Text
ff. 2a–342a · 673 folio sides
- 2a
ar+ya la li na ma hA yan su tra/ bod skad du/
- 2b
'phags pa rgya cher rol pa zhes bya ba theg pa chen po'i mdo sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcigan/
- 3a
bcom ldan 'das mnyan yod na rgyal bu rgyal byed kyi tshal mgon med zas spyin gyi kun dga' ra ba na/ dge slong gi dge 'dun chen po la 'di lta ste/ tshe dang ldan pa kun shes ko'u di n+ya dang / tshe dang
- 3b
ldan pa rta thul dang / tshe dang ldan pa rlrangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa grags sprin dang / tshe dang ldan pa dri ma med dang / tshe dang ldan pa lag bzangs dang / tshe dang ldan pa gang po dang / tshe dang ldan pa ba lang bdag dang / tshe dang ldan pa lteng rgyas
- 4a
'od srungs dang / tshe dang ldan pa chu klung 'od srungs dang / tshe dang ldan pa ga ya 'od srungs dang / tshe dang ldan pa sha ri'i bu dang / tshe dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang
- 4b
ldan pa ka ta'i bu chen po dang / tshe dang ldan pa ka ba pi na chen po dang / tshe dang ldan pa gsus po che dang / tshe dang ldan pa bskul byed dang / tshe dang ldan pa byams ma'i bu gang po dang / tshe dang ldan pa dpag byed dang / tshe dang ldan pa dga' byed dang / tshe dang ldan pa 'ug pa dang / tshe dang ldan pa rab 'bor dang / tshe dang ldan pa nam
- 5a
gru dang / tshe dang ldan pa seng ldeng nags pa dang / tshe dang ldan pa don yod rgyal po dang / tshe dang ldan pa pha rol tu 'gro ba chen po dang / tshe dang ldan pa ba ku la dang / tshe dang ldan pa dga' bo dang / tshe dang ldan pa sgra gcan zin dang / tshe dang ldan pa legs 'ongs dang / tshe dang ldan pa kun dga' bo dang / de dag la sogs pa dge slong khri nyis stong dang thabs gcig
- 5b
tu bzhugs so// byang chub sems dpa' sum khri nyis stong thams cad kyang skye ba gcig gis thogs pa/ byang chub sems dpa'i pha rol tu phyin pa thams cad las nges par skyes pa/ byang chub sems dpa'i mngon par shes pa thams cad kyis rnam par rtse ba/ byang chub sems dpa'i gzungs thams cad thob pa/ byang chub sems dpa'i spobs pa thams cad thob pa/ byang chub sems dpa'i smon lam thams cad shin du yongs su rdzogs pa/ byang chub sems dpa'i so so yang dag par rig pa thams cad rtogs par khong du chud po/ byang chub
- 6a
seM sa pa'i ting nge 'dzin 'ams cad la dbyung pobag/ byu sems dpa'i dbang thams cad thob pa/ byang chub sems dpa'i bzod pa thams cad la zhugs pa/ byang chub sems dpa'i sa thams cad rab tu rdzogs pa sha stag ste/ 'di ltar byang chub sems dpa' sems dpa' chen po byams pa dang / byang chub sems dpa' sem dpa' chen po gzungs kyi dbang phyug rgyal po dang / byang chub sems dpa' sems dpa' chen po seng ge'i tog dang / byang chub sems dpa' sems dpa' chen po don grub blo gros dang /
- 6b
byang chub sems dpa' sems dpa' chen po spyod pa rab tu zhi ba'i blo gros dang / byang chub sems dpa' sems dpa' chen po sa sa yang dag par rig pa thob pa dang / byang chub sems dpa' sems dpa' chen po brtson 'grus rtag par sbyor ba dang / byang chub sems dpa' sems dpa' chen po snying rje chen po sems pa dang / de dag la sogs pa byang chub sems dpa' sum khri nyis stong dang yang thabs cig go// de'i tshe bcom ldan 'das mnyan yod kyi grong khyer chen po na 'khor bzhi dang / rgyal po dang / rgyal po'i sras dang / rgyal bo'i blon po chen po dang / chabs 'og gi rgyal phran dang / rgyal po'i zhabs 'bring ba dang / rgyal rigs dang / bram ze dang / tshong dpon dang / khyim bdag dang / blon po dang / 'khor gyi mi dang / grong khyer dang / yul mi dang / mu stegs can dang / dge sbyong dang / bram ze dang / spyod pa dang / kun tu rgya sna tshogs kyis rim gror byas/ bla mar byas/ bsti stang byas/ mchod pa byas so// bcom ldan
- 7a
'das ni bza' ba dang / bca' ba dang / myang ba gsod cing mang ba dang / na bza' dang / bsod snyoms dang / gzims cha dang / sun gyi gsos sran dang / yo byad rung ba brnyes shing / bcom ldan 'das ni brnyes pa dam pa dang / grags pa dam pa brnyes kyang / pad ma la chus mi gos pa ltar thams cad du yang ma chags ma gos par bzhugs so// bcom ldan 'das kyi grags pa dang / s+tha dang / snyan pa ni 'di skad du/ bcom ldan 'das don de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs ba/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa/ sangs rgyas bcom ldan 'das zhes bya bar 'jig rten du mngon par grags par gyur to// de ni spyan snga dang ldan pa ste/ 'jig rten 'di dang / 'jig rten pha rol lha dang bcas pa/ bdud dang bcas pa/ tshangs pa dang bcas pa/ dge sbyong dang / bram zer bcas pa'i skye dgu lha
- 7b
dang mir bcas pa dag rang gi sa mngon par mkhyen pas mngon du mdzad nas nye bar bsgrubs te rab tu ston to// de thog mar dge ba bar du dge ba/ tha mar dge ba/ don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su dkar ba'i chos ston to// tshangs pa'i spyod pa yang dag par ston to// de'i tshe bcom ldan 'das kyis nam gyi gung 'thun la sangs rgyas kyis rgyan bkod pa zhes bya ba'i ting nge 'dzin le snyoms par zhugs par gyur to// bcom ldan 'das kyis sangs rgyas kyi rgyan bkod pa zhes bya ba'i ting nge 'dzin la snyom par zhugs ma thag tu/ skad cig de nyid la bcom ldan 'das kyis dbu'i gtsug gi gtsug tor gyi gseb nas/ sngon gyi sangs rgyas rjes su dran par bya ba la chags pa med pa'i ye shes snang ba zhes bya ba'i 'od zer byung ste/ des gnas gtsang ma'i lha'i gnas thams cad snang bar byas nas/ lha'i bu dbang phyug chen po la sogs pa lha'i bu tshad med pa yang dag par bskul to// de bzhin gshegs pa'i 'od zer gyi tshogs de las bskul ba'i tshigs su bcad pa 'di dag kyang byung ngo // ye shes 'od ldan mun bcob 'od mdzad pa// 'od bzang gzi brjid dam pa dri med pa// sku lus rab zhi thugs dge zhi ba zo/
- 8a
shAkya seng ge thub dang phrad par gyis// ye shes rgya mtsho thub chen dag pa ste// chos kyi mnga' bdag kun mkhyen thub pa'i dbang // mi dang lha mchog lha yi lhar gyur pa// chos la rang byung mnga' dbang mdzad la rton// gang zhig sems la mnga' mdzad de// gang zhig bdud kyi snyi las grol ba'i thugs// de 'dir mthong thos don med ma yin gyi// rnam grol mthar phyin zhi ba'i drung du deng // mtshungs med chos la snang bar gyur pa ste mun sel tshul bzang ston par rab mdzad pa// sangs rgyas spyod ni mkhyen pa dpag med pa// de yi drung du dad pa mchog gis deng // de ni sman pa'i rgyal po bdud rtsi gtong // de ni smra ba'i dpa' bo tshogs ngan 'joms// de ni chos rtsa lag don dam mkhas// de ni 'dren pa bla med lam ston pa'o// gnas gtsang ma'i ris kyi lha'i bu de dag sngon gyi sangs rgyas rjes su dran par bya ba la chags pa med pa'i ye shes snang ba'i 'od zer des phog cing tshigs su bcad pa rnam pa de dag gis kyang bskul ma thag tu rab tu zhi ba'i ting nge 'dzin de las langs nas/ sangs rgyas kyi mthus bskal pa grangs med/ tshad med/ bgrang ba las shin tu 'das pa dag las 'das pa'i sangs rgyas bcom ldan 'das rnams rjes su dran zhing sangs rgyas
- 8b
bcom ldan 'das de dag gi sangs rgyas kyi zhing gi yon tan bkod pa gang yin pa dag dang / 'khor gyi dkyil 'khor gang yin pa dag dang / chos bstan pa gang yin pa de dag thams cad kyang rjes su dran par gyur to// de nas de'i nub mo mi nyal tsam na// gnas gtsang ma'i ris kyi lha'i bu dbang phyug ces bya ba dang / dbang phyug chen po dang / dga' bo dang / shin tu dga' bo dang / tsan dan dang / mchod byas dang / rab zhi dang / dul ba rab zhi dbang phyug la sogs pa de dag dang gnas gtsang ma'i ris kyi lha'i bu gzhan shin tu mang po kha dog 'phags shing / shin tu 'phags pa dang ldan pa dag gis lha'i snang bas rgyal bu rgyal byed kyi tshal thams cad snang bar byas te/ bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'khod do// phyogs gcig tu 'khod nas kyang / gnas gtsang ma'i ris kyi lha'i bu de dag gis bcom ldan 'das la 'di skad ces gsol to// bcom ldan 'das rgya cher rol pa zhes bgyi ba'i chos kyi rnam grangs mdo sde shin tu rgyas pa chen po smras pa/ byang chub sems dpa' rnams kyi dge ba'i rtsa ba yang dag par bstan pa// dga' ldan gyi pho brang dam pa nas 'bab pa dang / ched du dgongs te lhums su 'jug pa'i rnam par rol pa dang /
- 9a
/ mngal gyi gnas kyi khyad par kun tu bstan pa/ rigs bzang por skye ba'i sa'i mthu kun tu bstan pa/ byis ba'i spyod pa thams cad las yon tan gyi khyad par gyis shin tu 'da' bar bstan pa/ 'jig rten pa'i bzo'i gnas dang / las kyi gnas dang / yi ge dang / grangs dang / lag rtsis dang / ral gri'i thabs dang / 'phongs dang / stobs dang / gyad kyi 'dzin stangs rnams sems can thams cad las khyad par du 'phags pa kun tu bstan pa/ btsun mo'i 'khor dang / yul gyi longs spyod dang / yongs su spyod pa kun tu bstan pa/ byang chub sems dpa'i spyod pa thams cad kyi rgyu 'thun pas yongs su grub pa'i 'bras bu bsnyes pa yongs su brjod pa/ byang chub sems dpa'i rnam par grol ba dang / bdud kyi 'khor thams cad rnam par 'jig pa bstan pa/ de bzhin gshegs pa'i stobs dang / mi 'jigs pa bsdus pa/ sangs rgyas kyi chos tshad ma mchis pa/ nges par bstan pa/ sngon gyi de bzhin gshegs pa rnams kyis sngon chad gsungs pa mchis te/ 'di lta ste/ bcom ldan 'das pad ma'i bla ma dang / chos kyi tog dang / mar me mdzad dang / yon tan gyi tog dang / yon tan 'byung gnas dang / 'od zer chen po dang /
- 9b
drang srong lha dang / dpal gyi gzi brjid dang / bden pa'i tog dang / rdo rje 'khregs dang / thams cad zil gyis gnon dang / gser mdog dang / shin tu mthor gshegs dang / byi ru'i rgya mtsho dang / me tog gi tog dang / gzugs bzang dang / spyan bzang dang / drang srong sbed dang dmag tshogs las rgyal dang / mtho ba dang / me tog rgyas pa dang / mdzod spu gzi brjid dang / shin tu rgyas dang / 'od zer bzang po dang / bkra shis ldan dang / lta na bzang dang / seng ge'i gzi brjid chen po dang / blo brtan pas byin dang / sos ka'i spos dri dang / bden pa'i chos grags rgya chen dang / 'od ldan dang / skar rgyal dang / 'jig rten mdzes dang / 'od rgya chen dang / rin chen grags dang / drag shul gzi brjid dang / rin chen gzi brjid dang / tshangs pa'i gzi brjid dang / sgra snyan dang / me tog bzang po dang / ri rab me tog dang / rab tu yid du 'ong ba'i dbyangs dang / dge ba tshul bzangs dang / rab tu 'dzum pa'i spyan dang / yon tan phung po dang / 'brug sgra dang / kha dog mdzes dang / tshe'i gzi brjid dang / ngos bag glang po'i 'gros dang / 'jig rten mngon par sngon dang / dgra las rgyal dang / yang dag mchod dang / rnam gzigs dang /
- 10a
gtsug tor can dang / thams cad skyob dang / 'khor ba 'jig dang / gser thub dang / de bzhin gshegs pa dgra bcom pa yang dag par rdzogs pa'i sangs rgyas 'od srung gis kyang sngon chad gsungs pa lags/ de bcom ldan 'das kyis kyang skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don du 'gyur ba dang / sman pa dang / bde bar 'gyur ba dang / theg pa chen po 'di yang brjod pa dang / phas kyi rgol ba thams cad tshar bcad pa dang / bdud thams cad zil gyis mnan pa dang / byang chub sems dpa' thams cad bstan pa dang / byang chub sems dpa'i theg pa pa'i gang zag thams cad kyi brtson 'grus brtsams pa bskyed pa dang / dam pa'i chos yongs su bzung ba dang / dkon mchog gsum gyi gdung mi bcad pa dang / sangs rgyas kyi mdzad pa yongs su rdzogs pa yang kun tu gsol zhes gsol pa dang / bcom ldan 'das kyis lha bu de dag dang / lha dang bcas pa'i 'jig rten mthugs brtse ba'i phyi cang mi gsung ngas gnang ngo // de nas pa'i bu dadag kyang bcom ldan 'das kyis cang mi gsum bar gnang bar rig nas/ rim zhing mgu la yid rangs shing rab tu dga' ste/ dga' ba dang / yid bde ba skyes nas/ bcom ldan 'das kyi
- 10b
zhabs la mgo bos phyag 'tshal te/ bcom ldan 'das la lan gsum bskor ba byas nas/ tsan dan gyi phye ma dang / a ka ru'i phye ma dang / me tog man da ra ba dag gis kyang mngon par gtor te/ de nyid du mi snang bar gyur to// de nas bcom ldan 'das nub mo de'i nam langs pa dang / smig ma'i ldum bu'i 'khor gyi khyams ga la ba der gshegs te byon nas/ bcom ldan 'das byang chub sems dpa'i tshogs kyis yongs su bskor cing / nyan thos kyi dge 'dun gyi mdun gyis ltas te gdan bshams pa la bzhugs so// bzhugs nas kyang bcom ldan 'das kyis dge slong rnams la bka' bstsal pa/ dge slong dag ma dang 'dir nga'i drung du gnas gtsang ma'i rigs kyi lha'i bu dbang phyug ces bya ba dang / dbang phyug chen po dang / dga' bo dang / shin du dga' bo dang / tsan dan dang / mchod byas dang rab zhi dang / dul ba rab tu dbang phyug la sogs pa de dag dang / gnas gtsang ma'i rigs kyi lha'i bu gzhan shin tu mang po zhes bya ba nas/ de nyid du mi snang bar gyur ces bya ba'i bar du snang bzhin du gsungs so// de nas byang chub sems dpa' de dag dang / nyan thos chen po de dag gis bcom ldan 'das ga la ba de log su thal mo sbyar ba btud de/
- 12a
bcom ldan 'das la 'di skad ces gsol to// bcom ldan 'das rgya cher rol pa'i chos kyi rnam grangs legs par bstan du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba mdzad pa dang / skye bo phal po che dang / lha dang mi rnas dang / da ltar dang / ma 'ongs pa'i byang chub sems dpa' sems dpa' chen po rnams kyi don dang / sman pa dang bde bar 'gyur ro zhes gsol pa dang / bcom ldan 'das kyis byang chub sems dpa' chen po de dag dang / lha dang / mi dang / lha ma yin dang bcas pa'i 'jig rten la thugs brtse ba'i phyir cang mi gsung bas gnang ngo // de la 'di skad ces bya ste/ dge slong dag nga'i drung du ma dang ma ma dag dang / gsum 'dir/ gnas pa bzang pos bde bar gnas gyur cing / nyon mongs med pas rab tu gnas gyur la// rtse gcig sems su mnyam par bzhag drung du// rdzu 'phrul che zhing kha dog bzang ldan la// dri med dpal 'bar lha yi bu lhags nas/ dpal gyi rgyal byed tshal 'di snang byas te// dga' bas nga yi gar du mngon par lhags// dbang phyug dbang phyug chen po tsan dan dang // dga' bo rab tu sems mchod byas dang // shin tu dga' bo zhi ba lha yi bu// bya ba lha mang de dang de dag rnams// nga yi zhabs la phyag 'tshal bskor byas te// nga yi mdun du 'dir ni 'khod par/
- 12b
'gyur// sor mo de dag thal sbyar gus par bcas// de dag 'dir ni nga la gsol ba btab// 'jig rten kun la sbran pa'i don slad du// rgyal ba kun gyis sngon chad gang gsungs pa// shin tu rgyas pa mdo gleng gzhi chen 'di// thub pas 'dod chags bstsal pas de ring yang // byang chub sems dpa'i tshogs kun gzung bzhed pas// phas kyi rgol dang bdud rnams 'dul mdzad la// theg pa chen po mchog 'dir rab gsung zhing // theg pa de slad legs par bshad du gsol/ lha yi tshogs kyis gsol ba de gnang phyir// mi gsung bas ni gnang ba mdzad pas na// thams cad tshim zhing rab dga' mgu gyur nas// dga' ba thob pas me tog sil ma tor// de phyir dge slong dag kyang rgyas pa'i mdo// 'jig rten kun la phan pa'i don gyi phyir// de bzhin gshegs pa kun gyis sngon bshad pa// / gleng gzhi chen po khyed kun 'dir nyon cig/ gleng gzhi'i le'u ste dang po'o// dge slong dag de la chos kyi rnam grangs shin du rgyas pa chen po'i mdo// rgya cher rol pa zhes bya ba de gang zhe na// dge slong dag 'di la byang chub sems dpa' dga' ldan gyi gnas mchog na gnas pa bye bas mchod pa// dbang bskur ba thob pa lha brgya stong gis bstod cing bkur te/ brjod cing bsngags pa bsam pa thob pa smon lam/
- 13a
ces yang dag par 'phags pa/ sangs rgyas kyi chos thams cad yang dag par thob pa'i gro dang ldan pa/ ye shes kyi mig shin du yongs su dag pa dang ldan pa// dran pa dang / blo gros dang / rtogs pa dang / khrel yod pa dang / dga' ba 'bar ba'i blo rlabs po che dang ldan pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs la mkhas pa chen po'i pha rol du son pa/ tshangs pa'i lam byams pa chen po dang / snying rje chen po dang / dga' ba dang / btang snyoms chen po la mkhas pa/ mngon par shes pa dang / rigs pa chen pos bsgrib pa med cing chags pa med pa'i ye shes mthong ba mngon du gyur pa/ dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / byang chub kyi phyogs kyi chos thams cad shin du yongs su rdzogs pa'i mthar phyin pa bsod nam dang / ye shes kyi tshogs dpag tu med pa'i mtshan dang / dpe byad bzang pos lus legs par brgyan pa yun ring por rjes su 'brang ba dang ldan pa/ ji skad du smras pa de ltar byed pas logs med pa'i tshig gi las yang dag par smras pa/ drang zhing ma yol gya gyu med pa'i yid thogs pa med pa dang ldan pa/
- 13b
nga rgyal dang / rgyags pa dang / dregs pa dang / 'jigs pa dang / zhum pa thams cad med pa/ sems can thams cad la sems mnyam pa/ sangs rgyas bye ba khrag khrig brgya stong dpag tu med pa la bsnyen bkur byas pa/ byang chub sems dpa' bye ba khrag khrig brgya stong mang pos ngor lta ba'i bzhin dang ldan pa/ brgya byin dang / tshangs pa dang / dbang phyug chen po dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / na mkha' lding dang / srin po rnams kyis mngon par dga' ba bya ba'i grags pa dang ldan pa/ tshig thams cad rab tu phye ste bstan pa la thogs pa med pa'i so so yang dag par rig pa la 'jug pa'i shes pa la mkhas pa/ sangs rgyas thams cad kyis gsungs pa/ gzung ba la dran pa'i snod 'khrugs pa med pa dang / gzung mtha' yas mu med pa rab tu thob pa/ dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / shes rab kyi pha rol tu phyin pa dang / thabs mkhas pa'i chos rin po che dang / bsod nams kyis yang dag par bsgrub pa'i chos kyi gru chen po'i ded dpon chen po chu bo bzhi'i pha rol du 'gro ba'i bsam pa can bdud dang phyir rgol ba bcom pa/ phas kyi rgol ba thams cad shin du tshar
- 14a
bcad pa/ g.yul ngo'i thog ma la rab tu 'dug pa/ nyon mongs pa'i dgra'i tshogs 'joms pa/ ye shes mchog gi rdo rje'i/ mtshon sra ba dang ldan pa/ byang chub kyi sems kyi rtsa ba las snying rje chen po'i chu bo lhag pa'i bsam pas skyes pa/ zab cing brtan pa dang / brtson 'grus kyi chos kyi chus mngon par brlan pa/ thabs mkhas pa'i snying po dang ldan pa/ byang chub kyi yan lag dang / bsam gtan gyi ze ba can/ ting nge 'dzin gyi ze 'bru dang ldan pa/ yon tan gyi tshogs rgya chen po'i mtsho las skyes pa/ nga rgyal dang dregs pa'i gdung ba med pa'i zla ba med pa'i 'dab ma rgyas pa/ tshul khrims dang / thos pa dang / bag yod pa'i gsung gi ngad phyogs bcur thogs pa med pa dang ldan pa/ 'jig rten na shes pas mthu bor gyur pa/ 'jig rten gyi chos brgyad kyis ma gos pa/ skyes bu chen po pad ma bsod nams dang ye shes kyi tshogs kyi dri zhim po 'byung ba/ shes rab dang / ye shes kyi me'i 'od zer gyi mig shin tu rnam par dag pa'i mdab me brgya pa rgyas pa/ rdzu 'phrul gyi rkang pa bani mchog tu mgyogs pa'i shugs dang ldan pa/ 'phags pa'i bden pa bzhi'i sder mo dang / mche ba shin du rno ba/ tshangs pa'i gnas pa bzhi'i so drang bster ba/ bsdu ba'i dngos po bzhis shin du bsdus pa'i mgo dang ldan pa/ rten cing 'brel par 'byung ba yan lag bcu gnyis po khong du/
- 14b
chud pas/ rims kyis 'phags pa'i lus dang ldan pa/ byang chub kyi phyogs kyi chos sum bcu rtsa bdun yang dag par rdzogs pas ral pa can dus byas shing / rig ba dang ye shes kyi ze ba can rnam par thar pa'i sgo gsum gyi kha gdangs pa/ zhi gnas dang / lhag mthong shin du rnam par dag pa'i mig dang ldan pa/ bsam gta/ dang / rnam par thar pa dang / ting nge 'dzin dang / snyoms pa'i 'jug pa'i ri sul gyi phug na gnas pa/ spyod lam bzhi dang / 'drul pa'i nags tshal dang / nags 'dab nas skyes pa'i lus dang ldan pa/ stobs bcu dang / mi 'jigs pa bzhi dang / nye ba'i stobs dang ldan pa/ skye ba dang / 'jig pas 'jigs pa dang / spu g.yo ba med pas/ rtsal la zhum pa med pa/ mu stegs can gyi bung bu/ ri dwags mang po'i tshogs rab tu 'joms pa/ bdag med par sgra brjod pa'i seng ge'i nga ro chen po sgrogs pa/ skyes bu'i seng ge'i rnam par grol ba dang / bsam gtan gyi dkyil 'khor las shes rab kyi 'od dang / 'od zer gyis mu stegs byed srin bu me khyer gyi tshogs 'od med par byed pa/ ma rig pa'i mun nag gi ling tog dang / rab rib med par byed pa/ stobs dang / brtson 'grus 'bar ba/ lha dang mi'i nang du bsod nams kyi gzi brjid kyi gzi dang ldan pa/ skyes bu chen po'i
- 15a
nyi ma nag zar phyogs med pa/ dkar po'i phyogs yongs su rdzogs pa/ lta na sdug cing yid du 'ong ba/ mig gi dbang na la thogs pa med pa/ lha brgya stong gi skar ma'i tshogs kyis shin du brgyan pa/ bsam gtan dang / rnam par thar pa dang / ye shes kyi dkyil 'khor can dang / byang chub kyi yan lag gi bde bas/ zla ba'i 'od zer du gyur pa/ mi dang lha mkhas pa'i me tog ku mu ta kha 'byed pa/ skyes bu chen po zla ba 'khor gyi gling bzhi song ba/ byang chub kyi yan lag bdun gyi rin po che dang ldan pa/ sems can thams cad la sems mnyam par sbyor ba/ blo thogs pa med pa dge ba bcu'i las kyi lam gyi dka' thub dang / brtul zhugs shin du phun sum tshogs shing rab tu rdzogs pas khyad par du bogs te byung ba rU ba'i bsam pa can/ chos kyi rgyal po'i chos kyi 'khor lo rin po che'i mchog dam pa thogs pa med par bskor ba/ 'khor los bsgyur ba'i rigs kyi rgyud du byung ba/ chos kyi 'khor los bsgyur ba chen po rten cing 'brel bar 'byung ba/ zab cing gting dpag dka' ba/ chos rin po che thams cad kyis rab tu gang ba/ thos pas mi ngoms pas yangs shing che la mtha' yas pa'i ye shes dang / tshul khrims kyi tshod las mi 'da' ba/ blo rgya mtsho dang sa ltar rgya che nga'i mchog tu gyur pa/ sa dang / rtswa dang / me dang /
- 15b
rlung dang / mnyam pa'i sems su gyur pa/ ri rab ltar brtan zhing mi g.yo la/ bskyod par mi nus pa'i yid dang ldan pa/ rjes su chags pa dang / khong khro/ med pa nam mkha'i dkyil ltar dri ma med cing yangs la 'dra ba med par rgya che ba'i blo dang ldan pa/ lhag pa'i bsam pa shin du yongs su dag pa sbyin pa legs par byin pa sngon sbyor ba legs par byas la/ lhags pa'i bya ba legs par byas pa/ bden pa'i rgyan gyis legs par brgyan pa/ dge ba'i rtsa ba thams cad yongs su btsal bgos par bya ba bgos pa dge ba'i rtsa ba nges par byas pa/ bskal pa grangs med pa bdun du dge ba'i rtsa ba thams cad yang dag par bsgrubs pa/ sbyin pa rnam pa bdun byin pa bsod nams bya ba'i dngos po lnga la shin du sten pa legs par spyad pa/ lus kyis rnam gsum/ ngag gis rnam bzhi/ yid kyis rnam gsum spyad par gyur pa/ dge ba bcu'i las kyi lam bsten pa dang ldan pa/ yang dag pa'i sbyor ba yan lag bzhi bcu dang ldan pa sten par gyur pa/ yang dag pa'i smon lam yan lag bzhi bcu dang ldan pa smon lam btab pa/ lhag pa'i bsam pa yan lag bzhi bcu dang ldan pa la bzhugs pa/ yang dag pa'i rnam par thar pa yan lag bzhi bcu dang ldan pa yongs su rdzogs par byas pa/ yang dag pa'i mos pa yan lag bzhi bcu dang ldan pa drang por byas pa/ sangs
- 16a
rgya @rgyas bye ba khrag khrig brgya stong phrag bzhi bcu'i rjes su rab tu byung ba/ sangs rgyas bye ba khrag khrig brgya stong lnga bcu rtsa lnga la sbyin pa bul ba/ rang sangs rgyas bye ba phrag phyed dang bzhi la lhag par bya ba byas pa/ sems can tshad med pa dag mtho ris dang thar pa'i lam du btsud par gyur pa/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa/ tshe gcig gos thogs pa 'di nas shi 'phos nas dga' ldan gyi gnas dam pa na gnas pa/ lha'i bu dam pa tog dkar po zhes bya ba/ lha'i tshogs rnams kyis 'di ni 'di nas shi 'phos nas/ mi'i 'jig rten du skyes te/ ring po mi thog par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// zhes zer shin tu mchod pa gzhal med khang gnas sum khri nyis stong rab tu gnas pa/ stegs bu dang / rta babs dang / skar khung dang / bsil khang dang / khang pa brtsegs pa dang / khyams kyis legs par brgyan pa/ gdugs dang / rgyal mtshan dang / ba dan bsgreng pa rin po che'i dril bu gser kha'i dra ba'i bla re bres pa/ me tog man da rab dang / man da rab po chal par bkram pa/ lha'i bu mo bye ba khrag khrig brgya stong gru dbyangs len pa/ me tog a ti mug ta dang / tsam pa ka dang / skya snar dang / sa rtol dang /
- 16b
btang bzung dang / btang bzung chen po dang / mya ngan tshang dang / n+ya gro ta dang / tin tu ka dang / a sa na dang / dong ka'i me tog dang / shing ke sa ra dang / ta la dang / sa la dang rin pa'i shing ljon pa chen pos brgyan pa/ gser gyi dri bas g.yogs pa/ gzhi mnyam zhing bkod pas mdzes par byas pa/ me tog snang 'od dang / ma li ka dang / sna ma'i me tog dang / bar shi ka dang / ta ra ni dang / ba li dang / go ta ra dang / mchog tu dri zhim dang / da nus ka ri dang / lha'i sna ma'i me tog dang / ud pa la dang / pad ma dang / ku mu ta dang / pad ma dkar po dang / dri rab tu zhim pa'i bla re chen po phyogs phyogs su bres pa/ bya 'dab spen dang / ne tse dang / ri skeg dang / khu byug dang / ngang pa dang / rma bya dang / dur pa dang / ku na la dang / ka la bing ka dang shang shang de'u la sogs pa bya sna tshogs sgra snyan pa 'byin pa/ lha bye ba khrag khrig brgya stong gis mig mngon du phyogs te/ lta zhing ltad mor bya ba chos rgya che ba chen po yang dag par rdzogs pa 'dod pa la dga' ba'i shugs kyis nyon mongs pa thams cad gcod pa/ nga rgyal dang / dregs pa dang / khro ba dang / 'thab dang / khong khro ba med par gyur pa dga' ba dang / mgu ba dang / mchog tu dga' ba dang / dran pa rgya che zhing gsal ba skye ba'i gzhal med khang chen po de na/ bde
- 17a
gnas shing / chos kyi yang dag pa'i gtam 'byung ba dang / sil snyan dang / glu dbyangs brgya khri bzhi stong pa'i sgra de dag las/ byang chub sems dpa'i sngon gyi dge ba'i tshogs kyis yang dag par bskul ba'i tshogs su bcad pa 'di dag byung ngo // bsod nams rgya che tshogs mang dran rtogs dang // blo gros mtha' yas shes rab 'od mdzad pa// mtshungs med stobs mnga' sku rtsal rgya che ba// mar me mdzad kyis lung bstan dgongs par mdzod// rgya chen dri ma med pa'i thugs mnga' ba// dri ma gsum spangs rgyags dang skyon zhi ba// dge ba dri med rnam par dag pa'i thugs// sngon chad ji lta sbyin spyad dgongs par mdzod// zhi gnas tshul khrims brtul zhugs bzod pa dang // dul dang brtson 'grus bsam gtan shes rab stobs// bskal pa bye ba khrag khrig rnams spyad pa// spyod rig chen 'byung dgongs mdzod dgongs par mdzad do// sems can rnams la thugs brtser mdzad gyur cing // sangs rgyas bye ba khrag khrig mchod kyis mchod// dgongs mdzod dgongs par mdzod cig grags mtha' yas// deng dus lags kyis btang snyoms ma mdzad cig/ rga shi nyon mongs 'jig mdzad rdul bral ba// lha dang klu dang gnod sbyin dri za dang // lha min mang po dag ni sdod lags kyi// 'chi 'pho'i tshul mkhyen 'pho ba
- 17b
bstan par mdzod// bskal pa stong du bka' ba spyang gyur kyang // rgya mtsho chu yis ji bzhin mi ngoms kyis// ngoms pa khyod kyis thugs dam dge ba ste/ yun ring skom nyen skye bo tshim par mdzod// smad pa med pa'i grags pa mnga' ba khyod// chos la dgyes pas khyod dgyes 'dod mi dgyes// 'on kyang dri ma med pa'i spyan mnga' ba// lhar bcas 'jig rten dag la thugs brtse mdzad// lha rnams bye ba khyod las chos thos pas// ngoms par gyur pa ma lag 'on gyis kyang // ngal dang mi ldan gyur pa'i ngan song du// gnas par gyur pa dag la gzigs su gsol// dri ma med pa'i spyan mnga' phyogs bcu yi// 'jig rten dag gi sangs rgyas gzigs gyur cing // de dag rnams las chos gsan chos mchog de// 'jig rten dag la rnam par dbye ba mdzod// dpal ldan khyod kyis bsod nams dpal gyis ni// dga' ldan pho brang shin tu mdzes mod kyi// 'on kyang thugs rje'i thugs dang ldan pas na// 'tsha bu'i rgyal mtshan du ni char pa 'ob// brtul zhugs grub pa byang chub reg ces te// 'dod pa'i khams las rab tu 'das pa yis// gzugs kyi khams na lha rnams gang khod pa// du ma thams cad mngon par rab tu dga'// mgon po khyod kyis bdud kyi las rnams bcom// khyod gzhan mu stegs can
- 18a
rnams phab mdzad de// khyod ni byang chub phyag mthil bzhag dang 'dra// deng dus lags kyis btang snyoms ma mdzad cig/ nyon mongs me rab 'bar ba'i 'jig rten la// dpa' bo khyod kyis sprin ltar khyab mdzad de// bdud rtsi'i char pa mngon par rab tu phog/ lha mi rnams kyi nyon mongs zhi bar mdzod// khyod ni sman pa mkhas la mkhas pa ste// yun rings nad pa sman pas bor ba yi// sems can rnam thar gsum gyi sbyar sman gyis// mya ngan 'das pa'i bde la myur du 'khod// seng ge'i nga ro'i smra ba ma gyur pas// wa rnams 'jigs pa med par sgra sgrog gi/ sangs rgyas seng ge'i sgra ni rab sgrogs te// mu stegs can gzhan wa rnams bsgrag par mdzod// sa yi dkyil na stobs dang brtson 'grus kyis// stobs ldan phyag na shes rab sgron ma bsnam/ phyag mthil dam pas sa la rngub mdzad de// 'di rnams khyod kyis rab tu pham par mdzod// gang dag khyod la lhung zed 'bul ba yi// 'jig rten skyong ba bzhi po sdod cing mchis// khyod bskams yang dag len par 'gyur ba yi// brgya byin tshangs pakhrag khrig sdod cing mchis// tho gros bzang po rigs ca rigs ldan pa// gang la gnas nas byang chub sems dpa' yi// spyod pa ston gyur dam pa rigs skyes pa// rigs kyi nang na btsun pa'i rigs la gzigs//
- 18b
snod gyur gang du nor bu rin po che// gzhan na dpal dang ldan par 'gyur ba bzhin// nor bu rin chen lta bur dri med thugs// 'dzam bu'i rgyal mtshan du ni char pa pog/ glu dbyangs sgra las rnam pa 'di lta yi// tshigs su bcad pa mang po byung gyur na// 'di ni dus lags btang snyoms ma mdzad ces// snying rje'i yid dang ldan la bskul bar byed// dge slong dag de ltar byang chub sems dpa' chos kyi dus de lta bus yang dag par bskul ba dang / gzhal med khang chen po de nas byung ste// chos kyi mtho ba zhes bya ba'i khang bzangs der gang du byang chub sems dpa' 'dug cing dga' ldan gyi lha rnams la chos ston pa der// byang chub sems dpa' zhugs so// zhugs nas kyang seng ge'i khri chos bzang po zhes bya ba la 'dug go/ de nas lha'i bu gang dag byang chub sems dpa' dang skal ba mnyam pa/ theg pa mtshungs pa la zhugs pa de dag kyang khang bzang de nyid du zhugs so// gang yang byang chub sems dpa' phyogs bcu nas 'dus pa byang chub sems dpa' dang spyod pa 'dra ba dag dang / lha'i bu de dag thams cad dang lha'i bu mo'i tshogs rnams stsal cing / lha'i bu pal rnams kyang stsal nas lhag pa'i bsam pa 'thun pa'i 'khor can du byas te/ 'khor bye ba phrag drug bcu rtsa brgyad dang / khang bzangs der zhugs nas so so tsa rogs par rang rang gi seng ge'i khri la 'khod par gyur to// dge slong
- 19a
dag de ltar lo bcu gnyis na byang chub sems dpa' ma'i mngal du 'jug par 'gyur ro zhes bya ba'i tshe/ gnas gtsang ma'i ris kyi lha'i bu dag 'dzam bu'i gling du lhags nas lha'i kha dog mi snang bar byas te/ bram ze'i cha byad du bsgyur nas/ bram ze rnams rig byed slob du 'dzud de/ gang zhig rnam pa 'di lta bur gyur na/ de ni skyes bu chen po'i mtshan sum bcu rtsa gnyis dang ldan par 'gyur te/ de'i rin po che sna bdun ni 'di lta ste/ 'khor lo rin po che dang / glang po rin po che dang / rta rin po che dang / bud med rin po che dang / nor bu rin po che dang / khyim bdag rin po che dang / blon po rI dang bdun no// 'khor los bsgyur ba'i rgyal po'i 'khor lo rin po che rnam pa ji lta bu dang ldan par 'gyur zhe na/ 'di la rgyal po rgyal rigs spyi bo nas dbang bskur ba/ gso sbyong gi nyi mches bco lnga la mgo khrus byas te/ dbu zungs su gnas shing / steng gi khyams na bud med kyi tshogs kyis kun nas bskor cing 'dug pa'i tshe/ shar phyogs nas lha'i 'khor lo rin po rtsibs stong yod pa/ mu mkhyud dang ldan pa/ lte ba dang bcas pa thams cad gser las grub pa/ mgar bas ma byas pa/ 'bang du shing ta la bdun tsam na 'dug ste/ rgyal po rgyal rigs spyi bo nas dbang bskur bas/ lha'i 'khor lo rin po che de mthong nas 'di snyam du sems te/ bdag gis thos pa rgyal po
- 19b
rgyal rigs spyi bo nas dbang bskur ba/ gso sbyong gi nyi ma tshes bco lnga la mgo khrus te dbu zungs su gnas shing / steng gi khyams na bud med kyi tshogs kyis kun nas bskor nas 'dug pa'i tshe/ shar phyogs nas lha'i 'khor lo rin po che 'byung bar 'gyur na/ de ni 'khor los bsgyur ba'i rgyal por 'gyur ro zhes thos na/ bdag gi drung du lha'i 'khor lo rin po che 'ongs pa las na/ bdag kyang 'khor los bsgyur ba'i rgyal po yin du nges so snyam ste/ de nas rgyal po rgyal rigs spyi bo nas dbang bskur ba des/ bla gos phrag pa gcig tu gzar nas/ pus mo g.yas pa'i lha nga sa la btsugs te/ lag pa g.yas pas lha'i 'khor lo rin po che de bskor cing 'di skad du/ btsun pa lha'i 'khor lo rin po che chos kyi 'khor lo bskor cig chos ma yin pas ni ma yin no zhes bya ba'i tshig sbas pa dang / de nas lha'i 'khor lo rin po che de/ rgyal po rgyal rigs spyi bo nas dbang bskur bas rdzu 'phrul gyis nam mkha' las shar phyogs su legs par 'gro ste/ rgyal po 'khor los bsgyur ba yang dpung gi tshogs yan lag bzhi pa dang lhan cig tu rjes su 'gro'o// sa'i phyogs gang du lha'i 'khor lo rin po che de gnas par gyur pa der/ rgyal po rgyal rigs spyi bo nas dbang bskur ba de yang / dpung gi tshogs yan lag bzhi pa dang lhan cig tu gnas par 'gyur ro// de nas shar phyogs kyi
- 20a
khams kyi rgyal po gang yin pa de dag dngul gyi snod ni gser byes bkang ste thogs/ gser gyi snod ni dngul sil mas bkang ste thogs nas/ 'khor los bsgyur ba'i rgyal po bcu zhing 'di skad du/ lha 'dir legs par gshegs su gsol/ lha tshur gshegs su gsol/ lha'i chab srid ni shin tu 'byor la bde ste/ lo legs shing nyams dgyes la/ skye bo mang po dang mis bltam pa lags na/ lha nyid kyis yul du byon nas bzhugs su gsol de skad ces spras pa dang / rgyal po rgyal rigs spyi bo nas dbang bskur bas/ khams kyi rgyal po de dag la 'di skad du/ khyed rang rang gi rgyal srid dag chos bzhin gyis shig/ chos ma yin pas ni ma yin no// khyed srog chags ma gsod cig/ ma byin par ma len cig/ 'dod pa la log par g.yem pa ma byed cig/ brdzun 'du ma smra shig/ phra mam zer shig/ dag rtsub po ma smra shig/ tshig rkyal ba ma smra shig/ brnab sems can du ma gyur cig/ gnod sems/ can du ma gyur cig/ log par lta bar ma gyur cig/ srog gcod pa la byams par ma gyur cig/ log par lta ba can gyi ba re la byams par ma byed cig/ nga'i yul du chos ma yin pa byung nga re/ chos ma yin pa spyod pa la byams par ma byed cig ces bsgo nas/ rgyal po rgyal rigs spyi bo nas dbang bskur bas/ de ltar shar
- 20b
phyogs su rnam par rgyal bar byed do// shar phyogs kyi rgyal bar byas nas/ shar phyogs kyi rgya mtsho la 'gro'o// shar phyogs kyi rgya mtsho la song nas/ shar phyog/ kyi rgya mtsho la rgal lo// rgal nas kyang lho phyogs su nam mkha' las rdzu 'phrul gyi legs par 'gro ste/ 'khor los bsgyur ba'i rgyal po yang dpung gi tshogs yan lag bzhi pa dang lhan cig tu 'gro'o// snga ma bzhin du lho phyogs su rnam par rgyal bar byed do// lho phyogs su ji lta ba bzhini du/ nub phyogs dang / byang phyogs su rnam par rgyal bar byed do// byang phyogs su rnam par rgyal bar byas nas/ byang phyogs kyi rgya mtsho la 'gro'o// byang phyogs kyi rgya mtsho la song nas/ byang phyogs kyi rgya mtsho las rgal lo// rgal nas kyang nam mkha' las rdzu 'phrul gyis rgyal po'i pho brang du legs par 'ongs nas/ btsun mo'i 'khor gyi sgo'i steng du ma nyams par gnas te/ rgyal po rgyal rigs spyi bo nas dbang bskur ba ni/ 'khor lo rin po che rnam pa de lta bu dang ldan pa yin no// 'khor los bsgyur ba'i rgyal po glang po rin po che rnam pa ji lta bu dang ldan pa yin zhe na/ rgyal po rgyal rigs spyi bo nas dbang bskur ba'i glang po rin po che snga ma bzhin du 'byung ste/ thams cad thal dkar du gyur pa/ yan lag bdun shin du gnas pa/ gtsug gser gyis brgyan pa/ gser gyi rgyal mtshan dang ldan pa/
- 21a
@#gser gyi rgyan gyis brgyan pa/ gser gyi dra bas g.yogs pa/ rdzu 'phrul dang ldan pa/ nam mkha' las 'gro ba rnam par 'phrul ba'i chos can te/ 'di ltar glang po'i byang chub ces bya'o// gang gi tshe rgyal po rgyal rigs skye bo nas dbang bskur ba/ glang po rin po che de rtag par 'dod par gyur pa de'i tshe/ nyi ma shar kar glang po rin po che de la zhon te/ sa chen po 'di rgya mtsho'i mtha' skor dang / rgya mtsho'i mur thug pa dang bcas pa kun du skor te/ rgyal po'i pho brang du 'ongs nas/ khye'u skus kyi dga' ba myong bar byed de/ 'khor los bsgyur ba'i rgyal po ni/ glang po rin po che rnam pa de lta bu dang ldan pa yin no// 'khor los bsgyur ba'i rgyal po rta rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i rta rin po che snga ma bzhin du 'byung ste/ thams cad du sngon por gyur pa/ mgo gnag pa/ rnga ma lcang lor 'dug pa/ zhon na gus par byed pa/ gser gyi rgyal mtshan dang bcas pa/ gser gyi rgyan dang ldan pa/ gser gyi dra bas g.yogs pa/ rdzu 'phrul dang ldan pa/ na mkha' las 'gro ba/ rnam par 'phrul pa'i chos can te/ 'di ltar rta'i rgyal po sprin gyi shugs can zhes bya'o// gang gi tshe rgyal po rgyal rigs spyi bo nas dbang bskur ba
- 21b
rta rin po che rtag par 'dod par gyur pa de'i tshe/ nyi ma shar kar rta rin po che de la zhon nas/ sa chen po 'di rgya mtsho'i mtha' skor dang bcas pa/ rgya mtsho'i mur thug pa dang bcas pa kun du bskor te/ phyir rgyal po'i pho brang du 'khor nas/ khye'u spus bde ba myong bar byed de/ 'khor los bsgyur ba'i rgyal po ni rta rin po che rnam pa de lta bu dang ldan pa yin no// 'khor los bsgyur ba'i rgyal po nor bu rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i nor bu rin po che snga ma bzhin du 'byung ste/ thams cad du bsngo ba bai DUr+ya'i rang bzhin can/ zur brgyad du 'dug pa/ shin tu sbyangs pa 'byung ste/ nor bu rin po che de'i 'od kyis btsun mo'i 'khor thams cad kyang snang bas khyab par gyur to// gang gi tshe rgyal po rgyal rigs spyi bo nas dbang bskur ba nor bu rin po che de brtag par 'dod par gyur pa de'i tshe/ mtshan mo nam gyi gung la mun pa mun nag gi nang du/ nor bu rin po che de rgyal mtshan gyi rtse mo la btags te/ bskyed mos tshal gyi sa bzang po blta ba'i phyir song na/ nor bu rin po che'i 'od kyis thams cad dang ldan pa'i dpung gi tshogs yan lag bzhi pa thams cad/ dpag tshad khor ra khor yug du snang bas gsal bar 'gyur ro// nor bu rin po che de'i 'khor na gnas pa'i mi de dag kyang
- 22a
@#snang ba des gsal bar gyur pa dang / cig gis gcig mthong / gcig gis gcig shes nas/ cig la gcig 'di skad smra ste/ gzhin bzangs dag longs la las kyi mtha' dag byos shig/ tshong dus dag khrom/ nyi ma shar te nyin mor shes so zhes zer te/ rgyal po rgyal rigs spyi bo nas dbang bskur ba de/ nor bu rin po che rnam pa de lta bu dang ldan pa yin no// rgyal po rgyal rigs spyi bo nas dbang bskur ba/ bud med rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i bud med rin po che snga ma bzhin du 'byung ste/ tshul dang 'thun pa/ rgyal rigs su skyes pa/ ha cang yang mi ring ba/ ha cang yang mi thung ba/ ha cang yang mi sbom pa/ ha cang yang mi skem pa/ ha cang yang mi dkar ba/ ha cang yang mi gnag pa/ gzugs mdzes pa/ tshul du shis pa/ lta na sdug pa/ kha dog bzang po rgyas pa mchog dang ldan pa/ de'i spu'i khung bu thams cad nas tsan dan gyi dri 'byung ba/ kha nas ud pa la'i ngad ldan pa/ ka tsa lin da ltar reg na bde ba/ de grang ba'i dus na ni lus la reg na dro ba/ dro ba'i dus na lus la reg na bsil ba ste/ de 'khor los bsgyur ba'i rgyal po ma gtogs pa/ gzhan la yid kyis kyang 'dod chags su mi byed na/ lus kyis lta ci smos te/ 'khor los bsgyur ba'i rgyal po
- 22b
ni bud med rin po che rnam pa de lta bu dang ldan pa yin no// 'khor los bsgyur ba'i rgyal po khyim bdag rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i khyim bdag rin po che snga ma bzhin du 'byung ste/ mkhas pa/ gsal ba/ yid gzhungs pa/ lha'i mig dang ldan pa 'byung ngo de lha'i mig des dpag tshad kho ra khor yug tu/ bdag po dang bcas pa'i gter dag kyang mthong / bdag po med pa'i gter dag kyang mthong ste/ de bdag po med pa'i gter gang yin pa de dag gis 'khor los bsgyur ba'i rgyal po'i nor gyi dgos pa byed de/ 'khor los bsgyur ba'i rgyal po ni khyim bdag rin po che rnam pa de lta bu dang ldan pa yin no// 'khor los bsgyur ba'i rgyal po blon po rin po che rnam pa ji lta bu dang ldan pa yin zhe na/ 'di la 'khor los bsgyur ba'i rgyal po'i blon po rin po che snga ma bzhin du 'byung ste/ mkhas shing gsal la yid gzhungs pa'o// de 'khor los bsgyur ba'i rgyal po des bsams pa tsam gyis bskor bar dpung rnams bsgo'o// 'khor los bsgyur ba'i rgyal po ni blon po rin po che rnam pa de lta bu dang ldan pa yini te/ 'khor los bsgyur ba'i rgyal po rin po che sna bdun de dag dang ldan pa yin no// de la bu stong 'byung ste/ dpa' ba/ brtul phod pa/ yan lag mchog gi gzugs dang ldan pa/
- 23a
pha rol gyi sde rab tu 'joms pa sha stag ste/ des rgya mtsho la thugs pa'i sa chen po ma lus pa snod pa sngo ba med cing / 'tshe ba med pa 'di nyid chad pa med cing mtshon gyis gda' ba med la/ chos kyis legs par phab ste gnas ste// gal te khyim nas khyim med par rab tu byung nas sangs rgyas su 'gyur te/ 'dod pa'i 'dod chags sbyangs pa/ 'dren pa gzhan gyi dring mi 'jog pa/ lha dang mi rnams kyi ston par 'gyur ro zhes rig byed 'don du 'dzud do// de bzhin du lha'i bu gzhan dag kyang 'dzam bu gling du lhags shing sangs rgyas dag la bskul ma 'debs te/ 'phags pa dag da ste lo bcu gnyis na byang chub sems dpa' yum gyi lhums su 'jug gi/ sangs rgyas kyi zhing 'di 'or cig ces zer ro// dge slong dag de'i tshe rgyal po'i khab kyi grong khyer chen po na/ mjug ma bsgyur ba/ zhes bya ba'i ri la/ rang sangs rgyas glang po zhes bya ba 'dug pas sgra de thos nas/ rdo ba'i steng du 'jim pa la bya ba de bzhin du 'jug ste/ nam mkha' la shing ta la bdun srid du 'phags so// gyen du 'phags nas kyang me'i khams la snyoms par zhugs te/ sgron ma bzhin du mya ngan las 'das so// de'i mkhris pa dang bad kan dang / chu rgyus dang / rus pa dang / sha khrag tu gyur pa gang yin pa de thams cad ni mes yongs su zad par gyur te/
- 23b
ring srel 'ba' zhig sa la lhags nas/ rkang rjes de dag ni da dung yang drang srong gis rjes su shes grag ste yod do// dge slong dag de'i tshe yul bA ra na se'i ri dgas kyi nags drang srong lhung ba na// rang sangs rgyas lnga brgya 'khod pa de dag gis kyang sgra de thos nas/ nam mkha' la shing ta la bdun srid du gyen du 'phags nas me'i khams la snyoms par zhugs te/ sgron ma bzhin du yongs su mya ngan las 'das so// de dag gi mkhris pa dang / bad kan dang / chu rgyus dang / rus pa dang / sha dang khrag tu gyur pa gang yin pa de thams cad ni mi 'jigs pa byin pa'i ri dgas dag kyang de na gnas pas/ de phyin chad ri dgas kyi gnas shes bya ba yang / ri dgas kyi gnas ri dgas kyi gnas shes ming du gyur to// dge slong dag de ltar byang chub sems dpa' dga' ldan gyi gnas dam pa na 'dug pa ni/ lta ba chen po bzhi la rnam par lta ste/ bzhi gang zhe na/ 'di lta ste/ dus la rnam par lta ba dang / gling la rnam par lta ba dang / yul la rnam par lta ba dang / rigs la rnam par lta ba'o// dge slong dag ci'i phyir byang chub sems dpa' dus la rnam par lta ba la rnam par lta ba zhes bye na/ byang chub sems dpa' ni thog ma'i dus sems can mi/ 'dul ba'i tshe ma'i mngal du mi 'jug gi/ gang gi tshe 'jig rten kun nas gsal bar gnas par 'gyur te/ skye ba snang bar gyur/ rga ba snang bar gyur/ na ba snang
- 24a
bar gyur/ 'chi ba snang bar gyur pa de'i tshe/ byang chub sems dpa' ma'i mngal du 'jug go// dge slong dag ci'i phyir byang chub sems dpa' gling rnam par blta ba rnam par lta zhe na/ byang chub sems dpa' ni mtha' khob kyi gling du mi skye/ shar gyi lus 'phags por mi skye/ nub ba lang spyod du mi skye/ byang sgra mi snyan du mi skye/ 'dzam bu gling nyid du skye'o// dge slong dag ci'i phyir byang chub sems dpa' yul rnam par lta ba la rnam bar lta zhe na/ byang chub sems dpa' ni mtha' khob kyi yul gang na/ mi rnams dbang po brtul zhing blun la lug ltar lkugs pa'i rang bzhin can/ legs par bstan pa dang nyes par bstan pa'i don shes par bya ba'i skal ba med pa dag yod pa dag tu mi skye'i/ byang chub sems dpa' ni yul gyi dbus nyid du skye'o// dge slong dag ci'i phyir byang chub sems dpa' rigs rnam par lta ba la rnam par lta zhe na/ byang chub sems dpa' ni rigs dma' ba gdol pa'i rigs sam/ sdig ma mkhan gyi rigs sam/ shing mkhan gyi rigs sam/ gaphung po'i rigs su mi spre'i/ bram ze'i rigs sam/ rgyal rigs kho na ste/ de la gang gi tshe bram ze'i rigs btsun par bya ba de'i tshe/ bram ze'i rigs su skye'o// gang gi tshe rgyal rigs btsun par bya ba de'i tshe/ rgyal rigs su skye te/
- 24b
dge slong dag da ltar ni btsun par byas na/ de'i phyir byang chub sems dpa' rgyal rigs su skye te/ dge slong dag don gyi dbang de la brten nas/ byang chub sems dpa' dga' ldan gyi gnas dam pa na gnas pa/ rnam par lta ba chen po bzhi la rnam par lta ste/ de ltar ltas nas cang mi zer bar gyur to// dge slong dag de ltar lha'i bu de dag dang / byang chub sems dpa' de dag cig la gcig 'di skad du/ byang chub sems dpa' rigs chen po ni ji lta ba bzhin du skye bar 'gyur/ yum ni ji lta bu zhig gi lhums su 'jug par 'gyur zhes 'dri'o// de la la la na re yul ma ga ta ni lus 'phags kyi rigs 'di 'byor cing rgyas la lo legs pa dang / bde ba dang ldan pa yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de ni tshul dang 'thun pa ma yin te/ de ci'i phyir zhe na/ 'di ltar de ni ma'i rgyud kyis dag pa yang ma yin/ pha'i rgyud kyis dag pa yang ma yin la/ bsod nams chung ngus byung gi/ bsod nams rgya chen pos mngon par byung ba ma yin zhing / rgod pa mi brtan te ma gnas pa yin la/ yul de yang nye 'khor gseg mas gang ba/ skyed mos tshal dang / mtsho dang / mtshe'u dag kyang mi mang la/ ri brags ltar mtha' khob kyi gnas su gyur pa ste/ de'i phyir de ni tshul dang 'thun pa ma yin no zhes ze 'o//
- 25a
@la la na re ko sa la'i rigs 'di 'khor mang zhing bzhon pa mngal nor che ba ste/ de ni byang chub sems dpa' yum gyi lhums su 'jug ba'i gnas su rung ngo zhes zer ro// la la na re de yang tshul dang 'thun pa ma yin te/ de ci'i phyir zhe na/ 'di ltar ko sa la'i rigs ni gdol ba'i rigs las shi 'phos nas skyes pa yin te/ pha dang mas dag pa'ang ma yin la/ dma' ba la mos pa ste/ rigs mtho bar yang mi bya/ nor dang rin po che'i gter yang tshad med par phun sum tshogs pa ma yin te/ de'i phyir de ni tshul dang mthun pa ma yin no zhes zer ro// la la na re bad sa la'i rigs 'di 'byor cing rgyas la lo leg ba dang / bde ba dang ldan pa yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang tshul dang 'thun pa mi yin te/ de ci'i phyir zhe na/ 'di ltar rgyal po bad sa la'i rigs ni phal pa ste/ gtum la gzi brjid 'bar ba yang ma yin zhing / skyes pa gzhan las skye ba grub pa/ pha ma gnyis kyi gzi brjid kyi las kyis grub pa ma yin te/ de'i rgyal po yang chad par smra ba yin te/ de'i phyir de yang tshul dang 'thun pa ma yin no zhes ze'o// la la na re/ grong khyer chen po yangs pa can 'di ni/ 'byor cing rgyas la lo legs pa dang bde ba dang ldan pa yin te/ nyams dga' la skye bo mang po dang mis kun tu
- 25b
gang ba/ stegs bu dang / bgam dang / rta babs dang / bsil khang dang / khang pa brtsegs pa dang / khang bzangs dag gis legs par brgyan pa ste me tog gi ra ba dang / nags tshal gyi phreng ba me tog kun tu rgyas pa dang ldan pa yin la/ lha'i pho brang dang 'dra ba yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang tshul dang 'thun pa ma yin te/ de ci'i phyir zhe na/ 'di ltar de dag la ni phan tshun du rigs par smra ba med do// chos spyod pa med do// gong ma dang / bar ma dang / rgan pa dang / gtso bo dag la yang rim gro bya ba med cing / re re zhing yang 'di snyam du bdag ni rgyal po'o// bdag ni rgyal po'o snyam du sems pas/ slob mar khas len pa med cing / chos khas len pa med ste/ de'i phyir de yang tshul dang mthun pa ma yin no zhes zer ro// la la na re grong khyer 'phags rgyal na rab snang gi rigs 'di ni dpung che zhing bzhon pa mnga'/ pha rol gyi g.yul ngor rgyal ba thob pa yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang tshul dang 'thun pa ma yin te/ de ci'i phyir zhe na/ 'di ltar de dag ni khro zhing gtum la rlang zhing bzung lum can rgod pa ste/ las yod par lta ba yang ma yin pas/ de'i phyir de yang byang chub sem
- 26a
dpa' de lhums su 'jug pa'i gnas kyi 'os ma yin no zhes zer ro// la la na re grong khyer bcom brlag 'di 'byor zhing rgyas la/ lo legs pa dang / bde ba dang ldan pa/ skye bo mang po dang mis kun tu gang ba yin pas/ rgyal po lag bzangs ste dpa' ba'i bdag po'i rgyal po'i pho brang de ni/ byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang tshul dang 'thun pa ma yin te/ de ci'i phyir zhe na/ 'di ltar rgyal po de ni log par lta ba'i rigs kyi rgyud du skyes pa ste/ mi rgod dang 'dra ba'i rgyal po yin pas/ byang chub sems dpa' srid pa tha ma pa ni/ log par lta ba'i rigs su skye bar mi rigs te/ de'i phyir de yang tshul dang 'thun pa ma yin no zhes zer ro// la la na re grong khyer ha sti na bur 'di'i rgyal po ni/ skya gser gyi bu'i rigs kyi rgyud las skyes pa/ dpa' zhing brtul phod pa dang ldan pa/ yan lag mchog gi gzugs phun sum tshogs pa/ gzhan gyi sde 'joms pa ste/ rigs de ni byang chub sems dpa' de lhums su 'jug pa'i rigs kyi 'os yin no zhes zer ro// la la na re de yang tshul dang 'thun pa ma yin te/ de ci'i phyir zhe na/ 'di ltar skya gseng gi bu'i rigs su skyes pa dag gis ni/ rigs rgyud rnam par 'khrugs par byas te/ g.yul ngor brtan pa la ni chos kyi
- 26b
bu zhes zer/ 'jigs sde la ni rlung gi bu zhes zer/ srid sgrub la ni dbang po'i bu zhes zer/ rigs med dang / lhar bcas la ni tha skar gyi bu zhe bya ste/ de'i phyir rigs de yang byang chub sems dpa' yum gyi lhums su 'jug pa'i gnas kyi 'os ma yin no zhes zer ro// la la na re grong khyer bcom brlag 'di ni/ shin tu yang nyams dga' zhing phan tshun 'byed kyi/ rgyal po bzang po'i bshes gnyen bzhugs pa'i sa yang yin la/ rgyal po de yang glang po dang / rta dang / shing rta dang / dpung bu chung dang / dpung gi tshogs mang po dang ldan pa/ gser dang / dngul dang / nor bu dang / mu tig dang / bai DUr+ya dang / dung dang / man shel dang / sa le sbram dang / nor dang pho byad shin tu mang ba/ rgyal po dang / blon po thams cad kyi zil gyis mi non pa'i stobs dang pha rol gnon pa dang ldan pa/ mdza' ba dang ldan zhing chos la dga' ste/ rigs de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re rgyal po bzang po'i gshes gnyen yon tan de lta bu dang ldan pa yod mod kyi/ de ni shin tu rgas pas bu skyed pa'i mthu yang med la/ bu yang mang bas de'i phyir rigs de yang byang chub sems dpa' yum gyi lhums su 'jug pa'i gnas kyi 'os ma yin no zhes zer ro// de ltar byang chub sems dpa' de dag dang /
- 27a
lha de dag gis 'dzam bu'i gling gi yul chen po bcu drug po thams cad na/ rgyal po'i rigs mthon po gang ji snyed cig yod/ pa de dag thams cad la ltas na/ thams cad kyang nyes pa dang bcas par mthong ste/ de dag de ltar sems shin du la byed pa'i tshe/ lha'i bu ye shes tog gi rgyal mtshan zhes bya ba/ byang chub las phyir mi ldog pa theg pa chen po 'di la nges par gyur pa zhig yod pa de/ byang chub sems dpa'i 'khor dang / lha'i 'khor chen po yod pa de dag la 'di skad ces smras so// grogs po dag tshur sheg/ byang chub sems dpa' de nyid kyi drung du dong ste/ rigs rin po che yon tan ji ltar phun sum tshogs pa zhig tu/ srid pa tha ma pa'i byang chub sems dpa' skye bar 'gyur ba dri'o zhes smras pa dang / legs so zhes te de dag thams cad kyang thal mo sbyar nas/ byang chub sems dpa'i drung du song ste dris pa/ skyes bu dam pa rigs rin po che yon tan phun sum tshogs pa ji lta bu zhig tu byang chub sems dang srid pa tha ma pa skye bar 'gyur/ de nas byang chub sems dpas byang chub sems dpa'i tshogs chen po dang / lha'i tshogs chen po de dag la bar ltas te 'di skad ces smras so// grogs po dag byang chub sems dpa' srid pa tha ma pa gang du skye bar 'gyur ba'i rigs de ni/ yon tan rnam pa drug bcu rtsa bzhi phun sum tshogs
- 27b
pa yin te/ drug bcu rtsa bzhi gang zhe na/ 'di lta ste/ rigs de ni btsun pa yin/ rigs de ni kun gyis mngon par shes pa yin/ rigs de ni phran tshegs med cing gnod par byed pa med pa yin/ rigs de ni rgyud phun sum tshogs pa yin rigs de ni cho 'brang phun sum tshogs pa yin/ rigs de ni skyes bu zung phun sum tshogs pa yin/ rigs de ni sngon gyi skyes bu zung phun sum tshogs pa yin/ rigs de ni btsun pa'i skyes bu zung phun sum tshogs pa yin/ rigs de ni mngon par shes pa'i skyes du zung phun sum tshogs pa yin/ rigs de ni dbang che bar grags pa'i skyes bu zung phun sum tshogs pa yin/ rigs de ni skyes pa mang ba yin/ rigs de ni bud med mang ba yin/ rigs de ni 'jigs pa med pa yin/ rigs de ni dman pa med cing zhum pa med pa yin/ rigs de ni brkam pa med pa yin/ rigs de ni tshul khrims dang ldan pa yin/ rigs de ni shes rab dang ldan pa yin/ rigs de ni blon pos lta zhing dpyod la spyod pa yin/ rigs de ni bzod don yod pas bshams shing longs spyod la spyod pa yin/ rigs de ni mdza' ba brtan pa yin/ rigs de ni dud 'gro'i skye gnas su skyes pa'i srog chags kyi srog la lta ba yin/ rigs de ni byas pa bzo ba dang ldan pa yin/ rigs de ni brtul zhugs shes pa yin/ rigs de ni 'dun
- 28a
/ @bas mi 'gro ba yin/ rigs de ni zhe sdang gis mi 'gro ba yin/ rigs de ni gti mug gis mi 'gro ba yin/ rigs/ de ni 'jigs pas mi 'gro ba yin/ rigs de ni kha na ma tho bas 'jigs pa yin/ rigs de ni gti mug la mi gnas pa yin/ rigs de ni lag spabs che ba yin/ rigs de ni bya ba la mos pa yin/ rigs de ni gtong ba la mos pa yin/ rigs de ni sbyin pa la mos pa yin/ rigs de ni zho sha shes pa yin// rigs de ni rtsal brtan pa yin/ rigs de ni mthu rtsal dang ldan pa yin/ rigs de ni rtsa la mchog dang ldan pa yin/ rigs de ni drang srong mchod pa yin/ rigs de ni lha mchod pa yin/ rigs de ni mchod rten mchod pa yin/ rigs de ni mtshun rjed pa yin/ rigs de ni khon du 'dzin pa med pa yin/ yi de ni phyogs bcur grags pa yin/ rigs de ni 'khor chen po dang ldan pa yin/ rigs de ni 'khor mi byed pa dang ldan pa yin/ rigs de ni bla na med pa 'khor dang ldan pa yin/ rigs de ni rigs kyi nang na gtso bor bya ba yin/ rigs de ni rigs la dbang thob pa yin/ rigs de ni rigs kyi dbang che bar grags pa yin/ rigs de ni phar 'dzin pa yin/ rigs de ni mar 'dzin pa yin/ rigs de ni dge sbyong du 'dzin pa yin/ rigs de ni bram zer 'dzin pa yin//
- 28b
rigs de ni nor dang 'bru'i dang mdzod mang ba yin/ rigs de ni dbyig dang / gser dang / nor dang / me tog dang / bai DUr+ya dang / dud dang / man shel dang / sa le sbram dang / dngul dang / rdzas dang / yod byed mang ba yin/ rigs de ni glang po che dang / rta dang / rnga mo dang / ba lang dang / lug shin tu mang ba yin/ rigs de ni bran po dang / bran mo dang / las byed pa dang / zho shas 'tsho ba shin tu mang ba yin/ rigs de ni thub par dka' ba yin/ rigs de ni don thams cad grub pa yin/ rigs de ni 'khor los sgyur ba'i rigs kyi rgyud du skyes pa yin/ rigs de ni sngon gyi dge ba'i rtsa ba'i grogs kyis bskyed pa yin/ rigs de ni byang chub sems dpa'i rigs su rigs btsun par skyes pa yin/ rigs de ni 'jig rten lha dang bcas pa/ bdud dang bcas pa/ dge sbyong dang / bram zer bcas pa'i skye dgu'i nang na/ rigs las smos pa'i skyon gyi kha na ma tho ba thams cad dang bral ba ste/ grogs po dag gang du byang chub sems dpa' srid pa tha ma pa 'byung bar 'gyur ba'i rigs de ni rnam pa drug bcu rtsa bzhi po de dag dang ldan pa yin no// grogs po dag srid pa tha ma pa'i byang chub sems dpa' bud med gang zhig gi mngal du 'jug par 'gyur ba'i bud med de ni yon tan gyi rnam pa sum bcu rtsa gnyis dang ldan pa yin te/ sum bcu rtsa
- 29a
gnyis gang zhe na/ 'di lta ste/ byang chub sems dpa' srid pa tha ma pa ni/ kun gyis mngon par shes pa'i bud med kyi mngal/ du 'jug par 'gyur ro// kun gyis mngon par shes pa dang / spyod pa la glags mi thod pa dang / rigs phun sum tshogs pa dang / cho 'brang phun sum tshogs pa dang / gzugs phun sum tshogs pa dang / ming phun sum tshogs pa dang / chu zheng phun sum tshogs pa dang / sngan chang bu ma btsas pa dang / tshul khrims phun sum tshogs pa dang / gtong ba phun sum tshogs pa dang / gzhin 'dzum pa dang / 'thun par 'dzin pa dang / gang ba dang / dul ba dang / 'jigs pa med pa dang / mang du thos pa dang / mkhas pa dang / sgyu med pa dang / g.yo med pa dang / mi khro ba dang / phrag dog med pa dang / ser sna med pa dang / mi rgod pa dang / mi g.yeng ba dang / ca co med pa dang / bzod cing nges pa dang ldan pa dang / ngo tsha shes shing khrel yod pa dang / 'dod chags dang / zhe sdang dang / gti mug gi shas chung ba dang / bud med kyi sgron dang bral ba dang / khyim thab kyi brtul zhugs dang ldan pa dang / yon tan thams cad phun sum tshogs pa'i bud med kyi mngal du/ byang chub sems dpa' srid pa tham pa 'jug go// grogs po dag byang chub sems dpa' srid pa tha ma pa bud med gang gi mngal du 'jug pa'i bud med de ni yon tan gyi rnam
- 29b
ba sum bcu rtsa gnyis po de dag dang ldan pa yin no// grogs po dag byang chub sems dpa' ni zla ba mar gyi ngo la ma'i mngal du mi 'jug gi byang chub sems dpa' srid pa tha ma pa ni/ zla ba yar gyi tshes bco lnga'i zla ba nya ste rgyas pa la/ skar ma rgyal dang ldan pa'i tshe/ ma gso sbyong blangs pa'i mngal du 'jug go// de nas byang chub sems dpa' de dag dang / lha'i bu de dag gis byang chub sems dpa' las/ rigs yongs su dag pa dang / ma yongs su dag pa'i rnam pa de lta bu de dag thos nas 'di snyam du sems te/ skyes bu dam pa 'dis rnam pa ji snyam du bstan pa de lta bu'i yon tan dang ldan pa'i rigs de ni gang zhig yod snyam du sems so// de ltar sems shing yid la byed pa la zhugs pa de dag 'di snyam ste/ shAkya'i grong 'di 'byor cing rgyas la bde zhing lo legs pa dang ldan te/ nyams dga' zhing skye bo dang mis gang ba yin la/ rgyal po zas gtsang ma yang ma'i rgyud kyis dag pa/ pho'i rgyud kyis dag pa dang / chung ma dag pa dang ldan pa dang / las kyi mtha' la nyon mongs pa med pa/ mnga' byed bzang ba/ shin tu 'dzangs pa/ bsod nams kyi gzi brjid dang ldan pa/ grags pa chen po'i rigs su skyes pa/ 'khor los sgyur ba'i rigs rgyud du skyes pa/ gter dang / rin po che dpag tu med pa dang ldan pa/ las yod par lta ba/ sdig pa'i lta ba med pa/ shAkya'i yul kun na yang rgyal po de gcig pur zad de/ tshong dpon dang /
- 30a
khyib bdag dang / zon po dang / 'khor gyi mi thams cad kyis rim gro bya zhing mchod par mdzes pa/ lta na sdug pa/ ha cang yang mi rgan/ cang yang mi gzhon zhing gzugs mdzes la yon tan thams cad dang ldan pa/ bzo shes pa/ dus shes pa/ bdag shes pa/ chos shes pa/ sems can shes pa/ 'jig rten shes pa/ mtshan shes pa/ chos kyi rjes su rton pa'o// ser skya'i gnas kyi grong khyer chen po de ni/ sems can dge ba'i rtsa ba bskyed pa rnams kyi gnas te/ gang dag der skyes par gyur pa de dag kyang de dang skal ba 'dra ba dag go// rgyal po zas gtsang ma de la/ lha mo sgyu 'phrul zhes bya ba/ shAkya'i bdag po shin tu legs par rtogs pa zhes bya ba'i bu mo zhig yod pa'ang / phyug cing gzhon zhing dar la bab pa'i gzugs phun sum tshogs pa/ sngan chad bu ma btsas pa/ bu dang bu mo med pa/ gzugs mdzes pa/ bu don la bris pa ltar lta na sdug pa/ lha'i bu mo ltar rgyan thams cad kyis brgyan pa/ bud med kyi skyon rnams dang bral ba/ bden par smra ba/ mi drag pa/ mi blang ba/ mi cor ba/ kha na ma tho ba med pa/ gyo mo'i sgra lta bu med pa/ caco med pa/ 'jam zhing sman la yid du 'ong bar smra ba/ mi nges pa dang / khong khro ba dang / nga rgyal dang / dregs pa dang / rgyags pa dang / khro ba med pa/ brag dog med pa/ dus su sba ba/ gtong ba phun sum tshogs pa/ tshul khrims dang ldan pa/
- 30b
khyos chog par 'dzin pa/ khyim thab kyi brtul zhugs can/ skyes pa gzhan las bsam pa'i yid la bya ba dang bral ba/ mgo dang / rna ba dang / sna gnas su phebs pa/ bung ba mchog gi kha dog lta bu'i sgra dang ldan pa/ dpral ba legs pa/ smin tshugs legs pa/ khro gnyer med pa/ bzhin 'dzum pa/ gsong por smra ba/ 'jam zhing snyan pa'i tshig dang ldan pa/ 'thun par 'dzin pa/ drang la gya gru med pa/ g.yo med pa/ khrel yod cing ngo tsha shes pa/ mi rgod pa/ mi g.yeng ba/ kha ngan mi smra ba/ 'chal pa'i tshig med pa/ 'dod chags dang / zhe sdang dang / gti mug gi shas chung ba/ dang des shing bzod pa dang ldan pa/ rkang lag dang / mig dang / blo shin tu bsrungs pa/ rkang lag shin tu 'jam pa/ ka tsa lin da'i gos ltar reg na bde ba/ pad ma gzhon nu'i 'dab ma ltar mig shin tu rnam par dag pa/ dbyibs legs shing mdog sdug pa/ yan lag shin tu brtag pa/ 'ja'i dbyibs ltar shin du 'dud pa/ yan lag dang nying lag shin tu 'byes pa/ yan lag la slad du med pa/ mchu bim pa ltar dmar ba/ lta na mdzes pa/ mgul rim bzhin du 'dug pa/ rgyan dam pa dang ldan pa/ sna ma'i me tog dang / bar shi ka ltar so shin tu rnam par dag pa/ phrag pa legs par byin gyis 'tsham pa/ rim gyis legs par grub pa'i dpung pa dang ldan pa/ rked pa gzhu'i chang bzungs ltar phra ba/ gzhogs
- 31a
nyams pa med pa/ lte ba khung zab pa/ sta zur 'jam zhing yangs pa/ zlum zhing brtan pa grub pa/ rdo rje ltar mkhregs shing mtshungs pa med pa'i lus dang ldan pa/ glang po'i sna ltar mnyam zhing yangs pa'i brla dang ldan pa/ byin pa ri dwags e na ya'i lta bu lag pa dang rkang pa'i mthil rgya skyegs kyi bur 'dug pa/ 'gro ba'i mig tu sdug pa/ mig dbang po nyams pa med pa/ yid du 'ong zhing lta na sdug pa/ bud med rin po che'i gzugs las kyang khyad par 'phags pa/ mtshungs pa med pa/ sgyu 'phrul sprul pa lta bu'i gzugs su 'dug pa/ sgyu 'phrul zhes ming gis brdar brtags pa/ sgyu rtsal la mkhas pa/ dga' tshal gyi lha'i bu mo lta bu zhig rgyal po zas gtsang ma'i btsun mo'i 'khor gyi nang na 'dug pa de ni/ byang chub sems dpa'i yum du tshul dang 'thun gyi gang byang chub sems dpa' rigs dag pa de ni/ shAkya'i rigs nyid la snang gi gzhan la ma yin no// de la 'di skad ces bya ste/ dag pa'i sems can chos mthong khang bzangs na// chos bzang seng ge'i khri la rab tu 'dug/ byang chub sems dpa' grags chen ldan pa dag/ bskal ba mnyam pa'i lha rnams drang srong 'khor// de na 'dug cing de ni 'di snyam sems// rigs gang rnam dag rab tu shes dang ldan// byang chub sems dpa' skye dang tshul 'thun gang /
- 31b
pa ma gang zhig dag pa'i dngos dang ldan// 'dzam bu'i gling 'di kun tu rnam ltas na// rgyal rigs rgyal rgyud che ba gang yin pa// kun kyang skyon dang bcas par rjes bsams nas// shAkya'i rigs ni skyon dang bral bar mthong // zas gtsang rgyal po'i rigs dang ldan// mi dbang rgyad ni rnam dag tshe rigs can// 'byor cing rgyas la 'khrug pa med pa ste// skye bo dpa pa chos ldan rim gro can// ser skya'i grong khyer sems can gzhan// kun kyang bsam pa rab dag chos dang ldan// skyed mos kun dga' gzhal med khang gis brgyan// skye ba'i sa ni ser skyar brjod pa mdze// kun kyang chan chen stobs dang ldan pa ste// glang po gnyis sam gsu gyi stobs kyang bdog/ 'phongs rtsal bslab pa'i pha rol mthar phyin kyang // srog gi don du gzhan la gnod mi byed// zas gtsang rgyal po'i bud med dben pa de// / bud med dam pa stong gi mchog tu phyin// yid du 'ong ba sgyu 'phrul sprul pa'i gzugs// de yi ming yang lha mo sgyu 'phrul te// de ni mdzes pa'i gzugs 'a lha mo bzhin// 'byes pa'i lus ldan yan lag dri med sdug/ lha dang mi rnams gang yang rung ba da // sgyu 'phrul mthong na gang ngoms de min kyang // 'dod chags zhen med sdang bas zhe sdang med// de ni 'jam mnyen drang ba'i ngag dang ldan// mi brlang mi rtsub shin du nges pa ste// de ni gzhin 'dzum khro gnyer rab tu span//
- 32a
ngo tsha khrel yod chos spyod ldan pa ste// nga rgyal med cing ma khengs rgod pa med// phrag dog med cing sgyu dang g.yo med de// gtong la dga' zhing rtag tu byams sems ldan// las yod lta zhing log pa'i sbyor ba spangs// bde la gnas shing las dang yid rab bsams// sa la gang yod bud med skyon pang tshogs// de dag thams cad de la yod ma yin// mi'i 'jig rten dri za'i 'jig rten nam// lha yi 'jig rten dag na bud med gzhan// lha mo sgyu 'phrul mtshungs med ga la lhag/ drang srong chen po'i mar ni de 'os te// tshe rabs lnga brgya kho na tshang bar yang // de ni byang chub sems dpa'i bar gyur to// de yang de na yab ni zas gtsang ste// de phyir yon tan ldan pa pha yi 'os// dka' thub can ltar de ni brtul zhugs gnas// brtul zhugs rjes spyod rtag par chos kyang spyod// rgyal bas gnang ste mchog sbyin thob pas na// 'dod pa ma spyad zla ba sum bcu gnyis// gang gi phyogs na de 'dug 'greng ba'o/ nyal zhing 'gro bar gyur pa'i gnas dag kyang // de yi las dge gzhol ba'i 'od zer gyis// shin tu snang bar 'od kyis gsal bar gyur// lha dang lha min mi rnams gang yang rung // 'dod chags sems kyis blta bar nus pa med// spyod lam rnams su 'phags pa'i yon tan ldan// de la kun kyang ma dang bu mor
- 32b
blta// sgyu 'phrul lha mo'i dge ba'i las kyi rgyus// rgyal po'i srid ni rab yangs rnam par 'phel// khams kyi rgyal po'ang 'jug par mi byed cing // rgyal po'i grags dang brjod pa rnam par 'phel// de ltar sgyu 'phrul sdod du 'thun gyur cing // de ltar sems can dam pa mchog mdzes pas/ de gnyis yon tan mchog dang ldan pas na// 'di ni bur gyur de ni mi yi 'os// lha mo yon tan mchog dang ldan pa ste// glang po khri yi stobs bsngog ma gtogs par// 'dzam bu'i rgyal mtshan 'di mchog de// 'dzin par nus pa'i bud med gang yang med// de skad che ba'i lha yi bu rnams dang // byang chub sems dpa' shes rab rgya chen dag/ shAkya'i rigs rnams dga' bar mdzad pa yi// yum du legs ldan sgyu 'phrul 'gyur zhes zer// rigs yongs su dang ba'i le'u ste gsum pa'o// // dge slong dag de ltar byang chub sems dpas skye ba'i rigs la rnam par bltas nas/ dga' ldan gyi gnas gzhal med khang chen po chu dang rgyar dpag tshad drug bcu rtsa bzhi yod pa gang du byang chub sems dpa' 'dug ste/ dga' ldan gyi lha rnams la chos ston pa'i gnas rgyal mtshan mthon po zhes bya ba yod de/ byang chub sems dpa' de bzhal med khang chen po der song nas phyin pa dang / dga' ldan gyi
- 33a
ris kyi lnga'i bu thams cad la sbas pa/ khyed rnams 'dir 'dug par gyis shig/ shi 'bo ba'i rnam par sbyor ba zhes bya ba chos rjes su dran pa rjes su bstan pa'i tha ma'i chos mnyan pa/ byang chub sems dpa' las nyon cig/ de skad kyi tshig thos nas dga' ldan gyi ris kyi lhar bu thams cad lha'i bu mo'i tshogs dang bcas te gzhal med khang chen po der 'dus so// der byang chub sems dpa'i 'khor gyi khyams gling bzhi pa chen po'i 'jig rten gyi khams kyi tshad tsam du yangs par byin gyis brlabs par gyur nas/ de de tsam du bzang zhing de tsam du lta na sdug pa/ de tsam du rgyan gyi rgyas shing de tsam du yid du 'ong bar gyur pa des/ 'dod pa na spyod pa dang / gzugs na spyod pa'i lha'i bu thams cad rang rang gi khyim gyi bkod pa la dur khrod lta bu'i 'du shes skyes par gyur to// de la byang chub sems dpa' rang gi bsod nams kyi rnam par smin pa'i rgyu 'thun pas yongs su brgyan pa'i seng ge'i khri nor bu rin po che du mas rtsa ba spras pa/ lha'i ras bcos bu'i stan du ma bting ba/ lha'i spos zhim du mas bsgos pa/ bdug spos dam pa mchog tu bya ba du mas bdugs pa/ lha'i me tog du ma'i dgrab pa bkram pa/ nor bu dang / rin po che'i 'od rgya stong du ma 'bar ba'i gzi brjid can/ nor bu rin po che du mi
- 33b
dra bas g.yogs pa/ rin po che'i dril bu g.yer ka'i dra ba du ma sgra byung bas mngon par dga' ba dang ldan pa/ rin po che'i dril bu brgya stong du ma mngon par dkrol/ ba'i sgra dang ldan pa/ rin po che'i dra ba brgya stong du mas yongs su gsal bar gyur pa/ rin po che'i gdugs brgya stong du mas kun nas bkab pa/ dar brgya stong du ma rab tu dpyangs pa/ dar gyi phreng ba lnga ldi brgya stong du mas shin du brgyan pa/ lha brgya stong du mas gru dbyangs gar byas rol mo byas pas yon tan brgya stong du ma kun du brjod pa/ 'jig rten skyong ba brgya stong du mas rjes su bsrungs pa/ brgya byin brgya stong du mas phyag byas pa/ tshangs pa brgya stong du mas rab tu btung pa/ byang chub sems dpa' bye ba phrag brgya stong du ma yongs su bzung ba/ phyogs bcu'i sangs rgyas bye ba khrag khrig brgya stong du ma mtha' yas dgod ba/ bskal pa bye ba khrag khrig brgya stong dpag tu med par pha rol du phyin pa tshogs su byas pa'i bsod nams kyi rnam par smin pa'i rgyu 'thun pa las byung ba de lta bu la 'dug go// dge slong dag de ltar byang chub sems dpa' seng ge'i khri rten po yon tan de lta bu dang ldan pa la 'dug nas/ rtswa'i 'khor chen po de dag la sbas pa/ grogs po dag byang chub sems dpa'i lus bsod nams brgya'i mtshan gyis legs par brgyan pa la ltos/ shar dang / lho dang / nub dang /
- 34a
byang dang / 'og dang / steng dang / phyogs bcu kun na byang chub sems dpa' dga' ldan gyi gnas dam pa na 'khod cing // thams cad kyang srid pa tha ma la mngon du phyogs pa/ lha'i tshogs kyis yongs su bskor ba/ shi 'pho ba'i rnam pas lha rnams dga' bar byed pa'i chos snang ba'i sgo yang dag par ston pa/ tshad med/ grangs med/ dgrang ba las 'das pa dag la ltos/ de nas lha'i 'khor de thams cad kyis/ byang chub sems dpa' de dag mthong bar gyur te/ mthong bar gyur nas kyang / byang chub sems dpa' ga la ba de logs su thal mo sbyar ba btud de yan lag lngas phyag 'tshal nas/ 'di skad du 'di ltar bdag gis ltas pa tsam gyis/ byang chub sems dpa' 'di snyed cig mthong ba ni/ byang chub sems dpa'i byin gyi rlabs bsam gyis mi khyab ste/ legs so zhes ched du brjod pa ched du brjod do// de nas byang chub sems dpa' yang lha'i 'khor chen po de dag la bos nas 'di skad ces smras te/ grogs po dag de bas na byang chub sems dpa' de dag lha'i bu de dag la gang ston pa/ shi 'pho ba'i rnam pas lha rnams dga' bar byed pa'i chos snang ba'i sgo nyon cig grogs po dag chos snang ba'i sgo brgya rtsa brgyad po 'di dag ni/ byang chub sems dpa' shi 'pho ba'i dus la bab pa'i tshe/ gdon mi za bar yang dag par bstan
- 34b
par bya ba ste/ brgya rtsa brgyad gang zhe na/ 'di lta ste/ grogs po dag dad pa ni chos gnang ba'i sgo ste/ bsam pa mi phyed par 'gyur ro// dang ba ni chos gnang ba'i sgo ste/ sems rnyog pa can dang bar 'gyur ro// mchog tu dga' ba ni chos gnang ba'i sgo ste/ las shin tu sbyangs par 'gyur ro// dga' ba ni chos snang ba'i sgo ste/ sems rnam par dga' bar 'gyur ro// las kyi sdom pa ni chos snang ba'i sgo ste/ lus kyi nyes pa rnam pa gsum yongs su dag pa 'gyur ro// ngag gi sdom pa ni chos snang ba'i sgo te/ ngag gi nyes pa bzhi po yongs su spong bar 'gyur ro// yid kyi sdom pa ni chos snang ba'i sgo ste/ brnab sems dang / gnod sems dang / log par lta ba spang bar 'gyur ro// sangs rgyas rjes su dran pa ni chos snang ba'i sgo ste/ sangs rgyas mtho ba rnam par 'gyur ro// chos rjes su dran pa ni chos snang ba'i sgo ste/ chos bstan pa rnam par dag par 'gyur ro// dge 'dun rjes su dran pa ni chos snang ba'i sgo ste/ skyon med par 'jug par 'gyur ro// gtong ba rjes su dran pa ni chos snang ba'i sgo ste/ rdzas thams cad rab tu spong bar 'gyur ro// tshul khrims rjes su dran pa ni chos snang ba'i sgo ste/ smon lam yongs su rdzogs par 'gyur ro// lha rjes su dran pa ni chos snang ba'i sgo ste/ sems rgya chen por 'gyuraro//
- 35a
byams pa ni chos snang ba'i sgo ste/ rdzas las byung ba'i bsod nams bya ba'i dngos po thams cad zil gyis gnon par 'gyur ro// snying rje ni chos snang ba'i sgo ste/ rnam par 'tshe ba med pa lhur len par 'gyur ro// dga' ba ni chos snang ba'i sgo ste/ mi dga' ba thams cad sel bar 'gyur ro// btang snyoms ni chos snang ba'i sgo ste/ 'dod pa la smod par 'gyur ro// mi rtag par so sor rtog pa ni chos snang ba'i sgo ste/ 'dod pa dang / gzugs yod pa dang / gzugs med pa'i 'dod chags las yang dag par 'da' bar 'gyur ro// sdug bsngal du so sor rtog pa ni chos snang ba'i sgo ste/ smon lam kun tu chad par 'gyur ro// bdag med par so sor rtog pa ni chos snang ba'i sgo ste/ bdag tu mngon par zhen par med par 'gyur ro// zhi bar so sor rtog pa ni chos snang ba'i sgo ste/ rjes su chags pa 'bar ba med par 'gyur ro// ngo tsha shes pa ni chos snang ba'i sgo ste/ nad nye bar zhi bar 'gyur ro// khrel yod pa ni chos snang ba'i sgo ste/ phyi rol nye bar zhi bar 'gyur ro// bden pa ni chos snang ba'i sgo ste/ lha dang mi rnams la mi bslu bar 'gyur ro// yang dag pa ni chos snang ba'i sgo ste// bdag la bslu ba med par 'gyur ro// chos spyong ba ni chos snang ba'i sgo ste/ chos la ston par 'gyur ro// gsum la skyabs su 'gro ba ni chos snang ba'i sgo ste/ ngan song gsum las yang dag par 'da' bar 'gyuraro//
- 35b
byas pa gzo ba ni chos snang ba'i sgo ste/ dge ba'i rtsa ba byas pa rnams chung mi za bar 'gyur ro// byas pa rig pa ni chos snang ba'i sgo ste/ gzhan la rnyas pa med par 'gyuraro// bdag shes pa ni chos snang ba'i sgo ste/ bdag la bstod pa med par 'gyur ro// sems can shes pa ni chos snang ba sgo ste/ gzhan la smod pa med par 'gyur ro// chos shes pa ni chos snang ba'i sgo ste/ chos kyi rjes su 'thun pa'i chos la nan tan byed par 'gyur ro// dus shes pa ni chos snang ba'i sgo ste/ mthong ba don yod par 'gyur ro// nga rgyal bcom pa ni chos snang ba'i sgo ste/ ye shes yongs su rdzogs par 'gyur ro// zhes 'gras pa med pa'i sems ni chos snang ba'i sgo ste/ bdag dang gzhan rjes su bsrung bar 'gyur ro// 'khon du mi 'dzin pa ni chos snang ba'i sgo ste/ 'gyod pa med par 'gyur ro// mos pa ni chos snang ba'i sgo ste/ the tshom med pa lhur len par 'gyur ro// mi sdug par so sor rtog pa ni chos snang ba'i sgo ste/ 'dod pa rnam par rtog pa spong bar 'gyur ro// gnod sems med pa ni chos snang ba'i sgo ste/ gnod sems kyi rnam par rtog pa spong bar 'gyur ro// gti mug med pa ni chos snang ba'i sgo ste/ mi shes pa rnam par sel bar 'gyur ro// chos de du gnyer ba ni chos snang ba'i sgo ste/ don la rton par 'gyur ro// chos 'dod pa ni chos snang ba'i sgo ste/ chos snang ba thob par 'gyur ro// thos pa tshol ba ni/
- 36a
chos snang ba'i sgo ste/ tshul bzhin du chos la so sor rtog par 'gyur ro// yang dag pa'i sbyor ba ni chos snang ba'i sgo ste yang dag par nan tan byed par 'gyur ro// ming dang gzugs yongs su shes pa ni chos snang ba'i sgo ste/ chags pa thams cad las yang dag par 'da' bar 'gyuraro// sbyar lta ba yang dag par 'joms pa ni chos snang ba'i sgo ste/ rig pa dang rnam par grol ba thob par 'gyur ro// rjes su chags pa dang / khong khro ba spong ba ni chos snang ba'i sgo ste/ mtho bar sems pa med cing dpa' bar sems dpa' med par 'gyur ro// phung po la mkhas pa ni chos snang ba'i sgo ste/ sdug bsngal yongs su shes par 'gyur ro// khams mnyam pa nyid ni chos snang ba'i sgo ste/ kun 'byung ba spong bar 'gyur ro// skye mched gsal ba ni chos snang ba'i sgo ste/ lam sgom par 'gyur ro// mi skye ba'i bzod pa ni chos snang ba'i sgo ste/ 'gog pa mngon du byed par 'gyur ro// lus la song ba'i dran pa ni chos snang ba'i sgo ste/ lus dben par 'gyur ro// tshor ba la song ba'i dran pa ni chos snang ba'i sgo ste/ tshor ba thams cad rgyun chad par 'gyur ro// sems la song ba'i dran pa ni chos snang ba'i sgo/ ste/ sems la sgyu ma lta bur so sor rtog par 'gyur ro// chos la song ba'i dran pa ni chos snang ba'i sgo ste/ rab rib dang bral ba'i ye shes su 'gyur ro// yang
- 36b
dag par spong ba bzhi ni chos snang ba'i sgo ste/ mi dge ba'i chos thams cad spong ba dang / dge ba'i chos thams cad yongs su rdzogs par 'gyur ro// rdzu 'phrul gyi rka/ ba bzhi ni chos snang ba'i sgo ste/ lus dang sems yang bar 'gyur ro// dad pa'i dbang po ni chos snang ba'i sgo ste/ shi na gzhan gyi dring mi 'jog par 'gyur ro// brtson 'grus kyi dbang po ni chos snang ba'i sgo ste/ shin tu rtogs pa'i ye shes dang ldan par 'gyur ro// dran pa'i dbang po chos snang ba'i sgo ste/ las legs par/ byas par 'gyur ro// ting nge 'dzin gyi dbang po ni chos snang ba'i sgo ste/ sems rnam par grol bar 'gyur ro// shes rab kyi dbang po ni chos snang ba'i sgo ste/ mngon sum gyi ye shes su 'gyur ro// dad pa'i stobs ni chos snang ba'i sgo ste/ bdud kyi stobs las yang dag par 'da' bar 'gyur ro// brtson 'grus kyi stobs ni chos snang ba'i sgo ste/ phyir mi ldog par 'gyur ro// dran pa'i stobs ni chos snang ba'i sgo ste/ mi 'phrogs par 'gyur ro// ting nge 'dzin gyi stobs ni chos snang ba'i sgo ste/ rnam par rtog pa thams cad spong bar 'gyur ro// shes rab kyi stobs ni chos snang ba'i sgo ste/ mi 'thul bar 'gyur ro// dran pa yang dag byang chub kyi yan lag ni chos snang ba'i sgo ste/ chos ji lta ba bzhin du rab tu shes par 'gyur ro// chos rnam par 'byed pa yang dag byang chub kyi yan
- 37a
lag ri chos snang ba'i sgo ste/ chos thams cad yongs su rdzogs par 'gyur ro// brtson 'grus yang dag byang chub kyi yan lag ni chos snang ba'i sgo ste/ shin tu rtogs pa'i blo dang ldan par 'gyur ro// dga' ba yang dag byang chub kyi yan lag ni chos snang ba'i sgo ste/ ting nge 'dzin bsgrub par 'gyur ro// shin tu sbyangs pa yang dag byang chub kyi yan lag ni chos snang ba'i sgo ste/ bya ba byas par 'gyur ro// ting nge 'dzin yang dag byang chub kyi yan lag ni chos snang ba sgo ste/ chos thams cad mnyam pa nyid khong du chud par 'gyur ro// btang snyoms yang dag byang chub kyi yan lag ni chos snang ba'i sgo ste/ skye ba thams cad la smon par mi 'gyur ro// yang dag pa'i lta ba ni chos snang ba'i sgo ste/ skyon med par 'jug par 'gyur ro// yang dag pa'i rtog pa ni chos snang ba'i sgo ste/ rtog pa dang / rnam par rtog pa dang / yongs su rtog pa thams cad spong bar 'gyur ro// yang dag pa'i ngag ni chos snang ba'i sgo ste/ yi ge dang / sgra dang / skad dang / tshig gi lam thams cad brag cha dang / mnyam pa nyid du rtogs par 'gyur ro// yang dag pa'i las kyi mtha' ni chos snang ba'i sgo ste/ las med cing rnam par smin par 'gyur ro// yang dag pa'i 'tsho ba ni chos snang ba'i sgo ste/ tshol ba thams cad rgyun chad par 'gyuraro//
- 37b
yang dag pa'i rtsol ba ni chos snang ba'i sgo ste/ pha rol gyi ngogs su phyin par 'gyur ro// yang dag pa'i dran pa ni chos snang ba'i sgo ste/ dran pa med cing yid la byed pa med par 'gyur ro// yang dag pa'i ting nge 'dzin ni chos snang ba'i sgo ste/ sems mi 'khrugs pa'i ting nge 'dzin thob par 'gyur ro// byang chub kyi sems ni chos snang ba'i sgo ste/ dkon mchog gsum gyi rigs rgyun mi 'chad par 'gyur ro// bsam pa ni chos snang ba'i sgo ste/ theg pa dman pa la 'dod pa med par 'gyur ro// lhag pa'i bsam pa ni chos snang ba'i sgo ste/ sangs rgyas kyi chos rgya chen po la lhag par dmigs par 'gyur ro// sbyor ba ni chos snang ba'i sku ste/ dge ba'i chos thams cad yongs su rdzogs par 'gyur ro// sbyin pa'i pha rol tu phyin pa ni chos snang ba'i sgo ste/ mtshan dang / dpe byad bzang po dang / sangs rgyas kyi zhing yongs su dag pa dang ser sna can gyi sems can yongs su smin par byed par 'gyur ro// tshul khrims kyi pha rol tu phyin pa ni chos snang ba'i sgo ste/ mi khom pa dang / ngan 'gro thams cad las yang dag par 'da' zhing / tshul khrims 'chal pa'i sems can yongs su smin par byed par 'gyur ro// bzod pa'i pha rol tu phyin pa ni chos snang ba'i sgo ste/ gnod sems dang / tha ba dang / zhe sdang dang / nga rgyal dang / dregs pa dang / rgyags pa spong zhing / gnod sems can
- 38a
8@gyi sems can yongs su smin par byed par 'gyur ro// brtson 'grus pha rol tu phyin pa ni chos snang ba'i sgo ste/ dge ba'i chos brtsams pa thams cad nyams su lon par 'gyur zhing / le lo can gyi sems can yongs su smin par byed par 'gyur ro// bsam gtan gyi pha rol tu phyin pa ni chos snang ba'i sgo ste/ bsam gtan dang / mngon par shes pa thams cad bskyed cing / sems g.yengs pa can gyi sems can yongs su smin par byed par 'gyur ro// shes rab kyi pha rol tu phyin pa ni chos snang ba'i sgo ste/ ma rig pa dang / gti mug gi mun pa mun nag dang / dmigs pa'i lta ba spong zhing / shes rab 'chal pa'i sems can yongs su smin par byed par 'gyur ro// thabs la mkhas pa ni chos snang ba'i sgo ste/ sems can rnams ji ltar mos pa bzhin du spyod lam ston cing sangs rgyas kyi chos thams cad 'grub par 'gyur ro// bsdu ba'i dngos po bzhi ni chos snang ba'i sgo ste/ sems can thams cad sdug byang chub brnyes pa las chos nod par 'gyur ro// sems can yongs su smin par bya ba ni chos sdang ba'i sgo ste/ bdag gi bde ba la ma chags shing yongs su skyo ba med par 'gyur ro// dam pa'i chos yongs su 'dzin pa ni chos snang ba'i sgo ste/ sems can thams cad kyi kun nas
- 38b
nyon mongs pa spong bar 'gyur ro// bsod nams kyi tshogs ni chos snang ba'i sgo ste/ sems can thams cad nye bar 'tsho bar 'gyur ro// ye shes kyi tshogs ni chos snang ba'i sgo ste/ stobs bcu yongs su rdzogs par 'gyur ro// zhi gnas kyi tshogs ni chos snang ba'i sgo ste/ de bzhin gshegs pa'i ting nge 'dzin thob par 'gyur ro// lhag mthong gi tshogs ni chos snang ba'i sgo ste/ shes rab kyi mig thob par 'gyur ro// so so yang dag par rig pa la 'jug pa ni chos snang ba'i sgo ste/ chos kyi mig thob par 'gyur ro// rton pa la 'jug pa ni chos snang ba'i sgo ste/ sangs rgyas kyi spyan yong su dag par 'gyur ro// gzungs thob pa ni chos snang ba'i sgo ste/ sangs rgyas kyis gsungs pa thams cad 'dzin par 'gyur ro// spobs pa thob pa ni chos snang ba'i sgo ste/ sems can thams cad legs par bshad pas tshim par byed par 'gyur ro// rjes su 'thun pa'i chos kyi bzod pa ni chos snang ba'i sgo ste/ sangs rgyas kyi chos thams cad dang 'thun par 'gyur ro// mi skye ba'i chos la bzod pa ni chos snang ba'i sgo ste/ lung bstan pa thob par 'gyur ro// phyir mi ldog pa'i sa ni chos snang ba'i sgo ste/ sangs rgyas kyi chos thams cad yongs su rdzogs par 'gyur ro// sa nas sar 'phar ba'i ye shes ni chos snang ba'i sgo ste
- 39a
thams cad mkhyen pa'i ye shes kyis dbang bskur bar 'gyur ro// dbang bskur ba'i sa ni chos snang ba'i sgo ste/ mngal du 'jug pa'i dang / btsas pa dang / mngon par 'byung ba dang / bka' ba spyad pa dang / byang chub kyi snying por 'gro ba dang / bdud 'dul ba dang / byang chub rnam par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po ston par 'gyur ro// grogs po dag/ 'di dag ni chos snang ba'i sgo brgya rtsa brgyad ces bya ste/ byang chub sems dpas 'chi 'pho ba'i dus kyi tshe/ lha'i 'khor du gdon mi za bar gang bstan par bya'o// dge slong dag byang chub sems dpas chos snang ba'i sgo'i le'u 'di bstan pa'i tshe/ lha'i 'khor de las lha'i bu brgyad khri bzhi stong bla na med pa yang dag par rdzogs pa'i byang chub tu sems skyes par 'gyur ro// lha'i bu yongs su sbyang ba byas pa sum khri nyis stong ni mi skye ba'i chos la bzod pa thob par gyur ro// lha bye ba sum bcu rtsa drug ni chos rnams la chos kyi mig rdul med cing dri ma dang bral rnam par dag go/ dga' ldan gyi gnas thams cad lha'i me tog gis pus mo nub tsam du yog par gyur to// dge slong dag de ltar byang chub sems dpas lha'i 'khor de dag rgya cher dga' bar bya ba'i phyir/ de'i tshe tshig su bcad pa 'di dag smras so// gang gi tshe na
- 39b
dga' ldan gnas mchog nas// 'dren pa skyes bu seng ge 'chi 'bo'i tshe// lha rnam dag la tshig tu sba ba ni// bag med mtha' dag rnam par spongs shes sba/ lha yi dga' ba rnam mang ji snyed pa// yid kyis bsams pas byung ba dpal ldan pa// thams cad las dge'i rgyu lam 'gyur ba ste// de ni dge ba'i las kyi 'bras bu yid// de lta bas na byas pa gzo bar gyis// sngon gyi dge bsags 'di ni zad 'gyur te// gang du mi dge sdug bsngal myong 'gyur ba/ ngan song gsum du song bar gyur ta re// nga la gus par bya ba bskyed nas ni// chos gang thos par gyur pa de dag la// nan tan gyis ni rab tu bsgrubs shig dang // bde ba mtha' yas nges par thob par 'gyur// 'dod pa thams cad mi rtag brtan pa min// ther zug ma yin rmi lam 'dra ba ste// sdig sgyu dang ni sgyu ma rnams dang 'dra// glog dang dbu ba 'dra zhing 'gyur ba yin// 'dod pa'i yon tan dag gi dga' bas ni// lan tshwa'i chu 'thungs bzhin du ngoms mi 'gyur gang dag rdul med 'jig rten 'das pa yi// shes rab ldan pa de dag ngoms par 'gyur// lha mo dag dang 'grogs dang glu dbyangs ni// gar gyi ltad mo ba dang mtshungs shing 'dra// dper na 'dus pa dag ni khri las su// phan tshun 'gro bar sbyor bar byed dang mtshungs// dge ba'i las byas rjes su 'brang byed cing //
- 40a
bu bzhin 'gro bar byed ba ma gtogs par// 'dus byas dgal grogs yod ma yin te// mdza' bshes nye du med cing 'khor kyang med// de lta bas na lhan cig mthun byos la// phan tshun byams sems phan pa'i sems byos la// chos kyi spyod pa dag ni spyad par gyis// spyod pa legs par spyad pa gdung ba med// thos dang tshul khrims sbyin la dga' 'gyur zhing // bzod dang nges pa phun sum tshogs bgyis te// sangs rgyas dang ni chos dang dge 'dun dang // de bzhin bag yod pa dag dran par gyis// rtag pa med cing sdug bsngal bdag med la// rgyu dang rkyen rnams dang ni ldan gyur cing / bdag po med la bebs por gyur pa yi// chos 'di dag la tshul bzhin rtag par gyis// nga la rdzu 'phrul dag ni gang yo dang // spobs pa ye shes dbang rnams gang mthong ba// kun kyang las dge'i rgyu las byung ba ste// thos dang tshul khrims bag yod rnams las byung // sems can don dang phan dang byams don du// nga yi tshul khrims dang ni thos pa dang // bag yod pa dang sbyin dang dul ba dang // yang dag sdom pa'i rjes su bslab par gyis// ngag dang skad dang sgra rnams tsam gyis ni dge ba'i chos rnams grub par mi nus kyis// nan tan sdong por bya ba sgrub byos la// gzhan gyis gleng ba'i skabs ni ma byed par// bdag nyid rtag tu sgrim ji ltar smras pa de bzhin bya bar byos/
- 40b
pas 'bad par gyis// la las byas shing sbyin pa yod ma yin// ma byas par yang 'grub par 'gyur ba med// sngon chad 'khor bar 'khor tshe sdug bsngal dag/ myong bar gang gyur de ni dran par bgyis// khyed cag log pa nyid du nges pas na// mya ngan 'das dang 'dod chags bral ma thob// de lta bas na dal dang bshes gnyen dang // tshul dang mthun pa'i yul du gnas pa dang // chos mnyan dam pa thob par byas nas ni// 'dod chags la sogs nyon mongs zhi bar gyis// nga rgyal dang ni rgyags dang dregs thong la// rtag tu mazhen cing drang la g.yo med cing // mya ngan 'das par 'gro la gzhol byos te// lam rtogs bya ba'i phyir ni sbyor bar gyis// gti mug rnyog pa'i mun pa thams cad kyang // shes rab sgron mas bsal bar gyi// bag la nyal bcas skyon gyi dra ba rnams// ye shes rdo rje yis ni rnam par grol// shin du mang po smra ba ci dgos te// don dang yang dag ldan pa'i chos de la// khyed cag gnas par byas pa ma gyur na// de la chos kyis lan pa ma yin no// gang tshe ngas ni byang chub thob gyur te// 'chi med 'gro ba'i chos char 'bebs pa'i tshe// rnam par dag pa'i sems dang ldan par byed// chos kyi dam pa mnyan phyir sheg shig// bam po'o// / dge slong dag/ byang chub sems
- 41a
dbas lha'i 'khor de dag la chos kyi gtam 'di yang dag par bstan// yang dag par 'dzin du 'jug/ yang dag par gzengs bstod// yang dag par dga' bar byas// bzod par byas nas/ lha'i 'khor bkra shis dang ldan pa rnams la smras pa/ grogs po dag kho bo ni 'dzam bu'i gling du 'gro'o// kho bo sngon byang chub sems dpa'i spyad pa spyod pa'i tshe/ sems can rnams bsdu ba'i dngos po sbyin pa dang / snyan par smra ba dang / don spyad pa dang / don 'thun pa bzhi la 'gron du bos la/ grogs po dag da kho bo bla na med pa yang dag par rdzogs pa'i byang chub mngon par rdzogs par 'tshang mi rgya bar 'dug pa de ni kho bos byas pa shes shing rigs pa ma yin par 'gyur ro// de nas dga' ldan gyi rigs kyi bu lha'i bu de dag du zhing / byang chub sems dpa'i rkang pa gnyis la 'dzus nas 'di skad ces 'dzer to// skyes bu dam pa khyod mi bzhugs na dga' ldan gyi gnas 'di mdzes par mi 'gyur ro// de nas byang chub sems dpas lha'i 'khor chen po de dag la 'di skad du/ byang chub sems dpa' byams pa 'di khyed la chos ston par 'gyur ro// de skad ces smras te/ de nas byang chub sems dpas rang gi mgo las thod dang bcod pan phog ste/ byang chub sems dpa' byams pa'i mgo la bzhag nas/ 'di skad du/ skyes bu dam pa khyod ni nga'i 'og tu bla na med pa yang dag par
- 41b
rdzogs par 'tshang rgya bar 'gyur ro// de nas byang chub sems dpas/ byang chub sems dpa' byams pa dga' ldan gyi gnas dam par dbang bskur nas/ lha'i 'khor chen po de dag la smras pa/ grogs po dag kho bos ji lta bu'i gzugs kyis ma'i mnga' du 'gro bar bya/ de la kha cig na re/ bram ze'i khye'u'i gzugs su gshegs bar rigs so// zhes zer ro// la la na re brgya byin gyi gzugs// la la na re tshangs pa'i gzugs su/ la la na re rgyal po chen po'i gzugs su/ la la na re rnam thos kyi bu'i gzugs su// la la na re sgra gcan gyi gzugs su/ la la na re dri za'i gzugs su/ la la na re mi 'am ci'i gzugs su/ la la na re lto 'phye chen bo'i gzugs su/ la la na re dbang phyug chen po'i gzugs su/ la la na re zla ba'i gzugs su/ la la na re nyi ma'i gzugs su/ la la na re na mkha' lding gi dbang po'i gzugs su bzhud pa'i rigs so// de nas tshangs ris kyi lha'i bu gzi brjid dam pa zhes bya ba sngon drang srong las shi 'phos pa/ bla na med pa yang dag par rdzogs pa'i byang chub las phyir mi ldog pa zhig 'dug pa des 'di skad ces sbas so// bram ze rnams kyi gsang sngags rig byed kyi bstan bcos las/ ji skad du 'byung ba de lta bu'i gzugs su byang chub sems dpa' yum gyi lhums su bzhud par rigs so// de yang ci 'dra zhe na/ glang po dam pa lus chen
- 42a
mchog gyur pa/ mche ba drug can gser gyi dra bas g.yogs// mgo bo rab tu dmar zhing shin tu mdzes// 'gram/ nas zag cing gzugs ldan dpal ldan pa'o// rig byed bstan bcos yang dag mkhas pa yi// bram zes rnam pa de 'drar shes byas nas// sum bcu rtsa gnyis mtshan dang ldan 'gyur zhing // yang dag nyid du lung ni ston par 'gyur// dge slong dag gang de ltar byang chub sems dpa' skye ba'i dus la bltas nas/ dga' ldan gyi gnas dam pa gnas bzhin du// rgyal po zas gtsang ma'i khyim dam pa der snga ltas brgyad ston to// brgyad gang zhe na/ 'di lta ste/ khyim de rtsa dang / sdong bum dang / tsher ma dang / gseg ma dang / gyo mo med cing / dri ma med la chag chag legs par btab pa dang / phyag dar legs par byas shing rlung rdul can dang / mun pa dang / rdul dang bral ba dang / sbrang ma dang / sha sbrang dang / sbrang bu dang / phye ma leb dang / sdig sbrul med cing me tog gis kun tu gang ba lag mthil lta bu mnyam par gnas par gyur te/ 'di ni snga ltas byung ba dang po'o// ri'i rgyal po gang ri la/ bya 'dab dben dang / ne tse dang / ri skegs dang / khu drug dang ngang pa dang / rma bya dang / ngur ba dang / kun la dang / ka la bing ka dang / shang shang
- 42b
de du la sogs pa spro shog sna tshogs mdzes pa yid du 'ong zhing // snyan pa'i sgra 'byin pa'i bya'i tshogs gang dag gnas pa de dag der 'ongs nas/ rgyal po/ zas gtsang ma'i khyim dam pa de'i stegs bu dang / ba gam dang / rta babs dang / skar khung dang / bsil khang dang / khang pa brtsegs pa dang / khang bzang kyi steng dag tu gnas shing // dga' ba dang / mgu ba dang / yid bde ba skyes nas rang rang gi sgra skad dag 'byin te/ 'di ni snga ltas byung ba gnyis pa'o// gang yang rgyal po zas gtsang ma de'i kun dga' ra ba nyams dga' ba dang / nags tshal nyams dga' ba dang / bskyed mos tshal nyams dga' ba dag na/ me tog dang / 'bras bu'i shing ljon pa sna tshogs du ma dad par 'byung ba de dag thams cad kyang / kha 'bus shing me tog rgyas par gyur te/ 'di ni snga ltas gsum pa'o// rgyal po zas gtsang ma'i chu'i longs spyod kyi rkyen rdzing la sogs pa gang dag yod pa de dag thams cad kyang / pad+ma 'dab ma bye ba khrag khrig brgya stong du ma dang ldan pa/ tshad shing rta'i 'phang lo tsam dag gis khebs par gyur te/ 'di ni snga ltas byung ba bzhi pa'o// rgyal po zas gtsang ma'i khyim de na/ mar dang / 'bru mar dang / sbrang rtsi dang / bu ram dbu ba dang / sha kha ra la sogs pa'i bza' ba'i rnam pa gang
- 43a
8/ yod pa de dag kyang / yongs su spyad pas zad par mi 'gyur zhing / yongs su gang bar snang ste/ 'di ni sngo ltas byung ba lnga pa'o// rgyal po zas gtsang ma'i khyim mchog dam pa dang / btsun mo'i 'khor chen po dag na rnga bo che dang / rdza rnga dang / 'khar dza dang / rgyud gcig pa dang / pi wang dang / gling bu dang / rgyud gsum pa dang / 'khar ba'i sil khrol dang / pheg thob la sogs pa rol mo'i cha byed gang yod pa de dag kyang / ma blangs ma dkrol bar yid du 'ong ba'i sgra'ang sgrogs par gyur te/ 'di ni snga ltas byung ba drug pa'o// rgyal po zas gtsang ma'i khyim mchog dam pa na/ gser dang / dngul dang / nor bu dang / mu tig dang / bai DUr+ya dang / dung dang / man shel dang / byi ru la sogs pa rin po che sna tshogs kyi snod gang dag yod pa de dag kha bye zhing dri ma med la rnam par dag cing rab tu gang bar snang ste/ 'di ni snga ltas byung ba bdun pa'o// nyi zla'i 'od zil du brlag par byed cing / lus dang sems dga' ba bskyed pa'i 'od dag cing dri ma med pa snang bar gyur te/ 'di ni snga ltas brgyud pa'o// lha mo sgyu 'phrul yang khrus byas/ lus byug pas byugs/ rgyan sna tshogs kyis lag pa shin tu brgyan te/ gos shin tu 'jam pa mchog bgos shing btsug
- 43b
srud dang bcas pa/ dga' ba dang / mchog tu dga' ba dang / rangs pa thob nas/ bud med stong phrag bcus bskor cing mdun du bdar te/ lhan cig tu rgyal po zas gtsang ma rol mo bya ba'i khang bzangs gang na ba de gnas pa'i drung du phyin te/ g.yas rol na khri bzang po rin po che'i dra bas brgyan pa la 'dug nas/ 'dzum pa'i gzhin khro gnyer med cing rab tu dang ba'i mdog gis/ rgyal po zas gtsang ma la tshigs su bcad pa 'di dag smras so// rgyal po sa bdag leg par bdag la gsan du gsol// rgyal po khyod la gsol gyis bdag la deng gnong shig/ bdag gis bsam pa yid la ci mchis ci dga' ba// de dag bdag las gsan cing thugs dges rangs par mdzod// lha bdag bsnyen gnas tshul khrims brtul zhugs len par gsol// bdag ni 'gro la byams bas yan lag brgyad len te// srog chags gnod pa spangs shing bsam pa rtag dag pas// ji ltar bdag la byams pa de ltar gzhan la gyi// rku sems rnam par spangs te 'dod dang dregs pa spangs// rgyal po 'dod pa rnams la log par g.yem mi bgyid// bden la gnas shing phra ma ma mtsha zhe gcod spang // mi dge kyal pa'i tshig kyang yongs su mi spyod do// gnod sems zhe sdang tha da gti mug rgyags pa spangs// brnang sems kun spangs
- 44a
rang gi nor gyis 'tshal bar gyi// yang dag sbyor bas kha bsag tshul 'chos phrag dog spang // dge bcu'i las lam 'di dag bdag gis spyad par bgyi// bdag ni tshul khrims brtul zhugs mngon dga' rab bsdams kyi// mi yi dbang po bdag la zhen pas sred ma mdzad// rgyal po khyod la yun rings mi dger 'gyur du mchi// bdag gis tshul khrims brtul zhugs nyer gnas dgyes par mdzod// rgyal po bdag gi 'tshal ba 'di lags de myur stsol// khang bzangs bsil khang ldan pa dang skya ldan pa'i nang // me tog bkram pa'i mchis mal 'jam zhing dri gda' bar// grogs pos rtag tu bskor zhing bde dgar gnas snyam bgyid// skyes pa nyung rung rnams dang de bzhin khye'u dag/ bud med pal ba rnams kyang mdun na mchis mi 'tshal// snyan cing yid mchi sgra snyan nyan pa ma gtogs par// gzugs dang sgra gsum yid du mi mchi/ bdag mi 'tshal// bcings dang btson rar stsal ba thams cad dkye bar gsol// nor gyis brel ba'i mi rnams nor dang ldan par mdzod// zas ran pa shing rta khyogs dang bzhon pa rtag/ 'gro ba bde ba'i slad du dgung bdun bstsal bar mdzod// pho brang 'di na skyes pa khye'u bud med dag/ ji snyed
- 44b
mchis pa 'thab rtsod khro ba'i tshig bral zhing // phan tshun byams pa'i sems ldan pan dang des sems kyis// dga' tshal gnas pa'i lha ltar mthun zhing bder spyod mdzod// rgyal po'i chad pa che phra gnyer gyis bda' ba dang // gnod par bgyi dang rdeg 'chog sdig ra mi mdzad par// kun la'ang dang ba'i thugs kyis byams dang phan dgongs te// lha yi skye bo rnams la sras gcig bzhin du gzigs// rgyal pos de skad tshig thos dga' bar gyur nas ni// smras pa 'di ni ci 'dod de kun de bzhin bya// khyod kyi bsam pa yid kyi gang rnams rjes bsams shing // khyod kyis bslangs gang yin pa de ni ngas sbyin no// rgyal po'i dam pas rang gi 'khor la bsgo ba ni// khang bzangs dam pa'i steng du phun sum tshogs pa shoms// me tog mdzes pa khrom la bdug pa mchog gis bdugs// gdugs dang ba dan ta la'i phreng ba'i rgyan kyang gyis// 'thab pod stong phrag nyi shu sna tshogs go cha can mda' mdung lcags mda' mdung thung ral gri thogs pa dag/ yid 'ong sgra gcan dang sgra ldan pa bskor gyis te// lha mo 'jigs pa med par bya phyir bsrung zhing gnas// khrus byas spos byug gos mchog dag gis yan lag brgyan// bud med rnams kyis de bskor lha yi bu mo 'dra// yid du 'ong ba'i
- 45a
sgra ldan glu dbyangs stong blangs na// lha mo der zhugs lha yi bu mo bzhin du gnas// lha yi rin chen rin thang chen pos rtsi spras pa// khri la gos mchog mang pos yid 'ong mal bshams te// mal phyin gtsug gi nor bu rin chen glong byas nas// 'dres pa'i nags tshal lha'i bu mo bzhin du gnas// dge slong dag de nas rgyal po chen po bzhi dang // lha'i dbang po brgya byin dang / lha'i bu rab 'thab bral dang / yongs su dga' ldan dang / rab 'phrul dga' dang / gzhan 'phrul dbang byed dang / bdud kyi bu ded dpon dang / mi mjed kyi bdag po tshangs pa dang mdun na 'don tshangs mchog dang / mdun na tshangs bzangs dang / 'od bkod pa dang / 'od gsal dang / gnas gtsang ma'i ris kyi dbang phyug chen po dang / mthar thug pa dang / 'og min pa dang / de dag la sogs pa dang / gzhan yang lha brgya stong du ma 'dus te gcig la gcig 'di skad ces spras so// grogs po dag bdag cag gis byang chub sems dpa' gcig pu gnyis su med par gshegs su gsol na bdag cag gis byas pa ma shes bar 'gyur te// bdag cag la mi cha'i/ grogs po dag khyed kyi nang nas byang chub sems dpa' thog mar yum gyi lhums su gshegs pa dang / lhums
- 45b
na bzhugs pa dang / bltam pa dang / thor bu dang / byis pa'i nang na rol pa dang / btsun mo'i 'khor gyi nang na bzhugs pa dang / rol mo'i gzigs pa dang / mngon par 'byung ba dang / dka' ba spyod pa dang / byang chub kyi snying por gshegs pa dang / bdud 'dul ba dang / mngon par rdzogs par 'cha rgya ba dang / chos kyi 'khor lo bskor ba dang / mya ngan las 'das pa chen po bstan gyi bar du/ phan pa'i sems dang / dga' ba'i sems dang / pangs pa'i sems dang / byams pa'i sems dang / mnyen pa'i sems kyis rtag par rgyun tu byang chub sems dpa'i zham ring na 'khod par su dag spro// de'i tshe tshigs su bcad pa 'di dag kyang smras so/ 1/ khyod la su zhig rtag tu dga' yid kyis// gzugs mchog mngar ba'i zham ring nges par spro// su dag rang gi bsod nams gzi brjid dang // stobs dang grags pa rnam par spel bar 'dod// gang zhig lha yi pho brang 'di dag ni// lha mo dag dang 'dod pa'i yon tan gyi// lha yi bde bas dga' bar 'dod pa dag/ dri med zla ba'i zhal gyi 'am ring gyis// de bzhin 'dres pa'i nags tshal mdzes la mchog/ lha yi 'byung gnas lha yi pho brang gser mdog rgyas pa'i dga' mdog na// dri med gzi brjid mnga' ba'i zham ring gyis// gang gis sna tshogs shing rta de bzhin du// dga' tshal me tog
- 46a
man da mdab rgyas su// lha mo lhan cig rtse bar 'dod pa dag/ skyes bu chen po 'di'i zham ring gyis// 'thab bral bdag po 'am dga' ldan bdag po 'am// yang na dbang phyug 'gyur bar 'dod pa dang // 'gro ba kun gyi mchod pas 'dod pa dag/ grags pa mtha' yas 'di yi zham ring gyis// gang gis 'phrul dga'i khang pa mdzes pa dang // dbang bsgyur lha yi gnas su rtse 'dod cing // khyod kyi 'phrul gyis thams cad spyod 'dod pa// yon tan mchog mnga' 'di yi zham ring gyis// bdud kyi dbang po zhe sdang yid med pa// rdzu 'phrul dbang phyug kun gyi mthar phyin pa'i// 'dong ba'i dbang phyug dbang mthar phyin 'dod pa// phan pa mdzad pa 'di dang lhan cig deng // de bzhin 'dod pa'i khams las 'das byas te// tshangs pa'i gnas su gnas par su 'dod pa// de ni tshad med bzhi yi gzi mnga' ba// skyes bu chen po'i zham ring deng nas gyis// 'on tam gang mi'i nang dag tu/ 'khor los bsgyur yul yangs par skye 'dod na// rin chen 'byung gnas mi 'jigs bde sbyin pa// bsod nams yang dag mnga' ba'i zham ring gyis// gang gis sa bdag de bzhin tshong dpon bu// phyug cing skyid la nor mang tshogs chen ldan// dgra yi dpung bcom 'khor dang ldan 'dod pa// de ni phan
- 46b
mdzad de dang lhan cig deng // gzugs dang longs spyod de bzhin dbang phyug dang // snyan dang grags dang stobs dang yon tan dang // gzung 'os tshig dang snyan pa'i tshig 'dod pa// de ni tshangs dbyangs mkhas pa'i gan du song // lha dang mi yi 'dod pa gang yin dang // srid pa gsum gyi bde ba thams cad dang // bsam gtan bde dang bden pa'i bde 'dod pa// de ni chos kyi dbang phyug zham ring gyis// 'dod chags dang dri zhe sdang spangs pa dang // nyon mongs mun pa sel bar su 'dod cing // zhi ba rab zhi nyer zhi'i yid ldan pa// de ni thugs dul zhab ring myur du song // gang zhig slob dang mi slob rang rgyal dang // thams cad mkhyen pa'i ye shes thob 'dod cing // stobs bcu seng ge'i sgra sgrogs su 'dod pa// de ni yon tan rgya mtsho mkha drung song // gang zhig ngan song rnams kyi lam gcod cing // bzang 'gro'i 'chi ba med pa'i lam dbye dang // yan lag brgyad lam 'gro bas 'gro 'dod na// 'gro lam mthar phyin 'di yi zham ring gis// gang zhig bder gshegs yongs su mchod pa dang // thugs rje mnga' ba de las chos nyan dang // dge 'dun yon tan thob par 'dod pas ni// yon tan rgya mtsho 'di yi zham ring gyis// skye rga 'chi ba'i sdug bsngal zad pa dang // 'khor ba'i
- 47a
ra/ #bcings pa rnam par grol ba dang // nam mkha'i mtha' mnyam rnam dag spyod 'dod pa// de ni sems can dag pa'i zham ring gyis// 'gro ba kun na yid 'ong sdug mdzes shing // gzugs mchog mtshan dang yon tan rgyas pa dang // bdag dang de bzhin gzhan yang sgrol 'dod pa// de ni lta sdug mkhas pa'i gan du song // tshul khrims ting 'dzin de bzhin shes rab dang // zab cing blta dka' gting dpag dka' ba yi// rnam grol thob 'dod mkhas pa gang yin pa// sman pa'i rgyal po gang der myur du song // yon tan 'di dang gzhan yang rnams mang dang // srid pa'i bde dang de bzhin mya ngan 'das// yon tan thams cad rab tu rdzogs 'dod pa// de ni brtul zhugs grub gnas gan du song // tshig des thos nas/ rgyal chen bzhi'i rigs kyi lha 'bum phrag brgyad bcu rtsa bzhi dang // sum bcu rtsa gsum gyi lha 'bum dang // 'thab bral gyi lha 'bum dang / dga' ldan gyi lha 'bum dang / 'phrul dga'i lha 'bum dang / bdud kyi rigs kyi lha'i bu sngon gyi dge ba'i las kyi byang ba drug khri dang / tshangs ris kyi lha drug khri brgya stong dang / 'og min gyi bar gyi rtsa brgyang kyang yang ba dag 'dres par byung ba dang / gzhan yang gar byugs dang / lho phyogs dang / nubabregs dang / byang phyogs nas lha'i bu phar/
- 47b
stong mang po 'dus par gyur pa de dag las/ gang dag mchog tu bya ba'i lha'i bu dag gis// lha'i 'khor chen po de dag la tshigs su bcad pa 'di dag smran// bdag cag rnams kyi bsam pa yang dag ci 'dra yis// tshig 'di lha yi dbang po dag gis gsan du gsol// 'dod pa'i dga' 'byor bsam gtan bde ba mchog spangs te// sems can dag pa dam pa 'di yis zham ring gyis// lhums su gshegs dang lhums na bzhugs dang bltams pa'i tshe// bdag nyid chen po mchod 'os shin tu mchod par gyis// bsod nams dag gis bsrungs pa'i drang srong yongs bsrungs na// zhe sdang sems kyis sus kyang glags rnyed 'gyur ma mchis// klu dbyangs sil snyan rol mo'i dbyangs sgra legs sgrags pas// yon tan rgya mtsho mnga' ba'i yon tan bsngags brjod de// gang thos skye bo byang chub mchog tu sems bskyed par// lha dang mi rnams thams cad rab tu dga' bar bgyis// rgyal po'i pho brang me tog sil mas rgyas par bgang / a ga ru mchog nag pos bdugs te dri zhim gyis// de yi dri tshor lha yid rab tu dga' 'gyur zhing // nad med rims nad bral zhing bde bar 'gyur bar bgyi/ me tog man dar dang kun nas 'du ba dang // sim byed rab tu sim brengs la rnam snang dang // me tog bzang pos phrin las dge las byung ba de// mchod pa'i srang
- 48a
rer/ @#du ser skya'i grong kun gang bar bgyi// ji ltar yum gyi lhums na dri gsung gos bzhugs// ji srid rga shi mthar 'byin bltam par gyur gyi bar// de srid dus su dang ba'i yid kyis zham rim bgyi// blo gros che mnga' mchod par bgyi bar bdag cag sems// bltam nas gom pa bdun gshegs brgya byin tshangs pa yis// lag tu blangs te spos chu dag gis skra bsil ba// sems can rnam par dag pa de ni mthong ba yi// lha mo de dag thob pa rgya chen legs par thob// ji srid bar du 'jig rten rjes su 'thun mdzad cing // 'dod pa'i nyon mongs 'joms mdzad btsun mo'i nang bzhugs la// ji srid cig na rgyal srid kun spangs khab nas byung // de srid dus su dang ba'i sems kyis zham ring bgyi// ji srid cig na ran bsnams byang chub snying por gshegs// ji srid cig na bdud bcom byang chub reg 'gyur cing // tshangs pa khrag khrig 'khor lo bskor bar gsol btab pa// de srid bde bar gshegs la mchod pa rgya chen bgyid// sems can bye ba khrag khrig 'chi med brtul gyur te// stong gsum sangs rgyas 'phrin las mdzad pa nam lags nas// zhi zhing bsil ba'i mya ngan 'das par gshegs gyur pa// de srid kun gyis drang srong grags chen btang mi bgyid// dge slong dag de nas 'dod pa na spyod pa
- 48b
lha'i bu mo dag gis// byang chub sems dpa'i lus gzugs phun sum tshogs pa mthong nas/ 'di snyam du sems te/ sems can dag pa/ mchog dam pa 'di lta bu 'dzin par 'gyur ba'i na rlung de ni ji lta bu yod snyam nas/ de dag ngo mtshar du gyur nas/ me tog dang / spos dang / phreng ba dang / byug pa mchog tu bya ba dag khyer nas/ lha'i lus yid las grub pa thob cing / bsod nams kyi rnam par smin pa'i rdzu 'phrul gyi byin gyis brlabs pa de dag/ skad cig de nyid la lha'i pho brang de nas mi snang bar gyur te/ ser skya'i grong khyer chen po dam pa/ bskyed mos tshal brgya stong gis brgyan pa/ rgyal po zas gtsang ma'i khyim mchog/ khang bzangs chen po// skya ldan zhes bya ba lha'i dbang po'i khang bzangs po brang lta bu der phyin nas/ lha'i bu mo gos lcug lhug po gyon pa dge ba dri ma med pa'i bsod nams kyi gzi brjid kyis rab tu brgyan pa/ lha'i rgyan gyis lag pa shin tu brgyan pa de dag gis/ lha mo sgyu 'phrul mal mchog gi steng na 'dug pa mthong nas/ phan tshun 'dzub mos ston cing na mkha'i dkyil na 'khod de/ gcig la gcig tshigs su bcad de smras pa/ lha gnas 'khod pa'i lha yi bu mo rnams// yid 'ong byang chub sems dpa'i sku mthong nas// de tshe de dag 'di snyam sems gyur te// byang chub sems dpa'i yum gyur ci 'dra snyam
- 49a
