rab ye shes zin nas sems/ /myong ba de ni bzhi pa yin/ /de yi man ngag slob rnams la/ /slob dpon gcig gis tshig gis bshad/ /shes rab ye shes zin nas su/ /slob dpon slob la gsungs pa 'di/ /rdo rje nyi ma nub las ni/ /'di yi ye shes gsal bar 'gyur/ / yang dag de yi don shes ni/ /gzhan bzhi pa rab yin par gsungs/ /shes rab ye shes zin nas su/ /mtsho skyes 'byung bar babs pa ni/ /rin chen skar khung kha mi reg /thams cad kyi ni dngos po la/ /'du shes med pa bzhi pa min/ /gzhan dag de skad gsung ba yin/ /shes rab ye shes zin nas su/ /'dam skyes 'byung ba babs pa 'di/ /rin chen skar khung kha reg pa/ /'di yis dngos po thams cad la/ /dran pa med pa bzhi pa'o/ /gzhan dag gis ni de skad gsungs/ /shes rab ye shes zin nas su/ /dang po'i yid ni nam mkha' i dbyings/ /babs bas chos rnams thams cad la/ /rnyed pa med par gyur pas so/ /de ni bzhi pa yang dag rab/ /gzhan gyis de skad gsal bar gsungs/ /thams cad pad+ma 'byung ba ni// nam mkha' i dbyings su babs gyur na/ /chos thams cad la btang snyoms so/ /gzhan gyis bzhi pa gsungs pa'o/ /de dag thams cad dor byas te/ /rigs pa med pas gzhung lugs min/ /shes rab gang yin ye shes gang/ /de yi 'bras

  366. 183b

    bu gang yin gsungs/ /'di yi don de mi shes na/ /gzhan gyi gzhung la 'bras bu med/ /ma zin na ni myong ba med/ /zin na myong ba yod pa yin/ /zin na myong ba ci zhig yod/ /song nas 'ongs pa ga la yod/ /zin nas myong ba phyir gyi ste/ /byol song gi ni las yin no/ /dang po dang ni zin nas gcig /phyi ma nus nas de bzhin no/ /zin nas nub pa yod pa yis/ /de la dpe ni gang gis byed/ /zin nas nub pa de ni gcig /de la khyad par ci yang med/ /zin nas rin chen kha la ni/ /ma reg 'gro ba de gzhung na/ /'gro na de ni chad pa yin/ /de la blta rgyu ma mchis so/ /reg nas 'gro ba de dang mnyam/ /gong du smras pa de yin no/ /dang po nam mkha' i dbyings la ni/ /rim pas gzhan yang 'gro bar 'gyur/ /thams cad de ni babs gyur na/ /tha mal pa dang mnyam pa'o/ /tha mal pas ni bde chen ni/ /nam yang shes pa ma yin no/ /de la bde chen med par ni/ /ye shes 'byung bar ga la 'gyur/ /ye shes srid pa nyams dga' ba/ /shes rab mya ngan 'das las chad/ /de gnyis 'bras bu de nyid yod/ /de yi 'bras bu don dam yin/ /de bzhin kye yi rdo rje yi/ /le'u brgyad pa'i nang nas gsungs/ /de ni gnyis med zhi chen po/ /'dod chags chags bral med pa dang/ /rang rig brjod du med pa dang/ /rtog pa thams cad med pa'o// rang bzhin sgrub thabs sogs kyis ni/ /yan lag gsum ni yod pa yi/ /rang bzhin nyid ni bzhi pa'o/ /la la mnga' la mnyam sbyor ba/ /sgrub thabs phyi ma yin par bshad/ /hUM phaT kyi ni mnyam pa ni/ /bsgrubs pas de ni sgrub thabs so/ / sgrub thabs nang na sems yod na/ /rtags ni 'di lta bu dag skye/ /'dar dang rdul dang myos pa dang/ /lus mi brtan par dbugs rgod dang/ /bkrag dang drod ni de ltar brgyad/ /'bras bu'i dus na skye bar 'gyur/ /sgrub chen yan lag 'bras bu 'di/

  367. 184a

    ye shes gsum ni med pa'o/ /rang bde mchog ni zhi chen po/ /ye shes 'od ni rang bzhin can/ /de yi rdzogs pa'i rim pa yis/ /'bras bu 'bad de shes par bya/ /de 'bras ye shes rigs pas ni/ /slob ma la ni tshig gis ni/ /bla mas don ni bshad par bya/ /blta bar dga' pa'i mtshan nyid do/ /dbang gsum las gzhan gzhan na mang/ /bzhi pa gang na yod pa yin/ /'bras bu gzugs can de nyid ni/ /gsal bar de ltar bzhi pa'o// de bzhin dpal rin rdor zhabs kyis/ /dpal bsgom pa yi rim las gsungs/ /gsum ni med pa gsum rang ste/ de bzhin gzhung yin de ltar ro/ /gzhan gyi don la rab dga' bas/ /ro yi dgug pas dbang du bya/ /gsang pa'i gsang ba ci brjod pa/ /thugs rje can rnams bzod par mdzod/ /thabs kyi rgyud ni 'dus pa las/ /de lta'i gzhung lugs med na yang/ /de bzhin rigs pa ci smras pa/ /shes rab rgyud kyi rim las so/ /thabs dang shes rab gnyis med dngos/ /de ni rgyal bas gsungs pa'o/ /'khor los zhi ni mnyam sbyar ba/ /phra mo'i thig le de nang du/ /rang bzhin gcig gcig gzhan ma med/ /dngos po med pa'i dngos po can/ /gzhan ma gsum ni 'dab la gnas/ /'khor lo re re so so yin/ /sprul pa'i 'khor lo 'dab ma gsum/ /chu skyes lte ba yod pa'o/ /de ni phyi rol shes par bya/ /brgyad po brgyad ni de nang du'o/ /de yi nang na gsang ba bzhugs/ /sangs rgyas rin po che yi snod/ /baM gi dngos po yang dag 'jam/ /sna tshogs can ni g.yo ba'o/ /sangs rgyas rin chen de na gnas/ /rang bzhin ye shes mtshan nyid do/ /'phyang ba'i rtsa yi nang na bzhugs/ /khams gsum du ni rol pa mdzad/ /gsum ni rab tu

  368. 184b

    yod pa ste/ /nang dang phyi rol bar ma yin/ /phyi rol g.yas kyi ra sa nA/ /nang gi g.yon gyi la la nA/ /dbus kyi a ba d+hU tI la/ /nyid kyi 'dug sa byed pa'o/ /gcig pu yi ni g.yo mo yi/ /kun rdzob tu ni gsum du 'gyur/ /de bzhin byang chub sems ni gcig /sna tshogs gzugs su yod pa'o/ /dbang byed longs spyod brlag pa ni/ /de rnams ngal sor bstan pa'o/ /dbang byed mgrin pa'i gnas su ni/ /longs spyod par du mchog 'di bstan/ /brlag ni kha las shes par bya/ /de ni chad pa gsol ba'o/ /mchog ni mgrin pa'i gnas su ste/ /rang bzhin bar na yod pa'o/ /nang dang phyi rol dbus kyi ni/ /rnal 'byor de yang mi shes na/ /de dus rang bzhin mi rnyed de/ /shes na rnyed par the tshom med/ de ni shes rab skyabs yang dag /shes rab bla ma'i kha las 'gyur/ /rtsa rnams de ni med 'gyur na/ /khu ba khrag ni sbyor ba med/ /khu ba khrag ni med gyur na/ /rnam par shes pa sbyor ba med/ /rnam par shes pa med gyur na// thams cad g.yo ba med par thal/ /g.yo med bde ba chen po ni/ /nam yang shes par mi 'gyur ro/ /bde ba chen po med gyur na/ /nam yang byang chub mi rnyed de/ /ting 'dzin bzlas pa sbyin pa ni/ /bskal pa brgyar ni spyad na yang/ / man ngag de ni med gyur na/ /ji ltar rdo stengs sa bon bzhin/ /de ni thams cad 'grub don du/ /thabs ni cung zad bdag gis bshad/ /thabs gang gis ni rnal 'byor rnams/ /rang bzhin gyi ni gnas der 'gyur/ /sbyin sreg thabs ni med gyur na/ /rnal 'byor dngos grub thob mi 'gyur/ /lte ba'i hom khung gtum mo'i gnas/ /shes rab rang rig mtshan nyid do/ /rdo rje chu skyes mnyam sbyor bas/ /yang dag 'jigs par 'bar ba'o/ /phung po lnga yi rigs lnga

  369. 185a

    yi/ /rnam par rtog pa'i sreg pa dang/ /de bzhin spyan la sogs pa ni/ /skye mched khams ni gzugs can no/ /phung po la sogs yaM shing dang/ /dang por sreg rdzas gsal bar byas yam shing thams cad bsreg pa'o/ / haM gi dngos po kha bub ni/ /yon po'i rang bzhin mtshan nyid can/ /smin khrag 'khor lo'i nang na yod/ /de nas de ni yang dag 'bab/ /shukra bdud rtsi rab rgyun no/ /de yi gsang ba'i sreg rdzas sbyin/ /lte ba'i hom khung phyi rol min/ /yang dag par ni dgyes nas ni/ /ci bsams pa ya 'bras bu smin/ /'od kyi gzugs ni gtum mo yin/ /a ba b+hU tI zhi ba'i gzugs/ /chos dang longs spyod rdzogs lam gnas/ /'gro dang 'ong ba yang dang yang/ /sgra yi rtse mo 'bum gyi cha/ /che bar lta bas mthong mi 'gyur/ /de yi ro yod mnyam pa yis/ /bla ma'i zhabs kyi bka' drin la/ /phra mor lta ba'i mtshan nyid kyis/ /mchog gi dngos grub mthong bar 'gyur/ /de yi nang na sems yod na/ /skad cig gcig gis byang chub sems/ /'di ni gsang ba mchog yin te/ /lung las gsal bar byas pas so/ /bdag gis sngon med rang bzor ni/ /rgyud rnams don las mi mang po/ /de yi 'bras bu ji snyed par/ /bla ma rab kyi bka' drin no/ / 'jig rten tshad med myur bar ni/ /de yis 'gro ba grol bar shog /srid pa'i gti mug dgon pa la/ /rnal 'byor rnams kyis lam rab stong/ /shes rab dpal ni gsang bas ni/ /rin chen snang ba gsal byas pas/ /su la bdag gis dbang bskur bas/ /bdag la de bzhin gang gis thos/ /de ni rang gis 'di shes la/ /gzhan dag la yang 'chad nus so/ /gang la bdag gis bskur min la/ /gang gis bdag la thos min la/ de ni rang gis mi shes te/ /

  370. 185b

    gzhan la 'chad pa nus min no/ /dbang rin chen snang ba zhes bya ba rnal 'byor gyi dbang phyug chen po dpal shes rab gsang ba'i zhabs kyi mdzad pa rdzogs so// //rgya gar gyi mkhan po dpal shes rab gsang ba'i zhabs dang/ bod kyi lo tsa ba ?ma dge bsnyen chos kyi ye shes dang/ /phyug brtsams dbang phyug rgya mtshos zhus te gtan la phab pa// //rgya gar skad du/ sh+rI mahA dz+nyA na DA ke shwa ra sA d+ha naM no pi ka /bod skad du/ dpal chen po ye shes mkha' 'gro'i dbang phyug gi sgrub pa'i thabs/ dpal rdo rje mkha' 'gro la phyag 'tshal lo/ /srid dang mya ngan 'das na bzhugs/ /srid dang mya ngan 'das dang bral/ /bzhugs dang bral las rnam grol ba/ /brjod du med pa la phyag 'tshal/ /dpal ldan thig le'i rgyud dbab po/ /rgyud kun gyi ni mnga' bdag che/ /gang gi drin gyis rnyed sla ba/ /bla ma'i zhal snga bdag phyag 'tshal/ /rgyud 'di yi ni rgyal po yis/ /skal ldan rnams ni 'grub don du/ /rgyud kyi bskyed pa'i rim pa yi/ /mdor bsdus sgrub thabs bdag gis bshad/ /dri med chu yis bskor ba yi/ /ne'u srid 'jam po dang ldan pa/ /me tog 'bras shing yod pa yi/ /der gnas he ru ka mnyes bya/ /dang po rnal 'byor dbang phyug gis/ /'di lta bur ni rab bsgom? bya/ /lte ba'i rtsa bar yaM yi ge 'bru/ /yaM las rlung gi dkyil 'khor ro/ /de yi steng du raM yig 'bru/ /raM las me yi dkyil 'khor ro/ /de gnyis yongs su gyur pa yis/ /'bar ba'i me ni yang dag bsgom/ /rtog pa'i bdag nyid lus po kun/ /me de yis ni bsreg par byed/ /bde 'khor bdud rtsi yod pa dang/ /'od du ? ba'i gzugs bsgom bya/ /rgyun mi 'chad par 'byung ba yis/ /bsregs pa'i lus po gso bar bya/ /dngos po kun gyi ngo bo nyid/ /dbang po'i

  371. 186a

    gzhu dang mtshungs par blta/ /gzugs kyi phung po'i bdag nyid ni/ /'gro ba kun la khyab pa yin/ /de ni gti mug yin pa'i phyir/ /sangs rgyas rnam par snang mdzad bdag /tshor ba'ang de bzhin kun la khyab/ /rin chen 'byung ldan nga rgyal phyir/ /'du shes kyang ni 'gro la khyab/ /snang ba mdza' yas chags pa'i phyir/ /'du byed 'gro la khyab pa ste/ /don yod grub pa phrag dog phyir/ /rnam par shes pas 'gro kun khyab/ /mi bskyod pa ni zhe sdang phyir/ /de bzhin gshegs kun gzugs su ni/ /he ru ka dpal bdag nyid bzhugs/ /mig dang rna ba sna dang ni/ /lce dang lus dang de bzhin yid/ /rang rang gi ni rang 'od can/ /shes rab dbang po dag pa yin/ /sa dang chu dang me dang rlung// mA ma kI sogs khams yin no/ /legs dgyes dbang mo rnal 'byor ma/ /nam mkha' i khams su shes par bya/ /de kun gyi ni ngo bo bdag /yin par 'di dag dpyad par bya/ /chos 'di kun gyi rang ngo bos/ /bdag med ma skyes pa yin no/ /de dag 'khrul pas mig yor ni/ /smig rgyu chu zla ji bzhin ni/ /byang chub kyi ni tshogs bsgoms pas/ /sems tsam nyid la rab gnas shing/ /de nas rang snying mkha' par du/ /zla ba'i dkyil 'khor bsgom par bya/ /sems kyi sa bon de dbus su/ /'od zer lnga ni rab tu phro/ /de yi snang bas mdun du ni/ /nam mkhar gser gyi padmo che/ /'od zer 'bar ba dang ldan pa/ /lte ba yod pa'i 'dab ma 'bum/ /'dab mar sangs rgyas byang chub sems/ /chos kyis phyag rgya 'dzin pa'i mchog /dbus su rdo rje sems dpa' i ni/ /ye shes sems dpa' i ngo bo nyid/ /nam mkha' khyab par mthong nas su/ /mchod pa byas nas skyabs su 'gro /dkon mchog gsum la skyabs su mchi/ /sdig pa thams cad so sor

  372. 186b

    bshags/ /'gro ba'i dge la rdzas yi rang/ /sangs rgyas byang chub yid kyis gzung/ /sangs rgyas chos dang 'dus gtso la/ /byang chub thob par skyabs su mchi/ /rang dang gzhan ni 'grub don du/ /byang chub mchog tu sems bskyed do/ byang chub sems mchog 'byung byas nas/ /sems can thams cad 'gron du gnyer/ /'gro ba kun la phan don du/ /bdag ni sangs rgyas thob bya'i phyir/ /dgyes mchog byang chub spyad par bgyi/ /de nas tshangs pa yi ni gnas/ / byams pa la sogs ldan bsgom bya/ /bu gcig pa yi ma lta bur/ /brtse ba'i sems kyis mthong ba yin/ /de bzhin sems can thams .cad la/ /sems bgyid de ni byams pa'o/ /gang gi thabs kyis sems can 'di/ /sdug bsngal ma las bdag gis gdon/ /de lta bur ni gang zhig sems/ /de ni snying rjer bstan pa'o/ /sdug bsngal me las bton pa yis/ /rang gi yid ni dga' ba yin/ /bdag gis sems can phan don byas/ /de ni dga' bar bshad pa'o/ /'dul dka' gdug pa'i sems can rnams/ /de la zhe sdang bskyed mi bya/ /btang snyoms kyang ni mi bya ste/ /sems can nang na yod phyir ro/ /de lta min na smon lam ni/ /the tshom med par don med 'gyur/ /skyon la btang snyoms ldan pa'i sems/ /de ni btang snyoms mchog yin no/ /de yi bsod nams kyi ni tshogs/ /yang dag par ni 'phel bar 'gyur/ /ye shes tshogs ni 'phel don du/ /stong pa nyid ni bdag nyid yin/ /'das pa dang ni ma 'ongs pa/ /da ltar byung pa'i khor ba gsum/ /ngo bo nyid bral stong pa yin/ /ji ltar nam mkha' de bzhin no/ /oM swa b+hA ba shud+d+ha sarba d+harmA swa b+hA ba shud+d+ho haM/ oM swa b+hA ba shU n+ya tA satwa d+harmA swa b+hA ba shU n+ya tA haM/ oM shU n+ya tA dz+nyA na badzra swa b+hA pa

  373. 187a

    At+ma ko haM/ de yis ye shes kyi ni tshogs/ /yang dag par ni 'phel bar 'gyur/ /tshogs gnyis po ni rdzogs pa yis/ /the tshom med par byang chub 'thob/ /de nas paM byung pad+ma ni/ /kha dog dmar po 'dab ma brgyad/ /de yi lte ba'i dbus su ni/ /raM las nyi ma'i dkyil 'khor ro/ /de yi steng du sa bon hUM/ /'od zer lnga ni 'phro ba yin/ /de nyid yongs su gyur pa yis/ /skad cig gsum rgyal nyid du 'gyur/ /sku mdog gnag la 'jigs byed che/ /bskal pa'i me bas drag 'jigs che/ /zhal bzhi pa la phyag bzhi pa/ /zhabs bzhi dang ni ldan pa'o/ /zhabs kyis bdud bzhi po ni mnan/ /zhal ni re re spyan re re/ /rtsa ba'i phyag gnyis bdud phur 'dril/ / gzhan ni ral gri dbyug pa 'dzin/ /de lta bu yi khro rgyal po/ /bdag rang nyid ni bsgom par bya/ /bdag ni sum b+ha nyid yin phyir/ /de la go cha bgos ma yin/ /oM suM b+ha ni suM b+ha hUM hUM phaT/ oM grih+na grih+na hUM hUM phaT/ oM grih+Na pa ya grih+NA pa ya hUM hUM phaT/ /oM A na ya ho b+ha ga bAn badzra rA dza hUM hUM phaT/ shar phyogs la sogs se gol gyis/ /sum b+ha'i rnam pas sngags gdab bya/ /sna tshogs rdo rje sa yi 'og /hUM las 'od ni spro bar bya/ /de yi 'od kyis snang ba yis/ /rtsig pa dang ni bla re'o/ /rdo rje me lce 'bar ba yin/ /steng du mda' yi dra ba'o/ /oM b+hA g+hA g+hA ta ya g+hA ta ya/ sarba duSh+Tan phaT/ kI la ya kI la ya/ sarba pA paM phaT/ hUM hUM badzra kI la ya/ badzra d+ha rA dz+nyA na pa ti/ kA ya wA ka tsit+ta badzra kI la ya hUM phaT/ badzra mud ga ra badzra kI la ya/ a ko Ta hUM phaT/ da lta'i cho ga'i sbyor ba yis/ /rdo rje'i gur ni bsam par bya/ /de'i dbus su snyoms pa ni/ chos kyi dbyings kyi b+ha ga'i dbyibs/ /rlung la sogs

  374. 187b

    pa'i 'khor lo bzhi/ /de yi nang du bsgom par bya/ /yaM gi yig 'bru las 'byung rlung/ /dkyil 'khor gzhu yi dbyibs lta bu/ /chos kyi dbyings kyi nang du ni/ /nag po rgyal mtshan dang ldan bsgom/ /ram gyi yig 'bru las byung me/ / dkyil 'khor gru gsum kha dog dmar/ /me lce dang ni ldan pa ste/ /rlung gi dkyil 'khor steng du bsgom/ /baM gi yig 'bru las byung chu/ /dkyil 'khor zlum po'i dbyibs lta bu/ /bum pas mtshan pa kha dog dkar/ /me yi steng du bsgom par bya/ /laM gi yig 'bru las byungs/ /dkyil 'khor gru bzhi'i dbyibs lta bu/ /rdo rjes mtshan pa kha dog ser/ /chu yi steng du bsgom par bya/ /'khor bzhi yongs su gyur pa las/ /gzhal yas khang du rab tu bsgyur/ /gru bzhi pa la sgo bzhi pa/ /rta babs bzhis ni rnam par brgyan/ /dra ba dra byed chun 'phyad dang/ /'dod dang rin chen la sogs brgyan/ /de yi phyi rol dur khrod bcas/ phyogs mtshams bye brag brgyad po ru/ /gtum drag de ni tshig pa yin/ /dbyibs can de ni ma tshig pa/ /tshang tshid dum bur gyur pa yin/ /'bar ba dum bur ma gyur pa/ /dmyal sogs 'jigs par bshad pa yin/ /mi bzad pa ni 'jigs par byed/ /ha har rgod ni mdung rtser bskyon/ / g.yer ka can ni 'gegs pa'o/ /pa ta li dang pun da li/ /sa le shing dang shi ri Sha/ /u dum ba ra n+ya gro d+ha/ /a shwa ha nA ge sar shing/ /dur khrod re re shing re ni/ /dpa' bo sogs kyis dbang du byas/ /bya rog byi la 'ug pa dang/ /stag dang khyi dang bya rgod phag /sha za'i gdong bcas brgyad po ni/ /shing rnams steng na 'dug pa yin/ /bya rog spyang kyi 'ug pa dang/ /dpa' po khyi dang srin po dang/ /phag pa dang ni ro langs dag /rang rang rnam par 'og na

  375. 188a

    gnas/ /de lta bu yi dur khrod kyis/ /gzhal yas khang ni yang dag bskor/ /sna tshogs pad+ma 'dab ma brgyad/ /de yi dbus su bsgom par bya/ /lte ba'i nang du phyag rgya ni/ /gru gsum me tog kun da mtshungs/ nyi zla A li kA li las/ /rdo rje sems dpa' i rang bzhin can/ /rang gi rig pa dang ldan pa/ /phyag rgya yi ni dkyil du bsgom/ /bde ba chen po 'byung ba ni/ /mchog gi dga' ba'i pho brang las/ /rdo rje ro lang ma ni 'phrog / de ni dang po'i ro las so/ /gnyis pa'i ro ni 'byung ba las/ /rdo rje dra ba ma ni 'phros/ /gsum pa'i ro ni 'byung ba las/ /rdo rje rtse mo ma ni 'phros/ /bzhi pa'i ro ni 'byung ba las/ /rdo rje zlum po ma ni 'phros/ /gcer bu dang ni skra grol ba/ /shar sgo la sogs shes par bya/ /gnag dang dmar dang ser dang dkar/ /spyan gsum pa dang phyag bzhi pa/ /chu srin nya dang seng ge dang/ /ga ru Da ni phyag g.yas bsnams/ /ka pA la dang kha TwAM ga /sgeg mo yi ni phyag g.yon bsnams/ /gzhan gnyis rdo rje mda' gzhu ni/ /rna ltag tu ni 'gengs par mdzad/ /kun kyang phyag rgya lnga po 'chang/ /sna tshogs pa yi rgyan gyis brgyan/ /'jigs byed ro yi gdan gnas nas/ /sems can rnams kyi don mdzad pa/ /yang na shes rab thabs sbyor bas/ /bde chen rgya mtsho'i pho brang las/ /rdo rje'i ske rags ma ni 'phros/ /de ni lnga pa'i ro las so/ /drug pa'i ro yi 'byung ba las/ /rdo rje ser mo ma ni 'phros/ /bdun pa'i ro yi 'byung ba las/ /rdo rje rgod ma ma ni 'phros/ /brgyad pa'i ro yi 'byung ba las/ /rdo rje nyi ma mo ni 'phro/ /bcom ldan 'das ni mnyes byed gnas/ /mtshams ni bzhi pa dag na bzhugs/ /rnga dang de bzhin gling bu dang/ /rgyud mangs? dang ni rdza rnga

  376. 188b

    dang/ /rdza rnga chung ngu chal chung dang/ /tam+bu ra dang ka ra to/ /de rnams phyag ni gnyis gnyis shes/ /gzugs gnyis pa la 'jigs chen ma/ /yang ni shes rab thabs sbyor bas/ /bde ba'i nang gi pad chen las/ /rdo rje legs dgyes ma ni 'phros/ /de ni dang po'i dga' ba las/ /gnyis pa'i dga' ba 'byung ba las/ /rdo rje rgya mtsho ma ni 'phros/ /gsum pa'i dga' ba 'byung ba las/ /rdo rje glang chen ma ni 'phros/ /de dag gnag dang ser dang dmar/ /phyag rgya yi ni grwa na bzhugs/ /gur gum ro dang ga pur dang/ /de yis pad snod bkang ba'o/ /g.yas pa yi ni phyag na bsnams/ /kha TwAM ga ni g.yon na'o/ /gru gum phyag rgya dbu steng du/ /mdzub rtse gnyis ni thur du btsugs/ /g.yon brkyang ba yi gnas pas bzhugs/ /phyag rgya'i dngos grub rab ster ba'o/ /yang ni shes rab thabs sbyor bas/ /rang bzhin gyi ni dga' ba 'byung/ /rang gi rig mi dang ldan pa/ /rang bzhin las ni nyi 'od zhu/ /de nas smon lam gzhan don du/ /rnal 'byor ma la lha mos zhu/ /bde chen legs dgyes mgon po bzhengs/ /rdo rje legs dgyes bdag dag mdzod/ /mgon po khyod min bdag ro 'dra/ /thugs rje ro yis bdag skye mdzod/ /kye mgon stong pa'i chad pa'i mtshan/ /rdor mcho ma bdag dga' bar mdzod/ /pad+ma'i kha phye rol gcig rol/ /mgon po stong pa'i rang bzhin min/ /a la la la legs dgyes mgon/ /rdo rje glang chen ma dga' mdzod/ /khyod rang gis gsungs bdag min ni/ /sangs rgyas 'byung bar mi 'gyur ro/ /glu 'di yi ni dor mdzad nas/ /oM hUM 'od du zhu las 'phros/ /de las rdo rje gri gug ni/ /yongs su gyur pa las ni nyid/ /dpal chen ye shes mkha' 'gro che/ lha mo legs

  377. 189a

    dgyes dbang mos 'khyud/ /sems can kun la phan don du/ /snying rje yis ni rngaM ma bzhengs/ /sku mdog sprin gyi gnag dang mtshungs/ /zhal bzhi pa la phyag brgyad pa/ /zhal ni re re spyan gsum pa/ /zhabs gcig gyen du bsgreng ba ste/ /bdud bzhi yan lag ma dang ldan/ /zhabs gcig gis ni gnon pa yin/ /thod rlon phreng ba'i do shal byas/ /sna tshogs 'od ldan nyi ma bzhugs/ /dpa' bo mi bskyod pas dbu brgyan/ /phyag rgya drug gis yan lag brgyan/ /thod pa'i phreng bas dbu la brgyan/ /thor cog zla ba phyed kyis mtshan/ /sku smad gshin rje'i pags pas dkris/ /gar dgu'i ro dang ldan pa'o/ /gnag dang ser dang dmar dang ljang/ /g.yon nas bskor ba'i zhal dang ldan/ /mkhyud pa'i phyag g.yas rdo rje bsnams/ /g.yon pa na ni dril bu'o/ /nyi ma mda' dang ka pA la/ /khrag gis bkang ba g.yas na bsnams/ /zla ba gzhu dang kha TwAM ga /rdo rjes mtshan pa g.yon na bsnams/ / legs dgyes dbang po de dang mnyam/ /yang na phyag ni gnyis dang ldan/ /zhal gcig pa dang spyan gsum pa/ /sna tshogs rgyan gyis brgyan pa'o/ /phyag na gri gug snod ni bsnams/ /byin pa gnyis kyis legs 'khyud cing/ /mchog gi rnam pa rang 'od 'byung/ /mtshan kun dang ni ldan pa'o/ /skra grol ba dang spyan ring ba/ /sku smad ske rags bar du chad/ /ji ltar sgo sogs rnal 'byor ma/ /brgyad pa la sogs pa yis bzhugs/ /de bzhin gru gsum grwar bzhugs pa// sgom pa yis ni shes par bya/ /de lta'i ye shes 'khor lo ni/ /bdag nyid dang ni bcas par bsgom/ /de nas bde ba chen po'i gzhi/ /pad+ma'i snod kyi dbus su ni/ /bdud rtsi lnga yi lha yi mchog /de bzhin gshegs pa kun bdag nyid/

  378. 189b

    lte ba'i me 'od tsha ba yis/ /bdag rtse de ni zhu bar bya/ /rdor gsum ye shes sa bon gyis/ /dkar byas dag byas so/ /sngags kyi byin gyi brlabs kyis ni/ /rang gi lce yi 'dab mar bzhag /phyi dang nang gi sbyor ba yis/ /lus ni de yis rab tshim bya/ /oM yo ga a mri ta shud+d+ha(rgyud 'grel): sarba d+harmA yo ga a mri ta shud+d+ho haM/ de nas mgon po'i snying po ni/ /thams cad 'grub don bzlas par bya/ /oM mahA kro d+he shwa ra dzA ya we dza yaTTaTTa hA sa ma hA ka pA lA gne b+ha ya hUM hUM phaT swAhA/ de ni bcom ldan 'das kyi snying po'o/ /oM badzra Ti dzu gri h+raM h+riM phaT/ nye ba'i snying po'o/ /oM so ra ta sa ma ye shwa re hUM hUM phaT/ bcom ldan 'das ma'i sngags so/ /oM kliM bliM dzliM phaT swAhA/ nye ba'i snying po'o/ /thog mar oM dang hUM phaT mthar/ /bar du ming ni spel bar bya/ /'khor gyi lha mo thams cad kyi/ /mchod pa'i sngags su dran pa'o/ /sngags dang phyag rgyar ldan pa yis/ /de nas gtor ma btang par bya/ /rdo rje khu tshur gnyis bcangs nas/ / rgyab dang rgyab ni sprad pa'o/ /mthe'u chung lug rgyud rnam pa'i tshul/ /mdzub mo gnyis ni cung zad dgug /rnal 'byor ma rnams thams cad dang/ /mkha' 'gro ma thams cad tshur sbyon/ /sha dang nya la sogs pa'i gtor ma 'di long snoms dam tshigs srungs/ /bdag gi don thams cad la grogs mdzod/ /sgrub thabs 'di la dad pa yod pa de la srung ba'i don du gsol cig /oM A(rgyud 'grel): hUM phaT swAhA/ gru gsum phyag rgya ster bzhag ste/ /'bad pa yis ni gtor ma btang/ /las rim de dag kun rdzogs nas/ /de 'og rnam par dag par bya/ /dga' ba bzhi ni rab gnas phyir/ /zhal bzhi po ni mdzes pa yin/ /de nyid ye shes gsum dag pas/ /zhal ni so so'i spyan gsum mo/ /srid dang

  379. 190a

    mya ngan 'das gcig pa/ /de bas zhabs gcig gyen du bsgreng/ /pha rol phyin pa drug lam gyis/ /phyag rgya drug pos yan lag brgyan/ /tshangs pa'i spyod pa chen po yis/ /gshin rje'i pags pas sku smad dkris/ /byams pa chen po'i bdag nyid yin/ /de bas sprin gyi mdog dang mtshungs/ /gnyis su med pa'i shes rab thabs/ /de phyir rdo rje dril bu ldan/ /bdud kun sdigs par byed pa'i phyir/ /mda' dang gzhu ni khengs par 'gengs/ /snang ba dang ni snang ba mched/ /de la bdag rang bdag po yin/ /de bas zla ba nyi ma gnyis/ /rol pa yis ni phyag na bsnams/ /dngos dang dngos min rtog pa med/ /de phyir mgo bo'i pad+ma'i snod/ /chos kun stong pa'i ngo bo nyid/ /de bas kha TwAM ga bsnams pa/ /phyag rgya chen po'i bdag nyid yin/ /zla ba phyed pas thor tseg brgyan/ /nam mkha' ji bzhin ngo bo yis/ /de bas mi bskyod pas dbu brgyan/ /snying rje chen pos rngam pa'i don/ /de phyir yang dag 'jigs pa'i tshul/ /mu stegs rnams la khrel rgod phyir/ /rus pa la sogs pa yis brgyan/ /bdud kun gyis ni mi tshungs pa/ /de bas bdud kyi steng na bzhugs/ /chags pa la sogs spangs pa yis/ /de phyir dur khrod nang du rol/ /de kun dag pa shes pas na/ /da ni ngal bso bya ba'o/ /rang gi snying gar mkha' pad du/ /dri med rgyas pa'i zla ba bsgom/ /de yi dbus su tshul tsam ni/ /mchog gi rnam pa skye med mkha' / /phra mo'i 'od kyi rang bzhin can/ /rlabs med pa yi rang rig go /de nyid bsgoms pa tsam gyis ni/ /myur du dngos grub thob par 'gyur/ /dngos grub chen po 'dod gyur na/ /de la the tshom mi bya'o/ /gang zhig rgyud kyi nang med pa/ /de ni bdag gi rang bzo min/ /

  380. 190b

    'di byas bsod nams rnyed pa gang/ /sems can kun gyis thob par shog /dpal ye shes mkha' 'gro'i sgrub thabs/ slob dpon chen po longs spyod rdo rjes mdzad pa rdzogs so// //rgya gar gyi mkhan po pradz+nyA sh+rI gub ta nyid dang/ zhu chen gyi lo tsa ba dge slong rin chen rgyal mtshan gyis bsgyur cing zhus te gtan la phab pa'o// //rgya gar skad du/ sarba pA paM shud+d+hAgne pU dza nA ma sa ma d+hi/ bod skad du/ sdig pa thams cad 'dag pa'i me'i mchod pa'i ting nge 'dzin ces bya ba/ dpal rdo rje sems dpa' la phyag 'tshal lo/ /mahA mu dra ti la las/ /'byung ba khang pa brtseg ma ru/ /snying rje byang chub sems ldan pas/ /bdud rtsi lnga yi khrus byas te/ /sngags ni bye ba bzlas bar bya/ /oM badzra na la ka mre ta ma lan d+ha ro te dang ro ro ga swAhA/ rdzogs dang rnal 'byor ma 'dus nas/ /bdag la lung stsol sbyin byed ma/ /bcu drug lon pa'i mtshan bzang mo/ /si la ga pur ma ba yod pa/ /kye bu 'di khyer sbyor ba gyis/ /lung ston thob pa'i pu mo la/ /dbang bskur rtsa ba'i rgyu 'bras bshad/ /shin tu dben pa'i gnas dag tu/ /n+ya gro d+ha lhag la zhugs te/ /rtog pa'i khams la rnal 'byor bya/ /dus kyang ngal so mnyam par gzung/ /rdul gyis me sbar dngos po sbyar/ /yam shing me spar dkyil 'khor gsal/ /bsreg rdzas pad+ma'i mar bzhu ste/ /dgang gzar haM las rdo rje dgang/ /hoM khung phyi rol 'dzag mi bya/ /reg bya med pa'i mchod pa yis/ /rang bzhin dkyil 'khor lha rnams dang/ /'jig rten skyong dang mkha' 'gro 'ang mnyes/ /nyam thug nas gshegs su gsol/ /bsam pa thams cad 'grub pa dang/ /chos sku thob par the tshom med/ /mar me rdzas rnyed ji bzhin du/ /dus thams cad du mi gnas

  381. 191a

    pa'o/ /lus 'di nan tan gang byed pa/ /rdzogs pa'i rnal 'byor yin zhes bya'o/ /sbyin sreg gsang ba'i man ngag rin chen rdo rje dpal gyis mdzad pa rdzogs so// //rgya gar skad du/ sh+rI A nanda puShpa mA lA/ bod skad du/ dpal dga' ba'i me tog gi phreng ba/ /thams cad mkhyen pa la phyag 'tshal lo/ /skyed tshal ye shes thig dpal las/ /gsang mchod don gyi rgyu yi phyir/ /dga' ba yi ni me tog phreng/ /ye shes mkha' 'gro la 'dud bya'o/ /bde bar gshegs pa kun gyi ye shes chen po shin tu zab pa'i gsang ba rmad du byung ba'i/ /dpal dbu rgyan pa'i rdo rje gnas chen po'i gtso mo dpal ldan yan lag rab ma'i zhabs kyi pad+ma'i bka' drin gyis/ /gang zhig yongs su shes pa de ni slob ma dam pa'i tshogs kyis dga' ba khong du chud par bya ba'i phyir dam tshig chen po la gnas nas/ /'gro ba'i gtam bstan par bya'o/ /dang po re zhig chu ngos chen por nye bar 'dug nas/ bdud rtsi lnga la sogs pa gsol te/ brtul zhugs chen po'i spyod pa bya'o/ /brtul zhugs chen po'i dus su grong pa'i chos kun brtags dang gzhan dbang du 'dzin pa spang bar bya'o/ /tshangs pa'i spyod par gyur pas 'dod pa lnga bza' bar bya'o/ /gnyis su med pa'i sems kyis su/ /de ni ji ltar 'dod pa bsnyen/ /zhes lung ngo/ /de ni tshangs pa'i spyod pa'o/ /thig le dang tshul gyi ngogs gnyis kyi bar du/ /rdo rje skyil krung bcas nas sems rin chen gyi nang du slebs pa lta ba chen pos lta bar bya zhes man ngag go /yang na chu ngogs chen po'i rtsa ba'i bskyed pa'i gnas su bzhugs te thig les tshul phug nas thams cad khyab par byed pa

  382. 191b

    char yang chen por 'jug par bya'o/ /dpal dga' ba'i me tog gi phreng ba las/ ye shes mkha' 'gro la mchod pa'i don gyi gnas dang/ bdud rtsi lnga bza' ba dang brtul zhugs chen po'i spyod pa dang/ 'dod pa lnga bstan pa dang/ thig tshul la sogs pa'i rim pas bzhag pa dang/ chang yang chen po'i 'jug pa bstan pa zhes bya ba ste dang po'o// //de nas gzhan yang dpal ye shes mkha' 'gro la mchod pa'i don du dbang bskur ba bstan par bya'o/ /chu dang dbu rgyan dang rdo rje la sogs pa bcu gcig gi dbye ba dga' ba bcu gcig dang ldan pa/ dang po'i rtsa ba'i gnas su gtsug tor rin po che'i g.yas g.yon zla ba nyi ma shar ba'i dus su rkan phyi nang du ro ma 'jug pa slebs pas rtsa bzhi nye bar rnyed pa'i myong ba las 'dar ba la sogs pa'i ro thob pa'i chu'i dbang bskur sbyin par bya'o/ /de ni shin tu kun dga' ba'i mchog gser las grub pa'i chos kyi dbyings kyi rnam pa'i bum pa 'bru dang/ 'bras bu dang kha rgyan dang/ zho dang sbrang rtsi dang/ dar la sogs pa dang ldan pa bya'o/ /dbang bskur ba'i dus su rol mo sna tshogs gang dang glu dang mchod sbyin dang/ gdugs dang rgyal mtshan dang/ 'phan la sogs pa'i gzugs sna tshogs dang/ dri zhim po'i me tog chen po bkod cing 'chal par bkram pa dang/ spos chen po sna tshogs kyi dri du ma'i ro la nye bar grub par byas pa gzugs sna tshogs kyi mchod sbyin sems can thams cad kyi yan lag dang ldan pa de'i dam tshig gis dus su dbul bar bya'o/ /dpal dga' ba'i me tog gi phreng ba las dga' ba bcu gcig gi bdag nyid dang ldan pa/ 'dar pa'i ro la sogs pa'i 'bras bu'i mchod pa dang bcas pa'i chu'i

  383. 192a

    dbang bskur gyi don bstan pa zhes bya ba ste gnyis pa'o// //de nas gzhan yang dpal ye shes mkha' 'gro la mchod pa'i don du sngags kyi dbang bskur bstan te/ ka ba gcig pa sgo dgu pa/ /mtshan dang dpe byad dang ldan pa/ /de'i snying ga'i nam mkha' i dkyil gyi gnas su pad+ma 'dab ma brgyad pa dag pa chu shing gi me tog lta bu'i dngos po/ /kha sbub sdong bu dang bcas pa/ /yi ge rab mchog gi ni gnas/ /de'i lte ba'i dbus na bzhugs pa/ /de ni 'jug pa dang gnas pa dang/ 'gro ba'i gnas gsum du 'gro ba dang 'ong bar byed do/ /bzhi pa'i gnas su 'am/ /dang po'i gnas rang bzhin gyi skabs su rang dbang du bzhugs so/ /dang po'i gnas su 'khyug pa'i gdu bu'i rnam pa bzhin nam mkha' i rang gi dga' ba'i dus su 'don no/ /dbus kyi gnas su gsal byed dang bcas pa rtog med 'od kyi bdag nyid dga' ba'i dus su 'byung ngo/ /mdza' ma'i gnas su shin tu dbyangs las grub pa skye 'jig byed pa chad pa'i dga' ba'i dus su 'byung ngo/ /bzhi pa'i gnas su dbyangs dang gsal byed dang dga' ba dang/ skad cig dang ro dang rgyu la sogs pa dang bral ba dang/ brjod du med par rang rig pa rlabs med pa'i rnam pa'i ngo bo'i thig le dang/ tshul la sogs pa dang/ rtsa'i kun spyod dang/ rgyu dang 'bras bu la sogs pa dang/ phra ba la sogs pa dang/ srid pa dang mya ngan las 'das pa dang/ 'khor lo dang ye shes dang/ rgyud dang sngags dang rim pa dang/ bstan bcas dang/ sgron ma dang/ spyod pa dang brtul zhugs dang/ longs spyod dang rlag pa dang/ dbang dang/ rtog pa'i bya ba dang/ gnas dang nye ba'i gnas la sogs pa dang

  384. 192b

    rab tu sbyor ba la sogs pa dang/ shar ba dang nub pa dang/ dus dang dus tshod dang/ skabs la sogs pa dang/ thog ma dang par dang mthar dang/ bzlas pa dang/ mchod sbyin dang/ sbyin sreg dang/ rtag pa dang/ mi rtag pa dang/ stong pa dang/ mdza' med 'od kyi ngo bo la sogs pa dang bral ba de ni yi ge mchog gi gnas zhes bya'o/ /de yang rgan mchu'i 'phar ma tshigs rgyas pa'i sgo 'gag pa byas te/ bde ba chen po khong du chud par byed pa rdo rje'i bu mo blangs te mchog gi yi ge'i sngags brjod par bya'o/ /pad mnyam 'phar ?ma sbyor ba yi/ /rdo rje ye shes stobs kyis kyang/ /hUM phaT kyis ni mnyam sbyor las/ /mngon par dga' ba 'byung bar 'gyur/ /rdo rje gzhon nu ma mnyam par ldan pa'i mchog gi yi ge'i sngags brjod pa'i dus su dam tshig chen po'i mchod pa byas nas/ /bde ba chen po'i rang bzhin byang chub kyi sems mdud pa'i nang na yod pa rtog med ma'i snying gar 'gro ba rlabs dang bral pa'i rnam pa rang gi sems kyis tshor bar byas nas bdud rtsi'i mchod sbyin dbul bar bya'o/ /dpal dga' ba'i me tog gi phreng ba las/ /ke ba gcig dang sgo dgu dang/ /mchog gyi yi ge'i sngags kyi brjod pa dang/ /gnas gsum gyi don dang/ bdud rtsi'i mchod sbyin dbul ba'i don bstan pa zhes bya ba ste gsum pa'o// //de nas gzhin ni yang dpal ye shes mkha' 'gro la mchod pa'i don du ye shes kyi dbang bskur ba bstan te/ po la kak+ko la gnyis med par sbyong ba'i ro las bde ba chen po'i dga' bas myong pa'i nang gi reg byed bzhin nyid kyi ye shes kyi sbyor bas kun myong nas/ /de dag nyid phyi'i reg bya'i bdag nyid kyi shes rab chu'i gter bzhin du/ /dbus nas rlabs pa'i rnam

  385. 193a

    pas ye shes kyi dbang bskur ba rdzogs par byas nas/ rang gi gnas su phyis rab tu mthim mo/ /de yang shes rab kyi rtsa stong phrag bdun cu rtsa gnyis kyi 'khor lo'i nang na yod pa bde ba chen po khong du chud par byed pa sgo dgu'i bdag nyid kyi sku'i 'khor lo drug gi nang du char yang drug gi ye shes snang bar byed pa/ srid pa dang mya ngan las 'das pa gnyis su med pa'i rang bzhin sna tshogs chu skyes kyi lte ba'i nang du gnas par rang gi tshogs kyi 'khor lo'i dbus su 'khor lo sgyur ba'i rgyal thabs byed do/ /sna tshogs pad+ma kha sbub shin tu 'dzum pa yang ma yin/ rab tu rgyas pa yang ma yin pa sdong bu dang ldan pa gzhon nus chos kyi 'khor lo'i thig le'i gdan zhes bya'o/ /pi raM b+hu ti zhal snga nas tshul gyi rang bzhin de ni shes rab chang yang bdag nyid lte bar dga' bas grub pa'i pad+ma zhes bshad do/ /dpal phyag rgya chen po'i thig le'i rgyud las/ bcom ldan 'das kyis gang zhig thig le dang mtshul dang/ char yang dang/ dga' ba de ni rtsa bzhis 'jug pa dang/ gnas pa dang 'gro bar byed pa gsum stan cig ces gsungs so/ /srog gi rtsa'i nang nas 'gro ba gsum 'jug pa dang gnas pa dang 'gro bar byed pa zhes dpal grub pa'i bla ma'i zhabs kyi pad+ma'i zhal nas thos te 'dir bstan to/ /lung las gsung gi bdag nyid rtog med thog ma dang tha ma dang dbus su sku gsung thugs kyi rang gi ngo bo spom pa nyid do zhes gsungs so/ /thog ma dang tha ma dang dbus ni sku gsung thugs dga' ba gsum dang bral ba phra ba tor ya zhes bya ba'i man ngag go /dpe'i slob dpon ni de yang rtsa stong phrag bdun cu rtsa gnyis kyi 'khor lo'i dbus su /gnas byed pa dpal rig ma'i thog ma'i gnas

  386. 193b

    su chu skyes kyi lte ba'i dbus su phra mo'i rnam pa zhes 'chad do/ /dpal badzra b+hu ti'i zhal snga nas/ dbus kyi pad+ma spom po'i rnam pa'o/ /tha ma'i gnas dag gnyis la phra ba zhes bya ba dag nyid kyi ye shes kyi gnas nye ba'i lta ba zhes bshad do/ yang rig pa rmad du byung ba dri ma med pa nam mkha' bzhin du gnyis su med pa'i shes rab dang thabs kyi rang gi ngo bo las don de ni tor ya'i man ngag go /phra mo'i man ngag rab tu shes pa'i shes rab dga' ba bskyed pa shin tu mtshan dang ldan pa/ dang por bla mas byin gyis brlabs te/ mchod pa dang dri med pa dang/ blo gros kyi sku skyes bu'i lag pa'i pad+mar byin nas shes rab dang thabs gnyis kyi lag pa gzung ste/ sangs rgyas rin po che'i snod kyi bya gdong la sogs pa'i gnas blta zhing 'gro ba'i tshig sbyin pa'i phyir ye shes kyi dbang bskur ro/ /dpal dga' ba'i me tog gi phreng ba las/ gnyis kyi dbye ba'i rnam pa'i shes rab bstan pa dang/ rtsa bzhi'i rtags rab tu blta ba dang/ 'jug pa dang gnas pa dang/ 'gro ba spom pa dang/ phra ba'i gnas blta ba dang/ shes rab thabs gnyis su med pa'i gzhung dang/ bya gdong la sogs pa'i gnas bstan pa zhes bya ba ste/ bzhi pa'o// //de nas gzhan yang dpal ye shes mkha' 'gro la mchod pa'i don du don de kho na nyid kyi dbang bskur ba bshad de/ rtog pa kun gyi dra ba'i phyi'i rnam pa spangs nas nang gi reg bya 'jam pa'i shes rab mchog gi 'od kyi ngo bo can de dang lhan cig gnyis su med pa'i sbyor bas gnyis su med pa'i ye shes bdag nyid mchog gi dga' ba bde ba chen po kun tu spyod nas de kho na nyid kyi bdag nyid du 'gyur ro/ /phyag rgya chen po'i dngos grub brnyes pa dpal ratna b+hu ti'i zhal snga nas ye shes chen po'i de kho na nyid

  387. 194a

    'bras bu'o/ zhes bshad do/ /ye shes kyi rten brten pa dang/ gnas dang bye brag dang/ dga' ba la sogs pa dang/ rgyu dang 'bras bu dang nges par bstan pa dang/ bsam gtan la sogs pa dang sbyor ba yod do/ /shes rab dang thabs gnyis su med pa'i sbyor bas ye shes chen po'i 'byung ba'i dus su/ bla ma'i man ngag las rdo rje dbyings kyi dbang phyug la reg pa dang/ rdo rje rin po che'i dkyil du bde ba chen po brtan par byed pa zhes bya ba de ni man ngag go /ye shes kyi sa la mngon par zhen pa'i yid la rtags brgyad rab tu 'byung bar 'gyur ro/ /rtags yongs su grub pas gnas gsum yod pa'i nyams su myong ba bla ma'i lta bas yin na'ang/ de lta mod kyi skye ba med pa'i snang ba gsal ba'o/ /da ni mchog gi rmad du byung ba zhi ba chen po rang gis nyams su myong ba dga' ba mdzes pa/ brjod du med pa yi ge dang bral ba/ mi zad pa/ dpyod pas mi rnyed pa/ mi rtog pa/ shin tu lkog tu gyur pa/ dbang pos ltar med pa/ mdza' med pa gting dpag dka' ba zab pa tshad med pa/ skye ba med pa 'gag pa med pa nam mkha' dang 'dra ba/ chos thams cad kyis gos pa med pa/ rang bzhin gyi 'od rab/ de ni kho na nyid ces bya'o/ /dpal dga' ba'i me tog gi phreng ba las/ /ye shes chen po bstan pa dang/ bde ba chen po bstan par byed pa dang/ de kho na nyid kyi bdag nyid kyi 'bras bu'i don bstan pa zhes bya ba ste lnga pa'o// // de nas gzhan yang dpal ye shes mkha' 'gro la mchod don du mchod pa'i cho ga bshad de/ dang por re zhig slob dpon sngags dang/ /rgyud dang dbang bskur ba dang man ngag la mkhas pa rang gi yon tan dang ldan pa'i shes rab dang

  388. 194b

    lhan cig dkyil 'khor gyi gnas kyi snying por 'jug na thig le dang tshul dang/ char yang dang dga' ba chen po dang/ bzhi'i bdag nyid kyi gru bzhi pa'i dkyil 'khor gyi dbus su rgyud las gsungs pa'i cho gas thig gdab pa la sogs pa bya'o/ /dkyil 'khor sku ni zhes par brjod/ /dkyil 'khor b+ha ga yin par bshad/ /dkyil 'khor byang chub kyi ni sems/ /dkyil 'khor gsum du rtog pa'o/ /de ltar shes pa'i man ngag gis phyi dang nang gi rim pas spyad par bya'o/ /hUM las byung ba'i rdo rje gur chen po rdo rjer ba la sogs pa dang ldan pa/ 'byung ba chen po bzhi yongs su gyur pa las gzhal yas khang dur khrod brgyad dang ldan pa/ rdo rje'i gnas chen po rmad du byung ba zhes bya'o/ / mi bzad mi sdug ci sbyang tshogs drag po/ /'jigs rung sha za'i kha dang ha har rgod/ /nag po'i me dang de nas 'jigs byed brgyad/ /shing sogs dang ldan rmad gyur 'jigs byed bstong/ /me tog mig rdzi nA ga ge sar dpal/ / pa tra pa la shar khar sha mi/ /dpa' bo du ma rnal 'byor ma tshogs kyis/ /dpal dang ldan pa dur khrod rgyal po shin tu mdzes/ /lung las yi dags sreg pa'i dus su dur khrod kun la rngam pa 'byung bar 'gyur ro/ /rngam pa'i skabs su shing kun la me tog dang 'bras bu dang yal ga 'phel bar 'byung bar 'gyur ro/ /dur khrod la dbang byed pa shin kha na dpa' bo kun gnas so/ /zhes gsungs so/ /dpa' bo kun sna tshogs pa'i gzugs 'dzin pa/ bya la dang bya rgod dang/ nyi mas 'jigs pa dang/ stag dang/ glang chen dgrad dang/ ce spyang dang/ khyi dang/ rta dang brgyad ni ha har rgod chen por rjod par byed pa/ mche ba 'jigs par dgrad pa zhal gsum pa/ spyan gsum pa

  389. 195a

    phyag bzhi pa rtsa ba'i phyag gnyis pos sha chen po'i mgo bo la sogs pa za bar byed pa/ phyag gzhan gnyis na zhags pa dang lcags kyu dang/ g.yas dang g.yon pa'i zhal bya rog dang/ phag dang/ rta dang glang chen dang/ dom dang/ ne'u le dang/ nya dang chu srin dang/ bya khyung dang sha ra ba dang/ khrung khrung dang/ sbrul dang/ rma bya dang/ spyod mar dang/ phyi ba dang/ 'byung po kha cig ni gzugs sna tshogs pa zhes bya'o/ /phyi la la sogs pa rang rang gi byad gzugs zhal gnyis po shing gi 'og na phan tshun shin tu khro bas sha chen po la rtsod pa/ 'jigs pa'i byad khas khangs pa/ gyen du ce spyang gi sgra sgrogs pa'o/ /lung las phyogs dang mtshams bye brag du 'jig rten skyong ba brgyad phyag bzhi pa rang gi stan steng na rang gi yan lag ma dang ldan pa/ rus pa'i rgyan la sogs pa brgyan pa/ bcom ldan 'das la lta bar byed pa/ phyag gi snyim pa cod pan du bcings nas 'dud pa kho na'o zhes gsungs so/ /gzhan yang dpa' o chen po dang po'i grub pa byang chub sems dpa' chen po dur khrod chen po'i dbus su utpa la sngon po'i mdog shes rab yan lag ma dang sbyar ba las mchog gi dga' bas mdzes pa / zhal bzhi pa phyag bzhi pa spyan gsum pa/ sna tshogs rdo rje dang pad+ma la bzhugs pa/ me'i dkyil 'khor na gnas pa/ 'jigs byed chen po gdan gyi steng na rgyal po'i bzhugs thabs kyis zla ba dang nyi ma zhabs kyis mnyan pa / rdo rje dang dril bu dang rde'u chung dang thod pa bsnams pa/ phyag rgya lngas yan lag brgyan pa/ mi bskyod la sogs pa'i phyag rgya'i phreng bas ral pa'i dbu rgyan dar gyis bcings pa/ shes rab ma yang sku mdog 'dra ba zhal gcig

  390. 195b

    spyan gsum pa/ phyag gnyis pa gri gug dang thod pa bsnams pa/ rus pa'i rgyan dang ldan pa/ phyag rgya lngas rnam par brgyan pa/ skra grol ba phyogs kyi na bza' can/ nu ma sra ba dang mtho ba/ rkeng zheng lus phra ba'o/ /yang na dpa' bo chen bo'i gzugs sna tshogs kyi zhal/ gnag pa dang dkar ba dang/ dmar ba dang/ nam mkha' i kha dog dang ljang khu dang/ pad+ma sngon po lta bu dang/ zla ba dkar ba dang/ dmar chen dang/ utpa la sngon po dang 'dra ba dang/ gur gum gyi mdog dang/ mig sman dang/ du ba'i mdog dang/ sprin dang/ gser 'od dang/ nag ser dang ser po'i gzugs bya'o/ /dpa' bo chen po'i yan lag ma/ zla ma dang/ g.yon pa ma dang/ nyi mnyam ma dang/ rlung za ma dang/ bsil sbyin ma dang snying po'i 'dab ma dang/ khag yod thor cog ma dang/ nyi ma 'dul ma dang/ zhi ba 'chi ba'i pho nya ma dang/ ljar brtson ma dang/ 'od 'dun ma dang/ tshangs pa'i ma dang/ khyab 'jug gi ma dang thog kha ma dang/ thams cad skyed byed ma dang/ dpa' bo'i yum dang gnyis su med pa'i sbyor bas bde ba chen po'i dga' bas dgyes pa'i yid dang ldan pa/ dpa' bo chen po shin tu mdzes pa/ dpal nam mkha' dri med dang shin tu rtsal chen dang/ lha'i dbang phyug dang gsang ba'i bdag po dang/ 'od drag dang/ nye dgra dang/ mchog dga' dang/ thams cad kyi byed pa po dang/ utpa la'i snying po dang/ zhi ba chen po'i bdag po dang/ nag po 'dul ba dang/ rmad byung dpa' bo dang/ dregs chen dang / nag po chen po drag 'joms dang/ ri rab brtan po dang/ nam mkha' i zhal te dga' ba bcu drug gis rnam par dag pas dga' ba chen po mthar gyi dus su rtog med ma 'byung ba'i rngam ba dang bral ba'i nang gi reg bya'i yid ye shes kyi

  391. 196a

    skabs su rgyu mthun pa'i 'bras bu las steng gi rlung g.yo ba med par gyur pas/ thig le dang tshul nang gi rang bzhin gyi rlung rang gi gnas pa las gang zhig blo bur gyi rngam pa de lta bu'i bdag nyid kyi rngam pa'i dur khrod du dpa' bo chen po bzhugs so/ /lung las sprul pa dang chos dang longs spyod dang bde ba chen po bzhi/ 'dab ma brgyad kyi pad+ma'i rnam pa ge sar la sogs pa dang bcas pa'i dbus su gnas gcig dang ldan pa'o/ /zhes gsungs so/ /lung las dang po'i gnas chu skyes kyi shar gyi 'dab mar oDyAN du gzugs ldan ma/ byang du dzA land+ha rar bum ldan ma/ nub tu pul+li rar bya rog sna/ lho'i 'dab mar kA ma rU par du ma/ me mtshams su mA lA bar glang chen kha /srin bu'i mtshams su sind+hu ra dang po'i stobs ma'o/ /rlung mtshams su nA gar ltogs ma'o/ /dbang ldan mtshams su sing ga lar lce ri sa ma'o/ /de dag ni gnas dang nye ba'i gnas shes rab dang thabs gnyis su med pa'i sbyor bas thams cad nang gi dga' ba zhes gsungs so/ /dbus kyi gnas kyi pad+ma'i shar gyi 'dab mar mu mu nir lo mi rang/ byang du de bi ko Tir lto ba che/ nub du ko lu tar dri ldan ma/ lhor arpu ta ra dri rdo ma/ me'i mtshams su ha ri ke la bar bsil sbyin ma/ srin po'i mtshams su ko ta bar 'od ma/ rlung mtshams su lampa kar dbyangs snyan ma/ dbang ldan mtshams su kany+tsa karpu ling nya ma/ de dag ni zhing dang nye ba'i zhing dang 'dun pa dang nye ba'i 'dun pa'i mchog dga' o/ /tha ma'i gnas kyi pad+ma'i shar gyi 'dab mar las kyi grong du utpa la'i dri/ byang du gser gling du pad+ma'i khri/ nub tu kongka nar mtsho me tshig byed/ lhor b+hindar rkang ring me'i mtshams su yi dags 'dus par rus ldan ma/ srin po'i

  392. 196b

    mtshams su rgya mtsho'i ngos su chu srin mig ma/ rlung gi mtshams su tsa ri trar nya'i kha/ dbang ldan gyi mtshams su gzhon nu'i grong khyer du sna tshogs yan lag ma'o/ /de dag ni 'dus pa dang nye ba'i 'dus pa dang/ dur khrod dang nye ba'i dur khrod chad pa'i dga' ba'o/ /bzhi pa'i gnas kyi pad+ma'i shar du kisma rar ga pur lus ma/ byang du ke ra tar rma bya'i sgro ma/ nub tu ne pa ler 'dod ma/ lhor kar nub zar dag pa'i lus ma/ me'i mtshams su 'chi med grong khyer du sgra legs ma/ srin po'i mtshams su mi yul du sna tshogs pad ma/ rlung gi mtshams su 'og tu 'dod pa'i ske rags ma/ dbang ldan mtshams su ri rab rtser pad+ma'i zhal lo/ /de dag ni byi la dang/ sbyor ba dang nye ba'i sbyor ba'i rang bzhin dga' ba'o/ /dang po'i lte bar shar gyi lus 'phags su srog ma/ dbus su byang gi sgra mi snyan du la la nA/ tha ma'i nang du ba lang spyod du ra sa nA/ bzhi pa'i gnas su lho'i dzam+bu'i gling du a pa d+hU tI'o/ /lung las dpa' bo chen po dang bcas par nang gi 'khor lo'i rim pa'i shes rab thabs kyi rnam par dag pa zhes bltas te/ de ni lam dang nye ba'i lam mo /dur khrod brgyad kyi nang du sna tshogs chu skyes kyi lte ba la A li kA li hUM gi yi ge rdo rje sems dpa' i rang bzhin rang gi 'od kyi rig ma dang gnyis su med pa'i sbyor ba/ zhal bcu drug pa/ phyag bcu drug pa/ bde ba chen po mngon par dga' ba'i rang bzhin ye shes sems dpa' dkyil 'khor la bzhugs zhes bya'o/ /dpal dga' ba'i me tog gi phreng ba las/ ye shes kyi dkyil 'khor dur khrod la sogs pa'i gnas kyi don bstan pa zhes bya ba ste drug pa'o// //de nas gzhan yang dpal ye shes mkha' 'gro la mchod pa'i don du bsam gtan bstan te/ dpe'i

  393. 197a

    slob dpon ni kun rdzob dang don dam pa mi spar ba'i bya bas ye shes chen po'i 'byung ba'i phyir steng gi tshigs rgyas pa'i don du man ngag las sgo gzhan thams cad 'gog gi /lus la sogs pa'i sdug bsngal gyis mnan pa de ltar ma yin zhes mchod do/ /de'i rjes su rgyal ba'i sras mo bzhin du rang gis dbang bskur pa sra ba dang mtho ba'i nu ma dang/ pad+ma mdzes pa dang utpa la'i 'dab ma ring ba'i spyan can/ tsan dan rlom pa'i dris khyab pa/ bla ma'i man ngag las bsrub dang bsrubs pa chen pos rdo rje dbyings kyi dbang phyug ma'i gnas nye bar bltas te/ yang na btsums pa dang phye ba la sogs pa'i rab tu sbyor bas/ lte ba'i dbus na bzhugs pa'i 'od chen po'i bdag nyid gtum mo rab rgyas par las kyi rlung gis grogs byas te rang gi gnas su rang gi 'od kyis dga' ba dang mngon par dga' ba dga' ba dang bral bas 'bar ba dang/ myos pa dang chung zad g.yo pa rnam par g.yo ba dang/ khro ba chen pos shin tu 'bar par rmad du byung pa/ glog chen po'i g.yo ba'i rnam pa ltar sgra chen po sgrogs pa kho nas gsang ba'i lte ba'i gnas kyi dbus nas langs te/ rnam par snang mdzad la sogs pa phung po dang khams dang/ skye mched la sogs pa shin tu bsregs nas/ dang po dang dbus dang tha ma'i lam nas smin phrag gi 'khor lo'i lam o rgyan gyi tshigs rgyas par gser sgro'i dzA land+ha rar spyi gtsug gi mtshams su nang gi bu ga'i bde ba chen po'i gnas bdud rtsi'i gnas su 'jug go /der rang dga' bas ngal so nas dga' ba'i 'od kyis bde ba chen po grub pa/ byang chub kyi sems shin tu khengs par gsol nas mngon par dga' ba'i nang gi reg bya las/ ro chen po 'ong pa'i dbang gis sngar bsregs pa yang rab tu tshim pa'i don du thugs rje chen

  394. 197b

    po'i sprin rtag tu rgyun ma chad par bdud rtsi'i rgyun gyi char 'bab par byed do/ /de nas yang rten gyi rtsa'i 'khor lo 'dzin khyer te/ zhi ba'i gzugs kyis bde ba chen po'i dga' ba'i dgyes pa'i yid kyis rlab pa dang longs spyod dang dbang gi nga rgyal gyis rang gi gnas su rjes su gshegs so/ /brlag pa dang longs spyod dang ngal so ba dang 'gro ba dang khengs pa dang bum pa dang dus dang tshe dang gnas skabs dang/ g.yas pa dang g.yon pa dang/ dbus la brten nas chu tshod sum cu rtsa drug gi bar du bde ba chen po'i bdag nyid kyi gtum mo bskul bas go rims su rtsa'i 'khor lo shar ba'o/ /dz+nyA na b+hu ti'i zhal snga nas rtsa zhes bya ba'i dngos po med pa na/ bde ba chen po la sogs pa phyi nang gi reg bya nye bar mi rnyed de/ mi rnyed pa'i phyir dga' ba la sogs pa dang/ rgyu dang 'bras bu dang dbang gsum gyi bdag nyid kyi man ngag chad pa'i dngos por 'gyur ro/ /bde ba chen po mi shes pa'i phyir byang chub mi rnyed do zhes bshad do/ /de bas dpe'i slob dpon gyis rtsa'i 'khor lo spom phra la sogs pa'i bsam gtan spangs nas/ bla ma rje btsun gyis bka' stsal par bya zhes bshad do/ /dang po yan lag g.yas g.yon du longs spyod ma dang/ 'jigs ma dang/ 'khri ma dang/ gug ma dang/ sha pa rim dang/ ri bong ma dang/ bdud rtsi ma dang/ bad kan ma dang/ ri ma dang/ phung po ma dang/ 'dod ma dang/ chang 'tshong ma dang/ gos ma dang/ ser ma dang/ rkang gos ma dang/ phra mo dang/ tshim ma dang/ skar ma dang/ ri dags ma dang/ shin tu khengs ma dang/ lug ma dang/ khro ma dang/ 'khor lo ma dang/ nag mo ma zhes pa dang/ chags pa dang/ 'jig pa dang/ mi dga' ba dang/ zhi ba dang/ snying rje dang/ sred pa dang/ rnam par rtog pa dang/ ngo tsha ba dang/ dge ba ma yin pa dang/ rang gi ngo bo min pa/ len

  395. 198a

    pa dang/ sdud pa dang/ bkres pa dang/ skom pa dang/ yi gar mi 'ong ba dang/ rnam par chags pa dang/ nang dang/ khro bo dang/ snying brtse ba dang/ 'dzem pa dang/ phrag dog dang/ nga rgyal dang/ bstan pa dang/ stobs te/ dpral ba dang/ mig dang/ rna ba dang/ sna dang/ smin ma dang/ ske dang/ glo ba dang/ mjug do dang/ brla dang/ pus mo dang/ rje ngar dang/ rkang pa g.yas g.yon phyed phyed kyi cha'i grangs nyi shu rtsa bzhi 'gro ba dang/ khengs pa dang mchog dang chad pa'i shar ba'i rtsa rnams kyi mtshan nyid kyi don no/ /dbus kyi rkeng rus kyi dbyug pa'i snying po'i nang/ rgan mo dang/ stag ma dang/ dpa' bo'i blo ma dang/ g.yo sgyu ma dang/ nges par sems ma dang/ dmar mo dang/ gshol ma dang/ ring ma dang/ bdud rtsi yon tan ma dang/ lam dga' ma dang/ 'khor lo'i kha ma dang/ rnam par sgeg ma'i nga rgyal ma dang/ 'od dang/ brtson pa dang/ phrag dog med pa dang mi brtan med pa dang/ btang snyoms dang/ gtong phod dang/ dga' ba dang/ g.yo sgyu med pa dang/ glu dang/ sgra dang/ gar dang/ btub pa la sogs pa kho na ste/ tshangs pa'i bu ga dang/ tshangs pa'i lte ba dang/ spyi bo dang/ rkan dang/ sko dang/ snying ga dang/ lte ba dang/ 'doms dang/ gsang ba dang/ lte ba dang/ me'i pad+ma dang/ gzhang kha'i kun pa ka'i rang bzhin dga' ba 'byung ba'i rtsa gsum gyi dra ba'i sdom pa rten dang brten pa'i ye shes kyi bye brag du bde ba chen po khong du chud par byed pa/ 'od kyi bdag nyid can reg bya med pa/ ye shes kyi me'i nam mkha' i rang bzhin gtum mo 'am/ rtog med pa zhi ba'i rang gi ngo bo bde ba chen po'i pad+ma'i lte ba'i gyen du 'jig rten gyi khams du ma khyab pa/

  396. 198b

    gnyis su med pa'i rnam pa/ stong phrag bdun cu rtsa gnyis kyi rtsa'i 'khor lo'i dbus thams cad kyi bdag nyid gcig pu'i ro'i rang bzhin/ dpal rdo rje dbyings kyi dbang phyug ma zhes man ngag las so/ /dpal dga' ba'i me tog gi phreng pa las gnas gsum na yod pa'i rtsa'i dra ba'i sdom pa dang gsum po chen mo'i sbyor ba rten dang brten pa'i ye shes kyi don bstan pa zhes bya ste bdun pa'o// //de nas gzhan yang ye shes mkha' 'gro la mchod pa'i don rnam pa dang bcas pa'i dkyil 'khor gyi 'khor lo dam tshig sems dpa' i bdag nyid can bshad de/ zla ba dang rdo rje dang/ sa bon dang phyag rgya dang/ sna tshogs pad+ma 'dab ma brgyad kyi lte ba la stong pa dang snying rje dbyer med pa'i rang bzhin can/ bdag nyid bsnyen pa la sogs pa'i yan lag bzhi'i 'bras bu'i gtso bo sngar bskul pa'i mig la sogs pa byin gyis brlab pa dang/ dbang blang ba la sogs pas sku rdzogs pa 'jigs byed chen po dang/ zla ba dang nyi ma'i steng du dam tshig gi mkha' 'gro ma bcu drug gi dkyil 'khor gyi dbus su phyag bcu drug pa zhal brgyad pa/ zhabs bzhi pa g.yas brkyang ba/ g.yon bskum pa'i sku spang rgyan gyi me tog gi mdog can/ spyan gsum pa/ zhal gsum ni dkar ba dang dmar ba dang ljang ba dang/ zhal gzhan bung ba dang 'dra ba/ steng gi 'jigs pa chen po bong bu'i rnam pa'i mche ba bgrang pa 'jigs pa bstan pa'i phyag rgya la sogs pa yongs su gyur pa las skad cig gis de lta bu'i gzugs thugs rje chen po dang/ khro bo'i sku bskal pa chen po'i me pas lhag pa'i 'od dang ldan pa/ rgyal ba thams cad kyi bdag po/ dur khrod chen po'i dam tshig gi dkyil 'khor gyi dbus su mchog gi nam mkha' i dkyil na/ dam tshig mkha' 'gro'i dbang

  397. 199a

    phyug mas 'khyud pa/ dpal dam tshig sems dpa' i dbang phyug skye ba dang 'jig pa dang/ gnas pa'i rnam pa'i byed pa po'i dregs pa 'joms pa'i phyir bzhengs pa/ rgyu mas brgyus pa'i mgo bo chen po'i chun 'phyang gis brgyan pa'i yan lag can/ phyag rgya lnga 'dzin pa/ rus pa'i rgyan can skra ser pho gyen du 'greng ba/ smin ma rgyas pa/ spyan dmar ba/ gar dgu'i ro chen po'i dang tshul can/ ha ha ro rgod pa/ tshangs pa'i lpags pa rked par khyab pa/ ska rags kyis bcings pa'i sil sil gyi sgra sgrogs pa/ ma mchu'i ro'i bdud rtsi'i btung bas bzhi ba/ zhi ba chen po'i lpags pa bshus ma thag pa'i rlon pa phyag gnyis kyis gyen du sbyangs pa/ pad+ma kha phye ba yis dbu'i rin po che'i rnam par brgyan pa/ phyag lhag ma rnams ni 'jigs byed chen po khrag chen po kha nas 'dzag pa/ snod na yod pa'i bza' ba dang btung ba'i don gyi phyir bsnams zhes bya'o/ /dam tshig mkha' 'gro'i dbang phyug ma bcom ldan 'das dang mnyam pa/ zhal gcig phyag gnyis pa/ spyan gsum pa/ sgra grol ba/ phyogs kyi na bza' can/ gnyis su med pa'i sbyor ba'i bde ba chen pos mnyam par 'khyud pa/ rus pa'i rgyan gyis rnam par brgyan pa/ mi bskyod pa'i cod pan bcings pa/ gri gug dang snod 'dzin pa/ shin tu rings par ske la 'khyud pa/ ma mchu'i ro'i bdud rtsi'i btung bas bzhi ba/ thams cad kham du byed pa'i dam tshig gi yan lag ma'o/ /sna tshogs pad+ma'i 'dab ma brgyad kyi shar gyi 'dab mar legs dgyes sku rag ma/ sku mdog nag mo/ /byang gi 'ang bye mar legs dgyes 'gro ma ser mo/ /nub tu legs 'od dmar mo/ /lhor legs dgyes gtum mo ljang mdog ma/ me'i mtshams su legs dgyes

  398. 199b

    phreng ma ri bong can 'ong/ srin po'i mtshams su legs dgyes bum pa ma nag ser gyi mdog /rlung gi mtshams su legs dgyes dri ma utpa la'i mdog /dbang ldan gyi mtshams su legs dgyes mdzes pa nyi ma gzhon nu'i mdog /thams cad spyan gsum pa g.yon brkyang bas gnas pa/ skra grol? ba gcer bu ro la zhon pa/ zhal gcig phyag gnyis pa/ ral gri dang snod band+ha dang/ kha TwAM ga dang/ phyag rgya lnga dang rus pa'i rgyan gyis brgyan pa'o/ /shar dang byang dang nub dang lho'i mtshams su legs dgyes sgro? ma/ legs dgyes 'jigs ma/ legs dgyes do shal ma/ legs dgyes sprin ni/ rdza rnga dang gling bu dang/ dgu po rgyud mangs dang/ rnga sgra sgrogs par byed pa gzugs gnyis pa phyag gnyis pa'o/ /shar dang byang dang nub dang lho'i skor legs dgyes 'ong ma/ legs dgyes pad+ma/ legs dgyes dga' ma/ legs dgyes tshul khrims ma/ phyag gnyis kyis mda' gzhu 'gengs pa/ gzhan bzhugs thabs dang/ rgyan la sogs pa ni sna tshogs pad+ma la bzhugs pa'i rnal 'byor ma de bzhin du bya'o/ /gzugs dang sgra dang dri dang ro dang reg dang/ ye shes dang chos kyi dbyings dang/ sa dang chu dang me dang rlung dang nam mkha' dang/ chags pa dang phrag dog dang nga rgyal dang gti mug rnam par dag pas/ lha mo brgyad gnyis dam tshig gi mkha' 'gro ma'i rnam par dag pa bskyed pa'i rim pa lung las gsungs so// //dpal dga' ba'i me tog gi phreng ba las dam tshig sems dpa' i bdag nyid can/ dpal ye shes kyi mkha' 'gro'i bskyed pa'i rim ? bsgom pa bstan pa zhes bya ste brgyad pa'o// //de nas gzhan yang dpal ye shes mkha' 'gro la mchod pa'i don du/ mchod sbyin gyi cho ga bshad de/ dang por gnas dang nye pa'i gnas la sogs

  399. 200a

    par mchod pa byas pa'i 'og tu nang gi mchod sbyin gsum bya'o/ /dngos po dang rten dang rnam par 'byed pa'i bde ba chen po la sogs pa'i 'khor lo bzhis/ tha ma dang 'bring dang rab dang/ rab kyi rab dbang po dang/ bsnyen pa dang/ nye bar bsnyen pa dang/ sgrub pa dang sgrub pa chen po dang/ dga' ba dang mchog dang chad pa dang rang bzhin dga' ba dang/ gnas la sogs par chu tshod sum cu rtsa drug gi bar du kun spyod 'khor lo'i rim pa yis/ ma mo'i drangs pa'i sngags kyis mchod pa'i mchod sbyin bya'o/ /reg bya'i khams dang rgyal mtshan sbyor bas/ rdo rje dbyings kyi dbang phyug ma khong du chud pa'i ye shes kyi 'od kyis bde ba chen po'i 'khor lo zhu ba'i bdud rtsi bde ba chen po'i bdag nyid can/ byang chub kyi sems kyi thigs pa re res gnas dang nye ba'i gnas na bzhugs pa'i mkha' 'gro ma rnams kyi mchod pa'i rim pa'o/ /dang po'i gnas kyi chu skyes dpal u rgyan du gzugs ldan ma/ dag ba'i dngos po rnam par snang mdzad kyis dzA land+ha rar bud ldan ma sgeg pa'i dngos po/ nam mkhas pul+lir ma yas bya rgod sna ma dga' ba'i dngos po nyi shu pas/ kA ma ru par du ma rab tshim gyi dngos po sum cu pas/ mA lA wa ra glang chen kha ma/ dad pa'i dngos po trar a'i mthar gyis sind+hur dang po'i stobs ma/ khong du chud pa'i dngos po gsum pa'i gnyis pa'i nA gar du ltogs ma/ gsal ba'i dngos po bcu gnyis pas sing nga lar lce rings ma/ lta ba'i dngos po'i 'od kyis mu mu ni ra lo ma ring/ sbyor ba'i brten brgyad pa'i bdun pas de bi ko Tir lto ba che/ dam tshig gi rten lnga pas ko lu tar dri ldan ma/ ro'i rten brgyad pa'i gnyis par arbu tar dri rngo ma/ tshul gyi rten nyi shu bdun pas ha ri ke la par bsil sbyin ma/ g.yo ba rten nyi shu lnga pas/ gau dA bar 'od

  400. 200b

    ma/ dus kyi rten nyi shu pas lam pa kar dbyangs snyan ma/ rnam par smin pa'i rten sum cu gnyis pas kany+dza kar pu lin da ra/ bsnyen pa'i rten brgyad pa'i brgyad pas/ las kyi grong du utpa la'i dri/ las kyi rnam par 'byed pa'i gsum pa'i gsum pas/ gser gyi gling pu pad+ma'i dri/ reg bya'i rnam par byed pa lnga'i dang po sa/ kongka nar mtsho mi tshig byed/ dga' ba'i rnam par 'byed pa'i chu yis byin dar/ rkang rings ma/ bsam gtan gyi rnam par 'byed pa bzhi pa'i dang pos yi dags 'dus par rus ldan ma/ nges par 'byed pa'i sems lnga pa'i bzhi pas/ rgya mtsho'i ngogs su chu srin mig ma/ lta ba'i rnam par 'byed pa brgyad pa'i bzhi pas/ tsa ri trar nya'i kha /chags pa'i rnam par 'byed pa bzhi pa'i gsum pas/ gzhon nu'i grong khyer du sna tshogs yan lag ma/ brtson 'grus rnam par 'byed pa sum cu'i gsum pas kasma rar ga pur lus ma/ 'phro ba'i ye shes bzhi pa'i lnga pas/ ke ra twa ma rma bya'i sgro ma/ dran pa'i ye shes bzhi pa'i gsum pas/ ne pa ler 'dod ma/ brtson 'grus kyi ye shes nyi shu pas/ karnu dza ra dag pa'i lus ma/ kun spyod ye shes dang po gsum pas/ 'chi med grong khyer du skra legs ma/ bskyed pa'i ye shes gsum pa'i gnyis pas/ mi'i yul du sna tshogs pad+ma/ gleng gzhi'i ye shes bcu gnyis pas/ sa 'og tu 'dod pa'i ske rags ma/ rnyed pa'i ye shes bdun pas ri rab rtser pad+ma'i zhal ma/ gnyid sad ye shes gsum pa'i gsum pas so/ /dang po'i lte bar shar gyi lus 'phags su srog ma/ dga' ba lnga pa'i lnga pas sgra mi snyan du la la nA/ mchog dga' brgyad pa'i bzhi pas ba lang spyod du ra sa nA chad pa'i dga' ba swa'i yig 'brus 'dzam+bu'i gling du a ba d+hU tI/ rang bzhin dga' ba'i ha'i yig 'brus so/ /dpal dga'

  401. 201a

    ba'i me tog gi phreng ba las mo'i btus pa'i sngags kyis mchod pa'i cho ga dang/ gnas dang nye ba'i gnas la sog pa dang dngos po dang rten dang ye shes dang/ rnam par 'byed pa'i rim pa bzhi'i don bskyed pa'i rim pa'i yan lag bstan pa zhes bya ba ste dgu pa'o// //de nas gzhan yang dpal ye shes mkha' 'gro la mchod pa'i don du/ nang gi mchod sbyin gsum gyi cho ga bshad do/ /chos kyi 'byung gnas kyi rnam par gnas su pad+ma'i khab tu re gong can shar ba/ nam phyed kyi dus su ping ga la'i rtsa 'gro ba'i snang ba zhu bar gyur ba'i hUM gi sngags kyis mchod par bya'o/ /bde ba'i gnas 'dab ma brgyad kyi lte ba'i dbus su nyi ma shar ba'i nyi ma phyed dus su arnga'i snang ba mched ma nur nur por gyur pa'i/ phaT ka ra'i sngags kyi mchog gis dga' bas mchod par bya'o/ /bde ba chen po'i gnas su drug cu rtsa bzhi'i 'dab ma'i pad+ma'i baM gi rnam pa'i lte ba ba ra ta ka'i nan du chu shing pad+ma'i phra mo'i bu ga 'byung ba'i dus su so sho ma na'i gnas snang ba thob pa/ gor gor por gyur pa'i bde ba chen po me g.yo ba sa ka ra'i sngags kyis mchod par bya zhes 'gro ba'i man ngag go /mchod sbyin gsum gyi cho ga'i dbus su /skal ldan ma yin pa 'jug pa mi sbyin zhes brda' tshig go /in+d+ra b+hU ti'i zhal snga nas dbang gsum thor ba nang gi reg bya nyams su myong ba shes pa /ye shes kyi snang ba gsum mthong ba de kho na nyid/ chags pa dang chags pa dang bral ba'i 'dzin pa spangs pa/ skal ldan la 'jug pa sbyin par bya zhes bshad do/ /bzhi pa'i skabs su mchod sbyin gsum gshegs su gsol ba'o/ /rten med pa/ gnyis su med pa rang rig pa/ nam mkha' bzhin du bde ba chen po/ rlabs dang bral ba'i rnam

  402. 201b

    pa/ ha'i yig 'bru'i sngags brjod pas ra ba 'od kyi ngal bso pa'i bsnyen pa bya ba man ngag go /dpal dga' ba'i me tog gi phreng ba las/ nang gi mchod sbyin gsum gyi cho ga dang snang ba bzhi rdzogs pa'i rig pa'i don bstan pa zhes bya ba ste bcu pa'o// //de nas gzhan yang dpal ye shes mkha' 'gro la mchod pa'i don du sbyin sreg gi las bshad de/ sgrub pa'i dbang po kun sbyin sreg gi las ma yin par rab dang 'bring dang tha ma'i dngos grub bam/ thog ma dang tha ma dang dbus kyi gnas su myong ba'i sar rtog pa med pa'i 'bras bu mi rnyed de/ de ma rnyed pas bzhi pa'i rim pa'i sbyor ba'i dngos grub chen po thob par 'gyur ba med do/ /thob par mi 'gyur bas 'jigs pa'i phyir/ /btang snyoms ma yin pa'i bya bas rten 'brel dang kun brtags pa la sogs par/ gzung ba dang 'dzin pa'i bskyed pa'i rim pa rten dang brten pa nges par bya'o/ /de yang rang la byin gyis brlab pa'i rim pa'i dam tshig gis spyod pa/ rab kyi rab bsnyen pa la sogs pas dbyer med par mthong bar bya'o/ /dpal dgyes pa'i rdo rje las/ dbyer med rtag pa'i dngos grub ni/ /phyag rgya'i dngos grub thob par 'gyur/ /zhes gsung so/ /de bas na phyag rgya dang/ sngags dang rab tu sbyor ba dang/ bsam gtan dang/ ye shes dang dga' ba la sogs pa dang/ spro ba dang bsdu ba thams cad nang gi sbyor bas mthong bar bya'o/ /zhi ba dang rgyas pa dang dbang dang drag po dang dga' ba dang skad cig dang ro bsrubs pa dang bsrubs thabs chen pos las kyi rlung gis mnyam pa'i 'khyud pa'i dga' ba khong du chud pa las/ lte ba chen po'i chu skyes snying po'i nang du yungs kar sbom po tsam/ nyi ma'i gnas pa ye shes chen po'i thig le/ yi ge med pa mi bzad

  403. 202a

    pa sa dang chu dang me dang rlung dang bral ba blo dur ba zab pa/ nam mkha' i dbus na gnas pa/ phra mo'i yang phra mo shigs pa phra ba ye shes chen po'i 'od kyi rang bzhin gyi tshul tsam/ sbyor thabs la sogs pa la brten te langs nas 'khyud pa dang/ 'o la sogs pa'i rgyu rtsal byas pas mchog gi bde ba'i ye shes myong ba la dpyod pa'i 'di ni bde ba chen po'i zhes myong ba ste/ slob dpon dang/ gsang ba dang/ shes rab ye shes dang/ bzhi pa dang rgod pa nang/ lta ba dang/ lag pa bcings pa dang gnyis gnyis 'khyud pa'i rgyud kyi rim pa las/ mchi ma dang/ rdul dang yan lag mi brtan pa dang/ dbugs rgod dang/ de lta bu'i rtags ye shes kyi snang ba mthong zhing/ dbus kyi rkeng rus kyi dbyug pa'i thog ma bde ba chen po'i 'khor lo'i pad+ma'i lte ba'i nang gi mig nam mkha' lta bu/ dmar thigs kyi gnas su ngal so ste/ /ye shes chen po'i bdud rtsi'i bum pa bzung nas kun tu 'jig rten skyong ba la sogs pa la sna tshogs kyi mchod pa byas te/ de nas rang la byin gyis brlabs kyi rim pas 'khor lo bzhi yi chu skyes kyi lte pa'i nang na bzhugs pa'i med la dgug pa dang/ dbang bskur ba la sogs pa rdzogs par byas nas/ dang po bde ba chen po'i thabs khung gi nang du dgang blugs bzhi dga' ba'i me tog gi ri dbang can gyi thig le bkram pa/ oM zhes slob dpon in+d+ra b+hU ti'i zhal snga nas kyi bshad do/ /de nas dgang blugs brgyad longs spyod du mngon par dga' ba'i me tog gser gyi thig le bkram pa'i a'i rnam pas zhes bya ba /dri med rdo rje'i zhal snga nas kyi bshad do/ /de'i 'og tu dgang blugs bcu gnyis chad pa'i dga' ba'i me tog dmar bkram thig le chos kyi 'khor lor/ hUM gi yi ge'i sngags kyis zhes slob

  404. 202b

    dpon pad+ma pad+ma'i? zhal snga nas bshad do/ /de'i 'og tu phyi'i rnam par rtog pa'i bdag nyid can/ /phung po dang khams dang skye mched la sogs pa'i yam shing blugs nas dgang blugs lta bar byed/ longs spyod dang bde ba chen po'i ngos gnyis phrad pa'i dbus su 'khor lo'i lte ba gnyis kyi nang du dbu med pa/ a na tsa ka /smin phrag gi 'khor lo'i steng gi mtshams kyi bu ga'i nang/ oDyaN gyi lam nas bdud rtsi'i chu bo'i rlabs kyis 'gro bas snying gar rol nas a na tsa ka'i blugs bzar gyi rtse mo'i 'og rnam pa'i snod du ngal so nas/ rgyun ma chad pa'i bdud rtsi'i mar gyi rgyun phaT kyi sngags kyis nang gi lte ba'i ye shes kyi thabs kyi chu skyes kyi lte ba phra mo'i bar ta ka'i nam mkhar bde ba chen po'i gnas su/ dga' ba bcu drug gi thig le rab tu bkram/ mngon par dga' ba'i gnas su dgang blugs/ b+hur b+hu ba swa/ rab tu tshim pa'i don du mi 'khrul pa'i sems kyi sbyin par bya zhes slob dpon zhabs kyi pad+ma'i bka' drin gyis me'i las kyi man ngag gi brda zhes bya'o/ /dpal dga' ba'i me tog gi 'phreng ba las grub pa bzhi'i rang la byin gyis brlabs pa'i rim pa'i mdor bstan pa dang/ gnyis su med pa'i thig le'i tshul dang shes rab dang thabs gnyis su med par sbyor ba'i/ sbyin sreg gi las kyi don bstan pa zhes bya ste bcu gcig pa'o// //de nas gzhan yang dpal ye shes mkha' 'gro la mchod pa'i don du dus 'byung ba'i grangs kyis mdud pa sum cu rtsa gnyis dang ldan pa/ dbang bskur ba thob pa'i sems can gyi tshogs la dga' ba'i sngags mdud bshad de/ sprul pa la sogs pa'i thabs bzhi'i rten gyi rtsa'i skud pa'i dbyug gu nyi shu rtsa brgyad lhag pa'i brgya'i phyed nyin mtshan phyi'i rten dang brten pa'i kun sbyor ro/ /sum cu rtsa gnyis kyi chu tshod kyi bar du nang gi rtsa'i kun spyor

  405. 203a

    rlung la zhon nas byang chub kyi sems dga' ba bcu drug sbyor bas sang kriN ta bcu drug la kun 'bab po bde ba chen po'i dmar thigs dga' ba'i thig le thun tshod brgyad kyi phyed 'bar ba phyed 'dzag go zhes bcu drug gi phyed kyi phyed la kun dga' bo/ /de lta bu'i 'byung ba bzhi'i dkyil 'khor 'byung pa'i dbus nas srog gi grangs brgya brgyad lhag pa'i stong phrag bcu phung po'i rten sum cu rtsa gnyis kyi mdud pa dang ldan pa'i keng rus chen po'i dbyug pa'i nang du chu shing gi snying po'i rnam pa'i dbus nas srog gi 'byung ba spro ba dang bsdu ba g.yas dang g.yon pa'i dbang po'i rten du nges par sbyar te/ dri ma med pa'i blo gros yi bsam gtan gyi bdag nyid kho na dus kyi 'byung ba'i grangs bgrang ba zhes skud pa'i mdud pa bcings pa/ mchog gi dga' ba'i gnas kyi chu skyes nam mkha' bde chen rgyal po'i pho brang nas rnam par shes pa'i dga' bas rlung me chu sa bskyed pa'i rim pas 'byung zhing de'i nang du rlag rang bzhin gyis 'khor zhing 'khrul pas pha rol mi rnyed zhes bral ba'i gnas pa'i bye brag go /sems dang sems las byung ba dang/ ma rig pa'i rlung la brten nas rang bzhin gyis/ srid pa dang mya ngan las 'das pa'i gleng gzhir gyur pa'i snang ba dang/ mched pa gnyis zla ba dang/ nyi ma dang/ rang bzhin dang/ me de dag gis sems can du gyur pa de yang rnam par dpyod pas/ gang du yang sems can med de snang ba mched pa gcig pu'i stong pa nyid chen po'i byin gyis brlabs kyis so/ /de ni gcig pus zla ba dang/ nyi ma dang/ me dang/ snang ba gsum shar ba dang nub pa dang/ tho rangs dga' ba'i bdag nyid can kun rdzob kyi rlung la brten nas tha ma dang 'bring dang rab dang de dag la sogs pa 'dus pas ma rig pa zhes bya ba'i

  406. 203b

    stobs chen po yun ring po'i dus nas rang bzhin kun gyi mtshan mo dang nyin mo dang mtshams kyi bar du dus kyi 'byung ba byed pa zhes bsams nas rten dang brten pa dpyod par byed do/ /rnam par shes pa'i rlung ma rig pa la gnas nas rlung dang ldan pa'i phung po dang/ khams dang/ skye mched rnams grog gi rten dang sbyor ba med pa de ni ro'o/ /rten dang brten pa'i rnam par 'byed pa las gang gi tshe las kyi lus mi len pa de'i tshe bar ma do dang stong pa'i rang bzhin no/ /de bas na srog dang bcas pa dang/ shi ba don dam par dpyod pas rnam par shes pa'i rlung na'ang med pa'o/ /kun rdzob dang don dam pa ma spangs pa'i rim pas thams cad bde ba la sogs pa'i snang ba'i bdag nyid can gyi byang chub kyi sems kyi me tog gis rdzogs par byas pa'i dga' ba chen pos mdzes pa'i chun 'phyang rtsi'i skud pas brgyus pa/ mnyam pa dang mi mnyam pa dang bral ba rten gyi dbyug pa'i sgo nga'i snying po'i bdud rtsi'i ro bsrung ba'i don gyi phyir sngags mdud sbyin pa snang ba mched pa'i rang bzhin zhes man ngag go /de yang snang ba mched pa yongs su shes pas bsod nams dang sdig pa dang bral ba'i phyag rgya chen po'i dngos grub thob po bskal pa du ma stong du gtong ba dang gtong ba chen po dang shin tu gtong ba dang/ tshul khrims dang bzod pa la sogs pa goms pas rlabs po che'i sems kyis sngags dang phyag rgya la brten pa dang/ bsam gtan 'dzin pa byas na yang de lta mod kyi snang ba mched pa dang ma dag pas byang chub gang du yang mi rnyed do/ /stong pa nyid chen po'i rang bzhin rnam pa gsum gyi ye shes dag pas skad cig gcig gis mngon par rdzogs par byang chub pa zhes don dam par ro/ /khyab 'jug dang lha chen po dang tshangs pa dang brgya byin dang nye dbang la sogs pa rang bzhin snang ba la 'khrul

  407. 204a

    pas zab pa drag po shin tu gting ring ba gting dpag dga' ba'i srid pa'i rgya mtsho 'khor zhing snang ba mched pa mi shes pa pha rol mi rnyed pa de rnams kyang mi khom pa'o/ /dpal dga' ba'i me tog gi phreng ba las dus 'byung ba'i grangs dang/ srog gi rlung dang/ keng rus kyi dbyug pa mdor bstan pa dang/ rtsa'i sngags mdud sbyin pa dang/ snang ba'i rnam par dag pa'i don bstan pa zhes bya ba ste bcu gnyis pa'o// //de nas gzhan yang dpal ye shes mkha' 'gro ma mchod pa'i don du gtor ma'i cho ga bshad de/ skye ba gsum pa dur khrod chen po'i dbus su 'gyel ba 'am/ yang skye ba gnyis pa ji lta ba'i cho gas blangs la/ dum bu brgyad du byas la gtor ma chen po'i snod du/ phyogs dang mtshams bye brag tu mdzes pa'i dga' bas dang po'i rim pas bzhag par bya ste/ rgyal po'i sA lu shin tu khengs par gang bar byas nas dri ma med pa'i zla ba dang nyi ma'i me tog gis dang/ gdugs dang rgyal mtshan dang 'phan la sogs pa dang/ rma bya'i rdul yab la sogs pa dang/ rnga yab dang dra ba dang/ dra ba phyed pa dang/ me 'od dang/ dga' ba'i me tog dang/ mar me dang/ sgron me dang/ sna tshogs kyi mchod sbyin dang/ sna tshogs pa'i dri zhim pa'i spos kyi dang/ 'bras bu la sogs pa dang/ gos sna tshogs dang/ ral gri dang/ sta gri dang/ rtse gsum gyi kha TwAM ga rim pa ji bzhin du bzhag nas dbangs gtor bya'o/ /de'i 'og tu pad+ma chen po'i snod dum bu gcig par rgyal po chen po'i bdud rtsi'i ros gang ba/ rigs la sogs pa'i me tog gis mchod dbus su bzhag nas lu gu rgyud bcings te gung mo sbyar ba'i phyag rgya la sogs pas arg+ha brgya rtsa brgyad kyi sbyin pa dbul bar bya'o/ /pad+ma'i snod kyi lte

  408. 204b

    ba'i brta ka'i nam mkha' i gnas su 'od stong can de'i steng du ri bong can/ dkar po'i 'od kyi rang bzhin gyi byang chub kyi sems bde ba chen po'i rnam pa/ dam tshig chen po'i yan lag ma dang/ gnyis su med pa'i sbyor ba 'khyud pa'i dpal ye shes mkha' 'gro sngar bstan pa'i cho ga las dkyil 'khor lo dang bcas pa bsgom pa zhes bya'o/ /snod kyi phyi rol tu nam mkha' la spyod pa /mkha' 'gro ma chen mo thabs dang bcas pas 'khyud pa gnyis med pa'i sbyor bas mthong bar bya'o/ /de'i phyi rol tu phyogs skyong brgyad mtshon cha 'dzin pa'i gzhan yang lha chen po dang nyi ma dang zla ba dang nye ba'i dbang po dang/ tshangs pa dang khyab 'jug dang nag po chen po dang/ gzhon nu dang bgegs chen po dang/ pho nya dang/ dus mtshams dang/ kun 'byed dang/ chu dang me dang rlung dang sa dang/ gzhan lha dang lha ma yin du ma sna tshogs ma mo'i gtso mo dang/ de'i mthar klu chen po'i rgyal po brgyad tshogs du mas bskor ba /de'i phyi rol tu 'byung po yi dags/ sha za myos byed/ grul bum lus srul po/ gzhan yang brtson med mkha' 'gro ma 'khor mang po dang bcas pa dang/ gdug pa'i gza' du ma dang/ rnag za ba ste/ de dag dgug pa dang gzhug pas gtor ma chen po'i snod du rab gnas byas te/ rol mo du ma sna tshogs kyi sgra glu'i mchod sbyin bya/ /dam tshig gi dkyil 'khor gyi dbus su bdag nyid dpal he ru ka'i sku ye shes kyi phyag rgyas gtor ma byin gyis brlabs te/ rsngar bstan pa'i mkha' 'gro ma la sogs pa'i tshogs kyi 'khor dang bcas pa/ chu dogs chen por 'gro zhing de ru dam tshig chen pos gsol nas/ g.yas brkyang dang g.yon brkyang dang/ g.yon 'gyur ba'i bzhugs thabs la sogs pa'i gar chen po'i ro'i dpang gis dga' bas sems can

  409. 205a

    thams cad la phan pa'i don grub par bya ba'i phyir tshogs kyi dkyil 'khor thams cad gsol cig /'thung zhig dam tshig bsrungs shig /zhi ba dang rgyas pa dbang dgug pa la sogs pa'i las grub pa'i grogs mdzod cig /pad+ma'i lag skor rdo rje'i snyim pas gtor ma sbyin par bya'o/ /oM A(rgyud 'grel): hUM hUM hUM phaT phaT phaT swAhA/ dpal dga' ba'i me tog gi phreng ba las gtor ma chen po'i cho ga'i don bstan pa zhes bya ba ste bcu gsum pa'o// // de nas gzhan yang dpal ye shes mkha' 'gro la mchod pa'i don du bstod pa'i mchod sbyin bshad de/ dpa' po chen po dpa' bo'i dbang phyug mkha' mdza' zab cing gting dpag dka' ba gnyis med sbyor ba'i mnyam 'khyud ma mchu'i mi mo bdud rtsi btung bas bzi ba bde ba brgyal 'gyur rgyal gyur cig/ thig tshul char yang dga' rten nang rkeng rus dbyug pa rtsa 'khor nang bzhugs A li kA li gnyis stong thugs rje dbyer med rang bzhin bdud rtsi byang sems rgyal gyur cig /dga' ba bcu drug mdzes rnam dri med sku ro chen brgyad nyams myong rang rig ye shes bdag nyid de nyid rgyal gyur cig /thog ma tha ma dbus der gnas chu skyes? dbang bskur ye shes snang ba skad cig yi ge 'khor lo sngags rgyud rim mdzes de bzhin gshegs pa tshangs pa khyab 'jug nyi ma zla ba la sogs khyab gtso rgyu khyed rgyal gyur cig /dpal dga' ba'i me tog gi phreng ba las/ de kho na nyid kyi bdag nyid kyi zhi ba'i bstod pa'i mchod spyin gyi don bstan pa zhes bya ba ste bcu bzhi pa'o// //de nas gzhan yang dpal ye shes mkha' 'gro la mchod pa'i don du smon lam gyi rgyal po bshad de/ dag pa'i zla ba'i 'od dkar snang ba bde chen legs dgyes myu gu'i rnam pa'i lte ba'i nam mkha' las byung ba de

  410. 205b

    chen nam mkha' las byung bdud rtsi bza' ba rtag tu dus gyur cig /rtag chad mngon dga' dga' bral gnyis spangs dri med rdor snying nang rang bzhin gcig pu'i mtshon rdor bsam gtan kho nar gyur cig /rang nyams myong rnam mdzes dga' brgyad gnyis lo pad 'od mnyam pa dmar thigs lag rkang utpa la 'dab spyan gsum dbus phra dbang sa shes yan lag ma'i sbyor ba shin tu kho nar gyur cig /thams cad 'jig rten khams yang dag rdzogs sangs rgyas byang chub chub rab gnas phyir bla med theg chen nang gi nam mkha' rang bzhin bdud rtsi snying po mdzes shin tu khengs chos 'byung grags pa'i tshangs bzhir gnas gyur cig /dpal dga' ba'i me tog gi phreng ba las/ bde ba chen po'i dmar thigs chos kyi 'byung gnas grags pa'i 'bras bu'i smon lam gyi don bstan pa zhes bya ba ste bco lnga pa'o// //de nas yang dpal ye shes mkha' 'gro la mchod pa'i don du gshegs su gsol bshad do/ /sngar bstun pa'i sgo dgu la sogs pa dang ldan pa'i sku las/ thog ma dang tha ma dang ye shes sems dpa' dang dam tshig sems dpa' i dkyil 'khor las/ zla ser me tog gis gang ba nyi 'od kyi snang ba'i pad+mas mchod par byas nas/ nam mkha' dang zla ba dang nyi ma dang chu dang me dang rlung gi ye shes bdun gyi sngags kyis bzlas pa'i phreng ba rgyun ma chad pa'i yid kyis shes rab dang thabs gnyis su med par sbyor bas skor sgyur pas/ dkyil 'khor 'khor lo la sogs pa'i go rims rdo rje'i sgo'i rta babs tshon rtsi la'i gnas pas gcig bu'i tshe'i gnas su rdor gsum ye shes sa bon gyi nang nas dang po'i gcig gcig gi phra mo'i cha'i tha ma'i gnas la mi g.yo ba'i yid kyis dang po gshegs su gsol bar bya'o/ /dbus nas nang gi pad+ma gnyis po'i gcig gis 'tsha

  411. 206a

    med dri med rgyas dang spro ba dga' ba dang/ srog dang skyabs sbyin dang gleng gzhi ste 'dod chags chen po brgyad kyis gshegs su gsol ba gnyis pa'o/ /dang po gnas kyi pad+ma'i lte bar gdu bu'i gnas gsum pa'i gcig gis dang/ gzhan brtson 'grus dang/ bsam gtan dang 'od dang/ lam dang/ rten dang/ brten pa dang/ 'byung ba dang/ tshim pa dang/ bdud rtsi dang/ sgeg po dang/ longs spyod dang/ snang ba dang/ sgron ma dang/ brtan pa dang/ g.yo ba dang/ bcud kyis len te/ de lta bu la sogs pa'i bcu drug tshim pa'i char yang me tog gis gshegs su gsol ba gsum pa'o/ /tor ya'i gnas kyi chu skyes snying po'i lte ba chen po'i gnas man chad bde ba chen po'i 'khor lo'i lte ba'i nang bcu drug pa'i dang pos dang/ gzhan yang char yang thig le tshul tsam mchog gzhan mchog sbyor ba drug gi rmad byung me tog gis gshegs gsol bzhi pa'o/ /dpal dga' ba'i me tog gi phreng ba las/ yig bdun bzlas pa'i bsgos pa dang/ rdo rje gsum gyi ye shes kyi sa bon dang/ thog ma dang tha ma dbus chags chen po brgyad rdo rje chu skyes kyi gnas su bcu drug tshim pa'i char yang rnam par shes pa'i sbyor ba drug don gshegs pa bstan pa zhes bya ba ste bcu drug pa'o// //rnal 'byor dbang po du ma'i gzhung lugs ni/ /yang dag dpyad pa byas nas rmad 'byung smras/ de phyir blta dga' shin tu zab mdza' yas/ /re zhig gsum shes dpyod pa shin tu nus/ /sgra tshad? la sogs nga rgyal nam yang min/ /rgyud sogs du ma nyan pa nges kyang min/ /ji ltar rang bzhin gang zhig shes sam ci/ /gzhan min bla ma'i zhal nas gsungs min tshe/ /bla ma shin tu blo ldan nga rgyal med/ /de ltar rang bzhin shes pa

  412. 206b

    thugs rje'i bdag /rlabs chen chen po'i yul gyis gos pa med/ /de rdor sems bdag mchog bla ma la phyag 'tshal/ /dga' bdu ba me tog sna tshogs kyi ni yid 'phrog bzor/ /'jig rten 'dir don zab phyir dga' ba rin chen snang ba 'od zer ldan/ /don shes don dam par bde bskyed ma dpal ldan ye shes mkha' 'gro'i dga' ma/ /dag yangs bstan pas dri med 'bras bu gang zhig bdag gis rnyed pa dge /des myur rdo rje dbang phyug gi gnas 'jig rten gsum gyis thob bar shog /dpal oDyaN rdo rje chen po'i gnas las byung ba/ dpal rgyal po chen po inDra b+ho ti'i zhal snga nas mdzad pa'i/ dpal dga' ba'i me tog gi phreng ba zhes bya ba rdzogs so// // rgya gar gyi kha che'i mkhan po pradz+nyA sh+rI gupta dang/ zhu chen gyi lo tsa pa bande dge slong rin chen rgyal mtshan gyis bsgyur cing zhus te gtan la phab pa// //rgya gar skad du/ sh+rI tat+tA a mri to pa de sha/ bod skad du/ dpal de kho na nyid kyi bdud rtsi'i man ngag /dpal bde ba chen po la phyag 'tshal lo/ /sprul pa'i chu skyes lte bar zla ba nyi/ /de'i steng du 'od dmar 'dab ma gsum/ /chu las byung ba'i pad+ma'i mig snying 'dra/ /rtsa rnams kyi ni ngo bo bdag nyid yin/ / de yi dbus su bde chen bdud rtsi grub/ /tshul ni tshig gis brjod mi rnyed/ /nyams myong rang bzhin phyag 'tshal te/ /de nyid bdud rtsi bdag gis bshad/ /gang gi drin gyis de nyid bdud rtsi ni/ /ngag tu brjod phyir 'di ltar bdag blo rgyas/ / de zhabs pad la thal sbyar mgo bo yis/ /sa la dad pas yan lag brgyad btud de/ /ji ltar dpal ldan bla mas bdag la byin/ /de bzhin rang gi rig pas mngon byung ba/ /gzhan min nang gi reg bya 'jam pa sbyin/ /sngon med 'byung ba'i 'bel

  413. 207a

    gtam bdag gis bya/ /yang dag blo chen skal ldan rtog ge min/ /ser sna med cing mngon pa'i nga rgyal spangs/ /bla ma'i rim gro lhur len dbang bskur ldan/ /sems can don la 'khor ba'i gti mug spangs/ /snying po mthun pa dgyes pa yis/ /gsang chen gnas su gang la lar/ /srid dang mya ngan 'das don rig /longs spyod rdzogs lus mchog gi sku/ /bde ba'i snying po dpe med pas/ /phra mo ru ni lta bas gzigs/ /dam pa'i dga' bas mos pa la/ /bzhag ste rnam pa 'di ltar spyod/ /re zhig 'di ci bdag gang yin/ /ci bsgom gang gis bsgrom par byed/ /'di ni thams cad de nyid min/ /rnam par 'khrul par dngos 'dul ba/ /nyams su myong bas 'bras bu'i dus/ /bzhi po'i don ni de kho na/ /bla ma'i zhal nas bstan pas rnyed/ /de ni bdag gis yang dag gces/ /de yi lugs na nges gzung nas/ /yang dag ye shes tshor bya ste/ /dam pa'i bde ba la zhen chags/ /rang gi mchog dga' ba la 'bad/ /bde ba yi ni bdud rtsi ster/ /tshor ba yis ni nges par gzung/ /rlung gi yon tan cho ga yis/ /lte ba yi ni dbus nas bskyod/ /gdu bu utpal gyi nang du/ /bde ba'i rgyal po khyab par byed/ /yang dag gzu lums can gleng bzhis/ /reg bya yi ni gnas su 'jug /brjod med nyams su myong bar byed/ /'du shes thams cad las ni grol/ /rang dang gzhan gyi bye brag ni/ /gang yang de ltar ma shes so/ /de nas de ni mya ngan 'das yid yang/ /de lta mod kyi snying rje'i sems bzung nas/ /ji ltar chu las nya ni 'phyong ba bzhin/ /sems can don phyir bdag dga' de lta bu/ /bdud rtsi bo bong can zhu bas/ /chu skyes rlon par byug pa yin/ /dga' ba'i lta bas gzigs nas su/ /bde ba yi ni reg bya gsol/ /spro ba yin tshad dus su/ /'di

  414. 207b

    ltar thug pa med pa skye/ /'dar ba la sogs pas spro ba /drug gis lhag pa'i bcu yi grangs/ /dngos po byed la sogs par ldan/ /gnyis dang 'khrul dang brgyad dang skom dang 'dar/ /sgeg dang skrag dang bya bsnyangs dang/ /rngam pa ba spu langs dang mchi ma 'bar/ /drod dang bde ba'i gzhan min dngos po dang/ /rten dang de bzhin rnam par 'byed/ /thog ma tha ma rgyu sogs rnam par 'byed/ /rnam 'byed gzung nas rnam par 'byed min lam/ /rnam par 'byed pa'i 'byed pa rtog med sa// rnam par 'byed sa srid la 'byed bsgom ni/ /rnam 'byed gzhan min ji ltar gzhan ma phod/ /srid par 'byed las mya ngan 'das gzhan med/ /srid bdag de nyid mya ngan 'das rab grags/ /de bas srid dang mya ngan 'das/ /bye brag bsgom par mi bya'o/ /gnyis su med par mthong nas su/ /gnyis med de yang spang bar bya/ /rnam rtog kun dang bral ba yi/ /gang zhig dgyes pa'i gnas su ni/ /lhun gyis grub pas mngon dga' ba/ /'ongs nas che bar rab tu gsol/ /sprin la sogs pa'i rkyen shes nas/ /mngon par dga' bas ltung mi 'gyur/ /khong du chud pa'i rab sems kyis/ /yang dag mchog gi gros shig bya/ /rin chen pad+ma'i gsang chen po'i/ /me yi dkyil gyi dbus su ni/ /gsum du dgyes pa'i de nyid shar/ /mi yi grangs la cig cig btsir/ /de nas snying po de ni 'dzag /zla ba bde ba'i mchog dgyes pa'o/ /mchog gi gzu lums can phyag rgya/ /steng gi lam du mthong ba yin/ /nam mkha' de yi dbus su rgyas// tshad med pa yi 'od zer gzugs/ /ri bong 'dzin pa dkar ba'i 'od/ /sku ni sprul ba'i phyag rgya yis/ /srid pa gsum rigs dbus su ni/ /srog rtsa yang na sgur mo yi/ /pad+ma'i yon tan 'di ni char/ /thig le de ni shukra'i gzugs//

  415. 208a

    mchog gi bde ba grub pa'i tshul/ /bdag nyid de ni ngo bo yin/ /'di ni sna tshogs don chen po/ /thams cad bskyed pa'i sbyor ba yin/ /gnas med pa yi gnas su ni/ /tshul can gyi ni grags pa mchog /bde ba grub pa zla ba'i lus/ /de bzhin dgyes pa grags pa'o/ /bsam du med pa'i phyag rgya rab/ /de ni mchog nyid nam mkha' i gzugs/ /mchog gi nam mkha' i 'od la ni/ /sku mdza' phyag rgya gzhan mchog yin/ /spyod pa sna tshogs pa yin// 'das pa de ni rdzogs pa'o/ /nyams su myong ba mchog gnas su/ /de nyid rin chen bdag nyid gsum/ /rgyal mtshan kha ni 'dzin par grags/ /sgo yi dbus su char yang mchog /rdo rje sems dpa' i snying ga'i dbus/ /thig le grags pa med pa'i sku/ /mthe'u chung gdu bu gsang ba yi/ /ske yi 'khor lo tshul yin no/ /drug gis lhag pa'i drug pa bcu/ /'dab ma gnyis chad lte ba ru/ /zla ba bde ba mchog gi mtshan/ /yon tan gter ni grags pa'o/ /sna tshogs pad+ma 'dab brgyad pa'i/ /rgyal ba mchog gi pad gnas su/ /snying ga'i nam mkha' i dbus su ni/ /'od zer gzugs can phyag rgyar grags/ /ro drug nyams su myong ba yi/ /gnas su dgyes pa'i mdza' can yin/ /bcu gnyis phyed kyi phyed 'od zer/ /rang bzhin gyis ni dpe med grags/ /gang du sku gsum rnam par gshegs/ /thod pa'i mtshams ni gsang ba yi/ /pad+ma yi ni snying po'i tshig /rgyas pa'i bu ga gsang la yi/ /dri ma med pa nam mkha' i dbus/ /mtshan ma'i bdag po kun tu gang/ /mun gnag yar ngo yis ni dang/ /rtog pa'i sprin gyis grol ba shar/ /snying ga'i dbus su rgyas mod kyi/ /smra ba ru ni mi nus so/ /gal te gsung gis rab brjod na/ /de lta min pa'i don brjod do/ /rang

  416. 208b

    gi nyams su myong ba'i phyir/ /rang bzhin 'ba' zhig gis ni bla/ /gang gis de 'dre'i lam bstan pa/ /rgyal ba rnams kyis rnyed pa dka' / /de ni rdo rje sems bdag sku/ /mchog gi dbang phyug rgyal gyur cig/ /yon tan ldan pa'i bla zhal nas/ /gang gis de yi sgra nyan pa/ /mchog gi dam pa dge ba can/ /de ni skyes bus blta bkur 'os/ /sna tshogs du mar rnam par rtog /gang gis bor te rtse gcig sems/ /rgyun mi 'chad par nye bar bsnyen/ /bsam gtan gyis ni rnal 'byor 'jug /'khor ba'i mun gnag sprin dang bral/ /de ni skyes bus reg bkur 'os/ /sangs rgyas sras kyis rnyed dka' ba/ /drug gi bye brag rin po che/ /blo gros brtan pas blo 'byed pa'i/ /gang gis rab tu bsam gtan bstims/ /thar pa'i rnam rtog dang bral ba/ /de ni skyes bus mchod bkur 'os/ /pad+ma rdo rje sbyor ba las/ /phyi ri gzugs can mchog gis dga' / /skad cig zil pa'i bde ba can/ /gang gis bsam rab spangs pa ni/ nyams myong gi ni gnas su bstan/ /de ni skyes bus phyag bkur 'os/ /nang rag bdud rtsi longs spyod ni/ /tshim par myong ba gang gi tshe/ /de tshe rang nyams myong dga' las/ /dga' ba'i rnam pa yi ni sems/ /bdag las skye ba nang gi reg /nang nas skye ba dngos ci 'dra/ /bong du chud dbang gyur las ni/ /nang gi reg bya rnyed pa yin/ /tshad med pa yi yon tan gter/ /brjod du med pa de nyid do/ /rang gi bde ba kun tu gsol/ /nyams su myong ba zhum pa yi/ /de ni brlag par rab tu brjod/ ye shes sku yi rang ngo bo/ /dngos po min pa de ltar min/ /sgom dang bral ba'i dngos po yin/ /dbang po bde ba'i bye brag ni/ /gsol ba longs spyod du ni grags/ /srid dang mya ngan 'das yongs gsol/ /yongs

  417. 209a

    spyod bde ba yis ni dbang/ /dga' gsum tha dad rab tu zhi/ /gang gis sa la de ni brlag /dpe med rang bzhin du ni grags/ /rnal 'byor ye shes rnyed pas so/ /de ni rin chen rdo rje rtser/ /gyen gyi lam du 'gro ba ru/ /snying ga yi ni phyogs su nye/ /byang chub kyi ni sems la dbang/ /rang gi 'jug pa nang du yang/ /longs spyod bde ba gya nom pa/ /'dzin pa'i gdu bu yis ni sa/ /slebs pa tsam gyis nang du ni/ /bde ba'i ngo bo nyams su myong/ /de ni nang gi reg bya yin// bde chen grags pa rang bzhin brjod du med/ /skye dang gnas dang 'gag pa rnam par spangs/ /rnam par rtog pa tsam gyis blo rnyed min/ /rnam rtog phyi don bde ba min ngo bo/ /de bas ci ming gang la rag las bsgom/ /bsgom pa'i don gzhan grub pa des las gzhan/ /skad cig rtog pa thams cad dang bral bas/ /rnam par rtog med ngo bo nyid rang rig /gal te tshor ba yin pa de ni reg /reg na sgra yi rnam rtog gzugs su 'gyur/ /sgra med gnyis su med pas grags skabs med// dngos bral de ni de nyid don dam par/ /'di lta de nyid yin gyur kyang/ /de bzhin de la bya ba yin pa gzhung/ /dngos po'i bya bas lta ba log mi 'gyur/ /lta ba'i rim pa de nyid rin chen rnyed/ /ji ltar bur shing sa la lud btab na/ /de la khu mang shing rab che ba skyes/ /don gyi phyi ru thabs ni thams cad bshad/ /ji ltar sbyin sogs rgyal bas rgyal ba'i yum/ /mchog gi bdud rtsi yi ni rgyun/ /tshigs kyi bu ga las ni myong/ /'dzin pa'i gdu bu yi ni sker/ /'bad bas de la bzhag par bya/ bsrub dang bsrubs pa'i sbyor ba yis/ /rnam par smin pa'i 'bras bu rnyed/ /dri med kyi ni bdud rtsi'i thigs/ /tshangs pa'i bu ga las rgyal mtshan/ /rab tu 'jug pa kha nye tsam/ /de las rnam par 'joms

  418. 209b

    pas rnyed/ /de yang snying gar 'gro ba na/ /ye shes rlung gis dgug pa yis/ /dpe med pa yi rang bzhin grags/ /mtshan nyid bral ba de ni rnyed/ /yang ni bde ba'i sbyor ba yis/ /mgo bor ru ni chab kyi rgyun/ /'tshogs ma'i spyi rtser mchog tu 'bab/ /de las rnam pa sna tshogs rnyed/ /rdo rje yi ni rigs su 'gyur/ /'khor los sgyur ba gzhan ma yin/ /pad+ma rdo rje sbyor ba yi/ /ye shes kyis ni rab tu rnyed/ /sar pa gzu lums can gyis 'dir/ /de kun rmi lam lta bur mthong/ / tshon rtsi lta bu sbyor bde'i lam/ /phyi yi gzugs can rnam par dgod/ /bde ba'i rnam par rtog dang bral/ /nam mkha' bzhin du rtog med pa/ /rang gi ngo bo rlabs dang bral/ /thams cad kun la bzhugs pa'o/ /de la chos dang dam bcas sogs/ /bsnyung ba byed dang gtsang sbra med/ /rin chen gser dang dngul dag gi /lha la nam yang phyag mi bgyid/ /me tog rab dang rdul tshon gyi/ /dkyil 'khor nam yang mchod mi bya/ /brtul zhugs 'dzin pa'i rgan po la'ang/ / de la nam yang phyag mi bgyid/ /nyams su myong ba ro yis tshim/ /de las ci zhig gzhan dgos min/ /lhag pa yi ni 'bras bu 'dod/ /de las nam yang dgos sam ci/ /chos kun la ni 'bad pa yis/ /gal te tha snyad de 'dzin na/ /shel gyi rin chen rngo ba las/ /ji ltar tshen rtsi yi ni rdzas/ /'dod pa yi ni longs spyod bgyid/ /sdig pa yang ni de bgyid na/ /des ni gos par yong mi 'gyur/ /ji ltar pad+ma 'dab chus so/ /tshig gi don ni ma rtogs na/ /de la thams cad dgos pa yin/ /brtul zhugs sdom pa bzlas pa sogs/ /bsam gtan tshul khrims bya don no/ /rnal 'byor kun la don dam par/ /gang du yang ni gsung ba min/ /yul gyi bde ba sgeg pa las/ /byang chub kyi ni lam rnyed pa/ /dbang po gnyis

  419. 210a

    la sogs par sbyor/ /de ni gal te tshig rigs na/ /rtag tu byol song tha mal pa/ /'dod pa yis ni longs spyod zhen/ /de yi mya ngan 'das pa yi/ /da dung yang ni rnyed pa min/ /de bas kun nas 'bad pa yis/ /rtag tu rang bzhin don du spyod/ /skyon med ngo bo grags bde las/ /rtog pa med par rim gyis 'byung/ /'dzin pa la sogs sgo lam gyi/ /dri med snying gi nam mkha' la/ /rig pa yis ni rang bzhin dga' / /rnal 'byor skyes bu mchog gis rnyed/ /de la bsgom par mi bya ste/ de nyid rnyed pas gzhan ci rnyed/ /gang tshe mthe'u chung sogs par ni/ /gnas ni bslab par mi bya ste/ /de tshe snying ga'i nam mkha' la/ /rang bzhin nam yang rnyed pa yin/ /de bas thams cad 'bad pa yis/ /rtsa ba'i gnas ni rab grub bya/ /grub nas 'bad min rang bzhin dga' / /the tshom med par rnyed pa yin/ /de lta'i gsang ba'i bsgom pa yis/ /tshe 'di yis ni mang rab tu/ /phyag rgya chen po dngos grub mchog /bdag gis mngon sum bskyed pa'o/ /dang po dpal bde zhal snga nas/ /de bzhin yang ni tshangs pa'i zhabs/ /bram ze mo ni rdo rje ldan/ /de nas dpal rgyal badzra bud/ /slob dpon u sam de nas de/ /dpe yi slob dpon de phyi ma/ /gos bral zhal snga de bzhin no/ /dpal rgyal dz+nyA na bo d+hI dang/ /de bzhin sh+rI o ga bud+d+hi/ /slob dpon pad+ma badzra'i zhabs/ /Dom bi'i zhal snga de bzhin no/ /yan lag rab ma dpal lha mo/ /bung pa'i pad+ma de bzhin no/ /dur khrod kyi la ri zhal snga/ /lha lcam legs smin de bzhin no/ / bdag kyang dang por grub pa yin/ /'on kyang sems can don du dgyes/ /de bas grub mchog don dam pa/ /des na 'di yi gzhung gzung bya/ /mchog tu yul gyi dga' ba ni/ /shes rab can gyis nam mi bya/ /gang zhig 'di ltar yin na yang

  420. 210b

    longs spyod la sogs yongs su gzung/ /de ni phung sogs bsrung ba'i don/ /don dam de kho na nyid min/ /bsam gtan la sogs mi nus phyir/ /longs spyod la sogs byas dag gsol/ /dag na de nyid spyon mi byed/ /tha mal rab mchog 'bras bu sbyin/ /ji ltar dug shes pa yis dug gsol pa/ /de la nam yang skyon ni byed mi 'byung/ /tha mar yang ni rab mchog 'bras bu sbyin/ /mdze nad tshabs po che yang med par byed/ /de lta'i 'gros su bcas pa'i'o/ /gang zhig bdag gis 'di ru bstan/ /yon tan du ma dge ba'i lam/ /'gro ba yi ni thabs yin no/ /nyams su myong ba'i mthar phyin pa/ /de nyid shes pa brtan pa yin/ /des dang drang don bye brag tu/ /gsang ba chen po ye shes mchog /rnal 'byor rnal 'byor ma rgyud dag /rdo rje sems dpas rgyas btab pa/ /de bas gang zhig rgyud rgyas btab/ /de la rang gis sgrub mi byed/ /gal te de ni log par 'gro /shes pa ma yin grub ma yin/ /'on kyang de la log pa ste/ /myur du dmyal bar 'gro bar 'gyur/ /de bas kun tu 'bad pa yis/ /sgrub thabs la sogs bla ma'i bka' / /spyad pa bsgrub pa'i dbang sngags pa/ /the tshom med pa dngos grub thob/ /'di ni bdag gis yang dag lam nyid bstan/ /gsang ba'i gsang mchog snying po kun dga' ba/ /bla ma'i rim pa gshegs pa sngon med pa/ /rab kyi man ngag rnyed pa rmad byung ngo/ /'di ni dpal o rgyan rdo rje chen po'i gnas nas byung ba/ dpal de kho na nyid kyi bdud rtsi man ngag /dpal in+d+ra b+hU ti rang las byung ba'o/ /slob dpon chen po rgyal po in+d+ra b+hU ti'i zhal snga nas/ dpal de kho na nyid kyi bdud rtsi'i man ngag /mchog gi dngos grub brnyes nas mdzad pa rdzogs so// //rgya gar gyi mkhan po pradz+nyA sh+rI gupta dang/ bod kyi lo tsA

  421. 211a

    ba dge slong rin chen rgyal mtshan gyis bsgyur cing zhus te gtan la phab pa'o// //rgya gar skad du/ ratna mA lo pa de sha/ bod skad du/ dbang rin chen phreng ba'i man ngag /dpal bde ba chen po la phyag 'tshal lo/ /bde ba chen po 'khor lo'i bar/ /langs nas sprul pa'i 'khor lo gzigs/ /zla ba nyi ma'i lam de yi/ /a ba 'dud la bdag phyag 'tshal/ /rin chen rdo rje zhabs bka' drin/ /thams cad gcig rtsa'i 'khor lo mkhyen/ /de dbus rtsa gsum de kho na/ /shes rab dpal bdag gsal bar bgyid/ /bde chen 'khor lo rtsa ba la/ rtsa yi 'dug sa rab tu gnas/ /lus kyi rten de rtsa yin no/ dper na khang rten ka ba 'dra/ /khang ba zhes bya 'khor lor gsungs/ /'khor lo'i khang pa ka med na/ /gzhan dag 'dug pa'i gnas med de/ /bde chen khang pa gnas yin no/ /dga' ba la sogs so sor gsungs/ /dga' dang rab tu dga' ba yis/ /skad cig de yi skad cig dang/ /thang cig? dang ni yun tsam mo/ /de lta bu yi dbang bzhi'i don/ /ye shes rgya mtsho'i rgyud nas gsungs/ /dpal ldan rdo rje sems dpa' yis/ /rdo rje'i snying po dag la gsungs/ /bde ba so so gnyis su yang/ /rtsa ba dang ni 'bras bu'o/ /zla ba nyi ma me lam gsum/ /mig gnyis dang ni gling bu'o/ /dngos po lug rgyud 'dra ba'o/ /la la nA dang ra sa nA'o/ /a ba d+hU tI gsum pa yin/ /gcig pu de ni gsum du 'gyur/ gzhan gyis rkang mthil yan chad khyab/ /rtsa yi rtsa ba du zhig mchis/ /stong phrag bdun cu rtsa gnyis te/ /sprul pa'i 'khor lo byu gar gsungs/ /sangs rgyas rin po che yi snod//g.yas g.yon la la ra sa nA'o/ /a ba d+hA tI dbus na bzhugs/ /gzung dang 'dzin pa rnam par spangs/ /rang

  422. 211b

    byung gla rtsi g.yas g.yon rgyu/ /dbus kyi a ba d+hU tI la/ /ga bur rnam par rgyu ba yin/ a ba d+hU tI ji ltar gsungs/ /snang srid 'byung ba'i rang bzhin can/ /thams cad med par byed pa'o/ /de ni a ba d+hU tI yin/ /rdo rje dbyings kyi dbang phyug ma/ kun gyi gtso mor gsungs pa'o/ /de yi rang bzhin mo rtogs te/ /bla ma'i man ngag med gyur na/ /de ni rtogs pa ma yin no/ /thog ma dbang gsum ma thob na/ /slob dpon gcig kyang mi ston no/ /de bas dang po dbang ni don/ /rdo rje slob dpon la zhus pa/ /rgyud ni thams cad las gsungs pa/ /dbang gi rim pa rnam bzhi ste/ /'bras bu'i gzugs ni gsum du gsungs/ /bzhi pa'i dbang ni logs na med/ /gsum las med pa gsum pa rang/ /de yi man ngag thams cad bde/ /de skad dpal rin rdo rje yi/ /bsgom pa'i rim pa'i nang nas gsungs/ /dang po bum pa'i dpang dang gcig /gnyis pa gsang ba'i dbang du gsungs/ /gsum pa shes rab ye shes dang/ /de ltar de bzhin bzhi yin no/ de ltar bzhi pa bya ba gang/ /shes rab ye shes dbang gi don /shes rab gang lags ye shes gang/ /de yi de kho ngo bo mkhyen/ /shes rab bya ba mya ngan 'das/ /ye shes bya ba 'khor bar gsungs/ /de kun de dbus rang bzhin no/ / de ltar min na skyon du 'gyur/ /rdo rje sems dpa' i bka' lung brdzun/ /bka' lung brdzun pa ma yin te/ /gti mug che bar gyur pas so/ /lhas byin mda' phrad bu yi dbang/ /'bras bu skad cig dga' ba bskyed /gnyis pa gsang pa'i rdo rje phrad/ /'bras bu rab dga' gsang ba'i dbang/ /gsum pa gnyis med 'dod chags mes/ /gzhu ste byang chub sems byung myong/ /de ni shes rab ye shes dang/ /dga' ba med pa'i 'bras bu bskyed/ /de yi 'gog pa bzhi

  423. 212a

    pa ni/ /rang bzhin ye shes mtshan nyid do/ /thams cad mkhyen pa thams cad yod/ /thams cad rang bzhin thams cad med/ /de nyid gcig pu stong chen po/ /dngos po dang ni dngos po med/ /gnyis ka med par byed pa'o// de ni bzhi po'i man ngag don/ /chen po rin chen rgya mtsho'i rgyud/ /rdo rje sems dpas de skad gsungs/ /de yi don la mkhas pa 'khrul/ /rang rtags gti mug ches pas ltung/ /de skad man ngag bdag gi lta/ /de nas bdag gis man ngag la bzhi pa'i don la de ltar rtogs/ /shes rab ye shes zin nas su/ /byang chub sems myong bzhi pa yin/ /shes rab ye shes zin nas su/ /slob dpon slob ma skad cig gzugs/ /rdo rje nyi ma nub nas su/ /de las ye shes gsal bar bskyed/ /de yi don shes bzhi pa yin/ /slob dpon gzhan gyi gzhung lugs so/ /slob dpon gzhan dag 'di skad gsungs/ /shes rab ye shes zin nas su/ /nor bu'i bu gar byang chub sems/ /skar zhung reg pa bzhi pa yin/ /mnga' khung nas ni mda' byung bzhin/ /bab nas mi reg phyir byung ste/ /mi rtog pa ni bzhi pa yin/ /gzhan dag gzhung gis de skad gsungs/ /shes rab ye shes zin nas su/ /dang po sems ni nam mkha' i dbyings/ /babs nas mi rtog bzhi pa yin/ / mkhas pa gzhan dag de skad gsungs/ /nam mkha' i dbyings kyi dbus dag tu/ /thams cad byang chub sems bcas pa/ /thams cad chos la btang snyoms/ /gzhan ni bzhi pa de skad gsung/ /de rnams gzhung dag phyir bor te/ /de ni rig pa ma yin no/ /shes rab gang lags ye shes gang/ /de yi ngo bo 'bras bu gang/ /de ltar don kun ye shes na/ /gzhung rnams grub par mi 'gyur ro/ /shes rab ye shes zin nas su/ /slob dpon slob la ji skad gsung/ /ma zin na yang ji skad

  424. 212b

    gsung/ /ye shes rang bzhin ngo bo yin/ /rang bzhin phyir gyi dga' ma yin/ /phyir dga' ma yin rang mi shes/ /de phyir bla ma'i man ngag dgos/ /zin dang ma zin pa bshes na/ /de ni bla ma'i man ngag rab/ /rang bzhin gnyis med rab zhi ba// 'dod chags chags bral gnyi ga min/ /rang rig brjod pa'i tshig dang bral/ /de yi yan lag gsum du bstan/ /sgrub dang sgrub thabs phyi ma dang/ /sgrub thabs chen mo dag dang gsum/ /rdo rje pad+ma phrang ba ni/ /de ni sgrub pa'i thabs yin no/ /hUM phaT rnam gnyis bskor ba ni/ /sgrubs thabs phyi mar gsungs pa yin/ /rang rig bde ba rab zhi ba/ /sgrub thabs chen por gsungs pa yin/ /de 'bras ye shes shes pa ni/ /tshig tu slob dpon slob la gsungs/ /tshig don dga' ba'i dga' ba yin/ / phyi yi reg bya med pa yin/ /nang gi reg bya yang dag 'jam/ /de ltar rnal 'byor gnas bzhugs ni/ /skad cig gcig la dngos grub 'thob/ /de kho na 'bras bu gsal ba'i zugs/ /shes rab dpal ni gsang bas mdzad/ /rgya gar gyi ni slob dpon che na/ /shes rab dpal ni gsang zhabs kyis/ /bsgyur cing zhus te gtan la bab// //sems can don du brtsams pa lags rdzogs// // !/ (/dbang gi rim pa mdor sdus pa bzhugs// //) rgya gar skad du/ saM sh+ki bA b+hi Shek+kra ma/ bod skad du/ dbang gi rim pa mdor bsdus pa'o/ /dpal gsang ba 'jam dpal la phyag 'tshal lo/ /dbang bskur ba la rnam lnga ste/ /dbang bskur mi rung skyon bstan dang/ /slob dpon slob ma'i mtshan nyid dang/ gnas dang dkyil 'khor dbang bskur ba'o/ /dbang bskur mi rung rnam gnyis te/ /rgyud kyi lung dang slob dgongs so/ /lung la'ang gsum ste sgra mkhan dang/ /dge slong dang ni rgan po'o/ /dgongs pa la yang rnam bcu ste/ /mu stegs blon pa sgra shes dang

  425. 213a

    nyan thos ma ning rgan po dang/ /rang gi bu dang byis pa dang/ /dad pa med dang rgyal po la/ /dbang ni bskur bar ma gsungs so/ /slob dpon mtshan nyid bcu bzhi ste/ /rigs bzang rab tu dpa' bo dang/ /ye shes mkhyen la thugs rje che/ /phrag dog 'dod chags gnyis mi mnga' / /ngo ma gnyis dang snyun mi mnga' / /thams cad mtshan gyis gang ba dang/ /'dzam gling dga' ba'i spyan mnga' ba'i/ /rgyud rnams thams cad rab tu mkhyen/ /khro med rab tu bzang ba dang/ / gtong phod pa ni slob dpon no/ /dpal chen rigs chen thig le yi/ /rgyud las rdo rje sems dpas gsungs/ /slob ma'i mtshan nyid bcu gnyis te/ /kha spug dug dang rdol ba med/ /dbang gi snod rab yod pa dang/ /thos che ba dang dad che ba/ /'dod chags che dang zhi drang dang/ /thams cad yod dang gsang thub dang/ /gtong phod phrag dog chung ba'o/ /gnas brtan pa la rnam gnyis te/ /rung mi rung ba brtag pa'o/ /mi rung ba la rnam pa gsum/ /rgyal po chom rkun mu stegs kyis/ /'jigs pa'i sa ni ngan pa yin/ /rung ba yi ni skyon med pa'o/ /dkyil 'khor la yang rnam gsum ste/ /rdul tshon me tog ting nge 'dzin/ /dbang po rab 'bring dbang du byas/ /gsum ni rigs chen rgya mtsho yi/ /rgyud las de skad 'byung pa'o/ /dbang bskur ba la rnam bzhi ste/ /bum gsang shes rab ye shes dang/ /de ltar de bzhin bzhi pa'i dbang/ /la bcu gcig ste/ /chu dang dbu rgyan rdo rje dril/ /ming dang dam tshig brtul zhugs dang/ /bka' stsal lung bstun slob dpon dbang/ /dbang gsum gzhan du shes par bya/ /rgyud kun la ni rnam gnyis te/ /thabs dang shes rab dag rig bya/ /thabs ni de la rnam bzhi ste/ /kri ya tsarya yo ga dang/ /yo got+ta ra dang rnams so/ /shes rab yo ga ne rot+ta'o/ /dbang de

  426. 213b

    rnams la rnam gnyis te/ /dgongs pas bshad dang dngos su bshad/ /yo ga man chad gcig la med/ /de ni dngos su bum pa'i dbang/ /ya got+ta ra rnam gnyis te/ /dgongs bshad bum pa dngos kyi dbang/ /dgongs ma yin la rnam drug ste/ / lhas byin mda' phreng bum pa'i dbang/ /de yis 'bras bu dga' ba bskyed/ /bag btsum skra bzung dbu rgyan dbang/ /de yis 'bras bu rab dga' bskyed/ /pad+mar rdor bcug rdo rje'i dbang/ /de yis 'bras bu dga' med bskyed/ /dga' ba med pa dga' med min/ /rdo rje pad bskyod dril bu'i dbang/ /de yis 'bras bu rang bzhin dga' / /bde ba chen po pad+mar babs/ /de ni nya skad ming gi dbang/ /bde ba chen po'i rang bzhin no/ /ngo bo 'bras bu gnyis ma yin/ /pad+mas byang chub lce yi blang de ni dam tshig gsum yin no/ /de skad rdo rje sems dpa' yis/ /gsang ba'i rgya mtsho'i rgyud las bshad/ /dgongs pa ma yin bde ba'i don/ /gsang ba'i rgya mtsho de las 'byung/ /gsang ba shes rab ye shes dbang/ /ne rot+ta ra'i bar du 'byung/ /de ltar bzhi pa ci las gsungs/ /shes rab ye shes dbang gi don/ /shes rab gang lags ye shes gang/ /de gnyis med pa'i rang bzhin dbang/ /de ni dbang ni bzhi yi don/ /'khor lo bzhi la dga' bzhi gnas/ /de yi yan lag skad cig bzhi/ /dbang po sprul pa chos 'khor lo/ /longs spyod bde chen 'khor lo bzhi/ /lte ba snying ga mgrin pa dang/ /spyi bor dag la rim bzhin gnas/ /drug cu rtsa bzhi brgyad dang ni/ /bcu drug sum cu rtsa gnyis so/ /de kun pad+ma'i 'dab ma yin/ /'dab ma re re rtsa re yin/ /ka nas bzung nas sa yi bar/ /g.yas skor g.yon skor drug cu bzhi/ /traM h+ri khaM aM sa bon bzhi/ /laM maM paM taM bsnan pas brgyad/ /thog mar a dang tha mar a/ /de ltar bcu drug bskor ba

  427. 214a

    yin/ /a la sogs pa bcu drug gis/ /g.yas bskor g.yon bskor sum cu gnyis/ /de ltar 'khor lo sa bon yin/ /yaM las rlung dkyil gzhu 'dra dang/ /raM las me dkyil gru gsum bskyed/ /shes rab thabs las me byung bas// las kyi rlung gis me dag 'bar/ /lte ba'i rtsa yi dbus nas langs/ /dam tshig 'khor lo'i mkha' 'gro tshig /chos dang longs spyod rdzogs lam gnas/ /longs spyod 'khor lo lan gsum bskor/ /ras g.yas byung smin phrag gnas/ / dbu rgyan lam byung dzA land+ha/ /spyi nas bde chen 'khor lor zhugs/ /chos dbyings ye shes bdud rtsi gsol/ /bdud rtsi khyer nas sngar lam zhugs/ /longs spyod 'khor lo la song ste/ /sngar tshig mkha' 'gro gsos gang gyur/ /lte ba'i dkyil 'khor la gnas nas/ /yar 'gro mar 'ong mthong bar 'gyur/ /skra yi rtse mo khri yi che/ /de ltar rtogs pa'i slob dpon drin/ /gtum mo de la bdag phyag 'tshal/ /dbang gi rim pa mdor ba sdus pa/ slob dpon chen po dpal shes rab gsang bas mdzad pa rdzogs so// //rgya gar skad du/ /pany+tsa kra ma nA ma/ bod skad du/ rim pa lnga ba zhes bya ba/ dpal dgyes pa'i rdo rje la phyag 'tshal lo/ /rnal 'byor pas thog mar bskyed pa'i rim pa rdzogs nas/ rim pa lnga pa'i don la 'jug par bya dgos te/ de yang dang por lus la rang bzhin gyi gnas pa'i rtsa dang/ 'khor lo la sogs pa'i mtshan nyid ji ltar yin pa shes par bya'o/ /de ni rgyud kyi rim pa'o/ /de'i 'og tu phung po dang/ khams dang skye mched la sogs pa'i rnam par rtog pa thams cad gtum mo sbar la bsreg par bya'o/ /de ltar bsregs pas 'dar ba la sogs pa'i rtags brgyad 'byung ste/ de yang phyi nang gi dngos po la bltas kyang 'dar ba la sogs pa'i rtags brgyad byung na/

  428. 214b

    gtum mo 'phro bcad la sems kyis mnan par bya'o/ /de ni sngags kyi rim pa'o/ /de ltar mnan pas lus kyi bde ba rgyas par 'gyur te/ de ltar bde ba la yang nas yang du bsgoms pas spyi bo nas rkang mthil yan chad du bde ba skye bar 'gyur ro/ /de ltar skyes pa'i tshe phyi'i rtswa shing la sogs pa la dmigs kyang nang gi bde ba skye skye'i bar du de bsgom par bya'o/ /de ni ye shes kyi rim pa'o/ /de ltar gang ltar dmigs kyang bde ba skye ba'i tshe bde ba de nyid kyang skad cig ma snga ma la ni 'gags/ phyi ma ni ma 'ongs/ da ltar ni skad cig ma gnyis par mi sdod cing mi gnas pas bde ba la rang bzhin med de/ bde ba mi dmigs par bsgom par bya'o/ /de ni gsang ba'i rim pa'o/ /de ltar mi dmigs par bsgoms pas rang gi lus mi dmigs par 'gyur te/ /de la phyi nang gi dngos po la bltas kyang lus mi dmigs na phyi nang gi chos thams cad bde ba chen po dang tha mi dad par gcig tu shes par bya ste/ de mi dmigs par bsgom par bya'o/ /de ltar yang nas yang du bsgoms pas phyi nang gi chos thams cad dang bde ba chen po tha mi dad par mngon sum du shes par 'gyur ro/ /de ni gnyis su med pa'i rim pa'o/ /de ltar rim pa lnga la 'jug cing slob pa'i tshe dbang po mi dgag cing yan par btang/ dbang po'i spyod yul thams cad bde ba dang gcig tu shes par byas la/ mi dmigs par bya'o/ /'gro nyal 'dug sdong spyod lam thams cad du 'gying bag dang ldan par byas la/ bde ba chen po dang mi 'bral bar bya'o/ /kha zas la sogs pa'i btung ba'i bye brag thams cad bde ba chen po dang gcig tu shes par byas la bza' o/ /bgo ba'i bye brag thams cad bde ba chen po dang tha mi dad par shes par byas la bgo'o/ /de ltar byas bas?