lag na me tog breng can de dag rnams// the tsom skyes nas rgyal po'i pho brang du// me tog de bzhin byug pa thogs nas su// sor bcu thal mo sbyar te 'dud cing lhags// lhab lhub gos gyon 'jog bag gzugs 'chang bas// lha mo sgyu 'phrul ma la stengs gnas mthong nas/ lag pa g.yas pa'i sor mos phyag byas te// mi yi bud med gzugs la legs ltos mdzes// bdag cag nga rgyal sems kyis mngon sems pa// lha yi bu mo yi gzugs mchog yid 'ongs snyam// rgyal po'i btsun mo 'di yi gzugs mthong na// lha yi lus kyang zil gyis gnon par mthong // 'di ni gang zag mchog gi yum du 'gyur// yon tan ldan pa shin tu gsha' zhing 'os// nor bu rin chen snod bzangs gnas pa ltar// lha mo 'di ni lha yi lha snod yin rkang lag mthil dang spyi bo man chad du// yan lag yid 'ong lha las lhag pa ste// mig gis lta na ngoms par gyur ma yin// yid dang sems ni phyir zhing dga' bar 'gyur// 'di yi kha gzhin lus mdzes sdug pa ni// nam mkha'i dkyil na zla ba mdzes pa 'dra// nyi zla dri med me ltar 'bar ba ste// 'di yi lus las 'od gsal bzang po 'byung // gser sbram gtsem bzang po'i gser bzhin du// lha mo 'di yi kha dog rnam par mdzes// 'di yi swa ni 'jam
- 49b
gtsang dri zhim ste// bung ba mchog gi mdog 'dra lcang lor 'khril// 'di yi mig ni pad+ma'i mdab ma 'dra// rnam dag so ni na mkha'i skar ma bzhin// rkyed pa gzhu ltar phra zhing sta zur yangs// phrag pa zlum zhing tshigs rnams mngon pa med// brla legs glang po mchog gi sna 'dra ste// byin pa shin du legs pa byin gyis phra// rkang lag mthil mnyam shin du dmar ba ste// 'di ni gzhan min lha yi bu mor nges// de ltar rnam mang du mar blta byas nas// me tog gtor ste bskor ba byas nas ni// grags ldan rgyal ba'i yum la bstod byas te// skad cig gcig gis phyir yang lha gnas dong // de nas phyog bzhi skyong ba bzhi dang // 'thab bral rab dang brgya byin 'phrul dga' dang // lha tshogs lha min grul bum srin po dang // mi 'am ci dang lto 'phye che smras pa/ skyes bu mchog gi mdun du khyed deng la// skyes bu dam pa bsrung dang sgrub par gyis// 'gro ba dag la yid kyis sdang ma byed// mi rnams la yang 'tshe ba ma byed cig/ lha mo sgyu 'phrul khyim mchog gang gnas pa// der ni 'thun par 'khor dang lhan cig tu// mda' gzhu ral gri mthung thung mtshon thogs pa// namakha'i dkyil na gnas te lte bar gyis// de ltar shi 'pho dus shes lnga bu rnams// me tog de bzhin drug pa thogs nas ni// sor mo thal mo sbyar te 'dug
- 50a
byos la// dga' ba'i sems kyi sgyu 'phrul drung du deng // smra ba'i seng ge dus ni deng lags kyis// 'jig rten kun la/ thugs rje che bskyed de// mi dbang sems can dag la 'chi 'pho ston// chos sbyin don du bdag cag gsol ba 'debs// dge slong dag de nas byang chub sems dpa' 'chi 'pho ba'i dus kyi tshe// shar phyogs nas byang chub sems dpa' skye ba gcig gis thogs pa// dga' ldan gyi gnas pa brgya stong phrag mang po dag/ byang chub sems dpa' la mchod pa bya ba'i phyir// byang chub sems dpa' ga la ba deng lhags so// de bzhin du phyogs bcu'i phyogs re re nas kyang / byang chub sems dpa' skye ba gcig gis thogs pa// dga' ldan gyi gnas dam pa na gnas pa brgya stong phrag mang po dag byang chub sems dpa' la mchod pa bya ba'i phyir/ byang chub sems dpa' ga la ba der lhags so// rgyal chen bzhi'i ris kyi lha rnams kyi nang nas lha'i bu mo 'bum phrag brgyad bcu rtsa bzhi sil snyan dang / glu dbyings sna tshogs len cing / byang chub sems dpa' la mchod pa bya ba'i phyir// byang chub sems dpa' ga la ba der lhags so// de bzhin du sum bcu rtsa gsub dang / 'thab bral dang dgar ldan dang / 'phrul dga' dang / gzhan 'phrul dbang byed kyi lha rnams kyi nang nas/ lha'i bum 'bum phrag/
- 50b
brgyad bcu rtsa bzhi sil snyan dang / glu dbyangs sna tshogs len cing byang chub sems dpa' la mchod pa bya ba'i phyir/ byang chub sems dpa' ga la ba der lhagaso/ de nas byang chub sems dpa' khang pa brtsegs pa chen po// bsod nams thams cad kyis yang dag par byung ba/ dpal gyi snying po lha rnams kyi kun nas lta ba'i nang du 'dug ste/ byang chub sems dpa' de dag dang / byang chub sems dpa' 'od gang gis/ stong gsum gyi stong chen po'i 'jig rten gyi khams 'di ltar rgya che zhing yangs la thag gru che ba 'di/ sngon chad ma byung ba'i 'od snang ba/ lha'i 'od las shin tu 'das pas yongs su gsal zhing snang bar gyur to// 'jig rten gyi bar 'ga' sdig pa can sdig pas khebs nas/ mun pa mun nag smag tu gyur pa snang ba med pa/ gang du nyi ma dang zla ba 'di gnyis 'di ltar rdzu 'phrul che zhing / 'di ltar mthu che la/ 'di ltar dbang che bar grags pas kyang / 'od dang / kha dog dang / gzi brjid kyi lam mer ma gyur/ tha ler ma gyur/ lcang nger ma gyur pa der/ sems can gang dag skyes pa de dag rang rang gi lag pa brkyang ba'ang mi mthong ba dag tu'ang / de'i tshe snang ba chen pos khyab par gyur cing der skyes pa'i sems can de dag snang ba des khyab par gyur nas/ der skyes pa'i sems can de dag snang ba des khyab par gyur nas/ gcig gis gcig
- 51a
mthong zhing gcig gis gcig shes nas/ 'di skad du/ kye grogs po dag sems can gzhan yang 'dir skyes so// sems can gzhan yang 'dir skyes so zhes zer bar gyur pa de lta bu'i 'od lus las bkye'o// stong gsum gyi stong chen po'i 'jig rten gyi khams 'di yang rnam pa drug dang / ltas chen po bco brgyad du g.yos/ rab tu g.yos/ kun tu rab tu g.yos/ 'gul rab tu 'gul to// kun tu rab tu 'gul to// ldeg rab tu ldeg kun tu rab tu ldeg go// 'khrugs rab tu 'khrugs/ kun tu rab tu 'khrugaso// 'ur 'ur/ rab tu 'ur bur/ kun tu rab tu 'ur bur ro// chem chem/ rab tu chem chem/ kun tu rab tu chem che mo/ mtha' dma' na dbus mtho bar gyur to// dbus dma' na mtha' mtho bar gyur to// shar phyogs dma' na nub phyogs mtho// nub phyogs dma' na shar phyogs mtho bar gyur to// lho phyogs dma' na byang phyogs mtho bar gyur to// byang phyogs dpa' na lho phyogs mtho bar gyur to// de'i tshe sgra dga' bar 'gyur ba/ mgu bar 'gyur ba/ dang bar 'gyur ba/ sim par 'gyur ba/ mnyan par 'os pa/ bsngags par 'os ba/ mtshungs pa med pa/ mnyan na btang mi za ba/ mi mthun pa med pa/ dngangs par 'gyur ba med pa dag kyang grags par 'gyur to// skad cig de la/
- 51b
sems can gang la 'ang gnod pa 'am/ 'jigs pa 'am/ dngangs pa 'am/ bag gnon pa med par gyur to// skad cig de la nyi zla dang / brgya byin dang / tshangs ba dang / 'jig rten skyong ba dag gi 'od kyang mi snang bar gyur to// sems can dmyal ba dang / dud 'gro'i skye gnas dang / gshin rje'i 'jig rten du skyes pa'i sems can thams cad kyang / skad cig de la sdug bsngal dang bral zhing bde ba thams cad dang bra ldan par gyur te/ sems can gang la yang 'dod chags kyis gnod par ma gyur/ zhe sdang gis gnod par ma gyur/ gti mug gis gnod par gyur zhing / phrag dog gam/ ser sna 'am/ nga rgyal lam/ 'chab pa 'am/ rgyags pa'o/ khro ba 'am/ gnod sems sam/ yongs su gdung bas gnod par 'gyur ba med par gyur te/ sems can thams cad kyang skad cig de la phan tshun pa ma tsam du sems pa'i 'du shes su gyur nas/ byams pa'i sems dang / phan pa'i sems dang ldan par gyur to// lha dang mi'i rol mo sil snyan brgya stong dag kyang / ma dkrol ma blangs pa yid du 'ong ba'i sgra 'byin par gyur to// lha bye ba khrag khrig brgya stong dag kyang lag pa dang / phrag pa dang / spyi bos gzhal med khang chen po de 'degs shing khyer bar gyur lha'i bu mo brgya stong dag gis kyang rang rang gi gru dbyangs blangs te/ mdun dang / rgyab dang / g.yas g.yon dag nas byang chub sems dpa' la glu dbyangs kyi sgra skad kyis
- 52a
mngon par bstod pa/ khyod kyis sngon chad dge las bsags pa dang // yun rings dus kyi dge las byung ba dang / khyod kyi chos rnams kun gyi tshul sbyangs pa// de ring mchod pa rgya chen 'byung bar gyur// bskal pa bye ba mang por khyod kyis sngon// sras mo sras sdug sbyin pa mdzad pas na/ lha yi me tog char du 'bab pa 'di// sbyin pa spyad pa 'di yi 'bras bu lags// gtso bo khyod kyis rang gi sha bcad de// srang la btsal nas thus la byon phyir btang // sbyin pa de spyad pa yi 'bras bu des// yid dgas 'jig rten rnams kyang zas skom thob// bskal pa bye ba mang por khyod kyis sngon// tshul khrims ma zhig ma nyams bsrungs pas na// tshul khrims de spyad pa yi 'bras bu des// mi khom ngan song yongs su dag par gyur// bskal pa bye ba mang por khyod kyis sngon// byang chub bsgrub pa'i gzhir ni bzod pa bsgoms// bzod pa de spyad pa yi 'bras bu des// lha dang mi kun byams pa'i sems su gyur// bskal pa bye ba mang por khyod kyis sngon// brtson 'grus ma gong dam pa bsgoms pas na// brtson 'grus de spyad pa yi 'bras bu des// sku ni ri rab bzhin du mdzes par grub// bskal pa/ bye ba mang por khyod kyis sngon// nyon mongs spangs srad bsam gtan bsgoms mdzad pas// bsam gtan de spyad pa yi 'bras bu des// 'gro ba dag la zhon
- 52b
mongs gnod mi 'gyur// bskal pa bye ba mang por khyod kyis sngon// nyon mongs gcod pa'i shes rab bsgoms mdzad pas// shes rab de spyad pa yi 'bras bu des// 'od gsal dam pa rnam par snang zhing mdzes// byams pa'i go bsnams nyon mongs 'joms mdzad cing // sems can kun la thugs rje cher byung ba/ dges pa mchog bsnyed btang snyoms mchog ldan pa// bde gshegs tshangs gyur khyod la phyag 'tshal lo// shes rab sgron ma'i 'od dang gzi 'phags shing / gti mug skyon gyi mun pa kun sel ba// 'dren pa stong gsum dag na mig gyur pa// thung lam ston lnga phyag 'tshal lo// rdzu 'phrul rkang pa mngon shes mchog la mkhas// bden pa gzigs shing dam pa'i don bslabs pa// rgal nas srog chags gzhan dag sgrol mdzad pa// bder gshegs grol gyur khyod la phyag 'tshal lo// thabs mkhas mngon shes dam pa kun la mkhas// 'chi 'pho 'chi 'pho med pa'i 'pho ba ston// 'jig rten chos kyi rjes su mthun mdzad// kyang // 'jig rten gang chags la khyod mi mnga'// gang dag khyod ni nyan tam ltar lhags pa// de dag thob pa dam pa bsam mi khyab// khyod las chos nyid thos gang dad cing // dga' ba yangs pa skyes pa spos ci 'tshal// dga' ldan gling rnams kun ni mog mog gyur// 'dzam bu gling du nyi ma mdo/
- 53a
8/ @par shar// srog chags bye ba khrag khrig bsam mi khyab// nyon mongs gnyid kyis log las sad par mdzad/ deng ni pho brang 'byor cing rgyas gyur la// bye ba khrag khrig lha rnams lang long gyur// lha yi bu mos sil snyan sgra phyung bas// rgyal po'i khab na sgra snyan grag bar 'gyur// bsod nams gzi brjid rdzogs shing las dge ba// bud med gzugs kyi mchog dang ldan gyur pa// de yi sras gyur de ni de ltar 'byor// dpal gyis 'jig rten gsum ni zil gyis gnon// mi mchog 'byung ba de yi gzi brjid kyis// da phyi phyin cad pho brang dam pa 'dir// lus can rnams la 'dod sdang 'thab rtsod med// kun kyang byams pa'i sems kyis sri zhur bcas// 'khor los bsgyur ba'i rigs rgyal byung bas na// rgyal po'i rig ni rab tu 'phel bar 'gyur// ser skya'i grong 'di shin tu phun sum tshogs// rin chen mdzod kyis rab tu gang bar gyur// gnod sbyin srin po grul bum gsang ba pa// lha dang lha min tshogs rnams dang por bcas// mi mchog bsrung ba gang dag gnas pa rnams// de dag ring por mi thogs thar pa thob/ gus dang sri 'u la ni gnas nas su// 'dren pa khyod bstod bsod nams gang bsags pa// kun kyang byang chub tu ni yongs su bsngo/ mi yi dam pa
- 53b
khyod ltar grub par shog// bam po / dge slong dag de ltar dgun 'das te/ dpyid kyi dus la dpyid zla tha chungs kyi tshe// skar ma sa ga la bab pa'i dus kyi dam pa la// shing rnams kyi lo ma rgyas shing me tog mchog tu rgyas pa na/ grang ba dang / dro ba dang / mun pa dang rdul med cing / sa gzhi sngo gzhon nu skye bas khebs par gnas pa'i tshe/ 'jig rten gsum gyi gtso bo 'jig rten gyis mchod pa'i// dus la bab pa'i tshe de la rnam par gzigs nas// tshes bco lnga'i zla ba nya la skar ma rgyal gyi dus su// yum gso sbyongs blangs pa'i rum du/ byang chub sems dpa' dga' ldan gyi gnas dam pa nas 'phos te/ dran zhi shes bzhin du glang po'i phru gu thal dkar mche ba drug dang ldan pa/ mgo kha dog srin bu lham bu chu shel gyi mdog lta bu/ mche ba la gser 'tshig pa/ yan lag dang nying lag thams cad dang ldan pa/ dbang po nyam ba med par byas te/ ma'i glo g.yas pa nas zhugs so// zhugs nas glo g.yas logs su rten te gnas kyi/ glo g.yon pa logs su nam yang ma rte/ to// lha mo sgyu 'phrul yang mal bde ba na nyal ba des kyang rmi lam 'di lta bu mthong ngo // glang po che dngul mdog mche ba drug/ rkang lag rab mdzes mgo
- 54a
rgya / bo dmar sdug pa// 'gros bzang lus tshigs rdo rje bzhin brtan pa// glang po'i mchog cig khong du song snyam byed/ de na de 'dra'i bde ba brgya lam na'ang // ma thos myong bar ma gyur te// lus kyang bde zhing sems kyang bder gyur nas// bsam gtan mnyam par bzhag ba bzhin du gyur// de nas lha mo sgyu 'phrul rgyan dang gos lcug lhug po gyon cing thogs pa las/ lus dang sems bde bar gyur te/ dga' ba dang / rangs pa dang / nyams bde ba thob nas/ mal dam pa de las langs te/ bud med kyi tshogs kyis yongs su bskor cing mdun du bdar nas/ khang bzang de'i steng nas babs te/ shing mya ngan 'tshang gi nags tshal ga la ba der song nas/ de mya ngan 'tshang gi nags tshal du bde bar 'dug ste/ rgyal po zas gtsang ma'i drung du pho nya btang nas/ rgyal po gshegs su gsol/ lha mo khyod kyi zhal mthong bar bzhed do zhes byas pa dang / rgyal po zas gtsang ma tshig de thos nas rab tu dga' bar gyur te/ lus g.yos nas khri bzang po las langs te/ blon po dang / grong brdal dang / 'khor dang / nye du'i skye bo dag gis yongs su bskor cing mdun du gdar te/ mya ngan 'tshang gi nags tshal ga la ba der song ngo // song nas kyang bdag gi lus shin tu lci ba snyam
- 54b
byed nas/ mya ngan 'tshang gi nags tshal du 'gro ma nus te/ de mya ngan 'tshang gi nags kyi sgor 'dug nas cung zad cig bsams te/ de'i tshe tshigs su/ bcad pa 'di dag smras so// bdag ni g.yul du dpa' bo'i phul phyin pa// de ltar lus lci bdag gis myong mi dran// bdag gi khyim du'ang 'gro bar deng ma nus// kye ma 'di ci su la dri bar bya// gnas gtsang ris kyi lha dag nam mkha'i dkyil na 'khod nas lus kyang mngon par sprul te/ rgyal po zas gtsang ma la tshigs su bcad de smras so// dka' thub brtul shugs yon tan ldan pa 'jig rten gsum na mchod// byams dang snying rje thob pas bso nams ye shes dbang bskur ba'i/ byang chub sems dpa' che ba dga' ldan gnas nas 'phos gyur te// rgyal po khyod kyi sras gyur lha mo sgyu 'phrul mngal du zhugs// de tshe rang gi mgo btsigs sor bcu thal mo sbyar byas te/ rgyal po rim 'gro byas par ldan gyur de yi nang du zhugs// nga rgyal dregs pa med par lha mo sgyu 'phrul ngor ltas te// ngas khyod la ci bya ci sbyar khyod kyis nga la smos// lha mos smras pa/ kha ba dngul gyi mdog 'dra nyi zla'i 'od las 'phags pa te// rkang lag legs shing rab 'byes mche ba drug ldan che ba nyid// glang po'i dam pa rdo rje bzhin du tshig su brtan pa gzug bzang /
- 55a
bdag gi rum du zhugs kyi de yis lo rgyus gsan par gsol// stong gsum khams 'di mdzes par rab rib ma mchis bdag gis mthong // bdag ni nyal zhing mchis na lha rnams bye bas rab tu bstod// 'on kyang bdag la khro zhing 'tshig dang // zhe sdang rmongs ma mchis// zhi ba'i sems su gyur cing bsam gtan bde dang ldan snyam bgyid// bdag gi rmi lam 'di ni rigs la dge 'am dngo 'am ci// bdag gi rmi lam yang dag ldan par lung ston pa// rigs byed rmil pa gzhung la mkhas shing gzo yi cho ga mkhas// rgyal po myur du bram ze 'dir ni legs par dgug du gsol// de skad tshig thos rgyal pos de yi dus kyi skad cig la// bram ze rigs byed bstan bcos gzhung la mkhas pa shin tu gnyer// sgyu 'phrul bram ze rnams kyi mdun du 'dug nas 'di skad spras/ kho mos rmi lam 'di 'dra mthong na de yi lo rgyus gson// bram ze rnams kyis smras pa/ lha mo bka' stsal du gsol/ khyod kyi rmi lam 'di 'dra ba cig gzigs/ thos nas kyang dpyad par bgyi'o// lha mos smras pa/ kha ba dngul gyi mdog 'dra nyi zla'i 'od las 'phags pa ste/ rkang lag legs shing rab dbyes mche ba drug ldan che ba nyid/ glang po dam pa rdo rje bzhin du tshogs zhan gzugs bzang ba/ bdag gi rum du zhugs na de yi lo sbrus mnyan pa ba
- 55b
de skad tshig thos nas ni bram ze rnams kyis 'di skad sras/ rigs la dbang ba ma mchis dges pa rgya chen brnyes par 'gyur// khyod la sras mnga' mtshan gyis yan lag brgyan pa skye bar 'gyur// rgyal po'i rigs su rigs ldan 'khor los sgyur ba che ba nyid// gal te 'dod pa dag dang rgyal srid pho brang spangs gyur te/ 'jig rten kun la thugs brtse chags med rab tu byung gyur na/ de ni 'jig rten gsum na sbyin gnas sangs rgyas 'byung ba ste/ bdud rtsi mchog gi ro yis 'jig rten thams cad tshim mdzad 'gyur// de skad tshig snyan lung bstan te/ rgyal po'i pho brang zan zos nas/ bya dga' byin pa blangs nas su/ bram ze de dag phyir dong ngo // dge slong dag de ltar rgyal po zas gtsang mas bram ze mtshan dang ltas shes shing rnam par 'byed pa dang / rmi lam gzhung she ba dag las 'di skad kyi tshig thos nas/ tshom zhing mgu ste yid rangs la/ rab tu dga' zhing dga' ba dang / yid bde ba skyes nas/ bram ze de dag bza' ba dang / btung ba dang / myang ba mang po nyams su gsod pas tshim zhing ngoms par byas nas/ bya dga' byin te bkye'o// de nyid kyi tshe grong khyer chen po ser skya'i gnas kyi grong khyer chen po de'i sgo bzhin/ grong khyer gyi bzhi mdo dang / sum mdo thams cad du sbyin pa byin te/ ji tsam du byang chub sems
- 56a
dpa' la mchod pa bya ba'i phyir/ zas 'dod pa rnams la zas/ skom 'dod pa rnams la ni skom/ gos 'dod pa rnams la ni gos/ bzhon pa 'dod pa rnams la ni bzhon pa/ spos 'dod pa rnams la spos// phreng ba 'dod pa la rnams la ni phreng ba// byug pa 'dod pa rnams la ni byug pa/ mal cha 'dod pa rnams la ni mal cha// gnas 'dod pa rnams la gnas/ 'tsho ba 'dod pa rnams la 'tsho ba sbyin no// dge slong dag de ltar rgyal po zas gtsang ma 'di snyam du sems te/ lha mo sgyu 'phrul 'di khyim gang na 'dug na bde zhing nyon mongs pa med par 'gyur snyam pa dang / de nas skad cig de nyid la rgyal po chen po bzhi rgyal po zas gtsang mo'i drung du 'ongs te/ 'di skad ces smras so// lha thugs las su ma mdzad par btang snyoms su bde bar bzhugs shig/ bdag cag gis byang chub sems dpa'i pho brang bsham mo// de nas lha'i dbang po brgya byin rgyal po zas gtsang ma'i drung du 'ongs ste/ 'di skad ces smras so// skyong ba'i gzhal med khang rnams ngan/ sum bcu rtsa gsum pa yi bzang / byang chub sems dpa'i pho brang ni/ rnam par rgyal tsam bdag gis dbul/ de nas lha'i bu rab 'thab bral byang chub sems dpa'i gan du 'ongs nas/ 'di skad ces smras so// /
- 56b
kho bo'i khang khyim mthong gyur na// brgya byin bye ba ngo mtshar 'gyur/ 'thab bral rab kyi dpal ldan khang / rgyal ba'i sras la bdag 'bul lo// de nas lha'i bu yongs su dga' ldan rgyal po zas gtsang ma'i gan du 'ongs te/ 'di skad ces smras so// grags pa che mnga' sngon chad ni/ dga' ldan gang du bzhug gyur pa/ pho brang dam pa dges pa de// rgyal ba'i sras la bdag dbul lo// de nas lha'i bu rab 'phrul dga' rgyal po zas gtsang ma'i gan du 'ongs te 'di skad ces sbas so// dpal ldan yid las grub pa'i khang // de ni rin chen rang bzhin te// byang chub sems dpa' mchog don du// rgyal po bdag gis dbul bar bgyi de nas lha'i bu gzhan 'phrul dbang byed rgyal po zas gtsang ma'i gan du 'ongs te// 'di skad ces smras so// 'dod pa'i khams rnams ji snyed pa/ gzhal med khang mdzes gang yod pa/ bdag gi gzhal med khang drung na// 'od dang mdog kyang ston par snang // des na dpal ldan bdag gis dbul// byang chub sems dpa' mchod pa'i phyir// rin chen rang bzhin pho brang bzang // de ni rgyal po glang por gyis// lha yi me tog rab dkra ste// lha yi spos kyi ngad ldan pa'i// pho brang yangs pa bdag gis dbul// der ni lha mo bzhugs par bgyis// dge slong dag de ltar 'dod pa na spyod pa'i lha'i dbang po thams cad kyis// byang chub sems dpa' la mchod
- 57a
pa bya ba'i phyir/ ser skya'i gnas kyi grong khyer chen po dam pa der rang rang gi khyim phul bar gyur to// rgyal po zas gtsang mas kyang / mi'i las ni 'das kyi lha yir ma gyur pa gshams par gyur te/ de la byang chub sems dpa' bkod pa ting nge 'dzin gyi mthus/ khyim de dag thams cad du lha mo sgyu 'phrul mngon par bstan to// byang chub sems dpa' lha mo sgyu 'phrul gyi rum na 'dug pa'i tshe/ glo g.yas phyogs logs su dkyil mo dkrung bcas te gnas par gyur to// lha'i dbang po de dag thams cad kyang so so nas/ bdag nyid kyi khyim na byang chub sems dpa' 'dug gi/ gzhal de lta ma yin no zhes de ltar shes par gyur to// de la 'di skad ces bya ste/ ting 'dzin bkod pa che la gnas gyur te// sprul pa bsam gyis mi khyab sprul byas nas// lha rnams thams cad bsam pa rdzogs par byas// rgyal po 'ang de ltar yid bzhin bsams pa grub// de nas lha'i 'khor de'i nang nas lha'i bu kha cig 'di snyam du sems par gyur te/ rgyal chen bzhi'i rigs kyi lha gang yin pa de dag kyang / mi'i lus kyi dri bro na skyo zhing 'byol na/ de ma yin pa'i lha gzhan sum bcu rtsa gsum mam/ 'thab bral lam/ dga' ldan gyi lha'i bu dag lha mos kyang ci dgos na/ ji ltar byang chub sems dpa' gtsang zhing dring ba dang bral ba/ 'jig rten thams cad las mngon par
- 57b
'phags pa/ sems can rin po che dga' ldan gyi lha'i ris nas 'phos te/ yum gyi lhums mi'i lus dri mi zhim par zhugs par gyur snyam pa dang / de nas sangs rgyas kyi mthus// tshe dang ldan pa kun dga' bos bcom ldan 'das la 'di skad ces gsol to// bcom ldan 'das ji tsam du bud med lus ni smad pa lags pa dang / 'dod chags la spyod ces bgyi ba'i bar du/ de bzhin gshegs pas gsungs pa ngo mtshar che na/ bcom ldan 'das de bas kyang 'jig rten thams cad las mngon par 'phags pa/ sngon byang chub sems dpar gyur pa/ 'di ltar dga' ldan gyi lha'i ris nas 'phos te/ yum gyi lhums mi'i lus su glo g.yas phyogs su bstan te bzhugs so// zhes bgyi ba 'di ni ngo mtshar te/ bcom ldan 'das/ sngon bcom ldan 'das kyis de ltar mdzad do// zhes/ de skad smra bar ni bdag spro ba ma mchis so// bcom ldan 'das kyis bka' stsal pa/ kun dga' bo khyod byang chub sems dpa'i yongs su spyad pa rin po che bkod pa/ zhes bya ba/ gang byang chub sems dpa' ma'i ru pa na gnas pa'i yongs su spyad pa mthong bar 'dod dam/ gsol pa/ bcom ldan 'das de'i dus ni de lag bde bar gshegs pa de'i dus ni da lags te/ de bzhin gshegs pa byang chub sems dpa'i yongs su spyad pa de bstan te/ mthong na glo ba dga' 'o//
- 58a
de nas bcom ldan 'das kyis rnam pa de lta bu'i mtshan ma mdzad de/ des mi mjed kyi bdag po tshangs pa/ tshangs pa 'bru phrag drug bcu rtsa brgyad dang lhan cig tshangs pa'i 'jig rten nas mi snang bar gyur te/ bcom ldan 'das kyis spyan sngar phyin nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas thal mo sbyar te/ bcom ldan 'das la bdud cing phyogs cig tu 'dug go// de nas bcom ldan 'das kyis mkhyen bzhin du mi mjed kyi bdag po tshangs pa la bka' stsal pa/ tshangs pa khyod kyis sngon nga byang chub sems dpar gyur cing / ma'i rum na zla ba bcur 'dug 'dug pa'i byang chub sems dpa'i yongs su spyad pa blangs sam/ gsol pa/ bcom ldan 'das de de ltar lags so// bde bar gshegs pa de de lta lags so// dka' stsal pa/ tshangs pa da de ga la yod ston cig/ gsol pa/ bcom ldan 'das de ni tshangs pa'i 'jig rten na mchis so// bka' stsal pa/ tshangs pa de'i phyir zla ba bcu pa'i byang chub sems dpa'i yongs su spyad pa de 'dir khyod kyis ston cig dang / ji tsam du 'dus byas pa shes par 'gyur ro// de nas mi mjed kyi bdag po tshangs pas/ tshangs pa dag la 'di skad ces sbas so// kho bos byang chub sems dpa'i
- 58b
yongs su spyad pa rin po che bkod pa de blang gi/ de'i bar du khyed 'khod cig/ de nas mi mjed kyi bdag po tshangs pas/ bcom ldan 'das kyi zhabs la mgo/ bos phyag 'tshal te/ bcom ldan 'das kyi spyan snga nas mi snang bar gyur nas/ skad cig de nyid la tshangs pa'i 'jig rten du phyin to// de nas mi mjed kyi bdag po tshangs pas/ lha'i bu tshangs pa bzang po la 'di skad ces smras so// grogs po dag khyod song la tshangs pa'i 'jig rten man chad/ sum sum rtsa gsum gyis gnas yan chad du sgra sgrogs te/ byang chub sems dpa'i yongs su spyad pa rin po che bkod pa/ bdag gis de bzhin gshegs pa'i spyan sngar bkur na/ khyed kyi nang nas mthong bar su dga' ba myur du sheg shig ces sgras go bar bgyis shig/ de nas mi mjed kyi bdag po tshang bas/ lha bye ba khrag khrig brgya stong phrag brgyad bcu rtsa bzhi dang lhan cig tu/ byang chub sems dpa'i yongs su spyad pa rin po che bkod pa blangs te/ tshangs pa'i gzhal med khang chen po dpag tshad sum brgya'i steng nas/ lha bye ba khrag khrig brgya stong du mas kun nas bskor te/ 'dzam bu'i gling du phab po de'i tshe bcom ldan 'das kyi zham ring du 'dod pa na spod pa'i lha'i bu 'dus pa chen por gyur te/ byang chub sems dpa'i yongs su spyad pa rin po che bkod pa
- 59a
#de yang / lha'i gos dang / lha'i phreng ba dang / lha'i spos dang / lha'i me tog dang / lha'i rol mo'i dbyang/ sgra dang / lha'i longs spyod rnams kyis mngon par 'dus byas par gyur cing lha dbang che bar grags pa dag gis yongs su bskor ba ni 'di tsam ste/ lha'i dbang po brgya byin rgya mtsho'i dbus su 'dug nas/ rgyang ring po nas gdong thal mos skab te/ mgo bo nas ltas nas mthong bar ma nus so// de ci'i phyir zhe na/ lha'i nang na tshangs pa dag ni mthu che ste/ sum bcu rtsa gsum dang / 'thab bral dang / dge' ldan dang / 'phrul dga' dang / gzhan 'phrul dbang byed kyi lha dag kyang de dag gi drung na dma' ba yin na/ lha'i dbang po brgya byin lta mos kyang ci dgos/ de nas bcom ldan 'das kyis de'i tshe/ lha'i rol mo'i dbyangs sgra'i sgra de dag zhi bar mdzad do// de ci'i phyir zhe na/ de thos pa tsam gyi 'dzam bu gling gi mi rnams myo myo por 'gyur du 'ong ba'i phyir ro// de nas rgyal po chen po bzhi lha'i dbang po brgya byin gyi drung du lhags nas/ 'di skad ces sbas so// lha'i dbang po byang chub sems dpa'i yongs su spyad pa rin po che bkod pa 'di bdag cag gis mthong bar mi nus na ji ltar bgyi/ des de dag la sbas pa/ grogs po dag kho bos ji ltar bya/ kho bo nyid kyis kyang je mtho
- 59b
bar ma nus so// grogs po dag 'on kyang de ni bcom ldan 'das kyi spyan sngar phul ba'i tshe mthong grang ngo // de dag gis sbas pa/ lha'i dbang po de bas na ci nas/ kyang myur du mthong bar 'gyur ba de ltar mdzad du gsol// smras pa grogs po dag lha'i mngon par 'phags pa de dag/ bdag bcom ldan 'das kyis spyan sngar phyin te/ dga' bar bya ba'i tshig brjod kyi bar du sdod cig/ de nas phyogs cig tu 'khod nas/ mgo byo nas bcom ldan 'das logs su lta zhing 'khod par gyur to// de nas mi mjed kyi bdag po tshangs pa/ lha bye ba khrag khrig brgya stong phrag brgyad bcu rtsa bzhi po de dag dang lhan cig tu/ byang chub sems dpa'i yongs su spyad par bya ba rin po che bkod pa khyer nas/ de bzhin gshegs pa ga la ba der phul lo// byang chub sems dpa'i yongs su spyad pa rin po che bkod pa de ni/ gzugs bzang ba/ mdzes pa/ lta na sdug pa/ gru bzhi lham pa/ ka pa bzhi zug pa/ steng khang pa brtsegs pas rgyan pa ste/ de'i tshad ni 'phang du 'di lta ste dper na/ byis pa btsas nas zla ba drug lon pa tsam mo// khang pa brtsegs pa de'i nang du khri bshams pa ni 'di lta ste dper na/ byis pa btsas nas zla ba drug lon pa 'dug pa'i stegs bu tsam mo// byang chub sems dpa'i yongasu spyad par bya ba
- 60a
rin po che bkod pa de'i kha dog dang dbyibs ni 'di lta bu ste/ lha dang bcas pa'i 'jig rten na de'i dbyibs dang kha dog 'dra ba gang yang med do// lha rnams kyis de mthong na yang mi 'khrugs shing ngo mtshar du 'gyur ro// de de bzhin gshegs pa'i spyan sngar bzhag na yang lam me/ lhan ne/ lhang de ste/ dper na mgar ba mkhas pas shin tu bzhu ste legs par sbyangs nas/ dri ma'i skyon med par byas pa'i gser bzhin du/ khang pa brtsegs pa de yang rnam par mdzes so// byang chub sems dpa'i yongs su spyad pa de'i nang du khri bshams pa ni/ byang chub sems dpa'i drung mgrin ma gtogs par/ lha dang bcas pa'i 'jig rten na dbyings dang kha dog 'dra ba gang med do// tshangs pa chen pos gos bgos pa de yang de'i drung na mdzes par mi snang ste/ 'di lta ste dper na/ rlung dang char gyis btab pa'i lAs ba nag po bzhin no// khang pa brtsegs pa de ni can dan sbrul gyi snying po las byas pa ste/ de'i phye ma zho gcig la yang stong gi 'jig rten gyis rin du mi chog go// khang ba brtsegs pa de ni tsan dan sbrul gyi snying po de lta bus kun nas/ bskor ba ste/ khang pa brtsegs pa de dang 'dra ba gnyis pa cig kyang / khab pa brtsegs
- 60b
ba dang po de'i nang nam chags ma reg par 'dug go// khang pa brtsegs pa de kho na dang 'dra ba gsum pa cig kyang / khang pa brtsegs pa gnyis pa de'i nang ma reg ma chags par 'dug go// spos kyi khang pa brtsegs pa de'i nang du khri de bzhag ste gdan bting ngo // tsan dan sbrul gyi snying po de'i kha dog ni rnam pa 'di lta bu ste dper na/ bai DUr+ya sngon po rigs dam pa dang ldan pa bzhin no// spos kyi khang pa brtsegs pa de'i 'khor na/ me tog lha'i las 'das pa gang ji snyed cig yod pa de dag thams cad kyang ma bskyed par/ byang chub sems dpa'i sngon gyi dge ba'i rtsa ba'i rnam par smin pas khang pa brtsegs pa der skye'o// byang chub sems dpa'i yongs su spyad pa rin po che bkod pa de ni rdo rje'i rang bzhin te/ sra zhing brtan la mi shigs pa ste/ ka tsa lin da'i gos ltar reg na bde ba'o// 'dod pa na spyod pa'i lha rnams kyi gnas bkod pa gang ji snyed yod pa de dag thams cad kyang / byang chub sems dpa'i yongs su spyad pa rin po che bkod pa der kun tu snang ngo // gang gi nub mo byang chub sems dpa' ma'i rum du 'jug pa de'i nub mo 'og gi cha'i phung po nas bzung ste/ sa chen po'i rngams dpag tshad 'bum phrag drug bcu rtsa brgyad brtol te/ pad ma byung nas/ tshangs pa'i 'jig rten gyi bar du mngon par 'phags so// pad+ma de ni/
- 61a
kha lo sbyar ba skyes bu dam pa dang / tshangs pa chen po brgya phrag bcu'i stong la dbang bas mthong du zad kyi/ gzhan sus kyang mthong ba med do// stong gsum gyi stong chen po'i 'jig rten gyi khams 'di na nyid khu dang / snying po dang / bcud ji snyed yod pa de dag tham cad pad ma chen po de la zil dngar gyi thigs par chags te 'dug nas/ de tshangs pa chen pos bai DUr+ya'i snod bzang pos blangs shig/ byang chub sems dpa' la phul nas/ byang chub sems dpas kyang de blangs te/ tshangs pa chen po la snying brtse ba'i phyir 'thungs par gyur ro// snying khu'i thigs pa de 'thungs na/ byang chub sems dpa' srid pa tha ma pa byang chub sems dpa'i sa thams cad yongs su rdzogs pa ma gtogs par/ de yang dag par bde bar zhu nus pa sems can gyi khams na/ sems can de lta bu gang yang med do// las gang gi rnam par smin pas/ snying khu'i thigs pa de lta bu byang chub sems dpa' la yod par gyur ce na/ byang chub sems dpa' sngon yun ring por byang chub sems dpa'i spyod pa spyad pa'i tshe/ sems can nad pa dag la sman byin pa dang / sems can bsam pa la brten pa rnams kyi bsam pa yongs su bskang ba dang / skyabs su 'ongs pa rnams ma btang ba dang / rtag
- 61b
par me tog gi phud dang / 'bras bu'i phung dang / rol mo'i phud de bzhin gshegs pa rnams dang / de bzhin gshegs pa'i mchod rten rnams dang / de bzhin gshegs pa'i nyan thos kyi dge 'dun rnams dang / pa dang ma la phul zhing phyis bdag nyid yongs su spyod pas/ las de'i rnam par smin pas/ tshangs pa chen pos zil dngar gyi thigs pa de byang chub sems dpa' la 'bul lo// khang pa brtsegs pa der gnas kyi khyad par dga' ba dang / rtsed mo dang / phreng ba brgyud pa dang ldan pa/ 'phags pa ji snyed cig yod pa de thams cad kyang / byang chub sems dpa'i sngon gyi las kyi rnam par smin pas der 'byung bar snang byang chub sems dpa'i yongs su spyad pa rin po che bkod pa der/ gos stong phrag brgya'i rgyan ces bya ba phrugs cig byung ste/ de'i tshe de byung ba ni/ byang chub sems dpa' srid pa tha ma pa ma gtogs par/ sems can gyi ris na sems can de lta bu gang yang med do// gzugs dang / sgra dang / dri dang / ro dang / reg mchog tu bya ba gang ji snyed cig yod pa de dag thams cad kyang / khang pa brtsegs pa de na med pa gang yang med do// bam po'o// // yongs su spyad par bya ba'i khang pa brtsegs pa de ni/ 'di ltar byi nang
- 62a
shin du yongs su grub pa/ 'di ltar shin du yongs su rdzogs pa ste/ 'di lta ste dper na/ yul ka ling ka nas byung ba'i dAr ltar reg na bde ba'o// de yang 'ol phyir bstan par zad kyi de la dpe med do// byang chub sems dpa'i sngon gyi smon lam gyis 'di ni bsam par grub ste/ gdon mi za bar byang chub sems dpa' sems dpa' chen po mi'i 'jig rten du skye ba dang / mngon par 'byung nas bla na med pa yang dag par rdzogs pa'i byang chub mngon par rdzogs par sangs rgyas te/ chos kyi 'khor lo bskor ba/ ma gang gi rum du skye bar 'gyur ba de'i rum g.yas par/ khang pa brtsegs ba rin po che bkod pa dam pa zhes sngar mngon par grub cing / phyis byang chub sems dpa' dga' ldan nas 'phos te/ khang pa der dkyil mo dkrungs bcas nas 'dug par 'byung ba dang / byang chub sems dpa' srid pa tha ma pa'i lus nur nur po dang / mer mer po dang / lngar lngar po dang / reng ring por 'gyur ba med cing / yan lag dang nying lag dang / mtshan thams cad phun sum tshogs par 'dug bzhin du 'byung la/ lha mo sgyu 'phrul gyi rmi lam du glang po 'ongs par mthong ba 'di ni chos nyid do// de de ltar 'dug pa brgya byin lha'i dbang po dang / rgyal po chen po bzhi dang / gnod sbyin gyi sde dpon
- 62b
nyi shu brgyad dang / gang las lag na rdo rjer skyes pa'i gnod sbyin gyi rigs gsang ba pa zhes bya ba de dag/ byang chub sems dpa' ma'i rum du zhugs par shes nas/ rtag tu rgyun mi chad par phyi bzhin 'brang bar gyur to// byang chub sems dpa' la rim 'gro byed pa'i lha smo yod de/ u khu li zhes bya ba dang / mu khu li zhes bya ba dang / rgyal mtshan ldan pa zhes bya ba dang / 'odi dang ldan pa zhes bya ba ste/ bzhi po de dag byang chub sems dpa' ma'i rum du zhugs par shes nas rtag tu rgyun mi 'chad par bsrung ngo // lha'i dbang po brgya byin yang lha'i bu lnga brgya tsam dang lhan cig/ byang chub sems dpa' ma'i rum du zhugs par shes nas/ rtag tu rgyun mi chad par phyi bzhin 'brang bar gyur to// byang chub sems dpa' ma'i rum du zhugs pa'i lus ni rnam pa 'di 'dra bar gyur te/ dper na mtshan mo mun pa shin du gnag pa'i nang na/ ri'i sbol me'i phung po chen po 'dug pa ni dpag tshad gcig nas kyang snang ngo // dpag tshad lnga'i bar nas kyang snang ngo // de bzhin du byang chub sems dpa' ma'i rum du zhugs pa'i lus mngon par grub pa yang de lta bur gyur te/ 'od gsal zhing gzugs la mdzes shing lta na sdug par gyur pa de khang pa brtsegs pa de'i nang du dkyil mo dkrungs du 'dug na/ gser sa le sbram rigs dang ldan pa rin po che bai DUrAs
- 63a
brgyan pa ltar shin tu mdzes par gyur to// byang chub sems dpa'i mas kyang byang chub sems dpa' rum na 'dug pa mthong bar gyur to// 'di lta ste dper na/ sbyin gyi tshogs chen po de'i nang nas glog byung ba ni snang ba chen po bskyed do// de bzhin du byang chub sems dpa' ma'i rum du 'dug pa na yang dpal dang / gzi brjid dang / kha dog gi nye bar rin po che'i khang pa brtsegs pa dang po de snang ngo // snang bar byas nas kyang spos kyi khang pa brtsegs pa gnyis pa snang bar byed do// spos kyi khang pa brtsegs pa gnyis pa snang bar byas nas/ spos kyi khang pa brtsegs pa gsum pa snang bar byed do// spos kyi khang pa brtsegs pa gsum pa snang bar byas nas ma'i lus thams cad snang bar byed do// de snang bar byas nas/ de stan gang la 'dug pa de snang bar byed do// de snang bar byas nas khyim thams cad snang bar byed do// khyim thams cad snang bar byas nas/ 'od 'phro ba khyim gyi steng du byung ste shar phyogs snang bar byed do// de bzhin du lho phyogs dang / nub phyogs dang / byang phyogs dang / 'og dang / steng dang / phyogs bcu kun tu rgyang grags tsam du phyogs re rer yang / byang chub sems dpa' ma'i rum na 'dug pa'i dpal dang / gzi brjid dang / kha dog gis snang bar byas par gyur to//
- 63b
dge slong dag de ltar byang chub sems dpa' de lta ba dang / de la phyag bya ba dang / bsnyen bkur bya ba dang / chos mnyan pa'i phyir rgyal po bzhi dang / gnod sbyin gyi sde dpon chen po nyi shu rtsa brgyad gnod sbyin lnga brgya tsam dag dang lhan cig tu snga dro'i dus kyi tshe 'ongs te/ de'i tshe byang chub sems dpa' dag 'ongs nas par rig nas/ lag pa g.yas pa brkyang ste 'dzub mo sgreng nas de dag la stan ston to// 'jig rten skyong ba la sogs pa de dag kyang ji ltar bting ba'i stan la 'khod par gyur te/ de dag gis byang chub sems dpa' ma'i rum du 'dug pa bzhin du/ skyes zin pa'i gzugs dang 'dra bar lag skyong cing 'degs la/ rnam par dpyod cing gzhog pa mthong nas/ de dag dga' mgu zhing nyams bde ba thob nas/ byang chub sems dpa' la phyag 'tshal bar gyur to// byang chub sems dpas kyang de dag de ltar 'khod pa mthong nas chos kyi gtam gyis yang dag par ston/ yang dag par 'dzin du bcug yang dag par dga' bar byed do// gang gi tshe de dag 'dod par 'dod par gyur pa de'i tshe'ang / byang chub sems dpas de dag gi sems kyis rnam par shes nas lag pa g.yas pa brkyang ste de dag 'dong ba'i brda bstan to// de ltar lag pa brkyang ste 'dong ba'i brda bstan nas phyir bskum par byed do// ma la gnod pa
- 64a
med do// de'i tshe rgyal po bzhi dag kyang 'di snyam du/ bdag cag kyang byang chub sems dpas kyang 'dong bar snang ngo snyam du sems shing / de dag byang chub sems dpa' dang / byang chub sems dpa'i ma la lan gsum bskor ba byas nas 'dong bar gyur to// de ltar byang chub sems dpa' nub mo mi nyal nas lag pa g.yas rkyang zhing / brkyang nas kyang brkum pa dang / bskums nas kyang dran zhing shes bzhin du lag pa de 'jog pa'i rgyu ni de yin/ rkyen ni de yin no// gzhan yang gang gi tshe skyes pa 'am/ bud med dam/ khye'u 'am/ bu mo su yang rung ste/ byang chub sems dpa' blta ba'i phyir 'ongs pa de'i tshe/ thog mar ni byang chub sems dpa' dga' bar bya ba smra'o// de'i 'og tu byang chub sems dpa'i ma smra'o// dge slong dag de ltar byang chub sems dang ma'i rum na 'dug pa'i tshe/ sngar dga' bar bya ba smra ba la mkhas par gyur te/ lha 'am/ klu 'am/ gnod sbyin nam/ mi 'am mi ma yin pa su yang rung ste/ byang chub sems dpa' la sngon du dga' bar bya ba'i gtam snga bar nus pa med do// byang chub sems dpa' nyid dga' bar bya ba thog mar sba zhing // de'i 'og tu byang chub sems dpa'i ma dga' bar bya ba sra'o// de nas snga dro'i dus zad de nyi ma gung la bab nas/ lha'i dbang po brgya byin dang / sum bcu rtsa gsum pa'i lha'i
- 64b
bu mngon par 'phags pa dag byang chub sems dpa' lta ba dang / de la bsnyen bkur bya ba dang / chos nyan pa'i phyir 'ong ba dang / byang chub sems dpa' de dag rgyang ring po nas 'ong ba mthong nas/ gser gyi mdog tu 'dug pa'i lag pa g.yas pa brkyang ste/ lha'i dbang po brgya byin dang / sum bcu rtsa gsum pa'i lha dag dga' bar byed cing / 'dzub mo brkyang ste stan ston to// dge slong dag de'i tshe'ang lha'i dbang po brgya byin gyis byang chub sems dpa' la phyir bzlog ma nus nas/ ji ltar bting ba'i stan de dag la lha'i dbang po brgya byin dang / de ma yin pa'i lha'i bu gzhan dag kyang 'khod par gyur to// byang chub sems dpas de ltar 'khod par rig nas/ chos kyi gtam gyis yang dag par ston/ yang dag par 'dzin du 'jug/ yang dag par gzengs bstod / yang dag bar dga' bar byed do// byang chub sems dpas lag pa gang du brkyang ba logs su byang chub sems dpa'i ma yang lta bar gyur ro// de nas lha de dag 'di snyam du/ bdag cag ni byang chub sems dpa' dang dga' bar bya ba smra'o snyam mo// de dag re re zhing yang 'di snyam du/ byang chub sems dpa' ni dga' ba 'ba' zhig spa te/ bdag 'ba' zhig la dga' bar bya ba sna'o snyam mo// khang pa brtsegs pa der lha'i dbang po brgya byin dang / sum bcu rtsa gsum pa'i
- 65a
lha dag gi gzugs bsnyan snang bar gyur to// ji ltar byang chub sems dpa' ma'i rum du gnas pa'i longs spyod yongs su dag pa de lta bu ni gzhan dag na med do// dge slong dag gang tshe/ lha'i dbang po brgya byin dang / de ma yin pa'i lha'i bu gzhan dag 'dong bar 'dod pa de'i tshe'ang / byang chub sems dpas de dag gi sems kyi rtog pa sems kyis yongs su shes nas/ lag pa g.yas pa brkyang ste/ de dag 'dong ba'i brda bstan no// brda bstan nas phyir bskum pa byas te/ dran zhing shes bzhin du lag pa bzhag kyang ma la gnod pa med do// de'i tshe lha'i dbang po brgya byin dang / de ma yin pa'i lha sum bcu rtsa gsum pa dag kyang 'di snyam du/ bdag cag ni byang chub sems dpas kyang 'dong bar gnang ngo snyam du sems shing / de dag byang chub sems dpa' dang / byang chub sems dpa'i ma la lan gsum bskor ba byas nas dong bar gyur to// dge slong dag nyi ma phyed kyi dus 'das nas phyi dro'i dus la bab pa dang / mi mjed kyi bdag po tshangs pa lha'i bu brgya stong du mas yongs su bskor cing mdun du bdar/ te/ lha yul ba'i nying khu'i thigs pa de khyer nas/ byang chub sems dpa' ga la ba der/ byang chub sems dpa' de lta ba dang / de la phyag bya ba dang /
- 65b
bsnyen bkur bya ba dang / chos nyan pa'i phyir 'ong bar gyur to// dge slong dag byang chub sems dpas mi mjed kyi bdag po tshangs pas 'khor dang bcas te 'ongs par shes nas/ byang chub sems dpas yang gser gyi mdog tu 'dug pa'i lag pa g.yas pa brkyang ste/ mi mjed kyi bdag po tshangs pa dang / tshangs ris kyi lha'i bu de dag la dga' bar bya ba swa te/ 'dzub mo brkyang nas stan ston to// dge slong dag mi mjed kyi bdag po tshangs pa des kyang / byang chub sems dpa'i bka' las bzlog par ma nus nas/ ji ltar bting ba'i stan de dag la/ mi mjed kyi bdag po tshangs pa dang / tshangs ris kyi lha'i bu gzhan dag kyang 'khod par gyur to// byang chub sems dpa' de ltar 'khod par rig nas chos kyi gtam gyis yang dag par ston/ yang dag par 'dzin du 'jug/ yang dag par gzengs bstod/ yang dag par dga' bar byed do// byang chub sems dpa' gang du lag pa brkyang ba de logs su lha mo sgyu 'phrul yang lta bar gyur to// de ltar na lha de dag kyang bdag cag ni byang chub sems dpa' dang dga' bar bya ba'i gtam byed do snyam te/ lha'i bu de dag re re zhing yang 'di snyam du byang chub sems dpa' ni bdag 'ba' zhig la sba ste/ bdag 'ba' zhig la dga' ba'i gtam byed do snyam mo// dge slong
- 66a
ngag gang gi tshe mi mjed byidag po tshangs pa dang / tshangs ris kyi lha'i 'khor de dag 'dong bar 'dod par gyur pa de'i tshe/ yang / byang chub sems dpas de dag gi sems kyi rtog pa sems kyis yongs su shes nas/ lag pa g.yas pa brkyang ste/ de dag 'dong ba'i brda ston de ltar 'dong ba'i brda bstan nas phyir bskum pa byas te/ dran zhing shes bzhin du lag pa bzhag kyang ma la gnod pa med do// de'i tshe mi mjed kyi bdag po tshangs pa dang / tshangs ris kyi lha de dag kyang 'di snyam du/ bdag cag ni byang chub sems dpas kyang 'dong bar gnang ngo snyam du sems shing de dag kyang byang chub sems dpa' dang / byang chub sems dpa'i ma la lan gsum bskor ba byas nas 'dong bar gyur to// byang chub sems dpas kyang dran zhing shes bzhin du lag pa 'jog go// dge slong dag shar phyogs dang / lho phyogs dang / nub phyogs dang / byang phyogs dang / 'og dang // steng dang / phyogs bcu kun kyang byang chub sems dpa' brgya stong mang po byang chub sems dpa' lta ba dang / de la phyag bya ba dang / bsnyen bkur bya ba dang / chos mnyan pa dang / chos yang dag par brjod pa bya ba'i phyir 'ong bar gyur te/ de dag de ltar 'ongs pa dang / byang chub sems dpa'
- 66b
lus las 'od bkye ste/ 'od kyi bkod pa de dag seng ge'i khrir sprul nas/ de ltar sprul pa'i khri de dag la byang chub sems dpa' de dag 'khod du bcug ste/ de dag de ltar 'khod par shes nas/ 'di lta ste/ theg pa chen po 'di nyid rgya cher rnam par phye ba'i don du dris te/ brtags kyang bskal pa mnyam pa'i lha rnams ma gtogs par gzhan sus kyang de dag ma mthong ste/ dge slong dag de ltar byang chub sems dpas nub mo ma nyal nas lus las 'od bkye ba'i rgyu ni de yin no// rkyen ni de yin no// dge slong dag lha mo sgyu 'phrul gyis kyang / byang chub sems dpa' ma'i rum na 'dug pa'i tshe lus lci bar mtshor te/ gzhan du na yang ba dang / 'jam pa dang / bde bar tshor zhing / lto mi bde ba'i sdug bsngal gang yang myong bar ma gyur to// 'dod chags kyi yongs su gdung ba 'am/ zhe sdang gi yongs su gdung ba 'am/ gti mug gi yongs su gdung bas kyang yongs su gdung bar ma gyur/ 'dod pa'i rnam par rtog ba 'am/ gnod sems kyi rnam par rtog pa 'am/ 'tshe ba'i rnam par rtog pa dag la yang rnam par rtog par ma gyur te/ zang ba 'am/ tsha ba 'am/ bkres pa 'am/ skom pa 'am/ mun pa 'am/ rdul tam/ ngal ba tshor ba 'am/ mthong bar ma gyur te/ de la gzugs dang / sgra dang / dri dang / rong
- 67a
reg yid du mi 'ong ba snang bar ma gyur to// rmi lam bdun pa yang mthong bar ma gyur to// de la bud med kyi sgyu g.yo 'am/ phag dog gam/ bud med kyi nyon mongs pa dag kyang nyams su gnod par ma gyur to// de'i tshe byang chub sems dpa'i ma ni bslab pa'i gzhi lnga yang dag par blangs te/ tshul khrims dang ldan pa'i dge ba bcu'i las kyi lam la gnas par gyur to// byang chub sems dpa'i ma yang skyes pa gang la yang 'dod chag kyi sems skye bar ma gyur la/ skyes pa gang yang byang chub sems dpa'i ma la 'dod chags kyi sems mi skye'o// ser skya'i grong khyer chen po dang / yul gzhan dag na skyes pa dang / bud med dang / khye'u dang / bu mo su gang lha dang / klu dang / gnod sbyin dang / dri za dang / 'byung pos non pa ji snyed cig yod pa de dag thams cad kyang / byang chub sems dpa'i ma mthong ma thag tu sos shing dran pa thob par gyur to// mi ma yin pa de dag kyang myur gnas gzhan du dong bar gyur to// sems can gang la la zhig nad sna tshogs kyis thebs par gyur te/ rlung dang / mkhris pa dang / bad kan dang / 'dus pa las byung ba'i nad kyis gnod par gyur pa dang / mig gi nad dam/ rna ba'i nad dam/ sna'i nad dam/ lce'i nad dam/ chu'i nad dam/
- 67b
so'i nad dam/ lkog ma'i nad dam/ shu ba 'am/ 'bras sam/ mdze'am/ sha bkra 'am/ skar ma 'am/ brjed byed dam/ rims sam/ lnga pa 'am/ pho la mig gam/ me dpal lam/ rkang shu la sogs pa'i nad kyi btab par gyur pa de dag la/ byang chub sems dpa'i mas lag pa g.yas pa'i spyi bor bzhag pa tsam gyis nad dang bral bar gyur cing / rang rang gi gnas su 'dong bar gyur to// tha na lha mo sgyu 'phrul gyis rtswa nyam 'ga' zhig las blangs te/ sems can nad pa dag la byin yang / de dag blangs ma thag tu nad med cing nyams pa med par gyur to// gang gi tshe lha mo sgyu 'phrul des bdag gi lto g.yas par ltas pa de'i tshe/ byang chub sems dpa' ma'i rum na 'dug pa ste 'di lta ste dper na/ me longs gi dkyil 'khor shin tu dag pa la/ gdong gi dkyil 'khor snang ba bzhin te/ de ltar de mthong nas tshim zhing mgu la yid rangs te rab tu dga' zhing / dga' ba dang bde ba skyes par gyur to// dge slong dag byang chub sems dpa' ma'i rum na gnas pa'i byin gyi brlabs kyis/ nyin mtshan rtag tu lU'i rol mo dang sil snyan gyi sgra 'byung zhing me tog gi char bab par gyur to// char ni dus bzhin du 'ba'/ rlung ni dus bzhin du ldang / 'chang pa
- 68a
\u0f7fner/ @#dus tshigs dang / skar ma dag kyang dus bzhin du rgyu zhing 'pho bar gyur to// rgyal srid kyang bde zhing lo legs la 'khrugs pa med cing dgra med par gyur to// ser skya'i grong khyer chen po de na shAkya'i rigs dang / sems can gzhan 'khod pa thams cad kyang za zhing rtse la dga' mgur spyod do// sbyin pa dag kyang gtong / bsod nams kyang byed do// zla ba bzhi 'das pa'i dus ston bzhin du/ thams cad kyang dga' ba'i mchog gis rtse zhing gnas pas gnas par gyur to// rgyal po zas gtsang ma yang tshangs par spyod pa yang dag par blangs te/ rgyal po'i las btang nas dka' thub kyi nags tshal yongasu dag par yang dag par gnas pa bzhin du chos kyis rjes su 'brang bar gyur to// dge slong dag byang chub sems dpa' ma'i rum na gnas pa'i rnam pa de lta bu'i rdzu 'phrul dang ldan pas gnas par gyur to// de'i tshe bcom ldan 'das kyis tshe dang ldan pa kun dga' ngo khyod kyis byang chub sems dpa'i yongasu spyad pa rin po che bkod pa/ byang chub sems dpa' ma'i rum na gnas pa'i tshe gnas pa mthong ngam/ gsol pa/ bcom ldan 'das mthong lags so// bde bar gshegs pa mthong lag so// de bzhin gshegs pas tshe dang ldan pa kun dga' bo dang / lha'i dbang po brgya byin dang / 'jig rten skyong ba bzhi dang / de ma yin pa'i/
- 68b
lha dang mi gzhan dag de bstan te mthong nas/ de dag tshim zhing mgul yid rangs te/ rab tu dga' zhing dga' ba dang / yid bde ba skyes so// mi mjed kyi bdag po tshangs pas de phyir yang tshangs pa'i 'jig rten du/ mchod pa bya ba'i phyir bteg te khyer nas bzhag par gyur to// de'i tshe bcom ldan 'das kyis yang dge slong dag la bka' stsal pa/ dge slong dag de ltar byang chub sems dpa' ma'i rum na 'dug pa/ lha dang mi khrag khrig phrag sum bcu rtsa drug theg pa gsum la yongs su smin par byas par gyur to// de la 'di skad ces bya ste/ gang tshe rgyal sras sems can dam pa ma yi rum gnas pa/ de tshe sa 'di tshal dang bcas par rnam pa drug g.yos shing / gser mdog 'od bkye ngan song thams cad rnam par sbyangs par gyur/ chos kyi rgyal por 'gyur zhes lha'i tshogs rnams rab tu dga'/ gzhal med khang chen dbyibs legs rin chen du mas rnam par spras/ der ni dpa' bo rnam par 'dren pa bzhugs par gyur nas 'dug/ tsan dan dri zhim mchog gi rab tu gang zhing rnam par mdzes/ stong gsum rin chen yongs bkang de yi srang phyed rin mi mchog/ stong chen 'jig rten khams gang yongs su rtol ba byas nas ni/ yon tan 'byung ba'i gnas kyi pad ma'i snying khu'i thigs pa byung / de ni zhag bdun bsod nams gang
- 69a
rgya cher/ @#brjid tshangs pa'i 'jig rten 'phags// de la snying khu'i thigs blangs tshangs pas rgyal ba'i sras la 'bul/ byang chub sems dpa' dpa' bo tshangs pa 'dra ba ma gtogs par/ sems can gang gis de zos 'jug 'gyur sems can ris na med/ bskal pa du ma'i bsod nams gzi brjid snying khu'i thigs gnas pa/ de zos lus dang sems dang shes pa dag par 'gyur// 'dren pa mchod phyir brgya byin tshangs pa 'jig rten skyong ba rnams// byang chub sems dpa'i drung na rtag par dus/ gsum rgyun du 'ong / phyag byas mchod byas chos kyi dam pa de dag thos gyur nas/ bskor ba byas te kun kyang gang nas 'ongs pa'i gnas su 'dong / 'jig rten khams rnams kun nas chos 'dod byang chub sems dpa' 'ong / 'od bkod khrir/ gyur rnams la 'di skad gnas par phan tshun snang // mchog tu bya ba'i theg pa dam pa'i chos ni thos nas kyang // kun kyang dga' ba'i sems gyur bstod pa'i phreng ba brjod pa'i 'dong // bud med byis pa gang dag sdug bsngal ldan par gyur pa dang / 'byung pos non dang sems 'khrugs gos med rdul gyis log pa rnams/ de kun lha mo sgyu 'phrul mthong nas sems ni rnyed gyur te/ blo gros rtogs dang dram pa ldan zhing so so'i khyim khyim 'dod/ rlung dang
- 69b
bad kan 'khris pa 'dus pa'i nad thebs pa/ mig nad rna nad dag gis lus sems mi bder gyur pa dag/ rnam mang tha dad nad kyi gnod pas gang dag gnod gyur pa// de dag sgyu 'phrul lag pa mgo la bzhag pas nad med 'gyur// yang na rtswa yi nyag ma 'ga' zhig sa las blang byas te// sgyu 'bru nad pa byin na thams cad rims nad med par 'gyur// bde ba thob cing kha rod ma nyams so sor khyim du 'dong / de ni sman pa sman pa'i rgyal po rum na 'dug phyir ro// gang tshe lha mo sgyu 'phrul bdag gi lus la brtag byas pa/ de tshe byang chub sems dpa' ma yi rum na 'dug pa mthong ba ni// ji ltar bar snang gnas kyi zla ba skams bskor gnas pa// de bzhin byang chub sems dpa' mtshan gyis kun nas brgyan pa snang // de la 'dod chags zhe sdang gti mug gnod par 'gyur ba med// 'dod la 'dod pa med de de la phrag dog 'tshe ba med/ dga' ba'i sems dang mgu ba'i sems dang dga' dang yid bder gnas// de la bkres dang skom pa dang tsha dang grang ba'i gnod pa med// lha yi rol mo sil snyan dbyangs snga ma byas rtag tu 'byung // lha yi spos dri me tog dam pa mchog mdzes char yang 'bab// lha dang mi rnams de la lta zhing lha mi thams cad kyang // de dag phan tshun gnod pa med
- 70a
@#cing 'che ba gang yang med// sems can dga' bder rtse zhing zas dang skom gyi sbyin pa byed// dga' ba'i sba sgrog de dag dga' zhing mgu ba'i yid dang ldan/ rgyal po srid bde 'khrug pa med cing char pa dus bzhin 'bab// rtswa dang sman dang me tog rnams kyang de yi dus su skye// rgyal po'i khab tu zhag bdun rin chen char pa 'bab gyur pas/ sems can dbul po de las len cing sbyin byin bde bar spyod/ sems can dbul zhing sdug bsngal gyur pa de tshe gang yang med// ri rab zom gyi dga' tshal sems can bzhin du dga' dang ldan// shAkya'i rgyal po de yang gso sbyong rab la nyer gnas shing // de ni rgyal po'i bya ba mi byed chos la brtan par spyod// de ni dka' thung nags tshal song nas lha mo sgyu 'phrul la/ sems can mchog srel khyod kyi lus la bde ba ci 'dra med// / dge slong dag zla ba bcu 'das te/ byang chub sems dpa btsa' ba'i dus la bab pa dang / rgyal po zas gtsang ma'i bskyed mos tshal du snga ltas sum bcu rtsa gnyis byung ngo // sum bcu rtsa gnyis gang zhe na/ me tog thams cad kha 'bus nas rgyas par gyur pa dang / rdzing dag me tog ud pa la dang / pad ma dang / ku mu ta dang / pad maM dkar po yod pa dag kyang
- 70b
kha 'bus nas rgyas par gyur pa dang / me tog dang / 'bras bu'i shing ljon pa gsar ba dag kyang sa las thon te/ kha 'bus nas rgyas par gyur pa dang / rin po che'i shing ljon pa brgyad byung ba dang // gter chen po nyis khris 'bus te byung nas gnas par snang ba dang / khyim gyi nang du yang rin po che'i myu gu mthong ba dang / spos chu'i dpal gyi wa 'bru mar dri zhim pos sbags pa rnams kyang zag par gyur pa dang / gangs ri'i ngos las seng ge'i phru gu dag 'ongs te/ dga' bar rtse zhing ser skya'i grong khyer dam pa la bskor ba byas nas sgo na gnas par gyur kyang / sems can gang la yang 'tshe ba med par gyur pa dang / glang po'i phru gu thal dkar lnga brgya lhags te/ rgyal po zas gtsang ma'i rkang pa la sna'i rtse mos nyug cing gnas par gyur pa dang / lha'i byis pa grogs po ska rags bcings pa dag kyang / rgyal po zas gtsang ma'i btsun mo'i phang pa dag tu 'gre ldog par snang bar gyur pa dang / klu'i bu mo mchod pa sna tshogs kyi yo byad thogs pa dag kyang / lus phyed byung zhing nam mkha' la rgyu bar snang ba dang / lha'i bu mo khri yang rma bya'i mdongs lag na thogs shing na mkha' la 'khod par snang ba dang / bum pa gang ba khri yang ser skya'i gnas kyi grong khyer chen po la bskor ba byed par snang ba dang / lha'i bu mo khri
- 71a
yang spos chus ril bzing dkar klag la thogs shing 'khod par snang ba dang / lha'i bu mo khri yang gdugs dang / rgyal mtshan dang / ba dan thogs shing 'khod par snang ba dang / lha'i bu mo brgya stong mang po dag kyang dung dang / rnga dang / rdza rnga dang / mkhar rnga 'gul nas dpyangs te sdod cing 'khod par snang ba dang / rlung thams cad kyang mi ldang bar gnas par gyur pa dang / chu rlung dang / chu phran thams cad kyang mi 'gul zhing mi 'bab par gnas pa dang / nyi zla dang / gzhal med khang dang / rgyu skar dang / skar ma'i tshogs rnams kyang mi rgyu bar gyur pa dang / skar ma rgyal dang yang ldan par gyur pa dang / rgyal po zas gtsang ma'i khyim yang rin po che'i dra bas g.yog par gyur pa dang / me yang mi 'bar bar gyur pa dang / khang pa brtsegs pa dang / khang bzangs dang / yang thog dang / rta babs dag la yang nor bu dang / rin po che dag 'byang bar snang bar gyur pa dang / ras bcos bu'i mdzod dang / rin po che sna tshogs kyi mdzod rnams kyang sgo bye bar snang ba dang / bu rog dang / 'ug pa dang / bya rgod dang / sbrad kyi dang / wa'i sgra dag kyang med par sgra skad sman pa'i sgra dag kyang 'byung bar gyur pa dang / skye bo thams cad kyi las kyi mtha' yang rgyun chad par gyur pa dang / sa phyogs
- 71b
mthon dman du 'dug pa rnams kyang mnyam par gnas par gyur pa dang / lam gyi bzhi mdo dang / sum mdo dang / srang dang / tshong 'dus kyi 'khor lag 'thil ltar gzhi mnyam zhing 'jam la me tog sil mas gang ste mdzes par snang ba dang / sbrum pa thams cad kyang bde ba dang / legs par btsal bar gyur pa dang / shing sa la'i nags tshal gyi lha thams cad kyang shing gi lo ma'i nang nas lus byed phyung ste/ phyag 'tshal zhing gnas par snang ba ste/ snga ltas sum bcu rtsa gnyis po de dag byung bar gyur to// de nas lha mo sgyu 'phrul byang chub sems dpa' nyid kyi gzi brjid dang mthus/ byang chub sems dpa' btsa' ba'i dus la bab par shes te/ nam gyi srong la rgyal po zas gtsang ma'i drung du song ste/ tshigs su bcad de smras pa/ bdag gi bsam pa gang lags gsol gyis lha ni gsan du gsol/ yun rings ring po 'das nas bskyed mos tshal gyi blo skyes te// gal te khyod mi skyon cing zhe sdang phrag dog mi mnga' na/ bdag ni rtsas skyed mos tshal du myur du mchi bar bgyi/ chos dgongs brtson pa bka' thub spyod pas khyod kyang skyo mkhyen 'grang / bdag kyang sems can dag pa sel nas yun ni ring lags na/ sa la'i shing ljon sdong po mchog kyang me tog kha 'bus te/ bskyed mos tshal gyi dog sar da ni
- 72a
mchi ba'i rigs so lha/ sos ka'i dus mchog bud med rnams kyi rgyun du 'gyur lags te/ nags rgyu khu byung dang ni/ rma bya sgra rab 'byin snyan pa// gtsang zhing mdzes la sna tshogs me tog rdul gyi ngad kyang ldang / da ni mchin ma thogs legs par bka' lung ba stsal du gsol/ rgyal po'i dbang pos lha mo las ni de skad tshig thos nas/ dga' zhing rab tu mgu ba'i sems kyis 'khor la smras pa ni/ bzhon pa bzhon chen 'gyogs pa'i shugs ldan dag kyang gtad par gyis// yon tan phun sum tshogs ldan lum bi ni tshal brgyad par gyis/ ri bo'i mchog ldan sprin gyi kha dog 'thun par gyur pa yi// glang po stong phrag nyi shu snyed cig myur du gtad par gyis/ glang po'i dbang po mche ba drug ldan dril mdzes glo la rgyus/ gser dang nor bus rnam par spras shing / gser gyi dra bas spud/ rgyal po'i chibs pa rlung ltar mgyogs pa'i shugs dang ldan pa ste/ dngul dang kha ba'i mdog 'dra rnga rngog lcang lo bzang khril ba'i/ rta mchog stong phrag nyi shu bgrangs pa myur du bstod bgyi ste/ gser dril g.yer kha'i dra ba sgra 'byin glo nas dbyangs par gyi// skyes bu brtul pod g.yul la mos shing 'thab 'dod dpa' bo dag/ mda' gzhu ral gri mdung thung zhags pa mtshon cha rno thog pa
- 72b
stong phrag nyi shu 'grangs pa mur du chas te bshams kyis la// sgyu 'phrul 'khor dang bcas te bag yod bsgrims te bsrung bar gyis// lum bin der gser hUM dang nor bu'i rgyan khrom brgyan par gyis/ gos dmar rnams dang mang pos shing rnams thams cad rgyan par gyis// lha yi dga' tshal bzhin du me tog sna tshogs chal par khrom// de ltar thams cad bshams zin la myur du sbran par gyis// 'khor rnams kyis ni de skad rgyal po'i tshig thos skad cig tu/ bzhon pa kun bshams de bzhin lum bi ni yang brgyan byas te// rgyal gyur rgyal gyur sku tshe ring skyongs rgyal po gshegs su gsol/ ji skad bka' stsal/ de bzhin kun gyi dus bab lha gzigs shig/ mi yi bdag po dam pa da ni dga' ba'i sems gyur nas// khyim gyi dam par zhugs te bud med rnams la 'di skad smras// gang zhig nga la snying nye la dga' bar 'dod pa dag/ yi bka' bzhin bgyi ste bdag gi lus brgyan par gyis// spos mchog dad kyi dri zhim kha dog sna tshogs sdug pa'i gos// 'jam zhing yid 'ong dga' ba'i sems kyis legs par bgo bar gyis brang na 'phyang ba'i mu tig se mo do yis brgyan par gyis// rgyan gyis khyad par thams cad de ring kun gyis bstan par gyis// mkhar rnga rgyud gcig
- 73a
pi wang gling bu rdza rnga dum dum bag/ sil snyan yid du 'ong ba brgya stong dag kyang bsham par gyis/ spu spyan thos nas lha rnams rab tu dga' ba skye 'gyur zhing // lha mo rnams kyang de bzhin dga' bar 'gyur ba khyed kyis gyis// shing rta'i mchog 'dir lha mo sgyu 'phrul cig pu 'dug par gyis// bud med skyes pa gzhan dag su yang shing rta der ma 'khod/ na chung sna tshogs gos can rnams kyis shid+tha de grongs s+ho/ gang du'ang yid du mi 'ong mi mthun sgra rnams mi grag gi lha mo sgyu 'phrul khyim nas byung ste sgo drung phyin pa'i tshe// tu dang glang po shing rta rkang thang dpal ldan sna tshogs dpung / rgyal po'i sgo drung lhags/ tshe sgra chen mang po grag par gyur/ rgya mtsho chen po 'khrugs pa'i sgra ltar de dag yongs su grag/ de tshe bkra shis don du dril bu brgya stong dkrol bar byas/ shing rta de yang de ltar rgyal pos sna tshogs brgyan pa la// lha rnams stong gis lha yi khri yang legs par bsham pa byas// rin chen shing ljon me tog lo ma ldan bzhin ldan par byas// rma bya khrung khrung ngang ba yid du 'ong ba'i sgra yang 'byin// gdugs dang rgyal mtshan dang ni ba dan che pra kun nas sbreng // lha yi gos dang dril bu g.yer ka'i dra ba mchog gis bkang / lha yi bu mo na mkha' las ni shing rta de la lha/
- 73b
lha yi sgra dbyangs snyan pa sgrog cing bstod pa'i tshig brjod de// gang che lha mo sgyu 'phrul seng ge'i khri la 'dug gyur pa// de tshe stong gsums 'di rnam pa drug du/ rab tu g.yos// lha rnams gos kyi g.yab mo 'byin cing me tog sna tshogs 'thor// de ring lum bi ni 'dir 'gro ba'i dam pa bltam gyur te/ 'jig rten skyong ba bzhi ni shing rta'i mchog de 'dren par byed// sum bcu rtsa gsum bdag po dbang po'ang lam gyi byi dor byed// tshangs pa skye bo mi bsrun sel cing sngon du 'gro bar 'gyur// lha rnams brgya phrag stong yang thal mo sbyar nas phyag 'tshal 'dud// rgyal po rab tu dga' ba'i sems kyis bkod pa de la blta/ de ni 'di snyam 'di ni lha yi lha zhig yin snyam byed// gang la skyong ba bzhi dang tshangs pa dbang por bcas pa'i lha// mchod pa rgya chen byed pa 'di ni nges par sangs rgyas 'gyur// srid pa gsum na lha klu brgya byin tshangs pa 'jig rten skyong // gang yang mchod pa 'di 'dra bzod pa'i sems can de med de/ yang na mgo 'gas yang na de dag srog dang bral bar 'gyur// 'di ni lha yi dang pa yin pas mchod pa thams cad bzod/ dge slong dag/ de nas lha mo sgyu 'phrul shing rta rgyan thams cad kyis brgyan pa brgyad khri bzhi stong gis ni kun nas bskor// glang po che'i shing rta rgyan gyis brgyan pa brgyad khri bzhi stong dang / rkang zang dpa' zhing
- 74a
@#/ brtul pod yan lag dam pa dang ldan pa/ go cha legs par bgos pa sra ba'i gos gyon brgyad khri bzhi stong gis ni yongs su bsrungs// shAkya'i bu mo stong phrag drug khris ni mdun du bdar/ rgyal po zas gtsang ma'i phu nu'i rigs su skyes pa'i shAkya rgan pa dang / gzhon ba dang / bar ma bzhi khris ni yongs su bsrungs/ rgyal po zas gtsang ma'i sras/ gru dang rol mo'i sgra dbyangs byed/ mkhar ba'i sil khrol dang / pheg rdob sil snyan dang / glu dbyangs len pa drug khris ni kun nas bskor/ lha'i bu mo brgyad khri stong dang / klu'i bu mo brgyad khri bzhi dang / dri za'i bu mo brgyad khri bzhi stong dang / mi 'am ci'i bu mo brgyad khri bzhi stong dang / lha ma yin gyi bu mo brgyad khri bzhi stong bkod pa sna tshogs kyis brgyan pa sha stag glu dang / rol mo'i dbyangs sgra sna tshogs kyis bsngags pa brjod pa rjes su 'brang bas 'gro'o// lum bi ni'i nags tshal de thams cad kyang spos chu'i chag chag gis btab cing / lha'i me tog gis gtor bar gyur to// nags tshel dam pa de'i nang na shing ljon pa ji snyed cig yod pa de dag thams cad kyang / dus la bab par lo ma dang / me tog dang / 'bras bu skyes par gyur to// nags tshal de ni lha rnams kyis kyang legs par brgyan par gyur te/ 'di lta ste dper na/ 'dres pa'i tshal lha
- 74b
rnams kyis legs par brgyan pa bzhin/ de nas lha mo sgyu 'phrul lu ma bi ni'i nags tshal du phyin nas/ shing rta dam pa las babs so// mi dang lha'i bu mo dag gis yongs su bskor cing / shing drung nas ni shing drung dag tu 'gro// nags tshal nas ni nags tshal dag tu 'chag/ ljon pa nas ni ljon pa dag la lta zhing // de rim gyis shing rin po che mchog dang / phul du bya ba/ yal ga shin tu rnam par 'byes pa/ lo ma dang / dog pa bzang po dang ldan ba/ mi dang lha'i me tog sna tshogs rab tu rgyas pa/ spos mchog dang phul du bya ba'i dri'i ngang dang ldan pa'i gos kha dog sna tshogs dpyangs pa/ nor bu dang / rin po che lta bu'i 'od sna tshogs rnam pa tha dad pa 'bar ba/ rtsa ba dang / sdong po dang / yal ga dang / lo ma rnams rin po che thams cad kyis brgyan pa/ yal ga ring zhing shin tu rnam par 'byes pa/ blag sha zhes bya ba/ sa'i phyogs lag 'thil ltar mnyam zhing / shin du bzang la yang pa/ rtswa sngon po rma bya'i mgrin pa lta bu skyes pa/ ka tsa lin da'i gos ltar reg na bde ba'i sa la 'dug pa/ sngon gyi rgyal ba'i yum gyis stan pa/ lha yi glu dbyangs blangs pa/ gnas gtsang ma'i lha bzang zhing dri ma med la rnam par dag pa/ rab tu zhi ba'i sems dang ldan pa rnams kyi thor tshugs dang
- 75a
cod pan mngon par btud pa'i spyi bos mngon par phyag bya ba'i shing ljon pa blag sha de'i drung du phyin to// de nas byang chub sems dpa'i gzi brjid dang mthus/ p+lag sha des mngon par ba tud de phyag byas so// de nas lha mo sgyu 'phrul na mkha'i dkyil du snang ba'i glog gi phreng ba lta bu'i lag pa g.yas pa brkyang nas/ blag sha'i yal ga nas bzung ste/ tshul du shis par na mkha'i dkyil du ltas nas bya snyengs byed cing 'dug par gyur to// de nas de'i tshe 'dod pa na spyod pa'i lha'i bu mo drug khri lhags te/ lha mo sgyu 'phrul la rim gro dang bkur bsti byed par gyur to/ byang chub sems dpa' ma'i rum na 'dug pa'i tshe/ rnam pa de lta bu'i sgyu 'phrul gyi cho 'phrul dang ldan par gnas so// de zla ba bcu tshang nas ma'i glo g.yas nas/ dran zhing shes bzhin du mngal gyi dri mas ma gos par byung ste/ gzhan ltar ma yin zhing gzhan dag la mngal gyi dri ma zhes brjod pa de/ lta bu gang yang med par gyur to// dge slong dag de'i tshe lha'i dbang po brgya byin dang / mi mjed kyi bdag po tshangs pa gnyis mdun na 'khod do// de gnyis kyis rim 'gro dam pa chen pos lha'i gos ka shi ka'i sleb mos/ lus dang yan lag thams cad kyis dran zhing shes
- 75b
zhin du byang chub sems dpa' blangs so// byang chub sems dpa' khang pa brtsegs pa gang gi nang na 'dug cing / ma'i rum na gnas pa de yang mi mdze kyi bdag po tshangs pa dang / tshangs ris kyi lha rnams kyis tshangs pa'i 'jig rten du gyen du steg ste/ mchod rten du bya ba dang / mchod pa bya ba'i phyir khyer ro// de ltar byang chub sems dpa' de ni mir gyur pa gang gis kyang ma blangs kyi/ byang chub sems dpa' de ni lha rnams kyis blangs so// de nas byang chub sems dpa' btsas ma thag tu sa la 'bab ste/ byang chub sems dpa' de la babs par gyur ma thag tu/ pad+ma chen po zhig gis sa 'di yang brtol te byung ngo // klu'i rgyal po chen po dga' bo dang nyer dga' bo gnyis kyis/ na mkha'i dkyil nas lus phyed phyung ste 'khod nas/ bsil ba dang / dro ba'i chu rgyun gnyis mngon par sprul nas/ byang chub sems dpa'i lus bkrus so// brgya byin dang / tshangs pa dang / 'jig rten skyong ba la sogs pa/ gzhan yang lha'i bu brgya stong mang po dag byang chub sems dpa' btsas ma thag tu spos chu sna tshogs dang / me tog sil mas lus khru zhi mngon par 'thor ro// bar snang las kyang rdul yab kyi rnga ma gnyis dang / rin po che'i bdugs byung bar gyur to// de pad mo chen po de la 'dud nas phyogs
- 76a
bzhir rnam par lta ste/ seng ge'i blta stangs dang / skyes bu chen po'i blta stangs kyi rnam par lta'o// de'i tshe byang chub sems dpa'i sngon gyi dge ba'i rtsa ba'i rnam par smin pa las byung ba'i lha'i mig thogs pa med pas/ stong gsum gyi stong chen po'i 'jig rten gyi khams thams cad grong dang / grong khyer dang / grong rdal dang / yul 'khor dang / pho brang 'khor dang / ljongs su bcas/ yul du bcas/ me dang lhar bcas pa rnams mthong bar gyur to// sems can thams cad kyi sems kyi spyod pa yang dag par rab tu shes te/ shes nas kyang sems can gang tshul khrims sam/ ting nge 'dzin tam/ shes rab bam/ dge ba'i spyod pas bdag dang 'dra ba de lta bu gang la la zhig yod dam zhes rnam par lta'o// de'i tshe byang chub sems dpas/ stong gsum gyi stong chen po'i 'jig rten gyi khams na bdag dang mtshungs pa'i sems can gang yang ma mthong nas/ de'i tshe byang chub sems dpa' seng ge ltar 'jigs pa med cing bag tsha ba med de/ zhum pa dang / bag 'tshubs pa med pas/ legs par bsam pa dran par byas te/ bsams brtags nas sems can thams cad kyi sems kyi spyod pa shes par byas te/ lus kyang brtan pa me
- 76b
byang chub sems dpas dge ba'i rtsa ba'i chos thams cad kyi sngon du 'gro bar bya'o// shar phyogs logs su sgom pa bdun bor ro// de ltar byang chub sems dpas gang dang gang du gom pa bor ba de dang de dag tu pad+ma dag skyes par gyur to// lha dang mi rnams kyi sbyin pa'i gnas su 'gyur bar bya'o// lho phyogs su gom pa bdun bor ro// nub phyogs logs su gom pa bdun bor nas/ gom pa bdun pa la gnas te/ nga ni 'jig rten na phul du phyin pa'o// 'di ni nga'i skye ba tha ma ste/ skye ba dang / rga ba dang / 'chi ba mthar dbyung ngo zhes/ seng ge ltar tshim par gyur pa'i sgra skragaso// sems can thams cad kyi nang na bla na med par bya'o zhes/ byang phyogs logs su gom pa bdun bor ro// bdud dang bdud kyi sde ni gzhom par bya'o// sems can dmyal ba pa rnams kyi sems can dmyal ba'i me bsad pa'i phyir/ chos kyi char sprin chen po las char phab ste/ de dag pa bas tshim par bya'o zhes/ 'og gi phyogs logs su gom pa bdun bor ro// sems can thams cad gyen du lta bar 'gyur bar bya'o zhes/ steng gi phyogs logs su gom pa bdun bor nas steng du lta'o// byang chub sems dpas tshig de brjod ma thag tu/ de nas de'i tshe stong gsum gyi stong che//
- 77a
mo'i 'jig rten gyi khams 'dir sbas mngon par go bar gyur te/ de ni byang chub sems dpa'i las kyi rnam par smin pa las byung ba'i mngon par shes pa'i chos nyid do// gang gi tshe byang chub sems dpa' srid pa tha ma pa btsa' bar gyur pa dang / gang gi tshe bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ rdzu 'phrul gyi cho 'phrul gyi rnam pa de lta bu dag 'byung ngo // dge slong dag de'i tshe sems can thams cad kyang rab tu dga' zhing spu g.yos par gyur to// 'jig rten du sa g.yo ba chen po shin du 'jigs shing sru g.yo bar gyur pa yang byung bar gyur to// mi dang lha'i sil snyan dang / rol mo'i dbyangs slar bya ba thams cad kyang ma blangs par sgra 'byin par gyur to// de'i tshe stong gsum gyi stong chen po'i 'jig rten gyi khams thams cad na/ dus dang dus 'tshams so so'i shing dag kyang me tog rgyas shing 'bras bu chags pa dang / rnam par dag par gyur to// na mkha'i dkyil nas kyang sprin gyi sgra grag ste/ sprin med pa'i na mkha' las kyang dal dus phra ba phra ba'i char lha yul ba'i kha dog dang ldan pa'i me tog dang / gos dang / rgyan dang / spos kyi phyed ma dang 'dres pa 'bab par gyur to//
- 77b
rlung reg na mchog tu bde ba/ 'jam pa/ dri zhim po dag kyang ldang bar gyur to// phyogs thams cad kyang mun pa dang / rdul dang / du ba dang / khug sna med cing rab tu dang bas rnam par mdzes par gyur to// steng gi bar snang las kyang tshangs pa'i sgra chen po snang zhing zab pa grag par gyur to/ nyi zla dang / brgya byin dang / tshangs pa dang / 'jig rten skyong ba'i 'od thams cad kyang zil gyis mnan te/ 'od kha dog brgya stong dang ldan pa/ reg na mchog tu bde ba/ sems can thams cad kyi lus dang sems la bde ba bskyed pa/ 'jig rten las 'das pas/ stong chen po'i 'jig rten gyi khams thams cad rgyas par gang bar gyur to// byang chub sems dpa' btsas ma thag tu/ sems can thams cad kyang bde bas shin du tshim par gyur 'dod chags dang / zhe sdang dang / gti mug dang / dregs pa dang / mi dga' ba dang / zhum pa dang / 'jigs pa dang / chags pa dang / phrag dog dang / ser sna thams cad dang bral zhing mi dge ba'i bya ba thams cad spangs par gyur to// sems can dad pa rnams kyi nad kyang zhi bar gyur to// bkres shing 'phongs pa'i/ sems can rnams kyang bkres pa dang 'phongs pa med par gyur to// chang gis ra ro zhing myos pa rnams kyang myos pa med par gyur to// myos pa rnams kyang dran pa
- 78a
rgyacher@#thob par gyur to// mig med pa rnams kyis kyang mig thob par gyur to// rna ba 'on pa rnams kyis kyang sgra thos par gyur to// yan lag dang nying lag nyams pa rnams kyang dbang po nyams pa med par gyur to// dbul po rnams kyang nor thob par gyur to// brtson ra na 'khon pa rnams kyang btson ra nas thar par gyur to// mnar med pa la sogs pa'i sems can dmyal ba pa'i sems can thams cad kyi nang du bya ba dang / sdug bsngal thams cad de'i tshe rgyun chad par gyur to// dud 'gro'i skye gnas pa rnams gcig la gcig za ba la sogs pa'i sdug bsngal yang zhi bar gyur to// gshin rje'i 'jig rten pa'i sems can rnams kyi bkres pa dang skom pa la sogs pa'i sdug bsngal yang zhi bar gyur to// gang gi tshe byang chub sems dpa' bskal pa bye ba khrag khrig brgya stong grangs med par spyad pa shin tu spyad pa/ brtson 'grus chen po dang ldan pa/ mthu chen po dang ldan pa/ btsas ma thag tu gongs pa bdun bdun 'dor ba'i tshe/ chos nyid kyis thob pas de'i tshe phyogs bcu'i 'jig rten gyi khams na bzhugs pa'i sangs rgyas bcom ldan 'das rnams sa'i phyogs de de'i tshe zhig par mi 'gyur bar bya ba'i phyir/ rdo rje'i rang bzhin du byin gyis rlobs par mdzad de/ dge slong dag de tsam du stobs kyi shugs drag po/
- 78b
dang ldan par byang chub sems dpa' btsas ma thag gom pa bdun 'dor bar gyur to// 'jig rten gyi bar dag kyang de'i snang ba chen pos rgyas par gang bar gyur to// de'i tshe glu'i sgra chen po yang byung bar gyur te/ gar gyi sgra chen po yang byung bar gyur to// de'i tshe me tog dang / phye ma dang / spos dang / 'phreng ba dang / rin po che dang / rgyan dang / gos kyi sprin dpag tu med pa dag kyang char du mngon par gyur to// sems can thams cad kyang bde ba'i mchog dang ldan par gyur te/ mdor na byang chub sems dpa' 'jig rten thams cad las mngon par 'phags pa 'jig rten du byung ba'i tshe/ bya ba bsam gyi mi khyab pa byung bar gyur to// de nas tshe dang ldan pa kun dga' bo stan las langs te/ bla gos phrag pa cig tu gzar nas/ pus mo g.yas pa'i lha nga sa lo btsugs te/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// bcom ldan 'das de bzhin gshegs pa ni ses can thams cad la ngo mtshar du gyur pa ste/ byang chub sems dpa' nyid kyang rmad du byung ba'i chos dang ldan par gyur na/ bla na med pa yang dag par rdzogs pa'i byang chub mngon par rdzogs par sangs rgyas pa lta smos kyang ci 'tshal te/ bcom ldan 'das 'di ltar bdag ni lan bzhi 'am lnga dang /
- 79a
rgyalan bcur yang lan lnga bcu'i bar du yang / lan brgya'i bar du yang / lan brgya stong du ma'i bar du yang sangs rgyas bcom ldan 'das la skyabs su mchi'o// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo ma 'ongs pa'i dus na/ dge slong la la lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa/ byis pa mi mkhas pa/ lhag pa'i nga rgyal can/ rgod pas khebs pa/ ma bsdams pa/ sems g.yengs pa/ nem nur gyis 'khor ba/ the tshom mang ba/ dad pa med pa/ dge sbyong gi dri mar gyur pa/ dge sbyong gi tshul dang mi 'dra ba dag byung na/ de dag ni byang chub sems dpa' rum du 'gro ba yongs su dag pa/ 'di lta bu thos nas yid mi ches shing / de dag phyogs cig tu tshogs nas gcig la gcig 'di skad du/ khyed cag 'di lta bu'i mi rigs pa la ltos/ byang chub sems dpa' ma'i rum na 'dug pa/ rtsog pa'i khu shugs dang 'dres pa yang 'di lta bu'i longs spyod yod ces bya ba dang / de 'byung ba'i tshe ma'i glo g.yas pa nas mngal gyi dri mas ma gos par 'byung ba zhes bya ba 'di rigs par ji ltar 'gyur zhes zer bar
- 79b
'gyur te/ skyes bu glen pa de dag ni/ sems can legs par byas pa rnams kyi lus mi gtsang ba'i khu ba'i nang du mi 'byung ngo zhes bya bar mi shes so// dge slong dag sems can dam pa de lta bu dag gi mngal du 'gro ba dang / mngal na gnas pa ni shin du yang bzang ba yin no// byang chub sems dpa' rnams ni sems can rnams la snying brtse bas mi'i 'jig rten du skyes te/ lhar gyur pa nyid kyis chos kyi 'khor lo mi bskor ro// de ci'i phyir zhe na/ kun dga' bo sems can rnams zhum par 'gyur zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de ni lhar gyur pa yin gyi/ bdag cag ni mi tsam du zad pas na/ bdag cag gis gnas de lta bu yongs su rdzogs par bya bar mi nus so zhes zhum par 'gyur du 'ong ba'i phyir te/ skyes bu glen pa chos kyi rkun por gyur pa de dag 'di snyam du/ sems can de ni bsam gyis mi khyab pa ste/ de ni bdag cag gi tshod gzung bar bya ba ma yin no snyam du mi sems so// kun dga' bo de dag ni de'i tshe/ sangs rgyas kyi cho 'phrul la'ang yid ches par mi 'gyur na/ de bzhin gshegs pa byang chub sems dpar gyur pa'i byang chub sems dpa'i cho 'phrul la lta smos kyang ci dgos te/ kun dga' bo de ltar skyes bu glen pa/
- 80a
rnyed pa dang / bkur sti dang tshigs su bcad pas zil gyis non pa/ mi gtsang bar bying ba/ rim gro'i zil gyis non pa/ ma rabs kyi ngang tshul can/ de dag sangs rgyas kyi chos spong zhing bsod nams ma yin pa'i mngon par 'du bya ba mang po ji snyed cig mngon par 'du byed pa la ltos/ kun dga' bos gsol pa/ bcom ldan 'das ma 'ongs pa'i dus na/ 'di lta bu'i mdo sde bzang po yang spong zhing mi snyan pa rjod pa de lta bu'i dge slong dag kyang 'byung lags pa lta/ bcom ldan 'das kyis bka' stsal pa/ kun dga' bo de dag ni mdo sde 'di lta bu spong zhing snyan pa brjod par yang ma zad de/ sdig pa rnam pa du ma mngon par 'du bya ba mngon par 'du byed cing / dge sbyong gi dngos po don du mi gnyer ba dag kyang 'byung bar 'gyur ro// gsol pa bcom ldan 'das 'o na skyes bu dam pa ma lags pa de 'dra ba de dag gi 'gro ba ni ci 'dra ba zhig tu 'gyur/ tshe rabs 'phos nas ni ji lta bu zhig tu mchis/ bcom ldan 'das kyis bkra stsal pa/ de dag ni sangs rgyas kyi byang chub med par bya ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams la mi snyan pas skur pa btab pa'i 'gro ba der 'gro bar 'gyur ro// de nas tshe dang ldan pa kun dga' bo spu g.yos nas sangs rgyas la phyag 'tshal lo zhes brjod de/
- 80b
bcom ldan 'das la 'di skad ces gsol to// bcom ldan 'das skyes bu dam pa ma lags pa de dag gi spyod pa 'di thos nas/ bdag ni brgyal ba dang 'dra ba gyur to// bcom ldan 'das kyis bka' stsal pa/ kun dga' bo de dag gi spyong pa ni mnyam par mi 'gyur zhing / sems can de dag ni mi mnyam pa'i spyod pa can du 'gyur ro// kun dga' bo de dag ni tshul dang mi 'dra ba'i spyod pa des/ mnar med pa'i sems can dpral ba chen por ltung bar 'gyur ro// de ci'i phyir zhe na/ kun dga' bo dge slong ngam/ dge slong ma 'am/ dge bsnyen ma 'am/ dge bsnyen ma gang la la zhig mdo sde 'di dag thos nas ma mos shing yid mi ches pa dang / spong ba de dag ni/ shi 'phos ma thag tu mnar med pa'i sems can dmyal ba chen por ltung bar 'gyur ro// kun dga' bo de bzhin gshegs pa la ni tshad du ma byed cing / de ci'i phyir zhe na/ de bzhin gshegs pa ni tshad med cing zab la rgya che zhing gting dpag dka' ba'o// / kun dga' bo gang la la zhig gis mdo sde 'di lta bu 'di dag thos nas dga' ba dang / mchog tu dga' ba dang / dad pa skyes pa'i sems can de dag gis ni thom pa legs par thob pa yin te/ de dag gi 'tsho ba ni don yod pa'o// de dag ni mi'i dbang po ni rngan yod pa'o// de dag ni spyod pa legs par srung ban/
- 81a
cher/ de dag gis ni snying po blangs so// de dag gi ni ngan song gsum las grol ba'o// de dag ni de bzhin gshegs pa'i sras su 'gyur ro// de dag ni dgos pa thams cad yongs su thob po// de dag gis ni dang po thob pa ni don yod pa'o// de dag gis ni yul 'khor gyi zas legs par zos so// de dag ni sems can dam pa rnams la legs par mos pa yin no// de dag ni bdud kyi zhags pa brtul ba yin no// de dag ni 'khor ba'i 'brog dgon pa las rgal to// de dag gis ni mya ngan gyi zug rngu phyung ngo // de dag gis ni mchog tu dga' ba'i dngos po rjes su thob po// de dag gis ni skyabs su 'gro ba legs par blangs so// de dag ni sbyin pa'i gnas yin te mchod par 'os pa'o// de dag ni 'jig rten na 'byung bar dkon pa'o// de dag ni 'jig rten pa'i sbyin pa'i gnas su bzung ba'o// de ci'i phyir zhe na/ de bzhin gshegs pa'i chos 'jig rten thams cad dang mi mthun pa rnam pa 'di lta bu 'di la dad pa'i phyir ro// kun dga' bo sems can de dag ni dge ba'i rtsa ba ngan ngon dang ldan pa ma yin te/ kun dga' bo sems can de dag ni/ nga dang tshe rabs 'ga' zhig tu 'grogs par gyur pa'i grogs po yin no// de ci'i phyir zhe na/
- 81b
kun dga' bo la la ni thos pa tsam gyis dga' zhing yid du 'ong ba yod kyi mthong na ma yin no// kun dga' bo la la ni mthong bas dga' zhing yid du 'ong ba yod kyi thos pas ma yin no// kun dga' bo la la ni mthong na yang dga' zhing yid du 'ong la thos na yang dga' zhing yid du 'ong ba yod do// kun dga' bo gang yang rung ste/ la la zhig mthong ngam thos nas dga' zhing yid du 'ong bar gyur na/ khyod kyis de la 'di ltar de dag ni nga dang tshe rabs 'ga' zhig tu 'grogs pa'i grogs po yin par nges par rtogs par bya ste/ de dag ni de bzhin gshegs pas gzigs so// de dag ni de bzhin gshegs pas dgrol bar bya bar ro// de dag ni de bzhin gshegs pa dang yon tan gyi cha mnyam pa'o// de dag ni de bzhin gshegs pa la skyabs su dong ba'o// de dag ni de bzhin gshegs pas bzung ba'o// kun dga' bo sngon byang chub sems dpa'i spyad pa spyod pa nyid kyi tshe yang sems can su yang rung ste/ 'jigs pas nyams thag cing 'ongs nas mi 'jigs pa slong na/ sems can de dag la ngas mi 'jigs pa byin par gyur na/ nga bla na med pa yang dag par rdzogs pa'i byang chub mngon par rdzogs par sangs rgyas pa lta smos kyang ci dgos/ kun dga' bo dad
- 82a
/ pa la brtson par gyis shig/ 'di ni de bzhin gshegs pas bcol ba'o// kun dga' bo khyod kyi bya ba ci yod pa de dag ni de bzhin gshegs pas byas so// nga rgyal gyi zug rngu ni de bzhin gshegs pas bsal to// kun dga' bo grogs po'i gtam thos pa tsam gyis kyang dpag tshad brgya'i lam du 'gro ste/ thos pas kyang dga' bar gyur pa yin na/ sngar ma mthong ba las mdza' bo mthong bar gyur na smos kyang ci dgos te/ gang nga la rten cing dge ba'i rtsa ba bskyed par byed pa de dag ni ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis mkhyen cing / sems can de dag ni de bzhin gshegs pa rnams kyi sngon gyi mdza' bo ste/ de dag ni bdag cag ni yang mdza' bo yin no snyam du dgong so kun dga' bo mdza' bo gang yin pa de ni mdza' bo la sdug cing yid du 'ong ba yin no// mdza' bo de'i gang sdug pa'i grogs po de yang de la sdug cing yid du 'ong ba yin no// kun dga' bo de lta bas na/ khyod mos par bya zhing khong du chud par bya/ dad pa tsam yang bskyed par gyis shig/ ngas ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams la yang btad do// de dag kyang 'di dag ni bdag cag gi yang mdza' bo
- 82b
yin no zhes bya bar mkhyen cing / bsam pa rdzogs par mdzad par 'gyur ro// kun dga' bo 'di lta ste dper na/ skyes bu la la zhig la bu dag nyan cing 'thun par 'dzin pa gcig pu zhig bdog par gyur la/ skyes bu de yang mdza' bo mang ba zhig yin te/ pha de shir zin na yang / pa'i mdza' bos yongasu bzung ba'i bu de ni phongs par mi 'gyur ro// kun dga' bo de bzhin du gang su yang rung ste/ nga la dad na de dag ngas bzung ba yin te/ de dag ni nga'i mdza' bo'o// de dag ni nga la skyabs su dong ba'o// de bzhin gshegs pa ni mdza' bo mang po mnga' ba ste/ de bzhin gshegs pa'i mdza' bo de dag kyang yang dag par gsung zhing brdzun mi gsung na/ de bzhin gshegs pa'i mdza' bo de dag kyang yang dag par gsung ba/ ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams la de dag rjes su gtad kyis/ kun dga' bo dad pa la brtson par gyis shig/ 'di ni ngas khyod la bcol ba'o// / dge slong dag de ltar byang chub sems dpa' btsas pa'i tshe/ lha'i bu mo bye ba khrag khrig brgya stong mang po dag na mkha'i dkyil na gnas shing lha mo sgyu 'phrul la lha'i me tog dang / spos dang / phreng ba dang / byug pa dang / gos dang / rgyan gyi mngon par mthor par gyur to// de la 'di skad ces bya ste/ dge ba
- 83a
rgyar/ dri med rnam dag gser gyis 'od ldan nyi zla'i 'od ldan pa/ lha yi bu mo skra dbyangs sman brjod stong phrag drug bcu dor / skad cig de la lum bi ni ra lhags lha mo sgyu 'phrul de la smras/ mi dgyes ma mdzad rab tu dgyes mdzod bdag cag khyod kyi phyag rjes lags/ bdag cag rnams kyis bgyi ba ci mchis ci bgyi ci 'tshal bka' stsol cig/ bdag cag khyod kyi phyag rjes nus ldan nye ba'i sems dang ldan pa lags// khyod kyi dgyes shing bde ba'i nyams bskyed mi dgyes thams cad spang du gsol// rga shi sel ba'i sman pa dam pa de ring lha mo myur bskyed gyur// ji ltar zhugs shing 'di rnams kha 'bus sa la me tog rgyas gyur cing / stong phrag bgrangs pa'i lha rnams drung na gnas shing lag pa 'dud pa dang / ji ltar dog sa rgyas mtshor bcas te rnam pa drug tu g.yos lags na/ khyod las lha yul mi yul sgra grag 'jig rten 'das pa'i sras bltam gyur/ ji ltar rnam dag 'od kyis rnam par mdzes shing gser gyi kha dog bzang // nam mkha'i dkyil nas yid 'ong sil snyan brgya dag ma dkrol sgra 'byin dang / ji ltar dag cing gtsang la 'dod chags dral ba'i lha rnams brgya stong yang / dga' sems phyag 'tshal ba las de ring 'jig rten kun phan bltam par gyur/ brgya byin tshangs pa 'jig rten skyo
- 83b
dang de bzhin lha rnams gzhan dag kyang // dga' zhing brod pa'i sems kyis drung du gnas nas lag pa 'dud pa bgyi/ skyes bu seng ge brtul zhugs grub pa de yang rtsib logs g.yas nas byung // gser gyi ri dang 'dra zhing dag pa'i 'od dang ldan pa'i 'dren pa blta bas// brgya byin tshangs pa gnyis kyis lag pa dar te thub pa de yang blangs// zhing rnams brgya stong 'od bzang bkye bas thams cad rab tu g.yos par gyur// ngan song gsum gyi sems can rnams kyang bde zhing sdug bsngal med gyur te/ lha rnams brgya phrag stong gis me tog gtor te gos kyi g.yab mo byung / de tshe sa 'di stobs mthu ldan zhing rdo rje'i dngos gnas pad+ma mdzes/ sna tshogs mngon mthon dge la 'dren pa 'khor lo'i mtshan ris zhabs bzhag ste/ gom pa bdun du gzhung nas tshangs pa'i sgra dbyangs dam pa gsungs pa ni// rga shi sel ba'i sman pa dam pa sems can mchog tu bdag 'gyur ro// tshangs pa'i mchog dang brgya byin lha mchog na mkha'i dkyil na 'khod gyur te/ gtsang zhing dang la mdzes pa'i spos chu dag gis 'dren pa'i sku yang bsil// klu'i rgyal gnyis bar snang gnas nas grang dro'i chu'i rgyun kyang gtong // lha rnaMs brgya stong dag kyang spos chu dag gis 'dren pa'i sku gsil byed/ 'jig rten skyong ba rnams kyang rim gro dam par lag pa bzang pos la ne// stong gsum 'di//
- 84a
yang rgyu dang me rgya bcas par rab tu g.yos par gyur/ mdzes pa'i 'od rnams bkye bas ngan song rnams kyang rab tu zhi bar gyur// 'jig rten rnam par 'dren pa bltam pas nyon mongs sdug bsngal de dag zhi// mi yi 'dren pa rgyal ba la// lha rnams me tog sil ma mthor// stobs dang brtson 'grus ldan pa yi// brtan pa gom pa bdun du bzhud// sa phyogs gang du zhabs bzhag pa// der ni pad+ma bzang ba'i mchog rin chen kun gyis brgyan pa dag/ sa las mngon du mthon par gyur// de ltar gom pa bdun bzhud nas// rga dang 'chi ba sel ba yi// sman pa dam pa 'di byung zhes// tshangs pa'i dbyangs kyis gsung brjod do// 'jigs med phyogs bcur rnam gzigs te// de nas don ldan gsung phyung ba// nga ni 'jig rten kun gyi gtso// 'jig rten phul phyin rnam par 'dren// nga yi skye mtha' 'di yin zhes// mi yis 'dren pas 'dzum pa mdzad// lha dang bcas dang 'jig rten skyong dag rab tu dang sems kyis// spo chu mchog gis 'jig rten pa'i don mdzad sku yang gsil// klu'i dbang po rnams kyang lhan cig mthun par byas nas ni// dri zhim spos chu dag gi rgyun gyis sku yang gsil ba byas// lha gzhan khrag khrig dag kyang bar snang la ni gnas nas su/
- 84b
dri zhim spos chu mchog gi rgyun gyis rab tu byung sku yang gsil// gdugs dkar yangs dang rnga yab bzang po dam pa thogs nas ni// bar snang 'khod de lha rnams mi yi khyu mchog sku gsil byed// skyes bu gcig gcig rings par 'ongs pas zas gtsang de la srar spras pa// lha gcig 'byor pa rgyas gyur khyod kyi sras ni mtshan dang ldan pa btsas// de ni nges par 'khor los bsgyur ba dbang phyug gdung rabs rin chen 'tshob// 'dzam bu'i gling 'di gdugs mang gcig gyur phas kyi dgra yang ma mchis gyur// de nas skyes bu gnyis 'ongs zas gtsang rgyal po'i mdun du de song ste// lha gcig 'byor pa rgyas gyur shAkya'i rigs su rgyal bu skyes gyur nas/ shAkya rnams kyi grong du rogs la 'bum phrag lnga ni skyes par gyur// kun kyang gzhan gyis mi thub stobs dang ldan zhing chen po che dang 'dra/ de nas skyes bu gzhan 'ongs sbas pa bdag las dgyes pa'i sgra gson lha// mdun pa can la sogs pa 'bangs kyi byis pa brgyad brgya btsas par gyur/ bsngags ldan gyi ni zla bo chings rta stong phrag bcu dag 'brangs gyur te/ chibs mchog dam pa gser gyi 'od ldan rnga rdzogs lcang lor 'khril ldan pa/ mtha' khob khams kyi rgyal po stong phrag nyi shu dag kyang de bzhin du/ rgyal po khyod kyi zhabs kyi drung du mchis kyi legs par rgyal gyur lha// da ni bdag
- 85a
mchi sug las ci bgyi rgyal pos bdag la bka' stsol cig/ rgyal po khyod 'dir mnga' brnyes bdag 'bangs jo bo lhan cig rgyal bar spyon// gser gyi dra bas mdzes pa'i glang po dang pa stong phrag nyi shu dag/ na mkha' las ni sgra dag 'byin cing rgyal po'i khab tu mgyogs su mchi bsrung la sogs ne gu za lug dang ba mchog be'u ni drug stong 'brangs// lhan cig lha mchog bltam zhing de dag btsas pas rgyal khab phun sum tshogs// rje gcig rgyal po gshegs te bsod nams gzi 'od ldan pa bltams pa yi// yon tan dag ni mthong bar gyur nas lha dang mi rnams stong 'grangs pa/ rab tu dga' bar gyur dang kun la nyid kyis legs par gzigs su gsol/ myur du rgyal gyur cig ces byang chub dam pa mya ngan med pa zhugs// dge slong dag de ltar byang chub sems dpa' btsas pa dang / skad cig de la sbyin pa gtong ba yang de bas rgya cher gyur to// ya rabs kyi rigs lnga brgya tsam yang btsas par gyur to// grags ldan la sogs pa bu mo khri dang / bran po brgyad brgya dang / bran po brgyad brgya dang / 'dun pa can la sogs pa bran lnga brgya dang / rte'u mo khri dang / bal glang gi phrug gu mo lnga brgya dang / bal glang gi phrug gu po lnga brgya dag kyang btsas shing 'brangs par gyur nas/ de dag thams cad rgyal po zas sngag ldan la sogs pa rje'u pa khri dang
- 85b
gtsang mas sna drangs yi ger bris te/ sras bu gzhon nu rtse ba'i phyir byin par gyur to// byang chub sems dpa'i longs spyod kyi don du/ byang chub sems dpa' nyid kyi mthus/ gling bye ba brgya phrag bzhi'i dbus kyi sa phyogs nas/ a shwang tha'i sdong po skyes par gyur to// gleng phra mo rnams su yang tsan dan gyi nags tshal skyes par gyur to// byang chub sems dpa'i longs spyod kyi don du/ byang chub sems dpa' nyid kyi mthus/ grong khyer yug tu yang bskyed mos tshal lnga brgya dag byung bar gyur to// lnga stong yang sa'i 'og nas gyen du 'bus te sgo ston par gyur to// de ltar rgyal po zas gtsang ma de'i don bsam pa gang gi pa de dag thams cad phun sum tshogs par gyur nas/ rgyal po zas gtsang ma 'di snyam du bdag gi bu gzhon nu de'i ming ji skad cig gdags par bya snyam pa dang / de 'di snyam du sems te/ bu 'di skyes ma thag tu bdag gi don thams cad grub par gyur gyi/ 'di'i ming ni don thams cad grub par gdags so snyam ste/ de nas rgyal pos byang chub sems dpa' la rim gro cher byas te/ bu 'di'i ming don thams cad grub pa zhes ming btags so// dge slong dag de ltar byang chub sems dpa' btsas nas ma'i glo g.yas pa yang ma ral ma nyams shing sngon bzhin du gyur to// der khron pa lan gsum lud pa dag kyang byung bar gyur/
- 86a
zlab ma dza chu rgya kyang / demamamam ldan ngag na tham sa ma 'bru bar drog ma po khyer te/ byang chub sems dpa'i ma'i drung du lhags nas/ bltam pa legs par bltam 'am/ mU la mi bde ba ma mchis sam nas 'dri bar gyur to// yang lha'i bu mo lnga brgya stong dag kyang lha'i byug pa dang rnam par byug pa thogs te/ byang chub sems dpa' ma'i drung du lpags nas bsam pa legs par bltapa 'am/ skul mi bde ba ma mchis sam zhes 'dri bar gyur to// lha mo lnga stong yang lha'i spos chus bkang ba'i bum pa thogs te/ byang chub sems dpa'i ma'i drung du lhags nas bltam pa legs par blta ma 'am/ sku la mi bde ba ma mchis sam zhes 'dri bar gyur to// lha mo lnga stong dag kyang lha'i byis pa'i gos thogs te/ byang chub sems dpa'i ma'i drung du lhags nas bsam legs par bltam 'am/ skul mi bde ba ma mchis sam zhes 'di bar gyur to// lha'i bu mo lnga stong dag kyang lha'i byis pa'i rgyan thogs te/ byang chub sems dpa'i ma'i drung du lhags nas bltam pa legs par bltam 'am sku la mi bde ba ma mchis sam zhes 'dri bar gyur to// lha'i bu lnga stong dag kyang glu dbyangs len cing / byang chub sems dpa'i ma'i drung du lhags te
- 86b
bltam pa legs par blta ma 'am/ sku la mi bde ba ma mchis sam zhes 'dri bar gyur to// 'dzam bu'i gling 'di na phyir rol gyi drang srong mngon par shes pa lnga dang ldan pa ji snyed cig 'khod pa de dag thams cad na mkha' las 'ongs te/ rgyal po zas gtsang ma'i mdun du 'khod nas rgyal po 'bal bar gyur cig ces bya ba'i sgra sgrogs par gyur to// dge slong dag de ltar byang chub sems dpa' btsas nas zhag bdun du lu ma bi ni'i nags tshal du/ lha dang mi'i sil snyan dang / pheg rdob pas rim gro byas so// bkur sti byas so// mchod par byas so// bza' ba dang / bca' ba dang / myang ba dag kyang drangs par gyur to// shAkya'i tshogs thams cad kyang 'dus nas kun dga' bo'i sgra brjod par gyur to// sbyin pa dag kyang byin no// bsod nams dag kyang byed do// / bram ze sum khri nyis stong yang nyin cig bzhin du tshim par byed do// su dag ci 'dod pa de dag la yang de sbyin par gyur to// brgya byin dang / tshangs pa yang bram ze'i khye'u'i gzugs sprul te gral gyi thog ma la 'khod nas/ bkra shis kyi tshigs su bcad pa 'di dag brjod par gyur to// ji ltar ngan song rnams zhi zhing / ji ltar 'gro kun bde las na// 'gro ba bde la 'god pa yi// bde ba mdzad cing bltam par mngon// ji ltar rab rib med 'od kyis// lha dang 'i zla'i
- 87a
@#'od rnams kyang // baM snang zil du brlag pa mas// bsod nams 'od cig byung bar mngon// mig med rnams kyang mngon gyur cig/ rna ba 'on pas sgra thos la// smon pa dag kyang dran ldan las// 'jig rten mchod rten byung bar mngon// ji ltar nyon mongs mi gnod cing 'gro ba byams pa'i yid gyur las// tshangs pa bye bas mchod 'os su// gdon mi za bar 'gyur bar mngon// sa la'i me tog rgyas gyur cing // sa yang mnyam par gnas pa las// 'gro ba kun gyis mchod pa yi// thams cad mkhyen du 'gyur bar mngon// ji ltar 'jig rten 'khrugs med cing // pad ma chen po 'thon pa las// nges par gzi brjid chen po 'di// 'jig rten mgon du byon par gyur// lha yi spos kyi spags gyur pa// 'jam pa'i rlung gi ngad ldang zhing // sems can nad rnams zhir gyur las// 'di ni sman pa'i rgyal por byon// gzugs khams gnas pa'i lha brgya pa// 'dod chags bral ba 'di dag kyang // thal mo sbyar zhing 'dud pa las// 'di ni sbyin pa'i gnas su byon// mi rnams kyis ni lha mthong zhing // lha rnams kyis ni mi mthong yang // phan tshun 'tshe ba med pa las// 'di ni ded dpon chen por byon// me rnams zhi bar gnas gyur cing // chu klung thams cad mi g.yo las/
- 87b
sa yang dal bus g.yo ba las// 'di ni yang dag gzigs par 'gyur// dge slong dag de ltar byang chub sems dpa' btsas nas zhag bdun lon pa dang / lha mo sgyu 'phrul shi ba'i dus byas nas sum bcu rtsa gsum gyi lha'i nang du skyes so// dge slong dag khyed 'di snyam du/ byang chub sems dpa'i lan bon gyis lha mo sgyu 'phrul shi ba'i dus byas so snyam na/ de de ltar mi lta'o// de ci'i phyir zhe na/ de'i tshe'i tshad ni mthar thug pa'i phyir ro// dge slong dag 'das pa'i byang chub sems dpa' rnams kyang btsas nas zhag bdun lon nas ma 'chi ba'i dus byed par gyur to// de ci'i phyir zhe na/ byang chub sems dpa' skyes te dbang po yongs su rdzogs nas mngon par byung na/ ma snying 'gas su 'ong ba'i phyir ro// dge slong dag de ltar zhag bdun lon nas thog mar ser skyis grong khyer chen po nas/ lha mo sgyu 'phrul bkod pa ji lta bus bskyed mos tshal gyi sar zhugs par gyur pa de dag las bye ba brgya stong gyur pas kyang lhag pa'i bkod pa chen pos/ byang chub sems dpa' grong khyer chen po ser skya'i gnas su zhugs so// de zhugs pa dang / bum pa spos chus gang ba lnga stong gis mdun du drangs par gyur to// de bzhin du bu mo lnga stong ni rma bya'i mdongs lag na thogs te mdun du 'dong bar gyur to// bu mo lnga stong ni shing ta la'i yal ga
- 88a
thogs shing mdun du 'dong bar gyur to// bu mo lnga stong ni spos chu'i ril ba bring gar thogs te lam chags ca gis 'debs shing mdun du 'dong bar gyur to// bu mo lnga stong ni nags tshal gyi me tog gi phreng ba 'phyang ba khye'u tshad sna tshogs thogs te/ mdun du 'dong bar gyur to// bu mo lnga stong ni bzang por bsgyur ba'i rin po che thogs te/ lam gyi byi dor byed cing mdun du 'dong bar gyur to// bu mo lnga stong ni stan bzang po thogs shing 'khod 'dong bar gyur to// bram ze lnga stong ni dril bu thogs te/ bkra shis kyi sgra 'byin cing mdun du 'dong bar gyur to// glang po lnga stong ni rgyan thams cad kyis brgyan te mdun du 'dong bar gyur to// rta nyis khri ni gser gyi rgyan gyis bkab cing rgyan thams cad kyis brgyan te mdun du 'dong bar gyur to// shing rta brgyad khri ni gdugs dang / rgyal mtshan dang / ba dan sgreng zhing dril bu g.yer kha'i dra bas legs par brgyan te/ byang chub sems dpa'i phyi bzhin du 'dong bar gyur to// rkang thang dpa' zhing brtul phod pa yan lag dam pa'i gzugs dang ldan pa/ go cha sra ba bgos pa bzhi khri ni/ byang chub sems dpa' 'gro ba'i phyi bzhin du 'dong bar gyur to// 'dod pa na spyod pa dang / gzugs na spyod
- 88b
pa'i lha grangs med pa bye ba khrag khrig brgya stong tshad med grangs med pa dag ni/ na mkha'i dkyil nas bkod pa rnam pa sna tshogs du mas byang chub sems/ dpa' la mchod pa byed cing phyi bzhin 'dong bar gyur to// shing rta gang la byang chub sems dpa' 'dug par gyur pa de yang / 'dod pa na spyod pa'i lha rnams kyis bkod pa chen po du mas legs par brgyan par gyur to// lha'i bu mo rgyan thams cad kyis brgyan pas chas pa rin po che'i phreng ba thogs pa nyis khris shing rta de drangs te/ lha'i bu mo gnyis gnyis kyi bar du ni mi'i bu mo gcig 'dug/ mi'i bu mo gnyis gnyis kyi bar du ni lha'i bu mo cig/ 'dug kyang / byang chub sems dpa'i mthus/ lha'i bu mos kyang mi'i bu mo'i dri zhim pa mi tsher/ mi'i bu mos kyang lha'i bu mo'i gzugs mthong na zag med par ma gyur to// dge slong dag ser skya'i gnas kyi grong khyer chen por shAkya lnga brgya tsam gyis/ byang chub sems dpa'i ched du khyim lnga brgya phung ste/ de dag byang chub sems dpa' grong khyer der 'jug pa'i tshe/ rang rang gis byas pa'i khyim gyi sgor 'khod de/ thal mo sbyar nas lus gus par btud de/ rim gro dang bcas pas 'di skad du/ kye don thams cad grub pa 'dir gshegs su gsol// kyai lha'i lha 'dir
- 89a
kye sems can dag pa 'dir gshegs su gsol// chegashegs su gsol// kye kha lo bsgyur ba dam pa 'dir gshegs su gsol// kye dga' zhing bde ba dang mchog tu dga' ba mdzad pa 'dir gshegs su gsol/ kye smad pa med pa'i grags pa mnga' ba 'dir gshegs su gsol/ kye kun nas spyan mnga' ba 'dir gshegs su gsol// kye mi mnyam pa dang mnyam zhing 'dra ba med pa'i yon tan dang / gzi brjid mnga' ba/ mtshan dang dpe byad bzang pos yang / dag par brgyan pa'i sku mnga' ba 'dir gshegs su gsol/ zhes de skad 'dzer to// de nas rgyal po zas gtsang mas de dag thams cad dang mthun par bya ba phyir/ byang chub sems dpa' khyim de kun tu yang zhugs par byas te/ zla ba bzhi lon nas byang chub sems dpa' nyid kyi khyim du zhugs te/ rin po che sna tshogs bkod pa zhes bya ba'i khangs bzangs dam pa der byang chub sems dpa' zhugs par gyur to// de nas shAkya rgan rabs rnams 'dus te bgros pa/ phan pa'i sems dang / byams pa'i sems kyi yon tan dang ldan pa/ 'jam pa dang ldan par byang chub sems dpa' gtsa' ba dang / byi dor bya ba dang nyams su blangs par sus nus zhes byas pa dang / de nas shAkya'i bu mo lnga brgya tsam so so nas 'di skad du/ bdag gis gzhon nu'i rim gro bgyi'o//
- 89b
bdag gis gzhon nu'i rim gro bgyi'o zhes zer ro// de nas shAkya ches 'gres ches 'gres de dag na re/ bu mo gzhon nu 'di dag thams cad ni byis pa gzhon nu thor bu gzhon la/ gzugs dang dar la bab pas rgyags shing dregs pa yin pas/ 'di dag gis byang chub sems dpa' la dus dus su rim gro bya bar mi nus so// skye dgu'i bdag mo chen mo gzhon nu'i sru 'dis ni bde ba dang legs par skyed par nus so// rgyal po zas gtsang ma yang mnyes par nus so/ zhes thams cad gros gcig tu 'dus te/ skye dgu'i bdag mo chen mo go'u ta mi dad par byas nas/ skye dgu'i bdag mo chen mo go'u ta ma'i gzhon nu de legs par bskyed do// de'i tshe byang chub sems dpa'i rim gror ma ma sum bcu rtsa gnyis bkod par gyur te/ de la brgyad ni pang na 'tsho ba'i ma ma'o// brgyad ni nu ma bsnun pa'i ma ma'o// brgyad ni rtsed grogs kyi pha ma'o// brgyad ni dri ma phyi ba'i ma ma'o// de nas rgyal po zas gtsang mas shAkya'i tshogs thams cad bstsogs te dpyad pa/ ji ltar gzhon nu 'di 'khor los bsgyur ba 'ba' zhig tu 'gyur ram/ 'on te ma yin gyi rab tu 'byung ba'i phyir mngon par 'byung zhes dpyad pa dang / de'i tshe ri'i rgyal po gangs ri'i ngos la drang srong chen po nag po zhes bya ba/ mngon par shes pa lnga dang ldan pa zhig/ skrag gi tsha bo mis byin
- 90a
zhes bya ba dang lhan cig tu 'dug 'dug pa las/ des byang chub sems dpa' bcas pa'i tshe/ ngo mtshar zad du byung ba cho 'phrul mang du mthong ste/ na mkha'i dkyil na yang lha'i bu mo mang po sangs rgyas kyi sgra sgrog cing / gos kyi g.yab mo g.yob pa dang / dga' zhing phan tshun du 'dong ba mthong nas nges bsams pa/ ma la bdag gis rnam par lta ba zhig du bya 'am snyam nas/ des lha'i mig gis 'dzam bu'i gling thams cad du ltas na/ ser skya'i gnas kyi grong khyer chen po de na/ rgyal po zas gtsang ma'i khyim du/ gzhon nu bsod nams kyi gzi brjid kyi gzi dang ldan par byas pa/ 'jig rten thams cad kyis mchod pa/ skyes bu chen po'i mtshan sum bcu rtsa gnyis kyis brgyan pa zhig btsas par mthong nas/ bram ze'i khye'u shes par gyis shig/ 'dzam bu'i gling du rin po che chen po byung ste/ ser skya'i gnas kyi grong khyer chen po na/ rgyal po zas gtsang ma'i khyim du gzhon nu bsod nams kyi gzi brjid kyis gzi dang ldan par byas pa/ 'jig rten thams cad kyis mchod pa/ skyes bu chen po'i mtshan sum bcu rtsa gnyis dang ldan pa btsas so// de gal te khyim na gnas na ni mtha' bzhi la dbang ba'i 'khor los bsgyur ba'i rgyal por 'gyur te/ rnam par rgyal ba dang ldan pa/
- 90b
chos dang ldan pa/ chos kyi rgyal po/ srid kyi mthu stobs thob pa/ rin po che sna bdun dang ldan par 'gyur te/ de'i rin po che sna bdun ni 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che dang bdun 'byung bar 'gyur ro// de la bu stong yod par 'gyur te/ dpa' ba/ brtul phod pa/ yan lag mchog gi gzugs dang ldan pa/ pha rol gyi sde 'joms pa sha stag 'byung bar 'gyur ro// de ni sa chen po'i dkyil 'khor 'di rgya mtsho'i mtha' bskor dang bcas par chad pa med cing mtshon gyis gda' ba med par/ chos dang 'thun par rang gi mthus zil gyis mnan cing mngon par phab ste/ dbang phyug gis dbang gis rgyal srid byed par 'gyur ro// de gal te khyim nas khyim med par rab tu byung na yang / de bzhin gshegs pa dgra bcom pa yang dag par rdzogs pa'i sangs rgyas su 'gyur te/ ston pa 'dren pa gzhan gyi dring la mi 'jog pa/ 'jig rten du sgra rnam par grags par 'gyur ro// de lta bas na tshur sheg de ltar 'dong // de nas drang srong chen po nag po snag gi tsha bo mis byin dang 'grogs te/ ngang pa'i rgyal po ltar na mkha'i dkyil nas lding ste/ ser skya'i gnas kyi grong khyer
- 91a
chen po gang la ba der song nas byin pa dang / rdzu 'phrul brtul nas rkang gis ser skya'i gnas kyi grong khyer chen po der dong ste/ rgyal po zas gtsang ma'i khyim ga la ba der phyin nas/ rgyal po zas gtsang ma'i khyim sgor brdad do// dge slong dag de ltar drang srong nag po des/ rgyal po zas gtsang ma'i khyim gyi sgo drung du srog chags brgya stong mang po 'dus pa mthong ngo // de nas drang srong nag po sgo drung du song ste 'di skad ces smras so// kye mi khyod sol rgyal po zas gtsang ma le chab sgo na drang srong zhig mchis so zhes gsol cig/ de nas sgo ba des de ltar bgyi'o/ zhes drang srong nag po'i ltar mnyan te/ rgyal po zas gtsang mal ba der song nas phyin pa dang / thal mo sbyar te rgyal po zas gtsang ma la 'di skad ces gsol to// lha mkhyen par mdzad du gsol/ chab sgo na drang srong rgan po 'khogs pa nas gzer ba zhig mchis te/ 'di skad du bdag ni rgyal po'i zhal mthong bar 'tshal lo zhes mchi'o// de nas rgyal po zas gtsang mas drang srong nag po'i stan 'dings su bcug ste/ mi de la 'di skad ces smraso drang srong de nang du 'ong bar gyis shig/ de nas mi de rgyal po'i pho brang nas byung nas drang srong nag po de la 'di skad ces sbas te/ nang du gzhung cig
- 91b
de nas drang srong nag po rgyal po zas gtsang ma ga la ba der song ste phyin pa dang / mdun du 'dug te rgyal po zas gtsang ma la 'di skad ces smras so// rgyal po chen po rgyal bar spyon cig/ sku tshe ring bar bsrungs shig/ chos bzhin du rgyal po mdzod cig/ de nas rgyal po zas gtsang mas drang srong nag po la yon chu dang / rkang pa bkru ba'i mchod pa byas te/ shin du legs par yongs su bkur nas stan la brdar to// de stan la bde bar 'dug pa shes nas zhe sa dang bcas pa/ gus pa dang bcas par 'di skad ces smras so// drang srong sngon mthong bar mi dran na/ 'dir ci la byon ci zhig bzhed de skad ces smras pa dang / drang srong nag pos rgyal po zas gtsang ma la 'di skad ces smras so// rgyal po chen po khyod kyi sras shig bltam par gyur pa de lta zhing 'dir mchis so// rgyal pos smras pa/ drang srong chen po gzhon nu nyal zhing mchis na/ langs kyi bar du cung zad cig bzhus shig/ drang srong gis smras pa/ rgyal po chen po skyes bu chen po de lta bu ni ring por mi nyal ste/ skyes bu dam pa de lta bu dag ni sad par gnas pa'i ngang tshul can no// dge slong dag de nas byang chub sems dpas drang srong nag po de la snying brtse ba nye bar bzung ste/ sad pa'i brda byas so// de nas
- 92a
rgyal po zas gtsang mas/ gzhon nu don thams cad grung pa lag pa gnyis kyis shin du legs par blangs te/ drang srong nag po'i drung du khyer ro// de nas drang srong nag pos byang chub sems dpa' ltas nas/ skyes bu chen po'i mtshan sum bcu rtsa gnyis dang ldan zhing / dpe byad bzang po brgyad bcus legs par rnam par sbas pa'i lus dang ldan pa/ brgya byin dang / tshangs pa dang / 'jig rten skyong ba las 'phags pa'i lus can/ nyi ma brgya phrag stong las lhag pa'i gzi brjid dang ldan pa/ yan lag thams cad shin du mdzes pa mthong nas/ kye ma 'jig rten du ngo mtshar can gyi gang zag 'di byung ngo // kye ma 'jig rten du ngo mtshar can gyi gang zag 'di byung ngo ched du brjod pa ched du brjod nas/ stan las langs te thal mo sbar nas/ byang chub sems dpa'i rkang pa gnyis la phyag 'tshal te/ bskor ba byas nas/ byang chub sems dpa' pang du blangs te sems shing 'dug pa gyur to// de nas des gzhon nu byang chub sems dpa'i lus la skyes bu chen po'i mtshan sum bcu rtsa gnyis yod pa mthong ste/ de dag dang ldan pa'i skyes bu gang zag de rnam pa gnyis su 'gyur gyi/ gzhan du mi 'gyur ro// gal te khyim na gnas na ni mtha' bzhi la dbang ba'i 'khor los bsgyur ba'i rgyal por
- 92b
'gyur te/ zhes bya ba nas/ snga ma bzhin du dbang phyug gi dbang gis rgyal srid byed do zhes bya ba'i bar du 'gyur ba dang / gal te khyim nas khyim med par rab tu byung na ni/ de bzhin gshegs par 'gyur te/ yang dag par rdzogs pa'i sangs rgyas su 'grangs pas/ 'dren pa gzhan gyi dring mi 'jog par 'gyur ba mthong nas/ des de lta bu mthong ba dang / mchi ma blags te dus nas shugs rings du phyung ba dang / rgyal po zas gtsang mas drang srong de mchis ma blags te dus nas shugs ring du 'byin pa mthong nas/ dngangs te mi dga' zhing rings pa rings par drang srong chen po de la smras pa/ drang srong de ltar mchi ma blags te gshums pa dang / shugs rings du 'byin pa ci zhig nongs/ gzhon nu 'di la mi dge ba'am cig mi gda' 'am/ de skad ces smras pa dang / drang srong chen po nag pos/ rgyal po zas gtsang ma la 'di skad ces smras so// rgyal po chen po bdag ni gzhon nu'i slad du du ba yang ma lags/ 'di la mi dge ba'ang gang yang ma mchis te/ bdag nyid du bar bas so// de ci'i slad du zhe na/ rgyal po chen po bdag ni rgas shing 'khogs te nas zer la/ gzhon nu don thams cad grub pa 'di ni gdon mi 'tshal bar bla na med pa yang dag par rdzogs pa'i byang chub mngon par rdzogs par 'tshang rgya ste/ bla na med pa'i chos kyi 'khor lo dge sbyong ngam/
- 93a
@zas de 'a/ !2ma/ bdud sa/ ngas pa'am/ gzhan sus cang chung ste/ 'jig rten du chos dang mthun pa bskor bar 'gyur ro// lha dang bcas pa'i 'jig rten la sman pa dang / bde ba'i srad du chos ston par 'gyur te/ tshangs pa'i spyod pa thog mar dge ba dang / bar du dge ba dang / tha mar dge ba'i chos/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba mthar phyin pa'i chos yang dag par ston par 'gyur ro// sems can skye ba'i chos can dag 'di las chos de thos nas skye ba las yongs su 'grol bar 'gyur ro// de bzhin du sems can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams ni/ rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol bar 'gyur/ sems can 'dod chags dang / zhe sdang dang / gti mug gis gdungs pa rnams la ni dam pa'i chos kyi char pas sim par mdzad par 'gyur// sems can lta ba ngan pa sna tshogs kyi thibs pos khebs pa/ lam gol bar zhugs pa rnams ni lam drang pos mya ngan las 'das par
- 93b
'dren par 'gyur/ sems can 'khor ba'i dra ba dang / btson rar 'khor cing nyon mongs pa'i 'ching bas bcings pa rnams ni bcings pa las yongs su grol bar mdzad par 'gyur// sems can mi shes pa'i mun pa dang / rab rib dang / ling thog gis mig ldongs pa rnams la ni shes rab kyi mig skye bar 'gyur/ sems can nyon mongs pa'i zug rngus zug pa rnams la ni zug rngu 'byin par 'gyur te/ rgyal po chen po 'di lta ste dper na/ u dum wa ra'i me tog ni brgya lam brgya lam na 'jig rten du 'byung bar 'gyur ro// rgyal po chen po de bzhin du bskal pa bye ba khrag khrig mang por brgya lam brgya lam na/ sangs rgyas bcom ldan 'das rnams 'jig rten du 'byung ste/ de ltar gzhon nu 'di ni nges par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang / sems can bye ba khrag khrig brgya stong 'khor ba'i rgya mtsho'i pha rol tu sgrol bar 'gyur zhing / 'chi ba med pa la rab tu gzhog par 'gyur la/ bdag gis ni sangs rgyas dkon mchog de mi mthong ba dang / bdag gis ni dad pa ma mchis pa 'di la yang 'dod chags dang bral bar gyur te/ rgyal po chen po bdag ni de'i slad du ngu zhing mi dga' bas shugs ring du 'byin pa lags so// /
- 94a
ra/ rgyal po chen po bdag cag gi bstan bcos las 'byung ba lta na ni/ gzhon nu don thams cad grub pa 'di yang khab na bzhugs par mi 'gyur ro// de ci'i phyir zhe na/ 'di ltar rgyal po chen po gzhon nu don thams cad grub pa 'di ni skyes bu chen po'i mtshan sum bcu rtsa gnyis dang ldan pa ste/ sum bcu rtsa gnyis gang zhe na/ rgyal po chen po 'di lta ste/ gzhon nu don thams cad grub pa 'di ni dbu gtsug tor dang ldan pa ste/ rgyal po chen po gzhon nu don thams cad grub pa 'di ni skyes bu chen po'i mtshan dang po 'di dang ldan no// rgyal po chen po gzhon nu don thams cad grub pa ni dbu skra stang zil bcag pa'i 'phro dang / rma bya'i mgrin pa ltar mthon mthing du grub cing lcang lor 'khril ba g.yas su 'khyil pa dang / dpral ba'i dbyes mnyam pa lags so// rgyal po gzhon nu don thams cad grub pa'i sprin 'tshams su mdzod spu skyes pa ni/ kha ba dang dngul gyi mdog ltar mchis pa lags so// rgyal po chen po gzhon nu don thams cad grub pa 'di ni spyan gyi rdzi ma ba'i rdzi ma lta bu dang / spyan dkar nag 'byes pa dang / tshems bzhi bcu mnyam pa dang / tshems thags bzang ba dang / chems shin tu dkar ba dang ldan pa lags so// rgyal po chen po gzhon nu don thams cad grub pa 'di ni/ tshangs pa'i dbyangs dang
- 94b
ro bro ba'i mchog dang ldan pa dang / ljags shin du ring zhing srab pa dang / 'gram pa seng ge'i 'gram pa dang / dpung mgo shin tu zlum pa dang / bdun shin tu mtho ba dang / thal gong rgyas pa dang / lpags pa srab cing mdog gser 'dra ba dang / gzhengs bzhin du ma btud par phyag gis pus mor sleb pa dang / ro stod seng ge lta bu dang ldan pa lags so// rgyal po chen po gzhon nu don thams cad grub pa 'di ni/ shing n+ya gro da ltar mchu zheng gang pa dang / spu re re nas skyes pa dang / yan lag gi spu g.yas phyogs nas gyen du 'khyil ba dang / mdoms kyi sba ba sbubs su nub pa dang / brla legs par zlum pa dang / byin pa ri dgas kyi rgyal po e na ya'i lta ba dang / sor mo ring ba dang / zhabs kyi gting pa yangs pa dang / zhabs kyi gong mtho ba dang / phyag dang zhabs kyi mthil 'jam pa dang / phyag dang zhabs kyi sor mo dra bar 'brel pa dang ldan pa lags so// rgyal po chen po gzhon nu don thams cad grub pa'i zhabs kyi 'og gi mthil gnyis la 'khor lo re re skyes pa ni bzang zhing rtsibs stong dang ldan la mu khyud dang bcas/ lte ba dang bcas pa lags so// rgyal po chen po gzhon nu don thams cad grub pa ni zhabs mnyam zhing shin du gnas pa dang ldan pa lags so// rgyal po chen po gzhon nu
- 95a
don thabs cad grub pa ni skyes bu chen po'i mtshan sum bcu rtsa gnyis po 'di dag dang ldan no// rgyal po chen po mtshan gyi rnam pa de lta bu dag ni 'khor los sgyur ba'i rgyal po la mi 'byung ste/ mtshan de lta bu dag ni byang chub sems dpa' rnams la 'byung ngo // rgyal po chen po gzhon nu don thams cad grub pa'i sku la/ dpe byad bzang po brgyad bcu mchis ste/ de dag dang ldan pas gzhon nu don thams cad grub pa ni khab na bzhugs par mi 'gyur gyi/ gdon mi za bar rab tu 'byung ba'i don du mngon par 'gyur ro// rgyal po chen po dpe byad bzang po brgyad bcu de dag gang zhe na/ 'di lta ste/ rgyal po chen po gzhon nu don thams cad grub pa ni sen mo mtho ba dang / sen mo zangs kyi mdog 'dra ba dang / sen mo mdog snum pa dang / sor mo rnams zlum pa dang / sor mo rnams rgyas pa dang / sor mo rnams byin gyis phra ba dang / rtsa mi mngon pa dang rtsa mdud pa med pa dang / long bu mi mngon pa dang / tshigs mi mngon pa dang / zhabs mnyam zhing mi mnyam pa ma mchis pa dang / zhabs kyi rting pa yangs pa dang ldan pa lags so// rgyal po chen po gzhon du don thams cad grub pa 'di ni phyag gi ri mo mtshungs pa dang ldan zhing phyag gi ri mo mdangs yod
- 95b
pa dang / phyag gi ri mo zab pa dang / phyag gi ri mo ya yor ma gyur pa dang / phyag gi ri mo rim par 'tsham pa dang / spos bim pa ltar dmar ba dang sgra mi grag pa'i tshig dang / ljags mnyen zhing 'jam la zangs kyi mdog ltar 'dug pa dang / glang po che'i nga ro dang / 'brug gi sgra dang ldan pa dang / snyan cing 'jam pa dang ldan pa lags so// rgyal po chen po gzhor nu don thams cad grub pa ni dpe byad bzang po yongs su rdzogs pa ste/ phyag ring ba dang sku'i na bza' gtsang ma phun sum tshogs pa dang / sku 'jam pa dang / snyengs pa mi mnga' ba'i sku dang / zhum pa mi mnga' ba'i sku dang / rim par 'tsham pa'i sku dang / shin smra bar mdzes pa'i sku dang / rnam pa legs par grub pa'i sku dang / pus mo'i lha nga saM yangs shing rgya che la shin tu gang ba dang ldan pa lags so// rgyal po chen po gzhon nu don thams cad grub pa ni sku zlum pa ldan pa ste/ sku shin du 'jam pa dang / sku ya yo ma mchis pa dang / sku rim gyis legs par grub pa dang / lte ba zab pa dang / lte ba pa yo ba dang / lte ba rim gyis gzhol ba dang / drang srong ltar gtsang sbras spyod pa dang / kun nas mdzes pa dang / snang ba dam pa shin tu rnam par dag cing rab rib ma mchis pa'i 'od kun nas 'byung ba dang ldan
- 96a
rgya/ ba lags so// rgyal po chen po gzhon nu don thams cad grub pa ni glang po ltar dal ba'i 'gros dang / seng ge'i stabs lta bu'i 'gros dang / khyu mchog gi stabs lta bu'i 'gro sa dang / ngang pa'i stabs lta bu'i 'gros dang / g.yas phyogs su mdzes par 'khor ba'i 'gros dang / sku zlum pa dang / sku skabs phyin pa dang / sku ma rnyongs pa dang / rked pa gzhu'i chad bzungs ltar phra ba dang / mdog gi nyes pa sngo ba 'am/ gnag pa'i skyon dang bral ba'i sku dang ldan pa lags so// rgyal po chen po gzhon nu don thams cad grub pa ni mche ba zlum pa dang / mche ba rno ba dang / mche ba byin gyis phra ba dang / shangs legs par mtho ba dang / spyan dri ma med pa dang / 'dzum pa'i spyan dang ldan pa dang / spyan ring ba dang / spyan yangs pa dang / ud pa la sngon po lta bu'i spyan dang ldan pa lags so// rgyal po chen po gzhon nu don thams cad grub pa ni/ sprin ma'i sku mnyam pa dang / sdig ma stug pa dang / srin ma gnag pa dang / srir ma rgyun chags pa dang / smin ma rims kyis gzhol ba dang / mkhur ba rgyas pa dang / mkhur ba mi mnyam pa med pa dang / mkhur ba skyon dang bral ba dang / snga
- 96b
ba dang khro ba'i mdog med pa dang / shin du rig pa'i dbang po dang ldan pa lags so// rgyal po chen po gzhon nu don thams cad grub pa n+di/ mdzod su yongs su rdzogs pa dang ldan pa dang / gdong dang dpral ba rkyen du 'bab pa dang / dbu yongs su rgyas pa dang / dbu skra gnag pa dang / dbu skra mnyam pa dang / dbu skra dri zhim pa dang / dbu skra mi shor ba dang / dbu skra ma 'dzings pa dang / dbu skra byin gyis phra ba dang / dbu skra lung lor 'khril ba dang ldan pa lags so// rgyal po chen po gzhon nu don thams cad grub pa de ni/ dbu skra dpal gyi be'u dang / bkra shis dang / g.yungang rung 'khyil ba dang / sdong ris kyi dbyibs lta bu'i dbu skra dang ldan pa'o// rgyal po chen po 'di dag ni gzhon nu don thams cad grub pa'i dpe byad bzang po brgyad bcu ste/ de dag dang ldan pas gzhon nu don thams cad grub pa ni khab na bzhugs par mi 'gyur gyi/ gdon mi 'tshal bar rab tu 'byung ba'i srad du mngon par 'gyur ro// de nas rgyal po zas gtsang ma drang srong nag pos gzhon nu'i lung bstan pa de thos nas/ tshim zhing mgu la yid rangs te rab tu dga' zhing dga' ba dang yid bde ba skyes nas stan las langs te/ byang chub sems dpa'i rkang pa gnyis la phyag 'tshal nas tshigs su
- 97a
/ bcad pa 'di sbas so// khyod la lha kun phyag lal zhing // drang srong rnams kyis mchod gyur te// 'jig rten kun gyi mchod rten pas// bdag kyang khyod la phyag 'tshal lo// dge slong dag de ltar rgyal po zas gtsang mas// drang srong nag po chen po dang snag gi tsha bo mis byin dang bcas te// kha zas tshul dang 'dra bas tshim par byas nas/ gos bskon te bskor ba byas so// de nas drang srong chen po nag po gnas de nyid nas rdzu 'phrul gyis nam mkha' las rang gi gnas ga la ba der song ngo // de nas drang srong nag po chen pos// bram ze'i khye'u mis byin la 'di skad ces smras so// mis byin khyod kyis nam sangs rgyas 'jig rten du byung ngo zhes thos pa de'i tshe khyod song ste/ de'i bstan pa la rab tu byung shig dang / des ni khyod kyi yun ring po'i don dang / phan pa dang / bde bar 'gyur ro// de la 'di skad ces bya ste/ lha yi tshogs rnams na mkha'i ngos la gnas te sgra sgrogs pa// lha yi drang srong nag po ri sul gnas pa mthong nas dga' mchog thob// 'di ni srog chags rnams kyi dga' ba bskyed sangs rgyas zhes bya'i tshig 'di ni/ bdag gi lus kyang rab sim gyur cing sems bde mchog tu zhi bar gyur// lha 'am 'on te lha min
- 97b
yang na nam mkha' lding ngam mi 'am ci/ sangs rgyas zhes bya'i dga' dang mos byed tshig 'di sngan chad ma thos ci// lha yi mig gis phyogs bcur ri dang sa dang rgya mtsho rnams la ltas// phyis yang sa ri mchol rmad du byang ba rnam pa sna tshogs mthong // 'od gsal mdzes pa lus las sim byed 'di ni rab tu bzang snang zhing // ji ltar ri yi rtse mo rnams su byi ru'i myu gu mthon gyur la// shing ljon pa rnams kyang me tog bzang rgyas sna tshogs 'bras bus brgyan gyur las// srid pa gsum du dkon mchog dam pa myur du 'byung bar shin tu gsal// sa 'di thams cad mnyam zhing dri med lag mthi bzhin du snang ba dang / lha rnams dga' zhing na mkha'i dkyil nas gos kyi g.yab mo 'byin gyur la// klu rgyal rgya mtsho'i gnas kyi steng na rin chen rmad byung 'gro ba las// 'dzam bu'i gling du rgyal ba'i dkon mchog chos kyi 'byung gnas nges par 'byung / ngan song zhi zhing sdug bsngal bral te sems can rnams ni bder ldan la/ lha yi tshogs rnams nam mkha'i lam la dga' dang ldan par rgyu ba dang // ji ltar lha yi glu dbyangs sgra sun yid du 'ong ba grag pa las/ srid pa gsum 'dir dkon mchog 'byung 'gyur de'i ltas su gdon mi za// 'dzam bu'i gling 'dir drang srong nag pos lha yi mig gis rnam ltas na/
- 98a
da/ ser skya'i grong na rgyal po zas gtsang grong khyer dam pa yod pa der/ mthu chen mthu ldan mtshan dang bsod nams gzi brji rgyas pa btsas pa mthong // mthong nas dga' mgu rangs shing bde ba'i yid skyes mthu yang skyes par gyur// de nas ngo mtshar rnyed de rang gi slob ma lhan cig der ni rings su dong // phyin nas ser sbyar brjod pa'i rgyal po'i grong khyer mchog gi sgor 'dug ste// nam ring srog chags bye ba khrag khrig mang po drang srong des mthong nas// sgo ba de la smras pa chab sgor drang srong phyin ces myur du gsol// de mnyan myur du pho brang nang phyin rgyal po la ni de bsnyad pa// lhan gcig drang srong rgan 'khogs dka' thub chen po can zhig chab skor mchis/ drang srong mchog de rgyal po'i pho brang nang du mchi ba dga' zhes mchi// rgyal po chen po nang du btang ngam mi btang bdag la bka' stsal du gsol/ de nas de yi stan thing rgyal pos khyod yong nang du thong zhes gsung // drang srong nag pos sgo ba'i tshig thos dga' mgu bde dang ldan par gyur/ snyoms pa gsil ba'i chu 'dod bkres pas gdungs pa zas la mos pa ltar// drang srong dam pa de yang sems can mchog de mthong du mngon par dga'// rgyal po rgyal gyur sku tshe ring bsrung gsol zhes
- 98b
dga' bas de skad smras// snyan par brjod nas yid dul dbang po zhi zhing nges bstan la 'dug/ rgyal pos gus pas spras byas drang srong thub pa de la tshig spras pa// rgyal po'i pho brang 'dir byon rgyu ni thub pas bdag la myur du gsungs/ khyod kyi sras bltam gzugs mchog pha rol phyin cing gzi brjid che dang ldan/ mthu chen mtshan rab sum bcu gnyis kyis kun nas mdzes pa'i brgyan mnga' ba/ rgyal po khyod sras thams cad don grub pa de ni mthong bar bdag dga' ste/ de slad 'dir mchis rgyal po bdag la 'tshal ba gzhan ni yod ma mchis// legs so legs par byon te mnyel tam ma mnyel khyod mthong bdag dga' 'o// sbyin mchog gzhon nu de nyal da ltar lta ba'i skabs ni ma ma mchis kyi// re shig yud tsam bzhugs dang 'dir ni zla ba nya ba dri med pa// skar ma'i tshogs kyis brgyan pa 'dra ba'i dri med 'od 'bar gzigs par 'gyur// gang tshe kha lo sgyur mchog zla ba rgyas pa'i 'od mnga' de sad pa// de tshe rgyal po 'od 'bar gzugs 'chang gnyis 'phags 'od bang blangs te// 'di ltar drang srong lha mis mchod pa gser mchog gzugs ldan da gzigs shig/ drang srong nag pos de yi rkang pa mdzes pa 'khor lo'i mtshan can mthong // de nas langs te thal mo sbyar te rkang pa gnyis la phyag 'tshal te/ bdag nyid chen po bstan bcos mkhas pas
- 99a
bang du blangs nas bsams shing ltas// des ni mthu chen mthu ldan mtshan gyi mchog gi brgyan pa mthong gyur nas/ mgo gcogs rig byed bstan bcos mkhas pa des ni de la rnam gnyis mthong // stobs ldan 'khor lo sgyur ba'i rgyal lam sangs rgyas 'jig rten gtso bor 'gyur// shin tu mi dga' lus dang sems kyis mchi ma blags te shugs ring phyung // rgyal po mchog kyang dngangs par gyur nas drang srong ci srad bshums zhes smras// drang srong nag pos bdag gi 'dir ni don grub bgegs shig ma gzigs sam/ drang srong ci srang ba shums mdzad dge sdig gang gzigs bdag la med par gsungs// khyod sras don kun grub la bar chad sdig tu 'gyur ba ma mchis te// bdag la bdag nyid rgas shing 'di ltar 'khogs par gyur ces mya ngan bgyid/ 'di ni sangs rgyas 'jig rten mchod 'gyur chos kyang ston par 'gyur// bdag gis dga' ba thob pa'i yid kyis mi mthong ngo zhes de slad du// 'di yi sku la mtshan rab sum bcu rtsa gnyis dri med mnga' ba las// rnam pa gnyis su 'gyur te gsum du ma mchis rgyal po mkhyen par mdzod// 'khor lo sgyur ba'i rgyal 'gyur yang na sangs rgyas 'jig rten gtso bor byod/ 'di ni 'dod pa'i yon tan sred par mi 'gyur nges par sangs rgyas
- 99b
'gyur// drang srong rgyal bstan de thos rgyal po dga' zhing bde ba thob par gyur// de nas langs te thal mo sbyar nas rkang pa gnyis la phyag kyang byas/ stobs mchog ldan pa khyod ni lhas mchod drang srong rnams kyis bsngags pa ste// srid gsum kun gyi 'gro ba'i ded dpon mchog gyur khyod la phyag 'tshal lo// drang srong dga' bas tsha bo de la smras pa nga yi gdam ngag nyon// gang tshe 'di ni byang chub sangs rgyas 'gro la 'khor lo bskor thos pa/ de tshe myur du thub pa'i bstan la rab byung mya ngan 'das pa thob// drang srong dam pa de yis rkang la phyag 'tshal bskor ba byas nas ni// 'di 'dra'i sras mnga' khyod kyi thob pa rgya chen legs pa thob ces sbas// 'di ni 'jig rten lha dang mir bcas chos kyi tshim pa byed par 'gyur// drang srong mchog de ser skya'i gnas nas byung nas bdag gnas dgon par phyin// dge slong dag de ltar byang chub sems dpa' btsas ma thag tu lha'i dbang phyug chen pos gnas gtsang ma'i rigs kyi lha'i bu rnams la bos te 'di skad ces smras so// grogs po dag byang chub sems dpa' sems dpa' chen po bskal pa bye ba khrag khrig brgya stong grangs med par yongasu spyang ba byas pa sbyin pa tshul khrims dang bzod pa dang brtson 'grus dang bsam gtan dang shes rab dang / thos pa dang thabs dang spyod pa dang brtul zhugs dang
- 100a
dka' thub can spyad pa legs par sbyad pa byams pa chen po dang / snying rje chen po dang dga' ba chen po dang ldan pa btang snyoms kyis yang dag par 'phags pa'i blo can/ sems can thams cad la phan par brtson pa brtson 'grus brtan pa'i go cha legs par bgos pa/ sngon gyi rgyal ba la dge ba'i rtsa ba bskyed par 'byung ba/ bsod nams kyi rgyan pa'i mtshan gyis yang dag par brgyan pa/ rtul ba nges par byas pa dang ldan pa pha rol gyi dmag tshogs rab tu 'joms pa dag pa'i bsam pa shin tu dri ma med pa phun sum tshogs pa/ ye shes chen po'i tog gi rgyal mtshan bdud kyi stobs 'byin pa stong gsum gyi ded dpon chen po lha dang mis mchod pa mchod sbyin chen po'i mchod sbyin byas pa/ bsod nams kyi tshogs shin tu phun sum tshogs pa dang ldan pa 'byung ba'i bsam pa can skye ba dang / rga ba dang / 'chi ba dang / mthar phyin pa legs par skye bas skyes pa/ 'gro ba rnam par byang chub byed pa bu ram shing pa'i rigs su skyes nas mi'i 'jig rten du byung ste de myur du bla na med pa yang dag par rdzogs pa'i byang chub mngon par rdzogs par 'tshang rgya'i tshur shog/ bdag cag de la phyag 'tshal zhing rim 'gro bya ba dang / bkur bstir bya ba dang / mngon par
- 100b
da pan bstod par bya ba'i phyir deng ngo // lha'i bu nga rgyal gyi zil gyis non pa gzhan dag kyang bdag cag byang chub sems dpa' la phyag 'tshal ba mthong ba dang de dag kyang nga rgyal dang / dregs pa dang rgyags pa gtong bar 'gyur te/ byang chub sems dpa' la phyag 'tshal zhing rim gro dang bkur bsti byed par bya ba'i phyir 'deng ngo // de ni lha'i bu de dag la yun ring po'i don dang / phan pa dang / bde ba dang / 'chi ba med pa thob pa'i bar du 'gyur ro// rgyal po zas gtsang ma rgyal ba 'phel ba yang rjes su bsgrags par 'gyur ro// byang chub sems dpa' yang de kho na'i lung bstan par 'gyur te bdag cag phyir 'ong bar bya'o// de skad ces bsgo nas/ lha'i bu dbang phyug chen po lha'i bu stong phrag bcu gnyis kyis yongs su bskor cing mdun du bdar nas/ ser skya'i gnas kyi grong khyer chen po thams cad 'od kyi rgyas par bkang ste/ rgyal po zas gtsang ma'i pho brang ga la ba der song nas byin pa dang / sgo bas rgyal po la gsol te rgyal pos gnang nas rgyal po'i pho brang du phyin te/ byang chub sems dpa'i rkang pa la mgo bos phyag 'tshal nas/ bla gos phrag pa gcig tu gzar te/ lan brgya stong phrag du mas bskor ba byas nas byang chub sems dpa' bang du blangs te/ rgyal po zas gtsang
- 101a
rgya chegam dga' bar bya ba'i phyir 'di skad ces smras so// rgyal po chen po dges pa'i dam pas dges par mdzod cig/ de ci'i phyir zhe na/ rgyal po chen po byang chub sems dpa'i sku mtshan dang dpe byad bzang pos legs par brgyan pa dang / gzhon nus lha dang mi dang / lha ma yin du bcas pa'i 'jig rten kha dog dang / gzi brjod dang / grags pa dang / dpal gyis zil gyis gnon pa las na/ rgyal po chen po byang chub sems dpa' ni gdon mi 'tshal bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// dge slong dag de ltar lha'i bu dbang phyug chen po// gnas gtsang ma'i ris kyi lha'i bu mang po dang lhan cig tu/ byang chub sems dpa' la mchod pa dang rim gro chen po byas te/ de kho na lung bstan pas byang chub sems dpa' lung bstan nas/ phyir bdag gi gnas su song ngo // de la 'di skad ces bya ste/ yon tan rgya mtsho'i pha rol phyin pa de bltam// lha yi dbang pos shes nas dga' ste lha la smras// de thos gyur pa'ang bskal pa bye mang shin tu dka'// tshur sheg mi yi dbang po de la mchod de deng // rin chen nor bus gtsug ni legs brgyan spyod lam ldan// gtsug pud mdzes pa
- 101b
'chang ba rnam par dag pa'i lha// stong phrag bcu gnyis tshang ba ser skya'i gnas mchog tu// myur du lhags nas rgyal po'i sku yi drung na sdong / de dag rnams kyis sgo ba la ni yid 'ong smras// rgyal po'i pho brang song ste thugs su chud// chab sgo bas kyang tshig de mnyan nas nang du song // thal mo sbyar nas rgyal po la ni tshig 'di smras// lha gcig rtag tu rgyal gyur sku tshe ring du bsrungs// bsod nams yangs pa rnam dag 'od can chab sgor mchis// rin chen nor bus gtsug ni legs brgyad spyod lam ldan// zla ba nya ltar gzhin bzangs zla ltar dri med 'od// rgyal po de dag gang du mchis yang grib mi gda'/ sreg pa 'dor yang gom pa'i sgra dag thos mi 'gyur// dog sar rgyu bar bgyid kyang rdul ni yong mi ldang // skye bo rnams kyang de dag mthong na ngoms mi 'gyur// de dag lus kyi 'od ni shin du rgya chen gsal// tshig kyang yid du mchi ste mi la dpe ma mchi// zab cing 'jam mnyen snyan cing rab gsal 'byung ba'i gnas// de dag mi ma lags kyi lha tshogs lags snyam bgyid// me tog mchog 'phreng byug pa dar gyi lda ldi dag/ kun gyi lag na thogs shing gus dang bcas par sdod// rgyal po lha rnams de dag gzhon nu lha'i lha// lta bar 'tshal zhing mchod pa'i slad du
- 102a
rgyache#mchis// rgyal pos de skad cig thos rab tu dga' gyur nas// song te kun kyang pho brang drung du song zhes bgyid// de dag yon tan spyod lam khyod kyis smras ltar na// rdzu 'phrul de 'dra ba ni mi la gang yang med// sgo bas thal mo sbyar te lha la 'di skad smras/ rgyal pos gnang gis khyed cag nang du gzhung du gsol// lag na phreng thogs de dag dga' mgu yid rangs te// lha yi gnas dang 'dra ba'i rgyal po'i khyim du zhugs// lha mchog de dag khyim du zhugs par mthong nas ni// rgyal po stan las langs te thal mo sbyar byas nas// rin chen rtsa ba can gyi khri gdan gshams pa 'di// thugs rtse mdzad pa'i thugs kyis khyed cag bzhugs su gsol// nga rgyal dregs med de dag stan la 'khod par gyur// bdag cag ci srad 'dir mchis rgyal po gsan du gsol// khyod sras rnam dag su mnga' bsod nams chen po bltam// shin tu legs pa'i zhal ldan bdag cag mthong bar 'tshal// gang gis 'gro ba gang dang sbyor ba gang cir 'gyur// mtshan bzang mtshan gyi go cha dag ni bdag cag 'tshal// de bas rgyal po'i dam pa mi dges spang bar mdzod// sna tshogs mtshan gyis yan lag brgyan pa blta bar bgyis// rgyal po bud med tshogs kyis bskor ba de rab dga'// gzhon nu
- 102b
me yi 'od ltar 'bar ba pang du blangs// lha mchog gtsug bud 'phyang ba dag ni nye bar bsnyen// thogs mar sgor byung stong gsum 'di dag kun tu g.yos/ lha mchog de dag 'dren pa'i zhabs dang sen mo ni/ zangs mdog ltar dmar dri med rnam dag gzigs mthong nas// gtsug phud 'chang ba de dag myur du langs par gyur// dri me med pa'i 'od kyi zhabs la mgos phyag 'tshal// 'di 'dra'i mtshan dang 'di 'dra lta ba dpal can dang // 'di 'dra'i bsod nams gzi brjid spyi gtsug mi mthong dang // mdzod spu nas ni rgya chen 'od 'byung 'di 'dra las// bdud rnams pham mdzad byang chub brnyes 'gyur gdon mi 'tshal// mun sel nyon mongs bral ba'i yon tan brtags nas su// yang dag yon tan ji ltar don mthong de la bstod// skye dang rga dang 'chi dang nyon mongs dgra bstsal ba'i// sems can rin chen 'di ni ring por mi thogs 'byung // yongs rtog 'dod pa'i yul gyi gtsub mas bskyed pa yi// rnam gsum mes ni srid gsum kun 'bar yongs gdungs par// dpal khyod chos kyi sprin gyis stong gsum bkang nas ni// 'chi med char gyis nyon mongs gdungs bzhi mdzad 'gyur// byams pa'i thugs mnga' thugs rje ldan pa 'jam pa'i gsung // tshangs pa'i sgra dbyangs yid 'ong gsung du sgrog mdzad pa/
- 103a
rgya cher/ stong gsum kun du go zhing 'gro bas go 'gyur ba// bcom ldan khyod kyis sangs rgyas gsung chen myur du sgrogs// srid pa'i 'dod chags bcings bying srid pa'i rtser gnas pa// mu stegs can gyi tshogs ngan log par lta ba bcom// khyod kyis rgyu la rten dang stong pa'i chos thos nas// seng ges wa tshogs bzhin du de dag 'byer bar 'gyur// nyon mongs chen po'i du ba ma rig sgribs bstsal te// kun tu byung ba skye bo nges par snang byed pa'i// ye shes 'od 'phro shes rab 'od rig gzigs pa yis// 'gro ba kun gyi mun pa chen po gsal bar gsol// gang du sems can dag pa rmad byung 'di 'dra byung // lha dang mi rnams kyis ni rnyed pa rgya chen thob// rnam par rtogs pa mdzad pa'i sems can rin chen 'dis// ngan song lam bcad lha yi lam ni gtod par gyur// ser skya'i gnas su lha yi me tog char phab nas// bskor ba byas te gus par bstod pa byas nas ni// sangs rgyas sangs rgyas legs shes de dag tshig brjod cing // lha tshogs de dag tshul du shis par mkha' las dong // dge slong dag de ltar byang chub sems dpa' gang gi nub mo btsas pa nyid kyi nub mo// rgyal rigs dang / bram ze dang / khyim bdag gi rigs shing sa la
- 103b
chen po lta bu rnams su bu mo nyis khri btsas par gyur te/ de dag gi pha ma rnams kyis byang chub sems dpa' la rim gro bya ba dang / bsnyen bkur bya ba'i phyir pu la lo// rgyal po zas gtsang mas kyang bu mo nyi khri byang chub sems dpa' la rim gro bya ba dang / bsnyen bkur bya ba'i phyir phul lo// mdza' bshes dang / blon po dang / nye du dang / snag gi gnyen mtshams dag gis kyang / byang chub sems dpa' la rim gro bya ba dang / bsnyen bkur bya ba'i bu mo nyis khri phul lo// blon po'i 'khor rnams kyis kyang byang chub sems dpa' la rim gro dang / bsnyen bkur bya ba'i phyir bya mo nyis khri phul lo// dge slong dag de'i tshe shAkya rgan rabs rgan rabs rnams 'dus nas/ rgyal po zas gtsang ma la 'di skad ces smras so// lha mkhyen par mdzad du gsol// gzhon nu 'di ni lha khang du bkur bar bgyi'o// rgyal pos sbas pa/ gzhon nu de dag bkur ba legs kyi/ de bas na grong khyer ni brgyan par gyis shig/ srang dang / lam dang / bzhi mdo dang / sum mdo dang / tshong 'dus dag ni mdzes par gyis shig/ bkra mi shis bskur po dang / zhar ba dang / 'on pa dang / lkugs pa dang / dbyibs mi mdzes pa dang / gzugs mi mdzes pa dang / dbang po ma tshang ba rnams ni sol cig/ bkra shis pa rnam
- 104a
kyang so shig/ bsod nams kyi ni rnga brdungs shig/ bkra shis pa'i dril bu ni dkrol cig/ grong khyer dam pa'i/ sgo ni rgyan gyis legs par srud cig/ rol mo dang / sil snyan dang / pheg rdob pa shin tu yid du 'ong ba dag ni long zhing rdobs shig/ khams kyi rgyal po thams cad ni sogs shig/ tshong dpon dang / khyim bdag dang / blon po dang / sgo ba dang / 'khor gyi mi dag ni gcig tu bsdus shig/ bu mo'i shing rta ni shoms shig/ bum pa gang ba rnams ni snyen shig/ bram ze kha ton pa rnams ni sdus shig/ lha khang rnams ni shin tu rgyas par gyis shig dge slong dag de nas rgyal pos ji skad du bsgo ba de bzhin du/ thams cad sbyar ba dang / de nas rgyal po zas gtsang ma rang gi khyim du song nas/ skye dgu'i bdag mo chen mo go ta mi la bos te/ 'di skad ces smras so// gzhon nu lha khang du bkur gyis rgyan gyis legs par brgyan par gyis shig/ legs so zhes skyes dgu'i bdag mo chen mo go'u ta mis de ltar mnyan te/ gzhon nu rgyan gyis brgyan to// de nas gzhon nu de rgyan gyis brgyan pa'i tshe/ gzhin 'dzum zhing khro gnyer med pas shin tu yid du 'ong ba'i tshig gis sru mo la spras pa/ ma bdag gang du bkur/ smras pa/ bu lha khang du bkur ro//
- 104b
de nas gzhon nus gzhin 'dzums te gad nas sru mo la tshigs su bcad nas smras pa/ bdag btsas de tshe stong gsum 'di ni g.yos par gyur// brgya byin tshangs pa lha min lto 'phye chen po dang / nyi zla de bzhin rnam thos bu deng gzhon nu yang // spyi bos rkang pa gnyis la btugs te phyag 'tshal na/ de ring ma yis bdag bkur gang du bgyi ba yis// lha gzhan bdag gi gong na 'phags pa ci zhig mchis// lha rnams kun las bdag 'phags lha yi lha lags te// bdag 'dra'i lha yang ma mchis gong ma ga la mchis// 'on kyang 'jig rten rjes bsnyegs tsam du bdag mchi 'am// bdag gi rnam 'phrul skye bos mthong na dga' 'gyur zhing // rim gro bkuru sti shin tu che bar bgyid 'gyur la// lha mis 'di ni lha yi lha zhes rig par 'gyur// dge slong dag de ltar grong khyer du gzhon nu'i shing rta bshams te// rgyan gyis brgyan nas/ bkra shis thams cad bshams te/ rgyal pos zas gtsang mas gzhon nu bang bar blangs te/ bram ze dang / zong brdal dang / tshong dpon dang / khyim bdag dang / blon po dang / khams kyi rgyal po dang / spo ba dang / 'khor gyis mi dang / mdza' bshes dang / nye dus skor te/ srang dang / lam gyi bzhi mdo dang / sum mdo dang / tshong 'dus
- 105a
rgyan tshad med pas brgyan pa dag nas/ bdug spos dri zhim pos ni bdugs/ me dog sil ma ni gtor// rta dang / glang po che dang / shing rta dang / rkang zang gi bu mo cher gyur/ gdugs dang / rgyal mtshan dang / ba dan dang / sil snyan sna tshogs kyi sgra ni phyung ste song bar gyur to// de'i tshe lha brgya stong dag gis byang chub sems dpa'i shing rta drangs te/ lha'i bu mo bye ba khrag khrig brgya stong du mas nam mkha'i dkyil nas me tog gi char phab ste sil snyan gyi sgra 'byin par gyur to// dge slong dag de ltar rgyal po zas gtsang mas rgyal po'i bkod pa chen po dang / rgyal po'i phun sum tshogs pa chen po dang / rgyal po'i byin chen pos gzhon nu de khyer te lha khang du song ngo // de nas byang chub sems dpa' lha khang der rkang pa g.yas pa'i mthil bzhag pa dang / de nas lha'i gzugs sems med pa de dag 'di lta ste/ gu lang dang / skem byed dang / lus ngan dang / zla ba dang / nyi ma dang / rnam thos kyi bu dang / brgya byin dang / tshangs pa dang / 'jig rten skyong ba la sogs pa'i gzugs thams cad kyang rang gi gnas nas langs te byang chub sems dpa'i rkang pa la phyag 'tshal bar gyur to// de'i tshe lha
- 105b
dang mi brgya stong ni a la la zhes bya ba dang / ca co'i sgra dang / gzha'i sgra brgya stong mang po 'byin par gyur to// ser skya'i gnas kyi grong khyer/ chen po dam pa de thams cad kyang rnam pa drug tu g.yos so// lha'i me tog gi char yang phab bo// lha'i sil snyan brgya stong du ma dag kyang ma dkrol bar sgra 'byin par gyur to// lha gang dag gi gzugs gang yin pa de dag thams cad kyang rang rang gi gzugs bstan nas/ tshigs su bcad ba 'di dag smra bar gyur to// ri rgyal ri mchog ri rab nam yang yungs dkar 'brul phyag mi 'tshal// rgya mtsho klu rje'i gnas ni nam yang brjes chu la phyag mi 'tshal// nyi zla 'od byed srin bu me khyer 'od byed de la phyag mi 'tshal// bsod nams shes rab rigs byung legs ldan lha rnams gang la'ang phyag mi bzhes// yungs 'bru ba rjes tshwa dang srin bu me khyer 'dra bar gyur pa ni/ stong gsum 'di na lha mi gang yang rung ste nga rgyal gnas pa lags// ri rab rgya mtsho nyi zla 'dra ba 'jig rten la byung dam pa ste/ de la 'jig rten phyag 'tshal ba ni mtho ris mya ngan 'das pa thob// byang chub sem/ dpa' lha khang du zhugs pa de bstan pa'i tshe/ lha'i bu stong phrag sum bcu rtsa gnyis kyis bla na med pa yang dag par rdzogs pa'i byang chub tu sems bskyed par gyur
- 106a
@#dge slong dag byang chub sems dpa' lha khang du khyer ba'i tshe/ btang snyoms su bzhag pa'i chu ni de yin rkyen ni de yin no// dge slong dag de nas mdun na 'don bram ze 'char po zhes bya ba/ 'char 'dra ba bram ze lnga brgya tsam gyis bskor te/ skar ma me bzhi 'das nas nag pa la bab pa'i tshe/ rgyal po zas gtsang ma'i drung du phyin te 'di skad ces smras so// lha mkhyen par mdzad du gsol// da ni gzhon nu'i rgyan mdzad pa'i rigs so// rgyal pos smras pa/ legs kyi byed du chug shig/ de'i tshe rgyal po zas gtsang ma dang / shAkya lnga brgya tsam gyis rgyan byed du bcug ste/ 'di ltar lag ba'i rgyan dag dang / rkang pa'i rgyan dag dang / mgul gyi rgyan dag dang / sor rngub dang / rna rgyan dag dang / dpung rgyan dag dang / gser gyi sku rags dag dang / gser skud dag dang / dril bu g.yer kha'i dra ba dag dang / rin po che'i cha ba dang / lhams rin po ches sbas pa dag dang / do shal rin po chesna tshogs kyis sbas pa dag dang / gdu bu rgyun can dang / mgul gdub dag dang / cod pan dag kyang byed du bcug ste zin nas/ skar ma rgyal dang ldan pa'i tshe/ shAkya de dag rgyal po zas gtsang ma'i drung du dong nas/ 'di skad ces smras so// lha gzhon nu brgyad du gsol/ rgyal pos sbas pa/
- 106b
khyod kyis gzhon nu la brgyan pa dang / mchod pa byas pas chog gi/ ngas gzhon nu'i rgyan thams cad byed du bcug go// smras pa/ bdag cag gis rgyan 'di dag gzhon nu'i sku la gdugs mtshan bdun zhig gdags su gsol// de ltar gnang na bdag cag gis sug las bgyis pa'ang don mchis par 'gyur ro// de'i tshe nam langs te nyi ma shar ba dang / byang chub sems dpa' bskyed mos tshal dri ma med pa zhes bya ba der zhugs so// de'i tshe skye dgu'i bdag mo chen mo go'u ta mis/ byang chub sems dpa' bang du blangs so// bud med brgyad khris kyang / byang chub sems dpa' gsu ta/ gdong du lta zhing 'khod par gyur to// shAkya'i bu mo stong phrag bcus byang chub sems dpa' gsu ste gdong du lta zhing 'khod par gyur to// bram ze lnga stong yang lhags nas/ byang chub sems dpa' gsu ste gdong du lta zhing 'khod par gyur to// de nas shAkya'i bu rgyal po bzang po zhes bya bas/ rgyan ji snyed cig byas pa de dag byang chub sems dpa'i lus la btags ma thag tu byang chub sems dpa'i lus kyi 'od kyis mog mog por gyur nas/ lham mer ma gyur/ lhan ner ma gyur/ lhang nger ma gyur te/ 'di lta ste dper na/ 'dzam bu'i chu bo'i gser gyi gan na snag tsha'i yug
- 107a
rgya rked/ @#bzhin du/ lham mer mi rung / lhan ner mi rung / ljang der mi rung ba de bzhin du/ rgyan de dag kyang byang chub sems dpa'i lus kyi 'od kyis phog na lham mer mi rung / lhan ner mi rung / lha der mi rung ngo // de bzhin du rgyan gyi rnam pa gang dang gang / byang chub sems dpa'i lus la btags pa de dang de dag mog mog por gyur te/ 'di lta ste dper na/ 'dzam bu'i chu bo'i gser gyi drung na snag tsha'i yug bzhag pa bzhin// de'i tshe bskyed mos tshal gyi lha mo dri ma med pa zhes bya ba 'dug pa des/ lus chen po bstan nas mdun du 'dug ste/ rgyal po zas gtsang ma dang / shAkya'i tshogs la tshigs su bcad de smras pa/ stong gsum 'di grong khyer grong brdal bcas pa kun// gal te gser gyis gang khyab dri med mdzes gyur kyang / 'dzam bu'i chu bo'i gser gzegs cig gis zil brlag ste/ gser gzhan dag ni dpal dang bral zhing gsal mi 'gyur// sa 'di mtha' dag 'dzam bu'i klung gi gser khyebs kyang // 'dren pa dpal rgyal spu khung 'od phyung zil gyis gnon// mi snang mi gsal mi mdzes 'od kyang nyams gyur cing // bder gshegs skyob pa'i drung du sdug cha bzhin du gyur// yon tan rgyas gang 'di ni rang gi gzi yis brgyan// de ni brgyan gyi mdzes min shin tu dri med sku/
- 107b
nyi zla'i 'od dang skar ma nor bu me dag dang // brgya byin tshangs pa'i 'od kyang dpal stug mdun mi gsal// gang sku sngon gyi dge ba'i 'bras bus mtshan spras pa/ de la gzhan gyis byas pa'i rgyan phal ci zhig dgos// rgyan rnams phrol bor mi mkhas mkhas mdzad ma gtser shig/ blo gros mchog mdzad 'di ni bcos rgyan mi bzhed// mdun na 'di ni rgyal khab sras dang lhan cig btsas// dri med rab tu mdzes pa'i rgyan rnams 'bangs der stsol// shAkya'i rigs ni rgya chen mchog tu 'gyur snyam nas// shAkya dag ni yid dga' mgu zhing ngo mtshar gyur// lha mo des de skad ces smras nas/ lha'i me tog dag gis byang chub sems dpa' de la mngon par gtor te/ de nyid du mi snang bar gyur to// dge slong dag de ltar gzhon nu de ya tshad skyes pa dang / bkra shis brgya stong byas nas// khye'u stong phrag bcu dang / bu mo stong phrag bcus yongs su bskor cing mdun du gdar te/ yi ge ri grar 'jug par byas so// bza' ba dang / bca' ba dang / myang bas gang ba'i shing rta stong phrag bcu dang / gser dngul dang / dbyig gis gang ba'i shing rta stong phrag bcu drangs te/ ser skya'i gnas kyi grong khyer chen po'i srang dang / grong bar dang / tshong 'dus kyi mchog gang yin pa dag tu gtor to// mngon par byon to// sil snyan 'bum phrag brgyad kyi sgra yang byung
- 108a
zhing / me tog gi char chen po yang phab bo// stegs bu dang / sgo khang dang / rta babs dang / skar khung dang / bsil/ khang dang / khang pa brtsegs pa dang / khang bzangs dag gi stengs nas bu mo brgya stong rgyan thams cad kyis brgyan pa dag/ byang chub sems dpa' la lta zhing me tog dag 'thor bar gyur to// lha'i bu mo stong phrag brgyad ni/ rgyan rnams kyis lcug lhug por brgyan te rin po che'i cha byad thogs lam 'phyag cing / byang chub sems dpa'i mdun nas 'dong bar gyur to// lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyang lus byed phyung zhing / nam mkha'i dkyil nas me tog dang / dar gyi lda ldi bres par gyur to// shAkya'i tshogs thams cad kyang rgyal po zas gtsang mas mdun du bdar nas/ byang chub sems dpa'i mdun nas 'dong bar gyur te/ bkod pa'i rnam pa 'di lta bu 'dis byang chub sems dpa' yi ge'i grwar zhugs par gyur to// byang chub sems dpa' yi ge'i grwar zhugs ma thag tu/ de nas byis pa'i slob dpon kun gyi bshes gnyen bya bas/ byang chub sems dpa'i dpal dang gzi brjid ma bzod de kha sbu tu 'gyel to// de ltar 'gyel ba dga' ldan gyi lha'i bu yan lag bzang po zhes bya bas mthong nas lag
- 108b
ba g.yas pas bteg nas bsrang ngo // bslab nas kyang de nam mkhar dkyil na 'dug ste/ rgyal po zas gtsang ba dang / skye bo phal po che dag la tshigs su bcad de smras pa/ lha yi 'jig rten 'di na skye bo gang yod pa// grangs dang yi ge rtsis dang khams kyi rgyud dag dang / 'jig rten bzo'i sbyor ba tshad med mang po nga// bskal pa bye mang sngon chad 'di ni de dag bslabs// 'on kyang skye bo'i rjes su 'thun pa tsam mdzad de// byis pa mang po theg pa mchog la smin mdzad dang / sems can khrag khrig gzhan yang 'chi med bgod pa'i phyir// shin tu longs pa'ang bslab phyir yi ge grwar zhugs so// 'jig rten 'das pa'i bden bzhi lam gyi tshul mkhyen cing // rgyu la rten nas ji ltar byung ba de la mkhas// ji ltar 'dus byas 'gags zad bsil gyur de yi tshul mkhyen na yi ge'i bstan pa bcos tsam lta cis mi mkhyen// 'jig rten gsum na 'di yi gong na slob dpon med// lha dang mir bcas nang na 'di nyid slob dpon te// bskal pa bye mang sngon chad gang na 'angs pasrabs pa'o// mi ge de dag med yang byed kyis shes mi 'gyur// 'gro ba rnams kyi sems rgyung snga tshogs gang byung ba// rkang rdzog cig ni/ sems can dag pa 'dis mkhyen to// gzu byas med bskar mi spang ba'i tshul la'ang rab mkhas na// yige gzugs yod sar snang dgas spos kyi ga
- 109a
de skad ces smras nas/ lha'i bu des byang chub sems dpa' la lha'i me tog mang pos gtor te de nyid mi snang bar gyur to// de nas ma ma dang bran mo'i 'khor bkod de/ rgyal po zas gtsang ma la sogs pa shAkya gzhan ni phyir dong ngo // de nas byang chub sems dpas tsan ngan sbrul gyi snying po las byas pa'i yi ge shing lha'i tshon gyis byugs pa/ gser gyi yang mig gis btags pa/ mtha' ma nor bu rin po ches kun nas brgyan pa thogs// slob dpon kun gyi bshes gnyen la 'di skad ces smras so// kye mkhan pos bdag la yi ge gang zhig bsrab// tshangs pa'i yi ge 'am/ kha ro sta'i yi ge 'am/ pad+ma'i snying po'i yi ge 'am/ ang ga'i yi ge 'am/ bang ka'i yi ge 'am/ yul ma ga ta'i yi ge 'am/ bkra shis pa zhes bya ba'i yi ge 'am/ sor mo pa'i yi ge 'am/ sha ka na'i yi ge 'am/ ya ba na'i yi ge 'am/ bag le 'ba'i yi ge 'am/ pa ru sha'i yi ge 'am/ 'gro lding ba'i yi ge 'am/ ki ra ta'i yi ge 'am/ lho phyogs pa'i yi ge 'am/ drag shul can gyi yi ge 'am/ grangs kyi yi ge 'am/ spre'u tshugs pa'i yig 'am/ rjes su 'thun pa'i yi ge 'am/ bru sha'i yi ge 'am/ kha sha'i yi ge 'ang/ pu na'i yi ge 'am/ hun na'i yi ge 'am/ yi ge 'bring ngam/ rgyas par
- 109b
bri ba'i yi ge 'am/ rgyal gyi yi ge 'am/ lha'i yi ge 'am/ klu'i yi ge 'am/ gnod sbyin gyi yi ge 'am/ dri za'i yi ge 'am/ mi 'am ci'i yi ge 'am/ lto 'phye chen po'i yi ge 'am/ lha ma yin gyi yi ge 'am/ na mkha' lding gi yi ge 'am/ ri dgas kyi 'khor lo ba'i yi ge 'am/ khA ta'i skad shes pa'i yi ge 'am/ sa bla'i lha'i yi ge 'am/ bar snang lha'i yi ge 'am/ nub kyi ba lang spyod kyi yi ge 'am/ byang gi sgra mi snyan gyi yi ge 'am/ sher gyi lus 'phags po'i yi ge 'am/ 'degs pa'i yi ge 'am/ bzhag pa'i yi ge 'am/ bstan pa'i yi ge 'am/ rgya mtsho'i yi ge 'am/ rdo rje'i yi ge 'am/ spring dang lan gyi yi ge 'am/ rnam thos kyi yi ge 'am/ rings med kyi yi ge bam/ bstan bcos bskor ba'i yi ge 'am/ rtsis bskor ba'i yi ge 'am/ gdeg pa bskor ba'i yi ge 'am/ bzhag pa'i bskor ba'i yi ge 'am/ rkang pas bris pa'i yi ge 'am/ tshig lan gnyis su gdab pa'i tshig gi 'tshams kyi yi ge 'am/ tshig gi 'tshams bcur brgyud pa'i bar gyi yi ge 'am/ bla thabs su bstan pa'i yi ge 'am/ sgra thams cad kun du srung ba'i yige 'am/ rig pa dang mthun pa'i yi ge 'am/ rnam par 'dres pa'i yi ge 'am/ drang srong gi dka' thub spyad pa'i yi ge 'am/ lha nge ba'i yi ge 'am/ sa lta ba'i yi ge
- 110a
@nam mkha' lta ba'i yig 'am/ sran thams cad kyi rgyu 'thun pa'i yige 'am/ snying pos thams cad kyi sgra bsrung pa yi ge 'am/ kye slob dpon gyis yi ge drug bcu rtsa bzhi po de dag gi nang nas bdag gang la bslab/ de nas byis pa'i srab dpon kun gyi bshes gnyen ngo ma du gyur nas/ gzhin gyi 'dzum phyung ste/ nga rgyal dang / dregs pa dang / rgyags pa med par byas nas 'di skad ces smras so// sems can dag pa ngo mtshar che// bstan bcos kun la bslabs gyur kyang // 'jig rten 'jig rten rjes bsnyag phyir// yi ge'i grwar ni byon par gyur// yi ge gang gi ming dag kyang // bdag gi shes par ma gyur pa// de la 'di ni byang gyur kyang // yi ge slob pa'i grwar byon to// 'di yi zhal ni mthong mod kyi// spyi gtsug 'phags pa ltar mi snang // / yi ge'i shes rab mthar phyin na// bdag gis bkod pa ji ltar bsrab// lha yi lha chen lha 'di ni// lha rnams kun gyi mchog mkhas pa// khyad par 'phags shing mnyam pa med// 'jig rten gang na do zla med// bdag kyang 'di nyid mthu yis na// shes rab thabs kyi khyad par gyis// 'jig rten kun gyi dpung gnyen po// lobs pa 'di ni bslab par bya// dge slong dag de ltar byis pa stong phrag bcu po de dag byang chub sems dpa' dang lhan cig tu yige slob pa'i tshe/
- 110b
byang chub sems dpa'i byin gyi bslabs kyis/ byis pa de dag yi ge'i phyi mo slob cing gang gi tshe a zhes brjod pa de'i tshe/ 'du byed thams cad mi rtag pa'i sgra byung ngo // a zhes brjod pa dang bdag med pa'i sgra byung ngo // i zhes bya ba brjod pa dang dbang po shin du yangs pa'i sgra byung ngo // I zhes brjod pa dang 'gro ba ni yams kyi nang mang ba'o zhes bya ba'i sgra byung ngo // u zhes brjod pa dang 'gro ba ni 'tshe ba mang ba'o zhes bya ba'i sgra byung ngo // U zhes brjod pa dang 'gro ba ni dpa' ba'o zhes bya ba'i sgra byung ngo // e zhes brjod pa dang nye ba ni btsal pa las byung ba'o zhes bya ba'i sgra byung ngo // ai brjod pa dang 'phags pa'i lam ni dge'o zhes bya ba'i sgra byung ngo // o zhes brjod pa dang chu bo las rgal ba'i sgra byung ngo // oM zhes brjod pa dang rdzu ba'i sgra byung ngo // aM zhes brjod pa dang bdag gi ba mi 'byung zhes bya ba'i sgra byung ngo // a zhes brjod pa dang nub pa dang zhes bya ba'i sgra byung ngo // ka zhes brjod pa dang las kyi rnam par smin pa la 'jug pa zhes bya ba'i sgra byung ngo // kha zhes brjod pa dang chos thams cad nam mkha' dang mnyam pa zhes bya ba'i sgra byung ngo // ga zhes brjod pa dang las zab ces bya ba'i sgra byung ngo // g+ha zhes brjod pa dang ma rig pa dang gti mug gi mun pa dang / ling tog stug po bsal zhes bya ba'i sgra byung ngo // nga zhes brjod
- 111a
pa dang yan lag rnam par dag pa zhes bya ba'i sgra byung ngo // tsa zhes brjod pa dang 'phags pa'i bden pa bzhi'i sgra byung ngo // tsha zhes brjod pa dang 'dod pa'i 'dod chags spangs pa'i sgra byung ngo // dza zhes brjod pa dang rga shi las yang dag par 'das pa'i sgra byung ngo // dz+ha zhes brjod pa dang 'chi byed kyi rgyal mtshan gyi dpung tshar bcad pa'i sgra byung ngo // nyazhes brjod pa dang shes rab 'byed pa'i sgra byung ngo // Ta zhes brjod pa dang lam shin du chad pa'i sgra byung ngo // Sha zhes brjod pa dang / dri ba bzhag pa'i sgra byung ngo // Da zhes brjod pa dang dkrugs ma dang dug tshar bcad pa'i sgra byung ngo // D+ha zhes brjod pa dang yul la mi gtsang ba'i sgra byung ngo // Na zhes brjod pa dang nyon mongs pa ni phra ba'o zhes bya ba'i sgra byung ngo // ta zhes brjod pa dang de bzhin nyid ni ma 'dres pa'o zhes bya ba'i sgra byung ngo // tha zhes brjod pa dang mthu stobs shugs dang / mi 'jigs pa'i sgra byung ngo // da zhes brjod pa dang sbyin pa dang / dul ba dang / yang dag par sdom pa dang nges pa'i sgra byung ngo // d+ha zhes brjod pa dang 'phags pa rnams kyi nor ni rnam pa bdun no zhes bya ba'i sgra byung/ na zhes brjod pa dang ming dang gzugs yongs su shes par bya ba'i sgra byung ngo // pa zhes brjod pa dang don dam sgra byung ngo // pa zhes brjod pa dang 'bras bu rnyed
- 111b
ba mngon du bya ba'i sgra byung ngo // ba zhes brjod pa dang bcings pa las rnam par thar pa'i sgra byung ngo // b+ha zhes brjod pa dang srid pa 'jig pa'i sgra byung ngo // ma zhes brjod pa dang nga rgyal dang rgyags pa zhi bar bya ba'i sgra byung ngo // ya zhes brjod pa dang chos ji lta ba bzhin du rtogs par bya ba'i sgra byung ngo // ra zhes brjod pa dang dga' ba med pa ni don dam par dga' ba zhes bya ba'i sgra byung ngo // la zhes brjod pa dang 'khri shing chad pa'i sgra byung ngo // wa zhes brjod pa dang theg pa mchog gi sgra byung ngo // sha zhes brjod pa dang zhi gnas dang lhag mthong gi sgra byung ngo // Sha zhes brjod pa dang skye mched drug gzhon zhing mngon par shes pa drug dang ye shes thob pa'i sgra byung ngo // sa shes brjod pa dang thams cad mkhyen pa'i ye shes mngon par rdzogs par byang chub par bya ba'i sgra byung ngo // ha zhes brjod pa dang nyon mongs pa bcom zhing 'dod chags dang bral ba'i sgra byung ngo // k+Sha zhes brjod pa dang yi ge mthar byin te chos thams ca ni brjod du med pa'o zhes bya ba'i sgra byung ngo // de ltar byis pa de dag yi ge'i phyi mo slob pa'i tshe byang chub sems dpa'i bathus de dag la sogs pa chos kyi sgo mo brkyang /
- 113a
/ stong zangs med pa byung bar gyur te/ byang chub sems dpa' yi ge'i blan 'dug pa'i tshe/ byis pa sum khri nyis stong rim gyis bla na med pa yang dag par rdzogs pa'i byang chub tu yongs su smin par byas so// byang chub sems dpa' lobs par gyur kyang yi ge'i grwar 'jug pa'i rgyu ni de yin no// rkyen ni de yin no// / dge slong dag gzhon nu de de bas kyang yang zad skyes nas/ dus gzhan zhig na gzhon nu de bzhon nu gzhan dag dang / zhang blon gyi bu dag dang lhan cig tu zhing pa'i grong lta zhing dong ste/ grong ltas nas/ zhing las kyi las mtha' bskyed mos cig tu phyin to// de nas byang chub sems dpa' gcig pu gnyis su med par pha sad 'khyam zhing song ba dang / 'dzam bu'i shing ljon pa mdzes pa lta na sdug pa zhig mthong nas/ byang chub sems dpa' de'i grib ma la dkyil mo dkrung bcas pa 'dug go// 'dug nas byang chub sems dpa' sems rtse gcig pa rnyed te rnyed nas kyang sdig pa'i chos rnams las dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas so// rtog pa dang dpyod pa dang bral zhing nang yongs su dang ste/
- 113b
sems kyi rgyud cig tu gyur pas rtog pa med pa dang / dpyod pa med pa dang / ting nge 'dzin las skyes pa'i dga' ba dang / bde ba can bsam gtan gnyis pa bsgrubs te gnas so// de dga' ba'i 'dod chags dang bral bas gtang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis de dran pa dang ldan pa dang / bde ba la gnas pa gtang snyoms pa'o zhes brjod pa ste/ dga' ba med pa bsam gtan gsum pa bsgrubs te gnas so// de bde ba yang spangs te snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin gtang snyoms dang dran pa yongs su dag pas bsam gtan bzhi pa bsgrubs te gnas so// de'i tshe phyi rol gyi drang srong mngon par shes pa rdzu 'phrul dang ldan pa na mkha' las 'dong ba lnga zhig lho phyogs nas byang phyogs logs su dong ba las/ de dag tshal sdug po de'i nang du phyin pa dang phyir phul ba ltar/ mdong ma nus nas de dag mi dga' zhing ba spu g.yos te/ tshigs su bcad pa 'di smras so// bdag cag 'di na ri rab nor bu rdo rje brtsegs pa shin tu rngam rtug pa yang thal byung ste/ glang po a mra'i shing ljon yal ga gzings pa
- 114a
ra/ mang po bcom nas 'gro zhing dong dong la// bdag cag 'di na lha'i khyim la'ang thogs med dri za gnod sbyin khyim steng nam mkha' gnas gnas na/ tshal sdug 'dir phyin nas ni bgyid lug gyur pa su yi mthu zhig gis ni rdzu 'phrul stobs bzlog gyur// de nas tshal stug de na lha mo zhig gnas pa des drang srong de dag la tshigs su bcad de smras pa/ rgyal po'i gtso bo'i rigs byung shAkya sras nyi ma shar ba lta bur rab tu snang ba'i 'od// 'jig rten gtso bo mkhas pa zla zhal pad+ma rgyas pa'i snying po'i kha dog lta bur rab mdzes pa// lha dang klu dang gnod sbyin dri zas mchod pa de ni bsam gtan dgongs shing tshal stug 'di na bzhugs srid pa bye ba brgya dag tu ni bsod nams spel ba de yi mthu yis rdzu 'phrul stobs bzlog go// de nas de dag gis 'og logs su ltos pa dang gzhon nu zhig dpal dang / gzi brjid kyis 'bar ba mthong nas/ de dag 'di snyam du su zhig 'di ltar gnas/ nor gyi bdag po rnam thos kyi bu dang cig ma yin nam/ 'on te 'dod pa'i dbang po bdud lta bu 'am/ yang na lto 'phye chen po'i dbang po 'am/ 'on te rdo rje 'chang ba 'am yang na gu lang ngam/ grul bum gyi bdag po 'am/ 'on te spo ba chen po dang ldan pa nag po 'am/ 'on te
- 114b
lha'i bu zla ba 'am/ e 'od zer stong dang ldan pa'i nyi ba 'am/ 'on te 'khor lo bsgyur ba'i rgyal po zhig yin nam/ su zhig snyam mo de'i tshe tshig su bcad pa 'di yang sbas so// gzhon nu 'di ni rnam thos bu'i gzugs las 'bags par gsal ba snang bas na/ 'di ni sgra gcan yin nam 'on te rdo rje 'chang pa'i gzugs sam nyi zla'i gzugs// 'dod mchog dbang po'i gzugs sam gu lung gzugs sam 'on te nag po'i gzugs yin nam// yang na 'di ni dpal ldan yan lag mtshan sbas sdig med sangs rgyas 'gyur ba zhig/ de nas tshul gyi lha mo des drang srong de dag la tshigs su bcad de slar smras pa/ rnam thos bu dang mig stong bdag po dpal ni gang yod gyur pa dang // 'jig rten skyong ba bzhi dang lha min dbang ni gang yod dang // mi mjed bdag po gzugs dang gza' rnams la yang dpal ni gang yod pa// dpal de shAkya'i sras po 'di drung phyin na gang ga'i char mi phod// de nas drang srong de dag gis sa'i lha mo'i tshig de thos nas/ sa la babs pa dang de dag gis byang chub sems dpa' mi g.yo ba'i lus kyi bsam gtan byed cing me'i phung po ltar 'ab ba mthong nas de dag byang chub sems dpa' la sems shing / tshigs su bcad pas bstod de/ de la cig gis smras pa/ 'jig rten nyon mongs mes gdu
- 115a
/ par// mtsho 'di rab tu byung gyur te// gang gis 'jig rten tshim gyur pa'i// chos 'di yis brnyes par 'gyur// yang gcig gis smras pa/ mi shes rab rib 'jig rten du// sgron ma 'di ni rab tu byung // gang gi 'gro ba snang gyur pa'i// chos de 'di yis brnyes par 'gyur// yang cig gis smras pa/ mya ngan rgya mtsho 'dal ba la// gang gis 'gro ba sgrol gyur pa'i// chos de 'di yis brnyes par 'gyur// yang cig gis smras pa/ nyon mongs 'ching bas bcings pa la// sgrol bar mdzad pa 'di byung ste/ gang gis 'gro ba sgrol gyur pa'i// chos de 'di yis brnyes par 'gyur// yang cig gis smras pa/ rga dang nad kyi gzir ba la// sman pa dam pa 'di byung ste// gang gis rga shi thar bya ba'i// chos de 'di yis brnyes par 'gyur// de nas drang srong de dag gis byang chub sems dpa' la tshigs su btsad pa de dag gis bstod de/ lan gsum bskor ba byas nas/ nam mkha' las dong do// rgyal po zas gtsang ma yang byang chub sems dpa' ma mthong zhing byang chub sems dpa' med pas mi dga' ste/ smras pa/ gzhon nu de mi snang na gar song / de'i tshe skye bo phal po che gzhon nu tshol du dong ba las/ de'i tshe blon po cig gis byang chub sems dpa' 'dzam bu'i shing gi grig ma la/ dkyil mo dkrung bcas
- 115b
te bsam gtan byed pa mthong ngo // de'i tshe shing thams cad kyi grib ma yol na 'dzam bu'i shing gi grib ma ni byang chub sems dpa'i lus mi gtong dar 'dug pa mthong nas ngo mtshar du gyur te/ tshim zhing mgu la yid rangs nas rab tu dga' ste/ dga' ba dang yid bde ba skyes nas rings shing myur ba myur ba'i gzugs kyi rgyal po zas gtsang ma'i thad du phyin te/ tshigs su bcad pa 'di dag smras so// rgyal po gzhon nu de la gzigs/ 'dzam bu'i shing grib bsam gtan mdzad// brgya byin tshangs pa ji bzhin du// gzi brjid dpal gyis rab tu mdzes// zhugs shing gang gi grib ma la// mtshan mang mnga' ba de bzhugs pa'i// grib ma des ni de ma btang // skyes mchog bsam gtan mdzad la sgribs// de nas rgyal po zas gtsang ma 'dzam bu'i shing ljon pa ga la ba der song ste phyin nas byang chub sems dpa' dpal dang gzi brjid kyis 'bar ba de mthong nas tshigasu bcad de sbas so// ri yi srol ze 'bar 'dra ba ste// zla ba'i skar ba'i tshogs nang 'dug 'dra zhing // gzi brjid smon 'dra bsam gtan byed mthong na/ nga yi lus 'di shin tu 'dar bar gyur// de skad ces smras nas/ des byang chub sems dpa'i rkang pa la phyag byas te tshigasu bcad pa 'di smras so//
- 116a
thub pa gang tshe ltam pa dang // gang tshe 'od ldan bsam gtan mdzad// 'dren pa 'di ltar lan gnyis su// mgon po khyod la phyag 'tshal lo// de'i chi byis pa khye'u thogs pa dag ca co'i sgra 'byin par gyur nas// de dag la blon po dag gis sgra ma che sgra ma che zhes byas pa dang / de dag ci zhig nongs zhes zer ro// blon po dag gis smras pa/ rgyal po'i sras don thams cad grub pa dge ba'i mtshan bzang po mchog dam pa dang ldan zhing 'od 'dom gang ba 'di ri rab ltar mi g.yo zhing bsam gtan mdzad pa'i tshe/ nyi ma'i dkyil 'khor yol te song yang shing gi grib ma ma yol zhing sgrib par gnas so// de la 'di skad ces bya ste/ dpyid 'das dbyar gyi dus pab dbyar zla ra ba la// me tog rgyas shing me tog yal gas khyebs gyur te// khrung khrung rma bya ne co'i skyegs skad 'byin par// shAkya'i bu dag phal cher mngon du 'dong bar gyur// 'dun pa can gyis smras pa/ gzhon nu nags tshal dag ni gzigs pa mdzad skad du// byis pa rnams kyis yongs su bskor te gshegs pa'i rigs bram ze lta bur khyim na zhugs pas ci zhig bgyi// bdag cag rnams ni bu mo'i grogs rnams sngon du mchi// nyi ma gang la sems can rnam par dag pa de// byis pa
- 116b
lnga brgya dag gis bskor nas lhan cig tu// yang la ma gsol yu ba la ma gsol ma tshor bar// de ni phyung nas zhing pa rnams kyi grong du song / rgyal bu dam pa zhing pa dag gi grong de na// 'dzam bu'i sdong chen yal ga mang po rgyas yod pa// gzhon nus mthong nas nyams thag sdug bsngal pog gyur te// 'dus byas ci rung sdug bsngal mang zhes snying rje byed/ dul ba'i sems dang ldan pa 'dzam bu'i grib mar song // rtswa dag bsdus te bdag gis bding ba bting nas ni// dkyil mo dkrung 'dug drang srong lus srang bsam gtan bzhi/ drang srong lnga zhig nam mkha'i dkyil na dong dong na// 'dzam bu'i shing gi steng du phyin nas dong ma nus// de dag thogs nas nga rgyal dregs pa spang byas shing // de dag thams cad 'thun par lhan cig blta bar byed// bdag cag ri mchog ri rab 'khor yug de bzhin dag/ thal byung thags thogs med par shugs kyi dong dong na// bdag cag de ring 'dzam bu'i shing ljon 'di las ni// 'da' bar ma nus 'di la rgyu rkyen ci zhig yod// babs te sa steng 'dug nas 'dzam bu'i shing drung gi shAkya'i bu pho byang chub sems dpa' gzi brjid can// 'dzam gling gser gyi 'od 'phro dra ba 'od zer ldan// dkyil mo dkrung bcas bsam gtan byed pa de tshe mthong // de dag spad gyur
- 117a
spyi bor sor bcu thal sbyar te// thal mo sbyar ba rkang par btugs nas phyag 'tshal lo// 'gro bshin tu ba mdzad legs par bltams pa legs// myur du rnam sangs rgyas te bdud rtsis sems can thul// sdong po mchog ni pad ma 'dra ba'i spyan la 'dud/ gdugs yol gyur kyang grib mas bde gshegs mi gtong ba// lha rnams stong phrag mang po gnas pa thal sbyar nas// nges par byas pa de yi rkang par phyag kyang 'tshal// zas gtsang rgyal po bdag gi khyim na yongs tshol zhing // nga'i bu gzhon nu de ni gang du song zhes rmed/ sru mos smras pa/ bdag gis btsal kyang ma rnyed na// gzhon nu de ni rgyal po gar gzhung sba bar gsol// zas gtsang rgyal pos nyug rum dag la rings par sbas// nga yi gzhon nu 'di nas byung bar la las mthong ngam zhes// bsgo ba rnams dang de bzhin nang gi mi kun la'ang spras// lha gcig khyod gsan mchog de zhing pa'i grong du bzhud// de ni ring par shAkya rnams dang lhan cig tu// byung nas dpal zhugs gyur pa'i zhing pha'i grong du 'gro// ji ltar nyi ma shar ba bye ba khrag khrig ltar// de ltar dpal gyis 'khor zhing pan byed 'dug pa mthong // cod pan ral gri lham dag pa sang pog phud de// mgo bor sor bcu thal mo sbyar nas phyag kyang 'tshal// drang srong
- 117b
bdag nyid chen po legs par yang dag smra// gzhon nu byang chub don du mngon du 'byung du nges// rab tu dad lha brgya phrag bcu gnyis tshang ba dang / de bzhin shAkya lnga brgya nye bar 'ongs pa dang // bde gshegs yon tan rgya mtsho ldan pa'i rdzu 'phrul mthong // bsam pa brtan pas rdzogs pa'i byang chub seMs kyang bskyed// des ni stong gsum ma lus sa rnams rab bskyod nas// dran dang shes bzhin ting nge 'dzin las langs gyur te// mdog bzang ldan pas yab la tshangs pa'i tshig brjod pa/ yab gcig zhing las thong la gzhan las tshol ma mdzad// gal te gser zhig 'tshal na'ang bdag gser char pa dang / de ste na bza' 'tshal na'ang bdag gis na bza' dbul// 'on te 'bru zhig 'tshal na'ang bdag gis 'bru char dbab// mi dbang khyod kyis 'gro ba kun la yang dag sbyor// yab dang de bzhin skye bo 'khor la bstan byas nas// skad cig de la de slar grong khyer mchog tu zhugs// 'gro dang 'thur pa tsam du grong khyer de gnas kyi// sems can rnam dag mngon par 'byung ba'i yid dang ldan// / dge slong dag de ltar gzhon nu de bas kyang ya zad skyes pa dang / dus gzhan zhig na rgyal po zas gtsang ma shAkya'i tshogs dang lhan cig 'dun sa na 'dug pa de'i tshe/ shAkya rgan rabs kha cig gis rgyal
- 118a
po zas gtsang ma la 'di skad ces smras so// lha mkhyen par mdzad du gsol/ gzhon nu don thams cad grub pa 'di/ ni bram ze ltas mkhan rnams dang / blo nges pa dang ldan pa'i lha mang pos 'di skad du bstan to// gzhon nu gal te mngon par 'byung bar gyur na ni/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro// ji ste mngon par ma byung na ni 'khor los bsgyur ba'i rgyal po mtha' bzhi las rnam par rgyal ba chos kyi rgyal po chos dang ldan zhing / rin po che sna bdun dang ldan par 'gyur ro// de'i rin po che sna bdun ni 'di lta ste/ 'di ltar 'khor lo rin po che dang / rtamachog ring po che dang / nor bu rin po che dang / bud med rin po che dang / khyim bdag rin po che dang / blon po rin po che dang bdun no// de la bu dpa' brtul bod pa dang ldan pa/ yan lag mchog gi gzugs dang ldan pa/ gzhan gyi sde rab tu 'joms pa stong tham pa 'byung ngo // de gnod par bya ba dang mtshon cha med bar chos dang 'thun pas/ sa'i dkyil 'khor 'di las mngon par rgyal bar byas te/ gcig pu gnas par 'gyur ro// zhes mchin de'i srad du gzhon nu de'i btsun mo blang bar bgyi'o// de ltar mdzad pa dang bud med kyi tshogs kyis yongs su bskor te dges pa las longs spyod cing mngon par 'byung bar yang mi 'gyur
- 118b
te de ltar gyur kyang bdag cag gis 'khor los bsgyur ba'i gdung yang mi 'chad // khams kyi rgyal po thams cad kyis kyang mi snyad pa mi brjod cing rim gro brgya bar 'gyur ro// de nas rgyal po zas gtsang mas smras pa/ gal te de ltar bya na de'i phyir gzhon nu'i tshul dang 'thun pa'i bu mo gang zhig yong khyed kyis ltos shig/ de'i tshesha kya lnga brgya tsam so so nas 'di skad du/ bdag gi bu mo ni gzhon nu'i tshul dang mthun no zhes zer ro// rgyal pos smras pa/ gzhon nu de ni shin tu phul che ba yin gyi/ gzhon nu nyid la bu mo gang 'dod ces dri bar bya'o zhes de dag kun kyang 'dus te gzhon nu la dngos po de brjod do// gzhon nus smras pa/ da ste gung bdun nas de'i lan gsan par gsol// de nas byang chub sems dpas 'di snyam du bsam ste/ 'dod pa'i skyon ni bdag gis mtha' yas rig/ mthab mo 'khon bcas mya ngan sdug bsngal rtsa// 'jigs byed dug gi lo ma 'dra ba ste// me dang 'dra bar ral gri'i so dang 'dra// 'dod pa'i yon tan bdag 'dod ma yin te// bdag ni bud med tshogs dang mdzes ma yin// bsam gtan ting 'dzin bde bas zhi sems/ bdag ni mi smra nags tshal gnas par bya// yang des brtags nas thabs mkhas pa mngon du byas te/ sems can yongs su smin par bya ba ltas nas
- 119a
rgya che#snying rje chen po bskyed de de'i tshe tshigs su bcad pa 'di dag smras so// 'dam dang lcag lcig khrod nas pad ma rnam par 'phel// mi rnams gang ba'i nang na rgyal po mchod pa mthob// gang tshe byang chub sems dpa' 'khor mchog thob gyur pa// de tshe sems can bye mang khrag khrig 'chi med 'dul// sngon gyi byang chub sems dpa' mkhas pa gang byung ba// de dag kun gyi btsun mo sras dang slad gyur bstan// 'on kyang 'dod pas chags med bsam gtan bde ba mnyam// bdag kyang de dag yon tan rjes su bslab par bya// gang la spyod lam bde ba'i tshig med pa// bud med/ phal pa gang yang bdag gi mdun na min// gang zhig bdag gi sems ni mngon par dga' byed cing // bag yod gzugs dang na chod rus rigs dag pa 'os/ des ni yon tan tshigs bcad de yi yi ger bris// 'di 'dra'i bu mo mchis na bdag la bka' stsol cig/ skye bo phal pa ma bsdams bdag la 'khom lags// yon tan brjod pa 'di ldan mchis pa bdag stsol cig/ dar cing gzugs bzang ldan kyang gzugs kyi dregs dang bral// bu nu ma la byams ltar byams pa'i sems ldan zhing // gtong la dga' ste dge sbyong bram ze sbyin tshul can// de 'dra'i bu mo mchis na yab kyis bdag stsol cig/ gang
- 119b
la nga rgyal khengs dang zhe sdang ma mchis shing // g.yo dang phrag dog rgyags spang dang ba'i ngang tshul can// rmi lam na yang skyes pa gzhan la chags dang bral// bdag gi khyos ni cho ga 'tshal rtag sdom bag mchis pa// rgyags pa ma mchis mi g.yeng zung thub tshul 'tshang zhing // nga rgyal ma mchis gyong dang bral zhing bran mo bzhin// sgra dri rol ma chags chang la ma chags te// 'dod bral ba snab sems ma mchis rang gi nor gyis 'tshal// bden la gnas shing mi 'phyar g.yeng ba ma lags pa// ngo tsha'i gos 'tshal rgod dang khengs pa ma chags gnas// lha dang bkra shis ma chags rtag tu chos la brtson// lus dang ngag dang yid kyi dngos po rab dga' ba// gnyid dang sprugs pa mi mnga' nga rgyal glen bral zhing // rtog dang ldan pa legs pa'i las rnams rtag spyod pa// gyos skyug gnyis la 'ang ston pa bzhin gyi rim gro sa// bran dang bran mo kun la'ang bdag bzhin byams srel ba// smad 'tshong bzhin du bstan bcos cho ga 'tshal cang mkhas// slad kyis nyal zhing sngon du mal nas ldang bgyid pa// byams pas rjes snyags ma bzhin tshul chos ma mchis pa// de 'dra'i bud med mchis na yab kyis bdag stsol cig/ dge slong dag de nas rgyal po zas gtsang mas tshig su bcad pa de dag thos nas// mdun na 'don la
- 120a
@sbas pa/ bram ze chen po khyod ser skya'i gnas kyi grong khyer chen por song la/ khyim thams cad du song ste/ bu mo dag la ltos la gang la yang rung ste/ yon tan de lta bu dag yod na// rgyal rigs kyi bu mo yang rung / bram ze'i bu mo yang rung / rje rigs kyi bu mo yang rung / dmangs rigs kyi bu mo yang rung gi/ bu mo 'di dag 'dir 'on cig/ de ci'i phyir zhe na/ gzhon nu 'di ni rigs don du gnyer ba ma yin// rus don du gnyer ba ma yin// gzhon nu 'di ni yon tan don du gnyer ba yin no// de'i tshigs su bcad pa 'di dag smras so// rgyal rigs bram ze'i bu mo dang // rje rigs dmangs rigs de bzhin te// su la yon tan 'di yod pa'i// bu mo de ni 'dir 'on cig/ nga yi bu 'di rigs dag dang / rus la ngo mtshar 'dzin ma yin// yon tan bden pa chos kyi rnams// de la 'di yid dga'o// dge slong dag de nas bram ze mdun na 'don des tshigs su bcad pa yi ger bris nas khyer te/ ser skya'i gnas kyi grong khyer chen por song nas/ khyim nas khyim du yon tan de lta bu dang ldan pa'i bu mo lta zhing chol du song ba las/ yon tan de lta bu dang ldan pa'i bu mo ma mthong ste// de nas rim gyis shAkya lag na be con gyi khyim du phyin nas/ des ltas na bu mo gzugs mdzes shing lta na sdug
- 120b
ba yid du 'ong ba mdog bzang po rgyas pa mchog dang ldan pa/ ha cang yang mi ring ba/ ha cang yang mi thung ba/ ha cang yang mi sbom pa/ ha cang yang mi skyen pa/ ha cang yang mi dkar ba/ ha cang yang mi gnag pa/ bzang mo dar la bab pa/ bud med rin po che ltar snang ba zhig mthong ba dang / bu mo des bram ze mdun na 'don de'i rkang pa gnyis la bzung ste/ 'di skad ces smras so// bram ze chen po khyod la dgos pa ci zhig mchis// bram ze mdun na 'don gyis tshigs su bcad de smras pa/ zas gtsang sras po gzugs ni mchog tu mdzes gyur cing // sum bcu rtsa gnyis mtshan ldan yon tan gzi brjid can// de yis bud med rnams kyi sku yi ger bris// su la yon tan 'di yod de yi chung mar 'os// shes te des de la yi ge de byin no// de nas bu mo des tshigasu/ bcad pa yi ge klags nas/ gzhin 'dzum pa bstan te/ bram ze mdun na 'don de la tshigs su bcad de smras pa/ bram ze yon tan 'di dag bdag la kun tshang / nges pa'i gzugs can de ni bdag gi khyim thab po// gal te gzhon nu gzhed na phyi shol ma mdzad gsungs// brgya la skye bo phal dang bzhugs par 'gyur kyang dga' de nas bram ze mdun na 'don de rgyal po zas gtsang ma'i drung du song ste/ don de brjod nas/ rgyal po chen po bdag gis gzhon nu'i tshul dang 'thun pa'i bu mo
- 121a
@mdzang // rgyal pos smras pa/ su la del bu zhig yod// smras pa lha shAkya lag nab con can la bu mo de/ lta bu zhig mchis so// de nas rgyal po zas gtsang ma 'di snyam du sems te/ gzhon nu de ni shin du phul che zhing bzang ba la mos pa yin la/ bud med dag ni phal cher yon tan med pa rnams kyang bdag la yod par khas len gyi bdag gis yid du 'ong ba'i yo byad dag byas te/ gzhon nu 'di bu mo thos cad la sbyin pa byed du gzhug go// bu mo de dag gi nang nas gang la mig mngon par chags par gyur pa de/ gzhon nu la sbyin par bya'o snyam mo// de nas rgyal po zas gtsang mas yid du 'ong ba'i yo byad gser dang / dngul dang / rin po che sna tshogs las byed du bcug nas/ ser skya'i gnas kyi grong khyer chen por dril gyi sgra sgrags nas/ de nas zhag bdun na kun gyis kyang gzhon nu mthong bar 'gyur te/ yid du 'ong ba'i yo byad thams cad kyang bu mo dag la sbyin par byed kyi/ bu mo thams cad mdun du sheg shig ces bsgo'o// dge slong dag de nas zhag bdun lon pa dang / byang chub seMs/ dpa' 'dun khang du song ste seng ge'i khri la 'dug go// de'i tshe rgyal po zas gtsang mas bya ra ba dag bkod nas/ gzhon nu de bu mo gang la mig chags pa
- 121b
de ngal gyis shig ces sgo'o// dge slong dag de nas ser skya'i gnas kyi grong khyer chen po de na bu mo gang ci yod pa de dag thams cad 'dun khang ga la ba dang / byang chub sems dpa' ga la ba der byang chub sems dpa' lta ba dang / yid du 'ong ba'i yo byad blang ba'i phyir dong ngo // dge slong dag de nas byang chub sems dpas bu mo ji ltar 'ongs pa de dag la yid du 'ong ba'i yo byad rnams byin no// de nas bu mo de dag gis byang chub sems dpa'i dpal dang gzi brjid ma bzod nas/ yid du 'ong ba'i yo byad blangs shing myur ba myur bar phyir dong ngo // de nas shAkya lag na be con gyi bu mo sa mtsho ma zhes bya ba bran mo'i tshogs kyis bskor cing mdun du bdar te/ 'dun khang ga la ba dang / byang chub sems dpa' ga la ba der song ste phyin pa dang / mig mi 'dzums par byang chub sems dpa' la lta zhing phyogs cig tu 'dug par gyur to// gang gi tshe byang chub sems dpas yid du 'ong ba'i yo byad de dag byin zin par gyur pa'i de'i tshe byang chub sems dpa'i drung du 'ongs nas/ 'dzum mul te byang chub sems dpa' la 'di skad ces smras so// gzhon nu khyod la bdag gis nor bar ci zhig bgyis bdag la de ltar sngan sdang mdzad// sbas pa/ ngas ni khyod la sngan sdang byas pa med na/ khyod ni shin
- 122a
du 'byis te 'ongs so zhes smras so// der sor gdub srang brgya stong du ma ri ba phud te de la byin no// du mo des smras pa/ gzhon nu khyod las bdag gis 'di lta zhig 'tshal ba 'os sam/ smras pa/ 'o na rgyan gzhan dag yod pa 'di dag kyang khyod khyer cig/ des sbas pa/ gzhon nu bdag ni rgyan ma mchis par bgyid pa ma lags kyi/ rgyan dang ldan par bgyid pa lags so zhes smras nas bu mo de song ngo // de nas bya rab bkod pa'i mi dag rgyal po zas gtsang ma'i drung du song nas lo rgyus de dag smras pa dang / lha shAkya lag na be cod gyi bu mo sa mtsho ma zhes bgyi ba de la gzhon nu spyan chags par gyur la/ cung zad cig tu bka' mched kyang bgyis so// de nas rgyal po zas gtsang mas tshig de thos nas/ shAkya lag na be con gyi gan du bram ze mdun na 'don pho nyar gtang ste/ khyod kyi bu mo zhig yod pa de nga'i gzhon nu la byin cig ces spring ngo // lag na be con gyis smras pa/ 'phags pa gzhon nu de ni pho brang na skyid de bar 'khrungs pa lags na/ bdag cag gi rigs kyi chos ni 'di lta bu lags te/ sgyu rtsal shes pa la bu mo gtong gi sgyu rtsal mi shes pa la mi gtong ba lags na/ gzhon nu de ni sgyu rtsal shes pa yang
- 122b
ma lags na/ ral gri'i thabs dang / 'phong dang / stobs dang / gyad kyi 'dzin stangs kyi tshul shes pa yang ma lags na/ bdag gyi sgyu rtsal shes pa ma lags pa la/ bu mo ji ltar btang / tshig de rgyal po la bzlas pa dang / de nas rgyal po 'di snyam du sems te/ nga la nges 'di dang lan gnyis su sngos te/ gang gi tshe ngas shAkya gzhon nu dag gzhon nu'i rim gro byed du ci'i phyir mi yong zhes byas pa de'i tshe'ang / ci nged lugs kyi rim gro byed du 'ong ngam zhes zer la/ de'ang 'di skad zer ro snyam du sems shing 'dug par gyur to// byang chub sems dpas kyang gtam de thos nas/ rgyal po zas gtsang ma de ga la ba der song ste phyin nas 'di skad ces smras so// ci nongs te de ltar zhal zum gnag par bzhugs/ rgyal pos smras pa/ gzhon nu dri bas ci zhig bya/ gzhon nus smras pa/ lha de ni bka' mi stsal du mi rung ngo zhes lan gsum gyi bar du byang chub sems dpas rgyal bo zas gtsang ma la dris pa dang / de nas rgyal po zas gtsang mas byang chub sems dpa' la dngos po de dag brjod do// byang chub sems dpas smras ba/ lha grong khyer 'di na bdag dang sgyu rtsal gyis 'gran par nus pa 'ga' zhig mchis sam/ de nas rgyal po zas gtsang ma dga' nas/ byang chub
- 123a
sems dpa' la 'di skad ces smras so// bu khyod kyi sgyu rtsal bstan par nus sam/ smras ga lA de ni bdag gis rngo thog go// de bas na sgyu rtsal 'tshal ba rnams kun kyang srog tu gsol/ de dag gis mdun na bdag gis bstan par bgyi'o// de nas rgyal po zas gtsang mas/ ser skya'i gnas kyi grong khyer chen por dril gyi sgra spags te/ deng nas zhag bdun na gzhon nu rang gi sgyu rtsal bstan gyi/ des na sgyu rtsal shes pa thams cad sheg shig ces bsgo'o// de nas zhag bdun lon pa dang / shAkya gzhon nu lnga brgya tsam tshogs par gyur to// de nas shAkya lag na be con gyi bu mo sa mtsho ma rgyal ba'i ru mtshon du bzhag ste 'dir gri thabs dang / 'phong dang / stobs dang / gyad kyi 'dzin stangs kyis su rgyal ba de ni 'di khyer cig ces dam bcas/ de'i tshe thams cad kyi thog ma la gzhon nu lhas byin grong khyer nas byung ngo // de'i tshe byang chub sems dpa'i bzhon par glang po dkar po bongs shin du che ba zhig grong khyer du khrid pa gzhon nu lhas byin gyis mthong nas/ phrag dog dang / shAkya'i nga rgyal dang / stobs kyi nga rgyal gyis dregs nas/ des glang po de lag pa g.yon pas sna nas bzung ste/ lag pa g.yas pas tha' mo lan gcig skur
- 123b
pas bsad par gyur to// de'i 'og tu gzhon nu mdzes dga' bo byung ba dang / des glang po de grong khyer gyi sgor bsad pa mthong nas/ sus bsad ces dris pa dang / lhas byin gyis bsad do// smras pa/ lhas byin gyis de ni ma legs so zhes des glang po de'i mjug ma nas bzung ste/ grong khyer gyi sgo nas gang ru boro// de'i 'og tu byang chub sems dpa' shing rta la zhon te byung ba dang / byang chub sems dpas glang po de ltar bsad pa mthong ngo // mthong nas kyang sus bsad ces dris pa dang / smras pa/ lhas byin gyis bsad do// smras pa/ lhas byin gyis de ni ma legs pa cig byas so// grong khyer 'di'i sgo nas sus bor zhes dris pa dang / smras pa/ mdzes dga' bos bor ro// smras pa/ mdzes dga' bos der byas pa'ang ma legs na/ sems can 'di ni lus chen po dang ldan pa ste/ rul nas grong khyer thams cad dri mi zhim pas gang bar 'gyur ro// de nas byang chub sems dpas shing rta la 'dug bzhin du rkang pa ya gcig sa la brkyang ste/ rkang pa'i mthe ngos glang po de blangs te/ 'obs bdun rim 'das nas grong khyer gyi phyi rol rgyang grags gcig tsam du 'phangs so// glang po de phyogs gang du lhung ba'i sa phyogs de shong chen po zhig tu gyur nas/ da lta glang po'i shongs zhes bya ba yin no// de'i tshe lha dang mi brgya stong mang pos
- 124a
e ma a la la zhes zer cing ca co dang / ga zha'i sgra brgya stong 'byin la/ gos kyi g.yab mo 'byin par gyur to// nam mkha'i dkyil nas lha'i bu dag gis kyang tshigs su bcad pa 'di dag smras so// glang po'i dbang po rdo ba bzhin gzhud pa// zhabs kyi mthe bos glang po'i dbang po blangs// ra ba bdun dang 'obs bdun yongs 'das nas// grong khyer 'di yi phyi rol rgyang rings 'phangs// mkhyen pa mchog mnga' 'dis ni gdon mi za/ nga rgyal stobs kyis mtho ba'i lus can rnams// 'khor ba'i grong nas phyi rol rgyang ring du// shes rab stobs kyi 'dis ni 'phen par 'gyur// dge slong dag de nas shAkya gzhon nu lA rgya tsam grong khyer nas 'thon nas/ sa'i phyogs gang du shAkya gzhon nu dag sgyu rtsal ston pa der dong ngo // rgyal po zas gtsang ma dang / shAkya rgan rabs rgan rabs dag dang / skye bo bal po che de dag kyang byang chub sems dpa' dang / shAkya gzhon nu ngag gi sgyu rtsal gyi khyad par mthong bar 'dod te/ sa phyogs der dong ngo // de nas shAkya gzhon nu yi ge mkhas shing yi ge'i cho ga shes pa de dag dang / byang chub sems dpa' yi ge 'gran to// de'i tshe shAkya de dag slob dpon kun gyi bshes gnyen dbang du bzhag ste/ gzhon nu 'di dag gi nang nas yi ge'i 'bru 'am/
- 124b
yi ge'i sku grangs kyi mtha' byin pas khyad par 'phags pa gang yin/ khyod kyis bye brag du bye shig/ de nas slob dpon kun gyi bshes gnyen byang chub sems/ dpa' yi ge la mkhas par mngon par mthong bas/ gzhin 'dzum pa bstan te/ tshigs su bcad pa 'di dag smras so// mi yi 'jig rten lha yi 'jig rten nam/ lha mi'i 'jig rten dri za'i 'jig rten nam// 'jig rten kun gyi yi ge ji snyed gang // de la sems can dag pa 'di mthar phyir// mi yi zla ba 'di yis gang mkhyen ba'i// yi ge dag dang yi ge'i sna grangs kyi// ming yang khyed dang ngas ni yongs mi shes// 'di la mngon sum ngas shes 'di rgyal 'gyur// shAkya rnams kyis smras pa gzhon nu 'di yi ge'i shes pa la khyad par du 'phags pa/ lta'ang 'phags par chug ste/ gzhon nu 'di grangs kyi shes pa la khyad par ci yod skrun par bya'o// de nas shAkya srid sgrub ces bya ba rtsis pa chen po byed pa bgrang ba rtsis kyi pha rol du phyin pa zhig yod pa de dbang du bzhag ste/ gzhon nu 'di dag gi nab nas grangs kyi shes pa la khyad par du gang 'phags// khyod kyis ltos shig ces bya ba ste/ de nas de'i tshe byang chub sems dpas ni rtsis mgo phog/ shAkya gzhon nu gcig gis ni rtsis pa dang / byang chub sems dpa' la sleb par mi nus so// de nas shAkya gzhon nu gnyis dang / gsum dang / bzhi dang / lnga dang /
- 125a
bcu dang / nyi shu dang / sum bcu dang / bzhi bcu dang / lnga bcu dang / brgya nas shAkya gzhon nu lnga brgya'i bar gyis dus cig tu rtsis kyang byang chub sems dpa' la ma slebs so// de nas byang chub sems dpas smras pa/ khyed kyis ni rtsis mgo bog shig kho bos ni rtsi'o// de'i tshe shAkya gzhon nu gcig gis rtsis mgo phog nas/ byang chub sems dpa' rtsis kyis chod pa lnga sleb po// de nas shAkya gzhon nu gnyis dang / gsum dang / bzhi dang / lnga dang / bcu dang / nyi shu dang / sum bcu dang / bzhi bcu dang / lnga bcu dang / brgya nas shAkya gzhon nu lnga brgya'i bar gyis dus gcig tu rtsis mgo phog kyang / byang chub sems dbas rtsis kyi chod pa la ma sleb po// byang chub sems dpas smras pa/ 'di la rtsad de'ang ci rung gis/ khyed thams cad gcig tu bsdus te/ rtsis mgo phog shig dang / kho bos rtsi'o// de nas shAkya gzhon nu lnga brgyas tshigs su brjod pas snga phyi med par rtsis mgo bog na/ byang chub sems dpas rmongs pa med par rtsis te/ da lta shAkya gzhon nu de dag thams cad ni phugs thug par gyur byang chub sems dpa' la ni thug pa'i mtha' med par gyur to// de nas rtsis pa chen po srid sbub ngo mtshar du gyur te/ tshig su bcad pa 'di dag smras so//
- 125b
legs pa'i mnga' bdag 'di dris na// mkhyen pa shin du gyur pa ste// shAkya gzhon nu lnga brgya tsam// kun kyang rtsis kyi lam la thug/ de yi shes rab 'di 'dra ste// ye shes blo gros 'dra ldan yang // rtsis kyi mkhyen pa rgya mtsho de// da dung sbyor zhing slob ma mdzad// de nas shAkya'i tshogs thams cad do// mtshar du gyur te/ shin tu rmad du byung bas sems shing // de'i tshe thams cad mgrin gcig tu 'di skad ces smras so// kye don grub gzhon nu nyid ni rgyal lo rgyal lo// zhes thams cad stan las langs te/ thal mo sbyar nas byang chub sems dpa' la phyag 'tshal te/ rgyal po zas gtsang ma la 'di skad ces smras so// rgyal po chen po khyod la sras de ltar dris pa la spongs pa myur zhing mgyogs pa yang zhing shugs dang ldan pa can mnga' ba ni brnyes pa legs bar rnyes so// de nas rgyal po zas gtsang mas byang chub sems dpa' la 'di skad ces smras so// bu rtsis pa chen po srid sgrub grangs kyi shes pa la mkhas pa dang / rtsis kyi lugs 'gran nus sam/ sbas pa rdo thog go// de nas rtsis pa chen po srid sbubs kyis byang chub sems dpa' la 'di skad ces sbas so// gzhon nu khyod bye ba las brgyar gong du skyes pa zhes bgyi ba'i rtsis kyi lugs mkhyen tam/ smras pa shes so// smras pa/ 'o na bye ba las brgyar
- 126a
gong du bsgres pa'i rtsis kyi lugs ji ltar rjes su 'jug par bgyi/ byang chub sems dpas sbas pa/ bye ba brgyan ther 'bum zhes bgyi'o// ther 'bum phrag brgyan khrag khrig ces bgyi'o// khrag khrig brgyan gtam pa zhes bya'o// gtam pa phrag brgyan bkrigs pa zhes bya'o// dkrigs pa brag brgya na mi 'khrugs zhes bya'o// mi 'khrugs phrag brgyan khyad phyin zhes bya'o// khyad phyin phrag brgyan pang steng zhes bya'o// pang steng phrag brgya na zang 'dzin ces bya'o// mang 'dzin phrag brgya glang po'i stobs zhes bya'o// glang po'i stobs phrag brgyan ngos thob ces bya'o// ngos thob phrag brgyan rnam par bzhag pa gdags pa zhes bya'o// rnam par bzhag pa gdags pa phrag brgya na rgyu rig ces bya'o// rgyu rig phrag brgya na lag sbyin ces bya'o// lag sbyin phrag brgya na rgyu dbang zhes bya'o// rgyu dbang phrag brgya na rdzogs pa thob ces bya'o// rdzogs thob phrag brgya na sdang rtogs zhes bya'o// sbrang rtog phrag brgyar sgrib pa zhes bya'o// sgrib pa phrag brgyan kun stobs zhes bya'o// kun stobs phrag brgyan rnam par brda shes ldan zhes bya'o// rnam par brda zhes ldan phrag brgya na brda shes kun ces bya'o// brda shes kun phrag brgyan rnam 'byung zhes bya'o// rnam 'byung
- 126b
phrag brgya na de'i mtshan nyid ces bya ste/ 'di ltar de'i mtshan nyid ces bya ba'i rtsis kyis ni ri'i rgyal po ri rab rtsi ba'i gzhir byas kyang chod par rung ngo // de'i gong de na rgyal mtshan gyi rtse mo'i nor bu zhes bya ba'i grangs yod de/ grangs de ni gang ga'i klung gi bye ma snyed rtsi ba'i gzhir byas kyang chod par rung ngo // de'i yang gong na rgyal mtshan gyi rtse mo'i nges par sgrog pa zhes bya ba'i grangs yod do// de'i yang gong na ded 'dren gdags pa zhes bya ba'i grangs yod do// de'i yang gong na gtan la 'bebs pa zhes bya ba'i grangs yod do// de'i yang gong na gcod rton zhes bya ba'i grangs yod do// de'i yang gong na cod pa rtogs ldan zhes bya ba'i grangs yod do// de'i yang na gong na thams cad rnam par 'gyed pa zhes bya ba'i grangs yod do// grangs des ni gang ga'i klung bcu'i bye ma snyed rtsi ba'i gzhir byas kyang chod par rung ngo // de'i yang gong na snying po'i mchog ces bya ba'i grangs yod do// grangs des ni gang ga'i klung bye ba phrag brgya'i bye ma snyed dang mnyam par brtsi ba'i gzhir byas kyang chod par rung ngo // de'i yang gong na rdul phra rab la 'jug pa'i rjes su song ba zhes bya ba'i grangs yod de/ grangs de la ni de bzhin gshegs pa dang / byang chub kyi snying po mchog dam par gnas pa'i byang chub sems dpa' dang / chos thams cad la dbang bskur ba'i mngon du gyur
- 127a
@ba'i byang chub sems dpa' ma gtogs par sems can gyis ris na grangs de shes pa ni nga dang / gzhan srid patha mar gyur pa/ khyim gyi gnas nas mngon par ma byung ba'i byang chub sems dpa' ma gtogs pa gang yang med do// srid sgrub kyis sbas pa/ gzhon nu rdul phra rab la 'jug pa'i rjes su song ba'i grangs la ji ltar rjes su 'jug par bgyi/ byang chub sems dpas smras pa/ rdul phra rab kyi rdul bdun la ni/ rdul phra mo gcig go// rdul phra mo bdun la ni/ chung ngu gcig go// chung ngu bdun la ni/ nyin zer gyi rdul gcig go// nyi zer gyi rdul bdun la ni/ ri bong gi rdul gcig go// ri bong gi rdul bdun la ni lug rdul gcig go// lug rdul bdun la ni glang rdul gcig go// glang rdul bdun la ni sro ma gcig/ sro ma bdun la ni yungs 'bru gcig go/ yungs 'bru bdun la ni nas gcig go// nas bdun la ni sor gcig go/ sor bcu gnyis la ni mtho gang // mtho da la ni khru lang ngo // khru bzhi la ni gzhu gang ngo // gzhu stong la ni yul ma ga ta'i rgyang grags gcig go// rgyang grags bzhi la dpag tshad gcig go/ de la khyed kyi nang nas dpag tshad la rdul phra rab de lta bu rtsi su shes/ srid sgrub kyis smras pa/ gzhon nu bdag nyid kyang de la mgo rmongs na/ gzhan blo
- 127b
chung ngu dang ldan pa lta bos kyang ci 'tshal/ de bas na gzhon nus dpag tshad la rdul phra rab de lta bu du mchis bshad du gsol/ byang chub sems dpas smras pa/ de la dpag tshad la ni rdul phra rab mi 'khrugs khrag khrig gcig dang / bye ba khrag khrig 'bum phrag sum bcu dang / bye ba drug bcu phrag brgya dang / bye ba brag sum bcu rtsa gnyis dang / 'bum phrag lnga dang / khri nyis stong yod de/ dpag tshad la ni rdul phra rab de snyed cig yod do// de ltar 'jug pa nges 'dzam bu'i gling 'di la ni dpag tshad bdun stong yod do// nub kyi ba lang spyod la ni dpag tshad brgyad stong yod do// shar gyi lus 'phags po la ni dpag tshad dgu stong yod do// byang gi sgra mi snyan la ni dpag tshad khri yod de/ de ltar 'jug pa des gling bzhi pa'i 'jig rten gyi khams 'di la sogs pa gling bzhi pa chen po'i 'jig rten gyi khams bye ba phrag brgya dang / rgya mtsho chen po bye ba phrag brgya dang / khor yug chen po bye ba phrag brgya dang / ri'i rgyal po ri rab bye ba phrag brgya dang / rgyal po chen po bzhi'i rigs kyi lha bye ba phrag brgya dang / sum bcu rtsa gsum bye ba phrag brgya dang / 'thab bral bye ba phrag brgya dang / dga' ldan bye ba phrag brgya dang / 'phrul dga' bye ba phrag brgya dang / gzhan 'phrul dbang bye ba phrag
- 128a
brgya dang / tshangs ris bye ba phrag brgya dang / tshangs pa'i mdun na 'don bye ba phrag brgya dang / tshangs 'khor bye ba phrag brgya dang / tshangs chen bye ba phrag brgya dang / 'od chud bye ba phrag brgya dang / tshad med 'od bye ba phrag brgya dang / 'od gsal bye ba phrag brgya dang / dge chung bye ba phrag brgya dang / tshad med dge bye ba phrag brgya dang / dge rgyas bye ba phrag brgya dang / sprin med bye ba phrag brgya dang bsod nas skyes bye ba phrag brgya dang / 'bras bu che bye ba phrag brgya dang / sems can 'du shes med pa bye ba phrag brgya dang / mi che ba bye ba phrag brgya dang / mi gdung ba bye ba phrag brgya dang / gya nom snang ba bye ba phrag brgya dang / shin du mthong ba bye ba phrag brgya dang / 'og min gyi lha'i ris bye ba phrag brgya la/ stong gsum gyi stong chen po'i 'jig rten gyi khams gcig ces bya ste/ yangs shing rgya che ba/ de la dpag tshad du yod pa dang / dpag tshad brgya phrag du yod pa dang / dpag tshad stong du yod pa dang / dpag tshad bye ba phrag du yod pa dang / dpag tshad ther 'bum phrag du yod pa dang / dpag tshad khrag khrig phrag du yod pa dang / de bzhin du sbyar te/ dpag tshad snying po dam pa'i rtsis kyi bar du thug pa la rdul phra rab de lta bu du yod ces bya ba'i
- 128b
rtsis de ni grangs dang bgrang ba las 'das pa ste/ de ni grangs med pa zhes bya'o// de bas kyang shin du grangs med pa de snyed kyi rdul phra rab ni stong gsum gyi stong chen po'i 'jig rten gyi khams na yod do// byang chub sems dpas rtsis kyi le'u 'di bstan pa'i tshe/ rtsis pa chen po srid sgrub dang / shAkya'i tshogs thams cad kyang tshim zhing mgu la yid rangs te/ ngo mtshar rmad du byung ba thob nas/ de dag thams cad kyang gos re re zhing bzhag ste/ gos dang rgyan lhag ma gzhan byang chub sems dpa' la yon du phul lo// de nas rtsis pa chen po srid sgrub kyis tshigs su bcad pa 'di dag smras so// bye ba brgya nas ther 'bum ther 'bum de bzhin du/ khrag khrig dang ni gtams pa'i rgyud dang de bzhin du// dkrigs pa mi 'khrugs bdag gi shes thug de gong min/ mtshungs pa med kyi mkhyen pa rtsis la de bas lhag gi shAkya dag/ stong gsum rdul dang rtsa dang nags tshal dang // sman dang chu'i thigs pa ji snyed yod pa dang / hung zhes bya ba gcig la 'di yis rtsi nus na// lnga brgya tsam dag gis lta ngo mtshar ci zhig che// de nas lha mi brgya stong dag kye ma a la la zhes zer zhing ca co dang ga zha'i sgra brgya stong 'byin par gyur to// nam mkha'i dkyil nas lha'i bu dag gis kyang tshig su bcad pa 'di
- 129a
brjod do// dus gsum sems can ma lus ji snyed gang yod pa'i// sems dang sems 'byung 'dus shes rtog pa dang // mchog dang tha ma de bzhin rgya chung yangs pa dag/ sems kyi 'gyur ba gcig gis de kun rab tu mkhyen// dge slong dag de ltar shAkya gzhon nu de dag thams cad zil gyis non par gyur te/ byang chub sems dpa' 'ba' zhig khyad par du 'phags par gyur ro// de'i rjes la mchongs pa dang / rgyal dang / bang la sogs pa thams cad la'ang byang chub sems dpa' nyid khyad par du 'phags par gyur nas/ na mkha'i dkyil nas lha'i bu dag gis tshigs su bcad pa 'di dag smras so// brtul zhugs dka' thub sdom pa'i yon tan dang / bskal pa bye bar bzod dul byams stobs kyis// lus dang sems kyi ci nas yang mdzad pas// de yi shugs kyi khyad par mnyan par gyis// sems can mchog 'di grong khyer 'di na bzhugs par khyed kyis mthong // 'on kyang 'di ni phyogs bcu'i 'jig rten khams ni thams cad du// skad cig gcig la rin chen gser dang mchod pa sna tshogs kyis// rgyal ba de ngag tu med pa dag la mchod pa mdzad du bzhud// 'on kyang rdzu 'phrul de 'dra brnyes pa de/
- 129b
byon tam gzhud par khyed kyis yongs mi shes// ji tsam bzhugs shes de la ci zhig skyed// 'di ni mtshungs pa med kyi rim gro bskyed// de ltar byang chub sems dpa' de gcig pu khyad par du 'phags par gyur to// de nas shAkya de dag gis smras pa/ gzhon nu 'di la stobs kyi khyad par ci yod pa'ang sad par bya'o// de nas byang chub sems dpa' phyogs gcig tu 'dug nas/ shAkya gzhon nu lnga brgya po de dag kyang dus gcig tu so so nas stobs 'gyed par gyur te/ shAkya gzhon sum bcu rtsa gnyis shig tshogs nas/ byang chub sems dpa' la brgal ba ltar chas te 'khod do// de'i nang nas dga' bo dang / kun dga' bo gnyis kyis byang chub sems dpa' la stobs brgal ba'i phyir drung du phyin pa dang / byang chub sems dpa'i lag gis reg ma thag tu de gnyis kyang byang chub sems dpa'i mthu dang / gzi brjid ma bzod te sa la skyel to// de'i 'og tu shAkya gzhon nu lhas sbyin nga rgyal can mthu snyems pa stobs kyi nga rgyal dang / shAkya'i stobs kyi nga rgyal dang / shAkya'i nga rgyal gyis snyems pas byang chub sems dpa' la sngo zhing / thams cad dang ldan pa'i ltad mo pa'i dkyil 'khor la bskor te/ bsgyings nas byang chub sems dpa' la stobs brgal to//
- 130a
de nas byang chub sems dpa' ma brtabs shing mi rings par stangs bzang por gzhon nu lhas sbyin lag pa g.yas pas gteg te/ bsad pa'i blos ma yin/ nga rgyal bcag pa'i phyir byams pa'i sems kyis nam mkha' las bskor bskor te sa'i steng du bor yang / de'i lus la gnod par gyur pa med do// de nas byang chub sems dpas smras pa/ de lta bur gnod par gyur pas tshogs kyi thams cad gcig tu 'dus te brgal bar gyis shig/ de nas de dag thams rgyud kyis rlom shing byang chub sems dpa' la rub par gyur to// de nas de dag byang chub sems dpa' la reg ma thag tu byang chub sems dpa'i dpal dang / gzi brjid dang / lus kyi mthu ma bzod do// byang chub sems dpas reg pa tsam gyis sa la 'gyel bar gyur to// de nas lha dang mi brgya stong de dag e ma lnga la zhes zer zhing ca co dang gzha'i sgra brgya stong phyung ngo // na mkha'i dkyil na 'khod pa lha'i dag gis kyang me tog gi char chen po mngon par phab ste/ dbyangs gcig tu tshigs su bcad pa 'di dag smras so// phyogs bcu'i sems can gang rnams/ ji snyed pa// de dag gyad chen stobs po che 'dra la// cig car skyes bu mchog la rub gyur kyang // reg pa tsam gyis sa la 'gyel bar 'gyur// lhun po ri rab
- 130b
rdo rje'i khor yug dang // phyogs bcu dag na ri gzhan gang yod pa// lag pas skyes shing dmug med byer rlog na// mi lus snying po med pa mtshar ci che/ 'di ni shing dbang mchog drung sdud pa'i gyang // dpung bcas bdud rnams rgyal mtshan sder bcas pa// nag po'i rtsa lag byams pa'i stobs kyis 'joms// bla med byang chub zhi bar 'tshang yang rgya// de ltar byang chub sems dpa' gcig pu khyad par du 'phags par gyur to// de nas shAkya be con can gyis shAkya gzhon nu de dag la 'di skad ces smras so// 'di dag ni sad kyang zin mthong ying zin gyi// da ni 'phongs shig bstan par gyis shig/ de'i tshe kun dga' bos rgyang grags gnyis kyi pha rol du lcags kyi rnga cig 'ben du btsugaso// de'i 'og tu lhas sbyin gyis rgyang grags bzhi'i pha rol du lcags kyi rnga cig 'ben du btsugs so// de'i 'og tu mdzes dga' bos rgyang grags drug gi pha rol du lcags kyi rnga gcig 'ben du btsugs so// de'i 'og tu shAkya lag na be con gyis dpag tshad gnyis kyi pha rol du lcags kyi rnga gcig 'ben du btsugs so// de nas byang chub sems dpa' rgyang grags bcu'i pha rol du lcags kyi rnga gcig 'ben du btsugs te/ de'i drung du shing ta la bdun bdar nas/ de'i pha rol tu lcags kyi phag rgod kyi gzugs 'khrul 'khor du byas pa cig gtsugs so// de nas kun dga' bos rgyang
- 131a
grags gnyis kyi pha rol na rnga'i 'ben du 'dug pa la 'bangs nas phog par gyur te/ de phan chad kyil phog par ma nuso// lhas sbyin gyis rgyang grags bzhi'i pha rol du rnga'i 'ben du 'dug pa la 'phangs nas phog par gyur te/ de phan chad kyi la phog par ma gyur te/ de phan chad kyi la phog par ma nus so// mdzes dga' bos rgyang grags drug gi pha rol na rnga'i 'ben 'dug pa la 'phangs nas phog par gyur te/ de phan chad kyi la phog par ma nus so// lag na be con can gyis dpag tshad gnyis kyi pha rol na rnga'i 'ben 'dug pa la 'phangs nas phog par gyur te/ thal byung du phyin pa nas/ de phan chad kyi la phog par ma nus so// de nas byang chub sems dpa' la gzhu gang dang gang byin pa de dag la la ni gzhu rgyud chad/ la la ni/ chag nas/ byang chub sems dpas sbas pa/ grong khyer 'di na gzhu gzhan la la bdag gis gdung bzod pa 'am/ lus kyi stobs dang mthu bzod pa ma mchis rgyal pos smras pa/ bu yod do// gzhon nus sbas pa/ lha de lta bu gang na mchis/ rgyal pos sbas pa/ bu khyod kyi mes seng ge'i za 'gram zhes bya ba byung ste/ de'i snam ru da ltar lha khang na spos dang / phreng bas mchod de/ de ni sus kyang gdung bar yang mi nus na/
- 131b
dgang bar lta spos kyang ci dgos pa zhig yod do// byang chub sems dpas smras pa/ lha de blang du gsol/ sad par bgyi'o// de nas gzhu blangs te 'ongs pa dang / shAkya gzhon nu thams cad kyis nan tan gyi mchog gis bsgrims kyang gzhu de gdung bar yang ma nus na/ dgang ba lta spos kyang ci dgos te ma nus so// de nas gzhu de shAkya lag na be con gyis lus kyi mthu stobs thams cad phyung ste/ gzhu de gdung bar brgal na gdung ma nus so// de nas gzhu de byang chub sems dpa' la byin no// de nas byang chub sems dpa' gzhu de blangs te stan las ma langs par dkyil mo dkrung phyed bcas te/ lag pa g.yon pas bzung nas/ lag pa g.yas pa'i sor mo gcig gis gdungs so// gzhu de de ltar gdungs pa'i tshe/ ser skya'i gnas kyi grong khyer chen po thams cad du sgra mngon par grag par gyur to// grong khyer gyi mi thams cad kyang sreg sreg par gyur to// gcig la gcig 'dri zhing 'di ltar ci'i smra zhig ces zer ro// de la la na re gzhon nu don thams cad grub kyis mes kyi gnas ru gdungs nas de'i sgra byung ba 'di yin no zhes zer ro// de nas lha dang mi brgya stong dag e ma a la la zhes zer zhing ca co dang ga zha'i sgra brgya stong 'byin par gyur to// na mkha'i dkyil na 'khod pa'i lha'i bu dag gis kyang rgyal po zas gtsang ma dang /
- 132a
skye bo'i tshogs pal po che de dag la tshigs su bcad de smras pa/ gdan las ma gzhengs gsal ba ma mchis su// thub pa gnam ru 'di 'dra gdungs pa las// gdon mi 'tshal bar dgongs pa rdzogs gyur te// bdud kyi sde bcom myur du thub par byon// dge slong dag de ltar byang chub sems dpas mnga' blangs nas/ gzhu de dang sbyar te/ bkangs nas 'phangs pa'i mthu stobs kyis/ kun dga' bo'i 'ben du rnga btsugs pa dang / lhas sbyin gyis 'ben du rnga btsugs pa dang // mdzes dga' bo'i 'ben du rnga btsugs pa dang / lag na be con gyi 'ben du rnga btsugs pa dang / de dag thams cad las thal nas rgyang grags bcu'i pha rol tu bdag gi 'ben lcags kyi rnga btsugs pa dang / shing ta la bdun dang ra ba dang / phag rgod kyi gzugs 'phrul 'khor du byas pa las kyang thal te/ mda' des la zug nas mi snang bar gyur to// sa phyogs gang du mda' de zug ste/ nub pa'i sa phyogs der khron pa lta bu'i khung zhig byung nas da ltar kyang mda'i khron pa zhes bya ba yin no// de'i tshe lha dang mi brgya stong dag ma a la la zhes zer ca co dang gzha'i sgra brgya stong dag byin par gyur to// shAkya'i tshogs thams cad kyang ngo mtshar rmad du byung ba thob ste/ kye ma ngo mtshar to//
- 132b
'dis ni bslabs kyang ma srab par rtsal gyi shes pa de lta bu dang ldan pa ni ngo mtshar che'o zhes zer ro// nam mkha'i dkyil na 'khod pa'i lha'i bu dag gis kyang / rgyal po zas gtsang ma dang / skye bo'i tshogs bal po che de dag la 'di skad ces smras so// de lta bu ngo mtshar yang ci che ste/ de ci'i phyir zhe na/ 'di ni sa'i snying por sngon gyi sangs rgyas gdan la bzhugs// zhi gnas gnam ru thogs shing stong pa bdag med mda' rnams kyis// nyon mongs dgra rnams bcom ste lta ba'i dra ba dral nas su// byang chub dam pa zhib rdul med mya ngan 'das pa thob// de skad ces smras nas/ lha'i bu de dag gis byang chub sems dpa' la lha'i me tog dag gis mngon par gtor te/ dong ngo // de bzhin du mchongs pa dang / yi ge dang / lag rtsis dang / grangs dang / gyad kyi 'dzin stangs dang / rgyang nas phog pa dang / ngang dang / tshar dang / rgyal dang / 'phongs dpyad dang / glang po che'i gnyar gzhon pa dang / rta rtsal dang / shing rta'i thabs dang / mda' gzhu'i thabs dang / brtan pa dang / mthu dang / dka' ba dang / 'gyed stobs dang / lcags kyus sgyur thabs dang / zhags pa'i thabs dang / mdun du bsnun pa dang / phyir bsnun pa dang / gzar ba gza
- 133a
rgyad/ ba dang / 'dzin stangs dang / gom stangs dang / thor tshugs dang / bcad pa dang / dral ba dang / dbug pa dang / bshig pa dang / gsheg pa dang / ma tshor bar phog pa dang / gnad du phog pa dang / sgra grag par phog pa dang / tshabs che ba dang / tshe lo'i rtsed mo dang / snyan sngags sbyar ba dang / lam dang / ri mo dang / gzugs dang / gzugs kyi las dang / thabs kyi spyad ba dang / me'i las dang / rol mo'i dbyangs sgra dang / gar dang / glu dang / yi ge klag pa'i mig gor dang / gtam dang / gzhad gad dang / rtsed mo dang / bro dang / sgeg pa dang / phreng ba sgyur ba dang / rlung yab g.yab pa dang / nor bu'i mtshon gyis bsgyur ba dang / gos kyi tshon gyis sgyur ba dang / mig 'phrul gyi cho ga dang / rmi lam gyi dpyad dang / bya'i skad dang / bud med kyi mtshan dang / skyes pa'i mtshan dang / glang po tshe'i mtshan dang / rta'i mtshan dang / ba glang gi mtshan dang / ra'i mtshan dang / lug gi mtshan dang / khyi'i mtshan dang / shes gsal dang / swa nges par sbyor ba dang / nga ro 'gyur ba dang / sngon gyi rabs dang / sngon byung ba dang / rig byed dang / lung bstan pa dang / nges pa'i tshig dang /
- 133b
yi ge'i lci yang dang / tshig sdeb pa dang / mchod sbyin gyi cho ga dang / skar ma'i lugs dang / grangs can gyi lugs dang / rnal 'byor gyi lugs/ dang / las kyi lugs dang / bye brag pa'i lugs dang / nor gyi rig pa dang / phur bu'i lugs dang / chu'i lugs dang / lha ma yin gyi lugs dang / bya dang ri dgas kyi skad dang / gtan tshigs kyi rigs pa dang / rgya skyegs kyi 'khrul 'khor dang / spra tshil gyi las dang / 'drub shur dang / bsko bzhog dang / lo ma dra ba dang / spos sbyar ba la sogs pa sgyu rtsal 'jig rten pa dang / lha dang mi las 'das pa thams cad la'ang byang chub sems dpa' 'ba' zhig khyad par 'phags par gyur to// de'i tshe shAkya lag na be con can gyis rang gi bu mo sa mtsho ma byang chub sems dpa' la phul lo// rgyal po zas gtsang mas kyang de rim gyis bag mar blangs te/ byang chub sems dpa' la phul lo// de nas byang chub sems dpas 'jig rten dang 'thun pa tsam du bya ba'i phyir/ bud med brgyad khri bzhi stong gi nang na 'jug ste/ dga' zhing rtse la yongs su spyod pa ston to// bud med brgyad khri bzhi stong de dag thams cad kyi nang na shAkya'i bu mo sa mtsho ma btsun mo mchog tu dbang bskur bar gyur to// de nas shAkya'i bu mo sa mtsho ma gyos rgyug gaM/
- 134a
rgya rme#nang mi gam mthong yang rung ste gdong mi sbed do// de dag kyang de la bag sar mo ni zhum zhum por 'dug pa'i rigs na/ 'di ni rtag tu ma g.yos so zhes 'phya sprod cing mi snyan par zer ro// de'i tshe shAkya'i bu bo sa mtsho mas gtam de thos nas nang mi rnams kyi mdun du 'dug ste/ tshogs su bcad pa 'di dag smras so// 'dug dang 'greng dang 'chag pa la// 'phags pa dag ni ma g.yos mdzes// nor bu rin chen 'od gsal ba// rgyal mtshan rtse mor gsol na mdzes// 'phags pa 'gro na'ang mdzes pa ste// 'ong na'ang de bzhin mdzes pa yin// 'greng ngam de bzhin 'dug pa dang // thams cad du yang 'phags pa mdzes// 'phags pa smra na'ang mdzes pa ste// mi smrar 'dug kyang de bzhin mdzes// dper na ka la bing ka ni// mthong dang sgra thos de bzhin no// ku sha'i gos ni gyon pa dang // gos ngan gyon dang lus rid pa// de ni rang gi gzi yis mdzes// yon tan ldan pa yon tan brgyan// gang la sdig pa med gyur pa// 'phags pa kun tu dge ba yin// byis pa sdig pa byed pa ni// ji snyed brgyan kyang mdzes ma yin// gang dag snying la sdig pa yod cing tshig 'jam pa// de dag dug gi bum par bdud rtsi
- 134b
blugs pa bzhin// brag gi ser ka rtsub pa lta bur nam yang rtsub// de 'dra de dag sbrul gyi kha la nyug pa bzhin// nges pa de dag gan du kun 'ong kun phyag 'tshal// babs stegs thams cad lta bur 'gro ba kun gyi gsol// 'phags pa dag ni rtag tu'o zhes ka 'bum 'dra/ bdag nyid dag pa de 'dra mthong na bkra shis dge/ gang dag sdig pa'i grogs po yun ring yongs spong zhing // dge ba'i bshes gnyen rin po che ni yongs bzung la// sdig pa rnams spong sangs rgyas chos la mngon chags pa// de lta bu dag mthong na bkra shis 'bras bu yod// gang dag lus bsdams lus kyi skyon rnams rab sngams dang // gang dag tshig bsdams rtag tu tshig 'tshal med gyur la// dbang po sbas shing shin du bsdams la yid dang ba// de lta bu dag gdong g.yogs des ni ci zhig bya// gal te lus la gos ni stong gis g.yogs gyur kyang / gang dag sems bshus ngo tsha med cing khrel med dag/ gang dag 'di 'dra'i yon tan med cing bden tshig med// de dag sgren mo bas sgren mor/ 'jig rten rgyu// gang zhig sems sbas rtag tu dbang po bsdams gyur cing // bdag gi khyos chog sems can gzhan la mi sems te// de 'dra
- 135a
ne/ #bdag nyi zla bzhin du ma g.yos snang // de 'dra ba dag gdong g.yogs de ni ci zhig bya// gzhan yang drang srong bdag chen gzhan sems blo mkhas dang // de bzhin lha tshogs dag gis kho mo'i bsam pa dang // kho mo'i tshul khrims yon tan sdom dang bag yod mkhyen/ de lta bas na kho mos gdong bkab ci zhig dgos// dge slong dag rgyal po zas gtsang gis shAkya'i bu mo sa mtsho ma'i spongs pa brtson pa'i tshigs su bcad pa 'di lta bu 'di thos so// thos nas kyang tshims zhing mgu la yid rangs te/ rab tu dga' ba dang / yid bde ba skyes nas/ ras bcos bu bzang po rin po che du mas sbas pa zung gcig dang / mu tig gi do shal phreng ba brgya stong ri ba dang / mu tig dmar po bzang pos sbas pa'i gser gyi phreng bas shAkya'i bu mo sa mtsho ma la bkab nas/ ched du brjod pa 'di ched du brjod do// kho bo'i bu ni yon tan ci 'dras brgyan pa dang // mna' ma rang gi yon tan ji ltar rab smras pa/ sems can dag pa de gnyis 'phrad par gyur pa ni// mar nang mar gyi snying khu ji ltar 'dra ba bzhin// sgyu rtsal bstan pa'i le'u ste bcu gnyis pa'o// / dge slong dag de ltar byang chub sems dpa' btsun mo'i 'khor
- 135b
gyi nang na 'dug pa na/ gang dag byang chub sems dpa' la mchod pa'i las byed pa spro bar gyur pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba du ma de dag rang rang gi dga' ba'i sgra 'byin cing lhags par gyur to// de la dge slong dag dus gzhan zhig na lha dang / klu dang / gnod sbyin dang / dri za dang / lham yin dang / na mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba mang po dag 'di snyam du sems par gyur te/ ma la skyes bu dam pa 'di btsun mo'i 'khor gyi nang du ha cang yang yun ring du thogs par gyur na/ sems can gang dag 'dis yun po nas bsdu ba'i dngos po bzhi sbyin pa dang / snyan par smra ba dang / don spyad pa dang / don mthun pas yongs su smin par byas pa dang / gang dag 'dis byang chub thob nas/ chos bstan pa shes par 'gyur la/ chos kyi snod du gyur pa'i sems can de dag med par gyur nas/ phyis byang chub sems dpa' mngon par byung ste/ bla na med pa yang dag par rdzogs pa'i byang chub mngon par rdzogs par 'tshang rgya ba 'am/ gcig tu mi 'gyur grang snyam mo// de nas de dag gus
- 136a
pa dang bcas pa dang / zhes dang bcas par thal mo sbyar te byang chub sems dpa' la phyag 'tshal nas/ nam zhig na bdag cag gis byang chub sems dpa' dam pa mchog rab dag pa 'di mngon par 'byung ba/ mngon par byung nas kyang / shing gi rgyal po chen po de'i drung du 'dug ste/ bdud dpung dang bcas pa btul nas bla na med pa yang dag par rdzogs pa'i byang chub mngon par sangs rgyas te/ de bzhin gshegs pa'i stobs bcu dang ldan pa dang / de bzhin gshegs pa'i mi 'jigs pa bzhi dang ldan pa dang / sangs rgyas kyi chos ma 'dres pa bcwo brgyad dang ldan pa dang / lan gsum du bzlas te/ rnam pa bcu gnyis su bskor ba'i chos kyi 'khor lo bla na med pa bskor zhing sangs rgyas kyi rnam par rol pa chen pos lha dang / mi dang / lha ma yin du bcas pa'i 'jig rten mos pa ji lta ba bzhin du legs par bshad pas tshim par byed pa mthong bar 'gyur snyam pa'i bsam pa de lta bus sdod cing 'khod par gyur to// dge slong dag de la byang chub sems dpa' ni bskal pa grangs med pa'i yang grangs med pa nas bzung ste/ yun ring por rtag par rgyun du 'jig rten pa dang / 'jig rten las 'das pa'i chos thams cad la gzhan gyi dring mi 'jog par gyur cing / dge ba'i chos spyong ba
- 136b
thams cad la bdag nyid slob dpon du gyur pa yin la/ yun ring po nas dus shes pa dang / chod shes pa dang / ran pa shes par gyur pa dang / mngon par shes pa las ma nyams pa dang / mngon par shes pa lnga dang ldan pa dang / rdzu 'phrul gyi rkang pas rnam par rtse ba dang / sems can gyi bsam ba dang / dbang po la mkhas pa dang / dus dang dus ma yin pa shes pa dang / dus la lta zhing rgya mtsho chen po ltar dus ran pa las mi yol bar gyur pa'o// de mngon par shes pa'i ye shes kyi stobs dang ldan pas 'di ni rab tu bzung ba'i dus so// 'di ni tshar bcas pa'i dus so// 'di ni phan gdags pa'i dus so// 'di ni btang snyoms su bzhag pa'i dus so// 'di ni sba ba'i dus so// 'di ni mi smra ba'i dus so// 'di ni khyim nas byung ba'i dus so// 'di ni rab tu byung ba'i dus so// 'di ni kha ton bya ba'i dus so// 'di ni tshul bzhin yid la bya ba'i dus so// 'di ni rab tu dben par bya ba'i dus so// 'di ni rgyal rigs kyi 'khor gyi nang du 'gro ba'i dus so// zhes bya ba nas 'di ni bram ze dang / khyim bdag gi bar gyi 'khor gyi nang du 'gro ba'i dus so// 'di ni lha dang klu dang / gnod sbyin dang / dri za dang / lha ma yin dang / na mkha' lding dang / mi 'am ci dang /