  429. 215a

    bsgom pa'i tshe lus ma 'gul zhing brtan par gyur na sems zin pa'i rtags yin te bzang/ lus 'khor zhing g.yon rlung zin pa'i rtags yin te bzang/ sems dran pa med de myos par gyur na/ bde ba'i ros myos pa yin te bzang rang dbang med par rgod cing dbyangs dang gar la sogs pa 'byung na bde ba chen po rgyas pa'i rtags yin te bzang/ lus sprid cing ber ber byed na bde ba phan tshun bskyod pa'i rtags yin te bzang/ 'od zer lnga kha dog la sogs pa mngon sum du mthong na ye shes lnga skye ba'i rtags yin te bzang/ bud med kyi gzugs su byas nas dbyangs dang gar la sogs pa mdun du byed cing mthong na mkha' 'gro ma 'du ba'i rtags yin te bzang/ khyi dang phag la sogs pa byung na dam tshig nyams pa yin te ngan/ gnod sbyin srin po la sogs pa'i gzugs su byung nas ma d+hi thang lhod shor ba yin te ngan/ rtags dang mtshan ma ci byung yang bzang ba la dga' bar mi bya zhing mi dmigs par bya/ ngan pa la mi dga' ba mi bya zhing mi dmigs par bya/ mdor na gsang thub par bya zhing byung tshor ci byung ba thams cad bde ba'i na por shes par byas la/ de mi dmigs par bya'o/ /rnal 'byor pa'i 'jug pa'i rim pa lnga po'i don rtags dang mtshan ma dang bcas pa las 'phro dang skal par ldan pa dag gis rnyed pa 'dis gzhan yang de ltar shog cig rnal 'byor gyi dbang phyug chen po dpal shes rab gsang ba'i zhal snga nas mdzad pa rdzogs so// (//yan lag brgyad pa'i rim pa bzhugs//) //rgya gar skad du/ aSh+TA ?? kra ma/ bod skad du/ yan lag brgyad pa'i rim pa/ dpal rdo rje sems dpa' la phyag 'tshal lo/ /dkyil 'khor dang ni sta gon dang/ /khrus dang sku yi rab gnas dang/ /dbang bskur de bzhin mchod sbyin dang/ /sbyin sreg tshogs kyi 'khor lo ni/ /dpal

  430. 215b

    rdo rje sems dpar phyag 'tshal te/ /yan lag brgyad pa'i rim pa bri/ /sangs rgyas sras dang bcas pa bzod par mdzod/ /mkha' 'gro ma tshogs gzhan yang grub thob bzod pa mdzod/ /dbang bskur thob pa rab mchog slob dpon bzod pa mdzod/ /phyogs skyong la sogs lha dang lha min bzod pa mdzod/ /dang po slob dpon rnams kyis 'di/ /dam tshig dang bcas ma gnang yang/ /de lta mod kyi snying rjes byas/ /skal ldan sems can don grub phyir/ /khyod kyis rtsom pa de lta na/ /gzhan la snying rje med dam ci/ /snying rje yod de 'on kyang gzhan/ /med pa gang gis rgyal bar 'gyur/ /de bas cung zad 'di la smra/ /de la bdag skyon yod dam ci/ /yang na snying rje'i skabs zhog cig /gang gis slob dpon rnams sems mi dga' ba gyur pa de ni mkhas pas byed dam ci/ 'on kyang skal ldan sems can gyis zhus pa'i phyir mi yis kyang mi byed na de la de yang skyon yod do/ /des bcom ldan 'das kyi gsung rab dang/ de bzhin du grub pa thob pa'i bla ma'i rim pa'i man ngag la mi snang bar 'gyur ro/ /mi snang bar 'gyur bas 'jigs pa'i phyir ma 'ongs kyang 'bad par bya'o/ /'on kyang gi tshe grub pa thob pa'i bla ma'i bka' lung med pa de'i tshe mi bya'o/ /de bzhin du yang dpal ye shes snying po'i rgyud las grub pa thob pa'i slob dpon gyis dbang bskur ba dang/ grub pa thob pa'i bka' lung thob pa dang/ yang na nyid grub pa thob pa des dbang gi rim pa dang sgrub thabs la sogs pa bya'o/ /de bzhin du rtogs pa la sogs pas ma yin zhes gsungs so/ /bdag kyang grub pa thob pa'i slob dpon la sogs pas dbang bskur rgyud thams cad kyi pha rol tu phyin/ dpal oDyaN gyi yul na gnas pa'i dus su rnal 'byor ma chen mo dang lhan cig dam tshig spyod pa dang/ de bzhin du bka' lung yang thob ste/ de'i

  431. 216a

    don gyi dgongs pa dang gzhan yang rang gi rab kyi slob ma tshul khrims skyabs dang/ shes rab rdo rje la sogs pas zhus pa'i ngor byas te/ phyag rgya chen po'i grub pa thob pa o rgyan yul/ rdo rje rin po che'i gnas su gshegs pa/ sprul pa'i sku sa bcu'i dbang phyug chen po'i rgyal po/ dpal in+d+ra b+hU ti mgon po de las bar ma chad rim pa'i man ngag dbang bskur thob pa/ rig byed thams cad kyi mthar thug pa grub pa brnyes pa'i bla ma kha che'i dpal rin chen rdo rje'i zhabs kyi pad+ma'i bka' drin gyis ji lta ba bzhin/ thos pa dang/ mthong ba dang thob pa de bzhin du lhag chad bral bar bdag gis bris so/ /slob dpon shes rab dpal gyis mdzad pa'i yan lag brgyad pa'i rim pa las gtan tshigs bstan pa zhes bya ba'i le'ur bcang pa ste dang po'o// //de nas dkyil 'khor gyi cho ga bshad de/ zhi ba dang/ rgyas pa dang/ dbang dang/ drag po'i grong khyer dang/ zhing dang/ phug dang/ dur khrod du bya'o/ /de la zlum po dang/ gru bzhi dang/ zla ba phyed pa'i gzugs dang/ gru gsum rim bzhin du dbus kyi gnas su mngon sum gyi ngo bos rang rang gi las kyi rim pas gzugs kyi rnam pa bya'o/ /thams cad sor gsum lhag pa'i gru gsum pa bya'o/ /zhi ba ni me tog dang bcas pa'i shing dang/ pi dza pU ra ka dang/ pad+ma dkar pos so/ /rgyas pa sna tshogs rin po che'i shing gis so/ /dbang ni me tog dmar po dang ldan pa'i shing gis so/ /drag po ni dur khrod rnams kyis dang/ de bzhin du me tog nag po dang bcas pa'i shing gis ldan par bya'o/ /gzhan sa'i rnam par dag pa dang/ thig gdab pa dang/ bdud gzhom pa la sogs sum b+ha'i sngags kyis sam/ yang na yi ge gsum gyi sngags kyis 'dus pa'i dkyil 'khor gyi no pi

  432. 216b

    ga'i cho gas bya'o/ /ci'i phyir zhe na/ 'di ltar bstan bcos mangs pa'i 'jigs pas thams cad ma smras so/ /gang zhig rnal 'byor bla ma'i rgyud kyi rim pas thig gdab pa la sogs pa de thams cad la dag go /de nas bdag nyid rdo rje 'dzin pa'i nga rgyal byas nas tshon rtsi lnga byin gyis brlab pa bya'o/ /de bzhin gshegs pa lnga'i rang gi ngo bos tshon rtsi lnga byin gyis brlab ste/ me tog dang bcas pa'i 'bras kyis sor mo lnga btsums pa'i phyag rgyas dang por sngags 'dis dkar po lan gsum mchod par bya'o/ /arg+ha yang 'o ma la sogs pa de nyid kyi sngags kyis so sor lan gsum sbyin par bya'o/ /oM be ro tsa na ta thA ga ta/ a d+hi tiSh+Tha hUM hUM phaT phaT swAhA/ ser po ni mthe bo dang mdzub mos so/ /oM ratna sam+b+ha ba tA tha ga ta a d+hi tiSh+Tha huM hUM phaT phaT swAhA/ dmar po dang ni mthe bo dang bar mas so/ /oM a mri ta pra b+ha tA thA ga ta a d+hi tiSh+Tha hUM hUM phaT phaT swAhA/ nag po ni mthe bo dang srin lag gis so/ /oM ak+Sho b+hya(rgyud 'grel): ta thA ga ta a d+hi tiSh+Tha hUM hUM phaT phaT swAhA/ ljang gu ni mthe'u chung dang sbom spos so/ /oM a mo g+ha sit+ti ta thA ga ta a d+hi tiSh+Tha hUM hUM phaT phaT swAhA/ dkyil 'khor bri ba'i dus yon bdag gis rol mo la sogs pa dang bcas pa'i shin tu rgyas pa'i mchod pa bya'o/ /sbyin pa yang sbyin no/ /dkyil 'khor gyi slob dpon la yon dbul ba la sogs pas mnyes par bya'o/ /dkyil 'khor rdzogs pa'i dus su sna tshogs pa'i rol mo'i mchod pa la sogs pa dang bcas pa'i rdo rje slob dpon bla ma chen po spyan drang bar bya'o/ /de la dang po sna tshogs dri zhim po'i sman dang bcas pas khrus bya'o/ /phyi nas rnam pa sna tshogs rab mchog na bza' dang/ mu tig gi dra ba dang/ dra phyed kyis mchod do/ /dkyil 'khor gyi gtso bo'i mdun du dri ma med pa 'jam pa mtho ba de la stan sbyin par bya'o/ /g.yas g.yon gyi glo? shin tu

  433. 217a

    mkhas pa'i slob dpon gnyis stan 'bring po la so sor rdo rje dril bu dang ldan par bzhag par bya'o/ /las kyi slob dpon sta gon gyi dkyil 'khor mdun du stag gi pags pa'i steng du lo bcu gnyis lon pa'i las kyi bu mo dang lhan cig tu rwa dgu ba'i rdo rje dang dril bu dang rde'u chung ldan pa'o/ /thams cad kyi dbu rgyan la sna tshogs pa'i dar ra cing bar bya'o/ /rdo rje slob dpon la rin po che la sogs pa'i bzor byas pa gser dang dmar po dang ldan pa'i cod pan no/ /sgor lag na rdo rje dang ldan pa dbang bskur thob pa sngags kyi bzlas ba la sogs pa kho na shin tu khrims dang ldan pa/ 'jigs pa med pa/ ser sna med pa 'bad pas bzhag par bya'o/ /dkyil 'khor gyi phyi rol du bsrung ba la sogs pa dam pa'i chos/ klog pa'i dge bsnyen nam dge bsnyen ma bzhag par bya'o/ /rgyud mangs dang/ rde'u chung dang/ gling bu dang/ dung la sogs pa'i sgra bya'o/ /de'i skabs su dbang bskur med pa rang gi bu yin yang de la nang du 'jug pa mi sbyin no/ /dkyil 'khor la sogs pa dang rab gnas kyi dus su srog gcod pa dang/ ca tsa dang/ khro ba mi bya'o/ /slob dpon shes rab dpal gyis mdzad pa yan lag brgyad pa'i rim pa las kyi dkyil 'khor bstan pa zhes bya ba'i le'u bcad pa gnyis pa'o// // de nas gzhan yang sta gon gyi cho ga bshad de/ de yang bzhi ru dbye bar gnas pa'o/ /dang po ni bum pa'i sta gon/ gnyis pa dkyil 'khor gyi sta gon/ de bzhin du nang na bum pa'i sta gon las kyi slob dpon gyis bya'o/ /de la rim pa ni 'di yin te na rgyud gang gi rim pas dkyil 'khor de'i dkyil 'khor ba'i grangs kyi bum pa bya'o/ /yang na lha mo dang lhan cig de bzhin gshegs pa la phyogs dang mtshams bye brag brgyad du brgyad/ dbus su rdo rje 'dzin pa la gcig /bdud rtsi

  434. 217b

    'khyil ba la las thams cad pa de la phug rdol med pa/ skyon dang bral ba/ ske ring ba/ dar gnyis kyis dkris pa/ zho dang/ 'o ma dang/ mar dang/ sbrang rtsi dang/ po ga ling dang/ yungs dkar dang/ sman thams cad dang/ gro dang/ sran nag dang/ nas dang/ til dang/ 'bras so ba dang/ 'bras dang/ gur gum dang/ tsan dan dang/ ga pur dang/ gla rtsi dang/ skyu ru ra dang/ dpal 'bras dang/ dzA ti pa la dang/ go yu dang/ rin po che lnga dang/ de la sogs pa dri ma med pa'i chu dang bsres pas dgang bar bya'o/ /ji ltar rnyed pa'i kha rgyan me tog dang bcas pa/ 'bras bu dang ldan pa/ rlon pa/ tsher ma la sogs pa dang bral ba'o/ /bum pa brgyad la rim pas phyag rgya 'di ltar bya'o/ /'khor lo dang/ pad+ma dang/ rin po che dang/ ral gri dang/ ri rab dang/ sprul dang/ me dang/ 'phan dang/ dgu pa la rdo rje bcu pa la rgya gram dang rdo rje/ thams cad kyi sker me tog gi chun 'phyang bcing bar bya'o/ /bum pa sta gon gyi dkyil 'khor ni rab gnas kyi dkyil 'khor gyi g.yon phyogs su bya'o/ /de yang gru bzhi pa sgo la sogs pa dang ldan pa'o/ /de'i phyi rol tu zur drug po rdo rje phreng bas rnam par brgyan pa/ gru bzhi'i dbus su oM gyi rnam pa/ shar sgor sh+ri lhor briM/ nub tu dzrIM/ byang du khriM/ shar la sogs pa'i mtshams su/ yaM raM laM baM/ zur drug la rdo rje ma ma'i sa bon drug bri bar bya'o/ /lha min gtso mo ma'i traM gzhan gyi stobs 'joms pa mo bro/ 'phrog ma mo'i h+raM/ g+hasma ri g+h+raM/ /tum mo DaM/ 'jigs mo la b+h+raM/ rdo rje dang ldan pa oM gyi rnam pa'i steng shar lho nub byang rim pas 'khor lo dang ldan pa/ pad+ma dang ldan pa/ rin po che dang ldan pa/ ral gri dang ldan pa/ mtshams rnams su ri rab dang sprul dang me dang 'phen dang ldan pa/ zur drug gi steng du snod gad ba/ bum pa'i grangs kyis te/ de yang sta

  435. 218a

    rga dang/ dpal 'bras dang/ rin po che lnga dang/ 'phan la sogs pa dang ldan pa'o/ /rkya gram rdo rje dang ldan pa mdun du bzhag par bya'o/ /dung phor ram/ nya phyis sam/ dam tshig gi don bdud rtsi lnga dang bsres pa'i chus bkang nas/ stan gyi steng du las thams cad pa'i bum pa'i g.yon gyi char ro/ /snod gang ba'i grangs kyi mar me sbyin par bya'o/ /mar me nyis 'gyur gyi lha bshos so/ /las thams cad pa'i bum pa'i mdun du/ gzhi mnyam dang/ gzhan yang tsandan dang/ gur gum dang dri zhim po'i spos dang/ gzhan yang spos kyi reng bu dang/ sna tshogs pa'i me tog dang/ gur gum gyis byugs pa'i 'bras dkar pos bkang ba'i snod dang/ arg+ha'i snod dang/ 'thor 'thung gi snang rim pas bzhag par bya'o/ gzhan yang legs par bkal ba'i tshon sna lnga'i skud pa dang/ bsrung ba'i mda' dang/ shin tu phra ba phug rdol med pa'i ras sta gon gi dkyil 'khor du bzhag par bya'o/ /dngos po thams cad tshogs nas de'i 'og tu las kyi slob dpon gyis bkra shis kyi tshigs bcad brjod par bya'o/ /gang zhig bkra shis nam mkha' i khams la legs par bzhugs/ /dpal ldan rdo rje sems dpa' dbang chen skal ldan ma/ /shes rab chu skyes dbus su rdor mchog 'jug pa la/ /de yi bkra shis theg pa mchog la skyabs gyur cig /gang zhig bkra shis srid pa'i mtsho chen mnyam pa la/ /chags pa la sogs dam pa'i zhags pa gcod pa la/ /rnam par snang mdzad mya ngan 'das lam dag byed la/ /de yi bkra shis theg pa mchog la skyabs gyur cig /gang zhig bkra shis tshad med 'od zer ldan pa la/ /log pa'i shes pa gti mug 'jig rten pa la/ /lha yi lha mchog 'jig rten tu rig pa 'dzin/ /de yi bkra shis theg pa rmchog la skyabs gyur cig /gang zhig bkra

  436. 218b

    shes la sbyar legs par bzhugs/ /ye shes bdud rtsi'i chus sbyin rtag tu char 'bab la/ /pad+ma dga' zhing 'jig rten sems can phan par brtson pa la/ /de yi bkra shis theg pa mchog la skyabs gyur cig /gang zhig bkra shis srid pa'i sa skyes bcad pa la/ /dpal rdor sems dpa' i gnas grub byed cing sbyin pa la/ /shes rab ral gri rtag tu phyar 'dzin pa/ /de yi bkra shis theg pa mchog la skyabs gyur cig /de nas bkra shis mchod pa'i don du nam mkha' i phyogs su de bzhin gshegs pa thams cad la me tog snyim pas phul te/ spos kyi ril bu bcas par rdo rje dril bu lan gsum sngags 'dis dkrol bar bya'o/ /oM sarba ta thA ga ta pU dza me g+ha spha ra Na/ h+riM h+riM traM traM haM haM haM haM dra na dra na par Na/ saM par Na hUM hUM phaT phaT swAhA/ de nas dbus kyi bum pa yan lag thams cad dang ldan par gzhal yas khang du bsgom par bya'o/ /yang na bum pa'i nang du kaM yongs su gyur pa las gzhal yas khang/ de'i dbus su A li kA li/ de'i steng du hUM gi rnam pa/ A li kA li dang hUM gi rnam pa yongs su gyur pa las/ rang 'od dang 'khyud pa'i rdo rje dang dril bu dang ldan pa/ sna tshogs pad+ma'i steng na/ nam mkha' i sngon pa'i mdog rgyan thams cad kyis brgyan pa/ phyag gnyis zhal gcig spyan gsum rdo rje skyil mo krung du gnas pa'i rdo rje 'dzin pa chen po bsgom par bya'o/ /shar du puM yongs su gyur pa las rnam par snang mdzad mdog dkar po rdo rje 'dzin lta bu'o/ /lhor o yongs su gyur pa las snang ba mdza' yas mdog dmar po rnam par snang mdzad lta bu'o/ /nub tu dzriM yongs su gyur pa las rin chen 'byung ldan mdog ser po snang ba mdza' yas lta bu'o/ /byang du khaM yongs su gyur pa las don yong grub pa ne'u sing gi mdog rin chen 'byung ldan lta bu'o/ /shar mtshams laM yongs su

  437. 219a

    gyur pa las/ sangs rgyas spyan rnam par snang mdzad lta bu'o/ /lho mtshams su maM yongs su gyur pa las/ mA ma kI snang ba mdza' yas lta bu'o/ /nub mtshams su paM yongs su gyur pa las gos dkar mo rin chen 'byung ldan lta bu'o/ /byang mtshams su tAM yongs su gyur pa las/ sgrol ma don yod grub pa lta bu'o/ /de rnams la yang gnyis su med pa'i sbyor bas rang 'od thams cad dang yan lag ma dang ldan par bsgom par bya'o/ /mdun du hUM yongs su gyur pa las/ bdud rtsi 'khyil pa phyag drug pa spyan gsum zhal 'jigs par byed pa/ phyed skyil gyis bzhugs pa/ rdo rje dang dril bu dang ral gri dang gtun shing dang sta re dang zhags pa bsnams pa/ mar sngon po'i mdog rang 'od yan lag ma dang ldan par bsgom par bya'o/ /dam tshig snod kyi nang du h+rI(rgyud 'grel): yongs su gyur pa las dam tshig chen po'i dbang phyug ma/ phyag gnyis zhal gcig spyan gsum zhal 'jigs 'jigs lta bu rdo rje skyil krung du bzhugs pa/ dbu skyes 'bar ba/ phyogs kyi na bza' can/ khrag chen pos yan lag byugs pa/ lha dang lha min gyi khrag thams cad drangs te bkang ba'i ka pA la g.yas na/ g.yon na rdo rje kha TAM ga'o/ /arga'i snod kyi dbus su oM yongs su gyur pa las de bzhin gshegs pa thams cad skyob nyi ma bye ba'i 'od dang mnyam pa grangs med pa'i de bzhin gshegs pa dang ldan par bsgom par bya'o/ /de ni bum pa la sogs pa'i bsam gtan gyi cho ga'o/ /da ni de rnams la rim pas bzlas pa'i cho ga bshad de/ oM badzra sa twa ta thA ga ta a d+hi pa ta ye huM hUM phaT swAhA/ oM tsakra a d+hi pa ta ye huM hUM phaT swAhA/ oM pad+ma a d+hi pa ta ye huM hUM phaT swAhA/ oM ratna a d+hi pa ta ye huM hUM phaT swAhA/ oM kha TwAM ga a d+hi pa ta ye huM hUM phaT swAhA/ oM ta thA ga

  438. 219b

    ta ne h+ri huM hUM phaT swAhA/ oM pad+ma na rte shwa ri huM hUM phaT swAhA/ oM ratne A lo ke huM hUM phaT swAhA/ oM sarba a ba ra Ni bi shwa d+ha na ye huM hUM phaT swAhA/ re re la sngags lan brgya rtsa brgyad bzlas par bya'o/ /oM a mri ta kuN+Da li mahA kro d+hi shwa ri sarba ma ra a re sarba sid+d+hi ka ra sarba karma sid+d+hi huM hUM phaT swAhA/ yi ge gsum gyi sngags kyis sngon du bsnyen pa bzlas nas grub pa'i don du sngags des brgya rtsa brgyad bzlas par bya'o/ /bzlas pa'i cho ga rdzogs nas/ nam mkha' i gnas dang po grub pa 'khor dang bcas pa'i ye shes sems dpa' phyag rgya dang sngags kyis dgug par bya'o/ /de la phyag rgya dang sngags ni 'di yin te/ gung mo lu gu rgyud kyi rnam par byas te/ mthe bo gnyis mnan cing srin lag dang mthe chung lag mthil du bzhag nas 'dzub mo dgug par bya'o/ /oM dz+nyA na sa twa At+ma ko haM badzra d+ha ra sa pa ri pA ra ba raM ha haM huM hUM phaT swAhA/ gshegs pa tsam gyis arga dang/ nye reg dang/ 'thor mthung dbul bar bya'o/ /de la rim pa ni 'di yin te/ oM griM griM arg+ha'i sngags so/ /g.yon pa'i gung mo dang mthe bo se gol gyi phyag rgyas so/ /oM hUM hUM nye reg gi sngags so/ /pa ti'i phyag rgyas so/ /oM aM AM 'thor 'thung gi sngags so/ /'khor lo'i phyag rgyas so/ /oM tiSh+Thi tiSh+Tha hUM phaT/ gdan dbul ba'i sngags ru bal gyi phyag rgyas so/ /de nas yang sngar bshad pa'i rdo rje dril bu'i sngags kyis lnga bcu rtsa bzhi'i grangs kyis lan cig rdo rje dril bu dkrol bar bya'o/ /de'i rjes su dam tshig chen po'i snod na yod pa'i chus dkyil 'khor na yod pa'i gzhi thams cad ku sha sor brgyad pa spams pas sngags 'dis lan bdun gtor bar bya'o/ /oM swa b+hA ba shud+d+ha a ma la bi shud+d+ha ye swAhA/ de ltar gtor ba byas te/ de'i rjes la 'thor 'thung gi snod kyis las thams cad pa la me long

  439. 220a

    gi steng du sman thams cad kyis sngags 'dis khrus bya'o/ /oM sarba ta thA ga ta kA ya bAk+tsit+ta ma hA ga gnas du pa bi shud+d+ha ye oM A(rgyud 'grel): hUM phaT swAhA/ de'i dbus su gru gsum gyi phyag rgyas sngags 'dis rab gnas bya'o// oM sarba da ra ak+Sha ya ga ga na a ta ma le hUM hUM phaT swAhA/ de ltar rab gnas byas nas dam tshig gi snod kyi chu dang/ pad skor gyi phyag rgya dang sngags 'dis dbang bskur sbyin par bgyi'o/ /oM sarba ta thA ga ta a b+hi She ka sa ma ya sh+ri ye hUM phaT mchod pa byas nas sna tshogs rdo rje dra ba'i gzugs kyi phyag rgya dang/ dri med bug rdol med pa'i shin tu sar pa'i gos/ oM A(rgyud 'grel): hUM phaT sngags kyis byin gyis brlabs te/ bsrung ba'i sngags 'don cing thams cad dgab par bya'o/ /de la sngags ni 'di yin te/ oM h+raM h+rAM h+ri h+riM huM hUM phaT phaT rak+Sha rak+Sha swAhA/ de'i skabs su gtor ma chen po bskor ba byas nas g.yon gyi byang logs su bzhag par bya'o/ /de la rim pa 'di yin te/ shin tu che ba'i zas la sogs pa'i snod bruM gi rnam pa yongs su gyur pa las/ yan lag thams cad dang ldan pa'i gzhal yas khang yi ge gsum gyi sngags kyis byin gyis brlabs te/ khrag chen po dang/ gzhan yang sna tshogs pa'i nya sha la sogs pa'i 'bras bu kha zas kyis legs par gang bar byas nas/ de'i steng du a shwat+tha'i shing las byas pa'i gru gsum gyi phyag rgya bzhag par bya'o/ /grwa la sna tshogs kyi 'phan bcing bar bya'o/ /grwa'i steng du me dang kha zas kyi khams sum bzhag par bya'o/ /snod kyi 'bras bu yang dag par sar pa'i dum bu gsum pa'i ka pA la khrag chen pos bkang pa'o/ /de'i dbus su hUM gi rnam pa dang ldan pa'i nyi ma'i dkyil 'khor de dag yongs su gyur pa las rdo rje ro langs ma chen mo phyag stong

  440. 220b

    zhabs stong zhal stong spyan 'bar ba/ dbu skyes 'bar pa/ khrag chen pos sku byugs pa/ bdud thams cad kyi khrag gi snod phyag na bsnams pa/ sna tshogs pa'i rus pas sku brgyan pa/ 'jigs byed chen po'i steng na g.yon brkyang bas bzhugs pa/ lha min gyi dbang po du ma dang/ 'dre dang srin po dang/ yi dags dang/ sha za dang/ uSh+manda dang/ a pasma ra dang/ mkha' 'gro ma'i tshogs kyis yongs su bskor ba'o/ /snod kyi phyi rol du gdugs dang/ rgyal mtshan dang/ 'phan dang/ rma bya'i rdul yab dang/ gri gug dang/ lcags mda' dang/ chun 'phyang la sogs pa bya'o/ /bcom ldan mo ro langs mo chen mo gru gsum gyi phyag rgyas ha rnam pa lngas byin gyis brlabs te/ /las gang dang gang la khro bo'i gzugs su byas te/ bsrung ba'i don du sngags 'dis bskor bar bya'o/ /oM hi mahA badzra bet+tA li mahA bi shwi shwa re sarba do shTak+Sha aM ga re sarba sa stwa he taM ka re satwo pa dra pa ka ra do ShA tsit+ta nam/ ha na ha na da ha da ha pa tsa pa tsa ma tha ma tha/ bid+hA na sa la bid+hA na sa ya/ mA ra ya mA ra ya daN+De na tsur+Na ba kha d+ha ge na ho Ta ya tsa kre nats+tsha da ya badzra Na b+he da yi/ sarba satwa nAM shAM tiM ku ru bu tsit+ta sh+re ya(rgyud 'grel): ku ru sarba bya d+hi ma pa ha ra/ d+hurka ti ma pa ha re/ d+ha ra de ya ma pa ha ra/ a ka la mri tyu sa? ba ha ra/ d+ho b+hik+ShA ma pa ha ra/ na ma sarba karma sA d+ha ni mahA ya ku ru/ haM haM haM hi/ ki le ki le hi li hi li hUM hUM phaT phaT swAhA/ de ni bum pa'i sta gon gyi cho ga'o/ /da ni dkyil 'khor gyi sta gon gyi cho ga bshad de/ dang po rdo rje dang dril bur bcas pa'i bkra shis kyi tshigs bcad brjod nas 'byung ba chen po pa'i yongs su gyur pa las/ ji ltar phyi rol gzhal yas khang rnam par bzod byas pa de bzhin du de'i steng du bsgom par bya'o/ /de'i dbus su A li kA li yongs su gyur pa las zla ba dang nyi ma'o/ /de'i steng du ye shes

  441. 221a

    kyi me'i rang bzhin hUM gi rnam pa des zla ba dang nyi ma yongs su gyur te/ rang gi rgyud kyi go rims kyis rdo rje 'dzin pa chen po rang 'od kyi yan lag mas 'khyud pa/ 'khor lo dang bcas pa nyi ma la bzhugs pa /skad cig gis rdzogs par bsgom par bya'o/ /yang na thams cad rang gi snying khar bsgoms te/ phyi rol du spro bar bya'o/ /de'i rjes su sngar bstan pa'i rdo dril gyi sngags kyis nyi shu rtsa bdun grangs kyis spos kyi reng bu dang bcas pa'i rdo rje dril bu dkrol bar bya'o/ /de nas nam mkha' i gnas nas dkyil 'khor 'khor lo dang bcas pa'i khams gsum rnam par rgyal ba'i phyag rgya dang/ dza(rgyud 'grel): hUM baM ho(rgyud 'grel): zhes de'i sngags kyis ye shes sems dpa' bkug nas/ sngar bstan pa'i cho gar arg+ha dang nye reg dang 'thor 'thung dbul bar bya'o/ /de'i rjes su dkyil 'khor 'khor lo dang bcas pa dam tshig sems dpa' la 'jug par byas nas lan gsum rdo rje dril bu dkrol te/ mchod sbyin lnga'i mchod pa dbul bar bya'o/ /de nas rdo rje 'dzin pa chen po'i snying po'i sngags kyi bzlas pa stong bya'o/ /dkyil 'khor ba la rang rang gi sngags kyis re re la brgya rtsa brgyad do/ /de'i 'og tu yi ge gsum gyi sngags kyis gos byin gyis brlab ste/ oM mahA badzra d+ha ra ma hA sa ma ya maN+Da li be sh+ra ma thA hUM hUM phaT swAhA/ nges par sa tshon gyi dkyil 'khor yin na khru gang tsam gyi steng du gos bres nas 'bad par bya'o/ /sngar bstan pa'i sngags kyi cho gas ril mo la sogs pa dang ldan pa'i gtor ma chen po bskor bar bya'o/ /de ni dkyil 'khor gyi sta gon no/ /da ni sku'i sta gon bshad de/ dang po bkra shis kyi tshigs bcad brjod nas/ sku'i snying gar paM yongs su gyur pa las sna tshogs pad+ma/ de'i steng du A li kA li/ de'i steng du oM gyi rnam pa/ oM gyi rnam pa'i snying gar A(rgyud 'grel): 'i rnam pa/ A(rgyud 'grel): yi rnam

  442. 221b

    pa'i snying gar hUM gi rnam pa/ hUM gi rnam pa'i steng du ye shes kyi 'od kyi rang bzhin gyi thig le dang lhan cig thams cad yongs su gyur pa las/ sna tshogs pad+ma la bzhugs pa skyes bu chen po'i mtshan sum cu rtsa gnyis dang ldan pa/ dpe byad brgyad cus brgyan pa'i sku bsgoms te/ de nas de la sngags kyis byin gyis brlab par bya'o/ /oM sarba ta thA ga ta kA a bAk tsit+ta mahA badzra d+ha ra tiSh+Tha tiSh+Tha hUM hUM phaT swAhA/ de nas nam mkha' i khams nas sku ji lta bu'i ye shes sems dpa' i g.yon pa'i lag pas rdor dril dkrol zhing/ g.yas pas rdo rje lcags kyu'i phyag rgyas yi ge gsum dang/ A gats+tsha A gats+tsha'i sngags kyis bkug nas/ arg+ha dang nye reg dang 'thor 'thung la sogs pa phul te hUM phaT pra be sha ya'i sngags kyis sku'i snying gar gzhug par bya'o/ /de'i 'og tu mchod pa lnga mchod sbyin dang/ /gtor ma chen po dbul lo/ /de ni sku'i sta gon no/ /daM ni slob ma'i sta gon bshad de/ re zhig dang po'i dkyil 'khor gyi khang pa'i phyi rol gyi gnas su skal pa dang ldan pa/ legs par khrus byas pa/ dbang po tshang ba/ me tog snyim pa gang ba dang ldan pa/ hUM phaT sngags kyis lan gsum dam tshig gi chus gtor bar byas te/ de'i rjes su yi ge gsum gyi sngags kyis so shing byin gyis brlabs te sbyin par bya'o/ /de'i 'og tu dam tshig gi chus kha bkru bar bgyi ba sbyin no/ /de nas yungs kar gyis mdzub mo mthe bong gis hUM phaT sngags kyi lan gsum brdegs nas rnam par snang mdzad kyi gzugs su byin gyis brlabs te/ snying gar nyi ma'i dkyil 'khor de'i steng du ye shes pa'i bdag nyid de bzhin gshegs pa rnam par snang mdzad bsgom par bya'o/ /de nas legs pa bkal ba'i tshon sna lnga'i skud pa yi ge brgya pa'i sngags kyis byin gyis brlabs te/ lag pa g.yas par bcing bar bya'o/ /mgo bo'i steng du yi ge gsum gyis brlabs pa'i me

  443. 222a

    tog bzhag nas gtor ma chen por bskor bar bya'o/ /des kyang dbang bskur ma thob pa de'i tshe mtshan mo dang nyin mo ngal mi bso bar bud med la sogs pa med pa'i gnas su dri ma med pa'i stan steng du yi ge brgya pa'i sngags gdon par bya'o/ /slob dpon shes rab dpal gyis mdzad pa yan lag brgyad pa'i rim pa las/ sta gon gnas pa zhes bya ba'i le'u bshad pa gsum pa'o// //de nas gzhan yang khrus kyi cho ga bshad de/ dang por re zhig khrus kyi rdzas 'tshogs par bya'o/ /phyis ni lnga ste/ dri zhim pa'i mar khu dang sran nag gi phye dang/ sran chung gi phye dang/ bag phye dang/ nas phye'o/ /'bru ni lnga ste/ sran nag dang/ gro dang/ sran chung dang/ 'bras so ba dang/ sran ma ser po'o// sman ni lnga ste/ grihasti dang/ kaN+Da ka ri dang/ sa la spar ni dang/ sdong bu dang ldan pa'i utpa la dang/ ha sa de ba'o/ /'bras bu lnga ste/ dpal 'bras dang/ dzA ti pa la dang/ bu ga pa la dang/ skyu rur dang/ ka ko la'o/ /sna tshogs rdzas ni lnga ste/ zho dang/ 'o ma dang/ bo ga ling dang/ yungs kar dang/ sman thams cad do/ /byug pa ni lnga ste/ gur gum dang/ tsan dan dang/ ga pur dang/ gla rtsi dang/ si la'o/ /re re la sgron ma dang/ lha bshos dang/ gang ba'i snod lnga lnga'o/ /gzhan ni phyi ba'i ras dang/ phyag rgya'i ras dang/ spos dang/ yungs kar dang/ me long dang dri ma med pa dang/ che ba pug rdol med pa shing la sogs pa khrus kyi snod do/ /de dag thams cad tshogs nas hUM phaT sngags dang ldan pa'i dam tshig gi chus gtor te/ yi ge gsum gyi sngags kyi mchod par byas nas dag par bya'o/ /de'i rjes su oM gyi rnam pa'i sngags kyis zhal khab dbye ste/ lag pa g.yon snying gar bzhag nas mdzub mo bkug /g.yas pa rdo rje khu

  444. 222b

    tshur gyi phyag rgyas rnam par rgyal ba'i bum pa'i nang nas rdo rje 'dzin pa chen po hUM hUM gi sngags kyis spyan drangs te/ me long gi steng du e'i rnam pa'i gzugs chos kyi 'byung gnas kyi phyag rgya bzhag nas yi ge gsum gyi sngags kyis me tog la sogs pas mchod pa byas te/ rdo rje dril bu dkrol zhing bkra shis kyi tshigs bcad brjod par bya'o/ /de nas yi ge gsum gyi sngags kyis rdo rje 'dzin pa chen po'i dbu la arg+ha dang/ me tog dang/ spos dang/ byug pa la sogs pa phul te / phyis lngas las thams cad pa'i bum pas lag pa g.yon na rdo rje dril bu/ g.yas na spos rdo rje dang ldan pas sngags 'dis khrus bya'o/ /oM sarba ta thA ga ta kA ya bak+tsit+ta ma hA badzra d+ha ra de be na ba de na/ pany+tsa d+ha rat ne ne sna ba ya me hUM hUM phaT swAhA de nas mchod pa lnga dbul bar bya'o/ /oM puShpa badzri swAhA/ oM d+hu pa badzri swAhA/ oM dI pa badzri swAhA/ oM gand+he badzri swAhA/ oM nai be tye badzri swAhA/ de nas yang dbul la me tog la sogs pa phul te/ 'bru lnga'i khrus bya'o/ /oM sarba ta thA ga ta kA ya bAk+tsit+ta mahA badzra d+ha ra de pe na ba re na pany+tsa bri he'i snaM pa me huM hUM phaT swAhA/ sngar bstan pa'i rim pas mchod par bya'o/ /de nas yang dbu la me tog la sogs pa phul te/ sman lnga'i khrus bya'o/ /oM sarba ta thA ga ta kA ya bAk+tsit+ta de be na ba de na pany+tsa sha the na sna ba ya me huM hUM phaT swAhA/ mchod pa ni sngar bzhin no/ /de nas yang dbu la me tog la sogs pa phul te/ 'bras bu lngas khrus bya'o/ /oM sarba ta thA ga ta kA ya bAk+tsit+ta mahA badzra d+ha re de ba na pa ra na pany+tsa pa le sna pa ya me huM hUM phaT swAhA/ mchod pa ni gong ma bzhin no/ /de nas yang dbu la me tog la sogs pa phul te/ sna tshogs lnga khrus bya'o/ /oM sarba ta thA ga ta kA ya bAk+tsit+ta mahA badzra d+ha re de be na ba re na pany+tsa pa krirna twa bya'i sna ba ya me huM hUM phaT swAhA/ mchod pa ni

  445. 223a

    sngar bzhin no/ de nas yang dbu la me tog la sogs pa phul te/ byug pa lnga'i khrus bya'o/ /oM sarba ta thA ga ta kA ya bAk+tsit+ta mahA badzra d+ha re de be na ba re na pany+tsa sa ma la ba de'i rnam pa ya me huM hUM phaT swAhA/ mchod pa yang dang po bzhin no/ /khrus re re sna tshogs pa'i sil sman gyi mchod pa dang/ klu'i mchod sbyin dang gtor ma la sogs pa bya'o/ /de nas me long phyis ras kyis legs par phyis te yang dag par dri med par byas nas/ tsan dan dang gur gum bsres pas nyi ma'i dkyil 'khor byas te/ me tog la sogs pa mchod nas de'i steng du/ oM A(rgyud 'grel): hUM phaT kyi sngags kyi rdo rje 'dzin pa chen po byin gyis brlabs te/ ye shes kyi phyag rgyas bum pa'i nang du hUM phaT rnam pa'i sngags kyis gshegs su gsol bar bya'o/ /de lta bu'i rim pas gzhan bum pa'i nang du bzhugs pa de bzhin gshegs pa dang lha mo'i khrus kyi cho ga bya'o/ /'on kyang rang gi rigs kyi go rims kyi phyag rgyas spyan drangs te/ rang gi mtshan dang spel sngar bstan sngags zhes bya'o/ /de'i bum pa'i khrus so// //de ni dkyil 'khor gyi khrus bshad de/ hUM gyi rnam pa'i sngags kyis zhal khab kyi ras phye ste/ sngar bstan pa'i rim pas rdo rje dril bu dang/ bkra shis kyi tshigs bcad la sogs pa brjod de/ me long gi steng du gur gum dang tsan dan la sogs pas sna tshogs pad+ma byas nas/ de'i steng du b+h+ruM gi rnam pa yongs su gyur pa las/ yan lag thams cad dang ldan pa'i gzhal yas khang bsgom par bya'o/ /de nas khams gsum rnam par rgyal ba'i phyag rgyas dang/ de bzhin du dzA(rgyud 'grel): hUM baM ho(rgyud 'grel): yi sngags kyis skad cig thams cad yan lag dang ldan pa'i dkyil 'khor la spyan drangs te/ me long gi steng du bzhugs su gsol nas/ sngar bstan pa'i tshogs 'khor

  446. 223b

    dang bcas pa gtso bo las thams cad pa'i bum pa'i phyis lnga'i khrus bya'o/ /oM sarba ta thA ga ta kA ya bAk+tsit+ta mahA badzra d+ha ra sa pa ri bA rA nsa? ma yo daM pany+tsa d+ha ra ta ne na sna pa ya me huM hUM phaT swAhA/ de lta bu'i rim pas byug pa'i khrus yan chad bya'o/ /de nas rnam par rgyal ba'i bum pa'i khrus bya'o/ /oM sarba ta thA ga ta kA ya bAk+tsit+ta mahA badzra d+ha ra sa pa ri bA raM be pany+tsa darta ne na tso ya ka la she na sna ba ya me huM hUM phaT swAhA/ de nas rnam par rgyal ba'i bum pas khrus bya'o/ /oM sarba ta thA ga ta kA ya bAk+tsit+ta mahA badzra d+ha ra sa ba ri bA ra be tsa ye ka la sha na sna pa ye me huM hUM phaT swAhA/ gzhan ni mchod pa la sogs pa dang/ phyi ba dang gshegs su gsol ba ni snga ma bzhin no/ /de ni dkyil 'khor khrus so/ /da ni khrus bshad de/ sku'i dbu la gzhan ma yin pa'i khrus bya'o/ /gal te thang ka la sogs pa yin na me long gis so/ /de la dang po hUM gi rnam pa'i sngags kyis sta gon gyi gos bshus te sngar bstan pa'i phyag rgyas spyan drang ba la sogs pa'i cho ga byas nas/ de'i rjes su oM sarba ta thA ga ta kA ya bAk+tsit+ta mahA badzra d+ha ra pany+tsa A d+harta ne na sna ba ya me huM hUM phaT swAhA/ gzhan kun ni dkyil 'khor la sogs pa bzhin no/ /de ni sku khrus kyi cho ga'o/ /da ni slob ma'i khrus bshad de/ re zhig mdor bsdus pa'i khrus byed na/ de ni bla ma chen po rdo rje slob dpon gyis me long las bya'o/ /yang na rgyas pas lo de yod pa na dkyil 'khor gyi khang pa'i phyi rol tu las kyi slob dpon gyis bya'o/ /de la rim pa ni 'di yin te dang por re zhig pa'i lci ba sa la ma lhung bas slob dpon gyis legs par byugs pa'i dbus kyi gnas su sna tshogs pad+ma brgyad dang ldan pa'i gru bzhi pa'i dkyil 'khor rdo rje phreng bas rnam par brgyan pa sor gsum lhag pa'i khru gsum par bya'o/ /de yang sna tshogs pa'i me tog la sogs pas mchod pa byas nas

  447. 224a

    mda' dang ldan pa'i ris kyis bskor bar bya'o/ /de'i dbus dri ma med pa bug rdol med pa'i khrus kyi snod de'i steng du hUM gi rnam pa'i sngags kyis byin gyis brlabs pa'i slob ma bzhag ste/ rdo rje dang dril bu dang ldan pa stan mtho bar gnas pa'i las kyi slob dpon gyis rim pas khrus bya'o/ /de la dang po ni oM sarba pA baM duSh+Ta ha na ha na da ha da ha zhes pa'i sngags kyis dang/ pad+ma'i phyag rgya shun pa'i me'i steng du yungs kar btab ste/ lan gsum mgo la bskor nas phyi rol du der bar bya'o/ /de'i 'og tu sngar bstan pa'i rdo rje dril bu'i sngags kyis sum cu rtsa bdun grangs la lan gcig rdo rje dril bu dkrol ba byas te/ slob ma rnam par snang mdzad kyi gzugs su byin gyis brlabs nas dbyangs kyi yan lag dang ldan pa'i bkra shis kyi tshigs bcad brjod par bya'o/ /de nas mgo bor yi ge gsum gyi sngags kyis/ arg+ha dang me tog la sogs pa byin te/ rdo rje dril bu dkrol zhing oM A(rgyud 'grel): hUM sngags kyi las thams cad pa'i bum pa byin gyis brlabs nas yang dag par rdzogs pa'i sangs rgyas mtshan dang ldan pa lo bcu gnyis lon pa'i bu mo'i lag tu sbyin par bya'o/ /nyid kyis phyag g.yas pas bum pa la gtugs te tshigs bcad 'di brjod par bya'o/ /yang dag rdzogs sangs rgyas kun khyod/ /'on kyang blo bur dri mas khyab/ /de ni thams cad bkru ba'i phyir/ /dge yid ldan pa bdag gis bkru/ /oM a na ba ta bud+d+ha ta thA ga ta a ba lo ka ta de be na ba re na pany+tsa oM d+ha tarta ne na rU pa ka daM na sna be ye me hUM hUM phaT swAhA/ de nas mchod pa lnga dbul bar bya'o/ /de nas yang mgo po la me tog la sogs pa byin te 'bru lnga'i khrus bya'o/ /oM sarba ta thA ga sta tha ta a ba lo ka ta de be na ba de na pany+tsa bri ha bi da na skan da ma sna ma ba ya me huM hUM phaT swAhA/ mchod pa byas te/ de nas

  448. 224b

    yang mgo la me tog la sogs pa byin nas sman lnga'i khrus bya'o/ /oM a na ta bud+d+ha ta thA ga ta a ba lo ke ta de be na ba re na pany+tso a sha tha samyakdaM sna pa ya me huM hUM phaT swAhA/ mchod pa byas nas mgo la me tog la sogs pa byin te/ 'bras bu lngas khrus bya'o/ /oM a na ga ta bud+d+ha ta thA ga ta a ba lo ka de pi na ba ri na sa saM ska ra sa da ma sna pa ye huM hUM phaT swAhA/ mchod pa byas nas mgo la me tog la sogs pa byin te/ sna tshogs lnga'i sman gyis khrus bya'o/ /oM a na ga ta bud+d+ha ta thA ga ta a ba lo ka te de be na ba re na pany+tsa pra krarna tra bye byi ga dz+nyA naska d+haM sna pA ya me huM hUM phaT swAhA/ mchod pa byas nas mgo la me tog la sogs byin te/ byug pa lngas khrus bya'o/ /oM a na ga ta bud+d+ha na ta thA ga ta a ba lo ka de be na ba re d+ha na ska ra ska ra ya sna pA ya huM hUM phaT swAhA/ mchod pa byas nas mgo la me tog la sogs pa byin te/ byug pa lnga'i khrus bya'o/ /oM a na ga ta bud+d+ha ta thA ga ta a ba lo ke ta b+he ra ba re na sa ma la ba na pany+tsa ke na d+ha ta ya ta naM sna pA ya huM hUM phaT swAhA/ de nas spos kyis bdugs pa'i ngas kyis kun phyis te/ hUM gi rnam pa'i sngags kyis mgo la me tog byin nas dam tshig gi khrus bya'o/ /oM ya thA he dza ta ma tra syo sna le ta sarba thA ga ta ta thA ga taM sna pa yeSh+TaM mo sho ta bi na ba re na oM A(rgyud 'grel): hUM phaT swAhA/ de nas sna tshogs pa'i gos bgos te dam pa'i chos klog pa'i gnas su stan gyi steng du bzhag par bya'o/ /slob dpon shes rab dpal gyis mdzad pa/ yan lag brgyad pa'i rim pa las/ khrus kyi cho ga bstan pa zhes bya ba'i le'ur bcad pa bzhi pa'o// / da ni rab gnas kyi cho ga bshad de/ re zhig dang po'i sil snyan la sogs pa dang ldan pa'i rdo rje dril bu dkrol te/ lag pa g.yon pa'i rdo rje khu tshur gyis mnga' bzung nas/ lag pa g.yas pa rdo rje khu tshur gyis cig drangs te/ tha mar oM A(rgyud 'grel): hUM bkod

  449. 225a

    nas/ shar lho nub byang la sogs pa'i gnas su sor bzhi yan chod 'og gi char gzhug par bya'o/ /de nas sngags dang ldan pa'i tshon sna lnga'i skud pas bskor ro/ /de la sngags ni 'di yin te/ oM pany+tsa na at+ma ko mahA rak+Sha su tra ra tsaM badzra kande swAhA so pra tiSh+Thiny+tsa b+ha ba huM hUM phaT swAhA/ de nas shar phyogs kyi char 'khor lo dang ldan pa bzhag ste sngags 'dis rab gnas bya'o/ /oM tsakra ko la ya su pra tiSh+Tha tu b+ha ba huM hUM phaT/ lhor pad+ma dang ldan pa/ oM pad+ma ko la ya su pra tiSh+The tu b+ha ba huM hUM phaT swAhA/ nub tu rin po che dang ldan pa/ oM ratna ko la su pra tiSh+Tha b+ha ba huM hUM phaT swAhA/ byang du ral gri dang ldan pa/ oM karma ko la ya su pra tiSh+The tu b+ha ba huM hUM phaT swAhA/ me'i mtshams su ri rab dang ldan pa/ oM A(rgyud 'grel): hUM ho(rgyud 'grel): phaT swAhA/ chu'i phyogs su sbrul dang ldan pa/ oM A(rgyud 'grel): hUM ho(rgyud 'grel): phaT swAhA/ rlung gi mtshams su me dang ldan pa/ oM A(rgyud 'grel): hUM phaT swAhA/ dbang ldan gyi mtshams su 'phan dang ldan pa/ oM A(rgyud 'grel): hUM ha phaT swAhA/ dbus su rnam par rgyal ba/ oM sarba ta thA ga ta ya bUk+tsit+ta mahA badzra d+ha ra tro ta satwo sa du pe Na so pra tiSh+The tu b+ha ba huM hUM phaT swAhA/ 'khor lo dang ldan pa'i g.yas phyogs su/ las thams cad pa'i bum pa oM ho lo ho lo h+ri h+ri huM hUM phaT swAhA/ dam tshig snod g.yon gyi cha ru /de la oM aM AM hiM hIM huM hUM phaT swAhA/ gzhan ma gang dang gang mar me dang lha bshos dang yo byad la sogs pa phyogs mtshams bye brag tu yi ge gsum gyi sngags kyis bzhag par bya'o/ /de nas dkyil 'khor 'khor lo rab gnas bya'o/ /oM sarba ta thA ga ta At+ma ka mahA dz+nyA na ye ga sha swa du pa su pra tiSh+Tha tu b+ha ba huM hUM phaT swAhA/ de nas sku la rab gnas bya'o/ /oM pany+tsa A ka ra mahA dz+nyA na taM a ma ka su pra tiSh+Tha tu b+ha ba huM hUM phaT swAhA/ de nas slob ma la ni yi ge gsum gyis byin gyis brlabs kyis

  450. 225b

    me tog mgo la byin te/ sngags 'dis rab gnas bya'o/ /oM be ro tsa na ta thA ga ta straM su pra teSh+Te tu b+ha ba swAhA/ de ni rab gnas kyi cho ga'o/ /slob dpon shes rab dpal gyis mdzad pa/ yan lag brgyad pa'i rim pa las/ rab gnas kyi chog bstan pa zhes bya ba'i le'ur bcas pa lnga pa'o// //de nas gzhan yang dbang bskur ba'i cho ga bshad de/ dang por re shig bkra shis kyi tshigs bcad brjod pa bstan te/ rdo rje dril bu'i sngags kyis sbos dang bcas par rdo rje dril bu dkrol bar bya'o/ /de'i 'og tu me long gi steng du me tog la sogs pa gtor te/ las thams cad pa'i bum pas rnam par rgyal ba'i bum pa la sngags 'dis dbang bskur bar bya'o/ /oM sarba ta thA ga ta kA ya bak+tsit+ta mahA badzra d+ha ra a b+hi She ka sa ma ya sh+rI ye huM phaT swAhA/ de nas 'khor lo dang ldan pa la/ oM bai ro tsa na ta thA ga ta a b+hi She ka sa ma ya sh+rI ye hUM phaT swAhA/ de nas pad+ma dang ldan pa la/ oM a mi tA b+ha ta thA ga ta a b+hi She ka sa ma ya sh+rI ye hUM phaT swAhA/ de nas rin po che dang ldan pa la/ oM ratna sam b+ha ba ta thA ga ta a b+hi She ka sa ma ya sh+rI ye hUM phaT swAhA/ oM a mo g+ha sid+d+hi ta thA ga ta a b+hi She ka sa ma ye hUM phaT swAhA/ de nas ri rab dang ldan pa la/ oM b+ha ga te bud+d+ha lo tsa ne a b+hi She ka sa ma ye sh+rI ye hUM phaT swAhA/ de nas sprul pa dang ldan pa/ oM b+ha ga ba ti mA ma kI a b+hi She ka sa ma sh+rI ye hUM phaT swAhA/ de nas me dang ldan pa la/ oM b+ha ga ba te b+handa ra b+ha se na a b+hi She ka sa ma ya sh+rI ye hUM phaT swAhA/ de nas 'phan dang ldan pa la/ oM b+ha ga ba te ta re ne a b+hi She ka sa ma ya shI ye hUM phaT swAhA/ de nas spos dang bcas par rdo rje dril bu dkrol te/ 'khor dang bcas pa'i dkyil 'khor la dbang bskur sbyin par bya'o/ /oM sarba ta thA ga ta At+ma ka dz+nya' na a ka sha sA ru a b+hi She ka sa ma ya

  451. 226a

    sh+rI ye hUM phaT swAhA/ de nas yang rdo rje dril bu dkrol te thang ka la sogs pa'i bdag nyid kyi sku la dbang bskur sbyin par bya'o/ /oM pany+tsa A ka ra mahA dz+nyA na At+ma ko a b+hi She ka sa ma ya sh+rI ye hUM phaT swAhA/ da ni slob ma'i dbang bskur bshad de/ /dang po ni las thams cad pa'i bum pas so/ /yang na dam tshig gi chus/ me tog gi phreng ba dang bcas pa'i mig gi ras la/ oM a khaM bI ra'i sngags kyis gtor bar bya ste las kyi slob dpon gyi lag tu sbyin/ des slob ma la ji ltar gnas pa mthong nas/ dam tshig sems pa'i gzugs su byin gyis brlabs te/ stong phrag dang ldan na spyan/ oM mahA pra k+Sha'i sngags kyis bcing bar bya'o/ /de'i dus su las kyi slob dpon gyis de la de lta bu'i tshigs bcad brjod ba des kyang de lta bu'i bla ma chen po rdo rje slob dbon gyi mdun du brjod par bya'o/ /mgon po spyan gyis bdag la gzigs/ khyod ni bdag gi ston chen po/ /dam tshig de nyid bdag la gsol/ /thams cad mkhyen la phyag 'tshal lo/ /ye shes nyi 'ong phyag 'tshal lo/ /thams cad mkhyen sman phyag 'tshal lo/ /ye shes bdud rtsi mtsho phyag 'tshal/ /de skad thos nas bla ma chen po rdo rje slob dpon gyis/ /'di skad ces gsung bar bya'o/ /kye bu khyed ji su zhig yin/ /khyod ni ci 'dod bdag la smros/ /slob mas kyang 'di skad brjod par bya'o/ /dpa' po chen po bdag skal ldan/ /thog ma'i dbang ni bdag la snol/ /de nas bla ma chen po rdo rje slob dpon gyis skal ldan tshur shog tshur shog ces gsung bar bya'o/ /slob ma yang me tog gis bkang ba'i snyim pa dang ldan pa las kyi slob dpon gyis lag pa g.yas pa bzung nas/ bla ma chen po rdo rje slob dpon gyi mdun du me tog gi snyim pa dbul bar bya'o/ /de nas lan gsum phyag byas nas/ 'dab ma brgyad pa'i pad+ma'i

  452. 226b

    steng du bzhag par bya'o/ /de nas rdo rje slob dpon gyis/ hUM phaT kyi rnam pa'i sngags kyis me tog byin gyis brlabs te/ oM ti ho tiSh+Tha brtul zhugs bzang zhes gsungs nas mgo bo la ni sbyin par bya'o/ /phyi nas kyang hUM gi sngags bzlas pa'i 'bras dkar po dang ldan pa'i me tog gis lan gsum snying gar btab par bya'o/ /de nas hUM gi rnam pa'i sngag kyis me tog dang bcas pa'i rdo rje snying gar lags par bzhag ste/ 'di skad brjod par bya'o/ /kye legs dgyes kyi dam tshig khyod/ /de bzhin gshegs pa tham cad la sogs pa'i dngos grub khyod ji ltar 'dod pa bzhin du rnyed do/ /phyi nas yang 'di skad smra bar bya'o/ /dkyil 'khor ma mthong sngon du ni/ /khyod ni gang yang smra ma byed/ /am yin khyod kyis dam tshig 'di/ /don med nges par 'gyur ba yin/ /de nas yang hUM gi rnam pas rdo rje byin gyis brlabs te/ mgo bor bzhag la 'di skad brjod par bya'o/ /'di ni dam tshig rdo rje yin/ /spyi bor bdag gis gsor bar bya'o/ /khyod kyis gzhan la 'di skad smras na/ skad cig gcig gis phug nas 'gro/ de nas dam tshig gi chu sbyin par bya'o/ /om badzra u da ka ma hA ku raM/ badzra tsandu ba kra bya shin zhes sngags des lan bdun bzlas pa byas na slag pa g.yas su byin te 'di skad ces brjod par bya'o/ /'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na dngos grub 'gyur/ /'thung zhig rdo rje bdud rtsi chu/ /de nas yang phyag g.yas bas lag pa gnyis bzung ste/ 'di skad brjod par bya'o/ /de ring phan chad khyed kyis ni/ /rdo rje sems dpar bdag la smros/ /bdag gis ji ltar bka' stsal dga' ba sbyin/ /de ltar khyod kyis dad par bya dgos so/ /gang yang nga la mi mos nam yang min/ /de ltar byas na rnam

  453. 227a

    smin dmyal bar 'gro /de nas slob ma la dri bar bya'o/ /kye dga' ba'i yid dang ldan pa khyod kyi mig gis ji ltar mthong/ nag po dang dmar po dang dkar po dang ser po dang/ ljang gu'i nang na ji ltar mthong ba de ltar las de la 'grub ces bla ma chen pos rang gi yid la dpyod de/ bden pa'i byin gyis brlabs bya'o/ /dri ma med pa'i me tog phyag g.yas pas bzung nas 'di skad brjod par bya'o/ /dkyil 'khor 'di la dkyil 'khor ba'i lha mo rang rang gi rigs kyi ji lta ba'i dngos grub yod pa de lta bu'i me tog bcas pa'i bu 'di la dngos grub thob par gyur cig /de skad smras nas nam mkha' la dbul bar bya'o/ /de nas mig gi ras kyi phreng ba'i dbus kyi me tog hUM gi rnam pa'i sngags kyis blangs nas slob ma la kha sbyar snyim pa'i dbus su byin te 'di skad brjod do/ oM sa ma ya a d+herb+ha wa to huM hUM phaT swAhA/ de nas las kyi slob dpon gyis kha bye ba'i pad+ma'i phyag rgyas lag pa 'phar ma'i snyim pa/ dam tshig sems dpa' gzung ste/ dkyil 'khor la bskor ba lan gsum byas nas/ rdo rje slob dpon gyi g.yon phyogs su gnyis ka langs te/ las kyi slob dpon gyis de la 'di skad brjod par bya'o/ /hUM pra tIts+tsha ho(rgyud 'grel): rdo rje 'dzin lan gsum brjod de dkyil 'khor gyi dbus su dbul bar bya'o/ /phul ba tsam gyis bla ma chen po rdo rje slob don gyis tha ma 'bring rab la sogs pa'i dngos grub nye bar bltas te/ tshigs bcad 'dis mig dbye bar bya'o/ /rdo rje sems dpa' di ring nyid/ /khyed kyi mig ni brtson par byed/ /bla na med pa'i rdo rje mig /thams cad spyan ldan bdag gis dbye/ /oM de byin+d+ra dz+nyA na a ba lo ke ta dri sh+ya huM hUM phaT swAhA/ de nas dkyil 'khor 'khor lo'i don bstan par bya'o/ /de'i

  454. 227b

    dus su slob ma langs nas bla ma rje btsun la lan gsum phyag byas te/ zhu ba'i tshigs bcad 'di ltar brjod par bya'o/ /byang chub rdo rje sangs rgyas la/ /chen po'i chen po ji ltar sbyin/ /bdag kyang bskyab pa'i don du na/ /nam mkha' rdor sngon bdag la stsol/ /bla ma rje btsun gyis kyang 'di skad brjod par bya'o/ /dbang bskur chen po'i rin chen ni/ /khams gsum gyis ni phyag byas pa/ /gsang gsum bzhi las byung ba ni/ /sangs rgyas kun gyi bdag gis sbyin/ /de nas hUM gi rnam pa'i byin gyis brlabs pa'i me tog mgo bo la byin nas/ rdo rje dril bu dkrol te/ sngags 'dis chu'i dbang bskur byin par bya'o/ /oM sh+rI akO b+hya swA ba badzra oM po na a b+hi Shiny+tsa maM/ hUM hUM phaT swAhA/ de nas hUM rnam pa'i byin gyis brlabs pa'i tsan dan des dpral bar thig le bya'o/ /de nas mi bskyod pa'i lha'i rnam pa mthong nas mchod pa lnga dbul bar bya'o/ /de'i rjes su gser la sogs pa bzor byas pa dang/ yang na ras la bris pa'i dbu rgyan stim pa brkyang ba'i phyag rgyas bzung ste/ h+ri pha ra'i sngags kyis byin gyis brlabs nas de'i steng du grangs med pa'i 'jig rten gyi khams na bzhugs pa'i sangs rgyas bsams te sngags 'dis dbu rgyan gyi dbang bskur sbyin par bya'o/ /oM sh+rI ratna sa ma b+hA baswa b+hA wa mu ku Te ma a b+hi shiny+tsa me huM hUM phaT swAhA/ sngar bzhin du ni mchod pa byas nas rin chen 'byung ldan gyi gzugs su mthong ste/ rdo rje'i dbang bskur byin par bya'o/ /hUM gi rnam pas byin gyis brlabs pa'i rdo rje phyag g.yas par bzung nas/ rdo rje slob dpon gyis tshigs bcad 'di brjod par bya'o/ /rdo rje sems dpas rgyal ji ltar/ /de ring bdag gis khyod dbang bskur/ /'di ni sangs rgyas thams cad kyi/ /rab grub ni rdo rje zung/ /slob ma'i snying gar btugs byas la /lag pa g.yas par

  455. 228a

    sbyin par bya/ /oM sh+rI a mi tA b+ha swa b+ha ba badzra nA ma a b+hi Shiny+tsa mi huM hUM phaT swAhA/ de'i rjes thogs su thig le la sogs pa dang bcas pa'i mchod pa byas nas snang ba mdza' yas kyi gzugs su mthong ste/ dril bu'i dbang bskur sbyin par bya'o/ /oM h+riM h+riM k+ShaM gi sngags kyis byin gyis brlabs te me tog la sogs pa'i mchod pa byas nas phyag g.yon par bzung nas tshigs bcad 'di brjod par bya'o/ /rdor dril sgyu 'phrul chen po 'di/ /gnyis med dngos po shes rab thabs/ /chos kyi dbyings kyi rang bzhin can/ /lag pa g.yon pas 'di bzung zhig /oM sh+rI a mo g+ha ko la swa b+hA ba a te pa te badzra g+haN+Ta a b+hi Shiny+tsa mi huM hUM phaT swAhA/ sngar bzhin mchod pa byas nas don yod grub pa'i gzugs su mthong te/ ming gi dbang bskur ba sbyin par bya'o/ /oM b+hiM b+hiM gi sngags kyi rdor dril byin gyis brlabs te mgo bor bzhag nas sngags 'di brjod par bya'o/ /oM sh+rI bai ro tsa ni swa b+ha ba nA mA b+hi Sheny+tsa mi hi a mo g+ha badzra te hUM hUM phaT swAhA/ de lta bu'i ye shes lnga'i bdag nyid kyi slob dpon gyi dbang byin nas/ phyi nas yang rdo rje slob dpon gyi dbang bskur sbyin par bya'o/ /slob mas kyang zhu ba'i tshigs bcad kyis bla ma rje btsun mnyes par bya'o/ /rdo rje slob dpon gyi ni dbang/ /thugs rje'i gter gyis bdag la stsol/ /gang gis khyod kyi bka' drin bdag /bdag dang gzhan gyi don byed nus/ /bla ma rje btsun gyis de ltar gsan nas/ /mgo la me tog la sogs pa byin te/ dam tshig gsum gyi dbang bskur sbyin par bya'o/ /hUM gi rnam pas byin gyis brlabs pa'i rdo rje phyag g.yas par bzung nas sngags 'di brjod par bya'o/ /oM pa ra ma a dya pu ru ShaM sarba badzra d+ha ra a de pa haM haM hiM hiM hUM hUM phaT swAhA/ a'i rnam pa las byung ba'i rdo rje dril bu phyag g.yon pas gzung nas/ haM hAM hiM hIM bi bi

  456. 228b

    gi sngags kyis byin gyis brlabs te 'khyud pa'i phyag rgyas rdo rje sems dpa' i cha lugs byas nas slob ma la 'di skad brjod par bya'o/ /'di ni gang zhig mtshon gyi rab/ /shes rab kyi skur rjes su dran/ /khyod kyis kyang ni rtag tu bcang/ /thog ma byang chub rgyal bas bsnams/ /rdo rje mchog gi ye shes ni/ /mi phyed nam mkha' lta bu'i gzugs/ /bdag ni gzhan min rdo rje 'dzin/ /sems can don phyir 'khor bar bzhugs zhes brjod nas slob ma la lag tu sbyin no/ /de'i dus su 'di skad brjod par bya'o/ /ji ltar bdag ting nge 'dzin du gnas pa di rang khyod kyis mthong ba de ltar khyed kyis kyang de bzhin du zhugs shig /oM badzra satwa sa ru pa tri sa ma ye a b+hi Shiny+tsa mi hUM hUM phaT swAhA/ rdo rje 'dzin pa'i cha lugs su slob ma gzigs nas 'di ltar gnas pa sbyin par bya'o/ /sems can thams cad phan don du/ /chos kyi rgya mtsho 'dra bar 'dug /thams cad ji ltar 'dul 'gyur ba'i/ /khyod kyis chos kyi 'khor lo bskor/ /de nas mgo bo la me tog la sogs pa byin te/ brtul zhugs kyi dbang bskur sbyin par bya'o/ /de'i dus su hUM gi rnam par byin gyis brlabs pa'i me tog dang bcas pa'i phyag g.yas pas bzung nas slob ma la 'di skad brjod par bya'o/ /'di ni de bzhin gshegs pa'i rigs/ /ye shes lnga grub zhi ba ni/ /ye shes rang bzhin mi phyed pas/ /sangs rgyas thams cad kyis phyag byas/ /dpal ldan rdo rje sems dpa' yi/ /nyid kyi phyag na ji ltar bsnams/ /de ltar khyod kyis kyang gzung bya/ /rdor rgyal mi shigs brtul zhugs so/ /oM pany+tsa ka ra sa ru pany+tsa dz+nyA na At+ma ko sarba ta thA ga ta si d+hi badzra pa te na/ a b+hi Shiny+dza mi hUM hUM phaT swAhA/ de nas mchod pa byas nas/ lung bstan dwang bskur sbyin par bya'o/ /oM gyi rnam pas byin gyis brlabs pa'i chos gos gsol/ /mchod sbyin skyabs sbyin

  457. 229a

    ldan pas slob ma la 'di skad brjod par bya'o/ /rdo rje sems dpa' de bzhin gshegs/ /khyod ni bdag gis lung bstan bya/ /sems can thar pa grub don du/ /ngan 'gro rnams las 'dren pa yi/ /yang dag de bzhin gshegs pa khyod/ /khams gsum gyi ni thub pa khyod/ /sangs rgyas byang chub sems dpa' yis/ /mgrin gcig tu ni brtags pa ste/ /bla na med pa'i yang dag pa'i/ /byang chub tu ni khyod lung bstan/ /de skad gsungs nas nyid kyi chos gos slob ma la byin te/ phyag g.yas pas lag pa bzung nas sngags 'di brjod par bya'o/ /oM sarba b+hud+d+ha ma mahA ta pa sid+d+hi bya ka ra Na a b+hi Shiny+tsa ma hUM hUM phaT swAhA/ de'i rjes su mgo bo la me tog byin te/ bka' stsal ba'i dbang bskur sbyin bar bya'o/ / spos kyis bdug pa byas pa'i me tog gi phreng ba phyag g.yas pas bzung nas hUM phaT kyis byin gyis brlabs te slob mi la 'di skad brjod par bya'o/ /chags dang bral ba lta bu'i sdig /gzhan ma khams gsum na ni med/ /de bas 'dod pa'i chags bral ba'i/ /khyod kyis kyang ni yong ma byed/ /dam tshig chen po yod pa ni/ /hUM phaT rnam pa dang ldan pa'i/ /gsang ba'i dkyil 'khor la gzhug bya/ /sdig pa thams cad rnam par bral/ /bde chen theg pa 'di las ni/ /phyi nas shi ba yong med de/ /srid pa yang dag grub pa'i phyir/ /srid dang mya ngan 'das bsdus bya/ /rdo rje rin chen nang yod pa'i/ /byang chub sems ni spang mi bya/ /de yi 'byung ba tsam gyis ni/ /sangs rgyas nyid 'gyur the tshom med/ /dam pa'i chos ni smad mi bya// nam yang spang bar mi bya'o/ /log pa'i shes pa 'am gti mug gis/ /phyi nas 'jigs pa bsrung bar bya/ /rdo rje dril bu'i phyag rgya ni/ /nam yang spang bar mi bya'o/ /sangs rgyas kun dang mnyam pa'i phyir/ /bla ma smad par yong mi bya/ /bdag

  458. 229b

    nyid yongs su bor nas ni/ /dka' thub rnams kyis gdung mi bya/ /ji lta bde ba bde bar bzung/ /rdzogs pa'i sangs rgyas ma 'ongs pa/ /zhes brjod nas slob ma la sngags 'dis lag tu sbyin par bya'o/ /oM sarba ta thA ga ta mahA sid+d+hi sa ma ya a shwa sa a b+hi Shiny+tsa maM hUM hUM phaT swAhA/ gnang ba sbyin pa dang brtul zhugs dang/ lung bstan pa dang/ skyabs sbyin yan chad bzhis phyir mi ldog pa'i dbang shes par bya'o/ /de nas shin tu mtshan nyid dang ldan pa'i brgyad gnyis dang ldan pa'i bu mo dang po dbang bskur nas/ bsrub pa dang bsrub thabs kyi sbyor ba yis byang chub sems dbyung bar bya ste/ rdo rje'i ske'i nang du hUM phaT kyi sngags kyis byin gyis brlabs te/ dri ma med pa pad+ma'i snod du mthe bong tha ltag gi phyag rgya yis ske btsir te dri ma med pa'i ras kyis dgag par bya'o/ /de las langs te g.yon phyogs su bu mo bzhag ste/ yi ge gsum gyi sngags kyis brgya rtsa brgyad bzlas te/ slob ma dgug par bya'o/ /kye sems dpa' chen po tshur shog tshur shog /des kyang 'di lta bu'i zhu ba'i tshigs bcad kyis zhu bar bya'o/ /byang chub rdo rje sems chen po/ /gsang ba'i dbang ni bdag la gsol/ /ye shes bdud rtsi bdag la stsol/ /rdo rje'i 'byung ba bdag la gsol/ /dpa' bo chen po khyod phyag 'tshal/ /phyag 'tshal phyag 'tshal rmad byung khyod/ /bde chen bzhugs la phyag 'tshal lo/ /de lta bu'i rdo rje slob dpon gyis gsan nas legs so legs so zhes brjod par bya'o/ /de nas las kyi slob dpon gyis spos kyis legs par bdug pa byas pa'i ras gdong pa la byin te/ bla ma chen po'i mdun du 'dug par bya'o/ /de'i dus su rdo rje dril bu la sogs pa sogs pa dang bcas pa'i mchod ba byas nas mthe bo tha ltag gi bar du bzung nas phyag g.yon pa mgo bo la bzhag nas lce'i nang du byin te 'di skad brjod par

  459. 230a

    bya'o/ /oM mahA dz+nyA na a mri te na a b+hi Shiny+tsa mi hUM hUM phaT swAhA/ de nas longs spyod gnas pa rba rlabs gnyis btsir bar bya'o/ /de nas shes rab ye shes kyi dbang sbyin par bya'o/ /re zhig bla ma mnyam pa nyid kyi ye shes dang ldan pa yin na/ de la yan lag ma gcig pu sbyin par bya'o/ /gal te cung zad chags pa che na/ de la gzhan ma shin tu mtshan nyid dang ldan pa bkug ste/ dbang la sogs pa byin nas/ skyabs byin te bya gdong ma la sogs pa'i gnas bstan par bya'o/ /de nas slob ma dgug par bya'o/ /kye sems dpa' chen po kye tshur shog /des kyang 'di lta bu'i tshigs bcad kyis rje btsun la zhu bar bya'o/ /ye shes bde ba'i gnas bzhugs pa'i/ /rgyal 'gyur rgyal 'gyur mgon po khyod/ /A li kA li gnyis bdag can/ /dga' ba'i bde mtsho rgyal gyur cig /mchog dang chad pa'i dbus su ni/ /rol mdzad khyod ni rgyal gyur cig /shes rab ye shes kyi ni dbang/ /mchog gi dbang phyug bdag la stsol/ /gang gis rang bzhin ye shes mchog /khyod kyi bka' drin bdag gis rnyed/ /de yi dus su g.yas pas shes rab ma'i lag pa 'phar ma bzung nas slob ma la 'di skad brjod par bya'o/ /'di ni khyod zung dgyes pa yin/ /bsnyen bya sangs rgyas kyis rab brtags/ /ye shes gsum gyi rab sbyor gyis/ /dam pa'i bde ba yang dag myong/ /sangs rgyas rin chen snod kyi ni/ /g.yon gyi mchog la rtsa mchog bzhugs/ /gdong pa bya bzhin rnam pa ni/ /rdo rje dbyings ma ni ni nyid/ / thabs gzhan dag gis byang chub ni/ /nam yang rnyed par mi gyur ro/ /de bas 'di dang lhan cig ni/ /nam yang sbyor med ma byed cig /des kyang cung zad nu ma gnyis kyis steng na mo'i na bza' phyed de/ dri zhim po'i me tog gis dbu brgyan

  460. 230b

    de 'di skad brjod par bya'o/ /dri chen dri chu za ba 'di/ /kye bu khyod kyis nus sam ci/ /khu ba khrag dang de bzhin sha /de bzhin bud med gus pa dang/ /b+ha ga'i pad+ma la 'jib ni/ /ji ltar bde ba bu khyod smros/ /slob mas kyang 'di skad brjod par bya'o// lha mo bdag gis ci mi nus/ /khu ba khrag sogs bza' ba dang/ /rtag tu bud med gus bgyid dang/ /b+ha ga yang ni bzhi ba bya'o/ /de nas yang shes rab mas 'di skad brjod par bya'o/ /bde ba thams cad dang ldan pa/ /bdag gi pad dbang e ma'o/ /gang zhig cho gas bsnyen byed pa/ /de yi mdun du bdag ni 'dug /yang dag sangs rgyas mnyes pa'i phyir/ /ji ltar pad+ma'i don gyis shig /nyid kyi bde chen rgyal po ni/ /'di yi gnas na rtag tu bzhugs/ /bde chen dmar thigs bsnyen par gyis/ /kha yi chu skyes kyis ni b+ho/ /bsrub dang bsrub thabs sbyor ba yis/ /bde ba khong du chud par gyis/ /shin tu bstan pa'i don gyis shig /bstan pa med na don mi 'grub/ /de ltar yongs su rdzogs nas slob ma'i mgo la me tog la sogs pa byin te/ me tog gis snyim pa gang ba dang ldan pa'i shes rab ma lag pa'i pad+ma kha phye ba'i snying po'i dbus su slob ma la/ /sngags 'di brjod par byas nas sbyin par bya'o/ /oM mahA badzra d+hA tu shwa ri pra dz+nyA dz+nyA na a b+hi Shiny+tsa hUM hUM phaT swAhA/ bzhi pa'i dbang ni dbang rin chen snang bar gsal bar byas so/ /gang zhig yang dag pa'i 'bras bu 'dod pa des de ru blta bar bya'o/ /slob dpon shes rab dpal gyis mdzad pa/ yan lag brgyad pa'i rim pa las/ dbang bskur gyi cho ga bstan pa zhes bya ba le'ur bcad pa drug pa'o// //da ni mchod sbyin gyi cho ga bshad de/ dang por re zhig phyi'i 'jig rten skyong ba la sogs pa la spos dang me tog dang lha bshos la sogs pas

  461. 231a

    mchod pa byas te gang gi dkyil 'khor la mchod sbyin bya'o/ /re zhig rnal 'byor bla ma'i dkyil 'khor yin no/ /de la dkyil 'khor rnams la phyogs dang mtshams bye brag tu bstan pa'i dang po'i sgo la sogs pa nas gzung ste/ dang po oM dang hUM phaT mthar/ /dbus su rang gi ming dang spel te/ /so sor rdo rje dril bu dang bcas pa'i me tog spos dang mar me dang dri dang lha bshos la sogs pas mchod par bya'o/ /yang na rnal 'byor bla na med pa'i rgyud kyi rim pas gnas dang nye ba'i gnas la sogs pa zhes bstan pa'i mchod pas so/ /gzhan kun ni sngar bzhin no/ /dpal rdo rje 'dzin pa chen po la snying po dang nye ba'i snying po dang phreng ba'i sngags kyis so/ /sku la sngar bstan pa'i mchod pa dang ldan pa'i yi ge brgya pas so/ /bum pa rnams la de ltar bzhin no/ /'on kyang so so rang gi ming dang spel te snying po'i sngags kyis so/ /de ltar mchod sbyin gyi mchod pa rdzogs par byas te/ sngags kyi skud pa sbyin par bya'o/ /de la rim pa ni 'di yin te/ ras bal gyi skud pa bzhi ltab byas nas/ legs par bsgril te/ lnga dbye lnga gnyis kyi khrus byas nas/ dkyil 'khor gtso bo'i sngags kyis lnga bcu rtsa bzhi mdud bar bya'o/ /de nas gzhi mnyam gyis sna tshogs bzor byas te/ yi ge brgya pa'i sngags kyis sngags kyis brgya rtsa brgyad bzlas par bya'o/ /de lta bu'i bum pa dang slob ma la sogs pa'i grangs kyis bya ste/ de'i 'og tu bkra shis kyi tshigs bcad la sogs pa dang ldan pa'i rim pas yi ge gsum gyi sngags kyis mgul par gdags par bya'o/ /slob dpon shes rab dpal gyis mdzad pa/ yan lag brgyad pa'i rim pa las/ mchod sbyin bstan pa zhes bya ba la bur bcad pa bdun pa'o// //de nas gzhan yang sbyin sreg gi cho ga bshad de/

  462. 231b

    zhi ba dang rgyas pa dang drag po mdor bsdus pa'i don tsam bshad de/ zhi ba ni grong khyer chen po'i gnas su/ rgyas pa ni zhing du/ dbang ni chu dogs su/ drag po ni dur khrod du'o/ /zhi ba'i zlum po rgyas pa'i gru bzhi pa/ dbang gi gzhu lta bu/ drag po'i gru gsum mo/ /de rnams la tshad ni 'byung ba chen po lnga dang/ rgya mtsho dang/ me dang/ mig go /ji ltar steng gi tshad de'i phyed 'og tu'o/ /de dag kyang kha dog dkar ser dmar nag go /rang rang gi las kyis go rims kyis hoM khung gi nang du so sor pad+ma brgyad pa'i pad+ma/ pad+ma'i steng du rgya gram rdo rje'i steng du rim pas zla ba dang rin po che dang gzhu dang gru gsum gyi phyag rgya'o/ /de rnams kyi steng du nyi ma'i dkyil 'khor thams cad la hoM khung gi steng du rdo rje phreng ba'o// de ni hom khung gi mtshan nyid do/ /da ni hom gzar gyi mtshan nyid bshad de/ dgang gzar dang blugs gzar dang/ de bzhin du mar gyi snod gsum ni 'bad pas bya'o/ /gzhan ma mar gyi snod chen po dang/ mar dag pa'i snod ni tshad mi dgos te ji ltar rnyed pa'o/ /dgang gzar la sogs pa bzhi bcu rtsa brgyad kyi sor gyi tshad dang/ dgang gzar ni gru bzhi pa/ tshad ni sor drug pa/ rgya gram rdo rjes mtshan ma/ chu srin gyi kha nas byung ba/ /nga ni gru gsum zlum po'i rnam pa/ rdo rjes nang du brgyan pa/ tshang mnyam pa'o/ /blugs gzar ni zlum po mchur sor gnyis/ nang na rdo rje phra mos ldan pa'i/ /mar gyi snod ni bi la'i 'dab ma bzhin nang gting ring/ mchur sor drug pa/ rdo rje dang rin po che dang/ 'khor lo dang ral gri dang ldan pa/ thams cad la mdza' mar rdo rjes mtshan pa'o/ /zhi ba ni dngul las grub pa/ rgyas pa ni gser las grub pa/ dbang ni thangs las grub pa/ drag po lcags las grub pa'o/ /yang na zhi ba tsan dan dkar pos/ rgyas pa la

  463. 232a

    shing ser pos/ dbang la tsan dan dmar pos/ drag po la a ka ru nag pos so/ /phyi ba sbams pas ku sha sar pa la sor bcu gnyis bya'o/ /de nas sa'i rnam par dag pa la sogs pa sngar bstan pa'i dkyil 'khor gyi bzhin no/ /de la dang po'i re zhig zhi ba'i tshogs bshad de/ nas dang til dang 'bras kyi so ba dang 'bras dang gro dang po ga ling dang sta rga tsan dan dang 'o ma dang zho dang/ 'o ma'i thug pa dang bkra shis pas gang ba dang 'bras kyi zho 'o/ gzhan me tog dkar po dang/ yan lag bcu dang/ dri dang mar me dang lha bshos so/ /gzhan yam shing ni sha mi dang/ sha mo ka dang/ sha me ba ka dang/ a shwat+tha dang/ pa lak+Sha dang/ n+ya gro d+ha dang/ u duM bA re ste/ sar pa sor bcu gnyis bya'o/ /gzhan ni ji ltar rnyed pa'i ku sha'o/ /shin tu sar pa skam pa me tog gi shing srog chags dang bral ba'i gru gang tshad bya'o/ /gzhan bum pa sngar bstan pa'i dkyil 'khor gyi bzhin no/ /rnam par rgyal ba'i bum pa hom khung gi g.yas phyogs su bzhag par bya'o/ /dam tshig gi chu'i snod dang/ nye reg gi snod dang/ 'thor 'thung gi snod dang/ arg+ha'i snod dang so shing dang 'bras dkar po'i snod hom khung gi g.yon phyogs/ me long dang las thams cad pa'i bum pa mdun du/ ba'i mar yang dag pa sar pa dri zhing pa hoM khung gi g.yon phyogs su'o/ /de ltar thams cad tshogs nas tshon sna lnga'i skud pa me tog gi phreng ba dang ldan pa rdo rje'i mangs? hoM khung gi phyogs bzhi nas bskor bar bya'o/ /de'i phyi rol bi ti sha bya'o/ /de nas legs par khrus byas pa dri ma med pa'i na bza' gsol ba 'jam pa mtho ba stan ri dags kyi pags pa'i steng du slob dpon sems dpa' i skyil krung gi gnas pas bzhugs

  464. 232b

    nas/ oM h+raM h+raM h+riM h+riM huM hUM hUM sngags kyis rdzas thams cad dam tshig gi chus gtor bar bya'o/ /de nas pad+ma bskor ba'i phyag rgya mdzad nas/ yi ge gsum gyi sngags dang bcas pas yam shing la sogs pa dag par bya'o/ /oM swa b+hA ba shud+d+ha a ma li ba ma li hUM phaT swAhA zhes bya ba'i sngags kyis mar dag par bya'o/ /de nas bkra shis kyi tshigs bcad brjod par bya ste/ me'i phyag rgya dang hUM gi rnam pa'i sngags kyis hoM khung gi dbus su shar du kha bstan zhing gnas gsum du ku sha sbyin par bya'o/ / oM b+ha ra b+ha ra saM b+ha ra saM b+ha ra hUM hUM phaT swAhA'i sngags des phyogs thams cad du dgram par bya'o/ /de nas hoM khung gi nang du yam gyi rnam pa yongs su gyur pa las rlung gi dkyil 'khor/ de'i steng du raM gyi rnam pa yongs su gyur pa las nyi ma'i dkyil 'khor gyi steng du oM gyi rnam pa/ de'i steng du A(rgyud 'grel): 'i rnam pa/ de'i steng du hUM gi rnam pa/ de'i steng du raM gyi rnam pa rlung gis bskyod pa thams cad yongs su gyur pa las rgya gram rdo rje'i steng du zhal gsum pa/ spyan gsum pa/ phyag bzhi pa sku mdog ser po spyan zlum po ral pa'i cod pan gyis brgyan pa/ 'bar ba'i phreng bas rngam pa/ ljags bdun pa/ sems pa'i bzhugs thabs kyis bzhugs pa/ g.yas pa 'phan gsum pa'i phyag rgya de bzhin du phreng ba/ g.yon dbyug pa dang spyi blugs/ rin chen 'byung ldan gyi dbu rgyan dang ldan pa bsgom par bya'o/ /de nas dzwA la dzwA la'i sngags kyis me sbar bar bya/ g.yas pa'i skor bas bskor zhing phyag rgyas me'i lha spyan drang par bya'o/ /kye tshur sbyon tshur sbyon 'od chen po'i bdag nyid/ 'dod pa thams cad kyi don grub par mdzad pa/ oM b+hur b+hu pa swa swa yaM b+ho b+ha ga ba na ka me shwa ra ka ma dya yarya agne de ba ta sarba karma pra sA d+ha ne/ at+tA sa ni hi ho b+ha ba huM hUM phaT swAhA/ de ni me spyan drang ba'i sngags so/ /gshegs pa tsam gyis gdan dbul te/ arg+ha

  465. 233a

    dang nye reg dang 'thor 'thung dbul bar bya'o/ /mdzub mo lu gu rgyud kyi rnam pa bar ma sbyar/ byad kyi gzugs srin lag mig gi tshul mthe'u chung dang mthe bong zlum po'i rnam pas/ oM spo phaT swAhA/ sngags des gdan dbul bar bya'o/ /oM h+riM h+riM arg+ha'i sngags so/ /oM bri briM nye reg gi sngags so/ /oM a prok+Sha a prok+Sha 'thor 'thung gi sngags so/ /de nas yi ge gsum gyi sngags dang pa ta'i phyag rgyas dam tshig sems dpa' i bdag nyid la gzhug par byas te dbang bskur sbyin par bya'o/ /oM sarba ta thA ga ta a b+hi She ka sa ma ya sh+rI ye hUM hUM phaT swAhA/ de nas 'khor lo'i rnam pas snying khar phreng ba'i sngags dgod par bya'o/ /oM agne de pa ta sarba kA mArtha sA d+ha ka b+hur b+hu ba swa swa yaM pho hUM phaT swAhA/ dbus su sna tshogs 'od kyis rngam pa raM gyi rnam pa zla tshes thig les rnam par brgyan par bsgom par bya'o/ /de nas phreng ba'i mchod pa sngags kyis nyi shu rtsa bdun gyi grangs kyis rdo rje dril bu dkrol te/ mchod pa lnga yis mchod par byas te/ me lha'i snying po'i sngags kyis dgang gzar gyi rtse mo'i steng du me tog la sogs pa byin te/ mar gyis dgang blugs bdun dbul bar bya'o/ /zho dang mar gyis re re/ gzhan rdzas thams cad sor mo gsum gyis gnyis gnyis te/ de la sngags ni 'di yin te/ oM mahA te dza At+ma ko sarba pA pa da ha na badzra huM hUM phaT swAhA/ de nas mar gyi snod las blugs gzar gyis lha sangs rgyas thams cad dang/ byang chub sems dpa' la sogs pa dang/ dgra bcom pa la sogs pa dang/ oM dang po swAhA mthar/ rang rang gi ming spel te/ re re dbul bar bya'o/ /oM na ma(rgyud 'grel): sarba bud+d+ha naM swAhA/ oM pra ta ka bud+d+ha na swAhA/ oM a ra ha ta naM swAhA/ oM me tri ya saM po satwa ya/ mahA satwa si swAhA/ oM sarba bo d+hi satwa naM swAhA/

  466. 233b

    oM a na ka mi naM swAhA/ oM swa ke de pa mi ti naM swAhA/ oM sru ta pa na naM swAhA/ oM samyakga ta naM swAhA/ oM samyakpra ti pa na naM swAhA/ oM prahma Ni swAhA/ oM in+d+ra ye swAhA/ oM sra dza pa ti ye swAhA/ oM i shA na ye swAhA/ oM agna ye swAhA/ oM ba ya be swAhA/ oM ba ru Na ye swAhA/ oM i pi tra ye swAhA/ oM ya ma ye swAhA/ oM pa ru be Na ye ak+Sha a d+hi pa ta ye swAhA/ oM tra ta sha ya gAnd+harbe a d+hi pa ta ye swAhA/ oM bi rU ga ya kaM pa da a d+hi pa ta ye swAhA/ oM bi ru pak+Sha ya nA ga a d+hi pa ta ye swAhA/ oM de pa naM swAhA/ oM nA ga naM swAhA/ oM a su ra naM swAhA/ oM ma ru ta naM swAhA/ oM ga ru Da ni swAhA/ oM gan d+harbe naM swAhA/ oM kan+ni ra naM swAhA/ oM ma ho ra ga naM swAhA/ oM yak+Sha naM swAhA/ oM rAk+Sha sa swAhA/ oM pre ta naM swAhA/ oM bi shA tsa naM swAhA/ oM b+hu ta naM swAhA/ oM kumpa ka naM swAhA/ oM pu ta naM swAhA/ oM ka ta pu ta naM swAhA/ oM skandta naM swAhA/ oM ut+man+ta naM swAhA/ oM tsa ya naM swAhA/ oM A pa sma ra naM swAhA/ oM o sta ra ka naM swAhA/ oM tsan+d+ra surye yo swAhA/ oM ru tra naM swAhA/ oM nak+Sha tra naM swAhA/ oM graha naM swAhA/ oM dza ti sha naM swAhA/ oM ri Shi ni swAhA/ oM sid+d+hi pra ta naM swAhA/ oM sid+d+hi birya naM swAhA/ oM gau rI ye swAhA/ oM gta ri ye swAhA/ oM dza ko li ye swAhA/ oM a mri ta ye swAhA/ oM dzaM b+ha ni ye swAhA/ oM staM b+ha ni ye swAhA/ oM tsa te ye swAhA/ oM dra me dra ye swAhA/ oM sha pa ri ye swAhA/ oM a thar sha ba rI ye swAhA/ oM tsan+d+ra lI ye swAhA/ oM mahA gi ye swAhA/ oM nA ga h+ri da yA ye swAhA/ oM ga ru ra d+he ta yA ye swAhA/ oM ma nu si ye swAhA/ oM mat ma nu si ye swAhA/ oM Sha Ta k+Sha ri ye swAhA/ oM ma Ni b+ha dra ye swAhA/ oM sa man+ta b+ha dra ye swAhA/ oM ma hA sa man+ta b+ha dra ye swAhA/ oM sa mA ya swAhA/ oM mahA sa mA ya swAhA/ oM mahA pa ti sa rA ya swAhA/ oM shi ta wa nA ya swAhA/ oM mahA shi ta wa nA ye swAhA/ oM daN+Da d+ha rA ya swAhA/ oM mahA da Da b+ha rA ya

  467. 234a

    swAhA/ oM mu tsi lindA ya swAhA/ oM mahA mu tsi lindA ya swAhA/ oM dza ya ti ye swAhA/ oM u shwa kri tA ya swAhA/ oM a pa ra dzi tA ya swAhA/ oM su war+Na b+ha ba sa ma ya/ mahA ma yur rA dzA ya swAhA/ oM mahA d+ha ra ni ye swAhA/ oM man+d+ra pa tra naM swAhA/ oM mahA ma yu ri birya ra dz+nyI ya swAhA/ oM ma yu ra kaM tA ya swAhA/ oM nandu nA ga rA dzA ya swAhA/ oM a ba na du nA ga rA dzA ya swAhA/ oM ba su ke nA ga rA dzA ya swAhA/ oM ta sha ku nA ga rA dzA ya swAhA/ oM pad+ma nA ga rA dzA ya swAhA/ oM mahA pad+ma nA ga rA dzA ya swAhA/ oM a nan+ta nA ga rA dzA ya swAhA/ oM ko le ku nA ga rA dzA ye swAhA/ de lha'i rim pas rdzas re res re re la sor mo gsum gyis dgang blugs dbul bar bya'o/ /zho dang 'o ma dgang gzar gyis/ chu ni me long gis/ de'i rjes su mchod pa lngas mchod pa byas nas/ rdo rje dang dril bu dkrol te/ khams gsum rnam par rgyal ba'i phyag rgyas blugs gzar gyis nyi shu rtsa gcig byas nas/ khro bo'i rgyal po rnams la so sor re re dbul bar bya'o/ /oM ya mAn+ta kA ya hUM phaT swAhA/ oM pradz+nyAn+ta kA ya hUM phaT swAhA/ oM padmAn+ta kA ya hUM phaT swAhA/ oM big+ha nAn+ta kA ya hUM phaT swAhA/ oM Tak+ki rA dzA ya hUM phaT swAhA/ oM nI la daN+Da ya hUM phaT swAhA/ oM a tsa lA ya hUM phaT swAhA/ oM mahA ba la ya hUM phaT swAhA/ oM uSh+NI Sha tsakra barti ni ye swAhA/ oM suM b+ha rA dzA ya hUM phaT swAhA/ de nas rdo rje ma mo rnams la khro bo bzhin no/ /oM badzra sing+ga la'i swAhA/ oM badzra bet+tA lI swAhA/ oM badzra kro b+hi shwa ri swAhA/ oM badzra pi me swAhA/ oM badzra tsaN+De swAhA/ oM badzra d+ha ra ye swAhA/ oM badzra pre ye swAhA/ oM badzra g+ha ri ye swAhA/ de nas sngar gyi rim pas rdzas thams cad kyis re re la re re dbul bar bya'o/ /zho dang 'o ma dgang gzar gyis/ chu me long gis/ de nas rgyal po la sogs pa rnams la ma mo bzhin no/ /

  468. 234b

    rgyal po chen po la bkra shis swAhA/ yon bdag la bkra shis swAhA/ mdzod dang bang ba la bkra shis swAhA/ zhing la bkra shis swAhA/ khyim la bkra shis swAhA/ sems can thams cad la bkra shis swAhA/ grong khyer la bkra shis swAhA/ grong la bkra shis swAhA/ de nas gong gi rim pas dkyil 'khor de ni me'i zhal du rdo rje rgya gram bzhag ste/ yan lag thams cad dang ldan pa'i mchod pa byas nas/ oM gyi rnam pa dang po/ hUM phaT kyi mthar rang rang gi ming dang spel te rang rang gi phyag rgyas re re la blugs gzar gyis brgyad byas nas dgang gzar gyis re re dbul bar bya'o/ /yam shing ni gnyis gnyis so/ /gzhan rdzas thams cad ni gsum gsum mo/ /zho dang 'o ma'i re re'o/ /me long steng du chu'i re re'o/ de nas dkyil 'khor gtso bo la blugs gzar dbul bar bya'o/ /de'i dus su bla ma rje btsun la mchod pa dang ldan pa'i yon 'bad pas dbul bar bya'o/ /sbyin sreg gi dus su bla ma rje btsun la mchod pa dang ldan pa'i yon dbul ba des dngos grub thams cad ster bar byed do/ /gzhan yang de ru ji tsam grangs kyis gnas pa khye'u dang bu mo yan chad de rnams la mchod pa dang ldan pa'i sprin pa ci nus bya'o/ /me'i lha la gser dang tshangs pa'i skud pa dbul bar bya'o/ /de nas bkra shis kyi tshigs bcad brjod nas phreng ba'i sngags kyis lnga bcu rtsa bzhi bgrangs la spos dang bcas pa'i rdo rje dril bu dkrol te/ me'i phyag rgya mdzad nas yi ge brgya pa'i sngags brgya rtsa brgyad bzlas par bya'o/ /de nas rdzas thams cad snying po'i sngags kyis gsum gsum gyis sreg blugs phul te/ me long gi chu yis bdun dbul bar bya'o/ /de nas dgang gzar la 'bras bu dang bcas pa'i me tog mgo bo dang/ de bzhin du kha ru yi ge gsum gyi sngags kyis byin te langs nas bar ma chad par

  469. 235a

    mar gyi rgyun gyis snying po'i sngags kyis dgang blugs dbul bar bya'o/ /de nas phyir ba'i spams pas legs par phyis te gzhan ku shas dbus dang rgyab dang gor legs par phyis te me'i zhal du/ oM shA te wa ba to swAhA'i sngags kyis dbul bar bya'o/ /de'i dus su me 'bar ba'i mdog brtag par bya'o/ /dmar pos tshe 'phel bar 'gyur/ ser pos nor la sogs pa 'phel bar 'gyur/ nag pos dri ma can du gyur pas skyon du 'gyur ro/ /de nas bstod pa'i rgyal po bya'o/ /sdig pa thams cad sreg par byed pa rgyal gyur cig /nyon mongs thams cad 'jig par byed pa rgyal gyur cig /dbul ba thams cad gcod par byed pa rgyal gyur cig /ngan 'gro thams cad 'gags par byed pa rgyal gyur cig /nad kun 'jig par byed pa rgyal gyur cig /mu ge 'joms par byed pa rgyal gyur cig /zhi bar mdzad pa rgyal gyur cig /rgyas par mdzad pa rgyal gyur cig /rdzu 'phrul mdzad pa rgyal gyur cig /dbang phyug mdzad pa rgyal gyur cig /bkra shis mdzad pa rgyal gyur cig /dus ma yin pas 'pho ba 'joms ba rgyal gyur cig /ye shes 'od kyi rang bzhin rgyal gyur cig /rang byung bcom ldan rgyal gyur cig /'dod pa'i sbyin pa rgyal gyur cig /'dod pa'i dbang phyug rgyal gyur cig /mngon sum lha de rgyal gyu cig /de lta bu'i bstod pa'i rgyal po byas nas/ me'i lha'i zhal nas/ yon bdag dang bcas pa thams cad la thig le dpral bar bya'o/ /de nas lan gsum bskor ba byas nas/ snyim pa me tog gis bkang nas phul te gtor ma chen pos bskor bar bya'o/ /gang gi tshe rdzas thams cad ma zhu ba de'i tshe gshegs su gsol bar mi bya'o/ /yongs su smin nas sngags 'dis bya'o/ /tri to ba sarba satwA rba sid+d+ha d+hU tra ya tha nu g+ha ga tsha ta bubd+ha bi sha

  470. 235b

    yaM pu na rA ga na ma ya tshe/ oM A(rgyud 'grel): hUM phaT swAhA/ de ni zhi ba'i sbyin sreg gi cho ga'o// //rgyas pa la ni ma du lung+ga la sogs pa'i rdzas sna tshogs dang/ gzhan me tog ser po dang gzhan lha bshos spos byug pa yam shing bud shing ka sha kun ser pos bya'o/ /dbang la rdzas dmar pos so/ /gzhan ni sngar bzhin no/ /nga ni drag po'i las bshad de/ dang por re zhig hom khung la phyogs bzhi ru ba'i rgyu mas bskor ba'i rdo rje mda'/ ha na ha na/ da ha da ha/ pa tsa pa tsa/ ma tha ma tha'i sngags kyis 'og tu gzhug ste/ tshogs rdzas thams cad bzhag par bya'o/ /de la rim pa ni 'di yin te/ ske tshe dang sran ma nag po dang/ ge re ka ra ni ka dang/ ya pak+Sha ra dang/ gri sna a ga ru dang/ sprul nag po'i pags pa dang bya rog gi sgro dang bya rog gi snying dang de'i rkang mar dang de'i glad pa dang/ de'i rgyu ma dang mgo bo'o/ /'ug pa'i rus pa dang de'i mgo bo dang/ rkang mar dang rgyu ma dang snying dang sder mo dang sgro'o/ /bya rgod kyi mgo bo dang de'i rkang mar dang sha dang rgyu ma dang snying dang sder mo dang sgro'o/ /ba lang gi sha khrag dang/ dom gyi sha dang rkang mar dang/ ske tshe'i mang dang/ mar khu chen po dang/ yi dags kyi gzhi'i mar khu chen po dang/ yi dags kyi phyed tshig gi gos dang/ de'i phyed tshig gi rus ba dang/ de'i sol ba dang/ de'i bud shing dang/ tsher ma'i me tog dang/ de'i yal ga dang/ 'bras bu dang ma he'i sha dang/ kak+Sha nag po'i thug pa dang/ ma du pa nag po dang/ khur ba nag po dang/ gzhan yang ji ltar rnyed pa'i yam shing ni nim pa dang ka ra pI ra dang/ da du ra dang/ 'ba' da'i shing dang/ gzhan bdud rtsi ldan pa arga nye reg 'thor 'thung rnams so/ /gzhan yang bdud rtsi rnams so/ /phyogs dang mtshams su khrag gis bkang ba'i bum pa brgyad/ rtsa ba'i bum pa sna tshogs

  471. 236a

    kyi sman dang khrag chen po dang/ chu dang bdud rtsis gang ba/ las thams cad pa'i de bzhin no/ /de ltar tshogs thams cad so sor ka pA la'i nang du byas nas stan stengs su bzhag par bya'o/ /de nas bdag nyid kyi thal bas byugs nas sna tshogs rus pa'i rgyan byas te/ ro'i steng du dpal he ru ka'i nga rgyal gyis/ sum+b+ha'i rgyal po'i sngags kyis bgegs bskrad par bya'o/ /de'i dus su lo nyi shu lon pa'i gzugs las kyi phyag rgya sna tshogs la mkhas pa/ sna tshogs rus pa'i rgyan gyis brgyan pa/ sar pa yang dag pa dum bu gsum pa'i snod du chang 'thungs nas sA lu'i rgyal po gsol te/ grong khyer la sogs pa'i sbyor thabs kyis bsnyen par bya'o/ /bsnyen pa las gang zhig 'byung bar gyur ba des/ phan tshun snying ga dang ske dang dpral ba'i gnas su yi ge gsum gyi sngags kyis thig le bya'o/ /de nas langs te de bzhin gshegs pa'i bstan pa la gnod par byed pa dang/ de bzhin dam tshigs gsal bar byed pa dang/ srog 'phrog pa la rdzas 'dis gzugs bya'o/ /de la rim pa 'di yin te/ gro'i phye dang dgra bo'i bshang ba dang/ khyi'i rus pa dang ba'i rus pa dang/ ce spyang gi rus pa dang mi'i rus pa dang/ dur khrod kyi skra dang dur khrod kyi sol ba dang/ dur khrod kyi thal ba dang/ dur khrod kyi sa dang/ mar khu dang mar khu chen po dang/ bya rog gi glang pa dang/ rgya skyegs kyi khu ba dang/ da du ra'i sa bon dang/ ldong ros dang/ ldong ros dmar po dang/ mi'i glad pa dang/ pa'i glad pa dang khyi'i spu dang/ mi'i sen mo dang/ byi la'i so dang/ sbrang rtsi dang/ nya'i mkhris pa dang/ ba'i mkhris pa dang/ sbrul gyi mgo bo dang/ ka ra bI ra'i sa bon dang/ zla mtshan gyi khrag dang/ khru ma dang/ rma bya'i snying dang/ 'ug pa'i snying

  472. 236b

    dang/ bya rgod kyi snying dang/ bad kan dang/ so'i dri ma dang/ sen mo'i dri ma dang/ gshang ba dang gci ba'o/ /de lta bu thams cad legs par zhib tu byas nas ji lta bu'i gzugs kyi dgra de lta bu'i gzugs kyi cha lugs bya'o/ /gang gi tshe cha lugs ma zin pa de'i tshe sA lu'i rgyal po las sA lu gzhan bza' bar mi bya'o/ /las bgyid pa'i dus su h+raM h+raM h+riM h+riM la mi so ba'i tshul gyis sngags bzlas par bya'o/ /de rdzogs nas sa nag pos byas pa'i ro'i steng du bzhag par bya'o/ / snying gar lcags las grub pa'i kyo ba bzhag par bya'o/ /de nas phyogs skyong la mchod pa byas te/ hoM khung gi nang du yaM gi rnam pa yongs su gyur pa las rlung gi dkyil 'khor mdog nag po gzhu'i dbyibs lta bu ba dan gyis mtshan pa/ raM gyi rnam pa yongs su gyur pa las/ me'i dkyil 'khor sku gsum me lces mtshan pa/ de'i steng du hUM gi rnam pa ye shes kyi 'od zer gyis rab tu 'bar ba de thams cad yongs su gyur pa las skad cig gis rdo rje chen po'i khro bo'i sku zhal gsum spyan gsum phyag drug pa/ g.yas brkyang pa g.yon bskum pa bdud bzhi zhabs kyis mnan pa/ ha ha'i sgra dang bed ka ra'i sgra sgrogs pa/ khams gsum 'jigs par byed/ khrag chen pos sku byugs pa/ ral gri dang/ gtun shing dang/ sta re dang/ zhags pa dang/ ka pA la dang/ kha TwAM ga dang/ rtse gsum bsnams pa'o/ /zhal rnam 'jigs pa'o/ /mi'i rus pa'i rgyan gyis brgyan pa/ mche ba gtsigs pa ljags bdun 'bar ba'i phreng bas rnam pa/ gyen du 'bar ba'i skra/ sku mdog dmar po gsus pa 'phyang ba/ spyan 'bar ba/ stag gi pags pa'i na bza' can bsgom par bya'o/ /de nas me spar ba byas nas g.yas brkyang ba'i gnas pas gyen du blta ba/ khams gsum rnam par rgyal ba'i

  473. 237a

    phyag rgyas/ oM e hye hi ma mahA dz+nyA na swAhA/ hUM hUM h+riM h+riM gi sngags kyis bkug ste/ ha'i rnam pa gsum gyis arg+ha dang nye reg dang 'thor 'thung phul te/ gru gsum gyi phyag rgyas/ dam tshig sems dpa' bdag nyid la/ oM pra bai sha ya pra bai sha hUM phaT kyi sngags kyis snying gar gzhug par bya'o/ /de nas me lha la phreng ba'i sngags 'dis yan lag thams cad ldan pa'i mchod pa bya'o/ /oM mahA kro d+hi shwa ri sarba ma ma re re/ sarba shtro rbe na sha ka hUM hUM phaT/ de nas snying po'i sngags kyis bzlas pa 'bum bya'o/ /oM mahA ka la pA na agne mahA kro d+ha mu ra te sarba pA paM da ha na badzra ye hUM hUM phaT phaT/ de'i rjes su h+riM h+riM gi sngags kyis phyogs bzhir tsher ma'i yan lag dgram par bya'o/ /de nas rdo rje hUM mdzad kyi phyag rgya bcings te rtsa ba'i bum pas/ oM sarba ta thA ga ta na a b+hi She ka sa ma ya sh+rI ye hUM phaT/ sngags des me long gi dbang bskur sbyin par bya'o/ /mchod pa byas nas dang po ni mar nag gi hUM phaT sngags kyis blugs gzar gyis nyi shu rtsa bdun byas te/ rtsa ba'i sngags kyis dgang gzar gyis gcig pu dbul bar bya'o/ /de nas b+ha ga'i phyag rgya bcas te/ sngar gyi rim pas rkang mar la sogs pa bzhu ba byas te gcig dbul bar bya'o/ /de nas spyan dang ldan pa'i b+ha ga'i phyag rgyas khrag gis gcig go /de nas rdzas thams cad zur gsum gyis gsum gsum/ yaM shing sum cu rtsa bdun/ ma du ba la sogs pas re re thug pas bdun bdun no/ /de nas ma mo chen po rnams la rdzas thams cad kyis re re mar khu dgang gzar gyis gsum gsum/ de rnams la sngags ni 'di yin te/ oM merga mha la hUM phaT/ kho bo mig ma la hUM phaT/ oM nag po'i pho nya mo la hUM phaT/ nag po'i me ma la hUM phaT/ oM drag po'i mig ma la hUM phaT/ oM gshin

  474. 237b

    rje'i lce ma la hUM phaT/ oM gshin rje'i mche ba ma la hUM phaT/ oM gshin rje'i rgyal mtshan ma la hUM phaT/ oM rlung gi brtson 'grus ma la hUM phaT/ oM rgya mtsho'i snying po ma la hUM phaT/ oM chu srin mig ma la hUM phaT/ oM chu srin khri kha ma la hUM phaT/ oM glang chen rna ba ma la hUM phaT/ oM glang chen gdong pa ma la hUM phaT/ oM glang chen lto ba ma la hUM phaT/ oM sprul lce ma la hUM phaT/ oM sprul gyi spyi gtsug ma la hUM phaT/ oM lo ma gyon ma la hUM phaT/ oM stag gi gdong pa ma la hUM phaT/ oM seng ge'i gdong pa ma la hUM phaT/ oM dom gyi gdong pa ma la hUM phaT/ oM ne le'i gdong pa ma la hUM phaT/ oM byi la'i gdong pa ma la hUM phaT/ oM khyi'i gdong pa ma la hUM phaT/ oM phag gi gdong pa ma la hUM phaT/ oM bong bu'i gdong pa ma la hUM phaT/ oM khrung khrung gi gdong pa ma la hUM phaT/ oM 'ug pa'i gdong pa ma la hUM phaT/ oM khwo'i gdong pa ma la hUM phaT/ oM bya rog gi gdong pa ma la hUM phaT/ oM rma bya'i gdong pa ma la hUM phaT/ oM sha za'i gdong pa ma la hUM phaT/ oM glang chen pags gyon ma la hUM phaT/ oM glag chen lce ma la hUM phaT/ oM mi khrag dga' ma la hUM phaT/ oM mi'i pags pa gyon ma la hUM phaT/ oM nag po'i dril bu ma la hUM phaT/ oM lha thams cad rnam par 'joms ma la hUM phaT/ oM lha min thams cad 'joms ma la hUM phaT/ oM lus 'bar ma la hUM phaT/ oM ral gcig ma la hUM phaT/ oM ral gsum ma la hUM phaT/ oM thal lus ma la hUM phaT/ oM bum pa'i rna ba ma la hUM phaT/ oM rlung gi shugs can ma la hUM phaT/ oM zhal drug ma la hUM phaT/ oM nu 'phyang ma la hUM phaT/ oM gsus 'phyang ma la hUM phaT/ oM keng rus gdong pa ma la hUM phaT/ oM thal bas byugs ma la hUM phaT/ oM sha chen dga' ma la hUM phaT/ oM nam mkhar 'gro ma

  475. 238a

    la hUM phaT/ oM sprin sgra ma la hUM phaT/ oM glog gdong ma la hUM phaT/ oM chu rgyun ma la hUM phaT/ oM gar byed ma la hUM phaT/ oM pags mgo ma la hUM phaT/ oM tsa rtsi ka'i dbang phyug ma la hUM phaT/ oM sme sha can ma la hUM phaT/ oM sme sha can chen mo la hUM phaT/ oM gtum mo la hUM phaT/ oM thod pa ma la hUM phaT/ oM thod pa chen mo la hUM phaT/ mchod pa byas nas ma mo la rang rang gi sngags kyis dung chen phreng bas re re la brgya rtsa brgyad bzlas par bya'o/ de nas me lha'i rtsa ba'i sngags kyis rdzas thams cad la re res sum cu rtsa bdun dbul bar bya ste/ de gnyis kyi sngags kyis brgya rtsa brgyad bsreg par bya'o/ /de nas h+riM h+riM gi sngags kyis mar snod kyis dgang blugs phyed byas te/ phreng ba'i sngags kyis brgyad dbul bar bya'o/ /de nas rna ba'i gri gug bzung ste/ dgra'i cha byad dum bur dum bur byas nas/ phreng ba'i sngags dang rtsa pa'i sngags kyis brgya rtsa brgyad bsreg par bya'o/ /ma mo rnams la rang rang gi sngags kyis bdun bdun no/ /'byung po dang yi dags dang sha za la sogs pa la gsum gsum mo/ /phyi nas yang yan lag thams cad dang ldan pa'i mchod pa byas nas/ dgra po'i ming dang spel te/ sngags 'dis khro bo'i ngag gi tshul gyis brgya rtsa brgyad bsreg par bya'o/ /oM a mu kaM da ha da ha hUM hUM phaT phaT/ de nas ma mo rnams la bdun bdun/ 'byung po rnams la re re/ de nas me'i lha'i snying po'i sngags kyis sum cu rtsa bdun grangs kyis rdo rje dril bu dkrol te/ dgang blugs gsal bar bya'o/ /rkang dmar la sogs pa rdzas cung zad gtor ma la bzhag ste/ gzhan thams cad mar khu dang bsres nas langs te bar ma chad pa'i rgyun gyis nye ba'i snying po'i sngags 'dis dbul bar bya'o/ oM

  476. 238b

    sarba duSh+Ta h+ri da ya/ da ha ya na/ sarba duSh+Ta hUM rbe na sha ka ya h+raM h+raM h+riM h+riM hUM hUM phaT phaT/ de'i dus su dur khrod kyi skras dgang gzar phyis te/ me lha'i zhal du hUM hUM phaT sngags kyis dbul bar bya'o/ /de'i dus su me 'bar ba'i mdog blta bar bya'o/ /mdog dmar po kun tu yin na/ the tshom med par don 'grub par 'gyur ro/ /de nas bstod pa'i rgyal po bya'o/ /bskal pa'i me'i 'od chen po'i sku bdud kyi gnod pa bcom pa rgyal bar gyur cig /sdig pa 'jig par byed pa/ dgra kun 'jig par byed pa rgyal par gyur cig /bsam du med ba 'od dpag med bsam 'grub skye ba med pa yin yang de bzhin du don mdzad pa rgyal bar gyur cig /lha dang lha ma yin gyi mgo bo ka pA la dpe med pa'i do shal 'dzin pa rgyal gyur cig /de lta bu'i bstod pa'i rgyal po byas nas/ phyogs bzhi ru sol ba dang ldan pa'i thal bas/ oM bi traM sa ya gi traM sa ya hUM hUM phaT phaT sngags kyis rab tu dgram par bya'o/ /de nas nyid la me'i hoM khung gi nang nas oM A(rgyud 'grel): hUM phaT kyi sngags kyi lte ba snying gar mgrin pa dpral bar thig le bya'o/ /de nas gtor ma chen pos bskor te rdo rje glu dang ldan pa'i rdo rje rkang pas gar bya'o/ /de nas mtshan phyed na ral gri la sogs pa mtshon cha bzung ste/ sngags 'dis dur khrod chen por gtor ma gtang bar bya'o/ /oM ho lo ho la na ta na ta bi na ta bi na ta tru ta ya tru ta ya/ trA sa ya trA sa ya/ dgra thams cad song song/ bdag la zhi bar mdzod rgyas par mdzod/ sems la bkra shis par mdzod/ hUM hUM phaT phaT/ de lta bu'i rim pas mar ngo la nyi ma bdun byas te/ oM A(rgyud 'grel): hUM gi sngags kyis gshegs su gsol bar bya'o/ /de dag gi nyi ma'i bar du dgra nges par 'chi'o/ /gal te ro?