- 137a
/ lto 'phye chen po dang / brgya byin dang / tshangs pa dang / 'jig rten skyong ba dang / dge slong dang / dge slong ma dang / dge bsnyen dang / dge bsnyen ma'i 'khor gyi nang du 'gro ba'i dus so// 'di ni chos bstan pa'i dus so// 'di ni nang du yang dag bzhag pa'i dus so// zhes bya ba thams cad bdag nyid kyis shes so// byang chub sems dpa' thams cad du rtag par dus shes par gyur cing / dus la lta ba yin yang dge slong dag 'di ni chos nyid kyis thob pa yin te/ srid pa tha ma pa'i byang chub sems dpa' btsun mo'i 'khor gyi nang na 'khod pa rnams la phyogs bcu'i 'jig rten gyi khams na bzhugs pa'i sangs rgyas bcom ldan 'das rnams glu dbyangs dang / sil snyan gyi sgra las chos kyi sgo rnam pa 'di lta bu 'di dag gis yang dag par bskul ba mdzad do// de la 'di skad ces bya ste/ sems can mchog gang phyogs bcu'i 'jig rten bzhugs// de dag mthu yis sil snyan sgra dag dang // tshogs bcad sgra snyan 'di dag byung ba yis// mi mchog dag pa rnams la yang dag bskul// sdug bsngal rgyas gang sems can mthong nas ni// 'gro ba'i mgon dang skyabs dang gnas gyur zhing // phan byed mchog dang dpung gnyen gyur cig ces// khyod kyis sngon ni smon lam de skad btab// dge ba dpa'
- 137b
po sngon gyi spyod pa dang // 'gro ban bya zhes smon lam dran par byos// 'di ni khyod kyi dus yin chod yin gyi// drang srong mchog rab mngon par byos// sangs rgyas lha mi 'dul byed 'jig rten mchog/ yon tan rgyas gang bar ni gyur cig ces// de phyir khyod sngon mgo dang rkang lag dang // nor gyi dam pa sna tshogs rnams kyang btang // khyod ni khrims kyi brtul zhugs dka' thub spyad// khyod ni bzod par 'gro la phan pa byed// khyod ni brtson pas yon tan brgya yis gang // bsam gtan shes rab srid gsum mnyam pa med// khro ba non cing tha ba'i dri mang ba// de dag bde gshegs khyod kyi byams pas khyab// dge ba'i yon tan ba ldog nges pa// mi mkhas rnam mang dag la khyod snying rje// bsod nams ye shes dge ba lus khyab cing / rdul bral bsam gtan mngon shes lam mer 'dug/ phyogs bcu 'di dag rnams su rab tu gsal// sprin med zla ba dri ma med pa 'dra// 'di dang gzhan yang snyan pa rnams mang gis// sil snyan dag las rgyal ba sgra bsgrags te// mngon par khyod 'byung dus ni 'di yin zhes// lha mis mchod par 'os la bskul ma 'debs// dge slong dag byang chub sems dpa' khyim dam pa mchog/ yo byad phun sum tshogs pa thams cad dang ldan pa/
- 138a
8/ bsam pa ji lta ba bzhin du bde bar gnas pa dang 'thun pa// lha'i khang khyim lta bu stegs bu dang // sgo khang dang / rta babs dang / skar khung dang / bsil khang dang / khang bzang mchog dang / rin po che sna tshogs kyi rgyan dam pa tha dad pa// dbye ba shin du rnam par phye ba gdugs dang / rgyal mtshan dang / ba dan bsgreng ba/ rin po che'i dril bu g.yer ka'i dra ba du mas legs par brgyan pa/ dar gyi lda ldi brgya stong du ma mngon par dbyangs pa/ rin po che sna tshogs kyis sbas pa'i mu tig gi rgyan phreng rab tu dpyangs pa/ rin po che sna tshogs kyi spang leb can gyi zam pas mdzes par byas pa/ me tog gi phreng ba dang / chun po mang po dbyangs pa/ pog snod nas spos kyis bdugs pa/ dar la'i bla res bres pa/ dus thams cad pa'i me tog dri mchog tu zhim zhing shin du mdzes pa dag bkram pa/ rdzing me tog pad ma dkar po dang / pad ma dang ldan pa'i chu'i gnas yongs su spyad par bya ba mang ba bya 'dab skyo ba dang / ne tso dang / ri sgeg dang / khu byug dang / ngang ba dang / rma bya dang / ngur ba dang / kun la dang / ka la bing ka dang / shang de'u la sogs pa bya rnam pa tha dad pa'i tshogs snyan pa 'byin pa/ bai DUr+ya sngor po'i sa gzhi'i gnas yongs su spyad par bya ba/ gzugs thams cad
- 138b
kyis gzugs brnyan kun tu ston pa/ lta bas mi ngos pas nyams dga' ba dang / mchog tu dga' ba dam pa'i mchog de na 'dug ste/ byang chub sems dpa' khang pa mdzes pa mchog na gnas pa dri ma med pa/ dri ma dang bral ba/ yan lag dri ma med pa/ phreng ba dang rgyan ma bor ba/ dri mchog tu zhim pa/ dam pa'i byug pas lus bskus pas/ dga' zhing bzang la dri ma med cing rnam par dag la dri ma dang bral ba'i gos gyon pa'i lus dang ldan pa/ mal cha lha'i ras bcos bu bzang po phreng ba du ma bting ba/ 'jam pa/ ka tsa lin di'i gos ltar reg na bde ba yan lag dam pas sbas pa'i mal steng na 'dug pa/ btsun mo'i 'khor dam pa lha'i bu mo dang 'dra ba thams cad du kha na ma tho ba med pa dang lta ba dang 'thun pa spyod pa bzang pos mdzes par byas pa/ gzugs bzang ba'i nang na 'dug pa/ dung dang / rnga dang / mkhar rnga dang / pi wang dang / rgyud gsum pa dang / mkhar ba'i sil khrol dang / pheg dang / kim pa la dang / na kul dang / sgra sman dang / gling bu snyam pa'i sgra byung ba'i sgra dbyangs dang / sol snyan dang / glu dbyangs sna tshogs dang ldan pas bslang ba la bud med kyi tshogs kyis kyang sgra gnyen zhing snyan la yid du 'ong ba dang / gling bu 'bud pa'i sgra dbyangs kyi byang chub sems dpa' spong ngo //
- 139a
grogs btsun bzhugs pa'i sangs rgyas bcom ldan 'das de dag gi byin gyi brlabs kyis sil snyan spa byung ba sgra skad de dag las/ byang chub sems dpa' la bskul ba'i tshigs su bcad pa 'di dag byung ngo // bud med gang dag rab tu yid dga' sems dang bas/ sol snyan yid du 'ong zhing snyan pa'i sgra 'byin tshe// phyogs bcu'i rnam 'dren dam pa dag gi mthu yis ni// tshigs bcad rnam pa sna tshogs rnam mang 'di dag byung // rtag tu mgon med gyur pa'i 'gro ba 'di mthong nas// go 'phang mya ngan med mchog rdul med sangs rgyas te// skye dang rga dang sdug bsngal dag las sgrol lo zhes// dpa' bo khyod sngon smon lam de skad btab par gyur// de phyir dge myur grong khyer mchog 'di nas// byung la sngon gyi drang srong zhabs bcags pa// sa phyogs de ni rab tu mnan nas su// rgyal ba'i ye shes mtshungs med 'tshang rgyar gyis// khyod kyis sngon chang sna tshogs rin chen nor// rkang lag pangs pa'i lus kyang btang bar gyur// drang srong chen po de ring khyod dus 'di// chos kyi chu bo mtha' yas 'gro la phye// khyod kyi tshul khrims ma nyams dri bad dge/ sngon chad khyod ni rtag tu mchog gis brgyan// drang srong chen po khyod khrims 'dra ba med/ 'gro
- 139b
nyon mongs rnam pa mang las sgrol// khyod kyis srid pa brgyar ni bzod pa spyad// khyod ni 'gro bas ngan brjod rnam mang bzod// bzod pas bzod cing dul/ des nges pa'i bdag/ rkang gnyis dbang po mngon par byung blo gyis// khyod brtson brtan zhing mi g.yo g.yo ba med// bde bar gshegs pa mngon mtha rgya chen gyur// g.yon can bdud ni sde dang bcas btul te// ngan song gsum po mtha' dag skams par 'gyur// gang phyir khyod kyis brtul zhugs dka' thub spyad// dus ngan nyon mongs snyigs ma bsregs gyis la// khyod kyis bdud rtsi chu bo'i char phab ste// mgon med ring nas skom pa tshim par gyis// 'chi med mya ngan med gnas sangs rgyas te// skom pas nyams thag bdud rtsis tshim bya zhes// khyod kyis sngon spras tshig mchog dran byas te// grong khyer dam pa 'di nas myur du byung // khyod ni shes rab mchog gi spyod pa mkhas// khyod kyi ye shes mtha' yas dri med ces// rmongs pa yid gnyis lam la gnas rnams la// shes rab 'od dge dam pa mdzes pa gyis// khyod kyis srid pa brgyar ni byams pa spyad// snying rje dang ni dga' mchog btang snyoms dang / khyod kyi spyod pa dam pa gang spyad pa// spyod pa de nyid 'gro la rnam par bye// phyogs bcu'i rgyal ba dag gi gzi brjid kyis// yon tan me tog sna tshogs tshigs
- 140a
bcad 'di// sil snyan dag gi sgra las yid 'ong grag/ malan 'dug pa'i gzhon nu de la bskul// gang tshe'i tshe na dga' byed bud med rab tu dga' ba rnams// shin tu mdzes shing rab tu snyan pa'i sil snyan sgrog pa'i tshe// phyogs bcu dag gi rgyal ba lha mi 'dul bar mdzad rnams kyang / sil snyan dag las gsung mchog ha cang mi che rjes su sgrog/ 'gro la phan byed yon tan mang po ldan khyod 'gro// rnam par rgyu ba'i tshe na rgyal ba'i yon tan gnyug mar byas// sngon gyis brtul zhugs dka' thub spyad pa dran gyis te// shring mchog drung du myur sr-i r-i 'chi me de go 'phang thob par gyis// lha mi dag ni shin tu skom zhing rgyal ba'i yon tan bral// khyod ni shin tu stobs ldan bdud rtsi ro bro rtag tu sbyin// stobs bcu'i ro bro dam pa mkhas pa rnams kyis mchod byas pa// bdud rtsi de ni mi bdag khyod kyis myur du rnam par phye// rgyal po'i yon tan 'gro la phan pa byed la dga' ba po// khyod kyis sngon gyi srid par nor dang nor bu gser rnams btang // chung ma bu sdug dag dang grong khyer grong brdal bcas pa dang // rang gi mgo dang mig dang lag pa dag dang rkang pa'ang btang // mi mchog khyod ni gna' sngon rgyal po dge bar gyur pa de'i tshe/ mi zhig khyod la mngon du phyogs nas 'di skad tshig smras te// grong khye
- 140b
grong brdal bcas pas 'di la bzhis byas// de'i chen rab tu dga' zhing 'khrugs par gyur ba med// gan sngon khrod ni rgyal po'i zab ze dge bar gyur pa'i tshe// skye bo bla ma bsnyen bkur byed cing gzhan la 'khu mi byed// bram ze dam pa dag dang skye bo mang po dge la bkod// de nas shi 'phos srid pa'i 'gro ba lha'i gnas su skyes// sngon khyod rgyal po'i bu las drang srong dam par gyur pa'i tshe// rgyal po ngan pa khros pas khyod kyi yan lag bcang ba na// khyod ni yid 'khrugs gyur pa med par 'chi ba'i dus byas te// de'i tshe na khyod kyi rkang lag dag las 'o ma zags// khyod sngon drang srong sngo sangs shes par gang tshe gyur pa na// ri mchog gnas na brtul zhugs dga' zhing bla ma la yang dga'// mi yi bdag pos dug mda' dag gis khyod la snun pa na// khyod ni rgyal po de la yid 'khrug med cing snying brtser gyur// khyod sngon ri dgas bdag po yon can du gyur pa'i tshe// ri gzar 'bab chu chen pos mi zhig khyer bar gyur pa na/ phan dang ldan pa khyod kyis mi de phyung ste thang la bzhag/ khyod kyis dgra bo khrid de 'ongs pa na yang yid mi 'khrug/ mi mchog khyod sngon bram ze'i bur ni gang tshe gyur khyod kyi nor bu rgya mtsho chen po yangs par lhung ba'i tshe// khyod kyi rgya mtsho chen po zad par bya bar brtsams pa dang // stobs bstan khya
- 141a
mchog khyod ni nor bu de che bar yang rnyed// skyes bu khyu mchog khyod sngon drang srong dam par gyur pa'i che// bram ze/ zhig ni bdag ni skyabs gyur shig ces khyod gan 'ongs// smras pa bram ze dam pa kho bo dgra las byung zhes byas// khyod kyis rang lus btang gi bram ze de ni ma btang ngo // gna' sngon shing gi gnas su drang srong sngo sangs drung 'ongs te// 'dod pa smras pa shing 'di lo ma du yod bkrongs shes byas// shing de lo ma ji snyed yod pa rab bgrangs rab mkhas pas// khyod kyis de bzhin nor ba med cing 'thun par tshigs su bcad// khyod sngon ne tso yon tan ldan gyur shing la gnas pa'i che// zad par gyur kyang sngon gyi drin lan bsams te de ma spangs// lha'i bdag pos khyod kyi yon tan ldan nas rab tu dga'// snga ma kho bzhin du shing mchog de ni dpal dang ldan par byas// khyod kyi brtul zhugs dka' thub spyad pa de dag mtshungs med de// yon tan ldan pa yon tan lam la spyad par yon tan mang / khyod kyi dus la dbab grong khyer bcas pa'i sa yang thob // 'gro ba dag gis rgyal ba'i yon tan spyod pa myur du khyod// gang gi tshe na bud med rin chen bzang po'i gos kyis lus brgyan te// sil snyan dam pa mchog rab yid 'ong spa ni rab sgrogs pa// de tshe phyogs bcu'i rgyal ba'i gzi yis tshigs su bcad pa sna tshogs pa/
- 141b
sgra dbyangs snyan pa 'di dag sil snyan dag gi sA la su rab tu byung // rga dang shi bas zin pa'i 'jig rten dag la bdag ni srubs gyur ces// 'jig cen sgron pa khyod kyis bskal mang snga rol smon lam de skad btab// mi yi seng ge khyod kyis sngon gyi smon lam dag ni dran gyis shig/ rkang gnyis dbang po khyod mngon 'byung ba'i dus ni 'di yin no// khyod 'dir srid pa khrag khrig dag tu sbyin pa mang po du ma byin// nor dang rin po che dang gser dang gos bzang rin chen spras pa dang // rkang lag dang mig dang pangs pa'i bu dang rgyal srid 'byor pa dang // khyod kyis btang yang khyod ni slong ba rnams la za ba zhe sdang med// khyod 'dir zla ba tog dang mche ba bzang dang rgyal po zhi bar gyur// snying brtse snying rje'i yid dang zla ba'i smon dang gtsug na nor bur gyur// rgyal po dpa' bo brtan dang mig bzang dang ni de la sogs pa byas// rgyal po khrag khrig mang po sbyin dga' mang por 'phrul pa de nyid kyi// bde bar gshegs pa khyod kyis bskal pa mang por tshul khrim spyod pa sbyang // nor bu rin chen dri ma med pa lta bur chung tshul khrims rnam dag gyur// khyod kyis g.yag gi rnga ma ci 'dra de 'drar tshul khrims bsrungs shing sprad/ tshul khrims dga' bas khyod kyis 'dir ni 'gro la rgya cher don yang byas// 'dir khyod glang po mchog tu gyur te rngon pa dgra yis mda' bsnan tshe// gtum po dgra la
- 142a
rgya@#snying brtse snying brje bskyed nas de ni kun gyi stabs// bzang zhing mdzes pa'i mche ba yongs su btang te tshul khrims rnam/ par 'phrul pa mang po byas// bzod la dga' bas khyod kyis 'gro ba'i mi phan sdug bsngal stong mang dang // rtsig rtsub dag dang bsad pa dang ni bcing ba mang po bzod par byas/ khyod kyis gna' sngon mi gang dag la bde ba kun gyi rim gro byas// de dag phyi nas khyod kyi gshed mar gyur gyis de dag bzod// mgon po khyod ni ri mchog gnas na gang tshe dred mor gyur pa'i tshe// kha ba bab cing chu 'brug pas ni 'jigs shing skrag pa'i mi bzung ste// rtsa ba 'bras bu rnam pa mang dag bde ba kun gyi rim gro byas// de yis myur du khyod la gsod pa khrid 'ongs khyod kyis de la bzod// byang chub stsal phyir brtul zhugs dka' thub yon tan rnam mang ye shes la// khyod kyi brtson 'grus shin du brtan par gnas shing mi g.yo g.yo ba med// dbang sgyur bdud kyang khyod kyis brtson 'grus stobs kyis stobs ni med par byas// mi yi seng ge khyod 'dir mngon par 'byung ba'i dus la dbab po// khyod 'dir gna' sngon kha ba'i kha dog 'dra ba'i rgyal mchog gyur pa'i tshe/ snying rje bskyed nas nam mkha' las ni srin po'i gling du myur du song // de tshe bongs shing sdug pa'i mi de blangs te bde
- 142b
la rab tu bzhag khyod kyis 'di la sogs pa brtson 'grus rnam par 'phrul pa mang po byas// myur du 'gyur zhing g.yol yul la dga' zhing rgod pa'i sems btul te// bsam gtan par gyur dul nges zhi gnas rnams kyis nyon mongs gtso bo bcom// 'khor 'dir bsam gtan dga' bas rang gi yon tan dag gis 'gro don byas// ra 'dir sems can mchog khyod bsam gtan rnam 'phrul bya ba'i dus la bab// gna' sngon khyod ni drang srong bsam gtan dga' zhing rab tu gnas par gyur// rgyal po med pa'i mi dag gis ni khyod khrid rgyal srid dbang yang bskur// khyod kyis skye bo dag ni dge ba bcu dang mtshungs pa'i lam la bkod// de'i tshe na mi las shi 'phos thams cad tshangs pa'i gnas su dong // phyogs dang phyogs 'tshams 'gro ba rnam mang shes pa'i cho ga khyod rab mkhas// gzhan gyi spyod dang 'gro ba'i skad shes pa dang dbang po shes pa dang / tshul dang gdul dang / blo gros rnam mang rgyu ba'i pha rol khyod phyir gyur// rgyal po spras khyod 'dir ni mngon par 'byung ba'i dus la dbab po// khyod kyis gna' sngon skye bo lta ba log par zhugs par gyur pa dang // rga shi sdug bsngal rnam pa mang pos nyams thag 'khod pa 'di mthong nas// srid pa rnam par gzhig pa'i drang lam nyid kyis khong du chud byas te//
- 144a
/ @mun pa bcom pa khyod kyis 'jig rten dag la don che rab tu byas// tshigs bcad rnam pa mang po mdzes pa'i 'on tan ldan pa sna tshogs 'dis// sil snyan sgra sgrags de las rgyal ba'i gzi yis dpa' bo bskul bar gyur// blo mchog ldan pa khyod 'dir mngon par 'byung ba'i dus ni dbab kyi// sdug bsngal gang ba'i skye bo 'di dag mthong nas btang snyoms ma byed cig/ bud med gos dang rin po che dang do shal spos phreng sna tshogs kyis// brgyan pa dag kyang sems dang phangs pa skyes nas rab tu dga' ba rnams sems can mchog la sil snyan rab tu sgrog cing srong bar byed pa na// rgyal ba'i mthu yis sil snyan dag las tshigs su bcad pa 'di dag 'dra byung // gang gi don du khyod kyis 'gro la phan phyir bskal pa du mar ni// btang bar bka' ba btang zhing tshul khrims bzod pa brtson 'grus shin du spyad// bsam gtan shes rab shin du bsgoms pa khyod kyi dus la dbab kyi// 'dren pa mngon par 'byung ba'i blo las myur sems phyi shol ma byed cig/ sngon chad rin chen mdzod dang gser dang / dngul dang rgyan rnams bar du btang // skye ba de dang de dag tu ni mchod sbyin rnam pa mang po byas// khyod kyi chung ma du dang bu mo lus
- 144b
dang rgyal srid srog gtang ste// byang chub don du btang bar dka' ba dpag tu med pa khyod kyis btang // khyod ni rgyal ba mi dman bsod nams dpal gyis rnam par grags par 'gyur// mu khyud 'dzin dang mu khyud nag po tshangs pas byin dang ral pa can// mchod sbyin stong ldan dang ni chos sems 'od 'phro can dang nor rten dang // shin don bsam gyur te sems can dpan la btang bar dka' ba btang // zla ba'i bu dang brtson 'grus 'bar bar bsod nams 'od zer can du gyur// gtong ba che dang ldan zhing mthu ldan khyod ni byas pa gzo bar gyur// rgyal po drang srong zla ba gzugs ldan dpa' bo bden pa 'brel ba dang / rgyal po legs par sba ba tshol dang blo gros bzang dang nges par gyur// zla ba'i 'od dang khyad par 'gro dang rdul dang phyogs kyi bdag por gyur// rab sbyin dpa' ba ka shi rgyal po rin chen gtsug pung zhi ba ste// mi dbang de dag rnams dang gzhan du gyur te btang bar dka' ba btang / khyod kyis ji ltar gtong ba'i char bab de bzhin chos kyi narab pa/ khyod kyis sngon chad sems can snying po gang ga'i bye ma snyed cig mthong / sems can thar bar bya bur byang chub dam pa'i mchog ni tshol ba na/ khyod kyis mchod pa dpag med bsam mi khyab par sangs rgyas de yang mchod// dpa' bo grong khyer dam pa 'di nas byung ba'i dus la dbab po/
- 145a
@#thob ser khyod kyis don yod mthong las la'i me tog gis ni mchod/ rnam par snang mdzad la ni dang ba'i sems kyis skad cig rab tu ltas// rnga dbyangs la ni khyod kyis a ru ra yi 'bru gcig phul/ can ngan mthong nas khyod kyis rtsa yi me sngon blangs te khyim du gzung / rdul po grong khyer 'jug pa mthong nas bye ma sbar gang rab tu gtor// chos kyi dbang phyug chos 'chad pa na legs shes bya ba rab tu byin// kun tu gzigs pa mthong nas phyag 'tshal lo zhes tshig tu brjod// 'od 'phro chen po'i phung po la ni khyod kyis dga' bas gser phreng gtor// 'od zer rgyal mtshan la ni kha tshar phul zhing gsal la ngal sran gtor// ye shes tog la mya ngan med pa'i me tog kha lo sbyar la 'jams// rin chen gtsug tor can la mar me 'ad ma ldan la sran yang phul// thams cad zil gnon mu tig do shal rgya mtsho la ni pad ma phul/ pad+ma'i snying po la ni bla re seng ge la ni char ting bul/ sa'i dbang po rgyal la mar phul me tog rgyal la 'o ma phul// grags sprin kun ta'i me tog phul te bden pa gzigs la zhal zas phul// ye shes lhun la lus btud klas byin la ni na bza' dbul ba byas// rab 'thor gshegs dang tsan dan mchog dang 'od ldan la ni tsha sbar re// bkod pa che la pad+ma dbul byas 'od
- 145b
zer rgyal la rin chen bul// shAkya thub la sbar gang gser phul dbang po tog la rab bstod byas/ nyi ma'i zhal dang me tog rna rgyan blo gros bzang dang gser gyi cod pan can// klu zil gnon la nor bu bul te rgyal la ras bcos gting ba pul// sman gyi rgyal la rin chen gdugs phul seng ge'i tog la khri gdan phul// yon tan mchog ldan rin chen dra ba 'od srungs la ni glu dbyangs kun// spos mchog me tog phul zhing 'od 'phro'i tog la rtag tu me tog phul// mi 'khrugs rgyal la khang brtsegs phul zhing 'jig rten mchod la phreng ba phul// rgyal spos gtsug la rgyal srid 'bul byas rgyal bar dka' la spos kun phul// sgron ma che la bdag phul pad+ma'i mchog la rgyan rnams dbul ba byas// chos kyi tog la me tog sna tshogs sgron ma mdzad pa ud ba la// mchod pa rnam pa sna tshogs tha dad gzhan dang gzhan byed na/ khyod kyis sems can snying po de dag rnams dang gzhan yang sngon chad mchod// 'das pa'i sangs rgyas rnams dang ston pa de dag khyod mchod dran par gyis// sems can mgon med mya ngan gang ba yal bar ma dor mngon par byung / mar me mdzad pa mthong ba tsam gyis khyod kyis bzod pa mchog thob ste// rjes su 'thun pa'i mngon par shes pa lnga po nyams pa med pa thob/ de nas rab tu dga' bas bskal pa grangs med 'jig rten
- 146a
khams kun tu// sangs rgyas dag ni re re la yang mchod pa bsam gyis mi khyab byas// bskal pa dpag med de dag zad gyur gang yang sangs rgyas mya ngan 'das// khyod kyi lus rnams thams cad dang ni de dag ming yang gang du song // dngos po thams cad tha mar zad pa'i chos te 'dus byas rtag pa med// 'dod pa rgyal srid longs spyod rtag pa min gyi grong khyer mchog nas byung // bskal pa zad par cha gyur tshe gzi brjid drag po 'jig pa'i me long ltam// rga dang na dang 'chi ba mi bzad 'jigs pa chen po 'ong bar gyur// dngos po thams cad zad pa'i chos te 'dus byas rtag pa med/ shin tu sdug bsngal sems can ltas la yon tan ldan pa mngon par byung // rgyal po bde ba'i mal na nyal gyur cing // gang tshe mo tshogs gling bu rgyud gcig dang / sil snyan sna tshogs skra yis slong byed pa// de tshe sgra snyan sgra las 'di dag byung // srid gsum dga' dang nad kyi sdug bsngal 'bar// 'chi med rab 'bar 'di ni mgon med pa// srid las byung la 'gro ba rtag tu rmongs// bum par chud pari bung ba 'khor ba bzhin// srid gsum mi brtan ston ka'i sprin pa 'dra// 'gro ba'i ste'achi gar le lha dang mtshungs// 'gro ba'i tshe 'gro nam mkha'i srog 'dra ste// rig zar 'bab chu lta bur myur 'gyogs 'gro/ sring mo
- 146b
ma rig dbang gis sa bon rnams// mi dang lha gnas ngan song lam gsum po// 'gro ba lnga po dag tu mi mkhas 'khor// dper na rdza mkhan 'phang / lo 'khor ba bzhin// rtag tu gzugs sdug mchog dang sgra snyan dang // ro zhim ro mchog reg pa bde byed pa// yul ngan sI la 'gro ba 'di dag thogs/ dper na rngon pa'i spre'u thogs pa bzhin// 'dod pa'i yon tan mya ngan gnod pa mang // 'jigs bcas rtag tu dgra byed nyon mongs bcas// ral gri so 'dra dug sdong lo ma mtshungs// ngan skyugs snod ltar 'phags pa'i skye bos spangs// 'dod pa'i yon tan 'jigs bcas nyon mongs bcas/ rtag tu brjed par byed pa mun pa 'dra// rtag tu 'jigs pa'i rgyu byed sdug bsngal rtsa// srid pa'i sred pa khri shing 'phel bar byed// ji ltar me 'bar 'obs ni 'jigs bcas pa// de ltar 'dod 'di 'phags pa'i skye bos rig/ 'dab rdzab che 'dra ral gris gsheg gnas 'dra// ral gri'i/ so la sbrang rtsis bskus dang mtshungs// ji ltar sbrul gyi mgo dang ngan skyugs snod// de ltar 'dod 'di mkhas pa rnams kyis rig/ bya kham bu 'dra zhing gsal shing 'dra// ro la khyi ltar dgra dang bcas pa yi ni// 'dod pa'i yon tan 'di dag chu zla 'dra// gzugs brnyan mtshungs shing /
- 147a
brag cha 'dra ba dang / mi g.yor 'dra zhing gar la lta 'dra dang // rmi lam mnyam par 'phags pa'i skye bos rig 'dod pa'i yon tan skad cig ya ma rA// sgyu ma smig sgyu 'dra zhing brdzun pa can// chu bur dbu ba lta bu yang dag min// yongs su btags las byung bar mkhas pas rtogs// na chod thog mar gzugs mchog 'dzin pa'i tshe// pangs shing sdug 'dod 'di ni byis pa'i spyod// rga dang sdug bsngal gzi brjid lus bcom nas// rnam par spangs te ri dgas krung skam bzhin// nor bu dam pa rdzas mang stobs ldan no// 'bangs shing sdug 'dod 'di ni byis pa'i spyod// nor nyams sdug bsngal bar ni gyur pa'i tshe// rnam par spong ste mi yis 'brog stong bzhin// ji ltar me tog shing dang 'bras bcas shing // de ltar sbyin 'dod mi la dga' bar byed// nor nyams rga bas nyen cing spong ba na// de tshe dga' bar mi 'gyur bya rgod bzhin// rdzas ldan gzugs mchog ldan tshe dpon po bzhin// 'brang na sdug cing dbang po dga' bar byed// rgan sdug bsngal nyen cing nor zad na// de che 'dong par mi 'gyur 'chi bdag bzhin// rga bas rga byas na tshod yal gyur na// sdong po gnam lcags kyis ni bcom pa bzhin// rgabs 'khogs na 'jig
- 147b
bcas khang rul 'dra// rga las 'byung ba thub pa myur du spros// bud med skyes pa'i tshogs rnams rga bas skebs// ma lus khri shing sa la'i nags sdug bzhin// rga bas brtson 'grus rtsal dang shugs 'phrog ste// dper na skyes bu 'dab du bying ba bzhin// rga bas gzugs sdug gzugs ni mi sdug byed// rna bas gzi brjid 'phrog cing mthu stobs 'phrog/ rga bas bde ba 'phrog cing bskas par byed// rgabs 'chi med rga ba mdangs kyang 'phrog/ nad brgya mang dang nad btab sdug bsngal gyis// 'gro ba gtses te mi yis ri dgas bzhin// rga dang na bas bcom pa'i 'gro ltos la// sdug bsngal las ni 'byung ba myur sheg cig/ dper na dgun spang rlung dang kha ba che// rtswa shing gel ba nags sman mdangs kyang 'phrog/ de ltar nad 'di 'gro ba'i mdangs 'phrog cing // dbang po gzugs dang stobs ni nyams par byed// nor bu nor chen tha mar zad par byed// nad ni rtag tu 'gro ba brnyas par byed// gnod pa med cing sdug la sdang bar byed// yongs su gdung byed mkha' la nyi ma bzhin// 'chi dang 'pho dang 'chi 'pho dus byed pa// pangs pa'i sdug pa'i skye bo rtag tu 'bral// phyir mi 'ong zhing 'phrad par 'gyur ma yin// shing las lo 'brul 'dra zhing klungang rgyun dang mtshungs// shi bas dbang yod pa dag dbang med
- 148a
rgya byed// 'chi 'pho 'phrog byed chu bos shing deng gzhin// mi ni gnyis min grogs med gcig du 'gro// rang las 'bras bu ldan pas dbang yang med// 'chi bas srog chags brgya phrag mang 'dzin te// 'byung po'i tshogs la rgya mtsho'i chu srin bzhin// klu la mkha' lding glang chen seng ge 'dra// rtsa rtsi 'byung ba'i tshogs la me dang mtshungs// skyon brgya mang po 'di 'dra 'di dag las// 'gro ba sgrol zhes khyod kyis smon lam btab// sngon gyi smon lam spyod pa de dran byos// khyod ni mngon par 'byung ba'i dus la bab// gang che bud med tshogs ni rab dga' zhing // sil snyan dag gis thub chen spong byed pa// de tshe bde bar gshegs pa rnams kyi mthus// tshigs bcad sna tshogs sil snyan sgra las byung // 'dus byas thams cad myur du 'jig pa ste// mkha' la glog rgyun ring du mi gnas bzhin// khyod kyi dus 'di nye bar gnas gyur gyi// brtul zhugs bzang po mngon 'byung dus la bab// 'du byed mi rtag brtan pa ma yin te// rdza so ma btang lta bur 'jig pa'i bdag/ gzhan gyi rdzas ni brnyan po byas dang mtshungs// bye ma'i grong khyer lta bur ring mi thogs// 'du byed 'di dag 'jig pa'i chos can te// dbyar gyi zhal zhal ji ltar/
- 148b
'gogs pa bzhin// chu ngogs bye ma yod pa 'dra ba ste// rkyen la rag las rang bzhin nyams chung ba// 'du byed mar me'i 'od 'phro 'dra ba ste// myur du 'byung zhing 'gag pa'i chos can yin// rlung dang mtshungs par ring du mi gnas la// dbu ba lta bur nyam chung snying po med// 'du byed g.yo ba med cing stong pa ste// brtags na nu shing dag gi phung po 'dra// sgyu ma lta bur sems ni rmongs par byed// lag bcangs stong pas byis pa brid dang mtshungs// 'dus byas gyur pa thams cad rgyu dag dang // rkyen rnams kyis ni rab tu 'byung ba ste// gcig gis gcig rgyu byas te brten nas byung // byis pa'i skye bos 'di 'dra 'di ma rtogs// dper na gres ma mun dza brton byas la// brtsal ba'i stobs kyis thag par bsgyur ba dang // zo chun rgyud mo 'khor lor bcas pa yang // de dag re res 'grub par 'gyur ba med// de ltar srid pa'i yan lag kun grub pa// gzhan dang gzhan tshegs pa la brten nas ni// de dag so sor re rer 'grub par 'gyur// sngon gyi mtha' dang phyi ma'i mtha' mi dmigs// sa bon yod na myu gu ji bzhin te// sa don gang yin myugu de nyid min// de las gzhan min de yang ma yin te// de ltar rtag min chad min chos nyid do// ma rig pa ni 'du byed rgyu yin te// 'du byed de yang yang dag ma yin te//
- 149a
rade ltar 'dus byas rtag med chad pa med// mig dang gzugs la brten pa byas nas su// mig gi rnam par shes pa 'di byung yang // mig gi gzugs la brten pa ma yin la// gzugs kyang mig gis rnam par shes pa 'byung // 'di dag bdag med mi sdug chos can yang de dag bdag dang sdug par rtag pas te// nor ba yang dag ma yin rtag min yin// de las mig gis rnam par shes pa 'byung // rnam par shes pa 'gags nas 'byung 'gyur te// mkhas pas skye dang 'jig pa rnam par mthong // gang du ma song gang nas 'ongs pa min// rnal 'byor gyis ni stong pa rgyu ltar mthong dper na rtsub shing dang ni rtsub bstan dang // lag pas bstsol ba byas pa gsum tshogs pa// de la brten nas me ni 'byung 'gyur te// byang nas ring por mi thogs 'gag par 'gyur// de nas mkhas pa la las brtags byas te// 'di ni gang nas 'ongs pa gar song zhes// phyogs dang phyogs 'tshams kun tu brtags byas na// de yi 'ong ba 'ang 'gro ba mi dmigs so// phung po dag dang skye mched khams rnams kyi// rkyen ni ma rig pa dang srid dang las/ de dag tshogs pa sems can zhes brjod kyang // de ni dam pa'i don du dmigs su med// mchu dang lkog ma rkan la brten nas ni// lce sgyur ba las yi ge'i
- 149b
sgra 'byung yang // lkog mar brten nas ma yin rkan la min// re re la ni yi ge dmigs su med// tshogs pa de la brten nas ngag de ni// yid kyi blo yi dbang gis 'byung mod kyi// yid dang ngag ni mi snang gzugs med de// nang dang phyi rol na yang dmigs su med// mkhas pas ngag skad sgra dang dbyangs rnams kyi// skye dang 'jig la rnam par brtags byas na// de tshe dag kun brag cha lta bu dang // skad cig pa dang snying po med par mthong // dper na shing dang rgyud la brten nas la// lag pas brtsol ba byas pa gsum tshogs na// sgra snyan pi wang gling bu la sogs pa// de dag las ni sgra yang 'byung bar 'gyur// de nas mkhas pa la las rtag byas te// 'di ni gang nas 'ongs la gar song zhes// phyogs dang phyogs 'tshams kun du brtags byas na// sgra'i 'ong ngam 'gro ba mi dmigs so// de ltar rgyu dag dang ni rkyen rnams las// 'du byed gyur pa thams cad byung ba ste// yang dag mthong ba rnal 'byor pa yis ni// 'du byed stong pa g.yo ba med par mthong // phung po dag dang skye mched khams rnams ni// nang yang stong la phyi rol stong pa ste// thams cad bdag gis dben zhing gnas med la// chos kyi mtshan nyid nam mkha'i ngo bo nyid// chos kyi mtshan nyid 'di 'dra 'di dag ni// mar me mdzad pa mthong
- 150a
nas khyod kyis rtogs// ji ltar nyid kyis rjes su rtogs pa ltar// de ltar lha mir bcas pa rtogs par gyi gnod pa yang dag ma yin rtogs pa yis// 'dod chags zhe sdang dag gis 'gro ba gsungs// snying rje'i sprin las zhi ba bsil ba'i chu// 'dren pa bdud rtsi'i rgyun ni rab tu bob// byang chub dam pa yang dag thob nas ni// 'phags pa'i nor gyis srog chags bsdu'o zhes// mkhas pa khyod kyis gang gi tshad kyi phyir// bskal pa mang por sbyin pa byin pa yis// sngon gyi spyod de rjes su dran byas te// 'phags pa'i nor gyis dbul ba sdug bsngal la/ sems can kha lo sgyur ba ma g.yel bar// 'phags pa'i nor gyis de dag bsdu bar gyis// ngan song sa yi lam ni bcad pa dang // mtho ris bdud rtsi sgo mo mchog de ni// sems can bya ba mang la bstan zhes te// khyod kyis rtag tu tshul khrims shin tu bsrungs// tshul khrims ldan pa'i bsams pa grub 'gyur gyi// sngon gyi spyod de rjes su dran gyis la// ngan song gsum po su yi sgo mchod do// mtho ris bdud rtsi sgo ni dbye bar gyis// srog chags rnams kyi khong khro khro bzhi la dang // srid pa'i mtsho las sems can bsgral byas te// zhi bde rims nad med la dgod do zhes// khyod kyis rtag tu bzod pa
- 150b
shin tu bsgoms// sngon gyi spyod de rjes su dran gyis te// dgra dang gnod pa 'tshe bas dkrugs pa yis// 'che ba spyad pa yal bar ma dor bar/ 'gro ba 'di dag bzod pa'i sa la 'khod// chos kyi gru ni legs par sbyar byas la// srid pa'i mtsho las 'gro ba rnams bsgral te// zhi bde rims nad med der dgod do zhes// gang gi don du khyod kyis brtson 'grus brtan// sngon gyi spyod de rjes su dran gyis la// 'gro ba chu bo bzhi yis khyer gyur pa// sems can mgon med pa dag brtson stobs dang // brtul ba'i shugs kyis myur du 'di dag 'thon// dbang po 'khrul dang phal ba'i dbang po dang // spre'u 'dra'i sems las zhi gnas ngan 'god cing // 'dren pa khyod kyis gang gi ched kyi phyir// nyon mongs bzhil ba'i bsam gtan bsgoms gyur pa/ sngon gyi spyod de rjes su dran bgyis te// nyon mongs dra bas dkrugs par gyur pa yi// 'gro la ma g.yel nyon mongs btses pa las// bsam gtan mchog la skye dgu 'di dag bakhod// gti mug ma rig mun pas bsgribs pa yi// 'gro la chos brgya mang po mthong byed pa// yang dag mthong ba'i mig ni sbyin no zhes// khyod kyis sngon chad shes rab shin tu bsgoms// sngon gyi spyod de rjes su dran gyis la// gti mug ma rig mun pas bsgribs pa yi// 'gro la shes
- 151a
rab dam pa 'od bzang ba// chos mig dri med nyon mongs med pa byin// bud med rnams kyi sil snyan glu dbyang las// tshigs su bcad pa 'di 'dra 'di byung nas// de thos nas ni rgyags pa rnams spangs nas// byang chub dam pa mchog tu sems bta // dge slong dag de dag 'di ltar byang chub sems dpa' btsun mo'i 'khor gyi nang na 'dug pa'i tshe yang chos nyan pa dang bral bar ma gyur// chos yid la byed pa dang bral bar ma gyur to// de ci'i phyir zhe na/ dge slong dag 'di ltar byang chub sems dpa' ni yun ring po nas chos dang chos smra ba rnams la gus pa dang bcas par gyur cing // bsams pa thag pa nas chos don du gnyer ba// chos 'dod pa chos kun dga' la dga' zhing mos par gyur pa// chos tshol bas ngoms mi shes pa// ji ltar chos thos pa'i chos yang dag par ston pa// bla na med pa'i chos chen po'i sbyin bdag tu gyur pa// zang zing med par chos ston pa// chos sbyin pa la ser sna med pa// slob dpon gyi dpe 'khyud dang bral ba// chos kyi rjes su 'thun pa'i chos sgrub pa// chos la nan tan byed pa'i dpa' ba// chos la gnas su 'dzin pa// chos la skyabs su 'dzin pa// chos la dbung
- 151b
gnyen du 'dzin pa// chos la brton pa/ chos la nges par sems dpa'// bzod par nges par byung ba// shes rab kyi pha rol du phyin pa sbyang ba ste// thabs la mkhas pa rtogs par khong du chud pa yin no// dge slong dag de la byang chub sems dpa' thabs mkhas pa chen pos rnam par rtse zhing // btsun mo'i 'khor thams cad kyi bu mo ji lta ba bzhin du spyod lam ni bstan// sngon gyi byang chub sems dpa' 'jig rten gyi yul thams cad las yang dag par 'das pa rnams kyi 'jig rten dang mthun par bya ba'i chos nyid dang 'thun par ni byas// yun ring po nas 'dod pa'i skyon shin du rtogs pa yin yang / sems can yongs su smin par bya ba'i dbang gis// 'dod pa'i longs spyod ni kun du bstan// dge ba'i rtsa ba dpag tu med pa bsags pa'i bsod nams kyi stobs kyi khyad par gyis/ 'jig rten gyi dbang du bya ba mtshungs pa med pa ni kun bstan// lha dang mi las shin tu 'das pa'i snying po dang ldan zhing rgya che la rnam pa tha dad pa rnam sna tshogs kyi gzugs dang / sgra dang / dri dang / ro dang / reg mchog tu dga' ba nyams dga' ba'i bde ba ni bstan/ 'dod pa'i dga' ba'i yul thams cad la 'dzin pa med par rang gi sems la dbang sgyur ba ni
- 152a
bstan/ sngon gyi smon lam gyi stobs kyi thogs su gyur ba/ dge ba'i rtsa ba bsags pa'i sems can rnams mtshungs par gnas pa yongs su smin par byas nas/ 'jig rten gyi kun nas nyon mongs pa'i dri ma thams cad kyis ni/ sems la kun nas nyon mongs pa med par btsun mo'i 'khor gyi nang na gnas te/ ji ltar mgon du gnyer ba'i sems can gyi khams yongs su smin par bya ba'i dus la lta zhing de'i tshe byang chub sems dpa' shin tu rgya cher sngon gyi dam bcas pa rjes su dran no// sangs rgyas dang / chos kyang mngon du byed do// smon lam stobs kyang mngon par bsgrub bo// sems can rnams la yang snying rje chen po gtong ngo // sems can rab tu thar bar bya bar yang semaso// 'byor pa thams cad kyi mtha' ni rgud pa yin par yang so sor rtog go// 'khor ba la gnod pa dang / 'jigs pa mang po du ma yod par yang rtog/ bdud dang nyes pa'i zhags pa yang yang dag par bcod do// 'khor ba'i rgyu las kyang bdag nyid 'da' bar byed do// mya ngan las 'das par yang sem yang dag par gtong ngo // dge slong dag de la byang chub sems dpas sngon gyi mtha' nyid nas kyang 'khor ba'i skyon shin du rig pa yin/ 'dus byas la
- 152b
bsam pa thag pa nas don du mi gnyer ba yin/ nye bar len pa yongs su 'dzin pa thams cad don du mi gnyer ba yin// sangs rgyas kyi chos don du gnyer ba yin// mya ngan las 'das pa la mngon du phyogs pa yin// 'khor ba la rgyad kyis bltas pa yin// de bzhin gshegs pa'i spyod yul la mngon du dga' ba yin// bdud kyi spyod yul dang ma 'dres pa yin// srid pa la 'bar bar skyon du mthong ba yin// khams gsum pa las 'byung ba'i bsam pa can yin// 'khor ba'i skyon dang nyes dmigs dang // 'byung ba la mkhas pa yin/ rab tu 'byung bar 'dod pa yin// mngon par 'byung ba'i bsam pa can yin// dben pa la gzhol ba yin/ dgon pa dang bas mthar mngon par dga' ba yin/ rab tu dben pas rab tu zhi bar 'dod pa yin// bdag dang gzhan la phan par zhugs pa yin// bla na med pa'i yon tan la dpa' ba yin/ 'jig rten gyi don du 'dod pa yin// phan par 'dod pa yin// bde bar 'dod pa yin/ grub pa dang bde bar 'dod pa yin// 'jig rten la snying brtse ba can yin// phan par 'dod pa can yin/ byams pa la gnas pa can yin// snying rje chen po dang ldan pa yin/ bsdu ba'i dngos po la mkhas pa yin// rtag tu yid yongasu mi
- 153a
skyo ba yin// sems can yongs su smin par bya ba dang / 'dul ba la mkhas pa yin// sems can thams/ cad la bu gcig pa dang 'dra ba 'dug par sems pa yid la byed pa dang ldan pa yin/ dngos po thams cad la mi lta bar yongs su gtong ba yin/ sbyin pa dang 'gyed pa la dga' ba yin/ lhug par gtong ba yin/ lag brkyang ba yin/ gtong ba la dpa' ba yin/ mchod sbyin byas pa yin/ bsod nams shin du phun sum tshogs pa yin/ bsod nams kyi yo byad shin tu gzung ba yin// dri ma dang ser sna dang bral ba yin/ sems kun nas bzung ba yin/ bla na med pa'i sbyin bdag chen po yin/ byin nas kyang rnam par smin pa la mi re ba yin/ sbyin pa la dpa' ba yin/ 'dod pa dang / 'dod pa che ba dang / chags pa dang / zhe sdang dang / rgyags pa dang / nga rgyal dang / gti mug dang / ser sna las sogs pa nyon mongs pa'i dgra'i tshogs kyi rgol ba thams cad tshar bcad pas phyir mngon par 'byung ba yin/ thams cad mkhyen pa'i sems bskyed pa'i rgyud las mi g.yo ba yin/ gtong ba chen po'i sems kyis go cha shin tu bgosra pa yin/ 'jig rten la snying brtse ba can yin/ phan par 'dod pa can yin/ ya lad bgos pa yin/ go cha bgos pa yin// sems
- 153b
can rab tu thar bar bya ba la dmigs pa yin/ snying rje chen po'i stobs dang / rnam par gnon pa dang / pha rol gnon pa dang ldan pa yin/ phyir mi ldog pa yin/ sems can thams cad la sems mnyam pa yin// gtong ba'i lag cha can yin// sems can gyi bsam pa dang / re ba ji lta ba bzhin du tshim par byed pa yin/ byang chub kyi snod du gyur pa yin/ dus dang phyed par chos rtogs pa yin/ smon lam byang chub tu yongs su bsngos pa yin// rgyal mtshan ma bskal ba yin/ 'khor gsum yongs su dag pa'i sbyin pa yongs su gtong ba dang ldan pa yin/ ye shes mchog gi rdo rje'i mtshon cha sra ba dang ldan pa yin// nyon mongs pa'i phyir rgol ba shin du tshar gcod pa yin/ tshul khrims dang / yon tan dang / spyod pa la zhugs pa yin// lus dang / ngag dang / yid kyi las kyi mtha' legs par bsrungs pa yin/ kha na ma tho ba phra rab tsam la yang 'jigs par lta ba yin/ tshul khrim yongs su dag pa yin/ dri ma med cing dri ma dang bral la dri ma spangs pa'i sems dang ldan pa yin/ ngan du smras pa dang / ngan du brjod pa'i tshig gi lam dang / brgyad pa dang / spro ba dang / smad pa dang / bshung ba dang / brdeg pa dang / bsdigs pa dang / bsad pa dang / bcing ba dang /
- 154a
nyon mongs pa thams cad kyis sems ma rlogs pa yin// sems ma 'khrugs pa yin/ bzod pa dang / nges pa phun supa tshogs pa yin/ gnod par sems pa yin/ gnod par mi byed pa yin/ gnod sems med pa'i sems dang ldan pa yin/ sems can thams cad la phan par bya ba'i brtson 'grus 'bar ba brtsams pa yin/ yi dam la brtan pa yin/ dge ba'i chos thams cad yang dag par bsgrub pa la phyir mi ldog pa yin/ dran pa dang ldan pa yin/ shes bzhin can yin/ shin du mnyam par bzhag pa yin/ sems ma g.yengs pa yin/ bsam gtan la rtse gcig tu yid la byed pa yin/ chos rab tu rnam par g.yi ba la mkhas pa yin/ snang ba thob pa yin/ mun pa mun nag dang bral ba yin/ mi rtag pa dang / sdug bsngal ba dang / bdag med pa dang / mi sdug pa'i rnam par sems yongs su bsgoms pa yin/ dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / byang chub kyi phyogs kyi chos thams cad shin du yongs su sbyang ba byas pa'i yid la byed pa dang ldan pa yin/ zhi gnas dang / lhag mthong gis shin du dkar bar
- 154b
byas pa'i blo dang ldan pa yin/ rten cing 'brel bar 'byung bar lta ba yin/ bden pa rjes su rtogs pas gzhan gyi dring mi 'jog pa yin/ rnam par thar pa'i sgo gsum gyis rnam par rtse ba yin/ chos thams cad kyi tshul sgyu ma dang / smig sgyu dang / chu zla dang / brag cha dang / mig g.yor lta bur rtogs pa yin no// dge slong dag byang chub sems dpa' ni de ltar rang bzhin gyis chos la gnas pa yin/ de ltar ye shes la gnas pa yin/ de ltar yon tan gyi che ba nyid la gnas pa yin/ de ltar sems can gyi don la brtson par gnas pa yin te/ phyogs bcu'i sangs rgyas kyis byin gyis brlabs pa/ sil snyan dang / glu dbyangs las byung ba'i tshigs su bcad pa de dag gis rgya cher bskul ba dang / de'i tshe sngon gyi byang chub sems dpa' srid pa tha ma pa rnams kyi btsun mo'i 'khor 'ayongs su smin par bya ba'i chos kyi sgo bzhi mngon tu byed do// gzhi gang zhe na/ 'di lta ste/ sbyin pa dang snyan par smra ba dang / don bya ba dang / don 'thun pa bsdu ba'i dngos po bzhi la sbyor ba/ bsgrub pa rnam par dag pa zhes bya ba'i chos kyi sgo mngon du byed pa dang / dkon mchog gsum gyi rigs yang dag par 'dzin pa'i bsam pa chud mi za ba'i thams cad mkhyen pa'i sems smon lam gyi stobs bskyed pa'i phyir/
- 155a
/ mi ldog pa'i yul zhes bya ba'i chos kyi sgo mngon du byed pa dang / sems can thams cad yongs su mi gtang ba'i lhag pa'i bsam pa snying rje chen po'i stobs la zhugs pa zhes bya ba'i chos kyi sgo mngon du byed pa dang / byang chub kyi phyogs kyi chos thams cad kyi tshig rab tu dbye ba dang / don la rnam par nges pa'i ye shes kyi tshogs kyi stobs kyi khyad par yang dag par bsgrub pa bkod pa chen po zhes bya ba'i chos kyi sgo mngon du byed pa'o/ byang chub sems dpa' chos kyi sgo chen po de dag mngon du byas nas/ btsun mo'i 'khor thams cad yongasu smin par bya ba'i phyir/ de'i tshe rnam pa ji lta bu'i rdzu 'phrul mngon par 'du bya ba/ mngon par 'du byas pas byang chub sems dpa'i mthus sil snyan dang / glu dbyangs de dag la chos kyi sgo rnam pa 'di lta bu brgya stong 'byung ba de lta bu'i rdzu 'phrul mngon par 'du bya ba mngon par 'du byed do// mos pa rgya chen dang ni bsam pa dang // lhag pa'i bsam dang srog chags snying rje bas// byang chub dam pa mchog tu sems skyed zhes// de 'dra'i sgra dag sil snyan rnams las byung // dang zhing dad dang gus pa dang // nga rgyal med cing bla la 'dud pa dang // dri dang dge ba ci zhes tshol ba dang // rjes su dran pa bsgoms pa'i sgra byung ngo // sbyin dang dul dang sgom
- 155b
ngang tshul khrims sgra// bzod pa'i sgra dang de bzhin brtson 'grus sgra// bsam gtan mngon par sgrub dang ting 'dzin sgra// shes rab dang ni thabs kyi sgra yang byung // byams pa'i sgra dang de bzhin snying rje'i sgra// dga' dang btang snyoms mngon par shes pa'i sgra// bsdu ba'i dngos po bzhi po rnam nges pa// sems can yongs su smin bya'i sgra yang byung // dran pa nye bar gzhag pa'i rab dbye'i sgra// yang dag spong dang de bzhin rdzu 'phrul rkang // dbang po lnga dang stobs lnga rab dbye dang // byang chub yan lag sgra ni sil snyan byung // yan lag brgyad pa'i 'phags lam mchog byed dang // zhi gnas sgra dang de bzhin lhag mthong sgra// mi rtag pa dang sdug bsngal bdag med sgra// mi sdug sla yang sil snyan rnams las byung // 'dod chags bral sgra de bzhin dben pa'i sgra// zad pa shes pa'i sgra dang mi skye sgra// 'gog pa'i sgra dang de bzhin gnas med sgra// mya ngan 'das pa'i sgra yang sil snyan byung // rdzogs pa'i byang chub sems dpa'i mthu yis ni// sil snyan dag las 'di 'dra'i sgra byung ste// sgra de thos nas bud med thams cad kyis// sems can can mchog rab rjes bsrabs byang chub ston// dge slong dag de ltar byang chub sems dpa' btsun mo'i 'khor gyi nang na 'dug pas/ bud med brgyad khri
- 156a
bzhi stong dang / lha'i bu brgya stong mang po gang dag der 'dus par gyur pa dag kyang bla na med pa yang dag par rdzogs ba'i byang chub tu yongs su smin par byas par gyur to// de nas byang chub sems dpa' mngon par 'byung ba'i dus la bab pa dang / dga' ldan gyi ris kyi lha'i bu khrel yod pa'i lha zhes bya ba/ bla na med pa yang dag par rdzogs pa'i byang chub las phyir mi ldog pa des mtshan mo mi nyal tsam na/ lha'i 'bu 'bum phrag sum bcu rtsa gnyis kyis bskor cing mdun du gdar te/ byang chub sems dpa' la rim gro bya ba'i khang bzangs ga la ba der song ste phyin nas/ nam mkha'i dkyil na 'dug ste byang chub sems dpa' la tshigs su bcad de smras pa/ 'chi 'pho ba ni shin tu bstan// skyes bu seng ge tshe yang bstan// btsun mo'i 'khor yang bstan pa mdzad khyod kyis 'jig rten rjes mthun mdzad// 'jig rten chos ni rjes thob pas// lha min mang po yongs smin mdzad// mngon par 'byung ba'i blo dgongs pa'i// / de yi dus su deng bab bo// ma grol bas ni 'grol mi nus// long bas lam yang ston mi nus// grol bas grol ba byed par nus// mig ldan long ba lam ston/ nus// sems can gang dag 'dod pas 'khol// khyim nor bu dang chung ma chags// de dag khyod kyi rjes slob cing // mngon par 'byung bar bzhed pa mdzod
- 156b
dbang phyug 'dod pas rtse bas dang // gling bzhi rin chen bdun spangs te// khyod ni mngon par 'byung rig nas// lha mir bcas pa'i 'jig rten mos// khyod ni 'dod la mi dgyes te// bsam gtan bde bas gnas mdzad kyang // lha mi brgya phrag mang po dag/ gnyid kyis log las sad par mdzad// dar la bab 'di shin du 'da'// ri gzar 'bab chu mgyogs 'gro bzhin// dar la bab pa yal gyur nas// mngon par 'byung ba mdzes ma lags// de slad thog mar gnon pa'i che// dar bab dam par mngon 'byung ste// / thugs dam nyams 'og chung mdzod la// lha mi don ni mdzad pa'i rigs// 'dod pa'i yon tan mi ngoms te// dper na lan tshwa'i chu dang mtshungs// 'phags pa dul med 'jig rten 'das// shes rab gang ldan de dag ngoms// khyod 'di rgyal po zas gtsang dang // yul 'khor rnams kyis yid 'ong sdug/ 'dab ma brgya pa'i zhal 'dra ba// mngon par 'byung bar dgongs su gsol// nyon mongs gdung bas rab gdungs shing // 'byung med bcings pas dam bcings rnams// dpa' bos myur du mtshungs med pa/ thar lam zhi la bgod du gsol// khyod ni sman pa mkhas la mkhas// sems can yun rings na rnams la// chos kyi sman ni sbyar mdzod de//
- 157a
rdza5/ mya ngan 'das par de myur 'khod// mig med mun pa gti mug grags// lta ba'i dra bas dkris pa yin// lha rnams dang ni mi yi mig/ shes rab sgron ma myur du sbyongs// byang chub thob pa blta bya zhing // bla na med pa'i chos mnyan ces// lha dang lha min klu dag dang // gnod sbyin dri za mang po sdod// klu yi rgyal po rang gi gnas// khyod kyi dpal gyis snang bar mthong // mchod pa dag ni mtha' yas bgyid// de yi brtul zhugs bsam pa skongs// byang chub shing drung yid rdzogs la// lhung bzed bzhi ni dbul lo zhes// 'jig rten skyong bzhi sder bcas pa// de dag khyod la sdod cing mchis// tshangs pa rab tu zhi spyod pa// byams ldan snying rje thob pa yang // bla med 'khor lo rab bskor bar// mi dbang gsol snyam sdod cing mchis// // byang chub bsnyen bskur byed pa'i lha// byang chub snying por gnas rnams kyang // byang chub rnam par 'tshang rgya ba// blta'o zhes te sdod cing mchis// byang chub sems dpa' btsun mo'i nang // bye ba ston pa gzhan kyang mchis// de dag thog mar khyod gyur mdzod// de dag 'og tu lus sa re// dbyangs snyan cing ni dbyangs 'jam pa// mar me
- 157b
mdzad kyang lung bstan dgongs// yang dag de bzhin ma nor bar// rgyal ba'i sgra dbyangs skrag tu gsol// bskul ba'i le'u ste bcu gsum pa'o// dge slong dag de ltar lha'i bu des byang chub sems dpa' bskul ma thag tu rgyal po zas gtsang ma la rmi lam 'di bstan to// rgyal po zas gtsang ma gnyid kyis log pa'i rmi lam du rmis pa// byang chub sems dpa' mtshan mo mi nyal tsam na// lha'i tshogs kyis bskor te/ mngon par 'byung zhing mngon par byung nas kyang rab tu byung ste/ gos ngur mrig gyon pa rmis so// de nas de sad pa dang / rings par rings par nyung rum la dris pa/ gzhon nu btsun mo'i 'khor gyi nang na 'dug gam/ de'i ma mas smras pa/ lha bzhugs so// de nas rgyal po zas gtsang ma 'di snyam du/ gzhon nu ni gdon mi za bar mngon par 'byung bar 'gyur te// snga ltas su snang ba ni 'di dag yin no snyam nas/ khong pa'i snying la mya ngan gyi zug rngus zug par gyur to// de yang 'di snyam du sems te/ bdag gi gzhon nu ni bskyed mos tshal gyi sar nam yang 'gro bar mi 'gyur te// bud med kyi tshogs kyi nang na mngon par dga' bas
- 158a
'di nyid du chags par gyur te/ mngon par 'byung bar mi 'gyur ro snyam mo// de nas rgyal po zas gtsang mas gzhon nu'i longs spyod kyi phyir dpyid dang / dbyar dang ston gyi dus ji lta ba bzhin du khang bzang gsum byed du bcug go// de la dpyid sa gang yin pa ni shin du gsil ba'o// dbyar sa gang yin pa de ni grang dro ran pa'o// dgun sa gang yin pa de ni rang bzhin gyi dro ba'o// khang bzangs re re'i gru skad rnams kyang mi lnga brgyas 'dzugs shing 'bebs so// de dag de ltar 'dzugs shing 'bebs pa na/ gzhon nu sus kyang ma tshor mngon par byung bar 'gyur/ du 'ong ngo zhes sgra dpag tshad phyed du drag po byung ngo // ltas pa dang / mtshan mkhan kun gyis kyang gzhon nu chab sgo bkra shis pa nas mngon par 'byung bar 'gyur ro zhes lung bstan no// de nas rgyal pos bkra shis kyi sgo'i 'bar chen po byed du bcug ste/ sgo 'phar re re yang mi lnga brgyas 'byed cing gcod do// de dag gi sgra yang dpag tshad grag go// de la 'dod pa'i yon tan mtshungs pa med par yang sbyor ro// glu dang rol mo'i sgra dbyangs len pa dang / gar byed pa'i na chung dag kyang rtag tu bzhag par gyur to// dge slong dag de nas byang chub sems dpas kha lo bsgyur ba la spras pa deng skyed mos tshal g+hi sar 'gros shing
- 158b
rtag myur du sbyor cig/ de nas kha lo sgyur ba rgyal po zas gtsang ma'i gan du song ste/ 'di skad ces smras so// lha gzhon nu bskyed mos tshal gyi sar 'byung ngo // zhes gsung ngo // de nas rgyal po zas gtsang ma 'di snyam du sems te/ bdag gis gzhon nu bskyed mos kyi sar nam yang ma phyung bas sa bzang po lta bar bya ba'i phyir/ bdag gis bskyed mos tshal gyi sar phyung na/ 'on kyang gzhon nu bud med kyi tshogs kyis bskor te/ dga' ba myong bar 'gyur bas mngon par mi 'byung ngo snyam mo// de nas rgyal po zas gtsang ma byang chub sems dpa' la byams pa dang / rim gro byed pas da ste zhag bdun na/ gzhon nus bzang po lta ba'i phyir/ bskyed mos tshal gyi sar 'byung gi der khyod kyis gzhon nu'i mig tu mi 'ong ba mthong bar mi 'gyur bar yid du mi 'ong ba thams cad ni sol cig/ yid du 'ong ba dang nyams dga' ba thams cad ni sbyor cig ces grong khyer du dril bsgrags so// de nas zhag bdun gyi nyin par grong khyer thams cad bstan to// bskyed mos tshal yang mdzes par byas te// ras bcos bu kha dog tha dad pa'i bla re ni bres/ gdugs dang / rgyal mtshan dang / @ dan gyis ni legs par brgyan to// byang chub sems dpa' lam gang nas 'gro ba'i lam de yang chag chag btab ste/ phyags nas spos chu'i chag chag btab
- 159a
ste/ me tog sil ma ni chal par bkram/ pog bor nas ni 'dugs/ bum pa gang bas ni mdzes par byas// chu shing ljon pa ni bsgreng / dang tha dad pa sna tshogs kyi bla re ni bres// rin po che'i dril bu g.yer ka'i dra ba dang / brgyan 'phreng ba dang chun po'i ni dpyang dpung bzhi'i bkod pa ni byas so// g.yog 'khor dang / gzhon nu'i btsun mo'i 'khor brgyan par gyur to// de nas byang chub sems dpa' bkod pa chen pos grong khyer gyi shar phyogs kyi sgo nas bskyed mos tshal gyi sar byung ngo // de nas byang chub sems dpa' nyid kyi mthus gnas gtsang ma'i ris kyi lha'i bu rnams kyis mi rgan po gtugs pa 'khogs pa/ lus la rtsa rgyus 'thon pa/ so rgal pa/ lus gnyer mas gang ba/ skra byi ba/ gdung po ltar dgu pa/ zhom pa 'khar ba la rten pa/ mthu zad pa/ dar yol ba/ ming pa nas sgra ngar dang po 'byung ba/ lus dgu pas khar ba la brtan nas/ yan lag dang / nying lag thams cad 'dar ba zhig lam kar bstan par gyur to// de nas byang chub sems dpas shes bzhin du kha lo sgyur ba la 'di skad ces smras so// kha lo sgyur ba mi ring nyams chung zhing / sha khrag skams la rgyus lpags nye tshes dkris// mgo dkar so rgal lus ni rab skems la/
- 159b
mkhar ba brten cing mi bde 'khor 'gro su// kha lo sgyur bas smras pa/ lha gcig mi 'di rgabs zil gyis non// dbang po nyams shing sdug bsngal bzod stobs nyams// gnyen gyi skye bos brnyas shing mgon med gyur// don bgyid mi nus nags khrod shing ltar bor// byang chub sems dpas smras pa/ 'di yi chos 'di rigs kyi yin nam 'on tam ni/ 'gro ba 'di kun la'ang srid de smros shig/ tshig 'di drag ji bzhin myur du smros shig dang / thos nas de bzhin don la 'dir ni tshul bzhin bsam/ kha lo sgyur bas sbas pa/ lha 'di rigs chos ma lags yul 'khor ma lags// skye bo kun gyi dar la bab pa rga bas 'joms// khyod kyi yab dang yum dang nye gnyen tshogs// rga las mthar 'gros pa'i thabs ni gzhan ma mchis// byang chub sems dpas smras pa/ kha lo sgyur ba byis pa'i skye bo mi mkhas pa'i// blo ngan gzhon pas rgyags shing mos pas rga ma mthong // nga ni slar 'gro nga yi shing rta myur du sbyar// gang yang rgal gnas pas rtse dgas ci zhig bya// de nas byang chub sems dpa' shing rta'i mchog de slar sbyar te/ phyir grong khyer du zhugs so// dge slong dag de ltar byang chub sems dpa' dus gzhan zhig na bkod pa chen pos grong khyer gyi lho phyogs kyi sgo nas bskyed mos tshal gyi sar zhugs pa dang / des laM
- 160a
ka nas mi nad kyis nyen pa/ dmu rdzing can/ lus nyams chung ba/ rang gi gcin rkyag tu bying ba/ mgon med pa/ skyabs med pa/ shin tu sha thang ngas dbugs 'byung zhing rngub dgos pa zhig mthong ngo // mthong nas kyang byang chub sems dpas shes bzhin du kha lo sbyar ba la 'di skad ces smras so// kha lo sgyur ba mi rtsub lus kyi mdog ngan la/ dbang po thams cad nyams shing dbugs 'byung rab tu dka'/ yan lag kun skams lto bas dkrugs shing nyams thag gyur// rang gi gcin rtug smad pa'i gnas na 'dug 'di su/ kha lo sgyur bas smras pa/ lha gcig mi 'di shin du nad kyis btang pa ste// nad kyi 'jigs pas nye bar mchis par 'gum la thug/ nad med gzi brjid ma mchis stobs kyang rnam par nyams// mgon dang skabs dang gling dang dpung gnyen ma mchis lags// byang chub sems dpas smras pa/ nad med pa yang rmi lam na ni rtse dang mtshungs// nad kyi 'jigs pa 'di ltar shin du mi bzad pa// skyes bu mkhas pas gnas 'di mthong nas ji lta bur// rtse la dga' dang sdug pa'i 'du shes bskyed par gyur// dge slong dag de nas byang chub sems dpa' shing rta mchog de slar bsgyur te phyir yang grong khyer du zhugs so// dge slong
- 160b
dag de ltar byang chub sems dpa' dus gzhan zhig na bkod pa chen pos grong khyer gyi nung phyogs kyi sgo nas/ bskyed mos tshal gyi sar zhugs pa dang / des lam ka na mi shi bar gyur pa/ khyogs la bzhag pa/ ras kyi bla re phub pa/ nye du'i tshogs kyis skor te/ kun kyang ngu zhing skad phyung ste/ du la smre sngags 'don cing sgra bshigs pa mgo la sa mthor zhing brang brdung la/ cho nges 'don cing phyi bzhin 'brang bar mthong ngo // mthong nas kyang yang byang chub sems dpas shes bzhin du kha lo sgyur ba la 'di skad ces smras so// kha lo sgyur ba mi 'di khyogs la bzhag nas ni// mi dag skrag bshig mgo la sa yis 'thor byed cing // sna tshogs dag gi tshig gi brjod pa brang brdungs pas// kun nas bskor ba byas te khyer ba su zhig yin// kha lo sgyur bas smras pa/ lha gcig mi 'di 'dzam bu gling na gum pa ste/ slan chad pa ma mchis brang bu rnams mthong mi 'gyur// longs spyod khyim dang mdza' gnyen tshogs rnams spangs nas ni// 'jig rten pha rol mchis te slan chad gnyen mi mthong // byang chub sems dpas smras pa// rga bas gnod par 'gyur ba'i gzhon pa ci ra mi rung // sna tshogs nad kyis gnod 'gyur nad med cir mi rung // dga' la chags pa skyes
- 161a
rgya / bu mkhas pa cir mi rung // gal te rga med na med par gyur kyang // 'on kyang phung po lnga 'dzin sdug bsngal che/ yin na// na rga 'chi ba rtag tu 'brang ba smos ci dgos// legs par slar bzlog rab tu thar par bya ba bsam// dge slong dag de nas byang chub sems dpa'i shing rta mchog de slar bzlog te/ phyir yang grong khyer du zhugs so// dge slong dag de ltar byang chub sems dpa' dus gzhan zhig na grong khyer gyi byang phyogs kyi sgo nas bskyed mos tshal gyi sar zhugs pa dang / byang chub sems dpa'i mthus lha'i bu de dag nyid kyis lam ka der dge slong zhig mngon par sprul pa dang / byang chub sems dpas dge slong zhi ba dul ba yang dag par bsdams pa/ tshangs par spyod pa/ mig phab pa/ gnya' shing gang tsam du lta ba/ spyod lam mdzes pa/ phun sum tshogs pa/ 'gro ba dang / ldog pa mdzes pa/ phun sum tshogs pa/ mdun du lta ba dang / g.yas g.yon du lta ba mdzes pa/ bskum pa dang / brkyang ba mdzes pa/ chos gos skam sbyar ba dang / lhung bzed dang / chos gos thogs pa mdzes pa lam kar 'dug pa de mthong ngo // mthong nas kyang byang chub sems dpas shes bzhin du kha lo sgyur ba la 'di skad ces smra so//
- 161b
kha lo sbyar ba skyes bu sems ni rang gi zhing phag 'gro la gzha' shing gang tsam lta byed cing / ngur smrig gos gyon shin du rab tu zhi ba spyod// lhung bzed/ thogs mi rgod ma khengs su zhig yin/ kha lo sgyur bas sbas pa/ lha gcig mi dge slong zhes ni dgyi ba lags/ 'dod pa'i dga' ba spangs shing shin du dul bar spyod// bdag nyid zhi ba tshol zhing rab tu byung bar gyur// 'dod chags zhe sdang bral bar bsod snyoms spyod cing rgyu// byang / chub sems dpas smras pa/ 'di ni dge bar legs smras nga yang 'dod pa ste// rab tu byung ba mkhas pa rnams kyis rtag tu bsngags// de ni bdag la phan zhing sems can gzhan la'ang ban+ya// 'tsho ba bde zhing nyams 'thun 'chi med 'bras bur 'gyur// dge slong dag de nas byang chub sems dpa' shing mchog de slar bsgyur te/ phyir yang grong khyer du zhugs so// dge slong dag de ltar byang chub sems dpa' la bskul ba rnam pa 'di lta bu 'di dag rgyal bo zas gtsang mas mthong zhing thos// byang chub sems dpa' yongs su bsrung ba'i phyir// rab chen po byed du bcug s+ho/ 'obs kyang brkor bcug sgo brtan pa yang 'dzugs su bcug/ bsrungs ma yang bkod/ dpa' bo rnams kyang sbran/ bzhon pa yang sta gon byas/ go cha yang gyon du bcug go/ byang chub
- 162a
chub sems dpa' bsrung ba'i phyir grong khyer chen po'i sgo bzhi'i lam gyi bzhi mdo dang / sum mdo rnams su dpung chen po'i bkod pa bzhag ste/ byang chub sems dpa' mngon par byung ba re zhes de dag de bsrung du bcug go// btsun mo'i 'khor la yang res 'ga' tsam yang glu dbyangs kyi rgyun bcad da re/ dga' ba dang rtse ba thams cad kyang sbyor cig/ ci nas kyang gzhon nu chags nas rab tu 'byung bar mi 'gyur ba dang / mgu bar 'gyur ba bud med kyi sgra yang ston cig ces bsgo'o// de la 'di skad ces bya ste/ thab mo mos pa'i skye bu lag pa ral gri mtshon thogs sgo gar bkod// go bgos mirta glang po shing rta mi skyed glang po'i 'phreng yang bkod/ 'obs dang shing tags dag dang rta babs phyir mthon po'ang byed du bcug/ sgo mo rgyang grag pa'i sgra 'byung ba yang gtan pa dam po bcug/ shAkya'i tshogs rnams thams cad yid mi dga' zhing nyin mtshan srung bar byed/ dpung chen de dag rnams kyang sgra skad chen po shin du grag par byed// des pa 'di nas 'byung du 'ong zhes grong khyer 'khrugs shing yid dngangs sdug/ shAkya'i rigs skyes song na rigs 'di chad par mi 'gyur grang skam byed// skye bo bud med dag la sgo ba rtag tu glu dbyangs rgyun ma bcad// rtse bas dga' ba rnams kyi bsnyen bkur gyis shing yid kyang mgu bar gyis/
- 162b
bud med rgyu thabs spong ba gang yin rnam pa du ma mang po ston// nges pa 'gror mi 'gyur bar bsrung bar byos shig bgegs kyang rab tu byos// kha lo sbyar/ ba mchog de mngon par 'byung ba'i snga ltas 'di dag ste// dang khrung khrung dag dang rma bya ri skegs dag dang ne co rnams// khang bzangs skar khung rta babs mchog dang yang tog khri la 'khod nas ni/ dman zhing dman la mi dga' mi bde 'go skad sems shing sgra mi 'byin// rdzing dang rdzing chen dag na pad ma dag kyang / rnyings shing rnyings par gyur// shing ljon skams shing yan lag me tog lhags la slar mi 'chags// pi wang gling bu rgyud gsum rgyud kyis brgyan pa de tshe blo bur chad// rnga dang rdza rnga dag kyang lag pas brdungs na 'chag cing sgra mi 'byung // grong khyer de dag thams cad 'khrugs par gyur cing shin tu gnyid kyis non// gang gi yid dang gar byed pa dang glu len pa la dga' mi byed// rgyal po'ang mchog tu rab tu yid dpar gyur te/ sems khongs chud cing 'dug e ma ma rung shag rigs rdzu 'phrul rgya chen mi tshig grangs snyam byed// sa mtsho ma dang rgyal bu mal cig na ni nyal zhing 'khod pa'i tshe// nam phyed tsam nas mtsha
- 163a
ma yi rmi lam du ni 'di dag rmis// sa 'di thams cad rtse mor ldan pa'i ri dang bcas te g.yos par gyur// shing dz+nyAn rnams kyang rlung gis bskyod nas rtsa nas 'thon te sa la skyel// ci ma zla bskar ma'i rgyan dang bcas te mkha' las sa la lhung / lag pa g.yon pas skra yang rab tu 'bal cing cod paran ltung ba mthong // lag pa chad la de bzhin rkang pa'ang chad cing bdag ni blon por mthong // bdag gi bu tig do shal nor bu gser gyi 'og dpag chad bar mthong // nyal khri de yi rkang pa bzhi chag sa yi steng na nyal ba mthong // rgyal po'i gdugs kyi yu ba spras pa dpal ldan mdzes pa chag par mthong / rgyan rnams kun kyang rnam par 'thor cing chu yis khyer bar gyur pa dang / khyim thab rgyan yang gos dang cod pan bcas te lam steng 'thor ba mthong // grong khyer dag nas me sgron byir byung grong khyor mun pas non pa dang // rin po che las byas pa'i dra ba mdzes pa'ang chad par gyur pa rmis// mu tig do shal 'phyang ba lhung nas rgya tsho chen pos dkrugs pa dang // de'i tshe na sa 'di gling dang ri'i ra ba gnas nas g.yos pa rmis// shA'i bu mo'i rmi lam du ni 'di 'dra 'di dag rmis gyur nas// de sad mig nas mchi ma zag cing rang gi khyo la 'di skad sbas// lha gcig rmi lam 'di 'dra rmis btsor 'gyur ba ni bka' stsol cig
- 163b
bdag ni dran pa 'khrul cing mig kyang 'khrul la yid ni mya ngan non// de yis de thos ka la bing ka rnga sgra tshangs dbyangs sgra snyan pas// sa mtsho ma la smras ba khyod ni rab tu dga' 'gyur sdig pa med// sems can gang dag bsod nams sngon spyod de dag rmi lam 'di 'dra rmi// sdug bsngal du mas nyen pa rmi lam 'di 'dra rmib ga la yod// khyod kyis sa ni rab tu g.yos pa dang // ri rtser bcas te sa la lhung rmis pa// lha dang klu dang srin po 'byung po'i tshogs// kun gyis tshogs mchod gtso bor byed par 'gyur// khyod kyis shing rnams rtsa nas 'thon rmis shing // lag pa g.yon pas sA 'bal rmis pa ni/ sa mtsho myur du nyon mongs dra ba bcad// 'dus byas dag las lta ba'i dra ba 'byin// khyod kyis nyi zla sa la lhung rmis shing // skar ma rnams kyang ltung bar rmis pa ni/ sa mtsho myur du nyon mongs dgra bcom ste// khyod ni 'jig rten mchod pa bsngags par 'gyur// khyod kyi mu tig do shal 'ther rmis pa/ sa mtsho myur du chu bo bani rnal cing // nga ni 'jig rten gdugs gcig gyur pa mthong // khyod kyis rgyun+da rnams chus khyer rmis pa dang // nga yis gos dang cod par gyi phreng thob// sa mtsho myur du mtshan gyis brgyan nas ni// 'jig rten kun gyis ngal bstod pa mthong // khyod kyis mar me brgya thag byeb dag/
- 164a
grong khyer phyung nas mun nag rmis gyur pa// sa mtsho myur du ma rig rmongs pa'i mun// 'jig rten kun las shes rab snang byed 'gyur// khyod kyis mu tig do shal chad pa dang // gser gyi cong cong spras chad pa rmis pa// sa mtsho myur du nyon mongs dra bcad de// 'dus byas dag las 'du shes skud pa 'byin// sa mchogang phyir nga la gus par ni// rtag tu rim gro mchog gis mchod byed na// khyod la ngan 'gro med cing mya ngan med// myur du dga' zhing mchog tu dga' ba thob// ngas ni sngon chad sbyin pa gya rom byin// tshul khrims bsrungs rtag tu bzod pa bsgoms// de bas na nga la dad pa gang rnyed pa// 'khor bar bskal pa bye ba mtha' yas su// ngas ni byang chub lam mchog rnam par sbyangs// de bas nga la dad pa gang byed pa// de dag thams cad ngan song gsum po bcad// dga' ba thob kyi mi dga' ma bskyed cig/ sil mthor bar gyis la gu bskyed cig/ dga' dang mchog tu dga' ba myur thob ste// khyod kyi rmi ltas bzang gis sa mtsho nyol// sngon chad dge ba'i lam ni yang dag bsags gyur pa// mi mcho rnams ni mngon par 'byung ba'i bab che// mtshan ma 'di dag bsod nams gzi brjid bstsags pa dang // dpal gyi gzi brjid snying po can des rmi bar
- 164b
'gyur// de ni rkang pa dag dang lag pa chen po yis// rgya mtsho chen po dag gi chu dkrugs dang // sa 'di thams cad sna tshogs mal car gyur pa dang // ri bo lhun po mchog kyi sngags su gyur pa rmis// rmi lam na ni 'od rab bkye bas 'jig rten na// mun pa mun nag chen po rnam par bstsal pa dang // sa las gdugs shig byung bas 'jig rten gsum khyab dang // 'od kyis reg pas log ltung sdug bsngal rab zhi rmi// dkar nag srog chags bzhi zhig rkang ba ldag pa dang // kha dog bzhi pa'i bya 'ongs kha dog gcig gyur dang // mchog tu ngan pa sman pa ngan skyugs ri la yang // 'dzegs nas 'gro yang des ni gos pa med pa rmi/ rmi lam na ni chu bo'i chu yis rab gang nas// srog chags bye ba khrag khrig mang po khyer ba la// de ni grur byas bsgral te gzhan dag bsgral nas ni// de yis 'jigs med mya ngan med mchog thar bkod rmi// rmi lam na ni nad pa mang po nad btang ba// nad med gzi brjid bral zhing stobs kyang nyams rnams la// da ni sman par gyur nas rtse sran mang byin pas// nad btab sems can khrag khrig mang po thar byed rma/ ri rab ngos la seng ge'i khri la 'dug nas ni// slob ma thal mo sbyar cing lha rnams phyag 'tshal lo// bdag ni g.yul las rgyal zhing lha rnams na mkha'
- 165a
las/ kun du dga' ba'i sgra sgrogs par ni rmi lam rmi// bkra shis brtul zhugs bzang po yongasu rdzogs pa yang // byang chub sems dpa' rmi lam rnam pa de dag rmi// de thos nas ni 'di ni ring por mi thogs par mi yi lha yi lhar 'gyur snyam ste lha mi dga'// rmi lam gyi le'u ste bcu bzhi pa'o// / dge slong dag de ltar byang chub sems dpa' 'di snyam du sems te// da bdag gis rgyal po chen po zas gtsang ma la yang byas shing pas gnang ba med par mngon par 'byung ba 'di ni bdag la mi rigs te/ byas pa gzo ba ma yin par 'gyur ro snyam nas/ de mtshan mo mi nyal tsam na/ rang gi gnas kyi khang bzangs nas byung ste/ rgyal po zas gtsang ma'i khang bzangs su phyin nas 'dug go// byang chub sems dpa' 'dug ma thag tu khang bzang thams cad 'od gsal bar gyur to// de nas rgyal po sad pa dang / 'od de mthong ste mthong nas kyang myur ba myur bar nyung bur la smras pa/ kye nyung rus ci nyi ma shar tam/ gang gis ni 'di 'ong kyis rnam par mdzes// nyung rum gyis spras pa/ lha da dung du dgung phyed kyang ma blas so// lha gzhan yang nyi ma'i 'od ni shing dang rtsig pa thal mi byin/
- 165b
lus la gdung bar bgyid cing tsha rab tu bgyid// nang par dus na ngang pa dag dang rma bya dang / ne tso khu byug ngur ba dag kyang rang sba 'byin// 'od nyid lha mi'i yid du mchi zhing bde ba ste/ rab tu bsil gyid dge gying gdung bar bgyid ma lags// shing dang rtsig pa thal phyung sgrib pa yong ma mchis// yon tan ldan pa gcig cig deng ni 'dir byon nges// rgyal po de ni yi dga' phyogs bcur ltas pa dang // sems can dag pa'i pad ma'i mig can de mthong nas/ de ni mal nas ldang bar 'dod na ma nus te// rnam dag blo can dam pa pa la gus pa bskyed// de ni rgyal po'i mdun du 'dug nas 'di skad smras// lha gcig bdag ni mngon par 'byung ba'i dus bab rigs// bgegs kyang ma mdzad mi dges pa yang ma mdzad cig/ rgyal po gnyen bcas yul 'khor bcas te bzod pa mdzod// rgyal po de ni mchi mas mig gang tshig 'di smras khyod ni phyir ldog pa yi dgos pa ci zhig yod// bdag la dam pa ci spong smros shig thams cad sbyin// bdag dang po zang 'khor dang bral 'bar 'di pa thogs// ngan byang chub sems dpas rgan pa'i tshig sas pa// lhag cig das pa bzhi 'tsham don bdag sa tshul gal te stsal bar spyod na lda ni khyod la mchis// 'on kyang rtag tu khyim na gzigs shing 'byung mi 'gyur// lha gcig bdag ni rgabs tshugs par
- 166a
mi 'gyur zhing // rtag tu mdog bzang dar la bab par gnas pa dang // nad ma mchis pa thob cing nad kyis ma btab dang // tshe dpag ma mchis pa dang rgud par mi 'gyur mtshal// rgyal pos tshig thos shin du sdug bsngal nyams thag ste/ gzhon nu gnas min slong ba bdag la mthu med do// bskal par gnas pa'i drang srong rnams kyang nam du yang // rga na 'chi ba'i 'jigs dang rgud par mi 'gyur ba// lha gcig gal te mchog bzhi 'di dag mi stsal na// gzhan yang mchog gcig gsol gyis rgyal po gsan du gsol/ 'di nas 'chi 'phos nying mtshams sbyor bar mi 'gyur mdzod// mi yi dam pa'i tshig spras de skad thos pa dang // sred pa bsrabs te bu la chags pa yongs su gcod par byed// 'gro ba thar byed rjes su yid rang ngo // khyod kyi bsam pa rnams ni yongs su rdzogs gyur cig/ dge slong dag de nas byang chub sems dpa' slar song ste/ rang gi khyim du phyin nas mal na 'dug pa dang /
- 166b
de song ba 'am/ 'ongs par sus kyang mtshor ro// dge slong dag de'i nam langs pa dang / rgyal po zas gtsang mas shAkya'i tshogs thams cad bstsogs// de'i lo rgyus rnams smos nas gzhon nu ni mngon par 'byung na/ da ji ltar bya zhes smras so// shAkya'i rnams kyis smras pa/ lnga bsrung bar bgyi'o// de ci'i slad du zhe na/ tshogs 'di ni mang la 'di ni gcig pur gyur pas mthus mngon par 'byung ba'i nus pa de la ma mchis so// de nas shakya de dag dang / rgyal po zas gtsang mas gca gzhon nu 'thab chos spangs pa'i 'os su gyur pa/ 'phongs bsrabs pa tshan po che chen po'i stobs dang ldan pa lnga brgya byang chub sems dpa' bsrung ba'i phyir grong khyer gyi sgor bkod de/ byang chub sems dpa' bsrung ba'i phyir shAkya gzhon nu re re la yang 'khor shing rta lnga brgya lnga brgya dang / shing rta re re la yang 'khor dpung bu chung lnga brgya lnga brgya bkod do// byang chub sems dpa' bsrung ba'i phyir de bzhin du grong khyer gyi lho dang / nub dang / byang gi sgor yang shAkya gzhon nu
- 167a
'thab chos sbyangs pa'i 'os su gyur pa/ 'phongs bsrangs pa chen po che chen po'i stobs dang ldan ba lnga brgya dang / shAkya gzhon nu re re la yang shing rta lnga brgya lnga brgya dang / shing rta re re la yang 'khor dpung bu chung lnga brgya lnga brgya bkod do// byang chub sems dpa' bsrung ba'i phyir// shAkya nan rabs rnams kyang lam gyi ba'i mdo dang / sum mdo dang / lam po che thams cad na 'khod do// rgyal po zas gtsang ma yang shAkya gzhon nu lnga brgyas bskor cing mdun gyis lta ba ste/ rta dang glang po che dag la zhon nas rang gi khyim sgo namel tse byed do// skye dgu'i bdag mo chen mo go'u ta pi'i kyang rang gi bran mo'i tshogs la sbas pa// mar me dri ma med pa bus la nor bu thams cad rgyal mtshan gyi rtse mor thogs// me tog rgyan phreng rnams kyang dpyangs la khyim 'di kun du 'od kyis snang bar byos// klu dbyangs dag kyang sbrang la do mod g.yel ba med par mel ci dam du gyis// gzhon nu ci nas ma tshor bar ni 'gro bar mi 'gyur tshul du bsrung bar bgyis// go bgos lag na lag cha ral gri dang // mdur thung mda' dang mtshon rnga rtse gnyis thogs// sdug pa'i bu ni bsrung bar bya ba'i phyir// kun kyang rab tu bsgoms
- 167b
bachen po gyis// sgro kun chod la gtan pa dang du chud // sgo 'phar sra ba rked par gzer chug la// dus la ma bab par ni sgom 'byed/ sems can dam pa 'di ni shor ta re/ nor bu'i do shal thogs// me tog zla gam seng ge shing lo ris// ske rags sor gdub rna rgyan chings shing thogs// rkang gdub dag kyang shin du legs par thogs// lha mi phan pa glang po'i 'gro sa bzhin 'gro// gal te blo bur mngon par byung nga re// ci nas mi de rnyed par ma gyur par// de lta de ltar nan tan cher gyis shig/ bud med gang dag mdung thung thogs pa dag dri ma med pa mal na 'dug pa skor// ci nas gnyid kyis log par ma gyur par// bye ma leb bzhin mig gis bsrung bar gyis// rgyal bu 'di ni bsrung bar bya ba'i phyir// khyim 'dir rin po che yang dra ba res// gling bu dag kyang rab tu 'bud cing long // do mod rdul dang bral ba bsrung ba gyis// phan tshun cig la gcig ni sgron bgyis te// do mod ma nyal shin tu bsrung ba gyis// rgyal srid dang ni yul 'khor spangs nas su// khyim nas mngon du 'byung bar gyur ta re// 'di ni mngon par 'byung bar gyur na go/ rgyal po'i pho brang
- 168a
'di kun nyams mi dga'/ rgyal po'i rigs rgyud yun ring gnas pa yang / rgyal po'i rigs kyi rgyud ni chad par 'gyur/ dge slong dag de/ nas gnod sbyin gyi sde dpon lngas rtsen la sogs pa gnod sprin gyi sde dpon chen po nyi shu rtsa brgyad dang / 'phrog ma'i bu lnga brgya rnams gcig tu 'dus nas 'di skad ces smras te/ grogs po dag ngo mod byang chub sems dpa' mngon par 'byung gi khyed cag de la mchod pa byed pa'i las la spro bar gyis shig/ rgyal po chen po bzhi yang lcang lo can gyi pho brang du zhugs nas/ gnod sbyin gyi 'khor chen po la smras pa/ grogs po dag do mod byang chub sems dpa' mngon par 'byung gis khyed kyis bcibs pa'i rta lag nas theg la 'byung bar gyis shig/ gnod sprin gyi 'khor gyis smras pa/ sku ni sred med bu yi stobs ldan rdo rje lta bur mi phyed sra la lci/ sems can kun gyi dam pa de ni brtson 'grus stobs ldan g.yo ba mi mnga' ste/ ri yi dam pa lhun po chen po rmang nas phyung ste na mkha' bzung nus kyi// rgyal ba'i yon tan lhun po'i ri lci bsod nams sus kyi gang du bskur ma nus// rnam thos kyi bus smras pa/ mi gang nga rgyal 'gying ba de la ston pa ste/ gang dag bka' gus gnas pa de dag yang bar tshor/ bsam pa thag pas brtson par byos la gus pa yis/ bya yis sha khams bzhin du yang bar shes par gyis/ kho bos 'dun nas 'gro ba yis// khyed cag rnams kyis bachi/
- 168b
pa theg/ byang chub sems dpa' mngon par 'byung tshe bsod nams mang po sogs/ dge slong dag de nas lha'i dbang po brgya byin gyis sum bcu rtsa gsum gyi lha rnams la smras/ pa/ kye ma grogs po dag do mod byang chub sems dpa' mngon par 'byung gi/ de la khyed thams cad mchod pa'i las la spro bar gyis shig/ de nas lha'i bu zhi ba'i blo gros shes bya ba des 'di skad ces smras so// bdag gis ni ser skya'i gnas kyi grong khyer chen po'i skyes pa dang / bud med dang khye'u dang / bu mo thams cad gnyid kyis log par bgyi'o// lha'i bu rtseg bkod pa zhes bya ba des 'di skad ces smras so// bdag gis ni rta dang / glang po che dang / bong bu dang / rnga mo dang / b.lang dang / ma he dang / skyes pa dang / bud med dang / khye'u dang / bu mo rnams kyi sgra mi grag par bgyi'o// lha'i bu bkod pa'i blo gros shes bya ba des 'di skad ces smras so// bdag gis ni na mkha'i dkyil na shing rta chen po bdun rin po che'i stegs bus 'khor bar skor ba/ nor bu rin po che me shel gyi 'od 'bar ba/ gdugs dang / rgyal mtshan dang / ba dan bsgreng ba/ me tog sna tshogs chal par bkram pa/ pog por nas bdug spos sna tshogs kyis 'dug pa dag byang chub sems dpa' lam gang nas 'byung ba'i lam der bkod par bgyi'o// klu'i rgyal po sa srung gi bu zhes bya bas 'di skad ces smras so// bdag gis ni bdag nyid kyi gnas la khang pa brtsegs pa dpag tshad sum bcu rtsa gnyis pa
- 169a
rgya cher#bgyis te/ der lha'i bu mo dag bkod pa sil snyan dang / glu dbyangs len du sprul cing / glu dang rol mo'i dbyangs sgra chen pos byang chub sems dpa' la rim gro dang / bsnyen bkur bgyid cing mchi bar bgyi'o// lha'i dbang po brgya byin nyid kyis 'di skad ces smras so// kho bos ni sgo dbye'o// lha'i bu chos kyis 'di skad ces smras so// bdag gis ni btsun me'i 'khor rnams mi sdug par rgyan par bgyi'o// lha'i bu yang dag skul pos smras pa/ bdag gis ni byang chub sem dpa' gzims mal nas bzhengs par gsol bar bgyi'o// de nas klu'i rgyal po chu lha dang / klu'i rgyal po rgya mtsho dang / klu'i rgyal po ma dros pa dang / klu'i rgyal po dga' bo dang / nye dga' bos 'di skad ces smra so// bdag cag gis ni byang chub sems dpa' la mchod pa'i las kyi phyir dus kyi rjesu 'brang ba'i tsan dan gyi sprin mngon par sbrul tsan dan sbrul gyi snying po'i phye ma'i char dbab po// dge slong dag de ltar lha dang / klu dang / gnod sbyin dang / dri za rnams kyis rnam pa 'di lta bu'i bsams ba nges par bsams te bstsag so// byang chub sems dpa' chos sems pa la zhugs pa/ glu dbyangs len pa'i khang bzangs na mal bde ba la 'dug pa/ btsun mo'i 'khor gyi nang na 'dug pa na sngon gyi sangs rgyas kyi spyod pa rnam par sems shing / sems can la phan par byed pa rjes su sems la/ sngon gyi smon lam gyi tshogs pani
- 169b
mngon du byed do// gzhi gang zhe na/ sngon nga rang 'byung gi bdag po 'dod cing thams cad mkhyen pa nyid du gnyer ba na/ go ca 'di ltar bu bgos par gyur te/ sems can sdug bsngal ba dag mthong nas kye ma bdag gis 'jig rten gnas pa bcings te/ 'khor ba'i btson ra chen por bcug pa la/ 'khor ba'i btson ra dral te/ bcings ba grol ba'i sgra sgrogs go/ sred pa'i zhags pa dang / sgrog dang pos bcings pa'i sems can rnams kyang rab tu dgrol lo zhes bya ba smon lam gyi tshig dang po mngon du gyur to// kye ma'o bdag gis 'jig rten ma rig pa'i mun nag thibs po chen por zhugs pa mi shes pa'i ling tog dang / rab rib kyis mig sgribs pa/ shes rab kyi mig dang bral ba/ ma rig pa dang / gti mug gis ldongs pa rnams la chos kyi snang ba chen po bya zhing / ye shes kyi sgron ma yang nye bar sgrubs la/ rnam par thar pa'i sgo gsum shes pa'i lam sman ri lu dang / sman thabs dang / shes rab dang / ye shes dang ldan pa btang ste/ ma rig pa'i mun pa mun nag dag dang / gti mug gi mun pa dang / rab rib dang / ling tog dang / rnyog pa thams cad bsal nas shes rab kyi mig rnam par spang ngo // zhes bya ba sngon gyi tshig gnyis pa 'di mngon du gyur to// kye ma bdag gis 'jig rten nga rgyal gyi rgyal mtshan bsgreng ba/ ngar 'dzin pa dang / nga yir 'dzin pa la mngon par zhen pa/ bdag dang bdag gir 'dzin pa dang ldan pa'i yid can/ 'du shes
- 170a
dang / sems dang / lta ba phyin ci log gis phyin ci log tu gyur pa/ bzung ba ngan pas zin pa la 'phags pa'i lam bstan te/ nga'o snyam pa'i nga rgyal bskal bar bya'o zhes bya ba sngon gyi smon lam gyi tshig gsum pa 'di mngon du gyur to// kye ma'o bdag gis 'jig rten rnam par ma zhi ba/ thags 'khrugs pa lta bur gyur pa/ gru gu 'dzings pa lta bur gyur pa/ 'ongs pa dang / 'gro bar gyur pa/ 'jig rten 'di nas 'jig rten pha rol dang / 'jig rten pha rol nas 'jig rten 'dir kun du rgyug cing 'khor la/ 'khor ba nas phyir mi ldog pa/ 'gal me'i 'khor lo lta bur gyur pa la/ nye bar zhi bar byed pa'i shes ra kyis chog par byed pa'i cho kyang bstan to zhes/ sngon gyi smon lam gyi tshig bzhi po de dag mngon du gyur to// skad cig de la lha'i bu chos spyod dang / gnas gtsang ma'i ris kyi lha'i bu rnams kyis btsun me'i 'khor mi sdug par bsgyur te/ mi sdug par gnas pa dang / smad pa'i gzugs su bstan nas na mkha' la 'khod de/ byang chub sems dpa' la tshig su bcad de smras pa/ de nas lha bu rdzu 'phrul che rnams kyis// pad+ma rgyas pa yangs pa'i spyan la smras// dur khrod dbus 'dir bzhugs par gyur lags na// khyod ni ji ltar dges pa skyes par 'gyur// lha yi dbang phyug rnams kyis de bskul nas// yud tsam btsun mo'i 'khor la lta zhing rtog/ ltas nas smad par gyur pa de dag mthong /
- 170b
dung ba gnas par gyur ba badren papa byed// byang chub sems dpa' thams cad dang ldan pa'i dud med kyi tshogs larnam par sas pa dang / 'dzin ni sasung bar sgru kho cig ni rtswa zhig/ kha cig ni D+yan thul/ kha cig ni cod pan srung / kha cig ni zag pa mi sdug par gyur/ kha cig ni las rnam par 'khrugs/ 'acig ni gzhin mi drug par gnas/ kha cig ni mig 'gyur/ kha cig ni kha chu zag/ kha cig ni sngur/ kha cig ni lud ba lu/ kha cig ni rgod/ kha cig ni rdol/ kha cig ni gzhin mdog 'gyur/ kha cig ni gzugs mi sdug par gyur te/ lag pa ring por gyur/ kha cig ni rkang pa phral/ kha cig ni mgo phyung / kha cig ni mgo g.yogs/ kha cig ni bzhin gyi dbyib 'gyur/ kha cig ni lus ma rung bar gyur/ kha cig ni lus sgren mor gyur/ kha cig ni lus skums shing sdug/ kha cig ni rdza rnga la mkhyud nas lus gan kyal du 'gyel/ kha cig ni pi wang dang rgyud gsum pa'i steng du lag pa brgyang / kha cig ni gling bu la sos 'debs/ kha cig ni rol me'i cha byad kim pa la dang / na ku la dang / mkhar ba'i sil khrol dang pheg la 'dzin/ kha cig ni mig mi 'dzums shing byed la 'gyur/ kha cig ni kha dgangs par gyur te/ de ltar sa la mi sdug par gnas par gyur pa'i btsun mo'i 'khor la lta zhing byang chub sems dpa' dur khrod kyi 'du shes skyed do// de la 'di skad ces bya ste/ 'jig rten mgon pos de mthong yid 'byung ste// snying rjes shugs chung bas ni 'di skad smras
- 171a
@#kye ma skye dgu dag ni sdug bsngal gyur// srin mo'i tshogs la dga' ba ji ltar rnyed/ 'dod pa'i yon tan yod min yon tan 'dzin// gti mug mun pas rab bsgribs blo gros ngan/ dper na bya ni bya rgyar chud pa bzhin// nam yang 'byung ba brnyed par 'gyur ma yin// de nas byang chub sems dpa' chos snang ba'i sgo 'dis yang btsun mo'i 'khor la rtog cing / snying rje chen po'i sme bas sems can gyi phyir smra te/ bsad pa'i gnas su gsang bar bya ba gsod pa dang mtshungs so// 'di na byis pa de dag ni chags ba ste/ ngan skyugs kyis gang ba'i snod ri mo can rnams la/ mi mkhas pa chags pa dang mtshungs so// 'di na byis pa de dag ni 'bying ba ste/ glang po che chur 'bying ba dang mtshungaso// 'di na byis pa de dag ni gtses pa ste/ btson ra'i brtson ces pa dang mtshungs so// 'di na byis pa de dag ni mngon par dga' ba ste/ phag mi gtsang ba la dga' ba dang mtshungs so// / 'di na byis pa de dag ni chags pa ste/ khyi keng rus la chags pa dang mtshungs so// 'di na byis pa de dag ni rab tu lhung ba ste/ phye ma leb mar me'i me lcer lhung ba dang mtshungaso// 'di na byis pa de dag ni thogs pa ste/ spre'u rnyong la thogs pa dang mtshungs so// 'di na byis pa de dag ni yongasu gdung ba ste/ nya rgyas zin pa dang mtshungs so// 'di byis pa de dag ni yongs gtags pa ste/ sha 'tshong gi gnas kyi lug dang mtshungs so// 'di na byis pa de dag ni btsugs pa ste/ nyes pa byed pa gsal shing gi rtse
- 171b
mo la btsugs pa dang mtshungs so// 'di na byis pa de dag ni 'gying zhing thogs pa ste/ glang po chergan po 'dam du song ba dang mtshungs so// 'di na byis pa de dag ni 'ong ba ste/ rgya mtsho chen por gru'i snam bu zhig pa dang mtshungs so// 'di na byis pa de dag ni rab tu lhung ba dang mtshungs so// 'di na byis pa de dag ni yongasu zad par 'gyur ba ste/ sa'i gting gi mtshams su song ba'i chu dang mtshungs so// 'di na byis pa de dag ni du ba 'thul ba ste/ bskal pa zad pa'i sa chen po dang mtshungs so// 'di na byis pa de dag ni 'khor ba ste/ rdza mkhan gyi 'khor le'i shugs dang mtshungs so// 'di na byis pa de dag ni brog tshol ba ste/ dmus long ri la phyin pa dang mtshungs so// 'di na byis pa de dag ni btags shing 'khor ba ste/ khyi stong gis btags pa dang mtshungs so// 'di na byis pa de dag ni rnyings pa ste/ dpyid kyi rtsa dang nags tshal dang mtshungs so// 'di na byis pa de dag ni yongasu nyams pa ste/ mar gyi ngo'i zla ba dang mtshungs so// 'di na byis pa rnams la za ba ste/ klu la nam mkha' lding dang mtshungs so// 'di dag ni byis pa rnams la 'chal ba ste/ gru bo che la chu srin chen po dang mtshungs so// 'di dag ni byis pa rnams la 'joms pa ste/ 'gron po la chom po mang po dang mtshungs so// 'di dag ni byis pa rnams la 'jig pa ste// shing sa la'i nags la rlung dmar chen po dang mtshungs so// 'di dag ni byis pa rnams
- 172a
rgya cher#la gsod pa ste/ skye bo la sbrul mi gdug pa dang mtshungs so// byis pa rnams ni ro myang ba'i 'du shes kyis chod pa ste/ ral gri'i sri sbrang rtsis skus pas chod pa bzhin no// 'di dag ni byis pa rnams khyer ba ste/ shing gi phung po chu bo'i chus khyer ba dang mtshungs so// 'di dag ni byis pa rnams la rtse ba ste/ byas pa chung ngu rang gi gcin bcug la rtse ba dang mtshungs so// 'di dag ni byis pa rnams la dbang sgyur ba ste/ glang po che la lcags kyu dang mtshungs so// 'di dag ni byis pa rnams la bslu ba ste/ g.yon can gyi byis pa'i rang bzhin can dag brid pa bzhin ni/ 'di dag ni byis pa de dag gi dge ba'i rtsa ba zad par byed pa ste/ brgyan po la dga' ba'i nor dang mtshungs so// 'di dag ni byis pa rnams 'chos pa ste/ srin mo rnams kyis tshong pa dang mtshungs so// byang chub sems dpa' rnam pa sum bcu rtsa gnyis po 'di dag gis btsun me'i 'khor la yongs su brtag pa byas nas/ lus la mi gtsang ba'i 'du shes rnam par sgom/ mi mthun pa'i 'du shes nye bar bsgrub/ smad pa'i 'du shes skyed/ rang gi lus la yang de dang 'dra bar rnam par bsgom/ lus kyi nyes dmigs yang dag par sgom/ lus la lus su mngon par zhen pa las skyod/ sdug pa'i 'du shes rnam par 'jig/ mi sdug pa'i 'du shes 'jug par byed/ 'og gi rkang pa'i mthil nas/ steng gi glad ba ma
- 172b
chan mi gtsang ba las byung ba dang / mi gtsang ba las gyur pa dang / rtag tu mi gtsang ba zad par mthong ngo // de'i tshe tshigs su bcad pa 'di dag kyang smras so// las kyi zhing las skyes shing sred pa'i chu las byung ba 'jig tshegs ming du btags/ mchi ma rdul dang mchil mas rlan pa gcin gyis sgyur cing khrag gi thigs pas gang / zhag dang rnag dang lgang pa dang ni klad rgyas dag dang sdig pa rnams kyis gang / rtag tu ngan skyugs zag cing kun kyang dri ma rnam pa sna tshogs tha dad pa/ lpags dang so dang skra dang spu yis bsgyur cing lpags pas g.yogs la spu dang ldan/ rgyu ma mchin pa mche ra pa chu ser kha chu 'di dag stsags pa nyams chung ba/ rkang chu rgyus dag gis sbrel te 'khrul 'khor 'dra zhing sha yis mdzes par byas/ sna tshogs nad kyis gang zhing mya ngan khyab la bkres dang skom pas kun tu nyen// sgrib po dag lus ni bu ga mang zhing 'chi dang rga ba'i gnas gyur pa/ mthong nas mkhas pa su zhig rang gi lus la dgra dang mtshungs par sems mi 'gyur// / de ltar byang chub sems dpa' lus la lus su song ba'i dran pas gnas par gyur te/ na mkha'i dkyil na 'khod pa'i lha'i bu rnams kyis/ lha'i bu chos spyod la 'di skad ces smras so// grogs po// don grub btsun mo'i 'khor la rnam par lta zhing 'dzum yang ston/ sems ni
- 173a
rgya cher/ mi dga' mig ni phyi shol byed dam ci/ yang na 'di ni rgya mtsho'i zabs dang mtshungs te 'di tshad bzung bar mi nus so// yang na chags pa med pa 'di yul med pa 'di yul rnams la yid ni chags par mi 'gyur grang / lha rnams kyis bskul ba'i yi dam brjed par ma gyur grang lha'i bu chos spyod kyis smras pa/ de skad smra ci dgos// 'di sngon byang chub kyi phyir spyod pa na yang mngon par 'byung ba dang / gtong ba la rnam pa de lta bur chags pa med par gyur pa/ khyed la mngon sum du gyur pa yin na// nga srid pa tha ma la gnas pa chags par mi 'gyur pa lta smos kyang ni dgos/ dge slong dag/ de nas byang chub sems dpa' nges par byas pa/ yid 'byung bar gyur pa/ blo brtul par byas pa/ tshul du shis shing rings thabs med par dkyil mo dkrung bshig ste/ glu dbyangs len pa'i khang bzangs ni/ shar phyogs su lta zhing 'dug nas/ lag pa g.yas pas rin po che'i dra ba smad de khang bzangs kyi steng du song nas/ sor mo bcu thal mo sbyar te/ sangs rgyas thams cad bsams nas/ sangs rgyas thams cad la phyag 'tshal te/ na mkha'i dkyil du ltas pa dang / des mthong ba na/ na mkha'i dkyil na lha'i dbang po mig dang ldan pa/ lha stong gis bskor cing me tog dang / spos dang / phreng ba
- 173b
dang byug pa dang / phye ma dang / gos dang / gdugs dang / rgyal mtshan dang / ba dan dang / me tog sna rgyan dang / rin po che'i do shal gyi chun po thogs te lus btung nas/ byang chub sems dpa' la phyag 'tshal zhing 'dug pa mthong ngo // 'jig rten skyong ba bzhi yang / gnod sbyin dang / srin po dang / dri za dang / klu'i tshogs kyis bskor cing / go cha sra ba bgos/ ya lad bgos te/ ral gri dang / mda' gzhu dang / mdung thung dang / mtshon rtse gnyis pa dang / rtse gsum pa lag na thogs shing / tshul du shis par nor bu'i cod pan dang / gtsug pud 'phyang bar byang chub sems dpa' la phyag 'tshal zhing 'dug pa mthong ngo // lha'i bu nyi ma dang / zla ba gnyis kyang g.yas g.yon na 'dug pa mthong ngo // skar ma'i bdag po rgyal yang nam phyed na shar ba mthong ngo // mthong nas kyang byang chub sems dpas 'dun pa la smras pa/ nga yis bkra shis 'di ni don kun grub// do mod gdon mi za bar don grub kyi// 'dun pa phyi shol ma byed la gor du// rta rgyal rgyan gyis brgyan pa nga la byin// de nas 'dun pas tshig de thos nas// yid me dga' zhing 'di skad smras pa smin ma ring zhing pad ma'i 'dab ma rgyas 'dri'i spyan mnga' mi'i seng ge ston ka'i zla ba nya ba lta bu dang / me tog ku bu nga dang ni dga' ba'i rdzing bu gsar par 'dzam pa'i pad ma rgyas 'dra'i zhal// sbyangs pa'i gser dang nyi ma shar ma thag dang zla ba dri med gzi dang mar
- 174a
blugs me'i 'od 'phro nor bu glog 'od 'bar ba'i gzi brjid can// glang po rgyags pa 'gying ba'i glang po'i stabs can ba lang khyu mchog ri dwags rgyal dang dang ba'i stabs can stobs mdzes shin tu zhabs legs gang du bzhud// byang chub sems dpas smras pa/ 'dun pa/ gang gi don du nga yis sngon chad lag pa rkang pa mig dang de bzhin mgo dang lus btang zhing / chung ma dang ni phangs pa'i rgyal srid nor gser gos dang rin chen gang ba'i shing rta glang po rlung 'gyogs shugs ldan rta po rtsal mchog ldan pa btang / bskal pa bye ba khrag khrig mang nas tshul khrims mang bsrungs bzod pa yongs bsgoms brtson 'grus stobs dang bsam gtan shes rab dang // de lta mod kyi byang chub zhi pa shin du thob nas rga shi'i rgya mor chud pa'i sems can nga yis yongasu bsgrol ba'i dus la bab// 'dun pas smras pa/ jo bo khyo ltam ma thag tu lta ba'i phyir// bram ze ltas mkhan rnams la bstan na/ de dag gis rgyal po zas gtsang ma'i sprin sngar/ lha khyod kyi rgyal po'i pho brang 'phel bar 'gyur ro zhes lung bstan ces bdag gis thos so// smras pa/ ji lta bur 'gyur/ smras pa/ gzhon nu 'di ni bsod nams rgyal mtshan ldan/ khyod kyi bu btsas pa bsod nams gzi brjid can/ de ni gling bzhi'i dbang phyug 'khor los bsgyur/ nor bdun dang ni rab tu ldan par 'gyur// gal te 'jig rten sdug bsngal ltas nas ni/
- 174b
btsun mo'i 'khor spangs mngon par 'byung gyur na// byang chub rga shi med pa'i gnas thob ste// chos kyi chu yis skye dgu 'di tshim byed// je co lung bstan pa 'di ni mchis te/ 'di na ma mchis pa ni ma lags mod kyi// 'on gyis kyang phan par 'tshal ba bdag gi tshig gsan par gsol// smras pa/ ci zhig gsol/ smras pa/ lha gcig gang gi don du 'di na kha cig dka' thub dang / brtul zhugs rnam pa du ma brtsom ste/ ri dgas kyi lpags pa dang / ral pa'i thor tshugs dang / rtsa dang / shing shun gyon pa dang / sen mo dang / skra dang / ag tsom ring por 'jog pa dang / lus la gdung ba dang / yongs su gdung ba rnams pa du ma spro bar bgyid de/ bdag ji ltar lha dang mi'i phun sum tshogs pa thob par 'gyur zhes/ brtul zhugs dang / dka' thub drag po rtsom mo// jo co phun sum tshogs pa de ni khyod kyis brnyes lags te/ rgyal srid 'byor cing rgyas la bde zhing lo legs te/ nyams dga' zhing mi dang skye bo mang pos gang ba'id dang / bskyed mos tshal dam pa mchog me tog dang 'bras bu rnam pa sna tshogs kyis brgyan pa/ bya'i tshogs sna tshogs sgra skad yid du 'ong ba 'byin pa 'di dag dang / rdzing bu me tog ud pa la dang / pad ma dang / ku ma ta dang / pad+ma dkar bos mdzes par gyur pa/ ngang pa dang / rma bya dang / khu byug dang / ngur pa dang / khrung khrung dang / ngang pa sgra skad 'byin pa/ shing a mra dang / mya ngan tshang dang / tsam
- 175a
ba ka dang / kur ba ka dang / ke sa ra la sogs pa shing me tog chags pa sna tshogs kyis 'gram 'khor ba/ rin po che'i shing sna tshogs kyi phreng ba dag gis legs par brgyan pa/ mig mangs ris su bkod pa/ rin po che sna tshogs kyi stegs bus bskor ba/ rin po che'i dra ba bres pa/ dus ji lta ba bzhin du yongs su spyad pa/ dgun dang / dbyar dang / ston dang / dpyid gnas par bde rnams dang / khang bzang chen po chos dang / chos bzang dang / bde ba dang / mya ngan bral la sogs pa rnam par rgyal ba'i khang pa lta bu ston ka'i sprin 'dra ba/ grangs ti se lta bu/ stegs bu dang / sgo khang dang / rta babs dang / skar khung dang / bsil khang dang / khang pa brtsegs pa dang / khyams kyis legs par brgyan pa/ rin po che'i dril bu g.yer ka'i dra ba sgra 'byung ba 'di dag dang / btsun mo'i 'khor gyi rol me'i cha byad rgyud gcig pa dang / pi wang dang / kha gling dang / gling bu dang / 'khar ba'i sil 'khrol dang / pheg dang / kim pa la dang / na ku la dang / sgra snyan dang / rdza rnga dang / ba Ta ha dang / glu dang / gar dang / rol me'i dbyangs sgra dang / glu dbyangs sbyar ba legs par slabs pa/ dgod dang 'jo ba dang / rtse ba dang / dga' ba dang / tshul du shis pa dang / sprod pa mdzes pa 'di dang ldan la/ lha khyod kyang dar ni ma yol te gzhon pa/ thor bu dar la bab pa/ lus 'jam pa lang tsho la bab pa/ dbu
- 175b
skra gnag pa/ 'dod pa la rol pa lags kyi/ sum bcu rtsa gsum pa'i bdag po mig stong dang ldan pa/ lha'i bdag po lta bur re shig dgyes par rol la/ slad kyis skyes nas mngon par 'byung bar mdzod cig/ de'i tshe tshigs su bcad pa yang smras so// sum bcu rtsa gsum 'jig rten lha dbang ltar/ dgyes pa'i cho ga mkhyen par dgyes par rol// slad kyis bsgres par gyur nas brtul zhugs dang // dka' thub dag ni yang dag brtsams par mdzod// byang chub sems dpas smras pa/ 'dun pa mi dgos te/ 'dod pa 'di dag ni mi rtag pa/ mi brtan pa/ ther zug ma yin pa/ 'gyur ba'i chos can/ myur du 'gro ba na/ g.yo ba/ rig zar po'i chu'i shugs dang 'dra ba/ zil pa'i thigs pa ltar ring du mi gnas pa/ lag pa bcangs pa stong pas byis pa brid pa ltar snying po med pa/ chu shing gi snying po ltar mthu med pa/ snod so ma btang ba ltar mthar 'jig pa/ ston ka'i sprin ltar skad cig byung nas mi rtag par gyur pa/ na mkha'i glog ltar ring du mi gnas pa/ dug dang bcas pa'i snod ltar 'gyur ba'i sdug bsngal can/ 'khri shing ma lu ta ltar mi bde ba 'byin pa dang / byis pa'i blo can rnams kyis 'dod par bya ba/ chu'i chu bur lta bur myur du 'gyur ba'i chos can/ smig sgra ltar 'du shes phyin ci log las byung ba/ sgyu ma ltar sems phyin ci log gi rnam par sgrubs pa/ rmi lam ltar lta ba
- 176a
/ byin ci log gis yongs su zin pa/ rgya mcho gang bltar ngoms mi shes par byed pa/ cha chu ltar snyoms par byed pa/ sbrul gyi mgo ltar reg/ bar bu dka' ba/ g.yangs chen po ltar mkhas pa rnams kyis yongasu spangs pa/ shes rab can rnams kyis 'jigs pa dang bcas pa dang / cod pa dang bcas pa dang / ces ba dang bcas pa dang / skyon dang bcas par shes nas rnam par spangs pa rnams kyis smad pa/ 'phags pa rnams kyis bshungs pa/ mkhas pa rnams kyis ma bsngags ba mi mkhas pa rnams kyis yongs su bzung ba/ byis pa rnams kyis bsten pa yin no// de'i tshe tshigs su bcad pa 'di yang smras so// mkhas pa rnams kyis sprul gyi mgo bzhin spangs// ngan skyugs snod bzhin mi gtsang rnam par spang // 'dun pa dge ba thams cad 'jig byed par// 'dod pa shes nas nga ni dga' mi ste// de'i tshe 'dun pa zug rngus zug pa bzhin du skad phyung ste ngu zhing // mig nas mchi ma zag la/ sdug bsngal bzhin tshig 'di skad ces smras so// lha gcig gang gi don du 'di na kha cig brtul zhugs rnam pa mang po brtsom ste ri dgas lpags pa 'chang / sgra dang sen mo ag com ring du 'jog cing de bzhin shing shun gyon la yan lag skams shing brtul zhugs gnas// sred dang ni ldam ldum dag dang bgras 'bras za kha cig spri'u tshugs 'dug dang ba lang brtul zhugs gnas// ji ltar bdag cag 'gro ba'i/
- 176b
gtso bo khyod 'phags 'khor lo bsgyur ba mchog dang de bzhin 'jig rten skyong ba dang / brgya byin rdo rje 'chang dang 'thab bral lha dbang 'phrul bar 'gyur snyam tshangs pa'i 'jig rten bsam gtan bde ba 'dor// mi yi dam pa khyod kyi rgyal srid 'di ni shin du 'byor cing rab tu rgyas la bde zhing lo legs pa/ de bzhin kun dga'i ra ba dag dang skyed mos tshal dang khang bzangs mthon po rnam par rgyal ba'i khang pa mtshungs/ bud med 'di dag rnams kyang pi wang dang ni gling bu dag dang glu dang rol me'i sgra dbyangs len cing mchis// dga' bar gyis dang gar dang glu dbyangs sbyar ba shin tu slabs pa 'di dag spyod cing nges pa ma bzhud cig/ byang chub sems dpas smras pa/ 'dun pa nyon cig/ 'dod pa'i rgyus ni sngon gyi tshe rabs dag na bcings dang gtses dang brdeg dang sdigs pa sdug bsngal brgya dag nga yi bzod byas rnams la nga yis yid byung byas ma gyur// sngon chad bag med dbang du song zhing gti mug ti dkrugs la blta bas dkris shing mun gyur chos 'di mi shes pa la byung ste bdag tu 'du shes dang ni 'dzin dang tshor ba po las 'das/ dngos po 'di dag thams cad g.yo zhing 'gyur la mi rtag sprin dang mtshungs shing glog dang 'dra ste zil pa'i thigs pa 'dra zhing snying po med gsog gso ba bdag yod pa ma yin stong pa ste/ nga yi yid ni yul la chags pa med kyis 'dun pa rta rgyal dam
- 177a
rgyan#dri za'i bdag po rgyal po chen po 'khor bsrungs ni/ dri na bye ba khrag khrig brgya stong phrag du ma dag dang lhan cig tu sil snyan dang / glu dbyangs sna tshogs len cing shar phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i shar phyogs nyid du gnas nas/ byang chub sems dpa' la phyag 'tshal zhing 'dug go/ rgyal po chen po 'phags skyes po ni/ grul bum mu tig gi do shal sna tshogs lag na 'phyang ba/ nor bu rin po che sna tshogs thogs pa/ spos chu sna tshogs kyis gang ba'i bum pa thogs bye ba khrag khrig brgya stong du ma dag dang lhan cig tu lho phyogs nas 'ongs par gyur to// 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i lho phyogs nyid du gnas nas/ byang chub sems dpa' la phyag 'tshal zhing 'dug go/ rgyal po chen po mig mi bzang ni/ klu mu tig gi do shal sna tshogs lag na 'phyang ba/ nor bu rin po sna tshogs thogs pa/ spos kyi phye ma dang / me tog gi char sprin kun nas slong ba'i rlung dal zhing dri zhim pa sna tshogs gtong ba bye ba khrag khrig brgya stong du ma dag dang lhan cig tu nub phyogs nas 'ongs par gyur te/ 'ongs nas kyang / ser skya'i gnas kyi grong khyer chen po la bskor ba byas te/ ji ltar 'ongs pa'i nub phyogs nyid du gnas nas/ byang chub sems dpa' la phyag tshal zhing 'dug go//
- 177b
rgyal po chen po lus ngan ni/ gnod sbyin nor bu rin po che skar ma'i 'od zer thogs pa/ lag na mar me thogs pa/ sgron ma 'bar ba lag na thogs pa/ mda' gzhu dang / ral gri dang / mdung thung dang / mtshon rtse gsum pa dang / 'khor lo dang / mtshon rtse gcig pa dang / 'phang mdung la sogs pa mtshon cha sna tshogs pa/ go cha dang ya lad sra ba bgos pa/ bye ba khrag khrig brgya stong du ma dag dang lhan cig tu byang phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i byang phyogs nyid du 'khod nas/ byang chub sems dpa' la phyag 'tshal zhing 'dug go// lha'i dbang po brgya byin yang sum bcu rtsa gsum pa'i lha'i mdog dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / me tog rna rgyan dang / rgyan thogs pa rnams dang lhan cig 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i steng gi bar snang la 'khor dang bcas te/ byang chub sems dpa' la phyag 'tshal zhing 'dug go// dge slong dag/ de ltar 'dun pas byang chub sems dpa'i tshig thos nas/ mig mchi mas gang zhing byang chub sems dpa' la tshig 'di skad ces smras so// jo co khyod ni dus mkhyen pa/ tshod mkhyen pa/ ran pa mkhyen pa lags na/ da ltar ni bzhud pa'i dus dang tshod ma lags na ci'i slad du bka' de skad stsal/ byang chub
- 178a
rgya ner/ #sems dpas smras pa/ 'dun pa da ni dus la bab bo// smras pa/ jo co gang gis dus la bab/ byang chub sems dpas smras pa/ sems/ can rnams kyi don ni tshol ba na// byang chub rga shi med pa'i gnas thob nas// 'gro ba sgrol zhes nga yis yun ring nas// smon lam btab pa de yi dus la bab// 'di la 'di ni chos nyid de// de la 'di skad ces bya ste/ sa bla ba dang de bzhin par snang skyong // lha dbang brgya byin rang gi phyogs dang bcas/ 'thab bral lha dang dga' ldan 'phrul dga' dang / gzhan 'phrul dbang byed lha rnams brtson par 'gyur// klu rgyal chu lha dang ni gzi can dang / ma dros de dang de bzhin rgya mtsho dang // mi mchog mngon par 'byung ba'i dus bab pas/ de dag rnams kyang mchod phyir brtson par gyur// gang dag gzugs spyod pa'i lha rnams dang // rtag tu bsam gtan spyod yul rab zhi spyad// de dag rnams kyang 'jig rten gsum mchod pa// mi mchog de la mchod phyir mngon par brtson// sngon spyod spyod tshe grogs por gyur po yin/ phyogs/ bcu nas lcags byang chub sems dpa' yang // rgyal ba mngon par 'byung ba blta byed cing // rjes su 'thun par mchod pa bya snyam byed/ gsang ba'i bdag po bdag nyid chen po de// rdo rje 'bar thogs na mkha'i dkyil na gnas// lus la go bgos stobs brtson brtsal dang ldan// gsang ba lag na rdo rje 'bar ba thogs// lha bu
- 178b
nyi ma zla ba de gnyis kyang / g.yas dang g.yon na rab tu gnas par gyur// sor mo bcu yis thal mo sbyar byas te/ mngon par 'byung la rjes su rtog par byed/ skar ma rgyal de 'khor dang bcas pa yang / rang gi lus ni rgya cher smras byas te/ mi yi dam pa de yi mdun 'dug nas// yid du 'ong ba'i sgra ni rab 'byin te/ skar ma rgyal ldan bzhad pa'i dus la bab// do nub khyod dge bkra shis thams cad 'grub// bdag kyang khyod dang thabs gcig mchi bar bgyi// 'dod chags sel bar chad 'byung ma gyur// lha bu yang dag bskal pas bskul byas pa/ stobs dang brtson 'grus brtan pa myur du bzhengs/ sdug bsngal nyen pa'i sems can thams cad sgrol// nga ni mngon par 'byung ba'i dus la bab/ lha rnams bye ba stong phrag mang po yang yid 'od me tog char pa 'bebs shing lhags// de ni dkyil mo dkrung bcas mchog la 'dug/ lha yis bskor cing mdzes la gzi brjid 'bar/ grong khyer na ni skyes pa bud med khye'u bu mo gang yod pa/ de dag thams cad yid ngal gyur nas nyal te spyod lam rnams las nyams/ rta dang glang po ba lang ne co khrung khrung rma bya ri skegs rnams// de dag kun kyang yid ngal gyur te nyal la de dag gzugs mi mthong // shAkya'i bu gang rdo rje sra ba'i mtshon cha rtse gnyis thogs bkod dang / glang chen rta dang shing rta rta babs mchog drung bkod pa de dag nyal/ rgyal po rgyal bu rgyal po'i skye bo kun kyang gnyid kyis
- 179a
rgya cher/ #log par gyur/ bud med tshogs rnams gnyid log gos bral gcer bur gyur kyang yongs ma tshor/ de che tshangs dbyangs yid du 'ong tshig ka la bing ka'i sgra dbyangs kyis/ nam phyed 'dis te nam gyi gung la bab nas 'dun pa de la smras// 'dun pa rta po bsngags ldan bzang po legs par nga la phyin/ gal te nga la byams par sems na bgegs ma byed par myur du byin/ 'dun pas tshig thos mchi mas mig gang rang gi jo bo de la smras/ sems can kha lo bsgyur mchog gar gzhad bcings pas khyod la ci zhig bya// dus mkhyen chos spyod gang du'ang gshegs pa'i dus ma lags// khyod kyis sgo bskam gtam pa bstsal su yang che ba sgo 'byed mi 'gyur// brgya byin gyi ni yid kyis sems pa'i dbang gis sgo yang bye bar gyur// 'dun pas de 'dra mthong nas sme zhing sdug bsngal de ni mchi ma 'khor/ kyi hud bdag grogs su yod ji ltar bya zhing phyogs ni gar rgyug snyam// gzi brjid ldan pa drag shul can gyi tshig smras brgya byin 'ba' zhig thos// yan lag bzhi ldan dpung dang bca pa 'di na ci zhig byed/ rgyal po rgyal bu rgyal po'i skye bo de dag rnams kyis de ma tshor/ bud med tshogs kyang gnyid log lha rnams kyis kyang grags ldan gnyid log byas/ kyi hud 'di yis bsam pa'i smon lam thams cad grub gyur cig/ lha stong bye ba de dag dga' ba'i yid kyis 'dun pa de la smras/ 'dun pa rta mchog bsngags ldan
- 179b
legs par phul cig 'dren pa skyo mi bya/ lha dang lha min dag gis rnga brdung rdza rnga rol mo khrag khrig byas/ 'on kyang lhas stsal ba yi grong khyer mchog 'di sad par yong ma gyur 'dun pa bar snang ri mo med la lha yi 'od rab mdzes la ltos// khyod kyi byang chub sems dpa' bye ba mang po mchod phyir gang lhags ltos/ bde sogs khyim thab brgya byin dpung bskor sgo na mdzes par 'dug pa dang / lha dang lha min mi 'am ci sogs gang dag mchod par lhags la ltos// 'dun pa des kyang lha tshig de thos bsdigs ldan rta pe de la smras/ sems can kha lo sgyur mchog 'dir bzhud khyod ni rta skad sgrogs shing shog/ de yi dbyar gyi kha dog can de rmig pa gser gyis brgyan byas nas/ yid mi bde zhing yon tan rgya mtsho mnga' ba'i bcibs par dbul bar byas/ mtshan mchog mnga' zhing phan mdzad khyod kyis phyibs 'di rigs bzang dge ba lags/ khyod kyis sngon chad gang dgongs smon lam de grub gshegs su gsol// gang dag gegs bgyid zhi bar gyur cig dgongs pa'i brtul zhugs grub gyur cig/ 'gro ba kun la bde dang mtho ris pa dang zhi ba sbyin gyur cig/ de na gang tshe langs par gyur tshes 'di thams cad rnam drug g.yos// rta rgyal dam pa zla ba nya 'dra'i dkyil 'khor 'dra ba de la zhon/ skyong ba'i lag pa rnams dag pad ma dri med 'dra bas rta mchog bteg/ brgya byin tshangs pa de gnyis de yi mdun na lam ni 'di zhes ston/ de yi gsal ba dri ma med pa'i 'od btang sa rnams snang
- 180a
pa bsngags ldan da byin nga sngon bsam pa'i bkra shis rdzogs kyis thams cad zil gnon chos kun dbang phyug chos rgyal thub par 'gyur/ 'dun pas smras pa/ pad ma 'dab ma rgyas pa 'dra ba'i mig ldan zhing / ngo shal nor bu rin chen sna tshogs rnams kyis brgyan/ mkha' la sprin tshogs dag las byung ba'i glog 'dra ba/ mal na rnam par mdzes pa 'di la mi gzigs sam/ pi lding dang ni 'khar rnga dag dang sgra snyan dang / rdza rnga dag dang gling bu glu dbyangs len pa dang / bya bang rma bya ka la bing ka sgra 'byin pa// mi 'am ci'i khyim 'dra 'di yang 'dor lags sam/ su ma na dang ud pa la dang bar sha ka/ tsam pa ka dang dri mchog phreng ba me tog brgyus// dus kyi a ka ru mchog bdug pas rab bdug dang // byug pa dam pa de dag la yang mi gzigs sam// shin tu dri gda' dri lan ro bro gya nom dang // skyu rum dag dang bshos gsang shin du tshogs sbyar dang // skyems kyi ro yang kha ra bcas par rab sbyar ba// 'di la'ang mi gzigs par ni lha khyod gang du bzhud// grang ba dus na tsan dan sbrul gyi snying po dang // ka shi pa yin bza' bzang po mang po dang // de dag la yang mi gzigs lnga khyod gang du bzhud// lha yul dag na lha rnams dag ni ci 'di bar// 'dod pa'i yon tan lnga po 'di dag rab 'byor pa// dga' zhing bde dang ldan la dgyes par rol mdzod de// de nas shakya'i dam