  477. 239a

    zhag cung zad 'gor na de la gzhan nyi ma bdun bsam gtan 'di bya'o/ /de la rim pa ni 'di yin te/ /dag po lus po dri ma can du bsgom snum pa skra 'dzings pa/ khu ba dang khrag 'dzag cing 'dar ba mdun du bsam par bya'o/ /yang na mngon sum du bsgoms te/ 'bar ba'i khab gzhang kha'i sgor zhugs te/ ha na ha na da ha da ha hUM hUM phaT phaT/ sngags kyis kha sbub tu ltung bar bya'o/ /de lta bu'i bsam gtan gyis lha chen po yin yang 'chi'o// 'on kyang 'khor ba na gnas pa'i mi lta ci smos/ slob dpon shes rab dpal gyis mdzad pa yan lag brgyad pa'i rim pa las/ sbyin sreg gi cho ga bstan pa zhes pa'i le'ur bcad pa brgyad pa'o// //de nas gzhan yang tshogs kyi 'khor lo'i cho ga bshad de/ tshogs ni 'dir gnyis su dbye ste/ dam tshig tu grags pa dang/ ye shes su grags pa'o/ /ye shes grags pa la gnyis su dbye ste/ rgyur grags pa dang/ 'bras bur grags pa'o/ rgyur grags pa ni rkun rta bzhin no/ /'bras bur grags pa ni bde ba'i ngo bo la gnyis su dbye ste/ rig pa'i bdag nyid dang/ rig pa la sogs pa dang bral ba'o/ /dam tshig tu grags pa la yeng gnyis te bza' ba dang/ bsrung ba'i/ /bsrung ba la yang gnyis su dbye ste/ gzhon pa rnams bsrung ba dang/ rgan pa rnams la zhes dang brda'i tshig go /bza' ba la yang gnyis su dbye ste/ thog ma'i bdud rtsi rkan gyi bu ga dang lce gnyis myong ba de ni gcig go / sems can skal ldan gyi tshogs su yig gsum gyis byin gyis brlab pa'i bdud rtsir byas pa ro drug dang ldan pa'i zas mnyam pa'i stobs brim pa zhes pa gnyis pa'o/ /de la dang por re zhig yid dang 'thun pa'i gnas chom rkun la

  478. 239b

    sogs pa'i 'jigs pa dang bral bar/ sna tshogs dri zhim po'i me tog gis yan lag thams cad dang ldan pa'i dkyil 'khor bya'o/ /der rang gi rim pas dkyil 'khor de'i dkyil 'khor ba'i grangs kyis shes rab dang ldan pa'i stan gcig gi stang du rim pas tshogs bzhag par bya'o/ /de yang legs par khrus byas pa dang/ sna tshogs gos dang/ me tog la sogs pas brgyan pa dang/ dam tshig gcig pa dang/ sngags kyi theg pa'i 'dul ba 'dzin pa'o/ /de'i dbus su tshogs kyi gtso bo yon tan thams cad dang ldan pa/ sna tshogs pa'i stan steng du shin tu mtshan dang ldan pa dbang thob pa/ brgyad gnyis lo dang ldan pa'i gzugs kyi shes rab ma dang ldan par bzhugs su gsol bar bya'o/ /der las byed pa yang dbang thob pa/ dam tshig dang ldan pa/ nga rgyal med par rem pa/ rnam par mkhas pa ser sna med pa/ khro ba la sogs pa dang bral ba sgo srung yang de dang 'dra'o/ /de nas sta gon gyi dkyil 'khor bstan pa'i rim pas gtor ma chen po bya'o/ /de'i phyogs dang mtshams bye brag tu brgyad cu dang ldan par gcig go /de nas kha zas thams cad yi ge brgya pa'i sngags kyi byin gyis brlabs te/ dang por gtor ma chen po rab tu tshim par bya'o/ /de nas bkra shis kyi tshigs bcad brjod de/ tshogs kyi gtso bo la mchod pa bya'o/ /de la rim pa ni 'di yin te/ dang por zhig gzhi mnyam gyis byugs te/ me tog dang/ mar me dang spos dang dri dang phreng ba dang phye ma dang gdugs dang rgyal mtshan dang/ 'phan dang/ dril bus kun tu mchod par byas nas/ de'i 'og tu tshogs kyi slong dpon gtso bo yan lag ma la yang de bzhin no/ /las kyi rdo rje'i slob dpon la yang gtso bo bzhin no/ /de nas dkyil 'khor dang bcas

  479. 240a

    pha so so re re'i me tog dang spos dang mar me dang dri dang tshangs pa'i skud pas so/ /las byed pa la sogs pa la yang de bzhin no/ /tshogs kyi nang na re re zhing rim pas dang po tshogs kyi gtso bo la mchod pa byas te de'i 'og tu so so la dkyil 'khor dang bcas pa'i me tog dang/ spos la sogs pas 'khor lo'i mdza' yan chad do/ /de'i rjes su shin tu sar pa dri ma med pa dum bu gcig pa'i pad+ma'i snod rigs kyi me tog la sogs pa dang ldan pa/ chang gis shin tu khengs par byas pa ste/ yon bdag gi stan gyi steng du tshogs kyi gtso bo'i mdun du bzhag par bya'o/ /tshogs dang shes rab dang thabs gnyis la re re'o/ /de ltar rdzogs nas tshogs kyi gtso bos sngags kyis byin gyis brlab par bya'o/ /oM A(rgyud 'grel): hUM gi sngags kyis brjod de/ gang gi rim pas dkyil 'khor de'i rim pas ka pA la'i nang du bskyed pa'i rim pa bsgoms te/ rnam par zhu ba'i bdud rtsi bzhin rang gi zhal du gsol te/ bde ba chen po'i 'khor lo mchod do/ /gru gsum pa'i phyag rgyas gtor ma chen po la yang cung zad dbul bar bya'o/ /de lta bu'i rim pas tshogs kyis kyang bya'o/ /de'i 'og tu bkra shis kyi tshigs bcad brjod de/ dam tshig gi kyo ba legs par brim par bya'o/ /de'i dus dus su tshogs kyi gtso bos spos dang bcas pa'i rdo rje dril bu dkrol te/ yi ge brgya pa'i sngags kyis tshogs kyi 'khor lo la bsrung bar bya'o/ /las kyi rdo rje'i slob dpon gyis sngags 'dis so/ /oM h+riM h+riM b+ha ra b+ha ra sam b+ha ra sam b+ha ra/ troM troM kroM kroM phroM phroM sruM sruM to ro to ro/ /kye bcom ldan 'das rdo rje 'dzin pa chen po tshur gshegs tshur gshegs tshogs kyi 'khor lo 'di la rnam pa thams cad kyis bsrung

  480. 240b

    ba mdzod cig /tshogs kyi gtso bo la snying gar 'jug cing ro thams cad kyi ro'i mchog gsol cig /hUM hUM phaT swAhA/ de ltar bsrung ba dang spyan drang ba byas nas las kyi rdo rje'i slob dpon gyis g.yas brkyang dang g.yon brkyang byas te/ pad+ma bskor ba'i phyag rgyas tshogs kyi gtso bo la pad+ma'i snod dbul bar byas te/ tshogs la yang 'di skad bsgo ba sbyin te/ kye tshogs kyi bdag po pad+ma bskor ba'i phyag rgyas snod gzung la shes rab dang lhan cig btung ba mdzod/ dam tshig gi kyo ba la gsol cig /de rnams kyis kyang tshogs kyi gtso bo la phyag byas te/ de ltar bgyis zhes brjod par bya'o/ /gzhan las kyi rdo rje slob dpon gyis ji ltar bka' stsal pa de ltar dad pas bya'o/ /gang gi phyir zhe na/ de ni rje btsun rdo rje sems dpa' i sprul pa'o/ /de bzhin du yang dpal ye shes thig le'i rgyud las/ ji ltar dpal rdo rje sems dpar grags/ de ltar dpal ldan las kyi rdo rje zhes gsungs so/ /gang gi skabs su tshogs kyi gtso bo ji lta pa'i phyag rgya bcing ba mdzad pa de lta bur tshogs kyis kyang bcing bar bya'o/ /skabs su gang zhig la sogs pa'i dgongs pa tshogs kyi gtso bo la phyag 'tshal te/ thams cad bya'o/ /tshogs kyi nang du rkang pa brkyang ba dang/ ka ba la sogs pa la brten pa dang/ rked par lag pa 'jog pa dang/ sor mo la sogs pa 'dren pa dang/ rgod pa dang/ phan tshun gtam smra ba dang/ the tshom dang gnyid dang/ mchil ma la sogs pa 'dor ba dang/ gzhan gyi snod la blta ba dang/ /bdag la phyin zhes pa'i tshig dang/ /mi dga' pa dang/ chang mang po 'thung pa dang/ kham che ba dang/ lag pa gcig gis 'thung ba dang/ gzhan gyi shes rab ma la 'dod pa dang/ lhag ma sbyin pa dang/ tshul 'phyos kyi

  481. 241a

    bsam gtan dang/ lta ba dman pa'i phyogs su lta ba dang/ sgyug pa la sogs pa mi bya'o/ /de rnams kyi nang na gal te gcig chang nas nges kyang ci 'byor pa'i chad pa bya'o/ /de yang chad pa 'phel bar byas nas/ tshogs tshim par bya'o/ /de nas rim gyis bdud rtsi bcud dang ldan pa'i zas dang btung ba brim par bya'o/ /de yang dal bu dal bus gsol bar bya'o/ /gang gis dga' ba 'phel bar 'gyur ro/ /skabs su ngal bso ste/ las kyi rdo rjes gang bgyi bka' stsal pa de'i tshe mnyan pa dang/ dbyangs 'jam pas bya'o/ /de'i dus su gal te rnal 'byor ma la sogs pa brtag pa'i phyir 'ong na/ de rnams la tshogs kyi gtso bo 'am/ las kyi rdo rje bsnyun gsol pa la sogs pa mdzad pa de bzhin du tshogs kyis kyang bya'o/ /de lta bu'i rim pas nyin bdun nam yang na gsum bya'o/ /rtag tu zas thams cad dang ldan pa chu la sogs pa dang bsres nas gtor ma oM A kA ro mu khaM gi sngags kyis 'bad pas btang bar bya'o/ /thams cad rdzogs nas drug ldan la sogs pa'i glus mchod par bya'o/ /lhag ma gcig tu byas nas 'phan la sogs pas brgyan par bya'o/ /de'i 'og tu gshegs su gsol ba'i mchod pa byas nas/ gtor ma'i nang du me bzhag ste/ gtor ma re re so so'i lag tu sbyin par bya'o/ /gtor ma chen po las kyis rdo rje slob dpon la chu dang bsres pa sgo srung ba la/ kha cig rdo rje dril bu 'khrol zhing/ kha cig rde'u chung/ kha cig spos 'dzin/ kha cig me tog bkram par byed pa/ kha cig snod 'dzin pa kha cig glu len pa/ /de ltar rim pas chu bo chen por song nas/ rdo rje rkang pa dang ldan pa'i gar bya'o/ /de'i 'og tu mchod pa byas te/ bcom ldan ma ro langs ma'i sngags kyis sam/ yang na gang gi rim pa'i dkyil 'khor gyi 'khor lo de'i rim pa'i sngags

  482. 241b

    kyi gtor ma chen po btang bar bya'o/ /lhag ma'i gtor ma/ oM uts+tshiSh+Ta badzra yak+Sha aSh+Ti ti tiSh+Tha bi ba ta hUM hUM phaT/ 'jig rten skyong ba la phyogs dang mtshams bye brag brgyad oM gyi rnam pa dang po/ hUM phaT mthar/ bar du ming spel te 'byung po dang yi dags dang sha za rnams la chu dang bsres pa sngar bstan pa bzhin no/ /de'i dus su gal te gang zhig brgya byin 'dra ba 'ong na de la re zhig 'jigs par mi bya'o/ /de'i mdun du g.yas brkyang pa bya ste/ khams gsum rnam par rgyal ba'i phyag rgya bcings nas/ khro bo'i tshul gyis phe'i rnam pa drug brjod par bya'o/ /de nas gtor ma chen po'i snod la sogs chus gang bar byas nas/ bkra shis kyi tshigs bcad la sogs pa brjod la gnas su 'gro bar bya'o/ /slob dpon shes rab dpal gyis mdzad pa / yan lag brgyad pa'i rim pa las/ tshogs kyi 'khor lo'i cho ga bstan pa zhes bya ba le'u bcad pa dgu pa'o// //gang rgyud pad+ma la dga' yis gsungs rnal 'byor ma la sogs ni rmad du byung/ /de'i nang nas shin tu rnam dpyad 'di drangs bla ma kun gyi yang dag nor/ /'dir ni bdag rang gis ni cung zad rang bzo ma yin 'od kyang 'dus pa byas/ /de las gang zhig 'bras mchog thob pa de ni sems can kun la 'phel bar shog /yan lag brgyad pa'i rim pa zhes bya ba/ rgya gar gyi slob dpon dpal shes rab gsang ba'i zhal snga nas mdzad nas bsgyur cing gtan la phab pa'o/ /a Ti rdzogs so/ // !/ /rgya gar skad du/ ratna pra b+ha nA ma/ bod skad du/ rin po che'i 'od ces bya ba/ rang snang rdo rje sems dpa' la phyag 'tshal lo/ /gsum gsal thugs rje rig pa'i dpal/ /sku gsum rig pa nyid ldan la/ /dad pa'i tshul gyis 'dud phyag 'tshal/ /thugs rje byin rlabs rna rgyud la/ /'phags pa'i gsung dang byin rlabs kyis/ /rang snang

  483. 242a

    nyi ma lta bur gsal/ /gsal byed rin chen snang ba 'di/ /mdza' yas 'gro ba thams cad la/ /dbyer med tshul du ldan gyis kyang/ /bdag 'dzin log pa'i sems kyis dkrugs/ /sa 'og bum pa ji bzhin pas/ / rin chen snang ba rang 'bar yin/ /'gro ba'i bla ma 'das gyur kyang/ /'gro ba mun pa la gnas nas/ /mos pa'i rnal 'byor mig med la/ /snying po 'od kyi don du bshad/ /gting ltar mi gsal rin po che/ /skal ldan rnal 'byor mos 'jug gis/ /rtog med mthong ba'i lam rtogs dang/ /dgrod med 'bras bu rang snang yin/ /pad+ma gsum gyi dkyil 'khor nas/ /bde gshegs gsum gyi sku ldan pa/ /rnam grol 'bras bu rang bzhag yin/ /gzhi nas ma g.yos rang bzhin 'grub/ /chos nyid sku la 'gyur ba med/ /rang rig bde ba chen po nyid/ /rgyu la mi gnas mthar thug pa/ /theg chen rdzogs pa'i 'bras bu yin/ /rin chen gsung gis shes 'gyur te/ /bsam med brjod bya snying po'i don/ /kun gyi brjod pa sems kyi dbyings/ /rang rang mos pa'i shes pa rtogs/ /lam gyi rtsol bas 'bras bu 'tshol/ /rang mos bsam pa'i sa la gnas/ /sman pa'i 'dod pas re ba 'jog /snying po lam la 'dod pa bral/ /yid la mi byed rang bzhin gnas/ rig pa'i gzer gyis 'da' ba med/ /bsgom med don la bya ba bral/ /lta ba med pa'i snying po ni/ /rang gzhag sems kyi rig pas shes/ /char yang dang ni thig le tshul/ /tshul tsam mchog dang gzhan mchog don/ /shes rab gsang bas na ro la// snyan khung brgyud pa bzhi'i gnang/ /rdo rje bka' ni rtogs pa'i lam/ /byed pa'i sgra la gnyer ba'i sems/ /tshul bzang rtsol la gang gnas pa/ /byed pa'i don dang phrad gyur nas/ /bya ba'i rang bzhin shes par bya/ /rgyal ba'i dgongs pa rig pa nyid/

  484. 242b

    gsum gyi byed pa'i 'od kyis mthong/ /gsum gyi 'od gsal gzhi yi 'am/ /byed dang bral ba nyid la gnas/ /lam gyis lam gyi 'bras bu mthong/ /'bras bu dgongs pa rgyal ba'i thugs/ /bsam med rang gzhag rig pa'i ngang/ /bde chen mi rtog rgyu ba bral/ /yid la mi byed snang ba dag /rig pa ma 'gags ye shes gsal/ /dbang po pad+ma rgyas pa'i sems/ /'gro ba kun la rang bzhin gnas/ /mthong ba log pa gzhan yod kyang/ /sprul sku dang po gzhan las min/ /kun bzang rgyal ba'i dgongs pa nyid/ /snang ba'i dus ma gzung byas la/ /dran pa'i tshul gyis nyams su blangs/ /'phan pa dang po'i dus na'o/ /rin chen gsung gis brtags pa las/ /thabs kyi bye brag shes 'gyur na/ /thog ma pad+ma ji bzhin no/ /dkyil 'khor lnga yi ye shes 'phro/ /de ldan rgyal ba'i gral du gnas/ /thugs rjes kun ldan rnyog pas bslad/ /dangs ma dus gsum 'gyur ba med/ /gsang ba'i pad+ma sngags kyi sems/ /spyod pa bral ba'i dus na shes/ /gtang ? rang bzhin? ma tshang bral/ /'khor ba rnam par mi sems te/ /mya ngan 'das pa'i rgyu ba bral/ /rdzogs pa'i dgongs pa bya ba med/ /dus gsum ma yengs srog tu sems/ /blang dor mi mnga' lta ba med/ /rang bzhin rgyal ba'i lta ba yin/ /mi rtsol dbu ma dang po lam/ /gang gis ma bcos thugs kyi lam/ /snying kha pad+ma rin chen 'od/ /'od gsal rig pa'i dkyil 'khor lnga/ /chags pa la sogs nyon mongs lnga/ /mthar thug tha ma dus na mthong/ /gang skyes dus na yul mi dpyad/ / mi 'gag ngo bo nyid la bzhag /gsang ba'i pad+ma chos kyi sku/ /ma bcos rang gsal gzung 'dzin bral/ /rdzogs pa'i longs spyod bde ba'i sku/ /sprul sku gang la ngos gzung med/ /dbyer med rig pa gcig la gnas/ /'dzin dang bral

  485. 243a

    ba'i mngon sum pa/ /chags dang bral ba'i bde ba che/ /tha snyad bral ba'i thabs kyis mtshon/ /rtsod dang bral ba'i spyod pas blang/ /spro bsdu med pa'i dgongs par gnas/ /snang ba rgya mtsho chen po bzhin/ /rang gzhag rig pa de bzhin no /yon tan sna tshogs nam mkha' bzhin/ /dus gsum 'gyur med kun tu bzang/ /sangs rgyas sems can gnyis su med/ /'khor ba nyid na rang bzhin dag /rin chen dag pa ji bzhin no/ /ji ltar bcos kyang 'gyur ba med/ /rang bzhin chos nyid ngo bo la/ /sgro skur spros pa dang gis med/ /'dzin pa'i spyod pa log pas bslad/ /rang byung rig pa'i don ma rtogs/ /rang 'byung kun mkhyen rig pa'i thugs/ /'gyur med 'gro ba kun la gnas/ /mkha' 'dri ye shes lhun gyis grub/ /sgrub med dngos grub chen po la/ /bsrung med dam tshig rang bzhag ste/ /mdza' med dpus med rig par gsal/ /rgyal ba kun gyi ngo bo la/ /sems can kun gyi rang bzhin yin/ /ye shes rig pa rtogs gyur nas/ / thugs rje mdzad pa'i lam yang ston/ /sems kyi 'bras bu rang bzhag la/ /'dod pa'i rtsol bas sgrub mi byed/ /byang chub sems kyi lam chen ni/ /rnam dag ye shes dgongs pa'i lam/ /thun mong 'gro ba yongs la gnas/ / dus gsum sangs rgyas sems las byung/ /bgrod med rang rig ye shes lam/ /rang 'dod bltas pas grub pa med/ /rdzogs pa'i lam la gang gnas pa/ /bsam gyis mi khyab rang bzhag la/ /yid la mi byed yangs pa med/ / rnal 'byor rdzogs pa bcos med la/ /'dod rtsol thig le spro bsdu med/ /ye nas rdzogs pa'i rnam dag la/ /bsam gtan yan lag kun dang ldan/ /rlung gi 'jug pa rang bzhin zhi/ /ye shes brtsal med bde ba la/ /dga' ba bzhi yi

  486. 243b

    bde ba gnas/ /gang spyod pa thabs la ma brten yang/ /rin chen snang ba'i thabs kyis shes/ /brda sprod chig la gnas 'gyur yang/ /thig le rang byung nyid la 'chang/ /rtog dpyod yan lag the tshom bral/ /sems kyi dga' bde brtsol ba med/ / gnas pa rtse gcig yongs pa med/ /bde ba mtshan nyid chos skur gnas/ /ye shes bsang ba thabs chen gyis/ /sems kyi bag chags thabs chen gyi/ /gyur pa gsum la de bzhin 'gyur/ /sems kyi ye shes gter kha dbye/ /rang 'byung ye shes 'od gsal la/ /rgyu med rig pa gdod nas gnas/ /ye shes rang gnas bde ba che/ /kun mkhyen me long lta bu nyid/ /ma lus snang ba'i rang bzhin dag /sems kyi chos nyid bde bar shes/ /kun bzang nyams cig cir ma mthong / mthong med gsal ba'i me long nyid/ /dngos po med pa'i rig pa yin/ /'dra 'am mi 'dra rgyu gang nyid/ /bdag gam gzhan nas de nyid gang/ /grub bam ma grub ji ltar bskyed/ /de ltar grub na thug pa med/ /de ltar min na gang zhig ni/ /gnyis ka de med ri bong rwa/ /gang gzhan rgyu las grub pa na/ /gcig dang du ma gang du 'grub/ /'jig rten rgyu 'bras chos bzhin na/ /yang dag ye shes brdzun nam ci/ /de lta bdag lta log pa bzhin/ /spang bya nyid 'gyur yang dag min/ /mi mthun gnas pa'i chos yin na/ /zhen pa nyid 'gyur de nyid rig /de lta min na gang zhig 'thad/ /bskyed pa'i rim pa gang gnas par/ /rdzogs pa'i rim pa gang 'jug pa/ /gang gis gang zhig ji ltar gnas/ /rtsol ba'i bskyed pa de nyid dam/ ye shes rig pa'i don la 'jug /de nyid yin na de lta mod/ /de lta min na gang zhig 'thad/ /thams cad thams cad grub pa 'am/ /ma yin de la 'thad pa gang/ /rjes mthun rgyu yis mi gnas na/ /de bzhin rjes 'thun nyid du 'gyur/ /des na

  487. 244a

    seng ge phru gu bzhin/ sku gsum lhun grub bde ba'i lam/ /rtsol ba'i 'bras bu mthar phyung nas/ /'jig rten chos la'ang de bzhin no/ /sbyang bya 'bras bu yin pa na/ /khyod la dag pa'i ye shes gang/ /de lta nyid na rtag par 'gyur/ /des na rang 'byung rdzogs pa'i lam/ /rgyu la mi gnas rtsol ba med/ /rang gnas ye shes gdod nas grub/ /grub pa'i rang bzhin skye mi dgos/ /ye gsal nam mkha' i rang bzhin pas/ /gsal byed rnam pa ji bzhin no/ / bla ma gzugs 'dra gang gis 'byung/ /dbyings kyi 'bras bu bsam mi khyab/ /mi rtog 'bar ba'i dkyil 'khor nas/ /che ba'i sku gsum mu mdza' med/ /ye shes rig pa thug phrad du/ /rin chen snang bas bzhag par bya/ /brjod bral rig pa thog babs nyid/ /ma brtsal rang 'byung bde ba nyid/ /yi ge med pa'i gsung mchog ste/ /kun bzang rgyal ba'i dgongs pa ston/ /mi rtog don 'jal goms shing rtog /yi ge med dang rig pa'i gsung/ /don gyi chos nyid 'jal bar ston/ /gsang sngags gter gyi mdzod 'dzin cing/ /rgyal ba'i drag sngags tha snyad bral/ /sngags tshig dral pa'i nus mthu ldan/ /las bzhi med pa'i don gyis 'grub/ /rgyu med 'bras bu mthar thug yin/ /rig pa mdza' bral dkyil 'khor 'dir/ /zhen med tshul gyis 'jug na bde/ /dang po rang sems tshul la brtag /rig pa bla ma'i gdams pa bzhin/ /drod dang ldan na brda don sdad/ /dkyil 'khor drug gi ye shes la/ /sgra yis mdza' la bzhag par bya/ /myong ba med pa'i rnam pa yin/ /tshor ba bral ba'i reg byas go /phyi rol tshul bzhin nges par 'gyur/ /tha mar dran bsams rgyu ba bral/ /dpa' brtul za byed sems lta bu/ /shes pa dang bzhag ma btul ba/ /stag mo lta bu

  488. 244b

    sems la ni/ /ye shes rol pa mi 'gag pas/ /brtsal med ye shes rig pa'i ngang/ /des na rang bzhin cog 'jog go /dngos po ji ltar snang ba yang/ /rang gi shes pa nyid du mthong/ /dus gsum sangs rgyas ma lus pa'i/ /thugs la 'jog pa'i man ngag bcud/ /rin chen shar bas rang la rdzogs/ /brtsol bral rig pa mi rtog pa/ /ma bcos rang snang bde ba'i klong/ /ye shes lhun grub klong du shar/ /rang byung nam mkha' lta bur khyab/ /rang gsal rig pa'i ngang la gnas/ /spros bral ye shes thig le che/ /rnam rtog bral ba'i rig pa gsal/ /rang gi cir yang mi rtog pa/ /ye shes rang gnas sems su gsal/ /cir yang mi rtog sems su smin/ /ci yang ma yin dmigs su med/ /rnam rtog sems kyi rgyu ba bral/ /reg pa'i ye shes 'dzin pa bral/ /rang snang rol pa byang chub sems/ /sgyu ma'i ye shes bde ba'i klong/ /rang rig ye shes 'dzin pa yin/ /rang 'byung sgyu mar mngon sum gsal/ /lhun grub ye shes ma bcos pa/ /bde ba'i sgyu ma rang rig nyid/ /thams cad ye shes sems su 'chang/ /rig pa'i ye shes don gsal ba/ /thams cad ye shes nyid du mthong/ /ye shes ma yin gang yang med/ /khams gsum dangs ma ye shes nyid/ /ye shes rig pa thabs kyis shes/ /'khrul ba'i sa nas brda bkros te/ /ye shes rgyal ba'i gral du bzhag /ma bcos sku gsung thugs su gnas/ /rang rig sems kyi 'bar ba nyid/ /ye shes sems kyi phur pa thebs/ /rnam rtog bzhon pa rlung dang bral dngos grub bde ba'i rang byung nyid/ /thar pa'i lam mchog byang chub sems/ /'bras bu mthar phyin rig pa nyid/ /rang byung sems kyi ji bzhin la/ /rnam pa'i rig pa thabs kyis gnas/ /bcos med dgongs pa bde chen 'di/ /mngon sum

  489. 245a

    mthong la ngos bzung med/ /rang shar dngos por grub pa med/ /bde chen rig pa ma mthong ste/ /'di dang bral na rtog pa nyid/ /bka' yi don dang de mi ldan/ /dmus long mdun du gzugs snang bzhin/ / 'bras bu mthar phyin yod ma yin/ /kun bzang rgyal ba'i don dang 'gal/ /rang gsal dgongs pa'i thugs ma rig /'dzin pa'i cha la gang gnas kyang/ /'khor ba'i 'bras bu nyid du 'gyur/ /rang 'dod don gyi mthar ma phyin// ye shes gsang ba bde ba'i sa/ /'bod pas mi 'grub thob pa med/ /'dod med rang bzhin nyid las byung/ /shes pa rang lugs so ma nyid/ /kun bzang rgyal ba'i gongs pa'o/ /tha mal shes pa 'di nyid la/ /bsam pa'i sems med rang bzhag yin/ /nges pa'i bzhi ni don la gnas/ /yid ches bla ma nyid la gus/ /rin chen gdams ngag gter du 'chang/ /lung gi dgongs pa'i don gsal te/ /rig pa rang gsal gtan la phebs/ /mi 'gyur rdo rje sems dpa' 'chang/ /ston pa rang rig nyid yin pas/ /drang ba'i don la sems mi 'jug /phyi rol 'dod rtsol sems dang bral/ /rdzogs pa'i bka' la yid mi 'gyur/ /bla ma rin chen srog tu 'dzin/ /mos pa rang gi 'dod pa gtong/ / rin chen gter gyi ngo bo 'di/ /srog dang bral ba'i kha bzhin bsdam/ /rang sems byang chub sems 'di la/ /ye shes ma rig tha dad med/ /'khrul dang ma 'khrul rig par gcig /zhen rtog brtags pa sna tshogs dang/ / ye shes 'od gsal ngo bo nyid/ /'od gsal rang 'byung sems su gcig /byang chub sems la ngo bo bral/ /don ldan ye shes nyid du mthong/ /bsam pas brtags pa sna tshogs pa/ /bag chags log pa'i rkyen gyis

  490. 245b

    mthong/ /rang rig ye shes 'jug pa dang/ /rtog pa'i bag chags dang po ni/ /sgrib pa ma lus bzhin grub cing/ /byang chub sems kyi mtshan nyid la/ /thog ma dang bral tha ma med/ /thog med 'khor ba'i rang bzhin 'di/ /byang chub sems la ye nas dag /sems nyid nam mkha' lta bu la/ /blo bur gzugs brnyan sprin gyis bsgribs/ /ngo bo ma yin rkyen gyis snang/ /me dang lcags kyi rang bzhin 'dra/ /rang bzhin bral ba ma yin te/ /dus gsum ma yin nam mkha' bzhin/ /chos sku rang bzhin ye nas dag /longs spyod rang gi bde gnyid/ /sprul pa chu zla lta bur snang/ /dbyer med rig pa gcig gi dang/ /blang dor gnyis bral mnyam pa nyid/ /byang chub sems kyi ye shes la/ /snying po mnyam nyid ye sangs rgyas/ /snying po don la rtsol ba med/ /don gyi rang 'byung gnyis su med/ /sems kyi rang rig rtog pa nyid/ /rnam rtog ye shes nyid du 'bar/ /brtsal med 'bras bu mthar thug nyid/ /bka' yi bcud 'dus snying po 'di/ /rgya mtsho bzhin du bdud rtsi 'dus/ /snying po'i don 'di gsang ba'i bcud/ /gsal ba'i sgron ma snying po 'di/ /ma lus 'dus pa'i 'khor lo yin/ /snying po gsung gis rtogs bya ba/ /sems nyid rang 'byung snying po nyid/ /phyi nang gsang ba'i dkyil 'khor 'dus/ 'byung 'jug mi mnga' snying por gsal/ /rang 'byung rdzogs pa'i dgongs par gnas/ /ye shes snying po mkha' 'dra ba/ /mdza' dbus mi mnga' blang dor med/ /mi len snying po bdag med gsal/ /bka' yi bcud 'dus snying po 'di/ /rang bzhin snying po sman chen rtogs/ 'khor ba'i zug rngu 'byin pa'i mchog /byang chub sems kyi sman med na/ /rtsol ba'i 'jug pa mtho ris rgyu/ /sman chen rang la gnas bzhin du/ /mi rtog gzhan nas tshol bar byed/ /rnyed pas rang sems sman du mthong/ /rtogs pas gzhan

  491. 246a

    nam ma 'ongs te/ /rang 'byung snying po thog ma med/ /spros bral nam mkha' lta bur gnas/ /rgyal ba'i sku dang rang bzhin ldan/ /gzung 'dzin bral ba'i dang la bzhugs/ /bde ba'i don la ma chags rol/ /snang ba ye shes rig par gnas/ /byang chub sems kyi sman chen 'di/ /ye shes rgyal ba'i dgongs pa ste/ /dus gsum sangs rgyas lam du bde/ /bsam gyis mi khyab dgongs pa ni/ /shes pa rang bzhag so ma nyid/ /snying po don rtogs bya ba bral/ /rang gsal rig pa'i rang la bzhugs/ /bcos med 'dzin bral 'gro 'du med/ /byang chub rgyu ba snying po bral/ /kun 'byung rig pa 'pho 'gyur med/ /thugs rje rang 'byung ye shes nyid/ /rtsol bral rang snang byin rlabs 'byung/ /phyogs ris mi mnga' kun la khyab/ /snying po nyid du kun sgrol mdzad/ /byams pa chos nyid dang du skyabs/ /dga' ba rang rig mi 'bral ba/ /blang dor gnyis med btang snyoms che/ /rang 'byung snying po 'khor lo la rtog bral 'khor ba rang bzhin dag /thugs rjes sems can don mi mdzad/ /dngos po mi mnga' rang 'byung sems/ /'od gsal snying po rdzogs pa 'di/ /rin chen gsung gis brtags pas shes/ /'gro drug sems can thams cad la/ /rang gnas ye shes nyid ldan pa/ /brtag pa gsum gyis shes par 'gyur/ /ming dang sems la ye shes tshol/ /dngos po gang yang rung ba la/ /brtags pas rang log shes par 'byung/ /yid bzhin rin chen nor bu bzhin 'gyur pa med pa'i gnas lugs dang/ /thun mong dam tshig gsum ldan pa'o/ /lce mnan nang yid sgra la sogs/ /de bzhin gnas skabs gzhan du yang/ /snying po ye shes gzung bar bya/ /snying po gsung 'di don dang 'brel/ /

  492. 246b

    skal ldan rin chen lta bu yis/ /grub mdza' ngan la gnas dus su/ /'di yis don kun rig par gyis/ /'di yis rang sems ma rig na/ /sgra 'am tshad ma gang gis kyang/ /rig pa'i ye shes rnyed mi 'gyur/ /gzhi nyid rang 'byung 'gyur ba med// rtog pa rang 'byung sems kyi lam/ /ma yengs byang chub sems su gsal/ /rang 'byung 'bras bu mthar phyin pa/ /'gro don mdzad la rtog pa grol/ /'od gsal dbyer med gcig gi dang/ /byang chub sems kyi rang rig 'di/ /bag chags 'khrul pa'i dbang gis na/ /brtags pas sna tshogs med bzhin grub/ /sems kyi bag chags phyir snang yang/ /rig pa 'od gsal 'gyur ba med/ /sna tshogs snang ba'i rang bzhin 'di/ /snying po gsung gis brjod bya ste/ /'khrul pa ma yin log snang bas/ /rang rig byang chub sems su brjod/ /rtog pa'i rtsa ba byang chub sems/ /rang rig sems la rtog par 'khrul/ /thog ma med dus bag chags dang/ /rin chen gdams ngag rkyen med pas/ /rtog med snying po sems ma goms/ /thag pa sbrul min snang ba bzhin/ /lus ngag sems dben sgyu ma'i lus/ /sna tshogs snang ba'i rang bzhin 'di/ /chos nyid yin pa dbyer med pas/ /zung du 'jug pa gang dgongs pa/ /gsal ba'i sems de nyid la ni/ /chos nyid ma yin bag mi snang/ /thams cad snang ba'i ngo bo 'di/ /ye shes snying po nyid du mthong/ /ngo bo nyid la brjod pa bral/ /rang bzhin rnam dag rig pa la/ /brjod med don du ma brjod na/ /rig pa'i don la 'jal ba med/ /brjod pa'i sgra la sems drangs pas/ /ma bcos rang 'byung chos nyid mthong/ /rang rig sems la don rtogs nas/ /'jug thabs mi gnyis tshul gyis gnas/ /cig char rdzogs pa bde ba che/ /phyogs su ma lhur gzung ba'i sems/ /rdzogs pa'i ye shes

  493. 247a

    snying po la/ /rim pa'i lam med mthar phyin sa/ /rang 'byung rtogs pa'i 'jug pa la/ /de nyid snying po don ldan pas/ /'dod pa'i tshogs la yid mi 'jug /de bzhin pha rol phyin pa drug /rang 'byung rdzogs pa'i sems la gnas/ /bsam bral mi rtogs dgongs pa la/ /de nyid pha rol phyin drug ldan/ /mi rtog 'dzin med tshul la gnas/ /ma yengs rig pa rgyun mi 'chad/ /dmigs med shes pa pha rol phyin/ /sems nyid stong pa'i dngos med la/ / chos rang chos can mi gnas pas/ /dbyer med bden pa bzhi po don/ /dngos po ye shes 'gags ma yin/ /bden brdzun gnyis kyi mthar mi 'dzin/ /snying po'i don la 'dod pa bral/ /kun bzang ye shes 'od gsal ma la/ /bsam bral ye shes nam mkha' 'dra/ /rdzogs pa ye shes ma bcas pa/ /ma 'gyur chos nyid dbyings kyis thugs/ /mi 'gag ye shes rig pa'i gsung/ /dbyer med chos sku bzung 'dzin bral/ /sku gsung thugs bral sku gsung thugs/ / phyi nang mi mnga' rang gsal nyid/ /'byung 'jug mi mnga' rang bzhin gnas/ /dbang po po la snang ba rnams/ /chos nyid byang chub sems su mthong/ /nyon mongs lnga po ye shes lam/ /thams cad byang chub sems kyi gzhi/ /sangs rgyas nyid las gzhan ma yin/ /dag pa'i sems la btsal med de/ /btsal ba'i kun rdzob grub ma yin/ /dam pa'i don la gang 'jug pas/ /gsang ba rdzogs pa'i don nyid la/ /chos nyid gsang ba 'di dmigs na// des pa'i gdams ngag zab mo yis/ /btsal med rang bzhag btsal ba dang/ /mi bsgom rang lugs bsgom pa dang/ /mi gnas tshul la 'dug pa dang/ /bzhag med mnyam bzhag rang 'byung ba de/ /mi rtog don la gyi na'o/ /dge

  494. 247b

    mi dge yi rnam rtog bral/ /byang chub sems kyi mtshan nyid do/ /rang 'byung byang chub btsal bas min/ /byang chub 'dod la byang chub sems/ /yang dag don gyi snying po 'di/ /btsal bas rnyed par mi 'gyur te/ /zhen sems nyid la 'byung mi 'gyur/ /nyal ba'i bsam gtan 'khor lo bde/ /ma lus byang chub sems kyi ngang/ /chos nyid byang chub mnyam gzhag na/ /dngos med byang chub rang 'byung dang/ /'dus ma byas pas bde ba'i klong/ /sems nyid bsam med brjod las 'das/ /ye nas rnam dag bsam cu med/ /rdzogs pa'i rnal 'byor rim pa yis/ /de la ma btsal gnas na bsgoms/ /reg ba dbyings la yan bzhag na/ /btsal ba'i nang bral bsgom pa yin/ /de bas snying po dri ma med/ /rig pa 'od gsal nyid du bsgom/ /'od gsal sems la gnas gyur nas/ /rnam rtog mtshan ma rang bzhin zhi/ /skye? ba med pa'i phyag rgya yis/ /rang snang kun bzang rol pa 'grub/ /dngos med dngos la mi dmigs shing/ /dbu ma'i sems bral rgyu ba bral/ /sems kyi rgyu ba med pas na/ /thams cad rang 'byung stong pa nyid/ /sems nyid rig pa rang 'byung ba/ /'gyur med sbyor med gsal bas na/ /yi ge med pa'i snying po gsung/ /dam pa byang chub sems la gnas/ /rgyal po'i dam tshig ma bcos pa/ /bsrung ba med pa'i tshul gyis bsrung/ /'gyur ba med pa'i phyag rgya la/ /'gyur ba med pa'i don gyis 'debs/ /mdza' dbus med pa'i dkyil 'khor la/ /ye shes 'phro 'du med par gsal/ /bsam bral rang bzhin rgyal ba'i thugs/ /byang chub sems la 'da' ba med/ /sa 'dzi rnam pa'i sems bzhin du/ /gzhan nas rnyed par mi 'gyur te/ /brtan rang sems nyid la thug /gzhi la rang bzhin gzhan 'dod bral/ /rang sems rig pa 'gyur ba med/

  495. 248a

    ji bzhin mi rtog chos kyi sku/ /bya ba la lhun grub ji bzhin gnas/ /rang 'byung 'od gsal ye nas dag /cir yang mi dgongs bsam mi khyab/ /shes rab snying rje ldan pas 'grub/ /snying po byang chub rang bzhin la/ /bsam med rang bzhag thugs su bde/ /'khor lo 'am rig pa bde ba yis/ /rang gnas rig pa tshol ba nyid/ /rnam rtog yin te don la med/ /blon rig gsum las dmangs kyis yang/ /chags pa'i 'du shes drang ba'i don/ /nges par spros bral rang 'byung sems/ /chags pa'i lam gyis shes mi 'gyur/ /blang dor med pa'i brtul zhugs kyang/ /nges par brtags na blang dor nyid/ /rang rig bsam bral bzhag pa ste/ /don dngos 'dzin pa zhen par gnas/ /rang 'byung 'od gsal snying po 'di/ /mtshan ma med pa'i rang bzhin pas/ /shes rab thabs kyi chags pa bral/ /thig le 'dod rtsol spro bsdu med/ /rang rig rtsol bral bde ba'i sems/ /shes rab thabs la snyams 'jug pas/ /bde ba'i bsam gtan chen po yin/ /sgyu ma'i ro la ma chags pas/ /chags med ye shes rdzogs pa'i lam/ /byang chub sems kyi rang gsal 'di/ /dngos med shes rab thabs kyis 'grub/ /snang gsal 'khor lo rig pa 'di/ /ngo bo ma grub ma shel 'dra/ /dngos med ye shes mthong ba grol/ /gzugs sogs snang ba brtags pa yin/ /dngos po rang bzhin thams cad ni/ /chos nyid dbyings kyi thig le yin/ /de nyid sgrub pa'i thabs su na/ /snying po rig pa nyid shar bas/ /mdza' yi mun pa ngang gis dag /sgrub med rang 'byung sgrub pa 'dis/ /khams gsum 'od gsal thugs su sgrub/ /rang sems rig pa'i spyod pa bde/ /ye shes spyod pa rang bzhag nyid/ /bsam nas 'dod pa'i mdza' mi 'gegs/ /thugs rje

  496. 248b

    tshogs kyi bsod nams 'dir/ /rang 'byung rig pa rtogs gyur nas/ /'gro ba drang phyir rgyun mi bcad/ /snying po sems kyi don rig na/ /ye shes mthar phyin 'bras bur gnas/ /mtshan dang dpe byad rang bzhin grub/ /sprul pa rang 'dod cir yang 'byung/ /chu gsal ri bong can bzhin no/ /ye shes lus can de bzhin gshegs/ /mi shel gzugs ltar 'gro ba sgrol/ /ye shes rang byung de bzhin gshegs/ /yan lag mi mnga' rtsis las 'das/ /mthar phyin dga' ba rig par gsal// dgongs pa rang bzhag ye sangs rgyas/ /rig pa rang gsal chos rnams la/ /gang yang bsam du med par gnas/ /de ltar byang chub sems nyid la/ /ma rig med pas 'khor ba med/ /sems can skye ba'i rgyu mi gnas/ /rang 'byung sems la rtag par gzhug /srid pa'i chos la rgyu med pas/ /mya ngan 'das pa'i lam dang bral/ /ma skyes pa yi tshes rnams la/ /nam yang skye bar mi 'gyur te/ /sangs rgyas sems can rang bzhin cig /sems kyi ye shes gsang ba 'di/ / snying po don las rmad du byung/ /rang 'byung che ba bdag nyid sku/ /rang rig bde ba rdzogs pa che/ /thugs rje snang ba sprul pa'i sku/ /ngo bo ma grub gsang ba'i sems/ /snang dang mi snang dbyer med do/ /yod dang med pa byang chub sems/ snang ba rang rig tha dad pa/ /don dang rtags la sogs pa rnams/ /rnam pa tha dad bag chags snang/ /yang dag ma yin 'khrul pa'i sems/ /bsam pa'i dbang gis der 'gyur ro/ /bder gshegs ye shes gsang ba de/ /ma mthong rnam rtog spros 'chal bas/ /stong nyid rig pa'i man ngag yin/ /dran rtog rlung gi rgyu ba bral/ /mdza' ru ma skyes bsam gtan bya/ /chos dang chos nyid gang yang min/ /nam mkha' lta bu bdag med pa/ /ye shes stong pa'i ngo bo'o/ /rang bzhin stong pa

  497. 249a

    mtshan ma med/ /rnam par gsum ldan bde ba che/ /chags med zhi yi lam nas 'jig /mtshan med dang po gnas pa na/ /rang 'byung 'bras bu dang gis 'char/ /yon tan nam mkha' mdza' dang mnyam/ /rang gi ye shes snang ba la/ /'bar ba'i dkyil 'khor rang bzhin gsal/ /rgyun gyi 'khor lo sku yi dang/ /chags bral dag pa rig pa'i rgyun/ /rang rig gsal ba ting 'dzin nyid/ /mi zad 'khor lo bsam du med/ /sgro bral stong nyid zhi gnas la/ /'du shes 'jug med mnyam gzhag la/ /mtshan med zhi gnas lhag mthong 'brel/ /mos 'jug lam la gang gnas nas/ /mi rtog gsal ba'i don gyis go /bsam dang bral ba'i ye shes ni/ /snying po don la rtog pas 'jug / thabs bral rig pa rtsol bas tshol/ /ra gan gsar 'dod de bzhin no/ /'dod pa'i sems dang ma bral na/ /snying po don la bdag 'dzin byed/ /bde ba'i sems la re ba na/ /rtog pa'i rjes 'jug zhi gnas yin/ /rang lus sems su ma rtogs par/ /'dra 'bab lha yi rnam pa gzung/ /lus kyi dben pas chos nyid tshol/ /rang lus sems su shes pas na/ /gang na gnas kyang sems nyid dben/ /snang srid sems su shes pas na/ /dbang po yan lag ye shes gsal/ /snying po don gyi rang bzhin la/ /ci yang mi bsgom gang yang min/ /khyu mchog sems ltar ma bcos pa/ /rang bzhag reg pa'i 'khor lo nyid/ /dus gsum du yang btang bzhag med/ /gang yang mi 'dzin dgag pa med/ /snying po don gyi rang bzhin la/ /skyon dang yon tan gnyis med pas/ /rdzogs pa lta ba blang don med/ /'jug med ting 'dzin ma yengs pa/ /'od gsal rgyal ba'i sems nyid yin/ /rang 'byung thugs kyis ma bcos pa/ /

  498. 249b

    rnam dag rgyal ba'i sku gsung thugs/ /btsal med snying po don las 'byung/ /byang chub sems kyi don nyid la/ /nges pa'i theg cig snying po'i don/ /phyag rgya rim bzhi sbyor ba drug /bsam pa'i theg pa sna tshogs pa/ /drang ba nyid 'gyur nges pa min/ ngo bo nyid la mtho dman med/ /mos 'jug bsam pa'i rtog par zad/ /sems nyid nyag gcig phyogs bral ba/ /du ma'i 'bras mang lam du min/ /ma bcos rnal 'byor rdzogs pa'i lam/ /mi gnas rang bzhin sems su gcig /ma bgrod mthar phyin 'bras bu 'am/ /rgyu rkyen bral ba skye 'jig med/ /gdod nas rang 'byung snying por gsal/ /ris drug ji ltar snang ba dang/ /mya ngan 'das pa'i rang bzhin la/ /dbyer med rang 'byung sems su gcig /ris drug sems kyi rtog pa dang/ /ye shes rang gsal rig pa nyid/ /khyad par med de snying por gcig /khams gsum 'khor ba snang ba dang/ /mya ngan 'das pa'i ye shes nyid/ /rtogs ma rtogs kyis gnyis su byung/ /rtogs pas rang sems nyid la thug / gzhan 'dod re ba rtsol ba bral/ /rang sems rnam dag ye sangs rgyas/ /kun bzang rgyal ba'i sems nyid bde/ /mdza' yas 'gro ba thams cad la/ /rgyal ba'i ye shes rang chas ldan/ /bsam bral rang lugs cir mi dgongs/ /ye shes nam mkha' i mkha' dang mnyam/ yid la mi byed bya ba btang/ /'khor ba mya ngan 'das pa yi/ /rnam pa phra rags cir snang yang/ /rang bzhag bsam bral nyid du bde/ /chu yi snang ba de bzhin du/ /phra rags rnam rtog ye shes nying/ /rang rig gnyug ma pad+ma ltar/ /'khor bar gnas kyang gdong nas ngag /mtshan ma'i rnam pa ci 'byung yang/ /chu shing lta bur snying po med/ /ma rig 'thibs pa'i 'khor ba na/ /rig pa mar me lta bur gsal/ /rnam par rtog pa cir 'gyur yang/ /rang rig

  499. 250a

    gnyug ma'i rgyun mi bcad/ /nam langs sems dang nub kha bzhin/ /ye shes don gsal de bzhin no/ /ma bsgrubs rang gsal rang gis 'byung/ /skal ldan ma bcos rnal 'byor pas/ /sems nyid steng kha ltar gnas na/ /lus ngag rtsol ba dang gi zhi/ /bde ba'i ye shes mi rtog pa/ /shes rab gsal ba'i snying por phyin/ /mthar phyin rang 'byung mi rtog pa/ /dri med rgyal ba'i ye shes gsal/ /rang gnas 'gro ba yongs la khyab/ /nam mkha' lta bur dbyer med pa/ /'gro ba'i sems las gzhan la med/ /rtog med ngang la rang shar ba'i/ /rig pa bde ba'i mtshan nyid can/ /'dzin pa dag byed ye shes ni/ /ma bcos rang gis rang rig gsal/ /ye shes thig le'i don 'di ni// shes rab gsal bas bdag la bstan/ /bde ba'i rang rig rtog pa bral/ /rang gnas ye shes 'od gsal sems/ /mthong bas the tshom rgyu ba bral/ /ye shes ngang gnas sgrib pa med/ /thams cad ye shes gsal mthong bas/ /snying po don la gos sa med/ /rnam dag rig pa'i 'khor lo 'di/ /rtsol bral rang 'byung ye shes yin/ /rang 'byung ye shes kun gyi bdag /lus dang bral bas yan lag med/ /sgro skur bral ba'i dngos gzhi can/ /snying po kun bral kun gyi bdag /ma bcos rig pa'i ting 'dzin gsal/ /bya ba med bzhin don kun rdzogs/ /rang byung gnyug ma kun gyi gzhi/ /bgrong med rnal 'byor lhun grub lam/ /ji bzhin kun rdzogs 'bras bu nyid/ /thig le dbyer med gcig gi dang/ sems nyid bya bral rdzogs pa'i gter/ /bde ba'i ye shes mi rtog thugs/ /skal ldan dang po nyid nas rdzogs/ /'gro drug 'khor ba'i rtog pa dang/ /rgyal ba'i ye shes mya ngan 'das/ /bde chen rig pa gcig gi dang/ /

  500. 250b

    rang 'byung ji bzhin ma bcos pa/ /lhun rdzogs spros pa med pa'i dang/ /bsam du med pa'i ye shes 'di/ /rnam par rtog pa'i rgyu ba bral/ /dus gsum mi mnga' rgyun mi 'chad/ /sems nyid grub pa'i lam mchog 'di/ /dbyer med kun la ldan bzhin du/ /snang ba'i lam med 'khor bar 'khyam/ /sdug bsngal rtsol ba'i nad kyis gdungs/ /des na snying po sgron ma 'di/ /phyi rabs rnal 'byor rnams don du/ /bla ma 'phags pa'i byin rlabs dang/ /mos pa'i mthu ldan bdag gis rtogs/ /snying rjes kun bslang yongs la bsngo/ /snying po de kho na nyid kyi sgrub thabs/ yang dag pa'i sa la gnas pa/ slob dpon na ro pas mdzad pa rdzogs so// //rgya gar gyi paN+Di ta badzra gu na b+ha dra dang lo tsa ba rin chen rgyal mtshan gyis bsgyur ro// // !/ /rgya gar skad du/ mahA su kha a mri ta pra b+ha na ma/ bod skad du/ bde ba chen po'i bdud rtsi'i 'od ces bya ba/ dpal dgyes pa'i rdo rje la phyag 'tshal lo/ / 'khor lo pad+ma rgyas gang pa/ /rang gi gnas ni nyid du 'khyil/ /sangs rgyas kun gyi gsang ba ste/ /'gro ba kun la rang bzhin gnas/ /yang dag pa de rab tu bshad/ /yang dag pa yang rnam pa bzhi/ /de ni lus la rab tu gnas/ /'di ltar shes pa'i lus nyid ni/ /bde ba chen po'i sku zhes bya/ /lte ba gsang ba'i drug cu bzhi'o/ /sprul pa'i yig 'bru dkar po bkod/ /A li kA li g.yas dang g.yon/ /ye shes bzhi yi yi ge oM/ /dbus kyi ri bong 'dzin phar ro/ /sprul pa'i dkyil 'khor zhes su bshad/ /sems kyi gnas su sku sogs brgyad/ /kha dog dkar po yi ge dgu /hUM bruM traM h+riM kham yig rnams/ /dbus nas byang du rim bzhin dgod/ /mtshams su laM la sogs pa bzhi/ /mtshan ma med pa'i sku zhes bshad/ /longs

  501. 251a

    spyod rdzogs pa'i sku bcu drug /mgrin pa'i gnas su yang dag skyes/ /de yi ri bong 'dzin par oM/ /ya wa ra la yi ge rnams/ /shar nas byang du rims bzhin no/ /rtogs yul bcu rlung gnyis kyi gnas 'byung bzhi'i rtags ni 'dzin par bshad/ /sa bon zla ba rgyas 'dra ba/ /bde ba chen po'i gnas su 'khyil/ /sum cu rtsa gnyis rang bzhin gnas/ /de yi gnas na A li gnyis/ /g.yas dang g.yon gnyis mgo dang mjug / gcig tu phrad pas brgyan pa yin/ /de dbus haM las sra man/ /longs spyod mkhyen la bde chen thur/ /thabs dang shes rab tshul du gnas/ /chos dang sprul pa'ang de bzhin no/ /kun gyi dbus nas ri bong 'dzin/ /'khor lo ye shes kha dog dkar/ /yaM las 'byung ba rlung dkyil 'khor/ /ha gnyis gnas su bsam par bya/ /de steng rang 'byung gru gsum me/ /rang gi gnas su bsam par bya/ /de ltar rang bzhin kun shes nas/ /ye shes chen po'i byin brlabs las/ /rlung gis me bus bcu drug 'bar/ /de nyid ye shes me zhes bya/ /lte bar gtum mo spar ba yis/ /de bzhin gshegs pa lnga bsregs te/ /spyan la sogs pa yang bsregs nas/ /kun gyi lus bsregs mgo gcig bsam/ /longs spyod gsum skar 'byung bzhi'o/ /bsregs nas g.yas 'byung sangs rgyas dang/ /sems can kun bsregs dbu ma g.yon/ /thim ste bde chen g.yon nas bskor/ /bsregs nas rna ba g.yas su 'du/ mkha' 'gro ma kun bsregs gcig byed/ /a ba d+hU tI'i gnas nas byung/ /sangs rgyas sems can gnyis med bsregs/ /steng gi zhabs su sra ma na/ /bde ba chen po'i lus kyang skyes/ /haM dkar las byung ser po dkar/ /

  502. 251b

    lus bskyed mi la ye shes bskyed/ /de ru ma nus chu yi rtsa/ /g.yon gyi rtsa nas sprul pa ru/ /der ni yang dag rab tu gzung/ /de ru mi gnas sam po ka /rtsa ba'i rdo rje lam nas 'gro/ /sam po ka nas chos sku'o/ /lus rnams yang dag skye bar 'gyur/ skyes nas bskal pa'i bar du gnas/ /chos kyi gnas su ma skyes na/ /nir ma ka yi gnas su bsam/ /yang dang yang du 'di bzhin bya/ /rnam rtog med pa'i rnal 'byor skye/ /yar gyis bsregs shing mar gyis gso/ /rnal 'byor mig gi 'od zer gyis/ /rtag tu 'di la blta bar bya/ /nam zhig 'di la brtan gyur na/ /mtshan ma lnga 'am yang na ga-yo/ /'bar zhing g.yo na yig go bcad/ /bcad pas bzhi po yang yang zhu/ /rtsa ba'i rdo rje lam nas ni/ /til gyi 'bru bzhin rgyas par 'byung/ /rnal 'byor mthar phyin 'bras bu ste/ /bde ba chen po'i sku zhes bya/ /gzhan gyi don sogs yon tan rnams/ /'bad pa med par lhun gyis grub/ /bla na med pa'i dgongs rgyud 'di/ /dpal gyi zhabs kyis bdag la bstan/ rkyen dang rnal 'byor gnyis su 'gyur/ /bde ba chen po zhes su bstan/ /sbyor ba'i rgyud ni thams cad las/ /rgyal ba rnams kyis sbas ba bshad/ /shin tu sbyangs la rab gnas pa'i/ /snod ldan bdag nyid chen pos gzung/ /lus sems bde bar spyad nas ni/ /nying mtshams sbyor ba bsten par bya/ /bdag gis brtsams kyi bdud rtsi 'od/ /'di ltar khams gsum kun kyang de/ /shing dang 'dra bar mtshungs pa'o/ /yang dag bde bas 'tsho bar shog /rnal 'byor gyi dbang phyug chen po dpal ye shes rin po che'i zhal snga nas mdzad pa rdzogs so// // !/ /rgya gar skad du/ bo d+hi tsit+ta bind+hu ba de sha nA ma/ bod skad du/ byang sems thigs pa'i man ngag ces bya ba/ dpal dgyes pa'i rdo rje la

  503. 252a

    phyag 'tshal lo/ /sa bon zla ba rgyas 'dra ba/ /'khor lo chen po'i gnas su 'khyil/ /sangs rgyas kun gyi snying po ste/ /'gro ba kun la rang bzhin gnas/ /yang dag par te dang por bshad/ /rtog yul chu rlung gis 'khyags te/ /de nas sdug bsngal sna tshogs bskyed/ /de 'gags nas ni 'ju bar 'dod/ /cha yi sna rtser bsgom par bya/ /pad+ma'i lte bar shes rab thabs/ /kha sbyor bar ni der gas pa/ /shel ltar dri med yungs kar ro/ / rnga 'brum brgyar bshags skar khung ni/ /thabs kyi cha yi dkyil 'khor du'o/ /pa thag yi ger ldan pa yis/ /rdo rje las su dgri bar bya/ /rnal 'byor mig gi 'od zer gyis/ /yungs kar dag la blta bar bya/ /nam zhig de la bstan 'gyur na/ /mtshan ma lnga dag 'byung bar 'gyur/ /rgyal ba skyed par byed pa yi/ /tshogs kyi rang bzhin dri ma med/ /'di ltar khams gsum kun kyang ste/ /rgyu yi ye shes dmigs med pa/ /gnyis su med pa'i rnam pa ste/ /rnal 'byor chen po'i ye shes so/ /sna yi lam nas 'phro ba yis/ /rang gi gnas nas rlung bskyed pa'o/ /g.yon pa dang ni 'bar ba yis/ /skang khung dag gi lam nas ni/ /'khor lo ched ni 'gro bar 'dod/ /yang dag pa ste 'jug bar 'gyur rtsa yi rdo rje'i lam nas ni/ /til gyi 'bru bzhi rgyas par 'gyur/ /rnal 'byor mthar phyin 'bras bu ste/ /bde ba chen po'i sku zhes bya/ /gzhan gyi don sogs yon tan rnams/ /'bad pa med par lhun gyis 'byung/ /ye shes drug pa gsang chen po/ /rgyu zhes bya ba yin par bshad/ /sangs rgyas zhabs kyis bdag la bstan/ /rkyen dang rnal 'byor gnyis su 'gyur/ /'bras bu bzhi ni gsang chen po/ /bde ba chen po zhes bya ste/ /sbyor ba'i rgyud ni thams cad las/ /rgyal ba

  504. 252b

    rnams kyis sbas pa yang/ /shin tu sbyangs la rab gnas pa'i/ /snod ldan bdag nyid chen pos gzung/ /lus sems bde bar spyad nas ni/ /nyin mtshams sbyor ba bsten par bya/ /sangs rgyas zhabs kyis bstan pa'o/ /thabs dang shes rab gnyis med pa'i/ /byang chub sems kyi ye shes 'di/ /sangs rgyas 'dod par sgom par shog/ //thabs dang shes rab gnyis su med pa byang chub sems thigs pa'i man ngag ces bya ba/ rnal 'byor gyi dbang phyug chen po las kyi zhal snga nas mdzad pa rdzogs so// // !/ /rgya gar skad du/ ra ha sya A nan+ta ti la ka nA ma/ bod skad du/ gsang chen dga' ba'i thig le zhes bya ba/ bcom ldan 'das dpal pad+ma las byung ba la phyag 'tshal lo/ / 'gro ba'i nyon mongs sel mdzad pad+ma las byung lha mo'i mchog gnyis dga' ba'i mgon/ /'gro ba'i sdug bsngal zhi mdzad khro bo'i rgyal po gnyis po dga' byed thugs rje'i dgos/ /'gro ba bde ba sbyin mdzad phongs pa thams cad skyob pa lha yi gtso bo mchog /srid gsum skyab 'os 'byor pa ma lus 'byung la rab tu dad pas phyag 'tshal lo/ /rdo rje theg pa 'di la zhugs pa'i rnal 'byor pa dag /sku dang gsung dang thugs gsang chen po dag gis/ /lhan cig skyes pa'i dga' ba'i thig le la 'jug pa bshad par bya'o/ /de la re shig dang por sku'i gsang chen brjod par bya ste/ 'dir bya ba'i rgyud la zhugs pa ltar tha dad par snang ba'i lha'i dmigs pa ni mi bya'i/ gang la bdag tu brtags shing mi gsang bar brtags/ pa'i lus nyid kho na la ltar dmigs par bya'o/ /de ci'i phyir zhe na/ myur du yongs su dag par rtogs par 'gyur ba'i phyir ro/ /tha dad pa ni de las bzlog pa'o/ /de'i phyir gsungs pa/ /rnal 'byor yang dag ma yin sems/ /lha la dmigs

  505. 253a

    par byed pa dag /rnal 'byor gzugs brnyan rang bzhin te/ /lugs ma la sogs rnal 'byor skye/ /yang dag mchog sems rnal 'byor skye/ /lha la dmigs par byed pa dag /rang gi dam tshig bdag sbyor bas/ / mi 'gyur dam pa grub par byed ces so/ /ci'i phyir dang po'i dmigs pa dor zhes/ 'di ni dam pa'i bsgrub pa ste/ gang gsungs pa/ tha mal rnam rtog gzhom pa'i phyir/ /rang la lha yi ngar 'dzin bya zhes so/ /gsungs pa/ de nas bcom ldan 'das phyag na rdo rje byang chub sems dpa' chen pos/ bcom ldan 'das kyis bde ba chen po so sor gsungs pa thos nas/ ched du brjod pa'i ched du brjod do/ /tha mal rnam rtog gzhom don du/ /yang dag bsgom pa rab grags kyi tha tha mal gnas skabs choms nas ni/ /bsgom pa'ang bsgom par mi bya'o/ /byang chub sems dpa' i de ni de lta'o/ /de de lta mod kyi 'on kyang mi gtsang ba'i lus 'di sbyangs la sangs rgyas kyi skur rnam par bsgom par bya'o/ zhes so/ zhabs gang zhig gis 'di bsgom par bya/ 'dir ni skye gnas drod gsher dang/ /mngal dang/ sgo nga dang/ brdzus te 'byung ba dag gis bsgom mo/ /ji ltar 'gro ba dang 'dren pa nyid do/ /brjod pa mi 'dra ba nyid kyis bstan te/ /rnal 'byor rnam gsum shes bya ste/ /byin gyis brlabs dang yongs brtags dang/ /gzugs nyid yongs su rdzogs pa dag /rnal 'byor yin zhes sangs rgyas gsung/ /de bzhin du/ dang po dam tshig byin brlab pa'o/ /rnal 'byor spyod pa dag? gis brtags/ /dbu ma yongs su rdzogs pa dag /rnal 'byor gyi ni cho gar bshad/ /ces so/ /'di ni rim pa las ma 'das pas bsgom ste/ gang gsungs pa/ dang po'i las can rnal 'byor pa/ /de sprul sku la goms par bya/ /

  506. 253b

    sbrul pa'i sku ni brtan gyur nas/ /longs spyod rdzogs pa brtan par bsgom/ /sprul pa'i sku ni gsal gyur cig /longs spyod rdzogs pa gsal tsam na/ /chos sku dmigs pa med pa ste/ /'di ni mdor bsdus smos pa'o zhes so/ /rim pa gnyis kyang de bzhin te/ /ji skad du slob dpon Dom bi pas bshad pa/ skyed pa'i rim pa bsgom pa blo bzangs kyis/ /rtag tu dang po nyid du bya ba ste/ /phyag rgya sngags ni rnam par dag tsam dang/ /go cha thams cad brjod par bya ba min/ /phyi nas khyad par ldan zhing bde blag tu/ /yud tsam re res de nyid sems gcig na/ /srid pa 'jig pa'i rdzogs rims bsgom pa ni/ /lhan cig skyes pa rtag tu gsal bar bya zhes so/ /'di ni thams cad du gnas pa ma yin pa ste/ ji skad gsungs pa/ tha mal rnam pa gzhom don du/ /rang la lha yi ngar 'dzin bya/ /ngar 'dzin de yang gzhom pa'i phyir/ /dmigs pa med pa rnam par bsgom/ /gang tshe sems ni mnyam gnas pa/ /de tshe de nyid yin par nges zhes pa dang/ yang gsungs pa/ tha mal rnam pa gzhom don du/ /yang dag bsgom par rab grags kyi/ /tha mal gnas skabs choms nas ni/ /sgom pa'ang bsgom par mi bya'o zhes so/ /thogs pa med pas 'di gnas te/ gang gsungs pa/ /phyag na rdo rje yang gsol pa/ bcom ldan 'das lus dang ldan par bsgom pa 'di la dgongs pa ci mchis/ bcom ldan 'das kyis bka' stsal pa/ gsang ba'i bdag po dgos pa yod do/ /bcom ldan 'das mtshan ci skad ces bgyi pa mchis/ rdo rje 'dzin pas bka' stsal pa/ sangs rgyas kyi de kho na nyid ces bya ba'o/ /sangs rgyas kyi de kho na nyid ces bgyi ba de ji lta bu/ rnam pa thams cad mkhyen pa'o/ /de ci nus can zhig gam/ de ni de bzhin du bden no//

  507. 254a

    de ci'i phyir zhe na/ rdo rje 'dzin gyis bka' stsal pa/ mtshan sum cu rtsa gnyis dang/ dpe byad bzang po brgyad cus brgyan pa'i sku 'di ni nga yin no/ /de ci'i phyir zhe na/ yul rnams kyis rgyus nga bsgrub par bya ba yin pas na'o/ /phyag na rdo rjes yang gsol pa/ ci bcom ldan 'das bems po 'am/ rdo rje 'dzin gyis bka' stsal pa/ nga ni me long lta bu'i ye shes so/ /me long lta bu'i ye shes de ji lta bu/ rdo rje 'dzin gyis bka' stsal pa/ de bden g.yang ma yin zhing brdzun pa yang ma yin la/ blang bar bya ba yang min la dor bar bya ba yang min no/ /de bzhin du mnyam pa nyid kyi ye shes kyang nga'o/ /so sor rtog pa'i ye shes kyang nga'o/ /bya ba nan tan gyi ye shes kyang nga'o/ /de bzhin du shin tu rnam par dag pa'i chos kyi dbyings kyi ye shes kyang nga'o/ /de bas na byang chub sems dpa' chen po byang chub 'di/ /dngos po med pa de skad du ma smra zhig /dngos po med nyid dngos po 'ang dang/ /de bzhin gshegs par gdong nas grol/ /mchog gi sku dang ldan pa ste/ /zab cing rgya che'i sku mnga' ba/ /he ru ka nga'o sems dpa' che/ /bdag med ma dang thabs gcig sbyor/ /bde chen nga ni bems po min/ /'jig rten gzhug phyir bems po nga zhes/ yang gsungs pa/ gzugs brnyan rang bzhin ji lta ba/ /de bzhin bsgom bya'i dngos gang yang/ /stong zhing snang med gnas mchog ste/ /de tshe sdig dang bsod nams med/ /dper na chu nad zla ba ni/ /grogs dag bden min brdzun pa'ang min/ /de bzhin dkyil 'khor 'khor lo 'di/ /dang zhing gsal pa'i ngo bo'o zhes so/ /de bzhin du/ oM swa b+hA ba shud+d+ha(rgyud 'grel): sarba d+ha rmA swa b+hA ba shud+d+honya haM zhes gsungs so/ /'di ni med pa las brtags pa tsam ma yin pa ste/ /gang gsungs pa/ lha yi sku

  508. 254b

    yi sbyor ba yang/ /skyes tsam nyid nas mngon par gnas/ /kha dog phyag zhal dbyibs 'dra las/ /cung zad rang bzhin bag chags so zhes pa dang/ yang gsungs pa/ bcom ldan 'das kyis bka' stsal pa/ sems can sangs rgyas yin pa la/ cung zad blo bur dri mas bsgribs/ /de bsal ba ni sangs rgyas so zhes so/ /'di yi bsgrub pa nyid gcig gang gi tshe mngon sum du gyur pa kho na'o/ /'di ni sku yi gsang chen mngon par brjod pa'o// //da ni gsung gi gsang chen mngon brjod par bya ste/ sku'i gsang chen la gnas pa de'i ngag gi gnas su yi ge h+rI(rgyud 'grel): dmar po las pad+ma 'dab ma brgyad pa bsams la/ lce'i 'dab ma la yi ge hUM dkar po las rdo dkar po bsams te/ oM badzra dzi hwa zhes pas byin gyis brlabs la/ de nyid du de thim pas rdo rje'i rang bzhin du mos pa bskyed de/ khro ba'i brjod pa'am/ rdo rje'i brjod pas rang gi bla ma'i gdam ngag dang mthun pa'i bzlas ba bya'o/ /de la khro bo'i brjod pa ni/ sprin byung 'brug sgra yi ge hUM/ zab mo rdo rje'i tshig brtan pa/ /khro bo gsal ba khro chen po'i/ /rdo rje'i tshig ces grub pa'o/ /zhes pa'o/ /rdo rje'i brjod pa ni/ lce rtse shin tu mi bsgul zhing/ /so dang mchu gnyis 'byar byas pa/ /rtog pa kun la sbyar ba ste/ /rdo rje'i brjod pa sgra yangs pa'o zhes so/ /de yang thun mong gi yan lag ni/ rtog pa kun las btus pa las gsungs pa/ bzlas brjod byed tshe khro mi bya/ /yul gyi bdag nyid dga' mi bya/ /zhum dang mi dga' 'jigs pa dang/ /'jungs dang nga rgyal yongs su spangs/ /zlos tshe ci yang mi bsam zhing/ /yan lag 'gyur bar mi bya'o/ /kun rtog rlung gis bskyod nas ni/ /ci yang rung ba mi bsam mo/ /rigs sngags lha ni ma gtogs pa/ /sgom pa mchog tu gyur pa yang/ /zlos pas bzlas brjod byed pa'i tshe

  509. 255a

    kun rtog bzung nas mi bsam mo/ /zhes pa la sogs pa'o/ /de ltar zhugs pa des ci tsam gyi dngos grub tu 'gyur/ phreng ba las bltos pa ni/ mkhas pas gsang sngags yi ge ni/ /bco lnga man chad grangs rnams la/ /yi ge'i sdom ni du yod pa/ /de snyed 'bum phrag bzlas brjod bya/ /yi ge sum cu rtsa gnyis la/ /bzlas brjod sum 'bum bya bar bshad/ /yi ge de las ltag pa las/ /sngon du bsnyen pa khri bya'o/ /sngon du bsnyen pa med par yang/ las rnams phral ni 'grub par 'gyur/ /zhes gsungs so/ /gang du dus la bltos pa ni/ /rdzogs ldan dus su yi ge 'bum bzlas te/ /gnyis ldan dus kyi sngags pas 'bum phrag gnyis/ /gsum ldan dus su de nyid gsum du 'gyur/ bye ba phrag sum 'bum bzhi rtsod dus sbyar zhes gsungs so/ /gzhi la bltos pa ni/ rgyud la lar ni ci nas sngags bye ba bzlas par gsungs so/ /bsod nams 'bring po rnams kyis 'bum bzlas par bdag smra'o/ /bsod nams che bas khri? bzlas pas shin tu myur par 'grub bo/ /de ltar rdo rje can chen po rgyud kyi bdag pos gsungs so/ /bsod nams chung ba'i sems can rnams kyis ni bye ba bzlas par gsungs so/ /sems can 'bad rtsol chung ba rnams kyis ni 'bum bzlas par bdag smra'o/ /sems can bsgom pa la gzhol ba rnams kyis ni khri kho na bzla bar bya'o/ /sems can 'dod chags la zhugs pa rnams kyi sngags kyi bzlas pa ji ltar lags/ blun pa dang lkugs pa'i rigs can rnams kyi sngags kyi grangs ji ltar lags/ shin tu dmigs pa'i sngags kyi bzlas pa ji ltar lags/ 'di ltar phan tshun smra bas bzlas na dngos grub gzhan du 'gyur ro/ /gal te dman pa'i sems kyis nyon mongs bzhin

  510. 255b

    pas bzlas na/ bskal pa skar ma lta bu bye bar yang de la dngos grub med do zhes gsungs so/ /'di'i grub pa nyid ci/ bya ba nges pa thob pa nyid do/ /'di ni gsung gi gsang chen mngon par brjod pa'o// //da ni thugs kyi gsang chen brjod par bya ste/ sngar bshad pa'i sku dang gsung gsang ba chen po la gnas pa des/ dngos po thams cad dang bral zhing/ /phung po khams dang skye mched dang/ /gzung dang 'dzin pa rnam spangs pa/ /chos bdag med pa mnyam pa nyid/ /rang sems gzod nas ma skyes pa/ /stong pa nyid kyi rang bzhin no zhes pa rtogs pa'o/ /'di yang gang rigs pa'i rjes su 'gro ba ni/ 'phags pa nA gArdzu na'i zhal snga nas mdzad pa'i dbu ma las grub pa'o/ /thabs kyi rjes su 'brang ba dag gis ni/ rlung dang/ rtsa dang/ thig le dang/ phra mo dang/ rdo rje nor bu'i nang dang/ rig ma la brten pa dang/ ril por 'dzin pa dang/ rjes su 'dzin pa bdag gis 'grub po/ /bgrang dang rjes su 'gro dang gnas/ /mtshan nyid de nas rnam ldog dang// yongs su dag pa nyid dang drug /'di ni 'ong ba gzung bar dran/ /'dir thun mong min pa sbyar ba rlung las grub pa'o/ /lte par tsaN+Da li sbyar pas/ /de bzhin gshegs pa lnga bsreg cing/ /spyan la sogs pa yang bsregs te/ /bsregs pas haM las zla ba 'bab/ /rtsa las grub pa'o/ /ji skad du/ kampa la aryas bshad pa/ thig le sgra ni rnam spangs pa'o/ /zhes so/ /thig le dang phra mo bdag gi 'grub pa'o/ /chu bo 'am lteng ka'i chu ni dri med dag la zla ba gnas pa ltar// de bzhin de la rim gyis 'jig pa rnal 'byor pa yis rtag tu bsam/ /me long la ni rlung dag rims kyis zad pa bzhin duAng/ /blta bya ste/ ril por 'dzin pa la bya ba'i rim pa 'dir ni de bzhin rab tu brtag ces bya ba ni/ rdo rje nor bu'i

  511. 256a

    nang du rtogs pa'i 'grub pa'o/ /rdo rje nyi ma nub pa na/ /bsgrub pa kun tu brtsam par bya/ skya reng 'char ba'i dus dag tu/ /'grub 'gyur 'di la the tshom med/ /ces pa ni/ rig ma la brten pas 'grub pa'o/ /ril por 'dzin ba rjes su gzhig pa ni/ /chu 'o 'am? lteng ka'i chu ni zhes bya ba la sogs pa sngar 'das ma thag pas 'grub pa'o/ /'di dag ni shes rab ye shes la brtan pas 'grub la/ gsang ba gnyis ni bum pa'i dbang las 'byung ba'o/ /yod ni thugs kyi gsang chen ma grub par nyon mongs pa mi 'gog la/ de ma 'gags na sku dang gsung gi gsang chen mi 'grub ste/ /ji skad du/ yab gcig lta rnams thugs rje med dam? ci/ /da lta'i sems can shin tu 'grub par dka' / /pu gcig lha rnams thugs rje'i rang bzhin na/ /ding sang sems can nyon mongs dra bas khyab/ /ces bshad do/ /thugs kyi gsang chen nyid du sku'i gsang chen dang gsung gi gsang chen yang 'jug ste/ ji skad du/ zla 'od gzhon nur gyur pas 'phags pa zla ba'i sgron ma las bshad pa/ /nam mkha' 'dra zhing rdul bral gzugs bzang 'char/ /shes rab sras po lus dang mtshan mi mnga' / /yon tan rgya mtsho rab zab thugs rje can/ /mtshungs med phyag ni bdag gi spyi bor zhog /ces pa'o/ /de bzhin du gzhan las kyang/ /'jig rten sgron ma khyod kyi gsung/ /ye shes rgya mtsho de thos na/ /de dag dri med bde ba 'thob/ /bsam gyis mi khyab 'od kyang 'byung zhes gsungs so/ /yang gsungs pa/ gsang sngags bzlas brjod mi bya ste/ /dka' thub sbyin sreg pa yin no/ /dkyil 'khor ldan med dkyil 'khor med/ /de yi gsang sngags bzlas pa dang/ /de yi dka' thub sbyin sreg ni/ /sems ni

  512. 256b

    mdo ru bsdus tshul lo zhes so/ /mtshan mar bcas pas mtshan bcas kyi/ /dngos grub rgyal ba dam par bzheng/ /mtshan ma med la gnas pas ni/ /mtshan mar bcas pa 'grub du rung/ /de bas rnam pa thams cad du/ /mtshan ma med la gnas par bya zhes gsungs pas na grub pa gsung char gyi thugs gsang bas 'thob pa yang ngo/ /gang gis thugs gsang chen ma shes par gnas pa de ni/ dbu ma phyin par gnas pa ste/ /ji skad du gsungs pa/ gang gis stong pa ma mthong pa/ /de dag 'khor zhing nyam yang nga zhes so/ /yang gsungs pa/ stong pa'i chos kyis mi mkhas gang 'jigs pa/ /de dag sangs rgyas byang chub ring po yin/ /stong nyid chos la the tshom su med pa/ /de dag sangs rgyas byang chub 'thob par 'gyur zhes so/ /de bzhin du 'phags pa nA gArdzu nas kyang bshad pa/ gang gis stong nyid mi shes pa/ /de la thar pa'i skal med de/ /'gro drug srid pa'i btson ra ru/ /rmongs pa de ni 'khyam par 'gyur zhes so/ /de bzhin du gang gis thugs gsang chen ma shes pa des ni/ sangs rgyas mthong ba ma yin te/ de skad du gsungs pa/ ji ltar mthong bzhin su blta ba/ /de dag 'dren pa mi mthong ngo/ /rnam par rtog pa mi 'jug cing/ /gang tshe sangs rgyas mi mthong la/ /'jug med sangs rgyas yin par mi/ gal te mthong nang sangs rgyas zhes so/ /yang gsungs pa/ de ltar skye 'jig spangs ba yin/ /thub pa zhi ba sus mthong ba/ /de dag 'di dang slad mar yang/ /chags med nyer len med par 'gyur zhes so/ /yang gsungs pa/ gang zag med cing phung po med/ /sangs rgyas ye shes zag med pa/ /rtag tu zhi ba rnam bsgom ste/ /de la bdag ni skyabs su mchi zhes so/ /yang gsungs pa/ gang gis nga la sgrar shes shing/ /gang gis nga la gzugs su mthong/ /log par spong par zhugs pa ste/ /

  513. 257a

    skye bo de dag nga mi mthong/ /sangs rgyas rnams ni chos nyid lta/ /'dren pa rnams ni chos kyi sku/ /chos nyid shes par bya min pas/ /de ni rnam par shes mi nus zhes so/ /yang gsungs pa/ rtag tu skye med chos ni de bzhin gshegs/ /chos rnams thams cad bde bar gshegs dang 'dra/ /byis pa'i blo can mtshan mar 'dzin pa rnams/ /'jig rten dag na med pa'i chos la spyod ces so/ /yang gsungs pa/ sangs rgyas bcom ldan 'das rnams ni chos kyi sku yin gyis/ /dge slong dag 'jigs tshogs la skur ma 'dzin par/ dge slong dag nga yi chos kyi sku yongs su rdzogs par ltos shig /ces gsungs te/ de bzhin gshegs pa'i sku ni yang dag pa'i mdza' rtogs pa 'di lta ste/ shes rab kyi pha rol tu phyin par blta'o zhes so/ /yang gsungs pa/ de bzhin gshegs pa ni gzugs kyi skur mi blta ste/ de bzhin gshegs pa ni chos kyi sku'o/ /rigs kyi bu chos nyid ni 'ong ba 'am 'gro ba med de/ rigs kyi bu de bzhin du de bzhin gshegs pa rnams la byon pa 'am bzhud pa med do zhes so/ /yang gsungs pa/ gang gis sangs rgyas spyan drangs shing/ /gang gis gshegs su gsol ba yin/ /rdo rje sems dpa' byon pa dang/ /de bzhin gshegs pa byon pa rnams/ /gang na'ang yod pa ma yin no/ /dri ma med cing dag pa'i lus/ /gang gis spyan drangs gshegs su gsol/ /de nyid kyis ni rtag med par/ /de bzhin gshegs la phyag bya'o zhes so/ /'di'i grub pa nyid ci/ chos kyi sku la gnas pa nyid dang/ sgrub pa'i skyes bur gyur pa na'o/ /'di ni thugs kyi gsang chen mngon par brjod pa'o/ /da ni gsang ba gsum las byung ba'i 'bras bu brjod de/ yang gsungs pa/ chu rgyus dra ba dang bcas shing/ /yan lag kun ldan

  514. 257b

    bu ga can/ /lus de med par snang gyur pa/ /de yi skad cig de la ni/ /dgyes pa'i rdo rje'i skur 'dzin 'gyur/ /nam mkha' ji bzhin dmigs med cing/ /mtshan ma med cing skye ba med/ /sna tshogs rnam bral sgrib lnga spangs/ /sangs rgyas dngos rnams dang bral ba/ /me long gzugs brnyan ji bzhin du/ /de'i bdag nyid du rab snang ba/ /he ru ka yi dngos por gsal/ /'di nyid dbang po yul rnams dang/ /phung por gnas pa mkha' dang mnyam/ /bden nyid 'dir rab skye lus te/ /'dus byas don gyis gzhan min pas/ /mig gis gzugs ni 'dzin med cing/ /rna ba yis ni sgra min no/ /lce yis kyang ni ro mi tshor/ /sna yis kyang ni dri la min/ /lus kyi gong bus reg med de/ /bde ba chen po'i gzugs phyir na'o/ /bud med mchog mthong las bde zhing/ /glu thos las kyang yang dag pa de/ /dri zhi ma mnams las bde ba che/ /skye gnas reg las kyang bde che/ /ro mchog btung ba'i rab sbyar ba'i/ /bde ba bdag ni su yis bzlog ces so/ /don 'di nyid ni rim pa lnga pa las kyang bshad de/ /ji ltar dang pa'i chu dag las/ /nya ni myur du ldang ba ltar/ /de bzhin thams cad stong gsal las/ /sgyu 'phrul dra ba 'byung bar bshad ces so/ /da ni 'di ltar gyur pa de'i mtshan ma bstan pa lung la 'jug par bya ste/ ji skad du dpal yang dag sbyor ba'i thig le'i phreng ba las gsungs pa/ de nas gang du rig ma'i skyes bu grub pa der 'di lta bu'i phun sum tshogs pa 'byung ste/ sa 'di dga' zhing mgul rangs pas rnam pa drug tu g.yos pas/ bdud kyi gnas su cha lang lta bu'i sgra grag pa dang/ phyogs bcur bskal pa'i me 'bar ba lta bu'i skar mnga' ltung ba dang/ rgya mtsho chen po 'khrugs pa'i sgra dang/ thams cad du gnam rdo ltung ba dang/ de nyid bskal pa'i me'i gzugs lta

  515. 258a

    bu'i ye shes kyi snang ba 'bar ba dang/ phyag rgya'i skye gnas kun tu khams gsum thams cad snang ba dang/ tshangs pa dang/ khyab 'jug dang/ chu bdag dang/ brgya byin dang/ drag po dang/ me dang/ stobs bzang dang nyi ma dang/ zla ba dang/ gnod sbyin dang/ grub pa dang/ dri za dang/ mi 'am ci dang/ lto 'phye dang/ lha'i mchog dang/ rigs 'dzin dang/ chu 'byung ba la sogs pa gang yin pa dang/ gzhan yang sum cu rtsa gsum du gnas pa'i lha rnams der 'ongs nas yang dag par dga' bas ma tog gis mchod par byed do/ /pi wang dang/ gling bu dang/ mu kunda dang/ tam+bu ri dang/ dung dang/ zangs dung dang/ ban+ti dang/ rda pa Ta ha dang/ rdza rngas nam mkhar gnas te rtag tu mchod par byed do/ /lha'i bu mo dang/ rigs 'dzin gyi rgyal po'i bu mo thams cad kyis gar byed pa dang sil snyan du ma byed pa dang/ mi 'am ci dang/ gnod sbyin gyis glu len par byed cing/ de la dga' ba dang bcas pas/ rgyal ba rgyal ba zhes bya ba'i sgras rtag tu rol ba byed pa dang/ gang gis grub pa la nam mkhar gnas pa'i lha rnams kyis ni legs pa'i rnam pa rab tu gsol bar byed do/ /dga' ldan du gan la pa'i lha rab mchog gang yin pa dang/ lha'i bu gang yin pa dang/ rigs 'dzin dang/ /'og min gyi bar dag 'ongs nas phyag 'tshal zhing/ me tog sna tshogs kyi dri'i char dang/ bdug pa sna tshogs kyi khyad par gyis/ gus pa'i tshul gyis mchod par byed do/ gzhan yang khyod la rgyas par bshad pa'i tshul gyis ci zhig bya ste/ bsgrub par byas pa'i bsod nams kyis khams gsum gyis gang zhig mchod pa de rnams kyis mchod par byed do/ /de yang gsungs pa/ rig ma'i skyes du

  516. 258b

    grub pa ni/ /gang du mchi zhing gang du gnas/ /gnas la the tshom 'di rnams ni/ /bde ba chen pos bshad du gsol/ /bcom ldan 'das kyis bka' stsal pa/ rig ma'i skyes bu grub pa ni/ /gang du yang mi 'gro gang du yang mi gnas so/ / the tshom 'di dag ni/ thog ma dang tha ma dang/ dbus dang bral ba/ gnyis su med pa/ gnas gsum du snang ba/ thams cad du sen pa/ thams cad du mkhyen pa/ thams cad pa/ thams cad kyi don/ sems can thams cad kyi sems la gnas pa/ sdig pa thams cad las rnam par grol ba/ yon tan thams cad kyis brgyan par byas pa/ thams cad dang ldan pa/ zhi ba mnyam pa med pa/ rtag par brjod pa/ mgon po skyob pa/ kun tu rtog pa spangs pa/ dbyibs dang/ kha dog dang bral ba/ rgyal ba'i spyod yul ma yin pa'i phyir rgyal po/ phyed par dga' ba'i phyir rdo rje/ nyon mongs pa'i nye bar gdung pa las grol ba'i phyir zla ba/ 'jigs pa med pa'i phyir seng ge/ gting dag dka' ba'i phyir chu'i phung po'o/ /de ltar dpe sna tshogs kyis rnal 'byor pa rnams kyi dper bya'o/ /de nyid ni gcig pa ste/ sems can thams cad rnams kyi don byed pa dang/ rnam par rtog pa thams cad spangs kyang/ bltam pa ston pa dang/ kha ba nas mngon par 'byung ba dang/ gzhon nu'i rol rtsed mdzad pa dang/ rdo rje gdan gyis mnan pa dang/ bdud btul ba mnyam pa med pa dang/ dam pa'i chos kyi 'khor lo bstan pa dang/ lha las babs pa nyams dga' ba dang/ shin tu sna tshogs pa'i cho 'phrul dang/ glang chen nor skyong btul ba dang/ skal ba dang ldan pa'i skye po dag gzhug pa dang/ phas kyi rgol pa tshar bcad pa dang/ bsod snyoms kyi lhung bzed bltos pa med pa dang/ 'jig rten gsum

  517. 259a

    gyi 'khor lo 'dul ba dang/ byang chub sems dpa' i rgyal tshab nyid dang yongs su mya ngan las 'das pa dang/ khams gsum gyi chos kyi rgyal po chen po ste/ rigs kyi bu de ltar 'di lta bu'i khyad par du ma rmi lam lta bur sangs rgyas kyi rol pa mchog ston par mdzad do/ /grub pa gang yin pa ni sgyu ma'i tshul gyis 'gro ba thams cad kyi don mdzad do/ /'di ni gsang ba gsum las byung ba'i 'bras bu mngon par brjod pa'o/ /yong ye gang zhig 'jig rten las ma chags pa nges 'di 'grub ste/ slob dpon 'phags pa lhas kyang tha na rgyal srid kyi bde ba la yang mi chags par bya zhes bshad la/ dpal shAkya thub pa mngon par bskul ba las kyang/ gang lha rnams kyis smras pa/ na tshong thog mar gzugs mchog 'dzin pa'i tshe/ /phangs shing sdug 'dod 'di ni byis pa'i spyod/ /rgan sdug bsngal gzi brjid lus bcom na/ /rnam par spong ste ri dags klung skam bzhin/ /nor 'bru dam pa rdzas mang stobs ldan tshe/ /phangs shing sdug 'dod 'di ni byis pa'i spyod/ /nor nyams sdug bsngal bar ni gyur pa'i tshe/ /rnam par spong ste mi yis 'brog stong bzhin/ /ji ltar me tog shing dang 'bras bcas shing/ /de bzhin sbyin 'dod ma la dga' bar byed/ /nor nyams sdug bsngal nyen cing spo ba na/ /de tshe dga' bar mi 'gyur bya rgod bzhin/ /rdzas ldan gzugs mchog ldan tshe dpon po bzhin/ /phrad na sdug cing dbang po dga' bar byed/ /rga na sdug bsngal nyin cing nor zod na/ /de tshe 'dod par mi 'gyur 'chi bdag bzhin/ /rga bas rgas byas na tshong yal 'gyur na/ /sdod po gnam lcags kyis ni bcom pa bzhin/ /ga bas 'khogs na 'jigs bcas khang rul 'dra/ /rga las 'byung ba thub pa myur du

  518. 259b

    smros/ /skyes pa bud med tshogs rnams rga bas skems/ /ma lu'i khri shing sA la'i nags stug bzhin/ /zhes so/ /yang gsungs pa/ srid gsum mi bstan ston ka'i sprin dang 'dra/ /'gro ba'i skye 'chi gar la blta dang mtshungs/ /'gro ba'i tshe 'gro nam mkha' i glog 'dra ste/ /ri gzar 'bab chu lta bur myur mgyogs 'gro zhes so/ /yang gsungs pa/ nad med mi rtag tshe ring rtag ma yin/ /lang tsho mi rtag 'byor pa rtag ma yin zhes so/ /'phags pa shA ri'i bus bshad pa la yang/ grogs dag /tshe 'di mi rtag myur 'gro ste/ /ri gzar chu drag mgyogs 'dra na/ /byis pa skye bos mi shes te/ /mi mkhas gzugs kyi dregs pas myos zhes pa la sogs pa'o/ /'phags pa nA ga rdzu nas kyang/ /de ltar 'di kun mi rtag bdag med de// skyabs med mgon med gnas med de slad du/ /'khor ba chu shing snying po med pa la/ /mi mchog khyod kyi thugs ni 'byung bar mdzod ces bshad do/ /gang dbang thob pa yang ste/ /gsang ba'i mdzad las gsungs pa/ /dbang bskur yang dag sbyin ldan na/ /skye dang skye bar dbang bskur 'gyur/ /de yi skye ba bdun la ni/ /ma bsgrubs par ni dngos grub 'thob/ /gang yang bsgom pa dang ldan zhing/ /gal te dam tshig sdom la gnas/ /skye 'dir las dbang gis ma grub/ /skye ba gzhan du dngos grub 'thob// re zhig dam tshig nyams pa la/ /dngos grub thob pa lta zhog gi /mi yi skye ba'ang rnyed par dka' / /gang yang bla mar brgyud pa yi/ /ril 'ongs de nyid rim pa yis/ /sgrub po de yis 'grub snyam dgongs zhes so/ /'di ni gsang ba gsum 'grub pa'i rgyu'i gtso bo mngon par brjod pa'o/ /gang rab tu dga' ba'i nam mkha' la/ /tsan dan me tog bud med bzang/ /mthong ba gang tshe 'dzag gyur pa/ /de tshe dga' bar yang dag bshad/ /sems can kun la rnam par gnas/ /sems can de dag kun gyi sems//

  519. 260a

    dpag dka' skad cig nyid las shes/ /zhes gsungs pa ni bdag gis ma bkag ste/ /longs spyod spyad par ma gsungs te/ /'jigs pa'i gzugs kyis spyod pa gsungs/ /zhes gsungs la/ yang pad+mar chags pa'i sems spangs te/ zhes rgyud dag las bkag pa bstan pa dang bcas pa brjod pa'i phyir dang/ rgyud las gang gsungs longs spyod ni bdag gi kyang bkag pa med do/ /de ltar gsang chen gsum gyi bdag /mngon par brjod las byung ba yi/ /dge ba bdag la skyes gyur na/ /'gro ba gsang chen gsum 'jog shog /gsang chen dga' ba'i thig le zhes bya ba/ slob dpon yu so ma pu rir byung ba'i dge slong dpal ldan byang chub bzang po'i bla ma/ dpal ma hA ma ti'i zhal snga nas mdzad pa rdzogs so// //rgya gar gyi slob dpon A tsarya du lo pa dang/ bod kyi lo tsa ba dge slong chos kyi shes rab kyis bsgyur cing zhus te gtan la phab pa'o// (//rgyud kyi rgyal po dpal gdan bzhi'i 'grel pa bzhugs//) rgya gar skad du/ sh+rI tsa ?turpi'i tan+ta rA dza sya smri ti ni band+ha nA ma TI kA/ bod skad du/ rgyud kyi rgyal po dpal gdan bzhi pa'i 'grel pa dran pa rgyud tshan zhes bya ba/ thugs rje chen po 'phags pa spyan ras gzigs dbang phyug la phyag 'tshal lo/ /gang du kun nas me tog 'bras bu sna tshogs gzugs ldan dus mtshungs par/ /smin cing dag pa'i dpal 'bras ljon shing shin tu dri zhim ror ldan pa'i/ /yid 'ong grib mas mdzes pa'i nags kyi tshal dang 'dra ba'i gdan bzhi pa/ /thug gsum rnam par bkod pa rnams la mos pas rtogs bya la phyag 'tshal/ /par bar du ni yon tan rgyas min yang/ /gzhan du kun nas yon tan rab rgyas pas/ /bdud rtsi du ma'i 'byung gnas gdan bzhi'i rgyud/ /

  520. 260b

    pad dang pad+ma'i rtsa ba lta bu ste/ /gser gyi ri bor gnas pa'i lha rnams kyi/ /bdud rtsi myong mthu can gyis 'di yi don/ /gsal bar byed 'dod nus dang ldan yin gyi/ /mi 'drar snang ba bdag gi spyod yul ci/ /ji ltar ri dags glang chen nor bu ni/ /'phrog 'dod mthus sgrub nus pa yod min pa/ /nyon mongs de ga rdul gyi gseb nas ni/ /rtsa la gcod cing 'di ni rgyu ba 'dra/ /'on kyang ci ltar lcags rnams sman gyi mthus/ /skye bos bza' ru rung bar rnyil 'gyur ltar/ /bla ma'i gsung la brten nas rnam dbye ba'i/ /nus pa yod pas 'dir ni drang por bsrang/ /sems can blo rnams sna tshogs mi mthun pas/ /de rnams mgu bar sus kyang nas ma yin/ /nye bar bstan dang rjes su mthun pa yi/ /don rnams dran pa'i rgyu mtshan byas pa la/ /sdeb sbyor rtags dang rnam dbye la sogs tshig /phyi rol tha snyad dga' ba'i skye bo la/ /rin chen rgyud 'di'i don rnams mdzes bya ba'i/ /blo can rnams kyis rang gis rdzogs par mdzod/ /'dir rgyud 'bum phrag bco brgyad kyi snying por gyur pa stong phrag bcu gnyis pa'i dpal gdan bzhi pa'i rgyud la rgyud 'di btus pa yin te/ des na sdud par byed pas 'di skad bdag gis zhes bya ba la sogs pa'i tshig rgyud 'dir dang por nye bar ma bkod de/ de nyid du gsungs pa'i phyir ro/ /de bas na rnal 'byor ma'i zhes bya ba la sogs pa la/ rnal 'byor ma yi dra ba sdom/ /ye shes dbang phyug stong pa can/ /thams cad mkhyen pas 'di skad gsungs zhes bya bar spyar te/ 'di skad ces bya ba ni/ bcom ldan 'das kyis gsungs pa la mngon par bstod do/ / zhes bya ba'i mthar thug pa'i brjod par bya ba dang/ rjod par byed pa'i bdag nyid kyi rgyud mdza' dag gzung ba'i tshig go /gsungs zhes bya ba ni rgyud phyin ci ma log par gsungs pa ste/ ji lta ba bzhin du bstan cing gsal bar mdzad pa'o/ /des ni rjod

  521. 261a

    bar byed pa'i rgyud bstan no/ /gsang ba bstan pa'i mtshan nyid rnams zhes bya ba la sogs pas ni brjod par bya ba bstan te/ de dag gis ni rjod par byed pa dang/ brjod par bya ba'i 'brel pa yang bstan par blta'o/ /'dir dgos pa ni lhar mngon du byas pa yin la/ de'i dgos pa ni 'gro ba rnams rjes su gzung ba yin par shes par bya'o/ /ji ltar phyin ci ma log par bstan zhe na/ thams cad mkhyen pas zhes bya ba la sogs pa gsungs te/ dngos po thams cad mi rtag pa la sogs pa'i tshul gyis ji lta ba bzhin du mkhyen pas na thams cad mkhyen pa ste bcom ldan 'das so/ /des ni ston pa phun sum tshogs pa gsungs so/ /de nyid kyi khyad par gsungs pa rnal 'byor ma'i zhes bya ba la sogs pa la/ rnal 'byor ni thabs dang shes rab gnyis su med pa'i ye shes te/ 'dir shes rab ni rang bzhin med pa yin la/ thabs ni yongs su dag pa'i snying rje'o/ /de ltar yang thabs dang shes rab snyoms 'jug pa/ /rnal 'byor zhes ni bya bar brjod/ /gang zhig dngos med shes rab ste/ /dngos po'i mtshan nyid thabs yin no/ /zhes gsungs pas so/ /rnal 'byor de su dag la yod pa de dag ni rnal 'byor ma'o/ /dra ba ni de rnams kyi yongs su dag pa'i sprul pa'o/ /sdom pa zhes bya ba la/ saM ni 'khor ba'i sems can thams cad de bar ni de rnams kyis de dag sdom zhing kun tu skyob pa de la de skad ces bya'o/ /ye shes dbang phyug stong pa can zhes bya ba la/ ye shes ni shes bya rnams shes pa'o/ /stong pa can ni sangs rgyas rnams te/ bsod nams chen po'i ngo bo nyid rdo rje 'dzin chen po ni sangs rgyas thams cad skyed par byed pas na de rnams kyi

  522. 261b

    dbang phyug go /de ltar yang gsungs pa/ dpal ldan sangs rgyas kun gyi bdag /rdo rje 'dzin chen go 'phang ni/ /sangs rgyas thams cad 'byin pa po/ /de nyid chos rnams chos nyid yin/ /zhes pas na sangs rgyas thams cad kyi skyed pa po'o/ /bcom ldan 'das kyi khyad par bstan pa'i sgo nas/ gnas phun sum tshogs pa gsungs pa/ gnas gtsang ma nas zhugs nas su zhes bya ba la gtsang ma ni lha rnams so/ /de dag bsrung zhing skyengs pas na gnas te ri bo lhun po'o/ /bzhugs pa ni der gnas par mdzad de/ lhun po'i steng na khang bu brtsegs pa'i nang du bzhugs so/ /zhes bya ba'i don to/ /de la thams cad mkhyen zhes bya bas ni bdag gi don phun sum tshogs pa gsungs so/ /ye shes dbang phyug stong pa can zhes bya bas ni/ de'i rgyud phun sum tshogs pas gsungs so/ /gnas gtsang ma na bzhugs nas su zhes bya bas ni gzhan gyi don phun sum tshogs pa gsungs so/ /rnal 'byor ma'i dra ba sdom zhes bya bas ni de'i rgyud phun sum tshogs pa gsungs te/ de dag gis phyin ci ma log par bstan par grub pa nyid de 'di ltar bstan par bya ba dang/ bstan pa dang/ ston pa po dang/ gnas phun sum tshogs pa rnams rim bzhin du gsungs pa'i phyir ro/ /der 'khor phun sum tshogs pa yang bstan pa'i phyir/ sbyangs pa'i yon tan dang zhes bya ba la sogs pa smos te/ sbyangs pa'i yon tan ni byams pa'o/ /mi sdug pa ni phyag na rdo rje'o/ /'phyang ba ni kun tu bzang po'o/ /mgrin pa gsum pa ni nam mkha' i snying po'o/ /ri rab ni sgrib pa rnam par sel ba'o/ /ri rab gtsug tor ni sa'i snying po'o/ /pang pa ni 'jig rten dbang phyug go /padmo yangs pa ni 'jam dpal te/ byang chub sems dpa' i gtso bo yin pa'i phyir brgyad po de dag

  523. 262a

    smos so/ /rnal 'byor gyi dbang phyug bye ba phrag brgyad cu ni/ gtso bo de dag la sogs pa'i byang chub sems dpa' ste/ de snyed dang ldan pa'i nang nas phyag na rdo rje la gzigs te 'dzum pa mdzad do/ zhes bya ba ste/ 'dzums pa ni tshems kyi 'od dang bcas pas cung zad bzhad pa ste/ thams cad mkhyen pas zhes bya ba'i lhag ma yin no/ /ci'i phyir zhe na/ bcom ldan 'das kyi 'khor rnams dpal gdan bzhi pa nyan par 'dod pa'i gzhan gyi sems mkhyen pa dang/ phyag na rdo rjes sdud nus par thugs su chud nas/ nga la gsol ba 'debs su gzhug go /snyam du dgongs te/ de la gzigs pas bskul zhing bzhad pas spro ba nyid du bstan pa'i phyir ro/ /des de gsol ba 'debs par chas pa bstan pa'i phyir/ 'dzum pa mdzad ma thag tu zhes bya ba gsungs te/ mdzad ma thag tu zhes bya ba ni bar mchod pa'o/ /lag na rdo rje thogs pas na phyag na rdo rje'o/ /stan las zhes bya ba ni zla ba'i dkyil 'khor las so/ /phrag pa gcig ces bya ba ni gang gi lus kyi phyogs gcig yin pa de la de skad ces bya'o/ /bla gos gzar ba ni steng gi gos gzar ba'o/ /sa la zhes bya ba ni stan med par ro/ /lag pa thal mo sbyar ba ni rang gi lag pa gnyis kyi thal mo mnyam bar gzhibs te kha sbyar ba'o/ /de dag gis ni ma 'ongs pa'i gsol ba 'debs pa po rnams la tshul bstan pa'o/ /gsol ba btab pa gsungs pa/ gsal ba zhes bya ba la sogs pa gsungs pa la/ gsang ba zhes bya ba ni sbar bar zhes bya ba ste/ de yang phyag rgya'i ye shes dang dam tshig la sogs pa'i sbyor ba ni zhi ba dang rgyas pa la sogs pa'i las rnams dang chu la sogs pa'i sbyor ba ste/ gsang ba dang sbyor ba de dag gis mtshan nyid ni rang bzhin no/ /ye shes

  524. 262b

    dbang zhes bya ba la/ ye shes ni me long lta bu la sogs pa'i ye shes te/ de rnams kyi dbang phyug ni ston pa rdo rje 'dzin pa'o/ /yang na ye shes ni me lta bu la sogs pa'i ye shes kyi rang bzhin yin pas na rnam par snang mdzad la sogs pa'o/ /dbang phyug ni de rnams kyi bdag po ste skyed pa po yin pa'i phyir ro/ /des ni bcom ldan 'das la bod pa ste/ 'di ni 'og tu sbyar bar bya'o/ /sa ni sa bzhi'o/ /nam mkha' i ni go 'byed pa'o/ /ring po'i gnas su thung du sbyar ba ni/ sgra dang sgra ma yin pa la bltos pa med par bstan pa ste/ de dag ni brtags pa tsam yin pa'i phyir ro/ /chu dang zhes bya ba la sogs pa ni go sla'o/ /'byung dang zhes bya ba la sogs pa la byung ba ni phyir 'gro ba'o/ /'jug pa ni nang du 'ong ba ste/ de dag ni chos kyi ? bstan pa'o/ /dbugs ni sna sgo'i rlung ngo/ /bsam gtan ji ltar gzung bar bgyi zhes bya ba ni 'gro ba dang 'ong ba'i rlung gi bsam gtan gyi ngo bo ci 'dra zhes bya ba'i don to/ /yul 'khor skyong ba dang po'i lha/ /dkyil 'khor dag na ji ltar lags/ zhes bya ba la yul 'khor ni lus so/ /de skyong bas na yul 'khor skyong ba ste/ rnam par snang mdzad la sogs pa'i de bzhin gshegs pa rnams so/ /de dag nyid 'gro ba'i don gsal bar mdzad cing rdo rje mkha' 'gro ma la sogs pa sna tshogs su sgrub cing sprul nas rnam par rgyu bas na dang po'i lha'o/ /dkyil 'khor ni de rnams kyi dngos grub ste/ 'gro ba'i don ni snying po bas man+d+ra yin la 'bras bu de len cing 'dzin par mdzad pas de la de skad ces bya'o/ /yang na yul 'khor skyong ba ni zhing skyong rnams so/ /de dag nyid dang po'i lha ste/ de rnams kyi dkyil 'khor ni de dag gi dkyil 'khor ba dang bcas pa'o/ /yang na yul 'khor skyong ba ni phung po khams dang skye mched rnams so/ /de dag nyid ni rnam par snang mdzad la sogs pa'i

  525. 263a

    rang bzhin yin pa'i phyir dang po ni lha'o/ ye shes rnam shes lus kyi ni/ /las la sogs pa ji ltar sbyor/ /zhes bya ba la/ ye shes ni brtan pa dang mi brtan pa dang srid pa dang mi srid pa la sogs pa'o/ /rnam shes ni 'tsho ba ste/ de dag dang ldan pa'i lus gyi'o/ /las ni legs par bya ba la sogs pa ste/ der sbyor ba'o/ /'khor ba las sgrol zhes bya ba la sogs pa ni lan gsum pa yin te/ 'khor ba las sgrol ba ni 'khor ba'i pha rol tu sgrol ba ste byang chub tu'o/ /de 'dis mtshon par byed pas na de nyid de rlung gi de kho na nyid do/ /ji bzhin ni phyin ci ma log pa'o/ /rdo rje ni phyag na rdo rje ste/ kye phyag na rdo rje ji lta ba bzhin gyi rlung gi de kho na nyid/ gang gis 'khor ba'i pha rol tu sgrol bar byed pa nyon cig ces bya bar sbyar ro/ /de nyid gsungs pa/ dbugs kyi las la sogs thams cad/ /ye shes can gyi las su sbyar/ /zhes bya ba ste/ nyon cig ces bya ba dang 'brel to/ /las ni dbugs kyi bya ba ste/ de kho na nyid do/ /sogs kyis ni dam pa dang gtso bo zhes bya ba'i bar du gzung ngo/ /thams cad ye shes can ni srog chags thams cad do/ /sbyar ba ni sbyor bar 'gro pa'o/ /de cig zhig ce na/ las su zhes bya ba ste las kyis so/ /'dir gsum pa mi mngon pa yin te/ dbang chen la sogs pa'i sbyor ba'i las kyis zhes bya ba'i don to/ /dbugs kyi las gsungs pa/ nyi khri dang ni chig stong dang/ /drug brgya ru ni brtsi bar bya/ /chu tshod drug cu'i dbugs rnams kyis/ /nyin mtshan du ni grags pa yin zhes bya ba la/ /nyi khri ni khri phrag gnyis so/ /chig stong ni stong phrag gcig go /drug brgya ni brgya phrag drug go /brtsi ba ni de dag bgrang ba'o/ /gang du zhe na/ chu tshod drug

  526. 263b

    cu zhes bya ba gsungs te/ chu tshod ni dbyug pa'o/ /drug cu ni bcu phrag drug ste der bgrang ba'o/ /dbugs rnams ni 'das ma thag pa'i brgya phrag drug dang bcas pa'i stong phrag nyi shu rtsa gcig ste/ nyin mtshan du ni grags pa yin/ /zhes bya ba ni nyin mtshon gyi dbugs ji snyed pa grangs des 'da' ba' o/ /'byung dang 'jug pa'i dbugs dag ni/ /'byung ba'i grangs kyis brtsi bar bya/ /zhes bya ba la/ 'byung ba'i dbugs ni rlung phyir 'gro ba'o/ /'jug pa ni de las bzlog pa ste/ dag ces bya ba ni 'byung ba dang 'jug pa'i dbugs te gnyis las so/ /'byung ba'i grangs kyis brtsi bar bya/ /zhes bya ba la/ grangs ni bgrang ba'o/ /brtsi ba ni mtshon pa ste/ rlung phyir 'gro ba'i grangs bzung bas mtshon par bya ba'o/ /ji ltar bya zhe na/ blo dang ldan pas dbugs gnyis ni/ /'jug pa 'byung la thim par bya/ /zhes bya ba la/ blo dang ldan pa ni blo gros dang ldan pa ste/ phyag na rdo rje la bod pa'o/ /dbugs gnyis ni 'byung ba dang 'jug pa'o/ /'jug pa 'byung ba la thim pa ni 'jug pa 'byung ba la thim pa ste/ gcig tu gyur pas zhes bya ba'i don to/ /de bzhin sa ni bcu gnyis la/ /phyi rol mtshan ma bzhag bya ste/ /zhes bya ba la/ phyi rol gyi mtshan ma ni dbugs kyi las las gzhan pa'i ri mo ste/ mtshan ma ni ri mo'o/ /sa bcu gnyis zhes bya ba ni ri'u mig bcu gnyis la'o/ /de nyid gsungs pa/ chos grangs mtshan ma ji bzhin du/ /re'u mig bcu gnyis rnams su bzhag ces bya ba la/ re'u mig bcu gnyis po de rnams 'bugs rnams 'jug pa'i tshes gcig la sogs pa nas nyi ma bcu gnyis pa'i bar du tshes grangs gang dang gang gi ming de dang/ de'i mtshan ma bri'o zhes bya ba'i don to/ /go rims bcu gnyis rab 'bad pas/ /shar nas dpyid zla 'bring sogs bzhag ces bya ba la

  527. 264a

    rang 'bad pas zhes bya ba ni/ mchog tu gus pa'i rnal 'byor pas so/ /go rims ni zla ba'i go rims ji bzhin te/ dpyid zla 'bring po dang tha chung la sogs pa'i rim bzhin du'o/ /shar ni shar phyogs kyi re'u cha ste/ shar dang byang shar la sogs pa'i re'u mig la g.yon skor du bri ba ni bzhag pa ste/ 'bad pa'i tshig gis na lug la sogs pa'i ra si yang yin par blta'o/ /pri ba de nyid gsungs pa/ ro hi ta dang zhes pa la sogs pa ste / tshes gcig la sogs pa'i nyi ma rnams dang/ dpyid zla 'bring po la sogs pa'i zla ba rnams dang/ lug la sogs pa'i ra si rnams la rim bzhin du/ ro hi ta la sogs pa'i sgrar brjod do/ /sa dbang bcu dang gnyis zhes bya ba las ni sa bcu gnyis te/ re mig rnams yin la/ de rnams kyi dbang phyug ni ro hi ta la sogs pa'o/ /de dag ni nyin zhag gcig la ro hi ta la sogs pa bcu gnyis su 'gyur bar bya ste/ de la ro hi ta ji bzhin du ma ka ra ste grang gsum gyi'o/ /mo hi ta dang kur ma la ni bzhi'i 'o/ /b+ha tra dang b+h+re sha pa ni lnga'i 'o/ /ra d+ha dang ka ma la yang lnga'i'o/ /b+hi tri dang bya ku li la ni drug gi'o/ /mi ki ra dang swa pa la ni bdun gyi ste/ tho rangs kyi chu tshod gsum ni ro haM ta'o// de'i 'og tu bzhi ni mo haM ta'o/ /de'i 'og tu lnga ni b+ha tra'o/ /de'i 'og tu de dang 'dra ba ni b+hi sha ba'o/ /de'i 'og tu bzhi ni kur ma'o/ /de'i 'og tu gsum ni ma ka ra'o/ /de'i 'og tu lnga ni ra d+ha'o/ /de'i 'og tu bdun ni mi ki ra'o/ /de'i 'og tu drug ni b+hi tri'o/ /de'i 'og tu de dang 'dra ba ni bya ku li'o/ /de'i 'og ma bdun ni swa pa na'o/ /de'i 'og ma lnga ni ka ma ste/ de dag ni nyin zhag gcig gi chu tshod drug cu yin la/ de yang tshes dang zla ba dang ra si'i chu tshod

  528. 264b

    'dzom na ji skad smos pa bzhin du 'gyur gyi gzhan du na 'gyur ro/ /dgod pa nye bar bsdus pa gsungs pa/ 'di dag shar sogs re'u mig la/ /go rims bzhin du dgod par bya/ /zhes bya ba ste/ ro hi ta la sogs pa 'di dag gi mtshan ma sngar smos pa bzhin du/ rim bzhin dgod par bya'o zhes bya ba'i don to/ /'on kyang dpyid zla tha chung la sogs pa'i zla ba rnams la/ tshes gcig la sogs pa so so'i ming gis 'khor bar shes par bya ste/ dpyid zla tha chungs kyi tshes gcig ni mo hi ta'o/ /de bzhin du bcu gnyis pa'i bar du yang ro haM ta'i mthar thug pa sbyor ro/ /dbyar zla ra ba'i tshes gcig ni b+ha dra'o/ /de bzhin du bcu gnyis pa ni mo hi ta'o/ /zhes bya ba la sogs pa dpyid zla 'bring bo'i bar du so sor sbyar bar bya'o/ /ro hi ta zhes bya ba la sogs pa la skal ba bzang zhes bya ba ni skye bos dga' bar blta ba'o/ /gdug pa'i sems la nad bu can zhes bya ba la gdug pa'i sems ni gnod par sems pa ste/ phan par ma yin pa'o/ /nad bu can ni me drod chung ba'o/ /rtag tu mdza' 'khob gtso bo ste/ /zhes bya ba ni mdza' 'khob kyi yul bzang por rgyal po la sogs par 'gyur pa'o/ /'khrig pa la ni rtag tu dga' zhes bya ba ni/ dga' ba'i don du gnas dang gnas ma yin pa'i dpyad pa med par 'jug pa'o/ /thams cad du ni snyan par smra/ zhes bya ba la/ thams cad du ni rtag tu'o/ /snyan par smra ba ni tshig rtsub mo med pa'o/ /ro hi ta la lha mchod cing zhes bya ba ni ro hi ta la skyes pa'i mis ro hi ta'i dus nyid du lha mchod par 'gyur ba ste/ dus dang skye ba dang sbyar ba 'di ni 'og tu yang blta bar bya'o/ /de bzhin tshe lo bdun cu thub ces bya ba ni/ tshe'i mdza' bdun cur nges pa'o/ /ro hi ta la nor btang na/ /mdza' bo thams cad ldog par 'gyur zhes bya ba la/ nor btang ba ni bun tu btang ba la sogs pa'o/ /mdza'

  529. 265a

    po ldog pa ni bu lon de nyid la brten nas 'gras par 'gyur ba'o/ /ro hi ta la lus rmas na zhes bya ba ni mtshon gyis rma srol btod pa'o/ /dpal dang kun tu phrad par 'gyur zhes pa ni gzhan gyi g.yang 'gugs pa'o/ / ro hi ta la gnas brten na/ /grogs dang nor gyis rgyas par 'gyur/ /zhes bya ba ni ro hi ta'i dus su brten pa'i gnas der nor dang g.yog la sogs pa 'phel ba'o/ /ro hi ta la 'gron zhugs na/ bsam pa thams cad mngon par 'grub/ / zhes bya ba ni/ gang gi phyir lam du bzhugs pa'i don de 'grub pas na de'i phyir 'gro bar bya'o/ /zhes bya ba'i don to/ /bag ma blangs dang me yi las/ /zhi ba'i las ni sbyar bar bya/ /zhes bya ba la/ me'i las ni sbyin sreg la sogs pa'i las te/ zhi ba'i las zhes bya ba ni bgegs med par 'bras bur 'gyur ba'o/ /kha cig ni nor bsgyur ba'i bya ba la/ btso sreg la sogs pa ni me'i las so zhes zer ro/ /mo hi ta'i don sbyor ba/ /bgrang ba nyid kyis shes par bya/ /zhes bya ba la/ don sbyor ba ni don gyi tshogs so/ /bgrang ba zhes bya ba ni/ re'u mig bcu gnyis pa bris pa'i rtsis te/ des shes par bya ba'o/ /sems chung la zhes bya ba ni/ sems phra ba'i mtshan nyid can no/ /'khrig pa la ni rtag tu dga' zhes bya ba ni/ rtag tu 'khrig thabs don du gnyer ba'o/ /ca cor ldan zhes bya ba ni/ 'thab rtsod mang ba'o/ /khro la nga rgyal snying stobs med/ /sdig pa med cing ngang tshul ngan/ /zhes bya ba la/ khro ba ni gtum pa'o/ /nga rgyal ni khengs sems so/ /sdig pa byed pa ni srog gcod pa la sogs pa byed pa'o/ /ngang tshul ngan pa ni spro thung ba'o/ /yang na lus kyi cha lugs mi sdug pa'o/ /khyal ba dang ni tshig rtsub smra/ /zhes bya ba ni gang dag don med par mang du smra ba dang/ brlang bar

  530. 265b

    smra ba de la de skad ces bya'o/ /mtshon gyis nges par 'chi bar 'gyur/ /zhes pa ni go sla'o/ /gzhung kha cig las ni kun tu 'chi bar sems pa'o/ /zhes 'byung ste/ mtshon cha la sogs thams cad kyis bdag nyid bsad par sems shing des 'chi bar 'gyur ba'o/ /yang na tshe lo brgyad cu ni/ /rtsa bzhi dag tu rab tu grags/ /zhes bya ba ni/ yang na de'i tshe lo drug cu rtsa lnga las brgyad cu rtsa bzhir ring du gnas pa'o/ /rung ba'i sa ni spong byed cing/ /mi rung sa la brtson par 'gyur// zhes bya ba la rung ba'i sa ni gnas te bya bar 'os pa'o/ /mi rung sa ni gnas ma yin pa ste bya bar mi 'os pa'o/ /lhag ma ni go sla'o/ /lus kyi yan lag smras na ni/ /'chi bdag dang ni phrad par 'gyur/ /zhes bya ba ni/ mtshon gyis nges bar 'chi bar 'gyur/ /zhes bya ba'i bshad pa yin no/ /gal te cung zad nor gtong na/ /gtang ba slar ni mi ldog go /zhes bya ba ni skyes bu des btang ba'i bun la sogs pa rnams slar khugs par mi 'gyur ba'o/ /b+ha tra zhes bya ba la sogs pa la/ kha zas bzang po za ba dang/ /zhes bya ba ni zhing la sogs pas 'tsho ba'o/ /bzang po'i las ni byed 'gyur zhing/ /zhes bya ba ni/ zhi ba'i las la sogs pa la gzhol bas so/ /lo brgya ru ni 'tsho bar 'gyur/ /zhes bya ba ni go sla'o/ /dbul la chos ni spyod pa dang/ /zhes bya ba la/ dbul ba ni nor nyung ba'o/ /chos ni mtho ris dang byang grol gyi rgyu mtshan de bsod nams kyi chos so/ /chung ma gcig gis tshim pa'i lus/ /bzang po smra ba'i gtso bor 'gyur/ /zhes bya ba la chung ma gcig gis tshim pa ni chung ma gcig gis chog pa'o/ /bzang po ni mdzes pa ste/ /lus dang ngag mdzes pa'o/ /gtso bo ni smras pa bzhin skye bo rnams byed par 'gyur ba'o/ /bzo rnams kun dang dus tshod

  531. 266a

    rig ces bya ba la/ /bzo rnams ni ri mo 'dri ba la sogs pa'o/ /kun gyi sgras ni mang bar bstan pa'o/ /dus tshod ni rig pa ste/ rig pa ni shes pa'o/ /reg pa de dag gang zhe na/ rig byed bzhi dang dpyod pa dang/ /tshul ni rgyal ba'i bstan bcos drug /chos dang gtsug lag mna' yi rangs/ /rnam pa gsum du brjod pa dang/ /gso ba rig dang 'phong gi dpyad/ /rol mo dang ni rnam pa gsum/ /nor gyi bstan bcos thun mong ba// bslab dang brtag dang brda sprod dang/ /nges tshig sdab sbyor skar ma'i dpyad/ /yan lag drug ces bya ba ste/ /bslab pa glang chen gdul la sogs/ /brtag pa dran pa'i bstan bcos sogs/ /'di dag mdo ru bsdus pa ni/ /rig pa'i gnas ni bcu dang brgyad/ /ces la gang yin pa'o/ /rtag tu rang gi gnyen dang mdza' zhes bya ba ni rang gi gnyen rnams la lhag par spro ba'o/ /chang pa spyod pa'i rigs can te zhes bya ba ni chad pa gcod pas longs spyod 'gugs pa'o// yang na rigs kyi bdag nyid chen pos 'tsho ba'o/ /de bzhin lus ni chu ru 'chi/ /zhes bya ba ni go sla ba'o/ /b+he sha ba zhes bya ba la sogs pa la/ brtson 'grus ldan zhing dgra la dpa' zhes bya ba ni brtson 'grus kyis dgra rnams zil gyis gnon pa'o/ /lhag ma ni go sla'o/ /rtag tu gnyen ni mang ba ste zhes bya ba ni rigs dang nye du dang snag? gi gnyen mtshams mang po dang ldan pa'o/ /pha'i srog ni 'joms par byed ces bya ba ni skyes ma thag tu pha'i tshe 'joms pa ste 'chi bar 'gyur ba'o/ /lhag ma rnams ni go sla'o/ /snyoms las mu chor smra ba dang/ /zhes bya ba ni mang du smra ba dang le los zin pa'o/ /gdug cing las dang ngang tshul ngan zhes bya ba 'di'i don

  532. 266b

    ni bshad zin to/ /mtshon gyis 'chi bar 'gyur ba 'am/ /yang na srog chags gdug pas so zhes bya ba ni mtshon cha dang sprul la sogs pa'i dug gis srog 'joms pa'o/ /kur ma zhes bya ba la sogs pa rtag tu sems khral can du gnas/ zhes bya ba ni rtag tu gzhan gyi bya ba la sems pas gnas pa'o/ /gzhung kha cig las/ sems med par ni gnas pa yin zhes 'byung/ /de'i tshe snga ma de las bzlog pa yin no/ /chung gis khro zhing chung gis mgu zhes bya ba la sogs ni go sla'o// drag shul che zhes bya ba ni gtum pa'o/ /lhag par khro ba ni gnas ma yin par khro ba'o/ /phyug cing thams cad gtong la dga' / /zhes bya ba ni zang zing dang ldan zhing ldan pa rnams gtong ba'o/ /bu dang chung ma 'chi bar 'gyur zhes bya ba ni bu dang chung ma yun ring du mi 'tsho ba'o/ /lhag ma ni go sla'o/ /de bzhin rang gi yul du 'chi zhes bya ba ni legs par bsams bzhin du 'chi ba'o/ /ma kar zhes bya ba la sogs pa la/ tshe ni dgu gsum drug cu ste/ zhes bya ba la dgu dang gsum dang drug cus ni/ bdun cu rtsa gnyis so/ /gzhung kha cig las ni dgu bcu dang ni drug yin te/ zhes 'byung ste/ dgu bcu rtsa drug go /tshul khrims phun tshogs bsod nams ldan zhes bya ba la/ tshul khrims ni dge ba la 'jug pa dang/ mi dge ba la ldog pa dang gzhan gyi don byed pa ste gsum mo/ /bsod nams ni sbyin pa dang mchod pa la sogs pa'o/ /'dul ba dang ni spyod pa srung zhes bya ba la/ 'dul ba ni dbang po bsdams pa'o/ /spyod pa ni skye bo rnams kyi chos lugs so/ /lhag ma ni go sla'o/ /chung ma gcig ni shin tu gsal zhes bya ba ni gang la chung ma khyad par du 'phags pa gcig yod pa de la de skad ces bya'o/ /rtag tu sems ni lhod pa ste/ /zhes bya ba la/ lhod pa ni sdug bsngal ba ste/ gzhan gyi sdug bsngal mthong?