- 180b
pa nags tshal bzhud par mdzod// byang chub sems dpas smras pa/ 'dun pa ngas ni bskal pa mtha' yas dpag tu med par gzugs dang sgra dang dri dang ro dang reg pa mi dang lha yi 'dod pa rnam pa sna tshogs sprad kyang ngoms par gyur pa med// rgyal po'i sras mchog gyur te dbang phyug byas shing gang tshe gling bzhi dag tu 'khor los bsgyur ba'i rgyal por gyur nas rin chen sna bdun ldan zhing bud med nang na 'dug pa dang // sum bcu rtsa gsum dbang dang 'thab bral rab kyi lha mthong byas shing de dag nas kyang shi 'phos 'dir 'ongs 'phrul dga' nang na yid 'ong dpal ldan dam pa nga yis sngon chad sprad/ lha yi gnas su dbang bsgyur bdud kyi dbang bsgyur bdud kyi dbang po byas shing 'dod pa 'byor pa mchog tu spyad kyang ngoms ma gyur na ci dman 'di la snyan pas ngoms par 'gyur ram de ni gnas min no// gzhan yang 'dun pa nga ni sdug bsngal mya ngan dgon pa'i 'khor bar gnas pa nyon mongs gdugs pas dkrugs shing nyam ngas rtag tu khyer te mgon med skyabs med cing / gti mug ma rig mun po dag na rga dang na dang 'chi ba'i 'jigs pa dag gis nyen pa skye ba'i sdug bsngal dag gis kun tu gnon cing rnam par gnon pa'i 'gro ba 'di ltas nas/ ngas ni 'dir 'ongs chos kyi gru btang gtong dang tshul khrims brtul zhugs bzod pa brtson 'grus stobs can dag gi shing tshogs stsogs te sbyar nas lhag pa'i bsam pa
- 181a
snying po ldan pa rdo rje lta bus brtan por gzungs btab sbyar// gru der nga nyid zhugs nas bdag nyid rgal te bdag gis 'gro ba mtha' yas pa dag 'khor ba'i chu bo 'dul ba che ba khro ba'i rlabs ldan pa 'dod chags 'dzin khri grong khyil dgra yis rnam dkrugs rgal bar dka' las bsgral lo sA ste nga sems de 'dra'o// de phyir srid mtsho dgar bcas lta ba'i 'dzin khri dang / nyon mongs srin po yod pa 'di las bdag rgal te/ bdag nyid rgal bar gyur nas 'gro ba mtha' yas pa/ rga med zhi ba'i thang la bgod par bya/ de'i tshe 'dun pa de bas kyang rab tu ngu zhing 'di skad ces smras so// lha de ltar nges par mdzad pa/ byang chub sems pas smras pa/ 'dun pa yis nges par byas pa nyon// sems can bsgrol phyir phan par bya phyir brtson// mi g.yo las kyang mi g.yo gnod pa med// ri rgyal lhun po las kyang brgyan mi g.yo// 'dun pas smras pa/ jo co'i nges pa ci 'dra ba zhig lags/ byang chub sems dpas smras pa/ rdo rje gnam lcags dgra sta mdud thung mda' char dang // lcags bskol glog gi tshogs ltar rab tu 'bar ba dang / ri rtse kun tu 'bar ba mgo stengs rab 'bab kyang / da ni khyim la 'dod pa phyir yang mi bskyed do// de'i tshe lha'i bu na mkha' la 'khod pa dag gis/ ca co dang ga zha'i sgra brgya stong phyung ste/ me tog gi char yang phab nas tshigs su bcad
- 181b
pa 'di dag smras so// yul rnams la ni yid kyang ma chags shing // sems can dag pa snying rje snying brtser ldan// blo gros mchog ldan rgyal gyur rgyal gyur cig/ mgon pa 'gro la mi 'jigs sbyin mdzad pa/ mkha' la rdul ma gdu ba mjug rings dang / ma chags bzhin du skyes mchog thugs mi chags// dri med yul gyi bde bas mi gos te/ chu las pad ma ji ltar 'phags pa bzhin/ dge slong dag de nas lha'i bu zhi ba'i blo gros dang / lha'i bu rtse ba bkod pas byang chub sems dpa' nges par rig nas/ ser skya'i gnas kyi grong khyer chen por skyes pa dang / bud med dang / khye'u dang / bu mo thams cad gnyid kyis log par byas so// sgra thams cad kyang mi grag par bya'o// dge slong dag de nas byang chub sems dpas/ grong khyer gyi skye bo thams cad gnyid kyis log par rig nas/ nam gyi gung la bab par rig/ skar ma'i bdag po rgyal dang ldan par rig/ de kho na mngon par 'byung ba'i dus la bab par rig nas/ 'dun pa la smras pa/ 'dun pa deng skyo bor ma byed par/ rta bsngags ldan legs par brgyan te ma thogs par nga la byin/ byang chub sems dpas tshig de smras ma thag tu/ skad cig de nyid la brgya byin byang chub sems dpa'i tshig de thos nas/ rang rang gi gnas nas byang chub sems dpa' la mchod pa'i las kyi phyir rang rang gi spyod pas rings pa rings par/ yang ser skya'i gnas kyi grong khyer chen por 'ongs so// de nas
- 182a
bas gsal// de tshe ngan song kun zhi sems can bde ldan nyon mongs gnod pa med/ me tog sil snyan bye ba'i sgra byung lha dang lha min/ ston/ thams cad dga' ldan gnas nas grong khyer mchog la bskor ba byas te dong / skyes bu chen po song bas grong khyer dam pa'i lha yang yid ni dman par gyur nas 'ong mdun du 'dug nas snying rjer du ba'i yid ldan de yis pad ma rgyas 'dra'i gzhin la smras/ khyod bral sgren mor mi mdzes sa 'di grong khyer thams cad mun pas kun nas dkrugs par gyur/ do mod khyod kyis khab 'di spangs na bdag la dga' bde bgyid pa 'di ni dga' ma mchis/ slan chad bya tshogs rnams kyi sgra dag dang / grogs po mtha' yas khyod ni sad bgyid pa'i/ btsun mo'i 'khor gyi gling bu snyan pa dang / bkra shis sgra dang glu sgra thos mi 'gyur/ nyon mongs bcom pa khyod ni gshegs gyur na/ gzugs mtshan khyod la mchod pa bgyid pa yi// lha dang grub tshogs slan chad mthong mi 'gyur/ lha yi dri yang slan chad snom mi 'gyur/ me tog phreng thogs zhag lon gyur pa ltar// khyod kyis do mod pho brang de bzhin spangs/ khyod bzhud slan chad gzi brjid dpal ma mchis gar la lta ba bzhin du bdag la dga'// grong khyer kun gyi byin dang stobs phrogs te/ 'di ni dgon pa 'dra zhing mdzes ma lags/ gang gis sa 'di 'khor lo stobs can du/ lung bstan drang srong tshig ni deng brdzun gyur/
- 182b
bsod nams sdong po chen po khyod 'byung na/ sa 'dir shAkya'i stobs ni stobs ma mchis// rgyal po'i bro brang 'khor 'di gdung yang chad// sha kya'i tshogs 'di bsam pa rab tu nyams// dri med dri bral khyod ni gar bzhud par/ bdag dang khyod dang lhan cig mchi bar bgyi// 'on kyang thugs rje bskyed nas ni/ khyed kyis pho brang 'di la gzigs su gsol// blo gros ldan pa khyim la ltas nas ni// snyan pa'i nga ros 'di skad tshig smras te// skye 'chi mthar phyin ma thob bar du ni// nga yis ser skya'i grong khyer 'jug mi bya// rga shi med pa'i gnas mchog 'chi med pa// byang chub dam pa nga yis ma thob par// nga ni ser skya'i gnas su mngon phyogs te/ bgreng 'dug nyal dang 'chag pa mi bya'o// gang tshe 'gro ba'i gtso bo pa// byang chub sems dpa' de byung zhing // de bzhin mkhas las 'gro ba'i tshe// lha yi bu mo rnams kyis bstod// 'di ni sbyin pa'i gnas chen yin// 'di ni bsod nams zhing chen yin/ 'di ni bsod nams 'dod pa'i zhing / 'chi med 'bras bu smin mdzad pa// sems can rnam la thugs rje bas// 'di yis bskal pa bye mang du // sbyin dang dul dang sdom pa yis// 'dis ni byang chub yang dag bsgrubs// 'di yis tshul khrims yongs su dag/ brtul zhugs bzang zhing spyod ma nyams// 'dod pa dag dang longs spyod rnams// don du mi gnyer tshul khrims bsrung sems can yongasu bskyang pa'i phyir/
- 183a
da@#/ gas nam sems // 'di ni rten tu bzod pa gsung // yan lag nyid lag bcad gyur kyang // khro ba mi mnga' sdang mi mnga'// 'di ni rtag tu brtson 'grus ldan// bskal pa bye bar skyo mnga'// 'di yis byang chub yang dag bsgrubs// mchod sbyin dag ni bye ba mdzad// 'di rten bsam gtan bsam gtan pa// thugs ni zhi zhing rab tu zhi// nyon mongs thams cad bye ba bsgrol bar 'gyur// 'di ni shes rab chags mi mnga'// rtog dang rnam par rtog ldan las// grol zhing thugs ni rnam grol te// rang 'byung ba yi rgyal bar 'gyur// 'di ni rtag tu byams thugs ldan// thugs rje yi ni pha rol byon// dga' dang btang snyoms bsam gtan pa// tshangs pa'i lam gyi cho ga mkhyen// 'di ni shin tu lha yi lha// lha rnams kyis ni mchod pa'i 'os// thugs dge dag cing dri ma bral// yon tan khrag khrig pha rol byon// 'jigs pas nyen pa rnams kyi skyabs// mig med rnams kyi sgron ma ste// 'dren pa rnams kyi skyabs kyang lags// ring nas na ba'i sman pa lags// rgyal po dam pa chos kyi rgyal// dbang po lta bur spyan stong mnga'// tshangs pa lta bur rang byung gyur// lus dang sems ni rab sbyangs pa// brtan zhing shes rab rab tu mnga'// dpa' zhing thugs ni 'dod chags bral// nyon mongs 'joms pas dpa' bo ste// nga rgyal dgra las rgyal ba lags// seng ge lta bur bsnyengs pa med// glang po lta bur
- 183b
rab tu bzhud// khyu mchog lta bur tshogs kyi gtso// bzod de 'khrug pa rab tu spangs// zla ba lta bur rab tu gsal// nyi ma lta bur snang bar mdzad// sgron ma lta bur gsal mdzad pa// skar ma lta bur mun pa bral// pad ma lta bur chags mi mnga'// me tog lta bur khrims dri gda'// ston pa lhun po ltar mi g.yo// dog sa lta bur g.yos su gyur// rin chen 'byung gnas ltar mi 'khrugs// 'di ni phung po'i bdud las rgyal// 'di ni 'chi bdag bdud las rgyal// 'dis ni lha yi bdud kyang bcom/ 'di ni ded dpon chen po ste// lam ngan dag na gnas rnams la// yan lag brgyad pa lam gyi mchog/ ring por mi thogs ston par 'gyur// rga shi nyon mongs 'joms pa po/ mun pa rab rib rnam par grol// sa dang lha yul grags pa yi// rang byung rgyal bar byon pa lags// skyes bu mchog gi gzugs mnga' ba// dpag tu med la bstod pas bstod// khyod la bstod pa'i bsod nams des// smra ba'i seng ge 'dra bar shog/ dge slong dag/ de ltar byang chub sems dpa' mngon par 'byung nas/ shAkya'i yul dang / ko'u ta ma'i yul dang / gyad yul las 'das te me ne ya'i yul gyi grong brdal rjes su dpag pa zhes bya ba nas/ dpag tshad drug tu byang chub sems dang phyin pa dang nam langs par gyur to// de nas byang chub sems dpa' bsngags ldan las babs te/ sa la 'dug nas/ lha dang / klu dang / gnod sbyin dang / dri za dang
- 184a
lha ma yin dang / nam mkha' lding dang / mi 'am ci dang / lto 'phye chen po'i tshogs chen po slar kye'o// slar dkye nas kyang de 'di snyam du sems te/ rgyan 'di dag dang / rta bsngags ldan kyang 'dun pa'i lag tu gtad de slar btang ngo snyam mo// de nas byang chub sems dpas 'dun pa la bos te 'di skad ces smras so// 'dun pa khyod song la rgyan 'di dag dang / rta bsngags ldan khyer te slar log shig/ sa phyogs gang nas 'dun pa slar log pa der mchod rten brtsigs shing / deng sang du 'ang 'dun pa slar log pa'i mchod rten zhes grags pa yin no// yang byang chub sems dpa' 'di snyam du sems te/ ji ltar gtsug pud kyang yod la rab tu byung ba zhes bya bar yang 'gyur snyam nas/ des ral gris gtsug bud bcad de/ bar snang la bor ba dang / de sum bcu rtsa gsum pa'i lha rnams kyi mchod pa'i phyir blangs te/ deng sang du'ang sum bcu rtsa gsum pa'i lha rnams gtsug phud kyi dus ston byed do// der mchod rten yang byas te/ deng sang du yang mchod rten de gtsug phud blangs pa'i mchod rten zhes ming du chags so// yang byang chub sems dpa' 'di snyam du sems te/ rab tu byung ba yang gos ka shi ka gyon pa ji ltar rung gi/ gal te nags tshal gyi gnas nas tshul dang 'thun pa'i gos shig rnyed na ni legs so snyam du bsam pa dang / de nas gnas gtsang ma'i ris kyi lha rnams 'di snyam du sems te/ byang chub sems dpa' la
- 184b
ngur smrig dgos par gyur to snyam mo// de nas lha'i bu cig gcig lha'i bu'i gzugs mi mngon par byas te/ sngon pa'i gzugs lta bu'i gos ngur smrig bgos nas byang chub sems dpa'i drung du phyin to// de nas byang chub sems dpas de la 'di skad ces smras so// gal te grogs po khyod kyi gos ngur smrig rnams kho bo la byin na/ kho bo'i gos ka shi pa 'di rnams kyang khyod la sbyin no// des smras pa/ kho bo'i gos 'di dag kyang khyod la mdzes la/ 'o ni rnams kyang kho bo la mdzes so// byang chub sems dpas smras pa/ kho bos khyod la blang ngo // de nas lha'i bu rngon pa'i gzugs lta bu des/ gos ngur smrig rnams byang chub sems dpa' la phul te/ gos ka shi ba rnams kyang blangs// de nas lha'i bu des gus pa bskyed de lag pa gnyis kas gos de blangs nas spyi bo la bzhag ste/ byang chub sems dpa'i na bza' la mchod pa dang / bkur bsti bya ba'i phyir de nyid nas lha'i 'jig rten du song ngo // de yang 'dun pas mthong bar gyur nas der mchod rten brtsigs te/ deng sang du yang mchod rten der ngur smrig blangs zhes ming du chags so// gang gi tshe byang chub sems dpas gtsug phud bcad nas gos ngur smrig rnams bgos pa de'i tshe/ lha'i bu brgya stong dga' zhing mgu la tshim zhing yid rangs mchog tu dga' nas dga' ba dang yid bde ba skyes te/ kye grogs po dag gzhon don grub rab tu byung ngo // kye grogs po dag gzhon nu don grub rab tu byung ngo // de ni bla na med
- 185a
pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo bskor bar 'gyur te/ sems can/ skye ba'i chos can grangs med pa dag skye ba las yongs su grol bar 'gyur ba nas/ rga ba dang / 'chi ba dang / nang mang ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las sems can yongasu dkrol te/ 'khor ba'i rgya mtsho'i pha rol tu bsgral nas/ bde ba/ 'jigs pa med pa/ mya ngan med pa/ zhi ba/ gnod pa med pa/ zhi ba rdul dang / 'chi ba med pa'i chos kyi dbyings la bgod par 'gyur ro zhes nas// a la la zhes bya ba dang / ca co dang ga zha'i sgra skad phyung bar gyur to// sgra de yang gcig nas gcig tu rgyud nas 'og min gyi gnas kyi bar du grag par gyur to// de nas btsun me'i 'khor rnams kyis gzhon nu ma mthong nas/ dpyid dang / dgun dang / dbyar gnas pa'i khang bzang rnams dang / khri rnams dang / khyim rnams su tshol zhing / gang gi tshe ma rnyed pa de'i tshe gcig tu 'dus nas/ bya ku rar mo bzhin du dung ngud mo 'dod par gyur to// de nas bud med kha cig ni shin du mya ngan gyi nyams thag nas/ kha cig ni kyi hung bu zhes 'dzer cing ngu'o// kha cig ni kyi hud khyim thab ces 'dzer to// kha cig ni jo bo zhes 'dzer to// kha cig ni sdug pa'i tshogs smra'o// kha cig ni lus rdob cing ngu'o// kha cig ni mgo 'bal lo// kha cig ni kye hAd ming po zhes 'dzer cing du'o// /
- 185b
kha cig ni gcig gi gdong du cig lta zhing du'o// kha cig ni mig bsgyur cing du'o// kha cig ni lag pa brla la rdob cing du'o// kha cig ni brang brdung zhing du'o// kha cig ni lag pa dpung par rdob cing ngu'o// kha cig ni mgo brdung zhing du'o// kha cig ni mgo las 'thor zhing du'o// kha cig ni sgra 'jig cing du'o// kha cig ni skra 'bal zhing du'o// kha cig ni lag pa gdod de sgreng nas cho nges 'don to// kha cig ni ri dgas mo dug mdas phog pa bzhin du glo bur du rgyud cing ngu'o// kha cig ni gdong gos kyis g.yogs te ngu'o// kha cig ni chu shing rlung dmar gyis skyod pa bzhin du lus 'khyol zhing du'o// kha cig ni sa la 'gyel te ma shi tsam du gyur to// kha cig ni nya chu nas bton pa bzhin du sa la 'gre ldog cing ngu'o// kha cig ni shing rtsa ba nas phyung ba bzhin du blo bur du sa la 'gyel nas du'o// sgra de yang rgyal pos thos nas shAkya rnams la smras pa/ ci'i phyir btsun mo'i 'khor na sgra chen po 'di grag/ shAkya rnams kyis shes nas smras pa/ rgyal po chen po gzhon nu btsun me'i 'khor na mi gda' zhes smras so// rgyal pos smras pa/ myur du grong khyer gyi sgo rnams chod la gzhon nu tshol cig/ de dag gis phyi nang kun du btsal kyang ma rnyed nas/ skye dgu'i bdag mo chen mo go'u ta mi'i smre sngags 'don te/ sa la 'gre ldog cing rgyal po zas gtsang ma la 'di skad ces smras so// rgyal po chen po bdag bu dang myur du sprad du gsol/ de nas rgyal pos phyogs bzhir pho nya rta pa bkye ste/ khyed deng la gzhon nu ma rnyed kyi bar
- 186a
#slar ma ldog shig/ mtshan mkhan dang / lngas mkhan rnams kyis kyang byang chub sems dpa' ni bkra shis chab sgo nas mngon par 'byung ngo zhes lung bstan nas/ de dag bkra shis kyi sgor dong ba dang / lam gyi bar na me tog gi char bab par mthong ngo // de nas de dag 'di snyam du sems te/ gzhon nu lam 'di nas byung ngo snyam nas/ de dag cung zad pa zad du song ba dang / lha'i bu byang chub sems dpa'i gos ka shi pa rnams mgo la thogs te 'gro ba de mthong nas/ de dag 'di snyam du sems te/ 'di dag ni gzhon nu'i gos ka shi pa rnams yin na/ gos 'di dag gi phyir 'dis gzhon nu bsad de gos 'di dag khyer bar gyur to snyam mo// de nas yang de dag gis de'i phyi bzhin 'dun pa rta bsngags ldan dang rgyan rnams thogs te 'ong ba mthong ngo // de nas de dag phan tshun du smras pa/ kye 'dun pa rta bsngags ldan 'khrid de 'ong gi de la ma dris kyi bar du hud 'dums ma byed cig ces smras nas/ de dag gis 'dun pa la dris pa/ kye 'dun pa gos ka shi pa 'di rnams kyi phyir mi 'dis gzhon na bkrongs par ma gyur grang / 'dun pos sbas po/ de sa ni mi yin te/ 'dis kyang gzhin nu la gos ngur sdig dul lo// gzhon nus kyang na bza' ka shi pa rnams 'di la byin no// de nas lha'i bu de dag mchod pa'i phyir gos de dag rnams lag pa gnyis kas spyi bo la thogs nas lha'i 'jig rten du song ngo // de dag gis yang 'dun pa la dris pa/ 'di ji
- 186b
snyam du sems/ kho bo cag shAkya gzhon nu rnams bzlog tu 'dod nus sam/ des smras pa/ mi nus so// gzhon nu ni brtson 'grus dang brtul ba brtan pa ste/ nga bla na med/ pa yang dag par rdzogs pa'i byang chub sangs rgyas kyi bar du/ nga ser skya'i gnas kyi grong khyer chen po mi 'jug go zhes/ de de skad gsung pas phyir mi ldog ste/ gzhon nus ji skad gsungs pa de de bzhin du 'gyur// de ci'i phyir zhe na/ gzhin nu ni brtson 'grus dang brtul pa brtan pas slar mi ldog go// de nas 'dun pa rta sngags ldan dang brgyan rnams khyer te/ btsun me'i 'khor gyi nang du phyin to// de nas ring zhig lon pa dang / rgyan de dag shAkya gzhon nu bzang po dang / ming chen dang / ma 'gags pas btags pa dang / sred med kyi bu chen po ltar 'khregs pa dang / sred med kyi bu phye ba ltar 'khregs pa'i rgyan de rnams de dag gis ma theg go/ gang gi tshe de dag gis kyang theg par ma nus pa de'i tshe skye dgu'i bdag mo chen mo go'u ta mi 'di snyam du sems te/ bdag gis ji srid du rgyan 'di dag mthong ba de srid du bdag gi snying la mya ngan du 'gyur gyis/ bdag gis rgyan 'di dag rdzing du dor ro snyam mo// de nas skye dgu'i bdag mo chen po go'u ta mis rgyan de dag rdzing du dor ro// deng sang du yang rgyan gyi rdzing zhes ming du chags so// de la 'di skad ces bya ste/ gang tshe byang chub sems dpa' mkhas pa dpa' bo byung / de tshe seng skya'i grong khyer pa kun mtha' dag sad// kun gyi snying la gzhon nu mal na nyal snyam sems// mgu zhing
- 187a
rgya yarab tu dga' nas phan tshun tshig kyang smra// sa mtsho ma dang de bzhin btsun mo'i 'khor rnams sad/ mal du ltas nas byang chub sems dpa'// ma mthong nas/ kyi hud bdag bslus byang chub sems dpa' gar bzhud ces/ rgyal po'i khyim du dud me'i sgra yang byung bar gyur// rgyal pos sgra de thos nas sa la 'gyel gyur te/ a ma nga yi bu gcig pa zhes dud mo byung // de nas de la bum pa'i chu blugs khrus byas nas// shAkya mang po dag gis de ni dbugs kyang phyung // sa mtsho ma yang mal nas sa la/ lhung bar gyur/ skra rnams 'bal zhing rgyan rnams dag kyang bkrol bar gyur// sdug pa kun dang bral ba ring por mi thogs zhes// 'dren pas bdag la sngon gsungs kyi ma legs par gsungs// gzugs ni rab bzang shin du dri med yan lag smras// bsal zhing rnam dag 'gro ba rnams kyi yid 'ong sdug/ dpal yon ldan pa bsngags pa lha mis mchod pa'i 'os// bdag ni mal da bor te khyod ni gang bzhad// yon tan mnga' ba'i byang chub sems dpa' ma mthong bar// skom yang mi 'tshal rgyags pa rnam kyis rgyags mi bgyi// sa la mi nyal ral pa rnams kyang thogs par bgyi// khrus bgyi spangs te brtul zhugs dka' thub spyad par bgyi/ bskyed mos tshal kun lo ma me tog 'bras ma mchis// rnam dag se mo do yang mun sdug phyag dar 'dra// mi mchog dam pa khyod kyis spangs par gang gyur pa'i grong khyer khyim rnam mdzes pa lags
- 187b
'brog stong mtshungs// kyi hud glu dbyangs rab tu snyan pa'i sgra skad can// kyi hud lcug lhug po yi rgyan thogs btsun mo'i 'khor// kyi hud gser gyi dra bas khyab pa'i bar snang yang // yon tan ldan yang bral bas phyin chad mi lta'o// sru mo de yang shin tu sdug bsngal thob gyur cing // shAkya'i bu mo ma du zhig ces dbugs kyang 'byin// nga ni 'jig rten dag na rga shi mthar byed ces// mi mchog dam pa de yis sngon yang smras pa yi// drang srong chen po dge ba stong dag spyad pa de// nam phyed nas ni dpag tshad drug tu song gyur pa/ 'dun pa de la rta mchog dang ni rgyan rnams gtad// 'dun pa 'di dag khyer skya'i grong song shig/ yab dang yum dag la yang nga yi tshig gis ni/ gzhon nu song gis slar zhing thugs ngan ma mdzad cig/ byang chub sangs rgyas nas ni slar 'dir mchi bar bgyi// chos rnams gsan nas thugs kyang zhi bar 'gyur zhes smros// 'dun pas de bzhin 'dren pa la ni slar smras pa// 'dun pa legs ldan byang chub sems dpa' gar khrid ces// mi mchog gnyen gyi tshogs rnams bdag la rdeg 'gyur gyi// bdag la nus pa ma mchis stobs dang mthu ma mchis// byang chub sems dpas slar smras 'dun pa ma 'jigs shig/ nga yi gnyen gyi tshogs rnams dga' bar gyur nas ni// khyod la ston pa'i 'du shes rtag tu bsgom 'gyur te// nga la byams pa bzhin du khyod la'ang byams par 'gyur// 'dun pa rta mchog dang ni rgyan rnams khyer nas su// ma mchog dam pa de yi bskyed
- 188a
/ @mos tshal du byin// bskyed mos tshal gyi bsrungs ma dga' ba'i shugs skyes nas// kun du dga' ba'i sgra ni shAkya rnams la spras// gzhon nu 'di ni rta mchog dang ni 'dun pa yang // bskyed mos tshal du phyin gyis thugs ngan ma mdzad cig/ rgyal pos de skad thos nas shAkyas bskor nas ni// rab tu dga' ba'i shugs skyes skyed mos tshal du phyin// sa mchos byang chub sems dpa' blo gros brtan rig nas// tshig de la ni yid ma ches te dga' ma gyur// gzhon nu byang chub ma thob par du phyi 'dir yang // byon cing ldog par 'gyur ba de ni gnas ma yin// rgyal pos rta mchog dang ni 'dun pa de mthong nas// dud mos btab ste sa yi steng du 'gyel bar gyur// kyi hud nga yi bu ni glu dang rol mo'i dbyangs sgra mkhas// rgyal srid thams cad bor te khyod kyi nga la 'dir ni legs par smos// byang chub sems dpa' gar song spyod pa ji 'dra zhig/ sgo ni su yis phye zhing gang gis khrid par gyur// lha tshogs rnams kyis de la mchod pa ji ltar byas// 'dun pas smras pa rgyal po'i dbang po bdag la gson// dgung phyed grong khyer byis pa rgan po gnyid log nas// byang chub sems dpa' 'jam dbyangs bdag la 'di skad du// 'dun pa rta rgyal nga la myur du byin zhes gsung // bdag gis skyes pa'i tshogs dang bud med tshogs kyang slang // de dag log cing rab tu log pas tshig ma thos// bdag ni ngu zhing bdag gis chibs kyi rgyal po phul/
- 188b
phul ba mdzad pa gang du dgyes par gshegs zhes bgyis brgya byin gyis ni 'khrul 'khor ldan pa'i chab sgo phye// 'jig rten skyong ba bzhis ni byibs kyi rkang lag bteg/ dpa' bo bcibs nas stong gsum lam rnams rab tu g.yos na mkha' shin du yangs pa 'di las gshegs gyur pa/ 'od ni rab tu btang byas mun nag bsal// me tog 'bab cing sil snyan brgya dag sgra yang byung // lha dang de bzhin lha yi bu mo rnams kyis bskyod// nam mkha' la ni lha tshegs rnams kyis bskor te gshegs// 'dun pa rta mchog dang ni rgyan rnams khyer nas su// de ni ngu zhing btsun mo'i 'khor du phyin pa dang // sa mchos 'dun pa de dang rta mchog mthong gyur nas// rab tu rgyal bar gyur te sa yi steng du 'gyel// bud med tshegs mang thams cad rab tu brtson par ni// chu dag blangs shing shAkya'i bu mo 'khru bar byed// mya ngan rnyed pas 'chi ba'i dus byed 'gyur du 'ong / phangs pa nyid dang bral bar 'gyur du 'ong snyam byed// shAkya'i bu mo sdug bsngal gyur pa mthu skyes nas// rta yi rgyal po rta mchog de yi mgul nas 'jus// sngon chad dga' bas rtse ba dag kyang dran byas nas// mya ngan gyur cing sna tshogs tshig kyang rab tu smras// kyi hud bdag gi dga' bskyed kyi hud bdag gi mi mchog dri med zla ba'i zhal mnga' ba// kyi hud bdag gi gzugs mchog gzugs can kyi hud bdag gi mtshan mchog dri med gzi brjid ldan// kyi hud bdag gi yan lag ma smad legs par 'khrungs
- 189a
@pa rim gyis 'phags pa mnyam med pa// kyi hud bdag gi yon tan mchog ldan lha mis mchod pa thugs rje chen po mchog ldan pa/ kyi hud bdag gi stobs ldan sred med bu yi mthu dang ldan pa dgra yi tshogs bcom pa// kyi hud bdag gi shin tu 'jam dbyangs ka la ping ka'i sgra skad tshangs dbyangs snyan ldan pa/ kyi hud bdag gi grags pa mtha' yas bsod nams rgyas 'phags bsod nams rgya chen mnga' ba po// kyi hud bdag gi bsngags pa mtha' yas yon tan tshogs brgyan drang srong tshogs rnams dga' mdzad pa/ kyi hud bdag gi gnas mchog bung ba sgra 'byin lum bi ni der bltam pa legs bltam pa// kyi hud bdag gi sgra grags lha mi rnams kyis mngon par mchod pa ye shes sdong po che/ kyi hud bdag gi ro bro dam pa bim pa'i sgros can pad ma'i spyan mnga' gser mdog can// kyi hud bdag gi shin du rnam dag tshems ldan pa zho ba po/ lta bu'i mdog ldan pa/ kyi hud bdag gi shangs legs smin 'tshams bar na dri med mdzod spu gnas pa po// kyi hud bdag gi dpung mgo rab zlum gzhu 'dra'i rked pa a n+ya'i byin pa rkang pa zlum// kyi hud bdag gi glang po'i sna 'dra brla ldan phyag zhabs rnam dag mdzes pa'i sen mo can// de yi rgyan rnams 'di dag bsod nams byas pa rgyal po rab tu dga' byed pa// kyi hud bdag gi glu dang dbyangs sgra dam pa me tog byung ba bzang po dus bzang ba// kyi hud bdag gi me tog spos rnams glu len dag dang btsun mo'i 'khor
- 189b
rnams dga' byed pa/ kyi hud bsngags ldan legs skyes pa yi khyim thab grogs po yin na khyod kyis gang du khrid// kyi hud 'dun pa snying rje med pa mi yi dam pa bzhud tshe sbron cing slong ma phod// do mod grong khyer dam pa 'di nas mi yi kha lo sgyur ba thugs rje ldan gshegs te/ phan pa mdzad pa 'di ni gshegs zhes skabs der tshig gcig tsam zhig ci yi phyir ma smras// phan pa mdzad pa ji ltar gshegs shing rgyal po'i pho brang 'di nas su yis phyung bar byas// gang gi phyogs gshegs nags tshal gel ba'i lha mo de yo grog su gyur pa dpal yon ldan/ 'dun pa kho mo shin du sdug bsngal gter bstan nas ni mig phyung 'dra bas mig byin cig/ 'dun pa rgyal ba kun gyis pa dang ma dag mchod pa'i 'os shes rtag tu bsngags mdzad na/ de dag rnams kyang spangs te 'byung na bud med 'dod pa'i dga' ba 'di lta smos ci dgos/ kyi hud sdug pa rnams dang bral ba gar la lta ba'i rang bzhin 'dra ste rtag ma yin/ byis pa 'du shes kyis bzung lta ba phyin ci log pas skye dang 'chi 'pho gnas par gyur/ de yis sngon yang rga shi ldan pa'i dus dag la ni grogs po dga' yang med ces bstan/ khyod kyis dgongs pa yongasu rdzogs nas shing mchog drung du byang chub dam pa mchog thob 'gyur// rdul med byang chub sangs rgyas nas ni grong khyer dam pa 'dir ni slar yang gshegs su gsol/ 'dun pa de yang mchog tu yid mi dga' zhing sa mtshoms ni thos gyur nas/ do na nga ro 'don cing tshig tu smras pas mtsho ma
- 190a
@#khyod bdag tshig legs par gson// nam gyi gung thun bud med tshogs rnams thams cad rab tu gnyid kyis log ste dben gyur pa/ de yi tshe na bsod nams brgyas 'phags de yis bdag la bsngags ldan nga la byin zhes gsung / de skad tshig thos nas ni de ma thag tu khyod ni gzigs mal ltas/ de tshe khyod kyi sdug pa 'di ni gshegs kyis sa mcho gzhengs shes sgra skad chen po phyung // lha yis tshig de bgag par gyur pas bud med rnams las 'ga' zhig tsam yang sad ma gyur/ bdag ni rab tu ngu zhing rta yi rgyal po brgyan pa bgyis nas mi mchog de la phul/ bsngags ldan drag shul can gyi gzi ldan sgra phyung de yi sgra ni rgyang grags tsam du grag/ 'on kyang lha yis gnyid kyis log par bgyis pa grong khyer pa las 'ga' yang sad ma gyur/ gser dang dngul dang nor bu rnams kyis g.yos pa'i sa la bsngags ldan rkang lag rab tu brdab de las snyan dang 'jebs dang mdzes pa'i sgra byung 'on kyang mi las 'ga' tsam sad ma gyur/ de yi bar skabs skar ma rgyal dang ldan gyur zla ba dag kyang mkha' la gnas/ mkha' las lha rnams bye ba thal mo sbyar te btud nas phyag kyang rab tu 'tshal// gnod sbyin srin po'i tshogs rnams nye bar gnas shing 'jig rten skyong ba rdzu 'phrul che ldan bzhis/ pad+ma'i ze ba lta bu rnam dag dri med lag pas bsngags ldan gyi ni rkang lag bteg/ bsod nams gzi brjid brgyas 'phags de yang ku mu ta dang bar shi lta bu de la bcibs// sa ni rnam
- 190b
ba drug tu rab tu g.yos shing sangs rgyas zhing rnams dri med 'od kyis khyab/ bde sogs khyim thab brgya byin lha yis gtso bo nyid kyis de tshe chab sgo dbye bar bgyis/ de ni bye ba khrag/ khrig lha yis mdun du bdar te lha dang klu yis mchod nas gshegs/ bsngags ldan gyi ni 'du shes tsam gyis de ni 'jig rten mgon po mkha' las bkur bar shes/ lha dang lha ma yin tshogs dang por bcas pa de dag bcibs te bde bar gshegs pa gshegs/ lha yi bu mo glu dbyangs mkhas pa rnams kyang byang chub sems dpa'i yon tan rab brjod cing / de dag bsngags ldan la yang stobs mthung byed la snyan pa'i yid du 'ong ba'i sgra yang 'byin/ bsngags ldan 'jig rten 'dren pa myur bar khyer la skyo ba mi dga' ma skyed cig/ 'jig rten mgon po mnyes par byas na khyod la 'jigs dang ngan song ngan 'gro med par 'gyur/ lha rnams re re zhing yang dag la 'jig rten mgon po bcibs par mngon du dga' bar gyur/ yul sa 'di na bye ba lha yi rkang pa dag gis gnan par gyur cung myed/ bsngags ldan na mkha'i skabs na sna tshogs spras shing mdzes pa'i lam gnas rin chen stegs bu ni/ rnam pa sna tshogs dag gis brgyan cing lha yi bdug pa snying po mchog byug 'di la ltos/ bsngags ldan dag pa'i las 'dis sum bcu rtsa gsum lnga gnas shin tu sprul ba der// lha yi bu mos bskor cing mdun gyis ltas la 'dod pa'i dga' bas dga' bar gyis/ legs skyes sa mcho ma khyod phyir zhing ma bshums dgyes par mdzad cing mchog tu
- 191a
rgya cher@#dgyes par mdzod/ mi mchog byang chub brnyes nas lha yis mdun du gdar pa ring por mi thogs gzigs par 'gyur/ sa mtsho mi rnams gang dag legs pa'i las bgyis de dag rtag tu gshums par bgyi ma lags// de ni bsod nams gzi brjid brgyas 'phags lags kyi dges par mdzod la bshum mo ma mdzad cig/ rgyal po mngon par 'byung ba de na lha dang mis mchod pa yi bkod pa gang lags pa/ bkod pa de ni bdag gi dgung bdun par du brjod kyang rdzogs par brjo mi nus// khyod kyis 'gro la ban mdzad pa la bsnyen bkur mdzad pas rnyed mchog bsam gyis mi khyab bsnyes// bdag gis bsam na khyod kyang de 'drar 'gyur snyam bgyid// mngon par 'byung ba'i le'u ste bco lnga pa'o// 'drar ma mas rnam pa // dge slong dag de ltar byang chub sems dpa' dpa'i byin gyis brlabs kyi/ 'dun pas rgyal po zas gtsas ma dang / shAkya'i bu mo sa mtsho ma dang / btsun mo'i 'khor thams cad dang / shAkya'i tshogs thams cad kyi mya ngan bsang ba'i gtam smras so// dge slong dag de ltar byang chub sems dpas lha'i bu rngon pa'i gzugs lta bu la gos ka shi ba rnams byin nas/ de las gos ngur smrig rnams blangs te/ 'jig rten dang 'thun par bya ba dang / sems can yongs su smin par bya ba'i bdag nyid rab tu byung ngo // de nas byang chub sems dpa'
- 191b
bram ze rigs ldan gyi gnas ga la ba der song ba dang / des byang chub sems dpa' gnas par bya ba dang / zas la 'gron du bos so// de nas byang chub sems dpa' bram ze pad ma'i gnas su song ba dang / des kyang gnas par bya ba dang / zas la 'gron du bos so// de nas drang srong nam gru'i gnas su song ba dang / des kyang de bzhin du byang chub sems dpa' 'gron du bos so// de bzhin du gdul ba'i be can gyi bu 'od ldan gyis kyang byang chub sems dpa' 'gron du bos te/ dge slong dag de ltar byang chub sems dpa' rim gyis grong khyer chen po yengs pa can du phyin to// de'i tshe sgyu tsal shis kyi bu ring 'phur nyan thos kyi dge 'dun chen po dang / slob ma sum brgya dang lhan cig tu grong khyer yangs pa can du gnas bcas shing gnas te/ de slong ma dag la ci yang med pa'i skye mched kyi brtul zhugs dang 'thun pa'i chos bstan pa des/ byang chub sems dpa' rgyang ring po nas 'ong ba mthong nas ngo mtshar du gyur ro// slob ma rnams la smras pa/ kye 'di'i gzugs la ltos shig/ de dag gis smras pa/ de bzhin de la lta bar gyi ste/ 'di ni ya mtshan che'o// dge stong dag de nas nga sgyu rtsal shes kyi bu ring 'phur ga la ba der song ste/ sgyu rtsal shes kyi bu ring 'phur la 'di skad ces smras so// kye sgyur rtsal shes kyi bu ring du 'phur khyod las bdag gis tshangs par spyad pa spod do// des smras pa/ kye go'u ta ma dad pa'i rigs kyi bus gang la spyad na tshegs
- 192a
chung ngus kun shes pa thob par chos bstan pa de lta bu la spyod cig/ dge slong dag ngas 'di snyam du sems te/ ngal mos pa yang yod/ nga la brtson 'grus kyang yod/ dran pa yang yod/ ting nge 'dzin kyang yod / shes rab kyang yod kyi/ chos de nyid thob par bya ba dang mngon du bya ba'i phyir// bdag gcig pu bag yod pa dang / brtan pa dang / dben par gnas par bya'o snyam nas/ dge slong dag de nas nga gcig pu bag yod pa dang / brtun pa dang / dben par gnas gnas tshegs chung ngus chos de khong du chud cing mngon du gyur to// dge slong dag de nas sgyu rtsal shes kyi bu ring 'phur ga la ba der song ste 'di skad ces smras so// kye ring 'bur// khyod kyis chos 'di tsam zhig khong du chud cing mngon du gyur tam/ des smras pa/ kye go'u ta ma de de bzhin no// ngas smras pa/ kye kho bos kyang de mngon du byas shing khong du chud do// kye go'u ta ma de bas na khyod kyis chos gang shes pa de kho bos shes la/ kho bos gang shes pa de yang khyod kyis shes/ de bas na bdag cag gnyis kyis slob ma'i tshogs 'di la bstan no// dge slong dag de nas sgyu rtsal shes kyi bu ring 'phur gyis nga la mchod pa'i dam pas mchod de/ nga slob ma rnams la yang don 'thun par byed du bcug go/ dge slong dag ngas 'di snyam du bsam ste/ ring 'phur gyi chos 'dis ni nges par 'byung ba ma yin te/ de bye ba yang dag par sdug bsngal
- 192b
zad par nges par 'byung ba ma yin gyi/ bdag gis de las lhag pa zhig btsal zhing sprad do snyam mo// dge slong dag de nas nga ji srid dga' bar du grong khyer yangs pa can du gnas nas/ yul ma ga tar yul rgyu zhing / yul ma ga ta'i rgyal po'i khab kyi grong khyer chen po ga la der song ste/ ri'i rgyal po skya bo ga la ba der song nas/ ri'i rgyal po skya bo de'i ngos lang gcig pu gnyis su med cing grogs med par lha bye ba khrag khrig brgya stong phrag du mas bsrung shing gnas so// de nas nga nang par sham thabs dang / chos gos bgos lhung zed thogs te chu dron can gyi sgo nas/ rgyal po'i khab kyi grong khyer chen por 'gro ba dang / ldog pa dang / mdun du lta ba dang / g.yas g.yon du lta ba dang / bskum pa dang brkyang ba mdzes/ pa dang / snam sbyar dang / thang ba dang / lhung bzed dang / chos gos 'dzin pa mdzes pa dang / dbang po ma g.yengs pa dang / sprul pa bzhin du yid phyi rol du ma byang ba dang / 'bru mar gyis gang ba'i snod thogs pa bzhin gnya' shing gang tsam du lta zhing bsod snyobs kyi phyir zhugs so// de nas rgyal po'i khab kyi mi rnams kyis nga mthong nas nas ngo mtshar du gyur te/ ci 'di tshangs pa yin nam/ lha'i dbang po brgya byin yin nam/ 'on te rnam thos kyi bu 'am/ 'on te rnam thas kyi bu 'am/ 'on te ri'i lha 'ga' zhig yin nam snyam mo// de la 'di skad ces bya ste/ de nas gzi brjid mtha' yas dri med ldan/ byang chub sems dpa' bdag nyid rab byung ste/ sems ni zhi zhing spyod lam rab dul ba/
- 193a
cher#ri yi rgyal po skye bo'i ngos la gnas// byang chub sems dpas nam nangs shes nas ni/ mchog tu blta na mdzes par sham thabs bgos/ lhung bzed thogs nas dpa' ba'i yid kyis su// de ni rgyal po'i khab du bsod snyoms zhugs/ gser gyis le sbrum bzhin rab dul la/ sum bcu rtsa gnyis mtshan gyi go bgos la// skyes pa'i tshogs dang bud med kyis mthong nas/ su yang lta bas ngoms par ma gyur to// srang dag rin chen gos dang 'brus kyang brgyan// gang gi mthu ni grong khyer kun mdzes pa'i// sngan chad ma mthong sems can 'di su zhes// skye bo sel zhing nga yi rjes su 'brang // bud med stong dag khang pa'i steng 'dug cing / de bzhin sku dang de bzhin skar khung dang // srang dag bkang ste khyim ni stong byas nas// de dag las gzhan med par mi mazlog de'i gzugs la lta ba'i tshe nyo dang tshong ba dag kyang mi byed cing / chang dad can yang chang ni mi thung la/ khyim dang srang na 'dug par mi dga'o// rings par mi zhig rgyal po'i khab song ste/ de dag rgyal po gzugs can snying po la/ grong 'dir tshangs pa bdag nyid bsod snyoms spyod// lnga khyod rnyed pa dam pa brnyes shes zer// kha cig brgya byin lnga yi rgyal zhes zer// gzhan dag 'thab bral lha yi bu zhes zer// de bzhin yongs su dga' ldan 'phrul ba dang / gzhan dag rab 'phrul lha yi bu zhes zer/ kha cig nyi ma zla ba bzhin du/ sgra gzhan stobs ldan thags bzang ris shes zer/
- 193b
kha cig dag ni tshig kyang 'di skad du// ri rgyal skyal 'dug pa 'di yin zer// rgyal pos tshig ni de skad thos gyur nas// yid ni mchog tu dga' zhing skar khung 'dug/ shin tu sbyangs pa'i gser skar dpal 'bar ba// byang chub sems dpa' sems can mchog mthong ngo // rgyal po gzugs can snying pos mi de la// bsod snyoms byin nas gar 'gro ltos shes bsgo// ri yi mchog de la ni song mthong nas// lha gcig ri yi ngos la de mchis spras// gzugs can snying pos nam nangs shes nas ni// mi dbang skye bo mang pos yongs bskor te// ri yi rgyal po skye bo'i drung du song // ri de dpal ni rab tu 'bar ba mthong // bzhon pa las ni babs te rkang gis song // ji ltar lhun po bzhin du mi g.yo zhing // rtsa gting steng na dkyil mo dkrung 'dug pa'i// byang chub sems dpa' mchog tu gus pas mthong // rgyal pos rkang par man bos phyag byas te// rnam pa sna tshogs dag gis gtam byas nas// khyod la rgyal srid kun gyi phyed sbyin gyi// 'dod pa'i yon tan 'di spyod ma 'phyan smras// byang chub sems dpas 'jam pa'i tshig smras pa// sa li bdag po yun ring che bsrungs shig/ kho bos rgyal srid sdug pa bor nas ni// reb med par ni phyir rab tu byung gzhon nu thor pu dar la bab dang ldan// lus kyi kha dog mdzes shing shugs ldan pa// nor mang dag dang bud med tshogs bzhes te// bdag gi rgyal srid 'dir
- 194a
ra#bzhugs 'dod pa spyod// ma ga ta yi rgyal pos byang sems la// smras pa bdag khyod mthong bas mchog tu dga'// bdag gi rgyal srid kun gyi grogs mdzod cig/ bdag ni khyod la mnga' dbul 'dod pa spyod// nags tshal stong pa dag tu ma bzhugs shig/ slan chad sar gnas rtswa stengs pa bzhugs shig/ khyod kyi sku ni mchog tu rab tu gzhon// bdag gi rgyal srid 'dir bzhugs 'dod pa spyod// byang chub sems dpas 'jam zhing gya gyu med/ dga' 'gyur ban zhing snying rje'i tshig smras pa// rgyal po khyod ni rtag tu bkra shis gyur/ kho bo 'dod pa'i yon tan mi 'dod do// 'dod pa dug 'dra nyes pa mthas yas ldan// sems can dmyal dang yi dgas dud 'gror lhung // mkhas pas smad cing 'dod pa 'phags ma yin// kho bos ngar snabs rul pa bzhin du bor// 'dod pa shing gi 'bras bu bzhin du ltung // ji ltar sprin dang char sprin bzhin du 'gro// mi brtan 'gyur la ji ltar rlung bzhin 'gro// dge ba thams cad rnam par mthor zhing bslu// de bzhin 'dod pa mi rnyed phyir yang gdungs// rnyed du zin kyang chog par 'dzin mi 'gyur// gang tshe dbang med ma rungs rab 'gyur ba// de tshe 'dod pa sdug bsngal drag chen bskyed// rgyal po lha yi 'dod pa gang yin dang // mi yi 'dod pa bzang po gang yin pa'i// 'dod pa thams cad mi gcig gis thob kyang //
- 194b
de la chog pa med de yang tshol lo// rgyal po gang dag zhi zhing dul gyur pa// 'phags pa zag med chos kyi 'du shes gang // shes rab mkhas pas chog pa de legs chog/ 'dod pa'i yon tan chog pa cung zad med// rgyal po 'dod pa dag la sten byas shing // sngan chad 'du shes pa yi mtha' ma med// ji ltar mi dag lan tshwa'i chu thung bzhin// 'dod bsnyen daphyir zhing sred pa 'phel// rgyal po lus la yang ltos de mi brtan// snying po med de sdug bsngal 'khrul 'khor bzhin/ bu ga dgu yi sgo nas rtag tu 'dzag/ rgyal po kho bo 'dod pa'i 'dod chags med// kho bos 'dod pa mang dang de bzhin du// lta na sdug pa'i bud med stong bor te/ mchog zhi byang chub dam pa thob 'dod nas// kho bo srid par mi dga' nges par 'byung // dge slong phyogs ni gang dang gang nas byon// gang du khyod skyes yab yum gang na bzhugs// rgyal rigs lags sam bram ze'am rgyal po lags// dge slong khur gyi 'du shes med na gsungs// rgyal po shAkya rnams kyi ser skya'i grong // ma tu 'byor cing rgyas pa thos gyur tam// kho bo'i ba yi ming ni zas gtsang yin// yon tan 'dod pas kho bo der rab byung // khyod mthong legs par mthong ste legs pa lags// gang las khyod skyes bdag kyang de'i slob ma'o// 'dod chags bral ba 'dod par spyad drangs pa// phyogs nas bdag la bzod pa mdzad du gsol/
- 195a
rgya cher/ #gang tshe khyod kyis byang chub brnyes gyur tshe// chos rjes bdag la chos kyi bgo bsha' mdzod// rang 'byung bdag gi yul na bzhugs pa ni// bdag gis rnyed pa mchog tu rab rnyed te// de nas kyang ni rkang par phyag byas te// rgyal pos shin du gus par bskor byas nas// mi dbang rang gi skye bos/ yongs bskor nas// slar yang rgyal po'i khab tu zhugs par gyur// 'jig rten mgon po ma ga ta'i grong zhugs te/ ji srid 'dod par zhi ba'i yid kyis 'dug/ lha ba mi rnams kyi ni don byas nas// mi dbang na rany+dza de'i 'gram du song // / gzugs can snying po 'ongs pa zhes bya ba'i le'u ste// / bcu drug pa'o// // dge slong dag yang de'i tshe/ rangs byed kyi bu lhag spyod rgyal po'i khab kyi grong khyer chen por gnas nas/ slob ma'i tshogs chen po slob ma bdun brgya dang lhan cig tu gnas te/ de de dag la 'du shes med 'du shes med min gyi brtul zhugs dang 'thun pa'i chos ston to// dge slong dag byang chub sems dpa' rangs byed kyi bu lhag spyod tshogs dang ldan pa tshogs can tshogs kyi slob dpon grags pa mngon par 'dod pa/ skye bo mang pos mchod pa/ mkhas pa kun gyis shes pa mthong ngo // mthong nas kyang nga 'di snyam du sems te/ rangs byed kyi bu lhag spod 'di tshogs
- 195b
can tshogs kyi slob dpon/ grags pa mngon par 'dod pa/ skye bo mang pos mchod pa/ mkhas pa kun gyis shes pa yin// gal te bdag de'i drung du song ste/ brtul zhugs dang dka' thub ma brtsams na ni/ 'dis bdag la khyad par du 'phags pa'i 'du shes kyang mi skyed la/ mngon sum gyis shes par mi 'gyur ba dang / 'dus byas zag pa dang bcas pa'i bsam gtan dang / ting nge 'dzin dang / snyoms par 'jug pa dag kyang sun phyung bar gyur gyi gang gis na de la bsam gtan gyi spyod yul dag dang / snyoms par 'jug pa'i dmigs pa dag mngon sum du 'gyur ba dang / 'jig rten pa'i ting nge 'dzin dag kyang 'byung ba ma yin par bstan par 'gyur ba de lta bu'i thabs shin tu bstan par bya 'am/ bdag rangs byed kyi bu lhag spyod kyi drung du song ste/ bdag gi ting nge 'dzin gyi yon tan gyi khyad par bstan par bya ba'i phyir de'i slob mar khas blangs la/ 'dus byas kyi ting nge 'dzin la snying po med par bstan par bya'o// snyam mo// dge slong dag de nas byang chub sems/ dpas don de'i dbang du byas te/ rangs byed kyi bu lhag spyod ga la ba der song nas phyin pa dang / rangs byed kyi bu lhag spyad la 'di skad ces smras so// grogs po khyod kyi ston pa ni su zhig/ sus chos bstan pa kun shes/ de skad ces smras pa dang / rangs byed kyi bu lhag spyod kyis byang chub sems dpa' la 'di skad ces
- 196a
smras so// grogs po kho bo la ston pa gang yang med de/ 'on kyang kho bo rang gis 'di yang dag par khong du chud do// byang chub sems dpas smras pa/ khyod kyis ci khong du chud/ smras pa/ 'du shes med 'du shes med min skye mched kyi snyoms par 'jug pa'i lam mo// byang chub sems dpas smras pa/ bdag gis khyod la ting nge 'dzin gyi lam gdags ngag dang / rjes su bstan pa thob par 'tshal lo smras pa de ltar bya'o zhes bya ba nas/ gdams ngag 'byin pa'i bar du'o// de nas byang chub sems dpa' phyogs gcig tu song ste dkyil mo dkrung bcas nas 'dug go/ 'dug ma thag tu byang chub sems dpa'i bsod nams kyi khyad par dang / ye shes kyi khyad par dang / sngon spyod pa legs par spyad pa'i 'bras bu'i khyad par dang / ting nge 'dzin thams cad la 'dres pa'i khyad par dang / de sems la dbang bsgyur ba'i phyir bsam gtan la sogs pa'i 'jig rten pa'i snyoms par 'jug pa brgya stong thams cad rnam pa dang / bye brag dang bcas par mngon sum du gyur to// de nas byang chub sems dpa' dran pa dang shes bzhin du stan las langs te/ rangs byed kyi bu lhag spyod ga la der song nas byin pa dang / rangs byed kyi bu lhag spyod la 'di skad ces smras so// grogs po 'du shes med 'du shes med min skye mched kyi lam las gong
- 196b
na gzhan 'ga' zhig yod dam/ des smras pa med do// de nas byang chub sems dpa' 'di snyam du sems te/ lhag spyod 'ba' zhig la dad pa yod pa dang / brtson 'grus dang / dran pa dang / shes rab yod pa ma yin gyis/ bdag la yang dad pa dang / brtson 'grus dang / dran pa dang / ting nge 'dzin dang / shes rab yod do snyam mo/ de nas byang chub sems dpas rangs byed kyi bu lhag spyod la 'di skad ces smras so// grogs po khyod gang du nges par byung ba'i chos de kho bos kyang khong du chu'o// des smras pa/ de bas na gdod khyod dang kho bos tshogs 'di dag la rjes su bslab po zhes/ byang chub sems dpa' don 'thun pa dang / slob dpon gyi gnas su bzhag go/ byang chub sems dpas smras pa/ grogs po lam 'dis ni yid 'byung bar 'gyur ba ma yin// 'dod chags dang bral bar 'gyur ba ma yin// 'gog par 'gyur ba ma yin/ nye bar zhi bar 'gyur ba ma yin/ mngon par shes par 'gyur ba ma yin/ rdzogs par byang chub par 'gyur ba ma yin/ dge sbyong nyid du 'gyur ba ma yin/ mya ngan las 'das par 'gyur ba ma yin no// dge slong dag de ltar byang chub sems dpas lhag spyod slob ma dang bcas pa 'dun par byas nas/ de tsam gyis chog go zhes bya ba nas/ mchod par byas te song ba'i bar du'o// de'i tshe lnga sde bzang po rangs byed kyi bu lhag spyod las tshangs par spyod pa spyad pa de dag
- 197a
rgyada'adi snyam du sems te/ bdag cag gis 'di'i phyir yun ring por stsal cing brtson 'grus brtsams kyang mtha' dang mu khong du chud par ma nus kyi/ dge sbyong ko'u ta ma tshegs chung ngus khong du chud cing mngon du byas la/ de de yang mi 'dod cing de las gong du khyad par 'tshal ba las na/ the tsom med par de ni 'jig rten gyi ston par 'gyur ro// gang des mngon sum du byed par 'gyur ba de bdag cag la yang 'god par 'gyur ro snyam mo// de ltar dpyad nas lnga sde bzang po rangs byed kyi bu lhag spyod kyi drung nas song te/ byang chub sems dpa'i phyi bzhin 'brang ngo // dge slong dag de ltar byang chub sems dpa' dga' ba'i bar du rgyal pe'i khab tu gnas nas/ lnga sde bzang po dang lhan cig tu yul ma ga tar rgyu zhing song ngo // yang de'i tshe rgyal po'i khab dang / ri ga ya'i bar na tshogs gzhan cig dag dus ston byed de/ tshogs de dag kyang byang chub sems dpa' lnga sde bzang po dang / lhan cig gnas par bya ba dang / zas la 'gron du bos so// dge slong dag de nas byang chub sems dpa' yul ma ga tar rgyu zhing yul ma ga ta'i reg ya ga la ba der song ste/ der phyin par gyur to// rig la'i rtse mo der yang byang chub sems dpas spong ba'i phyir gnas te/ de der gnas pa'i tshe/ sngon ma thos pa dang sngon mi shis pa'i dpe gsum mngon du gyur to// gsum gang zhe na/ dge slong dang
- 197b
bram ze gang la la 'dod pa dag las lus dben par mi gnas/ 'dod pa dag las sems dben par mi gnas shing / de dag gi 'dod pa la dga' ba dang / 'dod pa la chags pa dang / 'dod pa la 'dun pa dang / 'dod pa la skam pa dang / 'dod pa la yongs su gdung ba dang / 'dod pa la zhen pa gang yin pa de ni nye bar zhi ba ma yin la/ de dag bdag nyid la gnod pa byed cing lus la gdung bar byed pas sdug bsngal gyi tshor ba drag po mi zad pa tsha ba myong ste/ 'on kyang de dag mi'i chos bla ma las mchog tu gyur pa/ 'phags pa'i ye shes mthong ba'i khyad par mngon du byed mi nus so// 'di lta ste dper na skyes bu zhig me 'dod pa la shing rlon pa'i btsu bas stan dang / shing rlon pa'i gtsub shing thogs la tshur bcug ste gtsubs na des mi 'byin par mi nus so// de bzhin du dge sbyong dang bram ze dag 'dod pa rnams las lus dben par mi gnas/ 'dod pa rnams las sems dben par mi gnas te/ de dag gi 'dod pa la dga' ba dang / 'dod pa la chags pa dang / 'dod pa la/ sred pa dang / 'dod pa la 'dun pa dang / 'dod pa la skam pa dang / 'dod pa la yongs su gdung ba dang / 'dod pa la rgyal ba dang / 'dod pa la zhen pa gang yin/ pa de ni nye bar zhi ba ma yin gyi// de dag bdag nyid kyis gnod pa byed cing lus la gdung bar byed pas/ sdug bsngal gyi tshor ba dgra bo mi bzad pa tsha ba myong mod kyi
- 198a
@'on kyang de dag mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar mi nus so snyam ste/ 'di ni byang chub sems dpa' la dpe mngon du gyur pa dang po'o// yang de 'di snyam du sems te/ gang dge sbyong ngam bram ze 'di dag/ 'dod pa rnams las lus dang sem dben par gnas kyang / de dag gi 'dod pa la dga' ba zhes bya ba nas// mi tshol ba zhes bya ba'i bar du thams cad snga ma bzhin du sbyar te/ des shing rlon pa'i gtsub stan thogs la thang la bzhag ste// shing rlon pa'i rtsub shing gis gtsubs na des me 'byin par mi nus so// de bzhin du gang dge sbyong dang / bram ze 'di dag ces bya ba nas thams cad snga ma bzhin du sbyar te/ mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar mi nus so snyam ste/ 'di ni sngon ma thos shing mi shes pa'i dpe mngon du gyur pa gnyis pa'o// gzhan yang gang dge sbyong dang bral ze 'di dag 'dod pa rnams las lus dang sems dben par gnas shing / de dag gi 'dod pa la dga' ba zhes bya ba nas thams cad de bzhin du sbyar te/ de dag gi de ni nye bar zhi ba ma yin te/ de dag bdag nyid kyis gnod pa med cing lus la gdung bar byed pas sdug bsngal gyi tshor ba drag po mi bzad pa myong mod kyi 'on kyang de dag mi'i chos bla ma las mchog tu gyur pa/ 'phags pa ye shes mngon du mthong ba'i khyad par
- 198b
mngon du bya bar nus so// 'di lta ste dper na/ skyes bu zhig me 'dod cing 'od 'dod pa dang / 'od tshol bar gyur la/ des shing skam po'i gtsub stan dang gtsub shing thogs/ shing thang la bzhag ste gtsubs na/ des me dbyangs pa dang / 'od 'bar bar byed nus so// de bzhin du yang dge sbyong dang bram ze 'di dag ces bya ba nas/ tshor ba myong ba zhes bya ba'i bar du snga ma gzhan du sbyar te/ 'on kyang de mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar nus so snyam ste/ 'di ni sngon ma thos shing mi shes po'i dpe gsum pa'o// dge slong dag de nas byang chub sems dpa' 'di snyam du sems te/ bdag kyang da ltar 'dod pa rnams las lus dben par gnas/ 'dod pa rnams la sems dben par gnas la/ bdag gi 'dod chags la dga' ba zhes bya ba nas// thams cad snga ma bzhin du sbyar te/ bdag/ de yang nye bar zhi ba yin la/ bdag nyid kyis gnod pa byas shing lus la gdung bar byed pas sdug bsngal zhes bya ba nas/ tshor ba myong zhes bya ba'i bar du snga ma bzhin sbyar te/ 'on kyang bdag mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar nus so snyam mo// dge slong dag de ltar byang chub sems dpa' ji srid dga' ba'i bar du/ ga ya'i ri ra ga ya'i rtse mo la gnas te/ rkang gis yul rgyu zhing sde dpon gyi grong ldeng rgyas ga la ba der song ste phyin
- 199a
pa dang / de na klung ne ran dza na chu gsal ba/ 'bab stegs bde ba/ shing dang / shing gel ba mdzes pa dag gis brgyan pa/ nyen kor na spyod yul gyi grong yod par mthong ste/ de la byang chub sems dpa' yid shin du dga' bar gyur nas/ 'di snyam du sems te/ e ma'o sa phyogs 'di ni mnyam zhing nyams dga' ba nang du yang dag 'jog dang 'thun pa ste/ rigs kyi bu spong ba don du gnyer ba la ni 'dis chog go bdag kun spong ba don du gnyer ba yin gyi 'di nyid du gnas par bya'o snyam mo// dge slong dag de ltar byang chub sems dpa' 'di snyam du sems te/ bdag ni 'dzam bu'i gling 'dir snyigs ma lnga'i dus la bab cing / sems can rnams dman pa la mos pa dang / mu stegs can gyi sdes gang ba dang / lta ba sna tshogs la zhugs pa dang / lus la ril por 'dzin pa la zhen pa'i tshe 'ongs te/ blun po dag gdung ba rnam pa sna tshogs kyi dag pa tshol zhing ston pa 'di lta ste/ sngags spyod pa dang / lag pa la ldag pa dang / mi spong ba dang / mi smra ba dang / rtsa ba du ma za ba dang / sha dang nyi mi za ba dang / dbyar mi 'byung ba dang / char dang phub ma dang / chu yongs su spangs pa/ khyim gcig dang / gsum dang lnga dang / bdun nas zas len pa dang / rtsa ba dang / 'bras bu dang / nya lcibs dang / tsa ku sha dang / lo ma dang / ba lang gi lci ba dang / ba'i
- 199b
gcin dang / 'o thug dang / zho dang / mar dang / bu ra ma dang / ma rtags pa za zhing 'thung ba dang / bya ngang ba dang / pug ron gyis zos te bor ba bkrus te za ba dang / grong dang dgon pas 'tsho ba dang / ba lang gi brtul zhugs dang / ri dgas dang / khyi dang / phag pa dang / spre'u dang / glang po che'i brtul zhugs dang / 'greng ba dang / mi smra ba dang / dpa' bo'i tshul du 'dug pa dang / kham gcig dang / kham 'dun gyi bar du za ba dang / zas lan gcig dang / nyin zhag gcig dang / bzhi dang / lnga dang / drug gi skabs skabs su za ba dag gis zla ba phyed dang / zla ba gcig zad par byed pa dang / zla ba la lta ba dang / bya rgod dang 'ug pa'i gshog pa thogs pa dang / shing leb dang / rtswa mun dza dang / zar ma'i shun pa dang / rtswa dur ba dang / gres ma dang / rnga bal gyi lwa ba dang / ras bal gyi lwa ba dang / ska lwa ba dang / ko lpags gyon pa dang / gos gsher ba dang / stegs bu'i steng dang / chu'i nang na nyal ba dang / thal ba dang / rdo dang / gyo mo dang / shing leb dang / tsher ma dang / rtsa dang / gtun shing gi steng du nyal ba dang / mgo thur du bstan pa dang / tsog por 'dug thang la nyal ba dang / gos gcig dang / gos gnyis dang / gsum dang / bzhi dang / lnga dang / drug dang / bdun dang / gos mang po bsrel ba dang / gcer bur 'dug pa dang / khrub dang / mi khru ba'i go cha can dang /
- 200a
sgra dang / sen mo dang / a gtsem ring por 'jog pa dang / ral pa thogs tshugs 'chang ba dang / rgya shug dang / til dang / 'bras 'bru gcig za ba dang / thal ba dang / snag cha dang / me tog spyad pa dang / rdul 'thung ba dang / rdul nag po dang / phyag dar dang rdzas kyis lus la bskud pa dang / ba spu dang / mi'i thod pa dang / skra dang / sen mo dang / tshal bu'i smad g.yogs pa dang / rdzab dang keng rus thogs pa dang / chu dron po dang / 'bras kyi khu ba dang / lwa bar brtsegs pa dang / khrud ma 'thung ba dang / mdag ma dang / mtshon rtsi dang / tshon ngur smrig dang / dbyug gu gsum dang / mgo 'dreg pa dang / ril ba dang / mi'i thod pa dang / khri'i zur shing 'chang bas blun po rnams dag par khong du chud do// du ba rngub pa dang / me rngub pa dang / nyi ma la lta ba dang / gdung ba lnga byed pa dang rkang pa gcig dang / lag pa gcig sdod pa dang / rkang pa gcig btsugs pa dang / gnas gcig na 'dug pas dka' thub stsogs pa dang / phub ma la stsogs pa dang 'dag ma bsregs pa dang / bum pa bsregs pa dang / rdo ba bsregs pa dang / me bar bar du 'jug pa dang / zas mi za ba dang / mya ngan dang / 'bab stegs su song sde shi bas sdug pa'i gro ba tshol lo// rab sngags zhes bya ba dang / gzhi mi 'grib pa zhes bya ba dang / gzhi bsrung zhes bya ba dang / gzhi tshugs zhes bya ba dang
- 200b
smon lam dang / bstod pa dang / sbyin bsregs dang / dbab pa dang / sngags kyi bzlas brjod dang / klog pa 'dzin cing byed pas dag par khong du chud ngo // bdag dag par sems shing de la rten nas 'di lta ste/ tshangs pa dang / dbang po dang / gu lang dang / khyab 'jug dang / lha mo dang / gzhon nu dang / ma mo dang ka t+ya'i bu dang / zla ba dang / nyi ma dang / rnam thos kyi bu dang / chu lha dang / nor can gyi bu dang / tha skar gyi bu dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / 'byung po dang / grul bum dang / yi dgas dang / 'khor dang / tshogs dang / mtshun dang / shin za dang / lha'i drang srong dang / tshangs pa'i drang srong dag la phyag 'tshal zhing de dag la snying por 'du shes so// sa dang / chu dang me dang / rlung dang / nam mkha' la yang rten/ ri dang ri sul dang / klung dang / chu mig dang / mtsho dang / mtshe'u dang / lteng ka dang / khron pa dang / rdzing bu dang / shing dang / shing gel ba dang / 'khri shing dang / rtswa dang / sdong dum dang / lhas dang / dur khrod dang / gzhi mdo dang / sum mdo dang / srang dag la yang rten to// khang pa dang / ka ba dang / rdo dang / tho ba dang / ral gri dang / gzhu dang / dgra sta dang / mda' dang / mdung thung dang / rtse gsum pa dag
- 201a
la yang phyag 'tshal lo/ zho dang / mar dang / yungs dkar dang / shing bal gyi phreng ba dang / rtsa dur ba dang / nor bu dang gser dang / dngul la sogs pa la bkra shis par 'dzin te/ gzhan mu stegs can 'di dag 'khor bas 'jigs skrag nas/ rnam pa de lta bu dag byed cing rten to// 'di na kha cig bdag cag gi mtho ris dang thar pa yang 'di lta bu dag las grub po snyam du sems te/ de ltar log pa'i lam du song bas skyabs ma yin pa la skyabasu 'du shes shing / bkra shis pa ma yin pa la bkra shis par 'du shes la/ dag pa ma yin pa la dag par sems kyi// bdag gis ci nas kyang phas kyi rgol ba thams cad tshar bcod par 'gyur ba dang / sems can las dang bya ba chud gzon pa rnams kyi las dang bya ba chud mi za bar bstan par bya ba dang / gzugs na spyod pa'i lha bsams gtan spyod yul ba rnams la/ bsam gtan gyi khyad par bstan pas 'dun par byed pa de lta bu'i brtul zhugs dang / dka' thub kyi khyad par brtsam mo snyam mo// dge slong dag de ltar byang chub sems dpas de snyam du bsams nas/ lo drug tu brtul zhugs dang dka' thub shin du drag po shin du bya dka' ba sprad pa brtsams so// de ci'i phyir dka' ba spyod pa zhes bya zhe na/ de ni spyad par dka' ba ste/ des na dka' ba spyod pa zhes bya ste/ byang chub sems dpa' srid pa tham pa gang / bsam gtan mkha' khyab la
- 201b
snyoms par zhugs pa ma gtogs par sems can gyi ris na mi 'am mi ma yin pa sus kyang dka' ba spyad pa de lta bu spyod par nus pa med do// ci'i phyir de la mkhas khyab ces bya zhe na/ de dang po nyid du bsam gtan gzhi pa la snyoms par 'jug pa'i tshe/ dbugs phyi nang du rgyu ba nye bar 'gog/ kun du 'gog ste/ bsam gtan de ni rtog pa med/ rnam par rtog pa med/ g.yo ba med/ sems pa med/ 'gyu ba med cing thams cad du rjes su song ba/ thams cad la mi rten pa ste/ bsam gtan de la sngon slob pa'am/ mi slob pa'am/ rang sangs rgyas sam/ spyod pa la zhugs pa'i byang chub sems dpa' sus kyang snyoms par ma zhugs so// mkha' zhes bya ba ni/ nam mkha' ste/ khyab par mi byed pa/ byed pa med pa/ rnam par mi 'thor ba ste/ des thams cad la khyab par byed pas na bsam gtan de na mkha' dang mnyam ste/ de bas nam mkha' khyab ces bya'o// dge slong dag de nas byang chub sems dpa' 'jig rten rnams la ngo mtshar yang dag par bstan pa bya ba dang / mu stegs can rnams kyi rgyags pa gzhil ba dang / phas kyi rgol ba rnams tshar bcad pa dang / lha rnams 'dren par bya ba dang / sems can thams cad rtag pa dang rtag par smra ba/ las dang bya ba chud zos pa rnams las dang bya ba la gzud pa dang / bsod nams kyi 'bras bu brjod pa dang / ye shes kyi 'bras bu bstan pa dang / bsam gtan gyi yag lag rnam pa
- 202a
dbye ba dang / lus kyi stobs dang mthu yang dag par snyan par bya ba dang / sems kyi dpa' ba yang dag par bskyed pa'i phyir/ byi dor/ ma byas pa'i sa tha ma la pa la dkyil mo dkrung bcas te 'dug go/ 'dug nas rang gi lus sems kyis tshar bcad cing gzir to// dge slong dag de nas nga dgun gyi brgyad pa'i nub mo de ltar lus tshar btsad cing gzir bas// mchan khung nas kyang rdul byung ste/ dpral ba nas kyang rdul byung ste/ zags nas sa la lhung ste/ zil par chags nas dri zhing rlangs pa byung ngo // 'di lta ste dper na/ skyes bu stobs dang ldan pas skyes bu shin du nyams chung ba zhig mgrin pa nas bzung ste gtsir ba de bzhin du/ dge slong dag de bzhin du lus 'di sems kyis tshar bcad cing gtsir na/ mtshan khung nas kyang rdul 'byung zhing zags/ dpral ba nas kyang rdul 'byung zhig zags nas sa la lhung ste/ zil par chags nas dro zhing rlungs pa byung ngo // dge slong dag de nas ngas 'di snyam du bsam ste/ bdag gis bsam gtan du bya'o snyam nas/ dge slong dag de nas ngas bsam gtan mkha' khyab la bsam gtan tu byas pa dang / kha dang sna nas dbugs phyi nang du rgyu ba 'gags par gyur te/ rna ba'i bu ga gnyis nas sgra drag po sgra chen po byung ngo // 'di lta ste dper na sdud pa bus pa'i tshe sgra drag po sgra chen po 'byung ba de bzhin du/ dge slong dag kha dang sna nas dbugs phyi nang du rgyu ba 'gags
- 202b
bar gyur pa dang / rna ba'i bu ga gnyis nas sgra drag po dang sgra chen po byung ngo // dge slong dag de nas ngas 'di snyam du bsam te/ yang bdag gis bsam gtan mkha' khyab la bsam gtan du bya'o snyam pa dang / de nas nga'i kha dang rna ba 'gags par gyur to// de dag 'gags pa dang / rlung gong du mgo bo'i thod pa la gnod par gyur dge slong dag 'di lta ste dper na/ skyes bu zhig gis mdung thung rtul pos mgo bo'i thod pa la btab pa de bzhin du/ dge slong dag kha dang sna dang rna ba'i dbugs phyi nang du rgyu ba 'gags pa dang / gong du mgo bo'i thod pa la gnod par gyur to// der lha'i bu gcig gis byang chub sems dpa' na ba de skad ces smras so// kye mi'o kyi hud gzhon nu don grub 'di 'chi ba'i dus byas so// gzhan zhig gis 'di skad ces smras so// 'di 'chi ba'i dus byed pa ma yin gyi/ dgra bcom pa bsam gtan la gnas pa rnams kyi tshul ni 'di lta bu'o zhes smras nas/ de'i tshe tshigs su bcad pa 'di dag smras so// mi yi dbang po shAkya'i sras po 'di/ brnag pa ma rdzogs 'on kyang ma mdzad cig/ 'jig rten gsum po sdug bsngal mgon med par// mdzad nas mgon 'dir grongs par mi 'gyur grang // kyi hud sems can snying po thugs dam brtan// mgon pos sngan chad bdag cag dga' ldan du// dam chos mchod sbyin la ni 'gron du bos/ sems can dag khyod dam bcas de ga re/ de nas
- 203a
@#lha de sum bcu rtsa gsum gyi lha'i nang du song ste/ lha mo sgyu 'phrul la gzhon nu ni 'chi ba'i dus byas so zhes don de brjod do// de nas lha mo sgyu 'phrul lha'i bu mo'i tshogs kyis bskor nas/ nam phyed tsam na klu de na ran dza na'i 'gram ga la ba dang / byang chub sems dpa' ga la ba der song ba dang / des byang chub sems dpa' lus skams shing 'chi ba'i dus byas pa dang 'dra bar mthong ngo // mthong nus kyang mchi mas bsnangs shing dus nas/ de'i tshe tshig su bcad pa 'di dag smras so// lum bi ni zhes bya ba'i tshal du nga bu btsas pa'i tshe/ seng ge bzhin du 'dzin pa med par gom bdun khyod nyid song / phyogs bzhir ltas shing 'di ni nga yi skye ba tha ma zhes// khyod kyis tshig snyan smras pa de yang khyod la yongs ma rdzogs// 'jig rten sangs rgyas 'gyur zhes drang srong nag pos bstan pa 'di// de yi lung bstan pa yang nyams la mi rtag des mthong // bus ni yid dgas 'khor los bsgyur ba'i dpal yang ma myong la// byang chub kyang ni rjes su mthong tshul du 'gro bar gyur/ bu gcig su la sgrub cing sdug bsngal su yi gan du 'dzud// bdag gi bu gcig cung zad gson pa'i srog ni su yis sbyin byang chub sems dpas smras pa/ shin du snying rje bar ni du byed cing // skra yang bshig la mdzes pa rnam bor ba// shin tu bu yi smre sngags 'don byed la/
- 203b
sa stengs 'dug cing 'gre ba 'di su zhig/ lha mo sgyu 'phrul gyis smras pa/ bdag gis zla ba bcu bar du// rdo rje 'dra bar mngal du bcangs// bu de'i ma ni bdag yin te// rab tu sdug bsngal rnam par smra// de nas byang chub sems dpas ma'i dbugs 'byin cing smras pa/ bu la byams pa khyod kyi ngal ba 'bras bu yod par byas pas ma 'jigs shig/ sangs rgyas par bya ba'i phyir yongs su btang ba ni don yod pa ste/ drang srong nag pos lung bstan pa yang mngon par gsal bar bya'o// mar me mdzad kyis lung bstan pa yang mngon par gsal bar bya'o// sa ni rnam brgyar 'thor bar 'gyur yang srid// rin chen rtse mo lhun po chur 'phye srid/ nyi zla skar tshogs sa la lhung 'gyur srid/ so so'i skye bo yin kyang nga mi 'chi// de phyir 'di la mya ngan khyod ma byed// ring por mi thogs byang chub sangs rgyas 'gyur// de lha mo sgyu 'phrul gyis thos ma thag tu rab tu dga' ste/ ba spu g.yos nas/ byang chub sems dpa' la me tog man da ra bas gtor nas lan gsum bskor ba byas te/ lha'i sil snyan dkrol zhing rang gi gnas ga la ba der song ngo // dge slong dag ngas 'di snyam du bsam ste/ dge sbyong dang / bram ze gang dag kha cig zas chung ngus dag par sems pa yod kyi/ ngas zas chung ngu la nan tan bya'o snyam mo// dge slong dag ngas mngon par shes te/ zas la rgya shugs 'bru gcig pu kho na ste gnyis su med pa zos
- 204a
nga ngas byed kyi zla'ang stsas du/ da grug che bskas du sems 'gyur/ pas te/ tu thug nyid tsam mo// dge slong dag ngas zas rgya shug 'bru gcig pu kho na te gnyis su med pa zos pas/ lus shin tu nyams chung zhing ring par gyur to// dge slong dag 'di lta ste dper na/ ldum bu a si ta ka'i tshigs pa'am/ ka ling ka'i tshigs pa ci 'dra bar nga'i yan lag dang nying lag rnams kyang de 'dra bar gyur te// 'di lta ste dper na srog chags ker sha da ka'i rtsibs logs ci 'dra bar nga'i rtsib logs kyang de 'dra bar gyur to// 'di lta ste dper na gzhon pa'i bres khang ngam/ glang po'i bres khang rnyis pa ngos gnyis zhig pa ni/ gdung sten gyi bar snang bzhin mngon no// de bzhin du nga'i rtsib logs gnyis ka nas lus kyi chu ba snang zhing mngon no// 'di lta ste dper na/ lan bu blas pa ni mthon dman dang mnyam pa dang mi mnyam par 'gyur ro// de bzhin du nga'i skal tshigs kyang mthon dman dang mnyam pa dang mi mnyam par gyur to// 'di lta ste dper na/ sku ba khra bo gzhon nur bcad pa ni rnyis pa dang / kun tu rnyis pa dang / rtsub rtsub por 'gyur ro// de bzhin nga'i mgo yang rnyis pa dang / kun tu rnyis pa dang / rtsub rtsub por gyur to// 'di lta ste dper na/ sos ka'i zla ba tha ma la khron pa'i skar mang pa'i bar song ste/ tshegs chen pos snang bar 'gyur ro// de bzhin du nga'i mig gi 'bras bu yang khung du song ste/
- 204b
tshegs chen pos snang bar gyur to// 'di lta ste dper na/ ra'i rkang pa 'am/ rnga me'i rkang pa ci 'dra bar// nga'i mchan khung dang / lto dang / brang la sogs pa yang de 'dra bar gyur to// dge slong dag de nas nga'i gang gi tshe lag pas lto ba la byug go/ ldang ngo snyam nas langs na yang de bzhin du sgur por gyur te 'gyel to// sha thang ste langs nas lus la rdul gyis phog pa lag pas byis pa dang / ba spu rul pa thams cad lus las lhags so// gang sngon kha dog mdzes shing 'jam par gyur pa yang / 'di ltar bdag nyid spong ba rtsub por btang bas med par gyur to// nga'i spyod yul gyi grong na gnas pa'i skye bo nyen kor ba rnams kyang nga la 'di ltar e ma'o dge sbyong go'u ta ma ni gnag go/ e ma'o dge sbyong go'u ta ma ni sngo bsangs so// e mo'i dge sbyong go'u ta ma ni nya ming gu ra'i mdog 'dra'o// sngon 'di'i mdog mdzes pa gsal bar gyur pa de yang med par gyur to snyam du shes so// dge slong dag ngas 'di snyam du bsams te/ bdag gi de bas kyang zas chung ngu la nan tan bya'o snyam mo// dge slong dag ngas mngon par shes te/ ngas zas 'bras 'bru gcig pa kho na ste gnyis su med pa zos so// dge slong dag khyed 'di snyam du de'i tshe 'bras che ba snyam du sems par gyur na/ de ltar mi lta ste/ de'i tshe 'bras kyang 'di nyid tsam mo// dge slong dag ngas zas su 'bras 'bru gcig zos pas lus myur du snga ma bzhin du gyur te/ e ma'o dge slong
- 205a
rgya chenago'u ta ma nya ming gu ra'i mdog 'dra'o// sngon 'di'i mdog mdzes pa gsal bar gyur to zhes bya ba'i bar du'o// dge slong dag ngas/ 'di snyam du bsams te/ bdag gis de bas kyang zas chung ngu nyid la nan tan bya'o snyam mo// dge slong dag ngas mngon par shes te/ ngas zas su til 'bru gcig kho na ste/ gnyis su med pa zos pa na/ de'i kha dog 'jam po med par gyur to// zhes bya ba'i bar du'o// dge slong dag ngas 'di snyam du bsams te/ dge sbyong dang / bram ze gang dag kha cig zas mi za bas dag par sems te/ bdag gis kyang thams cad kyis thams cad du zas mi za bar nan tan bya'o snyam nas/ dge slong dag de nas ngas zas mi za bar 'dug go/ dge slong dag ngas zas ma zos pas lus shin tu skams shing nyams chung ba dang rid par gyur te/ 'di lta ste dper na/ ldum bu a si ta ka'i tshigs pa dang / ka li ka'i tshigs pa bas kyang nyis 'gyur dang / sum 'gyur dang / bzhi 'gyur dang / lnga 'gyur dang / bcu 'gyur gyis nga'i yan lag dang nying lag skems par gyur te/ 'di lta ste dper na/ rtsib logs ni srog chags kar ka ta ka'i rtsib logs dang / bzhon pa'i bres khang lta bar gyur to// skal tshigs ni lan bu sbas pa lta bur gyur to// mgo bo'i thod pa ni ku ba khra bo lta bur gyur to// mig gi 'bras bu ni khron pa'i skar ma lta bur gyur to// dge slong dag nga/
- 205b
legs par ldang ngo snyam nas/ lus kyis skyod pa na sgur por gyur te 'gyel to// sha thang ste las nas rdul gyis lus yog pa lag pas byis pa dang / ba spu rul pa thams cad lus las lhags so// gang sngon kha dog mdzes shing 'jam par gyur pa de yang / 'di ltar bdag nyid spong ba rtsub por btang ba'i phyir med par gyur to// nga'i spyod yul gyi grong na gnas pa'i skye bo nyen kor pa rnams kyang / 'di ltar e ma'o dge sbyong ko'u ta ma ni gnag go/ e ma'o dge sbyong ko'u ta ma ni sngogasangaso// e ma'o dge sbyong bo'u ta ma ni nyi gu ra'i mdog 'dra'o// sngon 'di'i kha dog mdzes pa gsal ba med par gyur to snyam du shes so// de'i tshe rgyal po zas gtsang ma yang / nyin re bzhon du byang chub sems dpa'i drung du pho nya gtong ngo // dge slong dag de ltar byang chub sems dpa' snga ma bzhin du/ 'jig rten du bya ba rmad du byung ba bstan ba dang / bya ba nyams pa'i sems can rnams las dang bya ba la gzung ba dang / bsod nams kyi tshogs rnams brjod pa dang / ye shes chen po'i yon tan bstan pa dang / bsam gtan gyi yan lag rnam par dbye ba'i phyir/ til 'bru gcig dang / rgya shug 'bru cig dang / 'bras 'bru gcig gis lo drug gi bar du dka' ba spyad pa bstan te/ yid dman pa med do// byang chub sems dpa' lo drug gi bar du dkyil mo bkrung bcas nas ji ltar 'dug pa bzhin du gnas te spyod lam nyams
- 206a
pa med do// nyi mas bab kyang grib ma la ma song ngo // grib ma las kyang nyi ma la ma song ngo // rlung dang / nyi ma dang / char/ ba'i skyabs ma 'tshal lo// sha sbrang dang / sbrang bu dang / sdig sbrul ma bskrad do// gshang ba dang gci ba dang / mchil pa dang snabs ma bor ro// bskum pa dang brkyang ba ma byas so// globab pa 'am/ khas bub 'am/ gan kyal ma yin par gnas pas gnas so// sprin chen po dang / yul ngan chen po dang / char pa dang / ser ba dang / ston dang / dpyid dang / dgun gang yin pa de dag gis kyang byang chub sems dpa'i lus la ma phog go/ tha na byang chub sems dpas lag pas kyang ma skabs so// dbang po yang ma dkag go/ dbang po'i yul yang ma blangs so// gang dag der 'ong ba grong gi gzhon nu 'am/ grong gi gzhon nu ma 'am/ ba lang rdzi'am/ phyogs rdzi'am/ shing 'thun nam/ lci thun de dag kyang byang chub sems dpa' la rdur khrod kyi 'dre yin pa snyam du sems shing de la rtse ste/ de la sas bskud do// de la byang chub sems dpa' lo drug po de dag gis lus ngan pa dang / gong ba dang / zad par gyur te/ de'i rna ba gnyis su ca 'am shing bal bcug nas sna'i bug gnyis su 'byin to// sna'i bu ga gnyis su bcug nas rna ba'i bu ga gnyis su 'byin to// rna ba'i bu ga gnyis su bcug nas khar 'byin to// khar bcug nas rna ba dang sna'i bu gar
- 206b
'byin to// lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lta 'phye chen po gang dag byang chub sems dpa'i yon tan mngon sum du gyur pa de dag nyin mtshan du gnas shing byang chub sems dpa' la mchod par byed do// smon lam yang 'debs so// de nas byang chub sems dpa' lo drug tu dka' ba spyod pa ston cing / lha dang mi khrag khrig phrag bcu gnyis tshang ba dag theg pa gsum la yongs su smin par byas so// de la 'di skad ces bya'o// byang chub sems dpa' khyim byung ba/ yon tan dag dang ldan pa de/ sems can don dang phan pa'i phyir// sems dang ldan pa'i bsam pa skyed/ snyigs ma lnga yi dus kyi tshe/ chos dma' mos pa'i 'jig rten pa/ las dang bya bar 'jig rten du/ 'dzam bu gling du skyes par gyur// mu stegs tshogs kyis rab tu gang / ltas mo dang ni ltas su blta// lus la gnod pa'i bya ba byed// byis pa de dag dag par sems/ g.yangs me dang mya ngan 'jug/ sgron me sa dang thal bas skud// lus ni yongasu gdung ba'i phyir// gdung ba lnga brtson dang ldan// lag pa rkyang / ste rgyu ba dang // mi mkhas kha cig lag pa ldag/ bum kha mkhar gzhong las mi len/ sgo dang ka bas cho ga mi len/ gang na khyi yod pa nas min// 'dug ce'am tshur shog ces las min/ khyim nas kha zas gcig len pas// bdag ni dag par 'gyur snyams sem/
- 207a
che/ mar dang 'bru mar bu ram 'o// nya dang sha dang 'o ma spong / ldam ldum sred pa pad ma'i rtsa// gzegs dang ba lang lci ba za/ rtsa ba 'bras bu lo ma za// ka sha tshal bu la ba lpags// srel byed kha cig sgren mor rgyu// glen pa 'di bden gzhan rdzun snyam// lag pa sgreng bar byed pa dang skra sgreng ral ba sgreng ba dag/ lam las rab tu rnam par nyams/ lam min gnas shing bde 'gro 'dod// rtsa dang gtun shing thal bar nyal// tsher mar nyal zhing cog par 'dug/ kha cig rkang pa gcig pu 'greng // gdong bstod nyi dang zla bar lta// chu mig mtsho dang lteng ka dang / rgya mtsho chu bo nyi zla dang / shing dang ri yi rtse mo dang / rdo deng sa la phyag kyang 'tshal// glen pa de dag gnod mang gis// lus ni yongasu skams par byed/ log par lta dang ldan pa dag/ myur du ngan song rnams su lhung // nga ni dka' thub brtul zhugs dang // dka' spyad gang zhig lha dang mis// spyad par nus pa ma yin pa'i// dka' spyad drag po brtsoms snyam sems/ bsam gtan gang zhig rang rgyal gyis// blta bar nus pa ma yin pa/ rdo rje lta bur gnas brtan pa// mkha' khyab bsam gtan bsam gtan byed// mu stegs brtul zhugs ngan pa yis// dga' ba'i lha mi 'di ni yod// de dag yongs su smon pa'i phyir// dka' spyad brtul zhugs drag po brtsams sa stengs ci yang
- 207b
ma bting bar// dkyil mo dkrung ni bcas te 'dug/ rgya shug til dang 'bras bu gcig/ za ba'i cho ga rnam par ston/ dbugs dbyung rngub pa rnam par spangs/ stobs dang ldan pa g.yo ba med// lo drug bar du bsam gtan mchog/ na mkha' khyab la bsam gtan byed// rtog dang rnam par rtog med par/ g.yo ba med ci sems rgyu med/ na mkha'i khams su khyab pa yi// mkha' khyab bsam gtan bsam gtan byed/ de ni nyi las grib mar ram/ grib las nyi mar ma song la// lhun po lta bur mi g.yo ba'i// mkha' khyab bsam gtan bsam gtan byed// rlung dang char dang sha sbrang dang // sdig sbrul sbrang bu skyob mi byed// rnam par ma 'khrug spyod pa yis// mkha' khyab bsam gtan bsam gtan byed// bdag nyid gcig pu'i don gyi phyir// mkha' khyab bsam gtan byed pa min// gzhan du snying rje'i sems kyis ni/ 'jig rten don mang ched du bsgom// grong gi byis pa ba lang rdzi// shing thun dag dang rtsa thun dag/ de la rdul khrod 'dre snyam sems// de la sa yis/ snang byed do// mi gtsang ba yang 'thor bar byed// de dag gnod pa mang byed kyang / g.yo ba med cing 'khrug med pa// mkha' khyab bsam gtan bsam gtan byed/ mthob med cing dma' ba med// lus ma bsrungs par mis ma reg/ gshang ba mi byed gci mi byed// dgra yis mi 'jigs gzhan mi blta// sha dang khrag
- 208a
che/ rnam skams gyur te/ lpags pa rtsa rgyus rus pa dang // skal tshigs dag ni lto bar snang // lan bu blas pa ji bzhin no// gang dag lhag par byas lha dang // lha min gnod sbyin dri za klu// yon tan ldan pa mngon sum pas// nyin dang mtshan du mchod pa byed/ ji ltar mkha' 'dra'i sems ldan 'di// mkha' khyab bsam gtan bsami gtan byed// de 'drar bdag cag myur gyur ces// smon lam dag kyang 'debs par byed// snying rje'i blo yis 'jig rten gyi// don mang phyir byed ma gtogs par// bdag phyir ma yin pade blos min// bsam gtan ro ni myang phyir min// phas kyi rgo ba rab tu bcom// mu stegs blo nyams zil gyis mnan// mgo reg byang chub ga la yod// byang chub bskal mang rnyed dka' zhes// 'od bsrungs la ni tshig smras pa'i// las dang bya ba rab tu bstan skye bo dag ni dga' bya'i phyir// mkha' khyab bsam gtan bsam gtan byed// lha mi khrag khrig bcu gnyis tshar// theg pa gsum la rab tu brtul// de yi ched du blo gros bzang // mkha' khyab bsam gtan bsam gtan byed// dka' ba spyad pa'i le'u zhes bya ba ste/ bcu bdun pa'o// // dge slong dag bdud sdig can yang // byang chub sems dpa' lo drug gi bar du dka'
- 208b
ba spyad pa spyod pa'i tshe/ phyi bzhin du 'brang ste/ glags ltas skabs btsal kyang nam yang glags cung zad kyang ma snyed do// de glags ma rnyed nas yi chad de// yid la/ btsogs bzhin du song ngo // de la 'di skad ces bya ste/ dgon pa nyams ni dga' ba dang / nags tshal gel ba sgra med pa// lteng rgyas kyi ni shar phyogs na// chu klung na ran dza na der// spong ba'i phyir ni brtson par byas// rtag tu mthu rtsal brtan pa po// grub dang bde ba thob bya'i phyir// brtson pas rab tu btud de la/ bdud ni 'jam zhing snyan pa'i tshig/ smra bar byed cing 'ongs par gyur// kye srog gces kyi 'tsho bar gyis// gson na chos ni spyod par 'gyur// gson tshe bya ba gang yod pa// de dag byas na mya ngan med// khyod rke mdog nyams dman par gyur// khyod ni shi la thug cing 'dug/ 'chi ba'i cha ni stong snyed tsam// cha gcig tsam zhig gson par zad// sbyin pa dag ni rtag tu sbyin// me yi sbyin bsreg sbyin bsreg byos// 'on tam bsod nams chen por 'gyur// spong ba yis ni ci zhig bya// spong ba'i lam ni sdug bsngal te/ sems 'dul ba ni bya dka' zhes// de tshe bdud kyis de skad tshig/ byang chub sems dpa' de la smras/ de skad smra ba'i bdud de la// byang chub sems dpas 'di skad smras sdig can myos pa'i rtsa lag po// khyod ni rang gi don phyir 'ongs// nga la bsod nams cung zad kyang // don du
- 209a
/ gnyer ba med do bdud// gang dag bsod nams don du gnyer// de la de skad smra ba'i rigs// 'tsho ba'i mtha' ni 'chi yin pas// mi 'chi snyam du nga mi sems// tshangs par spyod la gzhol gyur pas// phyir ldog par ni mi bya'o// chu klung dag gi chu rgyun kyang // rlung gis rnam par skems byed na// lpags pa nyid kyi khrag tsam lta// 'di yis ci phyir skams ma gyur// khrag ni skams par gyur pa dang / de yi 'og tu sha skam 'gyur// sha ni zad par gyur pa dang // phyir zhing sems ni dang bar 'gyur// phyir zhing 'dun dang brtson 'grus dang // ting nge 'dzin kyang gnas par 'gyur// da ni de ltar gnas pas na// tshor ba dam pa thob gyur kyang // lus dang srog la mi lta ste// sran thub dag par gyur la ltos// nga la 'dun pa yod gyur cing // brtson 'grus dang ni shes rab yod// nga yi brtson 'grus skyod nus pa// 'jig rten dag na ngas ma mthong // srog chad shi ba ches sla te// 'tsho ba ngan pa de lta min// g.yul ngor shi ba legs pa ste// pham nas gson pa de lta min// sngar ma dpung las mi rgyal te// dpa' bo dpung las rgyal bar 'gyur// rgyal yang de ni rlon sems med/ bdud khyod las ni myur rgyal bya// 'dod pa khyod kyi dang po'i dpung // mi dga' ba ni gnyis pa yin// khyod kyi gsam pa bkres dang skom// sred pa dpung chog/
- 209b
bzhi pa yin// rmugs dang gnyid ni lnga pa ste// 'jigs pa drug par brjod pa yin// khyod kyi the tsom bdun pa ste// khro dang 'chab pa brgyad pa yin// 'thob dang tshigs bcad bkur bsti yis// log par grags pa gang thob dang // bdag la bstod par byed pa dang // gzhan la smod par byed pa dang // de dag nag po'i rtsa lag tu// ltung ba'i bdud kyi dpung yin no// dge sbyong bram ze kha cig ni/ 'di na glags lta 'khod par snang // khyod dpung gang yin lhar bcas kyi/ 'jig rten 'di ni rab 'dul ba// so btang ma byas snod chus bzhin// shes rab kyis ni de dag gzhig/ dran pa legs par mnyam gzhag ste// shes rab legs pa bsgoms byas nas// shes bzhin du ni spyad par bya// blo ngan khyod kyis ci byar yod// de skad ces smras pa dang / bdud sdig can sdug bsngal zhing yid mi bde ste// yid ma rangs nas yid la bcags bzhin du de nyid du mi snang ngo // dge slong dag de nas byang chub sems dpa' 'di snyam du sems te/ dge sbyong dang bram ze gang dag kha cig 'das pa dang / ma 'ongs pa dang / da ltar byung ba'i dus na bdag la gnod pa dang / lus la gdung bar byed do// sdug bsngal drag po tsha ba mi zad pa// yid du mi 'ong ba'i tshor ba myong bar byed pas// de dag shin tu sdug bsngal ba myong ngo // dge slong dag ngas 'di snyam du bsams te/
- 210a
chen spyod pa 'di dang sgrub pa 'dis mi chos bla ma las mchog tu gyur pa/ 'phags pa ye shes mthong ba'i khyad par gang yang mngon du ma byas te/ 'di ni byang chub kyi lam ma yin// lam 'di ni ma 'ongs pa'i skye ba dang / rga ba dang / 'chi ba 'byung ba nub par byed pa ma yin te/ byang chub kyi lam ma 'ongs pa'i skye ba dang / rga ba dang / 'chi ba'i sdug bsngal 'byung ba nub par byed pa gzhan zhig yod do snyam mo// dge slong dag ngas 'di snyam du sems// ngas pa'i bskyed mos tshal du shing 'dzam bu'i grib ma la 'dug ste/ 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po nas bsam gtan bzhi pa'i bar du bsgrubs te gnas pa de byang chub kyi lam yin te/ skye ba dang / rga ba dang / 'chi ba'i sdug bsngal rnams nub par 'gyur ba yin snyam nas/ de byang chub kyi lam yin no snyam ste/ nga'i rnam par shes pa de'i rjes su 'brang bar gyur to// ngas 'di snyam du bsams te/ 'di snyam 'di ltar nyams chung bar gyur pas ni lam de mngon par rdzogs par byang chub par bya bar mi nus so// gal te nga 'di ltar lus ngan cing nyams chung bzhin du/ mngon par shes pa
- 210b
dang ye shes kyi stobs kyis byang chub kyi shing drung song na ni/ ngas phyi ma'i skye bo la snying brtse ba byas par mi 'gyur te/ 'di yang byang chub kyi lam ma yin gyi// ngas kha zas rags pa zos lus kyi mthu stobs bskyed de/ de nas gdong byang chub snying por 'gro'o snyam mo// dge slong dag de lha'i bu gang dag ngan pa la mos pa de dag gis/ nga'i sems kyi yongs su rtog la sems kyis shes nas/ ngag la ba der 'ongs nas nga la 'di skad ces smras so// skyes bu dam pa zhal zas rags pa ma gsol cig/ bdag cag gis ba spu'i khung bur mdangs bstsal bar bgyi'o// dge slong dag ngas 'di snyam du bsams te/ bdag ni zas mi za bar bdag nyid kyis dam bcas la/ bdag gi spyod yul gyi grong nas gnas pa'i skye bo nyen bskor ba rnams kyis kyang // 'di ltar dge sbyong go'u ta ma ni zas mi za ba yin par yang shes te/ ngan pa la mos pa'i bu 'di dag gis nga'i ba spu'i khung bur mdangs bcug par gyur na/ da ni shin du brdzun smra bar gyur to// de nas byang chub sems dpa' brdzun du sla ba spang ba'i phyir// lha'i bu de dag gi tshig ma mnyan par kha zas rags pa bza' bar sems btud do// dge slong dag de/ ltar na byang chub sems dpa' lo drug go bar du/ brtul zhugs dang dka' thub nyams pa med nas stan de las langs te/ kha zas rags pa 'di lta ste/
- 211a
8bu ram gyi dbu ba dang / mon sran rde'u'i khu bcung dang / ha re na ka'i khu bcud dang / zan dang / 'bras chen dang 'dren mar bza'o zhes tshig tu brjod do// dge slong dag de nas lnga sde bzang po dag 'di snyam du bsams te/ dge sbyong go'u ta ma la ma 'di dang sgrubs pa 'dis mi'i chos bla ma las mchog tu gyur pa/ 'phags pa ye shes mthong ba'i khyod par gang yang mngon du byed ma nus na/ kha zas rags pa 'di zos te bsod snyoms la spyod pa dang ldan par gnas pas ci nus te/ mi gsal ba byis pa yin no snyam du bsams nas/ byang chub sems dpa'i gan nas song ste/ grong khyer ba ra na ser song nas/ drang srong lhung ba ri dgas kyi nags su gnas so// de nas byang chub sems dpa' thog ma nyid du dka' ba spyad pa spyod pa na/ grong pa'i bu mo gzhon nu bcus lta ba dang / phyag bya ba'i phyir bsnyen bkur byas so// lnga sde bzang po de dag gis kyang rim gro byas te/ rgya shug 'bru gcig dang / 'bras 'bru gcig dang / til 'bru gcig pu phul lo// grong pa'i bu mo bcu ni/ stobs ldan ma zhes bya ba dang / stobs sbed ma dang / shin du sdug dang / de las rnam par rgyal ba dang / a ti mug ta ka'i phreng ba can dang / mdzes ma dang / rdza byed ma dang / skra lcang lo rgyas dang / ral pa can dang / logs skyes ma zhes bya ba ste/ gzhon nu ma de dag gis byang chub
- 211b
sems dpa'i tshod ma'i rnam pa de dag thams cad byas te phul lo// byang chub sems dpas kyang de dag zos nas rim gyis spyod yul gyis grong du bsod snyoms spyad pas// mdog dang / gzugs dang / stobs dang / ldan par gyur to// de tshun chad byang chub sems dpa' de dge sbyong mdzes pa dge sbyong chen po zhes 'dzer te/ dge slong dag de nas byang chub sems dpa' dang po nyid du dka' ba spyad pa spyod pa na/ byang chub sems dpas brtul zhugs dang dka' thub nyams 'og tu chu par bya ba dang / lus gtas par bya ba'i phyir grong pa'i bu mo legs skyes ma nyin gcig bzhin du bram ze brgyad brgya la zan byin zhing // 'di skad du bdag gis zas zos pas/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar shog shig ces smon lam yang btab po// de ltar lo drug 'das nas dge slong dag ngas 'di snyam du bsams te/ gal te bdag gis 'doms g.yogs 'ga' zhig rnyed na re snyam mo// dge slong dag de'i tshe grong pa'i bu mo legs skyes ma'i bran mo grub ma zhes bya ba shi nas/ de sha na'i ras kyis dkris nas/ dur khrod du bor bar gyur pa'i phyag dar khrod de ngas mthong nas/ ngas phyag dar khrod de blang ba'i phyir rkang pa g.yon pas mnan te dgus nas lag pa g.yas pa brkyang ba dang / de nas sa bla'i bar snang
- 212a
gi lha rnams la sgra bsgrags pa/ grogs po dag/ 'di ltar rgyal po chen po'i rigs su skyes pa 'khor los bsgyur ba'i rgyal srid bor te/ phyag dar khrod pa la sems btud pa ngo mtshar te/ grogs po dag 'di ni rmad du byung ba'o zhes par snang gi lha rnams kyis sa bla'i lha rnams gyi sgra thos nas// rgyal chen bzhi'i ris kyi lha rnams la sgra bsgrogs so// rgyal chen bzhis ris pas sum bcu rtsa gsum pa la'o// sum bcu rtsa gsum pas kyang 'thab bral ba la'o// 'thab bral bas kyang dga' ldan pa la'o// dga' ldan pas kyang 'phrul dga' ba la'o// 'phrul dga' bas kyang gzhan 'phrul dbang byed pa la'o// gzhan 'phrul dbang byed pas kyang tshangs ris kyi bar du'o// skad cig de dang / thang cig de dang / yud tsam de la grogs po dag/ 'di ltar rgyal po chen po'i rigs su skyes pa 'khor los bsgyur ba'i rgyal srid bor te/ phyag dar khrod pa la sems gtud pa ngo mtshar te/ 'di ni rmad du 'byung ba'o zhes sgra gcig dang / dbyangs gcig dang / brjod pa gcig dang / brjod pa gcig gis 'og min gyi gnas kyi bar du grags par gyur ro// de nas byang chub sems dpas yang 'di snyam du bsams te/ bdag gis phyag dar khrod kyi gos ni rnyed na/ bdag gis chu zhig rnyed na re stes snyam mo// de nas de nyid du lhas lag pa sa la rngabs
- 212b
pa dang / de'i rdzing bu zhig byung bar gyur te deng sang du 'am lag pa rdabs pa'i rdzing bu zhes grags so// de nas yang byang chub sems dpas 'di snyam du bsams te/ bdag gis chu ni rnyed na/ gal te phyag dar khrod 'di bkru ba'i rdo leb cig snyed na re stes snyam pa dang / skad cig de nyid la brgya byin gyis der rdo leb bzhag nas/ de la byang chub sems dpas phyag dar khrod de bkrus so// de nas lha'i dbang po brgya byin gyis byang chub sems dpa' la 'di skad ces smras so// skyes bu dam pa 'di kho bo la stsol cig dang / kho bos bkru'o// de nas byang chub sems dpas rab tu byung ba ni bdag nyid kyis bya bar bstan pa'i phyir// brgya byin la ma byin bar bdag nyid kyis bkrus so// der lus ngal te chad nas rdzing nas 'byung snyam pa dang / bdud sdig can phrag dog gi chos dang ldan pas rjes su gang ba mthon po zhig sprul to// rdzing de'i 'gram na shing sgrub byed ces bya ba chen po zhig yod de/ byang chub sems dpas 'jig rten dang 'thun par bya ba'i lha mo la phan gdags pa'i phyir/ shing de'i lha mo la smras pa/ lha mo shing gi yal ga smod cig/ des kyang shing gi yal ga smad nas byang chub sems dpas de la 'jus te byung ngo // byung nas kyang shing sgrub byed de'i drung du phyag dar khrod kyi chos gos sngam sbyar de byas nas drub ste/ deng sang du'ang phyag dar khrod pas drubs pa zhes ming du grags so//
- 213a
rgya cher/ #de nas gnas gtsang ma'i ris kyi lha'i bu dri ma med pa zhes bya ba des/ lha'i gos ngur smrig chen du btsos pa rung ba/ dge sbyong gi tshul dang 'thun pa zhig byang chub sems dpas de dag blangs te/ snga dro sham thabs dang chos gos bsgos nas spyod yul gyi grong du phyogs pa dang / de nas lha rnams kyis lteng rgyas kyi sde dpon gyi grong na/ dga' byed ces bya ba'i grong khyer na mi zhig yod pa'i bu mo legs skyes ma la nam phyed tsam na smras pa/ khyod kyi gang gi phyir mchod sbyin byas pa de brtul zhugs de nyams 'og tu chud nas/ de kha zas bzang po rags pa bza' bar sems kyi/ sngon khyod kyis bdag gi zas zos nas bla na med pa yang dag par rdzogs pa'i byang chub mngon par rdzogs par 'chang rgya bar shog shig ces smon lam btab pa'i khyod kyi bya ba gang yin pa de gyis shig/ dge slong dag de nas grong mi dga' byed kyi bu mo legs skyes mas/ lha de dag gi tshig thos nas myur bar ba stong gi 'o ma lan du mar snying khur byas pa bzang po gtsug tu gyur pa snying po can blangs te/ blangs nas kyang 'o ma de 'bras sar pa dag dang / phru ba sar par blugs nas/ thab sar pa btsugs nas kha zas de bsgrubs so// de sgrub pa na/ snga ltas snang ste/ 'o ma de'i nang na dpal be'u dang bkra shis dang / g.yung drung 'khyil pa dang / pad ma dang / sdong ris la sogs pa bkra shis pa rnams snang ngo //
- 213b
de nas 'di snyam du bsams te ltas 'di lta bu 'di dag snang ba la las na/ byang chub sems dpas zas zos nas byang chub thob par 'gyur du the tshom med do snyam pa dang // rgya mtsho bltas shes shing cho ga shes pa'i mtshan mkhan phyogs der phyin par gyur nas/ des kyang bdud rtsi thob pa nyid du lung bstan to// de nas legs skyes ma thug ba de chos pa dang thud la bzhag ste/ me tog gis gtor spos chus gtor nas gus par stan bting ste/ bran mo gong ma zhes bya ba la smras pa/ gong ma song la bram ze bos shig/ ngas ni 'o thug sbrang rtsi can 'di lta'o// jo mo legs so zhes de'i ltar mnyan nas shar phyogs su song ba dang / des byang chub sems dpa' mthong ngo // de bzhin du lho phyogs logs su song na yang byang chub sems dpa' mthong ngo // de bzhin du nub dang / byang phyogs logs su song na yang de dang der byang chub sems dpa' mthong ngo // de'i tshe na gnas gtsang ma'i ris kyi lha'i bu rnams kyis/ gzhan mu stegs can thams cad tshar bcad par gyur pas 'ga' tsam yang mi snang ngo // de nas des slar log ste jo mo la 'di skad smras so// bdag gang dang gang du mchis kyang / de dang de na dge sbyong mdzes pa gda' ba la/ dge sbyong ngam bram ze gzhan ni 'ga' yang mi gda'o// legs skyes mas smras pa/ de nyid bram ze yin te/ de'i phyir 'di brtsams kyi/ gong ma song la de nyid bos shig/ jo mo legs so zhes smras te
- 214a
rgya cher #/ gong ma song nas/ byang chub sems dpa'i rkang pa gnyis la btud te legs skyes ma zhes bya bas spyan 'dren to// zhes smras so// dge slong dag de nas byang chub sems dpa' grong pa'i bu mo legs skyes ma'i khyim du song ste stan bting ba la 'dug go/ dge slong dag de nas grong pa'i bu mo legs skyes mA/ 'o thug sbrang rtsi can gyis gser gyi snod chen po bkang ste/ byang chub sems dpa' la phul lo// de nas byang chub sems dang 'di snyam du bsams te legs skyes mas kha zas 'di lta bu'i nga byin pa 'di bdag gis deng zos to// the tshom med par bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyan// de nas byang chub sems dpas zas de blangs nas/ grong pa'i bu mo legs skyes ma la 'di skad ces smras so// che zhe gser gyi snod chen po 'di ci zhig bya/ des smras pa/ khyod snoms shig/ byang chub sems dpas smras pa/ kho bo la ni snod 'di lta bu mi dgos so// legs skyes mas 'di skad ces smras pa/ ci dgyes su mdzod cig/ bdag ni snod ma mchis par zas su la yang mi stsal to// de nas byang chub sems dpas zas de thogs de ldeng rgyas nas byung nas dro la bab pa dang / klung chen po ne ran dza na'i ngogs su song ste/ zas dang chos gos rnams phyogs gcig tu bzhag nas/ byang chub sems dpa' lus gsil bar bya ba'i phyir klung ne ran dza
- 214b
na'i nang du zhugs so// dge slong dag byang chub sems dpa' khrus byed pa'i tshe/ lha'i bu brgya stong du ma dag 'di lta ste/ byang chub sems dpa' la mchod pa'i las kyi/ phyir 'di lta ste/ lha'i a ka ru dang / tsan dan gyi phye ma dang / byug pa dag klung du ldugs shing / lha'i me tog kha dog sna tshogs pa dag kyang chu'i nang du 'thor ro// de'i tshe klung chen po ne ran dza na lnga'i spos rnams dang / me tog rnams kyis gang bar gyur to bab po// byang chub sems dpas spos chu gang gis khrus byas par gyur pa de lta bu lha bye ba khrag khrig brgya stong dag gis blangs te mchod rten du bya ba dang / mchod pa bya ba'i phyir rang rang gi gnas su khyer ro// byang chub sems dpa'i sgra dang / ag com gang yin pa de dag kyang grong pa'i bu mo legs skyes mas bkra shis pa yin no snyam nas mchod rten du bya ba dang / mchod pa bya ba'i phyi khyer ro// byang chub sems dpa' klung nas byung nas 'dug par 'dod de klung la lta'o// de nas klung ne ran dza na'i klu'i bu mo gang yin pa de sa'i 'og nas byung nas/ yid las byung ba'i seng ge'i khri byang chub sems dpa' la phul nas/ byang chub sems dpa' de la 'dug ste/ grong pa'i bu mo legs skyes ma la snying brtse ba nye bar bzung nas/ ji tsam dgos/ par 'o thug sbrang rtsi can de 'thung ngo / 'thungs nas kyang gser gyi snod chen po de la ma chags par chur bor ro// bor ma thag tu klu'i rgyal po rgya mtshos mchod pa
- 215a
rgya ched#'os yin no zhes/ dad pa dang gus pa bskyed de blangs nas rang gi gnas su song ngo // de nas mig stong po grong khyer 'jig pa nas na mkha' lding gi gzugs su sprul nas/ rdo rje'i mchur bsgyur nas/ klu'i rgyal po rgya mtsho las gser gyi snod chen po de 'phrog tu 'tshal na ma tshugs na/ rang gi gzugs kyis gus par byas te bslangs nas mchod rten du bya ba dang / mchod pa bya ba'i phyir sum bcu rtsa gsum pa'i gnas su khyer ro// khyer nas kyang snod chen po'i dge 'dun gyi dus ston byed do// deng sang yang sum bcu rtsa gsum pa'i lha rnams snod chen po'i dus ston lo cig bzhin du byed do// seng ge'i khri de yang klu'i bu mo de nyid kyi mchod rten du bya ba dang / mchod par bya ba'i phyir khyer ro// dge slong dag byang chub sems dpas kha zas rags pa zos ma thag tu byang chub sems dpa'i bsod nams kyi stobs dang / shes rab kyi stobs kyis skad cig de nyid la lus snga ma'i kha dog bzang po rgyas pa dang / skyes bu chen po mtshan sum bcu rtsa gnyis dang / dpe byed bzang po brgyad bcu dang / 'od 'jom gang yang byung bar gyur to// de la 'dri skad ces bya ste/ lo drug par du brtul zhugs nyams 'og chung byas blo gros 'di snyam sems/ gal te bdag ni 'di ltar ring bzhin bsam gtan mngon shes ye shes stobs ldan pas/ shing gi rgya
- 215b
po'i drung du song ste thams cad mkhyen nyid 'tshang rgyar bya na ni/ de lta na yang bdag gis phyi ma'i skye bo dag la snying brtse ma byas 'gyur// bsod nams ngan ngon tsam dang ldan pa'i lha mi 'di dag ngan pas ye shes tshol// de dag lus ni nyam chung gyur na bdud rtsi 'tshang rgya byed par mi nus pas/ kha zas rags pa dam pa zos te lus kyi mthu stobs bskyed par byas nas ni/ shing gi rgyal po'i drung du song ste thams cad mkhyen nyid 'tshang rgyar bya bar bsam/ grong pa'i bu mo sngon chad spyad pa spyod pa legs skyes ma zhes bya ba de/ 'dron pa brtul zhugs grub par shog ces de lta'i yid kyis rtag tu mchod sbyin byed// de na lha yis skul ba thos nas de tshe'o thug sbrang rtsi can blangs te/ klung gi 'gram du seng nas dga' ba'i yid kyis ne ran dza na'i ngogs na 'dug/ bskal pa stong du spad pa spyod cing dbang po zhi la rab tu zhi ba de/ lha dang klu yi tshogs dang drang srong dag gis bskor te ne ran dza nar 'ongs// pha rol rgal nas sems can sgrol ba blo gros ldan pa khrus byas nas/ thub pa dag pa dri med 'jig rten snying brtse'i phyir ni klung du zhugs te 'khru/ bye ba phrag stong lnga dag dga' ba'i yid kyis spos rnams dang ni phye ma dag/ klung du 'thor zhing sems can dam pa bkru ba'i phyir du chu la gang bar byed/ byang chub sems dpa' dri med des pa bkrus te ngogs na 'dug par shes gyur nas/ lha stong rab tu
- 216a
dga' ste sems can dam pa bkrus pa'i chu de mchod phyir khyer/ ngur smrig bzang po dri bang ba'i gos dag lha yi bu yis de la byin/ rung ba dag dang sham thabs bgos nas bcom ldan 'das ni chu klung dogs na 'dug klu yi bu mo dga' zhing rab tu mgu ba'i yid kyis seng ge'i khri yang bshams/ de la 'jig rten dag gis mig byed yid ni rab zhi de 'dug nas/ blo gros ldan pa legs skyes ma des gser gyi snod du kha zas blugs te byin// rkang par phyag 'tshal nas ni de dag kha lo bsgyur ba bdag gis gsol zhes byas// blo gros ldan pas ji tsam dgos par zas kyang zos nas snod ni chur bor ba// de ni grong khyer 'jig par lha yi bla mas bdag gis mchod pa bya zhes khyer/ gang tshe rgyal bas kha zas rags pa zos pa de yi skad cig la/ de yi lus kyi stobs dang gzi brjid dag dang dpal yang snga ma kho na bzhin du gnas// legs skyes ma dang lha rnams dag la chos gtam byas nas don kyang mang du byas// seng ge dang pa'i stabs dang glang po'i dbang po'i 'gros kyis byang chub shing drung chas/ ne ran dza na'i le'u zhes bya ba ste/ bcwo brgyad pa'o// dge slong dag de ltar byang chub sems dpa' klung ne ran dza nar khrus te zas zos nas las kyi mthu stobs bskyed de/ bdud las rnam par rgyal bar bya ba'i phyir/
- 216b
rnam pa bcu drug dang ldan pa'i sa phyogs shing gi rgyal po byang chub kyi shing chen po'i drung ga la ba der/ skyes bu chen po'i stabs gang yin pa'i stabs des song nas/ mi skyod pa'i stabs dang / dbang po'i mchod sdong lta bu'i stabs dang / ri'i rgyal po lhun po shin du brtan pa'i stabs dang / mi mngon pa ma yin pa'i stabs dang ya yo med pa'i stabs dang / 'chi ba chad pa'i stabs dang / rings pa ma yin pa'i stabs dang / sdod pa med pa'i stabs dang / 'khrugs pa med pa'i stabs dang / 'khyor ba med pa'i stabs dang / 'drud pa med pa'i stabs dang / zhum pa med pa'i stabs dang / ha cang yang mi stod pa'i stabs dang / mi g.yo ba'i stabs dang / ta btab po med pa'i stabs dang / tshul du shis pa'i stabs dang / dri ma med pa'i stabs dang / dge ba'i stabs dang / zhe sdang med pa'i stabs dang / chags ba med pa'i stabs dang / seng ge'i stabs dang / ngad pa'i rgyal po'i stabs dang / klu'i rgyal po'i stabs dang / sred med kyi bu'i stabs dang / sa la mi reg ba'i stabs dang / rtsibs stong dang ldan pa'i 'khor lo'i ri mo sa la snang ba'i stabs dang / sor mo dra bar 'brel cing sen mo zangs lta bu'i skabs dang / sgra 'byin pa'i stabs dang / ri rdob pa'i stabs dang / mtho dman mnyam par byed pa'i rkang 'thil gyi stabs dang / dre ba'i bar nas 'od dang 'od zer byung nas
- 217a
rgya cher#sems can la reg na bde 'gror 'gro ba'i stabs dang / pad+ma dri ma med pa la gom pa 'dor ba'i stabs dang / sngon dge ba legs par spyad pa'i 'gros kyi stabs dang / sngon gyi sangs rgyas seng ge'i khri la bzhud pa'i stabs dang / rdo rje ltar bsam pa brtan zhing mi phyed pa'i stabs dang / ngan song ngan 'gro thams cad gcod pa'i stabs dang / bde ba thams cad skyed pa'i stabs dang / thar pa'i lam ston pa'i stabs dang / bdud kyi stobs stobs med par byed pa'i stabs dang / ngan pa'i tshogs can gyi tshogs pas kyi rgol ba chos dang mthun pas tshar bcad pa'i stobs dang / mun pa'i ling tog dang nyon mongs pa sel ba'i stabs dang / 'khor ba'i phyogs phyogs med par byed pa'i stabs dang / brgya byin dang / tshangs pa dang / dbang phyug chen po dang / 'jig rten skyong ba rnams zil gyis gnon pa'i stabs dang / stong gsum gyi stong chen po na dpa' bo gcig pu'i stabs dang / rang byung zil gyis ma non po'i stabs dang / thams cad mkhyen pa'i ye shes thob par byed pa'i stabs dang / dran pa dang / blo gros kyi stabs dang / bde 'gror 'gro ba'i stabs dang / rga ba dang 'chi ba rab tu zhi bar byed pa'i stabs dang / zhi ba rdul med pa/ bdud kyi 'jigs pa med pa/ mya ngan las 'das pa'i grong khyer du 'gro ba'i stabs te/ de 'dra ba'i stabs kyis byang chub sems dpa' byang chub
- 217b
kyi snying por tshas so// dge slong dag de skar krung ne ran dzan dang / byang chub kyi snying nge'i bar deng / rlung gi sprin gyis lha'i bla rnams kyis lam phyag dar byas par gyur to// char sprin rnams kyis spos chus chag chag btab po// me tog kyang chal par bkram mo// stong gsum gyi stong chen po'i 'jig rten gyi khams 'di na/ shing ji srid yod pa de dag thams cad kyang byang chub kyi shing ga la ba de logs su rtse mo 'dud par gyur to// gang dag de'i nyin par btsas pa'i byis pa de dag kyang byang chub kyi snying po logs su mgo bstan te nyal lo// stong gsum gyi stong chen po'i 'jig rten gyi 'di na/ ri rab la sogs pa ri gang dag yod pa de dag thams cad kyang / byang chub kyi snying po ga la ba der logs su 'dud par gyur ro// klung ne ran dza na nas bzung ste/ byang chub kyi snying po'i bar der/ 'dod pa na spyod pa'i lha'i bu rnams kyis kha tshon rgyang grags tsam chad kyi lam mngon par bkod par gyur to// lam de'i 'gram g.yas g.yon du/ rin po che sna bdun gyi stegs bu 'phang du shing ta la bdun tsam du mtho ba/ steng du ring po che'i dra ba bres pa/ lha'i gdugs dang / rgyal mtshan dang / ba dan gyis legs par rgyan pa sprul to// mda' rgyangs gang tsam zhig rin po che sna bdun gyi shing ta la'i phreng ba stegs bu de bas mtho ba mngon par sprul te/ shing ta la thams cad kyang rin po che bskyes pas phan tshun
- 218a
rgya chera'abrel bar 'dug go/ shing ta la gnyis gnyis kyi bar du/ rdzing spos chus yongs gang ba/ gser gyi bye ma brdal ba// me tog ud pa la dang / pad+ma dang / ku mu ta dang / pad+ma dkar po la sogs pas gang bas gang ba/ rin po che'i stegs bus skor ba/ nor bu rin po che bai dUr+yas them skas brgyan pa/ chu ba sregs dang / bya gar dang / ngang ba dang / ngur ba dang / khrung khrung dang / rma bya sgra 'byin pa'i rdzing bu dag byas so// lam de na lha'i bu mo brgyad khri ni spos chus chag chag 'deb so// lha'i bu mo brgyad khri ni me tog gi sil ma lha'i dri bsrung dang ldan pa 'thor ro// shing ta la thams cad kyi mdun logasu rin po che'i mkhar rten bzhag go/ rin po che'i mkhar rten thams cad la lha'i bu mo tsan dan dang / a ga ru'i phye ma'i phur ma thogs pa dang / dus kyi rje su 'brang ba'i bdug pa'i pog phor thogs pa brgyad khri 'khod par gyur to// rin po che'i mkha' rten thams cad lha'i bu mo glu dbyangs len pa lnga khri 'khod par gyur to// dge slong dag de ltar byang chub sems dpa' ni zhing rnams ni rab tu skyong / 'od zer bye ba khrag khrig brgya stong ni 'byin/ sil snyan brgya stong ni sgrogs/ me tog mang po'i char ni 'bebs/ gos brgya stong gi g.yab mo ni 'dor/ rnga bo che brgya stong ni brdung / rta dang / glang po dang / glang khyu ba rnams ni sgra 'byin/ bya ne tse dang /
- 218b
ri skegs dang / 'u byug dang / ka la bing ka dang / shang shang te'u dang / ngang ba dang / khrung khrung dang / rma bya brgya stong ni bskor ba byed/ bkra shis pa brgya stong / ni 'bul zhing / lam gyi bkod pa rnam pa de lta bu des byang chub sems dpa' byang chub kyi snying por song ngo // gang gi nub mo byang chub sems dpa' byang chub mngon par rdzogs par byang chub par 'dod par gyur pa de nyid kyi nub mo// stong gsum gyi stong chen po'i bdag po tshangs pa dbang bsgyur zhes bya ba des/ tshangs pa'i 'khor chen po de la bos te 'di skad ces smras so// grogs po de dag shes par gyis shig/ byang chub sems dpa' sems dpa' chen po go cha chen po bsnams pa/ dam bcas pa chen po mang dor ba/ go cha sra ba bsnams pa/ thugs yongs su mi skyo ba/ byang chub sems dpa'i spyod pa thams cad mthar phyin pa/ pha rol du phyin pa thams cad kyi pha rol du son pa/ byang chub sems dpa'i sa thams cad la dbang brnyes pa/ byang chub sems dpa'i bsam pa thams cad kyi bya ba shin tu mkhyen pa/ sems ca thams cad kyi dbang po'i rjes su zhugs pa/ de bzhin gshegs pa'i gsang ba thams cad la zhugs pa/ bdud kyi las kyi lam thams cad las yang dag par 'das pa/ dge ba'i rtsa ba thams cad la gzhan gyi dring mi 'jog pa/ de bzhin gshegs pa thams cad kyis byin gyis brlabs pa/ sems can thams cad la thar pa'i lam
- 219a
rgya ched#rab tu ston pa/ ded dpon chen por gyur pa/ bdud kyi dkyil 'khor thams cad 'joms par mdzad pa/ stong gsum na dpa' bo gcig/ bur gyur pa/ chos kyi sman thams cad yang dag bsgrubs pa/ sman gyi rgyal po chen po rnam par grol ba'i thabs thob pa/ chos kyi rgyal po chen po// shes rab kyi 'od chen bo gtong ba/ tog chen po'i rgyal po// 'jig rten gyi chos brgyad kyis ma gos pa pad+ma chen po lta bu/ chos thams cad kyi gzugs ma spel ba rgya mtsho chen po dang 'dra ba/ rjes su chags pa dang khong khro ba dang bral ba mi g.yo ba mi skyed pas ri rab chen po lta bu/ shin tu dri ma med pa/ shin tu yongs su dag pa/ shin tu dkar ba'i blo dang lda pas nor bu rin po che chen po dang 'dra ba/ chos thams cad la dbang bsgyur ba/ sems las su rung ba tshangs pa chen po lta bu'i byang chub sems dpa' de/ bdud kyi sde ra tu gdul ba dang / bla na med pa yang dag par rdzogs pa'i byang chub mngon par rdzogs par byang chub par bzhed pa dang / stobs bcu dang / mi 'jigs pa bzhi dang / sangs rgyas kyi chos ma 'dres pa bcwo brgyad yongs su rdzogs par mdzad pa dang chos kyi 'khor lo chen po bskor ba dang / seng ge'i sgra chen po bsgrag pa dang / chos kyi sbyin pas sems can thams cad tshim par mdzad pa dang / sems can thams cad kyi chos kyi mig rnam par sbyang ba dang / bas kyi rgol ba thams cad chos dang mthun pas/
- 219b
char gcod pa dang / sngon dang bcas pa yongs su rdzogs pa kun tu bstan pa dang / chos thams cad la dbang phyug gi mnga' dbang rnyes par mdzad pa'i phyir/ byang chub kyi snying por bzhud kyi/ de la grogs po dag khyed byang chub sems dpa' la mchod pa dang rim gro bya ba'i las thams cad la brtson par gyis shig/ de nas tshangs pa chen po dbang bsgyur gyis de'i tshe tshigs su bcad pa 'di dag smras so// gang gi bsod nams dag dang gzi brjid dpal gyis byams dang snying rje dga' ba dang / btang snyoms dang ni bsam gtan dag dang de bzhin mngon shes tshangs pa'i lam snang ba/ bskal pa stong du spyad pa spyod pa de ni byang chub shing drung chas par gyur/ thub pa de la bsam pa'i brtul zhugs bsgrub par byed pa'i mchod pa legs par bya// de la skyabs su song na ngan 'gro'i 'jigs dang mi phrad mi khom mi 'gyur te/ lha yi nang du 'don pa'i bde ba brnyed nas tshangs pa'i gnas yangs 'gro bar 'gyur/ lo drug bar du dka' ba spyod pa spyad nas 'di ni byang chub shing drung bzhud/ kun kyang dga' zhing rab tu mgu ba'i yid kyis de la mchod pa legs par gyis/ de ni stong gsum rgyal po dbang phyug dam pa chos kyi dbang phyug rgyal po ste/ brgya byin tshangs pa nyi zla'i grong khyer dag na de dang mnyam pa gang yang med/ gang btsas tshe na zhing rnams bye ba khrag khrig rnam pa drug tu g.yos gyur pa/ de ni de ring bdud kyi dpung las rgyal bar mdzad phyir/
- 220a
tshangs pa'i rgya rem/ #shing chen mchog drung bzhud/ gang gi spyi gtsug tshangs 'dir gnas kyang lta bar nus pa ma yin te/ gang gi sku la mtsha rab dam pa ldan zhing sum bcu bcu gnyis legs brgyan la/ gang gi gsung 'di yid du 'ong zhing snyan la rnam 'thad tshangs dbyangs sgra snyan cing / gang gi thugs ni rab zhi khro dang bral ba de la mchod pa byed du 'dong // gang dag blo gros brgya byin tshangs pa'i gnas su bsam gtan bde bas 'da' bya dang / nyon mongs 'ching kha khri shing kun dang 'dra ba de dag gcod par byed 'dod dang / gzhan las ma thos par ni rang rgyal byang chub zhi ba 'chi med thob 'dod dang / gal te sa gsum dag na sangs rgyas nyid 'dod de dag 'dren pa mchod par gyis/ gang gis rgya mtshor bcas pa'i sa dang rin po che rnams mtha' yas dang / khang bzang bskar khung bsil khang mang ldan pa dang zung du sbrel dang gzhon pa dang / me tog phreng ba shin du mdzes pas brgyan pa bskyed mos tshal gyis rab brgyan pa// rkang lag mgo dang mig rnams yongs su btong ba de ni byang chub snying por zhugs/ dge slong dag de ltar stong gsum gyi bdag po tshangs pa chen po de skad cig de la/ stong gsum gyi stong chen po'i 'jig rten gyi khams 'dir phyin te/ lag mthil ltar mnyam par gyur pa/ gyo mo dang / rdo med pa/ nor bu dang / mu tig dang / bai dUr+ya dang / dung dang /
- 220b
man shel dang / byi ru dang / gser dang / dngul mang ba/ rtsa sde zhing 'jam pa g.yas su 'khyil cing g.yung drung 'khyil pas brgyan pa/ ka tsa lin da'i gos ltar reg na bde ba dag gis stong gsum gyi stong chen po'i 'jig rten gyi khams khyab pa 'dir phyin to// de'i tshe rgya mtsho chen po thams cad sa lta bur gyur kyang chun gnas pa'i sems can thams cad la gnod pa cung zad kyang med do// 'jig rten gyi khams de ltar brgyan pa 'di phyogs bcu'i brgya byin dang tshangs pa dang / 'jig rten skyong ba rnams kyis mthong nas/ byang chub sems dpa' la mchod pa'i las kyi phyir/ sangs rgyas kyi zhing legs par brgyan to// byang chub sems dpa' la mchod pa'i las kyi phyir// byang chub sems dpa' rnams kyis kyang / lha dang mi'i las shin du 'das pa'i mchod pa bkod pa rnams kyis/ phyogs bcu'i sangs rgyas kyi zhing dpag tu med pa brgyan par gyur to// sangs rgyas kyi zhing dpag tu med pa de dag thams cad kyang bkod pa'i rgyan sna tshogs kyis brgyan pas/ sangs rgyas kyi zhing gcig lta bur snang bar gyur to// 'jig rten gyi bar dag dang / ri nag po dang / khor yug dang / yor yug chen po dag kyang mi snang bar gyur to// sangs rgyas kyi zhing de dag thams cad ni byang chub sems dpa'i 'od kyis gsal bar snang ngo // byang chub kyi snying po yongs su skong bar byed pa'i lha'i bu
- 221a
bcu drug yod do// lha'i bu yud kha li zhes bya ba dang / lha'i bu bung kha li zhes bya ba dang / skye dgu'i bdag po dang / dpa' stobs dang / dpung rgyan stobs dang / rab brten dang / sa 'dzin dang / snang byed dang / dri med dang / chos kyi dbang phyug dang / chos kyi tog dang / 'gro grub dang / mig thogs pa med dang / bkod pa chen po dang / tshul khrims rnam dag dri ldan dang / pad+ma'i 'od te lnga'i bu bcu drug po de dag ni byang chub kyi snying po yongs su skyong bar byed pa ste/ thams cad kyang phyir mi ldog pa'i bzod pa thob pa sha stag go// de dag gis kyang / byang chub sems dpa' la mchod pa bya ba'i phyir byang chub kyi snying po brgyan te/ dpag tshad brgyad bcu khor yug ring po che sna bdun gyi stegs bu rim pa bdun gyis ni sgor/ shing ta la'i phreng ba rim pa bdun dang / rin po che'i dril bu ge DA ka'i phreng ba rim pa bdun dang / rin po che brgyus pa rim pa bdun gyis ni skor/ 'dzam bu'i chu bo'i gser gyi glegs ma rin po che thams cad kyis spras pa dag dang / gser gyi cong tsong dag dang / 'dzam bu'i bu bo'i gser gyi pad+ma dag gis ni khyebs par byas// snying po mchog gi spos kyis ni bdugs/ rin po che'i dra ba ni bres so// phyogs bcu'i 'jig rten gyi khams tha dad pa dag ni shing sna tshogs mngon par 'phags pa/ bzang ba/ mngon du mchod pa/
- 221b
yul dang mi yul na gang dag yod pa de dag thams cad kyang / byang chub kyi snying po der snang bar gyur to// phyogs bcu dag na chu nas skyes pa dang / thang las skyes pa'i me tog mchog rnam pa sna tshogs gang dag yod pa de dag yod pa de dag thams cad kyang byang chub kyi snying po der snang bar gyur to// phyogs bcu'i 'jig rten gyi khams tha dad pa dag na/ byang chub sems dpa' gang dag bsod nams dang ye shes kyi tshogs tshad med pa'i bkod pa dag gis byang chub kyi snying po brgyan par byed pa de dag kyang / byang chub kyi snying po der snang bar gyur to// de ltar lha'i bu byang chub kyi snying po yongs su skyong ba dag gis/ byang chub kyi snying por bkod pa de 'dra ba dag sprul par gyur te/ de dag lha dang / klu dang / gnod sbyin dang / dri za dang / lha ma yin dag gis mthong nas rang rang gi gnas la dur khrod tsam gyi 'du shes bskyed par gyur to// bkod pa de dag mthong nas shin tu ngo mtshar cher 'dzin te/ e ma'o bsod nams kyi stobs kyi rgyu 'thun pa bsam gyis mi khyab pa legs so zhes ched du brjod pa 'ang ched du brjod do// byang chub shing gi lha mo bzhi yod de/ 'di lta ste/ 'od ma dang / sun ldan dang / yid bzangs dang / mdangs ldan ma ste/ byang chub shing gi lha mo bzhi po de dag gis kyang / byang chub sems dpa' la mchod pa bya ba'i phyir/ byang chub kyi shing rtsa ba phun sum
- 222a
rgya cher@#tshogs pa/ yal ga dang / lo ma dang / me tog dang / 'bras bu sna tshogs phun sum tshogs pa/ khrun dang sboms phun sum tshogs pa/ mdzes pa/ lta na sdug pa/ shin tu 'gel ba/ 'phang du shing ta la'i srid tsam du mtho ba/ de dang 'tshams par 'gel ba bkra ba lta na sdug pa/ yid du 'ong ba/ rin po che sna bdun gyi stegs bu rim bdun gyis skor ba/ rin po che'i shing ta la'i phreng ba rim bdun dang / rin po che'i dril bu g.yer ka'i dra ba rim bdun dang / rin po che rgyus pa'i phreng ba rim bdun gyis kun nas bskor cing phyi rim skor ba/ shing yongs 'du sa rtol dang 'dra ba/ mig gis lta bas mi ngoms pa bskyed do// gang du byang chub sems dpa' 'dug nas/ byang chub mngon par rdzogs par byang chub par 'dod pa'i sa phyogs de ni/ stong gsum gyi stong chen po'i 'jig rten gyi khams rdo rje'i dkyil 'khor te/ sra ba'i snying po yod pa/ mi phyed pa/ rdo rje'i rang bzhin du gnas par gyur pa'o// / dge slong dag de ltar byang chub sems dpa' byang chub kyi snying por 'gro ba na/ lus las rnam pa 'di lta bu'i 'od 'gyed de/ 'od des ngan song thams cad zhi bar gyur to// mi khom pa thams cad bcad par gyur to// ngan 'gro'i tshor ba thams cad skams par gyur to// sems can gang dag dbang po ma tshang ba de
- 222b
dag ni/ dbang po yongs su rdzogs pa thob par gyur to// nad kyis btab pa rnams ni nad sos par gyur to// 'jigs pas nyen pa rnams dbugs phyin pa thob par gyur to// bcing bas bcings pa rnams ni bcings pa las rnam par thar par gyur to// sems can dbul po rnams ni longs spyod dang ldan bar gyur to// nyon mongs pas gdungs pa rnams ni yongs su gdung ba med par gyur to// bkres pa rnams ni lto 'grangs par gyur to// skom pa rnams ni skom pa med par gyur to// sbrum ma rnams ni bde bar btsa' bar gyur to// zhum pa nyams chung ba rnams ni stobs phun sum tshogs par gyur to// de'i tshe sems can gang la yang 'dod chags dang / zhe sdang dang / gti mug dang / khro ba dang / 'chab pa dang / tha ba dang / gnod sems dang / phrag dog gi gnod pa med par gyur to// de'i tshe sems can gang yang 'chi ba med/ 'pho ba med/ skyo ba med do// de'i tshe sems can thams cad byams sems dang / phan pa'i sems dang ldan zhing cig la gcig pa mar 'du shes bskyed par gyur to// de la 'di skad ces bya ste/ mnar med pa la thug pa'i bar// dmyal ba mi zad snang ba yi// sems can rnams kyi sdug bsngal zhi/ bde ba'i tshor ba thob par gyur// ngan 'gro'i skye gnas sems can rnaMs// /
- 223a
chu der/ phan tshun gnod byed ji snyed pa/ thub chen 'od kyis reg pas na/ de dag byams pa'i sems kyang bskyed// yi dgas 'jig rten yi dgas rnams// bkres skom nyen pa ji snyed pa/ byang chub sems dpa'i gzi brjid kyis// de dag zas skom rnyed par gyur// mi khom thams cad kho gyur cing / ngan 'gro rnams kyang skams par gyur// sems can thams cad bder gyur te// lha yi bde bas rab tu tshim// mig dang rna ba med pa dang / gzhan yang gang dag dbang po nyams/ de dag dbang po kun rdzogs shing // yan lag thams cad mdzes gyur te// 'dod chags zhe sdang la sogs pa'i/ nyon mongs rnams kyis sems can gang // gnod gyur de tshe nyon mongs kun// zhi bar gyur cing bde dang ldan// dbul po dag kyang nor dang ldan// nad kyi btab pa nang sos shing / bcing bas bcing ba grol bar gyur// ser sna med cing dgra med de// gnod sems dang ni rtsod pa dag/ phan tshun byed pa med gyur te/ de tshe byams ba'i sems su gnas// pha dang ma dag bu gcig la// ji ltar phangs par sems pa ltar// de bzhin sems can phan tshun du// de tshe bu phangs bzhin du sem// byang chub sems dpa'i 'od zer gyis// phyogs bcu'i phyogs ni kun tu yang // gang ga'i bye ma'i grangs snyed kyi// zhing rnams bsam gyis mi khyab gsal//
- 223b
ri bo nag po rnams dang ni// khor yug dag kyang mi snang gyur// rgya chen zhing rnams de dag kun// gcig po ji bzhin de ltar snang // lag mthil/ lta bur gyur pa ste// byang chub sems dpa' mchod pa'i phyir// zhing rnams thams cad legs rgyan pas// thams cad rin chen nyid du snang // byang chub snying po'i rim gro ba// lha ni de ltar bcu drug yod// dpag tshad brgyad bcu'i brgya khyon nang // byang chub snying po brgyan par gyur// zhing rnams bye ba mtha' yas na/ bkod pa chen po gang yod pa// byang chub sems dpa'i gzi brjid kyis// de dag thams cad der yang snang // lha dang klu dang gnod sbyin dang // mi 'am ci dang lto 'phye che// rang rang gzhal med khang rnams la// dur khrod tsam du shes par gyur// 'dir ni bkod pa de mthong nas// lha dang mi rnams ngo mtshar gyur// bsod nams gang gi rgyu 'thun 'dir/ phun sum 'di 'dra 'di lags 'dzer// lus dang ngag dang yid rnams kyis// brtson par bya ba med par yang // de yi yid la 'dod pa dang // bsam pa thams cad rab tu 'grub// ji ltar bsam pa gzhan dag kyang // sngon spyod chen rdzogs gyur pa// las de'i rnam par smin pa yis// 'di 'dra'i phun sum tshogs 'di byung // byang chub shing gi lha mo bzhis// lha yi shing ni yongs 'du ba// de bus lhag par 'phags pa yis// byang chu/
- 224a
rgya cher@#snying po brgyan par byas// byang chub snying po'i bkod pa gang // lha yis mngon par 'dus byas pa// yon tan de dag tshig gis ni/ thams cad brjod par yong mi nus// dge slong dag de ltar byang chub sems dpa'i lus las 'od phyung ba rnam par dag pa/ dri ma med pa lus dang sems tshim par byed cing dga' ba ste// nyon mongs pa thams cad sel ba/ sems can la dga' ba dang / bde ba dang / dad pa dang / mchog tu dga' ba thams cad bskyed pa des/ klu'i rgyal po nag po'i gnas snang bar byas pa mthong nas/ de'i tshe klu'i rgyal po nag po rang gi 'khor gyi mdun du 'dug ste/ tshigs su bcad pa 'di dag smras so// gang phyir bdag gi gnas 'di gser gyi 'od kyis brgyan par lhang der gyur pa las// ji ltar 'khor ba 'jig gi 'od mdzes mthong zhing gser zhes bya ba'i mthong ba dang // ji ltar 'od bsrungs chos kyi rgyal po skyon med pa yis 'od mthong ltar// mtshan mchog ldan zhing phan mdzad ye shes 'od ldan pa zhig byung du the tshom med// sngon chad nyes par byas pa'i las kyis bdag gi khyim ni shin tu mun pas gang / khyim na nyi ma zla ba dag gi rgya chen 'od kyang yongs mi snang // me dang nor bu dag dang dri med glog dang skar ma rnams kyi 'od mi snang // brgya byin 'od dang tshangs pa'i dang lha min rnams kyi 'od kyang mi snang na/
- 224b
de ring khyim 'di'i nang du nyi ma'i 'od 'dra ba yis mdzes par gyur// sems kyang dga' ba skyes shing lus kyang bde bar gyur te lus ni bsil gyur te/ lus kyi/ steng du bye tshan 'bab/ ba de yang bdag la bsil bar gyur pa las/ skal pa bye ba mang por spyad pa byang chub shing drung bzhud par shin tu gsal// klu yi me tog mdzes dang bzang ba dri zhim gos dang mu tig do shal dang // rgyan dang gdu bu dag dang phye ma rnams dang 'dug pa mchog rnams myur thogs la// glu dbyangs dag dang rol me'i dbyangs sgra sna tshogs gyis shig rnga dang rdza rnga dag/ brdung zhing 'gro ba kun gyis mchod 'os phan pa mdzad la mchod pa byed du 'deng // de ni langs te klu'i bu mo rnams dang lhan cig phyogs bzhir ltas pa dang // de nas ri bo lhun po lta bur gzi brjid rnams kyis legs par brgyan pa zhig/ lha dang lha min bye bdag dang tshangs pa'i dbang dang gnod sbyin rnams kyis skor// dga' ba'i yid kyis de la mchod byed shul ni 'di zhes ston cing 'dong ba mthong // klu yi rgyal de rab tu dga' zhing mgu nas 'jig rten mchog la mchod byas te// gus dang bcas pas de yi rkang pa gnyis la phyag 'tshal thub pa'i mdun du 'dug/ klu'i bu mo rnams kyang dga' zhing mgu ba'i yid kyis thub la mchod pa byed// me tog rnams dang spos dang byug pa dag kyang 'thor zhing sil snyan rnams kyang byed/ klu'i rgyal po rang
- 225a
rgya cher@#tu dga' nas thal sbyar yang dag yon tan rnams kyang bskor// 'dren pa'i 'jig rten dam pa dgung zla nya ba'i zhal 'dra mthong bar gyur pa legs/ bdag gis sngon chad drang srong rnams kyi mtshan ma mthong ba khyod kyang de 'dra ste/ de ring khyod kyis bdud kyi dpung rnams bcom ste bzhed pa'i go 'phangs brnyes par 'gyur// gang gi sngon du sngon chad dul dang sbyin dang bsdams shing bdog pa kun btang la// rang gi don du dul dang tshul khrims byams dang snying rje ba dang bzod pa bsgoms// gang gi don du brtson 'grus brtan dang bsam gtan dgyes dang shes rab 'bar mdzad pa/ khyed kyi smon lam de dag thams cad rab tu rdzogs nas de ring rgyal bar 'gyur// ji ltar ljon shing lo ma me tog 'bras bur bcas pa byang chub shing la 'dud/ ji ltar bum pa chab kyis gang ba stong dag khyod la bskor ba rab bgyid cing / ji ltar rtse shing tshogs rnams rab tu dga' ste snyan pa'i sgra skad 'byin pa dang // ji ltar dad pa khrung khrung tshogs kyang mkha' las mchi zhing tshul du shis ldan par// dad pa'i yid kyis drang srong la ni bskor ba bgyid las de ring dgra bcom 'gyur// ji ltar gser gyi kha dog lta bur mdzes pa'i 'od rnams zhing ni brgyar mchi ste// ji ltar ngan song mtha' dag zhi bar bgyid cing skye dgu'i sdug bsngal mthar bgyid dang // ji ltar nyi ma zla ba'i gnas
- 225b
kyi rgyun chad gser ma dal bus ldang ba las// srid pa gsum du skye dang rga ba mthar mdzad pa yi ded dpon de ring 'gyur// ji ltar lha rnams 'dod pa'i dga' ba spangs te khyod la mchod du lhags pa dang // tshangs dang tshangs pa'i mdun na 'don dang lha rnams bsam gtan bde ba spangs pa dang // gang yang srid pa gsum na dbang phyug dam pa mchis pa thams cad 'dir lhags las// srid pa gsum du skye rga mthar mdzad sman pa'i rgyal po de ring byon// ji ltar lce rnams dag gis phyag dar bgyis pa'i shul de nas ni khyod gshegs la// bcom ldan 'khor ba 'jig dang gser zhes bgyi dang 'od bsrungs dag kyang de nas gshegs// ji ltar pad+ma bzang po dri ma ma mchis rnam dag dog sa brtol byung ste/ de la stobs chen ldan pa zhabs kyi gom pa 'dor las de ring dgra bcom 'gyur// bye ba khrag khrig stong phrag du ma gang ga'i klung gi bye ma snyed du 'dug/ de dag rnams kyis byang chub shing drung nas ni khyod la skyod pa 'am g.yos ma nus// mchod sbyin khrag khrig stong rnam pa du ma gang ga'i klu gi bye ma snyed// khyod kyis mdzad cing 'gro la phan phyir spyad pa des ni 'dir ni rnam par mdzes// rgyu skar zla bar bcas shing skar ma nyi mar bcas pa mkha' las sar ltung gda'// ri mchog chen po rang gi gnas nas g.yo zhing rgya mtsho skams par 'gyur yang gda'// skyes bu mkhas pa la las khams bzhi po dag re re nas ni ston
- 226a
rgya cher/ @#nus gda'// khyod ni shing gi rgyal po'i drung du gshegs nas byang chub ma thob bzhengs mi gda'// gang gi slad du kha lo sgyur ba mthong zhing mchod kyis yon tan brjod pa dang // byang chub tu yang spro bas bdag gis rnyed pa 'phel ba rgya chen rnyed par 'gyur/ bur bcas bdag dang klu yi bu mo thams cad skye gnas 'di las thar gyur cig glang po 'dren pa'i stabs su bzhud pa khyod kyi stabs des bdag cag mchi bar bgyid/ dge slong dag de ltar klu'i rgyal po nag po'i chung ma dam pa gser 'od ces bya ba/ klu'i bu mo rin po che'i gdugs sna tshogs pa dang / sil snyan sna tshogs thogs pa dang / mu tig gi do shal sna tshogs thogs pa dang / nor bu rin po che sna tshogs thogs pa dang / lha dang mi'i phreng ba rgyus pa thogs pa dang / pog phor sna tshogs thogs pa dang / sil skya dang glu dbyangs len pa rab tu mang pos yongs su bskor cing mdun gdar te/ byang chub sems dpa'i gam du 'dong zhing rin po che'i me tog sna tshogs mngon par gtor te/ tshigs su bcad pa 'di dag gis kyang bstod do// 'khrul pa mi mnga' mi snyengs mi mjigs bag mi tsha// ma zhum ma dam rab tu dgyes pa 'dul dka' ba// ma chags mi snang mi rmongs brkam pa mi mnga' ba// chags bral rnam grol drang srong khyod la phyag 'tshal lo// sman pa zug du 'bral ba 'dul
- 226b
kha 'dul mdzad pa// 'gro ba sdug bsngal rnams las thar mdzad sman pa mchog/ gnas dang skyabs ma mchis shing dman pa mkhyen nas ni/ 'jig rten gsum/ po 'jigs 'dir skyabs su khyod byung ngo // ji ltar lha tshegs rab tu dad cing dga' 'gyur te// me tog char pa chen po mkha' las 'bebs pa dang / 'di dag ji ltar gos chen mthor bar bgyid pa las// de ring rgyal bar 'gyur gyi rab tu dgyes par mdzod// shing dbang drung du gshegs pa brnyengs pa mi mngar bzhugs/ bdud kyi sde las rgyal mdzad nyon mongs dra ba grol// sngon gyi rgyal dbang rnams kyis ji ltar sangs rgyas ltar// byang chub zhi bar dam pa mchog ni 'tshang rgyar mdzod// khyod kyis gang gi don du bskal pa bye mang du/ 'gro ba sgrol ba'i don du dka' ba spyad pa mdzad/ khyod kyi dgongs pa rdzogs te dus la dbab kyi// shing dbang drung du gshegs te byang chub mchog reg mdzod// dge slong dag de nas byang chub sems dpa' 'di snyam du bsams te/ sngon gyi de bzhin gshegs pa de dag ci zhig la bzhugs nas/ bla na med pa yang dag par rdzogs pa'i byang chub mngon par rdzogs par sangs rgyas snyam mo// de nas yang 'di snyam du bsams te/ rtsa bting nas bzhugs so snyam mo// de nas gnas gtsang ma'i ris kyi lha'i tshogs brgya stong par snang la 'khod pa dag gis/ byang chub sems dpa'i sems kyi yongasu rtog pa
- 227a
rgya cher/ sems kyis shis nas/ tshig 'di skad ces smras so// de de bzhin no// skyes bu dam pa de de bzhin te/ sngon gyi de bzhin gsheg pa de dag rtsa bting ba la bzhugs nas/ bla na med pa yang dag par rdzogs par sangs rgyas so// dge slong dag byang chub sems dpa'i las kyi g.yas rol na rtsa 'tshong bkra shis pa zhes bya ba/ rtsa sngo ba/ 'jam pa/ shin tu gzhon pa nyams dga' ba/ lcang lor 'khyil par 'dug pa/ g.yas su 'khyil pa/ rma bya'i mgrin pa lta bu/ ka tsa lin da'i gos ltar reg na bde ba/ dri rab tu zhim pa kha dog dang ldan pa yid du 'ong ba dag rnga zhing 'dug pa mthong ngo // mthong nas kyang byang chub sems dpas lam bor te rtsa 'tshong bkra shis pa ga la ba der song nas phyin pa dang / rtsa 'tsheng bkra shis pa la snyan pa'i tshig gis smras te/ tshig de ni kun shes par byed pa dang / rnam par gsal ba dang / mi chong ba dang / chags par byed pa dang / snyan cing 'jebs pa dang / mnyan par 'os ba dang / snum pa dang / dran par byed pa dang / skul ba dang / tshim par byed pa dang / dga' bar byed pa dang / mi rtsub pa dang / sha she bo ma yin pa dang / mi brlang pa dang / mi rka ma dang / snyan pa dang / rna ba bde ba dang / lus dang sems shin tu dga' bar byed pa dang / 'dod chags dang / zhe sdang
- 227b
dang / gti mug dang / 'thab pa dang / rnyog pa sel ba dang ka la bing ka'i sgra skad lta bu dang / bya kun la dang / shang shang te'u la sogs pa sgra 'byin pa'i nga ro lta bu dang / rnga bo che dang / glu dbyangs kyi sgra skad kyi nga ro dang ldan pa dang / gnod pa med pa dang / bden pa dang / gsal ba dang / yang dag pa dang / tshangs pa'i sgra skad bsgrags pa'i mdangs lta bu dang / rgya mtsho'i sgra shugs lta bu dang / ri rdob pa'i sgra lta bu dang ldan pa dang / lha'i dbang po dang lha ma yin gyi dbang pos mngon par bstod pa dang / zab pa dang / gting dpag dka' ba dang / bdud kyi stobs stobs med par byed pa dang / phas kyi rgol ba'i smra ba 'joms pa dang / seng ge'i sgra'i shugs lta bu dang / rta dang glang po che sgra 'byin pa'i nga ro lta bu dang / klu sgra sgrogs pa lta bu dang / 'brug zer ba'i sgra lta bu dang / phyogs bcu'i sangs rgyas kyi zhing thams cad rgyas par 'gengs pa dang / 'dul ba'i sems can thams cad tshim par byed pa dang / tabatab po ma yin pa dang / 'tshe ba med pa dang / mi shol ba dang / 'tsham pa dang / rigs pa dang / dus su smra ba dang / dus las mi yol ba dang / chos brgyad stong legs par brgyus pa dang mnyan pa dang thogs pa med pa dang / rgyun chad pa med pa'i spobs pa dang ldan pa dang / skad gcig gis skad cig thams cad sgrogs pa dang / bsam pa thams cad
- 228a
rgya cherashes par byed pa dang / bde ba thams cad bskyed pa dang / thar pa'i lam yang dag par ston pa dang / lam gyi tshogs smra ba dang / 'khor ba las mi bda' ba dang / 'khor thams cad tshim par byed pa dang / sangs rgyas thams cad kyis gsungs pa dang 'thun pa ste/ byang chub sems dpas de lta bu'i tshig gis rtsa 'tshong bkra shis pa la tshigs su bcad de smras pa// bkra shis rtsa dag nga la myur du byin// rdzas ni de ring nga la don chen 'gyur// dpung dang bcas pa'i bdud ni bcom nas su// byang chub dam pa zhi ba reg par 'gyur// gang gi sa ched du nga yis bskal stong du// sbyin dang dul dang sdom dang gtong byas dang // tshul khrims brtul zhugs dka' thub rab spyad pa// de ni de ring nga yis thob par 'gyur// bzod pa'i stobs dang de bzhin brtson 'grus stobs// bsam gtan stobs dang de bzhin shes rab stobs// bsod nams dang ni mngon shes rnam thar stobs// de ni de ring ngal 'grub par 'gyur// shes rab stobs dang thabs kyi stobs dag dang / rdzu 'phrul la ni chags med byams pa'i stobs// so so yang dag rig dang bden pa'i stobs// de ni de ring nga la 'grub par 'gyur// de ring nga la rtswa sbyin byas na ni khyod la bsod nams stobs ni mtha' yas te// de ni khyod kyi ngan pa'i rgyur mi 'gyur// khyod kyang ston pa bla na med par 'gyur// bkra shis pas ni 'dren pa'i tshig
- 228b
snyan rab tu mdzes thos nas// dga' zhing mgu la yid rangs rab tu dga' ba'i yid kyis ni// rtsa 'jam gzhon zhing bzang la reg par ldan pa sbar gang thogs/ mdun du 'dug nas rab tu dga' ba'i sems kyis 'di skad smras// gal te rtswa yis byang chub go 'phang dam pa 'chi med pa// mchog gyur zhi ba lta bka' sngon gyi rgyal ba'i lam theb na// yon tan chen po'i rgya mtsho grags pa dpag med khyod gzhes shig/ bdag gis go 'phang dam pa 'chi med thog mar 'tshang rgyar bgyi// brtul zhugs dka' thub rnam mang bya dka' skal bar ma spyad par// bkra shis rtsa mchog bting bas byang chub 'di ni thob mi 'gyur// gang tshe blo gros ldan pa shes rab bsod nams thabs kyis 'phags// de nas rgyal ba thub pas rdul med 'gyur zhes lung ston to// bkra shis gal te byang chub skye bo gzhan la sbyin nus na// srog chags bsdu ba byas te sbyin par yid gnyis khyod ma za// gang tshe nga yis byang chub thob zhes bdud rtsi rnam par dbyes// khyed 'ongs chos kyi dam pa nyon dang rdul dang bral bar 'gyur// 'dren pas shin tu mchog tu 'jam pa'i rtsa ni spar gang blangs// seng ge ngang pa'i stabs kyis chas nas ni rab tu g.yos// lha klu tshogs rnams thal mo sbyar te rab tu dga' yid kyis/ deng 'dis bdud dpung bcom nas bdud rtsi reg par 'gyur snyam sems// dge slong dag de ltar byang chub sems dpa' byang chub kyi shing drung du 'gro ba na
- 229a
lha'i bu rnams dang / byang chub sems dpa' rnams kyis byang chub sems dpa' deng 'dir 'dug nas/ byang chub thob par 'gyur zhing / mngon par rdzogs par 'tshang rgya bar 'gyur snyam na ste/ byang chub kyi shing brgyad khri brgyan par gyur ro// de nas byang chub kyi shing kha cig ni me tog gi rang bzhin can la 'phang du dpag tshad brgya pa yang yod/ byang chub kyi shing kha cig ni spos kyi rang bzhin can la 'phang du dpag tshad stong pa yang yod// byang chub kyi shing kha cig ni tsan dan gyi rang bzhin can la 'phang du dpag tshad 'bum pa yang yod// byang chub kyi shing kha cig ni gos kyi rang bzhin can la 'phang du ni dpag tshad lnga 'bum pa yang yod// byang chub kyi shing kha cig ni rin po che'i rang bzhin can la 'phang du dpag tshad 'bum phrag bcu pa yang yod// byang chub kyi shing kha cig ni rin po che thams cad kyi rang bzhin can la 'bang du dpag tshad bye ba khrag khrig brgya stong pa yang yod pa/ byang chub kyi shing de dag thams cad kyi drung du yang ji ltar 'tsham pa'i seng ge'i khri lha'i ras bcos bu sna tshogs bting ba bshams par gyur to// byang chub kyi shing kha cig gi drung du ni pad+ma'i khri stan bshams par gyur to// kha cig gi drung du ni spos kyi khri stan to// kha cig gi drung du ni rin po che rnam pa sna tshogs kyi khri stan to// byang chub sems dpa' ni rol pa bkod pa zhes bya ba'i ting nge 'dzin la snyoms par zhugs te/ byang chub sems dpa'i ting 'dzin
- 229b
rol pa bkod pa 'di la byang chub sems dpa' snyoms par zhugs ma thag tu/ de nas skad cig de nyid la byang chub sems dpa' mtshan dpe byad bzang pos legs par brgyan pa'i lus kyis byang chub kyi shing drung gi seng ge'i khri de dag thams cad la 'dug tu snang ste/ byang chub sems dpa' dang lha'i bu so so'i yid la byang chub sems dpa' bdag nyid kyi seng ge'i khri la snyoms par zhugs shing 'dug gis/ gzhan gyi khri la ni ma yin par shes so// ji ltar de dag gis shes pa de bzhin du byang chub sems dpa'i ting nge 'dzin rol pa bkod pa 'di nyid kyi mthus sems can dmyal ba pa dang / dud 'gro'i skyes gnas dang / gshin rje'i 'jig rten pa thams cad dang / lha dang mi thams cad dang 'gro ba thams cad du skyes pa'i sems can thams cad kyis kyang byang chub sems dpa' byang chub kyi shing drung na seng ge'i khri la 'dug par mthong ngo // de lta mod kyi 'on kyang dman pa la mos pa'i sems can gyi blo gros yongs su tshim par bya ba'i phyir/ byang chub sems dpa' rtsa spar gang thogs te/ byang chub kyi shing ga la ba der song nas byin pa dang / byang chub kyi shing la lan bdun bskor ba byas te/ bdag nyid rtsa'i rtse mo ni nang du bstan/ rtsa ba ni byi ru bstan nas rtsa'i 'ding ba kun nas bzang po bting ste seng ge lta bu dang / dpa' bo lta bu dang / stobs lta bu dang / brtan pa lta bu dang / brtson 'grus lta bu dang / mthu lta bu dang /
- 230a
rgyacher/ glang po lta bu dang / dbang phyug lta bu dang / rab tu byung lta bu dang / ye shes can lta bu dang / bla na med pa lta bu dang / khyad par lta bu dang / mngon par 'phags pa lta bu dang / grags pa lta bu dang / brjod pa lta bu dang / sbyin pa lta bu dang / tshul khrims lta bu dang / bzod pa lta/ bu dang / brtson 'grus lta bu dang / bsam gtan lta bu dang / shes rab lta bu dang / ye shes lta bu dang / bsod nams lta bu dang / bdud phyir rgol pa bcom pa lta bu dang / tshogs lta bur dkyil mo dkrung bcas nas rtsa bting ba de la shar phyogs su ltas ste 'dug nas lus drang por srang ste/ dran pa mngon du bzhag nas 'di 'dra ba'i yid dam brtan po byas so// stan 'dir bdag gi lus ni skams kyang rung / lpags pa rus pa sha rnams zhig kyang rung / bskal mang rnyed dka'i byang chub ma thob par/ stan 'di las ni lus skyong mi bya'o// // byang chub snying por bzhud pa'i le'u zhes bya ste/ bcu dgu pa'o// / dge slong dag de ltar byang chub sems dpa' byang chub kyi snying po la 'dug pa dang / 'dod pa na spyod pa drug gi lha rnams byang chub sems dpa' la bar chad byed pa mi 'byung grang snyam ste/ shar phyogs log su gnas par gyur to// de bzhin du lho dang / nub dang / byang phyogs kyang lha rnams kyis yongs su bsrungs par gyur to// /
- 230b
dge slong dag de ltar byang chub sems dpa' byang chub kyi snying po la 'dug pa'i tshe/ byang chub sems dpa' bskul ba zhes bya ba'i 'od phyung nas/ 'od des phyogs bcu kun tu grangs med/ dpag tu med pa chos kyi dbyings kyis klas pa/ nam mkha'i mthas gtugs pa'i sangs rgyas kyi zhing thams cad snang bar gyur to// / de nas shar phyogs na de bzhin gshegs pa dri ma med pa'i 'od kyi sangs rgyas kyi zhing 'jig rten gyi khams dri ma med par/ byang chub sems dpa' sems dpa' chen po bde ba bkod pa zhes bya ba 'od des bskul bas/ byang chub sems dpa' dgrang ba las 'das pa dag gis yongs su bskor cing mdun du gdar te/ byang chub kyi snying po ga la ba dang / byang chub sems dpa' ga la ba der song ste phyin nas byang chub sems dpa' la mchod pa'i las kyi phyir de'i tshe rdzu 'phrul gyi mngon par 'du bya ba de lta bu byas te/ rdzu 'phrul mngon par 'du bya ba de lta bu byas te/ phyogs bcur na mkha'i mthas gtugs pa'i sangs rgyas kyi zhing thams cad 'khor gyi khyams bai dUr+ya sngon po dag las byas pa cig tu bstan to// 'gro ba lngar skyes pa'i sems can thams cad kyi mdun du yang byang chub kyi snying po la 'dug pa bstan to// sems can de dag gi kyang phan tshun du ser mo gcig gis byang chub sems dpa' ston cing sems can tshul du shis pa'i gzugs 'di lta bu dang ldan pa 'di su zhig 'di ltar
- 231a
rnam par mdzes pa'i sems can 'di su zhig ces 'dzer to// sems can de dag gi mdun du byang chub sems dpa' des byang chub sems dpa' rnams kyang sprul te/ de na byang chub sems dpa'i gzugs de dag gis tshig su bcad pa 'di smras so// ci yang med pa'i 'dod chags zhe sdang rnyog pa gang yin bag chags bcas pa gang yin pa/ gang gis lus las 'od phyung phyogs bcu'i 'od rnams thams cad 'od ni med par byas// gang gis bsod nams ting 'dzin ye shes tshogs ni bskal pa mang por kun spel pa// shAkya thub pa thub pa chen po dam pa 'di ni phyogs rnams kun tu mdzes// de nas lho phyogs na de bzhin gshegs pa rin chen 'od 'phro'i sangs rgyas kyi zhing 'jig rten gyi khams rin po che bkod par byang chub sems dpa' sems dpa' chen po che'i gdugs brtsegs pa kun tu ston pa zhes bya ba 'od des bskal pas/ byang chub sems dpa' bgrang ba las 'das pa dag gis yongs su bskor cing mdun du gdar te/ byang chub kyi snying po ga la ba der se ste phyin nas/ byang chub sems dpa' la mchod pa'i las kyi phyir rin po che'i gdugs gcig gis thams cad dang ldan pa'i 'khor gyi khyams de bkab po// de na brgya byin dang / tshangs pa dang / 'jig rten skyong ba dag phan tshun 'di skad 'dzer te/ gang gi phyir rin po che'i gdugs bkod pa rnam pa 'di lta bu 'di snang bar gyur pa 'di
- 231b
lta bu su'i 'bras bu zhes 'dzer to// de nas rin po che'i gdugs de las tshigs su bcad pa 'di byung ngo // gang gis rin po che dang spos gdugs stong phrag bye ba khrag khrig dag/ byams pa'i yid kyis do zla med pa bzhugs dang mya ngan 'das la phul/ de yang mtshan mchog ldan pa phan mdzad sred med bu yi mthu ldan pa/ yon tan mnga' ba byang chub shing drung gshegs pa de la mchod pa byas/ de nas nub phyogs na de bzhin gshegs pa me tog gi phreng ba dang / nag tshal gyi phreng ba me tog kun tu rgyas pa mngon par mkhyen pa'i sangs rgyas kyi zhing 'jig rten gyi khams me tog tsam pa ka'i kha dog tu byang chub sems dpa' sems dpa' chen po dbang po'i dra ba can zhes bya ba 'od des bskal pas/ byang chub sems dpa' dgrang ba las 'das pa dag gis yongs su bskor cing mdun du gdar te/ byang chub kyi snying po ga la ba dang / byang chub sems dpa' ga lwa ba der song ste phyin nas/ byang chub sems dpa' la mchod pa'i las kyi phyir rin po che'i dra ba gcig gis thams cad dang ldan ldan pa'i 'khod de bkab po// de nas phyogs bcu'i lha dang / klu dang / gnod sbyin dang / dri za dag phan tshun 'di skad mdzer to// 'od kyi bkod pa rnam pa 'di lta bu 'di su'i yin zhes mdzer to// de nas rin po che'i dra ba de las tshig su bcad pa 'di byung ngo // rin chen 'byung gnas 'jig rten gsum dga' rin chen tog/ rin chen dam pa rin chen grags pa de tshe
- 232a
dgyes/ dkon mchog gsum po rgyun mi 'chad pa'i brtson 'grus brnyes/ byang chub mchog brnyes 'gyur ba de yi mchod pa 'di/ de nas byang phyogs na de bzhin gshegs pa nyi zla ba du brlag par byed pa'i 'od dang ldan pa'i sangs rgyas kyi zhing 'jig rten gyi khams nyi ma 'khor bar/ byang chub sems dpa' sems dpa' chen po bkod pa'i rgyal po zhes bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' gal ba der song ste phyin pas/ byang chub sems dpa' la mchod pa'i las kyi phyir/ phyogs bcu'i 'ji rten gyi khams thams cad kyi sangs rgyas kyi zhing gi yon tan bkod pa ji snyed pa de snyed 'khor gyi khyams der kun tu bstan to// de nas byang chub sems dpa' kha cig 'di skad ces mdzer te/ bkod pa rnam pa 'di lta bu 'di su'i yin zhes mdzer to// de nas bkod pa de dag las tshig su bcad pa 'di byung ngo // gang gis bsod nams dang ni ye shes shin tu mang pos lus ni rnam sbyangs shing // gang gis brtul zhugs dka' thub dag dang bden pa'i chos kyis ngag sbyangs la/ gang gis khrel yod mos pa byams dang de bzhin snying rjes sems sbyangs pa/ de ni shing rgyal drung gshegs shAkya khyu mchog de la mchod par byed/ de nas shar lho'i phyogs 'tshams na de bzhin gsheg
- 232b
pa yon tan gyi rgyal po snang ba'i sangs rgyas kyi zhing 'jig rten gyi khams yon tan gyi 'byung gnas su/ byang chub sems dpa' sems dpa' chen po yon tan blo gros shes bya ba 'od des bskul pas/ byang chub sems dpa' bgrang ba las 'das pa dag gis yongasu bskor cing mdun du gdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ 'khor gyi khyams der yon tan gyi bkod pa thams cad dang ldan pa khang pa brtsegs pa mngon par sprul te/ khang pa brtsegs pa de las tshig su bcad pa 'di byung ngo // gang gi yon tan dag gis lha dang lha min dang / gnod sbyin te/ 'phye de dag rtag tu yon tan bsgos// yon tan can de yon tan ldan pa'i rgyal rigs skyes// yon tan rgya mtsho byang chub shing gi drung na bzhugs/ de nas lho dang nub kyi phyogs 'tshams na de bzhin gshegs pa rin chen srog shing gi sangs rgyas kyi zhing 'jig rten gyi khams rin po che 'byung bar/ byang chub sems dpa' sems dpa' chen po rin po che 'byung ba zhes bya ba 'od des bskul pas/ byang chub sems dpa' bgrang ba las 'das pa dag gis yongs su bskor cing mdun du gdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ 'khor gyi khyams der rin po che'i mkha' rte
- 233a
cher/ #grangs med dpag tu med pa mngon par sprul te/ rin po che'i mkha' rten de dag las tshigs su bcad pa 'di byung ngo // gang gis rgya mtshor bcas pa'i sa dang de bzhin rin chen rnam dag dang / khang bzangs skar khung bsil khang mchog dang bzhon pa mkha' rten rgyan// me tog phreng ba mdzes dang mdun sa dag dang bskyed mos tshal rnams dang / rkang pa lag pa mgo dang mig btang ba de byang chub snying por 'dug/ de nas nub dang byang gi phyogs 'tshams na/ de bzhin gshegs pa 'brug sgra rgyal po'i sangs rgyas kyi zhing 'jig rten gyi khams sprin dang ldan par byang chub sems dpa' sems dpa' chen po sprin brtsegs 'brug sgrags dbyangs shes bya ba 'od des bskul pas/ byang chub sems dpa' bgrang ba las 'das pa dag gis yongs su bskor cing mdun du gdar te/ byang chub snying po ga la ba dang / byang chub sems dpa' gal ba der song ste phyin nas/ byang chub sems dpa' la mchod pa'i las kyi phyir dus kyi rjes su 'brang ba'i a ka ru'i sprin mngon par sprul te/ 'khor gyi khyams der tsan dan sbrul gyi snying po'i phye ma'i char mngon par phab po// dus kyi rjes su 'brang ba'i sprin gyi dkyil 'khor de las kyang tshigs su bcad pa 'di byung ngo // rig dang rnam par grol ba'i 'od kyi sprin gyis srid gsum thams cad khyab// dam chos 'dod chags bral ba bdud rtsi mya ngan 'das pa thob byed char pa 'bebs// 'dod/
- 233b
chags nyon mongs 'ching ba'i khri shing thams cad bag chags bcas te gcod par 'gyur/ bsam gtan rdzu 'phrul stobs dang dbang po'i me tog rgyas pa dad par byed pa 'byin/ de nas byang dang shar gyi phyogs mtshams na/ de bzhin gshegs pa rin po che'i gdugs mngon par 'phags pa snang ba'i sangs rgyas kyi zhing 'jig rten gyi khams/ gser gyi dra bas khyebs pa na/ byang chub sems dpa' sems dpa' chen po gser gyis dra bas brgyan pa zhes bya ba 'od des bskal bas/ byang chub sems dpa' bgrang ba las 'das pa dag gis yongs su bskor cing mdun du gdar te/ byang chub kyi snying po ga la ba der/ byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir// khang pa brtsegs pa de dag thams cad dang / rin po che'i mkha' rten rnams su byang chub sems dpa'i gzugs mtshan sum bcu rtsa gnyis kyis legs par brgyan pa dag mngon sprul te/ byang chub sems dpa'i gzugs de dag thams cad kyang lha'i dang / mi'i me tog phreng ba thogs shing byang chub sems dpa' ga la ba der logs su gtud nas/ me tog gi phreng ba dpyangs te tshigs su bcad pa 'di smras so// gang gis sangs rgyas khrag khrig sngon bstod cing / gus dang bcas pas dad pa che bskyed la/ tshangs pa'i sgra dbyangs snyan pa'i tshig smras pa/ byang chub snying por byon la mgos phyag 'tshal/
- 234a
rgyachede nas 'og gi phyogs na de bzhin gshegs pa kun tu gzigs kyi sangs rgyas kyi zhing 'jig rten gyi khams kun tu rnam par bltas/ par/ byang chub sems dpa' sems dpa' chen po rin po che'i snying po zhes bya ba 'od des bskul pas/ byang chub sems dpa' dgrang ba las 'das pa dag gis yongs su bskor cing / mdun du bdar te/ byang chub kyi snying po ga la ba der/ byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir// bai dUr+ya'i 'khor gyi khyams der 'dzam bu'i chu bo'i gser gyi pad+ma rnams mngon du byung bar bstan to// pad+ma de dag gi snying po la bud med lus phyed snang nga/ kha dog dang gzugs phun sum tshogs pa rgyan thams cad kyis brgyan pa bstan te/ lag pa g.yas g.yon na mgul gdub dang / gdu bu dang / dpung rgyan dang / gser skud dang / mu tig gi do shal la stsogs pa rgyan rnam pa mang po thogs shing mu tig dang / dar gyi lda ldi khyer nas byang chub kyi snying po ga la ba dang / byang chub sems dpa' ga la ba de logs su btud de tshigs su bcad pa 'di smras so// gang zhig rtag tu sangs rgyas nyan thos dang // rang rgyal dag dang bla ma rnams la 'dud/ khrims ldan rtag drang dga' la ngo rgyal med// yon tan ldan pa de la 'dud pa mos// de nas steng gi phyogs na de bzhin gshegs pa tshogs kyi dbang po'i sangs rgyas kyi zhing
- 234b
'jig rten gyi khams tshogs kyi dam par/ byang chub sems dpa' sems dpa' chen po na mkha' mdzod ces bya ba 'od des bskul bas/ byang chub sems de grang ba las 'das pa dag gis yongs su bskor cing mdun du gdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir// na mkha'i dkyil na 'dun bzhin du/ phyogs bcu'i sangs rgyas kyi zhing thams cad na sngon ma mthong ma thos pa'i me tog dang / bdug pa dang / spos dang / phreng ba dang / byug pa dang / phye ma dang / bdug spos dang / gos dang / gdugs dang / rgyal mtshan dang / ba dan dang / rnam par rgyal ba'i khang pa dang / rin po che dang / nor bu dang / gser dang / dngul dang / mu tig dang / rta dang / glang po che dang / shing rta dang / dpung bu chung dang / gzhon pa dang / shing ljon pa dang / lo ma dang / 'bras bu dang / me tog dang / khye'u dang / bu mo dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang mi ma yin pa ji snyed yod pa de dag thams cad na mkha'i dkyil nas char chen po mngon par phab ste/ thams cad dga' ba dang bde ba bskyed kyi/ sems can gang la yang 'jigs pa 'am/ gnod par mi byed do// de bzhin du sbyar te/ de la 'di skad ces
- 235a
bya'o// phyogs bcu de dag rnams nas rgyal ba'i sras po gang // phan par byed pa mchod par byang chub lpags gyur pa/ 'gro la phan pa de dag rnams kyis dgod rim dang // rtsal dang rim pa mdzes pa de dag dpe tsam nyon// kha cig do shal khrag khrig rab tu sbyangs byas te/ nam mkha' las ni 'brug ltar shin tu sgrogs shing lhags// kha cig mkha' las me tog gzhal med khang ston cing // cod pan rin chen thogs la gtsug phud 'phyang zhing lpags/ kha cig stong pa mtshan med smon med chos brjod cing / sa las seng ge lta bur shin tu sgrogs shing lhags// kha cig sngon chad ma mthong me tog mdzes 'thor zhing / khyu mchog ci 'dra de 'drar de 'dra shin tu sgrogs shing lhags/ kha cig rang gi lus kyi kha dog stong ston cing // rma bya lta bur mkha' las shin tu sgrogs shing lhags// kha cig bde gshegs sras kyis yon tan phreng brjod cing // zla ba lta bur mkha' las shin tu rgyas shing lhags// kha cig nyi ma lta bur 'od zer rab 'gyed de// bdud kyi gnas rnams thams cad mog mog byed cing lpags// bsod nams tshegs bsags kha cig dbang po'i mchod sdong 'dra'i// dri med tog thogs byang chub snying po der yang lpags// kha cig mkha' las nor bu rin chen dra bas mthor/ zla bzangs thang skyes mdzes dang man dar // par sha tsam pa ka dang sna ma'i me tog phreng // byang chub
- 235b
sems dpa' shing gi drung na bzhugs la mthor// kha cig rkang pa gnyis kyis sa ni rab skyod la// sa skyod nas kyang skye bo dga' bar byed cing lpags/ kha cig ri bo lhun po lag na thogs byed la// bar snang gnas te me tog skun bu 'thor zhing lhags// kha cig rgya mtsho bzhi po mgo la thogs nas ni/ sa la spos chu 'thor te chag chag 'deb shing lhags// kha cig rin chen mchod sdong sna tshogs thogs nas ni// rgyang ring 'dug ste byang chub sems dpa' mchod cing lhags// kha cig tshangs pa lta bur zhi ba'i gzugs bsgyur te// yid zhi rab zhi gnas shing bsam gtan bsam gtan pa// de dag pa spa dag las byams dang snying rje dang // dga' dang btang snyoms yid 'ong tshad med sgra 'byung lhags// kha cig brgya byin lha ltar stong phrag khrag khrig gi// lha rnams dag gis mdun du bdar nas lhags gyur cing // de dag byang chub shing drung phyin nas thal sbyar te// brgya byin thogs pa'i nor bu rin chen sna tshogs 'thor// kha cig phyogs bzhi dag gi skyong ba ji lta bar// dri za srin po mi 'am ci yis yongs bske te/ grog ltar gsal ba'i me tog char pa 'bebs shing lhags// dri za mi 'am ci'i skad kyis rten pa rnyed// kha cig me tog rgyas pa'i ljon shing 'bras bur bcas/ me tog bcas shing mchog gi dri ni rab 'byin la// lo mar sangs rgyas sras po lus phyed gnas thogs lhags// bdud nas sa yi snying por me tog rnams kyang 'thor/
- 236a
#kha cig pad+ma u dpal pad+ma dkar po rgyas// pad+ma'i snying por sum bcu rtsa gnyis mtshan ldan gnas/ de 'dra me tog rgyas pa'i rdzi bu thogs te lhags// chags med yid ldan byang chub sems dpa' mkhas la bstod// kha cig lhun po lta bur lus chen bsgyur te lhags// bar snang gnas nas rang gis lus kyang rang tu 'dor// bor ma thag tu me tog 'phreng ba rnams su gyur// stong gsum dag gi rgyal ba'i zhing rnams khebs par byed// kha cig me gnyis sreg pa'i skal pa lta bu dang / de bzhin 'chags pa 'jig par ston cing lhags// de dag las kyang chos kyi sgo mo mang grags ste// de dag thos pas sems can khrag khrig sred pa spong // kha cig mchu ni bim pa 'dra la bzhin mdzes shing // kha bzhin rdzogs la mi 'am ci yi sgra sgrogs lhags// sna tshogs legs brgyan lha yi bu mo chas pa 'dra// de la lta bas lha'i tshogs rnams ngoms mi 'gyur// kha cig rdo rje lta bur mi byed lus can te// rkang pas 'og gi chu yi phung po 'bog cing lhags// nyi ma 'dra zhing zla ltar bzhin rgyas snang byed la// 'od byed nyon mongs skyon rnams bcom pa kha cig lpags// kha cig rin po ches brgyan lag na rin chen thogs// zhing mang bye ba stong dag khyebs par byed cing lpags/ sems can mngal phan dang bde dang tshim bya phyir/ kha cig gzugs chen rin po che yi mdzod gyur cig/ ba spu rnams nas
- 236b
mdo sde khrag khrig rab brjod la// spobs par ldan zhing blo gros ldan la bla mchog ldan// rgyags shing rab dregs skye bo rtogs par byed pa lhags/ kha cig ri bo lhun po rnga ltar thogs nas ni// rab tu brdung zhing mkha' las yid 'ong sgra 'byin lhags// de yi sgra yi phyogs bcur bye ba'i zhing song ste// bdud rtsi ma thob ston pa do mod mtshang brgyar bsgrogs// byang chub snying por bkod pa'i le'u zhes bya ste/ nyi shu pa'o// dge slong dag de ltar byang chub sems dpa' la mchod pa'i las kyi phyir/ byang chub sems dpa' dag gis byang chub snying por bkod pa rnam pa de lta bu dag byas mngon par byas par gyur to// byang chub sems dpa' nyid kyis kyang phyogs bcu dag gi sangs rgyas bcom ldan 'das 'das pa dang / ma byon pa dang / da ltar byung ba rnams kyi zhing thams cad na/ byang chub kyi snying po'i rgyan bkod pa ji snyed cig yod pa de dag thams cad byang chub kyi snying po der kun tu bstan to// dge slong dag de ltar byang chub sems dpa' byang chub kyi snying po la 'dug nas 'di snyam du sems te/ 'dod pa'i khams 'dod pa'i bdag po dbang phyug dbang sgyur ba/ bdud sdig can de la bdag gi ma sbran par/ bla na med pa yang dag par rdzogs pa'i byang chub mngon par rdzogs par 'tshang rgya ba de ni bdag gi mi che'i/ bdag gis bdud sdig can bsku
- 237a
ched#bar bya'o// / de las rnam par rgyal na/ 'dod pa na spyod pa'i lnga la spogs thams cad tshar gcod par 'gyur ro// 'on kyang bdud kyi 'khor na bdud kyi ris kyi lha'i bu sngon dge ba'i rtsa ba bskyed pa 'khod pa dag gis nga'i seng ge'i rnam par rol pa mthong na/ bla na med pa yang dag par rdzogs pa'i byang chub tu sems bskyed par 'gyur ro// dge slong dag de nas byang chub sems dpa' de ltar bsams nas/ de'i smin 'tshams kyi mdzod spu nas bdud kyi 'khor thams cad 'joms par byed pa zhes bya ba'i 'od zer gcig phyung ste/ 'od zer des stong gsum gyi stong chen po'i 'jig rten gyi khams 'di thams cad kyi bdud kyi gnas thams cad snang bar byas nas mog mog por byas te/ rab tu g.yos par yang byas par gyur to// stong gsum gyi stong chen po'i 'jig rten gyi khams 'di thas cad kyang snang ba chen pos yongs su khyab par gyur to// bdud sdig can gyis 'od de las rnam pa 'di lta bu'i sgra 'di yang thos so// sems can shin tu dag pa bskal ba mang po'i spyod pa spyad/ zas gtsang rgyal po'i rgyal srid dag ni yongs spangs te/ phan byed de ni bdud rtsi mngon par 'dod pas byung // byang chub shing drung 'ongs kyi de ring bsgrims pagyis// de ni bdag kyang rgal la gzhan yang sgrol bar byed/ de ni bdag nyid grol bas gzhan yang grol bar byed / de ni bdag kyang dbugs phyin
- 237b
gzhan dag dbugs kyang 'byin// yongs su mya ngan 'das nas gzhan dag mya ngan 'dol/ ngan song gsum po ma lus stongs par byed par byed par 'gyur/ lha mi rnams kyi grong khyer gang bar byed par 'gyur/ phan byed de ni bdud rtsi mchi med thob gyur nas/ bsam gtan mngon shes bdud rtsi bde mchog sbyin par 'gyur/ gang tshe rang byung nyid kyis chos char mngon pab ste// nag po'i rtsalag khyod kyis grong khyer spongs byed 'gyur/ spobs med pas kyang stobs med 'gyur te dpung nyams 'gyur/ phyogs ni phyogs min ci bya gar 'gro shes mi 'gyur// dge slong dag de ltar bdud sdig can bskal ba'i tshigs su bcad pa 'di dag gis bskul nas/ rmi lam rnam pa sum bcu rtsa gnyis rmis so// sum bcu rtsa gnyis gang zhe na/ 'di lta ste/ bdag gi gnas mun pas khyab par rmis pa dang / rang gi gnas rdul gyis gang zhing gyo mo dang / gseg mas gang bar rmis pa dang / bdag nyid dang ngas bsgrags nas phyogs phyog su 'bros par rmis pa dang / bdag cod pan dang bral zhing rna cha lhung bar rmis pa dang / bdag mchu dang / gre ba dang / rkan skams par rmis pa dang / bdag snying kun tu gdungs par rmis pa dang / bskyed mos tshal gyi lo ma dang / me tog dang / 'bras bu rnams rnyings pa rmis pa dang / rdzing skams te chu med par rmis pa dang / ngang pa dang / khrung khrung dang / rma bya dang / ka la ping
- 238a
ka dang / kun la dang / shang shang ti'u la sogs pa bya'i tshogs rnams mngab gshog zegs par rmis pa dang / rnga dang / dung dang rdzarnga dang / mkhar rnga dang / rgyud gcig pa dang / bi wang dang / rgyud gsum pa dang / pheg dang / mkhar ba'i bsil dkrol la sogs pa rol mo'i cha byad rnams chags grugs te sal ltung bar rmis pa dang / 'khor sdug pas kyang bdud spangs te ngo 'dzum gnag cing phyogs gcig tu dong nas sems shing 'khod par rmis pa dang / chung ma'i dam pa pad+ma'i phreng ba can yang mal nas sa la lhung ste/ lag pa gnyis mgo la rdol par rmis pa dang / bdud kyi bu gang dag shin tu brtson 'grus dang ldan pa dang / shin tu stobs dang ldan pa dang / shin tu gzi brjid dang ldan pa dang / shin du shes rab ldan pa de dag kyang byang chub sems dpa' byed chub kyi snying po mchog dam pa la 'dug pa la phyag 'tshal bar rmis pa dang / bdag gi bu mo rnams kyang kyi hud yab ces tshe nges 'don par rmis pa dang / bdag gi lus la gos dri ma can gyon par rmis pa dang / bdag mgo rdul gyis gang la skye'o gseng ga seng po dang / nyams chung ba dang / mdangs nyams par rmis pa dang / bsil khang dang / khang pa brtsegs pa dang / skar khung dang / rta dbas rnams kyang rdul gyis gang nas rdib par rmis pa dang / de'i sde dpon gnod sbyin dang / srin po dang /
- 238b
grul bum dang / dri za'i bdag po gang yin pa de dag thams cad kyang kom tshigs su bcad ste ngu zhing tshe nges btab nas byer bar rmis pa dang / 'dod pa na spyod pa'i lha rnams kyi lha'i bdag po// 'di lta ste/ yul 'khor bsrung dang / 'phags skyes po dang / mig mi bzang dang / rnam thos kyi bu dang / brgya byin dang / rab 'thab bra dang / yongs su dga' ldan dang / rab 'phrul dang / dbang bsgyur la stsogs pa gang yin pa de dag thams cad kyang bdud la mi gus shing / byang chub sems dpa' la/ phyogs par rmis pa dang / thab mo'i nad nas ral gri shugs nas/ ma phyin cing bdag mi shis pa'i sgra 'byin pa dang / rang gi 'khor gyis bdag por bar rmis pa dang / bkra shis kyi bum pa sgor lhung bar rmis pa dang / bram ze mis byin gyi bu yang bkra mi shis pa'i sgra sgrogs par rmis pa dang / sgo ba kun tu dga' byed kyang kun tu mi dga' ba'i sgra sgrogs par rmis pa dang / na mkha'i dkyil mun pas khebs par rmis pa dang / 'dod pa'i gnas na gnas pa'i dpal yang du mar rmis pa dang / bdag ni dbang yang med par gyur pa rmis pa dang / rang gi phyogs kyang phyogs ma yin par rmis pa dang / nor bu dang / mu tig gi dra ba rnams chad cing rnam par chad nas brul bar rmis pa dang / bdud kyi gnas thams cad kyang rab tu g.yos par rmis pa dang / shing rnams kyang bcad cing ba gam lhung bar rmis pa dang / bdud kyi sde bkod pa thams cad
- 239a
ra / kyang khas bub tu sbrel bar bris pa ste/ dge slong dag de ltar bdud sdig can gyi rmi lam du rnam pa sum bcu rtsa gnyis po 'dis bu bris so// de sad pa dang 'jigs skrag dngangs nas/ nang mi thams cad bsogs te dpung dang bcas pa dang / 'khor dang sde dpon dang / sgo ba dang / de dag 'dus par rig nas tshigs su bcad pa 'di dag smras so// bdud des rmi lam de dag mthong nas nyams thag ste// sde dpon bdud po seng ge za 'gram zhes bya dang // bu rnams/ dag dang 'khor rnams gang dag yin la smras/ nag po'i lag de dag kun la yongs su dris// shAkya'i nang du skyes pa mtshan mchog yan lag sbas// lo drug bar du bya bka' brtul zhugs drag po spyad// byang chub shing drung 'ongs kyi rab tu bsgrims shig ces// mdang gsum par snang las ni tshigs su bcad de skad grag/ byang chub sems dpa' de nyid rnam par sangs rgyas nas// sems can bye ba khrag khrig mang po rnam rtogs byed// gang tshe bdud rtsi thob ste bsil ba'i dngos reg che// de yis nga gnas/ ma lus stong par byed par 'gyur// dpung chen rnams kyang lhan cig der ni rab dong la// shing dbang drung 'dug dge sbyong gcig de gzhom par bya// yan lag bzhi pa'i sde rnams myur du rab tu bsgrims// gal te lnga sdug sems phyi shol ma byed cig/ dgra bcom rang sangs rgyas kyis 'jig rten gang gyur kyang // mya ngan 'da' bas
- 239b
bdag dpung nyams chung yong mi 'gyur// de yang gcig pu rgyal ba chos rgyal gyur na ni/ bgrang ba las 'das rgyal ba'i rigs ni gzhan mi chad// dge slong dag de nas bdud kyi bu ded dpon zhes bya bas bdud sdig can de la tshigs su bcad de smras pa// yab gcig ci nongs zhal 'gyur cing ni zhal mdog nyams// thugs kyang 'bar la khyod kyi yan lag nyid lag 'dar// khyod kyis ci gsan ci gzigs myur du bka' stsol cig/ yang dag bsam nas de bzhin sbyar bar 'tshal bar bgyi// nga rgyal med bdud bu cig smra bas nga la nyon// ngas ni sdig pa'i rmi lam shin du mi bzang smis// de ring 'khor 'dir de kun ma lus smras na ni// khyed rnams brgyal te sa la rab tu bsgyel par 'gyur// ded dpon gyis smras pa/ gal te 'thab dus btab te rgyal na nongs ma mchis// gal te der ni bcom par gyur na nongs dang bcas// gal te// khyod kyi rmi lam de 'dra'i ltas lags na/ gzhan na dge slong g.yul ngor yongs su pham mi 'gyur// bdud kyis smras pa/ brtsal ba grub pa'i skyes bu g.yul ngor grags par 'gyur// gal te brtan la rten te legs byas bdag cag rgyal// kho bo 'khor dang bcas pa mthong nas langs nas su// kho bo'i rkang par mgos phyag mi 'tshal de mi nus/ ded dpon gyis smras pa/ rgyal chen dpung mang bdag kyang shin tu mthu che ste// stobs ldan dpa' bo gcig pu mchis na g.yul las rgyal// gal te srin bu
- 240a
chen@#me khyer stong gsum gang gyur kyang // nyi ma gcig pu'i zil du brlag te 'od mi bgyid// gzhan yang gang la nga rgyal gti mug spyod ma mchis/ mkhas dang mi mthun bgyid pa de ni gsod mi nus/ dge slong dag de ltar bdud sdig can ded dpon gyi tshig ma nyan nas yan lag bzhi pa'i dpung chen po stobs che ba/ 'thab mo la dpa' ba 'jigs su rung ba/ spu zing zhes byed nus pa/ lha dang mi rnams kyis sngon ma mthong ma thos pa bzhin sbyar ba rnam pa mang po bye ba khrag khrig stong du sgyur ba'i rnam pa dang ldan pa/ rkang lag sprul brgya stong gis bkris pa dang ldan pa/ ral gri dang / mda' gzhu dang / mdung thung dang / mda' bo che dang / sta re dang / rtse gsum kha gdeng ba dang / bong dang / gtun shing dang / be con dang / zhags pa dang / dbyug to dang / 'khor lo dang / rdo rje rtse gcig pa thogs pa dang / lus la go cha bzang po bgos pa/ mgo dang rkang lag dang mig log par 'dug pa/ mgo dang / mig dang / gdong 'bar ba/ lto dang rka lag dbyibs mi sdug pa/ gzhin gzi brjid drag po dang ldan pa/ shin tu gzhin sbyar cing so gtsigs pa/ 'jig su rung bar mche ba gtsigs pa/ ci sdug cing che ba mang po 'phyang ba/ lce 'bar 'bur can/ re lde dang 'dra ba/ mig me dang sbrul nag po dug gis rgyas pa'i mig ltar dmar ba dag char bcug ste/ de las kha cig ni sbrul gdug pa mkha' lding gis rgya mtsho nas
- 240b
byung ba bzhin lag mthil du sbrul gdug pa bzhag ste/ kha cig ni mi'i sha dang khrag dang / rkang lag dang / mgo dang / mkhal ma dang / nad khrol dang / ngan skyugs/ la sogs pa za/ kha cig ni gzugs sngo sangs dang / kham pa mang po dang / sngon po dang / dmar po dang / ser por 'dug ste/ 'jigs su rung ba'i gzugs sna tshogs can/ kha cig ni mig zhibs pa dang / mig khron pa lta bu dang / mig phyung ba lta bu dang / mig 'bar ba dang / mig gzur ba mi sdug pa/ kha cig ni mig log pa dang / 'bar ba dang / mi sdug pa/ kha cig ni ri 'bar ba thogs te 'gying zhing ri gzhan la zhon te 'ong / kha cig ni shing rtsa gton byas te/ byang chub sems dpa'i log su rgyug cing 'ong / kha cig ni rna ba phag rna lta bu dang / zhib ma lta bu dang / glang be'i rna ba lta bu dang / 'phyang ba dang / phag pa rna lta bur 'dug pa/ kha cig ni rna ba med pa/ kha cig ni keng rung lta bu mang po sprul nas/ lus rid cing gsus pa che la sna zhom pa/ gsus pa bum pa lta bur 'dug pa/ rkang pa mgo'i thod pa lta bur 'dug ba/ lpags pa dang / sha dang khrag skams pa/ rna ba dang / sna dang / rkang lag dang / mig dang mgo bcad pa/ kha cig ni khrag 'thung 'dod pas/ cig la gcig mgo gcod pa/ kha cig ni sgra sha po dang / sgra mi snyan pa dang / 'jigs su rung ba dang / sgra rtsub pa dang ldan pa hu hu zhes bya ba dang / pi tsi zhes bya ba dang / hu lu hu lu
- 241a
ra/ zhes bya ba'i sgra 'byin pa dang / skyugs pa len pa dang / dge sbyong goru ta ma 'di shing dang bcas te 'on cig ces zer ba dang / 'od cig ces zer ba dang / rgyob shig ces zer ba dang / rab tu rgyob shig ces zer ba dang / chings shig ces zer ba dang / zungs shig ces zer ba dang / tshod cig ces zer ba dang / btubs shig ces zer ba dang / rtogs shig ces zer ba dang / bab bab tu 'od cig zer ba dag go/ kha cig ni wa dang / lce spyang dang / phag dang / bong bu dang / ba glang dang / glang po che dang / rta dang / rnga mo dang / rkyang dang / ma he dang / ri bong dang / g.yag dang / bse dang / ri dgas dang / dang ko ska la stsogs pa'i kha dog sna tshogs 'jigs su rung ba rngam par byed pa mi sdug pa dang ldan pa dag go// kha cig ni seng ge dang / stag dang / phag rgod dang / dred dang / spre'u dang / gzig dang / byi la dang / ra dang / lug dang / sbrul dang / ne'u le dang / nya dang / chu srin dang / chu srin byis pa gsod dang / rus sbal dang / bya rog dang / bya rgod dang / 'ug pa dang / nam mkha' lding lta bu'i lus dang ldan pa dag go/ kha cig ni gzugs mi sdug pa dag go/ kha cig ni mgo gcig pa dang / mgo gnyis pa nas mgo brgya stong gi bar dang ldan bdag go// kha cig ni mgo med pa'o// kha cig ni rkang pa med pa dag go// kha cig ni rna ba dang / kha dang / sna dang / mig dang / lte ba'i khung bu nas sbrul gdug pa 'byin to//
- 241b
kha cig ni ral gri dang / mda' gzhu dang / mdung thung dang / rtse gsum kha gdeng dang / dgra sta dang / 'khor lo dang / mda' bo che dang / rdo rje rtse gcig pa dang / rdo rje dang / bong ba dang / mtshon rtse gcig pa la sogs pa mtshon cha sna tshogs gsor zhing / gar byed la/ byang chub sems dpa' la sdigs mo byed do// kha cig ni mi'i sor mo bcad nas phreng bar rgyus te/ thogs so// kha cig ni keng rus dang / thod pa dag phreng ba lta bur brgyus te thogs so// kha cig ni lus sbrul gdug pas dkris so// kha cig ni mgo la zhugs ling me can thogs te/ glang po dang / rta dang / rnga mo dang / ba lang dang / bong bu dang / ma he la zhon no// kha cig ni spri'u tshugs su 'dug pa khab lta bu'i sgra can dag go/ kha cig ni ba lang dang / bong bu dang / phag rgod dang / ne'u le dang / ra dang / lug dang / byil dang / spre'u dang / spyang ki dang / lce spyang gi spu lta bu dang ldan la/ sbrul gdug pa sdug cing lcags kyi thu lum med pa dang / me 'byin pa dang / lcags dang zangs 'bar ba'i char 'bebs pa dang / lce 'bengs pa dang / rdo rje 'bebs pa dang / lcags kyi bye mchen po'i char 'bebs pa dang / sprin nag po sdus te rlung gi char 'bebs pa dang / mda'i sprin bsdus te char du 'bebs pa dang / mun nag ston pa dang / sgra 'byin cing byang chub sems dpa'i log su rgyug pa dag go/ kha cig ni zhags pa skor ba dag ri chen po snyil bar byed pa dang / rgya mtsho chen po 'khrugs par byed pa dang / ri chen po las
- 242a
mchong bar byed pa dang / ri'i rgyal po lhun po bskul ba dang / rgyug pa dang / 'bros pa dang / yan lag dang / nying lag 'byor/ ba dang / lus skor ba dang / gang mo cher rgod pa dang / brang rdung ba dang / brang la rdob pa dang / mgo bsig pa dang / mgo 'bar zhing skra gyen du 'greng ba dang / phan tshun shugs phyung ste rgyug cing / wa'i mig lta bus byang chub sems dpa' la 'jigs par byed do// bud med rgan mo dag kyang ngu zhing byang chub sems dpa'i gan du lhags te/ 'di skad du kyi hud kyis nga'i bu longs shig/ longs la myur du bros shig ces 'dzer to// srin mo'i gzugs dang / sha za'i gzugs dang / yi dgas long ba theng po rke ba bkres pas ring po lag pa bsgreng ba/ kha bcus pa dag kyang ngu zhing 'jigs pa ston te/ dngangs par byed cing byang chub sems dpa'i mdun na rgyug go/ bdud kyi dpung 'dus pa rnam pa de lta bu des dpag tshad brgyad bcu kho ra khor yug tu gang bar gyur to// bdud gcig gi ji lta ba bzhin du stong gsum gyi steng chen po'i bye ba phrag brgyar gtogs pa'i bdud sdig can rnams kyi dpung dag gis thad ka dang steng gang bar gyur to// de la 'di skad ces bya ste/ gnod sbyin grul bum lto 'phye chen po'i gzugs/ srin po yi dgas sha za'i gzugs dang bcas/ 'jig rten mi sdug drag gzugs ji snyed pa/ thams cad sgyu yis der ni sprul pa byas/ mgo gcig mgo gnyis mgo gsu
- 242b
na na/ man thong bar du ldan nang gan sbyin dang // lagagacig lag gnyis lag gsum ldan pas na// man snang bar du ldan parab tu med/ nang gcig da sas 'dugs/ ba du na pan ya da na grol sus ni se ba dang / 'bazhin se sa rje dang / 'ag dag sa sum rnag ba dang / khe 'din gan gsus ni dkar ba dang / kha bzhin gzhan la lus kyang gnan pa dang // de 'dra'i phyag brnyan dag gi dpung rnams lpags// stag dang sprul pa bag gi gdon can dang / glang po rta dang bong bu rnga mo gdong / spre'u dang seng ge dred kyi gdong can dang / de 'dra'i kha dang ldan pa'i dpung rnams lhags/ ral pa brjes la 'jigs pa'i gnod sbyin mang // lus mgo rus pa 'bar 'bur lba ba can// lus ni mi yi khrag gis rab tu spags// gnod sbyin de 'dra ba dag der yang lhags// rkang pa dag ni bsgo ba'i rkang pa 'dra// mig gi 'bras bu spre'u yi mig dang mtshungs// mche ba dag ni glang po'i mche ba 'dra// kha gdong de 'dra'i dpung rnams der yang lhag/ lus kyi dbyibs ni chu srin 'dra ba ste// mig gi 'bras bu gnyis ni rab tu 'bar// rna ba dag ni ra yi rna ba 'dra// kha dog de 'dra'i dpung rnams der yang lhags// kha cig dag ni lag par dbyugs pa thogs// tho ba mdung thung rtse gsum lag na thogs// kha cig ri bo lhun po lag na thogs// 'jigs su rung ba'i gzugs can gnod sbyir
- 243a
chelhags/ gshol thogs 'khor lo thogs shing mig sgyur dang // mtshon rtse gcig pa lag na thogs pa dang // rlung dang rdo dang gnam lcags 'bar 'bebs shing // gnod sbyin 'jigs su rung ba der yang lhags// rlung ni rab tu gtong zhing char yang 'bebs// brgya phrag stong gi glog kyang rab tu 'byin// 'brug gi sgra yang sgrog cing shing ljon stsol// byang chub shing gi lo ma tsam mi g.yo// char pa rab tu 'bebs shing rlung yang gtong // chu bo 'bebs shing chu yis sa yang gang // de ltar 'jigs su rung ba mtshan mo byung // de yi nub mo sems med shing yang skyel// thams cad dbyibs mi sdug cing gzugs mi sdug 'jigs pa'i gzugs ldan de dag mthong nas kyang // yon tan mtshan dang gzi brjid ldan pa po// lhun po lta bur sems ni g.yo ba med// sgyu ma 'dra zhing rmi lam mtshungs ba dang // sprin dang 'dra bar chos rnams tshul la rtog/ de ltar chos kyi tshul la rtog pas na// legs gnas bsam gtan byed cing chos la gnas// gang zhig nga dang nga yi snyam sems shing // mngon dang lus la yang dag mngon zhen dang // mi mkhas 'dzin pa gnas des mthong nas ni// 'jigs par gyur cing bdag kyang rab tu myos// gakya'i sras pos chos rnams brten byung ba// dngos pa med pa'i ngo bo nyid du rtogs// nam mkha' lta bu'i sems dang rab tu ldan// dpung bcas g.yog sgra mtho
- 243b
yang myos pa med// dge slong dag de ltar bdud sdig can gyi bu stong po de dag gi nang nas// ded dpon la sogs pa bdud kyi bu gang dag byang chub sems dpa' la/ mngon par dad pa de dag ni bdud kyi g.yas rol tu 'khod par gyur to// gang dag bdud sdig can gyi g.yon rol du 'khod par gyur to// de nas bdud sdig can gyis rang gi bu de dag la smras pa/ yu bu cag 'di 'dra ba'i dpung gis byang chub sems dpa' gdul bar bya'o// de nas g.yas rol nas bdud kyi bu ded dpon zhes bya bas pa la tshigs su bcad de smras pa// klu'i dbang po gnyid log slong 'dod dang // ri dgas rgyal po gnyid log slong 'dod pa// de bzhin mi dbang legs gnas slong bar 'dod g.yon rol nas bdud kyi bu blo gros ngan pa zhes bya ba des 'di skad ces smras so// ltas pa tsam gyis snying yang rab tu 'gas par 'gyur// 'jig rten dag na snying po ldan pa'i shing chen 'gas// bdag gi blta bas phog na 'gro ba mchis phog ltar// 'tsho bar 'gyur ba'i 'bru ni de la ga la mchis// g.yas rol nas dbyangs snyan ces bya bas smras pa// ltas pa tsam gyis shing yang 'gas na mi rnams la// bdag sgrim ci dgos shes smras snying po ga la yod// gal te ltas pas ri bo lhun po 'jig gyur yang // de yi mdun du khyod ni mig byed yong mi nus// gzhan yang mi gang rgya mtsho lag pa gnyis kyis rgyal 'dod cing // de na chu ni rngubs te
- 244a
ra/ 'thung bar nus 'gyur gyis// de yi kha bzhin dri ma med la mngon sum du/ lta ba de ni de bas sdug bsngal che zhes smras/ g.yon rol nas/ lag pa brgya pa zhes bya bas smras pa// bdag gis lus 'di lag pa brgya mchis pa// gcig gis kyang ni mda' rgya 'phang gi ste// dge sbyong de yi lus ni dbug par bgyi// yab cig bder 'gyur ma shol khyod gshegs shig/ g.yas rol nas blo bzang po zhes bya bas smras pa/ ba spu rnams kyang ci phyir lag pa min// lag pa brgya dang khyad par ci zhig yod/ lag pa re rer de lta mthu yod kyang // de dag gis kyang de la ci mi nus/ de ci'i phyir zhe na/ des ni 'jig rten 'das pa'i byams pa bsgoms/ byams ldan thub pa de yi sku la ni// dug dang mtshon dang me yis mi tshugs te// mtshon cha 'phangs pa thams cad me tog 'gyur// gzhan yang mkha' dang sa dang chu la stobs ldan gang // me 'am gnod sbyin ral gyi dgra sta thogs// mi dbang bzod pa'i stobs ldan de drung phyin// stobs chen stobs ldan de kun stobs chung 'gyur g.yon rol nas gzi brjid drag shul can zhes bya bas smras pa/ bdag ni de li lus bzang gi/ khong du zhugs te bsreg par bgyis// 'brog gi me chen chu ngu yi// rkang dang bcas pa'i shing yang skem// g.yas rol nas mig bzangs kyis smras pa/ khyod ni ri rab sa yi nang zhugs te/ thams cad ma lus sreg par nus gyur kyang
- 244b
khyod dang 'dra ba gang ga'i bye snyed kyis// rdo rje thugs ldan de ni sreg mi nus// gzhan yang ri bo thams cad 'gul yang srid// rgya mtsho chen po zad kyang srid// nyi zlas la ltung yang srid// sa ni zhu bar 'gyur yang srid// 'jig rten don du brtson mdzad pa// thugs dam nges par mdzad pa po// byang chub dam pa ma thob par// shing chen drung nas bzhengs mi srid// g.yon rol nas lag rings kyis bsgyings te smras pa// khyod kyi gnas 'dir mchis bzhin du// bdag gi sug pas nyi ma dang / zla ba skar ma rnams kyi gnas// thams cad rab tu mnye bar bgyi// rgya mtsho chen po bzhi pa las// tshul du shes par chab kyang blangs// yab cig dge sbyong de bzung ste// rgya mtsho'i pha rol dor bgyi// yab cig dpung 'di bzhag tu gsol// khyod ni thugs ngan che ma mdzad// byang chub shing de drung phyung ste// sug pas phyogs phyogs gtor bar bgyi// g.yas rol nas dad pa thob pas smras pa/ gal te khyod ni dregs bsgying ste// lha dang lha min dri zar bcas// sa dang ri dang rgya mtshor bcas// de dag lag pas phyer brlog kyang // khyod dang 'dra ba stong phrag ni// gang ga'i bye ma snyed rnams kyis// byang chub sems dpa' shes rab can// de yi ba spu g.yos mi nus/ g.yon rol nas 'jigs byed kyis smras pa// dpung gi nang na bzhugs bzhin du// yab khyod ci yi slad du bsnyengs// de la dpung grogs ga la
- 245a
cher#mchis// ci slang khyed 'dir de la bsnyengs// g.yas rol nas blo gros cig cig gis smras pa// 'jig rten dag na nyi zla dpung ma mchis// 'khor lo sgyur dang seng ge dpung ma mchis// byang chub sems dpa' 'di na dpung ma mchis// 'on kyang gcig pus bdud ni 'joms par gcod/ g.yon rol nas grags ltas smras pa// mdung thung rtse gsum dbyig to ral gri rta// glang po shing rta rkang thang ma mchis pa// dge sbyong gcig pu mchis pa de dag gis// do mod dgung gis chung zad ma bsnyengs yab// g.yos rol nas bsod nams brgyan gyis smras pa// sred med bu ltar mi phyed mi shigs sku dang ldan// bzod stobs gom pas brtson 'grus brtan pa'i ral gri mda'// rnam par thar gsum gzhon pa shes rab gzhu lags yab// bsod nams stobs kyis de ni bdud kyi dpung las rgyal/ g.yon rol nas phyir mi ldog pas smras pa// 'brog mes rna la tshig pa phyir mi ldog// lobs pas 'phangs pa'i mda' yang phyir mi ldog/ mkha' las rdo rje 'bad pa phyir mi ldog/ shAkya'i bu las ma rgyal bdag gnas med// g.yas rol nas chos 'dod kyis smras pa/ gsher ba'i rtswa dang 'phrang na me yang ldog/ brag gi rtse mor bang na mda' yang ldog/ rdo rje sar bab de nas gang du 'gro// zhi ba bdud rtsi ma thob de ni ldog/ de ci'i phyir zhe na/ yang gcig bar snang mkha' la ri mo zla
- 245b
bar nus kyang gda'// sems can ji snyed kun tu sems ni gcig bsdur nus kyang gda'// yab gcig nyi zla rlung ni zhags pas bcing du nus kyang gda'// byang chub sems dpa' byang chub snying po las ni skyod mi nus// g.yon rol nas nye bar ma zhi bas smras pa// lta ba'i gdug pa chen pos lhun po sreg par bgyi// rgya mtsho chen po rnams kyi chab kyang thal bar bgyi// bdag gis do mod de nyid thal bar brlag par bgyi// yab gcig byang chub dang ni dge sbyong gzigs su gsol// g.yas rol nas don grub kyis smras pa// gal te dug gis 'di kun gang gyur pa// stong gsum dam pa rab tu 'bar gyur kyang // yon tan 'byung gnas kyis ni gzigs tsam gyis// dug ni dug ma yin par rab tu 'gyur// srid pa gsum na 'dug pa drag po ni// 'dod chags zhe sdang de bzhin gti mug ste// de dag de yi sku pa/ thugs la med// mkha' la rdza ba dang rdul ni med pa bzhin// sku dang gsung dang thugs kyang rab tu dag/ sems can kun la byams pa'i thugs dang ldan// de la mche dang dug gis yongs mi tshugs// de bas yab gcig thams cad bzlog tu gsol// g.yon rol nas dga' ba chags pas smras pa// bdag gis sil snyan stor dag rab bgyis te// lha yi bu mo brgyan pa bye stong gis// chags par bgyis te grong khyer mchog tu bkris// 'dod la dga' bar khyod kyi dbang du bgyi// g.yas
- 246a
rol nas chos dgas smras pa// de 'dir rtag tu chos la dges pas dgyes// bsam gtan dges shing bdud rtsi don la dges/ sems can thar par mdzad dang byams la dgyes// 'dod chags dga' la de ni dgyes mi mdzad// g.yon rol nas rlung gi shugs shes bya bas smras pa/ bdag gi shugs kyis nyi zla mid bgyid la// na mkha' las ni rlung yang rab btang zhing // yab gcig ngo mod dge slong bzung nas ni// rlung gis phub ma bzhin du gtong bar bgyi// g.yos rol nas bdud kyi bu blo gros mi g.yo ba zhes bya ba des 'di skad ces smras so// ji ltar khyod kyi shugs 'gyogs drag pa ltar// gal te lha dang mi rnams de 'drar gyur// de dag thams cad gcig tu 'dus pas kyang // zla med gang zag de la gnod mi nus// g.yon rol nas tshangs pa blo gros kyis smras pa/ de 'dra'i drag po phal cher gyur kyang ni// khyod kyis nga la cung zad gzhon mi nus// bgyi ba thams cad mang pos grub lags nas// gcig pus khyod la ci bgyi smos ci 'tshal// g.yas rol nas seng ge'i blo gros kyis smras pa// sa la seng ge'i khyas 'khod sngon ma byung // lta ba'i gdug pa dag kyang khyus mi 'khod gzi ldan bden pa'i pha rol gnon pa po// skyes bu khyu mchog rnams kyang khyus mi 'khod// g.yon rol nas thams cad du gdol ba zhes bya bas smras pa/ ji lta
- 246b
khyod kyi sras po brtson 'grus dang // shugs dang stobs dang ldan pa sgra sgrogs pa// tshig 'bar de 'dra yab kyis sngon bsam tam// myur du dge sbyong de ni gzhom du gzhud// g.yas rol nas seng ge sgra sgrogs shes bya bas smras pa/ nags tshal dag gi khrod na wa mang po// seng ge med pa de na sgra yang sgrogs// seng ges sgra sgrogs 'jigs pa thos pa dang // skrag nas phyogs phyogs dag tu rab tu 'bros// de ltar bdud bu mi mkhas 'di dag kyang // mi mchog gsung ni ma thos de bar du// de dag spyi tol byed cing byung rgyal smra// mi yi seng ge'i gsung bsgrags 'bros pa/ de ni glen pa cho ga ma tshal ba// g.yos rol nas don legs par bsam pa sems pa zhes bya bas smras pa// de ni mi glen pha rol gnon pa ste// khyed cag glen zhing shin tu ma bsam pa// khyod kyis de yi mthu rtsal yong mi shes// de yi shes rab stobs kyis thams cad pham// bdud kyi bu ni gang ga'i bye ma snyed// khyed cag rnams kyis de 'dra mthu rtsal can// de yi ba spu gcig kyang g.yos mi nus// bsad par bsam pa mi grub smos ci dgos// khyod kyis de la yid kyis gnod ma sems// gus dang bcas par dad pa'i sems su gyis// 'di ni srid gsum rgyal por 'gyur bas na// 'thab mo ma byed par ni slar log shig/ de bzhin du sbyar te/ slar bdud kyi bu dkar po'i phyogs pa dang / nag po'i phyogs pa stong du tshang ba de dag thams cad
- 247a
kyis sa sa nas bdud sdug can la tshigs su bcad de smras so// de nas bdud sdig can gyi bu sde dpon bzung ba zhes bya 'dres bdur sdig can la tshigs su bcad de smras pa/ gang dag khyod kyi rjes 'brang brgya byin dang // skyod dang mi 'am ci yi tshogs rnams dang // lha min dbang dang mkha' lding dbang po rnams// thal mo sbyar te de la phyag 'tshal na// khyod kyi rjes su 'brang ba ma lags pa// tshangs pa 'od gsal lha yi bu rnams dang // gnas gtsang ris kyi lha rnams de dag kun// de la phyag 'tshal ba ni smos ci 'tshal// khyod kyi sras po shes rab can// stobs dang ldan zhing yid bzhungs pa// de dag byang chub sems dpa' la// snying dang 'thun gyur phyag 'tshal lo// dpag tshad brgya bcur khyab pa yi// gnod sbyin la stsogs bdud dpung 'di// phal cher rab tu dad yid kyis// kun kyang nyes pa med pa lta/ 'jigs su rung zhing drag sgyur ba// dpung tshogs mi bzad 'di gzigs nas// ngo mtshar ma gyur zhum mi mnga'// nges par do mod 'di rgyal 'gyur// gang na dpung 'di gnas pa der// wa dang 'ug pa sgra 'byin pa// myur du slar ni ldog par rigs// byang chub snying por gzigs su gsol// pa ta kun ngang pa dang // khu byugs bya mngon stong pa// nges par ngomed 'di rgyal 'gyur// gdon dpung 'di gnas pa der// rdul dang sdug cha'i char 'bebs pa/ sad kyis/
- 247b
me tog char 'babs pas// bdag gi tshig bzhin bzlog pa'i rigs// gang na dpung 'di gnas pa der// shang shong gyur cing tsher mas gang // sa dkyil dri med gser gyur pas// shes rab ldan dag bzlog pa'i rigs// gal te ma bzlog sngar rmis pa'i// rmi lam de dag mngon sum 'gyur// drang srong rnams kyis yul brlag pa// de bzhin dpung 'di thal bar brlog/ rgyal po 'gro ba drang srong mchog/ tshangs pas byin gyis khros byas pas// dan da ka yi nags tshal tshig/ lo mang zhig tu rtsa ma skyes// drang srong brtul zhugs spyod pa po// dka' thub ldan pa 'jig rten na// ji snyed 'khod pa kun gyi mchog/ 'byung po kun/ la mi 'tshe 'di// gang gi lus la mtshan rab 'bar// khyim nas kyang ni 'byung ba de// nyon mongs pham byas 'tshang rgya zhes// khyod kyis sngon chad ma gsan tam/ rgyal sras rnams kyi mchod don du// 'byor pa 'di 'dra 'di dag sprul// de bas nges par sems can mchog/ sbyin bsreg dam pa legs par 'gyur// 'di yi mdzod spu dri med pa// bye ba khrag khrig zhing du mdzes// de yis bdag cag mog mog bgyis// bdud dpung nges bcom gdon mi za// srid pa'i rtse gnas lnga rnams kyis// de yi spyi gtsug blta mi nus// nges par gzhan gyis ma bstan par// thams cad mkhyen nyid thob par 'gyur// ji ltar lhun po khor yug dang /
- 248a
rgya cher#nyi zla brgya byin tshangs pa dang // ljon shing rnams dang ri mchog kun// sa dkyil phyag 'tshal bgyis lags na// bsod nams stobs can shes rab stobs// ye shes stobs can bzod pa'i stobs// brtson 'grus stobs dang ldan pa de// bdud phyogs stobs med mdzad pa las/ glang pos so me btang srog dang // seng ges ji ltar wa bcom dang // nyi mas srin bu me khyer ltar// bde bar gshegs pas dpung bcom 'gyur// tshig de skad thos pa dang / bdud kyi bu gzhan zhig shin tu khros nas mig dmar por gyur te/ smras pa/ khyod ni gcig po de yis bsngags pa dag/ shin du dpag tu med par brjod byed na// gcig pu des ni ci zhig bya bar nus// 'jigs su rung ba'i dpung chen de mthong ngam// de nas g.yas rol na bdud kyi bu bdud rab tu 'joms pa zhes bya bas smras pa// 'jig rten nyi zla seng ge dang // 'khor lo sgyur ba grogs byed med// byang chub zhugs nas nges pa yis// byang chub sems dpa' grogs mi dgos/ de nas byang chub sems dpas bdud mthu chung bar bya ba'i phyir// gang mthong bas bdag gi dpung byang chub sems dpa'i kha'i nang du zhugs so// snyam du sems shing / thos par gyur pa dang / zos pas kyang ci yang ma yin no snyam nas yang slar log ste/ 'khor dang bcas pas mtshon cha rnam pa sna tshogs byang chub sems dpa'i steng du 'dzin
- 248b
cing ri rab tsam gyi ri dag kyang / byang chub sems dpa'i steng du 'phangs pa dang / me tog gi bla re dang / gzhal med khang du gyur te/ gnas pa dang / gang dag mig gdug pa dang / myur du gdug pa dang / dbugs gdug pa rnams me lce gtong ba'i me'i dkyil 'khor de yang byang chub sems dpa' la 'od kyi dkyil 'khor lta bur gnas par bya ba'i phyir// pad+ma 'dab ma brgya pa rgyas pa lta bu bzhin du bskyed do// de nas yang byang chub sems dpas lag pa g.yas pas mgo la byugs pa dang / bdud kyis byang chub sems dpa'i lag na ral gri thogs par mthong nas/ lho phyogs su bros pa dang / ci yang ma yin no snyam nas yang slar log go// slar log nas kyang byad chub sems dpa'i steng du mtshon cha rnam pa sna tshogs ral gri dang / mda' gzhu dang / mdung thung dang / mda' bo che dang / dgra sta dang / bang dang / gtun shing dang / rdo rje rtse gcig pa dang / dbyug to dang / 'khor lo dang / tho ba dang / shing drung phyung dang / pha bong dang / zhags pa dang / lcags kyi thu lum shin tu 'jigs pa du ma 'phen te/ de dag kyang 'phangs ma thag tu me tog gi phreng ba dang / me tog gi bla rer gyur te gnas so// me tog sil mar gyur nas sa la 'thor ba dang / phreng ba'i chun bor yang 'phyang bas byang chub kyi shing brgyan par gyur to// byang chub sems dpa'i bkod pa 'byor pa de dag mthong nas/ bdud sdig can phrag dog dang ser snas sems
- 249a
gdon to/ byang chub sems dpal la smras pa/ rtse rgyal bu gzhon nu bzhengs nas rgyal srid la sbyang cig/ khyod kyis bsod nams nges/ gyis thar pa ga la 'thob// de nas byang chub sems dpa' btan la zab cing rgya che ba dang / 'jam zhing snyan pa'i tshig gis bdud sdig can la 'di skad ces smras so// sdig can khyod kyis ni gtan pa med pa'i mchod sbyin gcig gis 'dod pa'i dbang phyug thob du zad do// ngas ni mchod sbyin bye ba khrag khrig brgya stong phrag du mas gtan pa med pa'i mchod sbyin byas so// lag pa dang / rkang pa dang / mig dang / mgo dag kyang bcad cing slong ba rnams la byin no// sems can rnams thar par bya ba'i phyir khyim dang / nor dang / 'bru dang / mal cha dang / gos dang / 'chag sa dang / bskyed mos tshal rnam pa du ma dag kyang slong ba rnams la byin no// de nas bdud sdig can gyis tshig su bcad de byang chub sems dpal slar smras pa/ sngon chad kho bos mchod sbyin kha na ma tho med/ gtan pa med pa byas pa khyod 'dir dbang du yod/ khyod la 'di na dbang po gang yang yod min pas/ smras kyang phan pa ci yod khyod ni pham par 'gyur// byang chub sems dpas smras pa/ sdig can sa 'di nga yi dbang yin no// de nas byang chub sems dpas bdud sdig can dang / bdud kyi 'khor la byams dang / snying rje sngon du 'gro ba'i sems kyis khyab par byas nas/ seng ge ltar mi 'jigs
- 249b
mi skra ga la bag tsha ba med cing mi dman lam zhus pa dang / 'khrug pa dang / ma rnyogs pa dang / 'jigs pa dang / spu zing zhes byed pa med par lag 'thil na dung dang / rgyal mtshan dang / nya dang / bum pa dang / bkra shis pa dang / lcags kyu dang / 'khor lo'i mtshan yod pa sor mo'i bar dra bar 'brel pa/ sor mo shin du mdzes shing zangs kyi kha dog ltar 'dug pas brgyan pa/ 'jam zhing ma nyen pa shin tu gzhon pa/ bskal pa dpag tu med par dge ba'i rtsa ba'i tshogs bsags pas grub pa'i lag pa g.yas pas lus thams cad la byugs nas/ tshul du shis par sa la brdabs te/ de'i tshe tshig su bcad pa 'di dag kyang smras so// sa 'di 'gro ba kun gyi gnas yin te// rgyu dang mi rgyu snyoms shing nye ma khon med// 'di la khyod ni bdag gi dbang byos shig/ byang chub sems dpas sa chen po 'di la reg ma theg tu rnam pa drug tu g.yos/ rab tu g.yos/ kun tu rab tu g.yos so// chem chem/ rab tu chem chem/ kun tu rab tu chem chem mo// 'di lta ste dper na/ yul ma ga ta'i brda ba 'khar sgra 'byung zhing sgra rgyun ring ba de bzhin du/ sa chen po 'di yang byang chub sems dpa'i lag pas bsnun ma thag tu sgra byung zhing / sgra rgyun ring du byung ngo // de nas stong gsum gyi stong chen po'i 'jig rten gyi khams 'di na/ sa'i lha mo bstan ma zhes bya ba sa'i lha me'i
- 250a
rgya cher/ 'khor bye ba phrag brgya dang ldan pa gang yin pa de dag sa chen po thams cad g.yos par byas nas/ byang chub sems dpa' dang ha cang yang ba zhig tu brtol to// lus rgyan thams cad kyis brgyan pa phyed phyung nas/ byang chub sems dpa' ga la ba de logs su lus btud de// thal mo sbyar nas byang chub sems dpa' la 'di skad ces smras so// de de bzhin no// skyes bu chen po de de bzhin no// khyod kyis ji skad gsungs pa bzhin to// 'di dag ni bdag la mngon gsum mo// de lta lags mod kyi 'on kyang bcom ldan 'das nyid lha dang bcas pa'i 'jig rten gyi dbang du gyur pa dang / mar gyur pa dam pa lags so// ma'i lha ma chen po bstan mas de skad cem smras nas/ rnam pa du mar bdud sdig can gyi thugs ni med par byas/ byang chub sems dpa' la bstod de/ rang gi mthu rnam pa mang po bstan nas/ 'khor dang bcas nas de nyid du mi snang bar gyur to// g.yon can dpung bcas sa sgra de thos nas/ nags su seng ge sgra sgrogs las thos nas// bya rog rdo 'phangs mod la 'byer ba bzhin// dngangs skrag snying gas thams cad rab tu byer/ de nas bdud sdig can sdug bsngal zhing yid mi bde ste/ mi sa ngas la/ bye sa bzhin dung rgyam kyis dan pasas songs phyir yang pa leg cing zas cang mazis te/ bying/ se nas pang 'dud dang napas 'a sbas pa/
- 250b
rnams lhan cig 'dus te cung zad cig sdod cig/ rnam pa 'di lta bu'i sems can rin po che blo bur du chung mi gsan par kho bos rjes su chags pas 'di bslang par nus/ sam/ mi nus sad par bya'o// de nas bdud sdig can gyis rang gi bu mo rnams la smras pa/ bu mo khyod deng ste byang chub sems dpa' 'dod chags dang bcas pa 'am/ 'on te 'dod chags med/ ci gti mug can nam/ 'on te shes rab can nam/ ci ldongs pa zhig gam/ 'on te dpung med pa zhig gam/ dman pa zhig gam/ brtan pa zhig yin pa bsgoms shig/ tshig de thos nas lha'i bu mo de dag byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa'i mdun du 'khod de/ bud med kyi sgyu rnam pa sum bcu rtsa gnyis po gang zhe na/ 'di lta ste/ de'i nang nas kha cig ni gzhin byed 'gebs pa dang / kha cig ni nu ma khrang zhing 'bur ba ston pa dang / kha cig ni cung zad 'dzum pas so'i phreng ba ston pa dang / kha cig ni lag pa brkyang ste/ bya sbyangs byed cing mchan khung ston pa dang / kha cig ni bim pa ltar dmar ba'i mchu ston pa dang / kha cig ni mig phyed 'dzums te byang chub sems dpal la lta zhing ltas nas/ myur ba myur bar 'dzum pa dang / kha cig ni nu ma byed g.yogs te ston pa dang / kha cig ni gos snyil bar byas ste/ gser gyi phag ska dang bcas pa'i rked pa ston pa dang / kha cig ni gos du gu la srab mo gyon te gser gyi sum cu rtsa gnyis her bar bstan to// rnam pa
- 251a
rgya ched phag rka dang bcas pa'i rked pa ston pa dang / kha cig ni rkang gdub sgra sil sil 'byin pa dang / kha cig ni nu ma'i bar nas phreng ba gcig nye/ bar ston pa dang / kha cig ni brla byed brjes pa ston pa dang / kha cig ni mgo dang phrag pa dag la bya 'dab skye ba dang / ne tso dang ri skegs 'dug pa nye bar ston pa dang / kha cig ni byang chub sems dpa' la mig zur gyis lta ba dang / kha cig ni go legs pa bgos kyang mgo legs pa lta bur 'chos pa dang / kha cig ni rked pa dang / gser gyi phag skra skyod pa dang / kha cig ni 'khrul pa ltar 'chos shing sgeg ste/ phan tshun chags pa dang / kha cig ni gar byed pa dang / kha cig ni glu len pa dang / kha cig ni sgeg cing ngo tsha ba ltar yang 'chos pa dang / kha cig ni chu shing rlung gi spyod pa ltar brla gul ba dang / kha cig ni brjod pa'i sgra 'byin pa dang / kha cig ni seng ras bgos te/ gser gyi phag skra dril bu can bcings nas dgod cing 'chag pa dang / kha cig ni gos dang / rgyan rnams sa la 'dor zhing ngo tsha ba ltar slar yang len pa dang / kha cig ni gsang kha dang gsal ba'i rgyan thams cad nye bar ston pa dang / kha cig ni lag pa spos kyis bskus pa ston pa dang / kha cig ni mkhur ba bskus shing rna cha yang ston pa dang / kha cig ni mgo yang g.yogs shing bzhin yang g.yogs la skad cig tsam gyis ston pa dang / kha cig ni sngon dgod dgod pa dang dga' dga' ba dang / rtse rtse ba dang /
- 251b
phan tshun dran par byed cing yang ngo tsha ba ltar 'dug pa dang / kha cig ni gzhon nu'i gzugs dang / bu mo btsas pa'i gzugs dang / na chung tshad la bab pa'i gzugs ston pa dang / kha cig ni 'dod pa dang ldan pas byang chub sems dpa' la sku pa dang / kha cig ni byang chub sems dpa' la me tog sil ma 'thor ba dag ste/ byang chub sems dpa'i mdun du 'dug nas/ byang chub sems dpa'i bsam pa la rtog cing gdong du yang 'di lta ste/ 'di ci chags pa'i dbang pos lta 'am/ 'on te ma gi rgyang ring du lta 'am/ g.yo 'am mi g.yo zhes ltas nas/ byang chub sems dpa'i gzhin dag cing dri ma med la sgra gcan las thar pa'i zla ba'i dkyil 'khor lta bur 'dug pa dang / nyi ma thogs ma shar ba lta bu dang / gser gyi mchod sdod lta bu dang / pad+ma 'dab ma stong dang rgyas pa lta bu dag gtor ba'i me lta bu dang / lhun po ltar mi g.yo ba dang / 'khor yug ltar mngon par 'phags pa dang / dbang po shin tu bsrungs pa dang / glang po ltar sems shin tu dul bar mthong ngo // de nas bdud kyi bu mo de dag gis byang chub sems dpa' shin tu chags par bya ba'i phyir/ glu dang gar du sbyar ba'i tshigs su bcad pa 'di dag smras so// dus kyi dam pa sos ka bzang la bab/ zhugs shing me tog rgyas kyis dgyes par rol// khyod kyi gzugs bzang shin tu mdzes pa ste// mtshan gyis smras pa'i dbang du bdag cag gyur// bdag cag skyes pa
- 252a
rgyalegs skyes dbyibs legs te// lha mi bde ba'i rkyen du bdag cag byung // byang chub rnyed dka' thugs ni slar sbyar la// myur du gzhengs te dar la bab pa spyod// khyod kyi ched du chas nas rab tu brgyan te lpags gyur pa// lha'i bu mo legs par brgyan pa 'di dag rnams la gzigs// gzugs 'di ltas shing rul lta bur srog tsam lus pa yang // chags par 'gyur na chags pa su zhig chags pa su zhig chags mi 'gyur// skra 'jam shin tu dri zhim dri dang ldan/ cod pan rna cha 'bab ris bzhin rgyas la/ dpral ba legs shing legs byugs gzhin dang ldan// pad+ma rgyas pa lta bur mig yangs legs// kha bzhin zla ba nya ba lta bu ste// tog bim pa smin 'dra'i mchu dang ldan// dung dang kun da kha ba dkar so ldan// sdug pa dga' la chags pa rnams la gzigs// nu ma shin tu 'khrang zhing rgyas la 'bur/ lto ba'i rked na gnyer gsum shin tu mdzes// rked pa 'khor sa lta bur yangs shing mdzes// na chung shin tu mdzes la mgon po gzigs// glang po'i sna 'dra nga yi ba ldan zhing // lag pa gdu bus tshal bar gang ba can/ rked pa gser gyi lag ska rab mdzes rgyan/ khyod kyi bran mo 'di la mgon po gzigs// ngang pa'i stabs ldan dal gyis mchi bgyid pa// 'jam zhing yid 'ong 'dod ldan mdzes smras pa// rnam pa 'di ltar shin tu legs rgyan la// lha yi dga' ba rnams la shin tu mkhas// /
- 252b
glu dang rol mo'i dbyangs sgra gar rab bslabs// dga' ba'i ched du mdzes pa'i gzugs can skyes// 'dod la rab dga' gal te mi bzhed na// 'jig rten dag na khyod ni shin tu blun// mi glen nor gyi bde ba mi shes 'gag/ gtor mthong nas ni 'bros pa bgyid pa ltar// khyod kyang 'dod chags mi mkhyen rang lpags pa// na chung rnams la mi byed de dang 'dra// dge slong dag de nas byang chub sems dpa' mig 'dzum dbul te/ gzhan gyi 'dzum phyung zhing dbang po rnam par ma 'khrugs pa dang / lus ma bcos pa dang / brjid pa dang / ma chags pa dang / mi sdang ba dang / ma rmongs pa dang / ri'i dbang po ltar mi g.yo ba dang // ma zhum pa dang / ma gyur pa dang 'dzem pa med pa dang / blo shin tu legs par gnas pa dang / nyon mongs pa rnams shin tu spangs pa'i phyir rang gi kha na las pa'i ye shes kyi sgo dang / 'jam zhing snyan pa'i tshig dang / tshangs pa las lhag pa'i nga ro dang / bya ka la bing ka'i sgra dbyangs dang snyan pa dang / ying du 'ong bas bdud kyi bu mo de dag la tshig su bcad pas slar smras pa// 'dod pa sdug pa mang po stsogs shing sdug bsngal rtsa ba ste/ mi mkhas rnams la bsam gtan rdzu 'phrul dka' thub nyams par byed// bud med 'dod pa'i yon tan chog pa med ces mkhas pas smras// nga ni mi mkhas rnams la shes rab chog par byed par 'gyur// 'dod pa sten na sred pa phyir zhing rnam pa
- 253a
'phel 'gyur te/ dper na mi dag la la cha chu 'thungs par gyur pa bzhin// de zhugs pa rnams bdag gi don min gzhan gyi don kyang / min/ nga ni bdag gi don dang gzhan gyi don la spro ba yin/ khyod kyi gzugs ni chu bung dag dang dbu ba mtshungs shing 'dra// sgyu ma'i mtshon ltar rang gi blo yis rnam par bsgrub pa ste/ rmi lam dag na rtse ba lta bur mi brtan mi rtag kyang // byis pa mi mkhas rnams kyi sems ni rtag tu rmongs par byed// mig gi chu bur mtshungs shing 'dra ste lpags pas g.yogs// khrag rlung du ma 'khrang zhing 'bur ba dper na nas kyi 'bras dang mtshungs/ lto ni gcin dang phyi sa stsogs te shin tu mi gtsang ba/ sdug bsngal 'khrul 'khor las dang nyon mongs lus las yang dag byung / byis pa'i blo can dag ni rmongs gyur phyin ci log pa yis// lus gang la ni sdug par rtog pa mkhas pa de lta min/ sdug bsngal rtsa bar gyur pa'i 'khor bar yun rings 'khor byed na/ sems can dmyal ba rnams su sdug bsngal mi zad drag po myong // rked pa nas ni rab tu yid mi 'ong gau dri can 'dzag/ brla dang byin pa rkang pa dag gi 'khrul 'khor lta bur gnas/ nga yis khyed la yang dag brtags na sgyu ma ji bzhin te/ phyin ci log gis rgyu dang rkyen las byung bar gyur pa yin/ 'phags pa'i ye shes lam las gol ba phyin ci log gyur pa/ me dang dug gi lo ma 'dra zhing sbrul chen khros 'dra ba// 'dod pa'i yon tan min
- 253b
bzhin dka' thub yon tan nyams mthong nas// de la byis pa bde ba'i 'du shes bskyed cing rgyal bar 'gyur// mi gang 'dod pas bud med rnams kyi khol por gyur pa dang / gang zhig chos kyi dga' ba bor te 'dod pas dga' byed cing // dga' la rkam pa de'i tshul khrims lam las gol gyur cing / bsam gtan lam gol po nyams ye shes las ni rab ring gnas// nga ni 'dod chags zhe sdang lhan cig gnas pa ma yin te// rtag tu sdug dang bdag dang lhan cig gnas par byed ma yin// mi dga' ba dang dga' dang lhan cig gnas pa ma yin la/ nga yi sems ni rab tu grol te na mkha' rlung dang 'dra// gal te khyed 'dra'i 'gro ba kun gyis 'dir ni gang gyur la/ skal bar de dag rnams dang lhan cig 'dre zhing gnas kyang ni/ nga la tha ba med cing chags med gti mug mi 'gyur te/ rgyal ba rnams kyi thugs ni na mkha' mtshungs shing 'dra phyir ro// lha dang lha mo shin tu dri med la/ khrag dang rus pa med par rab bzang ba// de dag kun kyang 'jigs pa cher gnas te// rtag dngos bral zhing ther zug med phyir ro// de nas bdud kyi bu mo bud med kyi sgyu rnams shin tu slabs pa de dag de bas kyang cher 'dod chags dang / rgyags pa dang / dregs pa bskyed de steg pa stan nas lus rnams brgyan te bud med kyi g.yo nye bar bstan nas byang chub sems dpa' la brjod do// de la 'di skad ces bya ste/ bu mo'i nang na gces mtshes
- 254a
chesreg dang dga' dang dga' can ldan cig tu// bdud kyi btang ba shin tu tshul du shis pa rings par lcags gyur te// shing gi lcug ma gzhon nu lo mar bcas pa rlung gis skyod pa bzhin/ gar byed cing ni rgyal ba'i sras po shing drung 'dug pa rdong par byed// dus kyi nang na dam pa mchog tu bgyis ba sos ka'i dus 'di ste/ skyes pa dag dang bud med dga' bar bgyid cing mun pa rdul yang bcom// khu byug dang ni ngang pa rma bye sgra 'byin sna tshogs rnams kyis gang / 'dod pa'i yon tan dga' ba myong bar bgyi ba'i dus la dbab pa// bskal pa stong du tshul khrims dga' zhing brtul zhugs dka' thub spyad gyur pa// ri'i rgyal bo lta bur mi g.ye nyi ma shar ma thag pa'i gzugs// 'brug bsgrags lta bur sgra snyan ri dgas dbang pos sgra bsgrags 'dra ba bo// 'gro la phan pa byed pa de yis don dang ldan pa'i tshig smras pa/ 'dod pa'i brtson 'grus dgra dang 'thab dang / nyon mongs bcas dang 'jigs byed pa/ byis pa'i skye bos nye bar nye bar sten gyi mkhas pa'i skye bos rtag spangs pa/ khang du bde gshegs rnams kyis bdud rtsi brnyes pa'i dus la bab gyur gyi// do mod bdud las rgyal te stobs bcu rnams dang ldan pa dgra bcom 'gyur/ sgyu rnams btan nas smras pa zhal ras pad+ma 'dra ba gsan du gsol// khyod ni rgyal po dbang phyug dam pas bdag stobs dang ldan par
- 254b
gyur// bud med dam pa'i tshogs kyis sil snyan stong dag rab tu bgyid gyur na// thub pa'i cha byad kyis ni ji bgyis spangs la dga' ba sten du gsol// byang chub sems dpas smras pa/ nga ni srid pa gsum na dbang phyug lha dang mi rnams kyis mchod cing / chos kyi 'khor los 'gro zhing stobs bcu'i stobs dang ldan pa'i rgyal por 'gyur// slob dang mi slob bu rnams khrig khrig rtag tu bdud pas ngan du byed// chos kyi dga' bas dga'i yul la nga'i yid ni dga' ma yin/ de dag gis smras pa/ re shig dar la bab pa ma yol dang po thor bur gyur pa dang / khyod ni re shig snyun gyis ma btab mi shes bkres par ma gyur dang / ji srid dar la bab cing bdag cag grogs kyang dar la bab gyur pa/ de sred rab tu 'dzum pa'i zhal gyis 'dod pa'i dga' ba spyad du gsol// byang chub sems dpas smras pa/ ji srid do mod dal ba dam pa 'chi med dkon pa rnyed pa dang / ji srid lha dang lha min grong khyer mi khom sdug bsngal spangs pa dang // ji srid rga dang na dang 'chi ba'i dgra yis dkrugs par ma gyur pa/ de srid nga ni 'jigs med grong khyer 'gro ba'i lam mchog sgom par bya// de dag gis smras pa/ lha'i gnas na sum bcu rtsa gsum pa'i bdag po lha me skor cig dang // 'thab 'bral 'thab 'bral rab dang dga' ldan rab dang bdud kyi grong khyer na/ lha mchog bstod pa bzhin du bud med dbang du gyur nas 'dod dgA la/
- 255a
rgya cherarol cing spyod la bdag cag rnams dang lhan cig dgyes pa rgya chen mdzod// byang chub sems dpas smras pa/ 'dod pa rtswa rtse'i zil thigs bzhin du myur la ston kha'i sprin dang mtshungs// brgya byin 'thab 'bral rab lnga dga' ldan pa dag bdud kyi dbang du song / 'phags mi rnams kyis 'dod pa sdug bsngal ldan pa 'di la su zhig dga'/ de dag gis smras pa/ shing mchog 'di dag lo ma gzhon nu ldan zhing me tog rgyas gyur la/ shang shang de'u dang khu byug sgra 'byin bung ba sgra 'byin ldan pa 'gas/ sa las rtsa 'khrungs rab sngo 'jam zhing snum la lcang lo can mchis pa// nags mchog mi ci tshogs kyis rten par na chung rnams dang dges ba mdzod// byang chub sems dpas smras pa/ lo mar bcas pa'i shing rnams 'di dag dus kyi dbang gis me tog rgyas// bung ba dag dang bkres dang skom pas nyen nas me tog rnamasu lhags/ gang zhig dus nas las skyes pa rnams kyang nyi mas skams par 'gyur// nga 'dir sngon gyi rgyal ba rnams kyi spyad pa bdud rtsi nges par spyad/ bad ma ma sa kyis smras gA tha pa gshegs shi 'dras pa 'dub yi shinas// mi du nga ba tshog las pani dus dpa 'di 'dra lha yi gnas na dkon na mi yi gnas na gal mchis/ gang dag lnga mchog rnams kyis rtag tu 'dod par bgyis pa khyod kyis brnyes/ byang chub sems dpas
- 255b
smras pa/ lus ni ngan skyugs mi gtsang srin bu'i rigs kyis gang bshig shig po/ myur du 'gyes shing 'jig pa bde ba ma yin rnams dang ldan pa mthong // rgyu bar bcas/ dang mi rgyu ba yi 'gro la bde ba mchog byed pa// go 'bangs 'chi 'bo med pa skye bo mkhas la mchod pa de thob bya// de dag 'dod pa'i sgyu rtsal drug bcu rtsa bzhi myong bar gyur pa ste// rkang gdub gser gyi phag ska 'khrol zhing gos kyang shig shig byas nas ni/ 'dod pa'i mda' yis phog pa de dag rgyags pas 'dzum zhing 'di skad smra/ jo bo khyod la nongs pa ci zhig bgyis na 'di dag bsten mi bgyid// srid pa kun gyi nye bar rig nas rdul dang bral bas 'di skad smras// 'dod pa ral gri mdung thung rtse gsum sbrang rtsi can dang spu gri 'dra// sbrul gyi mgo dang me mur 'dra bar ngas 'dir rab tu rig/ bud med yon tan 'phrog pas de phyir nga yis bud med tshegs rnams spangs/ bud med yon tan rnam pa mang po khrag khrig byed pa de dag gis// gang gi tshe na glang po'i phru gu'i stabs can de bskyod ma nus che// ngo tsha skyengs nas thub pa'i rkang pa gnyis la rab tu phyag 'tshal te// dga' zhing mgu ba skyed nas phan pa byed pa de la bstod pa byas/ pad+ma dri ma med pa'i snying po 'dra zhing ston zla lta bu'i zhal// mar gyis sbyin bsreg bzhis ba'i 'od 'phro mi 'dra gser gyi ri 'dra ba// srid pa brgya nas spyad cing dgongs dang smon lam btab pa grub gyur dag/ bdag nyid rgal nas sdug bsngal dag dang ldan pa'i
- 256a
cher#/ 'gro ba bskal du gsol// de dag rnams kyis dong ka'i shing dang tsamra ka 'dra na ma mang bstod// mchog tu gyur pa ri ltar mi g.yo ba la bskor ba byas nas ni// song ste pa'i rkang la mgo bos phyag 'tshal 'di skad tshig kyang smras// yab gcig lha dang mi yi bla ma de la khong khro spangs na legs// gzhin ni 'dzum par gyur nas pad+ma'i mdab ma 'dra ba'i mig gis lta// de ni chags pas skye bo mi lta de la khro gnyer mchis ma lags// lhun po g.yo zhing rgya mtsho skams la nyi zla ltung bar 'gyur yang gda'// sed pa gsum gyi nyes mthong de ni bud med rnams kyis dbang mi 'gyur// de nas bdud sdig can gyis tshig de skad thos nas/ de bas kyang cher sdug bsngal zhing yid mi bde la/ yid ma rangs shing tshig pa za ba'i yid kyis rang gi bu mo de dag la smras pa/ kye mi shes shing glen te/ khyed kyi gzugs dang nga ro ma mthong ngam// ji ltar gyur/ na de byang chub kyi snying po las bslang bar ma nus/ de nas bdud sdig can gyi bu mo de dag gis rang gi phal tshigasu bcad pas slar smras pa/ snyan cing 'dzam por smra yang chags ba ma mchis te// gsang ba chen po lta yang sdang ba ma mchis lags// spyod lam dag dang spyod pa lta yang rmongs ma mchis// lus rnams thams cad rtogs kyang bsam pa shin tu zab// bud med nong nongs pa rgya chen the tshom ma mchis rtogs/ 'dod las dben pa'i yid ldan 'dod chags chags ma mchis// gang zhig de yi sems dang
- 256b
spyod pa yongs 'tshal ba/ lha yul mi yul 'di na lha mi de ma mchis// de la bud med sgyu rnams gang lags bstan nas phab// chags bcas gang lags de yi snying zhu 'gyur rigs na// de dag mthong yang de yi sems ni gcig ma g.yos// ri dbang rgyal po bzhin du de ni g.yo ma mchis// bsod nams gzi brjid rgyas bltam yon tan gzi brjid rdzogs// bskal pa bye ba mang por tshul khrims brtul zhugs spyad// lha dang tshangs pa sems can gzi brjid rnam dag dge// de yi rkang par mgos btugs gus pas phyag kyang 'tshal// sde dang bcas pa'i bdud rnams bcom nas sngan chad kyi// rgyal bas bzhed pa byang chub dam pa thob 'gyur nges/ yab gcig bdag cag g.yul ngor 'thab pa mi 'tshal te/ stobs ldan dag dang 'thab par sbyar ba'i tshegs rab che// yab gcig mkha' la nor bu rin chen gtsug phud can// rdzogs pa'i byang chub sems dpa' bye ba khrag khrig gus par gnas// rin chen 'byung gnas yan lag me tog phreng bas brgyan// stobs bcu mnga' ba mchod phyir 'di btang rnams la gzigs// gang dag sems dpa' mchis dang gang dag sems ma mchis// shing ri lha dbang gnod sbyin mkha' lding dbang po dag/ yon tan ri bor mngon par 'dud cing phyogs pa las/ yab gcig do mod slar log na ni legs pa 'dra// gzhan yang gang gi pha mthar mi phyin de ni rkyal mi bgyid// gang zhig rtsa nas mi phyin de ni brko mi bgyid// gang la bzod
- 257a
da#par ma gsol de ni dkrug mi 'gyi// gang gi yid mi 'de bar 'gyur ba de'i 'gyid// dge slong dag de nas de'i tshe shing gi sa mo ra la 'di lta ste/ dpal ldan dang 'phel mo dang / dka' thub dang / dge ma dang / mkhas ma dang / mdangs stobs dang / bden sgra dang / ldan ma ste/ de dag gis byang chub sems dpa' la yang dge par mchod nas/ dpal rnam pa bcu drag gis byang chub sems dpa' la 'phel bar byed/ mngon du bstod par byed de/ sems can dam pa khyod ni dgung zla yar gyi ngo ltar mdzes pa'o// blo rnam par dag pa khyod ni gdugs dang po shar ba ltar lhang nge ba'o// sems can dam pa khyod ni chab kyi nang na pad+ma ltar rab tu rgyas pa'o// sems can dam pa khyod ni nags 'dab na rgyu ba'i seng ge ltar sgra sgrogs pa'o// sems can dam pa khyod ni rgya mtsho'i dbus na ri'i rgyal po ltar mdzes pa'o// sems can dam pa khyod ni khor yug gi ri ltar mngon par 'phags pa'o// sems can dam pa khyod ni rgya mtsho chen po ltar ches bltam zhing gting dpag dka' ba'o// 'jig rten gyi mgon po khyod ni na mkha' ltar thug pa ma mchis shing thugs kyi rgya che ba'o// sems can rnam par dag pa khyod ni dog sa ltar sems can thams cad kyi 'tsho bar gyur cing thugs shin tu brtan pa'o// sems can dam pa khyod ni mtshe ma dros pa ltar rtag tu dngas shing thugs rnyog pa mi mnga' ba'o// sems can dam pa khyod
- 257b
ni rlung dmar ltar 'jig rten gyi khams thams cad la rtag tu mi chags shing thugs gnas pa ma mchis pa'o// sems can dam pa khyod ni gzi brjid kyi rgyal po ltar rlom sems thams cad spangs shing snyen par dka' ba'o// sems can dam pa khyod ni sred med kyi bu ltar thul par dka' zhing stobs dang ldan pa'o// 'jig rten mgon po khyod ni byang chub kyi snying po las ma gzhengs pas dam bcas pa brtan pa'o// sems can dam pa khyod ni dbang po'i lag gis 'phangs pa'i rdo rje ltar slar mi ldog pa'o// sems can dam pa khyod ni ring por mi thogs par stobs bcu dang ldan par byon pas brnyes pa legs par brnyes pa'o// dge slong dag de ltar byang chub shing gi lha mo rnams kyi dpal rnam pa bcu drug gis byang chub sems dpa' 'phel bar byed do// dge slong dag des nas gnas gtsang ma'i ris kyi lha'i bu rnams kyis rnam pa bcu drug gis bdud nyams smad par byed do// rnam pa bcu drug gang zhe na/ 'di lta ste/ sdig can khyod ni khrung khrung rgan po ltar sems khongs su chud cing dma' ba'o// sdig can khyod ni glang po rgan po 'dam du bying ba ltar nyams chung ba'o// sdig can khyod ni dpa' bor khas mches pa pham pa ltar gcig pur gyur pa'o// sdig can khyod ni nad kyis nyen pa 'brog tu bor ba ltar gnyis su med pa'o// sdig can khyod ni glang bu khal gyis nyon mongs pa ltar stobs med pa'o// sdig can khyod ni shing rlung gis btab pa ltar mu
- 258a
rgya cher/ #cor smra ba'o// sdig can khyod ni 'gron po lam stor ba ltar lam ngan par gnas pa'o// sdig can khyod ni dbul po bu lon can ltar dman pa bas kyang dman pa'o// sdig can khyod ni bya rog byung rkyang smra ba ltar mu cor smra ba'o// sdig can khyod ni ma dul ba byas pa mi bzo ba ltar nga rgyal gyis non pa'o// sdig can khyod ni seng ge'i sgras wa ltar 'bros par gyur pa'o// sdig can khyod ni rnam par 'thor rlung gis stor ba'i bya bzhin deng 'dar bar gyur ro// sdig can khyod ni sprang po bsod nams zad pa ltar dus mi shes pa'o// sdig can khyod ni sngags la dga' ba sbrul la bab pa ltar ded tshar gcod par 'gyur ba'o// sdig can khyod ni rkang lag bcad pa ltar stobs thams cad dang bral ba'o// zhes bya ba'o// dge slong dag de ltar gnas gtsang ma'i ris kyi lha rnams kyis rnam pa bcu drug gis bdud sdig can nyams smad par byas so// dge slong dag de la byang chub kyi snyen bkur ba'i lha rnams kyis rnam pa bcu drug gis/ bdud sdig can bzlog par byed do// bcu drug gang zhe na/ 'di lta ste sdig can khyod ni dpa bos pha rol gyi sde bcom pa ltar/ byang chub sems dpas do med pham par byas par 'gyur ro// sdig can khyod ni gyang stobs chung ngu la kyang stongs
- 258b
chen po bab pa ltar/ do mod byang chub sems dpas tshar bcad par 'gyur ro// sdig can khyod ni srin bu me khyer la nyi ma'i dkyil 'khor bab pa ltar do mod byang chub sems dpas zil gyis ma non par 'gyur ro// sdig can khyod ni phub ma sbar gang la rlung dmar bab pa ltar/ de mod byang chub sems dpas gtor bar 'gyur ro// sdig can khyod ni wa la seng ge bab pa ltar/ do mod byang chub sems dpas dngangs par byas par 'gyur ro// sdig can khyod ni shing sa la chen po rtsa nas bcad pa ltar/ do mod byang chub sems dpas bsgyel bar 'gyur ro// sdig can khyod ni mi mdza' ba'i grong khyer la rgyal po bab pa ltar/ do mod byang chub sems dpas brlag par 'gyur ro// sdig can khyod ni pa rjes kyi chu la nyi tshan chen po bab pa ltar/ do mod byang chub sems dpas yongs su zad par byas par 'gyur ro// sdig can khyod ni mi g.yon can bsad par bya bas shom pa ltar/ do mod byang chub sems dpas mgo 'khor bar byed par 'gyur ro// sdig can khyod ni chos kyi rgyal srid nyams pa ltar// do mod byang chub sems dpas mya ngan byed du bcug par 'gyur ro// sdig can khyod ni khrung khrung rgan mo mdab ma bregs pa ltar// do mod byang chub sems dpas sems khong du bcug par 'gyur ro// sdig
- 259a
can khyod ni 'brog dgon par lam du rgyags chad pa ltar// do mod byang chub sems dpas phongs par byas par 'gyur ro// sdig can khyod ni rgya mtsho chen por gru zhig pa ltar/ do mod byang chub sems dpas smre sngags 'don du bcug par 'gyur ro// sdig can khyod ni sreg pa'i skal pas rtswa dang nags tshal ltar/ do mod byang chub sems dpas pas sreg par byas par 'gyur ro// sdig can khyod ni ri'i rtse mo la rdo rje bab pa ltar/ do mod byang chub sems dpas brnyil bar 'gyur ro zhes bya'o// dge slong dag de ltar byang chub kyi bsnyen bkur ba'i lha rnams kyis rnam pa bcu drug gis bdud sdig can zlog par byed kyang bdud sdig can phyir ma ldog go// de la 'di skad ces byas ste/ lha yi tshogs kyis yang dag bskul ba thob kyang bdud ni phyir log ma gyur te/ slong shig rgyob shig 'di ni brla/ bar gyis shig srog kyang sbyin par ma byed cig/ 'di ni rang nyid rgal nas nga yi yul nas gzhan yang sgrol bar byed par 'gyur/ langs te bros pa ma gtogs dge slong 'di la thar par gzhin chung zad med ces smra/ byang chub sems dpas smras pa/ ri'i rgyal po lhun po gnas nas g.yo srid 'gro ba thams cad med 'gyur sring / skar ma'i tshogs rnams thams cad zla bar bcas pa mkha' las sa la lhung yang srid/ sems can kun gyi bsam pa gcig byed 'gyur srid rgya mtsho chen po skam srid kyi/
- 259b
nga 'dra shing gi rgyal po'i drung na 'dug pa la ni g.yo ba yang mi srid/ bdud kyis smras pa/ kho bo 'dod pa'i dbang phyug 'jig rten 'di kun dbang // lha dang lha min tshogs bcas mi dang dud 'gro rnams/ kho bos khyab te thams cad kho bo'i dbang du 'gyur// kho bo'i yul na 'dug pa longs la tshig bzhin gyis// byang chub sems dpas smras pa/ gal te 'dod dbang khyod yang gsal bar khyod dbang min// yang dag nga ltos nga yang chos kyi dbang phyug yin// gal te ngan 'gror mi 'gro khyed ni 'dod dbang phyug/ dbang med khyod ni lha bzhin byang chub ngas thob 'gyur// bdud kyis smras pa/ dge sbyong bdag nyid gcig pu dgon par ci zhig byed// khyed kyis gang btsal de dang 'phrad par slar ma yin// rab grol shes ldan la stsogs dka' rab bsgrims kyang / go 'phang mchog de thob par mi 'gyur khyod ci smos/ khro ba'i zil non zlo dang lha yul 'dod pa dang // bdag la rtag dang mi rtag snyam du gnas pa dang // yul du 'gro bas gnas pa thar snyam gnas pa yi// drang srong mi shes sngon chad du bas dka' thub spyad// de nas yang dag don dang bral zhing skyes bu smra// khyab bdag phyogs gcig ces dang kha cig rtag ces smra// kha cig lus can lus min yon tan ldan ces smra// byed pa po dang byed pa po min gzhan dag 'dzer// stan 'dir 'dug ste nga rgyal bcom pa sde dpung bcas// khyod pa ma byas te byang chub rdul