  533. 267a

    na btags pa dang 'dra bar btul ba'o/ /gnyen gyi nang na gcig pu gtso zhes bya ba ni/ de'i nor la gnyen rnams dang thun mang du spyod pa'o/ /lhag ma ni go sla'o/ /tshe lo lnga bcu rtsa lnga dang/ /yang na drug cu 'am sum cu'o/ zhes bya ba la/ drug cu 'am sum cu zhes bya ba ni lung gi tshig ste/ man ngag las bcu'i tshig phyi nas drug cu rtsa gsum du shes par bya'o/ /de dag gis ni de'i tshe tshad thung shos rnam pa gnyis gsungs so/ /dand+ha zhes bya ba la sogs pa la rtag tu sdig pa'i blo can te zhes bya ba ni mtshams med pa byed pa la sogs pa'i blo dang ldan pa'o/ /rtag tu dbul zhing kha gsag can zhes bya ba la/ kha gsag ni kha 'jam smra ba'o/ /lhag ma ni go sla'o/ /gzhan dag la ni yid mi rton zhes bya ba ni blo mi gtong pa'o/ /zol dang bzo sogs kun rig pa zhes bya ba la/ zol gyi bzo ni bu don dang nor bu bsgyur ba la sogs pa'o/ /sogs pas ni blang po che bzhon pa la bsdu'o/ /lhag mi ni bshad zin to/ /mi ki ra zhes bya ba sogs pa la mi ki ra yi zhes bya ba ni mi ki ra la zhes gnyis par shes par bya ste/ dus dad lam dang shin tu sbyor/ /las kyi sgrar ni bshad pa yin/ /zhes gsungs pa'i phyir ro/ /tshes shes rang gi rigs kyang mtho/ zhes bya ba la/ mtho ba ni bstod pa ste/ gang gis rang gi rigs gong nas gong du spel bar byed pa de la de skad ces bya'o/ /lugs kyi bstan bcos zhes bya ba ni rgyal khrims la sogs bstan bcos so/ /bzo zhes bya ba ni gar la sogs pa'o/ /rig pa ni 'phong gi dpyad pa sogs pa'o/ /lhag ma ni go sla'o/ /bya ba thams cad myur bar 'grub ces bya ba ni dgos pa rnams tshegs med pas phyi bshol med par bsgrub pa'o/ /lhag ma ni go sla'o/ /b+hi tri ka zhes bya ba la sogs pa la de bzhin rang gi khyim na

  534. 267b

    gtso zhes bya ba ni gtso bo pha dang ma med pa'i phyir ro/ /las dang sems khral chung ba ste/ /zhes bya ba la/ chung ba ni dman pa ste/ rigs ngan gyi bya ba byed pa'o/ /gzhung kha gcig las/ rang gi sems kyi las can te zhes 'byung ste/ las rnams rang gis bsams bzhin du byed pa'o/ /dpung rnams kyi ni gtso bo nyid/ /ces bya ba ni dmag dpon du 'gyur ba'o/ /lhag ma ni go sla'o/ /sdug phongs rnams la brtse bar ldan zhes bya ba la/ sdug pa ni sdug bsngal ba'o/ /phongs pa ni rigs la sogs pas dman pa'o bya ku li zhes bya ba la sogs pa la/ blo chung zhes bya ba ni blo gros dman pa'o/ /ngan par smra ba ni gnas ma yin par smra ba 'am/ skyon sgrogs pa la dga' ba'o/ /shes rab zhan pa ni gren pa'o/ /lhag ma ni bshad zin? to/ /nor dang ba lang shin tu phyug ces bya ba ni nor rnams dang ba lang rnams mang pa'o/ /khyim na chung ma gsum la sogs zhes bya ba ni khyim gcig na chung ma gsum las mi nyung bar yod pa'o/ /lhag ma ni go sla'o/ /lhan cig tshong gi rgyu yis 'chi zhes bya ba la/ lhan cig zhes bya ba ni nor rnams dang lhan cig tu ste/ nor dang bcas par brlag par 'gyur pa'o/ /tshong gi rgyu yis 'chi zhes bya ba ni tshong sa nyid du 'chi ba 'am/ nor don du gnyer ba'i rgyu mtshan nyid kyis 'chi ba'o/ /sbyor ba brtsam pa'i mtshan ma la/ /ye shes can gyis bgrang bar bya/ /zhes bya ba la sbyor ba zhes bya ba ni ro hi ta la sogs pa'i dus tshod do/ /mtshan ma ni ji ltar bstan pa bzhin du bris pa'o/ /gang du shes par bya zhe na/ bgrang bar bya zhes pa gsungs te re'u mig bcu gnyis bri pa'i gnas su'o/ /swa pa ni zhes bya ba la sogs pa la/ mgon med rnams kyi rtsa lag ste/ /zhes pa ni pha ma la sogs pa med pa rnams la de'i bya ba byed pa'o/ /lhag ma ni go sla'o/ /bdag nyid seng+ger sems pa dang zhes bya ba ni bdag las bzed pa

  535. 268a

    gzhan su yang yod pa ma yin te/ bdag 'ba' zhig bzang ngo snyam pa'i khengs sems yod pa'o/ /lhag ma ni go sla'o/ /gzhan las brten pas 'tsho ba dang zhes bya ba ni rgyal po'i 'khor la sogs pa'i las kyis 'tsho ba'o/ /lhag ma ni go sla'o/ /ka ma zhes bya ba la sogs pa la/ nor dang 'bru dang gro dang ni/ /phyugs dang rta sogs bzhon par ldan zhes bya ba ni gser la sogs pa'i nor rnams dang/ sA lu la sogs pa 'bru'i phung po la spyod cing/ grong khyer ba rnams kyi dpon por bstabs nas/ phyugs la sogs pa mang du bsten pa de la de skad ces bya'o/ /lhag ma ni go sla'o/ /da ni re'u mig bcu gnyis su bkod pa'i nye bar bsdu bar gsungs pa/ /sbyor ba'i mtshan ma bstan pa rnams/ /ngas bshad pa la the tshom med/ zhes bya ba la/ sbyor ba ni ro hi ta la sogs pa'o/ /mtshan ma ni mtshon par bya ba ste/ rim pa de dang des shes par bya ba'o/ /nga bshad pa la the tshom med ces bya ba ni/ /ngas ji ltar gsungs pa'i tshig la yid gnyis ma byed cig ces rdo rje 'dzin pa'i bka' lung ngo/ /da ni skar ma la sogs pa mi gsal ba rnams mtshan nyid kyi sgo nas shes par bya ba'i phyir/ ro hi ta zhes bya ba la sogs pa gsungs te/ ro ha ta zhes bya ba ni/ ro hi ta la skyes pa'i mi'o/ /ni zhes bya ba ni nges par gzung ba ste/ lha la mchod par byed par ro/ /des ni 'di skad du/ ro hi ta la skyes pa'i mi ni byis pa nas gzung ste nges par lha mchod par 'gyur ba'o/ /zhes ston to/ /mo hi ta la zhes bya ba ni mo hi ta la skyes pa'i mi'o/ /nor la bskam zhes bya ba ni nor la sreg cing nor rnyed par 'gyur pa'o/ /b+ha dra kha zas bzang po za/ /zhes bya ba ni b+ha dra las skyes pa'i mi'i rang bzhin nges par zas bzang ngo rnyed par 'gyur ro/ /pre

  536. 268b

    sha ba la mang du khro zhes bya ba ni bra sha ba la skyes pa'i rang bzhin nges pa ni lhag par khro ba zhes pa'i don to/ /kur ma zhes bya ba la sogs pa ni go sla'o/ /'brel bar smra zhes bya ba ni mang du smra ba'o/ /rand+ha la ni sdig sems can/ /mi ki ra ni 'khrig la brten zhes bya ba yang go sla'o/ /b+ha tri ka ni gnyid log cing zhes bya ba ni/ b+ha tri ka la skyes pa'i mi'i rang bzhin ni gnyid che ba'o/ /bya ku li ni bA rdol lo zhes bya ba ni/ bya ku li las skyes pa'i mi'i rang bzhin ni gnyid log tsam na bla rdol du smra ba'o/ /swa ba ni la rang nyid sems zhes bya ba ni sems pa la dga' ba'i bdag nyid do/ /ka ma zhes bya ba la sogs pa la/ ka ma la skyes pa'i mi'i rang bzhin ni glu la sogs pa'i rol mo la dga' ba'o// //de la lug gi chu tshod gsum la/ tha skar dang/ pra nye dang smin drug gi bzhi cha gcig ste dgu'o/ /de'i 'og tu khyu mchog gi chu tshod bzhi la/ smin drug gi bzhi cha gsum dang/ snar ma dang mgo'i phyed do/ /de'i 'og tu 'khrig pa'i chu tshod lnga la/ mgo'i phyed dang lag dang nab so'i bzhi cha gsum mo/ /de'i 'og tu karka Ta'i chu tshod de dang 'dra ba la/ nab so'i bzhi cha gcig dang/ rgyal dang/ skag go /de'i 'og tu seng ge'i chu tshod bzhi la/ mchu dang gre dang dpo'i bzhi cha gcig go /de'i 'og tu bu mo'i chu tshod gsum la dbo'i bzhi cha gsum dang/ me bzhi dang/ nag pa'i phyed do/ /de'i 'og tu srang gi chu tshod la/ nag pa'i phyed dang/ sa ga dang sa ri'i bzhi cha gsum mo/ /de'i 'og tu sdig pa'i chu tshod bdun la/ sa ga'i bzhi cha gcig dang/ lha mtshams dang snron no/ de'i 'og tu gzhu'i chu tshod drug la/ snrubs dang chu steng dang/ /chu smad kyi bzhi cha gcig/ /de'i 'og tu chu srin gyi chu tshod de 'dra ba la/ chu smad kyi bzhi cha gsum dang/ gro zhun dang mon gru'i phyed do/ /de'i 'og tu bum pa'i chu tshod bdun pa/ mon

  537. 269a

    gru'i phyed dang/ mon gre dang/ khrums stod kyi cha gsum mo/ /de nas nya'i chu tshod lnga la/ khrums stod kyi cha gcig dang/ khrums smad dang nam gru'o/ /de ltar na lag la sogs pa'i nyi ma rnams ni skar ma gsum la longs spyod par blta'i re rer ma yin no/ /ro hi ta la sogs pa'i sgras brjod pa'i chu tshod gsum la sogs pa'i sbyor ba rnams la go rims ji lta ba bzhin du zhi ba la sogs pa'i las rnams bya'o/ /zhes bstan pa'i phyir/ ro hi ta la zhi ba'i las/ /zhes bya ba la sogs pa smos te go sla'o/ /ra yi khyu mchog grub pa ste/ /bdud rtsi sbyor ba skye bar 'gyur zhes bya ba la/ ra ni rwa can no/ /khyu mchog ni gtso bo ste/ ro hi ta dang ma ka ra dang dand+ha dang mi ki ra rnams so/ /de dag ni b+ha tra la sogs pa'i rwa las ltos na khyu mchog yin no/ /grub pa zhes bya ba ni byar med pa ste shi zin pa dang 'dra ba'o/ /byar med pa nyid bstan pa'i phyir/ bdud rtsi'i sbyor ba skye bar 'gyur/ /zhes bya ba smos so/ /yang na bsting ba'i tshig go / 'khor lo bri ba'i dus la sogs pa'i nges pa bstan pa'i phyir/ shar zhes bya ba la sogs pa smos te/ shar phyogs kyi re'u cha la ro hi ta bkod la/ sogs kyis ni dbang ldan gyi re'u cha la sogs par mo hi ta la sogs pa dgod par bya ba'i don to/ /snga dro ni tho rangs kyi dus su'o/ /brtsi ba ni bgrang bar bya'o/ /tho hi ta la nor btang na zhes bya ba'i stan pa bshad pa'i phyir/ ro hi ta la zhes bya ba la sogs pa smos te/ ro hi ta la btang ba'i nor gal te ldog pa na/ phyug cing rgyags pa nyid kyang ldog par 'gyur ro/ zhes bya ba'i don to/ /mo hi ta'i yang gal te cung zad nor gtong na zhes bya la sogs pa'i bstan pa bshad pa'i phyir/ mo hi ta zhes bya ba la sogs pa smos te/ mo hi ta la nor sdud pa ni gzhan gyis dgag pa ste/ gnod

  538. 269b

    par bya ba mi nus pa'o/ /b+ha dra la ni khyim brtsams no/? /dpal dang yang dag phrad par 'gyur zhes bya ba b+ha tra'i sbyor bas khyim brtsegs na dpal dang ldan par 'gyur ba'o/ /pre sha lha'i rnal 'byor gyis/ /sngags ni kun tu 'grub par 'gyur/ /zhes bya ba la/ pre sha'i sbyor ba la lha ste ston pa'i sku gzugs la sogs pa brtsams pa dang/ sngags de ston pa'i sngags bzlas pa brtsams na kun tu ste kun nas yang dag par 'grub par 'gyur ba'o/ /kun ma'i sbyor bas bag ma blang/ /thams cad du ni 'bral mi 'gyur zhes bya ba la/ kur ma'i sbyor ba ste/ dus tshod la bag ma blangs na/ dus thams cad du dga' zhing mdza' la mi 'bral bar 'gyur ba'o/ /ma ka ra la zhing btab na/ /gdon mi za bar 'bru rnams 'phel zhes bya ba ni/ ma ga ra'i sbyor ba la sa bon gdab pa brtsams na 'bru rnams 'phel zhing smin par 'gyur ba'o/ /ra d+har bud med 'grod byas na/ /shi bar 'gyur kyang mi gtong ngo/ /zhes bya ba ni ra d+ha'i sbyor ba la bud med dang chags pa spyad na bud med de skye ba gzhan du yang de yid 'gyur ba'o/ / mi kir la tshong byas nas/ /gtams pa da lta len par snang/ /zhes bya ba ni mi ki ra'i sbyor ba la tshod byas pas thob pa'i nor ni skye ba snga ma la sogs pa la/ bzhag pa'i nor len pa ltar snang bar 'gyur ro/ /rtag tu bstan par bzhag bya ba'i/ /la sogs b+hi tri ka la gzung zhes bya ba ni bi tri ka'i sbyor ba la gang gzung ba de yun ring du gnas par 'gyur ba'o/ /zhes bya ba'i don to/ /bya gu li la 'gron zhugs na/ /'tshe ba med par gnas su phyin zhes bya ba ni bya ku li'i sbyor ba la/ yul mdza' 'khod du 'gro na lam du zhugs na nad dang chom po la sogs pa'i 'tshe ba med par der gnas pa'o/ /swa ba nas thams cad kun tu ni/ /nges par rtag tu mngon par 'ong zhes bya ba ni swa ba na'i sbyor ba la gang zhig 'gro ba de slar yang ldog par 'gyur ba'o/ /ka ma la ni nor btang na//

  539. 270a

    btang ba slar la ldog mi 'gyur zhes bya ba ni go sla'o// //klu rnams la yang ro hi ta la sogs pa'i sgras brjod par bstan pa'i phyir/ ro hi ta ni nor rgyas bu zhes bya ba la sogs pa smos te go sla'o/ /'di dag dug sbyor rim pa bzhin/ /bye brag tu ni shes par bya zhes bya ba la/ sbyor ba zhes bya ba ni ro hi ta la sogs pa'o/ /dug gi rim pa zhes bya ba nyid 'di dag ces bya ba ste/ nor rgyas la sogs pa'o/ /bye brag tu ni shes par bya zhes bya ba ni de dag sbyar te so sor shes par bya ba 'am/ gsor rung dang mi rung ba'i bye brag shes par bya ba'o/ /de nyid kyi phyir gsungs pa/ ra'i khyu mchog ces bya ba la sogs pa de bshad zin to/ /gang gi mche bas mngon zin pa/ zhes bya ba ni klu gang gi mche bas zin pa'i sems can te/ dug sbyor rim bzhin shes par bya zhes bya ba snga ma dang 'brel lo/ /'chi bdag dang ni phrad gyur pa'o/ /zhes bya ba ni 'og nas 'byung ba'i tshul gyis dus la bab pa dang ma bab pa shes par byas la/ gal te dus la bab pa'i tshe mche ba bzhis zin na de'i tshe slar ldog go zhes pa'i don to/ /dug bsdu ba'i sbyor ba dag /gzhan la dug na sbyor bar bya zhes bya ba la/ gzhan la dug ni sbyar ba zhes bya ba ni dus la ma bab pa'i sbyor ba'i dug rnams la'o/ /dug bsdu ba'i sbyor ba dag ces bya ba ni bya zhes bya ba dang 'brel to/ /'og nas 'byung ba'i sbyor bas 'chi ba'i dus la ma bab pa'i mche ba brgyad kyis zin pa 'phrog pa ste/ pho nya dang gzung ba'i gnas dang/ tshes dang skar ma dang/ dus tshod rnams las dus la bab pa dang ma bab par shes par byas la sbyar ro zhes pa'i don to/ /da ni zla ba rnams kyi nyin zhag gi chu tshod kyi grangs nges pa bstan par bya ba'i phyir/ dus kyi mtshan ma zhes bya ba la sogs pa smos te/ dus kyi mtshan ma ji bzhin du/ /go rims rim pa bzhin du bya/ /zhes bya ba ni re'u mig bcu gnyis la/ dpyid zla'i

  540. 270b

    'bring po la sogs pa'i zla ba rnams/ /g.yon skor gyi re'u mig gang dang gang yin par zla ba de dang de'i mtshan ma bris la brtsi'o/ /zhes bya ba'i don te/ /dpyid zla 'bring sogs rims bzhin du zhes bya ba ni nyi ma byang du 'gro ba na/ dpyid zla 'bring po'i gnas stong nas gzung nas brtsam par bya'o/ /'gro ba'i tshe zhes bya ba ni dus so/ /byang du zhes bya ba ni lhor 'gro ba dang/ byang du 'gro ba gnyis las lo'i rtsom pa yin pa'i phyir byang du 'gro ba gtso bo nyid du bstan pa'i phyir ro/ /ji lta'i dus bzhin mtshan ma ni/ /rim gyis rim gyis sbyar bar bya zhes bya ba ni zla ba gang dang gang ni nyi ma de dang der re'u mig bcu gnyis la/ phyi rol gyi rtsis kyis bgrang ba'i rim bzhin shes par bya'o/ /nyin mo'i chu tshod so sor ni/ /mkhas pas bcu gnyis bzhir bsgyur bya/ /mtshan mo drug dang bcu gsum bsgyur/ /chu tshod mkhas pas brtsam par bya zhes bya ba la/ nyi ma byang du 'gro ba'i tshe gnam stong nas gzung ste/ dpyid zla 'bring po'i nyi ma so so la/ nyi ma bcu gnyis su bsgyur ba ste/ nyi shu dang yang bzhi ste/ chu tshod nyi shu rtsa bzhi'o/ /mkhas pas zhes bya ba ni brtsam par bya/ zhes bya ba dang sbyar ro/ /mtshan mo zhes bya ba 'dir yang so so zhes bya ba 'di dang sbyar te ?bcu gsum bsgyur zhes bya ba ni bcu phrag gsum du bsgyur ba ste/ drug zhes bya ba ni gzhan drug ste/ de ltar na chu tshod sum cu rtsa drug go /de ltar thams cad du sbyar zhing rdzogs par bya'o/ /'di'i bsdus pa'i don ni dpyid zla 'bring po'i nyin mo rnams la ni chu tshod nyi shu rtsa bzhi yin la mtshan mo rnams la ni chu tshod sum cu rtsa drug yin no zhes bya ba 'di yin no/ /re'u mig dang por son pa'i zla ba'i bstan nas/ re'u mig gnyis pa'i zla ba'i yang bstan pa'i phyir/ re'u mig dag ni gnyis pa la zhes bya ba la sogs pa smos te/ re'u mig gnyis pa la zhes bya ba ni re'u mig gnyis par son pa'i dpyid zla tha chung gi'o/ /nyin mo zhes bya ba ni nyi ma'i cha la'o/ /drug dang bcu gnyis bsgyur zhes bya ba ni nyi shu

  541. 271a

    rtsa drug go /mtshan mo zhes bya ba ni mtshan mo'i cha la'o/ /bzhi dang bcu gsum bsgyur ba zhes bya ba ni sum cu rtsa bzhi'o/ /dpyar zla ra ba'i bstan pa'i phyir gsungs pa/ brgyad dang zhes bya ba la sogs pa la/ brgyad dang bcu gnyis bsgyur ba dag zhes bya ba nyi shu rtsa brgyad do/ /nyin mo zhes bya ba ni chu tshod zhes bya ba dang sbyar ro/ /gnyis dang bcu gsum bsgyur ba zhes bya ba ni sum cu rtsa gnyis so/ /chu tshod sum cu tham pa ni/ dbus kyi pi shu gnyis gar sbyar zhes bya ba la/ dbus zhes bya ba ni zla ba drug po rnams kyi dbus ma'o/ /gnyi ga ces bya ba ni nyin mtshan gnyi ga'i cha la ste/ nyin mtshan cha gnyi ga la chu tshod sum cu sum cu mnyam par sbyar ba 'di ni bi shu zhes bya bar sbyar te/ dpyar zla 'bring po'i'o/ /dbyar zla tha chung gi gsungs pa/ gnyis mthas bcu ni gsum pa dag /nyin mo'i chu tshod zhes pa ste/ brgyad dang bcu ni gnyis po dag /de yi mtshan mo'i mtshan mar bya zhes bya ba la/ gnyis mdza' zhes bya ni 'dir gnyis nyid mdza' o/ /gang gi zhe na/ bcu ni gsum bdag zhes bya ste sum cu tham pa'o brgyad dang bcu ni gnyis po dag zhes bya ba ni nyi shu rtsa brgyad ste mtshan mo'i chu tshod ces bya ba'i don to/ /ston zla ra ba'i bstan pa'i phyir gsungs pa/ bzhi dang zhes bya ba la sogs pa la/ bzhi dang bcu gsum ni sum cu rtsa bzhi ste/ zla ba de'i nyin mo'i cha'i chu tshod do/ /drug dang bcu ni gnyis bsgyur ba zhes pa ni nyi shu rtsa drug go /ston zla 'bring po'i gsungs pa drug dang zhes bya ba la sogs pa la/ drug dang bcu ni gsum bsgyur ba zhes bya ba ni sum cu rtsa drug go /bzhi dang bcu ni gnyis bsgyur ba/ /zhes bya ba ni nyi shu rtsa bzhi'o/ lhag ma ni go sla'o/ /byang du bgrod pa bshad nas ni/ /de bzhin gzhan gyis dus shes bya/ /zhes bya ba la/ dpyid zla 'bring po'i gnam stong nas bzung nas/ nyin zhag sum cu zhing zla bar byas pa'i zla ba drug tu

  542. 271b

    byang du 'gro ba bstan nas/ da ni ston zla 'bring po'i gnam stong nas brtsams nas/ zla ba drug tu ni nyi ma lhor 'gro bar shes par bya'o/ /zhes bya ba'i don to/ /ston zla tha chung gi gsungs pa bzhi dang gsum bsgyur zhes bya ba la sogs pa la/ gsum zhes bya ba ni bcu zhes pa'i lhag ma'o/ /des ni sum cur bsgyur ba yin la/ gzhan bzhi dang sbyar bas sum cu rtsa bzhir 'gyur ro/ /nyin mo ni zla ba de'i nyi ma'i cha la'o/ /drug dang bcu ni gnyis bsgyur ba zhes bya ba ni nyi shu rtsa drug go /mtshan mo zhes bya ba ni mtshan mo'i cha la'o/ /dgun zla ra pa'i gsungs pa/ gnyis dang bcu ni gsum bsgyur ba/ /zhes bya ba la sogs pa la/ gnyis dang bcu phrag gsum du bsgyur ba ni sum cu rtsa gnyis so/ /brgyad dang bcu ni gnyis bsgyur ba zhes bya ba la/ brgyad dang bcu phrag gnyis su bsgyur ba ni nyi shu rtsa brgyad do/ /dgun zla 'bring po'i gsungs ba/ bcu ni gsum du bsgyur ba dag ces bya ba la sogs pa smos te/ bi shu zhes bya ba ni dbyar zla 'bring po'i bzhin du blta bar bya'o/ /nyin mo'i zhes bya ba ni nyin mo'i cha'o// mtshan mo ni mtshan mo'i cha'o/ /bcu ni gsum du bsgyur bar bya/ /zhes bya ba ni sum cu tham pa ste cha gnyi ga la yang sum cu sum cu shes par bya'o/ /dgun zla tha chungs kyi gsungs pa/ /brgyad dang zhes bya ba la sogs pa la/ brgyad dang bcu ni gnyis bsgyur ba zhes bya ba ni nyi shu rtsa brgyad do/ /gnyis dang bcu ni gsum bsgyur ba zhes bya ba ni sum cu gnyis so/ /dpyid zla ra ba'i gsungs pa drug dang zhes bya ba la sogs pa la/ drug dang bcu ni gnyis bsgyur ba zhes bya ba ni nyi shu rtsa drug go /bzhi dang bcu ni gsum bsgyur ba zhes bya ba ni/ sum cu rtsa bzhi'o/ /lhag ma ni go sla'o/ /dpyid zla 'bring po'i nyin zhag gi chu tshod rnams nye bar bsdu ba'i phyir/ /sum brgya lnga bcu lnga gnyis kyi/ dbugs kyi chu tshod dus rnams 'da' zhes bya ba la sogs pa gsungs te/ sum brgya ni

  543. 272a

    brgya phrag gsum mo/ /lnga bcu ni grangs lnga bcu'o/ /lnga gnyis ni bcu ste bcu dang lnga bcus ni drug cur 'gyur ro/ /dbugs ni sna sgo'i rlung rgyu ba ste/ de ltar na dbugs rgyu ba gsum brgya drug cus/ chu tshod dus rnams 'da' zhes bya ba chu tshod gcig tu 'gyur ro/ /chu tshod drug cu'i grangs kyis ni/ nyin mtshan phrugs gcig tu ni brjod ces bya ba ni go sla'o/ /gzhung kha cig las ni sum brgya dang ni drug cu'i zhes 'byung ste/ der yang don de nyid yin no/ /zla ba'i go rims ji bzhin du/ rim pa de bzhin mtshan ma bya zhes bya ba la/ zla ba'i go rims ji bzhin du re'u mig rnams la chu tshod gsum la sogs pa'i mtshan ma'i rim pa bzhin du byas la brtag par bya'o/ /zhes bya ba'i don to/ /chu tshod dbugs rdzogs pa dang/ bi shu ma gtogs rim 'phel 'bri/ zhes bya ba la zla ba bcu gnyis kyi dbugs yongs su rdzogs pa'i chu tshod las/ bi shu'i zla ba gnyis ma gtogs pa'i zla ba'i lhag ma rnams kyi nyin dang mtshan gyi chu tshod 'phel ba dang 'bri ba phra mo rnams kyang sngar bshad pa'i rigs pa las shes par bya'o/ /zhes bya ba'i don to/ /las dang las ni bye brag bzhin/ /dbugs ni rim gyis gzung bar bya ba la/ las dang las min bye brag ni zhi ba la sogs pa dge ba'i las dang/ mngon par spyod pa la sogs pa dge ba ma yin pa'i dbye ba'o/ /dbugs kyis rim gyi gzung bar bya/ /zhes bya ba ni rlung la sogs pa sbyor ba bzhin dbugs kyi rim pas so sor gzung bar bya ba'o/ /de rlung ni sor drug gi /me ni sor bzhi'o/ /chu ni sor bcu gnyis so/ /dbang chen ni sor bcu drug tu rgyu bar shes par bya'o/ /nyi khri dang ni zhes pa la sogs pa'i nye bar bstan pa bshad pa'i phyir/ kha dang ra la sogs zhes bya ba la sogs pa smos te/ sogs pa'i sgra ni gnyi ga dang sbyar bar bya'o/ /des na kha la sogs pa zhes par 'gyur te/ kha la

  544. 272b

    sogs pa'i yi ge nyi shu rtsa bzhi dang/ ra la sogs pa'i yi ge drug ni kha dang ra sogs so/ /des ni nyi shu rtsa bzhi dang drug gi mtshan ma bya bar ston to/ /dus tshigs dang zhes bya ba ni drug gi mtshan gzung bar bya ste/ nyi shu rtsa bzhi dang drug phrag gnyis kyis ni sum cu rtsa drug tu 'gyur ro/ /bgrod pa gnyis kyi mtshon par bya zhes bya ba ni sum cu rtsa drug gi mtshan ma de nyid mnyam po gnyis bgos pas/ bco brgyad bco brgyad du 'gyur te/ bco brgyad pa phrag gnyis kyi mtshan ma bya'o/ /gnyis po dag ni bcu bsgyur ba zhes bya ba ni/ gnyis po de dag bcu bcur bsgyur la brtsi ba ste/ des kyang brgya dang brgyad cu pa phrag gnyis su 'gyur ro/ /de las brgya phrag gnyis gcig tu bsres te/ nyis brgya'i mtshan ma byas la bcu phrag brgyad pa gnyis las bcu'i mtshan ma dang drug gi mtshan ma so sor byas la/ bcu drug gi mtshan ma bya'o/ /de'i rtsa thig le gnyis bzhag pas nyi khri chig stong drug brgyar 'gyur te/ des ni lo'i chu tshod gyi grangs kyi mtshan mar 'gyur ro/ /de yis mtshan mar ldan pa yis/ /nyin mtshan gyi ni dbugs su brtsi zhes bya ba ni lo'i chu tshod kyi grangs kyi mtshan ma de nyid kyis/ nyin mtshan gyi dbugs kyi mtshan ma yang bstan pa yin te/ stong phrag nyi shu rtsa gcig dang drug brgyar 'gyur ro/ /bcu g.yag brtsi ba bstan pa'i phyir/ /ngag gi dbang phyug kun bca? nas// zhes bya ba la sogs pa smos te/ de la ngag gi dbang phyug ni 'dri ba po'i ngag gi yi ge rnams so/ /kun ni mthar thug pa ste/ dper na ma zhes bya ba smos na/ ka'i mthar thug pa nyi shu rtsa lnga'i mtshan ma'o/ /de bzhin du gsal byed gzhan la yang sbyar bar bya'o// dbyangs kyi yi ge yang gsal byed dang phral te/ de lta bu'i mtshan ma bya bar bstan par bya ba'i phyir/ dbyangs kyi mtshan ma mngon par bzhag ces bya ba smos te go sla'o/ /yang na ngag gi dbang phyug ni 'dri ba po'o/ /gzung ba ni me tog ste/ me tog gi ming gi

  545. 273a

    yi ge ji snyed yod pa'i mtshan ma snga ma ltar bri ba'o/ /de nas ci zhig bya zhe na/ drug 'gyur du ni bzhag nas su/ /zhes bya ba la sogs pa 'og nas 'byung ba dang sbyar ro/ /des kyang ci zhig bya zhe na/ ma ning gnyis ni spangs nas su/ /sa'i dbang phyug kun tu bzhag /zhes bya ba la sogs smos te/ ma ning gnyis ni ri rI dang li lI'o/ /spangs pa ni dor ba'o/ /sa ni re'u mig bcu gnyis so/ /de'i dbang phyug ni a la sogs pa'i dbyangs kyi yi ge bcu gnyis te/ kun tu bzhag pa ni rim bzhin du bzhag pa'o/ /de'i 'og tu chog bzhin du brtsi bar bya ste/ de nyid kyi phyir gsungs pa/ a'i rim pa la bab na/ zhes bya ba la sogs pa ste go sla'o/ /ji ltar sngon gyi A zhes pas/ de bzhin tha ma bzung bar bya zhes bya ba ni yi ge a'i 'bras bu yang ji lta ba bzhin du yi ge a'i 'bras bu yang shes par bya ba'i don to/ /ngag gi dbang phyug kun bzung nas /zhes bya ba gong du thal ba'i 'phro bstan pa'i phyir/ drug 'gyur zhes bya ba la sogs pa smos te/ drug 'gyur du ni bzhag nas su/ /zhes bya ba ni sngar gyi yi ge ji snyed yod pa'i mtshan ma de yang drug 'gyur du bsgre ba'o/ /snga ma de sum 'gyur du bya zhes bya ba ni ngag gi yi ge'i drangs ji snyed yod pa de nyid ni snga ma zhes bya ste/ de nyid de'i 'og tu sum 'gyur du bsgre bar bya'i drug 'gyur du bsgres pa ji snyed pa ni ma yin no zhes bya ba'i don to/ /sum brgya drug cu bsres nas ni zhes bya ba ni de'i 'og tu yang grangs sum brgya drug cu lhag par bsnan pa'o/ /de nas ci zhig bya zhe na/ sa bzhin du ni bcad nas su/ /zhes bya ba smos ste/ sa ni sa bcu gnyis so/ /bcad ba ni gtub pa ste grangs bcu gnyis bcu gnyis su btubs te brtsi'o/ /yi ge zhes bya ba la sogs pa la yi ge ni a la sogs pa'o/ /lhag ma ni grangs kyi lhag mar gyur pa ste/ lhag ma ni grangs kyi dbye bas yi ge de gzung la/ dge ba dang mi dge ba mtshon pa ste sngar smos

  546. 273b

    pa bzhin brtag par bya'o/ /zhes bya ba'i don to/ /mo gang ba pa bstan pa'i phyir/ yang na zhes bya ba la sogs pa smos te/ yang na ri mo kyag kyog bri/ dbyangs kyi dang po la sogs bgrang zhes bya ba ni ye shes mkha' 'gro ma'i sngags kyis btab pa'i thod lo kor gyis / glang gi gcin rjes lta bu'i ri mo sngags lan cig bzlas nas/ sems kyi ci tsam 'dod par drangs la ri mo tha ma nas brtsams te/ dang po'i bar du 'bur ba rnams bgrangs nas/ grangs kyi tha mas a la sogs pa'i yi ge gang la bab ba'i 'bras bu yin par brtag bar bya'o/ /zhes bya ba'i don to/ /yang na me tog gtor nas zhes bya ba ni/ yang na sngar bris pa'i gnas der blo mi g.ye bas me tog gtor la/ de bzhin sa ni mtshon par bya zhes bya ba re'u mig gis gang yin pas dge ba dang sdig pa mtshon par bya'o/ snga dro ro hi ta dus su/ bden pa thams cad blta bar bya zhes bya ba ni bcu g.yas dang mo de dag ri hi ta'i sbyor ba la brtags na/ dge ba dang mi dge ba ma yin pa thams cad bden pa ste nges par blta bar bya'o/ /zhes bya ba'i don to/ /rnal 'byor bstan chos rab tu bsngags zhes bya ba la/ rnal 'byor gyi bstan bcos ni sngags kyi tshul lo/ /rab tu sngags pa ni dge ba dang sngag pa brtag pa'i cho ga de dag sangs rgyas rnams kyis bstod pa'o/ /bdag gi gdan gyi rab tu byed pa las zhes bya ba la/ bdag ces bya ba ni rang gi lus te/ de rlung la sogs pa'i de kho na nyid kyi gnas su gyur par gdan te bzhi'o/ /rab tu byed pa zhes bya ba ni gzhung 'dir rlung gi de kho na nyid la sogs pa rab bkod cing gsal bar byas pas na/ 'di ni rab tu byed pa'o/ /dpal gdan bzhi ba'i 'brel ba dran pa'i rgyu mtshan zhes bya ba las/ bdag gi gdan gyi rim par phye ba dang po'o// //da ni 'chi ba'i mtshan ma shes nas/ de slu ba'i rim par phye ba bstan pa'i phyir/ ye shes de nyid zhes bya ba la sogs pa smos te/ ye

  547. 274a

    shes nyid ni bdag ces bya ba ni dug 'phrog pa la sogs pa'o/ /lus kyi mtshan ma ji lta bu zhes bya ba ni lus la snang ba'i 'chi ltas kyi mtshan ma'o/ /de nyid gang la brten par bgyi zhes bya ba ni sngags kyi de kho na nyid gang rten la bzlogs pa'o/ /lan gsungs pa/ lus kyi mtshan ma ston pa rnams zhes bya ba la sogs pa smos te/ lus kyi mtshan ma ston pa rnams zhes bya ba ni lus la snang ba'i dbugs rnam par dgod pa la sogs pa 'chi bar ston pa rnams te/ nyon cig ces bya ba dang / sbyor ro/ /'chi ba'i dus las bab bar gnas zhes bya ba ni nges par 'chi ba'i dus la bab par gnas pa ste gyur pa'o/ /rdo rje rgyal chen po zhes bya ba la/ rdo rje ni mi bskyod pa'o/ /de nyid ni rgyal po chen po ste sprul pa'i sku rnams kyis mdzes pa'i phyir ro/ /de su'i yin pa de la yang de skad ces bya ste/ bod pa'o/ /nyon cig ces bya ba ni 'og nas 'byung ba rnams mnyan pa'i phyir gdams pa'o/ /mtshan ma rnams gsungs pa/ dbugs ni rnam par rgod tsam gyis zhes bya ba la sogs pa la/ dbugs rnam par rgod pa ni tha mal par gnas pa las gzhan du gyur pa ste/ 'phel pa dang bri ba'o/ /lus can zla ba drug gis 'chi /zhes bya ba ni go sla'o/ /yang na rnam par rgod pa zhes bya ba ni/ 'jug pa dang 'byung ba la sogs pa'i gnas phyin ci log tu gyur pa'o/ / rnam par rgod pa ji lta bu zhig gis zhe na/ 'jigs pa cung zad mthong min na zhes bya ba la sogs pa smos te/ 'jigs pa cung zad mthong ba ni kha cig du gzugs mi sdug pa mthong bas/ 'jigs pa ste sgrog par byas pa'o/ /mthong ba ni nye bar mtshon pa ste/ 'khon du 'dzin pa'i sgra thos pa la sogs pas skrag pa yang bzung bar bya'o/ /de lta bu'i 'jigs pa ma gtogs par dbugs rnam par rgod par 'gyur na/ de'i tshe 'chi bar nges par ston gyi gzhan du 'jigs pa la sogs pas byas pa'i dbugs

  548. 274b

    rnam par rgod pas ni ma yin no/ /mgram pa'i mtshams ni bye gyur na zhes bya ba ni gal te blo bur du 'gram pa'i mtshams kyi sha med cing ri mo shong shong por gyur pa de'i tshe 'chi bar 'gyur ba de nyid du ston te/ 'dir yang 'jigs pa cung zad mthong min zhes bya ba dang sbyar ro/ /de tshe dus la bab par 'gyur zhes bya ba ni bdon mi za bar 'chi ba'i spyod yul la reg pa'o/ /dbugs ni chad cing chad 'gyur ba zhes bya ni rnam par rgod pa'i nye bar bstan pa ste/ tha mal pa las gzhan du gyur pa'o/ /gang gi tshe brtag par bya zhe na snga dro ro hi ta dus su zhes bya ba smos te/ tho rangs kyi chu tshod gsum la/ 'jigs pa la sogs pas byas pa ma yin pa'i lus la snang ba'i rtags thams cad ni nges pa nyid du bzung bar bya'o/ /zhes bya ba'i don to/ /sna yi bar sha chad gyur na/ zhes bya ba ni sna zam gyi sha chad pa ste/ gang gi tshe sna la gnas pa'i rtsa chad pa de'i tshe/ sna zam gyi sha chad pas sna yon po nyid du 'gyur ro/ /nyi ma bdun na gdon mi za/ zhes bya ba ni nyin zhag bdun na 'chi bar the tshom med pa'o/ /mig gi chu ni chad gyur na zhes bya ba la/ mig gi chu ni mchi ma ste zad pa ni zad pa'o/ /gang gi tshe mig la gnas pa'i rtsa chad pa na/ mig gi mchi ma zad par 'gyur ba'o/ /de bzhin nyi ma lnga yis 'chad zhes bya ba la/ 'chad pa ni srogs zad cing 'gag pa ste/ nyi ma lnga nas 'chi bar 'gyur pa'o/ /'gram pa'i logs kyi mtshan ma yis zhes bya ba ni 'gram pa'i logs na snang ba'i mtshan ma ste/ gang gi tshe 'gram pa'i logs na gnas pa'i rtsa chad pa de'i tshe/ 'gram pa'i logs na ri mo shong shong po ring po snang ba'o/ /zhag cig las ni mi 'tsho'o zhes bya ba ni go sla'o/ /'gram pa'i logs de nyid na ri mo shong shong po khron pa'i khung bu ltar snang bas ni/ zla ba drug na 'chi bar 'gyur ro zhes bya ba snga ma dang sbyar ro/ /rna ba'i chol zangs ltebs pa yis zhes bya ba la chol zangs ni go 'bar zad do/ /ltebs ni chag pa ste/ gang gi

  549. 275a

    tshe rna ba gnyis la gnas pa'i rtsa chad pa na/ rna ba'i skor chag par 'gyur ro/ /chu tshod lnga na gdon mi za/ zhes bya ba ni chu tshod lnga tshun chad kyis the tshom med par 'chi bar 'gyur ba'o/ /'dir ni lce'i thig gnag na zhes bya ba ni gang gi tshe lce la gnas pa'i rtsa chad pa de'i/ 'dir te lus la lce'i thig nag ste/ lce'i rtse mo la sogs pa nag por snang ba'o/ /lus can zhag gnyis 'chi bar 'gyur zhes bya ba ni go sla'o/ /steng 'og so ni 'thams pa na zhes bya ba la/ steng 'og gi so 'thams pa ni so'i phreng ba gnyis mtshams med pa ste/ gang gi tshe so'i mtshams na gnas pa'i rtsa chad pa na/ so 'thams pa'i mtshan ma snang bar 'gyur ro/ /zhag gsum 'chi bdag brang bar 'gyur zhes bya ba ni go sla'o/ /mgrin pa'i logs kyi phyi rol rtsa zhes bya ba la gang gi tshe mgrin pa gnyis kyi logs na gnas pa'i rtsa nyams pa de'i tshe/ mgrin pa'i logs gnyis su khyur khyur po mthon por 'gyur te mtshan ma'o/ /zla ba phyed na gdon mi za/ /zhes bya ba ni zla ba phyed na 'chi ba'o/ /the tshom med par bstan pa'i phyir 'chi ba'o/ /brang gi nga ba zhom gyur na/ /zla phyed sman pas gsor mi rung zhes bya ba la/ brang gi dra ba zhom pa ni khung bu brang du bros pa ste/ gang gi tshe brang gi dra ba la gnas pa'i rtsa chad pa de'i che/ phrang gi dra ba zhom par gyur pa'o/ /zla phyed ces bya ba ni zla ba phyed na 'chi ba'o/ /the tshom med par bstan pa'i phyir/ /sman pas gsor mi rung zhes bya ba smos te go sla'o/ /sren mo'i khrag ni med pa yis/ /lus can nyi ma brgyad na 'chi zhos bya bas/ sen mo'i khrag med pa ni blo bur du dkar por gyur pa ste/ gang gi tshe sen mo la gnas pa'i rtsa chad par gyur pa de'i tshe blo bur du sen mo dkar por snang bar 'gyur ba'o/ /lus can nyi ma brgyad na 'chi/ /zhes bya ba ni go sla'o/ /'chi ba'i mtshan ma brgyad bcas pas zhes bya ba la/ brgyad ni grangs brgyad do/ /bcas pa ni de dang

  550. 275b

    bcas pa ste dgu pa'o/ /de ltar na 'chi ltas kyi mchan ma dgu yin par ston to/ /'chi ba'i dus bab mtshon par bya/ /zhes bya ba la/ /dus bab ni dus la bab par gnas pa ste/ sngar bstan pa'i mtshan ma dgu lus la snang bas lus can rnams the tshom med par 'chi ba nyid du mtshon par bya ba'o// //de ltar 'chi ba'i mtshan ma bstan nas/ da ni 'chi bslu ba bstan pa'i phyir/ sna yi bar sha chad pa la zhes bya ba la sogs pa smos te/ sna'i bar sha chad pa la zhes bya ba ni sna'i rtsa chad pa dgang ba la'o/ /ye shes sa bon gyis gzir bya zhes bya ba la/ ye shes sa bon ni ye shes mkha' 'gro ma'i sa bon te hUM ngo/ /gzir bar bya zhes bya ba ni hUM gis bdud rtsi'i rgyun 'jigs su rung bas gnas te tshim par bya zhes bya ba'i don to/ /yang na hUM yongs su gyur pa las byung ba'i ye shes mkha' 'gro ma 'og nas 'byung ba'i gzugs can gnas der bsgoms la dgang bar bya ste/ 'di ltar rtsa chad pa'i sgo nas ni 'chi bar 'gyur la/ de bkar ba las ni de ldog par 'gyur ro zhes bya ba'i don to/ /des na thams cad du sa bon gyis tshim par bya ba 'am/ lha'i rnal 'byor du bsgom par bya bar ston to/ /mig gi chu ni chad pa ni/ rdo rje ma'i sa bon gzung zhes bya ba la/ mig gi chu chad pa ni des mtshon pa'i mig gi rtsa chad pa ni tshe na'o/ /rdo rje ma yi sa bon gzung zhes bya ba ni gnas der rdo rje mkha' 'gro ma'i sa bon yi ge gsum 'am/ de yongs su gyur pa las byung ba'i rdo rje mkha' 'gro ma'i sku bdud rtsi'i rgyun 'dzag pa dang ldan pas lus tshim par bya'o/ /zhes bya ba'i don to/ khur tshos logs kyi mtshan ma la/ drag mo'i sa bon gzer par bya zhes bya ba ni khur tshos logs kyi rtsa chad pa la drag mo mkha' 'gro ma'i sa bon yi ge k+ShuM dam sa bon gyur pa las byung ba'i drag mo mkha' 'gro ma'i sku'i bdud rtsis dgang bar bya'o zhes bya ba'i don to/ /rna ba'i chol zangs zhom pa la/ ro langs ma'i

  551. 276a

    sa bon dgod zhes bya ba ni rna ba'i rtsa chad pa la gnas der ro langs ma'i sa bon yi ge yuM ngam/ sa bon yongs su gyur pa las byung ba'i ro langs ma'i bdud rtsis dgang bar bya'o/ /zhes bya ba'i don to/ /lce'i thig nag 'di la ni/ /gtum mo'i sa bon bsam par bya zhes bya ba ni lce'i rtsa chad pa'i gnas der gtum mo'i yi ge hUM 'am/ de yongs su gyur pa las byung ba'i gtum mo bdud rtsi dang bcas pa bsgom mo zhes bya ba'i don to/ /so dang so ni 'thams pa la/ seng ge mo yi sa bon brdeg zhes bya ba ni so'i rtsa chad pa la/ seng ge ma'i sa bon smryuM 'am/ de yongs su gyur pa las byung ba'i seng ge ma'i gzugs bdud rtsi dang bcas pa brdeg pa ste/ gzugs shing bsgom mo zhes bya ba'i don to/ /mgrin pa'i logs kyi phyi rol rtsa/ /stag mo'i sa bon brdeg par bya zhes bya ba ni mgrin pa'i logs kyi rtsa gnyis chad pa'i gnas der stag mo'i sa bon hmryuM 'am/ de yongs su gyur pa las byung ba'i stag mo bdud rtsi dang bcas par bsgom mo zhes bya ba'i don to/ /brang gi dra ba zhom pa la/ /rtse sbyang sa bon gzung bar bya zhes bya ba ni brang gi dra ba'i rtsa chad pa na/ der ce sbyang gi sa bon yi ge ymryuM 'am/ de yongs su gyur pa las byung ba'i lha mo ce sbyang bdud rtsi dang bcas pa bsgom mo/ /zhes bya ba'i don to/ /lag pa'i sen/ brag med pa la/ 'ug pa mo yi sa bon gzung ba zhes bya ba ni lag pa'i sen mo la gnas pa'i rtsa chad pa la/ der 'ug pa me'i sa bon yi ge k+Sh+mryuM dam de yongs su gyur pa las byung ba'i lha mo 'ug pa mo bdud rtsi dang bcas pa bsgom mo/ zhes bya ba'i don to/ /nye bar bsdu ba bstan pa'i phyir/ /'chi ltas yan lag mtshan ma ni sa bon de dag pas bsrung/ zhes bya ba smos te/ gang gi lus la 'chi ltas kyi mtshan ma sngar bshad pa rnams snang na/ gnas der de dag ces bya ba /

  552. 276b

    ye shes mkha' 'gro ma la sogs pa rnams kyi sa bon hUM la sogs pa sngar bshad pa'i rim pa ltar bkod pas bsrung bar bya'o zhes bya ba'i don to// //da ni gzhan phyi'i bsrung ba bstan pa'i phyir/ phyi nas zhes bya ba la sogs pa smos te/ phyi nas ye shes 'khor lo ni/ /bri ba'i cho gas rnam shes bsrung zhes bya ba la/ phyi nas zhes bya ba ni gzhan no/ /ye shes 'khor lo ni 'og nas 'byung ba'i 'khor lo'o/ /rnam shes ni bsgrub par bya ba'i srog go /bsrung ba ni go sla'o/ /gzhung gzhan las ni gzhan du bsrung ba bshad par bya zhes 'byung ste/ der gzhan zhes bya ba ni tshul gzhan gyis so/ /bsrung ba ni srog gnas pa ste/ lhag ma ni snga ma bzhin no/ /bsrung ba'i cho ga nyid bstan pa'i phyir/ ma bsregs zhes bya ba la sogs pa smos te/ ma bsregs kham phor gnyis ni mes ma bcos pa'i kham phor gnyis so/ /gur gum go ro tsa na yis zhes bya ba ni gur gum dang go ro tsa na gang yang rung bas sam/ yang na de gnyis bsres pas so/ /bri zhes bya ba ni 'khor lo zhes bya ba snga ma dang sbyar ro/ /'og gi cha ni re'u mig dgu zhes bya ba ni kham por 'og ma'i gzhi la/ thig bzhi btab re'u mig gi cha dgur bya ba'o/ /de bzhin steng la bcu gnyis bya zhes bya ba ni kham por steng ma'i gzhi la yang snga ma ltar thig bzhi btab bas dgur byas la/ slar yang mtshams kyi re'u mig bzhi la theg bzhi btab pas re'u mig gi cha bcu gnyis su bya ba'o/ /dbus su ming ni bris nas su zhes bya ba ni 'khor lo'i dbus te snying po'i re'u mig la/ bsgrub par bya ba'i ming bri ba'o/ /de bzhin sa bon mngon par bskor zhes bya ba ni sngags kyi sa bon yi ges mngon par bskor ba ste/ sngags kyi yi ge dang spel ba'i mi 'gri'o zhes bya ba'i don to/ /spel ba nyid bstan pa'i phyir phyag 'tshal zhes bya ba la sogs pa smos te/ phyag 'tshal dbyangs ni yi ge oM ste/ phyag 'tshal

  553. 277a

    gyi sgra'i rang bzhin no/ /dang po zhes bya ba thog ma ste/ ci'i zhe na/ bsgrub bya'i ming gis zhes bya ba blta'o/ /bsgrub bya'i ming yang gang du zhe na/ bsrung ba'i tshig gi sngon du bya zhes bya ba smos te/ rak+Sha k+Sha zhes bya ba'i sngon du ming bri zhing mthar rak+Sha zhes bya ba'i tshig bri pa'o/ /sangs rgyas lnga sogs ldan pa yi/ /sa bon mdza' ru gnas pa ste zhes bya ba la/ mdza' ni rak+Sha zhes bya ba'i sgra'i mdza' ste/ der sangs rgyas lnga'i sa bon te hUM bri ba'o/ /sreg byed yi ge de yi mdza' zhes bya ba la/ de'i mdza' ni yi ge hUM gi mkhar ro/ sreg byed kyi yi ge ni swAhA ste de bri ba'o/ /bsdus pa'i don ni oM de pa dat+taM rak+Sha rak+Sha hUM swAhA/ zhes bya bar 'gyur te/ rak+Sha'i sgra gnyis ni man ngag las shes par bya'o/ /steng sogs mu khyung dbyangs yig dgod zhes bya ba la steng gi sgra ni phyi rol gyi tshig go /mu khyung ni kha khyer te/ re'u mig dgu yi phyi rol gyi ri mo gnyis kyi bar du'o/ /dbyangs yig zhes bya ba ni/ dbyangs kyi yi ge bcu drug go /kha phor steng ma la yang de bzhin du pri bar shes par bya'o/ /yang na steng zhes bya ba ni steng gi kham phor ro/ /mu khyud zhes bya ba ni 'og gi kham phor ro/ /lhag ma ni snga ma bzhin no/ /bskor ba gzhan gsungs pa/ kha pha zhes bya ba la sogs pa la/ kha zhes bya ba ni hUM ngo/ /pa zhes bya ba ni yuM ngo/ /gnyis 'gyur zhes bya ba ni k+ShaM ngo/ /lha mo rdo rje ma zhes bya ba ni/ lha mo rdo rje ma'i sa bon yi ge suM ngo/ /sangs rgyas lnga'i sa bon zhes bya ba ni sangs rgyas lnga phan tshun ldan pa'i sa bon te hUM ngo/ /thams cad phyag 'tshal sreg byed mdza' zhes bya ba la/ thams cad kyi dang por phyag 'tshal te oM dang/ thams cad mthar sreg byed de swAhA dang sbyar ro/ /de dag gi don ni 'di yin te/ oM de ba dat+taM rak+Sha rak+Sha hUM hUM swAhA/ oM de ba dat+taM rak+Sha rak+Sha yuM hUM swAhA/ oM de ba dat+taM rak+Sha rak+Sha hUM swAhA/ oM de ba dat+taM rak+Sha rak+Sha suM hUM swAhA/ rnal 'byor ma rnams kyi

  554. 277b

    sngags btu ba'o/ /yi ge hUM gi cha shas sangs rgyas lngar bstan pa'i phyir/ dbyug pa 'jig rten dbang phyug mgon zhes bya ba la sogs pa smos te/ dbyug pa zhes bya ba ni yi ge ha'i 'og go cha'i ri mo'o/ /'jig rten dbang phyug mgon/ zhes bya ba ni snang ba mdza' yas so/ /gya gyu zhes bya ba ni zhabs bskyed do/ /phyag na rdo rje zhes bya ba ni mi bskyod pa'o/ /lus zhes bya ba ni yi ge ha'i steng gi cha'i/ /'jam pa'i mchog zhes bya ba ni rin chen 'byung ldan no/ /bum pa zhes bya ba ni zla ba phyed pa'o/ /byams pa zhes bya ba ni don yod grub pa'o/ /steng du 'bar ba'i ma yig ni/ 'khor ba thams cad sgrol byed ba zhes bya ba la/ ma yig zhes bya ba ni steng gi thig le'o/ /'bar ba zhes bya ba ni rnam par snang mdzad do/ /'khor ba thams cad sgrol byed pa/ /zhes bya ba ni de ltar sangs rgyas lnga'i yan lag las bsdus pas ni hUM ngo/ /de la shar gyi phyogs gnas pa/ lha mo rdo rje mkha' 'gro ma zhes bya ba ni sngar mkha' gro ma rnams kyi sngags btub bstan pa'i dgod pa'i gnas dang/ lha mo gang gi ngo bo nyid yin pa ston par mdzad pa ste/ shar gyi phyogs gnas pa zhes bya ba ni/ re'u mig dgu'i shar phyogs kyi re cha la bri ba'o/ /der ci zhig ce na/ lha mo rdo rje mkha' 'gro ma zhes bya ba ste/ rdo rje mkha' 'gro ma'i rang bzhin gyi sngags/ oM de ba dat+taM rak+Sha rak+Sha hUM swAhA zhes bya ba'o/ /byang du drag mo zhes bya'o/ /sa bon nyid ni sbyar bar bya ba ni de bzhin du g.yon skor gyis byang phyogs kyi re cha la/ drag mo zhes byas drug mo'i rang bzhin can gyi/ sa bon zhes bya ba oM de ba dat+taM rak+Sha rak+Sha k+ShuM hUM swAhA zhes bya ba'i sngags sbyar ba ste bri ba'o zhes bya ba'i don to// nub kyi phyogs su gnas pa ni zhes bya ba ni nub phyogs kyi re cha la gnas par ro/ /ro langs ma'i sa bon zhes bya ba ni ro langs ma'i rang bzhin gyi sngags/ oM de ba dat+taM rak+Sha rak+Sha yuM hUm swAhA zhes bya ba'o/ /sbyar ba ni bri ba'o/ /lho'i phyogs zhes bya ba ni lho

  555. 278a

    phyogs kyi re cha la'o/ /gtum mo'i sa bon zhes bya ba ni oM de ba dat+taM rak+Sha rak+Sha hUM hUM zhes bya ba'i sngags so/ /rdzogs par bstan zhes bya ba ni yongs su rdzogs par bri ba'o/ /dbang ldan du ni seng ge mo zhes bya ba la sogs pa la dbang ldan gyi mtshams su seng ge mo'i sngags stwaM zhes bya ba dang/ me mtshams su ni stag mo'i sngags hUM zhes bya ba dang/ bden bral gyi mtshams su lce sbyang mo'i sngags yamryuM zhes bya ba dang/ rlung mtshams su ni 'ug pa mo'i sngags k+Sh+mryuM zhes bya ba rnams go rims bzhin du bri bar bya'o/ /hUM byed zhes bya ba ni hUM gi sgra sgrogs pas 'jigs par byed pa'o/ /'ug ba mo zhes bya ba ni mun pa can no/ /sngags bzhi po de dag ni man ngag las rkyang bar shes par bya'o/ /mtshams na gnas pa'i sa bon ni/ bzhi po yi ge drug gi dngos zhes bya ba ni seng ge mo la sogs pa'i sa bon mtshams na nas pa bzhi po de dag ni/ re re zhing yang yi ge drug drug brtsegs pa'i rang bzhin no zhes bya ba'i don to/ /sngags dgod pa nye bar bsdu ba bstan pa'i phyir/ phyogs dang zhes bya ba la sogs pa smos te/ phyogs la sogs pa'i re'u mig ji lta ba bzhin du sngar smos pa'i tshul gyis sa bon de dang de dag dgod par bya'o/ /zhes bya ba'i don to/ /steng gi gnas ni bcu gnyis la// dbyangs kyi sa bon bzhag par bya zhes bya ba ni steng gi kham phor gyi re mig bcu gnyis la/ dbyangs kyi yi ge bcu gnyis bri bar bya'o/ /zhes bya ba'i don to/ /'og gi kham phor gyi dbus su bri ba'i sngags dang 'dra bar steng gi dbus su yang bri'o// zhes bstan pa'i phyir/ phyag 'tshal sreg byed mdza' dang bcas zhes bya ba smos te/ phyag 'tshal ni oM mo/ sreg byed ni swAhA'o/ /bcas pa ni hUM ngo/ /des ni 'di skad du/ kham phor steng ma'i dbus kyi re'u mig la/ oM de ba dat+taM rak+Sha rak+Sha hUM swAhA zhes bya

  556. 278b

    ba'i sngags bri'o/ /zhes bya ba'i don to/ /de'i shar gyi re'u mig la ri/ byang du rI/ nub tu ni li/ lho ru ni lI'o/ /de nyid gsungs pa/ phyogs su ma ning bzhag bar bya zhes bya ba ste/ ji ltar bstan pa'i rim gyis phyogs su ma ning gi yi ke bzhi bri pa'o/ / mtshams rnams su ni man ngag gis na dbyangs kyi yi ge brgyad bri bar gsungs te/ de la dbang ldan gyi mtshams su g.yas skor gyis i a'i/ me mtshams gnyis su u a'u/ bden bral dag tu e i/ rlung mtshams dag tu o aau bri bar bya ste bsdus pa'i don to/ /ma ning gi sa bon bzhi ni 'bar ma la sogs pa'i ngo bo nyid de/ de nyid bstan pa'i phyir/ 'bar ma zhes bya ba la sogs pa smos te go sla'o/ /phyag 'tshal sreg pa mthar gnas pa zhes bya ba ni/ ji ltar re mig dgu ba'i dbus su yi ge hUM dang phyag 'tshal dang swAhA dang spel ba ji lta ba bzhin du/ 'dir yang re mig bcu gnyis la gnas pa'i yi ge rnams kyang spel bar bya'o/ /zhes bya ba'i don to/ /oM de ba dat+taM rak+Sha rak+Sha hUM swAhA zhes pa lta bu'o/ /gang gi sa bon gang yin pa de dang de'i phyogs kyi nges pa bstan pa'i phyir/ ji lta ba'i gnas bzhin bzhag par bya'o/ /zhes bya ba la sogs pa smos te/ shar phyogs mkha' 'gro ma'i gnas zhes bya ba ni shar phyogs re'u mig la gnas pa'i sa bon ri ni lha mo mkha' 'gro ma'i ngo bo nyid do/ /zhes bya ba'i don to/ /byang du gnas pa 'bar ma ste zhes bya ba ni byang gi re'u mig la gnas pa'i sa bon ni lha mo 'bar ma ste rI'o/ /nub tu 'jib mar rab tu gsungs/ zhes bya ba ni nub kyi re'u mig la gnas pa'i sa bon ni lha mo 'jib ma ste li'o/ /lho ru 'phrog byed dgod par bya zhes bya ba ni lho'i re'u mig la gnas pa'i sa bon ni lha mo phrog byed ma ste lI'o/ /sgyur bstan pa nye bar bshad pa'i phyir/ dbus su ming ni bri bya ste/ /zhes bya ba la/ dbus su ni 'khor lo'i dbus so/ /ming

  557. 279a

    ni bsgrub bar bya ba'i ming ste sngags dang spel te bri ba'o/ /'og tu de bzhin steng de bzhin zhes bya ba ni/ 'og gi re'u mig dbus ma la ming bri ba bzhin du steng gi re'u mig la yang bri ba'o zhes bya ba'i don to/ /yang na dbus zhes bya ba ni phyag 'tshal dang rak+Sha rak+Sha'i sgra'i dbus su bsgrub bya'i ming bri ba'o/ /'og tu de bzhin steng de bzhin zhes bya ba ni steng gi kham por ro/ /'og zhes bya ba ni dbus te 'di'i don ni ji ltar sngar gyi kham phor ltar 'dir yang bri'o zhes bya ba yin no/ /gnyi ga zhes bya ba la sogs pa la/ gnyi ka kham phor gnyis so/ /kha sbyar ba ni go sla'o/ /skud pa dmar pos dkri ba ni/ skud pa dmar pos kun nas bcing pa'o/ /kun nas zhes bya ba la sogs pa ni go sla'o/ /mchod pa gsungs pa / sna tshogs zhes bya ba la sogs pa la nye bar spyod pa'i gtor ma zhes bya ba ni sha dag nya sha dang sgog skya dang btsong dang khur skya la sigs pa'i tshogs so/ /dbus su 'khrul 'khor bzhag nas ni/ zhes bya ba ni sngar bshad pa'i maN+Dal gyi steng du 'khrul 'khor bzhag pa ste/ rdo rje bsams nas reg byas la zhes bya ba dang 'brel to/ /ji lta bu'i 'khrul 'khor zhe na/ mkha' 'gro ma lnga zhes bya ba la sogs pa smos te/ kham phor kha sbyar gyi steng du ye shes mkha' 'gro ma dang/ rdo rje mkha' 'gro ma dang/ drag mo dang/ ro langs ma dang/ gtum mo rnams bsgoms pa'i kham phor ro/ /bdag nyid rdo rje can sbyor bas zhes bya ba ni/ bdag nyid ye shes kyi mkha' 'gro ma 'am/ rdo rje mkha' 'gro ma 'khor dang bcas par bsgom pa'o/ /rdo rje sems dpa' bdag ces brjod ces bya ba ni/ de'i 'og tu rdo rje sems dpa' i nga rgyal bya ba 'am/ yang na rang bzhin med par bsgom pa'o/ /rdo rje lag gi lag rtse ru zhes bya ba ni rdo rje rtse gsum ba'i phyag rgyar bcas

  558. 279b

    pa'i sor mo'i rtse mor rdo rje bsams nas zhes bya ba ni go sla'o/ /reg bya zhes bya ba ni kham phor la reg bya'o/ /yang na lag gis rdo rje thogs te reg pa'o/ /dbus su bsten pa'i sa bon ni zhes bya ba ni kham phor gyi dbus su bris pa'i sngags gang yin pa ste/ oM de ba dat+taM rak+Sha rak+Sha hUM swAhA zhes bya ba'o/ /brgyad brgya ru ni bzlas par bya/ /zhes bya ba ni go sla'o/ phan yon gsungs pa/ tshe rabs snga ma'i sdig la sogs/ /lha la sogs la bsgo bar bya zhes bya ba la sogs pa la/ tshe rabs snga ma la sogs pa la bsags pa'i sdig pa rnams lha la bsgo ba ste/ lha rnams kyis med par mdzad pa yin gyis gzhan du na chog 'di tsam gyis bsgrub bya'i lus srungs pa ma yin no/ /zhes bya ba'i don to/ /yan lag thams cad gzir ba dang 'chi ba'i dus bab 'gyur mi 'gyur zhes bya ba ni/ sgrub par byin pa'i lus la nad dang dus ma yin par 'chi ba 'byung bar mi 'gyur ro zhes bya ba'i don to/ /nad pa glor bzhag sbyar nas ni/ /zhes bya ba ni nad pa'i klor 'khrul 'khor bzhag nas sngags bzlas pa sbyar na'o/ /dus rnams kun tu nad mi 'byung zhes bya ba ni nad dang bral ba'o/ /yang na dus rnams kun tu zhes bya ba ni sngags brgyad brgya bzlas pa'i 'khrul 'khor ji srid du gnas pa de srid du dus ma yin par 'chi ba dang nad rnams 'byung bar mi 'gyur ba ste/ de nyid la sngags brgyad brgya bzla bas gal te nad kyis zin pa yang nad dang dus ma yin par 'chi bar zlog par byed pa'o/ /de'i tshe lus can tshe ni zad pa yang/ /zla ba drug tu gnas par 'gyur zhes bya ba ni nad pa'i glor bzhag sbyar nas ni zhes bya ba dang 'brel te/ nad pa'i glor 'khrul 'khor bzhag nas sngags bzla sna/ tshe zad pa rnams kyang zla ba drug tu tshe nur bar 'gyur ro zhes bya ba'i don to/ /gnas gzhan du ni bzhag na su/ /rtag tu mchod la brtson par bya/ /zhes bya ba ni glor bzhag pa las gnas gzhan du bzhag

  559. 280a

    nas kyang/ mchod pa sngon du 'gro ba'i sngags bzlas nas sngar smos pa ltar 'gyur ro/ /de nyid kyi phyir gsungs pa/ rdo rje rgya ldan sbyong ba yis/ /rnam shes gang du 'ang 'gro mi 'gyur zhes bya ba smos te/ ji ltar rgya ldan gyis khang ba'i sgo bsrungs pa'i mi phyir mi 'byung ba ltar cho ga 'dis bsrungs pa'i lus las rnam par shes ba mi 'gro'o zhes bya ba'i don to/ /da ni dug bso ba bstan pa'i phyir/ gzhan yang zhes bya ba la sogs pa smos te/ gzhan yang las ni bshad par bya zhes bya bar sbyar ro/ /bdag gi dbugs ni/ der ni rab tu brtag par bya zhes bya ba la/ bdag gi dbugs ni bdag nyid kyi dbugs rgyu ba'o/ /der ni zhes bya ba la ni dug bso ba la'o/ /rab tu brtags par bya zhes bya ba ni dpyad pa la 'bad bar bya'o zhes bya ba'i don to/ /de nyid kyi phyir gsungs pa/ dbugs yi gnas ni mtshungs pa na zhes bya ba la sogs pa smos te/ dbug kyi gnas ni mtshungs par na zhes bya ba ni bdag gi dbugs sna sgo'i phyogs gang nas rgyu ba'i phyogs de nas/ gal te pho nya smra bar byed na/ de'i tshe dbugs dang gnas mtshungs pa'o/ /thams cad 'grub par gsungs pa yin/ zhes bya ba'i de'i tshe dug pa so ba la sogs pa'i las de dag 'grub par 'gyur pa'o/ /de nyid gsal bar bstan par bya ba'i phyir/ g.yas la zhes bya ba la sogs pa smos te/ g.yas la g.yas su gnas pa zhes bya ba ni bdag gi dbugs sna sgo g.yas nas rgyu ba'i tshe/ pho nya yang g.yas su gnas pa ste/ dbugs dang gnas mtshungs pa'o/ /g.yon la g.yon du gnas zhes bya ba yang de bzhin no/ /der gnas nas ni smra byed pa/ thams cad 'grub pa nyid du 'gyur zhes bya ba ni go sla'o/ /spang bar bya ba bstan pa'i phyir/ /dbugs dang 'dri ba mi mthun pa/ grub pa ring ba mtshon par bya/ /zhes bya ba

  560. 280b

    smos te/ 'dri ba zhes bya ba ni/ lha byin mtshe bas zin na/ de la ji ltar bgyi zhes bya ba la sogs pa'i tshig go /dbugs dang mi mthun pa zhes bya ba ni gnas me mtshungs pa ste/ bdag gi dbugs sna sgo g.yas nas rgyun/ ho nya g.yon du gnas pa 'am/ g.yon nas rgyu na g.yas su gnas pa ste/ dbugs kyis stong pa'i sna sgong g.yas pa zhes bya ba ni don to/ /grub pa ring bar mtshon par bya zhes bya ba ni go sla'o/ /de ltar 'grub pa dang mi 'grub pa'i dbugs brtags la mche bas zin pa'i gan du 'gro ba 'am mi 'gro bar bya'o/ /brtag pa'i rnam pa gzhan gsungs te/ skad cig ces bya ba la sogs pa la/ skad cig ces bya ba ni dbugs nang du 'jug pa'o/ /srog ces bya ba ni phyir 'pho ba'o/ /sbyor ba gnyis zhes bya ba ni 'das ma thag pa'i dbugs kyi sbyor ba de gnyis te/ dbugs nang du 'jug pa la 'dri ba dang/ phyir 'gro ba la 'dri ba'o/ /shes bya ste zhes bya ba ni sbyor ba de gnyis kyi nang nas skad cig gi sbyor ba ni bzung bar bya ba yin la/ cig shos ni spang bar bya bar shes par bya'o/ /zhes bya ba'i don to/ /de nyid kyi phyir gsungs pa/ skad cig ces bya ba la sogs pa la/ bya ba kun ni dgos pa kun no/ /de nyid ci zhig zhe na/ rgyal bar 'gyur par rab tu grags /zhes bya ba smos te/ rgyas pa la sogs pa thams cad kyang 'grub na /dug bso ba 'ba' zhig lta ci smos zhes bya ba 'am/ yang na rgyas par 'gyur ba'i rdzogs par 'gyur ba ste/ bya ba kun nye bar 'grub pa'o/ /srog la bya ba gang byas pa/ /grub pa ring bar the tshom med ces bya ba ni/ srog gi sbyor bas gnas te 'dri ba'i bya ba rnams ni ring ba ste/ mi 'grub po zhes bya ba'i bar du'o/ /mche ba la sogs bsams nas dug /dor na gso ba dag tu bya zhes bya ba la sogs kyi sgras ni nang gzhan yang bzung bar bya'o/ /bsams nas zhes bya ba sngar smos pa'i tshul gyis rung ba dang

  561. 281a

    mi rung ba dpyad nas so/ /der ni gso ba dag tu bya zhes pa ni go sla'o/ /ci zhig dpyad par bya zhe na/ sbyor sogs sngags kyi mtshan nyid can te/ rim par phye ba snga ma las smos pa'i sbyor ba'i mtshan nyid de/ thams cad rig pas zhes bya ba ni rnal 'byor pas so/ /klu la sgo zhes bya ba ni bka' bsgo ba shes nas klu'i nad gso ba'o/ /sngar smos pa'i mtshan nyid bstan pa'i phyir/ sbyor ba bzhi la sos btab pa/ /'chi bar 'gyur bar the tshom med ces bya ba smos te/ sbyor ba bzhi zhes bya ba ni rwa can bzhi'o/ /sos btab ba ni nye bar mtshon pa ste/ nad thams cad do/ /yang na sos btab pa zhes bya ba ni mche ba'i dug 'ba' zhig go /sbyor ba bzhi zhes bya ba ni bla ma'i man ngag las mi gi ri la sogs pa ste/ mi gi ri'i sbyor ba la ni rig ldan gyi sos btab pa'o/ /b+h+ri tri ka las ni mgo brgya pas so/ /swa pa la la ni gtsigs pas so/ /ka ma la ni dus kyi mche bas te sbyor ba bzhi po de la zin pa rnams gdon mi za bar 'chi bar 'gyur ro zhes bya ba'i don to/ /lhag ma rnams ni gzung bar bya ste/ de nyid kyi phyir gsungs pa/ dug bsdu ba yi sbyor ba yis/ /gzhan ma thams cad gso bar bya zhes bya ba la/ gzhan brgyad po thams cad la 'og nas 'byung ba'i dug 'phrog pa'i sbyor bas gso bar bya'o/ /zhes bya ba'i don to/ /'phrog pa'i sbyor ba de nyid bstan pa'i phyir/ sos btab lus la zhes bya ba la sogs pa smos te/ bsgrub par bya ba'i lus kyi yan lag la sa bon gyi yi ge brgyad dgod pa ste bsam mo zhes bya ba'i don to/ /de nyid kyi phyir gsungs pa/ yi ge brgyad kyi zhes bya ba la yi ge brgyad nyid sngags te de rnams yan lag brgyad po zhes bya ba mgo la sogs pa'i yan lag rnams su bkod cing bsams pas bsrung bar bya ste/ 'di ltar mgor ni kiShu? ngo/ /sna dang rna ba gnyis

  562. 281b

    dag la ni yuM ngo/ /mig gnyis su ni hUM ngo/ /kha ru ni suM ngo/ mgrin par ni smryuM ngo/ /nam tshong dag tu ni hmryuM ngo/ snying gar ci ymryuM ngo/ lte bar ni k+Sh+mryuM ngo/ /kha dog dkar por bsams pa yaM zhes bya ba ni sa bon de dag kha dog sna tshogs yin mod kyi/ dug 'phrog pa'i skabs su ni thams cad dkar por bsam mo zhes bya ba'i don to/ /sa bon rnams kyis yid dug dgrog ces bya ba la/ yid dug ces bya ba ni dug rnams rang gi rnam par rtog pa'i bdag nyid kyi phyir ro/ /sa bon rnams kyis dbrog ces bya ba ni sngar smros pa'i sa bon rnams kyi 'og nas 'byung ba'i cho ga ltar dug gi mthu dbrog pa'o/ /dkyil 'khor dbus su gnas pa yi zhes bya ba la/ dkyil 'khor ni lus so/ /de'i dbus ni snying ga'o/ /der gnas pa'i ye shes ni yi ge hUM sta/ des rnam par shes pa bcing ba ste sdom bar bya ba'o/ /yan lag bsrungs pa'i sbyar byas nas/ de'i 'og phyi rol brtsam pa bya zhes bya ba ni/ sngar smos pa'i rim gyis dug gis zin pa'i lus dang por bsrungs la/ de'i 'og tu phyi'i las brtsam mo zhes bya ba'i don to/ /phyi'i las gsungs pa/ chu dang 'o ma bsres pa yis/ /sa snod yongs su dgang bar bya/ /zhes bya ba la sogs pa ste/ sa snod ni sa la sogs pa'i bum pa'o/ /chu dang 'o ma sres pas dgang ba ni go sla'o/ /zla ba'i dkyil 'khor zhes bya ba la sogs pa'i don ni bum pa gang yin pa de'i nang du pad+ma 'dab ma brgyad pa/ de'i lte bar zla ba'i dkyil 'khor de'i steng du suM yongs su gyur pa las byung ba'i rdo rje mkha' 'gro ma gdugs dkar pos brgyan cing mdog dkar mo phyag gnyis na kha TwAM ga dang/ thod pa rnams bsnams shing/ sprul gyi rgyan gyis brgyan pa sems dpa' i skyil krung can/ klu brgyad kyi mgo'i cha rnams gdan zla ba'i dkyil 'khor gyi 'og tu bsdus nas mnan te bzhugs par bsgom pa 'di yin no//

  563. 282a

    de ni pad+ma'i 'dab ma rnams la gnas pa'i k+Shu rnams bstan par bya ba'i phyir/ shar du zhes bya ba la sogs pa smos te/ shar gyi 'dab ma la ni nor rgyas bu dkar po'o/ /byang du ni 'jog po ser po'o/ /nub tu stobs kyi rgyu dmar po'o/ /lhor ni pad+ma sngon po'o/ /dbang ldan du ni pad+ma chen po dkar ser ro/ /me mtshams su ni dung skyong dkar sngo'o/ /bden bral mtshams su ni rig ldan sngo dmar mo/ /rlung mtshams su ni la byil pa ltung ba dmar ser te/ de dag ni klu brgyad do/ /nye bar bsdu ba bstan pa'i phyir/ /klu brgyad po ni bsams nas su/ /mgo bo rnams ni mnan par bsgom zhes bya ba spros te/ bshad zin to/ /mchod pa bstan pa'i phyir/ rdzas rnams kun gyis zhes bya ba la sogs pa smos te rdzas rnams kun ni me tog dang/ bdug pa dang/ dri dang/ mar me dang/ lha bshos rnams so/ /me tog bdug sogs gtor mi sbyin zhes bya ba ni klu'i gtor ma sbyin pa'o/ /bdag nyid lha yi rnal 'byor ni/ /rdo rje mkha' 'gro ma ru bsam/ / zhes bya ba ni/ dug dbrog pa'i dus 'dir bdag nyid rdo rje mkha' 'gro ma'i lha'i rnal 'byor du bya ba'o/ /rma bya'i sgro yi chun po yis/ chu yi sbyor ba drang bar bya/ /zhes bya ba ni drangs te chu'i nang du dbo ba'o/ /gang nas drangs zhes na kun nas rkang par drangs nas su zhes bya ba smos te/ mgo la sogs pa'i lus kun ni rma bya'i sgro yis chun pos bya bas la rkang mthil gyi bar du drang ba'o/ /rkang pa nas ni chur thim bya zhes bya ba ni bum pa'i chu snod kyi nang du dbo zhing lha la gsol par bya'o zhes bya ba'i don to/ /dug dbrog pa'i sngags gsungs pa/ oM h+rI ra ta taM d+ha ra hUM phaT swAhA zhes bya ba ni 'dir man ngag la hUM gsum dang phaT gsum du blta bar bya'o/ /sngon du bsnyen pa bya ba ma gtogs par mi 'grub par bstan

  564. 282b

    pa'i phyir/ rdo rje sems dpar zhes bya ba la sogs pa smos te/ dang por rdo rje sems dpa' i sbyor bas/ ba su ki la sogs pa'i sngags thams cad 'bum phrag re rer bzlas pas bsnyen pa bya ba'o/ /sngags de dag kyang gsungs pa/ oM ba su ki zhes bya ba la sogs pa ste go sla'o/ /dug dbrog pa'i dus su sngags spel ba bstan pa'i phyir/ oM h+rI da ta taM d+ha ra zhes bya ba la sogs pa smos te/ a mu ka sya zhes bya ba ni gnyis pa'i don gyi drug pa yin no/ /kun nas rkang par drangs nas su zhes bya ba'i nye bar bstan pa gsungs pa/ 'o ma'i dbus su drangs pa yis zhes bya ba la sogs pa smos te/ oM ba su ki h+rI da ta taM d+ha ra de ba ra ta taM ni rI? ShaM ku ru hUM hUM hUM phaT phaT phaT swAhA/ zhes bya ba'i sngags dang/ sngags gzhan thams cad kyang zlos shing/ mgo nas brtsams te rkang pa'i bar du byas nas drangs la chur dbo bar bya'o/ /pho ba tsam gyis de'i tshe 'phral du 'o ma nag por 'gyur ro/ /dug 'phrog nas 'o ma nag por 'gyur gyi 'og tu bya ba'i sbyor ba bstan pa'i phyir/ yungs kar zhes bya ba la sogs pa smos te/ dkar po'i sgra ni kun la sbyang bar bya'o/ /gsang sngags zlos shing zhes bya ba ni sngar smos pa'i sngags thams cad zlos shing brdeg pa'o/ /brdeg pa tsam gyis bsgrub bya'i snying 'phar ba la sogs par 'gyur ro/ /de nas ci zhig bya zhe na/ snying ni zhes bya ba la sogs smos te/ ye shes bsdams te bzung bar zhes bya ba ni de'i snying gar ye shes te yi ge hUM bsgoms pas rnam par shes pa bcing zhing gzung bar bya'o/ /de tsam gyis ni dbugs g.yo bar 'gyur ro/ / de nas ci zhig bya zhe na/ dbugs ni rnam par g.yos pa na zhes bya ba la sogs pa smos te/ bdag gi dbugs kyis gzir bar bya zhes bya ba ni bdag gi sna sgo'i rlung gis mche bas zin pa'i sna sgo nas khong bar thim par bya zhing dgang bar bya zhes bya ba'i

  565. 283a

    don to/ /de tsam gyis ni rkang lag la sogs pa 'dar bar 'gyur ro/ /de nas ci zhig bya zhe na/ yan lag thams cad 'dar ba ni zhes bya ba la sogs pa smos te/ bdag nyid dbyangs ni blang bar bya zhes bya ba ni sngags bshad/ nyid kyi glu blang bar bya ba ste/ ci zhig zhe na hUM gi glu zhes bya ba smos te/ oM hUM te na zhes bya ba la sogs pa'o/ /de yang se gol gsum sngon du gtogs la blang ngo zhes bstan pa'i phyir/ se gol gsum gyis blang bar bya zhes bya ba smos te se gol gsum dang bcas pa'i glu blangs pa las mche bas zin pa ldang bar 'gyur ro zhes bya ba'i don to/ nad pa langs nas kyang rdo rje mkha' 'gro mar de'i lus bsgoms te bsrung bar bya'o/ /de nyid bstan pa'i phyir mche bas zin pa blangs nas ni/ de yi yan lag bsrung bar bya zhes bya ba smos te go sla'o/ /de'i 'og tu 'o ma'i bum pa klus byin gyis brlabs pa'i gnas su bskyal ba bstan pa'i phyir/ bsdus nas zhes bya ba la sogs pa smos so/ /da ni dug sngags kyi gtso bor sngar bsnyen pa bya ba bstan pa'i phyir/ zla ba'i dkyil 'khor zhes bya ba la sogs pa smos te/ 'di dag gi don ni pad+ma'i steng du zla ba'i dkyil 'khor la hUM gis bskyed pa'i rdo rje sems dpa' mdog dkar po phyag gnyis pa/ rgyan thams cad kyis brgyan cing rdo rje'i skyil krung du bzhugs pa rdo rje dang dril bu phyag g.yas g.yon gyis bsnams par bdag nyid bsgoms la/ oM h+rI zhes bya ba la sogs pa'i sngags 'bum phrag gsum du bzlas na sngar bsnyen pa byas par 'gyur ro/ / zhes bya ba 'di yin no/ /der yang sngar 'bum phrag gsum bzlas pas bsnyen pa byas la phyis kyang gdon mi za bar 'bum phrag gcig bzlas par bya'o/ /de nas sgrub pos dug bsdus na/ /'grub 'gyur 'di la the tshom med zhes bya ba'i

  566. 283b

    bsnyen pa'i phan yon gsungs pa yin no/ /bsgrub par bya ba ma yin pa'i mche ba'i gnas bstan pa'i phyir/ kha dang zhes bya ba la sogs pa smos te/ thig le zhes bya ba ni smin ma'i dbus so/ /steng zhes bya ba rkan no/ /sna rtse ni sna sgo gnyis so/ /snying ga zhes bya ba ni mtshan no/ /gsang ba zhes bya ba ni bshad pa'i lam mo/ /rkang pa'i mthe bo dag zhes bya ba ni nye bar mtshon pa ste/ lag pa'i mthe bo dag kyang gzung ngo lhag ma ni sgra ji bzhin no/ /zin pa gso bar mi bya ste/ /zhes bya ba ni gsong mi rung zhing spang bar bya zhes bya ba'i don to/ /de nyid kyi phyir/ 'chi ba nyid kyi rgyu ru gsungs zhes bya ba smos te/ de nas de dag tu zin pa zhes bya ba'i lhag ma'o// //da ni klu'i zhar la 'ongs pas char dbab pa'i cho ga bstan pa'i phyir/ nyon cig ces bya ba la sogs pa smos te/ rdo rje rgyal chen po zhes bya ba ni phyag na rdo rje la bod pa'o/ /char dbab pa'i cho ga mchog ces bya ba la/ mchog ni gtso bo ste dam pa'o/ /chu 'gram dang ni nye ba'i zhes bya ba ni tha mal pa'i chu rgyun gyi 'gram du'o/ /sa phyogs nyams ni dga' ba ru zhes bya ba ni klus byin gyis brlabs pa'i mtsho 'gram du ste/ gnas de dag gi rlung mtshams su dkyil 'khor brtsam par bya'o/ /bla re dag ni bres? nas su zhes bya ba la sogs pa'i don ni go sla'o/ /gru bzhi pa la sgo bzhi pa zhes bya ba ni rta babs med pa'i sgo bzhi pa'o/ /klu brgyad kyis ni rnam par klubs zhes bya ba ni/ rgyal ba la sogs pa'i klu brgyad kyis rta babs la sogs pa dang 'dra bar glu dang sgo rnams su brgyan pa'o/ /de nyid kyi phyir mgo bo zhes bya ba la sogs pa smos te/ sgo rnams su phan tshun gdengs ka gyen du bsgreng ba bsnol zhing/ phan tshun du snying sprad pa'o/ /mjug ma gnyis kyi grwa ru mdud zhes bya ba ni/ grwa bzhir 'jug pa brgyad kyi mdud pa brgyan pa'o/ /de dag kyang gang dag yin zhe na shar du rgyal ba bzang po ste zhes

  567. 284a

    bya ba la sogs pa smos te/ go sla'o/ /klu brgyad kyi ni ra ba ste/ /zhes bya ba ni 'das ma thag pa'i klu brgyad po de dag ni ra ba 'dra bar sgor ba yin te/ phyogs la sogs par rigs brgyad dgod zhes bya ba'i tshig 'di dang 'brel par bstan pas na/ sngar 'das pa'i ra ba'i klu brgyad po de dag 'og nas 'byung ba'i rigs brgyad kyi mdog dang 'dra bar ston to/ /sogs kyis ni mtshams rnams bzung bar bya'o/ /de yang gang dag yin zhe na nor rgyas zhes bya ba la sogs pa smos te/ dkyil 'khor gyi dbus su pad+ma 'dab ma brgyad pa bris la/ de'i shar gyi 'dab ma la sogs pa rnams la nor rgyas la sogs pa smos pa'i rims bzhin dgod par bya ba ste/ de dag gi kha dog kyang sngar dug dbrog pa'i skabs su bshad pa bzhin du blta bar bya'o/ /sprin gyi dbang phyug rgyal po brgyad/ /phyogs brgyad nas ni dgug par bya/ /zhes bya ba ni sgra sgrogs la sogs pa'i sprin brgyad dkyil 'khor gyi phyi rol gyi phyogs mtshams brgyad du bris la/ lhun gyis grub pa'i gnas nas bkug pa dang bsre bar bya'o zhes bya ba'i don to/ /de dag kyang gang zhe na/ sgra sgrogs zhes bya ba la sogs pa smos te/ sgra sgrogs ni shar du'o/ /smugs pa ni shar lhor ro/ /drag po ni lhor ro/ /'khyil pa ni lho nub tu'o/ /stug po ni nub tu'o/ /gtum po ni nub byang du'o/ /char 'bebs ni byang du'o/ /rab tu gang ba ni byang shar du'o/ /de dag ni brgyad po rgyal po zhes bya ste/ shar la sogs pa'i phyogs su dgod ces bya ba'i don yin no/ /ji ltar phyogs kyi mngon tu bsam zhes bya ba ni nang gi klu rnams dang/ mdog 'dra bar bsam pa ste/ 'di dag ni skyes bu'i gzugs can gdengs ka gcig gis brgyan pa'o/ /dbus su rdo rje mkha' 'gro ma/ /pad+ma'i stan la yang dag bzhugs zhes bya ba ni dkyil

  568. 284b

    'khor de'i dbus su pad+ma'i lte ba la rdo rje mkha' 'gro ma dgod par bya'o/ /zhes bya ba'i don to/ /ci 'dra zhe na/ kha TwAM ga dang rnal 'byor snod ces bya ba la sogs pa smos te go sla'o/ /pad+ma sbrul gyi bskor nas su/ /sbrul gyi gdan du sbyar bar bya/ zhes pa ni sngar smos pa ltar pad+ma'i 'dab ma rnams klu brgyad kyis bskor nas/ klu rnams kyi mgo bo brgyad lha mo'i gdan gyis mnan par bri'o/ /mchod pa bstan pa'i phyir/ mchod pa rgya chen zhes bya ba la sogs pa gsungs te/ 'o ma'i kham phor brgyad la sogs pas mchod par bya ba'o/ /mar me sna tshogs rig pas mchod zhes bya ba la/ sna tshogs ni mchod pa sna tshogs so/ /rig pa ni rig pa can te rnal 'byor pa'o/ /lhag ma ni go sla'o/ /rnal 'byor ji lta bu dang ldan pa yin zhe na/ ye shes mkha' 'gror bdag bsgoms pa'i/ /ye shes can gyi rnal 'byor pa zhes bya ba la/ ye shes kyi rang bzhin gyi mkha' 'gro ma ni ye shes mkha' 'gro ma ste/ rdo rje mkha' 'gro mar bsgom pa'o/ /bsgom pa ni nye bar mtshon pa ste sngags bzlos pa yang gzung bar bya'o/ /de nyid ni ye shes te de dang ldan pa'o/ /des ni sngar dkyil 'khor bris nas/ de'i 'og tu bdag nyid rdo rje mkha' 'gro mar bsgoms te/ sngags bzlas par ston to/ /nye bar spyod pa'i sngags so/ /zhes bya ba ni bsang gtor dang nye reg la sogs pa'i sngags so/ /oM bA su ki zhes bya ba la sogs pa ni klu brgyad kyi sngags so/ /oM g+hi li g+hi li zhes bya ba la sogs pa la/ 'dir yi ge tha rnam pa gsum ni yi ge phaT rnam pa gsum du bsgyur bar bya ste/ des na phaT phaT phaT zhes bya bar 'gyur ro/ /lag pa kun tu bskor nas su/ phyogs brgyad du ni bstan par bya zhes bya ba ni lag pa gnyis pad+mar bskor zhing phyogs brgyad du sprin rnams la bstan pas/ sprin rnams 'gugs par 'gyur te/ ji skad du sngar phyogs

  569. 285a

    brgyad nas ni dgug par bya zhes smos pa'i phyir ro/ /g.yon pa khu tshur bcangs nas su zhes bya ba la sogs pa'i phyag rgya ni go sla'o/ /klu'i rgyal po brgyad kyi phyag rgya zhes bya ba ni klu brgyad kyi dam tshig gi phyag rgya ste/ sngags snga ma dang sbyar la bstan par bya'o/ /de bzhin du sprin rnams kyi sngags dang phyag rgya yang dbyer med par sbyar la so sor bstan par bya'o/ /oM badzra DA ki nI b+ha ra sha b+ha ra sha pA ya hUM phu swAhA/ zhes bya ba ni rdo rje mkha' 'gro ma'i char 'babs pa'i rtsa ba'i sngags so/ /'di klu rnams dang sprin rnams kyi char 'bebs pa'i sngags kyang yin mod kyi/ rdo rje mkha' 'gro ma gtso mo yin pa'i phyir de'i rtsa ba'i sngags su sbyar bar bya'o/ /sngon du bsnyen pa 'bum phrag ni/ /gsum du byas nas bzlas par bya/ /zhes bya ba ni sngags de nyid kyis sngar bsnyen pa sum 'bum bya'o/ /rnal 'byor can gyis zhes bya ba la sogs pa la/ 'di rnams zhes bya ba ni sngags 'di rnams kyi sngon du bsnyen pa zhes bya ba dang sbyar te/ bsnyen pa byas nas las zhes bya ba dkyil 'khor bri ba la sogs pa char dbab pa'i las rnams nges par 'grub par 'gyur ro/ /zhes bya ba lhag ma yin no/ /gzhan yang dge dang sdig pa'i zhes bya ba la sogs pa la/ gzhan yang zhes bya ba ni mtshams gzhan te/ sngar smos pa'i rlung gi mtshan ma las gzhan pa pho nya'i mtshan ma'o/ /mig g.yon zhes bya ba la sogs pa ni go sla'o/ /'jigs pa'i gos zhes bya ba ni gos nag po'o/ /dbyug pa thogs pa ni go bar zad do/ /bud med rnams dang 'grogs te 'ongs zhes bya ba ni bud med dang lhan cig 'grogs te 'ong ba'o/ /dub ni dus mos 'debs pa'o/ /sgra ldug pa ni skra sil bur bshig pa'o/ /sogs pa'i sgras ni med pa dang brlag pa la sogs pa'i sgra sgrogs pa'o/ /gcer du

  570. 285b

    nan gyis smra ba dang zhes bya la/ gcer bu ni gos med pa'o/ /nan gyi smra ba ni stobs kyis bkri ba la sogs pa smra ba'o/ /sbyor bzhis 'chi bar ston pa yin zhes bya ba ni mig gi ra dang 'bi tI ka dang/ swa ba na dang ka ma na'i sbyor ba bzhi la pho nya 'ongs pa dag ni nad pa 'chi ba nyid du ston pa yin no/ /pho nya ji bzhin bdag nyid la/ /brtag nas rnam pa gnyis su zhes bya ba ni pho nya ji lta ba bzhin du bdag nyid la yang sngar smos pa ltar dbugs kyi mtshan ma brtags nas 'grub pa dang mi 'grub pa gnyis la 'gro ba 'am mi 'gro ba gnyis bya'o/ zhes bya ba'i don to/ /de nyid kyi phyir/ de tshe sngags pa 'gro 'dod na/ /grub pa nyams 'gyur the tshom med ces bya ba smos te/ mtshan dan bzhin du 'gro bar 'dod kyang grub pa nyams pa ste/ mi 'grub par 'gyur ro zhes bya ba'i don to/ /bdag gi gdan gyi rab tu byed pa zhes bya ba la/ bdag gi gdan ni bshad zin to/ /rab tu byed pa zhes bya ba na gzhung 'dis 'chi ltas rnams shes nas 'chi bslu ba la sogs pa gsal bar byed pas na rab tu byed pa'o/ / dpal gdan bzhi pa'i 'grel pa dran pa'i rgyu tshan zhes bya ba las bdag gi gdan gyi rim par phye ba gnyis pa'o// //tha mal pa'i phung po la sogs pa'i yongs su spang ba sngon du 'gro bas ltar bsgom par bstan pa'i phyir stong pa nyid kyi rim par phye ba gsungs pa/ rnal 'byor zhes bya ba la sogs pa la/ rnal 'byor rtsom pa'i khyad par dag /ces bya ba ni lha'i rnal 'byor rtsom pa'i cho ga'i khyad par ro/ /gang gi sngags rnams 'tshal bar bgyi zhes bya ba ni/ sngags rnams ji ltar 'tshal bar bgyi zhes bya ba'i don to/ /ye shes gzung ba ji ltar lags zhes bya ba ni zhi ba la sogs pa'i dngos grub kyi mtshan ma'i ye shes gzung ba ste/ ji ltar sems la brlan par bgyi zhes bya ba ni bcom ldan 'das la nyan

  571. 286a

    par 'tshal zhes bya bar sbyar ro/ /lan gsungs pa nyon cig ces bya ba la sogs pa la de kho na zhes bya ba ni phyin ci ma log pa'o/ /lta'i bdag nyid ces bya ba ni bdag lta'i bsgom pa'i bdag nyid do/ /yang na bdag nyid ltar bya ba'i phyir ro/ /nyon cig ces bya ba ni 'og nas 'byung ba rnams mnyan pa'i phyir gdams pa'o/ /mnyan par bya ba de nyid gsungs pa/ dang por zhes bya ba la sogs pa la/ dang por zhes bya ba ni/ ltar bsgom pa'i dang po ste/ dus dang por der lus stong pa nyid du bsgoms nas de'i 'og tu ltar bsgom mo zhes bya ba'i don to/ /lus can dri ma bkru bar bya zhes bya ba la/ dri ma ni gzung ba dang 'dzin pa la sogs par mngon par zhen pa'o/ /dri ma de stong ba nyid kyis bkrus nas lhar bsgom mo zhes bya ba'i don to/ /de nyid bshad pa'i phyir/ dang po gzugs ni stong sogs bya zhes bya ba la sogs pa smos te/ btsugs shing brtags pas na gzugs te phung po lnga'o/ /stong pa zhes bya ba ni gzugs de'i rang bzhin stong pa nyid do/ /sogs pa'i tshig gis na mtshan ma med ba dang/ smon pa med pa gzung bar bya ste/ gzugs de'i ngo bo nyid dang mtshan ma dang rnam par rtog pa rnams rang bzhin med pa'i phyir/ rnam par thar ba'i sgo gsum du bsgom mo/ /zhes bya ba'i don to/ /phung po lnga 'ba' zhig rnam par thar pa'i sgo gsum gyis sbyang bar ma zad kyi/ gzhan yang bsdu bar bstan pa'i phyir/ ji srid bco brgyad yid nyid de ces bya ba smos so/ /ji srid ces bya ba ni bsdu ba'o/ /gang zhe na/ mig dang/ rna ba dang/ sna dang/ lce dang/ lus dang/ yid ces bya ba dbang po'i khams drug dang/ gzugs dang/ sgra dang dri dang/ ro dang reg bya dang/ chos zhes bya ba yul drug dang/ de dag la brten te skyes pa'i

  572. 286b

    rnam par shes pa'i khams drug ste/ bco brgyad po de dag kyang snga ma ltar rnam par thar pa'i sgo gsum gyis sbyang ngo/ zhes bya ba'i don to/ /yid nyid de ces bya ba ni de dag nye bar brtags na tshad mar gyur pa ni/ rang gi sems 'ba' zhig go zhes bya ba'i don to/ /gal te phyi rol na don yod du zin kyang/ de dag rnam par bzhag pa ni sems 'ba' zhig la rag las pa yin te/ de ni rang gi ngang gis gsal zhing thams cad kyang nyams su myong ba tsam yin pa'i phyir ro/ /da ni stong pa nyid kyi bye brag bstan par bya ba'i phyir/ gzugs khams zhes bya ba la sogs pa smos te/ gzugs zhes bya ba ni dkar po dang/ ser po dang/ ring po dang/ thung du la sogs pa mig gi yul du gyur pa rnams te bkra ba'i phyir ro/ /de nyid rang gi mtshan nyid 'dzin pa'i phyir khams te gzugs yin la khams kyang yin pas na gzugs khams so/ /stong pa zhes bya ba ni gzung ba dang 'dzin pa dang bral ba'i ngo bo nyid de de yang 'di ltar rnam par shes pa'i snang ba yin pas/ rnam par shes pa las tha dad pa'i gzung ba dang 'dzin pas stong pa yin gyi/ rnam par shes pa'i snang bas ni ma yin te chu zla bzhin no/ /chu zla yang zla ba'i ngo bo nyid kyis stong gi /chu zla nyid kyang med pa ma yin pa bzhin no/ /ci gzugs la sogs pa'i khams snang ba las tha dad par yod dam zhe na ma yin te/ de nyid brtag mi bzod pa'i phyir chu zla ltar bden pa dang brdzun pa'i tha snyad dang bral ba'i phyir de nyid de ltar brjod do/ /de nyid du ni sgra yang zhes bya ba ni sgra'i khams kyang de ltar gzung ba la sogs pas stong pa nyid do/ /zhes bya ba'i don to/ /'di ltar gzhan la yang sbyar bar bya'o/ /de nyid du ni gzugs kyang zhes bya ba la/ rig cing nyams su myong ba na gzugs de bde ba'i ngo bo nyid chos kyi khams kyi rang bzhin gyi yul lo/ /yul rnams kyi

  573. 287a

    rjes la mig la sogs pa'i dbang po stong par bstan pa'i phyir/ mig gi bdag nyid stong pa la zhes bya ba la sogs pa smos te/ mig la sogs pa yang brtags na 'dzin pa la sogs pa'i rang bzhin med pa'i phyir/ rnam par thar pa'i sgo gsum gyi ngo bo nyid do/ /de dag med na de dag la brten te skye ba'i rnam par shes pa rnams kyang ji ltar yod de stong nyid la sogs pa'o zhes bstan pa'i phyir/ dbus na zhes bya ba la sogs pa smos so/ /dbus su ci ltar brtag par bya zhes bya ba ni dbus kyi rnam par shes pa'i rang bzhin ji ltar gzung bar bya ste/ 'di dag thams cad ni sems kyis brtags pa tsam mo zhes bya ba'i bar du'o/ /de nyid la 'jug par bya ba'i phyir snang ba med pa'i ting nge 'dzin gsungs pa yid ni zhes bya ba la sogs pa smos te/ yid ces bya ba ni rnam par rig pa'o/ /nam mkhar thim nas zhes bya ba ni yi ge hUM gi me 'bar bas/ thams cad bsregs te/ thal ba tsam yang med par byas pas snang ba med par thim pa'o/ de nyid kyi phyir thams cad stong par bsam par bya zhes bya ba smos te mdor bsdus pa'o/ /bstan pa de nyid bshad pa'i phyir/ gling dang zhes bya ba la sogs pa smos te/ sogs pa zhes bya ba'i sgras ni rgya mtsho dang rlung gi dkyil 'khor la sogs pa'i bar du gzung ngo/ /steng zhes bya ba ni nam mkha' la spyod pa'o/ /'og ces bya ba ni sa 'og na spyod pa'o/ /bar zhes bya ba ni sa stong na spyod pa ste/ 'jig rten gsum po de nyid ni khams gsum mo/ /thams cad ces bya ba ni snod dang bcud kyi dbye pa rnam pa gnyis so/ /nye bar bsdu ba gsungs pa/ phyogs bcu zhes bya ba la sogs pa ste go sla'o/ /de ltar dngos po thams cad so sor bshig nas bdag nyid kyang nam mkha' i ngo bo nyid du bya ba'i phyir bdag gi dngos po zad par bya zhes bya ba

  574. 287b

    smos te/ mthar dag gi lus kyi gzung ba la sogs pa'i rnam par rtog pa bsregs pas bshig nas snang ba med par bya'o zhes bya ba'i don to/ /dngos po 'dres pa dmigs par bya zhes bya ba ni dngos po'i yul ma lus pa nam mkha' i ngo bo nyid kyi ror ro gcig tu bsres nas dmigs pa ste/ lhar bsgom par bya'o/ /zhes bya'o zhes bya'i don to/ /rnal 'byor pas zhes bya ba ni rnal 'byor can no/ /mkhas pas zhes bya ba ni gzung ba la sogs pa stong pa'i blo can no/ /ye shes gzung ba ji ltar lags zhes bya ba'i lan bstan par bya ba'i phyir/ mnyam nyid ces bya ba la sogs smos te 'das ma thag pa'i tshul gyis nam mkhar thim pa'i stong pa nyid bsams nas de'i dbus su ste snang ba med pa'i rang bzhin la bltas nas zhes bya ba ni ye shes gzung bar bya'o/ /zhes bya ba'i don to/ /de ni mtshan ma brtag par bya zhes bya ba ni stong pa nyid kyi ye shes der zhi ba la sogs pa'i dngos grub gyi mtshan ma ste/ ltas brtag pa ste dpyad par bya'o zhes bya ba'i don to/ /yang na mtshan ma nyid ye shes te/ 'dis zhi ba la sogs pa'i dngos grub shes par byed pa'i phyir ro/ /der zhes bya ba ni dus de'i tshe'o/ /de nyid gsungs pa mar me zhes bya ba la sogs pa la gang gi tshe mar me lta bu'i 'od snang ba de'i tshe zhi ba'i las 'grub par shes par bya ba'o/ /dmar po rdul gyis rgyas par 'gyur zhes bya ba la/ rdul ni 'od do rgyas pa ni rgyas par 'gyur ba'o/ /nyi ma'i zhes bya ba la sogs pa la/ chags pa'i las zhes bya ba ni dbang du bya ba'o/ /sogs pa'i tshig gis na dgug pa dang mnan pa la sogs pa gzung bar bya'o/ /mthar ni du ba gnag mthong na zhes bya ba la/ mthar te ting nge 'dzin gyi mthar du ba ltar gnag pa mthong na'o/ /mngon spyod du ni rab tu grags/ /zhes bya ba ni go sla'o/ /rlung gi

  575. 288a

    mdog ltar 'khrugs pa yis zhes bya ba ni/ rlung gi mdog ltar sngo la lang long du 'khrugs pa'o/ /de yi mod la bkrad par 'gyur zhes bya ba yang go sla'o/ /zla ba dkar po'i 'od zer ltar zhes bya ba ni 'od shin tu dkar ba'o// thams cad du zhes bya ba ni yun ring du'o/ /rnal 'byor grub par shes par bya zhes bya ba ni go sla'o/ /ci zhig ce na/ blo ldan 'gro ba yang dag gnas/ /zhes bya ba ste/ 'dis ni 'gro ba rnams kyi dngos po 'das pa dang ma 'ongs pa la sogs pa shes par 'gyur ro zhes bya ba'i don to/ /da ni stong pa nyid kyi rjes la lha bsgom pa bstan par bya ba'i phyir/ de 'og ces bya ba la sogs pa smos te/ de 'og zhes bya ba ni stong pa nyid bsgoms pa'i mthar/ rnal 'byor las byung ba zhes bya ba ni lha'i rnal 'byor du bskyed pa'o/ /gang gis zhe na myu gu la sogs mtshon par bsam zhes bya ba la stong pa nyid kyis sbyangs pa'i lus kyi zhing sa la lha'i sa bon dang sku'i myu gu'i rim gyis bskyed par bya'o zhes bya ba'i don to/ /de nyid ni yang dang yang du ston par 'gyur ro/ /'dir ni phyogs tsam zhig gsungs pa yin te/ dngos po'i yul thams cad stong pa nyid du skad cig gnyis la sogs pa'i bar du rnal 'byor pa gal te gnas par gyur na/ lha'i sa bon la sogs pa'i rim gyis/ 'das pa dang ma 'ongs pa shes pa la sogs pa'i 'bras bu smin par 'gyur ro zhes bya ba ni man ngag go /stong pa nyid ma gtogs par lha'i rnal 'byor 'ba' zhig gis skyon cir 'gyur zhe na/ gang zhig stong shes bsgom pa ni/ /myur du sems dpa' grol bar 'gyur zhes bya ba smos te/ gang zhig ces bya ba ni rnal 'byor pa'o/ /stong shes zhes bya ba ni stong pa nyid bsgoms nas so/ /bsgom ba zhes bya ba ni lhar bsgoms nas so/ /de ni myur du grol bar 'gyur gyi gzhan du ni ma yin no/ /zhes bya bar

  576. 288b

    sbyar ro/ /sems dpa' zhes bya ba ni sems so/ /yang na phyag na rdo rje la bod pa'o/ /de yang ji lta bu zhig ce na/ ye shes kyis ni shes bya blta/ /shes bya'i 'gro ba brtag par bya zhes bya ba smos te/ ye shes kyis zhes bya ba ni stong pa nyid kyi ye shes kyis so/ /shes bya ni phung po la sogs pa ste/ brtag pa ni rang bzhin du bya ba'o/ /shes bya'i 'gro ba brtag par bya zhes bya ba la shes bya zhes bya ni lha'o/ /'gro ba ni rang bzhin no/ /brtag pa ni dpyad pa ste lha'i rang bzhin yang gnyis su med pa'i ye shes kyi mthar thug par dpyad na/ de ni myur du grol bar 'gyur zhes bya ba snga ma dang 'brel to/ /lus can dri ma bkru bar bya zhes bya ba nye bar bshad pa'i phyir/ pha dang zhes bya ba la sogs pa smos te/ pha zhes bya ba ni bdag dang bdag gir 'dzin pa'i bdag nyid kyi gti mug ste/ ji ltar pha 'gro ba rnams kyi skyed pa po yin pa bzhin du/ gti mug gis kyang yul rnams bskyed pa'i phyir ro/ /ma zhes bya ba ni sred pa ste ji ltar mas bu rnams 'chi bar gyur kyang mi gtong ba ltar sred pas kyang skyes bu rnams yul rnams mi gtong bas ma dang chos mthun pa'i phyir ro/ /bsang ces bya ba ni de dag gzhom pa'o/ /bram ze gtsang ma gnyis gzung nas zhes bya ba ni 'dod chags zhe sdang ste chos kyi brdas bstan pa'o/ /gzung ba ni rgyu ba bsdams pa 'o/ /rgyal po'i yul 'khor bcas bcom na zhes bya ba la rgyal po zhes bya ba ni nga rgyal te lhag par rlom sems pa'i phyir dang thams cad spro ba'i phyir ro/ /de ltar yang gsungs pa thams cad nga rgyal nyid las byung zhes bya ba'o/ /yul 'khor zhes bya ba ni lus te nyon mongs pa la sogs pa thams cad kyi gnas yin pa'i phyir ro/ /bcas zhes bya ba ni rjes su rgyu ba ste lus dang lhan cig rgyu ba'i phyir phung po dang khams la sogs pa rnams so/ /bcom na zhes bya ba ni stong pa nyid kyi ting nge

  577. 289a

    'dzin gyis snang ba med par byas pa ste/ des ni lus can dri ma dag par 'gyur zhes bya ba rang sbyar ro/ /gzhung 'di ni mu stegs can la yang yod mod kyi spang bar ni mi bya ste/ thams cad du 'gal ba med pa'i phyir ro/ /'dis ni le'u 'di'i bsdus pa'i don to/ /bdag gi zhes bya ba la sogs pa ni zhi ba la sogs pa'i mtshan ma dang bcas pa'i stong pa nyid ye shes rab tu gsal bar byed pas na rab tu byed pa'o/ /dpal gdan bzhi pa'i 'grel pa dran pa'i rgyu mtshan zhes bya ba las bdag gi gdan gyi rim par phye ba gsum pa'o// //da ni stong pa nyid kyi mthar lha'i rnal 'byor phyogs tsam zhig bstan par bya ba'i phyir/ nyon cig ces bya ba la sogs pa rim par phye ba bzhi pa gsungs te/ rdo rje zhes bya ba ni phyag na rdo rje'o/ /nyon cig zhes bya ba ni gnyis su med pa zhes ba dang 'brel to/ /ji bzhin lam zhes bya ba ni lam ltar gnon pa'i phyir ro/ /gnyis spangs zhes bya ba ni gzung ba la sogs pa dang bral ba te/ de nyid kyis na gnyis su med pa'o/ /de dag gis ni lha'i rnal 'byor gnyis su med pa nyid byang chub chen por bgrod pa'i lam mo zhes bya bar ston to/ /ji ltar zhe na 'khor ba zhes bya ba la sogs pa smos te/ 'khor ba nyid rgya mtsho ste byis pa rnams kyis brgal dka' ba'i phyir ro sdug bsngal ba rnag par dka' bas na rab 'jigs pa'o/ /chu'i dgra ni dam pas gang zhes bya ba la chu'i dgra ni chu srin la sogs pa ste/ 'dir 'dod chags la sogs pa'i chu srin la sogs pa'i dgra dam pa ste mi bzang pa rnams kyis gang ba'o/ /dbus su bying ba'i lus can rnams zhes bya ba ni 'khor ba'i rgya mtsho de'i nang du bying ba'i lus can rnams so/ /de dag ci zhig ce na sgrol ba'i mtshan nyid zhes byar brjod zhes bya ba smos te/ mtshan nyid zhes bya ba ni mtshon par bya ba ste/

  578. 289b

    lha ri rnal 'byor ro/ /sgrol ba zhes bya ba ni sgrol bar byed pa ste/ 'khor pa'i rgya mtsho las can rnams sgrol bar byed pa'i lam mo/ /brjod ces bya ba ni dpag tu med pa'i thub pa thams cad kyis gsungs so zhes bya ba'i don to/ /gnyis su med pa'i ye shes kyi mtshan nyid bstan pa'i phyir/ mtshon bya zhes bya ba la sogs pa smos te/ mtshon cha ni lha'i rnal 'byor ro/ /mtshan nyid ni de brtag pa'i bya ba'o/ /'dis mtshon bas na mtshon pa bo ste/ byed pa po rnal 'byor pa'o/ /rnam shes dang ni ye shes te zhes bya ba la rnam shes ni shes bya'o/ /ye shes ni rnam par rig pa ste/ mtshon cha la sogs pa bdag gi gzung ba dang 'dzin pa'i mtshan nyid do/ /ye shes kyis ni shes bya ba lta zhes bya ba la/ ye shes ni stong pa nyid kyi ye shes so/ /shes bya ni phung po la sogs pa ste/ der de dag bya ba'o/ /shes bya'i 'gro ba brtag par bya zhes bya ba la/ shes bya ni mtshon bya la sogs pa'o/ /'gro ba ni de'i rang bzhin no/ /brtag pa ni dbyed pa ste/ de'i rang bzhin gzung dang 'dzin pa dang bral ba'i rang bzhin gyi ye shes te/ de nyid ni gnyis su med pa'o/ /'grog brtags pa'i sems gyis ni zhes bya ba ni shes bya'i rang bzhin khong du chud pa'i rnal 'byor pas so cir 'gyur zhe na/ ji ltar 'dod bzhin mngon par 'gro zhes bya ba la sogs pa smos te/ gnyis su med pa'i lha'i rnal 'byor gyi lam 'dis ji ltar 'dod pa bzhin te/ rdzogs pa'i byang chub tu bgrong par 'gyur ro zhes bya ba'i don to/ /stong pa nyid rig pa'i lam gyi phan yon gzhan bstan pa'i phyir zhags pas zhes bya ba la sogs pa smos te/ glang chen myos bcings ltar zhes bya ba ni ji ltar zhags pas bcings pa'i glang po che myos pa zhags pas bcings su zin kyang longs su spyod khyad par can thob pa yin no/ /de bzhin du 'khor ba'i

  579. 290a

    zhags pas bcings pa'i rnal 'byor pa yang de dang 'dra ste/ 'khor ba'i zhags pas gnad rmongs pa zhes bya ba la/ gnad ni rang bzhin yongs su shes pa'i ye shes te rmongs pa ni der zhugs pa'o/ /su zhig ce na rnal 'byor pa ste glang po che lta bu'o/ /stong phrag gcig zhes bya ba ni/ nye bar mtshon pa tsam ste/ ci zhig ce na dpag tu med pa'i tshe rabs snga ma'o/ /'gro las 'gro'o zhes bya ba ni tshe rabs snga ma'i 'gro ba skad cig skad cig cing blangs pa'i 'khor ba des bcings su zin kyang/ stong pa nyid rjes su rtogs pa'i lha'i rnal 'byor bsgoms pas ni rdzogs pa'i byang chub grub par ma gyur kyang/ shi ba'i dus la bab pa na/ 'gro ba khyad par can du 'gro'o zhes bya ba'i don to/ /de nyid kyi phyir gsungs pa sngon du zhes bya ba la sogs pa la/ sngon du mtshan nyid bstan pa bzhin zhes bya ba ni yid ni nam mkhar thim nas su zhes bya ba la sogs pa gang gsungs pa'o/ /stong pa nyid bsgoms nas ci zhig bya zhe na/ stong pa'i zhing zhes bya ba la sogs pa smos te/ stong pa nyid kyis sbyangs pa'i lus kyi zhing sa la blo dang ldan pa ste chos rnam par 'phyed pa'i shes rab kyi blo dang ldan pas sa bon te lha rnams kyi sa bon btab cing btsugs nas 'bras smin par 'gyur ro zhes bya ba'i don to/ /ji ltar phung po la sogs pa'i lus la/ de bzhin gshegs pa'i sa bon gdab par rung zhe na/ dpe'i sgo nas bstan pa'i phyir/ dper na zhes bya ba la sogs pa smos te/ gdol pa'i khang pa ni rigs ngan gyi khang pa'o/ /mes bsreg pa ni mes reg pas bsreg pa'o/ /lha yis byin gyis brlabs par rab tu brjod zhes bya ba la/ lha ni lha rnams te byin gyis brlabs pa ni der sku gdung dang ri mo la sogs pa bzhag pa'o/ /de 'ba' zhig tu ma zad rigs can dge dang

  580. 290b

    mkhas pa kun tu gnas zhes bya ba smos te/ rigs can nyid dge ba ste/ rgyal po dang bram ze la sogs pa'o/ /mkhas pa ni rig pa rnams la byang ba dang de kho na nyid kyi rnal 'byor can la sogs pa ste/ der gnas pa'o/ /de bzhin ting nge 'dzin kun bshig nas zhes bya ba la/ ting nge 'dzin stong pa nyid kyi ting nge 'dzin no/ /kun zhes bya ba ni lus kyi khang pa'o/ /bshig pa ni stong pa nyid kyi me lces snang ba med par byas pa'o/ /sa bon dgod pas rab tu dgod par bya zhes bya ba ni lha rnams kyi sa bon dgod pas lha'i dri gtsang khang la sogs pa dang 'dra ba'i gnas su bya'o/ /zhes bya ba'i don to/ /yi ge brgyad kyi sngags rnams ni/ /gnas dang gnas su brtag par bya zhes bya ba nye bar bshad pa/ gang gi sngags rnams 'tshal bar bgyi zhes bya ba'i lan bstan pa'i phyir/ steng du zhes bya ba la sogs pa smos te/ lha'i rnal 'byor la sogs pa rdzogs par byas kyi 'og tu sa bon dgod pas rab tu dgod par bya zhes bya bar sbyar ro/ /steng du zhes bya ba ni rkan la'o/ /me'i sa bon zhes bya ba ni me'i rang bzhin gyi sa bon te yi ge k+ShuM ngo/ /sa'i sa bon rnam pa gnyis zhes bya ba ni sa rnam par dag pa'i rang bzhin gyi sa bon hUM rnam pa gnyis so/ /sbyar ba ni dgod pa'o/ /stong sogs rlung gi sa bon ni zhes bya ba ni stong pa nyid rnam par dag pa'i rlung gi sa bon te yuM ngo/ /sna dang rna ba dag la zhes bya ba ni sna dag dang rna ba dag la zhes bya bar sbyar te/ gnas de dag tu bsam pa ni bsgom pa'o/ /bdud rtsi chu yi sa bon ni zhes bya ba ni bdud rtsi'i sa bon ni suM ste/ de nyid ni chu'i khams rnam par dag pa'o/ /lce'i dbang po dbang phyug gtso zhes bya ba la/ lce'i dbang po nyid dbang phyug ste/ bdud rtsi la spyod pa'i dbang phyug go /de nyid kyi phyir gtso bo'o/ /gang gis brtsegs pa rim bzhin gzung zhes bya ba la/ gang gi ces bya ba ni gnas gang

  581. 291a

    dang gang gi sa bon gang dang gang yin pa ste/ gnas bzhi ru ni sbyar bar bya zhes bya ba dang 'brel to/ /brtsegs pa zhes bya ba ni yi ge ma la sogs pa thig le'i bar du rim bzhin du bzhag pa'o/ /de nyid bstan pa'i phyir mgrin par zhes bya ba la sogs pa smos te/ gti mug sa bon zhes bya ba ni gti mug rnam par dag pa'i sa bon te smryuM ngo/ /de bzhin dpung bar nyon mongs so/ /zhes bya ba ni dbung pa gnyis su zhe sdang rnam par dag pa'i sa bon hUM ngo/ /snying ga'i phyogs su g.yo ba ste zhes bya ba la g.yo ba ni rlung ste/ de rnam par dag pa'i sa bon ymryuM snying gar bsgom mo zhes bya ba'i don to/ /lte ba'i rtsa bar byugs yin no/ /zhes bya ba la phyugs ni 'ug pa ste/ de'i sa bon k+Sh+mryuM lte ba'i rtsa bar dgod do zhes bya ba dang sbyar ro/ /yan lag brgyad du sa bon ni/ /brgyad po bkod pas bskur par bya zhes bya ba la/ sngar bshad pa'i tshul gyis bkod pa'i sa bon brgyad po nyid ni go cha lta bu ste/ des kun tu sbyar bar bya zing bskur ro zhes bya ba'i don to/ ye shes mkha' 'gror bdag byas te/ /lus ni sa bon ldan par bya zhes bya ba ni gzhung nye bar bsdu ba yin te dang po lha mo ye shes mkha' 'gro mar/ bdag nyid byas la de'i 'og tu sa bon dgod par bya'o/ /zhes bya ba'i don to/ /ye shes mkha' 'gro ma ni nye bar mtshon pa'o/ /ye shes mkha' 'gro ma yi gzugs bstan pa'i phyir nyi ma'i dkyil 'khor zhes bya ba la sogs pa smos te go sla'o/ /steng du rdo rje dbu rgyan can zhes bya ba la steng ni dbu brgyan gyi rtse mo ste/ der rdo rjes mtshan pa'i dbu rgyan gang la yod pa de la de skad ces bya ba'o/ /dar gyi thod ni mdzes pas bcings zhes bya ba ni dar gyi dbu rgyan bcings shing kun tu 'phyang bas mdzes par byas pa'o/ /spyan gsum zhes bya ba ni zhal gsum po so so re re zhing yang spyan

  582. 291b

    gsum gsum mo/ /khro zhing bzhad pa zhes bya ba la/ bzhad pa ni g.yon pa'i zhal lo/ /khro ba ni g.yas pa'i zhal te rtsa ba'i zhal ni 'dir 'jo sgeg tu blta bar bya ba'o/ /shin tu mdzes pa'i na bza' gsol zhes bya ba ni shin tu dkar ba'i kha dog can gyi na bza' mnabs pa'o/ /ral gri dgra sta rdo rje dang zhes bya ba ni phyag g.yas na zhes bya ba'i lhag ma ste/ mtshan ma'i phyag rgya mngon par bsnams zhes bya ba dang 'brel to/ /g.yon pa zhes bya ba la sogs pa ni go sla'o/ /sangs rgyas sprin zhes bya ba ni/ rnam par snang mdzad la sogs pa'i tshogs so/ /lhag ma ni go sla'o/ /dbugs mi g.yo bar bsgom par bya zhes bya ba la/ dbugs mi g.yo ba ni gang du dbugs kyi rgyu ba med pa'o/ /bsgom par bya zhes bya ba ni ye shes mkha' 'gro mar bsgom pa ste ji srid du lus la dbugs thim par gyur cing sems dang 'dres par gyur gyi bar du bsgom pa ste/ 'dis ni dmigs pa rtse gcig pa ston to/ /da ni phra mo'i rnal 'byor gsungs pa/ yid ces bya ba la sogs pa la/ yid ces bya ba ni yi ge hUM ngo/ /ye shes rnam shes zhes bya ba ni de nyid kyi rnam grangs so/ /shel dang 'dra bar bya zhes bya ba ni yi ge hUM de kha dog dkar por bsgom mo zhes bya ba'i don to/ /A li kA li rab sbyar bas/ /de yi sa bon gzung bya ste zhes bya ba la de'i zhes bya ba ni yid la sogs pa'i rang bzhin gyi sa bon nge'o/ /gzung bya ste zhes bya ba ni btu ba'o/ /ci zhig ce na/ A li kA li rab sbyor ba zhes bya ba la sogs pa smos te/ A li zhes bya ba ni yi ge a'u ring po'o/ /kA li zhes bya ba ni yi ge ha'o/ /thig le ni rjes su 'gro ba'i sgra yin pa'i phyir gnyi ga'o/ /des gang du bsgom zhe na/ smin par thigs pa'i gnas dag tu zhes bya ba la smin par zhes bya ba ni go sla'o/ /thigs pa'i gnas zhes bya ba ni thig le'i gnas te/ gnas der

  583. 292a

    ye shes can gyi sa bon zhes bya ba yi ge hUM gi sa bon kha thur du bltas par bsgom mo zhes bya ba'i don to/ /'dir yang dbugs mi g.yo bar bya bsgom par zhes bya ba dang 'brel to/ /de yang dbang por lha'i ting nge 'dzin goms pa'i 'og tu sa bon thig le'i gzugs can zla ba'i dkyil 'khor la gnas pa kha thur du bltas shing bdud rtsi'i rgyun 'dzag pa dang ldan pa'i ting nge 'dzin bsgom mo zhes bya ba'i don to/ /de'i mthar sngags kyi bzlas pa bstan pa'i phyir/ / sangs rgyas lnga yis brgyan pa zhes bya ba la sogs smos te/ sangs rgyas lnga yis brgyan pa zhes bya ba ni sngar bshad zin to/ /de nyid ci zhig zhe na/ yi ge'i sa bon te ye shes mkha' 'gro ma'i sa bon no/ /sngags de nyid kyi btu ba bstan pa'i phyir/ rlung dang me yi bdun don la zhes bya ba la sogs pa smos te/ de la rlung ni yi ge ya'o/ /de'i bdun pa ni yi ge sa'o/ /me ni yi ge ra ste/ de'i bdun pa ni ha'o/ /de dag nyid ni sgra'i don to/ /rlung dang me'i bdun pa zhes bya ba'i sgra'i don yin pa'i phyir te/ gzung la zhes bya bar sbyar ro/ /rigs kyis na gcig gi tshig yin no/ /rdo rje ma'i sa bon bskul zhes bya ba la/ rdo rje ma'i sa bon ni klung gi bdun pa yi ge sa la bya ste/ sku la zhes bya ba ni me'i bdun pa'i sa bon ha'i zla tshes su sbyar ba'o/ /ci'i phyir zhe na/ zla tshes dang rdo rje ma'i sa bon gnyis ka bdud rtsi 'dzag pa'i rang bzhin du chos mthun pa'i phyir sa yang zla tshes su sbyar bar bya'o zhes bya ba'i don to/ /yang ci 'dra zhe na/ sgra dang thig les yang dag mnan zhes bya ba smos te/ de la sgra zhes bya ba ni a'u ring pa'o/ /de ni me'i bdun pa yi ge ha'i gdan du sbyar bar bya'o/ /thig le ni zla tshes kyi steng du thigs pas mnan pa ste bsdus pas hUM zhes bya bar 'gyur ro/ /char pa'i rgyun zhes bya bar brjod zhes

  584. 292b

    bya ba la/ yi ge hUM gi sa bon de nyid bdud rtsi'i char 'dzag pa'i phyir char pa'i rgyun te/ de bzlas par bya'o zhes bya ba dang sbyar ro/ /sa bon de yang ji ltar bzlas zhe na/ thog ma zhes bya ba la sogs pa smos te/ thog ma ni hUM gi dang por ro/ /bla ma'i yi ge zhes bya ba ni yi ge oM mo/ /sreg byed yi ge mthar bzlas bya zhes bya ba la/ sreg byed kyi yi ge ni swAhA/ mthar ni hUM gi mthar te bsdus pas/ oM hUM swAhA zhes bya bar 'gyur ro/ /ting nge 'dzin dang ldan pa yi/ /blo gros can gyis sum 'bum bzla zhes bya ba ni ye shes mkha' 'gro ma'i ting nge 'dzin thob pa'i sngags pas sngar 'das ma thag pa'i sngags 'bum phrag gsum du bzlas par bya ba ste/ des ni sngar bsnyen pa byas par 'gyur ro/ /bzlas dang ldan pa'i rnal 'byor pa/ /de yis bsam pa thams cad 'grub ces bya ba ni/ rim pa de ltar bsgom pa dang bzlas par ldan pa'i rnal 'byor ba gang yin pa des ni bsam pa thams cad 'grub par 'gyur ba'o/ /bsam pa thams cad gang zhe na/ las brgyad la sogs dngos grub rnams zhes bya ba smos te/ de la las brgyad ces bya ba ni zhi ba dang rgyas pa dang/ dbang dang dgug pa dang/ mngon par spyod pa dang/ bskrad pa dang/ dbye ba dang/ bcings pa rnams so/ /sogs kyis na dngos grub chen po brgyad la sogs pa gzung bar bya'o// sngon du zhes bya ba ni byang chub kyi sngon du ste/ las brgyad la sogs pa'i dngos grub sngon du ste/ las brgyad la sogs pa'i dngos grub sngon du bsgrubs nas phyis byang chub kyang 'grub par 'gyur ro zhes bya ba'i don to/ /ji ltar 'grub zhe na/ bsnyen pa zhes bya ba la sogs pa smos te/ bsnyen pa ni bshad zin to/ /de 'og las rnams brtsams byas na zhes bya ba ni/ phyis bsgrub pa'i dus su sngags spel ba dang bcas pas zhi ba la sogs pa'i las rnams brtsams shing bsgrubs na gdon

  585. 293a

    mi za bar 'grub par 'gyur ro/ /zhes bya ba'i don to/ /da ni rdo rje 'chang ba'i sngags bstan pa'i phyir/ nyon cig zhes bya ba la sogs pa smos te go sla'o/ /sngon du rdo rje tshig brjod la zhes bya ba ni badzra zhes bya ba'i tshig sngags kyi dang por gdon pa'o/ /sde tshan dang po'i dang po gzung zhes pa la sde tshan dang po ni ka'i sde tshan te/ de'i yi ge dang po ni ka nyid do/ /de bzhin sde tshan bzhi pa yi/ /yi ge dang po gzung nas ni zhes bya ba la/ sde tshan bzhi pa ni ta'i sde tshan no/ /de'i yi ge dang po ni ta nyid do/ /nyis 'gyur zhes bya ba ni ta nyis rtseg tu bya'o/ /re pha steng du bzhag ces bya ba ni ta nyis rtseg gi ster du yi ger bzhag pa'o/ /de bzhin i dang ?nge ba sbyar zhes bya ba ni de'i 'og tu yi ge ra bzhag pa yi ge i steng du sbyar ba'o/ /gang zhig sde tshan gnyis pa yi/ /yi ge gnyis pa thig le can zhes bya ba ni sde tshan gnyis pa tsa'i sde can gyi yi ge gnyis pa tsha'i 'gram na thig le bzhag pa dang ldan pa'o/ /lcags kyu yis ni gzir bar bya zhes bya ba la lcags kyu ni yi ge i thung du steng du sbyar ba'o/ /bzhi pa yi ni gsum par bcas zhes bya ba ni sde tshan bzhi pa'i yi ge gsum pa de glo na gnas pa dang bcas pa'o/ /lan gnyis su ni bzlas par bya// zhes bya ba ni de lan gnyis su brjod pa ste tshinda tshinda bya bar 'gyur ro/ /sangs rgyas lnga yis brgyan pa dang zhes bya ba la/ sangs rgyas lnga ni yi ge hUM ste brgyan pa zhes bya ba ni de'i 'og tu yi ge'i hUM gdon pas sngags de mdzes par byas pa'o/ /sngon du phyag 'tshal yi ge zhes bya ba ni sngag de thams cad kyi sngon de thog mar phyag 'tshal ba'i yi ge oM gdon par bya'o/ /yi ge drag po mdza' ru sbyor zhes bya ba la/ yi ge drag po ni yi ge phaT do/ /mdza' ru sbyar ba ni

  586. 293b

    sngags thams cad kyi mdza' ru bzla ba ste bsdus pas/ oM badzra karta ri tshinda tshinda hUM phaT zhes bya ba 'gyur ro/ /sngags 'di'i phan yon bstan pa'i phyir/ sa bon 'di bzlas rnal 'byor pas zhes bya ba la sogs pa smos te/ bcing ba zhes bya ba nye bar mtshon pa tsam mo/ /des na sngags 'di bzlas na las thams cad 'grub par 'gyur ro zhes bya ba'i don to/ /phyag rgya bstan pa'i phyir/ lag gnyis zhes bya ba la sogs pa smos te/ lag gnyis sor mo bsnol nas ni zhes bya ba ni dang po lag pa rdo rje bcing ba bya ste/ de'i 'og tu rdo rje khu tshur gnyis su bya'o zhes bya ba lhag ma yin no/ /de nyid bza' ba lta bur sbyar zhes bya ba ni de'i 'og tu khu tshur g.yon pa bza' ba lta bur kha'i phyogs su bstan par bya'o// zhes bya ba'i don to/ /khu tshur g.yas pa ci zhig bya zhe na/ khro bo dang zhes bya ba la sogs pa smos te/ khro bo dang ni dbu ma brkyang zhes bya ba ni mdzub mo dang gung mo brkyang ba'o/ /gnyi ga phan tshun drud par bya zhes bya ba la sogs pa ni go sla'o/ /de la khu tshur gyi mtshan nyid ni mthe bo nang du bcug ste sor mo lhag ma rnams kyis mnan pa'o/ /dgra'i mgrin pa la sogs pa zhes bya ba la sogs pa'i tshig gis ni rna ba dang sna la sogs pa bzung bar bya ste/ de nyid kyis na dngos po thams cad zhes bya ba smos so/ /yid ces bya ba ni de dag thams cad ni yid kyi rol pa ste/ mgo ba cad pa la sogs pa yid kyi rol cing rdzogs par bya'o/ /zhes bya ba'i don to/ /de nas zhes bya ba la sogs pa la/ chu la sogs pa kun zhes bya ba ni/ chu rlabs g.yob dang char 'bab pa la sogs pa'o/ /bcing ba ni mnan pa'o/ /gang yang sde tshan tha ma yi/ /yi ge gsum pa gzung par bya zhes bya ba la/ sde tshan tha ma ni pa'i sde tshan te/ ka la sogs pa sde tshan lnga'i tha ma yin pa'i phyir ro/ /de'i yi ge gsum pa ni

  587. 294a

    ba'o/ /de bzhin sde tshan gsum pa yi/ /yi ge gsum pa nyid dang ni zhes bya ba ni yi ge Da'o/ /de'i sa bon gsum pa la zhes bya ba ni sa bon gsum pa'i sgras ni yi ge wa gzung bar bya'o/ /de'i zhes bya ba ni ba dang wa 'dra ba'i phyir ro/ steng du e zhes bya bar sbyar/ zhes bya ba ni go sla'o/ /de dag gis ni ba Da we zhes bya bar 'gyur ro/ /sde tshan lnga pa'i dang po la zhes bya ba ni yi ge pa'o/ /lcags kyu yis ni gzir bar bya zhes bya ba la lcags kyu'i sgra ni yi ge i thung du la bya la/ gzir ba ni de de'i steng du sbyar ba'o/ /tsheg drag yi ge dbus byas te zhes bya ba la tsheg drag gi yi ge ni wa'o/ /dbus su bya ba ni de'i 'og tu gdon pa'o/ /tha ma rdo rje can dang sbyar zhes bya ba la rdo rje can ni yi ge ha'o/ /re pha glo na lcag skyu can zhes bya ba ni gnyi gar sbyar te 'og tu ra btags shing glor lcags kyu ste/ a'i ring po sbyar ba'o/ /mthar ni drag po'i yi ge dang zhes bya ba ni yi ge phaT mthar sbyar ba'o/ /dang por phyag 'tshal bzhag par bya zhes bya ba ni go sla ste bsdus pas/ oM wa Da wa pi wa h+rI phaT zhes bya bar 'gyur ro/ /bcing ba yi ni sngags su grags zhes bya ba ni 'di ni char la sogs pa 'ching pa'i sngags so zhes bya ba'i don to/ phyag rgya gsungs pa/ lag gnyis zhes bya ba la sogs pa la/ lag gnyis thal mo sbyar nas su zhes bya ba ni go sla'o/ /srin lag gnyis ni phan tshun dkri zhes bya ba ni rtsa ba'i bar du srin lag gnyis gdon pa'o/ /khro bo gnyis kyis mnan par bya zhes bya ba ni mdzub mo gnyis kyis srin lag gnyis kyi rtse mo nas dgug pa'o/ mthe bo gnyis ni dbus su sbyar/ /zhes bya ba ni mthe bo gnyis kyi rtse mo gung mo gnyis kyi rtsa bar gzugs pa'o/ /lhag ma ni go sla'o/ /sprin gyi lha tshogs sreg par byed ces bya ba ni/ sprin gyi lha la sogs pa bcings

  588. 294b

    par 'gyur ba'o/ /lhag ma yang go sla'o/ /bdag gi gdan zhes bya ba la sogs pa la/ lha'i rnal 'byor la sogs pa'i brjod par bya ba'i rim par bya ba bzhis bstan pa de ni bdag gi gdan zhes bya ba'i rab tu byed pa ste/ rdzogs pa ni mthar gtugs pa'o/ /dpal gdan bzhi pa'i 'grel pa dran pa'i rgyu mtshan zhes bya ba las/ bdag gi gdan gyi rim par phye ba bzhi pa'o// //da ni gzhan gyi gdan la zhi ba la sogs pa'i sbyin sreg dang/ gtor ma sbyin pa dang slob ma'i mtshan nyid bstan pa'i phyir/ rim par phye ba dang por gsungs pa lha'i zhes bya ba la sogs pa la/ lha yi gzugs ni ji lta zhes bya ba ni/ zhi ba la sogs pa'i sbyin sreg gi bya ba la/ lha'i gzugs te lha'i rnal 'byor ji lta bu ste/ ci 'dra ba zhig blta bar bgyi zhes bya ba lhag ma yin no/ /zhi ba'i sbyin sreg la sogs dang zhes bya ba ni zhi ba la sogs pa'i sbyin sreg gi bya ba ste/ ji ltar lags zhes bya ba dang 'brel to/ /gtor mar ldan pa zhes bya ba la/ gtor ma ni sbyin sreg gi yan lag tu gyur pa'o// ldan pa ni sbyor ba ste/ gtor ma sbyin pa'i dus kyi lha'i rnal 'byor ro/ /ji ltar lags zhes bya ba ni bcom ldan 'das la nyan par 'tshal zhes bya ba'i tshig snga ma dang 'brel to/ /yang na zhi ba la sogs pa'i sbyin sreg gi bya ba ji ltar lags/ lha'i gzugs kyi sbyor ba ni ci 'dra/ gtor ma dag ni ji ltar sbyin zhes bya bar sbyar ro/ /sogs pa'i sgras ni slob ma'i mtshan nyid ji ltar blta zhes bya ba gzung ngo/ /lan bstan pa'i phyir gzugs sogs zhes bya ba la sogs pa smos te/ gzugs zhes bya ba ni lha'i gzugs kyi sbyor ba'o/ /bsam pa ni bsgom pa'o/ /sogs kyis ni gtor ma la sogs pa gzung bar bya'o/ /rtse gcig zhes bya ba ni sems ma yengs pa ste/ nyon cig ces bya ba dang 'brel to/ /sngags dang phyag rgya sbyin sreg gi zhes bya ba la/ sngags dang

  589. 295a

    phyag rgya ni 'og nas 'byung ba'i sngags dang phyag rgya'i chogs so ci zhe na/ sbyin sreg gi ces bya ba smos te/ sbyin sreg gi bya ba dang 'brel pa'i 'o/ /bzlas dang bsam gtan bsgom pa rnams zhes bya ba la/ bzlas pa ni sngags zhes bya ba'i nye bar bshad pa'o/ /bsam gtan bsgom pa zhes bya ba ni/ gzugs shes bya ba'i nye bar bshad pa ste/ sbyin sreg gi dus su lha'i bsam gtan dang/ sngags dang bzla ba dang/ phyag rgya bcing ba rnams nyon cig ces bya bar sbyar ro/ /sngon du me yi la sogs pa/ /blo can bzlas pa shes par bya ba la/ me'i las ni sbyin sreg gi las so/ /blo can ni blo gros dang ldan pa ste/ blo gros dang ldan pa'i sngags pas me'i las kyi sngon du bzlas pa shes pa shes par byas la bzlas pa'i las kyi sngon du yang me'i las bya bar shes par bya'o/ /zhes phan tshun du thog mdza' can du sbyar ro/ /sa ni sbyangs ma thag tu yang/ /stegs bu'i mtshan nyid 'bad de bya zhes bya ba la dang po sbyin sreg gi phyir 'og nas 'byung pa'i phyag rgya la sogs pas sa sbyangs nas/ stegs bu'i mtshan nyid ces bya ba thab khung gi rang bzhin 'bad pas bya zhes bya ba thab khung gi mtshan nyid la byang bas bskor bar bya'o/ /ces bya ba'i don to/ / sor brgyad la sogs brtsams nas ni/ /ji snyed khru gang bar du gzung zhes bya ba la/ sor brgyad nas brtsams te khru stong gi bar du gzung ba 'am/ yang na sor brgyad nas brtsams nas ji snyed ces bya ba khru gang gi bar du gzung la/ khru gang nas brtsams te ji snyed khru stong gi bar du gzung ngo/ /zhes zur gnyis su sbyar ro/ /brgyad pa dgra ni 'joms pa ste zhes bya ba la sogs pas ni thabs khung gi tshad kyi dbye ba rnams las kyi bye brag dang sbyar ba yin no/ /de la brgyad pa ni sor

  590. 295b

    brgyad pa'i tshad do/ /dgra 'joms pa ni mngon spyod kyi sbyin sreg bya ste de der bya'o/ zhes bya ba'i don to/ /de bzhin bcu pas rgyas par 'gyur zhes bya ba ni rgyas pa'i sbyin sreg gi phyir sor bcu pa'i thab khung bya ba'o/ /bcu gnyis pas ni dbang du sdud ces bya ba ni dbang gi sbyin sreg gi phyir sor bcu gnyis pa'i me thab bya ba'o/ /bcu bzhis de bzhin zhi ba nyid ces bya ba ni nad la sogs bsal ba'i sbyin sreg gi phyir sor bcu bzhi pa'i me thab bya ba'o/ /me thab sor bcu drug tshad kyis ni/ /rigs rnams mngon par 'phel bar byed ces bya ba ni bu dang tsha bo la sogs pa'i rigs ma skyes pa bskyed pa dang/ skyes pa gnas bya ba'i phyir sor bcu drug pa'i me thab bya'o/ /mtheb sor bco brgyad gnas kyis ni/ /ba lang rigs sogs mngon par 'phel zhes bya ba la gnas zhes bya ba ni thab khung ngo/ /ba lang rigs la sogs zhes bya ba la sogs kyi tshig gis ni rta dang glang po la sogs pa gzung ngo/ /lhag ma ni go sla'o/ /rgyar ni cha gsum bgos pa las/ /cha gnyis su ni brko bar bya zhes bya ba ni/ rgya'i tshang ?sngar smos pa cha gsum du bgos pa las cha gcig bor te zabs su cha gnyis brko zhes bya ba'i don to/ /thab khung kun gyi thun mong gi mtshan nyid do/ /brkos pa yi ni brgya cha yis zhes bya ba ni zabs su brkos pa'i cha brgyad pas so/ /ci zhig bya zhe na/ khung bu yi ni kha khyer bya zhes bya ba smos te/ thab khung gi khar na bya'o/ /kha khyer gyi ni phyed cha yis/ /phyi rol gyi ni mu khyud bya/ /zhes bya ba ni kha khyer phyi rol tu de'i phyed kyi tshad kyi mu khyud kyis bskor ba'o/ /mu khyud cha brgyad lhag pa la/ pad+ma'i 'dab ma de'i cha brgyad ces bya ba la/ mu khyud cha brgyad du bgos pa'i cha gcig tshun chad lte bar bya ba la/ cha brgyad po rnams las lhag ma ni pad+ma'i 'dab mar bya'o/ /zhes bya ba'i don to/ /yang na mu khyud cha brgyad lhag pa la/ /zhes bya ba ni thab khung

  591. 296a

    gi mu khyud cha dgur bgos la/ phyi rol gyi cha gcig dgu pas ni/ pad+ma'i mu khyud bya'o zhes bya ba'i don to/ /pad+ma'i 'dab ma de'i cha brgyad zhes bya ba ni pad+ma de'i 'dab ma brgyad du bya ba'o/ /gang du zhe na/ pad+ma yi ni phyi rol du zhes bya ba smos so/ /tsha de ci tsam zhe na/ sor gcig pa yi zhes bya ba smos te/ rab bya zhes bya ba ni pad+ma'i 'dab ma nyid ra ba dang 'dra bas ra ba'o/ /thab khung nang du rdo rje rnams/ pad+ma'i steng du bzhag par bya zhes bya ba ni rdo rje sems dpa' i mtshan ma rdo rje dang/ mkha' 'gro ma rnams kyi mtshan ma rnams thab khung gi nang du pad+ma'i steng du bri ba'o/ /las kyi bye brag gis dbyibs kyi bye brag bstan pa'i phyir/ mngon spyod la ni zhes bya ba la sogs pa smos te/ mngon par spyod pa'i las la dbyibs gru gsum du bya'o/ /zhes bya ba'i don to/ /lhag ma ni go sla'o/ /rgyas pa la yang de bzhin no/ zhes bya ba ni kun nas zlum pa dang sbyar ba'o/ /zla ba phyed pa zhes bya ba ni zla ba tshes brgyad pa'i dbyibs lta bu'o/ / zur brgyad pa zhes bya ba ni rin po che ltar brgyad pa'o/ /rim gyis rim gyis sbyar bar bya/ /zhi dang rgyas dang dbang sogs rnams zhes bya ba ni gzhung nye bar bsdu ba ste/ zhi ba la sogs pa'i las rnams gru bzhi la sogs pa'i thab khung du ji skad smos pa'i rim bzhin du sbyar bar bya ba'i don to/ /thab khung nang du zhes bya ba la sogs pa nye bar bshad pa'i phyir/ sangs rgyas lnga yi mtshan ma rnams/ /ji bzhin phyogs su dgod par bya zhes bya ba smos te/ sangs rgyas zhes bya ba ni rdo rje sems dpa' dang mkha' 'gro ma rnams sam/ ye shes mkha' 'gro ma la sogs pa rnams so/ /ji bzhin phyogs su dgod par bya zhes bya ba la/ dbus su ni rdo rje'o/ /phyogs kyi 'dab ma bzhi la ni kha TwAM ga rnams so/ /kha khyer gyi ni

  592. 296b

    gnas bzhi ru zhes bya ba ni kha khyer gyi shar la sogs pa'i phyogs cha bzhir ngo/ /sangs rgyas mtshan mas brgyan par bya zhes bya ba ni rim bzhin du 'khor lo dang rin po che dang pad+ma dang ral gri rnams bri ba'o/ /zla phyed rdo rjes shin tu mdzes zhes bya ba ni zla pa phyed pa la gnas pa'i rin po che dang rdo rje'o/ /grwa dang grwa ru kun tu bzhag zhes bya ba ni phyi rol du mu ran gyi grwa bzhir bya ba'o/ /ji bzhin stan gyi gnas su yang/ /mtheb sor bcu gnyis dag tu ni/ /'phangs su khru phyed ldan pa yi/ /ti tse gangs ni mdzes par bzhag ces bya ba la bstan gnas zhes bya ba ni smon gyi stan gyi mdza' i g.yon phyogs su'o/ /ti tse gangs zhes bya ba ni grags par zad do/ /'phangs su zhes bya ba ni nye bar mtshon pa ste nam 'phangs dang mchu zheng du'o/ /khru phyed ldan pa zhes bya ba ni chod de/ phyed dang ldan pa'i khru phyed do/ /'dis ni mtho phyed dang gnyis su 'gyur ro/ /mthe ba sor bcu gnyis zhes bya ba ni de'i drung du skas sor bcu gnyis su bya ba'i/ 'dab ma brgyad kyi gnas rnams su lha mo rnams ni rim bzhin dgod ces bya ba la 'dab ma brgyad ni phyi rol mu khyud kyi 'dab ma rnams la'o/ /lha mo rnams zhes bya ba ni lha mo rnams kyi mtshan ma ste/ dgod pa ni rim bzhin du bri ba'o/ /de la shar gyi 'dab ma la ni mkha' 'gro ma'i mtshan ma lag pa gnyis khar bcug pa'o// byang du ni 'bar ba'i mtshan ma thal mo spyi bar sbyar ba'o/ /nub tu ni 'jib ma'i mtshan ma snyim pa nas khrag 'thung ba'o/ /lhor ni 'phrog byed ma'i mtshan ma sor mo gtun shing gi tshul du byed pa'o/ /dbang ldan la sogs pa'i mtshams bzhir ni seng ge mo dang stag mo dang/ lce spyod mdo dang 'ug pa mo rnams kyi mtshan ma lcags kyu 'ba' zhig tu bri bar bya'o/ /mtshan ma rnams kyi kha dog stan pa'i phyir/ rnal 'byor pa yi de yi tshad/ khyad par du ni sbyar bar bya/ zhes bya ba smos te/

  593. 297a

    de'i tshad ces bya ba ni/ mtshan ma rnams te/ so so'i thab khung bzhin du gzhal zhing btsugs pas so/ /khyad par zhes bya ni zhi ba la sogs pa'i las kyi khyad par ro/ /sbyar ba ni de'i mdog tu bya ba'o/ /oM hi li zhes bya ba la sogs pa la nye bar spyod pa zhes bya ba ni bsreg rdzas rnams la bsang gtor bya ba la sogs pa'i sngags so/ /sa sbyang ba la sogs pa nas brtsams pa'i las rnams la bdag nyid ye shes mkha' 'gro mar bsgom pa bstan pa'i phyir/ ye shes zhes bya ba la sogs pa smos te/ rang rang gi lus zhes bya ba ni slob dpon gyi lus so/ /ye shes mkha' 'gror bsgoms pa yis zhes bya ba'i tshig ni lha ru sprul par bya zhes bya ba dang sbyar ro/ /go cha bstan pa'i phyir bdag gi yan lag brgyad po ru/ thams cad bkod pas bsrung bya ste zhes bya ba smos te/ 'di ni bsdus pa'o/ /de nyid bshad pa'i phyir lce la yang zhes bya ba la sogs pa smos te/ lce la chu 'di nyid dang ni/ /zhes bya ba la 'di nyid ces bya ba ni bdud rtsi ste/ chu zhes bya ba ni de nyid chu'i rang bzhin gyi phyir ro/ /de rnam par dag ba'i sa bon suM la yang de skad ces bya'o/ /nam mkha' rna ba sna dag la zhes bya ba la/ nam mkha' i de kho na nyid ni sa bon yuM ngo/ /sa zhes bya ba ni/ sa rnam par dag pa'i sa bon hUM ngo/ /me zhes bya ba me rnam par dag pa'i sa bon k+ShuM ngo/ /tshangs pa zhes bya ba ni/ steng gi tshangs pa'i gnas te/ rkan nas spyi gtsug gi bar du'o/ /'di dag ni rdo rje mkha' 'gro ma dang/ ro langs ma dang/ gtum mo dang/ drag mo rnams kyi rang bzhin gyi sa bon du rim bzhin du shes par bya'o/ /mgrin pa zhes bya ba la sogs pa la/ rmongs

  594. 297b

    pa zhes bya ba ni gti mug ste/ de rnam par dag pa'i sa bon smryuM ngo/ /de nyid ni lha mo seng+ge ma'i rang bzhin yin pas ded dpon te ltag 'og tu sbyar bar bya'o/ /g.yo ba zhes bya ba ni rlung ste/ de rnam par dag pa'i sa bon ymryuM ngo/ /nyon mongs zhes bya ba ni sdang ba ste/ de rnam par dag pa'i sa bon hmryuM ngo/ /thong ka zhes bya ba ni dpung pa'o/ /phyugs zhes bya ba ni 'ug pa ste/ de'i sa bon k+Sh+mryuM ngo/ /de dag ni seng+ge mo dang/ stag mo dang/ lce spyang mo dang/ 'ug pa mo rnams kyi rang bzhin gyi sa bon rim bzhin du yin no/ /de nyid kyi phyir/ yan lag brgyad kyi bsrung ba 'di lha rnams su ni shes byas la zhes bya ba smos te/ go cha'i sa bon rnams lha mo rnams kyi rang bzhin du mos par bya'o zhes bya ba'i don to/ /ji ltar zhe na/ ba dan gsum zhes bya ba la sogs smos te/ ba dan gsum gyi phyag rgya zhes bya ba ni mthe bos mthe'u chung gi sen mo mnan te/ sor mo lhag ma gsum brkyang pa'o/ /yan lag brgyad du gtugs te bsrung zhes bya ba ni spyi bo la sogs pa'i gnas brgyad du phyag rgya des gtugs nas sngar smos pa'i sa bon rnams dgod pa'o/ /da ni gong du thal ba'i ye shes mkha' 'gro ma la dran pa bskyed pa'i phyir dang/ sa sbyang pa'i dus su yang ye shes mkha' 'gro ma bsgom pa bstan pa'i phyir/ ye shes zhes bya ba la sogs pa smos te/ ye shes mkha' 'gro'i bdag nyid du zhes bya ba ni rang gi lus ni bsgom par bya zhes bya ba dang 'brel to/ /ji ltar zhe na/ bdag gi lus ni sprul byas te/ /zhes bya ba smos te/ bdag gi lus bsgyur bas so/ / kun da zhes bya ba la sogs pa ni go sla'o/ /phyag na kha TwAM ga dang rdo rje ste zhes bya ba la rdo rje ni g.yas su'o/ /kha TwAM ga ni g.yon du'o/ /mnyam par bzhag pas zhes bya ba ni 'jig rten dang chos la rgyab kyi phyogs pas so/ /dbugs mi g.yo bar bsgom

  595. 298a

    par zhes bya ba ni bshad zin to/ /de nas sa ni sbyang byas te zhes bya ba la/ de nas zhes bya ba ni rim gyi don to/ /dang po rang gi lus lhar bsgoms nas sa sbyang bar byas la/ de nas ni thab khung brko bar bya'o/ /zhes bya ba'i don to/ /oM zhes bya ba la sogs pa la/ lag pa g.yas pa brkyang nas su/ /rdo rje bsgoms nas sa la bsnun zhes bya ba ni/ bdag nyid lha'i rnal 'byor dang ldan pas/ lag pa g.yas pa kun nas brkyang ba'i dbus su/ yi ge hUM las gyur pa'i rdo rje rtse lnga pa bsgoms la/ rdo rje dang ldan pa'i lag pa des mkha' 'gro ma lnga'i gnas su sngags 'di bzlos bzhin du bsnun la sa rdo rje'i rang bzhin du bsgom mo zhes bya ba'i don to/ /rdzas sbyang ba bstan pa'i phyir/ lag gnyis khu tshur kha sbyar te zhes bya ba la sogs pa smos so/ /'di'i don ni lag pa gnyis kyi khu tshur kha sbyar te gung mo gnyis brkyang nas rtse sbrang la bstan nas gzung bar bya'o/ /zhes bya ba 'di yin no/ /phyag rgya 'di ni dag byed pa'o zhes bya ba la/ 'di zhes bya ba ni 'das ma thag pa'o/ /dag byed pa zhes bya ba ni 'og nas 'byung ba'i mar la sogs pa'i rdzas thams cad dag par byed pa'i thun mong gi phyag rgya'o/ /'on kyang sngags ni so sor sbyar bar bya'o/ /de la sngags gsungs pa/ oM sriM swAhA/ mar sbyang ba'i sngags so/ /zhes bya ba nas ji srid du yam shing sbyang ba'i sngags so zhes bya ba'i bar du ste go sla'o/ /me lha bskyed pa'i chog bstan pa'i phyir/ me dbus pad+ma bsams nas su zhes bya ba la sogs pa smos te/ de la me dbus pad+ma bsams nas su zhes bya ba ni bstan pa'o/ /bgrang phreng zhes bya ba la sogs pa ni bshad pa'o/ /me yi lha ni dgug par bya zhes bya ba ni sems dpa' gnyis pa'i cho ga bstan pa'o/ /g.yon pa khu tshur zhes bya ba la sogs pa ni bshad pa ste/ thab kyi

  596. 298b

    dbus su ji ltar grags pa'i me sbar la/ de'i dbus su pad+ma/ pad+ma'i dbus su raM yongs su gyur pa las nyi ma las bzhugs pa'i me lha ral pa ser skya'i thor tshugs can mdog bu ram sar dmar ser du 'dug pa/ lag pa g.yas g.yon gyi sa bgrang phreng dang spyi blugs thogs pa/ me 'bar bas 'khrugs pa'i nang na gnas par bsams la/ g.yon pa phu tshur bcings nas su zhes bya ba la lag pa g.yon pa'i khu tshur thab kyi phyi rol gyi ku sha'i khres pa la bzhag nas/ mdzub mo dgung mo brkyang ste gung mo'i tshigs gsum pa la/ mdzub mo'i rtse mo bkug ste/ btsugs nas bskyong pa'i phyag rgya 'di dang/ oM A gats+tsha A gats+tsha agne dza(rgyud 'grel): swAhA zhes bya ba'i sngags 'dis ye shes kyi me lha bkug la/ arg+ha la sogs pa byin te/ pad+ma'i gdan la bzhugs pa ru/ /thab khung dbus su bsgom par bya/ /zhes pas dam tshig gi me lha la thim nas gnyis su med par bsgom par bya'o/ /de nas mchod pa bstan pa'i phyir/ der ni zhes bya ba la sogs pa smos te/ der ni zhes bya ba sngar smos pa'i rim gyis bkug nas arg+ha dang zhabs bsil la sogs pa phul te/ dam tshig gi me lha dang gnyis su med par bstims la/ ci 'byor pa'i me tog la sogs pa nas lha bshos kyi bar du dngos po ltas mchod nas sreg blugs gsum gsum bya zhes bya bar sbyar ro/ gang du zhe na/ me dbus me lha'i lce la ni zhes bya ba ste go sla'o/ /gang las zhe na kun las te sreg rdzas thams cad las so/ /lag gnyis zhes bya ba la sogs pa la/ dbu ma kun tu brkyang bar bya zhes bya ba ni gung mo gnyis shin tu brkyang ste bgyed pa'o/ /cung zad dbye zhes bya ba ni sor mo lhag ma rnams chung zad kha sbyar ba'o/ /pad+ma'i tshul zhes bya ba ni/ pad+ma kha bye ba'i phyag rgya 'di me la bstan nas/ oM agne dzu hUM dzu hUM swAhA/ zhes bya ba'i sngags kyis mnyes par bya'o/ /de nas ci bya zhe na/

  597. 299a

    de nas 'bad pas se gol gsum gtogs pas 'bar bar thim bar bsgom zhes bya ba smos te/ se gol lan gsum gtogs la spyan drangs pa'i me lha me 'bar ba'i gzugs su thim nas ro gcig tu gyur pa bsgom mo zhes bya ba'i don to/ /me yi dbus su kun rig pas/ /de nas sbyang ba brtsam par bya/ /zhes bya ba ni me'i dbus su rang gi 'dod pa'i lha bsgoms sbyin sreg bya ba'i dus su sreg rdzas thams cad bsang gtor bya bas sbyang pa brtsam mo zhes bya ba'i don to/ /de nyid gsungs pa oM zhes bya ba la sogs pa la/ oM hUM ta ti phaT zhes bya ba ni sngags so/ /rdo rjer bcas pa'i lag pa yis/ /me tog yungs kar chu yis ni/ /phyogs kun tu ni gtor nas su/ /me yi nang du blugs par bya/ /zhes bya ba la rdo rjer byas pa'i lag pa zhes bya ba ni rdo rje gzung ba'i lag pas so/ /me tog yungs kar chu yis ni zhes bya ba ni me tog dang yungs kar bcas pa'i chus so/ /phyogs kun tu ni gtor nas su/ /zhes bya ba ni rdzas kun la gtor ba dang/ me'i phyogs mtshams rnams su gtor ba'o/ /me yis nang du blugs par bya zhes bya ba ni go sla'o/ /sbyang ba ni me dang rdzas sbyang pa'o/ /sngags ni sngags 'di nyid do/ /phyag rgya ni sngar smos pa'i lag gnyis khu tshur kha sbyar te zhes bya ba la sogs pa la rdzas dag par byed pa'i phyag rgya'o/ oM badzra pra ka ra zhes bya ba la sogs pa ni go sla'o/ /lag pa gnyis ni brkyang nas su/ /phan tshun rtse mo reg par bya zhes bya ba ni mgo bo'i steng du snyim pa'i phyag rgya sor mo reg pa tsam du bca' ba'o/ /lhag ma yang go sla'o/ /g.yon pa khu tshur bcangs nas su/ /mthe? bo 'og tu brkyang bar bya zhes bya ba ni lag pa g.yon pa khu tshur bcangs nas bzlog ste mthe bo'i rtse mo sa la gzugs pa'o/ /lhag ma ni go sla'o/ /me la sbyin sreg byas nas/ 'dod pa'i lha la sbyin sreg

  598. 299b

    bya ba bstan pa'i phyir/ nyi ma yi zhes bya ba la sogs pa smos te/ kha dog dmar sogs zhes bya ba ni las kyi bye brag gi kha dog dkar po la sogs pa yang gzung ba'o/ /sbyor pa'i gang na zhes bya par/ sems dpa' i skyil krung du bzhugs pa'o/ /las kyi mdog tu bsgom par bya zhes bya ba ni/ kha dog dmar sogs zhes bya ba'i bshad pa yin no/ /lhag ma ni go sla'o/ /'di dag ni don ni me'i dbus su pad+ma pad+ma'i steng du nyi ma'i dkyil 'khor/ de'i steng du hUM yongs su gyur pa las rdo rje rtse mo lnga pa lte bar hUM gi sa bon gyis mtshan pa de thams cad yongs su gyur pa las/ dmar po la sogs pa'i kha dog can rgyan dang na bzas klubs pa phyag g.yas dang g.yon na/ rdo rje dang kha TwAM ga bsnams pa'i rang gi 'dod pa'i lha ye shes mkha' 'gro ma la sogs pa sems dpa' i skyil krung can du bsgom pa 'di yin no/ /ye shes kyi sems dpa' bsgrub pa bstan pa'i phyir/ rdo rje'i gzugs ni bskyed nas su/ /rang gi dbugs las byung pa yi/ /bdag gi lus ni gang yin la/ ye shes mkha' 'gro bstim par bya zhes bya ba smos te/ bdag gi dbugs las byung ba zhes bya ba ni/ bdag gi dbugs las spros pa'i ye shes sems ma'o/ /bdag gi lus ni gang yin la zhes bya ba ni bdag gi rang bzhin dang dbyer med pas na/ bdag gi lus te me'i nang du bskyed pa'i dam tshig sems ma'o/ /lhag ma ni go sla'o/ /oM Tha Tha zhes bya ba la/ Tha'i gnas su hUM brjod par bya ste/ des na oM hUM hUM hUM swAhA/ zhes bya bar 'gyur ro/ /dbyug pa zhes ba ni blugs gzar ro/ /snod ces bya ba dgang gzar ro/ /rdzas rnams sbyang ba'i sngags gsungs pa oM hUM swAhA zhes bya ba'o/ /de nyid rtsa ba'i sngags yin par bstan pa'i phyir/ rtsa ba'i sngags dang phyag rgya'o zhes bya ba smos so/ /phyag rgya zhes bya ba ni/ lag gnyis khu tshur kha sbyar te zhes bya ba la sogs pa la rdzas dag par byed pa'i phyag

  599. 300a

    rgya nyid gzung ste/ phyag rgya 'dis ni sngags so so dang sbyar nas me la sbyin sreg bya ba'i rdzas rnams sbyong ba bzhin du rtsa ba'i sngags 'di/ 'di dang sbyar bas 'dod pa'i lha la sbyin sreg bya ba'i rdzas rnams kyang sbyad bar bya'o/ /mchod pa sna tshogs kyi sngags dang phyag rgya bstan pa'i phyir/ lag pa g.yas pa zhes bya ba la sogs pa smos te go sla'o/ brkyang pa de nyid kyi zhes bya ba ni khu tshur bcangs te sor mo gsum po dgrol thabs su brkyang ba'o/ /de nyid kyi phyir 'og nas khu tshur de nyid las zhes bya ba smos so/ /me tog gi phyag rgya las zhes bya ba ni khu tshur bcangs nas dbu ma bsgreng ba'o/ /lhag ma ni go sla'o/ /lhag pa gnyis ka brgyad ste/ mthe bo gnyis gung mo'i rtsar gtsugs la/ bskyod pa dang zhes bya ba ni gtor ma'i phyag rgya ste/ de dag kyang go sla'o/ /me yi kha yi nang du ni/ /lan re bzlas shing lan re sbyin/ /zhes bya ba ni dgang blugs kyi sngags oM hUM hUM hUM swAhA zhes bya ba lan re bzlas pa gang ba'i sbyin sreg me lha'i zhal du lan re zhing dbul bar bya'o/ /zhes bya ba'i don to/ /dbus su gong du bsreg par bya zhes ba la/ dbus su ni rang gi 'dod pa'i lha'i zhal du'o/ /gong bu zhes bya ba ni gang ba'i sbyin sreg gi tshig bla dags so/ /bdun las lag pa kun gzung nas zhes bya ba ni dang po gang ba'i sbyin sreg bdun sbyin pa dang/ lhag ma ste bsdu ba'i sbyin sreg gi dgang blugs lnga gzung par bya ba'o/ /'bad de rdzogs pa'i mdza' ru ni/ lhag ma dag ni bsreg par bya zhes bya ba ni dang po me lha'i khar dgang blugs 'bad pas lan cig phul nas de'i 'og tu lhag ma ste rdzas gzhan rnams las sreg blugs dbul bar bya zhing/ de bzhin du rang gi 'dod pa'i lha la yang dang por dgang blugs phul la de'i mthar lhag ma sreg blugs dbul lo zhes bya ba'i don to/ /de dag gis ni 'di skad du/ me'i

  600. 300b

    khar dang por dgang blugs gcig byin la/ de nas rdzas thams cad kyi sregs blugs sbyin te de'i 'og tu yang dgang blugs gcig byin la/ de nas yang me'i nang du rang gi 'dod ba'i lha'i zhal du gang ba'i sbyin sreg gcig byas la/ lhag ma sreg lugs phul te/ de'i mthar yang dgang blugs gcig phul la bzod ba gsol nas/ slar yang me'i lha bsgoms la de'i khar dgang blugs gcig byin te/ snga ma bzhin du lhag ma sreg blugs byin la/ de'i 'og tu yang dgang blugs gcig byin nas/ de thams cad kyi mthar yon bdag gi lag pas me'i khang dgang blugs gcig ster du gzhug ste/ de tsam gyis ni dgang blugs rnam pa bdun rdzogs pa yin te/ 'di ni gdan bzhi par gnas pa yin no/ /bsreg pa zin nas lha rnams ni/ /bdag gi lus la thim par bsgom/ /zhes bya ba ni sbyin sreg rdzogs nas ni/ rang gi 'dod pa'i lha bsdus te rang gi lus la thim par bsgom pa'o/ /dgang blugs kun la rdzogs pa ru/ /sngags dang phyag rgya rdzogs par bya zhes bya ba ni dgang blugs bdun po kun la sngags dang phyag rgya dang sbyar ro zhes bya ba'i don to/ /da ni bsdu pa'i sbyin sreg dgang blugs lnga dang ldan pa bstan pa'i phyir/ snod ni zhes bya ba la sogs smos te/ dgang blugs bdun dang bcas pa'i sbyin sreg rdzogs nas/ slar yang me'i/ dbus su rang gi 'dod pa'i lha bsgoms la/ mar gyis bkang ba'i gzar bu chen po dang chung ngu kha sprad te/ dgang blugs gcig phul la/ de nas sreg blugs phul nas/ mthar yang dgang blugs dbul lo/ /zhes bya ba'i don to/ kha cig ni de'i 'og tu me la yang dgang blugs gnyis sbyin no/ zhes zer ro/ /drangs nas dbugs kyi dngos gyur te/ /rang gi lus la thim par bya/ /de nas rang gi lus nyid du/ /mkhas pa yis ni bsgom par bya/ /zhes bya ba ni rang gi 'dod pa'i lha gshegs su

  601. 301a

    gsol ba ste/ brda phrad par zad do/ /dbus su me yi lha nyid ni/ /mkhas pa yis ni bsams nas kyang zhes bya ba ni rang gi 'dod pa'i lha rang gi dbugs la bsdus kyi 'og tu me la bsang gtor la sogs pa byas nas/ sngar bstan pa'i tshul gyis dbus su me lha bsgoms la/ lhag ma lan gsum bsregs nas su zhes bya ba la/ gang pa'i sbyin sreg rnam pa gsum sbyin te/ mchod dang gtor ma sbyin par bya zhes bya ba ni mchod pa dang gtor ma la sogs pa byin te/ / bzod pa gsol bar bya ba'o/ /bkra shis dbyangs ni blangs nas su/ /der ni phyag rgya sbyar bar bya zhes bya ba ni bkra shis kyi glu dang bcas pa'i phyag rgya btsa' ba' o/ /phyag rgya yang 'dir lag gnyis thal mo sbyar nas su zhes bya ba la sogs pa pad+ma'i tshul gyi phyag rgya'o/ /de ltar na dang por ni dgang blugs kyi sbyin sreg bdun no/ /de'i 'og tu yang rnam pa lnga ste bsdus pas bcu gnyis su 'gyur bar shes par bya'o/ /sbyin sreg las kyi phye ba gzhan/ /mdor bsdus rgyas pa min par bshad ces bya ba ni zhi ba la sogs pa'i las kyi bye brag gis dbye ba'i rdzas rnams mdor bsdus te bshad par bya'o/ /zhes bya ba'i don to/ /sA 'u? zhes bya ba la sogs pa ni go bar zad do/ /yam shing ni bud shing bstan pa'i phyir 'o ma can gyi shing la las zhes bya ba smos te/ a mra dang/ bat dang/ n+ya gro d+ha dang/ bar ka ta dang/ a shwat+tha ste lnga po de dag ni 'o ma can gyi shing lA'o/ /sor mo bcu bzhi ldan pa'i tshad/ /zhes bya ba ni khyad par gyi yam shing bstan pa'o/ /zhi ba'i dus la bab pa na zhes bya ba ni gang gi tshe zhi ba byed pa de'i tshe 'das ma thag pa'i rdzas de dag bsreg pa de ni cho ga'i mchog te/ gtso bo yin no zhes bya'i bar du'o/ /rgyas pa'i rdzas bstan pa'i phyir/ ta'i nag zhes bya ba la

  602. 301b

    sogs pa smos te go bar zad do/ /yam shing zhes bya ba ni nye bar mtshon pa ste/ bud shing yang de nyid las gzung par bya'o/ /sgrub pos khyad par bsreg par bya zhes bya ba ni las kyi bye brag gis phye ba'i thun mong ma yin pa'i sreg rdzas so zhes bya ba'i bar du'o/ /dbang gi las kyi rdzas bstan pa'i phyir/ til ni dmar dang gnag pa dang zhes bya ba la sogs pa smos te/ til nag po dang/ dmar ba ste/ /me tog dmar po la bya'i til ni ma yin no/ /nA ga ge sar zhes bya ba la sogs pa ni go sla'o/ /thang shing zhes bya ba la sogs pa la/ klung shing zhes bya ba ni nA ga ge sar gyi shing ngo/ /chags pa'i las zhes bya ba ni dbang du bsdu ba dang dgug pa'i las so/ /mngon spyod kyi rdzas bstan pa'i phyir/ til nag zhes bya ba la sogs pa smos te/ ba la ta ka nag chen 'bras zhes bya ba ni pa li ta ka'i 'bras bu dang/ nag po chen po'i 'bras bu zhes bya ba gnyis su sbyar ro/ /khrag ces bya ba ni tha mal ba'i khrag gang yang rung ba'o// lung tang zhes bya ba la sogs pa la/ sgur po'i shing zhes bya ba ni tsher ma sgur bo can zhes grags pa'i shing ngo/ /lhag ma ni go bar zad do/ /bskad pa'i las kyi rdzas bstan pa'i phyir/ yungs kar zhes bya ba la sogs pa smos te/ gser shing zhes bya ba ni da du ra'o/ /'dir yang yam shing gi tshad ni mngon spyod kyi tshang las bltos pa'i phyir ma smos so/ /lhag ma yang go bar thang ngo/ /bcing ba'i las kyi bstan pa'i phyir/ /nya dang zhes bya ba la sogs pa smos te/ go bar zad do/ /'dir yang yam shing gi tshad ni snga ma bzhin no/ /de ltar na thang shing dang n+ya gro d+ha dang/ klung shing dang/ ba sha ka dang/ lung tang dang/ skur po dang/ pa la ta rka dang/ gser shing dang/ bya rog gi tshang gi shing bu dang/

  603. 302a

    so shing rnams ni me spar bar bya ba'i phyir yaM shing dang bud shing bstan pa yin la/ lhag ma ni gzhan dag yin par shes par bya'o/ /da ni rgyal srid la nye bar spyod pa'i sbyin sreg bstan pa'i phyir/ de nas zhes bya ba la sogs pa smos te/ khyad par du zhes bya ba ni/ sngar smos pa'i las drug las bye brag tu gyur pa 'am/ yang na 'di ni rgyas pa dang dbang du gyur pa'i las tha mal pa las bltos nas/ rgyal srid la nye bar spyod pa'i las la ni khyad par zhes bya'o/ /de yis dbus su mnyam gzhag nas/ /smon lam btab te khrus byas na zhes bya ba la/ de'i dbus su zhes bya ba ni sbyin sreg gi gnas su'o/ /mnyam bzhag nas zhes bya ba ni/ rgyal srid la sogs pa la dmigs pa'i blo mi g.yeng bas so/ /smon lam btab pa yang rgyal srid la sogs pa'i phyir smon lam bya ba'o/ /khrus bya ba ni rdo rje sems dpa' i bum pa'i chus dkru ba'o/ /lhag ma ni go bar zad do/ /sa gsum zhes bya ba ni sa 'og dang sa bla dang bar snang gi 'jig rten gsum du'o/ /tshul bzhin bstan pa'i phyir/ mar dang zhes bya ba la sogs pa smos te go sla'o/ /dpal dang 'gyur zhes bya ba ni rgyal srid kyi go 'phang la gnas pa'o/ /de nyid bstan pa'i phyir/ bya ba gang dang gang bsams pa/ /da de thams cad 'dir 'grub 'gyur zhes bya ba smos te/ gzhan la mi 'os pa'i phyir ro/ /da ni slob ma'i mtshan nyid bstan pa'i phyir/ de nas zhes bya ba la sogs pa smos te/ yongs su zung zhes bya ba ni gzung bar bya ba 'am blang bar bya ba'o// yan lag thams cad zhes bya ba ni lag pa dang mig la sogs pa'o/ /yang na slob ma nyid du rung ba'i cha shas so/ /de nyid kyi phyir gsungs pa/ dul zhed spyod pa zhi ba dang zhes bya ba la sogs pa la/ dul ba zhes bya ba ni dbang po thul ba'o

  604. 302b

    spyod pa zhi ba zhes bya ba ni bzang por spyod pa ste/ sgre'i? stan bcos la sogs pa'i bstan bcos shes pa'o/ /chos gsum la ni mngon par dang ces bya ba ni nyan thos dang/ rang sangs rgyas dang byang chub chen po'i theg pa ste theg pa gsum gyi chos la dang pa'o/ /theg pa che la rtag tu dga' zhes bya ba ni/ nyan thos kyi sdom pa la gnas kyang/ theg pa chen po'i sems bskyed pa dang nam yang mi 'bral ba'o/ /de skad du yang nyan thos kyi ni sdom gnas nas/ theg pa chen po'i sems bskyed bya zhes gsungs so/ /sngags kyi sbyor ba zhes bya ba ni zhi ba la sogs pa'i sngags dang yang dag par ldan pa'o/ /rgyud kyi sbyor ba zhes bya ba ni/ zhi ba la sogs pa'i las la 'khrul 'khor bri ba la sogs pa'i sbyor ba'o/ /bzo dang sgyu rtsal thams cad mkhas zhes bya ba la sogs pa ni bshad zin to/ /bsam gtan sbyor ba mngon par dga' / /zhes ba ni bsam gtan bsgoms la dang pa'o/ /thos dang klog sogs gus dang bcas zhes bya ba ni bde bar gshegs pa'i gsung rab thos pa ste nyan pa dang klogs pa dang/ sogs kyis na kha ton? bya ba la sogs pa la gus pa yod do/ /dus rnams kun tu bla mar gus zhes bya ba ni lus ngag yid gsum gyi bya bas rtag tu bla ma bsten pa'o/ /sbyin sogs dge ba'i las la brtson zhes bya ba la/ sogs kyis na snyan par smra ba la sogs pa gzung bar bya'o/ /de ltar dge ba'i yan lag bstan nas sdig pa'i yan lag dang bral ba bstan pa'i phyir/ 'dod la dga' ba ma yin zhing zhes bya ba la sogs pa nas ngang tshul ngan min tshig rtsub min zhes bya ba'i bar du smos te/ de dag ni yongs su bzung? slob ma'i mtshan nyid yin zhes bya ba snga ma dang sbyar ro/ /de las bzlog pa'i mtshan nyid bstan pa'i phyir/ sems can kun la smod pa dang/ zhes bya ba la sogs pa smos te go sla'o/ /'di lta bu dag spang bar bya

  605. 303a

    zhes bya ba ni mtshan nyid nye bar bsdu ba yin te/ de la sogs pa ser sna can dang le lo can la sogs pa ma smos pa gzhan dag kyang bsdu bar bya ba'i don to/ /gzhan gyi gdan zhes bya ba la sogs pa la/ bdag gi lus las gzhan pa'i sbyin sreg la sogs pa'i bya ba ni gzhan de gdan ni gnas so/ /gzhung gang gi sbyin sreg la sogs pa'i cho ga rab tu gsal bar ston par byed pa de ni rab tu byed pa'o/ /dpal gdan bzhi pa'i 'grel pa dran pa'i rgyu mtshan zhes bya ba las/ gzhan gyi gdan gyi rim par phye ba dang po'o// //da ni chu'i sbyin sreg gi rim par phye ba bstan pa'i phyir/ chu yi zhes bya ba la sogs pa smos te/ sbyin sreg zhes bya ba ni mchod sbyin no/ /gzigs mo zhes bya ba ni ngo mtshar gyi yul du gyur pa ste/ ji ltar me'i sbyin sreg gis bsod nams 'thob pa ltar chu'i sbyin sreg gis kyang bsod nams 'thob pa'i phyir ro/ /de nyid nye bar bstan pa'i phyir/ chu yi zhes bya ba la sogs pa smos te/ sogs pa'i sgras ni sreg rdzas dang thab khung la sogs pa gzung ngo/ /mtshan nyid ces bya ba ni rang bzhin no/ /lan gsungs pa/ chu sogs zhes bya ba la sogs pa smos te/ yang dag mtshan nyid zhes bya ba ni de kho na nyid kyi rang bzhin no/ /de nyid kyi phyir de kho na zhes pa smos te go sla'o/ /de la 'dir chu'i de kho na nyid ni srog chags med cing gtsang la dang pa'o/ /sogs pa'i sgras ni bum pa la sogs pa'i de kho na nying rtsa ba ni ri mo nag po med pa la sogs pa'i de kho na nyid gzhan dag kyang gzung par bya'o/ /bla re dag ni bres nas su/ /sna tshogs gos rnams rab tu sbyang zhes bya ba ni gang du sbyin sreg byed pa'i gnas der bla re bre ba dang/ rgyal mtshan dang gos la sogs pa bre pa'o/ /shin tu yangs shing gru bzhi par/ /kun tu dri yis byug

  606. 303b

    par bya zhes bya ba la/ shin tu yangs shing zhes bya ba ni man ngag las khru bzhi pa'i tshad du bya'o/ zhes bshad do/ /gru bzhi pa zhes bya ba ni go sla'o/ /kun tu zhes bya ba ni mnyam pa ste/ skye bos dben zhing yid du 'ong ba'i gnas su sa gzhi mnyam pa la lci bas byugs la tsan dan la sogs pas gru bzhi khru bzhi par byugs nas/ bla re la sogs pa bre bar bya'o zhes bya ba'i don to/ /dbus su chu'i snod sogs la zhes bya ba la/ dbus su zhes pa bya ni 'das ma pa'i maN+Dal gyi dbus su'o/ /chu yi snod ces bya ba ni sa las byas pa'i bum pa rtsa ba nag po la sogs pa'i skyon dang bral ba/ kha'i tshang sor bcu bzhi dang ldan pa/ zabs su de'i sum gnyis yod pa/ zhi ba'i thab khung lta bu'i dbyibs can te/ bzhag par bya zhes bya ba lhag ma yin no/ /dri ni dkar pos byugs nas su zhes bya ba ni/ tsan dan dkar pos byug pa'o/ /chu dang 'o mar bsres pa yis/ /snod ni mdzes par dgang bar bya zhes bya ba la/ chu ni sngar smos pa'i mtshan nyid can no/ /'o mar bsres pa ni go sla'o/ /snod mdzes pa ni sngar smos pa'i mtshan nyid can no/ /dbus kyi bum pa bstan nas/ phyogs mtshams kyi bum pa dgod pa'i phyir/ bum pa ngag ni zhes bya ba la sogs pa smos te go sla'o/ /dri yi chu zhes bya ba ni dra zhim po dang bcas pa'i chu'o/ /lhag ma ni brda phrad par zad do/ /bdag nyid ye shes mkha' 'gro ru/ /skad cig gis ni bskyed nas su zhes bya ba ni zhal gsum la sogs pa 'og nas 'byung ba lta bu'i ye shes mkha' 'gro mar bdag nyid bsgom pa'o/ /me tog bdug spos dri sogs pa'i/ / dngos pos bdag nyid mchod byas la zhes bya ba ni bum pa'i nang du son pa'i lha mo 'khor lo bdag dang 'dra ba me tog la sogs pa'i rdzas kyis mchod par bya'o/ /de nyid bstan pa'i phyir/ de 'og ces bya ba la sogs pa smos te/ de ? gnas? bya ba ni

  607. 304a

    bdag nyid bskyed kyi 'og tu'o/ /chu'i las rnams sbyar bar bya zhes bya ba'i snod kyi chu'i nang du lha mo rnams bsgoms nas/ sbyin sreg bya'o zhes bya ba ste mdor bsdus pa'o/ /nye bar bshad pa gsungs pa lag gnyis zhes bya ba la sogs pa la/ lag gnyis thal mo sbyar nas su/ /pad+ma'i tshul du cung zad dbye zhes bya ba ni pad+ma'i phyag rgya ste go sla'o/ /sngags gsungs pa/ oM ka ma le b+he swAhA zhes bya ba ste/ sngags dang phyag rgya 'di bum pa rnams la bstan la/ chu'i nang du pad+ma bsgom par bya'o/ zhes bya ba'i don to/ /de nyid kyi phyir gsungs pa/ zla ba'i dkyil 'khor gyis brgyan pa'i/ pad+ma chu yi nang bkod la zhes bya ba'o/ /gdugs dkar po yis g.yogs pa yi/ /sa bon dbus su bsgom par bya zhes bya ba ni pad+ma dang zla ba'i dkyil 'khor gyi steng du gdugs dang bcas pa'i sa bon hUM rang gi srog gi ngo bo nyid bsgom pa'o/ /yang na rang gi dbugs las byung ba'o/ /de nyid kyi phyir gsungs pa/ rang gi dbugs las byung ba yi/ /sa bon las ni gzugs su bskyed ces bya ba smos te go sla'o/ /ci 'dra zhe na sems dpa' i skyil krung zhes pa la sogs pa smos te/ 'di'i don ni sa bon yongs su gyur pa las ye shes mkha' 'gro ma phyag gnyis pa/ bzhad pa dang khro ba dang/ sgeg pa dang bcas pa'i zhal gsum pa/ phyag gnyis na rdo rjes mtshan pa'i dbyug pa bsnams shing sems dpa' i skyil krung can rgyan thams cad kyis klubs pa kha dog dkar shing shin tu mdzes pa'i na bza' gsol bar bsgom pa 'di yin no/ /dam tshig phyag rgya zhes bya ba la sogs pa la/ dam tshig gi phyag rgya ni/ lag gnyis phan tshun khu tshur bcings zhes bya ba sogs pa ste/ phan tshun zhes bya ba ni rgyab sprad pa'o/ /mdzub mo gnyis kyis mdud par bya zhes bya ba ni rtse mo phan

  608. 304b

    tshun mdud pa'o/ /'di dag gi don yang bdag gi dbugs las byung ba'i ye shes sems ma bsams la/ dam tshig gi sngags dang phyag rgya bstan la/ dam tshig sems ma la gnyis su med par bstim par bya'o/ zhes bya ba yin no/ /shar la sogs pa'i bum pa rnams su yang rim bzhin du rnal 'byor ma rnams dgod pa bstan pa'i phyir/ shar gyi bum par rdo rje ma zhes bya ba la sogs pa smos te go sla'o/ /so so so sor mtshan ma yi/ /dam tshig phyag rgya bstan par bya zhes bya ba la/ mtshan ma'i phyag rgya dang dam tshig gi phyag rgya zhes gnyis su phye la/ dam tshig sems ma rnams dang/ ye shes sems ma rnams la so sor bstan par bya'o/ /zhes bya bar sbyar ro/ /de la shar phyogs la sogs pa'i bum pa rnams su/ rang rang gi sa bon las byung ba'i rdo rje ma la sogs pa'i rnal 'byor ma'i tshogs bltas la/ 'og nas 'byung ba'i mtshan ma'i phyag rgya ste rtsa ba'i phyag rgya rnal 'byor ma rnams la so sor bstan la/ de bzhin du ye shes kyi sems dpa' i tshogs la sngar smos pa'i dam tshig gi phyag rgya so sor bstan nas/ gnyis su med par thim par bsgom mo zhes bya ba'i don to/ /de nas ci zhig bya zhe na/ me tog ces bya ba la sogs pa smos te/ mkhas pa yis zhes bya ba ni mchod pa la sogs pa'i/ dbye ba mi dmigs pas so/ /rtsa ba'i phyag rgya bstan par bya ba'i phyir/ rdo rje khu tshur zhes bya ba la sogs pa smos te/ g.yon pa snying gar bzhag nas su zhes bya ba ni khu tshur g.yon pa snying gar gan rkyal du bzhag pa'o/ /g.yas pas steng nas dbub? par bya zhes bya ba ni de'i steng du g.yas pa kha spub te bzhag pa'o/ /oM dzU hUM swAhA rtsa ba'i sngags so zhes bya ba ni/ lha mo rnams kyi rtsa ba'i sngags te/ sngags des phyag rgya bstan par bya zhing/ sngags 'di nyid 'bum phrag gsum du bzlas pas

  609. 305a

    sngar bsnyen par yang bya la/ 'di nyid kyi chod sbyin yang dbul bar bya'o/ /kun da la sogs me tog dkar zhes bya ba ni me tog dkar po dang gzhan yang rung ba gzung bar bya'o/ /rtse mor dur ba btsugs nas su zhes bya ba ni me tog gi rtsa ba nas dur ba'i rtse mo btsugs te/ me tog gi rtse mo'i bar du dbyung ba ste/ de nyid kyi bum pa'i nang du bsgom pa'i lha mo rnams la 'das ma thag pa'i sngags kyi mchod sbyin du dbul bar bya'o/ /gang du dbul bar bya zhe na/ lha mo'i dbu steng rdo rje yi/ /cod pan la ni gtor bar bya zhes bya ba smos te go sla'o/ /ji ltar dbul zhe na/ gsang sngags lan re bzlas nas su/ lan re sbyor bas dbul bar bya zhes bya ba la sbyor ba ni durba dang bcas pa'i me tog go /lan re ni re re la'o/ /gsang sngags lan re bzlas nas su zhes bya ba ni go sla'o/ /ji snyed cig ce na/ lan grangs khri yi las kyis ni zhes bya ba smos te/ cir 'gyur zhe na/ thams cad rig cing tshe 'phel 'gyur zhes bya ba smos te/ thams cad rig ces bya ba ni blo dang yid gzhungs pa la sogs pa rgyas par 'gyur ba'o rgyas ba'i las so/ /zhi ba'i las gsungs pa ka ra bI ra zhes bya ba la sogs pa la/ durba dang ni ldan pa yis/ /zhes bya ba ni sngar smos pa bzhin du durba dang sbyar ba'o/ /nag pus pa'i yam shing ni zhes bya ba ni nag pus pa'i bsreg rdzas de nyid yam shing dang pud shing du yang 'gyur ro zhes bya ba'i don to/ /pad+ma yin yam shing rnams zhes bya ba ni durba dang bcas pa'i pad+ma'o/ /las rnams kun la zhes bya ba ni rgyas pa la sogs pa'i las gang 'dod pa la'o/ /sbyar byas na zhes bya ba ni mchod sbyin du dbul ba'o/ /yul phyogs zhi ba zhes bya ba ni nye bar mtshon pa'o/ /rgyal po'i la sogs

  610. 305b

    sbyar na zhes bya ba la/ sogs pa'i sgras ni blon po la sogs pa gzung ngo/ /sngags pas rtag tu skyor chu gtor zhes bya ba ni/ sngar smos pa'i lta bur bum pa'i nang du bcom ldan 'das ma bltas la/ skyor chu brgya rtsa brgyad rtsa brgyad rtag tu nang re zhing rtsa ba'i sngags kyis dbul bar bya'o/ zhes bya ba'i don to/ /bye brag tu ni rgyas par 'gyur zhes bya ba ni 'bru la sogs pa 'phel bar 'gyur ba'o/ /gzhan gyi gdan zhes bya ba la sogs pa la gzhung gang gis chu'i sbyin sreg la sogs pa rab tu gsal bar byed pa de ni rab tu byed pa'o// //dpal gdan bzhi pa'i 'grel ba dran pa'i rgyu mtshan zhes bya ba las/ gzhan gyi gdan gyi rim par phye ba gnyis pa'o/ /da ni lha'i rnal 'byor dang dam tshig la sogs pa gsal por bstan pa'i phyir/ rim par bye ba gsum pa gsung ba 'khor ba'i pha rol zhes bya ba la sogs pa smos te/ 'dir lha'i rnal 'byor la sogs pa gsol ba btab pa med mod kyi sngar gsol ba btab pa thugs la bzhag nas tshul gzhan gyi sgo nas de'i yan lag dang nyid lag ston par mdzad pa yin te/ don gzhan la ni brten nas su/ /don de nyid ni ston par mdzad zhes gsungs pa'i phyir ro/ /'khor ba'i pha rol sgrol mtshan nyid ces bya ba ni / gang gis 'khor ba'i pha rol tu son par byed pa'i gnyis su med pa'i chos kyi mtshan nyid nyon cig ces bya ba sbyar ro/ /lha'i rnal 'byor gsal bar bya ba'i phyir/ gnyis su med pa'i mtshan nyid de gsungs pa dngos dang zhes bya ba la sogs pa smos te/ dngos po'i zhes bya ba ni gang dngos por yod pa'o/ /dngos med ces bya ba ni dngos por med pa'o/ /rnam par grol zhes bya ba ni de dag las 'das pa ste/ 'di ltar tshad mas dpyad na/ dngos po dngos su yod par mi rung bas

  611. 306a

    dngos po las grol ba'o/ /dngos po ma grub na de med pa yang mi 'grub ste/ de ni de la bltos pa'i phyir ro/ /yang na chos can med na de'i chos med pa de yang ji ltar rung ste/ de bas na dngos po med pa las grol lo/ / dag dang ma dag rab tu spangs zhes bya ba ni dag pa ni kun nas nyon mongs pa med pa'o/ /ma dag pa ni kun nas nyon mongs pa dang bcas pa ste/ rab tu spangs pa ni de las ring du gyur pa'o/ /'di ltar rang bzhin gyi rnam par dag pa ni gnyis su med pa'i ye shes yin la/ kun nas nyon mongs pa rnams ni blo bur ba yin pa'i phyir ro/ /'o na gnyis su med pa zhes bya ba ni gnyis dang bral ba'i ngo bo zhig gam gnyis gcig tu gyur pa gcig yod dam ci zhe na/ ma yin par bstan pa'i phyir/ dngos po gnyis ni rab spangs bas/ gnyis med chos shes byas te zhes bya ba smos te/ dngos po la sogs pa med pa na de las rnam par grol ba'i ngo bo dngos por yod pa 'am/ gnyis gcig tu gyur pa'i mu gsum pa de dag yod par lta gal 'gyur te/ 'di ni rang nyid kyi tshad ma grub po/ /de skad du yang yod med ces bya ba 'di yang mdza' yin te/ dag dang ma dag 'di yang mdza' yin pas/ /de bas mdza' gnyis rnam par spangs pas na/ /dbu ma la yang mi gnas mkhas pa yin/ /zhes gsungs so/ /gnyis med chos bya ba ni chos thams cad gnyis su med pa 'am/ gnyis su med chos nyid ces bya bar sbyar te/ zhes bya ba ni tshig bla dags su btags pa ste/ mngon par zhen pas na tshig bla dags so/ /gang gi bla dags zhe na/ dngos po gnyis ni rab spangs pa'i ste yod pa la sogs pa'i mdza' bzhi las rnam par grol ba'i bla dags so/ /de yang gsungs pa/ chos rnams thams cad gnyis med cing/ /chos kyi

  612. 306b

    mtshan nyid rnam par spangs zhes gang smos pa'o/ /'dis ni chos thams cad rang bzhin med pas stong pa nyid du bstan to/ /de nyid kyis na mtshan ma med pa dang/ smon pa med par yang shes par bya ste/ de la 'gro ba rnams rgyu mtshan med pa skye ba med pa nyid mtshan ma med pa yin te/ de skad du yang dag las mi skye gzhan las min/ /gnyi ga las byung rgyu med min/ /dngos po gang dag gang na yang/ /skye ba nam yang yod ma yin zhes gsungs pa'i phyir ro/ /ma skyes pas ngo bo nyid med na/ ci zhig la smon par 'gyur te/ de nyid kyi phyir smon pa med par yang 'gyur ro/ /lha'i rnal 'byor yang tshul de nyid kyis/ /gnyis med par bstan pa'i phyir/ /gzugs stong thog ma mthar thug dang/ /dbu ma mnyam par gnas pa'o/ /zhes bya ba la sogs pa smos te/ gzugs zhes bya ba ni gzugs kyi phung po ste/ nye bar mtshon pa'i don gyis khams la sogs pa'i bar gzung ngo/ /stong zhes bya ba ni rnam par thar pa'i sgo gsum gyi rang bzhin no/ /de nyid kyi phyir thog ma mthar thug zhes bya ba la sogs pa smos te go sla'o/ /yang na thog ma ni lha'i rnal 'byor rtsom bzhin pa na'o/ /dbus ni rdzogs bzhin pa na'o/ /tha ma ni 'gyur bzhin pa na'o/ /mnyam par gnas pa ni stong zhing gnyis su med pa'i mthar thug pa'o/ / dag dang ma dag dbu ma ni/ /'ba' zhig gis ni mnyam par blta/ /zhes bya ba ma dag pa ni sred pa dang bcas pa'o/ /dag pa ni de las bzlog pa'o/ /dbu ma ni dag pa dang/ ma dag pa'i mdza' dang bral ba ste/ ro gcig du mnyam pa'o/ /'ba' zhig ces bya ba ni gnyis med pa'o/ /blta ba ni der dmigs pa'o/ /yang na dag pa ni gtsang ma'o/ /ma dag pa ni gzhan no/ /lhag ma ni sngar bshad pa bzhin no/ /de nyid nye bar bshad pa'i phyir/ bsten dang bsten min dbu ma yi zhes

  613. 307a

    bya ba smos te/ bsten pa zhes bya ba ni bgrod par bya ba'o/ /bsten min ni bgrod par bya ba ma yin pa'o/ /dbu ma ni gnyis pa spangs pa ste/ de nyid ni mnyam pa nyid do/ /de nyid bstan pa'i phyir/ ye shes zhes bya ba la sogs pa smos te/ ye shes zhes bya ba ni sems so/ /las byung ba zhes bya ba ni/ rang rig pa'i sems kyang mnyam pa nyid kyi mthar thug pa zhes bya ba'i don to/ /lus ni mnyam par gnas pa ste zhes bya ba ni sngar smos pa'i tshul gyis chos nyid mnyam pa nyid kyi mthar thug pa'o/ /dag kyang mnyam par gnas nas su zhes bya ba ni dag kyang mnyam pa nyid du gtugs pa ste/ 'di dag gi don ni ji ltar sems rig pa dang rig par bya ba'i rnams pa rnams mi rung ba'i phyir/ mnyam pa nyid kyi mthar thug pa ltar/ lus kyang de bzhin no zhes bya ba dang/ ji ltar lus rdul phra rab tu gzhigs pas/ gang na yang mi gnas pa ltar sems kyang de bzhin no zhes bya ba dang/ ji ltar lus dang sems rang bzhin med pa ltar dag kyang sgra brnyan dang 'dra bar don dam pas rang bzhin med de/ mnyam pa nyid kyi mthar thug go /zhes bya ba 'di yin no/ /de skad du yang/ khyed kyis sems lus lta bu dang/ lus sems lta bu dang/ dag sems lta bu dang/ sems tshig tu brjod pa lta bur bskyed cing ces gang gsungs pa yin no/ /de dag gis cir 'gyur zhe na/ mnyam nyid ye shes las byung bas/ /mnyam pa'i blta bas blta bar bya zhes bya ba smos te go sla'o/ /slar gsol ba/ mnyam pa zhes bya ba la sogs pa smos te/ ji lta bu zhes bya ba ni mnyam pa'i lta ba ji ltar bskyed ces bya ba'i don to/ /gnyis med chos zhes bgyi ba yi/ /bdag nyid ji ltar 'tshal bar bgyi/ /zhes bya ba la/ bdag nyid ni bdag gi phung po la sogs pa'o/ /gnyis med chos zhes bya ba ni mtshan nyid dang bral ba'i lha'i

  614. 307b

    rnal 'byor te/ ji ltar 'tshal bar bgyi zhes bya ba ni mngon sum du ji ltar bgyi zhes bya ba'i don to/ /lan gsungs pa gnyis med ces bya ba la sogs pa la/ ji bzhin de nyid ces bya ba ni phyin ci ma log cing mi slu ba ste/ de'i mtshan nyid can ji ltar bskyed bar bya ba rdo rjes nyon bya bar sbyar ro/ /dngos po gnyis zhes bya ba la sogs pa ni go sla'o/ /rnal 'byor kun gyi thog ma ru/ dag ba rnam gsum brjod par bya zhes bya ba la/ thog ma ni dang po ste/ lha'i rnal 'byor thams cad kyi dang por 'og nas 'byung ba'i sngags gsum brjod par bya'o/ /zhes bya ba'i don to/ /de nyid gsungs pa/ swa b+hA ba zhes bya ba la sogs pa la/ swa b+hA ba zhes bya ba ni bden pa dang mi bden pa dang rtag pa dang/ mi rtag pa dang/ yod pa dang/ med pa dang/ blang ba dang/ dor bar bya ba dang gzung ba dang/ 'dzin pa la sogs pa'i mtshan nyid do/ /shud d+ha ni/ stong pa nyid de ngo bo med pa'o/ /ci zhig ce na/ sarba d+harmA'i ste skye ba dang/ gnas pa dang 'jig pa'i mtshan nyid 'dzin pas na d+harmma ste/ phung po la sogs pa'o/ /de rnams ngo bo nyid kyis rnam par dag pa ltar bdag kyang de dang 'dra ba'o/ /zhes bstan pa'i phyir/ swa b+ha ba shud+d+ho haM zhes bya ba smos te/ blo bur ba'i dri ma rnams bsam pa'i phyir/ rang bzhin rnam par dag pa la dmigs par bya'o/ /zhes bya bar dgongs so/ /badzra shud+ha zhes bya ba la/ badzra ni gnyis su med pa'i ye shes te/ shud d+ha ni bzung ba la sogs pa ngo bo nyid med pa'o/ /yo ga shud d+ha zhes bya ba la/ yo ga ni lha'i rnal 'byor ro/ /shud d+ha ni tha mal ba'i rang bzhin dang bral ba'o/ /bla med nyid du byas nas ni/ /thal mo sbyar nas de dag brjod ces bya ba ni bla na med pa'i ye shes mngon sum du bya ba'i phyir/ sngags de dag yod par bya ba ste/ 'di ltar rang gi snying gar rang gi snying po bltas la/ snying po de las 'phros pa'i 'od zer gyis bla ma dang rang gi 'dod pa'i lha snang

  615. 308a

    bar byas nas/ me tog la sogs pa'i phyag rgya rnams kyis mchod pa byas nas thal mo sbyar te sdig pa bshags pa dang/ bsod nams kyi rjes su yi rang ba dang/ bsod nams yongs su bsngo ba dang/ gsum la skyabs su 'gro ba dang bdag nyid nges par dbul ba dang/ lam bsten par dam bca' byas la/ byams pa la sogs pa sgoms nas bla na med pa'i ye shes mngon du bya ba'i phyir/ dag pa rnam pa gsum brjod par bya'o zhes bya ba'i don to/ /gnas phun sum tshogs pa bstan pa'i phyir/ yid 'ong ba'i sa phyogs kyis zhes bya ba la sogs pa smos te/ gang ri bo la sogs pa yid dang rjes su mthun pa'i gnas la dag tu brten nas/ lha'i bsam gtan brtsam par bya'o/ /zhes bya ba'i don to/ /gnas sbyang ba gsungs pa/ bla re zhes bya ba la sogs pa la/ ba dan zhes bya ba ni nya dang la sogs pa'i ri mo med pa'o/ /rgyal mtshan zhes bya ba ni ri mo dang bcas pa'o/ /gnas bcu dag ni kun tu yang/ /de bzhin dri yi dkyil 'khor bya/ /zhes bya ba ni bsam gtan rtsom pa'i dus su de bzhin du dri zhim po'i maN+Dal bya ste/ /gnas bcu zhes bya ba ni sa gzhi la maN+Dal gru bzhi pa chen po gcig byas la/ steng du dri'i thor ma gtor bas phyogs bcur khyab par maN+Dal byas pa nyid du 'gyur ro/ /mchod pa la sogs pa'i rjes la bdag nyid ye shes mkha' 'gro mar skad cig tsam gyis bskyed la/ sa sbyang pa la sogs pa thams cad bya'o/ /zhes bstan pa'i phyir/ skad cig ces bya ba la sogs pa smos te/ skad cig ni yud tsam gyis so/ /ye shes mkha' 'gro ni ye shes mkha' 'gro 'ba' zhig tu'o/ /gzung ba ni skyes pa'o/ /bdag nyid mchod pas mnyes par bya zhes bya ba ni lha'i dkyil du bsgom par bya ba'i don to/ /de nyid kyi go rims gsungs pa/ lag pa gan rgyal bzhag nas su zhes bya ba la

  616. 308b

    sogs pa la/ 'dir man ngag las thog ma kha nub phyogs su bltas te/ bsam gtan brtsam par bya'o zhes 'byung bas/ dang po nub phyogs su kha bltas la/ lag pa g.yas pa thal mo gan rkyal du rkyang ba'i steng du rdo rje rtse lnga pa 'bar ba bsgoms la/ des dbus kyi gnas su bsnun nas/ shar la sogs pa gnas gzhir yang g.yon skor gyi thal mo bsnun la/ oM hUM phaT ces bya ba'i sngags brjod nas/ sa 'og rim pa bdun gyi sa gzhi rdo rje'i rang bzhin du bsgoms te/ sngar smos pa'i tshul gyis ra ba la sogs pa bsgom par bya'o/ /sngags de nyid gsungs pa/ phyag 'tshal zhes bya ba la sogs pa la/ 'joms pa zhes bya ba ni yi ge phaT do/ /lhag ma ni go sla'o/ /lhun po zhes bya ba la sogs pa la/ de'i 'og tu yi ge oM hUM swAhA zhes bya ba la yongs su gyur pa las byung ba'i ri bo lhun po rin po che sna bzhi'i rang bzhin can gyi steng du gser las byung ba'i grong khyer rin po che sna bdun gyis spras pa/ ji ltar 'dod pa bzhin yangs par bsgoms nas/ der bcom ldan 'das ma bsgom par bya'o/ zhes bya ba lhag ma yin no/ /phyag rgya kun gyi thog mar ni/ /dam tshig phyag rgya bcing bar bya/ /zhes bya ba ni bstan par zhes bya bar sbyar te/ gser gyi grong khyer du bcom ldan 'das ma bsgoms la/ dang po dam tshig gi phyag rgya bcings nas bstan par bya'o/ zhes bya ba'i don to/ /phyag rgya de nyid gsungs pa/ rdo rje khu tshur gnyis bcings nas/ /g.yon pa snying gar bzhag nas su/ /g.yas pa mchan khung gzhag bya ba/ /dam tshig phyag rgyar zhes par bya zhes bya ba sde go sla'o/ /sngags gsungs pa/ phyag 'tshal zhes bya ba la sogs pa la/ bsreg pa zhes bya ba ni swAhA 'o/ /ji ltar zhes bya ba ni ji bzhin du blta'o/ zhes bya bar sbyar ro/ /ci zhig ce na/ rdo rje'i dngos sa bon zhes bya ba ste/ yi ge hUM ngo/ /bsdus pas oM hUM swAhA zhes bya bar 'gyur ro lhag ma ni go sla'o//

  617. 309a

    da ni gdan bstan par bya ba'i phyir/ seng ge'i gdan zhes bya ba la sogs pa smos te/ gnas lnga zhes bya ba ni dbus dang/ shar dang/ byang dang/ nub dang/ lho'i gnas rnams su'o/ /byang shar la sogs pa'i gnas rnams su ni glang po che la sogs pa'i stan yin te/ 'og nas ston par 'gyur ro/ /nyi ma'i gdan ni bsams nas su zhes bya ba ni thams cad kyi thun mong du nyi ma'i dkyil 'khor kyi stan bsgom pa ste/ stan bsgom pa sngon du 'gro bas lha'i dkyil 'khor bsgom mo/ /zhes bya ba'i don to/ /rang gi dbugs las byung ba'i zhes bya ba ni dam tshig sems ma rnams bsgoms nas bdag gi lus las ye shes sems ma rnams phyung ste/ dam tshig sems ma rnams la thim par bya'o/ /zhes bya ba'i don to/ /ye shes mkha' 'gro dbus su bsam zhes bya ba ni dbus kyi seng ge'i gdan la ye shes mkha' 'gro ma bsgom pa'o/ /de'i khyad par bstan pa'i phyir zhal gsum zhes bya ba la sogs pa smos te/ skra grol bas ni g.yogs pa la/ /sangs rgyas lnga yis mdzes par byas/ /zhes bya ba ni skra lhug par grol ba'i cod pan du sangs rgyas lnga 'phro bas brgyan pa'o zhes bya ba'i don to/ /bzhad dang khro dang sgeg pa'i zhal gsum po zhes bya ba la/ sgeg pa ni rtsa ba'i zhal lo/ /bzhad pa ni g.yon pa'i zhal lo/ /khro ba ni g.yas kyi zhal lo/ /dbus su mkhas pas bsgom par bya/ zhes bya ba ni dbus kyi stan la ye shes mkha' 'gro ma nam mkha' i khams rnam par shes pa'i mkhas pas bsgom mo zhes bya ba'i don to/ /lhag ma ni brda phrad par zad do/ /ye shes kyi zhes bya ba la sogs pa la bdag gi chu las byung ba zhes bya ba ni bdag nyid kyi chu'i khams kyi rang bzhin zhes bya ba'i don to/ /de bzhin du me la sogs pa la yang sbyar bar bya ste/

  618. 309b

    chu'i khams la sogs pa'i rnams rnam par dag pa'i rdo rje ma la sogs pa rnams shar la sogs pa'i gnas rnams su g.yon bskor gyis dgod par blta bar bya'o/ /bdag dngos lnga las byung ba yi/ /zhes bya ba la sogs pa ni nye bar bsdu ba ston pa yin te/ /dngos po lnga ni nam mkha' la sogs pa'i 'byung ba ni'o/ /byung ba ni rang bzhin no/ /ci zhig ces na/ mkha' 'gro ma ni lnga zhes bya ba smos te/ ye shes mkha' 'gro ma la sogs pa rnams so/ /lnga po zhes bya ba ni mkha' 'gro ma lnga'o/ /lnga ru zhes pa ni ye shes lnga ru'o/ /yang na re re zhing yang ye shes lnga lngar ro/ /bsgom pa ni lhag par mos pa'o/ /gzugs rdzogs shin tu mdzes pa yin zhes bya ba ni yon tan thams cad kyis brgyan cing shin tu yid du 'ong ba'o/ /lhag ma ni brda phrad par zad do/ /dbang ldan zhes bya ba la sogs pa la/ seng+ge gdong ni seng+ge'i zhal can no/ /kha dog dkar zhing ser ba zhes bya ba ni sa gzhi'i mdog dang rjes su mthun pa'o/ /rdo rje lcags kyu sdigs mdzub can zhes bya ba ni phyag g.yas kyis rdo rjes mtshan ma'i lcags kyu bsnams shing g.yon pa'i sdigs mdzub mdzad pa'o/ /lhag ma ni don gsal lo/ /me mtshams zhes bya ba la sogs pa la/ rin chen bdun zhes bya ba ni rin po che sna bdun gyis bkang ba'i bum pa'o/ /kha dog dkar zhing sngo zhes bya ba ni 'dir yang sa'i cha bzhin no/ /lag na lcags kyus brgyan pa ste zhes bya ba ni lag pa g.yas kyi lcags kyu thogs pas mdzes pa'o/ /g.yon pa sdigs mdzub zhags pa can/ /zhes bya ba la/ mdzub mo bsdigs shing zhags pa dang ldan pa de 'di skad ces bya ste/ lag pa g.yon pa'o/ /bden bral zhes bya ba la sogs pa dang/ mdog ni dmar zhing sngo ba ste/ /zhes bya ba ni 'dir yang sa phyogs kyi cha gnyis 'dus pa'i mdog gis lha mo kha dog tu blta'o/ /phyag gnyis

  619. 310a

    lcags kyu zhags pa dang/ sdigs mdzub kyis ni shin tu mdzes zhes bya ba la/ 'dir yang g.yas pa lcags kyus brgyan pa dang/ lhag ma cig shos kyis mdzes par blta'o/ /rlung mtshams zhes bya ba la sogs pa la/ kha dog ser zhing dmar ba ste zhes pa ni 'dir yang snga ma bzhin no/ /klu'i stan la yang dag bzhugs zhes bya ba ni/ sprul 'khyil ba'i stan la bzhugs pa'o/ /rgyan duAng de nyid sbyar bar bya/ /zhes bya ba ni spyi gtsug gi nor bu la sogs pa'i rgyan yang klu chen po brgyad kyis byas pa'o/ /sdigs mdzub lcags kyu zhags pa bsnams zhes bya ba ni snga ma bzhin du sbyar ro/ /dbus kyi mkha' 'gro ma brgyad ces bya ba ni dbus kyi pho brang na gnas pa'i seng ge mo la sogs pa mkha' 'gro ma rnam pa brgyad bshad pa yin no/ /zhes bya bar sbyar ste/ lhag ma ni go sla'o/ /pho brang gi phyi rim na gnas pa bstan par bya ba'i phyir/ phyi rol dag na rnam bzhi la/ /zhes bya ba la sogs pa smos te/ pho brang gi phyi rim gyi sgo bzhi la gnas pa zhes bya ba'i don to/ / de nyid gsungs pa/ shar du mkha' 'gro rgyal dbang mo zhes bya ba la sogs pa la/ rgyal dpang mo zhes bya ba ni phyag na rdo rje la bde ba'o/ /shar du ni shar sgor ro/ /mkha' 'gro ni mkha' 'gro ma zhes bya ba'i ming can no/ /yi dags kyi stan ni ro'i stan no/ /lag gnyis kha ru bcug nas ni/ /ha har bzhad pas shin tu 'bar zhes bya ba ni gang gi lag pa gnyis kyi thal mo khar bcug nas so'i 'od snang ba dang bcus par bkod pa de la de skad ces bya'o/ /lhag ma ni go sla'o/ /byang du zhes bya ba la sogs pa/ byang ni byang sgor ro/ /'bar ma ni 'bar ma zhes bya ba'o/ /spyi bo'i steng du lag pa gnyis/ thal sbyar me mar lta bur 'bar zhes bya ba ni/ gang gi lag pa gnyis kyi 'od me mar ltar 'bar pa'i thal mo mgo'i steng du sbyar ba yin pa

  620. 310b

    de la de skad ces bya'o/ /nub kyi zhes bya ba la sogs pa la/ nub ni nub sgor ro/ /'jib byed ma ni 'jib byed ma zhes bya ba'o/ /lag gnyis snyim par sbyar ba nas/ /khrag gi rgyun ni 'thung bar mdzad ces bya ba ni/ gang gi lag pa gnyis kyi snyim pa nas skud pa dang 'dra ba'i khrag gis rgyun 'dzag pa 'thung ba de la de skad ces bya ba'o/ /lho ru zhes bya ba la sogs pa la/ lho ru ni lho sgor ro/ /'phrog byed ma ni 'phrog byed ma zhes bya bar grags pa'o/ /sdigs mdzub dang ni gtun shing thogs/ /sems can sems ni rmongs par byed/ /ces bya ba ni gang gi phyag g.yas kyis gtun shing thogs nas/ g.yon pas bsdigs pas sems can rnams kyi sems rmongs pa ste/ dbang du bsdud par byed pa de la de skad ces bya'o/ /lhag ma ni go sla'o/ /nye bar bsdu ba bstan pa'i phyir/ kun rig pas ni thams cad bsgom zhes bya ba smos te/ rnal 'byor gyis dkyil 'khor pa thams cad ji lta ba bzhin bsgom mo/ /zhes bya ba yin no/ /de la 'dir seng ge dang glang po che la sogs pa dang/ yi dags kyi stan rnams la/ nyi ma'i dkyil 'khor gdugs dkar pos brgyan pa'i steng du/ so so'i sa bon yongs su gyur pa las byung ba'i rnal 'byor ma bcu gsum sngar smos pa lta bu'i mdog dang mtshan can thams cad kyang zhabs g.yon pa skyil krung du bcas nas/ g.yas pa cung zad brkyang ba'i sems dpa' i skyil krung gis bzhugs pa bsgoms te/ khyad par du seng ge mo la sogs pa rnams ni rang gi ming dang mthun pa'i gdong can du bya'o/ /de dag gi ni gzugs mdun du/ /dam tshig dag ni bstan par bya zhes bya ba la de dag gi mdun ni de dag gi mig sngar ro/ /dam tshig ni dam tshig gi phyag rgya ste/ 'og nas 'byung ba rnams so/ /ni zhes bya ba ni kyang zhes bya ba'i don to/ /sngags la bltos nas bsdu ba'o/ /sngags de nyid bstan pa'i phyir/ rlung dang zhes bya ba la sogs

  621. 311a

    pa smos te/ rlung ni ya'o/ /me ni ra'o/ /bdun zhes bya ba ni bdun pa ste/ rkyen ni mngon pa'o/ /de la rlung gi bdun pa ni sa'o/ /me'i bdun pa ni ha'o/ /de nyid ni don de ha la'o/ /rdo rje ma'i sa bon ni sa nyid do/ /dbye zhes bya ba ni zla tshes su bzhag pa ste/ chos mthun pa'i phyir ro/ /sgra dang thig les yang dag mnan zhes bya ba la/ sgra ni u ring po ste des zhabs bskyed du sbyar ba'o/ /thig les yang dag mnan nas ni thigs pas steng nas mnan pa ste/ bsdus pas hUM zhes bya bar 'gyur ro/ /char pa'i rgyun zhes bya bar brjod/ zhes bya ba ni thams cad kyang bdud rtsi'i yi ge 'dus pa'i phyir yon tan gyi sgras brjod pa yin no/ /phyag 'tshal dang po sreg byed mdza' zhes bya ba ni brda phrad par zad do/ /ye shes mkha' 'gro'i sa bon yin zhes bya ba la/ gang gi tshe ye shes mkha' 'gro ma bskyed pa'i tshe ni sa bon hUM 'ba' zhig las bskyed par bya la/ dam tshig gi phyag rgya ston par byed pa'i tshe ni/ oM hUM swAhA zhes bya ba'i sngags kyis bstan par bya'o/ /zhes bya ba'i don to/ /de bzhin du gzhan dag la yang skyed par byed pa ni sa bon 'ba' zhig yin la/ phyag rgya bstan pa ni sa bon de dag phyag 'tshal sreg pa'i mthar ldan pa zhes bya ba dang sbyar bar bya'o/ /dbyangs thog sa bon dang po ni zhes bya ba la/ dbyangs kyi thog ma'i sa bon ni yi ge A'o/ /de nyid ni dang po ste/ ye shes mkha' 'gro ma'i sa bon ma gtogs pa sa bon lhag ma bcu gnyis kyi dang po yin pa'i phyir ro/ /phyag 'tshal dang bsreg byed mdza' zhes bya ba ni/ 'di'i sngags btu ba bstan pa ste/ a'i dang por phyag 'tshal te/ oM sbyin la a'i mdza' mar ni/ sreg byed te swAhA sbyin par bya ste/ 'di ni thams cad tu blta bar bya'o/ /shar phyogs rdo rje mkha' 'gro ma'i sa bon du ni rab tu grags zhes bya ba ni rdo rje mkha' 'gro ma skyed par byed pa'i sa bon a yin no zhes bya ba'i don to/ /

  622. 311b

    bsdus pas oM a swAhA zhes bya bar 'gyur ro/ /dbyangs kyi yi ge gnyis pa ni zhes bya ba ni dbyangs kyi sde tshan gyi yi ge gnyis pa A'o/ /phyag 'tshal sreg byed sbyar bar bya zhes bya ba ni bshad zin te bsdus pas oM A swAhA/ zhes bya bar 'gyur ro// 'di zhes bya ba ni a'o/ /mkha' 'gro drag mo'i sa bon yin zhes bya ba ni brda phrad par zad do/ /sa bon dag ni 'di nyid la zhes bya ba ni sa bon a 'di nyid la'o/ /dbyug pa glo ru bzhag par bya ba ni/ a ring po de nyid kyi steng gi glor yang dbyug pa lta bu'i ri mo ring du drang ba'o/ /phyag 'tshal zhes bya ba la sogs pa la bshad zin te/ bsdus pas oM a(rgyud 'grel): swAhA zhes bya bar 'gyur ro/ /ro langs ma'i yin zhes bya ba ni ro langs ma'i sa bon no/ /sa bon dag ni 'di nyid la zhes bya ba ni bshad zin to/ /steng du thig le sbyin par bya zhes bya ba ni go sla'o/ /oM zhes bya bar 'gyur ro/ /phyag 'tshal zhes bya ba la sogs pas oM aM swAhA zhes bya bar 'gyur ro/ /gtum pa yi ni dbang mo yin zhes bya ba ni sa bon zhes bya ba dang sbyar ro/ /ma ning sa bon dang po ni bya ba la ma ning gi yi ge ni ri rI li lI bzhi yin la/ de dag gi dang po ni yi ge ri'o/ /phyag 'tshal zhes bya ba la sogs pa la bsdus pas oM raM swAhA zhes bya bar 'gyur ro/ /lhag ma ni go sla'o/ /ma ning sa bon gnyis pa ni zhes bya ba ni sngar smos pa'i tshul gyi yi ge rI ste/ bsdus pas oM rI swAhA zhes bya bar 'gyur ro/ /de bzhin ma ning sa bon gsum zhes bya ba ni tshul bzhin du gsum pa ste yi ge li'o/ /bsdus pas oM li swAhA zhes bya bar 'gyur ro/ /ma ning yi ge bzhi pa la zhes bya ba ni yi ge lI'o/ /bsdus pas oM lI swAhA zhes bya bar 'gyur ro/ /hUM byed 'ug pa mo zhes bya ba ni yi ge hUM 'ug pa'i sgra'i gtso bo yin pa'i phyir ro/ /sde tshan dag ni lnga pa yi/ /yi ge dag ni gnyis pa gzung zhes bya ba ni yi ge pha'o/ /sa bon zhes bya

  623. 312a

    ni de nyid do/ /rtsa ba zhes bya ba thig le'o/ /sgra zhes bya ba ni u ste sbyar ba ni de dag 'og dang steng du sbyin pa'o/ /des ni phuM zhes bya bar 'gyur ro/ /phyag 'tshal zhes bya ba la sogs pa la/ bsdus pas oM huM swAhA zhes bya bar 'gyur ro// lhag ma ni go sla'o/ /sde tshan dag ni lnga pa yi/ /de bzhin yi ge gnyis pa gzung zhes bya ba ni slar yang pha nyid do/ /e dang thig le sbyar bar bya zhes bya ba ni pheM bya bar 'gyur ro/ /phyag 'tshal zhes bya ba la sogs pa la/ bsdus pas oM pheM swAhA zhes bya bar 'gyur ro/ /sde tshan zhes bya ba la sogs pa yang slar zlos pa ste pha nyid do/ /o dang re pha thig ler sbyar zhes bya ba ni 'og tu ra dang steng du o dang thig le sbyin ba ste/ phro zhes bya bar 'gyur ro/ /phyag 'tshal zhes bya ba la sogs pa la / bsdus pas oM phriM swAhA zhes bya bar 'gyur ro/ /sde tshan zhes bya ba la sogs pa lnga ma bzhin du pha'o/ /re pha thig le lcags kyur sbyar ba la/ lcags kyu ni i ste/ i dang thig le stang sbyar la/ ra ni 'og tu sbyar te phriM zhes bya bar 'gyur ro/ /phyag 'tshal zhes bya ba la sogs pa la/ bsdus pas oM phri swAhA zhes bya bar 'gyur ro/ /lhag ma ni brda phrad par zad do// //da ni phyag rgya bstan par bya ba'i phyir/ khu tshur gnyis ni zhes bya ba la sogs pa smos te/ 'di dag gi don ni lag pa gnyis khu tshur bcings pa'i gung mo gnyis brkyang nas/ rtse mo sprad la oM hUM swAhA zhes bya ba'i sngags zlos shing/ ye shes mkha' 'gro ma'i mdun du bstan par bya'o/ zhes bya ba 'di yin no/ /lag gnyis zhes bya ba la sogs pa la / lag pa gnyis thal mo sbyar te/ mthe bo gnyis gung mo gnyis kyi rtsar btsugs la yang dang yang du bskyod nas/ oM a swAhA zhes bya ba'i sngags kyis rdo rje ma'i mdun du bstan par bya'o/ /khu tshur zhes bya ba la sogs pa la lag pa gnyis

  624. 312b

    kyi khu tshur bcings nas/ mthe bo gnyis brkyang ba 'di ni drag mo'i phyag rgya ste/ oM A swAhA zhes bya ba'i sngags dang sbyar ro/ /phyag rgya de nyid ces bya ba la sogs pa la/ drag mo'i phyag rgya de nyid las mthe chung gnyis brkyang ba 'di ni ro langs ma'i phyag rgya ste/ oM e swAhA zhes bya ba'i sngags dang sbyar ro/ /phyag rgya de nyid ces bya ba la sogs pa la/ phyag rgya de nyid las gung mo gnyis brkyang ba 'di ni gtum mo'i phyag rgya ste/ oM aM swAhA zhes bya ba'i sngags dang sbyar ro/ /de ni phyag bzhi pa'o zhes bya ba ni ye shes mkha' 'gro ma gtogs pa dbus kyi rnal 'byor ma bzhi la bltos nas/ 'di ni grangs bzhi pa'o/ /zhes bya ba'i don to/ /rdo rje khu tshur zhes bya ba la sogs pa la/ rdo rje khu tshur gnyis bcings la mdzub mo gnyis brkyang ste / phan tshun rtse mo sprad pa ni/ mtshams bzhi zhes bya ba seng+ge mo la sogs pa'i phyag rgya thun mong yin te/ sngags ni so so dang sbyar bar bya'o/ /de la oM ri swAhA zhes bya ba ni seng ge mo la bstan par bya'o/ /oM rI swAhA zhes bya ba ni stag mo la'o// oM li swAhA zhes bya bas ni ce spyang mo la'o/ /oM lI swAhA zhes bya bas ni 'ug pa mo la'o/ /lag gnyis zhes bya ba la sogs pa la/ lag pa gnyis brkyang nas thal mo khar bcug ste/ oM phuM swAhA zhes bya ba'i sngags kyis shar phyogs mkha' 'gro ma la bstan la/ phyi nas ha zhes bya ba brjod cing rim gyis phyag rgya dgrol ba 'di ni mkha' 'gro ma'i 'o/ /lag gnyis zhes bya ba la sogs pa la lag pa gnyis brkyang ste spyi bor thal mo sbyar ba 'di ni 'bar ma'i phyag rgya ste/ oM pheM swAhA zhes bya ba'i sngags dang sbyar ro/ /phyag 'tshal zhes bya ba la sogs pa la hUM zhes bya ba brjod pa sngon du 'gro ba'i lag pa gnyis phyag 'tshal thal mo sbyar te khar bzhag pa 'di ni 'jib byed ma'i phyag rgya ste/ oM phroM swAhA zhes bya ba'i

  625. 313a

    sngags dang sbyar bar bya'o/ /lag pa gnyis pad+ma ra bskor ba byas la de'i 'og tu thal mo sbyar te b+ha ga'i gnas su bzhag pa 'di ni 'phrog byed ma'i phyag rgya ste/ oM phriM swAhA zhes bya ba'i sngags dang sbyar bar bya'o// // da ni dri la sogs pa'i sngags dang phyag rgya bstan par bzhed nas/ phyag 'tshal zhes bya ba la sogs pa smos te/ lag pa g.yas pa kun tu brkyang nas dris byug pa ltar byed pa 'di ni dri'i phyag rgya ste/ sngags ni oM hUM swAhA zhes bya ba yin no/ bdud rtsi zhes bya ba la sogs pa la/ bdud rtsi ni yi ge sa'o/ /ra dang thig ler bcas zhes bya ba ni sa'i 'og tu ni ra dags la steng du ni thig le sbyin par bya ste/ sraM zhes bya bar 'gyur ro/ /phyag 'tshal zhes bya ba la sogs pa la/ bsdus pas oM sraM swAhA zhes bya bar 'gyur ro/ /phyag rgya gsungs pa/ dri'i zhes bya ba la sogs pa la/ dri'i phyag rgya las mthe bo dang mdzub mo sbyar ba ni me tog gi phyag rgya'o/ /sde mtshan zhes bya ba la sogs pa la/ sde tshan dang po'i yi ge ka'o// 'dir yang sgra dang thig ler sbyar bar bya zhes bya ba dang sbyar te/ 'og tu u gdags shing steng du thig le byin pas kum zhes bya bar 'gyur ro/ /phyag 'tshal zhes bya ba la sogs pa la/ bsdus pas oM kuM swAhA zhes bya ba yin no/ /phyag rgya gsungs pa/ phyag rgya'i de nyid ces bya ba la sogs pa la/ me tog gi phyag rgya las gung mo bsgreng pa ni bdug pa'i phyag rgya'o/ /dgu mdza' zhes bya ba la sogs pa/ ya nas bgrangs pa'i yi ge dgu'i mdza' ma ni/ dgu mdza' i sa bon te yi ge k+Sha'o/ /'dir yang sgra dang thig ler sbyar bar bya zhes bya bar blta ste/ bsdus pas k+ShuM zhes bya bar 'gyur ro/ /phyag 'tshal zhes bya ba la sogs pa la/ bsdus pas oM k+ShuM swAhA zhes bya ba yin no/ /phyag rgya gsungs/ khu tshur

  626. 313b

    zhes bya ba la sogs pa ste/ lag pa g.yas pa'i khu tshur bcings nas/ mthe bo bsgreng ba 'di ni mar me'i phyag rgya'o/ /sde tshan zhes bya ba la sogs pa la/ sde tshan dang po'i gsum pa ni yi ge ga'o/ /sgra dang thig le sbyar ba dang/ /zhes bya ba la/ sgra ni u thung ste 'og tu sbyar bar bya'o/ /thig le ni rjes su 'gro ba'i dbyangs te/ steng du sbyar bar bya'o/ /bsdus pas gum zhes bya bar 'gyur/ phyag 'tshal zhes bya ba la sogs pa la/ bsdus pas oM guM swAhA zhes bya ba yin no/ /phyag rgya gsungs pa/ lag pa gnyis zhes bya ba la sogs pa la/ phyag rgya 'di ni sngar bshad zin to/ /gtor ma'i sngags ni snga mar sbyar zhes bya ba ni 'das ma thag pa'i sngags dang phyag rgyar sbyar ba ni gtor ma'i las dang 'tsham pa'o/ /de dag gis ni dri la sogs pa thams cad sngags dang phyag rgyar sbyar bas/ ci rigs pa'i mchod pa bya bar ston to/ /gnyis med gtor ma snga ma bzhin zhes bya ba ni sha lnga dang bdud rtsi lnga dang sha rlon dang nya sha dang sgog btsong la sogs pa gnyis med gtor ma ste/ snga ma bzhin zhes bya ba ni/ gtor ma der yang sngags dang phyag rgya dang sbyar ba'i me tog la sogs pas mchod pa'o/ /de nyid 'di yis zhes bya ba ni gtor ma'i de kho na nyid kyis so/ /mchod par bya zhes bya ba ni lha thams cad ces pa'i lhag ma'o de nyid kyi phyir gsungs pa/ sngon du zhes bya ba la sogs pa ste/ rdzas rnam pa lnga zhes bya ba ni bdud rtsi lnga ste grags par zad do/ /sna tshogs pa'i lcags kyu dang zhes bya ba ni go ku da ha na zhes bya ba rnam pa lngar brjod pa ste/ mngon par 'dod pa'i don dgug cing 'grub pas na lcags kyu'o/ /dri dang me tog bdug pa sogs zhes bya ba la sogs pas ni mchod pa nyi shu'i mtshams sbyar ba yin te/ sngags dang phyag rgyas zhes bya ba ni gtor ma'i sngags rgyas so/ /phyi nas mchod pa

  627. 314a

    nyi shu yis/ /ye shes can gyis mchod par bya zhes bya ba ni go sla'o/ /de nyid gsungs pa/ hUM zhes bya ba'i glu blangs nas/ /zhes bya ba ni mchod pa nyi shu'o/ /kun la hUM zhes bya ba'i yi ge brjod par bya'o/ /rnal 'byor ma kun mnyes par bya zhes bya ba ni/ de nyid ni rnal 'byor ma mnyes par byed pa'i gtso bo zhes bya ba'i don to/ /rdo rje khu tshur zhes bya ba la sogs pa la/ rdo rje khu tshur gnyis bcings la/ /rked pa'i mtshams su bzhag nas ni zhes bya ba ni rdo rje khu tshur g.yas kyis rdo rje dang dril bu thogs pa'i tshul du rkeng pa gnyis su gzugs pa'o/ /yan lag gsum du hUM gis bskyod ces bya ba ni hUM zhes bya ba brjod pa sngon du 'gro bas mgo bo dang rkeng pa dang ro smad kyi cha gsum du phye ste/ bskyod par bya'o/ /dkrol ba'i tshul du dkrol ba dang zhes bya ba ni lag pa g.yon pa sngon du brkyang ste/ de'i steng du lag pa g.yas brkyang nas brdung ba ltar byed pa'o/ /pa Ta ha ltar brdung ba dang zhes bya ba ni rnga pa ta ha brdung pa ltar lag pa gnyis g.yas g.yon du gdengs te sprug pa'o/ /ba dan tshul du 'phyar ba dang/ /zhes bya ba ni lag pa g.yas pa 'ba' zhig brkyang ba'o/ /gdugs kyi tshul du dgab pa dang/ /zhes bya ba ni lag pa gnyis gdugs kyi yu ba 'dzin pa'i tshul du byed pa'o/ /rdza rnga'i tshul du brdung ba dang zhes bya ba ni rdza rnga ltar lag pa gnyis steng nas brdung ba'i tshul du byed pa'o/ /rnga zlum tshul du brdung ba dang zhes bya ba'i lag pa gnyis rnga zlum brdung ba ltar g.yas g.yon nas brdung ba'i tshul du byed pa'o/ /lhag ma ni go sla'o/ /rnal 'byor ma brgyad de nyid kyi/ /dngos po kun gyis mchod par bya/ /zhes bya ba ni rdo rje dang rdo rje dril bu 'dzin pa la sogs pa'i dngos po nyi shu'i de kho na nyid kyis rnal 'byor ma'i gtso bo brgyad mnyes par bya'o/ zhes bya ba'i don to/ /hUM zhes bya bar bdag gis sprul/ /hUM gi glu ni blang bar bya/

  628. 314b

    zhes bya ba la hUM gi glu zhes bya ba ni yi ge hUM gtso bor gyur pa'i glu ste/ rang dgar sems can sgrol pa yi/ /rgyu med dngos la 'dud par bgyi/ /te na hUM te na te te hUM zhes bya ba la sogs pa ste grags par zad do/ /zhes bya bar bdag gi sprul zhes bya ba ni bdag nyid kyi hUM gi glu blang ba ste/ des ni glu'i mchod pa bstan no/ /bstod pa'i mchod pa bstan pa'i phyir/ rdo rje zhes bya ba la sogs pa smos te/ rdo rje dga' ba'i mthu dang spyan gyis gzigs zhes bya ba la/ rdo rje zhes bya ba ni kye rdo rje zhes bod pa ste chos kyi sku'i bdag nyid mi phyed pa'i phyir ro/ /dga' ba zhes bya ba ni sems can gyi don mdzad pa'o/ /mthu ni de'i nus pa ste/ 'gro ba'i don mdzad pa dang ldan pa'i phyir ro/ /spyan zhes bya ba ni sha dang lha dang/ shes rab dang chos dang sangs rgyas kyi spyan zhes brjod pa rnam pa lnga'o/ /gzigs pa ni des dmigs pa ste/ 'gro ba'i don la dmigs pa gang la yod pa de la/ dga' ba'i mthu dang spyan gyis gzigs zhes bya'o/ /yi ge'i dngos po rang bzhin stong pas rol zhes bya ba la/ mi 'gyur bas na yi ge ste/ gnyis su med pa'i ye shes so/ /de'i dngos po ni de'i rang bzhin no/ /de'i rang bzhin ni ngo bo nyid med pa ste/ rang bzhin med pa'i rang bzhin can no/ /stong pas rol zhes bya ba la/ stong pa ni 'das ma othag pa ste/ stong pa nyid do/ /rol pa ni 'gro ba rnams kyi rang gi sems la rnam par rol pa ste/ stong pa nyid kyis rol cing gzigs pa'o/ /dngos dang dngos med las grol dbu ma mkhyen zhes bya ba la/ chos rnams dngos po dang dngos po med pa dag las rnam par grol ba'i dbu ma ni de kho na nyid do de? kho na nyid kyi khyad par des/ chos rnams mkhyen pa de la/ de skad ces bya'o/ /mi 'gyur kun bcom lhag ma sems pa'o/ /zhes bya ba la/ mi 'gyur ni yi ge ste/ gang yi ge'i bdag nyid can gyis sgra'i tshogs thams cad ni mi 'gyur kun te/ de

  629. 315a

    bcom pa ni gtang ba'o/ /lhag ma sems pa'o zhes bya ba la lhag ma ni sgras brjod pa'i lhag ma ste/ brjod du med pa nyid do/ /sems pa ni kun tu dmigs pa'o/ /gnyis sprod kun 'khyud chu yi bya ba can zhes bya ba ni shes rab dang thabs kyi snyams par 'jug pa'o/ /kun 'khyud ces bya ba ni sbyor ba ste ting nge 'dzin to/ /chu ni byang chub kyi sems te/ de nyid ni don du gnyer bar bya ba'i phyir bya ba 'am dgos pa ste/ des yang dag par bzhugs pa de la de skad ces bya'o/ /gnyis med chos brnyes thar pa 'ang brnyes pa'o/ /zhes bya ba la gnyis med chos ni chos bdag med pa nyid do/ /brnyes pa ni shin tu thugs su chud pa ste des grol ba brnyes pa de ni thar pa rnyes pa'o/ /bde ba 'khor mnan thar ba btang ba po zhes bya ba la/ bde pa ni de kho na nyid mkhyen pa'i shes rab ste/ des 'khor ba mnan pa ni bcom pa'o/ /thar pa btang ba po zhes bya ba ni 'gro ba'i don gyi phyir snying rjes thar pa bcom pa de la de skad ces bya ste/ de skad du yang shes bas srid la mi gnas shing/ snying rjes zhi la mi gnas dang/ zhes gang gsungs pas so/ /de ltar na gnyis sprod ces bya ba la sogs pas ni bdag dang gzhan gyi don gyi thabs phun sum tshogs pa bstan to/ /gnyis med chos brnyes zhes bya ba la sogs pas ni bdag gi don phun sum tshogs pa bstan to/ /bde bas 'khor mnan zhes bya ba la sogs pas ni/ gzhan gyi don phun sum tshogs pa bstan to/ de lta bu'i khyad par can gyi bcom ldan 'das la bos nas bstod pa cung zad cig gis bstod pa bstan pa'i phyir/ thams cad ces bya ba la sogs pa smos te/ thams cad dngos kyi rnal 'byor ma sngags rol zhes bya ba la/ thams cad dngos ni rnam pa thams cad kyi ste/ sku dang gsung dang thugs kyis so/ /rnal 'byor ma sngags zhes bya ba la/ rnal 'byor ma nyid sngags te/

  630. 315b

    'gro ba rnams kyi yid skyob pa'i phyir ro/ /rol pa ni des gar mdzad pa ste/ bcom ldan 'das so/ /rnal 'byor ma lnga sangs rgyas de nyid mkhyen zhes bya ba la/ sangs rgyas kyi de kho na nyid ni zad pa dang mi skye ba shes pa'i ye shes dam pa'o/ /de kho na nyid kyi khyad par des rnal 'byor ma lnga'i mtshan nyid nye bar dmigs shing mkhyen pa de la de skad ces bya ste/ de dag gis ni bcom ldan 'das kyi chos kyi sku bstan to/ /gzugs mang sgyu mas sems can smin mdzad pa zhes bya ba la/ sgyu ma ni rnam par sprul pa ste/ sprul pa rnam pa sna tshogs kyi gzugs kyis sems can smin cing grol bar mdzad pa'o/ /smin pa ni nye bar mtshon pa ste grol ba yang gzung bar bya'o/ /mdzad ces bya ba ni khyod kyis bya ba'i lhag ma'o/ /rdo rje kun rtogs chos kyis rmongs pa gcod ces bya ba la/ rdo rje zhes bya ba stong pa nyid kyi/ kun tu rtogs zhes bya ba rnam par mi rtog pa'i mtshan nyid thugs su chud pa'o/ /des ni 'di skad du rnam par mi rtog pa'i ye shes kyi stong pa nyid thugs su chud par ston te/ de su la yod pa de la de skad ces bya'o/ /chos kyi rmongs pa gcod ces bya ba la chos ni sems can rnams te/ skye ba dang 'chi ba dang bde ba dang sdug bsngal ba la sogs pa'i mtshan nyid 'dzin pa'i phyir ro/ /rmongs pa ni kun nas nyon mongs pa'o/ /gcod ces bya ba ni/ rdo rje kun tu rtogs nas sems can gyi snod kyi bye brag ji lta ba bzhin du/ rjes su bstan pas zhes bya ba'i lhag ma yin no/ /de ni longs spyod rdzogs pa'i sku bstan to/ /sems can rnams la bos te bskul ba'i phyir/ rnal 'byor ma rmongs snying chos tshogs la 'dud ces bya ba la/ snying chos zhes bya ba ni snying po'i chos te/ tshogs ni bsags pa'o/ /des ni snying po'i chos sku gsum po bsags pa'i bcom ldan 'das bstan to/ /de nyid ni rnal 'byor rnams rmongs pa ste/ bde ba chen pos

  631. 316a

    rmongs pa'i rnal 'byor ma rnams kyi rang bzhin no/ /thung ces bya ba ni kyi sems can rnams de lta bu'i yon tan khyad par can gyi rnal 'byor ma rnams la/ phyag 'tshal cig ces bya ba'i bar du'o/ /da ni saM skri ta'i sgo nas bstod pa bstan pa'i phyir/ sems can zhes bya ba la sogs pa smos te/ sems can sgrol mdzad rnal 'byor bdag la bstod phyag 'tshal zhes bya ba la/ rnal 'byor ni thabs dang shes rab snyoms par 'jug pa'o/ /de nyid ni bdag po ste gtso bo yin pa'i phyir ro/ /des sems can smin cing grol bar mdzad pas na sems can grol mdzad de/ de lta bu'i khyad par can gyi bcom ldan 'das la bstod phyag 'tshal zhes bya bar sbyar ro/ /thams cad bdag skyes gcig dngos bstod phyag 'tshal zhes bya ba la/ thams cad gyi bdag nyid ni chos kyi dbyings so/ /de las byung ba gang yin pa de ni thams cad bdag skyes so/ /gcig gi dngos zhes bya ba ni/ gcig gi sems te gnyis su med pa'i ye shes so/ /'khor ba zhes bya ba la sogs pa la/ 'khor ba nyid rgya mtsho ste byis? ba rnams kyis rgal dka' ba'i phyir ro/ /rmongs pa ni shes bya'i sgrib pa ste 'khor ba'i rgya mtsho der gnas pa'i rgyu mtshan gyi rmongs pa de la de skad ces bya'o/ /gcod pa ni sel bar byed pa'o/ /de nyid ces bya ba la sogs pa la/ de nyid gcig ces bya ba la/ de nyid gcig ces bya ba ni de kho na nyid mkhyen pas khyod dang 'dra ba'i zla bo gzhan med pa de ni de nyid gcig ste bod ba'o/ /lhag ma ni go sla'o/ /khyad par du bstod ces bya ba ni khyad par du 'phags par bstod pa'o/ /glu dang bstod ras nye bar mchod par bya'o zhes bya ba la bstod ra zhes bya ba ni yon tan dam pa sgrogs par byed pa ste/ rdo rje la phyag 'tshal zhes bya ba la sogs pa'i de kho na nyid brjod pa'o/ /glu zhes bya ba ni de kho na nyid dam pa ste/ glu 'ba' zhig gis mchod

  632. 316b

    pa'o/ /bar bar du ni hUM gi sgra dang dril bu bsgrags la zhes bya ba ni/ hUM gi sgra brjod pa sngon du 'gro bas dril bu'i sgra sgrogs pa ste/ des skabs skabs su mchod par bya'o/ /smon lam rnam pa gsum gdab par bya'o zhes bya ba ni rnam pa gsum gyi tshul gyis mos par bya ba ste/ de nyid gsungs ba/ rdo rje thal mo zhes bya ba la sogs pa la/ rdo rje thal mo snying gar bcings nas/ oM swa b+hA ba shud+d+ha zhes bya ba la sogs pa'i sngags rnam pa gsum brjod cing mos par bya'o/ /zhes bya ba'i don to/ /g.yas par zhes bya ba la sogs pa la/ rnam pa gsum po mos par byas pa'i 'og tu lag pa g.yas par pad+ma bsams la/ pad+ma'i tshul du bya zhing g.yon par rdo rje bsams te pad+ma'i bskor ba sngon du 'gro bas g.yon pa'i mthe bos mthe chung mnan la/ lhag ma gsum rdo rje gsum par brkyang ste/ g.yas pa'i pad+ma'i steng sbyar ba 'di ni phyag rgya chen po'i phyag rgya ste/ 'di'i sngags ni oM ha ho h+rI swAhA zhes bya ba yin no/ /phyag rgya chen por byin gyis brlabs pa'i sngags dang phyag rgya'o zhes bya ba ni smon lam rnam pa gsum byas pa'i 'og tu sngags dang phyag rgya 'dis phyag rgya chen por byed pa ste/ der ma zad gzhan yang cung zad bza' ba la sogs pa dang/ gtor ma'i dus su yang sngags dang phyag rgya 'dis bdud rtsi myang ba dang/ phyag rgya chen por byin gyis brlab par bya'o/ /de nyid kyi phyir gsungs pa/ rnal 'byor can gyis mtshungs pa ru/ lha rnams thams cad bsam par bya zhes bya ba la sogs pa smos te/ chang la sogs pa sbyang ba'i dus su/ dkyil 'khor ba'i lha thams cad mtshungs par te/ dus cig tu skad cig tsam gyis rdzogs par bya'o zhes bya ba'i don to/ /'jig rten pa sogs ye shes can/ phyi'i dkyil 'khor brtag par bya ba ni de bzhin du yang de dang 'brel pa'i gtor ma'i bya ba bstan pa yin te/ 'jig rten pa zhes bya ba ni

  633. 317a

    zhing skyong rnams so/ /sogs kyis ni dkyil 'khor ba'i lha rnams gzung bar bya'o/ /ye shes la zhes bya ba ni sgrub pa po ste/ des brtag par bya zhes bya bar 'brel to/ /'dir gsum pa'i don gyis gnyis pa yin no/ / phyi'i zhes bya ba ni bdag las phyi rol tu gyur pa ste/ de rnams la gtor ma sbyin pa'i phyir tsan dan dmar po 'am/ gur gum gyi maN+Dal gsum byas la de'i dbus su zlum po la ni thig bzhi btab pas re'u mig dgur byas la/ / de'i shar phyogs la sogs pa'i re'u mig rnams la rim bzhin du ru tra nag po dang/ ru tra chen po dang lhas byin dang nag po dang/ 'tshig pa dang/ mi sdug pa dang/ dga' las 'das pa dang/ log 'dren rnams bsam par bya'o// zhing skyong ba de dag kyang rgan byad ma dang/ drag mo la sogs pa rnal 'byor ma sum cu rtsa gnyis kyis/ so so re re zhing bzhi bzhis bskor nas/ rang rang gi mtshan ma thogs pa la sogs par bya'o/ /re'u mig dbu ma la ni ye shes mkha' 'gro ma la sogs pa rnal 'byor ma bcu gsum gyi bdag nyid do/ de ltar phyi'i dkyil 'khor bsgom par bya'o/ /so sor dris byug pa dang zhes bya ba la sogs pa la/ so so'i sbyor bas dbul bar bya zhes bya ba ni/ 'dir yang cung zad bza' ba la sogs pa'i dus su skad cig gis rdzogs par byas pa'i lha'i dkyil 'khor la so sor dri la sogs pa dbul ba dang/ gtor ma'i dus su yang phyi'i dkyil 'khor la ye shes mkha' 'gro ma la sogs pa 'jig rten las 'das pa dang/ ru tra nag po la sogs pa 'jig rten pa rnams la so sor dbul bar bya'o/ /zhes bya ba'i don to/ /bdud rtsi lnga dbul ba gsungs pa/ bdud rtsi lnga ni zhes bya ba la sogs pa smos te go sla'o/ /bdud

  634. 317b

    rtsi byin gyis brlab pa'i cho ga gsungs pa/ ha zhes bya ba la sogs pa la/ ha zhes bya ba ni bdud rtsi lnga'i nang du bsgom par bya'o zhes bya ba'i lhag ma can no/ des kyang de'i tha mal pa'i kha dog 'phrog par 'gyur ro/ /de bzhin du ho zhes bya ba bsgoms pas ni de'i tha mal pa'i dri 'joms par byed do/ /h+rI zhes bya ba bsgoms pas ni de'i tha mal pa'i ro'i nus pa 'joms par 'gyur ro/ /rnam gsum lan gsum brjod nas su/ /lha gsum du ni bsam par bya zhes bya ba ni/ de ltar yi ge gsum gyis kha dog la sogs pa bsgoms nas/ yang de nyid lan gsum brjod de/ rim bzhin du 'jig rten dbang phyug la sogs par bsgom mo zhes bya ba'i don te/ ha yis ni 'jig rten dbang phyug go /ho yis ni rnam par snang mdzad do/ /h+ri zhes pas ni mi bskyod pa ste/ bdud rtsi lnga po de ltar bsgom mo zhes bya bar dgongs so/ /pad+ma'i dbang phyug zhes bya ba la sogs pa la/ pad+ma'i dbang phyug ni snang ba mdza' yas te/ de nyid ni 'jig rten dbang phyug go /gzugs mdzes gser gyi mdog ces bya ba ni/ des yongs su sbyangs pas kha dog la sogs pa gnas skabs gang thob pa de bstan pa yin te/ gzugs mdzes zhes bya ba ni kha dog khyad par can thob pa'o/ /gser gyi mdog ces bya ba ni brda phrad par zad do/ /bdud rtsi lnga'i kha dog ces bya ba lhag ma yin no/ /gzugs mdzes gser gyi kha dog ces bya ba de nyid kyang 'jig rten dbang phyug du bsgom mo zhes bya bar sbyar ro/ /gzhan la yang de ltar lta bar bya'o/ /dri chu zhes bya ba ni dri khyad par du 'phags pa'i chu ste rang bzhin khyad par can thob pa'o/ /de yang ci zhig ce na rnam par snang mdzad ces bya ba smos ste/ rnam par snang mdzad kyi ngo bo nyid do/ /'dir kha dog ni dkar po'o/ /myang ba zhes bya ba ni ra khyad par can thob pa ste/ bdud rtsi ro'o/ /de yang ci zhig ce na/ rdo rje dbang phyug phyag na rdo rje zhes smos te/ rdo rje dbang phyug ces bya ba ni mi bskyod pa'o/ /de nyid ni phyag gis

  635. 318a

    rdo rje bsnams pa'i phyir phyag na rdo rje ste/ 'dir kha dog ni sngon po'o/ /nye bar bsdu ba bstan pa'i phyir lha gsum rnam gsum du mi bsgom par bya zhes bya ba smos te/ /yi ge gsum gyis tha mal pa'i kha dog la sogs pa bcom nas/ khyad par du gyur pa'i kha dog la sogs pas gsung rdo rje la sogs pa'i ngo bo nyid du bsgom par bya zhes bya ba'i don to/ /da ni rnal 'byor ma rnams mchod pa'i phyir chang byin gyis brlab pa gsungs pa/ g.yon pa zhes bya ba la sogs pa la/ g.yon pa zla ba'i lag pa la/ /zla ba'i dbus su bdud rtsi yi/ /yi ge kun rig gug skyed bcas zhes bya ba ni/ lag pa g.yon pa'i mthil du zla ba'i dkyil 'khor bsams la/ de'i dbus su bdud rtsi'i yi ges la/ kun rig gi gug skyed ces bya ba'i yi ge oM sbyar bas soM zhes bya bar 'gyur te/ des bdud rtsi'i rang bzhin du bya pa'o/ /yang sbyar ba bstan pa'i phyir/ mthe bo sor mos nyid de/ /srin lag dag ni ri rab po/ /zhes bya ba smos te/ lag pa g.yas pa'i mthe bo ni sa gzhir bsams la/ srin lag ni ri rab bsams pa'o/ /bsrub pa'i stobs kyis zhes bya ba la sogs pa la stobs ni lha ma yin pa'i li'i ngo bo nyid de rdzas rnams bsrubs pa'i stobs so/ /bdud rtsi'i zhes bya ba ni chang ste/ de bsrubs pas cir 'gyur zhe na/ chu ni rnam gsum shes par bya zhes bya ba smos te/ ri rab dang sa gzhi ba lis kun tu bsrubs pas bdud rtsi 'byung ba ltar/ shes rab dang thabs kyi mthe bo dang srin lag kun tu bsrubs pas rnam pa gsum las ye shes kyi chu'i ngo bo nyid du shes par bya'o/ /zhes bya ba'i don to/ /rnam gsum zhes bya ba ni ha ho(rgyud 'grel): h+rI(rgyud 'grel): zhes te lag pa g.yon pa'i mthil du chang bzhag la/ de'i steng du yi ge soM bsgoms nas/ mthe bo dang srin lag gis kun tu bsrubs la ha la sogs

  636. 318b

    pa'i yi ge bsgoms pas/ sngar smos pa'i tshul du kha dog la sogs pa'i lha gsum du bsgom mo/ /zhes bya ba'i don to/ /rnal 'byor ma ni thams cad la/ /mthe bo'i thor ma so sor dbul zhes bya ba la/ thor ma ni bdud rtsi chu'i yar ma'o/ /mthe bo'i mthe bo dang srin lag go /so sor ni rnal 'byor ma so sor tha dad pa ste/ de'i 'og tu dkyil 'khor gyi rnal 'byor ma thams cad la/ so so'i ming nas smos nas bdud rtsi'i thor ma dbul lo/ /de'i 'og ces bya ba la sogs pas ni/ de'i 'og tu bdag nyid mchod pa bstan te rang gi dngos po yis zhes bya ba ni ye shes mkha' 'gro ma'i gzugs kyis so/ /bdag nyid la ni bsam par bya zhes bya ba ni bdag der bsgom pa'o/ /rgyas pa lnga'i mchod rten ni zhes bya ba la mchod rten ni lus te phung po rnam pa sngar gsal bas na rgyas pa lnga'o/ /yang na nyon mongs pa rnams 'joms pas rgyas pa ste/ gang zhe na/ mchod rten du bsgom pa'o/ /rnam pa lnga zhes bya ba ni rigs lnga mdor bsdus pa'i lus so/ /rnam gsum zhes bya ba ni mthe bo'i thor ma gsum gyis te/ dang po rnal 'byor ma thams cad mthe bo'i thor mas mchod nas/ de'i 'og tu bdag nyid ye shes mkha' 'gro ma'i rnal 'byor dang ldan pa'i lus la mthe bo'i yar mas mchod do zhes bya ba'i don to/ /thor ma gsum gyi gnas bstan pa'i phyir lce rtse zhes bya pa la sogs pa smos te/ lce rtse bya ba ni lce'i rtse mo'o/ /thig le zhes bya ba ni smin ma'i dbus so/ /steng zhes bya ba ni spyi bo'o/ /blo dang ldan pas gnas gsum mchod zhes pa ni lha'i rnal 'byor dang ldan pas gnas gsum po de dag de ltar mthe bo'i thor mas mchod pa'o/ /tshogs kyi dkyil 'khor du chang sbyin pa'i tshigs su bcad pa gsungs pa ltos shig ces bya ba la sogs pa la/ shin tu mdzes zhes bya ba ni shin tu rnam par dag pa'o/ /ci zhig ce na/ chos de phyi nang gi chos thams cad do/

  637. 319a

    ltos shig ces bya ba ni mngon par zhen pa med pas zhes bya ba'i lhag ma'o/ /de nyid bstan pa'i phyir/ 'di la rtog pa yod min mthong zhes bya ba smos te/ thong zhes bya ba ni bor cig pa'o/ /ci zhig ce na/ rtog pa ste gzung ba dang 'dzin pa la sogs pa'i rtog pa'o/ /ci'i phyir zhe na/ chos rnams yod pa ma yin pa'i phyir te/ skra zla la sogs pa ltar snang du zin kyang nam mkha' ltar rang bzhin rnam par dag pa'o/ /zhes bya ba'i don to/ /bram ze khyi dang gdol pa gsum zhes bya ba la/ bram ze'i sgras mtshon pa'i sgo nas/ bram ze dang rgyal rigs dang rje'u rigs rnams gzung ngo/ /khyi'i sgras mtshon pa'i sgo nas tha mal pa'i byol song thams cad gzung bar bya'o/ /de bzhin du gdol pa'i sgras dmangs rigs thams cad dang mthar gnas pa rnams gzung bar bya'o/ /rang bzhin gcig pa zhes bya ba ni ngo bo nyid mtshungs pa ste/ 'di ltar mi dang byol song la sogs pa dang bram ze dang gdol pa la sogs pa rnams la rigs la sogs pa tha dad par 'dzin pa 'di ni rang gi rnam par rtog pa 'ba' zhig snying po ste/ 'di ltar khrag dang khu ba dang 'dod chags dang zhe sdang la sogs pa las gyur pa'i lus la/ khu ba la sogs pa'i bye brag cung zad kyang mi dmigs so/ /zhes bya ba'i don to// lhan cig bza' zhes bya ba ni/ rnam par rtog pa thams cad btung bar bya zhes bya ba'i don to/ /lhag ma ni go sla'o/ /len pa po'i bya ba bstan pa'i phyir/ pad+ma'i bskor pa la sogs pa smos te/ pad+ma'i bskor ba zhes bya ba la sogs pa'i phyag rgya ni sngar bshad zin to/ /sems ni shes ltar bsams nas su/ /zhes bya ba ni/ rnam par rtog pa'i dri ma dang bral ba'i sems te/ mngon par zhen pa med pas chos nyid la chos nyid dmigs pa'o/ /len pa po'i tshig bstan pa'i