- 260a
rgya cheramed deng thob nas/ 'gro ba 'di la 'byung dang byung dang mya ngan 'das// sdug bsngal zhi ba bstsal pa'i dngos po bstan par bya/ bdud ni khros shing 'khrugs te tshig pa zos nas bdun du rtsub pa'i tshig tu smras pa dge sbyong 'di zung shig/ gcig pu dgon par bor bar 'gyur ba 'di ni nga yi mdun bzung myur du gyis// nga yis khyim du myur du song la shing sgrog dang ni lcags sgrogs phrug su tshud de sgo ba byed du bcug/ sdug bsngal nyen nas ku co rnam pa mang po 'don cing lha yi/ khol po yin par bdag gis bdag mthong byos// byang chub sems dpas smras pa/ na mkha' la ni ri mo rnam pa sna tshogs cha cha ris ris phye ste so sor bri bar nus kyang srid/ phyogs dang phyogs mtshams 'gro ba'i shugs can rlung ni ma g.yos rab tu bsgrims te zhags pas bcing du nus kyang srid/ nyi ma zla ba mun pa rab rib med byed na mkha' las ni sa la lhung bar nus srid kyi/ khyed dang 'dra ba rab tu bgrang las 'das pa dag gis shing drung nas ni nga skyed nus mi 'gyur// bdud dpung stobs dang ldan pa langs te ha zhes zer// dung dang rnga dang rnga rnga mchog gi sgra 'byin langs/ bdud dpung shin tu 'jigs pa 'di dag mthong nas ni// kyi hud bu sdug khyod cis ma rung gyur ces zer// 'dzam bu gser dang tsam pa'i snying po 'dra bar ser// shin tu gzhon nu lha mis bstod cing mchod pa'i 'os// khyod deng g.yul ngo chen por rab tu brlag
- 260b
'gyur te/ dbang po lha men lta bur bdud kyi dbang du 'gyur/ tshangs pa'i dbyangs dang ka la bing ka'i sgra sgra skad kyis// bde bar gshegs pas gnod sbyin srin tshogs de la smras// mi mkhas gang zhig nam mkha' skrag par byed 'dod pa// de ni shing mchog drung nas nga 'dra slong bar 'dod// gang zhig stong gsum chen po bzhig nas rdul bgrang dang / gang zhig spu yi rtses ni rgya mtsho chu 'byin dang // skad cig gis ni rdo rje'i rang bzhin ri 'thor ba// des kyang shing drung 'dug pa nga la 'tshe mi nus/ bdud khros sems kyis mnya' shing gi ni bar tsam 'dug/ shubs nas phyung ba'i ral gri rnon po lag na thogs/ dge sbyong myur du longs la nga yi bsam pa bzhin du song // 'od ma'i myur gu sngo ltar do mod bcad da re/ byang chub sems dpas smras pa// gal te stong gsum sa rnams 'di dag thams cad bdud kyis rab tu gang gyur la/ kun gyi lag na ri bo lhun po mchog 'dra ba si ral gri thogs gyur kyang // de dag nga yi ba spu skyod par mi nus nga la gnod byed smos ci dgos// sun 'byin ma rings shig dang de'u re brtag ste nga yis brtan por dran par bya// rnga mo ba lang chen mgo dang 'jig mig dang // myur gdug sbrul dang mi gdag mi bzad 'dra ba dang // me 'bar kha dog rtse mor bcas pa'i shing dang zangs dang lcags rnams 'phen// sprin ltar langs te phyogs bzhi dag tu sgra sgrogs cing / 'jig rten
- 261a
rgya cher/ @#rdo rje lcags kyi thu lum char pa 'bebs/ ral gri mdung thung rno dang dgra rta dug can 'bebs// sa ni rtol bar byed cing shing / dag rab tu 'joms/ kha cig lag pa brgya dag gis ni mda' dag 'phen/ kha nas myur du gdug pa'i sbrul dang me yang 'thor/ chu skegs chu srin la stsogs pa dag mtsho nas len/ kha dog na mkha' lding du sgyur nas klu yang 'phen// kha cig khros nas lcags kyi thu lum ri rab tsam// me 'bar kha dog rtse mor bcas pa rnams kyang 'phen// sa la lhags nas sa ni rab tu 'khrugs par byed/ 'og gi chu'i phung po'i chu yang rnam par 'khrug/ kha cig de yi mdun dang de bzhin rgyab du 'tshong // kye ma bu zhes g.yas dag de bzhin g.yon du 'tshong // rkang pa lag pa log par 'dug cing mgo 'bar la// glog ltar rab tu 'bar ba mig nas mngon du 'byin// bdud kyi dpung ni bsgyur ba'i mi sdug byas mthong nas// sems can dag pa sgyu ma byas pa ji bzhin rtog/ 'di la bdud med stong med 'gro med bdag kyang med// chu zla'i tshul 'dra ba yi 'jig rten gsum po 'khor// mig dang skyes pa bud med med cing bdag gi med/ rna ba sna dang de bzhin lce dang lus dang yid/ chos 'di byed pa po dang tshor ba po dang bral// brten nas skyes te nang yang stong zhing phyi yang stong / bden tshig gang gis 'dir
- 261b
chos shin tu stong zhe na/ 'dul 'thun gnod sbyin des pa gang yin de dag gis// lag pa'i mtshon cha me tog 'phreng bar mthong gyur ces// rtag tu bden smras de yis bden pa'i tshig byas te/ de yis lag mthil g.yon pa 'dra ba mchog spras pa/ sen mo zangs mdog rab mdzes rtsibs stong 'khor lo can// 'dzam gling gser 'bar dra ba bsod nams brgyas sten pas// tshul du shis par mgo nas rkang pa'i bar du byugs// mkha' las glog 'dra bar ni lag pa brkyang byas nas// tshig tu smras pas sa 'di nga yis dpang yin te// ngas ni sngon chad mchod sbyin khrag khrig sna tshogs byas// slong la mi sbyin snyam ste don med gzhan ma byas// chu dang me dang rlung ni yi dbang yin te// tshangs pa skyes dgu bdag dang skar ma nyi zla dang // gang dag phyogs bcu dag na bzhugs pa'i sangs rgyas dang // bdag khrims brtul zhugs byang chub yan lag 'phags pa dang // sbyin dang tshul khrims dka' thub bzod pa nga yi dbang // brtson 'grus de bzhin bsam gtan de ltar shes rab dang // tshad med bzhi dang de bzhin mngon shes nga yi dbang // rim gyis byang chub spyod pa thams cad nga yi dbang // phyogs bcu'i 'jig rten sems can mtha' dag ji snyed pa// de dag rnams kyi bsod nams tshul khrims ye shes dang // gtan pa med pa'i mchod sprin byas pa sdoms kyang ni// de dag nga yi ba sku
- 262a
re brgya'i char mi phod// de yi tshul du shis par lag pas la brdangs// mkhar ba'i snod ltar sa 'dir sgra yang byung bar gyur/ bdud kyi sgra thos nas ni sa la skyel gyur te// nag po'i rtsa lag rgyob shig bzung shig sgra yang thos// lus las rdul byung gzi brjid nyams shing gzhin mdog 'gyur// rlabs bcom par bdud de nyid kyis mthong bar gyur// brang brdung cho nges 'don cing 'jig rten mgon yang med// bdud kyi yid 'khrul gyur cing sems ni myos par gyur// glang po rta dang gzhon pa shing rta sa la ltung // srin po grul bum dag dang sha za dngangs shing rgyug/ mgo rmongs lam ma rnyed cing gnas med skyabs kyang med// rlung btab nags mes bya ltar ltas nas song bar gyur// pham bu dang sring mo de bzhin zhes phu nu dag/ gang na mthong zhing gang du dong zhes dri bar byed// de'i rkyen gyis de dag phan tshun 'thab cing rtsod/ bdag ni sdug bsngal gyur te 'tshe ba'i skabs kyang med// bdud dpung rgya che mang ba mi 'khrugs snying po de/ thams cad rnam par 'thor cing tha dgur dgyes gyur te/ zhag bdun 'das kyi bar du phan tshun phrad ma gyur// mthong nas smras pa/ gal te gson na dga' zhes mdzer// shing gi lha mos de tshe de la snying rje byas// chu'i bum pa thogs te nag po'i rtsa lag gtor// myur du longs la phyi shol ma byed skyor du song / bla ma'i tshig
- 262b
ma mnyan pas de ltar gyur pa yin/ bdud kyis smras pa/ bdag gi bu yi snyad tshig phan pa ma mnyan te/ sems can shin tu dag la nyes pa byas pa ni// sdug bsngal 'jigs phongs mya ngan brlag dang brnyas pa dang / cir mi rung zhes bya ba'i sgra dang dman nyid bdag gis thob// lha mo smras pa/ mi mkhas gang zhig nyes byed pa// de ni nyes dang sdug bsngal ba dang phongs pa dang // cir mi rung zhes bya ba'i sgra dang dman nyid dang // bsad dang bcing dang nyes pa du ma rnyed par 'gyur// lha dang lha min mkha' lding mi 'am ci dang srin po'i dbang // tshangs pa brgya byin gzhan 'phrul 'og min bcas pa dag/ 'di ltar khyod kyis 'di 'dra'i bdud kyi dpung bcom pas// 'jig rten dpa' bo rgyal zhes des yis rgyal ba brjod/ rgyan phreng chun po zla ba gdugs dang rgyal mtshan ba dan 'bul// me tog a ru ra dang rgya blam can dang bye mar 'debs// sil snyan dag kyang rab tu dkrol ba byed cing cig brjod pa/ dpa' bo dag tshogs rgyal rnams khyed la dga' ba mdzad par 'gyur/ stan mchog 'dir ni byams pas g.yon can bdud kyi phyogs// rgya chen phan mdzad dpa' bo do mod byang chub brnyes// stobs bcu ma 'dres so so yang dag rig pa dang / sangs rgyas yul rnams thams cad do mod brnyes par 'gyur// bdud 'dul ched du 'dir ni g.yul ngor rab zhugs rdzogs pa'i byang chub sems dpa'i stobs rtsal
- 263a
rgyal chen#sus mthong ba// bye ba sum bcu drug dang khrag khrig nyi shu bzhi// de dag sangs rgyas byang chub mchog tu yid kyis smon// bdud btul ba'i le'u zhes bya ste nyi shu gcig pa'o// // dge slong dag de ltar byang chub sems dpa' bdud phyir rgol ba bcom pa dgra btul ba/ g.yul ngor g.yul las rnam par rgyal ba/ gdugs dang / rgyal mtshan dang / ba dan sgreng bas 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po rdzogs par byas te gnas so// de dga' ba dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so// de dga' ba'i 'dod chags dang bral bas btang snyoms la gnas shing dran pa dang / shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa/ bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa rdzogs par byas te gnas so// de bde ba yang spangs te/ snga nas sdug bsngal ba yang
- 263b
spangs shing bde ba dang / yid mi bde ba yang nub pas bde ba yang ma yin/ sdug bsngal yang ma yin pa btang snyoms dang / dran pa yongs su dag pa bsam gtan bzhi pa rdzogs par byas te gnas so// de nas byang chub sems dpa' de lta bur snyoms par zhugs pa'i sems yongs su dag pa yongs su byang ba/ 'ong gsal ba nyon mongs pa med pa/ nye ba'i nyon mongs pa dang bral ba/ mnyen pa las su rung bar gnas pa mi g.yo bar gyur pa/ nam gyi cha stong la lha'i mig las ye shes mthong ba'i rig pa mngon du bya ba'i phyir sems mngon par bsgrub cing gtor ro// de nas byang chub sems dpa' lha'i mig yongs su dag pa mi las shin tu 'das pa sems can 'chi 'pho ba dang / skye ba dang / kha dog bzang po dang / kha dog ngan pa dang / bzang po dang / ngan pa rnams mthong ngo // las ji ltar ba bzhin du 'gro ba'i sems can rnams kyang rab tu shes te/ kye ma sems can 'di dag ni lus kyis nyos par spyad pa dang ldan pa/ ngag dang yid kyis nyes par spyad pa dang ldan pa/ 'phags pa rnams la skur pa 'debs pa log par lta ba dag ste/ de dag log par lta ba'i las yang dag par blangs pa'i rgyus lus zhig te/ shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba dag go// sems can 'di dag ni lus kyis legs par spyad
- 264a
rgyachen#pa dang ldan pa/ 'phags pa rnams la skur pa mi 'debs pa yang dag par lta bdag ste/ de dag yang dag par smra ba'i las yang dag par blangs pa'i rgyus lus zhi ga nas bde 'gro mtho ris kyi 'jig rten du lha'i nang du skye bar 'gyur ba dag ces bya bar rab tu shes so/ de ltar lha'i mig nam/ bar dag pa mi las shin tu 'das pas sems can 'chi 'pho ba dang / skye ba dang / kha dog bzang po dang / kha dog ngan pa dang / bde 'gror song ba dang / ngan pa dang bzang po dag dang / las ji lta ba bzhin du 'gro ba rnams mthong ngo // dge slong dag de ltar byang chub sems dpa' nam gyi cha stong la rig pa mngon sum du byed do// mun pa sel to// snang ba skyed do// de nas byang chub sems dpa' de lta bur snyom par zhugs pa'i sems yongasu dag pa/ yongs su byang ba/ 'od gsal ba/ nyon mongs pa med pa/ nye ba'i nyon mongs pa dang bral ba/ mnyen po las su rung bar gnas pa/ mi g.yo bar gyur pas nam gyi gung thun la sngon gyi gnas rjes su dran pa'i ye shes mthong ba'i rig pa mngon par bsgrub cing mngon par gtod do// de bdag dang sems can gzhan dag gi sngon gyi gnas rnams pa du ma rjes su dran pa/ 'di lta ste/ skye ba gcig dang / gnyis dang / gsum dang / bzhi dang / lnga dang / bcu dang / nyi shu dang / sum bcu dang /
- 264b
bzhi bcu dang / skye ba lnga bcu dang / skye ba brgya dang / skye ba stong dang / skye ba brgya stong dang / skye ba brgya stong phrag du ma dang / skye ba bye ba dang / skye ba bye ba phrag brgya dang / skye ba bye ba brgya phrag stong dang / skye ba bye ba brgya stong dang / skye ba bye ba khrag khrig brgya stong dang / skye ba bye ba brgya phrag du ma dang / skye ba stong phrag du ma dang / skye ba bye ba khrag khrig brgya stong phrag du ma nas 'jig pa'i skal pa dang / 'chags pa'i skal pa dang / 'jig pa dang 'chags pa'i skal pa du ma dag kyang rjes su dran no// bdag che ge mo zhes bya ba zhig tu gyur te/ ming ni 'di zhes bya bar gyur to// rus ni 'di zhes bya'o// rigs ni 'di zhes bya'o// kha dog ni 'di lta bu'o// kha zas ni 'di lta bu zhig za za'o// de tshe'i tshad ni 'di tsam zhig thub po// yul ni 'di srid cig na gnas gnas so// bde ba dang sdug bsngal ni 'di lta bu zhig byung ngo // bdag de nas shi 'phos nas che ge mo zhes bya ba zhig tu skyes so// de nas shi 'phos nas kyang che ge mo bya ba zhig tu skyes so// de nas shi 'phos nas 'dir skyes so zhes rnam pa dang bcas/ yul phyogs dang bcas par bdag dang sems can thams cad kyi sngon gnas rnam pa du ma rjes su dran no// de nas byang chub sems dpa' de lta bur snyoms par zhugs pa'i sems yongs su dag pa/ yongs su byang ba/ 'od gsal ba/ nyon mongs pa med pa/ nye ba'i
- 265a
che/ #nyon mongs pa dang bral ba/ mnyen po las su rung bar gnas pa/ mi g.yo bar gyur pas nam gyi cha smad skya reng 'char ba'i dus kyi tshe/ rnga brdung ba'i nam chod tsam na sdug bsngal dang / kun 'byung ba nub par bya ba dang / zag pa zad pa shes pa mthong ba'i rig pa mngon du bya ba'i phyir/ sems mngon par bsgrub cing mngon par gtod de/ de 'di snyam du sems te/ kye ma 'jig rten 'di ni 'di lta ste/ skye ba dang / rga ba dang / 'chi 'pho ba dang / skye bas sdug bsngal ba gyur pa yin/ 'on kyang rga ba dang / na ba dang / 'chi ba la sogs pa'i sdug bsngal gyi phung po chen po 'ba' shig 'di las 'byung bar bya ba mi shes te/ e ma'o rga ba dang / na ba dang / 'chi ba la sogs pa sdug bsngal gyi phung po 'ba' shig 'di thams cad zad par bya ba shes na ci ma rung snyam nas// de nas byang chub sems dpa' 'di snyam du sems te/ gang yod pas skye ba byung / skye ba'i rkyen gyis rga ba dang / 'chi ba byung / rga ba dang / 'chi ba'i rkyen ni gang yin snyam nas/ des 'di snyam du bsams te/ skye ba yod pas rga shi byung ste/ rga shi'i rkyen ni skye ba yin no snyam mo// de nas yang byang chub sems dpa' 'di snyam du sems te/ gang yod pas skye ba byung / skye ba'i rkyen ni gang yin snyam nas/ des 'di snyam du bsams te/ srid pa yod pas skye ba byang ste/ skye ba'i rkyen ni srid pa yin no// snyam mo// de nas yang byang chub sems
- 265b
dpa' 'di snyam du sems te/ gang yod pas srid pa byung / srid pa'i rkyen ni gang yin snyam nas/ des 'di snyam du bsam ste/ len pa yod pas srid pa byung ste/ srid pa'i rkyen ni len pa yin no snyam mo// de nas yang byang chub sems dpa' 'di snyam du sems te/ gang yod pas len pa byung / len pa'i rkyen ni gang yin snyam nas/ des 'di snyam du bsam ste/ sred pa yod pas len pa byung ste/ len pa'i rkyen ni sred pa yin no snyam mo// de nas yang byang chub sems dpa' 'di snyam du sems te/ gang yod pas sred pa byung / sred pa'i rkyen ni gang yin snyam nas/ des 'di snyam du bsam ste/ tshor ba yod pas sred pa byung ste/ sred pa'i rkyen ni tshor ba yin no snyamo// de nas yang byang chub sems dpa' 'di snyam du sems/ gang yod pas tshor ba byung / tshor ba'i rkyen ni gang yin snyam nas/ des 'di snyam du bsam ste reg pa yod pas tshor ba byung ste/ tshor ba'i rkyen ni reg pa yin no snyam mo// de nas yang byang chub sems dpa' 'di snyam du sems te/ gang yod pas reg pa byung / reg pa'i rkyeni gang yin snyam nas// des 'di snyam du bsam te/ skye mched drug yod pas reg pa byung ste/ reg pa'i rkyen ni skye mched drug yin no snyam mo// de nas yang byang chub sems dpa' 'di snyam du sems te/ gang yod pas skye mched drug byung / skye mched drug gi rkyen ni gang yin snyam nas/ des 'di snyam du bsam ste/ ming dang
- 266a
/ @#gzugs yod pas skye mched drug byung ste/ skye mched drug gi rkyen ni ming dang gzugs yin no snyam mo// de nas yang byang chub sems/ dpa' 'di snyam du sems te/ gang yod pas ming dang gzugs byung // ming dang gzugs kyi rkyen ni gang yin snyam nas/ des 'di snyam du bsam ste/ rnam par shes pa yod pas ming dang gzugs byung ste/ ming dang gzugs kyi rkyen ni rnam par shes pa yin no snyam mo// de nas yang byang chub sems dpa' 'di snyam du sems te/ gang yod pas rnam par shes pa byung / rnam par shes pa'i rkyen ni gang yin snyam nas/ des 'di snyam du bsam ste/ 'du byed yod pas rnam par shes pa byung ste/ rnam par shes pa'i rkyen ni 'du byed yin no snyam mo// de nas yang byang chub sems dpa' 'di snyam du sems te/ gang yod pas 'du byed byung / 'du byed kyi rkyen ni gang yin snyam nas/ des 'di snyam du bsam ste/ ma rig pa yod pas 'du byed byung ste/ 'du byed kyi rkyen ni ma rig pa yin no snyam mo// de ltar byang chub sems dpa' 'di snyam du sems te/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tsher ba/ tshor ba'i rkyen gyi sred pa/ sred pa'i rkyen gyis len pa/
- 266b
len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'ba' shig 'di 'byung bar 'gyur ro snyam mo// dge slong dag ma sngon ma thos pa'i chos rnams la kun 'byung zhes tshul bzhin yid la byed cing mang du byed pas byang chub sems dpa'i ye shes skyes/ mig skyes/ rig pa skyes/ mang po shes pa skyes// yid bzhungs pa skyes/ shes rab skyes so// snang ba byung ngo // de nas yang byang chub sems dpa' 'di snyam du sems te/ gang med pas rga shi med par 'gyur/ gang 'gags pas rga shi 'gag snyam nas/ des 'di snyam du bsam ste/ skye ba med na rga shi med par 'gyur te/ skye ba 'gags pas rga shi 'gag go snyam mo// de nas yang byang chub sems dpa' 'di snyam du sems te/ gang med pas skye ba 'gag snyam nas/ des 'di snyam du bsams te/ srid pa med na skye ba med par 'gyur/ srid pa 'phags pas skye ba 'gag go snyam mo// de nas yang byang chub sems dpa' 'di snyam du sems te/ gang med pas zhes bya ba nas rgyas par sbyar te/ gang med pas 'du shes med par 'gyur// gang 'gags snyam pa'i bar du'o// des 'di snyam du bsam ste/ ma rig pa med pas 'du byed med par 'gyur te/ ma rig pa 'gags
- 267a
rgya cher/ pas 'du byed 'gag go/ 'du byed 'gags pas rnam par shes pa 'gag go zhes bya ba nas/ skye ba 'gags pas rga shi dang / ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gags par 'gyur te/ de ltar sdug bsngal gyi phung po chen po 'ba' shig 'di 'gag par 'gyur ro// snyam pa'i bar du'o// dge slong dag de ltar sngon ma thos pa'i chos rnams la tshul bzhin du yid la byed cing mang du byed pas/ byang chub sems dpa'i ye shes skyes/ mig skyes rig pa skyes/ mang po shes pa skyes/ yid gzhungs pa skyes/ shes rab skyes so// snang ba byung ngo // dge slong dag ngas de'i tshe 'di ni sdug bsngal lo zhes yang dag pa ji lta ba bzhin du shes so// 'di ni gzugs kun 'byung ba'o// 'di ni zag pa 'gog pa'o// 'di ni zag pa 'gog par 'gro ba'i lam mo zhes yang dag par ji lta ba bzhin du shes so// 'di ni 'dod pa'i zag pa'o// 'di ni srid pa'i zag pa'o// 'di ni ma rig pa'i zag pa'o// 'di ni lta ba'i zag pa'o// 'dir zag pa ma lus pa mi snang bar 'gyur ro// 'di ni ma rig pa'i/ 'di ni ma rig pa'i kun 'byung ba'o// 'di ni ma rig pa 'gog pa'o// 'di ni ma rig pa 'gog par 'gro ba'i lam mo zhes yang dag pa ji lta bzhin du shes so// 'dir na rig pa ma lus par mi snang bar 'gyur te/ nub par 'gyur ro zhes bya/
- 267b
bar de bzhin du sbyar ro// 'di dag ni 'du byed rnams so// 'di ni 'du byed kyi kun 'byung ba'o// 'di ni 'du byed 'gog pa'o// 'di ni 'du byed 'gog pa'i lam mo zhes yang dag pa ji lta ba bzhin du shes so// 'di ni rnam par shes pa'o// 'di ni rnam par shes pa'i kun 'byung ba'o// 'di ni rnam par shes pa 'gog pa'o// 'di ni rnam par shes pa 'gog par 'gro ba'i lam mo zhes yang dag par ji lta ba bzhin du shes so// 'di ni ming dang gzugs so// 'di ni ming dang gzugs kyi kun 'byung ba'o// 'di ni/ ming dang gzugs 'gog pa'o// 'di ni ming dang gzugs 'gog par 'gro ba'i lam mo zhes yang dag pa ji lta ba bzhin du shes so// 'di ni skye mched drug go/ 'di ni skye mched drug gi kun 'byung ba'o// 'di ni skye mched drug 'gog pa'o// 'di ni skye mched drug 'gog par 'gro ba'i lam mo zhes yang dag pa ji lta ba bzhin du shes so// 'a ni reg pa'o// 'di ni reg pa'i kun 'byung ba'o// 'di ni reg pa 'gog pa'o// 'di ni reg pa 'gog par 'gro ba'i lam mo zhes yang dag pa ji lta ba bzhin du shes se 'di ni tshor ba'o// 'di ni tshor ba kun 'byung ba'o// 'di ni tshor ba 'gog pa'o// 'di ni tshor ba 'gog par 'gro ba'i lam mo// zhes yang dag pa ji lta ba bzhin du she 'di ni sred pa'o// 'di ni sred pa'o// 'di ni sred pa'i kun 'byung ba'o// 'di ni sred pa 'gog pa'o// 'di ni sred pa 'gog par 'gro ba'i lam mo// zhes yang dag
- 268a
che@#ba ji lta ba bzhin du shes so// 'di ni len pa'o// 'di ni len pa'i kun 'byung ba'o// 'di ni len pa 'gog pa'o// 'di ni len pa 'gog par 'gro ba'i lam mo// zhes yang dag pa ji lta ba bzhin du shes so// 'di ni srid pa'o// 'di ni srid pa kun 'byung ba'o// 'di ni srid pa 'gog pa'o// 'di ni srid pa 'grog par 'gro ba'i lam mo zhes yang dag pa ji lta ba bzhin du shes so// 'di ni skye ba'o// 'di ni skye ba kun 'byung ba'o// 'di ni skye ba 'gog pa'o// 'di ni skye ba 'gog par 'gro ba'i lam mo zhes yang dag pa ji lta ba bzhin du shes so// 'di ni rga ba'o// 'di ni rga ba'i kun 'byung ba'o// 'di ni rga ba 'gog pa'o// 'di ni rga ba 'gog par 'gro ba'i lam mo zhes yang dag pa ji lta ba bzhin du shes so// 'di ni 'chi ba'o// 'di ni 'chi ba'i kun 'byung ba'o// 'di ni 'chi ba 'gog pa'o// 'di ni 'chi ba 'gog par 'gro ba'i lam mo zhes yang dag pa ji lta ba bzhin du shes so// 'di dag ni mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams de/ de ltar sdug bsngal gyi phung po chen po 'ba' shig 'di 'byung bar 'gyur ba nas/ 'gag par 'gyur ro zhes zer ba'i bar du yang dag pa ji lta ba bzhin du shes so// 'di ni sdug bsngal lo// 'di ni sdug bsngal gyi kun 'byung ba'o// 'di ni sdug bsngal 'gog pa'o// 'di ni
- 268b
sdug bsngal 'gog par 'gro ba'i lam mo zhes yang dag ji lta ba bzhin du shes so// dge slong dag de ltar byang chub sems dpas nas gyi cha spang skya reng 'char ba'i dus kyitshe// rnga brdud pa'i namachod tsam na skyes bu dang / skyes bu dam pa dang / skyes bu mchog dang // skyes bu chen po dang / skyes bu khyu mchog dang / skyes bu rma ba che/ skyes bu seng ge dang / skyes bu skyes mchog dang / skyes bu dpa' bo dang / skyes bu rdul bod pa dang / skyes bu cang shes dang / skyes bu pad+ma dkar po dang / skyes bu lcing khyer ba dang / skyes bu kha lo sgyur ba bla na med pas 'phags pa'i ye shes kyis shes par bya ba dang / khong du chud par bya ba dang / thob par bya ba dang / lte bar bya ba dang / mngon du bya ba gang ci yang rung ste/ de thams cad sems kyi skad cig gcig dang ldan pa'i shes rab kyis/ bla na med pa yang dag par rdzogs pa'i byang chub mngon par rdzogs par sangs rgyas nas rig pa gsum thob po// dge slong dag de nas lha'i bu rnams kyis smras pa/ grogs po dag bcom ldan 'das mngon par rdzogs par sangs rgyas kyi me tog gtor cig/ ces byas so// de nas lha'i bu gang dag sngon gyi sangs rgyas mthong ba de dag la smras pa/ grogs po dag sngon gyi yang dag par rdzogs pa'i sangs rgyas rnams kyang brda mdzad cing / brda mngon par sprul ba mdzad kyi brda mdzad kyi bar du me tog ma gtor cig/ dge
- 269a
rgyacheslong dag de nas de bzhin gshegs pas lha'i bu de dag yid gnyis su gyur pa mkhyen nas/ shing ta la bdun tsam du na mkha' la mngon par 'phags te/ der bzhugs nas lam gyi rgyun ni chad do// rdul ni nye bar zhi'o// zag pa ni skams te yang mi zag go// lam ni chad de yang mi 'jug go/ 'di ni sdug bsngal gyi mtha' zhes bya'o zhes ched du brjod pa ched du brjod do// de nas lha'i bu de dag gis de bzhin gshegs pa la lha'i me tog gis gtor te/ de nas lha'i me tog pus mo nub tsam du bkram par gyur to// dge slong dag de ltar de bzhin gshegs pas mngon par rdzogs par sangs rgyas te/ mun pa mun nag dang ni bral/ sred pa ni rnam par sbyangs/ lta ba ni bzlog/ nyon mongs pa rnams ni rnam par dkrugs/ zug rngu ni byung / mdud pa ni bkrol/ nga rgyal gyi rgyal mtshan ni bskal chos kyi rgyal mtshan ni bsgreng / bag la nyal rnams ni gton/ chos kyi de bzhin nyid ni mkhyen/ yang dag pa'i mtha' ni thug su chud/ chos kyi dbyings ni yongs su mkhyen/ sems can gyi khams ni rnam par dgod/ yang dag pa nyid du nges pa'i phung po ni bsngags/ log pa nyid du nges pa'i phung po smad/ nges pa'i phung po ni yongs su bzung / sems can gyi dbang po rnams la ni rnam par gzigs/ sems can gyi spyod pa ni yongs su mkhyen/ sems can
- 269b
gyi nang gso ba ni thugs su chud/ bdud rtsi'i sman sbyar ni grub/ sman pa'i rgyal por ni byung / sdug bsngal thams cad las rab tu thar par mdzad pa por ni gyur/ mya ngan las 'das pa'i bde bzhi la 'jug pa por gyur// de bzhin gshegs pa'i snying po de bzhin gshegs pa'i chos kyi rgyal po'i khri chen po la ni bzhugs/ rnam par grol ba thams cad ni brnyes/ thams cad mkhyen pa nyid kyi grong khyer du ni zhugs/ sangs rgyas thams cad dang yang dag par ni 'dres/ chos kyi dbyings thugs su chud pa las ni dbyer med par ni gyur to// dge slong dag de bzhin gshegs pas ngas 'dir thog ma med pa'i skye ba dang / rga ba dang / 'chi ba'i sdug bsngal mthar phyung ngo zhes bdun pa dang po la byang chub kyi snying po de nyid na bzhugs so// dge slong dag byang chub sems dpa' thams cad mkhyen pa nyid thob ma thag tu de nas skad cig de nyid la phyogs bcu'i 'jig rten gyi khams thams cad kyi sems can thams cad skad cig de dang / thang cig de dang / yud tsam de la mchog tu bde ba dang ldan par gyur to// 'jig rten gyi khams thams cad kyang snang ba chen pos snang bar byas nas 'jig rten gyi bar sdig pa sdig pas khyab pa mun nag ces bya ba snga ma bzhin no// phyogs bcu'i 'jig rten gyi khams thams cad rnam pa drug tu g.yos/ rab tu g.yos/ kun tu rab tu g.yos so// ldeg rab tu ldeg kun tu rab tu ldeg go/ 'gul rab
- 270a
/ tu 'gul/ kun tu rab tu 'gul to// 'khrugs rab tu 'khrugs kun tu rab tu 'khrugs so// chem ches rab tu chem chem // kun tu rab tu chem chem mo// 'ur 'ur rab tu 'ur 'ur/ kun tu rab tu 'ur 'ur ro// sangs rgyas thams cad kyis kyang de bzhin gshegs pa mngon par rdzogs par sangs rgyas pa legs so zhes bya ba byin te/ chos kyi dgab pa dag kyang skur ro// chos kyi dgab pa de dag gis stong gsum gyi stong chen po'i 'jig rten gyi khams 'di rin po che'i gdugs gcig gis khebs par gyur te/ rin po che'i gdugs de dag las kyang rnam pa 'di lta bu'i 'od zer gyi dra ba byung ste/ de dag gis phyogs bcu'i 'jig rten gyi khams grangs med dpag tu med pa dag snang bar byas nas/ phyogs bcu'i byang chub sems dpa' rnams dang lha'i bu rnams kyang kun dga' ba'i sgra brjod bar gyur te/ sems can mkhas pa'i pad+ma ye shes kyi mtsho las byung ba/ 'jig rten gyi chos rnams kyis ma gos pa byung ngo / thugs rje chen po'i sprin yang dag par 'phags te/ chos kyi dbyings kyi gnas khyab par mdzad nas 'dul ba'i skye bo'i sman gyi chos kyi char dge ba'i rtsa ba'i sa bon thams cad kyi myu gu bskyed pa dang pa'i myu gu rnams rnam par 'phel bar byed// rnam par grol ba'i 'bras bu rnams 'byin par char 'bebs par gyur to zhes mdzer to// de la 'di skad ces bya te/ skyes bus
- 270b
ge de yis dpung bcas bdud btul te/ ston pa bsam gtan bde ba sngon du mdzad nas ni/ gang tshe stobs bcu'i rig pa gsum po brnyes gyur tshe// phyogs bcu'i sangs rgyas zhing mang bye ba g.yos par gyur// chos 'dod byang chub sems dpa' gang dag yongs lhags pa// zhabs la btugs te 'di skad tshig smras ma mnyal tam/ bdag cig mngon sum ci 'dra shin tu 'jigs dpung de/ shes rab bsod nams stobs dang brtson 'grus stobs kyis bcom/ khrig khrig zhing nas sangs rgyas rnams kyis gdugs rnams skur/ nges pa skyes bu chen po bdud kyi sde rnams btul/ khyod kyis gnas mchog 'chi med mya ngan med pa brnyes/ srid pa gsum du dam chos char ba myur du pho ba// phyogs bcu'i sems can snying po rnams kyis phyag brkyang ste/ ka la bing ka'i sgra yis gsung du brjod pa ni/ bdag cag ji ltar byang chub thob ltar khyod sangs rgyas/ dper na mar dang mar gyi snying khu mtshungs 'dra zhing / dge slong dag de nas 'dod pa na spyod pa'i lha'i bu mo dag gis de bzhin gsheg pa byang chub kyi snying po la bzhugs pa/ mngon par shes pa brnyes pa dang / brtag pa yongs su rdzogs pa dang / g.yul las rnam par rgyal ba dang / bdud phyir rgol ba pham par mdzod pa dang / dam pa'i chos kyi gdugs dang / rgyal mtshan dang / ba dan bsgreng ba dang / dpa' ba dang / rgyal ba 'phags pa dang / skyes bu
- 271a
rgya cher/ @#skyes bu chen po dang / sman pa'i mchog dang / zug rngu 'byin pa chen po dang / seng ge ltar mi snyengs shing spu zing zhes byed ba mi mnga' ba dang / glang po ltar thugs shin tu dul ba dang / dri ma gsum spangs pas dri ma mi mnga' ba dang / rig pa gsum spangs pas mkhyen pa po dang / chu bo bzhi las rgal bas pha rol tu phyin pa dang / rin po che'i gdugs gcig 'dzin pas rgyal rigs su gyur pa dang / sdig pa'i chos spangs pas 'jig rten gsum gyi bram zer gyur pa dang / ma rig pa'i sgo nga'i sbubs bcom pas dge slong du gyur pa dang / chags pa thams cad las yang dag par 'das pas dge sbyong du gyur pa dang / nyon mongs pa bsal bas gtsang sbra can du gyur pa dang / rgyal mtshan ma bsnyal bas dpa' ba dang / stobs bcu mnga' bas shin tu stobs dang ldan pa dang / rin po che'i 'byung gnas ltar chos rin po che thams cad yongs su rdzogs par rig nas byang chub kyi snying po log su phyogs te tshig su bcad pa 'di dag gis mngon par bstod do// 'di ni shing gi rgyal drung du/ bdud kyi sde rnams pham mdzad nas/ ri rab lta bur mi g.yo bzhugs// snyengs pa mi mnga' 'bros mi mdzad/ 'dis ni bskal pa bye mang du// sbyin dang dul dang sdom pa yis// byang chub dam pa yang dag bsgrubs/ des na 'di ni do mong mdzes//
- 271b
byang chub dam pa pa tshol ba na/ 'di yis bskal pa bye mang du// tshul khrims brtul zhugs dka' thub kyi/ brgya byin tshangs pa zil du brlag/ de yis bska pa bye mang du/ bzod pa'i stobs kyi go mnabs te/ sdug bsngal rnams ni dang du blangs/ des na gser mchog 'od dang ldan// 'di yis bskal pa bye mang du/ brtson 'grus stobs dang rtsal gyis ni// gzhan dag phyir bsnyil mdzad mdzad de/ des na bdud kyi sde las rgyal// 'di yis bskal pa bye mang du/ bsam gtan mngon shes ye shes kyis/ thub po yang dag yang dag mchog/ des na do mod 'di la mchod// 'di yis bskal pa bye mang du// shes rab dang ni bsan pa bsags// sems can bye ba phan yang btags// de nas byang chub myur du brnyes// 'di ni phung po'i bdud las rgyal// 'chi bdag nyon mongs bdud las rgyal// 'di ni lha yi bdud las rgyal// des na mya ngan mi 'da' 'o// 'di ni shin du lha yi lha// lha rnams kyis kyang mchod pa'i cha// 'jig rten gsum na mchod pa'i 'os// bsod nams don du gnyer ba'i zhing / 'chi med 'bras bu sbyin mdzad pa// 'di ni sbyin gnas dam pa ste/ 'di la sbyin pa btab na de/ byang chub dam pa thob bar du/ bar ma dor ni chud mi za// 'di yi mdzod sku mdzes pa yis/ zhing mang bye ba bstsal bar bgyid// nyi zla dag
- 272a
rgya cherakyang zil du brlag/ sems can rnams la snang bar 'gyur// 'di yi gzugs ni gzugs mdzes te/ gzugs kyi dam pa lags pa'i gzugs// mtshan mchog mnga' zhing phan pa bzhed// 'jig rten gsum na mchod pa'i 'os// 'di sbyin shin du rnam dag ste/ zhing rnams dang ni sems can tshegs// sems dang ldan dang sems med pa/ mang po dag la rang byung gzigs// 'di snyam shin du rnam dag ste/ lha yi dag dang mi yi dang / rgyal ba rnams kyi chos sgra dang / mtha' yas pa yi sgra rnams gsan/ 'di yi ljags ni yangs pa ste/ ka la bing ka 'jam pa'i dbyings// 'chi med rab tu zhing 'gro ba'i/ chos ni 'di las bdag cag mnyan// bdud kyi sde rnams gzigs gyur kyang // de yi thugs ni 'khrugs mi mnga'/ lha yi tshogs rnams gzugs gyur kyang / shin du thugs gzhungs dgyes mi mnga'// 'di yis mtshon dang dang mnga' rnams kyis// bdud kyi sde las rgyal ba lags// bden partul zhugs dka' thub kyis// sdang ba'i gyad las 'di rgyal lo// gnas las ma bskyod bzhin du ni// de yi sku la gnod ma byung // de yi skabs su byams mi mnga'// zhe sdangs gyur pa'ang ma lags so// gang dag khyod las chos thos nas// bsgrub pa bgyid pa 'tshal ba yi// lha dang mi rnams de dag ni// rnyed pa legs par
- 272b
rnyed pa lags// rgyal ba bsod nas gzi mnga' ba// khyod la bstod pa'i bsod nams kyis// mi yi zla ba khyod 'dra bar// kun kyang myur du 'gyur bar shog/ skyes bu khyu mchog 'dren pas byang chub sangs rgyas nas/ khrag khrig zhing rnams bskyod cing bdud kyang pham mdzad de// tshangs pa'i dbyangs dang ka la bing ka'i sgra skad kyis// 'dren pas thog mar tshigs su bcad pa 'di gsungs so// bsod nams rnam smin bde ste sdug bsngal thams cad sel/ bsod nams ldan pa mi yi// bsam pa rnams kyang 'grub// bdud bcom nas ni byang chub myur du reg par 'gyur// mya ngan 'das pa zhi ba bsil ba'i dngos po thob// de bas bsod nams bya bas chog par su zhig 'dzin/ bdud rtsi chos nyan pas kyang chog par su zhig 'dzin// skye bo med pa'i nags gnas chog par su zhig 'dzin/ sems can don byas pas kyang chog par su zhig 'dzin// byang chub sems dpas lag pa brkyang ste tshig brjod pa// mchod pa byas kyis rang rang dag gi zhing du deng / kun gyis/ de bzhin gshegs pa'i zhabs la phyag 'tshal nas/ sna tshogs bkod pas rang rang dag gi zhing du dong // dpung rnams phan phun chen po byung ba de gzugs nas/ bde bar gshegs pa tshul du shis par rnam par rol/ dpung bcas bdud las rgyal te bdud rtsi reg shog ces// sems can rnams kyis mtshungs med sems kyis
- 273a
rgya cher/ #byang chub smon/ dge slong dag de bzhin gshegs pa byang chub shing drung na/ seng ge'i gdan la bzhugs te mngon par rdzogs par sangs rgyas nas/ skad cig de la sangs rgyas kyi rnam par rol pa dpag tu med par mdzad de/ de dag ni bskal par yang bstan par sla ba ma yin no// de la 'di skad ces bya ste/ sa ni lag 'thil lta bur mnyam par gnas par gyur/ mdab ma brgya pa rgyas pa 'od dang ldan pa byung / lha rnams brgya stong byang chub snying por rab tu 'dud/ mi yi seng ge'i mtshan ma dang po 'di 'dir mthong // stong gsum shing brgya dag dang ri rnams du ma dang // ri'i rgyal po lhun po byang chub snying por 'dud// stobs bcu'i gan du song ste brgya byin tshangs pa 'dud// 'di yang mi yi seng ge byang chub spyod pa rol// sku las 'od zer brgya stong dag ni rab bkye ste/ rgyal ba'i zhing mchog khyab nas ngan song gsum po zhi/ de nas skad cig yud tsam mi khom skams par gyur// sems can gang la'ang tha ba chags sdang gnod pa med// 'di yang mi yi seng ge gdan la bzhugs pa'i rol// nyi zla nor bu me dang glog dang lha yi 'od// 'od dang ldan pa'i brlabs kyis zil mnan lam me ba// 'gro ba gang gis kyang ni ston pa'i gtsug mi mthong // de yang mi yi seng ge gdan la bzhugs pa'i rol// phyag gi mthil gyis reg nas sa yang rnam drug g.yos// de yis bdud kyi sde rnams shing
- 273b
bal bzhin du dkrugs/ bdud ni mda' thogs sa la ri mo gang 'bri ba// 'di yang mi ye seng ge gdan la rol pa lags// / mngon par rdzogs par byang chub pa'i le'u zhes bya ste nyi shu rtsa gnyis pa'o// // de nas gnas gtsang mi'i ris kyi lha bu rnams kyis byang chub kyis po la bzhugs pa'i de bzhin gshegs pa la bskor ba byas te/ lha'i tsan dan gyi phye ma'i char mngon par phab nas/ tshul dang 'thun pa'i tshigs su bcad pa 'di dag gis bstod do// 'jig rten gsal bar mdzad pa byung / 'jig rten mgon po 'od mdzad pa/ 'jig rten ldongs par gyur pa la/ nyon mongs spangs pa mig sbyin pa// khyod ni g.yul las rnam par rgyal// bsod nams dag gi dgongs pa rdzogs// dkar po'i chos rnams kun du rdzogs// khyod ni 'gro ba tshim mdzad 'gyur// sdig pa mi mnga' 'dam las rgal// go'u ta ma ni thang las bzhugs// sems can gzhan gang klung chen gyis// khyer ba rnams ni sgrol bar 'gyur// shes rab chen po khyod 'phags te// 'jig rten dag na zla ma mchis// 'jig rten khyod kyis chos mi gos// chab na mchis pa'i pad+ma bzhin// 'jig rten ring nas gnyid log 'di// mun pa'i phung pos btibs pa la/ khyod ni shes rab sgron ma yis// rab tu sad par mdzad pa spong // tshor ba'i 'jig rten
- 274a
ring nas ni// nyon mongs nad kyis gzir ba la// nad rnams kun las thar mdzad pa// sman pa'i rgyal po yang dag byung / 'jig rten mgon po khyod byung bas// mi kho ma rnams ni stongs par 'gyur// lha rnams dang ni mi dag kyang // bde ba rnams dang ldan par 'gyur// skyes bu khyu mchog nges pa khyod// lta bar gang dag 'dod bgyid pa// de dag bskal pa stong rnams su// nam yang ngan 'gror 'chi mi 'gyur// gang dag chos nyan gyur pa rnams// de dag mkhas shing nad med dang // zab dang phur po zad pa dang / 'jigs pa med pa rnams su 'gyur// 'jigs pa med pa rnams sa 'gar// nyon mongs bcings pa bcad nas ni// kun kyang len pa ma mchis par// myur du rab tu grol 'gyur te// dge ba mchog gi 'bras bu thob// de dag 'jig rten sbyin gnas te// sbyin pa rnams ni blang ba'i 'os// de dag yon phul mi chung ste// kun kyang mya ngan 'das rgyu lags// dge slong dag de ltar gnas gtsang ma'i ris kyi lha'i bu rnams kyi de bzhin gshegs pa la bstod nas thal mo sbyar te// de bzhin gshegs pa la phyag 'tshal zhing phyogs cig tu 'khod do// de nas 'od gsal gyi lha'i bu rnams kyis de bzhin gshegs pa byang chub kyi snying por bzhugs pa la me tog dang / bdug pa dang / spos dang / phreng ba dang / byug pa dang /
- 274b
gdugs dang / rgyal mtshan dang / ba dan rnam pa sna tshogs rnams kyis cho ga bzhin du mchod nas lan gsum bskor ba byas te/ tshigs su bcad pa 'di dag gis/ mngon par bstod do// thub pa thugs zab gsung ni shin tu snyan// thub mchog tshangs dbyangs glu ltar gsung snyan mchog/ byang chub rab mchog shin du dam pa brnyes// dbyangs kun mthar phyin khyod la phyag 'tshal lo// khyod skyabs khyod gling khyod ni dpung gnyen te// khyod ni 'jig rten mgon po byams thugs mdzad/ khyod ni sman pa'i dam pa zug rngu 'byin// gso ba phan mdzad khyod ni dam pa mchog/ mar me mdzad pa gzigs ma thag tu khyod// byams dang thugs rje'i sprin gyi dra ba bsgrubs// mgon po bdud rtsi rgyun gyi char phob la// lha mi rnams kyi gdung ba zhi bar mdzod// khyod ni srid gsum mi dgod pad+ma 'dra// khyod ni mi g.yo mi skyod lhun po 'dra// khyod ni thugs dam mi g.yo rdo rje bzhin// yon tan mchog kun mnga' ste zla ba 'dra// dge slong dag de ltar 'od gsal ba'i lha rnam kyis de bzhin gshegs pa la mngon par bstod nas// thal mo sbyar te de bzhin gshegs pa la phyag 'tshal zhing phyogs gcig tu 'khod do// de nas lha'i bu rab tshangs pa la stsogs pa tshangs ris kyi lha rnams de bzhin gshegs pa byang chub kyi snying po la bzhugs pa la// nor bu rin po che bye ba khrag khrig brgya stong
- 275a
dus mas sbas pa'i rin po che'i dra ba bka' ste/ lan gsum bskor ba byas nas/ tshul dang 'thun pa'i tshigasu bcad pa 'di dag gis mngon par bstod do// dge ba dri med shes rab 'od dang gzi brjid ldan// mtshan gyi dam pa sum bcu rtsa gnyis mchog mnga' ba// dran dang ldan zhing zla gros ldan pa ye shes mnga'/ mnyel ba mi mnga' khyod la mgo bos phyag 'tshal lo// dri gsum dri mi mnga' ba dri med dri ma bral/ 'jig rten gsum du grags shing rig pa gsum brnyes pa// 'gro la rnam par thar pa gsum gyis mig sbyin pa/ spyan gsum dri ma mi mnga' khyod la phyag 'tshal lo// dus ngan rnyog pa bstsal pa rab tu zhi thugs ldan/ thugs brtse thugs rjes 'phags pa 'gro ba'i don mdzad pa// thub pa dgyes pa 'phags pa thugs ni rab zhi ba// khyod ni yid gnyis grol bar mdzad pa btang snyoms dgyes// btul zhugs dka' thub 'phags pa 'gro ba'i don mdzad pa// rang spyod rnam par dag cing spyod pa'i pha rol byin/ bden pa bzhin po ston pa rnam par dgyes pa po// grol bar gyur nas 'gro ba gzhan yang grol mdzad pa// stobs dang brtson 'grus ldan pa'i bdud po 'dir lhags pa// shes rab brtson 'grus de bzhin byams pas pham mdzad nas// khyod kyi go 'phangs dam pa 'chi ba med pa brnyes// g.yon can dpung rnams
- 275b
bcom pa khyod la phyag 'tshal lo// dge slong dag de ltar lha'i bu rab tshangs pa la stsogs pa tshangs ris kyi lha rnams kyis/ de bzhin gshegs pa la tshig su bcad pa 'di dag gis mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do// de nas bdud kyi bu dkar be'i phyogs pa de dag de bzhin gshegs pa ga la ba der song ste phyin pa dang / rin po che'i gdugs dang / bla re chen po rnams kyis de bzhin gshegs pa la mngon par bkab nas thal mo sbyar te/ de bzhin gshegs pa la tshul dang 'thun par tshigasu bcad pa 'di dag gis mngon par bstod do// khyod stobs shin du rgya che ba dang bdud dpung drag po bdag cag mngon sum ste/ bdud dpung rab 'jigs chen po de yang khyod kyis skad cig pham par mdzad// khyod ni gzhengs par ma gyur sku yang mi g.yo gsung yang brjod pa ma mdzad de/ thub pa don kun grub pa'i 'jig rten gsum gyis mchod pa khyod la bdag phyag 'tshal// bdud po bye ba khrig khrig stong phrag du ma'i gang ga'i bye ma snyed// de dag rnams kyis byang chub shing mchog drung nas khyod ni bskyod cing g.yos ma nus/ mchod sbyin bye ba khrag khrig stong phrag du ma gang ga'i klung gi bye ma snyed mdzad de// byang chub shing drung bzhugs pa des na de ring khyod ni rnam par mdzes pa lags// byang
- 276a
rgyacher chub spyad pa dam pa spyod mdzad tshe na shin du sdug pa'i btsun mo dang // phangs pa'i sras dang bran pho bran mo de bzhin bskyed mos tshal dang grong khyer dang // yul 'khor grong brdal dag dang rgyal srid rnams dang btsun mo'i 'khor dang glang po dang // dbu dang spyan dang ljags dang zhags btang des na de ring rnam par mdzes pa lags// nga ni sangs rgyas 'gyur te bsam gtan rdzu 'phrul blo yi go bgos nas// sems can bye ba khrag khrig mang po sdug bsngal rgya mtshor khyer bar gyur pa rnams// dam chos gru yis nyid kyis bsgral bar bya zhes khyod kyis lan mang gsung brjod pa// khyod kyi smon lam de ni grub lags srog chags rnams kyang sgrol bar mdzad par 'gyur// smra ba'i khyu mchog 'jig rten mig sbyin mdzad pa khyod la bstod pa'i bsod nams des// bdag cag thams cad dga' mgu yid gyur thams cad mkhyen pa nyid du smon lam 'debs// sangs rgyas rnams kyis rab bsngags byang chub dam pa mtshungs med yang dag bsgrubs nas ni// de ltar bdud sde 'khor de bcom nas thams cad mkhyen nyid 'tshang rgyar 'gyur bar shog/ dge slong dag de ltar bdud kyi bu rnams kyis de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'khod do// de nas lha'i bu gzhan
- 276b
'phrul dbang byed lha'i bu brgya stong du mas yongs su bskor te/ mdun du bdar nas/ de bzhin gshegs pa la 'dzam bu'i gling gi gser gyi pad+ma dag gi mdo bar gtor te/ slar tshigs su bcad pa 'di dag gis bstod do// gsung ni dpyod ma mchis shing ma 'khrul rnam par ma 'khrul pa// mun rdul bral zhing 'chi med rtogs par thugs su chud par gyur// lha yul mi yul pa yi dpal dang bgyis pa gzhan med thos// rab tu 'bar ba'i blo gros ldan la mgo bos phyag 'tshal lo// dga' ba mdzad pa nyon mongs spong ba rdul dang dri ma sel// shin tu dga' ba'i gsung gis lha dang mi rnams dga' bar mdzod// sku mchog 'od zer rgyas pa dri ma shin du mi mnga' ba// lha dang me yi bdag po bzhin du 'gro ba 'di las rgyal// pha rol tshogs rnams rab tu 'joms pa gzhan gyi spyod mkhas pa// lha dang mi yid srid par dga' ba gzhan gyi blo sems pa/ shin tu mkhas pa blo ldan gzhan gyi spyod pa rnams par phye/ stobs bcu mnga' ba gshegs pa'i lam 'dir rnam par rgyu ba mdzod// srid pa 'dzin dang sdug bsngal log 'dzin rgya chen 'dir sol te// lha mi blo gros 'dul ba ji lta ba bzhin 'dul bar mdzod// zla ba bzhin du mkhas las phyogs bzhi dag tu rnams rgyu ba// srid pa gsum 'dir rmad byung mig dang dpung gnyen 'gyur
- 277a
cha cherapar shog/ lha dang mi'i srid pa dga' yang yul la 'khrul mi mnga'// 'dod pa'i dga' dang bral zhing dge ba'i dag la dgyes pa/ de/ 'khor lo sgrogs pa 'jig rten gsum na khyod dang mtshungs ma mchis// khyod 'dir 'gro ba rnams kyis mgon dang skyabs dang dpung gnyen lags/ dge slong dag de ltar lha'i bu dbang sgyur la stsogs pa// gzhan 'phrul dbang byed kyi lha'i bu rnams kyis de bzhin gshegs pa la mngon par bstod nas thal mo sbyar te// de bzhin gshegs pa la phyag 'tshal zhing phyogs cig tu 'khod do// de nas lha'i bu rab 'phrul lha'i tshogs kyis yongs su bskor cing mdun du bdar te/ de bzhin gshegs pa la dar gyi lda ldis g.yogs nas// spyan snga nas tshigs su bcad pa 'di dag gis mngon par bstod do// dri ma rnams gsuM spangs pas khyod ni chos snang ba yang dag 'phags/ gti mug dang ni lta ba ma rig 'jig pa mdzes dpal gyis ni rgyas// log pa'i lam la dga' ba'i skyes bu 'di dag 'chi med mgon mdzad pa// 'jig rten 'dir byang mchod rten lha yul pa dang mi yul pas mchod pa// khyod ni gso ba'i sman pa mkhas pa bdud rtsi bde ba sbyin pa po// lha dang nyon mongs pa dang ma rig bstsags pa sngon gyi bag la nyal// lus can rnams kyi nang kun sngon gyi rgyal ba'i lam gyis
- 277b
sel ba ste// de bas sman pa dam pa 'dren pa khyod ni sa la rnam par rgyu// nyi zla'i 'od dang skar ma rnams dang me dang de bzhin nor bu dang // brgya byin tshangs pa'i 'od rnams dpal sdug spyan sngar lam me ma lags te// shes rab snang ba mdzad dang 'od dang gzi brjid dpal gyis rab tu rgyas/ khyod ni ye shes rmad byung mngon sum gyur pas mgo bos phyag 'tshal lo// rnam par 'dren pa snyan pa'i gsung ldan bden dang bden mi gsung // 'dul ba thugs zhi dbang po thub pa rab tu zhi ba'i thugs ldan pa// ston pa lha dang mi yi 'khor la bstan par bgyi ba ston mdzad pa// shAkya thub pa mi'i khyu mchog lha yi mchog la phyag 'tshal lo// ye shes mnga' ba ye shes bka' mchid mchog can srid gsum go mdzad pa// dri ma gsum bstsal rig pa gsum dang rnam thar gsum pa po// thub pa ji ltar blo gros gdul ba bskal dang skal med rab mkhyen pa/ stong gsum rmad du byung ba lha yi khyod la phyag 'tshal lo// dge slong dag de ltar lha'i bu rab 'phrul 'khor dang bcas pas de bzhin gshegs pa la mngon par bstod nas/ thal mo sbyar te/ de bzhin gshegs pa la phyag 'tshal zhing phyogs cig tu 'dug go// de nas lha'i bu yongs su dga' ldan gyi ris kyis lha'i bu dang lhan cig tu de bzhin gshegs pa ga la ba der song ste phyin nas/ lha'i gos kyi dra ba chen pos byang chub kyi
- 278a
rgya cher/ snying po la bzhugs pa'i de bzhin gshegs pa la mngon par bkab ste/ spun sngar tshigs su bcad pa 'di dag gis mngon par bstod do// khyed ni dga' ldan gnas na bzhugs te der ni khyod kyis rgya chen chos kyang bshad/ khyod kyis bstan pa de ni da rung lha'i bu rnams chos spyod rgyun mi chad/ khyod la ltas pas ngoms par mi 'gyur chos mnyan pas kyang ngoms pa rnyed mi 'gyur// yon tan rgya mtsho 'jig rten sgron ma khyod la mgo dang yid kyis phyag 'tshal lo// khyod ni dga' ldan gnas nas 'phos te de tshe khyod kyis mi khams thams cad spangs// gang tshe byang chub shing drung bzhugs tshe 'gro ba kun gyi nyon mongs rab tu zhi// gang gi ched du rgya chen byang chub btsal brnyed bdud kyang pham par mdzad// khyod kyi smon lam de ni rab tu rdzogs kyi 'khor lo rgya chen myur du bskor// chos btsal ba dag chos zhi ste srog chags stong phrag mang po sdod cing mchis// 'khor lo rgya chen myur du bskor du gsol// srog chags stong rnams srid las bsgral du gsol// dge slong dag de ltar lha'i bu yongs su dga' ldan 'khor dang bcas pas de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'dug go// de nas lha'i bu rab 'thab bral la sogs pa 'thab bral gyi lha rnams bcom ldan
- 278b
'das ga la ba der song ste phyin nas/ me tog dang / spos dang / 'phreng ba dang / byug pa sna tshogs kyis byang chub kyi snying po la bzhugs pa'i de bzhin gshegs pa la/ mchod de// spyan snga nas tshul dang 'thun pa'i tshigs su bcad pa 'di dag gis mngon par bstod do// tshul khrims ting 'dzin de bzhin shes rab kyis// khyod dang mtshungs pa ma mchis ga la lhag/ mos dang rnam par grol ba mkhas pa'o// de bzhin gshegs pa khyod la mgos phyag 'tshal// byang chub snying por lha yis gang bgyis pa/ bkod pa mdzes pa de dag mthong lags te// ji ltar khyod la lha dang mis mchod pa/ de ni gzhan gang la yang 'os ma lags// khyod byung don ma mchis ba ma lags te// gang gi don du dka' ba mang po spyod// shin du g.yon can sde dang bcas las rgyal// khyod kyis bla na med pa'i byang chub ba rnyed// phyogs bcu dag tu snang ba mdzad par 'gyur// shes rab sgron ma 'jig rten gsum po gsal// khyod ni rab rib sel bar 'gyur ba ste/ 'gro ba bla na med pa'i mig sbyin pa/ khyod kyi bstod pa bskal par brjod kyang ni/ khyod kyi ba spu'i khung bu mtha' ma mchis// yon tan rgya mtsho 'jig rten rnam par grags/ de bzhin gshegs pa khyod la mgos phyag 'tshal// de ltar rab 'thab bral la sogs pa 'thab bral gyi lha'i bu de dag gis de bzhin gshegs pa la mngon par bstod nas thal mo sbar te/
- 279a
rgya cher #de bzhin gshegs pa la phyag 'tshal 'tshal zhing phyogs tu 'khod do// de nas lha'i dbang po brgya byin sum rtsa gsum ris kyi lha rnam dang lhan gcig tu me tog dang / spos dang / phreng ba dang / byug pa dang / gdugs dang / rgyal mtshan dang / ba bkod pa rnams kyis de bzhin gshegs pa la mchod nas/ tshigs su bcad pa 'di dag gis mngon par bstod do// thub pa ma 'khrul na ma tho mi mnga' rtag tu legs bzhugs lhun po 'dra// phyogs bcu dag tu ye shes 'od grags bsod nams dag dge gzi brjid ldan pa po// thub pa khyod kyis sngon chad sangs rgyas brgya phrag mtha' yas yang dag mchod pa mdzad// de yis byang chub shing drung bdud kyi sde las rgyal bar gyur pa lags// tshul khrims dang ni thos dang ting 'dzin shes rab 'byung gnas ye shes rgyal mtshan to// rga shi 'joms par mdzad pa sman pa dam pa 'jig rten dag la mig sbyin pa// thub pa dri ma gsum dang tha pa spangs shing dbang po zhe la thugs zhing // shAkya khyu mchog 'gro ba dag gi chos kyi rgyal po khyod la skyabs su mchi bar bgyi// khyod kyis brtson 'grus 'bru yis 'phags pa'i byang chub spyod pa mtha' yas gyur legs te// shes rab stobs dang thabs dang byams pa'i stobs dang bsod nams stobs rnams dang // stobs rnams de dag bcom ldan 'das khyod byang chub bzhugs
- 279b
pa'i tshe na mtha' yas te/ stobs dang ldan pa de ring byang chub snying por bzhugs nas stobs bcu mnga' bar gyur// dpung tshogs mtha' yas mthong nas dge sbyong rgyal po byang chub snying por bzhugs pa de// nyams par mi 'gyur grang zhes lha rnams thams cad tu dngangs shing skrag par gyur// khyod ni 'byung po rnams kyis bsnyengs par ma gyur sku yang g.yo ba mi mnga' ste// khur lci phyag gis brdabs nas kun tu g.yos te bdud kyi sde las rgyal bar gyur// ji ltar snga ma rnams kyis seng ge'i khri la byang chub dam pa brnyes gyur pa// de ltar khyod nyid rjes su sangs rgyas mtshungs shing mnyam ste gzhan du gyur ma lags// yid kyang mnyam zhing sems kyang mnyam ste khyod bdag nyid kyis thams cad mkhyen nyid brnyes// des na khyod ni 'jig rten dam pa rang byung 'gro ba rnams kyis bsod nams zhing // dge slong dag de ltar lha'i dbang po brgya byin sum bcu rtsa gsum pa'i lha rnams dang lhan cig tu de bzhin gshegs pa la mngon par bstod nas thal mo sbyar te/ de bzhin gshe pa la phyag 'tshal zhing phyogs cig tu 'dug go/ de nas rgyal po chen po bzhi po dag rgyal chen bzhi'i ris kyi lha'i bu rnams dang lhan cig tu de bzhin gshegs pa ga la ba der song ste byin nas/ me tog a ti mug ta ka dang / tsam pa ka dang / sna ma'i me tog dang / bar sha ka dang / d+ha nu ska ri'i phreng ba dang / chun po thogs te/ lha'i
- 280a
rgya cher #bu mo brgya stong gis bskor nas lha'i glu dbyangs len pas de bzhin gshegs pa la mchod pa byas te/ tshul dang 'thun pa'i tshig su bcad pa 'di dag gis mngon par bstod do// shin tu gsung snyan dbyangs ni yid du mchi// zla ltar rab tu zhi mdzad thugs dang pa/ 'dzum pa'i zhal ldan ljags ni rab yangs pa// thub mchog dga' mdzad khyod la phyag 'tshal lo// lha mi rnams kyis mnyan cing dgar 'gyur ba// sgra skad gang dag 'jig rten mchis pa kun khyod kyi 'jam pa'i gsung ni byung bas na// mi yi sgra skad thams cad zil gyis non// 'dod chags zhe sdang gti mug nyon mongs zhi// mi min dga' ba rnam par dag pa bskyed// rnyog pa ma mchis chos thos nas// de kun 'phags pa'i rnam par grol ba thob// khyod ni mi mkhas rnams la rnas mi mdzad// mkhas shing rgyags pas nam kyang rgyags ma gyur// khyod ni 'gying ba mi mnga' zhum mi mnga'// rgya mtsho'i dbus na ri bo mchog 'phags bzhin// de 'dra'i sems can 'jig rten byung bas na// mi rnams 'dir ni rnyed pa legs par rnyed/ pad+ma dpal ltar nor rnams sbyin pa po// de ltar 'jig rten kun la chos sbyin mdzad// de ltar rgyal po chen po bzhi la stsogs pa rgyal chen bzhi'i ris kyi lha rnams kyi byang chub kyi snying po la bzhugs pa'i de bzhin gshegs pa la mngon par bstod nas
- 280b
thal mo sbyar te// de bzhin gshegs pa la phyag 'tshal zhing phyogs cig tu 'khod do// de nas par snang gi lha rnams de bzhin gshegs pa'i drung du lhags te/ mngon par rdzogs par byang chub pa la mchod pa'i las kyi phyir bar snang thams cad rin po che'i dra ba dang / dril bu g.yer ka'i dra ba dang / rin po che'i gdugs rnams dang / rin po che'i ba dan rnams dang / rin po che dang / dar gyi lda ldi dang / rin po che'i me tog rna rgyan dang / mu ti gi chun 'khor dang / me tog gis lnga ldi sna tshogs rnams lus phyed phyung ba'i lha rnams kyis bzung ba dang / zla gam rnams kyis legs par brgyan nas/ de bzhin gshegs pa la phul lo// phul nas kyang spyan snga nas tshig su bcad pa 'di dag gis mngon par bstod do// thub pa mkhas las bdag cag mchis nas ni// 'gro ba'i spyod kun ji bzhin gsal ltas na// sems can dag pa khyod kyi spyod pa ltas nas// de ltar khyod kyi thugs cig 'khrul ma mthong // mchod phyir byang chub sems dpa' gang lhags pa/ mi yi 'dren pa de dag na mkha' khyab// 'di lta de dag na mkha'i lus 'phags pas// gzhal med khang rnams la yang gnod ma mchis// bar snang nas/ ni me tog char pa phab// stong chen byur bur rab tu gang gyur pa// de dag ma lus khyod kyi skur bab kyang // 'bab chu rgya mtshor bab pa bzhin du gyur//
- 281a
phreng che/ #gdugs dang me tog rna rgyan me tog phreng // me tog tsam pa ka yi lA ldi dang // rgyan zla ba zla gam rnams kyang mthong / lha yis gtor kyang 'dres par gyur ma mchis// bar snang thams cad lha yis gang gyur te/ 'di la sgra tsam bzhag pa'i gnas ma mchis// rkang gnyis mchog la mchod pa bgyid kyang ni// khyod la rgyags pa 'am ngo mtshar gyur mi mnga'// de ltar bar snang gi lha rnams kyis byang chub kyi snying po la bzhugs pa'i de bzhin gshegs pa la mngon par bstod nas/ thal mo sbyar te/ de bzhin gshegs pa la phyag 'tshal zhing phyogs cig tu 'khod do// de nas sa bla'i lha rnams kyi de bzhin gshegs pa la mchod pa'i las kyi phyir sa gzhi thams cad legs par phyags te byugs nas/ spos chus chag chag btab ste me tog gis chal par bkang nas// ras bcos bu sna tshogs kyi bla re bres te/ de bzhin gshegs pa la phul nas tshigs su bcad pa 'di dag gis mngon par bstod do// stong gsum rdo rje lta bur mi shigs gnas par gyur// nga 'dir lpags pa sha dang rus pa rkang skams byas// byang chub ma reg nga ni 'di nas mi ldang zhes// rdo rje gnas kyis de ni byang chub snying por zhugs// gal te mi yi seng ge khyod kyis stong gsum kun// byin gyi ma brlabs na ni de gang rkang 'thil gyis// bye ba'i
- 281b
zhing rnams bskyod pa de ltar shugs che ba// byang chub sems dpa' lpags tshe ma lus zhig par gyur// sa phyogs gang du sems can dam pa 'chag pa ni/ sa li lha yis rnyed pa rgya chen legs par rnyed// 'jig rten rdul rnams ji snyed khyod kyis snang bar mdzad// stong gsum mchod rten gyur na khyod sku smos ci 'tshal// 'og gi chu yi phung po brgya stong ji srid dang // sa yi steng na 'gro ba'i 'tsho ba ji snyed pa// stong gsum sa rnams thams cad bdag cag bzung bar bgyi// khyed la kun 'bul ji ltar bzhed bzhin spyad du gsol// gang du khyod ni bzhugs sam 'chag gam mnal ba dang // go'u ta ma bde bar gshegs pa'i sras po nyan thos gang / chos gtam smra dang gang yang de nyan pa// dge ba'i rtsa ba thams cad byang chub phyir bsngo'o// de ltar sa bla'i lha rnams kyis byang chub kyi snying po la bzhugs pa'i de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do// // mngon par bstod pa'i le'u zhes bya ste/ nyi shu rtsa gsum pa'o// // dge slong dag de ltar mngon par rdzogs par sangs rgyas pa'i de bzhin gshegs pa lha rnams kyis bstod cing dkyil mo dkrungs ma shig/ spyan mi 'dzum par shing gi rgyal po la gzigs shing // bsam gtan dang dga'
- 282a
rgyachenaba'i zas kyis bde ba myong bar byang chub kyi shing drung du zhag bdun 'das par gyur to// de nas zhag bdun 'das pa dang / 'dod/ pa na spyod pa'i lha'i bu rnams spos chu'i bum pa khri thogs te/ de bzhin gshegs pa ga la ba der lhags so// gzugs na spyod pa'i lha'i bu rnams kyang spos chus bum pa khri thogs te/ de bzhin gshegs pa ga la ba der dong ste lhags nas/ byang chub kyi shing dang de bzhin gshegs pa spos chus dkrus so// lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po bgrang ba las 'das pas de bzhin gsheg pa'i sku la phog pa'i spos chu de rang gi lus la skus so// bla na med pa yang dag par rdzogs pa'i byang chub tu sems yang bskyed do// lha'i bu la sogs pa de bzhin du rang rang gi gnas su phyin kyang spos chu de'i dri dang ma bral bar gyur to// spos gzhan la 'dod pa mi bskyed de/ de dag de bzhin gshegs pa la gus pa yid la bya ba las skyes pa'i dga' ba dang / mchog tu dga' ba des bla na med pa yang dag par rdzogs pa'i byang chub las phyir mi ldog par gyur to// dge slong dag de nas lha'i bu kun nas me tog ces bya ba 'khor de nyid du 'dus par gyur pa des/ de bzhin gshegs pa'i zhabs gnyis la gtum
- 282b
te thal mo sbyar nas// de bzhin gshegs pa la 'di skad gsol to// bcom ldan 'das ting nge 'dzin gang dang ldan na/ de bzhin gshegs pa dgung / bdun du dkyil mo dkrung ma gshig par bzhugs pa'i ting nge 'dzin de'i ming ci zhes bgyi/ dge slong dag de skad ces gsol pa dang / de bzhin gshes pas lha'i bu de la 'di skad ces bka' stsal to// lha'i bu ting nge 'dzin 'di'i ming ni dga' ba'i zas bkod pa zhes bya ste/ ting nge 'dzin 'di dang ldan pas de bzhin gshegs pa zhag bdun du dkyil mo dkrung ma bshig par bzhugs so// dge slong dag de nas lha'i bu kun nas me tog gis/ de bzhin gshegs pa la tshigs su bcad pa 'di dag gis mngon par bstod do// zhabs ni 'khor los khyab pa po// pad mdab dul med stong gzi ldan// lha'i cod pan zhabs la gtugs/ dpal stag zhabs la phyag 'tshal lo// bde gshegs zhabs la phyag 'tshal nas// de tshe lha'i bu sems dga'// lha mi rab tu zhi byed pa/ yid gnyis sel bas chog 'di smras// shAkya'i rigs la dgyes bskyed pa// chags sdang gti mug mthur 'byin pa// zhus pa rnams kyang mthar 'byin pa/ lha mi dga' ba stsal du gsol// dpag med thams cad mkhyen pa nyid// sangs rgyas stobs bcu ci slad du// rgyal ba dog sa'i snying por ni// dgung
- 283a
bdun dkyil mo dkrung ma bshig/ mdab brgya rgyas pa'i spyan mnga' ba ci zhig gzigs nas dgung bdun du// mi yi seng ge/ rnam dag spyan// spyan mi 'dzum par gzigs pa mdzad// gang gi shing rgyal drung du ni// dkyil dkrung ma bshig dgung bdun bzhug/ smon lam 'di ni khyod kyi 'am// smra ba'i seng ge kun gyi lags// tshems ni mnyam zhing rnam dag pa// stobs bcu'i zhal ni dri rab gda'// ma nor legs par bka' stsal te// lha dang mi rnams dga' bar mdzod// zla 'dra'i zhal gyis bka' stsal pa// ngas bshad lha'i bu nyon cig/ ngas ni dris pa de yi lan// cung zad tsam zhig gshad par bya// dper na rgyal po phyogs gang du// gnyen gyi tshogs kyis dbang bskur pa// zhag bdun bar du sa phyogs de// mi 'dor rgyal po'i chos nyid de/ de bzhin stobs bcu mnga' ba yang // gang tshe smon rdzogs dbang bskur pa// sa yi snying por zhag bdun du// rgyal ba dkyil mo dkrung mi 'jig/ dper na dpa' ba dgra tshogs rnams// ma lus pham byas lta ba ltar// byang chub snying por sangs rgyas dang // nyon mongs bcos nas gzigs pa mdzad// gti mug 'byung po'i 'dod dang bro// de dag 'gro ba'i dgra 'dra ste// chas pa'i chas ni bzang 'dra ba// de dag pa lus ngas 'dir bshig/ ngas 'dir rgyal rnam dgu dang // gnas
- 283b
med rlom sems rab tu bcom// zag pa thams cad rab tu spangs// nga ni ye shes dam pa skyes// ngas 'dir srid pa'i sred rgyu dang // ma rig bya min byed pa de bag nyal bcas rtsa 'dra ba rnams// ye shes bstsal ba'i me yis bsregs// ngas 'dir nga dang nga yi dang nyes zhags ring 'gro rtsa zug pa// sgrib pa'i bdud pa dam po de// ye shes mtshon gyis bcad par gyur// ngas 'dir ring nas nga'i ldan pa// slu ba tha ma rnams 'jig pa// len par bcas pa'i phung po de// ye shes kyis ni yongs su shes// gnyis su rmongs pa log 'dzin pa// tha mar dmyal 'gyur de dag rnams// ngas 'dir ma lus bsngal byas te// phyin cad nam yang skye mi 'gyur// ngas 'dir dge ba'i rtsa ba yi// me yis sgrib pa'i nags tshal bsregs// phyin ci log ni rnam bzhi yang // nga yis ma lus nges par bsregs// 'du shes skad pas rgyus pa yi// rnam rtog phreng ba gnod byed pa// ngas 'dir byang chub yan lag gi/ phreng ba sna tshogs kyis bzlog/ 'grod dka' drug bcu rtsa lnga dang / gti mug sum bcu dri ma can// sdig pa dag ni bzhi bcungs// nga yi snying po 'dir bstsal to// sa yi snying por 'dug nas ngas// sdom pa ma yin bcu drug dang // khams ni rnam par bco brgyad dang // khyab pa nyi shu rtsa lnga bstsal/ nyon mongs chu bo nyi shu dang // 'gro ba 'jigs pa nyi shu brgyad//
- 284a
brtson 'grus mthu dang brtul ba yis// ngas 'dir de dag shin tu 'das// de bzhin sangs rgyas bsgyings sgrogs pa/ lnga brgya ngas 'dir yang dag rtogs// brgya phrag stong du tshad ba yi// chos rnams nga yis yang dag rtogs// ngas 'dir bag nyal ma lus pa// dgu bcu rtsa brgyad rtsar bcas mtha'// kun nas ldang ba'i lo ma rnams// ye shes me yis nges par bsregs// dogs dang yid gnyis kun 'byung ba// lta ba'i chu yis grang gyur pa// mi dge ngogs can sred pa'i klung // shugs drag ye shes nyi mas bskams// tshul 'chos pa dang kha bsag spangs// sgyu dang ser sna phrag dog sdang // nyon mongs dgon pa deng 'dir bcad// 'dul ba'i me yis rab tu bsregs// 'dir ni brtsod pa'i rtsa ba de// ngan 'gro nyams ngar 'dren byed pa// 'phags la skur pa 'debs pa'i tshig/ ye shes mchog gi sman gyis skyugs// ngas 'dir ye shes yon tan dang // ting 'dzin thob nas du ba dang // cho nges 'don dang mya ngan dang // sme ba ma lus mtha' mar phyin// ngas 'dir bden tshul ting nge 'dzin// thob nas chu bo sbyor ba dang / mdun pa mya ngan zug du dang / rgyags dang bag med kun las rgyal// ngas 'dir nyon mongs gzigs pa yi// srid pa'i ljon shing rtog rtsa brtan// dran pa'i sta res ma lus par// bcad nas
- 284b
ye shes me yis bsregs// ngas 'dir nga snyam nga rgyal de// khams gsum dbang byed stobs che ba// g.yon can ye shes ral gris bcom// lha min dbang la dbang po bzhin// 'jug pa sa yi snying po 'di// shes rab ral gri stobs ldan pas// bcad nas ye shes me yis bsregs// nyon mongs rtsa ba bag nyal bcas// sdug bsngal mya ngan 'byung de dag/ ngas 'dir shes rab dam pa yis// thong lcags kyis ni ma lus rton// rang bzhin gyis dag sems can gyi// shes rab mig 'dir nga yis sbyangs// ye shes mig sman chen po yis// gti mug ling rtog rgya chen bstsal// 'byung khams bzhi po rgyags pa yis// chu srin gyis dkrug sred spangs pa// srid pa'i rgya mtsho dran pa dang // zhi gnas nyi ma'i 'od kyis bskams// ngas 'dir yul gyis shing gi tshogs// rnam rtog du 'thul chags chen gyi// rab tu 'bar ba rnams thar chu// bsil ba'i khu bas bsad par gyur// ngas 'dir bag la nyal ba'i sprin// ro myang glog 'dra rnam rtog 'brug/ brtson 'grus stobs kyi rlung shugs kyis// 'das te kun tu gtor bar gyur// ngas 'dir dran pas dri med pa'i// ting nge 'dzin thob nas sems spyod dgra// srid pa'i khon rgyud ma lus par// shes rab ral gyi stobs kyis bcad// ngas 'dir rgyal mtshan mchog 'chang ba// shing rta glang po rtas mtho ba// gzugs sbyar bdud dpung brtson
- 285a
/ @#pa'i sde// byams pa thobs rnam par bcom// mi sdug ting nge 'dzin thob nas// ngas 'dir dbang po drug gi ta// 'dod pa'i yon tan/ lngas rtas pa// rtag tu rgyags yan ma lus btags// smon med ting nge 'dzin thob nas// ngas 'dir rjes su chags pa dang // khong khro ba dang 'thab pa dang / rtsod pa ma lus mtha' mar phyin// stong pa'i ting nge 'dzin thob nas// ngar 'dzin phyi dang nang dag gi// rlom sems kun dang rtog pa dang // rnam par rtog pa yod su zad// mtshan med ting nge 'dzin thob nas// lha mi srid pa'i rtser thug pa'i// bde ba thams cad ma lus par// nga yis 'dir ni yongs su btang // ngas 'dir rnam thar gsum thob nas// ngas 'dir shes rab stobs kyis ni// srid pa dag gi 'ching ba kun// ma lus kun las grol bar gyur// ngas 'dir rgyu mthong gyur nas ni// rtag dang mi rtag 'du shes dang // bdag dang bdag med sdug bsngal// sgyu yi 'du shes gsum las rgyal// ngas 'dir las kyi rnam par dag/ skye mched drug rtsa kun 'byung las// byung ba thams cad shing dbang drung // mi rtag pa yis bsnun te bcad// ngas 'dir ye shes nyi ma yis// gti mug mun pa'i rnyog pa dang // lta gyur rgyags dang khros gang ba// yun ring mun pa bstsal snang byas// ngas 'dir brtson 'grus stobs kyi grus// 'dod dang chags pa'i chu srin can//
- 285b
ngar 'dzin lta ngan sred rlabs chu// 'khor ba'i rgya mtsho che las rgal// gang rtogs chags dang gti mug dang // sems kyis rnam par rtog bsregs te// bye leb nags mer lhung 'dra ba// ngas 'dir de yi rjes su rtogs// nga 'dir ring nas song ba yi// bskal pa dpag med bye khrag khrig/ 'khor ba'i lam gyis nyon mongs pa// gdung ba med nas ngal yang soso// 'jig rten pa na phyir rga shi dang // mya ngan sdug bsngal mthar phyin pa// phas rgol kun gyis ma thos pa/ bdud rtsi de ni ngas 'dir rtogs// sred las byung ba'i skye mched kyis// sdug bsngal phung pos sdug bsngal ba// phyis mi 'byung ba 'jigs med kyi// grong khyer 'dir ni ngas phyin to// ngas 'dir nang gi dgra chen po// khyab pa de dag rjes su rtogs// rtogs nas rab tu bsregs te ngas// de dag yang byung gnas med byas// bdud rtsi'i don du skal pa ni// bye ba khrag khrig rang gi sha/ mig dang rin chen mang btang ba// de 'dir nga yis rjes su rtogs// sngon gyis rgyal ba dpag med pas// gang gi sangs rgyas sa 'dir rtogs// gang gi snyan pa nyams dga' ba// sgra ni 'jig rten rnams su grags// rten nas byung ba'i 'gro ba stong // stobs kyi skad cig gcig la 'jig/ smig sgyu dri za'i grong khyer 'dra// de 'dir nga yis rjes su rtogs// gang gis lag pa'i mthil du ni// shing thog bzhag bzhin/
- 286a
ra/ #'jig rten khams// thams cad mthong ba'i mig mchog de// nga yis 'dir ni dag par byas// sngon gyi gnas ni ngas 'dir dran// rig pa gsum yang thob par gyur// bskal pa khrag khrig dpag med pa// gnyid kyis log las sad bzhin dran// lha mi nor cing 'du shes lo// phyin ci log gyur gang 'bar ba// de yang de bzhin ma nor par// ngas 'dir bdud rtsi'i snying khu 'thungs// gang gi don du stobs bcu po// sems can kun la byams pa bsgoms// byams pa'i stobs kyis rgyal gyur nas// ngas 'dir bdud rtsi'i snying khu 'thungs// gang gi don du stobs bcu po/ sems can kun la snying rje bsgoms// snying rje'i stobs kyis rgyal gyur nas// ngas 'dir bdud rtsi'i snying khu 'thungs// grang gi don du stobs bcu po// sems can kun la dga' ba bsgoms// dga' ba'i stobs kyis rgyal gyur nas/ ngas 'dir bdud rtsi'i snying khu 'thungs// gang gi don du stobs bcu po// bskal bye khrag khrig btang snyoms bsgoms// btang snyoms de yi stobs kyis rgyal// ngas 'dir bdud rtsi'i snying khu 'thungs// stobs bcu gang ga'i bye ma bas// rab tu mang bas gang gsol pa// sngon rgyal seng ges sngon gsol pa// bdud rtsi'i snying khungs 'dir 'thungs// rga she mthar ni ma byin par// dkyil mo dkrung ni mi bshig ces// sder bcas pa yi bdud mdun 'dir// nga yis tshig ni gang smras pa// ye shes
- 286b
rdo rjes brtan par byas// nga yis ma rig pa yang bcom// stobs bcu nyid ni thob par gyur// de lta bas na dkyil dkrung bshig/ nga yi dgra bcom nyid thob ste// nga yis zag pa ma lus zad// bdud kyi sde yang bcom par gyur// de lta bas na dkyil dkrung bshig/ sgrib pa lnga yi sgo glegs rnams// nga yi 'dir ni thams cad bcag sred pa'i khri shing rnams kyang bcad// nga 'dir dkyil mo dkrung bshig go// de nas mi'i yi zla ba de// dal gyis gdan las gzhengs nas su// dbang bskur chen po bzhes nas ni// seng ge'i gdan la bzhugs par gyur// lha tshogs rnams kyis rin chen snod// steng nas spos chu sna tshogs kyis// stobs bcu yon tan mthar phyin pa// 'jig rten rtsa lag sku yang bsil// bye ba khrag khrig lha rnams dag/ lha mo khrag khrig lhan cig tu// kun nas rol mo stong dag gis// mchod pa gzhal du med pa byed// de ltar lha yi bu dag ni// sa yi snying por zhag bdun du// rgyal ba dkyil dkrung ma bshig pa// rgyur bcas rkyen bcas bzhi dang bcas// dge slong dag de ltar byang chub sems dpa' rdzogs par sangs rgyas pa'i de bzhin gshegs pa ngas 'dir bla na med pa yang dag par rdzogs pa'i byang chub mngon par rdzogs par sangs rgyas so// ngas 'dir thogs ma med pa'i skye ba dang // rga ba dang / 'chi ba'i sdug bsngal mthar phyung ngo // zhes zhag bdun pa dang po la gdan de nyid la bzhug so// zhag bdun
- 287a
chepa gnyis kyi tshe ni de bzhin gshegs pa stong gsum gyi stong chen po'i 'jig rten gyi khams kyi bar du rgyang ring du 'chags pas 'chag go// zhag bdun pa gsum pa'i tshe ni de bzhin gshegs pa ngas 'dir bla na med pa yang dag par rdzogs pa'i byang chub mngon par rdzogs par sangs rgyas nas thog ma med pa'i skye ba dang / rga ba dang / 'chi ba'i sdug bsngal mthar byung ngo zhes byang chub kyi snying po la spyan mi 'dzum par gzigs so// zhag bdun ba bzhi pa'i tshe ni de bzhin gshegs pa shar gyi rgya mtsho'i bar du mi ring ba'i 'chag pas 'chag go// de nas bdud sdig can de bzhin gshegs pa ga la ba der song ste phyin nas// de bzhin gshegs pa la 'di skad ces gsol to// bcom ldan 'das da yongs su mya ngan las 'das pa'i dus la bab lags kyi// bcom ldan 'das yongs su mya ngan las 'da' bar gsol// bde bar gshegs pa yongasu mya ngan las 'da' bar gsol// dge slong dag de skad ces gsol pa dang / de bzhin gshegs pas bdud sdig can la 'di ces bka' stsal to// sdig can nga'i dge slong gnas brtan gnas dul ba gsal byang ba/ bag tsha ba med pa// mang du thos pa/ chos kyi rjes su 'thun pa'i chos la zhugs pa// bdag nyid slob dpon du sgrogs pa dang
- 287b
bas kyi rgol ba byung ba rnams chos dang mthun pas char bcad de dang bar byas nas/ cho 'phrul dang bcas pa'i chos ston par nus pa dag byung gi bar du de srid dung yongasu su ngan las mi 'da'o// sdig can ngas 'jig rten du sangs rgyas dang / chos dang / dge 'dun gyi sgra bzhag par ma gyur pa dang / byang chub sems dpa' dpag tu med ba med bla na med pa yang dag par rdzogs pa'i byang chub tu lung bstan par ma gyur gyi bar du// de srid kyi bar dung yongasu mya ngan las mi 'da'o// sdig can nga'i 'khor bzhi po dul ba/ bstsal pa/ bya ba bag tsha ba med pa nas cho 'phrul dang bcas pa'i chos ston pa'i bar du nus pa dag byung bar gyur gyi bar du// de srid du nga yongs su mya ngan las mi 'da'o// de nas bdud sdig can gyis tshig de thos nas// sdug bsngal zhing yid mi bde ste// phyogs gcig tu song nas 'dug ste/ mgo smad nas mdas sa la ri mo 'bri zhing / bdag gi yul las 'das so snyam du sems par gyur to// de nas bdud kyi bu mo dga' ma dang / mi dga' ma dang / sred ma gsum gyis bdud sdig can la tshigs su bcad de smras pa/ yang gcig ji ltar thugs mi dgyes// mi gang lags pa bka' stsol dang / 'dod chags zhags pas de bcings nas// glang po bzhin du dgug par bgyi// dkug nas de ni myur du yang / khyod kyi dbang du 'gyur bar bgyi// de ltar thugs ngan 'o rgyal 'or/
- 288a
rgya ra rgya cher/ @#dges pa rgya chen brnyes par 'gyur// bdud kyis smras pa/ 'jig rten dgra bcom bde bar gshegs// 'dod chags dbang du de mi 'gro// nga yi yul las shin du 'das// de bas nga ni mya ngan che/ de nas de dag gis de bzhin gshegs pa'i mthu byang chub sems dpa'i mdzad pa snga nas kyang shes mod kyi// bud med kyi mi rtan pas nga'i tshig ma mnyan te/ bu cig btsas tsam gyi na tshod kyi dar la bab par sbyar nas// mig gis mi rtsol bar bya ba las kyi phyir de bzhin gshegs pa'i gan du dong ba dang / de bzhin gshegs pas de de dag yid la mdzad par de rga bas 'khogs par byin gyis brlabs so// de nas de dag pa'i gan du dong ste// 'di skad ces smras so// de ni chags pas mi bkri ste// nga yi yul las shin du 'das// de bas mya ngan nga che zhes// yab kyis bdag cag gsung ba med/ go'u ta mas ni brlabs pa'i phyir// bdag cag rnams kyis gang sprul pa// gzugs la gal te de lta na// de yis de snying 'gas par 'gyur/ yab bdag cag gi lus rga bas 'khogs pa 'di ma mchis par mdzad du gsol// bdud kyis smras pa/ gang zhig sangs rgyas byin gyis brlabs ni ga du sbyar bar byed nus pa// rgyu dang mi rgyu dag gis 'jig rten dag na me de ngas ma mthong // myur du song ste thub pa de la dang bas rang byas log shig dang / des ni khyen
- 288b
kyi bsam pa bzhin du sngon gyi lus su sbyar bar 'gyur/ de nas de dag dong ste/ bdag cag gis bcom ldan 'das la sku brnyes bgyi bar bsam pas/ bcom ldan 'das/ ji ltar byis pa rnams dang / ji ltar glen pa rnams dang / ji ltar mi gsal ba/ mi mkhas pa/ zhing ma 'tshal ba rnams ltar bdag cag nongs pa can du bzung du gsol gsol// de bde bar gshegs pa bdag cag nongs pa can du gzung du gsol/ zhes de bzhin gshegs pa la bzod par gsol to// de nas de bzhin gshegs pas/ de dag la tshigs su bcad pas bka' stsal pa/ sen mos ril bru ba dang / so yis lcags ni bca' ba dang / mgo yis ri ni dbug pa dang / gting mi dpogs la dpog par 'dod// de lta bas na bu mo khyod nyes pa can du bzung ngo // dade ci'i phyir zhe na/ gang nyes pas la nye bar mthong nas 'tshags shing phyin chad kyang sdom par byed pa de ni 'phags pa'i chos 'dul ba 'phel bar 'gyur ro// dge slong dag de nas zhag bdun pa lnga pa'i tshe zhag bdun yul ngan chen po byung ba'i tshe/ de bzhin gshegs pa klu'i rgyal po btang gzung gi gnas na bzhugs so// de nas klu'i rgyal po btang bzung bcom ldan 'das kyi sku la grang ba dang / rlung gis phog du 'ong ba zhes rang gi gnas nas byung ste/ lus kyis de bzhin gshegs pa'i sku la lan bdun du bkris nas/ mgo'i ga dngas ka rnams
- 289a
rgya cher/ kyis bkab bo/ bcom ldan 'das kyi sku la grang ba dang / rlung gis phog tu 'ong zhes shar phyogs nas kyang klu'i rgyal po gzhan mang du lhags te/ de bzhin gshegs pa'i sku la lus rnams kyis lan bdun dkris nas mgo'i gdeng ka rnams kyis bkab po// shar phyogs nas ji ltar ba de bzhin du bcom ldan 'das kyi sku la grang ba dang / rlung gis phog tu 'ong zhes lho dang nub dang byang phyogs nas kyang klu'i rgyal po rnams lhags nas/ de bzhin gshe pa'i sku la lus rnams kyis lan bdun du bkris te/ mgo'i gdengs ka rnams kyis bka' bo/ klu'i rgyal po'i lus kyi phung po de ni ri'i dbang po'i lhun po ltar ma thog por gnas par gyur to// klu'i rgyal po de dag gis kyang ji ltar nyin bdun mtshan bdun du de bzhin gshegs pa'i ske lnga reg par gyur pa de lta bu'i bde ba de dag gis sngon nam yang ma rnyed do// de nas zhag bdun 'das nas klu'i rgyal po de dag gis yul ngan med par shes te/ de bzhin gshegs pa'i sku las lus dkrol nas/ de bzhin gshegs pa'i zhabs la mgo bos phyag 'tshal te lan gsum bskor ba byas nas rang rang gi gnas su dong ngo // klu'i rgyal po btang bzung yang de bzhin gshegs pa'i zhabs la mgo bos phyag 'tshal te/ lan gsum bskor ba byas nas rang gis gnas su zhugs so// zhag bdun pa drug pa'i tshe na/ de bzhin gshegs pa klu'i
- 289b
rgyal po btang bzung gi gnas nas shing n+ya gro dar skyong gi drung du bzhud do// klu'i rgyal po btang bzung gnas dang / shing n+ya gro dar skyong gi drung chu klung ne ran dza na'i ngogs su spyod pa pa dang / kun tu rgyu dang / nyan thos rgan po dang // go'u ta ma dang / gcer bu pa dang / kun tu 'tshe ba pa la stsogs pas de bzhin gshegs pa mthong nas/ bcom ldan 'das ge'u ta mas zhag bdun pa/ yul ngan chen po'i dus 'di bde bar 'das pa byas sam zhes 'dzer to// dge slong dag de nas de bzhin gshegs pas de'i tshe ched du brjod pa 'di ched du brjod do// chos thos pa dang dben par dga' ba bde ba yin// srog chags 'byung po rnams la gdams// gnod pa mi byed 'jig rten bde// sdig pa pa rnams rab 'das pa/ 'dod chags bral ba 'jig rten bde/ nga snyam nga rgyal nga 'dul ba// de ni mchog tu dben pa yin/ dge slong dag de bzhin gshegs pas skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyis 'jig rten kun tu 'bar zhing rab tu 'bar bar gzigs nas/ de'i tshe bcom ldan 'das kyi ched du brjod pa 'dri ched du brjod sgra reg ro dang gzugs dang dri rnams kyis/ 'jig rten 'di ni kun du gdungs par gyur// srid pas 'jigs kyang srid pa'i sred pa yis// phyir zhing srid pa
- 290a
tshol bar byed pa yin/ zhag bdun pa bdun pa'i tshe na/ de bzhin gshegs pa shing sgrol rgyu'i drung du bzhugs so// de'i tshe byang / phyogs pa'i tshong pa ga gon da bzang po zhes bya ba mkhas pa gsal ba dbun gnyis ka rnyed pa chen po rnyed nas zong rnam pa mang po thogs te/ 'gron pa phal po che dang / shing rta shin du gang ba lnga brgya dang lhan cig tu lho phyogs nas byang phyogs su dong ngo // de gnyis la glang bu cang shes legs skyes dang / grags pa zhes bya ba gnyis yod do// de gnyis la thogs pa'i 'jigs pa med de gang du gzhan mi thar pa der de gnyis gtong ngo // gang du mdun rol na 'jigs pa yod pa der de gnyis pur pa la btags bzhin du 'dug go/ de gnyis la lcag gis 'dzu'// me tog u pA la sbar gang ngam// sna ma'i me tog gi 'phreng bas de gnyis ded do// shing sgrol rgyu dang nye ba zhig tu 'o ma can gyi nags na gnas pa'i lha mos byin gyi brlabs kyis byin gyis brlabs pas de dag gi shing rta de dag thams cad mi 'gro ste/ 'breng ba la sogs pa shing rta'i cha rkyen thams cad kyang chang grags so// shing rta'i bang rnams kyang lte ba la thug par sa'i nang du nub ste/ thams cad kyis rab tu bsgrims kyang shing rta de dag 'gro bar ma gyur nas// kha cig ngo mtshar dang skrag par gyur te/ shing rta 'di dag thang la yang thogs par gyur pa 'di la rgyu ni ci zhig yod// 'di'i 'gyur ba ci zhig gi yin
- 290b
snyam nas/ de dag gis glang bu legs skyes dang / grags pa de gnyis 'dren du bcug ste/ me tog ud pa la dang / sna ma'i me tog gi phreng bas 'das kyang 'gro/ kha ra ma gyur nas/ de dag 'di snyam du sems te/ gang gi phyir 'di gnyis kyang mi 'gro ba las mdun na 'jigs pa 'ga' zhig 'byung du gdon mi za'o snyam nas/ de dag gis sa 'khru ba rta po dag sngar btang ngo // sa 'khru ba rta pa rnams sngar log nas/ 'jigs pa ci yang med ces smras so// lha mo des kyang rang gi gzugs bstan nas ma 'jigs shig ces dbugs dbyung ngo // glang bu de gnyis kyis kyang de bzhin gshegs pa ga la ba de logs su shing rta drangs pa dang / de dag gis de bzhin ga sh+ye pa me ltar rab tu 'bar ba/ skyes bu chen po'i mtshan sum bcu rtsa gnyis kyis legs par brgyan pa/ nyi ma shar nas ring ma lon pa lta bu dpal gyis 'bar ba mthong ngo mthong nas kyang de dag ngo mtshar du gyur te/ 'di ci zhig tshangs pa 'dir phyin tam/ 'on te lha'i dbang po brgya byin nam/ 'on te rnam thos kyi bu 'am/ 'on lha'i bu nyi ma dang zla ba 'am// 'on te ri'i lha 'ga' zhig gam/ klung gi lha 'ga' zhig snyam mo// de nas de bzhin gshegs pas na bza' ngur smrig rnams bstan to// de nas de dag gis ngur smrig bgos pa 'di ni rab tu byung ba yin gyi bdag cag 'jigs pa med de zhes smra ste/ de dag dad pa thob nas yang phan tshun du smras pa/ rab tu byung
- 291a
rgya cher// @#/ ba 'di ni dus su za ba yin no// bsod snyoms chung zad cig yod/ smras pa sbrang rtsi dang / skyo ma dang / bu rab shing bzhus pa yod do// de dag gis sbrang rtsi dang / skyo ma dang / bu rab shing bzhus pa khyer nas/ de bzhin gshegs pa ga la ba der song ste phyin pa dang / de bzhin gshegs pa'i zhabs la mgo/ bos phyag 'tshal te/ lan gsum bskor ba byas nas/ phyogs cig tu 'khod do// phyogs cig tu 'khod nas kyang de dag gis de bzhin gshegs pa la 'di skad ces gsol to// bcom ldan 'das bdag cag la thugs brtse bar dgongs te/ spyan gzigs 'di bzhes su gsol// dge slong dag de nas de bzhin gshegs pa 'di snyam du dgongs te/ bdag gis lag pas 'di blangs na ni ma legs na/ sngon gyi yang dag par rdzogs pa'i sangs rgyas rnams kyis snod ji lta bus bzhes snyam nas mkhye par gyur to// dge slong dag de ltar de bzhin gshegs pa'i sbubs kyi dus la bab par rig nas/ skad cig de nyid la phyogs bzhin rgyal po chen po bzhi gser gyi lhung bzed bzhi thogs te lpags nas/ de bzhin gshegs pa la bcom ldan 'das pa bdag cag la thugs brtse bar dgongs te/ gser gyi lhung bzed bzhi po 'di dag bzhes su gsol/ zhes phul lo// de dag dge slong gi cha ma yin par dgongs nas/ de bzhin gshegs pas ma bzhes so// de bzhin du dngul gyi bzhi dang /
- 291b
bai dUr+ya dang / shel dang / sdug dang / rdo'i snying po las byas pa bzhin dang / rin po che thams cad las byas pa'i lhung bzed bzhi thogs te/ de bzhin gshegs pa/ la phul na dge sbyong gi cha ma yin par dgongs te/ de bzhin gshegs pas ma bzhes so// dge slong dag de nas de bzhin gshegs pa yang 'di snyam du dgongs te/ sngon gyi de bzhin gshegs pa rnams kyi lhung bzed rnams ci 'dra ba dag bdag gis bzhes snyam dgongs na/ rdo'i lhung bzed rnams kyis bzhes par mkhyen nas/ de bzhin gshegs pas de lta bu'i thugs bskyed pa dang / de nas rgyal po chen po rnam thos kyi bus rgyal po chen po gzhan gsum la smras pa/ grogs po dag sngon pa'i ris kyi lha'i bu rnams kyis bdag la rdo'i lhung bzed bzhi byin pa dang / de dag gis 'di snyam du bsam ste/ 'di spyad par bya'o snyam pa dang / de nas sngon pa'i ris kyi lha'i bu rnam par snang byed ces bya ba des bdag la 'di skad ces smras so// kye snod 'di dag spyad par ma bya bar// 'di dag 'chongs shig mchod rten grags par 'gyur/ shAkya thub ces bya ba'i rgyal ba 'byung / de la lhung bzed 'di dag dbul ba gyis/ grogs dag shAkya thub pa rgyal ba la/ snod dbul ba yi dus dang chod la bab/ glu dbyangs dag dang sil snyan sgra phyung ste/ mchod pa byas nas lhung bzed dbul bar byas/ snod de chos kyi rang bzhin mi shig pa/ snod 'di rdo ba'i rang bzhin gshig tu rung /
- 292a
gzhan gyis blang bar bzod pa ma yin gyi/ da ni bdag cag de dag len du deng / de nas rgyal po bzhis rang gi gnyen dang / 'khor du bcas te/ me tog dang / gdug pa dang / spos dang / phreng ba dang / byug pa dang / sil snyan dang / pheg rdob pa dang / glu dbyangs len cing / rang rang gi lag tu ltung bzed de dag thogs nas de bzhin gshegs ga la ba der ste phyin nas/ de bzhin gshegs pa la mchod pa byas te/ lhung bzed de dag lha'i me tog gis bkang nas de bzhin gshegs pa la phul lo// dge slong dag de nas de bzhin gshegs pa 'di snyam du dgongs te/ rgyal po chen po dang pa dang / dang pa bzhi po 'di dag gis bdag la ni/ rdo'i lhung bzed bzhi phul na/ bdag la ni bzhir mi rung la/ ji lta gcig gis blangs na ni gsum yang mi dga' bar 'gyur// bdag gis lhung bzed bzhi po 'di dag blangs te/ lhung bzed gcig tu byin gyis brlabs po snyam mo// dge slong dag de nas de bzhin gshegs pas phyag g.yas pa brkyang ste/ rgyal po chen po rnam thos kyi bu la tshigs su bcad pas bka' stsal pa/ bde bar gshegs la lhung bzed phul cig dang / khyod ni theg pa mchog gi snod du 'gyur// nga 'dra dag la/ lhung bzed phul ba ni/ dran dang blo gros nams kyang nyams mi 'gyur// dge slong dag de nas de bzhin gshegs pas thugs brtse bar dgongs te/ rgyal po chen po
- 292b
bzhi pa rnam thos kyi bu las lhung bzed bzhes so// bzhes nas kyang rgyal po chen po yul 'khor bsrungs la tshigs su bcad pas bka' stsal pa/ gang zhig de bzhin gshegs la lhung bzed 'bul// nams kyang dran dang shes rab nyams mi 'gyur// bsil dngos go 'phang sangs rgyas thob par du/ bde bas bde bar dus rnams zad par byed/ dge slong dag de nas de bzhin gshegs pas thugs brtse bar dgongs te/ rgyal po chen po yul 'khor bsrungs las lhung bzed bzhes so// bzhes nas kyang rgyal po chen po 'phags skyes po la tshigs su bcad de bka' stsal pa// rnam par dag sems de bzhin gshegs pa la/ khyod kyis yongs dag lhung bzed phul cig dang / khyod kyi sems ni myur du dag par 'gyur// lha mi 'jig rten dag gis bsngags par 'ong / dge slong dag de nas de bzhin gshegs pas thugs brtse bar dgongs te// rgyal po chen po 'phags skyes po las lhung bzed bzhes so// bzhes nas kyang rgyal po chen po mig mi bzang la tshig su bcad pas bka' stsal pa/ skyon med sems dang dad pas skyon med snod/ de bzhin gshegs pa tshul khrims skyon med cing / tshul khrims skyon med rab tu phul cig dang / khyod kyi sbyin pa bas nams skyon med 'gyur// dge slong dag de bzhin gshegs pas thugs brtse bar dgongs te/ rgyal po mig mi bzang las lhung bzed bzhes so// bzhes nas kyang mos
- 293a
pa'i skabs kyis lhung bzed gcig tu byin gyis brlabs te/ de'i tshe ched du brjod pa 'di ched du brjod do// nga yis sngon gyi srid par sngon kyi rnam/ bzang byed 'bras bus rab tu bkang ste byin// de nas lhung bzed dbyibs legs bzhi po 'di/ rdzu 'phrul chen po'i lha bzhi rnams kyis byin/ de la 'di skad ces bya ste/ brtan pa dam pa'i don de dgongs pa ste/ zhag bdun byang chub shing mchog gzigs nas ni// seng ge'i stabs 'dra mi yis seng ge de// sa ni rnam pa drug tu bskyod nas gzhengs/ glang po'i dbang ltar kun du dal gyis gshegs// rim gyis sgrol rgyu'i shing gi drung song nas// lhun po lta bur g.yo ba mi mnga' bzhugs/ thub pas bsam gtan ting 'dzin rnams la dgongs// de yi tshe na ga gon bzang po dpur// gnyis dang tsheng pa'i tshogs ni shing drung na// nor gyis gang ba dag dang / lhan cig tu// sa la'i me tog nags tshal rgyas par bzhugs// drang srong chen po'i gzi yis skad cig tu/ srog shing thug par 'ang lo sa nang nub// de dag de 'dra ba yi gnas mthong nas// tshong pa'i tshogs ni 'jigs pa chen po skyes// de dag ral gri mda' dang mdung thung thogs/ nags na ri dgas bzhin dus su zhes chol// sprin med 'od zer stong ldan 'dra ba'i rgyal// zhal ras ston gyi zla ba 'dra ba mthong // khro ba spangs shing rgyags pa bstsal nas su// mgo bos phyag 'tshal
- 293b
'di ni su zhes dpyod// mkha' las lha yis 'di skad tshig smras te/ 'di ni sangs rgyas 'jig rten phan don mdzad// nyin bdun mtshan bdun bza' dang gtung ba dag/ thugs rje'i bdag nyid 'dis ni ma gsol to// gal te bdag gi nyon mongs zhi 'dod na/ sku dang thugs bsgoms 'di la gshos gsol cig/ de dag gis ni sgra snyan de thos nas/ rgyal la phyag 'tshal bskor ba byas nas ni// dga' nas de dag grogs dang lhan cig tu/ rgyal la gshos gsol bar ni gros bcad do// dge slong dag de'i tshe tshong pa ga gon da bzang po gnyis kyi ba'i khyu/ mtha' khob kyi 'or cig na gnas so// de'i tshe ba de dag bzhos nas mar gyi snying khu byung bar gyur to// de nas ba lang rdzi de dag gis mar gyi snying khu de khyer nas/ tsheng pa ga gon da bzang po ga la ba der song ste phyin nas// de dag gi tshul smos te/ btsun pa dag mkhyen par mdzad du gsol// khyed kyi ba thams cad ni gzhos na mar gyi snying khu byung na/ 'di ci dge ba zhig lags sam// 'on te ma lags te na bram ze zas la rkam pa'i rang bzhin can dag 'di skad ces/ 'di ni dge ba ma yin te/ bram ze rnams la mchod sbyin chen po bya dgos so zhes 'dzer to// dge slong dag de'i tshe tshong ba ga gon dang zang po dag gi tshe rabs snga ma snag gi gnyen mtshams bram ze rma bya ba/ tshangs pa'i 'jig rten du skyes par gyur pa des/ bram ze'i gzugs su sprul nas/ tshong pa de dag la tshig su bcad de smras
- 294a
rgya ched/ pa/ khyod kyis smon lam btab pa na/ byang chub brnyes nas de bzhin gshegs pa bdag cag rnams kyis bshos gsol te/ chos kyi 'khor lo bskor bar shog/ smon lam de ni rdzogs kyi/ byang chub brnyes pa de bzhin gshegs/ de la zhal zas phul cig dang // gsol nas 'kho lo bskor bar 'gyur// khyed kyi ba mar snying khu byung / shin tu bkra yis skar ma bzang // drang srong chen po de yi ni/ bsod nas las kyi mthu 'di'o// de ltar tshong pa bskul nas ni// rma bya rang gi gnas su song // ga gon zhes ni bya la stsogs// thams cad du ni mgu bar gyur/ bstong 'o ma ji snyed yod pa dag/ de kun ma lus par ni bsdus nas su// de yi steng nas bris ma bzhag byas te/ de dag rab tu gus par zhal zas sbyor// rin chen gzhong pa tshim byed ces bya ba// srang gcig la yang 'bum phrag gcig ri ba// gtsang mar rang bkrus dri ma med byas nas// zhal zas kyi ni khad chad du bkang // sbrang rtsi dang ni rin chen gzhong thogs te/ sgrol rgyu'i shing gi drung song ston pa la// btsun pa bzhes te bdag cag sman yang thogs// zhal zas gya nom pa 'di bsnams su gsol// dbun gnyis po la thugs brtse mdzad pa dang / byang chub zhugs pa'i sngon gyis bsam mkhyen nas// ston pas bzhes pa mdzad de zhal zas gsol// gsol nas gzhong pa na mkha'i dkyil
- 294b
bar du// lha'i bu mo rab tshangs zhes bya ba// de yis rin chen gnong pa mchog de blangs// des ded dung tshangs pa'i 'jig rten na// lha gzhal grogs dang lhan cig mchod pa byas// de nas de'i tshe de bzhin gshegs pas chong pa ga gon da bzang po de dag la 'di dag gis rab tu dga' bar mdzad do// lha yi bkra shis don grub cing / phyogs rnams bkra shis byed pa de/ khyed kyi don rnams grub gyur cig/ thams cad myur du 'thun par shog/ phreng ba mgo na 'dug pa ltar// lag pa g.yas na dpal yod shog/ g.yon la'ang dpal ni gnas gyur cig/ yan lag kun yang dpal yid shog/ tshong pa dag ni nor tshol zhing / phyogs bcu dag tu 'gro ba rnam/ rnyed pa chen po rnyod gyur cig/ de dag bde ba bskyed par shog/ dgos pa la la gang gi phyir// shar phyogs su ni 'gro ba na// gang dag phyogs der gnas pa yi// rgyu skar khyod la skyong gyur cig/ smin drug dang ni snar ma dang / mgo dang lag dang nam so dang // rgyal dang skag ces bya ba ste// de dag rnams ni shar phyogs pa// rgyu skar/ bdun po de dag ni// 'jig rten skyod pa grags ldan pa// shar phyogs logs na yod ces bstan// de dag khyed la kun du srung / de dag bdag po rgyal po ni/ yul 'khor bsrung zhes grags pa ste/ de ni dri ba kun gyi bdag/ nyi ma lhan cig bsrung bar shog/ de la bu ni mang yod la// mkhas shing ming yang 'thun pa ste/ dgu bcu
- 295a
@#rtsa gcig zad par yang / dbang po zhes bya stobs po che// de rnams khyed la nad med cing // shis pa lhag par skyong gyur cig shar phyogs logs kyi phyogs chan/ lha mo gzhon nu brgyad yod de// rgyal dang rnam par rgyal ma dang // don grub ma dang mi 'pham dag/ dga' mchog ma dang dag bde dang // dga' chen ma dang dga' 'phel ma/ de dag khyed la nad med cing // shis pa lhag par skyong bar shog/ shar phyogs logs kyi phyogs cha na// gzhi 'dzin ces bya'i mchod rten yod// rgyal po skyob dang dgra bcom pa// de rnams kyis ni bzhugs shing mkhyen// de yang khyed la nad med cing // shis pa lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir// lho phyogs su ni 'gro ba na// gang dag phyogs der gnas pa yis// rgyu skar khyed la skyong gyur cig/ mchu dang gre dang dbo dang ni// me gzhi nag pa lnga pa yin// sa ri dang ni sa ga ste/ de dag rnams ni lho phyogs pa// rgyu skar bdun po de dag ni// 'jig rten skyong ba grags ldan pa/ lho phyogs la/ na yod ces bstan/ de dag khyed la kun tu bsrung // de dag bdag po rgyal po ni// 'phags skyes po zhes bya bar brjod// de ni grul bum kun gyi bdag pa/ gshin rje
- 295b
lhan cig bsrung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par yang // dbang po zhes bya stobs po che/ de rnams khyed la nad med cing // shis pa lhag par skyong gyur cig/ lho phyogs logs kyi phyogs tshan// lha mo gzhon nu brgyad yod de// dpal ldan ma dang grag ldan ma/ grags pa thob dang grags 'dzin dang / legs par blangs dang rab snga dang // legs par sad dang bde sgrub ma// de dag khyed la nad med cing / shis pa lhag par skyong bar shog/ lho phyogs logs kyi phyogs cha na/ pad+ma zhes bya'i mchod rten yod// rtag tu gzi brjid kyis kyang 'bar// rtag par thams cad gsal byed pa/ de dag khyed la nad med cing // shis par lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir// nub phyogs su ni 'gro ba na// gang dag phyogs der gnas pa yis// rgyu skar khyed la skyong gyur cig/ lnga 'tshams dang ni snron dang yang / brtson 'grus brtan ldan snrubs dang ni// chu stong chung smad byi bzhin dang / gro bzhin de ni bdun pa yin// rgyu skar bdun po de dag ni/ 'jig rten skyong ba grags ldan pa// nub phyogs logs na yod ces bstan// de dag khyed la kun tu bsrungs
- 296a
rgya cher@#de dag bdag po rgya la ni// mig mi bzang zhes bya bar shes// de ni klu rnams kun gyi bdag/ chu lha lhan cig bsrung bar shog de la bu ni mang yod pa// mkhas shing ming yang 'thun pa ste/ dgu bcu rtsa gcig zad par yang // dbang po zhes bya stobs po che// de dag khyed la nad med cing / shis pa lhag par skyong gyur cig/ nub phyogs logs kyi phyogs chan// lha mo gzhon nu brgyad yod de// rna cha skra 'dres ma dang ni/ pad+ma dkar dang skya reng dang / cha med cha cig dgu pa dang // ro ldang gnag dang stabs myur srid // de dag khyed la nad med cing // shis pa lhag par skyong gyur cig/ nub phyogs logs kyi phyogs cha na// nub ces bya ba'i ri bo yod// nyi ma zla ba rnams kyang gnas// nub pa'ang khyed la nor sbyin gyur// de yang khyed la nad med cing // shis pa lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir// byang phyogs su ni 'gro ba na// gang dag phyogs der gnas pa yi// rgyu skar khyed la skyong gyur cig/ mon gru dang ni mon gre dang // khrums stong dang ni khrum smad dang / nam gru dang ni tha skar dang // bre nye ste ni bdun pa yin// rgyu skar bdun po de dag ni// 'jig rten skyong ba grags ldan pa// byang phyogs logs na yod ces bstan/
- 296b
de dag khyed la kun tu bsrungs// de dag bdag po rgyal po ni// mi la zhon pa lus ngan po// gnod sbyin kun gyi bdag po ste/ nor ba zangs lhan cig bsrungs par shog/ de la bu ni mang yod la// mkhas shing ming yang 'thun pa ste// dgu bcu rtsa gcig zad par yang // dbang po zhes bya stobs po che// de dag khyed la nad med cing / shis ba lhag par skyong gyur cig/ byang phyogs logs kyi phyogs cha nas// lha mo gzhon nu brgyad yod de// rab chags lha mo stong lha mo// sa dang de bzhin pad mo can/ rgyal po chen dang nyer gnas dag/ re dang khre yod dpal ldan pa// de dag khyed la nad med cing // shis par lhags par skyong bar shog/ byang phyogs logs kyi phyogs chan// spos dang ldan pa'i ri bo yod// gnod sbyin 'byung po rnams kyis gnas// rtse mo sna tshogs lta na sdug/ de yang khyed la nad cing // shis pa lhag par skyong gyur cig/ phyogs na byed chag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ rgyu skar nyi shu rtsa brgyad po// phyogs bzhi dag na bdun bdun gnas// lha yi bu mo sum bcu gnyis// phyogs bzhi dag na brgyad brgyad gnas// dge sbyong brgyad dang bram ze brgyad// yul rnams na ni grong brdal brgyad// dbang por bcas pa'i lha brgyad rnams// de dag khyed la kun tu bsrung // khyed cag 'gro na'ang bkra shis 'gyur// ldog pa na yang bkra shis shog/
- 297a
9/ @#gnyen la lta ba bkra shis gyur// gnyen gyis lta ba'ang bkra shis shog/ dbang bcas gnod sbyin rgyal chen dang // dgra bcom ba dang snying brtse bas// thams cad du ni bkra shis dang // bdud ci shis pa thob par shog/ tshangs pa dang ni de bzhin nor rgyas dang / zag pa med pa rnam par grol rnams dang // klu dang gnod sbyin rtag tu snying brtses bsrungs// ston brgyar mtshungs par che ni skyong bar shog/ rnam 'dren zla med 'jig rten mgon po yis// de dag 'thun par sbyin pa'i sngags pa gsungs// khyed rnams kyi ni dge ba'i las 'di yis// sbrang rtsi 'byung zhes bya ba'i rgyal bar 'gyur// 'jig rten rnam par 'dren pa/ rgyal ba yis// lung bstan chags med 'di ni dang po yin// phyin cad byang chub sems dpa' mtha' yas mang // gang dag lung bstan de dag phyir mi ldog/ rgyal bas lung bstan pa ni 'di thos nas/ sems ni mgu zhing rab tu dga' gyur te/ de dag dpung dang grogs dang lhan cig tu/ de dag sangs rgyas chos la skyabs dong // ga gon da bzang po'i le'u zhes bya ba ste/ nyi shu rtsa bzhi pa'o// // dge slong dag de ltar de bzhin gshegs pa shing sgrol rgyu'i drung na bzhugs pa// dang po mngon par rdzogs sangs rgyas pa/ gcig pu dben par gshegs te// nang du yang dag bzhag nas/ 'jig rten dang 'thun
- 297b
par mdzad pa'i phyir 'di snyam du dgongs te/ kye ma ngas thob cing mngon par rdzogs par sangs rgyas pa'i chos 'di ni zab pa// zhi ba rab tu zhi ba nye bar zhi ba/ gya nom pa/ mthong bar dka' ba// khong du chud par dka' ba/ brtag mi nus pa/ tog ge'i spyod yul ma yin pa/ 'phags pa mkhas pa dang / mdzangs pas rig pa ste/ 'di lta ste/ phung po thams cad bor ba/ kun tu rig pa/ nges par rig pa/ tshor ba thams cad 'gog pa/ don dam pa kun gzhi med pa/ gsil ba'i dngos po len ba med pa/ nye bar len pa med pa// rnam par rig pa ma yin pa/ rnam par rig par bya ba// 'dus ma byas pa/ yul drug las shin tu 'das pa/ mi rtog pa rnam par mi rtog pa/ brjod du med pa/ sgra med pa/ sgras brjod du med pa/ bstan tu med pa/ thogs pa med pa/ dmigs pa thams cad las yang dag par 'das pa/ zhi gnas/ kyi lam gyis chad pa/ stong pa nyid dmigs su med pa/ 'dod chags dang bral ba// 'gog pa mya ngan las 'das pa ste/ gal te bdag gi chos 'di dag gzhan dag la bstan la/ de dag gis ma shes na de ni bdag ngal ba dang log par btsal ba dang / chos bstan pa don med par 'gyur gyis// bdag snying las chung ngur kha rog gnas par bya'o snyam mo// de'i tshe tshig su bcad pa 'di dag gsungs so// za ba zhi rdul bral 'od gsal 'dus ma byas/ bdud rtsi'i chos ni bdag gis thob par gyur/ bdag
- 298a
rgya cher/ gis bstan kyang gzhan gyis mi shes te// mi sbyar nags 'dab gnas par bya ba snyam/ tshig bral dag gi las kyis mi gos pa/ de bzhin nyid chos rang bzhin na mkha' 'dra// sems dang yid kyi rgyu ba rab grol ba// mchog rab ngo mtshar che ba dam pa shes// don tshul 'di yi yi ge rnams kyis su// shes par mi nus mdzangs pas rig ma yin// sngon gyi rgyal ba lhag byas sems can rnams// de dag chos 'di thos nas yid ches 'gyur// 'di na chos ni ga yang yod min te// yod min gang yin de ni yod ma yin// gang gis rgyu dang bya ba brgyud shes pa// de la yod pa 'am med pa yod ma yin// bskal pa brgya stong dpa/ tu med pa ni// sngon gyi rgyal ba'i gnas nas bdag gis spyad// 'on kyang gang na bdag dang sems can dang // srog med bzod pa de ni bdag ma thob// gang tshe 'di na skye 'chi gang med pa/ chos 'di thams cad rang bzhin bdag med pa'i// bzod pa bdag gis thob pa de yi tshe// sangs rgyas mar me mdzad kyis bdag lung bstan// 'jig rten kun la snying rje mtha' yas mnga'// gzhan gyis gsol ba btab la da mi ltos// skye bo 'di dag tshangs la dad pa ste// de yis gsol ba btab na 'khor lo bskor// gal te tshangs pas nga yi rkang par gtugs// rnam pa bzang po 'tshal 'gyur sems can mchi// rdul bral gya nom chos shod gsol btab na/ de ltar ba
- 298b
yi chos 'di gzung 'os 'gyur// dge slong dag de ltar de bzhin gshegs pas de'i tshe smin 'tshams kyi mdzod spu nas// 'od gang gis stong gsum gyi stong chen po'i 'jig rten gyi khams 'di snang ba chen pos khyab par gyur pa'i 'od byung ngo // de nas stong gsum gyi stong chen po'i bdag po tshangs pa chen po gtsug pud can sangs rgyas kyi mthus// de bzhin gshegs pa'i thugs kyi rnam par rtog pa sems kyis shes te/ bcom ldan 'das thugs las chung ngu la thugs gtong cing / chos mi ston par shes nas/ de 'di snyam du sems te/ bdag song la de bzhin gshegs pa la chos kyi 'khor lo bskor bas bskul bar gor ma chags snyam mo// de nas tshangs pa gtsug pud can gyis de'i tshe/ de ma yin pa tshangs ris kyi lha'i bu gzhan dag la smras pa/ grogs po dag de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas kyang // 'di ltar chos mi ston par thugs las chung ngu la thugs gtad nas/ kye ma 'jig rten 'di ni ma rung ngo // grogs po dag kye ma 'jig rten 'di ni rnam par ma rung ngo // bdag cag dong ste/ de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar bskul gor ma chag go// dge slong dag de nas tshangs pa gtsug pud can tshangs pa 'bum phrag drug bcu rtsa brgyad kyis skor te/ mdun du 'dar nas// de bzhin gshegs pa ga la
- 299a
rgya cher@#ba der song ste phyin pa dang // de bzhin gshegs pa'i zhabs la mgo bos phyag 'tshal te/ thal mo sbyar nas de bzhin gshegs pa la 'di skad ces gsol to// 'di ltar de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas kyang / chos mi ston bar thugs las chung ngu la thugs btang nas/ kye ma'o bcom ldan 'das 'jig rten 'di ni ma rung ngo // kye ma'o bcom ldan 'das 'jig rten 'di ni ma rung ngo // sems can rnam pa bzang po go sla ba/ bcom ldan 'das kyis gsungs pa'i don 'tshal bar rngo thob pa skal ba dang ldan pa/ nus pa dang ldan pa dag mchis te/ de lags pas bcom ldan 'das chos legs par bstan du gsol/ bde bar gshegs pa chos bstan du gsol// de'i tshe tshigs su bcad pa 'di dag kyang smras so// ye shes chen po mchog gi dkyil 'khor bsgrubs nas ni// phyogs bcu dag gi 'od zer rnam par bkye mdzad de// ye shes zer gyis mi yi pad+ma la 'byed pa// smra ba'i nyi ma de ring ci slad btang snyoms bzhugs// 'phags pa'i nor la sems can de dag 'gron gnyer te// srog chags bye ba mang po dbugs phyung mdzad nas ni/ gang slad mi gsung 'gro la btang snyoms mdzad pa ni// 'jig rten rtsa lag khyod la rigs pa ma lags so// chos kyi dam pa'i rnga bo che ni brdung du gsol// dam pa'i
- 299b
chos kyi dung rgya chen po ni 'bud du gsol// chos kyi mchod sdong chen po spring bar mdzad du gsol// chos kyi mar me chen po 'bar bar mdzad du gsol// chos rgyu mchog gi char pa rab du dbab tu gsol// srid pa'i rgya mtshor gnas pa 'di dag bsgral du gsol// nad chen nyon mongs 'di las thar mdzad du gsol// nyon mongs mes gdungs rab tu zhi bar mdzad du gsol// bde bar gshegs pa rims nad mya ngan med gyur pa/ zhi ba'i lam ni khyod kyis nges par bstan du gsol/ mya ngan 'das pa'i lam ni mi 'gro mgon med pa// log pa'i lam la gnas la mgon po thugs rje mdzod// rnam par thar pa'i sgo rnams rab tu dbye bar gsol/ chos tshul 'khrugs pa ma mchis de ni gsung du gsol// skye bo dmus long du ni gyur pa de dag la/ mgon po khyod kyis chos mig dam pa sbyangs du gsol/ mi yi zla ba mgon po khyod ni ma gtogs pa// 'jig rten dag gi skye dang rga ba sel bgyid pa/ tshangs pa'i 'jig rten dang ni lha yi 'jig rten na// gnod sbyin dri za mi mi 'jig rtenan ma mchis// lha rnams thams cad lhag par spyad par bgyis nas ni// bdag ni chos rgyal khyod la gsol ba 'debs pa lags// bsod nams 'di yis bdag kyang rab tu myur bar ni/ chos kyi 'khor lo dam pa rab tu bskor gyur cig/ dge slong dag de bzhin gshegs pas lha dang / mi dang / lha ma yin
- 300a
rgya cheradu bcas pa'i 'jig rten rjes su bzung ba'i phyir thugs brtse bar dgongs te/ tshangs pa chen po gtsug pud can la cang mi gsungs pas gnang ngo // de nas tshangs pa chen po gtsug pud can gyis de bzhin gshegs pas cang mi gsung bas gnang bar rig nas/ lha'i tsan dan gyi phye ma dang / a ka ru'i phye mas de bzhin gshegs pa la gtor nas// dga' ba dang mchog tu dga' ba skyes te/ de nyid du mi snang bar gyur to// dge slong dag de nas de bzhin gshegs pas/ chos la 'jig rten gus pa skyed pa dang / tshangs pa chen po gtsug pud can yang de bzhin gshegs pa la yang dang yang bskul bas// dge ba'i rtsa ba rnam par 'phel ba chos kyang shin du zab pa'i phyir yang gcig pu dben par gshegs te/ nang du yang dag bzhag nas thugs la 'di lta bur rnam par rtog par gyur te// bdag gis chos zab pa/ phra ba gsal ba/ khong du chud par dga' ba/ rtag mi nus pa/ rtog ge'i spyad pa ma yin pa/ mkhas pa dang / mdzangs pas rig pa 'jig rten thams cad dang mi mthun pa/ mthong bar dka' ba// phung po thams cad bor ba// 'du byed thams cad nye bar zhi ba/ zhi gnas kyi lam gyis chad pa stong pa nyid dmigs byed pa/ sred pa zad pa/ 'dod chags dang bral ba/ 'gog pa/ mya ngan las 'das pa 'di mngon par rdzogs par sangs rgyas te/ gal te bdag gis
- 300b
chos 'di bstan la gzhan gyi khong du ma chud na/ de ni bdag la shin du mtho btsams par 'gyur gyi/ bdag snying las chung ngur gnas pas gnas par bya gor ma chag snyam mo// dge slong dag de nas sangs rgyas kyis mthus tshangs pa chen po gtsug pud can gyis yang de bzhin gshegs pa'i thugs kyis rnam par rtog pa de lta bu deng / sems kyis shes nas lha'i dbang po brgya byin ga la ba der song ste phyin nas/ lha'i dbang po brgya byin la 'di skad ces smras so// ko'u shi ka shes par gyis shig/ de bzhin gshegs pa dgra bcom pa yang dag par rdzogs pa'i sangs rgyas ni chos mi ston par thugs las chung ngu la thugs btang de/ 'di ltar de/ bzhin gshegs pa dgra bcom pa yang dag par rdzogs pa'i sangs rgyas chos mi ston par thugs las chung ngu la thugs btad pas/ ko'u shi ka kye ma'o 'chi rten 'di ni ma rung bar 'gyur ro// ko'u shi ka kye ma'o 'jig rten 'di ni rnam par ma rung bar 'gyur ro// kye ma'o 'jig rten 'di ni ma rig pa'i mun pa chen por bcug par 'gyur na/ bdag cag de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar bskul du ci'i phyir mi 'dong / de ci'i phyir zhe na/ ma bskul bar de bzhin gshegs pa chos kyi 'khor lo mi bskor ba'i phyir ro// shogs po legs so zhes te/ brgya byin dang
- 301a
ra/ tshangs pa dang / sa bla'i lha rnams dang / bar snang ba rnams dang / rgyal chen bzhi'i ris dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / 'od gsal dang / 'bras bu che dang / dge rgyas dang / gnas gtsang ma'i ris kyis lha'i bu brgya stong rab tu mang po kha dog mngon par 'phags pa dag nam sros pa dang / lha'i kha dog dang / lha'i sna bas shing sgrol rgyu'i drung nyi tshe snang bar byas nas/ de bzhin gshegs pa ga la ba der song ste phyin pa dang / de bzhin gshegs pa'i zhabs la mgo bos phyag 'tshal te/ bskor ba byas nas phyogs cig tu 'khod do// de nas lha'i dbang po brgya byin gyis/ de bzhin gshegs pa ga la ba der logs su thal mo sbyar te/ de bzhin gshegs pa la tshig su bcad pas mngon par bstod do// zla ba nya ba gza' las thar pa ltar/ khyod kyi thugs ni rnam par grol ba lags// g.yul las rnam par rgyal ba gzhengs su gsol/ 'jig rten mun par shes rab 'od 'byung gsol// de skad ces gsol pa dang / de bzhin gshegs pa cang mi gsung bar bzhug so// de nas tshangs pa chen po gtsug phud can gyis// lha'i dbang po brgya byin la 'di skad ces smras so// ko'u shi ka ji ltar khyod kyis bskul ba de ltar/ de bzhin gsheg