  638. 319b

    phyir/ 'dod chags zhes bya ba la sogs pa smos te/ 'dod chags dri ma dang bral pa zhes bya ba la/ 'dod chags ni sred pa ste/ des sems kyi de kho na nyid mi gsal bar byed pa'i phyir ro/ bral zhes bya ba ni bral bar byed pa ste/ 'dis rims kyis sred pa 'joms par byed pa'o/ /'o na ci'i phyir zhes sngar la sogs pa la ma smos zhe na bden mod kyi 'dir gtso bo nyid du bstan pa'i phyir te/ 'di ltar 'khor ba'i rgyu mtshan gyi gtso bo ni tshor ba bde ba yin pa la de yang chags pa las byung ba yin pas/ chags pa 'khor dang bcas pa spangs na nyon mongs pa gzhan dag kyang zad par 'gyur snyam du dgongs pa yin no/ rin thang med las legs 'ongs chos shes zhes bya ba la/ chos zhes bya ba ni kun nas nyon mongs pa dang rnam par byang ba'i chos rnams so/ /swa zhes bya ba ni rang gi sems te/ 'ongs pa ni de las byung ba'o/ /ci'i phyir zhe na/ thams cad rang rig pa'i phyir ro/ /yang na le 'ong zhes bya ba ni/ phung po la sogs pa'i dngos po'i chos rnams rang gi sems las byung ba'i phyir/ gnyis su med pa'i de bzhin du 'gro ba ste/ de bzhin gshegs pa zhes bya ba'i don to/ rin thang med pa zhes bya ba la/ 'di la gang zhig btang bas gang zhig blang bar bya ba de ni rin thang ste/ de 'di la med pas na rin thang med pa ste/ blang ba dang dor ba med? pas kun nas mchod par bya ba'i ngo bo zhes bya ba'i don to/ /'dzin dang 'dzin min rnam spangs pa zhes bya ba la/ 'dzin pa zhes bya ba ni 'dod chags la sogs pa dang bral ba'i rnam par dag par mngon par zhen pa'o/ /'dzin min ni de las bzlog pa'o/ / rnam par spangs pa ni chos thams cad la dngos por mngon par zhen pa la/ dag par mngon par zhen pa gnyi ga las grol pa'o/ /de kho na nyid ces bya ba ni mngon par zhen pa dang bral ba'i de kho na nyid der yid 'jug par bya ba'i phyir/ chos la bdag

  639. 320a

    phyag 'tshal zhes bya bar sbyar ro/ /sbyor ba'i dngos grub don du ni/ /kun spyod de nyid ji bzhin du/ /rnal 'byor pa yis kun tu sbyang/ /ji ltar bde bar spyod ces brjod ces bya ba la/ sbyor ba zhes bya ba ni yang dag pa'i rdzas so// dngos grub ces bya ba ni dam tshig ste/ dam tshig gis tshim par bya ba'i phyir ro/ /don zhes bya ba ni bza' ba dang btung ba la sogs pa ste/ de dag sngar smos pa'i tshigs su bcad pas chang gi snod bzung la/ ji bzhin zhes bya ba ji ltar rnyed ba rnams rnal 'byor pa yis kun tu sbyang zhing dag bar spyod pas/ kun tu spyod ces bya ba kun la brim zhing nye bar spyad par bya'o zhes bya ba'i don to/ /ji ltar bde bar spyod ces bya ba'i chang gi snod byin la gong ma rnams kyis kyang ji ltar bde bar spyod ces kyang tshig tu brjod par bya'o/ /zhes bya ba'i don to/ /phyi'i dkyil 'khor brtag par bya zhes bya bar nye bar bshad pa'i phyir/ dmar po yi ni rjes rnams kyis/ /maN+Dal gru gsum byug par bya zhes bya ba smos te/ tsan dan dmar po dang gur gum la sogs pa'i phyi rol gru gsum du byug cing/ de nas gru bzhir byas la sngar smos pa ltar re'u mig dgu dang ldan pa'i zlum por bya'o/ /zhes bya ba'i don to/ /phyi'i lha rnams dgug pa'i sngags dang phyag rgya gsungs pa/ rdo rje khu tshur gnyis bcings nas/ /zhes bya ba la/ 'di'i don rdo rje khu tshur gnyis bcings nas phan tshun rgyab dang rgyab tu sprad ste/ mthe chung gnyis phan tshun bcings/ mdzub mo gnyis bsgreng ste/ g.yas pa'i mdzub mo cung zad bkug pa'i rgyab tu g.yon pa'i mdzub mo bzhag pa 'di yin no/ /sngags ni oM zhes bya ba la sogs pa ste/ dgug pa'i sngags dang phyag rgya'o zhes bya ba ni sgra ji bzhin no/ /me tog dmar po ni zhes bya ba la sogs pa ni go sla'o/ /gtor ma'i rdzas

  640. 320b

    gsungs pa/ nye bar spyod pa'i gtor ma zhes bya ba la sogs pa la/ nye bar spyod pa'i gtor ma ni gnyis su med pa'i gtor ma ste de nyid bshad pa'i phyir sha rlon dang ni nya sha sogs zhes bya ba smos te/ sogs pa'i sgras ni sgeg btsong la sogs pa bzung ngo/ /de nyid kyi phyir gsungs pa/ bza' ba'i rdzas rnams thams cad la zhes bya ba ste bza' ba thams cad zhes bya ba ni bshad zin to/ /rdzas thams cad ces bya ba ni 'bru'i chang dang bcos pa'i chang rnams so/ /de yang gsungs pa/ 'bru dang shing shun sogs bcos pa/ /'jig rten grags pa bzhin zhes bya/ /bud shing la sogs las byung ba/ /'bru dang bcos pa'i chang du 'dod ces bya ba gang yin pa'o/ /bdud rtsi lnga dang bcas par dgod ces bya ba la/ bdud rtsi lnga dang bcas pa zhes bya ba ni/ der bdud rtsi lnga blugs pa'o/ /dgod ces bya ba ni so so'i sa bon dgod pa'o/ /g.yon gyi cha ru snod bzhag la/ g.yas su khro bo bstan par bya zhes bya ba la/ lag pa g.yon par gtor ma'i snod bzhag la/ lag pa g.yas pa bstod de khu tshur bcings nas/ mdzub mo bsgreng te bstan par bya'o/ /khro bo zhes bya ba ni mdzub mo'o/ /yang na cha zhes bya ba ni cha gnyis su bgo ba ste/ btor ma gnyis g.yon dang g.yas su bzhag la/ g.yon gyis ni dkyil 'khor gyi lha la dbul bar bya'o/ / g.yas kyis ni phyogs skyong ba rnams la dbul bar bya'o/ /de'i tshe snod ces bya ba ni dkyil 'khor gyi 'khor lo'o/ /khro bo zhes bya ba ni phyogs skyong ba'o/ /oM shing gcig dang ni zhes bya ba nas/ gzhu can ma zhes bya ba'i bar ni 'jig rten skyong ba rnams dgug pa'i sngags yin te/ gdol pa zhes bya ba ni shan pa'i khyim mo/ /snod ces bya ba ni rgya mtsho'o/ /de ltar na shing gcig la sogs pa'i gnas de dag na gnas pa rnams 'dir spyon cig ces bya ba dang 'brel to/ /de dag kyang su dag

  641. 321a

    yin zhe na/ nag po drag po zhes bya ba la sogs pa smos te/ sngar smos pa'i re'u mig dgu la bsgoms pa'i zhing skyong gi 'khor rnams la drangs nas gzhug par bya'o/ /de la shar du ni ru tra nag po'o/ /byang du ni ru tra chen po'o/ /nub tu ni lhas byin no/ /lho ru ni nag po'o/ /dbang ldan du ni 'tshig pa'o/ /me mtshams su ni mi sdug pa'o/ /bden bral du ni dga' ba las 'das pa'o/ /rlung mtshams su ni log 'dren te/ /de dag ni spyan gsum pa phyag bzhi pa/ ji skad bstan pa'i mtshon cha dang gos dang rgyan gyis klubs pa'o/ /phyogs bzhir gnas pa rnams ni go rims bzhin du sngon po dang/ ser po dang/ dkar po dang/ dmar po'i mdog ces bya'o/ /dbang ldan la sogs par gnas pa rnams ni go rims bzhin du gnag cing ser pa dang/ sngo zhing dmar ba dang/ dmar zhing dkar ba dang/ dkar zhing ser ba'i mdog can no/ /de la ru tra nag po'i mdun na ni rgan byad ma'o/ /g.yon phyogs na ni drag mo'o/ /rgyab tu ni mi sdug ma'o// g.yas su ni u ma ste/ de dag ni rim bzhin du mkha' 'gro ma la sogs pa'i mdog can no/ /ru tra chen po'i shar dang byang dang nub dang/ lho'i phyogs rnams su ni/ rgyal ma dang/ rnam par rgyal ma dang/ mi thub ma dang/ gzhan gyi mi thub ma ste/ mar me la sogs pa'i mdog can no/ /lhas byin gyi shar dang/ byang dang nub dang/ lho'i phyogs su ni/ nag mo bzang mo dang nag mo chen mo dang/ nag mo sbom mo dang/ dbang mo rnams te/ 'jib byed ma la sogs pa'i mdog can no/ /nag po'i shar dang/ byang dang/ nub dang/ lho phyogs su ni zla ba mo dang/ drag mo dang/ sdong ma dang/ 'phyang ma ste/ 'phrog byed ma la sogs pa'i mdog can no/ /'tshig pa'i shar dang/ byang dang/ nub dang/ lho'i phyogs rnams

  642. 321b

    su ni/ sum cu gsum gyi dbang mo dang/ 'phrog byed ma dang/ mar me? dang/ 'jig byed ma dang/ rgan byang ma la sogs pa'i mdog can no/ /mi sdug pa'i shar dang/ byang dang/ nub dang/ lho phyogs rnams su ni/ drag mo'i gzugs dang/ gzugs chen mo dang/ mtshe ba gtsigs ma dang/ thod pa gtsigs ma rnams te/ dbang mo la sogs pa'i mdog can no/ /dga' ba las 'das pa'i shar dang/ byang dang/ nub dang/ lho phyogs rnams su ni thod phreng can ma dang/ phreng can ma dang kha TwAM ma dang/ bdag nyid chen mo rnams te/ nag mo bzang mo la sogs pa'i mdog can no/ /log 'dren gyi shar dang/ byang dang/ nub dang/ lho phyogs rnams su ni/ lag na ral gri can dang/ lag na dgra sta can dang/ lag na rdo rje can dang/ lag na gzhu can ma rnams te? rgyal ma la sogs pa'i mdog can no/ /de la rgan byad ma nas/ bdag nyid chen mo'i mthar thug pa rnams ni me tog la sogs pa'i mchod pa rnam pa lnga lag na thogs pas rnam par rol pa'o/ /lag na ral gri can la sogs pa bzhi ni ming ji bzhin du lag na mtshon cha thogs pa'o/ /de bzhin chen mo'i mkha' 'gro lnga/ las kun rjes su sgrub byed pa zhes bya ba ni 'bar ma la sogs pa rnams so/ /sbyor ba'i dkyil 'khor rgyal chen mo/ /de bzhin rdo rje dbang phyug ces bya ba ni ye shes mkha' 'gro ma'i dkyil 'khor ro/ /gtso bo zhes bya ba ni phyogs skyong pa rnams so/ /de bzhin gshegs pa'i sku chen te/ /zhes bya ba ni de dag thams cad de bzhin gshegs pa'i sku'i rang bzhin no/ /zhes bya ba'i don to/ /ci 'dra zhe na/ rdul med rnal 'byor 'byin pa ma zhes bya ba smos te/ rdul zhes bya ba ni nyon mongs pa rnams te/ dngos por zhen pa'i bdag nyid yin pa'i phyir ro/ /de gang la med pa de ni rdul med pa ste rdul dang bral ba'o/ /rnal 'byor ni ting 'dzin to/ /'byin pa ni byung ba ste/ des sgrub

  643. 322a

    ba'o/ /rdo rje dbang mo'i bka' 'di yis/ /thams cad kun nas 'dir sbyon cig ces bya ba la/ 'di yis zhes bya ba ni 'dis so/ /rdo rje dbang mo zhes bya ba ni dkyil 'khor gyi gtso mo ste/ ye shes mkha' 'gro ma'o// de'i bka' ni ye shes mkha' 'gro ma'i bka' lung ste/ sngar smos pa'i sngags kyis mtshan nyid can gyi bka' o/ /thams cad ni phyir gyi lha rnams te/ 'dir sbyon cig ces pa ni dgug pa'o/ /de nas ci zhig bya zhe na/ oM kak+ka zhes bya ba la sogs pa smos te/ bdud rtsi yis ni kha bkang nas zhes bya ba la bdud rtsi ni gtor ma'o/ /kha bkang zhes bya ba ni/ sngar smos pa'i tshul gyis phyi rol gyi dkyil 'khor pa rnams bltas la/ oM kak+ka zhes bya ba la sogs pa'i sngags kyi lha rnams kyi kha gtor mas gang bar bya'o/ zhes bya ba'i don to/ /las kyi go 'phang mngon par bsam zhes bya ba la gang zhig bsams pa'i las ni las kyi go 'phang ste/ zhi ba la sogs pa'i las la dmigs bar bya'o/ /yang na bdud rtsi ni chang ngo/ /kha bkang ba ni sgrub pa po rang gi khur ba bkang ba'o/ /las kyi go 'phang ni man ngag las lhag ma'i gtor ma'i nang du kha spru gdab pa'o/ /mngon par bsam pa ni las la dmigs pa'o/ /yang na pa ta ni gom pa bskyod pa ste/ de'i 'og tu rkang pa bskyod pa la sogs pa'i gar bya'o/ /zhes kha cig zer ro/ /rnal 'byor rnal 'byor ma bsgoms te/ /zhes bya ba ni rnal 'byor pa dang rnal 'byor ma rnams bsgoms la gtor ma sbyin no zhes bya ba'i tshig snga ma'o// des ci zhig tu 'gyur zhe na/ las rnams thams cad rjes su 'grub zhes bya ba ste/ zhi ba la sogs pa'i las thams cad 'grub par 'gyur ba'o/ /da ni gtor ma sbyin pa'i sngags dang phyag rgya gsungs pa/ rdo rje khu tshur gnyis bcings

  644. 322b

    nas zhes bya ba la sogs pa smos te/ sngags dang phyag rgya 'di dag ni rab tu rgyas par bshad pa'o/ /sngar ni mdor bsdus te bstan pa'i phyogs so/ /ji bzhin la sogs sbyar nas/ /gtor ma'i las la sogs pa sbyar zhes bya ba ni zhi ba la sogs pa'i las brgyad pa gang dang gang gi rab tu sbyor ba de dang de'i gtor ma cho ga 'dis sbyin par bya'o zhes bya ba'i don to/ /zhi ba zhes bya ba la sogs pa ni las brgyad smos pa ste go sla'o/ /nye bar bsdu ba bstan pa'i phyir/ phyi rol gtor ma'i de nyid kyis/ /gtor ma'i las la sogs pa 'grub zhes bya ba smos te/ phyi rol zhes bya ba ni phyi rol gyi lha rnams la'o/ /gtor ma de kho na nyid ni ji lta ba bzhin gyi cho ga ste/ des gtor ma byin la las rnams bsgrubs na 'grub par 'gyur ro/ /zhes bya bar dgongs so/ /da ni gsang ba'i mchod pa bstan par bya ba'i phyir/ de nas zhes bya ba la sogs pa smos te/ khyad par zhes bya ba ni khyad par du 'phags pa ste/ mchod pa dam pa'o/ /'dis ni rnam par snang mdzad la sogs pa'i rang bzhin du bya ba bstan to/ /rung dang mi rung rnam par spangs zhes bya ba la/ rung zhes bya ba ni/ gtsang sbra la sogs pas rang zhing gnang bar byas pa'o/ /mi rung ba ni de las bzlog pa ste/ rnam par spangs zhes bya ba ni khyad par gnyis la brten pa de dag rnam par snang mdzad la sogs pa'i rang bzhin du goms pas/ tha mal pa'i rtog pa sun byung ba'o/ /bstan pa de nyid bshad pa'i phyir/ /lcags kyu la sogs rnam pa lnga/ /de nyid lnga ru bya ba ste/ zhes bya ba la sogs pa smos te/ de nyid lnga zhes bya ba ni/ rnam par snang mdzad la sogs pa'i rang bzhin no/ /bya ba zhes bya ba ni de rnams kyis de rnams sbyang bar bya'o/ /gang dag gi gang dag zhe na/ lcags kyu chen po zhes bya ba la sogs pa ste/ lcags kyu chen po zhes bya ba ni dang po na'i yi ge can no/ /ye shes lhar ni 'dod pa ste zhes bya ba la/ ye shes kyi lha ni rnam par

  645. 323a

    snang mdzad de/ 'dod pa ni der de lhag par mos pa'o/ /rdo rje lcags kyu mi bskyod pa zhes bya ba la/ rdo rje lcags kyu ni dang po ga'i yi ge can no/ /mi bskyod pa ni mi bskyod pa nyid do/ /gnas kyi lcags kyu rin chen dbang zhes bya ba la/ gnas kyi lcags kyu ni dang po'i shwa'i yi ge can no/ /rin chen dbang ni rin chen 'byung ldan no/ /rgyal po lcags kyu don yod grub zhes bya ba la/ rgyal po'i lcags kyu ni/ 'dir yi ge ha'i dang po can no/ /don yod grub zhes bya ba ni go sla'o g.yo ba'i lcags kyu 'od dpag med ces bya ba la/ g.yo ba'i lcags kyu ni tha ma shwa'i yi ge can no/ /'od dpag med pa ni snang ba mdza' yas te/ de dag gis ni lcags kyu de rnams 'og nas 'byung ba'i rang rang gi sa bon las byung ba'i rnam par snang mdzad la sogs pa'i rang bzhin du bya bar ston to/ de nyid kyi phyir gsungs pa/ lcags kyu lnga la sogs pa la/ /de nyid thams cad sbyang bar bya zhes bya ba smos te/ lcags kyu lnga po rnams ji lta ba bzhin gyi lha'i de kho na nyid du bsgom mo/ /zhes bya ba'i don to/ /gang zhig 'dod na lha kun dang/ /rnal 'byor ma kun tshim par bya zhes bya ba la/ gang zhig ces bya ba ni lcags kyu gang dang gang yin pa rnams 'dod na zhes bya ba so so'i sa bon te/ des byin gyi brlab pa'o yang na gang dang gang 'dod pa ste/ lha rnams dang rnal 'byor ma rnams kyi gang dang gang la mos pa de dang des tshim par bya ba'o/ /dam tshig med pa rnams kyis ci nas kyang mi rig par dam tshig brim par bya'o zhes bstan pa'i phyir 'dod la dga' ba ma yin zhing/ longs spyod phyir ni bsten mi bya zhes bya ba smos te/ de la 'dod pa dga' ba zhes bya ba la/ 'dod pa ni 'dod pa'i yul lo/ /dga' ba ni chags pa ste/ ji snyed 'dod pa dang/ ji ltar 'dod pa'o/ /ma yin pa ni dgag pa ste/ de dag gis

  646. 323b

    gzhan gyis go bar 'gyur ba'i phyir ro/ /yang na 'dod la dga' ba ni tha mal pa'i chags pa ste/ sngags pa des bza' bar mi bya ba'o/ /longs spyod ces bya ba ni mngon par 'dus byas pa'i ro myang ba ste/ de'i phyir bstan cing bza' bar mi bya'i gzhan du dam tshig gi phyir myang bar bya ba'o/ /zhes bya ba'i don to/ /yang na longs spyod ni mngon par 'du ba'i khyad par gtso bo la sogs pa ste/ des mi bsten pa'o/ /ci'i phyir zhe na gzhan gyis rig par 'gyur ro/ /snyam du dgongs pa'o/ de yang gsungs pa/ ci nas rig par mi 'gyur bar/ /thams cad mdo ru bsdus te bya/ /rig na dam tshig nyams 'gyur bas/ /dngos grub med cing sgrub po min zhes bya ba gang yin pa'o/ /rang 'dod thams cad de nyid de ces bya ba la/ 'dod pa ni mngon par zhen pa ste/ thams cad kyi sgras ni gzugs dang/ sgra la sogs pa'i yul thams cad la lta ba bo dang blta bar bya ba dang mthong ba la sogs pa rnams la bya'o/ /yang gi de kho na nyid ces bya ba ni mtshan ma de dag mi dmigs pa ste der 'jug pa'o/ /mchod pa'i las la sogs pa bya zhes bya ba ni des de bzhin gshegs pa rnams kyi khyad par gyi mchod pa la 'jug pa'o// //de yi dbus su dpa' bo rnams zhes bya ba la sogs pa ni bla na med pa'i mchog tu bstan pa'i phyir/ de'i dbus su zhes bya ba ni tshogs kyi dkyil 'khor gyi dbus su'o/ /dpa' bo rnams zhes bya ba ni dpa' bo dang rnal 'byor ma rnams so/ /de dag ci zhig bya zhe na/ A li kA li sbyar bar bya zhes bya ba smos te/ mngon par zhen pa med pas/ thabs dang shes rab snyoms par gzhug pa'o/ /des rnal 'byor ma rnams mnyes par bya ba bstan pa'i phyir/ A li kA li rab sbyor gyis zhes bya ba la sogs pa smos te/ de'i dbus na byung ba yi bdud rtsi zhes bya ba ni dga' bas bzhu ba las byung ba'i khu ba pad+ma'i dbus gnas pa'o/ /re kun myang bar bya zhes bya

  647. 324a

    ba ni/ dang po legs par sbyangs te/ pad+ma la gnas pa lces blangs te rang gis bza' ba'o zhes bya ba'i don to/ /rdzas rnams kun gyi lhag ma dag zhes bya ba ni me tog la sogs pa rang gi longs spyod pa'i lhag ma'o/ /phyi'i dkyil 'khor du ni brtag zhes bya ba ni rang gis longs spyod pa'i 'og tu lhag mar gyur pa las kha'i pad+mas dang por shes rab la sbyin zhing yang phyi'i pad+ma'i snod du bzhag la/ dam tshig dang ldan pa'i tshogs kyi dkyil 'khor pa gzhan dag la yang dbul bar bya'o/ /zhes bya ba'i don to/ /de'i 'og tu hUM gi glu dang/ bkra shis kyi blu blang ba bstan pa'i phyir/ hUM zhes bya ba'i glu dang ni/ zhes bya ba la sogs pa smos te/ de la hUM gi rang dgar sems can grol ba'i zhes bya ba la sogs pa 'og nas 'byung ba gang yin pa'o/ /bkra shis sgra yis dgang bar bya zhes bya ba ni hUM gi glu 'ba' zhig tu bzad kyi bkra shis kyi dbyangs kyis kyang dgang ba'o/ /de nyid gsungs pa/ lus can zhes bya ba la sogs pa la/ lus can zhes bya ba ni sems can rnams te/ las kyi dbang gis 'gro ba de dang der 'jug pa'i phyir ro/ /don phyir zhes bya ba ni de rnams kyi phyed du'o/ /shes rab zhes bya ba ni rnal 'byor ma rnams kyi lus te/ sdug bsngal las rnam par 'byed pa'i phyir ro/ /gsol ba btab ces bya ba ni/ gsol ba 'debs pa ste/ yang dag par sbyor ba'i phyir slong ba'o/ /de nas ci zhig mdzad ce na/ kun 'khyud la sogs gnyis kyis gnyis sbyor zhing zhes bya ba smos te/ 'khyud pa dpa' o bya ba la sogs pa sngon du 'gro bas thabs dang shes rab snyoms par zhugs nas/ skye ba dang/ 'gag pa la sogs pa sgyu ma'i skyes bu lta bu'i sbyor ba'i sprul pa rnams kyis brgyan pa ste/ 'gro ba'i don gyi phyir nye bar gnas pa yin no/ /des ni gzhan gyi don phun sum tshogs

  648. 324b

    pa'i sgo nas bkra shis brjod pa yin no/ rang gi don phun sum tshogs pa'i sgo nas bkra shis brjod pa bstan pa'i phyir srid pa las grol khyod la phyag 'tshal lo/ /zhes bya ba smos te/ de la srid pa zhes bya ba ni dngos po rnams kyi skye ba dang 'gag pa'o/ /grol ba zhes bya ba ni de dang bral ba ste/ 'di la dngos po rnams kyi skye ba dang 'gag pa ni/ don dam par yod pa ma yin gyi/ sgyu ma'i skyes bu ltar brdzun pa dag gcig kho na kun tu snang ngo/ /zhes bya ba'i don to/ /des na gang gi phyir 'di skye ba dang 'gag pa la sogs pa cung zad cig snang du zin kyang dam pa'i don du med pa'i phyir zhen par mi bya'o/ zhes bya bar dgongs so/ /bkra shis kyi glu'i 'og du dril bu'i sgra bsgrags so/ /zhes bstan pa'i phyir ro/ /rang 'dod bkra shis sgra dang ni/ /hUM hUM brjod cing dril bu gsil zhes bya ba smos so/ /de'i 'og tu smon lam gdab pa bstan pa'i phyir/ rdo rje thal mo dam bcings nas/ /snying ga'i gnas su rab bzhag la/ zhes bya ba la sogs pa smos te/ 'di dag gi don ni thal mo snying gar dam du bcings la/ sems can thams cad nad med cing zhes bya ba nas/ rnal 'byor bstan bcos gnas la dgod ces bya ba'i bar du tshig tu brjod de smon lam gdab po ces bya ba 'di yin te/ de'i 'og tu lha rnams gshegs su gsol ba bstan par bya ba'i phyir/ rdo rje khu tshur gnyis bcings nas/ /zhes bya ba la sogs pa smos te/ rdo rje khu tshur gnyis bcings nas/ /g.yon pa snying gar bzhag par bya/ /g.yas pa sa la brkyang nas ni/ /de'i 'og tu gshegs su gsol zhes bya ba ni phyag rgya 'dis ri'u mig dgu'i dbus na bzhugs pa'i ye shes kyi lha'i ye shes mkha' 'gro ma/ 'khor dang bcas pa gshegs su gsol ba ste/ sngags ni oM At+ma ni tiSh+Tha hUM swAhA zhes bya ba yin no/ /ye shes kyi lha mo gshegs su gsol ba'i 'og tu dam tshig gi ye shes mkha'

  649. 325a

    'gro ma bsdu ba bstan pa'i phyir/ de nas rang gi dbugs kyis ni zhes bya ba la sogs pa smos te/ go sla'o/ /'jig rten skyong ba rnams gshegs su gsol ba bstan pa'i phyir oM sarba duSh+Ta zhes bya ba la sogs pa smos te/ oM sarba duSh+Ta zhes bya ba la sogs pa ni phyi rol gyi lha gshegs su gsol ba'i sngags so/ /phyag rgya gsungs pa/ se gol gsum ni gtogs pa yis zhes bya ba smos te lag pa gnyis phan tshun bsnol la se gol gsum gtog par bya ba'i don to/ rab tu byed pa zhes pa la/ 'dir smos pa'i gzhung gis lha'i rnal 'byor nas gzung ste/ gtor ma'i mthar thug pa shin tu gsal bar byed pas na rab tu byed pa'o/ /dpal gdan bzhi pa'i 'grel ba dran pa'i rgyu mtshan zhes bya ba las/ gzhan gyi gdan gyi rim bar phye ba gsum pa'o// //da ni bdud rtsi lnga la sogs pa'i bye brag shes par bya ba'i phyir/ bcom ldan 'das la gsol ba 'debs pa gsungs pa/ bdud rtsi lnga zhes bya ba la sogs pa la/ bdud rtsi lnga'i khyad par dang zhes bya ba ni bcom ldan 'das la nyan par 'tshal zhes bya ba dang 'brel to/ /de la khyad par zhes bya ba na/ bye brag tu rnam par dbye ba ste/ sngar ni bye brag med par shes la/ 'dir ni re re zhing yang rnam par phye ste/ shes par 'dod pas so/ /gang gis lcags kyu lnga po brlab zhes bya ba la/ gang gis zhes bya ba ni khyad par gang gis zhes bya ba/ brlab ces bya ba ni bsgrubs pa'o/ /des na khyad par gang las bsgrubs pa'i lcags kyu'i khyad par de dag nyan par 'tshal zhes bya bar sbyar ro/ /yang na sa bon gang gis byin gyi brlab pa'o/ /gnyis med gnyis su med pa'i chos zhes bya ba la/ gnyis med ni de bzhin nyid do/ /gnyis su med pa zhes bya ba ni/ shes rab kyi pha rol tu phyin pa'i ngo bo nyid

  650. 325b

    de de bzhin nyid kyi khyad par ro/ /chos zhes bya ba ni de'i ngo bo nyid de rang bzhin med pa'i mtshan nyid do/ /gnyis kyi rnam tog ji ltar spangs zhes bya ba ni gnyis kyi rnam par rtog pa ste/ shes rab kyi pha rol tu phyin pa gnyis su med pa la/ dngos po dang dngos po med pa'i rnam pa gnyis su rnam par rtog pa'o/ /A li kA li ji ltar lags zhes bya ba ni/ thabs dang shes rab kyi sbyor ba ji lta bu zhig ces bya ba'i don to/ /phyi rol phyag rgya'i sems ni rtsi zhes bya ba la/ phyi rol gyi phyag rgya zhes bya ba ni ngag gis brda'o/ /sems zhes bya ba ni mtshan ma'i phyag rgya'o/ /gzhung kha cig la ni mtshan ma zhes 'byung ste/ der yang don ni mtshan ma'i phyag rgya nyid do/ /rnal 'byor bstan bcos tshul rnams ni zhes bya ba la/ rnal 'byor zhes bya ba ni dngos grub kyi thabs stan gyi sbyor ba'o/ /de nyid ni bstan bcos te/ 'dis sems can rnams kyi sems 'tshol bar byed cing dam pa'i chos la nye bar sbyor bar byed pas na bstan bcos so/ /tshul ni des sems can rnams dngos grub la sbyor ba ste / 'di ltar sman gyi dngos grub de dag gis/ sangs rgyas kyi lam la yid ches par byas la/ yid ches pa des 'jug bar 'gyur ro/ /zhugs pa las nyams su len par 'gyur ro/ /nyams su len pa las rdzogs pa'i byang chub nyid thob par 'gyur te/ de ltar na 'dis gcig nas gcig tu brgyud de/ rdzogs pa'i byang chub tu 'dren par byed/ thob par byed pas na tshul lo/ /yang na rnal 'byor bstan bcos nyid tshul te/ de'i phyir bzlas pa dang bsgom pa la sogs pa la 'jug la/ de'i bsod nams kyi stobs kyis/ gcig nas gcig tu brgyud de byang chub tu 'dren cing thob par byed pa'i phyir ro/ /lan gsungs pa/ bcom ldan 'das kyis zhes bya ba la sogs pa la/ dang po zhes bya ba ni thog mar te/ bye brag tu shes par bya'o/ zhes bya ba ni

  651. 326a

    lhag ma yin no/ /ci zhig ce na/ bdud rtsi rdo rje chu zhes bya ba ste/ rdo rje'i chu yang yin la bdud rtsi'i rang bzhin yang yin pas na/ bdud rtsi'i rdo rje'i chu ste byang chub kyi sems so/ /gcig po de nyid bye brag lngar phye ste gsungs pa/ lnga yi bdag nyid rab tu 'jug /ces bya ba ste/ me la sogs pa'i rang bzhin 'byung ba chen po lngar 'gyur ro/ /zhes bya ba'i don to/ /bstan pa de nyid bshad pa'i phyir/ reg na dro ba me yin te/ /zhes bya ba la sogs pa gsungs te/ reg na dro ba zhes bya ba ni reg pas dro bar shes pa'o/ /du ba ltar snang rlung yin no/ /zhes bya ba la du ba ltar snang ba ni rlangs pa ste/ de nyid rlung gi khams yin pa'o/ /sla ba'i rang bzhin chu zhes bya ba la/ sla ba ni 'og tu 'dzag pa dang snum pa'o/ /rang bzhin ni cha shas te/ snum pa dang/ 'dzag pa'i cha ni mu yin pa'o/ /chu zhes pa'i sgra ni gsher ba'o/ /gzugs su snang ba sa yin no zhes bya ba la/ gzugs su snang ba ni sra bar ston pa ste/ cha de ni sa'i khams so zhes bya ba'i don to/ /ye shes byin brlabs rdo rje nyid zhes bya ba la/ shes par byed pas na ye shes te/ 'das ma thag pa'i 'byung ba chen po bzhi byang chub kyi sems kyi gong bu la snang ba'o/ /byin brlabs pa zhes bya ba ni gnas pa ste/ skabs phye zhing der gnas pa'o/ /rdo rje nyid zhes bya ba ni nam mkha' ste dbyer mi phyed pa'i phyir ro/ /des ni 'di skad du/ khu ba'i gong bu las 'byung ba bzhir gnas par snang ba'i phyir de dag gi gnas skabs 'byed par byed pa nam mkha' nyid kyang yod par shes par bya'o/ /zhes ston to/ /lha lnga ru ni bsgom par bya zhes bya ba ni/ 'byung ba chen po lnga po de dag snang ba mdza' yas dang/ don yod grub pa dang/ mi bskyod pa dang/ rnam par snang mdzad dang/ rin chen 'byung ldan gyi ngo bor bsgom pa ste/ khu ba'i thigs pa gcig pu nyid lha lnga ru bsgom mo zhes bya ba'i don to

  652. 326b

    de dag ji ltar bsgom zhe na/ ma lus zhes bya ba la sogs pa smos te/ dbyibs zhes bya ba ni chu dang 'brel bas na dbyibs te yi ge sa'o/ /ma lus zhes bya ba la ka la ni cha shas te zla ba'o/ /sa zhes bya ba ni de dang lhan cig tu 'jug pa ste/ bdud rtsi'i sa bon yin pa'i phyir sa nyid do/ /zad par byed pa'i me nyid dang zhes bya ba la/ zad par byed pa zhes bya ba ni yi ge k+Sha ste/ k+Sha yang twad ces 'byung ba'i phyir ro/ /de nyid ni me ste/ me dang chos mthun pa'i phyir ro/ /de bzhin rtag tu rlung dang ni zhes bya ba ni yi ge ya ste/ rtag tu rlung gi rang bzhin yin pa'i phyir/ /dang ba mtshungs don sa dbang po zhes bya ba la/ dang pa ni yi ge haM ngo/ /sa zhes bya ba ni sa'i sa bon te de nyid do/ /mtshungs don zhes bya ba ni don thams cad kyi thun mongs te/ ci zhig ce na/ dbang po ste stong pa la sogs pa'i gnas thams cad kyi 'das pa la sogs pa'i gnas skabs rnams kyi dbang po dang gnas su gyur pa yin no zhes bya ba'i don to/ /de ltar na ngang pa zhes bya ba'i yi ge ha nyid sa yang yin la/ dngos po rnams kyi thun mong gi dbang po yang yin pas sa dang mtshungs don dpang ngo/ /sgra dang thig ler sbyar bar bya zhes bya ba'i sa bon bzhi po de dag thig le dang zhabs kyu dang ldan par bya ba ste/ des ni su ma yuM k+ShuM hUM zhes par 'gyur ro/ /ye shes kyi ni yi ge lnga zhes bya ba la/ ye shes zhes bya ba ni yi ge hUM ste/ de nyid ni mi 'gyur bas na yi ge'o/ /'di ni nam mkha' sa bon te/ /lnga zhes bya ba ni de ltar sa bon rnam lnga'o/ /de yi dbus su zla ba yi/ /dbus su bdud rtsi'i yi ge'o/ /zhes bya ba ni byang chub kyi sems kyi dbus su zla ba'i dkyil 'khor zla ba'i dkyil 'khor gyis gzugs kyi dbus su bdud rtsi'i yi ge ste yi ge a bsgom mo zhes bya ba'i don to/ /lnga po lnga ru brjod par bya zhes bya ba ni bdud rtsi re re zhing yang 'byung ba rnam pa lnga lnga ste/ ji ltar byang chub kyi sems 'byung ba

  653. 327a

    lnga'i sa bon/ suM yuM k+ShuM hUM hUM gi yi ge rnams kyis/ mi bskyod pa dang/ don yod grub pa dang/ snang ba mdza' yas dang/ rnam par snang mdzad dang/ rin chen 'byung ldan rnams su byin gyis brlabs nas/ de'i steng du yang zla ba'i dkyil 'khor la bdud rtsi'i yi ge a bsgom par bstan pa de bzhin du/ bdud rtsi lhag ma bzhi po rnams la yang tshul ji lta ba bzhin du brtags la/ so so re re zhing 'byung ba chen po cha lnga lngar gnas pa la sangs rgyas rnam pa lnga lngar byin gyis brlabs pas nyi shu rtsa lngar 'gyur ro/ /zhes bya ba'i don to/ /dngos dang dngos med las grol ba ces bya ba la/ dngos po ni skye ba'o/ /dngos po med pa ni skye ba med pa'o/ /gnyis las grol ba ni gnyis po spangs pa ste yun ring du gnas pa'i phyir ro/ /rdo rje chu ni sbrangs pa yis zhes bya ba la/ rdo rje chu zhes bya ba ni nye bar mtshon pa ste lhag ma rnams kyang gzung bar bya'o/ /sbyangs pa ni dag par byas pa ste/ de nye bar longs spyad na rnal 'byor pa dngos po dang dngos po med pa las grol zhing grub par 'gyur ro/ /zhes bya ba'i don to/ /des ni gti mug bsrings pa yin zhes bya ba la/ gti mug ni mi gtsang ba'i 'du shes so/ /bsrings pa ni thag bsrings pa ste/ dag pa'i 'du shes dang ldan pa'i phyir ro/ yang na tshul de ltar bdud rtsi rnams bsten pas/ rim gyis de kho na nyid la rmongs pa'i gti mug dang bral bar 'gyur te/ shes rab 'phel bar 'gyur ba'i phyir ro/ /phyi rol bdud rtsi rdzas bzang po/ /me yis bcos nas sbyangs pa ltar zhes bya ba la/ ji ltar phyi rol gyi rdzas me yis btsos pa bzang zhing dag la/ bdud rtsi dang 'dra bar 'gyur ba bzhin du 'di yang blta bar bya'o/ /ci zhig ce na/ lto zhes bya ba la sogs pa smos te/ lto sogs ye shes me yis ni/ /lhag

  654. 327b

    ma bshad dang gci ba yin zhes bya ba la lto las byung bas na lta ste bshang dang gci ba la sogs pa'o/ /de nyid bstan phyir bshang dang gci zhes bya ba smos so/ /lhag ma zhes bya ba'i btso zhes sbyang ba ste/ ye shes kyi mes sbyangs pa'o/ /yang na lto'i ye shes kyi mo zhes bya bar sbyar to/ /des bshang ba dang gci ba la sbyangs bas lhag par 'gyur te/ rang bzhin gyis rdzas khyad par can du gyur pa de ni mthu lhag pas na lhag la'o/ /me yis btsos na me yis sbyangs/ /dbus su sbyin sreg rtag tu dbul zhes bya ba la/ me yis bcos na mi yis sbyangs zhes bya ba ni/ dang po lho'i ye shes kyi me yis btsos nas/ de'i 'og tu ting nge 'dzin gyi ye shes kyi me yis/ tha mal pa'i rtog pa'i bud shing bsreg par bya'o/ /zhes bya ba'i don to/ /dbus su sbyin sreg rtag tu dbul zhes bya ba ni/ lus kyi nang du ye shes kyi me nyid du dbus su slar yang sbyin sreg tu dbul ba ste/ sngags pas rtag tu bza' bar bya ba/ zhes bya ba'i don to/ /rdo rje chu'i sa bon ni/ sa bon bcas pa bzlas nas kyang zhes bya ba la/ rdo rje chu'i sa bon zhes bya ba ni bdud rtsi byin gyis rlob pa'i sngags rnams so/ /sa bon bcas pa zhes bya ba ni/ thabs dang shes rab snyoms par 'jug pa ste thabs dang shes rab snyoms par 'jug pas sbyang bar bya ba'i phyir gang gis bdud rtsi dag par byed pa'i sngags de nyid bzla bar bya'o/ /zhes bya ba'i don to/ /des ni rdo rje dang pad+ma mnyam par sbyor ba sbyang ba bstan pa yin no/ /yang na sa bon gang gis spyangs pa de nyid bzlas la bza' bar bya'o/ /zhes bya bar stan te/ de nyid kyi phyir gsungs pa/ de'i dbus su nyi ma la/ dur khrod yi ge bsams nas bsreg zhes bya ba smos te/ de'i dbus su zhes bya ba ni/ bdud rtsi'i dbus su bsgom pa'i yi ge a ste/ de dang bcas par bzla zhes bya ba snga ma dang sbyar ro/ /bcas pa de gang zhe na/ nyi ma la zhes

  655. 328a

    pa la sogs pa ste/ dur khrod kyi yi ge ni k+ShuM ngo/ /nyi ma zhes bya ba ni nyi ma ltar 'bar ba'i lho'i me'o/ /'dis a k+ShuM zhes bzlas la bsreg par bya'o/ zhes ston to/ /yang na nyi ma la k+ShuM bsgom pa'o/ /lhag ma ni bshad zin to// bdud rtsi chu zhes bya ba ni/ lha ni rnam pa gsum du grags zhes bya ba ni byang chub kyi sems la sogs pa'i bdud rtsi rnams 'jig rten dbang phyug la sogs pa'i lha gsum gyi bdag nyid du bya ba ste/ des ni gzhung nye bar bsdu ba bstan to// nga ni go rims la mngon par zhen pa spang bar bya ba'i phyir bdud rtsi lnga dris pa'i lan btab pa'i 'og tu/ A li kA li dris pa'i lan gdab pa bstan par bya ba'i phyir A li zhes bya ba smos te/ A li zhes bya ba la a zhes bya ba ni dpe med pa'i bde ba'i ro'o/ /li zhes bya ba ni da 'dis len cing shes par byed pas li ste rdo rje'o/ /de nyid ni bung ba ste/ me tog gi chu 'dren cing mthung bar byed pa'i phyir ro/ /de yang 'dir thabs brjod par byed pa yin te/ ji ltar dgyes pa'i rdo rje la sogs pa las a li shes rab kyi ngo bor brjod par byed pa ni dgongs pa gzhan yin par blta bar bya ste/ sgra rnams la rnam par bkod pa nges pa med pa'i phyir ro/ /yang na b+h+ra ma zhes bya ba ni 'khrul pa'o/ /ra zhes bya ba ni rnam par 'joms pa ste/ rdo rje nyid la 'khrul ba rnam par 'joms pa'i rten yin pa'i phyir ro/ /kha cig ni b+h+ra ma zhes bya ba ni 'khor ba yin la/ ra zhes bya ba ni rnam par rol pa ste/ rdo rje 'dis 'khor ba'i bde ba la rnam par rol bas b+ha mar zhes zer ro// de nyid ni 'jig byed yin te/ gnyis su med par rtogs pa'i rten yin pa'i phyir/ /byis pa nyan thos rnams la 'jigs pa ster bar byed pa'i phyir ro/ /rnam pa gnyis pa bstan par bya ba'i phyir A li nam mkha' i mthas gtugs pa'i chos kyi

  656. 328b

    dbyings kyi rang bzhin la zhes bya ba smos te/ 'dis ni byang chub kyi sems bstan to/ /de yang 'di ltar 'di las sems can rnams skyes shing 'byin pa'i go skabs ster bas na nam mkha' o/ /pa ri an+ta zhes bya ba las pa ri zhes bya ba ni kun tu bde ba'o/ /an+ta zhes bya ba ni skad kyi dbyings las 'ching bar 'dren te/ byang chub kyi sems 'dis kun tu bde ba 'ching bas na mthas gtugs pa'o/ /rang gi mtshan nyid 'dzin pas na chos te/ sems can rnams yin la/ de 'dis 'dzin cing gso bar byed pas na dbyings te/ byang chub kyi sems so/ /rang bzhin la zhes pa ni/ ngo bo nyid de dang po'i don gyis gnyis pa yin no/ /de dag gis ni byang chub kyi sems kyi rnam grangs bstan to/ /dbyings de nyid kyis khyad par bstan par bya ba'i phyir / rgyu dang zhes bya ba la sogs pa smos te/ dus rtag tu dgos pa med pa'i bya ba la rgyug cing 'jug pa'i phyir/ rgyu ba ste so so'i skye bo tha mal pa rnams so/ /rtag tu dgos pa med pa la mi 'jug pa'i phyir/ mi rgyu ba ste dpyod pa sngon du gtong ba rnams so// gsang blo can zhes bya ba la/ gsang ba zhes bya ba ni/ thabs dang shes rab gnyis su med pa'i ye shes te/ so so'i skye bo rnams kyis mi shes pa'i phyir gsang ba'i blo ni de'i rnam pa can gyi sems so/ /de gang dag la yod pa de dag ni gsang blo can te sangs rgyas dang byang chub sems dpa' rnams so/ /lus zhes bya ba ni lus can rnams te de dag nyid do/ /ma lus pa ni lus pa med pa'o/ /skyed pa po ni rgyu mtshan te/ 'di ltar rdzogs pa dang/ ma rdzogs pa'i lus can thams cad ni chos kyi dbyings kyi rang bzhin gyi byang chub kyi sems las byung ngo zhes bya ba'i don to/ /de ltar A li'i ngo bo bstan nas/ de'i zhar las byung ba byang chub kyi sems kyi gnas bstan pa'i tshul gyis/ khrag dang khu ba bdud rtsi lnga'i snying por bstan cing/ de las kyang khu ba 'ba' zhig bdud rtsi lnga'i rang bzhin du

  657. 329a

    bstan pa'i phyir/ bcu dang brgyad kyi zhes bya ba la sogs pa smos te/ bcu dang brgyad kyi rtsa zhes bya ba ni nu ma la sogs pa'i gnas bco brgyad de/ de dag nas drangs nas zhes bya ba dang 'brel to/ /dbang po kun zhes bya ba ni/ mig la sogs pa'i dbang pa'i sgo thams cad de dag gis dbus nas zhes bya bar sbyar ro/ /bdud rtsi zhes bya ba ni byang chub kyi sems so/ /A li zhes bya ba ni rdo rje'o/ /dbus zhes bya ba ni dbus nas zhes bya ba ste lnga pa'i don gyis bdun pa yin no/ /thi mi par 'gyur zhes bya ba ni pad+ma'i dbus su dbab po/ /gang gi drang bar bya zhe na/ 'jig byed rdo rje'i sgra yis te/ rdo rjes padmo phye ba'i sgra yis so/ /sbyor ba'i rdzas zhes bya ba ni byang chub kyi sems so/ /de nas ci zhig bya zhe na/ sbyang ba bstan par bya ba'i phyir/ rlung dang me'i zhes bya ba la sogs pa smos te/ 'di'i don bshad zin to/ /bdud rtsi'i yi ge btu ba bstan pa'i phyir/ dbyangs yig dang po mchog sa bon zhes bya ba smos te/ dbyangs yig dang po ni a thung ngu ste yig 'bru rnams kyi dam pa yin pas mchog gi sa bon no/ /de'i dbus su zhes bya ba ni bdud rtsi'i dbus su zla ba'i steng du'o/ /gzung ba ni bsams pa'o/ /lhag ma go sla'o/ /yang na de'i dbus su zhes bya ba ni hUM gi zla tshes dang thig le'i steng du zhes bya ba'i don to/ /yang na dbang po kun gyi zhes bya ba la sogs pa la/ byang chub sems nyid 'dzag cing 'bab pas na kun na/ de nyid ni de kho na nyid shes par byed pa'i phyir dang/ bde ba ster bar byed pa'i gtso bo yin pa'i phyir dbang po'o/ /de'i zhes bya ba ni rtsa rnams so// dbus zhes bya ba ni rdo rje'i lte bar ro/ /des cir 'gyur zhe na/ a li dbus su thim par 'gyur zhes bya ba la A li ni khu ba'o/ /dbus zhes bya ba ni shes rab bo/ /thim pa zhes bya ba ni gnyis su med pa ste lhan cig skyes pa'i dga' ba'o/ /'gyur

  658. 329b

    pa ni mngon sum du gyur pa'o/ /de dag gis ni gnas bco brgyad nas byang chub kyi sems drangs te/ rdo rje dang pad+ma'i lte ba'i dbus su slob pa de'i tshe lhan cig skyes pa'i dga' ba mngon sum du bya'o zhes bya bar ston to/ /ji ltar drang zhe na/ 'jigs byed rdo rje zhes bya ba smos te/ sgra zhes bya ni sgra'i rnam pa'o/ /de nyid gang zhe na rlung dang me'i zhes bya ba la sogs pa la/ rlung zhes bya ba ni ya'o/ /me zhes bya ba ni ra'o/ /bdun zhes bya ba ni bdun pa'o/ /don zhes bya ba ni mthar gyur pa ste/ don du nye bar bya ba'i phyir/ de yang 'di ltar dper na sgrub thabs kyi lam gyi mthar gtugs pa'i 'bras bu ni don du gnyer bar bya bas don zhes zer ba ltar/ 'dir yang rlung dang me'i bdun pa sa dang ha ni mthar gyur pa'i don gyis ni don/ (/yang na bdun zhes bya ba ni rta bdun te/ don ni de'i mdza' ma yin no/ /de ltar na rta bdun pa zhes bya bar sbyar te/ a swa dang ha la zhes zer ba'i phyir rta bdun pa ni sa dang ra'o/) /rdo rje ma yi sa bon sbyar zhes bya ba la/ /rdo rje ma'i sa bon ni sa nyid de/ sbyar zhes bya ba ni de nyid bdud rtsi'i rang bzhin yin pa'i phyir zla tshes dang chos mthun pas/ ha'i zla tshes su bya ba'o/ /lhag ma bshad zin to/ /de ltar thabs kyi lan btab nas/ shes rab kyi lan bstan par bya ba'i phyir/ kA li zhes bya ba la sogs pa smos te/ me tog ces bya ba ni bud med rnams kyi chos 'byung ba ste/ rdo rje'i nyi ma shar phye ba'i phyir ro/ /kA li zhes bya ba la/ ka zhes bya ba ni bde ba'o/ /li zhes bya ba ni de'i ho myong bar byed pa ste/ me tog 'dis bde ba'i ro myong bar byed pa'i phyir kA li'o/ /kun tu mnan zhes bya ba'i rdo rje can gyis zhes bya ba 'og ma dang sbyar te/ rdo rje can zhes bya ba ni bde ba'o/ /mnan zhes bya ba ni bzhugs pa ste/ chos kyi 'byung gnas dkar po gru gsum kyi nang du sna tshogs pad+ma'i lte ba la/ rdo rje snying por rdo rje 'dzin bde ba chen po bzhugs so zhes bya ba'i don to/ /de ltar yang gsungs so/ /bde ba gsung ba byed pa'i phyir/ /de nyid bde ba

  659. 330a

    can du brjod zhes so/ /de yang bde ba 'ba' zhig ma yin gyi/ lhan cig skyes pa'i ngo bo nyid du bstan pa'i phyir/ lus me tog ces bya ba smos te/ de la me tog zhes bya ba ni byang chub kyi sems me tog las byung ba'i phyir ro/ lus zhes bya ba ni bcom ldan 'das kyi sku'i ngo bo nyid do/ /de ltar yang he badzra las/ bcom ldan khu ba'i rnam par gyur zhes gsungs pa'o/ /'khor ba thams cad bskyed pa ste/ sa dang kun gyi ma zhes bya ba la/ kA li de nyid ni sems can thams cad kyi 'byung gnas su gyur pa dang/ ngan 'gro dang bde 'gro rnams kyi rten du gyur pa'i phyir sa gzhi dang ma la sogs pa'i sgrar brjod pa yin no/ /bde ba yang kA li'i sgrar bstan pa'i phyir/ ye shes chu'i zhes bya ba la sogs pa smos te/ 'dir zhes bya ba ni me tog gi kA li ste/ chos 'byung ba 'dir ro/ /ye shes chu bo zhes bya ba ni/ me long lta bu la sogs pa'i ye shes nyid sdug bsngal gyi gdung ba sel bar byed pas chu ste bde ba'o/ /de nyid ni shes rab kyi sgrar brjod de/ de bzhin zhes bya ba'i sgras ni kA li zhes bya ba'i sgrar bsnyeg par bya'o/ /rgya mtsho zhes bya ba ni ye shes kyi chu de'i gnas su gyur pa'i phyir chos 'byung ba nyid do/ /shes rab ces bya ba la/ spros dang bral ba'i shes pa ni shes rab ste bde ba nyid yin la/ de'i gnas de la yang nye bar gdags pas de skad ces bya'o/ /chu srin nya zhes bya ba ni 'dod chags la sogs pa rnam par dag pa'i sangs rgyas rnams te/ de rnams kyi gang ba zhes bya ba lhag ma yin/ /de ltar yang he badzra las gsungs pa/ rdo rje padmo sbyar ba las/ sra bar snang ba sa yin te/ /sra pa'i chos nyid gti mug yin/ /gti mug rnam par snang mdzad bzhad ces smras pa gang yin pa'o/ /'dir yang chu srin nya yis shes rab kyi kA li mtshan par blta

  660. 330b

    bar bya'o/ /de ltar yang gsungs pa/ sangs rgyas rin chen za ma tog ces bya ba gang yin pa'o/ /gnyis med ces bya ba la sogs pa la gnyis med ces bya ba ni/ A lir gdags pa'i khu ba dang/ kA lir gdags pa'i bde ba gnyis su med pa'i/ lhan cig skyes pa bstan to/ /yang na gnyis med ni phyi rol gyi phyag rgya'o/ /'dam zhes bya ba ni/ 'dam skyes te pad+ma'o/ /dbus ni de'i snying po'o/ /der ci zhig ce na/ thabs kyi myu gu zhes bya ba smos te/ pad+ma'i snying por gyur pas na myu gu yin la/ bde ba de la nya ba'i phyir thabs yin te/ kha ga mu kha'i rtsa'o/ /bandu ka ltar kha bye ba'i zhes bya ba ni me tog bandu ka ltar kha bye ba dang bcas pa'o/ /sbrang rtsi bdud rtsi yi ni gnas zhes bya ba la/ sbrang rtsi ni khu ba'o/ /bdud rtsi ni zla mtshan te/ de dag gi 'byung gnas su gyur pa'o/ /de las zla mtshan gang yin pa de yang kA li'i ngo bo nyid du bstan par bya ba'i phyir/ kA li'i bdud rtsi de nyid ni/ me tog chu yis kun tu bskor zhes bya ba smos te/ me tog ces bya ba ni zla mtshan te 'bras bu la nye ba'i phyir ro// de nyid ni chu ltar 'dzag pa'i phyir chu'o/ /bskor zhes bya ba ni gang ba'o/ /de dag gis ni kha ga mu kha zhes bya ba'i rtsa kha bye bar gyur na/ cig car rims kyis kyang rung ste/ khu ba dang zla mtshan 'dzag par 'gyur ro zhes bya bar ston to/ /da ni de ltar kA li bstan pa'i zhar la/ bdud rtsi'i snying po zla mtshan nyid sha rnams lnga'i rang bzhin yin pas de la longs spyod pa'i chog bstan pa'i phyir/ yi ge gnyis 'gyur zhes bya ba la sogs pa smos te/ yi ge gnyis 'gyur ni sha dang ka bsdus pa'i phyir kA'o/ /thig le dang rtsa bar sgra ni yang dag sbyar zhes bya ba ni/ u dang thig ler ldan pa'o/ /bsdus pas k+ShuM zhes bya bar 'gyur ro/ /lha rnams kyi ni rigs kyi yum zhes bya ba ni rnal 'byor ma rnams bskyed pa'i sa bon no/ /yang na lha ni me'i lha'o/ /yum ni de'i 'byung

  661. 331a

    gnas so/ /da ni bdud rtsi'i snying po byang chub kyi sems dang zla mtshan yi ge a dang 'das ma thag pa'i k+ShuM gis lhan cig tu byin gyis brlabs pa bstan pa'i phyir/ zla ba zhes bya ba la sogs pa smos te/ pad+ma'i lte ba'i nang du rnam pa lnga lngar bsgom mo zhes bya ba'i don to/ /A li kA li tha snyad lhag ma bstan par bya ba'i phyir dang/ bdud rtsi'i snying po nye bar bsdu ba bstan pa'i phyir/ A li zhes bya ba la sogs pa smos te/ 'dir A li dang kA li ni skyes pa dang bud med kyi tha snyad do/ /de bzhin gshegs ma zhes bya ba ni 'dis de bzhin du 'gro bar byed pa'i phyir te/ las kyi phyag rgya'o/ /lus gnyis las ni skyes pa dag ces bya ba ni khu ba dang bcas pa'i zla ba'i zla mtshan dang/ byang chub kyi sems so/ /bdud rtsi yi ni cho ga mchog ces bya ba la/ bdud rtsi ni nye bar mtshon pa ste sha yang gzung bar bya'o/ /mchog ces bya ba ni/ gnyis po des thams cad bsdus pa'i phyir dam pa'o/ /da ni yi ge a'i sngags btu ba gsal por bstan par bya ba'i phyir/ sde tshan gsum pa zhes bya ba la sogs pa smos te/ sde tshan gsum pa'i yi ge gsum pa ni Da'o/ /dbyug pa phyi mo zhes bya ba ni/ ra'i gzugs can gyi u ste de de'i 'og tu gdags par bya'o/ /rdo rje can zhes bya ba ni Da nyid de/ rdo rje'i gzugs 'dra ba'i phyir ro/ /ska bo che yis bkri bar bya zhes bya ba ni de gnyis 'brel bar bya ba'i phyir ro/ /'dis ni Da dang rang 'dus pa'i a bstan gyi ta dang po'i bdag nyid kyi a ni ma yin no zhes ston to/ /da ni bdud rtsi lnga'i sa bon phan yon bstan pa'i phyir/ bdud rtsi lnga zhes bya ba la sogs pa smos te/ de la dang po rdo rje bdud rtsi chu/ A li nam mkha' i mthas gtugs pa zhes bya ba la sogs pa bstan pa'i byang chub kyi sems dang/ lhag ma bshad dang

  662. 331b

    gci zhes bya ba bstan pa'i bdud rtsi gnyis dang/ me tog chu zhes bya bas bstan pa'i zla mtshan dang/ man ngag gis bstan pa'i ngar snabs dang lnga ni bdud rtsi lnga'o/ /yang gang bdud rtsi lnga smos pa der ra'i sgras khrag smos pa la/ zla mtshan nyid gzung bar bya'i tha mal pa'i khrag ni ma yin no/ /lnga po de dag kyang sngar smos pa'i tshul gyis re re zhing so so lnga lngar bsgrub par bya'o/ /de nyid 'dis zhes bya ba ni sbyang ba'i cho ga smos pa ste de kho na nyid kyis so/ /lus can bdag nyid bkru bar bya zhes bya ba ni/ nyon mongs pa rnams dag par bya ba'o/ /bdud rtsi lnga'i khyad par dang zhes bya ba ni sbyangs pa'i khyad par ro/ /gang gis shes 'gyur zhes bya ba ni/ gang gis zos pa na zhes bya ba'i bar du'o/ /'chi mi 'gyur zhes bya ba ni/ 'chi ba dang rga ba la sogs pa las ring du 'gyur ba ste/ 'chi ba nye bar mtshon pa'o/ /ci ste 'chi bar 'gyur na de'i tshe gsungs pa/ 'gro ba'i sgo zhes bya ba la sogs pa ste/ 'gro ba'i sgo ni 'gro ba'i lam mo/ /ci 'dra zhe na dag pa'i lus ni skyon med pa zhes bya ba smos te/ mi dang lha'i lus su 'gro ba'i lam mo/ /mthong ba ni der 'gro ba'o/ /bdud rtsi'i sbyor ba kun shes pas/ /rang dgar bdud rtsi myang bar bya zhes bya ba ni go sla'o/ /yang na 'di'i don ni byang chub kyi sems kyi bdud rtsi thabs dang shes rab gnyis su med pa'i sbyor bas/ lhan cig skyes pa'i ro myang bar bya'o/ /zhes bya ba'i don to/ /da ni lcags kyu lnga zhus pa'i lan bstan pa'i phyir/ bza' ba lnga zhes bya ba la sogs pa smos te/ bye brag zhes bya ba la sngar smos pa'i rim pas so/ /gang zhig shes nas zos pa yis/ /zhes bya ba ni sbyang ba'i cho ga gang zhig shes pa sngon du 'gro bas zos na'o/ /myur du 'gro ba mthong bar 'gyur zhes bya ba ni bshad zin to/ /yang na 'gro ba ni thar ba'o/ /mthong ba ni thob pa'o/ /myur du zhes bya ba ni tshe 'di nyid

  663. 332a

    las te/ gzhan du bskal pa grangs med pas kyang rnyed par dka' ba de mthong ba'i tshe 'di nyid la rnyed par 'gyur ro zhes bya bar dgongs so/ /lcags kyu rnams gsungs pa/ blo chen zhes bya ba la sogs pa la blo dang ldan pas na blo chen te/ glang po che'o/ /shin tu lkugs pas na ngag ste/ bsting ba'i tshig gis na ba lang ngo/ /yang na sha 'dis ngag snyan pas na ngag go /rang gi rigs la 'gran tshol bas na/ rigs la mgran te khyi'o/ /rig 'gro zhes bya ba la/ zhon na ring du 'gro bas na rig 'gro ste rta'o/ /lcags kyu chen po ni go sla'o/ /shel dang 'dra zhes bya ba ni shel ltar dag cing sbyangs nas bza' ba'o/ /de nyid kyi phyir gsungs pa/ rnam shes zhes bya ba la sogs pa la/ rnam shes sa bon ni yi ge hUM ngo/ /gzung par bya zhes bya ba ni/ bsgom pa ste yi ge hUM bzlas pa dang/ bsgom pas lcags kyu chen po sbyang bar bya ba'o/ /shel gyi sems kyis zhes bya ba ni/ shel ltar dang ba'i sems te/ rnam par rtog pa'i dri ma dang bral bas so// bgegs kyi lcags kyu zhes bya ba ni/ bi na yi ge'i rang bzhin yin pas na/ bgegs te glang po che'i sha'o/ /gcig pa ni mtshungs pa ste/ lcags kyu chen po dang sbyang ba'i cho ga mtshungs pa'o/ /de nyid kyi phyir hUM zhes bya ba spos te go sla'o// gnas kyi bdag po zhes bya ba ni khyi ste/ rang gi gnas su stobs dang ldan pa'i phyir ro/ /lhag ma ni go sla'o/ /rta'i lcags kyu zhes bya ba la sogs pa la/ thams cad rig pa zhes bya ba ni rnal 'byor ba ste/ lcags kyu'i bye brag gis sa bon gyi de kho na nyid rig pa dang ldan pa'o /rdo rje lcags kyu zhes bya ba ni go'i dang po can gyi lcags kyu ste/ lcags kyu 'dis lus rdo rje ltar na ba dang/ rga ba la sogs pas mi phyed pa'i phyir ro/ /de nyid kyi phyir gsungs pa/ rdo rje'i lus su brjod pa ste/ /

  664. 332b

    zhes bya ba'o/ /phan yon bstan pa'i phyir/ rnal 'byor pa rnams sdig sbyong ngo zhes bya ba smos te/ lcags kyu de rnams bsten pas/ rnal 'byor pa rnams kyi las dang nyon mongs pa'i sdig pa 'dag par 'gyur ba'o/ /de nyid kyi phyir aM ku sha ste/ de la a zhes bya ba ni don te 'bras bu'o/ /ku sha zhes bya ba ni byed cing bsgrub pa'o/ /gtor ma'i dus bstan pa'i phyir bcu bzhi dang zhes bya ba la sogs pa smos te/ zla ba yar ngo dang mar ngo'i bcu bzhi la sogs pa'i tshes la lha'i rnal 'byor dang ldan pas cho ga ji lta ba bzhin du gtor ma sbyin pa'o/ /ji ltar zhe na/ rab tu 'bad de zhes bya ba smos te/ nan tan du bya ba dang bcas pas so/ /rtag tu nges pa dang bcas pas gtor ma sbyin na 'grub par 'gyur ro zhes bstan pa'i phyir/ rtag tu zhes bya ba la sogs pa smos so/ /spyod pa zhes bya ba ni longs spyod de/ mtho ris kyi mtshan nyid do/ /grol ba zhes bya ba ni thar ba ste sangs rgyas kyi go 'phang ngo/ /las rnams thams cad 'grub par 'gyur zhes bya ba ni/ rgyas pa la sogs pa'i las rnams 'grub pa'o/ /de nyid brtan par bya ba'i phyir/ rgyal po'i pho brang zhes bya ba la sogs pa smos te/ rgyal po'i pho brang 'gro na yang/ myur du dpal dang ldan par 'gyur zhes bya ba ni ye shes mkha' 'gro ma'i rnal 'byor dang ldan pas/ rdzas bcu las byas pa'i ri lu sbyang ba byas te khar bcug nas/ rgyal po'i pho brang du 'gro na/ de ma thag tu dpal 'phel bar 'gyur ro zhes bya ba'i don to/ /mdza' bo sdug cing zhes bya ba ni/ shin tu gcugs par 'gyur ba'o/ /yid 'ong bar zhes bya ba ni dbang du 'gyur ba'o/ /mthong ba tsam gyis zhes bya ba ni bltas pa'o/ /dbul po nor gyis phongs pa yang zhes bya ba la/ dbul po nyid po nges pa ste/ nor dang bral ba'o/ /khyim ni 'byor zhing rgyas par 'gyur zhes bya ba ni/ khyim nor gyis gang bar 'gyur ba'o/ /de dag

  665. 333a

    thams cad la yang rim pa snga ma nyid dang sbyor bar bya'o/ /'chi ba'i tshe na zhes bya ba la sogs pa ni go sla'o/ /dri zhim dang ni zhes bya ba la sogs pa la/ /dri zhim zhes bya ba ni dri zhim po gang yang rung ba'o/ /sbyar ba ni bsre ba ste/ ci dang zhe na/ rdzas bcu zhes bya ba smos te/ rdzas bcu zhes bya ba ni rnam par snang mdzad dang/ rin chen 'byung ldan dang/ snang ba mdza' yas dang/ mi bskyod pa zhes bya bar grags pa rnams dang/ don yod grub pa zhes bya bar grags pa lung skams te bdud rtsi lnga dang/ go ku da ha na ste lcags kyu lnga'o/ /yi ge bcu'i sngags dag ni zhes bya ba ni sangs rgyas snga'i snying po hUM hUM khruM yuM suM zhes bya ba lnga dang/ go ku da ha na rnams kyi snying po sriM griM hUM dzriM hUM zhes bya ba lnga ste bcu'o/ /phyag 'tshal sreg pa'i mdza' dang ldan zhes bya ba ni dang por oM dang mdza' mar swAhA spel ba ste/ bsdus pas oM hUM hUM khruM yuM sruM sriM griM hUM dzriM hUM swAhA/ zhes bya bar 'gyur ro/ /rnal 'byor pa yis 'bum bzlas te zhes bya ba ni ye shes mkha' 'gro ma'i rnal 'byor dang ldan pas/ thog mar sngags 'di 'bum du bzlas pas bsnyen par bya'o/ /mkha' 'gro gtor ma byin brlabs la zhes bya ba ni gtor ma sngon du 'gro bas so/ /sgrub pos 'di'i du bas bdug zhes bya ba ni/ sngags bzlas? ma thag pa'i brgya rtsa brgyad bzlas pa'i du bas bdag nyid la bdug pa'o/ /'gro ba thams cad rmongs par 'gyur zhes bya ba ni chags shing dbang du 'gyur pa'i rnam grangs so/ /gzhan dag la yang bsnyen pa la sogs pa'i cho ga ni 'di nyid yin par blta'o/ /lhag ma ni go sla bas ma phye'o/ /de dag las su sbyar bar bya/ /ngas bstan pa la the tshom med ces bya ba ni gur gum la sogs pa'i rdzas de dag gis dbang du bsdu ba la sogs pa'i las rnams sbyar zhing bsgrubs na gdon

  666. 333b

    mi za bar 'grub par 'gyur ro/ /zhes bya bar dgongs te nye bar bsdu ba'o/ /nga ni rnal 'byor ma rnams kyi sgrub pa bstan pa'i phyir pho nya zhes bya ba la sogs pa smos te/ ci'i phyir rnal 'byor ma rnams bsgrub ce na/ pho nya'i las kyi bya ba yis// grub pa'i rnal 'byor don gnyer phyir zhes bya ba gsungs te/ grub pa'i rnal 'byor ma rnams las thams cad byed pa'i pho nyar don du gnyer bar bya ba'i phyir te/ bdag gir bya ba zhes bya ba'i bar du'o/ /lan gsungs pa/ pho nya zhes bya ba la sogs pa la/ pho nya'i las su rab sbyar bas shes bya ba ni/ rnal 'byor ma rnams pho nyar bya'o/ /las rnams kun gyi snying po bas zhes bya ba ni/ las thams cad la stobs dang ldan pa'i phyir/ gtso bo zhes bya ba'i don to/ /bsgrub pa'i cho ga bstan par bya ba'i phyir/ shing gcig zhes bya ba la sogs pa smos te/ shing gcig gi ni drung ba ru/ /cho ga bzhin du 'bum du bzlas zhes bya ba ni 'bar byed ma bsgrub pa'i phyir/ dang por bsnyen pa bstan pa yin no/ /de la shing gcig ces bya ba ni/ rgyang grags tshun chad du zla med pa'o/ /cho ga bzhin du 'bum du bzlas zhes bya ba ni/ dam tshig bsten pa la gus pa'i rnal 'byor pas gtor ma sbyin pa sngon du 'gro bas bris sku'i mdun du 'bum phrag gcig tu bzlas pa'o/ /cho ga de nyid bstan pa'i phyir/ khru gang zhes bya ba la sogs pa smos te/ thang kha zhes bya ba ni man ngag las zla mtshan can gyi dgab ma las bya ba'o/ /ci snyed cig tu bya zhe na/ khru gang bzhi char bcas pa ste/ khru'i bzhi cha gcig dang bcas pa'i khru gang du'o/ /dri ba zhes bya ba ni 'bar byed ma'i gzugs bri ba'o/ /ji snyed cig ces na/ mtheb sor bcu gnyis tshad ste/ sor bcu gnyis kyi dpangs dang ldan par ro/ /ji ltar zhe na/ kha dog ser mo zhes bya ba la sogs pa ste go sla'o/ /? de mchod pa'i

  667. 334a

    cho ga brtsams zhes bya ba ni mdor bstan pa ste/ 'di nyid bshad pa'i phyir/ dri dang me tog zhes bya ba smos so/ /'dis ni dri ni dmar po dang/ me tog dmar pos mchod nas/ sha skam gyi bdug pas bdugs la/ nye bar spyod pa'i gtor ma sbyin pa'o/ /zhes ston to/ /rdzas lnga dag dang dngos po lnga zhes bya ba la/ rdzas lnga zhes bya ba ni bdud rtsi lnga'o/ /dngos po lnga zhes bya ba ni go ku da ha na ste sha lnga'o/ /mchod nas de bzhin 'bum du bzlas zhes bya ba ni gtor ma sngon du 'gro ba'i bsnyen pa 'bum du bzlas kyi 'og tu yang gtor ma sngon du 'gro ba'i bzlas pa 'bum gyis bsgrub par bya'o/ /zhes bya ba'i don to/ /grub pa'i mtshan nyid bstan pa'i phyir/ dang po la ni zhes bya ba la sogs pa smos te go sla'o/ /pho nya 'ongs nas dam tshig gi sngags dang phyag rgya bstan pas mnyes par bya ba'i phyir/ de'i sngags ni brjod nas kyang zhes bya ba la sogs pa smos te/ de'i sngags zhes bya ba ni bsnyen pa la sogs pa'i dus su bzlas pa'i sngags so/ /brjod nas zhes bya ba ni phyag rgya bcing ba'i dus suAng de de nyid bzlas pa'o/ /mnyes kyi 'og tu bdud rtsi lnga'i chus thod pa bkang ste/ dam tshig byin pas dbang du bsdu ba bstan pa'i phyir/ bdud rtsi zhes bya ba la sogs pa las te/ don gsal lo// dbang du 'dus nas/ dngos grub bslang ba bstan pa'i phyir/ 'bad de zhes bya ba la sogs pa smos te/ rnal 'byor ma dang gnyis med par/ /byin gyis rlobs la bsgrubs shig ces bya ba ni rnal 'byor ma khyod dang dbang po gnyis snyoms 'jug pa'i phyir/ nye bar mnos shig pa ste/ chung mar bsgrub par bya ba'i phyir smra bar bya ba'o/ /lhag ma ni go sla bas ma phye ba'o/ /thun phyed dang ni lhan cig spyod/ /'khrig la sred pa'i rnal 'byor ma zhes bya ba ni rnal 'byor ma 'bar ma de

  668. 334b

    shin tu 'khrig pa la sred pa'i phyir/ thun phyed kyi dus kyi bar du 'khrig pa spyad pas tshim par byas nas dga' bar 'gyur gyi gzhan du ni ma yin no/ /zhes bya ba'i don to/ /gal te grub par ma gyur na/ /de tshe drag mo'i sa bon bzla zhes bya ba drag mo'i sa bon ni yi ge k+ShuM ngo/ /bzla ba ni de dang spel bar bzla ba ste/ gal te cho ga snga mas ma grub na/ k+ShuM oM dI pe shwa ri hUM sraM pheM k+ShuM zhes bya ba 'bum bzlas bas bsgrub par bya ba'o/ /sa bon gyis ni gzir tsam gyis zhes bya ba'i drag mo'i sa bon dang spel te bzlas pas so/ /'bar byed ma'i spyi bo 'gems zhes bya ba ni gal te ma grub na zhes bya ba'i lhag ma ste gdon mi za bar 'grub po zhes bya bar dgongs so/ /sems can don 'bad sgrub pa pos/ /'bar ma chung mar bsgrub par bya zhes bya ba ni bza' ba dang nor la sogs pa'i sbyin pas sems can 'dul bar 'dod na/ de'i tshe 'bar ma chung mar bsgrub po zhes bya ba'i don to/ /lhag ma gzhan bsgrub pa bstan pa'i phyir/ grub pa'i zhes bya ba la sogs pa smos te/ gzhan zhes bya ba ni 'bar ma las gzhan pa'i lhag ma rnams so/ /mkha' 'gro ma zhes bya ba ni de rnams kyi nang nas mkha' 'gro ma smos te/ bkar ba'o/ /thang ka khru gnyis dman pa la zhes bya ba ni/ bzhi cha gcig gis ma bkab pa'i khru do'o/ /mchod dang gtor ma byin brlab ste/ /de 'og gzugs ni bri bar bya zhes bya ba ni gzugs te gtor ma sngon du 'gro ba'i bzlas pas bsgrub par bya'o/ /zhes bya ba'i don to/ /dur khrod kyi ni sa phyogs su zhes bya ba ni ro bsregs pa'i shul du'o/ /de yang khyad par ci 'dra zhe na/ kun tu zhes bya ba la sogs pa smos te go sla'o/ /'dir yang bsnyen pa dang/ sgrub pa dang/ dgyes par byed pa dang/ dbang du bya ba la sogs pa'i cho ga sngar bstan pa bzhin du sbyar bar bya'o/ /rdo rje'i sa bon zhes bya ba ni yi ge suM ngo/ /sngon

  669. 335a

    du bstan pa'i cho ga bzhin zhes bya ba ni rim par phye ba gzhan las bstan pa'i sngags spel ba'i cho ga ste/ 'dir suM oM DA ki ni hUM phuM phu suM zhes bya bar 'gyur ro/ /de bzhin du gzhan du yang blta bar bya'o/ /lhag ma ni go sla bas rnam par ma phye'o/ /bstan pa'i las kyis ma grub na/ /las gzhan gyis ni bsgrub bar bya zhes bya ba ni sngar smos pa'i zhi ba'i las kyis ma grub na/ drag shul gyi cho ga gzhan gyis bsgrub par ston te mdor bsdus pa'o/ /de nyid bshad pa'i phyir/ bdag nyid ces bya ba la sogs pa smos te/ 'di dag don ni/ bdag nyid ye shes mkha' 'gro mar bsgoms la/ rkang pa g.yon pas 'phrog byed ma'i bris sku mnan la/ 'phrog byed ma nyid kyi sngags lnga brgya bzlas te bsdigs pas bsgrub par bya'o/ /zhes bya ba'i don to/ /bsdigs pas kyang ma grub na/ tshar bcad pa'i las kyis bsgrubs pa bstan pa'i phyir/ gal te zhes bya ba la sogs pa smos te/ dpa' bo'i dbus su zhes bya ba ni rnal 'byor ma'i 'khor lo'i dbus su'o/ /gsod pa zhes bya ba ni yi ge phaT do/ /mtho zhes bya ba ni drag tu bzlas pa'o/ /hUM gi sa bon bsgoms pa yis/ /zhes bya ba ni bris sku'i dum bu rnams yi ge hUM du bsgom pa'o/ /thams cad du ni bza' bar bsam zhes bya ba ni me'i nang du sbyin sreg tu dbul ba'o/ /thams cad kyi ni dbang phyug ma zhes bya ba ni gtso mo ste 'phrog byed ma'o/ /de nyid slar bshad pa'i phyir/ bstan pa'i las kyis ma grub no/ /zhes bya ba la sogs pa gsungs te bstan pa'i las zhes bya ba ni sngar bstan pa'i tha mal pa dang bsdigs pa'i las gnyis dang sbyar ro/ /nag po zhes bya ba ni ri sta ka'i shing ste/ ba la ta ka dang nag po'i shing gi ming zhes zlas phye ste/ mtshams sbyar bar bya'o/ /khrag dang bcas

  670. 335b

    pa'i yungs kar ni zhes bya ba ni/ khrag dang yungs kar dang/ ske cho dang dug dang/ nim+ba rnams tsha ba'i mar nag gis bsgos la/ bris sku'i dum bu dang bcas par bsreg par bya ba ste/ khrag dang yungs kar ni nye bar mtshon btsam mo/ /tshe nges 'debs shing 'ongs nas su/ /nges par las rnams sgrub byed par/ /zhes bya ba ni sdug bsngal gyis gzir ba'i lus 'jig pa'i skrag pa dang bcas pas/ myur du bsgrub pa po'i gan du 'ongs te/ ji ltar bsgo ba bzhin byed par 'gyur ro/ /zhes bya ba'i don to/ /drag shul gyi cho ga 'di ni 'phrog byed ma 'ba' zhig du ma zad kyi rnal 'byor ma gzhan dag kyang/ gal te so so'i las ji skad smos pas ma grub na/ cho ga 'di nyid kyi tshar bcad par bya'o zhes blta bar bya'o/ /de nyid kyi phyir/ mkha' 'gro ma rnams 'chi 'gyur ram zhes bya ba smos te/ mkha' 'gro ma rnams zhes bya ba rnal 'byor ma rnams so/ /de la gnyis med gnyis su med pa'i chos/ /gnyis kyi rnam rtog ji ltar spangs zhes bya ba'i lan ni/ dngos dang dngos med las grol bas des ni rmongs pas ring du 'gro zhes bya bas bstan to/ /rnal 'byor bstan bcos tshul dang ni zhes bya ba'i lan ni dri zhim dang sbyar ba yis zhes bya ba la sogs pas bstan to/ /dri ba dang lan lhag ma ni so sor brda phrad par zad do// // da ni tshogs kyi dkyil 'khor du 'jug pa la/ sgo srungs dbyug sngon can la gsol ba 'debs pa bstan pa'i phyir/ khro bo sngon pa zhes bya ba la sogs pa smos te/ sngon po zhes bya ba ni tshig snga ma phyed bor nas phyogs gcig smos te/ 'dir dbyug pa sngon po can la sngon po 'ba' zhig smos pa ni dper na don yod par grub pa la don yod pa zhes pa dang/ kun tu spyan ras gzigs la kun gzigs zhes bya ba lta bu'o/ /dam tshig yid du 'ong zhes bya ba ni/ yid dang 'thad pa'i dam tshig ste/ khro bo nyid

  671. 336a

    'god par mi bya bas na dam tshig go /ji ltar na mdzes pa yin zhe na/ nor bu rin chen gces bcings pa'i/ /dbyug pa phyag na bsnams pa ste/ /zhes bya ba smos te/ nor bu rin chen bsnams pa ste zhes bya ba mang ba'i tshig ni / mdog dang dbyibs dang yon tan la sogs pa rnams tha dad pa'i nor bu rnams bsdu ba'i phyir/ gces pa ni nor bu de dag srog ltar yid du 'ong ba'i phyir ro/ /bcings pa ni spras pa'o/ /de dag ni khro bo la bod pa'o/ /bos nas ci zhig bya zhe na / bdag ni zhes bya ba la sogs pa smos pas gsol ba gdab par bya'o/ /bdag ni zhes bya ba ni rnal 'byor ma'i tshogs kyi dbus su gtong du gsol zhes bya ba dang 'brel to/ /de ci'i phyir zhe na/ 'khor ba las bsgral phyir te 'khor ba'i 'jigs pa las bsgral ba'i phyir ro/ /dpa' bos shes bya ba ni khro bo la bstod pa ste/ 'khor ba'i 'jigs pa med pa'i phyir ram/ nyon mongs pa'i g.yul las rgyal ba'i phyir ro/ /gnang gis zhes bya ba ni bdag nyid bstod pa ste/ tshogs kyi dkyil 'khor du 'jug pa la skal pa dang ldan par bstan to/ /bzang po zhes bya ba ni dge ba ste thar pa'i grong khyer gyi bdag nyid nyid kyi phyir ro/ /thod zhes bya ba ni thong zhig pa'o/ /tshigs su bcad pa 'dis ni tshogs kyi dkyil 'khor du 'jug pa dang 'dra bar slob ma dkyil 'khor du bzhug pa yang bya'o/ /zhes la ngag zer ro/ /da ni ngag dang lus kyi phyag rgya sngar gsol ba btab tu zin na yang bshad pa mang po zhig gis bar tshod pa'i phyir dang/ sdom lam gtogs pa'i rnal 'byor ma bzhi'i bsgrub pa gzhan bstan pa dag gis bar chod pas dogs pa'i 'du shes kyis slar yang bskul ba bstan par bya ba'i phyir/ rnal 'byor zhes bya ba la sogs pa gsol ba gdab pa bstan to/ /gsang chen zhes bya ba ni tha mal pa'i skye bo rnams

  672. 336b

    la brda'i tshul gyis sbed par byed pa'i phyir ro/ /gsang dang gsang bas zhes bya ba ni rnal 'byor pa rnams dang rnal 'byor ma rnams kyis shes par bya ba'o/ /lan gsungs pa dag gi ces bya ba la sogs pa la/ g.yas kyi cha ru rnal 'byor pa zhes bya ba ni/ rnal 'byor pa'i g.yas kyi chas brda sprad pa 'am/ g.yas kyi char gnas nas brda la 'jug pa'o/ /g.yon du rnal 'byor ma nyid de ces bya ba yang don de bzhin du shes par bya ba'o/ /sor mo khar ni 'jug byed pa zhes bya ba la sogs pas ni rnal 'byor ma rnams kyi lus kyi mtshan ma bstan pa'o/ /go g+hu zhes bya ba la sogs pa ni rnal 'byor pa rnams kyi ngag gi brda bstan to/ /mthe bo btsir byed pa zhes bya ba ni gung mo 'ching ba'o/ /lhag ma ni brda phrad par zad do/ /gzhan gyi gdan zhes bya ba la sogs pa la/ rab tu byed pa zhes bya ba ni gsal byed pa ste/ gzhung 'dis bdud rtsi lnga'i de kho na nyid nas gzung ste/ lus dang ngag gi brda'i mthar thug pa rab tu gsal zhing rgyas par ston par byed pas na rab tu byed pa'o/ /gzhan gyi gdan zhes bya ba ni bdag gi gdan gyi rim par phye ba bzhi las gzhan nyan par gyur pa'i rim par phye ba bzhi ni/ sbyin sreg nas gzung ste/ rnal 'byor ma bsgrub pa'i mthar thug pa gzhan gyi don gyi sbyor ba ston pa dang/ sbyor ba'i gtso bo ston pa'i phyir gzhan yin la/ dngos grub kyi gnas yin pa'i phyir na gdan te rdzogs so zhes bya ba ni mthar gtugs pa'o// //dpal gdan bzhi pa'i 'grel pa dran pa'i rgyu mtshan zhes bya ba las gzhan gyi gdan gyi rim par phye ba bzhi pa'o// // da ni sbyor ba'i gdan gyi dbang du byas nas/ mtshon bya zhes bya ba la sogs pa gsungs so/ /gzhan zhes bya ba ni gdan gsum pa ste/ gzhan gyi gdan la bltos nas gzhan no/ /de'i nang nas dang por de kho na nyid rnam pa bzhi shes par bya ba'i phyir

  673. 337a

    mtshon bya zhes bya ba la sogs pa gsol ba 'debs pa gsungs te/ mtshon bya zhes bya ba ni rdo rje la sogs pa rnam pa bzhi'o/ /mtshan nyid ces bya ba ni de dag gi rang bzhin te de kho na nyid do/ /de nyid bzhi po ji lta bur shes nas ji ltar sbyar bar bgyi zhes bya ba la/ de nyid bzhi ni rdo rje dang dril bu dang bgrang phreng dang/ 'gro ba rigs lnga'i 'khor ba'i ye shes rnams te/ de rnams kyi de kho na nyid ji ltar shes par bya ba dang/ shes nas kyang ji ltar sbyar zhes bya ba ji ltar gzung bar bya zhes bya ba'i don to/ /lan gsungs pa/ 'khor ba las grol zhes bya ba la sogs pa la/ 'khor ba las grol ba'i mtshan nyid ces bya ba ni/ rdo rje la sogs pa'i mtshan nyid de/ de kho na nyid kyi rang bzhin 'dis 'gro ba rnams 'khor ba'i rgya mtsho las grol bar byed pas na/ 'khor ba las grol mtshan nyid do/ /de nyid gsungs pa/ dang po rdo rje de nyid de zhes bya ba la sogs pa smos te go sla'o/ /'khor ba las grol mtshan nyid ces bya ba de nyid gsal bar bshad pa'i phyir/ de nyid bzhi'i rba rlabs kyis/ /ji ltar 'dod bzhin pha rol sgrol zhes bya ba smos te/ rtog pa'i rgya mtsho'i nang nas de kho na nyid bzhi'i rtog pa dam pa'i rba rlabs kyis sems can gyi tshogs rnams pha rol tu sgrol ba ste/ thar pa thob par byed do zhes bya ba'i don to/ /de las dang po rdo rje'i de kho na nyid bstan pa'i phyir/ dbus kyi zhes bya ba la sogs pa smos te/ dbus kyi zhes bya ba ni rtse mo lnga pa'o/ /rnam par dag pas na lha ste/ sa'i khams rnam par dag pa'i rnam par snang mdzad do/ /yang na lha zhes bya ba ni me long lta bu'i ye shes so/ /thams cad thog ma zhes bya ba ni thams cad kyi dang po ste rin chen 'byung ldan la sogs pa la bltos pa'o/ /yang na thams cad kyi shar phyogs te/

  674. 337b

    rtse mo lhag ma rnams la bltos pa'o/ /rtse mo lnga ni lha rnams so/ /zhes bya ba ni ye shes lnga'i bdag nyid kyi rnam par dag pa'o/ /pad+ma byang chub yan lag brgyad ces bya ba la/ pad+ma ni char gzungs kyi mdza' na gnas pa'i pad+ma 'dab brgyad do/ /byang chub kyi yan lag ni byang chub kyi lam gyi yan lag brgyad do/ /sa zhes bya ba ni gnas so/ /bzhag pa zhes bya ba ni dgod pa'o/ /gang dag yin zhe na/ phyag na pad+ma zhes bya ba la sogs pa smos te/ phyag na pad+ma zhes bya ba ni 'jig rten dbang phyug go /nam mkha' zhes bya ba ni nam mkha' i mdzod de nam mkha' i snying po'o/ /gnod sbyin bdag po zhes bya ba ni phyag na rdo rje'o/ /sa zhes bya ba ni sa'i snying po'o/ /lha ni brgyad po 'di dag ni ces bya ba la sogs pa ni nye bar bsdu ba'o/ /dbus kyi bcu gsum sgong nga ru ces bya ba la/ dbus ni rdo rje'i chang gzungs so/ /tri ta sa zhes bya ba ni lha dag go /sgong ni gnas so/ /ye shes lha ni thim par bya zhes bya ba ni rdo rje 'dzin chen po ye shes mkha' 'gro ma dang bcas pa bsam pa'o/ /pad+ma 'dab ma brgyad la zhes bya ba ni chang gzungs kyi mdza' i pad+ma cig shos kyi 'dab ma brgyad la'o/ /lha mo rnams zhes bya ba ni rdo rje lcags kyu ma la sogs pa rnams te/ ji bzhin gnas su sbyar bar bya zhes bya ba ni/ shar la sogs pa'i 'dab ma la/ rdo rje lcags kyu ma la sogs pa rnams rim bzhin du dgod pa dang/ dbang ldan la sogs pa'i 'dab ma la/ skul byed ma la sogs pa rim bzhin du dgod pa'o/ /rdo rje lcags sgrog ming can te zhes bya ba ni gzhan lcags sgrog ma zhes bya bar sngar smos pa la bltos nas ming can te/ zhes bya bas ming 'dra bar ston gyi don ni tha dad do zhes bya ba'i don to/ /rtse mo lnga yi mkha' 'gro ma zhes bya ba ni 'og gi rtse mo rnam pa lnga mkha' 'gro ma lngar bsam pa'o/ /snga ma ji bzhin bsam par bya zhes bya ba ni/ rtse mo lnga po bshad pa ltar so sor

  675. 338a

    phye ste dgod do zhes bya ba'i don to/ /de nyid kyi phyir shar du zhes bya ba la sogs pa smos so/ /rdo rje de kho na'i lha zhes bya ba ni sngar smos pa'i lha rnams so/ /mkhas pa yis ni shes par bya ba ni de kho na nyid nye bar bsdu ba'o// tshad la sogs pa'i mtshan nyid bstan pa'i phyir/ cha gsum zhes bya ba la sogs pa smos te go sla'o/ /utpa la ku mu ta ltar mdzes zhes bya ba ni/ /rdo rje'i rtse mo rnams me tog utpa la dang ku mu ta ltar zum zhing mdzes pa'o/ /rdo rje rtse mo dgu pa'i de kho na nyid bstan pa'i phyir/ phyogs zhes bya ba la sogs pa smos te/ sogs pa'i sgras ni mtshams gzung bar bya'o/ /dbu ma'i sangs rgyas nyid ces bya ba ni rtse lnga pa dang 'dra ba rnam par snang mdzad nyid do/ /lhag ma rtse mo brgyad ni phyag na padmo la sogs pa'i byang chub sems dpa' rnams dang/ rdo rje lcags kyu ma la sogs pa'i lha mo brgyad tu bsam mo/ /de nyid kyis na lha dgu zhes bya ba smos so/ /lha nyid de ces bya ba ni de dag thams cad rdo rje 'dzin chen po nyid du bsgom pa'o/ /lhag ma ni sngar bshad pa bzhin no/ /chu srin las ni byung ba yi/ /rtse mo zhes bya ba ni rtse mo dbus ma ma gtogs pa rtse mo lhag ma rnams chu srin gyi kha nas byung bar bya ba'o/ /'od zer zla bar gnas zhes bya ba ni zla ba'i dkyil 'khor la gnas pa ste/ de dag ni thun mong gi mtshan nyid do/ /rtse mo dgu pa zhes bya ba ni rtse dgu ste/ gsung rab yan lag dgu rnam par dag pa'o/ /ye shes rdo rje 'gro ba sgrol zhes bya ba la/ rdo rje ni rtse lnga pa'o/ / ye shes ni me long lta bu'i ye shes la sogs pa ye shes lnga ste/ ye shes lnga rnam par dag pa zhes bya ba'i don to/ /'gro ba sgrol zhes bya ba ni thun mong gi las so/ /yang na 'gro ba ni 'gro ba rnams so/ /sgrol ba ni rnam par dag pa ste/

  676. 338b

    rdo rje'i ngo bo nyid ces bya ba'i don to/ /gang las she na/ rdo rje de nyid gang yin pas zhes bya ba la sogs pa smos te/ rdo rje'i de kho na nyid ni rdo rje'i rang bzhin no/ /de ci 'dra zhe na/ bdag nyid rdo rje'i bdag nyid bsam zhes bya ba smos te/ bdag nyid ces bya ba ni bdag dang gzhan du kun tu rtog pa'o/ /rdo rje'i bdag nyid ces bya ba ni rdo rje'i rang bzhin no/ /bsam pa ni shes par bya ba ste/ bdag dang gzhan gyi rtog pa thams cad don dam par gnyis su med par shes par bya'o/ /zhes bya ba'i don to/ /rdo rje snying po rnal 'byor pa ces bya ba la snying po ni sems kyi snying po ste chos nyid do/ /rdo rje ni gnyis su med pa'o/ /rnal 'byor pas shes bya ba ni/ sems su bya zhes bya ba dang/ 'brel to/ /rdo rje'i rang bzhin du blta bar bya zhes bya ba'i don to/ de nas ci zhig bya ce na/ rdo rje dag pa bstan byas nas zhes bya ba smos te/ rbadzra shud+d+ha(rgyud 'grel): sarba d+harmA badzra shud+d+ho haM zhes brjod pas brtan par bya'o/ /de nyid gsal bar bya ba'i phyir/ chos rnams rdo rje las gzhan med/ thams cad rdo rje de nyid yin zhes bya ba smos te/ don dam par chos thams cad dbyer med pa'i phyir/ rdo rje'i de kho na nyid las gzhan pa med pa'i phyir/ rdo rje'i de kho na nyid las gzhan pa med do/ /zhes bya ba'i don to/ rdo rje las kyi snying po zhes bya ba ni/ zhi ba la sogs pa'i las rnams kyang rdo rje'i ngo bo nyid do/ gang gi phyir chos kyi dbyings kyi snying pos thams cad la khyab pa'i phyir ro/ /'phro ba'i sbyong ba zhes bya ba ni/ gnyis su med pa'i ye shes las lha'i dkyil 'khor du 'phro ba'o/ /rdo rje 'khor ba sgrol bar byed ces bya ba la sogs pa ni/ rdo rje'i las bstan pa ste/ phal cher ni go sla bas ma phye'o/ /mun pa de bzhin nyon mongs rnams zhes bya ba la sogs pa la/ ji ltar mun pa rnams sgron mas bcom nas/ dngos po rnams gsal bar byed pa ltar/ nyon mongs pa'i mun pa

  677. 339a

    rnams ye shes kyi rdo rjes bcom nas slar ye shes kyi sgron ma des sgrib pa thams cad gsal te/ phyogs kun zhes bya ba chos thams cad snang bar byed pa ste/ gsal bar byed do/ /zhes bya ba'i don to/ /bsgrub par bya ba la sogs pa rnams kyang/ gnyis su med pa'i rdo rjer ro gcig par bstan pa'i phyir/ rdo rje'i sgrub pa la sogs kun/ /rdo rje'i bdag blta bar bya zhes bya ba smos so/ /nyon mongs pas bcings pa dang de las grol ba yang rdo rje'i rang bzhin du bstan pa'i phyir/ chos kyi bcing ba rdo rje ste/ /thar pa mchog 'phang rdo rje'o/ /zhes bya bar smos so/ /'gro ba rnams thabs dang shes rab kyi sgrub pa bstan pa'i phyir/ rdo rje padmo mnan nas ni/ /de nyid thams cad bsgrub par bya zhes bya ba smos te/ 'jig rten dang 'jig rten las 'das pa'i chos padmo dang/ 'dra ba thams cad gnyis su med pa'i rdo rjes mnan cing gzung la/ sgrub po zhes bya ba'i don to/ /yang na 'gro ba thams cad du rdo rje dang padmo ste/ thabs dang shes rab kyi de kho na nyid kyis bsgrub po zhes bya ba'i don to/ /rdo rje de yang slob dpon gyis gzung ba bstan pa'i phyir/ rdo rje padmor zhugs pa ni/ /mkhas pa yis ni bsgrub par bya zhes bya ba smos te/ chos thams cad 'dzin pa rdo rje de yang mkhas pa ste/ rdo rje'i de kho na nyid la skyod pa'i slob dpon gyis gzung ba zhes bya ba'i don to// //da ni dril bu'i de kho na nyid bstan pa'i phyir/ dril bu'i zhes bya ba la sogs pa smos te/ shes rab sgra zhes bya ba ni/ shes rab kyi pha rol tu phyin pa'i sgra ste chos thams cad ni stong pa nyid do/ /chos thams cad ni mngon par 'du byed pa med pa'o/ /chos thams cad ni rang bzhin gyi mya ngan las 'das pa'o zhes bya ba la sogs pa'o/ /sgra de nyid kyis yul

  678. 339b

    dang dus la sogs pa thams cad la khyab par bstan pa'i phyir/ nam mkha' i khams kyi mthas gtugs par/ /byang chub snying por rnam par gnas zhes bya ba smos te/ byang chub kyi snying po la gnas kyi bar du yul la sogs pa thams cad la/ sgra des khyad par bsgrags shing bsgom mo zhes bya ba'i don to/ /nam mkha' i khams kyi mthas gtugs par zhes bya ba slar bshad pa'i phyir/ thams cad rig pas zhes bya ba la sogs pa smos te go sla'o/ /phyogs brgyad zhes ni bya ba rnams zhes bya ba la sogs pa'i don ni pad+ma 'dab ma brgyad kyi phyogs mtshams rnams su sgrol ma la sogs pa'i lha mo brgyad gzugs sam sa bon du dgod do/ /zhes bya ba 'di yin no/ /mdog gzungs zhes bya ba ni nor gyi rgyun no/ /dbyangs snyan zhes bya ba ni skul byed ma'o/ /mdzes ma zhes bya ba ni khro gnyer can ma'o/ /rdo rje phreng ba mo zhes bya ba ni rdo rje'i phreng ba can ma'o/ /lhag ma ni go sla bas ma phye'o/ /steng gi pad+ma rdo rje rnams zhes bya ba ni steng gi rdo rje'i rtse mo rnams so/ /snga ma bzhin du bsam par bya zhes bya ba ni/ rdo rje'i skabs su bstan pa ltar rnam par snang mdzad la sogs par bsam pa'o/ /dbus kyi ye shes dbyug pa ste zhes bya ba ni/ bskyod par bya zhes bya ba dang 'brel to/ /ji ltar zhe na/ A li kA li zhes bya ba smos te/ de la A li ni rdo rje'o// kA li ni dril bu'o/ /sbyor ba ni mnyam par gzung ba ste/ g.yas kyi mthe bo dang srin lag sbyar bas rdo rje blangs la/ g.yon gyi mthe bo dang srin lag sbyar bas dril bu gzung ba'o/ /phyogs brgyad dag tu bskyod par bya zhes bya ba ni shar la sogs pa'i phyogs brgyad du lan brgyad sgra bsgrags par bya'i/ de las lhag pa dang tshad ba ni mi bya'o/ /des cir 'gyur zhe na/ A li kA li zhes bya ba la sogs pa smos te/ thabs dang shes rab kyi sbyor bas 'khor ba'i 'ching ba gcod pa'o/ /rdo rje dril bu

  679. 340a

    thabs yin te zhes bya ba rdo rjes mtshan pa'i dril bu ni rdo rje dril bu ste/ de nyid ni 'bras bu'i rjes su 'gro bas na thabs so/ /thabs kyi rdo rje dbus gnas so/ /zhes bya ba ni rdo rje nyid thabs te phan tshun rjes su 'gro bas ldan pa'i phyir ro// des ni 'di skad du/ gtor ma la sogs pa'i dus su rdo rje ma gtogs pa'i dril bu 'ba' zhig gam/ dril bu ma gtogs pa'i rdo rje 'ba' zhig gis mi bsgrub kyi zung du sbyor bas bsgrub po ces bya bar ston to/ /dbus nas zhes bya ba ni gzung bar bya zhes bya ba'i lhag ma can te/ chang gzungs kyi dbus nas gzung zhes bya ba'i don to/ /gzung ba'i cho ga bstan pa'i phyir/ g.yas pa zhes bya ba la sogs pa gsungs te go sla'o/ /lus rnams la ni thabs dang sbyar zhes bya ba la/ thabs ni rdo rje dang dril bu ste/ de lus la brgyan pa'o/ /ji ltar zhe na/ rang 'dod lha rnams bsam par bya zhes bya ba smos te/ bshad zin to/ /rdo rje dang dril bu 'dzin pa'i tshigs su bcad pa gsungs pa/ hUM zhes bya ba'i glu yis ni zhes bya ba la sogs pa gsungs te/ glu zhes bya ba ni tshig tu brjod pa'o/ /rdo rje gsor ba mdzes pa yis zhes bya ba la sogs pa'i tshigs su bcad pa ni rdo rje gsor bas na brjod par bya ba ste/ rdo rje gsor ba mdzes pa yis/ /sems can rnam thar bsgral bar bya zhes bya ba ni gnyis su med pa'i rdo rje gang gis sems can rnams dngos por 'dzin pa'i lta ba las dgrol nas/ don dam pa'i bden pa la blta ba yin no/ /de nyid kyi phyir/ rnam thar zhes bya ba smos te/ bi zhes bya ba ni rnam par rtog pa'o/ /mu ka ta zhes bya ba ni grol ba'o/ /yang na bi zhes bya ba ni yang dag pa'i rtog pa'o/ /mu ka ta zhes bya ba ni ma 'dres pa ste/ so sor rtog pa'i shes rab des sems can bsgral bar bya zhes

  680. 340b

    bya bar sbyar ro/ /gang las she na/ rnam thar zhes bya ba la sogs pa smos te/ rtog pa las grol ba'i rdo rje chos su bya ba'o/ /yang na bi ni rnam par rtog pa yin la/ mu ka ta ni de la gus pa ste/ skad kyi dbyings la mu ka ta gus dang bcas pa yin zhes zer ba'i phyir rdo rje shin tu snying po mchog ces bya ba ni brtan pa'i phyir snying po yin la/ stong pa nyid kyi rang bzhin gyi phyir na mchog go /oM zhes bya ba la sogs pa la/ dril bu 'dzin pa na brjod par bya ba'o/ /shes rab thabs kyi gzugs gzhan gyi zhes bya ba ni bdag nyid lha'i gzugs su byas nas/ gzhan lha'i gzugs la bskul bar bya ba'i phyir/ dkrol lo zhes bya ba'i don to/ /shes rab thabs kyi zhes bya ba ni stong pa nyid dang dngos po gnyis su med pas so/ /shes rab thabs kyi chos kyis ni zhes bya ba ni/ gnyis su med pa'i tshul de nyid de/ tshul de 'gro ba rnams kyis rtogs bya ba 'am zhes bya bar sbyar ro/ /'am zhes bya ba'i sgra ni rim pa bzhag du sbyar te/ rtogs pa la 'jug pa'i phyir te/ dkrol ba dang 'khrol du gzhug par bya ba'i don to/ /de nyid kyi phyir mi shes zhes bya ba la sogs pa smos te go sla'o/ /gzhung nye bar bsdu ba'i phyir/ rdo rje zhes bya ba la sogs pa smos so/ /de kho na zhes bya ba ni don dam pa ste don dam pa'i rnam par dag pas rdo rje gzung ba'o/ / chos kyi zhes bya ba ni chos thams cad ni don dam pa nyid do/ /zhes bya ba la sogs pa'i sgra ste/ sgra'i dag pa des dril bu dkrol ba'o/ /gnyis par na rdo rje ni rnam par dag pa ste thugs so/ /dril bu ni lus te sku'o/ /dkrol ba ni gsung ngo/ /de kho na nyid kyi chos ni rnam par dag pa ste/ de dag gzung ba'o/ /sems can don byed rnal 'byor pas/ /shes rab thabs su blta bar bya zhes bya ba ni tshul des slob ma dbang bskur ba'i dus suAng sbyar bar bya'o zhes bya ba'i don to/ de nyid med pa'i rnal

  681. 341a

    'byor ba/ /glang chen dril bu'i sgra dang mtshungs zhes bya ba la sogs pa ni de kho na nyid ma shes pa rnams kyis dril bu dkrol bar mi bya zhing/ de kho na nyid spyod pa'i slob dpon gyis rdo rje dang dril bu bzung bar bya'o zhes bya ba'i don to// //da ni bgrang phreng gi de kho na nyid bstan pa'i phyir/ bgrang phreng zhes bya ba la sogs pa gsungs te/ de dag kyang phal cher go sla bas ma phye'o/ /phyogs dang phyogs mtshams brgyad dang ni/ /dbu ma nyid dang sangs rgyas dgu zhes bya ba ni/ phyag na pad+ma la sogs pa'i byang chub sems dpa' brgyad dang/ rdo rje 'dzin pa dang dgu'o/ /lha dgus byin gyis brlab par bya zhes bya ba ni/ de dag skud pa rnams la dgod pa'o/ /bu mos bkal ba'i skud pa bzung bar bya ba'i phyir/ gzugs rdzogs zhes bya ba la sogs pa smos te/ de yis bkal ba'i bgrang phreng gis/ grol ba'i dngos grub skye bar 'gyur/ /zhes bya ba ni yon tan khyad par can gyi bu mo des bkal ba'i skud pa la/ brgyus pa'i phreng bas sngags bzlas na zhi ba la sogs pa'i dngos grub kyis rim gyis grol ba thob par 'gyur ro zhes bya ba'i don to/ /lhag ma ni go sla bas ma phye'o/ /bgrang phreng spyad pa'i sngags gsungs pa/ yi ge zhes bya ba la sogs pa ste/ yi ge'i rgyu las byung ba'i dngos zhes bya ba la/ yi ge ni A li kA li rnams so/ /yi ge'i rgyu de las byung ba'i dngos po gang yin pa de ni/ a yi ge'i rgyu las byung ba'i dngos te sngags kyi snying po rnams so/ mdzes pa ni dag pa'o/ /gang gis dag par bya zhe na/ bdag med pas sbyang bar bya ba'i phyir/ rang bzhin med pa'i grangs bzlas na zhes bya ba smos te/ rang bzhin med pa zhes bya ba ni brag cha ltar ngo bo nyid med pa ste/ bdag med pas so//

  682. 341b

    grangs zhes bya ba ni/ sngags rnams so/ /des cir 'gyur zhe na/ rnal 'byor ma'i snying po 'grub ces bya ba smos te/ rnal 'byor ma rnams kyi ye shes 'grub pa'am/ de rnams kyi sngags khyad par du bsgrub pa'o/ /de nyid kyi phyir gsungs pa/ bram ze mo zhes bya ba la sogs pa ste go sla'o/ /'di ltar yang na bram ze ni lus so/ /rgyal rigs ni sems so/ /dmangs rigs ni dag go /de bdag gcig tu gyur pas 'grub pa'o/ /ci zhig ce na/ rnal 'byor ma'i dra ba ste/ sngags kyi tshogs so/ /sngags 'di yis zhes bya ba la sogs pa la/ yi ge rgyu las byung ba'i dngos zhes bya ba nas/ swAhA zhes bya ba'i mthar thug pa ni sngags 'di ste/ des bgrang phreng sbyang bar bya'o/ /bgrang phreng zhes bya ba la/ bgrang ba ni sngags rnams so/ /phreng ba ni 'dis phreng bar byed zlos par byed pas na bgrang phreng ste phreng ba'o/ /yis zhes bya ba la sogs pa ni 'dis sngags bzlas na/ lha rnams 'grub par 'gyur gyi/ gzhan du ni ma yin no zhes bya bar dgongs so// //nga ni 'gro ba lnga'i 'khor ba'i ye shes kyi de kho na nyid bstan pa'i phyir/ ye shes zhes bya ba la sogs pa smos te/ bye brag ces bya ba ni khyad par ro/ /ring du gnas zhes bya ba ni tha dad par rnam par bzhag pa ste/ ye shes kyi bye brag gang gis 'gro ba rnams tha dad par 'jog par byed pa'o/ /thun mong ye shes brjod pa ste zhes bya ba ni/ de lta mod kyi thams cad ye shes kyi rang bzhin du ro gcig pa ste/ 'gro kun rnam shes tsam nyid de zhes bya ba'i rigs pas so/ /zhes bya ba'i don to// dman dang rab dman zhes bya ba la sogs pa ni lha ma yin rnams so/ /gnod sbyin zhes bya ba ni grags par zad pa'o lha min zhes bya ba ni/ srin po rnams so/ /grub pa po zhes bya ba ni lha rnams so/ /sgong nga zhes bya ba ni sgong nga las skyes pa'o//

  683. 342a

    gzung mi nus zhes bya ba ni dbang pos mi sod pa rnams so/ /lhag ma ni go sla'o/ /lha rnams kyi bye brag bstan pa'i phyir/ nyi shu rtsa gsum lha'i gnas zhes bya ba smos te/ gnas zhes bya ba ni/ sa 'am gnas gzhan te/ lha rnams kyi gnas gzhan lhag ma gsum dang bcas pa'i nyi shu'o/ /gong nas gong du nyis 'gyur ro zhes bya ba ni lha rnams kyi tshe tshad gong nas gong du nyis 'gyur du spel ba'o/ /de'i rim yang 'di yin te/ de la 'dod pa na spyod pa'i lha rnams kyi gnas gzhan ni drug ste/ rgyal chen rigs bzhi dang sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed rnams so/ /de las steng du gyur pa gzugs kyi khams kyi lha rnams kyi gnas gzhan ni bcu bdun no/ /de la bsam gtan dang po'i gnas gzhan ni gnyis te/ tshangs ris dang/ tshangs pa'i mdun na 'don no/ /tshangs pa chen po ni de nyid las gzhan ma yin pa'i phyir gur mi bgrang ngo/ /bsam gtan gnyis pa'i ni gnas gzhan gsum ste/ 'od chung dang/ tshad med 'od dang/ 'od gsal lo/ /bsam gtan gsum pa'i gnas gzhan yang gsum ste/ dge chung dang/ tshad med dge dang dge byas so// bsam gtan bzhi pa'i gnas gzhan ni brgyad de sprin med dang/ bsod nams skyes dang/ 'bras bu che dang/ mi che ba dang/ mi gdung ba dang/ gya nom snang dang/ shin tu mthong dang/ 'og min rnams so/ /bcu bdun pa ni/ 'du shes phra ba rnams te/ 'du shes med pa dang/ skye mched mu bzhi'i lha rnams so/ /kha cig ni tshangs pa chen po yang 'du shes phra bar bsdu'o zer te/ de ltar nyi shu rtsa gsum mo/ /de la mi rnams kyi tshe lo lnga brgya la/ rgyal chen rigs bzhi'i lha

  684. 342b

    rnams kyi nyin zhag gcig go /de sum cu la ni zla ba'o/ /zla ba bcu gnyis la ni lo'o/ /rgyal chen rigs bzhi pa rnams kyi tshe ni/ de lta bu'i lo lnga brgyar 'tsho'o/ /de bzhin du sum cu rtsa gsum pa rnams kyi tshe tshad ni mi rnams kyi lo stong la/ nyin zhag gcig tu brtsis pa'i zla ba dang/ lo'i rim gyis lo stong 'tsho bar 'gyur ro/ /'thab bral ba rnams kyi ni tshe lo nyis stong la/ nyin gcig tu brtsis pa'i rim gyis lo nyis stong 'tsho bar 'gyur ro/ /de ltar lhag ma gsum yang/ nyis 'gyur nyis 'gyur du brtsi bar bya'o/ /gzugs khams ba rnams la ni nyin zhag gi grangs med pas bskal ba'i rtsis kyis brtsi bar bya ste/ de dag kyang gong nas gong du tshe nyis 'gyur du spel bar bya'o/ /lhag ma ni go sla bas rnam par ma phye ba'o/ sbyor ba'i gdan zhes bya ba la sogs pa la/ rab tu byed pa zhes bya ba ni rab tu gsal bar byed pa ste/ gzhung 'dis rdo rje dang dril bu'i de kho na nyid la sogs pa rab tu gsal bar ston pas na rab tu byed pa'o/ /dpal gdan bzhi pa'i 'grel pa dran pa'i rgyu mtshan zhes bya ba las sbyor ba'i gdan gyi rim par phye ba dang po'o// //da ni 'khor lo la sogs pas zhi ba la sogs pa bsgrub pa'i rim par phye ba bstan pa'i phyir/ 'khor los bsgrub pa'i khyad par dag ces bya ba la sogs pa smos te/ 'khor los bsgrub pa zhes bya ba ni bsgrub par bya ba'i las te zhi ba la sogs pa'o/ /khyad par ni bye brag ste/ sngar smos pa'i zhi ba la sogs pa'i las kyi bye brag nyon cig ces bya bar sbyar ro/ /bsgrub par bya ba de nyid bstan pa'i phyir zhi dang zhes bya ba la sogs pa smos so/ /sgrub pa'i 'khor lo bstan pa'i phyir/ /ri mig ces bya ba la sogs pa smos te/ re mig dgu zhes bya ba ni/ 'khor lo'i rtsibs brgyad dang lte ba ste/ dgu po de dag ni re'u mig dgu'o

  685. 343a

    phyi rol mu khyud bskor bar bya zhes bya ba ni phyi rol tu ske rags lta bu'i mu khyud kyis bskor bar bsgom pa'o/ /ci 'dra zhe na/ 'khor lo zhes bya ba la sogs pa smos te/ zhi ba la sogs pa'i las kyi rjes su 'gro ba'i kha dog can no/ /sngags gsungs pa/ oM zhes bya ba la sogs pa'o/ /sa bon de dag thams cad de ces bya ba ni 'khor lo'i re mig rnams la dgod par bya'o zhes bya ba lhag ma ste/ yi ge ta la sogs pa'i sngags kyi sa bon rnams shar la sogs pa'i re mig rnams la bri'o/ /zhes bya ba'i don to/ /phyag 'tshal tha ma dbus su bzhes bya ba la/ phyag 'tshal ba ni yi ge oM mo/ /tha ma ni ha ste/ dang po dang tha ma'i sa bon de dag dbus kyi re'u mig la bsgom par bya'o/ /dbus su mi dang bsrung ba yi/ /tshig kyang de bzhin sbyar bar bya zhes bya ba ni oM dang ha'i dbus su bsgrub par bya ba'i ming dang/ rak+Sha zhes bya ba'i tshig tu spel bar bsgom par bya ba ste sbyar ba zhes bya ba ni spel ba'o/ /bsdus pas oM lhas byin rak+Sha ha zhes bya bar 'gyur ro/ /'khor lo de dag ji ltar bsgom zhe na/ mnyam nyid ces bya ba la sogs pa smos te/ mnyam nyid stong pa zhes bya ba ni nyi tshe'i stong ba rnam par bcad pa ste/ thams cad stong pa nyid do/ /bdag gi lus ni bkru bar bya zhes bya ba ni thams cad stong pa nyid kyi chus tha mal pa'i rtog pa'i dri ma bkru ba'o/ /mnyam nyid thams cad rigs pas gnas/ bsrung ba'i 'khor lo zhes bya ba la/ mnyam nyid thams cad rig pa zhes bya ba ni/ thams cad stong par rig pa'i ting nge 'dzin zhes bya ba'o/ /gnas zhes bya ba ni rten te bsgom pa po'i lus so/ /bsrung ba'i 'khor los bsrung ba ste/ stong pa nyid bsgom pa sngon du 'gro ba'i 'khor lo bsgom pas lus bsrung ngo/ /zhes bya ba'i

  686. 343b

    don to/ /yang na 'di'i don ni stong pa nyid bsgom pa'i rjes la rdo rje dra ba la sogs pa bsrung ba'i 'khor los phyi rol gyi gnas bsrung bar bya ba 'di yin no/ /btso bar bya zhes bya ba ni dbang gi las kyi dus su bdag dang gzhan kha dog dmar por btso'o zhes bya ba'i don to/ /ye shes can gyis bsrung bsgoms na/ /'jigs pa kun las ring bar 'gyur zhes bya ba ni/ bsrung ba'i 'khor lo des rgyal po'i btson ra la sogs pa'i 'jigs pa thams cad thag bsrings par 'gyur pa'o zhes bya ba'i don to// sems can dngos po med pa ru/ /sbyor ba'i dngos pos 'jigs pa la/ /zhes bya ba la sems can dngos po med pa zhes bya ba ni/ thams cad stong pa nyid kyi ting nge 'dzin to/ /ru zhes bya ba ni de las zhes bya ba ste/ lnga pa'i don gyis gnyis pa yin no/ /sbyor ba'i dngos po zhes bya ba la sbyor ba zhes bya ba ni lha'i sbyor ba'o/ /dngos po ni bsgom pa'o/ /gang la zhe na 'jigs pa la ste/ 'di'i don ni nad la sogs pas 'jigs pa zhi bar bya ba'i dus su las dang rjes su mthun pa'i mdog la sogs pa dang ldan pa'i lha'i sku ru bsgom mo zhes bya ba 'di yin no/ /lha'i sbyor ba de nyid gsungs pa/ zla ba'i dkyil 'khor zhes bya ba la sogs pa la 'di dag gi don ni stong pa nyid kyi rnal 'byor gyi rjes la/ pad+ma 'dab ma brgyad kyi steng du zla ba'i dkyil 'khor la yi ge tAM gi sa bon las byung ba'i utpa la lte bar tAM gis mtshan pa/ de yongs su gyur pa las/ bdag nyid sgrol ma'i gzugs su bsgom par bya'o/ /zhes bya ba 'di yin no/ /bskyed pa'i mthar yan lag drug tu dgod pa gsungs pa/ oM tAM re mgo bo la'o zhes bya ba la sogs pa ste/ de dag gis ni/ gnas drug po byin gyis brlab par 'gyur ro/ /da ni phyag la sogs pa'i nges pa bstan pa'i phyir/ phyag gnyis zhes bya ba la sogs pa ste/ kun tu mi 'jigs sbyin pa dang zhes bya ba ni/ skye bo thams cad

  687. 344a

    mi 'jigs pa sbyin pa ste/ phyag g.yas pa zhes bya ba'i lhag ma'o/ /gzhan gyis zhes bya ba ni/ g.yon pa ste rna drung utpa la bsnams zhes bya ba ni/ utpa la'i 'dab ma rna ba la reg pa dang bcas pa'i utpa la bsnams pa'o/ /thad 'od zer can bsgoms nas zhes bya ba ni bsrung ba'i skabs su bcom ldan 'das ma dang sngags rnams mdog ljang sngon du bsgoms la sku'i 'od zer sngags dang bcas pa'i 'khor lo'i 'od zer thams cad kyis bsrung bar bya ba la khyab par bsam mo zhes bya ba'i don to/ /khyad par du ni sngags bzlas bya zhes bya ba ni srung ba'i skabs su phreng ba'i sngags/ oM tA re tut+tA re tu re lhas byin rak+Sha swAhA zhes bya ba'i khyad par bzlas pa'o/ /bsrung ba thams cad kyi sngags so zhes bya ba ni rgyal po'i btson rar bcings pa la sogs pa'i 'jigs pa thams cad las bsrung ba'i ched kyi sngags so/ /zhes bya ba'o/ /lhag ma ni go sla'o/ /shes rab zhan dang le lo sogs zhes bya ba ni bsam par bya zhes bya ba snga ma dang 'brel te/ yid gzhungs par 'dod pas kyang 'khor lo snga ma de nyid la sngags g.yon bskor du bkod nas mu khyud la yang a la sogs pa'i yi ge bkod la/ bsgom pa dang bzlas pa byas na blo dman pa rnams blo dang ldan par 'gyur ro/ /'khor lo bris nas bcang bya ba ces bya ba ni gro ga la sogs pa la 'khor lo bris nas lus la bcang ba'o/ /bsrung ba bzang po zhes bya ba ni de tsam gyis kyang bsrung ba'i dam par 'gyur ro zhes bya ba'i don to/ /'di yis ni zhes bya ba ni sngar bstan pa'i rim pa ste/ bsrung ba'i phyir sgrol ma'i rnal 'byor gyis bsngags bsgom pa dang/ bzlas pa dang bri ba'i rim pas zhes bya ba'i don to/ /nye bar bsdu ba'i phyir/ bsrung ba zhes bya ba la sogs pa smos te/ bsrung ba thams cad kyi phyir/ de nyid sbyor ba ces bya ba

  688. 344b

    ni lha'i sbyor ba'i de kho na nyid kyi 'khor lo bsgrub par bya'o zhes bya ba'i don to/ /da ni shes rab kyi 'khor lo bstan pa'i phyir/ 'khor lo zhes bya ba la sogs pa smos te/ 'khor lo 'dab ma brgyad pa zhes bya ba ni 'khor lo rtsibs brgyad pa'o/ /phyi rol mu khyud bskor nas su zhes bya ba ni 'khor lo'i phyi rol ri mo gnyis kyis bskor bar bsgom mo/ /dbus su thog ma tha ma ste zhes bya ba ni 'khor lo sngar bstan pa ltar 'khor lo 'di la yang dbus kyi re mig la thog ma dang tha ma'i yi ge oM dang hA bri bar bya'o/ /bzlas pa thams cad bzhag par bya zhes bya ba ni phyi rol gyi rtsibs rnams la bzlas par bya ba'i sngags lhag ma rnams bri ba'o/ /mu khyud dbyangs kyis bskor nas su zhes bya ba ni mu khyud la dbyangs kyi yi ge rnams bri ba ste/ de la dbus su ni oM hA zhes bya ba'i sa bon bri ba'o/ /rtsibs rnams la ni pre dz+nyE mahA pra dz+nye hUM swA zhes bya ba sa bon rnams so/ /mu khyud la ni dbyangs kyi yi ge bri'o zhes bya bar 'gyur ro/ /'dir yang stong pa nyid kyi bsgom pa sngon du 'gro bas lha'i rnal 'byor gyis 'khor lo bsgoms na/ 'og na smos pa'i phan yon thob par 'gyur ro/ /yan lag thams cad ces bya ba la sogs pa smos te/ yan lag thams cad phye ba ces bya ba ni/ phung po la sogs pa thams cad 'jig pa'o/ /de nyid bstan pa'i phyir/ sngon gyi mtshan nyid ldan pa yis/ mnyam nyid stong par bsams nas su ces bya ba smos so/ /sngon gyi mtshan nyid ldan pa yis zhes bya ba ni bdag gis gdan gyi rim par phye ba gsum pa las bstan pa'i gzugs stong la sogs zhes bya ba la sogs pa'i gzhung gis yul dang dbang po dang rnam par shes pa rnams stong pa'i mtshan nyid du bya ba ste/ 'di yang rim pa des bdag nyid mnyam pa nyid kyis sbyang bar bya'o/ /sngar bstan bzhin du sbyang bar bya zhes bya ba ni snang ba med pa'i stong pa las lhar bsgoms te/ de yang stong pa nyid kyis myur?