- 301b
pa dgra bcom pa yang dag par rdzogs pa'i sangs rgyas la chos kyi 'khor lo bskor bar gsol ba btab po// de nas tshangs pa chen po gtsug phud can gyis bla gos phrag pa gcig tu gzar te/ pus mo g.yas pa'i lha nga sa la btsugs te/ de bzhin gshegs pa ga la ba der logs su thal mo sbyar ba btud de// de bzhin gshegs pa la tshig su bcad pas gsol pa/ g.yul las rnam par rgyal ba gzhengs su gsol// 'jig rten mun par shes rab 'od dbyung gsol/ kun du 'tshal bar 'gyur ba mchis lags kyi// thub pa khyod kyis chos ni bstan du gsol// dge slong dag de skad ces gsol pa dang / de bzhin gshegs pas tshangs pa chen po gtsug phud can la 'di skad ces bka' stsal to// tshangs pa ngas chos thob pa/ phra ba gsal ba 'di ni mngon par rdzogs par sangs rgyas shes bya ba nas/ de ni bdag la/ shin tu mtho btsams par 'gyur ro zhes bya ba'i bar du sbyar ro// tshangs pa tshig su bcad pa 'di dag nga la rgyun du gnang mod kyi// nga'i lam rgyun las bzlog par 'gro ba/ zab pa mthong bar dka' ba 'di ni// 'dod chags kyis ldongs pa dag gis mi mthong ste/ de lta bas na bstan kyang mi phan no// skye dgu 'dod pa rnams kyis/ bcings// rgyun gyis rab tu 'das pa yin// ngas 'di tshegs ni chen pos rnyed// de ltar bas na bstan mi phan// dge slong dag de nas tshangs pa chen po gtsug pud
- 302a
rgya cher #can dang / lha'i dbang po brgya byin gyis/ de bzhin gshegs pa cang mi gsung bar gyur par rig nas/ lha'i bu de dag dang lhan cig tu/ sdug bsngal zhing yid mi bde nas de nyid du mi snang bar gyur to// lan gsum gyi bar du de bzhin gshegs pa thugs las chung ngu la thugs btang ngo // dge slong dag de'i che yul ma ga ta'i mi rnams la sdig pa mi dge ba'i lta bar gyur pa 'di lta bu dag byung bar gyur te/ 'di lta ste/ kha cig ni 'di skad du rlung ldang bar mi 'gyur ro zhes mdzer ro/ kha gcig ni 'di skad du me 'bar bar mi 'gyur ro// zhes mdzer ro// kha cig ni 'di skad du char 'bab par mi 'gyur ro zhes mdzer ro// kha cig ni chu 'bab par mi 'gyur ro zhes 'dzer ro// kha cig ni lo tog skye bar mi 'gyur ro zhes 'dzer ro// kha cig ni bya rnams na mkha' la 'phur bar mi 'gyur ro zhes 'dzer ro// kha cig ni sbrum pa rnams nad med par btsa' bar mi 'gyur ro zhes 'dzer// dge slong dag de nas tshangs pa chen po gtsug phud can gyis/ de bzhin gshegs pa'i thugs kyi rnam par rtog pa de lta bu yang shes/ yul ma ga ta'i me rnams kyi lta bar gyur pa dag kyang rig nas/ nam sros pa dang / kha dog mngon par 'phags pa dang / lha'i snang bas shing sgrol rgyu'i drung du thams cad snang bar byas nas/ de bzhin gshegs pa lnga der song ste phyin pa dang / de bzhin gshegs pa'i zhabs la mgo bos phyag 'tshal te/ bla gos phrag
- 302b
ba gcig tu gzar nas/ pus mo g.yas pa'i lha ngas la bcug te/ de bzhin gshegs pa ga la ba der logs su thal mo sbyar te btung nas/ de bzhin gshegs pa la/ tshigs su bcad pas gsol pa/ ma ga tar ni sngon chos ma dag pa/ dri ma bcas par sems pa'i smra ba byung // de slad thub pa bdud rtsi'i sgo dbye gsol// dri med sangs rgyas chos ni nyan cing mchis// khyod ni rang gi dgongs mdzad rang dbang gyur/ sdug bsngal mngon par 'du byed dri ma spangs/ sngon gyi dge ba 'phel dang 'grib ma mchis// khyod 'dir chos mchog pha rol byon par gyur// thub pa khyod 'dra 'jig rten 'dir ma mchis/ drang srong che khyod lhag pa ga la mchis/ srid gsum 'di na rnam par lha de ste// lha min gnas na mchis pa'i ri bo 'dra// sdug bsngal skye bo thugs rje che bskyed gsol// khyod 'dra nam yang btang snyoms mdzad ma rigs/ khyod ni mi 'jigs stobs dang yang dag ldan// khyod ni skye bo rab tu sgrol bar spyod// lha dang dge sbyong bram zer bcas pa kun// skye dgu 'di dag ring nas zug bcas// nad rim ma mchis nad ma mchis gyur cig/ 'di na de dag skyabs ni gzhan ma mchis// chos de rgyal bas thugs su chud gyur te/ ji lta bzhin du nyung ston/ gyur ces// dge ba'i sems kyis bdud rtsi don gnyer zhing / lha dang mi rnams khyod phyir ring nas 'breng // de slad mthu rtsal bzang po khyod la gsol// ring nas lam
- 303a
rgya cher/ @#las nyams pa'i sems can thul// mthos don rnams rab tu thos par 'tshal// shin du nyams chung rtag par 'tshal dang 'dra/ rab tu skams pa'i sa la sprin lta bur// 'dren pa chos kyi char pas tshim par mdzod// ring nas nyams pa'i mi rnams srid pa na// lta ngan thibs po tsher mar bcas pa rgyu// gang bsgoms na ni bdud rtsi 'thob 'gyur ba// tsher ma ma mchis lam drang de bstan gsol// long ba g.yang sar 'dren pa mchis pa// 'di ni de dag gzhan gyis drang mi nus// blo ldan khyu mchog khyod ni mos bskyed de// g.yang sa chen por lhung ba gdon du gsol// thub pa khyod dang ring nas rtag mi 'jal// u dum 'ba' ra'i me tog brgya lam ltar// 'dren pa rgyal ba dag ni sa la 'byung // mgon po dal rnyed sems can dgrol du gsol// rang rgal nas ni bsgral bar bya'o zhes// sngon srid khyod kyi dngos po 'di byung ngo // da ltar khyod ni pha rol byon par nges// bden pa'i mthu rtsal thugs dam dam par mdzod// thub pa chos kyi sgron mas mun pa sol// de bzhin gshegs pa'i rgyal mtshan khyod kyis sgreng // snyan pa'i gsung brjod pa yi dus la bab// rnga sgra ri dgas dbang ltar bsgrag tu gsol// dge slong dag de bzhin gshegs pas sangs rgyas kyi spyan gyis thams cad dang ldan pa'i 'jig rten la gzigs nas/ sems can dman pa dang / 'bring dang / gya nom pa dang / mtho ba dang / dma' ba dang / bar ma dang / rnam pa bzang
- 303b
bo dang / rnam par sbyang sla ba dang / rnam pa ngan pa dang / rnam par srung dka' ba dang / zur tsam gyis go ba dang / tshig lhur len pa dang / sems can gyi phung po gsum ste/ gcig ni log pa nyid du nges par// gcig ni yang dag pa nyid du nges pa/ gcig ni ma nges par gzigs so// dge slong dag 'di lta ste dper na/ mi zhig rdzing gi 'gram na 'dug pas pad+ma kha cig ni chu'i nang nas 'thon/ kha cig ni chu dang mnyam/ kha cig ni chu las 'phags pa dag mthong ngo // dge slong dag de bzhin gshegs pas sangs rgyas kyi spyan gyis thams cad dang ldan pa'i 'jig rten na sems can phung po gsum du rnam par gnas pa dag gzigs so// dge slong dag de nas de bzhin gshegs pa 'di snyam du da gongs te/ ngas chos bstan kyang rung / ma bstan kyang rung ste/ gang log pa nyid du nges pa'i phung po 'dis ni chos 'di shes par mi 'gyur/ ngas bstan kyang rung / ma bstan kyang rung ste/ gang yang dag pa nyid du nges pa'i phung po 'di las chos 'di shes par 'gyur ro// ma nges pa'i phung po gang yin pa 'di ni/ gal te chos bstan na ni shes par 'gyur// ji ste chos ma bstan na ni shes par mi 'gyur ro snyam mo// dge slong dag de nas de bzhin gshegs pas ma nges pa'i phung por rnam par gnas pa'i sems can rnams las brtsams te/ thugs rje chen po bskyed do// de nas de bzhin gshegs pas bdag nyid kyi yang dag pa'i
- 304a
rgya cher/ yang ye shes 'di'i dbang du mdzad de// tshangs pa chen po gtsug pud can gyis bskul ba yang mkhyen nas/ tshangs pa chen po/ gtsug pud can la tshig su bcad pas bka' stsal pa/ tshangs pa ma ga ta yi sems can gang // rnam pa ldan zhing dad dang ldan gyur pa// mi 'tshe 'du shes rtag/ tu chos nyan pas// de dag la ni bdud rtsi'i sgo phye'o// de nas tshangs pa chen po gtsug bud can de bzhin gshegs pas gnang bar rig nas/ tshim zhing mgul yid rangs te/ rab tu dga' nas dga' ba dang / yid bde ba skyes nas// de bzhin gshegs pa'i zhabs la mgo bos phyag 'tshal nas/ de nyid du mi snang bar gyur to// dge slong dag de nas de'i tshes bla'i lha rnams kyis bar snang gi lha rnams la tshig tu brjod cing sgra bsgrags pa/ grogs po dag da mod de bzhin gshegs pa dgra bcom pa yang dag par rdzogs pa'i sangs rgyas kyi 'khor lo bskor bar gnang ste/ de ni skye bo mang po la phan pa dang / skye bo mang po la bde ba ra/ 'jig rten la thugs brtse ba dang / skye bo phal po che dang / lha dang mi rnams kyi don dang / phan pa dang bde bar 'gyur ro// grogs po dag lha ma yin gyi ris ni yongs su 'grib par 'gyur ro// 'jig rten na sems can mang po yongs su mya ngan las 'da' bar gyur ro// de ltar bar snang gi lha rnams kyis sa bla'i lha rnam
- 304b
las thos nas// rgyal chen bzhi'i ris kyi lha rnams la sgrar brjod do// rgyal chen bzhi'i ris kyis sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed rnams la'o// de dag gis kyang tshangs ris kyi lha rnams la tshig tu brjod cing sgra bsgrags te// grogs po dag do mod de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor le bskor bar gnang ste/ de ni skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo bal po che dang // lnga dang mi rnams kyi don dang / phan pa dang bde bar 'gyur ro// kye grogs po dag lha ma yin gyi ris ni yongs su 'grib par 'gyur ro// lha'i ris ni 'phel bar 'gyur ro// 'jig rten na sems can mang po yongasu mya ngan las 'da' bar 'gyur ro// dge slong dag de ltar skad cig de dang / thang cig de dang / yud tsam de la sa bla'i lha rnams nas bzung ste/ tshangs ris kyis lha'i bar man chang du/ grogs po dag de bzhin gshegs pa dgra bcom pa yang dag par rdzogs pa'i sangs rgyas kyis do mod chos kyi 'khor lo bskor bar gnang ste zhes bya ba nas/ snga ma bzhin du sgra skad gcig mngon du byung bar gyur to// dge slong dag de nas byang chub kyi shing gi lha mo chos sred ces bya ba dang /
- 305a
rgya chen/ @chos 'dod dang / chos kyi blo gros dang / chos spyod dang / byang chub kyi shing gi lnga bzhi po de dag de bzhin gshegs pa'i zhabs gnyis la gtugs te/ 'di skad ces gsol to// bcom ldan 'das gang du chos kyi 'khor lo bskor bar mdzad/ dge slong dag de skad ces gsol pa dang / de bzhin gshegs pas lha de dag la 'di skad ces bka' stsal to// grong khyer bar na ser drang srong lhung ba ri dgas kyi gnas so// de dag gis gsol pa/ bcom ldan 'das grong khyer bar na se ni skye bos tshogs chung ba lags/ ri dgas kyi gnas su ni zhugs shing gi grib ma chung ba lags te/ bcom ldan 'das grong khyer chen po 'byor pa bde ba le legs pa/ nyams dgyes pa/ mi dang skye bo mang pos gang ba/ bskyed mos tshal dang / nags 'dab kyis brgyan pa gzhan dag kyang mchis na/ bcom ldan 'das de dag gcig tu chos kyi 'khor lo bskor bar gsol/ de bzhin gshegs pas bka' stsal pa/ bzhin bzangs dag de skad ma zer cig/ de ci'i phyir zhe na/ 'dir ni nga yis mchod sbyin stong phrag bye ba khrag khrig drug bcu byas// der ni sangs rgyas stong phrag bye ba khrag khrig drug bcu de dag mchod // wa ran se dam pa de ni sngon gyi drang srong rnams kyi gnas/ sa de lha dang klu yis mngon bstod rtag tu chos ni mngon par gzhol/ ngas ni sngon chad sangs rgyas bye ba stong phrag dgu
- 305b
bcu rtsa gcig dran// de dag drang srong zhes bya nags mchog der ni 'khor lo dam pa bskor// zhi zhing nyer zhi bsam gtan mngon gyur rtag tu ri dgas rnams kyis/ rten// de phyir drang srong zhes bya nags mchog der ni 'khor lo dam pa bskor// / bskul ba'i le'u zhes bya ste nyi shu rtsa lnga pa'o// / dge slong dag de nas zhe nas de bzhin gshegs pa bya ba mdzad pa// byed pa mdzad pa/ bcing ba thams cad yang dag par chad pa/ nyon mongs pa thams cad bsal ba/ dri ma dang nyon mongs pa sbyangs pa/ bdud phyir rgol ba bcom pa/ sangs rgyas kyi chos thams cad kyi tshul gyi rjes su zhugs pa thams cad mkhyen pa/ thams cad gzigs pa/ stobs bcu dang ldan pa/ mi 'jigs pa bzhi brnyes pa/ sangs rgyas kyi chos ma 'dres pa bcwo brgyad rab tu rdzogs pa/ spyan lnga dang ldan pas sangs rgyas kyi spyan sgrib pa mi mnga' bas/ 'jig rten thams cad la gzigs nas 'di snyam du/ dgongs te// ngas thams cad kyi thog mar gang la/ chos bstan par bya/ sems dag pa rnam par bzang ba/ 'dul sla ba/ go sla ba/ sbyang sba ba/ 'dod chags dang / zhe sdang dang gti mug chung ba/ rnam par shes pa lkog tu ma gyur pa/ gang chos ma thos nas yongs su nyams par 'gyur ba gang dag la/ bdag gis thog
- 306a
mar chos bstan par bya/ gang la chos bstan nas kyang shes par 'gyur zhing mtho 'tshams par mi 'gyur ba gang yin snyam mo// dge slong dag de nas de bzhin gshegs pa 'di snyam du dgongs te/ rangs byed kyi bu lhag spyod ni dag pa/ rnam par bzang ba/ go sla ba/ sbyang sla ba/ 'dod chags dang / zhe sdang dang / gti mug chung ba/ rnam par shes pa lkog tu ma gyur pa ste/ chos ma thos na yongasu nyams par 'gyur ba'o// de ni nyan thos rnams la 'du shes med 'du shes ming min skye mched kyi brtul zhugs dang / 'thun par chos 'di bstan pa yin na/ de da ltar gal 'dug snyam du dgongs pa dang / de 'chi ba'i dus byas nas deng du zhag bdun lon par mkhyen no// lha rnams kyis de bzhin gshegs pa'i zhabs la gtugs te 'di skad ces gsol to// bcom ldan 'das de de ltar lag so// bde bar gshegs pa de de ltar lags te/ rangs byed kyi bu lhag spyod gum nas deng du dgung bdun lon lags so// dge slong dag ngas 'di snyam du bsam ste/ e ma rangs byed kyi bu lhag spyod de chos shin tu bzang po 'di lta bu 'di ma thos par 'chi ba'i dus byas pa ni cher nyams pa'o// gal te de bas chos 'di thos par gyur te/ de la bdag gis thogs mar chos ston par byas shing / de yang bdag mtho 'tsham par mi 'gyur ro snyam mo// dge slong dag de bzhin gshegs pa yang 'di snyam du dgongs
- 306b
/ te/ sems can dag pa 'dul sla ba zhes bya ba nas/ nga yi chos bstan pa la mtho 'tsham par mi 'gyur ba zhes bya ba'i bar du snga ma bzhin te/ de lta bu gzhan su yod// snyam mo// dge slong dag de bzhin gshegs pa 'di snyam du dgongs te/ sgyu rtsal shes kyi bu ring 'bur ni dag pa zhes bya ba nas/ nga'i chos bstan pa la mtho 'tsham par mi 'gyur ba zhes bya ba'i bar ste/ da ltar ga la 'dug snyam dgongs te/ de yang 'chi ba'i dus nas deng du zhag gsum lon par mkhyen no// gnas gtsang ma'i ris kyi lha rnams kyis kyang / don de de bzhin gshegs pa la gsol to// bcom ldan 'das de de ltar lags so// bde bar gshegs pa de de ltar lags te/ sgyu rtsal shes kyi bu ring 'phur gum nas deng du dgung gsum lon lags so// de nas de bzhin gshegs pa 'di snyam du dgongs te/ e ma sgyu rtsal shes kyi bu ring 'phur de/ chos shin tu bzad po 'di lta bu 'di ma thos par shi ba ni cher nyams so snyam mo// dge slong dag de bzhin gshegs pas yang 'di snyam du dgongs te/ sems can dag pa rnam par dag pa zhes bya ba nas/ ngas chos bstan pa la mtho 'tsham par mi 'gyur zhes bya ba'i bar du snga ma bzhin te/ de lta bu gzhan su yod snyam mo// dge slong dag de nas de bzhin gabye ba 'di snyam du dgongs te/ lnga sde bzang po rnams ni dag pa/ rnam pa bzang ba/ gdul ba sla ba/ go sla ba/ rnam par sbyang sla ba/ 'dod chags dang / zhe sdang dang
- 307a
chedagati mug chung ba/ rnam par shes pa lkog tu ma gyur te/ de dag chos ma thos na yongs su nyams par 'gyur ro// nga dga' ba spyad pa spyod pa na yang de dag gis bsnyen bkur byas par gyur te/ de dag ngas chos bstan na shes par 'gyur zhing / nga la mtho 'tsham par mi 'gyur ro snyam mo// dge slong dag de nas de bzhin gshegs pa 'di snyam du dgongs te/ bdag gi lnga sde bzang po rnams la thog mar chos bstan par bya gor ma chag snyam mo// dge slong dag de nas yang de bzhin gshegs pa 'di snyam du dgongs te/ lnga sde bzang po dag da ltar gang na 'khod snyam mo// de nas de bzhin gshegs pas sangs rgyas kyi spyan gyis thams cad dang ldan pa'i 'jig rten la rnam par gzigs na/ lnga sde bzang po dag grong khyer bar na se'i drang srong lhung ba ri dgas kyi gnas na 'khod par gzigs so// gzigs nas kyang de bzhin gshegs pa 'di snyam du dgongs te/ bdag gis lnga sde bzang po rnams la thams cad kyi thog mar chos bstan par bya gor ma chag go/ de dag gis ngas thams cad kyi thog mar chos bstan pa kun shes par 'gyur ro snyam mo// dge slong dag de ci'i phyir zhe na/ de dag spyod pa dang ldan pa chos dkar po rnams shin tu yongs su bsdus pa/ thar pa'i lam la mngon du phyogs la bgegs dang bral ba dag go/ dge slong dag de nas de bzhin gshegs pas 'di snyam du dgongs nas byang chub kyi snying po las bzhengs
- 307b
te/ stong gsum gyis stong chen po'i 'jig rten gshegs nas mthar yul ma ga tar yul rgyu zhing yul gsal ldan du gshegasal de gshegs so// de nas ri ga ya dang / byang chub kyi snying po'i bar du kun tu 'tsho ba pa gzhan zhig gis/ de bzhin gshegs pa rgyang ring po nas gshegs pa mthong ngo // mthong nas kyang de bzhin gshegs pa ga la ba der song ste phyin nas phyogs gcig tu 'dug go// dge slong dag phyogs gcig tu 'dug nas kyang kun tu 'tsho ba pa de dang / de bzhin gshegs pa lhan cig tu yang dag par mgu bar bya ba'i gtam rnam pa mang po byas nas 'di skad ces gsol to// tshe dang ldan pa go'u ta ma khyod kyi dbang po rnams ni shin du gsal lo// khyod kyi lpags pa'i mdog ni ser por gda' zhing yongasu dag la yongs su pa ste/ 'di lta ste dper na/ ston kha rgya shug rtsa ser zhing 'od gsal te/ ser por gda' ba de bzhin du go'u ta ma/ khyod kyi dbang po rnams yongasu dag la yongs su dag cing / zhal gyi dkyil 'khor yang yongs su dag pa la yongasu byang ba'o// 'di lta ste dper na/ shing ta la'i 'bras/ bu smin pa rtsa ba nas chad ma thag rtsa ba logs ser po gda' ba lags te/ yongs su dag cing yongs su byang ba de bzhin du/ go'u ta ma khyod kyi dbang po rnams ni dag la/ zhal/ gyi dkyil 'khor ni yongs su dag cing yongs su dag cing yongs su byang ba'o// 'di lta ste dper na/ 'dzam bu chu bo'i gser gyi mgul rgyan thab nas phyung ste/ mgar ba'i bu mkhas
- 308a
cher/ pas legs par yongasu sbyang ba bgyis pa la dur ka'i nang du stsal nas kha dog dang ldan par 'gyur te/ yongs su dag cing yongs su/ byang la ser po gda' zhing 'od gsal bar 'gyur ro// de bzhin du go'u ta ma khyod kyi dbang po rnams ni shin du gsal ba// lpags pa'i mdog ni yongs su dag/ zhal gyi dkyil 'khor ni yongs su byang ba lag so// tshe dang ldan pa go'u ta ma su las tshangs par spyad pa spyad// dge slong dag de skad ces gsol pa dang / de bzhin gshegs pas kun du 'tshe ba pa de la tshigs su bcad pas slar bka' stsal pa// nga la slob dpon gang yang med// nga dang 'dra ba yod ma yin/ nga ni gcig pu rdzogs sangs rgyas// bsil gyur zag pa med pa yin/ des smras pa/ go'u ta ma bdag nyid dgra bcom par zhal gyis 'che 'am/ de bzhin gshegs pas bka' stsal pa/ nga nyid 'jig rten dgra bcom pa/ nga ni ston pa bla na med/ lha dang lha min dri zar bcas// nga yi do zla gang zag med/ des smras pa/ go'u ta ma bdag nyid rgyal ba lags par zhal gyis 'che 'am/ de bzhin gshegs pas bka' stsal pa/ gang zag zag pa zad brnyes pa/ nga 'dra rgyal bar shes par bya// nga ni sdig kha'i chos las rgyal// de bas nye 'gro nga rgyal yin/ des smras pa/ tshe dang ldan pa go'u ta ma dgur gzhung de bzhin gshegs pas bka' stsal pa/ nga ni wa ra na ser
- 308b
/ 'gro / grong khyer gsal ldan song nas ni/ long blta bu'i 'jig rten na// mtshungs pa med pa'i 'od bya'o// nga ni wa ra na ser 'gro/ grong khyer gsal ldan song nas ni// 'on pa lta bu'i 'jig rten la// bdud rtsi rnga chen brdung bar bya// nga ni ba ra na ser 'gro// grong khyer gsal ldan song nas ni// 'jig rten du ni ma bskor ba'i// chos kyi 'khor lo bskor bar bya// kun tu 'tshe ba pa des go'u ta ma de bzhin du 'gyur ro// de bzhin du 'gyur ro zhes smras te/ lho phyogs logs su dong ngo // de bzhin gshegs pa ni byang phyogs su bzhud do// dge slong dag de ltar de bzhin gshegs pa ri ga ya'i klung gi klu'i rgyal po shin du lta mdzes kyis bzhugs su gsol pa dang / gshos gsol bar spyan drangs so// de nas de bzhin gshegs pa ri dgas kyi gnas su gshegs so// de nas kyang lteng rgyas lta bur gshegs so// de nas/ kyang tsan lar gshegs so// de nas grong khyer kha lo sgyur du gshegs so// dge slong dag de dag du yang khyim bdag rnams kyis de bzhin gshegs pa bzhugs su gsol pa dang / gshos gsol bar spyan drangs te/ mthar gyis klung chen po gang ga'i 'gram du gshegs so// dge slong dag de'i tshe klung chen po gang gshin tu drug te chu mnyam par bab po// dge slong dag de bzhin gshegs pa pha rol du gshegs pa'i phyir mnyan pa'i gan du gshegs pa dang / des gsol pa/
- 309a
go'u ta mgru bcas stsal du gsol// grogs po ngal gru btsas med do// zhes bka' stsal nas// de bzhin gshegs pa namakha' la tshu rol gyi 'gram nas pha rol gyi 'gram du gshegs so// de nas mnyan pa des mthong nas sbyin gnas rnam pa 'di lta bu 'di bdag gis ma bsgral to zhes shin tu 'gyod do// kyi hud mtshar byas so zhes smras nas/ brgyal te sa la 'gyel lo// de nas mnyan pas rgyal po gzugs can snying po la jo bo dge sbyong go'u ta ma la gru btsas par gsol na/ gru btsas med do zhes gsungs te/ na mkha' la tshu rol gyi 'gram nas pha rol gyi 'grab du gshegs so// zhes de'i lo rgyus brnyad do// de skad thos nas rgyal po gzugs can snying pos de phyin chad rab tu byung ba thams cad la gru btsas mi dbab par byas so// dge slong dag de ltar de bzhin gshegs pa mthar gyis yul rgyu ba rgyu zhing grong khyer chen po ba ra na se ga la ba der gshegs so// gshegs nas nang par sham thabs dang / chos gos gsol te/ lhung bzed bsnams nas grong khyer chen po ba ra na ser bsod snyoms kyi phyir gshegs te/ der bsod snyom kyi phyir gshegs so// bsod snyoms kyi phyir zhal zas 'jug tu gsol te/ zas kyi bya ba byas nas/ drang srong lhung ba ri dgas kyi gnas ga la ba de dang / lnga sde bzang po ga la ba der gshegs pa dang / lnga sde bzang po dag gis de bzhin gshegs pa brgyang ring po nas gshegs pa
- 309b
mthong ngo // mthong nas kyang 'di skad du tshe dang ldan pa dag dge sbyong go'u ta ma lhod pa mang du za ba/ spong ba las nyams pa 'di 'ong ste/ 'dis sngon gyi dga' ba/ spyad pa des mi'i chos bla ma las mngon du gyur pa/ 'phags pa'i ye shes mthong ba'i khyad par par chung zad kyang mngon sum du byed ma nus na/ de ltar zas rags pa za zhing bstod snyoms la sbyor ba dang ldan pas gnas pa lta smos kyang mi dgos te/ ldod pa mang du za ba 'di la skal med kyis/ gang gis kyang 'di btsu par mi bya'o// ldang bar mi bya'o// chos gos dang lhung bzed blang bar mi bya'o// stan dang yongs su spyad par 'os pa'i sring ba dang rkang pa bzhag pa yang sbyin par mi bya'o// stan lhag pa gzhan ni ma gtogs te/ tshe dang ldan pa go'u ta ma stan lhag pa gzhan 'di dag yod kyis ji ltar 'dod na 'dug shig par brjod do// zhes 'og khrims bcas so// tshe dang ldan pa kun shes ko'u di nes sems kyis ni khas ma blangs te/ tshig gis ni mi rung zhes ma byas so// dge slong dag de bzhin gshegs pa ji lta ji ltar lnga sde bzang po ga la ba der gshegs pa de lta de ltar de dag rang rang gi stan la mi dga' zhing ldang 'dong par gyur te/ 'di lta ste dper na/ ngamadab chas bya kon par bcug par gyur la/ skon pa de'i 'og nas mes gdungs na/ me des gdungs pas myur ba myur bar 'phur bar 'dod cing 'phur 'dod pa bzhin de bzhin
- 310a
9gshegs pa ji lta ji ltar lnga sde bzang po dag gi gan du gshegs pa de lta de ltar lnga sde bzang po dag rang rang gi stan la mi dga' zhing ldang 'dod par gyur to// de ci'i phyir zhe na/ gang de bzhin gshegs pa mthong nas stan las mi ldang ba'i sems can gyi rigs ni gang yang med do// de bzhin gshegs pa ji lta ji ltar lnga sde bzang po dag gis gan du gshegs pa de lta de ltar lnga sde bzang po dag gis de bzhin gshegs pa'i dpal dang gzi brjid ma bzod nas stan gyi steng na 'dar zhing kun gyis 'og khrims bsal te/ stan las langs nas la las ni rim gro byed/ la las ni brtsu ste na bza' chos gos dang / lhung bzed blangs/ la las gdan bting / la las ni zhabs bzhag pa bshams// la las ni bkru ba'i chu bshams te/ 'di skad ces kyang gsol te/ tshe dang ldan pa go'u ta ma khyod legs par byon to// gdan gting ba 'di la bzhugs su gsol// dge slong dag de bzhin gshegs pa gtan bting ba la bzhugs nas/ lnga sde bzang po dag de bzhin gshegs pa dang / lhan cig tu yang dag par mgu bar bya ba dang / yang dag par chags bya ba'i gtam rnam pa mang po byas nas phyogs cig tu 'khod do// phyogs cig tu 'khod nas kyang de/ bzhin gshegs pa la lnga sde bzang po dag gis 'di skad ces gsol to// tshe dang ldan pa ge'u ta ma'i dbang po rnams ni rab tu gsal la/ lpags pa'i mdog ni yongasu
- 310b
dag go zhes bya ba thams cad snga ma bzhin no// tshe dang ldan pa go'u ta ma khyod la mi'i chos bla ma las mchog tu gyur pa/ 'phags pa'i ye shes mthong ba'i khyad par cung zad mngon sum du mdzad pa lta mnga' 'am// dge slong dag de skad ces gsol pa dang / de bzhin gshegs pas lnga sde bzang po rnams la 'di skad ces bka' stsal to// dge slong dag khyed de bzhin gshegs pa la tshe dang ldan pa zhes ma brjod cig/ khyod la yun ring por gnod pa dang mi phan pa dang / mi bde bar 'gyur ta re// dge slong dag ngas ni bdud rtsi dang 'chi ba med par 'gro ba'i lam mngon du byas so// dge slong dag nga ni sangs rgyas so// thams cad mkhyen pa'o// thams cad gzigs pa'o// / gsol bar gyur pa'o// zag pa zad pa'o// dge slong dag ngas khyed la chos bshad kyis tshur sheg/ nyon cig/ nan tan gyis shig/ rna ba lhogs shig dang / ngas gdams shing rjes su bstan to// ngas ci nas yang dag par bcing yang dag par rjes su bstan no// khyed kyang zag pa rnams zad nas zag pa zad pa'i sems rnam par grol ba dang / ye shes rnam par grol ba tshe 'di nyid la rang gi mngon par shes pas mngon du byas te/ nye bar bsgrubs nas bdag gi skye ba zad do// tshangs par spyod pa bsnyen to// bya ba byas so// 'di las srid pa gzhan mi shes so zhes shes par 'gyur ro// dge slong dag ngas khyed tshe dang ldan pa dag dge sbyong go'u ta ma lhod pa
- 311a
rgya cher/ mang du za ba/ spong ba las nyams pa 'di 'ongs te zhes bya ba nas/ ji ste 'dod na 'dug shig ces bya ba'i bar du thams cad snga ma bzhin te/ de 'di snyam du bsam te/ dge slong dag de skad ma zer cig ces bka' stsal pa dang / de dag la mu stegs can gyi rtags dang / mu stegs kyi rgyal mtshan gang ci yod pa de dag thams cad skad cig de nyid la med par gyur te/ chos gos gsum dang / lhung bzed dang ldan par gyur cing sgra yang bregs par gyur te/ 'di lta ste dper na/ dge slong bsnyen par rdzogs nas lo brgya lon pa'i spyod lam dang 'dra bar gyur to// de nyid kyis de dag rab tu byung zhing bsnyen par rdzogs te/ dge slong gi dngos por gyur to// dge slong dag de nas de'i tshe dge slong lnga pos de bzhin gshegs pa'i zhabs la btugs te nyes pa bshams nas/ de bzhin ga sh+ye ba la ston pa'i 'du shes dang / phangs par bsam pa dang / dad pa dang gus pa bskyed do// gus pa bskyed nas kyang rdzing khebs par de bzhin gshegs pa'i sku bsil pa yongs su sbyang ba'i las byed do// dge slong dag de bzhin gshegs pa sku bsil te byung nas 'di snyam du dgongs te/ sngon gyi yang dag par rdzogs pa'i sangs rgyas rnams gang du bzhugs nas/ chos kyi 'khor lo bskor snyam pa dang / dge slong dag sa phyogs gang du sngon gyi de bzhin gshegs pa rnams kyis chos kyi 'khor lo bskor
- 311b
bar 'gyur ba'i sa phyogs der ni rin po che sna bdun gyi khri stong byung bar gyur to// den de bzhin gshegs pas sngon gyi de bzhin gshegs pa rnams la gus par mdzad pa'i phyir khri gsum la bskor ba mdzad nas/ seng ge ltar bag tsha ba mi mnga' bar khri bzhi pa la dkyil mo dkrung bcas te bzhugs so// dge slong lnga sde yang de bzhin gshegs pa'i zhabs la mgo bos phyag 'tshal te/ de bzhin gshegs pa'i spyan snga na 'khod do// dge slong dag de nas de'i tshe de bzhin gshegs pas sku la las rnam pa 'di lta bu'i 'od byung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur nas/ snang ba des 'jig rten gyi khams kyi bar du sdig pa sdig pas khyab pa/ mun pa mun nag tu gyur nyid du nyi ma dang zla ba 'di ltar dbang che bar grags pa nyid kyis 'od dang kha dog gis/ kha dog dang gzi brji kyis/ lam mer ma gyur pa/ lham mer ma gyur pa gang yin pa de na sems can gang dag skyes pa rang rang gi lag pa brkyang ba yang mi mthong ba der yang de'i tshe snang ba chen po rgya cher byung bar gyur te/ der sems can gang dag skyes pa de dag kyang snang ba des gsal bar gyur ma thag tu cig gis gcig mthong zhing gcig gis gcig shes te 'di skad ces kyi sems can gzhan dag kyang 'dir skyes so zhes mdzer to// stong gsum gyi stong chen po'i 'jig rten gyis khams 'di yang rnam pa drug dang ltas chen
- 312a
ched #po bcwo brgyad du g.yos/ rab tu g.yos/ kun du rab tu g.yos so// 'gul rab tu 'gul/ kun tu rab tu 'gul to// ldeg rab tu ldeg/ kun tu rab tu ldeg go// 'khrugs rab tu 'khrugs/ kun tu rab tu 'khrugs so// 'ur 'ur rab tu'ur 'ur/ kun tu rab tu 'ur 'ur ro// chem chem rab tu chem chem/ kun tu rab tu chem chem mo// mtha' dma' na dbus mtho bar gyur to// dbus dma' na mtha' mtho bar gyur to// shar phyogs dma' na nub phyogs mtho bar gyur to// nub phyogs dma' na shar phyogs mtho bar gyur to// byang phyogs dpa' na lho phyogs mtho bar gyur to// lho phyogs dma' na byang phyogs mtho bar gyur to// de'i tshe dga' bar 'gyur ba dang / tshim par 'gyur ba dang / mgu bar 'gyur ba dang / ngang bar 'gyur ba dang / brtan par bya ba dang / rab tu sem par 'gyur ba dang / bsngags par bya ba dang / bsngags pa zla med pa dang / ngoms par mi 'gyur ba dang / mi mthun pa med pa dang / skrag par mi 'gyur ba'i sgra dag kyang grag ste/ skad cig de la sems can gang la yang rnam par 'tshe ba 'am/ 'jigs pa 'am/ dngangs pa 'am/ bag tsha ba med par gyur to// ska cig de la nyi ma dang / zla ba dang / brgya byin dang / tshangs pa dang / 'jig rten skyong ba rnams kyi 'od kyang mi snang ngo // sems can dmyal ba dang / dud 'gro'i skye gnas dang / gshin rje'i 'jig rten du skyes pa'i sems
- 312b
can thams cad kyang skad cig de la sdug bsngal rnams dang bral zhing bde ba thams cad ldan par gyur to// sems can gang la yang 'dod chags dang / zhe sdang dang / gti mug dang / phrag dog dang / ser sna dang / nga rgyal dang / 'chab pa dang / rgyags pa dang / khro ba dang / gnod sems dang / yongs su 'dul ba'i gnod pa med de/ skad cig de la sems can thams cad gcig la gcig byams pa'i sems dang / phan pa'i sems dang / pha ma tsam du 'du shes par gyur te/ 'od bkod pa de las tshig su bcad pa 'di dag kyang byung ngo // dga' ldan ris nas shi 'phos gang / yum gyi lhums su zhugs par gyur// lum pi ni yi tshal bltam nas/ bde bstsogs pa yi khyod yis blangs/ gang zhig seng ge'i rtsal stabs kyis/ ma rmongs gom pa bdun bor nas// nga ni 'jig rten gtso bo zhes// tshangs pa'i dbyangs kyis gsung phyung sems can kun la phan pa'i phyir// gling bzhi gtang ste rab tu byung // dka' thub dka' ba spyad nas ni// sa yi snying po ga lar gshegs// dpung dang bcas pa'i bdud bcom nas/ 'jig rten phan phyir byang chub brnyes// ba ra na ser gshegs nas ni// chos kyi 'khor lo bskor bar mdzad// de la tshangs pa lngar bskor ces bskul// 'jig rten thugs rje bskyed nas su/ thub pa yis ni gnang bar mdzad/ de ni thugs dam brtan pa ste/ ba ra na se'i ri dgas gnas/ gshegs te 'khor lo bla med pa//
- 313a
shin tu rang byung dpal ldan bskor// rgyal pas bskal pa khrag khrig bsgrubs/ chos de can par gang 'dod pa/ de ni rings par la gor du// chos mnyan pa yi phyir shog shig/ mi dang sangs rgyas 'byung rnyed dka'// dad pa'ang shin tu rnyed par dka'// mi khom brgyad spangs rnyed par dka'// chos pa ni gtso bo yin// sangs rgyas 'byung dang ngal ba dang / dad dang chos mnyan dam pa dang / de dag thams cad nga rnyed kyi// bag med ma lus rnam par spongs// gal te bskal pa khrag khrig tu// chos thos mi 'gyur srid pa de// khyed kyis de ring rnyed zin gyi// bag med ma lus rnam par spongs// 'dren pas bdud ci'i 'khor lo ni/ bskor ba mdzad kyis kun myur sheg/ sa pra'i lha tshogs tshangs pa'i bar// de dag rnams la de skad bskul/ sgra chen gyis ni lha bskul nas// skad cig de la thams cad kyis// lha yi 'byer pa bor nas ni// de dag sangs rgyas gan du lhags// dge slong dag de ltar sa sla'i lha rnams kyis grong khyer ba ra na se drang srong lhung ba ri dgas kyi gnas su// chos kyi 'khor lo bskor ba'i de bzhin gshegs pa'i 'khor gyi khyams chen po bkra ba lta na sdug pa/ yangs pa/ rgya chen po// chu zheng du dpag tshad bdun brgya yod pa sprul te// lha rnams kyi steng gi nam mkha'i dkyil du gdugs dang / rgyal mtshan dang / ba dan dang / bla res legs par brgyan par gyur
- 313b
/ 'dod pa na spyod pa dang / gzugs na sprod pa'i lha'i bu rnams kyis seng ge'i khri bzhi stong de bzhin gshegs pa la phul te/ bdag cag la thugs brtse bar dgongs shing 'di la bzhugs nas/ do mod bcom ldan 'das chos kyi 'khor lo bskor du gsol zhes gsol to// dge slong dag de nas de'i tshe shar dang / lho dang / nub dang / byang dang steng dang / 'og dang / phyogs bcu kun nas byang chub sems dpa' sngon gyi smon lam dang ldan pa bye ba phrag mang po lhags te/ de bzhin gshegs pa'i zhabs la btugs nas/ chos kyi 'khor lo bskor bar bskul to// stong gsum gyi stong chen po'i 'jig rten gyi khams 'di na gang dag yod pa'i brgya byin dang / tshangs pa dang / 'jig rten skyong ba dang / de dag ma yin pa gzhan dbang che bar grags pa'i lha'i bu de dag thams cad kyang de bzhin gshegs pa'i zhabs la mgo bos phyag 'tshal nas/ de bzhin gshegs pa skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde ba'i slad du bcom ldan 'das kyis chos kyi 'khor lo bskor du gsol/ bde bar gshegs pa chos kyi 'khor lo bskor du gsol// bcom ldan 'das kyis mchod sprin mdzad du gsol// chos kyi char pa chen po dbab tu gsol// chos kyi rgyal mtshan chen po bsgreng du gsol/ chos kyi dung chen po 'bud du gsol/
- 314a
ra/ @#chos kyi rnga chen po brdung du gsol zhes chos kyi 'khor lo bskor bar bskul to// de la 'di skad ces bya ste/ stong gsum 'di nas tshangs pa/ lha dbang skyong ba mang po dag/ dong nas rgyal ba'i zhabs la gtugs nas tshig tu smras pa ni// nga yi gtso bo dam pa skye dgu'i sdug bsngal zad bya zhes// thub chen khyod kyis gsung brjod sngon gyi thugs dam dgongs par mdzod// thub khyod shing dbang drang du bzhugs nas sder bcas bdud btul te/ byang chub dam pa zhi ba sangs rgyas nyon mong sdong po bsgyel// bskal pa brgya nas legs brtsams dgongs pa ma lus yongs su rdzogs kyi// mgon ma mchis pa'i skye bo gzigs te 'khor lo mchog bskor gsol/ bde bar gshegs pa'i 'od kyis zhing stong phrag brgya snang bar bgyis// sangs rgyas sras po brgya phrag mang po rdzu 'phrul stobs kyis mchis/ bde bar gshegs la mchod pa chen po rnam pa mang bgyis nas/ yang dag yon tan de bzhin gshegs bstod thugs rje can la bskul// thugs rje'i sprin dang shes rab glog dang lhag mthong rlung dang 'dra// bskal pa stong du 'gro ba thams cad 'gron gnyer 'brug bsgrags te/ yan lag brgyad lam char gyi rgyun gyis 'gro skom zhi bar mdzod// dbang po stobs dang bsam gtan rnam thar lo tog nags 'phel mdzod/ bskal pa stong mang stong pa legs pa bslabs de bzhin nyid la zhugs/ chos las byung ba'i sman bsgrubs
- 314b
sems can rnams kyi spyod pa mkhyen/ nyon mongs tshogs kyi nad brgyas rtses pa'i skye bo 'di dag la/ rgyal ba sman pa 'khor lo dam pa bskor te thar mdzad gsol/ khyod kyis ring nas pha rol phyin pa drug gi 'dzod 'phel mdzad/ mtshungs med mi g.yo gya nom chos kyi nor ni legs par bsags// skye dgu mgon med dbul po 'dren med 'di dag kun gzigs so// nor bdun 'go bsha' mdzad cing 'dren pa 'khor lo bskor bar gsol// rgyal ba byang chub btsal phyir nor 'bru dbyig dang gser rnams dang / gos bzang me tog bdug pa byug pa phye ma dam pa dang // pho brang mchog dang btsun mo'i 'khor dang rgyal srid phangs pa'i sras// dgyes bzhin gtang bas sangs rgyas chos kyi 'khor lo mchog bskor gsol/ de bzhin tshul khrims ma nyams ma 'dres bskal pa brgyar yang bsrungs/ rtag tu bzod pa legs bsgoms khyod ni brtson 'grus ma zhum gyur/ thub pa bsam gtan mchog dang mngon shes shes rab lhag mthong ldan/ dgongs pa yongs rdzogs rims nad ma mchis 'khor lo bskor bar gsol/ dge slong dag de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba zhes bya bas// de'i tshe chos kyi 'khor lo lha'i 'dzam/ bu chu bo'i gser las byas pa/ rin po che thams cad kyis spras pa/ rin po che thams cad kyis mdzes par byas pa// rgyan sna tshogs kyis brgyan pa/ bkod pa rtsibs
- 315a
rgya chen/ stong dang ldan pa/ 'od zer stong dang ldan pa/ lte ba dang bcas pa/ mu khyud dang bcas pa/ me tog gi lnga lding bcas pa/ gser gyi dra ba dang bcas pa/ dril bu g.yer ka dang bcas pa// spos kyi lag bkris dang bcas pa// g.yung drung 'khyil pa dang bcas pa/ bkra shis kyi rgyan dang bcas pa/ lha'i gos chen sna tshogs su bcos pas mdzes par byas pa/ lha'i me tog dang / spos dang / phreng ba dang / byug pas byugs pa rnam pa'i mchog thams cad dang ldan pa/ sngon gyi smon lam gyis mngon par bsgrubs pa/ byang chub sems dpa'i bsam pas rnam par sbyangs pa/ de bzhin gshegs pa la mchod pa'i 'os su gyur pas/ de bzhin gshegs pa thams cad kyis dgongs pa/ sangs rgyas thams cad kyi byin gyis brlabs kyis ma 'khrugs pa/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi zhal gyis bzhes shing sngon yang bskor ba chos kyi 'khor lo bskor ba'i phyir/ de bzhin gshegs pa la phul lo// phul nas kyang thal mo sbyar te/ tshig su bcad pa 'di dag gis de bzhin gshegs pa la mngon par bstod do// mi yi seng ge seng ge khyod ni sangs rgyas 'gyuraro zhes/ gang tshe mar me mdzad kyis sems can dag pa lung bstan pa/ de tshe bdag gis de bzhin gshegs smon rnam pa 'di btab ste/ rdzogs pa'i byang chub brnyes
- 315b
nas bdag gis chos bshad bskul zhes bgyis/ phyogs bcu dag nas sems can dam pa gang dag 'dir lhags pa/ de dag thams cad 'jug pas bgrang bar nus pa ma lags te/ btud cing thal mo sbyar nas zhabs gnyis la ni btugs nas su/ chos kyi 'khor lo bskor phyir shAkya'i rigs la dgyes par bskul// byang chub snying por lhags rnams kyis ni bkod pa gang bgyis dang / rgyal ba'i sras po kun gyis bkod pa gang dag bgyis pa rnams// 'byor pa de kun chos kyi 'khor la bskor phyir 'dir bshams te// bskal pa yongs su rdzogs par brjod kyang bas par 'gyur ma lags// stong gsum 'jig rten dag ni na mkha'i lha'i tshogs kyis bltam// dog sa'i steng yang lha min mi 'am ci dang mi yis bltam// yud tsam de la lung pa'i sgra yang grag par ma gyur te// thams cad rab tu dad pa'i yid kyis rgyal ba mngon du lta// dge slong dag de ltar de bzhin gshegs pa nam gyi cha stod kyi thun la ni cang mi gsung bas zad par mdzad do// nam gung thun la ni yang dag par chags par 'gyur ba'i gtam gsungs so// nam gyi cha skad kyi thun la ni lnga sde bzang po rnams la bos ces bka' stsal to// dge slong dag mtha' gnyis po 'di dag ni rab tu byung ba'i 'jug par bya ba ma yin pa ste/ gang 'dod pa rnams la bsod nams su sbyor ba/ mnan pa/ grong ba'i cha/ so so skye bo pa 'phags pa la mi 'khom
- 316a
cherapa/ gnod pa dang ldan pa/ phyi ma la tshangs par spyod par mi 'gyur ba/ yid 'gyur bar mi 'gyur ba/ 'dod chags dang bral bar/ mi 'gyur ba/ 'gog par mi 'gyur ba/ mngon par shes par mi 'gyur ba/ rdzogs pa'i byang chub tu mi 'gyur ba// mya ngan las 'da' bar mi 'gyur ba dang / gang yang dbu ma'i lam ma yin pa/ lus ngal bar sbyor ba sdug bsngal ba/ gnod pa dang ldan pa/ tshe 'di la yang sdug bsngal la/ phyi ma la yang sdug bsngal rnam par smin pa ste// dge slong dag mtha' gnyis po 'di dag spangs nas/ dbu ma'i lam nyid kyis de bzhin gshegs pa chos ston to// 'di lta ste/ yang dag pa'i blta pa dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// dge slong dag bzhi po 'di dag ni 'phags pa'i bden pa ste/ bzhi gang zhe na sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam mo// de la sdug bsngal gang zhe na/ skye ba'i sdug bsngal ba dang / rga ba dang // na ba dang / 'chi ba dang / mi sdug pa dang 'phrad pa dang / sdug pa dag dang bral ba'i sdug bsngal dang / yang 'dod pa btsal te ma rnyed pa de gang yang sdug bsngal
- 316b
lo// mdor na nye bar len pa'i phung po lnga po dag ni sdug bsngal te/ 'di ni sdug bsngal zhes bya'i/ de la sdug bsngal kun 'byung ba gang zhe na/ gang 'di yang 'byung ba'i sred pa dang / dga' ba'i 'dod chags dang ldan pa dang / de dang der mngon par dga' ba ste/ 'di ni sdug bsngal kun 'byung ba zhes bya'o// de la sdug bsngal 'gog pa gang zhe na/ gang yang 'byung ba'i sred pa dang / dga' ba'i 'dod chags dang ldan pa dang / de dang der mngon par dga' ba dang / skyed pa dang sgrub pa 'di nyid la 'dod chags ma lus pa nyid dang bral ba 'gog pa 'di ni sdug bsngal 'gog par 'gro ba'i lam gang zhe na/ 'phags pa'i lam yan lag brgyad pa 'di nyid de/ 'di lta ste/ yang dag pa'i lta ba nas yang dag par ting nge 'dzin gyi bar du ste/ 'di ni sdug bsngal 'gog par 'gro ba'i lam 'phags pa'i bden pa zhes bya'o// dge slong dag bzhi po 'di dag ni 'phags pa'i bden pa dag ces bya'o// dge slong dag ngas sngon ma thos pa'i chos rnams la 'di ni sdug bsngal lo zhes tshul bzhin yid la byas shing mang du byas pas ye shes skyes/ mig skyes/ rig pa skyes/ mang po shes pa skyes/ yid bzhungs pa skyes/ shes rab skyes so// snang ba byung ngo // dge slong dag ngas sngon ma thos pa'i chos rnams la/ 'di ni sdug bsngal kun 'byung ba'o zhes tshul bzhin yid la byas shing mang du byas pas ye shes skyes/
- 317a
rgya cher/ #mig skyes/ rig pa skyes mang po shes pa skyes so// yid bzhungs pa skyes/ shes rab skyes/ snang ba byung ngo // dge slong dag ngas mngon ma thos pa'i chos rnams la/ 'di ni sdug bsngal 'gog pa'o zhes tshul bzhin yid la byas pas ye shes skyes/ mig skyes/ rig pa skyes/ mang po shes pa skyes/ yid bzhungs pa skyes/ shes rab skyes/ snang ba byung ngo // dge slong dag ngas sngon ma thos pa'i chos rnams la 'di ni sdug bsngal 'gog par 'gro ba'i lam mo zhes bya ba nas/ snang ba byung ngo zhes bya ba'i bar du snga ma bzhin du sbyar ro// dge slong dag sdug bsngal 'di yongs su shes par bya'o zhes bya ba nas snang ba byung ngo // zhes bya ba'i bar snga ma bzhin du sbyar ro// dge slong dag ngas sngon ma thos pa'i chos rnams la sdug bsngal kun 'byung ba 'di spang bar bya'o// zhes bya ba nas/ snang ba'i bar du thams cad snga ma bzhin no// dge slong dag sdug bsngal 'gog pa 'di mngon du bya'o// zhes bya ba nas snang ba'i bar du snga ma bzhin no// dge slong dag sdug bsngal 'gog par 'gro ba'i lam 'di sgom par bya'o// zhes bya ba nas/ snang ba zhes bya ba'i bar du snga ma bzhin no// dge slong dag sngon ma thos pa'i chos rnams la sdug bsngal 'di yongasu shes so zhes bya ba nas snang ba'i bar du ma bzhin no// dge slong dag sdug bsngal 'gog par 'gro ba'i lam 'di
- 317b
sgom par bya'o// zhes bya ba nas snang ba zhes bya ba'i bar du snga ma bzhin no// dge slong dag ngas sngon ma thos pa'i chos rnams la sdug bsngal 'di yongs su shes so zhes bya ba nas de bzhin du sbyar ro// dge slong dag ngas sngon ma thos pa'i chos rnams la sdug bsngal kun 'byung ba 'di spangs so zhes bya ba nas de bzhin du sbyar ro// dge slong dag mu thos pa'i chos rnams la sdug bsngal 'gog pa mngon du byas so// zhes bya ba nas de bzhin du sbyar ro// dge slong dag ngas sngon ma thos pa'i chos rnams la sdug bsngal 'gog par 'gro ba'i lam 'di bsgoms so zhes tshul bzhin yid la byas shing mang du sbyangs pas ye shes skyes// mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so// snang ba byung ngo // dge slong dag 'di ltar ngas 'phags pa'i bden pa bzhi po 'di dag la/ 'di ltar tshul bzhin yid la byed pa ji srid du lan gsum bzlas te/ rnam pa bcu gnyis su bskor ba'i ye shes mthong ba ma skyes pa de srid du/ dge slong dag bdag bla na med pa yang dag par rdzogs pa'i byang chub mngon par sangs rgyas so zhes khas mi 'chi te/ nga la ye shes mthong ba ma skyes so// dge slong dag gang tshun chad ngas 'phags pa'i bden pa bzhi po 'di dag la de ltar lan gsum du bzlas te/ rnam pa bcu gnyis su bskor ba'i ye shes mthong ba skyes nas/ ngas sems rnam par grol ba dang / shes rab
- 318a
/ rnam par mi 'khrugs pa mngon du byas pas de rngan tshad/ dge slong dgangs than med pa yang dag par rdzogs pa'i byang chub mngon/ par rdzogs par sangs rgyas so zhes khas 'chi ste/ nga'i ye shes mthong ba yang skyes nga ni skye ba zad do// tshangs par spyad pa bstan to// bya ba byas so// 'di las srid pa gzhan mi shes so// de la 'di skad ces bya ste/ de ni tshangs dbyangs mi 'am ci yi skad kyis gsungs/ yan lag khrag khrig stong phrag bskal pa bye mang du/ rtag tu bden du bsgoms pas rang byung ba// shAkya thub pas ko'u di n+ya la bka' stsal pa/ mig dang rna ba sna ni mi rtag mi rtag mi brtan te/ lce dang lus dang yid kyang sdug bsngal bdag med stong / bem po rang bzhin rtsa dang rtsig pa ltar mi g.yo// 'di la bdag med ming dang srog kyang yod ma yin// chos 'di thams cad rgyu la rten nas byung ba ste/ mtha' dang myed lha dang bral zhing na mkha' 'dra// byed pa po med de bzhin tshor ba po yang med/ dge dang mi dge byas pa'i las 'di chung mi za// phung po rnams la brten nas 'di ltar sdug bsngal 'byung / sred pa'i chu'i yis rnam par 'phel nas 'byung bar 'gyur// lam gyi chos rnams mnyam pa nyid du rnam mthong nas/ shin du zad cing byang ba'i chos nyid kyis ni 'gags// kun tu rtog pas bskyed pa'i tshul bzhin ma yin pas// ma rig 'byung ste 'di la 'byung byed gang yang med//
- 318b
'du byed rgyu yang 'byin te 'pho ba yod ma yin// 'pho bar 'gyur la brten te rnam par shes pa 'byung / rnam par shes las de ltar ming dang gzugs kyang 'byung / ming dang gzugs las dbang po drug ni yang dag 'byung / dbang po de dag 'dus pa las ni reg ces brjod// reg pa las ni tshor ba rnams gsum 'byung bar 'gyur/ cung zad tshor ba gang yin de kun sred par bshad/ sred pa las ni sdug bsngal phung po thams cad 'byung / nye bar len pa las ni srid pa thams cad 'byung // srid pa'i rkyen gyis de yi skye ba 'byung bar 'gyur// skye ba'i gzhi las rga dang mya ngan sdug bsngal 'gyur// srid pa'i dra ba 'di ni skye ba'i rnam pa kyang // de ltar 'gro ba 'di rnams thams cad rkyen byung nyid// bdag gam gang zag 'pho ba po ni gang yang med// gang na rtog dang rnam rtog med de tshul bzhin brjod// tshul bzhin gang na yod der ma rig gang yang med/ gang na ma rig pa ni 'gags par gyur de na/ sred pa'i yan lag kun zad nas/ de ltar rkyen 'di de bzhin gshegs pas thug su chud// de nas rang byung bdag nyid bdag la lung ston to// rgyu rnams rtogs pa sangs rgyas yin pa ma gtogs par// phung po skye mched khams rnams sangs rgyas yin mi smra// 'di la pha rol mu stegs can rten gnas med do// chos sbyor 'di 'dra ba yi 'di la rab tu rtsod pa gtong/
- 319a
rgya nayang dag mngon sangs rgyas las spyad cing rab dag pa// sems can de dag chos 'di shes pa'i skal pa yod// de ltar rnam pa bcu gnyis kyis// chos kyi 'khor lo rab bskor ba// ko'u di n+yas kun shes te/ dkon mchog gsum ni mngon tu grub// sangs rgyas chos dang dge 'dun ni/ de dag dkon mchog gsum yin te/ tshangs pa'i grong khyer gnas kyi bar// gcig nas gcig tu sgra song nas// 'jig rten mgon po skyob pa yin// rdul med 'khor la/ rab tu bskor// gang dag 'jig rten rab dkon pa// dkon mchog gsum ni byung bar gyur// ko'u di n+ya la stsogs pa dang / dge slong dag ni lnga po dang / lha ni bye ba drug bcu rnams// chos kyi mig ni rnams par spangs// chos kyi 'khor lo bskor ba na/ gzugs kyi khams na 'khor ba'i lha/ gzhan yang bye ba brgyad bcu po/ de dag mig ni rnam par sbyangs// brgyad khri bzhi stong mi yis rnams// gang dag lhags pa de dag kyang / mig ni rnam par sbyangs gyur te/ thams cad ngan pa 'gro las grol/ skad cig de la phyogs bcu mtha' yas par ni sangs rgyas gsung song ste/ phyogs bcu shAkya'i khyu mchog 'di ni drang srong ltung bar gshegs nas su// wa ra na ser chos kyi 'khor lo dam pa gzhan min bskor to zhes// gsung snyan yid du 'ong zhing dge slong bar snang kun tu grags par gyur/ phyogs
- 319b
bcu dag na sangs rgyas gang dag ji snyed thams cad mi gsung gyur/ thub pa de dag rnams kyi rim gro pa dag kun gyis rgyal ba la// sgra gsan nas ni ji ltar stobs/ bcu chos kyi dka' 'ching rgyun kyang bkum// ci'i slad du mi gsung bzhugs par gyur pa myur ba myur du legs par gsungs// sngon gyi srid pa brgyar ni brtson 'grus stobs kyis byang chub bsgrubs nas su/ byang chub sems dpa' brgya stong phrag mang rnams kyang phyir ni bsnyil ba mdzad// des na phan pa mdzad pas shin tu sbyangs pa byang chub sems dpa' shis pa brnyes// 'khor lo rnam gsum rab tu bskor bas de dag des ni mi gsung gyur/ thub pa de dag rnams kyis gsung 'di thos nas sems can bye ba brgya// byams pa'i stobs bskyed nas ni byang chub dam pa'i shis par yang dag zhugs// bdag cag rnams kyang thub pa de las brtson 'grus mthus 'phags rjes slabs te// 'jig rten la ni 'jig rten mchog gi chos mig sbyin par myur byin cig/ de nas bcom ldan 'das la byang chub sems dpa' sems dpa' chen po byams pas 'di skad ces gsol to// bcom ldan 'das phyogs bcu'i 'jig rten gyi khams nas 'dus pa'i byang chub sems dpa' sems dpa' chen po 'di dag ni/ bcom ldan 'das las chos kyis 'khor lo bskor ba'i rnam par 'phrul pa'i phyogs nyan par 'tshal ba dag lags na/ de'i slad du bcom ldan 'das de
- 320a
rgya cher/ @#bzhin gshegs pas chos kyi 'khor lo rnam pa ji lta bu zhig bskor ba/ de bzhin gshegs pa dgra bcom pa yang dag par rdzogs pa'i/ sangs rgyas kyis legs par bshad du gsol/ bcom ldan 'das kyis bka' stsal pa// byams pa chos kyi 'khor lo de ni gting mi dmigs pa'i phyir zab pa'o// 'khor lo de ni gnyis dang bral ba'i phyir mthong bar dka' ba'o// 'khor lo de ni yid la byed pas yid la bya ba ma yin pa'i khong du chud par dka' ba'o// 'khor lo de ni ye shes dang rnam par shes pa mnyam pa nyid du rtog pa'i phyir// rnam par shes par dka' ba'o// 'khor lo de ni sgrib pa med pa'i rnam par thar pas thob pa'i phyir rnyog pa med pa'o// 'khor lo de ni dpe gzhag pa dang 'dra ba'i phyir phra ba'o// 'khor lo de ni rdo rje lta bu'i ye shes kyis thob pa'i phyir snying po'o// 'khor lo de ni sngon gyi mthar ma byung ba'i phyir mi phyed pa'o// 'khor lo de ni spros pa'i skyon thams cad dang bral ba'i phyir spros pa med pa'o// 'khor lo de ni shin tu mthar thug pa'i phyir mi 'khrugs pa'o// 'khor lo de ni na mkha' dang mtshungs pa'i phyir thams cad kyi rjes su song ba'o// byams pa chos kyi 'khor lo de ni chos thams cad rang bzhin bo nyid kun du bstan pa'i 'jigs pa'i 'khor lo'o// skye ba med pa dang / 'gag pa med pa dang / 'byung ba med pa'i 'khor lo'o// kun gzhi med pa'i 'khor
- 320b
le'o// rtog pa med pa dang / rnam par rtog pa med pa'i chos kyi tshul la rtog pa'i 'khor lo la/ stong pa nyid kyi 'khor lo'o// mtshan ma med pa'i 'khor lo la// smon pa med pa'i 'khor lo'o// mngon par 'du bya ba med pa'i 'khor lo'o// dben pa'i 'khor lo'o// 'dod chags dang bral ba'i 'khor lo'o// 'gog pa'i 'khor le'o// de bzhin gshegs pas thugs su chud pa'i 'khor lo'o// chos kyi dbyings 'dres pa med pa'i 'khor lo'o// yang dag pa'i mtha' rnam par mi 'khrugs pa'i 'khor lo'o// chags pa med cing sgrib pa med pa'i 'khor lo'o// rten pa la 'jug cing gnyis su lta ba los yang dag par 'da' ba'i 'khor lo'o// chos kyi dbying mtha' dang dbus med pa rnam par mi 'khrugs pa'i 'khor lo'o// sangs rgyas kyi mdzad pa lhun gyis grub par rgyun mi gcod pa'i 'khor lo'o// 'jug pa med cing mngon par 'grub pa med pa'i 'khor lo'o// shin tu dmigs su med pa'i 'khor lo'o// blang ba med pa dang dor ba med pa'i 'khor lo'o// brjod du med pa'i 'khor le'o// rang bzhin gyis ji lta ba bzhin gyi 'khor lo'o// yul gcig las chos thams cad mnyam pa nyid du 'jug pa'i 'khor lo'o// sems can 'dul ba'i phyir phyed par byin gyis rlob cing ldog pa med pa'i 'khor lo'o// gnyis su med cing sgro btags pa med pa don dam pa'i tshul la 'jug pa'i 'khor lo'o// chos kyi
- 322a
rgya cher/ dbyings la yang dag par 'du ba'i 'khor lo'o// 'khor lo de ni tshad thams cad las shin du 'das pas dpag tu med pa'o// 'khor lo rje ni grangs thams cad dang bral bas grangs med pa'o// 'khor lo de ni sems kyi lam las yang dag par 'das bsam gyis mi khyab pa'o// 'khor lo de ni gzhan dang bral bas mtshungs pa med pa'o// 'khor lo de ni sgra skad kyi tshig gi lam thams cad dang bral bas brjod du med pa ste// tshad med pa/ dpe med pa/ dpe dang bral ba na mkha' dang mtshungs shing 'dra ba/ chad pa med pa/ rtag pa med pa/ rten pa la 'jug pa dang mi 'gal ba/ nye bar zhi ba/ de kho na/ de bzhin nyid/ ma nor pa/ gzhan ma yin pa// gzhan du mi 'gyur ba/ sems can thams cad kyi sgrar brjod pa/ bdud rnams tshar gcod pa/ mu stegs can rnams pham par byed pa/ 'khor ba'i g.yul las shin du 'da' ba/ sangs rgyas kyi yul la 'jug pa/ 'phags pa'i gang zag rnams kyis yongs su shes pa/ rang sangs rgyas rnams kyis yongs su rtogs pa/ byang chub sems dpa' rnams kyis yongs su bzung ba/ de bzhin gshegs pa thams cad dbyer med pa'o// / byams pa de bzhin gshegs pas chos kyi 'khor lo rnam pa 'di lta bu bskor te/ de bskor bas de bzhin
- 322b
gshegs pa la de bzhin gshegs pa zhes bya'o// yang dag par rdzogs pa'i sangs rgyas shes bya'o// rang byung zhes bya'o// chos kyi rje zhes bya'o// 'dren pa zhes bya'o// rnam par 'dren pa zhes bya'o// yongs su 'dren pa zhes bya'o// ded dpon zhes bya'o// chos thams cad la mnga' bsgyur ba zhes bya'o// chos kyi dbang phyug ces bya'o// chos kyi 'khor lo bskor ba zhes bya'o// chos kyi sbyin bdag ces bya'o// mchod sbyin zhes bya'o// mchod sbyin legs par mdzad pa zhes bya'o// brtul zhugs grub pa zhes bya'o// dgongs pa rdzogs pa zhes bya'o// 'tshal ba po zhes bya'o// dbugs 'byin pa zhes bya'o// dpa' bo zhes bya'o// nyon mongs ba spong po zhes bya'o// g.yul las rnam par rgyal ba zhes bya'o// gdugs dang / rgyal mtshan dang / ba dan bsgreng ba zhes bya'o// snang ba mdzad pa zhes bya'o// 'od mdzad pa zhes bya'o// mun pa sel bar bya'o// sgron ma 'dzin pa zhes bya'o// sman pa'i rgyal po zhes bya'o// yang dag pa'i gso ba mdzad pa zhes bya'o// zug rngu 'byin pa chen po zhes bya'o// ye shes gzigs pa rab ring mi mnga' ba zhes bya'o// kun tu gzigs pa zhes bya'o// kun nas spyan zhes bya'o// kun nas 'od ces bya'o// kun nas ldang zhes bya'o// kun nas sgo zhes bya'o// kun nas bzang po zhes bya'o// kun nas mdzes pa zhes bya'o// gnas pa med pa blang ba med
- 323a
rgya chen#dor ba med pa zhes bya'o// mthong bar sems pa dang / dpa' bar sems med pa'i phyir sa dang mtshungs pa zhes bya'o// rab tu mi g.yo ba'i phyir ri'i dbang po dang 'dra ba zhes bya'o// yon tan thams cad dang ldan pa'i phyir 'jig rten thams cad kyi dpal zhes bya'o// 'jig rten thams cad las mngon par 'phags pa'i phyir spyi gtsug ltar mi mthong ba zhes bya'o// zab cing gting dpag dka' ba'i phyir rgya mtsho dang mtshungs pa des bya'o// byang chub kyi phyogs kyi chos rin po che thams cad rdzogs pa'i phyir chos rin po che'i 'byung gnas shes bya'o// gnas pa med pa'i phyir rlung dang mtshungs pa zhes bya'o// chags pa med cing bcings pa med la grol ba med pa'i sems dang ldan pa'i phyir blo chags pa med pa zhes bya'o// chos thams cad nges par rtogs pa'i phyir// phyir mi ldog pa'i chos shes bya'o// bsnyen par dka' zhing rlom sems thams cad spangs te/ nyon mongs pa thams cad bsreg par gnas pa'i phyir med dang mtshungs pa zhes bya'o// kun tu rtog pa med cing sku dang / thugs dri ma med la sdig pa bsal ba'i phyir chu dang mtshungs pa zhes bya'o// ye shes yul la chags pa med pa dang / chos kyi dbyangs mtha' dang dbus med pa'i spyod yul gyis ye shes dang / mngon par shes pa brnyes pa'i phyir na mkha' dang mtshungs pa zhes bya'o// sgrib pa'i chos
- 323b
thams cad shin du spangs pa'i phyir sgrib pa med pa'i ye shes dang rnam par thar pa la gnas pa zhes bya'o// na mkha' dang mtshungs par mig lam las yang dag pang 'das pa'i phyir// chos kyi dbyings thams cad du song ba'i sku dang ldan pa zhes bya'o// 'jig rten gyi yul thams cad kyis nyon mongs pa med pa'i phyir/ sems can gyi mchog ces bya'o// sems can chags pa med pa zhes bya'o// blo tshad med pa zhes bya'o// 'jig rten las 'das pa'i chos ston pa zhes bya'o// 'jig rten gyi slob dpon zhes bya'o// 'jig rten gyi mchod rten zhes bya'o// 'jig rten mngon par 'phags pa zhes bya'o/ 'jig rten gyi chos kyis mi gos pa zhes bya'o// 'jig rten gyi chos kyis ma gos pa zhes bya'o// 'jig rten mgon po zhes bya'o// 'jig rten gyi gtso bo zhes bya'o// 'jig rten gyi phul zhes bya'o// 'jig rten gyi dbang phyug ces bya'o// 'jig rten gyi mchod pa zhes bya'o// 'jig rten gyi dpung gnyen zhes bya'o// 'jig rten gyi pha rol byon pa zhes bya'o// 'jig rten gyi sgron ma zhes bya'o// 'jig rten las 'das pa zhes bya'o// 'jig rten gyi bla ma zhes bya'o// 'jig rten gyi bla ma zhes bya'o// 'jig rten gyi don mdzad pa zhes bya'o/ 'jig rten dang 'thun par mdzad pa zhes bya'o// 'jig rten mkhyen ma zhes bya'o// 'jig rten gyi bdag po brnyes pa zhes bya'o// sbyin gnas chen po zhes bya'o//
- 324a
mchod pa'i 'os zhes bya'o// bsod nams kyi zhing chen po zhes bya'o// sems can chen po zhes bya'o// sems can zab pa zhes bya'o// sems can mchog ces bya'o// sems can rab mchog ces bya'o// sems can bla ma zhes bya'o// sems can gong na med pa zhes bya'o// sems can mnyam pa med pa zhes bya'o// sems can 'dra ba med pa zhes bya'o// rtag tu mnyam par bzhag pa zhes bya'o// chos thams cad kyi mnyam pa nyid la gnas pa zhes bya'o// lam brnyes pa zhes bya'o// lam ston pa zhes bya'o// lam mtshon pa zhes bya'o// lam la shin du gnas pa zhes bya'o// bdud kyi yul las yang dag par 'das pa zhes bya'o// bdud kyi dkyil 'khor 'joms par mdzad pa zhes bya'o// rga shi mi mnga' bas bsil ba'i dngos po brnyes pa zhes bya'o// mun ba mun nag dang bral blang ba zhes bya'o// the tshom dang bral ba zhes bya'o// dogs pa dang bral ba zhes bya'o// nyon mongs pa dang bral ba zhes bya'o// som brtul ba zhes bya'o// yid gnyis yang dag par bcom pa zhes bya'o// chags pa dang bral ba zhes bya'o// rnam par grol ba zhes bya'o// rnam par dag pa zhes bya'o// 'dod chags dang bral ba zhes bya'o// shes rab dang bral ba zhes bya'o// gti mug dang bral ba zhes bya'o// zag pa zad pa zhes bya'o// nyon mongs pa
- 324b
mi mnga' ba zhes bya'o// dbang dang ldan par gyur pa zhes bya'o// thugs shin tu rnam par grol ba zhes bya'o// shes rab shin du rnam par grol ba zhes bya'o// cang mkhyen pa zhes bya'o// glang po chen po zhes bya'o// bya ba mdzad pa zhes bya'o// byed pa mdzad pa zhes bya'o// khur bor ba zhes bya'o// rang gi don rjes su brnyes pa zhes bya'o// srid par kun tu sbyor ba yongs su zad pa zhes bya'o// mnyam pa nyid kyi ye shes kyis rnam par grol ba zhes bya'o// sems kyi dbang dam pa thams cad kyi pha rol du phyin pa zhes bya'o// sbyin pa'i pha rol du phyin zhes bya'o// tshul khrims kyis mngon par 'phags pa zhes bya'o// bzod pa'i pha rol tu phyin pa zhes bya'o// brtson 'grus kyis mngon par 'phags pa zhes bya'o// bsam gtan dang mngon par shes pa brnyes pa zhes bya'o// shes rab kyi pha rol du phyin pa zhes bya'o// smon kham grub pa zhes bya'o// byams pa chen po la gnas pa zhes bya'o// snying rje chen po la gnas pa zhes bya'o// dga' ba chen po la gnas pa zhes bya'o// btang snyoms chen po la gnas pa zhes bya'o// sems can bsdu ba la brtson pa zhes bya'o// sgrib pa med pa'i so so yang dag par rig pa brnyes pa zhes bya'o// rtog par gyur pa zhes bya'o// bsod nams chen po zhes bya'o// ye shes chen po dang ldan pa zhes bya'o// dran pa dang / blo gros dang / rtogs pa dang / blo gros phun sum tshogs pa
- 325a
rgya cher/ @zhes bya'o// dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong gi snang ba brnyes pa zhes bya'o// 'khor ba'i rgya mtsho las rgal pa zhes bya'o// pha rol byin pa zhes bya'o// thang la byon pa zhes bya'o// bde ba rnyed pa zhes bya'o// mi brnyes pa brnyes pa zhes bya'o// nyon mongs pa'i tsher ma bkrugs pa zhes bya'o// skyes bu zhes bya'o// skyes bu chen po zhes bya'o// skyes bu seng ge zhes bya'o// 'jigs pa dang spu zing zhes byed pa mi mnga' ba zhes bya'o// glang po zhes bya'o// dri ma med pa zhes bya'o// dri ma gsum spangs pa zhes bya'o// rig pa po zhes bya'o// rig pa gsum brnyes pa zhes bya'o// chu bo bzhi las rgal pa zhes bya'o// rin po che'i gdugs 'dzin pa gcig pur gyur pa'i phyir rgyal rigs shes bya'o// sdig pa'i chos spangs pa'i phyir bram ze zhes bya'o// ma rig pa'i sgo nga'i sbubs bcom ba'i dge slong zhes bya'o// chags pa thams cad las yang dag par 'das pa'i phyir dge sbyong zhes bya'o// nyon mongs pa gzugs pa'i phyir gtsang sbra can zhes bya'o// stobs dang ldan ldan pa zhes bya'o// stobs bcu mnga' ba zhes bya'o// bcom ldan 'das shes bya'o// skra sgom pa zhes bya'o// rgyal po'i rgyal po zhes
- 325b
bya'o// chos kyi rgyal po zhes bya'o// chos kyi 'khor lo mchog dang pa bskor zhing rjes su ston pa zhes bya'o// mi 'khrug pa'i chos ston pa zhes bya'o// thams cad mkhyen pa'i ye shes dbang bskur ba zhes bya'o// chags pa med pa'i ye shes chen po dri ma med cing rnam par grol ba'i go 'phang gi thabs brnyes pa zhes bya'o// byang chub kyi yan lag bdun rin po che dang ldan pa zhes bya'o// chos rin po che thams cad kyis khyab par brnyes pa zhes bya'o// blon po 'phags pa'i nyan thos thams cad kyi zhal gyi dkyil 'khor du ltas pa zhes bya'o// sres byang chub sems dpa' sems dpa' chen po'i 'khor can zhes bya'o// gdul ba shin tu brtul ba zhes bya'o// byang chub sems dpa' legs par lung bstan pa zhes bya'o// rnam thos kyi bu dang 'dra ba zhes bya'o// 'phags pa'i nor bdun gyi mdzod byin pa zhes bya'o// lhug par gtong ba zhes bya'o// bden pa phun sum tshogs pa thams cad ldan pa zhes bya'o// re ba thams cad sbyin pa zhes bya'o// 'jigs pa thams cad la phan pa dang / bde bas rjes su skyong ba zhes bya'o// dbang po dang mtshungs pa zhes bya'o// ye shes mchog gi rdo rje 'chang ba zhes bya'o// kun nas spyan zhes bya'o// chos thams cad la sgrib pa mi mnga' bar gzigs bya'o// ye shes kyis kun tu rnam par 'phrul pa zhes bya'o// chos kyi gar gyi rgyud rgya chen
- 326a
cher/ po ston pa la zhugs pa zhes bya'o// zla ba dang mtshungs pa zhes bya'o// 'gro ba thams cad kyis lta bas mi ngoms pa zhes bya'o// 'od rnam par dag cing kun tu yangs pa zhes bya'o// dga' ba dang mchog tu dga' bar mdzad pa'i 'od ces bya'o// sems can thams cad mngon du phyogs shing gzig bar snang ba zhes bya'o// 'gro ba thams cad kyi sos dang bsam pa'i snod ji lta ba bzhin du snang ba brnyes pa zhes bya'o// dkod pa chen po zhes bya'o// slob pa dang mi slob pa'i skar ma'i tshogs kyis 'khor can zhes bya'o// nyi ma'i dkyil 'khor dang mtshungs pa zhes bya'o// mun pa mun nag bsal ba zhes bya'o// tog chen po dang ldan pa'i rgyal po zhes bya'o// 'od zer tshad med cing mtha' yas zhes bya'o// snang ba chen po kun tu ston pa zhes bya'o// dris pa thams cad lung bstan pa la rmongs pa mi mnga' ba zhes bya'o// ma rig pa'i mun pa chen po bcom par mdzad pa zhes bya'o// ye shes kyi snang ba chen pos rnam par gshegs pa'i blo dang ldan pa zhes bya'o// rnam par mi rtog pa zhes bya'o// byams pa dang / snying brtse ba dang / snying rje chen pos 'gro ba thams cad la 'od zer mnyam par gtong zhing yul tshad med pa zhes bya'o// shes rab kyi pha rol du phyin pa zab cing rnyed par dka' sa lta dka' ba'i dkyil 'khor can zhes bya'o// tshangs pa dang mtshungs pa zhes bya'o// rab tu zhi ba'i
- 326b
spyod yul dang ldan pa zhes bya'o// spyod lam dang spyod pa'i khyad par thams cad dang ldan pa zhes bya'o// gzugs dam pa brnyes pa zhes bya'o// dul ba dang zhi gnas mchog brnyes pa zhes bya'o// zhi gnas dang lhag mthong gi tshogs yongs su rdzogs pa zhes bya'o// sbas pa dang / dbang po thul ba dang / glang po ltar shin du dul ba ba dang / mtsho ltar rnyog pa med cing dang ba zhes bya'o// nyon mongs pa'i bag chags kyi sgrib pa thams cad legs par spangs pa zhes bya'o// skyes bu chen po'i mtshan mtshan sum bcu rtsa gnyis dang ldan pa zhes bya'o// skyes bu mchog ces bya'o// dpe byad bzang po brgyad bcu'i 'khor sna tshogs kyi sku spras pa zhes bya'o// skyes bu khyu mchog ces bya'o// stobs bcu dang ldan pa zhes bya'o// mi 'jigs pa bzhi brnyes pa zhes bya'o// skyes bu 'dul ba'i kha lo sgyur ba bla na med pa zhes bya'o// ston pa/ zhes bya'o// sangs rgyas kyi chos ma 'dres pa bcwo brgyad yongs su rdzogs pa zhes bya'o// sku dang gsung dang thugs kyi phrin las kyi mtha' ma smad pa zhes bya'o// rnam pa thams cad kyi mchog dang ldan pa'i phyir/ shin tu yongs su sbyangs pa'i ye shes kyi dkyil 'khor mnga' ba zhes bya'o// rten cing 'brel par 'gyur ba mnyam pa nyid du mngon par thugs su chud pa'i phyir/ stong pa nyid la gnas pa zhes bya'o// don dam pa'i bden pa'i tshul rab tu rtogs pa'i phyir/ mtshan ma med pa
- 327a
rgya cher/ #la gnas pa zhes bya'o// 'jug pa thams cad kyi ma gos pa'i phyir smon pa med pa la gnas pa zhes bya'o// 'du byed thams cad kyi rgyun bcad pa'i phyir/ mngon par 'du mdzad pa mi mnga' ba zhes bya'o// yang dag pa'i mtha'i ye shes kyi yul rnam par mi 'khrugs pa'i phyir// yang dag pa gsung ba zhes bya'o// de bzhin nyid dang / chos kyi dbyings dang / na mkha'i mtshan nyid shes pa'i yul yin pa'i phyir ma nor ba de bzhin nyid dang / gzhan ma yin pa gsungs pa zhes bya'o// chos thams cad sgyu ma dang / smig rgyu dang / rmi lam dang / chu zla dang / brag cha dang / mig yor dang mtshungs par gnas pa'i phyir/ nyon mongs pa med pa'i chos shin tu rtogs pa zhes bya'o// yongs su mya ngan las 'das pa'i rgyu skyes pa'i phyir/ mthong ba dang thos pa don yod pa zhes bya'o// sems can gdul ba brtul ba'i rtsal dang ldan pa'i phyir/ gom pa 'dor ba don yod pa zhes bya'o// ma rig pa dang srid pa'i sred pa yang dag par bcad pa'i phyir/ 'obs las rgal ba zhes bya'o// nges par 'byin pa'i lam legs par bstan pa'i phyir/ zab pa btags pa zhes bya'o// bdud kyi yul dang spyod pa thams cad kyis mi gos pa'i phyir// bdud dang nyon mongs pa'i phyir rgol ba las rgyal ba zhes bya'o// nges par 'byin pa'i lam legs par bstan/ 'dod pa'i khams las
- 327b
yang dag par 'das pa'i phyir/ 'dod pa'i 'dam las rgal ba zhes bya'o// gzugs kyi khams las yang dag par 'das pa'i phyir/ nga rgyal gyi rgyal mtshan bskal pa zhes bya'o// gzugs med pa'i khams las yang dag par 'das pa'i phyir/ shes rab kyi rgyal mtshan bsgreng ba zhes bya'o// chos kyi sku dang / ye shes kyi sku dang ldan pa'i phyir/ 'jig rten gyi yul thams cad las yang dag par 'das pa zhes bya'o// yon tan rin po che'i me tog mtha' yas pa shin tu rgyas shing rnam par grol ba'i 'bras bu shin tu phun sum tshogs pa'i phyir sdong po chen po zhes bya'o// 'byung ba dang mthong pa rnyed par dka' ba'i phyir/ u dum b+ha ra'i me tog dang mtshungs pa zhes bya'o// tshul ji lta ba bzhin du nges par 'byung ba'i bsam pa shin tu yongs su rdzogs par mdzad pa'i phyir/ yid bzhin gyi nor bu rin po che'i rgyal po dang mtshungs pa zhes bya'o// yun ring po nas/ pha ma dang / dge sbyong dang / bram ze dang / bla ma dang / sbyin gnas rnams dang / chos dang ldan pa yongasu skyong ba dang / skyabasu lhags pa rnams yongs su ma btang ba'i phyir/ zhabs kyi mthil bkra shis dang / g.yung drung 'khyil ba dang / 'khor lo rtsi bas stong dang ldan pa sna tshogs kyi mtshan dang ldan pa zhes bya'o// yun rings po nas srog gcod pa spang ba'i phyir/ zhabs rting pa yangs pa zhes bya'o// yun ring po nas sems ca
- 328a
rgya chen/ gzhan srog gcod pa spangs pa yang dag pa yang dag par 'dzin du 'jug pa'i phyir/ phyag gi sor mo ring ba zhes bya'o// yun rib po nas srog gcod pa spong ba'i yon tan gyi bsngags pa brjod pa mdzad pa dang / skye bo mang po'i skyabs mdzad pa'i phyir/ sku che zhing dran pa zhes bya'o// yun ring po nas pha ma dang / dge sbyong dang / bram ze dang / bla ma dang / sbyin gnas la bsnyen bkur dang / yongs su sbyang ba byed cing dkru ba dang / byug pa dang / mar dang / 'bru mar gyis bskud cing lag pa dar te/ lus la sbyang ba byed pas yongs su mi skyo ba'i phyir phyag dang zhabs dra bar 'brel pa zhes bya'o// yu ni rang po nas gong du dge ba'i rtsa ba shin tu khyad par 'phags pa la lhag par dmigs pa'i phyir/ zhabs mtho ba zhes bya'o// yun ring po nas pha ma dang / dge sbyong dang / bram ze dang / bla ma dang / sbyin gnas dang / de bzhin gshegs pa'i mchod rten la bskor byas pa dang / lus kyi las dang gus par chos nyan cing spu zing zhes byed pa dang / sems can gzhan yang dag par dga' bar byed pa dang / chos ston pa la sbyor ba'i phyir/ yan lag gi spu gyen du g.yas phyogasu 'khyil par mngon par grub pa zhes bya'o// yun ring po nas bsti stang du byas te/ chos mnyan pa dang / 'dzin pa dang / klog pa dang / shes par byed pa dang / don dang tshig rnam par nges pa la mkhas pas rga ba dang / na ba dang /
- 328b
'chi ba la mngon du phyogs pa'i sems can thams cad la skyabs su 'gro ba sbyin pa dang / bsti stang du byas te/ chos ston cing mi brnyes pa'i blo dang ldan pa'i phyir byin pa ri dgas e n+ya'i lta bu zhes bya'o// yung ring po nas dge sbyong dang / bram ze rnams dang / de las gzhan tshangs pa mtshungs par spyod pa'i rjes su bzung ba'i yo byad thams cad sbyin pa dang / gzhan tshung ma la mi phye ba dang / tshangs par spyod pa'i yon tan gyi bsngags pa brjod pa dang / ngo tsha shes pa dang / khrel yod pa rjes su bsrung ba brtan por yang dag par blangs pa'i phyir/ mdoms kyi sba ba sbubs su nub pa zhes bya'o// yun ring po nas lag pa dang / rkang pa sdoms pa dang / sems can la mi 'tshe bar sbyor ba dang / lus kyi las dang / ngag gi las dang / yid kyi las byams pa dang / phyag ring ba zhes bya'o// yun ring po nas zas kyi tshod shes pa dang / nyung ngu za ba dang / lto sdom pa dang / nad pa la sman sbyin pa dang / skye bo dman pa la mi rnyas pa dang / mgon med du mi gsod pa dang / de bzhin gshegs pa mchod pa ba dang / mchod rten rtsig pa dang / 'jigs pas nyen pa'i sems can rnams la mi 'jigs pa sbyin pa'i phyir/ shing n+ya gro da ltar chu zheng gab pa zhes bya'o// yun ring po nas pha ma dang / bram ze dang / dge slong dang / bla ma dang / sbyin gnas rnams la dkru ba dang / bsku ba dang / mar dang 'bru mar gyis skud pa dang / grang
- 329a
@#ba'i dus na ni chu dron po dang / tsha ba'i dus na ni chu grang ba dang / bsil grib dang / dus kyi bde ba'i longs spyod sbyin pa dang / shing bal 'jam po ltar reg na bde zhing 'jam pa'i ras legs par bting ba'i mal cha sbyin pa dang / de bzhin gshegs pa'i mchod rten la spos kyi 'bru mar 'thor ba dang / dar phra me'i rgyal mtshan dang / ba dan dang / srad bu 'bul ba'i phyir/ sku'i lpags pa 'jam zhing mnyen la srab pa zhes bya'o// yun ring po nas sems can la khong khro ba med pa dang / byams pa bsgoms pa la sbyor ba dang / bzod pa dang / nges pa la sems can gzhan dag 'dzud pa dang / 'khon du 'dzin pa med cing gnod sem med pa'i yon tan gyi bsngags pa brjod pa dang / de bzhin gshegs pa'i mchod rten dang / de bzhin gshegs pa'i sku gzugs rnams la gser gyi rgyan dang / gser gyi me tog dang / gser gyi kha dog lta bu'i dar gyi ba dan dang / rgyal mtshan dang / ba dan dang / gser gyi snod dang / gser gyi kha dog lta bu'i gos 'bul ba'i phyir/ lpags pa'i mdog gser gyi kha dog lta bu'o zhes bya'o// yun ring po nas mkhas pa'i gan du 'gro zhing dge ba dang / mi dge ba gang yin zhes dri ba dang / kha na ma tho ba dang bcas pa dang / kha na ma tho ba med pa dang / bsnyen par bya ba dang / bsnyen par bya ba ma yin pa dang / ngan pa dang / 'bring dang / gya nom pa'i chos yongasu dri ba dang /
- 329b
de'i don dpyad pa dang / yongs su 'jal ba la rmongs pa med pa dang / de bzhin gshegs pa'i mchod rten la srin bu ki ta dang / lu ta'i tshang dang / rgyan dang / me tog rnying pa dang / sna tshogs dang / phyag dar yod pa sel bar sbyor ba'i phyir/ sU re re nas skyes pa zhes bya'o// yun ring po nas pha ma dang / gtso bo dang / dam pa dang / mchod pa'i 'os dang / dge sbyong dang / bram ze dang / phongs pa dang / slong ba la stsogs pa 'ongs pa dag la bsti stang du byas te// bsam pa ji lta ba bzhin du zas dang / skom dang / mal cha dang / gnas dang / gos dang / mar me dang / mtsho ba'i yo byad rung ba la sbyor ba dang / khron pa dang / rdzing chu bsil bas gang ba dag skye bo mang po'i longs spod du sbyin pa'i phyir/ bdun mtho ba zhes bya'o// yun ring po nas pha ma dang / dge sbyong dang / bram ze dang / bla ma dang / sprin gnas la 'dud pa dang / rab tu 'dud pa dang / gus par smra ba dang / mi 'jigs pa sbyin pa dang / nyams chung ba la mi rnyas pa dang / skyabasu song ba yongs mi gtong ba dang / brtan por yang dag par blangs pa/ yongs su mi gtong ba'i phyir/ ro stod seng ge 'dra ba zhes bya'o// yun ring po nas rang gi nyes pa la yongs su 'jal ba dang / gzhan gyi 'khrul pa dang gzhan gyi skyon la nyes par mi lta ba dang / brtsod pa'i rtsa ba dang / gzhan 'byed pa byed pa'i brjod pa yongasu spangs pa dang / gsang tshig legs par 'dor ba dang /
- 330a
/ @#ngag gi las kyi mtha' legs par bsrung ba'i phyir// thal gong rgyas pa zhes bya'o// yun ring po nas pha ma dang / dge sbyong dang / bram ze dang / bla ma dang / sbyin gnas rnams la ldang ba dang / gsu ba dang / gus par smra ba dang / bstan bcos thams cad la 'jigs pa med pas rtsod par 'dod pa'i sems can tshar gcod pa dang / rang gi chos 'dul ba dang 'thun par yang dag par 'jug pa dang / rgyal po dang / blon po la stsogs pa dge ba'i las kyi lam la 'god pa dang / bsgom du 'jug pa dang / de bzhin gshegs pa'i bstan pa yongs su 'dzin pa dang / kun du 'dzin pa dang / dge ba'i spyod pa thams cad yang dag par 'dzin du 'jug pa'i sngon du 'gro ba'i phyir// dpung mgo shin du zlum pa zhes bya'o// yun ring po nas slong ba'i bsam pa ji lta ba bzhin du dngos po thams cad yongs su gtong ba dang / snyan par smra ba dang / lhags pa rnams la yang mi rnyes shing spa gong bar mi byed pa dang / mi skyong ba dang / thams cad kyi bsam pa ji lta ba bzhin du yongs su rdzogs par bya ba'i sbyin pa yongs su gtong ba brtan por yang dag par blangs pa mi 'dor ba'i phyir/ 'gram pa seng ge'i 'dra ba zhes bya'o// yun ring po nas phra ma'i tshig yongs su spong ba dang / dbyen gyi bsrung mi 'dzin pa'i mi 'dub pa bsdums byed 'dod pa dang / 'dum pa rnams dbye bar mi sems pa dang /
- 330b
phra ma'i tshig la spong ba dang / 'dum par bsdu ba'i yon tan gyi bsngags pa brjod pa sbyor ba'i phyir/ tshems bzhi bcu tham pa tshang ba zhes bya'o// yun ring po nas nag po'i phyogs yongs su spong ba dang / 'dum dkar po'i phyogs kyi dge ba'i rtsa ba stsogs pa dang / las gnag cing rnam par smin pa yang gnag pa yongasu spong ba dang / las dkar zhing rnam par smin pa yang dkar ba bsngags pa dang / 'o ma dang sbyar ba'i zas dang / gos dkar po sbyin pa dang / de bzhin gshegs pa'i mchod rten rnams la rdo thal 'o ma dang sres pa pir gyis skud pa dang / sna ma'i me tog dang / bar shi ka dang / d+ha nu ka ri phreng ba brgyus pa'i me tog gi phyun po dang / me tog kha dog dkar po sbyin pa'i phyir/ tshems shin tu dkar ba zhes bya'o// yun ring po nas 'phya ba dang / mthing ba rnam par spong ba dang / kun dga' bar byed pa dang / tshig bsrung ba dang / kun dga' bar byed pa'i tshig brjod pa dang / gzhan gyi 'khrul pa dang / gzhan gyi skyon mi tshol ba dang / sems can thams cad sems 'thun par yang dag par 'dzin du 'jug pa dang / mnyam par sbyor ba dang / mnyam par chos ston pa brtan por yang dag par blangs pa yongs su mi 'dor ba'i phyir/ tshems thags bzang ba zhes bya'o// yun ring po nas sems can thams cad la rnam par 'tshe ba dang / rnam par 'tho mi 'tsham pa dang / nang sna tshogs kyis thebs pa la rim gro
- 331a
byed pa dang / nang pa la sman sbyin pa dang / 'gron po rnams la ro za ba thams cad sbyin pas yongs su mi skyo ba'i phyir/ ro bro ba mchog dang ldan pa zhes bya'o// yul gzhan nas brdzun pa dang / tshig rtsub po dang / brlang po dang / g.yo dang / gzhan la gnod pa dang / gzhan la 'khrug par byed pa dang / mi snyan pa dang / gzhan 'tshang 'bru ba'i tshig yongs su spong ba dang / byams pa dang / snying rje la sbyor ba dang / dga' ba dang / mchog tu dga' bar byed pa dang / 'jam pa dang / snyan pa dang / gnyen pa dang / snying du 'thad pa dang / sems can gyi dbang po tshim par byed pa dang / yang dag pa'i ngag la yang dag par spyod pa'i phyir/ tshangs pa'i dbyangs lta bu zhes bya'o// yun ring po nas pha ma la bya ba dang 'dra bar sems can thams cad la khong khro ba med pa'i mig tu sbyor ba dang / bu gcig pa la bya ba bzhin du slob pa la byams pa dang / snying rje sngon du 'gro bas lta ba dang / spa bkong bar mi byed pa dang / dang ba'i dbang po de bzhin gshegs pa'i mchod rten la mig mi 'dzums par lta ba dang / sems can gzhan de bzhin gshegs pa la lta ba yang dag par 'dzin du 'jug pa brtan por yang dag par blangs pa'i phyir// sman mthon mthing du 'dug pa zhes bya'o// yun ring po nas blo gros dman pa dang / sems pa dman pa rnam par spong ba dang / rgya chen po dang /
- 331b
rlabs chen po la mos pa yongasu rdzogs par byed pa dang / bla na med pa'i chos la mos pa las/ sems can yang dag par 'dzud pa dang / khro gnyer gyi gzhin rnam par spong ba dang / 'dzum pa'i bzhin dang ldan pa dang / dge ba'i bshes gnyen thams cad kyi gan du 'gro zhing mngon du phyogs pa'i sngon du 'gro bas/ dge ba'i rtsa ba thams cad rtsogs pa las phyir mi ldog pa'i phyir/ spyan gyi rdzi ma ba'i 'dra ba zhes bya'o// yun ring po nas tshig gi skyon thams cad rnam par spong ba dang / nyan thos dang / rang sangs rgyas dang / chos smra ba thams cad kyi yon tan gyi bsngags pa tshad med pa brjod pa dang / de bzhin gshegs pa'i mdo sde yi ger 'bri ba dang / klog pa dang / 'don pa dang / rnam par shes par byed pa dang / chos de dag gi don dang / tshig rab tu 'bye ba sems can gzhan go bar byed pa la mkhas pa'i phyir/ ljags yangs pa zhes bya'o// yun ring po nas pha ma dang / dge sbyong dang / bram ze dang / bla ma dang / sbyin gnas kyi rkang pa la mgo bos phyag 'tshal pa dang / rab tu byung ba la phyag 'tshal ba dang / gus par smra ba dang / dbu skra sbed pa dang / steng du spos kyi 'bru mar mthor ba dang / slong ba thams cad la phye ba dang / zeng ba brgyus pa dang / mgo rgyan sbyin pa'i phyir dbu gtsug tor dang ldan zhing / spyi gtsug ltar mi mthong ba zhes bya'o// yun ring po nas
- 332a
@brtan pa med pa'i mchod sbyin thams cad byed pa dang / sems can thams cad dge ba yang dag par len du 'dzud pa dang / dge ba'i bshes gnyen gyis rjes su bstan pa dang / 'gal bar mi byed pa dang / chos smra ba rnams kyi bsngags te phyogs rnam su 'gro ba dang / 'ong bas yongs su mi skyo ba dang / sangs rgyas dang / byang chub sems dpa' dang / rang sangs rgyas dang / 'phags pa nyan thos dang / pha ma dang / sbyin gnas thams cad la rim gro bya bar spos sna tshogs kyi 'bru mar dang / mar dang smon pa dang / mar me rnams kyis mun pa mun nag sel ba dang / de bzhin gshegs pa'i sku gzugs rnam pa'i mchog thams cad dang ldan pa mdzes pa byed du 'jug pa dang / 'o ma lta bu'i mdzod spus rgyan par byed pa dang / sems can gzhan byang chub kyi sems mngon du byed du 'jug pas/ dge ba'i tshogs khyad par du gyur pa'i phyir smin mtshams kyi mdzod spu mdzes par skyes shing g.yas phyogs su 'khyil la/ 'bar zhing kha dog rnam par dag par snang ba dang ldan pa zhes bya'o// sred med kyi bu chen po'i stobs dang ldan pa'i phyir// mthu chen po brnyes pa zhes bya'o// bdud bye ba phrag brgya thul pa'i stobs dang ldan pa'i phyir sred med kyi bu chen po'i stobs dang ldan pa zhes bya'o// de bzhin gshegs pa'i stobs bcu dang ldan pa'i phyir/ phas kyi rgol ba
- 332b
thams cad 'dul ba zhes bya'o// gnas dang gnas ma yin pa mkhyen pa la mkhas pa dang / dman pa nyi tshe ba'i theg pa rnam par spong ba dang / theg pa chen po'i yon tan yang dag par sgrub pa'i stobs dang ldan pa'i phyir/ stobs la sbyor bas chog mi shes pa'i phyir/ de bzhin gshegs pa'i stobs bcu dang ldan pa zhes bya'o// 'das pa dang / ma 'ongs dang / da ltar byung ba'i lam yang dag par blangs pa'i rgyu dang / rnam par smin pa mkhyen pa'i stobs dang ldan pa'i phyir/ gnas dang gnas ma yin pa mkhyen pa la mkhas pa dang / dman pa nyi tshe ba'i theg pa rnam par spong ba dang / theg pa chen po'i yon tan yang dag par bsgrubs pa'i stobs dang ldan pas stobs la sbyor ba cho ga mi shes pa zhes bya'o// sems can thams cad kyi dbang po dang / brtson 'grus kyi rim pa mkhyen pa'i stobs dang ldan pa'i phyir 'das pa dang / ma 'ongs pa dang / da ltar byung ba'i las yang dag par blangs pa'i rgyu dang / rnam par smin pa mkhyen pa'i stobs dang ldan pa zhes bya'o// khams du ma dang / khams sna tshogs pa'i 'jig rten la 'jug pa mkhyen pa'i stobs dang ldan pa'i phyir/ sems can thams cad kyi dbang po dang / brtson 'grus kyi rim po mkhyen pa'i stobs dang ldan pa'i zhes bya'o// mos pa du ma dang / mos pa sna tshogs dang / mos pa ma lus pa dang / rnam par grol ba mkhyen pa'i stobs
- 333a
rgya cher#dang ldan pa'i phyir/ khams du ma dang / khams sna tshogs pa'i 'jig rten la 'jug pa mkhyen pa'i stobs dang ldan pa zhes bya'o// thams cad du 'gro ba'i lam mkhyen pa'i stobs dang ldan pa'i phyir mos pa du ma dang / mos pa sna tshogs pa dang / mos pa ma lus pa thams cad dang / rnam par grol ba mkhyen pa'i stobs dang ldan pa zhes bya'o// bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / rnam par gzhag pa thams cad mkhyen pa'i sems dang ldan pa'i phyir/ thams cad du 'gro ba'i lam mkhyen pa'i stobs dang ldan pa zhes bya'o// sngon gyi gnas rnam pa du ma dran pa mkhyen pa chags pa mi mnga' ba'i stobs dang ldan pa'i phyir/ bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / rnam par gzhag pa thams cad mkhyen pa'i stobs dang ldan pa zhes bya'o// gzugs ma lus pa thams cad sgrib pa med par gzigs pa'i lha'i spyan gyis mkhyen pa'i stobs dang ldan pa'i sngon gyi gnas rnam pa du ma dran pa mkhyen pa chags pa mi mnga' ba'i stobs dang ldan pa zhes bya'o/ bab chags kyi mtshams sbyor bar gyur pa thams cad dang / zag pa thams cad ma lus par zad pa mkhyen pa'i stobs dang ldan pa'i phyir/ gzugs ma lus
- 333b
pa thams cad sgrib pa med par gzigs pa'i lha'i spyan gyis mkhyen pa'i stobs dang ldan pa zhes bya'o// chos thams cad ma lus par mngon par rdzogs par sangs rgyas se zhes dam bcas pa la/ lha dang bcas pa'i 'jig rten gyi zil gyis mi non pa'i dam bcas pa'i mi 'jigs pa brnyes pa'i phyir/ bag chags kyi mtshams sbyor bar gyur pa thams cad dang / zag pa thams cad ma lus mi lus pa zad pa mkhyen pa'i stobs dang ldan pa zhes bya'o// kun nas nyon mongs pa thams cad mya ngan las 'das pa'i bar du gcod pa'i chos su bstan te/ der dam bcas pa la lha dang bcas pa'i 'jig rten gyi mi shigs pa'i dam bcas pa'i mi 'jigs pa brnyes pa'i phyir/ chos thams cad ma lus par mngon par rdzogs par sangs rgyas pa zhes dam bcas pa la/ lha dang bcas pa'i 'jig rten gyi zil gyis mi non pa'i dam bcas pa'i mi 'jigs pa brnyes pa zhes bya'o// nges par 'byung ba'i lam bsgrubs na mya ngan las 'das pa brnyes par 'gyur ro zhes dam bcas pa la/ lha dang bcas pa'i 'jig rten gyis brgal du med pa'i dam bcas pa'i mi 'jigs pa brnyes pa'i phyir// kun nas nyon mongs pa thams cad mya ngan las 'das pa'i bar du gcod pa'i chos su bstan te/ der dam bcas pa'i 'jig rten gyi mi shigs pa'i dam bcas pa'i mi 'jigs pa brnyes pa zhes bya'o// zag pa thams cad spangs pa ma
- 334a
/ par dam bcas pa la/ lha dang bcas pa'i 'jig rten gyi mi zlog pa'i dam bcas pa mi 'jigs pa brnyes pa'i phyir/ nges par 'byung ba'i lam bsgrubs pa'i mya ngan las 'das pa brnyes par 'gyur ro// zhes dam bcas pa la/ lha dang bcas pa'i 'jig rten gyis brgal du med pa'i dam bcas pa'i mi 'jigs pa brnyes pa zhes bya'o// tshig ma 'khrugs par chos ston pa'i phyir/ zag pa thams cad spangs pa mkhyen par dam bcas pa la/ lha dang bcas pa'i 'jig rten gyis mi bzlog pa'i dam pa mi 'jigs pa brnyes pa zhes bya'o// sgra med pa dang / brjod du med pa'i chos kyis ngo bo nyid thugs su chud pa'i phyir/ tshig ma 'khrul pa dang chos ston pa zhes bya'o// bral ba med pa'i phyir/ sgra med pa dang / brjod du med pa'i chos kyi ngo bo nyid thugs su chud pa zhes bya'o// sems can thams cad kyi sgra tshad med pa/ sangs rgyas kyi chos kyi sgra skad du byin gyis rlob nus pa'i phyir/ bral ba med pa zhes bya'o// brnyel ba mi mnga' ba'i phyir/ sems can thams cad kyi sgra tshad med pa/ sangs rgyas kyi chos kyi sgra skad du byin gyis rlob nus pa zhes bya'o// tha dad pa'i 'du shes dang bral ba'i phyir/ bsnyel ba mi mnga' ba zhes bya'o// sems can thams cad kyi sems mnyam par bzhag pas/ shin du mnyam par gzhag pa'i phyir/ tha dad pa'i 'du shes dang bral ba zhes bya'o// so sor ma brtags
- 334b
pa'i btang snyoms can gyi phyir/ sems can thams cad kyi sems mnyam par gzhag pas shin du mnyam par bzhag pa zhes bya'o// 'dun pa'i 'du byed kyi ting nge 'dzin las yongs su ma nyams pa'i phyir/ so sor ma brtags pa'i btang snyoms can zhes bya'o// brtson 'grus kyi 'du byed kyi ting nge 'dzin gyis rgyun mi 'chad cing / brtson 'grus las yongs su ma nyams pa'i phyir/ 'dun pa'i 'du byed kyi ting nge 'dzin las yongs su ma nyams pa zhes bya'o// dran pa las yongs su ma nyams pa'i phyir/ brtson 'grus las yongs su ma nyams pa zhes bya'o// shes rab las yongs su ma nyams pa'i phyir/ dran pa las yongs su ma nyams pa zhes bya'o// rnam par grol ba las yongs su ma nyams pa'i phyir/ shes rab las yongs su ma nyams pa zhes bya'o// rnam par grol ba ye shes mthong ba las yongs su ma nyams pa'i phyir/ rnam par grol ba las yongs su ma nyams pa zhes bya'o// lus kyi las dang ngag gi las dang / yid kyi las thams cad kyi sngon du ye shes 'gro zhing ye shes kyi rjes su 'brang ba'i ye shes dang ldan pa'i phyir/ rnam par grol ba'i ye shes mthong bas yongs su ma nyams pa zhes bya'o// 'das pa dang / ma 'ongs pa dang / da ltar byung ba'i dus la ma chags ma thogs pa'i ye shes mthong ba dang ldan pa'i phyir/ lus kyi las dang / ngag gi las dang / yid kyi las thams cad kyi sngon du ye shes 'gro zhing ye shes kyi rjes su
- 335a
rgya cher/ #'brang ba'i ye shes dang ldan pa zhes bya'o// sgrib pa med pa'i rnam par thar pa brnyes pa'i phyir/ dus gsum la ma chags ma thogs/ pa'i ye shes mthong ba dang ldan pa zhes bya'o// sems can thams cad kyi spyod pa la 'jug pa la mkhas pa rgyun mi 'chad pa'i phyir/ sgrib pa med pa'i rnam par thar pa brnyes pa zhes bya'o// so so ci rigs par chos ston pa mkhas pa'i phyir/ sems can thams cad kyi spyod pa la 'jug pa la mkhas pa rgyun mi 'chad pa zhes bya'o// dbyangs kyi yan lag thams cad kyis dkyil 'khor dam pa'i pha rol du byon pa'i phyir/ so so ci rigs par chos ston pa la mkhas pa zhes bya'o// sgra thams cad kyi brag cha 'byin pa la mkhas pa brnyes pa'i phyir/ dbyangs kyi yan lag thams cad kyi dkyil 'khor dam pa'i pha rol du phyin pa zhes bya'o// lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po'i skad dang ldan pa zhes bya'o// tshangs pa'i sgra dbyangs bsgrogs pa'i dbyangs lta bu zhes bya'o// ka la bing ka'i sgra skad lta bu zhes bya'o// rnga bo che dang glu dbyangs kyi sgra skad lta bu zhes bya'o// sa'i sgra'i nga ro lta bu zhes bya'o// klu'i rgyal po rgya mtshos 'brug sgra sgrogs pa'i skad lta bu zhes bya'o// seng ge khyu mchog tu gyur pa bsgyings pa'i sgra skad lta bu zhes bya'o// sems can thams cad kyis sgra
- 335b
bsgrags pa dang 'thun par sgrogs pas tshim par byed pa'i sgra dang ldan pa zhes bya'o// chags pa med cing sgrib pa med par 'khor gyi dkyil 'khor dga'i byed pa'i sgra dang ldan pa zhes bya'o// skad gcig la skad thams cad go bar byed pa'i sgra dang ldan pa zhes bya'o// tshangs pa'i dbang pos mchod pa zhes bya'o// lha'i dbang pos bsdu stang byas pa zhes bya'o// klu'i dbang pos phyag byas pa zhes bya'o// gnod sbyin gyi dbang pos zhal du ltas pa zhes bya'o// dri za'i dbang pos nye bar glu blangs pa zhes bya'o// srin po'i dbang pos dang bas mig mi 'dzums par ltas pa zhes bya'o// lha ma yin gyi dbang pos mngon bsnyad pa zhes bya'o// nam mkha' lding gi dbang pos rnam par ma gtses par bltas pa zhes bya'o// mi 'am ci'i dbang pos mngon par bstod pa zhes bya'o// lto 'phye chen po'i dbang pos lta 'dod pa zhes bya'o// mi'i dbang pos mahe/ du yang dag par mchod pa zhes bya'o// dgra bcom pa'i tshogs mang pos bsten pa zhes bya'o// byang chub sems dpa' thams cad yang dag par 'dzin du 'jug pa dang / yang dag par gzengs bstod pa dang / yang dag par dga' bar mdzad pa zhes bya'o// zang zing med par chos ston pa zhes bya'o// tshig dang tshig 'bru nyams pa med 'bras bu yod pa'i chos ston pa zhes bya'o// dus las mi yol bar chos ston pa zhes bya'o// byams pa chos kyi 'khor lo bskor ba 'di ni/ de bzhin gshegs pa'i yon tan sngags pa'i phyogs
- 336a
rgya cher/ la 'jug pa cung zad tsam zhig mdor bstan du zad de/ byams pa rgyas par bya na ni de bzhin gshegs pas bskal pa 'am/ bskal pa las lhag par bshad kyang bstan pa 'di'i mthar mi phyin to// de nas de'i tshe bcom ldan 'das kyis tshigs su bcad pa 'di dag bka' stsal to// zab cing lta dka' phra ba yi// chos kyi 'khor lo rab bskor te// de la pha rol mu stegs can// kun dang bdud kyis mi chud do// kun gzhi med cing spros med pa// skye ba med cing 'bras med la/ dben zhing rang bzhin stod pa yi// chos kyi 'khor lo rab bskor to// blang ba med cing dor ba med// mtshan ma med cing mtshan nyid med/ mnyam pa nyid kyi chos bstan pa'i// 'khor lo sangs rgyas kyis bskor to// ji ltar sgyu ma mig sgyu dang // rmi lam brag cha chu zla dang // de dag 'dra ba'i 'khor lo ni// 'jig rten mgon pos rab bskor to// brten pa'i chos la 'jug byed pa// chad min rtag pa ma yin pa// lta ba thams cad chad pa ni// chos kyi 'khor lo yin zhes brjod// rtag tu na mkha' mtshungs 'dra zhing // rnam par mi rtog 'od gsal ba// mtha' dang dbus med bstan pa ni/ chos kyi 'khor lor 'dir brjod do// yod dang med las rnam grol zhing // bdag dang bdag med rnam spangs la/ rang bzhin ma skyes gnas pa ni// chos kyi 'khor lor 'dir brjod do// yang dag mtha' ni mtha' min pa/ de bzhin nyid la
- 336b
de bzhin nyid/ gnyis su med pa'i chos bstan pa/ chos kyi 'khor lor brjod pa yin// mig ni ngo bo nyid kyis stong // de bzhin sna dang rna ba dang / lce dang lus/ dang sems kyang ni// stong pa'i bdag nyid g.yo ba med// 'di lta bu yi 'khor lo 'di// chos kyi 'khor lo zhes brjod de// sems can mi mkhas rtogs byed pas// des na sangs rgyas zhes brjod do// chos kyi mtshan nyid rang bzhin 'di// gzhan gyis bstan pa med par ni// nga bdag nyid kyis sangs rgyas te// de nas rang byung mig dang ldan// chos rnams kun la dbang bsnyes pas// chos kyi rje zhes brjod pa yin// chos la tshul dang tshul min mkhyen// des na 'dren par brjod pa yin// ji ltar 'dul bar 'gyur ba la// skye bo dpag tu med 'dul te// 'dul ba'i pha rol phyin par gyur// des na rnam par 'dren ces brjod// sems can gang dag lam las nyams// de dag rnams la lam mchog ston// pha rol gyi ni 'gram du bkri// de phyir nga ni rnam par 'dren// bsdu ba'i dngos po shes pa yis// skyes po dag ni ngas bsdus te// 'khor ba'i 'brog las rgal bas na// des na nga ni ded dpon yin/ chos rnams kun la dbang bsgyur te/ des na rgyal ba chos la mnga'// chos kyi 'khor lo rab bskor bas// chos kyi rgyal por brjod pa yin// chos kyi sbyin bdag ston pa yin/ chos kyi bdag po bla na me// mchod sbyin leg
- 337a
#/ mdzad don grub pa// dgongs pa rdzogs pa bkra shis grub// dbugs 'byin mdzad pa bde gzigs pa// dpa' bo nyon mongs che/ po spong // g.yul rnams kun las rgyal gyur pa// grol ba skyes bu thar mkhas pa// 'jig rten gyi ni snang gyur pa// shes rab ye shes 'od mdzad pa// ye shes mun pa 'joms pa po// sgron ma 'dzin pa 'od ces ldan// ye shes che ldan sman pa che// nyon mongs pa las gso mdzad pa// sems can nyon mongs gzug rnams la// zug rngu 'byin pa bla na med// mtshan rnams thams cad phun sum tshogs// dpe byad bzang po kun gyis mdzes// sku yis kun tu bzang ba ste// sman pa rnams dang 'thun par mdzad// stobs bcu stobs dang shin du ldan// snyengs pa mi mnga' mi bsnyengs pa// ma 'dres rnam pa bco brgyad kyis// thub pa chen po theg pa mchog/ chos kyi 'khor lo rab bskor ba// 'di ni mdo tsam bshad pa yin// de bzhin gshegs pa'i yon tan bsngags// 'di ni cung zad brjod par zad// sangs rgyas ye shes mtha' yas te// na mkha' rgya chen mnyam pa yin// bskal pa zad par brjod kyang ni// sangs rgyas yon tan mi zad do// / chos kyi 'khor lo bskor ba'i le'u zhes bya ste/ nyi shu rtsa drug go// / de nas lha'i bu gang dag
- 337b
gis de bzhin gshegs pa la chos kyi rnam grangs 'di rab tu bshad par gsol ba btab par gyur pa/ dbang phyug dang / dbang phyug chen po dang / dga' bo dang / rab dga' dang / tsan dan dang / med pa dang zhi ba dang rab tu zhi ba dang dul ba'i dbang phyug la sogs pa gnas gtsang ma'i ris kyi lha'i bu khri brgyad stong dang / gang yang de bzhin gshegs pa chos kyi 'khor lo bskor ba'i tshe 'dus par gyur pa de la/ bcom ldan 'das kyis lha'i bu dbang phyug chen po la sogs pa gnas gtsang ma'i ris kyi lha'i bu rnams la bka' stsal pa// grogs po dag rgya cher rol pa zhes bya ba'i mdo sde shin tu rgyas pa chen po// byang chub sems dpa'i rnam par rtsen pa/ sangs rgyas kyi yul la pha rol pa 'di ni bdag nyid kyi phyir// de bzhin gshegs pas gsungs pa ste// de khyed kyis longs shig/ zungs shig/ lhogs shig/ 'khor la yang rgya cher rab tu ston cig/ de lta na nga'i chos kyi tshul 'di rgyas par 'gyur te/ byang chub sems dpa'i theg pa pa'i gang zag gis chos kyi rnam grangs 'di thos nas/ bla na med pa yang dag par rdzogs pa'i byang chub la brtson 'grus shin tu brtan pa brtsoms par 'gyur ro// rgya chen po la mos pa'i sems can rnams ni chos chen po'i char pa'i shugs skyed par 'gyur ro// bdud kyi phyogs tshar gcod par 'gyur ro// phas kyi rgol ba thams cad kyis glags mi rnyed par 'gyur ro// khyod kyis chos bshad
- 338a
rapar skul pa'i dge rtsa ba yang don chen po dang / 'bras bu chen po dang / phan yon chen por 'gyur ro// grogs po dag gang la la zhig rgya cher rol pa'i chos kyi rnam grangs 'di la thal mo sbyar bar 'gyur ba de mchog gi chos brgyad thob par 'gyur te/ brgyad gang zhe na/ 'di lta ste/ gzugs mchog thob par 'gyur ba dang / stobs mchog thob par 'gyur ba dang / g.yog 'khor mchog thob par 'gyur ba dang / spobs pa mchog thob par 'gyur ba dang / 'byung ba mchog thob par 'gyur ba dang / sems yongs su dag pa mchog thob par 'gyur ba dang / ting nge 'dzin phun sum tshogs pa mchog thob par 'gyur ba dang / shes rab kyi snang ba mchog thob par 'gyur ba ste/ mchog gi chos brgyad po de dag thob par 'gyur ro// grogs po dag gang la la zhig rgya cher rol pa'i chos kyi rnam grangs 'di ston par 'dod pa'i chos smra ba la chos kyi stan 'ding na/ stan bting ma thag tu brgyad thob par shes par bya ste/ brgyad gang zhe na 'di lta ste/ tsheng dpon gyi stan thob pa dang / khyim bdag gi stan thob pa dang / 'khor lo sgyur ba'i stan thob pa dang / brgya byin gyi stan thob pa dang / dbang gyur gyi stan thob pa dang / tshangs pa'i stan thob pa dang / byang chub kyi snying po mchog dam par song ba'i byang chub sems dpar gyur pa phyir mi ldog pa bdud phyir rgol ba bcom pa'i
- 338b
seng ge'i khri thob pa dang / bla na med pa yang dag par rdzogs pa'i byang chub mngon par rdzogs par sangs rgyas nas kyang bla na med pa'i chos kyi 'khor lo bskor ba'i khri stan thob par shes par bya ste/ stan brgyad po de dag thob par shes par bya'o// grogs po dag gang la la zhig rgya cher rol pa'i chos kyi rnam grangs 'di 'chad pa'i chos smra ba la legs so// zhes bya ba sbyin pa de dag gis las yongs su dag pa brgyad thob par 'gyur te/ brgyad zhe na/ 'di lta ste/ bden pa'i rjes su 'brang ba'i ngag gi las yongs su dag pas ji skad smras pa de bzhin du byed pa dang / 'khor zil gyis gnon pas bzung bar 'os pa'i tshig dang / 'gal bar mi byed pas blang bar 'os pa'i tshig dang / mi brlang pas snyan cing 'jam pa'i tshig dang / lus dang sems par byed pas ka la bing ka'i sgra skad lta bu dang / sems can sdud pas tshig snyan pa dang / sgra thams cad zil gyis gnon pas tshangs pa'i sgra lta bu dang / phas kyi rgol ba thams cad kyis zil gyis mi non pas seng ge bsgyings pa'i sgra lta bu dang / sems can thams cad kyi dbang po yongs su tshim par byed pas sangs rgyas kyi gsung ste/ ngag gi las dag pa brgyad po de dag thob par 'gyur ro// grogs po dag gang la la zhig gis rgya cher rol pa'i chos kyi rnam grangs 'di glebs bam du bris te 'chang ngam/ klog gam/ bsti stang du byed dam/ btsun par byed dam/ rim 'gror byed
- 339a
rgya cher/ #dam/ mchod par byed dam/ ser sna med pa'i sems kyis chos 'di'i sngags pa phyogs bzhir brjod pa dang / tshur sheg chos kyi rnam grangs/ 'di yi ger bris shig/ chongs shig/ lhogs shig/ soms shig/ kha don gyis shig/ ces brjod par byed pa de gter brgyad thob par 'gyur te/ brgyad gang zhe na/ rjed pa med pas dran pa'i gter dang / blos rab tu 'byed pas blo gros kyi gter dang / mdo sde thams cad kyi don gyi rnam pa khong du chud pa'i gter dang / thos pa thas cad kun tu 'dzin pas gzungs kyi gter dang / legs par bshad pas sems can thams cad tshim par byed pas spobs pa'i gter dang / dam pa'i chos yongasu bsrung bas chos kyi gter dang / dkon mchog gsum gyi rigs rgyun mi gcod pas byang chub kyi sems kyi gter dang / mi skye ba'i chos la bzod pa thob pas grub pa'i gter dang / gter chen po brgyad po de dag thob par 'gyur ro// grogs po dag gang la la zhig gis rgya cher rol pa'i chos kyi rnam grangs 'di legs par bstan te 'chad pa de tshegs brgyad yongasu rdzogs par 'gyur te/ brgyad gang zhe na/ 'di lta ste/ ser sna'i sems med pas sbyin pa'i tshogs yongs su rdzogs par 'gyur ba dang / dge ba'i bsam pa thams cad yongs su rdzogs par byed pas tshul khrims kyi tshogs yong su rdzogs par 'gyur ba dang / chags pa med pa'i shes rab yang dag par bsgrub pa'i/
- 339b
phyir/ thos pa'i tshogs yongs su rdzogs par 'gyur ba dang / ting nge 'dzin dang snyoms par 'jug pa thams cad mngon du bya ba'i phyir/ zhi gnas kyi tshogs yongasu rdzogs par 'gyur ba dang / rig pa gsum gyi rigs rab tu rdzogs par bya ba'i phyir/ lhag mthong gi tshogs yongs su rdzogs par byed pa dang / mtshan dang dpe byed bzang po dang / sangs rgyas kyi zhing gi rgyan yongs su sbyangs pa'i phyir/ bsod nams kyi tshogs yongs su rdzogs par 'gyur ba dang / sems can thams cad ji ltar mos pa bzhin du tshim par bya ba'i phyir/ ye shes kyi tshogs yongs su rdzogs par 'gyur ba dang / sems can thams cad yongs su smin par bya ba la yongs su mi skyo bar bya ba'i phyir/ snying rje chen po'i tshogs yongs su rdzogs par 'gyur ba ste/ tshegs brgyad pa de dag yongs su rdzogs par 'gyur ro// grogs po dag gang la la zhig 'di lta bu'i sems dang ldan te/ 'di lta ste/ ji ltar sems can 'di dag rnam pa 'di lta bu'i chos 'di thos par 'gyur snyam nas/ rgya cher rol pa'i chos kyi rnam grangs 'di gzhan dag la rgya cher rab tu ston par byed na de dge ba'i rtsa ba des bsod nams chen po brgyad thob par 'gyur te/ brgyad gang zhe na/ 'di lta ste/ 'khor los bsgyur ba'i rgyal po thob par 'gyur ba 'di ni bsod nams chen po dang po'o// rgyal chen bzhi'i ris kyi lha rnams kyis dge ba byed par 'gyur ba 'di ni/ bsod nams chen po gnyis pa'o// lha'i dbang po brgya byin du 'gyur ba 'di na
- 340a
rgya nabasod nams chen po gsum pa'o// lha'i bu rab 'thab bral du 'gyur ba 'di ni/ bsod nams chen po bzhi pa'o// yongs su dga' ldan pa 'gyur ba 'di ni/ bsod nams chen po gsum pa'o// lha'i bu rab 'thab bral du 'gyur ba 'di ni/ bsod nams chen po bzhi pa'o// yongs su dga' ldan par 'gyur ba 'di ni/ bsod nams chen po lnga pa'o// rab 'phrul du 'gyur ba 'di ni// bsod nams chen po drug pa'o// lha'i rgyal po dbang bsgyur du 'gyur ba 'di ni/ bsod nams chen po bdun pa'o// tshangs pa chen po'i tshangs par 'gyur ba 'di ni bsod nams chen po brgyad pa'o// tha mar de bzhin gshegs pa dgra bcom pa yang dag par rdzogs pa'i sangs rgyas mi dge ba'i chos thams cad spangs pa/ dge ba'i chos thams cad dang ldan par yang 'gyur te/ bsod nams chen po brgyad po de dag thob par 'gyur ro// grogs po dag gang la la zhig rgya cher rol pa'i chos kyi rnam grangs 'di 'chad pa na rna ba blags te nyan par byed pa de dag sems dri ma med pa brgyad thob par 'gyur to// twa brgyad gang zhe na/ 'di lta ste/ zhe sdang thams cad gzhom pa'i phyir// byams pa thob par 'gyur ba dang / rnam par 'tshe ba thams cad dor ba'i phyir// snying rje thob par 'gyur ba dang / mi dga' ba thams cad bsal ba'i phyir/ dga' ba thob par 'gyur ba dang / rjes su chags pa 'am/ khong khro ba dor ba'i phyir btang snyoms thob par 'gyur ba dang / 'dod
- 340b
ba'i khams thams cad la dbang bsgyur bar bya ba'i phyir/ bsam gtan bzhi thob par 'gyur ba dang / sems la dbang bsgyur bar bya ba'i phyir/ gzugs med pa'i snyoms par 'jug pa bzhi thob par 'gyur ba dang / sangs rgyas kyi zhing gzhan du 'gro ba dang / 'ong bar bya ba'i phyir mngon par shes pa lnga thob par 'gyur ba dang / dpa' bar 'gro ba'i ting nge 'dzin thob par bya ba'i phyir/ bag chags kyi mtshams sbyor ba thams cad yang dag par gzhom par 'gyur ro// grogs po dag grong ngam/ grong khyer ram/ grong rdal lam/ ljongs kyi phyogs sam/ 'chag sa 'am/ gtsug lag khang du rgya cher rol pa'i chos kyi rnam grangs 'di spyod par 'gyur ba dang / sngon gyi las kyi rnam par smin pa ma gtogs par 'jigs pa brgyad 'byung bar mi 'gyur ro// brgyad gang zhe na/ 'di lta ste/ rgyal pos dkrugs pa'i 'jigs pa 'byung bar mi 'gyur ba dang / chom kun gyis dkrugs pa'i 'jigs pa 'byung bar mi 'gyur ba dang / sbrul gyis dkrugs pa'i 'jigs pa 'byung bar mi 'gyur ba dang / mu ge'i dgon pas dkrugs pa'i 'jig ba 'byung bar mi 'gyur ba dang / phan tshun 'thab pa dang / brtsod pa dang / 'gyed pa dang / 'tshang 'bru bas dkrugs pa'i 'jigs pa 'byung bar mi 'gyur ba dang / lhas dkrugs pa'i 'jigs pa 'byung bar mi 'gyur ba dang / klus dkrugs pa'i 'jigs pa 'byung bar mi 'gyur ba dang / gnod sbyin la stsogs pas dkrugs pa'i 'ji
- 341a
rgya rer@#pa 'byung bar mi 'gyur ba dang / gtses pa thams cad kyi dkrugs pa'i 'jigs pa 'byung bar mi 'gyur ba te/ sngon gyi las kyi rnam par smin pa ma gtogs par/ grogs po dag 'jigs pa brgyad po de dag 'byung bar mi 'gyur ro// grogs po dag mdor na/ gal te de bzhin gshegs pa'i sku tshe'i tshad bskal bar bzhugs la nyin mtshan du rgyu mi 'chud par chos kyi rnam grangs 'di'i bsngags pa brjod kyang chos kyi rnam grangs 'di'i bsngags pa mthar thug par mi 'gyur la/ de bzhin gshegs pa'i spobs pa yang zad par mi 'gyur ro// grogs po dag ji ltar de bzhin gshegs pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba tshad med cing thug pa med pa de bzhin du grogs po dag gang chos rgya chen po 'di lta bu sems can 'di dag gis ji ltar tho bar 'gyur snyam pa'i sems 'dis chos kyi rnam grangs 'di 'dzin pa dang / 'chang ba dang / klog pa dang / yi ger 'bri ba dang / yi ger 'brir 'jug pa dang / 'jug par byed pa dang / 'khor gyi nang du rgya cher yang dag par ston par 'gyur bde dag gi bsod nams kyang thug pa med do// de nas bcom ldan 'das kyis tshe dang ldan pa 'od bsrungs chen po dang / tshe dang ldan pa kun dga' bo dang / byang chub sems dpa' sems dpa' chen po byams pa la bka' stsal pa/ grogs po dag bla na med pa yang dag par rdzogs pa'i byang chub ngas bskal pa grangs med pa bye ba khrag khrig brgya stong du yang dag par
- 341b
bsgrubs pa 'di khyed kyi lag tu gad de/ yongs su gtad pa'i mchog gis gtad do// bdag nyid kyi kyang chos kyi rnam grangs 'di zung shig/ gzhan dag la yang rgya cher yang dag par ston cig/ de skad ces bka' stsal pa dang / de'i tshe bcom ldan 'das kyis chos kyi rnam grangs 'di rgya cher yongasu gtad pa'i phyir de'i tshe tshig su bcad pa 'di dag bka' stsal pa/ sangs rgyas gzigs pas sems can gang dag ngas mthong ba/ de dag sha ri'i bu 'drar dgra bcom par gyur la/ gal te la las gang ga'i klung gi bye snyed kyi/ bskal pa bye bar de ngag rnams la mchod byed la/ gang zhig nyin zhag gcig tu rab tu dga' ba yis// rang sangs rgyas rnams la ni phreng ba de bzhin du/ gzhan yang rnam pa mchog rnams kyis ni mchod byed na/ de bas bsod nams byas pa 'di ni khyad par 'phags/ gal te sems can thams cad rang rgyal thob 'gyur la/ de dag rnams la gang zhig 'dir ni bag yod par/ bskal pa du mar zas dang skom dang bgo ba dang / me tog spos dang byug pa rnams kyis mchod byed la/ gang zhig gis ni de bzhin gshegs pa gcig gcig la/ lan cig phyag 'tshal byed cing dang ba'i sems kyis ni/ dgra bcom pa la phyag 'tshalo zhes tshig brjod na/ de bas bsod nams 'di ni shin tu ches mchog go// gal te sems can thams cad sangs rgyas thob gyur la/ de dag rnams la gang zhig sngar bzhin mchod byed cing / lha yi me tog rnams dang mi yi mchog rnams dang / rnam pa mang pos skal pa du mar mchod byed la/ gang zhig dam pa'i chos ni rnam par 'jigs pa'i tshe/ rang gi lus dang de bzhin srog kyang btang nas ni/ zhag gcig par du mdo sde 'di ni 'dzin byed na/ bsod nas 'di ni de bas khyed par 'phags par 'gyur/ gang zhig rnam par
- 342a
'dren pa rnams dang rang rgyal dang / de bzhin can thos rnams la mchod pa byed 'dod pa/ de yis byang chub sems ni brtan por bskyed byas te/ mdo sde 'di ni rtag par rab tu bzung ba bya/ de bzhin gabye ba tham cad mngon 'byung gang yin pa/ 'di ni leg dang bshad pa kun gyi rgyal po yin/ mdo sde dkon mchog 'di ni mang na gnas gyur pa/ de'i khyim du de bzhin gabye ba de ni rtag tu gnas/ gang gis mdo sde pa rom dag la byin pa dang / chagacig brjod pa de yang bskal pa bye bar ni tshig 'bru nas las mi nyam don las nyam mi 'gyur/ slong pa dge ba mtha' yas pa dag thob par 'gyur/ gang zhig chos 'di thos nas rab tu bsgrub byed pa/ de ni mi yi 'dren pa ma gtog 'og tu ni/ de 'dra ba yi sem can gang yang yod ma yin/ de ni rgya mtsho lta bung zad mi shes par 'gyur/ bco ldan 'ad kyis de skad ces bka' stsal nas/ lha'i bu dbang phyug chen po la stsogs pa gnas gtsang ma'i ris kyi lha'i bu de dag dang / byam pa la sog pa byang chub sem dpa' chen po tha~Md dang / 'od bsrung chen po la sog pa nyan thos chen po tha~Mng dang / tshe dang ldan pa kun dka' bo dang / lha dang / mi dang / lha ma yin dang / dri zar/ bcas pa'i 'jig rten yid rang ste/ bcom ldan 'das kyi gsung pa la mngon par bstod do// 'phags pa theg pa chen po'i mdo rgya che rol pa zhes bya ba skad gsar chad kyi bcos pa rdzogs s+ho// oM ma Ni pad+me hUM/ wa gi shwa ri nu/ badz+ra pa Ni hUM/ bkra shis/ dge'o// dag go//