  689. 345a

    ma ltar dag par bya ba'i don to/ /'khor lo 'di ltar bsgoms pa yis zhes bya ba ni de nas 'khor lo sngar bshad pa ltar bsgom pa'o/ /oM zhes bya ba la sogs pa ni bri ba'i sngags te/ pra la sogs pa'i sngags ni/ g.yon skor gyis bri bar bya'o/ /de la rnal 'byor thams cad kyi thog mar ni stan bde ba la gnas nas snying gar rang gi sa bon lta ste/ de'i 'od zer gyis bla ma dang sangs rgyas la sogs pa snang bar byas la/ 'od zer de las byung ba'i me tog la sogs pa'i mchod pas mchod nas sdig pa bshags pa la sogs pa byas te/ stong pa nyid bsgoms nas/ lhar bsgom pa 'di ni rnal 'byor thams cad kyi thun mong ngo/ /de las shes rab kyi pha rol tu phyin pa'i khyad par gyi bsgom pa bstan pa'i phyir/ zla ba'i dkyil 'khor zhes bya ba la sogs pa smos te/ shes rab bdag nyid bsgoms nas su zhes bya ba ni bdag nyid shes rab kyi pha rol tu phyin par bsgom pa'o/ /'di dag gis 'di skad du/ pad+ma dang zla ba'i steng du sa bon hUM las byung ba'i sdong bu dang bcas pa'i pad+ma'i steng du shes rab kyi pha rol tu phyin pa'i po ti hUM gis mtshan pa/ de yongs su gyur pa las/ shes rab kyi pha rol tu phyin ma sku mdog dkar mo phyag gnyis chos sgrogs kyi phyag rgya can/ gru mo gnyis kyi nang nas sdong bu dang bcas pa'i pad+ma gnyis skyes pa la/ shes rab kyi pha rol tu phyin pa'i po ti gnyis kyis mtshan pa'i sgrol ma'i rang bzhin du bdag nyid bsgom mo zhes bya ba 'di yin no/ /'di'i phan yon gsungs pa sa bon 'di ni zhes bya ba la sogs pa ste/ shes rab myu gu zhes bya ba ni/ shes rab kyi yal ga ste/ sa bon las byung ba'i phyir ro/ /dper na ljon shing gi sa bon las byung ba'i myu gu'i yal ga du mar gyes pa ltar shes rab 'phel bar 'gyur ro zhes bya bar dgongs so/ /lhag ma ni go sla'o/ /sbyor ba

  690. 345b

    gzhan bstan par bya ba'i phyir/ snying po zhes bya ba la sogs pa smos te/ 'khor lo rim pa bzhi las snying po'i 'khor lo ni le'u tshe dgu'o/ /rim pa gnyis pa ni bcu gnyis pa'i rim pa gsum pa ni bcu drug pa'o/ /bzhi pa ni mu khyud do/ /de la re mig dgu zhes bya ba ni dbus kyi lte ba dang bcas pa dgu pa'o/ /bar ma zhes bya ba ni snying po'i rim pa dang/ rim pa gsum pa'i bar na gnas phyir ro/ /phyi rol zhes bya ba ni de'i phyi rol na gang gnas pa'o/ /mthar thug ces bya ba ni thams cad kyi tha mar gyur pa'i phyir ro/ /dbus su zhes bya ba ni snying po'i dbus te lte ba la'o/ /bdag gi sems zhes bya ba ni yi ge hUM ste/ ye shes mkha' 'gro ma'i rang bzhin no/ /phyag 'tshal sreg pa mthar bzhag pa zhes bya ba ni bshad zin to/ /bsdus pas oM hUM swAhA zhes bya bar 'gyur ro/ /yi ge brgyad po zhes bya ba ni/ mkha' 'gro ma dang/ drag mo dang/ gtum mo dang/ ro langs ma dang/ seng ge mo dang/ stag mo dang/ ce spyang mo dang/ 'ug pa mo ste rnal 'byor ma brgyad kyi sa bon gyi yi ge rim pa bzhin du suM k+ShuM yuM hUM smryuM hmryuM ymryuM k+Sh+mryuM zhes bya ba rnams so/ /sgra dang thig ler ldan pa ni bshad zin to/ /snying por dgod ces bya ba ni/ shar phyogs la sogs pa'i phyogs kyi re'u mig bzhi la/ g.yon skor gyis sum la sogs pa dgod cing/ dbang ldan la sogs pa'i mtshams kyi re'u mig la smryuM la sogs pa g.yas skor gyis dgod par bya'o/ /bcu gnyis pa la dbyangs sa bon zhes bya ba ni/ rim pa bar ma'i re'u mig bcu gnyis la dbyangs kyi yi ge bcu gnyis shar la sogs par mthar chags kyis bri ba'o/ /ma ning spangs par bri bar bya zhes bya ba ma ning yi ge ni ri rI li lI'o/ /spangs pa ni dor ba ste/ lhag ma a la sogs pa gzung ba'i don to/ /sde mtshan gsum gyi yi ge rnams zhes bya ba ni ka'i sde tshan dang/ ce'i sde tshan

  691. 346a

    dang/ Da'i sde tshan ste sde tshan gsum gyi yi ge bco lnga po rnams gzung ngo/ /yi ge lhag ma cig ces bya ba ni sde tshan lhag ma'i yi ge gcig ste yi ge ta'o/ /yang na bco lnga'i lhag mar gyur pas lhag ma'o/ /bsdus pas bcu drug du 'gyur ro/ /bcu drug gnas su bzhag par bya zhes bya ba ni phyi rol gyi re'u mig bcu drug gi gnas su rim bzhin du bsgom pa'o/ /sgra dang thig ler ldan pa ni zhes bya ba ni go bar zad do/ /gsod pa'i yi ge zhes bya ba ni yi ge phaT do/ /des ji ltar bskor zhe na/ thams cad rig pas kun tu bskor zhes bya ba smos te/ grangs kyi nges pa med par mu khyud la kun tu 'khor bar bskor ro/ /zhes bya ba'i don to/ /'khor lo'i kha dog gsungs pa/ /dang po'i zhes bya ba la sogs pa'ang dang po ni re'u mig dgu pa ste dkar po'o/ /gnyis pa ni re mig bcu gnyis pa ste ser po'o/ /gsum pa ni re mig bcu drug pa ste dmar po'o/ /bzhi pa ni mu khyud de sngon po'o/ /mngon spyod kyi las la ni re mig bcu drug pa'ang sngon por bya'o zhes bya ba man ngag las bshad do/ /'khor lo rim pa bzhi po de dag ni ye shes mkha' 'gro ma'i sku bsgom par shes par bya'o/ /de nyid kyi phyir gsungs pa/ sngon bzhin zhes bya ba la sogs pa smos te go sla'o bsgom par bya ba zhes bya ba ni ye shes mkha' 'gro ma zhes bya ba'i lhag ma'o/ /'khor lo 'di zhes bya ba ni/ 'khor lo mngon du bya ba'i phyir ro/ /mnyam gzhag dngos po bsgom pa yis zhes bya ba ni shin tu mnyam par bzhag cing goms bas so/ /kun nas thams cad 'bar ba ste zhes bya ba la sogs pa la/ me ltar 'bar ba zhes bya ba ni 'od dang bcas pa'i me 'bar bas shing bsreg pa ltar kun nas thams cad 'bar ba'i 'khor los bgegs la sogs

  692. 346b

    pa'i bdud kyi sde thams cad kyi bud shing bsreg cing med par byed do/ /ces bya ba'i don to/ /kun nas nyon mongs g.yogs pa yang zhes bya ba ni nyon mongs pa'i rigs can rnams kyang ngo/ /lhag ma ni go sla'o/ /sbyor ba gzhan gyi bsgom pa bstan pa'i phyir ro/ /mnyam nyid ces bya ba la sogs pa smos te/ mnyam nyid ye shes bskyed nas su/ /bdag nyid nam mkha' bsgoms byas la/ zhes bya ba'i don ni mnyam pa nyid kyi ye shes las stong pa nyid kyis sbyangs pa'i ye shes kyi mkha' 'gro mar bskyed la/ 'og nas 'byung ba rnams bya'o zhes bya ba yin no/ /de nyid gsungs pa/ 'od zer zhes bya ba la sogs pa la/ snying gar 'od dang ldan pa'i nyi ma'i dkyil 'khor bsgoms la/ de'i dbus su sa bon gyi yi ge bzung ba ste bsgom pa'o/ /de yang gang yin zhe na sde tshan zhes bya ba la sogs pa smos te/ sde tshan dang po'i yi ge dang po'i yi ge dang po ni yi ge ka'o/ /lcags kyu ni yi ge i ste/ gzir ba ni steng du bri ba'o/ /rtsa bar re pha sbyar nas su zhes bya ba ni 'og tu yi ge ra gdags pa'o/ /bdud rtsi zhes bya ba ni zla tshes so/ /thig le ni thigs pa ste/ de dag ni steng du dgod pa'o/ /bsdus pas kriM zhes bya bar 'gyur ro/ /lhag ma ni go sla'o/ /rgyal po ni grags par zad do/ /rgyal po'i pho brang ni rgyal po'i bzhugs gnas kyi grong khyer ro/ /yid can gyis ni bsam par bya zhes bya ba la yid can ni rnal 'byor pa'o/ /bsam par bya zhes bya ba ni rang gi snying gar nyi ma la gnas pa'i sa bon kriM gi 'od zer gyi bdag nyid kyang btso bar bya zhing/ rgyal po dang/ pho brang gi skye bo rnams kyang kha dog btsos par bsams na dbang du 'gyur ro/ /zhes bya ba'i lhag ma yin no/ /da ni bu mo dbang du bsdu ba bstan pa'i phyir/ yi ge gnyis 'gyur zhes bya ba la sogs pa smos te/ yi ge gnyis 'gyur zhes bya ba ni yi ge k+Sha'o/ /thigs pa ni go bar zad do/ /rtsa bar sgra

  693. 347a

    ni sbyar bar bya zhes bya ba la rtsa ba ni 'og tu'o/ /sgra ni u thung ngu ste/ a'u ring po sgra yin par bshad mod kyi 'dir man ngag gis u thung du gzung bar bya ste/ dper na lcags kyu zhes bya ba a'i ring po yin mod kyi skabs kha cig tu i thung bzung ba yin no/ /bdud rtsi mdza' zhes bya ba la/ bdud rtsi ni chu'o/ /de'i mdza' ni me ste/ 'dir yi ge k+ShuM yang me'i rang bzhin yin pas de skad ces bya'o/ /yang na bdud rtsi zhes bya ba ni yi ge swAhA'o/ /mthar ni mthar bzhag pa ste/ de dag gi thog mar oM bzhag par shes par bya'o/ /des ni oM k+ShuM swAhA/ zhes bya ba'i sngags su 'gyur ro// 'bum phrag gcig gis dbang du bsdud ces bya ba ni ye shes mkha' 'gro ma'i rnal 'byor dang ldan pas sngags 'di sngon du bsnyen pa 'bum phrag gcig snga ma ltar bzlas pas bsnyen pa byas la/ de nas gang zhig bsgrub par bya ba'i bu mo yang kha dog dmar por bsams la ye shes mkha' 'gro'i rnal 'byor pas bsgrub bya bsgrub pa'i dus su/ oM k+ShuM che ge mo wa sha ma nA ya swAhA zhes ming dang spel (bar bzlas na gdon mi za bar dbang du 'gyur ro zhes bya ba'o/) /sa bon kriM gi sbyor ba gzhan bstan pa'i phyir/ bu mo rnams zhes bya ba la sogs pa smos te/ gang bsams pa zhes bya ba la sogs pa ni skyes pa gang zhig bsgom par bya ba 'dod na rang gi skye gnas su yi ge kraM dmar po bsgom zhing skyes pa'i snying gar yang yi ge kraM gi sa bon bsgoms nas sa bon de nyid 'bum phrag gcig tu bsnyen pa byas nas ming dang spel bar bzlas na gdon mi za bar dbang du 'gyur ro/ /zhes bya ba'i don to/ sbyor ba gzhan bstan pa'i phyir sngon gyi mtshan nyid ces bya ba la sogs pa smos te/ sngar bstan bzhin du stong pa nyid thams cad bdag nyid bsam nas su zhes bya ba ni stong pa nyid bsgoms pa'i mthar bdag nyid ye shes mkha' 'gro ma mdog ser

  694. 347b

    mor bsgoms nas 'og nas 'byung ba rnams bsgom mo zhes bya ba lhag ma yin no/ /de dag kyang gang zhe na/ zla ba'i dkyil 'khor zhes bya ba la sogs pa smos te/ bdud rtsi zhes bya ba ni yi ge sa'o/ /kun rig phyi mo zhes bya ba ni yi ge oM mo/ /bces zhes bya ba ni sbyor ba te sbyor bas so zhes bya bar 'gyur ro/ /'od zer sna tshogs rnam par 'phro zhes bya ba ni 'od kyis 'khrugs pa'o/ /'dir man ngag ni yi ges mkha' 'gro ma'i rnal 'byor la gnas nas sngags 'di bsnyen pa 'bum du bya ste sgrub pa'i dus su bsgrub par bya ba'i lte ba'i 'og tu zla ba'i dkyil 'khor ser po la yi ge saM dmar po bsgoms te/ skye gnas kyi nang du yang yi ge kriM bsgoms na 'dzag par 'gyur ro/ /zhes bya ba 'di yin no/ /nor bu dgug pa'i sbyor ba gsungs pa/ kha dog ces bya ba la sogs pa la/ kha dog ces bya ba ni/ kha dog dmar po'o/ /ser po zhes bya ba ni kha dog ser po'o/ /thams cad rang gi dbugs kyis dgug ces bya ba ni rang gi dbugs kyi 'od zer gyi lcags kyus dgug pa'o/ /'dir yang man ngag ni rang gi snying gar zla ba'i dkyil 'khor gyi steng du/ yi ge soM ser po bsgoms la/ dgug par bya ba rin po che la sogs pa ni yi ge saM dmar po'i gzugs su bsams nas rang gi dbugs las byung ba'i sa bon saM gi 'od zer gyi lcags kyus dgug pa 'di yin no/ /sbyor ba gzhan bstan pa'i phyir/ sgrub pa po'i zhes bya ba la sogs pa smos te/ sgrub pa po zhes bya ba ni bsgrub bya'o/ /lus la zhes bya ba ni snying gar ro/ /nyi ma'i dkyil 'khor dbus gnas par/ rlung gi sa bon gyis bskor ba'i zhes bya ba la sogs pa'i don ni bsgrub bya kha dog dmar por bsams la de'i snying gar nyi ma'i dkyil 'khor la/ yi ge yuM gis bskor ba'i sa bon kriM dmar por sems kyi rang bzhin bsgom mo/ /zhes bya ba yin no/ /zla ba'i dkyil 'khor dbus gnas par zhes bya ba la sogs pa'i don yang zla ba'i dkyil 'khor gyi steng du

  695. 348a

    bdag nyid ye shes mkha' 'gro ma sku mdog dmar mo phyag g.yon na lcags kyu bsnams shing g.yas pas sdigs mdzub kyi rtse mor nyi ma la gnas pa'i sa bon kriM dang ldan par sprul la/ /g.yon pa'i lcags kyus bsgrub bya'i mgrin pa nas bzung ste/ sa bon kriM dang ldan pa'i sdigs mdzub bskyod par bsgrub bya'i snying gar gnas pa'i kriM bskyod par bsams la/ oM k+ShuM che ge mo'i ma na A karSha ya swAhA zhes bzlas par bya ba 'di yin no/ /yi ge gnyis 'gyur zhes bya ba la sogs pa ni bshad zin to/ /de ltar bsgom zhing bzlas nas su zhes bya ba la/ bsgom pa zhes bya ba ni bsgrub bya sgrub pa'i dus su sngar bshad pa ltar yi ge kriM bsgom pa'o/ /bzlas pa ni yi ge k+ShuM ngo/ /sor mo yang ni bskyod byas na zhes bya ba ni bshad zin to/ /bsgrub bya'i yid ni bskyod 'gyur pa/ /zhes bya ba ni yid 'gugs par 'gyur ba'o/ /'bum phrag gcig gis 'grub par 'gyur zhes bya ba ni sngon du bsnyen pa'i dus su sa bon kriM k+ShuM gnyis ka 'bum phrag re re bzlas pas 'grub par 'gyur ba'i don to/ /gzhan sgrub pa'i dus su ni sa bon k+ShuM bzla bar bya ste/ de yang grangs kyi nges pa ni yod pa ma yin no/ /da ni rgyal ba'i dbang du byas nas gsungs pa/ 'khor lo zhes bya ba la sogs pa la 'dab ma brgyad ba zhes bya ba ni/ rtsibs brgyad pa ste mu khyud dang bcas pa'o/ /mu khyud la dbyangs kyi yi ges bskor bar bya ste/ de nyid kyi phyir dbyangs kyi yi ge zhes bya ba la sogs pa smos so/ /sde tshan lnga pa gang yin pa'i/ /yi ge gsum pa gzung nas su/ /zhes bya ba ni yi ge ba bzung ba'o/ /i dang re pha sbyar nas ni zhes bya ba ni brda phrad par zad do/ /man ngag gis ni thig le yang gzung bar bya ste/ bsdus pas bri zhes bya bar 'gyur ro/ /'bad pas dbus su bzhag par bya zhes bya ba ni/ re'u mig dbu ma la bri ba'o/ /ci

  696. 348b

    zhig ce na/ ye shes can gyi sa bon 'di zhes bya ba smos te/ sa bon 'di zhes bya ba ni yi ge briM ngo/ /ye shes can ni ye shes dang ldan pa'o/ /sgra'i 'dun pa dang skyar la zhes bya ba la sgra'i 'dun pa ni yi ge ri'o/ /sbyar ba ni ldan pa ste/ sde tshan lnga pa gang yin pa'i yi ge gsum pa gzung nas su zhes bya ba dang sbyar ro/ /man ngag gis ni thig le yang gzung bar bya ste/ des ni bri zhes bya bar 'gyur ro/ /'dab ma rnams la de nyid de zhes bya ba ni/ phyogs mtshams kyi 'dab ma rnams la yang briM zhes bya ba de nyid bya ba ste/ 'khor lo'i rtsibs rnams la sgra'i bdun pa dang sbyar bar briM bri'o/ /zhes bya ba'i don to/ /de nyid gsal bar bstan pa'i phyir/ 'dab mar 'di nyid bzhag par bya zhes bya ba smos so/ /kha cig na re sgra'i bdun pa zhes bya ba ni yi ge e la bya ste/ des ni beM zhes bya bar 'gyur zhes zer ro/ /gser gyi mdog tu bsgom par bya zhes bya ba ni 'khor lo'i kha dog go /ji ltar bsgom zhe na/ sngar bstan zhes bya ba la sogs pa smos te/ sngar bstan bzhin du mkhas pas bsgom zhes bya ba ni stong pa nyid kyi ting nge 'dzin bsgom pa'o/ /de 'og lha mo nor rgyun gyi/ gzugs su bdag nyid bskyed par bya zhes bya ba ni stong pa nyid kyi mthar zla ba'i dkyil 'khor gyi steng du sa bon bri las byung ba'i 'bras kyi snyem sa bon briM gis mtshan pa yongs su gyur pa las byung ba'i lha mo nor rgyun ma mdog ser mo phyag gnyis par bsgom pa'o/ /de nyid kyi khyad par bstan pa'i phyir/ gzugs mdzes zhes bya ba la sogs pa smos te/ rgyan thams cad kyis klubs shing/ rin po che'i cod pan la rdo rje sems dpas mtshan pa phyag g.yas pas skye bo thams cad la mi 'jigs pa sbyin pa dang/ g.yon pas 'bras kyi snyem bsnams nas nor dang 'bru'i char 'bebs pa'i skur bsgoms la/ de'i thugs kar sngar bstan pa'i 'khor lo bsgom par bya'o/ /bsgom pas dub na sngags bzlas

  697. 349a

    pa bstan pa'i phyir/ dbus su bstan pa'i zhes bya ba la sogs pa smos te/ dbus su bstan pa'i sa bon ni yi ge briM ngo/ /phyag 'tshal zhes bya ba la sogs pa ni go sla'o/ /bsdus pas oM briM swAhA zhes bya bar 'gyur ro/ /lhag ma ni brda phrad par zad do/ /sbyor ba gzhan bstan pa'i phyir/ bdag nyid ces bya ba la sogs pa smos te/ bdag nyid ces bya ba ni bdag nyid la'o/ /ci zhig ce na/ rnam gzhag thams cad ces bya ba sa bon thams cad bzhag pa'i 'khor lo'o/ /bye brag gzhan zhes bya ba ni las kyi bye brag gzhan te bshad par bya zhes pa blta'o/ /bdag nyid sngon gyi mtshan nyid kyis/ stong pa'i de nyid bsgoms nas su zhes bya ba ni dang po stong pa'i de kho na nyid bsgoms nas ye shes mkha' 'gro'i bdag nyid du bsgom mo zhes bya ba'i don to// nyi ma'i dkyil 'khor dbus gnas par/ zla ba'i dkyil 'khor bsgom par bya zhes bya ba ni/ lha mo'i thugs kar pad+ma'i steng du 'khor lo'i gzhi nyi ma dang zla ba bsgom pa'o/ /zla ba'i dkyil 'khor dbus gnas par zhes bya ba ni 'dab ma brgyad pa'i 'khor lo bsam zhes bya ba dang 'brel to/ /ye shes rnam shes dngos po bsgom zhes bya ba ni/ yi ge hUM bsgom pa'o/ /gang du zhe na dbus su zhes bya ba smos te/ 'khor lo'i lte ba la'o/ /phyi rol zhes bya ba la sogs pa ni go sla'o/ /rtsibs rnams la dgod pa gsungs pa/ phyogs kyi zhes bya ba la sogs pa la/ phyogs kyi 'dab ma ni phyogs kyi rtsibs rnams so/ /bdud rtsi zhes bya ba ni sa'o/ /gug rkyeng kun zhes bya ba ni oM ste sbyar bas na soM zhes bya bar 'gyur ro/ /des ni shar la sogs pa'i rtsibs bzhir sa bon soM zhes bya ba bri bar ston te/ g.yon skor du sbyar bar bya'o/ /mtshams kyi 'dab ma bzhi la yang/ /sangs rgyas lnga yis mngon par brgyan zhes bya ba ni mtshams kyi rtsibs bzhi la hUM zhes bya ba'i sa bon bzhi

  698. 349b

    g.yas skor du bsgom pa'o/ /zla ba'i dkyil 'khor rdzogs pa ni zhes bya ba ni rang gi lus la bsgom par bya zhes bya ba dang 'brel te/ rang gi lus kyi snying gar zla ba la gnas pa'i 'khor lo de lta bu bsgom mo zhes bya ba'i don to/ /'od zer sna tshogs 'bar ba can/ rin chen bdun gyis mdzes pa ste zhes bya ba ni de nas 'khor lo las 'phros pa'i 'od kyis 'gro ba thams cad glang po rin po che la sogs pa rin po che sna bdun dang ldan par byas la/ slar bsdus te rang gi lus la bcug nas yang de nyid goms par bsgom pa'o/ /gang 'dod yid ni rtogs bya'i phyir/ de yi 'od zer sbyar bar bya zhes bya ba ni 'og nas bshad par bya'o/ /rang gi lus la ji ltar bsgom zhe na/ 'jigs pa med cing 'tshe med par/ dngos pos dngos po bsgom par bya zhes bya ba smos te/ 'jigs pa la sogs pa dang bral ba'i gnas su stong pa nyid kyi dngos pos 'khor lo dang bcas pa'i lha'i dngos po goms par bsgom pa'o/ /yang na 'jigs pa dang 'tshe ba ni bying ba dang rgod pa ste/ de dang bral bar gyur pa'i bar du bsgom pa'o/ /rmugs dang zhes bya ba la sogs pa ni go sla'o/ /de dag gis ni bdag dang gzhan gyi don bstan to/ /da ni gang 'dod yid ni rtogs bya'i phyir zhes bya ba la sogs pa bshad pa'i phyir/ mnyam gzhag ces bya ba la sogs pa smos te/ de ltar 'khor lo shin tu goms par bsgoms nas 'khor lo las 'od zer dkar po spros to/ /phyogs bcur khyab nas gang gis yid rtogs par 'dod pa de'i ye shes bkug ste/ rang gi sems te yi ge hUM la btsud nas bltas na de'i sems shes par 'gyur ro/ /sems ni mnyam par bcing nas su zhes bya ba ni yang 'khor lo de nyid shes pas goms par bsgoms pa las/ 'khor ba'i pha rol tu brgal zhing thar pa thob par 'gyur zhes ston to/ /sbyor ba gzhan bstan pa'i phyir/ zla ba'i dkyil 'khor zhes bya ba la sogs pa

  699. 350a

    smos te/ ye shes sa bon gyis sprul pa zhes bya ba ni/ 'phags pa rnam par snang mdzad gtso zhes bya ba dang 'brel to/ /de la ye shes ni rang gi sems te sems kyi sa bon tsam las skad cig gis bskyed do/ /zhes bya ba'i don to/ / yang na ye shes sa bon ni a ste de las bskyed pa'o/ /de nyid kyi khyad par bstan pa'i phyir/ pad+ma'i stan la zhes bya ba la sogs pa smos so/ /phyag gnyis phyag rgya che bcings nas/ snying ga'i phyogs su 'tshir bar mdzad ces bya ba ni phyag gnyis phan tshun bsnol nas snying gar lha mo la 'khyud pa'i tshul du byed pa'o/ /kha cig ni dngos su lha mo dang bcas pa'o zhes zer ro/ /sangs rgyas sprin ni rnam par spro zhes bya ba ni rang gi sku las sangs rgyas rnam pa lnga 'phro bar bsgom pa'o/ /de ci zhig mdzad ce na/ spro ba sna tshogs mi zad pas/ sems can khams ni sgrol bar mdzad ces bya ba smos te/ 'jig rten gyi khams thams cad du khyab nas sems can rnams 'khor ba las sgrol ba'i bya ba mdzad pa'o/ /mi zad pa zhes bya ba ni 'od te/ sdug bsngal gyi tshogs sreg pa la 'jebs pas so/ /des cir 'gyur zhe na/ shes rab ces bya ba la sogs pa smos te/ shes rab rdo rje zhes bya ba ni mi phyed pa'i shes rab bo/ /'gro ba sgrol ba ni de'i mthu ste de thob par 'gyur ro zhes bya bar sbyar ro/ /'di'i sngags btu gsungs pa/ dbyangs yig dang po mchog sa bon zhes bya ba la sogs pa ste dbyangs yig dang po ni a'o/ /de nyid ni sa bon gyi mchog ste yig 'bru'i dam pa'o/ /mdza' ru tsheg drag sbyar bar bya zhes bya ba ni blo ru tsheg gnyis bzhag pa'o/ /phyag 'tshal sreg pa'i mdza' dang ldan zhes bya ba ni bshad zin to bsdus pas oM a(rgyud 'grel): swAhA zhes bya bar 'gyur ro/ /lhag ma ni so sla'o/ /sbyor ba'i gdan zhes bya ba la sogs pa la/ gzhung 'dis bsrung ba dang

  700. 350b

    shes rab kyi 'khor lo la sogs par rab tu gsal bar byed pas rab tu byed pa'o/ /dpal gdan bzhi pa'i 'grel pa dran pa'i rgyu mtshan zhes bya ba las sbyor ba'i gdan gyi rim par phye ba gnyis pa'o// //da ni dbab pa la sogs pa'i rim par phye ba bstan pa'i phyir/ byin rlabs zhes bya ba la sogs pa smos te/ byin rlabs shes bya ba ni dbab pa'o/ /sbyor ba'i ngo bo dag ces bya ba ni dbab pa'i sbyor ba rnal 'byor pa rnams kyis nyams su blang zhing bsgom pa'o/ /ci 'dra zhe na/ gang gi sems can rnams la bstan zhes bya ba smos te/ dbab pa gang zhig sngon du 'gro bas sems can rnams la chos bstan pa'o/ /yang na dar sha na ni lta ba ste/ byin gyis brlab pa'i sbyor ba gang zhig gis sems can la bltas na ye shes dbab par 'gyur ba'o/ /rim pa zhes bya ba ni dbab pa'i cho ga ste bya ba'i rim pa'o/ /lan gsungs pa/ sems can zhes bya ba la sogs pa la/ sems can rmongs pa gso ba'i phyir zhes bya ba ni/ rmongs pa'i 'dab ma du bying ba'i sems can rnams kyi nyon mongs pa'i nang gso ba'i phyir te/ 'di ltar gsal snang dbab pa las ni dad pa skye bar 'gyur ro/ /dad pa las ni lha'i ting nge 'dzin bsgom mo/ /bsgoms pas mi shes pa 'byang ngo/ /des nyon mongs pa'i nad sos par 'gyur te/ de'i phyir nyon cig ces bya bar sbyar ro/ /ci zhig ce na/ yang dag 'khor ba sgrol ba yis/ de nyid ces bya ba smos te/ phyin ci ma log pa'i gsal snang dbab pa'i de kho na nyid kyi lam gang gis sngar smos pa'i tshul gyis na/ 'khor ba las grol bar 'gyur pa'o/ /byin gyis brlabs te chos bstan pa zhes bya ba ni snod kyi bye brag bzhin chos bstan pa'i yan lag go /chos bstan pa'i phyir snying khar zhes bya ba la sogs pa smos te/ snying khar zla ba bsams nas su zhes bya ba ni rang gi snying khar zla ba'i dkyil 'khor bsgom pa'o/ /hUM gi sa bon zhes bya ba la sogs pa ni

  701. 351a

    go sla'o/ /des cir 'gyur zhe na 'od zer zhes bya ba la sogs pa smos te/ phyogs bcu'i 'jig rten khams rnams su zhes bya ba ni bsregs nas su/ sngon bzhin mtshan nyid ldan pa yi/ dang po stong pa nyid du bya zhes bya ba dang 'brel te/ hUM gi me lces thams cad bsregs nas nam mkha' ltar stong par bsgom pa'o/ /me'i dkyil 'khor bsgom par bya zhes pa ni bsgrub bya'i snying gar yang me'i dkyil 'khor gru gsum pa/ dbus su raM gis mtshan ma bsgom pa'o/ /des ci zhig bya zhe na/ gnas rnams zhes bya ba la sogs pa smos te/ gnas rnams thams cad ces bya ba ni bsgrub bya'i yan lag dang/ nying lag thams cad do/ /bsregs pa zhes bya ba ni thal ba tsam lus par bsregs pa'o/ /me yi dkyil 'khor dbus gnas pa'i/ sangs rgyas lnga ni bsam bar bya zhes bya ba ni slar yang bsgrub bya'i snying gar me dang/ pad+ma dang nyi ma'i dbus su sa bon hUM bsgom pa'o/ /sa bon de nyid gsungs pa dbyug pa zhes bya ba la sogs pa smos te/ sngar bshad zin to/ /sa bon de ni zhes bya ba ni sa bon hUM de nyid do/ /de dag kyang ji ltar bsgom zhe na/ dang por bdag nyid bsgrub pa bstan pa'i phyir/ pad+ma zhes bya ba la sogs pa smos te/ ye shes mkha' 'gro'i rang bzhin du zhes bya ba ni bdag nyid bsgom mo/ /zhes bya ba dang sbyar bar bya'o/ /ji ltar zhe na/ ye shes kyi sprul pa zhes bya ba smos te/ ye shes kyi sa bon hUM gis bskyed pa zhes bya ba'i don to/ /de nyid kyi khyad par gsungs pa phyag gnyis zhes bya ba la sogs pa la/ steng gi rdo rje cod pan la/ sangs rgyas lnga yi rnam par brgyan zhes bya ba ni cod pan gyi steng du rdo rje rtse lnga pa la/ sangs rgyas lnga yis mtshan pa ste de la shar du ni rnam par snang mdzad byang du ni rin chen 'byung ldan/ nub tu ni snang ba mdza' yas/ lhor ni don yod grub pa dbus su ni mi bskyod

  702. 351b

    pa 'o/ kha TwAM ga dang rnal 'byor snod ces bya ba ni phyag g.yas na kha TwAM ga bsgreng ba'o/ /g.yon na thod pa bsnams pa'o/ /dbugs me g.yo bar bsgom par bya ba ni ji srid du sems brtan par gyur pa'i bar du bsgom pa'o/ /bsnyen pa bya ba la sogs pa'i sngags btu ba bstan pa'i phyir/ sde tshan gsum pa zhes bya ba la sogs pa smos te/ 'di dag ni sngar bshad zin to/ /bsdus pas oM a(rgyud 'grel): swAhA zhes bya bar 'gyur ro/ /'bum phrag gsum ni bzlas nas su zhes bya ba ni sngar bsnyen pa'o/ /gnyis med gtor ma'i las kyis ni/ de'i 'og tu las rnams bya zhes bya ba la de'i 'og tu zhes bya ba ni bsnyen pa zin pa'i 'og tu'o/ /las rnams zhes bya ba ni sngar smos pa'i dbab pa'i cho ga rnams so/ /bya ba ni dbab par nyams su blang bar bya ba ste/ de dag gi ni 'di skad du bsnyen pa byas pa'i rjes la rang gi snying gar bsgoms pa'i hUM gi me lces chos thams cad bsregs te/ stong pa nyid du bsgoms pa'i mthar pad+ma dang nyi ma la gnas pa'i hUM gis bdag nyid ye shes mkha' 'gro ma ji skad smos pa lta bur bskyed la/ de'i snying gar yang zla ba la gnas pa'i sa bon hUM bsgom mo/ /de nas bsgrub par bya ba'i snying gar raM gyis mtshan pa'i me'i dkyil 'khor bsams nas des lus thams cad thal ba tsam lus par bsregs te/ thal ba'i phung po las hUM gi sbyor bas blangs la/ de'i snying gar me'i dkyil 'khor la gnas pa'i pad+ma dang nyi ma'i steng du/ sangs rgyas lnga'i snying po hUM bsams nas mkha' 'gro ma rnams la gtor ma sbyin pa sngon du 'gro bas yungs kar la oM a(rgyud 'grel): swAhA zhes bya ba'i sngags 'di nyid yongs su bzlas te/ bsgrub par bya ba la bsnun na gsal snang 'bebs par 'gyur ro zhes ston to/ /cho ga lhag ma bstan pa'i phyir/ /bdud rtsi lnga dang ldan pa la zhes bya ba smos te/ bdud rtsi lnga dang ldan ba zhes bya ba ni chang ngo/ /brgyad brgya ru ni bzlas nas su zhes bya ba ni

  703. 352a

    sngags snga ma nyid brgya rtsa brgyad bzlas ba ste/ brgyad lhag pa'i brgya ni brgyad brgya'o/ /cho gar ldan pa zhes bya ba ni 'das ma thag pa'i cho ga rnams byas nas so/ /sbyin pa ni blud pa'o/ /babs nas zhes bya ba la sogs pa la/ rdo rje'i glu zhes bya ba ni/ rol cig rol cig ces bya ba la sogs pa ste/ rdo rje khyod ces bya ba ni rdo rje 'dzin pa la bod pa'o/ /rol cig ces bya ba ni rol pa mdzod cig pa'o/ /shin tu dga' ba'i phyir lan gnyis smos pa'o/ /ci la gnas she na/ thams cad kun nas zhes bya ba la sogs pa smos te/ thams cad ni chos rnams so/ /kun nas ni rnam par dag pa ste/ de la rol cig ces bya bar sbyar ro/ /khyod kyis gsol zhes bya ba ni zad cing dengs pa mdzad pa'o/ /cis ci zhig ce na/ zhan dang drag po'i sbyor ba yis/ /zhes bya ba smos te/ zhan pa ces bya ba ni sdig pa'o/ /drag po ces bya ba ni bsod nams te/ sems can rnams kyi bsod nams dang sdig pa gnyis gsol cig pa'o/ /sbyor bas zhes bya ba ni khyod kyi sbyor bas so/ /de nyid gang zhe na/ skad cig 'khor las bdag mnyam bsgral zhes bya ba smos te/ mnyam pa zhes bya ba ni bcom ldan 'das kyi thabs dang shes rab snyoms par 'jug pas so/ /skad cig ces bya ba ni skad cig las te/ tshe 'di nyid la sangs rgyas su 'jug pa'i phyir ro/ /'khor ba las bdag sgrol cig ces bya ba ni/ bcom ldan 'das la pos nas gsol pa btab pa'o/ /glu 'di yis ni gar byed de/ rdo rje dril bu dkrol bar bya zhes bya ba ni/ rdo rje dril bu dkrol ba'i tshul dang bcas pa'i glus bsgrub par bya bar sngon med pa'i gar la sogs pa la 'jug par 'gyur ba ste/ gar ni nye bar mtshon pa tsam mo/ /oM tiSh+Tha zhes bya ba la sogs pa'i sngags ni babs kyi 'og tu rnal ma la bzhag cing bstan par bya ba'o/ /'di ni tshim bya thams cad bya zhes pa la/ tshim

  704. 352b

    bya zhes bya ba ni/ de la chang blud bas tshim bar bya ba'o/ /thams cad bya zhes bya ba ni slob ma gdong g.yogs kyi ngar gyis bcings nas dkyil 'khor dang nye bar khrid la bzhag nas sgrub pa nyams su blang bar bya'o/ /dbab pa gshegs su gsol ba'i 'og tu dkyil 'khor bstan pa gsungs pa/ rnal 'byor ma kun bstan par bya zhes bya ba ni gdong g.yogs bkrol nas/ rnal 'byor ma rnams lhar gzhug pa'o/ /de'i 'og tu chos bstan pa'i go rims gsungs pa/ dman dang zhes bya ba la sogs pa la/ me tog bor ba las snod rab 'bring rnam pa gsum shes par byas nas de dang rjes su mthun pa'i chos te sgrub pa'i thabs so sor bstan par bya'o zhes bya bar dgongs so/ /de dag ni dbang bskur ba'i cho ga las rgyas par shes par bya'o/ /da ni sngags bzlas pa tsam gyis kyang dbab pa bstan pa'i phyir/ oM yo ga a be sha a zhes bya ba la sogs pa smos te/ shin tu mnyam gzhag rnal 'byor pas/ /'di yis sngon du bsnyen pa bya zhes bya ba ni ye shes mkha' 'gro ma'i rnal 'byor du mnyam par bzhag nas/ sngags 'di yis bsnyen pa 'bum du bzlas so zhes bya ba'o/ /de nas dbab pa'i cho ga gsungs pa/ gnyis med gtor mar ldan pa yis zhes bya ba la sogs pa la/ sgrub pa po yis 'dis gdab bya zhes bya ba ni sngar bsnyen pa byas pa'i sngags 'dis yungs kar la mngon par bzlas nas mkha' 'gro ma rnams la gtor ma byin te bsgrub par bya ba la bsnun pa'o/ /ji ltar zhe na hUM gi sgra ni 'jigs pa yis zhes bya ba smos te/ hUM zhes bya ba'i sgra brjod nas so/ /babs nas slar yang gshegs su gsol ba bstan pa'i phyir/ sngar smos pa yi sngags kyis ni/ bdag nyid ji ltar 'dod bzhin byed ces bya ba smos te/ sngar smos pa'i sngags zhes bya ba ni/ oM tik+Sha yo ga zhes bya ba la sogs pa'o/ /da ni bltas pas dbab pa bstan pa'i phyir/ oM ma na zhes bya ba la sogs pa gsungs te/ oM ma na

  705. 353a

    g+hu ru g+hu ru g+hi sti tsi li tsi li hUM hUM phaT ces bya ba'i sngags 'di ye shes mkha' 'gro ma'i rnal 'byor gyis sngar bsnyen pa 'bum byas na/ phyis lan cig bzlas pa tsam gyis kyang gang la bltas pa de la 'bebs par 'gyur ro/ /de nyid bstan pa'i phyir/ rnal 'byor pa yis ces bya ba la sogs pa smos te go sla'o/ /mchod cing gar la bltas pa yis/ /mthong bas phab ste gar byed do/ /zhes bya ba ni/ tshogs spyod kyi bza' bca' la longs spyod pa'i dus su gang la bltas pa de phab nas gar byed par 'gyur ba'o/ /'dir yang dgrol ba ni sngags snga ma dang sbyar ro/ /sbyor ba gzhan bstan pa'i phyir/ oM bat+tA li zhes bya ba la sogs pa gsungs te/ 'dir yang ye shes mkha' 'gro ma'i rnal 'byor gyis bsnyen pa sngar smos ba ltar bya'o/ /sgrub pa gsungs pa/ thal par zhes bya ba la sogs pa la de dag gis ni ji ltar grags pa'i thal ba la/ sngags snga ma nyid lan bdun mngon par bsngags te/ ro la sogs pa gang yang rung ba la gtor na de nyid zhag bdun gyi bar du spyang ki la sogs pa ces kyang za bar mi 'gyur ro zhes bya ba ston to/ /sbyor ba gzhan gsungs pa/ oM phu ru phu ru man+t+re dza hUM phu phaT/ ces bya ba la sogs pa ste/ 'dir yang bsnyen pa ni sngar bshad pa ltar ro/ /sgrub pa gsungs pa/ skud pa dmar la zhes bya ba la sogs pa la/ 'di dag gi don yang skud pa dmar po la sngags snga ma nyid brgyad brgya bzlas te/ gang gi mgrin par bcings pa de lce spyang du gyur nas 'khyam par 'gyur ba yin no/ /slar dgrol ba gsungs pa/ skud pa dang ni bral gyur na/ /zhes bya ba la sogs pa smos te go sla'o/ /sngar bstan pa'i ye shes mkha' 'gro ma'i skur bsgoms nas bsnyen pa byas te/ de'i 'og tu bzlas pa'i yungs kar gyis bsnun pa

  706. 353b

    dang sngags bzlas pa dang/ bltas pa tsam gyis kyang 'bebs par byed do/ /zhes bya ba de dag la dran pa bskyed pa'i phyir/ /byin rlabs rim pa'i rnal 'byor gyis/ mnyam par bzhag pas bsgom zhing bzla zhes bya ba smos so/ /da ni las gzhan dag bstan par bya ba'i phyir/ zla ba'i dkyil 'khor zhes bya ba la sogs pa gsungs te/ 'di dag gi don ni stong pa nyid bsgoms pa'i 'og tu seng+ge'i gdan la zla ba'i dkyil 'khor gyi steng du rang gi sa bon las rdo rje mkha' 'gro ma ji skad smos pa bzhin du bskyed la/ de'i mdun du bsgrub par bya ba rlung gi dkyil 'khor la gnas pa bltas la bskrad par bya ba 'di yin no/ /skang mthil gnyis su rlung gi ni/ /sa bon stan du bsgom par bya zhes bya ba ni rlung gi sten gdu rlung gi sa bon gnyis la bsgrub bya'i rkang pa gnyis bzhag par bya ste/ de ltar na rlung gi sa bon nyid stan de stegs bu zhes bya ba'i don to/ /sgra dang thig ler ldan pa ni/ /rlung gi sa bon kun gnas par/ /rlung gis bskor ba snying gar bzhag /ces bya ba la thig le zhes bya ba ni sems te/ bsgrub bya'i rnam par shes pa'i rang bzhin yi ge hUM ngo/ /sgra zhes bya ba ni ngag tu brjod pa ste bzlas pa dang bcas pa'o/ /de gang du bsam zhe na/ rlung gi sa bon dbus gnas pa zhes bya ba smos te/ rlung gi sa bon gyi steng du bsgom pa'o/ /rlung gis bskor ba ni rlung la gnas pa ste/ 'di'i don bsgrub bya'i snying gar rlung gi dkyil 'khor de'i steng du rung gi sa bon yuM de'i steng du yi ge hUM tshig tu bzlas pa dang bcas pas bsgom pa yin no/ /thams cad kha dog sngon por bsam zhes bya ba ni bsgrub bya'i lus la sogs pa sa bon hUM gi bar du sngon por bsgom pa'o/ /rang gi dbugs kyi rtse mo yi/ /rlung gi mda' ru sbyar bar bya/ zhes bya ba ni sngar smos pa'i bsgrub par bya ba g.yo ba dang bcas par bsams la/ rang gi sna sgo nas phyir 'byung ba'i dbugs kyi rlung mda' ltar shugs che ba'i rtse mor rlung gi sa bon

  707. 354a

    bsams la/ des bsgrub par bya ba bskyod par bsams pa'o/ /oM yuM be raM ba yum che ge mo yuM phaT/ rnal 'byor pa yis gsang sngags 'di/ /brgyad brgyar bzlas na 'grub par 'gyur zhes bya ba ni sgrub pa'i dus su'o/ /bsnyen pa'i dus su ni ye shes mkha' 'gro ma'i rnal 'byor dang ldan pas bsnyen pa 'bum phrag tu bya'o// //da ni 'khrul 'khor bri bas kyang bskrad pa bstan pa'i phyir/ gro ba zhes bya ba la sogs pa smos te/ sogs pa'i sgras ni zla mtshan can gyi ras la sogs pa gzung ngo/ /dug ni grags par zad do/ /khrag ni mdzub mo'i khrag go /ske tshe dang lan tshwa la sogs pa dang sbyar bar bya ste/ rdzas de dag gro ba la sogs pa la/ sngar bstan pa'i sngags spel ba dang bcas pa bri'o/ /ji ltar bri zhe na/ rnal 'byor mchog ni bzung nas su zhes bya ba smos te/ sngar bstan pa'i rdo rje mkha' 'gro ma'i rnal 'byor la gnas pas so/ /thams cad gnas nas bri bar bya zhes bya ba ni/ bsgrub par bya ba snga ma ltar bsgoms nas bri ba'o/ /brgyad brgya ru ni bzlas ba yi/ /skud ba dmar po dkris nas ni/ /shing gi rtse mor dags par bya zhes bya ba ni/ de'i 'og tu sngags snga ma nyid brgyad brgya bzlas pa'i skud pa dmar pos 'khrul 'khor bcings la/ shing gi rtse mor gdags pa'o/ /shing gi rtse mo gang du gdags she na/ rlung gis spur bar bya zhes bya ba smos te/ rlung gis bskyod de phyogs su gdags pa'o/ /sgom zhes bya ba ni btags pa'i 'og tu bsgrub par bya ba sngar smos pa ltar rlung gi spur zhing bskyod par bsgom pa'o/ /des cir 'gyur zhe na/ gang du rlung gi gzhol 'gyur ba/ de yi phyogs su 'gro bar 'gyur zhes bya ba smos te/ 'khrul 'khor phyogs gang du rlung gis bskyod pa'i phyogs der bsgrub par bya ba 'khyams par 'gyur ba'o/ /rnal 'byor pa yi bskrad pa ni/ /'grub 'gyur 'di la the tshom med ces bya ba ni lha'i

  708. 354b

    ting nge 'dzin dang/ sngags bzlas pa dang ldan pa'i rnal 'byor pas gdon mi za bar 'grub po zhes bya ba'i don to// //da ni dgug pa'i sbyor ba gzhan bstan pa'i phyir/ zla ba'i dkyil 'khor zhes bya ba la sogs pa smos te/ tshigs su bcad pa dang po'i don ni rdo rje mkha' 'gro ma'i rnal 'byor pas sngags 'og nas 'byung ba 'bum phrag tu bzlas pas sngon du bsnyen pa bya bar ston to/ /gnyis med gang ba'i gtor ma ni/ /de yi dbus su sbyar bar bya zhes bya ba la/ de'i zhes bya ba ni maN+Dal dmar pos byugs nas su zhes bya ba 'og nas 'byung ba dang sbyar te/ sgra rnams ni bsam pa la rag las pa'i phyir ro/ /dbus su sbyar bar bya zhes bya ba ni gtor ma sngon du 'gro bas sngags spel ba'i bsgrub bya'i ming dbus su bri ba ste/ dbus su mi ngan? bris nas kyang zhes zer ba'i phyir ro/ /'di'i don ni dri dmar pos ba lang gi ko ba'i tshad tsam byugs pa'i dbus su gtor ma btang la/ oM badzra DA kI nI de sha oM A karSha ya A karSha ya/ oM h+rI hUM phreM phruM phu che ge mo A karSha ya swAhA zhes bya ba bri ba 'di yin no/ /seng ldeng phur bu brgyad kyis btab ces bya ba ni/ seng ldeng gi phur bu sor brgyad kyi tshad la rdo rje rtse gcig pa'i dbyibs lta bu brgyad kyis maN+Dal gyi phyogs dang phyogs mtshams su gdab pa'o/ /gtor ma yongs su gang bar ldan zhes bya ba ni las 'di thog mar gtor ma dang sbyar ba'o/ /skud ba dmar la bzlas nas kyang/ lan bdun bskor bas rab bya zhes bya ba ni/ de nas skud pa dmar po la sngags snga ma nyid brgyad brgya bzlas nas/ des phur bu rnams kyi rtse mor rab ltar rim bdun du bsgor zhing dkri ba'o/ /rdo rje lcags kyus dang?? nas su/ /gsang sngags 'di ni bzlas byas na zhes bya ba ni/ de nas bdag nyid rdo rje mkha' 'gro ma/ phyag na lcags kyu dang zhag pa thogs par bsgoms la/ lcags kyus snying phug cing zhags pas mgrin pa bcings nas bsgrub bya 'ongs par bltas la

  709. 355a

    sngags bzlas pa'o/ /sbyor ba bdag nyid chen po bstan pa'i phyir/ /dpag tshad brgya zhes bya ba la sogs pa smos te/ sbyor ba 'di'i mthus dpag tshad brgya'i phyi rol na gnas pa yang 'gugs shing 'ong bar 'gyur ro zhes bya ba'i don to/ /gzhung nye bar bsdu ba bstan pa'i phyir/ maN+Dal zhes bya ba la sogs pa smos te go sla'o/ da ni bcings pa'i sbyor ba bstan pa'i phyir/ nyi ma'i dkyil 'khor zhes bya ba la sogs pa smos te/ tshigs su bcad pa dang pho 'dis ni stong pa nyid bsgom pa sngon du 'gro bas seng+ge'i gdan la nyi ma'i dkyil 'khor gyi steng du rang gi sa bon las byung ba'i mkha' 'gro drag mor bdag nyid bsgoms nas 'byung ba'i las rnams bya'o/ /zhes ston to/ /de nyid gsungs pa/ nya mo gcig ni bzung nas su zhes bya ba la/ 'di dag gi don ni nya pi ba gcig gzung la mkha' 'gro ma la gtor ma sbyin pa sngon du 'gro bas 'gro ga la sogs pa'i gzhi la/ oM phruM phruM che ge mo'i mu kha band+ha band+ha h+ri h+ri h+ri phruM phaT ces bya ba'i sngags dris la sngags nya'i khar bcug nas nya de'i mgo bo sdog pa g.yon pas brdzis nas sngags de nyid brgyad brgyar bzlas pa bya ba 'di yin no/ /des ni kha bcing bar 'gyur ba'o/ /bya ba thams cad bcings pa de 'gyur zhes bya ba ni/ sngags spel ba'i tshar gcig tu bris nas sems kyi rgyu ba la sogs pa thams cad bcings par 'gyur ba'o/ /kha cig ba'i sbyor ba gzhan gsungs pa/ /thams cad chu la bya ba ste zhes bya ba la sogs pa la/ las gzhan zhes bya ba ni sngags 'di nyid kyi sbyor ba snga ma la bltos pa'o/ /sngags 'di rab tu sbyar nas ni/ bag zan gyis ni dril bar bya ba zhes bya ba ni gro ga la sogs pa la sngags snga ma ltar bris nas/ 'bras phye la sogs pa'i zan gyis dril te dril bur bya ba'o/ /des ci zhig bya zhig bya zhe na/ gang du nya ni

  710. 355b

    gnas pa yi/ /nya yi kha ru gzhug par bya zhes bya ba smos te/ gang du zhes bya ba ni mtsho la sogs pa gang na nya rnams zan la sogs pa za ba bltas la/ de lta bu mthong nas ri lu rnams nya la zan du sbyin pa'o/ /du zhig ji ltar sbyin zhe na/ ri lu brgyad brgya byas nas su/ /lan re bzlas te zar bcug na zhes bya ba smos te/ ri lu brgyad brgya so so re re zhing sngags lan re bzlas la/ ri lu thams cad nya rnams kyi rdzogs par zos kyi bar du byin na ci ltar spel ba bzhin du bya ba thams cad bcings par 'gyur ro/ b+ha ga bcings pa gsungs pa/ rlung gi zhes bya ba la sogs pa la/ tshigs su bcad pa dang po'i don ni/ sngar smos pa'i tshul gyis/ bdag nyid rlung gi dkyil 'khor la gnas pa'i lha mo gtum mo bsgoms nas 'og nas 'byung ba'i las rnams bya'o/ / zhes bya ba yin no/ /de nyid gsungs pa/ gnyis med gtor ma'i las rnams ni/ zhes bya ba la sogs pa la/ de'i zhes bya ba ni 'dir yang/ lci bas pad+ma'i gzugs byas la/ zhes bya ba'i tshig 'o gam dang sbyar te/ lci ba las chos 'byung ba'i gzugs su byas la/ de'i dbus su rab tu bya ba'o/ /ci zhig bya zhe na/ rab tu bya ba de nyid bstan pa'i phyir/ ming dang sngags ni bzhag bar bya/ /zhes bya ba gsungs te gro ga la sogs pa la oM staM b+ha ya staM b+ha ya b+ha ga mu dra hUM phruM phraM che ge mo phaT ces bya ba'i sngags bris nas chos 'byung ba'i gzugs byas pa de'i nang du bzhag pa'o/ /gsang sngags 'di dang ming dag ni/ /rkang pa g.yon pas mnan nas su/ /lan grangs brgyad brgyar bzlas par bya/ /zhes bya ba ni lci ba las byung ba'i chos 'byung ba'i nang du bzhag pa'i ming dang spel ba'i sngags de nyid sgrub pa po'i rdog pa g.yon pas mnan te/ sngags snga ma nyid brgyad brgyar bzlas pa'o/ /des ni gci ba gcings par 'gyur ro/ /de nyid kyi phyir/ chud ma zhes bya ba la sogs pa

  711. 356a

    smos te go sla'o/ /gal te zhi bar 'dod na de'i tshe bya ba bstan pa'i phyir/ mthar ni zhes bya ba la sogs pa smos te/ zhi ba'i sems kyis sngags kyi phreng ba chu dang 'o ma la bskur ba'am chu dang 'o mas bkrus bas kyang zhi bar 'gyur ro/ /sbyor ba gzhan gsungs pa/ rlung gi zhes bya ba la sogs pa la/ tshigs su bcad pa dang po gnyis kyi don ni rlung dang yi dags kyi stan la bzhugs pa'i rdo rje mkha' 'gro ma ji skad smos pa'i tshul dang ldan par bdag nyid bskyed la/ 'og nas 'byung ba'i las rnams bya'o zhes bya ba yin no/ /de nyid gsungs pa/ gnyis med ces bya ba la sogs pa la/ de ru zhes bya ba ni 'dir yang 'bras phye la sogs khyad par las/ pad+ma'i dbus su byas nas su zhes bya ba dang sbyar ro/ /de ru ci zhig na ming dang sngags su sbyar nas ni/ khyi yi spu yis dgang bar bya zhes bya ba smos te/ 'bras phye la sogs ba las snga ma ltar chos 'byung ba'i gzugs byas nas yang snga ma ltar oM kro d+he shwa re phuM phroM che ge mo'i b+ha ga duSh+Ta ya phaT ces bya ba bris la/ der bzhag nas khyi'i spu yis bkang ba ste/ snga ma ltar rdog bas mnan te/ brgyad brgya bzlas nas b+ha ga lug cing zug zer dang bcas par 'gyur ro/ /las thams cad la yang bsnyen pa'i dus su ni sngags rkyang bar 'bum du bzlas la/ sgrub pa'i dus su ni sngags spel ba dang bcas par brgyad brgyar bzlas bar bya'o/ /rdo rje gsang bar gzhug par bya zhes bya ba ni gnyis su med pa'i sngags kyi phreng ba de b+ha ga'i nang du bzhag bar bya'o/ /dgrol ba gsungs pa byung na de las thar par 'gyur zhes bya ba ste/ sngags dang phyi spur bcas pa dbyung ba'o/ /rtsa ba rnams bzhu ba'i sbyor ba gzhan gsungs pa/ zla ba'i dkyil 'khor zhes bya ba la sogs pa la/ zla ba'i dkyil 'khor dbus gnas par/ lte bar bdud rtsi'i yi ge bsgom zhes bya ba ni bsgrub par bya ba'i lte bar zla ba'i dkyil 'khor la bdud rtsi'i yi

  712. 356b

    ge sa bsgom pa'o/ /des ci zhig bya zhe na/ rtsa rnams kun las drangs nas su/ /bdud rtsi'i chu ni 'dzag par bya zhes bya ba smos te/ bdud rtsi nu zhes bya ba ni khu ba'o/ /drang ba ni yi ge suM gyi 'od zer gyis rtsa rnams nas bskul nas gnas thams cad nas dbab ba'o/ /de nas ci zhig bya zhe na/ ban du'i me tog ces bya ba la sogs pa smos te/ b+ha ga'i dbus su gnas pa'i rtsa kha ga mu la zhes bya ba me tog bandu ka ltar ba phye ba'i nang du lcags kyu'i yi ge ste yi ge kriM bsgom pa'o/ /de nyid bshad pa'i phyir/ gsang zhing gsang bar bsgom par bya ba smos te/ de la gsang ba zhes bya ba ni kha ga mu kha'i rtsa'o/ /yang gsang ba zhes bya ba ni lcags kyu'i yi ge'o/ /de nas yang ji zhig bya zhe na/ khro bo zhes bya ba la sogs pa smos te/ khro bo'i sor mo zhes bya ba ni mdzub mo'o/ /bdud rtsi'i yi ge ni suM ngo/ /bskyod pa ni bskyong bar bsgom pa'o/ /snga ma de dag nyid bsdus te bstan pa'i phyir/ sbyor ba gsum ni bsams ba yis zhes bya ba la sogs ba smos te/ sbyor ba gsum zhes bya ba ni sku'i gnas dang/ kha ga mu kha'i rtsa dang mdzub mo'i rtse mo rnams su yi ge sum dgod pa'o/ /bsam pa ni bsgom pa'o/ /des cir 'gyur zhe na/ de'i lus kyi gnas rnams nas/ /bdud rtsi chu ni 'dzag bar bya zhes bya ba smos te/ bdud rtsi chu zhes bya ba ni khu ba'o/ /lus kyi gnas rnams nas zhes bya ba ni yan lag dang nying lag thams cad nas so/ /'dzag par bya zhes bya ba ni bsgom mo zhes lhag ma yin no/ /brtag par zhes bya ba ni mnye zhing tshar bcad pa'o/ /skye bar bya ba'i sman ? sbyor ba gsungs pa/ 'od zer can dang zhes bya ba la sogs ba la/ 'od zer can zhes bya ba ni sman 'od zer can zhes bya bar grags pa'o/ /bla mar bya zhes bya ba ni 'ol ma se'o/ /smyo byed yan lag lnga zhes bya ba'i/ da du ra'i 'dab ma dang/ me tog dang/ 'bras bu dang/ rtsa ba dang shun ba rnams so/ /gu gul chen po zhes bya ba ni ma'i

  713. 357a

    glad pa'o/ /mar nag chen po zhes bya ba ni mi'i rkang las byung ba'o/ /bdud rtsi'i chu zhes bya ba ni chang ste/ chang gi ni nang du 'od zer can la sogs pa'i sman cha mnyam par blugs nas blug pa'o/ /de nyid kyi phyir gsungs pa/ lce'i dbang pos myang du gzhug ces bya ba ni/ 'di ni bla ma dang sangs rgyas la sogs pa la gnod pa byed pa'i mi la bya'i gzhan du ni ma yin no/ /mar zos pas ni grol bar 'gyur zhes bya ba ni zhun mar blud pa de las thar bar 'gyur ba'o/ /mig sman gyi sbyor ba gsungs pa/ yi dags zhes bya ba la sogs pa la yi dags gos ni ma lhung bas/ mar me yi ni sdong bu bya zhes bya ba ni ji srid du phrag pa las sa la ma lhung ba'i ro'i gos blangs la sdong bu bya ba'o/ /klu dbang zhes bya ba ni ro nye'o/ /rkang gi mar zhes bya ba ni mi'i rkang las byung ba'o/ /gtor ma'i gnas zhes bya ba ni dur khrod kyi gnas su'o/ /mkha' 'gro ma'i snying sngags zhes bya ba ni/ ye shes mkha' 'gro ma'i sngags so/ /du ba dag ni dbab par bya zhes bya ba ni du ba btang ba ste/ 'dir bstan pa'i don ni ye shes mkha' 'gro ma'i rnal 'byor pas dur khrod dang lam gyi bzhi mdo dang/ shing gcig gi drung la sogs par sha dang nya sha la sogs pa dang ldan pa'i gtor ma sngon du 'gro ba thod pa gsum gyi steng du sngar smos pa'i snong dang mar dang sdong bu la sogs pa'i steng na gnas pa'i thong pa bzhag la ye shes mkha' 'gro ma'i sngags brgyad zlos shing du ba btang la/ yang dur khrod la sogs par gtor ma sngon du 'gro bas du ba nges mig la bsdus na mkha' 'gro ma thams cad mthong bar gyur pa 'di yin no/ /dbye ba'i sbyor ba gsungs pa/ lhag ma'i snod ces bya ba la sogs pa ste/ dur khrod kyi sol ba zhes bya ba ni go bar zad do/ /tsha ba'i rdzas zhes bya ba ni ske tshe dang dug dang khrag la sogs pa'o/ /khro bos

  714. 357b

    bshad ste drud par bya zhes bya ba ni khro ba dang bcas pa'i sems kyis kham phor gnyis phan tshun du drud pa'o/ /'di dag gi don yang ye shes mkha' 'gro ma'i rnal 'byor pas gtor ma sngon du 'gro bas zas kyi bya ba byas pa'i kham por gnyis la ji skad smos pa'i snag tsha dang smyug gus bsgrub bya nyid kyi gzugs bris la de'i snying gar oM ki ri ki ri zhes bya ba la sogs pa'i sngags kyi phreng ba bris la/ yang gtor ma sngon du 'gro bas khro ba dang bcas pas kham phor drud cing/ oM ka li brta zhes bya ba la sogs pa'i sngags brgya rtsa brgyad bzlas par bya ba 'di yin no/ /lhag ma ni go sla'o/ /zhi ba'i cho ga gsungs pa gnyis med ces bya ba la sogs pa la/ 'dis ni ye shes mkha' 'gro ma'i rnal 'byor bas gtor ma sngon du 'gro bas zhi ba'i sems kyis rang gi lus las byung ba'i lha mo bdud rtsi bum pa thogs pa rnams kyis dbang bskur bar bsgoms na zhi bar gyur par ston to/ /sbyor ba'i gdan zhes bya ba la sogs pa la/ rab tu byed pa zhes bya ba ni gzhung 'dis gsal snang dbab pa nas 'thab rtsod byung ba'i bar du gsal bar ston pas na rab tu byed pa'o/ /dpal gdan bzhi pa'i 'grel ba dran pa'i rgyu mtshan zhes bya ba las sbyor ba'i gdan gyi rim par phye ba ste gsum pa'o// //da ni rdo rje dang dril bu rnam par dag pas shes rab thabs kyi mnyam par sbyor ba bstan pa'i phyir/ gnyis med ces bya ba la sogs pa gsungs te/ gnyis med sbyor ba ces bya ba ni/ thabs dang shes rab gnyis su med par sbyor ba'o/ /snying po ni dam pa ste nyan par 'tshal zhes bya ba dang 'brel to/ /gnyis med ming gis brjod pa yin zhes bya ba la/ ming ni tha snyad du bya ba ste/ brjod pa ni des brjod par bya'o/ /sbyor ba ji ltar brtsams bgyi ba zhes bya ba ni ji ltar nyams su blang ba bya ba ste/ de ltar na gnyis su med pa'i sbyor ba'i snying po la gnyis su med pa'i ming gis ni ji ltar brjod/ ngo bo nyid ni ci

  715. 358a

    'dra nyams su ni ji ltar blang bar bgyi zhes bya ba'i don to/ /lan gsungs pa/ gnyis med ces bya ba la sogs pa la/ gnyis med sbyor ba zhes bya ba ni bshad zin to/ /de nyid ces bya ba ni de'i rang bzhin te/ nyon cig ces bya ba dang sbyar ro/ /yang dag ces bya ba ni phyin ci ma log pa'o/ /de nyid gsungs pa/ rdo rje dril bu phyag rgya dag /so sor gzung ba'i de kho na zhes bya ba la/ de kho na nyid ni kun rdzob dang don dam pa dbyer med pa'i shes rab kyi pha rol tu phyin pa'i sgra rnam par dag pa dbyer med pa ste/ de lta bu'i rdo rje dang dril bu gzung bar bya'o/ /gzung ba ni bsgom pa ste/ de ltar shes rab kyi pha rol tu phyin pa'i sgra rnam par dag pa dang/ kun rdzob kyi bden pa dbyer med pa'i rdo rje dang dril bu'i de kho na nyid bsgom par bya'o zhes bya ba'i don to/ /phyag rgya zhes bya ba ni dril bu rnam par dag pa'i shes rab ste de yang phyi dang nang gi shes rab gnyis so/ /so so zhes bya ba ni thabs te/ de yang phyi dang nang gi dbye ba gnyis so/ /yang na phyag rgya ni gnyis su med par sbyor ba ste/ de yang phyi rol gyi skyes ba dang bud med kyi las kyi phyag rgya mnyam par sbyor ba dang/ nang gi chos nyid dang dngos po mnyam par sbyor ba dang/ ye shes kyi snying rje dang stong pa nyid mnyam par sbyor ba'o/ /de nyid ni de kho na ste so sor gzung ni yang dag par gzung ba'o/ /yang na rdo rje dril bu ni phyi rol gyi thabs dang shes rab bo/ /de nyid ni phyag rgya ste so sor dga' bas 'debs pa'i phyir ro/ /de nyid kyi phyir dril bu la rdo rjes steng du mtshan pa yin no/ /yang na phyag rgya ni de nyid mnyam par sbyor ba las byung ba'i bde ba ste/ lhan cig skyed pa'i ngo bo nyid do/ /de dag thams cad bstan pa'i phyir/ de nyid ces bya ba la sogs pa smos te/ bdag ces bya ba ni rang gi lus te/ gzhan shes rab la bltos pa'i phyir ro/ /de nyid ni rdo rje ste shes rab dang dbyer med

  716. 358b

    bar sbyor ba'i phyir ro/ /zhes bya ba ni thabs la yang rdo rje'i sgras brjod par bya ste/ shes rab dang dbyer mi phyed par mnyam par sbyor ba'i phyir te rdo rje dang chos mthun par dgongs so/ /yang na ba zhes bya ba ni mang ba'o/ /dzra zhes bya ba ni mdzes pa ste/ thabs 'dis shes rab du ma mdzes par byas pas na rdo rje'o/ /gnyis par na bdag ces bya ba ni kun rdzob kyi bden pa'o/ /de nyid ni rnam par dpyad na/ don dam pa'i bden pa'i mthar thug pas rdo rje ste/ mi phyed pa'i mtshan nyid can pas rdo rje zhes bya ste/ de kho na nyid do/ /de bzhin du don dam pa'i bden pa yang kun rdzob kyi bden pa las gud na med pa'i phyir ro/ /de kho na nyid kyis dbyer med par gzung bar bya'o/ /de nyid kyi phyir chos kyi zhes bya ba la sogs pa smos te/ de la chos zhes bya ba ni phung po la sogs pa ste/ mi rtag pa la sogs pa rang gi mtshan nyid 'dzin pa'i phyir ro/ /dril bu zhes bya ba ni rang bzhin gyis rnam par dag pa'i chos nyid do/ /des thams cad sgrub pa'i phyir ro/ /yang na chos kyang yin la dril bu yang yin pas chos kyi dril bu ste chos nyid do/ /de nyid ni lha mo ste/ de kho na nyid 'dis rnal 'byor pa rnams la chos thams cad gsal bar byed pa'i phyir ro/ /kha sbyar sbyor ba phyag rgya ste zhes bya ba la kha sbyar zhes bya ba ni rang gi lus dang/ las kyi phyag rgya mnyam par sbyor ba dang/ don dam pa'i bden pa dang kun rdzob kyi bden pa mnyam par sbyor ba'o/ /de nyid ni phyag rgya ste phan tshun mi phyed par dkris pa'i phyir ro/ /de dag gis ni shin tu dbyer med par ston to/ /de nyid kyi phyir thabs ni de ru thim pa'o zhes bya ba smos te/ de ru zhes bya ba ni shes rab la ste las kyi phyag rgya'i shes rab la bdag gi lus 'khyud pa'i tshul du thim pa dang/ lhan cig skyes pa'i shes rab kyi sems la kun rdzob kyi sems sam bdag dang gzhan dbyer med par thim pa dang/ stong pa nyid la snying rje dang/ don dam pa la kun rdzob thim pas na dril bu ma gtogs par

  717. 359a

    rdo rje 'ba' zhig gzung bar mi bya ste/ dril bur rdo rje thim pa'i de kho na nyid kyi phyag rgya gzung bar bya'o zhes bya ba'i don to/ /de la kun rdzob dang don dam pa'i bden pa gnyis su med pa de yang 'dir stong pa nyid kyis sbyangs pa'i lha'i sku'i ting nge 'dzin te gnas der dang po ci zhig bya ba de bstan pa'i phyir/ dang por re zhig ces bya ba la sogs pa smos so/ /dang por ces bya ba ni thog mar te/ rnal 'byor gyi thog mar rdo rje thal mo dam bcings nas zhes bya ba dang sbyar ro/ /re zhig ces bya ba ni rim gyi don te/ ra ba dang dra ba la sogs pa dag pa bshad par bya ba yin pa las de dag bzhag ste/ dag pa gsum brjod par bya ba bshad par bya'o/ /zhes pa'i don to/ /yang na sgrub pa po dag pa rnams kyi nang nas dag pa gsum brjod do zhes bya ba'i don to/ /dag pa rnam gsum zhes bya ba'i don to/ /brjod pa ces bya ba ni de'i sngags gdon pa ste stong pa nyid bsgoms nas/ oM swa b+hA ba zhes bya ba la sogs pa brjod par bya'o/ /sa bon las byung ba'i rdo rje bsgoms nas oM badzra zhes bya ba la sogs pa brjod par bya'o/ /lha'i gzugs su bskyed nas oM yo ga zhes bya ba la sogs pa brjod par bya'o/ /de ltar rnal 'byor gyi rgyud rnam par dag pa bstan nas ra ba la sogs pa'i rnam par dag pa bstan pa'i phyir/ gzung dang 'dzin pa'i zhes bya ba la sogs pa gsungs te/ sngags dang lha la sogs pa'i mtshan nyid kyi kun rdzob dang stong pa nyid kyi don dam par dbyer med pa las dgos pa'i dbang gis gnyis su sprul pa la/ gzung ba la sogs pa las rnam par grol bar ston pa ni/ sbyin pa ste chos kyi sbyin pa'o/ /yang na dngos po rnams su 'dzin pa stong pa nyid du btang ba ni chos kyi sbyin pa ste/ de rnam par dag pas ra ba'o/ /thams cad rtsa bzhin btad par bya zhes bya ba la/ thams cad ni nor dang nor gyi mchog dang/ yan lag dang yan lag gi

  718. 359b

    mchog ste zang zing rnams so/ /rtsa zhes bya ba ni nye bar mtshon pa ste mchil snabs la sogs pa gzung bar bya'o/ /ji ltar yin zhe na/ rnal 'byor ldan pa'i sems kyis ni zhes bya ba smos te/ rnal 'byor zhes bya ba ni gtod ba po dang/ len pa po dang/ sbyin pa rnam pa gsum mi dmigs shing mnyam pa sbyor ba ste/ de'i sems gang la yong ba de la de skad ces bya'o/ /de dag dang/ gzhan mi 'jigs pa'i sbyin pa ste/ chos dang zang zing dang/ mi 'jigs pa'i sbyin pa gsum rnam par dag pa'i ra ba zhes bya ba'i don to/ /dra ba'i rnam par dag pa gsungs pa/ sems can kun zhes bya ba la sogs pa la/ mi 'jigs pa'i sbyin pa ni 'jigs pa rnams las skyob pa ste/ de yang sngar smos pa ltar mi dmigs pa dang sbyar ro/ /'dis ni dge ba'i chos la 'jug pas dag ba'i chos sdu ba'i tshul khrims bstan te/ sbyin pa'i yan lag tuAng blta bar bya'o/ /sdom pa'i bdag nyid kyi sdig pa las ldog pa'i tshul khrims bstan pa'i phyir/ 'gro rnams gtso bar mi bya sogs zhes bya ste/ sogs pa'i sgras ni mi dge ba las ldog ba gzhan yang gzung bar bya'o/ /gzhan gyi don spyod pa'i tshul khrims bstan pa'i phyir/ sems can don ni dgag mi bya zhes bya ba smos te go sla'o/ /de dag gis cir 'gyur zhe na/ steng du tshul khrims dra ba'o zhes bya ba smos te/ tshul khrims gsum rnam par dag pa'i dra bas steng nas go log go zhes bya ba'i don to/ /phur bu'i rnam par dag pa bstan pa'i phyir/ gzhan la gnod pa 'gog la sogs zhes bya ba la sogs pa smos te/ gzhan la gnod pa ni gzhan la gnod pa byed pa ste/ 'gog pa ni bzlog pa'o/ /des ni sdug bsngal dang du len pa'i bzod pa bstan to/ /yang na gzhan gyis gnod pa zhes bya bar sbyar te/ gzhan gyis gnod pa byas pa ci mi snyam pa'i

  719. 360a

    bzod pa bstan to/ /gsum pa'i don gyis gnyis pa yin no/ /sogs pa'i sgras ni chos nyid zab mo la bzod pa la sogs pa bsdu bar bya'o/ /des ni bzod pa rnam pa gsum bstan to/ /des cir 'gyur zhe na/ bzod pa'i phur bu 'og tu btab ces bya ba smos te/ sdug bsngal dang sdug bsngal gyi rgyu mtshan rnams bzod pas 'og tu mnan pa ste/ bzod pa rnam par dag pa'i phur bu 'og tu gdab bo zhes bya ba'i don to/ /gsum po de dag gis ci zhig bya zhe na/ phur bu ra ba dra ba yis zhes bya ba la sogs pa ste/ sdang ba'i bdud ces bya ba ni 'dis lus la sogs pa sun 'byin par byed/ rnam par sgyur bar byed pas na sdang ba ste/ nyon mongs pa dang phung po dang/ 'chi bdag dang lha'i bu'i bdud rnams so/ / de dag nyid dgra? ste bde ba 'joms par byed pa'i phyir ro/ /bskrad pa ni bzlog pa ste de'i phyir ro/ /ci ste dra ba la sogs pa rang gi sems kyis sprul pa ma yin nam/ des ci ltar bzlog par 'gyur zhe na/ bdud ni bdud du byed mi 'gyur zhes bya ba smos te/ bdud ces bya ba ni sngar smos pa rnams so/ /bdud du byed mi 'gyur zhes bya ba ni/ de dag gis 'tshe bar mi 'gyur ba'o/ /'dir dgongs pa ni dra bar sogs pa sems kyis byas pa de'i tshe bdud kyang sems kyis byas pa yin pas bdud nyid gud na med pa'i phyir/ ji ltar de dag gis 'tshe bar 'gyur te/ 'tshe ba ni de dag la rag las pa yin la/ bdud rnams med na de dag gis ji ltar 'tshe bar 'gyur snyam pa 'di yin no/ /'on te bdud rnams dang nges byas pa'i sdug bsngal nyams su myong bzhin du yang med do zhes bya ba 'di ni shin tu rnar mi 'ong ngo snyam na rang gi sems kyis bsdams pa'o zhes bya ba smos te/ 'di'i tshe nyams su myong ba'i phyir thams cad rang gis sems

  720. 360b

    yin par bsgrub par bya ste/ phyi rol gyi ni rigs pas gnod pa'i phyir/ don du mi rung ngo zhes khong nas 'byung bar bya'o/ /des kyang cir 'gyur zhe na/ bsdams pa yin zhes bya ba smos te/ ji ltar bdud la sogs pa sems kyis skrul cing nyams su myong bar yod pa ltar dra ba la sogs pas bcings pa dang/ dgra rnams bskrad pa yang nyams su myong bar legs par 'grub par 'gyur ba'i de nyid bstan pa'i phyir/ rang gi sems ni btul ba na/ /bdud kyis 'tshe bar ga la 'gyur/ /zhes bya ba smos te/ sems btul ba zhes bya ba ni rang gi rang bzhin shes pa ste/ rang bzhin shes pas nyon mongs pa rnams thul par 'gyur la/ nyon mongs pa'i zhags pa dang bral na/ bdud gzhan yang ldog par 'gyur te/ de dag ni de'i rtsa ba can yin pa'i phyir ro/ /'di dag gis ni rang bzhin shes na dra ba la sogs pa med pa ltar bdud kyang med pa yin la/ nyams su myong bar bdud rnams yod pa ltar dra ba la sogs pa yod pas bsrung ba phun sum tshogs pa lags par gnas pa'o zhes ston to/ de ltar yang gsungs pa/ ji ltar chu la chu blugs pa/ /ro gcig tu ni gyur pa bzhin/ /sems nyid skyon yon 'byung gnas pas/ /mi mthun gnyen po ga la yod ces bya'o/ /da ni bsam gtan gyi gnas su maN+Dal gru bzhi pa dre yis byug pa'i rnam par dag pa bstan pa'i phyir/ mnyam nyid ces bya ba la sogs pa gsungs te/ mnyam nyid sems zhes bya ba ni khams gsum pa'i sems dang/ sems las byung ba rang bzhin gyis 'od gsal zhing mnyam pa nyid yin te/ sems can mnyam pa nyid kyi rnam par dag pa des dri'i dkyil 'khor gru bzhi par byug go zhes bya ba'i don to/ /me tog dgram pa'i rnam par dag pa gsungs pa/ lus la zhes bya ba la sogs pa ste/ gang gi lus la ste'u yis 'jog pa dang/ tsan dan gyis byug pa dag yod pa de ni/ lus la sde'u

  721. 361a

    'jog tsan dan byugs te de gnyi ga la chags pa dang sdang ba med par sems snyoms pa de ni sems mnyam par gnas pa'i bzod pa ste/ bzod pa rnam par dag pa des rnal 'byor pas me tog dgram pa'o/ /bdug spos kyi rnam par dag pa gsungs pa/ mnyam nyid ces bya ba la sogs pa la/ rnam par dag pa rang bzhin dag pa zhes bya ba ni swa b+hA ba shud+d+ha(rgyud 'grel): sarba d+harmA swa b+hA ba shud+d+ho haM zhes bya ba ste/ des mnyam pa nyid du rnam par dag pa'i bdug pas bdug pa'o/ /mar me'i rnam par dag pa gsungs pa/ shes rab ces bya ba la sogs pa la/ shes rab mar me zhes bya ba ni shes rab rnam par dag pa'i mar me ste/ de sbar bar bya zhes bya ba lhag ma yin no/ /khams gsum zhes bya ba la sogs pa ni shes rab kyi mar mes khams gsum gyi mun pa bcom nas ji ltar 'dod pa bzhin du de kho na nyid kyi lam gsal bar snang bar byed de/ rnam par dag pa de dang sbyar ro zhes bya bar dgongs so/ /de dag gis ni bsam gtan rtsom pa na rnam par dag pa 'di dag gis sngon du dag par bya'o zhes bya bar ston te/ bdag gis sgrub thabs kyi nang du gsal bar bshad zin to/ /gzhung nye bar bsdu ba bstan pa'i phyir sems kyis zhes bya ba la sogs pa smos te/ mi 'jigs pa'i sbyin pa la sogs pa de dag gis sems can thams cad bde ba la dgod par bya zhing mchod pa'i dus dang/ gtor ma'i dus rnam par dag pa de dag rab tu sbyar ro zhes bya ba'i don to/ /bsam gtan brtsom pa'i gnas phun sum tshogs pa gsungs pa/ yid du 'ong ba zhes bya ba la sogs pa ste go sla'o/ /de dag gis ni bsam gtan rtsom pa thams cad kyi thun mong gi bya ba bstan to/ /da ni gnyis su med pa'i rnal 'byor gyi rang bzhin lhan cig skyes pa'i ye shes bskyed par bya ba'i phyir thabs dang shes rab kyi sbyor ba gsungs pa/ bdag

  722. 361b

    nyid ces bya ba la sogs pa la bdag nyid ces bya ba ni sgrub pa po'i rang gi lus so/ /rdo rje bskyed nas su zhes bya ba ni rdo rje las byung ba'i sems rdo rje sems dpar bskyed par bya ba ste/ sngar bstan pa'i gnas su 'dug nas rdo rje thal mo snying gar bcings te/ dag pa rnam gsum brjod nas stong pa nyid bsgoms la/ ri rab kyi rtse mo'i grong khyer du seng ge dang zla ba'i stan la bdag nyid hUM las byung ba'i rdo rjes bskyed par bya'o/ /shes rab dril bur zhes byar sprul zhes bya ba la/ shes rab ni bu mo'o/ /dril bu zhes byar sbrul zhes bya ba ni/ a las byung ba'i dril bu shes rab kyi pha rol tu phyin par bsgom mo/ /bar du khru gang bzhag nas ni zhes bya ba la/ bar zhes bya ba ni bdag dang shes rab kyi bar du ste/ bdag gi mdun du khru gang tsam gyis bar chod par shes rab bsgom par bya'o/ /mnyam nyid blta bas gnas par bya zhes bya ba ni bdag dang shes rab gnyis phan tshun thad kar gnas pa la gcig la gcig gdong bltas pa'o/ /de nyid rgyas par bshad pa'i phyir/ snying gar hUM ni bsgoms byas la zhes bya ba smos te snying gar hUM ni bsgoms byas la zhes bya ba ni mchod pa dang gsum la skyabs su 'gro ba la sogs pa byas pa'i 'og tu snying gar zla ba'i dkyil 'khor la yi ge hUM bsgom pa'o/ /de nas ci zhig bya zhe na/ thams cad rig pas kun stong bya zhes bya ba smos te/ hUM gi me lce'i 'od kyis reg pa tsam gyis khams gsum po ma lus pa rnams stong pa nyid du bsgom pa'o/ /de nyid bstan pa'i phyir khams gsum zhes bya ba smos te go sla'o/ /sngon bzhin zhes bya ba ni/ phung po la sogs pa stong pa nyid du sngar bstan pa'i tshul dran par byed pa'o/ /gzhal yas khang bstan par bya ba'i phyir/ mnyam nyid ces bya ba la sogs pa smos te/ pho brang zhes bya ba ni gzhal yas khang ngo/ /yangs pa ci 'dod par zhes bya ba ni rgya khyon ji snyed 'dod par ro/ /sngar zla ba'i dkyil 'khor gyi

  723. 362a

    steng du bsgoms pa'i hUM las byung ba'i rdo rje'i mtshan nyid bstan par bya ba'i phyir/ lha ni zhes bya ba la sogs pa smos te/ 'di'i don ni rim par phye ba sngar thal ba las bstan spa'i lha nyi shu rtsa brgyad kyis byin gyis brlabs pa'i rdo rjer bsgom mo zhes bya ba 'di yin no/ /'od zer sna tshogs 'bar ba yi zhes bya ba la sogs pas ni rdo rje'i sa bon hUM gi khyad par ston pa yin te/ 'dis kyang seng ge dang zla ba'i steng na gnas pa'i sa bon hUM gi thig le las 'od zer sna tshogs spros nas khams gsum pa la reg ste/ slar de nyid du bsdus la rdo rjer bsgom par bya bar ston to/ /rdo rje sems dpa' i rang bzhin du/ bdag gi lus ni sprul bar bya zhes bya ba ni sa bon hUM gi lte bar mtshon cing lha nyi shu rtsa brgyad kyis byin gyis brlabs pa'i rdo rje yongs su gyur pa las bdag nyid rdo rje sems dpa' bskyed pa'o/ /sku mdog la sogs pa ni 'og nas bshad par bya'o/ /yan lag brgyad kyi go cha gsungs pa/ yi ge'i dgod pas bkod nas su/ /mkhas pas go cha byas nas hUM/ zhes bya ba la mkhas pa ni gnas dang sngags kyi dbye ba la mkhas pa ste/ rkan dang mig gnyis dang mgrin pa dang phrag pa gnyis dang lte ba dang gsang ba'i gnas su yi ge hUM dkar po bsgom pa'o/ /sangs rgyas lnga'i zhes bya ba la sogs pas ni/ sa bon hUM gi kha dog bstan pa ste/ rdo rje sems dpa' i sku ni ma yin no/ /de'i kha dog ni 'og nas mi mthun par snang ba'i phyir ro/ /sangs rgyas lnga yis brgyan pa zhes bya ba ni yi ge hUM gi mtshan nyid do/ /yang na rdo rje sems dpa' i dbu la rigs lngas brgyan pa'o/ /phyag rgya chen po'i snying kar bcas zhes bya ba ni/ rdo rje dang dril bu bsnams pa'i phyag rgya gnyis snying gar 'khyud pa'i tshul du byed pa'o/ /go 'phang mchog ni bsgom par bya zhes bya ba la/ mchog ni bdag dang gzhan gyi don phun

  724. 362b

    sum tshogs pa'o/ /go 'phang ni gnas te de'i rten no/ /de nyid kyi phyir 'od zer sna tshogs 'bar ba las zhes bya ba la sogs pa smos te go sla'o/ /dngos po bsgom pa bsgoms nas su zhes bya ba ni/ bsgom pa shin tu goms pa'o/ /bzlas pa bstan pa'i phyir hUM gi skra yis dgang bar bya zhes bya ba smos te/ hUM zhes bya ba'i sngags oM swAhA zhes bya ba dang spel nas tshig tu bzlas pa'o/ /ji snyed du bzlas par bya zhe na/ rang nyid ji ltar 'dod sems kyis zhes bya ba smos te/ ji tsam nus par ro/ /de nyid bstan pa'i phyir ye shes sa bon bzlas par bya zhes bya ba smos so/ /kha dog bstan pa'i phyir/ btso ma'i gser ltar shin tu 'bar/ /sems can kun gyi don la chags zhes bya ba smos te/ sems can kun zhes bya ba ni/ 'dir shes rab po/ /don ni bde ba'o/ /chags pa ni de la zhen pa'o/ /yang na thugs rje chen pos sems can thams cad kyi don mi 'dod pa spong ba dang/ 'dod pa sgrub pa la chags pa ste/ des bcom ldan 'das chos kyi dbyings rnam par dag pa dung dang zla bltar dkar ba yin kyang chags pa dang 'dres pa'i phyir/ btso ma gser ltar ser por snang ba yin no/ /da ni shes rab bskyed par bya ba gsungs pa/ de nas zhes bya ba la sogs pa la/ de nas ston pa'i mtshan nyid ni sngar gyi mtshan nyid bdag nyid can zhes bya ba ni bsgoms la zhes bya ba dang sbyar te/ bdag dang gzhan gyi rgyud thams cad sngar bstan pa'i tshul gyis stong pa nyid du bsgoms nas lha mo bskyed par bya'o/ /de nyid gsungs pa/ zla ba'i dkyil 'khor zhes bya ba la sogs pa la/ sngar gyi mtshan nyid kun rig pas/ /nyi shu rtsa gsum lha rnams kyis/ /dril bu'i bdag nyid bsgom par bya zhes bya ba ni zla ba'i dkyil 'khor gyi steng du sa bon A(rgyud 'grel): las byung ba'i dril bu sa bon A(rgyud 'grel): sa mtshan cing lha nyi shu rtsa gsum gyis byin gyis brlabs par bsgoms la/ lha mor bskyed par

  725. 363a

    bya'o/ /lha mo'i khyad par gsungs pa/ 'od zer sna tshogs zhes bya ba la sogs pa la/ kha dog chung zad 'dres pa'i sku zhes bya ba ni dkar po dang/ dmar po 'dres pas bcom ldan 'das dang 'dra bar ser por snang pa'o/ / sangs rgyas lnga yis mngon par brgyan zhes bya ba ni sangs rgyas lngas dbu brgyan pa'o/ /yi ge brgyad kyi sngags rnams ni/ yan lag brgyad du dgod par bya zhes bya ba ni go cha bstan pa ste go sla'o/ /phyag gnyis phyag rgya chen po ste/ go 'phang mchog ni bsgom par bya zhes bya ba ni bcom ldan 'das kyis skabs su bshad pa ltar blta'o/ /A li kA li las byung ba'i/ /de yi sa bon bzlas bar bya zhes bya ba la /de'i sa bon ces bya ba ni yi ge a ste/ de yang thabs dang shes rab kyi rang bzhin yin pa'i phyir/ A li kA li las byung ba'o/ /yang na A li ni a'o/ /kA li ni ra'o/ /'byung ba ni btu ba ste/ sngar bstan pa'i sngags btu ba dran par byed pa'o/ /bzlas par bya zhes bya ba ni/ sngar bstan pa ltar/ oM a(rgyud 'grel): swAhA zhes ci nus su bzlas pa'o/ /'dod chags sems kyi stobs kyis ni /btso ma gser gyi 'od dang bcas zhes bya ba ni/ rgyu mtshan dang bcas pa'i kha dog bstan pa sta ? bshad zin to/ /sems can bsgral phyir kun tu 'khyud nu ma 'khyud cing zhal gnyis 'jib ces bya ba ni thabs dang shes rab gnyi ga'i sems can sgrol ba'i phrin las rnam par dag pa ston pa'o/ /rdo rje rtse mo zhes bya ba la sogs bas ni/ rim par bya ba snga ma las/ khro bo sor mo'i rtse mor na bdud rtsi'i yi ge bsam par bya zhes bstan pa nye bar bshad pa'o/ /de nas ci zhig bya zhe na/ lha mo'i g.yon gyi cha ru ni/ bstan pa'i rtse mor gzung bar bya zhes bya ba smos te/ g.yon gyi cha ru bstan pa zhes bya ba ni kha gsum kha'i rtsa'o//

  726. 363b

    rtse mo zhes bya ba ni lcags kyu'i yi ge dang bcas ba'i sbo'o/ /gzung pa ni drung ba ste/ /de nyid kyi phyir mdzub mo 'di yis bskyod pa yis zhes bya ba smos so/ /bdud rtsi chu zhes bya ba ni khu ba'o/ /lhag ma ni phrad par zad do/ da ni de'i chags pa bskyed par bya ba'i phyir/ gnyis kyis kun sprod btang nas su zhes bya ba ni thabs dang shes rab kyi snyoms bar 'jug pa'i gnas skabs yongs su bor ba'o/ /shar gyi phyogs su bskyod ces bya ba ni shar gyi phyogs su kar na bya ba'o/ /shar gyi phyogs su bltas nas su zhes bya ba ni shes rab kyi kha shar du bstan pa ste/ shar gyi phyogs na gnas pa'i sems can rnams gdon zhing sbyang ba'i phyir shes rab kyi kha shar du bstan pa la/ shar du ka ra na bya ba'o/ /ka ra na gsungs pa/ rol ba'i stobs zhes bya ba la sogs pa la/ rol pa'i stabs zhes bya ba ni lha mo'i rkang pa g.yon pa chud zad bskum pa'o/ /rdo rje rkang pa'i stabs kyis mnan zhes bya ba la/ rdo rje zhes bya ba ni rdo rje sems dpa' ste/ rdo rje sems dpa' i rkang ba g.yas pas lha mo'i rkang pa g.yon pa'i mthil gnon pa'o/ /'dir lha mo zhes bya ba ni/ lha mo'i rkang pa g.yon pa'i mthil du blta bar bya'o/ /dril bu g.yon gyi brla mnan la zhes bya ba la/ g.yon pa'i brla zhes bya ba ni rdo rje zhes bya bar bsnyeg ste/ rdo rje sems dpa' i brla g.yon pa lha mo'i brla g.yas pa'i steng du bton pa'o/ /nu ma lag pa gnyis kyis gzer bya ba ni shes rab kyi nu ma gnyis rdo rje sems dpa' i lag pa gnyis kyis bzung ba'o/ /sgeg cing bzhad pa'i bzhin can te zhes bya ba ni bzhad pa dang bcas pa'i sgeg pa'i bya ba byed pa'o/ /'og mi rnan pos brtsir bar bya zhes bya ba la/ 'og ma zhes bya ba ni ma mchu'o/ /rnon po ni so ste/ sos mchub rtsir ba'o/ /de dag ni rdo rje sems dpa' i bya ba'o/ /shes rab kyis gsungs pa/ dril bu lag gnyis gsang ni

  727. 364a

    sbyor zhes bya ba la/ gsang ba zhes bya ba ni mgrin pa la bya bar man ngag las byung ste/ shes rab kyi lag pa gnyis kyis rdo rje sems dpa' i mgrin par 'khyud pa'o/ /de bzhin sa bon gnyis med bzla ces bya ba la/ sa bon ni shes rab kyi snying po A(rgyud 'grel): dang/ thabs kyi snying po hUM ste/ de gnyis bzla pa'o/ /gnyis med ces bya ba ni thabs dang shes rab gnyis su med pa'i snying po ste/ bsgom zhes bya ba lhag ma yin no/ /bskyod ces bya ba ni ka ra na'o/ /ci'i phyir zhe na/ shar phyogs zhes bya ba la sogs pa smos te/ de ltar na bskyod ces pas ni lus kyi las bstan to/ /sa bon bzla zhes bya bas ni ngag gi las bstan to/ /gnyis med bsgom zhes bya bas ni sems kyi las bstan te/ de ltar phrin las gsum mnyam par sbyor bas/ shar phyogs kyi sems can bsgral bar bya'o zhes bya bar dgongs so/ /da ni lho phyogs na gnas pa'i sems can bsgral ba'i phyir/ lha mo zhes bya ba la sogs pa gsungs te/ lho ru kha ni blta bar bya zhes bya ba ni shes rab kyi kha lhor bstan pa ste/ rnal 'byor ma'i rgyud 'di la/ shes rab gtso bo yin pa'i phyir dang/ dga' ba'i yul yin pa'i phyir/ kha blta ba rnams ni shes rab kyi yin par blta'o/ /lha mo g.yon pa bskyod nas su zhes bya ba ni lha mo'i rkang pa g.yon pa brkyang ste/ g.yas pa chung zad bskums pa'o/ /rdo rje yang ni bskyed nas su zhes bya ba ni/ rdo rje sems dpa' i rkang pa g.yas pa brkyang ste/ g.yon pa chung zad bskum pa'o/ /rkang mthil gnyis ni de bzhin gzer zhes bya ba ni thabs dang shes rab kyi g.yas g.yon gnyis kyis so sor phan tshun du rkang mthil btsir ba'o/ /dril bu'i lag pa gnyis kyis ni/ rked pa bsdams te/ gzir dang bya zhes bya ba ni/ shes rab kyi lag pa gnyis kyis/ thabs kyi mkhal bos gnyis bsdams

  728. 364b

    nas btsir ba'o/ /rdo rje g.yas kyi nu ma dang/ /de bzhin gsang bar rtse par bya/ /zhes bya ba ni rdo rje sems dpa' i lag pa g.yon pas/ /gsang ba ste shes rab kyi mgrin pa nas gzung bar byas la/ lag pa g.yas pas nu ma nas bzung ba'o/ /rdo rje dril bu'i lus dag ni/ yang dang yang du sbrad par bya zhes bya ba ni/ shes rab dang thabs gnyis phan tshun chags pa bskyed par bya ba'i phyir yang dang yang du 'o gdab pa'o/ /sa bon gnyis ni bzlas pa yis/ /lho phyogs sems can sgrol bar 'gyur zhes bya ba ni/ sngar smos pa ltar bsgom pa dang bcas pa'i ka ra na dang bzlas pas lho phyogs na gnas pa'i sems can rnams bsgral bar bya ba'o/ /nub phyogs kyi ka ra na bstan pa'i phyir/ nub phyogs zhes bya ba la sogs pa smos te /lha mo nub tu blta bar bya zhes bya ba ni go sla'o/ /nub phyogs zhes bya ba ni nub kyi sems can bsgral ba'i phyir zhes bya bar sbyar ro/ /mnyam pa'i rkang stabs ces bya ba ni lha mo'i rkang pa gnyis kyi bar du khyu gang tsam yod pa bzhag pa'o/ /rdo rje yi ni gzhogs gcig gis/ /g.yas kyi brla ni mnan par bya zhes bya ba la/ rdo rje ni rdo rje sems dpa' o/ /gzhags gcig ni gzhogs gcig na gnas pa'o/ /g.yas kyi brla zhes bya ba ni/ lha mo'i g.yas kyi brla ste/ de thabs kyi lag pa g.yon pas mnan ba'o/ /mgrin pa rgyab nas gnyis 'khyud de zhes bya ba ni/ thabs kyi lag pa g.yas pa pus mo la brten pas shes rab kyi mgrin pa nas 'khyud cing shes rab kyi gnyis kyis thabs kyi rked pa nas 'khyud pa'o/ /dril bu'i lce ni bsgril nas su/ /rdo rje'i lce la reg par bya zhes bya ba ni 'o bya ba'i dus su shes rab kyi lces thabs kyi lce la reg cing bsgral ba'o/ /de bzhin sbyar nas gnyi ga bzlas zhes bya ba la de bzhin zhes bya ba ni bsgom pa la bsnyeg bar bya'o/ /sbyar zhes bya ba ni ka ra na'o/ /gnyi ga bzla zhes bya ba ni sngags bzlas pa ste las rnam pa

  729. 365a

    gsum mo/ /da ni byang phyogs la gnas pa'i sems can rnams sgrol ba'i don gyi ka ra na bstan pa'i phyir/ rdo rje zhes bya ba la sogs pa smos te/ rdo rje zhes bya ba ni rdo rje sems dpa' o/ /dbus zhes bya ba ni 'og gi tshig gnyis dang sbyar te/ shes rab kyi brla gnyis kyi dbus su rdo rje sems dpa' mnyam par 'dug la/ shes rab kyi rked pa'i dbus nas rdo rje sems dpa' i lag gnyis kyis bsdams pa'o/ /dril bu'i lag pa gnyis kyis kyang/ rna ba'i drung bar gzugs par bya zhes bya ba ni/ shes rab kyi lag pa gnyis kyis thabs kyi rna ba'i rtsa ba gnyis su sen mo btab pa ste/ des ni khu ba cung zad gnas par 'gyur ro/ /gnyi ga'i mchu ni kun sbyar nas/ de yi bdud rtsi btung bar bya zhes bya ba ni'o byed pa'i dus su/ phan tshun gnyi ga'i mchu sbyar nas/ phan tshun bzhi pas pas steng gi bdud rtsi btung ba 'am/ yang na phan tshun mchu sbyar bas bdud rtsi ste byang chub kyi sems phab la/ de'i bde ba'i ro myang ba'o/ /snga ma bzhin du sngags bzlas pa bstan pa'i phyir/ rnal 'byor pa yis zhes bya ba la sogs pa smos te/ rdo rje dril bus rol pa bya zhes bya ba ni thabs dang shes rab kyi bsgom pa dang/ ka ra na bstan pa yin no/ /de ltar las rnam pa gsum las byung ba'i dge ba gang yin pa des sems can thams cad bde ba la dgod pa'i bsngo ba bstan pa'i phyir/ sems can thams cad ces bya ba la sogs pa smos te/ gang gi lam nas 'gro ba yis/ /sangs rgyas nyid du 'grub gyur cig ces bya ba ni bde ba dang ldan zhing 'tshe ba med pa'i sems kyi de kho na nyid kyi lam nas song bas sangs rgyas nyid thob par gyur cig pa ste/ kye sems can rnams sangs rgyas nyid du 'grub par 'gyur ba'i sems kyi de kho na nyid kyi lam nyams su long cig ces bya ba'i bar du'o/ /thabs dang shes rab

  730. 365b

    snyoms par 'jug pa'i dus su skad cig ma'i tshul gyi lha'i rnal 'byor bya ba bstan pa'i phyir skad cig tshul gyi rnal 'byor dang zhes bya ba la sogs pa ste/ dril bu lta ru sbyor ba yis zhes bya ba ni bdag nyid rdo rje sems dpa' i lhar sbyor ba dang/ shes rab dril bu'i lha mor sbyor ba dag skad cig ma'i tshul gyis rnal 'byor gyis bskyed pa dang/ skad cig ma'i tshul gyis sngags dang phyag rgya dang ldan par shes pa dang/ thabs kyi cho ga la mkhas pa'i rnal 'byor pas bsgom zhing bsam par bya ba'o/ /bdag gi lus dang shes rab kyi lus gnyi ga la rnal 'byor ma'i rang bzhin gyi go cha dgod par bstan pa'i phyir/ yi ge zhes bya ba la sogs pa smos te/ gnas rnams kun zhes bya ba ni rkan la sogs pa'i gnas rnams su'o/ / lha nyid de zhes bya ba ni lha mo brgyad kyi rang bzhin yin pa'i phyir ro/ /rang lus zhes bya ba ni rang gi lus rnams la'o/ /lha mo zhes bya ba ni lha mo'i lus la'o/ /bsam pa zhes bya ba ni go cha dgod pa'i sgo nas sems kyi de kho na nyid bsgom pa'o// slar yang nyid rab tu bya zhes bya ba ni go cha de nyid yang dang yang du dran par bya ba'o/ /yang na chags pa dang bral ba rnams go cha bskon pa'i mthar yang dang yang du chags pa bskyed par bya ba'o/ /de nyid bstan pa'i phyir ro/ rang gis zhes bya ba la sogs pa smos te/ rang gi zhes bya ba ni shes rab kyis so/ /rjes su chags pa ni 'khyud pa la sogs pa'o/ /de nas zhes bya ba ni de'i 'og tu'o/ /rdo rje zhes bya ba ni rdo rje sems dpas so/ /de nas bdag nyid rdo rje ru/ /ka ra nar bcas bsam par bya/ / zhes bya ba ni ka ra na dang bcas pa'i gnyis su med pa'i bsgom pa bstan pa'o/ /de nyid kyi phyir/ rdo rje zhes bya ba la sogs pa smos te go sla'o/ /yang na 'di dag gis ni bzlog pa'i bya ba bstan te/ de nas zhes bya ba ni ka ra na'i gnas skabs kyi mthar ro/ /

  731. 366a

    rdo rje zhes bya ba ni rdo rje sems dpa' o/ /rang zhes bya ba ni rang gis te rdo rje sems dpa' rang gis 'khyud pa la sogs pa bya ba'o/ /nam zhe na/ rjes su chags pa'i sems zhes bya ba smos te/ tsit+ta na zhes bya ba la/ tsit+ta ni sems so// na ni dgag pa ste chags pa'i sems med pa'o/ /des 'di skad gang gi tshe ka ra na'i mthar shes rab rjes su chags pa'i sems dang bral ba de'i tshe/ rang nyid kyis 'khyud pa bya ba ston to/ /de nas zhes bya ba ni 'og tu'o/ /bdag nyid rdo rje sems dpa' o/ /ka ra nar bcas bsam par bya zhes bya ba la ka ra ni go sla'o/ /bsam pa ni sems pa'o/ /bya ba ni sems pa dang rjes su mthun pa'o bya ba ste de'i tshe bzlog ste/ 'og tu gnas nas bud med du bya ba la 'jug pa'o/ /de nyid bstan pa'i phyir rdo rje yi zhes bya ba la sogs pa smos te/ rdo rje sems dpa' i nga rgyal tsam la gnas pa yin gyi bya ba la ni ma yin no zhes bya ba'i don to/ /de lta ka ra na bzhi bstan nas da ni kha kha mu kha'i rtsa'i rang bzhin bstan pa'i phyir/ chu las byung ba zhes bya ba la sogs pa smos te/ me tog ces bya ba ni pad+ma ste chos 'byung ngo/ /de ci zhig bya zhe na/ gsang ba'i nang gi mtshan nyid las zhes bya ba smos te/ chos 'byung ba'i mtshan ma'i nang gi gsang ba'i mtshan nyid de kha ga mu kha'i rtsa nyid do// de ci 'dra zhe na/ rtsa ba myu gu me tog ste/ /bandu ka ni rgyas pa 'dra zhes bya ba la/ ji ltar myu gu dang me tog gi rtsa ba 'dra bar rtsa thams cad kyi myu gu dang/ bde ba'i 'bras bu dang bcas pa'i me tog gi gnas su gyur pas rtsa ba ste kha ga mu kha'o// yang na ming dang gzugs kyi myu gu dang/ skye mched drug gi me tog la sogs pa'i gnas su gyur pas na rtsa ba'o/ /da ni sngar bstan pa'i go cha'i gnas bstan pa'i sgo nas gsal bar bya ba'i phyir/ thong ka gnyis su zhes bya ba la sogs pa smos te/

  732. 366b

    thong ka gnyis kyi sa bon rnams zhes bya ba la/ thong ka gnyis zhes bya ba ni phrag pa gnyis so/ /sa bon rnams zhes bya ba ni mang po'i tshig ste/ dgod par bya ba'i sa bon mang po nyid kyis na/ brtsegs pa'i yi ge dgod pa'i gnas kyang mgrin pa dang/ snying ga dang lte ba'i rtsa ba'i bar du gzung bar ston pa yin gyi brtsegs pa'i yi ge tsam la mang por brjod pa ni ma yin no/ /de la phrag pa gnyis su ni hmryuM ngo/ /mgrin par ni smryuM ngo/ /snying gar ni ymryuM ngo/ /lte bar ni k+Sh+mryuM ngo/ /sa dang zhes bya ba la sogs pa la/ sa zhes bya ba ni yi ge hUM ste/ de nyid mig gnyis su'o/ /rlung zhes bya ba ni yi ge yuM ste/ de ni rna ba dang sna dag la'o/ /'og na ces bya ba ni lce ste/ 'og na gnas pa'i phyir ro/ /chu'i rang bzhin zhes bya ba ni der yi ge suM dgod pa'o/ / myu gu zhes bya ba ni myu gu lta bu ste/ steng na gnas pa rkan gyi nu ma'o/ /sa'i sa bon ni yi ge k+ShuM ngo/ /da ni lha mo bskyed pa'i sa bon nyid pad+ma'i nang du dgod par bstan pa'i phyir/ sde tshan zhes bya ba la sogs pa smos te/ 'di dag gi don ni yi ge as lha mo'i gzugs bskyed par ston te/ sngar bstan pa dran par byed pa yin no/ /de ltar dran par byas nas mtshams sbyar ba'i 'og tu ci bya ba bstan pa'i phyir/ sa'i nang du thim par bya zhes bya ba smos te/ de las zhes bya ba ni chos 'byung ba ste/ bde ba chen po'i gnas ba bcu gnyis kyis rang bzhin yin pa'i phyir ro/ /thim pa ni dgod pa'o/ /de nas ci zhig bya ba na/ dus me zhes bya ba la sogs pa smos te/ de la dus kyi me zhes bya ba ni g.yas pa'o/ /yi dags pa'o/ /yi dags kyi me zhes bya ba ni g.yon pa ste dang por thabs kyi g.yas pas shes rab la 'khyud nas de'i 'og tu g.yon pas 'khyud par bya ba'o/ /shes rab kyis bzlog ste 'khyud pa bstan pa'i phyir/ yi dags zhes bya ba la sogs pa smos te/ shes rab kyi dang por g.yon pas

  733. 367a

    thabs la 'khyud nas de'i 'og tu g.yas pa 'khyud pa'o/ /de ltar na de dag gis ni thabs kyi ni g.yas pa gtso la/ shes rab kyi g.yon pa gtso bor ston to/ /lag pa gnyis kyis kha sbyar zhes bya ba ni bsrub pa ste/ de ltar lag pa gnyis 'khyud pa'o/ /ci 'dra bas zhe na/ mthe'u chung zhes bya ba la sogs pa smos te/ mthe'u chung mthe bos mnan nas su zhes bya ba ni/ lag pa g.yas kyi mthe bo gnyis kyis mthe'u chung gnyis kyi tshigs gsum par mnan pa'o/ /gsum pa rdo rje rtse mor brkyang zhes bya ba ni sor mo lhag ma gsum bsgreng ba'o/ /rdo rje zhes bya ba ni rdo rje rtse gsum gyi rnam pa ste/ rdo rje rtse gsum pa'i phyag rgya des bsdams pa'o/ /des gang du bsdam zhe na/ phyag rgya gnyis kyi glor btsugs nas zhes bya ba smos te/ phyag rgya gnyis zhes bya ba ni g.yas pa dang g.yon pa'i rdo rje rtse gsum pa'i phyag rgya gnyis so/ /glor btsugs nas zhes bya ba ni phan tshun du thabs dang shes rab kyi rked pa ngos gnyis su bsdams pa'o/ bdud rtsi bza' ba sems pa yis/ /rnon pos 'og ma btsor bar bya zhes bya ba la/ sems pa zhes bya ba rnal 'byor pa'o/ /'og ma zhes bya ba ni ma mchu ste/ sbrang rtsi lta bu'i bdud rtsi'i gnas su gyur pa'i phyir ro/ /bza' zhes bya ba ni btung zhing myang ba ste bshad zin to/ /bcu dang brgyad kyi lam dag nas/ /dril bu'i bdud rtsi bskul bar bya zhes bya ba ni gnas bco brgyad nas shes rab kyi khu ba phab pa ste/ sngar bstan pa dran par byed pa yin no/ /g.yon gyi cha na bandu ka zhes bya ba la/ g.yon gyi cha zhes bya ba ni chos byung ba'i g.yon phyogs so/ /bandu ka zhes bya ba ni me tog gi bandu ka lta bu ste/ khag mu kha'i rtsa ba'o/ /ci 'dra zhe na chu 'dzag pa'i cha byad zhes bya ba la sogs pa smos te/ chu 'dzag pa ni khu ba 'dzag pa'o/ /cha byad ni gsal

  734. 367b

    bar byed pa'o/ /chu 'dzag bya mchu'i dbyibs lta bu zhes bya ba la/ bya mchu zhes bya ba ni bya rnams kyi gdongs pa ste/ de'i dbyibs lta bu'o/ /der ni phyag rgya bskul bar bya zhes bya ba la/ der zhes bya ba ni lcags kyu'i sa bon bkod pa'i rtsa der ro// phyag rgya zhes bya ba ni bdud rtsi'i yi ge bkod pa'i mdzub mo'o/ /yang na shin tu chags pa sra ba la glang po che'i sna yi lag gi phyag rgyas bskul ba'o/ /rdo rje g.yas kyi cha dag ni zhes bya ba la/ chu zhes bya ba ni chu skyes te pad+ma'o/ /g.yas zhes bya ba ni/ g.yas ngos te/ g.yon pa yang gzung bar bya ba'o/ /'dis ni rdo rje'i g.yas kyi chas 'brud par bya la/ pad+ma'i ni g.yon gyis 'brud par bya bar ston to/ /de nyid kyi phyir/ rang bzhin mnyam pa'i tshul du bya zhes bya ba smos te/ phan tshun mtshungs par brud pa'o/ /thong ka la sogs gnas kun tu/ /de nas sor mo gdab par bya zhes bya ba la/ thong ka zhes bya ba ni nu ma gnyis so/ /gnas kun zhes bya ba ni de la sogs pa'i gnas bco brgyad po rnams su'o/ /sor mo gdab ces bya ba ni mdzub mo brud pa ste/ yan lag mchog la sogs pa'i sor mos brud pas khu ba 'dzag par 'gyur ro zhes bya bar dgongs so/ /des na rdo rje rtse mo ni/ phyag rgya glo ru sbyar nas su zhes bya ba la/ des na zhes bya ba ni de'i phyir te/ byang chub kyi sems bskul ba'i phyir ro/ /rdo rje rtse mo zhes bya ba la sogs pa ni sngar 'khyud pa'i skabs su bshad zin to/ /phan tshun brud pa gsal bar bstan pa'i phyir/ gnyi ka kun tu sbyor ba yis/ rdo rje padmo bskul bar bya zhes bya ba smos te/ thabs dang shes rab gnyi ka'i rdo rje dang padmo'i g.yas dang g.yon gyi cha phan tshun du sbyar nas bskul ba ste brud par bya'o zhes bya ba'i don to/ /bzlas pa dran par bya ba'i phyir/ hUM gi zhes bya ba la sogs pa smos te/ ye shes kyi sa bon hUM bzlas pas rang gi lus kyi lha rnams bde bas tshim par bya'o zhes bya ba'i don to/

  735. 368a

    dril bu'i bzlas pa bstan pa'i phyir dril bu ni zhes bya ba la sogs pa smos te go sla'o/ /ye shes sa bon rdo rje rtse/ /bdag nyid lha ni bsam par bya ba la/ ye shes sa bon ni yi ge hUM ngo/ /rdo rje rtse zhes bya ba ni rdo rje'i rtse mor te/ bsam mo zhes bya ba ni lhag ma yin no/ /'dis ni mnyam par sbyor ba'i dus su rdo rje'i rtse mor hUM bsgoms nas bdag gi lus tshim par bya'o zhes bya bar ston to/ /nye bar mtshon pa 'dis pad+ma la ni yi ge a dgod par shes par bya'o/ /rdo rje dril bu lus yin te/ /phyag rgya ba sbyor sbyar bar bya zhes bya ba la/ rdo rje zhes bya ba ni rdo rje sems dpa' o/ /phyag rgya ni de dag gnyis kyi lus kha sbyor ba'o// //de kho na nyid 'di rtogs pas phyi rol gyi rdo rje dang dril bu yang bzung bar bstan pa'i phyir/ rdo rje dril bu zhes bya ba la sogs pa smos te/ phyi rol gyi rdo rje dril bu'i phyag rgya yang rnam par dag pa 'dis/ /rnal 'byor pas gzung ngo zhes bya ba'i don to/ /rdo rje kho nas bskyod la zhes bya ba ni/ hUM gi de kho na nyid bzlas nas rdo rjes brud par bya'o/ /dril bu rang dgar dkrol bar bya zhes bya ba ni de bzhin du shes rab kyis kyang yi ge a brjod nas pad+mas rdo rje brud par bya zhing bzhib par bya ba'o/ /rdo rje dril bu rab sbyor te/ /phyag rgya de nyid sbyor ba yin zhes bya ba la sogs pa ni rdo rje dang dril bu mnyam par sbyor ba'i don dam pa'i ye shes kyis bdag nyid mnyes par byas pas lus la gnas pa'i lha thams cad tshim par 'gyur ro zhes bya ba ston to/ /gnyi ga ya ni bdag nyid sems/ /zhes bya ba ni gnyi ka sbyor ba la sogs pa'i byang chub kyi sems te/ gnyi ga las skyes pa'i khu ba'o/ /chu de byin gyis brlab par bya zhes bya ba la/ chu ni khu ba'o/ /byin gyis brlab pa ni bza' ba ste/ gnyis kas gnyis ga'i khu ba bza' ba'o/ /sngar shes rab gtso bor gyur pa'i ka ra na

  736. 368b

    bstan nas de ni thabs gtso bor gyur pa'i ka ra na bstan pa'i phyir/ sgeg cing zhes bya ba la sogs pa smos te/ bskyod pa'i zhes bya ba ni ka ra na'o/ /sgeg pa zhes bya ba ni bdag nyid gtso bor gyur pas 'gying ba dang bcas pa'o/ /bde ba'i stan la 'dug nas ni zhes bya ba ni sgra ji bzhin no/ /gzhan dag ni rdo rje sems dpar bsgom mo zhes zer ro/ /de nas ci zhig bya zhe na/ rdo rje rol pa'i rkang pa ste/ /dril bu g.yon gyis brla yis rol zhes bya ba smos te/ rdo rje sems dpa' i rkang pa g.yon pa brkyang la/ g.yas pa cung zad bskums pa'i rol pa'i stabs la gnas pa dang/ shes rab kyi g.yas pa brkyang la/ g.yon pa bskums pa'i stabs la gnas pa'o/ /lag g.yon 'khyud cing nu ma gzung zhes bya ba ni rdo rje sems dpa' i lag pa g.yon pas shes rab la 'khyud nas nu ma g.yon pa 'dzin pa'o/ /g.yas kyis rdo rje gsong ba bya zhes bya ba ni lag pa g.yas kyis thabs kyi rdo rje padmor gzhug pa'o/ /yang dang yang du sprad par bya zhes bya ba ni skad cig skad cig cing 'o gdab pa'o/ /bzhad cing zhes bya ba la sogs pa ni go sla'o/ /ka na na gnyis pa bstan pa'i phyir/ dril bu zhes bya ba la sogs pa smos te/ dril bu bskyod pa'i tshul gyis ni zhes bya ba ni thabs dang shes rab gnyis kyi rol pa'i stabs snga ma las go bzlog pa'o/ /pad+ma'i stan la 'dug nas su zhes bya ba ni thabs kyi brla g.yon pa'i steng du shes rab bzhag pa'o/ /rkang pa g.yas pas dkris nas ni/ /sku'i gnas su bzhag par bya zhes bya ba ni thabs kyi rkang pa g.yas shes rab kyi rked pa la dkri ba'o/ /mgrin par gcig gis 'khyud nas ni zhes bya ba ni/ thabs kyi lag pa g.yas pas shes rab kyi mgul la 'khyud pa'o/ /g.yon pas dril bu gsil bar bya zhes pa ni lag pa g.yon pas shes rab kyi pad+ma dbye ba'o/ /yang na bskul zhing drung pa'o/ /lhag ma ni go sla'o/ /ka ra na gnyis dngos

  737. 369a

    su smos pa 'dis lhag ma yang don gyis shes par bya'o/ /de nas rdo rje glu blang zhing/ /sna tshogs hUM zhes bya bar 'dod zhes bya ba la/ de nas ces bya ba ni ka ra na'i mthar ro/ /rdo rje glu zhes bya ba la/ rdo rje ni gnyis su med pa'i gsang ba'o/ /de dang ldan pa'i glu ni rdo rje'i glu ste/ 'khor ba stong pa zhes bya ba la sogs pa'o/ /sna tshogs hUM zhes bya bar 'dod ces bya ba ni glu'i tshig re re'i mthar te na hUM zhes bya ba la sogs pa gdon bar bya'o/ /bdud rtsi'i chu ni gzung nas su/ /slar yang glu ni blang bar bya zhes bya ba la/ slar yangs bya ba ni yang de'i 'og tu'o/ /bdud rtsi chu zhes bya ba chang ngo/ /gzung ba ni bang bas te/ slar yang ngal bso ba'i phyir dang/ shes rab mnyes par bya ba'i phyir gnyis kas chad btung zhing glu blang ba'o// rdo rje'i glu gsungs pa/ 'khor ba stong pa zhes bya ba la sogs pa la/ 'khor ba zhes bya ba ni phung po lnga'o/ /stong pa zhes bya ba ni gzung ba dang 'dzin pa dang bral pa'o/ /de nyid kyi phyir snying po med pa ste/ chu shing las 'bras bu ltar snying po med ba'i snying po bstan pa'i phyir/ snying po dag ni shin tu bsags pa ste zhes bya ba smos te/ snying po zhes bya ba ni mi gnas pa'i mya ngan las 'das pa'o/ /shin tu bsags pa zhes bya ba ni des chos thams cad bsgrubs pa ste/ 'di ltar phung po lnga po dang bzhin med pa'i lha'i bdag nyid du goms pas mi gnas pa'i mya ngan las 'das par bsgrubs pa'o/ /gal te chos rnams gzung ba la sogs pa dang bral ba yin na ni/ ji ltar mi gnas pa'i mya ngan las 'das par 'gyur zhe na/ dngos las rnam par grol ba rab tu 'grub ces bya ba smos te/ dngos po zhes bya ba ni gzung ba la sogs pa'i mtshan nyid de de las rnam par grol ba nyid mya ngan las 'das pa zhes bya ba'i don to/ /yang na yod pa dang med pa dang/ rtag pa dang mi rtag pa la sogs pas

  738. 369b

    bsgos pa'i sems gnyis su snang ba ni dngos po ste de las grol ba'o/ /rab tu grub pa zhes bya ba ni de las mya ngan las 'das par 'grub pa ste/ 'dra bas 'dra ba bskyed pa'o zhes bya ba'i don to/ /ming gi rnam grangs bstan pa'i phyir/ /rnam par thar pa zhes bya ba la sogs pa smos te/ rnam par thar ba ni mi gnas pa'i mya ngan las 'das pa'i rnam grangs so/ /rab tu bsgral ba ste zhes bya ba ni des sems can thams cad bsgral ba 'am der bsgral ba'o/ /de nyid bstan pa'i phyir/ phan tshun kun tu 'khyud pa'i sbyor byas pa/ /de yis kun don yang dag byed par 'gyur bya ba smos te/ phan tshun kun tu 'khyud pa'i sbyor ba ces bya ba ni/ stong pa nyid dang snying rje dbyer med pa'i lha'i rnal 'byor ro/ /kun zhes bya ba ni sems can thams cad kyi'o/ /don yang dag pa zhes bya ba ni mya ngan las 'das pa'i mthar thug pa'i dgos pa rnams so/ /'khor ba'i snying po dag ni med pa la/ rnal 'byor ma yi dbus su snying por sgrub ces bya ba ni kun tu 'khyud pa'i sbyor ba 'das ma thag pa de byang bar byas nas 'khor ba snying po med pa las 'khor ba'i dbus su bying ba'i rnal 'byor ma rnams kyi snying po ste/ mya ngan las 'das pa 'grub par 'gyur te/ rang bzhin gyis rnam par dag pa'i phyir ro/ /zhes bya bar dgongs so/ /rdo rje dril bu sgrar bcas pas de nas de ltar glu blang bya/ / zhes bya ba ni dril bu'i sgra dang bcas par yang dang yang du glu blang ba'o/ /de ltar rnal 'byor pa bsgom pa dang/ bzlas par ldan pas dngos grub tu 'gyur ba bstan pa'i phyir/ mnyam gzhag ces bya ba la sogs pa smos so/ /'grub pa de nyid bstan pa'i phyir/ /las ni zhes bya ba la sogs pa smos te go sla'o/ /da ni dbang du bya ba'i sbyor pa bstan pa'i phyir/ sman zhes bya ba la sogs pa smos te/ bskyod pa zhes bya ba ni 'dis rang gi dbang du byed 'gugs par byed pas na bskyod pa ste/ sman la sogs

  739. 370a

    pa'o/ /sbyor ba ni de'i rab tu sbyor ba'o/ /ldan pa ni shes rab dang bcas pa'o/ /lhag ma ni go sla'o/ /sbyor ba'i gnas su gzung bar bya zhes bya ba ni/ de dag thams cad cha mnyam pa'o/ /kha cig ni byang chub kyi sems bya'o zhes zer ro// rdzas de dag ni bsgos nas su zhes bya ba ni rdzas de dag la byang chub kyi sems kyis bsgo ba'o/ /lhag ma ni go sla'o/ /dbang po lag dang zhes bya ba la sogs pa la/ dbang po lag pa zhes bya ba ni rtsa'i khyad par gang dbang po'i lag pa dang 'dra ba de la de skad ces bya'o/ /rmongs byed ma zhes bya ba ni phaT pa ra ni ka'o/ /rengs byed ma zhes bya ba ni sa la bar ni ka'o/ /bdag gi sngags dang yan lag lnga zhes bya ba la/ bdag gi lnga zhes bya ba ni bdud rtsi lnga'o/ /yan lag lnga zhes bya ba ni mig dang rna ba dang sna dang lce dang rdo rje'i dri ma rnams so/ /thams cad cha ni bsnyams nas su zhes bya ba ni/ dbang po lag pa la sogs pa cha mnyam pa ste/ gzhan dag ni ji snyed pa gzung ba'o/ /btung ba zhes bya ba ni chang ngo/ /so rtsi zhes bya ba ni so rtsi za ba na dung gi thal ba dang sbyar ba'o/ /lhag ma ni go sla'o/ /khrag ni gtor ma'i sbyor ba yis/ /dbang la sogs pa'i las rnams 'grub ces bya ba la/ khrag ni zla mtshan gyi khrag go /gtor ma'i sbyor ba ni lha'i sbyor ba kha dog dmar por bya ba'o/ /sbyor ba de nyid kyi bzlas pa bstan pa'i phyir/ sngags ni zhes bya ba la sogs pa smos so/ /ji ltar bya zhe na/ bdag gi lus las gshegs gsol ba zhes bya ba smos te/ bdag gi lus las gshegs su gsol ba ni khu ba ste de dang bsres pa'o// bdag nyid ji ltar dga' bar bya zhes bya ba ni gang la sbyor bar 'dod pa de dag gis ni zla mtshan dang khu bar bsres la/ lha'i rnal 'byor mdog dmar po la gnas nas de la sngags 'bum phrag bzlas te/ gang la byin pa de dbang du 'gyur bar

  740. 370b

    ston to/ /da ni zhi ba la sogs pa'i las kyi dbye bas phyag rgya'i dbye ba bstan pa'i phyir/ brtul zhugs zhes bya ba la sogs pa smos te/ brtul zhugs ma zhes bya ba ni thod pa'i brtul zhugs can ma'o/ /nye du mo zhes bya ba ni mda' mkhan mo ste/ 'jog pa'i phyir ro/ /rgyal po ni rgyal rigs ma'o/ /bla ma bya ba ni bram ze ma'o/ /gsang ba zhes bya ba ni gar mkhan ma'o/ /lhag ma ni go sla'o/ /sha pa zhes bya ba ni sha 'tshong ba ste shen pa'o/ /nya pa ni nya shor ba'o/ /lhag ma yang go bar zad do/ /de bas zhes bya ba la sogs pa la/ rnal 'byor zhes bya ba ni zhi ba la sogs pa'i las so/ /bstan bcos zhes bya ba ni sngags so/ /gzung ba zhes bya ba ni 'das ma thag pa'i phyag rgya'i tshogs so/ /'bad pa zhes bya ba ni nan tan du bsgrub pa'o/ nga ni rkang stabs cings pa'i bye brag bstan pa'i phyir/ gzhan yang zhes bya ba la sogs pa smos te/ rkang stabs bcing ba cig bshad par bya zhes bya bar sbyar ro/ /sems can sgrol ba'i gnas yin te/ zhes bya ba ni sems can sgrol bar byed pa'o/ /yang na gnas ni rkang stabs te/ sems can sgrol bar byed pa'i rkang stabs so/ /de nyid gsungs pa gnyis ni kun tu 'dus nas bskyod/ de nyid phyag rgya zhes bya bcing zhes bya ba la/ gnyis zhes bya ba ni thabs dang shes rab bo/ /kun tu 'dus pa ni mnyam par sbyar ba'o/ /de nyid ni bskyod pa ste/ kun nas nyon mongs pa 'jig par byed pa'i phyir ro/ de nyid ces bya ba la phyin ci ma log pa gnyis su med pa'i ye shes so/ /de nyid phyag rgya ste yid mgu ba'i phyir ro/ /bcing ba ni gdab pa'o/ /kha cig ni mnyam pa'i rkang stabs kyi mtshan nyid yin no/ /zhes thor te/ gnyis kun tu 'dus nas zhes bya ba ni rkang pa gnyis phan tshun du 'dus pa'o/ /de nyid ni bskyod pa ste/ bgegs bskyod par byed pa'i phyir ro/ phyag rgya zhes bya ba ni mnyan

  741. 371a

    pa'i stabs kyi phyag rgya'o zhes zer ro/ /mnyam pa'i stabs dang zhes bya ba la sogs pa la/ mnyam pa'i stabs zhes bya ba ni/ thabs dang shes rab gnyis rkang pa dag phan tshun sor mos sor mo reg pa'o/ /kha cig ni g.yas kyi sor mo'i rtse mor rkang pa g.yon pa'i rtse mos reg pa'o/ /zhes zer ro/ /dbye ba'i stabs ces bya ba ni de nyid las shes rab kyi rkang pa g.yon pa cung zad bskums pa'o/ /zlum po'i stabs ces bya ba ni mnyam pa'i stabs las pus mo yangs par dgyed pa'o// gsum ni gnon pa'i stabs ni mnyam pa'i stabs de nyid las shes rab kyi g.yon pa gyen du bteg pa'o/ /ru sbal gyi stabs ni rkang pa g.yas pas g.yon pa mnan pa'o/ /g.yas brkyang ba ni g.yas brkyang nas g.yon pa cung zad bskums pa'o/ g.yon brkyang ni de las bzlog pa'o/ /gnas gcig pa ni gcig gis gnas pa ste/ rkang pa gcig btegs nas ka ra na sna tshogs kyis snyoms par 'jug cing/ rkang pa ya gcig gis 'khor lo ltar bskor ba'o/ /'dug pa zhes bya ba ni rol pa'i rkang stabs nyid de/ 'dis shes rab dang thabs kyi bde ba la 'dug pa'i phyir ro/ /rkang pa'i 'phen pa zhes bya ba ni ji ltar bde bar 'dug pa'o/ /mchod sdong gi tshul zhes bya ba ni dal ba bsal ba'i phyir/ thabs dang shes rab gnyis ka'i steng 'og gi byin pa bsrar ste snyoms par 'jug pa'o/ /pus mo btsir ba zhes bya ba tsog tsog por 'dug ste/ pus mo'i steng du gru mo gtsugs nas mgrin pa nas 'khyud pa'o/ /bsdu ba'i tshul zhes bya ba ni brla gnyis bsnol te/ shes rab kyi byin pa gnyis kyi dbus su zhugs pa'o// gzhan dag na re shes rab kyi pus mo gnyis thabs kyi mtshan khud gnyis su bcug ste/ lag pa gnyis kyis mgrin pa nas 'khyud pa 'di ni yang dag par bsdu ba'i tshul yin no/ zhes zer/ mnyam du gnas pa zhes bya ba ni gnyis ka'i yang rkang pa gnyis

  742. 371b

    ha cang mi ring bar brgyad ste 'dug pa'o/ /dus kyi me zhes bya ba ni shes rab kyi rkang pa g.yas pas bdag gi snying gar btsir ba'o/ /snying po zhes bya ba ni shes rab kyi rkang pa gnyis bdag gi rkang pa gnyis kyis bar du bcug ste/ rkang pa gnyis kyis so sor snying ga nyed pa'o/ /dga' bas gnas pa ces bya ba ni/ shes rab kyi brla steng gnyis su thabs kyi brnya gnyis bsnol mar bkan te gnas pa'o/ /gcig tu bsdu ba ces bya ba ni rkang pa gcig bskums te snyoms par 'jug pa'o/ /rkang stabs bskyod pa bco brgyad ni/ mchod pa'i dus su sbyar bar bya zhes bya ba na/ rkang stabs bco brgyad po de dag gis snyoms par 'jug cing rol pa'o/ /yon tan thams cad 'byung ba'i gnas/ rnal 'byor pa yis mchod par bya ba ni/ rnal 'byor pas shes rab gang zhig de thams cad nus pa dang ldan pa'i yon tan can de dag gzung nas sbyar bar bya'o/ /da ni tshul gyi bye brag bstan pa'i phyir/ snying gang 'tshir ba dang zhes bya ba smos te/ lag pa gnyis kyis shes rab kyi rgyab nas 'khyud nas/ snying gas snying ga btsir zhing/ rol pa 'di ni snying ga btsir ba'i shes rab kyi rkang pa gnyis rang gi snying gar bzhag ste rol pa 'di ni rkang pa sbyar ba'o/ /yang na shes rab kyi rkang pa dang bdag gi rkang par sbyar nas rol pa'o/ /me tog phreng ba'i tshul sngon du 'gro bar kun tu 'khyud pa 'di ni phreng ba'i tshul lo/ /nu ma la reg pa ni nu ma'i tshul lo/ /shes rab kyi pad+ma la ldag pa dang/ shes rab kyis kyang rdo rje bzhib ba ni gnyis ka sbyar ba de bza' ba'o/ /de yang steng dang 'og tu gnas nas sbyar bar blta ba'o/ /lus kyi gzhogs gcig gis phan tshun 'khyud pa ni byed kyis 'khyud pa'o/ /lag pa 'og ma gnyis kyis phan tshun gsang ba la reg cing gong ma gnyis kyis 'khyud pa ni phyed kyis 'khyud nas gsang bar reg pa'o/ /lus kyi lus la reg pa ni lus mnye ba'o/ /yang na phan tshun

  743. 372a

    rkang lag mnye ba'o/ /mdzub mo dang gung mo ko sko 'deg pa ni ko sko bstod pa'o/ /zhal ni bzhad cing sgeg pa dang zhes bya ba ni bzhad pa dang bcas sgeg pa dang bcas pa'i tshul zhes bya ba'i don to/ /mtshan nyid sna tshogs ldan pa yis/ /de yis las rnams bsgrub par bya zhes bya ba ni tshul rnam pa bcu po der ma zad kyi/ 'o na ci zhe na/ so dang sen mo gdab pa la sogs pa'i mtshan nyid sna tshogs kyis bsgrub bar bya'o/ /zhes bya ba'i don to/ /ba ni rdo rje dang dril bu nges par gzung bar bya ba'i mjug bsdu ba bstan pa'i phyir/ rdo rje zhes bya ba la sogs pa gsungs te/ de kho na yis zhes bya ba ni ji skad bstan pa'o/ /rnal 'byor la gus pas so/ /so so zhes bya ba ni nges par ro/ /da ni thabs dang shes rab phan tshun bral bas rnam pa thams cad du dngos grub med par bstan pa'i phyir/ gsang ba'i zhes bya ba la sogs pa gsungs te/ gsang ba'i rdo rje ni thabs so/ /dril bu ni shes rab bo/ /de bzhin du rdo rje 'ang dril bu dang bral ba ni shes rab kyis dben pa'o/ 'grub par ring bar 'gyur zhes bya ba ni grub pa dang ring ba ste bral ba'o/ /de ltar ldog pa bstan nas rjes su 'gro ba'i phyir/ rdo rje dril bu'i phyag rgya dag /dmigs na pha rol dgrol bar 'gyur zhes bya ba smos te/ thabs dang shes rab 'dus na 'grub par 'gyur ro zhes bya ba'i don to/ /dpe bstan pa'i phyir/ mtshan mo zhes bya ba la sogs pa smos te/ mtshan mo zla ba med pa dang/ /zhes bya ba ni zla ba med pa'i mtshan mo ste/ ci zhig nus zhes bya ba dang sbyar ro/ /'dis ni zla ba med pa'i mtshan mo 'od dang bral ba'i phyir/ bdag dang gzhan gyi don ci yang mi nus so zhes bya bar ston to/ /nyin mo'i zla bas ci zhig nus shes bya ba ni de bzhin du mtshan mo dang bral ba'i nyin mo'i zla ba yang 'od mdzes pa dang bral ba'i phyir bdag dang gzhan gyi

  744. 372b

    don cung zad kyang mi nus so zhes bya ba'i don to/ /don la nye bar sbyar ba'i phyir/ /de bas zhes bya ba la sogs pa smos te/ ji ltar mtshan mo dang mtshan mo'i bdag po dus mtshungs par 'jug pas/ rang dang gzhan gyi don nus pa ltar rdo rje dang dril bu yang mnyam pa ste/ snyoms par 'jug pas de kho na nyid gsal bar byed nus pa'o/ /de la de kho na nyid ces bya ba ni rang bzhin te/ de yang phyag rgya chen po'i dngos grub bo/ /gsal bar byed ces bya ba ni gsal ba'i nus pa dang ldan pa ste sgrub thabs so/ /gzhug pa cig las ni mnyam pas thams cad gsal bar byed ces 'byung ste/ der yang thams cad kyi sgras ni bsgrub bya bstan pa'o/ /A li kA li zhes bya ba la sogs pa la/ A li kA li ni thabs dang shes rab kyis sbyor ba'o/ /mdun du bsgom pa ni dang por bsgom pa ste/ ji ltar zhe na/ rnal 'byor chen pos zhes bya ba smos te/ rnal 'byor chen po zhes bya ba ni sngar bstan pa ltar stong pa nyid sngon du 'gro ba'i sa bon dang mtshan ma'i rims kyis skur bskyed pa'o/ /sgrub pa po zhes bya ba ni rnal 'byor pa ste/ dgos pa thams cad bsgrub par bya zhes pa dang 'brel to/ /A li dang kA li'i don gsungs pa/ A li zhes bya ba la sogs pa smos te go sla'o/ /sems can gyi don ma lus pa rnams kyang lha'i gzugs kyi thabs dang shes rab kyi 'grub par bstan pa'i phyir/ sems can zhes bya ba la sogs pa smos so/ /mya ngan las 'das pa yang thabs dang shes rab kyis 'grub pa'i phyir/ phyi rol zhes bya ba la sogs pa smos te/ phyi rol zhes bya ba ni 'das pa ste/ thabs dang shes rab las 'das shing dral bas so/ /yang phyi rol zhes bya ba ni pha rol tu phyin pa'i tshul bstan pa ste/ lha'i ting nge 'dzin gyis thabs dang shes rab ma gtogs par gang gis kyang 'khor ba'i pha rol tu sgrol bar byed pa yod pa ma yin no zhes bya ba'i don to/ /de nyid kyi phyir

  745. 373a

    rmongs pa zhes bya ba la sogs pa smos te/ rmongs pa ni phyi rol 'ba' zhig gi sems dang ldan pa'o/ /de'i dam tshig ni de dang rjes su mthun pas na dam tshig ste phyi rol gyi lam mo/ /yang na a zhes bya ba ni dgag pa ste/ de la mi bstan pa'o/ /ci zhig ce na/ dam tshig ste thabs dang shes rab kyi lha'i ting nge 'dzin to/ /de nyid kyi phyir/ gsang ba zhes bya ba la sogs pa smos te go sla'o/ /gang zhig lung ni shes gyur ba ces bya ba la shes gyur pa ni shes par 'dod pa dang/ nus pa ste nang gi lam la gzhol ba'o/ /de yis rnal 'byor pa ru grags zhes bya ba ni de kho na nyid la sbyor bar nus pa dang/ dngos grub 'dzin pa po zhes bya ba'i bar du'o/ /de nyid kyi phyir shel ltar zhes bya ba la sogs pa smos te/ /shel ltar dag pa ces bya ba ni dang ba dang yid ches pa'i dad par ldan pa'o/ /de'i chos zhes bya ba ni thar pa la sogs pa'i dngos grub kyi lam ste/ lha'i rnal 'byor ro/ /gzhan du na skyon bstan pa'i phyir/ gal te zhes bya ba la sogs pa smos te/ the tshom zhes bya ba ni/ bla mas bstan pa'i lam la yid gnyis za ba'o/ /de'i tshe cir 'gyur zhe na/ skad cig gis shes bya ba la sogs pa smos te go sla'o/ /'dod pa 'ba' zhig don du gnyer ba la chos bstan pa dgag pa'i phyir/ 'dod la dga' ba zhes bya ba la sogs pa smos so/ /sngar pha rol tu phyin pa'i theg pa'i tshul la ma rmongs shing 'gro ba'i don lhur len pa rnams la/ sbyin par bstan pa'i phyir/ sems can don bya'o phyir du ni/ rab tu 'bad pa de nyid dmigs zhes bya ba smos te/ bstan par bya ba zhes bya ba lhag ma yin no/ /de nyid ces bya ba ni chos bdag med pa ste stong pa nyid kyi cha'o/ /dmigs pa ni khong du chud pa'o/ /rnal 'byor pa rnams kyi yul la spyod

  746. 373b

    pa spyad par bstan par bya ba'i phyir gal te zhes bya ba smos te/ gal te zhes bya ba ni ji ste rnal 'byor pa gzhan gyi don du gnyer ba chags pa can yin na'o/ /'dod la dga' zhes bya ba ni 'dod pa la nye bar spyod par 'dod pa'o/ /de'i tshe thabs kyi mtshan nyid gcig yod de zhes bya bar sbyar te/ thabs zhes bya ba ni lam mo/ /gcig ces bya ba ni dam ba ste zla med pa'o/ /ji ltar zhe na rang dga' zhes bya ba la sogs pa smos te/ rang dga' zhes bya ba ni/ bud med kyi yul lo/ /skad cig ces bya ba ni gnas skabs so/ /gang gi zhe na/ yang dag 'byung ba ste yul khyad par can rnyed pa'i tshe'o/ /thabs dngos bstan pa'i phyir/ rdo rje dril bu zhes bya ba la sogs pa smos te/ rdo rje dril bu sbyor ba ni rdo rje padmo sbyor ba'o/ /de yang ji ltar sgrub ce na/ skad cig tshul gyis zhes bya ba la sogs pa ste/ skad cig gi tshul zhes bya ba ni yud tsam gyis rdzogs pa'o/ /de nyid kyi phyir/ bdag gi rnal 'byor bdag ces brjod ces bya ba brjod ces bya ba smos te/ bdag gi rnal 'byor ni rdo rje sems dpa' i ting nge 'dzin no/ /bdag ces brjod pa ni nga rgyal bskyed ba'o/ /gsang ba'i nang gi dbus gnas par/ A li la sa bon gzung bar bya zhes bya ba ni kha kha mu kha'i sgor sa bon a dgod pa dran par mdzad pa yin no/ /bdag nyid skad cig rnal 'byor ni/ /hUM zhes bya ba 'bad de bzlas zhes bya ba la/ skad cig ces bya ba ni rdo rje ste mi brtan pa'i phyir ro/ /hUM zhes bya ba ni sa bon hUM ngo/ /rnal 'byor zhes bya ba ni sbyar ba ste der bsgom pa'o/ /'bad de bzlas zhes bya ba ni gnyis ka'i bzlas pa dran par mdzad pa'o/ /de dag gis ni thabs dang shes rab kyi sbyor ba nye bar bsdu ba bstan pa yin no/ /gang yang cung zad lus dang ngag /lha yi sbyor bar thim par bya zhes bya ba ni rnal 'byor ba'i phyi'i bya ba dgag? ba yin te/ lus dang ngag ces bya ba ni lus dang ngag gi las te/ mdo gdon pa dang/

  747. 374a

    mchod rten la phyag bya ba la sogs pa'o/ /cung zad ces bya ba ni ma lus par bsdu ba'o/ /lha'i rnal 'byor zhes bya ba ni yid kyi las lha'i ting nge 'dzin to/ /thim par bya zhes bya ba ni lha'i ting nge 'dzin yun ring du gus par bsgom pa la phyi'i bya ba ngag dgag pa'o/ /da ni de ltar chos bstan pa'i bdag nyid che ba gsal bar bya ba'i phyir/ thal sbyar zhes bya ba la sogs pa smos te/ rnal 'byor rnal 'byor ma dbang gsan zhes bya ba ni/ phyag na rdo rje la sogs pa'i rnal 'byor pa'i dbang phyug rnams dang/ rnal 'byor ma rnams te/ mkha' gro ma rnams kyis bcom ldan 'das kyis de ltar bka' stsal pa'i chos gsan cing thos nas/ thal mo sbyar te bstod do/ /zhes bya bar sbyar ro/ /ci lta bus bstod ce na/ dgyes shing thugs ni chim pa yi zhes bya ba smos te/ bcom ldan 'das thugs dgyes shing tshim par byed pa'o/ /gang zhe na/ e ma'o/ /zhes bya ba la sogs pa la/ 'gro ba thar pa de ring thob ces bya ba ni bcom ldan 'das kyi gsung rdo rje dril bu la sogs pa'i ting nge 'dzin gyis thabs de dag gis/ de ring ste tshe 'di nyid la 'gro ba rnams kyis thar ba thob pa ngo mtshar che ba'o/ /'gro ba rnams zhes bya ba ni rigs la sogs pa'i nges pa med par gzung ba'o/ /e ma'o chos kyi mchog gi 'o ma zhes bya ba la/ chos zhes bya ba ni rang bzhin gyis stong pa nyid do/ /mchog ces bya ba ni dam pa ste lha'i sku'o/ /e ma zhes bya ba ni ngo mtshar ba'o/ /e ma 'khor ba gcod pa po ces bya ba ni 'khor ba las grol ba'o/ /e ma rnal 'byor grol ba'i gnas zhes bya ba ni thar pa'i lam du sbyar ba'o/ /e ma ngo mtshar rnal 'byor lam zhes bya ba ni bde ba chen po'i grong khyer du 'gro ba'i phyir ro/ /lam des tshegs med par grub pa bstan pa'i phyir/ tshes grangs med cing zhes

  748. 374b

    bya ba smos te go sla'o/ /yang las kyi cho ga bstan pa'i phyir/ las kyi 'khor lo zhes bya ba la sogs pa smos te/ las kyi 'khor lo zhes bya ba ni las kyi tshogs te/ bshad par bya zhes bya bar sbyar ro/ /ci'i phyir zhe na/ sgrub pa po yi sna tshogs 'dod ces bya ba smos te/ sgrub pa po rnams kyi mos pa sna tshogs kyi dbang gis so/ /de nyid gsungs pa/ zla ba'i dkyil 'khor zhes bya ba la sogs pa ste go sla'o/ /bzlas pa'i sngags gsungs pa/ yi ge gnyis 'gyur zhes bya ba la sogs pa ste/ sngags 'di ni mkha' 'gro ma drag mo'i yin mod kyi 'og nas 'byung ba'i bsgrub bya la 'tsham pa'i phyir rol pas ma nyid kyis bzlas bar bya'o/ /sgrub pa gsungs pa/ yi dags gos zhes bya ba la sogs pa smos te/ sogs pa'i sgras ni dpa' bo'i gos dang bu btsas pa'i dgab ma la sogs pa la gzung ngo/ /lhag ma ni go sla'o/ /sa'i dbus zhes bya ba ni/ dur khrod kyi dbus so/ /tha mal me zhes bya ba ni shan pa'i khyim nas byung ba'i me'o/ /me 'bar dbus su zhes bya ba ni sbyin sreg bya zhes pa lhag ma yin no/ /zho can lnga zhes bya ba ni shing a shwat tha la sogs pa rnam sla'o?/ /sbrang rtsi khrag la spags pa dag ces bya ba la/ sbrang rtsi ni mi'i rkang las byung ba ste mar nag chen po'o/ /de ltar na mar nag chen po dang khrag la spags pa'i sha chen pos sbyin sreg bya ba'o/ /rtsa ba'i sngags zhes bya ba ni sbyin sreg gi sngags so/ /thams cad sdang bstan bzhin du bya zhes bya ba ni/ sngar bshad pa'i sbyin sreg gi cho ga bzhin du bya ba'o/ /mtshan ma gsungs pa/ dang po zhes bya ba la sogs pa la/ lnga par sgrub pa'i grogs po ni/ seng ge'i tshul du babs nas su/ /zhes bya ba ni sgrub pa'i grogs la lha mo seng ge mo zhugs nas rang bzhin 'gyur te/ seng+ge'i gzugs dang sgrar snang bar 'gyur ba'o/ /ji ltar 'dod bzhin gnas rnams dang/ stan ni bdag

  749. 375a

    gir mdzad du gsol zhes bya ba ni/ rang gi gzugs kyis nga'i mdun du 'dug cig pa'o/ /de nas lha mo'i dngos bstan nas zhes bya ba ni slob ma'i lus las byung nas lha mo'i rang gi gzugs su ston pa'o/ /ci zhig bsgrub ces bya ba ni dgos pa gang zhig bsgrub par bya zhes bya ba'i bar du'o/ /dpa' bos zhes bya ba ni rang gi sngags dang phyag rgyas bsgyings pa ste/ 'jigs par mi bya ba'o/ /yi dags bgrod pa zhes bya ba ni g.yon skor du 'gro'o/ /lhag ma ni go sla bas ma phye'o/ /stag mo lce spyang 'ug pa mo/ /las de nyid kyis bsgrub par bya zhes bya ba ni/ seng ge mo'i sgrub thabs kyis de dag bsgrub par bya ba ste/ 'on kyang stag mo'i sngags ni oM hmryuM swAhA zhes bya ba yin no/ /lce spyang mo'i ni oM ymryuM swAhA zhes bya ba'o/ /'ug pa mo'i ni oM k+Sh+mryuM swAhA zhes pa'o/ /da ni dngos grub thams cad thabs dang shes rab kyi ting nge 'dzin gyis 'grub pa dran par bya ba'i tshul gyis gzhung gi mjug bsdu ba bstan pa'i phyir/ rdo rje dril bu zhes bya ba la sogs pa smos te go sla'o/ /sbyor ba'i zhes bya ba la sogs pa la rab tu byed pa zhes bya ba ni gzhung 'dis thabs dang shes rab gnyis su med pa'i sbyor ba dang/ ra ba la sogs pa rnam par dag pa dang thabs dang shes rab lha'i gzugs kyis kha ga mu kha bskul ba dang/ bcing ba'i cho ga dang sman gyi sbyor bas dbang du bsdu ba dang/ bsgom pa'i rjes su bstod pa dang/ seng ge mo la sogs pa'i sgrub thabs kyi las kyi tshogs gsal bar mdzad pas na rab tu byed pa'o/ /sman dang sngags la sogs pa'i sbyor ba'i gnas su gyur pas na sbyor pa'i gdan te/ rdzogs pa ni mthar gtugs pa'o/ /dpal gdan bzhi pa'i 'grel pa dran pa'i rgyu mtshan zhes bya ba las sbyor ba'i gdan gyi rab tu byed pa rdzogs so// //

  750. 375b

    da ni gsang ba'i gdan bstan pa'i phyir/ slob dpon dag ni zhes bya ba la sogs pa smos te/ slob dpon dag ni gzung bar bya zhes bya ba ni dngos grub kyi thabs bslab par bya ba'i phyir gzung zhing shes par bya ste/ nyon cig ces bya ba dang 'brel to/ ci 'dra zhe na/ sngags dang phyag rgya sbyor sogs ldan zhes bya ba smos te/ sngags zhes bya ba ni zhi bar byed pa la sogs pa'i sngags so/ /phyag rgya zhes bya ba ni lus la sogs pa'i phyag rgya ste/ de la lus kyi phyag rgya ni lag pa'i phyag rgya'o/ /dag gi phyag rgya ni ngag gi bya bas mtshon pa ste/ ngag gi brda'o/ /sems kyi phyag rgya ni bsgoms pas mtshon pa ste/ kha dog dang dbyibs dang zhal la sogs pa lha'i rnam pa gang sems kyis yid la byas pa ste sems kyis phyag rgya'o/ /sbyor ba zhes bya ba ni ting nge 'dzin to/ /sogs pa ni? sgras ni dkyil 'khor gyi de kho na nyid la sogs pa gzung ste de dag dang ldan pa'o/ /ji bzhin lam gyis 'khor ba las/ grol ba'i mtshan nyid rdo rjes nyon zhes bya ba la/ 'dis dmigs shing shes par byed pas na lam ste bstan bcos so/ /ji bzhin ni de'i rim pa ji bzhin du'o/ /'dis 'khor ba las sgrol bar byed pas na 'khor ba las sgrol ba ste slob dpon no/ /mtshan nyid ni de'i rang bzhin no/ /phyag na rdo rjes slar gsol pa slob dpon zhes bya ba la sogs pa la/ /yon tan ci 'dra bar zhes bya ba ni blta bar bgyi zhes bya ba dang 'brel to/ /bla ma zhes bgyi ba ji ltar lags zhes bya ba ni bla ma'i tha snyad du bgyi ba'i don ji lta bu zhe na bya ba bzhin no/ /slob dpon ji ltar sbyor bar bgyi zhes bya ba ni slob dpon du 'os pa'i mtshan nyid ji lta bu zhig lags zhes bya ba'o/ /ji ltar blta zhes bya ba ni ji ltar dmigs pa'o/ /lan gsungs pa/ thams cad ces bya ba la sogs pa la/ thams cad ces bya ba ni thams cad shes pa dang/ lam shes pa dang/ rnam pa

  751. 376a

    thams cad mkhyen pa ste/ de rnams kyi mtshan nyid du 'dis shes shing mtshon par byed pas na/ mtshan nyid de slob dpon gyi ming gang yin pa'o/ /de yang de bzhin gshegs pa'i ming gis dbang bskur ba'o/ /byang chub ces bya ba ni shes par bya ba ste/ de'i rang bzhin ni de kho na nyid do/ /lus ni sangs rgyas thams cad de zhes bya ba la/ sangs rgyas thams cad kyi rang bzhin yin pas na/ sangs rgyas thams cad de rdo rje 'dzin pa'o/ /lus ni rdo rje slob dpon gyi lus te de de'i rang bzhin blta ba'o/ /cha shas byang chub yan lag gnas zhes bya ba ni de'i lus kyi cha shas ji snyed pa rnams byang chub kyi yan lag bdun gyi rang bzhin no/ /dbu rgyan rigs ni lnga nyid de zhes bya ba ni/ rigs brgya po mdor bsdus pa'i mi bskyod pa la sogs pa'i rigs lnga ni de'i dbu rgyan no/ /ba spu rnams ni dgra bcom mo zhes bya ba ni de'i ba spu grangs med pa rnams 'phags pa dgra bcom pa bya ba 'bum phrag gi grangs dang ldan pa rnams kyi rang bzhin no/ /'jig rten pa'i khams? kyi gdan zhes bya ba la/ 'jig rten pa ni 'jig rten pa'i lha tshangs pa la sogs pa'o/ /zhabs kyi gdan ni zhabs kyi 'og ste/ rkang mthil zhes bya ba'i bar du'o/ /'od zer gnod sbyin gsang la sogs zhes bya ba la/ gnod sbyin ni grags par zad do/ /gsang ni dri za'o/ /sogs pa'i sgras ni 'byung po la sogs gzung ngo/ /de ltar yon tan ldan pa'i skur/ /rnal 'byor can ni rtag tu blta zhes bya ba la/ rnal 'byor can zhes bya ba ni slob dpon no/ /da ni slob dpon yon tan ji lta bu zhes bya ba'i lan bshad pa'i phyir/ ye shes can zhes bya ba la sogs pa gsungs te/ ye shes can zhes bya ba ni slob dpon no/ /mtshan nyid ces bya ba ni 'og nas 'byung ba'i rang

  752. 376b

    bzhin no/ /de nyid gang yin zhe na/ shin tu zhes bya ba la sogs pa smos so/ /yang na yon tan ci 'dra zhing zhes bya ba dang/ ji ltar blta bar bgyi zhes bya ba ni de ltar yon tan ldan pa'i sku zhes bya ba'i bar gyis bshad zin to/ /'dir ni slob dpon ji ltar sbyar bgyi ba zhes bya ba'i lan bstan pa yin te/ shin tu dul ba zhes bya ba ni dbang po dul ba'o/ /zhi ba'i gzugs zhes bya ba ni 'jig rten gyi cha byad bor ba'o/ /sngags dang rgyud kyi sbyor la mkhas zhes bya ba la/ sngags ni zhi bar byed pa la sogs pa'i sngags so/ /rgyud ni zhing la sogs pa'i 'khor lo'o/ /de'i sbyor ba ni bzlas pa dang 'bri ba la sogs pa'i mtshan nyid de/ mkhas pa ni byang ba'o/ /rnal 'byor bzo dang bstan bcos rig ces bya ba la/ rnal 'byor ni rlung la sogs pa'i bye brag go /bzo ni bri la sogs pa'i las so/ /bstan bcos ni gso ba'i bstan bcos dang byA ka ra Na la sogs pa ste/ gang gi rnal 'byor la sogs pa shes pa de la de skad ces bya'o/ /thams cad du snyan par smra zhes bya ba ni 'jam por smra ba ste/ sems can kun la zhes bya ba dang sbyar ro/ /sems can kun la bu bzhin blta ba zhes bya ba ni thams cad gces par 'dzin pa ste byams pa'o/ /sbyin pa la sogs rtag tu dga' zhes bya ba ni sbyin pa dang tshul khrims dang bzod pa la sogs pa dang ldan pa'o/ /rnal 'byor bsam gtan mngon brtson pa zhes bya ba la/ rnal 'byor ni thabs dang shes rab kyi sbyor ba'o/ /bsam gtan ni lha'i ting nge 'dzin to/ /snying rje zhes bya ba la sogs pa ni go sla'o/ /mnyam nyid sems ni bskyed pas na zhes bya ba ni dgra dang mdza' bshes dang bar mar ngo snyoms pa'o/ /de nyid bcu ni yongs shes pa zhes bya ba la de nyid bcu ni dkyil 'khor dang/ rang gi ting nge 'dzin dang/ phyag rgya dang/ ka ra na dang/ 'dug stangs dang/ bzlas pa dang/ sbyin sreg dang/ mchod

  753. 377a

    pa dang/ las kyi sbyor ba dang/ nye bar bsdu ba'o/ /de ni slob dpon zhes bya bar brjod zhes bya ba la/ de ni zhes bya ba ni shin tu dul ba nas de nyid bcu shes pa'i bar gyi yon tan rnams te/ legs pa don du gnyer ba rnams kyis goms pa bya bas na yon tan te de dag dang ldan pa'o/ /slob dpon zhes byar brjod ces bya ba ni/ slob dpon du brjod pa'o/ /de'i phyir bla ma'i tha snyad kyis kyang brjod de/ yon tan de dag gis bskyod cing 'jug pa'o/ /de skad du yang bdag nyid dam ni gzhan yang rung/ /ji skad bstan pa bzhin spyod pas/ slob dpon dang ni bla ma ru/ /mkhas pa rnams kyis kun tu brjod ces gsungs so/ /da ni slob ma'i bya ba bstan pa'i phyir/ gzhan yang zhes bya ba la sogs pa smos te/ slob mas spyad pa ni slob ma'i bya ba'o/ /de nyid gsungs pa/ rnal 'byor ma zhes bya ba la sogs pa la rnal 'byor ma dang sbyor ba'i lha/ slob dpon gsang ba dmad mi bya zhes bya ba dang 'brel to/ /de la rnal 'byor ma zhes bya ba ni ye shes mkha' 'gro ma la sogs pa'o/ /sbyor ba'i lha ni thabs dang shes rab dang ldan pa'i lha ste de'i rang bzhin gyi slob dpon no/ /dam tshig spyod pa'i lha nyid dang zhes bya ba la/ dam tshig ni bdud rtsi lnga dang lcags kyu la'o/ /de la spyod pas rnam par rol cing gsal bar byed pas na dam tshig spyod pa'i lha ste slob dpon no/ /gtor ma gsang ba la sogs ldan zhes bya ba ni gtor na dang sbyin sregs la sogs pa'i de kho na nyid de/ de dag dang ldan pa ni slob dpon no/ /gsang ba zhes bya ba ni rdo rje 'dzin chen po ste de'i rang bzhin gyi slob dpon mi smad pa'o/ /de yang gsungs pa byang chub kyi sems dang slob dpon ni/ gnyis su med cing tha dad du byar med do zhes pa ste/ des na slob dpon nyid rdo rje 'dzin pa'o/ /smad na myur du mnar med 'gro zhes bya ba la myur

  754. 377b

    du zhes bya ba ni/ shim thag ste bar mtshams med par ro/ /gzhung ka cig las ni/ rnal 'byor ma dang sbyor ba'i lha/ /lha yi dam tshig spyod pa dang/ /rnal 'byor gsang ba'i gtor sogs dang/ /slob dpon gsang ba smad mi bya zhes 'byung ste/ der ni slob dpon 'ba' zhig tu ma zad kyi rnal 'byor ma la sogs pa smos pa yang mnar med par lhung ngo zhes bya bar sbyar ro/ /kun tu dam tshig med pa dang zhes bya ba ni/ ji ltar snyed pa'i dam tshig rnams la sdang bas rgyal gyi phyogs kyi phyogs pa ste/ der yang myur du mnar med 'gro zhes bya ba snga ma dang sbyar ro/ /gdan dang zhes bya ba la sogs pa la gdan ni bzhugs gdan te stegs bu la sogs pa'o/ /mal stan dang lham ni go bar zad do/ /de dag la ci zhig ce na/ bgom zhing brdzi mi bya zhes bya ba dang sbyar te go sla'o/ /gdugs dang na bza' nyer spyod rnams zhes bya ba ni/ bla mas nye bar spyod pa'i gdugs dang/ na bza' la sogs pa'i yo byad rnams te/ de dag bdag gis spyad na mar med 'gro zhes bya bar sbyar ro/ /grib ma bgom zhing brdzi mi bya/ /zhes bya ba la grib ma ni slob dpon gyi grib ma ste/ grib ma la bgom zhing grib ma la 'chong ba'o/ /brdzi ba ni 'og tu gnon pa'o/ /bzlog dang gzir ba'i tshig brjod min zhes bya ba la/ bzlog pa'i tshig ces bya ba ni slob dpon la bzhad gad tsam gyis kyang 'tshang 'dru ba dang/ slob dpon gyis bka' bsgo ba na med pa dang mi nus pa la sogs pa'i tshig gis slar bzlog pa dag go /gzir ba'i tshig ces bya ba ni rang gi bya ba rnams/ /slob dpon gyi thabs ris su ma bab bzhan du nan gyis 'chol ba ste/ tshig de dag brjod bar mi bya'o/ /de thams cad kyang myur du mnar med 'gro zhes bya ba'i 'bras bu snga ma dang sbyar ro/ /tshe 'di'i skyon cing 'gyur zhe na/ 'das na zhes bya ba la sogs pa smos te/ 'tshe ba zhes bya ba ni/ sdug bsngal 'thob pa'o/ /de nyid bstan pa'i phyir don nyams

  755. 378a

    dang la las ring du 'gyur/ zhes bya ba smos te/ dpal zhes bya ba ni bsod nams dang ye shes kyi tshogs kyi mtshan nyid do/ /dron zhes bya ba ni de dag gi 'bras bu'o/ /lhag ma ni go sla'o/ /de thams cad kyang ci'i phyir zhe na/ sngags dang phyag rgya'i sbyor la sogs/ /de yi lam gyis 'grub phyir ro/ /zhes bya ba smos te/ de'i lam gyis zhes bya ba ni/ bla mas bstan pa'i thabs kyis so/ /bslab pa sbyin pa sngon 'gre bas/ /de nas maN+Dal la sogs bya zhes bya ba ni sngar bstan pa'i mtshan nyid dang ldan pa'i slob dpon gyis/ dang por dge bcu'i bslab pa sbyin pa dang/ gsum la skyabs su 'gro ba sngon du 'gro bas sngar bstan pa'i mtshan nyid can gyi slob ma dkyil 'khor du bzhugs pa la sogs pa byas la/ dbang bskur bar bya'o zhes bya ba'i don to/ /dbu rgyan gyi dbang bskur ba gsungs pa/ sngar bstan yi ge gcig po yis/ /sangs rgyas lnga ni bstan par bya zhes bya ba la sngar bstan yi ge zhes bya ba ni yi ge hUM ngo/ /gcig po zhes bya ba ni yi ge a'o/ /'dir oM swAhA zhes bya ba yang blta bar bya ste/ des na oM hUM a swAhA zhes bya ba'i sngags su 'gyur ro/ /sangs rgyas lnga zhes bya ba ni sangs rgyas lnga'i rang bzhin gyi cod pan gyi dbang ste de sngags des sbyin par bya ba'o/ /de'i rnal 'byor zhes bya ba la sogs pa la/ de'i rnal 'byor zhes bya ba ni dbu rgyan gyi dbang bskur ba'i rnal 'byor ro/ /'dod pa bzhin zhes bya ba ni dang 'dod pa dang ji ltar 'dod pa bzhin no/ /sngags kyi dbang bskur ldan pa yis/ /yi ge brgyad po bsgom par bya zhes bya ba ni sngags kyis dbang bskur nas lus gnas brgyad du yi ge brgyad dgod pa'o// gnyis med gtor sbyin dbang bskur ba'i/ /de yi chos ni shes par bya/ zhes bya ba ni gtor ma sbyin pa sngon du 'gro bas rdo rje dril bu'i dbang pa bstan pa yin no/ /sbyor ba'i dbang bskur ldan pa la/ /ye shes rnam shes bstan par bya zhes bya

  756. 378b

    ba ni dbang bskur ba de dag dang ldan pa la ye shes la sogs pa bstan par bya ba'o/ /de nas ming gis dbang bskur nas slob dpon dbang bskur ba sbyin par bya ste/ de nyid kyi phyir/ slob dpon dbang ni bskur nas su/ thams cad gsang ba la sogs bstan zhes bya ba smos te/ thams cad ces bya ba'i sgras slob dpon gyis dbang ba la/ rdo rje dang rdo rje dril bur ldan pa'i lag pas 'khyud pa bstan to/ /gsang ba zhes bya ba ni de'i 'og tu gsang ba'i dbang bskur ba'o/ /sogs pa'i sgras ni dbang bskur ba bzhi pa gzung ngo/ /dbang bskur ba'i rim pa'o/ /de thams cad bstan pa'i phyir/ dang por zhes bya ba la sogs pa smos te/ dkyil 'khor rdzogs par byas nas dang por slob ma lhag par gnas par bya ste/ bla gos phrag pa gcig tu gzar nas zhes bya ba la sogs pa ni slob ma'i bya pa'o/ /de ltar mdun du gnas pa la/ slob ma'i la sgo dag par bya ba'i phyir/ oM a dzi hwa saM barta ni hUM phaT ces bya ba'i sngags lan bdun bzlas pa'i so shing dang chu byin la sdom pa sbyin par bya ba'o/ /bla ma ji lta bus sbyin par bya zhe na/ bla ma zhes bya ba la sogs pa smos te/ bla ma seng ge'i stan la 'dug cing rang gi lhar bsgom pas sbyin par bya'o/ /ci zig byas la sbyin zhe na/ lag pas zhes bya ba la sogs pa smos te/ slob ma'i thal mo snying gar sbyar ba byas nas slob dpon gyi lag pa g.yas pas bzung la sbyin pa'o/ /sdom pa dngos gang zhe na/ sangs rgyas zhes bya ba la sogs pa smos te/ sangs rgyas chos dang dge 'dun la zhes bya ba nas/ bdag gis tshul khrims 'di bgyi'o zhes bya ba'i bar du slob mas brjod par bya ba'o// lan du brjod par bya zhe na/ de ltar lan gnyis lan gsum du mnyam nyid bstan pa'i sems ldan brjod ces bya ba smos te/ lus la sogs pa mnyam zhing rnam par dag pas lan gsum du brjod par bya'o/ /de nas shes rab kyi pha rol tu phyin

  757. 379a

    pa la sogs pa'i chos zab mo bstan ba sngon du 'gro bas dkyil 'khor du gzhug par bya ste lhag par gnas pa'i cho ga'o/ /de nas dkyil 'khor mchod pa nyi shus mchod la rdo rje dril bu dkrol zhing glu yis bstod pa byas nas dang gyis gdod g.yogs te/ snyim par me tog gzung la dkyil 'khor gyi mdun du slob ma gzhag la/ slar yang sdom pa byin te/ oM swa b+hA pa zhes bya ba la sogs pa'i dag pa rnam pa gsum brjod do/ /de nas yang nga rgyal dang mi khro ba dang brlang dang tshig rtsub spang bar bya zhes bya ba la sogs pas byams pa la sogs pa la rab tu bkod de/ oM patstsa DA ki nI zhes bya ba la sogs pa'i sngags tshig gsum gyis go? bar phyags na gsum byed du cug? la/ sa ma ya stwam sa ma ya ho/ zhes bya ba la sogs pa'i sngags kyis me tog dor la/ oM dz+nyA na tsuk+Shu hUM swAhA zhes bya bas gdong g.yogs bkrol la dkyil 'khor bstan par bya'o/ /de nas slob ma shar sgo gnas te snying gar thal mo sbyar la/ oM badzra maN+Da la mahA maN+Dal/ pra ba sti haM yo ga maN+Dal/ mahA maN+Dal/ pra barda? no haM/ bu hyaM maN+Dal mahA maN+Dal rhak+Shi pa to haM sa ma yo haM zhes brjod du bcug la/ de'i yan lag la slob dpon gyis go cha bkod de/ slob ma lha'i nga rgyal byed du bcug la chu la sogs pa'i dbang bskur bar bya'o/ /de la lus kyi las ni rnam gsum dang zhes bya ba la sogs pas ni slob ma la chos bshad pa ston pa yin te/ lus bsdams pas ni dam tshig bsrung zhes bya ba ni lus la sogs pa'i las yang dag par sdom pa bsrung pa'i dam tshig rnams

  758. 379b

    bsrung pa dang/ gzhan yang dam tshig gi sgras bza' ba'i dam tshig lcags kyu lnga dang bdud rtsi lnga'i mtshan nyid rjes su skyong zhing mi 'gom par ston pa yin no/ /de nas lus la sogs pa mnyam par ldan pa la zab cing rgya che ba'i chos bshad pa'i phyir/ sems ni zhes bya ba la sogs pa smos so/ /slob ma dkyil 'khor du gzhug pa'i phyir gdod g.yog par bya ba gsungs pa/ de nas ras kyis mig bkab nas/ gtor ma'i gnas su bzhug par bya zhes bya ba la/ gtor ma'i gnas zhes bya ba ni dkyil 'khor gyi sa gzhi'o/ /lag pas lag pa gzung nas su/ /slar yang blang ba bstan par bya zhes bya ba la/ slar yang zhes bya ba ni dkyil 'khor gyi sgo drung du khrid nas yang sdom pa sbyin pa ste/ sngar bstan pa'i sdom pa la bltos pa yin no/ /sdom pa gsungs pa/ /sangs rgyas zhes bya ba la sogs pa ste/ 'dir yang sngar smos pa'i sdom pa rnams dang brjod la/ da'i 'og tu 'di gdon pa'o/ /sbyor ba'i gdan zhes bya ba ni dkyil 'khor ro/ /shes rab ye shes kyi dbang bskur pa'i rjes la/ bzhi pa bstan par bya ba'i phyir/ don dam rtogs mchog ces bya ba la sogs pa smos te/ don dam zhes bya ba ni don dam pa'i ye shes so/ /de nyid rtog par bya bas na rtogs pa'i/ /phul du byung bas na mchog go /seng ge dang 'dra bas na seng ge ste bsgrub par bya ba'o/ /slob ma rnams shes nas zhes bya ba ni/ don dam pa'i rang bzhin zab mo la slob ma mos par shes nas/ de nyid rgyal po de la bstan par bya zhes bya bar sbyar ro/ /gzhan yang slob ma de ci 'dra zhe na/ rnal 'byor ldan pas sgrib g.yogs snam bu dral ba'i phyir zhes bya ba smos te/ rnal 'byor ldan pa zhes bya ba ni rnal 'byor la dga' ba'o/ /ci'i don du zhes/ sgrib g.yogs snam bu dral ba'i phyir te/ rmongs pa gcad pa'i phyir ro/ /de nyid rgyal po ci lta bu zhig

  759. 380a

    bstan zhe na/ srid pa'i nyes dmigs zhes bya ba la sogs pa smos te/ srid pa ni phung po lnga'o/ /de nyid ni bsdug bsngal bas na nyes dmigs so/ /skyed pa zhes bya ba ni sdug bsngal skye ba'i sa ga zhi ste/ 'dod chags la sogs pa'i nyon mongs pa rnams so/ /bcom nas su zhes bya ba ni spangs pas so/ /de bcom nas ci zhig byed ce na/ rnal 'byor don dam 'grub byed pa zhes bya ba smos te/ rnal 'byor don dam ni phyag rgya chen po'i dngos grub ste/ de sgrub par byed pa'o/ /de nyid rgyal po zhes bya ba ni gnyis su med pa'i ye shes te/ de nyid bla mas ji ltar bstan pa las/ gzhan du mi 'gyur bar gsal bas de nyid rgyal po'o/ /a ni zhes bya ba la sogs pa ni go sla'o/ /bdud rtsi lnga dang ldan pa la zhes bya ba la sogs pa ni bdud rtsi lnga sbyin pa'o/ /bla ma'i zhabs kyi drung na ni/ zhes bya ba la sogs pa ni phyag bya ba'o/ /rdo rje phyag rgyar ldan pa yis zhes bya ba la sogs pa ni lus pa la go cha bskon pa ste/ tshig gi don ni go sla'o/ /gzhan yang zhes bya ba la sogs pa ni lung bstan pa ste/ rdzogs pa'i byang chub ces bya ba ni byang chub chen po'o/ /chos rnams thams cad kyi zhes bya ba ni dam pa dang gtso bo zhes bya bar sbyar ro/ /de nas zhes bya ba la sogs pa ni go sla'o/ /dbang bskur ba'i mthar yang bslab pa sbyin pa bstan pa'i phyir chos rnams zhes bya ba la sogs pa smos te/ chos rnams rang bzhin dag pa nyid ces bya ba ni/ gzung ba la sogs pa'i rang bzhin dang bral bas rnam par dag pa'i ngo bo nyid du 'dzin pa'o/ /des cir 'gyur zhe na/ dngos po'i rang bzhin nyid ces bya ba la sogs pa smos te/ stong pa nyid la mngon par zhen pa yin pa'i phyir ro/ /de bzlog pa'i phyir/ dngos po'i rang bzhin med ba ru/ /rdzogs pa'i byang chub rim pa bstan ces bya ba smos te/ de la byang chub ni de kho na nyid rtogs pa'o/ /rang bzhin med

  760. 380b

    pa ni ngo bo nyid med pa ste/ don dam par rtogs pa po dang/ rtogs par bya ba dang/ rtogs pa gsum ni mi dmigs pa'o/ /de mi dmigs pas su la ci zhig gis bstan te bstan du med par bstan pa'o/ /'dis ni bdag med pa'i blo la gnas nas mi dge ba las bzlog cing dge ba la 'jug pa ston to/ /de nyid gsungs pa/ sngon du zhes pa la sogs pa la/ chos zhes bya ba ni dge ba rnams so/ /sngon du zhes bya ba ni dang por 'gro ba ste rtsa ba'i ci zhig ce na/ bzod pa zhes bya ba smos so/ /de nyid ni sems can rnams la gzir mi bya zhes bya bas ston te/ gzhan du na rang gi nyon mongs pa la ni bzod par mi bya'o/ /gzhan la tshig rtsub smra mi bya zhes bya ba ni/ gzhan gyi mtshang 'dru bas zhe 'gras par gyur pa'i tshig ni tshig rtsub ste/ de smra bas thams cad mi dga' zhing gdung ba skye bar 'gyur pas na de las bzlog par bya ba'o/ /gzhan du bdag gi skyon gyis nyes pa rnams 'tshang 'dru bar bya ba ni ma gtogs so/ /tshul khrims gsungs pa/ tshul khrims zhes bya ba la sogs pa go sla'o/ /gzhan du na sems can du 'dzin pa la sogs pa'i bdag tu lta bas ni bsang bar bya'o/ /ma byin bar len pa spangs pa gsungs pa/ rab tu 'bar me zhes bya ba la sogs pa la 'dir yang gzhan du na/ shes rab kyi chu skyes las byang chub kyi sems kyi rdzas ma byin par blang bar mi bya'o/ /brdzun smra ba spang pa gsungs pa/ rags dang zhes bya ba la sogs pa la/ rags pa ni rin po che la sogs pa'o/ /phra mo ni rdul la sogs pa'o/ /ji ltar bsrung zhe na/ rnal 'byor spyod pa'i rnal 'byor pa/ /de la brdzun smra yod ma yin zhes bya ba smos te/ rnal 'byor ni ting nge 'dzin to// sbyod pa ni shin tu mnyam par bzhag pas bsgom pa'o/ /gang dus rtag tu shin tu mnyam par gzhag pas brdzun bsrung bar bya ste/ brdzun ni mnyam par ma bzhag pa las byung ba'i phyir ro/ /'di yang chos thams cad brdzun pa nyid du bstan pa ni ma gtogs so//

  761. 381a

    dngos grub thams cad kyi rgyu mtshan ni/ yang dag par sdom pa thams cad dang/ sems can bsten ba yin par bstan pa'i phyir/ spyod pa legs par bsdam pa dang/ zhes bya ba la sogs pa smos so/ /dbugs dbyung ba bstan pa'i phyir/ gang zhig kun shes slob ma la zhes bya ba la sogs pa smos so/ /lhag ma ni go sla'o/ /dman par dmigs pa'i sbyin pa thar pa'i gags kyi gtso bo nyid yin pas/ de dgag pa'i phyir/ sems can zhes bya ba la sogs pa smos te/ srid pa zhes bya ba ni longs spyod la dmigs pa ste sa gzhi lta bu'o/ /de nyid kyis ni tshong byed ces bya ba ste/ rdzas don du gnyer ba'o/ /myu gu 'phel zhes bya ba ni sbyin pa'i sa bon gyis bskyed pa'i longs spyod kyi ljon shing gi myu gu'o/ /des cir 'gyur zhe na/ 'gro ba'i 'bras bu lam 'gog pa zhes bya ba smos te/ 'gro ba ni 'gro pa ris drug go/ 'bras bu ni der longs spyod thob pa'o/ /sbyin pas ngan 'gro 'ang longs spyod 'thob ces smos bas na sbyin pas ngan 'gro'i gnas su yang longs spyod 'thob pa'o/ /lam 'gog pa zhes bya ba ni 'bras bu des sangs rgyas nyid kyi lam 'gog par 'gyur te/ longs spyod la chags pa'i phyir dang/ gzhi des ltung bar 'gyur ba'i phyir ro/ /gzhan du na mi dmigs pa dang ldan pa'i byang chub chen por bsngo ba ni ma gtogs so/ /de nyid bstan pa'i phyir/ mtho ris shes bya ba la sogs pa smos te/ lus can zhes bya ba ni rnam par shes pa'o/ /byas pa zhes bya ba ni longs spyod dang ldan par bya ba'o/ /dga' zhing rtse ba'i longs spyod kyis zhes bya ba ni ma rig pa'i dbang gis yang dang yang du bsten pas so/ /srid par ltung bar 'gyur zhes bya ba ni mi khom par skye ba'o/ /bsgom pa la gus pa'i rnal 'byor pa rnams kyi mchod rten gyi las la sogs pa spang bar bya ba'i phyir/ mchod rten ces bya ba la sogs pa gsungs te/ lag pa'i phyag rgya bcing zhing zhes bya ba ni 'dir kha

  762. 381b

    spyod sbyor ba'i phyag rgya bcing ngo zhes bya ba'i don to/ /gzhan du ni 'di dag rnal 'byor la zhen pa med pa rnams kyis dgag bar bya ba ni ma yin no/ /bstan bcos dag ni rnyed sla ste/ /de yi sbyor ba rnyed par dka' zhes bya ba la/ bstan bcos zhes bya ba ni bstan bcos nyan pa dang/ klog pa la sogs pa'o/ /rnyed sla zhes bya ba ni thams cad kyis bgrod pa'i phyir ro/ /'on kyang des 'bras bu sgrub par nus pa ma yin te/ ji skad du/ sman pa'i dag pa mnyan par sman dag gis/ /bcos dgos nad pa sos bar ga la 'gyur/ /sman spyad bklags pa tsam gyis ni/ /nad pa la ni de phan nam zhes gsungs so/ /yang na rnyed sla zhes bya ba ni mnyan pa dang/ klag pa nyams su blang ba ste/ /'di na mkhas min 'ga' yang med/ /ces bya ba lta bu'o/ /de'i sbyor ba zhes bya ba ni/ shes rab gsum mngon du 'gro bas mngon par rtogs pa'o/ /rnyad par dka' ba ni nyams su blang dka' ba nyid dang/ thos pa dang bklags pa tsam la sogs pas mngon sum du mi 'gyur ba'i phyir te/ shin tu 'bar pas nyams su blangs pa las gyur pa'i phyir ro/ /gzhan dag na re/ bstan bcos ni phyi'i bstan bcos so/ /sbyor ba ni rnal 'byor chen po'i gtsug lag go/ zhes zer ro/ /slob dpon dag gi lam gyis ni/ /mkhas pa yis ni blta bar bya/ /zhes bya ba la slob dpon gyi lam zhes bya ba ni/ mnyan pa la sogs pa gang rnyed sla ba yin te/ de sngon du 'gro bas bdag nyid kyis nyams su blangs pas blta bar bya ba'i thos pa dang/ bklags pa tsam gyis mngon sum du bya ba ma yin no zhes bya ba de ltar ston pa yin no/ /blta bar bya zhes bya ba ni yun ring du gus par nyams su blangs pas sbyor ba blta bar bya ba ste/ de nyid kyi phyir mkhas pa ces bya ba smos so/ /de yang ji skad du/ de bzhin gshegs pa ston mdzad yin/ /khyed rnams kyis ni de ltar byos zhes gsungs pa'o/ /goms par bya ba de yang rang gi sems las bsgrub pa bstan

  763. 382a

    pa'i phyir bdag gi lha dang lha gzhan las/ bdag gi lha ni lha yi mchog ces bya ba smos te/ bdag gi lha zhes bya ba ni/ bdag nyid lhar bya ba'o/ /lha gzhan zhes bya ba ni/ lugs ma dang/ brdungs ma la sogs pa'i lha? ste/ ji ltar phyi rol gyi lha phyi rol gyi rdzas las phyi'i bya bas lhar rang gi lha yang sems kho na las nang gi yid la byed pas byas ba yin no/ /de gnyis las 'dir gang zhig bsod nams sogs par 'gyur zhe na/ bdag gi lha ni lha'i mchog ces bya ba smos te/ rang gi sems las lha'i skur byas pa'i ye shes dang/ rmongs pa bdag tu 'dzin pa rnams kyi phyi rol gyi bems po'i lha gnyis rgya mtsho dang glang rjes ltar bsod nams bskrun du ga la rung ste/ rgyu'i khyad par gyis 'bras bu khyad par can du 'gyur ro zhes bya bar dgongs so/ gal te de lta na/ des ci zhig bya zhe na/ bdag gi gzugs su mi nus pas/ /gzugs brnyan la sogs bre bar bya/ /zhes bya bar smos te/ phyi rol gyi mngon par zhen pa can rnams kyis phyi rol gyi lha bsten pas/ de dag la de dang rjes su mthun pa'i bsod nams byed de/ 'gal ba med do/ /zhes bya bar dgongs so/ /gsang ba'i gdan ces bya ba la sogs pa la/ rab tu byed pa zhes bya ba ni gzhung 'dis slob dpon gyis mtshan nyid dang/ slob ma'i bya ba dang/ slob ma dbang bskur ba la sogs pa rnams gsal bar byed pas na rab tu byed pa'o/ /dpal gdan bzhi pa'i 'grel pa dran pa'i rgyu mtshan zhes bya ba las gsang ba'i gdan gyi rim par phye ba dang pa'o// //dngos grub kyi thabs yang dag par bsdus pa'i rim par phye ba bstan pa'i phyir/ der ni zhes bya ba la sogs pa gsungs te/ sbyor ba zhes bya ba ni de kho na nyid kyi man ngag go /der ni zhes bya ba ni bstan bcos la ste/ bstan bcos las rnyed par dka' ba'o/ /rdo rje rgyal po gtso zhes bya ba ni phyag na rdo rje la bod pa ste/

  764. 382b

    rdo rje zhes bya ba ni gnod sbyin gsang ba pa'o/ /de rnams kyi bdag por gyur pa dang/ dga' bar byed pas na rgyal po gtso bo'o/ /de kho na nyid kyi man ngag mi shes na/ nyes pa cir 'gyur snyam pa la/ de nyid med pa'i sngags pa rnams/ /srid pa 'phel byed 'og tu ltung zhes bya ba smos te/ 'og tu ltung zhes bya ba ni/ 'khor bar rgyu zhing gnas pa'o/ /de nyid kyi phyir srid pa 'phel byed ces bya ba smos so/ /bcom ldan 'das kyi gsung gis skabs phye bar rig nas/ phyag na rdo rjes gsol ba/ lus la ngo mtshar skyes gyur pas/ /zhes bya ba la sogs pa smos te/ de nyid chos zhes bya ba ni/ lus kyi de kho na nyid kyi chos sam/ lus kyi chos nyid de kho na nyid do/ /mdor bstan pa de nyid yang gsungs pa/ /rnal 'byor gyi ni zhes bya ba la sogs pa la/ rnal 'byor ni de kho na nyid kyi ting nge 'dzin to/ /tshad ma ni rang bzhin no/ /sngags dang phyag rgya ci lta bu zhes bya ba ni/ sngags dang phyag rgya'i rang bzhin ci 'dra zhes bya ba'i don to/ /lus kyi tshad ces bya ba ni 'byung ba'i lus kyi rang bzhin no/ /rnal 'byor pa yis gtor ma'i las/ rab tu sbyor ba'i tshad ma gang zhes bya ba ni/ ra sa ya na'i rang bzhin no/ /gang gis 'gro ba bsgrub pa yi/ mtshan nyid tshad ma ji ltar lags zhes bya ba la/ gang gis zhes pa ni rgyu'o/ /'gro ba ni lha la sogs pa'i 'gro ba ste/ 'gro ba rnams kyi rgyu'i mtshan nyid ni ci zhig lags/ 'gro ba rnams kyi tshad ma ste/ ngo bo nyid ni ci'i gang mthar thug ces bya ba'i don to/ /lan gsungs pa/ mtshon bya zhes bya ba la sogs pa la/ mtshon bya zhes bya ba ni shes par bya ba ste/ ji ltar grags pa'i lus so/ /sems kyi tshad ces pa ni sems kyi rang bzhin te/ lus kyi sems kyi bar bzhin te/ lus ni sems kyi rang bzhin yin zhes bya ba'i bar du'o/ /dmigs su med pa'i sems kyi ting nge 'dzin bstan pa'i phyir mtshan ma dang bcas pa'i bya ba bzlog par bya ba'i phyir/ bdag gi zhes bya ba la sogs pa smos te/ bdag gi khams ni mi brtan pas zhes bya ba ni/ bdag tu 'dzin pa'i ting nge 'dzin

  765. 383a

    te/ mtshan ma dmigs shing 'gyur pa la dmigs pa'i phyir ro/ /gtor ma'i las dang bzlas pa dang/ /dkyil 'khor me dang chu yi las/ /phyag rgya bdug sogs mchod pa yi/ /'bras bu thob pa'i rnal 'byor ba'ang/ /srid pa'i rgya mtshor ltung par 'gyur zhes bya ba ni/ mtshan ma dang bcas pa'i dge ba'i 'bras buAng mi brtan pa nyid du bsten pa yin te/ gtor ma la sogs pa'i mtho ris kyi 'bras bu dus cung zad gcig tu longs spyad nas/ yang de las nyams shing ltung bar 'gyur ba'i phyir ro/ /de la bzlas pa zhes bya ba ni sngags bzlas pa'o/ /dkyil 'khor ni lha'i dkyil 'khor gyi ting nge 'dzin to/ /me dang chu'i las ni me dang chu'i sbyin sreg go/ phyag rgya ni lag pa'i phyag rgya bcing ba'o/ /bdug sogs mchod pa ni go bar zang ngo/ /srid pa'i rgya mtsho zhes bya ba de nyid las brtsams nas/ gang gis 'gro ba'i bsgrub pa'i mtshan nyid tshad ma ji ltar lags/ zhes bya ba de nyid zur phyin par gsol ba gdab pa'i phyir/ srid pa zhes bya ba la sogs pa smos te/ srid pa so sor 'byung ba rnams zhes bya ba ni 'dod pa dang gzugs dang gzugs med pa'i khams su so sor skye ba len pa'o/ /gang gis de'i tshad ma ste zhes bya ba ni skye ba blangs pa gang yin pa de dag de'i zhes bya ba sems kyi rang bzhin yin te/ sems kyis blangs pa'o/ /sems ni ji ltar blta bar bgyi zhes bya ba ni/ sems ci lta bu zhig gis lus ci 'dra ba dag cig blangs pa lags zhes bya ba'i don to/ /lan gsungs pa/ 'khor ba zhes bya ba la sogs pa ste/ 'khor ba khyod kyis dris pa yi zhes bya ba ni/ sems kyis srid pa len pa khyod kyis dris pa nyon cig pa'o// sems ci lta bus zhe na/ sems ni yid gnyis bkrus nas su zhes bya ba smos te/ the tshom gyi dri ma dang bral ba'i sems kyis so/ /yang na yid gnyis ni sems kyi rgyu ba mang po ste/ de dang bral zhing mnyam par bzhag pas so/ /rang dga' i ye shes zhes bya ba

  766. 383b

    la sogs pa la/ rang dga' i zhes bya ba ni 'grub bar 'gyur zhes bya ba dang 'brel te/ rang gi bya ba'i las dang nyon mongs pa'i dbang gis 'grub bas na/ rang dags so/ /ci zhig 'grub ce na/ ye shes dngos med pa ste/ rang bzhin gyis rnam par dag pa'i sems nyid de dag tu 'grub par 'gyur ba'o/ /yang na rang dga' i ye shes ni rang rig pa'i ye shes so/ /ci 'dra zhe na/ mkha' 'gro rlung ni bskyod pa bzhin zhes pa ste/ nam mkha' la rlung rgyu ba ltar skye ba len pa'o/ /yang mkha' 'gro rlung ni bskyed pa zhes bya ba ni/ pha'i sa bon phyung ba'i dus su ste/ de'i tsho'o/ /gzhung kha cig las mkha' 'gro rlung gis bcings pa yis zhes bya bar 'byung ste/ de'i tsho mkha' 'gro ni las dang/ nyon mongs pa ste/ lus med par rgyu ba'i phyir ro/ /rlung ni go bar zad do/ /bcings pa ni de nyid kyis ye shes kyi lus bcings pa ste/ des skye ba 'grub pa'o/ /gzugs med pa ces bya ba ni nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ yod min med min gyi skye mched kyi lha'o/ /gzugs zhes bya ba ni gzugs khams te/ de yang tshangs ris dang/ tshangs pa'i mdun na 'don dang/ tshangs pa chen po'o/ /dge chung dang/ tshad med dge dang/ dge rgyas dang/ 'od chung dang/ tshad med 'od dang/ 'od gsal dang/ sprin med dang/ bsod nams skyes dang/ 'bras bu che dang gnas gtsang ma'i phyogs gcig gi lha rnams so/ /bsam gtan dmigs pas 'grub par 'gyur zhes bya ba ni/ bsam gtan la sogs pa la snyoms par 'jug pa'i las kyis grub pa'o/ /'dod lha zhes bya ba ni/ rgyal chen rigs bzhi dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed kyi lha rnams so/ /sogs pa'i sgras ni mi'i 'gro ba la sogs pa bzung ste 'dzam+bu'i gling dang/ shar gyi lus 'phags dang/ byang gi sgra mi snyan dang/ nub kyi

  767. 384a

    ba lang spyod pa'i mi rnams dang/ yi dags dang/ byol song dang/ yang sos dang/ thig nag dang/ bsdus 'joms dang/ ngu 'bod dang/ ngu 'bod chen po dang/ tsha ba dang/ rab tu tsha ba dang/ mnar med pa rnams dang/ grang ba'i dmyal ba brgyad dang bcas pa ni dmyal ba chen po brgyad ces bya ba ste/ de ltar gnas nyi shu ni/ 'dod can rnams zhes bya ba'o/ /rtag tu 'dod bzhin spyod pa ste/ zhes bya ba ni/ de dag tu rnam par shes pas lus blangs nas ji ltar bya ba'i las bzhin du 'bras bu la longs spyod pa'o/ /de ltar zhes bya ba ni srid pa gsum du skye ba blangs pa'o/ /mi zhes bya ba ni mi la sogs pa'o/ /rang 'dod pa la sogs pa 'grub ces bya ba ni/ las kyis dbang gis rnam par shes pas gnas tha dad pa'i lus blangs pa'o/ de las sgrol ba'i dngos po rnams zhes bya ba ni 'khor ba de las sgrol ba'i thabs so/ /rnal 'byor can gyi rnam shes dang/ /lhan cig 'gro bas 'gro ba 'grub ces bya ba la/ rnam shes dang zhes bya ba ni kun gzhi rnam par shes pa'o/ /lhan cig ces bya ba ni lhan cig byed pa'i rkyen te/ las kyis nye bar len pa'i rgyu dang nyon mongs pa'i lhan cig byed pa'i rkyen gyis 'gro ba 'grub ste/ snga ma'i rnam par smin pa zad nas rnam par shes pa 'gro ba gzhan du rnam par smin pa'i lus len pa'o/ /de yang rab tu byed pa sum cu pa las/ len pa'i bag chags 'dzin gnyis kyi/ /bag chags bcas pa snga ma yi/ /rnam par smin pa zad nas gzhan/ /rnam par smin pa bskyed pa yin/ /zhes gsungs te/ der yang 'dzin pa gnyis zhes bya ba ni/ gzung bar 'dzin pa dang/ 'dzin pa por 'dzin pa'o/ /rnam par smin pa zhes bya ba ni kun gzhi rnam par shes pa'o/ /de ltar tha mal pa'i 'gro ba grub pa'i rgyu mtshan bshad nas/ rnal 'byor pa'i bstan pa'i phyir/ rnal 'byor can gyis zhes bya ba la sogs pa gsungs te/ rnal 'byor

  768. 384b

    can ni thabs dang shes rab mnyam par sbyor ba'i lha'i ting nge 'dzin dang ldan pa'o/ /rnam shes zhes bya ba ni lhan cig skyes pa'i ye shes te dri ma med pa'o/ /lhan cig 'gro bas zhes bya ba ni 'das ma thag pa'i rnal 'byor dang lhan cig tu ste des bsgoms pas so// 'gro ba 'grub ces bya ba ni/ rang dga' i 'gro ba ste/ thams cad mkhyen pa'i bar du ji ltar 'dod pa bzhin du 'gro ba'o/ /sdug par byed pas lam de nyid gsal bar bya ba'i phyir/ slar gsol pa/ sems kyi ngo bo the tshom pas/ /bcom ldan de? yang bshad du gsol zhes bya ba la sogs pa 'byung ba la bshad du gsol zhes bya ba ni/ the tshom dang bral bar mdzod cig pa'o/ /de yang zhes bya ba ni gzhan la ltos pa'o/ /shes rab rnam shes dngos rang bzhin/ zhes bya ba la sogs pa la shes rab ces bya ba ni ye shes ci ltar lags/ zhes bya ba dang 'brel to/ /de shes rab ces bya ba ni rab tu shes pas na shes rab ste/ lhan cig skyes pa'i ye shes so/ /ci zhig rab tu shes zhe na/ rnam shes dngos rang bzhin te/ dngos po gzugs la sogs pa rnams nyid shes par bya bas na/ rnam shes te de rnams kyi rang bzhin no/ /ji ltar shes azhe na/ mi shes zhes bya ba smos te/ gzung ba dang 'dzin pa'i rang bzhin du mi shes pas na mi shes pa'o/ /de nyid kyi phyir/ rnam shes zhes bya ba la sogs pa smos te/ mi zhes bya ba ni yul rnams so/ /de'i de kho na nyid shes pas na rnam shes te shes rab bo/ /so sor rang gis rigs pas na ye shes te/ mtshan nyid ni de'i rang bzhin no/ /gzhung kha cig las ni gang gis rnam shes srid pa'i dngos zhes bya bar 'byung ste/ rnam par shes pa srid pa'i dngos te/ dus rtag tu gnyis su 'byung ba las rnal 'byor pas gnyis su med pa'i ye shes kyi mtshan nyid ji ltar blta bar bgyi zhes bya bar sbyar ro/ /lan gsungs pa shel dang zhes bya ba la sogs pa la/ shel dang mtshungs pa zhes bya ba ni rang bzhin gyis

  769. 385a

    rnam par dag pa ste/ rnam pa du mar snang ba'i phyir ro/ /ci rnam pa de dag dngos su yod dam zhe na/ sems la skyon dang yon tan med ces bya ba smos te/ gzung ba dang 'dzin pa'i rang bzhin dang bral ba'o/ /yang na mi mthun pa dang gnyen po'i rnam pa dag dngos por ma grub pa'o/ /'o na ji ltar snang zhe na/ yul rnams dang ni phrad pa yis/ /srid pa'i skyon gyis gos pa yin/ /zhes bya ba gsungs te/ yul rnams dang phrad pa zhes bya ba ni gnyis su snang ba'o/ /srid pa zhes bya ba ni dngos por 'dzin pa'i bag chags te/ 'di las gnyis su snang ba srid cing skye ba'i phyir ro/ /skyon zhes bya ba ni nyon mongs pa la sogs pa'i kun nas nyon mongs pa ste/ 'dis sems sun 'byin par byed cing rnam par 'phrul par byed pa'i phyir ro/ /gzhung kha cig las ni/ yul la 'jug cing phrad pa yis/ srid pa'i skyon gyis gos pa yin zhes 'byung ste/ yul ni gzugs la sogs pa'o/ /'jug pa ni mig gi rnam par shes pa la sogs pa'o/ /phrad pa ni mig gi dbang po la sogs pa ste/ rnam pa de dag gis gom pa yin zhes bya bar 'brel to/ /gang gi dbang gis she na/ srid pa'i skyon gyis zhes bya ba smos te/ spros pa'i bag chags kyi dbang gis so/ /gal te de ltar na mya ngan las 'das par ci ltar 'gyur zhe na/ gang gis zhes bya ba la sogs pa smos te/ gang gis zhes bya ba ni ye shes gang gis so/ /srid pa'i dngos zhes bya ba ni/ 'khor pa'i rang bzhin no/ /zhi ba zhes bya ba ni mya ngan las 'das pa ste/ 'khor ba dang mya ngan las 'das pa gnyis dbyer med pa'o/ /yul la gnas pa zhes bya ba ni gzung ba dang 'dzin pa'i 'jug pa'o/ /de nyid bstan pa'i phyir/ ji ltar gnas pa bzhin sbyor ba zhes bya ba smos te/ yul gzugs la sogs pa rnams dang/ mig la sogs pa'i dbang po rnams la/ brten nas rnam par shes pa'i khams rnams 'jug pa ste/ yul dang yul can ji ltar snang ba/

  770. 385b

    bzhin du gzung ba dang 'dzin par sbyor ba'i khams bco brgyad po bstan to/ /bu dang slob ma bzhin du gzhir zhes bya ba ni bu dang slob ma'i gnas ma yin pa las bzlog nas/ shes bya'i gnas la 'dzud cing 'dzin pa ltar bzung ba'o/ /de dag gis ni ye shes gang gis 'khor ba'i rang bzhin gzung ba la sogs par mngon par zhen pa bzlog nas 'od gsal ba'i de kho na nyid la gzung bas 'khor ba'i de kho na nyid ji lta ba bzhin du shes pas/ sems de nyid mya ngan las 'das pa'i ngo bor ston to/ /de ltar yang 'khor ba dag ni ma gtogs par/ /mya ngan 'das gzhan yod min zhes gsungs pa dang/ gzhan las kyang 'khor ba'i mdza' ni gang yin pa/ /de ni mya ngan 'das mdza' yin zhes bya ba bar/ slob dpon nA ga rdzu nas kyang/ 'khor ba dang ni mya ngan 'das// gnyis su yod pa ma yin te/ /srid pa yongs su shes pa ni/ /mya ngan 'das shes brjod pa yin/ zhes gsungs pas so/ /gzhung kha cig las ni yul la gnas pa bzlog nas su/ /ji bzhin gnas su sbyar byas te/ bu yi sgo ru gzir bar bya zhes 'byung ste/ / de'i tshe yul la gnas pa bzlog pa ni/ gzung ba la sogs par zhen pa bzlog pa'o/ /ji bzhin gnas su sbyar bar bya zhes bya ba ni lhan cig skyes pa'i gnas su'o/ /de nyid bstan pa'i phyir/ bu'i sgo ru zhes bya ba smos te/ rdo rje nor bu'i nang du byang chub kyi sems gzung bar bya ba'o/ /de nas ci zhig bya zhe na/ /de'i dbus su zhes bya ba la sogs pa smos te/ dbus zhes bya ba ni 'dod chags dang chags bral gyi dbu ma ste/ 'dod chags kyang ma yin chags bral kyang ma yin pa'i dbus su'o/ /yang na rtag pa dang chad pa'i mdza' dang bral ba ste/ sgye ba dang 'gag pa med pa'i dbus su'o/ /ci zhig shes par bya zhe na/ rnam shes zhes bya ba smos te/ sems kyi rang bzhin no/ /ji ltar zhe na nam mkha' bzhin no/ /yang na ci zhes bya ba ni thun mong ma yin zhing

  771. 386a

    khyad par du 'gyur ba'o/ /dz+nyA na zhes bya ba ni rang rig pa'o/ /de nyid bstan pa'i phyir/ kha dog med cing zhes bya ba la sogs pa smos te/ dkar po dang ser po la sogs pa'i kha dog dang bral ba'o/ /thams cad 'tshod ces bya ba ni kha dog thams cad du snang ba'o/ /yang na a zhes bya ba ni dgag pa ste/ chags pa thams cad blo bur ba yin pa'i phyir ro/ /mi ldan zhes bya ba ni gang gis kyang sbyar du med pa'i phyir ro/ /lus can ldan pa ste zhes bya ba ni dngos po thams cad du song pa'i phyir ro/ /yang na mi ldan zhes bya ba ni chos gang gis kyang sgrib par mi nus pa'i phyir ro/ /ldan zhes bya ba ni lus can thams cad la 'dis 'gegs par byed pa'i phyir ro/ /gzugs med ces bya ba ni gang gis kyang gnod cing 'tshe ba med pa'i phyir ro/ /yang na 'gyur ba med pa'i phyir gzugs med do/ /kun gyi gzugs zhes bya ba ni 'dis thams cad bcings pa'i phyir ro/ /de bzhin thung ngu ring po min zhes bya ba ni gzugs med pa'i khyad par bstan pa ste/ de dag gis ni chu la chu blugs pa ltar shel dang mtshungs pa'i sems kyi de kho na nyid ji lta ba bzhin du shes pa shes rab kyi ye shes bstan pa'o/ /gal te de ltar na ni rdzu 'phrul la sogs par ji ltar 'gyur zhe na/ sems kyi zhes bya ba smos te/ de kho na nyid ces bya ba ni bcos ma ma yin pa'o/ /des ni lhan cig skyes pa'i ye shes nyid rdzu 'phrul la sogs par 'byung bar ston to/ /rdzu 'phrul de kho na nyid yod dam ci ce na/ dngos med ces bya ba smos te/ don dam par sems kyi rang bzhin zhes bya ba'i bar du'o/ /ci sems de kho na nyid yod dam zhe na/ mtshan nyid med pa zhes bya ba smos te/ mtshan nyid med na dngos po'ang med do snyam du dgongs so/ /mtshan nyid thams cad ster pa'o zhes bya ba ni/ mtshan nyid thams cad dag par byed pa zhes bya ba'i bar du'o/ /mtshan nyid med pa'i sems kyis lha'i ting nge

  772. 386b

    'dzin bskyos pa bstan pa'i phyir/ dngos po med par bsgom pa yis/ bsgom pa dag ni mtshon par bya zhes bya ba smos te/ bsgom pa dag ces bya ba ni lha'i ting nge 'dzin to/ /dngos po med par sgom pa zhes bya ba ni/ bdag med par zin pa'o/ /mtshon par bya zhes bya ba ni goms par bya'o/ /de nyid bstan pa'i phyir/ gzugs dang zhes bya ba la sogs pa smos te go sla'o/ /thams cad ces bya ba la sogs pa la thams cad ces bya ba ni lha'i rnam pa'o/ /kun nas dmigs pa ni bdag med par dmigs pa'o/ /rnal 'byor gyi lus ni stong pa nyid dang snying rje dbyer med pa'i sku'o/ /skyon med pa ni nyon mongs pa med pa'o/ /yang gsungs pa/ gsang las zhes bya ba la sogs pa ste/ gsang ba zhes bya ba ni ye shes so/ /gsang ba zhes bya ba ni dbang po rnams kyi rang bzhin dang bral ba'o/ /gsang chen po zhes bya ba ni yul gyi rang bzhin dang bral ba ste yul las 'das pa'o/ /rnam shes gsang ba dag ces bya ba ni/ rnam par shes pa'i rang bzhin las 'das pa ste ye shes so/ /de dag gis ni rang rig pa'i ye shes tsam ste/ don dam par dbang po la sogs pa dang bral bar ston to/ /bstan bcos klog la sogs sbas shing/ yul gyi mtshan nyid las kyang ring zhes bya ba ni/ bstan bcos klog pa dang/ nyan pa la sogs pa'i yul du mi 'gyur te/ de nyid kyis na sbas ba yin no/ /yang na phyi'i bstan bcos kyi nang du gab pa'o/ /de lta bu'i ye shes gang las shes shing slang bar bya zhe na/ mtshon bya zhes bya ba la sogs pa smos te/ ye shes kyi mtshan nyid bla ma'i lam nas ston par 'gyur pa'o// sems dang lus su bcas mnyam zhing zhes bya ba ni/ lus dang sems gnyis ka bde ba ste/ 'di la bde ba ni blang bar bya ba yin la/ sdug bsngal ni spang bar bya ba yin pa'i phyir ro/ /de nyid kyi phyir lus ni gdung bar mi bya ste /

  773. 387a

    sems kyang gdung bar mi bya'o zhes gsungs so/ /des ni sgrub pa'i thabs bstan to// //yang bsgrub par bya ba'i thabs gzhan gsungs pa/ yid du 'ong ba'i sa phyogs su zhes bya ba la sogs pa ste/ sa phyogs yid du 'ong bar lus dang sems bde bas/ bde ba dang bde ba'i stan la sems dpa' i skyil krung du/ gnas nas mig sna rtser phab ste/ lag pa g.yas kyi skyil mo krung gi steng du bzhag la de'i g.yon pa bzhag ste/ nang du 'jug pa'i dbugs kyis lte ba'i bar du bkang la/ rkeng pa bsrang ste nam tshong 'phel ka bskyed la/ swa b+hA shud d+ha zhes bya ba la sogs pas mnyam pa nyid kyi sems bskyed nas/ yid kyis dri la sogs pas mchod de/ bdud rtsi drang bar bya'o zhes bya bar sbyar ro/ /yid kyi dri zhes bya ba la sogs pa la yid rang bzhin gyis rnam par dag cing mnyam pa nyid kho na dri la sogs pa'i sgrar brjod do/ /bdud rtsi gtor ma zhes bya ba la sogs pa la/ bdud rtsi nyid lus stobs can du byed pas na gtor ma'o/ /kun nas drangs te bza' bar bya zhes bya ba ni/ lus kyi steng 'og gi gnas kun nas/ 'og nas 'byung ba'i cho gas drangs nas bza' ba ste btung bar bya'o/ /sgro dgu po rnams su sngags dgod pa gsungs pa/ kha dog ser po zhes bya ba la sogs pa'o/ /dril bu chu yi yi ge ste zhes bya ba la/ dril bu'i yi ge ces bya ba ni yi ge hUM ste/ zhabs skyed 'dogs pa'i rtse mo la dril bu zhes zer ba'i phyir ro/ chu zhes bya ba ni mig ste/ mig tu dgod pa'o/ /lhag ma ni go sla'o/ /bdud rtsi drang ba'i cho ga gsungs pa/ steng gi mtshe ba zhes bya ba la sogs pa la/ 'jug pas bslabs pa zhes bya ba ni/ dgugs 'jug pa dang 'byung bas brlab pa'o/ /

  774. 387b

    mdog lta bu zhes bya ba ni 'o ma'i chu zhes bya ba dang sbyar ro/ /lce yis bsten pa'i bdud rtsi chu zhes bya ba ni mche ba gnyis dang/ lce'i mtshams nas 'bab pa'i bdud rtsi'o/ /de nyid bstan pa'i phyir/ lce chung rtsa ba zhes bya ba smos so/ /yang na lce yis bsten pa zhes bya ba ni/ lce rkan la bzlog ste/ bzhar ba'o/ /bdud rtsi de gang du dbab ce na/ lce'u chu rtsa ba'i nang du dbab ces bya ba smos te/ pa'i nu ma'i nang du dbab pa'o/ /gang nas dbab ce na /dpral ba zhes bya ba la sogs pa smos ta/ 'di dag ni steng gi gnas so/ /'og gi gnas ni/ chu ni 'jug ste zhes bya ba la sogs pa'i 'og nas ston to/ /mchod rten sgo ru zhes bya ba la/ sgo zhes bya ba ni bu ga ste/ ba'i nu ma'i nang du'o/ /ci zhig ce na/ yi ge hUM ste/ sangs rgyas lnga'i gnas yin pas na mchod rten no/ /ji ltar grang zhe na/ 'og tu rlung gis sa bon gyis zhes bya ba la sogs pa smos te/ steng du 'gro ba dang/ 'og tu 'gro ba'i rlung dang/ lhan cig tu sa bon hUM gi 'od zer gyis/ 'khrul 'khor lta bu zhes bya ba la/ til 'bru las mar 'chir ba ltar steng 'og gi gnas kun nas drang ba'o/ /des gang bkru zhe na/ bsang rmig pa'i zhes bya ba smos te/ glo ba'i sgo snying gi nang du'o/ /mthar gang du bzhag ce na/ sgo gcig nas ni sgo dgur bzhag ces bya ba spos te/ ba lang rmig pa'i sgo nas tshangs pa'i sgo la sogs pa thams cad du thim par sbyar bya ba'o/ /rnal 'byor bstan par bya ba'i phyir/ snying dbus zhes bya ba la sogs pa smos te/ 'o ma'i rgyun zhes bya ba ni yi ge hUM ngo/ /dbyangs kyi ye ge thams cad kyis/ zla ba'i dkyil 'khor ngos rnams kyi/ /gnas rnams kun tu bskor bar bya zhes bya ba ni/ dbyangs kyis yi ge bcu gnyis kyis bskor ba ste/ 'di dag gi don ni snying gar yi ge don saM gi steng

  775. 388a

    du zla ba'i dkyil 'khor de'i steng du yi ge hUM/ tha ma dbyangs kyi yi ge bcu gnyis kyis bar bskor bar ston to/ /ba lang rmig pa zhes bya ba la sogs pa la/ 'dir ni ba lang gi rmig pa smin ma'i dbus nas rkan gyi nang du'o/ /gzugs dang zhes bya ba la sogs pas ni bdud rtsi drang ba'i dus su rdo rje sems dpa' bsgom ste/ 'og nas rgyas par 'chad do/ /bzlas pa gsungs pa/ 'og ma zhes bya ba la sogs pa la/ 'o ma zla ba'i sa bon ni yi ge hUM ste/ bdud rtsi'i rgyun 'dzag pa'i phyir ro/ /'dir bsdus pas/ oM hUM a swAhA zhes bya bar 'gyur te a zhes bya ba ni 'og nas ston par 'gyur ro/ /rdo rje sems dpa' bskyed pa gsal bar bya ba'i phyir/ bdud rtsi rtsa ba zhes bya ba smos te/ bdud rtsi'i rtsa ba ni yi ge a'o/ /myu gu zhes bya ba ni/ rdo rje sems dpa' i sku ste/ a las bskyed pa'i rdo rje sems dpa' i skur bsgom pa'o/ /des cir 'gyur zhe na/ de dang de ni zhes bya ba la sogs pa smos te/ 'bras bu lus dang shes rab 'phel bar 'gyur ba'o// de nyid gsal bar bya ba'i phyir phyag na rdo rjes gsol pa/ ji ltar zhes bya ba la sogs pa'o/ /lan gsungs pa/ gnyis med ces bya ba la sogs pa ste/ 'di dag gi don ni/ stong pa nyid kyi ye shes kyi chus sems kyi snam bu bkrus la/ yi ge a las bskyed pa'i rdo rje sems dpa' i tshon rtsis btso'o zhes bya ba yin no/ /nyes byas legs byas zhes bya ba ni/ dge ba dang/ sdig pa'i dngos po'o/ /gang gis rang bzhin las rgyal bas/ ye shes kyis ni nang bar bya zhes bya ba ni/ shes rab kyi tshon gyis 'od gsal bar bya ba'o/ /lhag ma ni go sla'o/ /rdo rje sems dpa' i 'od kyi snang ba gsungs pa/ 'og min zhes bya ba la sogs pa'o/ /de nas 'og min zhes bya ba ni/ smin ma'i dbus su'o/ /sogs pa'i sgras mi snying

  776. 388b

    gar gzung bar bya'o/ /sa 'og rim pa bdun zhes bya ba ni/ lte ba'i dbus nye skud pa bdun gyis bskor ba'i phyir ro/ /bsgom par bya zhes bya ba ni de dag tu rim gyis bdud rtsi dbab bo zhes bya ba'i don to/ /sbyor ba gzhan bstan pa'i phyir/ snying ga zhes bya ba la sogs pa gsungs te/ de dag gis ni snying gar zla ba la/ gnas pa'i hUM gis thams cad stong par bsgoms nas/ rlung gi dkyil 'khor gyi steng du zla ba la sa bon hUM gis bskyed pa'i ye shes mkha' 'gro ma sngar smos pa'i lta bu bsgoms la/ snying gar zla ba la yi ge hUM bsgoms nas sngar ji ltar bsnan pa'i yon tan du 'gyur ro zhes ston to/ /rdo rje sems dpa' i sbyor ba gzhan gsungs pa/ pha rol zhes bya ba la sogs pa la/ 'di dag gis kyang bdag nyid zla ba la gnas pa'i rdo rje sems dpar bsam la/ snying gar pad+ma dang zla ba'i steng du rnam shes zhes bya ba ni snying gar yi ge hUM bsgoms nas/ pha rol yang dmar por bsams te/ rang gi snying ga nas 'od spros la/ de'i zhes bya ba bsgrub bya'i snying gar bcug nas slar bkug ste/ rang gi snying gar bsgoms la brgyad du zhes bya ba ni yi ge hUM gi sngags brgyad brgya bzlas na/ nges par gzhan gyi sems shes par 'gyur ro zhes ston to/ /de ni gsang ba'i sbyin sreg bstan pa'i phyir/ de nas zhes bya ba la sogs pa gsungs te/ phal cher go sla'o/ /mdud pa'i lte ba'i dbus nyid kyi/ /ngos su sor ni bdun pa ste/ zhes bya ba la me mdud pa'i lte ba zhes bya ba ni lte ba'i mdud pa ste/ de yang zhags pa lta bu'i ri mo gnyis phan tshun du mdud nas/ steng dang 'og tu 'gro ba ste lte ba'i dbus su blta bar bya ba'o/ /ngos su sor ni bdun pa ste/ zhes bya ba ni lte ba'i mdud pa'i dbus su/ aM gi thig le las byung ba'i ri mos lan bdun bskor ba ste/ sor mo zhes bya ba ni ri mor sgrar blta'o/ /ngos su zhes bya ba ni lte ba'i mdud

  777. 389a

    ba'i ngos rnams su'o/ /ste ba'i mdud pa de nyid me thab yin bas na/ me thab ces bya ba smos so/ /de nyin kyi khyad par bstan pa'i phyir/ klu dbang zhes bya ba la sogs pa smos te/ lte ba'i dbus kyi mdud pa'i ri mo ste/ sbrul gyi gzugs 'khyil pa lta bur gnas so zhes bya ba'i don to/ /yi ge thams cad 'bar bar bya zhes bya ba ni/ thab khung de'i dbus na gnas pa'i yi ge aM ni/ me'i rang bzhin te/ de yang 'og tu rlung gi dkyil 'khor gyis sbar bas aM las byung ba'i ri mo bdun me'i 'od 'bar ba de bzhin du byas te/ yi ge thams cad ces bya ba ni/ ri mo bdun po de dag A li kA li'i rang bzhin du blta bar bya ba'o/ /des dbus pad+ma rig pa yi zhes bya ba ni lte ba'i mdud pa'i steng du pad+ma bsgom par bya'o/ /nyi ma'i dkyil 'khor dbus gnas par/ /ye shes lus ni 'bar bar gzung zhes bya ba ni/ pad+ma'i lte ba la nyi ma'i steng du/ ye shes mkha' 'gro ma'i sku 'am sa bon dgod pa'o/ /mdud pa'i me la dkar po ru// rdo rje mkha' 'gro thim par bya zhes bya ba la/ mdud pa'i me ni mdud pa'i me thab las 'bar ba'i me'i dbus na gnas pa'i pad+ma'i shar gyi 'dab ma la/ rdo rje mkha' 'gro ma mdog dkar mo 'am de'i sa bon no/ /g.yas su ni drag mo ser mo 'am de'i sa bon no/ /nub tu ni ro langs ma dmar mo 'am de'i sa bon no/ /g.yon du ni gtum mo 'am de'i sa bon no/ /me ni lnga pa'i bdag nyid de zhes bya ba ni/ rdo rje mkha' 'gro ma'o/ /gzhung kha cig las ni lnga zhes 'byung ste/ der ni snga char gzung bar bya'o/ /lhag ma ni go sla'o/ /chu dang zhes bya ba la sogs pa la/ chu ni shar phyogs su'o/ /me ni lho phyogs su'o/ /rlung ni nub phyogs su'o/ /sa ni byang phyogs su'o/ /nam mkha' dang rnam par shes pa rnam

  778. 389b

    par dag pa ni dbus su'o/ /lha mo lnga'i bdag nyid la zhes bya ba la sogs pas ni/ lte ba'i mdud par me'i lha mo rnams bsgoms nas hUM gi bdud rtsi chu rgyun gyis sbyin sreg bya'o zhes bya ba'i don to/ /dbus su bdud rtsi dmigs par bya zhes bya ba ni gnas bco brgyad nas drangs pa'i bdud rtsi bsgoms nas/ skad cig re re zhing me'i nang du bdud rtsi dbab po zhes bya ba'i don to/ /de nyid gsungs pa/ ba lang rmig pa zhes bya ba la sogs pa la/ ba lang rmig pa zhes bya ba ni/ smin ma'i dbus su'o/ /de'i dbus nas 'dzag pa zhes bya ba ni der gnas pa'i hUM gis bdud rtsi'i rgyan no/ /me yi dbus su sreg pa'i gzhi zhes bya ba la sogs pas ni me'i rang bzhin gyi yi ge aM ston pa yin te/ de yang g.yo ba'i rlung gis bskyod pa'i 'od kyis hUM gi thig le la reg pas de las 'dzags pas bdud rtsi'i sbyin sreg bya'o zhe bya ba'i don to/ /bdag nyid rgyas phyir bsreg par bya zhes bya ba ni/ de ltar bsgoms pas rang sangs ya nar 'gyur ro zhes bya ba'i don to/ /gang las she na/ cung zad bza' dang btung la sogs zhes bya ba smos te/ rung bar byas nas zhes bya ba ni dag par byas nas so/ /'di ltar spyod pa zhes bya ba la sogs pa rim pa de ltar zas la longs spyod pa'i rnal 'byor pa gang yin pa de la bu lon du mi 'gyur ba ste/ yon bdag gi bu lon du mi 'gyur ro zhes bya ba'i don to/ /gsang ba'i gdan zhes bya ba la sogs pa/ rab tu byed pa zhes bya ba ni gzhung 'dis bdud rtsi'i bsgom pa nas bzung ste/ gsang ba'i sbyin sreg gi bar du ston cing gsal bar byed pas na rab tu byed pa'o/ /dpal gdan bzhi pa'i 'grel pa dran pa'i rgyu mtshan zhes bya ba las gsang ba'i gdan gyi rim par phye ba gnyis pa'o// //da ni rlung la goms par bya ba dang 'byung ba'i khyad par rnams kyi tshad ma la sogs shes par bya ba'i phyir/ spre'u dang zhes bya ba la sogs

  779. 390a

    pa gsungs te/ spre'u dang 'dra bar mi gnas pa ces bya ba ni rlung dang sems te/ rtag tu g.yo ba'i rang bzhin can yin pa'i phyir ro/ /mnyam nyid ces bya ba ni brtan par gnas pa'o/ /gang gis zhes bya ba ni ting nge 'dzin gang gis so// lus kyi sbyor ba'i mtshan nyid rnams zhes bya ba ni lus kyi rlung dang/ sems mnyam par gcig tu sbyor ba'i mtshan nyid do/ /yang na rim par phye ba lnga pa las/ chu dang me dang rlung rnams kyi/ /lus kyi tshad ma ci zhig lags zhes gsol ba btab pa/ de nyid bcom ldan 'das la dran pa bslang ba'i phyir/ lus kyi sbyor ba zhes bya ba la sogs pa gsol ba yin no/ /lan gsungs pa/ 'byung ba yi ni khyad par dang/ gsang ba rdo rje chen pos nyon zhes bya ba la sogs pa ste/ 'byung ba'i khyad par zhes bya ba ni rlung phyir rgyu ba'o/ /gsang ba zhes bya ba ni rlung nang du 'jug pa'o/ /sems dang gnyis su med pa nyon cig ces bya ba'i don to/ /sems ni mnyam par gnas pa ste zhes bya ba ni sems dang gnyis su med pas gnas pa'o/ ji ltar zhe na/ nye bar zhi nas kA lir 'jug ces bya ba smos te/ nye bar zhi zhes bya ba ni rlung phyir 'byung ba'o/ /kA li zhes bya ba ni shes rab bo/ /'jug pa ni de'i rang bzhin du gnas pa ste/ rlung phyir 'byung ba shes rab kyi rang bzhin no zhes bya ba'i bar du'o/ /de bzhin du rlung nang du 'jug pa ni thabs kyi rang bzhin du shes par bya'o/ /de dag gis ni 'di skad du sems nyid rlung la zhon te/ 'byung ba dang 'jug pas na rlung nyid rnam par shes pa ste/ dbyer mi phyed pa yin la/ des na rlung gi gzugs kyis phyir phyung ste/ phyogs bcu'i bdud rtsi bzung nas slar 'ongs te/ zhugs nas snying gar sems nyid du gnas shing/ de bzhin du yang dang yang du 'byung ba dang 'jug pa bsgoms nas sems kyis sems dga' bar

  780. 390b

    bya ste/ shes rab dang thabs kyi sbyor bas gsang ba'i gnas su gzung bar ston to/ /de skad du yang rtag tu shes rab thabs kyis ni/ dga' dang bde bas 'grub par 'gyur zhes gsungs pa'o/ /de bas na gang gis tshe goms pa'i mthar thug ba na/ stobs bcu la sogs pa dang ldan par 'gyur ro/ /zhes bla ma'i man ngag las gsungs so/ /da ni chu la sogs pa'i tshad ma bstan pa'i phyir/ lus las zhes bya ba smos te/ sbu rnams skye ba zhes bya ba ni skra la sogs pa'i spu rnams skye ba ste/ chu'i tshad ma zhes bya ba chu'i rtags so/ /kun tu zhes bya ba ni lus kun tu chus khyab par sgrub pa'i rtags te/ skra la sogs pa'i spu'i myu gu ni snum zhing gsher ba'i 'bras bu yin pa'i phyir ro/ /chu la lus ni ma yin te/ zhes bya ba ni chu lus su sgrub pa'i tshad ma ni ma yin te/ 'o na ci zhe na/ lus la chu'i tshad ma yin zhes bya ba la sogs pa smos te/ lus thams cad la chu yis khyab nas yod par sgrub pa'o/ /lhag ma ni go sla'o/ /chu de yang rdo rje ma'i rang bzhin yin par bstan pa'i phyir/ blo dang ldan pa zhes bya ba la sogs pa smos te/ tshad ma zhes bya ba ni chu'i rang bzhin no/ /yang tshad mas grub pas na tshad ma'o/ /lus kyi yan lag ces bya ba la sogs pa la/ kha zas smin pa ces bya ba ni kha zas zhu ba ste/ de nyid kyi lus la dro ba'i rang bzhin gyi me yod pa'i rtags so/ /bu ga zhes bya ba la sogs pa la bu ga ni stse'i? sgo la sogs pa'o/ /rlangs pa 'dra ba zhes bya ba ni dbugs kyi rgyu ba ste/ de nyid ni lus thams cad la rlung gis khyab pa'i tshad ma'o// sa ni zhes bya ba la sogs pa la/ kun gyi gnas yin te/ zhes bya ba ni chu la sogs pa'i dngos po thams cad kyi rten dang gnas su gyur ba ste/ gzhan du ni chu la sogs pa lus la mi dmigs par thal bar 'gyur ro/ /'di la dgongs

  781. 391a

    nas rim par phye ba lnga ba las/ 'byung ba gsum gyi dngos su dris pa yin no/ /gzugs sogs dbang po yon tan ldan zhes bya ba ni/ yul dang dbang po rnams sa'i yon tan te sa la brten pa'o/ /yon tan de dag gis brgyan cing sbras pas na/ gtso bo zhes bya ba'i bar du'o/ /tshad ma nye bar bsdu ba'i phyir/ gzugs la sogs pa snang bas na zhes bya ba smos te/ brten pa'i rang bzhin gzugs la sogs pa dang/ chu la sogs pa dang/ dbang po rnams lus la snang zhing dmigs pa'i phyir rten sa'i rang bzhin yod par shes par bya'o/ /de nyid kyi phyir sa ni tshad ma'i gnas yin no/ /zhes smos te/ gtan tshigs rnams kyi rten du ston pa yin no/ /yon tan ldan pa de yi phyir/ /mdzes ma zhes byar rab tu grigs/ /zhes bya ba ni sgra bsgrub pa'o/ /yid ni zhes bya ba la sogs pa la/ the tshom gcod pa zhes pa ni sa la sogs pa'i mtshan nyid shes par byed pa'i phyir ro/ /byed po sdud po za ba po 'ang yin zhes bya ba ni lus la sogs pa'i las dge ba dang mi dge ba dang 'dren ma rnams kyi byed pa po yang yin te/ des de dag byed pa'i phyir ro/ /sdud pa po'ang yin te des de dag las bzlog pa'i phyir ro/ /za ba po yang yin te/ des de dag gi 'bras bu spyad pa'i phyir ro/ /'di ni tshad mar ngag gis lus la yid yod par dpog par byed do/ /gzhan du na/ las dge ba dang sdig pa la sogs pa la 'jug pa la sogs pa lus la mi snang bar thal bar 'gyur ro/ /gtan tshigs gnyis pa bstan pa'i phyir/ dbang po ces bya ba la sogs pa smos te/ dbang po kun gyi sems rnams shes bya ba ni/ rnam par shes pa rnams so/ /mtshan gzhi zhes bya ba ni yul rnams so/ /mtshan nyid shes par bya zhes bya ba ni rnam par shes pas yul rnams khong du chud ba ste/ gtan tshigs de'i

  782. 391b

    phyir ro/ /de nyid gsal bar bya ba'i phyir dang/ dbang po'i rgyal po ces bya ba'i sgra bsgrub pa'i phyir/ dbang rgyal nyer rgyal longs spyod pa ces bya ba la sogs pa smos te/ gang la longs spyod ce na/ bde ba rnams te/ bde ba la sogs pa rnams la'o// ci'i phyir zhe na/ yul la sogs pa'i nyer spyod kyis te yul dang dbang po nye bar spyod pa'i bde ba la sogs pa rnams nyams su myong ba'i phyir lus la ye shes bsten par bya zhes bya ba yod par rjes su dpag pa la dbang po'i rgyal po ces kyang bya'o/ /zhes bya bar dgongs so/ /da ni de dag thams cad rnam par shes pa nyid du 'du ba'i tshad ma bstan pa'i phyir/ sems ni zhes bya ba la sogs pa smos te/ gal te chu ni gzhan yin na/ zhes bya ba ni rnam par shes pa'i las tha dad pa'o// ci phyir shi na chu mi 'byung zhes bya ba ni/ gnod pa can gyi tshad ma bstan pa ste/ shin zhes bya ba ni shi ba'i lus la'o/ /chu mi 'byung zhes bya ba ni mi dmigs pa'o/ /ci'i phyir zhes bya ba ni rnam par rtog pa'i tshig ste/ dmigs pa'i kho nar thal bar 'gyur ro zhes bya bar dgongs so/ /ye shes bral ba'i lus la ni zhes bya ba ni shi ba'i lus la'o/ /sems kyi dbugs ni rgyu ba med ces bya ba ni rnam par shes pa g.yo bar byed pa'i rlung gi rgyu ba mi dmigs pa'o/ /chu'i nang du 'bying mi 'gyur zhes bya ba ni shi ba'i lus la sa'i mtshan nyid lci ba nyid med par bsgrub pa'i gtan tshigs so/ /nye bar bsdu ba bstan pa'i phyir/ lus la tshad ma lnga yod pas/ /zhes bya ba la sogs pa smos te/ /sems dang bcas pa'i lus la tshad ma lnga snang ba'i phyir/ /rnam par shes pa'i rtsa bar 'dus pa'o zhes bya ba'i don to/ /mtshan nyid gcig tu shes byas nas/ rnal 'byor pa yis 'gro ba brtag ces bya ba la sogs pa'i don chos thams cad rnam par shes pa'i rang bzhin du shes par

  783. 392a

    byas la/ de'i rang bzhin shes par bya ba'i phyir/ dge ba'i bshes gnyen bsten par bya'o/ /zhes bya ba yin no/ /yul dang dbang po'o ye shes ni/ gzir dang bcas pas sdom par 'gyur zhes bya ba ni 'khor bar 'ching ba'i rnam par shes pa 'gro brtag pa yin te/ yul rnams la/ dbang po dang shes pa'i 'jug pa gzir ba dang bcas pas bsdams nas 'khor bar 'ching ngo zhes bya ba'i don to/ /gzir ba zhes bya ba ni brtul zhugs dang dka' thub la sogs pas lus dang sems la gdung ba'o/ /'o na bsdams pa gang gis 'khor ba las rgyal bar 'gyur zhe na/ sgong skyes/ zhes bya ba la sogs pa smos te/ dbus su gnas pa ces bya ba ni/ rnam par shes pa ste snying ga na gnas pa'i phyir ro/ /sdod skyes zhes bya ba ni de'i gnas sgong ste/ sgo nga 'dra ba'i snying khrag gi gnas su bcing ba'o/ /bsdam pa'i sbyor ba gsungs pa/ 'byung dang 'byung min sems kyi ni/ /g.yo ba'i dngos po bskor bar bya zhes bya ba la/ 'byung ba dang 'byung min zhes bya ba ni/ dbugs 'byung ba dang 'jug pa'o/ /sems zhes bya ba ni sems dang bcas pa'o/ /g.yo ba'i dngos po zhes bya ba ni/ rlung dang rnam par shes pa mi brtan pa ste/ bcing bar bya zhes bya ba dang sbyar ro/ /cis zhe na/ bskor ba ste// 'byung ba dang/ 'byung min gyi rlung la goms pas so/ /bcing ba zhes bya ba la sogs pa la/ pad+ma'i sdan? zhes bya ba ni bde ba'i stan te/ snying ga'i pad+ma dang chos 'byung ba'i pad+ma la'o/ /de'i phyir zhes bya ba ni de ri rgyu mtshan te/ stong pa nyid la sogs pa sngon du 'gro ba'i ting nge 'dzin to/ /rnam shes rang bzhin mtshon par bya zhes bya ba ni thams cad sems kyi snang ba tsam du shes bar bya'o/ /lha'i rnal 'byor du ji ltar 'gyur zhe na/ rang bzhin zhes bya ba'i dngos po zhes bya ba

  784. 392b

    smos te/ thabs dang shes rab 'brel bas lha'i dngos por 'gyur ro/ /zhes bya ba'i don to/ /nga ni rlung 'byung 'jug la goms par bya ba'i cho ga gsungs pa/ lte bar zhes bya ba la sogs pa ste/ lte bar chu shing me tog ni zhes bya ba ni bsgom par bya zhes bya ba lhag ma yin no/ /de nas ni lte bar chu shing gi me tog lta bu'o pad+ma la/ yi ge a bsgom mo zhes bya bar ston to/ /snying gar yang ni bsgreng ste gnas zhes bya ba ni de'i steng snying gar yang kha 'og tu bltas pa'i pad+ma 'dab ma brgyad pa lta bu'o rtag tu stong pa'i sgo yin te zhes bya ba ni pad+ma'i kha cung zad bye ba'o/ /mkhas pas rtag tu bzlog par bya zhes bya ba ni kha 'og tu bltas par ston pa'o/ /lhag ma ni go sla'o/ /ye shes rnam shes sbyor ba ste/ /zhes bya ba ni steng gi pad+ma de'i gnas su hUM bri ba'o/ /sbyor ba yi ni shar phyogs char/ /de dang mthun pa'i sor drug pa zhes bya ba la/ sbyor ba zhes bya ba ni lte ba'i pad+ma'o/ /shar phyogs zhes bya ba ni de'i steng gi char ro/ /sor drug pa ces bya ba ni me'i 'od zer zhes bya ba lhag ma yin te/ me'i 'od zer steng du sor drug tu 'bar ba'o/ de dang mthun pa zhes bya ba ni snying gi pad+ma la phan pa'o/ /mdud pa yi ni nub phyogs char zhes bya ba ni/ lte ba'i mdud pa'i 'og tu'o/ /sor lnga pa ni snga ma bzhin no/ /zhing de la sa bon dang/ 'od zer tshogs kyis myu gu 'bar zhes bya ba ni/ ji ltar sa gzhi las sa bon dang myur dur skye ba ltar lte ba'i mdud pa'i sa gzhi las yi ge yi gi sa bon gyi me'i myu gu sor drug la sogs par 'bar ba'o/ /sa bon de yi 'od zer gyis/ chu shing lta bu bskor bar bya zhes bya ba ni steng gi pad+ma'i sa bon yi ge hUM yang 'od zer dang bcas par bsgom pa'o/ /kha cig na re/ lte bar chu shing me tog gnas zhes bya ba ni snying ga'i pad+ma ste/ de yang chu shing gi me tog ltar kha

  785. 393a

    chung zad bye zhing/ kha 'og tu bltas la lte ba'i steng du/ lte ba dang nye bar gnas pa na/ lte bar gnas pa ces bya'o/ ge sar dang ni ldan pa ste/ zhes bya ba ni/ lte ba'i pad+ma ste/ de yang 'dab ma brgyad pa yin la/ de'i dbus su gnas pa'i yi ge aM gi 'od zer gyis snying ga'i pad+ma kha cung zad phye ba yin no/ /lhag ma ni sngar bshad pa yin no zhes zer ro/ /yi ge aM gi 'od zer phra mos snying gi pad+mar gnas pa'i yi ge hUM la bskul ba bstan pa'i phyir/ rgyas pa lnga yi sa bon la/ lho ba'i 'og nas dag par bya zhes bya ba smos te/ rgyas pa lnga'i sa bon ni yi ge hUM ngo/ lto ba'i 'og ces bya ba ni lte ba na gnas pa'o/ /bags pa zhes bya ba ni pad+ma cung zad kha phye zhing hUM la bskul ba'o/ /'dab ma brgyad kyi rnam par brgyan zhes bya ba ni/ pad+ma gnyi ga'i 'dab ma brgyad pa'o/ /de la 'og gi pad+ma'i shar la sogs pa'i 'dab ma rnams la g.yon skor gyis rim bzhin suM k+ShuM yu hUM zhes bya ba bzhi bri'o/ /dbus ni aM ngo/ /dbang ldan la sogs pa'i mtshams suM smryuM hmryuM smryuM rmryuM ste bzhi bri'o/ /mu khyud kyi cha la naM ri rI li lI rnams bri'o/ /steng gi pad+ma la yang de kho na bzhin bri bar bya ste/ khyad par du dbus su ni hUM bri ba'o/ /de nas aM gi 'od zer gyis hUM las bskul nas de'i bdud rtsi'i rgyun gyis steng 'og gi lus thams cad bkru bar bstan pa'i phyir/ ba lang rmig ba ces bya ba la sogs pa smos te/ ba lang rmig pa ces bya ba ni lus so/ /sgo dgu ru ni zhes bya ba ni sgo dgu po thams cad dgang ba'o/ /'di 'bad spu'i khong nas 'phro zhes bya ba ni/ de nas ba spu'i bu ga nas bdud rtsi chu rgyun phyung la/ lus thams cad dgu ba'o/ /bzlas pa bstan pa'i phyir ye shes zhes bya ba la sogs pa smos te/ ye shes rnam shes sa bon ni hUM ngo/ /de la gang

  786. 393b

    gi tshe rlung phyir 'gro ba'i tshe aM gi 'od zer gyis hUM la bskul zhing rlung nang du 'jug pa'i tshe/ hUM gi chu rgyun gyis lus thams cad bkang la/ dbugs 'byung ba dang/ 'jug pa'i dus der shes rab dang thabs kyi rang bzhin gyi aM hUM gnyis bzlas par bya'o/ /de ltar dus rtag tu gnas skabs kun tu goms par bya ba bstan par bya ba'i phyir/ 'gro dang zhes bya ba la sogs pa smos te/ zas la nye bar spyod pa na yang mi 'dor ro zhes bya ba'i don to/ /lhag ma ni go sla'o/ /da ni gang du 'pho ba bstan pa'i phyir/ /gong du 'pho ba zhes bya ba la sogs pa gsungs te/ thig le zhes bya ba ni smin ma'i dbus su'o/ /chu zhes bya ba ni rdo rje'i sgo'o/ /chu min zhes bya ba ni bshad pa'i sgo'o/ /lte ba 'dod can mtho ris te/ zhes bya ba ni gal te lte ba'i lam nas rnam par shes pa 'gro na de'i tshe 'dod pa'i khams kyi lhar 'gyur pa'o/ /gzugs kyi lus can zhes bya ba ni gzugs kyi khams kyi lhar skye ba'o/ ba steng nas zhes bya ba ni/ gser gyi sgo nas so/ /steng gi gnas zhes bya ba ni bla ma'i gnas su ste/ 'dir yang dmyal ba dang 'dra bar myur bar skye bar shes par bya'o/ /srid pa'i skye sgo zhes bya ba ni kha'o/ /sgo rnams kyi ni bye brag las zhes bya ba la sogs pa'i don ni sgo'i bye brag gis 'gro ba'i bye brag gis gya nom pa ma yin par phye ba de bas na/ rnal 'byor pas gong bu 'phro ba'i ting nge 'dzin goms par byas la/ gang gis tshe nus shing dus la bab pa na/ lam bzad pa nas rnam par shes pa btang ngo/ /zhes bya ba yin no/ /rims la sogs pas ma phog par zhes bya ba ni/ rims la sogs pas phog pa na/ gong du 'pho ba'i sbyor ba mi nus pa'i phyir dang/ 'jig rten pas brnyes pa'i phyir dus zad pa las zla

  787. 394a

    ba drug gi gong rol du ston to/ /sngon du bum pa brtsams pa yis zhes bya ba ni/ sngon du dbugs bum pa can la goms par bya ba'o/ /rgyas pa lnga zhes bya ba ni/ yi ge hUM ser po'o/ /mchod rten gyi sgo zhes bya ba ni smin ma'i dbus su'o/ /'og gi sgo zhes bya ba ni/ de'i 'og tu'o/ /chu'i sa bon zhes bya ba ni yi ge suM ngo/ /chu dang chu min sgo zhes bya ba ni bshad zin to/ /me'i sa bon zhes bya ba ni k+ShuM ngo/ /sgo rnams thams cad kyi sgras ni gzhan yang gser gyi sgo ni k+ShuM ngo/ /mig gnyis su ni hUM sngon po'o/ /rna ba dang sna dag la ni yuM dmar po'o/ /khar ni suM dkar po'o/ /lus la rlung gi mdog tu ste zhes bya ba ni mdog sngon por bya'o/ /sems ni rlung gi dkyil 'khor zhes bya ba ni snying gar rlung gi dkyil 'khor gyi steng du hUM bsgom pa'o/ /rtsa bar rlung gi sa bon ni/ zhes bya ba la sogs pa'i don ni/ /rlung gi dkyil 'khor gyi steng 'og gnyis su yi ge yuM gnyis bri ba'o/ /rdo rje sa bon zhes bya ba ni suM ngo/ /brag mo'i sa bon zhes bya ba ni k+ShuM ngo/ / lcags kyu la sogs zhes bya ba ni sa bon hi ka ste/ sbyar bar bya zhes bya ba ni/ sa bon hi ni sa bon yuM 'og tu bri'o/ /ka ni yum gong ma'i 'og tu'o/ /nyi shu rtsa gcig dbugs rnams zhes bya ba ni goms kyi 'og tu lan nyi shu rtsa gcig sbyar ba ste/ des 'pho bar 'gyur ro/ /gnas nas drag mos drang bar bya zhes bya ba la/ drag mo zhes bya ba ni yi ge aM ste/ gnas nas zhes bya ba ni de'i 'od zer gyis snying ga'i rlung dang sems gyen du 'phul ba'o/ /gnas dang gnas nas zhes bya ba ni snying ga dang/ mgrin pa la sogs pa steng du phul ba'o/ /yang na gnas na gnas pa zhes bya ba ste/ yan lag kun la gnas pa'o/ /steng gi sa bon smin pa la/ /zhes bya ba ni skra dkar bcing ba ste/ 'og nas bshad par bya'o/ /yi ge

  788. 394b

    phyed dang gnyis kyis sbyar zhes bya ba ni/ sa bon hi ka bzlas pa'o/ /kha cig ni sa bon a dang hUM yin no/ /zhes zer ro/ /drag mo'i nga ro brjod pa ste zhes bya ba ni/ 'og nas rlung gis bskyod pa'i sa bon aM gi 'od zer gyis snying ga'i hUM la bsnun pa'o// brgyad kyi mdza' zhes bya ba ni ha'o/ /sde tshan dang po'i dang po zhes bya ba ni ka'o/ /nga ro drag mo zhes bya ba ni i'o/ /gnyis pa ltar na nga ro drag mo ni bshad zin to/ /de nyid sde tshan dang po'i po'o/ /brgyad kyi mdza' zhes bya ba ni hUM ngo/ /lhag ma bshad zin to/ /de la dang por stong pa nyid bsgom pa la sogs pa sngon du 'gro bas 'og nas 'byung ba'i lha'i rnal 'byor byas la hUM la sogs pas sgo dgu po bcings te/ sngar smos pa ltar yi ge rnams rim gyis bkod la/ rlung steng du 'gro ba'i tshe rlung gis bskyod pa'i lte ba la gnas pa'i sa bon aM gi 'od kyis/ snying ka'i hUM la bsnun te/ rlung dang bcas pa mgrin pa nas mgo'i bar du phul la/ rlung 'og tu 'jug pa'i tshe ni slar 'ongs par bsam mo/ /khyad par du rlung 'og tu 'jug pa'i tshe/ sa bon hi ka'i gnas snga ma las bzlog par bya'o/ /bzlas brjod kyang/ sa bon hi ka nyid bzlas par bya ste/ de ltar lan nyi shu rtsa gcig tu goms par byas na nges par 'pho bar 'gyur te/ sgo gang nas 'dod pa nas rnam par shes pa 'pho bar 'gyur ro/ /skra dkar bcing ba'i cho ga bshad pa'i phyir/ gong nas de bzhin steng gzhan du zhes bya ba la sogs pa smos te/ gong zhes bya ba mgo'i nang gi pad+ma 'dab ma sum cu rtsa gnyis pa'o/ /steng gzhan zhes bya ba ni der yi ge haM sngon po kha thur du bltas pa bri ba'o/ /de bzhin zhes bya ba ni/ lte bar bsgoms pa'i yi ge aM gi 'od zer gyis/ haM la bskul nas bdud rtsi'i chu rgyun dbab pa ste/ 'dis nges par skra dkar bcings par 'gyur ro/ /steng gi rtsa ba bza' bar bya zhes

  789. 395a

    pas ni/ phyi rol gyi sbyor ba bstan pa yin te/ lus skam dang/ zla mtshan dang/ khu bar bcas pa zos na 'dis skra dkar bcing bar 'gyur ro/ /lhag ma ni go sla'o/ /ji ltar 'dam nas skyes pa yi/ pad+ma dri med yid 'ong pa zhes bya ba ni/ pad+ma la chu dang 'dab dang nya lci bas sogs pas mgos pa ltar ye shes kyi lus kyang de bzhin no/ /zhes bya ba'i don to/ /lhag ma ni go sla'o/ /rnal 'byor bsgrub pa'i khyad par gyis/ /zhes bya ba la sogs pas ni/ lha'i rnal 'byor bstan te/ de dag gi don yang go bar zad do/ /'pho ba'i rnam pa gzhan bstan pa'i phyir/ de nas phyi rol zhes bya ba la sogs pa smos te/ phyi rol zhes bya ba ni gzhan te/ sngar bstan pa las gzhan ba'o/ /gnas gnyis zhes bya ba ni/ lte ba dang snying ga'i gnas gnyis te/ bsam par bya zhes bya ba ni 'og nas 'byung ba ltar bsam pa'o/ /de nyid gsungs pa/ rlung gi dkyil 'khor zhes bya ba la sogs pa ste/ A li kA li zhes bya ba ni snying ga'i yi ge hUM ngo/ /de'i sa bon dmar por dgod ces bya ba ni/ lte ba'i sa bon aM dmar po'o/ /'byung ba 'byung min zhes bya ba ni dbugs 'byung ba la rnam par shes pa'i sa bon mgo'i nang du gzhug pa'o/ / 'jug pa 'jug ba min pas bzlas zhes bya ba ni dbugs 'jug pa la slar bzlog pa'o/ /bzla ba ni goms par bya ba'o/ /yang na 'byung ba dang 'jug pa la da las bzlog pa'i sa bon hi ka mgrin pa'i mtshams su bzla ba'o/ /de dag gis ni 'di skad du/ lte bar rlung gi dkyil 'khor gyi steng du me'i dkyil 'khor de'i steng du aM dmar po nyi ma'i mdog lta bu bsams la/ snying ga'i pad+ma la hUM sngon po kha thur du bltos pa bsgoms la/ rlung 'byung ba'i tshe/ chu shing go?

  790. 395b

    ?? ? gis bskyod pa ltar/ pad+ma dang bcas pa'i yi ge hUM la gyen gar bltas te mgo'i nang du phul la/ rlung 'jug pa'i tshe slar dgug par bya'o/ /de ltar yang dang yang du goms par byas pa las tshegs med par 'phro zhes bstan par 'gyur ro/ ?? kyi sbyor ba bstan pa'i phyir/ de nas zhes bya ba la sogs pa smos te/ phyi rol zhes bya ba ni sngar bshad pa bzhin no/ /sgrub pa po yis rnam par sprul zhes bya ba ni/ sgrub pa po'i phyir sprul pa'o/ /gang zhe na pha rol sems dang rjes ? zhes bya ba smos te/ 'di dag gi don ni rang gi lta bar yi ge aM dmar po ma dang rlung la gnas pa bsams nas bsgrub bya'i snying gar hUM dmar po bsgoms la/ aM gi 'od zer rang gi sna bug g.yas nas phyung la/ bsgrub bya'i sna sgo g.yon par zhugs la snying gi rnam shes bzung la/ de'i sna sgo g.yas nas phyung nas/ bdag gi sgo g.yon nas zhugs te/ me'i nang du bsreg par bsgom mo/ /de ltar yang dang yang bzlas pas pha rol gyi sems shes par yang 'gyur la/ ji srid ma shi'i bar du lkugs te gnas par 'gyur ro/ zhes bya ba ni 'di yin no/ /lhag ma ni go sla'o/ /gsang ba'i gdan zhes bya ba la sogs pa la/ gzhung 'dis rlung la goms par bya ba dang chu la sogs pa lus la gnas par rjes su dpog pa la sogs pa gsal bar ston par byed pas na rab tu byed pa'o/ /dpal gdan bzhi pa'i 'grel ba dran pa'i rgyu mtshan zhes bya ba las/ gsang ba'i gdan gyi rim par phye ba gsum pa'o// //da ni gsang ba las kyang gsang ba bstan pa'i phyir/ gsang ba'i gdan gyi zhes bya ba la sogs pa smos te/ phal cher go sla'o/ /rnam par shes pa gzung ba'i rnam pa gzhan bstan pa'i phyir/ yid du 'ong ba'i zhes bya ba la sog pa smos te/ zla ba'i dkyil

  791. 396a

    'khor zhes bya ba la sogs pas ni ye shes mkha' 'gro ma'i rnal 'byor bstan to/ /dbus su bsgom bya zhu ba'i gtso zhes bya ba la/ 'dzag pas na zhu ba ste yi ge hUM ngo/ /mi bskyod pa'i sa bon zhes bya ba ni aM ngo// rin chen sa bon zhes bya ba ni AM ngo/ /'od dpag med pa'i sa bon ni eM ngo/ /don yod grub pa'i sa bon ni khaM(rgyud 'grel): ngo/ /de nyid bstan pa'i phyir/ dbyangs yig thog ma zhes bya ba la sogs pa smos so/ /yang na bzhi zhes bya ba ni rkyen mi mngon pa ste 'dir bzhi pa ces bya bar sbyar te/ des ni lte ba'i pad+ma'i dbus su yi ge aM bri bar ston to/ /de'i tshe mi bskyod pa la sogs pa'i sa bon ni hUM dang aM dang dzi dang khaM rnams yin no/ /phyogs mtshams zhes bya ba la sogs pa ni gnyi ga'i 'o/ /lhag ma ni go sla'o/ /stong pa'i zhes bya ba la sogs pa la/ gal te thams cad stong pa yin no/ /ci zhig snying por 'gyur zhe na/ chu shing zhes bya ba la sogs pa gsungs te/ ji ltar chu shing snying po med pa las/ bdud rtsi'i snying po 'byung ba ltar snying po med pa'i sa bon la sogs pa bsgoms pa las/ stong pa nyid kyi ye shes kyi sku'i 'bras bu smin par 'gyur ro/ /gang gi zhes bya ba la sogs pa la/ gang gi mtshan nyid shes byas nas zhes bya ba ni rnam pa thams cad kyi rang bzhin thos pa dang bsams pas khong du chud nas so/ /myur ba zhes bya ba ni tshe 'di nyid la'o/ /bdud rtsi dgug pa'i ting nge 'dzin gyi rnam par gzhan bstan pa'i phyir rgyas pa lnga'i zhes bya ba la sogs pa smos te/ bdud rtsi'i sa bon zhes bya ba ni saM mo/ /'dis ni yi ge soM gyi steng du zla ba'i dkyil 'khor la yi ge hUM bsgom par bstan to/ /thigs pa'i dbus su zhes bya ba ni smin ma'i dbus su ste/ der yang sa bon hUM ngo/ /mthe bo tsam gyi zlum por bya zhes pa ni zla ba'i dkyil 'khor gyi

  792. 396b

    gzugs can gyi yi ge tha ste/ de'i dbus su gong du thal ba'i hUM bri ba'o/ /de yi dbus kyi sa bon ni zhes bya ba ni lte ba'i dbus su ste/ der A li kA li sa bon yi ge aM bri ba'o/ /skra'i rtse mo zhes bya ba la sogs pa ni aM gyi 'od zer gyis rim gyis bskul ba bstan to/ /de nyid bstan pa'i phyir/ thig le zhes bya ba la sogs pa smos te/ thig le gnas kyi go 'phang lta zhes bya ba ni/ lte ba'i pad+ma'i thig le bstan to/ /snying dang tshangs ba'i sgo dang ni/ /thigs pas lam gyi sgo dag tu zhes bya ba ni/ ye shes rnam shes gzung bar bya zhes bya dang 'brel ba ste/ snying ga dang smin par dang/ gser gyi sgo dag tu yi ge hUM bri ba'o/ /gzhan dag na re/ thig le gnas ni lte ba'o/ /go 'phang ni mgrin pa'o/ /tshangs pa'i sgo nyid thig le'i lam ste/ spyi gtsug go /ye shes rnam shes gzung bar bya zhes bya ba ni gnas de dag tu bdud rtsi myang zhing lta ba'o/ /ji ltar zhe na/ zla ba'i dbus su sa bon no/ /mthe bo tsam gyi zlum por bya/ de yi dbus kyi sa bon ni/ A li kA li dag las btu/ zhes bya ba snga ma dang sbyar te/ aM hUM oM haM rnams su shes par bya'o zhes zer ro/ /'dir bzlas pa gsungs pa/ gzugs sogs srid pa'i longs spyod la zhes bya ba la sogs pa gsungs te/ 'dod pa dang gzugs dang gzugs med pa'i longs spyod de don tu gnyer ba'o/ /yang na gzugs sgra la sogs pa'i sbyang ba la'o/ /kun nas kun tu 'jug pa dang zhes bya ba ni thig le dang zla tshes so/ /mgo dang mgo min zhes bya ba ni ha dang u'o/ /rtsa bar rtag tu gzer bar bya zhes bya ba ni ha'i rtsa bar u sbyar ba ste/ bsdus pas hUM zhes bya bar 'gyur ro/ /de nyid kyi phyir ye shes zhes bya ba la sogs pa smos te go sla'o/ /gzhan dag ni mgo dang mgo min zhes bya ba ni a dang ha ste/ yi ge thams cad kyi thog mdza' yin pa'i phyir ro/ /kun nas kun tu 'jug pa ni zla tshes dang thig le'o/ /bsdus pas aM haM zhes bya bar 'gyur ro/ /de nyid kyi phyir ye shes zhes bya ba la sogs pa smos te/ aM haM zhes bya ba'i sa bon no/ /mtshan ma rnam

  793. 397a

    pa lnga gsungs pa/ mar me lta bu zhes bya ba la sogs pa smos te go sla'o/ /mchod rten gyi de kho na nyid bstan pa'i phyir/ mchod rten zhes bya ba la sogs pa smos so/ /snying gar ces bya ba'i don ni/ snying gar zla ba la yi ge hUM bsgoms nas de'i 'od zer gyis dngos po thams cad bsregs te/ thal ba'i 'od zer las yi ge hUM gis mchod rten gyi gzugs su bskyed pa 'di yin no/ /lha'i rnam par dag pa gsungs pa/ gya gyu zhes bya ba la sogs pa la/ gya gyu zhes bya ba ni bang rim mo/ /sa zhes bya ba ni sa'i dkyil 'khor ro/ /phyogs brgyad dag gi khams yin no zhes bya ba ni sa'i dkyil 'khor la gnas pa'i 'jig rten dang 'jig rten las 'das pa phyogs brgyad kyi lha rnams kyi rang bzhin du lhag par mos pa'o/ /yang nas zhes bya ba ni sa'i snying po la sogs pa byang chub sems dpa' brgyad do/ /gzugs can bcu dang brgyad po zhes bya ba ni dbang phyug chen po bsnan nas rnam pa bco brgyad du bya ba'o/ /kha cig ni hUM nyid mchod rten gyi gzugs so zhes zer ro/ /sbyin dang tshul khrims zhes bya ba la sogs pa ni sngar bshad zin to/ /bdud rtsi zhes bya ba ni mnyam pa nyid kyi bdud rtsi'o/ /chos kyi dbyings kyi rnal 'byor ro zhes bya ba la/ chos ni phung po la sogs pa'o/ /dbyings ni brten pa ste lus so/ /de'i rnal 'byor ni stong pa nyid kyi rnal 'byor ro/ /yang na chos kyi dbyings ni stong pa nyid do/ /rnal 'byor ni de'i lus mchod rten no/ /yang sbyor ba gzhan gsungs pa/ gsang chen zhes bya ba la sogs pa la/ rgyas pa lnga zhes bya ba la sogs pa ni gong du 'phob ba'i skabs su bshad zin to/ /de yi dbus kyi sgo der ni/ /dung dang zla ba ltar dkar ba/ zhes bya ba ni yi ge hUM ngo/ /phyogs bzhir khams ni bzhi po yi zhes bya ba ni sngar smos pa ltar hUM dang sum la sogs pa'o/ /phyogs mtshams sa bon brtsegs pa bzhi zhes bya ba ni/ hmryuM la sogs pa'o/ /phyi nas gzugs ni gzhom par bya zhes bya ba ni mnyam pa nyid du bstan pa'o/ /de nyid rgyas par bshad pa'i phyir/ sgong skyes bcas gzhom par

  794. 397b

    bya zhes bya ba la sogs pa smos te go sla'o/ /A li kA li sa bon zhes bya ba ni aM dang hUM ngo/ /yul 'khor ces bya ba ni lus so/ /rgyun tu zhugs pa'i 'bras bu zhes bya ba ni bdud rtsi btung ba'i 'bras bu ste/ 'khor ba sgrol ba zhes bya ba dang sbyar ro/ /gnas phun sum tshogs ba gsungs pa/ sgrub po 'du 'dzi med pa dang zhes bya ba la sogs pa'o/ /der ci zhig gis 'tshe bar bya zhe na nag mu la zhes bya ba la sogs pa smos te/ na ga zhes bya ba ni glang po che'i stobs te/ gang gi ming ba lang rdzi'i 'bras bu zhes bya bar grags pa ste de'i rtsa ba gzung ngo/ pa lak+Sha'i ni me tog gzung ngo/ /ru ta ni go bar zad do/ /cha gsum zhes bya ba ni so sor re re zhing srang gsum gsum gzung ba'o ma g+ha d+ha dang zhes bya ba ni pi phyi ling ste srang gcig gzung ngo/ /cha bsnyams zhes bya ba ni de dag gi phye ma bsra ba'o/ /bzhi cha zhes bya ba ni srang bzhi yi cha ste zho gnyis gnyis bza' ba'o/ /'dul ba srung ba zhes bya ba ni sman bsten pas phyi rol gyi bza' ba la sogs pa bzlog pa'o/ /yang na sman bsten pas dbang po bsdams zhing bsrung ste mtshams kyi bya ba dang ldan par bstan pa'o// //sngags dang phyag rgya dang lha la sogs pa la yid ches pa bskyed pa'i phyir/ bsgom pa dang bzlas pa la sogs pa ji srid mngon du gyur pa nyam su blang ba bstan pa'i phyir/ ji ltar zhes bya ba la sogs pa smos te/ tshigs su bcad pa byed gong ma'i don ni/ bu mo gzhon nu rnams byis pa gzho mu'i gti bsgugs shing/ de'i gtam thos nas kyang/ dga' ba mnyams su myong ba dang bcas pa'i rjes su yi rang ste/ de dag dang lhan cig tu nyal ba la sogs pa'i gtam brjod kyi nyal po dngos byed pa ni ma yin no/ /zhes bya ba yin no/ /de ltar lam bshad ces bya ba la sogs pas ni de dang 'dra pa'i lam bshad na/ 'ching bar mi 'gyur ro zhes ston to/ /rnal 'byor zhes bya ba ni cho ga'o/ /de nyid kyi phyir laM ngan de ltar bstan pa min zhes bya ba smos so/ /yang na bud med dang byis pa la sogs pa bsgrub la sogs pa'i gtam la dga' ba rnams la/ rgyud 'di yi lam bstan na kun tu 'ching bar 'gyur te/ a zhes bya ba ni kun tu zhes bya bar

  795. 398a

    sbyar ro/ des na de la lam ngan par 'gyur ro/ /rig byed ces bya ba la sogs pa ni go sla'o/ /gnas ngan lha zhes bya ba ni mu stegs kyi lha'o/ /ci phyir de de dag mi bya zhe na/ dbang bskur zhes bya ba la sogs pa smos te go sla'o// te na hUM zhes bya ba la sogs pa smos pa la ste zhes bya ba ni sku dang gsung dang thugs kyi bdag nyid phung po dang khams dang skye mched kyi dngos po rnams so/ /na zhes bya ba ni dgag pa ste/ gzung ba la sogs pa'i dngos po med pa'o/ /'o na ci zhig ce na/ hUM zhes bya ba smos te/ sems kyi snang ba tsam mo zhes bya ba'i bar du'o/ /sku la sogs pa sbyang ba'i phyir/ sngags ni lan gsum du brjod par bya'o/ /lhag ma ni bshad zin to/ /rgyud kyi bsod nams kyi bdag nyid chen po bstan pa'i phyir/ yi ge 'am zhes bya ba la sogs pa smos so/ /gsang ba'i gdan zhes bya ba la/ gsang ba ni 'dir bstan pa rnams te/ shin tu sba bar bya ba'i phyir ro/ /gnas ni de'i bzhi'o/ /lhag ma ni go sla'o/ /gdan bzhi'i 'grel ba 'di la bdag gis rab 'bad pas/ /byas las byung ba'i bsod nams gang yin de yis ni/ /ston ga'i mtshan mo zla zer dri ma med pa ltar/ /'gro ba rnams kyi don mchog rtogs nas gnas par shog /rgyud kyi rgyal po dpal gdan bzhi pa'i 'grel pa dran pa'i rgyu mtshan zhes bya ba slob dpon chen po b+ha bas mdzad pa rdzogs so// //rgya gar gyi paN+Di ha ga ya d+ha ra dang/ bod kyi zhu chen gyi lo tsa ba 'gos lhas bcis kyis gtan la phab ste bsgyur ba'o// mang+gA laM// //